Text
ff. 1b–408a · 814 folio sides
- 1b
rgya gar skad du/ Ar+ya ma hA yA no pa de sha nA ma ma hA yA na sU tra/ bod skad du/ ni// 'phags pa theg pa chen po'i man ngag ces bya ba theg pa chen po'in mdo/ / sangs rgyas dang / byang
- 2a
/ chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab de bzhin gshegs pa'i spro yul/ rin po che bkod pa'i 'khor gyi khyams de bzhin gshegs pa'i gnas/ bsod nams chen po'i rgyan gyi tshogs bsags pa/ spyod pa chen po'i rgyu mthun pa/ sangs rgyas kyi chos thams
- 2b
cad kyi rnam par smin pas mngon par grub pa/ byang chub sems dpa' chen po'i gnas bstan pa mtha' yas pa/ de bzhin gshegs pa'i rnam par sprul pas byin gyis brlabs pa/ chags pa med pa'i spyod yul gyi ye shes la 'jug pa/ dga' ba rgya chen po skyed pa/ dran pa dang / blo gros dang / rtogs pas 'jug pa kun nas ma smad pa/ ye shes kyi rnam par dpyad pa/ de la ma chags par rtog pas 'jug pa/ bskal pa mu med par mngon par bstod pa yon tan gyi tshogs thams cad dpag tu med pa na bzhugs te/ bcom ldan 'das chos thams cad ni mnyam pa nyid du mngon par rdzogs par sangs rgyas/ chos kyi 'khor lo ni shin tu bskor/ slob ma shin tu dul ba mtha' yas pa'i tshogs
- 3a
ni mnga'/ chos thams cad la mnga' dbang ni brnyes/ sems can thams cad kyi bsam pa bsgrub pa ni legs par mkhyen/ dbang po dam pa'i pha rol tu phyin pa ni brnyes/ sems can thams cad kyi nyon mongs pa'i bag chags kyi mtshams sbyor ba yang dag par 'joms pa la ni mkhas/ sangs rgyas thams cad kyi mdzad pa lhun gyis grub pa ni rgyun ma bcad cing / dge slong 'bum phrag drug cu'i dge slong gi dge 'dun chen po dang thabs gcig ste/ thams cad kyang dgra bcom pa zag pa zad pa nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gis don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad kyi dbang gi dam pa'i pha rol tu son pa//
- 3b
nyon mongs pa'i bag chags kyi mtshams sbyor ba thams cad yang dag par bcom pa/ de bzhin gshegs pa chos kyis rgyal po'i sras chos zab mo la gnas par mkhas pa/ mi dmigs pa'i chos las byung ba/ spyod lam mdzes pa phun sum tshogs pa sbyin gnas chen por gyur pa/ de bzhin gshegs pa'i bka' la shin tu zhugs pa sha stag go// byang chub sems dpa'i tshogs chen po byang chub sems dpa' sems dpa' chen po tshad med/ / grangs med bsam gyis mi khyab/ mtshungs pa med// gzhal du med/ dpag tu med brjod du med pa dang yang thabs gcig ste/ thams cad kyang sems kyis skad cig gcig la sangs rgyas kyi zhing mtha' yas par 'gro ba la mkhas pa// de bzhin gshegs pa la mchod pa dang / rim gro byed pas nges par 'byung ba chos mnyan cing yang dag par gnod pas ngoms mi shes pa/ rtag tu rgyun mi chad par sems can thams cad yongs su smin par byed pa la mngon par brtson pa/ thabs dang shes rab dam pa'i pha rol tu son pa/ sgrib pa med pa'i rnam par thar pa la rab tu gnas pa/ rtog pa dang / rnam par rtog pa dang / spros pa thams cad las shin tu 'das pa/ thams cad mkhyen pa'i sa la nye bar gyur pa sha stag la 'di lta ste/ byang chub sems dpa' sems dpa' chen po glog lha zhes bya ba dang
- 4a
g.yul las rnam par rgyal ba dang / rnam par snang mdzad snying po dang / rnam par gnon par dpa' ba dang / yid gnyis kun tu 'joms pa dang / rnam par bsgrags ldan dang / rnam par lta ba'i mig dang / byang chub sems dpa' sems dpa' chen po mun pa'i phung po dang bral ba zhes bya ba dang / de dag la sogs pa byang chub sems dpa' sems dpa' chen po tshad med/ grangs med/ bsam gyis mi khyab/ mtshungs pa med/ gzhal du med/ dpag tu med/ brjod du med pa dag dang thabs gcig ste/ de nas bcom ldan 'das byang chub sems dpa'i spyod pa la 'jug par nges par 'byung ba/ sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs sangs rgyas kyi chos zab mo stobs dang / mi 'jigs pa yongs su 'grub pa/ ye shes kyis 'byung gnas/ chos thams cad la dbang byed pa'i gzungs kyi phyag rgya'i sgo la 'jug so so yang dag par rig pa la rnam par nges pa'i sgo la 'jug pa/ mngon par shes pa chen po'i ye shes la 'jug pa khong du chud pa/ phyir mi ldog pa'i 'khor lo mi skye ba'i chos ston pa/ theg pa gcig tu yang dag par 'du ba/ chos kyi dbyings tshul gcig ste/ 'dres pa med pa la 'jug pa/ sems can thams cad kyi bsam pa dang / dbang po la 'jug pa ston pa/
- 4b
/ snying po dang ldan pa/ chos rnam par gdon mi za ba/ bdud kyi dkyil 'khor thams cad rnam par 'jig par byed pa/ tshul bzhin gyi chos kyi tshul la 'jug pa khong du chud pa/ nyon mongs pa dang lta bar song ba thams cad 'dul ba/ shes rab dang ye shes thogs pa med pa'i rjes su 'jug pa med cing mnyam pa mtha' yas pa'i yongs su bsngo ba la mkhas pa'i thabs kyi ye shes ston pa/ sangs rgyas kyi chos thams cad mnyam pa nyid du shes pa'i rjes su 'jug pa/ sangs rgyas thams cad kyi ye shes la 'jug pa byin gyis brlabs thogs pa med pa'i sgo la 'jug pa/ chos thams cad ji lta ba bzhin du rnam par nges pa ston pa mi rtog/ rnam par mi rtog pa mnyam pa nyid du 'jug pa/ rten cing 'brel par 'byung ba zab mo khong du chud pa bsod nams dang ye shes kyi tshogs thams cad sogs pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang blo gros dang / mos pa dang / rtogs pa dang / shes rab mi zad pa mngon par sgrub pa/ nyan thos kyi theg pas 'dul ba'i phyir/ 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir lus dang / sems rab tu dben par shes pa// theg pa chen pos 'dul ba'i phyir thams cad mkhyen pa'i ye shes kyi sar dbang bskur ba 'thob pa/ de bzhin gshegs pa'i yon tan brjod pa'i phyir
- 5a
chos thams cad la dbang byed pa'i tshul la 'jug pa brjod do/ / ston to// rab tu ston to// 'dzin du 'jug go// mos par mdzad do// len du 'jug go/ shes par mdzad do// rnam par shes par mdzad do// rab tu shes par mdzad do// rab tu 'jog go// rnam par 'grel to// rnam par 'byed do// gsal bar byed do// yang dag par rab tu ston to/ / de nas bcom ldan 'das kyis shin tu rnam par nges pa'i don gyi chos kyi rnam grangs 'di lta bur rgya cher yang dag par rab tu ston pa na/ 'khor de nyid du bu mo rin chen zhes bya ba zhig 'dus par gyur te 'dug pa de stan las langs te/ lag pa g.yas par mu tig gi se mo do thogs nas/ bcom ldan 'das la 'di skad ces gsol to// bcom ldan 'das bdag bden pa dang / bden pa'i tshig gang gis sems can chen po 'di dag gis bstan pa'i chos kyi rnam grangs 'dus pa'i le'u 'di bas par chub par 'dzin par 'gyur ba dang phyogs bcu rnams su yang rgyas par 'gyur ba dang / sems can dpag tu ma mchis pa rnams bla na med pa'i chos dkon mchog gis mthar gyis bla na med pa yang dag par rdzogs pa'i byang chub la dgod par 'gyur ba'i bden pa dang / bden pa'i tshig des bdag gis mu tig gi sa mo do 'di de bzhin gshegs pa la 'bul ba lags te/ de de bzhin gshegs pa dang
- 5b
b yang chub sems dpa' thams cad kyi dbu'i gtsug gi mtshams su mu tig gi sa mo do'i khang pa brtsegs pa kun tu gnas shing bkod pa ci 'dra bas skyes bu dam pa de dag byang chub mngon par rdzogs par 'tshang rgya ba dang / de dag gi sangs rgyas kyi zhing gi yon tan bkod pa ci 'dra ba 'gyur ba'i de 'dra ba bdag khang pa brtsegs pa de dag las kun tu gda' zhing 'khor thams cad kyis bkod pa 'di mthong nas/ yi rangs par gyur cing / de nas bu mo rin chen gyis mu tig gi se mo do de bcom ldan 'das ga la ba de logs su bor ro// mu tig gi se mo do de bor ma thag tu de nas sangs rgyas kyi mthu dang / bu mo rin chen gyi bden pa'i byin gyi rlabs kyis bcom ldan 'das kyi dbu'i gtsug gi mtshams dang / byang chub sems dpa' thams cad kyi spyi gtsug gi mtshams su khang pa brtsegs pa chen po shin du yangs pa rgya che ba rnam par bkra ba/ blta na sdug pa/ ngos mnyam pa/ shin tu rnam par phye ba/ legs par grub pa gnas par gyur pa ste/ byang chub sems dpa' de dag sngon bdag cag gi sangs rgyas kyi zhing gi yon tan bkod pa 'di 'dra bar gyur cig/ byang chub kyi snying po 'di 'dra bar gyur cig ces smon lam btab pa'i khyad par ci 'dra ba de lta bu'i bkod pa dag kyang / / byang chub sems dpa' de dag gis khang pa brtsegs pa de dag las mthong ngo // mthong nas kyang ngo mtshar du gyur nas bcom ldan 'das la 'di
- 6a
skad ces gsol to/ / bcom ldan 'das 'di ltar ji tsam du bdag cag gis bskal pa grangs ma mchis par smon lam mngon par 'dus bgyis pa de thams cad bu mo rin chen gyis/ skad cig gcig la bstan pa ni/ bu mo rin chen 'di bden pa'i byin gyi rlabs kyi stobs can lags te ngo mtshar to// bcom ldan 'das kyis bka' stsal pa/ de de bzhin no// skyes bu dam pa dag ji skad smras pa bzhin te/ bu mo rin chen ni bden pa'i byin gyis rlabs las nges par byung ba'o// skyes bu dam pa dag bu mo rin chen gyis sangs rgyas bye ba khrag khrig brgya stong phrag dgu bcu rtsa drug las dge ba'i rtsa ba bskyed nas bden pa'i byin gyi rlabs 'di yongs su blangs te/ de nas bu mo rin chen 'dis/ ji skad smras pa de ltar kun tu gnas so// gal te bu mo rin chen gyis thams cad dang ldan pa'i stong gsum gyi stong chen po'i 'jig rten gyi khams 'di me tog gis rab tu gang bar kun tu gyur cig ces smras na yang / de de bzhin du 'gyur ro// de bzhin du spos dang phreng ba dang / byug pa dang / phye ma dang / gos kyis rab tu gang bar kun tu gnas par gyur cig ce na yang / de de bzhin du 'gyur ro// gal te bar snang 'di thams cad gdugs dang rgyal mtshan dang / ba dan gyis brgyan par kun tu gnas par gyur cig ce na yang de de bzhin du 'gyur ro// chus 'jig pa 'byung ba la me'i 'jig par gyur cig ce na yang de de bzhin du 'gyur ro// gal te mes
- 6b
'jig pa 'byung ba la/ chu'i 'jig par gyur cig ce na yang de de bzhin du 'gyur ro// thams cad dang ldan pa'i 'khor 'di 'khor los sgyur ba'i kha dog dang / gzugs su gyur cig ce na yang de de bzhin du 'gyur ro/ / de bzhin du 'jig rten skyong ba'i kha dog dang / gzugs dang / brgya byin dang / tshangs pa dang / dbang phyug chen po'i kha dog dang / gzugs dang / dge slong dang // dge slong ma dang / dge bsnyen dang / dge bsnyen ma'i kha dog dang / gzugs su gyur cig ce na yang de de bzhin du 'gyur ro// gal te bdud re re yang lag na mtshon thogs pa'i bdud kyi sde bye ba phrag brgya lhag pa la bdud dang bdud kyi ris thams cad kyi ral gri dang / mdung thung dang / mda' bo che dang / mtshon cha sna tshogs gang yin pa de dag thams cad rin po che sna tshogs kyis spras pa'i mu tig gi se mo dor kun tu gnas pa dang / sna ma'i me tog dang / ut+pa la dang / pa ri sha ka dang tsam ba ka'i lda ldir kun tu gnas par gyur cig ce na yang de de bzhin du 'gyur ro// gal te 'brog dgon par bza' ba dang / btung ba dang / kha zas med pa dag tu khyim bye ba phrag bco brgyad pa'i grong khyer chen po kun tu gnas shing bza' ba dang / btung ba dang / kha zas mang po byung bar gyur cig ce na yang de bzhin du 'gyur ro/ / stong gsum gyi stong chen po'i 'jig rten gyi khams na/ gang gzugs su snang ba de dag de bzhin gshegs pa'i gzugs su kun tu gnas par gyur cig
- 7a
ce na yang de de bzhin du 'gyur ro/ / 'khor 'di thams cad nam mkha' la gnas par gyur cig ce na yang de de bzhin du 'gyur ro// rigs kyi bu dag gal te bu mo rin chen gyis phyogs bcu'i 'jig rten gyi khams mtha' yas mu med pa dag na/ sangs rgyas bcom ldan 'das chos ston par 'jug pa ji snyed pa de bar snang 'di las lhag chad med cing mtha' dag rdzogs par rnam pa thams cad kyi mchog dang ldan par byung bar gyur cig ce na yang de de bzhin du 'byung ste/ gang bu mo rin chen gyi las de cung zad kyang don med pa ma yin no// de nas bu mo rin chen gyis bden pa'i byin gyis brlabs dang rdzu 'phrul gyi stobs dang / rnam par 'phrul pa dang / cho 'phrul gyi rnam pa 'di lta bu 'di dag kun tu bstan nas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ / rin chen 'byung gnas ye shes rin chen mnga'// rin chen mchog ston yon tan mtha' yas pa// rgyal po'i rgyal po dgra dang shar gnyer gcod// byang chub yan lag rin chen nor bdun sbyin/ / rin chen 'od kyi 'od ni mtha' yas pa// nor bu rin chen rnam pa sna tshogs 'od// rin chen dam pa rgyal ba'i rin chen tog/ bde gshegs khyod la rin chen rnams kyis mchod/ / rdo yi snying pos snying nor bu gang // snang 'od dri med snying po nor bu dang // rin po che dang nyi ma zla ba'i 'od// khyod kyi sku yi 'od kyis zil du rlag/ thub pa khyod kyi sku tshad brtags par ni// sa
- 7b
bcu'i bar la gnas par mi dmigs so/ / 'jig rten gtso khyod sa la bzhugs kyang go// rdzu 'phrul yon tan srid pa'i rtsar gnas mthong // rgyal ba'i 'khor rnams thams cad re res kyang // rgyal ba rang rang mdun na bzhugs par shes/ / thams cad phyogs nas mngon sum mngon par yang // kun nas sgo nas mtshungs pa med par mthong // la las bzhugs dang man la dang 'chag pa dang // 'khor rnams la las bde gshegs gsung ba dang / / mi gsung bzhugs shing bsam gtan dgyes pa dang // mtshungs med khyod kyi spyod lam mtha' yas mthong // khyod kyi ba spu re nas 'od zer mchog/ gtang ma thag tu phyogs bcu thams cad rgyas// rgyal ba'i sku ni pad+ma'i 'byung gnas 'dra// bsam pa ci bzhin yid kyang dga' bar mdzad// bden la gnas shing rtag tu bden la dgyes// bden pa lhur mdzad ci gsung de bzhin mdzad/ / chos kyi 'byung gnas don dang 'dul la mkhas// yon tan kun mthar phyin la phyag 'tshal lo// de nas bu mo rin chen gyis bcom ldan 'das la tshul dang 'dra ba'i tshogs su bcad pa de dag gis mngon par bstod nas/ bcom ldan 'das la 'di skad ces gsol to// bcom ldan 'das gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bdag 'dus pa'i le'u'i chos kyi rnam grangs las/ bka' mchid kyi rgyud 'ga' zhig brtsams te/ bcom ldan 'das la zhu'o//
- 8a
bcom ldan 'das kyis bka' stsal pa/ bu mo khyod de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ / de nas de bzhin gshegs pas skabs phye ba dang / bu mo rin chen gyis/ bcom ldan 'das la 'di skad ces gsol to// bcom ldan 'das ji ltar na byang chub sems dpa' bden pa smra ba rnams lags/ de bzhin gshegs pas byang chub sems dpa' rnams la bden par gsungs pa ni gang lags/ bcom ldan 'das ji ltar na byang chub sems dpa' chos smra ba rnams lags/ de bzhin gshegs pas byang chub sems dpa' rnams la chos su gsungs pa ni gang lags/ bcom ldan 'das ji ltar na/ byang chub sems dpa' don smra ba rnams legs/ de bzhin gshegs pas byang chub sems dpa' rnams la don du gsungs pa ni gang lags/ bcom ldan 'das ji ltar na/ byang chub sems dpa' 'dul ba smra ba rnams gang lags// de bzhin gshegs pas byang chub sems dpa' rnams la 'dul bar gsungs pa ni gang lags/ de nas bcom ldan 'das kyis bu mo rin chen la lags so zhes bya ba byin te/ bu mo legs so legs so// khyod kyi rtog pa bzang ngo // dri ba tshul bzhin no// spobs pa dge'o// bu mo de bas legs par rab tu nyon la yid la zung shig dang / ngas khyod la bshad do//
- 8b
mo rin chen gyis bcom ldan 'das la legs so zhes bya ba gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// bu mo gsum po 'di dag ni byang chub sems dpa'i bden pa ste/ gsum gang zhe na/ gang sangs rgyas la mi slu ba dang / bdag la mi slu ba dang / sems can thams cad la mi slu ba'o// bu mo byang chub sems dpa' sangs rgyas dang / bdag dang sems can thams cad la slu ba ji lta bu zhe na/ bu mo gal te byang chub sems dpa' bla na med pa yang dag par rdzogs pa'i byang chub tu sems bskyed la/ nyan thos kyi sa 'am/ rang sangs rgyas kyis 'dod par byed cing smon te/ mngon par dga' ba de lta bu ni bu mo byang chub sems dpa' sangs rgyas dang / bdag dang sems can thams cad la slu ba'o// bu mo byang chub sems dpa' sangs rgyas dang bdag dang / sems can thams cad la mi slu ba ci lta bu zhe na/ bu mo gang gi tshe byang chub sems dpa' byang chub tu sems bskyed nas/ bdud dang dmigs pa can thams cad kyis ji tsam du tshegs chung zhing ji tsam du gnod par byas pa dang / phas kyis rgol ba thams cad kyis tho brtsams shing co dris te 'bral bar byed cing / ral gri dang / mdung thung dang / mda'o ches phug pa dang / ma thob pa dang / ma grags pa dang / smad pa dang / sdug bsngal bas kyang mi g.yo// mi 'khrul/ rnam par mi 'khrul/ mi zhum/ sgyid
- 9a
lug par mi 'gyur/ mi skrag/ mi dngang / dngang par mi 'gyur/ yi mug par mi 'gyur/ 'gyod par mi 'gyur bar thog ma'i lhag pa'i bsam pa de yang mi gtong zhing brtan por yang dag par 'dzin la/ byang chub kyi sems rin po che bskyed pa dang / 'jig rten gsum po thams cad las khyad par du 'phags pa'i sems bskyed pa dang / sems can thams cad kyi skyabs dang mgon dang / dpung gnyen gyi sems bskyed pa dang / mtshungs pa med cing 'dra ba med pa'i sems bskyed pa de las kyang mi nyams mi nur te/ theg pa gzhan la 'dod pa'i sems lan 'ga' yang mi bskyed par sangs rgyas dran/ chos kyi 'khor lo la rten/ sems can thams cad mngon du byed/ stobs nye bar ston/ mthu bskyed par byed/ rtsal gyis rnam par gnon/ brtson 'grus rtsom ste/ pha rol gyi tshig gis gnod par mi nus pa de lta bu ni/ bu mo byang chub sems dpa' sangs rgyas dang / bdag dang / sems can thams cad la mi slu ba'o// byang chub sems dpa' sangs rgyas dang / bdag dang / sems can thams cad la mi slu ba gang yin pa 'di ni/ byang chub sems dpa'i bden pa'i mchog go// de rnam pa bzhis sangs rgyas la mi slu ste/ brtan pa dang / mthu dang / stobs dang / brtson 'grus brtul ba'o// de rnam pa bzhis bdag la mi slu ste/ bsam pa dang lhag pa'i bsam pa dang / g.yo med pa dang / sgyu med pa'o// de rnam pa
- 9b
bzhis sems can thams cad la mi slu ste/ sbyor ba dang / byams pa dang / snying rje dang / sdud pa ste/ bu mo gang 'di byang chub kyi sems yongs su mi gtong zhing sngon dam bcas pa las mi nyams/ pa 'di ni byang chub sems dpa'i bden pa la 'jug pa dang po'o// bu mo gzhan yang byang chub sems dpa' bden pa ni/ gang 'di dag bsdams pa dang / ngag bsrungs pa dang / ngag 'khrul pa med pa dang / tshig bden pa ste/ de gcig pu yang rung / skye bo mang po'i nang du gnas kyang rung / tshig bden par smra ste/ de rgyal srid kyi phyir yang brdzun gyi tshig mi smra/ stong gsum gyi stong chen po'i 'jig rten gyi khams rin po ches rab tu bkang bas brid kyang brdzun gyi tshig mi smra ba'o/ / bu mo de la byang chub sems dpa'i bden pa ni/ rnam pa sum cu rtsa gnyis yongs su dag pa ste/ rnam pa sum cu rtsa gnyis gang zhe na/ 'di lta ste/ ngo tsha shes pa'i rnam pa dang / yon tan gyi rnam pa dang / khrel yod pa'i rnam pa dang / nges pa'i rnam pa dang / bcos ma ma yin pa'i rnam pa dang / ma smad pa'i rnam pa dang / mi dmigs pa'i rnam pa dang / lhas rnam par rig pa'i rnam pa dang / 'jigs pa med pa'i rnam pa dang / ngan 'gro gcod pa'i rnam pa dang / de 'gro 'byed pa'i rnam pa dang / 'phags pa'i skye bo mngon par dga' ba'i rnam pa dang / mkhas pas mchod par 'os pa'i rnam pa dang / nang dag pa'i rnam pa dang / phyi rol legs par byas pa'i rnam pa dang / gzung bar 'os pa'i
- 10a
tshig gi rnam pa dang / blang bar 'os pa'i tshig gi rnam pa dang / tshig mi blang ba'i rnam pa dang / 'jam pa'i tshig gi rnam pa dang / khyad par can gyi tshig gi rnam pa dang / khyad par can gyi chag ga rnam pa dang / kha dri rab tu zhim pa'i tshig gi rnam pa dang / bka' blo bde ba'i rnam pa dang / slu ba med pa'i rnam pa dang / gdung ba med pa'i rnam pa dang / dga' zhing mchog tu dga' pa'i rnam pa dang / bdag la nges par sems pa'i rnam pa dang / gzhan la nges par sems dpa'i rnam pa dang / 'khrul pa med pa'i rnam pa dang / kha na ma tho ba med pa'i rnam pa dang / sbyin pa'i gnas kyi sa'i rnam pa dang / sangs rgyas mnyes par byed pa'i rnam pa dang / bden pa'i rjes su mthun pa'i ngag rab tu 'thob pa'i rnam pa ste/ bu mo 'di dag ni bden pa'i rnam pa yongs su dag pa sum cu rtsa gnyis so// bu mo gzhan yang byang chub sems dpa'i bden pa ni gang / dam bcas pa yongs su rdzogs pa'o// de ci'i phyir zhe na/ byang chub sems dpa' sbyin pa la mos pa dag gi yin gyi/ ser sna can dag gi ma yin te/ 'di ni de'i dam bcas pa'o// gang bdog pa thams cad yongs su gtong bar kun tu snang ba 'di ni de'i bden pa'o// byang chub ni byang chub sems dpa' tshul khrims yongs su dag pa dag gi yin gyi/ tshul khrims 'chal pa dag gi ma yin te/ 'di ni dam bcas pa'o// gang tshul khrims yongs su dag par kun tu snang ba 'di ni de'i bden pa'o// byang chub ni byang chub sems dpa'
- 10b
gzod pa'i stobs rab tu thob pa dag gi yin gyi/ gnod sems can dag gi ma yin te/ 'di ni de'i dam bcas pa'o// gang bzod pa dang / nges par kun tu snang ba 'di ni de'i bden pa'o// byang chub ni byang chub sems dpa' brtson 'grus brtsams pa dag gi yin gyi/ le lo can dag gi ma yin te/ 'di ni de'i dam bcas pa'o// gang dge ba'i rtsa ba thams cad rtsom par kun tu snang ba 'di ni de'i bden pa'o// byang chub ni byang chub sems dpa' bsam gtan la rab tu gnas pa dag gi yin gyi/ sems g.yeng ba dag gi ma yin te/ 'di ni de'i dam bcas pa'o// gang bsam gtan gyi yan lag yang dag par sgrub par kun tu snang ba 'di ni de'i bden pa'o/ / byang chub ni byang chub sems dpa' shes rab dang ldan pa dag gi yin gyi/ shes rab 'chal pa dag gi ma yin te/ 'di ni dam bcas pa'o// gang shes rab dang ye shes la kun tu snang ba 'di ni de'i bden pa'o/ / gong ma bzhin du sbyar te/ byang chub kyi phyogs kyi chos thams cad dang / bsdu ba'i dngos po dang / tshangs pa'i gnas pa dang / mngon par shes pa dang / rig pa dang zhi gnas dang / lhag mthong la yang de bzhin no// byang chub ni byang chub sems dpa' dge ba'i chos thams cad dang ldan pa dag gi yin gyi/ dge ba'i chos rnam par spangs pa dag gi ma yin te/ 'di ni de'i dam bcas pa'o// gang dge ba'i chos thams cad la kun tu snang ba 'di ni de'i bden pa'o// bu mo gzhan yang 'phags pa'i rnam pa'i bden pa de la byang chub sems
- 11a
dpas brtson par byas te/ gang 'di sdug bsngal shes pa dang kun 'byung ba spong ba dang / 'gog pa shes pa dang / lam bsgom pa'o// de la sdug bsngal shes pa ni gang // phung po rnam la rang bzhin gyis mi skye bar shes pa'o// kun 'byung ba spong ba ni srid pa gang gis phung po rnams yang dag par 'grub par 'gyur ba'i sred pa de shin tu mi 'byung zhing chag pa dang bral ba mngon/ par dga' ba med pa ste/ gang mngon par dga' ba med pa de ni gdod ma nas 'ong ba med pa'o// gang gdod ma nas 'ong ba med pa de ni/ chos nyid ma spangs pa'o// gang chos nyid ma spang ba de ni kun 'byung ba spong ba'o/ / de la 'gog pa shes pa ni gang mtshan ma dang / dmigs pa shin tu zad cing 'gag pa ste/ gang 'gag pa de'i tshe/ dngos po 'jigs par 'gyur ba yang med la dngos po yod pa dang / dngos po med pa mtshungs shing mnyam par gyur pa'i chos thams cad la/ gang mnyam par mthong ba ni 'gog pa'i bden pa zhes bya ba'o// de la lam ni gang mnyam par lta zhing mnyam par sbyor ba mi rtog pa mi mnyam pa'i mtshan nyid ma yin pa/ nyon mongs pa thams cad mi tshol ba bdag gi med pa yongs su 'dzin pa med pa// len pa med pa/ ma byas pa/ rnam bapar ma byas pa/ 'di ni lam zhes bya'o// 'di la gang bden pa shes pa'i ye shes dang / sems can rnams yang dag par thob par byed kyang / bdag mngon sum du mi byed pa 'di
- 11b
yang byang chub sems dpa'i bden pa zhes bya'o/ / bden pa bstan pa 'di bshad pa na/ byang chub sems dpa' khris bden pa shes pa yongs su bsgoms pa'i bzod pa thob bo// bu mo de la ji ltar na byang chub sems dpa' chos smra ba yin zhe na/ gang gi tshe chos la rten par 'gyur ba dang / chos smra ba dang / chos sems pa dang / chos bsam pa dang / chos spyod yul ba dang / chos spyod pa dang / chos don du gnyer ba dang / chos 'dod pa dang / chos la dga' bas mos pa dang / chos kyi dpung dang / chos kyi tog dang / chos kyi mtshon cha dang / chos kyi go cha bgos pa dang / chos kyi ya lad bgos pa dang / chos kyi snang ba dang / chos kyi mar me dang / chos kyi dran pa dang / chos kyi blo gros dang / chos rtog pa dang / chos kyi dpyod pa dang / chos la/ sbyor ba dang / chos spyod par gyur pa dang / chos kyis nyal ba dang / chos kyi spyod lam dang / chos srung ba dang / chos kyi nor dang / chos kyi mi zad pa dang / chos rgya che ba dang / chos kyi bya ba byed pa dang / chos kyi lus dang / chos kyi ngag dang / chos yid la byed pa mi gtong ba ste/ chos spyod pa rnam pa 'di lta bu dang ldan pa de ni chos smra ba yin te/ chos ma yin pa smra ba ma yin no// de la chos smra ba gang zhe na/ bden pa gang yin pa de bden par smra ba dang / sangs rgyas la bsngags par smra ba dang / chos la srung bar smra ba dang / dge 'dun la bla ma dang sri zhu bya bar
- 12a
/ smra ba dang / byang chub kyi sems la mos par byab bskrad par smra ba dang / bsam pa mi 'dor bar smra ba dang / lhag pa'i bsam pa la dmigs pa smra ba dang / sbyor/ pab mi nyams pa smra ba dang / 'phags pa rnams kyi lta ba smra ba dang / dge ba'i bshes gnyen rnams la bsten pa smra ba dang / nga rgyal med pas gus pa dang / ri mo bya ba smra ba dang / rtag tu bsngags pa smra ba dang / chos mnyan pa na gus par byas te mnyan pa smra ba dang / chos kun tu tshol bas mi ngoms pa smra ba dang / chos ston pa la snyoms las med pa smra ba dang / slob dpon gyi chos kyis dpe mkhyud med pa smra ba dang / byas pa gzo ba dang / byas pa shes pa dang / byas pa chud mi gzon pa smra ba dang / lan la mi re ba smra ba dang / dgon pa la skrag pa med pa smra ba dang 'phags pa'i rigs ma nyams pa smra ba dang / sbyangs pa'i yon tan mi gtong ba smra ba dang / dge ba bcu'i las kyi lam la 'jug pa smra ba dang / sbyin pa'i bsngags pa smra ba dang / byang chub tu yongs su bsngo ba smra ba dang / tshul khrims kyi dbye ba smra ba dang / bzod pa'i stobs smra ba dang / brtson 'grus kyi zhum pa med pa smra ba dang / bsam gtan rnams kyi rab tu zhi ba smra ba dang / shes rab kyi khong du chud pa smra ba dang / thabs kyi yongs su gsal bar byed pa smra ba dang / byams pa'i skyabs smra ba dang / snying rje la 'jug pa smra ba dang / dag pa'i mchog
- 12b
tu dga' ba smra ba dang / btang snyoms kyi gnyis dang bral ba smra ba dang / bden pa rnams rjes su mthun pa smra ba dang / so so yang dag par rig pa bsnyad pa smra ba dang / mngon par shes pa rnam/ kyi bskyed pa smra ba dang / ston pa rnams kyi chos smra ba dang / chos kyi mdo rnams kyi khong du chud pa smra ba dang / dran pa nye bar gzhag pa rnams kyi dran pa brjed pa med pa smra ba dang / yang dag pa'i spong ba rnams kyi yang dag par bsgrub pa smra ba dang / rdzu 'phrul gyi rkang pa rnams kyi mngon du bskyed pa smra ba dang / dbang po rnams kyi rno ba smra ba dang / stobs kyis rdzi ba med pa smra ba dang / byang chub kyi yan lag rnams kyi rjes su rtogs pa smra ba dang / lam gyi sgrol ma smra ba dang / zhi gnas kyi 'jug pa smra ba dang / lhag mthong gi de kho na shes pa smra ba dang / rig pa dang rnam par grol ba yongs su gsal bar byed pa smra ba dang / nyan thos kyi theg pa'i sa ji lta ba smra ba dang / rang sangs rgyas kyi theg pa ston pa smra ba dang / theg pa chen po'i yon tan thams cad yongs su bsgrags pa smra ba dang / rten cing 'brel par 'byung ba'i lugs dang mthun pa smra ba dang / stong pa nyid la skrag pa med pa smra ba dang / mtshan ma med pa bsnyad pa smra ba dang / smon pa med pa la so sor rtog pa smra ba dang / phung po rnams sgyu mar bstan pa smra ba dang / khams rnams nam mkha'i khams dang / mtshungs pa nyid smra ba dang / skye mched rnams rang
- 13a
bzhin gyis stong pa nyid smra ba dang / nor bdun smra ba dang / rjes su dran pa drug smra ba dang / gus pa dang bcas pa smra ba dang / yang dag par dga' bar bya ba drug sgra/ ba dang / mngon par shes pa drug smra ba dang / pha rol tu phyin pa drug smra ba dang / mig lnga smra ba dang / don dam pa smra ba dang / kun rdzob la 'jug pa smra ba dang / legs par byas pa'i las smra ba dang / sems can thams cad la sems snyoms par smra ba dang / sangs rgyas kyi chos thams cad kyi yon tan bsngags pa tshad med pa smra ba'o// bu mo gzhan yang byang chub sems dpa' chos smra ba ni/ bdag tu smra ba ma yin/ sems can du smra ba ma yin/ srog tu smra ba ma yin/ gang zag tu smra ba ma yin/ chad par smra ba ma yin/ rtag par smra ba ma yin/ 'byung bar lta ba smra ba ma yin/ 'jigs par lta ba smra ba ma yin/ mtha' khas len pa ma yin/ dbus la mngon par zhen pa ma yin/ mi mthun par smra ba ma yin/ 'gal bar smra ba ma yin rtsod pa smra ba ma yin/ phyogs yongs su 'dzin pa smra ba ma yin/ dmigs pa smra ba ma yin/ lta ba kun nas dkris pa dang / the tsom dang / sgrib pa dang / chod pa dang / bag la nyal dang / khong khro ba smra ba ma yin/ chos dang 'gal ba smra ba ma yin/ chos 'jig pa smra ba ma yin/ chos spong ba smra ba ma yin/ chos la mngon par rlom sems su byed pa smra ba ma yin/
- 13b
chos la log par 'jug par smra ba ma yin te/ chos smra ba'i byang chub sems dpa' ni chos kyi rjes su mthun pa'i chos sgrub pa smra ba dang / yang dag pa smra ba dang / chos smra ba dang / phas kyi rgol ba thams cad kyis mi tshugs par smra'o/ / byang chub sems dpa' chos smra ba ni chos thams cad snang ba dang 'brel bas/ phyis bsgyur bar dka' ba yin/ byang chub sems dpa' chos smra ba ni dmigs pa med pa'i spyod yul bas stong pa nyid smra ba yin/ mi 'khrugs pa'i chos can pas mtshan ma med pa smra ba yin/ khams gsum dang ma 'dres pas smon pa med pa smra ba yin/ 'dus byas kyi skyon mthong bas mngon par 'du mi byed pa smra ba yin no// byang chub sems dpa' chos smra ba ni chos kyi don rang bzhin gyis dben pa'i phyir/ skye ba med pa dang / 'byung ba med pa smra ba yin no// bu mo zhes bya ba ni brjod du med pa/ yi ge med pa/ bsnyad du med pa/ smrar med pa// gzugs med pa/ bstan du med pa/ thogs pa med pa// rnam par rig pa ma yin pa/ rnam par shes par bya ba ma yin pa/ sems dang yid dang / rnam par shes pa dang bral ba/ rdul med pa dang rdul dang bral ba/ 'dod chags dang bral ba/ mun pa med pa/ snang ba med pa/ bdag gir med pa/ yongs su 'dzin pa med pa/ 'dzin pa ma yin pa/ 'dzin pa dang bral ba/ yul med pa/ yul ma yin pa/ yul
- 14a
thams cad dang ma 'dres pa/ zhi ba grol ba/ blta dka' ba/ khong du chud par dka' ba/ rtog ge ba ma yin pa/ rtog ges mi chud pa/ 'phags pa mkhas pas shes shing rtogs pa tshor ba med pa/ tshor ba thams cad kyi rgyun bcad pa/ ji lta ba bzhin du dus gsum du stong pa/ 'chi 'pho med pa/ 'pho bar 'gyur ba ma yin pa/ 'pho ba med pa/ skye ba med pa/ phun sum tshogs pa ma yin pa/ rgud pa ma yin pa/ 'byung ba med pa/ 'jigs pa med pa/ mi srid pa/ 'byung bar mi 'gyur ba 'jig par mi 'gyur ba/ bskyed pa ma yin pa/ gzhig pa ma yin pa/ mi rtogs pa/ kun tu mi rtogs pa// rnam par mi rtogs pa// mtshan nyid du snang ba ma yin pa/ mtshan nyid med par snang ba ma yin pa/ mtshan nyid gcig pa/ mtshan nyid med pa/ kun gzhi med pa/ kun gzhi dang bral ba/ 'dre ba med pa/ chags pa med pa bcings pa med pa/ grol ba med pa/ bdag gir ba med pa/ yongs su 'dzin pa med pa/ sbyor ba med pa/ zag pa med pa/ 'dra ba med pa/ mtshungs pa med pa/ mi mnyam ba dang mnyam pa/ mi bden pa dang mi brdzun pa/ bde ba med pa/ sdug bsngal med pa/ 'dub med pa/ 'bral ba med pa/ ldan pa med pa/ mi ldan pa med pa/
- 14b
ming med pa/ gzugs med pa/ sbyor ba med pa/ gsal ba med pa/ snying po med pa/ snying po med pa ma yin pa/ dbyer med pa/ dbyer med pa ma yin pa/ rdo rje ma yin// pa/ 'bigs pa'i mtshan nyid ma yin pa/ de kho na de bzhin nyid gzhan ma yin pa nyid/ ring ba ma yin pa/ nye ba ma yin pa/ kha dog med pa/ rtags med pa/ dbyibs med pa/ mtshan ma med pa/ 'di na ma yin pa/ pha gi ni ma yin pa/ de las ma yin pa/ gzhan las ma yin pa/ nang ma yin pa/ phyi ma yin pa// gnyi ga ma yin pa/ gzhan ma yin pa/ gzhan ma yin pa yang ma yin pa/ gzhan dang gzhan ma yin pa yang ma yin pa/ mthong ba med pa/ thos pa med pa/ dran pa med pa/ brjed pa med pa/ shes pa med pa/ rnam par shes pa med pa/ rnam par shes par bya ba/ rnam par shes pa dang bral ba/ grangs med pa/ grangs med pa ma yin pa/ grangs thams cad dang bral ste/ bu mo 'di ni chos zhes bya'o// gang 'di 'dra ba'i chos skad dang brda' sna tshogs kyis 'chad cing yang dag par rab tu ston pa 'di ni byang chub sems dpa' chos smra ba zhes bya'o/ / gzhan yang chos smra ba ni/ smra ba thams cad las rnam par log pa yin no// chos smra ba ni su dang yang mi rtsod do// chos smra ba ni gzhan la shin tu rloms sems med do// chos smra ba
- 15a
ni ma bslabs pa la mi brnyas so/ / chos smra ba ni bslabs pa rnams la mi 'dud pa ma yin no// bdag bstod pa ma yin no// chos nyid dang 'gal bar mi byed do// zang zing gri ma sngags pa'i rgyud kyis chos ston to// gzhan dag la 'gyod pa mi skyed do// gzhan gyi ltung ba gleng bar mi byed do// chos la khyad du gsod pa mi byed do// chos kyi bar chad mi byed do/ / chos smra ba ni byang chub kyi phyir mi 'dra ba'i chos gang yang mi mthong ngo // stong pa nyid las grol ba'i chos mi ston to// mtshan ma med pa dang smon pa med pa las rnam par grol ba'i chos mi ston to/ / chos kyi dbyings tha dad du mi byed do// de bzhin nyid las mi g.yo'o// yang dag pa'i mtha' las shin tu mi 'da'o// tshig 'bru la rton pa ma yin no// rnam par shes pa la rton pa ma yin no/ / drang ba la rton pa ma yin no// gang zag la rton pa ma yin no// don dang 'gal ba ma yin no// tshig 'bru dang 'gal ba ma yin no// ye shes dang 'gal ba ma yin no/ / rnam par shes pa dang 'gal ba ma yin no// nges pa'i don dang 'gal ba ma yin no// drang ba'i don dang 'gal ba ma yin no// chos nyid dang 'gal ba ma yin no// gang zag dang 'gal ba ma yin no/ / phyogs yongs su 'dzin par mi byed do// rten cing 'brel par 'byung ba dang 'gal bar mi byed do// chos smra ba ni 'jig rten gyi chos gang gis kyang rnam par dag par mi
- 15b
shes so/ / ser sna'i nyon mongs pas bsgribs pa ma yin no// tshul khrims las nyams pa ma yin no// tshul khrims 'chal ba'i sems can 'dor ba'am yin no// khro ba dang / gnod sems dang / tha ba can ma yin no// le lo'i dri ma dang lhan cig gnas pa ma yin no// chos smra ba ni byang chub kyi sems brjed pa ma yin no// shes rab kyi rtsa ba nyan pa chud gzon pa ma yin no/ / gzhan la smod pa ma yin no// gang zag la sdang ba dang / chos la sdang bar mi byed do// mdo sde dang / mdo sde las 'gal bar mi byed do// 'dul ba la 'dul ba ma yin par mi byed do/ / chos nyid dang 'gal bar mi byed do// tshul bzhin du sbyor ba'i chos gang la yang chos ma yin par mi mthong ngo // nga rgyal gyis nga rgyal 'phel bar mi byed do// chos las nyams par ma yin no/ / byas pa chud gzon pa ma yin no// bag la nyal mi 'dzin to// bsti stang la rjes su chags pa ma yin no// bsti stang med pa la khong khro ba ma yin no// mdza' ba dang mi mdza' ba la gnyis su 'du shes mi byed do/ / rgyu dang 'bras bu chud mi gzon to// chos smra ba ni las kyi rnam par smin pa la mi mos pa ma yin no// smra ba'i lan mi ster ba ma yin no/ / chos smra ba ni dgra med pa'o// 'khrul pa mi tshal lo// lce gnyis med do// lus dang ngag dang / sems la tshul 'chos pa med do// chos la tshul 'chos pa med do//
- 16a
chos smra ba ni gzhan la nye bar bstan pa'i phyir dgon par gnas pa ma yin no// 'thob pa 'dod pa'i phyir/ 'dod pa chung ba ltar ston pa ma yin no// 'dod zhe na che bas sdig pa 'dod pa ma yin no/ / chos smra ba ni sangs rgyas kyi byang chub gzhan gyis byas par mi ston to// mi mnyam par len par mi rtsom mo// nor bdun ma rung bar mi byed do// sha za ba ma yin no// pa'i rigs gcod pa ma yin no// gzhan gyi yon tan ma rung bar byed pa ma yin no// bdag gi yon tan brjod pa ma yin no// sangs rgyas kyi chos tshad yod par ston pa ma yin no// chos smra ba ni theg pa chen po'i bsngags pa brjod pas mi ngoms te/ de'i phyir na chos smra ba zhes bya'o// bu mo de la ji ltar na/ byang chub sems dpa' don smra ba yin zhe na/ don ces bya ba ni/ bsam pas bcos ma ma yin pa ni don to// sbyor bas dge ba'i rtsa ba thams cad yang dag par bsgrubs pa ni don to// lhag pa'i bsam pas khyad par ni don to// gzhan byang chub kyi sems yang dag par 'dzin du 'jug pa ni don to/ / sbyin pa'i rnam par smin pa la mi re ba ni don to// sems can rnams bde ba myong bar byed pa ni don to// tshul khrims las nyams pa med pa ni don to/ / bzod pas ma smad pa ni don to// brtson 'grus kyis dgos pa thams cad mthar 'byin pa ni don to// bsam gtan gyis nye bar zhi ba ni don to// shes
- 16b
rab kyis the tsom med pa ni don to/ / byams pas sems can thams cad la sems snyoms pa ni don to// snying rjes sems can thams cad kyi ci bya ba byed pa ni don to// dga' bas chos la dga' zhing mos pa ni don to/ / btang snyoms kyis bde ba dang / sdug bsngal thams cad mi 'byed pa ni don to// sbyin pas 'gyod pa med pa ni don to// snyan par smra bas khong khro ba med pa ni don to/ / don byed pas chos dang ldan pa'i bsam pa yongs su rdzogs par byed pa ni don to// don mthun pas sems can rnams theg pa chen po yang dag par 'dzin du 'jug pa ni don to// bsdu ba'i dngos po rnams kyis sems can yongs su smin par byed pa ni don to// 'du byed thams cad mi rtag pa/ sdug bsngal ba ni don to// chos thams cad bdag med pa ni don to// nyon mongs pa thams cad zhi ba ni don to// tshig 'bru las don la rton pa ni don to// rnam par shes pa las ye shes la rton pa ni don to// mdo sde thams cad las nges pa'i don gyis mdo sde la rton pa ni don to/ / srog dang gang zag gi sgra las chos nyid la rton pa ni don to// don so so yang dag par rig pas bstan pa mi zad pa ni don to// chos so so yang dag par rig pas chos kyi dbyings 'dres pa med pa ni don to/ / nges pa'i tshig so so yang dag par rig pas phung po ma lus pa'i ye shes kyi rjes su 'jug pa ni don to// spobs pa so so yang dag
- 17a
par rig pas ci rigs par chos ston pa ni don to/ / sbyin pa'i tshogs kyis mi ngoms pa ni don to// tshul khrims kyi tshogs las smon lam yongs su rdzogs par byed/ pa ni don to// thos pa'i tshogs las nan tan snying por byed pa ni don to// bsod nams kyi tshogs las mtshan yongs su rdzogs par byed pa ni don to// ye shes kyi tshogs las sems thams cad kyi dbang po mchog dang mchog ma yin pa shes pa ni don to/ / zhi gnas kyi tshogs las sems las su rung ba ni don to// lhag mthong gi tshogs las rig pa dang rnam par grol ba ni don to/ / dran pa nye bar gzhag pa rnams kyis dran pa nye bar gnas pa ni don to// yang dag par spong ba rnams kyis/ dge ba'i chos thams cad skyed pa ni don to// rdzu 'phrul gyi rkang pa rnams kyis phyogs bcur bgrod pa ni don to/ / dbang po rnams kyis tshigs rab tu 'byed pa ni don to// stobs rnams kyis nyon mongs pa thams cad 'dul ba ni don to// byang chub kyi/ yan lag rnams kyis chos thams cad khong du chud pa ni don to// lam gyis chos thams cad mi 'khrugs pa ni don to// mngon par shes pa rnams las shin tu nyams pa med pa ni don te/ de ltar na gang chos rnam pa 'di lta bu las don rab tu myong ba de ni 'di ltar don smra ba yin te/ don ma yin pa smra ba ma yin no// de ltar na byang chub sems dpa' don smra ba yin no// bu mo gzhan yang
- 17b
dmigs par lta ba thams cad rab tu zhi bar bya ba'i phyir stong pa nyid kyi don ni don to/ / byang chub sems dpa' stong pa nyid du smra ba ni don smra ba yin no// rtog pa dang rnam par rtog pa thams cad spong ba'i phyir/ mtshan ma med pa'i don ni don to// byang chub sems dpa' mtshan ma med par smra ba ni don smra ba yin no// khams gsum pa thams cad kyi smon lam dang bral ba'i phyir smon pa med pa'i don ni don te/ byang chub sems dpa' smon pa med pa smra ba ni don smra ba yin no// de bzhin du bsdus te/ 'du byed thams cad kyi rgyun bcad pa'i phyir mngon par 'du mi byed pa'i don ni don to// skye ba thams cad nye bar zhi bar bya ba'i phyir skye ba med pa'i don ni don to// skye ba nye bar len pa'i skye ba thams cad mi skye mi 'byung ba'i don ni don to// byang chub sems dpa' mi skye ba smra ba ni don smra ba yin no/ / sdug bsngal dang / kun 'byung ba dang / lam dang / 'gog pa'i don ni don to// 'gog pa smra ba dang / chos thams cad la gang zag med pa'i don ni don te// gang zag med pa smra ba dang / skad dang tshig thams cad brjod du med pa'i don ni don to// brjod du med pa smra ba dang / brtul zhugs thams cad yongs su rdzogs par bya ba'i phyir bden pa'i don ni don to/ / bden pa smra ba dang / byang chub kyi phyogs kyi chos thams cad la bag yod pa'i don ni don te/ bag yod pa smra ba dang / thos pa'i don thams cad la nan tan byed pa'i don ni don to// nan tan
- 18a
byed pa smra ba dang / theg pa thams cad theg pa chen po'i don ni don to// byang chub sems dpa' theg pa chen po smra ba ni don smra ba yin no// bu mo gzhan yang dbyer med pa'i don ni don/ to// sems can med pa'i don ni don to// ro gcig pa'i don ni don to// tha dad pa med pa'i don ni don to// tshul gcig pa'i don ni don to// tshig med pa'i don ni don to// mi zad pa'i don ni don to// mi srid pa'i don ni don to// mi skye ba mi 'byung ba'i don ni don to// 'ong ba med pa dang / 'gro ba med pa'i don ni don to// mi skye mi 'gag pa'i don ni don to// rjes su 'gro ba'i don ni don to// gdeg pa med cing gzhag pa med pa'i don ni don to/ / mngon par 'du mi byed pa'i don ni don to// 'dus ma byas kyi don ni don to// sgro btags pa med pa'i don ni don to// rnam par rig pa med pa'i don ni don to/ / 'khor gsum yongs su sbyong ba'i don ni don to// dus gsum mnyam pa nyid kyi don ni don to// 'khor gsum dri ma med pa'i don ni don to// 'gro ba med pa'i don ni don to// 'jig pa med pa'i don ni don to/ / thun mongs ma yin pa'i don ni don to// yongs su gdung ba med pa'i don ni don to// nye bar zhi ba'i don ni don to// 'dre ba med pa'i don ni don to// rgyu ba med pa'i don ni don to/ / gzung ba med pa'i don ni don to// sngon gyi mtha' dang phyi ma'i mtha' yongs su ma chad pa'i don ni don to// mi 'khrugs pa'i don ni don to// chos dang chos ma yin pa la rnam
- 18b
par mi rtog pa'i don ni don to/ / mtha' dang / mtha' med pa dang / chad pa dang / rtag pa mnyam pa nyid kyi ye shes la 'jug pa'i don ni don to// yi ge dang / nges pa'i tshig dang / sgra dang / tshig gi lam thams cad ji lta ba bzhin du nan tan du byed pa dang / khong du chud par bya ba'i phyir don ni don to// sems dang yid dang rnam par shes pa dang / spros pa la mi rgyu ba'i don ni don to// 'dod chags dang / zhe sdang dang / gti mug gi nyon mongs pa la rnam par mi rtog pa'i don ni don to// chos thams cad mnyam pa nyid de tha mi dad cing sna tshogs med pa'i don ni don to// stong pa nyid dang // mtshan ma med pa dang / smon pa med pa dang / mngon par 'du bya ba med pa'i don ni don to// don dam pa'i bden pa'i don ni don to// gzhan gyi dring la mi 'jog pa'i don ni don to// rnam par rig pa med pa'i mtshan nyid kyi don ni don to/ / shin tu brtags pa'i mtshan nyid kyi don ni don to// sdug bsngal ba'i mtshan nyid kyi don ni don to// dben pa'i mtshan nyid kyi don ni don to// gnas med pa'i mtshan nyid kyi don ni don to/ / don bya ba ma rung bar mi byed pa'i don ni don to// dbyer med pa'i mtshan nyid kyi don ni don to// de kho na dang de bzhin nyid dang gzhan ma yin pa de kho na'i mtshan nyid kyi don ni don shin tu dul ba nges pa'i don gyi mtshan nyid kyi don ni don to/ / phung po sgyu ma'i ngo bo nyid kyi mtshan nyid kyi don ni don to// khams chos kyi dbyings kyi mtshan nyid kyi don ni don to// skye mched/
- 19a
dben pa'i mtshan nyid kyi don ni don to// nang nye bar zhi ba'i mtshan nyid kyi don ni don to// phyi rol du rgyu ba med pa'i mtshan nyid kyi don ni don to// sbyin pa dang / dul ba dang / nye bar zhi ba'i mtshan nyid kyi don ni don to// bde ba yang dag bslu ba med pa'i mtshan nyid kyi don ni don to// nyon mongs pa thams cad ci yang ma yin pa'i don ni don to// rdo rje ltar sra ba mi phyed pa'i mtshan nyid kyi don ni don to/ / 'jig rten thams cad dang mi 'gal ba'i mtshan nyid kyi don ni don to// legs par byas pa'i shin tu mthar gtugs pa'i mtshan nyid kyi don ni don to// thams ca kyi rjes su song ba khong du chud pa'i mtshan nyid kyi don ni don to/ / rnam par thar pa sgrib pa med pa'i mtshan nyid kyi don ni don to// 'gro ba thams cad du yang dag par zhugs shing / sangs rgyas kyi chos thams cad kyi rjes su 'jug pa'i mtshan nyid kyi don ni don to/ / mnyam pa dang / mi mnyam pa nyid du yang dag par ston pa'i mtshan nyid kyi don ni don to// ting nge 'dzin dang / shes rab las nges pa byung ba'i mtshan nyid kyi don ni don to/ / nges pa'i tshig dang / rnam par grol ba dang / rnam par grol ba'i ye shes mthong ba'i mtshan nyid kyi don ni don to// ye shes kyi rgyu mthun pa'i mtshan nyid kyi don ni don to/ / btags pa rnam par rig pa'i mtshan nyid kyi don ni don to// yang dag pa'i shes pas lan 'debs pa'i mtshan nyid kyi don ni don to// don thams cad yang dag par
- 19b
'du ba'i mtshan nyid kyi don ni don to/ / byang chub sems dpa' gang don 'di lta bu dang ldan pas/ don gang bstan pa de dag thams cad ni don bstan pa ste/ de'i phyir don smra ba zhes bya'o// bu mo de la ji ltar na byang chub sems dpa' 'dul ba smra ba yin zhe na/ 'dul ba ni de bzhin gshegs pas gnyis su gsungs te/ gnyis gang zhe na/ ltung ba 'dul ba dang / nyon mongs pa 'dul ba'o/ / de la ltung ba 'dul ba gang zhe na/ ltung ba zhes bya ba ni yongs su rtog pa'i rtsa ba las byung ba/ tshul bzhin ma yin pa'i rtsa ba las byung ba/ ma rig pa'i rtsa ba las byung ba phyin ci log gi rtsa ba las byung ba/ yang dag pa ma yin pa'i rtsa ba las byung ba/ yod pa ma yin pa'i rtsa ba las byung ba/ 'jigs tshogs kyi rtsa ba las byung ba/ sems can du mngon par zhen pa'i rtsa ba las byung ba/ 'gyod pa'i rtsa ba las byung ba/ 'byung ba ma yin pa'i rtsa ba las byung ba/ the tsom gyi rtsa ba las byung ba/ zhan cing rmongs pa'i rtsa ba las byung ba/ shes rab nyam chung ba'i rtsa ba las byung ba/ 'di ni ltung ba zhes bya'o// de la ltung ba 'dul ba gang zhe na/ the tsom med pa la rab tu gnas pas 'byung ba ste/ ltung ba ni yul na mi gnas pa/ phyogs na mi gnas pa/ phung por ma gyur pa/ gzung ba med pa/ snang ba med pa'o// sems gang gis ltung bar 'gyur ba de yang / zad pa dang bral ba/ rnam par gyur pa
- 20a
yul na mi gnas pa/ phyogs na mi gnas pa/ phung por ma gyur pa/ gzung ba med pa/ snang ba med pa'o// sems ji lta bar ltung ba yang de bzhin no// ltung ba ji lta bar chos thams cad kyang de bzhin te/ rtsa ba med pa'o// mi gnas pa'o// gang sems la soms nyi med pa dang / rnyog pa med pa dang / yang ba dang zhi ba dang yongs su gdung ba med pa dang / bsal ba dang / shin tu byang ba dang / bla ma'i tshig la mos pa dang / gcig tu nges par the tsom med cing gcig tu yid ches pa 'di ni ltung ba 'dul ba zhes bya'o// de la nyon mongs pa ni gang // nyon mongs pa 'dul ba ni gang zhe na/ nyon mongs pa zhes bya ba ni/ 'dod chags dang / zhe sdang dang / gti mug dang / ma rig pa dang / sred pa dang / len pa dang / srid pa'i yan lag bcu gnyis dang / gang dag la 'dus byas 'jug pa 'di ni nyon mongs pa zhes bya'o// de la nyon mongs pa 'dul ba gang zhe na/ 'di lta ste/ chos thams cad ni shin tu dul ba'o// de ci'i phyir zhe na/ chos thams cad ni stong pa nyid kyis dul ba ste/ de la 'dod chags kun tu rgyu ba med do// zhe sdang med do// gti mug med do// chos thams cad ni mtshan ma med pas dul ba ste/ de la nyon mongs pa thams cad kun tu rgyu ba med do/ / chos thams cad ni smon pa med pas dul ba ste/ de la kun tu rgyu ba thams cad kun tu rgyu ba med do// chos thams cad ni mngon par 'du bya ba med pas dul ba ste/
- 20b
de la mngon par 'du byed pa thams cad kun tu rgyu ba med do// chos thams cad ni rkyen gyi kha na las pa ste/ de la lta bar song ba thams cad kun tu rgyu ba med do// gang rten cing 'brel par 'byung ba'i chos thams cad la nges pa dang / yang dag pa kho na dang / nyon mongs pa thams cad nyon mongs pa ma yin pa dang / shin tu zhi ba dang / stong pa nyid gang gis byang chub stong pa'i stong pa nyid des nyon mongs pa thams cad stong par gang de ltar stong pa nyid khong du chud pa 'di ni nyon mongs pa 'dul ba zhes bya ste/ gang 'di skad smra ba de ni/ 'dul ba smra ba yin no// bdag 'dul ba'i phyir 'dul zhing / gang bdag 'dul ba shes pa de ni nyon mongs pa 'dul ba shes pa'o// de la bdag 'dul ba gang zhe na/ gang bdag la bdag med par shes pa dang / bdag gi ngo bo nyid shes pa dang / bdag dben par shes pa dang / bdag ji lta ba bzhin dang / bdag mi 'khrugs pa dang / bdag stong pa nyid dang / bdag dngos po med pa nyid dang / bdag de bzhin nyid dang / bdag gi mi dmigs pa dang / bdag rgod pa med pa dang / bdag sgro btags pa med pa dang / bdag rtag tu skye ba med par shes pa ste/ gang de ltar bdag shes pa ni nyon mongs pa rnam pa thams cad du shes pa'o/ / ji ltar bdag med pa la bdag tu 'du shes phyin ci log pa de bzhin du nyon mongs pa med pa la/ nyon mongs par 'du shes phyin ci log go/ ji ltar rang
- 21a
bzhin gyis bdag med pa de bzhin du nyon mongs pa yang rang bzhin gyis nyon mongs pa med pa ste/ gang de ltar lhag mthong gis shes pa de ni/ nyon mongs pa 'dul ba zhes bya'o/ / de la 'das pa'i nyon mongs pa 'dul ba ma yin/ ma 'ongs pa yang ma yin/ da ltar byung ba yang ma yin no// de ci'i phyir zhe na/ kun tu rgyu ba med cing yid la byed pa med pa ni/ nyon mongs pa 'dul ba'o/ / gang kun tu rgyu ba med cing yid la byed pa med pa de ni 'das pa ma yin/ ma 'ongs pa ma yin/ da ltar byung ba ma yin no// ji ltar sems gzugs can ma yin te/ nang na ma yin// phyi rol na ma yin/ gnyis ka med pa la yang mi dmigs pa de bzhin du/ nyon mongs pa yang gzugs can ma yin te/ nang na ma yin/ phyi rol na ma yin/ gnyi ga med pa la yang mi dmigs so// mi dmigs pa'i phyir nyon mongs pa thams cad ni gnod pa med pa'o/ / zhi ba med pa'o// bya ba med pa'o// rnam par bya ba med do// byed pa med pa'o// rnam par byed pa med pa'o// gang de ltar nyon mongs pa rnams 'byung ba dang / 'jig pa med par shes pa 'di yang nyon mongs pa 'dul ba'o// bden pa dang / chos dang / don dang / 'dul ba bstan pa 'di bshad pa na/ byang chub sems dpa' khri mi skye ba'i chos la bzod pa skyes so/ / bu mo rin chen ni tshim zhing mgu ste/ yid rangs shing rab tu dga' nas/ dga' ba dang / yid bde ba skyes te/ bcom ldan
- 21b
/ 'das la 'di skad ces gsol to// bcom ldan 'das ci tsam du de bzhin gshegs pas bden pa dang // chos dang / don dang / 'dul ba bstan pa 'di legs par gsungs pa ni ngo mtshar// te/ bcom ldan 'das byang chub sems dpa' gang 'di ltar smra bar 'gyur ba de dag ni rtsod pa ma mchis pa lhur len pa ste/ sems can thams cad kyi rtsod pa spang ba'i slad du chos ston par 'gyur ro// bu mo byang chub sems dpa' gang 'di ltar nyon mongs pa shin tu btul ba/ de gzhan dag gi nyon mongs pa yang 'dul ba'i phyir chos ston pas/ de'i phyir 'dul ba smra ba zhes bya'o// bden pa'i bstan pa'i le'u'o/ / // de nas tshe dang ldan pa shA ri'i bus/ bu mo rin chen la 'di skad ces smras so// bu mo khyod ci bden pa dang / chos dang don dang / 'dul ba smra ba yin nam/ bu mo rin chen gyis smras pa/ btsun pa shA ri'i bu bden pa ni bsnyad du med pa'o// chos ni 'dod chags dang bral ba'o// don ni brjod du med pa'o// 'dul ba ni lus dang / sems dben pa ste/ de ni lan gdab par mi nus so// btsun pa shA ri'i bu gzhan yang bden pa ni 'gog pa'i bden pa'o// chos ni bden pa'i mtshan nyid do// don ni tshig 'bru dang bral ba'o// 'dul ba ni rnam par grol ba'i mtshan nyid de/ de ni brjod pas lan gdab par mi nus so// btsun pa shA ri'i gzhan yang bden pa ni de bzhin nyid do// chos ni gzhan ma yin pa de bzhin nyid do// don ni gnyis
- 22a
su med pa'i don to/ / 'dul ba ni bya ba med pa'i don to// de ni brjod du med pa bstan du med pa'o// tshe dang ldan pa shA ri'i bus/ yang bu mo rin chen la 'di skad ces smras so// bu mo khyod kyis rin po che ci 'dra ba zhig blangs na des khyod rin chen zhes bya/ de skad ces smras pa dang / bu mo rin chen gyis tshe dang ldan shA ri'i bu la 'di skad ces smras so// btsun pa shA ri'i bu sum cu rtsa gnyis po 'di dag ni byang chub sems dpa' rnams kyi mngon sum du sems bskyed pa rin po che ste/ gang nyan thos dang rang sangs rgyas thams cad la med pa'o// sum cu rtsa gnyis gang zhe na/ 'di lta ste/ 'gro ba thams cad yongs su bskyab pa'i phyir thams cad mkhyen pa'i sems bskyed pa rin po che dang 1/ sangs rgyas kyi gdung sob pa'i sems bskyed pa rin po che dang chos kyi rigs kun tu 'dzin pa'i sems bskyed pa rin po che dang 3/ dge 'dun gyi rigs yongs su bsgrub pa rgyun mi gcod pa'i sems bskyed pa rin po che dang tha/ sems can thams cad 'phags pa'i bden pa la dgod pa'i phyir/ byams pa chen po'i sems bskyed pa rin po che dang / sems can thams cad kyi nyon mongs pa spang ba'i phyir/ sdug bsngal thams cad sel ba/ snying rje chen po'i sems bskyed pa rin po che dang / bdog pa thams cad yongs su gtang zhing sems can ser sna can rnams yongs su smin par bya ba'i phyir/ nang dang phyi'i dngos po la mi lta ba'i sems bskyed pa rin po che dang / bdag kyang
- 22b
tshul khrims la gnas la/ tshul khrims 'chal ba'i sems can yongs su smin par byed pa'i sems bskyed pa rin po che dang ra/ bzod pa'i stobs dang nges pa dang bde ba dang / dul ba dang zhi ba dang sdom pa ldan zhing / sems can gnod sems dang / za ba dang khro ba dang / nga rgyal dang / rgyags pa dang / 'chab pa dang ldan pa rnams kyi gtso bo dang / mthu dang ldan par gyur kyang lan mi byed cing bzod pa nyid skyed la byang chub kyi sems sems can la lta ba'i bzod pa'i stobs kyis sems bskyed pa rin po che dang 2/ zhus pa med cing zhan pa med la le lo med de/ brtson 'grus brtan zhing theg pa chen po las phyir mi ldog pa tshogs la yongs su mi skyo zhing / sems can le lo can yongs su smin par bya ba'i phyir/ brtson 'grus chen po'i sems bskyed pa rin po che dang 18/ dran pa dang / blo gros dang / rtogs pa dang / byams pa dang / bsam gtan gyi mchog dang / rnam par thar pa dang / ting nge 'dzin dang / snyoms par 'jug pa'i khyad par khong du chud la sems can yongs su smin par bya ba'i phyir/ 'dod pa'i khams la yang dmigs shing thabs kyis bsam gtan las phyir mi ldog pa'i sems bskyed pa rin po che dang 1/ shes rab rab tu dbye ba chos thams cad la rab rib med cing / ji lta ba bzhin du gnyis su med pa/ tshul gcig pa la 'jug pa'i phyir/ shes rab kyis rnam par 'phrul pa'i sems bskyed pa rin po che dang 12/ sems can thams cad la sems snyoms pa zhe 'gras pa med pa'i blo dang ldan pa/ tha dad pa med cing ro
- 23a
gcig pa/ thams cad mkhyen pa nyid du yongs su smin par byed pa'i sems bskyed pa rin po che dang 13/ rjes su chags pa dang / khong khro ba dang bral zhing bsti stang byas pa dang bsti stang ma byas pa mtshungs par gyur cing / ma khengs pa ma 'dud par legs par gnas pa yid g.yo ba med pa/ bde ba dang sdug bsngal gyis mi g.yos pa/ sems can rjes su srung ba'i sems bskyed pa rin po che dang 78/ 'jigs shing dngang pa dang / skrag pa dang bral la/ rten cing brel bar 'byung ba zab mo la 'jug pa la mkhas pa/ mtha' dang mtha' med par lta ba dang bral ba'i sems bskyed pa rin po che dang 1 bsod nams kyi tshogs sogs pas ngoms mi shes shing / mtshan dang / dpe byad bzang po yongs su rdzogs par byed pa'i sems bskyed pa rin po che dang 18/ sangs rgyas mthong bar 'dod cing / sangs rgyas mthong ba dang mi 'bral ba'i sems bskyed pa rin po che dang 1/ chos mnyan pa yongs su tshol la thos pa la dpyod cing don la yongs su 'jal ba'i sems bskyed pa rin po che dang 18/ ji ltar thos pa'i chos ston cing zang zing med pa'i sems bskyed pa rin po che dang 12/ zin pa med pa'i chos la slob dpon 'chab pa med pa'i sems bskyed pa rin po che dang rang / log par zhugs shing gnas te chos dang tshul khrims las nyams pa rtag tu rjes su 'dzin pa'i sems bskyed pa rin po che dang 27/ ma bslabs pa las dang po pa la bsnyas pa med pa'i sems bskyed pa rin po che dang 28/ nga rgyal dang / mngon pa'i nga rgyal dang
- 23b
log pa'i nga rgyal dang bral zhing nga rgyal med pa/ bka' blo bde ba/ mthun par 'dzin pa/ sems can thams cad la 'dud pa'i sems bskyed pa rin po che dang 88/ brlabs po che'i sems dbang po rno ba theg pa ngan pa/ dman pa dang bral zhing theg pa chen po la mos pa/ sangs rgyas kyis dgongs pa'i sems bskyed pa rin po che dang 'a/ bdud kyi las dang bral zhing nye ba'i nyon mongs pa dag ste/ gtsang zhing dri ma med la rnyog pa med kyang 'dod chags kyi rdul dang / nyon mongs pa dang ldan pa'i 'dus byas la dga' zhing / yongs su mi skyo ba'i sems bskyed pa rin po che dang 'am/ rtag tu rgyun mi 'chad par dben par spyod cing dgon pa'i yon tan mthong ste/ lus dang / sems dben pa la dben par spyod kyang / 'khor ba'i 'du 'dzi dang 'dre ba la mi smod pa/ snying rje chen po'i sems bskyed pa rin po che dang lha dang mi'i bde ba dang / bsam gtan gyi bde ba dang / rang gi bde ba thams cad 'dor zhing / sems can sdug bsngal ba rnams yongs su smin par bya ba'i phyir/ sdug bsngal myong bas yongs su mi skyo ba'i sems bskyed pa rin po che dang 2/ zag pa med pa'i chos thob pa'i nus pa dang / skal ba dang / dbang ba dang / bzod pa dang ldan yang lag mthil du 'ongs pa'i rnam par grol ba mi 'dod cing / 'dus byas mi spong ste/ sangs rgyas kyi chos yongs su rdzogs par byed pa'i sems bskyed pa rin po che dang ngang / chos rnams la mi rtag pa dang / sdug bsngal ba dang bdag med par yang so sor rtog la skyo ba yang med
- 24a
chags par 'gyur ba yang med par dga' zhing / byang chub kyi phyogs kyi chos yang bar sgrub pa'i sems bskyed pa rin po che dang / chos thams cad stong pa nyid dang / mtshan ma med pa dang / smon pa med pa dang / mngon par 'du bya ba med par so sor rtog cing / sems can la lta yang chos de mngon sum du yang mi byed la/ sems can la lta ba'i sems bskyed pa rin po che dang 'tshe/ 'gro ba thams cad kyis skrag cing / mgo'am/ gos la me 'bar ba lta bu'i brtson 'grus dang ldan zhing / thams cad mkhyen pa'i ye shes kyi phyir bskal pa grangs med par 'khor bas yongs su mi skyo ba 'di ni/ byang chub sems dpa'i sems bskyed pa rin po che'o3/ / ji lta ji lta bur byang chub la nye bar 'gyur ba de lta de lta bur de lus dang / longs spyod dang / ye shes shin tu rgya cher 'gyur yang / de che ba nyid kyi chos de yang 'dor zhing snying rjes dbul po'i rjes su 'jug ste/ smon pa med cing skyo ba med pa 'di yang byang chub sems dpa'i sems bskyed pa rin po che'o31// gang sems can yongs su smin par byed pa de dag thog ma kho nar bdag byang chub par mi 'dod la lhag pa'i bsam pa brtan pa'i sems bskyed pa rin po che ste dang / btsun pa shA ri'i bu sum cu rtsa gnyis po de dag ni/ byang chub sems dpa' rnams kyi sems bskyed pa rin po che ste/ des nabyang chub sems dpa' rin po che 'byung gnas zhes bya'o/ / de nas bcom ldan 'das kyis/ bu mo rin chen la legs so zhes bya ba byin te/ bu mo khyod kyis byang chub sems dpa' dag gi
- 24b
sems bskyed pa rin po che la 'jug pa 'di legs par smras pa ni legs so legs so/ / bu mo gang dag bla na med pa yang dag par rdzogs pa'i byang chub tu sems bskyed pa de dag ni skyes bu dam pa yin te/ yon/ tan bstan pa mtha' yas so// de ci'i phyir zhe na/ nyan thos rin po che dang / rang sangs rgyas rin po che las/ sangs rgyas dkon mchog mi 'byung gi/ sangs rgyas dkon mchog las nyan thos dang rang sangs rgyas rin po che 'byung ngo / / byang chub kyi sems rin po che las/ sangs rgyas dang chos dang / dge 'dun dkon mchog 'byung ngo // de nas bcom ldan 'das la tshe dang ldan pa shA ri'i dwa ti'i bus 'di skad ces gsol to/ / bcom ldan 'das bu mo rin chen gyi shes rab dang / spobs pa bstan pa dang / ji ltar 'di so so yang dag par rig pa thob pa bstan pa ngo mtshar to// bcom ldan 'das kyis bka' stsal pa/ shA ra dwa ti'i bu 'di la ji snyam du sems/ bu mo rin chen gyis so so yang dag par rig pa ma thob bo snyam na de ltar mi blta ste/ bu mo rin chen gyis so so yang dag par rig pa dang spobs pa rgyun mi 'chad pa thob bo/ / de nas tshe dang ldan pa shA ra dwa ti'i bus/ bu mo rin chen la 'di skad ces smras so// bu mo khyod kyis so so yang dag par rig pa bstan pa las brtsam ste/ spongs par gyis shig/ bu mo rin chen gyis smras pa/ btsun pa shA ra dwa ti'i bu so so yang dag par rig pa ni/ thams cad du chos la dpyod pa dang / ston pa'i las byed de/
- 25a
btsun pa shA ra dwa ti'i bu byang chub kyi sems zhes bya ba de ni/ so so yang dag par rig pa bstan pa'i tshig go// de ci'i phyir zhe na/ don thams cad kyis yang dag par bsdus pa'i sems bskyed pa 'di ni/ don so so yang dag par rig pa'o// chos kyi dbyings su yang dag par 'du ba'i sems bskyed pa 'di ni/ chos so so yang dag par rig pa'o// de las byung ba'i dpyod pa thams cad dang / nges pa'i tshig thams cad po 'di ni nges pa'i tshig so so yang dag par rig pa'o// sems bskyed pa de thogs pa med par ston cing spobs pa rgyun mi 'chad pa 'di ni/ spobs pa so so yang dag par rig pa'o/ / rgyu ba med cing gnas pa med pa'i don ni don te/ 'di ni don so so yang dag par rig pa'o// sgyu ma'i sems kyi chos nyid ni chos so so yang dag par rig pa'o// rnam par rig pa'i sgo nas nges pa'i tshig ni/ nges pa'i tshig so so yang dag par rig pa'o// yul drug la sems mi chags shing spobs pa thogs pa med pa ni/ spobs pa so so yang dag par rig pa'o// de ni nges pa'i don to/ / chos ni dben pa la lta ba'o// nges pa'i tshig ni sgra tsam mo// spobs pa ni sgra rnam par rig pa'o// sangs rgyas zhes bya ba ni khong du chud pa'i don gyi tshig go// de las nges par byung ba ni chos so/ / chos de ni nges pa'i tshig gis rab tu phye ba'o// spobs pas bstan pa ni spobs pa so so yang dag par rig pa'o// chos kyi don ni don to// 'dod chags dang
- 25b
bral ba'i chos nyid ni chos so/ / chos la spod pa ni nges pa'i tshig go// chos la spongs pa ni spobs pa so so yang dag par rig pa'o// dge 'dun gyi don dang / 'dus ma byas pa'i donan don so so yang dag par rig pa'o/ / dge 'dun dang / don ro gcig pa ni chos so// dge 'dun la dpyod pa ni nges pa'i tshig go// gang rab tu ston pa de ni spobs pa so so yang dag par rig pa'o/ / btsun pa shA ra dwa ti'i bu de ltar na/ chos thams cad kyi tshig bstan pa ni so so yang dag par rig par blta'o// de nas bcom ldan 'das la tshe dang ldan pa shA ra dwa N+Di bus 'di skad ces gsol to/ / bcom ldan 'das bu mo rin chen gyis bla na med pa yang dag par rdzogs pa'i byang chub tu sems bskyed nas ni ji srid cig lags/ de bzhin gshegs pa ni gang gi gsung rab lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu sngon byung ba 'das pa'i dus na bskal pa grangs med pa'i yang ches grangs med par gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rnam par gzigs zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo //
- 26a
shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas rnam par gzigs de'i sangs rgyas kyi zhing ni 'jig rten gyi khams shin tu rnam par dag pa zhes bya bar gyur to/ / shA ra dwa ti'i bu 'jig rten gyi khams shin tu rnam par dag pa'i longs spyod ni dga' ldan gyi lha'i longs spyod dang 'dra bar gyur to// bcom ldan 'das de'i byang chub sems dpa'i dge 'dun ni/ byang chub sems dpa' dag pa sha stag ste/ byang chub sems dpa' bye ba phrag bdun cu rtsa drug thams cad kyang phyir mi ldog pa/ gzungs dang spobs pa las nges par byung ba sha stag go// shA ra dwa ti'i bu de'i tshe de'i dus na/ de bzhin gshegs pa rnam par gzigs kyi gsung rab la 'khor los sgyur ba'i rgyal po// stong gsum gyi stong chen po'i 'jig rten gyi khams kyi dbang phyug rin po che'i mdzod mtha' yas pa dang ldan pa bsod nams kyi rnam par smin pa yongs su dag pa zhes bya ba zhig byung ngo / / shA ra dwa ti'i bu rgyal po bsod nams kyi rnam par smin pa yongs su dag pa la/ btsun mo'i 'khor gyi bud med stong phrag brgyad khri bzhi stong yod de/ de dag thams cad kyang yul gyi bzang mo sha stag go// de la bu po khri yod de thams cad kyang tshan po che chen po'i stobs dang ldan pa sha stag go shA ra dwa ti'i bu de ltar rgyal po bsod nams kyi rnam par smin pa yongs su dag pas/ bcom ldan 'das de bzhin gshegs pa rnam par gzigs byang chub sems dpa'i dge 'dun dang bcas pa de la/
- 26b
yid du 'ong ba'i na bza' dang / zhal zas dang / gzims cha dang / snyun gsos kyi sbyin sman dang kho da/ bde bar sbyar ba thams cad kyis lo bye ba phrag sum cu rtsa drug tu bsnyen bkur byas so// / de nas bcom ldan 'das la/ tshe dang ldan pa shar dwa ti'i bus 'di nad ces gsol to// bcom ldan 'das/ bcom ldan 'das de bzhin gshegs pa rnam par gzigs de'i chu tsha tshad ci tsam/ bcom ldan 'das kyis bka' stsal pa/ shwa ra dwa ti'i bu de bzhin gshegs pa rnam par gzigs de'i sku tshe'i tshad ni bar gyi bskal pa bcu thub bo// shA ra dwa ti bu de ltar rgyal po bsod nams kyi rnam par smin pa yongs su dag pas/ de bzhin gshegs pa rnam par gzigs de la mchod pa dpag tu med pa byas nas/ btsun mo'i 'khor dang bcas/ bu dang bcas/ g.yog dang bcas te/ srog chags khrag khrig phrag dgu bcu rtsa gnyis kyis/ mdun du bdar nas/ de bzhin gshegs pa rnam par gzigs ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ bye ba brgya stong gis shin tu spras pa'i mu tig gi se mo do sbru la gsol nas thal mo sbyar te/ de bzhin gshegs pa rnam par gzigs la 'di skad ces gsol to/ / bcom ldan 'das bdag gis bcom ldan 'das la mchod pa thams cad kyis mchod pa bgyis na/ bdag gis de bzhin gshegs pa la/ mchod pa ma bgyis
- 27a
pa'i mchod pa khyad par du 'phags pa gzhan la ma mchis sam/ de skad ces gsol pa dang // de bzhin gshegs pa rnam par gzigs kyis/ rgyal po bsod nams kyi rnam par smin pa yongs su dag pa de la 'di skad ces bka' stsal to/ / rgyal po chen po gang khyod kyis de bzhin gshegs pa la mchod pa ma byas pa'i mchod pa dam pa khyad par can/ gya nom pa khyod kyis mchod pab 'dis de'i brgya'i char yang nye bar mi 'gro ba nas/ rgyu'i bar du yang mi bzod pa gzhan yod do// de yang gang zhe na/ de nas de bzhin gshegs pa rnam par gzigs des/ rgyal po 'khor dang bcas pa de'i bsam pa mkhyen nas/ tshigs su bcad pa 'di dag gsungs so// zhing rnams bye ba khrag khrig brgya stong du ma gang+gA'i bye ma snyed// grang gis rin chen bkang ste bskal pa byed brgyar rtag rgyun byin pa'i/ / bsod nams des ni gang zhig sems can don phyir snying brtse snying rje bskyed// byang chub zhugs pa'i bsod nams de yi grangs cha gang du'ang 'gyur ma yin// sangs rgyas bye ba khrag khrig stong phrag du ma gang+gA'i bye snyed la/ / bskal pa bye ba khrag khrig mang por me tog spos kyis mchod pa bas/ byang chub rten pa phan byed gang zhig gom pa bdun ni rab bor bas// rgyal ba mchod pa 'di ni dam pa gtso bo gya nom mchog gis phul/ / gang zhig byang chub sems bskyed 'jig rten 'dren par 'gyur bar smon btab pa// de ni sbyin pa de bzhin tshul khrims gzhal yas bzod pa'i stobs
- 27b
kyis mchog/ de ni brtson 'grus brtan pa ting 'dzin gzhal yas shes rab mi g.yos pa// de ni mtha' yas bsags pa'i bsod nams lam ste zad par 'gyur ma yin// gang zhig bsam pas yid rab dga' zhing thams cad mkhyen la rab 'jug pa/ / bsngags dang brjod dang grags dang gzugs dang g.yog ni shin tu mdzes pa thob// des ni longs spyod dbang phyug stobs rnams rtag tu thob sems dang dran pa 'phags/ / de ni 'khor los sgyur rgyal stobs ldan de ltar brgya byin tshangs par 'gyur// mi gang la la byang chub rdul dang bral ba bla med zhi 'jug pa// de ni ngan song ngan 'gro lam dang mi khom brgyad po thams cad gcod/ / de ni lha dang mi yi lam rnams rab tu 'byed cing rnam par spangs// long bar mi 'gyur 'on par ma yin dbang po thams cad tshang bar 'gyur/ gang zhig/ byang chub 'jug cing blo gros ldan pa sems can skyabs gnyer ba// sangs rgyas mthong zhing de dag la yang mchod mkhas pa chos kyang nyan// shes rab ye shes ldan zhing blo ni shin tu rlabs che chen por 'gyur/ / the tsom nem nur med cing nga rgyal bral bar rtag tu drang por 'gyur// gang zhig byang chub sems bskyed 'di 'dra'i dpal gyi byang chub 'jug pa de/ 'dod pa'i dga' la dga' ba rnyed par mi 'gyur chos la dga' ba rnyed/ / de ni 'jig rten dri mas gos par mi 'gyur chu las pad+ma bzhin// shes rab ye shes yon tan rnams kyis mi ngoms phyir zhing tshol bar byed// byang
- 28a
chub zhugs nas snying rje mtha' yas gang zhig zad par mi nus pa/ / skyabs dang gling dang dpung gnyen dag dang sems can rnams kyi pha mar 'gyur// de ni 'gro ba'i sman bslob dpon bla ma ded dpon chen por 'gyur/ / 'jig rten dang ni 'jig rten 'das pa'i sman sbyin nad rnams zhi bar byed/ shA ra dwa ti'i bu de nas rgyal po bsod nams kyi rnam par smin pa yongs su dag pa nges/ de bzhin gshegs pa rnam par gzigs de las byang chub kyi sems kyi yon tan dang / phan yon dang / bsod nams tshad med pa 'di thos nas tshim zhing mgul yi rangs shi rab tu dga' ste/ dka' ba dang yid bde ba skyes nas bsam pa thag pa nas/ bla na med pa yang dag par rdzogs pa'i byang chub tu sems bskyed de/ bud med kyi 'khor de dang / bu rngu 'o dang / blon po dang mkhar gyi rgyal po dang / skye bo'i tshogs chen po de la tshigs su bcad pa 'di dag smras so// sems can dag la snying rje byams bskyed nas// nga ni byang chub dam pa mchog la zhugs// gang zhig gang la dga' ba yid 'ong 'dod// des ni byang chub sems brtan yang dag bskyed// mi rigs sbyor ba sdug bsngal gyur pa yis// sngon chad 'khor ba bye ba ma shes kyis// byang chub mchog gi lam du zhugs shig dang / / sems can don brtson sdug bsngal bde bar 'gyur/ gang dag rdzu 'phrul spongs pa ye shes dang // shes rab 'khor dang de bzhin mchod pa dang // sangs
- 28b
rgyas rnam gzigs yon tan dpag med pa/ / 'di dag thams cad mkhyen pa'i sems las byung // lha mi'i 'jig rten bde ba gang dag dang // brgya byin tshangs pa 'khor los bsgyur ba dang / gang dag zag bcas zag pa med pa'i bde// 'di dag thams cad mkhyen pa'i sems las byung // bsdu dang bsam gtan de ltar tshad med dang // de bzhin gang dag pha rol phyin lam dang // mngon shes rig dang so so yang dag rig/ 'di dag thams cad mkhyen pa'i sems las byung // stobs bcu sangs rgyas kha dog bsam yas dang // gang dag de bzhin gshegs pa'i mi 'jigs dang / gang dag sangs rgyas chos yangs dpag med pa// de kun rnam dag sems las nges par byung // gang zhig zhing rnams bye ba bskyod pa dang // thams cad dbyangs kyis go bar byed pa dang / 'od dang bkod pas dri med rgyas 'dod pa// mkhas pa des ni byang chub sems bskyed cing // mkhas pa gang zhig byang chub sems bskyed pa// phyogs rnams kun tu mchod pa'i 'os su 'gyur/ / de bzhin gshegs pa rnams kyis bsngags par 'gyur// gsol ba ma btab 'gro ba'i bshes su 'gyur// gal te sangs rgyas thams cad gzigs pa yis// bskal pa mang por bsngags pa brjod kyang go/ byang chub sems las bsod nams gang byung ba/ brjod pas zad par 'gyur ba ma yin no// rgyal po bsod nams kyi rnam par smin pa yongs su dag pas tshigs
- 29a
su bcad pa de dag smras ma thag tu/ de nas srog chags khrag khrig phrag dgu bcu rtsa gnyis po de dag dang / rgyal po'i btsun mo'i 'khor de dang / bu khri po dag gis bla na med pa yang dag par rdzogs pa'i byang chub tu sems bskyed do/ / stong gsum gyi stong chen po'i 'jig rten gyi khams de yang rnam pa drug tu rab tu g.yos so// lha bye ba phrag bzhi bcus kyang rjes su yi rang ngo zhes sgra phyung nas/ bla na med pa yang dag par rdzogs pa'i byang chub tu sems bskyed do// 'khor los bsgyur ba'i rgyal po des phyis kyang lo bye ba phrag bcur de bzhin gshegs pa rnam par gzigs de la bde bar sbyar ba thams cad kyis bsti stang du byas so/ / bla mar byas so// ri mor byas so// mchod do// tshangs par spyad pa bslab pa'i gnas lnga yongs su blangs so// rtag tu rgyun mi 'chad par de bzhin gshegs pa de la chos nyan pa'i phyir// g.yog dang bcas te dong nas chos nyan to// des phyi zhig na bu thu bo rgyal por bcug nas/ thA dang kha spu bregs te/ gos ngur smrig bgos nas yang dag par dad pas khyim nas khyim med par rab tu byung ngo // de de ltar rab tu byung nas 'di lta ste/ bden pa'i tshig dang / chos kyi tshig dang / don gyi tshig dang 'dul ba'i tshig dang / tshig mi zad pa bzhi po 'di dag gi yi ge'i mtshams sbyar ba las yongs su 'jal lo// de lo bye ba tshang bar dpyod pa la mkhas pa'i rjes su song ngo // rgyal po rab tu byung ba
- 29b
des rjes su bslabs nas/ de na stong gsum gyi stong chen po'i 'jig rten gyi khams kyi sems can bgrang ba las shin tu 'das pa dag de bzhin gshegs pa rnam par gzigs de'i gsung rab la rab tu byung ngo / / shA ra dwa ti'i bu de'i tshe de'i dus na/ rgyal po bsod nams kyi rnam par smin pa yongs su dag pa zhes bya bar gyur pa de gzhan zhig yin pa snyam du sems na de ltar mi blta ste/ bu mo rin chen 'di nyid do// de nas de bzhin gshegs pa rnam par gzigs de las bu mo rin chen 'dis byang chub tu sems bskyed do// shA ra dwa ti'i bus gsol pa/ bcom ldan 'das las kyi sgrib pa ji lta bu zhig gis bu mo 'dis bud med kyi dngos po yongs su bzung / bcom ldan 'das kyis bka' stsal pa/ shA ra dwa ti'i bu byang chub sems dpa' dag ni las kyi sgrib pas bud med kyi dngos po yongs su mi 'dzin to/ / de ci'i phyir zhe na/ shA ra dwa ti'i bu byang chub sems dpa' dag ni sems can yongs su smin par bya ba'i phyir mngon par shes pa dang / rig pa dang / ye shes dang thabs dang / shes rab kyi stobs kyis bud med kyi dngos po yongs su 'dzin to// shA ra dwa ti'i bu 'di ji snyam du sems/ bu mo rin chen 'di bud med do snyam na yang de ltar mi lta'i// shA ra dwa ti'i bu 'di ni mngon par shes pa'i stobs can gyi byang chub sems dpar blta ste/ de la ni bud med kyi chos dang skyes pa'i chos med do// bu mo 'di ni dge ba'i chos thams cad dang ldan no// 'ong/
- 30a
ba med do// 'gro ba med do// shA ra dwa ti'i bu/ bu mo rin chen 'dis ni 'dzam bu'i gling 'dir bu mo gzhon nu dgu khri bla na med pa yang dag par rdzogs pa'i byang chub tu yongs su smin par byas so/ / de nas bu mo rin chen gyis tshe dang ldan pa shA ra dwa ti'i bu la 'di skad ces smras so// btsun pa shwa ra dwa ti'i bu/ bud med kyi lus kyis sems can rnams la chos ston mi spyod dam/ shA ra dwa ti'i bus smras pa/ bu mo bdag ni skyes pa'i lus 'di nyid kyang mi 'dod na/ bud med kyi lus yongs su bzung ba lta ci smos/ bu mos smras pa/ btsun pa shA ra dwa ti'i bu lus la smod dam/ smras pa/ bu mo smod do// smras pa/ de bas na btsun pa shA ra dwa ti'i bu byang chub sems dpa' ni sems can thams cad las khyad par du 'phags so// de ci'i phyir zhe na/ 'di ltar gang nyan thos kyis smad pa de la ni byang chub sems dpa' mi smod do// nyan thos kyis smad kyis byang chub sems dpas ma yin pa gang zhe na/ phung po dang / khams dang / skye mched la nyan thos kyis smod kyi/ byang chub sems dpa' ni ma yin no// lus yongs su bzung ba la nyan thos smod kyi/ byang chub sems dpa' ni ma yin no// 'khor ba yongs su bzung ba la nyan thos smod kyi/ byang chub sems dpa' ni ma yin no// skye ba'i gnas la nyan thos smod kyi/ bsams bzhin du skye ba yongs su gzung ba la byang chub sems dpa' ni ma yin no//
- 30b
bsod nams mngon par 'du bya ba la nyan thos smod kyi/ bsod nams kyi tshogs gsogs pas mi ngem pa la byang chub sems dpa' ni ma yin no// sems can dang 'dre ba la nyan thos smod kyi sems can thams cad yongs su smin par bya ba'i phyir 'du 'dzin la byang chub sems dpa' ni ma yin no/ / grong dang grong khyer du 'jug pa la nyan thos smod kyi/ grong dang grong khyer dang / grong rdal dang / yul 'khor dang pho brang 'khor du 'jug pa la byang chub sems dpa' ni ma yin no// rang gi nyon mongs pa la nyan thos smod kyi// sems can thams cad kyi nyon mongs pa la byang chub sems dpa' ni ma yin te/ btsun pa shA ra dwa ti'i bu de ltar na gang dang gang la nyan thos smod pa de dang de la byang chub sems dpa' ni ma yin no// shA ra dwa ti'i bus smras pa/ bu mo stobs gang gis smod par mi 'gyur pa'i byang chub sems dpa'i stobs gang yin/ bu mos smras pa/ btsun pa shA ra dwa ti'i bu/ brgyad po 'di dag ni byang chub sems dpa'i stobs te/ des de smod par mi 'gyur ro// brgyad gang zhe na/ khong khro ba med pa'i sems kyis byams pa'i stobs dang 1/ sems can yongs su smin par byed pas snying rje'i stobs dang 2/ bcos ma ma yin pas lhag pa'i bsam pa'i stobs dang nyon mongs pa dang bral bas shes rab kyi stobs dang yongs su mi skyo bas thabs kyi stobs dang / zhum pa med pas bsod nams kyi stobs dang / gti mug dang bral bas ye shes kyi stobs
- 31a
dang 2/ sngon dam bcas pa nyams 'og tu chud par byed pas brtson 'grus kyi stobs te / btsun pa shA ra dwa ti'i bu brgyad po de dag ni byang chub sems dpa'i stobs te/ stobs de dag gis de mi smod do// gnas brtan gyis smras pa/ ci bu mo khyod stobs 'di lta bu dang ldan nam/ bu mos smras pa/ btsun pa shA ra dwa ti'i bu ldan te gang mnyam pa nyid kyis ldan no// gang mnyam pa nyid kyis mnyam par gnas so// btsun pa shA ra dwa ti'i bu gang mnyam pa nyid 'di ni stobs ma yin/ nyam chung ba ma yin te/ de ni mnyam pa nyid do// gang mnyam pa nyid de la ni tha dad du bya ba cung zad kyang med do/ / mnyam pa zhes bya ba ni nam mkha' ste/ chos thams cad ni nam mkha' dang mnyam mo// ji ltar na nam mkha' snang ba med cing bla gab med pa de bzhin du// chos thams cad kyang nam mkha' ltar snang ba med cing bla gab med pa'o// gang de ltar mnyam pa de ni nyam chung ba yang ma yin/ stobs dang ldan pa yang ma yin mod kyi/ 'on kyang btsun pa shA ra dwa ti'i bu/ byang chub sems dpa' gang nyam chung ba de ni stobs dang ldan pa'o// de ci'i phyir zhe na/ gang nyon mongs pa nyam chung ba de ni ye shes kyi stobs dang ldan pa'o// gang ser sna nyam chung ba de ni/ sbyin pa'i stobs dang ldan pa'o// gang ngang tshul ngan pa nyam chung ba de ni tshul khrims kyi stobs dang ldan pa'o// gang gnod sems nyam chung ba de ni bzod pa'i stobs dang ldan pa'o//
- 31b
gang le lo nyam chung ba de ni brtson 'grus kyi stobs dang ldan pa'o// gang g.yeng ba nyam chung ba de ni bsam gtan gyi stobs dang ldan pa'o// gang 'chal pa'i shes rab nyam chung ba de ni/ shes rab kyi stobs dang ldan pa'o/ / de bzhin du chos thams cad de gang dang gang las byang chub sems dpa' mi dge ba nyam chung ba de dang de las de dge ba'i stobs dang ldan pa'o// de nas bcom ldan 'das kyis bu mo rin chen la legs so zhes bya ba gnang ste/ bu mo legs so legs so// ci ste bstan pa lta na de ltar bstan par bya'o// bstan pa 'di bshad pa na byang chub sems dpa' lnga brgya bzod pa skyes so/ / de nas bcom ldan 'das la/ bu mo rin chen gyis 'di skad ces gsol to// bcom ldan 'das gang de bzhin gshegs pa'i stobs bcu po de dag dge ba'i rtsa ba gang gis de bzhin gshegs pa'i stobs bcu dang ldan par 'gyur/ de skad ces gsol pa dang / bcom ldan 'das kyis bu mo rin chen la 'di skad ces bka stsal to/ / bu mo byang chub sems dpa'i gang gi phyir byang chub sems dpa'i spyad pa spyod pa na/ theg pa dman pa 'dod cing / bya ba ma yin pa byed par 'gyur ba 'di ni gnas ma yin te skabs med do// de yi dam la brtan pa'i stobs 'di dang ldan pas/ byang chub kyi snying po mchog dam par song nas gnas dang gnas ma yin pa mkhyen pa'i stobs thob ste/ gnas la yang gnas dang / gnas ma yin
- 32a
pa la yang gnas ma yin par yang dag par ji lta ba bzhin du rab tu shes pa 'di ni/ de bzhin gshegs pa'i stobs dang po ste/ stobs de thob pas de bzhin gshegs pa 'khor gyi nang du seng ge'i sgra yang dag par sgrog ste/ khyu mchog gi gnas su dam 'cha' zhing / dge sbyong ngam/ bram ze'am/ lha'am/ bdud dam/ tshangs pa 'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor ro/ / bu mo gzhan yang byang chub sems dpa' byang chub sems dpa'i spyad pa spyod pa na/ rang gi las las gyur pa las kyi rnam par smin pa las rton pa yin te/ de las kyi rnam par smin pa'i stobs 'di dang ldan pas/ byang chub thob pa na 'das pa dang / ma 'ongs pa dang / da ltar byung ba'i las dang las yang dag par blangs pa rnams kyi rnam par smin pa mkhyen pa gnas dang rgyus yang dag pa ji lta ba bzhin du rab tu shes pa 'di ni de bzhin gshegs pa'i stobs gnyis pa ste/ stobs de thob pas de bzhin gshegs pa 'khor gyi nang du seng ge'i sgra yang dag par sgrog ste/ khyu mchog gi gnas su dam 'cha' zhing / dge sbyong ngam bram ze 'am/ lha 'am bdud dam/ tshangs pa 'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor ro/ / bu mo gzhan yang byang chub sems dpas byang chub sems dpa'i spyad pa spyod pa na/ sems can rnams kyi
- 32b
dbang po la brtags nas chos ston te/ de dag shes nas dbang po rnams ji lta ba bzhin du 'jug cing / dbang po rnams ji lta ba dang ldan te de dbang po'i rim pa mkhyen pa'i stobs 'di dang ldan pas byang chub thob pa na/ sems can gzhan rnams dang / gang zag gzhan dag gi dbang po dang brtson 'grus kyi rim pa yang dag pa ji lta ba bzhin du rab tu shes te/ bu mo de bzhin gshegs pas gang sems can gzhan rnams dang / gang zag gzhan dag gi dbang po dang / brtson 'grus kyi rim pa yang dag pa ji lta ba bzhin du rab tu shes pa 'di ni/ de bzhin gshegs pa'i stobs gsum pa'o/ / bu mo gzhan yang byang chub sems dpa' byang chub sems dpa'i spyad pa spyod pa na/ sems can rnams kyi khams la 'jug ste/ zhugs nas sems can rnams kyi mos pa ji lta ba dang khams ji lta ba bzhin du gnas so/ / de khams la 'jug pa'i stobs 'ang dang ldan pas/ byang chub thob pa na/ khams du ma dang / khams sna tshogs pa'i 'jig rten yang dag pa ji lta ba bzhin du rab shes pa 'di ni de bzhin gshegs pa'i stobs bzhi pa'o/ / bu mo gzhan yang byang chub sems dpa' byang chub sems dpa'i sprad pa spyod pa na/ sems can mos pa tha dad pa rnams kyi mos pa dang / rnam par grol ba'i ye shes kun tu tshol te/ de ltar mos pa la mi smod do// de mos pa'i stobs 'di dang ldan pas byang chub thob pa na/ sems can gzhan rnams dang
- 33a
gang bag gzhan dag gi mos pa du ma dang / mos pa sna tshogs yang dag pa ji lta ba bzhin du rab tu shes pa 'di ni/ de bzhin gshegs pa'i stobs lnga pa'o// bu mo gzhan yang byang chub sems dpa' byang chub sems dpa'i spyad pa spyod pa na 'dus byas dang / 'dus ma byas dang / nyan thos kyi theg pa dang / rang sangs rgyas kyi theg pa dang / theg pa chen po thams cad du ye shes gtong ngo / / de kun tu 'gro ba mkhyen po'i stobs 'di dang ldan pas byang chub thob pa na kun tu 'gro ba'i lam yang dag pa ji lta ba bzhin du rab tu shes pa 'di ni de bzhin gshegs pa'i stobs drug pa'o/ / bu mo gzhan yang byang chub sems dpa' byang chub sems dpa'i spyad pa spyod pa na/ bsam gtan dang ting nge 'dzin lhur len pa yin te/ sems nges par rtog cing nyon mongs pa dang bral te dul zhing cang shes so/ / de cang shes kyi stobs 'di dang ldan pos byang chub thob pa na/ sems can gzhan rnams dang gang zag gzhan dag gis bsam gtan dang rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang ldan pa thams cad mkhyen pa'i stobs yang dag pa ji lta ba bzhin du rab tu shes pa 'di ni de bzhin gshegs pa'i stobs bdun pa'o/ / bu mo gzhan yang byang chub sems dpa' byang chub sems dpa'i spyad pa spyod pa na/ sngon gyi rgyu las byung ba'i dge ba'i rtsa ba
- 33b
chud mi gzon te/ bag yod pa yin/ sngon dam bcas pa las mi nyams pa yin no// de sngon gyi rgyu las byung ba'i dge ba'i rtsa ba chud mi gzon pa'i stobs 'di dang ldan pas byang chub thob pa na/ bdag dang sems can gzhan rnams dang / gang zag gzhan dag gi sngon gyi gnas rnam pa du ma rjes su dran pa mkhyen pa'i stobs yang dag pa ji lta ba bzhin du rab tu shes pa 'di ni/ de bzhin gshegs pa'i stobs brgyad pa'o// bu mo gzhan yang byang chub sems dpa' byang chub sems dpa'i spyad pa spyod pa na/ sems can gang yang spa klong bar mi byed la/ ma bslabs pa la dbang mi za zhing / sems can thams cad la snang bar gyur pa yin no// de snang ba'i stobs 'di dang ldan pas byang chub thob pa na/ lha'i mig gi shes pa yang dag pa ji lta ba bzhin/ tu rab tu shes pa 'di ni de bzhin gshegs pa'i stobs dgu pa'o// bu mo gzhan yang byang chub sems dpa' byang chub sems dpa'i spyad pa spyod pa na/ sems can gang gi zag pa 'phel ba'i phyir yang gnas pa ma yin gyi/ zag pa zad par bya ba'i phyir sems can rnams la chos ston te/ zag pa 'phel bar bya ba'i phyir ma yin gyi/ zag pa med pa'i lam gyis sems can rnams la lam nye bar ston to/ / de mos pa zag pa med pa'i stobs 'di dang ldan pas/ byang chub thob pa na/ zag pa thams cad zad pa mkhyen pa yang dag pa ji lta ba bzhin du rab tu shes pa 'di ni/ de bzhin
- 34a
gshegs pa'i stobs bcu pa'o/ / bu mo de dag ni de bzhin gshegs pa'i stobs bcu ste/ byang chub sems dpas de dag rdzogs par byas nas/ stobs bcu dang ldan pa'i de bzhin gshegs par 'gyur ro/ / bu mo de lta bas na byang chub sems dpas de bzhin gshegs pa'i stobs bcu rab tu dbye ba 'di dag thos nas/ de bzhin gshegs pa'i stobs bcu po 'di dag yongs su rdzogs par bya ba'i phyir/ ci nas kyang dge ba'i rtsa ba rnams la 'jug par bya'o// bcom ldan 'das la bu mo rin chen gyis yang 'di skad ces gsol to// bcom ldan 'das gang mi 'jigs pa bzhi dang / sangs rgyas kyi chos ma 'dres pa bco brgyad po 'di dag dge ba gang dag dang ji ltar ldan na byang chub sems dpa' mi 'jigs pa bzhi dang / sangs rgyas kyi chos ma 'dres pa bco brgyad rab tu thob par 'gyur/ bcom ldan 'das kyis bka' stsal pa/ bu mo 'di la byang chub sems dpa' byang chub sems dpa'i spyad pa spyod pa na/ gzhan gyis shes par mi bya'o snyam nas/ slob dpon nam yang chos kyi dpe mkhyud mi byed de/ sems can thams cad la sems snyoms pa yin/ bdog pa thams cad yongs su gtong zhing chos mnyam pa nyid du mthong ba yin/ tha dad pa'i 'du shes dang bral ba yin te/ de byang chub thob pa na seng ge'i sgra yang dag par sgrogs te/ nga yang dag par rdzogs pa'i sangs rgyas so zhes dam bcas pa la/
- 34b
chos 'di lta bu zhig mngon par rdzogs par sangs ma rgyas so zhes/ 'dir nga la dge sbyong ngam bram ze 'am/ lha'am bdud dam/ tshangs pa'am su'ang rung ste/ 'jig rten na chos dang mthun pas rgol bar 'gyur ba'i mtshan ma yang dag par rjes su mi mthong ngo / / mtshan ma de yang dag par rjes su ma mthong bas/ de bzhin gshegs pa bde ba brnyes/ 'jigs pa med pa brnyes pa dang / mi 'jigs pa brnyes pa yin te/ 'khor gyi nang du seng ge'i sgra yang dag par sgrog cing / khyu mchog gi gnas su zhal gyis 'che ste/ dge sbyong ngam/ bram ze 'am/ lha'am/ bdud dam/ tshangs pa'am/ gang gis kyang 'jig rten du chos dang mthun par ma bskor ba'i tshangs pa'i 'khor lo rab tu bskor ba 'di ni/ bu mo de bzhin gshegs pa'i mi jigs pa dang po'o// bu mo gzhan yang byang chub sems dpa' byang chub sems dpa'i spyad pa spyod pa na/ bar du gcod pa la bar du gcod pa'i chos su yang dag pa ji lta ba bzhin du rab tu shes te de bar du gcod pa'i chos la mi ston to// / mi 'jug go// mi spyod do// gzhan dag la yang mi 'chad do// mi ston to// bar du gcod pa'i chos su shes nas spong ngo // de byang chub thob pa na/ seng ge'i sgra sgrogs te/ gang nges bar du gcod po'i chos su gsungs pa de dag la sten pa la ni/ bar du gcod pa ma yin no zhes bya ba'i gnas med de/ 'dir nga la gang yang rgol bar 'gyur ba zhes bya ba ni snga ma bzhin te/
- 35a
'di ni mi 'jigs pa gnyis pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi chad par dkar po'i chos la mos yi te/ rnam par byang ba'i lam du zhugs shing / sems can thams cad la rnam par dag pa'i chos ston te/ yon tan gyi chos nyid mngon sum du gyur pa yin no// yan lag gi tshogs gang dag gis rnam par byang ba/ rnam par dag pa'i lam gnon par 'gyur ba'i yan lag gi tshogs de dag la bdag kyang spod/ sems can gzhan la yang ston to// de byang chub thob pa na/ seng ge'i sgra sgrogs te/ gang ngas rnam par byang ba/ rnam par dag pa'i chos su gsungs pa de dag la bsten pa la ni rnam par dag pa ma yin no zhes bya ba'i gnas med do// 'dir nga la su'ang rung rgol bar 'gyur zhes bya ba ni/ snga ma bzhin te/ 'di ni mi 'jigs pa gsum pa'o// bu mo gzhan yang byang chub sems dpa' byang chub sems dpa'i spyad pa spong pa na/ bdag gis shes shing mthong gi/ gzhan gyis mi shes mi mthong ngo // zhes mngon pa'i nga rgyal du nam yang mi ltung ste/ rtag tu rgyun mi chad par mngon pa'i nga rgyal med cing sdig pa 'byed pa blo sbyangs pa yin no/ / de chos kyi sbyin pa 'di dang ldan pas byang chub thob pa na/ seng ge'i sgra sgrogs te nga zag pa zad do zhes dam bcas pa la/ zag pa 'di lta bu zhig yongs su ma zad do zhes bya ba de lta bu'i
- 35b
gnas med de 'dir nga la su yang rgol bar 'gyur ba zhes bya ba ni snga ma bzhin te/ 'di ni mi 'jigs pa bzhi pa'o// bu mo gzhan yang byang chub sems dpa' byang chub sems dpa'i spyad pa spod pa na rtag tu rgyun mi chad par lam stor ba'i sems can rnams la/ lam 'tshol bar byed de lam gyi gam yo nas/ mtho dman mi mnyam pa mnyam par byed do// zam pa dang rdo stegs kyang 'odogs so// mtshan mo mun pa mun nag gi nang na/ de bzhin gshegs pa'i mchod rten la mar me yang 'bulo// sems can ltung ba'i 'gyod pa la gnas pa rnams kyi ltung ba'i 'gyod pa'i sel to// kun nas ltung ba med par byed do/ / gzhan gyi 'gyod pa mi skyed do// gzhan gyi ltung ba byung ba phreng bar mi byed do// chos la dogs pa skyes pa'i sems can rnams la dogs pa thams cad bcod pa'i phyir chos ston to/ / the tsom dang yid gnyis dang / nem nur med par byed do// chos kyi snang ba sgrub po// shes rab kyi snang ba chen po yang dag par skyed do// sangs rgyas dang byang chub sems dpa' dang / chos smra ba thams cad la chos bstan par gsol ba 'debs te/ chos yang dag par 'dzin cing rgyu med pa'i legs so zhes bya ba brjod do// sems can gang la yang mi 'bya'o/ / mthing mang mi byed do// chos la shing mi 'byed pa dang / sdang ba dang / mag myos pa dang / mongs par byed do// skye bo'i nges pa'i tshig la nga ba yar
- 36a
do/ tshig thams cad sangs rgyas kyi gsung du mos so// yi ge gsog dang / yi ge stong pa nyid kyi tshig tu brjod pa thams cad la skyon du lta ba ma yin no// 'khrul pa'i skabs tshol ba ma yin no// de chos yang dag par blangs pa 'di dang ldan pas byang chub thob pa na/ 'khrul pa med pa zhes bya ste/ dris pa thams cad lung bstan pa ston pa dag la de la de med cing / kun tu snang ba'i ting nge 'dzin shin tu sgoms pa'i phyir/ sgra skad thams cad du 'jug pa'i gzungs la mkhas pas/ rtag tu rgyun mi 'chad par de bzhin gshegs pa 'khrul pa med pa'i tshig gis chos ston pa yin te/ thams cad du khyad par lung ston pa 'di ni/ bu mo de bzhin gshegs pa'i sangs rgyas kyi chos ma 'dres pa dang po'o// bu mo gzhan yang byang chub sems dpa' byang chub sems dpa'i spyad pa spyod pa na/ tshig gi skyon thams cad spangs pa yin te/ bden pa smra/ chos smra/ don smra/ 'dul ba smra zhing / mu cor mi smra/ byubyang rgyal du mi smra ste/ 'phags pa ma yin pa'i gtam thams cad spangs nas/ 'phags pa'i mi smra ba thob cing / dge sbyong gi chos kyi bya ba rtsod pa med pa la zhugs te/ chos gang nyan cing yongs su tshol ba dang / gzhan la yang ston pa de dag thams cad bdag dang / gzhan dag zhi ba dang / nye bar zhi bar bya ba'i bsam pas yongs su tshol lo// rtsod pa med pa lhur len pa'i phyir/
- 36b
de su dang yang mi 'thab mi rtsod do// dgrar mi tshol lo// dgra med pa'i chos la mos pa yin no// brjod du med pa'i chos rnams la 'jug go// de bzhin gshegs pa'i ye shes lhun gyis grub pa la mngon par dad do/ / sems can gzhan yang chos nyid 'di yang dag par 'dzin du 'jug go// de chos yang dag par blangs pa 'di dang ldan pas/ byang chub thob pa na/ ca co med/ pa zhes bya ste/ de la de med pa yin no// de yi ge 'bru gcig kyang mi brjod cing mi smra la/ sgra skad thams cad kyang / nges pa'i tshig gis bstan pa dag la yang lhun gyis grub pa nyid du legs par bshad pas/ 'khor tshim par byed do// rnam par 'phrul pa'i rgyal po'i ting nge 'dzin shin tu bsgoms pa dang / sgo mtha' yas pa bsgrub pa'i gzungs la mkhas pas de bzhin gshegs pa'i gnas thams cad dang / mtshan thams cad dang / dpe byad bzang po thams cad dang / spu'i khung bu thams cad nas/ sangs rgyas kyi chos kyi sgra dbyangs bsam gyis mi khyab pa 'byung ste/ tha na sgra gcig gis kyang 'khor thams cad kyi sems tshim par byed pa'i chos kyi sgo dpag tu med pa bstan pa 'byung zhing / sngon gyi smon lam gyi byin gyis brlabs dang / ye shes kyi stobs kyis de na/ de bzhin gshegs pa rnam par mi rtog cing btang snyoms te/ lhun gyis grub pa 'di ni/ bu mo de bzhin gshegs pa'i sangs rgyas kyi chos ma 'dres pa gnyis pa'o//
- 37a
bu mo gzhan yang byang chub sems dpa' byang chub sems dpa'i spyang pa spyod par 'di lta ste/ sangs rgyas rjes su dran pa dang / chos rjes su dran pa dang / dge 'du rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa'i rjes su dran pa drug po dang mi 'bral ba yin no// sems can gzhan yang rjes su dran pa 'di dag yang dag par 'dzin du 'jug go/ / de chos yang dag par blangs pa 'di dang ldan pas/ byang chub thob pa na/ de bzhin gshegs pa la bsnyel ba med pa zhes bya ste/ de la de med pa yin no/ / chos thams cad la dbang sgyur ba'i ting nge 'dzin shin tu bsgoms pa dang / chos kyi sgron ma'i gzungs la mkhas pas/ rtag tu rgyun mi 'chad par de bzhin gshegs pa la bsnyel ba med pa'i chos can yin no/ / gal te sems can thams cad kyis bskal par bsams te snga phyi med par the tsom dri ba tha dad pa de bzhin gshegs pa la yongs su dris kyang / de 'di bshad do/ / 'di bstan to snyam du mi sems mi rtog la/ rtag tu ma rmongs shing dran pa'i dbang pos/ skad cig thang cig yud tsam gcig la legs par bshad pas/ sems can thams cad tshim par byed pa 'di ni/ bu mo de bzhin gshegs pa'i sangs rgyas kyi chos ma 'dres pa gsum pa'o// bu mo gzhan yang byang chub sems dpa' byang chub sems dpa'i spyad pa
- 37b
spyod pa na/ rtag tu rgyun mi 'chad par pha rol gyi sems srung ba yin te/ gzhan gyi sems 'khrug par mi byed/ sems gdung bar mi byed/ sems dmigs par mi byed/ dge ba'i rtsa ba'i bar du gcod par mi byed chos la dmigs par mi byed cing / chos thams cad sgyu ma lta bur mos te/ g.yo ba med/ rlom sems med cing sems can thams cad la sems snyoms pa yin/ chos mnyam pa nyid du mthong ste/ chos kyi dbyings 'brel pa med cing ro gcig pa la zhugs pa yin no// de chos yang dag par blangs pa 'di dang ldan pas byang chub thob pa na/ sems bskyed pa gcig tsam yang mnyam par ma bzhag pa med pa yin te/ chos thams cad rang bzhin gyis mnyam pa nyid rnam par spros pa med pa'i ting nge 'dzin shin tu bsgoms pa dang / kun nas 'khyil pa'i sgo gzungs la mkhas pas/ mnyam par bzhag cing lhun gyis grub pa'i tshul gyis/ de bzhin gshegs pa'i sangs rgyas kyi mdzad pa la 'jug pa 'di ni/ bu mo de bzhin gshegs pa'i sangs rgyas kyi chos ma 'dres pa bzhi pa'o/ / bu mo gzhan yang byang chub sems dpa' byang chub sems dpa'i spyad pa spyod pa na/ phyin ci log gi 'du shes med pa yin te/ sems phyin ci log med/ lta ba phyin ci log med/ med pa la slo 'dogs pa'i phyin ci log med pa yin/ bdag tu 'du shes pa ma yin/ sems can du 'du shes pa ma yin/ srog tu 'du shes pa ma yin//
- 38a
gso bar 'du shes pa ma yin/ gang zag tu 'du shes pa ma yin/ shed las skyes par 'du shes pa ma yin/ shed bur 'du shes pa ma yin/ chad par 'du shes pa ma yin/ rtag par 'du shes pa ma yin/ 'byung bar 'du shes pa ma yin/ 'jig par 'du shes pa ma yin/ dge ba dang / mi dge ba dang / kha na ma tho ba dang bcas pa dang / kha nam tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa la gnyis su 'du shes pa ma yin la/ 'du shes la chags shing zhen pa'i sems can rnams la 'du shes phyin ci log spong bar ston kyang che ba dang / tha dad pa'i 'du shes dang bral ba ma yin/ mthar lta ba thams cad rnam par spangs te/ dbu ma'i lam la zhugs pa yin/ chos mnyam pa nyid mthong ba yin no// de chos yang dag par blangs pa 'di dang ldan pas/ byang chub thob pa na/ de bzhin gshegs pa la tha dad pa'i 'du shes med pa zhes bya ste/ de la de med pa yin no// mtshan ma med pa'i ting nge 'dzin shin tu bsgoms pa dang / mi zad pa'i za ma to gi gzungs la mkhas pas/ de bzhin gshegs pa mtshan ma med pa'i gnas la gnas kyang / mtshan ma thams cad la 'du shes kyis
- 38b
'dzin pa dang / rnam par rtog pa la spyod pa'i sems can rnams la snying rje chen po mi ldog ste/ sems can 'dul ba'i dus la yang rub cing / chos ston pa'i rgyun yang mi gcod pa 'dra/ ni bu mo de bzhin gshegs pa'i sangs rgyas kyi chos ma 'dres pa lnga pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag par rgyun tu btang snyoms pa yin te/ 'khor ba na spyod pa'i nyon mongs shing / sdug bsngal ba'i chos thams cad la de btang snyoms pas bde ba dang yid bde ba thams cad kyi gnas kyi chos la rjes su chags pa yang med/ sdug bsngal ba dang / yid mi bde ba'i gnas kyi chos thams cad la khong khro ba yang med de/ de rjes su chags pa dang / khong khro ba dang bral bas don thams cad rnyed cing 'byor kyang / khengs par mi 'gyur/ don thams cad yongs su nyams kyang gdung bar mi 'gyur gyi/ 'du byed thams cad mi rtag pa dang / sdug bsngal bar so sor mi rtog cing bdag med pa dang / mya ngan las 'das pa ni zhi ba'o zhes mos pa/ btang snyoms pa yin no// sems can gzhan yang btang snyoms kyi chos nyid de lta bu yang dag par 'dzin du 'jug go// de chos yang dag par blangs pa 'di dang ldan pas/ byang chub thob pa na/ de bzhin gshegs pa la so sor ma brtags pa'i btang snyoms med pa zhes bya ba ste/ de la btang snyoms de med pa yin no//
- 39a
gnyis la chags pa las rnam par grol ba'i ting nge 'dzin du 'jug go// de chos yang dag par blangs pa 'di dang ldan pas byang chub thob pa na/ de bzhin gshegs pa la so sor ma brtags pa'i btang snyoms med pa zhes bya ba/ de la btang snyoms de med pa yin no// gnyis la chags pa las rnam par grol ba'i ting nge 'dzin shin tu bsgoms pa dang / rgya mtsho'i phyag rgya'i gzungs la mkhas pas/ de bzhin gshegs pa lha dang klu dang / gnod sbyin dang / dri za dang lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang / mi ma yin pa thams cad kyis bstod cing bsti stang du byas te/ mchod cing ri mor byas kyang rjes su chags pa med/ bdud dang gzhan mu stegs can dang / phas kyis rgol ba dang / 'tshe ba can gyi sems can thams cad kyis dkrugs shing / gnod par byas kyang / khong khro ba med la/ sems mtshungs shing mnyam pa yin te/ phan 'dogs pa dang / gnod par byas pa las dang mtshungs pa'i sems dang / chu dang mtshungs pa'i sems dang / me dang mtshungs pa'i sems dang / rlung dang mtshungs pa'i sems kyis khengs par mi 'gyur/ gdung bar mi 'gyur zhing mi 'khrugs te/ nam mkha' dang mtshungs pa'i sems kyis mnyam pa nyid du sbyor zhing sems can thams cad
- 39b
la btang snyoms par gnas pa yin no/ / de chos nges par sems pa'i btang snyoms 'di dang ldan pas/ sems can thams cad la snying rje chen po mi ldog ste/ sems can 'dul ba'i dus/ la yang rub cing ci rigs par chos ston pa'i rgyun yang mi gcod pa 'di ni/ bu mo de bzhin gshegs pa'i sangs rgyas kyi chos ma 'dres pa drug pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par 'dun pa drag pa yin te/ dge ba'i rtsa ba thams cad yongs su tshol ba la/ 'dun pa rlabs po che dang / 'dun pa chen po dang / 'dun pa zab mos dge ba'i rtsa ba sna tshogs bskyed par 'dun to// nyan thos dang / rang sangs rgyas kyi sa yongs su spong bar 'dun to// theg pa chen po las phyir mi ldog par 'dun to/ / sems can thams cad la snying rje chen po btang ba yid la byed pa mi 'dor bar 'dun to// rang gis rtog cing sgrub kyi/ gzhan gyi dring la mi 'jog par/ sangs rgyas kyi chos yang dag par sgrub par 'dun te/ bdud dang / gzhan mu stegs can dmigs pa can lta ba la mngon par zhen pa thams cad dang / sems can thams cad kyis de 'dun pa de las 'dun pa dang dpral bar mi nus so/ / de chos yang dag par blangs pa'ang dang ldan pas/ byang chub thob pa na/ de bzhin gshegs pa 'dun pa nyams pa med pa zhes bya ste/ de la de med pa yin no//
- 40a
'dun pa'i ting nge 'dzin dang / 'du byed kyi ting nge 'dzin shin tu bsgoms pa dang / rdo rje'i rgyal mtshan gyi gzungs la mkhas pas/ dbang bsgyur ba'i phyir chos thams cad kyi nang nas/ gang bstan par bya ba de ston to// gang du skad cig thang cig yud tsam gyis dus gang dang / nyi tshod gang dang / yul gzhan gang dang / sems can gyi sems kyi rgyud gang dang / gang la snod ji lta ba bzhin du ci rigs par chos ston kyang mnyam par bzhag pa'i gnas kyang mi 'dor ba 'di ni/ bu mo de bzhin gshegs pa'i sangs rgyas kyi chos ma 'dres pa bdun pa'o// / bu mo gzhan yang byang chub sems dpa' byang chub sems dpa'i spad pa spod pa na/ rtag tu rgyun mi 'chad par brtson 'grus brtsams pa yin te/ rtag tu brtson pa mi 'dor/ dge ba'i rtsa ba yang dag par bsgrub cing / sbyor bas ngoms mi myong / byin gyis brlabs pa'i rtsom pa la rtul cing bla ma dang / dge ba'i bshes gnyen dang / chos smra ba dang / sangs rgyas dang / byang chub sems dpa' thams cad kyi gan du 'gro la yongs su 'dri ba dang / bsnyen bkur bya ba dang / mchod pa'i las dang / bskal pa tshad med par 'khor ba yongs su gzung bar bya ba dang / sems can tshad med pa yongs su smin par bya ba dang / sangs rgyas kyi zhing tshad med pa yongs su sbyang ba dang / sangs rgyas tshad med pa la mchod cing rim gro bya ba dang / sangs rgyas kyi chos tshad
- 40b
med pa yang dag par gzung ba dang / sangs rgyas kyi chos tshad med pa mngon par rdzogs par byang chub par bya ba dang / sems can gyi spyod pa tshad med pa la 'jug par bya ba dang / sangs rgyas kyi chos tshad med pa bstan pa la mkhas par bya ba'i phyir/ des brtson 'grus de tshad med par byas pa yin no// de chos yang dag par blangs pa 'di dang ldan pas byang chub thob pa na/ de bzhin gshegs pa la brtson 'grus nyams pa med pa zhes bya ste/ de la de med pa yin no// brtson 'grus kyi ting nge 'dzin dang / 'du byed kyi ting nge 'dzin shin tu bsgoms pas/ sems can tshad med pa gzung cing / gdul ba'i phyir de bzhin gshegs pa'i rdzu 'phrul gyi cho 'phrul gyis/ rdzu 'phrul gyi cho 'phrul rnam par 'phrul pa/ khyu mchog tu gyur pa/ tshad med pa ston kyang de'i rdzu 'phrul de/ chags pa med pa/ sgrib pa med pa/ thogs pa med par sangs rgyas kyi zhing thams cad du 'gro ste/ mngon par phyogs kyang mngon par 'du byed pa med cing / thams cad du rgyu ba nam mkhas klas pa 'di ni bu mo de bzhin gshegs pa'i sangs rgyas kyi chos ma 'dres pa brgyad pa'o// bu mo gzhan yang byang chub sems dpa' byang chub sems dpa'i spad pa spyod pa na/ rtag tu rgyun mi 'chad par dran pa phun sum tshogs shing dran pa dang / shes bzhin mchog dang ldan pa yin te/ de'i dran pa de brjed pa med pa yin
- 41a
'jig rten dang / 'jig rten las 'das pa'i chos thams cad la dran pa nye bar gzhag pa bsgoms pa'i rnal 'byor la brtson pa yin no// de nang gi lus la lus kyi rjes su lta zhing gnas te/ mi rtag pa dang / sdug bsngal ba dang / bdag med pa dang / mi sdug pa'i rnam pa yid la byed cing sbyor ro// phyi'i lus dang / phyi nang gyi lus la lus kyi rjes su lta zhing gnas te/ mi rtag pa dang / sdug bsngal ba dang / bdag med pa dang / mi sdug pa'i rnam par yid la byed cing sbyor ro// nang gi tshor ba rnams la tshor ba'i rjes su lta zhing gnas te/ stong pa'i rnam par yid la byed cing sbyor ro// de bzhin du phyi'i tshor ba dang / phyi nang gi tshor ba rnams la/ tshor ba'i rjes su lta zhing gnas te/ stong pa'i rnam par yid la byed cing sbyor ro/ / nang gi sems la sems kyi rjes su lta zhing gnas te/ mtshan ma med pa'i rnam par yid la byed cing sbyor ro// phyi'i sems dang / phyi nang gi sems la sems kyi rjes su lta zhing gnas te/ mtshan ma med pa'i rnam par yid la byed cing sbyor ro// nang gi chos rnams la chos kyi rjes su lta zhing gnas te/ smon pa med pa'i rnam par yid la byed cing sbyor ro/ / phyi'i chos dang / phyi nang gi chos rnams la chos kyi rjes su lta zhing gnas te/ smon pa med pa'i rnam par yid la byed cing sbyor ro// lus la zhugs pa'i dran
- 41b
pa nye bar gzhag pa sgom ste/ mi rtag pa dang / sdug bsngal ba dang / bdag med pa dang / mi sdug pa'i rnam par yid la byed cing sbyor yang / de bzhin gshegs pa'i sku yongs su bsgrub pa'i phyir/ lus kyi las legs par sbyor ba'i rgyun yang mi gcod do// tshor ba la zhugs pa'i dran pa nye bar gzhag pa bsgom ste/ stong pa'i rnam par yid la byed cing sbyor yang ngan song thams cad du skyes pa'i sems can rnams la lta bas sdug bsngal gyi tshor ba thams cad rgyun gcod pa'i phyir/ sems can de dag la snying rje chen po'i rgyun yang mi gcod do// sems la zhum pa'i dran pa nye bar gzhag pa sgom ste/ mtshan ma med pa'i rnam par yid la byed cing sbyor yang byang chub kyi sems kyang mi brjed la theg pa chen po'i tshogs yang dag par sgrub pa'i rgyun yang mi gcod do/ / chos la zhugs pa'i dran pa nye bar bzhag pa sgom ste/ smon pa med pa'i rnam par yid la byed cing sbyor yang / 'dod chags dang bral ba'i chos nyid kyang mngon sum du mi byed la/ sangs rgyas kyi chos dang yang mtshams pa yin te/ chos kyi dbyings mtha' dang dbus med pa la yang dag par 'jug go// de chos yang dag par blangs pa 'di dang ldan pas/ byang chub thob ba na/ de bzhin gshegs pa la dran pa nyams pa med pa zhes bya ste/ de la de med pa yin no// spong ba'i 'du byed dang ldan pa'i ting nge 'dzin shin tu bsgoms pas/ de bzhin gshegs
- 42a
pa kun rjod pa'i cho 'phrul gyis/ sems can thams kyi mngon gyi mtha' dang / phyi ma'i mtha' dang / da ltar byung ba'i sems gcig nas gcig tu rgyud pa dang / dbang po dang khams dang / mos pa gcig nas gcig tu rgyud pa dang / nyon mongs pa spyod pa bag chags dang / bsam pa dang / bag la nyal dang / kun nas dkris pa dang / dge ba dang / mi dge ba'i las kyi rnam par smin pa gcig nas gcig tu rgyud pa dang / tshe dang 'chi 'pho dang / skye ba gcig nas gcig tu rgyud pa dang / bskal pa dang / zhing dus sangs rgyas gcig nas gcig tu rgyud pa dang / nyan thos 'dus pa dang / byang chub sems dpa'i spyod pa lung bstan pa gcig nas gcig tu rgyud pa dang / pha ma dang / nyen du dang / snag gi gnyen mtshams gcig nas gcig tu rgyud pa bstan pa la dran pa'i dbang po thogs pa med cing / rmongs pa med pa yin te/ thams cad du khyad par lung ston pa 'di ni/ bu mo de bzhin gshegs pa'i sangs rgyas kyi chos ma 'dres pa dgu pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi 'chad par shes rab spyod pa yin te/ shes rab kyi 'od dang / shes rab kyi snang ba dang / shes rab kyi spyod pa dang / shes rab kyi dbang po dang / rno ba'i shes rab dang /
- 42b
zab pa'i shes rab dang / nges par rtogs pa'i shes rab kyi/ mi thul ba'i shes rab dang / zil gyis mi non pa'i shes rab dang / nyan thos dang / rang sangs rgyas thams cad kyis gting dpag dka' ba'i shes rab dang / yangs shing rgya che la sems snyoms pa'i shes rab dang / lhag pa'i shes rab dang / bdag tshul bzhin yid la byed kyi gzhan gyis ma bstan pa'i shes rab dang / thos pa tshol bas ngoms mi myong ba'i shes rab can te/ thos nas kyang shes rab kyis khongs su chud cing rtogs te/ mgo'amathong pa la me 'bar ba bzhin du bsti stang du byed cing thos pa tshol ba thos pa snying por byed pa yin/ thos pa bsags pa yin/ chos 'dod cing chos kyi kun dga' la dga' ba mos pa yin/ dam pa'i chos yongs su tshol ba la brtson pa yin te/ de chos 'dod pa des phyi nang gi dngos po gang yang yongs su mi gtong ba med do// de bla ma la rim gro bya ba mi byed pa gang yang med do// de sdug bsngal gyi phung po mi bzod pa gang yang med do/ / de bde ba'i yo byad mi 'dor ba gang yang med do// de chos 'dod pa des tshig bzhi pa'i tshigs su bcad pa gcig nyan pa la shin tu dga' ba yin te/ stong gsum gyi stong chen po'i 'jig rten gyi khams rin po ches yongs su bkang ba la ni ma yin no// chos kyi tshig gcig la shin tu dga' ba yin te/ 'khor los sgyur ba'i rgyal po thab
- 43a
pa la ni ma yin no/ / pha rol tu phyin pa'i la mnyan pa la shin tu dga' ba yin te/ brgya byin dang / tshangs pa thob pa la ni ma yin no// tshig bzhi pa'i tshogs su bcad pa gcig gzhan dag la ston par byed pa la shin tu dga' ba yin te/ gang+gA'i klung gi bye ma snyed kyi gtan pa med pa'i mchod sbyin byed pa la ni ma yin no// gzhan la byang chub kyi sems yang dag par 'dzin du 'jug pa la ni shin tu dga' ba yin te/ 'khor los sgyur ba'i rgyal srid kad+hA'i klung gi bye ma snyed thob pa la ni ma yin no// gzhan dag la pha rol tu phyin pa dang rab tu ldan pa'i chos kyi gtam rab tu ston pa la dka' ba yin te/ brgya byin dang / tshangs pa gang+gA'i klung gi bye ma snyed dag thob pa la ni ma yin no// de lhag pa'i bsam pa de lta bu la zhugs pas bsti stang du byed cing chos nyan to/ / bsti stang du byed cing gzhan dag la ston to// de de ltar mngon par btsun pas/ tshogs chung ngur lha thams cad kyis yongs su bzung ba yin/ sangs rgyas thams kyis dgongs pa yin no/ / de las yongs su bzung zhing / sangs rgyas kyis dgongs pas 'jig rten pa dang / 'jog rten las 'das pa'i bstan bcos thams cad bdag nyid la mngon 'gyur ba yin no/ / de shes rab kyi snang ba'i gi zang mi shes pas sdang ba yin no// de chos snang ba'i sgo'adi dang ldan pas/ byang chub thob pa na/ de bzhin gshegs pa la shes rab nyams
- 43b
pa med pa zhes bya ste/ de la de med pa yin no// sems can thams cad kyi sems kyi spyod pa shes pa dang / dge ba dang mi dge ba dang / lung du ma bstan pa dang / kha na ma tho ba dang / bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa dang / rnam par byang ba dang 'khor ba dang / mya ngan las 'das pa dang / chos kyi sgo thams cad khong du chud cing rtogs pa bstan pa shes pa dang / zhing thams cad kyi rdul phra rab thams cad dang / mnyam pa'i bskal pa bstan pa shes pa dag la/ de'i shes rab de thogs pa med cing sgrib pa med pa yin no// de'i shes rab de sngon gyi mtha' dang / phyi ma'i mtha' dang / da ltar byung ba'i dus la chags pa med cing sgrib pa med de/ thams cad du thogs pa med do// phyi ma'i mthar de bzhin gshegs pa rnams la bstan kyang thogs pa med do// dpyod pa'i 'du byed kyi ting nge 'dzin shin tu bsgoms pas/ rjes su bstan pa'i cho 'phrul gyis de bzhin gshegs pa'i sgo gcig las/ chos kyi sgo thams cad snang zhing / chos kyi sgo thams cad chos kyi sgo gcig gis yang dag par sgrub pa 'di ni/ bu mo de bzhin gshegs pa'i sangs rgyas kyi chos ma 'dres bcu pa'o// bu mo gzhan yang byang chub sems dpa' byang chub sems dpa'i spyad pa spyod pa na/ rtag tu rgyun mi
- 44a
'chad par khyim gyi gnas don du mi gnyer ba yin/ 'dod pa don du mi gnyer ba yin te/ de mngon par byung bar dga' zhing rab tu 'byung ba mang ba yin/ dben pa la gzhol/ dben pa la 'bab/ dben pa la bab cing chos zab mo bsgom pa'i rnal 'byor la brtson te/ de stong pa nyid dang / mtshan ma med pa dang / smon pa med pa dang / rnam par thar pa'i sgo gsum po de dag bsgom mo/ / gang phas kyi rgol ba thams cad kyis yul ma yin zhing mi rtogs pa dang / dmigs par blta ba mtshan ma la mngon par dga' ba thams cad kyis rtogs par mi 'gyur ba'i rnam par thar pa'i sgo gsum po de dag bsgoms pas/ sgrib pa med pa zhes bya ba'i rnam par thar pa kun tu skye'o// chags pa med pa'i shes rab kyi snang ba yang rab tu thob ro/ bdud kyi yul las kyang shin tu 'da'o// ye shes kyi yul yang yongs su rdzogs par byed do// sgrib pa dang / chod pa dang / kun nas dkris pa dang lta ba dang / kun nas nyon mongs pa dang / mtshan ma thams cad la mi spyod do// de sgrib pa med pa'i rnam par thar pa gsum thob cing / rnam par thar pa'i sgo gsum la rnam par rtsen pas/ chos zab mo rton pa yin no// don la rton pa yin gyi/ tshig 'bru la rton pa ma yin no// ye shes la ston pa yin gyi/ rnam par shes pa la rton pa ma yin no// nges pa'i don la rton pa yin gyi/ drang ba'i don la rton/
- 44b
pa ma yin no// chos nyid la rton pa yin gyi/ gang zag la rton pa ma yin no// sems can thams cad kyi rten du gyur pa yin te/ yi ge dang / rnam par rtog pa la chags// zhe na/ pa la don la rton pa bstan nas/ yongs su thar par byed do// rnam par shes pa'i mtshan ma la chags/ zhen pa la ye shes la rton pa bstan nas/ yongs su thar bar byed do// drang bar sgro btags pa la chags/ zhen pa la nges pa'i don la rton pa bstan nas yongs su thar bar byed do// gang zag la mngon par zhen cing chags/ zhen pa la chos nyid la ston pa bstan nas yongs su thar bar byed do/ / lta bar song ba drug cu rtsa gnyis la chags/ zhen pa la stong pa nyid bstan nas/ yongs su thar bar byed do// rnam par rtog pa'i sgrib pa thams cad la chags/ zhen pa la mtshan ma med pa la bstan nas yongs su thar bar byed do// khams gsum pa la chags/ zhen pa la smon pa med pa bstan nas yongs su thar bar byed do/ / 'dod chags kyis chags/ zhen pa la mi sdug pa'i rnam par bstan nas/ yongs su thar bar byed do// zhe sdang sprod pa la chags// zhen pa la byams pa bstan na yongs su thar bar byed do/ / gti mug spyod pa la chags/ zhen pa la rten cing 'brel bar 'byung ba bstan nas yongs su thar bar byed do// ser sna la chags/ zhen pa la sbyin pa'i pha rol tu phyin pa
- 45a
bstan nas/ yongs su thar bar byed do// 'chal pa'i tshul khrims la chags/ zhen pa la tshul khrims kyi pha rol tu phyin pa bstan nas/ yongs su thar bar byed do/ / gnod sems la chags/ zhen pa la gzod pa'i pha rol tu phyin pa bstan nas/ yongs su thar bar byed do// le lo la chags/ zhen pa la brtson 'grus kyi pha rol tu phyin pa bstan nas/ yongs su thar par byed do// g.yeng ba la chags/ zhen pa la bsam gtan gyi pha rol tu phyin pa bstan nas/ yongs su thar par byed do// 'chal nga'i shes rab la chags/ zhen pa la shes rab kyi pha rol tu phyin pa bstan nas/ yongs su thar bar byed do// so so'i skye bo rnams la chags/ zhen pa la 'phags pa'i bden pa bstan nas/ yongs su thar bar byed do// phyin ci log la chags/ zhen pa la mi rtag pa dang / sdug bsngal ba dang / bdag med pa dang / zhi ba bstan nas yongs su thar par byed do/ / sgrib pa dang chod pa dang / kun nas dkris pa dang / ldan pa thams cad la chags/ zhen pa la sgrib pa med pa'i rnam par thar pa bstan nas/ yongs su thar bar byed do/ / nyon mongs pa thams cad la chags/ zhen pa la byang chub kyi phyogs kyi chos bstan nas yongs su thar bar byed do// de chos yang dag par blangs pa 'di dang ldan pas byang chub
- 45b
thob pa na/ de bzhin gshegs pa rnam par grol ba nyams pa med pa zhes bya ste/ de la de med pa yin no// de'i rnam par grol ba de mi 'khrugs shing / shin tu mthar thug ste/ dpa' rlabs med la shin tu bsil ba'i dngos por gyur cing zab ste/ nyan thos dang / rang sangs rgyas thams cad kyis gting dpag dka' ba yin/ sangs rgyas thams cad dang mnyam pa nyid kyi rjes su song ba yin/ dri ma med cing dri ma dang bral te/ rnyog pa med la shin tu yongs su dag pa yin/ zhi gnas dang / lhag mthong gi sa rnams la shin tu yongs su sbyang ba byas pas zad mi shes pa yin/ bstan pa mtha' yas mu med pa yin/ chags pa med cing sgrib pa med pa yin/ nam mkha'i dbyings su yang dag par 'du ba yin te/ dri ma med pa'i snying po'i ting nge 'dzin shin tu bsgoms pa dang / chos thams cad snang ba dang ldan pa'i gzungs la mkhas pas de bzhin gshegs pa thams cad kyis rnam par grol ba'i mtshan nyid kyi chos bstan pa dang rgyu mthun pa yin te/ thams cad las byung zhing / chos thams cad kyi snang ba dang ldan pa yin/ mya ngan las 'das pa la gzhol ba yin/ mya ngan las 'das pa la bab pa yin/ mya ngan las 'das pa la 'bab pa yin te/ shin tu mthar thug cing / shin tu mthar phyin pa 'di ni/ bu mo de bzhin gshegs pa'i sangs rgyas kyi chos ma 'dres pa bcu gcig pa'o// bu mo gzhan
- 46a
yang byang chub sems dpa' byang chub sems dpa'i spyad pa spyod pa na/ ye shes lhur len pa yin te/ ye shes kyi stobs dang / ye shes kyi mtshon cha dang / ye shes kyi byin dang ldan pa yin no/ / de'i ye shes de ni nyams pa med par 'gro ba'i mngon par shes pa yongs su sbyang ba byas pa las/ nges par byung ba'o// thams cad mkhyen pa'i ye shes kyis rnam par dpyod pa'i blo dang ldan pa yin te/ thams cad mkhyen pa'i ye shes kyis rnam par dpyod pa'i blo dang ldan pas/ 'dod chags dang bcas pa'i sems la yang / 'dod chags dang bcas pa'i sems su yang dag pa ji lta ba bzhin du rab tu shes so/ / 'dod chags dang bral ba'i sems la yang 'dod chags dang bral ba'i sems su yang dag pa ji lta ba bzhin du rab tu shes so/ / de bzhin du zhe sdang dang bcas pa dang / zhe sdang med pa dang / gti mug dang bcas pa dang / gti mug med pa dang / nyon mongs pa dang bcas pa dang / nyon mongs pa med pa dang / 'khor byed dang bcas pa dang / 'khor byed med pa dang / zang zing dang bcas pa dang / zang zing med pa dang / mchog tu 'dzin pa dang // mchog tu 'dzin pa med pa dang / bla ma dang bcas pa dang / bla ma med pa dang / sgrib pa dang bcas pa dang / sgrib pa med pa dang / lung du bstan pa dang / lung du ma bstan pa dang / dge ba dang / mi dge ba dang / kha na ma tho ba dang bcas pa dang / kha na
- 46b
ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa dang / kun nas nyon mongs pa can dang / kun nas nyon mongs pa can ma yin pa dang / rnam par dag pa dang / rnam par ma dag pa dang / chung ngu dang / chen po 'gyur ba dang / mtha' dang bcas pa dang / mtha' yas pa dang / ser sna dang ldan pa dang / gtong ba dang ldan pa dang / tshul khrims 'chal ba'i sems dang / tshul khrims la sbyor ba'i sems dang / gnod sems kyi bag la nyal dang / gnod sems med pa dang / le lo dang / brtson 'grus dang ldan pa dang / g.yeng ba dang / mnyam par bzhag pa dang / 'chal ba'i shes rab dang / shes rab dang ldan pa dang / so so'i skye bo'i sems dang / log pa nyid du nges pa dang / yang dag pa nyid du nges pa dang / nyan thos kyi theg par nges pa dang / rang sangs rgyas kyi theg par nges pa dang / theg pa chen por nges pa dang / yang dag pa ji lta ba bzhin du rab tu shes so// 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so// 'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes yang dag pa ji lta ba bzhin du rab tu shes so// de mi skye ba shes pas
- 47a
sdug bsngal 'phags pa'i bden pa rab tu shes so/ / shin tu kun tu mi rgyu ba shes pas/ kun 'byung ba rab tu shes so// chad pa med cing rtag pa med pa shin tu skad cig pa/ 'gog pa shes pas/ 'gog pa rab tu shes so// thams cad kyi rjes su song ba/ nam mkhar yang dag par 'du ba/ bdag gi ba med cing yongs su 'dzin pa med pa/ shin tu rnam par dag pa'i shes pas lam rab tu shes so// de 'phags pa'i bden pa bzhi po 'di dag de ltar yang dag pa ji lta ba bzhin du rab tu shes kyang / sems can yongs su smin par bya ba'i phyir mngon sum du yang mi byed la/ bden pa yongs su shes pa dang / spang ba dang / bsgom pa dang / mngon sum du bya ba'i phyir sems can rnams la chos ston to// / de'i chos bstan pa de bden pa'i rjes su mthun pa yin/ rten cing 'brel par 'byung ba dang / 'gal ba med pa yin/ mthar lta ba thams cad yongs su spangs pa yin/ dbu ma'i lam la zhugs pa yin/ rten pa'i chos mngon sum du gyur pa yin te/ de chos thams cad rgyu dang bcas shing / rkyen dang bcas pa'i kha na las kyi bdag gi kha na las pa ma yin/ sems can gyi kha na las pa ma yin/ srog gi kha na las pa ma yin/ gso ba'i kha na las pa ma yin/ skyes bu'i kha na las pa ma yin/ gang zag gi kha na las pa ma yin par rab tu
- 47b
shes so/ / de ma rig pa'i rkyen gyis 'du byed rnams su rab tu shes so// 'du byed kyi rkyen gyis rnam par shes pa dang / rnam par shes pa'i rkyen gyis/ ming dang gzugs dang / ming dang gzugs kyi rkyen gyis/ skye mched drug dang / skye mched drug gi rkyen gyis/ reg pa dang / reg pa'i rkyen gyis/ tshor ba dang / tshor ba'i rkyen gyis sred pa dang / sred pa'i rkyen gyis len pa dang / len pa'i rkyen gyis srid pa dang / srid pa'i rkyen gyis skye ba dang / sme ba'i rkyen gyis rga shrI dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ba rab tu shes so// de ma rig pa 'gag pa nas/ rga shi 'gag pa'i bar dang / de ltar sdug bsngal gyi phung po chen po sa 'dres pa 'di 'gag par gyur par rab tu shes so// de 'di la yang dag par slob pa na/ gang ma rig pa'i rkyen las byung ba de ni/ bdag gi rkyen las byung ba ma yin/ sems can gyi rkyen las byung ba ma yin/ srog dang / gso ba dang / gang zag gi rkyen las byung ba ma yin no/ / gang bdag gi rkyen las byung ba ma yin pa nas/ gang zag gi rkyen las byung ba ma yin pa'i bar de ni stong pa'o// stong pa gang yin pa de ni chad pa ma yin/ rtag pa ma yin no//
- 48a
chad pa ma yin/ rtag pa ma yin pa gang yin pa de ni gdong ma ny-id nas sa skyes ma byung ba'o// gdongs nyid nas su skyes/ sa byung ba gang yin pa don+ta/ dus gsum du brjod du med do/ / dus gsum du brjod du med pa gang yin pa de ni dngos po med pa'i ngo bo nyid do// dngos po med pa'i ngo bo nyid gang yin pa de ni bgrang ba med cing / bgrang pa las shin tu 'das pa'o/ / bgrang ba med cing / babrang ba las shin tu 'das pa gang yin pa de ni don dam pa'o// don dam pa gang yin pa de ni/ sangs rgyas kyi bka' yang dag pa'o/ / sangs rgyas kyi bka' yang dag pa gang yin pa de ni 'thab pa med cing brtso pa med pa'o// 'thab pa med cing / rtsod pa med pa gang yin pa de ni dge sbyong gi chos so// dge sbyong gi chos gang yin pa de ni/ nam mkha' dang mtshungs pa'i rang bzhin du des de ltar shes shing gnas te/ tshul bzhin ma yin pa kun 'byung bas/ ma rig pa kun 'byung bar rab tu shes so/ ma rig pa 'gag pa nas/ rga shi 'gag pa'i bar du rab tu shes te/ rma dang / rkyen tshogs pa'i shes pas/ chad par lta bar sbyor ba ma yin gyi/ bdag med pa dang sems can med pa dang / srog med pa dang / gang zag med pa'i chos kyi rjes su ba yin te/ mtha' khas mi len/ nye bar mi 'dzin/ mi dmigs so// mtha' mi dmigs
- 48b
pas dbus mi dmigs/ yang dag par rjes su mi mthong ngo // chos gang la mtha' mi dmigs pa de la dbus yod par ga la 'gyur te/ de'i mtha' ci 'dra ba zhig snyam nas/ mtha' dang / dbung med pa'i chos rnams la 'jug go// chos kyi dbyings mtha' dang / dpung dang bral bas/ mtha' dang dpung med pa'i chos ston pa yin no// de chos yang dag par blangs pa 'di dang ldan pas/ byang chub thob pa na/ de bzhin gshegs pa la rnam par grol ba'i ye shes mthong ba nyams pa med pa zhes bya ste/ de la de med pa yin no// stobs bskyed pa'i ting nge 'dzin shin tu bsgoms pa dang / mtha' yas 'khyil ba'i gzungs la mkhas pas/ de'i rnam par grol ba'i ye shes mthong ba de/ chos kyi dbyings mtha' dang / dpung med par yang dag par 'du ba yin/ gnas dang gnas ma yin pa bstan pa rnams la/ nam mkha'i dbyings ltar rgya che zhing rnam par mi rtog la/ lhun gyis grub pa yin/ 'das pa dang / ma 'ongs pa dang / da ltar byung ba'i las yang dag par blangs pa shes pa bstan pa rnams la/ rnam par smin pa chud mi za bar ston pa yin/ sems can thams cad kyi dbang po dang brtson 'grus kyi rim pa shes pa bstan pa rnams la mngon sum du gyur pa yin/ khams dum pa dang / khams sna tshogs pa'i 'jig rten bstan pa rnams la/ shin tu rnam par nges
- 49a
par ston pa yin/ mos pa du ma dang / mos pa sna tshogs shes pa bstan pa rnams la mi zad par ston cing 'jug pa yin/ kun tu 'gro ba'i lam shes pa bstan pa/ rnams la phyogs kyi dri ba thams cad rnam par dbye ba rgyas par byed cing / khyad par lung ston pa yin/ bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldan pa shes pa bstan rnams la/ chos kyi sgo bsam gyis mi khyab pa rnam par gzhag pa ston pa yin/ sngon gyi gnas rnamapa du ma rjes su dran pa thog pa med cing she ba bstan pa rnams la/ sems can thams cad kyi 'chi 'pho dang / tshe dang / skye ba rab 'bring tha ma thog ma'i mthar chags pa med cing / sgrib pa med pa'i ye shes ston pa yin/ thogs pa med cing sgrib pa med pa'i lha'i mi gshes pa bstan pa rnams la/ kun tu rnam par lta ba thams cad du shin tu yongs su sbyangs pa'i lung bstan pa ston pa yin/ zag pa thams cad zad pa shes pa bstan pa rnams la/ bag chags kyis mtshams sbyor bar ma lus par spang ba shes pa ston pa yin/ mi 'jigs pa shes pa bstan pa rnams la zil gyis mi non pa ston pa yin/ snying rje chen po'i stobs shes pa bstan pa rnams la/ sangs rgyas kyi mdzad pa thams cad du tha dad du bya ba med cing sbyor ba mtshungs shing mnyam pa/ rgyun mi gcod
- 49b
pa ston pa yin/ so so ci rigs par chos bstan pa rnams la/ lhun gyis grub pa'i ye shes kyis rnam par 'phrul pa bstan pa yin/ sems can thams cad yongs su smin par byed cing 'dul ba'i phyir/ mi zad pa'i chos kyi 'khor lo rab tu bskor ba'i ye shes kyi yul bstan pa rnams la zab mo dang / sna tshogs dang 'phrugs pa dang sbrel zhing rgyu ba dang / shes rab dang thabs dang / stobs dang / rnam par 'phrul pa'i ye shes ston pa yin/ nyan thos dang / rang sangs rgyas thams cad dang / thun mongs ma yin pa yin te/ bu mo 'di ni de bzhin gshegs pa'i sangs rgyas kyi chos ma 'dres pa bcu gnyis pa'o/ / bu mo gzhan yang byang chub sems dpa' byang chub sems dpa'i spyad pa spyod pa na/ ye shes kyis byas pa'i las rnams byed kyi/ nga rgyal gyis byas pa rnams mi byed de/ de ye shes kyis lus kyi las byed pa ni 'di lta ste/ 'khu ba dang / g.yo dang / gya gyu dang / tshul 'chos pa thams cad mi byed do// sdang ba med cing chags pa med pa yin/ rtag tu tshangs par spyod cing / de lus kyi las kyi brtson 'grus brtsams pas byang chub dang 'thun te/ bdag dang gzhan la gnod pa'i mi byed pa yin/ pha rol tu phyin pa'i rgyu mthun pa'i snying rje chen po la sbyor zhing / rtag tu sems can gyi don la brtson te/ lus kyi las de lta bu dang ldan pa yin no// de chos yang dag par
- 50a
blangs pa 'di dang ldan pas/ byang chub thob pa na de bzhin gshegs pa'i lus kyi las thams cad ye shes sngon du 'gro zhing / ye shes kyi rjes su 'brang ba zhes bya ste/ de la de yod do// gzugs thams cad kun tu ston pa'i ting nge 'dzin shin tu bsgoms pa dang / kun nas snang ba'i gzungs la mkhas pas/ de bzhin gshegs pa'i kha dog du ma dang / kha dog sna tshogs dang / gzugs dang dbyibs dang / chu zheng ston pa'i lus kyis lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / bram ze dang / rgyal rigs dang / rje'u rigs dang / dmangs rigs dang / dge slong dang / dge slong ma dang / dge bsnyen dang / dge snyen ma dang / srog chags brgya stong du ma lhags pa'i 'khor 'dus pa thams cad du spyod lam tshang med pa dang / kha dog dang / rtags dang / dbyibs gnas pa/ mchog dam pa gtso bo gya nom pa'i lus bstan nas/ thams cad dang ldan pa'i 'khor la chos kyi gtam yang dag par ston to// yang dag par 'dzin du 'jug go// yang dag par gzengs bstod do// yang dag par dga' bar byed do// yang dag par bstan/ yang dag par 'dzin du bcug/ yang dag par
- 50b
gzengs bstod/ yang dag par dka' bar byas nas/ mi snang bar byed do// mi snang bar gyur kyang song bar shes pa yang med do// 'khor 'dus pa de dag tu 'dus shing 'dug ste/ smra 'am cang mi smra ba yang rung / 'ong bar shes pa yang med do// de la lta bas kyang ngoms mi myong ngo // des bstan pa la dga' ba dang / mchog tu dga' ba rab tu rgya chen po yang rnyed do/ / 'dod pa la dga' zhing rtse ba dang / yul dang / longs spyod thams cad la mi lta ba yid la byed cing sbyor ro// mi snang bar gyur na lta ba dang / mnyan pa'i phyir skom par 'gyur ro/ / de la lta bas skom pa dang / lta 'dod pa dang / chos nyan pas skom pa dang / chos nyan par 'dod pa de yang / zag pa med pa'i lus kyi las dang / ngag gi las dang yid kyi las thob pa'i rgyur 'gyur te/ bu mo 'di ni de bzhin gshegs pa'i sangs rgyas kyi chos ma 'dres pa bcu gsum pa'o// bu mo gzhan yang byang chub sems dpa' byang chub sems dpa'i spyad pa spyod pa na/ ye shes kyis byas pa'i las rnams byed kyi/ nga rgyal gyis byas pa rnams mi byed de/ de ye shes kyi ngag gi las byed pa ni/ 'khu ba dang / g.yo dang / gya gyu dang / tshul 'chos pa thams cad mi byed de/ bden par smra zhing phra ma dang / ngag rtsub po dang / tshig 'khyal pa mi smra ba yin/ phan pa'i tshig dang / ran pa'i tshig dang
- 51a
chos kyi tshig dang / de'i tshig de dag smras te tshig des bdag dang / gzhan la gdung bar mi 'gyur ro// tshig gang sangs rgyas kyis rjes su snang ba don dang ldan pa'i tshig smra ste/ tshig des sems can thams cad tshim par byed do// de mi gshe mi 'tshig ste/ ye shes dang rab tu ldan pa'i tshig dang ldan pa yin gyi/ nga rgyal dang rab tu ldan pa ma yin/ no// de chos yang dag par blangs pa 'di dang ldan pas/ byang chub thob pa na/ de bzhin gshegs pa ngag gi las thams cad ye shes sngon du 'gro zhing ye shes kyi rjes su 'brang ba zhes bya ste/ de la de yod do// rin po che'i 'byung gnas kyi ting nge 'dzin shin tu bsgoms pa dang / 'khor gsum gyi gzungs la mkhas pas/ de bzhin gshegs pa ngag gi las ci yang mi brjod kyang de skad thams cad las sgra snyan dang / 'khor thams cad kyi sems kyi bsam pa tshim par byed pa'i sgra byung ngo // de bzhin gshegs pa de dag thams cad kyi gsung sgra dang dbyangs ni don dang ldan pa/ chos dang ldan pa/ bden pa dang mthun pa/ rten cing 'brel par 'byung ba dang mi 'gal ba/ yid 'byung ba dang / 'dod chags dang bral ba dang mthun pa nye bar zhi bar 'gyur ba 'bras bu yod pa nas mya ngan las 'das pa'i bar gyi rgyur gyur pa yin te/ bu mo 'di ni de bzhin gshegs pa'i sangs rgyas kyi chos ma 'dres pa bcu bzhi pa'o//
- 51b
bu mo gzhan yang byang chub sems dpa' byang chu sems dpa'i spyad pa spyod pa na/ rtag tu rgyun mi 'chad par ye shes kyis byas pa'i las rnams byed kyi/ nga rgyal gyis byas pa'i las rnam mi byed de de ye shes kyis yid kyi las byed pa ni/ 'khu ba dang / g.yo dang / gya gyu dang / tshul 'chos pa thams cad mi byed do// brnab sems dang / gnod sems dang / log par lta ba dang bral zhing yang dag par lta ba yin/ byams pa dang / snying rje la gnas te/ sems can thams cad la sems snyoms shing / byang chub kyi sems brjed pa med pa yin no// de ye shes dang rab tu ldan pa'i yid dang ldan pa yin gyi/ nga rgyal dang rab tu ldan pa ma yin no// de chos yang dag par blangs pa 'di dang ldan pas byang chub thob pa na/ de bzhin gshegs pa'i yid kyi las thams cad ye shes sngon du 'gro zhing ye shes kyi rjes su 'brang ba zhes bya ste/ de la de yod do// da ltar byung ba'i sangs rgyas mngon sum du bzhugs pa'i ting nge 'dzin shin tu bsgoms pa dang / brnag pa rnyog pa med pa'i gzungs la mkhas pas/ de bzhin gshegs pa'i sems gcig gis/ sems can thams cad kyi sems rab tu shes so// sems can thams cad sgyu ma lta bu dang / sems can thams cad rang bzhin gyis 'od gsal ba'i phyir/ rang gi sems mnyam pa nyid kyis sems can thams cad kyi sems mnyam pa nyid du khong du chud
- 52a
pa yin no/ / sems can thams cad kyi sems mnyam pa nyid kyis rang gi sems mnyam pa nyid du khong du chud pa yin no// lus thams cad gzugs brnyan lta bu'i phyir// rang gi chos nyid kyis sems can thams cad kyi lus kyi chos nyid khong du chud pa yin no// sems can thams cad kyi lus kyi chos nyid kyis/ rang gi lus kyi chos nyid khong du chud pa yin no// rang gi lus sems can thams cad kyi lus kyi rjes su 'jug cing yang dag par 'du ba yin no// sems can thams cad kyi lus rang gi lus kyi rjes su 'jug cing yang dag par 'du ba yin no// sems can thams cad kyi lus/ sangs rgyas kyi skur byin gyis brlob po// de'i byin gyis brlabs de ni/ lha dang bcas pa'i 'jig rten dang / bdud dang bcas pa dang / tshangs par bcas pa dang / dge sbyong dang / bram zer bcas pa'i skye dgu dang / lha dang / mi dang / lha ma yin du bcas pa'i 'jig rten gang gis kyang / g.yos pa 'am/ bskyod par mi nus te/ bu mo 'di ni de bzhin gshegs pa'i sangs rgyas kyi chos ma 'dres pa bco lnga pa'o// bu mo gzhan yang byang chub sems dpa' byang chub sems dpa'i spyad pa spyod pa na/ 'das pa'i de bzhin gshegs pa rnams kyi ye shes chags pa med pa thos na/ mos shing yid ches te/ the tsom mi za/ nem nur med cing mi skrag la kun tu mi skrag cing / mi dngang la/ kun tu dang
- 52b
bar mi 'gyur te/ sangs rgyas kyi yul bsam gyis mi khyab pa la yang mos pa yin no// de bzhin gshegs pa dgra bcom pa yang dag par rdzogs pa'i sangs rgyas de dag gi lus kyi las dang lus kyi spyod lam yongs su dag pa chags pa med cing sgrib pa med pa/ 'jig rten gyi khams rab 'byams thams cad kyi rjes su song ba la mos so// 'das pa'i de bzhin gshegs pa de dag gi ngag gi las 'jig rten gyi khams thams cad du khyab pa'i dbyangs sgra brjod pa chags pa med cing sgrib pa med pa bsam gyis mi khyab pa thams cad dang / sangs rgyas kyi sgra skad dang / dbyangs dang chos kyi sgo tshad med pa bstan pa thams cad kyi rjes su song ba la mos so/ / 'das pa'i de bzhin gshegs pa de dag gi sems kyi las dus thams cad dang / zhing thams cad dang / sangs rgyas thams cad dang / chos thams cad dang / sems can thams cad dang / byang chub sems dpa' thams cad dang / nyan thos dang / rang sangs rgyas thams cad dang / 'gro ba thams cad kyi las kyi rnam par smin pa shin tu rnam par phye ba/ rnam par 'byed pa la mos so// 'das pa'i de bzhin gshegs pa de dag gi 'od zer gyi dra ba bkod pa chags pa med cing sgrib pa med pa la yang mos shing yid ches te/ the tsom mi za nem nur med cing mi skrag la/ kun tu mi skrag cing / mi dngangal kun tu dngang bar mi 'gyur te/ sangs rgyas kyi yul bsam
- 53a
kyis suM khyab pa la yang mes so/ / sems can gzhan byung / mos pa'i chos nyid sa pa d-i sa yang dag par 'dzin sa 'jugs/ chos ya du ra ca/ pa 'di dang ldan pas byang chub thob pa na/ 'das pa'i dus la de bzhin gshegs pa'i ye shes mthong ba/ chags pa med cing thogs pa med pa la 'jug pa zhes bya ste/ de la de yod do// dpa' bar 'gro ba'i ting nge 'dzin shin tu bsgoms pa dang / gzi brjid dang ldan pa'i gzungs la mkhas pas/ de bzhin gshegs pa 'das pa'i de bzhin gshegs pa rnams kyi mtshan tha dad pa dang / tshe'i tshad tha dad pa go rims bzhin du brjod pa'i mtha' ni mi rtogs so// de bzhin du 'das pa'i byang chub sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spyod pa rnams dang / sems can gyi spyod pa byed pa'i las kyi rnam par smin pa so sor myong ba rnams dang / de bzhin/ du 'das pa'i bskal pa thams cad de/ bskal pa gang dag sangs rgyas dang bcas pa dag dang / bskal pa gang dag sangs rgyas med pa dag dang / bskal pa gang la de bzhin gshegs pa dgra bcom pa yang dag par rdzogs pa'i sangs rgyas ji snyed byung ba'i bskal pa de dag go rims bzhin du brjod pa'i mtha' ni mi rtogs so/ / de bzhin du 'das pa'i 'jig rten gyi khams
- 53b
thams cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dag dang / gang dag chung ba dag dang / gang dag chen por 'gyur ba dag dang / gang dag phra ba dag dang / gang dag rags pa dag dang / gang dag rdul phra rab la 'jug pa'i rjes su zhugs pa dag dang / gang dag spyi'u tshugs dag dang / gang dag mthun pa dag dang / gang ngag phyogs dang / phyogs mtshams rnam par gzhag pa dang / mig 'phrul rnam par dbye ba la 'jug pa'i rjes su zhugs pa la 'das pa'i 'jig rten gyi khams de dag thams cad go rims bzhin du brjod pa'i mtha' ni mi rtogs so/ / de la de bzhin gshegs pa lung bstan pa thams cad la rmongs pa med de/ lag mthil dang sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo 'di ni de bzhin gshegs pa'i sangs rgyas kyi chos ma 'dres pa bcu drug pa'o// bu mo gzhan yang byang chub sems dpa' byang chub sems dpa'i spyang pa spyod pa na// ma 'ongs pa'i de bzhin gshegs pa rnams kyis ye shes chags pa med pa thos nas/ mos shing yid ches te/ the tsom mi za/ nem nur med cing mi skrag/ mi dngang / dngangab mi 'gyur sangs rgyas kyi yul bsam gyis mi khyab pa la yang mos pa yin no/ / ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag gi lus dang / lus kyi/
- 54a
las dang / lus kyi spyod lam yongs su dag pa chags pa med cing sgrib pa med pa/ 'jig rten gyi khams rab 'byams thams cad kyi rjes su song ba la mos so// ma 'ongs pa'i de bzhin gshegs pa de dag gi ngag gi las 'jig rten gyi khams thams cad du khyab pa'i dbyangs sgra brjod pa/ chags pa med cing sgrib pa med pa la bsam gyis mi khyab pa thams cad dang / sangs rgyas kyi sgra skad dang / dbyangs dang / chos kyi sgo tshad med pa bstan pa thams cad kyi rjes su song ba la mos so// ma 'ongs pa'i de bzhin gshegs pa de dag gi sems kyi las dus thams cad dang zhing thams cad dang / sangs rgyas thams cad dang / chos thams cad dang / sems can thams cad dang / byang chub sems dpa' thams cad dang nyan thos dang rang sangs rgyas thams cad dang / 'gro ba thams cad kyi las kyi las rnam par smin pa shin tu rnam par phye ba rnam par 'byed pa la mos so// ma 'ongs pa'i de bzhin gshegs pa de dag gi 'od zer gyi dra ba bkod pa chags pa med cing sgrib pa med pa la yang dag par mos shing yid ches te/ the tsom mi za nem nur med cing / mi skrag/ mi dngang / dngang bar mi 'gyur te/ sangs rgyas kyi yul bsam gyis mi khyab pa la yang mos pa yin no/ / sems can gzhan dag kyang mos pa'i chos nyid rnam pa 'di lta bu yang dag par 'dzin du 'jug go// de chos yang dag par blangs
- 54b
pa 'di dang ldan pas/ byang chub thob pa na/ ma 'ongs pa'i dus la de bzhin gshegs pa'i ye shes mthong ba chags pa med cing / thogs pa med pa 'jug pa zhes bya ste/ de la de yod do// snying rje chen po'o stobs dang / smon lam yang dag par 'phags pa'i ting nge 'dzin shin tu bsgoms pa dang / seng ge rnam par bsgyings pa'i gzungs la mkhas pas/ de bzhin gshegs pa ma 'ongs pa'i de bzhin gshegs pa thams cad kyi mtshan tha dad pa dang tshe'i tshad tha dad pa dang / go rims bzhin du brjod pa'i mtha' ni mi rtogs so// de bzhin du ma 'ongs pa'i byang chub sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spyod pa rnams dang / sems can gyi las rnams dang sems can gyi rnam par smin pa so sor myong ba rnams dang / de bzhin du ma 'ongs pa'i bskal pa thams cad de/ bskal pa gang dag sangs rgyas dang bcas pa dag dang / gang dag sangs rgyas med pa dag dang / bskal pa gang la de bzhin gshegs pa dgra bcom pa yang dag par rdzogs pa'i sangs rgyas ji snyed 'byung bar 'gyur ba'i bskal pa de dag go rims bzhin du brjod pa'i mtha' ni mi rtogs so/ / de bzhin du ma 'ongs pa'i 'jig rten gyi khams thams cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dag dang
- 55a
gang dag chung ba dag dang / gang dag chen por gyur pa dag dang / gang dag phra ba dag dang / gang dag rags pa dag dang / gang dag rdul phra rab la 'jug pa'i rjes su zhugs pa dag dang / gang dag spyi'u tshugs pa dag dang / gang dag mthun pa dag dang / gang dag phyogs dang / phyogs mtshams rnam par gzhag pa dang / mig 'phrul rnam par dbye ba la 'jug pa'i rjes su zhugs pa/ ma 'ongs pa'i 'jig rten gyi khams de dag thams cad go rims bzhin du brjod pa'i mtha' ni mi rtogs so// de la de bzhin gshegs pa lung bstan pa thams cad la rmongs pa me de/ de lag mthil dang sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo 'di ni de bzhin gshegs pa'i sangs rgyas kyi chos ma 'dres pa bcu bdun pa'o/ / bu mo gzhan yang byang chub sems dpa' byang chub sems dpa'i spyad pa spyod pa na/ da ltar byung ba'i sangs rgyas thams cad kyi ye shes chags pa med pa thos na/ mos shing yid ches te/ the tsom mi za/ nem nur mi byed cing / mi smrag/ mi dongang / dngang bar mi 'gyur te/ sangs rgyas kyi yul bsam gyis mi khyab pa la yang mos pa yin no/ / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag gi lus kyi las dang / lus kyis spyod la
- 55b
yongs su dag pa chags pa med cing sgrib pa med pa 'jig rten gyi khams rab 'byams thams cad kyi rjes su song ba la mos so/ / da ltar byung ba'i de bzhin gshegs pa de dag gi ngag gi las 'jig rten gyi khams thams cad du khyab pa'i dbyangs sgra brjod pa/ chags pa med cing sgrib pa med la/ bsam gyis mi khyab pa thams cad dang / sangs rgyas kyi sgra skad dang / dbyangs dang / chos kyi sgo tshad med pa bstan pa thams cad kyi rjes su song ba la mos so/ / da ltar byung ba'i de bzhin gshegs pa de dag gi sems kyi las/ dus thams cad dang / zhing thams cad dang / chos thams cad dang / sems can thams cad dang / byang chub sems dpa' thams cad dang / nyan thos dang / rang sangs rgyas thams cad dang / 'gro ba thams cad kyi las kyi rnam par smin pa shin tu rnam par phye ba rnam par 'byed pa la mos so/ / da ltar byung ba'i de bzhin gshegs pa de dag gi 'od zer gyi dra ba bkod pa/ chags pa med cing sgrib pa med pa la yang mos shing yid ches te/ the tsom mi za nem nur med cing mi skrag/ mi dadung dngang bar mi 'gyur te/ sangs rgyas kyi yul bsam gyis mi khyab pa la yang mos pa yin no// sems can gzhan dag kyang mos pa'i chos nyid rnam pa 'di lta bu yang dag par 'dzin du 'jug go/ / de chos yang dag par blangs pa 'di dang ldan pas/ byang chub thob pa na/ da ltar byung ba'i dus la/
- 56a
de bzhin gshegs pa'i ye shes mthong ba chags pa med cing thogs pa med pa la 'jug pa zhes bya ste/ de la de yod do// shin tu dkar ba dri ma med pa'i phyag rgya'i ting nge 'dzin shin tu bsgoms pa dang / rdo rje'i dkyil 'khor gyi gzungs la mkhas pas/ de bzhin gshegs pa da ltar byung ba'i de bzhin gshegs pa thams cad kyi mtshan tha dad pa dang tshe'i tshad tha dad pa go rims bzhin du brda sprod pa'i mtha' ni mi rtogs so/ / de bzhin du da ltar byung ba'i byang chub sems dpa' rnams dang / nyan thos rnams dang / rang sangs rgyas rnams dang / sems can rnams dang / sems can gyi spong ba rnams dang / las rnams dang / las kyi rnam par smin pa so sor myong ba rnams go rims bzhin du brjod pa'i mtha' ni mi rtogs so/ / de bzhin du da ltar byung ba'i bskal po thams cad de bskal pa gang dag sangs rgyas dang bcas pa dag dang / gang dag sangs rgyas med pa dag dang / bskal pa gang la de bzhin gshegs pa dgra bcom pa yang dag par rdzogs pa'i sangs rgyas ji snyed byung ba'i bskal pa de dag go rims bzhin du brjod pa'i mtha' ni mi rtogs so/ / de bzhin du da ltar byung ba'i 'jig rten gyi khams thams cad kyi ming tha dad pa dang / gang dag kun nas nyon mongs pa can dag dang / gang dag rnam par dag pa dag dang / gang dag chung ba dag dang
- 56b
gang dag chen por gyur pa dag dang / gang dag phra ba dag dang / gang dag rags pa dag dang / gang dag rdul phra rab la 'jug pa'i rjes su zhugs pa dag dang / gang dag gi spre'u tshugs pa dag dang / gang dag mthun pa dag dang / gang dag phyogs dang phyogs mtshams rnam par gzhag pa dang / mig 'phrul rnam par dbye ba la 'jug pa'i rjes su zhugs pa da ltar byung ba'i 'jig rten gyi khams de dag thams cad go rims bzhin du brjod pa'i mtha' ni mi rtogs so/ / de la de bzhin gshegs pa lung bstan pa thams cad la rmongs pa med de/ de// lag mthil dang / sor mo lnga mthong ba'i tshul du de bzhin gshegs pa'i ye shes kyis thams cad shes te/ bu mo 'di ni de bzhin gshegs pa'i sangs rgyas kyi chos ma 'dres pa bco brgyad pa'o/ / bco brgyad po 'di dag la sogs pa sangs rgyas kyi chos ma 'dres pa thams cad thob ste/ thams cad gang zhe na/ 'di lta ste/ lus tshad med pa dang / thams cad zil gyis gnon cing thams cad du khyad par du 'phags pa'i phyir/ spyi gtsug bltar mi mthong ba/ de bzhin gshegs pa'i sangs rgyas kyi chos ma 'dres pa dang / lus rtsi sman dang 'dra ba'i phyir mthong ma thag tu sems can rnams kyi skyon zhi bar byed pa dang / thams cad du kha na ma tho ba med pas 'khor thams cad las mngon par 'phags pa dang / mi 'jigs pa rab tu thob
- 57a
pas bag tsha ba med pa dang / yang dag par sbyor bas slob ma bsam pa can dang / gdam dag can dang / rjes su bstan pa dang mthun pas slob ma mi phyed pa dang / sems can thams cad la mtshungs par gnas pas/ slob ma shin tu dul ba dang / chos bstan pa la the tsom med pas/ spobs pa myur ba dang / gleng ba med pas sems can thams cad tshims par byed pa dang / don yod pa'i chos ston pa dang / gdul bya rnams kyi dbang po yongs su smin pas/ 'khor thams cad rtse gcig tu sems pa las/ sangs rgyas kyi sgra skad 'byin pa dang / cho 'phrul bsam gyis mi khyab pas/ 'khor gyi dkyil 'khor thams cad kyis mngon du blta ba dang / de bzhin gshegs pa ni bsod nams tshad med pas brtan pa'i phyir/ blta bas mi ngoms pa dang / yang dag par khong du chud pas 'bras bu yod pa'i chos ston pa dang / spyod lam mi 'khrugs pas/ glang po che'i lta stangs kyis lta ba dang / spro ba che bas/ seng ge ltar rnam par bsgyings pa dang / lus kyi las ye shes sngon du 'gro bas don yod par rnam par 'gro ba dang / ngag gi las ye shes sngon du 'gro bas ngag la dbang ba dang / yid kyi las ye shes sngon du 'gro bas/ kun nas mi dang ldan pa dang / spobs pa myur bas bzung bar 'os pa'i tshig dang ldan pa dang
- 57b
bla na med pa'i sbyin gnas su gyur pas/ rnyed pa'i mchog dang / grags pa'i mchog dang ldan pa dang / chos kyi dbyings kyis klas shing mthas btugs pas bsod nams zad mi shes pa dang / sreg med kyi bu chen po'i lus dang / stobs bcu dang / mi 'jigs pa'i mchog thob pas/ rdzi ba med pa dang / sems can thams cad kyi dbang po mchog dang / mchog ma yin pa shes pas/ sems can la bde ba skyed pa las mi ldog cing 'khrul pa med la/ brel 'phongs med pa dang / 'jig rten thams cad kyi ston par gyur pas/ chos dang bstan bcos mang po shes pa dang / chos kyi skus rab tu phye bas tshe dpag tu med pa dang / shin tu mur thug cing mthas klas pas/ mthong ba dang / reg pa dang / bsnyen bkur byas pa dang / dran pa dang / thos pa don yod pa dang / dus gsum mnyam pa nyid du khong du chud pas/ shes rab mi 'khrugs pa dang / chos smra zhing nyes par smra ba med pas/ gtam rgyun chags pa dang / mi dge ba'i chos thams cad ma lus par spangs pas/ bag chags thams cad yang dag par bcom pa dang / sangs rgyas kyi chos rang byung bas/ slob dpon med pa dang / sangs rgyas kyi chos ma lus par khong du chud pas/ rnam pa thams cad shes pa ste/ sangs rgyas kyi chos ma 'dres pa 'di dag thams cad rab tu 'thob bo//
- 58a
de nas bcom ldan 'das la / bu mo rin chen gyis 'di skad ces gsol to// bcom ldan 'das gang de bzhin gshegs pa'i skyes bu chen po'i mtshan sum phum bcwa po 'di dag sngon dge ba'i tshogs gang dag la zhugs na/ de bzhin gshegs pa'i sku la skyes bu chen po'i mtshan sum cu rtsa gnyis mngon par grub/ de skad ces gsol pa dang // bcom ldan 'das kyis/ bu mo rin chen la 'di skad ces bka' stsal to// bu mo sngon dge ba'i rtsa ba'i tshogs chang med grangs med pa dag la zhugs pas/ de bas gshegs pa'i skul skyes bu chen po'i mtshan sum cu rtsa gnyis mngon par grub ste/ de dag las cung zad rtsa ma zhig bstan par bya'o// de bzhin gshegs pa'i skyes bu chen po'i mtshan zhabs shin tu gnas pa 'di ni sngon dam bcas pa la brtan pas mngon par grub bo/ de bzhin gshegs pa'i skyes bu chen po'i mtshan zhabs kyi mthil 'khor lo'i mtshan dang ldan pa 'di ni sngon sbyin pa sna tshogs bsags pas mngon par grub bor/ zhabs kyi rting pa yangs shing / zhabs byin gyis mthong ba ni/ sngon sems can gzhan dag khyad du ma bsad pas grub po sor mo ring ba ni sngon sems can rnams chos kyi bsrungs zhing bskyabs te/ sbas pa byas pas grub bo// phyag dang zhabs bra bas 'brel ba ni/ sngon gzhan gyi g.yog 'khor ma phye bas grub po/
- 58b
phyag dang zhabs 'jam zhing gzhon sha chags pa ni/ sngon bsgo ba sna tshogs byin pas grub po// bdun mtho ba ni/ sngon bza' ba dang / btung ba rgya chen po byin pas grub po3/ byin pa ri dgas e na ya'i lta bu ni/ sngon sangs rgyas kyi chos yongs su bzung bas grub bo// mdoms kyi sba ba sbubs su nub pa ni/ sngon gsang ba'i tshig bsrungs shing / 'khrig pa'i chos spangs pas grub bo/ ro stod seng ge'i 'dra ba ni/ sngon dge ba'i las rgya chen po mthar gyis spyad pas grub bo1// thal gong rgyas pa ni/ sngon dge ba'i chos yang dag par spyad pas grub bo/ 1/ dpung mgo shin tu zlum pa ni/ sngon mi 'jigs pas gzhan dbugs phyung bas grub bo12// ma btud par phyag ring ba ni/ sngon gzhan gyi ci bya'o cog byed pa spro bas grub bo23/ sku rnam par dag pa ni/ sngon dge ba bcu'i las kyi lam la ngoms mi myong bar yang dag par spyad pas grub bo/ 1mgur dung lta bu ni/ sngon nad pa rnams la sman sna tshogs byin pas grub po18/ / 'gram pa seng ge'i lta bu ni/ sngon dge ba'i rtsa ba la sbyor ba yongs su rdzogs par byas pas grub bo7// tshems bzhi bcur tshang ba ni/ sngon sems can la bsam pa mnyam par sbyong bas grub bo/ / tshems thags bzang ba ni/ sngon sems can mi 'dum pa rnams kyi sdums byas pas grub bo// tshems mnyam pa ni/ sngon yid du 'ong ba'i nor
- 59a
@bu byin pas grub pos/ choms mche ba dka ba ni/ sngon lus dang / ngag dang / yid kyilas shin tu bsrungs pas byung po// sngags shin tu ring ni/ bden pa'i tshig kun tu bsrungs pas grub bo26// ro bro ba'i mchog dang ldan pa ni/ sngon bsod nams tshad med pas brtan cing yid du 'ong ba'i ro bro ba byin pas grub po dang // tshangs pa'i dbyangs dang ka la bing+ga'i sgra dbyangs dang ldan pa ni/ sngon sems can la 'jam pa'i tshig smras pa dang / tshig bsdams pa dang kun dga' ba'i tshig bsgrags pas grub bo'ang// spun mthon mthing lta bu ni/ sngon byams pa dang ldan zhing thams cad bsrungs pas grub bo dang // spun gyi rdzi ma ba'i lta bu ni/ sngon bsam pa bcos ma ma yin pas grub bo'ang // dpral ba'i sman mtsham kyi bu shin tu dkar ba ni/ sngon bsngags par 'os pa rnams kyi bsngags pa brjod pas grub bo'o// / dbu gtsug tor dang ldan pa ni/ sngon bla ma la gus shing 'dud pas grub bo'8// pags pa srab pa ni/ sngon chos yang dag par sdud pa'i sems can las su rung bas grub bo'ang // pags pa'i mdog gser 'dra ba ni/ sngon yid du 'ong ba'i gos dang / mal stan byin pas grub bo da// / smu khung bu nas ba spu re re skyes pa ni/ sngon 'du 'dzi yongs su spangs pas grub bor// spu'i rtse mo g.yas phyogs su 'khyil ba ni sngon mkhan po dang / slob dpon dang / dge ba'i bshes
- 59b
gnyen gyi gdams ngag mthun par 'dzin pas grub boraH/ / dbu sgra in da snyil lta bu ni/ sngon srog chags thams cad la/ snying brtse zhing rdo dbyig dang / mtshon cha bor bas grub bo 28/ / shing n+ya gro da ltar chu zheng gab pa ni/ sngon bdag dang / sems can gzhan dag kyang ting nge 'dzin la sbyor bas grub bor8// de bzhin gshegs pa'i skyes bu chen po mtshan sred med kyi bu chen po'i lus ltar kun nas mdzes pa 'di ni/ sngon de bzhin gshegs pa'i sku gzugs byed pa dang / mchod rten zhig pa bcos pa dang / gzhan 'jigs pa dag dbugs phyung ba dang sems can mi 'dum pa'i sdums byas pas grub ste/ bu mo sngon dge ba'i rtsa ba'i chos tshad med grangs med pa 'di dag spyad pas/ de bzhin gshegs pa'i sku la skyes bu chen po'i mtshan sum cu rtsa gnyis mngon par grub bo/ / de nas bcom ldan 'das la/ bu mo rin chen gyis 'di skad ces gsol to// bcom ldan 'das ji tsam du de bzhin gshegs pas sngon gyi rgyu las byung ba'i dge ba'i rtsa ba las brtsams te/ sangs rgyas kyi chos thams cad bka' stsal pa 'di ni ngo mtshar to// de skad ces gsol pa dang / bcom ldan 'das kyis bu mo rin chen la 'di skad ces bka' stsal to/ / bu mo de de bzhin te/ bu mo de bzhin gshegs pa sangs rgyas kyi chos thams cad bstan pa 'di las bstan to// bu mo gang dag nge ba ri gshegs
- 60a
pa'i sngon gyi rgyu las byung ba'i dge ba'i rtsa ba las brtsams te/ sangs rgyas kyi chos thams cad bstan pa 'di thos la thos nas kyang / de bzhin nyid du sgrub pa de dag thams cad la sangs rgyas kyi chos thams cad kyi rnam pa'i mchog thams cad dang ldan par 'gyur ba'i byang chub sems dpa' rnyed pa legs par rnyed pa de dag la ltos/ de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa'i chos kyi sgo'i le'u 'di bcom ldan 'das kyis bshad pa na/ phyogs bcu'i 'jigs rten gyi khams thams cad rab tu g.yos te/ snang ba chen pos khyab par gyur nas/ sems can tshad med grangs med pa ni bla na med pa yang dag par rdzogs pa'i byang chub tu sems bskyed do// byang chub sems dpa' nyi khri lnga stong ni mi skye ba'i chos la bzod pa skyes so/ / steng gi bar snang las kyang lha brgya stong gis me tog gi char rab tu phab ste/ sil snyan yang dkrol nas gang dag de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa'i chos kyi sgo'i le'u 'di thos la thos nas kyang mos shing yid ches te/ 'dzin cing de bzhin nyid du sgrub pa'i sems can de dag ni dge ba'i rtsa ba ngan ngon dang ldan par mi 'gyur te/ de dag ni ji ltar da ltar gyi de bzhin gshegs pa dgra bcom pa yang dag par rdzogs pa'i sangs rgyas
- 60b
bzhin du lha dang bcas pa'i 'jig rten gyi mdun du seng ge'i sgra sgrogs par 'gyur ro/ / de ci'i slad du zhe na/ bcom ldan 'das chos 'di ni sems can dman pa la mos shing / nan tan la mi gnas pa rnams kyi sug par mchi bar mi 'gyur gyi/ bcom ldan 'das spyod pa yongs su dag pa rnams kyi sug par mchi bar 'gyur te/ bcom ldan 'das yongs su dag par spyod pa dang chos spong ba'i sems can rnams ni/ chos 'di la dga' bar 'gyur te/ yid la 'bab cing / mngon par dga' bar yang 'gyur ro zhes ched du rjod pa ched du brjod do// de nas bcom ldan 'das la bu mo rin chen gyis 'di skad ces gsol to// bcom ldan 'das de bzhin gshegs pas sngon gyi rgyu las byung ba'i dge ba'i rtsa bas sangs rgyas kyi chos thams cad bka' stsal pa ni ngo tshar to/ / bcom ldan 'das byang chub sems dpa' chos spyod par gyur pa'i chos spyod pa ni ji lta bu lags/ bcom ldan 'das kyis byang chub sems dpa' rnams kyi chos spyod pa legs par bshad du gsol/ de skad ces gsol pa dang / bcom ldan 'das kyis bu mo rin chen la 'di skad ces bka' stsal to// bu mo bsam pa rnam par dag pa ni chos spyod pa'o/ / mdza' ba brtan pa dang / byas pa bzo ba dang / byas pa shes pa dang / snying brtse ba dang bcas pa dang / skyabs su song ba yongs su
- 61a
mi gtong ba dang / nyam chung ba la bzod cing dang du len pa dang / btang bar bka' ba yongs su gtong ba dang / phan pa'i dngos po dang / phan 'dogs pa'i blo dang / tshul khrims 'chal pa'i rjes su srung ba dang / chos nges par sems pa dang / chos kun tu srung ba dang / chos 'dod pa dang / dam pa'i chos srung ba dang / dben pa dang / gcig pur dga' ba dang / dgon pa'i gnas la yongs su mi skyo ba dang / dgon pa'i yon tan la yongs su 'jal ba dang / 'du 'dzi yongs su spong ba dang / sems can rjes su srung ba dang / 'khrul pa la lta ba dang / byams pa la sbyor ba dang / snying rje chen po la 'jug pa dang / dga' bas chos la dga' zhing / mchog tu dgal dang / btang snyoms la bsam gtan 'cha' ba dang / sems can gzhan dag byang chub kyi sems la sbyor ba dang / theg pa chen po'i bsngags pa smra ba dang / khur blangs pa khyer ba dang / sems mi zhum pa dang / rung ba'i tshed shes pa dang / 'dod pa chung ba dang / sdig pa mi 'dod pa dang / phrag dog med pa dang / 'dod pa'i rnyed pa spong ba dang / 'phags pa'i rigs chog shes pa dang / sbyangs pa'i yon tan dang / yo byad bsnyungs pa dang // 'thab pa med pa dang / rtsod pa med pa dang / gnod sems med pa dang / khro ba med pa dang / bzod pa
- 61b
dang nges pa dang / rgyu'i byed pa khong du chud ba dang / las kyi rnam par smin pa la yid ches pa dang / dang pa dang / tshul khrims dang / thos pa dang / gtong ba dang khrel yod pa dang / ngo tsha shes pa dang / shes rab kyi nor gyi rjes su 'jug pa dang / bla ma la gus pa dang / dge ba'i ba shes gnyen la rten pa dang / bka' blo bde bdang mthun par 'dzin pa dang / nga rgyal med pa dang / 'dung ba dang / sems dma' ba dang / bdag la mi bstod pa dang / gnan la mi spong ba dang / rang gi yon tan mi brjod pa dang / gzhan gyi yon tan la mi smod pa dang / 'dod chags kyi rdul 'phyag pa dang / zhe sdang gi thab rnam par spong ba dang / gti mug gi mun pa mun nag med pa dang / nga rgyal bcom pa dang / spyod lam dang / spyod pa la nan tan byed pa dang / chos la rim gro byed pa dang / dga' zhing dang la mchog tu dga' ba dang / sangs rgyas la mi phyed pa dang / chos la mos pa dang dge 'dun la ston par 'dzin par dang / sbyin pa dang / dul ba dang / yang dag par sdom pa dang / mngon par 'byung ba dang / tshangs par spyod pa la gnas pa dang / rnyed pa dang ma rnyed pa dang / grags pa dang / ma thogs pa dang / bstod pa dang / spang ba dang / bde ba dang / sdug bsngal gyis mi g.yos pa dang / 'jig rten gyi chos la shin tu mi dam
- 62a
ba dang / byams sdang la mtshungs par blta ba dang / 'dor te gsong por smra ba dang / bzhin 'dzum pa dang / khro gnyer med pa dang / tshul 'chos pa med pa dang / kha gsag med pa dang / g.yo med pa dang / sgyu med pa dang / bcos ma ma yin pa dang / bsam pa shin tu dag pa dang / sbyin pa dang / snyan par smra ba dang / don byed pa dang / don mthun pa dang / dga' bar 'gyur ba'i chos nyid dang / sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par byed pa dang / thabs mkhas pa mngon par grub pa dang / dge ba'i rtsa ba thams cad rnam par dag pa dang / sems can rnams kyi lus dang / ngag dang / sems rnam par dag par byed pa dang / dge ba bcu'i las kyi lam srung ba dang / mi rtag pa dang / sdug bsngal ba dang / bdag med pa dang / sems can med pa dang / srog med pa dang / gso ba med pa dang / gang zag med par mos pa dang / stong pa nyid nges par sems pa dang / mtshan ma med pa la gnas pa dang / smon pa med pa shes pa
- 62b
dang khams gsum la mi gnas pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi/ yan lag dang / lam la 'jug pa dang / zhi gnas dang / lhag mthong gis so sor rtog pa ni/ chos kyi spyod pa'o// bu mo gzhan yang chos spyod pa ni/ gang na mig la mi spyod pa dang / gzugs la mi spyod pa dang / gzugs kyi mtshan ma la mi spyod pa dang / rna ba la mi spyod pa dang / sba la mi spyod pa dang / sgra'i mtshan ma la mi spyod pa dang / mi spyod pa dang / dri la mi spyod pa dang / dri'i mtshan ma la mi spyod pa dang / lce la mi spyod pa dang / ro la mi spyod pa dang / ro'i mtshan ma la mi spyod pa dang / lus la mi spyod pa dang rig pa la mi spong po dang / reg pa'i mtshan ma la ma spyod pa dang / yid la mo spyod pa dang / chos la mi spyod pa dang / chos kyi mtshan ma la mi spyod pa ni chos la spro pa'o/ / gzugs la mi spyod pa dang / gzugs kyi mtshan ma lo mi spyod pa dang / gzugs kyi mi rtag pa la mi spyod pa dang / gzugs kyi sdug bsngal ba la mi spyod pa dang gzugs kyi bdag med pa la mi spyod pa dang / gzugs kyi zhi ba la mi spyod pa dang / gzugs kyi stong pa la mi spyod pa dang / gzugs kyi mtshan ma med pal mi spyod pa dang / gzugs kyi
- 63a
smon pa med pa la mi spyod pa dang / gzugs kyi mngon par 'du bya ba la mi spyod pa dang / gzugs kyi dben pa la mi spyod pa dang / gzugs kyi rang bzhin la mi spyod pa dang gzugs kyi ji lta ba bzhin la mi spyod pa dang / gzugs kyi ma skyes pa la mi spyod pa dang / gzugs kyi 'byung ba med pa la mi spyod pa dang / gzugs kyi gzhi med pa la mi spyod pa dang / gzugs kyi gnas med pa la mi spyod pa dang / gzugs kyi de bzhin nyid la mi spyod pa ni chos spyod pa'o// de bzhin du tshor ba dang / 'du shes dang / 'du byed rnams dang / rnam par shes pa la mi spyod pa ni chos spyod pa'o/ / rnam par shes pa mi rtag pa la mi spyod pa dang / rnam par shes pa'i sdug bsngal ba la mi spyod pa dang / rnam par shes pa'i bdag med pa la mi spyod pa dang / rnam par shes pa'i zhi ba la mi spyod pa dang / rnam par shes pa'i stong pa la mi spyod pa dang / rnam par shes pa'i mtshan ma med pa la mi spyod pa dang / rnam par shes pa'i smon pa med pa la mi spyod pa dang / rnam par shes pa'i mngon par 'du bya ba med pa la mi spyod pa dang / rnam par shes pa'i dben pa la mi spyod pa dang / rnam par shes pa'i rang bzhin la mi spyod pa dang rnam par shes pa'i ji lta ba bzhin la mi spyod pa dang / rnam par shes pa'i ma skyes pa la mi spyod pa dang / rnam par shes pa'i 'byung ba med pa la mi spyod pa dang / rnam par
- 63b
shes pa'i gzhi med pa la mi spyod pa dang / rnam par shes pa'i gnas med pa la mi spyod pa dang / rnam par shes pa'i de bzhin nyid la mi spyod pa ni chos spyod pa'o// khams la mi spyod pa dang // skye mched la mi spyod pa dang / 'dod pa dang / gzugs dang / gzugs med pa la mi spyod pa dang / gang spyod pa med cing rab tu spyod pa 'di ni chos spyod pa zhes bya'o// gang na spyod pa med cing rnam par spyod pa med pa dang / 'gro ba med pa dang / gnas pa med pa dang / 'jug pa med pa dang / gang na sems dang / yid dang / rnam par shes pa la mi spyod pa dang / mthong ba dang / thos pa dang / bye brag phyed pa dang / rnam par shes pa la mi spyod pa dang / gang na 'dod pa dang / 'du byed la mi spyod pa dang / gang na chos la mi spyod la/ chos ma yin pa la yang mi spyod pa dang / gang na gnyis la mi spyod pa dang / sna tshogs la mi spyod pa dang / gang na 'das pa dang / ma 'ongs pa la mi spyod pa dang / nga ltar byung ba la mi spyod pa dang / gang na phung po dang / khams dang / skyo ma ched la mi spyod pa 'di ni chos spyod pa'o// gang na kun nas nyon mongs pa dang / rnam par byang ba'i rloms sems la mi spyod pa dang / gang na ril po dang / rdzas la mi spyod pa dang / gang na bdag dang / sems can dang srog dang gso ba dang / skyes bu dang / gang zag dang / shed la
- 64a
skyes pa dang / shed bur 'dzin pa dang / sgro 'dogs pa la mi spyod pa dang / gang na skye ba dang / 'jigs pa dang / gnas pa la mi spyod pa dang / gang na ngar 'dzin pa dang / nga yir 'dzin pa med pa la mi spyod pa dang / gang na rtag pa dang / chad pa la mi spyod pa dang / mthar 'dzin par lta ba la mi spyod pa dang / dbus la mngon par zhen pa la mi spyod pa dang / bdag dang chos kyi ngo bo nyid kyi gnas dang / gnas med pa'i gnas dang / chos kyi rang bzhin gyi gnas dang / chos thams cad kyi gnas dang / stong pa dang / mi stong pa'i gnas dang / shin tu gnas pa'i gnas dang / chos thams cad mi g.yo ba dang / mi gnas pa dang / gnas pa med pa dang / ngo bo nyid med pa dang / rgyu med pa dang / spros pa med pa dang / blang ba med pa dang / dor ba med pa dang / khas len pa med pa dang / len pa med pa dang / gang chos 'di shes la shes pas rlom sems kyang med pa 'di ni yang dag pa dang / de kho na dang / de bzhin nyid dang / chos shes pa zhes bya'o// bu mo byang chub sems dpa' gang 'di lta bur chos thams cad khong du chud nas/ sems can gzhan dag 'dul ba'i phyir 'khor ba la yang spyod la/ mya ngan las 'das pa'i chos nyid las kyang mi g.yo ba 'di ni/ byang chub sems dpa'i spyod pa yang dag phul ba yin no//
- 64b
chos spyod pa bstan pa 'di bshad pa na/ byang chub sems dpa' brgyad stong ni bzod pa rab tu thob par gyur to// bu mo rin chen gyis ni mu tig gi se mo do bye ba brgya stong rib bcom ldan 'das la phul nas/ tshig 'di skad ces smras so// bcom ldan 'das byang chub sems dpa' gang chos spyod pa 'di la brtson pa de ni/ sangs rgyas kyi chos thams cad la brtson pa lags so/ / de'i lung bstan pa ni 'di lags te/ byang chub kyi snying po la gnas nas/ bdud dang phyir rgol ba bcom ste/ phyir mi ldog pa'i phyag rgyas btab par blta'o// de nas tshe dang ldan pa shA ra dwa ti'i bus/ bu mo rin chen la 'di skad ces smras so// bu mo khyod kyis byang chub sems dpa' rnams kyi phyir mi ldog pa'i phyag rgya shes sam/ de nas bu me rin chen gyis de'i tshe tshe dang ldan pa shA ra dwa ti'i bu la tshigs su bcad pa 'di dag smras so/ / 'di la chos dbyings sems can khams// yang dag nyid kyis mnyam rtogs nas// gnyis med rtog pa gang yin pa/ / de ni mi rtogs phyag rgya yin// gang dag 'das pa'i sangs rgyas dang // da ltar byung dang ma byon pa// thams cad chos kyi dbyings mnyam par// rtogs pa de dag phyir mi ldog/ gang yang 'dus byas khams rnams dang / gang yang 'dus ma byas pa'i khams// dben pa'i don gyi stong par ni// khong du chud pa phyir mi ldog/ sngon gyi mtha' ni mtha' yas pa//
- 65a
de yi tshad ni mi dmigs pa// sems kyi skad cig gcig ldan la// rtogs pa de dag phyir mi ldog/ 'jig rten pa yi chos gang dag/ spyod par btags pa'i spyod/ yul rnams// shes rab kyis ni de rtogs pa// gang yin de dag phyir mi ldog/ bdud kyi yul ni ji snyed pa// gang gis sangs rgyas yul rnams dang // de dag mi gnyis shes pa ni// phyag rgya 'di yis btab pa yin// 'dod chags zhe sdang gti mug gang // nyon mongs gang dag mtha' yas pa// gang gis rtogs pa'i rtsa ba las// byung bar shes pa phyir mi ldog/ 'khor ba dang ni mya ngan 'das// byang chub zhi ba bstan pa yang // tha dad ma yin kun mnyam par// khong du chud pa phyir mi ldog/ phung po ji bzhin byang chub ste// phung po byang chub mi gnyis shing / / sgyu ma 'dra bar mnyam shes te// rnam rtog med par de dag mkhas// gang yang mkhas rnams bzhi po dag/ nam mkha' mtshungs pa'i khams yin te// gzung med khong du chud pa ni/ / yang dag phyag rgyas btab pa yin// mig ni byang chub byang chub min// sangs rgyas kyis ni stong par gsungs// ji ltar mig bzhin byang chub ste// rtag tu mnyam pa nyid kyis mnyam/ / de ltar skye mched thams cad kyang // rtag tu stong ste byang chub mnyam// tshul 'di rab tu shes pa dag/ phyag rgya des ni btab pa yin// sems can rnams
- 65b
ni kun gyi sems/ / sems gcig gis ni rab shes pa// de ni rdzogs pa'i byang chub las// phyir mi ldog par the tsom med// sems can kun gyi dbang po ni// rab dang 'bring dang tha ma yi/ / pha rol phyin pa gang yin pa// de dag phyir mi ldog pa yin// thogs pa med pa'i spobs pa yis// rgyun mi 'chad par rgyun du yang // bskal pa bye bar brjod kyang go/ de yi bsngags pa de mi zad// nam mkha'i khams ni zad 'gyur la// rlung ni zhags pas gzung 'gyur srid// de yi spobs pa 'jig rten gyis// zad par bya bar yong mi nus// gang gi sems ni mi rmongs shing // thos pa'ang chud zar mi 'gyur la// chos rnams thams cad 'dzin pa yi// gzungs ni de dag spyod yul yin// phyogs bcu kun gyi 'dren pa yi// dam pa'i chos ni gang bshad pa// gzungs thos pas ni de dag kun// dran pa dang ni shes pas 'dzin// gzungs ni shin tu bslabs pas na// sngon gyi bskal pa bye bar ni// skyob pa rnams kyi chos thos pa/ / de dag dris nas ston par gyur// phyir mi ldog pa gang yin pa// de dag gzungs ni 'di 'dra ste// spobs pa dag kyang 'di 'dra zhing // de dag ye shes 'di 'dra'o/ / chos rnams phyag rgya stong pa nyid// rnam smin med cing bsal ba med// stong pa'i phyag rgyas gang btab pa// de dag phyir mi ldog par bstan// nam mkha'i phyag
- 66a
rgyas btab pa'i chos/ / rang bzhin gyis ni 'byung med par// mtha' 'di khong du rang chung la// phyag rgyas btab pa phyir mi ldog/ chos ni brten nas 'byung ba ste// rgyu med pa yi chos med do// chos gang rgya las byung ba dag/ de yi mtshan nyid 'gog pa'o// chos rnams kun gyi mtshan nyid ni// nam mkha' mnyam pa'i mtshan nyid de// mtshan nyid phyag rgya de 'dra ba'i/ / phyag rgyas gang btab phyir mi ldog/ phyir mi ldog pa gang yin pa// sems can kun gyi spyod pa dang // gzugs dang spyod lam dus rnams kyang // skad cig gcig la rab tu ston/ / sbyin pa'i tshogs ni mtha' yas te// bsod nams rtag tu mi zad pa// gal te ro gcig 'gyur na ni// nam mkha'i khams kyang gang bar 'gyur// de dag tshul khrims che ba nyid/ / sangs rgyas tshul khrims 'byung gnas te// dpag tu med cing mtha' yang med// nam mkha' yi ni khams dang 'dra'o// sems can kun dang nyan thos dang // rgyal ba re re'i tshul khrims ni/ / phyir mi ldog pa'i tshul khrims kyi// bcu drug cha yi rin mi chog/ de dag bzod pa mi zad de// de dag skye ba med pas bskyed// bzod pa mi zad phun sum tshogs/ phyir mi ldog par 'gyur ba yin// de dag brtson 'grus che ba nyid// yang dag brtson pa dpag tu med// brtul ba'ang dpag tu med pa ste// sems can thams cad tshim par byed//
- 66b
brtan pa rtag tu mnyam par bzhag/ g.yeng ba med cing shin tu bsdam// bya ba rnams ni kun tu ston// mnyam par gzhag las g.yo ba med// shes rab kyis ni chags med thob/ lta ba'i bag chags rnam par sbyangs// sangs rgyas spyod yul rdzogs par thob// phun sum tshogs pa'i zhing yang sbyong // sangs rgyas phyag rgyas btab pa ste// ye shes pha rol phyin pa thob/ thabs chen dag kyang shin tu bslabs// byang chub kyi ni spyad pa spyod// sems can yongs su smin byed pa// de dag spyod yul mtha' yas te// spyod pa ci 'dra bsam ci 'dra// de dag spyod pa shes pa med// dgra bcom dag dang rang rgyal dang / bdud dang mu stegs gzhan kun gyis// de dag spyod yul tshad med pa// shes par nus pa ma yin no// de dag bsam gtan rdzu 'phrul dang / / rnam 'phrul 'du byed bcas pa min// dpa' bo lhun gyis grub par ni// bya ba de dag kun la 'jug/ tshe dang 'jug dang 'chi 'pho dang // byang chub kyi ni snying po dang / chos kyi 'khor lo rab bskor dang // sangs rgyas kyi ni gzugs kyang ston// sangs rgyas kun gyi spyan snga na// zhing rnams kun na snang ba ni// nyi zla lta bur bsal ba ste// de dag nam mkha mtshungs par ldan/ / theg pa mos par ji bzhin par// mya ngan 'das pa'ang ston mod kyi// mi ldog phyag rgya gang yin pa// phyag rgya de ni 'dor ma yin// nam mkhas ci tsam khyab
- 67a
pa dag/ de srid ye shes khyab par byed// phyag rgyas las ni mi ldog pa// sangs rgyas kyi ni de dag mkhyen// phyir mi ldog pa'i phyag rgya'ang bshad pa na/ stong gsum gyi stong chen po'i 'jig rten gyi khams 'di rab tu g.yos so// byang chub sems dpa' lnga stong ni/ phyir mi ldog pa'i phyag rgyas lung bstan par gyur to// bcom ldan 'das kyis kyang bu mo rin chen la legs so zhes bya ba byin te/ bu mo khyod kyis byang chub sems dpa' rnams kyi phyir mi ldog pa bstan pa 'di legs par smras pa ni legs so legs so// de nas bcom ldan 'das la/ tshe dang ldan pa rab 'byor gyis 'di skad gsol to// bcom ldan 'das bu mo rin chen gyi spobs pa 'di 'dra ba las ni/ de phyir mi ldog pa'i phyag rgyas btab pa legs te/ the tsom ma mchis so// bcom ldan 'das chos 'di mngon sum du ma gyur pa 'di 'dra ba'i bstan pa ston par nus pa ma mchis so// bcom ldan 'das kyis bka' stsal pa/ rab 'byor de de bzhin no// ji skad smras pa de bzhin te/ bu mo rin chen ni phyir mi ldog pa'i phyag rgyas btab pa bzod pa rab tu thob pa/ theg pa chen po'i gting thob pa'o// de nas bcom ldan 'das la bu mo rin chen gyis 'di skad ces gsol to// bcom ldan 'das theg pa chen po theg chen po zhes bgyi ba/ ci'i slad du theg pa chen po zhes bgyi//
- 67b
de skad ces gsol pa dang bcom ldan 'das kyis bu mo rin chen la 'di skad ces bka' stsal to// bu mo theg pa de ni sems can thams cad la skabs 'byed pas rgya che ba'o// dge ba'i rtsa ba thams cad kun tu ston pas/ theg pa de ni sgrib pa med pa'o// nyon mongs pa'i mun pa mun nag dang bral bas theg pa de ni dri ma med pa'o// thams cad du rnam par grol ba'i sgor mtshan nyid yin pas/ theg pa de ni kun du snang ba'o// gdod ma nas kun nas nyon mongs pa can ma yin pas/ theg pa de ni 'od gsal ba'o// bag chags dang bral ba'i phyir theg pa de ni yongs su dkar ba'o/ / tshul khrims kyi phung po shin tu bsrungs pa'i phyir/ theg pa de ni yongs su dag pa'o// ting nge 'dzin gyi phung po shin tu brtag pa'i phyir/ theg pa de ni mnyam par legs par gnas pa'o/ / shes rab kyi phung pos legs par brtags pa'i phyir// theg pa de ni zag pa med pa'o// rnam par grol ba'i phung po shin tu dkar bar byas pa'i phyir/ theg pa de ni nges par grol ba'o/ / rnam par grol ba'i ye shes mthong ba shin tu rtogs pa'i phyir/ theg pa de ni chos thams cad mnyam pa nyid du ston pa'o// stobs bcus shin tu yongs su zin pas theg pa de ni mi brdzi ba'o// mi 'jigs pa bzhis seng ge'i sgra bsgrags pa'i phyir/ theg pa de ni 'jigs pa med pa'o// sangs rgyas kyi chos ma 'dres pa bco brgyad kyis shin tu yongs su zin pas/ theg pa de ni byin gyis
- 68a
rlabs thogs pa med par 'gro'o/ / sems can thams cad la byams pa'i sems kyi phyir/ theg pa de ni mnyam pa'o// chos dang mthun pas bdud dang / phas kyi rgol ba thams cad tshar gcod pa'i phyir/ theg pa de ni chos dang mthun pas nges par 'joms pa'o// bdud kyi phyogs thams cad las rnam par rgyal bas/ theg pa de ni rnam par 'jigs par byed pa'o/ / theg pa de ni nyon mongs pa'i bdud rab tu zhi bar byed pa'o// theg pa de ni phung po'i bdud yongs su shes pa'o// theg pa de ni 'chi bdag gi bdud dang bral ba'o// theg pa de ni lha'i bu'i bdud rnam par spangs pa'o/ / sbyin pa'i pha rol tu phyin pa yongs su rdzogs pas/ theg pa de ni 'byor pa'o// tshul khrims kyi pha rol tu phyin pa yongs su rdzogs pas// theg pa de ni yongs su gdung ba med pa'o/ / bzod pa'i pha rol tu phyin pa yongs su rdzogs pas/ theg pa de ni bdud dang phyir rgol ba bcom pa'o// brtson 'grus kyi pha rol tu phyin pa yongs su rdzogs pas/ theg pa de ni brtan pa mi phyed pa'o// drang po ma yin pa dang / snyoms las thams cad dang bral bas/ theg pa de ni skyon med pa'o// bsam gtan gyi pha rol tu phyin pa yongs su rdzogs pas theg pa de ni sems kyi gdung ba'i skyon dang bral ba'o/ / theg pa de ni lam bzang po thams cad kyi gnas su 'gro ba'o// shes rab kyi pha rol tu phyin pa yongs su rdzogs pa'i phyir/
- 68b
theg pa de ni thams cad la mkhas pa dang / thams cad mkhyen pa'i ye shes dang / 'jig rten pa thams cad dang / 'jig rten las 'das pa'i chos thams cad so so yang dag par rig pa thabs la mkhas pa yongs su rdzogs pa'i phyir/ theg pa de ni theg pa thams cad kyi ci rigs par 'byung ba'o// mya ngan las 'das pa'i 'gros kyis theg pa de ni 'ong ba dang 'gro ba med pa'o// 'phags pa'i lam yan lag brgyad pa gya nom pas theg pa de ni bde bar 'gro ba'o// zhi gnas dang / lhag mthong gi rlung gi shugs dang ldan pas// theg pa de ni byin gyi rlabs kyis 'gro ba'o// pas kyis rgol ba thams cad kyis bltar mi mthong bas/ theg pa de ni dbang po dang stobs dang / byang chub kyi yan lag gi kha khyer gyis yongs su bskor ba'o// sangs rgyas kyi zhing thams cad bde bar blta ba'i phyir/ theg pa de ni rdzu 'phrul gyi rkang pa bzhi 'gro ba'o// dge ba'i chos thams cad dang ldan pa'i phyir/ theg pa de ni yang dag par spong ba la mnyam par legs par gnas pa'o// mnyam par mi phyed pas theg pa de ni/ dran pa nye bar gzhag pa shin tu yongs su sbyang ba byas pa'o// zag pa med pa'i chos 'ong ba'i phyir theg pa de ni/ khams gsum las 'byung ba'o// 'dus byas kyi khams mi snang ba thob pas/ theg pa de ni/ 'dus byas kyi khams 'dus ma byas pa'o// nyan thos dang / rang sangs rgyas thams cad kyi theg pa mi 'dod pas/ theg pa de ni byang chub kyi
- 69a
sems ma brjed cing kha lo sgyur te legs par khrid pa'o/ / spyi gtsug ltar mi mthong bas theg pa de ni mngon par 'phags pa'o// theg pa de ni bsod nams kyi tshogs kyis brgyan pa'o/ / theg pa de ni ye shes kyi tshogs kyis sems can gyi bsam pa rab tu shes pa'o// gtan pa med pa'i mchod sbyin byed pas/ theg pa de ni sgo phye ba'o// sangs rgyas kyi ye shes mnyam pa'i phyir/ theg pa de ni ro gcig pa'o// grags pa phyogs bcur grags pa'i phyir/ theg pa de ni bsgrags pa'o// legs par byas pa'i las kyi phyir/ theg pa de ni lha thams cad kyis phyag byas pa'o/ / bsngags pa mtha' yas pas theg pa de ni brgya byin dang / tshangs pa dang / 'jig rten skyong ba thams cad kyis mngon par bstod pa'o// sbyin pa du 'gro bas theg pa de ni ser sna can rnams la gtong ba sbyin pa'o/ / snying rje chen pos shin tu zin pas theg pa de ni/ tshul khrims 'chal pa rnams la tshul khrims sbyin pa'o// sems can thams cad la khong khro ba'i sems med pas theg pa de ni gnod pa'i sems dang ldan pa rnams la bzod pa sbyin pa'o/ / go cha sra ba mi 'dor bas theg pa de ni/ le lo can rnams la brtson 'grus sbyin pa'o// sems dul zhing zhi la las su rung bas theg pa de ni sems g.yeng ba rnams la bsam gtan sbyin pa'o// sems can thams cad thos pa la sbyor bas/ theg pa de ni shes rab 'chal pa rnams
- 69b
la shes rab sbyin pa'o/ / sdig pa thams cad mi byed pas/ theg pa de ni bde ba thams cad sgrub cing sdug bsngal thams cad sel ba'o// theg pa de ni chags pa med pa'i ye shes kyis sangs rgyas kyi ye shes dang / chags pa med pa'i ye shes kun tu ston pa/ theg pa thams cad kyi spyi bor phyin pa ste/ de'i phyir theg pa chen po zhes bya'o// chos kyi rnam grangs 'di bshad pa na srog chags khri nyis stong ni/ bla na med pa yang dag par rdzogs pa'i byang chub tu sems bskyed nas/ 'di skad ces bdag cag kyang theg pa chen po la zhugs te/ sems can tshad ma mchis pa theg pa chen po 'di la dgod par bgyi'o zhes smras so/ / de nas bcom ldan 'das la bu mo rin chen gyis 'di skad ces gsol to// bcom ldan 'das gang gis thams cad mkhyen par myur du nges par mi 'byung ba/ theg pa chen po'i bar du gcod pa gang lags/ de skad ces gsol pa dang / bcom ldan 'das kyis/ bu mo rin chen la 'di skad ces bka' stsal to/ / bu mo theg pa chen po'i bar du gcod pa gsum cu rtsa gnyis te/ bar du gcod pa de dag gis thams cad mkhyen par myur du nges par mi 'byung ngo // sum cu rtsa gnyis gang zhe na/ 'di lta ste/ nyan thos kyi theg pa 'dod pa dang / rang sangs rgyas kyi theg pa 'dod pa dang / brgya byin dang / tshangs pa nyid mngon par 'dod pa dang / skye ba la
- 70a
gnas te tshangs par spyod pa dang / dge ba'i rtsa ba gcig la chags pa dang / longs spyod bdog pa rnams la ser sna byed pa dang / sems can rnams la mnyam par mi sbyin pa dang / tshul khrims lhod pa dang / byang chub kyi sems mi srung ba dang / gnod sems dang / khro khro ba bag la nyal bar byed pa dang / sems zhum pa dang / brjed ngas pa dang thos pa don du mi gnyer ba dang / dpyod pa med pa dang / 'phags pa ma yin pa dang / nga rgyal las kyang nga rgyal 'phel ba dang / lus dang ngag dang sems kyi las yongs su ma dag pa dang / dam pa'i chos mi srung ba dang / slob dpon chos kyi dpe mkhyud byed pa dang / bsdu ba'i dngos po rnams 'dor ba dang / yang dag par dga' bar 'gyur ba'i chos gtong ba dang / sdig pa'i grogs po dag sten pa dang / byang chub tu yongs su mi sngo ste/ phung po gsum pa dang mi mthun pa dang / dge ba'i rtsa ba chung ngus rlom sems su byed pa dang / thabs med par lhung ba'i blo dang / phyir zhing dkon mchog gsum gyi bsngags pa mi smra ba dang byang chub sems dpa' la gnod par sems pa dang / ma thos pa'i chos spong ba dang / bdud kyi las khong du mi chud pa dang / 'jig rten rgyang phan pa'i gsang tshig 'dzin pa dang / sems can yongs su smin par mi byed pa dang / 'khor bas yongs su skyo ba ste/ bu mo sum cu rtsa gnyis po de dag ni/ theg pa chen po'i bar du gcod pa yang dag phul yin te/ bar du gcod pa de
- 70b
ngag gis thams cad mkhyen par myur du nges par mi 'byung ngo / / de lta mod kyi 'on kyang theg pa chen po'i yon tan ji tsam pa bar du gcod pa yang de tsam mo// de ci'i phyir zhe na/ 'dus byas kyi skyon ci tsam pa theg pa chen po'i bar du gcod pa yang de tsam mo/ / mya ngan las 'das pa'i yon tan ci tsam pa theg pa chen po'i yon tan dang / bsngags pa yang de tsam mo// theg pa chen po'i yon tan dang bsngags pa ci tsam pa/ de bzhin gshegs pas sems kyi nye ba'i nyon mongs pa rab tu mkhyen pa yang de tsam ste/ de dag thams cad ni theg pa chen po'i bar du gcod pa'o// de bzhin gshegs pas sangs rgyas kyi yon tan rab tu mkhyen pa ci tsam pa theg pa chen po'i bsngags pa dang / yon tan yang de tsam mo// bu mo de lta bas na ji nas kyang byang chub sems dpa' sems dpa' chen pos theg pa chen po nyon mongs par gyur pa'i chos yongs su spang bar bya'o/ / chos gang dag gis theg pa chen po rnam par dag par 'gyur ba'i chos de dag la bsten par bya/ bsgom par bya mang du bya'o// de la theg pa chen po rnam par dag par 'gyur ba'i chos gang zhe na/ bu mo chos sum cu rtsa gnyis po 'di dag ni theg pa chen po rnam par dag par 'gyur ba ste/ sum cu rtsa gnyis gang zhe na 'di lta ste/ gsol ba ma btab par/ sems can thams cad la dge ba'i bshes gnyen du gyur pa dang / gzhan gyis byas pa rnams la mngon par dag pa med pa dang / dge ba'i rtsa ba'i tshogs
- 71a
thams cad la bsam pa brtan pa dang / bya ba thams cad yongs su bsgrub pa la zhum pa med pa dang / bsam pa dag pas sems rnyog pa med pa dang / spyod lam thams/ cad du rnam par mi rtogs pas/ lus yongs su dag pa dang / ci skad smras pa de bzhin du byed pas ngag yongs su dag pa dang / byang chub kyi sems mi 'dor bas sems yongs su dag pa dang lan la mi re bas sbyin pa yongs su dag pa dang / tshul khrims 'chal pa yongs su skyob pas tshul khrims yongs su dag pa dang / lus dang srog la mi lta bas bzod pa yongs su dag pa dang / stobs bcu dang / mi 'jigs pa bzhi yongs su rdzogs par byed pas/ brtson 'grus yongs su dag pa dang / nyon mongs pa thams cad kyis zil gyis mi non pas bsam gtan yongs su dag pa dang / bag chags thams cad yang dag par 'joms pas shes rab yongs su dag pa dang / bdud kyi las thams cad yongs su spong bas sems pa dang / kha 'og tu lus 'khrus par byed pas/ yid dam la brtan pa dang / sems can yongs su smin par byed pas bsdu ba'i dngos po rnams mi 'dor ba dang / dam pa'i chos yongs su srungs pas sangs rgyas la byas pa bzo ba dang / byang chub kyi phyogs kyi chos rab tu rdzogs par byed pas yongs su mi skyo ba dang / shes rab dang / ye shes rab tu rdzogs par bya ba'i phyir/ thos pas mi ngoms pa dang / gong ma'i khyad par khong du chud
- 71b
pas de la mi chags pa dang / spyi gtsug bltar mi mthong bar bya ba'i phyir/ nga rgyal med par nyan pa dang / rgyu dang / rkyen tshogs pa shin tu mthong ba'i phyir/ chos thams cad 'gal ba med pa dang / 'phags pa'i nor bdun rab tu thob pa'i phyir dbul ba med pa dang / bdag la dbang bas rang dbang yod de/ bran ma yin pa dang / bsod nams dang / ye shes kyi tshogs mngon par bsgrubs pa'i mngon par shes pa rnams kyis sems can thams cad kyi nyon mongs pa zhi bar byed pa dang / de bzhin gshegs pa'i rigs pa dang / rnam par grol ba bsgrubs pas zhi gnas kyi tshogs dang / lhag mthong gi tshogs dang / stong pa nyid dang / mtshan ma med pa dang / smon pa med pa bsgom pa'i phyir/ rnam par thar pa'i sgo gsum gyi sgo mo kun tu ston pa dang / sems can thams cad snyed kyi ye shes khong du chud pas nad nye bar zhi ba dang / mi skye ba'i chos la bzod pa'i phyir zad pa dang / mi skye ba shes pa dang / chos thams cad la nan tan snying por byed cing / gnas pa lung bstan pa ste/ bu mo chos sum cu rtsa gnyis po de dag ni theg pa chen po rnam par dag par 'gyur ba'o// theg pa chen po rnam par dag pa'i le'u'i chos kyi rnam grangs 'di bshad pa na/ lha dang mi'i skye dgu srog chags bdun khri nyis stong ni/ bla na med pa yang dag par rdzogs pa'i byang chub tu sems bskyed do// byang chub sems dpa' khri nyis stong ni mi skye ba'i chos la bzod pa rab tu thob par gyur
- 72a
to/ / steng gi bar snang las kyang lha brgya stong gis ca co dang gzha'i sgra byung ste/ me tog kyang gtor sil snyan yang dkrol nas/ gang theg pa chen po'i yon tan dang bsngags pa bstan pa'i chos kyi sgo'o le'u 'di thos la thos nas kyang mos pa dang / mos nas kyang len cing 'dzin te/ yang dag par nan tan byed pa'i sems can de dag ni sangs rgyas kyi yon tan la nges par gnas par 'gyur ro zhes ched du brjod pa de skad ched du brjod do/ / de nas bcom ldan 'das la/ lha'i dbang po brgya byin dang / mi mjed kyi bdag po tshangs pa dang / rgyal po chen po bzhis 'di skad ces gsol to/ / bcom ldan 'das kye ma'o// de tsam du chos kyi rnam grangs don mang po dang ldan pa/ sgrib pa'i nyon mongs pa zhi bar bgyid pa/ nges pa'i don dang ldan pa/ bdud dang phyir rgol ba bcom pa/ phas kyi rgol ba thams cad rab tu 'dul ba/ sangs rgyas kyi chos thams cad kun tu 'dzin pa/ shin tu nges pa zab mo nges pa'i tshig bstan pa// 'di ngo mtshar to// bcom ldan 'das bdag cag gis kyang chos kyi rnam grangs 'di blang bar bgyi/ gzung bar bgyi'o// chos kyi rnam grangs 'di chos smra ba gang gi sdug par mchis pa dang / mdzod du chud pa dang / glegs bam du mchis par gyur pa dang / lha dang klu dang / gnod sbyin dang / dri za gang dag chos kyi rnam grangs 'di la mos pa dang / 'dzin par 'gyur ba de dag yongs su
- 72b
gzung ba'i sug las bgyi'o/ / gang sems ma dang bas zhabs tshol ba de dag ji nas kyang chos smra ba de dag la 'tshe bar mi 'gyur bar shin tu char dgum par bgyi'o// de nas bcom ldan 'das kyis lha'i dbang po brgya byin dang / mi mjed kyi bdag po tshangs pa dang / 'jig rten skyong ba bzhi la legs so zhes bya ba gnang ste/ grogs po dag chos smra ba yongs su gzung ba'i phyir/ dam bcas par gyur pa ni legs so legs so// grogs po dag chos smra ba yongs su bzung bas dam pa'i chos yongs su bzung ba yin no// dam pa'i chos yongs su bzung bas sems can thams cad yongs su bzung ba byas pa yin no/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo bu mo rin chen gyis dam pa'i chos yongs su dris pa'i chos kyi rnam grangs 'di zung shig/ chongs shig/ lhogs shig/ gzhan dag la yang rgya cher rab tu ston cig/ kun dga' bo byang chub sems dpa' sbyin pa la mos pa dang / dmigs pa la gnas pa'i bzod pas bskal pa brgya stong du sbyin pa byin pa bas/ gang yang byang chub sems dpa' gzhan zhig chos kyi rnam grangs 'di la zhugs te gzhan dag la yang rab tu ston cig sems can rab tu thar bar bya ba la dmigs nas/ snying rje chen po la gnas pa dang / gang byams pa chen po dang ldan zhing chos nges par sems dpa'i bzod pa la rab tu gnas na/
- 73a
bas bsod nams ches mang du bskyed de/ de ltar theg pa chen po la ches myur du nges par 'byung bar 'gyur ro// de skad ces bka' stsal pa dang / tshe dang ldan pa kun dga' bos bcom ldan 'das la de skad ces gsol to/ / bcom ldan 'das bdag gis chos kyi rnam grangs 'di bzung lags na/ bcom ldan 'das chos kyi rnam grangs 'di'i ming ci lags 'di ji ltar bzung bar bgyi/ bcom ldan 'das kyis bka' stsal pa/ kun dga' bo de bas na/ chos kyi rnam grangs 'di bden pa dang / chos dang / don dang / 'dul ba la mkhas pa'i sgo'i le'u zhes bya bar zung shig/ yon tan rin po che mtha' yas par sems bskyed pa bstan pa zhes bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan rab tu dbye ba bstan pa zhes bya ba dang / byang chub sems dpa'i chos spyod pa mtha' dag ces bya ba dang / phyir mi ldog pa'i phyag rgya bstan pa zhes bya ba dang / theg pa chen po'i man ngag ces bya ba dang / 'dus pa'i le'u zhes bya ba dang / bu me rin chen gyis zhus pa zhes bya bar yang zung shig/ kun dga' bo khyod kyis chos kyi sgo'i le'u 'di bzung zhing gzhan ngag la yang bshad na/ yon tan gyi tshogs dpag tu med pa la chos kyi snang ba thob par 'gyur ro// sems can rnams la sangs rgyas kyi mdzad pas nye bar gnas par 'gyur ro// de ci'i phyir zhe na/
- 73b
'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub ni 'dir 'dus pa'i phyir ro// bcom ldan 'das kyis de skad ces bka' stsal pa dang / tshe dang ldan pa kun dga' bo dang / bu mo rin chen dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa theg pa chen po'i man ngag ces bya ba theg pa chen po'i mdo rdzogs so// / rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban+d+he ye shes sde la sogs pas bsgyur cing zhus te gtan la phab pa/ @rgya gar skad du/ Ar+ya bud d+ha sang gI ti nA ma ma hA yan sU tra/ bod skad du/ 'phags pa sangs rgyas bgro ba zhes bya ba theg pa chen po'i ngo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul dbus 'gyur 'chang na/ yul dbus 'gyur 'chang ba rnams kyi shing am 'bra stug po'i tshal gyi grong 'dab/ ri bzang po be de ha'i dbang po'i brag gi phug na/ dge slong lnga stong gi dge slong gi dge 'dun chen po dang / byang chub sems dpa' nyi khri lnga stong dang thabs cig tu bzhugs te/ thams cad kyang bla na med pa yang dag par rdzogs pa'i byang chub las phyir mi ldog pa byang chub sems
- 74a
dpa' 'jam dpal dang / byams pa la sogs pa dang thabs cig go// lha'i bu brgyad khri bzhi stong dang yang thabs cig ste/ thams cad kyang byang chub sems dpa'i theg pa la gnas pa sha stag go/ / yang de'i tshe na 'jig rten du rnyog pa lnga dag byung ste/ 'di lta ste/ tshe'i rnyog pa dang / sems can gyi rnyog pa dang / bskal pa'i rnyog pa dang / nyon mongs pa'i rnyog pa dang / lta ba'i rnyog pa dang lnga byung ba'i phyir/ 'khor bzhi yang dag par rdzogs pa'i sangs rgyas kyi drung du 'di lta ste/ chos nyan pa'i phyir shin tu 'ong bar ma gyur/ 'ongs nas kyang chos la mthun par mi byed/ de bzhin gshegs pa la'ang bkur sti mi byed de/ sems can dag chos bshad pas skyo zhing 'khod nas/ brel pa sna tshogs kyis brel te/ de nas bcom ldan 'das kyis 'di snyam du dgongs te/ kye ma'o sems can 'di dag yongs su skyo ste/ chos bshad pa khong du mi chung/ chos nyan pa dang / de bzhin gshegs pa la lta ba'i phyir 'ong te/ chos nyan pa'i phyir 'ongs su zin kyang de ltar mthun par mi byed/ bka' yin par sems mi 'jog gis/ gang ngas nang du yang dag 'jog gi tshul gyis skye bo rnams yongs su bsgom par bya'o// sangs rgyas kyi zhing gzhan dag tu yang sangs rgyas bcom ldan 'das gzhan dag dang lhan cig tu/ sangs rgyas bgro ba zhes bya ba'i chos kyi rnam grangs bgro'o snyam mo// yang de'i tshe na/ sangs rgyas bcom ldan 'das
- 74b
gzhan dag gi sangs rgyas kyi zhing gzhan du'ang / 'khor bzhi yongs su spyo ste/ chos nyan pa'i phyir mi 'ong bar gyur nas/ sangs rgyas bcom ldan 'das de ngas kyang bdag bdag gi sangs rgyas kyi zhing du yang dag 'jog la bzhugs pa'i tshul gyis/ 'khor bzhi yongs su sgom par mdzad do// yang de'i tshe na/ shar phyogs su sangs rgyas kyi zhing brgyad khri bzhi stong 'das pa na kun tu snang ba zhes bya ba'i 'jig rten gyi khams de na/ 'jug sred kyi rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs 'tsho ga zhes shing chos kyang ston to/ / sangs rgyas bcom ldan 'das de dag kyang / de bzhin gshegs pa'i bgro ba bgro ba'i phyir der 'dus te/ sangs rgyas bcom ldan 'das de dag la ma bgros pa'am bgro bar mi mdzad pa med do/ chos bshad pa dang / sems can 'dul ba'i phyir/ de bzhin gshegs pa dag bgro ba mdzad do// de nas bcom ldan 'das 'di snyam du dgongs so// sangs rgyas bcom ldan 'das de dag gang du 'du bar 'gyur zhes dgongs pa las/ de 'di snyam du gyur te/ shar phyogs su sangs rgyas bcom ldan 'das de dag 'du bar 'gyur te/ 'di nas sangs rgyas kyi zhing brgyad khri bzhi stong 'das pa na/ 'jig rten gyi khams kun tu snang ba zhes bya ba de na/ de bzhin gshegs dgra bcom pa yang dag par rdzogs pa'i sangs rgyas 'jug sred kyi rgyal po zhes bya ba da ltar bzhugs
- 75a
'tsho ga zhes chos kyang ston to/ / der sangs rgyas bcom ldan 'das rnams 'du bar 'gyur ro snyam mo// de nas bcom ldan 'das kyis/ tshe dang ldan pa da bo la bka' stsal pa/ dga' bo de ring de bzhin gshegs pa dbang po'i brag gi phug du gshegs so// gshegs nas kyang zla ba gsum du nang du yang dag 'jog par 'gyur gyis/ de dga' bo khyed kyis lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang mi la sogs pa gang yang / dbang po'i brag gi pug tu zla ba gsum gyi bar du ma gtang shig/ de skad ces bka' stsal pa dang / tshe dang ldan pa dga' bos/ bcom ldan 'das la 'di skad ces gsol to// bcom ldan 'das bdag gis mthu chen po lus phra ba dag gzung mi nus so/ / bcom ldan 'das ji ltar gnas brtan mo'u 'gal gyi bu chen po rdzu 'phrul dang cho 'phrul dang ldan pa de 'dra ba bdag la ma mchis kyis/ bcom ldan 'das de la bka' stsal du gsol/ des ni bcom ldan 'das srung bar nus so// de skad ces gsol pa dang bcom ldan 'das kyis tshe dang ldan pa dga' bo la 'di skad ces bka' stsal to// dga' bo chog go// khyod de bzhin gshegs pa la de skad ma zer cig/ de bzhin gshegs pa ni sus kyang srung mi dgos so// kun tu bsrung mi dgos so// de bzhin gshegs pa la ni bsrung bar bya ba
- 75b
med de dgra las rgyal ba yin no/ / ngas ni lha dang bcas pa bdud dang bcas pa dge sbyong dang bram zer bcas pa'i skye dgu'i 'jig rten na/ gang de bzhin gshegs pa'i byin gyi rlabs la chung ngu na chos gos kyi mtha' ma la yang skyod pa'am skul bar nus pa su yang ma mthong gis/ dga' bo khyod bya ba nyung bar gyis shig/ de bzhin gshegs pa nyid kyi byin gyis rlob bo// dga' bo yang de bzhin gshegs pa nang du yang dag 'jog la zhugs pa'i drung du/ dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag 'ong bar gyur na/ dga' bo khyod kyis de dag la 'di skad du chos shod cig/ grogs po dag mir skye ba thob pa ni dkon no// mthun pa'i yul na gnas pa ni dkon no// de bzhin gshegs pa skye ba yang dkon no// de bzhin gshegs pas gsungs pa'i chos 'dul ba la dad pa yang dkon no/ / rab tu byung zhing bsnyen par rdzogs pa'i dge slong gi dngos po yang dkon no// dge ba'i bshes gnyen yang dkon no// nan tan la gnas pa'i gang zag kyang dkon no// stong pa nyid la yid ches shing mos par byed pa yang dkon no// dge slong chos yongs su dag par 'chad pa yang dkon no// gtong ba'i sems dang ldan pa yang dkon no// len pa yang dkon no//
- 76a
gang blangs nas sbyin pa sbyong bar byed pa yang dkon no// gang byas pa gzo bar byed pa dang / byas pa tshor bar byed pa'i sems can de dag kyang dkon no// gang bslab pa 'dod cing / srog gi phyir yang bslab pa mi gtong ba'i sems can de dag kyang dkon no// sems can gang dag sems can thams cad la snying rje ba dang snying brtse ba bskyed nas/ bla na med pa yang dag par rdzogs pa'i byang chub tu sems bskyed pa de dag kyang dkon no/ / de bas kyang gang byang chub tu sems bskyed ma thag tu nan tan gyis sbyong ba'i sems can de dag ni shin tu dkon no zhes/ dga' bo khyod kyis de bzhin gshegs pa nang du yang dag 'jog la zhugs na/ de ltar chos shod cig/ gal te dge slong dang / dge slong ma dang / dge bsnyen dang / dge bsnyen ma'i 'khor bzhi dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag lhag nas/ 'ongs pa de dag la de skad du chos shod cig/ gzhan yang dga' bo khyod kyis 'di ltar chos shod cig/ de bzhin gshegs pas rnam grangs du mar log par lta ba shin tu kha na ma tho bar gsungs kyis/ de'i phyir khyod kyis log par lta bar mi bya'o/ / de la log par lta ba gang zhe na/ 'di lta ste/ ma grol ba dang / ma sbas pa dang / ma zhi ba dang / ma dul ba dang / rnam par mdul
- 76b
ba dang / lha sna tshogs la thal mo sbyor ba dang / tshul khrims dang bzod pa sna tshogs dang / chu bo dang / mtshe'u dang / rdzing bu dang / 'obs dang / ri dang / ri dgas dang / bya dang shing la dad pa dang / 'dod chags dang / zhe sdang dang / gti mug dang bcas pa dang / de lta bu dag gi gzugs byed pa dang / de la sogs pa yang dag pa ma yin par lta ba de ni log par lta ba zhes bya'o/ / gzhan yang dga' bo log par lta ba ni gang bdag tu 'dzin pa la zhen pa de ni log par lta ba zhes bya'o// sems can du 'dzin pa la zhen pa dang srog tu 'dzin pa dang / gang zag tu 'dzin pa la zhen pa dang / chad par 'dzin pa la zhen pa dang / rtag par 'dzin pa la zhen pa de dag ni log par lta ba zhes bya'o// dga' bo mdor na log par lta ba shin tu phra ba bstan to// dga' bo rigs kyi bu 'am/ rigs kyi bu mo gang yang rung ste/ chung ngu na mya ngan las 'da' bar sems kyang rung / de lta bu'i 'du shes skye na/ de ni log par lta ba zhes bya'o// dga' bo gzhan yang de bzhin gshegs pa nang du yang dag 'jog la 'jug na/ 'di ltar chos shod cig/ khyod kyis chos dgos par gyis shig/ chos la dga' ba dang / mgu ba dang / rangs pa dang / 'tsho ba yongs su dag pa dang / bslab pa la 'dod pa dang / dad pa dang / dang ba mang ba dang khrel dang bcas pa dang / bus pa dang / bsti stang dang bcas pa dang / yid la skrag pa dang
- 77a
khams gsum thams cad las 'byung bar sems pa dang / byams pa dang / snying rje dang / dka' ba dang / btang snyoms la bsgom pa'i brtson 'grus dang ldan pa dang / bzod pa dang / tshig bzang po dang / don la rton cing tshig la mi rton pa dang / ye shes la rton cing rnam par shes pa la mi rton pa dang / nges pa'i mngon la rton gyi drang ba'i mngon la mi rngon pa dang chos nyid la rton gyi gang zag la mi rton pa dang / rnam par thar pa'i sgo gsum la/ tshul bzhin du yid la bya bas rtogs pa dang / khyed stong pa nyid la spyod yul bar gyis shig/ bdag/ tu 'dzin pa yongs su spangs pa dang / mtshan ma'i spyod yul med pa dang / mtshan ma yongs su spangs pa dang / smon pa med pa'i rnam par thar pa'i sgo la spyod yul ba dang / smon lam las 'das par gyis shig/ dga' bo khyod kyis sems can rnams la rten cing 'brel par 'byung ba las brtsams te chos shod cig/ rten cing 'brel ba'i chos shes bya ba ni/ rkyen med na chos gang yang mi 'byung ba ste/ de ltar khyod kyis rten cing 'brel par 'byung ba khong du chud par bya'o// dga' bo de la rten cing 'brel par 'byung ba ji lta ba yang dag par rtogs pa gang zhe na/ rten cing 'brel bar 'byung ba ni mi skye ba yin te/ de la ji ltar rtogs par 'gyur zhe na/ mi skye ba la bzod pa yin te/ de la yang rlom sems mi byed pa de ni/ rten cing 'brel bar 'byung ba la
- 77b
ji lta ba yang dag par rtogs pa'o/ / dga' bo khyod kyis 'phags pa'i bden pa'i rab tu tha dad pa las brtsams te/ sems can rnams la chos bshad par bya'o// dga' bo 'phags paba'i bden pa rab tu tha dad pa gang zhe na/ dga' bo gang 'phags pa'i bden pa de nyon cig/ dga' bo 'phags pa'i bden pa ni/ bden pa yang ma yin/ brdzun pa yang yin te/ gang bden pa yang ma yin/ brdzun pa yang ma yin pa de ni/ 'phags pa'i bden pa zhes bya'o// bden pa de'i rab tu tha dad pa ji snyed cig yod ce na/ mi skye ba'i bden pa dang / ji lta ba bzhin gyi bden pa dang / 'dod chags dang bral ba'i bden pa dang / 'gog pa'i bden pa dang / mya ngan las 'da' ba'i bden pa dang / rnam par grol ba'i bden pa dang / dngos po mang pa'i bden pa dang / ma spros pa'i bden pa dang / mi rgyu ba'i bden pa dang / lhun gyis grub pa'i bden pa dang / mi len pa'i bden pa dang / mi gtong ba'i bden pa dang / ma byas pa'i bden pa dang / mi byed pa'i bden pa dang / mi lhung ba'i bden pa dang / gnas med pa'i bden pa dang / dka' bo chos gang mi skye ba dang / mi 'bri ba dang / mi gnas pa dang gzhan du mi 'gyur ba de ni bden pa zhes bya ste/ dga' bo de las dgongs te/ de bzhin gshegs pa dag 'phags pa'i gang zag ni 'dus ma byas pas bskyed pa'o zhes chos 'chad do//
- 78a
gang sdug bsngal la mi skye bar shes pa 'di ni 'phags pa'i sdug bsngal bden pa ste/ de ni sdug bsngal rtogs pa'o// gang kun 'byung ba mi rgyu bar/ rgyu yongs su shes pa 'ang ni/ sdug bsngal gyi kun 'byung ba rtogs pa'o// gang shin tu 'gog pa'i chos thams cad zad shin tu mi skye ba 'di ni/ sdug bsngal 'gog pa'o// de la lam gang zhe na/ lam gang gis gnyis su mi byed cing / dge ba dang / mi dge ba'i tshul gcig la 'jug pa dang / chos thams cad kyi tshul gcig rtogs pa 'di ni/ lam zhes bya'o// dga' bo rnam par thar pa'i sgo gsum la yang lam zhes bya ste/ lam des sngon gyi yang dag par rdzogs pa'i sangs rgyas kyi nyan thos kyi dge 'dun dang bcas pa dag 'di lta ste/ mya ngan las 'da' ba'i 'gro ba bzang por gshegs so/ / dga' bo 'di na 'phags pa'i lam yan lag brgyad pa zhes bya ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i 'bad pa dang / yang dag pa'i dran pa dang / yang dag pa'i ting nge 'dzin to// de ni mnyam par bshad pa yin te/ mnyam pa de'i phyir chos gang la yang rnam par rtog pa mi byed pas na/ de'i phyir lam la zhugs pa zhes bya'o// dga' bo gzhan yang 'di skad du chos shod cig/ khyod kyis dran pa nye bar gzhag
- 78b
pa'i rnal 'byor la brtson par gyis shig/ khyod kyis byang chub kyi phyogs kyi chos sum cu rtsa bdun gyi tshul ji lta ba bzhin du rtogs shing / 'gro ba la mkhas par gyis shig/ ces de skad du chos shod cig/ dga' bo de la byang chub kyi phyogs kyi chos sum cu rtsa bdun gyi tshul ji lta ba bzhin du rtogs pa dang / 'gro ba la mkhas pa gang zhe na/ 'di lta ste/ yi ge'i rang bzhin dang / skad mnyam pa nyid yin te/ dga' bo de bzhin gshegs pa ni yi ge'i chos rnam par 'jog la/ yi ge de dag kyang rang bzhin gyis stong zhing / mi skye mi 'jig pas bshad kyang tsam du zad ma da shad kyang de tsam du zad de/ mi 'phel mi 'bri bas de'i phyir yi ge ma yin no// dga' bos dge slong gang yi ge mnyam pa dang / skad mnyam pa shes pa'i dge slong de ni byang chub kyi phyogs kyi chos rnams kyi tshul ji bzhin pa rtogs shing 'gro ba la mkhas par rig par bya'o/ / dga' bo gzhan yang de bzhin gshegs pa nang du yang dag 'jog la zhugs pa'i cha 'khor bzhi gang 'ong ba de dag la/ dga' bos khyod kyis dus gsum mnyam pa nyid las rtsoms te chos shod cig/ dga' bo dus gsum mnyam pa nyid gang zhe na/ dka' ba 'das pa'i'o/ dus ni ma skyes pa'o// ma 'ongs pa'i dus ni ma mthong ba'o// da ltar ni mi gnas pa ste/ chos thams cad ni phyin ci log la gnas pa dang rang bzhin gyis zhi ba'o// song pa
- 79a
yang dus gang yang mi gnas te/ 'das pa yang stong pa/ ma 'ongs pa yang stong pa/ da ltar yang stong pa'o// ji ltar dus stong pa yin pa de bzhin nyid kyang de dang 'dra'o/ / ji ltar dus stong pa de bzhin du sems can yang stong ste/ dga' bo 'di lta ste/ sna tshogs su med pa dang / tshul gcig la 'jug pa de ni dus gsum mnyam pa nyid do// dga' bo gzhan yang khams gsum yongs su shes pa'i phyir chos shod cig/ ji ltar na khams gsum yongs su shes pa yin zhe na/ dga' bo 'di la rnal 'byor pa/ rnal 'byor spyod pa/ 'di ltar rtog ste/ 'dod pa'i khams ni yongs su rtog pa las byung ngo // gzugs kyi khams dang / gzugs med pa'i khams kyang yongs su rtog pa las byung ste// gogang yongs su rtog pa de ni dngos po med pas khams gsum thams cad rang bzhin med par rtog pa nas/ rtog par mi byed/ rnam par rtog par mi byed/ len par mi byed/ 'dor bar mi byed/ 'dod par mi byed/ smon par mi byed/ snyems par mi byed/ sems par mi byed de/ de sems pa thams cad dang bral bas 'di lta ste/ rnam par thar pa'i sgo gsum stong pa nyid dang / mtshan ma med pa dang / smon pa med pa tshogs chung ngus mngon du byed do// dga' bo rnam par thar pa'i sgo gsum mngon du bya ba gang zhe na/ gang mnyam pa nyid ma 'thas
- 79b
pa dang / chos gang yang mi bya ba dang / rnam par mi bya ba ste/ chos thams cad thog ma nas zad par shes nas/ ye shes dang bcas pa'i yid la byed pa yang mi bskyed de/ gcig par yang mi byed/ sna tshogs su yang mi byed pa 'di ni/ dga' bo rnam par thar pa'i sgo gsum mngon du byed pa'i mnyam pa nyid do// dga' bo khyod kyis phung po lnga yongs su shes par bya ba'i phyir yang chos shod cig/ dga' bo phung po lnga yongs su shes par bya ba gang zhe na/ dga' bo 'di la rnal 'byor pa/ rnal 'byor spyod pa dgon pa dang dben pa la gnas pa dag 'di ltar slob bo/ / de bzhin gshegs pas kyang 'di skad gsungs te/ gzugs ni dbu ba rdol ba lta bu/ tshor ba ni chu'i chu bur lta bu/ 'du shes ni smig rgyu lta bu/ 'du byed ni chu shing skyes pa lta bu/ rnam par shes pa ni sgyu ma lta bu'o zhes nyi ma'i gnyen gyis gsungs so// de la rnal 'byor spyod pa dag 'di ltar slob ste/ gang de bzhin gshegs pas gsungs pa'i dpe de dag ni yang dag pa'o/ / de dag ni de bzhin no// de dag ni gzhan ma yin te/ dbu ba ni stong pa/ 'dod pa'i khams su ma gtogs pa/ gzugs kyi khams su ma gtogs pa gzugs med pa'i khams su ma gtogs pa'o/ / gang khams gsum du ma gtogs pa ni gdags su med pa mi gdags pa'o// dbu ba la yang ba dag gam sems can du
- 80a
gdags su yang mi nus/ de la bdag gam sems can du mi dmigs shing med do// de ci'i phyir zhe na/ chos thams cad bdag med pa'i phyir ro// tshe ba dang / 'du shes dang / 'du byed kyang de bzhin no// gang rnam par shes pa ni sgyu ma lta bu'o zhes gsungs pa'o// sgyu ma ni stong pa ste/ 'dod pa'i khams su ma gtogs gzugs kyi khams su ma gtogs/ gzugs med pa'i khams su ma gtogs so// gang khams gsum du ma gtogs pa de ni gdags su med de mi gdags pa'o// sgyu ma la yang bdag gam sems can du gdags su mi nus te/ de la ni bdag gam sems can med cing mi dmigs pa'o// dga' bo chos thams cad ni bdag med pa'o zhes de ltar phung po la rtog pa de ni phung po yongs su shes pa'o/ / dga' bo gzhan yang phyi dang nang gi skye mched drug yongs su shes par bya ba dang / spang bar bya ba'i phyir khyod kyis chos shod cig/ de la phyi dang nang gi skye mched drug yongs su shes par bya ba gang zhe na/ dga' bo mig gi bdag dang bdag gis stong ste/ de ni rang bzhin gyi de bzhin no// de bzhin du rna ba dang / sna dang / lce dang / lus dang yid bdag dang bdag gis stong ste/ de rang bzhin gyis de bzhin no// gzugs bdag dang bdag gis stong ste/ de ni rang bzhin gyis de bzhin no// de bzhin du sgra dang / dri dang
- 80b
ro dang reg dang chos rnams kyang bdag dang bdag gis stong ste/ de'ang rang bzhin gyis de bzhin no zhes/ de bzhin gshegs pas gsungs te/ dga' bo gang rang bzhin gyis stong pa de la ni chos gang yang gdags su med do/ / de la ni mig med rna ba mang sna mer lce med lus med yid med/ gzugs med sgra med dri med ro med reg med chos med do// dga' po gang chos de dag la gzhan gyi dring mi 'jog pa'i ye shes de ni/ phyi dang nang gi skye mched drug yongs su shes pa'o// de la phyi dang nang gi skye mched drug spang ba gang zhe na/ 'di lta ste/ chos thams cad mi 'dzin pa mi snyems pa mtshan ma mi rgyu ba de ni phyi dang nang gi skye mched drug spang ba'o// de lta bas na dka' bo khyod kyis gal te dge slong dang / dge slong ma dang dge bsnyen dang / dge bsnyen ma'i 'khor bzhi dang / lha dang / klu dang / gnod sbyin dang / dri za dang / mi 'am ci dang / lto 'phye chen po dang / mi dang mi ma yin pa dag 'ong na/ de dag la dga' bo khyod kyis de skad du chos shod cig/ yang de'i tshe na bcom ldan 'das kyis 'di 'dra ba'i byin gyis brlab pas byin gyis brlabs par gyur gang dang gang dag chos bshad pa 'di'i snod du gyur pa de dag ni thos so/ / lhag ma dag la ni rnar bar yang mi grag ste/ de bzhin gshegs pa cang mi gsung bar mthong ngo // ston pas
- 81a
'di bstan pa'i tshe dge slong lnga brgya ni zag pa las ma lus par sems rnam par grol lo/ / lha'i bu bzhi khri nyis stong ni chos kyi mig rdul med cing drim dang bral ba rnam par dag go/ / dge slong ma sum stong ni zag pa las ma lus par sems rnam par grol lo// srog chags khrag khrig phrag bdun gyis ni 'dod chags dang bral ba thob par gyur to/ / de nas bcom ldan 'das kyis tshe dang ldan pa dga' bo la de 'dra bar bstan nas tshe dang ldan pa dga' bo la bka' stsal pa/ dga' bo khyod longs te dbang po'i brag gi phug tu song la/ de bzhin gshegs pa'i rtswa'i gding bathing shig/ de bzhin gshegs pa ni rtswa'i gding ba la bzhugs te/ zla ba gsum du nang du yang dag 'jog la bzhugs par 'gyur ro/ / de skad ces bka' stsal pa dang / bcom ldan 'das la tshe dang ldan pa dga' bos 'di skad ces gsol to// bcom ldan 'das gdan gding bar bgyi'o// gdan gding ba ji lta bu zhig gding ba 'tshal/ bcom ldan 'das kyis bka' stsal pa/ dga' bo chog gis de skad ma zer cig/ sngon gyi de bzhin gshegs pa dgra bcom pa yang dag par rdzogs pa'i sangs rgyas dag ni rtswa'i gding ba la dgyes par gyur to/ / dga' bo de bzhin gshegs pa ni yo byad kyi bde bas bde ba ma yin gyi/ dga' bo de bzhin gshegs pa ni chos
- 81b
la gnas pa'i bde bas bde ba yin no/ / de nas tshe dang ldan pa dga' bos bcom ldan 'das kyis ltar mnyan te/ stan las langs nas rtswa'i phyir de bzhin gshegs pa'i 'khor nas byung ngo / / de nas de'i tshe/ lha'i bu bye ba khrag khrig brgya phrag stong du mas lha'i rtswa 'jam pa reg na bde ba gos ka tsa lin+di ka dang 'dra ba dag/ tshe dang ldan pa dag por lag tu bzhag par gyur to/ / de nas tshe dang ldan pa dga' bos rtsa de dag blangs te/ dbang po'i brag gi phug gang na ba der song nas/ dbang po'i brag gi phug gi nang du phyin pa dang / bcom ldan 'das kyi rtswa'i gding ba bting ngo // tshe dang ldan pa dga' bos bcom ldan 'das kyi rtswa'i gding ba bting ma thag tu de nas de'i tshe/ lha'i bu bye ba khrag khrig brgya phrag stong du mas rtsa'i gding ba'i steng du/ lha'i gos bting bar gyur te/ gos mang po de dag gis 'dzam bu'i gling yongs su gang zhing byur bur gyur nas/ bcom ldan 'das kyi rdzu 'phrul gyi byin gyis brlabs kyis/ gos mang po de dag kyang 'phang du sor bzhi tsam du gyur to// de nas bcom ldan 'das gangan las bzhengs te/ dbang po'i brag gi phug tu gshegs so/ / bcom ldan 'das gshegs nas/ sil snyan thams cad kyang ma dkrol bar sgra byung ngo // me tog gi char dag kyang bab ste/ me tog gi char de dag gis stong gsum gyi stong che
- 82a
po'i 'jig rten gyi khams 'di khyab par gyur to/ / de nas bcom ldan 'das dbang po'i brag gi phug du gshegs nas/ skyil mo krung bcas te/ sku drang por bsrang nas/ dran pa mngon par bzhag ste bzhugs so// yang de'i tshe na bcom ldan 'das kyis dbang po'i brag gi phug bai DUR+Ya las byas pa lta bur gyur pa de 'dra ba'i rdzu 'phrul mngon par 'du bya ba mngon par 'du byas so/ / yang de'i tshe na/ stong gsum gyi stong chen po'i 'jig rten gyi khams na sems can sangs rgyas kyis 'dul ba dge ba'i rtsa ba yongs su smin pa de dag gis/ dbang po'i brag gi phug na de bzhin gshegs pa bzhugs pa mthong ba ni/ 'di lta ste/ me long yongs su dag pa'i nang du bzhin snang ba de bzhin du sems can de dag gis de bzhin gshegs pa mthong bar gyur to/ / yang de'i tshe na/ bcom ldan 'das kyi phyag g.yas pa'i mthil nas/ 'od zer brgya stong dag btang ste/ 'od zer de dag gis stong gsum gyi stong chen po'i 'jig rten gyi khams snang bar gyur nas/ nyi ma dang zla ba sems can dag gi mig gis ma mthong bar gyur to// yang de'i tshe na sems can thams cad 'dod chags kyi gnod pa med/ zhe sdang med/ gti mug med/ nga rgyal med/ gnod 'chab pa med/ phrag dog med/ ser sna med/
- 82b
ba med/ tha ba med/ gnod sems med de/ de'i tshe sems can thams cad kyang byams pa'i sems dang ldan zhing / pha dang mar 'du shes par gyur to// de nas bcom ldan 'das kyis gnas med pa lhun gyis grub pa/ nam mkha' rang bzhin mtshan ma med pa spyod pa dang ldan pa zhe bya ba'i ting nge 'dzin la mnyam par bzhag go// bcom ldan 'das kyis ting nge 'dzin de la mnyam par bzhag ma thag tu/ de nas de'i tshe/ stong gsum gyi stong chen po'i 'jig rten gyi khams 'di rnam pa drug tu g.yos so// de nas stong gsum gyi stong chen po'i 'jig rten gyi khams 'di na gnas pa'i sems can de dag gis/ de bzhin gshegs pa'i spyod lam dang / rdzu 'phrul gyi cho 'phrul dang / ting nge 'dzin gyi rnam par 'phrul pa dag mthong ngo / / mthong nas lha'i bu bzhi khri nyis stong dag/ bla na med pa yang dag par rdzogs pa'i byang chub tu sems skyes so// de'i tshe de dag thams cad kyis kyang lha'i me tog man+da ra ba dag thogs te/ dbang po'i brag gi phug ga la ba dang / bcom ldan 'das ga la ba der gtor ro// de dag gtor ma thag tu dbang po'i brag gi phug lan bdun bskor nas de nyid du mi snang bar gyur to/ / yang de'i tshe bcom ldan 'das kyis dbang po'i brag gi phug tu sprul pa sprul te/ der bzhag nas bcom ldan 'das 'jug sred kyi rgyal po de bzhin gshegs pa'i
- 83a
sangs rgyas kyi zhing kun tu 'od ces bya ba'i 'jig rte gyi khams ga la ba der gshegs so/ / yang de'i tshe na/ phyogs bcu'i sangs rgyas kyi zhing gang+gA'i klung / gi bye ma snyed kun tu/ de bzhin shegs pa gang+gA'i klung gi bye ma dang mnyam par rnyog pa lnga'i tshe/ 'jig rten du byung bar gyur te/ de dag gi sangs rgyas kyi zhing shin tu smad pa ste/ dper na da ltar gyi bcom ldan 'das shAkya thub pa'i mi mdzad kyi 'jig rten gyi khams 'di ji lta ba de bzhin du/ sangs rgyas bcom ldan 'das de dag gi sangs rgyas kyi zhing shin tu ngan te/ de bzhin du sems can 'dod chags kyi shas che ba dang / zhe sdang gis shas che ba dang / gti mug gis shas che ba dang / ma gus pa dang / byas pa mi bzo ba dang / g.yon can dang / sgyu can dang / dman pa la mos pa yin no// sangs rgyas bcom ldan 'das de dag gi 'jig rten gyi khams de dag na gnas pas sems can de dag kyang shin tu mthong bar 'dod pa ma yin/ chos la yang 'dun par mi byed/ chos bshad pa bgos par mi byed/ rna ba yang blags te mi nyan nas/ de bzhin gshegs pa de dag kyang thabs mkhas pas/ nang du yang dag 'jog la zhugs te/ sprul pa gzhan dag sprul nas/ bcom ldan 'das 'jug sred kyi rgyal po de bzhin gshegs pa'i sangs rgyas kyi zhing kun tu 'od ces bya ba'i 'jig rten gyi khams su 'di lta ste/
- 83b
sangs rgyas bgro ba zhes bya ba'i chos kyi rnam grangs bshad cing bstan pa'i phyir/ gshegs par gyur to// de'i phyir sangs rgyas 'gro ba zhes bya'o// sangs rgyas bcom ldan 'das rnams ni skye bo phyi ma dag gi phyir/ sangs rgyas bgro ba mdzad pa ma gtogs par gzhan cung zad kyang mdzad pa med de/ de bzhin gshegs pa yongs su mya ngan las 'das nas/ ci nas kyang sems can chos 'dod pa dag 'byung zhing / sangs rgyas bcom ldan 'das chos kyi rje de dag kyang chos bgro bar mdzad na/ bdag cag gis lta ba'i phyir chos mi bgro ba snyam du sems par 'gyur ba'i don de gzigs nas/ sangs rgyas bcom ldan 'das sangs rgyas kyi 'gro ba mdzad do// yang de'i tshe na/ kun tu 'od ces bya ba'i 'jig rten gyi khams der sangs rgyas bcom ldan 'das dpag tu med pa grangs med pa dag tshogs par gyur to/ / ci'i phyir na 'jig rten gyi khams kun tu 'od ces bya zhe na/ sangs rgyas kyi zhing de na/ nyan thos dang rang sangs rgyas dag gi ming yang mi grag ste/ sangs rgyas kyi zhing de byang chub sems dpa' 'ba' zhig gis yongs su gang la/ byang chub sems dpa' di dag kyang 'od rang las 'byung zhing lus gser gyi kha dog lta bu dang / mtshan yongs su rdzogs pa sna tshogs kyi rigs dang ldan zhing / kun tu'ang byang chub sems dpa' de'i 'od 'byung bas na/ de'i phyir 'jig rten
- 84a
gyi khams kun tu 'od ces bya'o/ / de la sangs rgyas bgro ba gang yin zhe na/ 'di lta ste/ chos thams cad kyi tshul yang dag par ji lta ba bzhin du rtogs pa'o/ / de la chos thams cad ni gang / tshul ni gang / rtogs pa ni gang zhe na/ chos thams cad ni chos gcig pa ste/ chos de yang chos dang / chos ma yin par yang sus kyang bshad mi nus so/ / de ci'i phyir zhe na/ chos thams cad po de dag kyang ma skyes pa/ ma byung ba ste/ de dag ni chos kyi sgras bshad mod kyi/ gang nang gi skye mched drug dang / phyi'i skye mched drug dang / phung po dang / khams zhes bya ba de dag ni chos thams cad ces bya ste/ de dag thams cad kyang brjod pa tsam du zad do// gang chos thams cad kyi byed pa med pa/ yang dag pa ji lta ba bzhin du rtog pa de la ni phung po yang med/ khams kyang med/ skye mched kyang med/ rtag pa yang med/ chad pa yang med de/ de lta/ bas na/ dbus kyi gnas kyang med pa de ni chos thams cad kyi mnyam pa nyid bshad pa yin te/ 'di lta ste/ chos thams cad rang bzhin stong pa nyid do zhes ming gis brjod do// ming de yang byed pa med de/ ming gis brjod do// ming de yang rang bzhin gyis med de/ de ni sangs rgyas bgro ba zhes bya'o// tshul gang zhe na/ tshul zhes bya ba ni/
- 84b
'di lta ste/ 'dod chags med pa'i tshul dang / mi skye ba'i tshul dang / dben pa'i tshul dang / ji lta ba bzhin gyi tshul dang / de bzhin nyid kyi tshul dang / chos kyi dbyings kyi tshul dang / yang dag pa'i mtha'i tshul te/ chos thams cad stong ngo zhes bya ba 'di ni yang dag pa'i tshul lo// chos thams cad ni mi ldang ba mi spyod pa/ spyod pa med pa/ ma 'ongs pa/ mi 'gro ba/ bdag gi ba med pa/ bdag po med pa/ len pa med pa/ bltos pa med pa ste/ shin tu zad pa'i phyir zad pa'o// mi skye ba'i phyir zad pa'o// ji lta ba bzhin du dben pa'i phyir zhi ba'i rang bzhin can no/ / gnas dang bral ba'i phyir gnas med pa'o// tshul dang bral ba'i phyir tshul med pa'o// 'byung ba med pa ltung ba med pa'o// bral bar gyur pa'o/ / ma btud pa btud pa med pa'o// ma skyes par bshad pa'i phyir mi skye ba dang mtshungs pa'o// mi 'dra ba'i phyir mi mnyam pa'o// gang yi ge na 'jug pa de ni tshul lo// chos thams cad ni ming dang bral ba ste/ ma song ba ma 'ongs pa ma thob pa ma stor ba/ ma khyer ba ma blangs pa/ mnyam pa dang / mi mnyam par mi bshad pa'o// ma mthong ba ma thos pa/ mi dran pa rnam par mi shes pa/ gzung ba ma yin rab tu gzung ba ma yin/ dga' ba ma yin zhe sdang ba ma yin/ zhi ba ma yin/ zhi bar byed pa ma yin/ gtor ba ma yin/ ma gtor ba
- 85a
ma yin/ rags pa ma yin/ phra ba ma yin/ ring ba ma yin/ thung ba ma yin/ dpung med pa/ mtha' ma med pa/ thog ma med pa/ 'jig pa med/ pa mu med pa/ bde ba med pa/ mi bde ba med pa/ shes pa med pa/ rgyu ba med pa/ spong ba med pa/ len par byed pa med pa/ reg par byed pa med pa/ ston par byed pa med pa/ sems par byed pa med pa/ rnam par shes par byed pa med pa/ rlom sems med pa/ yid la byed pa med pa/ rnam par 'phrul pa med pa/ spong ba med pa/ mi spong ba yang med par brjod par bya'o// bsrung ba med pa ma bsrungs pa yang med do// ma sbas pa sbas pa med do// de la thob pa med thob par 'gyur ba'ang med de/ de na dngos po yang med dngos po med pa yang med do/ / sgom pa yang med mi sgom pa yang med do// chad pa yang med rtag pa yang med do// de na thob pa yang med stor ba yang med do// 'das pa ma yin ma 'ongs pa ma yin/ da ltar byung ba ma yin/ shes pa ma yin mi shes pa yang ma yin/ rnam par shes pa ma yin/ rnam par mi shes pa yang ma yin/ sgra med ngag gi lam med brjod pa med/ skad med/ smra ba med/ yi ge med/ yi ge 'jug pa med/ zhugs pa med/ stor ba med/ ring ba ma yin/ nye ba ma yin/ thob pa med/ ma thob pa yang
- 85b
med pa'o/ / de la ni yid 'jug pa yang med/ bdag med/ sems can med/ srog med/ gang zag med/ tshul khrims dang ldan pa med/ ngang tshul ngan pa med bzod pa dang ldan pa med/ mi bzod pa spyod pa med/ brtson 'grus med/ le lo med de/ sus kyang ma yin/ su la yang ma yin/ cung zad kyang ma yin/ cung zad med pa yang ma yin/ thar pa yang ma yin/ bcings pa yang ma yin/ nam mkha' yang ma yin/ nam mkha' med pa yang ma yin/ ming tsam dang 'dra ba/ mi blang ba ma blangs pa/ mi skye ba mi 'chi ba/ btul ba med pa/ ma btul ba yang med pa/ bya ba med pa/ mi bya ba'ang med pa/ sdom pa med pa/ ltung ba gnod pa med pa/ g.yo ba med pa/ mi g.yo ba med pa/ rtog pa med pa/ rnam par rtog pa med pa/ rab tu rtog pa med pa/ len pa med pa/ 'dor ba med/ skye ba med/ 'chi 'pho ba med/ sbyin pa med// len pa med/ g.yeng ba med/ zhi ba med/ zhi bar byas pa med/ chos nyid med/ chos nyid dang 'gal ba med/ rdul med/ rdul dang bral ba med/ sgra 'byin pa med sgra 'byin par byed pa med/ sgra 'byin par 'gyur ba med/ 'dod chags pa med/ zhe sdang ba med/ gti mug pa med/ chags pa med/ khong khro ba med/ tshul rol med pa
- 86a
rol med/ dpung med zang med mtha' med/ sgrol ba med/ sgrol bar byed pa med/ 'grong med/ 'dug pa med/ smon pa med/ zlog par med/ 'byung ba med/ 'jig pa med/ gcad pa med/ gzhig pa med/ sbyor ba med/ spel ba med/ bcing ba med/ dgrol ba med/ gzung ba med/ mi gzung ba med 'od med/ 'od ma yin pa med/ srog med/ gso ba med/ gang zag med/ sems can med/ pags pa med/ pags pa dang bral ba yang med/ brjod par bya ba yang med mi brjod par byed pa'ang med pa de ni yi ger 'jug pa zhes bya ste/ 'jug pa de dang ldan pa'i byang chub sems dpa' sems dpa' chen po ni ming la mi chags so// ma chags nam chags pa'i chos la 'jug go/ / tshul gyi gnas la yang 'jug par 'gyur ro// de ni tshul zhes bya ste/ de yang sangs rgyas 'gro ba yin no// de la nan tan gang zhe na/ chos thams cad ni chos kyi dbyings gnas pa'i phyir gnas pa ste/ de la chos nyid la 'jug pa de ni nan tan zhes bya'o// de la chos nyid gang zhe na/ chos nyid ces bya ba ni 'di lta ste/ chos rnams la rloms sems med pa'o/ / gang gi tshen rloms sems med pa de'i tshe na mngon par rloms sems med/ gang gi tshe mngon par rlom sems med pa de'i tshe/ rnam par rtog pa med yongs
- 86b
su rtog pa med do/ / gang gi tshen yongs su rtog pa med pa de'i tshe/ rtog pa thams cad ces bya ste/ de ni mang du'ang mi byed/ nyung ngu'ang mi byed/ len par mi byed/ spong bar mi bya/ do// de ni 'das pa la mi sems mi rtog go// ma 'ongs pa la ma yin/ da ltar byung ba la ma yin/ gang da ltar mi gnas pa de yang yang dag par rjes su mi mthong ste/ de ni dus gsum mnyam pa nyid do/ / de la gang skye ba med god pa med/ gnas pa med gzhan du 'gyur ba med pa de ni/ chos kyi dbyings zhes bya ste/ de bzhin gshegs pas de la dgongs nas de bzhin gshegs pa byung yang rung ma byung yang rung ste/ chos nyid chos kyi dbyings chos gnas pa nyid chos skyon med pa ni gnas pa nyid do zhes gsung ngo // ci'i phyir na chos skyon med pa zhe bya zhe na/ gang la skyon med pa de ni skyon med pa ste/ de'i phyir na chos skyon med pa zhes bya'o// de la chos skyon gang zhe na/ bdag tu byed pa ni skyon no// bdag gir byed pa ni skyon no// rgyur lta ba dang ming dang gzugs su 'du shes pa dang / chos thams cad du 'du shes pa dang / 'dogs pa dang spyod pa dang / mngon par chags pa'i rlom sems ni skyon no// snyems pa dang bsgrub pa dang / sems pa dang rtog pa dang / nga lhag pa dang phung por 'dzin pa dang / rgyur 'dzin pa dang / skye mched du 'dzin pa dang / bdag ni khams gsum spong ngo //
- 87a
bdag ni 'dod chags dang zhe sdang dang gti mug zad par byed do// bdag ni lam sgom mo// bdag ni rnam par thar pa'i sgo rnams mngon du byed do// bdag ni rgyun tu zhugs pa'i 'bras bu mngon du byed do/ / bdag ni lan cig phyir 'ong ba'i 'bras bu dang / phyir mi 'ong ba'i 'bras bu mngon du byed do// bdag ni dgra bcom pa mngon du byed do zhes rtog pa ni/ skyon no// bdag ni dran pa nye bar gzhag pa bzhi bsgom mo// bdag ni yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom mo snyam pa ni skyon no// 'phags pa'i bden pa bzhi rtogs par bya'o// nyon mongs pa 'di dag zad par bya'o// snyam pa ni skyon no// chos 'di dag bsgom mo snyam pa ni skyon te/ de dag ni nyan thos kyi theg pa la gnas pa'i skyon no// de la byang chub sems dpa'i theg pa la gnas pa'i skyon gang zhe na/ bdag sangs rgyas su 'gyur bar bya'o snyam pa ni skyon no// bdag gis byang chub thob par bya'o snyam pa ni skyon no// bdag gis sbyin pa sbyin no snyam pa ni skyon no// bdag gis ser sna tshar gcad do snyam pa ni skyon no/ / bdag gis tshul khrims yongs su dag par bya'o// ngang tshul ngan pa spang bar bya'o snyam pa ni skyon no// bdag tshul khrims dang ldan par bya'o snyam pa ni
- 87b
skyon no/ / bdag bzod pa la gnas so snyam pa ni skyon no// bdag gis gnod sems dang tha ba'i nyes pa rnams spang ngo snyam pa ni skyon no// bzod pa bsgom mo snyam pa ni skyon no// bdag/ ni brtson 'grus brtsom pa la gnas te le lo'i dri ma spong zhing brtson 'grus brtsam mo snyam pa ni skyon no// bdag ni bsam gtan la gnas pas gnas so// ting nge 'dzin bsgom mo// bdag gis mnyam par gzhag go snyam pa ni skyon no/ / ldang bar bya'o snyam pa ni skyon no// bdag gis bsam gtan thob par bya'o snyam pa ni skyon no// shes rab kyi pha rol tu phyin pa bsgom mo// shes rab kyi pha rol tu phyin pa la bslabs nas/ sangs rgyas su 'gyur bar bya'o snyam pa ni skyon no// shes rab kyi pha rol tu phyin pas byung nas/ sangs rgyas kyi mya ngan las 'da' bas yongs su mya ngan las 'da'o snyam pa ni skyon no/ / sangs rgyas kyi ye shes yongs su bsgrub bo snyam pa ni skyon no// sangs rgyas kyi bslabs pa la bslab bo snyam pa ni skyon no// de bzhin gshegs pa'i stobs bcu yongs su rdzogs par bya'o snyam pa ni skyon no/ / sangs rgyas kyi chos ma 'dres pa bco brgyad yongs su rdzogs par bya'o snyam pa ni skyon no// stobs rnams dang / dbang po rnams dang / mi 'jigs pa rnams dang / so so yang dag par rig pa rnams thob par bya'o snyam pa ni skyon no// spobs pa bsgrub po snyam pa ni skyon te// byang chub
- 88a
sems dpa' ni ji tsam du spong ba dang / rtog pa dang / smon pa dang / len pa dang 'dor ba de tsam du skyon no// mtshan ma thams cad ni skyon no// rtog pa thams cad ni skyon no// 'jug pa thams cad ni skyon no// de la chos de dag med pas na de'i phyir skyon med pa zhes bya'o// gang skyon med pa de ni chos nyid yin pas de'i phyir chos skyon med pa zhes bya ste/ de yang sangs rgyas 'gro ba zhes bya'o// gzhan yang sangs rgyas bgro ba ni 'di lta ste/ byang chub sems dpa'i sems dang po bskyed pa bsgrub pa'o/ / de la byang chub sems dpa'i sems dang po bskyed pa bsgrub pa gang zhe na/ 'di lta ste mi skye ba bsgrub pa'o// de ci'i phyir zhe na/ sems thams cad ni sems med pa'o// gang sems med pa de ni mi skye ba ste/ 'di lta ste ma skyes pa'i chos rnams la bzod pa de ni sems dang po bskyed pa'o// gzhan yang byang chub sems dpa'i sems dang po bskyed pa ni/ gang go// cha brtan pa 'di yin te/ de la go cha brtan pa gang zhe na/ 'di lta ste/ byang chub sems dpa' rdo rje lta bu'i sems bskyed par bya'o// de la rdo rje lta bu'i sems bskyed pa gang zhe na/ bcu po 'di dag ni byang chub sems dpa'i rdo rje lta bu'i sems bskyed pa'o// bcu po gang zhe na/ 'di lta ste/ 'khor ba dpag tu med pa'i yongs su len pa'i go cha dang
- 88b
bdog pa thams cad yongs su gtong ba dang 2/ sems can thams cad la sems snyoms pa dang 2bdag gis sems can thams cad sangs rgyas kyi mya ngan las 'da' bas yongs su mya ngan las bzla bar bya ste/ sems can thams cad yongs su mya ngan las bzlas kyang / sems can gang yang yongs su mya ngan las 'das par ma gyur pa dang / chos thams cad ma skyes par shes shing / brtson 'grus mi gtong ba dang sems can thams cad la bya ba'i ye shes kyi smon lam dang ldan pa dang / thams cad mkhyen pa'i ye shes yongs su bsgrub pa dang 6tshul gcig par rtogs pa dang dang dga' ba dang mi dga' ba la mi lta ba dang la/ chags pa dang / khong khro ba spangs pa ste14de dag na byang chub sems dpa'i rdo rje lta bu'i sems bskyed pa zhes bya'o/ / gzhan yang byang chub sems dpa' sems dang po bskyed pa bsgrub pa ni 'di lta ste/ khams gsum gyi 'du shes bskyed pa thams cad kyang mi byed la/ 'du shes mi bskyed par yang mi ltung ba'o// gzhan yang sangs rgyas 'gro ba ni 'di lta ste/ pha rol tu phyin pa drug gi rab tu tha dad pa'o// pha rol tu phyin pa drug gi rab tu tha dad pa gang zhe na/ sbyin pa'i pha rol tu phyin pa la 'jig rten pa'i yang yod/ 'jig rten las 'das pa'i yang yod do// de bzhin du shes rab kyi pha rol tu phyin pa'i bar du 'jig rten pa'i yang yod/
- 89a
'jig rten las 'das pa'i yang yod do// de la sbyin pa'i pha ro tu phyin pa yang 'jig rten pa'i yin gyi/ 'jig rten las 'das pa'i ma yin pa gang zhe na/ 'di la byang chub sems dpa'i sbyin par byed pa sbyin pa'i bdag po ni/ dge sbyong dang bram ze bkren pa phongs pa slong ba dag la sbyin pa sbyin par byed de/ zas 'dod pa la ni zas/ skom 'dod pa la ni skom theg pa 'dod pa la ni theg pa/ gos 'dod pa la ni gos dang / de bzhin du gser dang nor bu dang mu tig dang bai DUR+Ya dang dung dang / man shel dang / byi ru dang / dngul dang / sa le sbrum dang / chung ma dang / bu pho dang / bu mo dang / rgyal srid thams cad kyi bar du 'dod pa la yongs su gtong zhing / de ni bdag gi lus ma gtogs par/ phyir rol gyi da po du ma la yang mi lta ste/ thams cad yongs su gtong zhing / gnas nas yongs su gtong bar byed de/ bdag ni sbyin par byed do// 'di ni len par byed do// bdag ni sbyin pa sbyin par byed de/ ser sna med do// bdag ni sbyin pa'i bdag po'o// bdag ni bdog pa thams cad gtong bar byed do// bdag ni sangs rgyas rnams kyi bka' bzhin du byed do// bdag ni sbyin pa'i pha rol tu phyin pa la spyod do zhes sems can thams cad la dmigs pas sbyin pa de byin nas/ bdag gi sbyin pa des sems can thams cad bde bar gyur cig ces sbyin pa de sems can thams cad
- 89b
la bsngo bar byed do/ / de ni chags pa rnam pa gsum gyis chags pa yin te/ gsum gang zhe na/ bdag tu 'du shes pa dang / gzhan du 'du shes pa dang / sbyin par 'du shes pa'o// de ni 'jig rten pa'i sbyin pa'i pha rol tu phyin pa zhes bya ste/ 'jig rten las 'das pa'i ni ma yin no// ci'i phyir na 'jig rten gyi zhes bya zhe na/ de ltar 'jig rten gyi las 'da' bar mi byed pas na/ de'i phyir 'jig rten gyi zhes bya'o// de la 'jig rten las 'das pa'i sbyin pa'i pha rol tu phyin pa yin gyis/ 'jig rten pa'i ma yin pa gang zhe na/ 'di lta ste/ 'khor gsum yongs su dag pa'o// de la 'khor gsum yongs su dag pa gang zhe na/ 'di la byang chub sems dpa' sbyin pa sbyin pa na/ bdag tu mi dmigs len par mi mthong de'i rnam par smin pa la dga' zhing smon par mi byed/ sbyin pa la yang gsob tu mthong ba 'di ni 'khor gsum yongs su dag pa'o// gzhan yang byang chub sems dpa' sbyin pa sbyin par byed pa na sems can thams cad la yongs su bsngo zhing / sems can thams cad kyang sems can du mi dmigs la bla na med pa yang dag par rdzogs pa'i byang chub tu yongs su bsngo bar byed cing / de la yang chos rdul tsam yang mi mthong ba 'di ni 'jig rten las 'das pa'i sbyin pa'i pha rol tu phyin pa zhes bya'o// de ci'i phyir zhe na/ de ltar 'jig rten las 'da' bar byed pa'i phyir ro//
- 90a
de la 'jig rten gang zhe na/ 'di lta ste/ len pa'i phung po lnga'o// de dag las 'da' bar byed pa gang zhe na/ gang de la mnyam pa nyid dang rlom sems med pa dang / chags pa med pa dang / gnas pa med pa ste/ 'di ni de dag las 'da' bar byed pa'o// de bzhin du gnas pa'i tshul khrims kyi bar du ni 'jig rten gyi'o/ / mi gnas pa ni 'jig rten las 'das pa'o// de bzhin du bzod pa dang / brtson 'grus dang / bsam gtan dang shes rab kyang gnas pa ni 'jig rten gyi'o// mi gnas pa ni 'jig rten las 'das pa'o// yang 'jig rten gyi bya ba thams cad la yi ge'i 'bru dang lag brda dang grangs dang bgrang ba dang sngags dang / gtsug lag shes pa 'di ni 'jig rten pa'i shes rab ces bya'o/ / yang gang 'jig rten las 'das pa'i shes rab de ni gdags su med pa/ bshad du med pa'o// de ltar na pha rol tu phyin pa drug gi rab tu tha dad pa yin// te/ de yang sangs rgyas bgro ba yin no// bcom ldan 'das 'jug sred kyi rgyal po de bzhin gshegs pa'i sangs rgyas kyi zhing du bstan pa'i tshe/ byang chub sems dpa' bye ba khrag khrig phrag bdun mi skye ba'i chos la bzod pa skyes so/ / stong gsum gyi stong chen po'i 'jig rten gyi khams de yang rnam pa drug tu g.yos so// gzhan yang sangs rgyas 'gro ba na
- 90b
'di lta ste/ byang chub sems dpa' rnams kyis nas sar 'bar ba'o// sa nas sar 'phar ba gang zhe na/ 'di lta ste/ chos thams cad mi 'pho ba ste/ chos thams cad mi 'a zhing mi 'jig pa'o/ / des la yang rlom sems med/ sems pa med la sa'i sbyong ba yang med mod kyi/ sa la yang dag par rjes su mthong ba yang med do// sa sbyong ba kang zhen 'di lta ste/ sa dang po la gnas pa'i byang chub sems dpas sbyong ba brgya bya'o// bcu gang zhe na/ bsam pa lhag pa'i sbyong ba dang / phan pa'i dngos po sbyong ba dang sems can thams cad la sems mnyam pa'i sbyong ba dang / dge ba'i bshes gnyen la sbyin pa'i spong ba dang / chos yongs su tshol ba'i byung po dang / phyir phyir zhing 'byung ba skyong bar sangs rgyas kyi sku 'dod pa'i sbyong ba dang / zang zing med pa'i chos kyi sbyin pa 'chad pa'i sbyong ba dang / ngargyal gyis khengs pa 'joms par sbyong ba dang / bden pa'i tsheb sbyong bas+thA/ babacu po 'di dag ni byang chub sems dpa' sa dang po la gnas pa'i byang chub sems dpas bya ba'o// byang chub sems dpa'i sa gnyis pa la gnas pa'i byang chub sems dpa' ni byor phyir zhing chos brgyad yid la byas te/ de la yang des nan tan bya'o// brgyad po gang zhe na/ 'di lta ste/ tshul khrims yongs su dag pa dang / byas pa gzo zhing byas pa shes pa dang
- 91a
bzod pa'i mthu la gnas pa dang 2/ dga' ba dang mgu ba myong bar byed pa dang / sems can thams cad yongs su mi gtong ba dang 8/ snying rje chen po la ma rmongs pa dang ya/ bla ma la gus shing ston par 'du shes pa dang 7/ pha rol tu phyin pa la brtson pas tshol ba ste// chos brgyad po de dag ni/ byang chub sems dpa' sa gnyis pa la gnas pa'i byang chub sems dpas phyir phyir yid la bya zhing de dag la bslab par bya'o/ / gzhan yang byang chub sems dpa' sa gsum pa la gnas pa'i byang chub sems dpa' chos lnga la gnas par bya'o/ / lnga gang zhe na/ 'di lta ste/ mang du thos pas chog mi shes pa dang 1/ zang zing med pas chos kyi sbyin pa 'chad pa dang 2/ sangs rgyas kyi zhing yongs su sbyong pa'i dge ba'i rtsa ba yongs su bsngo bar byed pa dang 3/ 'khor ba dpag tu med pas mi skyo ba dang / ngo tsha ba dang 'dzem pa la gnas par bya ba ste 5/ chos lnga po de dag ni byang chub sems dpa'i sa gsum pa la gnas pa'i byang chub sems dpas yongs su sbyang bar bya'o/ / yongs su rdzogs par bya'o// byang chub sems dpa'i sa bzhi pa la gnas pa'i byang chub sems dpas chos bcu yongs su mi gtong bar bya'o/ / bcu gang zhe na/ dgon par gnas pa dang 1/ 'dod pa chung ba dang 2/ chog shes pa dang 2/ sbyangs pa'i yon tan blangs pa mi gtong ba
- 91b
dang / brlab pa mi gtong ba dang ya dul ba'i sa la gnas pa dang 'dod pa'i yon tan la smod pa dang 6/ sems bskyed pa skyo ba dang bcas pa dang / bdog pa thams cad gtong yang sems mi zhum pa dang 9/ dngos po thams cad la mi lta ba ste1/ chos bcu po de dag ni byang chub sems dpa'i sa bzhi pa la gnas pa'i byang chub sems dpas yongs su mi gtong bar bya'o/ / byang chub sems dpa'i sa lnga pa la gnas pa'i byang chub sems dpas chos bcu gnyis yongs su btang bar bya'o// bcu gnyis gang zhe na/ 'di lta ste/ khyim pa dang sten pa dang / dge slong ma dang sten pa dang / rigs la chags pa dang / ser sna'i sems dang 'du 'dzi'i gnas dang / gnod sems dang / 'thab dang 'tshal ba dang / 'gyed pa dang rtsod pa dang / bdag bstod pa dang / gzhan smad pa spang ba dang / mi dge ba'i las kyi lam bcu spang bar bya ba dang / che ba'i nga rgyal dang khengs par spang bar bya ba dang / phyin ci log spang bar bya ba dang / the tsom spang bar bya ba dang / 'dod chags dang zhe sdang dang / gti mug la bzod par byed pa ste/ chos bcu gnyis po de dag ni byang chub sems pa'i sa lnga pa la gnas pa'i byang chub sems dpas yongs su spang bar bya'o/ / gzhan yang sa drug pa la gnas pa'i byang chub sems dpas/ chos drug yongs su rdzogs
- 92a
par bya'o/ / drug gang zhe na/ 'di lta ste/ pha rol tu phyin pa drug go// gzhan yang chos drug rnams mi bya'o// drug gang zhe na/ 'di lta ste/ nyan thos kyi sems su mi bya'o// sangs rgyas kyi sems su mi bya'o// skyo ba'i sems su mi bya'o// slong ba mthong nas zhum pa'i sems bskyed par mi bya'o// yongs su btang nas yid mi bde bar mi bya'o/ / / sems can la gnod sems mi bya ste/ chos drug po de dag mi bya'o// gzhan yang sa bdun pa la gnas pa'i byang chub sems dpas chos nyi shu mi bya'o/ / nyi shu gang zhe na 'di lta ste/ bdag tu 'dzin pa dang 1/ sems can du 'dzin pa dang 'a/ srog tu 'dzin pa dang 2/ gang zag tu 'dzin pa dang chad par 'dzin pa dang rtag par 'dzin pa dang yamatshan ma'i 'du shes pa dang 6/ rgyur lta ba dang / ming dang gzugs la chags pa dang se/ phung po la chags pa dang 10khams la chags pa dang skye mched la chags pa dang 18/ khams gsum la chags pa dang 18/ khams gsum la zhen pa dang 14/ khams gsum la gnas pa dang 68/ sangs rgyas la gnas pa'i lta ba la chags pa dang 15chos la gnas pa'i lta ba la chags pa dang 1/ dge 'dun la gnas pa'i lta ba la chags pa dang 18/ tshul khrims la gnas pa'i lta ba la chags pa dang / chos na
- 92b
stong pa'o zhes bya bas 'jig pa ste ra/ chos nyi shu po de dag ni byang chub sems dpas mi bya'o// gzhan yang byang chub sems dpa' des chos nyi shu yongs su rdzogs par bya'o// nyi shu gang zhe na 'di lta ste/ stong pa nyi rtogs pa dang 1mtshan me med pa mngon du byed pa dang / smon pa med pa'i shes pa dang 2/ 'khor gsum yongs su dag pa dang / sems can thams cad la snying brtse zhing snying rje ba dang / sems can de dag la mi bsnyas pa dang chos thams cad la mnyam pa nyid du mthong ba dang 5/ yang dag pa'i tshul rtogs pa dang // mi skye ba'i chos la bzod pa thob pa dang / tshul gcig ston pa dang rtogs pa 'joms pa dang 1/ 'du shes ldog pa dang 18/ nyon mongs pa ldog pa dang 13/ zhi gnas dang lhag mthong gis dang 18/ sems dul ba dang 7/ sems zhi ba dang / smon pa med pa shes pa dang / mdza' ba la ma chags pa dang / sems can thams cad la sems snyoms pa ste/ nyi shu po de dag yongs su rdzogs par bya'o// gzhan yang byang chub sems dpa'i byang chub sa brgyad pa la gnas pa'i byang chub sems dpas chos bzhi bya'o// bzhi gang zhe na/ sems can thams cad la sems snyoms par 'jug pa dang / mngon par shes pas rnam par 'phrul pa dang / sangs rgyas kyi zhing ston cing / de ni de'i lta ba yongs su rdzogs
- 93a
pa dang / sangs rgyas la bsnyen bkur byed cing sangs rgyas kyi sku de la rtog pa stes/ byang chub sems dpas chos de bzhi bya'o// gzhan yang byang chub sems dpas chos bzhi bya'o/ / bzhi gang zhe na/ dbang po dam pa dang / dam pa ma yin pa shes pa dang 1/ sangs rgyas kyi zhing yongs su sbyong ba dang / sgyu ma lta bu'i ting nge 'dzin la phyir phyir zhing mnyam par 'jog pa dang 2/ ji lta ji ltar sems can rnams mos par 'gyur ba de lta de ltar bdag gis lus sprul nas/ ched du srid par skye ba len pa ste/ byang chub sems dpa'i sa brgyad pa la gnas pa'i byang chub sems dpas chos bzhi po de dag yongs su rdzogs par bya'o/ / gzhan yang byang chub sems dpa'i sa dgu pa la gnas pa'i byang chub sems dpas smon lam la mkhas par bya ste/ ji ltar smon par bya ba de bzhin du smon lam bsgrub par bya'o// lha dang klu dang gnod sbyin dang / dri za dang mi dang mi ma yin pa'i skad la shes shing spobs pa ston pa dang mngal nas 'byung ba phun sum tshogs pa dang / rigs phun sum tshogs pa dang / skyed par byed pa phun sum tshogs pa dang / rus phun sum tshogs pa dang / g.yog phun sum tshogs pa dang / tshe phun sum tshogs pa dang / 'byung ba phun sum tshogs pa dang / byang chub kyi shing bkod pa phun sum tshogs pa dang / yon tan gyi tshogs thams cad yongs su rdzogs par bya'o//
- 93b
gzhan yang byang chub sems dpa' sa bcu pa la gnas pa ni/ de bzhin gshegs pa nyid du bshad par bya ste/ byang chub sems dpa' rnams kyi sa nas sar 'phar ba de ni yang dag par rdzogs pa'i sangs rgyas bcom ldan 'das rnams kyi sangs rgyas 'gro ba'o/ / gzhan yang sangs rgyas 'gro ba ni 'di lta ste/ yi ge mnyam pa nyid dang skad mnyam pa nyid dang / yi ge'i rnam pa'i sgor 'jug pa'o// yi ge'i rnam pa'i sgor 'jug pa gang zhe na/ a'i sgo ni chos thams cad mi skye ba dang / skye mched mi dmigs pa'i phyir ro// ra'i sgo na chos thams cad rdul dang bral ba'i phyir ro/ / pa'i sgo ni chos thams cad don dam pa bstan pa'i phyir ro// tsa'i sgo ni chos thams cad 'chi 'pho ba dang skye ba dang bral ba'o// na'i sgo ni chos thams cang ming dang bral ba/ ming gi rang bzhin can/ ma thob pa ma stor ba'o// la'i sgo ni chos thams cad 'jig rten las 'das shing / sred pa'i lcug ma'i rgyu dang rkyen bcom pa'i phyir ro// de'i sgo ni chos thams cad dul ba dang / dul nas yongs su chad pa'i phyir ro// ba'i sgo ni shin tu dben pa'i phyir chos thams cad bcings pa dang bral ba'o// ra'i sgo ni chos thams cad gzugs la sog pa stong pa nyid kyi phyir ro/ / sa'i sgo ni chos thams cad chags pa mi dmigs pa'i phyir/ chags pa med dgrol ba med pa'o// ba'i sgo ni chos thams cad ngag gi lam gyi sgra yongs su chad pa'o//
- 94a
ta'i sgo ni chos thams cad de bzhin nyid las mi g.yo ba'o// ya'i sgo ni chos thams cad ji lta ba bzhin gyi phyir ro// sta'i sgo ni chos thams cad la khengs pa med de chags pa med zhe sdang ba med pa'o/ / ka'i sgo ni chos thams cad dag la byed pa po med pa'o// sa'i sgo ni chos thams cad mnyam pa nyid las mi ldog pa'o// ma'i sgo ni chos thams cad dri ma dang bral ba/ shin tu dri ma med pa skyon med pa rnyog pa med pa'o// ga'i sgo ni chos thams cad gzung ba dang / gzung ba med pa mi dmigs pa'i phyir zab pa nam mkha'i ngos dang 'dra ba shin tu dben pa'o/ / s+tha'i sgo ni chos thams cad thang dang bral ba rlan pa dang bral ba ste/ tshu rol dang pha rol med pa'o// dza'i sgo ni chos thams cad skye ba dang rga ba dang / 'chi ba mi dmigs pa'i phyir ro// / shA'i sgo ni chos thams cad dbugs nang du rngub pa dang / dbugs phyir 'byin pa dang / dbugs nang du 'gro ba dang / dbugs phyir 'gro ba dang bral ba'o// d+ha'i sgo ni chos thams cad chos kyi dbyings la gnas pa'i phyir ro/ / sha'i sgo ni chos thams cad zhi gnas yin pa dang / dul ba dang zhi ba'i sar gyur pa'i phyir ro// kha'i sgo ni chos thams cad rtsa ba dang gnas med pa'i phyir nam mkha' dang 'dra'o/ / k+Sha'i sgo ni chos thams cad shin tu zad pa'i phyir zad pa las phyir mi ldog pa dang / mi g.yo ba'i phyir gnas pa dang / mi 'gul ba'o// dza'i sgo ni chos thams cad
- 94b
ye shes mi rgyu ba'i phyir mi shes pa rnam par mi shes pa mi sems pa mi mthong ba'o/ / a'i sgo ni chos thams cad de bzhin ma yin pa'i tshig bla dgas kyi phyir ldan pa ma yin bral ba ma yin kun ldan pa ma yin kun bral ba ma yin pa'o/ / b+ha'i sgo ni chos thams cad khur dang bral ba'o// tsha'i sgo ni chos thams cad mdog kyang med de/ 'di lta ste stong pa'o// sma'i sgo ni chos thams cad glen pa'i phyir dran pa zhes mi bya/ rmongs pa zhes mi bya ba'o// snga'i sgo ni chos thams cad rang bzhin stong pa nyid dang / skad stong pa nyid kyi phyir ro// b+ha'i sgo ni chos thams cad skad stong pa nyid kyi phyir ro/ / sa'i sgo ni chos thams cad rtag tu zad pa chad pa dang / rtogs pa yongs su chad pa'o// g+ha'i sgo ni chos thams cad stug po mi dmigs pa'i phyir gdeg pa med gtor ba med pa'o// e'i sgo ni chos thams cad dben pa'i phyir mi gnas pa'i tshul gyis shin tu gnas pa'o// na'i sgo ni chos thams cad rdul phra rab mi dmigs pa'i phyir chos thams cad ma rtogs pa mi 'gro ba mi 'ong ba/ mi 'greng ba mi 'dug pa mi nyal ba rnam par mi rtog pa'o// spa'i sgo ni chos thams cad khyab pa dang bral ba ste/ gang khyab par byed pa 'am/ gang gis khyab par byed pa 'am/ gang la khyab par byed pa med de/ ma khyab pa nam mkha' dang 'dra ba'o// skra'i sgo ni chos thams cad phung po ma dmigs pa'i phyir ro// dzA'i sgo ni chos thams cad rims nang dang bral ba/ rims med pa
- 95a
nad med pa'o/ / sgyu'i sgo ni chos thams cad shin tu btang bas btang ba'o// ba'i sgo ni chos thams cad lam chad pa'i phyir shin tu mya ngan las 'das pa/ mya ngan las 'da' ba dang 'dra ba'o/ / ha'i sgo ni chos thams cad mtha' la gnas pas 'chi 'pho med pa skye ba med pa'o// 'di lta ste ha'i pha rol na yi ge med de/ 'di la ming ngam rang bzhin 'ga' yang med pa/ smrar med pa brjod du med pa bstan du med pa brir med pa klog tu med pa'o// ji ltar de ma byas pa de bzhin du chos thams cad la rtogs par bya'o// gzungs la 'jug pa 'di/ ni yi ge a la sogs pa bshad pa la jug pa ste/ 'jug pa de la gnas na/ byang chub sems dpa' yi ge thams cad la mkhas pa shes par 'gyur ro// chos thams cad kyang chos mnyam pa nyid dang sbyor bar 'gyur ro/ / skad la shes pa yang thob par 'gyur ro// byang chub sems dpa' gang yang blo tshul dang ldan pas/ yi ge 'jug pa'i phyag rgya a'i sgo'i tshig 'di nyan tam/ len tam/ 'dzin tam/ klog gam/ gzhan dag la 'chad na/ de la yon tan nyi shu po 'di dag yod par blta'o// nyi shu gang zhe na/ dran pa dang ldan pa yin/ rtogs pa dang ldan pa yin// blo gros dang ldan pa yin pa/ blo dang ldan pa dang / spobs pa dang ldan pa dang / gzungs kyang tshegs chung ngus thos par 'gyur ba dang / the tsom
- 95b
med par 'gyur zhing nem nur med par 'gyur ba dang 6gzhan las tshig 'jam pos thos nas chags pa'i sems mi bskyed cing / gzhan las tshig rtsub po thos nas zhe sdang ba'i sems mi bskyed la/ khengs pa dang / dud par mi 'gyur ba dang / dgra las rgyal bar 'gyur ba dang / skad la mkhas pa dang phung po la mkhas pa khams la mkhas pa/ skye mched la mkhas pa dang 1/ rgyu la mkhas pa dang 18/ rkyen la mkhas pa dang 18/ chos kyi dbyings la mkhas pa dang 18/ dbang po dam pa dang / dam pa ma yin pa la mkhas pa dang rol gyi sems shes pa la mkhas pa dang 9/ chos 'chang ba la mkhas pa dang 10/ gnas dang gnas ma yin pa'i ye shes la mkhas pa dang 1/ thabs mkhas pa dang 'ong ba dang 'gro ba la mkhas shing spyod lam la mkhas pa dang 1ngo tsha ba dang 'joms pa la mkhas pa yang thob par 'gyur ro/ / bud med la la zhig bla na med pa yang dag par rdzogs pa'i byang chub tu sems bskyed de yi ge'i tshul gyi sgo'i phyag rgya a bshad pa 'jug pa 'di nyan par 'gyur/ len par 'gyur 'dzin par 'gyur/ klog par 'gyur/ gzhan la rgya cher ston par 'gyur na/ thos ma thag tu yon tan bcu thob par 'gyur ro/ / bcu gang zhe na/ 'di lta ste/ bud med kyi lus tha mar 'gyur!/ mi khoms pa yongs su spangs par 'gyur/ ngal 'byor thob par 'gyur3/ sangs
- 96a
rgyas 'byung ba mthong nas dad par 'gyur/ dang nas bkur sti byed par 'gyur/ de bzhin gshegs pas de'i bsam pa mkhyen nas chos ston par 'gyur/ chos de thos nas bzod pa thob par 'gyur/ bla na med pa yang dag par rdzogs pa'i byang chub las phyir mi ldog par 'gyur te da/ de yang sangs rgyas bgro ba'o// gzhan yang sangs rgyas bgro ba ni 'di lta ste/ sangs rgyas kyi mnyam pa nyid 'khor gsum yongs su dag pas mi skye ba'i tshul rtogs pa'o// ji lta ba bzhin du chos 'chad pa khams gsum pa yongs su shes pa/ 'dod chags dang zhe sdang dang gti mug gi rang bzhin yongs su shes pa/ chad pa ma yin pa rtag pa ma yin pa/ mi gnas pa/ mi 'gro ba/ theg pa gsum gyi tshul gcig la 'jug pa/ tshul gcig pa rtogs pa/ chos thams cad 'gro bar mi bya ba/ brtsad par mi bya ba/ mi mnyam pa mi mnyam pa dang mnyam pa/ ma 'ongs pa mi 'gro ba/ mi rgyu ba mtshan nyid med pa/ sangs rgyas rnams kyi chos gang yang mngon par rdzogs par sangs ma rgyas pa ma mkhyen pa/ sangs rgyas rnams kyi ye shes dang / ye shes ma yin par ma dmigs pa/ nyon mongs pa spangs pa ma yin pa rnam par dag pa mngon du byas pa ma yin pa/ ma thob pa mngon par mi bya ba/ bsgom pa ma yin pa/ rtogs pa ma yin pa/ sangs rgyas rnams kyis ma dmigs pa ma bshigs pa
- 96b
sangs rgyas rnams kyis sangs rgyas 'byung bar ma dmigs pa/ chos ma yin pa dge 'dun ma yin pa/ sangs rgyas rnams kyis sems can dag ma dgrol ma bcings pa'o// de ci'i phyir zhe na chos thams cad thog ma nas rnam par dag pa'i phyir te/ sangs rgyas rnams kyis chos gang yang ma gzigs ma gsan ma dgongs mi mkhyen te/ sangs rgyas rnams kyis ma bshad ma gsungs so/ / sangs rgyas bcom ldan 'das ngag mi 'chad mi gsung 'chad par mi 'gyur ro// sangs rgyas dag ni ye shes dang ldan pa ma yin/ mi ldan pa'ang ma yin/ sbyin gnas ma yin/ sbyin gnas ma yin pa yang ma yin te/ sbyin pa sbyong bar yang mi mdzad do// sangs rgyas dag ni spyod par mi mdzad/ yongs su spyod par mi mdzad do// sangs rgyas dag la ni sku gang yang med do/ / sangs rgyas dag la ni gzugs su mi lta/ chos su ma yin/ mtshan du ma yin/ chos kyi dbyings su ma yin no// sangs rgyas dag ni byung ba ma yin/ 'gags pa ma yin mya ngan las 'das pa ma yin/ mya ngan las ma 'das pa yang ma yin/ yongs su mya ngan las 'da' bar 'gyur ba yang ma yin no// de ci'i phyir zhe na/ chos thams cad thog ma nas yongs su mya ngan las 'das pa'i phyir te/ sangs rgyas dag ni gcig pu yang ma yin/ skye bo mang po'i nang du gshegs pa yang ma yin no// sangs rgyas dag ni sus kyang ma mthong ma thos/ ma mchod
- 97a
mchod par mi 'gyur ro/ / sangs rgyas dag ni chos gang la yang gcig pa 'am/ tha dad par mi mdzad do// sangs rgyas dag gis ni byang chub ma thob bo// sangs rgyas ngag ni rnyed pa 'dogs par yang mi mdzad do/ / sangs rgyas dag ni chos kyi 'khor lo yang mi skor te/ ming ji lta ba sangs rgyas dag kyang de bzhin/ sgra'i thog ma'i mtha' dang tha ma'i mtha' yang de bzhin no/ / 'di ni mnyam pa nyid de// gang mnyam pa nyid pa de la ni mi mnyam pa gang yang med do// mi mnyam pa med pa de la ni bdud rtsi gang yang med do// gang na bdud rtsi gang yang med pa de na ni sman yang mi skye ste/ 'di ni sangs rgyas bgro ba'o// sems can rnams drang bar bya ba'i phyir/ dpes bshad pa yin te/ sangs rgyas rnams ni bgro bar yang mi mdzad/ rtsod par yang mi mdzad/ bgro bas 'jog par yang mi mdzad do// bcom ldan 'das 'jug sred kyi rgyal po de bzhin gshegs pa'i sangs rgyas kyi zhing 'jig rten gyi khams kun tu 'od ces bya bar sangs rgyas bgro ba'i chos kyi rnam grangs 'di bstan pa'i tshe/ byang chub sems dpa' khri nyis stong gis ni mi skye ba'i chos la bzod pa thob par gyur to// byang chub sems dpa' de dag gis ni sangs rgyas bye ba snyed bzhugs pa las/ de bzhin gshegs pa gzhan gang yang ma mthong ste/ de bzhin gshegs pa 'jug sred kyi rgyal po nyag cig mthong ngo // de nas 'jam dpal gzhon
- 97b
nur gyur pa/ mi mjed kyi 'jig rten gyi khams 'di ni gnas pa las 'di snyam du gyur te/ de ring shar phyogs na/ bcom ldan 'das de bzhin gshegs pa 'jug sred kyi rgyal po'i sangs rgyas kyi zhing 'jig rten gyi khams kun tu 'od ces bya bar/ phyogs bcu kun nas sangs rgyas bcom ldan 'das gang+gA'i klung gi bye ma snyed 'dus so// 'dus nas sangs rgyas bgro ba'i chos kyi rnam grangs 'gro bar mdzad/ 'chad par mdzad kyis/ gang bdag ni sangs rgyas bcom ldan 'das de dag la phyag bya ba dang / chos bstan pa de dag mnyan pa'i phyir 'gro'o// gang bdag ni sangs rgyas bcom ldan 'das de dag la blta ba dang / chos mnyan pa'i phyir phyogs bcur yang 'gro zhing rgyu bar bya na/ da ltar tshegs chung zhing sangs rgyas kyi zhing gcig tu 'dus kyis gang bdag ni nges par 'gro ba'o/ / skyes bu dam pa de 'dra ba dag 'jig rten du byung bar thos pa 'am/ mthong ba dkon no snyam mo// de nas 'jam dpal gzhon nur gyur pas byang chub sems dpa' byams pa la smras pa/ byams pa da ni bcom ldan 'das de bzhin gshegs pa 'jug sred kyi rgyal po'i sangs rgyas kyi zhing du 'dong ngo // de na sangs rgyas bye ba khrag khrig brgya phrag stong mang po da ltar 'dus te/ sangs rgyas 'gro ba'i chos kyi rnam grangs 'chad kyis de dag la bdag cag gis chos mnyan to// de bzhin gshegs pa de dag la
- 98a
bdag cag gis blta'o/ / de ci'i phyir zhe na/ skyes bu glang po chen po de dag gnas gcig tu 'dus pa thong ba ni dkon no// de skad ces smras pa dang byang chub sems dpa' byams pas/ 'jam dpal gzhon nur gyur pa la 'di skad ces smras so// 'jam dpal khyod bzhud cig/ bdag ni mi mchi'o// de ci'i phyir zhe na/ sangs rgyas bcom ldan 'das dag ni mnyes dka' ste/ 'dus pa de dag gis bdag cag lta bu la skabs ma phye bar/ blta ba 'am mnyan par yang mi nus la/ 'jam dpal de bzhin gshegs pa rnams ni gzugs kyi skur mi blta'o/ / de bzhin gshegs pa rnams ni chos kyi sku ste/ dang chos nyid de yang su kyang ma mthong ma thos ma mchod do// 'jam dpal gyis smras pa/ byams pa khyod ci de bzhin gshegs pa la mi mchod dam/ byams pas smras pa/ 'jam dpal bdag ni de bzhin gshegs pa la mi mchod do// de ci'i phyir zhe na/ de bzhin gshegs pa la ni sus kyang mchod par mi nus so// de ci'i phyir zhe na/ de bzhin gshegs pa dang / de bzhin nyid de ni gnyis su med do// 'jam dpal gyis smras pa/ byams pa gnyis su med ces bya ba de gang la bya// byams pas smras pa/ 'jam dpal gnyis su med ces bya ba ni nyon mongs pa rnams gcig pa yang ma yin
- 98b
tha dad pa yang ma yin pa'o/ / 'jam dpal gnyis su med ces bya ba ni/ gang rnam pa gnyis su med pa'o// rnam pa gnyis su med pa yang gang zhe na/ 'di ni kun nas nyon mongs pa'o// 'di ni rnam par dag pa'o// zhes de ltar shes na/ de ni rnam pa gnyis su byed do// 'di ni tshul khrims dang ldan pa'o// 'di ni ngang tshul ngan pa can no zhes rtog na rnam pa gnyis su byed do// 'di ni nyan thos so// 'di ni rang sangs rgyas so// 'di ni yang dag par rdzogs pa'i sangs rgyas so zhes rnam par rtog na gnyis su byed do// 'di dag ni bsgom par bya'o// 'di dag ni spang bar bya'o/ / 'di dag ni mngon du bya'o zhes rnam par rtog na/ rnam pa gnyis su byed do// 'di ni ye shes kyis shes par bya'o// 'di ni rnam par shes pas shes par bya'o// zhes yid la byed na/ rnam pa gnyis su byed do// 'jam dpal gang du gnyis su 'jug pa'i rnam par shes pa rtog pa ni/ chung ngu na sangs rgyas so zhes rtog pa de thams cad rnam pa gnyis su byed do/ / 'jam dpal bdag gis ni bskal pa 'am/ bskal pa'i lhag ma lus kyi bar du/ rnam pa gnyis su med pa las brtsams te/ bshang du zin kyang / spobs pa'i mthar phyin pa las zad par 'gyur ba med do/ / de ci'i phyir zhe na/ bdag gis mtha' dang dbus ma mthong ba'i phyir ro// 'jam dpal gnyis su med ces bya ba ni 'di lta ste/ chos thams cad kyi tshul gcig
- 99a
pa dang tha dad pa med pa'o/ / smras pa/ byams pa khyod ni thams cad ma skyes pa la/ 'jam dpal ngas ni bskal pa'am/ bskal pa'i lhag ma lus kyi bar du gnyis su med pa las brtsams te bshad na/ nga'i spobs pa zad par mi 'gyur ro zhes khyod de skad smra ba nyid dmigs pa chen po yin no// byams pas smras pa/ 'jam dpal yi ge la chag par ma byed cig/ yi ge thams cad ni mi skye ba'i mtshan nyis las mi g.yo'o// de nas 'jam dpal gzhon nur gyur pas/ byang chub sems dpa' de dag thams cad la smras pa/ rigs kyi bu khyed cag tshur shog/ bcom ldan 'das de bzhin gshegs pa 'jug sred kyi rgyal po'i sangs rgyas kyi zhing du de bzhin gshegs pa de dag la blta ba dang / chos bstan pa de dag nyan du 'dong ngo / / de nas byang chub sems dpa' spobs pa'i phung pos/ 'jam dpal gzhon nur gyur pa la 'di skad ces smras so// 'jam dpal de bzhin gshegs pa rnams ni sus kyang lha mi nus na/ ci'i phyir na khyod tshur shog de bzhin gshegs pa la bltar 'dod zhes smra/ gang blta bar bya ba'i de bzhin gshegs pa de dag gang yin/ 'jam dpal de bzhin gshegs pas ni/ de bzhin gshegs pa dag 'das pa ma yin/ ma byon pa ma yin/ da ltar ma yin te/ chos gang dus gsum du stong pa de ni blta mi nus so zhes de skad gsungs so// yang 'jam dpal de bzhin
- 99b
gshegs pa blta'o zhes smras pa/ mig gi rnam par shes gang gis de bzhin gshegs pa blta bar bya/ ci sha'i mig gis blta bar bya 'am/ 'on kyang lha'i mig gis blta bar bya/ gal te sha'i mig gis blta na ni/ sha'i mig ni stong pa ste/ stong pas ni mthong bar mi nus so// de de lha'i mig gis blta na ni/ de la lha'i mig tu brtags na/ lha'i mig go snyam du 'du shes par 'gyur te/ brtags pa'i mig gis ni de bzhin gshegs pa mi mthong ngo // smras pa/ rigs kyi bu khyod ni gang stong pa nyid kyis ston par byed na/ de la sus kyang de bzhin gshegs pa blta/ par mi 'gyur/ mchod par mi 'gyur te/ rigs kyi bu de bzhin gshegs pa zhe'am/ sangs rgyas zhe 'am/ sems can zhe 'am/ bgro ba zhe'am/ mchod pa zhe'am/ lta ba zhes gang cung zad smra ba spros pa brjod pa'i yi ge de thams cad ni yi ge'i rang bzhin gyis stong ngo / / de bas na mnyam pa nyid ces bya ba'i tshig de ni de bzhin nyid la 'khrugs par mi byed de/ de bzhin nyid ldog par mi byed kyis/ khyod las gang zod pa dag ni 'dong ngo // mi bzod pa dag ni 'khod cig/ bdag ni 'gro'o// de nas 'jam dpal gzhon nur gyur pa 'di lta chos kyis chog mi shes pa'i phyir gnyis su med de/ gcig pu song ste/ sangs rgyas kyi mthus 'khor de nas su yang ma song ngo // de nas 'jam dpal gzhon nur gyur pa 'di lta ste/
- 100a
skyes bu stobs po che'i dpung pa brkyang pa las bskum pa 'am/ bskum pa las brkyang pa tsam du/ de'i thang cig skad cig yud tsam gyis/ 'jam dpal gzhon nur gyur pa mi mjed kyi 'jig rten gyi khams nas mi snang bar gyur nas/ kun tu 'od kyi 'jig rten gyi khams su 'dug go// de nas 'jam dpal gzhon nur gyur pas/ stong gsum gyi stong chen po'i 'jig rten gyi khams la lan bdun bskor nas/ sangs rgyas bcom ldan 'das de dag gi zhabs la mgo bos phyag 'tshal te/ phyogs gcig tu 'dug go// yang de'i tshe/ bcom ldan 'das de bzhin gshegs pa 'jug sred kyi rgyal po'i g.yas phyogs na/ sring mo the tsom sel ba zhes bya ba skyil mo krung du bcas shing 'dug ste/ de kun du zla ba'i 'od dri ma med par snang ba zhes bya ba'i ting nge 'dzin la mnyam par gzhag par gyur to/ / de nas bcom ldan 'das de bzhin gshegs pa 'jug sred kyi rgyal po 'di snyam du dgongs te/ 'jam dpal gzhon nur gyur pa 'di ni/ sangs rgyas bcom ldan 'das rnams kyis bdag la bstod do/ / bkur ro// zab mo la bzod pa'o// stong pa la gnas pa'o zhes bshad do snyam du sems te/ 'di ni mi mjed kyi 'jig rten gyi khams nas dmigs pa chen pos bskyod cing bdag tu 'dzin pa che ba dang ldan zhing 'ongs kyis/ gang ngas ni 'di ri khor yug gi rtse mo las 'phangs dang / 'di las brtsams te/ chos zab
- 100b
mo ston par 'gyur bas/ skye bo phyi ma dag dang / ma 'ongs pa'i byang chub sems dpa' dag la yang snang bar byas par 'gyur te/ de ci'i phyir zhe na/ de ltar sangs rgyas kyi chos ni bsam gyis mi khyab/ de ltar zab pas 'jam dpal gzhon nur gyur pa lta bu stong pa la gnas pa'i mchog kyang ri khor yug gi rtse mor 'phangs par 'gyur ro snyam mo// de nas bcom ldan 'das de bzhin gshegs pa 'jug sred kyi rgyal pos/ 'jam dpal gzhon nur gyur pa la 'di skad ces bka' stsal to// 'jam dpal khyod kyi don gang gis dbang ma mthong nas 'dir 'ongs/ 'jam dpal gyis gsol pa/ bcom ldan 'das bdag ni mi mjed kyi 'jig rten gyi khams de na mchis pa las/ 'di snyam du gyur te/ sangs rgyas bcom ldan 'das rnams 'jig rten du 'byung ba ni dkon no/ / chos thos pa yang dkon te/ kun tu 'od ces bgyi ba'i 'jig rten gyi khams su yang phyogs bcu nas/ sangs rgyas bcom ldan 'das dpag tu ma mchis/ grangs ma mchis pa dag tshogs so// tshogs nas sangs rgyas 'gro ba zhes bgyi ba'i chos kyi rnam grangs 'chad kyis/ bdag ni de bzhin gshegs pa de dag la blta ba dang chos bshad pa de dag mnyan du mchi'o snyam nas/ bcom ldan 'das bdag ni chos nyan pa'i slad du sangs rgyas kyi zhing 'dir mchis so// de nas bcom ldan 'das de bzhin
- 101a
gshegs pa 'jug sred kyi rgyal pos de'i tshe ji nas kyang rdzu 'phrul mngon par 'du bya ba mngon par 'dus byas pas/ 'jam dpal gzhon nur gyur pa ri khor yug gi rtse mor 'phangs par gyur la/ bdag gang du blangs shing khyer snyam du yang mi shes pa de 'dra bar myur du btegs ste/ 'phang ba'i rdzu 'phrul mngon par 'du bya bas mngon par 'dus byas so// de nas 'jam dpal gzhon nur gyur pa ri khor yug gi rtse mor 'phangs pa las sems shing 'di snyam du gyur to/ / rgyu gang dang rkyen gang gis na/ bdag sangs rgyas kyi 'khor chen po de lta bur blta na bzang ba/ mdzes pa glang po chen po de 'dra ba dag gi nang nas/ ri khor yug gi rtse mo 'dir 'phangs par gyur/ bdag ri khor yug gi rtse mor sus 'phangs snyam du de ltar sems pa las 'di snyam du gyur te/ bcom ldan 'das de bzhin gshegs pa 'jug sred kyi rgyal po des/ bdag ri khor yug gi rtse mor 'phangs so snyam mo// de nas 'jam dpal gzhon nur gyur pa 'di snyam du gyur te/ bdag ni 'khor de nas 'phangs la/ sring mo the tsom sel ba de ni/ bcom ldan 'das de bzhin gshegs pa 'jug sred kyi rgyal po'i drung du skyib mo srung bcas shing 'dug pa las/ sring mo de ni ma 'phangs kyi/ bdag 'phangs na/ ci'i phyir zhig tun/ de ltar mo nam 'phangs la/ bdag 'phangs pa las na/ sring mo /
- 101b
ni dge ba'i rtsa ba shin tu 'bar ba zab mo shin tu bzod par gyur pa zhig gi/ bdag ni de lta bu ma yin pa zhig gam snyam mo// de nas 'jam dpal gzhon nur gyur pa 'di snyam du gyur te/ gang bdag gis rdzu 'phrul gyi mthu bskyed de/ slar yang 'khor der 'gro'o snyam mo// de nas 'jam dpal gzhon nur gyur pas de'i tshe/ ji lta bu'i rdzu 'phrul mngon par 'dus byas pas/ sems bskyed pa gcig gis/ shar phyogs nas sangs rgyas kyi zhing gang+gA'i klung gi bye ma snyed 'das par gyur pa de lta bu'i rdzu 'phrul mngon par 'du bya ba mngon par 'dus byas nas/ sangs rgyas kyi zhing der chung ngu na/ skra'i rtse mo'i cha shas tsam du yang 'gro ma nus na/ 'khor der 'gro ba lta ci smos te/ de lta bu'i gnas med do// de nas 'jam dpal gzhon nur gyur pa/ phyogs bcu'i 'jig rten gyi khams mtha' yas mu med pa kun tu song yang 'di lta ste/ sangs rgyas kyi mthu dang / byin gyis rlabs kyis 'khor der 'gro ma nus so// de nas 'jam dpal gzhon nur gyur pa phyogs bcu'i sangs rgyas kyi zhing bye ba khrag khrig brgya stong kun tu song nas slar yang ri khor yug gi rtse mo la 'dug nas 'di snyam du gyur te/ sangs rgyas bcom ldan 'das rnams kyi byin gyis rlabs ni mthu ches/ de la bdag gi rdzu 'phrul gyi rnam pas gnon yang mi nus/ de la sangs rgyas bcom ldan 'das rnams kyis nyes pa yang med do// de ci'i phyir zhe na/ de bzhin gshegs
- 102a
pa rnams na chos la slob dpon gyis 'chab pa med de/ bdag nyid drung zad gcig khor chung bas/ de'i phyir bdag ni ba chos ston pa der 'gros nus par gyur du ba dang / de bzhin gshegs pa dag ni chos la slob dpon gyis 'chab pa med kyi de bzhin gshegs pa dag ni/ sems can thams cad la snyoms pas na gang bdag ni dran pa nye bar gzhag pa la gnas pas/ ri khor yug gi rtse mo 'di nyid la gnas so snyam mo// de la 'jam dpal gzhon nur gyur pa'i dran pa nye bar gzhag pa ni 'di yin te/ 'di lta ste/ chos thams cad dran pa med pa yid la byed pa med pa chos thams cad mi gnas pa chos thams cad gnas pa med pa ste/ de ci'i phyir mi gnas she na/ 'gro ba med pa'i phyir te/ chos gang yang shin tu yod pa med do// de'i phyir de dag mi 'gro'o/ / gang mi 'gro ba de ni mi gnas so// 'di lta ste/ gnas dang gnas ma yin pa ston pa dang / dran pa med cing yid la byed pa med pa ni/ 'jam dpal gyi dran pa nye bar 'jog pa yin no/ / de nas 'jam dpal gzhon nur gyur pas/ dran pa nye bar 'jog pa la gnas pa 'di la gnas pa las/ lha'i bu bzhi khri nyis stong 'jam dpal gzhon nur gyur pa ga la ba der song phyi nas 'jam dpal gzhon nur gyur pa'i rkang pa la phyag 'tshal te/ phyogs gcig tu 'khod do// de nas 'khor der 'od zer gyi rgyal mtshan zhes bya ba'i lha'i bu 'ongs te/
- 102b
'dug nas/ 'jam dpal gzhon nur gyur pa la 'di skad ces gsol to// 'jam dpal khyod gnas pa gang la gnas te/ da ltar langs pa lags/ 'jam dpal gyis smras pa lha'i bu gal te bdag la gnas pa yod na ni bdag gnas pas gnas par byed na/ lha'i bu chos thams cad dben pa'i phyir bdag la gnas pa med mod kyi/ lha'i bu khyod gnas pa gang la gnas da ltar langs pa yin zhes zer bdag ni dran pa nye bar gzhag pa la gnas pas gnas te/ da ltar langs pa yin no// gsol pa/ 'jam dpal dran panye bar gzhag pa la gnas pa rdzi lta bu zhig lags/ smras pa chos thams cad dran pa med yid la byed pa med pa'o// gsol pa/ 'jam dpal gang na dran pa med yid la byed pa med pa der gnas te/ da ltar langs pa lags sam 'jam dpal gyis smras pa/ gnas pa gang la gnas na/ byis pa lta bu'i so so'i skye bo thams cad kyi 'dod chags dang / zhe sdang dang gti mug rgyu bar 'gyur ba'i gnas pa de la gnas te// bdag da ltar langs pa yin no// lha'i bu 'od zer gyi rgyal mtshan gyis gsol pa/ 'jam dpal gang sangs rgyas kyis ma dmigs pa'i gnas pa de ji lta bu lags/ smras pa lha'i bu stong pa nyid la gnas pa ni sangs rgyas kyis ma dmigs pa'o/ / mtshan ma med pa la gnas pa dang / smon pa med pa la gnas pa ni sangs rgyas kyis ma dmigs pa'o// de bas na gnas pa de la gnas/
- 103a
te/ da ltar langs pa yin no// gsol pa/ dran pa nye bar gzhag pa la gnas pa ji lta bu lags/ smras pa lha'i bu gang na dran pa med yid la byed pa med pa de ni gnas pa'i dam pa yin te/ gang gnas pa de la gnas pa de dag ni 'dod pa'i khams su mi gnas/ gzugs kyi khams su mi gnas/ gzugs med pa'i khams su mi gnas so// gang khams gsum la mi gnas pa de dag ni mnyam pa'i gnas pas gnas pa'o/ / gang mnyam pa'i gnas pas gnas pa de dag la ni 'gro ba med do// gang la mi mnyam pa med pa de dag ni 'gro ba med do/ / gang la 'gro ba med pa de dag la ni ma rig pa mi mthong ngo // gang la ma rig pa mi mthong ba de la ni rig pa ma skyes so// gang rig pa ma skyes pa de dag ni mi 'byung ngo // gang mi 'byung ba de dag ni 'byung bar mi 'gyur ro/ / gang 'byung bar mi 'gyur ba de dag ni 'jigs pa med do// gang 'jig pa med pa de dag ni mi 'byung ngo // gang ma byung ba de dag ni dbye bar mi nus so/ / gang dbye bar mi nus pa de dag ni/ lha'i bu shin tu dag pa yin te/ lha'i bu de ni 'phags pa gnas pa rdul dang bral ba'o// gsol pa/ 'jam dpal rdul ces bgyi ba ci smras pa lha'i bu chung ngu na sangs rgyas su dmigs pa'i rnam par shes pa 'byung ba de ni rdul lo/ / lha'i bu mtshan ma ni rdul to// 'du shes dang 'dzin pa dang chags pa dang / rlom sems dang 'dun
- 103b
pa dang / khengs dang / phyag 'tshal ba dang / chags sems dang / khong khro ba dang / dmigs pa dang / 'gro ba dang / smon lam dang / rtog pa dang / rtog pa'i mtshan ma dang / yongs su rtog pa dang / rnam par rtog pa dang / kun tu rtog pa dang / yid la byed pa dang / nga slong bar byed pa dang / chad par 'dzin pa dang / rtag par 'dzin pa dang / med par 'dzin pa dang / log par 'dzin pa dang / yod par 'dzin pa dang / med par 'dzin pa dang / lha'i bu ji tsam du rnam par rtog cing spros pa dang / yid la byed pa dang / sems dpa' dang bskrun pa de thams cad ni 'phags pa'i chos 'dul ba la rdul du bshad do/ / de nas 'jam dpal gzhon nur gyur pa la/ lha'i bu 'od zer gyi rgyal mtshan gyis legs so zhes bya ba byin te/ 'jam dpal legs so legs so/ / yang 'jam dpal khyod kyis dran pa nye bar gzhag pa la gnas pa bshad pa 'di legs so legs so zhes smras so// 'jam dpal gyis smras pa/ lha'i bu chog gis ma rtog shig/ khyod ni ma skyes pa ma byung ba ma bstan pa'i chos kyi legs par sbyin par byed de/ lha'i bu gang dran pa nye bar gzhag pa bstan pa 'di ni bshad pa'am brjod par mi nus so// de ci'i phyir zhe na/ chos thams cad brjod du med pa'i phyir te/ chos thams cad brjod du med pa'o// de ci'i phyir zhe na/ de ni brjod pa gang yang med pas de'i phyir de dag ni mi brjod pa'o// lha'i bu 'od
- 104a
zer gyi rgyal mtshan gyis gsol pa/ 'jam dpal gnas pa gang la gnas na/ byis pa lta bu'i so so'i skye bo thams cad kyi 'dod chags dang zhe sdang dang gti mug rnam/ rgyu bar 'gyur ba'i gnas pa de la gnas te langs so// zhes de skad bshad pa/ gang la gnas na/ byis pa lta bu so so'i skye bo thams cad kyi 'dod chags dang zhe sdang dang gti mug rnams rgyu pabar 'gyur/ 'jam dpal gyis smras pa/ lha'i bu byis pa lta bu'i so so'i skye bo thams cad dngos po med pa la gnas na/ 'dod chags dang zhe sdang dang gti mug rnams rgyu bar 'gyur ro// chos kyi dbyings la gnas pa/ yang dag pa'i mtha' la gnas pa/ de bzhin nyid la gnas pa'i byis pa lta bu so so'i skye bo thams cad 'dod chags dang zhe sdang dang gti mug rnams rgyu bar 'gyur ro/ / de ci'i phyir zhe na/ chos gang yang chos kyi dbyings dang / de bzhin nyid dang / yang dag pa'i mtha' las bral te bshad mi nus so// gsol pa/ 'jam dpal yang dag pa'i mtha' zhes bgyi ba gang gi tshig bla dgas lags/ smras pa/ lha'i bu yang dag pa'i mtha' zhes bya ba ni sems can gyi mtha'i tshig bla dgas so// gsol pa/ 'jam dpal sems can gyi mtha' zhes bgyi ba gang gi tshig bla dgas lags/ bdag gi mtha'i tshig bla dgas so// gsol pa/ 'jam dpal bdag gi mtha' zhes bgyi ba gang gi tshig bla dgas lags
- 104b
smras pa/ 'khor ba'i mtha'i tshig bla dgas so// gsol pa/ 'jam dpal 'khor ba'i mtha' zhes bgyi ba gang gi tshigs bla dgas lags/ smras pa/ nam mkha'i tshig bla dgas yin no/ / lha'i bu 'di lta ste dper na/ nam mkha'i dbyings la ni mtha' ma med chad pa med ring ba med thung ba med zlum pa med gru bzhi med/ phra ba med sgom pa med/ leb leg po med/ dkar po med/ nag po med/ dmar po med de/ gzhan du na nam mkha' nam mkha' zhes ming tsam du grangs su 'gro ste/ ming de yang gsob yin no// lha'i bu de bzhin du chos thams cad ni nam mkha'i mtha'/ nam mkha'i 'gro nam mkha'i ming gi rang bzhin no// lha'i bu 'di lta ste/ dper na/ nam mkha' ni mi skye mi rga mi 'chi/ mi 'byung nyon mi mongs rnam par mi dkar chags pa med/ zhe sdang ba med/ bkur ba med/ mi bkur ba'ang med de/ de'i mthas na mi 'grang ba'i tshul gyis chos thams cad bgrang bar bya'o// lha'i bu gdags su med pa'i phyir chos thams cad ni 'du ba dang bral bar bstan cing gzhag mi nus so// lha'i bu chos thams cad ni ma brtags pa/ ma btul ba dam pa ma yin pa ste/ lha'i bu 'di ni chos thams cad kyi mnyam pa nyid/ mi mnyam pa ma yin pa/ de bzhin nyid phyin ci ma log pa de bzhin nyid do// bstan pa 'di bstan pa'i tshe/ lha'i bu de dag thams
- 105a
cad mi skye ba'i chos la bzod pa skyes so/ / de dag mi skye ba'i chos la bzod pa thob nas/ chos la gus pas/ 'jam dpal gzhon nur gyur pa la lha'i me tog man+da ra bas gtor ro/ / me tog de dag gtor ma thag tu/ 'jam dpal gzhon nur gyur pa'i byin gyis brlabs kyis steng gi bar snang la gnas med cing yongs sum btsud bzhin du 'dug par gyur to/ / de nas 'jam dpal gzhon nur gyur pas/ lha'i bu 'od zer gyi rgyal mtshan la 'di skad ces smras so// lha'i bu de ji snyam du sems// me tog 'di dag gang la gnas/ gsol pa/ 'jam dpal me tog 'di dag ni gnas pa ma lags so// smras pa/ lha'i bu de bzhin du chos thams cad kyang mi gnas pa ste/ mi gan par nam mkha' la gnas shing / nam mkha' las kyang mi 'phags/ mi ltung / mi g.yo// rab tu mi g.yo// mi 'bugs rab tu mi 'bugs so// de ci'i phyir zhe na/ chos de dag thams cad ni nam mkha' dang mtshungs pas/ de'i phyir de dag mi g.yo rab tu mi g.yo// mi 'bugs rab tu mi 'bugs so// de nas 'jam dpal gzhon nur gyur pa la/ lha'i bu 'od zer gyi rgyal mtshan gyis 'di skad ces gsol to/ / 'jam dpal khyod kyis/ rdzu 'phrul gyi stobs kyi cho 'phrul thob ste/ khyod sems bskyed pa gcig gis/ phyogs bcu'i sangs
- 105b
/ rgyas kyi zhing bye ba khrag khrig brgya stong dpag tu med par 'gro zhing 'ong ba ngo mtshar to// 'jam dpal gyis smras pa/ lha'i bu bdag ni rdzu 'phrul gyi mthu cho 'phrul thob pa yang ma yin/ sangs rgyas bcom ldan 'das rnams kyi nyan thos kyang ma yin no/ / de ci'i phyir zhe na/ de dag ni ma togs shing zad pa med pa'i phyir ro// lha'i bu byis pa lta bu so so'i skye bo thams cad ni rdzu 'phrul gyi mthu'i cho 'phrul thob pa'o/ / de ci'i phyir zhe na/ de ltar lha'i bu sangs rgyas thams cad dang / byang chub sems dpa' thams cad dang / nyan thos thams cad dang / rang sangs rgyas thams cad kyis bskal pa grangs med par btsal kyang chos gang yang thob par ma gyur/ ma thob mi thob bo// byis pa lta bu so so'i skye bo thams cad kyis ni thob bo// ci thob ce na bdag thob bo// sems can dang / srog dang / skye ba po dang / gso ba po dang / gang zag dang / shed las skyes pa dang / shed bu dang / chad pa dang / rtag pa dang / 'dod chags dang / zhe sdang dang / gti mug thob bo// gang sangs rgyas rnams kyis chos ma thos pa ma bskyed pa de bskyed par byed pas na/ lha'i bu de'i phyir byis pa lta bu'i so so'i skye bo rnams ni rdzu 'phrul gyi mthu thob pa yin gyi sangs rgyas rnams ma yin/ byang chub sems dpa' rnams ma yin/ rang sangs rgyas rnams ma yin no// nyan thos
- 106a
rnams ma yin no/ / de nas sangs rgyas bcob ldan 'das de dag/ sangs rgyas 'gro ba'i chos kyi rnam grangs rgya cher bshad nas/ bdag bdag gi sangs rgyas kyi zhing du gshegs so/ / de nas de bzhin gshegs pa 'jug sred kyi rgyal po 'di snyam du dgongs te/ gang bdag gis 'jam dpal gzhon nur gyur pa/ sangs rgyas kyi zhing 'dir 'ong bar ltas shig bya'o snyam mo/ / de nas de bzhin gshegs pa 'jug sred kyi rgyal pos/ byin gyi rabs snga ma de btang ste/ phyag g.yas pa'i mthil nas/ 'od zer gser gyi kha dog lta bu phyung ste/ 'od de ci nas kyang 'jam dpal gzhon nur gyur pa'i lus la phog nas/ lan bdun bskor te/ 'jam dpal gyi spyi bor nub par 'gyur ba de ltar byin gyis brlabs so// de nas 'jam dpal gzhon nur gyur pa 'di snyam du gyur te/ ci'i rgyu ci'i rkyen gyis na/ 'di lta bu'i snang ba bsam gyis mi khyab pa bdag gi lus la phog nas/ spyi bor mi snang bar gyur snyam pa las/ yang de 'di snyam du gyur te/ de bzhin gshegs pa 'jug sred kyi rgyal po bdag gzigs par bzhed do snyam mo// de nas 'jam dpal gzhon nur gyur pas/ lha'i bu 'od zer gyi rgyal mtshan la 'di skad ces smras so/ / lha'i bu dag tshur shog/ bcom ldan 'das de bzhin gshegs pa 'jug sred kyi rgyal po'i sangs rgyas kyi zhing du de bzhin gshegs pa de blta ba dang /
- 106b
phyag bya ba dang / bsnyen bkur bya ba dang / kun du zhu ba'i phyir 'dong ngo // zab mo zab pa'i phyir chos kyi sgo sgrub pa dag kyang de nas 'chad kyis/ de dag kyang mnyan par bya'o// de nas 'jam dpal gzhon nur gyur pa la/ lha'i bu 'od zer gyi rgyal mtshan gyis 'di skad ces gsol to// 'jam dpal de'i dus la bab par mkhyen na bzhud do// de nas 'jam dpal gzhon nur gyur pas/ sems bskyed pa gcig gis ri khor yug gi rtse mo de nas lha'i bu de dag dang bcas te/ mi snang bar gyur nas/ bcom ldan 'das de bzhin gshegs pa 'jug sred kyi rgyal po'i spyan sngar 'khod do/ / de nas bcom ldan 'das de bzhin gshegs pa 'jug sred kyi rgyal po'i zhab la/ 'jam dpal gzhon nur gyur pas mgo bos phyag 'tshal te/ lan gsum bskor nas phyogs gcig tu 'khod do// lha'i bu de dag gis kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jug sred kyi rgyal po'i zhabs la mgo bo phyag 'tshal nas/ phyogs gcig tu 'khod do// de nas bcom ldan 'das de bzhin gshegs pa 'jug sred kyi rgyal po la/ 'jam dpal gzhon nur gyur pas 'di skad ces gsol to/ / bcom ldan 'das rigs kyi bu dang / rigs kyi bu mos legs par dge ba'i rtsa ba bskyed par bgyi'o// zab mo la bzod pa yang the tsom ma mchis par bgyi'o// des
- 107a
bdag kyang snod du gyur par bgyi'o/ / de ci'i slad du zhe na/ bcom ldan 'das de ltar glang po chen po dag gi nang nas/ bdag slad rol du byung bar gyur to// chos bshad pa de 'dra ba las kyang slad rol du byung bar gyur to/ / bcom ldan 'das sring mo the tsom sel ba 'di ni sa'i phyogs 'di las gang du yang ma g.yos gang du'ang ma 'phangs par gyur to// bdag gis mngon par 'tshal ba/ snga dro gcig gis shar phyogs su sangs rgyas kyi zhing gang+gA'i klung gi bye ma snyed grangs med par mchi zhing / sangs rgyas bcom ldan 'das de dag la phyag 'tshal ba dang / gang de dag gis chos bshad pa de yang 'dzin cing sangs rgyas bcom ldan 'das de dag la yongs su zhu yongs su gsol bar bgyid cing / de bzhin gshegs pa de dag kyang / bdag la zhus pa'i lung ston par mdzad de/ bcom ldan 'das bdag ni chos bshad pa las gang du yang bskrad pa 'am/ 'jig rten gyi khams gzhan du 'phangs par ma 'tshal te/ sangs rgyas bcom ldan 'das de dag thams cad kyang bdag gi bsam pa mkhyen nas bdag nyid la chos 'chad par bsgo'o/ / bcom ldan 'das bdag ri khor yug gi rtse mo de la mchis pa'i tshe na/ chos la 'tshal ba dang / chos la skom pa dang / chos la bkur sti bgyid pa dang / de bzhin gshegs pa yang cher 'tshal bar gyur to// yang bdag 'di snyam du gyur te/ ci'i rgyu ci'i rkyen gyis na bdag 'khor de nas ri kho
- 107b
yug gi rtse mo 'dir 'phangs shing / sring mo the tsom sel ba 'di ni ma 'phangs par gyur snyam pa las/ bcom ldan 'das yang bdag 'di snyam du gyur te/ de bzhin gshegs pa ni chos rnams la slob dpon gyis 'chab pa yang mi mdzad/ chags pa'i sems kyang ma mchis na/ de la bdag nyid kho ru chung ngu bas sam/ yang na chos bshad pa 'di la bdag snod du ma gyur pa lta ste/ de'i slad du bdag der 'phangs so snyam bgyid do// de ni bdag de bzhin gshegs pa la zhu na/ ci'i slad du bdag 'khor 'di nas ri khor yug gi rtse mor 'phangs la/ sring mo 'di ma 'phangs par gyur ces de skad gsol pa dang / de bzhin gshegs pa 'jug sred kyi rgyal pos/ 'jam dpal gzhon nur gyur pa la 'di skad ces bka' stsal to// 'jam dpal sangs rgyas bcom ldan 'das rnams kyi chos bshad pa gang du khyod snod du ma gyur pa de ni 'ga' yang med mod kyi 'jam dpal sangs rgyas bcom ldan 'das rnams ni mnyes par dka' ste/ dus thams cad du pha rol gyis chos spyod pa la lan gdab par mi nus te/ 'jam dpal khyod thogs ma kho nar 'jig rten gyi khams mi mjed nas 'byung ba'i tshe/ 'di snyam du gyur te/ de ring kun tu 'od kyi 'jig rten gyi khams su sangs rgyas bcom ldan 'das rnams sangs rgyas 'gro ba zhes bya ba'i chos kyi rnam grangs 'chad kyis/ bdag ni der sangs rgyas bcom ldan 'das rnams
- 108a
blta ba dang phyag bya ba dang / bsnyen bkur bya ba dang / chos bstan pa de dag mnyan pa'i phyir 'gro'o snyam du gyur to// 'jam dpal khyod ni spros pa chen po dang / dmigs pa chen po dang / rtog pa chen po dang / yongs su rtog pa chen pos sangs rgyas kyi zhing de nas song ste/ sangs rgyas rnams blta'o// chos kyang mnyan du 'gro'o snyam du sems te/ 'jam dpal khyod ni chags pa gsum gyis chags shing / sangs rgyas kyi zhing de nas sangs rgyas kyi zhing 'dir 'ongs so// gsum gang zhe na/ bdag tu dmigs pa dang sangs rgyas su dmigs pa dang / chos su dmigs pa'o// 'jam dpal byang chub sems dpa' dmigs pa la spyod na/ ma chags pa thob par 'gyur ba med do// 'jam dpal de ji snyam du sems/ de bzhin gshegs pa la su kyang shes pa'am mthong ba 'am/ de bzhin gshegs pa las gzhan pa'i chos gang yang mthong bar nus sam/ 'jam dpal gyis gsol pa bcom ldan 'das chos rnams kyi chos nyid de la ni/ de bzhin gshegs pa la yang blta bar mi bgyi/ chos ma lags/ sems can la ma lags so// bcom ldan 'das gal te sems can yongs su grub par gyur tam/ de bzhin gshegs pa 'byung bar gyur tam/ de bzhin gshegs pa gzugs kyi skur blta bar bgyi ni/ de bzhin gshegs
- 108b
pa yang blta bar nus/ de bzhin gshegs pas gzhan yang gzigs par 'gyur na/ bcom ldan 'das gang gi slad du/ chos thams cad ma skyes pas de'i slad du/ gang de// bzhin gshegs par blta ba de ma mchis lags so// de bzhin gshegs pas kyang cung zad kyang gzigs pa ma mchis so// de ci'i slad du zhe na/ bcom ldan 'das chos thams cad ni mthong bar bgyid pa ma lags so/ / bcom ldan 'das kyis bka' stsal pa/ 'jam dpal mig dang / rna ba gang dang ldan na/ de bzhin gshegs pa'i sku mthong ba dang / de bzhin gshegs pas bstan pa'i chos 'dul ba thos par 'dod pa'i mig dang / rna ba cung zad kyang yod dam/ de nas 'jam dpal gzhon nur gyur pa cad smra bar gyur to/ / de nas byang chub sems dpa'i 'khor de na/ byang chub sems dpa' kha cig 'di snyam du gyur te/ 'jam dpal gzhon nur gyur pa 'di ni/ de bzhin gshegs pa zla ba rnas nacang mi zer bar gyur pas/ de bzhin gshegs pas rmas pa'i lan 'debs ma nus so snyam mo// de nas de bzhin gshegs pa 'jug sred kyi rgyal po'i sems kyis// byang chub sems dpa' de dag gis sems kyi rtog pa yongs su mkhyen nas/ byang chub sems dpa' de dag la bka' stsal pa/ rigs kyi bu dag de ltar ma sems shig/ khyed 'jam
- 109a
dpal gzhon nur gyur pa la/ brnyas pa'i 'du shes ma skyed cig/ de ci'i phyir zhe na/ 'jam dpal gzhon nur gyur pa ni zab mo la bzod pa dang ldan pa yin te/ gang de bzhin gshegs pas rmya ba rmas pa de'ang / 'jam dpal gzhon nur gyur pas lan thebs pa yin no// byang chub sems dpa' de dag gis gsol pa/ bcom ldan 'das rigs pa gang dang tshul gang gis na/ rmas pa'i lan thebs pa lags/ bka' stsal pa/ 'di la rigs kyi bu dag 'jam dpal ni 'di snyam du sems te/ bal te bdag gis bdag la mig mchis so/ / bdag la rna ba mchis so zhes bshad na ni rtag par lta bar 'gyur/ gal te bdag la mig ma mchis so// rna ba ma mchis so zhes bshad na ni chad par blta bar 'gyur te/ rtag pa dang chad par spyod pas chos nyid shes par mi 'gyur te/ chos nyid gang yin pa de la ni chang pa yang med rtag pa yang med do// gang na chad pa yang med rtag pa yang med pa de ni mi skye ba'o/ / gang mi skye ba de ni brjod du med pa'o zhes de ltar sems shing / 'jam dpal gzhon nur gyur pas rmas pa'i lan btab pa 'di yin no// bstan pa 'di bstan pa'i tshe/ byang chub sems dpa' drug brgya mi skye ba'i chos la bzod pa skyes so// de nas de bzhin gshegs pa 'jug sred kyi rgyal pos/ 'jam dpal gzhon nur gyur
- 109b
pa la 'di skad ces bka' stsal to/ / 'jam dpal rgyu 'di dang rkyen 'di yin te/ de'i phyir khyod ri khor yug gi rtse mor 'phangs so// 'jam dpal gang yang ci'i slad du zhe na/ sring mo the tsom sel ba 'di ma 'phangs par gyur ces khyod de skad zer ba ni/ 'jam dpal sring mo 'di zla ba'i 'od kun du dri ma med par snang ba zhes bya ba'i ting nge 'dzin la mnyam par bzhag ste/ de ni sangs rgyas dag 'dir gshegs sam ma gshegs zhe'am/ chos 'chad dam mi 'chad ci snyam du mi sems te/ 'di la ni sangs rgyas su 'du shes med/ chos su 'du shes med/ dge 'dun du 'du shes med/ bdag tu 'du shes med/ gzhan du 'du shes med de/ 'jam dpal sring mo de ni 'du shes dang yid la byed pa thams cad dang bral ba'o// de ni ting nge 'dzin de la gnas nas phyogs bcu'i sangs rgyas bcom ldan 'das gang+gA'i klung gi bye ma snyed rnams kyi chos nyan to/ / 'dzin to// thos nas kyang gzhan la ston par byed mod kyi/ 'jam dpal sring mo 'di ni zhing la zhing du 'du shes pa med do/ / sangs rgyas la sangs rgyas su 'du shes med/ chos la chos su 'du shes pa med/ dge 'dun la dge 'dun du 'du shes pa med/ bdag la bdag tu 'du shes pa med/ gzhan la gzhan du 'du shes pa med de/ 'jam dpal 'di lta ste dper na/ zla ba'i dkyil 'khor ni gzhal med khang las kyang mi g.yo la kun du yang snang bar byed de/
- 110a
thams cad du yang ston mod kyi zla ba'i dkyil 'khor ni gang la yang nye bar mi byed/ 'di la 'od snang bar bya'o// 'di la 'ong mi snang bar bya'o zhes rtog pa yang med do// 'jam dpal de bzhin du sring mo de ting nge 'dzin 'di la gnas na/ 'jig rten gyi khams mtha' yas mu med par/ sems can dpag tu med pa rnams la snang bar byed/ sangs rgyas kyi zhing dpag tu med par ston par byed pa/ rnam par rtog par byed/ sems can thams cad la sems mnyam par byed cing / sems can thams cad la chos ston te/ 'jam dpa' ngas ni bskal pa 'am bskal pa'i lhag ma lus kyi bar du sring mo 'di'i yon tan brjod kyang / yon tan zad par mi 'gyur te/ 'jam dpal de ltar sring mo 'di ni yon tan bsam gyis mi khyab pa dang ldan no/ / 'jam dpal gyis gsol pa/ bcom ldan 'das sangs rgyas kyi zhing 'di na/ gang byang chub sems dpa' bye ba khrag khrig brgya stong dag mchis na ci lags/ sangs rgyas bcom ldan 'das de dag tshogs pa'i tshe/ byang chub sems dpa' de dag kyang bdag bzhin du/ 'jig rten gyi khams gzhan du 'phangs par gyur tam/ bcom ldan 'das kyis bka srul pa 'jam dpal de skad ma zer cig/ de bzhin gshegs pa'i ye shes la ma rtogs cig/ de bzhin gshegs pa'i rnam par sprul pa la ma rtog cig/ de bzhin gshegs pa'i
- 110b
byin gyi rlabs la mnag cig/ de ci'i phyir zhe na/ 'jam dpal stong gsum gyi stong chen po'i 'jig rten gyi khams 'di ni sangs rgyas bcom ldan 'das rnams tshogs pas 'di lta ste dper na/ bu ram shing gi 'tshal lam/ 'dam bu'i tshal lam/ smig ma'i tshal bzhin du/ de 'dra bar mang ba'i de bzhin gshegs pa rnams kyis yongs su khyab par gyur kyang gang sangs rgyas kyi zhing 'di na/ byang chub sems dpa' dag dang / lha dang / klu dang / gnod sbyin dang / dri za dang / lha ma yin dang / mi dang mi ma yin pa gnas pa de dag thams cad kyis/ thams cad du thams cad de bzhin gshegs pa gzhan gcig kyang ma mthong ste/ nga gcig pu gnyis su med par mthong ngo // de dag gis chos bshad pa yang ma thos te/ nga gcig pu'i thos so// 'jam dpal de bzhin gshegs pa'i byin rlabs dang / de bzhin gshegs pa'i cho 'phrul dang / de bzhin gshegs pa'i rnam par 'phrul pa dang / de bzhin gshegs pa'i sku phra ba la stos/ stong gsum gyi stong chen po'i 'jig rten gyi khams de bzhin gshegs pa'i skus yongs su gang yang / byang chub sems dpa' de dag gi lha'i mig gis kyang de bzhin gshegs pa gcig kyang ma mthong na/ sems can gzhan gyis mthong bar 'gyur ba lta ci smos te/ de ni gnas med do// 'jam dpal byang chub sems dpa' de
- 111a
dak+ta nga / !dang / klu dang / gnod sbyin dang / dzib dang / lha ma yin dang / mi dang mi ma yin pa dadug stong gasgyus kyi spyong chen pa'i 'ag gyi khams 'di na gnas shing / rgyu ba dang / 'chag pa dang / 'gro ba dang / 'greng ba dang / 'dug pa dang / nyal ba dag ji ltar sems pa bzhin du spyod pa de dag la bzhin gshegs pa'i sku de ltar mang ba sgrib par mi byed/ thogs par mi byed pa la ltos/ 'jam dpal rnam grangs 'dis kyang / 'di ltar rig par bya ste/ de bzhin gshegs pa ni chos kyi sku yin gyi gzugs yongs su grub pa'i sku ma yin no/ / 'jam dpal de bzhin gshegs pa'i sku ni zag pa med pa ste/ nam mkha' dang 'dra ba ma skyes pa ma byung ba ma mtho ba ma thos pa/ rnam par ma shes pa'o// 'jam dpal 'di lta ste dper na/ nam mkha' ni zag pa med pa gtogs pa med pa/ gzugs med pa bstan du med pa/ thogs pa med/ pa rnam par mi dmigs pa ste/ nam mkha' ni sus kyang blta mi nus so// yang nam mkha' ni spyan lngas mthong ba mi 'gyur ro// spyan lnga gang zhe na/ 'di lta ste/ sha'i spyan dang / lha'i spyan dang / shes rab kyi spyan dang / chos kyi spyan dang / sangs rgyas kyi spyan te/ gzhan du na nam mkha' nam mkha'o zhes grangs su 'gro bar zad do// 'jam
- 111b
dpal de bzhin du de bzhin gshegs pa'i sku yang zag pa med pa/ gtogs pa med pa/ gzugs med pa/ bstan du med pa/ thogs pa med pa/ dmigs su med pa ste/ de bzhin gshegs pa'i sku ni sus kyang mthong bar mi nus so// yang de bzhin gshegs pa'i sku ni sus kyang ma mthong ngo // de bzhin gshegs pa'i sku ni sha'i spyan nas sangs rgyas kyi spyan gyi bar du/ spyan lnga la snang bar mi 'gyur gyi/ gzhan du na de bzhin gshegs pa/ de bzhin gshegs pa zhes ming tsam gyi grangs su 'gro ste/ ming de yang gsob bo// 'jam dpal de bzhin gshegs pa'i cho 'phrul la bltos/ de bzhin gshegs pa dag ni nam mkha' dang 'dra ste/ de dag gzugs kyi sku'i kha dog yongs su rdzogs pa yang ston to// skyes bu chen po'i mtshan sum cu rtsa gnyis dang yang ldan no/ / 'jam dpal gang yang de bzhin gshegs pa de dag khyod kyi mig gis mthong bar ma 'gyur ba de dag thams cad ni de bzhin gshegs pa dag gi byin gyi rlabs dang mthus de ltar gyur to/ / de ci'i phyir zhe na/ de ltar 'jam dpal gzhon nu khyod yin te/ khyod las brtsams nas chos zab mo bstan par 'gyur ro// de nas sangs rgyas kyi zhing de na gnas pa'i byang chub sems dpa' de dag thams cad kyis mgrin gcig tu ngo mtshar che ba'i sgra phyung nas ngo mtshar ro/ / ngo mtshar ro// de bzhin gshegs pa dag ni de ltar rdzu 'phrul che/ mthu che ste/
- 112a
de ltar de bzhin gshegs pa dag mang yang bdag cag gis de bzhin gshegs pa gcig kyang ma mthong ste/ 'dir su zhig gshegs su zhig bzhud/ su zhig 'chad/ su 'chad ces mtshan ma tsam yang ma 'tshal te/ 'di na de bzhin gshegs pa gcig pu 'chad par mthong ngo // bcom ldan 'das gal te ye shes chen po 'di 'dra ba'i slad du/ byang chub sems dpa' sems dpa' chen po sems can re re'i phyir/ bskal pa gang+gA'i klung gi bye ma snyed du/ sems can dmyal ba chen por bsgral kyang / bcom ldan 'das byang chub sems dpa' sems dpa' chen pos bzod par bgyi'o/ / ye shes chen po de 'dra ba yongs su dor bar ni mi bgyi'o// de nas de bzhin gshegs pa 'jug sred kyi rgyal po la/ 'jam dpal gzhon nur gyur pas 'di skad ces gsol to/ / bcom ldam 'das sring mo 'dis ji srid nas/ bla na med pa yang dag par rdzogs pa'i byang chub tu sems bskyed na/ sring mo de 'di 'dra bar zhi ba dam pa'i ting nge 'dzin la mnyam par gzhag pa thob par gyur/ bcom ldan 'das kyis bka' stsal pa/ sangs rgyas bcom ldan 'das rnams kyi bla na med pa yang dag par rdzogs pa'i byang chub ni bskal pa dpag tu med par bskyed pa ste/ rtag par skye ba tshad med par skyes pa sbyin pa dang / tshul khrims dang / bzod pa dang / brtson 'grus dang / bsam gtan dang /
- 112b
shes rab las skyes pa ni sangs rgyas bcom ldan 'das rnams kyi/ bla na med pa yang dag par rdzogs pa'i byang chub yin te/ 'jam dpal sring mo 'di ni yun ring po nas spyad pa/ sngon gyi rgyal ba la bya ba byas pa/ / dge ba'i rtsa ba bskyed pa ste/ sring mo 'di ni sangs rgyas bye ba khrag khrig brgya phrag stong du ma la bsnyen bkur byas pa yin mod kyi/ 'jam dpal khyod kyis 'di ting nge 'dzin las slong la/ yun ji srid nas spyod ces dris shig dang / sring mo 'di nyid kyi khyod la ston pa 'gyur ro// de nas 'jam dpal gzhon nur gyur pas sring mo de slong bar 'dod nas/ se gol gyi sgra tha mal pa byas kyang / sring mo de ting nge 'dzin de las ma langs so// de nas 'jam dpal gzhon nur gyur pas se gol ji lta bus phyogs bcu'i 'jig rten gyi khams mtha' yas mu med pa'i sgra thos par 'gyur ba/ de 'dra ba'i se gol gyi sgra byas kyang / sring mo de ting nge 'dzin de las ma langs so// de nas 'jam dpal gzhon nur gyur pas/ rdzu 'phrul mngon par 'du bya ba mngon par 'dus byas pa ji lta bus stong gsum gyi stong chen po'i 'jig rten gyi khams kyi lha dang mi'i sil snyan thams cad ma dkrol bar/ sgra 'byung ba de lta bu'i rdzu 'phrul mngon par 'du bya ba mngon par 'dus byas te/ bdag nyid kyang sil snyan bye ba khrag khrig brgya stong sprul nas/ yid du 'ong ba chags par byed pa rna bar 'ong ba'i sgra 'byin to// yang de'i tshe na sel
- 113a
snyan gyi sgra gang gi phyogs bcu'i 'jig rten gyi khams mtha' yas mu med pa kun tu grags par 'gyur ba'i sgra shin tu chen po byung bar gyur kyang / sring po de ting nge 'dzin de las ma langs te/ yang de'i tshe gang phyogs bcu na sangs rgyas bcom ldan 'das bzhugs pa 'tsho zhing zhes pa de dag la bdag bdag gi g.yog gis zhus pa/ bcom ldan 'das ci'i rgyu ci'i rkyen gyis na sil snyan gyi sgra dbyangs/ bcom ldan 'das sngon ma thos pa'i sgra gda' ba 'di 'jig rten du byung bar gyur/ de skad ces gsol pa dang / de bzhin gshegs pa de dag gis bdag bdag gi g.yog la 'di skad ces bka' stsal to/ / 'jig rten gyi khams kun tu 'od ces bya ba zhig yod de/ de na de bzhin gshegs pa 'jug sred kyi rgyal po zhes bya ba bzhugs zhing 'tsho gzhes te/ de'i sangs rgyas kyi zhing na/ sring mo the tsom sel ba zhes bya ba de de bzhin gshegs pa de'i g.yas phyogs na zla ba'i 'od kun tu dri ma med par snang ba zhes bya ba'i ting nge 'dzin la mnyam par bzhag ste/ / de nas 'jam dpal gzhon nur gyur pa zhes bya ba go ca bsam gyis mi khyab pa bgos pa phyir mi ldog pa'i byang chub sems dpa' zhig yod de/ srid mo de ting nge 'dzin de las slong bar 'dod nas/ rigs kyi bu 'jam dpal gzhon nur gyur pa des lha dang mi'i sil snyan gyi sgra phyung ste/ de'i byin gyis brlabs kyis sil snyan 'di dag ma dkrol
- 113b
bar sgra 'byin cing 'di lta ste/ sring mo ting nge 'dzin de las bslangs pa'i phyir des sil snyan bye ba khrag khrig brgya stong dag sprul te/ rigs kyi bu de dag ma dkrol bar sgra 'byung mod kyi/ sring mo ting nge 'dzin de las bslangs par ma nus so/ / rigs kyi bu rgyud dang rkyen de'i phyir sil snyan gyi sgra chen po 'jig rten du byung ngo // de skad ces bka' stsal pa dang / sangs rgyas bcom ldan 'das de dag la g.yog de dag gis 'di skad ces gsol to/ / bcom ldan 'das sring mo de 'di 'dra ba'i ting nge 'dzin zhi ba thob cing 'di 'dra ba'i sil snyan gyi sgras kyang mi ldang ba ngo mtshar to// bka' stsal pa/ rigs kyi bu de bzhin te/ sring mo 'di ni ting nge 'dzin bsam gyis mi khyab pa thob pa'o// de nas gtam 'di brjod pa'i tshe/ phyogs bcu nas sems can grangs med tshad med pa dag bla na med pa'i byang chub tu zhugs par gyur te/ sring mo de ci lta ba bzhin du bdag cag kyang de dang 'dra ba'i ting nge 'dzin zhi ba thob par gyur cig/ 'jam dpal gzhon nur gyur pa ci lta ba bzhin du bdag cag kyang de 'dra ba'i rnam par sprul pa thob par gyur cig ces de skad kyis tshig smras so/ / de nas yang 'jam dpal gzhon nur gyur pas rdzu 'phrul mngon par 'du bya ba mngon par 'du byed pa ji lta bus stong gsum gyi stong chen po'i 'jig rten gyi khams na/ ri rab lhun po'i ri'i rgyal po dang gangs kyi ri dang ri btang bzung dang / ri btang
- 114a
bzung chen po dang / ri khor yug dang / khor yug chen po dang / gzhan yang ri rab 'bring tha ma de dag thams cad gcig la gcig 'dus shing gcig la gcig thug pa dang / gcig la gcig 'thab pa 'di lta ste/ skyes bu stobs po che/ stobs po che'i zla bo la mthu'i shugs thams cad kyis thal mo rdob par byed pa de bzhin du ri chen po dang / ri khor yug chen po de dag gcig la gcig 'dus nas/ ri'i rgyal po de dag 'jig pa'i sgra'i dbyangs kyis ba spu zing zhes byed par gyur pa de 'dra ba'i sgras 'jig rten gyi khams mtha' yas mu med par grags par 'gyur ba de 'dra ba'i rdzu 'phrul mngon par 'du bya ba mngon par 'dus byas kyang / sring mo de ting nge 'dzin de las bslong ma nus so// de nas 'jam dpal gzhon nur gyur pa/ sring mo de lag pa gnyis kyis ma reg la/ byin gyis brlabs kyis lag pa gnyis bzung ste/ bslang bar 'dod nas de de ltar bskyod pa dang / 'og gis phyogs kyi sangs rgyas kyi zhing gang+gA'i klung gi bye ma snyed g.yos rab tu g.yos/ kun tu rab tu g.yos kyang sring mo de bslang bar ma nus te/ chung ngu na skra'i rtse mo cha shas tsam yang g.yo bar ma nus so// 'gul bar ma nus/ ting nge 'dzin de las bslang bar yang ma nus nas/ de yang shin tu shugs thams cad kyis 'deg go snyam nas shugs phyung ste/ bsteg pa dang sangs rgyas kyi zhing gang+gA'i
- 114b
klung gi bye ma dang mnyam pa rnams gyen du 'phags kyang ting nge 'dzin de las ma langs so/ / de nas 'jam dpal gzhon nur gyur pas/ sa gang gi phyogs na sring mo de mnyam par gzhog pa sa de'i phyogs kho ra khor yug tu drangs te lag pa g.yas pa la gzhog go/ / lag pa g.yas par bzhag nas tshangs pa'i 'jig rten gyi khams kyi bar du 'phangs kyang sring mo de ting nge 'dzin de las ma langs so/ / tshangs pa'i 'jig rten nas slar yang sa la bzhag kyang ma langs so// de nas 'jam dpal gzhon nur gyur pas sring mo de lag pa g.yas par bzhag nas/ shar phyogs su sangs rgyas kyi zhing gang+gA'i klung gi bye ma snyed du song zhing / sil snyan gyi sgra de dag dang / ri'i sgra dbyangs de dag 'byin cing / me tog gi char 'bebs bzhin du song yang sring mo de ting nge 'dzin de las ma langs so/ / de bzhin du lho phyogs dang / nub phyogs dang / byang phyogs dang / phyogs bcu'i 'jig rten kun tu sring mo de khyer te song nas/ sa phyogs de nyid du bzhag ste/ thal mo sbyar nas/ bcom ldan 'das de bzhin gshegs pa 'jug sred kyi rgyal po la 'di skad ces gsol to// bcom ldan 'das byang chub sems dpa' rnams kyis spyod pa ni ngo mtshar te/ sems can thams cad kyis kyang 'tshal ba 'am/ sems par sla ba ma lags so// bcom ldan 'das gal te bdag gis sems ma mchis pa'i dngos po dag smra
- 115a
stsal na'ang smra bar 'gyur na/ sring mo 'di la 'dra ba'i sgra rdzu 'phrul dang rnam par 'phrul pa dang cho 'phrul gyis sgras bslang bar ma nus te/ bcom ldan 'das sring mo 'di dang / gang su'ang de las gzhan pa bla na med pa yang dag par rdzogs pa'i byang chub la zhugs pa dang / gang 'jug pa dang / gang de 'dra ba'i ye shes chen po sgrub par bgyid pa de la phyag 'tshal lo/ / de ci'i slad du zhe na/ gang bcom ldan 'das byang chub sems dpa'i spyod pa 'di ni 'dul ba chen po'i spyod pa lags so// sring mo de ting nge 'dzin de las bslang ba'i phyir/ 'jam dpal gzhon nur gyur pas/ phyogs bcu thams cad du slong bar bgyid pa'i tshe/ sems can dpag tu med pa byang chub tu yongs su smin par byas so// sems can dpag tu med pa dag gi dge ba'i rtsa ba yongs su grub par gyur to/ / de skad ces gsol pa dang / bcom ldan 'das de bzhin gshegs pa 'jug sred kyi rgyal pos/ 'jam dpal gzhon nur gyur pa la 'di skad ces bka' stsal to/ / de bzhin no// 'jam dpal ji skad smras pa de bzhin te/ byang chub sems dpa' rnams kyi go cha ni bsam gyis mi khyab ste/ nyan thos dang rang sangs rgyas rnams kyis kyang bde bar shes par mi nus na/ sems can gzhan gyis lta ci smos te/ 'jam dpal 'di lta ste/ dper na/ stong gsum gyi stong chen po'i 'jig rten
- 115b
khams 'di rnga'i kha ya gcig tu gyur/ yang stong gsum gyi stong chen po'i 'jig rten gyi khams gcig kyang rnga'i kha ya gcig tu gyur te/ yongs su rtog pa bzung na/ 'jam dpal de 'dra ba'i rje chen por gyur na/ de ni skyes bu de 'dra bar stobs che zhing / de 'dra ba'i mthu che ba de lta bu'i lus dang ldan pas/ stong gcig gi 'jig rten gyi khams dang mnyam pa'i dbyug gu thogs te/ sring mo de'i mdun du bskal pa'am/ bskal pa'i lhag ma lus kyi bar du rnga chen po de brdungs su zin kyang / sgra de sring mo de'i rna bar grags par mi 'gyur na/ ting nge 'dzin las bslang bar lta ci smos de ni gnas med de/ sring mo de ni de 'dra ba'i ting nge 'dzin zhi ba thob bo// 'jam dpal gyis gsol pa/ bcom ldan 'das sring mo 'di ting nge 'dzin 'di nas slong bar su zhig gis nus bka' stsal pa 'jam dpal de bzhin gshegs pa 'am/ byang chub sems dpa' sgrib pa thams cad rnam par sel ba ma gtogs par gzhan sring mo 'di ting nge 'dzin 'di las slong bar nus pa med do/ de nas rigs kyi bu de'i ming brjod ma thag tu/ stong gsum gyi stong chen po'i 'jig rten gyi khams de rnam pa drug tu g.yos so// de nas bcom ldan 'das 'jug sred kyi rgyal po'i g.yog byang chub sems dpa' rab tu dga' ba'i rgyal po zhes bya ba des/ de bzhin gshegs pa de la zhus pa/ bcom ldan 'das ci'i rgyu ci'i rkyen gyis na/ 'jig rten nas chen po 'di g.yo bar gyur//
- 116a
bka' stsal pa/ rigs kyi bu byang chub sems dpa' sgrib pa thams cad rnam par sel ming brjod ma thag tu/ nges par stong gsum gyi stong chen po'i 'jig rten gyi khams gso par gyur te/ 'jig rten gyi khams gzhan gang na de bzhin gshegs pa dag rigs kyi bu de'i ming brjod par gyur pa de'i tshe brjod ma thag tu sa chen po rnam pa drug du g.yo'o// de nas 'khor de na byang chub sems dpa' de dag byang chub sems dpa' sgrib pa thams cad rnam par sel ba mthong bar sgom mo/ / 'jam dpal gzhon nur gyur pa yang byang chub sems dpa' de mthong par 'dod do/ / de nas 'jam dpal gzhon nur gyur pa byang chub sems dpa' de dag yongs su skom par yang shes/ bdag kyang mthong ba dang / sring mo ting nge 'dzin de las bslang ba'i phyir/ de bzhin gshegs pa 'jug sred kyi rgyal po la 'di skad ces gsol to// bcom ldan 'das ci nas kyang / bdag gis byang chub sems dpa' sgrib pa thams cad rnam par sel ba mthong bar 'gyur ba/ de 'dra ba'i rdzu 'phrul gyi mthu legs par bstan par gsol/ bcom ldan 'das 'khor 'di dag kyang rigs kyi bu de mthong bar 'tshal na/ bcom ldan 'das bdag kyang skyes bu dam pa de mthong bar 'tshal na/ ci nas kyang skyes bu dam pa de sangs rgyas kyi zhing 'dir mchi zhing rigs kyi bu de las brtsams nas/ chos zab mo bshad par 'gyur ba dang / byang chub sems
- 116b
dpa' 'di dag kyang byang chub sems dpa' de mthong bar 'gyur zhing / mthong nas kyang de'i rjes su slob pa dang / sring mo de yang ting nge 'dzin de las ldang bar 'gyur ba de 'dra ba'i rdzu 'phrul nas par 'phrul pa bstan na legs so/ / de nas bcom ldan 'das 'jug sred kyi rgyal po de la/ byang chub sems dpa' rab tu dga' ba'i rgyal pos 'di skad ces gsol do// bcom ldan 'das phyogs gang dang sangs rgyas kyi zhing gang na rigs kyi bu de da ltar gnas pa lags/ de'i sangs rgyas kyi zhing na de bzhin gshegs pa de'i mtshan ci lags/ bka' stsal pa/ rigs kyi bu 'og gi phyogs su sangs rgyas kyi zhing 'di nas/ sangs rgyas kyi zhing gang+gA'i klung gi bye ma snyed 'das pa na/ 'jig rten gyi khams sna tshogs kyi rgyal mtshan zhes bya ba zhig yod do// de na de bzhin gshegs pa seng ge dang / ngang pa dang / ba glang gi phung po'i sgra bsgrags pa zhes bya ba bzhugs 'tsho ga zhes shing chos kyang ston to// de na byang chub sems dpa' sgrib pa thams cad rnam par sel ba zhes bya ba de da ltar gnas so/ / de nas de bzhin gshegs pa 'jug sred kyi rgyal pos de'i tshe/ de ltar gdan la bzhugs bzhin du/ zhabs g.yas pa'i mthe bong las/ byang chub sems dpa' bskul bar byed pa zhes bya ba'i 'od gser gyi kha dog lta bu btang ngo / / 'od de btang ma thag tu 'og gi phyogs su sangs rgyas kyi zhing gang gI klung gi bye ma dang mnyam pa brtol nas
- 117a
byang chub sems dpa' sgrib pa thams cad rnam par sel ba'i lus la phog ste/ rigs kyi bu de la lan gsum bskor nas spyi bor mi snang bar song ngo // de nas byang chub sems dpa' sgrib pa thams cad rnam par sel ba/ ci'i rgyu ci'i rkyen gyis na/ gang gi phyir de ltar 'od dang ba/ bdag la lan gsum bskor nas/ spyi bor mi snang bar song snyam du bsams pa las/ de 'di snyam du sems te/ de bzhin gshegs pa 'jug sred kyi rgyal po bdag gzigs par bzhed do snyam mo// de nas byang chub sems dpa' sgrib pa thams cad rnam par sel ba sang ge dang / ngang pa dang / ba glang gi phung po'i sgra bsgrags pa de bzhin gshegs pa ga la ba der song nas phyin pa dang / bcom ldan 'das de'i zhabs la mgo bos phyag 'tshal nas/ 'di skad ces gsol to/ / bcom ldan 'das bdag ni steng gi phyogs su bcom ldan 'das de bzhin gshegs pa 'jug sred kyi rgyal po blta bar 'tshal lo// bka' stsal pa/ de'i dus la bab par shes na song shig/ de nas bcom ldan 'das de bzhin gshegs pa seng ge dang / ngang pa dang / ba glang gi phung po'i sgra bsgrags pa de'i g.yog don thams cad grub pa zhes bya ba des/ de bzhin gshegs pa de la 'di skad ces gsol to/ / bcom ldan 'das bdag ni de bzhin gshegs pa 'jug sred kyi rgyal po mthong bar 'tshal lo// de nas de bzhin gshegs pa seng ge dang / ngang pa dang / bgrang gi phung po'i rma
- 117b
bsgrags pas/ de'i tshe smin mtshams kyi mdzod spu nas 'od byung ngo // 'od byung ba des steng gi phyogs sangs rgyas kyi zhing gang+gA'i klung gis bye ma dang mnyam pa brtol nas/ 'jig rten gyi khams kun tu 'od ces bya bar snang bar gyur te/ de nyid du byung ba bzhin du snang ste/ de bzhin gshegs pa 'jug sred kyi rgyal po// byang chub sems dpa' mang pos bskor zhing / 'dzam bu chu bo'i gser gyi ri bzhin du chos 'chad de/ 'di lta ste dper na/ 'dom gang tsam na/ skyes bu mig dang ldan pa gcig gis/ skyes bu gcig gis bzhin la rtogs pa de bzhin du 'khor de dag thams cad kyis de bzhin gshegs pa 'jug sred kyi rgyal po/ / byang chub sems dpa'i dge 'dun dang bcas pa mthong ngo // de nas byang chub sems dpa' sgrib pa thams cad rnam par sel ba/ byang chub sems dpa' lnga 'bum dang sems gcig bskyed pas/ sangs rgyas kyis zhing de nas mi snang bar gyur nas/ 'jig rten gyi khams kun tu 'od ces bya bar gnas te/ de bzhin gshegs pa 'jug sred kyi rgyal po'i zhabs la mgo bos phyag 'tshal te/ spyan sngar 'dug go// de nas byang chub sems dpa' sgrib pa thams cad rnam par sel ba/ byang chub sems dpa' de dag dang bcas te lus mi snang bar song nas/ bcom ldan 'das de'i zhabs la mgo bos phyag 'tshal te/ bcom ldan 'das la lan gsum bskor nas/ steng gi bar snang la gnas shing
- 118a
smras thams ca sun byin ces bya ba'i ting 'dzin pa mnyam par bdagaso/ de nas byung chub sems dpa' sgrub pa thams cad rnam par sel bas ji lta bya'i rgyas / steng gi bar snang las lha'i me tog gis char 'bab pa dang / me tog de dag kyang bcom ldan 'das de bzhin gshegs pa 'jug sred kyi rgyal po'i zhabs la 'bab cing / me tog de dag las seng ge dang / ngang pa dang / ba glang gi phung po'i sgra bsgrags pa de bzhin gshegs pa ni bcom ldan 'das la snyung ba ma mchis sam/ 'o ma rgyal lam bzhengs pa yang ngam so bzhin nam/ mthu mnga' 'am/ bde bar reg par gnas sam zhes gsung ngo zhes zer ba'i de 'dra ba'i sgra 'byung bar 'gyur ba de lta bu'i ltas mdzad do// de nas 'khor de thams cad ngo mtshar thob par gyur nas bcom ldan 'das gang me tog 'di 'dra ba dag dang sgra 'di 'dra bar yid du mchi ba bsgrags par bgyid pa su'i mthu lags shes de skad kyi tshig kyang smras so/ / de nas de bzhin gshegs pa 'jug sred kyi rgyal po la 'jam dpal gzhon nur gyur pas 'di skad ces gsol to// bcom ldan 'das gang me tog 'di dag char 'bab pa dang / me tog de dag las 'di 'dra ba'i sgra yid du mchi ba 'byung ba su'i mthu lags/ 'jam dpal byang chub sems dpa' sgrib pa thams cad rnam par sel ba de'i mthu yin no// gsol pa/ bcom ldan
- 118b
'das byang chub sems dpa' sgrib pa thams cad rnam par sel ba de gang na mchis/ bka' stsal pa/ 'jam dpal byang chub sems dpa' sgrib pa thams cad rnam par sel ba de ni/ steng gi bar snang la 'dug ste/ byang chub sems dpa' lnga 'bum dang 'grogs nas nga'i rkang pa la phyag 'tshal te/ steng gi bar snang la lus thams cad sun 'byin pa zhes bya ba'i ting nge 'dzin la mnyam par gzhog go/ / gsol pa/ bcom ldan 'das byang chub sems dpa' de dag mi gda'o// bka' stsal pa/ byang chub sems dpa' sgrib pa thams cad rnam par sel ba'i mthus mi snang ngo // de nas 'jam dpal gzhon nur gyur pa 'di snyam du gyur te/ bdag kyang lus thams cad sun 'byin pa'i ting nge 'dzin la mnyam par gzhag go// bdag gis kyang ting nge 'dzin de la mnyam par bzhag ste/ skyes bu dam pa sgrib pa thams cad rnam par sel ba de dang / byang chub sems dpa' de dag yongs su btsal bar bya'o snyam mo// de nas byang chub sems dpa' sgrib pa thams cad rnam par sel ba/ 'jam dpal gzhon nur gyur pa'i sems kyi rnam par rtog pa sems kyis shes nas/ bar snang la lus mi snang bar byas te/ 'jam dpal gzhon nur gyur pa la 'di skad ces smras so/ / 'jam dpal de ji snyam du sems/ lus thams cad sun 'byin pa'i ting nge 'dzin ces bya ba gcig pu'o// snyam du khyod de ltar ma lta shig/ de ci'i phyir tshi
- 119a
'jam dpal rgya tsho'i 'ching rnam chen po na/ chu'i phung po ji tsam yod pa de'i chu'i thigs pa ji snyed yod pa de snyed kyi lus thams cad sun 'byin pa'i ting nge 'dzin la mnyam/ par gzhog par yang byed/ ldang bar yang byed de/ khyod ni de dag gi ming tsam yang mi shes so// de nas 'jam dpal gzhon nur gyur pa 'di snyam du gyur te/ gal te bdag gis ting nge 'dzin de ma bsgrubs ma/ bdag gis sbyar sbyangs pa dag don med do snyam mo// de nas 'jam dpal gzhon nur gyur pas de'i tshe/ ji lta bu'i brtson 'grus kyis se gol gcig gis 'grub par 'gyur ba de 'dra ba'i brtson 'grus brtsams so/ / de nas de bzhin gshegs pa 'jug sred kyi rgyal pos byang chub sems dpa' de dag la bka' stsal pa/ rigs kyi bu dag ting nge 'dzin gang byang chub sems dpa' gzhan gyis/ bskal pa bye ba khrag khrig tu'ang 'grub par mi 'gyur ba de 'jam dpal gzhon nur gyur pas se gol gcig gis bsgrubs so/ / lhag pa'i bsams pa'i sbyangs pa'i khyad par la ltos// de nas de bzhin gshegs pa 'jug sred kyi rgyal po la/ 'jam dpal gzhon nur gyur pas 'di skad ces gsol bcom ldan 'das 'khor 'di dag skyes bu dam pa de rnams dang / byang chub sems dpa' de mthong bar 'tshal na/ bstan par gsol/ byang chub sems dpa' sgrib pa thams cad rnam
- 119b
par sem bal bka' stsal pa/ 'khor 'di dag khyod mthong bar 'dod kyis/ rigs kyi bu khyod kyis bdag gis lus ston cig/ de nas byang chub sems dpa' sgrib pa cad rnam par sel bas/ bar snang de las babs te/ slar yang bcom ldan 'das kyi zhabs la mgo bos phyag 'tshal nas/ byang chub sems dpa' de dag dang 'grogs te/ lus mi snang bar byas nas/ 'jam dpal gzhon nur gyur pa la 'di skad ces smras so// nga mthong ngam/ 'jam dpal gyis smras pa/ ngas ma mthong ngo // de nas de bzhin gshes pa 'jug sred kyi rgyal pos/ byang chub sems dpa' sgrib pa thams cad rnam par sel ba la bka' stsal pa/ rigs kyi bu 'di dag dang / 'khor 'di khyod kyi lus mthong bar 'dod kyis rigs kyi bu khyod kyis bdag gi lus ston cig/ de nas byang chub sems dpa' sgrib pa thams cad rnam par sel ba/ byang chub sems dpa' lnga 'bum de dag dang 'grogs te/ gzugs kyi lus yongs su rdzogs pas bdag gis lus yongs su bstan to// de nas 'jam dpal gzhon nur gyur pas/ byang chub sems dpa' sgrib pa thams cad rnam par sel ba la smras pa/ rigs kyi bu khyod kyis sring mo 'di ting nge 'dzin 'di las slong shig/ smras pa 'jam dpal sring mo 'di ting nge 'dzin 'di las slong shig ces de skad smras pa/
- 120a
'di ming bslang bar bya'am/ 'on te gzugs dang tshor ba dang / 'du shes dang / 'du byed dang / rnam par shes pa bslang bar bya/ 'jam dpal gzugs kyi rang bzhin ni mnyam par mi gzhog go/ tshor ba'i rang bzhin dang / 'du shes dang / 'du byed dang / rnam par shes pa'i rang bzhin ni mnyam par mi gzhog/ ldang bar mi byed do// 'jam dpal chos thams cad kyi rang bzhin gang yin pa de ni mnyam par yang mi gnog/ ldang bar mi byed na chos de gang zhig bslang bar bya/ 'jam dpal gal te sring mo 'di mnyam par gzhog par 'gyur na ni/ de'i phyir bslang bar bya na/ 'jam dpal sring mo 'dis ni cung zad kyang mnyam par gzhag pa med do// de ci'i phyir zhe na/ chos thams cad ni g.yo zhing byed pa med pa'i phyir ro// de nas de bzhin gshegs pa 'jug sred kyi rgyal pos/ byang chub sems dpa' sgrib pa thams cad rnam par sel ba la bka' stsal pa/ rigs kyi bu khyod kyis sring mo 'di ting nge 'dzin 'di las slongs shig/ gsol pa/ bcom ldan 'das bdag ni spri brtol bgyid pa'i rngo mi thog ste/ de bzhin gshegs pas khyod kyis dge ba ni bcab par gyis shig ces bka' stsal pa/ de bzhin gshegs pa nyid kyis sring mo 'di bslang bar gsol/ bcom ldan 'das bdag gis ni/ sring mo 'di ting nge 'dzin 'di las bslang ba'i rngo mi thog mod kyi/ de bzhin gshegs pa dag
- 120b
chos thams cad shes pa dang / ston pa la mkhas pa lags kyis/ de bzhin gshegs pa nyid kyis bslang bar gsol/ de nas de bzhin gshegs pa 'jug sred kyi rgyal pos ting nge 'dzin gyi sems las ldang byed ces bya ba'i ting nge 'dzin la mnyam par bzhag nas/ de bzhin gshegs pas mnyam par bzhag ma thag tu/ stong gsum gyi sdong chen po'i 'jig rten gyi bas den lha dang / klu dang / gnod sbyin dang / dri za dang / byang chub sems dpa' mnyam par gnog pa ji snyed yod pa de dag thams cad langs par gyur to// sring mo de yang ting nge 'dzin de las langs par gyur te/ langs nas sa chen po rnam pa drug tu g.yo bar byas te/ steng gi bar snang la 'dug go// yang de'i tshe lha'i bu brgyang stong phrag du ma dag 'dus par gyur to// de nas sring mo de steng gi bar snang la 'dug pa des/ me tog ut+pal dang ku mu dA dang / pun+da ri kas de bzhin gshegs pa'i sku la gtor ro// de nas 'jam dpal gzhon nur gyur pas sring mo the tsom sel ba la 'di skad ces smras so/ / sring mo khyod de 'dra ba'i ting nge 'dzin zhi ba thob pa ngo mtshar ro// smras pa/ 'jam dpal nga skad ma gsung rnam par rtog pa la ma spyod cig/ bdag ni zhi ba'i ting nge 'dzin thob pa ma lags so// de ci'i phyir zhe na/ sangs rgyas bcom ldan 'das rnams kyi byang chub ni ma thob pas bskyed pa'o// 'jam dpal gang na thob pa
- 121a
yod pa de na ni dmigs pa yang yod do/ / 'jam dpal chos thams cad ni zhi ba rab tu zhi ba nye bar zhi ba ste/ zhi ba ni zhi bar mi bya'o// zhi ba ni mnyam par yang mi gzhog ldang bar yang mi byed do/ / smras pa sring mo de bzhin te/ ji skad smras pa bzhin mod kyi/ 'on kyang khyod ni ting nge 'dzin pargya chen po thob ste/ khyod ni sil snyan sgra chen po phyung bas kyang langs par ma gyur to/ / smras pa/ 'jam dpal ci chos kyi dbyings la mnyam par gzhog pa'am/ ldang ba mchis sam/ smras pa/ sring mo de ma lags so// smras pa/ 'jam dpal ci gang mnyam par ma gzhag pa de bslang bar nus sam/ smras pa/ de ma lags so// smras pa/ 'jam dpal gang dag la kha dog dang / mtshan ma dang / dbyibs dang / mtshan ma ma mchis pa thams cad de dag mnyam par gzhog gis/ gang la kha dog ma mchis/ mtshan ma ma mchis/ dbyibs ma mchis/ mtshan ma ma mchis pa de dag gang du mnyam par gzhog ste/ 'jam dpal de dag ni rang bzhin gyis dus thams cad du mnyam par gzhog gis/ de dag ni slar mnyam par mi gzhog ldang bar mi byed do// de bas na 'jam dpal gson cig/ 'jam dpal 'di lta ste dper na/ lha dang mi'i sil snyan dkrol na/ ci yid du 'ong ba'i sgra 'byung ngam/ smras pa/ sring mo de bzhin no// 'jam dpal ci nam mkha'i khams ni sil snyan
- 121b
'di dag las yid du 'ong ba'i sgra 'byung ngo snyam du 'gyur ram/ smras pa sring mo de ma lags so// 'jam dpal de bas na 'di la chos thams cad nam mkha' dang mtshungs na 'di la su zhig sgra thos par 'gyur/ gang la rnam par shes pa yod pa des thos su zad do// smras pa/ sring mo gang gis sgra thos par gyur pa'i rna ba khyod la med dam/ de nas sring mo de cang mi smras par gyur nas/ smras pa/ sring mo ci'i phyir cang smra bar gyur/ smras pa mi thos so// smras pa/ ci'i phyir smras pa/ rna ba mi dmigs pa'i phyir ro// gzhan yang sring mo the tsom sel ba des 'jam dpal gzhon nur gyur pa la 'di skad ces smras so/ / 'jam dpal 'di lta ste dper na/ rlung gi dkyil 'khor chen po zhig langs te/ shing chen po dag g.yo pabar gyur kyang / rlung ni sus kyang ltar mi nus la/ de yang rnam par mi rtog de dag kyang rnam par mi rtog ste/ rlung yang bdag gis shing dag bskul bar bya'o// snyam du de ltar mi sems so/ / shing dag kyang bdag cag ni rlung dag gis bskul to snyam du mi sems so// 'jam dpal de bzhin du byang chub sems dpa' shes rab kyi pha rol tu phyin pa la spyod pa rnam par rtog pa thams cad spangs pa/ yang bdag ni mnyam par gzhog go/ ldang bar bya'o snyam du mi sems so// de ci'i phyir zhe na/ chos thams cad rang bzhin gyis dben pa'i phyir ro// 'jam
- 122a
dpal gyis smras pa/ sring mo bar snang de las babs la/ de bzhin gshegs pa'i spyan sngar 'dug la shod cig/ sring mo des smras pa/ 'jam dpal bdag gi spro yul du mchis kyis/ bdag la gzhan gyi spyod yul ni mi 'tshal lo// smras pa sring mo khyod kyis bdag gi spyod yul gang yin/ smras pa 'jam dpal nam mkha'i dbyings ni sems can thams cad kyi spyod yul lo/ / de ci'i phyir zhe na/ sems can thams cad ni nam mkha' las 'gro zhing 'ong ste/ sems can gyi spyod pa de ji tsam pa de thams cad ni nam mkha' la spyod do// de bas na nam mkha' ni sems can thams cad kyi spyod yul te/ 'di lta ste/ nam mkha'i phyag rgya ni/ chos thams cad kyi phyag rgya'o// de nas sring mo de steng gi bar snang las babs nas/ phyogs gcig tu pad+mo la 'dug gi/ de bzhin gshegs pa'i zhabs la mgo bos phyag kyang mi 'tshal/ tshig kyang mi smra'o// de nas 'jam dpal gzhon nur gyur pas sring mo de la 'di skad ces smras so// srid mo gang khyod ni de bzhin gshegs pa la phyag mi 'tshal bar 'dug ste gus pa ma yin no/ / smras pa 'jam dpal de bzhin te/ 'jam dpal bdag ni gus pa ma lags so// de ci'i phyir zhe na/ de ltar ji nas kyang byed pa yang med/ mi byed pa yang med pa de ltar bdag ma gus mod kyi/ 'jam dpal de bzhin nyid la phyag bgyi bar nus sam/ smras pa de ma lags so// smras pa/ de bzhin gshegs
- 122b
pa la'ang phyag 'tshal bar mi nus so/ / de ci'i phyir zhe na/ de ltar de bzhin gshegs pa dang de bzhin nyid de ni gnyis su med de/ gnyis lta bur dbye ba med pa'i phyir ro// yang smras pa/ 'jag/ dpal khyod kyis de bzhin gshegs pa mthong ngam/ smras pa mthong ngo // smras pa ji ltar mthong / smras pa/ ci rdul tsam yang ma mthong ba de ltar mthong ste/ de 'dra bar mthong ngo // smras pa/ deltar mthong na ci zhig mthong / smras pa/ de ltar mthong na cung zad kyang ma mthong ngo // smras pa/ 'jam dpal gang khyod cung zad kyang ma mthong na/ ci khyod mig rtul lam/ smras pa/ bdag nimig rtul ba yang ma yin no/ / mig lnga dang ldan pa yang ma yin/ mig med pa yang ma yin no// de ci'i phyir zhe na/ sring mo mig ni ma skyes pa yang dag par ma skyes pa sgyu ma lta bu ste/ chos thams cad dngos po med pa'i phyir/ de ni dngos po 'am dngos po med pa gang gis kyang bshad par mi bya'o// smras pa 'jam dpal ci chos thams cad dngos po med pa 'am/ smras pa dngos po yod pa yang ma yin/ dngos po med pa yang ma yin no// smras pa 'jam dpal de bzhin du ji skad smras pa bzhin no// de nas 'jam dpal gzhon nur gyur pas/ sring mo de la 'di skad smras so// / ci'i phyir na sring mo khyod bud med kyi lus las bsgyur bar mi byed/ smras pa/ 'jam dpal de skad ma smra/ rnam par ma rtog cig/ khyod kyis chos gang yang skyes pa 'am bud med du gyur pa de mthong ngam/
- 123a
smras pa de ma yin no// smras pa 'jam dpal ji snyam du sems/ gzugs skyes pa'am bud med yin nam/ smras pa/ ma yin no// tshor ba dang / 'du shes dang / 'du byed dang / rnam par shes pa skyes pa'am bud med yin nam/ smras pa/ ma yin no// 'jam dpal de ji snyam du sems/ mig skyes pa 'am bud med yin nas/ smras pa ma yin no// rnab dang sna dang lce dang lus dang yid skyes pa 'am/ bud med yin nam/ smras pa ma yin no// 'jam dpal de ji snyam du sems/ sa'i khams skyes pa 'am/ bud med yin nam/ smras pa/ ma yin no// chu'i khams dang / rlung gi khams dang / me'i khams dang / nam mkha'i khams dang / rnam par shes pa'i khams skyes pa'am bud med yin nam/ smras pa/ ma yin no// / 'jam dpal de ji snyam du sems/ yi ge gang dag gis bshad pa'i yi ge dag tu skyes pa'am bud med du dmigs sam/ smras pa/ de ni ma yin no// 'jam dpal 'o na da 'jam dpal ji ltar na sring mo khyod ci'i phyir bud med kyi lus las bsgyur bar med ces ces de skad smra/ 'jam dpal gal te bdag bud med du dmigs sam/ skyes par mthong na ni bud med kyi lus de / bor skyes pa'i lus bla na 'dzi la bdag ni bud med du'ang mi dmigs skyes par yang mi mthong na/ de ji ltar bud med kyi lus las bsgyur bar bgyi/ 'jam dpal chos kyi dbyings ni 'byung bar mi 'gyur/
- 123b
'jigs par yang mi 'gyur ro// de bzhin nyid dang / yang dag pa'i mtha' dang / stong pa nyid dang / nam mkha'i dbyings kyang 'byung bar mi 'gyur/ 'jig par yang mi 'gyur na/ de ji ltar/ nachos thams cad nam mkha' dang mtshungs pa la/ bud med kyi lus dor zhing skyes pa'i lus blang bar nus par 'gyur/ de ci'i phyir zhe na/ de bzhin gshegs pa ni blang ba 'am/ mi blang ba'i phyir chos 'chad par mi 'gyur te/ yang 'jam dpal mig ni skyes pa ma yin/ bud med ma yin/ de bzhin du rna ba dang / sna dang lce dang lus dang / yid skyes pa ma yin/ bud med ma yin no zhes de bzhin gshegs pas gsungs te/ chos gang skyes pa ma yin/ bud med ma yin pa de ni 'byung ba yang med/ 'jig pa yang med do// smras pa/ sring mo khyod kyis/ ji srid nas bla na med pa yang dag par rdzogs pa'i byang chub tu sems bskyed/ smras pa/ sgyu ma'i skyes bus ji srid nas rnam par shes pa'o// smras pa sgyu ma'i skyes bu yod dam/ smras pa/ de ma yin no// smras pa/ 'o na ci'i phyir/ khyod ci bzod pa skyes sam/ smras pa/ de ma yin no// smras pa/ 'o na ci'i phyir na 'chang bar byed/ smras pa/ sgyu ma'i skyes bus ji srid nas/ byang chub tu sems bskyed pa de srid nas bdag gis byang chub tu sems bskyed do/ / de ci'i phyir zhe na/ chos thams cad sgyu ma lta bu yin pa'i phyir ro// yang ji srid nas khyod kyis byang chub tu sems bskyed ces de skad smras
- 124a
pa'i 'dri ba ni tshul bzhin ma yin no/ / de ci'i phyir zhe na/ mi skye ba ni bskyed par mi nus/ dgag par mi nus/ gdags par mi nus/ gang dgag tu med pa'i chos de ni skyed pa'am dgag par mi nus so/ / smras pa/ tshul bzhin du 'dri ba ni gang / tshul de ni gang / smras pa/ mi skye ba ni tshul te/ de 'dra bar 'di 'dri ba ni tshul bzhin du 'dri ba'o// yang sring mo khyod bzod pa skyes sam zhes de skad smra ba/ bdag ni bzod pa skyes pa yang ma lags// bzod pa ma skyes pa yang ma lags so// de ci'i phyir zhe na/ bzod pa ni mi dmigs pa'i phyir bskyed par yang ma lags/ 'dri ba yang ma lags so// de bas na bdag bzod pa skyes pa yang ma lags/ bzod pa ma skyes pa yang ma lags so// sring mo byang chub sems dpas don gang gi dbang mthong na// bla na med pa yang dag par rdzogs byang chub la 'jug/ smras pa/ 'jam dpal sems can yongs su mya ngan las bzla ba'i phyir/ byang chub sems dpa' byang chub kyir phyir go cha bgo bar byed do// de ci'i phyir zhe na/ 'jam dpal chos thams cad thog ma nas mya ngan las 'das pa'i phyir ro// 'das pa'i yang dag par rdzogs pa'i sangs rgyas rnams kyis kyang sems can gang yang yongs su mya ngan las ma bzlas/ ma byon pa rnams kyang yongs su mya ngan las zlo bar mi 'gyur/ da ltar bzhugs pa rnams yongs su mya ngan las zlo bar mi mdzad do// de ci'i phyir zhe na/ sems can med pa'i
- 124b
phyir ro/ / smras pa/ sring mo ci'i phyir sangs rgyas 'byung bar 'gyur/ 'jam dpal mi byed pa'i phyir sangs rgyas 'byung bar 'gyur ro// smras pa/ ci'i phyir/ smras pa/ 'di la cung za kyang byar med do/ / smras pa/ sring mo ci'i phyir na rab tu 'byung ba dang bsnyen par rdzogs shing dge slong gi dngos por 'gyur/ smras pa mtshams med pa lnga yongs su rdzogs par bya ba'i phyir ro// smras pa/ sring mo de su zhig yid ches par gyur/ smras pa gang dag ye shes ma skyes pa mi 'jig pa'o// smras pa/ de la su zhig mos par 'gyur/ smras pa gang ma mos pa'o// sring mo mos pa la yon tan ci zhig yod/ smras pa/ 'jam dpal mos pa la ni rnam par grol ba'i yon tan mchis so// smras pa/ sring mo khyod thogs pa med pa'i yon tan dang ldan pa ngo mtshar to// smras pa/ 'jam dpal dmigs pa la ma spyod cig/ 'jam dpal gang du'ang chags pa yod dam ci na/ de'i phyir bdag la khyod ni ma thogs pa'i spobs pa dang ldan no zhes smra/ smras pa/ de ma yin no// de bas na bdag ni thogs pa med pa'i spobs pa dang ldan pa ma yin no// smras pa/ sring mo gang spobs pa zhes bya ba de ci la spobs pa zhes bya/ smras pa/ gang bdag gis rtogs pa de dag la ni spobs pa yod do/ / smras pa/ gang du rtogs/ smras pa/ gang du yang ma rtogs pas/ de'i phyir rtogs pa'o// chos kyi dbyings dang / de bzhin nyid dang / yang dag
- 125a
pa'i mtha' ma rtogs pas/ de'i phyir rtogs pa zhes bya'o// 'jam dpal yang dag gis ma rtogs pa/ bdag gis rtogs pa'o// smras pa/ gang du ma rtogs// smras pa/ khams gsum du ma rtogs pa ste/ gang dag gis khams gsum du ma rtogs pa de ni khong du ma chud pas rtogs so// smras pa/ sring mo khyod kyis ji srid nas byang chub mngon par rdzogs par 'tshang rgya bar 'gyur/ smras pa/ gang gi tshe na de bzhin gshegs pa 'jug sred kyi rgyal po byang chub tu mngon par rdzogs par 'tshang rgya bar 'gyur bar de'i tshe na/ bdag kyang byang chub mngon par rdzogs par 'tshang rgya bar 'gyur mod kyi/ 'jam dpal byang chub la mngon par 'tshang rgya ba 'am/ thob par nus sam/ de nas 'jam dpal gzhon nur gyur pa cang mi smra bar gyur pa dang / sring mo des 'di skad ces smras so// 'jam dpal cang mi smra bar bya ba dus la ma bab kyis shod cig/ 'jam dpal gyis smras pa/ sring mo byang chub ni bshad du med na/ de'i phyir ci bshad ma 'tshal to/ / de nas de bzhin gshegs pa 'jug sred kyi rgyal po la 'jam dpal gzhon nur gyur pas 'di skad ces gsol to// bcom ldan 'das sring mo 'di ni ye shes bsam gyi mi khyab pa dang ldan zhing 'di 'dra ba'i bstan pa ston par bgyid/ bgyid pa ngo mtshar na/ bcom ldan 'das sring mo 'dis yun ji srid nas/ bla na med pa yang dag par rdzogs pa'i byang chub tu
- 125b
sems bskyed/ ji srid nas byang chub mngon par rdzogs par 'tshang rgya bar 'gyur/ 'di sangs rgyas kyi ning ji lta bur 'gyur/ 'di'i ming jir 'gyur/ bcom ldan 'das kyis bka' stsal pa/ sring mo 'dis byang chub kyi phyir spyad nas/ bskal pa grangs med pa bye ba khrag khrig brgya phrag stong gi phrag dgu bcu rtsa dgu 'das pa dang / de'i 'og tu khyod kyis byang chub tu sems bskyed do// 'jam dpal gyis gsol pa/ sring mo 'dis kang gi drung du byang chub tu sems bskyed pa'i de bzhin gshegs pa de'i mtshan ci lags/ bka' stsal pa/ 'jam dpal de bzhin gshegs pa dkon mchog 'byung gnas zhes bya ba zhig byung ste/ 'dis de bzhin gshegs pa dkon mchog 'byung ba'i drung du byang chub tu sems bskyed do/ / de'i sangs rgyas kyi zhing gi yon tan bkod par gyur pa de dag bskal pa pad+ma'i klung gi bye ma snyed du bshad kyang / cha tsam yang bshad par mi 'gyur te/ sring mo 'dis ni der byang chub tu sems bskyed do// gsol pa/ ci bud med du gyur pa lags sam/ bka' stsal pa/ de ni ma yin te/ 'di ni de'i tshe de'i dus na// 'khor lo'i sgyur ba'i rgyal po sgra dang bral ba zhes bya bar gyur te/ 'jam dpal sring mo 'di la ni bud med ces kyang mi bya/ skyes pa zhes kyang mi bya'o// sring mo 'di ni sgyu ma lta bu'i ting nge 'dzin thob pa ste/ de ji ltar 'dod pa de ltar bdag gis lus sprul par byed do// 'jam dpal sring mo 'di ni stong gsum gyi stong chen po'i 'jig rten gyi khams na/ rdul dang yal ka dang 'dab ma ji snyed yod pa de snyed
- 126a
kyi bskal pa grangs med pa brgya phrag stong gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ kun tu snang ba sbyin pa zhes bya ba'i de bzhin gshegs pa sangs rgyas bcom ldan 'das yon tan gyis tshogs chen pos brgyan pa'i sangs rgyas kyi zhing du 'byung bar 'gyur te/ bcom ldan 'das de bzhin gshegs pa dkon mchog 'byung ba'i sangs rgyas kyi zhing ji 'dra bar gyur pa 'di yang de bzhin te/ lhag pa med chad pa med do// de nas de bzhin gshegs pa 'jug sred kyi rgyal po la/ byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das 'jam dpal gzhon nur gyur pa 'di ni bgyi ba mang ba bgyid pa mang ste/ 'das pa dang ma 'ongs pa'i chos rnams la yang rnam par rtogs par bgyid do/ / 'jam dpal gyis smras pa/ rigs kyi bu de bzhin te/ ji skad smras pa bzhin no// de ltar bdag ni byed pa mang ba ste/ de dag ni chos kyi dbyings mi zad pa'i phyir bde ba zad par mi 'gyur ro/ / de nas de bzhin gshegs pa 'jug sred kyi rgyal pos/ 'jam dpal gzhon nur gyur pa la 'di skad ces bka' stsal 'jam dpal khyod byang chub sems dpa'i sgrib pa thams cad rnam par sel ba dang ma rtsod cig/ de ci'i phyir zhe na/ rigs kyi bu 'di ni spobs pa dang 'dri ba bsam gyis mi khyab pa dang ldan
- 126b
pa yin te/ byang chub sems dpa' sgrib pa thams cad rnam par sel ba mnyam par gzhag pa gang la mnyam par gzhog pa dang ldang bar byed pa'i ting nge 'dzin dang / mnyam par gzhog pa de dag gi ming tsam yang khyod kyis mi shes so/ / de nas 'khor de na/ byang chub sems dpa' las thog ma pa dag 'di snyam du gyur te/ kye ma'o byang chub sems dpa' sgrib pa thams cad rnam par sel ba de ni/ de bzhin gshegs pa rnams kyis bsngags par 'gyur ro snyam mo// de nas bcom ldan 'das kyis byang chub sems dpa' de dag gi sems sems kyis mkhyen nas/ byang chub sems dpa' sems shin tu dul ba zhes bya ba la bka' stsal pa/ rigs kyi bu stong gsum gyi stong chen po'i 'jig rten gyi khams na/ sems can ji snyed pa de dag thams cad 'jam dpal 'dra bar gyur du zin kyang / sring mo 'di'i ting nge 'dzin gyi mthu dang rnam par 'phrul pa dang cho 'phrul dang ye shes kyi brgya phrag stong gi char yang mi phod do// ting nge 'dzin gang dag la sring mo 'ang mnyam par gzhog pa dang ldang bar byed pa'i ming yang 'jam dpal gyis mi shes so/ / rigs kyi bu gal te stong gsum gyi stong chen po'i 'jig rten gyi khams na/ sems can ji snyed yod pa de dag thams cad ting nge 'dzin gyi mthu dang ye shes dang mnyam par gzhog pas the tsom sel ba dang / 'dra bar gyur du zin kyang de dag thams cad kyis byang chub sems dpa' sgrib pa thams cad rnam par
- 127a
sel ba'i ting nge 'dzin dang ye shes dang stobs dang / rnam par 'phrul pa'i brgya phrag stong gi char yang mi phod de/ byang chub sems dpa' sgrib pa thams cad rnam par sel ba gang la mnyam par gzhog cing / ldang bar byed pa'i ting nge 'dzin de dag gi ming tsam yang sring mo 'dis mi shes so// rigs kyi bu gal te sems can thams cad ting nge 'dzin dang ye shes dang mnyam par gzhog pas sgrib pa thams cad rnam par sel ba dang 'dra bar gyur te/ ye shes de dang ldan du zin kyang / de bzhin gshegs pa'i gom pa 'dor ba yang mi shes te/ rmongs par 'gyur zhing / de bzhin gshegs pa'i zhabs goms pa ci ltar 'dor/ ci ltar 'jog mi shes par 'gyur te/ rigs kyi bu de ltar sangs rgyas kyi ye shes ni bsam gyis mi khyab bo// sangs rgyas kyi ye shes bsam gyis mi khyab pa bstan pa 'di ston pa'i tshe/ srog chags brgya sto phrag bdun cu bla na med pa yang dag par rdzogs pa'i byang chub tu sems bskyed nas/ bdag cag kyang ye shes de dang ldan par gyur cig ces de skad ces cig kyang smras so/ / de nas bcom ldan 'das kyis byang chub sems dpa' sems shin tu dul ba la bka' stsal pa/ rigs kyi bu sring mo 'dri ni 'jam dpal gzhon nur gyur pa/ byang chub tu sems bskyed du bcug te/ 'jam dpal gzhon nur gyur pa ji lta ba de dang 'dra ba'i byang chub sems dpa' shar phyogs na gang+gA'i klung gi bye ma snyed yod
- 127b
pa de bzhin du u0f88u0f90 phyogs dang / rlub phyogs dang / byang phyogs dang / phyogs btsun yong ngo // rigs kyi du byang chub sems dpa' sgrib pa thams cad rnam par sel 'dis/ sring mo 'ang rje chub tu sems bskyed du bcug ste/ sring mo 'di ji lta ba de dang 'dra ba'i byang chub sems dpa' gang+gA'i klung gi bye ma snyed/ rigs kyi bu 'dis ni shar phyogs su byang chub tu sems bskyed du bcug go/ phyogs bcu kun gyi bar du yang de bzhin no// rigs kyi bu nga nyid da ltar bla na med pa yang dag par rdzogs pa'i byang chub tu mngon par rdzogs par sangs rgyas shing / de bzhin gshegs pa chos kyi 'khor lo bskor bar mthong ngam/ rigs kyi bu nga yang 'das pa'i dus na/ de bzhin gshegs ri rab rgyal mtshan gyi gsung rab las/ byang chub sems dpa' sgrib pa thams cad rnam par sel bas byang chub tu sems bskyed du bcug ste/ nga ji lta ba de 'dra ba'i de bzhin gshegs pa gang+gA'i klung gi bye ma snyed phyogs bcur byang chub tu sems bskyed du bcug ste/ de dag da ltar bzhugs so 'tsho bzhes so/ / dpag tu med pa dag kyang yongs su mya ngan las 'das so// tshig de gsung ma thag tu// de nas stong gsum gyi stong chen po'i 'jig rten gyi khams rnam pa drug tu/ g.yos so// chos kyi rnam grangs 'di bshad pa'i tshe/ kun tu 'od kyi 'jig rten gyi khams der byang chub sems dpa' khrag khrig phrag dgu bcu rtsa gnyis mi skye ba'i chos la bzod pa thob par
- 128a
gyur to/ / 'jig rten gyi khams 'dir yang sems can bsam pa yongs su dag pa rnams kyi rna ba'i dbang po la chos kyi rnam grangs grags par gyur to// byang chub sems dpa' byams pas kyang ma lhag ma chad par kun bzung ngo / / 'jig rten gyi khams 'dir yang chos kyi rnam grangs 'di thos nas/ srog chags bye ba drug cu rtsa bzhi bla na med pa yang dag par rdzogs pa'i byang chub tu sems skyes so/ / byang chub sems dpa' stong phrag bdun cus ni mi skye ba'i chos la bzod pa rab tu thob bo// dge slong stong phrag bcu bzhis ni zag pa las lhag ma lus par sems rnam par grol lo/ / dge slong ma lnga stong dang / lha dang mi'i skye dgu sems can khrag khrig phrag drug cu rtsa drug ni chos la chos kyi mig rdul med cing dri ma dang bral ba rnam par dag go/ de nas bcom ldan 'das shAkya thub pa de bzhin gshegs pas byang chub sems dpa' byams pa la bka' stsal pa/ ma pham pa khyod kyis chos kyi rnam grangs 'di long shig/ gzhan la yang rgya cher shod cig/ gsol pa/ bcom ldan 'das bdag gis chos kyi rnam grangs 'di blangs lags so// bcom ldan 'das kyis bka' stsal pa/ ma pham pa ji nas kyang chos rnam grangs 'di phyi ma'i dus phyi ma'i tshe/ spyod par 'gyur bar khyod la gtad do// ma pham pa gal te byang chub sems dpa' da ltar phyogs bcu'i 'jig rten na de bzhin gshegs pa dgra bcom pa yang dag
- 128b
par rdzogs pa'i sangs rgyas bzhugs pa 'tsho ba bzhes pa ji snyed pa dang / gang ma 'ongs pa'i dus na sprad pa spyod pa dang / spyod par 'gyur ba dang / yongs su rtag par bzung na sems can thams cad kyang bla na med pa yang dag par rdzogs pa'i byang chub mngon par rdzogs par sangs rgyas shing / stobs bcu dang ldan par 'gyur/ gang de bzhin gshegs pa yongs su mya ngan las 'das pa de dag kyang yongs su rtag par bzung na nyan thos dang / rang sangs rgyas dang bcas te/ slar bzhugs par gyur la/ de snyed kyi de bzhin gshegs pa mang po la phyi ma'i mthar thug gi bar du bde ba'i yo byad thams cad kyis/ bkur sti byas/ rim gror byas/ bsti stang byas/ mchod pa byas shing / yongs su mya ngan las 'das nas kyang / yun de srid du mchod pa byas na byang chub sems dpa' bsod nam mang du 'phel bar 'gyur ram/ ma pham pas gsol pa/ bcom ldan 'das bdag gis dpe 'di thos nas/ sems kyang rmongs par 'gyur te/ de ltar bsod nams kyi phung po dpag tu ma mchis par 'gyur ro/ / bcom ldan 'das kyis bka' stsal pa/ ma pham pa gang chos kyi rnam grangs 'di len par byed/ 'dzin par byed/ klog par byed/ kun chub par byed/ gzhan la rgya chen ston par byed cing / chung ngu na thos nas mos par byed pa'i byang chub sems dpa' de ni de bas kyang shin tu bsod nams mang du 'phel bar 'gyur ro// ma pham pa dang mya ngan las 'das nas
- 129a
gang bud med pa la zhig gis sring mo the tsom sel ba de 'am/ byang chub sems dpa' sgrib pa thams cad rnam par sel ba de'am/ de bzhin gshegs pa 'jug sred kyi rgyal po de'i mtshan thos sam/ chung ngu na chos kyi rnam grangs 'di thos nas/ de nyid de'i lus tha mar gyur te/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// tshe 'das nas kyang sangs rgyas 'byung ba mnyes par byed par 'gyur ro// mi khom pa brgyad kyang yongs su spong bar 'gyur ro// tshe rabs kyang dran par 'gyur ro// gzungs kyang thob par 'gyur ro// skyes bu chen po'i mtshan sum cu rtsa gnyis kyang thob par 'gyur ro// gzhan du yang mngal du mi gnas par 'gyur ro// de ci'i phyir zhe na/ skyes bu dam pa de dag ni bud med gang dag bdag cag gis ming thos pa de yon tan 'di dag dang ldan par gyur cig ces smon lam 'debs pa'i phyir ro/ / bcom ldan 'das dgyes shing de skad bka' stsal pa/ byang chub sems dpa' sems dpa' chen po ma pham pa dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis bka' stsal pa la mngon par dga'o// sangs rgyas bgro ba zhes bya ba theg pa chen po'i mdo rdzogs so/ / / yo rtsim parnyed pa la dbyangs dang / dpal rtsegs kyis bsgyur cing gus/ @#/ rgyagar skad du/
- 129b
brah+ma shrI d+yA ka ra tsan nA ma ma hA yAn sU trA/ bod skad du/ 'phags pa tshangs pa'i dpal lung bstan pa zhes bya ba theg pa chen po'i mdo// sangs rgyas dang byang chub sems dpa' thams cad la phyag/ 'tshal lo// 'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyis kun dga' ra ba na/ dge slong gi dge 'dun mang po dang thabs gcig tu bzhugs so/ / de nas bcom ldan 'das snga dro sham thabs dang chos kos gsol te lhung bzed bsnams nas/ mnyan yod kyi grong khyer du bsod snyoms la gshegs so/ / yang de'i tshe mnyan yod kyi grong khyer gyi phyi rol na/ byis pa phal po che dgas rdul gyi khyim dang / sa rdul ra ba dang / sa rdul gyi khang pa brtsegs pa dag gis rtse zhing 'khod pa las byis pa phal po che dag gis thag ring po zhig nas bcom ldan 'das gshegs pa mthong ngo / / mthong nas kyang lhag par dka' ba dang / rab tu dga' ba dang / yid bde ba skyes te rtse dga' zhing 'khod do/ / de nas bcom ldan 'das khye'u de dag la thugs rtse ba'i phyir/ gang na khye'u de dag rtse zhing 'khod pa'i sa phyogs der gshegs so// de nas byis pa de dag gi nang nas khye'u tshangs pa'i dpal zhes bya ba zhig/ bcom ldan 'das kyi zhabs la phyag 'tshal nas/ bcom ldan 'das kyi spyan sngar 'dug go/ de nas bcom ldan 'das mkhyen
- 130a
bzhin du byis pa de dag la 'di skad ces bka' stsal to/ / byis pa khyed 'di na ci byed/ de skad ces bka' stsal pa dang / bcom ldan 'das la khye'u de dag gis 'di skad ces gsol to/ / bcom ldan 'das bdag cag 'di nas rdul gyi khyim dag dang / sa rdul gyi rab dag dang / sa rdul gyi khang pa brtsegs pa dag gis rtse zhing mchis lags so// de nas bcom ldan 'das la khye'u tshangs pa'i dpal gyis 'di skad ces gsol to/ / bcom ldan 'das bdag la thugs brtse ba'i slad du/ sa rdul gyi khang pa brtsegs pa 'di bzhes su gsol/ de nas bcom ldan 'das kyis khye'u tshangs pa'i dpal gyi lhag pa'i bsam pa dang / dga' ba'i sems thugs su chud nas thugs brtse ba'i phyir sa rdul gyi khang pa brtsegs pa de bzhes so// de nas sangs rgyas kyi mthus skad cig de/ yud tsam de la sa rdul gyi khang pa brtsegs pa de rin po che sna bdun las grub pa'i khang pa brtsegs pa zhig tu gyur nas/ bcom ldan 'das kyi spyan snga na 'dug par gyur te/ de'i shar phyogs kyi ngos su ni gser gyi ka ba brgyad khri bzhi stong zug par gyur/ lho phyogs kyi ngos su ni dngul gyi ka ba brgyad khri ba ni stong zug par gyur/ nub phyogs kyi ngos su ni bai DUR+Ya'i ka ba brgyad khri bzhi stong zug par gyur/ byang phyogs kyi ngos su ni shel gyi ka ba brgyad khri bzhi stong zug par gyur to// de nas de'i tshe khye'u tshangs pa'i dpal gyis rdzu 'phrul che/
- 130b
/ 'phrul de mthong nas/ lhag par yang ches dka' ba dang / mchog tu dka' ba rgya chen po skyes par gyur to// de nas bcom ldan 'das la/ khye'u tshangs pa'i dpal gyis tsha/ su bcad pa 'di dag gsol to// kye ma 'jig rten mgon po yis// rdzu 'phrul shin tu rgya chen bstan// bdag nyid la ni thugs brtse'i phyir// sangs rgyas kyis ni rdzu 'phrul bstan// drang srong che la bar/ gis ni// sa rdul khang brtsegs phul ba de// rin po che las grub par gyur// kye ma sangs rgyas bsam mi khyab// kye kye zhing ni 'di 'dra ba// sangs rgyas zhing ni bla med pa// mig med mig ni nyams pa dang / shes rab chung ngus mi shes so// rkang gnyis dam pa 'gro ba'i zhing // 'di ni bdag gis rnyed pa dang // dal ba rab dkon thob pas na// byang chub tu ni smon lam gdab// bdag kyang 'dren pa khyod kyis ni/ / yon tan rjes su slob par 'tshal// bla med byang chub thob nas ni// rdzu 'phrul 'di 'dra ba dag gis bgyis// de nas de'i tshe bcom ldan 'das kyis 'dzum pa mdzad nas/ bcom ldan 'das kyi zhal gyi sgo nas 'od gzer kha dog sna tshogs 'di lta ste/ sngon po dang / ser po dang / dmar po dang / dkar po dang / btsod ka dang / shel gyi kha dog dang / dngul gyi kha dog lta bu dag byung ngo // de dag byung nas tshangs pa'i 'jig rten gyi bar du song ste/ yang slar log nas bcom ldan 'das la lan gsum bskor ba byas te/ bcom ldan 'das
- 131a
kyi dbu'i gtsug tor du nub par gyur to/ / de nas bcom ldan 'das la tshe dang ldan pa kun dga' bos tshigs su bcad de gsol pa/ rgyal mchog 'dren pa 'gro ba'i gtso bo rnams/ / rgyu ma mchis par 'dzum pa mi mdzad na// thugs rje ldan pa 'jig rten sman slad du// deng 'dir ci phyir 'dzum mdzad bdag la gsungs// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo khyod kyis khye'u tshangs pa'i dpal 'di mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo khye'u 'di dge ba'i rtsa ba 'di dang / sems kyis smon pa 'dis na/ bskal pa sum stong nyis brgya'i bar du nams kyang sems can dmyal bar 'gro bar mi 'gyur ro/ / nges byang chub bsgrubs nas/ de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad las mngon par 'phags pa zhes bya bar 'gyur ro zhes gsungs so// de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas la ni dad pa yi// bsod nams chung ngu skye mi 'gyur// chos mchog thos dang dge 'dun la/ gus par byas pa'ang de bzhin no// sangs rgyas la ni dad pa la// byang chub thob par dka' ba med// de phyir byang chub 'dod pas 'dir// 'jig rten 'dren rnams mchod par bya// kun dga' khye'u 'di rkang gnyis
- 131b
kyi mchog ste dpal dang ldan pa yi/ / mngon par 'phags pa zhes bya ba// 'jig rten gyi ni 'dren par 'gyur// de ltar sangs rgyas bsam mi khyab// sangs rgyas chos kyang de bzhin te// bsam mi khyab la dang pa yi/ / rnam par smin pa'ang de bzhin no// bcom ldan 'das kyis de skad ces bka' stsal nas/ tshe dang ldan pa kun dka' bo dang / khye'u tshangs pa'i dpal bcom ldan 'das kyis gsungs pa la yid rangs te/ mngon par bstod do// 'phags pa tshangs pa'i dpal lung bstan pa zhes bya ba theg pa chen po'i mdo rdzogs so// // rgya gar gyi mkhan po bi shud+d+ha sing ha dang / lo tsa ba ban+d+he dge ba dpal gyis bsgyur/ rgya gar gyi mkhan po bid+h+ya ka ra sing ha dang / zhu chen gyi lo tsa ba ban+d+he de ba tsan dras zhus te gtan la phab pa// @# rgya gar skad du/ Ar+ya shrI ma ta pra h+ma NI pa ri br-id tshA nA ma ma hA yA na sU tra/ bod skad du/ 'phags pa bram ze mo dpal ldan mas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das wa ra NA si drang srong lhung ba ri dgas kyi nags na/ dge slong bdun brgya tsam gyi dge slong gi dge 'dun chen po dang / byang chub sems dpa' sems dpa' chen po rab tu mang po dag dang thabs gcig tu bzhugs so// de nas bcom ldan 'das snga dro'i dus kyi tshe/ chos gos dang
- 132a
sham thabs bsnabs te/ lhung bzed bsnams nas phyi bzhin 'brang ba'i dge sbyong tshe dang ldan pa byang chub sems dpa' sems dpa' chen po ma pham pa dang thabs gcig tu grong khyer wa raNA sir bsod snyoms kyi phyir gshegs so/ / de nas bcom ldan 'das grong khyer wa ra NA sir mthar chags su bsod snyoms spyod cing / bram ze mo dpal ldan ma'i khyim ga la ba der gshegs te/ byon nas/ bsod snyoms kyi phyir phyogs gcig tu bzhugs pa dang / bram ze mo dpal ldan mas/ bcom ldan 'das mdzes pa dang bar bya ba/ dbang po zhing thugs zhi ba/ dul ba dang zhi gnas kyi pha rol tu byon pa/ zhi gnas mchog gi pha rol tu byon pa/ zhi ba dul ba bsrungs pa/ sdig pa med pa/ dbang po dul ba/ kha dog bzang po rgyas pa mchog dang ldan pa/ mtsho ltar dang zhing gsal la rnyog pa med pa/ gser gyi mchod sdong ltar mngon par 'phags pa/ mi bskyod pa/ mi g.yo ba/ brnyes pa/ dpal gyis 'bar ba/ lham me/ ldan ne/ lhang nge zhing gshegs pa/ rgyang ring po nyid nas mthong ngo // mthong nas kyang de sems dang bar gyur te/ de sems dang bas bcom ldan 'das ga la ba der song ste phyin nas/ bcom ldan 'das kyi zhabs dang / byang chub sems dpa' sems dpa' chen po ma pham pa'i rkang pa la phyag 'tshal nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad
- 132b
ces gsol to/ / bcom ldan 'das legs par byon no// bcom ldan 'das legs par byon no// bcom ldan 'das gdan bshams pa 'di la bzhugs su gsol zhes gsol pa dang / bcom ldan 'das dang / byang chub sems dpa' sems dpa' chen po ma pham pa so so tsa rigs par bzhugs so// de nas bram ze ma dpal ldan mas/ bcom ldan 'das dang / byang chub sems dpa' sems dpa' chen po ma pham pa bde bar bzhugs par rig nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das grong khyer wa ra NA si drang srong lhung ba ri dgas kyi nags 'dir/ bcom ldan 'das kyis chos kyi 'khor lo bskor to// zhes bdag gis thos na bcom ldan 'das kyis gang bskor ba'i chos de ji lta bu zhig lags/ de skad ces gsol pa dang / bcom ldan 'das kyis bram ze mo dpal ldan ma la 'di skad ces bka' stsal to// dpal ldan ma ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyis rkyen gyis skye mched drug/ skye mched drug gi skyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang /
- 133a
yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ro// ma rig pa 'gags pas 'du byed 'gag/ 'dra byed 'gags pas/ rnam par shes pa 'gag/ rnam par shes pa 'gags pas/ ming dang gzugs 'gag/ ming dang gzugs 'gags pas/ skye mched drug 'gag/ skye mched drug 'gags pas/ reg pa 'gag/ reg pa 'gags pas/ tshor ba 'gag/ tshor ba 'gags pas/ sred pa 'gag/ sred pa 'gags pas/ len pa 'gag/ len pa 'gags pas srid pa 'gag srid pa 'gags pas skye ba 'gag/ skye ba 'gags pas rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar sdug bsngal gyi phung po 'ba' shig po 'di 'gag par 'gyur ro/ / zhes bya ba dpal ldan ma/ dge sbyong ngam/ bram ze'am/ lha 'am/ bdud ngam/ tshangs pa'am/ sus kyang chos dang mthun par 'jig rten du ma bskor ba'i chos kyi 'khor lo 'di grong khyer wa ra NA si drang srong lhung ba ri dgas kyi nags su de bzhin gshegs pas bskor ro/ / de skad ces bka' stsal pa dang / bram ze mo dpal ldan mas bcom ldan 'das la 'di skad ces gsol to/ / bcom ldan 'das cim rig pa nang na mchis sam/ slang rol na mchis/ bcom ldan 'das kyis bka' stsal pa/ dpal ldan ma de ni ma /
- 133b
no// gsol pa/ bcom ldan 'das gal te/ ma rig pa nang dang slad rol na ma mchis pa lags na/ ma mchis pa de ji ltar 'du byed rnams kyi rkyen du 'gyur te/ bcom ldan 'das chos gang yang 'jig rten pha rol nas 'chi 'am/ bka' stsal pa/ dpal ldan ma de ni ma yin no// gsol pa/ bcom ldan 'das ma rig pa'i rnam pa mchis sam/ bcom ldan 'das kyis bka' stsal pa/ dpal ldan ma de ni med de/ dpal ldan ma ma rig pa ni yang dag pa ma yin pa'i rnam par 'byung gi/ yang dag pa'i rnam par ni mi 'byung ngo // dpal ldan ma ma rig pa ni phyin ci log gi rnam par 'byung gi/ phyin ci ma log pa'i rnam par ni mi 'byung ngo // gsol pa/ bcom ldan 'das ma rig pa ma mchis na 'du byed rnams ci las 'byung / sdug bsngal yang ci las 'byung / bcom ldan 'das 'di lta ste dper na/ zhugs shing n+ya gro da'i rtsa ba ma mchis na/ de'i yal ga dang lo ma dang / yal ka dre'u ji ltar mngon par 'gyur/ bcom ldan 'das de bzhin du ma rig pa ma byung zhing mchis pa ma lags na/ ma rig pa 'du byed rnams kyi rkyen lags par ji ltar 'tshal bar 'gyur/ bcom ldan 'das kyis bka' stsal pa/ de bzhin te dpal ldan ma rang gi mtshan nyid stong pa nyid kyis chos thams cad stong na/ byis pa so so'i skye bos pa dang mi ldan pa mi shes pa ma rtogs pa/ ngag las mngon par 'du byed de/ las rnams yod pas srid pa mngon par 'grub par
- 134a
byed do/ / srid pa yod pas sdug bsngal myong bar zad de/ 'di la las mngon par 'du byed pa yang su yang med cing / srid pa mngon par 'grub par byed pa yang med de de ni chos rnams kyi don dam pa'o/ / dpal ldan ma 'on kyang sems can rnams ji ltar don dam pa rtogs par 'gyur snyam nas/ tha snyad nye bar bzung ste/ de bzhin gshegs pa dgra bcom pa yang dag par rdzogs pa'i sangs rgyas rnams sems can rnams la chos ston to/ / dpal ldan ma tha snyad ni yang dag pa ma yin te/ de ci'i phyir zhe na/ de la khong du chud par byed pa po yang med/ de la shes par byed pa yang med pa'i phyir ro/ / dpal ldan ma 'di lta ste dper na/ de bzhin gshegs pas sprul pa sprul la/ de bzhin gshegs pas sprul pa des kyang sprul pa gzhan sprul na/ de la de bzhin gshegs pas sprul pa gang gsog ste/ brdzun pa slu ba'i chos can no// sprul pa sprul pa gang yin pa de yang gsog ste/ brdzun pa slu ba'i chos can no// dpal ldan ma de bzhin du gang gis chos mngon par 'du bya ba mngon par 'dus byas pa de yang gsog ste/ brdzun pa slu ba'i chos can no// chos gang mngon par 'du bya ba de yang gsog ste/ brdzun pa slu ba'i chos can no// gsol pa 'di lta ste/ bcom ldan 'das kyis stong pa nyid kyi 'khor lo dang / nges par 'byin pa'i 'khor lo dang / nges par 'byed pa'i 'khor lo dang / bsam gyis mi khyab pa'i 'khor lo dang / bskor ba ma lags pa'i 'khor lo dang mtshungs pa ma mchis
- 134b
/ pa'i 'khor lo dang / ji lta ba bzhin gyis 'khor lo dang / skyeb ma mchis pa'i 'khor lo dang / dngos po ma mchis pa'i 'khor lo dang / mtshan nyid ma mchis pa'i 'khor lo 'di skor ba ni/ nam mkha'i 'khor lo 'di bskor lags so/ / de nas bram ze mo dpal ldan mas can dun gyi phye ma sbar gang blangs te/ bcom ldan 'das kyis zhabs la gtor nas tshig 'di skad ces bcom ldan 'das dge ba'i rtsa ba 'dis bdag ma 'ongs pa'i dus na/ 'di lta ste/ stong pa nyid kyi 'khor lo nas mtshan nyid ma mchis pa'i 'khor lo'i bar du chos kyis 'khor lo de lta bu bskor bar gyur cig ces smras de nas bcom ldan 'das kyis de'i tshe 'dzum pa mdzad do/ / 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma/ kha dog sna tshogs 'di lta ste sngon po dang / ser po dang / dkar po dang / dmar po dang / le brgan dang / shel dang dngul gyi kha dog lta bu dag byung nas/ de dag gis 'jig rten gyi khams mtha' yas mu med pa dag snang bas khyab par byas te/ tshangs pa'i 'jig rten gyi bar 'phags nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub bo/ / de nas bcom ldan 'das la/ byang chub sems dpa' sems dpa' chen po ma pham pas 'di skad ces gsol to// bcom ldan 'das de bzhin gshegs
- 135a
pa dgra bcom pa yang dag par rdzogs pa'i sangs rgyas rnams ni sgyu ma mchis rkyen ma mchis par 'dzum par mi mdzad na/ 'dzum pa mdzad pa'i rgyu gang lags/ rkyen gang lags de skad ces gsol pa dang / bcom ldan 'das kyis byang chub sems dpa' sems dpa' chen po ma pham pa la 'di skad ces bka' stsal to// ma pham pa khyod kyis bram ze mo dpal ldan ma 'dis tsan ngan gyi phye ma spar gang blangs te/ de bzhin gshegs pa'i zhabs la gtor ba mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsal pa/ ma pham pa bram ze mo dpal ldan ma 'di dge ba'i rtsa ba 'dis bskal pa phrag brgyad cu rtsa bzhir ngan 'gro log par ltung bar 'gro bar mi 'gyur ro// sangs rgyas drug khri bzhi stong la bsti stang byed par 'gyur/ bla mar byed par 'gyur/ ri mor byed par 'gyur/ mchod pa byed par 'gyur/ de dag las chos kyang nyan par 'gyur/ thos nas kyang 'dzin par 'gyur/ dam pa'i chos kyang yongs su 'dzin par 'gyur ro/ / de bzhin gshegs pa bzhugs pa 'am/ yongs su mya ngan las 'das pa de dag la yang mchod pa chen po byed par 'gyur/ sems can grangs med dpag tu med pa dag kyang byang chub la 'god par gyur ro/ / de phyi ma'i tshe phyi ma'i dus na bdag snang ba zhes bya ba'i bskal pa la/ stong gsum gyi stong chen po'i 'jig rten gyi khams 'di nyid du/ de bzhin gshegs pa dgra bcom pa yang dag par rdzogs
- 135b
pa'i sangs rgyas chos snang ba zhes bya ba 'jig rten du 'byung bar 'gyur te/ de'i tshe'i tshad ni bskal pa stong tshang bar 'gyur ro// de sems can grangs med dpag tu med pa dag gi don byas nas/ phung po lhag ma med pa'i mya ngan las 'das pa'i dbyings su yongs su mya ngan las 'das par 'gyur ro/ / de skad ces bka' stsal pa dang / bcom ldan 'das la byang chub sems dpa' sems dpa' chen po ma pham pas 'di skad ces gsol to/ / bram ze mo dpal ldan ma'i sngon gyi dge ba'i rtsa ba gzhan yang mchis lags sam/ bka' stsal pa/ ma pham pa yod de/ bram ze mo dpal ldan ma bla na med pa yang dag par rdzogs pa'i byang chub 'di nyid 'dod pas/ sngon bud med kyi lus nyid la gnas nas/ de bzhin gshegs pa rnam par gzigs kyi sku la me tog gi 'phreng ba gsol to// de bzhin gshegs pa gtsug tor can gyi sku la yang chos gos gsol to/ / de'i gsung rab la rab tu byung nas lo stong du tshangs par spyod pa spyad do// bcom ldan 'das de la zab mo'i gnas rnams kyang zhus so// de bzhin gshegs pa thams cad skyob nyan thos kyi dge 'dun dang bcas pa la yang zhal zas kyis tshim par byas so/ / bstabs pa yang byas so// de bzhin gshegs pa 'khor ba 'jig la yang a ti mug ta ka'i me tog dag gis gtor nas/ bcom ldan 'das de las bslab pa'i gzhi lnga po dag blangs so// de bzhin gshegs pa gser thub la yang ji srid 'tsho'i bar du na bza' dang / bshos dang / gzims cha
- 136a
dang spun gyi gsos sman dang / yo byad rnams kyis mgron du gnyer te/ bcom ldan 'das des zla ba gnyis bshos gsol to// chags zung zhig kyang phul lo// bla na med pa/ yang dag par rdzogs pa'i byang chub 'di nyid 'dod pas de bzhin gshegs pa 'od srung la gser gyi phreng bas gtor te/ 'di skad ces bdag bla na med pa yang dag par rdzogs pa'i byang chub tu lung bstan par ma gyur gyi bar du bud med kyi dngos po las ma gyur cig ces smras te/ / ma pham pa 'di yang bram ze mo dpal ldan ma'i sngon gyi dge ba'i rtsa ba yin no// bcom ldan 'das kyis de skad ces bka' stsal nas/ byang chub sems dpa' sems dpa' chen po ma pham pa dang / bram ze mo dpal ldan ma dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa bram ze mo dpal ldan mas zhus pa zhes bya ba theg pa chen po'i mdo rdzogs so// // rgya gar gyi mkhan po dzi na mi tra dang / zhu chen gyi lo tsa ba ban+d+he ye shes sdes bsgyur cing zhus te gtan la phab pa/ / rgya gar skad du/ dIr+m+man kha pa ri brA dza ka ba ri brid tshA nA ma sU tra/ bod skad du/ kun du rgyu ba sen rings kyis zhus pa zhes bya ba'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan
- 136b
'das rgyal po'i khab na/ bya rgod kyi phung po'i ril/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so// de nas bcom ldan 'das 'khor bzhi po dag la chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa/ yongs su rdzogs pa/ yongs su dag pa yongs su byang ba/ yang dag par rab tu ston to// de'i tshe kun tu rgyu sen rings/ bcom ldan 'das ga la ba der song ste/ phyin nas/ bcom ldan 'das kyi spyan sngar/ 'khar ba la tshugs bcas te/ cang mi smra bar 'dug nas/ bltas te/ bcom ldan 'das la 'di skad ces gsol to// kye go'u ta ma 'jig rten ni las bdag gir bya bar/ las kyi bsgo skal spyod pa/ las kyi 'ching ba can/ las brtan par bya'o zhes de skad smras pa ni bden na/ dge sbyong go'u ta mas sngon las ci zhig byas shing bsags na/ nges dge sbyong go'u ta ma rdo rje'i lus dang ldan par gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar srog gcod pa spangs pa'i las de'i 'bras bu yin no// dge sbyong go'u tams sngon las ci zhig byas shing bsags na/ des dge sbyong go'u ta ma sor mo ring zhing sor mo'i bar dra bas 'brel par gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar ma byin par len pa spangs pa'i las dzan
- 137a
'bras bu yin no/ / dge sbyong go'u ta mas/ sngon las ci zhig byas shing bsags na/ des dge sbyong go'u tams dbang po yongs su tshang shing lus rab tu rgyas par gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar 'dod pa la log par g.yem pa spangs pa'i las de'i 'bras bu yin no// dge sbyong go'u ta mas sngon las zhig byas shing bsags na/ des dge sbyong go'u ta ma lce gdong gis dkyil 'khor thams cad khebs/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar brdzun du smra ba spangs pa'i las de'i 'bras bu yin no/ / dge sbyong go'u ta mas sngon las ci zhig byas shing bsags na/ des dge sbyong go'u ta ma seng ge'i stabs su 'gro bar gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar 'bru'i chang dang / sbyar ba'i chang myos pa bag med pa'i gnas spangs pa'i las de'i 'bras bu yin no// dge sbyong go'u ta mas sngon las ci zhig byas shing bsags na/ des dge sbyong go'u ta ma so bzhi bcu dang ldan zhing so mnyam la so dkar bar gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar dus ma yin pa'i zas spangs pa'i las de'i 'bras bu yin no/ / dge sbyong go'u tams sngon las ci zhig byas shing bsags na/ des dge sbyong go'u
- 137b
mas tshul khrims kyi spos kyis lus byugs par gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar phreng ba dang / spos dang / byugs pa dang k ha dog 'chang ba dang / spangs pa'i las de'i 'bras bu yin no// dge sbyong go'u ta mas sngon las ci zhig byas shing bsags na/ des dge sbyong go'u ta ma lus mtshan thams cad kyis brgyan par gyur bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar glu dang gar dang / rgyan rnams spangs pas las de'i 'bras bu yin no// dge sbyong go'u ta mas sngon las ci zhig byas shing bsags na/ des dge sbyong go'u ta ma stan gsum la yongs su spyod/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar khri stan mthon po dang khri stan chen po spangs pa'i las de'i 'bras bu yin no/ / dge sbyong go'u ta mas sngon las ci zhig byas shing bsags na/ des dge sbyong go'u ta ma mgo'i gtsug tor 'phags par gyur/ bcom ldan 'ang kyis bka' stsal pa/ bram ze chen po 'di ni ngas tshe rabs snga ma'i skye bar/ sangs rgyas dang / chos dang / dge 'dun dang / pha ma dang / slob dpon dang / mkhan po dang / bla ma dang / sbyin kan+da rnams la yan lag lngas gtugs te mgo bos phyag 'tshal lo/ / mchod pa'i las de'i 'bras bu yin no// kun du rgyu sen rings kyis 'khar ba sa la bor nas/ bcom ldan 'das kyis zhabs la mgo
- 138a
bos phyag 'tshal te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag ji srid 'tsho'i bar du sangs rgyas la skyabs su mchi'o/ / ji srid 'tsho'i bar du chos la skyabs su mchi'o// ji srid 'tsho'i bar du dge 'dun la skyabs su mchi'o// ji srid mtsho'i bar du yan lag brgyad pa'i bsnyen gnas la nye bar gnas par bgyi'o/ / srog chags thams cad gsod dang gzhan nor rku dang mi tshangs spyod pa dang / ngag gi dbye ba brdzun dang myos skyed dus min za ba dang / phreng ba kha dog glu dang gar dang rtse 'jo mal stan mthon po rnams deng nas bdag gis spangs te yon tan brgyad kyis dgra bcom tshul du bgyi/ de bzhin du lan gnyis lan gsum du'o// bdag gis gso sbyong gi tshul khrims kyi sdom pa yang dag par 'dzin pa 'di sems kyi rgyan dang / sems kyi yo byad dang / byang chub kyi tshogs su 'gyur ba dang / don gyi dam pa thams cad mkhyen pa'i ye shes dang mya ngan las 'das pa'i bde ba bla na med pa la gnas par gyur cig/ bcom ldan 'das kyis bka' stsal pa/ bram ze chen po khyod de ltar byed pa legs so legs so// bcom ldan 'das kyis de skad ces bka' stsal nas/ dge slong de dag dang lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// kun tu rgyu sen rings kyis zhus pa'i mdo rdzogs so// /
- 138b
bka' dang por gtogs so// @#rgya gar skad du/ Ar+tha su bar+N+Na pA lu ko pa ma nA ma ma hA yA na sUtra/ bo nad du/ 'phags pa gser gyi phye sa lta bu zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos mi dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' stong phrag mang po dag dang thabs gcig tu bzhugs te/ de nas tshe dang ldan pa kun dka' bo stan las langs te/ bla gos phrag pa gcig tu gzar nas/ pus mo g.yas pa'i lhangs la btsugs te/ bcom ldan 'das ga la ba de logs su thal mo sbyar btud nas/ bcom ldan 'das la 'di skad ces gsol to// bcom ldan 'das ci de bzhin gshegs pa dgra bcom pa yang dag par rdzogs pa'i sangs rgyas rnams dpag tu ma mchis pa lags sam/ bcom ldan 'das ci de bzhin gshegs pa dgra bcom pa yang dag par rdzogs pa'i sangs rgyas rnams yon tan dpag tu ma mchis pa dang ldan lags sam/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo de bzhin gshegs pa dgra bcom pa yang dag par rdzogs pa'i sangs
- 139a
rgyas rnams ni dpag tu med do/ / kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni/ yon tan dpag tu med pa dang ldan no/ / tshe dang ldan pa kun dga' bos lan gnyis su bcom ldan 'das la 'di skad ces gsol to// bcom ldan 'das ci de bzhin gshegs pa dgra bcom pa yang dag par rdzogs pa'i sangs rgyas rnams dpag tu ma mchis pa lags sam/ bcom ldan 'das ci de bzhin gshegs pa dgra bcom pa yang dag par rdzogs pa'i sangs rgyas rnams yon tan dpag tu ma mchis pa dang ldan lags sam/ bcom ldan 'das kyis kyang lan gnyis lan gsum du tshe dang ldan pa ku dga' bo la 'di skad ces bka' stsal to// kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med do/ / kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams ni yon tan dpag tu med pa dang ldan no// kun dga' bo khyod de bzhin gshegs pa rnams kyi dpag tu med pa mnyan pa'am/ de bzhin gshegs pa rnams kyi yul shes pa 'am/ de bzhin gshegs pa rnams kyi yon tan shes par 'dod dam/ skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// dge slong rnams la bcom ldan 'das kyis bstan du gsol/ bde bar gshegs pas
- 139b
bstan du gsol/ dge slong rnams kyis mngon sum du thos na/ yang dag par 'dzin par 'gyur lags so// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo khyod kyis mo'u 'gal gyi bu chen po rdzu 'phrul ji lta bus phyogs dang phyogs mtshams dag tu 'gro ba shes sam/ kun dga' bos gsol pa/ mo'u 'gal gyi bu chen po rdzu 'phrul ji lta bus phyogs dang phyogs mtshams dag tu mchi ba bcom ldan 'das kyis bstan du gsol/ bde bar gshegs pas bstan du gsol/ bcom ldan 'das kyis bka' stsal pa/ kun dga' bo khyod la don 'di dpes bstan par bya'o// de ci'i phyir zhe na/ kun dga' bo skyes bu mkhas pa gang dag dpes don rtogs par 'gyur ba yod/ pa'i phyir ro// kun dga' bo dper na/ rdzing dpag tshad brgyad stong pa chus gang ba/ bya khAs btung du rung bar mu dang kha da bcad du 'dug pa/ pad+ma'i lo mas khebs pa zhig yod la/ de nas mi la la zhig gis/ rlung gi shugs las 'das pa'i rta mchog dag dang ldan pa'i lcags kyi shing rta la bzhon te/ de yang mu khyud kyi shing yang chul mi reg/ rta rnams kyi rmig pa yang chu la mi reg/ pad+ma'i lo ma rnams kyang rta'i rmig pa dag gis mi brtol ba tsam gyi stobs dang shugs dang / mgyogs pa de lta bus rgyugs la/ kun dga' bo de nas rdzing de'i nang nas sbrul gdug pa zhig byung nas/
- 140a
shing rta de tsho'i nang nas phyir ma log pa de'i bar skabs su/ shing rta de lan brgyad bskor na/ kun dga' bo sbrul gdug pas shing rta lan cig bskor ba'i yun ji tsam pa de'i bar skabs su/ kun dga' bo khyod chos bstan pa rnam pa brgyad ston cing / don kyang go bar byed do// kun dga' bo khyod tshig gcig smra ba'i yun ji tsam pa de'i bar skabs su mo'u 'gal gyi bu chen po chos bstan pa rnam pa brgyad ston cing / don kyang go bar byed do// kun dga' bo mo'u 'gal gyi bu chen po tshig gcig smra ba'i yun ji tsam pa de'i bar skabs su gnas brtan shA ri'i bu/ chos bstan pa rnam pa brgyad ston cing / don kyang go bar byed do// gnas brtan shA ri'i bu/ tshig gcig smra ba'i yun ji tsam pa de'i bar skabs su/ rang sangs rgyas chos bstan pa rnam pa grangs med pa bstan to// rang sangs rgyas tshig gcig smra ba'i yun ji tsam pa de'i bar skabs su/ byang chub sems dpa' chos bstan pa rnam pa grangs med bsam gyis mi khyab brjod du med pa ston cing / don kyang go bar byed do/ / kun dga' bo byang chub sems dpa' tshig gcig smra ba'i yun ci tsam pa de'i bar skabs su/ kun dga' bo gnas brtan mo'u 'gal gyi bu chen po 'jig rten gyi khams brgyad khri 'da'o// kun dga' bo rdzu 'phrul gyi stobs bskyed pa de lta bu'i 'gros kyis/ nyin mtshan bdun gyi bar du ngal mi bso bar shar phyogs su 'jig rten gyi khams ji snyed du 'gro ba dang / de bzhin du lho phyogs
- 140b
dang nub phyog dang / byang phyogs dang / de bzhin du shar lho'i mtshams dang / lho nub kyi mtshams dang / byang shar gyi mtshams dang / de bzhin du steng dang / 'og gi phyogs su nyin mtshan bdun gyi bar du ngal mi bso bar song la de nas mi la la zhig gis phyogs bcu'i 'jig rten gyi khams de dag thams cad ra bas bskor te/ ra bas bskor nas rdo dang / gseg ma dang / gyo mo dang / gyo du ma med par byas te/ mthon dman med par byas nas/ grong khyer gcig tu byas la/ zong khyer gcig tu byas nas kyang yungs 'brus bkang ste/ byur bur byas na/ kun dga' bo grong khyer de'i nang gi yungs 'bru ji snyed yod pa de dag pas kyang ches mang ba'i 'jig rten gyi khams dag na/ sems can byang chub la zhugs pa dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams byang chub sems dpa'i spyad pa spyod pa dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams dga' ldan gyi lha'i ris dag tu skye ba dag ngas mthong ngo / / de bas kyang ches mang ba'i 'jig rten gyi khams dag na/ byang chub sems dpa' rnams dga' ldan gyi lha'i ris dag na 'khod pa dag ngas mthong ngo / / de bas kyang ches mang ba'i 'jig rten gyi khams dag na/ byang chub sems dpa' rnams/ dga' ldan gyi lha'i ros dag na 'chi 'pho ba dag ngas mthong ngo //
- 141a
bas kyang ches mang ba'i 'jig rten gyi khams dag na/ byang chub sems dpa' rnams ma'i mngal du 'jug pa dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams ma'i mngal nas 'byung ba dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams byis pa'i rtsed mo ston pa dag ngas thong ngo / / de bas kyang ches mang ba'i 'jig rten gyi khams dag na/ byang chub sems dpa' rnams rgyal srid spangs nas/ rab tu 'byung ba dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams bka' ba spyod pa'i sbyor ba ston pa dag ngas mthong ngo // de bas kyang ches mang ba'i 'jig rten gyi khams ngag na// byang chub sems dpa' rnams byang chub kyi snying por 'gro ba dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams/ byang chub kyi snying po lta ba dgangs mthong ngo / / de bas kyang ches mang ba'i 'jig rten gyi khams ngag na/ byang chub sems dpa' rnams/ byang chub kyi snying po gces par byed pa'i mchog dang / gus pa chen pos lan gsum bskor ba byed pa dag ngas mthong ngo / / de bas kyang ches mang ba'i 'jig rten gyi khams dag na/ byang chub sems dpa' rnams byang chub kyi snying po la 'dug pa dag ngas mthong ngo // de bas kyang ches mang ba'i
- 141b
'jig rten gyi khams dag na/ byang chub sems dpa' rnams byang chub kyi shing drung na 'dug pa dag ngas mthong ngo // de bas kyang ches mang ba'i 'jig rten gyi khams dag na/ byang chub sems dpa' rnams/ bla na med pa yang dag par rdzogs pa'i byang chub mngon par sangs rgyas pa dag ngas mthong ngo // de bas kyang ches mang ba'i 'jig rten gyi khams dag na/ sangs rgyas bcom ldan 'das rnams chos kyi 'khor lo bskor ba dgangs mthong ngo / / de bas kyang ches mang ba'i 'jig rten gyi khams ngag na/ sangs rgyas bcom ldan 'das rnams yongs su mya ngan las 'das pa chen po ston pa dag ngas mthong te/ de dag thams cad kyang mtshan mthun pa dang gdung mthun pa sha stag yin/ 'jig rten gyi khams dag na/ byang chub sems dpa' chen po rnams mngon par 'byung ba dang / byang chub kyi snying por 'gro ba dang / byang chub kyi snying po la lta ba dang / byang chub kyi snying po la skor ba byed pa dang / byang chub kyi snying po la 'dug pa dang / byang chub kyi shing drung na 'dug pa dang / mngon par rdzogs par sangs rgyas nas chos kyi 'khor lo bskor ba dang / yongs su mya ngan las 'das pa chen po ston pa/ mtshan tha dad pa dang gdung tha dad pa dag lta ci smos/ de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das 'jig rten gyi khams gang dag tu sangs rgyas bcom ldan 'das rnams mi 'byung ba dang / byang chub sems dpa' rnams kyang byang chub sems dpa'i
- 142a
spyad pa mi spyong pa'i 'jig rten gyi khams ji snyed gcig mchis lags/ bcom ldan 'das kyis bka' stsal pa/ kun dga' bo 'jig rten gyi khams ngas bstan pa gang dag tu sangs rgyas bcom ldan 'das rnams 'byung ba dang / cung chub sems dpa' rnams kyang / byang chub sems dpa'i ltun pa spyod pa yang yin pa dedag ni/ kun dga' bo dper na/ rgyang che chen po'i byam dang / gang+gA'i klung gi bye ma nang na/ gser gyi bye ma dkon pa dang 'dra ste/ kun dga' bo de bzhin du/ 'jig rten gyi khams gang dag tu/ sangs rgyas bcom ldan 'das rnams 'byung ba dang / byang chub sems dpa' rnams kyang / byang chub sems dpa'i spyad pa spyod pa'i 'jig rten gyi khams de dag ni dkon te/ kun dga' bo ji ltar rgya mtsho chen po'i bye ma dang / gang+gA'i klung gi bye ma de dag las la la zhig gis bye ma 'bru/ gcig blangs pa de bzhin du/ gang du sangs rgyas bcom ldan 'das rnams 'byung ba dang / byang chub sems dpa' rnams kyang / byang chub sems dpa'i spyad pa spyod pa'i 'jig rten gyi khams de dag nyung ngo // bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / byang chub sems dpa' de dag dang / lha dang / mi dang / lha ma yin dang / dri bar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa gser gyi phye ma lta bu zhes bya ba theg pa chen po'i mdo rdzogs so// / rgya gar
- 142b
ma khan pa salan drab dadang / blan pa sa dang / mun rgyal kyil pa ma shes rnal sogs pas bsgyur sna rgyas gtan pa sa pa/ rgya gar skad du/ Ar+ya many+dzu shrI pa ra br-id tshwan ma ma hA yA na sUrba/ bod skad du/ 'phags pa 'jam dpal gyis dris pa zhes bya ba theg pa chen po'i mdo// / bam po dang sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa'i kun nas mdzes pa'i la panA dge slong brgya phrag byed dang bcu gsum gyi dge slong gi dge 'dun chen po dang / dpag tu med pa'i byang chub sems dpa' sems dpa' chen po dang / 'dul ba brgya stong mang po dang / spyan ras gzigs dbang po la sogs pa dang / byang chub sems dpa' chen po rnams dang thabs gcig tu bzhugs te/ bcom ldan 'das rin po che'i seng ge'i khril sku mo g.yo bar bzhugs pa dang de nas byang chub sems dpa' sems dpa' chen po 'jam dpal/ sangs rgyas kyi mthus stan las langs te/ bla gos phrag pa gcig tu gzang ste/ pus mo g.yas pa'i lhangs btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das bsod nams chen po gang gis/ 'dul ba bye ba khrag khrig brgya stong du ma
- 143a
sa / dus man pa ma # bcom ldan 'das tsas/ byang chub sems dpa' sems dpa' chen pa 'jam dpalas 'di skad ces bka' stsal to// 'jam dpal bam rnams chen po gang gis 'dul babyes dz+dzakA r+thang gi mas par byud bas gags pa sa shA nga 'dus / sa sa myu/ rdzun nas sa s byin te/ sa ma gyis mi khyab bo// 'jam dpa' 'ang ma bu'i gling gi sems can dzi rnyed pa de dag thams cad/ dag pa bcu 'i las rtsalam dang ldan par gyur la/ gang sems can de da thamam ca kyis bsod nams kyi phung por sbyar pa'i bsod nams kyi rung ba ra/ brgyar bsgyur ba'i gling bzhi la dbang ba rin po che sna bdun dang ldan pa'i 'khor mas sbyar ba'i rgyal por 'gyur te/ de'i rin po chen bdun 'di sa ste/ 'khor la rin po che dang / glang po rin po che dang / na po che dang / nor bu rin po che dang / dring med rin po che dang / khyim bdagi rin po che dang / blon po rin po che dang / bdun 'byung ngo // de la bu stong dpa' brtul pod pa/ yan lag mchog gi gzugs dang ldan pa/ pha rol gyi sde rab tu 'joms pa rnams yod de/ 'jam dpal de ltar 'khor lo sgyur ba'i rgyal po
- 143b
rdzu 'phrul che zhing mthu che ba yin no/ / 'jam dpal gling bzhi pa'i 'jig rten gyi khams kyi sems can ji snyed pa de dag thams cad 'khor lo sgyur ba'i bsod nams kyi phung po dang ldan par gyur la gang sems can de dag thams cad kyi bsod nams kyi phung por gyur pa'i bsod nams kyi phung po de brgyar bsgyur bas/ brgya byin lha'i dbang por 'gyur te/ de ltar lha'i dbang po ni rdzu 'phrul che zhing mthu che'o/ / 'jam dpal gling bzhi pa'i 'jig rten gyi khams kyi sems can ji snyed pa de dag thams cad brgya byin gyi bsod nams kyi phung po dang ldan par gyur la/ gang sems can de dag thams cad kyi bsod nams kyi phung por gyur pa'i bsod nams kyi phung po de brgya stong du bsgyur bas/ gang 'dod pa'i khams su bstan pas/ go bar byed pa/ 'dod pa'i khams kyi dbang po bdud du gyur te/ de ltar 'dod pa'i khams kyi dbang po bdud ni rdzu 'phrul che zhing mthu che'o// 'jam dpal gling chen po bzhi pa'i 'jig rten gyi khams na/ sems can ji snyed pa de dag thams cad bdud kyi bsod nams kyi phung po dang ldan par gyur la/ gang sems can de dag thams cad kyi bsod nams kyi phung por gyur pa'i bsod nams kyi phung po de brgya stong du bsgyur bas/ gang 'jig rten gyi khams stong byam pas khyab pa stong gis bdag po tshangs par 'gyur ro/ / 'jam dpal stong gis 'jig rten gyi khams na/ sems can ji snyed pa de dag thams cad/ stong gi bdag po tshangs pa'i bsod nams dang
- 144a
ldan par gyur la/ gang sems can de dag thams cad kyi bsod nams su gyur pa'i bsod nams kyi phung po de brgya stong du bsgyur bas/ gang stong gnyis kyi 'jig rten gyi khams byams pas khyab stong gnyis kyi bdag po tshangs par 'gyur ro/ / 'jam dpal stong gnyis kyi 'jig rten gyi khams na/ sems can ji snyed pa de dag thams cad stong gnyis kyi bdag po tshangs pa'i bsod nams kyi phung po dang ldan par gyur la/ gang sems can de dag thams cad kyi bsod nams kyi phung por gyur pa'i bsod nams kyi phung po de brgya stong du bsgyur bas/ gang stong gsum gyi stong chen po'i 'jig rten gyi khams byams pas khyab pa/ tshangs pa stong gsum gyi stong chen po'i 'jig rten gyi khams kyi bdag po dbang phyug chen po'i mchog tu 'gyur ro// 'jam dpal tshangs pa dbang phyug chen po mchog la ltos/ nam bskal pa 'jig pa na/ bskal pa'i chu 'byung ba de'i tshe/ phyis par gyi bskal pa gcig tu char 'bab cing / chu'i thig pa 'byung ba des/ stong gsum gyi stong chen po'i 'jig rten gyi khams chus gang bar byed de/ tshangs pa'i 'jig rten gyi bar du chus gang bar 'gyur ba'i chu'i thigs pa de dag thams cad kyang tshangs pa dbang phyug chen po mchog des shes so// de ltar ye shes chen po dang ldan zhing rdzu 'phrul che mthu che ba yin te/ dge pa'i rtsa ba chung ngus ni dbang phyug chen por mi 'gyur ro// 'jam dpal stong gsum gyi stong chen po'i 'jig rten gyi khams na/
- 144b
sems can ji snyed pa de dag thams cad stong gsum gyi stong chen po'i 'jig rten gyi bdag po// tshangs pa chen po'i bsod nams kyi phung po dang ldan par gyur la/ gang sems can de dag thams cad kyi bsod nams kyi phung por gyur pa'i bsod nams kyi phung po de/ bye ba khrag khrig brgya stong du mar bsgyur bas mthu chen po thob pa'i rang sangs rgyas su 'gyur ro// 'jam dpal stong gsum gyi stong chen po'i 'jig rten gyi khams lta re shig zhog ste/ 'jam dpal sangs rgyas kyi yul gyi mtha'/ phyogs bcu'i 'jig rten gyi khams na/ sems can ji snyed pa de dag thams cad/ rang sangs rgyas mthu chen po thob pa'i bsod nams dang ldan par 'gyur la/ gang sems can de dag thams cad kyi bsod nams kyi phung por gyur pa'i bsod nams kyi phung po de bye ba khrag khrig brgya stong du mar bsgyur bas/ byang chub sems dpa' srid pa'i tha mar gyur pa gcig tu 'gyur ro/ / 'jam dpal nam mkha'i khams kyi mtha' phyogs bcu'i 'jig rten gyi khams na/ sems can sgo nga las skyes pa dang / mngal las skyes pa dang / drod gsher las skyes pa dang / rdzus te skyes pa dang / gzugs yod pa dang / gzugs med pa dang / 'du shes yod pa dang / 'du shes med pa dang / 'du shes med 'du shes med mi/ gyisems can ji snyed pa de dag thams cad byang chub sems dpa' srid pa'i tha mar gyur pa'i bsod nams kyi phung po dang ldan par gyur la/ gang sems can de dag thams can bsod nams kyi phung por
- 145a
gyur pa'i bsod nams kyi phung po de bye ba khrag khrig brgya stong du mar bsgyur bas/ de bzhin gshegs pa'i sku la spu'i khung bu gcig tu 'gyur ro// de bzhin du de bzhin gshegs pa'i sku la/ spu'i khung bu brgya stong phrag dgu bcu rtsa dgu re re nas 'grub par 'gyur te/ 'jam dpal gang spu'i khung bu thams cad du gtogs pa'i bsod nams kyi phung por gyur pa'i bsod nams kyi phung po de/ bye ba khrag khrig brgya stong du mar bsgyur bas/ de bzhin gshegs pa'i sku la dpe byad bzang po gcig tu 'gyur ro// de bzhin du de bzhin gshegs pa'i sku la dpe byad bzang po brgyad cu re re nas 'grub par 'gyur te/ 'jam dpal dpe byad bzang po brgyad cur gtogs pa'i gang bsod nams kyi phung po ji snyed pa'i bsod nams kyi phung po de/ bye ba khrag khrig brgya stong du mar bsgyur bas/ de bzhin gshegs pa'i phyag gam zhabs gcig ri mo rje kyi mtshan du 'gyur ro/ / de ltar ri mo rjes kyi mtshan brgyad cu la/ 'di lta ste/ gdugs dang rgyal mtshan dang / dpal be'u dang / 'phreng ba dang / kyo ba thang dang / cod pa Na dang / dbyig to dang / bum pa dang / glang po dang / rta dang / stag dang / chu srin dang / nya dang / rus sbal dang / rma bya dang / ka la bing+ga dang / shang shang te'u dang / tsA sha dang / ngur pa dang / ne tso dang / nga pa dang / thi ba dang / nas dang / sman chen po dang / 'od ma dang / ba men dang / klu dang / ra dang / khyu mchog dang / ri dang / bil ba dang / shing dang / ri dgas nags po dang / nor bu rin po
- 145b
che dang / ral gri mchog dang / rdo rje dang / gzhu dang / mda' dang / shag ti dang / mdung rtse gsum pa dang / gshol dang / gtun dang / sta gri dang / zhags pa dang / gru dang / mu tig gi brgyan/ dang sprin dang / tshangs pa dang / dbang po dang / 'khor bsrungs po dang / chu'i lha dang / 'phags skyes po dang / mig mi bzang dang / nor sbyin dang / drang srong chen po dang / dpal dang nyi ma dang / zla ba dang / me dang / rlung dang / pad+mo dang / g.yung drung dang / gru gsum dang / dge ba'i stan dang / me long dang / rnga yab dang / rtswa dur ba dang / pu ro da sha dang / khye'u dang / bu mo dang rnga dang dung dang / mri tang ga dang / gdu bu dang / dpung rgyan dang / rna cha dang / sor gdub dang / rna cha phyang phrul can dang / me tog bzang po dang / dpag bsam shing dang / 'khor lo'i dpung gi seng ge dang / 'di rnams ni ri mo'i rjes kyi mtshan brgyad cu yin te/ 'di dag ni de bzhin gshegs pa'i phyag dang zhabs kyi mthil la 'byung ngo // 'jam dpal gang mtshan brgyad cu'i ri mor gtogs pa'i bsod nams kyi phung por gyur pa'i bsod nams kyi phung po de/ bye ba khrag khrig brgya stong du mar bsgyur bas/ de bzhin gshegs pa'i sku la skyes bu chen po'i mtshan gcig tu 'gyur te/ de bzhin du skyes bu chen po'i mtshan sum cu rtsa gnyis re rer 'gyur ro/ / 'di lta ste/ dbu'i gtsug tor dang / dbu skra mthon mthing la g.yas phyogs su 'khyil ba dang / dpral ba mnyam pa dang / kha dog gis brgyan pa dang /
- 146a
smin mtshams kyi mdzod spu dang / spyan mthon mthing la ba'i rdzi ma 'dra ba dang / so bzhi bcu thags bzang ba dang / mche ba dkar ba dang / 'gram pa seng ge'i 'dra ba dang / lce che zhing srab pa dang / ro stod seng ge 'dra ba dang / shing n+ya gro d+ha ltar chu zheng gab pa dang / spu khung bu re re nas skye ba dang / pho mtshan mi snang bar nub pa dang / brla gang zhing zlum pa dang / byin pa ri dgas kyi rgyal po e ne ya 'dra ba dang / zhabs kyi rting pa che ba dang / zhabs dang phyag gi mthil 'jam zhing mnyen pa dang / zhabs dang phyag gi sor mo'i bar dra bas 'brel ba dang / zhabs dang phyag gi sor mo ring ba dang / zhabs kyi steng mtho ba dang / ro bro ba'i mchog dang / dpung mgo zlum pa dang / bdun mtho ba dang / ldag pa srab la gser gyi kha dog 'dra ba dang / ma btud par phyag pus mo'i lha nga la reg pa dang / zhabs rab tu gnas pa dang / zhabs dang phyag gi mthil na 'khor lo'i mtshan yod pa dang / tshangs pa'i dbyangs dang / 'di dag ni skyes bu chen po'i mtshan sum cu rtsa gnyis yin te/ de bzhin gshegs pa'i sku la 'byung ngo // 'jam dpal skyes bu chen po'i mtshan sum cu rtsa gnyis su gtogs pa'i bsod nams kyi phung po gang bar gyur pa'i bsod nams kyi phung po de grangs med par bsgyur ba dang / bsam gyis khyab par bsgyur ba dang / dpag tu med par bsgyur ba dang / brjod du med par bsgyur bas/ de bzhin gshegs pa'i chos kyi dung du 'gyur ro// chos kyi dung nges 'dul ba'i dbang
- 146b
du de bzhin gshegs pa/ 'jig rten gyi khams tshad med grangs med par dbyangs kyis rig par byed do// dbyangs kyis ji lta ba bzhin du 'od dang skus kyang de bzhin no// 'jam dpal de ltar shes rab chen po las byung ba/ snying rje chen pos yongs su bsgos pas/ thabs mkhas pa dang / smon lam gyi bskyed pa/ tshul khrims yongs su dag pa bsgoms pa'i khyad par las yang dag par skyes pas bsod nams chen po 'di dag ni nyan thos pa rang sangs rgyas thams cad kyis bsam gyis mi khyab bo/ / 'jam dpal rgyu gnyis kyis de bzhin gshegs pa'i gzugs kyi sku khyad par du 'phags pa yin no// rgyu gnyis gang zhe na/ smon lam gyi dbang dang dul ba'i sems can rnams kyi dge ba'i rtsa ba yongs su smin pa'i dbang ngo // 'jam dpal rgyu de gnyis kyis ni de bzhin gshegs pa'i gzugs kyi sku khyad par du 'phags pa yin no/ / 'jam dpal de bzhin gshegs pa'i gzugs kyi sku khyad par du 'phags pa ji lta ba/ de bzhin du chos bstan pa yang / khyad par du 'phags pa yin no// 'jam dpal de bzhin gshegs pa'i chos bstan pa ji lta ba de bzhin du 'od kyang khyad par du 'phags pa yin no/ / 'jam dpal ji ltar de bzhin gshegs pa'i 'od khyad par du 'phags pa de bzhin du spyod pa yang khyad par du 'phags pa yin no/ / 'jam dpal de bzhin gshegs pa ni skus 'jig rten thams cad du khyab pa yin te/ 'jam dpal kha dog dang / dbyibs dang / spyod pa'i bye brag gang dang gang gis sems
- 147a
can rnams 'dul bar 'gyur ba'i kha dog dang dbyibs dang spyod pa'i bye brag de dang de lta bu de bzhin gshegs pa sems can rnams kyis mthong ngo / / 'jam dpal mtshan gyi bye brag gang dang gang gis sems can rnams 'dul bar 'gyur pa mtshan gyi bye brag de dang de lta bur de bzhin gshegs pa sems can rnams kyis mthong ngo / / 'jam dpal chos bstan pa gang dang gang gis sems can rnams yongs su smin par 'gyur ba'i chos bstan pa de dang de lta bur de bzhin gshegs pa chos ston par sems can rnams kyis shes so/ / 'jam dpal spyod pa gang dang gang gis sems can rnams de bzhin gshegs pa'i bstan pa la 'jug pa dang 'dul bar 'gyur ba'i spyod pa de dang de la ni de bzhin gshegs pa gnas par sems can rnams kyis mthong ngo / / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba 'gyur ba yang / skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams dang skye bo phal po che'i don dang / phan pa dang / bde ba'i phyir skye'o// de nas byang chub sems dpa' 'jam dpal stan las langs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das bdag gis ston pa mi mnyam pa dang / mnyam pa gang zag
- 147b
zla med pa/ khams gsum na mgon po'i mchog/ sems can thams cad la phan par mdzad/ 'jig rten gyi chos kyi mo spyod pa/ nam mkha' ltar mi gos pa/ bsam gyis mi khyab pa bsam par 'os pa/ lta 'dod pa/ blta na sdug pa/ 'di 'dra ba ni/ bdag gis rnyed pa rab tu rnyed do// bde bar gshegs pa rnyed pa rab tu rnyed do// bcom ldan 'das kyis de skad ces bka' stsal nas/ 'jam dpal gzhon nur gyur pa dga'o// byang chub sems dpa' sems dpa' chen po de dag dang dge slong de dag bcom ldan 'das kyis bshad pa la mngon par bstod do// 'phags pa 'jam dpal gyis dris pa zhes bya ba theg pa chen po'i mdo rdzogs so// @rgya gar skad du/ nan da pra b+ha dzA r+dz+dza trA/ bod skad du/ dga' ba rab tu 'byung ba'i mdo/ thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das ser skya'i gnas kyi n+ya gro da'i kun dga' ra ba na bzhugs so/ / de nas bcom ldan 'das snga dro chos gos dang / sham thabs bsgrubs te/ lhung bzed bsnams nas/ phyi bzhin 'brang ba'i dge slong tshe dang ldan pa kun dga' bo dang / ser skya gnas su bsod snyoms la gshegs so/ / de nas bco ldan 'das rigs kyi bu dga' bo'i khyim ga la ba der gshegs pa dang / rigs kyi bu dga' bos/ bcom ldan 'das rgyang ring po
- 148a
nas gshegs pa mthong ngo / / mthong nas kyang rings pa rings par bcom ldan 'das kyi ched du gdan bshams nas 'di skad ces gsol to// bcom ldan 'das tshur gshegs/ bcom ldan 'das gshegs pa legs so// bcom ldan 'das gdan bshams pa la bzhugs su gsol/ bcom ldan 'das bzhugs so// de nas rigs kyi bu dga' bo bcom ldan 'das kyi zhabs gnyis la phyag 'tshal te/ bcom ldan 'das kyi spyan sngar 'dug go// de nas bcom ldan 'das kyis rigs kyi bu dga' bo la 'di skad ces bka' stsal to// dga' bo ci'i phyir rab tu mi 'byung / dga' bos gsol pa/ bcom ldan 'das rab tu 'byung ba zhes bya ba'i tshig don ci lags/ bcom ldan 'das kyis bka' stsal pa/ sdig pa thams cad yongs su spong ba yin no/ / 'dod chags dang / zhe sdang dang / gti mug rab tu sel ba yin no// 'thab pa dang 'thab mo dang / 'tshang 'dru ba dang / rtsod pa dang / 'gyed pa dang / sgyu dang / g.yo'i mun pas bsdus pa'i dri ma thams cad 'khru ba yin no/ / lo tog thams cad kyis gzhi lta bur yon tan thams cad kyi gzhi yin no// rin po che thams cad kyi 'byung gnas yin no// bde ba thams cad kyi yid bzhin gyi nor bu yin / / yon tan thams cad kyi go 'phang gi gnas yin no// sems can thams cad dbugs 'byin pa yin no// 'byung po thams cad kyi yid brtan pa yin no// srog chags thams cad la mi 'jigs pa
- 148b
sbyin pa yin no/ / sems can dbul po thams cad kyi bum pa yin no// skyabs med pa rnams kyi dpung gnyen yin no// kun tu tshol bas 'phongs pa dang / sdug bsngal gyis nyam thag pa rnams kyi bsti sa yin no/ / sangs rgyas thams cad kyis ma 'dres pa yin no// sems can thams cad kyis mchod par bya ba yin no// mkhas pa rnams kyis bsngags pa yin no// thar par 'gro ba rnams kyi lam yin no/ / sems can dag pa rnams kyis bsnyen par bya ba yin no// snod du 'gyur ba rnams kyis bsten par bya ba yin no// ngan song gi sgo gcod pa yin no// mtho ris dang thar pa'i sgo 'byed pa yin no// lha'i 'gro ba rnams kun tu 'gengs pa yin no// sdug bsngal thams cad kun tu gcod pa yin no// sred pa'i bcing bas bcings pa rnams rnam par grol bar byed pa yin te/ dga' bo de ni rab tu byung ba zhes bya'o// yang dag pa'i lta ba'i khyim yin no// thar pa'i yang dag pa'i sdom pa yin no// mya ngan las 'das pa la bsnyen pa yin no// rgyun nye bar gcod pa yin no// nyon mongs pa rnams sreg pa yin no// phra rgyas rnams 'byin pa no/ / lta ba ngan pa'i dra ba rnams 'jigs par byed pa yin no// bdud kyi rgyal mtshan sgrol ba yin no// bzod pa smra ba bsgreng ba yin no// 'khor ba'i 'khor lo ldog par byed pa yin no// chos kyi/ 'khor lo bskor bar byed pa yin no// nu zho'i rgya mtsho'i skems pa yin no// rus pa'i ri 'jigs par byed pa yin no// skye ba dang / rga ba dang / na ba dang / 'chi ba'i mtha' yin no// phung po'i khur
- 149a
'jogs pa yin no/ / nyon mongs pa'i 'dam du bying ba rnams 'byin pa yin no// khyim gzeb tu bcings pa rnams rnam par grol bar byed pa yin no// gnod pa'i tshor ba rnams zad par byed par yin no/ / the tsom rnams dang / nyon mongs pa'i dri ma brtan por gyur pa rnams gcod pa yin no// rga shi 'jigs pa rnams dbugs 'byin pa yin no// sdug pa dang bral bar byed pa yin no// 'khor ba'i sdug bsngal gyis gtses pa rnams kyi bde ba dang / mi 'jigs pa'i 'gram yin no// 'dod pa'i khams las pa rgal bar byed pa yin no// gzugs kyi khams las yang dag par brgal bar byed pa yin no/ / gzugs med pa'i khams las yang rnam par brgal bar byed pa yin no// don dam par mya ngan las 'das pa mchog thog par byed pa yin te/ dga' bo de ni rab tu byung ba zhes bya'o// 'jig rten thams cad kyi mig lta bu yin no// gti mug gi mun pa'i sgron ma yin no// rgyud dag par byed pa yin no// nyon mongs pa'i nad thams cad rab tu zhi bar byed pa yin no// lam stor ba rnams la lam kun du ston pa yin no/ / chos thams cad kyi de kho na ston pa yin no// mdud pa thams cad rnam par 'grol bar byed pa yin no// ma rig pa'i mun pa thams cad sel bar byed pa yin no// mi shes pa'i rab rib kyi sgrib pa'i mun pa rnams 'dral bar byed pa yin no/ / le lo can rnams brtson 'grus la rtsom par byed pa yin no// tshul khrims la ltung ba rnams skyo bar byed pa yin no// tshul khrims phun
- 149b
sum tshogs pa rnams rab tu dga' bar byed pa yin no/ / brtson 'grus brtsams pa rnams mchog tu dga' ba yin no// nang du yang dag 'jog la mngon par dga' ba rnams rab tu dga' ba yin no// rnal 'byor spyod pa rnams mchog tu chog shes par byed pa yin no// nyon mongs pa'i dgra 'joms par byed pa rnams kyi mtshon cha yin no// phyir mi 'ong ba rnams mchog tu rgyal bar byed pa yin no// gnas med pa rnams kyi gnas so// skyob pa med pa rnams kyi skyob pa yin no// 'jigs pas 'brel pa rnams kyi mi 'jigs par byed pa yin no// skyabs med pa rnams kyi skyabs yin no// sdug bsngal rnams kyi bde ba'i yo byad yin no/ / 'khor ba'i bcing bas bcings pa rnams 'grol bar byed pa yin te/ dga' bo de ni rab tu byung ba zhes bya'o// lha dang mi rnams kyis bkur sti byas pa yin no/ / mi'i dbang po rnams kyi mchod pa yin no// sangs rgyas thams cad kyis dgongs pa yin no// khyim gyi gnas yongs su gtong ba yin no// mya ngan las 'das pa'i lam 'dren pa yin no// gla'i khur 'dreg pa yin no/ / gos ngur smrig ni 'dod chags dang bral ba'i rtags yin no// rigs pa la brtson 'grus kyi zhing yin no// 'di ni drang srong rnams kyi rgyal mtshan yin no// 'dud sdig to can rnams kyi grags pa 'joms pa yin no/ / lha dang mi rnams rab tu dga' bar byed pa yin te/ dka' bo rab tu byung ba ni de lta bu yin na/ ci'i phyir rab tu mi 'byung / dga' bo rab tu byung ba ni 'khor lo
- 150a
bsgyur ba'i rgyal srid bde ba bas kyang ches khyad par du 'phags pa bde ba yin na/ dga' bo gzhan yang dal ba tshogs pa ni bskal pa brgyar yang shin tu rnyed par bka' ba yin no// sangs rgyas 'byung ba ni de bas kyang ches rnyed par dka' ba yin no// dga' bo thar pa 'dod pa rgyal po'i drang srong rnams dang / gzhan yang 'khor los bsgyur ba'i rgyal po rin po che sna bdun dang ldan pa rnams kyang btsun mo'i 'khor dang bcas te bor nas rab tu byung ngo / / de bzhin du khyim bdag dang / bram ze'i tshogs gzhan rnams kyang khyim rnams bor nas rab tu byung ngo // de nas bcom ldan 'das la rigs kyi bu dga' bos 'di skad ces gsol to// btsun pa bdag ni khyim par mchis la/ sbyin pa dag stsal/ bsod nams dag bgyi zhing / bcom ldan 'das nyan thos kyi dge 'dun dang bcas pa la yang bsnyen bkur bgyi zhing chos gos dang / bsod snyoms dang / gzims cha dang / snyun gyi gsos sman dang / yo byad rnams kyang bsgrubs par bgyi'o// bcom 'das kyis bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas rnams kyis khams gsum pa gang dag yin pa'i 'jig rten gang bar 'gyur la/ rig kyi bu 'am/ rigs kyi bu mo dad pa can la las lo brgyar 'di lta ste/ chos gos dang / bsod snyoms dang / mal stan dang / nad kyi gsos sman dang / yo byad rnams kyis bsnyen bkur byed na/ dga' bo de ni byung
- 150b
bar nges par byung ba'i sems kyi bcu drug gi char yang mi phod do/ / dga' bo khyod kyis rab tu byung // dal ba shin du rnyed dka' ste/ dga' bo ston pa mngon gyur pa// nga la mi mnyes ma byed cig/ dga' bo dper na sa chen po 'di chu gcig pur rgya mtshor gyur la/ de na ru sbal zhar ba gcig kyang yod/ de na gnya' shing bu ga gcig pa gcig kyang rgyu la/ ru sbal zhar ba de 'di snyam du/ gnya' shing gi bug der mgrin pa tshud par bya'o snyam du sems skye zhing / gnya' shing bu ga can de yang rlung gis bskyod nas/ phyogs phyogs su rgyug par byed pa na/ dga' bo brgya la rkyen zhig gis ru sbal zhar ba de'i mgrin pa gnya' shing gi bu ga der 'jug par 'gyur gyi/ dga' bo mi nyid thob pa ni ma yin no// ngal ba phun sum tshogs pa de bzhin no// dga' bo khyod kyis mi nyid shin tu rnyed par dka' ba dang / de bzhin du dal ba phun sum tshogs pa yang rnyed na/ dga' bo khyod kyis rab byung / dal ba shin tu rnyed dka' rnyed// dga' bo ston pa mngon gyur pa// nga la mi mnyes ma byed cig/ dper na 'ga' zhig gis khab kyi mig gnam du bstan te/ nyungs dkar gyi 'bru rnams 'thor bar byed/ dga' bo brgya la rkyen zhig gis der yungs kar gyi 'bru gang yin pa gcig chud par 'gyur gyi/ dga' bo mo nyid rnyed pa ni ma yin no/ / dal ba phum sum tshogs pa yang de bzhin no// dga' bo mi nyid shin tu rnyed par dka' ba dang / de bzhin du ngal ba phun sum tshogs pa yang rnyed na/ dga' bo khyod kyis rab tu byung
- 151a
dal pa shin tu rnyed dka' rnyed/ / dga' bo ston pa mngon gyur pa// ngal mi mnyes ma byed cig/ de ci'i phyir zhe na/ bskal pa bye ba stong dang ni// brgya dang khrag khrig das yang / nga sangs rgyas sman mo thos na// sangs rgyas mthong ba kal zh-ig/ u du pA ra'i me tog na// shing las shin tu med dka' sgyur// de bzhin sangs rgyas nang dkar ste// khyo kyis nga ni rnyed 'gyur na/ / dka' bo khyod kyis rab tu byung // dal pa shin tu rnyed dka' ste// dka' bo ston pa mngon gyur pa// ngal mi mnyes ma byed cigade nas rigs kyi bu dga' bo kha spu bregs te/ gos ngur smrig bgos te/ rgyal ba'i bstan pa la yang dag par dad pa kho nas khyim nas khyim med par rab tu byung ngo // bcom ldan 'das kyis de skad ces bka' stsal pa dang / tshe dang ldan pa kun dga' bo dang / rigs kyi bu dga' bo// bcom ldan 'das kyis gsungs pa la mngon par bstod do// dga' bo rab tu byung ba'i mdo rdzogs so// / / 'di bka' dang por gtogs so// rgya gar skad du/ Ar+ya tsin+d+ha rA dza sU tran nA ma ma hA yA sU tra/ bod skad du/ 'phags pa bsam gyis mi khyab pa'i rgyal po'i mdo zhes bya ba theg pa chen po'i mdo/ / sangs rgyas dang / byang chub sems dpa' thams cad la phyag 'tshal lo// 'di skad bdag gis thos
- 151b
pa dus gcig na/ bcom ldan 'das yul ma ga d+ha na/ chos kyi dbye dgon pa/ byang chub kyi snying po na seng ge'i khri rdo rje dang / nor bu rin po ches spras pa'i pad+ma'i snying po'i gdan la bzhug te/ byang / chub sems dpa' sems dpa' chen po'i dge 'dun phyogs bcu'i sangs rgyas kyi zhing brjod du med pa'i yang brjod du med pa bye ba khrag khrig phrag 'bum gyi rdul phra rab snyed kyi byang chu sems dpa' sems dpa' chen po rnams dang thabs gcig tu bzhugs so/ / de nas byang chub sems dpa' sems dpa' chen po bsam gyis mi khyab pa'i rgyal po zhes bya bas/ byang chub sems dpa' sems dpa' chen po de dag la smras pa kye rgyal ba'i sras dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i sangs rgyas kyi mi mjed/ kyi 'jig rten gyi khams 'di'i bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing bde ba can gyi 'jig rten gyi khams kyi nyin zhag gcig go/ / kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing bde ba can gyi 'jig rten gyi khams kyi bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas rdo rje rab tu 'joms pa'i sangs rgyas kyi zhing gi nyin zhag gcig
- 152a
go/ kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas rdo rje rab tu 'joms pa'i sangs rgyas kyi zhing gi bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas 'od zer shin tu stug po pad+ma rab tu rgyas pa'i sku'i sangs rgyas kyi zhing gi nyin zhag gcig go/ / kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas 'od zer shin tu stug po pad+ma rab tu rgyas pa'i sku'i sangs rgyas kyi zhing gi bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas chos kyi rgyal mtshan gyi sangs rgyas kyi zhing gi nyin zhag gcig go// kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas chos kyi rgyal mtshan gyi sangs rgyas kyi zhing gi bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas seng ge'i sangs rgyas kyi zhing gi nyin zhag gcig go/ / kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas seng ge'i sangs rgyas kyi zhing gi bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sangs rgyas kyi zhing gi nyin
- 152b
zhag gcig go/ kye rgyal ba'i sras ngag de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad kyi sangs rgyas kyi zhing gi bskal pa gcig gang yin pa de ni/ de bzhin gshegs pa dgra bcom yang dag par rdzogs pa'i sangs rgyas chos kyi 'od zer me tog rab tu rgyas pa'i sku'i sangs rgyas kyi zhing gi nyi ma nag gcig go k ye rgyal ba'i sras ngag de bzhin gshegs pa dgra bcom pa yang dag par rdzogs pa'i sangs rgyas chos kyi 'od zer me tog rab tu rgyas pa'i sku'i sangs rgyas kyi zhing gi bskal pa gcig gang yin pa de ni de bzhin gshegs pa dgra bcom pa yang dag par rdzogs pa'i sangs rgyas ye shes 'od zer rgyal po'i sangs rgyas kyi zhing gi nyin zhag gcig go/ kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas ye shes 'od gzer rgyal po'i sangs rgyas kyi zhing gi bskal pa gcig gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas zla ba'i blo gros kyi sangs rgyas kyi zhing gi nyin zhag gcig go/ / kye rgyal ba'i sras dag/ 'di bskal pa bgrang ba'i thabs 'di lta bu'i tshul gyis brtsis pa'i 'jig rten gyi khams sangs rgyas kyi zhing bcu'i rgya mtsho'i rdul phra rab snyed kyi sangs rgyas kyi zhing 'das pa'i tha ma/ 'jig rten gyi khams pad+ma'i dpal zhes bya ba ni/ bcom ldan
- 153a
'das de bzhin gshegs pa dgra bcom pa yang dag par rdzogs pa'i sangs rgyas bzang po'o dpal bzhugs pa'i sangs rgyas kyi zhing gi nyin zhag gcig go/ kye rgyal ba'i sras dag de bzhin gshegs pa dgra bcom pa yang dag par rdzogs pa'i sangs rgyas rnams kyi mtshan 'di dag ni/ byang chub sems dpa' sems dpa' chen po kun tu bzang po'i spyod pa can/ dge ba'i bshes gnyen gyis yongs su zin pa'i/ byang chub sems dpa' sems dpa' chen po rnams kyis thos par 'gyur gyi/ gzhan dag gis ni thos par mi 'gyur ro/ / bcom ldan 'das kyis de skad ces bka' stsal nas/ byang chub sems dpa' sems dpa' chen po bsam gyis mi khyab pa'i rgyal po dang / thams cad dang ldan pa'i 'kho de dag dang / byang chub sems dpa' sems dpa' chen po de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das dang byang chub sems dpa' sems dpa' chen po bsam gyis mi khyab pa'i rgyal pos gsungs pa la mngon par bstod do/ / 'phags pa bsam gyis mi khyab pa'i rgyal po'i mdo zhes bya ba/ theg pa chen po'i mdo rdzogs so/ / rgya gar skad du/ ar+ya u pA ya ko'u sha l+ya nA ma ma hA yA na sU tra/ bod skad du/ 'phags pa thabs mkhas pa zhes
- 153b
bya ba theg pa chen po'i mdo/ bam po dang po// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na// bcom ldan 'das mnyan du yod pa na/ dze ta'i tshal mgon med zas sbyin gyi kun dga' ra ba na/ dge slong brgyad khri bzhi stong gi dge 'dun chen po dang thabs gcig tu bzhugs so// byang chub sems dpa' mngon par shes pa/ gzungs thob pa/ spobs pa thogs pa med pa/ khri drug stong dang yang thabs gcig ste/ yang de'i tshe na/ bcom ldan 'das nang du yang dag 'jog las bzhengs par gyur te/ 'khor brgya stong du mas bskor zhing mdun du bdar nas chos 'chad do// yang de'i tshe na/ byang chub sems dpa' sems dpa' chen po ye shes bla ma zhes bya ba zhig 'khor der 'ongs te 'dug par gyur to/ / de nas byang chub sems dpa' sems dpa' chen po ye shes bla mas bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba logs su thal mo sbyar ba btud nas/ bcom ldan 'das 'di skad ces gal te zhus nas zhu ba lung bstan pa'i slad du/ bdag la skabs phye na/ bcom ldan 'das bdag la phyogs 'ga' zhig zhu'o zhes de skad gsol pa dang / bcom ldan 'das kyis byang chub sems dpa' sems dpa' chen po ye shes bla ma la/ rig kyi bu khyod kyis de bzhin gshegs pa la
- 154a
dang ci 'dod pa dris shig dang / dris pa lung bstan pa de dang de nyid kyis ngas khyod kyi sems rangs par bya'o zhes de skad ces bka' stsal nas/ bcom ldan 'das la byang chub sems dpa' ye shes bla mas 'di skad ces gsol to/ / bcom ldan 'das byang chub sems dpa' sems dpa' chen po rnams kyi thabs mkhas pa/ thabs mkhas pa zhes bgyi ba'i thabs mkhas pa de gang lags/ de skad ces gsol ba dang bcom ldan 'das kyis byang chub sems dpa' sems dpa' chen po ye shes bla ma la 'di skad ces bka skustsal to/ / rigs kyi bu 'di la byang chub sems dpa' sems dpa' chen po thabs mkhas pa ni zas kham gcig gis kyang sems can thams cad la khyab par byed do// de ci'i phyir zhe na/ rigs kyi bu byang chub sems dpa' sems dpa' chen po thabs mkhas pa ni/ byol song du gtogs pa la zas khams gcig sbyin par byed pa de yang thams cad mkhyen pa nyid kyi sems dang ldan pa// yin te/ dge ba'i rtsa ba de yang sems can thams cad la bsngo'o// de ni rgyu gnyis kyis sems can thams cad la khyab par byed do// gnyis po gang zhe na/ thams cad mkhyen pa nyid kyi sems dang bsngo ba'o/ / rig kyi bu gzhan yang byang chub sems dpa' sems dpa' chen po thabs mkhas pa ni pha rol gyi dge ba'i rtsa ba la yi rang bar byed do// yi rang bar byas nas sems can thams
- 154b
cad la bsngo ste/ thams cad mkhyen pa'i sems des sbyin par byed pa dang / sbyin pa'i bdag po de dag zil gyis gnon to// gang len par byed pa de dag kyang zil gyis gnon to// rigs kyi bu/ gzhan yang byang chub sems dpa' thabs mkhas pa ni phyogs bcu na shing las byung ba'i me tog gang ci yod pa phra mo yongs su ma blangs pa rnams dang / phyogs bcu na gang spos kyi shing yod pa rlung kyi khyer ba yongasu sa blangs pa/ bdag po med pa de dag kyang / sangs rgyas thams cad la 'bul zhing / dge ba'i rtsa ba de yang thams cad mkhyen pa nyid du bsngo bar byed do// rigs kyi bu gzhan yang byang chub sems dpa' thabs mkhas pa ni/ phyogs bcu na sems can gang ji snyed bde ba'i tshor ba myong ba de thams cad la bsams te/ rjes su yi rang bar byed do// rjes su yi rang nas thams cad mkhyen pa/ nyid du bsngo bar byed do// gang yang phyogs bcu na sems can sdug bsngal ba'i tshor ba myong ba de thams cad ni 'chags su 'jug ste/ gang sems can de dag gi sdug bsngal ni bdag la shog rtsig/ de dag ni bde bar gyur cig ces de lta bu'i go cha gyon zhing dge ba'i rtsa ba de byang chub tu bsngo bar byed do/ / rigs kyi bu gzhan yang byang chub sems dpa'i thabs mkhas pa ni de bzhin gshegs pa gcig la phyag 'tshal na/ de bzhin gshegs pa thams cad la phyag 'tshal bar de ltar 'dzin te/ de ni 'di ltar slob po// sangs rgyas thams cad kyi chos kyi dbyings gcig go// tshul khrims gcig go/
- 155a
ting nge 'dzin gcig go// shes rab gcig go// dgongs pa gcig go/ rnam par grol ba gcig go/ rnam par grol ba'i ye shes mthong ba gcig go/ zhes de ltar slob cing / de ltar de bzhin gshegs pa gcig la phyag 'tshal na/ de bzhin gshegs pa thams cad la phyag 'tshal bar 'dzin to// de thabs mkhas pa des sangs rgyas gcig la bkur sti byas nas/ sangs rgyas thams cad la bkur sti byed de/ phyogs bcu'i sangs rgyas de dag la mchod par 'gyur ba de snyed yod pa de dag thams cad kyang yongs su len to// rigs kyi bu gzhan yang byang chub sems dpa' thabs mkhas pa ni nam zhig shes rab rmongs pa can du re da na yang / de ni bdag la yi mi gsod kyi gzang bstod par byed do// chung ngu na rtsa ba tshigs bzhi pa'i tshogs su cad pa gcig kha don du 'don na yang / rtsa ba bzhi pa'i tshigs su bcad pa gcig gi don gang yin pa gsung rab tu gtogs pa thams cad kyi don yang de yin no zhes de de ltar slob cing / des tshigs su bcad pa de kha don du byas nas/ sems can gang ji snyed kyis bdag gis rtsa ba bzhi pa'i tshigs su bcad pa 'di thos pa/ de thams cad sangs rgyas kyi spobs pa thob par shog cig/ ces de ltar ma zhum pa'i sems kyis smon lam 'debs te/ de dge ba'i rtsa ba des sems can thams cad kyi thos pa mtha' med pa dpe med pa zil gyis gnod mi sangs rgyas kyi spobs pa yang len par byed do//
- 155b
rigs kyi bu gzhan yang byang chub sems dpa' thabs mkhas pa ni nam zhig gal te brgyal dbul por gyur na/ de'i tshe na de chung ngun gzhan gyi las kyang byas nas/ zas gzar bu gang thogs te sems ma zhum pas dge 'dun nam gang zag la sbyin par byed do/ / byin nas kyang 'di ltar slob ste/ bcom ldan 'das kyis sa che ba'i phyir sbyin par che bar 'gyur ro zhes gsungs kyis/ bdag gi sbyin pa chung ngu zin kyang thams cad mkhyen pa nyid kyi sems ni dpag tu med pa'o snyam nas/ de thams cad mkhyen pa nyid kyi zas gzar bu gang po sbyin par byed cing / dge ba'i rtsa ba 'angs sems can tham/ cad 'di lta ste dper nad ltar gyi de bzhin gshegs pa phyag na rin chen bzhin du shog shig ces/ zas gzar bu gang po de nyid kyis sbyin pa'i rang bzhin dang / tshul khrims kyi rang bzhin dang / bsgom pa'i rang bzhin gyis bsod nams bya ba'i dngos po mngon par byed do/ / rigs kyi bu gzhan yang byang chub sems dpa' thabs mkhas pa ni/ nyan thos dang rang sangs rgyas rnams dang / lhan cig tu ka nas kyang de dag la 'dod par mi byed do/ / gal te yang nyan thos dang / rang sangs rgyas dag la bkur sti byas pa mthong na/ de rgyu gnyis kyis bdag nyid khong du chud par byed do// de rgyu gnyis gang zhe na/ byang chub sems dpa' las ni sangs rgyas bcom ldan 'das rnams 'byung / sangs rgyas las ni nyan thos dang / rang sangs rgyas rnams 'byung bas de dag la bkur sti byas nas
- 156a
bdag nyid la thog ma kho nar bkur sti byas pa yin gyi/ de dag la ni ma yin pa dang / de dag ni bdag gi pa'i nor la spyod mod kyi/ de la bdag gis 'dod par mi bya/ phrag dog tu mi bya snyam du sems pa'o/ / rigs kyi bu gzhan yang byang chub sems dpa' thabs mkhas pa ni/ sbyin pa sbyin pa na pha rol tu phyin pa drug yongs su rdzogs par byed do// ji ltar na yongs su rdzogs par byed ce na/ 'di la byang chub sems dpa' gang gi tshe/ slong ba mthong na/ de ser sna'i sems tshar gcod par byed/ gtong ba chen po 'phel bar byed de/ de ni de'i sbyin pa'i pha rol tu phyin pa'o/ / gang tshul khrims yang blar blangs nas/ tshul khrims dang ldan pa la sbyin par byed pa dang / gang ngang tshul ngan pa can de dag tshul khrims la 'jog par byed cing / sbyin pa yang sbyin par byed pa de ni de'i tshul khrims kyi pha rol tu phyin pa'o/ / gang byams par sems pa dang / sems ma 'khrugs pa dang / phan par sems pa dang / sems rtse gcig par gyur nas/ sbyin pa sbyin par byed pa de ni de'i bzod pa'i pha rol tu phyin pa'o// gang bza' ba dang bca' ba dang myang bar bya ba de dag la lus dang ngag dang sems 'jog cing / 'gro ba dang 'ong bar byed pa de ni de'i brtson 'grus kyi pha rol tu phyin pa'o/ / sbyin pa byin nas gang rtse gcig pa dang / dbugs phyin par mi 'dzin pa de ni de'i bsam gtan gyi pha rol tu phyin pa'o// gal te sbyin pa de byin nas chos nyid
- 156b
la brten te/ 'di sus byin/ 'di sus zos/ su la rnam par smin par 'gyur/ zhes des de ltar brtags na/ gang gis byin pa dang / gang la sbyin pa dang / gang la rnam par smin par myong bar 'gyur ba'i chos gang yang ma dmigs pa de ni de'i shes rab kyi pha rol tu phyin pa'o/ / rigs kyi bu de ltar na byang chub sems dpa' thabs mkhas pa sbyin pa sbyin par byed na/ pha rol tu phyin pa drug yongs su rdzogs par byed do// de nas bcom ldan 'das la byang chub sems dpa' ye shes bla mas 'di skad ces gsol to// bcom ldan 'das de 'dra bar thabs mkhas te/ sbyin pa gang gis sems can gzhan dag 'khor ba yongs su len par bgyid pa'i sbyin pa de nyid kyis byang chub sems dpa' sems dpa' chen po// sangs rgyas kyi chos rnams len par bgyid pa ngo mtshar to/ / bcom ldan 'das kyis bka' stsal pa/ de de bzhin no// rigs kyi bu ji skad smras pa bzhin te/ byang chub sems dpa' thabs mkhas pa ni sbyin pa nyung ngu yang mang por byed/ sbyin pa mang po yang dpag tu med par byed do// de nas bcom ldan 'das kyis byang chub sems dpa' sems dpa' chen po ye shes bla ma la bka' stsal pa/ rigs kyi bu gzhan yang byang chub sems dpa' thabs mkhas pa ni/ ltung ba lci ba yang thabs par srab mor byed do// ji ltar srab mor byed ce na/ rigs kyi bu 'di la byang
- 157a
chub sems dpa' thabs mkhas pa ni/ nam zhig brgyal/ la la zhig tu sdig pa'i grogs po'i dbang gis ltung ba byung na/ de 'di ltar slob ste/ gal te bdag gis phung po 'di dag gis mya ngan las 'da' bar bya na ni/ de ltar bdag gis sems yongs su gdung ba dang ldan par yang gyur na/ bdag gis sems can yongs su smin par bya ba'i phyir/ phyi ma'i mthar thug par 'khor ba na gnas pa'i go cha de lta bu bgos pas/ bdag gis sems gdung bar ni mi bya'i/ byang chub ji lta ji ltar 'khor bar 'gyur ba de lta de ltar sems can yongs su smin par bya'o// lhung ba 'di yang chos bzhin du bya'o/ / ltung ba gzhan yang ma byung bar bya'o snyam du sems so// rigs kyi bu yongs su brtag pa bzung na/ gal te rab tu byung ba'i byang chub sems dpa' ltung ba'i rtsa ba bzhi po thams cad 'das par gyur kyang / thabs mkhas pa 'dis skyong bar byed na/ byang chub sems dpa' ltung bar mi 'gyur ngas bshad do// de nas bcom ldan 'das la byang chub sems dpa' ye shes bla mas 'di skad ces gsol to/ / bcom ldan 'das ji ltar na byang chub sems dpa' ltung ba dang bcas pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes bla ma la 'di skad ces bka' stsal to/ / rigs kyi bu byang chub sems dpa' so sor thar pa'i bslab pa slob pa na/ bskal pa brgya stong du yang rtsa ba dang
- 157b
'bras bu za bar 'gyur la/ sems can thams cad kyis snyan par smras pa dang / mi snyan par smras pa yang bzod cing / nyan thos dang rang sangs rgyas yid la byed pa dang yang ldan par gnas par de ni// byang chub sems dpa'i ltung ba'i rtsa ba lci ba yin no// rigs kyi bu 'di lta ste dper na/ nyan thos kyi theg pa la gnas pa ltung ba'i rtsa ba byung na/ phung po de nyid kyis yongs su mya ngan las 'da' ba'i bskal ba med pa de bzhin du/ rigs kyi bu byang chub sems dpa' yang ltung ba ma mthol zhing / nyan thos dang rang sangs rgyas yid la byed pa ma btang na sangs rgyas kyi sar yongs su mya ngan las 'das ba'i skal ba med do/ / de nas bcom ldan 'das la tshe dang ldan pa dga' bos 'di skad ces gsol to// bcom ldan 'das bdag bsod snyoms kyi phyir mthar gyis spyod pa na/ byang chubs sems dpa' 'od mang ldan gyi rgyal po khang pa zhig na/ bud med dang khri gcig la lhan cig mchis par mthong ste/ ltung ba byung ba mthong nam bcab shig/ tshangs pa mtshungs par spyod pa gzhan dag la zlos shig ces bcom ldan 'das kyis bka' stsal na/ de bzhin gshegs pa ni sems can thams cad kyi ston pa lags te/ de bzhin gshegs pa la cung zad kyang mi mkhyen pa'am/ ma gzigs pa 'am/ thugs su ma chud pa ma mchis pas/ de'i slad du bdag bcom ldan 'das la gsol zhes tshe dang ldan pa dga' bos de skad kyi tshogs smras nas/ ring po ma lon par de nas de'i mod la sa g.yos par gyur
- 158a
to de nas byang chub sems dpa' 'od mang ldan gyi rgya bro shing rta la gang tsam du steng gi bar snang la 'dug nas/ tshe dang ldan pa dga' bo la 'di skad ces smras so/ tshe dang ldan pa dga' bo de ji snyam du sems/ ltung ba byung ba'i chos can gyis bar snang la 'dug par nus sam/ yang tshe dang ldan pa dga' bo byang chub sems dpa'i ltung ba'i chos ji lta bu grags zhes/ de bzhin gshegs pa mngon sum du bzhugs pa 'di la zhus shig/ de nas tshe dang ldan pa dga' bo yul yul por gyur nas/ bcom ldan 'das kyi zhabs la mgo bos phyag 'tshal te/ ltung ba 'chags pa gang dag bdag gis skyes bu bal glang chen po lta bu la/ ltung ba btsal ba/ bcom ldan 'das nongs te/ nongs pa 'chags so zhes de skad gsol pa dang / bcom ldan 'das kyis tshe dang ldan pa dga' bo la 'di skad ces bka' stsal to// dga' bo khyod theg pa chen po la gnas pa'i skyes bu dam pa la nyes par 'du shes ma skyed cig/ dga' bo 'di lta ste/ nyan thos kyi theg pa la gnas pa gcig pu gnyis su med pa ni zag pa zad par bya ba la bar chad med par 'dod par bya'o// dga' bo de bzhin du byang chub sems dpa' thabs mkhas pa yang thams cad mkhyen pa la bar chad med par 'dod par bya'o/ / de ci'i phyir zhe na/ dga' bo byang chub sems dpa' sems dpa' chen po ni gang dkon mchog gsum la gzhol bar rmi
- 158b
'gyur ba'i g.yog 'chang bar mi byed do/ / dkon mchog gang zhe na/ sangs rgyas dkon mchog dang / chos dkon mchog dang / dge 'dun dkon mchog go// dga' bo gang gi tshe byang chub sems dpa'i theg pa la gnas pa'i rigs kyi bu thams cad mkhyen pa nyid kyi sems dang ma bral bar 'dod pa lnga'i yon tan gyis brtse dga' zhing yongs su spyod par mthong na/ dga' bo de'i tshe/ khyod kyis skyes bu dam pa de/ de bzhin gshegs pa'i dbang po lnga dang ldan par shes par gyis shig/ dga' bo khyod yang ci'i phyir byang chub sems dpa' 'od mang ldan gyi rgyal po bud med dang ldan gcig tu khri gcig la 'dug pa de nyon cig/ dga' bo sring mo de ni/ 'das pa'i dus na/ tshe rabs nyis brgyar byang chub sems dpa' 'od mang ldan gyi rgyal po'i chung mar gyur te/ de sngon gyi bag la nyal de nyid kyis rigs kyi bu byang chub sems dpa' 'od mang ldan gyi rgyal po de'i dpal dang gzi brjid dang / tshul khrims dang / stobs bskyed pa mthong yang / brjed nas gnas ngan len gyi tshig smras te/ de gcig pu lkog tu song nas/ gal te byang chub sems dpa' 'od mang ldan gyi rgyal po bdag dang lhan cig tu khri gcig tu 'dug na/ bdag gis bla na med pa yang dag par rdzogs pa'i byang chub tu sems bskyed do snyam du de ltar sems par 'gyur ro/ / dga' bo de nas byang chub sems dpa' 'od mang ldan gyi rgyal po'i sems kyis sring mo de'i
- 159a
sems kyi yongs su rtog pa shes nas/ de nyid kyi nub mo 'das pa dang / de'i khyim du 'ongs te/ gang nang gi sa'i khams dang / gang phyi'i sa'i khams su gcig pa'i chos kyi sgo sa 'dra ba'i sems des/ sring mo de lag pa g.yas pas bzung ste/ khri gcig la 'dug go// 'dug ma thag tu tshigs su bcad pa 'di smras so// sangs rgyas 'dod pa bsngags mi mdzad/ / de ni byis pa'i spyod yul te// 'dod pa'i sred pa spangs na ni// sangs rgyas mi yi mchog tu 'gyur// dga' bo de nas srid de dga' zhing rab tu mgu ba skyes nas/ khri de la sa langs te/ byang chub sems dpa' 'od mang ldan gyi rgyal po'i rkang pa la phyag 'tshal nas/ de'i tshe tshogs su bcad pa 'di dag smras so// sangs rgyas kyis ni gang smad pa/ 'dod pa slan chad bdag mi 'tshal// 'dod pa'i sred pa spangs na ni// sangs rgyas mi yi mchog tu 'gyur// bdag gi sems kyis gang bsams pa'i// nongs pa de ni khyod la bshags/ / srog chags kun la bde ba'i phyir// byang chub tu ni mos bskyed do// dga' bo 'di lta ste/ byang chub sems dpa' 'od mang ldan gyi rgyal po thabs mkhas pa des sring mo de bla na med pa yang dag par rdzogs pa'i byang chub la bstabs nas/ stan las langs te song ngo // dga' bo lhag pa'i bsam pa'i khyad par ltos/ ngas sring mo de lung bstan to// 'di nas
- 159b
shi 'phos nas bud med kyi lus brjes te/ bskal pa grangs med pa brgya stong phrag dgu bcu rtsa dgu na/ kun nas ldang ba dang bral zhes bya ba'i de bzhin gshegs pa dgra bcom pa yang dag par/ rdzog bI sangs rgyas 'jig rten du 'byung bar 'gyur te/ dka' bo khyod rnam grangs des kyang byang chub sems dpa' ni gang ltung ba'i chos can du 'gyur ba'i g.yog mi 'chang bar rig par bya'o// de nas byang chub sems dpa' 'od mang ldan gyi rgyal po bar snang de las babs te/ bcom ldan 'das kyi nabs la phyag 'tshal nas/ bcom ldan 'das la 'di skad ces gsol to// bcom ldan 'das byang chub sems dpa' thabs mkhas pa dang / snying rje chen po la gnas par bgyi'o// bcom ldan 'das 'di la bdag 'di snyam du bgyid do// gal te byang chub sems dpa' sems can gcig gi dge ba'i rtsa ba skye bar 'gyur na/ ltung ba de 'dra bar 'byung zhing ji lta bu'i ltung ba byung bas bskal pa brgya stong du sems can dmyal bar gtso bar gyur kyang / bcom ldan 'das byang chub sems dpa' ltung ba 'byung ba dang / sems can dmyal ba'i sdug bsngal de la spro ba nyid do bgyi'o// sems can gcig po'i dge ba'i rtsa ba yongs su gtong ba dang yongs su 'bri bar ni mi bgyi'o// / de nas bcom ldan 'das kyis byang chub sems dpa' 'od mang ldan gyi rgyal po la legs so zhes bya ba byin nas/ legs so legs so// skyes bu dam pa byang chub sems dpa' dag ni snying rje chen po 'dri
- 160a
ltung ba thams cad spong ste/ rigs kyi bu ngas mngon par shes pa 'das pa'i dus bskal pa grangs med pa'i pha rol gyi yang shin tu pha rol na/ khye'u skar ma zhes bya ba zhig yod de// nags kyi 'dab na lo bzhi khrinyis stong du tshungs par spyod pa spyad nas/ de lo bzhi khri nyis stong 'das pa dang / rgyal po'i pho brang 'byor pa zhes bya bar phyin nas/ de grong khyer chen po der song ba dang chu chun ma zhig gis khye'u bzang po de mthong nas/ 'dod pa'i 'dod chags kyis yongs su zin pa'i sems dang ldan pas/ khye'u de'i mdun du brgyugs te phyag 'tshal to// de nas rigs kyi bu khye'u skar mas bud med de la 'di skad ces smras so// sring mo khyod ci 'dod/ mos de la 'di skad ces smras so// khye'u bdag khyod 'tshal lo// khos de la 'di skad ces smras so/ / sring mo kho bo ni 'dod pa dgos pa ma yin no// mos de la 'di skad ces smras so// gal te bdag khyod dang mjal bar mi 'gyur na bdag 'gum par 'gyur ro// de nas khye'u skar mas 'di snyam du bsam so/ / gang bdag gis lo bzhi khri nyis stong gi bar du tshangs par spyod pa spyad nas/ brtul shugs gzhig pa ni bdag gis mi cha'o snyam nas/ nan gyis then te bud med des btang nas/ gom pa bdun 'phags pa dang / de gom pa bdun lagams nas snying rje skyes te/ bdag gis brtul shugs 'di bshig nas/ sems can dmyal bar song bar gyur kyang
- 160b
sems can dmyal ba'i sdug bsngal de myong bar bzod kyi/ bud med 'di shir 'ong gis bde bar gyur cig/ rig kyi bu khye'u skar ma de slar log ste/ bud med de la lag pa g.yas pas bzung / nasasring mo khyed ci 'dod pa longs shig/ ces smras so// de nas khye'u skar ma lo bcu gnyis kyi bar du khyim na gnas nas slar yang mngon par byung ste/ tshangs pa'i gnas bzhi bskyed nas/ shi 'phos pa dang / tshangs pa'i 'jig rten du skyes so// rigs kyi bu khyod de'i tshe de'i dus na/ khye'u skar ma zhes bya ba de gzhan zhig yin snyam du ma lta zhig/ de ci'i phyir zhe na/ de'i tshe de'i dus na nga ni khye'u skar mar gyur to// grags 'dzin ma ni chu chun mar gyur to// rigs kyi bu nga 'dod pa ngan pa dang ldan pa'i snying rje chen po'i sems bskyed pas kyang / bskal pa stong phrag bcu'i bar du 'khor ba rgyab kyis ltas shing spangs par gyur to/ / rigs kyi ba ltos gang sems can gzhan dag sems can dmyal bar skye bar 'gyur ba de/ byang chub sems dpa' thabs mkhas pa ni/ tshangs pa'i 'jig rten du skye bar 'gyur ro// rigs kyi bu gal te dge slong mo'u 'gal gyi bu dang / shA ri'i bu thabs mkhas pa dang ldan du zin na ni/ dge slong ko ka li ka de sems can dmyal bar 'gro bar mi 'gyur ro/ / de ci'i phyir zhe na/ rigs kyi bu ngas mngon par shes pa 'das pa'i dus na/ de bzhin gshegs pa log par dad sel gyi gsung rab la dge slong dri ma med pa zhes
- 161a
bya ba zhig byung te/ de dkon pa'i brag phrag gcig na gnas pa nas/ rgyung mi ring ba zhig na drang srong lnga gnas pa las/ de'i tshe dus ma yin pa'i sprin chen po byung / dus ma yin pa'i char pa yang cher bab pa dang / de nas bud med gnyis shig char pa'i skyabs kyi phyir dge slong dri ma med pa'i brag phug tu zhugs te/ slar byung ba dang drang srong rnams kyis mthong nas/ e ma'o// dge slong dri ma med pa 'di sdig 'dod pa'o// tshangs par spyod pa ma yin pa'o// zhes yid byung bar gyur to// de nas dge slong dri ma med pa'i sems kyis/ drang srong de dag gi sems kyi yongs su rtog/ pa shes nas/ de'i tshe nam mkha' la shing rta la bdun tsam du 'phags so// de nas drang srong de dag gis dge slong dri ma med pa bar snang gi nam mkha' la 'dug pa mthong nas/ bdag cag gi gtsug lag las 'byung ba ltar na/ tshangs par spyod pa ma yin par nam mkha' la 'phags mi nus so snyam du sems par gyur nas/ de'i tshe yan lag lngas phyag 'tshal te nyes pa bshags so// rigs kyi bu gal te dge slong dri ma med pa nam mkha' lam 'phags su zin na/ de'i tshe drang srong lnga'i lus sems can dmyal bar chen por ltung bar 'gyur ro// rigs kyi bu de ji snyam du sems de'i tshe de'i dus na/ dge slong dri ma med pa zhes bya ba de gzhan du gyur pa snyam du khyod de ltar ma lta zhig/ byang chub sems dpa' byams pa de'i tshe dge slong dri ma med pa zhes bya bar gyur to// rigs kyi
- 161b
bu gal te dge slong shA ri'i bu dang mo'u 'gal gyi bu nam mkha' la 'phags su zin na ni/ dge slong ko ka li ka sems can dmyal bar 'gro bar myi 'gyur ro// rigs kyi bu rnam grangs des na/ byang chub sems dpa' thabs mkhas pa'i ye shes gang du 'jug pa de ni nyan thos dang rang sangs rgyas rnams kyi yul ma yin par rig par bya'o// rigs kyi bu 'di lta ste/ smad 'tshong ma thabs drug cu rtsa bzhi dang ldan pa'i shin tu lobs pa nor 'dod pa ni/ skyes bu de las nor ma grub kyi bar du sems can de dag gi drung na/ ci nas kyang bdag gis lus gtong ba yang ston pa dang / yo byad thams cad kyang mi sbed par de lta de ltar gnas so// de nas phyis de la mi lta mi sems par 'dor te/ de'i phyir de la 'gyod par yang mi 'gyur ro// rigs kyi bu de bzhin du byang chub sems dpa' thabs mkhas pa yang thabs mkhas pa gang gis sems can 'di dag bdag gis yongs su smin par bya bar shes na/ sems can rnams kyi dge ba'i rtsa ba la dga' bas cung zad kyang mi sbed cing bdag gi lus gtong bar byed pa ston pa'i bar du sems can dag gi drung na de lta de ltar gnas te/ nam zhig e ma'o sems can 'di dag dge ba'i rtsa ba skyed pa yin te/ phyin chad de las lhag par gzhag tu mi nus par shes nas ni/ de la mi lta zhing dga' ba dang rtse ba thams cad kyang btang ste 'gro'o// de la rag lus pa'i sems kyang med do// rigs kyi bu 'di lta ste/ byol song du gtogs pa'i srog chags kyi
- 162a
rnam pa bung ba zhes bya ba de me tog thams cad kyi dri la snom yang gang du yang rtag par sred pa mi sgom mo/ / dri dang lo ma yang mi 'phrog go// de bzhin du thabs mkhas pa'i byang chub seMs dpa' yang 'dod pa'i dga' ba dang / rtse ba thams cad kyang spyod kyang gang du yang rtag par sred pa mi skye/ bdag dang gzhan nyams par yang mi byed do// rigs kyi bu 'di lta ste/ dper na sa bon yongs su gdungs pa ni kha dog nyams pa med kyang ldang bu 'byung bar mi nus so/ / rigs kyi bu de bzhin du stong pa nyid dang / mtshan ma med pa dang / smon pa med pa'i shes rab yongs su bsgoms pa'i nyon mongs pa ni dga' ba dang / rtse ba thams cad la spod kyang de ltung bar 'gro ba yongs su mi len/ sangs rgyas kyi yon tan las kyang yongs su mi nyams so// rigs kyi bu 'di lta ste/ dper na nya pa shin tu bslabs pa ni/ skud pa gcig la gzan ma btags pa'i mchil pa sbyar nas mtsho chen por bcug ste/ de gang dang gang gi tshe na 'dod pa de dang de'i tshe/ skud pa de mtsho chen po nas 'dren no// rigs kyi bu de bzhin du thabs mkhas pa'i byang chub sems dpa' yang stong pa nyid dang / mtshan ma med pa dang / smon pa med pa yongs su bsgoms pa'i sems/ thams cad mkhyen pa nyid la brtan por 'brel nas/ 'dom rdzab chen por ltung zhing de thams cad mkhyen pa nyid kyi sems de bsrungs pas/ gang dang gang gi tshe 'dod pa de dang de'i tshe shi 'phos nas tshangs pa'i 'jig rten du skye'o// rigs kyi bu 'di lta ste dper na sngags
- 162b
kyi rigs 'dzin gyi skyes bu rgyal pos bzung ste/ zhags pa lnga yis bcing bas bcings su zin kyang / de gang gi tshe 'gro bar 'dod pa de sngags kyi rig pa'i stobs bskyed pa gcig gis bcings pa thams cad gtugs te 'gro'o/ / de bzhin du byang chub sems dpa' thabs mkhas pa yang gang gi tshe/ 'dod pa'i yon tan lngas dga' ba myong zhing de dag gis rgyas par gyur kyang / gang gi tshe 'dod par gyur pa de'i tshe/ shes rab kyi rig pa'i stobs bskyed pa thams cad mkhyen pa nyid kyi sems gcig gis 'dod pa'i yon tan thams cad rab tu bcom ste/ shi 'phos nas tshangs pa'i 'jig rten du skye'o/ / rigs kyi bu 'di lta ste/ dper na/ mnga' dang / mtshon gyi slob dpon ral gri rnon po gcig mi mngon par thogs nas 'gron po mang po'i bsel byed na/ de la sems can gang mi shes pa de dag ni mnga' dang / mtshon gyi slob dpon de la mi 'di ni mda' gzhu yang med/ mtshon cha gzhan yang med g.yog kyang med de/ 'di ni bdag gi skyabs kyang mi nus na mgron po'i lta ci smos mi rgod las rgyal bar ltag la nus te/ 'di ni de dag tu mi rigs par sdug bsngal bar 'gyur ro zhes snying rje bsgom mo// de nas mda' dang mtshon gyi slob dpon de 'brog dgon pa'i dbus su phyin te/ me rgod mang po byung ba dang / mtshon gyi phyir go cha legs par bgos nas/ mtshon cha de la yongs su brtags te/ mi rgod de dag la 'debs
- 163a
so/ / des mi rgod de dag thams cad srog dang phral te slar yang mtshon cha de lag par 'jog go// de bzhin du rigs kyi bu byang chub sems dpa' sems dpa' chen po yang shes rab kyi pha rol tu phyin pa'i mtshon shin tu thogs nas/ thabs mkhas pas 'dod pa'i yon tan lngas rtse dga' zhing / yongs su spyod de/ de la gang dag de'i lus kyi dbang po mthong na/ de dag ma dad par byed cing 'di ni 'di ltar bag med par gnas te/ 'di ni bdag thar par yang mi nus na sems can gzhan lta ci smos/ bdud las rgyal ba lta ga la 'gyur zhes snying rje bskyed par byed mod kyi/ byang chub sems dpa' de thabs mkhas pa shin tu yongs su blangs pas nam 'dod pa de'i tshe/ des shes rab kyi mtshon gyis nyon mongs pa'i dra ba dral nas/ sangs rgyas kyi zhing yongs su dag pa bud med med pa g.yem pa med pa gzhan du 'gro'o/ / yang de'i tshe na byang chub sems dpa' dga' bar byed pa zhes bya ba mnyan du yod pa'i grong khyer chen por bsod snyoms kyi phyir so / de bsod snyoms spyod pa las khyim bdag gcig gi khyim du phyin pa dang / de na bu mo bsod nams ldan mchog ces bya ba khang thog na 'dug pas/ dge slong gi sgra thos nas zas blangs te byang chub sems dpa' dga' bar byed pa ga la ba der song ngo / / de nas bu mo bsod nams ldan mchog gis mthong ma thag tu/ byang chub sems dpa' dga' bar byed pa'i skad dang bltas pa las
- 163b
rjes su rtog pa'i mtshan ma gzung nas/ 'dod chags kyis yongs su bzung ba'i sems kyis 'dod chags kyis yongs su gdung zhing 'greng bzhin du lus thams cad kyang rdul nas 'chi ba'i dus byas nas// byang chub sems dpa' dga' bar byed pas/ bu mo bsod nams ldan mchog mthong ste/ 'dod chags kyi sems kyis tshul bzhin ma yin pa yid la byed pa'i rnam par rtog pa byung ba dang / de'i tshe de la chags pa zhes bya ba'i chos de gang yin zhes dran pa skyes nas ci mig de chags pa 'am zhe na/ mig kyang tshor ba med pa/ byed pa med pa/ 'dus byas pa/ sha'i phung po ste/ rang bzhin gyis stong pa'i phyir tshor ba med do/ / 'o na rna ba dang sna dang lce dang yid chags pa 'am zhe na/ des nang na yang rung phyi yang rung / 'dod chags par 'gyur ba 'am/ zhe sdang bar 'gyur ba'i chos de gang yang ma dmigs so/ / des ma dmigs nas 'dod chags kyi sems de bsal te/ de'i lus lpags pa dang / shas g.yogs pa'i rkang pa'i mthil yan chad spyi bo'i bar du brtags so// des yang dag pa ji lta bar brtags nas/ / chos thams cad mi skye bar rtogs te// mi skye ba'i chos la bzod pa thob pa dang / de dga' ba dang / rab tu mgu ba de nyid kyis steng gi bar snang la shing ta la gang tsam du 'phags nas/ mnyan du yod pa'i grong khyer chen po lan bdun du bskor te/ bcom ldan 'das ga la ba der song ba dang / bcom ldan 'das kyis byang chub sems dpa' dga' bar byed pa bar snang
- 164a
las ngang pa'i rgyal po bzhin du thogs pa med par 'ong ba gzigs so/ / gzigs nas tshe dang ldan pa dga' bo la bka' stsal to// dga' bo khyod kyis byang chub sems dpa' sems dpa' chen po dga' bar byed pa bar snang las 'ong ba mthong ngam/ gsol pa bcom ldan 'das mthong ngo // bcom ldan 'das kyis bka' stsal pa/ dga' bo byang chub sems dpa' dga' bar byed pa des ni/ 'dod chags kyi sems las chos thams cad yongs su brtags yongs su rtogs so// bdud kyi sde 'dul lo// chos kyi 'khor lo bskor ro// de nas bu mo bso nams ldan mchog shi ma thag tu bud med kyi lus las bsgyur te/ shi 'phos pa dang mtho ris kyi 'jig rten du sum cu rtsa gsum gyi lha rnams dang bskal ba mnyam par skyes so// de skyes ma thag tu gzhal med khang rin po che sna bdun las byas pa dpag tshad bcu gnyis pa yang byung / g.yog bya ba'i phyir lha'i bu mo khri bzhi stong yang bskyed nas/ de'i tshe dge ba'i rtsa ba gang gis 'dir skyes par gyur ces shes pa skyes te/ des bsams pa dang 'di snyam du gyur te/ bdag ni mnyan du yod pa'i grong khyer chen po na/ khyim bdag gi bu mor gyur pa las/ de nas bdag gis 'dod chags kyi sems kyis byang chub sems dpa' dga' bar byed pa mthong nas/ bdag gis sems 'dod chags kyis kun tu zin te/ 'chi ba'i dus byas pa dang / bdag bud med kyi lus las
- 164b
b+h+yar/ bdag gis skyes pa'i lus thob nas/ bdag gis rdzu 'phrul dpag tu med pa 'di dag thab za snyam mo// de n+ya myu bu de'ang snyam du sems te/ 'dod chags u0f7f/ kyi rnam par smin pa yang 'di yin na/ gang bdag gis byang chub sems dpa' dga' bar byed pa la phyag bya ba 'am/ bsnyen bkur bya ba lta ci smos kyis/ gang bdag rtse ba 'am/ dga' bar byed pa de rigs par 'gyur ba ma yin gyi/ de ltar bdag bcom ldan 'das ga la ba dang dga' bar byed pa ga la ba der 'gro'o snyam mo// de nas lha'i bu de 'khor dang bcas te/ me tog dang dri dang phreng ba dang / byugs pa rnams thogs nas/ kha dog tshad med pas/ bcom ldan 'das ga la ba der song ste/ me tog dang phreng ba dang / byug pa de dag gis/ bcom ldan 'das la mchod nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor nas/ bcom ldan 'das kyi spyan sngar thal mo sbyar te/ tshigs su bcad pa 'di dag smras so// sangs rgyas mi mchog rnams ni bsam mi khyab/ / byang chub rab mchog gnas rnams bsam mi khyab// de bzhin gshegs pa'i chos rnams bsam mi khyab// grags pa rnams kyi spyod pa bsam mi khyab bdag ni mnyan du yod par bu mor gyur/ / tshong dpon bu mo ming ni bsod nams mchog/ bzang mo na tshod dang mo dang yang ldan// pha dang ma yang byams shing yid du mchi// gang yang sangs
- 165a
rgyas ma smad pa yi sras/ / dga' bar byed ces bgyi ba mthu bo che// mnyan du yod par bsod snyoms phyir mchis pa// bdag gi pha yi khang par phyin pa dang // yid du mchi zhing // snyan pa'i sgra thos te// bdag ni rab tu dga' bas bshos thogs nas// de bzhin gshegs pa'i sras po dga' byed pa// mthu bo che dgag na bar mchis nas/ mthong ma thag tu bdag gis sems skyes pa/ / tshul bzhin ma lags 'dod chags ldan par gyur// gal te bsam pa bzhin du ma grub na// bdag ni mi 'tsho 'chi ba'i dus bgyi snyam// tshig kyang smra ba nyid du ma nus te/ bsod snyoms de yang dbul bar ma nus nas// tshul bzhin ma lags 'dod chags kyis gdungs te// de nyid dag tu rdul nas gum par gyur// lus kun rdul shing shi bar shes gyur nas/ bu mo'i pha dang ma ni ngu bar bgyid// ro lags par ni rab tu gnas par sems// gang phyir dge sbyong la yang tshig gcig du// bcom ldan bdag ni 'chi 'pho gyur ma thag/ de tshe bdag ni bud med lus bor te/ / 'od gsal skyes pa'i lus 'di thob par gyur// gum nas bdag kyang mtho ris 'jig rten skyes// bdag gi gzhal med khang 'di mchog grub pa// rin chen rgyu ste de 'dra su lang med/ / lha yi bu mo stong phrag bcu bzhi 'di// bdag gi g.yog tu thob po bcom ldan 'das// de tshe bdag kyang de 'dra'i sems skyes te// 'di 'dra rnam smin bzang po las dag gis//
- 165b
de ltar bsams nas 'di snyam du gyur te// 'di ni 'dod chags sems kyis rnam smin no// dga' byed mgu byed mkhas pa 'od byed la// bdag gi chags pa'i sems kyis brtags pa dang / de yi las kyi rnam smin 'di 'dra ste// de tshe bdag ni 'bar ba'i mthu can gyur// bde bar gshegs pa'i ye shes gar 'jug pa// der ni nyan thos dag dang rang sangs rgyas// der dag sar ni gzhar yang mi 'gyur te/ / 'dod chags sems kyis 'bras bu 'di 'dra na// bdag gis bkur sti bgyi ba ci smos te// bdag gis rgyal ba 'di yis spyan sngar ni// sangs rgyas ye shes byang chub mchog thob sman/ / bskal pa gang+gA'i bye ma snyed du spyad// bdag gi yi dam btang bar mi bgyi zhing // dge ba'i bshes gnyen dga' bar byed pa la// mchod pa yangs shing rgya chen dag kyang bgyid// mngon par byang chub phyir zhugs ma gtogs par// gzhan du 'dren pa rnams la mchod mi 'gyur// byang chub spyod pa dam pa kun spyod bcing // 'dod chags sems kyis bdag la gang blta ga/ de dag bud med lus ni spangs gyur nas// thams cad mi 'jigs skyes bur 'gyur bar shog/ sangs rgyas mthus ni lha'i yi bu pho des// pha ma'i drung du song ste tshig smras pa// dge skyong la ni zhe sdang khro ma byed/ / yun rings dus su sdug bsngal gyur ta re// gang yang bsod nams ldan mchog shi ba de// sum cu rtsa gsum pa dang skal ba mnyam// 'dir ni bud med
- 166a
@#/ lus kyang brjes gyur nas// 'od gas pa lha yi bu mo mdzes par gyur// bde bar gshegs pa de yi gnas song ste// khro sems nyes pa de ni bshags par gyis// sas rgyas de bzhin gshegs pa ma gtogs par/ / sems can dag gis mgon skyabs gzhan med do// 'jigs pa med pa des ni bskul ba dang // pa dang mas kyang sangs rgyas sgra thos nas// thams cad tshogs te lhan cig 'grogs gyur nas// shAkya thub pa'i drung du song bar gyur// skyes bu dam pa'i zhabs la phyag btsal te// khro sems nyes pa dag kyang bshags byas nas// de bzhin gshegs pa la yang skyabs song ste/ / bde gshegs rang byung la yang zhu ba zhus// ci dzam gyis na 'dren la mchod par 'gyur// chos dang dge 'dun la yang ji ltar mchod// zhus pa de yang so sor lung bstan gsol/ / thos nas de bzhin lags kyis mchi bar bgyi// rgyal bas de dag gi ni sems mkhyen nas// 'jigs rten mgon gyis yang dag tshig gsungs pa// gang zhig sangs rgyas kun la mchod 'dod pa/ / byang chub phyir ni bstan pa'i sems skyed cig/ bu mo'i pha dang ma dang gnyen pa rnams// lnga brkyar mi nyung tshang pa de dag kyang // skyes bu khyu mchog gi ni tshig thos nas// de'i tshe byang chub phyir ni sems bskyed do/ / de'i tshe dga' bo dag la bka' stsal pa// ji skad smras pa bzhin du dga' bo nyon// byang chub sems dpa'i bsam spyod bsam mi khyab// thabs la mkhas
- 166b
pa'i shes rab de bzhin no/ / dga' byed smon lam phyi phyir 'debs pa ni// bud med gang dag chags sems kyis blta ba// de ni bud med lus kyang yongs spangs te// skyes bu yangs pa'i sems can 'gyur bar shog/ dga' bo 'di yi yon tan ci 'dra ltos// gang gis sems can gzhan dag dmyal 'gro ba// de nyid dga' bo dag la chags bskyed nas// mtho ras su ni skyes bur 'gyur bar shog/ lha yi bu des ngal bkur sti byas// gus dang bcas pas byang chub mchog gnas so// bskal pa mang por sangs rgyas mchod byas nas// shin tu gzigs shes bya ba'i rgyal bar gyur/ / lnga brgya gang dag byang chub la gnas pa// de dag rnams kyang mi yi mchog tu 'gyur// de la dang phyir bde bas ma yas na// mgon po la ni bkur sti su mi byed/ / gang dag dga' bar byed la chags sems pa// bud med lus spangs skyes par gyur pa ni// gcig dang gnyis dang gsum ni ma yin gyis// bye ba khrag khrig stong phrag mang po ste/ / rtsi yi rgyal po grags pa chen po yi// byang chub de la zhe sdang su zhig bskyed// nyon mongs las kyang bde ba sbyin byed na// de la bkur sti byed pa smos ci dgos// de nas bcom ldan 'das la tshe dang ldan pa dga' bos 'di skad ces gsol to// bcom ldan 'das 'di lta ste dper na/ ri'i rgyal po ri rab lhun po'i drung du/ gang sems dang kyang
- 167a
rung sems zhe sdang yang rung / sems chags pa yang rung / chos la bar chad bgying ba'i sems kyang rung ste/ mchin de thams cad kha dog gcig tu 'gyur ba ni 'od lta ste gser gyi kha dog go/ / bcom ldan 'das de bzhin du gang su yang rung / byang chub sems dpa'i drung du sems dang ngam/ sems zhe sdang ngam/ sems chags pa 'am/ chos la bar chad bgyid pa'i sems kyang rung ste/ mchi na de dag thams cad kha dog gcig tu 'gyur ba ni 'di lta ste/ thams cad mkhyen pa nyid kyi sems kyi kha dog go/ bcom ldan 'das drug ni de ring phan chad byang chub sems dpa' rnams la ri rab lhun po dang 'dra bar 'dzin to/ / bcom ldan 'das 'di lta ste dper na/ sman gyi rnam pa blta na bzang ba la sems can su yang rung ste/ nad rnam pa sna tshogs kyis nyon mongs pa rnams kyis bltas na nad de dag thams cad rab tu zhi bar 'gyur ro// bcom ldan 'das de bzhin du gang su yang rung ste sems dad pa 'am/ sems/ zhe sdang ba 'am/ sems chags pas byang chub sems dpa' la bltas na/ de thams cad kyi 'dod chags dang zhe sdang / gti mug gi nad rnams rab tu zhi bar 'gyur ro// de nas bcom ldan 'das kyis tshe dang ldan pa dga' bo la legs so zhes bya ba byin nas/ dga' bo de bzhin no// dga' bo ji skad smras pa de bzhin no zhes gsungs so// de nas bcom ldan 'das
- 167b
la tshe dang ldan pa 'od srungs chen pos 'di skad ces gsol to/ / bcom ldan 'das ngo mtshar to// bde bar gshegs pa rab tu ngo mtshar to// byang chub sems dpa' chen po rnams ni zhi ba'i ting nge 'dzin la gnas kyang sems can rnams la snying brtse ba'i slad du slar yang 'dod pa'i khams su yang gda'o/ / stong pa nyid dang / mtshan ma med pa dang / smon pa med pa la gnas shing / nyan thos dang rang sangs rgyas kyi chos rnams la yang ma reg la thams cad mkhyen pa'i sems la yang 'bab par bgyid do/ / bcom ldan 'das byang chub sems dpa' sems dpa' chen po ni bsam gyis mi khyab pa'i thabs mkhas pa la gnas la/ de ni 'di lta ste/ chags par 'gyur ba/ gzugs dang / sgra dang / dri dang / ro dang / reg bya thams cad la spyod kyang de dag la chags par mi bgyid do// byang chub sems dpa' sems dpa' chen po rnams las brtsams te/ dpe cung zad cig gcig gsol bar bcom ldan 'das bdag spobs so// bde bar gshegs pa bdag spobs so// bka' stsal pa/ 'od srungs khyod spobs par gyis shig/ bcom ldan 'das 'di lta ste dper na/ 'brog dgon pa zhig mchis la/ 'brog dgon pa de na rtsig pa 'khor ba'i rtse mo'i bar du phyin pa zhig kyang mchis par gyur/ dgon pa de na chang sgo yang gcig pu zhig mchis par gyur/ 'brog dgon pa de nas shin tu rgyang mi ring ba zhig na/ grong khyer zhig kyang mchis la/ 'byor pa dang / bde ba dang / lo
- 168a
legs pa dang / mi'i skye bos gang bar gyur/ gang dag grong khyer der mchis pa/ de dag kyang rga ba dang / 'chi bar mi 'gyur/ grong khyer chen po de'i shul ni mtho gang tsam du gyur la/ de na g.yas g.yon du g.yang sa khru 'bum mchis par gyur cing / 'brog dgon pa de'i dbus na sems can mkhas pa zhib pa yid gzhungs pa/ don 'tshal ba phan par 'tshal ba 'byor pa dang / bde bar 'tshal ba gcig cig skyes la des 'brog dgon pa der sems can de dag la 'brog dgon pa 'di nas shin tu rgyang ring ba zhig na grong khyer zhig yod de/ der su 'gro ba de ni rga ba dang 'chi bar mi 'gyur gyis/ kye sems can dag tshur shog/ grong khyer chen po der 'dong ngo // ngas ni khyed yongs su drang ngo zhes de skad sgra bsgrags/ dbyangs kyis bsnyad pa dang / de na gang dman pa la mos shing 'byung ba'i bsam pa mchis pa de dag ni/ bdag cag bstan pa de dang / yul der mchi yang 'tshal na/ 'di nas kyang mi 'phag la/ gang grong khyer de na yon tan mchis pa de dag kyang 'di na/ mchis bzhin du 'byung bar gyur cig ces mchi'o// gang chen po la mos pa de dag ni bdag cag kyang mchis ste/ khyod ji lta ba bdag cag kyang de 'dra'o zhes de skad mchi'o/ / gang bsod nams chung ba de dag ni sgra de thos pa dang / thos nas yid ches par mi bgyid do// de nas skyes bu mkhas pa de 'brog dgon pa de nas byung nas lam
- 168b
de mthong ngo / / des shul mtho gang tsam pa de mthong nas song ba dang / lam gyi g.yas phyogs na/ g.yang sa khru 'bum dang // g.yon phyogs na g.yang sa khru 'bum mchis na// lam de'i g.yas g.yon du des rtsig pa'i rten bcas te/ grwa bzhis shul de rgal bar bgyid cing / g.yas su yang mi lta g.yon du yang mi lta de'i rgyab nas dgra rnams sgra bsgrogs cing 'jigs par ston kyang de kha phyir yang mi lta ste/ lam du zhugs pa dang / ji lta ji ltar mchi ba de ltar de ltar grong khyer chen po mthong ngo // de lta de ltar de'i 'jigs pa thams cad kyang ma mchis so// grong khyer chen po der byiphyin nas sems can dpag tu ma mchis pa rnams kyis don yang bgyid do/ / bcom ldan 'das 'brog dgon pa zhes bgyi ba ni/ de ltar 'khor ba'i 'brog dgon par blta bar bgyid do// rtsig pa 'khor ba'i rtse mo'i bar du phyin pa zhes bgyi ba ni de ltar ma rig pa dang / sred pa dang / srid par lta bar bgyi'o// srog chags brgya stong mang po 'brog dgon pa de na mchis shes bgyi ba ni de ltar byis pa lta bu so so'i skye bo thams cad du blta bar bgyi'o/ / chab sgo gcig ces bgyi ba ni de ltar theg pa gcig gi lam du blta bar bgyi'o// skyes bu mkhas pa zhes bgyi ba ni/ de ltar byang chub sems dpa' sems dpa' chen por blta bar bgyi'o/ / sems can dman pa la dad pa 'byung ba'i bsam pa mchis pa gnas de nas kyang mi 'phags la/ grong khyer gyi yon tan kyang 'tshal zhes
- 169a
bgyi ba ni nyan thos dang rang sangs rgyas su blta bar bgyi'o/ / gzhan dag bdag cag kyang mchi ste/ khyod ci 'dra ba bdag cag kyang de 'dra bo zhes mchi ba ni de ltar byang chub sems dpa' dag tu blta bar bgyi'o/ / sgra thos kyang yid ches par ma gyur ces bgyi ba ni/ de ltar mu stegs can gzhan dag tu blta par bgyi'o// 'brog dgon pa nas 'byung zhes bgyi ba de ltar thams cad mkhyen par bsngos pa'i brtson 'grus su blta bar bgyi'o/ / shul mtho gang tsam zhes bgyi ba ni de ltar chos kyi dbyings su blta bar bgyi'o// g.yas g.yon na g.yang sa khru 'bum mchis shes bgyi ba ni/ de ltar nyan thos kyi sa dang rang sangs rgyas kyi sar blta bar bgyi'o// g.yas g.yon gyi phyogs su rtsig pa'i rten bcas zhes bgyi ba ni/ de ltar thabs mkhas pa dang / shes rab kyi pha rol tu phyin pa dang / ldan pa'i brtson 'grus su blta bar bgyi'o// grwa bzhis mchi bar bgyid ces bgyi ba ni bsdu ba'i dngos po bzhis sems can grangs ma mchis dpag tu ma mchis pa rnams sdud pa la bgyi'o/ / rgyab logs nas dgra' mi ngag 'jigs pa ston zhes bgyi ba ni de ltar bdud dang bdud kyi ris kyi lha rnams su blta bar bgyi'o// de bzhin du gang sems can ma rungs pa byang chub sems dpa' rnams la bcal bar bgyid/ bsting bar bgyid smod par bgyid pa gzhan dag la yang blta bar bgyi'o// kha phyir mi lta zhes bgyi ba ni bzod
- 169b
pa'i pha rol tu phyin pa dang / bsam pa lhag pa'i tshig bla dgas lags so// g.yas g.yon du mi lta zhes bgyi ba ni nyan thos dang rang sangs rgyas kyis mi 'tshal bas thams cad mkhyen pa'i ye shes kyi tshogs bla dgas lags so/ / ji lta ji ltar grong khyer mthong ba de lta de ltar 'jigs pa ma mchis par 'gyur zhes bgyi ba ni/ de ltar ji ltar sangs rgyas kyi yon tan mthong zhing sangs rgyas kyi spyod pa dang / ye shes la rtog pa dang / shes rab kyi pha rol tu phyin pa dang / thabs mkhas pa la bslabs pa de lta de ltar sems can rnams la mi 'jigs shing the tsom ma mchis pa la bgyi'o// grong khyer du phyin nas sems can dpag tu ma mchis pa'i don bgyid ces bgyi ba ni/ de bzhin gshegs pa'i tshigs bla dgas lags so// bcom ldan 'das byang chub sems dpa' ni ye shes dang ldan pa lags te/ bcom ldan 'das byang chub sems dpa' sems dpa' chen po la phyag 'tshal lo// de nas bcom ldan 'das kyis tshe dang ldan pa 'od srungs chen po la legs so zhes bya ba byin te/ 'od srungs legs so legs so// 'od srungs khyod kyis 'dir dpe bshad pas lha dang mi'i skye dgu srog chags khri nyis stong gis bla na med pa yang dag par rdzogs pa'i byang chub tu sems bskyed do'od srungs byang chub sems dang 'thabs mkhas pa la gnas pa ni/ yon tan dpag tu med pa dang ldan pa yin te/ 'od srungs byang chub sems dpa' ni gang bdag la gnod par 'gyur ba dang / gzhan
- 170a
la gnod par 'gyur ba'i las de lta bu ni mi byed do/ / de skad ces bka' stsal pa dang / bcom ldan 'das la byang chub sems dpa' ye shes bla mas 'di skad ces gsol to/ / bcom ldan 'das 'o na ji ltar na byang chub sems dpa' skye ba gcig gis thogs pas de bzhin gshegs pa 'od srungs kyi gsung rab las mgo reg 'di mthong bas chog go/ dge sbyong mgo reg 'di la byang chub ga la yod/ byang chub ni shin tu dkon pa'o zhes tshig smras par gyur/ bcom ldan 'das de skad smras pa'i don gang lags/ de skad ces gsol pa dang / bcom ldan 'das kyis byang chub sems dpa' ye shes bla ma la 'di skad ces bka' stsal to// rigs kyi bu chog go// de bzhin gshegs pa dang / byang chub sems dpa' la drod ma 'dzin cig/ de ci'i phyir zhe na/ byang chub sems dpa' ni thabs mkhas pa bsam gyis mi khyab pa dang ldan pa yin te/ skyes bu dam pa de dag ni ji ltar ci nas kyang / sems can 'ang 'dul bar 'gyur ba de lta de ltar gnas pa yin no/ / rigs kyi bu legs par shin tu nyon la yid la zung shig dang / thabs mkhas pa zhes bya ba'i chos kyi rnam grangs khyod la bshad byang chub sems dpas mar me mdzad tshun chad bsam gyis mi khyab pa'i thabs bstan pa de las chung zad tsam zhig bstan to/ / rigs kyi bu gang gi tshe na/ byang chub
- 170b
sems dpas mar me mthong ma thag tu mi skye ba'i chos la bzod pa tshun chad/ byang chub sems dpa' la 'khrul pa med/ ca co med/ dran pa nyams pa med de/ rigs kyi bu byang chub sems dpa' bzod pa thob pa ni 'dod na nub bdun gyis byang chub thob par 'gyur ro/ / 'dod na sems can yongs su smin par bya ba'i phyir/ bskal pa brgyas byang chub thob par 'gyur ro// gal te slar yang srid par 'ongs na shes rab kyi stobs kyi mthu skyed pas gang gi tshe 'dod pa de'i tshe 'tshang rgya'o// 'dod na phyi ma'i mthar thug par gnas kyang skyo bar mi 'gyur te/ de ni byed chub sems dpa'i thabs mkhas par shes par bya'o/ / rigs kyi bu gzhan yang nyan thos ni ji ltar byang chub sems dpa'i zhi ba'i ting nge 'dzin la snyoms par 'jug pa bzhin du ting nge 'dzin zhi ba yin te/ de'i lus kyang mi g.yo// de'i sems kyang mi g.yo zhing bdag yongs su mya ngan las 'das par 'dzin to// byang chub sems dpa' sems dpa' chen po ni zhi ba'i ting nge 'dzin de la snyoms par zhugs nas/ sems can smin par byed cing bsdu ba'i dngos po bzhi'i brtson 'grus kyang mi gtong / pha rol tu phyin pa drug gi brtson 'grus kyang mi gtong ste/ de yang byang chub sems dpa'i thabs mkhas pa'o// rigs kyi bu byang chub sems dpa' ni 'dod na/ dga' ldan gyi khang pa na 'dug bzhin du/ byang chub mngon par rdzogs par 'tshang
- 171a
rgya zhing / chos kyi 'khor lo yang bskor bar 'gyur na/ gang 'dzam bu gling gi mo de dag chos nyan pa'i phyir lha'i khang par 'gro mi nus nas/ byang chub sems dpa' 'ja snyam du sems te/ lha dag ni chos nyan pa'i phyir 'dzam bu'i gling du 'bab nus kyis/ 'dzam bu'i gling gi mi rnam ni chos nyan pa'i phyir lha'i khang par 'gro mi nus so snyam nas/ de'i phyir byang chub sems dpa' 'dzam bu gling du byang chub mngon par rdzogs par 'tshang rgya ste/ de yang byang chub sems dpa'i thabs mkhas par blta'o// byang chub sems dpa' ni 'dod na dga' ldan gyi gnas nas shi 'phos te/ ma'i mngal gyi khyim du ma zhugs par de'i mod nyid la byang chub mngon par rdzogs par 'tshang rgya bar 'gyur na/ de la sems can kha cig the tsom skye bar 'gyur te/ 'di lha 'am dri za 'am/ sprul pa zhig gam 'di ga las 'ongs pa zhig ces de dag the tsom du gyur nas/ chos nyan par mi 'gyur bas rgyu de dang rkyen de'i phyir byang chub sems dpa' mngal du gnas par ston te/ de yang byang chub sems dpa'i mkhas par shes par bya'o// rigs kyi bu yang byang chub sems dpa' ni mngal gyi mel du zhugs so snyam du khyod de ltar ma lta zhig/ byang chub sems dpa' ni mngal gyi mal du zhugs pa med do// de ci'i phyir zhe na/ byang chub sems dpa' ni byang chub sems dpa'i ting nge 'dzin dri ma med pa
- 171b
zhes bya ba de la snyoms par zhugs nas ma song bzhin du byang chub kyi snying po la 'dug ste/ dga' ldan gnas kyi lha rnams kyang byang chub sems dpa' shi 'phos so snyam du 'dzin cing de na de mi mthong mod kyi/ byang chub sems dpa' sems dpa' chen po dga' ldan gyi gnas nas kyang mi g.yo la/ sprul pas bya ba thams cad dang / mngal du 'jug pa dang / skye ba dang / mngon par 'byung ba dang / dka' bar spyod pa thams cad ston te/ de thams cad ni byang chub sems dpa'i sprul pa yin no// de ci'i phyir zhe na/ byang chub sems dpa' ni gtsang mar spyod pas slar yang mngal gyi mal du mi 'jug ste/ de yang byang chub sems dpa'i thabs mkhas par shes par bya'o// de ci'i phyir zhe na/ byang chub sems dpa' ba glang gi bu dkar por bsgyur te/ ma'i mngal du 'jug par ston ce na/ dkar po'i phyogs yin pa'i tshig ste/ byang chub sems dpa' sems can thams cad khyad zhugs pas de'i phyir/ ci nas kyang lha dang yang mi 'dra mi dang yang mi 'dra bar de ltar 'jug pa bstan par bya dgos te/ de yang byang chub sems dpa'i thabs mkhas par shes par bya'o// de ci'i phyir zhe na/ byang chub sems dpa'i ma'i mngal na zla ba dgur mi gnas par zla ba bcur gnas she na/ sems can kha cig kye ma'o// 'di ni mngal na gnas pa'i dus ma tshang bas/ dbang po nyamasas pa zhig byung ngo zhes de ltar sems
- 172a
pa'i phyir/ mngal na dbang po yongs su rdzogs par ston pas zla ba bcur gnas kyi dgur ma yin te/ de yang byang chub sems dpa' thabs mkhas par shes par bya'o// ci'i phyir na/ byang chub sems dpa' gro dang grong khyer du ma skyes kyi dgon par skyes she na/ byang chub sems dpa' ni yun ring po nas dgon pa shin tu dgon pa'i bsngags pa brjod par byed la/ dben pa na gnas shing gtsang mar spyod pa dang / khyim gyi nang du song bar gyur pa na/ lha dang klu dang / ge nod sbyin rnams kyis lha'i dri dang phye ma dang / me tog dag gis rgyun ma chad par mchod pa byed mi nus pa dang / grong khyer ser skya'i sems can dag rab tu dga' bar gyur pas/ rgyu dang rkyen de'i phyir byang chub sems dpa' dgon par skyes so// ci'i phyir na/ byang chub sems dpa' ma'i dku brtol te/ ma'i mngal gyi mal du zhugs she na/ sems can gang dag byang chub sems dpa' ni pha ma'i mer mer po las gyur pa yin gyi/ brdzus te skyes pa ma yin no snyam du sems pa'i sems can de dag gi the tsom gcod pa'i phyir/ byang chub sems dpa' ma'i ngaku brtol te zhugs so// zhugs nas kyang rma dang / bu gar ma gyur la yum sgyu ma yang de'i tshe bde ba myong ba lta bu sngon ma myong ngo / / ci'i phyir na/ byang chub sems dpa'i ma shing blags sha'i yal ga la 'jus te/ sha 'chus su nas byang chub sems dpa' skyes she na/ sems can gang dag
- 172b
lha mo sgyu ma ni bud med gzhan bzhin du sdug bsngal ba'i tshor bas byang chub sems dpa' bskyed do snyam du/ de ltar sems dpa' sems can de dag la bde bar bstan pa'i phyir/ byang chub sems dpa'i mas shing blags sha'i yal ga la 'jus nas sha 'chus su byas te/ byang chub sems dpa' bskyed do// ci'i phyir na/ byang chub sems dpa' skye gnas dang lus kyi phyogs gzhan nas mi 'byung bar/ ma'i mngal brtol te dran bzhin du shes bzhin du mal nas 'byung zhe na/ byang chub sems dpa' ni gtsang mar spyod la/ 'jig rten gsum po thams cad kyi mchog yin pas/ de skye gnas la'ang mi skye zhing skye ba bstan dgos la/ sems can tha ma gzhan dag dang yang mi 'dra ste/ de bas na byang chub sems dpa' ma'i ku brtol nas/ mngal gyi mal nas 'byung zhing skyes ma thag tu de'i tshe na glo la rma yang med do/ / ci'i phyir na/ byang chub sems dpa' skyes ma thag tu brgya byin lha'i dbang pos blangs kyis/ mir gyur pa gzhan dag gis ma yin zhe na/ byang chub sems dpa'i dge ba'i rtsa ba shin tu 'bar ba dang / byang chub sems dpa' skyes ma thag tu de ltar brgya byin lha'i dbang pos blangs par shog shig ces smon lam btab pa'i phyir ro// ci'i phyir na/ byang chub sems dpa' skyes ma thag tu ma blangs par gom pa bdun por gyi/ drug dang brgyad ma yin zhe na/ rdzu 'phrul dang / rnam par 'phrul pa dang / skyes bu dam par sngon sus kyang ma bstan pa
- 173a
bstan dgos la/ sems can gang dag gi don gom pa bdun bor te bya ba de/ gom pa drug gis kyang mi nus la gom pa brgyad bor na yang lhag par gyur pas/ de'i phyir byang chub sems dpa' skyes ma thag tu ma blangs par bdun por gyi/ drug dang brgyad ma yin no// ci'i phyir na/ byang chub sems dpa' gom pa bdun bor nas nga ni 'jig rten na gtso bo yin te/ skye ba dang rga ba dang / 'chi ba mthar bya'o zhes tshig tu smra zhe na/ 'khor de na tshangs pa dang / lha mthu che ba dag lhags shing 'khod de/ nga rgyal can du gyur pa de dag bdag cag gtso bo yin gyi/ 'di ni ma yin no snyam du sems shing de dag byang chub sems dpa' la 'dud par mi byed/ yang dag par 'dud par mi byed pas de'i phyir byang chub sems dpa' sems dpa' chen po 'di snyam sems te/ tshangs pa dang lha 'di dag yun ring por phan par med par gyur du 'ong ngo zhes/ de'i phyir byang chub sems dpas 'jig rten nang mchog go// skye ba dang / rga ba dang / 'chi ba mthar 'byin to zhes smra zhing sgra des kyang stong gsum gyi stong chen po'i 'jig rten gyi khams su bsgo ba dang / gang byang chub sems dpa' ma lhags pa de dag kyang sgra des lhags par gyur nas/ de'i tshe tshangs pa de dag dang lha'i bu de dag byang chub sems dpa' la thal mo sbyar nas 'dud par gyur to/ / rgyu de dang rkyen de'i phyir byang chub sems dpa' 'jig rten nga mchog go// nga mchog go// skye ba dang
- 173b
rga ba dang / shi ba mthar 'byin no// zhes de skad kyi tshig smra'o// ci'i phyir na/ byang chub sems dpa' gad mo cher dgod ce na/ byang chub sems dpa' ni g.yem pa'i dgod pa'am / cher dgod pa med mod kyi/ byang chub sems dpa' ni 'di snyam du sems te/ sems can 'di dag ni 'di nyid du nga dang lhan cig tu byang chub tu sems bskyed na/ ngas byang chub thob kyang 'di dag le lor gyur pas/ da dung 'khor ba stug por las te/ kye ma'o sems can 'di dag ni thams cad mkhyen par 'gyur ba'i thar pa'i lam la brtson 'grus kyi brtsom ste/ de dag da ltar bdag la phyag 'tshal na/ de dag ji ltar na thams cad mkhyen pa nyid la brtson 'grus brtsom par 'gyur zhes snying rje chen po bskyed nas dman pa dang / bag med pa'i sems can dang bdag gi bsam pa yongs su rdzogs pa shes nas/ byang chub sems dpa' gad mo tshor dgod do// ci'i phyir zhe na/ byang chub sems dpa' dri ma med bzhin du khrus byed ce na/ brgya byin dang tshangs pas mchod pa'i las byas pa'i phyir te/ byang chub sems dpas ni nges par 'jig rten shes pa'i rjes su 'jug par bya dgos te/ skye ba mthong nas byang chub sems dnga'adri ma med kyang nges par khrus bya'o/ / 'phags pa thabs mkhas pa zhes bya ba theg pa chen po'i mdo// // bam po gnyis pa ste tha ma'o//
- 174a
ci'i phyir na/ byang chub sems dpa' dgon par skyes ma thag tu/ byang chub kyi snying por mi 'gro bar de nas slar khyim du 'jug ce na/ dbang po yongs su rdzogs par bya ba dang / sbas pa'i phyi bstan pa'i phyir/ dga' ba dang rtse ba chen po de dag bstan nas khyim nas mngon par 'byung bar byed do// gling chen po bzhi spang bar bstan pas na/ nga'i rjes su slob pa gzhan dag kyang dga' ba dang / rtse ba chen po spangs nas rab tu 'byung ba'i phyir khyim nas mngon par 'byung ste/ rgyu de dang rkyen de'i phyir byang chub sems dpa' slar khyim du zhugs so// ci'i phyir na// byang chub sems dpa'i ma nyi ma bdun lon pa dang / 'chi ba'i dus byed ce na/ lha mo sgyu ma tshe zad nas 'chi ba'i dus byas kyi byang chub sems dpa'i nyes pa ni ma yin no// 'di la byang chub sems dpa' dga' ldan gyi gnas nyid na gnas shing / lha'i mig gis lha mo sgyu ma'i tshe la brtogs nas/ nam lha mo sgyu ma'i tshe zla ba bcu dang / nyi ma bdun lus par shes pa dang / de'i 'og tu byang chub sems dpa' dga' ldan gyi gnas nas shi 'phos te ma'i mngal du 'jug go/ / de bas na rnam grangs de kyang lha mo sgyu ma ni tshe zad nas 'chi ba'i dus byas kyis/ byang chub sems dpas nyes pa ma yin no/ / ci'i phyir na byang chub sems dpa' bzo slob ce na/ 'jig rten gyi rjes su 'jug pa'i phyir du zad kyis/ byang chub sems dpa' ni stong gsum gyi stong
- 174b
chen po'i 'jig rten gyi khams na gtsug lag gam/ glu 'am gar ram sngags sam rig sngags sam/ thabs sam/ dgod pa 'am/ tsha ba 'am/ rtse ba 'am blta ba gang yang thog mar ma bslabs pa med do/ / ci'i phyir na/ byang chub sems dpa' chung ma len ce na/ byang chub sems dpa' ni 'dod pa dgos par byed pa ma yin no// ci'i phyir na/ skyes bu dam pa de ni de'i tshe 'dod pa dang bral ba yin mod kyi byang chub sems dpas ni nges par skyes par bstan dgos te/ sems can kha cig byang chub sems dpa' la skyes pa ma yin gyi nga la ma ning gi rang bzhin can no zhes de snyam du sems par mi 'gyur zhing / de dag gi the tsom gcod pa dang / 'di lta ste/ sras nor sbyin len bstan pa'i phyir/ byang chub sems dpas shAkya'i grags 'dzin la sogs pa blangs so/ / nor sbyin 'dzin mer mer po las gyur pa'o zhes gang de 'di snyam du 'dzin na/ de ltar mi lta'i nor sbyin 'dzin ni lha las shi 'phos te/ 'dir skyes pas pa ma'i mer mer po las gyur pa ma yin gyi/ rdzus te skyes par shes par bya'o// yang sngon gyi smon lam gyis shAkya'i bu mo grags 'dzin blangs pa yin te/ mar me mdzad tshun chad skye ba'i tha ma'i bar du khyod kyi chung mar gyur cig ces smon lam btab la/ sangs rgyas la dge ba'i rtsa ba bskyed pa de yang bslu bar mi 'gyur bas na/ de'i phyir shAkya'i bu mo grags 'dzin blangs
- 175a
so/ yang sems can 'di dag ni 'dod pa'i nyes pa can khyim gyis bya ba la zhen pa yin pas de dag spangs te/ rab tu 'byung bar mi nus nas/ de dag gi phyir yang byang chub sems dpa' sems dpa' chen po g.yog len to/ / yang 'di ni chung ma bzang mo'i g.yog 'di lta bu spangs te/ rab tu 'byung nas bdag lta ci'i phyir rab tu mi 'byung zhes de snyam du sems par 'gyur zhing / yang byang chub sems dpa' byang chub sems dpa'i spyad pa spyod pa'i nang na gang bud med gzhon nu dag yongs su smin par byas nas de dag kyang mdzab 'di gcugs pas srid pa tha ma'i bar du bdag cag khyod kyis chung mar gyur cig ces smon lam btab la/ de dag gi chos dkar po de rnams kyang shin tu yongs su smin par bya ba'i phyir/ byang chub sems dpa' g.yog len te/ de la byang chub sems dpa' slas kyi nang na gnas nas bud med bzhi khri nyis stong bla na med pa yang dag par rdzogs pa'i byang chub tu yongs su smin par byas so// lhag ma dag kyang mi ltung ba'i chos dang ldan par byas so/ / rnam grangs de'i phyir yang byang chub sems dpa' g.yog len gyi/ gang bud med kyi 'dod chags yongs su gdung bas yongs su gdungs pa de yang byang chub sems dpa' mthong ma thag tu bdag 'dod chags dang bral bar shes so/ / yang byang chub sems dpa' ni bdag gi chu zheng dang 'dra bar sprul pa dag sprul nas/ bud med de dag
- 175b
sprul pa de rnams dang rtse dga' yongs su spyod cing / bdag cag ni byang chub sems dpa' dang lhan cig tu rtse dga' zhing yongs su spyod do snyam du sems mod kyi/ byang chub sems dpa' sems dpa' chen po bsam gtan dang ting nge 'dzin gyi dga' ba dang bde ba la gnas so/ / 'di la sprul pa rnams kyang 'dod pa la dga' ba dang yongs su spyod pa ji lta ba/ mar me mdzad tshun chad kyi byang chub sems dpa' 'dod pa la yongs su spyod pa thams cad kyang de bzhin blta'o/ / bran ts+tshan da ka dang rta kan tha ka yang sngon gyi smon lom las gyur par blta'o// ci'i phyir na/ byang chub sems dpa' shing 'dzam bu'i grib ma ni bsam gtan byed ce na/ byang chub sems dpa' de na gnas pas lha bye ba phrag bdun cu brtul zhing de nges par mngon par khyim nas 'byung bar pha ma la bstan pa'i phyir ro/ / ci'i phyir na/ bskyed mos tshal du song zhe na/ rgas pa dang nad kyis btab pa dang 'chi ba bstan pa'i phyir te/ gnyen dag ni byang chub sems dpa' rga ba dang na ba dang 'chi bas 'jigs skrag nas khyim nas mngon par 'byung gi/ gnyen la gnod par 'dod pa ni ma yin no zhes de ltar shes par 'gyur ro// ci'i phyir na/ byang chub sems dpa' mtshan mo nam phyed kyi dus kyi tshe/ khyim nas mngon par 'byung gi nyin mo ni mi 'byung zhe na/ de na 'dug na dge ba'i rtsa ba mi 'phel nas
- 176a
chos dkar po 'dod pas nam phyed nam dris par de nas 'gro bar bya ba dang / bde ba'i yo byad kyang spang bar bya'i/ chos dkar po'i phyogs ni yongs su gtong bar mi bya'o zhes sems can rnams la bstan pa'i phyir ro/ / ci'i phyir na/ skye bo dag gnyid kyis log par byas she na/ lha rnams kyis nyes par bstan pa'i phyir te/ skye bo dag byang chub sems dpa' la zhe sdang gi tha ba skye bar mi 'gyur ba dang / de dag yun ring por gnod pa dang mi phan pa dang / ltung bar mi 'gyur bar bya ba'i phyir/ lha rnams kyis gnyid log par byas te/ lha rnams kyis sgo phye nas/ lha rnams kyis bar snang las khrid pas lha rnams kyis nyes kyis/ byang chub sems dpa'i nyes pa ma yin te/ byang chub sems dpa' sems dpa' chen pos mnyes so zhes dad pa ma rnyed par mthong nas/ gnyid log par byas so// ci'i phyir na/ byang chub sems dpa' rang gis ral gris sgra bcad ce na/ de ltar stong gsum gyi stong chen po'i 'jig rten gyi khams na lha 'am klu 'am/ gnod sbyin nam/ mi 'am ci gang yang byang chub sems dpas dpal dang gzi brjid zil gyis mnan te/ sgra gcod nus pa su yang med ces rgyal po zas gtsang ma des thos na yang / ji ltar byang chub sems dpa' nyid kyis sgra gcad par mthong nas/ khro bar mi 'gyur zhing sus nga'i bu'i sgra gcad ces de la bsad
- 176b
pa'am chad par mi 'gyur bar bya ba'i phyir ro/ / ci'i phyir na/ rta dang rgyan rnams bran ts+tshan da ka'i lag tu byin ce na/ chog shes pa dang / byang chub sems dpa' gser dngul mi 'dod/ cing dngos po thams cad la mi lta bar rab tu 'byung bar bstan pa'i phyir ro// yang byang chub sems dpas skye bo pha ma dag bslabs dgos te/ bstan pa 'di la gang rab tu 'byung ba de dag nga'i rjes su bslob cing dngos po thams cad la mi lta bar 'phags pa'i rigs bzhi la gnas nas/ rab tu 'byung bar 'gyur gyi/ thog ma nyid nas rab tu 'byung ba'i tshe'i phyir rab tu 'byung bar mi 'gyur bar bya ba'i phyir ro/ / yang rigs kyi bu ci'i phyir na/ byang chub sems dpas lo drug tu dka' ba sprang po nyon cig/ byang chub sems dpa'i ni las kyis bsgribs pa'i nyes pas bka' ba spyod pa spyad pa ma yin gyi/ byang chub sems dpa' thabs mkhas pas ni nges par sems can rnamaso la las kyi bya ba bstan dgos te/ rigs kyi bu byang chub sems dpas de bzhin gshegs pa dgra bcom pa yang dag par rdzogs pa'i sangs rgyas 'od srungs gi gsung rabs la mgo reg la byang chub ga la yod ces smras pa de yang byang chub sems dpa' thabs mkhas par blta'o/ / dgongs pa'i tshig tu blta'o// byang chub sems dpas ji ltar dgongs te tshig de skad smras she na/ rigs kyi bu 'di lta ste/ de'i tshe de'i dus na/ khye'u skar ma skyong gi ne'u ldang bram ze'i
- 177a
bu shing sbrul chen po lta bu/ byang chub sems dpa'i theg pa la gnas pa lnga yod de/ de dag sdig pa'i grogs po'i dbang gis byang chub kyi sems brjed par gyur nas rigs kyi bu lnga po de dag sangs rgyas kyi brtul zhugs can ma yin gyi/ mu stegs kyi brtul zhugs ldan pa/ mu stegs kyi gsang sngags la brtson par byas bdag cag gi yang byang chub yod do/ / bdag cag kyang sangs rgyas so zhes bdag nyid ston par 'dzin to// de nas khye'u skar ma skyong gis/ rigs kyi bu lnga po de dag snong du gyur par rtogs nas/ mgo reg la byang chub ga la yod/ byang chub ni shin tu dkon na/ de mthong ste ci rung zhes mu stegs can de dag gi drung du tshig de skad smras so// khye'u skar ma skyong gis mu stegs can de dag gi drung du mgo reg la byang chub ga la yod/ byang chub ni shin tu dkon pa'o zhes tshig de skad smras pas rigs kyi bu lnga po de dag rims kyis yongs su smin par byas par gyur to/ / 'di lta ste/ rigs kyi bu khye'u skar ma skyong ne'u lding lnga po de dag dang / sa'i phyogs gzhan zhig na 'dug par gyur pa'i dus kyi tshe yod de/ de nas rdza mkhan rdze'u byed pa zhig sa'i phyogs de gal ba der song nas/ de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod cing
- 177b
khye'u skar ma skyong la tshur shog/ de bzhin gshegs pa dgra bcom pa yang dag par rdzogs pa'i sangs rgyas 'od srung gi drung du 'dong ngo zhes de skad ces smras pa dang de nas khye'u skar ma skyong 'di snyam du gyur to/ / kye ma'o sems can 'di dag ni dge ba'i rtsa ba yongs su smin na/ gang bdag gis de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod la/ mu stegs can gyi ni mi bsngags pa brjod dang rigs kyi bu de dag dogs shing 'ong du mi btub par 'gyur ro snyam nas khye'u skar ma skyong gis thog ma'i yi ngapa de nyid srung zhing / shes rab kyi pha rol tu phyin pa'i ye shes dang rgyu mthun pa'i thams mkhas pas mgo reg la byang chub ka la yod/ byang chub ni shin tu dkon pa'o zhes de skad kyi tshog sbas so 'ji ltar na shes rab kyi pha rol tu phyin pa'i ye shes dang rgyu mthun pa yin zhe na/ byang chub sems dpa' shes rab kyi pha rol tu phyin pa la spyod pa ni/ byang chub tu 'du shes par mi 'gyur/ sangs rgyas su 'du shes pa med/ sangs rgyas kyi ye shes su 'du shes pa med/ byang chub sems dpar yang mi mthong / byang chub nang du yang mi mthong / byang chub phyi logs su yang mi mthong / byang chub nang dang phyi logs su yang mi mthong ste/ byang chub ni shin tu stong ngo snyam du sems shing / khye'u skar ma skyong des chos thams cad ma dmigs nas thabs mkhas pas mgo//
- 178a
#/ reg la byang chub ka la yod// byang chub ni shin tu dkon pa'o zhes de skad kyi tshig smras so// de nas khye'u kar sa dang ne'u ljang lnga po de dag dang lhan cig tu chu 'gram zhig nakaH/ pa dang de nas sangs rgyas kyi mthus rigs kyi bu lnga po de dag kun 'dul ba'i dbang du bya ba'i phyir rdza mkhan rje'u byed pas/ skar ma skyong mi 'gro ba dang sgra nas bzung ste/ yang dag par rdzogs pa'i sangs rgyas 'od srung ga la ba der song ste/ gzhon nu lnga po de dag gis kyang rdza mkhan rdze'u byed pa de la phrugs ma byed bzhin du yang dag par rdzogs pa'i sangs rgyas 'od srung ga la ba der phyir nas/ de bzhin gshegs pa dgra bcom pa yang dag par rdzogs pa'i sangs rgyas 'od srung mthong ma thag tu sngon gyi de bzhin gshegs pa'i rtsa ba'i rgyun gyis dad pa rnyed do// de dag dad pa rnyed nas khye'u skar ma skyong la 'di 'dra ba'i ston pa bzhugs na/ thog mar mi sbran par zhes gshe bar gyur to// de nas bram ze'i bu shing sA la chen po lta bu lnga po de dag gis de bzhin gshegs pa dgra bcom pa yang dag par rdzogs pa'i sangs rgyas 'od srung gi dpal dang gzi brjid dang / spobs pa mthong nas/ bla na med pa yang dag par rdzogs pa'i byang chub tu sems bskyed do/ / de nas de bzhin gshegs pa dgra bcom pa yang dag par rdzogs pa'i sangs rgyas 'od srung gis ci nas kyang rigs kyi bu lnga po de dag gis mi skye ba'i chos la bzod
- 178b
ba thob par 'gyur ba'i de lta de ltar byang chub sems dpa'i sde snod phyir mi ldog pa'i 'khor lo'i chos kyi rnam grangs bshad do/ / rigs kyi bu de 'di lta ste/ nga ni sangs rgyas kyi ye shes kyis lung bstan to/ / rigs kyi bu gal te khye'u skar ma skyong gis de bzhin gshegs pa 'od srung gi bsngags pa brjod du zin na/ rigs kyi bu lnga po de dag de bzhin gshegs pa dgra bcom pa yang dag par rdzogs pa'i sangs rgyas 'od srung gi drung du 'gro ba'i gnas dang skabs med de/ rigs kyi bu 'di lta ste/ byang chub sems dpa' ni sangs rgyas dang byang chub la the tsom med mod kyi byang chub sems dpa' lnga po de dag yongs su smin par bya ba'i phyir/ shes rab kyi pha rol tu phyin pa dang rgyu mthun pas mgo reg la byang chub ga la yod/ byang chub ni shin tu dkon no zhes de skad kyi tshig smras te/ de yang byang chub sems dpa'i thabs mkhas par shes par bya'o// byang chub sems dpa' lnga po de dag kyang smin par bya dgos la/ las kyi rnam par smin pa'ang bstan dgos pas/ las de'i phyir ngas dka' ba spyod pa spyad de/ sems can gzhan dag mi shes par tshul khrims dang ldan pa'i dge sbyong dang / bram ze dag mthong nas tshig tu smra ba mi 'gyur ba dang / shes sam mi shes kyang rung ste/ smras na de'i phyir de dag yun ring por gnod pa dang mi phan pa dang mi bde ba dang / sdug bsngal ba dang / ltung bar 'gyur
- 179a
ro zhes sems can de dag gi las kyi bya ba yang bstan pa'i phyir ro/ / de bzhin gshegs pa de las ston mod kyis/ byang chub sems dpa'i las kyi sgrib pa ni gang yang med do/ / yang tshul khrims dang ldan pa la gang dag gis tshig rtsub po smras nas/ bdag cag ni rnam par grol ba'i skal ba med do snyam ste 'gyod pa la gnas shing / phyin chad mi brtson pa'i sems can de dag gi the tsom gsal ba'i phyir/ byang chub sems dpa' sems dpa' chen po skye ba gcig gis thogs pas de skad kyis tshig smras na/ de yang rnam par grol ba'i phyir skal ba yod na/ bdag cag mi shes pa lta ci smos zhes de dag nyes pa de 'chags shing gzhan dag kyang mi byed pa'i phyir de skad kyis tshig smras so// yang rigs kyi bu mu stegs can rnams gdul ba'i phyir ngas lo drug tu dka' ba spyad kyis sgrib pa'i phyir ni ma yin no/ / dge sbyong dang bram ze dag til dang rgya shug dang 'bras kyi 'brum bu re re za bas/ lo drug 'das par byas te de yang 'phags pa'i lam ma thob nas/ zas ngan pas rnam par dag par mi 'gyur te/ rgyu de dang rkyen de'i phyir byang chub sems dpa' sems dpa' chen pos/ mgo reg la byang chub ga la yod/ byang chub ni shin tu dkon no zhes de skad kyi tshig smras te/ las kyi bya ba de la dmigs shing lo drug tu dka' ba spyod pa spyad de/ byang chub sems dpas lo drug gis dman pa la dad pa'i lha dang phyi rol
- 179b
drang srong 'bum phrag lnga bcu rtsa gnyis kyis ye shes rtogs pa'i don byas par gyur to/ / de dag kyang dman pa la spyod pas yongs su smin par byas te/ rigs kyi bu de yang byang chub sems dpa'i thabs mkhas par shes par bya'o/ / ci'i phyir na/ byang chub sems dpa' lus ring bzhin du byang chub kyi shing drung du mi 'gro bar zas zos la stobs dang mthu bskyed de 'gro'o zhe na/ byang chub sems dpa' ni zas med par lus rid par byang chub mngon par rdzogs par 'tshang rgya bar nus mod kyi/ byang chub sems dpas phyi ma'i skye bo dag la snying brtse ba'i phyir/ zas zos te/ sems can mi mkhas pa zas med par ye shes tshol bar mi 'gyur bar byed de/ de dag bkres pas nyen na ye shes sgrub mi nus so// de ci'i phyir zhe na/ bde bar gyur pa rnams ni chos mngon par smra'i sdug bsngal ba rnams ma yin te/ ci nas kyang nga'i rjes su slob cing sems can de dag bde ba bstan pa'i phyir/ byang chub sems dpa' sems dpa' chen pos zas zos so// grong gi/ bu mo byang chub kyi phyogs yongs su rdzogs par byang ba'i phyir yang byang chub sems dpas de'i zas zos te byang chub thob mod kyi/ byang chub sems dpa' ni ting nge 'dzin gcig gis bskal pa stong du 'dug nus so/ / ci'i phyir zhe na/ byang chub sems dpa' rtswa dag tshol zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyang / rtswa'i gding ba la
- 180a
dgyes kyi stan la dgyes par mi mdzad pas/ chog shes par bya ba dang / rtsa bun bkra shis ldan byang chub kyi phyogs yongs su rdzogs par bya ba'i phyir te/ de'i phyir byang chub sems dpa' la rtswa phul bas rigs kyi bu de ni ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad ces bya bar 'gyur bar ngas de la lung bstan to/ / ci'i phyir na/ byang chub sems dpa' byang chub kyi shing drung du 'dug nas myur du bla na med pa yang dag par rdzogs pa'i byang chub tu mngon par rdzogs par 'tshang mi rgya bar 'dud la sdod ce na/ rigs kyi bu bdud sdig can ni byang chub sems dpas skabs ma phye ma bskul bar 'ong ba'i gnas dang skabs med de/ de lta bu'i gnas med kyang rigs kyi bu byang chub sems dpa' sems dpa' chen po byang chub kyi shing drung du 'dug nas/ stong gsum gyi stong chen po'i 'jig rten gyi khams 'di na dbang dang ldan pa gang yin/ sems can 'di dag bdud sdig can de'i drung du 'gro bar mthong ngo / / de nas byang chub sems dpa' 'di snyam du gyur to// gang bdag ni de nyid dang 'thab par bya'o// de btul na 'dod pa'i khams thams cad btul bar 'gyur ro// lha'i 'khor chen po 'dul bar 'gyur ro/ / bdud kyi 'khor dang gnod sbyin gyi 'khor dang / srin po'i 'khor dang / klu'i 'khor de dag kyang byang chub sems dpa' rnam par rol pa 'di mthong nas// byang
- 180b
chub tu sems bskyed par 'gyur/ dad pa rnyed par 'gyur ro// gang chung ngu na thos pa 'am/ mthong na de dag kyang yongs su mya ngan las 'da' ba'i rgyur 'gyur ro// rigs kyi bu de nas byang chub/ sems dpa' byang chub kyi shing drung nas song bas smin mtshams kyi mdzod spu nas 'od srung / 'od des bdud kyi khang pa thams cad kyang mog mogo bor byas/ stong gsum gyi stong chen po'i 'jig rten kyi khams thams cad kyang snang bar byas te/ 'od zer de las shAkya'i bu 'di ni shAkya'i rigs las khyim nas mngon par byung ste/ de ni bla na med pa yang dag par rdzogs pa'i byang chub mngon par rdzogs par 'tshang rgya'o/ / khyod kyi yul las 'da' bar byed do// sems can dpag tu med pa gzhan yang 'byin par byed do// bdud kyi g.yog med par 'gyur gyis song la de dang 'thab mo khye shig ces de skad zer ba'i sgra byung ba dang / rigs kyi bu de ltar bdud bskul ma thag tu mya ngan gyi zug rngu chen pos btab par gyur nas/ de de'i tshe dpung gi tshogs yan lag bzhi pa bshams nas/ dpag tshad sum cur bdud kyi sdes gang bar byas nas/ byang chub kyi shing drung du song ba dang / de'i phyir byang chub sems dpa' sems dpa' chen pos byams pa chen po la gnas shing rin po che'i bsod nams las skyes pa'i phyag gis bdud kyi sde pham par byas nas/ lha dang / klu dang / gnod sbyin dang / dri za dang / mi 'am ci dang lto 'phye chen po bye ba phrag brgyad
- 181a
cu rtsa ba ni bla na med pa yang dag par rdzogs pa'i byang chub tu sems skyes par gyur te/ de yang byang chub sems dpa'i thabs mkhas par blta'o// ci'i phyir na de bzhin gshegs pa dgra bcom pa yang dag par rdzogs pa'i sangs rgyas byang chub thob nas/ nyi ma bdun du skyil mo krung ma shig cing / shing gi rgyal po la mig mi 'dzums par lta zhe na/ gzugs kyi khams na spyod pa'i lha'i bu spyod lam zhi ba de dag gis/ de bzhin gshegs pa dgra bcom pa skyil mo dkrung bcas shing bzhugs pa mthong nas cher dga' bar gyur to// de dga' zhing rab tu mgu ba skyes nas/ gang bdag cag gis dge sbyong go'u ta ma'i sems gang la gnas pa btsal lo snyam du gyur nas/ de dag gis nyin zhag bdun du brtags kyang sems kyi gnas gcig kyang ma rnyed do/ / de nas lha'i bu sum khri nyis stong gis shin tu bla na med pa yang dag par rdzogs pa'i byang chub tu sems bskyed par gyur te/ bdag cag kyang ma 'ongs pa'i dus na 'di 'dra bar rab tu zhi ba'i spyod lam dang ma bral bar gnas shing de ltar byang chub kyi shing la lta bar bya'o snyam mo/ / rgyu de dang rkyen de'i phyir de bzhin gshegs pa dgra bcom pa yang dag par rdzogs pa'i sangs rgyas rnams byang chub thob nas/ nyi ma bdun du dkyil mo krung ma bshig cing mig ma btsums par shing gi rgyal po la blta'o// ci'i phyir de bzhin ga
- 181b
pa dgra bcom pa yang dag par rdzogs pa'i byang chub thob nas/ sems can grangs me dpag tu med pa dbugs phyung zhing gnyer bar byas nas/ tshangs pas ma gsol bar chos mi 'chad ce na 'di la de bzhin gshegs pa 'di snyam du dgongs te/ lha dang mi dag phal cher tshangs pa la brten te/ bdag cag ni tshangs pas skyed pa'o// 'jig rten na tshangs pa ma gtogs par ston gzhan med do snyam du 'dzin pas de la de bzhin gshegs pa 'di snyam du dgongs te/ gang ngas tshangs pa dgug go// tshangs pas nga la bstod do// tshangs pas phyag 'tshal ba dang / lha dang mi tshangs pa la rten pa tham cad phyag 'tshal bar 'gyur ro/ / chos len par sems par 'gyur ro// de bas na gsol nas de bzhin gshegs pa 'chad kyi ma gsol bar ni ma yin no// de bzhin gshegs pa'i mthu nyid kyis tshangs pa'i chos gsol ba'i phyir/ de bzhin gshegs pa'i drung du song gi tshangs pa nyid kyi bdag gis de bzhin gshegs pa la chos gsol lo snyam du sems shing yid la byed pa yang med de/ tshangs pa la rten pa'i sems can rnams tshangs pa la brten pa dang bral ba'i phyir/ de bzhin gshegs pas tshangs pa bkug ste/ gang gi tshe na tshangs pa chen pos de bzhin gshegs pa la chos kyi 'khor lo bskor bar gsol pa/ de'i tshe na tshangs pa 'bum phrag drug cu rtsa brgyad kyis de nyid 'tsho'o// de nyid mchog go snyam nas bla na med pa yang dag par rdzogs pa'i byang chub tu sems bskyed do// rigs kyi bu de bzhin
- 182a
gshegs pas las kyi rgyud bcu bstan pa de la yang thabs mkhas par blta'o/ / dgongs pa'i tshig tu yang shes par bya'o// rigs kyi bu byang chub sems dpa' ni dper na mi dge ba'i rtsa ba skra'i rtse mo'i cha shas tsam dang yang ldan zhing / byang chub kyi shing drung du 'gro ba'i skabs med/ de lta bu'i gnas med do// rigs kyi bu de bzhin gshegs pa ni chos dkar po thams cad dang ldan zhing / mi dge ba'i chos thams cad spangs pas/ de bzhin gshegs pa la bag chags kyi mtshams sbyar ba spangs pa yang med/ las kyi sgribs pas nyes par 'gyur ba de lta bu'i gnas kyang med mod kyi/ sems can las kyi rnam par smin pa rab tu stor ba lngas kyi rnam par smin pa la yid mi ches pas/ sems can de dag la las kyi rnam par smin pa bstan pa'i phyir/ de bzhin gshegs pa las kyi rgyud ston te/ chos kyi rje nga nyid la yang las kyi rnam par smin pa 'byung na/ khyed lta la ci'i phyir smin par mi 'gyur zhes de dag la ston mod kyi/ de bzhin gshegs pa la ni las kyi sgrib pa cung zad kyang med do/ / rigs kyi bu 'di lta ste/ slob dpon yi ge dang phyag rgya bslabs pas byis pa la bstan pa'i phyir byis pa bzlos su bzhug pa'i tshul gyis yi ge'i phyi mo klog mod kyi de la mi shes pa yang med las kyi sgrib pa yang med de/ ci nas kyang byis pa dag bdag las thos nas bslab par 'gyur bar yi ge phyi mo klog go// rigs kyi bu de bzhin du de bzhin gshegs pa ni chos thams cad la/
- 182b
las kyi sgrib pa yongs su dag mod kyi/ ci nas kyang sems can gzhan dag las yongs su dag par 'gyur bar de ltar 'chad do// de ltar chos ston to// rigs kyi bu 'di lta ste/ nad thams cad shin tu ni/ bar bya ba'i bslabs pa'i sman pa ni nad med cing / sems can nad pa rnams kyi mdun du sman tsha ba de dag bzhag nas/ de dag nad las yongs su thar bar byed do// rigs kyi bu de bzhin du de bzhin gshegs pa yang sman pa'i rgyal po ste/ nad thams cad yongs su thar cing sgrib pa med pa thob nas/ las 'di'i 'bras bu rnam par smin pa 'di ni yin no zhes las ston cing / ji ltar na sems can las kyis 'jigs shing skrag pa rnams dang yid yongs su dag par 'gyur zhes ched du nad ston to/ / rigs kyi bu 'di lta ste/ dper na tshong dpon gyi bu byung nas/ ring por ma lon pa de la pha dang mas byin pa'i ma ma yod de/ de ni ma ma de khye'u de'i 'o ma dag par bya ba'i phyir nad med bzhin du tsha ba dang kha ba'i sman de dag tu 'thung ngo // rigs kyi bu de bzhin du sems can thams cad kyi pha de bzhin gshegs pa yang las kyi bya ba rab tu ston pa'i sems can rnams gzigs nas nad med par gyur bzhin du/ nga las che ge mo zhig byas pa de'i las kyi rnam par smin pa 'di yin no zhes nang ston cing de dag sems can rnams kyis thos nas skyo ba thob par 'gyur te/ rigs kyi bu de yang thabs mkhas par shes par bya'o// rigs kyi bu sngon 'das pa'i dus na/ tshong pa nor 'dod pa'i phyir rgya mtsho 'ching rnam chen po/
- 183a
zhugs pa lnga brgya tsam yod de/ yang de'i tshe na lam grogs de dag gi nang na/ mi las ngan pa can sdig pa'i las can/ mda' dang mtshon la bslab pa/ rkub pha rol gyi nor 'phrog pa tshong pa'i tshul du 'dug pa zhig yod de/ shin tu brtul ba'i phyir gru de zhugs par gyur to// de nas mi g.yo can de ni bdag gis tshong pa 'di thams cad srog dang phral la nor thams cang khyer te/ 'dzam bu gling du 'gro'o snyam du sems par gyur to// yang de'i tshe na lam grogs kyi gru na 'dug pa de dag gi nang na/ ded dpon snying rje chen po can zhes bya ba zhig yod do// de nas ded dpon snying rje chen po can de gnyid log pa'i rmi lam du gang rgya mtsho 'tshang rnam chen po de na/ lha 'dug pa dag gis lam grogs kyi gru 'di na/ mi ming 'di zhes bya ba 'di lta bu bslu bar byed pa gzhan gyi nor 'phrog pa zhig yod de/ de ni tshong pa 'di thams cad srog dang phral la/ nor thams cad khyer te 'dzam bu gling du 'gro'o snyam du sems kyis/ de bas na mi 'dis ni tshong pa 'dis dag gsod par 'gyur ro/ / sdig pa'i las mi bzad par byed par 'gyur ro// de ci'i phyir zhe na/ de ltar tshong pa lnga brgya po de dag ni bla na med pa yang dag par rdzogs pa'i byang chub la gnas pa byang chub sems dpa' phyir mi ldog pa rnams yin te/ gal te mi des byang chub sems dpa' de dag gsad du zin na/ de las kyi sgrib pa'i nyes pa 'dis byang chub sems dpa' re re'i phyir yang byang chub sems
- 183b
dpa' re re'i phyir zhing ji srid kyis/ bla na med pa yang dag par rdzogs pa'i byang chub bsgrubs par 'gyur ba de srid du sems can dmyal ba chen por tsho bar 'gyur te/ de la ded dpon khyod kyis/ ci nas kyang mi 'di yang de ltar sems can dmyal bar ma song ba dang / de dag kyang gsod par mi 'gyur ba de 'dra ba'i thabs soms shig ces rmi lam du bstan to// rigs kyi bu de nas ded dpon de 'di snyam du gyur te/ tshong pa 'di dag kyang mi gsod la/ mi 'di yang sems can dmyal bar mi song bar bdag gis bya ba'i thabs gang yod ces sems par gyur cing / gzhan la yang cung zad kyang mi smra ba las zhag bdun rlung ma blangs nas/ zhag bdun 'das pa dang / de 'di snyam du gyur te/ mi 'di srog dang bral ba las thabs gzhan med do snyam nas de 'di snyam du sems te/ gal te tshong pa thams cad la spun dang / de dag ni mi dge ba'i sems kyis mi bsad cing de dag thams cad kyang sems can dmyal bar gyur du 'ong ngo snyam nas/ gal te bdag gi mi 'di srog dang phral te/ de'i phyir bdag sems can dmyal bar skyes kyang bskal pa brgya stong du phyi phyir sems can dmyal ba chen por skye ba bzod kyi/ mi 'dis tshong pa 'di dag bsad nas sdig pa 'phel bar ma gyur par bya'o snyam du sems so/ / rigs kyi bu de 'di lta ste/ ded dpon snying rje chen po can des byang chub sems dpa' de dag bsrung ba'i phyir snying rje chen po des dang thabs
- 184a
mkhas pa des ched du bsams te/ mi de mtshon sha ga tis bsad do// nga ni de'i tshe ded dpon snying rje chen po can zhes bya bar gyur te/ rigs kyi bu ngas ni thabs mkhas pa de dang snying rje chen po des bskal pa brgya phrag stong du 'khor ba la rgyad kyis phyogs par byas so/ / mi de yang shi 'phos mtho ris kyi 'jig rten du skyes so// gang tshong pa lnga brgya po grur zhugs pa de dag ni phyis bskal pa bzang po la sangs rgyas lnga brgya 'byung ba'o/ / rigs kyi bu de ji snyam du sems/ gang gis bskal pa brgya phrag stong du thabs mkhas pa'i ye shes kyis 'khor ba la rgyab kyis phyogs pa'i byang chub sems dpa' sems dpa' chen po de la/ las kyi sgrib pa cung zad kyang yod dam/ rigs kyi bu khyod de ltar ma lta zhig/ de bzhin gshegs pa ni sems can gyi las kyi bya ba ston to/ / gang gi tshe na de bzhin gshegs pa'i zhabs la seng ldeng gi tshal bu zug pa de yang sangs rgyas kyi mthu yin par blta'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas ni rdo rje'i sku yin mod kyi/ rigs kyi bu mnyan du yod pa'i grong khyer chen po 'di nyid na/ skyes bu srid pa tha mar gyur pa nyi shu dang / skyes bu nyi shu po de dag gi dgra bo skyes bu nyi shu yod de/ de nas skyes bu dgra bo nyi shu po de dag bdag bdag gi g.yos dgra byed pa bdag cag ni mdza' bo ltar byas la khyim du song nas/ srog dang dpral lo snyam du de ltar rtog cing
- 184b
gcig la gcig kyang mi smra'o/ / rigs kyi bu de nas srid pa'i tha mar gyur pa'i skyes bu nyi shu po dang / gang skyes bu de dag gsod par byed pa'i de rnams sangs rgyas kyi mthus de bzhin gshegs pa de ga la ba der dong ngo / / rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas kyis/ skyes bu bzhi bcu po de dag gdul ba'i dbang du bya ba dang / de'i tshe 'gro ba mang po yang 'dul ba'i dbang du bya ba'i phyir/ mo'u 'gal gyi bu chen po la bka' stsal pa/ mo'u 'gal gyi 'di nas sa chen po las seng ldeng gi tshal pa 'byung ste/ de ni de bzhin gshegs pa'i zhabs g.yas pa la zug par 'gyur ro/ / de bzhin gshegs pas de skad kyi tshogs gsungs nas/ ring po ma lon par de nas de'i mod la sa chen po la seng ldeng gi tshal pa mtho gang tsam byung ngo / / de nas de bzhin gshegs pa la/ tshe dang ldan pa mo'u 'gal gyi bu chen pos/ bcom ldan 'das bdag gis seng ldeng gi tshal pa 'di 'jig rten gyi khams gzhan du dor ro zhes de skad gsol pa dang / ngas de la mo'u 'gal gyi bu khyed kyis mi nus so zhes de skad smras so// rigs kyi bu de nas gnas brtan mo'u 'gal gyi bu chen pos ci nas kyang stong gsum gyi stong chen po'i 'jig rten gyi khams 'di rab tu g.yos par 'gyur ba dang / gyen du 'phags par 'gyur ba de 'dra ba'i shugs seng ldeng gi tshal pa ni skra'i rtse mo'i cha shas tsam yang ma 'phags
- 185a
/ so de nas de bzhin gshegs pa tshangs pa'i 'jig rten du mngon par 'phags pa dang / seng phreng gi tshul pa yang tshangs pa'i 'dzag rten du mngon par 'as so/ / de nas de bzhin gshegs pa gdan la bzhugs pa dang / seng ldeng gi tshal pa yang snga mkho bzhin du 'dug go// de bzhin du rgya mtsho 'tshang rnam kyi dbus su bzhugs pa dang / seng ldeng gi tshal pa yang de na 'dug go// yang de bzhin gshegs pa ri'i brag tu gshegs pa dang / de na'ang seng ldeng gi tshal ba 'dug go// de nas de bzhin gshegs pa gdan la bzhugs pa dang / seng ldeng gi tshal pa yang snga ma kho bzhin du 'dug nas/ de bzhin gshegs pas phyag g.yas pas zhabs g.yas pa bzung ste/ seng ldeng gi tshal pa'i steng du bzhag go/ / de nas ngal tshe dang ldan pa dga' bos/ 'di skad ces gsol to// bcom ldan 'das de bzhin gshegs pas sngon 'phrin las gang bgyis na de'i rnam par smin pa 'di lags/ ngas de la dga' bo sngon nga rgya mtsho 'ching rnam chen por song ba dang / mtshon shag tis tshong pa bsad pa de'i las kyi rnam par smin pa'i lhag ma 'di yin no zhes de skad smras so// de nas de'i tshe bcom ldan 'das kyis tshigs su bcad pa 'di gsungs so// gang du gnas kyang las rnams mi 'byung ba// de lta bu yis phyogs yongs med de// bar snang ma yin rgya mtsho'i dbus ma
- 185b
yin/ nga ri yi brag tu zhugs kyang ma yin no// rigs kyi bu de nas mi nyi shu po de dag 'di snyam du gyur te/ de bzhin gshegs pa chos kyi rje la'ang rnam par smin par 'gyur na/ dbadag cag lta ci'i phyir rnam par smin par mi 'gyur snyam nas/ de nas de'i tshe de bzhin gshegs pa'i spyan sngar/ bcom ldan 'das bdag cag gis gdon mi 'tshal bar srog bcad par bgyis ste/ de bzhin gshegs pa'i spyan sngar nongs pa bshags so zhes nyes pa bshags pa dang / ci nas kyang skyes bu bzhi bcu po de dag ye shes rtogs par 'gyur ba dang / srog chags sum khri nyis stong rdul med cing dri ma dang bral ba'i chos la chos kyi mi rnam par dag par 'gyur ba dang / las zad par bya ba'i phyir las las brtsams nas/ de ltar de bzhin gshegs pas chos bshad de/ rgyu de dang rkyen de'i phyir de bzhin gshegs pa'i zhabs la seng ldeng gi tshal pa zug ste/ de'ang de bzhin gshegs pa'i thabs mkhas pa yin gyi/ las kyi sgrib pa ma yin no// ci'i phyir na de bzhin gshegs pa nad dang bral ba sman pa 'tsho byed kyi drung du me tog ut+pa la'i bkru sman la snom par mdzad ce na/ de'i tshe na so sor thar pa dang bcas nas ring po ma lon par dge slong so so'i skye bo srid pa tha mar gyur pa lnga brgya nags stug po zhig na 'khod pa las de dag sman khu ba phyung bas zhi bar bya mi nus pa de 'dra ba'i nad kyis btab par gyur nas/ de dag de bzhin gshegs pa la gus pas sman gzhan yang mi tshol
- 186a
lo/ rigs kyi bu de nas de bzhin gshegs pa 'di snyam du dgongs par 'gyur te/ ngas kyang ma gnang la dge slong de dag kyang sman tshol bar 'gyur ba de lta bu'i thabs ci yod snyam mo/ / de ci'i phyir zhe na/ gal te de bzhin gshegs pas gnang du zin na ni/ de'i phyir dus phyi ma la 'phags pa'i rigs nyams par 'gyur ro// de bas na de bzhin gshegs pa thabs mkhas pas sman pa 'tsho byed kyi drung du me tog ut+pa la'i bkru sman la bsnams pa dang / de gnas gtsang ma'i ris kyi lha'i bu rnams kyis dge slong dag la sbran te/ tshe dang ldan pa dag 'chi ba'i dus ma byed par smran gzhan tshol cig ces byas pa dang / dge slong de dag gis bdag cag gi ni/ de bzhin gshegs pa'i bslabs pa las 'da' bar mi nus kyis gum par gyur kyang rung gi de bzhin gshegs pa'i bslabs pa las 'da' bar mi nus so zhes smras so/ / de nas gnas gtsang ma'i ris kyi lha'i bu de dag gis dge slong de dag la/ de bzhin gshegs pa chos kyi rje de nyid kyis kyang sman khu ba phyung ba ma gtogs par sman gzhan btsal na/ de khyed ci'i phyir tshol bar mi sems tshe dang ldan pa dag sman gzhan tshol cig ces de skad ces smras so/ / de nas dge slong lnga brgya po de dag gis 'gyod pa med par gyur te/ sman gzhan btsal ba dang de dag nad de las yongs su thar bar gyur to// rigs
- 186b
kyi bu gal te de bzhin gshegs pas sman gzhan btang du zin na/ gang dge slong de dag sman gzhan tshol bar gyur pa'i gnas med skabs med do// nad de las yongs su thar par 'gyur ba 'am/ dgra bcom par 'gyur ba de lta bu'i gnas kyang med do// ci'i phyir na/ de bzhin gshegs pa bsod nams thams cad yang dag par 'phags pa bsod snyoms kyi phyir grong du zhugs pa las lhung bzed ji ltar bkrus pa bzhin slar byung zhe na/ de bzhin gshegs pa la las kyi sgrib pa ni med mod kyi/ de bzhin gshegs pas phyi ma'i 'gro ba dag bsrung ba'i phyir te/ dge slong gang la la zhig grong dang grong rdal dang / pho brang dang gang rgyal po'i pho brang 'khor du song ba las/ bdag gi bsod nams chung bas/ bsod snyoms ma rnyed na de'i tshe de dag de bzhin gshegs pa bsod nams kyi tshogs bsags pa nyid kyang lhung bzed ji ltar bkrus pa bzhin du slar byung na/ bdag cag dge ba'i rtsa ba chung ngu ldan pa lta ci smos te/ bsod snyoms ma rnyed pa'i phyir yongs su gdung bar mi bya'o zhes de bzhin gshegs pa yid la byed par 'gyur bas/ don de gzigs nas de bzhin gshegs pa grong du gshegs pa nas/ lhung bzed ji ltar bkrus pa bzhin du byung ngo / / yang bdud sdig can gyis bram ze dang khyim bdag ci nas kyang bsod snyoms mi ster bar byin gyis brlabs so zhes bya ba yang de ltar mi lta'o// de ci'i phyir zhe na/
- 187a
bdud ni de bzhin gshegs pa la bsod snyoms kyi bar chad byed mi nus mod kyi/ sangs rgyas kyis byin gyis brlabs kyis bdud kyis bram ze dang khyim bdag phyogs su byin/ gyis brlabs kyis/ de bzhin gshegs pa la ni las kyi sgrib pa cung zad med de sems can de dag yongs su smin par rung ba'i phyir thabs mkhas pa ston to// de la de bzhin gshegs pa chos bshad pa dang / bdud dang bdud kyi ris kyi lha rnams dang / lha gzhan dag dge sbyong go'u ta ma 'am/ de'i nyan thos dag yid mi bde bar mi gnas grang zhes de bzhin gshegs pa nyan thos kyi dge 'dun dang bcas pa'i sems la tog ste/ de dag nyin mtshan du de bzhin gshegs pa nyan thos kyi dge 'dun dang bcas pa'i sems la brtags kyang / sems kyi gnas gcig kyang yid mi bde bar ma mthong ste/ ma khengs ma dud cing sngon ji lta ba phyir kyang de bzhin/ phyis ji lta ba sngon kyang de bzhin no// de nas de'i tshe lha'i bu bdun khri sems dad nas/ de bzhin gshegs pa la phyag 'tshal ba dang / de bzhin gshegs pa ci nas kyang de dag thams cad chos la chos kyi mig rnam par dag par chos bshad de/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin par shes par bya'o// ci'i phyir na bu mo tsan tsas shing gi gzhong lto ba la bcings nas de bzhin gshegs pa la las kyi sgrib pa'i nyes pa gang yang
- 187b
med la de bzhin gshegs pas bu mo tsan tsa 'jig rten gyi khams gang+gA'i klung gi bye ma snyed du 'phang nus mod kyi/ de bzhin gshegs pas thabs mkhas pas las kyi byed pa ston to// bstan pa 'di la rab tu byung ba la bskur ba btab pa dag 'byung / de dag mo bden par skur bar 'gyur ro// de dag 'gyod pa tsam du 'gyur te/ skur pa btab dang / de bzhin gshegs pa chos dkar po thams cad dang ldan pa de la yang mngon sum du skur pa 'byung na/ bdag cag lta la ci'i phyir mi 'byung zhes smra zhing / de dag de'i tshe skur pa zil gyis mnan nas yongs su dag pa yongs su dkar ba'i tshangs par smod pa spyad par 'gyur gyi/ 'bri bar ni mi 'gyur ro// bu mo tsan tsa ni sdig pa'i las kyis g.yog na/ rmi lam na'ang de bzhin gshegs pa la skur pa 'debs pa ste/ de shi 'phos ma thag tu yang sems can dmyal bar 'gro bar 'gyur ro// de ste de bzhin gshegs pa de srung nus par mkhyen na ni de bsrungs par 'gyur ro// de ci'i phyir zhe na/ de bzhin gshegs pas ni sems can gang yang yongs su btang ba med pa'i phyir ro// ci'i phyir na/ mdzes ma kun tu rgyu ba srog dang bral bas// 'dze/ ta'i tshal tu sbas la de bzhin gshegs pas thams cad mkhyen pas kyang g.yel bar bor zhe na/ de bzhin gshegs pa ni thogs pa med pa'i ye shes dang ldan pas de 'dra bar 'gyur
- 188a
bar yang mkhyen la/ de bzhin gshegs pas ci nas kyang mdzes ma kun tu rgyu ba mtshon gyis mi zug pa dang / gzhan du 'phang par bya ba de lta bu'i rdzu 'phrul byin gyis// brlabs kyang nus mod kyi/ de bzhin gshegs pa mdzes ma kun tu rgyu tshe zad pas de nges par 'chi dgos la/ rnam grangs des kyang mu stegs can gzhan dag rang gi nyes pas shin tu tshar gcad par 'gyur bar mkhyen te/ chos dkar po rnams 'phel bar bya ba'i phyir/ gang de bzhin gshegs pa byin gyis brlabs pa de ni sangs rgyas kyi ye shes so// de bas na de bzhin gshegs pa zhag bdun du grong du ma gshegs te/ lha bye ba phrag drug cu'ang btul lo// zhag bdun po de 'das nas 'khor bzhi bcom ldan 'das kyi drung du lhags nas/ de bzhin gshegs pas ci nas kyang srog brgyad khri stong gis ye shes rtogs par 'gyur ba de lta de ltar de dag la chos bshad do// ci'i phyir na/ de bzhin gshegs pas zla ba gsum rta'i chas kyi nas gsol zhe na/ de bzhin gshegs pas bram ze dang / khyim bdag 'di dag nga spyan drangs nas mi sems par 'gyur ro// snyam du mkhyen mod kyi/ de bzhin gshegs pas mkhyen bzhin du der tshul du zhugs so/ / ci'i phyir zhe na/ gang rta lnga brgya po de dag gi chas la de bzhin gshegs pa dge slong gi dge 'dun dang bcas pas zla ba gsum du gsol to// rta de dag
- 188b
thams cad kyang byang chub sems dpa'i theg pa la gnas pa sngon gyi rgyal ba la bsnyen bkur byas pa yin na/ de dag sdig pa'i grogs po'i dbang du song bas sdig pa'i las byas te/ de'i phyir byol song gi skye gnas su skyes so/ / rta lnga brgya po de dag gi nang na/ rta cang shes de ni byang chub sems dpa' nyi ma'i snying po zhes bya ba yin te/ smon lam gyi dbang gis ched du der skyes nas/ byang chub sems dpa' nyi ma'i snying po des rta lnga brgya po de dag byang chub la bkod de/ de dag yongs su thar bar bya ba'i phyir der skyes so// rta cang shes de'i mthus rta lnga brgya po de dag thams cad sngon gyi tshe rabs dran tede'i phyir de dag byang chub tu sems bskyed par gyur to/ / rigs kyi bu de lta bas na rta lnga brgya po de dag la thugs brtse ba'i phyir de bzhin gshegs pa der tshul du zhugs te/ de la rta cang shes kyi chas de las phyed ni de bzhin gshegs pa la 'bul lo/ / gang rta lnga brgya po'i chas de las phyed dge slong lnga brgya po la 'bul te/ rta cang shes yang rta lnga brgya po de dag la rta'i skad kyis nyes pa 'chags su 'jug cing sangs rgyas la sogs pa'i dge slong gi dge 'dun la phyag 'tshal du 'jug ste/ de ltar zla ba gsum 'das nas rta lnga brgya po de dag 'chi ba'i dus byas shing / shi 'phos su gyur ma thag tu dga' ldan gyi lha rnams dang skal ba mnyam par skyes so/ / yang de dag lhar gyur pas de bzhin gshegs pa la mchod nas/ de bzhin gshegs pas ci nas kyang bla na med pa yang dag par rdzogs pa'i byang chub tu gdon mi za bar 'grur
- 189a
pa de ltar de ltar chos bshad do/ / gang rta lnga brgya po de dag 'dul zhing 'tsho bar gyur pa de bzhin gshegs pas sems shin tu dul ba zhes bya ba'i rang sangs rgyas su lung bstan to/ / yang rigs kyi bu de bzhin gshegs pa'i zhal zas ni mchog tu mi 'gyur ba cung zad kyang med de/ rigs kyi bu gal te bong ba dang / gseg ma dang / gyo mo la gsol kyang stong gsum gyi stong chen po'i 'jig rten gyi khams na de 'dra ba'i ro bro ba med do/ / gang bong ba dang gseg ma dang gyo ma las gyur pa de 'dra ba'i ro'i mchog tu gyur pa'ang med do// de ci'i phyir zhe na/ de ltar des ni/ ro'i ro mchog ces bya ba'i skyes bu chen po'i mtshan thob pa'i phyir ro// rigs kyi bu rnam grangs des kyang de bzhin gshegs pa'i zhal zas thams cad mchog yin par shes par bya'o// rigs kyi bu gnas/ brtan dga' bos de bzhin gshegs pa ni 'khor los bsgyur ba'i ming bor te nas gsol bar gyur to zhes snying rje bar gyur pa dang / de bzhin gshegs pas de'i sems la brtags nas/ nas kyi 'brum bu gcig byin te/ dga' bo 'di ci'i ro shes sam zhes byas pa dang / des zos nas/ ngo mtshar thob par gyur te nga la 'di skad ces smras so// bcom ldan 'das bdag ni rgyal po'i pho brang du skyes/ rgyal po'i pho brang du skyed na/ 'di lta bu'i ro mchog sngon 'tshal ma myong ngo zhes/ tshe dang ldan pa dga' bos de'i mthus dga' zhing bde ste/ zas med par nyi ma bdun 'das so// rigs kyi bu khyod
- 189b
kyis rnam grangs des kyang de bzhin gshegs pa la ni gang na yang las kyi sgrib pa med par shes par bya ste/ yang sems can gang tshul khrims dang ldan pa'i dge slong dag mgron du gnyer gnas sbyin bar mi byed pa'i sems can dag ji ltar smras pa de bzhin du byed par bstan pa'i phyir las kyi rgyud 'di dag bstan to/ / rigs kyi bu de bzhin gshegs pa'i khyad par la ltos/ gang gis de bzhin gshegs pa spyan drangs te ma phul ba/ de yang ltung ba'i chos med par lung bstan to// rigs kyi bu yang de bzhin gshegs pa dang lhan cig tu tshul du zhugs pa'i dge slong lnga brgya po de dag las dge slong bzhi bcu 'dod chags spyod cing sdug gu'i mtshan ma la spyod par gyur te/ gal te de dag zas mchog zos par gyur na/ de dag shin tu 'dod chags dang ldan pa'i rtog pa skye bar 'gyur ba las de dag zas ngan pa'i rtogs pa de srab mor gyur te/ de dag gis zhag bdun gyis dgra bcom pa thob par gyur to// ci'i phyir na/ de bzhin gshegs pa nga rgyab na nas/ 'od srung byang chub kyi yan lag shod cig ces gsungs zhe na/ rigs kyi bu de ltar lha'i bu nyan thos kyi theg pa la gnas pa brgyad stong lhags par gyur la/ de dag kyang sngon 'od srung gis sangs rgyas dang / chos dang / dge 'dun dang / bag byed pa la bkod par gyur cing / lha'i bu de dag gis byang chub kyi yan lag gi gtam phyi phyir zhing thos pas/ gal te 'od srung ma gtogs par lha'i bu de dag las sangs rgyas stong gis chos bshad
- 190a
kyang shes par 'gyur ba 'am/ shes pa 'dzin pa med nas/ 'od srung gis byang chub kyi yan lag rab tu dbye ba rgyas par bshad pa dang / lha'i bu brgyad stong po de dag gis kyang ye shes rtogs par gyur/ sems can gang na ste chos nyan par mi 'gro ba'i sems can de dag kyang de bzhin gshegs pa chos kyi rje yang byang chub kyi yan lag brjod pa gsan nas/ nang las yongs su thar na bdag cag gis lta ci'i phyir chos mnyan par mi bya snyam du sems par gyur te/ rigs kyi bu 'di lta bas na lha'i bu de dag gdul ba'i don du bya ba dang / sems can nad pa dag chos nyid bstan pa'i phyir/ de bzhin gshegs pas nga rgyab na nas/ 'od srung byang chub kyi yan lag shod cig/ ces de skad kyi tshig ste/ de yang de bzhin gshegs pa'i thabs mkhas pa yin gyi// las kyi sgribs pa ni ma yin no// ci'i phyir na shAkya rnams kha btags pas de bzhin gshegs pa bklad pa na ste mi bzod do// zhes gsung zhe na/ rigs kyi bu 'di la sems cam kha cig de bzhin gshegs pa ni gnyen rnams kyi don mi bzhed/ phan par mi bzhed/ bde bar mi bzhed/ phan pa dang bde bar mi bzhed pas/ de'i phyir rgyal po'i rigs thams cad kha gdag go/ snyam du sems kyi/ de bzhin gshegs pas gnyen rnams kyis thog ma med pa'i sdug bsngal gyi phung po mthar phyung bar ni mi shes pa'i sems can de dag gis sems bsrungs pa'i
- 190b
/ phyir gnas brtan dga' bo la/ nga ni klad pa na ste/ me bzod do zhes de skad kyi tshig gsung ste/ rigs kyi bu gang gi tshe na de bzhin gshegs pa gnas brtan dga' bo nga ni klad pa na ste mi bzod do zhes de skad kyi tshig gsungs pa de'i tshe/ lha'i bu chad par smra ba sum stong dang / sems can srog gcod par byed mang po lhags nas lha'i bu de dag dang sems can de dag las kyi bya ba la gzhug pa'i phyir/ de bzhin gshegs pa'i srog gcod pa'i lhag ma lus par de bzhin gshegs pa'i dbu sbyang bar gyur to zhes las kyi rgyud de bstan te/ de bstan pa'i tshe de bzhin gshegs pas lha dang mi'i skye dgu stong phrag bcu btul te/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin no// ci'i phyir bram ze ba ra dA dzas de bzhin gshegs pa la mi snyan pa lnga brgya smras na/ de bzhin gshegs pa yang bzod par mdzad ce na/ de bzhin gshegs pa ni bram ze ba ra dwa dzas/ mi snyan par smra ba/ phyogs gzhan du 'phang ba 'am/ ngag gi las gcig mi 'byung bar yang nus mod kyi/ 'khor de'i nang na lha dang mi mang po tshogs par gyur pas/ de dag gis de bzhin gshegs pa'i bzod pa'i stobs bskyed par mthong ste/ de bzhin gshegs pa ma khengs ma dud cing sems mnyam pa bde ba'i dngos po dang ldan pa sems brtan pa/ sems mnyen pa nges par mthong nas/
- 191a
srog chags bzhi stong gis bla na med pa yang dag par rdzogs pa'i byang chub tu sems bskyed par gyur te/ don de gzigs nas/ de bzhin gshegs pas bram ze ba ra dwa/ dzas mi snyan par smra ba btang snyoms su bzhag gis/ de bzhin gshegs pa la gang na yang las kyi sgrib pa med de/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin gyi/ gang yang lha sbyin tshe rabs thams cad du byang chub sems dpa' sems dpa' chen po'i rjes su 'brang bar gyur pa de yang / byang chub sems pa'i thabs mkhas pa yin no// de ci'i phyir zhe na/ ngas ni lha sbyin la gnas te/ pha rol tu phyin pa yongs su rdzogs par gyur cing / sems can dpag tu med pa'i don byas so// rnam grangs gang gis zhe na/ rigs kyi bu 'di la gang gi tshe/ sems can dag bde ba dang ldan par byas pa de'i tshe/ sbyin par sa mi shes/ len par yang mi shes nas/ lha sbyin byang chub sems dpa'i gan du 'ongs te/ bu slong chung ma slong rgyal srid slong / lag pa dang rkang pa dang mig dang mgo dang de la sogs pa gzhan dag kyang gang dka' bar spyod pa sems can rnams kyi dge ba'i rtsa ba bskyed par byed pa dge slong nas/ byang chub sems dpa' ma zhum par gyur cing sbyin par byed de/ de mthong nas kyang sems can dpag tu med pa dag dga' zhing sbyin pa la mos par gyur te/ bdag cag kyang 'di 'dra bar gyur cig ces byang chub tu smon
- 191b
lam 'debs shing tshul khrims 'dzin par byed de/ gang tshul khrims 'dral bar 'dod pa dag kyang / de na byang chub sems dpa' tshul khrims mi 'dral bas de mthong nas kyang sems can dpag tu med pa dag tshul khrims len par byed de/ brgyad dam brtags sam/ spyos kyang mi khro zhing de dag bzod pa rdzogs par 'gyur bas/ rnam grangs de'i sems can dpag tu med pa'i don byas so/ ngagang yang lha sbyin gyis de bzhin gshegs pa bsad par bshams pa dang / ba glang nor skyong btang ba dang / rdo'i sgyogs 'char bcug pa de yang de bzhin gshegs pa'i thabs mkhas par shes par bya ste/ las kyi sgrib pa'i nyon mongs pa ni ma yin no// de ci'i phyir zhe na/ thabs mkhas pa 'di la gnas nas sems can dpag tu med pa'i don byas so// rigs kyi bu mdor na lha sbyin grags par 'dod pa de ni nga'i ston pa yin no/ / las kyi rgyud bcu po thams cad kyang de bzhin gshegs pa'i thabs mkhas par shes par bya ste/ las kyi bya ba shin tu ston pa'i sems can las kyi rnam par smin pa la mi 'jug pa'i sems can rnams la che ge mo zhig gis las kyi rnam par smin pa ni 'di'o/ / che ge mo zhog gi las kyi rnam par smin pa 'di'o zhes de bzhin gshegs pa thabs mkhas pas las kyi rgyud bstan te/ de thos nas phan par byed par 'gyur ro// de lta bas na rigs kyi bu thabs mkhas pa bstan pa 'di gsang bar gyis shig
- 192a
sems can dge ba'i rtsa ba chung ngu dang ldan pa rnams kyis mdun du ma 'chad cig/ de ci'i phyir zhe na/ bstan pa 'di ni nyan thos dang / rang sangs rgyas kyi sa yang ma yin na/ sems can dge ba'i rtsa ba chung ngu dang ldan pa rnams kyi lta ci smos/ de ci'i phyir zhe na/ de dag thams cad bslabs pa ma yin pas/ 'di ni de dag la mi dgos so// byang chub sems dpa' gang dag bstan pa 'di la slob par 'gyur ba ma gtogs par gzhan thabs mkhas pa bstan pa 'di snod du gyur pa gang yang med do/ / 'di lta ste/ rigs kyi mtshan mo sa sros pa'i mun par mar me bus na khyim na snod du thams cad snang bar 'gyur ba de bzhin du/ byang chub sems dpa' yang thabs mkhas pa bstan pa 'di thos te/ mos par gyur nAs/ sangs rgyas kyi spyod pa thams cad mthong bar 'gyur zhing sems can dag la yang slob par 'gyur ro/ / rigs kyi bu khyod la bsgo'o// khong du chud par bya'o// byang chub 'dod pa'i rigs kyi / bu'am rigs kyi bu mos thabs mkhas pas 'di gang na rnar grags par 'gyur na/ dpag tshad 'bum du yang 'gro bar bya'o// ci'i phyir zhe na/ de ltar bstan pa 'di thos na snang ba thob par 'gyur/ sangs rgyas kyi chos thams cad la 'gyod pa med par 'gyur/ the tsom dang bral bar 'gyur ro// de nas lha dang 'jig rten du bcas pa'i 'khor bzhi las
- 192b
sems can gang dag snod du gyur pa de dag gis ni chos kyi rnam grangs 'di thos so/ / gang snod du ma gyur pa de dag gis ni rna lam du yang mi grags so// chos kyi rnam grangs 'di bshad ba'i tshe/ srog chags bdun khri nyis sbyong gis bla na med pa yang dag par rdzogs pa'i byang chub tu sems bskyed do// tshe dang ldan pa dga' bos 'di skad ces gsol to// bcom ldan 'das chos kyi rnam grangs 'di'i ming ci lags 'di ji ltar bzung bar bgyi/ bcom ldan 'das kyis bka' stsal pa/ dga' bo chos kyi rnam grangs 'di ni/ thabs mkhas pa'i pha rol tu phyin par bstan par zung shig/ sangs rgyas thams cad kyi thabs mkhas par gsungs pa'i le'ur zung shig/ bcom ldan 'das dgyes shing / de skad ces bka' stsal pa dang dga' bo dang / byang chub sems dpa' sems dpa' chen po ye shes bla ma dang / lha dang mi dang lha ma yin dang / dri zar bcas pa'i 'jig rten yid rang te/ bcom ldan 'das kyis gsungs pa la mngon par dka' bo/ / thabs mkhas pa zhes bya ba theg pa chen po'i mdo rdzogs so// @#rgya gar skad du/ Ar+ya tri skan d+hA ka nA ma ma hA yA na sU tra/ bod skad du/ 'phags pa phung po gsum pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal
- 193a
lo 'di skad bdag gis thos pa dus gcig na/ bcom ldan 'das chos kyi dbye dgon pa na bzhugs te/ 'das pa dang / ma byon pa dang / da ltar byung ba'i sangs rgyas bcom ldan 'das ye shes chen pos legs par thugs su chud pa'i blo mnga' ba/ sangs rgyas thams cad dang mnyam pa nyid brnyes pa/ chos kyi sku gnyis su med pa la rten cing gnas pa/ nam mkha'i dkyil yul du gyur cing thug pa med pa'i ye shes mnga' ba/ chos kyi dbyings thams cad du rab tu zhugs pa'i sku dang ldan pa/ chos kyi cod pa Na chags pa med pa/ mchog dam pa/ dri ma med pas bcings pa/ so so yang dag par rig pa chen po rjes su bsgrags pa/ shin tu rnam par phye ba'i dbyangs can bsod nams mi bzad pa'i mdzod kyis ye shes kyi dkyil 'khor yangs shing 'od gsal ba/ nyon mongs pa med pa'i chos thugs su chud pas mi rten par gnas pa/ chos kyi dbyings thams cad du shin tu rnam par grol ba'i ye shes kyi sku dang ldan pa/ bskal pa bye ba dpag tu med par yon tan gyis chos yongs su brjod kyang mi zad cing thug par med pa'i yon tan gyi/ bsngags pa bstan pa'i khyad par brnyes pa de dag la phyag 'tshal lo/ / de bzhin gshegs pa sems can thams cad snyed kyi/ sangs rgyas bcom ldan 'das gang rnams las/ de bzhin gshegs pa re re'i tshul khrims kyi yon tan
- 193b
gyi bsngags pa phun sum tshogs pa las brtsams te/ bskal pa mtha' yas par bsngags pa brjod kyang / de bzhin gshegs pa de'i tshul khrims kyi yon tan gyi bsngags pa phun sum tshogs pa yang mi zad cing thug pa ma mchis la/ de bzhin gshegs pa de dag gis spobs pa so so yang dag par rig pa yang thug pa ma mchis te/ de ltar sangs rgyas bcom ldan 'das tshul khrims dpag tu ma mchis pa de dag la mos pa'i mchog gis mos so/ / gtso bo dang / dam pa dang / khyad par du 'phags pa dang / rab dang / gya nom pa dang / bla ma dang / bla na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i mos pas lhag par mos so// tshul khrims la ji lta ba de bzhin du ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / de bzhin du byams pa chen po dang / snying rje chen po dang / dga' ba chen po dang / btang snyoms chen po dang / de bzhin du stobs dang / mi 'jigs pa dang / de bzhin du sangs rgyas kyi chos thams cad yang dag par 'byung ba'i bar dag la lhag par mos so//
- 194a
mos nas kyang sangs rgyas bcom ldan 'das de dag la phyag 'tshal lo// bstod do// bkur ro// bsngags so// rab tu bsngags so// 'dung ngo // rab tu 'dud do/ / phyag bgyi'o// gzhol lo// blta'o// brtag go// byamos pa'i lus kyi las dang / byams pa'i ngag gi las dang / byams pa'i yid kyi las ye shes sngon du 'gro ba dang / kun tu bzang ba dang / sangs rgyas kyi brgya byin lus kyi las dang / ngag gi las dang / yid kyi las kyis sangs rgyas bcom ldan 'das de dag la phyag 'tshal lo// bstod do/ / bkur ro// bsngags so// rab tu bsngags so// 'dud do// rab tu 'dud do// phyag bgyi'o// gzhol lo// blta'o// brtag go// dmigs pa dpag tu ma mchis pa dang ldan pa'i me tog dang / spos dang / 'phreng ba dang / byugs pa dang / phye ma dang / chos gos dang / gdugs dang / rgyal mtshan dang / ba dan dang / mar me dang bkod pa dang / lhab lbub dang / mchod rten rtsig pa dang / sku gzugs bgyi ba dang / rin po che dang / rgyan dang / bzhon pa dang / 'chags dang / gtsug lag khang dang / yo byad thams cad bkod pa rnam par dag pa rgya chen po 'di dag gis kyang / de bzhin gshegs pa de dag la bsti stang du bgyi'o// btsun par bgyi'o// ri mor bgyi'o// mchod do//
- 194b
rim gror bgyi'o// mchod pa mos pa'i stobs las nges par byung ba/ khams gsum pa las shin tu 'das pa/ nyon mongs pa ma mchis pa'i chos las byung ba mngon par 'du/ byed pa ma mchis pa'i phyag rgyas btab pa/ ye shes sgyu ma las shin tu yongs su grub pa las sgyu ma las shin tu rnam par phye ba/ gnas thams cad las shin tu lpag pa/ 'jig rten sgyu ma las byung ba/ ngo bo nyid kyi chos dang 'brel pa yang dag par rdzogs pa'i sangs rgyas kyis bka' stsal pa'i mchod pas/ de bzhin gshegs pa de dag la bsti stang du bgyi'o/ / btsun par bgyi'o// ri mor bgyi'o// mchod do// gsol lo// rim gror bgyi'o// gong du yang byang chub sems dpa' de bzhin gshegs pa'i rgyud bsab par 'tshal ba/ sems can gyi rgyud yongs su smin po ri 'tshal ba/ zhing gi rgyud rnam par sbyong bar 'tshal ba/ las kyi rgyud dang mi 'gal bar 'tshal ba/ chos kyi rgyud rab tu rnam par 'byed par 'tshal ba/ dus gsum gyi rgyud rtogs par 'tshal ba/ phyogs kyi rgyud la rab tu 'jug par 'tshal ba/ 'dod chags ma mchis pa'i rgyud la rab tu dgod par 'tshal ba/ mos pa'i rgyud rnam par skyong bar 'tshal ba/ dbang po'i rgyud la lta bar 'tshal ba/ chos kyi dbyings kyi 'khor lo la rnam par 'phrul bar 'tshal ba/ 'gro ba'i 'khor lo thams
- 195a
c ad bsdu bar 'tshal ba'i byang chub sems dpa' rnams kyis ji ltar sangs rgyas bcom ldan 'das dag gis sangs rgyas kyi mkhyen pa chags pa mi mnga' zhing sgrib pa mi mnga' bas mkhyen bcing rab tu mkhyen pa de lta bus/ de bzhin gshegs pa dag la mchod par bgyi ba de bzhin du/ bdag gis kyang yang dag par rdzogs pa'i sangs rgyas kyis bka' stsal pa'i byang chub sems dpa'i dkyil 'khor thams cad rab tu dga' bar bgyid pa/ byang chub sems dpa' kun tu bzang po'i spyod pa rab 'byams las nges par byung ba/ byang chub sems dpa' ye shes bla ma gnas pa'i yul gyi rjes su zhugs pas/ de bzhin gshegs pa la mchod par bgyi'o// de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba gtsug gi bla ma zhes bgyi bas 'jig rten gyi khams rab 'byams thams cad du 'jug ste de bzhin gshegs pa la mchod pa 'di lta ste/ pha rol tu phyin pa las byung ba/ ma skyes pa'i chos las byung ba/ byang chub sems dpa' rigs btsun par skyes pa'i ye shes kyi mig gis rig pa/ sangs rgyas kyi yul thams cad rgyas par 'gengs pas 'jig rten gyi khams chos kyi dbyings su gtogs pa ming gis khyab pa mang po dag na/
- 195b
chos kyi dbyings rgyas par 'gengs pa'i 'khor gyi dkyil 'khor rnams dang / nam mkha'i khams kyi mthas btugs pa/ chos kyi dbyings su gtogs pa'i 'jig rten gyi khams/ su 'jug go// de bas gong du yang mchod pa yo nA tan dpag tu ma mchis pa dang ldan pa dge ba'i rtsa ba chen po'i shugs kyis bskyed pa/ rdo rje'i dbang po snang bar bgyid pa/ sangs rgyas kyi yul thams cad du snang ba'i me tog gi rgyal po'i ye shes las byung ba'i mchod pas/ de bzhin gshegs pa de dag la bsti stang du bgyi'o// btsun par bgyi'o// ri mor bgyi'o// mchod do// gsol lo// rim gror bgyi'o// ji ltar bdag gi don du mchod pa de bzhin du/ 'jig rten gyi khams rab 'byams ma lus pa thams cad na sems can ji tsam sems can gyi ris na mchis pa sems can gyi khams de dag thams cad kyi ched du yang de bzhin gshegs pa de dag la mchod par bgyi'o/ / de ltar bdag gis de bzhin gshegs pa la mchod pa'i stobs kyis brlan pa'i sems bskyed pa/ byams pa chen po dang / snying rje chen pos nye bar brtan pa/ 'gro ba thams cad yongs su skyabs pa'i smon lam dang ldan pas/ de bzhin gshegs pa thams cad kyi byin gyi brlabs kyi mdzod kyi rjes su zhugs par gyur/ shes rab dang / thabs kyi stobs chen pos yongs su bzung bar gyur/
- 196a
bdud kyi lam dang yul thams cad las yang dag par 'das par gyur nas/ sgrib par 'gyur ba'i las thams cad bshags par bgyi ste/ gang sangs rgyas bcom ldan 'das rnams kyis bka' stsal pa dang / gang sems can dam pa rnams kyis rnam par spangs pa dang / gang de bzhin gshegs pa rnams kyis smad pa dang / gang byang chub sems dpa' rnams kyis yongs su spangs pa dang / gang 'phags pa rnams kyis bshung ba dang / gang mkhas pa rnams dang zhe 'gras pa dang / gang rig pa rnams kyis bor ba/ 'dod chags dang / zhe sdang dang / gti mug gis rab tu gzir ba'i dbang gis byung ba 'am/ nga rgyal dang / 'chab pa dang / khon du 'dzin pa'i dbang gis byung ba 'am/ phra dog dang / ser sna dang mya ngan gyi dbang gis byung ba 'am/ sgyu dang g.yo'i dbang gis byung ba 'am/ mngon par zhen pa'i stobs kyis byung ba 'di lta ste/ las kyi sgrib pa 'am/ chos kyi sgrib pa 'am/ nyon mongs pa'i sgrib pa 'am/ lta ba'i sgrib pa ba ma/ mi shes pa'i sgrib pa 'am/ rnam par smin pa'i sgrib pa 'am/ chos kyis phongs par 'gyur ba'i sgrib pa 'am/ nyan thos dang / rang sangs rgyas kyi theg pa dang ldan pa'i sgrib pa 'am/ theg pa chen po'i bar chad du 'gyur ba'i sgrib pa 'am/ dge ba'i rtsa ba thams cad gsog pa la gnod pa'i sgrib pa 'am/
- 196b
sdig pa'i grogs po dang 'gre ba'i sgrib pa 'am/ byang chub sems dpa' kun tu bzang po'i spyod pa'i smon lam yongs su rdzogs par bgyi ba la sgrib pa dang chod pa yang rung ste/ sgrib pa'i las bgyis shing bsags pa sgrib pa'i kun nas ldang ba gang gis sems can dmyal bar 'chi bar 'gyur ba dang / dud 'gro'i skye gnas su mchi bar 'gyur ba dang / yi dgas kyi yul du 'chi bar 'gyur ba dang / lha dbul por 'gyur ba dang / sangs rgyas la lta ba yongs su mi 'dzin pa dang / chos mnyan po yongs su mi len pa dang / de bzhin gshegs pa dang / chos dang dge 'dun dkon mchog mngon par mi rig par 'gyur ba dang / byang chub sems dpa' dang 'grogs pa mi 'thob par 'gyur ba dang / dge ba'i bshes gnyen yang dag pas yongs su bzung bar mi rnyed par 'gyur pa dang / dge ba'i rtsa ba chab 'tshal ba yongs su 'dzin par 'gyur ba dang / byang chub kyi sems brjed par 'gyur ba dang / pha rol tu phyin pa'i lam mi nyan par 'gyur ba dang / bdud sdig can rnams kyis 'joms par 'gyur ba dang / sangs rgyas kyis chos thag ring du bgyid par 'gyur ba dang / dge ba'i rtsa ba thams cad brtsam pa'i sbyor ba las/ rnam par ldog par 'gyur ba dang / dge ba'i gshes gnyen la 'khu bar 'gyur pa dang / bsam pa yongs su dag pa mi
- 197a
'thob pa dang / dran pa brjed pa ma mchis pa mi 'thob pa dang / chos la lta ba mi 'thob pa dang / sangs rgyas kyi rnam par sprul pa la mi mos pa dang / sangs/ rgyas kyi chos rnams la yid gnyis 'tshal bar 'gyur ba dang / ting nge 'dzin gyi sgo khong du mi chud pa dang / sa nas sar gnas pa'i mi 'thob pa dang / byang chub sems dpa' dang 'grogs pa mi 'thob pa dang / pha rol tu phyin pa yongs su rdzogs par bgyi ba la byas pa ldan pa khong du mi chud pa dang / smon lam chen po las nur bar 'gyur ba dang / spyod pa yongs su dag pa mi 'thob pa dang / gzungs kyi rgyan gyi snang ba mi 'thob pa dang / spobs pa'i rgyan snang ba khong du mi chud pa dang / byang chub sems dpa' kun tu bzang po'i spyod pa'i smon lam la yongs su dris par bgyi ba khong du mi chud pa dang / chos mnyam pa nyid mi rtogs pa dang / bsod nams mnyam pa nyid mi bskyed pa dang / ye shes mnyam pa nyid khong du mi chud pa dang / 'khor ba'i chos rnams kyis kun tu gzhom par 'gyur ba'i sgrib pa de lta bu la sogs pa dang / byang chub sems dpa'i spyod pa dang / yon tan gyi chos thams c ad kun tu sgrub pa la mi phyogs par 'gyur pa'i sgrib pa'i 'gebs pa grangs ma mchis pa 'bum phrag bcu po de dag dus gsum du gtogs pa'i de bzhin gshegs pa thams cad
- 197b
chos kyi dbyings su 'dus pa ye shes gzigs pa sgrib pa mi mnga' ba chags pa ma mchis pa'i mig gi yul brnyes pa/ mnyam pa nyid kyis rjes su zhugs pa'i sku dang ldan pa/ chos kyi dbyings mun pa ma mchis par zhugs pa'i ye shes kyi spyan brnyes pa'i de bzhin gshegs pa de dag thams cad kyi spyan sngar bdag mngon sum du gyur pas mos nas/ de bzhin gshegs pa'i yul tshad med par brtags te/ skra'i rtse mo'i cha shas gzhag pa'i khyon tsam re re la yang de bzhin gshegs pa sems can thams cad snyed du lhag par mos so// sgraskra'i rtse mo'i cha shas gcig bzhag pa'i khyon la ji lta ba de bzhin du/ chos kyi dbyings thams cad du yang de bzhin gshegs pa sems can thams cad snyed du lhag par mos so// / de bzhin gshegs pa re re la yang lus thob pa 'gro ba thams cad kyi sems snyed kyis zhabs kyi 'og tu gtugs te phyag 'tshal lo// lus thob pa re re la yang mgo ngag gi lam nges pa'i cho ga snyed du lhag par mos so/ / mgo re re la yang khwa'i sgo zhing thams cad kyi rdul phra rab tu dbye ba skyed du lhag par mos so// kha'i sgo re re la yang lce'i rtse mo zhing thams cad du rdul phra rab tu dbye ba nyid du lhag par mos so/ / lce'i rtse mo'i dkyil 'khor re re la yang nges pa'i tshig gi sgrar btags pa'i tha snyad yang dag par rdzogs pa'i sangs rgyas kyis
- 198a
bka' stsal pa/ 'gro ba thams cad kyi tshig gi spyod pa dang mnyam pas/ sgrib pa ma mchis pa'i dkyil 'khor dang mthun par gyur nas/ lhag pa'i bsam ba nyon mongs pa'i ri chen po rnam par mthor ba'i las byung bas sgrib par 'gyur ba'i las de dag 'chags so/ / mi 'chab bo// 'jig rten gyi khams thams cad du 'tshal bar 'gyur ba'i bshags pas 'chags so/ / bsal lo// rnam par gzhig go// rab tu gzhom mo// spong ngo // gdon to// las la dbang pas dbang bgyi'o// stobs bskyed pa brnyes pa rnams kyi bde ba nye bar bstan pa'i slad du yongs su bsngo'o/ / gong du yang byang chub sems dpa' de bzhin gshegs pa mnyes par bgyid par 'tshal ba/ byang chub sems dpa'i spyod pa thams cad yongs su sbyong bar 'tshal ba/ byang chub sems dpa' rnam par gzhag pa thams cad las yang dag par 'da' bar 'tshal ba/ byang chub sems dpa'i smon lam thams cad yongs su rdzogs par bgyid par 'tshal ba/ byang chub sems dpa'i gter thams cad thob par 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba/ pha rol tu phyin pa thams cad yongs su rdzogs par bgyid par 'tshal ba/ sems can thams cad yongs su smin par bgyid par 'tshal ba//
- 198b
'jig rten gyi khams yongs su dag pa thams cad rtogs par 'tshal ba/ byang chub sems dpa' kun tu bzang po'i spong ba'i smon lam yongs su rdzogs par bgyi ba rtogs par 'tshal/ ba rnams kyis ji ltar sangs rgyas bcom ldan 'das bdag gis sangs rgyas kyis mkhyen pa chags pa mi mnga' zhing / sgrib pa mi mnga' bas mkhyen cing rab tu mkhyen pa de lta bus sgrib par 'gyur pa'i las bshags par bgyi ba de bzhin du/ ci nas kyang bdag gis bshags pas legs par bshags par 'gyur pa dang / yongs su dag par 'gyur ba dang / 'od gsal bar 'gyur pa dang / kha na ma tho ba ma mchis par 'gyur pa dang / bskul bar 'gyur ba dang / dug ma mchis par 'gyur ba dang / sgrib pa ma mchis par 'gyur ba dang / bar du gcod pa ma mchis par 'gyur ba dang / yon tan gyi chos thams cad sgrub par 'gyur ba de lta bur sgrib par 'gyur ba'i las kyi nyes pa thams cad 'chags so// ji ltar bdag gis don du bshags pa de bzhin du/ 'jig rten gyi khams rab 'a byams ma lus pa thams cad na/ sems can ji tsam sems can gyi ris na mchis pa/ sems can gyi khams de dag thams cad kyi cheng du yang bsgrib par 'gyur ba'i las kyi nyes pa 'chags so/ / de ltar bdag gis las kyi nyes pa sgrib par 'gyur ba thams cad so sor bshags nas/ sgrib pa ma mchis pa
- 199a
rnam par dag pa'i dkyil 'khor la gnas te/ 'gro ba thams cad kyi dge ba'i rtsa ba la rjes su yi rang ngo // dge ba'i rtsa ba'i tshogs kyi khyad par gang gis ngan song dbul po yi dgas kyi mi khom par mchi ba thams cad rnam par zlog pa de la yang rjes su yi rang ngo / / sems can la gnod pa ma mchis shing 'od gsal ba/ dge ba'i rtsa ba'i tshogs kyis khyad par gang gis ngan song dud 'gro'i skye gnas kyi mi khom par mchi ba thams cad rnam par bzlog par de la yang rjes su yi rang ngo / / dge ba'i rtsa ba'i tshogs kyi khyad par gang gis sems can dmyal ba'i mi khom par mchi ba thams cad rnam par zlog pa de la yang rjes su yi rang ngo / / bzang po'i gnas dge ba'i rtsa ba'i tshogs kyis khyad par gang gis lha dang mir skye ba thams cad yongs su 'dzin pa de la yang rjes su yi rang ngo / / dge ba'i rtsa ba'i tshogs kyi khyad par gang gis bsam gtan gyi dga' ba dang mgu ba dang / bde ba thams cad myong ba de la rjes su yi rang ngo / / dge ba'i rtsa ba'i tshogs kyi khyad par gang gi 'khor ba la yid 'byung ba'i sems thob pa de la yang rjes su yi rang ngo // dge ba'i rtsa ba'i tshogs kyi khyad par gang gis dge ba'i bshes gnyen yang dag pas yongs su bzung ba thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis dge ba'i bshes gnyen rnams la gus
- 199b
pa'i sems kyi rnyed pa de la yang rjes su yi rang ngo / / dge ba'i rtsa ba'i tshogs kyi khyad par gang gis sangs rgyas bcom ldan 'das rnams mnyes par bgyid de/ mnyes nas mi mnyes par mi 'gyur ba'i de la yang rjes su yi rang ngo / / dge ba'i rtsa ba'i tshogs kyi khyad par gang gis sangs rgyas bcom ldan 'das rnams las chos bstan pa mngon sum du nyan cing thos nas som nyi dang yid gnyis zlog pa de la yang rjes su yi rang ngo / / dge ba'i rtsa ba'i tshogs kyis khyad par gang gis 'jig rten gsum po thams cad nas 'byung ba rtogs pa de la yang rjes su yi rang ngo / / dge ba'i rtsa ba'i tshogs kyi khyad par gang gis sems can thams cad kyis rton pa'i sems bskyed pa rnyed pa de la yang rjes su yi rang ngo // dge ba'i rtsa ba'i tshogs kyi khyad par gang gis 'gro ba thams cad thogs pa ma mchis pa'i mig thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis ngos mnyam pa'i rjes su mchi ba'i smon lam chen po yongs su rdzogs par bgyid pa de la yang rjes su yi rang ngo / / dge ba'i rtsa ba'i tshogs kyi khyad par gang gis lus mtshan dang dpe byad bzang pos legs par brgyan pa thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis yon tan thams cad rnam par dag pa'i rgyan dag
- 200a
yongs su dag pa thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis stobs bcus brgyan pa'i sems rin po che thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis thams cad mkhyen pa nyid kyi shugs las phyir mi ldog pa'i thob pa de la yang rjes su yi rang ngo // dge ba'i rtsa ba'i tshogs kyi khyad par gang gis gzungs kyi rigs khong du chud pa de la yang rjes su yi rang ngo / / dge ba'i rtsa ba'i tshogs kyi khyad par gang gis chos kyi dbyings rnam par dag par khong du chud pa de la yang rjes su yi rang ngo / / dge ba'i rtsa ba'i tshogs kyi khyad par gang gis rnam par smin pa mi zad pa la gnas te/ mngon par shes pa thob pa de la yang rjes su yi rang ngo // dge ba'i rtsa ba'i tshogs kyi khyad par gang gis sangs rgyas kyi zhing gi rgyan bsgrub pa khong du chud pa de la yang rjes su yi rang ngo / / dge ba'i rtsa ba'i tshogs kyi khyad par gang gis bdud kyi rtsod pa'i dmag tshogs thams cad rab tu bcom nus khyu mchog tu gyur pa khong du chud pa de la yang rjes su yi rang ngo / / dge ba'i rtsa ba'i tshogs kyi nyan thos dang / rang sangs rgyas thams cad kyi chos mnyam pa nyid las skyes pa'i rig pa dang / rnam par grol ba dang / 'dod chags dang bral ba dang / zag pa ma mchis pa dang / ldan pa gang lags pa de dag la yang rjes su yi rang ngo //
- 200b
byang chub sems dpa' thams cad kyi dge ba'i rtsa ba gang dag byang chub sems dpa'i spyod pa thams cad dang ldan pas na/ bla na med pa yang dag par rdzogs pa'i byang chub khong du chud pa dang ldan pa'i bar/ gyi dge ba'i rtsa ba de dag la yang rjes su yi rang ngo // de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gror bgyi ba byang chub sems dpa' dbang bskur ba rnams kyi khyad par du 'gro ba zhes bgyi bas 'jig rten gyi khams rab 'byams thams cad du 'jug pa gang lags pa de la yang rjes su yi rang ngo / / de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba byang chub sems dpa' dga' ldan gyi gnas mchog na gnas kyi khyad par du 'gro ba zhes bgyi bas/ 'jig rten gyi khams rab 'byams thams cad du 'jug pa gang lags pa de la yang rjes su yi rang ngo / / de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gror bgyi ba byang chub sems dpa' mngal na gnas pa rnams kyi bsod nams kyi me tog rgyas pa'i snying po snang ba zhes bgyi bas 'jig rten gyi khams rab 'byams thams cad du 'jug pa gang lags pa de la yang rjes su yi rang ngo / / de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba byang chub kyi snying po mchog
- 201a
dam pa na gnas pa/ byang chub sems dpa' kun tu bzang po'i gtsug gi bla ma zhes bgyi bas 'jig rten gyi khams rab 'byams thams cad du 'jug pa'i gang lags pa de la yang rjes su yi rang ngo / / yang dag par rdzogs pa'i sangs rgyas dus gsum du gshegs pa rnams kyi dge ba'i rtsa ba thabs mkhas pa bsam gyis mi khyab pas rnam par 'phrul pa dang ldan pa gang lags pa de la yang rjes su yi rang ngo / / gong du yang byang chub sems dpa' bdud kyi rtsod pa'i dmag tshogs thams cad rab tu btul bar 'tshal ba/ phas kyis rgol ba'i tshogs thams cad zil gyis gnon par 'tshal ba/ ma rig mun pa mun nag dang rab rib kyi ling tog mang po sel bar 'tshal ba/ ngan song dang mi khom pa dang / ngan 'gro'i las thams cad gcog par 'tshal ba/ ye shes kyi dkyil 'khor thams cad rnam par sbyong bar 'tshal ba/ chos thams cad snang ba thob par 'tshal ba/ kun tu bzang po'i lus khyu mchog tu gyur pa thob par 'tshal ba/ 'gro ba thams cad kyi bsam pa ji lta ba bzhin du tshim par bgyid pa'i dbyangs kyi yan lag rnam par dag pa thob par 'tshal ba/ chos thams cad ji lta ba bzhin du rtogs par bgyi ba'i slad du/ ye shes kyi mig rnam par sbyong bar 'tshal ba/ 'khor ba'i 'khor lo zlog par 'tshal ba/ chos kyi 'khor lo chen po bskor bar 'tshal ba/ stobs bcu'i ye shes kyis
- 201b
non par 'tshal ba rnams kyis ji ltar sangs rgyas bcom ldan 'das dag gis/ sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus dge ba'i rtsa ba'i tshogs thams cad la rjes su yi rang bar bgyid pa de bzhin du/ bdag kyang rjes su yi rang ba'i mchog gis rjes su yi rang ngo // gtso bo dang dam pa dang / khyad par du 'bags pa dang / rab dang bul dang / gya nom pa dang / bla ma dang / zla na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang snang ba ma mchis pa dang / bdag nyid chen po dang / zil gyis mi non pa dang / yon tan gyis chos thams cad sdud pa dang / yang dag par rdzogs pa'i sangs rgyas kyis bka' stsal pa'i rjes su yi rang bas rjes su yi rang ngo / / ji ltar bdag gi don du rjes su yi rang ba de bzhin du/ 'jig rten gyi khams rab 'byams ma lus pa thams cad na sems can ji tsam samA can gyi ris ris na mchis pa/ sems can gyi khams de dag thams cad kyi ched du yang dge ba'i rtsa ba de dag thams cad la rjes su yi rang ngo // de ltar bdag dge ba'i rtsa ba thams cad la rjes su yi rang nas/ sangs rgyas bcom ldan 'das thams cad la skul lo// de lta na phyogs bcu'i 'jig rten gyi khams phyogs bcu'i mu thug yongs su rje bar 'jug pa/ 'jig rten gyi
- 202a
khams thams cad ga'i byal bu'i rjes su gro zhing 'a gyuSh+TA/ 'o// me rlu kyi phyogs yongs su rje bar bshad pa la/ 'chol ba'i na kyi ga rten/ rgya sems mngon du sgru sa/ rnam par daste ba'i mig 'phrul wA'u/ chos kyi dbyings su gtogs pa'i 'jig rten gyi khams rab byam sa thams cad na/ sangs rgya bcom ldan 'das gang dag kha cig bdud kyi rtsod pa'i dmag tshogs thams cad mngon par btul nas/ blan med pa yang dag par rdzogs pa'i byang chub mngon par rdzogs par sangs rgyas te/ chos tham cad la sgrib pa med pa nyid brnyes pa/ byang chub kyi snying po mchog dam par gshegs pa/ chos kyi tshul g.yo ba ma mchis pa'i rang bzhin du gyur pa/ chos kyi sku rab tu zhi ba dang ldan pa dag 'di lta ste/ chos bzung bar mdzad pa'i slad du/ 'jig rten thams cad na bskul ba'i sa la bzhes te/ chos kyi 'khor lo mi bskor ba'i sangs rgyas bcom ldan 'das de dag la bdag gis bla ma la ri mo gus par bgyi ba chen pos lus bzung bar bgyis nas/ chos kyi 'khor lo chen po rab tu bskor bar bskul gyis/ byang chub sems dpa' thams cad yongs su grub par bgyi ba dang / 'gro ba thams cad bskyab pa dang / nyon mongs pa thams cad rnam par byang bar bgyi ba dang / so ma'i thams cad yang dag par gzhom pa dang / the tsom thams cad kun tu gcad pa dang /
- 202b
sangs rgyas dang chos dang / dge 'dun thams cad rab tu bsgrags pa dang / sangs rgyas kyi zhing thams cad du sangs rgyas 'byung ba rgyun mi 'chad par bgyi ba'i slad du/ sangs rgyas bcom ldan 'das rnams kyis pha rol tu phyin pa'i yan lag thams cad shin tu yongs su sbyangs pa/ phyir mi ldog pa stobs bcus zil gyis mi non pa/ 'khor ba'i 'khor lo rab tu 'joms pa/ lta bar gyur pa dang / nyon mongs pa thams cad rab tu 'jig pa/ so so yang dag par rig pa bzhi rjes su bsgrags pa/ shin tu rnam par phye ba'i sgra dang ldan pa/ 'phags pa'i bden pa bzhi'i tshul nges par brtags pa'i chos kyi 'khor lo chen po bskor bar gsol/ / snying rje chen po'i stobs la lhag par dmyigs par bgyi ba dang / rang gi byang chub sems dpa'i spyod pa rgyun mi gcad par bgyi ba dang / byang chub sems dpa'i lam thams cad yongs su sbyang ba'i slad du/ byang chub sems dpa' thams cad la yang bdag bskul lo// snying rje chen po'i stobs la lhag par dmigs par bgyi ba'i slad du/ nyan thos dang / rang sangs rgyas thams cad la yang bdag bskul lo// mi dge ba'i chos thams cad rnam par bzlog pa dang dge ba'i chos thams cad yongs su rdzogs par bgyi ba'i slad du/ sems can thams cad la yang bdag bskul lo// gong du yang byang chub sems dpa' bskul ba'i phung po dang ldan
- 203a
rnams kyis/ ji ltar sangs rgyas bcom ldan 'das rnams kyis sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de/ lta bus/ sangs rgyas thams cad dang / byang chub sems dpa' thams cad dang / nyan thos dang / rang sangs rgyas thams cad dang / sems can thams cad la bskul bar bgyi ba de bzhin du/ bdag kyang bskul ba'i mchog dang / gtso bo dang dam pa dang / khyad par du 'phags pa dang / rab dang / phul dang / gya nom pa dang / bla ma dang bla na ma mchis pa dang / gong na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i bskul pas bskul lo// ji ltar bdag gi don du bskul ba de bzhin du/ 'jig rten gyi khams rab 'byams ma lus pa thams cad na/ sems can ji tsam sems can gyi ris na mchis pa/ sems can gyi khams de dag thams cad kyi ched du yang bskul lo/ / gong du yang de bzhin gshegs pa thams cad la bdag mngon par gsol pa/ da lta phyogs bcu'i 'jig rten gyi khams phyogs bcu'i mu thug yongs su rje
- 203b
bar 'jug pa/ 'jig rten gyi khams thams cad gzhi phyal ba'i rjes su 'gro zhing 'jug pa/ steng 'og med pa'i rgyud kyi phyogs yongs su rjed par bshad pa/ tshol ba'i rgyud kyi 'jig rten gyi khams mngon par bsgrub pa/ rnam par dbye ba'i mig 'phrul lta bu/ chos kyi dbyings su gtogs pa'i 'jig rten gyi khams rab 'byams thams cad na/ sangs rgyas bcom ldan 'das gang dag kha cig chos kyi 'khor lo shin tu bskor ba/ gdul ba dag shin tu btul ba/ zam pa dag shin tu brtags pa/ bstan pa dag shin tu byin gyis brlabs pa/ byang chub sems dpa' ngag shin tu lung bstan pa sangs rgyas kyi mdzad pa dag shin tu mdzad pa/ phas kyi rgol ba'i phyogs thams cad shin tu tshar gcad pa rjes su bstan pa'i rnams shin tu 'phags pa/ zhing thams cad du bsgrags pa 'gro ba thams cad kyis bsams pa ji bzhin du rnam par dag pa'i gnas rnams zhing de dang de dag dang / 'jig rten gyi khams rab 'byams de dang de dag dang / sems can gyi rigs de dang de dag na sems can rab 'byams ma gus par gyur pa/ dbang po yongs su skyo ba/ snod du ma gyur pa/ de bzhin gsheg pa la lta ba'i rgyun gcad pa/ rtag tu chags pa/ yul la mngon par dga' ba/ 'dus byas kyi sgrib pas zin pa/ 'dod pa'i yon tan lnga la sred pa'i dbang du mchis pa de dang de dag
- 204a
la yul thams cad la bdag med par yang dag par ston cing / sems can 'khor ba la mngon par dga' ba rnams yid 'byung ba skyed pa'i ched dang / 'du byed/ thams cad mi brtag par rab tu bstan pa'i ched du/ 'byor pa thams cad mthar chung pa'i sgor yang dag par ston la/ sangs rgyas yongs su mya ngan las 'das pa chen po zhi bar yang dag par bstan pa'i ched du/ srog gi dbang po thams cad mthar 'chi bar yang dag par ston cing / de bzhin gshegs pa 'phos te shin tu bral nas/ 'jig rten du mi dga' ba chen po ston la/ lha dang mi dang lha ma yin du bcas pa'i 'jig rten gyi mdun du yongs su mya ngan las 'das pa chen po ston te/ lha'i dbang po thams cad du ba dang / klu'i dbang po thams cad mya ngan bgyid pa dang / gnod sbyin gyi dbang po thams cad smre sngags 'don pa dang / 'gro ba'i dbang po thams cad rab tu mi dga' ba'i yongs su mya ngan las 'das pa chen po/ lha dang mi dang lha ma yin du bcas pa'i 'jig rten gyi mdun du ston pa na/ bdag gis bla mar la ri mo gus pa chen pos lus btud pa bgyis nas/ sangs rgyas bcom ldan 'das de dag la sku tshe bsring ba dang / ring du bzhugs par gsol gyis/ sangs rgyas bcom ldan 'das rnams 'gro ba thams cad sdug bsngal gyi phung po las bzlog pa dang / sems can thams
- 204b
cad rab tu bde ba la dgod pa dang / sems can thams cad kyi dbul po'i lam rnam par gcad pa dang / sems can thams cad 'khor ba'i 'brog dgon pa chen po las bsgral ba dang 'gro ba thams cad sangs rgyas kyi yul bsgrib pa ma mchis pa la dgod pa dang / dbul po'i lam thams cad gcad pa dang / 'gro ba thams cad chos dkon mchog gis tshim par bgyi ba dang / 'jig rten gyi khams thams cad yongs su sbyang ba dang / 'gro ba thams cad gdul ba mthar gtug pa dang / byang chub sems dpa' thams cad yongs su bzung ba'i slad du/ bskal pa chos kyi dbyings kyis klas pa/ na mo mkha'i khams kyis mthas gtugs par bzhugs su gsol/ sangs rgyas bcom ldan 'das de dag la bdag mngon par gsol ba'i mchog gis mngon par gsol lo/ / gtso bo dang / dam pa dang / khyad par du 'phags pa dang / rab dang phul dang / gya nom pa dang / bla ma dang / bla na ma mchis pa dang / gong nA ma mchis pa dang / mnyam pa ma mchis pa dang / mi mnyam pa mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i mngon par gsol bas gsol lo//
- 205a
gong du yang sangs rgyas bcom ldan 'das dag gis/ ji ltar sangs rgyas kyi mkhyen pa chags pa mi mnga' zhing / sgrib pa mi mnga' bas mkhyen cing rab tu mkhyen pa de lta bus/ byang chub sems dpa' rnams kyis gus pa de lta bu dang / lus 'dud pa de lta bu dang / ngag gis las 'byung ba de lta bu dang / yid kyi las bsgrub pa de lta bus sangs rgyas bcom ldan 'das mya ngan las 'da' bar phyogs par dgongs pa la phyi ma'i mthar thug pa'i bskal par sku tshe yongs su bskyang bar mngon par gsol bar bgyi ba de bzhin du/ bdag kyang gsol lo/ / ji ltar bdag gi don du gsol ba de bzhin du/ 'jig rten gyi khams rab 'byams ma lus pa thams cad na sems can gyi ris na mchis pa/ sems can gyi khams thams cad kyi ched du yang mngon par gsol lo/ / bdag de ltar de bzhin gshegs pa la mngon par gsol ba'i dge ba'i rtsa ba'i stobs bskyed pa thob par gyur bsam pa dang lhag pa'i bsam pa'i stobs kyis brtan par gyur/ dad pa dang mos pa'i stobs la shin tu gnas par gyur nas/ lhag pa'i bsam pa'i snod yongs par yang dag par bskyed de/ dge ba'i rtsa ba rab 'byams thams cad yang dag par bzung ngo // byang chub sems dpa'i dkyil 'khor thams cad na/ 'das pa dang / ma 'ongs pa dang / da ltar
- 205b
mang par rab tu brtson pa/ byang chub sems dpa' chen byung ba'i byang chub sems dpa' thams cad mkhyen pa nyid sgrib pa ma mchis pa la brtson pa/ chos kyi dbyings kyi dkyil 'khor rnam par dag par rjes su dran pa/ 'gro ba thams cad yongs su skyob pa'i sems dang ldan pa/ dge ba'i rtsa ba'i tshogs chen po rtsol bas rtsol ba/ go cha chen po bgos pa/ smon lam chen po mngon par 'grub pa/ dge ba rtsom ba rgya che ba chen po la rab tu brtson pa/ pha rol tu phyin pa chen po'i dkyil 'khor du rab tu sbyor ba/ yon tan gyis thams cad rnam par sbyong bar 'tshal ba/ mtha' dang dpung ma mchis pa'i sa la gnas par 'tshal ba/ 'gro ba thams cad kyis yongs su rdzogs par 'tshal ba/ sems kyi 'khri shing rnam par sbyong bar 'tshal ba/ chos kyi sgo nye bar stobs par 'tshal ba/ dge ba'i rtsa ba chen po'i shugs rnam par spel bar 'tshal ba'i byang chub sems dpa' thams cad kyis 'di lto ste/ sems can thams cad stobs bcu rnam par dag pa'i mthar gtugs pa dang / sangs rgyas thams cad la mchod pa dang / rim gro bgyi ba'i slad du/ thams cad mkhyen pa nyid la/ dge ba'i rtsa ba ji snyed cig/ skyed pa dang / skyed par 'gyur pa dang / bskyed pa de dag dang / byang chub sems dpa' thams cad kyi dge ba'i rtsa ba gcig pa la btang ba rnams dang / yang dge ba'i rtsa ba
- 206a
gang dag byang chub sems dpa'i sa nas sar 'bar ba'i mod pa las skyes pa rnams dang / dge ba'i rtsa ba byang chub sems dpa' kun tu bzang po'i spyod pa'i// smon lam yongs su rdzogs pa las byung ba rnams dang / byang chub sems dpa'i sa 'phrul pa dang ldan pa la zhugs pa/ chos thams cad kyi don mthong ba rjes su thob pa/ chags pa ma mchis pa'i ye shes kyis sa'i snying po rdo rje lhur srab mi shes pa'i sems bskyed pa rnams kyi dge ba'i rtsa ba'i tshogs kun tu nas sgo/ de bzhin gshegs pa thams cad mngon sum du gyur pa/ las kyi shugs kun nas ngos ye shes 'phags pa zhes dgyi bas bskyed pa/ sems kyi skad cig sems kyi skad cig la yang de bzhin gshegs pa la mchod pa dang rim gro bgyid par 'jug ste/ de dag 'jug pa dang / dge ba'i rtsa ba'i rgyu mthun pas/ thams cad mkhyen pa nyid kyi tshad med pa'i rkyen rnams kyis/ sems kyi skad cig sems kyi skad cig la sems can gyi khams thams cad la mngon par 'gebs shing / ci tsam du thabs kyi tshul brjod pa la 'jug/ dpag tu ma mchis pa dag gis byang chub sems dpa' thams cad dang / mnyam pa nyid kyang yang dag par 'grub ste/ byang chub sems dpa' thams cad de dag thams cad dge ba'i rtsa ba'i shugs de dag thams cad rgyu mi 'chad par gtong ba de tsam du
- 206b
bdag gis lhag pa'i bsam pa'i snod la mos pa'i lam shin tu rnam par dag pa yang dag par bskyed nas/ dge ba'i rtsa ba'i shugs de dag thams cad yang dag par mnod do// yang dag par gzung ngo // bdag gir bgyi'o// blong ngo // lhag par mos so// kun gyi rjes su zhugs par bgyi'o// bdag gir bgyi ba mchog dang / gtso bo dang dam pa dang / khyad par du 'phags pa dang / rab dang phul dang / gya nom dang / bla ma dang / bla nA ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i bdag gir bgyi bas bdag gir bgyi'o// gong du yang byang chub sems dpa' bsod nams kyi tshogs yang dag par len par 'tshal/ yon tan gyi tshogs sgrub par 'tshal ba/ sgrib pa ma mchis pa'i yul la 'jug par 'tshal ba/ chags pa ma mchis pa'i mtha' la gnas par 'tshal ba/ dus gsum thams cad du 'jug par 'tshal ba rnams kyi ji ltar sangs rgyas bcom ldan 'das bdag gis mkhyen cing rab tu mkhyen pa de lta bus/ dge ba'i rtsa ba thams cad
- 207a
bdag gir bgyi ba de bzhin du/ bdag gis kyang bdag gir bgyi'o// bdag gir bgyi ba mchog dang dam pa deng khyad par du 'phags pa dang / dpe ma mchis/ pa dang / snang ba ma mchis pa dang / mnyam pa ma mchis pa dang / 'dra ba ma mchis pa dang / mi 'dra ba rnam par dag pa dang / rtog pa pa dang / tshig gi lam dang / bsngags pa bstan pa mtha' yas pa thams cad kyis bdag gir bgyi bas bdag gir bgyi'o/ / ji ltar bdag gi don du bdag gir bgyi ba de bzhin du 'jig rten gyi khams rab 'byams ma lus pa thams cad na/ sems can ji tsam sems can gyi ris na mchis pa sems can gyi khams de dag thams cad kyi ched du yang bdag gir bgyi'o// bdag mos pa dang ldan pa'i dge ba'i rtsa ba gang lags pa dang / sangs rgyas thams cad la phyag 'tshal ba dang ldan pa'i dge ba'i rtsa ba gang lags pa dang / de bzhin gshegs pa thams cad la lhag par mchod pa dang ldan pa'i dge ba'i rtsa ba gang lags pa dang / mos pa'i stobs las nges par 'byung ba'i mchod pa dang ldan pa'i dge ba'i rtsa ba gang lags pa dang / sgrib par 'gyur ba thams cad bsel ba'i dge ba'i rtsa ba gang lags pa dang / rjes su yi rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang ldan pa'i dge ba'i rtsa ba gang lags pa
- 207b
dang / de bzhin gshegs pa thams cad la mngon par gsol pa dang ldan pa'i dge ba'i rtsa ba gang lags pa dang / bdag gir dge ba'i rtsa ba rab 'byams thams cad sangs rgyas dang byang chub sems dpa' thams cad la shin tu phrul nas bdag gir bgyi ba dang ldan pa'i dge ba'i rtsa ba gang lags pa dang / bdag gi dge ba'i rtsa ba thog ma dang po ma mchis pa'i tshe rabs nas bgyis pa/ thams cad mkhyen par yongs su ma bsngos pa gang lags pa dang / bdag gi dge ba'i rtsa ba 'dus byas kyis yo byad 'tshal bas mngon par bsgrubs pa gang lags pa dang / nyan thos dang / rang sangs rgyas kyis mngon par bsgrubs pa'i dge ba'i rtsa ba gang lags pa dang / bdag gis dge ba'i rtsa ba las kyi mngon par bsgrubs pa dus thams cad du bsags pa/ de bzhin gshegs pa'i ye shes kyis mkhyen pa gang lags pa de dag thams cad yongs su bsdus pa'o// bzlum mo// bsdu bar bgyi'o// gong du yang byang chub sems dpa' sangs rgyas thams cad la mchod par 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba rnams kyis/ ji ltar sangs rgyas bcom ldan 'das dag gis mkhyen cing rab tu mkhyen pa de lta bus/ dge ba'i rtsa ba thams cad yongs su bsdu bar bgyi ba de bzhin du/ bdag gis kyang yongs su bsdu'o// bsdus nas
- 208a
'di lta ste/ 'das pa'i sangs rgyas bcom ldan 'das rnams la mchod pa'i las dang / mtshan rgyas par bgyi bdang / ma byon pa'i sangs rgyas bcom ldan/ 'das rnams kyis byang chub sems dpa' kun tu bzang po'i smon lam yongs su rdzogs par bgyi ba dang / stobs bcu dang / byang chub kyi phyogs myur du khong du ma chung par bgyi ba'i slad du/ sems can thams cad la stsal to// gtang ngo // yongs su gtang ngo // rnam par gtang ngo // nges par btang ngo // nyan thos dang / rang sangs rgyas thams cad la dbul lo/ / btang ngo // yongs su gtang ngo // rnam par gtang ngo // nges par gtang ngo // byang chub sems dpa' thams cad la dbul lo// btang ngo // yongs su gtang ngo / / rnam par gtang ngo // nges par gtang ngo // de bzhin gshegs pa re re la mchod pa'i las kyis slad du/ da ltar 'byung ba'i sangs rgyas bcom ldan 'das thams c ad mkhyen pa byang chub kyi yan lag tu gyur pa rnams kyi 'khor gyi dkyil 'khor chos kyis dbyings kyi tshad tsam rnams su mchod pa bkod pa thams cad kyis rgyan gyi chos kyi dbyings kun tu gnas par 'gyur cig/ rin po che thams cad kyis khobs pa'i chos kyis dbyings kun tu gnas par gyur cig/ me tog thams cad kyis bla res bres pa'i rgyan gyi chos kyis dbyings kun
- 208b
tu gnas par gyur cig/ rin po che thams cad kyis rgyal mtshan bsgreng ba'i chos kyi dbyings kun tu gnas par gyur cig/ rin po che thams cad kyis dra ba bres pa'i rgyun gyi chos kyi dbyings/ kun tu gnas par gyur cig/ rin po che thams cad kyi na bzas g.yogs pa'i rgyan gyi chos kyi dbyings kun tu gnas par gyur cig/ gzhal du ma mchis pa'i dgos kyi sprin gyi char dang / rin po che thams cad kyis sangs rgyas la mchod pa bkod pa'i rgyan gyis chos kyi dbyings kun tu gnas par gyur cig/ snying po'i spros thams cad kyis gdugs pa'i rgyan gyis chos kyi dbyings kun tu gnas par gyur cig/ rgyan gyi dmigs pa thams cad la chags pa las grol ba/ sil snyan 'khrol ba dang ldan pa'i dbyangs kyi rgyan gyi chos kyi dbyings kun tu gnas par gyur cig/ rin po che thams cad kyi pad+ma bkrams pa'i rgyan gyi chos kyi dbyings kun tu gnas par gyur cig/ thams cad kyis rjes su sgrub pa'i sprin gyi rgyan gyi chos kyi dbying kun tu gnas par gyur cig/ rin po che thams cad kyi sprin snang ba rab tu 'gyed pa'i rgyan gyi chos kyi dbyings kun tu gnas par gyur cig/ lha'i thams cad las shin tu 'das pa/ rin po che'i cod pan sna tshogs kyi sprin gyi rgyan gyi chos kyi dbyings kun tu gnas par gyur cig/ de ltar dge ba'i rtsa ba 'dis ji ltar byang chub sems dpa' kun tu bzang po rnams de bzhin
- 209a
gshegs pa'i 'khor gyi dkyil 'khor du mchod pa thams cad dang ldan pas 'jug pa de bzhin du/ bdag kyang dge ba'i rtsa ba 'dis de bzhin gshegs pa thams cad kyi 'khor gyi dkyil 'khor du/ de ltar dpag tu ma mchis pa'i mchod pa phyi ma'i mtha'i mur thug par byin gyis rlob pa la 'jug par gyur cig/ gong du yang ji ltar sangs rgyas bcom ldan 'das ngag gis mkhyen cing rab tu mkhyen pa de lta bus/ byang chub sems dpa' rnams kyi dge ba'i rtsa ba thams cad sems can thams cad dang / nyan thos dang / rang sangs rgyas thams cad dang / byang chub sems dpa' thams cad dang / de bzhin gshegs pa thams cad la gdon par bgyi ba dang / gsol bar bgyi ba dang / dbul bar bgyi ba de bzhin du/ bdag kyang dge ba'i rtsa ba thams cad sems can thams cad dang / nyan thos dang rang sangs rgyas thams cad dang / byang chub sems dpa' thams cad dang / de bzhin gshegs pa thams cad la gsol lo/ / yongs su gtong ngo // gdon to// dbul lo// bdag gis sems can thams cad dang / nyan thos dang / rang sangs rgyas thams cad dang / byang chub sems dpa' thams cad dang / sangs rgyas bcom ldan 'das thams cad la dge ba'i rtsa ba thams cad phul nas/ bsod nams kyi phung po yongs
- 209b
su bsdus pa/ bsod nams kyi phung po dpag tu ma mchis shing bsam gyi mi khyab pa/ de bzhin gshegs pa'i ye shes kyis mkhyen pa gang lags pa des bdag gtan par gyur nas// bdag bla na med pa yang dag par rdzogs pa'i byang chub tu sems bskyed par bgyi'o// ji ltar bcom ldan 'das de bzhin gshegs pa mar me mdzad kyis/ bcom ldan 'das de bzhin gshegs pa zla 'od la mchod pa'i dam pas mchod nas/ dang po byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcom ldan 'das de bzhin gshegs pa shAkya thub pa tshong dpon gyi bu mngon dgar gyur pa na/ bcom ldan 'das de bzhin gshegs pa mdzes chen la brten te dang po byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcom ldan 'das de bzhin gshegs pa tshe dpag med dge slong chos kyi 'byung gnas su gyur pa na/ bcom ldan 'das de bzhin gshegs pa 'jig rten dbang phyug rgyal po la tshogs su bcad pa'i dbyangs kyis mngon par bstod nas/ byang chub tu thugs bskyed pa de bzhin du/ bdag kyang byang chub tu sems bskyed par bgyi'o/ / ji ltar bcom ldan 'das de bzhin gshegs pa mi khrug pas/ sems thog pa ma mchis pa dang / sems mi khrug pa dang
- 210a
tshe rab thams cad du rab tu 'byung ba dang / mngon par 'byung ba'i sems kyis seng ge'i sgra mngon par bsgrags te/ de bzhin gshegs pa spyan rab tu dang ba las/ byang chub tu thugs bskyed pa de bzhin du/ bdag kyang sems bskyed par bgyi'o// ji ltar bcom ldan 'das de bzhin gshegs pa dpal bzang pos/ bcom ldan 'das de bzhin gshegs pa rgya mtsho'i dpal la dge ba'i rtsa ba rnam pa mang po bskyed nas/ byang chub tu thugs bskyed pa de bzhin du/ bdag kyang sems bskyed par bgyi'o// ji ltar byang chub sems dpa' byams pa rgyal po gser mdog lta bur gyur pa na/ bcom ldan 'das de bzhin gshegs pa gser gyi mchod sdong gi 'od la bkod pa du mas mchod pa dang / rim gro bgyis nas/ byang chub tu sems bskyed pa de bzhin du/ bdag kyang sems bskyed par bgyi'o// ji ltar byang chub sems dpa' blo gros rgya mtsho yul shin tu rnam par dag pa'i 'khor los sgyur ba'i rgyal por gyur pa na/ de bzhin gshegs pa yon tan gyi 'od zer motha' yas la bkur bsti bgyis nas/ byang chub tu sems bskyed pa de bzhin du/ bdag kyang sems bskyed par bgyi'o/ / ji ltar byang chub sems dpa' nam mkha' mdzod lhas dbang bskur te/ stong gsum gyi 'khor los sgyur ba'i rgyal por gyur pa na/ de bzhin gshegs pa smon lam
- 210b
/ thams cad las yang dag par byung ba/ rin po che'i gzi brjid mngon par 'phags pa'i rgyal po la gdugs gcig bzhin du/ rin po che'i phung po ri rab tsam pas mchod pa bgyis te bar gyi bskal pa bzhi bcur mchod pa dang / rim gro bgyis nas/ byang chub tu sems bskyed pa de bzhin du bdag kyang sems bskyed par bgyi'o// ji ltar 'jam dpal gzhon nur gyur pa 'khor los sgyur ba'i rgyal por gyur pa na/ bcom ldan 'das de bzhin gshegs pa sgra dbyangs bsgrags pa'i rgyal po la mchod pa dang / rim gro rnam pa du ma bgyis nas byang chub tu sems bskyed pa de bzhin du bdag kyang sems bskyed par bgyi'o/ / ji ltar byang chub sems dpa' kun tu bzang pos bcom ldan 'das de bzhin gshegs pa ye shes rdo rje rgya mtsho rgyal po la sti stang bgyi nas/ byang chub tu sems bskyed pa de bzhin du/ bdag kyang sems bskyed par bgyi'o// mchog dam pa nga rgyal zhing / sems ma lags pa'i sems dang / 'gro ba thams cad yongs su bskyab pa'i sems dang / byang chub kyi sems des khyad par ma gyur pa'i chos kyis dbyings de gang yang ma mchis so// byang chub tu sems bskyed pa'i dge ba'i rtsa ba'i tshogs des dus gsum du ma khyab pa cung zad kyang ma mchis so/ / sangs rgyas thams cad mnyes par bgyid pa'i sems dang / byang chub sems dpa'i dkyil 'khor thams cad rab tu dga' bar bgyid pa'i sems
- 211a
dang nyan thos dang / rang sangs rgyas thams cad rjes su yi rang ba'i sems dang / sems bskyed pa des yongs su zin par ma gyur pa'i sems de dag gang yang ma mchis/ so// mchod par ma gyur pa'i de bzhin gshegs pa de gang yang ma bzhugs so// gang du sems bskyed de/ bskyed ma thags pa'i bsod nams kyi phung po ni rab tu mang gi/ sems can thams cad 'khor los sgyur ba dang / 'jig rten skyong ba dang / brgya byin dang / tshangs pa dang / nyan thos dang / rang sangs rgyas su gyur pa rnams kyi bsod nams kyi phung po ni de tsam ma lags so// bdag gi bsod nams kyi phung po byang chub tu sems bskyed pa dang ldan pa gang lags pa dang / sems can thams cad la stsal pa gang lags pa dang / nyan thos dang / rang sangs rgyas thams cad la phul ba gang lags pa dang / byang chub sems dpa' thams cad la phul ba gang lags pa dang / sangs rgyas thams cad la dge ba'i rtsa ba thams cad phul ba'i bsod nams kyi phung po yongs su bzung ba gang lags pa dang / gang ye shes dang / mos pa mngon par bsgrubs pa rnams kyi mos pa dang ldan pa'i dge ba'i rtsa ba'i gang lags pa dang / sangs rgyas thams cad la phyag 'tshal ba dang / ldan pa'i dge ba'i rtsa ba gang lags pa dang / de bzhin gshegs pa thams cad la lhag par mchod pa dang ldan pa'i dge ba'i rtsa ba gang lags pa
- 211b
dang mos pa'i stobs las byung ba'i mchod pa dang ldan pa'i dge ba'i rtsa ba gang lags pa dang / sgrib par 'gyur ba thams cad sel ba'i dge ba'i rtsa ba gang lags pa dang / rjes su yi/ rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang ldan pa'i dge ba'i rtsa ba gang lags pa dang / de bzhin gshegs pa thams cad la bos te/ bdag gir bgyi ba dang ldan pa gang lags pa dang / bdag gi dge ba'i rtsa ba'i thog ma dang po ma mchis pa'i tshe rabs nas bgyis pa thams cad mkhyen par yongs su ma bsngos pa gang lags pa dang bdag gi dge ba'i rtsa ba 'dus byas kyi yo byad 'tshal bas mngon par bsgrubs pa gang lags pa dang / bdag gi dge ba'i rtsa ba nyan thos dang rang sangs rgyas kyi sa'i slad du mngon par bsgrubs par gang lags pa dang / bdag gi dge ba'i rtsa ba las kyis bsgrubs pa mngon gyi dus nas bsags pa de bzhin gshegs pa'i ye shes kyis mkhyen pa gang lags pa de dag thams cad yongs su bsdu'o/ / yongs su bsdus nas bla na med pa yang dag par rdzogs pa'i byang chub tu yongs su bsngo'o// bdag gi dge ba'i rtsa ba 'di dag gis sangs rgyas thams cad mnyes/ par bgyid cing dgyes par bgyid par gyur cig/ sangs rgyas kyi zhing thams cad yongs su sbyong bar gyur cig/ sems can thams cad yongs su smin par bgyid par gyur cig
- 212a
dge ba'i gshes gnyen thams cad dang chos smra ba thams cad mgu bar bgyid cing dga' bar bgyid par gyur cig/ de bzhin gshegs pa thams cad kyis bstan pa yang dag par 'dzin cing srung ba dang / yongs su skyong gyur cig/ sgrib pa'i ling tog thams cad rnam par sbyong bar gyur cig/ bdud kyi rtsod pa'i dmag tshogs thams cad rab tu 'dul bar gyur cig/ sangs rgyas kyi chos thams cad mngon par rdzogs par byang chub par gyur cig/ ting nge 'dzin thams cad dang / dbang thams cad thob pa dang / mngon par shes pa thams cad kyis rnam par brtse ba dang / rnam par thar pa thams cad kyis rnam par 'phrul bar gyur cig/ ci nas kyang 'khor ba ni mi 'bral zhing / tshe rabs gzhan du rjes pa na chab 'tshal bar mi 'gyur pa dang / byang chub sems dpa' spyod pa pha rol tu phyin pa bskyud par mi 'gyur ba dang / byis pa so so'i skye bo dang 'dre bar 'grib pa'i cha dang mthun par mi 'gyur ba de lta bur/ bdag gi dge ba'i rtsa ba de dag yongs su bsngo'o// ci nas byang chub sems dpa' de dag sangs rgyas kyi zhing 'di nas sangs rgyas mngon sum du bzhugs pa'i 'jig rten gyi khams gzhan du sangs rgyas de dag la mchod pa bkod pa'i brgyan gyis brgyan par bgyid du mchis pa dang / sangs rgyas la mchod pa bkod pa'i rgyan de'i tha
- 212b
ma'i sems bskyed pa thob pa yongs su rdzogs par dge ba'i rtsa bde dag yongs su bsngo'o/ / 'chi ba'i dus kyi tshe na yang sangs rgyas bcom ldan 'das de dag gis phyag g.yas pa gser gyi kha dog can brkyang ste/ bdag gi spyi bor 'jog par gyur cig/ ci nas bdag dngos po thams cad la mi blta ba bkod pa rgyun thogs ma mchis pa/ shes rab kyi pha rol tu phyin pa yongs su bsgos pa'i sems dang / tshor ba thams cad rgyun chad pa'i sems kyis 'chis pa'i dus bgyid par gyur cig/ dad pa grangs ma mchis pa dang / rim mo gus par bgyi ba grangs ma mchis pa dang / dga' ba dang dad pa grangs ma mchis pas/ sangs rgyas bcom ldan 'das de dag la lta zhing rtog la/ kun tu smra bzhin du 'chi ba'i dus bgyid par gyur cig/ mchod pa yid du 'ong bas de bzhin gshegs pa de dag la mchod cing / me tog dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dpag tu ma mchis pa dag gis/ de bzhin gshegs pa de dag la mchod cing lta la rtog bzhin du 'chi ba'i dus bgyid par gyur cig bdag gis dge ba'i rtsa ba 'dis 'jig rten gyi khams thams cad na/ sems can dmyal ba thams cad rgyun chad par gyur cig/ dud 'gro'i skye gnas dang / gshin rje 'jig rten thams
- 213a
cad rgyun chad par gyur cig/ lha mo thams cad dang / mi dbul po thams cad dang / ser sna thams cad 'chal ba'i tshul khrims thams cad dang / gnod sbyin sems can thams cad dang / le lo thams cad dang / rnam par g.yeng ba thams cad dang / 'chal ba'i shes rab thams cad rgyun chad par gyur cig/ byang chub tu sems dpa' dang sangs rgyas la lta ba dang / dam pa'i chos mnyan pa dang / dge ba'i gshes mnyen dang 'grogs pa dang mi 'bral bar gyur cig/ dge ba'i rtsa ba 'dis bdag sangs rgyas bcom ldan 'das thams cad dang lus mnyam par gyur cig/ ngag mnyam pa dang / sems mnyam pa dang / ye shes mnyam par gyur cig/ ji ltar gong du yang sangs rgyas bcom ldan 'das bdag gi ji ltar sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus/ byang chub sems dpa' rnams kyis dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo bar bgyi ba de bzhin du/ bdag gis kyang dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo ba'i mchog gis yongs su bsngos so/ / gtso bo dang / dam pa dang / khyad par du 'phags pa dang / rab dang / phul dang / bla na ma mchis pa
- 213b
dang / gong nas ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen/ bopo dang / bla ma dang zil gyis mi non pa dang / yon tan gyi chos thams cad bsdud pa dang / yang dag par rdzogs pa'i sangs rgyas kyis bka' stsal pa'i yongs su bsngo bas yongs su bsngo'o/ / ji ltar bdag gis don du yongs su bsngos pa de bzhin du 'jig rten gyi khams rab 'byams ma lus pa thams cad na/ sems can ji tsam sems can gyi ris na mchis pa sems can gyis khams de dag thams cad kyi ched du yang yongs su bsngo'o/ / dge ba'i rtsa ba 'di las su bdag shas kyis 'dzin par 'dod pa de dag gis kyang rjes su yi rang ngo // / zhes brjod par bya'o// de nas byang chub sems dpa' sems dpa' chen po chos thams cad la dam 'cha' bar gnas pas 'jam dpal gzhon nur gyur pa la 'di skad ces smras so/ / 'jam dpal ji ltar na/ byang chub sems dpa' chags pa kha na ma tho ba med pa yin/ rjes su yi rang ba kha na ma tho ba med pa dang / bskul ba kha na ma tho ba med pa dang gsol ba 'debs pa kha na ma tho ba med pa dang / yongs su bsngo ba kha na ma tho ba med pa yin/ de skad ces smras pa dang / 'jam dpal gzhon nur gyur pas/ byang chub sems
- 214a
dpa' chos thams cad la 'cha' bar gnas pa la 'di skad ces smras so/ / rigs kyi bu 'di la byang chub sems dpa' sems dpa' chen po dag 'das pa dang / ma byon pa da ltar byung ba'i sangs rgyas bcom ldan 'das rnams kyi chos mnyam pa nyid la 'jug cing / des yan lag lnga sa la gtug par bya ste/ des pus mo g.yas pa'i lha nga sa la 'dzugs pa na/ tshig 'di skad ces sems can thams cad g.yas phyogs kyi lam la gnas par gyur cig/ ces brjod par bya'o// des pus mo g.yon pa'i lha nga sa la 'dzugs pa na/ tshig 'di skad ces sems can gang su dag g.yon phyogs kyi lam la gnas pa de dag thams cad 'phags pa'i lam la gnas shing / yang dag pa'i lam la gnas par gyur cig ces brjod par bya'o/ / des lag pa g.yas pas la 'dzugs pa na/ tshig 'di skad ces ji ltar de bzhin gshegs pa byang chub kyi snying po mchog dam pa la bzhugs pa/ dge ba'i chos thams cad dang ldan pas/ dbu dang sku dang / skyil mo dkrung la yongs su dbyugs te/ phyag g.yas pa sa la bsnun nas/ bdud dpung dang bcas pa btul te/ byang chub brnyes pa de bzhin du/ sems can 'di dag gis kyang bdud phyi rgol ba chom par gyur cig/ byang chub kyi snying po la 'dug cings chen po la bsnun nas/ sangs rgyas kyi ye shes thob
- 214b
par gyur cig ces brjod par bya'o/ / des lag pa g.yon pa sa la 'dzugs pa na/ tshig 'di skad ces sems can gang su dag byis pa'i chos la gnas te/ g.yon phyogs su 'dzin pa gdul dka' ba de dag thams cad bsdud pa'i dngos po bzhis shin tu sdud par gyur cig ces brjod par bya'o/ / des gdong dang da bral ba sa la gtug pa na/ tshig 'di skad ces sems can thams cad nga rgyal ma mchis pa 'dis bla na med pa rnams la rim gro bgyid pa snyed cing / spyi gtsug bltar mi mthong ba dang / dge ba'i chos thams cad 'phags par gyur cig/ de ltar bdag yan lag lngas phyag 'tshal ba 'dis/ sems can thams cad kyi sgrib pa lnga rnam par sel bar gyur cig/ dbang po lnga yongs su rdzogs par gyur cig/ 'dod pa'i yon tan lnga yongs su shes par gyur cig/ mngon par shes pa nyams pa med pa lnga thob par gyur cig/ mig lnga yongs su dag par gyur cig/ sems can 'gro ba lngar skyes pa rnams 'gro ba lnga las khyad par du 'phags par gyur cig/ tshul khrims khyad par du 'phags pa dang / ting nge 'dzin khyad par du 'phags pa dang / shes rab khyad par du 'phags pa dang / rnam par grol ba khyad par du 'phags pa dang / rnam par grol ba'i ye shes mthong ba khyad par 'phags par gyur cig/ ces brjod par
- 215a
bya'o/ / des yan lag lnga yongs su dag pa dang / sgribs pa lnga dang bral ba dang / stobs lnga la gnas pa dang / de bzhin gshegs pa yid la byed pa dang ma bral bas/ tshig 'di skad ces sangs rgyas bcom ldan 'das chos kyi sku dang ldan pa/ sku ma lags pa/ gsung dag pa gsung mi mnga' ba/ sems dang sems mi mnga' ba/ ye shes chags pa mi mnga' ba dang ldan pa/ ma byon pa ma bzhud pa thams cad mkhyen pa dang ldan pa/ thams cad gzigs pa dang ldan pa rnams bdag la dgongs su gsol/ bdag gis 'khor ba thog ma'i mtha' mu nas gzung ste/ yang dag pa'i mtha' dang / bdag gis mtha' ma 'tshal bas/ chos ma lags pa la chos su 'du shes bskyed pa dang / 'dul ba ma lags pa la 'dul bar 'du shes bskyed pa dang / sbyin gnas ma lags pa la sbyin gnas su 'du shes bskyed pa dang / mi dge ba la dge bar 'du shes bskyed pa dang / phyin ci log gi sems kyis bdag gi sems kyis bdag gi lus su lta bas yongs su dkris pa dang / dge ba'i chos gang sangs rgyas kyis bka' ma stsal ba mngon par 'dus bgyis pa dang bgyid pa dang / bgyid du stsal pa dang / bgyid pa la rjes su yi rang bas 'gyur ba gang ci mchis pa de bdag 'a chags so// dmigs pa la gnas te/ bdag gis sems
- 215b
/ can ma mchis pa la sems can du 'du shes pa dang / sems can sgyu ma lta bur ma 'tshal nas/ bla na med pa yang dag par rdzogs pa'i byang chub tu sems bskyed pa gang lags// pa de thams cad 'chags so// bdag gi mngon par 'dus bgyid pa ma mchis par ma 'tshal nas/ lus dang ngag dang yid kyis chos dge ba dang / mi dge ba mngon par bgyid pa dang / mngon par bgyis pa gang lags pa de 'chags so// bdag gis sbyin pa dang tshul khrims dang / bzod pa dang / brtson 'grus dang / bsam gtan dang / shes rab mnyam pa nyid du ma 'tshal nas/ dmigs par lhung bas sbyin pa byin pa dang / tshul khrims mchog tu 'dzin pas/ tshul khrims bsrungs pa dang / bdag dang gzhan du 'du shes pas bzod pa bsgoms pa dang / lus dang sems la gnas te/ brtson 'grus brtsams pa dang / 'du shes dang / dmigs pa la gnas te/ bsam gtan skyed pa dang / kun tu rtog pa dang / rnam par rtog pa rab tu 'jug pa la mngon par dga' bas/ shes rab rnam par dpyad par gang lags pa de dag 'chags so// bdag gis don dam pa'i mchod pa ma 'tshal nas/ gzugs dang rgyan da mtshan la mngon par zhen pas/ sangs rgyas la mchod pa bgyis pa gang lags pa de 'chags so//
- 216a
bdag chos kyi dbyings tha mi dad pa'i ye shes la ma zhugs kyi/ chos tha dad pa la gnas te/ chos mnyam pa'am bshad pa 'am rab tu bsam par gyur pa gang lags pa de chags so/ / bdag gis chos 'dus ma byas su ma 'tshal nas/ dge 'dun la mang por 'du shes te/ dge 'dun la bsnyen bkur bgyis pa gang lags pa de bdag 'chags so/ / bdag gis dgon pa ma 'tshal nas dgon pa'i gnas bstan te/ 'dod pa nyung zhing chog shes pa la mngon par zhen pa gang lags pa de dag bdag 'chags so// bdag gis chos nyid gnas par 'tshal nas 'byung ba dang 'jig pa la gnas te/ sangs rgyas kyi yon tan blang bar zhugs pa gang lags pa de dag bdag 'chags so// bdag gis chos kyi dbyings yongs su bzung ba ma mchis ma 'tshal ma zhugs kyis/ sems can bsdu bar 'tshal ba'i bsdu bas sems can dag bsdus pa gang lags pa de 'chags so// bdag gis byang chub kyi mtshan nyid kyi rang bzhin ma 'tshal nas/ lta ba yongs su zhen pas byang chub kyi phyogs kyi chos sum cu rtsa bdun bsgom pa gang lags pa de 'chags so// bdag gis dge sbyong gi lam zhi ba ma 'tshal nas/ rab tu byung ba bsnyen par rdzogs te/ dge sbyong gi dngos po bskyed pa gang lags pa de 'chags so// kun rdzob la 'jug pa'i dge ba'i
- 216b
rtsa ba gzhan gang dag bsags pa dang / dge ba'i rtsa ba gang dag gis 'dus byas kyi bde bar gyur te/ 'dus ma byas las shin tu ring du gyur pa gang lags pa de dag 'chags so zhes brjod par bya'o/ / rigs kyi bu de ltar thog mar byang chub sems dpa' bag la nyal dang bcas pa dang / mngon par 'du byed pa dang / mtshan ma dang bcas pa dang / 'bang pa dang bcas pa dang / spros pa dang bcas pa dang / len pa dang bcas pa dang / gnas pa dang bcas pa dang / rten pa dang bcas pa'i nye bar len pa'i chos thams cad bshags par bya'o/ / de la 'di lta bu'i sdu ba dang / spros pa dang bcas pa kun tu mi 'byung ba gang yin pa de ni sdig pa bshags pa yongs su dag pa yin te/ 'di ni bshags pa'i phung po'o// rigs kyi bu gzhan yang byang chub sems dpa' de bzhin du 'dug ste/ tshigs 'di skad ces 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dang po thugs bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang ldan pa rnams kyi rab de'i dge ba'i rtsa ba gang ci yang rung / sangs rgyas kyis bka' stsal pa rtsa ba mchis shing rten ma mchis pas gtong ba rnam par dag pa dang / rang bzhin gyi tshul khrims mi zad mi skyed pa dang
- 217a
sems can ma mchis pa'i bzod pa dang / dmigs pa las dben pa'i brtson 'grus dang / sems kyi ngo bo nyid la nges par sems pa'i bsam gtan dang / tshur rol dang / pha rol gyi mthar lta ba rnam par spangs pa'i shes rab rten cing 'brel bar 'byung ba zab mo la 'jug pa dang / stong pa nyid kyi rnam pa'i byams pa dang / rnam pa'i rnam pa ma mchis pa'i snying rje dang / chos la kun tu mi 'byung ba'i dga' ba dang / yal bar 'dor ba ma lags pa'i btang snyoms gang lags pa de dag thams cad la rjes su yi rang ngo // khyim gyi dngos po thams cad bzung ba ma mchis shing yongs su ma bzung ba/ rtsa ba ma mchis shing rten ma mchis pa'i dge ba'i rtsa ba ma dran par gyur pa'i dran pa nye bar gzhag pa rnams dang / ma 'gags pa dang / ma skyes pa'i yang dag par spong ba rnams dang / lus dang / sems dang / brtson 'grus dang / 'dun pa dang ldan pa'i rdzu 'phrul gyi rkang pa rnams dang / dbang po lnga po mtshan nyid mchis pa'i dbang po rnams dang / nam mkha' ltar mi thul ba'i stobs rnams dang / don dam pa yang dag par rtogs pa'i byang chub kyi yan lag rnams dang mi gnyis pa'i lam dang ldan pa'i lam dang / zhi ba'i'i gnas thob pa dang / rig pa dang / rnam par grol ba dang / mthun pa'i lhag pa'i mthong / mngon par shes pa ye shes sngon
- 217b
du 'gro ba de dag thams cad la rjes su yi rang ngo / / thog ma'i mtha' nas lus kyi ngo bo nyid yongs su dag pa dang / brjod du ma mchis pa'i ngag rnam par dag pa dang / sangs rgyas la rim gro/ bgyi ba bsnyen bkur bgyid pa ma mchis pa dang / chos la rim gro bgyi ba chos thams cad yongs su bzung ba ma mchis pa dang / dge 'dun la rim gro bgyi ba tshogs ma mchis shing yon tan ma mchis pa dang / spyod lam thams cad rnam par ma brtags pa'i sdom pa spyod pa dang / 'das pa dang / ma byon pa dang / da ltar byung ba'i sangs rgyas byang chub sems dpa' gyur pa de dag gis chos spyod pa yang dag pa'i sdom pa bdud thams cad kyis mi shigs pa 'jig rten thams cad dang ma 'dres pa/ nyan thos dang rang sangs rgyas thams cad kyi sar ma nges pa/ byang chub sems dpa'i lam dang mthun pa/ dge ba'i rtsa ba bzang po las dkar po ma lags pa 'gags par 'gyur ba gzhan gang ci mchis pa dang / dge ba'i rtsa ba bzang po 'od gsal ba'i las gang gis/ byang chub sems dpa' de dag gis/ sangs rgyas kyi ye shes thob pa dang / ma thob pa dang / 'thob par gyur pa de dag thams cad la bdag rjes su yi rang ngo // 'das pa dang / ma byon pa dang / da ltar byung ba'i sangs rgyas bcom ldan 'das byang chub bsnyen pa de dag gi tshul khrims dang / ting nge 'dzin dang / shes rab dang / rnam par grol ba dang
- 218a
rnam par grol ba'i ye shes mthong ba zag pa ma mchis pa dang / stobs mi thul pa rnams dang / mi 'jigs pa phyir mi ldog pa rnams dang / sangs rgyas kyi chos chag pa ma mchis pa rnams dang / kun tu mi 'byung ba'i byams pa chen po dang / snying rje chen po gzhan gyi dring la mi 'jog pa dang / spyi gtsug bltar mi mthong ba nam mkha' dang mtshungs pa gang lags pa dang / gnyis ma mchis pa'i bsod nams rnam par smin pa'i mtshan nyid dang / lus dang ngag dang / sems kyi rgyun bcos ma ma lags pa/ nam mkha' ltar yongs su dag pa dang / brgya byin dang / tshangs pa thams cad kyis bskul ba'i chos kyi 'khor lo dang / brjod pa ma mchis pa dang ldan pa'i chos bstan pa dang / sems can thams cad la shes ba snang ba rnam par shes pa las gzhan ma lags pa de dag thams cad la rjes su yi rang ngo / / sems can thams cad la phan gdag pa'i slad du/ thabs mkhas pa'i gnas la dag 'das pa dang / ma byon pa dang / da ltar byung ba'i sangs rgyas bcom ldan 'das bzhugs pa 'am/ yongs su mya ngan las 'das pa yang rung ste/ dam pa'i chos nub kyi bar du de dag la mchod pa bgyis pa dang / bgyid pa dang / bgyis par 'gyur ba gang lags pa de dag thams cad la rjes su yi rang ngo // sangs rgyas bcom ldan 'das yongs su mya ngan
- 218b
/ las 'das pa de dag gi nyan thos 'dus pa/ sems can thams cad las yang dag par 'das pa rnams dang / ngad pas rjes su 'brang ba rnams dang / chos kyi dbyings la zhugs pa/ rnams dang / chos kyi rjes su 'brang ba rnams dang / log pa brgyad las yang dag par 'das pa'i brgyad pa rnams dang / chags pa med pa'i rigs la gnas pa'i rigs kyi sa pa rnams dang / rgyun tu zhugs pa rgyun las bzlog ste/ zhugs pa rnams dang / lan cig phyir 'ong ba gang du yang mi 'gro ba rnams dang / phyir mi 'ong ba 'di nas shis phos nas der gnas par gyur pa rnams dang / dgra bcom pa grangs ma mchis shing skye ba ma mchis rab tu phye ba rnams dang / phyir mi 'ong ba rang sangs rgyas rten cing 'brel bar 'byung ba zab mo khong du chud pa rnams dang / byang chub sems dpa' ye shes mngon sum du rtogs pa rnams dang / byang chub sems pa'i sems sa dang mtshungs pa'i sems dang po bskyed pa nas dang byang chub sems dpa'i spyod pa thams cad las yang dag par 'das pa'i spyod pa la zhugs pa rnams dang / byang chub sems dpa' 'khor ba'i chos las 'das shing sangs rgyas kyi chos thob pa phyir mi ldog pa rnams dang / byang chub sems dpa' skye ba thams cad las shin tu 'das pa rnams dang / byang chub sems dpa' skye ba gcig gis
- 219a
thogs pa rnams kyi dge ba'i rtsa ba rten pa ma mchis pa gang lags pa de dag dang / 'dus byas las yongs su rgal ba de dag thams cad la rjes su yi rang ngo // 'das pa dang / ma 'ongs pa dang / da ltar byung ba'i dus kyi sems can rnams kyi sbyin pa'i bsod nams bgyi ba'i dngos po dang / tshul khrims kyi bsod nams bgyi ba'i dngos po dang bsgom pa dngos po ma mchis pa'i dngos por gyur pa'i bsod nams bgyi ba'i dngos po sangs rgyas kyi sman gyis mkhyen pa dag lags pa de dag thams cad la rjes su yi rang ngo / / rjes su yi rang ba mchog dang / ma chad pa dang / ma lhag pa dang / nam mkha' ltar rnam par dag pa dong / shes rab dang / ye shes kyi rtogs pa dang / gzhan yang nges pa'i don gyi chos dang / ldan pa dang / bla na mchis pa dang / nam mkha' dang mnyam pa dang / mya ngan las 'das pa dang / mnyam pa dang / mi mnyam pa dang / mnyam pa nyid kyi rjes su yi rang bas rjes su yi rang ngo / / ji ltar 'das pa dang / ma byon pa dang / da ltar byung ba'i sangs rgyas bcom ldan 'das byang chub sems dpa' gyur pa/ shes rab kyi pha rol tu phyin pa dang / thabs la mkhas pas zung du 'brel par ma chags par spyod pa shin tu spyad pa spyod pa rab tu mkhyen nas/ mkhyen pa de dag gis sangs rgyas kyi ye shes
- 219b
mngon sum du mdzad nas/ dge ba'i rtsa ba de dag la rjes su yi rang ba dang / rjes su yi rang bar mdzad pa dang / rjes su yi rang bar 'gyur pa'i mnyam pa nyid de dang chos nyid des rjes// su slo ba de bzhin du/ bdag kyang rjes su yi rang ngo // rjes su yi rang ba mchog dang / ma chad pa dang / ma lhag pa dang / nam mkha' ltar rnam par dag pa dang / shes rab dang / ye shes kyi rtogs pa dang / gzhan yang nges pa'i don gyi chos dang ldan pa dang / bla na ma mchis pa dang / nam mkha' dang mnyam pa'i rjes su yi rang bas rjes su yi rang ngo zhes brjod par bya'o/ / rigs kyi bu 'di ni sangs rgyas bcom ldan 'das kyi bka' stsal pa'i rjes su yi rang ba'i phung po kha na ma tho ba med pa'o// rigs kyi bu gzhan yang byang chub sems dpa' des de bzhin du 'dug ste/ tshig 'di skad ces/ sangs rgyas bcom ldan 'das gang dag kha cig 'jig rten gyi khams dpag tu ma mchis shing / grangs ma mchis pa rnams su bla na med pa yang dag par rdzogs pa'i byang chub mngon par rdzogs par sangs rgyas te/ chos thams cad ma dmigs nas/ bdud bzhi 'i lam las yang dag par 'das pa/ brjod du med pa'i chos skyon ma mchis pa rnyes pa/ yi ge dang / brjod pa dang / skad thams cad dang bral ba/ chos ji lta ba bzhin du brnyes pa
- 220a
thabs mkhas pas chos bzung bar mdzad pa'i slad du/ ji tsam du brtags pa sems can yongs su smin par mdzad pa'i slad du/ thugs rje chen pos chud mi gzan pa/ bskul ba'i sa la bzhes pa cang ma gsung ba la dgyes pa/ byang chub kyi shing la gzigs pa lha dang / klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po thams cad kyis mngon par bstod do// dgyes shing bzhugs pa sangs rgyas bcom ldan 'das de dag la chos kyi 'khor lo rab tu bskor bar bskul gyis/ sangs rgyas bcom ldan 'das rnams kyis chos kyi 'khor lo rab tu bskor du gsol/ 'di lta ste/ chos kyi 'khor lo mi 'jug pa'i chos kyi 'khor lo dang / mngon par mi 'grub pa'i 'khor lo dang / tshu rol dang / pha rol yongs su gcod pa'i 'khor lo dang / rten cing 'brel bar 'byung ba zab mo'i 'khor lo dang / bdud phyir rgol ba choms pa'i 'khor lo bskor du gsol/ brjod du ma mchis pa'i rnga brdung du gsol/ sgra ma mchis pa'i dung bud du gsol/ chos shes pa'i rgyal mtshan dang rtog bsgreng du gsol/ shes rab dang / ye shes dang / rnam par grol ba'i smon ma 'bar bar mdzad du gsol/ thugs rje chen po'i sprin bsdu bar gsol/ chos chen pom/
- 220b
/ chu'i char pa'i rgyun gyis sems can rnams kyis dge ba'i rtsa ba'i lo rtogs rnam par spel du gsol/ 'phags pa'i shes rab dang / ye shes kyi nor gyis sems can thams cad tshim par mdzad du gsol zhes brjod par bya'o/ / rigs kyi bu 'di ni byang chub sems dpa' sems dpa' chen po'i bskul ba'i phung po kha nas ma tho ba med pa'o// rigs kyi bu gzhan yang byang chub sems dpa' des de bzhin du 'dug ste/ tshig 'di skad ces sangs rgyas bcom ldan 'das gang dag phyogs bcu'i 'jig rten gyi khams rab 'byams dpag tu ma mchis pa dag na/ sangs rgyas kyi mdzad pa dag shin tu mdzad pa/ legs par bgyis pa'i chos kyi rgyun mi mchod pa/ byang chub sems dpa' rnams shin tu lung bstan pa/ dge 'dun 'phags pa rab tu gnas pa/ gdul ba'i sems can dag gshin btul ba/ mya ngan las 'das pa'i bde ba shin tu 'tshul ba/ chos bzung ba 'dzin par mdzad pa'i slad du yongs su mi skyo ba/ yongs su mya ngan las 'das par bzhed pa'i sangs rgyas bcom ldan 'das de dag la bdag chos kyi dbyings gnas pa'i tshul gyis/ ji ltar de dag mi skye ba ma skyes pa de bzhin du/ ma 'gags mi 'gag 'gag par mi 'gyur par bzhugs su gsol lo zhes brjod par bya'o// rigs kyi bu 'di ni byang chub sems dpa' rnams kyi gsol
- 221a
pa debs pa yod pa ma yin pa/ len pa med pa/ kha na mtho ba med pa'o// rigs kyi bu gzhan yang byang chub sems dpa' des de bzhin du 'dug ste/ tshig 'di/ skad ces ma mchis bzhin du bdag gis mgos phyag bgyis pa dang / bshags pa dang / rjes su yi rang ba dang / bskul ba dang / gsol ba 'debs pa gang lags pa dang phyag 'tshal ba dang / 'chags pa dang / rjes su yi rang ba dang / bskul ba dang / gsol ba 'debs pa de yang ma mchis pa/ len pa ma mchis pa/ 'dus ma gyis pa'o// de ltar phyag 'tshal ba dang / 'chags pa dang / rjes su yi rang ba dang / bskul ba dang / gsol ba 'debs pa gang lags pa de yang ma mchis pa/ len pa ma mchis pa 'dus ma bgyis pa ste/ de bzhin du/ byang chub kyang len pa ma mchis pa/ 'dus ma gyis pa ste/ chos nyid de dang / ma chad pa dang / ma lhag pa dang / ma smad pa dang mnyam pa ma mchis pa dang / mi thob pa dang / mi dma' ba'i yongs su bsngo bas/ bla na med pa yang dag par rdzogs pa'i byang chub la chos phra rab tsam yang mi dmigs par yongs su bsngo'o zhes brjod par bya'o/ / mig gzugs rnams la mi 'jug ste/ gzugs kyang mig la ma yin mod kyi/ 'on kyang dmigs pa'i rgyu rkyen gyis rnam par shes pa 'byung ste/
- 221b
rnam par shes pa de yang mig las ma byung / gzugs las kyang ma yin te/ byung nas kyang zhig cing med de mi gnas so// de bzhin du rna ba la ma yin/ sgra la ma yin/ sna la ma yin/ dri la ma yin/ lce la ma yin/ ro la ma yin/ lus la ma yin/ reg bya la ma yin te/ yid chos rnams la mi 'jug/ chos rnams kyang yid la mi 'jug mod kyi/ 'on kyang dmigs pa'i rgyu rkyen gyis rnam par shes pa 'byung ste/ de yang yid las kyang ma byung / chos las kyang ma yin te/ de ni byung nas zhig cing med de mi gnas so// de bzhin du dge ba'i rtsa ba byang chub la mi 'jug/ byang chub kyang dge ba'i rtsa ba la mi 'jug mod kyi/ 'on kyang byang chub kyi rkyen gyis dge ba'i rtsa ba la dmigs pa'i sems skyed pa rnams skye'o/ / de mi yang mi gnas pa ste/ skyes nas zhig cing med do// de la sems gang gis dge ba'i rtsa ba mngon par 'dus byas pa dang / sems gang gis byang chub tu yongs su bsngos pa'i sems bskyed pa de dag phan tshun du 'brel bar mi byed de/ 'di lta ste dper na/ me ni gang nas kyang ma 'ongs te/ byung nas kyang zhig cing med do// de bzhin du byang chub sems dpa' rnams kyi shes pa kyi ma yang gang nas kyang ma 'ongs mod kyi/ 'ongs kyang dge ba'i rtsa ba la rten nas 'bar te/ byung nas zhig cing med do// ye shes
- 222a
snang ba rab tu thob par chos rnam par byed pa de lta bu dag la blo rnam par mi spyod pa gang yin pa de ni/ byang chub sems dpa' yongs su sngo ba'o// skyon med par 'jug/ pa dang / lung bstan pa dang / bzod pa snang ba'i ye shes thob pa rnam par 'byed pa rnams kyi blo rnam par mi dpyod pa gang yin pa des/ sangs rgyas bcom ldan 'odas mngon sum tu byas te/ yongs su bsngo bar bya'o// ji ltar de bzhin gshegs pa de dag gis/ shes rab kyi pha rol tu phyin pa'i rgyu mthun pa'i thabs mkhas pa'i ye shes kyis/ byang chub sems dpa' rnams kyi yongs su sngo bar bshad pa de bzhin du/ thabs mkhas pa'i ye shes kyi des yongs su sngo'o// rigs kyi bu 'di ni byang chub sems dpa' rnams kyi bsngo ba kha na ma tho ba med pa'o/ / 'jam dpal bzhon nur gyur pas phung po gsum pa'i bsngo ba 'di bshad pa na/ byang chub sems dpa' lnga brgya mi skye ba'i chos la bzod pa thob par gyur to/ / byang chub sems dpa' chos thams cad la dma' 'char bar gnas pa yang mgu'o// lha dang / mi dang / lha ma yin du bcas pa'i 'jig rten yang 'jam dpal gzhon nur gyur pas bshad pa la mngon par bstod do/ / 'phags pa phung po gsum pa zhes bya ba theg pa chen po'i mdo rdzogs so// // skad
- 222b
gsar bcad kyis kyang bcos nas bstan la phab pa/ @rgya gar skad du/ Ar+ya pra ti thA na ma ti pa ri brid tsa nA ma ma hA yA na sU tra/ bod skad du/ 'phags pa spobs pa'i blo gros kyis zhus pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus cig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong stong gnyis brgya lnga bcu'i dge slong gi dge 'dun chen po dang / byang chub sems dpa' khri dang thabs cig tu bzhugs te// de nas bcom ldan 'das 'khor mang pos yongs su bskor cing mdun gyis bltas nas/ chos bston to// de'i tshe tshong dpon spobs pa'i blo gros zhes bya ba zhig tshong dpon gyi bu lnga brgya tsam so so'i g.yog 'khor lnga brgya lnga brgyas yongs su bskor cing mdun du bdar ba dang / lhan cig tu mnyan du yod pa'i grong khyer nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba dang / bcom ldan 'das ga la ba der logs su song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lon gsum bskor ba byas nas/ g.yog
- 223a
'khor dang bcas te phyogs gcig tu 'dug go/ / de nas sangs rgyas kyi mthus tshong dpon spobs pa'i blo gros stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs ste/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das ni bla ma'i mchog/ khams gsum pa'i dam pa/ byang chub kyi bsod nams kyi lhag pa'i gzhi/ sems can thams cad nges par sgrol bar mdzad pa/ kun tu khyab pa'i thabs la mkhas pa'i phyogs su thug pa ma mchis pa nges par thob par mdzad pa lags na/ bcom ldan 'das ma mchis pa'i dus snyigs ma'i snyogs pa lnga dang ldan pa la drug gsum 'bar zhing / rab tu 'bar la/ gcig la gcig gdung bar bgyid pa'i sems can rnams kyi nang na/ gang nyes par bsam pa sems pa'i dus na/ gtso bo ma mchis shing de gang gi yang ma lags pa dang rgyal po dang / blon po chen po rnams yul la sred pas zil gyis gnon te/ phan tshun mi mthun zhing gcig la gcig g.yul 'gyed pa dang / de dag gcig la gcig g.yul 'gyed pa na/ gzhan gyi dmag gi dpung gi tshogs dang / de las bzhan pa yul gyi mi lus chab 'tshal ba rnams kyi ming yang mi gda' ba dang / sangs rgyas kyi chos
- 223b
bsod nams kyis mthus/ sangs rgyas kyi slob ma gang zag bzhi po mang po de dag kyang bstan pa 'di la 'jug cing rab tu byung ba'i tshul thob pa dang / de dag kyang phyi rol gyis gos ngur smismrig tsam// dang / khong ba'i nang gi 'dun pa dang / zhe sdang dang / shin tu ma gus shing phan tshun mi mthun pa la/ gcig la gcig skur pa 'debs par bgyid pa dang / skyon sgrog pa bgyid pa dang yon tan nges par sbed par bgyid pa dang / nga rgyal dang rgyags pa dang / dregs pas non cing / ngar 'dzin pa dang / nga yir 'dzin par bgyid pa dang / de dag shi bos na yang ngan song gsum du skye zhing yud tsam zhig rnyed pa'i dpal yang ma 'tshal ba dang / tshe rabs gzhan dag tu bskal pa mang por sdug bsngal gyi tshor ba mi bzang ba/ rtsub pa/ tsha ba/ yid du mi mchi ba dag 'byung bar 'gyur ba yang mthong lags so/ / bcom ldan 'das de'i slad du/ sems can 'di dag yongs su smin par bgyid pa dang / ngan 'gro'i lam nas rnam par bzlog nas bsod nams kyi gzhal med khang thob par bgyi ba'i chos rnams gang lags/ de skad ces gsol pa dang bcom ldan 'das kyis tshong dpon spobs pa'i blo gros la 'di skad ces bka' stsal to/ / spobs pa'i blo gros de ltar khyod seng ge'i sgra bsgrags pas/ de bzhin gshegs pa la zhu zhing / de ltar sems can thams cad de bzhin gshegs pa
- 224a
la chos zhu bar spro ba skyed pa legs so legs so/ / spobs pa'i blo gros sems can rnams gang thob nas/ legs par rab tu dpal dang ldan par 'gyur zhing // nag po'i phyogs sgrub pa spangs nas/ dkar po'i phyogs la zhugs shing / don thams cad 'grub par gyur pa'i chos de dag khyod zhus shig/ zhus nas kyang the tsom med par nyon cig dang bshad par bya'o/ / de nas bcom ldan 'das la/ spobs pa'i blo gros kyi zhus pa/ bcom ldan 'das las gang dag gis ni/ lha rnams kyi ris su skye bar 'gyur/ gang dag gis ni mi rnams kyi ris su skye bar 'gyur/ gang dag gis ni sems can dmyal ba rnams su skye bar 'gyur/ gang dag gis ni dud 'gro rnams su skye bar 'gyur/ gang dag gis ni yi dgas rnams su skye bar 'gyur/ gang dag gis ni rigs 'thon po rnams su skye bar 'gyur/ gang dag gis ni zan dang bran mo rnams su skye bar 'gyur ro// bcom ldan 'das las gang dag gis ni mi rnams kyi nang du sems can skyes pa rnams skal ba zang por 'gyur zhing / khyim khol dang ldan pa dang / kha dri bda' ba dang / kha dog dang ldan pa dang / mthong na dga' ba dang / gnod pa ma mchis pa dang / lus dang sems shin tu tha mal du gnas pa dang / skye bo mang pos bsngags pa rnams su 'gyur/ las gang dag gis ni sems
- 224b
can rnams mi'i dam pa thob nas rtag tu skur pa 'debs pa thob par 'gyur zhing / skye bo mang po mi dga' ba dang / mdog mi sprugs pa dang / kha dri mi 'da' ba dang / gnod pa mang ba dang / sems mi dga' ba dang / lus shin tu sbyangs pa ma lags pa dang / nyes byas kyi las thams cad bgyid par 'gyur/ bcom ldan 'das las gang dag gis ni legs par gsung ba'i chos 'dul ba 'di la rab tu byung ba/ dge sbyong dang / rigs kyi bu dang / rigs kyi bu mo nye bar zhi ba gtso bor 'dzin pa rnams/ gang dang gang du skye ba'i skye ba thams cad du/ rgyun tu sangs rgyas dang / chos dang / dge 'dun dkon mchog rnams dang mi 'bral bar 'gyur zhing / sangs rgyas bcom ldan 'das rnams mthong nas kyang / de dag las chos thos nas yid dga' zhing ci bsam pa bzhin du don yang 'grub par 'gyur/ bdag gis zhu ba bcu po de dag zhus pa lags na/ 'byung po grangs ma mchis pa thams cad la sman pa'i slad du/ bcom ldan 'das gsol pa ma btab par dge ba'i bshes gnyen mdzad pa/ thugs rje chen po dang ldan pa/ dbang dang ldan pa/ chos thams cad la lkog tu ma 'gyur ba'i spyan dang ldan pas/ rnam par phye ste rgyas par lan stsal du gsol/ de nas bcom ldan 'das kyis spobs pa'i blo gros la bka' stsal pa/ spobs pa'i blo gros khyod kyis ji ltar zhu ba zhus pa rnams rgyas par rnam
- 225a
par phye ste bshad kyis nyon gcig/ tshong dpon spobs pa'i blo gros kyis/ bcom ldan 'das de bzhin du 'tshal lo zhes gsol nas/ bcom ldan 'das kyis ltar nyan pa dang // bcom ldan 'das kyis 'di skad ces bka' stsal to// spobs pa'i blo gros sems can las lnga dang ldan pa rnams kyis ni/ lha nyid thob par 'gyur te/ lnga gang zhe na/ dang po byams pa dang ldan pa'i sems kyis gnod pa med par sems can rnams yongs su skyong bar byed cing / bzang po dang ldan pa rnams yin// gzhan gyi nor 'phrogs par mi byed cing / bkren pa'i sems dang ldan pa ma yin pas yongs su gtong bar byed pa yi nas/ gzhan gyi chung ma la spyad pa rnams kyang yongs su dag pa yin te/ bslab pa'i gzhi rnams kyang srung bar byed pa yin pa/ gso sbyong la brtson zhing bden pa smra ba yin/ rang bzhin du 'dug cing rang gi skyon tshad med pa spong bar byed la/ myos par 'gyur ba'i gtung ba spangs pa yin te/ las lnga po de dag dang ldan pa rnams lha'i lus thob par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// srog chags gsod las ldog par byas pas lha dang mi dang lha mi rnams// 'jig rten du ni mi thub lus can tshe ring nad med 'gyur ba yin// 'od kyi dkyil 'khor dag pa'i lus can shes ldan dri med rdzogs pa'i lus// lha nang rab mchog de yi long spyod sna tshogs dpal
- 225b
can rtag tu 'byung / / bor ma thag tu lha nang rtag tu lha'i dbang phyug rnams su 'gyur// bsam med bsal ba 'phrogs pa rnam log rin chen longs spyod rnams dang ldan// rtag tu dga' zhing rab tu yid dga' dpal ldan gzhal med khang gnas shing / / rtse zhing dge ba'i dpag bsams shing yul nags ne me tog gtor lus ldan// ma khaso shing 'dod pa mi phan yongs spang+yas dri mchog dam pa'i lus dang ldan/ / tshe rabs kun tu dpe med gser mchog lus dang ldan zhing rab tu mdzes// rtag tu lha yi nang du bskal pa bzang thob lus las 'od 'byung gyur// lha mo sna tshogs tshogs kyis bskor cing 'dod pa'i dpal la spyod par byed/ / sngon chad cho ga bzhin du ngag skyon bzhi spangs kha na dri zhim ldan// gsal zhing 'thogs med mi 'jigs tshig mchog lha rnams 'dir ni nges par 'byung / / yang dag lan 'debs rnam bsgrags snyan cing skye bos shin tu tshig bzung 'os// pi wa nga rol mo'i sgra 'byor sprin sgra skad snyan po brang 'khor skad ldan/ ma rmongs sems kyis myos 'gyur ma legs brjod byed spangs pas lhar 'gyur zhing // grags med dge ba'i lha yis mchod pa lha yi gnas na gnas par 'gyur// blo dang ldan zhing lus brtan yid bzang bag yod kun dang ldan par 'gyur/ / de dag rtag tu bde 'gyur dbang rnams de dag phan pa brjod par byed// gal te tshe zad lha yul nas lhung ba yi lha rnams de tshe smad//
- 226a
sdig med lo brgya nyi shu 'gron lha yi gnas su 'gro bar 'gyur// bsod nams lnga mngon gyur pas de ni dam pa dpal ldan lus 'od can// lha rnams lam sel byed cing lha rnams bye bas mchod de bstan par 'gro/ de nas bcom ldan 'das kyis yang spobs pa'i blo gros la bka' stsal pa// spobs pa'i blo gros sems can las lnga dang ldan pa rnams/ mi rnams kyi nang du skye bar 'gyur te/ lnga gang zhe na/ dang po byas pa bzo bas byin pa dang bkren pa dang / dbul po dang / sdug bsngal bas las kun 'gyed pa dang 7 dge ba bcu'i las kyi lam la ma nyams par bsten pa dang la/ sems can thams cad la zhe 'gras pa med pa'i bzod pa dang / brtson 'grus kyis sems can le lo can rnams dge ba'i chos la spro bar byed cing / nges pa'i sems kyis gus pa dang bcas pa/ mthun par 'dzin pa ste/ spobs pa'i blo gros sems can las lnga po de dag dang ldan pa rnams mi nyid thob par 'gyur zhing / longs spyod kyang chen por 'gyur ba dang / tshe ring ba dang / mdzes pa dang / gzi brjid dang ldan pa dang / 'jig rten gyi rje dpon du 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / sbyin pa byin pas mi yi rgyal po dam par 'gyur// rtag tu longs spyod 'byor dang ldan pa rab tu 'gyur// lus ngan po dang mtshungs par
- 226b
sbyin dang spyon par byed/ / rigs dang dam pa thob pas rtag tu dga' bar 'gyur// tshul khrims ma nyams de ni dkon mchog mchod par byed// nyes byas yongs su spangs pas shin tu nges/ bo ste// tshe ring dam pa thob pas 'chi 'pho med pa yin// bde ba thob pas skyon med rab tu dga' bar 'gyur// nges pa'i mi ni pha rol sems 'khrugs ma byas shing // gzhan dag rnams kyis gnod byas phyir na gnod mi byed/ / de bzhin tshig ngan brjod kyang gshe bar mi byed pas// dge ba'i mchog gi tshul thob nas ni mdzes par 'gyur// brtson 'grus bzang la lhag pa'i bsam pas sems dkar zhing / / stobs dang gzi brjid chen po dge ba rnams dang ldan// dmag dpon nyid kyi dam pa thob par 'gyur bas na// longs spyod 'byor pa'i spyod yul ldan pas lhang nger 'gyur/ / mi 'phrogs sems ldan mkhas shing shin tu mthun pa ste// byas pa gzo zhing las la 'dod pa rab tu byed// dkon mchog gsum dang ma la sogs la mchod mdzad pa/ / nam yang kun la the tsom byed par mi 'gyur ro// mi gang khyad par 'phags pa dge ba lnga po rnams// byed pa de ni sa yi bdag por rab tu 'gyur// stobs la sogs dang gzugs dang longs spyod mi zad ldan/ / grags ldan shin tu gtso bo rnams kyi rim gro byas de nas bcom ldan 'das kyis yang spobs pa'i blo gros la bka' stsal pa// spobs pa'i blo
- 227a
khros sems can las lnga dang ldan pa rnams ni/ sems can dmyal 'arnams su skye par 'gyur zhing/ skyes nas kyang dedag tu bskal pa skyebam por gnas par gyur te/ lnga gang zhe na/ 'di lta ste/ sangs rgyas dang chos dang / dge 'dun dkon mchog la dang par mi byed la/ kun tu bsngags pa ma yin pa brjod pas skur pa 'debs par byed cing 'phags pa'i lam la brnyas pa dang / de bzhin gshegs pa'i mchod rten 'jig pa dang / bar gyi dus na yang dge slong dang dge slong ma dang / dge bsnyen dang / dge bsnyen ma gang zag zhi po mang por mi gus pa/ mthun par mi 'dzin par 'jig rten gyi smra ba lhur len pa/ dkon mchog gsum gyi dkor 'phrogs pa/ gcig la gcig nyes rtsom gyis/ gcig la gcig skur pa 'debs pa'i tshig gis/ rgyal po dang / rje dpon dang / blon po dang / pa dang bu rnams gcig la gcig mi mthun pas mi gus pa rnams dang / ma 'ongs pa'i dus na dge slong rnams de bzhin gshegs pa'i bstan pa la zhugs te/ de bzhin gshegs dgra bcom pa yang dag par rdzogs pa'i sangs rgyas ston pa la bsten nas/ khyim nas khyim med par rab tu byung ste/ bdag nyid dge slong yin par khas 'che zhing / dge ba'i chos yang dag par sgrub pa la mi gnas la/ mkhan po dang / slob dpon rnams mgu bar mi byed cing / dka' blo mi bde
- 227b
la/ mthun par mi 'dzin cing yang dag par rjes su bstan kyang rjes su bstan pa la/ sgrub par mi byed cing / sangs rgyas kyi byang chub spong bar byed la/ bdag la bstod par byed/ gzhan la smod par byed cing / nga rgyal dang / rgyag pa dang / dregs pa'i shas che la/ bla ma rnams la brnyas par byed/ rnyed pa dang / bkur sti la lhag par zhen cing / skur pa yang 'debs par byed pa ste/ spobs pa'i blo gros sems can las lnga po de dag dang ldan pa rnams ni/ sems can dmyal ba rnams su skye bar 'gyur zhing / skyes nas kyang ji srid du sto// gsum gyi stong chen po'i 'jig rten gyi khams 'dir 'jig pa ma byung ba de srid du gnas par gyur zhing / 'jig pa byung nas kyang 'jig rten gyi khams gzhan na sems can dmyal ba gang dag yod bapa de dag tu 'phen par 'gyur ro/ / gang gi tshe der yang 'jig pa byung bar gyur na/ de'i tshe 'jig rten gyi khams gzhan na sems can dmyal ba gang dag yod pa de dag tu 'phen par 'gyur ro// de bzhin du sbyar te/ kun tu 'jig rten gyi khams grungs med pa dag na/ sems can dmyal ba gang dag yod pa de dag tu 'khyam zhing / sdug bsngal nyams su myong la byung ba'i mtha' med do// de nas bcom ldan 'das kyis de'i tshe tshigs su bcad pa 'di dag bka' stsal to// rmongs pas thog ma med nas 'jig pa'i sdug bsngal bying gyur pa'i// 'jig rten sangs
- 228a
rgyas yon tan rgya mtsho bas len mi byed de/ de ni kun rig ma yin rnal 'byor rgyal po ma yin zhes// bdag nyid chung bzod skye bo gzhan rnams la yang slu bar byed// bde bar/ gshegs pa'i mchod rten 'byor pa sdug pa'i mchog byas na// dge ba chung ngur 'gyur zhing 'jig par byed pa'i char 'gyur zhing // mi dge 'di ni mngon sum dge ba mdun na yod bzhin du/ sdig pa rnam pa sna rtogs pan par byo// par mthod pa'i sum da bzhi po 'i ches pas nyam // lan tshun la yon nu yin pas bzugs shes thas ston par byes 'khor du 'dus pa 'dul ba'i dga' ba 'di ni rnam bshigs pas/ / mi bzad ro med log par ltung ba'i sar ni 'gro bar 'gyur// rgyal po pha dang sring mo spun dang gzhon nu bu mo rnams// byams pa'i yid ni log 'gyur longs spyod rnams la brkam chags te// byis pa bu rnams thams cad gcig la gcig ni bzhad gang byed// log lhung dam pa rnam par 'byings par myur du 'gro bar 'gyur/ / ma 'ongs dus 'dir gang dag shin tu sdig can sems can rnams// mthun par mi 'dzin dge sbyong kha dog 'dzin pa gzugs mi sdug/ ngan pa'i bdag nyid ldan pa sdig pa khrag khrig byed 'gyur ba/ / de dag shi phos nas ni sdig brtsod pa'i mchog gis gnon// mi yis bskal po brgya phrag mang por sdig pa lnga po dag/ bsgrubs shing byas pa dag ni
- 228b
bshags par nus pa ma yin te/ / gang du sangs rgyas khrag khrig gis kyang bskyabs par mi spyod pa'i// mi ri drag po mnur med pa yi mer ni sreg par 'gyur/ de nas bcom ldan 'das kyi yang spobs pa'i blo gros la bka' stsal pa/ spobs pa'i blo gros sems can las lnga dang ldan pa rnams ni dud gro'i rnams su skye bar 'gyur te/ lnga gang zhe na/ dang po 'chal pa'i tshul khrims dang / chom rkun dang / gzhan gyi bu lon blangs nas/ gnod sems su byed pa dang / srog gcod pa dang / ma dad pas dam pa'i chos ma yin pa nyan par dga' zhing / dam pa'i chos ma yin pa nyan pa la dga' bas/ log pas 'tsho ba thams cad la dga' ba ste/ spobs pa'i blo gros sems can las lnga po de dag dang ldan pa rnams ni/ dud 'gro rnams su skye bar 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// rtag tu gzhan gyi nor 'phrogs pa la dga' ba'i mi rnams ni/ bu lon byin pa rnam par blangs nas mi gzhan gsod par byed// srog gcod pa la dga' ba'i ri dgas 'chi bdag rgyal po rnams// rgya la sogs pas bzung nas sems can rnams la gsod par byed/ / dad pa la sogs dman pa'i blo gros dkar po'i 'du shes can// nag po'i dpag tu med pa bdag cag spyod pa mi shes pa// rmongs pa
- 229a
rnams ni dam chos dkon mchog gtam la dga' mi byed/ / 'jig rten zhugs pa'i chos la 'dir ni rjes su 'gro bar 'gyur// ji ltar gang ri las 'dir khab bya ba dang / rab bab pas// chu yi chu yi shugs kyis 'phrul dus 'og 'gro ba bzhin// lha'i mi'i grong du sdig pa'i phung po mang du byas pas na// rmongs pa rnams ni de bzhin dud 'gro rnams su myur du 'gro/ / rta dreru rnga bong glang chen ba lang ma he seng ge dang // wa dang sbrul dang phag dang khyil sogs par gyur nas su// rtswa za ba dang sha dang bdud rtsi lo ma'i zas za zhing // de dag rtag tu gzhan gyi khur khyer byed cing dub par 'gyur// bkres pas zil gyis gnon pas gcig la gcig za lhur byed pa// bskal pa khrag khrig rnams su'ang nam yang thar bar mi 'gyur zhing / / ci ltar rgya mtsho gcig na ru sbal mig ni gcig yod pas// gnya' shing bu gar mgrin pa gtad par mi nus pa// de bzhin lha dang mi dang dbang phyug che nyid bde blag tu// log par ltung ba brgya yis thob par nus pa ma yin te// sangs rgyas 'od gzer dam pa'i tshogs can dpag tu med pa dang // byang chub sems dpa' khyu mchog 'od kyis de dag 'byin par 'gyur/ / de nas bcom ldan 'das kyis yang spobs pa'i blo gros la bka' stsal pa/ spobs pa'i blo gros sems can las lnga dang ldan pa rnams ni/ yi dgas kyi
- 229b
'jig rten du skye bar 'gyur ro/ / lnga gang zhe na/ dang po bkren zhing chags pa dang / mun pa mun nag chen po'i ka shes gnyen dang / gsogs pa lhur byed pa'i phyir/ bdag nyid kyang longs spyod par mi byed pa dang / chos ma yin pa dang ldan pa'i phyir phyag dog dang / ser sA lhur byed pas spunA dang srin mo dang / bu dang / chung ma dang / zan dang las byed pa dang / zho shas 'tsho ba dang / mdza' bshes dang / blon po dang / nye du dang / 'brel pa dang / sbyin gnas dang / dge sbyong dang / bram ze dang / bkren pa thams cad la rab tu sbyin par mi byed cing / pha ma dag la yang rab tu sbyin par mi byed pa dang / nges par bskyang bar 'os pa dag mi skyong la bsnyen bkur mi byed cing / bla ma la mi gus la gces par mi byed pa ste/ spobs pa'i blo gros sems can las lnga po de dag dang ldan pa rnams ni yi dgas rnams su skyes par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / bkren pa'i nyes pas bcom pa nor gtong mi phod pa// de dag gzhan dag las ni blang bar 'dod par byed// mdzod rnams kyi ni sgo 'phar dam du bsdams pa rnams/ / 'dir ni bskyang 'os tsa lags mchog rnams gso mi byed// gzhan nor chud gson pa yis rtag tu skrag pa rnams// bla ma la yang de dag
- 230a
rab rtsub byams can min/ / de dag bdag gi chung ma la sogs g.yogs tshogs la// dbyig sbyin mi byed shin tu snying rtse shes med cing // dkar po dag las log/ pa de dag 'di nas shis 'bas nas// yun ring mchog tu lus 'bar sdug bsngal yi dgas 'gyur// de nas lo brgya rnams su rmi lam rmis par yang / dgos dang zas dang btung ba nam yang rmi mi 'gyur/ / khab 'dra'i kha dang ri chen lta bu'i lho can rnams// nyam thag shar dang nub kyi rgya mtshor rgyug par byed// kha nas me 'bar lus ngan phyogs dang lho phyogs gzhan// bskam par mthong nas rin chen me rnams lhung bar 'gyur// gshin rje'i pho nya dpung mgo las grub rab tu gtsang // sra ldan rnams kyis mnan nas zangs bzhun bzod dka' bar// me 'dra ro bro med pa de dag rnams la ldud/ / rmongs rnams yan lag brgyad ldan chu bzhin 'thung bar byed// nang khrol lus kyi khong pa bsregs pa bsil ba'i rlung gis su// skyes pa'i bdag nyid rnams la stobs chen yang sdug byed/ / de nas shi phos mi yi 'jig rten 'dir skyes rnams// rigs dang longs spyod lus g.yog rnams kyi dman par 'gyur// de nas bcom ldan 'das kyis yang spobs pa'i blo gros la bka' stsal pa/ spobs pa'i blo gros sems can las lnga dang ldan pa rnams ni rigs mthon po rnams su 'gyur te/ lnga gang zhe na
- 230b
'di lta ste/ zang zing dang chos kyi sbyin bdag gis 'jig rten thams cad la gnod sems med par 'gyur ba dang / dkon mchog gsum dang / pha ma la gus pa dang / snyun n+ya/ skyes pa'i bzod pa dang / nges pa dang / shin tu gya nom pa dang / sangs rgyas kyi gsung rnam pa sna tshogs klog pa dang / kha ton du bya ba la brtson pa ste/ spobs pa'i blo gros sems can las lnga po de dag dang ldan pa rnams ni/ rigs mthon po rnams su 'gyur ro// de nas bcom ldan 'das kyis de'i tshe tshigs su cad pa 'di dag bka' stsal to// / bas ma byas gang dag bsod nams tshogs pa bskal bzang sbyin pa'i cho ga bzhin// kun tu sems can mang la kun bged de dag rtag tu nad med 'gyur// tshe dang kha dog stobs ldan lus can 'jig rten mchog tu 'gyur/ / mtshungs dang rgyal tshon khyad par can gyis mdzes brjod rin chen ri dbang bzhin// 'dul ba nyam dga' dkon mchog mtshungs med pa ma rnams la bsnyen bskur bas/ / shin tu rgya chen gtso mchog khyim du skyes pa grangs med skye bos mchod// shin tu nus kyang yid 'khrug rnams spangs kun tu gzugs kyis 'phags pa rnams// 'jig rten rnams kyi mig tu sdug pa skal bzang rigs ni 'thon por 'gyur/ / gang dag brtan zhing kun bzod shin tu yid bzang dkar dang mthun rnams dang // mi rnams gang dag shes
- 231a
rab dag mchog sangs rgyas gsung la kha don brtson/ / de dag 'byor pa thob nas rigs mchog skyes pa kun tu kun mchog mdzes// de dag dge bas rgyas pas lus chen rgya mtsho chen po bzhin du smra/ de nas bcom ldan 'das kyi yang spongs pa'i blo gros la bka' stsal pa/ spobs pa'i blo gros sems can las lnga dang ldan pa rnams ni/ bran dang bran mo nyid thob par 'gyur te/ lnga gang zhe na/ 'di lta ste/ pha ma rnams la mi gus pa dang / gya nom pa'i sems ma yin pa dang / zlog pa med cing ci gar sdig pa spyod pa dang / gzhan gyi nor 'phrogs pa dang / bu lon 'phrogs nas bdag sbed pa ste/ spobs pa'i blo gros sems can las lnga po de dag ldan pa rnams ni bran dang bran mo nyid thob/ par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to// bsod nams rgya chen 'byor pa gangs 'od lta bu'i khyim du skye thob nas/ blun po gang dag rgyags khengs dregs pas dkrugs shing gus par mi byed la// pha ma rnams la rmad byung byin gnas 'dra bar 'du shes mi byed pa// de dag nyes pas gzhan du 'jig rten dbang 'gyur dman zhing g.yon can 'gyur/ / dkon mchog mtshungs med rnams la mgus lhur byed ma rung brlangs tshig 'gyur// gang dag byams dang de bzhin snying rje'i ma lus dge bcu
- 231b
chung gzon pa/ / de dag grangs med skye bar 'dzin med gzhan 'joms ngo tsha mi shes shing // mi yi yul du zan nyid spangs nas skad cig gis ni dma' bar 'gyur// gzugs dang dbang / phyugs rigs mchog blo bral dman la mos pa'i glen par 'gyur// dkon mchog rnams mi mchod pas nga rgyal med cing zhun la mdangs ngan 'gyur// dpal kun med cing ting nge 'dzin bral ba las rnams kyis ni bsdigs par 'gyur/ / de dag 'jig rten kun dka' dga' ston che sogs med cing tshogs kyis 'tsho/ de nas bcom ldan 'das kyis yang spobs pa'i blo gros la bka' stsal pa/ spobs pa'i blo gros sems can las lnga dang ldan pa rnams ni skal ba bzang por 'gyur zhing / khyim khol dang kha dri zhim pa dang gnod pa med pa dang / lus dang sems shin tu sbyangs pa dang / blta na sdug pa dang / skye bo mang pos bsngags pa rnams su skye bar 'gyur te/ lnga gang zhe na/ 'di lta ste/ 'du shes ci lta ba bzhin du yang dag pa dang / ma tshangs pa med pa dang / sgro btags pa med pa'i tshigs dang / nyan thos dang / rang sangs rgyas dang / theg pa chen po dang / theg pa rnam pa gsum po thams cad kyi tshig gi rang bzhin la mi bzod pa med cing / mi smod la mi spong zhing / de dag thams cad du bzung ba dang / bshad pa dang / klog pa dang / kha ton la sogs pa byed pa dang /
- 232a
ngag gi skyon bzhi po tshad med pa rnam par spyod zhing / 'phags pa'i lam la skur ba mi 'debs pa dang / sems can log par sgrub pa la gnas pa rnams la snying brtsa ning / yongs su bskyangs pa dang / skyon de las bzlog cing dge ba la dgod pa dang / gzhan gyi skyon mthong ba'i brjod pa yal bar 'jog pa skye/ spobs pa'i blo gros sems can las lnga po de dag dang ldan pa rnams ni/ mi rnams kyi nang du skyes nas/ bskal pa bzang por 'gyur zhing khyim khol dang ldan pa dang / kha dri zhim pa dang / yid gzhungs pa dang / mthun pa dang / skye bo mang po dga' ba dang / mya ngan med pa dang / sems mal du gnas pa dang / khro ba med pa dang / gnod pa med pa dang / kha dog dang / ldan pa dang / grags pa dang ldan pa rnams su skye bar 'gyur ro// de nas bcom ldan 'das kyi de'i tshe tshigs su bcad pa 'di dag bka' stsal to// sangs rgyas sogs la shin tushas cher gus 'bad pa ma rnams mchod pas/ / rtag tu ngag skyon kun 'bral 'jig rten dag tu rmad du 'byung bar 'gyur// tshig gi yon tan bzung 'os rnga sgrar bcas shing tshe rab kun tu phan/ / ut+pal dri dang mdzes pa'i rlung ldan kha yis phyogs su snyan par grags// gang dag bdag byams gzhan mtshungs mi phan skyon brjod sdig pa ngan pa las// phral nas dge ba
- 232b
kun la sems can rnams ni spyod du 'jug byed pa/ / de dag mi yi 'jig rten thob nas skal bzang kun tu thams cad dga'// shin tu yid 'ong rin chen yul can bde gnas sdig las ldog par 'gyur/ / dam pa'i chos ni bzung dang bstan brtson de sems byed cing nges par 'gyur// 'dir ni sems can kun la pha ma 'dra bar byams pa'i sems ldan 'gyur// 'das pa'i dus su lus can kun ni nged kyis rtsa lag tshogs gyur ces// de ltar zla ba lta bu'i sems sbyangs de dag la ni phan par byed// 'gran dregs khyad gsod la sogs rnam pa sna tshogs phan tshun sun 'byin pa'i/ / sdig pa yongs su spangs nas dag pa'i yid can skyon rnams kun spangs nas// sems can lhag pa'i bsam pa dge bas snyan tshogs phan tshun brjod par byed/ / myur du lha yi dbang phyug mtshungs med thob nas sungs rgyas dge bar 'gyur/ de nas bcom ldan 'das kyis yang spobs pa'i blo gros la bka' stsal ba/ spobs pa'i blo gros sems can las lnga dang ldan pa rnams ni dam pa thob nas/ rtag tu bskur ba 'debs pa thob par 'gyur zhing / skye bo mang po mi dga' ba dang / mdog mi sdug pa dang / kha dri mi zhim pa dang / sems mi dga' ba dang / gnod pa mang ba dang / lus shin tu sbyangs pa ma yin par 'gyur te/ lnga gang zhe na/ 'di lto ste/ brdzun du smra ba dang / brdzun du smra bas rtag tu
- 233a
gzhan bslu ba'i sems lhur len bya dang / chos kyi 'bel bu'i gtam chen po la 'dus pan/ chos kyi gtum de la rnam par spyod pa dang / 'tshangs pa mtshungs par spyod pa rnams mthong na de dag la brnyas shing khyad du gsod pa dang / dma' ba'i sems su byed pa ste/ spobs pa'i blo gros sems can las ldi de dag dang ldan pa rnams ni/ mi'i dam pa thob nas rtag tu skur pa 'debs pa thob par 'gyur zhing / skye bo mang po mi dga' ba dang / mdog mi sdug pa dang / kha dri mi zhim pa dang / sems mi dga' ba dang / gnod pa mang pa dang / lus shin tu sbyangs pa ma yin par 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to// sems yid rnams kyis gzhan sems drag tu 'khrug dang sdig pa rnams byas pas/ / log pa'i ngag dang gzhan la gnod par dga' ba tha ma rnam sems dang // lus kyis sdug bsngal gzhal med rdzogs pa bar med nyams su myong bar 'gyur/ / lcags kyi lcags kyus chen po rnon po rnams kyis nyam thag lce 'byin 'gyur// gshin rje'i dbang phyug gnas su'ang mi rnams shin tu zangs skol ldung par 'gyur// dmyal bar mi bden tshig can skyes pa de dag dga' bar yongs mi 'gyur/ / gang tshe 'dir ni tshig bzang bral ba ro ltar kha dri mi zhim zhing // 'jig rten mig tu yid 'ong blta sdug ma yin rnams su
- 233b
'gyur/ / rgyal po'i 'o brang 'khor du mi snyan skur ba de bas rtsod pa'i skyon mang zhing // de dag rtag tu skyon gnas mi ni sa yang mang pos gleng bar 'gyur// sems can brdzun smra rnams kyis tham sems dang lus bde ma yin phyir/ / sngar bshad nyes 'gro yi 'bras bu sdug bsngal mang po spyod par 'gyur// mi nyid spangs nas dbang med mi rnams bde bkun la sku byed pa'i// sems can dmyal ba'i 'jig rten 'gro 'gyur de nas shi 'phos gyur nas ni// 'gro ba lnga po'i 'khor po'i 'khor lo rtsub par dud 'gro rnams su skye// de ltar lus can 'khyam pa rnams kyi sdug bsngal zad par 'gyur ba med/ de nas bcom ldan 'das kyis yang spobs pa'i blo gros la bka' stsal pa/ spobs pa'i blo gros dge sbyong dang / rigs kyi bu dang / rigs kyi bu mo nye bar zhi ba gtso bor 'dzin pa'i sems can chos lnga dang ldan pa rnams ni/ gang dang gang du skye ba'i skye ba de dang de thams cad du rtag par sangs rgyas dang / chos dang dge 'dun dang phrad pa thob par 'gyur zhing / sangs rgyas bcom ldan 'das rnams mthong nas kyang / de dag las chos kyang thos nas/ yid dga' zhing ci bsams pa bzhin du/ byang chub rnams thob par 'gyur la/ ci 'dod pa bzhin du phun sum tshogs pa rnams kyang thob par 'gyur te/ lnga gang zhe na/ 'di lta ste/ bdag nyid dkon mchog gsum la skyabs su song nas/
- 234a
gzhan dag kyang dkon mchog gsum la skyabs su 'gro ba sgrub pa la rnam par 'jog par byed pa dang / rnam pa thams cad kun tu rdzogs shing rgyas la rgya chen po legs par byas pa'i de bzhin gshegs pa'i sku gzugs byed du 'jugs pa dang / mkhan po dang / slob dpon shes shing gus pa dang bcas pa dang bka' blo bde ba dang mthun par 'dzin bapar bsgrub pa dang / kun tu thog pa med pa'i 'od gzer rnams kyis sems can thams cad bdag dang 'dra zhing bu gcig pa'i byams pa dang 'dra bar mthong ba dang / ci ltar btsems pa'i mdo grub pa dang / klog pa dang / kha ton dang / lung mnod pa dang / bshad pa rnams yid la byed pa yangs shing rnam pa sna tshogs pa dag gis bar chad med par bsgom pa la mngon par zhen cing sgrubs par byed pa ste/ spobs pa'i blo gros dge sbyong dang / rigs kyi bu dang / rigs kyi bu mo nye bar zhi ba gtso bor 'dzin pa'i sems can chos lnga po de dag dang ldan pa rnams ni/ gang dang gang du skye ba'i skye ba de dang de thams cad du/ bar chad med par sangs rgyas dang / chos dang / dge 'dun dkon mchog rnams dang mi 'bral bar 'gyur zhing sangs rgyas bcom ldan 'das rnams mthong nas kyang de dag las chos kyang thos nas/ yid dga' zhing ci bsams pa bzhin du/ byang chub rnams thob par 'gyur la/ ci 'dod pa
- 234b
bzhin du phun sum tshogs pa rnams kyang thob par 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to// gang dag sangs rgyas yon tan mchog gis chos la gnas/ / de dag nyid kyi sems can thams cad 'dul bar byed// sangs rgyas sku gzugs gzugs legs rnams ni byed par 'gyur// mkhas pa rnams ni slob dpon tshig la mchod par byed/ / gang dag phyogs bcu rnams kyis 'jig rten ma lus la// bdag dang bu gcig byams pa rnams dang 'drar mthong ba// de dag srid pa kun tu mya ngan med nges 'gyur/ / shin tu rnam dag thugs mnga' sangs rgyas rnams kyang mthong // gang dag shes rab rin chen chen po 'byor mdzad rnams// nyin dang mtshan du dge ba kun// spyod par byed// 'dir ni rmad du 'byung ba'i 'od dang ldan pa rnams// 'jig rten mun pa che la snang ba mchog byed 'gyur// kun tu chos rnams thams cad rab tu rnam phye nas// sangs rgyachos lam las mchog ni gzhan med par/ / nges par byas nas lha dang bcas pa'i 'jig rten gyi// mthar thug 'gro bar 'gyur ba'i rgyu ni shes rab 'gyur// de nas tshong dpon spongs pa'i blo gros chos kyi rnam grangs 'di thos nas tshim zhing mgu ste/ yi rangs nas/ rab tu dga' ste/ dga' ba dang yid bde ba skyes nas/ mi skye ba'i chos la bzod pa thob bo//
- 235a
tshang dpon gyi bu lnga brgya tsam po dang / ma ma chi g.yog 'khor lnga brgya tsam de dag ni chos rnams la chos kyi sdig rdul med rnying drim dang bral ba zlab 'o// bcom ldan 'das kyi 'khor gyi dkyil 'khor du/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang mi dang mi ma yin pa ji snyed 'dus par 'gyur ba de dag thams cad kyis ni/ ci bsams pa bzhin gyis theg pa rnams la sems bskyed do// ci 'dod pa bzhin du phun sum tshogs pa yang thob cing me tog dang spos dang / 'phreng ba dang / gos dang / rgyan la sogs pa dpag tu med pa rnams kyis bcom ldan 'das la gtor to// de nas tshong dpon spobs pa'i blogrogros stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas 'di skad ces gsol to/ / bcom ldan 'das khams gsum pa'i bla ma chos lnga po 'di dag legs par gsung ba legs so legs so// chos lnga po de dag zos nas/ 'khor 'di yid bzhin du thams cad rdzogs par don grub par 'gyur lags so/ / ma 'ongs pa'i sems can rnams kyang 'di nyid thos nas nag po'i phyogs spangs te/ dkar po'i
- 235b
phyogs la zhugs shing brtul zhugs 'grub par 'gyur lags so/ / bcom ldan 'das dge slong gi dge 'dun dang thabs gcig tu/ sang bdag gi sdum par spyan 'dren na/ bdag cag la thugs brtse ba'i slad du/ khyod kyis de ltar gnang bar mdzad du gsol/ bcom ldan 'das kyis tshong dpon spobs pa'i blo gros la thug brtse ba'i slad du ga nang bar mdzad do/ / de nas tshong dpon spobs pa'i blo gros bcom ldan 'das kyis gnang bar rig nas/ tshim zhing mgu ste/ yi rangs nas rab tu dga' ste/ dga' ba dang / yid bde ba skyes nas/ bcom ldan 'das kyis zhabs la mgo bos phyag 'tshal te/ bcom ldan 'das la lan gsum bskor ba byas nas/ g.yog 'khor dang bcas te/ bcom ldan 'das kyi thad nas song ngo // de rang gi khyim du song nas pha ma gnyis kyi rkang pa la mgo bos phyag byas te/ thal mo lkug lkug por sbyar nas/ 'di skad ces smras so/ / yab yum 'di ltar gang 'jig rten na shin tu dkon pa de bzhin gshegs pa'i bla na med pa'i chos kyi rgyal po khams gsum pa thams cad las 'das pa/ bcom ldan 'das dge slong gi dge 'dun dang thabs gcig tu sang bdag gis gdugs tshod la spyaspyan drangs na/ des kyang bdag cag la thugs brtse ba'i slad du gnang lags kyis mkhyen
- 236a
par mdzod cig/ de nas spobs pa'i blo gros kyi pha ma dag yang yid dga' ste/ 'di skad ces smras so// bu legs so// khyod kyis legs par byas so zhes mngon par bstod de/ de bzhin gshegs pa mchod pa'i las la spro bar gyur to// de nas spobs pa'i blo gros kyi rang gi chung ma dam pa g.yog 'khor dang bcas pa la bsgo ba/ bzang mo khyod kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'khor dang bcas pa'i don du/ bza' ba dang / btung ba dang ro brgya dang ldan pa mang po dang / bsod par sbyor cig/ sbyar nas kyang khyim thams cad chag chag gdab pa dang / phyag dar bya ba dang / bla re bre ba dang dar gyi lnga ldi gdags pa dang / me tog chal par dgram po dang / gdug spos dri zhim pos gdug par byed du bcug la/ de bzhin gshegs pa dge slong gi dge 'dun dang thabs gcig pa'i gang na ci 'os thing ste/ mchod yon dang zhabs la dbul ba spyan sngar bzhag pas bcom ldan 'das dam pa de la sdod cig ces bsgo ste/ spobs pa'i blo gros mdza' bshes dang / blon po dang nye du dang / rgan rabs la sogs pa dang / lhan cig 'grogs shing ci skad smras pa thams cad byas so// de nas bcom ldan 'das
- 236b
de'i mtshan mo 'das nas/ dge slong gi dge 'dun dang thabs cig tu/ rgyal bu rgyal byed kyi 'tshal skyed mos tshal chen po nas/ sems can rnams la thug brtse bas/ de bzhin gshegs pa'i rdzu 'phrul gyi dpal rnam par 'phrul pa yang dag par bstan pa'i rol dpal cho 'phrul dang bcas par mnyan du yod pa'i grong khyer chen por gshegs so/ / gshegs nas kyang rim gyi spabs pa'i blo gros kyi khyim ga la ba der logs su bzhud do/ / de nas spobs pa'i blo gros g.yog 'khor dang bcas pas bcom ldan 'das bsu nas mchod yon dang zhabs la dbul bas/ bcom ldana'adas kyi zhabs la mgo bos phyag 'tshal nas/ bcom ldan 'das kyi zhab ring ba dang bcas par khyim gyi nang du gshegs te bcom ldan 'das ni ci 'os pa'i gdan mchog la bzhugs so/ / dge slong gi dge 'dun ni ci 'os pa la 'khod do// de nas spobs pa'i blo gros kyi pha ma dang / slas dang / mdzes bshes dang / slob dpon dang / nye du dang / rgan rabs rnams ni yid dga' zhing 'dud la/ bla ma la gus pa dang / gces par byed pa chen pos/ bcom ldan 'das dge slong gi dge 'dun dang thabs cig pa la 'drim par rtsom mo/ / spobs pa'i blo gros ni/ me tog dang / spos chur bcas pas bkang ba'i ril ba thogs nas/ ston pa'i sman sngar 'dug par gyur to//
- 237a
yang de'i tshe sdug bsngal ba'i grogs po gnyis shig/ spobs pa'i blo gros kyi khyim du phyin par gyur nas/ de nyid las gcig ni dge 'dun gyis nang du zhugs so// de'i tshe dge slong thams cad la bza' ba dang / btung ba 'byor tshogs zhes smras la/ bcom ldan 'das kyis kyang rjes su thugs rang ba ma gsungs pas/ de gang gis kyang ci yang mi byin nas de khros te phyir byung nas 'di snyam du/ kye ma sdug bsngal ba bdag la gang gis ci yang ma byin pa ni/ dge sbyong bdag nyid ngan pa rnams te/ sems nye bar zhi ba ma yin zhing / snying rje med la byams pa'i sems dang ldan pa ma yin pa dag go/ / gang de dag la byin yang 'bras bu med pa de lta bu dag la sbyin par byed pa ni/ sbyin bdag blun pa ste/ gal te bdag rgyal por gyur na/ thams cad kyi mgo lcags kyi 'khor los bcad do snyam du sems par gyur to// de nas de'i 'og tu dge slong thams cad la bza' ba dang / bca' ba dag 'byor tshogs zhes byas shing / bcom ldan 'das kyis kyang rjes su thugs rung bar mdzad pa dang / gcig shos 'ongs par gyur to// de nas bza' ba dang / btung ba mang ba dang / bsod ba thob nas/ de yid rangs te/ phyir byung nas 'di snyam du/ kye ma sdug bsngal ba bdag la gang dag gis bza' ba dang / btung ba mang ba dang / bsod pa sbyin pa ni dge sbyong
- 237b
bdag nyid chen po rnams te/ snying brtse bar byed la sems nye bar zhi ba yin zhing byams pa'i bdag nyid can dag go// 'dis ni bdag zhag bdun du tshim par 'gyur bar bya'o// gang / 'di dag la byin na/ 'bras bu che ba sbyin gnas chen po 'di lta bu bdag la sbyin par byed pa ni sbyin bdag chen po mkhas pa la ste legs so// gal te bdag rgyal por gyur na/ sangs rgyas la sogs pa dge slong gi dge 'dun la zhag bdun du/ bsnyen bskur thams cad kyis rim gror byed par gyur gcig snyam du sems par gyur to// de nas bcom ldan 'das gdugs chod bsol nas/ gsang sder gyur ste/ phyag bcabs nas tshe dang ldan pa kun dga' bo la bka' stsal pa/ kun dga' bo deng phyin cad bza' ba dang / btung ba ma blangs pa nyid du rjes su yi rang ba brjod cig/ de nas spobs pa'i blo gros g.yog 'khor dang bcas te/ bcom ldan 'das kyis sman sngar 'dug go// bcom ldan 'das kyis de la yang dag par dga' ba dang / yang dag par gzengs bstod pa dang / yang dag par 'dzin du bzhug pa sngon du mdzad po'i chos kyi gtam/ sems can mang bo'i dge ba'i rtsa ba rnam pa sna tshogs skyes par mdzad de/ gdan las bzhengs nas bzhud do// rgyal bu rgyal byed kyi tshal du gshegs nas/ de na bzhugs so// de nas
- 238a
sdug bsngal ba de gnyis 'khor 'khor khyam khyam ste/ yul gzhan zhig du song nas pa zad tshu zad tsam gyi phyogs su nyal bar gyur to// der bsod nams kyi las can de la steng gi nam mkha' la grib ma'i don du/ sprin gyi bla re glog dang rlung 'byung ba dang bcas pa rab tu gnas par gyur to// de'i tshe yul de na rgyal po gang yin pa de 'chi ba'i dus byas so/ / de na gang rgyal srid la dbang bskur bar bya ba'i rgyal po'i mtshan dang ldan pa yang gzhan med do// de na tshong dpon dang grong mi dang / yul mi dang blon po chen po dang / blon po dang / sgo ba dang / 'khor ba na 'khod pa rnams ni/ mtshan mkhan dang / ltas mkhan dang / skar ma dang / bza' spyod pa la ma mkhas pa la/ rgyal por 'gyur ba su yod ces brtson par gyur cing 'dri'o// des smras pa/ skyes bu dbul po mtshan dang ldan pa zhig yod do// de ni rgyal por 'gyur ro// de nas de dag rgyan thams cad kyis brgyan pa/ rgyal po la 'os pa rin thang che ba'i khri stan bzang po gser gyi rkang rten dang bcas pa dang / yu ba nor bu las byas pa'i gdugs dkar po dang / yu ba gser las byas shing / nor bu dang ldan pa'i rnga ma'i bsil yab dang / spos chus bkang ba'i bum pa du ma dang
- 238b
me tog dang / rgyan 'breng dang / gos dang / dbu rgyan dar thod dang bcas pa la sogs pa'i rgyan dang / spos kyis phur ma dang / slo ma dag thogs te/ sil snyan dang / pheg rdob pa dang / glu dbyangs dang bcas pa dag dang / rgyal po'i pho brang 'khor nas byung ste/ kun nas de kun tu btsal to// ltas mkhan des sprin gyi tshogs kyis bka' ba'i phyogs de mthong ste/ mthong nas kyang de dag la smras pa/ grogs po dag khyed cag gis sprin sngon po'i dkyil 'khor gyis khebs pa dga' zhing bsil ba'i phyogs de mthong ngam de dag gis smras pa/ grogs po mthong ngo // des smras pa/ de na rgyal po'i mtshan dang ldan pa'i skyes bu de 'dug ste/ de'i bsod nams kyi las kyis grib ma'i don du sprin de dag 'dus so/ / de nas de dag dong nas/ sil snyan dang / glu dbyangs kyi sgras sbran te/ btud de la 'di skad ces smras so// dbang bskur ba bzhes la rgyal por gyur cig des smras pa/ kho bo lta bu rgyal po'i 'os ga la yin+da/ de dag gis smras pa/ bsod nams kyi las can khyod de skad ma zer bar/ khyod gdon mi za bar rgyal po bya dgos so// spras pa/ de bzhin du gyur cig/ de nas de dag gis gser gyi rkang rten la rkang pa bzhag pa de stan bzang po la 'dug tu bcug nas/ bkra shis thams cad kyis rgyas par byed cing /
- 239a
dbang bskur te/ dbu rgya na dar thod can la sogs pa'i rgyan rnams kyis brgyan nas/ shing rta'i mgo logs su gdugs chen po bsgreng ste/ btsugs shing lu ba gser las byas pa nor bu can gyi rnga ma'i bsil yab bdag gis g.yob cing / lha rgyal bar gyur cig/ rgyal bar gyur cig ces/ kun nas mngon par bstod de rgyal po'i pho brang 'khor du khrid do/ / de nas rgyal po'i shing rta de bsgyur ba'i 'khor los bkren pa gcig shos gnyid log pa'i mgo chod do// de nas bsod nams kyi las can de yang rgyal srid la gnas par gyur to/ / de'i rgyal srid de yang yams kyi nang med pa dang / gnod pa med pa dang / 'byor pa dang / rgyas pa dang / bde ba dang / lo legs pa dang skye bo dang / mi mang pos gang bar gyur to// rgyal po'i ming gi yon tan thams cad 'byor cing ldan par gyur la/ dga' mgur spyod pa de 'di snyam du/ 'di gang gi mthu yin/ bdag gi rgyal srid skal ba bzang po dang ldan par 'di gang gis byung bar gyur snyam pa dang / de sangs rgyas kyi mthus sngon gyi las sngon par 'du byas pa de thams cad rjes su dran no// yang dag par dran nas kyang bcom ldan 'das kyi thad du/ bcom ldan 'das bdag cag sems can mang po gzhan rnams la thugs brtse ba'i slad du/ tshur gshegs su gsol zhes po
- 239b
nya zhig btang ngo / / pho nya btang nas kyang rgyal bu rgyal byed kyi tshal gyi bar dang / rang gi khyim gyi bar du bar der/ bcom ldan 'das kyi thams cad dang ldan pa'i lam chag chag btab cing phyag dar byas te/ me tog chal par bkram nas/ gdugs dang / rgyal mtshan dang / ba dan dang / rta babs btsugs shing pog spor dag gis bdugs nas/ mngon par brgyan te/ bcom ldan 'das kyang de la thugs brtse ba'i slad du gshegs so// de nas rgyal po de grong khyer gyi mi dang / yul gyi mi dang bcas shing blon po chen po blon po dang / sgo ba dang / 'khor gyi tshogs dang bcas pas su'o/ / de nas bcom ldan 'das kyis zhabs la me tog dang / spos dang / me tog phreng dang / byug pa dang / phye mas bsgos pa'i slob ma dpag tu med bas mchod de/ dge slong gi dge 'dun dang bcas pa'i zhabs la lus thams cad kyi phyag 'tshal nas/ 'khor dang bcas te bcom ldan 'das la bla ma la gus pa dang / gces par byed pa chen po mchog gis/ bcom ldan 'das dge slong gi dge 'dun dang thabs gcig tu rang gi khyim gyi rlung rin po che chen po thams cad kyis brgyan pa skyed mos tshal chen po yongs su bskor bar gshegs su gsol nas/ zhag bdun du bde ba'i yo byad thams cad kyis rim gro byas so// de nas rgyal po des bcom ldan 'das gdugs chod
- 240a
gsol nas/ / ang sder gyu ste phyag bcabs par rig nas/ chos nyan pa'i phyir g.yog 'khor dang bcas par bcom ldan 'das kyi spyan sngar 'dug ste/ 'di skad ces kyang gsol to/ / bcom ldan 'das bdag ni dma' ba dang dbul ba lags na/ bdag gis rgyul srid phun sum tshogs pa 'di ga las mchis logs/ bcom ldan 'das kyis bka' stsal pa/ rgyal po chen po mnyan du yod pa'i grong khyer chen po na/ sbyin bdag chen po spobs pa'i blo gros zhes bya ba zhig yod de/ des dus gzhan zhig na/ rang gi khyim du sangs rgyas la sogs pa dge slong gi dge 'dun gdug tshod gsol to/ / de nas der sdug bsngal ba gnyis pa shig lkugs shes bya ba nas/ rgyas par snga ma bzhin te/ gcig gis mgo khyod kyi shing rta'i 'khor los chod pa zhes bya ba'i bar du'o/ / de yang shi 'phos nas sems can dmyal bar skyes te/ der skyes pa de'i mgo/ skad cig skad cig la skyes so/ cog na/ lcags kyi 'khor lo 'bar bas bcad do// de yang de nas bskal pa bye bas thar bar 'gyur ro// khyod kyi ni rgyal po'i dpal thob ste/ bdag de lta bur gyur nas/ sangs rgyas la sogs pa dge slong gi dge 'dun zhag bdun du/ gdugs tshod gsol bar gyur cig ces khyod kyis smon lam btab ste/ khyod kyis bsam pa de yang rdzogs so// de phyin cad
- 240b
ni tshe rabs dpag tu med pa thams cad phun sum tshogs pa ches khyad par du 'phags pa dag thob par 'gyur ro/ / de nas bcom ldan 'das kyis de'i tshe/ tshigs su bcad pa 'di dag bka' stsal to/ / 'jig rten nag po 'byung ba'i phyir// yid ni drug gi rtsa ba yin// nyes par smras rnams 'byung ba'i phyir// la ni sdig pa'i sgo nyid do// sems kyis/ sna tshogs sems par bye// de nas tshig tu smra bar 'gyur// ngag yid dag gis sdig byas pa// lus skyes sdug bsngal sbyin par byed// ban dang mi phan ma bsams par// blo gros med pas sdig byas pa/ / des na sdug bsngal snod gyur te// nyon mongs pa de dag de ltar 'gyur// mkhas pa rnams kyi mgo bdag/ yid kyis gcod par 'dod pa ste/ blo gros ngan par mi shes pa'o/ / mgo ni 'khor los yang dag chod// dpal ldan ying 'di kho nas ni// chos dkar bdud rtsi rten pa mi// sems can bsod nams byas dge rnams// g+ha yi 'jig rten rnams su khring/ / 'di bdi gli gis kun thamams ngas// tshi brjod pas legs smras pa/ dpyir ni sus mas// bsod nams mtshad ni legs par 'gyur ma las ma na pa ste/ las dag mi yinam byanas// gal nyi ma rnams byengs na ga tur 'du ldang nger 'gyur// sems kyis mi dge ba'i las// rtag tu yongs
- 241a
su spangs nas ni/ / rab tu dga' bas bsod nams nyid// mi yis byas te sdig pa min// tshe rabs bye ba grangs med par// 'khor los sgyur sogs ko 'phang gi/ lha mi'i nang du rgyal po'i dpal// thams cad thob nas khyod bzhin no// mi yi dbang phyug dus kun tu// srid rnams snying po mi shes nas// khyod kyis sangs rgyas chos rnams la/ / mngon par brtson pa mtha' g.yas bya// de nas bcom ldan 'das las rgyal po des yang dag phul gyi chos bstan pa 'di thos nas/ mchog tu yid byung ste/ 'khor dang bcas pas rgyun tu zhugs pa'i 'bras bu thob bo// gzhan stong phrag mang po zhig gis ni/ bcom ldan 'das mthong ba dang / chos mnyan pas lha dang mi'i phun sum tshogs pa rnam pa sna tshogs thob par 'gyur ba dang / thar pa'i cha dang mthun pa'i dge ba'i rtsa ba dag bskyed do// de nas bcom ldan 'das kyis der gang sems can rnams kyi don mdzad pa de thams cad rgyas par mdzad nas rgyal bu rgyal byed kyi tshal du byon te/ gtsug lag khang gi skyabs shig tu dge slong gi dge 'dun gyi nang du/ sangs rgyas kyi gdan gshams pa nyid la zhugs nas/ tshe dang ldan pa kun dga' bo la bka' stsal pa/ kun dga' bo khyod kyis rnam grangs 'di zung shig/ chongs shig/ lhogs shig/ gzhan dag la yang
- 241b
rgya cher yang dag par rab tu ston cig/ kun dga' bo rigs kyi bu 'am rigs kyi bu mo gang su dag/ chos kyi rnam grangs 'di 'dzin par byed pa de thams cad kyis/ de bzhin gshegs pa dgra bcom pa yang dag par rdzogs pa'i sangs rgyas byams pa las ci ltar smon lam btab pa'i theg pa rnams la lung bstan pa thob par 'gyur ro/ / de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ci ltar zung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di ni/ las rnam par 'byed pa bstan pa zhes bya bar zung shig/ tshong dpon spobs pa'i blo gros kyis zhus pa zhes bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / byang chub sems dpa' de dag dang / tshong dpon spobs pa'i blo gros g.yog 'khor dang bcas pa dang / thams cad dang ldan pa'i 'khor dang / lha dang mi dang / lha ma yin dang / dri zozer bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa spobs pa'i blo gros kyis zhus pa zhes bya ba theg pa chen po'i mdo rdzogs so// // rgya gar gyi mkhan po
- 242a
pradz+nyA wa ra ma dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab pa// @ rgya gar skad du/ prah+ma dz+wA li sU tra/ bod skad du/ tshangs pa'i dra ba'i mdo/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das dge slong gi dge 'dun chen po dge slong nyis brgya lnga bcu dang / dge bsnyen stong dang / slong mo pa lnga brgya rnams dang thabs cig tu yul ma ga d+ha'i ljongs rgyu zhing gshegs pa las/ mtshan mo rgyal po'i khab dang skya snar can gyi grong gi bar de na/ 'od ma'i lcug phran rgyal po gnas su dge slong gi dge 'dun dang thabs cig tu bzhugs so// de'i tshe kun tu rgyu rab dga'/ rnam grangs du ma'i sgo nas/ sangs rgyas la mi snyan pa brjod la/ chos dang dge 'dun la yang mi bstan pa brjod pa dang / kun tu rgyu rab dga'i slob ma bram ze'i bu tshangs sbyin zhes bya ba ni/ rnam grangs du ma'i sgo nas/ sangs rgyas la snyan pa brjod la/ chos dang dge 'dun la yang snyan par brjod pa zhig ste/ de ltar slob dpon dang / slob ma de gnyis phan tshun lta ba dang / mos pa dang / bye brag phyed pa dang / bzod pa dag gis mi mthun par smra zhing / dge slong gi dge 'dun dag dang / de bzhin gshegs pa dgra bcom pa yang dag par
- 242b
rdzogs pa'i sangs rgyas kyi byi bzhin zhabs 'bring du dong ngo / / de nas dge slong mang po rgyal po'i gnas na 'dus shing 'khod pa rnams na re/ tshe dang ldan pa dag sems can rnams kyi mos pa sna tshogs/ 'di lta ste/ kun tu rgyur ba dga'/ rnam grangs du ma'i sgo nas/ sangs rgyas la mi snyan pa brjod la/ chos dang dge 'dun la yang mi snyan brjod pa dang / kun tu rgyu rab dga'i slob ma bram ze'i bu tshangs byin zhes bya ba ni rnam grangs du ma'i sgo nas/ sangs rgyas la snyan pa brjod la/ chos dang dge 'dun la yang snyan par rjod pa zhig ste/ de ltar slob dpon dang / slob ma de gnyis phan tshun lta ba dang / mos pa dang / bye brag phyed pa dang / bzod pa dag gis mi mthun par smra zhing dge slong gi dge 'dun dang / de bzhin gshegs pa dgra bcom pa yang dag par rdzogs pa'i sangs rgyas kyi phyi zhing zhabs 'bring du dong ba 'di ni ngo mtshar rab tu che'o zhes skabs kyi gtam de lta bu dag yang dag par brjod par gyur ro/ / de nas dge slong mang po dag/ rgyal po'i gnas na 'dus shing 'khod pa rnams kyis skabs kyi gtam dus la bab pa dag/ bcom ldan 'das nyin mo'i gnas na bzhugs bzhugs pa'i lha'i snyan rnam par dag pa mi'i las 'das pas gsan par gyur to/ / gsan nas kyang ting nge 'dzin de la sa bzhengs nas/ rgyal po'i gnas ga la ba der gshegs te/ byon nas
- 243a
dge slong gi dge 'dun gyi mdun du gdan bting ba nyid la bzhugs so/ / bzhugs nas kyang dge slong rnams la bka' stsal pa/ dge slong dag khyed rgyal po'i gnas su dge slong mang po rnams 'dus shing 'khod pa rnams kyi skabs kyi gtam du sa la bab pa ni gang yin/ khyed gtam gang gis na da ltar 'dus shing 'khod/ btsun pa bdag cag dge slong mang po rnams rgyal po'i gnas 'dir 'dus shing mchis pa ni/ kun tu rgyu rab dga'i rnam grangs du ma'i sgo nas/ sangs rgyas la mi snyan pa rjod la/ chos dang dge 'dun la yang mi snyan pa brjod pa dang / kun tu rgyu rab dga'i slob ma bram ze'i bu tshangs sbyin zhes bgyi ba ni/ rnam grangs du ma'i sgo nas/ sangs rgyas la snyan pa brjod la/ chos dang dge 'dun la yang snyan pa brjod pa zhig ste/ de ltar slob dpon dang / slob ma de gnyis phan tshun lta ba dang / mos pa dang / bye brag phyed pa dang / bzod pa dag gis mi mthun par smra zhing dge slong gi dge 'dun dag dang / de bzhin gshegs pa dgra bcom pa yang dag par rdzogs pa'i sangs rgyas kyi slad gzhin zhabs 'bring du ma mchis pa 'di ni/ ngo mtshar rab tu che'o zhes skabs kyi gtam de lta bu dag gleng blangs pa lags la/ btsun pa bdag cag dge slong mang po rnams/ rgyal po'i gnas su 'dus shing mchis pa'i skabs kyi gtam dus la bab pa ni
- 243b
de lags te/ gtam des da ltar bdag cag 'dus shing mchis pa lags so// dge slong dag nga la mi snyan pa brjod pa dang / chos dang dge 'dun la yang mi snyan pa brjod pa de la/ gnod sems mi bya'o/ / mi bzod pa mi bya'o// ngan sems mi bya'o// sems mngon par mi dga' bar mi bya'o// dge slong dag nga la mi snyan par brjod pa dang / chos dang dge 'dun la yang mi snyan pa brjod pa de la/ tshe dang ldan pa dag gis gnod sems dang / mi bzod pa dang / ngan sems dang / sems mngon par mi dga' bar byas na/ des na khyod kyi bar du gcod pa kho nar 'gyur ba'i phyir ro/ / de ci'i phyir zhe na/ dge slong de re shig khros 'khrugs la/ rngams te yid mi dga' bar gyur pas/ bzhan brjod pa'i don gyi rnam pa thams cad yongs su rdzogs par shes pa 'am/ mthong bar 'gyur ba 'di ni gnas med do// dge slong dag de'i phyir nga la mi snyan par brjod la/ chos dang dge 'dun la yang mi snyan pa brjod pa na/ yang dag pa la ni yang dag pa nyid du khas blang bar bya ba la/ yang dag pa ma yin pa la ni yang dag pa ma yin pa nyid du ste/ 'di ltar de ni yang dag pa ma yin zhing / de kho na ma yin pas nged kyi chos 'di la ni yod pa ma yin no zhes lan gdab par bya'o/ / dge slong dag nga la mi snyan pa brjod la/ chos dang dge 'dun la yang mi snyan pa brjod pa na/ dga' bar yang
- 244a
mi bya'o/ / yid bde bar yang mi bya'o// sems ya la bor mi bya'o// dge slong dag nga la yang snyan pa brjod la chos dang / dge 'dun la yang snyan pa brjod pa dang // dga' ba 'am yid bde ba 'am/ sems ya ya bor gyur na/ des na khyed kyi bar du gcod pa kho nar 'gyur ba'i phyir ro// dge slong dag/ de ci'i phyir zhe na/ dge slong de re shig dga' bar gyur pa dang / yid bde bar gyur pa dang / sems ya ya bor gyur pas/ gzhan brjod pa'i don gyis rnam pa thams cad yongs su rdzogs par shes pa 'am/ mthong bar 'gyur ba 'di ni gnas med do/ / dge slong dag de'i phyir nga la snyan pa brjod la/ chos dang dge 'dun la yang snyan pa brjod pa na/ yang dag pa la ni yang dag par nyid du khas blangs par bya la/ yang dag pa ma yin pa la ni/ yang dag pa ma yin pa nyid du ste/ 'di ltar de ni yang dag pa ma yin zhing de kho na ma yin pas/ nged kyi chos 'di la ni yod pa ma yin no zhes lan gdab par bya'o// dge slong dag gang byis pa so so'i skye bo thos pa dang mi ldan pa dag de bzhin gshegs pa'i snyan pa cung zad tsam 'di smra zhing brjod pa 'di lta ste/ tshul khrims tsam dang 'dod pa dag las rab tu dben pa yin no/ / ji ltar na tshul khrims tsam yin zhe na/ go'u ta ma de ni 'phel ba'i tshul khrims can yin la/ ji skad smras pa de bzhin byed cing ji ltar byed pa de bzhin smra ba yin no//
- 244b
go'u ta ma de ni 'di ltar srog gcod pa spangs nas/ srog gcod pa las slar log pa ste/ srogs chags su gyur pa'i sems can thams cad la snying rje dang ldan zhing ngo tsha shes pa dang / dbyug pa spangs shing mtshon cha spangs pas tha na srog chags grog spur yan chad la yang srog gcod pa spangs pa yin no// go'u ta ma de ni 'di ltar ma byin par len pa spangs nas/ ma byin par len pa las slar log pa ste/ ma byin par mi len la byin pa la ni dga' ba yin te/ de bzhin du rgya cher ro// ji ltar 'di na dge sbyong dang / bram ze kha cig dad pas byin pa yongs su spyod cing / rig pa yon po dag gis logs par 'tsho bas/ 'tshe bar byed de/ 'di lta ste/ nyi ma dang zla ba gnyis lam nas rgyu ba'i rnam par smin pa ni 'di lta bu'o/ / zhi ma dang zla ba gnyis la ma log pa nas rgyu ba'i rnam par smin pa 'di ni 'di lta bu'o// gza' nyi ma dang / gza' zla ba'i lam dang / skar mda' btung ba las phyogs 'bar ba dang / bar snang las lha'i rnga sgra grag pa'i rnam par smin pa ni 'di lta bu'o// gza' nyi ma dang / gza' zla ba'i lam log pa dang / skar mnga' lhung ba las phyogs 'a bar ba dang / bar snang las lha'i rnga sgra grag pa dang / yang nyi ma dang / zla ba 'di gnyis 'di ltar mthu che ba/ 'di lta rdzu 'phrul che ba'i rnam par smin pa ni 'di lta bu'o// 'chang ba
- 245a
dang / 'ong ba dang / kun nas nyon mongs pa dang / rnam par byang ba rnam par gzhag pa dag tu/ mi shes pa ni 'di lta ste/ lam log pa'i phyir ro// go'u ta ma de ni rig pa yon po dag gis log par tsho bas log par byed pa de lta bu dag spangs pa yin no// ji ltar na 'dod pa rnams las rab tu dben pa yin zhe na/ go'u ta ma de ni 'di ltar 'phags pa'i tshul khrims kyi phung po padi dang ldan zhing / dbang po rnams kyi sgo bsdams pa la gnas pa/ dran pas kun nas bsrungs pa/ rtag par dran pa dang dran pas yid kun nas bsrungs pa/ gnas skabs ma nyem pa la 'jog par byed pa/ de mig gis gzugs rnams la lta ba na mtshan mar 'dzin pa med pa yin te/ yid kyi dbang po'i bar du yang sdom pa blangs pa yin no/ / go'u ta ma de ni 'di ltar tshul khrims kyi phung po 'di dang / dbang po ni sgo bsdams pa 'di dang / ldan pa yin la/ 'gro ba dang 'ong ba la shes pa med pa yin te/ yid kyi dbang po'i bar du yang sdom pa blangs pa yin no// go'u ta ma de ni 'dra ltar tshul khrims kyi phung po 'di dang / dbang po 'i sgo bsdams pa 'di dang ldan pa yin la/ 'gro ba dang 'ong ba la shes bzhin du gnas pa yang yin zhing / lta ba dang rnam par lta ba nas gnyid kyis dub pa sel ba'i bar du'ang shes bzhin du gnas pa yin no// go'u ta ma de ni 'di ltar
- 245b
'phags pa'i tshul khrims kyi phung po 'di dang / dbang po'i sgo bsdams pa 'di dang ldan la/ dran pa dang shes bzhin mchog 'di dang ldan pa'i phyir mal stan byed de/ sdom pa la gnas pa nas/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas shing dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas nas gnas pa'i bar te/ 'dod pa rnams las dben pa de ni de lta bu yin no// dge slong dag chos gang dag gzhan za ba zab par snang ba yongs su dag pa/ yongs su byang ba/ de dag ngas rang gi mngon par shes pas/ mngon par rdzogs par sangs rgyas nas bshad la pha rol pos kyang de bzhin gshegs pa la/ yang dag pa ji lta ba bzhin snyan pa smra zhing brjod par byed do/ / dge slong dag chos gang dag gzhan zab pa/ zab par snang ba yongs su dag pa yongs su byung ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang / de bzhin gshegs pa la gang yang dag par ji lta ba bzhin snyan par smra zhing / brjod par byed pa gang zhe na/ dge slong dag/ dge sbyong dang / bram ze kha cig rtag par smra ba rnams sngon gyi mtha' la rtog cing / bdag dang 'jig rten ni rtag go zhes mngon par sna zhing
- 246a
mngon par brjod par ni/ 'di lta ste/ gzhi gzhi po dag la'o// dge sbyong dang bram ze shes ldan rtag par smra ba de dag/ ji la rten cing ji la gnas nas/ ji la gnas bcas te/ sngon gyi mtha' la rtog cing bdag dang 'jig rten ni rtag go zhes mngon par brjod pa ni/ 'di lta ste/ gzhi gzhi po dag la'o// dge slong dag 'di ni dge sbyong dang / bram ze kha cig dgon pa na gnas kyang rung / shing drung na gnas kyang rung / khang stong na gnas kyang rung ste/ brtson pa'i rgyu las byung ba dang / spong ba'i rgyu las byung ba dang / sgom pa'i rgyu las byung ba dang / lan mang du byed pa'i rgyu las byung ba dang / yang dag pa yid la byed pa'i rgyu las byung ba dag gis/ sems zhi ba'i ting nge 'dzin de lta bu la reg par byed do/ / de ltar sems mnyam par gzhag pa na/ 'jig pa dang / chags pa'i bskal pa phrag nyi shu yang dag par rjes su dran no// de 'di snyam du sems te/ de'i phyir bdag dang / 'jig rten rtag pa des na/ bdag 'di snyam du bdag dgon pa na gnas kyang rung / shing drung na gnas kyang rung / khang stong na gnas kyang rung / brtson pa'i rgyulas byung ba dang / spong ba'i rgyu las byung ba dang / skom pa'i tshulas byung ba dang / lan mang du byed pa'i rgyu las byung ba dang / yang dag pa yid la byed pa'i tshulas byung
- 246b
bdag gis/ sems zhi ba'i ting nge 'dzin de lta bu la reg par bya'o snyam mo// de ltar sems mnyam par bzhag pa na/ 'jig pa dang / chags pa'i bskal pa phrag nyi shu yang dag par rjes su dran no/ / de ltar bdag dang / 'jig rten rtag pa ni/ mi 'gro ba/ 'gro ba med pa/ bsgyur du mi rung ba/ ther thug tu gnas pa/ lcags kyi sdong po ltar 'dug pa ste/ de ltar na sems can shes ldan 'di dag ni/ kun tu rgyug cing 'khor la rtag pa de lta bu dang mtshungs pa med pa'o// rtag par smra ba rnams ji la rten cing / ji la gnas nas/ ji la gnas bcas te/ sngon gyi mtha' la rtog cing bdag dang 'jig rten rtag pa'o zhes mngon par smra zhing mngon par brjod pa 'di ni gzhi dang po'o// gnyis pa ni dge sbyong dang / bram ze shes ldan rtag par smra ba rnams/ ji la rten cing ji la gnas nas/ ji la gnas bcas te/ sngon gyi mtha' la rtogs cing / bdag dang 'jig rten rtag pa'o zhes mngon par smra zhing / mngon par brjod pa ste/ dge slong dag 'di ni/ dge slong dang bram ze shes ldan can rtag par smra ba rnams dgon pa na gnas kyang rung / shing drung na gnas kyang rung / khang stong na gnas kyang rung ste/ brtson pa'i rgyu las byung ba dang / spong ba'i rgyu las byung ba dang / sgom pa'i rgyu las byung ba dang / lan mang du byed pa'i rgyu las
- 247a
byung ba dang / yang dag pa yid la byed pa'i rgyu las byung ba dag gis sems zhi ba'i ting nge 'dzin de lta bu la reg par byed do// de ltar sems mnyam par bzhag pa na// 'jig pa dang / chags pa'i bskal pa phrag bzhi bcu yang dag par rjes su dran no// de 'di snyam du sems te/ de'i phyir bdag dang 'jig rten rtag pa des na/ bdag 'di snyam du bdag dgon pa na gnas kyang rung / shing drung na gnas kyang rung / khang stong na gnas kyang rung ba nas/ rtag par smra ba rnams ci la rten cing / ci la gnas nas ci la gnas bcas te/ sngon gyi mtha' la rtog cing / bdag dang 'jig rten rtag pa'o zhes mngon par smra zhing / mngon par brjod pa 'di ni gzhi gnyis pa'o zhes bya ba'i bar du snga ma bzhin no// gsum pa ni/ dge sbyong dang / bram ze shes ldan rtag par smra ba rnams/ ci la rten cing / ci la gnas nas/ ci la gnas bcas te/ sngon gyi mtha' la rtog cing bdag dang 'jig rten rtag pa'o zhes mngon par smra zhing / mngon par brjod pa ste/ dge slong dag 'di ni dge slong dang / bram ze kha cig ces bya ba nas/ sems mnyam par gzhag pa nas 'jig pa dang chags pa'i bskal pa phrag brgyad du yang dag par rjes su dran no zhes bya ba'i bar du snga ma bzhin pa dang / de 'di snyam du sems te/ bdag dang / 'jig rten ni rtag pa'o zhes
- 247b
bya ba nas/ de ltar na/ sems can shes ldan 'di dag ni kun tu rgyug cing 'khor la/ rtag pa de lta bu dang mtshungs pa med papo rtag par smra ba rnams ci la rten cing / ci la gnas nas/ ci la gnas bcas te/ sngon gyi mtha' la rtog cing bdag dang 'jig rten rtag pa'o zhes mngon par brjod pa 'di ni gzhi gsum pa'o// bzhi pa ni dge sbyong dang / bram ze shes ldan rtag par smra ba rnams ci la rten cing / ci la gnas nas/ ci la gnas bcas te/ sngon gyi mtha' la rtog cing bdag dang / 'jig rten rtag pa'o zhes mngon par smra zhing mngon par brjod pa ste/ dge slong dag de ni dge sbyong dang bram ze zhes bya ba dag snga ma bzhin no// sems mnyam par bzhag pa na/ lha'i mig rnam par dga' ba mi'i las 'das pas sems can 'chi ba dang skye ba dang kha dog bzang po dang / kha dog ngan pa dang / dman pa dang / gya nom pa dang / bde 'gro dang / ngan 'gro dang / ngan 'gror 'gro ba dag 'di lta ste/ de ltar na bdag dang 'jig rten ni rtag pa'o zhes bya ba nas/ rtag par smra ba rnams ci la rten cing / nI la gnas nas/ ci la gnas bcas te/ sngon gyis mtha' la rtog cing bdag dang / 'jig rten rtag pa'o zhes bya ba mngon par sba zhing mngon par brjod pa 'di ni bzhi pa'o zhes bya ba'i bar du snga ma bzhin no// dge slong dag dge sbyong dang bram
- 248a
ze kha cig rtag par smra ba rnams sngon gyi mtha' la rtog cing / bdag dang 'jig rten rtag pa'o zhes mngon par smra zhing / mngon par brjod pa de thams cad ni gzhi gzhi po 'di dag la ste/ de las mi lhag mi mang la de ltar na lta bar song ba pa di dag 'di ltar 'dzin pa dang / 'di ltar mchog tu 'dzin pa de dag de bzhin gshegs pas yang dag par rdzi bzhin du rab tu mkhyen/ de nas las lhag par yang dag pa ji lta ba bzhin du mkhyen to// 'di ltar rab tu mkhyen pa na/ mchog tu mi 'dzin to// mchog tu ba'adzin pas bdag nyid mya ngan las 'das par yang rigs cing de ltar lta bar song ba pa de dag gis 'gro ba 'di lta bu'i/ skye ba ni 'di lta bu'o// tshe phyi ma ni 'di lta bu yin no zhes de dag de bzhin gshegs pas yang dag pa ji lta ba bzhin du mkhyen de las lhag par yang dag pa ji lta ba bzhin du mkhyen to/ / de dag de bzhin gshegs pas yang dag pa ji lta ba bzhin du mkhyen/ de las lhag par yang dag par ji lta ba bzhin du mkhyen nas kyang mchog tu ma 'dzin to/ / mchog tu mi badzin pas/ bdag nyid mya ngan las 'das par rig pa nas/ kun 'byung tshor ba rnams nub par thugs su chud de/ 'di ni sdug bsngal lo// 'di ni sdug bsngal nges par 'byin pa'o zhes bya bar mkhyen to// dge slong dag chos gang gzhan zab pa zab par
- 248b
snang ba yongs su dag byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta/ ba bzhin snyan pa smra zhing brjod par byed do// dge slong dag chos gang dag gzhan zab pa zab par snang ba dag ces bya ba snga ma bzhin no// dge slong dag dge sbyong dang bram ze kha cig sngon gyi mtha' la rtog cing / kha cig ni rtag pa ste/ bdag dang 'jig rten kha cig rtag gos zhes smra zhing / mngon par brjod pa ni/ 'di lta ste/ bzhi pa'o 'di dag la'o// dge slong dang bram ze shes ldan de dag ci la rten cing / ci la gnas nas/ ci la gnas bcas te/ sngon gyi mtha' la rtog cing / kha cig ni rtag pa ste/ bdag dang / 'jig rten rtag go zhes mngon par smra zhing mngon par brjod pa ni/ 'di lta ste/ gzhi bzhi po dag la'o// dge slong dag gang 'jig rten 'di 'jig pa'i dus la bab ste/ 'jig rten 'jig pa na sems can phal cher gsal gyi lha'i ris su skye bar 'gyur te/ de dag der yid la byung zhing / gzugs can yin pa dbang pos dman pa ma yin zhing / ma tshang ba med pa/ yan lag dang / nying lag thams cad dang ldan zhing kha dog mdzes pa dang ldan pa rnams rang gi mthus/ nam mkha' la 'gro zhing dga' ba'i zas dang ldan la/ dga' ba'i zas pab
- 249a
dag tshe rab ring por 'khod do/ / dge slong dag gang 'jig rten 'di chags pa'i dus la bab ste/ 'jig rten chags na nam mkha' stong pa la tshangs pa'i gzhal med khang dag mngon par 'grub la/ yang 'od bsal gyi lha'i ris kyi sems can 'ga' tshe zad cing las zad la/ bsod nams zad pa zhig shi phos nas/ tshangs pa'i gzhal med khang stong pa skye ste/ de de na gcig pu zla med cing grogs med par tshe ring bas yun ring por gnas so// de nas sems can de yun ring po las 'das pa dang / sred pa skyes shing mi dga' bar gyur te/ kye ma bdag dang skal ba mnyam pa'i sems can gzhan zhig 'dir/ skyes kyang ci ma rung zhes sems can de'i sems kyi smon pa dang / 'od gsal gyi lha'i ris kyi sems can gzhan tshe zad cing las zad la bsod nams zad pa zhig shi 'phos nas tshangs pa'i gzhal med khang du sems can de dang skal ba mnyam par skyes so/ / de nas sems can de 'di snyam du bdag cig pu bla med cing grogs med par tshe ring bas yun ring por gnas te/ bdag yun ring por gnas pa las 'das pas sred ba skyes shing mi dga' bar 'gyur te/ kye ma bdag dang skal ba mnyam pa'i sems can gzhan zhig 'dir skyes kyang ci ma rung zhes/ bdag gis sems kyis de ltar smon pa dang /
- 249b
sems can 'di dag 'dir bdag dang skal ba mnyam par skyes pa las na/ sems can de dag ni bdag gis sprul to// bdag sems can 'di dag dang / dngos po rnams kyi pha/ gyur pa ste/ dbang phyug go/ byed pa po'o// 'byin pa po'o// 'byin byed do snyam mo sems can de dag kyang 'di snyam du sems can 'di dag ni bdag cag gis gcig pu bla med cing grogs med par tshe ring bas sun ring gnas par mthong ngo / / de yun ring po gnas pa las 'das nas sred pa skyes shing mi dga' bar 'gyur te/ kye ma bdag dang skal ba mnyam pa'i sems can gzhan zhig 'dir skyes kyang ci ma rung snyam nas/ sems can de de ltar sems kyis smon pa dang / 'dir bdag cag sems can de dang skal ba mnyam par skyes pa las na/ bdag cag ni sems can des sprul pa'o/ / sems can de ni bdag dang dngos po rnams kyi phar gyur pa ste/ dbang phyug go// byed pa po'o// byin pa po'o// byin byed do snyam mo// de nas sems can 'ga'i tshe zad cing / las zad pa la bsod nams bzad pa zhig gnas de nas shi 'phos nas 'dir mi rnams dang skal ba mnyam par gyur pa la/ de dbang po rnams yongs su smin cing nar son pa'i rgyus na/ skra dang kha spu bregs te/ gos ngur smrig bgos nas/ yang dag pa nyid kyi dad pas khyim nas khyim med par rab tu byung ste/ de dgon
- 250a
pa na gnas kyang rung / shing drung na gnas kyang rung / khang stong na gnas kyang rung ste/ brtson pa'i rgyu las byung ba dang / spong pa'i rgyu las byung ba dang sgom pa'i rgyu las byung ba dang / lan mang du byed pa'i rgyu las byung ba dang / yang dag pa yid la byed pa dag gis rgyu las byung ba dag gis sems zhi ba'i ting nge 'dzin de lta bu la reg par byed do/ / de ltar sems mnyam par gzhag pas las sngon gyi lus de yang dag par rjes su dran no// de 'di snyam du sems te/ tshangs pa de ni dngos po rnams kyi phar gyur pa ste/ dbang phyug go/ / byed pa po'o// sprul pa po'o// 'byin pa po'o// 'byin byed do// de ni rtag pa'o// brtan pa'o// ther zug pa'o// rnam par mi 'gyur ba'i chos can no// yang bdag cag ni tshangs pa des sprul pa'i phyir bdag cag ni mi rtag pa'o/ / yid brtan du mi rung ba'o// rnam par 'gyur ba'i chos can no snyam mo// de ltar kha cig ni rtag la/ kha cig ni mi rtag pa ste/ ci la rten cing / ci la gnas nas/ ci la gnas bcas te/ sngon gyi mtha' la rtog cing kha cig ni rtag pa ste/ bdag dang / 'jig rten kha cig ni rtag go zhes mngon bapabar smra zhing mngon par brjod pa 'di ni gzhi dang po'o/ / gnyis pa ni dge slong dang bram ze shes ldan ci la rten cing ci la gnas nas/ ci la gnas bcas te sngon gyi
- 250b
mtha' la rtog cing / kha cig ni rtag pa pa ste/ bdag dang / 'jig rten kha cig ni rtag go zhes mngon par smra zhing mngon par brjod pa ste/ tshangs pa'i'i lta ba ni 'di lta bu'o// smra ba ni ba di lta bu'o 'di skad ces brjod par bya ste/ sa dang / chu dang / me dang / rlung de ni mi rtag pa mi brtan pa yid brtan du mi rung ba rnam par 'gyur ba'i chos can yin la/ yang 'di skad ces brjod par bya ste/ sems zhes bya ba 'am/ yid ces bya ba 'am/ rnam par shes par zhes bya ba de ni rtag pa bstan pa zer zug pa/ rnam par 'gyur ba'i chos can ma yin no/ / yang sems can bga' tshe zad cing las zad la bsod nams zad pa zhig gnas de nas shis 'phos nas 'dir mi rnams dang skal pa mnyam par 'gyur la/ de dbang po rnams yongs su smin cing nar son pa'i rgyus ni/ sgra dang / kha spu bregs te/ gos ngur smrig gos nas yang dag pa nyid kyi dad pas khyim nas khyim med par rab tu byung ste/ de dgon pa na gnas kyang rung / shing drung na gnas kyang rung / khang stong na gnas kyang rung ste/ brtson pa'i rgyu las 'byung ba dang / spong ba'i rgyu las 'byung ba dang / sgom pa'i rgyu las 'byung ba dang lan mang du byas pa'i rgyu las byung ba dang / yang dag pa yid la byed pa'i rgyu las byung ba dag gis sems zhi ba'i ting nge 'dzin la reg par byed do// de ltar
- 251a
mnyam par gzhag pa dang / de 'di snyam pa sems te/ tshangs pa de ni lta bar gyur pa snyam du myong ba'i phyir 'di skad ces bya ste/ sa dang / chu dang / me dang / rlung de ni mi rtag pa'o// mi brtan pa'o// yid brtan du yang mi rung ba'o// rnam par 'gyur ba'i chos can yin no// snyam la yang 'di skad ces bya ste/ sems zhes bya ba 'am/ yid ces bya ba 'am/ rnam par shes pa zhes bya ba de ni rtag pa'o// brtan pa'o ther zug pa'o// rnam par 'gyur ba'i chos can ma yin pa'o snyam mo// de ltar kha cig ni mi rtag la/ kha cig ni mi rtag pa ste/ ci la rten cing ci la gnas nas/ ci la rten bcas te/ sngon gyi mtha' la rtog cing / kha cig ni rtag pa ste/ bdag dang / 'jig rten kha cig ni rtag go zhes mngon par smra zhing mngon par brjod pa 'di ni gzhi gnyis pa'o/ / gsum pa ni dge slong dang / bram ze shes ldan kha cig ci la rten cing ci la gnas nas/ ci la rten bcas te/ sngon gyi mtha' la rtog cing / kha cig ni rtag pa pa ste/ bdag dang / 'jig rten kha cig rtag go zhes mngon par smra zhing mngon par brjod pa ni dge slong dag 'dod pa'i khams na lha rtsed mos myos zhes bya ba dag yod/ / de dag gang gi tshe shin tu rtse dga' rangs pa dang ldan zhing 'khod de rtse dga' rangs pa dang ldan pa'i sems can
- 251b
de dag gi nang nas/ lus dub cing dran pa rmongs pa dran pa'i sems can gnas de nas shi ba phos par 'gyur ro// 'di lta ste/ sems can 'ga' tshe zad cing las zad la bsod nams zad pa 'ga' zhig gnas de nas shing phos nas/ 'dir mi rnams dang skal ba mnyam par 'gyur la/ dbang po yongs su smin cing nAr son pa'i rgyus na/ skra dang / kha spu bregs te/ gos ngur smrig bgos nas/ yang dag pa nyid kyi dad pas khyim nas khyim med par rab tu 'byung ste/ de dgon pa na gnas kyang rung / shing drung na gnas kyang rung khang stong na gnas kyang rung ste/ brtson pa'i rgyu las pa byung ba dang / spong ba'i rgyu las 'byung ba dang / lan mang du byed pa'i rgyu las 'byung ba dang / yang dag pa yid la byed pa dag gis rgyu las byung ba dag gis/ sems zhi ba'i ting nge ba dzin de lta bu la reg par byed do// de ltar mnyam par bzhag pa na/ sngon gyi lus de yang dag par rjes su dran no// de 'di snyam du sems te/ 'dod pa'i khams na gang lha rtsed mos myos zhes bya ba dag gis nang nas gang dag rtse dgapa rangs pa dang shin tu mi ldan par 'khod de/ de dag ni rtag pa'o// brtan pa ther zug pa'o/ / rnam par mi 'gyur ba'i chos can yin no snyam mo// yang bdag cag ni shin tu rtse dga' rangs pa dang ldan pa'i sems gnas pas bdag cag ni mi rtag pa'o// mi brtan
- 252a
pa'o/ / ther zug ma yin pa'o// yid brtan du mi rung ba'o// rnam par 'gyur ba'i chos can no snyam mo// de ltar na kha cig ni rtag la kha cig ni mi rtag pa ste/ ci la rteni bya ba ni snga ma bzhin te/ ba di ni gzhi gsum pa'o// bzhi pa ni dge sbyong dang / bram ze shes ldan ci la rten cing ci la gnas nas/ ci la gnas bcas te/ sngon gyi mtha' la rtog cing kha cig ni rtag pa pa ste/ bdag dang / 'jig rten kha cig rtag go zhes mngon par smra zhing / mngon par brjod pa ni dge slong dag 'dod pa'i khams na lha yid 'khrug ces bya ba dag yod de/ de dag gang gi tshe shin tu mig gis mig tshugs su lta'o/ / de dag shin tu mig gis mig tshugs su lta ba na/ yid 'khrug cing yid khros pas sems can de dag gnas de nas shi 'phos par 'gyur ro// ji ste sems can 'ga' tshe zad cing las zad la bsod nams zad pa zhig gnas de nas shi 'phos nas 'dir mo rnams dang skal ba mnyam par 'gyur la/ de dbang po rnams yongs su smin cing nar son pa'i rgyus na zhes bya ba nas/ sngon gyi lus yang dag par rjes su dran no zhes bya ba'i bar du snga ma bzhin no// de 'di snyam du sems te/ 'dod pa'i khams na gang lha yid 'khrug ces bya ba de dag gi nang nas gang dag mig gis mig tshugs su shin tu mi lta ba de dag ni rtag pa'o/ / brtan pa'o// ther zug pa'o// mi 'gyur ba'i chos can no snyam mo// gang bdag cag ni shin tu mig
- 252b
gis mig tshugs su lta ba dang ldan pas/ bdag cag ni mi rtag pa'o// mi brtan pa'o// yid brtan du mi rung ba'o// rnam par 'gyur ba'i chos can yin no snyam mo// de ltar na kha cig ni rtag la kha cig ni mi rtag pa stag pa ste/ ji la rten cing ji la gnas nas/ ji la gnas bcas te/ sngon gyi mtha' la rtog cing / kha cig ni rtag pa pa ste/ bdag dang / 'jig rten kha cig rtag go zhes mngon par smra zhing mngon par brjod pa 'di ni gzhi ba zhi pa'o/ / dge slong dag dge sbyong dang bram ze kha cig sngon gyi mtha' la rtog cing / bdag dang / 'jig rten kha cig rtag go zhes mngon par smra zhing mngon par brjod pa de thams cad ni/ gzhi gzhi po 'di dag la ste/ de las mi lhag mi mang la de ltar na/ lta bar song ba 'di dag 'a di ltar 'dzin pa de dag de bzhin gshegs pas yang dag pa ji lta ba bzhin du rab tu mkhyen ces bya ba dag ni lnga ma bzhin no/ / dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin snyan par smra zhing brjod par byed do// dge slong dag chos gang dag gzhan zab pa zab par snang ba yongs su dag pa/ yongs su byang ba de dag ngas rang gis mngon par shes pas mngon par rdzogs pa'i sangs rgyas nas pha rol pos kyang
- 253a
de bzhin gshegs pa la gang yang dag pa ji lta ba bzhin snyan par smra zhing / brjod par byed pa gang zhe na/ dge slong dag dge sbyong dang bram ze kha cig sngon gyi mtha' la rtog cing rgyu med par 'byung ba ste/ bdag dang / 'jig rten ni rgyu med pa las 'byung ba'o// zhes mngon par smra zhing mngon par brjod pa yod pa ni// 'di lta ste/ gzhi gnyis po la'o// dge sbyong dang / bram ze shes ldan de dag ci la rten cing ci la gnas nas/ ci la gnas bcas te/ sngon gyi mtha' la rtog cing rgyu med par 'byung ba ste/ bdag dang 'jig rten ni rgyu med pa las 'byung ba'o zhes pa mngon par smra zhing mngon par brjod pa ni/ 'di lta ste/ gzhi gnyis po dag la'o// dge slong dag gzugs kyi khams na/ 'du shes med pa'i sems can gyi lha rnams kyis 'du shes 'byung ba'i phyir/ sems can de dag gnas de nas shi phos par 'gyur la/ ji ste sems can 'ga' zhig gnas de nas shi phos nas 'dir mi rnams dang skal ba mnyam par 'gyur zhes bya ba nas/ sngon 'du shes 'byung ba de yang dag pa rjes su dran no zhes bya ba'i bar tu snga ma bzhin no// 'di snyam du sems te/ bdag dang 'jig rten rgyu med pa las 'byung ba'i de'i phyir/ des na bdag ni 'di snyam du bdag dang 'jig rten rgyu med pa las byung bas/ bdag sngon chad ma byung la/ da ltar byung ngo snyam pa ni gzhi dang po ste/ ci la rten
- 253b
cing gnas pa dag pa ni snga ma bzhin no/ / gnyis pa dge sbyong dang bram ze shes ldan ci la rten cing / ci la gnas zhes bya ba dag ni snga ma bzhin no// 'di ni kha cig pa/ dpyod pa can rtogs ger zhugs/ ba'i sa la gnas pa/ rang gi spobs pa las byung ba/ so so'i skye bo pa/ rtog ge'i rjes su babrang ba de/ 'di snyam du sems te/ bdag dang / 'jig rten rgyu med pa las 'byung ba de'i phyir/ des na bdag ni/ 'di snyam du bdag dang 'jig rten rgyu med pa las byung bas/ bdag ni rtog ge pa/ dpyod pa can rtog ger zhugs pa'i sa la gnas pa/ rang gi spobs pa las byung ba/ so so'i skye bo dpyod pa'i rjes su 'brang ba 'di ni gzhi gnyis pa ste/ ci la rten cing zhes bya ba ni snga ma bzhin no// dge slong dag dge sbyong dang / bram ze kha cig sngon gyi mtha' la rtog cing rgyu med par 'byung ba pa ste/ bdag dang / 'jig rten ni rgyu med pa las 'byung ba'o zhes mngon par brjod pa de thams cad ni gzhi gnyis po 'di dag la ste/ de las mi lhag mi mang la/ de ltar na lta bar song ba de dag 'di ltar 'dzin pa dang / 'di ltar mchog tu 'dzin pa de dag de bzhin gshegs pas yang dag pa ji lta ba bzhin du rab tu mkhyen// de las lhag par yang dag pa ji lta ba bzhin du rab tu mkhyen to/ / 'di ltar rab tu mkhyen pa nas/ mchog tu mi 'dzin to// mchog tu mi 'dzin pas bdag nyid mya ngan las 'das par yang rig cing de ltar lta bas song ba de dag gi 'gro ba ni 'di lta bu/
- 254a
skye ba ni 'di lta bu'o// tshe phyi ma ni 'di lta bu yin no zhes/ de bzhin gshegs pas yang dag pa ji lta ba bzhin du rab tu mkhyen// de las lhag par yang dag pa ji lta ba bzhin du rab tu mkhyen to/ / de dag de bzhin gshegs pas yang dag pa ji lta ba bzhin rab tu mkhyen/ de ltar lhag par yang dag pa ji lta ba bzhin rab tu mkhyen nas kyang mchog tu mi 'dzin to// mchog tu mi 'dzin pas bdag nyid mya ngan las 'das par rig nas/ kun 'byung tshor ba rnams nub par thugs su chud nas 'di ni sdug bsngal lo// 'di ni sdug bsngal nges par byin pa'o zhes bya bar mkhyen to/ / dge slong dag gang dag chos gzhan zab pa zab par snang ba zhes bya ba snga ma bzhin no// dge slong dag chos gang dag gzhan zab pa zab par snang ba nas/ de dag gang zhe na/ zhes bya ba'i bar tu nisnga ma bzhin no/ / dge slong dag dge sbyong dang bram ze kha cig sngon gyi mtha' la rtog cing / mtha' yod pa dang mtha' med pa ste/ bdag dang 'jig rten ni mtha' yod pa'ang ma yin/ mtha' med pa'ang ma yin zhes mngon par smra zhing mngon par brjod pa dag yod pa ni/ 'di lta ste/ gzhi ba zhi po dag la'o// dge slong dang bram ze shes ldan de dag cil rten cing ci la gnas na/ ci la gnas bcas te/ sngon gyisangal la rtog cing / mnga' yod pa dang mtha' med pa ste/ bdag dang 'jig rten ni mtha' yod pa'ang yin/ mtha' mid pa'ang yin zhes bya ba mngon par lnga zhing mngon
- 254b
bar brjod pa ni/ 'di lta ste/ gzhi bzhi po dag la'o// dge slong dag 'di na dge sbyong dang / bram ze shes ldan kha cig dgon pa na gnas kyang rung / shin drung na gnas kyang rung / khang stong na/ gnas kyang rung ste/ brtson pa'i rgyu las byang ba dang / spong ba'i rgyu las byung ba dang / sgom pa'i rgyu las byung ba dang / lan mang du byed pa'i rgyu las byung ba dang yang dag pa yid la byed pa'i rgyu las byung ba dag gis sems zhi ba'i ting nge 'dzin de lta bu la rig par byed do/ / de ltar sems mnyam par bzhag pa na/ 'jig rten la mtha' yod pa'i 'du shes can du gnas so// de 'di snyam du sems te/ 'jig rten mtha' dang ldan pa de'i phyir des na bdag ni 'di snyam du 'jig rten ni mtha' dang ldan zhing yongs su chud pas bdag dgon pa na gnas kyang sa/ shing drung na gnas kyang rung / / khang stong na gnas kyang rung ste/ zhes bya ba nas/ 'jig rten la mtha' yod pa'i 'du shes can du gnas par bya'o snyam pa'i bar du snga ma yin no// de ltar na 'jig rten mtha' dang ldan zhing yongs su chad pa 'di ni gzhi dang po ste/ ci la rten cing zhes bya ba ni snga ma bzhin no// gnyis pa ni dge sbyong dang / bram ze shes ldan ci la rten cing ci la gnas nas zhes bya ba nas/ 'di na dge sbyong dang bram ze kha cig dgon pa na gnas kyang rung / shing drung na gnas kyang rung / khang stong na gnas kyang rung ste/ zhes bya ba'i bar du snga ma bzhin no// de ltar sems
- 255a
mnyam par gzhag pa na/ 'jig rten la mtha' med pa'i 'du shes can du gnas so// de 'di snyam du sems te/ 'jig rten ni mtha' med cing tshad med pa de'i phyir des na bdag ni 'di snyam du 'jig rten ni mtha' med cing tshad med pas bdag dgon pa na gnas kyang rung / shing drung na gnas kyang rung / khang stong na gnas kyang rung zhes bya ba nas/ de ltar sems mnyam par bzhag pa na/ 'jig rten la mtha' med pa'i 'du shes can du gnas par bya bo snyam mo// de ltar na 'jig rten mtha' med cing tshad med pa 'di ni gzhi gnyis pa ste// cil rten cing ci la gnas nas zhes bya ba'i bar du snga ma bzhin no// gsum pa ni dge sbyong dang bram ze shes ldan ci la rten cing ci la gnas nas shes bya ba dag ni snga ma bzhin no// bdi na dge slong dang bram ze kha cig dgon pa na gnas kyang rung / shing drung na gnas kyang rung zhes bya ba nas/ sems mnyam par bzhag pa na/ steng dang 'og gi 'jig rten la ni mtha' yod pa'i 'du shes can yin zhing zad kar ni mtha' med pa'i 'du shes can du gnas so zhes bya ba'i bar du snga ma bzhin no/ / de 'di snyam du sems te/ steng dang 'og gi 'jig rten la ni mtha' yod cing / thad kar ni mtha' med do snyam pa de'i phyir/ de na bdag 'di snyam du steng 'og ni mtha' yod la zad kar ni mtha' med de// bdag dgon pa na gnas kyang rung / shing drung na gnas
- 255b
kyang rung zhes bya ba nas 'di ni gzhi gsum pa ste/ ci la rten cing ci la gnas zhes bya ba'i bar du snga ma bzhin no// bzhi pa ni zhes bya ba nas dge sbyong dang bram ze shes ldan ci la rten cing ci la gnas nas zhes bya ba'i bar du snga ma bzhin no/ / 'di na dge sbyong dang bram ze shes ldan kha cig dgon pa na gnas kyang rung / shing drung na gnas kyang rung zhes bya ba dag dang sems mnyam par bzhag pa na 'jig rten mtha' yod pa ma yin pa'i 'du shes can dang / mtha' med pa ma yin pa'i 'du shes can du gnas so// de 'di snyam du sems te/ 'jig rten 'di ni mtha' yod pa yang ma yin mtha' med pa yang ma yin pa de'i phyir/ des na bdag 'di snyam du 'jig rten ni mtha' yod pa yang ma yin med pa yang ma yin no snyam nas/ bdag dgon pa na gnas kyang rung / shing drung na gnas/ kyang rung / khang stong na gnas kyang rung ste zhes bya ba nas/ sems mnyam par bzhag pa na/ 'jig rten mtha' yod pa yang ma yin pa'i 'du shes can dang / mtha' med pa yang ma yin pa'i 'du shes can du gnas par bya'o snyam mo/ / de ltar na 'jig rten mtha' yod pa yang ma yin/ mtha' med pa yang ma yin pa 'di ni gzhi ra zhi ba ste/ ci la rten cing ci la gnas nas zhes bya ba'i bar du snga ma bzhin no// dge sbyong dang bram ze kha cig sngon gyi mtha' la rtog cing / mtha' yod pa dang / mtha' med pa ste/ bdag dang / 'jig rten mtha' yod pa dang / mtha' med pa'o zhes mngon par smra zhing mngon par rjod pa de
- 256a
thams cad ni gzhi bzhi po dag la ste/ de las mi lhag mi mang la/ de dag de bzhin gshegs pas yang dag pa ji lta ba bzhin du mkhyen/ de las lhag par yang dag par ji lta ba bzhin du mkhyen to/ / de ltar na lta bar song ba 'di ltar 'dzin pa dang / 'di ltar mchog tu 'dzin pa dang / 'di ltar len pa dang / 'di ltar spyod pa zhes bya ba ni snga ma bzhin no// dge slong dag gang chos bzhan zab pa zab par snang ba zhes bya ba ni snga ma bzhin no/ / dge slong dag chos gang dag gzhan zab pa zab par snang ba dag gang zhe na/ zhes bya ba dag ni snga ma bzhin no// dge slong dag dge sbyong dang bram ze kha cig sngon gyi mtha' la rtog cing lha mi spod dris pa dang / gtam rlung bskur ba dag yod pa ni/ 'di lta ste/ gzhig ni po dag la'o// dge sbyong dang bram ze shes ldan ci la rten cing ci la gnas nas/ la gnas bcas te/ sngon gyi mtha' la rtog cing / lha mi spong la/ lha mi spong ba/ dri ba dris pa dang / tshig rlung bskur ba ni/ 'di lta ste/ gzhi bzhi po dag la'o// 'di na dge sbyong dang bram ze kha cig mi dge ba yang dag pa ji lta ba bzhin du mi shes shing / dge ba dang / sdug bsngal dang / kun 'byung dang / 'gog pa dang / lam yang dag par ji lta ba bzhin rab tu mi shes so// de 'di snyam du sems bdag gis ni mi dge ba yang dag pa ji lta ba bzhin rab tu mi shes shing / dge ba dang / sdug bsngal dang / kun 'byung dang / 'gog pa dang / yam yang dag pa ji lta ba bzhin rab tu mi shes so
- 256b
snyam mo/ / dge sbyong dang bram ze kha cig gang dag mi dge ba yang dag pa ji lta ba bzhin rab tu mi shes shing / dge ba dang / sdug bsngal dang / kun 'byung dang / 'gog pa dang / lam yang dag pa rje/ lta ba bzhin rab tu mi shes pa dag yod de/ de dag bdag la mi dge ba'i dri ba dri bar 'gyur ba dang / dge ba dang / sdug bsngal dang / kun 'byung dang / 'gog pa dang / lam dag gis dri ba dris par gyur na/ bdag gis mi spong ba dri ba dris par lung bstan pa dang / dge ba dang / sdug bsngal dang / kun 'byung dang / 'gog pa dang / lam dag gi dri ba dris pa rnams lung bstan du ni bdag gi brdzun du 'gyur pas/ de ltar na dge sbyong dang bram ze/ de brdzun du smra bas 'jigs pa rab brdzun du smra bas 'jigs skrag pa dang / brdzun du smra ba yongs su smras pas gzhi de dang / gling de dang / mgon de dang / skyabs de dang / gzhol ba de la gnas so// lha mi spong ba de dri ba dris pa dang / tshogs rlung skur bar byed de/ ci la brten cing ci la gnas nas cil gnas bcas te/ sngon gyi mtha' la rtog cing lha mi spong la/ lha mi spong ba dri ba dris pa dang / tshig rlung bskur ba 'di ni gzhi dang po'o// gzhi gnyis pa ni dge sbyong dang bram ze shes ldan/ ci la brten cing / ci la gnas nas/ ci la gnas bcas te/ zhes bya ba dag ni snga ma bzhin no// 'di na dge sbyong dang bram ze kha cig mi dge ba yang dag pa ji lta ba bzhin rab tu shes shing zhes bya/
- 257a
ba dag ni snga ma bzhin no// de ni bdag gi brdzun du 'gyur ba la gang bdag gi brdzun du 'gyur ba de ni bdag gi log par 'gyur te/ de ltar na dge sbyong dang bram ze shes ldan de ni log par lta bas 'jigs pa dang / log par lta bas 'jigs skrag pa dang / log par lta ba nyid yongs su smad pas gzhi de la gnas so zhes bya ba ni snga mo bzhin no// ci la brten cing / ci la gnas nas/ ci la gnas bcas te zhes bya ba nas tshig rlung skur ces bya ba'i bar 'di ni gzhi gnyis pa'o// gsum pa ni dge sbyong dang bram ze shes ldan ci la rten cing ci la gnas nas/ ci la gnas bcas te/ sngon gyi mtha' la rtog cing zhes bya ba dag ni snga ma bzhin no// 'di na dge sbyong dang bram ze kha cig mi dge ba yang dag par ji lta ba bzhin rab tu mi shes shing dge ba dag ces bya/ ba snga ma bzhin no// de ni bdag gi brdzun du 'gyur la gang bdag gi brdzun du 'gyur ba de ni bdag gi log par 'gyur zhing gang bdag gi log par 'gyur ba de ni bdag gi shes bzhin ma yin par 'gyur te/ de ltar na dge sbyong dang / bram ze de ni shes bzhin ma yin pas 'jigs pa dang / shes bzhin ma yin pas 'jigs skrag pa dang / shes bzhin ma yin pa nyid yongs su smad pas gzhi dang gling de la gnas so zhes bya ba nas/ tshig rlung bskur ba 'di ni gzhi gsum pa'o zhes bya ba'i bar du snga ma bzhin no// bzhi pa ni dge sbyong dang bram ze shes ldan ci la brten cing tsa
- 257b
gnas nas zhes bya ba dag ni snga ma bzhin no/ / 'di na dge sbyong dang bram ze kha cig rang bzhin gyi yid rtul zhing thun pa yin te/ de 'di snyam du sems te/ ji ste bdag gi thad du la la zhig 'ongs nas/ de 'jig rten pha rol yod sbrum nas 'jig rten pha rol yod dam zhes dri ba dris na/ bdag gis de la 'jig rten pha rol yod do zhes lung bstan par bya'o// 'jig rten pha rol med pa yin nam/ yod pa yang yin med pa yang yin nam/ yod pa yang ma yin/ med pa yang ma yin nam/ de 'jig rten 'di lta bu 'am/ 'on te ma yin rnam pa gzhan zhig gam 'on te ma yin/ ma yin nam 'on te ma yin/ 'di lta bu ma yin nam 'on te ma yin/ de 'jig rten pha rol ma yin nam/ 'on te ma yin 'di lta bu ma yin nam/ 'o na de ma yin zhes dri ba dris na/ bdag gis 'jig rten pha rol zhes bya ba ma yin nam/ 'on te ma yin/ 'di lta bu ma yin nam/ 'on te ma yin zhes lung bstan par bya'o// dge sbyong dang bram ze de gti mug gis 'jigs pa dang / gti mug gis 'jigs bsgag pa dang / des gti mug nyid yongs su smad pas gzhi de dang / gling de dang / mgon de dang / skyabs de dang / gzhol ba de la gnas so// lha mi spong ba dri ba dris pa dang / tshig rlung bskur ba 'di ni gzhi gzhi pa ste/ ci la brten cing ci la gnas nas zhes bya ba dag ni snga ma bzhin no// dge sbyong dang bram ze sngon gyi mtha' la rtog cing lha mi spong la lha mi spong ba dri ba dris pa dang / tshig
- 258a
rlung bskur ba de thams cad ni gzhi bzhi po 'di dag la ste/ de las ma lhag mi mang la/ de dag de bzhin gshegs pas yang dag par ji lta ba bzhin rab tu mkhyen/ de las lhag par yang dag pa ji lta ba bzhin rab tu mkhyen to/ / de ltar na/ lta bar song ba ni 'di ltar 'dzin pa dang / 'di ltar mchog tu 'dzin pa dag ni snga ma bzhin no// dge slong dag/ dge sbyong dang / bram ze kha cig sngon gyi mtha' la rtog cing sngon gyi mtha' dang ldan pa lta bar song ba dag mngon par smra zhing mngon par brjod pa de thams cad ni lta bar song ba bco brgyad pa 'di dag ste/ delas mi lhag mi mang zhes bya ba nas lhag par mkhyen to zhes bya ba'i bar du snga ma bzhin no// dge slong dag chos gang dag gzhan zab pa zab par snang ba zhes bya ba dag ni snga ma bzhin no/ / dge slong dag chos gang dag gzhan zab pa zab par snang ba dag gang zhe na zhes bya ba dag ni snga ma bzhin no// dge slong dag dge sbyong dang bram ze kha cig gi phyi ma'i mtha' la rtog cing 'du shes can du smra ba dag yod de/ de phan chad bdag ni 'du shes can ma yin no zhes kha cig mngon par smra zhing mngon par brjod pa na 'di lta ste/ gzhi bcu drug po dag/ la'o// dge slong dang bram ze shes ldan de dag ci la rten cing ci la gnas nas/ ci la gnas bcas te/ phyi ma'i mtha' rtog cing 'du shes can du smra ba dag/ de phan chad bdag ni 'du shes
- 258b
canam yin no/ / zhes kha cig mngon par smra zhing mngon par brjodan pa ni/ 'di ste/ ka na drug po dag par// dge slong dag page sbyong dang bram ze gcig padi ltar la zhing bani sbyi dus/ ba dag yod de/ de phan chad bdag gzugs dang ldan pa'i 'du shes dang / de phan chad bdag gzugs dang ldan pa ma yin pa dang gzugs dang ldan pa yang yin la/ gzugs dang mi ldan pa yang yin la/ gzugs dang ldan pa yang ma yin la/ gzugs dang mi ldan pa yang ma yin pa'i 'du shes can dang / de phan chad bdag mtha' dang ldan pa'i 'du shes can dang / mtha' dang mi ldan pa dang / de phan chad bdag mtha' dang ldan pa yang yin la/ mtha' dang mi ldan pa yang yin pa dang / mtha' dang ldan pa yang ma yin la/ mtha' dang mi ldan pa yang ma yin pa'i 'du shes can dang / de phan chad bdag cig pa'i 'du shes can dang / tha dad pa'i 'du shes dang / chung ngu'i 'du shes can dang / tshad med pa'i 'du shes can dang / gcig tu sdug bsngal ba can dang / gcig tu bde bcan dang / bde ba dang sdug bsngal ba can dang / bde ba dang sdug bsngal ba can ma yin pa'i 'du shes can 'di dag ni dge slong dag gzhi bcu drug po la ste/ ci la rten cing zhes bya ba nas mngon bar smra zhing mngon par brjod pa zhes bya ba'i bar du'o/ / dge sbyong dang bram ze kha cig gi phyi ma'i mtha' la rtog cing 'du shes can du smra ba de dag de phan chad bdag gis 'du shes can no zhes la
- 259a
cig mngon par smra zhing mngon par brjod pa de thams cad ni gzhi bcu drug po 'di dag la ste/ de las mi lhag mi mang la/ de bzhin gshegs pas yang dag pa ji lta ba bzhin rab tu mkhyen/ de las lhag par yang dag pa ji lta ba bzhin rab tu mkhyen to// de ltar na/ lta bar bsong bar 'di dag 'di ltar 'dzin pa dang / 'di ltar mchog tu 'dzin pa dang / 'di ltar len pa dang / 'di ltar spyod pa dang / 'gro ba ni 'di lta bu'o// skye ba ni 'di lta bu'o// tshe phyi ma ni 'di lta bu yin no zhes de dag de bzhin gshegs pas yang dag pa ji lta ba bzhin rab tu mkhyen/ de las lhags par yang dag pa ji lta ba bzhin rab tu mkhyen to// de dag de bzhin gshegs pas yang dag pa ji lta ba bzhin rab tu mkhyen/ de las lhag par yang dag pa ji lta ba bzhin rab tu mkhyen nas kyang mchog tu mi 'dzin to/ / mchog tu mi 'dzin pas bdag nyid mya ngan las 'das par rig nas tshor ba rnams kun tu 'byung ba nub par thugs su chud de 'di ni sdug bsngal lo// 'di ni sdug bsngal nges par 'byin pa'o zhes bya bar mkhyen to// dge slong dag chos gang dag gzhan zab pa zab par snang ba yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshegs pa la gang yang dag pa ji lta ba bzhin snyan pas smra zhing brjod par byed do// dge slong dag chos gang
- 259b
dag gzhan zab pa zab par snang ba/ yongs su dag pa yongs su byang ba de dag ngas rang gi mngon par shes pas mngon par rdzogs par sangs rgyas nas bshad la/ pha rol pos kyang de bzhin gshes pab la gang yang dag pa ji lta ba bzhin snyan pa smra zhing brjod par byed pa gang zhe na/ dge slong dag dge sbyong dang bram ze kha cig phyi ma'i mtha' la rtog cing 'du shes can du smra ba dag de phan chad ni 'du shes can yin no zhes kha cig mngon par smra zhing mngon par brjod pa yod pa ni/ 'di lta ste/ gzhi brgyad po 'di dag la'o// dge sbyong dang bram ze shes ldan de dag ci la rten cing ci la gnas nas/ ci la gnas bcas te/ phyi ma'i mtha' la rtog cing 'du shes med pa can du smra ba dag de phan chad bdag ni 'du shes med pa can yin no zhes kha cig mngon par smra zhing mngon par rjod pa ni// 'di lta ste/ gzhi brgyad po drug la'o// dge slong dag dge sbyong dang bram ze kha cig 'di ltar lta zhing 'di skad du smra ba dag yod do// de phan chad bdag ni gzugs can yang yin pa dang / de phan chad bdag ni gzugs can yang ma yin pa dang / gzugs can yin la/ gzugs can ma yin pa yang yin pa dang / gzugs can yang ma yin la/ gzugs can ma yin pa yin yang yin zhing 'du shes can yang ma yin pa dang / de phan chad bdag ni mtha' dang ldan zhing 'du shes can yin pa dang / de phan chad bdag ni mtha' dang mi ldan pa dang / mtha' dang ldan pa'ang yin la/
- 260a
mtha' dang mi ldan pa'ang yin pa dang / mtha' dang ldan pa yang ma yin la mtha' dang mi ldan pa'ang ma yin zhing 'du shes can yang yin pa 'di ni gzhi brgyad pa'o// ci la brten cing zhes bya ba dag ni snga ma bzhin no/ / dge sbyong dang bram ze kha cig phyi ma'i mtha' la rtog cing 'du shes med pa can du smra ba dag de phan chad bdag ni 'du shes med pa can yin no zhes bya ba kha cig mngon par smra zhing mngon par brjod pa de thams cad ni gzhi brgyad po dag la ste/ de las mi lhag mi mang la// de dag de bzhin gshegs pas yang dag pa ji lta ba bzhin rab tu mkhyen/ de las lhag/ par yang dag pa ji lta ba bzhin rab tu mkhyen to// de ltar na lta bar song ba 'di dag 'di ltar 'dzin pa dang zhes bya ba dag ni snga ma bzhin no// dge slong dag chos gang dag gzhan zab pa zab par snang ba zhes bya ba dag ni snga ma bzhin no/ / dge slong dag chos gang dag gzhan zab pa zab par snang ba gang zhe na zhes bya ba dag ni snga ma bzhin no// dge slong dag dge sbyong dang bram ze kha cig phyi ma'i mtha' la rtog cing 'du shes can yang yin la 'du shes can yang ma yin pa yin par smra ba dag yod de/ de phan chad bdag ni 'du shes can yang yin la 'du shes can ma yin pa yang yin no zhes kha cig mngon par smra zhing mngon par brjod pa ni/ 'di lta ste/ gzhi brgyad po de dag la'o// dge sbyong dang bram ze de dag ci la rten cing ci la gnas nas/ ci la gnas bcas te/ phyi ma'i mtha' la rtog cing
- 260b
'du shes can yang ma yin la/ 'du shes ma yin pa yang ma yin no zhes smras pa dag/ de phan chad bdag ni 'du shes can yang ma yin la/ 'du shes can ma yin pa'ang ma yin no zhes kha cig mngon/ par smra zhing mngon par brjod pa dag ni gzhi brgyad po dag la'o// dge slong dag dge sbyong dang bram ze kha cig 'di ltar lta zhing 'di skad du smra ba dag gi/ de phan chad bdag ni gzugs can yin zhing 'du shes can yang ma yin la/ 'du shes can ma yin pa yang ma yin pa dang / de phan chad bdag ni gzugs can ma yin pa dang / gzugs can yang yin la gzugs can ma yin pa yang yin/ pa dang / gzugs can yang ma yin la gzugs can ma yin pa yang yin zhing / 'du shes can yang ma yin la 'du shes can ma yin pa yang ma yin pa dang / de phan chad bdag ni mtha' dang ldan pa yin zhing 'du shes can yang ma yin la/ 'du shes can ma yin pa yang ma yin pa dang / de phan chad bdag ni mtha' dang mi ldan pa dang / mtha' dang ldan pa yang yin la/ mtha' dang mi ldan pa yang yin la/ mtha' dang ldan pa yang ma yin la/ mtha' dang mi ldan pa yang ma yin zhing 'du shes can yang ma yin la 'du shes can ma yin pa yang ma yin pa 'di gzhi brgyad pa'o/ / ci la rten cing ci la gnas nas/ ci la gnas bcas te/ phyi ma'i mtha' la rtog cing 'du shes can yang ma yin/ 'du shes can ma yin pa yang ma yin no zhes smra ba dag de
- 261a
phan chad bdag ni 'du shes can yang ma yin/ 'du shes can ma yin pa yang ma yin no zhes kha cig mngon par smra zhing mngon par brjod pa de thams cad gzhi brgyad po dag/ pal ste/ de las mi lhag mi mang ba de dag de bzhin gshegs pas yang dag pa ji lta ba bzhin rab tu mkhyen// de las lhag par yang dag pa ji lta ba bzhin rab tu mkhyen to// de ltar na lta bar song ba 'di dag ces bya ba dag ni snga ma bzhin no/ / dge slong dag chos gang dag gzhan zab pa zab par snang ba zhes bya ba dag ni snga ma bzhin no// dge slong dag chos gang dag gzhan zab pa zab par snang ba dag gang zhe na zhes bya ba dag ni snga ma bzhin no/ / dge slong dag dge sbyong dang bram ze kha cig phyi ma'i mtha' la rtog cing chad par smra ba dag yod de/ de phan chad bdag ni chad par 'gyur te med no/ / zhes kha cig mngon par smra zhing mngon par brjod pa ni 'di lta ste gzhi bdun po dag la'o// dge sbyong dang bram ze shes ldan ci la rten cing ci la gnas nas/ ci la gnas bcas te/ phyi ma'i mtha' la rtog cing chad par smra ba dag de phan chad bdag ni chad par 'gyur te/ med do zhes kha cig mngon par smra zhing mngon par brjod pa ni 'di lta ste gzhi bdun po dag la'o// dge slong dag dge sbyong dang bram ze kha cig la 'di ltar lta zhing 'di skad du smra ba dag yod de gzugs can ni 'byung ba chen po bzhi po rags pa ji srid du mtsho zhing gnas la/ brtan zhing 'dug pa de srid du nad
- 261b
dang bcas so/ / shu ba dang bcas so// zugs rngu dang bcas so// rims nad dang bcas so// yongs su gdung ba dang bcas so// bdag ni nam zhig na yongs su chad par 'gyur ro// 'dod pa/ na spyod pa'i lha dang / gzugs na spyod pa'i lha dang / gzugs can ma yin pa nam mkha' mtha' yas skye mched la gnas pa dang / gzugs can ma yin pa rnams shes mtha' yas skye mched la gnas pa dang / gzugs can ma yin pa ci yang med pa'i skye mched la gnas pa dang / gzugs can ma yin pa yod min med min skye mched la gnas pa dag ji srid du 'tsho zhing gnas pa zhes bya ba nas/ 'di ni gzhi bdun pa'o zhes bya ba'i bar du snga ma bzhin no// ci la rten cing ci la gnas nas/ ci la gnas bcas te/ phyi ma'i mtha' la rtog cing chad par smra ba dag/ de phan chad bdag na chad par 'gyur te med do zhes kha cig mngon par smra zhing mngon par brjod do/ / dge slong dag dge sbyong dang bram ze kha cig phyi ma'i mtha' la rtog cing chad par smra ba dag/ de phan chad bdag ni chad par 'gyur te med do/ / zhes kha cig mngon par smra zhing mngon par brjod pa thams cad kyang gzhi bdun po 'di dag la ste/ de las mi lhag mi mang la de dag de bzhin gshegs pa yang dag pa ji lta ba bzhin rab tu mkhyen ces bya ba dag ni snga ma bzhin no/ / dge slong dag chos gang dag gzhan zab pa zab par snang ba de dag kyang gang zhe na zhes bya ba dag kyang snga ma bzhin no// dge slong
- 262a
dag chos gang dag gzhan zab pa zab par snang ba de dag kyang gang zhe na zhes bya ba dag snga ma bzhin no/ / dge slong dag dge sbyong dang bram ze kha cig 'di ltar lta zhing 'di skad du thA bdag yod de/ gang gi tshe bdag 'dod pa'i yon tan lnga 'byor par gyur cing / rtse dga' yongs su spyod pa de tsam gyis na/ bdag 'di mthong ba'i chos la mya ngan las bdas pa thob pa yin no// gang gi tshe bdag 'dod pa dag las dben zhing bsam gtan gzhi pa'i bar du rdzogs par byas te gnos pa de tsam gyis na/ bdag 'di mthong ba'i chos la mya ngan las 'das pa thob pa yin no zhes bya ba 'di ni gzhi lnga pa'o/ / ci la rten cing ci la gnas nas ci la gnas bcas te/ phyi ma'i mtha' la rtog cing / mthong ba'i chos la mya ngan las 'das par mngon par smra ba dag/ mthong ba'i chos la mya ngan las 'das par mngon par smra zhing mngon par brjod do/ / dge slong dag dge sbyong dang bram ze kha cig phyi ma'i mtha' la rtog cing mthong ba'i chos la mya ngan las 'das par smra ba dag/ mthong ba'i chos la mya ngan las 'das par mngon par smra zhing mngon par brjod pa thams cad kyang gzhi lnga po pa di dag la ste/ de las mi lhag mi mang la de dag de bzhin gshegs pas yang dag pa ji lta ba bzhin rab tu mkhyen to/ / de ltar na lta bar song ba 'di dag 'di ltar 'dzin pa dang zhes bya ba nas thugs su chud de zhes bya ba'i bar du snga ma bzhin no// dge slong dag dge sbyong dang bram ze kha cig phyi ma'i mtha'
- 262b
la rtog cing / phyi ma'i mtha' la gnas pa/ lta bar song ba dag mngon par smra zhing mngon par brjod pa thams cad kyang / lta bas song ba bzhi bcu rtsa bzhi po 'di dag ste/ de las mi lhag mi mang la/ de dag de bzhin gshegs pas yang dag pa ji lta ba bzhin rab tu mkhyen/ de las lhag par yang dag pa ji lta ba bzhin rab tu mkhyen to// de ltar na lta bar song ba 'di dag 'di ltar 'dzin pa dang zhes bya ba nas thugs su chud do zhes bya ba'i bar du snga ma bzhin no/ / dge slong dag dge sbyong dang bram ze kha cig phyi ma'i mtha' la rtog cing phyi ma'i mtha' la gnas pa lta bar song ba dag/ mngon par smra zhing mngon par brjod pa thams cad kyang lta bar song ba bzhi bcu rtsa bzhi po 'di dag ste/ de las mi lhag mo mang la/ de dag de bzhin gshegs par yang dag pa ji lta ba bzhin rab tu mkhyen/ de las lhag par yang dag pa ji lta ba bzhin rab tu mkhyen to// de ltar na lta bar song ba 'di dag 'di ltar 'dzin pa dang zhes bya ba nas thugs su chud do zhes bya ba'i bar du snga ma bzhin no// / dge slong dag dge sbyong dang bram pa shes spyan la cig sngon gyi mtha' la rtog cing / ljin gyi mapa' la gnasas lta bar mang ba dag mngon par zhing mngon par brjod pa da// dri ma'i mab to/ cing / phyi ma'i mtha' la gnas pa lta bar song ba dag mngon par smra zhing mngon par brjod pa thams cad kyang lta bar song ba drug cu rtsa gnyis po 'di dag la ste/ de las mi lhag mi mang la/ de dag de bzhin
- 263a
gshegs pas yang dag pa ji lta ba bzhin rab tu mkhyen/ de las lhag par yang dag pa ji lta ba bzhin rab tu mkhyen to// de ltar na lta bar song ba 'di dag 'di ltar 'dzin pa dang / 'di ltar len pa dang / 'di ltar spyod pa dang / 'gro ba ni 'di lta bu'o// skye ba ni 'di lta bu'o// tshe phyi ma ni 'di lta bu'o zhes de bzhin gshegs pas yang dag pa ji lta ba bzhin rab tu mkhyen to/ / de las lhag par yang dag pa ji lta ba bzhin rab tu mkhyen nas kyang mchog tu mi 'dzin to// mchog tu mi 'dzin pas bdag nyid mya ngan las 'das par rig nas/ tshor ba rnams kun 'byung babanub par thugs su chud de 'di ni sdug bsngal lo/ / 'di ni sdug bsngal nges par 'byin pa'o zhes bya bar mkhyen to// dge slong dag dge sbyong dang bram ze gang de dag sngon gyi mtha' la rtog cing sngon gyi mtha' la gnas pa lta bar song ba rnams dang / phyi ma'i mtha' la rtog cing phyi ma'i mtha' la gnas pa lta bar song ba rnams kyis gyen du dmigs su zin kyang / de thams cad lta ba'i chu'i nang na 'dug pas bdud sdig can gyi dbang du song zhing lag tu song ba ste/ bdud sdig can gyis ci dga' mgur bya ba bdud kyi zhabs pa dag las yongs su grol ba ma yin no// dge slong dag dper na nya pa 'am nya pa'i slob ma mkhas pa dag gis rgya mig phrag me thogs te/ lteng ka'i chu chung ngub nus pa na de srog chags gang rags pa che long rnams kyis gyen du dmyags su zin kyang / de thams cad chu'i nang na gnas pas nya ba'i
- 263b
dbang du song zhing lag tu song ba ste/ nya pas ci dga' mgur bya ba'i yin par rig par bya'o// de bzhin du dge sbyong dang bram ze gang kha cig sngon gyi mtha' la rtog cing / sngon gyi mtha' la gnas palta bar song ba rnams dang / / phyi ma'i mtha' la rtog cing phyi ma'i mtha' la gnas pa lta bar song ba rnams kyis kyang gyon du dmyigs su zin kyang // de thams cad lta ba'i chu'i nang na 'dug pas bdud sdig can gyi dbang du song zhing lag tu song ste/ bdud sdig can gyis ci dga' mgur bya ba dag go// dge slong dag dge sbyong dang bram ze gang de dag sngon gyi mtha' la rtog cing rtag par smra ba dag bdag dang 'jig rten rtag go zhes mngon par brjod pa ni 'di lta ste/ gzhi gzhi po dag la ste/ dge sbyong dang bram ze gang de dag phyi ma'i mtha' la rtog cing zhes bya ba ni mthong ba'i chos la mya ngan las 'das par sla ba dag mthong ba'i chos la mya ngan las 'das par mngon par smra zhing mngon par brjod pa ni gzhi gzhi po dag la ste zhes bya ba'i bar du'o/ / dge sbyong dang bram ze mkhas pa ma yin zhing ma rig par 'gyur pa bag med cing rmongs pa la gnas pa de dag la rig par bya ste/ de ni srid pas rnam par bskyod pa'o// dge slong dag de la dge sbyong dang bram ze gang de dag sngon gyi mtha' la rtog cing rtag par smra ba dag bdag dang 'jig rten ni rtag go zhes mngon par smra zhing mngon par brjod pa ni 'di lta ste/ gzhi gzhi po dag la ste/ de yang rten cing 'brel bar 'byung ba yin par srid kyi rten cing 'brel bar
- 264a
'byung ba ma yin par 'gyur ba de ni gnas med do/ / mthong ba'i chos la mya ngan las 'das par smra ba dag mthong ba'i chos la mya ngan las 'das par mngon par smra zhing mngon par brjod pa dag gzhi lnga po dag la ste zhes bya ba'i bar du'o/ / de yang rten cing 'brel bar 'byung ba yin par srid kyi// rton cing 'brel bar 'byung ba ma yin par 'gyur ba 'di ni gnas med do// dge slong dag de la dge sbyong dang bram ze gang de dag sngon gyi mtha' la rtog cing rtag par smra ba dag mthong ba'i chos la/ bdag dang 'jig rten ni rtag go zhes mngon par smra zhing mngon par brjod pa ni gzhi/ gzhi po dag la ste/ de yang reg pa'i rkyen las byung bar srid kyi reg pas byung ba las gnas gzhan pa'i tshor bar 'gyur ba 'di ni gnas med do// phyi ma'i mtha' la rtog cing zhes bya ba ni mthong ba'i chos la mya ngan las 'das par smra ba dag mthong ba'i chos la mya ngan las 'das par mngon par smra zhing mngon par brjed pa ni 'di lta ste/ gzhi lnga po dag la'o zhes bya ba'i bar du'o// de yang reg pa'i rkyen las byung bar srid kyi/ reg pa las byung ba las gzhan pa'i tshor bar 'gyur ba 'di ni gnas med do// dge slong dag gis gang tshun chad reg pa'i skye mched drug po dag ni kun 'byung ba nub pa dang / ro myang ba dang / nyes dmigs yang dag pa ji lta bzhin khong du chud pa 'di ni 'di lta lhag par yang dag par ji lta ba bzhin khong du chud pa yin no// dge slong dag de la gang zag pa kun nas nyon mongs pa
- 264b
nga srid pa la/ nad da sa/ sdug rnam par sbyin kyim na shA rjes su mthun pa da de gshegs pas shing dadus sus smye / la'i mgo bzhin rtsa ba nas bcad de/ 'gro ba snang ba med pa ste/ phyi ma la mi skye ba'i chos can du 'gyur ro// chos kyi rnam grangs 'di bshad pa na/ stong gsum gyi stong chen po'i 'jig rten gyi khams 'di rnam pa gsum du g.yos/ rab tu g.yos/ kun tu rab tu g.yos so// 'gul/ rab tu 'gul/ kun tu rab tu 'gul to// ldeg/ rab tu ldeg/ kun tu ldeg/ kun tu rab tu ldeg go/ de'i tshe tshe dang ldan pa kun dga' bo bcom ldan 'das kyi snam logs na 'dug cing bsil yab thogs nas/ bcom ldan 'das la g.yog cing / bcom ldan 'das la 'di skad ces gsol to/ / btsun pa chos kyi rnam grangs 'di'i ming ci legs/ ji ltar gzung bar bgyi/ kun dga' bo de'i phyir chos kyis rnam grangs 'di ni/ rgyu'i dri ba zhes bya bar yang zung shig/ don gyi dra ba dang / chos kyi dra ba dang / tshangs pa'i dra ba zhes bya bar yang zung shig/ de bas na tshangs pa'i dra ba zhes bya ba 'di ni/ chos kyi rnam grangs 'di'i tshig bla dgas so// bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la yi rangs te mngon par bstod do// bar gyi sdom ni/ rtag dang gcig pu
- 265a
med dang / / mtha' ldan de bzhin lha mi spongs// 'du shes 'du shes med can dang // chad dang mya ngan las 'das pa dang / dmyags dang kun nas rmongs pa dang rten dang reg pa dge slong dang / / rgyu dang don chos 'dra ba ste// tha ma tshangs pa'i dra ba'o// tshangs pa'i dra ba rdzogs so// / rgya gar skad du/ tsan+d+ra sU tra/ bod skad du/ zla ba'i mdo/ dkon mchog gsum la phyag 'tshal lo// 'di skad bdag gis thos pa dus gcig na/ bcom ldan 'das yul tsam pa can na/ 'gro ba po'i rdzing bu'i 'gram na bzhugs te/ de'i tshe lha ma yin gyi dbang po sgra gcan gyis zla ba'i dkyil 'khor thams cad 'od kyis bkab par 'gyur to// de nas zla ba'i dkyil 'khor na gnas pa'i lha gang yin pa de skrag cing sngangs la mi dga' bar gyur nas/ bcom ldan 'das ga la ba der song ste/ phyin nas bcom ldan 'das kyis zhabs la mgo bos phyag 'tshal te/ phyogs cig tu 'dug go// phyogs gcig tu 'dug nas/ lha des de'i tshe tshigs su bcad de gsol ba/ kun las rnam par rab 'grol ba'i// sangs rgyas dpa' bo khyod phyag 'tshal/ gnod pa dag dang phrad gyur pa// bdag gi skyabs ni mdzad par gsol// 'jig rten dgra btso bde gshegs la// zla ba skyabs su mchi lags kyis// sangs rgyas 'jig rten thugs pa/
- 265b
rnams/ zla ba zar mdzod sgra gcan las// bcom ldan 'das kyis bka' stsal pa// sgyu gcan zla ba mun sel ba// nam mkha' dag las 'od byed cing // lam mer 'dug la dka/ ba dang // rnam par dag pa'i 'od ldan pa// bar sna dag la ma bzung bar// skyes dgu'i sgron de myur du thong // de nas rings bzhin sgra gcan de// lus ni rdul cing skrag gyur la// nad pa bzhin du brtad pa yis/ / zla ba rnam par btong bar byed// de nas rnam par snang byed kyi bu chen pos lha ma yin gyi dbang po sgra gcan/ rings pa las kyang rings par zla ba'i dkyil 'khor gtong ba mthong ngo / / mthong nas kyang de'i tshe tshigs su bcad de smras pa/ ci yi phyir na sgra gcan khyod// lus kyang rdul zhing skrag gyur la// nad pa bzhin du brtad pa yis// rings par zla ba btong bar byed/ / sgra gcan gyis smras pa/ sangs rgyas tshigs bcad 'di brjod pas// gal te zla ba ma btang na// bdag gi mgo bo tshal mdun 'gas// gson yang bde bar mi 'gyur ro/ / rnam par snang kyi bu chen pos smras pa/ kye ma bden pa gzigs pa yi// sangs rgyas rnams ni 'byung ba rmad// de dag gis ni tshigs su bcad// brjod na sgra gcan zla ba gtong // zla ba'i mdo rdzogs so// / 'di dang thar pa lo tses bsgyur ba de mdo ga cig tu snang // @#rgya gar skad du/ Ar+ya bud+d+ha su ku TananA
- 266a
@ma mahA yAn sU dran mahA d+ham 'dra yan/ bod skad du/ 'phags pa sangs rgyas kyi dbu rgyan zhes bya ba theg pa chen po mdo chos kyi rnam grangs chen po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po thams cad kyang dgra bcom pa zag pa zad pa/ stong nyis brgya lnga bcu'i dge slong rnams dang thabs cig/ byang chub sems dpa'i 'khor chen po byams pa dang / 'jam dpal la sogs pa dang / lha dang / klu dang / gnod sbyin dang / dri za dang / drang srong dang / rig sngags 'chang dang / lha'i bu mo'i tshogs du ma rnams dang yang thabs cig tu bzhugs so// de nas bcom ldan 'das kyis tshe dang ldan pa 'od srungs chen po la bka' stsal pa/ 'od srungs chen po las dang po pa'i byang chub sems dpa' rnams kyi dge ba'i rtsa ba yongs su smin par bya ba'i rgyu rab tu bstan par byas/ de'i phyir nyon la legs par rab tu yid la byos shig dang / ngas khyod la bshad do// bcom ldan 'das legs so zhes gsol nas/ tshe dang ldan pa 'od srungs chen po bcom ldan 'das la nyan pa dang / bcom ldan 'das kyis bka' stsal pa/ 'od srungs chen po shar phyogs na sangs rgyas kyi zhing 'di nas 'jig rten gyi khams chu bo gang+ga'i bye ma snyed 'das pa na/ 'jig rten
- 266b
gyi khams ting nge 'dzin gyis brgyan pa zhes bya ba yod do/ / de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin glang po dam pa'i dpal zhes bya ba da ltar bzhugs shing 'tsho la gzhes so/ / 'od srungs chen po sangs rgyas kyi zhing de na/ byang chub sems dpa' sems dpa' chen po rdul med rnam par gnon pa zhes bya ba yod de/ de na de bzhin gshegs pa de 'das pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rtag tu ting nge 'dzin glang po dam pa'i dpal zhes bya bar 'jig rten tu 'byung bar 'gyur ro/ / 'od srungs chen po rigs kyi bu 'am/ rigs kyi bu mo thog pa chen po la yang dag par zhugs pa gang su dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin glang po dam pa'i dpal de dang / byang chub sems dpa' sems dpa' chen po rdul med rnam par gnon pa de'i mtshan 'dzin par byed pa de dag ni/ srid par skyes pa na tshe rabs dran par 'gyur ro// bskal pa brgyar 'khor ba las phyir phyogs par 'gyur ro// de dag gis bsod nams kyi phung po dpag tu med pa yang yongs su bzung bar 'gyur ro/ / bla na med pa yang dag par rdzogs pa'i byang chub dang nye bar thob par yang 'gyur ro// 'od srungs chen po shar phyogs na sangs rgyas kyi zhing 'di nas 'jig rten gyi khams chu bo gang+gA gnyis kyi
- 267a
bye ma snyed 'das pa na/ 'jig rten gyi khams byang chub kyi snying po'i rkyen legs mdzes zhing bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad+ma ngas pa'i dpal zhes bya ba da ltar bzhugs shing 'tsho la gzhes so/ / 'od srungs chen po sangs rgyas kyi zhing de na yang byang chub sems dpa' sems dpa' chen po lag na pad+ma zhes byab yod de/ de yang de bzhin gshegs pa de 'das pa dang / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas pad+ma dam pa'i dpal de dang / byang chub sems dpa' sems dpa' chen po lag na pad+ma de'i ming 'dzin par byed pa de dag ni srid par skyes pa na tshe rabs dran par 'gyur ro/ / pad+ma dang 'dra bar 'jig rten thams cad kyi mi dge ba'i chos rnams kyis mi gos par 'gyur ro// pad+ma chu'i nang nas byung ba dang 'dra bar mngon par 'phags par 'gyur ro// bla na med pa yang dag par rdzogs pa'i byang chub las kyang phyir mi ldog par 'gyur ro/ / bskal pa sum bcur 'khor ba las phyir phyogs par 'gyur ro// bla na med yang dag par rdzogs pa'i byang chub dang nye bar thob par yang 'gyur ro/ / de dag gis bsod nams kyi phung po dpag tu med pa yang yongs su bzung bar 'gyur ro// 'od srungs chen po shar phyogs na sangs rgyas kyi zhing 'di nas 'jig rten gyi khams chu bo
- 267b
gang+gA gsum gyi bye ma snyed 'das pa na/ 'jig rten gyi khams rdul bral bsags pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal zhes bya ba da ltar bzhugs shing 'tshe la ga zhes te chos kyang ston to/ / 'od srungs chen po sangs rgyas kyis zhing de na yang byang chub sems dpa' sems dpa' chen po nyi 'od ces bya ba yod de/ de nas de bzhin gshegs pa de 'das nas/ bla na med pa yang dag par rdzogs pa'i byang chub tu mngon par rdzogs par 'tshang rgyas par 'gyur ro// de bzhin gshegs pa dgra bcom pa yang dag par rdzogs pa'i sangs rgyas 'phags pa'i dpal thams cad rdzogs pa mtshan dam pa'i lus kyi sku can zhes bya ba 'jig rten du 'byung bar 'gyur ro/ / 'od srungs chen po rigs kyi bu 'am rigs kyi bu mo byang chub sems dpa'i theg pa la yang dag par zhugs pa gang su dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'phags pa'i dpal thams cad rdzogs pa mtshan dam pa'i sku can de dang / byang chub sems dpa'i nyi 'od de'i mtshan 'dzin par byed pa de dag ni/ srid par skyes pa na tshe rabs dran par 'gyur ro// dge ba'i chos thams cad la nyi ma'i dkyil 'khor ltar snang ba thob par 'gyur ro/ / de dag la ngan song gsum po dag tu log par ltung ba'i 'jigs pa yang med par rig par bya'o// bla na med pa yang dag par rdzogs pa'i
- 268a
byang chub dang nye bar thob par 'gyur ro/ / bskal pa stong du 'khor ba las phyir phyogs par yang 'gyur ro// bla na med pa yang dag par rdzogs pa'i byang chub las phyir mi ldog par yang 'gyur ro/ / 'od srungs chen po shar phyogs na sangs rgyas kyi zhing 'di nas 'jig rten gyi khams chu bo gang+gA bzhi'i bye ma snyed 'das pa na 'jig rten gyi khams dbang du gyur pa zhes bya ba zhig yod de/ / de na de bzhin gshegs pa dam bcom pa yang dag par rdzogs pa'i sangs rgyas rin po che'i gdugs gcig pa dam pa zhes bya ba da ltar bzhugs shing 'chol gzhes so// 'od srungs chen po rigs kyi bu 'am/ rigs kyi bu mo theg pa chen po la yang dag par bzhugs pa gang su dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i gdugs gcig pa dam pa de'i mtshan 'dzin par byed pa de dag ni srid par skyes pa na/ tshe rabs dran par 'gyur ro// rigs ngan rnams su yang mi skyes par 'gyur ro// dbul po'i rigs rnams su yang mi skye bar 'gyur ro// gang du skye bar 'gyur ba thams cad du rgyal po'i rigs su skye bar 'gyur ro// nam yang phas phongs pa dang / mas phongs pa dang / longs spyod kyis phongs pa 'am/ nad kyis nyon mongs par mi 'gyur ro// bla na med pa yang dag par rdzogs pa'i byang chub dang nye ba thob par yang 'gyur ro// bskal pa stong phrag sum cur 'khor ba
- 268b
las phyir phyogs par yang 'gyur ro/ / bla na med pa yang dag par rdzogs pa'i byang chub las kyang phyir mi ldog par 'gyur ro// 'od srungs chen po shar phyogs na 'jig rten gyi khams chu bo gang+ga lnga'i bye ma snyed 'das pa na/ 'jig rten gyi khams yongs su dag pa bsags pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin dam pa rnam par gnon pa'i dpal zhes bya ba da ltar bzhugs shing 'tsho la gzhes so/ / 'od srungs chen po de bzhin gshegs pa dgra bcom pa yang dag par rdzogs pa'i sangs rgyas ting nge 'dzin dam pa rnam par gnon pa'i dpal de sngon byang chub sems dpa'i spyad pa spyod pa na smon lam chen po 'dilta bu 'di skad ces/ rigs kyi bu'am/ rigs kyi bu mo theg pa chen po la yang dag par zhugs pa gang su dag bdag gi ming 'dzin par byed pa de dag srid par skyes pa ni/ skyes shing skyes pa thams cad du rab tu byung ba thob par 'gyur ba dang / rab tu 'byung ba thob nas ting nge 'dzin gdeng thob pa dang / ting nge 'dzin gcig kho nas ting nge 'dzin bye ba khrag khrig brgya stong mngon par sgrub pa dang / ting nge 'dzin de dag las kyang rnam par mi nyams pa dang / 'das pa'i sangs rgyas yongs su mya ngan las 'das pa khri bo gang dag dang / chos ston pa la blta bar byed pa dang / 'das pa'i ji lta ba bzhin du da ltar byung ba rnams la yang de bzhin du 'gyur ba dang / bla na med pa yang dag par rdzogs pa'i
- 269a
byang chub las phyir mi ldog par 'gyur ba dang / skyes shing skyes pa thams cad du bskal pa stong stong du 'khor ba las phyir phyogs par 'gyur ba dang / bla na med pa yang dag par rdzogs pa'i byang chub dang nye ba thob par yang 'gyur bar blta'o/ / 'od srungs chen po rigs kyi bu 'am/ rigs kyi bu mo theg pa chen po la yang dag par zhugs pa gang su dag de bzhin gshegs pa dgra bcom pa yang dag par rdzogs pa'i sangs rgyas ting nge 'dzin dam pa rnam par gnon pa'i dpal de'i mtshan 'dzin par byed pa de dag ni srid par skyes pa na/ tshe rabs dran par 'gyur ro// ting nge 'dzin gcig gis ting nge 'dzin bye ba khrag khrig brgya stong thob par 'gyur ro/ / 'od srungs chen po shar phyogs na sangs rgyas kyi zhing 'di nas/ sangs rgyas kyi zhing stong phrag sum cu 'das pa na/ 'jig rten gyi khams sa le rnam par bkra ba zhes bya ba yod de/ de bzhin gshegs pa dgra bcom pa yang dag par rdzogs pa'i sangs rgyas rin po che'i dkyil 'khor gzi brjid kyis mngon par 'phags pa'i dpal zhes bya ba da ltar bzhugs shing 'tsho la gzhes so/ / 'od srungs chen po rigs kyi bu 'am/ rigs kyi bu mo byang chub sems dpa'i theg pa la yang dag par zhugs pa gang su dag bcom ldan 'das de b zhin gshegs pa dgra bcom pa yang dag par rdzogs pa'i sangs rgyas rin po che'i dkyil 'khor gyi gzi brjid kyis mngon par 'phags pa'i rgyal po'i dpal de'i mtshan 'dzin par byed pa de dag ni srid par
- 269b
skyes pa na/ tshe rabs dran pa dang / blo gros dang ldan pa dang / shes rabs dang ldan pa dang / gzi brjid dang ldan pa dang / mtshan dang ldan par mi spro ba de lta bu'i tshig dang / spobs pa mi zlogs pa/ rigs kyi bu 'am/ rigs kyi bu mo de dag dang ldan par 'gyur ro// de dag chos ston pa na mdun na sangs rgyas kyi gzugs gnas par 'gyur ro// ma thos shing lung ma phog par bye ba khrag khrig grangs med par spro bar mi 'gyur ba de lta bu'i tshig dang / spobs pa mi zlogs pa dang ldan par 'gyur ro// ci nas kyang bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos ston par 'gyur ro/ / bskal pa bye ba khrag khrig brgya stong grangs med par 'khor ba las phyir phyogs par 'gyur ro// de dag gis bsod nams kyi phung po dpag tu med pa yang yongs su gzung bar 'gyur ro/ / 'od srungs chen po shar phyogs na sangs rgyas kyi zhing 'di nas/ 'jig rten gyi khams sangs rgyas kyi zhing stong phrag bzhi bcu 'das pa na/ 'jig rten gyi khams rin chen ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen me tog kun tu snang ba'i dpal da ltar bzhugs shing 'tsho la gzhes so// 'od srungs chen bopo rigs kyi bu 'am/ rigs kyi bu mo theg pa chen po la yang dag par zhugs pa gang su dag/ de bzhin gshegs pa dgra bcom pa yang dag par rdzogs pa'i sangs rgyas rin chen me tog kun tu sngang
- 270a
ba'i dpal de'i mtshan 'dzin par byed pa de dag ni srid par skyes pa na 'dug ste chos ston par 'gyur ro/ / 'dod nA 'dzam bu'i gling 'di skad kyis go bar byed par 'gyur ro// 'dod na stong gsum gyi stong chen po'i 'jig rten gyi khams 'di skad kyis go bar byed par 'gyur ro// chos 'chad pa na sems can gang dag ji ltar mos pa dang / ji nas kyang bla na med pa yang dag par rdzogs pa'i byang chub las phyir mi ldog par 'gyur ba de lta bur de dag la chos bston par 'gyur ro/ / bskal pa stong phrag drug cur 'khor ba las phyir phyogs par 'gyur ro// 'od srungs chen po shar phyogs na sangs rgyas kyi zhing 'di nas 'jig rten gyi khams stong phrag drag cu 'das pa na 'jig rten gyi khams rin po che zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i snying po zhes bya ba da ltar bzhugs shing 'tsho la gzhes so/ / 'od srungs chen po rigs kyi bu 'am/ rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa yangang+ga dag par rdzogs pa'i sangs rgyas rin po che'i snying po de'i mtshan 'dzin par byed pa de dag ni/ srid par skyes pa ni tshe rabs dran par 'gyur ro// rin po che bdun po byang chub kyi yan lag ring po rnams thob par 'gyur ro/ / 'od srungs chen po lho phyogs na sangs rgyas kyi zhing 'di nas/ sangs rgyas kyi zhing stong phrag drug cu 'das pa na/ 'jig rten gyi
- 270b
khams sgra yid 'ong zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas go 'phang mtha' yas rnam par gnon ces bya ba da ltar bzhugs shing 'tsho la gzhes so/ / 'od srungs chen po rigs kyi bu dang / rigs kyi bu mo theg pa chen po la yang dag par zhugs pa gang su dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas go 'phang mtha' yas rnam par gnon de'i mtshan 'dzin par byed pa de dag ni srid par skyes pa na/ tshe rabs dran par 'gyur ro// byang chub sems dpa'i ting nge 'dzin zla ba'i dkyil 'khor rnam par dag pa zhes bya ba yang thob par 'gyur te/ de nas shar phyogs su chu bo gang+gA'i bye ma snyed kyi sangs rgyas bcom ldan 'das mthong bar 'gyur ro// de bzhin du lho dang / nub dang / byang dang / byang shar dang / shar lho dang / lho nub dang / nub byang dang 'og dang steng gi phyogs dang / phyogs bcu kun tu yang phyogs re rer chu bo gang+gA'i bye ma snyed kyi sangs rgyas bcom ldan 'das mthong bar 'gyur ro/ / de rnams kyis chos bstan pa yang yang dag par shes par 'gyur ro// rtag tu sangs rgyas 'byung ba mnyes par byed par 'gyur ro// byang chub kyi mthar thug gi bar du sangs rgyas bcom ldan 'das de rnams dang mi 'bral bar 'gyur ro// bla na med pa yang dag par rdzogs pa'i byang chub las phyir mi ldog par 'gyur ro//
- 271a
bskal pa stong phrag sum cu rtsa lngar 'khor ba las phyir phyogs par 'gyur ro// de dag gis bsod nams kyi phung po dpag tu med pa yongs su bzung bar 'gyur ro// 'od srungs chen po lho phyogs na sangs rgyas kyi zhing 'di nas sangs rgyas kyi zhing stong phrag sum cu lnga 'das pa na/ 'jig rten gyi khams spos mchog dri zhim zhes bya ba yod de/ de na de bzhin gshes pa dgra bcom pa yang dag par rdzogs pa'i sangs rgyas spos mchog mtha' yas rgyal po pa zhes bya ba da ltar bzhugs shing 'tsho la gzhes so/ / 'od srungs chen po de bzhin gshegs pa spos mchog mtha' yas rgyal pos sngon gyi smon lam 'di skad ces btab po/ / sngon smon lam btab pa de gang zhes na/ 'di lta ste/ rigs kyi bu 'am/ rigs kyi bu mo byang chub sems dpa'i theg pa chen po la yang dag par zhugs pa gang su dag bdag gi ming 'dzin par byed pa de yon tan 'di lta ste/ skyes shing skyes pa thams cad du tshe rabs dran zhing tshangs par spyod par 'gyur ba dang / skyes bu chen po'i mtshan sum cu rtsa gnyis kyis lus legs par rgyan par 'gyur ba sa/ sangs rgyas kyis zhing gzhan dag tu snang bar byed cing / yang dag par 'gro bar byed la bdag gis kyang de dag gi sangs rgyas kyi byang chub rdzogs par bya zhing gal te sa chen po 'di mes gang bar gyur na/ me de yang bsad la/ de dag la rin po che dag 'byung bar bya ba dang / slong bar byed pa rnams la ci nas kyang sems can
- 271b
gyi yi mi 'chad par bya zhing / bla na med pa yang dag par rdzogs pa'i byang chub las phyir mi ldog par 'gyur ba dang / bskal pa stong phrag sum cur 'khor ba las phyir phyogs par 'gyur ba dang de dag gis bsod nams kyi phung po yongs su bzung bar 'gyur ba 'di dag thob par btab po/ / 'od srungs chen po lho phyogs na sangs rgyas kyi zhing 'di nas/ 'jig rten gyi khams chu bo gang+gA/ brgyad kyi bye ma snyed 'das pa de na de bzhin gshegs pa dgra bcom pa yang dag par rdzogs pa'i sangs rgyas rin chen dam pa zhes bya ba da ltar bzhugs shing 'tsho la gzhes so// 'od srungs chen po rigs kyi bu 'am/ rigs kyi bu mo byang chub sems dpa'i theg pa la yang dag par zhugs pa gang su dag/ de bzhin gshegs pa dgra bcom pa yang dag par rdzogs pa'i sangs rgyas rin chen dam pa de'i mtshan 'dzin par byed pa de dag ni/ srid par skyes pa na tshe rabs dran par 'gyur ro// mngal na 'dug bzhin du sangs rgyas bcom ldan 'das rnams kyis gzigs pa dang / sangs rgyas bcom ldan 'das rnams mthong ba dang / mnyes par byed par 'gyur ro// de bzhin du sangs rgyas bcom ldan 'das de dag gis zhal nas rigs kyi bu khyod bla na med pa yang dag par rdzogs pa'i byang chub tu nges par 'byung ba yin no/ / rigs kyi bu khyod bla na med pa yang dag par rdzogs pa'i byang chub las phyir mi ldog pa yin no// rigs kyi bu khyod mngal na 'dug bzhin du lha dang /
- 272a
klu dang / gnod sbyin gzhan dag kyang bla na med pa yang dag par rdzogs pa'i byang chub tu yongs su smin par byed par 'gyur ro// bskal pa stong phrag du 'khor ba las phyir phyogs par byed par 'gyur ro zhes gsungs so/ / de dag gis bsod nams kyi phung po dpag tu med pa yongs su bzung bar 'gyur ro// 'od srungs chen po nub phyogs na sangs rgyas kyi zhing 'di nas/ 'jig rten gyi khams chu bo gang+gA'i gsum gyi bye ma snyed 'das pa na/ 'jig rten gyi khams legs par rnam par phye ba rnam par 'byed pa zhes bya ba yod do// de na de bzhin gshegs pa dgra bcom pa yang dag par rdzogs pa'i sangs rgyas mthu snang che zhes bya ba da ltar bzhugs shing 'tshe la ga zhes so/ / 'od srungs chen po rigs kyi bu 'am/ rigs kyi bu mo theg pa chen po la yang dag par zhugs pa gang su dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mthu snang che de'i mtshan 'dzin par byed pa de dag ni/ srid par skyes pa na tshe rabs dran par 'gyur ro/ / byang chub sems dpa'i ting nge 'dzin nyi ma'i dkyil 'khor snang ba dam pa zhes bya ba yang thob par 'gyur te/ de la gnas nas sangs rgyas kyi zhing chu bo gang+gA'i bye ma snyed kyi sangs rgyas kyizhing rnams dang sangs rgyas bcom ldan 'das de rnams kyang mthong bar 'gyur ro/ / 'od srungs chen po de ltar na mi pham pa dang 'dra ba'i byang chub sems dpa' rnams kyi yon tan gang ngag yin pa'i
- 272b
yon tan gyi phan yon de dag de la 'byung bar 'gyur ro/ / 'od srungs chen po bud med gang zhig de bzhin gshegs pa de'i mtshan 'dzin par byed na yang / de'i bud med kyi dngos po tha ma yang de yin te/ de nas shi 'phos nas/ skyes pa'i dngos po thob par 'gyur ro// de ltar na de bzhin gshegs pa mthu 'od chen po de'i mtshan 'dzin pa ni don chen po byed pa yin no// de nas bcom ldan 'das kyis de'i tshe tshigs su bcad pa 'di skad ces bka' stsal to/ / bud med kyis ni drang srong chen po de yi mtshan thos na// bud med dngos po dbasgyur skyes bu mkhas pa'i dngos por 'gyur/ / lus can kun la phan phyir byang chub dam par 'tshang rgya zhing // lha dang bcas pa'i 'jig rten dag gi rten dang dpung gnyen 'gyur// 'od srungs chen po rigs kyi bu 'am/ rigs kyi bu mo theg pa chen po la yang dag par zhugs pa gang su dag mtshan 'di 'dzin par byed pa de dag ni/ srid par skyes pa na tshe rabs dran par 'gyur ro// bskal pa grangs med pa 'khor ba las phyir phyogs par 'gyur/ ro// de dag la sod nams kyi phung po dpag tu med pa yang 'byung bar 'gyur ro// bla na med pa yang dag par rdzogs pa'i byang chub dang nye bar thob par yang 'gyur ro// 'od srungs chen po byang phyogs na sangs rgyas kyi zhing 'di na sa pha rol na de bzhin gshegs pa dgra bcom pa yang dag par rdzogs pa'i sangs rgyas rin chen dam pa zhes bya ba da ltar bzhugs shing 'tsho la gzhes so/ /
- 273a
'od srungs chen po rigs kyi bu 'am/ rigs kyi bu mo theg pa chen po la yang dag par zhugs pa gang su dag/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dam pa de'i mtshan 'dzin par byed pa de dag ni bsod nams chen po skyed par 'gyur te/ 'od srungs chen po rigs kyi bu 'am rigs kyi bu mo theg pa chen po la yang dag par zhugs par gang zhig gis/ sangs rgyas bcom ldan 'das rnams la ri'i rgyal po ri rab lta bu de tsam gyi gser gyi phung po 'bul zhing gtong la 'jog par byed cing / de lta bur dbul ba dbul bar byed pa yang lo bye ba khrag khrig brgya stong du 'bul ba 'bul bar byed pa bas ni/ sangs rgyas kyi mtshan yongs su bzung ba'i dge ba'i rtsa ba 'di la brgya'i char yang nye bar mi 'gro/ stong dang / brgya stong dang / grangs dang / cha dang / bgrang ba dang / dper yang nye bar mi 'gro ste/ de bzhin gshegs pa dgra bcom pa yang dag par rdzogs pa'i sangs rgyas rin chen dam pa'i mtshan 'dzin par byed pa rnams la gal te yod na/ mchog ni 'di kho na yin no// de nas bcom ldan 'das kyis de'i tshe tshigs su bcad pa 'di skad ces bka' stsal to// 'jig rten gyi ni mgon po 'od mdzad pa/ / de dag dus dang dus min mkhyen pa yis// sems can thams cad bdag la phan mdzad pa// de dag shar dang lho dang nub dang ni// byang gi phyogs rnams dag
- 273b
narab zhugs pa/ / skyes bu rnams kyi gtso bo de dag la/ nyin par dang ni mtshan mo dag tu yang // gus dang bcas pas thal sbyar phyag byos shig/ mi yid pa gang dag ni// bskal pa stong na 'byung ba yi/ / mchog tu snyed dka' de la yang // phyag byas mngon shes ci zhig yod// sangs rgyas bkur sti byed 'dod dang // rdzogs pa'i byang chub 'dod pa nyid// des ni sangs rgyas rnams kyi mtshan/ / rgyal bas bshad pa 'di mnyan bya// sangs rgyas ye shes bskyed pa la// nam yang som nyi mi za ste// dge ba'i rtsa ba de yis ni// ye shes bsam yas 'di thob bo// / gang zhig rtag tu sangs rgyas la// mchod bsam g.yas byed 'dod pa// de yis sangs rgyas mtshan thos nas// gzhan dag la ni rab bstan bya// gang zhig sems can bya ba dag/ srid pa spangs pa 'gro la 'dod pa/ / de yis sangs rgyas mtshan thos na// mi nyid du yang de mi skye// gang zhig zhing ni bye ba dag/ rkang pa'i mthe bos skul 'dod pa// de yis sangs rgyas mtshan thos nas/ / skyes po mang la de bstan bya// gang zhig sangs rgyas rnams kyi 'di 'dzin te// rgyal ba dran pa mang pos mchod pas na// de ni skye ba gcig gis ma yin la// bcu yi ma yin shus ma yin no/ / 'jig rten 'di ni gang+gA'i bye snyed kyi// rin chen gser gyi mdog gis bkang dbul bas// gang zhig sangs rgyas mchog gis mtshan thos nas// sbyin phung de yis
- 274a
rgya yis char mi phod/ / gang zhig sangs rgyas mtshan 'di thos nas 'dzin// de dag mir gyur mchog ni legs par rnyed// mi yis 'jig rten dbyangs kyi yan lag ldan/ / rab tu 'byung ba legs rnyed zas legs spyad/ bcom ldan 'das kyis de skad ces bka' stsal pa dang / dge slong de dag dang / byang chub sems dpa' de dag dang / gnas brtan 'od srungs chen po dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la rjes su yi rangs nas mngon par bstod do/ / theg pa chen po shin tu rgyas pa'i mdo las/ 'phags pa sangs rgyas kyi dbu rgyan zhes bya ba theg pa chen po'i mdo'i chos kyis rnam grangs chen po rdzogs so// / / rgya gar gyi mkhan po shUHsing ha dang / lo tsa ba ban d+he de ben dra rak+Shi tas bsgyur cing nus te gtan la phab pa// @#/ rgya gar skad du sarba bud d+hi ga kha ya a ba ta ra dz+nyA na A lo ka lang ka ra ma hA yA na sUtra/ bod skad du/ sangs rgyas thams cad kyi yul la 'jug pa ye shes snang ba'i brgyan theg pa chen po'i medo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod phung
- 274b
po'i ril rtse mo bzhi dang nye ba na/ snying po chos kyi dbyings kyi khang pa na/ dge slong stong phrag nyi shu rtsa lnga rnams kyi dge 'dun chen po dang lhan cig tu bzhugs te/ thams cad kyang dgra bcom pa sha stag go/ / zag pa zad pa sha stag go// nyon mongs pa med pa sha stag go// dbang du gyur pa sha stag go// sems shin tu rnam par grol ba sha stag go/ shes rab shin tu rnam par grol ba sha stag go/ cang shes pa sha stag go/ bya ba byas pa sha dag go/ byed pa byas pa sha dag go// khur bor ba sha dag go// bdag gi don rab tu rnyed pa sha stag go// sogs pa'i sbyor ba yongs su zad pa sha stag go/ bka' yang dag pas sems shin tu rnam par grol ba sha stag go/ sems thams cad la dbang dam pa'i pha rol tu phyin pa thob pa sha stag go// kun shes ko'u di n+ya la sogs pa nyan thos chen po drug cu rtsa brgyad dang / byang chub sems dpa' bye ba khrag khrig bdun cu rtsa gnyis dang yang lhan cig ste/ 'di ltar 'jam dpal gzhon nur gyur pa dang / nor dpal dang / sangs rgyas dpal dang / sman gyi rgyal po dang / sman g.yung drung 'phags pa byang chub sems dpa' sems dpa' chen po ste/ thams cad kyang phyir mi ldog pa'i chos kyi 'khor lo bskor ba sha stag go/ / thams cad kyang dkon mchog brtsegs pa shin tu rgyas pa'i mdo 'dri ba la mkhas pa sha stag go/ chos kyi sprin gyis rab tu thob pa sha stag go/ ri rab dang 'dra
- 275a
ba sha stag go/ / thams cad kyang shes rab kyis stong pa nyid dang / mtshan ma med pa dang / mi sman pa dang / ma skyes pa dang / ma byung ba dang / dngos po med pa'i chos yongs su rdzogs pa sha stag go/ / che zhing zab pa'i chos la snang ba sha stag go/ yang dag pa nyid kyi spyod yul sha stag go// 'jig rten gyi khams tha dad pa nas de bzhin gshegs pa bye ba khrag khrig brgya stong gyis bkye ba sha stag go/ / mngon par shes pa'i las kun gyis rab tu skyes pa sha stag go// chos thams cad kyi ngo bo nyid dang / rang bzhin la rab tu gnas pa sha stag go/ de'i tshe na bcom ldan 'das 'di snyam du dgongs so// kye ma bdag gis byang chub sems dpa' sems dpa' chen po rnams kyi mgyogs pa dang / stobs dang / shugs drag po bskyed pa'i phyir chos kyi mtha' zhig bya na/ gang gi phyir chu bo gang+gA'i bye ma snyed kyi 'jig rten khams nas/ gzi brjid che ba'i byang chub sems dpa' sems dpa' chen po rnams bsdus te/ chos chen po rab tu bstan pa skrag pa'i phyir/ gang gis byang chub sems dpa' sems dpa' chen po rnams 'ongs te/ chos chen po rab tu bstan pa 'dri ba'i mtshan ma bstan cing 'od chen po bya'o zhes dgongs te/ / de nas bcom ldan 'das kyis de'i tshe/ phyogs bcu bas ma yas grangs med pa'i stong gsum gyi stong chen po'i 'jig rten gyi khams kyi
- 275b
rdul phra mo dang mnyam pa'i 'jig rten gyi khams su 'od ga zer chen po sprin gyis snang bar mdzad do/ / de'i tshe na phyogs bcu'i phyogs re re nas sangs rgyas kyi zhing brjod kyis mi lang ba bye ba khrag khrig rgya stong bcu'i rdul phra mo dang mnyam pa'i byang chub sems dpa' sems dpa' chen po rnams 'ong bar gyur te/ byang chub sems dpa' re re yang bsam du med pa'i byang chub sems dpa'i rnam par 'phrul pas 'ongs so/ / 'ongs nas kyang bcom ldan 'das la tshul dang 'dra ba'i mchod pa bsam du med par byas nas/ bdag gi smon lam gyi mthus skyes pa'i pad+mo'i stan la bcom ldan 'das kyi spyan sngar/ bcom ldan 'das la mig mi 'dzum par lta zhing 'khod par gyur to// de'i tshe na yang snying po chos kyi dbyings kyi khang pa'i dbus na// sa rin po che chen po'i pad+mo dang ldan pa'i seng ge'i gdan 'byung ba zheng du dpag tshad bye ba grangs med de/ bags kyis gzhol bar langs par gyur/ 'od de thams cad yod pa'i nor bu rin po che ste/ glog dang sgron ma lta bu'i nor bu rin po che'i ra bas bskor ba/ rtsa ba nor bu rin po che'i 'od bsam du med pa ste/ dpe med pa'i nor bu rin po ches bskor ba/ mtha' med pa'i las 'das pa'i 'phreng bas mdzes par byas pa/ nor bu rin po che dbang gi rgyal po'i dra bas kun nas g.yogs pa/ nor bu rin po che rnam pa sna tshogs kyis spras pa/
- 276a
gdugs dang / rgyal mtshan dang / ba dan bsgreng ba dang ldan pa zhig byung bar gyur to// seng ge'i khri nor bu rin po che chen po'i snying po can de'i khor ra 'khor yug nas/ 'od gzer grangs med pa bye ba khrag khrig 'bum phrag bcu byung ste/ 'od gzer de dag gis phyogs bcu'i 'jig rten gyi khams gzhan dang gzhan dag snang ba chen pos khyab par gyur to/ / yang de'i chen phyogs bcu'i phyogs re re nas kyang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba sangs rgyas kyi zhing bye ba khrag khrig 'bum phrag brjod du med pa bcu'i rdul phra rab kyi rdul rnyed dag kyang lhag par gyur te/ de dag las kha cig ni rin po che'i khang pa brtsegs pa dag na 'khor/ lha'i bu mo bye ba khrag khrig 'bum phrag grangs med cing bsam gyis mi khyab pa glu dbyangs rol mo'i sgra 'byin pa dag lhags so// kha cig ni me tog las byas pa dag dang / kha cig ni tsan dan sbrul gyis snying po las byas pa dag dang / kha cig ni mu tig las byas pa dag dang / kha cig ni rdo rje las byas pa dag dang / kha cig ni nor bu rin po che rdo rje ltar snang ba las byas pa dag dang / kha cig ni 'dzam bu chu bo'i gser las byas pa dag dang / kha cig ni nor bu rin po che'i 'od thams cad yang dag par 'dus pa las
- 276b
byas pa dag dang / kha cig ni nor bu rin po che dbang gi rgyal po las byas pa dag dang / kha cig ni nor bu rin po che yid bzhin gyi nor bu las byas pa dag dang / kha cig ni nor bu rin po che brgya byin thogs pa las byas pa dag dang / kha cig ni rgya mtsho'i rten rnam par dag pa'i rin po che'i bkod pa stong lta bu'i nor bu rin po che chen po/ kun nas 'od zer snang ba las byas pa'i khang pa brtsegs pa dag na 'khod pa/ lha'i bu mo bye ba khrag khrig 'bum phrag grangs med cing bsam gyis mi khyab pa glu dbyangs dang rol mo'i sgra 'byin pa dag lhags so// lhags nas kyang bcom ldan 'das la bsam gyis mi khyab pa dang / mtshungs pa med pa dang / gzhal du med pa dang / dpag tu med pa las kyang shin tu 'das pa'i mchod pa byas te/ bcom ldan 'das kyis spyan sngar rang rang gi smon lam gyis stobs las byung ba'i stan dag la 'khod nas/ bcom ldan 'das la mig mi 'dzum par lta zhing sdod par gyur to// de'i tshe na stong gsum gyi stong chen po'i 'jig rten gyi khams 'di 'dzam bu chu bo'i gser las grub par kun tu gnas par gyur cing / nor bu rin po che chen po sna tshogs kyis shing ljon pa dag gis legs par brgyan pa dang / lha'i me tog gi shing ljon pa dag dang / gos kyi shing ljon pa dag dang / tsa na dan sbrul gyi snying po'i shing ljon pa dag dang / spos kyi shing ljon pa dag dang / a ga ru'i shing ljon pa dag gis kyang legs par brgyan cing / nor bu rin po che nyi ma
- 277a
dang / zla ba dang / glog gi sgron ma'i dra bas kun nas khebs pa dang / gdugs dang / rgyal mtshan dang / ba dan bsgreng ba dang ldan la/ shing ljon pa thams cad la yang lha'i bu mo bye ba khrag khrig 'bum phrag grangs med pa mu tig d+mo shal lus phyed thogs pa dang / rin po che chen po'i phreng ba thogs pa dag 'khod par gyur to// de'i tshe na seng ge'i khri nor bu rin po che chen po'i snying po can de las tshigs su bcad pa 'di dag byung ngo / / khyod kyi bsod nams stobs kyis bdag byung ste// ma dbang rgyal po tshur gshegs bzhugs su gsol/ rgyal ba rkang gnyis dam pa 'deg bgyi ste// di ring bdag gis brnag pa 'di rdzogs 'gyur// bdag gi lus 'di rin chen rgyus grub ste// 'dren pa khyod phyir bdag gis dkyil na ni// rin chen pad+ma yid 'ong gcig mchis te/ / skyob pa bdag gi brnag pa deng rdzogs mdzod// rin chen pad+ma 'di la bzhugs nas ni// bdag dang 'jig rten 'di kun mdzes par mdzod// gang thos seng ge'i khri 'di 'dra thob pa// chos de srog chags bye mang bstan du gsol// khyod kyi sku las 'od gzer stong byung ste// 'jig rten khams mang rab tu snang bgyid pa// de ni bdag gis dga' mchog skyes pa'i mtshan/ / 'dren pa bdag gi slad du bzhugs su gsol// sngon yang bdag gis phyogs 'dir rab byung ba'i// thub pa bye ba phrag brgyad bsteg gyur pas// myur du bzhugs
- 277b
te phan dgas mdzad du gsol/ / bcom ldan 'das deng 'dir phan bdags mdzad du gsol// de nas bcom ldan 'das gdan snga ma las bzhengs te// seng ge'i khra nor bu rin po che chen po'i pad+mo'i snying po can de la skyil mo krung bcas te bzhugs nas/ thams cad dang ldan pa'i byang chub sems dpa'i tshogs la rnam par gzigs te/ byang chub sems dpa' sems dpa' chen po de dag la yang dag phul gyi chos bstan pa'i ltas mdzad do/ / de'i tshe na thams cad dang ldan pa'i byang chub sems dpa'i tshogs rnams 'di snyam du sems te/ 'jam dpal gzhon nur gyur pa 'dis de bzhin gshegs pa dgra bcom pa yang dag par rdzogs pa'i sangs rgyas la bdag cag gos thos nas yun ring du lon pa/ skye ba med pa dang / 'gag pa med pa'i chos kyi rnam grangs de yongs su zhus na ci ma rung snyam mo/ / de nas 'jam dpal gzhon nur gyur pas/ bcom ldan 'das kyis ltas mdzad par yang rig/ byang chub sems dpa' sems dpa' chen po de dag gi sems kyis yongs su rtog pa yang sems kyis shes nas/ stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das skye ba ma mchis pa dang / 'gag pa ma mchis pa ste zhes bgyi na/ bcom ldan 'das skye ba ma
- 278a
mchis pa dang / 'gag pa ma mchis pa zhes bgyi ba de chos gang gi tshig bla dgas lag de'i tshe tshigs su bcad pa 'di dag kyang gsol to// mi skye 'gag pa ma mchis pa/ rnams 'dren khyod kyis bshad du gsol// de yis nges tshigs mtshan nyid de// ci 'dra shes rab chen po pa// mi skye 'gag pa ma mchis pa// de'i ji ltar brjod par bgyi// dpe rnams dang ni gtan tshigs kyis/ / thub chen bshad pa mdzad du gsol// byang chub sems dpa' mang po 'dus pa 'di dag ni// 'jig rten rnam par 'dren pa rnams kyis bkye lags te// ye shes 'tshal zhing khyod la phyag 'tshal mchis lags na/ / dam chos rgyal chen dam pa bshad par mdzad du gsol// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal legs so legs so// 'jam dpal khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang bde ba dang / byang chub sems dpa' sems dpa' chen po rnams kyis sangs rgyas kyis thob par bya ba'i phyir zhugs te/ khyod de bzhin gshegs pa la don de lta bu yongs su zhu bar sems pa ni/ 'jam dpal yang khyod legs so// 'jam dpal de bzhin gshegs pas don de bstan pa na gnas de la khyod skrag pa dang /
- 278b
'jigs pa dang / dngang bar mi bya zhing 'jam dpal khyod kyis ye shes la bsten par yang bya'o// 'jam dpal skye ba med pa dang // 'gag pa med pa zhes bya ba de ni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dag sa yin te/ 'jam dpal 'di lta ste dper na/ sa gzhi chen po 'di bai DUR+Ya chen po'i ring bzhin du kun nas gnas par gyur cing / de yang ji ltar bai DUR+Ya chen po'i rang bzhin gyi sa gzhi chen po ngal/ sum cu rtsa gsum pa'i gnas dang / lha'i dbang po brgya byin dang / khang bzang rnam par rgyal byed kyi gzugs brnyan kun tu snang bar 'gyur ba de ltar kun nas gnas par gyur la/ de na lha'i dbang po brgya byin lha'i 'dod pa'i yon tan lnga po dag gis brtse ba dang / dga' ba dang / dga' mgur spyod pa yang kun tu snang bar gyur cing de nas de'i tshe lha rnams kyis 'dzam bu'i gling pa'i skyes pa dang / bud med dang khye'u dang / bu mo thams cad la tshig 'di skad ces/ kye skyes pa dang / bud med kyi tshogs ngag tshur shog/ lha'i dbang po brgya byin 'di khang bzang rnam par rgyal byed kyi nang na/ lha'i 'dod pa'i yon tan lnga po dag gis brtse ba dang / dga' ba dang / dga' mgur spyod par byed pa la ltos/ kye skyes pa dang / bud med kyi tshogs dag tshur shog/ sbyin pa dag byin cig/ bsod nams dag gyis shig/ tshul khrims yang dag par long ste 'dug shig dang / khang bzang rnam par rgyal byed 'di lta bu dag gi nang na rtse bar 'gyur/ dga' bar 'gyur//
- 279a
dga' mgur spyod par 'gyur/ brgya byin nyid thob par yang 'gyur la/ lha'i dbang po brgya byin lha'i longs spyod dag gis 'byor cing ldan par 'gyur ba ci 'dra ba de 'dra ba'i 'byor pa dag dang ldan par yang 'gyur ro zhes yang dag par bskul bar yang byed la/ 'jam dpal de nas skyes pa dang / bud med dang / khye'u dang / bu mo de dag gis bai DUrma chen po'i rang bzhin gyi sa gzhi chen po nga la/ sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin gyis gzugs brnyan mthong nas/ thal mo sbyor zhing me tog dag kyang 'thor bar byed/ spos dag kyang 'thor babar byed la tshig 'di skad ces/ bdag cag kyang lha'i dbang po brgya byin ci 'dra ba de 'dra ba'i lus thob par gyur cig/ bdag cag kyang ji ltar lha'i dbang po brgya byin khang bzang rnam par rgyal byed kyi nang na/ lha'i 'dod pa'i yon tan lnga po dag gis brtse ba dang / dga' ba dang / dga' mgur spyod par byed pa de ltar gyur cig ces brjod par byed kyang / sems can de dag gis ni 'di ltar bai DUR+Ya chen po'i rang bzhin gyi gzhi chen po la/ sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin snang ba 'di ni/ bai DUR+Ya chen po'i rang bzhin yongs su dag pa'i phyir gzugs brnyan kun tu snang ba yin no zhes de ltar yongs su mi shes te/ de dag brgya byin nyid 'dod pas sbyin pa dag kyang sbyin bsod nams dag kyang byed/ tshul khrims kyang yang dag par blangs te gnas shing dge ba'i
- 279b
rtsa ba dag kyang sum cu rtsa gsum pa'i gnas snang ba der skye bar bya ba'i phyir yongs su sngo bar byed na/ 'jam dpal ji ltar bai DUR+Ya chen po'i rang bzhin gyi sa gzhi chen po de la sum cu rtsa gsum pa'i gnas kyang med/ khang bzang rnam par rgyal byed kyang med/ lha'i dbang po brgya byin yang med mod kyi/ 'on kyang bai DUR+Ya chen po yongs su dag pa'i phyir/ de la sum cu rtsa gsum pa'i gnas dang / bang bzang rnam par rgyal byed dang / lha'i dbang po brgya byin gyis gzugs brnyan kun tu snang ste/ de dag kyang yod pa ma yin zhing / skye ba med pa dang / 'gag pa med pa yin bzhin du/ bai DUR+Ya chen po yongs su dag pa'i phyir/ gzugs brnyan kyang kun tu snang ba de bzhin du/ 'jam dpal sems yongs su dag pa dang / bsgom pa shin tu gom par byas pa'i sems can la/ de bzhin gshegs pa'i sku snang bar 'gyur te/ 'jam dpal de bzhin gshegs pa'i mthus/ sems can rnams kyis de bzhin gshegs pa'i sku mthong ba de yang ma byung ba ma skyes pa/ ma 'gag pa/ dngos po ma yin dngos po med pa ma yin pa ltar snang ba ma yin/ bltar mi snang ba ma yin/ 'jig rten ma yin/ 'jig rten med pa ma yin/ sems pa yod pa ma yin/ sems pa med pa ma yin bsam du yod pa ma yin/ bsam du med pa ma yin/ yod pa ma yin/ med pa ma yin mod kyi/ 'jam dpal 'on kyang sems can rnams ni de bzhin gshegs pa'i gzugs brnyan
- 280a
la dmigs nas/ me tog dag kyang 'thor bar byed/ spros dang na bza' dang / rin po che dag kyang 'bul bar byed cing / tshig 'di skad ces/ bdag cag kyang de bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces brjod par byed de/ sangs rgyas kyi ye shes 'dod pa de dag sbyin pa dag kyang sbyin bsod nams dag kyang byed/ tshul khrim kyang yang dag par blangs te gnas shing / de dag kyang de bzhin gshegs pa'i ye shes thob par bya ba'i phyir/ yongs su sngo bar byed do// 'jam dpal 'di lta ste/ dper na bai DUR+Ya chen po'i ring bzhin gyi sa gzhi chen po do la/ lha'i dbang po brgya byin gyi gzugs brnyan gnang ba de la/ g.yo bar mi byed/ sems par mi byed/ spro bar mi byed/ rtog par mi byed/ rnam par rtog par mi byed cing / rtog pa med pa/ rnam par rtog pa med pa/ sems pa med pa/ yid la byed pa med pa/ zhi ba bsil bar gyur pa skye ba med pa/ 'gag pa med pa/ mthong ba med pa/ thos pa med pa/ bsnabs pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa de bzhin du/ 'jam dpal de bzhin gshegs pa dgra bcom pa yang dag par rdzogs pa'i sangs rgyas kyang / g.yo bar mi byed/ sems par mi byed//
- 280b
spros par mi byed/ rtog par mi byed/ rnam par rtog par mi byed cing / rtog pa med pa dang / rnam par rtog pa med pa dang / sems pa med pa/ yid la byed pa med pa/ zhi ba bsil bar gyur pa/ skye ba med pa/ 'gag pa med pa/ mthong ba med pa/ thos pa med pa/ bsnabs pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa ste/ 'jam dpal de bzhin gshegs pa ni skye ba med pa'i gnas yin mod kyi/ 'on kyang 'jig rten na gzugs brnyan bzhin du mthong ba'i bye brag gis tshe'i bye brag ston par yang byed la/ yongs su smin pa dang / mos pa'i stobs bskyed pas byang chub kyi snod du gyur pa'i sems can rnams la gzugs brnyan snang bar yang gyur te/ sems can rnams kyi bsam pa dang mos pa ci lta ba bzhin du chos thos par yang 'gyur/ bsam pa ji lta ba bzhin du theg pa gsum du shes par yang 'gyur/ bsam pa ji lta ba bzhin du rnam par grol bar yang 'gyur ro/ / 'jam dpal 'di lta ste/ dper na sum cu rtsa gsum pa'i lha rnams kyi bsod nams kyi stobs kyi grub pa/ chos kyi rnga bo che chos kyi sgra zhes bya ba zhig khang bzang rnam par rgyal byed kyi steng gi bar snang la 'dug cing / lha'i bu thams cad kyi mig la ma las yang dag par 'das te/ bltar mi snang zhing mi mthong mod kyi/ 'jam dpal 'on kyang chos
- 281a
kyi rnga bo che de/ gang gi tshe sum cu rtsa gsum pa'i ris kyis lha rnams/ lha'i 'dod pa'i rtsed mo dang dga' ba dang / longs spyod dag gis rtag par rgyun tu shas che ba bag med par gyur cing / yang dang yang du lha'i mdun sa chos bzang gi nang du zhugs te/ chos yang dag par bgro bar mi byed pa dang / 'jam dpal gang gi tshe lha'i dbang po brgya byin yang lha'i 'dod pa'i rtse mo dang / dga' ba dang / longs spyod dag gis rtag par rgyun tu shas cher bag med par gyur cing / yang dang yang du lha'i mdun sa chos bzang gi nang du zhugs te/ chos kyi khri stan la 'dug nas chos smra bar mi byed pa de'i tshe chos kyi rnga bo che bar snang la 'dug cing mig gi lam las yang dag par 'das te/ bltar mi snang zhing mi mthong ba de las/ chos kyi sgra 'di lta bu 'byung bar 'gyur te/ chos kyi sgra des sum cu rtsa gsum pa'i ris kyi lha thams cad la 'di skad du/ grogs po dag gzugs dang sgra dang dri dang / ro dang / reg bya dag ni mi rtag pa yin gyis/ bag med par ma spyod cig/ gnas 'di nas myur du shi 'phos par gyur ta re/ grogs po dag 'du byed thams cad ni sdug bsngal ba yin no// grogs po dag 'du byed thams cad ni stong pa yin no// grogs po dag 'du byed thams cad ni bdag med pa yin no/ / grogs po dag 'di nas shing 'phos pa rnams ni yang 'dir skye bar 'gyur bar dga' ba yin gyis/ bag med par ma byed par/ grogs po dag chos
- 281b
yang dag par 'gro ba gyis shig/ chos kyi kun dga' la/ dga' bas dga' bar gyis shig/ chos gces par bya ba dang / chos la gzhol ba dang / chos rjes su dran pa yid la byed ba la gnas par gyis shig/ lha'i 'dod pa'i rtsed mo dang / dga' ba dang / longs spyod 'di dag dang yang mi 'bral bas bgyis shig ces sgras go bar byed do// 'jam dpal de'i tshe na chos kyi rnga bo che bltar mi snang ba/ gzugs med pa/ rtog pa med pa/ rnam par rtog pa med pa/ mig gi lam las yang dag par 'das pa/ ma skyes pa/ ma 'gag pa/ tshig gi lam las yang dag par 'das pa/ sems dang / yid dang / rnam par shes pa dang / bral ba/ de lta bu de'i sgra des/ sum cu rtsa gsum pa'i ris kyi thams cad la yang dag par bskul bas/ de dag 'jigs pa dang / skrag pa dang / skyo ba dang / yid byung bar gyur nas/ lha'i 'dun sa chos bzang gi nang du zhugs te/ chos kyi kun dga' la dga' bas dga' bar gnas shing / chos la gces par bya ba dang / chos la gzhol bar bya ba dang / chos rjes su dran pa yid la byed pa la gnas par yang byed do// de dag de nas shi 'phos nas khyad par du 'gro bar yang 'gyur ro// de'i tshe na lha'i dbang po brgya byin yang lha'i mdun sa chos bzang gi nang du zhugs te/ chos kyi khri stan la 'dug nas chos ston par byed do// 'jam dpal gang gi tshe lha ma yin rnams dang lha rnams lhan cig g.yul spong bar byed cing /
- 282a
der yang gang gi tshe sum cu rtsa gsum pa'i lha rnams pham par 'gyur ba de'i tshe na/ chos kyi rnga bo che de sgra 'di lta bu 'byin par byed do// sgra des lha ma yin rnams 'jigs pa dang / skrag pa dang / skyo ba dang / yid byung bar gyur nas 'bros par byed de/ 'jam dpal chos kyi rnga bo che de la ni sgrub par byed pa dang / lus gzugs cung zad kyang med de/ 'jam dpal chos kyi rnga bo che de ni ltar mi mthong ba mi snang ba/ yod pa ma yin pa ma byung ba/ bsam du med pa/ sems dpa' med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sum cu rtsa gsum pa'i ris kyis lha'i bu sngon yongs su sbyang ba byas pa rnams la/ chos kyi rnga bo chede sgra de lta bu 'byin cing / sum cu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar byed do// 'jam dpal ji ltar chos kyi rnga bo tsheche de ltar mi snang ba/ mi mthong ba yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa/ yin mod kyi/ 'jam dpal 'on kyang sum cu rtsa gsum pa'i ris kyi lha'i bu sngon yongs su sbyang ba byas pa rnams la/ chos kyi rnga bo che de sgra de lta
- 282b
bu 'byin cing / sum cu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir sgra 'byin par byed cing lha'i bu bag med ba rnams la yang chos kyi sgras yang dag par bskul bar byed la/ chos kyi sgra de yang sum cu rtsa gsum pa'i ris kyi lha'i bu rnams kyi gnod pa dang / 'khrug pa dang nye ba'i nyon mongs pa thams cad nye bar zhi bar byed do/ / 'jam dpal de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang bltar mi snang ba mi mthong ba/ yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sems can rnams kyi sngon gyi las kyi rnam par smin pas bsam pa dang / mos pa ji lta ba bzhin du chos kyi sgra 'byung bar kun tu shes shing / chos kyi sgra de yang sems can thams cad kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir 'jug par 'gyur te// chos kyi sgra skad kyis 'jig rten na de bzhin gshegs pa'i gsung zhes bya ba'i grangs su 'gro'o/ / 'jam dpal de bzhin gshegs pa ni yod pa ma yin mod kyi/ 'on kyang 'jig rten na chos kyi sgra skad kyis de bzhin gshegs
- 283a
pa zhes bya ba 'dogs par 'byung ste/ sems can rnams kho na'i sngon gyi dge ba'i rtsa ba'i las kyi rnam par smin pas/ sems can thams cad kyis de bzhin gshegs pa las sgra 'byung bar kun tu shes so/ / sgra des yang sems can thams cad kyi bde ba thams cad yang dag par bskyed par bya ba dang / bag med pa rnams la yang dag par bskul bar bya ba'i phyir 'byung ste/ 'jam dpal sems can de dag gis sgra de thos nas/ 'di ni de bzhin gshegs pa'i ske yin no snyam du de bzhin gshegs pa la rtog par yang byed do// byang chub sems dpa' las dang po ba rnams dang / byis pa so so'i skye bo thams cad de bzhin gshegs pa la dmigs pa'i dge ba'i rtsa ba yang dag par bskyed par bya ba'i phyir/ de bzhin gshegs pa'i gsung yang thos mod kyi 'jam dpal 'on kyang de bzhin gshegs pa dgra bcom pa yang dag par rdzogs pa'i sangs rgyas ni skye ba med pa dang / 'gag pa med pa yin par rig par bya'o// 'jam dpal 'di lta ste/ dper na/ sos ka'i dus kyi mthar thug nas dbyar zla ra ba byung bar gyur pa na/ sems can rnams kyi sngon gyi las kyi rnam par smin pas/ sa la gnas pa'i sa bon gyi tshogs dang / lo tog gi tshogs dang / rtswa dang / shing gel ba dang / rtsi dang / nags tshal thams cad kun tu bskyed par bya ba'i phyir/ steng gi nam mkha'i bar snang gi gnas la 'di 'dra ba'i rlung dag ldang ste/ des char pa sdud par byed cing / bsdus
- 283b
nas kyang sa gzhi chen po la 'bab par byed do/ / des sa gzhi chen po thams cad kun tu tshim par byed cing / de'i tshen 'dzam bu gling pa'i mi thams cad kyang rab tu dga' ba dang / yid bde bskye bar byed de/ de la 'jig rten sprin ces bya ba'i ming du 'gyur ro// 'jam dpal gang gi tshe steng gi bar snang las char pa'i tshogs chen po ma'i bab pa de'i tshe na 'dzam bu gling pa'i mi thams cad 'di skad ces/ 'dir sprim mi 'khor ro zhes brjod par byed do/ / 'jam dpal gang gi tshe na steng gi bar snang las char pa'i tshogs chen po sa gzhi chen po la 'bab pa de'i tshe na ni/ 'dzam bu gling pa'i mi thams cad 'di skad ces a la la sprin chen po ni cher gyi rgyun 'bebs par byed cing / sa gzhi chen po yang kun tu tshim par byed do// zhes kyang brjod par byed do// 'jam dpal de na ni sprin yang med la/ sprin du gdags pa yang med do/ / 'jam dpal sems can rnams kyi sngon gyi las kyi rnam par smin pas/ char pa'i tshogs chen po rlung gis kun nas bskyed na ni/ steng gi bar snang las 'bab par yang 'gyur la/ 'jam dpal char pa'i tshogs chen po rlung gis kun nas dkrugs pa ni/ steng gi bar snang de nyid du bag la zha bar yang 'gyur ro// 'jam dpal de ltar sems can rnams kyi sngon gyi las kyi rnam par smin pas/ steng gi bar snang la char pa'i tshogs chen po de rlung kun nas 'dus pa dang / rlung kun tu 'khrug pa dag gis char pa'i rgyun kun tu 'dzin pa 'am/ 'bebs par byed pa de la/ sprin ces 'dogs
- 284a
par 'byung mod kyi/ 'jam dpal de la ni sprin yang med/ sprin du gdags pa yang med de/ 'jam dpal sprin de ni/ ma skyes pa/ ma 'gag pa/ sems kyi yul du mi 'jug pa/ 'ong ba dang / 'gro ba dang bral ba yin no// 'jam dpal de bzhin du byang chub sems dpa' sems dpa' chen po sngon dge ba'i rtsa ba'i tshogs bsags pa dag dang / sems can nyan thos dang / rang sangs rgyas kyi shes pa 'dod pa gzhan dag dang / sems can dge ba'i rtsa ba'i skyed pa mya ngan las 'das pa yang dag par bstan pa'i rgyun can rnams la/ de bzhin gshegs pa dgra bcom pa yang dag par rdzogs pa'i sangs rgyas spobs pa thog pa mi mnga' ba dang ldan pa 'jig rten du byung ngo zhes bya ba'i grangs su 'gro ste/ de gang ci gsung ba de dag thams cad kyang de bzhin pa/ ma nor pa/ de bzhin pa gzhan ma yin pa de bzhin pa yin pas/ de la lha dang mi rnams kyi nang na/ de bzhin gshegs pa zhes bya ba'i mtshan du gdags pa yin te/ 'jam dpal de las lha dang mi rnams kyi nang du de bzhin gshegs pa zhes bya ba'i sgra 'byung bar 'gyur ro/ / 'jam dpal de bzhin gshegs pa ni yod pa ma yin pa te/ 'jam dpal de bzhin gshegs pa ni mtshan ma med pa/ mtshan ma dang bral ba/ yul na mi gnas pa/ phyogs na mi gnas pa/ ma byung ba/ ma skyes pa/ ma 'gag pa yin no// 'jam dpal de bzhin gshegs pa'i
- 284b
sbrebs pa des/ lha rnams dang bcas pa 'jig rten chos kyis yang dag par tshim par mdzad cing / yang dag par 'dzin du btsud na/ byang chub sems dpa' las dang po pa rnams dang / byis pa so so'i skye bo yongs su mya ngan las 'das pas 'dul ba gzhan dag gi sngon gyi las kyi rnam par smin pas mi snang bar gyur pa na/ de gzhi de dag gis 'di snyam du de bzhin gshegs pa yongs su mya ngan las 'das so snyam du yang sems te/ 'jam dpal de bzhin gshegs pa ni skye ba yang med/ 'gag pa yang med do// 'jam dpal de bzhin gshegs pa ni ma skyes pa ma 'gag pa ste/ 'jam dpal de bzhin gshegs pa ni gzod ma nas yongs su mya ngan las 'das pa yin no// 'jam dpal de bzhin gshegs pa dgra bcom pa yang dag par rdzogs pa'i sangs rgyas ni yod pa ma yin pa ste/ 'jam dpal ji ltar char pa dmigs pa las/ sprin ma byung ba/ ma skyes pa/ ma 'gags pa/ yod pa ma yin pa de la/ 'jig rten na sprin sprin ces bya bar 'dogs pa 'byung ba de bzhin du/ 'jam dpal chos ston pa dmigs pa las/ de bzhin gshegs pa ma byung ba/ ma skyes pa/ ma 'gags pa/ yod pa ma yin pa/ gzod ma nyid nas ma skyes pa de la/ 'jig rten na de bzhin gshegs pa dgra bcom pa yang dag par rdzogs pa'i sangs rgyas zhes bya bar 'dogs pa 'byung ngo // 'jam dpal 'di lta ste/ dper na/
- 285a
stong gsum 'bum phrag bcu la dbang bsgyur ba'i tshangs pa chen po zil gyis mi non cing zil gyis gnon par byed pa ni/ nyin gcig bzhin du rgyal chen bzhi'i lha'i ris kyi mthar thug pa'i bar gyi lha'i ris thams cad la rnam par blta bar byed de/ / 'jam dpal stong gsum 'bum phrag bcu la dbang bsgyur ba'i tshangs pa chen po zil gyis mi non cing zil gyis gnon par byed pa de lha'i ris thams cad la rnam par lta bar byed pa de'i tshe na/ lha'i ris thams cad kyi nang nu/ lha'i bu thams cad rang rang gi 'dod pa'i rtsed mo dang dga' ba dang longs spyod pa dag spangs te/ sil snyan dang / pheg rdob pa dang / gla dbyangs kyi sgra thams cad zhi bar byas nas/ 'dod pa'i rtse mo dang / dga' ba dang longs spyod yid la byed pa btang ste/ gus pa dang bcas pas thal mo sbyar nas/ tshangs pa chen po de la mig mi 'dzums par blta bar byed do// tshangs pa chen po de yang gnas nas mi g.yo bar lha'i bu tham par yud tsam zhig bdag la ltar 'jug par byed de/ de'i tshe na lha'i bu de dag tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir/ smon lam gyi yongs su sngo bar byed do// 'jam dpal tshangs pa chen po de yang tshangs pa'i gzhal med khang de nas 'chi 'phos par mi byed pa bzhin du/ sngon gyi smon lam gyi byin gyis brlabs dang / lha'i bu de dag gi sngon gyi dge ba'i rtsa ba bsags pa'i mthus/
- 285b
stong gsum 'bum phrag bcu la dbang sgyur ba'i tshangs pa chen po zil gyis mi gnon cing zil gyis gnon par byed pa gzhan zhig byin gyis rlob par byed do// 'jam dpal sprul pa'i tshangs pa chen po de yang nyin gcig bzhin du rgyal chen bzhi 'i lha'i ris kyi mthar thug pa'i bar gyi lha'i ris thams cad la rnam par lta bar byed de/ 'jam dpal de'i tshe na lha'i ris thams cad kyi nang na/ lha'i bu thams cad rang rang gi 'dod pa'i rtsed mo dang dga' ba dang longs spyod dag spangs te/ sil snyan dang / pheg rdob pa dang / glu dbyangs kyi sgra thams cad zhi bar byas nas/ 'dod pa'i rtsed mo dang dga' ba dang longs spyod yid la byed pa btang ste/ gus pa dang bcas pas thal mo sbyar nas/ tshangs pa chen po de la mig mi 'dzum par lta bar byed do// sprul pa'i tshangs pa chen po de yang gnas nas mi g.yo bar lha'i bu thams cad yud tsam zhig bdag la ltar 'jug par yang byed do/ / de'i tshe na lha'i bu de dag kyang tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir yongs su sngo bar yang byed de/ 'jam dpal de la ni tshangs pa yod pa ma yin te/ 'jam dpal tshangs pa de ni stong pa/ ya ma brla ma byung ba/ yi ge med pa/ sgra med / yul med pa/ dngos po med pa/ bsam du med pa/ mtshan ma med pa/ sems dang yid dang rnam par shes pa dang bral ba/ ma skyes pa/ ma 'gags pa yin mod rgya
- 286a
'jam dpal 'on kyang tshangs pa chen po de nyid kyi sngon gyi dge ba'i rtsa ba dang / smon lam gyi byin gyi brlabs dang / lha'i bu de dag gis sngon gyi dge ba'i rtsa ba bsags pa'i mthus/ lha'i ris thams cad la bltar snang bar yang 'gyur ro// 'jam dpal 'on kyang lha'i bu de dag 'di snyam du/ tshangs pa chen po 'di ni sprul pa/ stong pa/ yA mu brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang yid dang / rnam par shes pa dang bral ba// 'gag pa med pa yin no/ snyam du mi sems so// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang stong pa/ ya ma brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang / yid dang / rnam par shes pa dang bral ba/ ma skyes pa/ ma 'gags pa yin mod kyi/ bajam dpal 'on kyang de bzhin gshegs pa dgra bcom pa yang dag par rdzogs pa'i sangs rgyas kyis/ sngon gyi byang chub sems dpa'i spyod pa'i smon lam gyi byin gyis rlabs dang / byang chub sems dpa'i las dang po pa rnams dang / nyan thos dang / rang sangs rgyas kyi zag pa la yang dag par zhugs pa rnams dang / byis pa so so'i skye bo thams cad kyi dge ba'i rtsa ba bsags pa'i
- 286b
/ mthus/ de bzhin gshegs pa'i gnas nas mi g.yo gzhin du/ mtshan brgya stong gis legs par brgyan pa 'jig rten gzugs brnyan bzhin du kun tu snang ngo // 'jam dpal byang chub sems dpa'i las dang po pa rnams dang / nyan thos dang / rang sangs rgyas kyi theg pa thams cad dang / byis pa so so'i skye bo thams cad ni 'di snyam du/ de bzhin gshegs pa ni stong pa ya ma brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang yid dang / rnam par shes pa dang bral ba// ma skyes pa/ ma 'gags pa yin par mi sems mod kyi/ 'jam dpal 'on kyang de bzhin gshegs pa ni/ spyod lam thams cad du/ de bzhin gshegs pa'i sku mtshan brgya stong gis legs par brgyan pa las/ sems can mos pa rnam pa sna tshogs tha dad pa rnams la chos ston pa chen po 'byung bar yang byed do// chos ston pa de yang sems can thams cad kyi gnod pa dang 'khrug pa dang nye ba'i nyon mongs pa thams cad nye bar zhi bar byed par gyur te/ de bzhin gshegs pa ni de la yang thams cad du mnyam zhing btang snyoms la rnam par mi rtog cing bye brag mi 'byed de/ 'jam dpal rnam grangs des kyang / 'di ltar skyes pa med pa 'gags pa med pa zhes bya ba de ni/ de bzhin gshegs pa'i tshogs bla dgas yin par rig par
- 287a
bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// de bzhin gshegs pa rtag tu skyes med chos/ chos rnams kun kyang bde bar gshegs dang 'dra// byis pa'i blo can mtshan mar 'dzin pa rnams/ 'jig rten dag na med pa'i chos la spong // de bzhin gshegs pa zag med dge ba yi// chos kyi gzugs brnyan yin te 'di la ni/ de bzhin nyid med de bzhin gshegs pa'ang med// 'jig rten kun na gzugs brnyan kun tu snang // 'jam dpal 'di lta ste/ dper na nyi ma'i dkyil 'khor gyi 'od gzer dag ni/ 'dzam bu gling du dang po kho nur ri'i dbang po'i rgyal po chen po rnams snang bar byed do// de'i 'og tu ri'i 'khor yug chen po rnams snang bar byed do// de'i 'og tu ri chen po gzhan dag snang bar byed do// de'i 'og tu ri nag po rnams snang bar byed do// de'i 'og tu sa phyogs mthon po dag snang bar byed do// de'i 'og tu 'dzam bu gling 'di'i sa phyogs dma' ba dma' ba dag kyang snang bar byed do/ / 'jam dpal 'on kyang nyi ma'i 'od gzer de dag ni rtog par mi byed/ rnam par rtog par mi byed/ sems par mi byed/ rnam par sems par mi byed/ 'jam dpal nyi ma'i 'od gzer rnams ni/ sems dang yid dang / rnam par shes pa dang bral ba/ ma skyes pa/ ma 'gags pa/ mtshan nyid med pa/ mtshan nyid dang bral
- 287b
pa/ yid la byed pa med pa/ yid la byed pa dang bral ba/ spros pa med pa/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin/ pha rol na gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden pa smra ba ma yin/ brdzun pa smra ba ma yin/ pha rol na ma yin/ tshu rol na ma yin/ 'gram na ma yin// gshong na ma yin/ thang la ma yin/ chu bo ma yin/ rtog ge'i spyod yul ma yin/ rtog ge'i ma yin pa'i spyod yul ma yin/ gzugs can ma yin/ gzugs med pa ma yin mod kyi// 'jam dpal 'on kyang sa gzhi mtho ba dang / dma' ba dang / bar ma'i bye brag gis/ snang ba chen po dang chung ngu dang bar ma'i 'od gzer sna tshogs snang bar 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rtog par mi byed/ rnam par rtog par mi byed/ sems par mi byed/ rnam par sems par mi byed de// 'jam dpal de bzhin gshegs pa ni sems dang yid dang rnam par shes pa dang bral ba/ ma skyes pa ma 'gags pa/ mtshan nyid med pa/ mtshan nyid dang bral ba// yid la byed pa med pa
- 288a
yid la byed pa dang 'bral ba/ spros pa med pa/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin// pha rol na gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden pa gsung ba ma yin/ brdzun pa gsung ba ma yin/ tshu rol na ma yin/ pha rol na ma yin/ 'gram na ma yin// gshong na ma yin/ zang la ma yin/ chu bon ma yin/ thams cad mkhyen pa ma yin/ thams cad mi mkhyen pa ma yin/ rtog ge ma yin/ rtog ge med pa ma yin/ spyod pa ma yin/ spyod pa med pa ma yin/ kun tu 'byung ba ma yin/ kun tu mi 'byung ba ma yin/ dran pa dang ldan pa ma yin/ dran pa dang mi ldan pa ma yin/ sems pa ma yin/ sems pa med pa ma yin/ yayid ma yin yid med pa ma yin/ sgra skad ma yin/ sgra skad med pa ma yin/ ming ma yin/ ming med pa ma yin/ gzugs ma yin/ gzugs med pa ma yin// brjod pa ma yin// brjod du med pa ma yin/ gdags pa ma yin/ gdags su med pa ma yin/ bltar snang ba ma yin/ bltar mi snang ba ma yin/ tshul ma yin/ tshul med pa ma yin/
- 288b
lam bston pa ma yin/ lam mi ston pa ma yin/ 'bras bu thob pa ma yin/ 'bras bu ma thob pa ma yin/ rtog pa ma yin/ rtog pa med pa ma yin/ rtog pa dang 'bral ba ma yin/ rtog pa dang ma bral ba ma yin mod kyi/ 'jam dpal 'on kyang de bzhin gshegs pa nyi ma'i dkyil 'khor gyi ye shes kyi 'od gzer dag ni/ khams gsum po de dag tu chos kyi dbyings mtha' dang dpung med pa dag la/ thogs pa med pa'i 'od gzer gyi snang ba dag gtong bar mdzad cing / ye shes kyi 'od gzer gtang ba dag gis kyang / dang po kho nar byang chub sems dpa' lhag pa'i bsam pa ri'i dbang po'i rgyal po chen po lta bu dang ldan pa rnams kyi lus la 'bab par 'gyur ro/ / de'i 'og tu rang sangs rgyas kyi theg pa la yang dag par zhugs pa rnams kyi lus la 'bab par 'gyur ro/ / de'i 'og tu nyan thos kyi theg pa la yang dag par zhugs pa rnams kyi lus la 'bab par 'gyur ro// de'i 'og tu sems can lhag pa'i bsam pa dge ba dang / mos pa ji lta ba dang ldan pa rnams kyi lus la 'bab par 'gyur ro/ / de'i 'og tu de bzhin gshegs pa nyi ma'i dkyil 'khor gyi ye shes kyi 'od gzer dag tha na sems can log pa nyid du nges pa'i sems kyi rgyud dang ldan pa rnams kyi lus la 'bab par gyur zhing / de dag la ma 'ongs pa'i rgyu yang dag par bskyed pas phan 'dogs pa dang / dge ba'i chos rnams kyi yang dag par 'phel bar yang byed do//
- 289a
'jam dpal de bzhin gshegs pa ni de dag la yang thams cad du mnyam zhing btang snyoms la/ rnam par mi rtog cing / bye brag mi byed do// 'jam dpal de bzhin gshegs pa nyi ma'i dkyil 'khor gyi ye shes kyi 'od gzer ni 'di snyam du/ bdag gis sems can 'di la ni chos rgya chen po bstan par bya'o// 'di la ni bstan par ma bya'o// snyam du yang mi sems la/ 'di snyam du sems can 'di ni rgya chen po la mos pa yin no// 'di ni bar ma la mos pa yin no// 'di ni nyan thos kyi theg pa la mos pa yin no// 'di ni bsam pa dge ba yin no/ / 'di ni dman pa dang / log pa la mos pa yin no// snyam du rnam par rtog par mi byed do// 'jam dpal de bzhin gshegs pa ni 'di snyam du/ sems can 'di ni rgya chen po la mos pa yin gyis/ 'di la ni theg pa chen po bstan par bya'o// 'di ni lhag pa'i bsam pa bar ma la mos pa yin gyis/ 'di la ni rang sangs rgyas kyi theg pa bstan par bya'o// bad ni nyan thos kyi theg pa la mos pa yin gyis/ 'di la nyan thos kyi theg pa bstan par bya'o// sems can bsam pa dge ba rnams kyi/ bsam pa brtogs par byas nas/ bsam pa rnam par sbyang bar bya'o// sems can log pa nyid du mos pa'i bar dag ni/ lta ba drang por bya zhing / ji ltar rjes su mthun pa'i chos bstan par bya'o// snyam du mi sems te/ de bzhin gshegs pa nyi ma'i dkyil
- 289b
sa shes kyi 'dug zer nA~M/ de ltar rnam par rtog par mi byed // tsang bya zhen/ de bzhin pa gas panyisa'i dkyil 'gyur gyi shes kyi 'odag byung na/ / rnam par rtog pa dang / dus sa ga pa dang / mas nga dag pa ro// 'angs dpa la khon kyang sems samams kyi p a'i rgyud sna tshogs pa/ de bzhin gshegs pa ni ma'i dkyil 'khor gyis ye shes kyi bdag zer gyi snang ba sna tshogs dag 'byung bar yang 'gyur ro// baphags pa sangs rgyas thams cad kyi yul la 'jug pa ye shes snang ba'i rgyun ces bya ba theg pa chen pa mdo/ / bam gri gnyis pa/ ba mdapal 'di lta ste dper na/ rnamamatshan pa nang na/ nor bu chen pa rgya chen po bsam pa thams cad yongs su rdzogs par byed pa zhes bya ba zhig yod de/ de rgyal mtshan gyi gyi mol btags na/ de las sems can gang gibasam paci'i dra ba des rna lung pa sems canarnams pa mni nga ban na na pa hrI sa da/ sems pa da/ rnas pa mas pa sems / mas nga / ded dang rnam pa tshags pa thal pa // 'angam dpa bzhin gshegs pa sa tshasems das par rdzogs ma
- 290a
mi byed/ rnam par rtog par mi byed/ sems par mi byed/ rnam par sems par mi byed cing / sems pa med pa/ sems med pa/ sems dang yid dang / rnam par shes pa dang bral ba ma bzung ba yongs su gzung bar bya ba ma yin pa ma thob pa/ thob par bya ba ma yin pa/ so so'i bden pa bsal ba/ 'dod chags bsal ba/ zhe sdang bsal ba gti mug bsal ba/ bden pa ma yin brdzun pa ma yin rtag pa ma yin/ mi rtag pa ma yin/ 'od ma yin/ 'od med pa ma yin/ 'jig rten ma yin/ 'jig rten med pa ma yin/ rtog pa med pa/ dpyod pa med pa/ ma skyes pa/ ma 'gags pa/ bsam tu med pa/ rab tu bsam du med pa/ rang bzhin med pa/ rang bzhin gyi gzhi med pa/ rang bzhin stong pa blang ba med pa/ dor ba med pa/ mngon par zhen par bya ba med pa/ brjod du med pa/ brjod pa yang dag par rgyun chad pa/ kun tu dga' ba med pa/ kun tu dga' ba dang bral ba kun tu dga' ba nges par bcom pa/ grangs su bgrang ba ma yin pa/ grangs su bgrangs pa dang bral ba/ 'gro ba med pa/ 'gro bar 'gro ba med pa/ 'gro ba thams cad yang dag par rgyun chad pa/ brjod pa thams cad yang dag par rgyun chad pa/ ltar mi snang ba/ mi mthong ba/ gzung du med pa/ tha snyad med pa/ nam mkha' ma yin/ tha gab med pa ma yin/ gzung
- 290b
bar bya ba ma yin/ gzung bar mi bye ba ma yin/ bltar snang ba ma yin/ bstan par bya ba yin/ tshogs pa ma yin/ tshogs pa med pa ma yin/ brtag pa ma yin/ rnam par brtag/ pa ma yin/ rnam par bsgrubs pa ma yin/ kun tu bstan pa ma yin/ kun nas nyon mongs pa can ma yin/ yongs su sbyang bar 'os pa yin/ ming med pa/ gzugs med pa/ mtshan ma med pa/ las kyi rnam par smin pa med pa/ 'das pa ma yin/ ma 'ong ba ma yin/ da ltar 'byung ba ma yin/ ci yang ma yin/ nyon mongs pa med pa/ yi ge med pa/ sgra skad med pa sgra skad thams cad las yang dag par 'das pa/ sgra med pa/ mtshan nyid med pa/ mtshan nyid thams cad dang bral ba/ nang na mi dmigs/ phyi rol na mi dmigs/ gnyis ka med pa yang mi dmigs pa yin mod kyi/ 'jam dpal 'on kyang de bzhin gshegs pa'i lhag pa'i bsam pa yongs su dag pa'i ye shes rin po che/ snying rje chen po'i rgyal mtshan gyi rtse mo la btags na/ de las sems can gang yin pa de'i bsam pa dang / mos pa ji lta ba de lta bu'i chos bstan pa 'byung bar sems can rnams kyis kun tu shes kyang / de bzhin gshegs pa ni de dag la yang thams cad du mnyam zhing btang snyoms la/ rnam par mi rtog cing bye brag mi 'byed do// 'jam dpal 'di lta ste dper na/ brag cha ni gzhan gyi rnam par rig pa las 'byung
- 291a
bar sems can rnams kyi kun tu shes kyang / de ni 'das pa ma yin/ ma'ong ba ma yin/ da ltar byung ba ma yin/ nang na ma yin/ phyi rol na ma yin/ gnyis ka med pa yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin// shes rab med pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol ba med pa ma yin/ kha na ma tho ba dang bcas pa ma yin/ kha na ma tho ba med pa ma yin/ dran pa dang ldan pa ma yin/ dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin// chu'i khams ma yin/ me'i khams ma yin/ rlung gi khams ma yin/ 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ med pa ma yin/ bltar snang ba ma yin/ bltar mi snang ba ma yin/ yi ge med pa/ sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa mtshan nyid med pa/ mtshan nyid dang bral ba/ zhi ba ma yin/ ma zhi ba ma yin/ ring po ma yin/ zung du ma yin/ sems pa yod pa ma yin/ sems pa med pa ma yin/ sems
- 291b
/ yod pa ma yin/ sems med pa ma yin/ snang ba ma yin/ mi snang ba ma yin/ bstan du yod pa ma yin/ bstan du med pa ma yin/ rang bzhin stong pa/ dran pa med pa/ yid la byed/ pa/ rtog pa med pa/ dpyod pa med pa/ sems dang yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing / bye brag mi 'byed pa/ dus gsum las yang dag par 'das pa yin mod kyi/ 'jam dpal 'on kyang sems can lhag pa'i bsam pa tha dad pa rnams kyi sgra skad dang rnam par rig pa sna tshogs dag las/ brag cha'i sgra skad sna tshogs dag 'byung bar 'gyur zhing / de dag kyang sems can rnams kyis de kho na bzhin du kun tu shes par 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'das pa ma yin/ ma 'ongs pa ma yin/ da ltar 'byung ba ma yin/ nang na ma yin/ phyi rol ma yin zhing / gnyi ga med par yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin/ shes rab med pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol ba med pa ma yin/ kha na ma tho ba dang bcas pa ma yin/ kha na ma tho med pa ma yin/ dran pa dang ldan pa ma yin//
- 292a
dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin/ chu'i kham/ ma yin/ me'i khams ma yin/ rlung gi khams ma yin/ 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ sgra med pa ma yin// bltar snang ba ma yin/ bltar mi snang ba ma yin/ yi ge med pa/ sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa mtshan nyid dang bral ba/ zhi ba ma yin/ ma zhi ba ma yin/ ring po ma yin thung ngu ma yin/ sems pa yod pa ma yin/ sems pa med pa ma yin/ sems yod pa yin/ sems med/ pa ma yin/ snang ba ma yin/ mi snang ba ma yin/ bstan du yod pa ma yin/ bstan du med pa ma yin/ rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med pa/ sems dang yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing bye brag mi 'byed la/ dus gsum las yang dag par 'das pa yin mod kyi/ 'jam dpal 'on kyang sems can mos pa tha dad pa rnams kyis lhag pa'i bsam pa dang / rnam par rig pa sna tshogs dag las de bzhin gshegs pa'i gsung 'byung bar kun
- 292b
tu shes par 'gyur ro/ / 'jam dpal 'di lta ste/ dper nas la brten cing sa la gnas nas/ rtswa dang shing gel ba dang rtsi dang nags tshal thams cad 'phel zhing rgyas pa dang yangs par 'gyur ya/ 'jam dpalas ni rtog par mi byed/ rnam par rtog par mi byed do// thams cad du mnyam zhing rnam par mi rtog la/ bye brag mi byed cing sems par mi byed de/ sems dang yid dang / rnam par shes pa dang bral ba yin no/ / 'jam dpal de bzhin du de bzhin gshegs pa la brten cing de bzhin gshegs pa la gnas nas/ sems can nyan thos kyi theg pa pa'am/ rang sangs rgyas kyi theg pa 'am/ theg pa chen po pa thams cad kyi dge ba'i rtsa ba thams cad kyang 'phel zhing rgyas pa dang yangs par 'gyur la/ de bzhin gshegs pa la brten cing / de bzhin gshegs pa la gnas nas/ spyod pa pa dang / kun tu rgyu dang / gcer bu pa la sogs pa mu stegs can gyi gnas gzhan thams cad kyi dge ba'i rtsa ba thams cad dang / tha na log par nyid du nges pa rnams kyi dge ba'i rtsa ba gzhan gang dag yin pa de dag thams cad kyang / 'phel zhing rgyas pa dang yangs par 'gyur mod kyi/ 'jam dpal 'on kyang de bzhin gshegs pa ni rtog par mi byed/ rnam par rtog par mi byed de/ 'jam dpal de bzhin gshegs pa dgra bcom pa yang dag par rdzogs pa'i sangs rgyas ni/ rtog pa dang rnam par rtog pa dang dmigs pa dang yid la byed pa thams cad rgyun chad pa/
- 293a
sems dang yid dang / rnam par shes pa dang bral ba/ rtog ge ma yin/ rtog ge'i spyod yul ma yin/ mi snang ba/ mi mthong ba/ bsam du med pa/ bsam par bya ba ma yin pa/ yid la byed pa med pa/ sems pa med pa/ sems dang yid dang / rnam par shes pa dang bral ba/ thams cad du mnyam zhing btang snyoms la/ rnam par mi rtog cing bye brag mi byed do/ / 'jam dpal 'di lta ste/ dper na nam mkha' ni thams cad du mnyam zhing rnam par mi rtog la bye brag mi byed de/ ma skyes pa/ ma 'gags pa/ 'das pa ma yin/ ma 'ongs pa ma yin/ da ltar byung ba ma yin/ mtshan gzhi med pa/ spros pa med pa/ gzugs med pa/ brtan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhal ba las yang dag par 'das pa/ dpe med pa/ dpe las yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang yid dang / rnam par shes pa dang bral ba/ mtshan nyid med pa/ yi ge med pa/ sgra med pa/ yid la byed pa med pa/ blangs pa med pa/ dor ba med pa gdeg pa med pa/ gzhag pa med pa/ tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam dpal 'on kyang sems can rnams
- 293b
kyi dbyings chung dru dang / 'bring dang / chen po dag gis nam mkha' yang chung ngu dang 'bring dang chen por kun tu shes par 'gyur ro// 'jam dpal de bzhin du de bzhin gshegs pa dgra bcoM/ pa yang dag par rdzogs pa'i sangs rgyas kyang / thams cad du mnyam zhing rnam par mi rtog pa la bye brag mi 'byed de/ ma skyes pa/ ma 'grags pa/ 'das pa ma yin/ ma 'ongs pa ma chin da ltar byung ba ma yin/ mtshan gzhi med pa/ spros pa med pa/ gzugs med pa/ bstan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhan ba las yang dag par 'das pa/ dpe med pa/ dpe las yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang yid dang / rnam par shes pa dang / bral ba/ mtshan nyid med pa/ yi ge med pa/ sgra med pa/ yid la byed pa med pa/ blang ba med pa/ dor ba med pa/ gdegs pa med pa/ gzhag pa med pa/ tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam dpal 'on kyang sems can dman pa dang 'bring dang mchog gang dag yin pa de dag gis/ de bzhin gshegs pa yang dman pa dang 'bring dang mchog tu mthong ngo // 'jam dpal de bzhin gshegs pa ni 'di snyam du/ sems can 'di ni bsam pa dang mos pa dman pa yin gyis/ sems
- 294a
can 'di la ni gzugs kyi sku'i kha dog yongs su 'grub pa dman pa bstan par bya'o/ / sems can 'di ni bsam pa dang mos pa 'bring yin gyis/ sems can 'di la ni gzug/ kyi sku'i kha dog yongs su 'grub pa 'bring bstan par bya'o// sems can 'di ni bsam pa dang mos pa rgya che ba yin gyis/ sems can 'di la gzugs kyi sku'i kha dog yongs su 'grub pa rgya chen po bstan par bya'o snyam du mi sems so/ / 'jam dpal chos ston pa yang de bzhin du rtog par bya ste/ 'jam dpal de bzhin gshegs pa ni 'di snyam du/ sems can 'di ni dman pa la mos pa yin gyis sems can 'di la ni nyan thos kyi theg pa'i gtam dman pa brjod par bya'o/ / sems can 'di ni bar ma la mos pa yin gyis/ sems can 'di la ni rang sangs rgyas kyi theg pa'i gtam par ma brjod par bya'o/ / sems can 'di ni rgya chen po la mos pa yin gyis/ sems can 'di la ni theg pa chen po'i gtam rgya chen po brjod par bya'o snyam du mi sems so// 'jam dpal de bzhin gshegs pa ni 'di snyam du sems can 'di ni sbyin pa la mos pa yin gyis/ sems can 'di la ni sbyin pa'i gtam brjod par bya'o// sems can 'di ni tshul khrims dang / bzod pa dang / brtson 'grus dang / bsam gtan la mos pa yin gyis/ sems can 'di la ni bsam gtan gyi gtam brjod par bya'o snyam du mi sems so// 'jam dpal de bzhin du de bzhin gshegs pa ni 'di snyam du/ sems
- 294b
can 'di ni shes rab kyi pha rol tu phyin pa la mos pa yin gyi/ sems can 'di la ni shes rab kyi pha rol tu phyin pa'i gtam brjod par bya'o snyam du yang mi sems te/ 'jam dpal de bzhin gshegs pa la ni rnam par rtog pa de lta bu dag med de/ de ci'i phyir zhe na/ 'jam dpal de bzhin gshegs pa ni chos kyi sku yin pa'i phyir te/ 'jam dpal de bzhin gshegs pa ni shin tu ma skyes pa dang / ma 'gags pa yin no// 'jam dpal de bzhin gshegs pa'i rnam par shes pa ni/ ming dang gzugs dang nges pa'i tshig gi rjes su 'brang zhing 'byung ba ma yin te/ 'jam dpal de bzhin gshegs pa ni rtog par mi byed/ rnam par rtog par mi byed pa yin no// 'jam dpal de bzhin gshegs pa ni skad cig pa ste/ mi zad pa'i mtshan nyid dang / mi zad pa'i mtha' dang / yang dag pa'i mtha' nges par yin no// 'jam dpal de bzhin gshegs pa dgra bcom pa yang dag par rdzogs pa'i sangs rgyas ni/ chos thams cad kyis mnyam pa nyid kyi mtha' dang / gnyis su med pa'i mtha' dang / shin tu 'byung ba med pa'i mtha' yin te/ thams cad du mnyam zhing rnam par mi rtog la bye brag mi byed de/ dman pa ma yin/ bar ma ma yin/ mchog ma yin no// 'jam dpal de bzhin du chos thams cad kyang mnyam zhing rnam par mi rtog la bye brag mi byed de/ dman pa ma yin/ bar ma ma yin/ mchog ma yin no//
- 295a
de ci'i phyir zhe na/ 'jam dpal chos thams cad ni dmigs su med pa'i phyir te/ 'jam dpal chos thams cad kyi dmigs su med pa gang yin pa de ni mnyam pa nyid// yin no// mnyam pa nyid gang yin pa de ni gnas pa nyid yin no// gnas pa nyid gang yin pa de ni mi g.yo ba nyid yin no// mi g.yo ba nyid gang yin pa de ni mi rten pa nyid yin no// chos thams cad la mi rten pa'i sems kyi gnas med do/ / sems mi gnas pa ni skye ba med par gyur te/ de ltar mthong ba'i sems dang sems las byung ba rnams ni phyin ci ma log par 'jug par 'gyur ro// gang gi sems phyin ci ma log par nges ni ci lta ba bzhin thob par 'gyur ro/ / ci lta ba bzhin thob pa ni 'phro bar mi byed do// spros pa med pa la ni spyod pa yang med do// gang gi tshe spyod par mi byed pa de'i tshe mi 'khor ro/ / gang gi tshe mi 'khor ba de'i tshe rnam par mi 'phro ste/ rnam par 'phro ba med pa ni chos nyid dang 'gal bar mi byed do// chos nyid dang mi 'gal ba ni thams cad dang rjes su mthun par 'gyur ro// thams cad dang rjes su mthun pa ni chos kyi rang bzhin las mi g.yo'o/ / chos kyi rang bzhin las mi g.yo bas ni chos kyi rang bzhin thob par 'gyur ro// chos kyi rang bzhin thob pa ni cung zad kyang 'phro bar mi byed do// de ci'i phyir zhe na/ 'jam dpal rgyu dang rkyen gyis bskyed pa'i phyir te/ rgyu dang rkyen gyis bskyed pa gang yin pa de ni shin tu ma skyes pa yin no// shin tu ma skyes pa gang yin pa des ni nges pa thob bo// nges pa
- 295b
thob pa gang yin pa de na chos thams cad yid la byed pa dang lhan cig mi gnas te/ gang gi tshe chos thams cad yid la byed pa dang lhan cig mi gnas pa de'i tshi gnas par bya ba med pa yin no// gang / gi tshe gnas par bya ba med pa de'i tshe mi 'byung mi 'jig go// gang gi tshe mi 'byung mi 'jig pa de'i tshe gnas shing chos thob par 'gyur ro// gang gi tshe gnas shing chos thob pa de'i tshe tshul bzhin gyi chos la zhugs par 'gyur ro/ / tshul bzhin gyi chos la zhugs pa la ni gang sangs rgyas kyi chos ma yin pa'i chos de yang 'ga' yang med do// de ci'i phyir zhe na/ 'jam dpal stong pa nyid rjes su rtogs pa'i phyir te/ stong pa nyid rjes su rtogs pa gang yin pa de ni byang chub bo// des de ltar stong pa nyid dang / mtshan ma med pa dang / smon pa med pa dang / mngon par 'du bya ba med pa dang / gnas med pa dang / 'byung ba med pa dang / gzung ba med pa dang / gzhi med pa rjes su rtog pa'i phyir byang chub ste/ byang chub ni tshul bzhin la sbyor ba'o// tshul bzhin la sbyor ba zhes bya ba ni/ gdeg pa med pa dang / gzhag pa med pa dang / bya ba med pa dang / rnam par bya ba med pa la sbyor ba dang / chags pa med pa dang / grol ba med pa la sbyor ba dang / gcig pa nyid ma yin pa dang / tha dad pa nyid ma yin pa la sbyor ba dang / 'ongs pa ma yin pa la sbyor ba dang / tshul bzhin la sbyor ba yin no// tshul bzhin gang yin pa la sbyor ba de la ni/ sbyor ba yang med/ spang ba yang med/ 'bras bu mngon
- 296a
sum du bya ba yang med do/ / de ci'i phyir zhe na/ 'jam dpal sems ni rang bzhin gyis 'od gsal ba'i phyir te/ de ni glo bur gyi nye ba'i nyon mongs pa rnams kyis nye bar nyon mongs par/ zad kyi rang bzhin gyis kun nas nyon mongs pa ni ma yin no// rang bzhin gyis kun nas 'od gsal ba nyid gang yin pa de ni/ kun nas nyon mongs pa med pa nyid yin no// kun nas nyon mongs pa med pa gang yin pa de ni/ gnyen po gang gis nyon mongs pa spong bar 'gyur ba'i gnyen po med do// de ci'i phyir zhe na/ 'jam dpal de ni dag pa nyid gang yin pas/ dag pa ni dag par mi 'gyur ba'i phyir dag pa gang yin pa de ni skye ba med pa'o/ / skye ba med pa gang yin pa de ni ma smad pa'o// ma smad pa gang yin pa de ni 'dod pa spangs pa'o// 'dod pa spangs pa gang yin pa de ni sred pa thams cad 'gag go/ gang la sred pa thams cad 'gags pa de ni mi skye ba'o// mi skye ba gang yin pa de ni byang chub bo// byang chub gang yin pa de ni mnyam pa nyid do// mnyam pa nyid gang yin pa de ni de bzhin nyid do/ / de bzhin nyid la ni 'dus byas dang 'dus ma byas kyi chos thams cad gnas so// de bzhin nyid gang yin pa de ni 'dus byas kyang med/ 'dus ma byas kyang med/ gnyis su gdags pa yang med do/ / gang la 'dus byas kyang med/ 'dus ma byas kyang med/ gnyis su gdags pa yang med pa de ni de bzhin nyid do// de bzhin nyid gang yin pa de ni gzhan ma yin pa de bzhin nyid do// gzhan
- 296b
ma yin pa de bzhin nyid ga yin pa de ni 'gyur ba med pa de bzhin nyid do/ / 'gyur ba med pa de bzhin nyid gang yin pa de ni 'ongs pa med pa de bzhin nyid do// 'ong ba med pa de bzhin nyid gang yin pa de ni gro pa med pa de bzhin nyid do/ / 'gro ba med pa de bzhin nyid gang yin pa don ci skye ba bzhin de bzhin nyid do// ji lta ba bzhin de bzhin nyid gang yin pa de ni rnams yang de bzhin nyid ma yin pa ma yin no// nam yang de bzhin nyid ma yin pa ma yin pa gang yin pa de ni kun nas nyon mongs par mi 'gyur/ rnam par byang bar mi 'gyur ro// gang kun nas nyon mongs par mi 'gyur/ rnam par byang bar mi 'gyur/ ba de ni skye bar mi 'gyur/ 'gag par mi 'gyur ro// gang skye bar mi 'gyur/ 'gag par mi 'gyur ba de ni mya ngan las 'das pa dang mnyam mo// gang mya ngan las 'das pa dang mnyam pa de ni 'khor bar mi 'gyur/ yongs su mya ngan las 'das par mi 'gyur ro// gang 'khor bar mi 'gyur/ yongs su mya ngan las 'das par mi 'gyur ba de ni 'das pa ma yin/ ma 'ongs pa ma yin/ da ltar 'byung ba ma yin no/ / gang 'das pa ma yin/ ma 'ongs pa ma yin/ da ltar byung ba ma yin pa de ni dman pa ma yin par ma ma yin/ mchog ma yin no// gang dman pa ma yin/ bar ma ma yin mchog ma yin pa de ni de bzhin nyid de/ de bzhin nyid ces bya ba de ni de kho na'i don gyi tshig bla dgas yin no// de kho na zhes bya ba ni de bzhin nyid kho na'o// de bzhin nyid kho na ni de bzhin nyid do// de bzhin
- 297a
nyid dang bdag de ni gnyis su med de gnyis su dbyer med do/ / gnyis su med pa'i don gang yin pa de ni byang chub ste/ byang chub ni don rtogs pa'o// don ces bya ba ni chos bstan pa thams cad la rnam par thar pa'i sgo gsum du 'jug pa shes pa'o/ / shes pa zhes bya ba ni chos thams cad la dus gsum mnyam pa nyid du 'jug pa'o// chos thams cad kyi dbyer med/ pa'i don ces bya ste/ don ni sgra med pa/ brjod du med pa tha snyad med pa/ tha snyad yang dag par chad pa yin no// shes pa bya zhes bya ba ni don rjes su rtogs pa'i shes pa dang / rnam par shes pa rjes su rtogs pa'i shes pa gang yin pa ste/ de ni shes pa zhes bya'o// don ces bya ba ni/ de kho na'i don shes pa dang / rnam par shes pa rjes su rtogs pa'i shes pas nges par rtogs pa gang yin pa ste/ de nyid chos nyid yin no// chos nyid gang yin pa de ni don yin no// don rjes su rtogs pa'i shes pa dang / rnam par shes pa rjes su rtogs pa'i shes pa dang nges pa'i don rjes su rtogs pa'i shes pas rjes su rtogs pa gang yin pa de ni chos nyid do/ / chos nyid gang yin pa de ni don yin no// don gang yin pa de ni chos nyid dang / chos gnas pa nyid dang chos nges pa nyid dang / chos nges pa'i chos nyid de/ de ni chos la 'jug par mi 'gyur ro// chos lam zhugs pa gang yin pa dang / don dang tshigs 'bru mnyam pa nyid gang yin pa de ni/ gnyis su med pa'i
- 297b
don gyis mnyam pa nyid yin te/ mnyam pa nyid gang yin pa doni don yin no// don shes pa dang rnam par shes pa la mnyam pa nyid gang yin pa de ni/ gnyis su med pa'i sgor 'jug pas na shes pa yin no/ / nges pa'i don dang / drang ba'i don mnyam pa nyid kyis don mnyam pa de ni stong pa nyid do// stong pa nyid du don mnyam pas gang zag mnyam pa nyid mnyam mo// gang zag mnyam papa nyid kyis chos mnyam pa nyid mnyam mo/ / chos mnyam pa nyid kyis rnam par grol ba mnyam pa nyid mnyam ste/ rnam par grol ba mnyam pa nyid rjes su rtog pa ni byang chub bo// 'jam dpal gzugs la chags par gyur pa rnams kyis mig ni chags pa yin no/ / gzugs dang mig gi rang bzhin shes pa ni chags pa med pa yin no// lta ba la chags pas chags par gyur pa rnams kyi rang gi lus ni chags pa yin no/ / lta bar gyur pa thams cad kyi rang gi lus kyi rang bzhin stong pa nyid du shes pa ni chags pa med pa yin no// tshul bzhin ma yin pa yid la byed pa la chags pas chags par gyur pa rnams kyi chos kyi snang ba ni chags pa yin no/ / tshul bzhin yid la byed pa'i chos la so sor rtog cing ngo bo nyid kyis rang bzhin stong pa nyid du shes pa ni chags pa med pa yin no// the tsom gyi dri ma la chags pas chags par gyur pa rnams kyis thar pa ni chags pa yin no/ / mos pa dang / rnam par grol ba yang dag pa ji lta ba bzhin du shes pa ni chags pa med pa yin na// le lo'i dri ma la chags pas chags
- 298a
par gyur pa rnams kyi rtogs par bya ba la brtson 'grus brtan pa nyid ni chags pa yin no/ / chos ji lta ba bzhin du rtogs pa ni chags pa med pa yin no// sgrib pa la chags// pas chags par gyur pa rnams kyis byang chub kyi yan lag rnams ni chags pa yin no// sgrib pa med pa'i rnam par thar pa shes pa ni chags pa med pa yin no// rang bzhin gyis yongs su dag pa'i/ chos thams cad ni rgyu dang rkyen tshogs pa las byung ba ste/ de la byang chub sems pas kun nas nyon mongs pa'i rgyu dang / rnam par byang ba'i rgyu yongs su shes par bya zhing / kun nas nyon mongs pa'i rgyu rnam par dag pa dang rnam par byang ba'i rgyu rnam par dag pas kyang gnas par mi bya'o/ / bdag kun nas slong ba dang lta ba kun nas nyon mongs pa'i rgyu yin no// chos bdag med pa la 'jug pa'i bzod pa ni rnam par byang ba'i rgyu yin no/ / ngar 'dzin pa dang / nga rgyal gyi lta ba ni kun nas nyon mongs pa'i rgyu yin no// nang nye bar zhi ba dang phyi rol du rgyu ba med pa ni rnam par byang ba'i rgyu yin no// 'dod pa dang gnod sems dang rnam par 'tshe ba dang rtog pa dag ni kun nas nyon mongs pa'i rgyu yin no// mi sdug pa dang byams pa dang snying rje dang dga' ba dang btang snyoms dang brten pa'i chos la 'jug pa'i bzod pa ni rnam par byang ba'i rgyu yin no/ / phyin ci log bzhi ni kun nas nyon mongs pa'i rgyu yin no// yang dag pa'i dran pa nye bar gzhag pa bzhi ni rnam par byang ba'i rgyu yin no//
- 298b
sgrib pa lnga ni kun nas nyon mongs pa'i rgyu yin no// dbang po lnga ni rnam par byang ba'i rgyu yin no// skye mched drug ni kun nas nyon mongs pa'i rgyu yin no// rjes su dran pa drug ni rnam par byang ba'i rgyu/ yin no// dam pa ma yin pa'i chos bdun ni kun nas nyon mongs pa'i rgyu yin no// byang chub kyi yan lag bdun ni rnam par byang ba'i rgyu yin no// log pa nyid brgyad ni kun nas nyon mongs pa'i rgyu yin no/ / yang dag pa nyid brgyad ni rnam par byang ba'i rgyu yin no// kun nas mnar sems kyi dngos po dgu ni kun nas nyon mongs pa'i rgyu yin no// mthar gyis gnas pa'i snyoms par 'jug pa dgu ni rnam par byang ba'i rgyu yin no/ / mi dge ba bcu'i las kyi lam ni kun nas nyon mongs pa'i rgyu yin no// dge ba bcu'i las kyi lam ni rnam par byang ba'i rgyu yin no// mdor na mi dge ba yid la byed pa thams cad ni kun nas nyon mongs pa'i rgyu yin no/ / dge ba yid la byed pa thams cad ni rnam par byang ba'i rgyu yin no// de la ni kun nas nyon mongs pa'i rgyu gang yin pa dang / rnam par byang ba'i rgyu gang yin pa'i chos de dag thams cad ni rang bzhin gyis stong pa dang / sems can med pa dang / srog med pa dang / gang zag med pa dang / bdag med pa dang / yongs su 'dzin pa med pa dang / byed pa med pa dang / sgyu ma lta bu dang / mtshan nyid med pa dang / nang nye bar zhi ba yin no// nang nye bar zhi ba gang yin pa de ni rab tu zhi ba'o// rab tu zhi ba gang yin pa de ni rang
- 299a
bzhin no/ / rang bzhin gang yin pa de ni dmigs su med pa'o// dmigs su med pa gang yin pa de ni gnas med pa'o// gnas med pa gang yin pa de ni de kho na'o// de kho na ni nam mkha' ste/ des chos thams cad nam mkha' lta bu rab tu shes na/ kun nas nyon mongs pa dang rnam par byang bas spyod kyang / nam mkha'i chos nyid dag mi spong ngo // de ci'i phyir zhe na/ 'jam dpal gang la skye ba 'am/ 'gag par 'gyur ba'i chos de gang yang med pa'i phyir ro// 'jam dpal gyis gsol pa/ bcom ldan 'das bo na de bzhin gshegs pas byang chub ji ltar brnyes lags/ bcom ldan 'das kyis bka' stsal pa/ 'jam dpal de bzhin gshegs pas rtsa ba med pa dang gnas med pa'i byang chub thob bo// rkye ma 'jam dpal gyis gsol pa/ bcom ldan 'das de la rtsa ba ni gang lags/ gnas na gang lags/ bcom ldan 'das kyis bka' stsal pa/ 'jam dpal 'jigs tshogs ni rtsa ba yin no// yang dag pa yin pa'i kun tu rtogs pa ni gnas yin no/ / 'jam dpal de la de bzhin gshegs pas byang chub mnyam pa nyid kyis chos thams cad mnyam pa nyid du shes te/ 'jam dpal de'i phyir de bzhin gshegs pas rtsa ba med pa dang / gnas med par byang chub mngon par rdzogs par sangs rgyas zhes bya'o// 'jam dpal byang chub ni zhi ba dang / nye bar zhi ba yin te/ de la zhi ba ni gang / nye bar zhi ba ni gang zhe na/ nang ni zhi ba yin
- 299b
no/ / phyi rol ni nye bar ni ba yin no// de ci'i phyir zhe na/ 'jam dpal mig ni bdag dang bdag gis stong ste/ de'i rang bzhin de yin pa'i phyir de ni ni bzhes bya'o// des mig stong pa zhes bya bar yongs su shes nas/ gzugs rnams la mi rgyug ste/ de'i phyir nye bar zhi ba zhes bya'o// de bzhin du rna ba ni bdag dang bdag gis stong ste/ de'i rang bzhin de yin pa'i phyir ro mi ni ba zhes bya'o// des na bcwo pa zhes bya bar yongs su shes nas/ sgra rnams la mi rgyug ste/ de'i phyir nye bar zhi ba zhes bya'o// sna ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des sna stong pa zhes bya bar yongs su shes nas/ dri rnams la mi rgyug ste/ de'i phyir nye bar zhi ba zhes bya'o// lce ni bdag dang bdag gis stong ste/ de'i rang bzhin de yin pa'i phyir de ni zhing zhes bya'o// des lce stong pa zhes bya bar yongs su shes nas/ ro rnams la mi rgyug ste de'i phyir nye bar zhi ba zhes bya'o// lus ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des lus stong pa zhes bya bar yongs su shes nas/ reg bya rnams la mi rgyug ste/ de'i phyir nye bar zhi ba zhes bya'o// 'jam dpal yid ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ / des yid stong pa zhes bya bar yongs su shes nas/ chos rnams la mi rgyug ste de'i phyir nye bar zhi ba zhes bya'o// 'jam dpal byang chub ni sems kyi rang bzhin 'od bsal ba nyid kyi rang bzhin 'od
- 300a
gsal ba yin te/ de ci'i phyir 'od gsal ba zhes bya zhe na/ rang bzhin gang yin pa de ni/ kun nas nyon mongs pa med pa/ nam mkha' dang mnyam pa/ nam mkha'i rang bzhin can/ nam mkhar yang dag par 'du ba nam mkha' lta bu ste/ rang bzhin gyis shin tu 'od gsal ba yin pa'i phyir ro// 'jam dpal byang chub ni blang ba med pa nyid dang dor ba med pa nyid yin te/ de la blang ba med pa nyid ni gang / dor ba med pa nyid ni gang zhe na/ blang ba med pa nyid ces bya ba ni chos thams cad gzung du med pa nyid yin no// dor ba med pa nyid ces bya ba ni chos thams cad spang du med pa nyid yin no/ / 'jam dpal de la de bzhin gshegs pa ni blang ba med pa nyid dang / dor ba med pa nyid kyis chu bo las brgal bar gyur te/ ji ltar de ltar de bzhin nyid kyis tshu rol yang dag par rjes su mi mthong / / pha rol yang yang dag par rjes su mi mthong ba de ltar chu bo las brgal to// de ltar de bzhin gshegs pas tshu rol dang pha rol dang bral ba'i chos thams cad mngon par rdzogs par byang chub ste/ de ci'i phyir zhe na de bzhin gshegs pa zhes bya'o// 'jam dpal byang chub ni mtshan ma med pa nyid dang / dmigs pa med pa nyid yin te/ de la mtshan ma med pa nyid ni gang dmigs pa med pa nyid ni gang zhe na/ 'jam dpal mig gi rnam par shes pa mi dmigs pa ni mtshan ma med pa nyid yin no// gzugs yang dag par rjes su mi mthong ba ni dmigs pa med pa nyid yin no// /
- 300b
rluba'i rnam par shes pa ma dmigs pa namatshan ma med pa'id yinan// rdzas can dum pa ni demigs pa med pa nyid yinano// rna rnam par shes pa mi dmigs pa ni mtshan ma med pa nyid sbyin mo// dribasnams du med pa ni dmigs pa med pa nyid yin no// lce'i rnam par shes pa mi dmigs pa ni mtshan ma med pa nyid yin no// ro myang du med pa ni dmigs pa med pa nyid yin no// lus kyi rnam par shes pa mi dmigs pa ni mtshan ma med pa nyid yin no/ / reg bya reg par byar med pa ni dmigs pa med pa nyid yin no// yid kyi rnam par shes pa mi dmigs pa ni mtshan ma med pa nyid yin no// chos rnams rnam par shes par byar med pa ni dmigs pa med pa nyid do// 'jam dpal de ni 'phags pa rnams kyi spyod yul yin te/ 'jam dpal gang khams gsum pa'i spyod yul ma yin pa de ni// 'phags pa rnams kyi spyod yul yin no// 'jam dpal byang chub ni 'das pa ma yin no// ma 'ongs pa ma yin/ da ltar byung ba ma yin/ dus gsum mnyam pa 'khor gsum yongs su chad pa yin no/ / 'jam dpal de la 'khor gsum yongs su chad pa gang zhe na/ 'das pa la sems mi 'jug pa dang / ma 'ongs pa la rnam par shes pa mi rgyug pa dang / da ltar byung ba la yid la byed pa mi 'byung ba gang yin pa ste/ de ni sems dang yid dang rnam par shes pa la mi gnas shing / rtog par mi byed/ rnam par rtog par mi byed do// rtog par mi byed/ rnam par rtog par mi byed pa
- 301a
ni/ 'das pa yid la mi byed/ ma 'ongs pa rlom sems su mi byed/ da ltar byung ba la 'phro bar mi byed do// 'jam dpa' byang chub ni lus med pa nyid dang / 'dus ma byas pa nyid yin te/ 'jam dpal de la lus med pa nyid ni mig gi rnam par shes pas rnam par shes par bya ba ma yin pa dang / rna ba dang sna dang / lce dang / lus dang yid kyi rnam par shes pas rnam par shes par bya ba ma yin pa glang yin pa'o/ / 'jam dpal sems dang yid dang / rnam par shes pas rnam par shes par bya ba ma yin pa de nyid 'dus ma byas pa nyid yin te/ 'dus ma byas pa nyid ces bya ba ni gang la skye ba med pa dang / gnas pa med pa dang 'jig pa med pa'o// de ni 'khor gsum yongs su dag pa/ 'dus ma byas pa yin te/ 'dus ma byas pa ji lta ba kho na bzhin du 'dus ma byas kyang de lta bu kho na yin par rtogs par bya'o/ / de ci'i phyir zhe na/ 'jam dpal chos thams cad kyi ngo bo nyid gang yin pa de ni ngo bo nyid med pa ste/ ngo bo nyid med pa gang yin pa de la ni gnyis su med pa'i phyir ro/ / 'jam dpal byang chub de ni dbyer med pa'i gzhi yin te/ de la dbyer med pa ni gang / gzhi ni gang zhe na/ ming med pa ni dbyer med pa'o// de bzhin nyid ni gzhi'o// gnas med pa ni dbyer med pa'o/ / chos kyi dbyings ni gzhi'o// tha dad pa nyid med pa na dbyer med pa'o// yang dag pa'i mtha' ni gzhi'o// dmigs pa med pa ni dbyer med pa'o// g.yo ba med pa nyid ni gzhi'o//
- 301b
ma dpag// mamam ma na nag/ um+WA mam na na byung me pa'o// ga/ ska ga/ se ms can gyi ngo bo nyid med pa ni dbyer med pa'o/ / nam mkha' ni gzhi'o// dmigs su med pa ni dbyer med pa'o// skye ba med pa ni gzhi'o// 'gag pa med pa ni dbyer med pa'o// 'dus ma byas ni gzhi'o/ / spyod pa med pa dbyer med pa'o// byang chub ni gzhi'o// nye bar zhi ba ni dbyer med pa'o// mya ngan las 'das pa ni gzhi'o// mngon par 'grub pa med pa ni dbyer med pa'o// skye ba med pa ni gzhi'o/ / 'jam dpal byang chub ni lus kyis mngon par rdzogs par byang chub par mi 'gyur te/ sems kyis kyang ma yin no// de ci'i phyir zhe na/ 'jam dpal lus ni bems po// g.yo ba med pa// sems pa med pa ste/ rtswa dang rtsig pa dang / shing dang bong ba dang / gzugs brnyan lta bu yin la/ sems kyang sgyu ma lta bu ste/ gsog dang gso ba dang yang dag pa ma yin pa dang 'dus ma byas pa ma yin pa'i/ phyir ro// 'jam dpal gang gis lus dang sems de ltar rtogs pa de ni byang chub ces bya ste/ 'jam dpal de yang tha snyad la brten pa yin gyi/ don dam par ni ma yin no// de ci'i phyir zhe na/ 'jam dpal byang chub ni lus dang sems dang / chos dang chos ma yin pa dang / yang dag pa dang / yang dag pa ma yin pa dang / bden pa dang / brdzun pas brjod pas bya ba ma yin pa'i phyir ro// 'jam dpal byang chub
- 302a
ni chos thams cad kyis brjod par bya ba ma yin pa ste/ de ci'i phyir zhe na/ 'jam dpal byang chub la ni gang gis tshig dang tha snyad 'jug par 'gyur ba'i gnas cung zad kyang med bapa'i phyir ro/ / 'jam dpal 'di lta ste/ dper na/ nam mkha' ni gnas med pa/ 'dus ma byas pa/ ma skyes pa/ ma 'gags pa/ brjod par bya ba ma yin pa'o// 'jam dpal de bzhin du byang chub kyang gnas med pa/ 'dus ma byas pa/ ma skyes pa/ ma 'gags pa/ brjod par bya ba ma yin pa'o// 'jam dpal 'di lta ste/ dper na/ yang dag pa yongs su tshol ba na/ chos thams cad kyis brjod par bya ba ma yin pa de bzhin du/ 'jam dpal yang dag par byang chub yongs su 'chol ba na yang / chos thams cad kyis brjod par bya ba ma yin no// de ci'i phyir zhe na/ 'jam dpal yang dag par na tshigs ni ma skyes pa dang / ma 'gags pa yin pas/ yod pa ma yin pa'i phyir ro// 'jam dpal byang chub ni gzung ba med pa nyid dang / gnas med pa nyid yin te/ 'jam dpal de la gzung ba med pa nyid ni gang / gnas med pa nyid ni gang zhe na/ 'jam dpal mig yongs su shes pa ni gzung ba med pa nyid yin no// gzugs dmigs su med pa ni gnas med pa nyid yin no// rna ba yongs su shes pa ni gzung ba med pa nyid yin no// sgra dmigs su med pa ni gnas med pa nyid yin no// sna yongs su shes pa ni gzung ba med pa nyid yin no// dri dmigs su med pa ni gnas
- 302b
med pa nyid yin no/ / lce yongs su shes pa ni gzung ba med pa nyid yin no// ro dmigs su med pa ni gnas med pa nyid yin no// lus yongs su shes pa ni gzung ba med pa nyid yin no// reg bya dmigs su med pa ni gnas med pa nyid yin no/ / yid yongs su shes pa ni gzung ba med pa nyid yin no// chos dmigs su med pa ni gnas med pa nyid yin no// de bzhin gshegs pas ni de ltar gzung ba med pa nyid dang / gnas med pa nyid du byang chub mngon par rdzogs par sangs rgyas te/ mngon par rdzogs par sangs rgyas nas kyang / mig gzung du med pa dang / gzugs dmigs su med pa'i phyir/ mig gis rnam par shes pa la mi gnas so// rna ba gzung du med pa dang / sgra dmigs su med pa'i phyir/ rna ba'i rnam par shes pa la mi gnas so// sna gzung du med pa dang / dri dmigs su med pa'i phyir/ sna'i rnam par shes pa la mi gnas so// lce gzung du med pa dang / ro dmigs su med pa'i phyir/ lce'i rnam par shes pa la mi gnas so// lus gzung du med pa dang / reg bya dmigs su med pa'i phyir/ lus kyi rnam par shes pa la mi gnas so// yid gzung du med pa dang / chos dmigs su med pa'i phyir/ yid kyi rnam par shes pa la mi gnas te/ de'i phyir de bzhin gshegs pa dgra bcom pa yang dag par rdzogs pa'i sangs rgyas ni rnam par shes pa mi gnas pa dang ldan pa zhes bya ba'i grangs su 'gro'o/ / 'jam dpal bzhi po 'di na sems can rnams kyi sems kyi gnas yin te/ bzhi gang
- 303a
zhe na/ 'di lta ste/ gzugs ni sems can rnams kyi sems kyi gnas yin no// 1/ 'jam dpal de bzhin du tshor ba dang / 'du shes dang / 2'du byed rnams ni sems can rnam kyi sems kyi gnas yin tes/ 'jam dpal de bzhin gshegs pa la ni sems kyi gnas bzhi po de dag ma skyes pa dang / ma bgags par shes so// 'jam dpal byang chub ces bya ba de ni stong pa nyid kyi tshigs bla dgas yin te/ 'jam dpal stong pa nyid gang gis byang chub stong pa nyid stong pa nyid des/ chos thams cad kyang stong ste/ 'jam dpal de bzhin gshegs pas ni de dag ji ltar stong pa de lta bu kho nar mngon par rdzogs par sangs rgyas so/ / 'jam dpal stong pa nyid kyi stong pa nyid mngon par rdzogs par sangs rgyas pa yang ma yin te/ 'jam dpal 'di lta ste stong pa nyid dam/ byang chub de ni shes pa tshul gcig pa yin no// 'jam dpal gang la stong pa nyid kyang med/ byang chub kyang med pa de la ni/ 'jam dpal gang gis stong pa nyid dang / byang chub ces gnyis su dbye/ ba'i gnyis su ni cung zad kyang med do// de ci'i phyir zhen/ 'jam dpal chos thams cad ni gnyis su med pa/ mtshan nyid med pa/ gnyis su dbyer med pa ming med pa/ mtshan ma med pa/ sem dang yid dang / rnam par shes pa dang bral ba/ ma skyes pa/ ma bgags pa/ rgyu ba med pa/ spyod pa med pa/ kun 'byung ba med pa/ yi ge med pa/ sgra med pa yin pa'i phyir ro// /
- 303b
'phags pa sangs rgyas thams cad kyi yul la 'jug pa ye shes snang ba'i brgyan ces bya ba theg pa chen po'i mdo// bam po gsum pa ste tha ma'o// 'jam dpal stong pa nyid ces bya ba gang / yin pa de ni mngon par zhen pa med pa dang 'dzin pa med pa'i tshig bla dgas yin te/ bajam dpal de la ni don dam par na gang stong pa zhes bya ba'i chos gang yang dmigs su med do// 'jam dpal 'di lta ste/ dper na nam mkha' nam mkha' zhes brjod kyang nam mkha' ni brjod par bya ba ma yin no// 'jam dpal de bzhin du stong pa stong pa zhes brjod kyang stong pa ni brjod par bya ba ma yin te/ chos thams cad kyi 'jug pa ni de lta bu yin no/ / 'jam dpal chos thams cad ni ming med pa yin na/ de dag la ming gis brjod par byed de/ 'jam dpal ming ni yul na gnas pa ma yin/ phyogs na gnas pa ma yin no/ / 'jam dpal ji ltar ming yul na gnas pa ma yin/ phyogs na gnas pa ma yin pa de bzhin du/ ming gang gis chos gang brjod par byed pa'i chos de yang yul na gnas pa ma yin/ phyogs na gnas pa ma yin no/ / 'jam dpal de bzhin gshegs pas ni chos de dag thams cad de ltar gzod ma nas ma skyes pa ma byung ba/ ma 'gags pa/ mtshan nyid med pa/ sems dang yid dang / rnam par shes pa dang bral ba/ yi ge med pa/ sgra med par shes so// 'jam dpal ji ltar shes pa de kho na bzhin du rnam par grol te/ bcings pa las grol bar gyur pa ma yin no// 'jam dpal
- 304a
byang chub ni nam mkha' dang mnyam pa ste/ nam mkha' ni mnyam pa ma yin mi mnyam pa ma yin la/ byang chub kyang mnyam pa ma yin mi mnyam pa ma yin no// de ci'i phyir zhe na/ 'jam dpal chos gang la yang dag par yongs su 'grub pa med pa de ni/ mnyam pa 'am mi mnyam par brjod par bya ba ma yin pa'i phyir ro// 'jam dpal de bzhin gshegs pas de ni de ltar chos thams cad mnyam pa med pa dang / mi mnyam pa med par mngon par rdzogs par sangs rgyas te/ ji ltar chos phra rab tsam yang mnyam par ma byas mi mnyam par ma byas pa de ltar/ mngon par rdzogs par sangs rgyas shing yang dag pa'i shes pas/ chos de dag ji lta ba de lta bu kho nar shes so// 'jam dpal yang dag pa'i shes pa yang gang zhe na/ 'jam dpal chos thams cad rtsa ba med pa dang / ma skyes pa dang / ma 'gags pa dang / ma byung ba las 'byung ba dang / byung nas kyang 'jig par 'gyur te/ 'jam dpal de dag kyang bdag po med pa dang / yongs su 'dzin pa med par 'byung zhing / bdag po med pa dang / yongs su 'dzin pa med par 'jig par shes pa'o// 'jam dpal de ltar 'byung ba dang 'jig pa la brten nas/ chos rnams 'jug par 'gyur/ yang / 'di la 'jug par 'gyur ba gang yang med de/ de ni lam gyi rgyun bcad pa'i phyir de bzhin gshegs pa chos ston pa zhes bya'o// 'jam dpal byang chub ces bya ba de ni ji lta ba bzhin gyi gnas
- 304b
yin te/ 'jam dpal de la ji lta ba bzhin gyi gnas gang zhe na/ 'jam dpal ji lta ba bzhin gyi gnas shes bya ba ni byang chub ste/ byang chub ji lta ba de bzhin du/ gzugs kyang de bzhin nyid las mi 'da'o/ / byang chub ji lta ba de bzhin du tshor ba dang / 'du shes dang / 'du byed rnams dang / rnam par shes pa yang de bzhin nyid las mi 'da'o// byang chub ji lta ba de bzhin du sa'i khams kyang de bzhin nyid las mi 'da'o/ / byang chub ji lta ba de bzhin du chu'i khams dang / me'i khams dang rlung gi khams kyang de bzhin nyid las mi 'da'o// 'jam dpal byang chub ji lta ba de bzhin du mig gi khams dang / gzugs kyi khams dang / mig gi rnam par shes pa'i khams kyang de bzhin nyid las mi 'da'o// byang chub ji lta ba de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin nyid las ma 'da'o/ / chos gdags pa de ni 'di tsam du zad de/ 'di lta ste/ phung po dang / khams dang / skye mched drug gdags pa'o// de bzhin gshegs pas ni de dag yang dag pa ji
- 305a
lta ba bzhin du mngon par rdzogs par sangs rgyas shing / phyin ci ma log par mngon par rdzogs par sangs rgyas so// de dag ni sngon ji lta ba bzhin du phyis kyang de bzhin/ bar yang de bzhin te sngon gyi mthar ma skyes pa dang / phyi ma'i mthar mi 'pho ba dang / dbus su bden pa ma yin no// de ltar de dag ni ji lta bzhin gyi gnas yin te/ gcig ji lta ba bzhin du thams cad de bzhin la/ thams cad ji lta ba bzhin du/ gcig kyang de bzhin te/ 'jam dpal 'di la ni gcig pa nyid dam/ mang po nyid dmigs su med do// 'jam dpal byang chub ni rnam pa'i 'jug pas rnam pa med par bzhugs pa yin te/ 'jam dpal de la rnam pa ni gang / rnam pa med pa ni gang zhe na/ 'jam dpal rnam pa zhes bya ba ni dge ba'i chos thams cad la rtsom pa'o// rnam pa med pa zhes bya ba na chos thams cad dmigs su med pa'o/ / rnam pa zhes bya ba ni sems mi gnas pa'i gnas skabs so// rnam pa med pa zhes bya ba ni rnam par thar pa'i sgo mtshan ma med pa'i ting nge 'dzin to// rnam pa zhes bya ba ni chos thams cad la sems pa dang / 'jal ba dang / bgrang ba dang / so sor rtog pa'o// rnam pa med pa zhes bya ba ni gzhal ba las yang dag par 'das pa ste/ gzhal ba las yang dag par 'das pa gang zhe na/ gang la rnam par shes pa'i las med pa'o// rnam pa zhes bya ba ni 'dus byas la so sor rtog pa'o// rnam pa med pa zhes bya ba ni 'dus ma byas la so sor rtog pa'o//
- 305b
'jam dpal byang chub ni zag pa med pa nyid dang / len pa med pa nyid yin te/ 'jam dpal de la zag pa med pa nyid ni gang / len pa med pa nyid ni gang zhe na/ 'jam dpal zag pa med pa nyid ces bya ba ni// zag pa med pa bzhi dang bral ba ste/ bzhi po de dag kyang gang zhe na/ 'di lta ste/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa bzhi po de dag dang bral ba'o/ / len pa med pa nyid ces bya ba ni/ len pa bzhi dang bral ba ste/ bzhi po de dag kyang gang zhe na/ 'di lta ste/ 'dod pa'i len pa dang / lta ba'i len pa dang / tshul khrims dang brtul bzhugs mchog tu 'dzin pa'i len pa dang / bdag tu lta ba'i len pa ste/ len pa bzhi po de dag dang bral ba'o// 'jam dpal de la sems can ma rig pa'i ldongs par byas pa/ sred pas/ dkrugs par gyur pa de dag ni phan tshun mngon par zhen par gyur nas len par byed kyi/ de bzhin gshegs pa ni bdag tu smra ba'i len pa rtsa ba yin par yongs su shes nas/ bdag rnam par dag pas/ sems can thams cad rnam par dag par rjes su rtogs par gyur te/ bdag rnam par dag pa gang yin pa dang / sems can thams cad rnam par dag pa gang yin pa de ni/ gnyis su med de gnyis su byar med la/ gnyis su med pa'i don gang yin pa de ni skye ba med pa dang 'gags pa med pa yin no/ / 'jam dpal skye ba med pa dang 'gags pa med pa la ni/ sems dang yid dang rnam par shes pa 'jug par mi 'gyur te/
- 306a
baja ma dpal gang la sems dang yid dang / rnam par shes pa mi 'jug pa de la ni/ yongs su rtogs pa gang gis tshul bzhin ma yin pa yid la byed par 'gyur ba'i yongs su rtogs pa gang yang med de/ tshul bzhin yid la byed pa la rab tu brtson pa de ni ma rig pa kun nas slong bar mi byed do// ma rig pa'i kun nas ldang ba med pa gang yin pa de ni srid pa'i yan lag bcu gnyis po dag gi kun nas spong ba med pa yin no/ / srid pa'i yan lag bcu gnyis po dag gi kun nas ltung ba med pa gang yin pa de ni skye ba med pa yin no// skye ba med pa gang yin pa de ni skyon med pa yin no// skyon med pa gang yin pa de ni nges pa'i don yin no// nges pa'i don gang yin pa de ni don dam pa yin no// don dam pa gang yin pa de ni gang zag med pa'i don yin no// gang zag med pa'i don gang yin/ pa de ni brjod du med pa'i don yin no// brjod du med pa'i don gang yin pa de ni rten cing 'brel par 'byung ba'i don yin no// rten cing 'brel bar 'byung ba'i don gang yin pa de ni chos kyi don yin no// chos kyi don gang yin pa de ni de bzhin gshegs pa'i don yin te/ de'i phyir gang gis rten cing 'brel par 'byung ba mthong ba des chos mthong ngo // gang gis chos mthong ba des de bzhin gshegs pa mthong ngo / zhes gsungs te/ ji ltar yongs su tshol ba na ci yang ma mthong ba de ltar mthong ngo // 'jam dpal de la ci yang zhes bya ba gang zhe na/ 'di lta ste/ sems dang dmigs pa ste/ des gang gi tshe
- 306b
sems dang dmigs pa yang dag par rjes su mi mthong ba de'i tshe na yang dag par mthong ba yin pas/ de bzhin gshegs pas ni chos de dag de ltar mnyam pa nyid kyis mnyam par mngon par rdzogs par sangs rgyas so/ / 'jam dpal byang chub ni dag pa dang / dri ma med pa dang nyon mongs pa med pa yin te/ 'jam dpal de la dag pa ni gang / dri ma med pa ni gang / nyon mongs pa med pa ni gang zhe na/ 'jam dpal stong pa nyid ni dag pa'o// mtshan ma med pa ni dri ma med pa'o// smon pa med pa ni nyon mongs pa med pa'o// skye ba med pa ni dag pa'o// mngon par 'du byed pab med pa ni dri ma med pa'o/ / 'byung ba med pa ni nyon mongs pa med pa'o// rang bzhin dag pa'o// yongs su dag pa ni dri ma med pa'o// 'od gsal ba ni nyon mongs pa med pa'o// spros pa med pa ni dag pa'o/ / spros pa dang bral ba ni dri ma med pa'o// spros pa nye bar zhi ba ni nyon mongs pa med pa'o// de bzhin nyid ni dag pa'o// chos kyi dbyings ni dri ma med pa'o// yang dag pa'i mtha' ni nyon mongs pa med pa'o/ / nam mkha' ni dag pa'o// bar snang ni dri ma med pa'o// nam mkha' ni nyon mongs pa med pa'o// nang yongs su shes pa ni dag pa'o// phyi rol tu rgyu ba med pa ni dri ma med pa'o/ / phyi nang dmigs su med pa ni nyon mongs pa med pa'o// phung po yongs su shes pa ni dag pa'o// khams rang bzhin med pa ni dri ma med pa'o// skye mched rnams spong ba ni nyon mongs pa med pa'o//
- 307a
'das pa la bzad par shes pa ni dag pa'o// ma 'ongs pa la mi skye bar shes pa ni dri ma med pa'o// da ltar byung ba la chos gnas par shes pa ni nyon mongs pa med pa'o// 'jam dpal de ltar dag pa dang dri med pa dang nyon mongs pa med pa ni gnas gcig tu yang dag par 'du ste/ 'di lta ste/ zhi ba'i gnas su'o// zhi ba gang yin pa de ni rab tu zhi ba yin no// rab tu zhi ba gang yin de ni nye bar zhi ba yin no/ / nye bar zhi ba gang yin pa de ni nye bar zhi bar gyur pa yin no// nye bar zhi bar gyur pa gang yin pa de ni thub pa zhes bya'o// 'jam dpal de ltar na nam mkha' ji lta bar byang chub kyang de bzhin no/ / byang chub ji lta bar chos rnams kyang de bzhin no// chos rnams ji lta bar sems can rnams kyang de bzhin no// sems can rnams ji lta bar zhing rnams kyang de bzhin no/ / zhing rnams ji lta bar mya ngan las 'dras pa yang de bzhin no// 'jam dpal de'i phyir chos thams cad ni mya ngan las 'das pa dang mnyam pa zhes bya ste/ mthar thug par gyur pa'i phyir gnyen po med pa yin la/ gnyen po med pa'i phyir gzod ma nas dag pa dang / gzod dam nas dri ma med pa dang / gzod ma nas nyon mongs pa med pa yin no// 'jam dpal de la de bzhin gshegs pa chos thams cad de ltar mngon par rdzogs par sangs rgyas pa sems can rnams kyi khams la rnam par gzigs pa ni sems can rnams la dag pa dri ma med pa/ / nyon mongs pa med/
- 307b
bAs/ rnam par rol pa zhes bya ba'i thugs rje chen po skye bar 'gyur ro// 'jam dpal ji ltar na byang chub sems dpa' byang chub sems dpa'i spyad pa la spyod pa yin zhe na/ bajam dpal gang gi tshe byang chub sems dpa' zad pa'i phyir rlom sems su mi byed cing / ma zad pa'i phyir yang ma yin/ skye ba'i phyir yang ma yin/ mi skye ba'i phyir yang ma yin/ gtan zad pa zad par bya ba'i phyir yang ma yin/ gtan mi skye ba rnam par 'khrug par yang mi byed pa de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no// 'jam dpal gzhan yang byang chub sems dpa' 'das pa'i sems la zad pa zhes bya bar mi spyod/ / ma 'ongs pa'i sems la ma thob pa zhes bya bar mi spyod/ da ltar byung ba'i sems la yod ces bya bar mi spyod cing / 'das pa dang / ma 'ongs pa dang / da ltar byung ba'i sems la chags par mi 'gyur ba de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no// 'jam dpa' gzhan yang byang chub sems dpa'i sbyin pa dang / byang chub dang / sems can rnams dang / de bzhin gshegs pa de la gnyis su med de gnyis su dbyer med pa de ltar spyod na/ byang chub sems dpa'i spyad pa la spyod pa yin no/ / 'jam dpal de bzhin du byang chub sems dpa'i tshul khrims dang / byang chub dang / sems can rnams dang / de bzhin gshegs pa de la gnyis su med de
- 308a
gnyis su dbyer med pa de ltar spyod na/ byang chub sems dpa'i spyad pa la spyod pa yin no// 'jam dpal de bzhin du byang chub sems dpa'i bzod pa dang / byang chub dang / sems can rnams dang / de bzhin gshegs pa dang / brtson 'grus dang / byang chub dang / sems can rnams dang / de bzhin gshegs pa dang / bsam gtan dang / byang chub dang sems can rnams dang / de bzhin gshegs pa dang / de bzhin du shes rab dang / byang chub dang / sems can rnams dang / de bzhin gshegs pa de la gnyis su med de/ gnyis su dbyer med pa de ltar spyod na/ byang chub sems dpa'i spyad pa la spyod pa yin no// 'jam dpal gal te byang chub sems dpa'i gzugs stong zhes bya bar mi spyod/ mi stong zhes bya bar mi spyod pa de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no// de ci'i phyir zhe na/ 'jam dpal gzugs ni gzugs kyi ngo bo nyid kyis stong pa'i phyir ro// 'jam dpal de bzhin du gal te/ byang chub sems dpa'i tshor ba dang / 'du shes dang / 'du byed rnams dang / rnam par shes pa stong zhes bya bar mi spyod/ mi stong zhes bya bar mi spyod pa de ltar spyod na/ byang chub sems dpa' byang chub sems dpa'i spyad pa la spyod pa yin no/ / de ci'i phyir zhe na/ 'jam dpal sems dang yid dang / rnam par shes pa dmigs su med pa'i phyir/ gang yongs su shes
- 308b
ba bam/ spang ba 'am/ bsgom pa 'am/ mngon sum du bya ba'i chos de gang yang yod pa ma yin pa'i phyir ro// 'jam dpal zad pa zhes bya ba gang yin pa de ni gtan zad pa kho na yin no// gtan zad pa gang yin pa de ni zad par bya ba ma yin no// zang par bya ba ma yin pa'i phyir mi zad pa yin no// de ci'i phyir zhe na/ 'jam dpal de ni ji lta ba bzhin du zad pa yin la/ ji lta ba bzhin du zad pa gang yin pa de la ni/ zad pa cung zad kyang med la/ gang la zad pa cung zad kyang med pa de ni 'dus ma byas pa ste/ 'dus ma byas pa gang yin pa de la ni skye ba yang med 'gag pa yang med pa'i phyir ro/ / de ci'i phyir zhe na/ de bzhin gshegs pa rnams byung yang rung ma byung yang rung / chos nyid dang / chos gnas pa nyid dang / chos dbyings 'di ni gnas pa kho na zhes bya ste/ ji ltar chos kyi dbyings gnas pa de bzhin du shes pa de yang 'jug par mi byed/ ldog par mi byed do// ji ltar shes pa de 'jug par mi byed/ ldog par mi byed pa de lta bu'i chos kyi tshul la 'jug pas/ zag pa skye bar mi byed/ 'gags par mi byed do// 'jam dpal zag pa zad pa zhes bya ba de ni tha snyad dang / sgra dang / yi ge dang / brda gdags pa yin te/ 'di la ni skye ba 'am/ 'gags par 'gyur ba'i chos gang yang med do/ / de nas 'jam dpal bzhon nur gyur pastan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba
- 309a
de logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// kha dog rtags dang dbyibs mi mnga'// rtsa ba mi mnga' gnas mi mnga'/ / mi 'gag 'byung ba mi mnga' ba// mi rten khyod la phyag 'tshal lo// mi gnas gnas pa ma mnga' ba// blang ba mi mnga' dor mi mnga'// skye mched drug las rnam grol ba// mi rten khyod la phyag 'tshal lo/ / chos rnams kun la mi gnas shing // dngos dang dngos med rnam par spangs// 'du byed mnyam pa nyid brnyes pa// mi rten khyod la phyag 'tshal lo// khams gsum dag las rnam par grol/ / mkha' ltar mnyam nyid thugs su chud// 'a dod pa rnams kyis mi gos pa// mi rten khyod la phyag 'tshal lo// gshegs dang bzhugs dang gzims pa yi// spyod lam rnam ba thams cad du/ / rtag tu mnyam par bzhag mdzad pa// mi rten khyod la phyag 'tshal lo// mnyam par byon cing mnyam par gshegs// mnyam pa nyid la gnas pa po// mnyam nyid 'khrugs par mi mdzad pa/ / mi rten khyod la phyag 'tshal lo// mnyam pa nyid la bzhugs gyur cing // chos rnams kun la mnyam par bzhag/ mtshan ma med la bzhugs gyur pa// mi rten khyod la phyag 'tshal lo/ / mi gnas dmigs pa mi mnga' ba// shes rab brtsegs shing mnyam par gzhag/ chos la mnga' dbang bsnyes gyur pa// mi rten khyod la phyag 'tshal lo// sems
- 309b
/ can kun gyi sgra skad dang // de bzhin gzugs dang spyod lam dag/ skad cig gcig gis gzigs mdzad pa// mi rten khyod la phyag 'tshal lo// ming dang gzugs las rnam par grol// rgyu dang phung / po thams cad bcad// rnam pa med la 'jug mdzad pa// mi rten khyod la phyag 'tshal lo// mtshan ma dag dang rnam bral zhing // mtshan ma'i rnam pa rnam par spangs// mtshan ma med la 'jug mdzad pa/ / mi rten khyod la phyag 'tshal lo// yang dag rtog pas rnam ma brtags// thugs yid rab tu mi gnas shing // yid mdzad mi mnga' mi dgongs pa// mi rten khyod la phyag 'tshal lo// nam mkha' 'dra bar gnas mi mnga'// thogs pa mi mnga' spros mi mnga'// nam mkha' mnyam pa'i thugs mnga' ba// mi rten khyod la phyag 'tshal lo// nam mkha' dpung mtha' ma mchis pa/ / sangs rgyas chos nyid de dang 'dra// dus gsum yang dag 'das gyur pa// mi rten khyod la phyag 'tshal lo// nam mkha' mtshan nyid sangs rgyas te// nam mkha'ang mtshan nyid mchi ma lags/ / rgyu dang 'bras bu rnam grol ba// mi rten khyod la phyag 'tshal lo// ngar 'dzin mi mnga' sgra mi mnga'// gzung ba ma mchis chu zla 'dra// chos rnams kun dang mi gnas pa/ mi rten khyod la phyag 'tshal lo// phung po rnams dang skye mched dang // khams rnams dag la mi gnas la// phyin ci log las rnam grol ba// mi rten khyod la phyag 'tshal lo// mtha' gnyis
- 310a
dag las rnam grol zhing / / bdag tu lta ba yang dag bcad// chos dbyings mnyam pa nyid brnyes pa// mi rten khyod la phyag 'tshal lo// gzugs kyi grangs las rnam grol zhing / / dam chos ma lags rnam par spangs// len dang stong pa mi mnga' ba// mi rten khyod la phyag 'tshal lo// bdud kyi mang las rab 'das shing // chos kun rtog par thugs su chud/ / sgrib pa mi mnga' chos gyur pa// mi rten khyod la phyag 'tshal lo// don 'tshal rnams kyis mchis mi brjod// ma mchis zhes kyang brjod mi bgyi// len med tshig la ma mchis pa// mi rten khyod la phyag 'tshal lo/ / gnyis kyi chos la mi rten par// theg pa'i rgyal mtshan kun tu btsugs// gnyis dang gnyis med rnam grol ba// mi rten khyod la phyag 'tshal lo// khyod kyis yid kyi nyes pa dang / / lus kyi nad bzhi pham par mdzad// bsam yas dpe dang rnam bral ba// mi rten khyod la phyag 'tshal lo// lhun gyis grub par 'jug mdzad cing // nyes pa thams cad rnam par spang/ spyod pa mkhyen pas thog drangs pa// mi rten khyod la phyag 'tshal lo// khyod dgongs zhib cing zag mi mnga'// 'byung min 'byung la de bdag nyid// gnas dang rtog pa mi mnga' ba// mi rten khyod la phyag 'tshal lo/ / dmigs pa mi mnga'i thugs kyis su// kun gyi sems ni rab tu mkhyen// bdag gzhan 'du shes mi mnga' ba// mi rten khyod la phyag 'tshal lo// dmigs dang dmigs pa
- 310b
rnams kyis ni/ / kun gyi sems ni rmongs par bgyid// sgrib pa med pa'i chos gyur pa// mi rten khyod la phyag 'tshal lo// dmigs pa dag dang sems rnams ni// ngo bo nyid kyis mchis ma lag// mtha' yas mnyam pa nyid brnyes pa// mi rten khyod la phyag 'tshal lo// gnas pa mi mnga' mkhyen pa yis// zhing rnams kun dang de bzhin du// sems can kun gyi spyod gzigs pa// mi rten khyod la phyag 'tshal lo/ / sangs rgyas rnams kyi lan 'ga' yang // sems dang chos kun gtan mi dmigs// chos rnams thams cad kun mkhyen pa// mi rten khyod la phyag 'tshal lo// chos kun sgyu ma lta bu ste/ / sgyu ma nyid kyang mchis ma lags// sgyu ma'i chos las rnam grol ba// mi ten khyod la phyag 'tshal lo// rdzogs sangs 'jig rten spyod mdzad kyang // 'jig rten chos la rten mi mdzad// 'jig rten rnam rtog mi mnga' ba// mi rten khyod la phyag 'tshal lo// stong phyir stong la spyod mdzad cing // khyod nyid stong zhing spyod yul stong // stong pa stong par ston mdzad pa// mi rten khyod la phyag 'tshal lo/ / sgyu ma lta bu'i ting 'dzin dang // rdzu 'phrul chen po rnam 'phrul zhing // tha dad ma mchis snyoms zhugs pa// mi rten khyod la phyag 'tshal lo// du ma ma lags cig ma lags// ring dang nye la mi 'jug cing / / gdeg dang gzhag pa mi mngab pa// mi rten khyod la phyag 'tshal lo// rdo rje lta bu'i tong 'dzin gyis// skad cig gcig la mngon sangs rgyas// dngos ma mchis par mnyam gzhag pa//
- 311a
mi rten khyod la phyag 'tshal lo// 'dren pa dus rnams thams cad du// mi g.yo mya ngan 'das pa rtogs// sna tshogs thabs dang ldan pa po// mi rten khyod la phyag 'tshal lo// sems can rnams kyi brgyud pa'i thabs// mkhyen pas mkhas par gyur pa lags// de phyir mi g.yo mya ngan 'das// mi rten khyod la phyag 'tshal lo// mtshan ma mi mnga' lhun gyi grub// spros pa mi mnga' skyon mi mnga'/ / snang med bdag gi mi mnga' ba// mi rten khyod la phyag 'tshal lo// rnam rtogs mi mnga' skyon ma mnga'// bdag gis bdag nyid ji bzhin par// kun tu mkhyen pa thams cad mkhyen/ / mi rten khyod la phyag 'tshal lo// stobs bcu chu bo brgal ba khyod la phyag 'tshal lo// 'jigs bral mi 'jigs stsol pa khyod la phyag 'tshal lo// ma 'dres chos rnams nges par thugs su chud gyur pa/ / 'gro ba kun gyi 'dren pa khyod la phyag 'tshal lo// kun sbyor 'ching ba bcad pa khyod la phyag 'tshal lo// pha rol byon te thang la bzhugs la phyag 'tshal lo// skye bo ngal ba'i rnam 'dren khyod la phyag 'tshal lo/ / 'khor bar gshegs shing mi gnas pa la phyag 'tshal lo// 'gro ba thams cad dag na sems can rnams dang ni// thabs cig gzhugs kyang thugs yid rab tu dben gyur pa// ji ltar pad+ma chab kyis gos par mi 'gyur bzhin/ / sangs rgyas thub pa khyod kyis stong nyid shin tu brten// mtshan ma thams cad rnam pa kun tu rnam par bshig/ khyod la gar yang smon par mdzad pa mchis ma
- 311b
lags/ / ston pa'i ko phang tha med dben pa nyid lags te// dmigs med chu bo brgal ba khyod la phyag 'tshal lo// sangs rgyas mthu chen bsam gyis khyab pa ma lags te/ mi gnas nam mkha' mnyam pa khyod la phyag 'tshal lo/ / yon tan kun gyi mchog mnga' khyed la phyag 'tshal lo// dpal 'phags lhun po 'dra ba khyod la phyag 'tshal lo// de nas bcom ldan 'das kyi 'jam dpal gzhon nur gyur pa la legs so zhes bya ba byin te/ / 'jam dpal legs so legs so// 'jam dpal khyod kyis legs par smras so// 'jam dpal de de bzhin te// 'jam dpal sangs rgyas rnams ni gzugs la blta bar mi bya ste// chos las ma yin// mtshan ma las ma yin// chos kyi dbyings las kyang ma yin no// sangs rgyas rnams ni nyag gcig bzhug pa ma yin/ skye bo mang po'i nang na bzhugs pa ma yin no// sangs rgyas rnams ni sa sus kyang mthong ba ma yin// thos pa ma yin/ mchod pa ma yin te/ mchod par byed pa yang ma yin no// sangs rgyas rnams ni chos 'ga' yang gcig pa nyid dam mang po nyid du mi mdzad pa yin no/ / sangs rgyas rnams kyis ni byang chub brnyes pa med do// sangs rgyas rnams ni chos gang gis kyang rab tu 'byed par mi byed do/ / sangs rgyas rnams kyis ni chos 'ga' yang ma gzigs ma gsan/ ma dgongs/ rnam par mi mkhyen/ kun tu mi mkhyen to// sangs rgyas rnams kyis ni ma gsungs ma brjod do//
- 312a
sangs rgyas rnams kyis ni mi gsung mi brjod do// sangs rgyas rnams ni gsung bar mi 'gyur brjod par mi 'gyur ro// sangs rgyas rnams ni mngon par rdzogs par 'tshang rgya bar mi mdzad do/ / sangs rgyas rnams kyis ni chos gang yang mngon par rdzogs par 'tshang ma rgyas so// sangs rgyas rnams kyis ni nyon mongs pa ma spangs so// sangs rgyas rnams kyis ni rnam par byang ba mngon sum du mdzad do/ / sangs rgyas rnams kyis ni chos gang yang ma gzigs/ ma gsan/ ma myangs/ ma bsnams/ ma reg/ mi mkhyen to// de ci'i phyir zhe na/ 'jam dpal chos thams cad ni gzod ma nas yongs su dag pa yin pa'i phyir ro/ / 'jam dpal byang chub sems dpa' chos kyi rnam grangs 'di lem mos pa gang la la zhig gis/ stong gsum gyi stong chen po'i 'jig rten gyi khams kyi rdul phra rab kyi rdul snyed kyi sems can rang rgyal ba nyid la bkod pa bas ni/ 'jam dpal byang chub sems dpa' gzhan gang zhig chos kyi rnam grangs 'di la mos par gyur na/ de ni de bas ches bsod nams mang du skyed par 'gyur na/ gang chos kyi rnam grangs 'di yi ger 'dri 'am/ yi ger 'drir 'jug pa lta smos kyang ci dgos te/ de ni de bas ches bsod nams mang du skyed par 'gyur ro/ / 'jam dpal yongs su rtag pa nye bar bzung na/ stong gsum gyi stong chen po'i 'jig rten gyi khams na sems can sgong las skyes pa dang / mngal las skyes pa dang / drod gsher
- 312b
las skyes pa dang / rdzus te skyes pa dang / gzugs can dang / gzugs med pa dang / 'du shes can dang / 'du shes med pa dang / rkang med pa dang / rkang gnyis pa dang / rkang bzhi pa dang / rkang mangs gang ji snyed yod pa de dag thams cad/ snga phyi med par mi'i lus thob par gyur la/ mi'i lus thob nas kyang byang chub tu sems bskyed par gyur la/ byang chub tu sems bskyed nas kyang // byang chub sems dpa' re res kyang sangs rgyas byang chub sems dpa' dang bcas/ nyan thos dang bcas pa/ sangs rgyas kyi zhing gang+gA'i bye ma ltar grangs med pa'i rdul phra rab kyi rdul snyed dag la/ bskal pa gang+gA'i bye ma ltar grangs med pa brnyed du/ na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyi bsnyen bkur byed cing / bde ba'i yo byad thams cad kyang nye bar sgrub par byed la/ de dag yongs su mya ngan las 'das pa'i mchod rten rin po che las byas pa/ 'phangs du dpag tshad brgya yod pa/ rin po che'i lan kan gyis yongs su bskor ba/ nor bu dang mu tig dang rin po che'i chun po mdzes par byas pa/ gdugs dang rgyal mtshan dang ba dan bsgreng ba/ nor bu rin po tsha dbang gi rgyal po'i dra bas kun nas g.yogs pa lhag kyang byed du bcug pa bas ni/ 'jam dpal byang chub sems dpa' bsam pa phun sum tshogs pa gzhan gang zhig gis sangs rgyas thams cad kyi yul la 'jug pa ye shes snang ba'i rgyan ces bya
- 313a
ba'i chos kyi rnam grangs 'di thos nas/ mos par byed/ 'jug par byed/ yid ches par byed cing / yongs su rtog par byas nas kyang / tha na tshig bzhi pa'i tshigs su bcad pa gcig tsam zhig lung 'bog par byed na/ de ni de bas ches sangs rgyas kyi ye shes rjes su rtogs par 'gyur ba'i bsod nams grangs med pa skyed par 'gyur te/ bsod nams mngon par 'du bya ba de la/ byang chub sems dpa' de dag gis sbyin pa las byung ba'i bsod nams mngon par 'dus byas pa lnga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// 'jam dpal byang chub sems dpa' khyim pa gang la la zhig gis/ sangs rgyas byang chub sems dpa' dang bcas/ nyan thos kyi dge 'dun dang bcas pa/ gang+gA'i bye ma ltar grangs med pa snyed cig la/ bskal pa gang+gA'i bye ma ltar grangs med pa snyed du/ na bza' dang / zhal zas dang / gzims cha dang / gdan dang / snyun gyi gsos sman dang yo byad rnams kyi bsnyen bkur byed pa bas ni/ byang chub sems dpa' rab tu byung ba tshul khrims dang ldan pa/ bsam pa phun sum tshogs pa gzhan zhig gis/ tha na dud 'gro'i skyes gnas su skyes pa'i sems can la/ sbyin pa khams cig tsam byin par gyur na/ bsod nams mngon par 'dus bya ba de la/ bsod nams mngon par
- 313b
'dus bya ba snga ma des/ rgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang bar mi 'gro'o/ / 'jam dpal gal te byang chub sems dpa' rab tu byung ba'i tshul khrims dang ldan pa stong gsum gyis stong chen po'i rdul phra rab kyi rdul snyed dag las/ byang chub sems dpa' re res kyang phyogs bcu'i sangs rgyas byang chub sems dpa' dang bcas pa/ nyan thos dang bcas pa gang+gA'i bye ma ltar grangs med pa snyed dag la/ bskal pa gang+gA'i bye ma ltar grangs med pa snyed du/ na bza' dang / zhal zas dang / gzims cha dang / gdan dang / snyun gyi bsod sman dang / yo byad rnams kyi snyen bkur byed par gyur na/ byang chub sems dpa'i de dag gis sbyin pa dag las byung ba'i bsod nams mngon par 'du bya ba gang yin pa de bas ni/ byang chub sems dpa' khyim pa 'am/ rab tu byung ba bsam pa dag pa tshul khrims dang ldan pa gzhan gang zhig gis/ chos kyi rnam grangs 'di thos nas mos par byed/ 'jug par byed/ yid ches par byed/ yi ger 'dri bar byed/ yi ger 'drir 'jug par byed na/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye brag 'bum gyi cha dang / grangs dang / cha dang
- 314a
bgrang ba dang / dpe dang rgyur yang nye bar mi 'gro'o// baja ma dpal gal te byang chub sems dpa' sems dpa' chen po zhig gis/ stong gsum gyi stong chen po'i 'jig rten gyi khams rin po che sna bdun gyi yongs su bkang ste/ sangs rgyas rnams la dbul bar dbul zhing / de ltar dbul bas bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du/ dbul bar phul ba pas ni/ byang chub sems dpa' gzhan gang zhig gis/ chos kyi rnam grangs 'di las tha na tshigs bzhi pa'i tshigs su bcad pa gcig tsam zhig/ byang chub sems dpa' gzhan la bstan par gyur na/ bsod nams mngon par 'du bya ba de la/ bsod nams mngon par 'du bya ba snga ma des ni/ brgya'i cher yang nye bar mi 'gro'o// stong gi cha dang / 'bum gyi cha dang / bye phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o// 'jam dpal bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du/ sbyin pa'i bsod nams mngon par 'du bya ba lta zhog gi/ 'jam dpal gal te byang chub sems dpa' gang+gA'i bye ma ltar grangs med pa snyed cig byung bar gyur la/ de dag las byang chub sems dpa' re res kyang / sangs rgyas kyi zhing 'dzam bu chu bo'i gser las byas pa/ shing ljon pa thams cad kyang lha'i gos rnams kyis yongs su dkris pa/ nor bu rin po che
- 314b
'od thams cad yang dag par 'dus bya ba 'dra bas/ kun nas g.yogs pa nor bu rin po che dbang gis rgyal po las byas pa'i khang pa brtsegs pa nor bu rin po che glog gi sgron ma'i lan kan gyis yongs su bskor ba dag gis yongs su gang bar byas pa/ gdugs dang / rgyal mtshan dang / ba dan bsgreng ba/ gang+gA'i bye ma ltar grangs med pa snyed cig/ sangs rgyas gang+gA'i bye ma ltar grangs med pa snyed dag la/ nyin cig bzhin du dbul bar dbul zhing / de ltar dbul bas/ bskal pa gang+gA'i bye ma ltar grangs med pa snyed du dbul bar phul ba bas byang chub sems dpa' gzhan gang gis chos kyi rnam grangs 'di la mos par byas nas chos kyi rnam grangs 'di las tha na tshig bzhi pa'i tshigs su bcad pa gcig tsam zhig/ byang chub sems dpa' gzhan la bstan tam/ 'jug par byas na/ bsod nams mngon par 'du bya ba de la byang chub sems dpa' de dag gi/ sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi chu dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o/ / 'jam dpal 'di lta ste/ dper na khams gsum du gtogs pa'i sems can thams cad sems can dmyal ba dang / dud 'gro dang / yi dgas dang / gshin rje'i 'jig rten
- 315a
du skyes par gyur la/ de nas byang chub sems dpa' khyim pa zhig gis/ sems can de dag thams cad sems can dmyal ba dang / dud 'gro dang / yi dgas dang / gshin rje'i 'jig rten nas bton te/ rang sangs rgyas nyid la bkod pa bas ni/ byang chub sems dpa' rab tu byung ba gzhan gang zhig gis/ tha na dud 'gro'i skye gnas su skyes pa'i sems can la sbyin pa khams cig tsam zhig ci byin par gyur na/ de ni de bas ches bsod nams mang ba dang bsod nams grangs med pa skyed par 'gyur ro// 'jam dpal gal te byang chub sems dpa' rab tu byung ba sangs rgyas kyi zhing bcu'i rdul phra rab kyi rdul snyed cig byung bar gyur la/ de dag las byang chub sems dpa' re res kyang / phyogs bcu'i phyogs re rer sangs rgyas bcom ldan 'das sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed dag mthong bar gyur cing / de bzhin gshegs pa byang chub sems dpa' dang bcas nyan thos dang bcas pa re re la yang / bskal pa sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du/ na bza' dang / zhal zas dang / gzims cha dang / gdan dang / spyan gsos sman dang / yo byad rnams kyis kyang bsnyen bkur byed la/ de bzhin gshegs pa re re la yang nyin cig bzhin du/ 'jig rten gyi khams
- 315b
sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du gang nor bu rin po che dbang gi rgyal pos yongs su bkang ste/ dbul bar phul ba bas/ byang chub sems dpa' chos kyi rnam grangs 'di la mos par gyur pa gang zhig gis/ tha na dud 'gro'i skyes gnas su skyes pa'i sems can la sbyin pa khams cig tsam byin par gyur na/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ 'jam dpal 'di lta ste/ chos kyi rnam grangs 'di thos pa ni/ byang chub sems dpa' phyir mi ldogs pa rnams kyi phyag rgya yin pa'i phyir ro// 'jam dpal gal te byang chub sems dpa' la la zhig gis/ phyogs bcul/ 'jig rten gyi khams kyi sems can thams cad dad pas rjes su 'brang ba nyid la bkod pa bas ni byang chub sems dpa' gzhan gang zhig gis/ sems can gcig cig don gyi rjes su 'brang ba nyid la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems
- 316a
can thams cad/ don gyi rjes su 'brang ba nyid la bkod pa bas ni/ byang chub sems dpa' gzhan gang zhig gis/ sems can gcig cig chos kyi rjes su 'brang ba nyid la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa'al la zhig gis/ phyogs bcu'i 'jig rten gyi khams kyis sems can thams cad/ chos kyi rjes su 'brang ba nyid la bkod pa bas ni/ byang chub sems dpa' gzhan gang zhig gis/ sems can gcig cig rgyun tu zhugs pa'i 'bras bu la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ rgyun tu zhugs pa'i 'bras bu la bkod pa bas ni/ byang chub sems dpa' gzhan gang zhig gis/ sems can gcig cig lan cig phyir 'ong ba'i 'bras bu la bkod par gyur na/ de ni de bas ches bsod nams grangs med pa skyed par 'gyur ro/ / 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ lan cig phyir 'ongs pa'i 'bras bu la bkod pa bas ni/ byang chub sems dpa' gzhan gang zhig gis/ sems can gcig cig phyir mi 'ong ba'i 'bras bu la bkod par gyur na/
- 316b
de ni de bas ches bsod nams grangs med pa bskyed par 'gyur ro// 'jam dpal gal te byang chub sems dpa' la la zhig gis/ phyogs bcu pa 'jig rten gyi khams kyi sems can thams cad/ phyir mi 'ong ba'i 'bras bu la bkod pa bas ni/ byang chub sems dpa' gzhan gang zhig gis/ sems can gcig cig dgra bcom pa nyid la bkod par gyur na/ de ni de bas ches bsod nams grangs med pa bskyed par 'gyur ro/ / 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ dgra bcom pa nyid la bkod pa bas ni/ byang chub sems dpa' gzhan gang zhig gis/ sems can gcig cig rang sangs rgyas nyid la bkod par gyur na/ de ni de bas ches bsod nams grangs med pa bskyed par 'gyur ro/ / 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ rang sangs rgyas nyid la bkod pa bas ni/ byang chub sems dpa' gzhan gang zhig gis/ sems can gcig cig byang chub kyi sems la bkod par gyur na/ de ni de bas ches bsod nams grangs med pa bskyed par 'gyur 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad byang chub kyi sems la bkod pa bas ni/ byang chub sems
- 317a
dpa' gzhan gang zhig gis/ sems can gcig cig phyir mi lcogs pa nyid la bkod par gyur na/ de ni de bas ches bsod nams grangs med pa bskyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad phyir mi ldog pa nyid la bkod pa bas ni/ byang chub sems dpa' gzhan gang zhig gis/ chos kyi rnam grangs 'di la mos shing yi ger 'drir bcug nas/ gzhan dag la rgya cher yang dag par ston pa dang / tha na sems can gcig cig chos kyi rnam grangs bde la 'jug par byas na/ de ni de bas ches bsod nams grangs med pa bskyed par 'gyur ro// de nas de'i tshe bcom ldan 'das kyis tshigs su bcad pa 'di dag bka' stsal to/ / byang chub sems dpa' gang zhig zad pa'i dus mtha'i tshe/ sangs rgyas bye ba phrag bcu'i dam chos 'dzin pa bas// gang zhig mdo sde 'di ni nyen par byed 'gyur na// de ni de bas bsod nams chen po khyad par 'phags/ / gang zhig rdzu 'phrul stobs kyi phyogs bcur song nas ni// sangs rgyas bye ba phrag bcu dag la mchod byed cing // snying rje bskyed de bde ba kun la chags med par/ / skyes bu dam pa thams cad la phyag 'tshal btsud pa bas// gang zhig bde gshegs bstan la sems rab dad gyur cing // rgyal ba'i chos rnams smon par byed pa'i mdo sde 'di//
- 317b
gzhan la yud tsam cig cig ston par byed gyur na// de ni de bas bsod nams 'bras bu khyad par 'phags// bde gshegs bstan pa'i mdo sde sgron mar gyur pa 'di// gang gis lha dang mi la yang dag bstan byas na/ / de ni shes rab rno zhing mthu chen ldan 'gyur la// sangs rgyas rnams kyis yang myur du 'thob par 'gyur// gang gis bde gshegs sangs rgyas ma mchog de dag ni/ / phung po'i lhag ma med par yongs su mya ngan las 'das par gyur pa dag gi de 'dra'i sku thos nas// sems can gzhan la'ang yang dag sgrog par gyur cing // mchod rten gnam 'phang mtho ba srid rtse'i mthar thug la/ / khyon dang ldan par gyur pa'ang srid rtse ci bzhin pa// rin chen mdzes pas spras shing gdugs dang ba dan dang // de bzhin dril sgras mdzes pa byed du bcugs pa bas/ / 'di na byang chub sems dpa' gang zhig 'di 'dra ba'i// mdo sde 'di thos lus la gnas par 'gyur ba'am// glegs bam bri ba byas te gzhag par byed 'dod na// de ni de bas bsod nams 'bras bu khyad par 'phags/ / ser sna'i 'dri ma gsal bar gyur cing 'jigs med pa'i// byang chub sems dpa' gang zhig chos 'di 'dzin byed na// de yi bsod nams dpag tu yod par mi 'gyur te/ / ci ltar 'dod pa bzhin du byang chub thob par 'gyur// mdo 'di bde bar gshegs pa rnams kyis rab bsngags shing // byang chub sems dpa' mang pos yong
- 318a
su bzung ba yin/ / de bzhin gshegs pa rnams kyi sku lus nam mkha' yi// khams dang 'dra ba thams cad 'dir ni bstan pa yin// bcom ldan 'das kyis de skad ces bka' stsal nas/ / byang chub sems dpa' sems dpa' chen po 'jam dpal gzhon nur gyur pa dang // byang chub sems dpa' dang / nyan thos chen po grangs med pa bsam gyis mi khyab brjod du med pa de dag dang / lha dang / mi dang / lha ma yin dang / nam mkha' lding dang / dri zar bcas pa'i 'jig rten yid rang ste/ bcom ldan 'das kyis gsungs pa la mngon par bstod do/ / 'phags pa sangs rgyas thams cad kyi yul la 'jug pa ye shes snang ba'i rgyan ces bya ba thegs pa chen po'i mdo rdzogs so// / rgya gar gyi mkhan po su ren dra bo d+ha dang / bu chen gyi lo tsa ba ban d+he ye shes sde la sogs pas bsgyur cing zhus te gtan la phab pa// @#rgya gar skad du/ Ar+ya shad d+ha ba laH nA pa ta ra mu dra nA ma ma hA yA na sU tra/ bod skad du/ 'phags pa dang pa'i stobs bskyed pa la 'jug pa'i phyag rgya zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa'i gnas na/ chos kyi bas mtha' dgon pa na/ kun nas
- 318b
gabod kyi khang pa bsod nams chen po'i rgyun gyi tshogs bsags pa kun tu ma smad pa/ yon tan gyi tshogs dpag tu med pa rdo rje ltar bsra bar brtsigs pa/ mi shig pa'i sa'i phyogs nor bu rin po tshe thams cad kyis spras pa'i me tog gi rgyan dri ma med pa'i 'od 'bar ba'i nor bu rin po che'i dra ba'i rgyan gyi spras pa/ kha dog mtha' yas pa'i nor bu rin po che rgya mtsho yangs pa snang zhing rnam par bkra ba/ nor bu rin po che'i char mi zad pa 'bab pa'i nor bu rin po che'i rgyal po las grub pa me tog sna tshogs 'khyil ba'i chu bo'i nor bu sdong po dang yal gas rgyan pa/ me tog dang spos dang rin po che thams cad kyi dra ba bres pa/ bkod pa thams cad 'bar ba sangs rgyas kyi byin gyi rlabs kyis rnam par sprul pa yang dag par bston pa'i sa'i snying po// nor bu rin po che thams cad yangs par 'byung bas phyogs kun tu sbyangs shing bkod pa'i byang chub kyi snying po nor bu rin po che bai DUR+Ya'i rigs kyi brgyan pas rgyas pa'i phung po/ / nor bu rin po che'i rgyal po'i kha khyer gyis bkor ba nor bu mu tig rin po che'i chun pos mdzes par byas pa/ gdugs dang / rgyal mtshan dang ba dan btsugs pa/ dril bu g.yer ka'i dra ba'i bla re bres pa/ tsan dan sbrul gyi snying pos byugs pa dbang gi rgyal po'i nor bu rin po che'i dra bas g.yogs pa/ rgya mtsho'i gnas rnam par dag pa bkod pa kun nas 'od gzer gyi nor bu'i dra bas gtams pa/ seng ge ral pa'i nor bu rin po che'i gra
- 319a
leb kyi bka' pa/ seng ge'i rgyal mtshan mchog gi nor bu rin po che'i sgo khang dang / rta babs dang / skar khung gis brgyan pa/ dar gyi chun po bris pas mdzes par byas/ ba/ me tog man+da ra ba dang / man+da ra ba chen po dang / many+dzu sha ka dang / many+dzu sha ka chen po dang / mdog mdzes dang / mdog mdzes chen po dang / 'khor lo dang / 'khor lo chen po dang / sna ma'i me tog dang / ba ra shi ka dang / ta ra ni dang / ba laM la go ta ra ni dang / shin tu dri mchog dang / d+ha nuska ri ka dang / lha'i me tog yid du 'ong ba ut+pal dang / pad+ma dang / ku mu dA dang / pad+ma dkar po dang / me tog chen pos gtor ba na bzhugs te/ chags pa med par bkod pa'i snying po'i seng ge'i khri la bcom ldan 'das blo shin tu rnam par dag pa/ kun tu spyod pa gnyis mi mnga' ba/ mtshan nyid med pa'i chos la shin tu gzhol ba/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa mi mnga' bas rtogs pa thugs su chud pa/ phyir mi ldogs pa'i chos dang ldan pa/ spyod yul mi 'phrogs pa rnam par gzhag pa bsam gyis mi khyab pa ra/ dus gsum mnyam pa nyid tshar phyin pa/ 'jig rten gyi khams thams cad du khyab pa'i sku dang ldan pa/ chos thams cad la the tsom med pa'i ye shes mnga' ba/ spyod pa thams cad dang ldan pa'i blo mnga' ba/ sangs rgyas kyi ye shes la nem nur med pa/ rnam par
- 319b
mi rtog pa'i sku mnga' ba/ byang chub sems dpa' thams cad kyis ye shes yang dag par nos pa/ sangs rgyas kyi gnas pa gnyis su med pa dam pa'i pha rol tu phyin pa/ de bzhin gshegs pa ngag ma 'dres pa'i rnam par thar par mdzad pa'i ye shes kyi mthar phyin pa/ mtha' dang dbus med pa'i sangs rgyas kyis mnyam pa nyid thugs su chud pa/ chos kyi dbyings kyis klas pa/ nam mkha'i khams kyi mtha' gtugs pa/ lhun gyis grub pa'i ye shes kyi sangs rgyas kyis mdzad pa thams cad rgyun mi chad pa/ phyi ma'i mtha'i mu bskal pa grangs med pa thams cad du phyir mi ldog pa'i chos 'khor lo bskor ba byin gyis rlob pa/ chags pa med pa'i bkod pa'i snying po yang dag par bston pa/ ma chags pa'i ye shes mnga' ba/ rnam pa thams cad kyi mchog dang ldan pa'i shes bya dbyer med cing mi gnas pa/ dus gcig tu phyogs bcu'i 'jig rten gyi khams rab 'byams thams cad du dga' ldan gyi gnas mchog na bzhugs pa dang / 'chi 'pho ba dang / skye ba dang / mngon par 'byung ba dang / dka' ba spyod pa'i sbyor ba dang / byang chub kyi snying por gshegs pa dang / bdud bcom pa dang / mngon par rdzogs par byang chub pa dang / chos kyis 'khor lo rab tu bskor ba dang / yongs su mya ngan las 'da' ba dang / chos gnas pa dang / chos nub pa ston pa la mkhas pa bzhugs te/ sangs rgyas kyi zhing brjod du med pa'i yang
- 320a
brjod du med pa bye ba khrag khrig brgya stong phrag bcu'i rdul phra rab snyed kyi/ byang chub sems dpa' sems dpa' chen po thams cad kyang dpa' bar 'gro ba'i ting nge 'dzin gyis rnam par rtsen pa/ lus kyi kha dog mtha' yas pa yongs su 'grub pa bsgrub pa'i gzungs thob pa/ sangs rgyas med pa'i 'jig rten gyi khams su sangs rgyas 'byung ba ston pa la mtha pa/ kun nas nyon mongs pa can gyi 'jig rten gyi khams yongs su sbyong ba sha stag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba dang / mi dang mi ma yin pa grangs med dpag tu med pa dag dang yang thabs cig go/ de nas 'jam dpal gzhon nur gyur pa stan las langs te bla gos phrag pa gcig tu bzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ / dbugs byin pa rnyed pa gang dag byang chub sems dpa' rnams kyis dang po yongs su sbyong bar 'gyur ba dag bcom ldan 'das kyis bstan du gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal
- 320b
dbugs 'byin pa rnyed pa lnga po 'di dag byang chub sems dpa' rnams kyis dang po yongs su sbyong bar 'gyur te/ lnga gang zhe na 'di lta ste/ bdag ni bsam pa la gnas kyis/ gzhan dag kyang bsam pa la dgod do zhes dbugs 'byin par brnyed par 'gyur te/ de la bsam pa ni gang dge ba'i rtsa ba gzhan tsam mi bye brag la dad pa mi phyed pa'o// bdag ni lhag pa'i bsam pa la gnas kyis gzhan dag kyang lhag pa'i bsam pa la dgod do zhes dbugs 'byin pa rnyed par 'gyur te/ de la lhag pa'i bsam pa ni gang sangs rgyas kyi che ba nyid kyi khyad par 'gro ba'i chos rnams la lhag par dmigs pa'o/ / bdag ni dad pa la gnas kyis/ gzhan dag kyang dad pa la dgod do zhes dbugs 'byin pa rnyed par 'gyur to// de la dad pa ni shes rab kyi rtsa ba las byung ba'i las la gnas pa'o/ / bdag ni mchog tu dga' ba la gnas kyis gzhan dag kyang mchog tu dga' ba la dgod do zhes dbugs 'byin pa rnyed par 'gyur te/ de la mchog tu dga' ba ni lus dang sems ra ba tu sbyangs par gang yin pa'o/ / bdag ni bdud kyi las dang dbyer med pa'i sangs rgyas kyi las la gnas kyis/ gzhan dag kyang bdud kyi las dang dbyer med pa'i sangs rgyas kyis las la dgod do zhes dbugs 'byin pa rnyed par 'gyur te/ de la bdud kyi las ni gang phyin ci log gi kun nas ldang ba las byung ba'i lte ba dang / lha bkun nas ldang ba las byung ba'i bdud kyi las te/ bdud kyi las
- 321a
'di sangs rgyas kyi las dang dbyer med do/ / de ci'i phyir zhe na/ bdud kyi las kyi rang bzhin las gzhan ma yin pa'i phyir te/ bdud kyi las kyi rang bzhin las sangs rgyas kyi las gzhan med pas/ bdud kyi las kyi rang bzhin nyid sangs rgyas kyi las te/ 'jam dpal dbugs 'byin pa rnyed pa lnga po dag ni byang chub sems dpa' rnams kyi dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ gang zhe na/ 'di lta ste/ bdag ni lta bar gyur pa dang dbyer med pa'i stong pa nyid shes pa la gnas kyis/ gzhan dag kyang lta bar gyur pa dang / dbyer med pa'i stong pa nyid shes pa la dgod do zhes dbugs 'byin pa rnyed par 'gyur te/ de la lta bar 'gyur ba dang dbyer med pa'i stong pa nyid ni lta bar gyur pa'i rang bzhin gang yin pa'o// de ci'i phyir zhe na/ stong pa nyid ni lta bar gyur pa'i rang bzhin las gzhan ma yin pa'i phyir te/ lta bar gyur pa'i rang bzhin las stong pa nyid gzhan med pas/ lta bar gyur pa'i rang bzhin nyid stong pa nyid de/ lta bar gyur pa'i rang bzhin stong pa nyid shes pa des chos thams cad stong ngo/ bdag ni smre 'dogs pa dang dbyer med pa/ sgro 'dogs pa med pa shes pa la gnas kyis gzhan dag kyang sgro 'dogs pa dang dbyer med pas/ sgro 'dogs pa med par shes pa la dgod
- 321b
do zhes dbugs 'byin pa rnyed par 'gyur te/ de la sgro 'dogs pa dang dbyer med pa sgro 'dogs pa med pa ni sgro 'dogs pa'i rang bzhin gang yin pa'o// de ci'i phyir zhe na/ sgro 'dogs pa med pa ni sgro 'dogs pa'i rang bzhin las gzhan ma yin pa'i phyir te/ sgro 'dogs pa'i rang bzhin las sgro 'dogs pa med pa/ gzhan med pas sgrob dogs pa'i rang bzhin nyid spro bdogs pa med pa ste/ sgro 'dogs pa'i rang bzhin gyi sgro 'dogs pa med pa shes pa des/ chos thams cad sgro 'dogs pa med pa'o// bdag ni lhag par byed pa dang / dbyer med pa lhag par byed pa med pa shes pa la gnas kyis/ gzhan dag kyang lhag par byed pa dang / dbyer med pa lhag par byed pa med pa shes pa la dgod do zhes dbugs 'byin pa rnyed par 'gyur te/ de la lhag par byed pa dang / dbyer med pa lhag par byed pa med pa ni lhag par byed pa'i rang bzhin gang yin pa'o// de ci'i phyir zhe na/ lhag par byed pa med pa ni lhag par byed pa'i rang bzhin las gzhan ma yin pa'i phyir te/ lhag par byed pa'i rang bzhin las lhag par byed pa med pa gzhan med pas lhag par byed pa'i rang bzhin nyid lhag pa byed pa med pa ste/ lhag par byed pa'i rang bzhin gyi lhag par byed pa med pa shes pa des/ chos thams cad lhag par byed pa med pa'o// bdag ni 'degs pa dang gzhag pa dang / dbyer med pa'i 'degs pa dang / gzhag pa med pa shes pa la gnas kyis/
- 322a
gzhan dag kyang 'degs pa dang gzhag pa dang / dbyer med pa gdegs pa med cing gzhag pa med pa shes pa la dgod do zhes dbugs 'byin pa rnyed par 'gyur te de la gdegs pa dang / gzhag pa dang / dbyer med pa kha degs pa med cing gzhag pa med pa ni gdegs pa dang gzhag pa'i rang bzhin gang yin pa'o// de ci'i phyir zhe na/ 'degs pa med pa dang gzhag pa med pa ni/ 'degs pa dang gzhag pa'i rang bzhin las gzhan ma yin pa'i rang bzhin/ 'degs pa dang gzhag pa'i rang bzhin las/ 'degs pa med cing gzhag pa med pas 'degs pa dang gzhag pa'i rang bzhin nyid 'degs pa med cing gzhag pa med pa ste/ 'degs pa dang gzhag pa'i rang bzhin nyid kyi 'degs pa dang gzhag pa med pa shes pa des/ chos thams cad gdegs pa dang gzhag pa med pa'o// bdag ni blang ba dang dor ba dang / dbyer med pa/ blang ba med cing dor ba med pa shes pa la gnas kyis/ gzhan dag kyang blang ba dang dor ba dang dbyer med pa shes pa la dgod do zhes dbugs 'byin pa rnyed par gyur te/ de la blang ba dang dor ba dbyer med pa/ blang ba med cing dor ba med pa ni blang ba dang dor ba'i rang bzhin gang yin pa'o/ / de ci'i phyir zhe na/ blang ba med cing dor ba med pa ni blang ba dang dor ba'i rang bzhin las gzhan ma yin pa'i phyir te/ blang ba dang dor ba'i rang bzhin las
- 322b
blang ba med cing dor ba med pa gzhan med pas/ blang ba dang dor ba med pa'i rang bzhin nyid blang ba dang dor ba med pa'o// blang ba dang dor ba'i rang bzhin gyis blang ba med cing dor ba med pa shes pa des/ chos thams cad blang ba med cing dor ba med pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang yongs su sbyong bar 'gyur ba'o/ / 'jam dpal gzhan yang dbug 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na 'di lta ste/ bdag ni 'dus byas dang dbyer med pa/ 'dus ma byas shes pa la gnas kyis/ gzhan dag kyang 'dus byas dang dbyer med pa/ 'dus ma byas shes pa la dgod do zhes dbug 'byin pa rnyed par 'gyur te/ de la 'dus byas dang dbyer med pa 'dus ma byas ni 'dus byas kyis rang bzhin gang yin pa'o// de ci'i phyir zhe na/ 'dus ma byas na 'dus byas kyi rang bzhin las gzhan ma yin pa'i phyir te/ 'dus byas kyi rang bzhin las 'dus ma byas gzhan med pas 'dus byas kyi rang bzhin nyid 'dus ma byas te/ 'dus byas kyi rang bzhin 'dus ma byas shes pa des chos thams cad 'dus ma byas so/ / bdag ni dngos po dang dbyer med pa dngos po med pa shes pa la gnas kyis/ gzhan dag kyang dngos po dang dbyer med pa dngos po med pa shes pa la
- 323a
dgod do zhes dbug 'byin pa rnyed par 'gyur te/ de la dngos po dang dbyer med pa dngos po meng pa ni dngos po'i rang bzhin gang yin pa'o// de ci'i phyir zhe na/ dngos po med pa ni dngos po'i rang bzhin las gzhan ma yin pa'i phyir te/ dngos po'i ring bzhin las dngos po med pa gzhan med pas dngos po'i rang bzhin nyid dngos po med pa ste dngos po'i rang bzhin nyid dngos po med pa shes pa des/ chos thams cad dngos po med pa'o// bdag ni gnas dang dbyer med pa gnas med pa shes pa la gnas kyis/ gzhan dag kyang gnas dang dbyer med gnas med pa shes pa la dgod do zhes dbugs 'byin pa rnyed par gyur te/ de la gnas dang dbyer med pa gnas med pa ni gnas kyi rang bzhin gang yin pa'o// de ci'i phyir zhe na/ gnas med pa ni gnas kyi rang bzhin las gzhan ma yin pa'i phyir te/ gnas kyi rang bzhin las gnas med pa gzhan med pa gzhan med pas/ gnas kyi rang bzhin nyid gnas med pa ste/ gnas kyi rang bzhin gnas med pa shes pa des/ chos thams cad gnas med pa'o// bdag ni dmigs pa dang dbyer med pa shes pa la gnas kyis/ gzhan dag kyang dmigs pa dang dbyer med pa dmigs pa med shes pa la dgod do zhes dbugs 'byin pa rnyed par 'gyur te/ de la dmigs pa dang dbyer med pa dmigs pa med pa ni dmigs pa'i rang bzhin gang yin
- 323b
pa'o/ / de ci'i phyir zhe na/ dmigs pa med pa ni dmigs pa'i rang bzhin pas gzhan ma yin pa'i phyir te/ dmigs pa'i rang bzhin las dmigs pa med pa gzhan med pas/ dmig/ pa'i rang bzhin nyid dmigs pa med pa ste/ dmigs pa'i rang bzhin gyi dmigs pa med pa shes pa des chos thams cad dmigs pa med pa'o// bdag ni phyogs dang dbyer med pa/ phyogs med pa shes pa la gnas kyis/ gzhan dag kyang phyogs dang dbyer med pa phyogs med pa shes pa la dgod do zhes dbugs 'byin pa rnyed par gyur te/ de la phyogs dang dbyer med pa phyogs med pa ni phyogs kyi rang bzhin gang yin pa'o/ / de ci'i phyir zhe na/ phyogs med pa ni phyogs kyi rang bzhin las gzhan ma yin pa'i phyir te/ phyogs kyi rang bzhin las phyogs med pa gzhan med pas/ phyogs kyi rang bzhin nyid phyogs med pa'o// phyogs rang bzhin gyi phyogs med pa shes pa des/ chos thams cad phyogs med pa ste/ 'jam dpal dbugs 'byin pa lnga po de dag ni/ byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur/ te/ lnga gang zhe na 'di lta ste/ bdag ni mtshan nyid dang dbyer med pa mtshan nyid med pa shes pa la gnas kyis/ gzhan dag kyang mtshan nyid dang dbyer med pa mtshan nyid med pa shes pa la
- 324a
dgod do zhes dbugs 'byin pa rnyed par 'gyur te/ de la mtshan nyid dang dbyer med pa mtshan nyid med pa ni/ mtshan nyid kyi rang bzhin grang yin pa'o// de ci'i phyir/ zhe na/ mtshan nyid med pa ni ma tshan nyid kyi rang bzhin las gzhan ma yin pa'i phyir// mtshan nyid kyi rang bzhin las mtshan nyid med pa gzhan med pas mtshan nyid kyi rang bzhin cing mtshan che med pa ste/ mtshan nyid med kyi rang bzhin gyi mtshan nyid med pa shes pa des/ chos thams cad mtshan nyid med pa'o// bdag ni dngos po dang dbyer med pa/ dngos po med pa shes pa la gnas kyis/ / gzhan dag kyang dngos po dang dbyer med pa dngos po med pa shes pa la dgod do zhes dbugs 'byin pa rnyed par 'gyur te/ dngos po med dang dbyer med pa dngos po med pa ni/ dngos po'i rang bzhin gang yin pa'o// de ci'i phyir zhe na/ dngos po med pa ni dngos po'i rang bzhin las gzhan ma yin pa'i phyir te/ dngos po'i rang bzhin las dngos po med pa gzhan med pabs/ dngos po'i rang bzhin nyid dngos po med pa ste/ dngos po'i rang bzhin dngos po med pa shes pa des/ chos thams cad dngos po med pa'o// bdag ni gnyis dang dbyer med pa gnyis su med pa shes pa la gnas kyis/ gzhan dag kyang gnyis dang dbyer med pa gnyis su med pa shes pa la dgod do zhes dbugs 'byin pa rnyed par gyur to// de la gnyis dang dbyer med pa gnyis
- 324b
su med pa ni gnyis kyis rang bzhin gang yin pa'o/ / de ci'i phyir zhe na/ gnyis su med pa ni gnyis kyi rang bzhin las gzhan ma yin pa'i phyir te/ gnyis kyi rang bzhin las gnyis su med pa gzhan/ med pas/ gnyis kyi rang bzhin nyid gnyis su med pa ste/ gnyis kyi rang bzhin gyi gnyis su med pa shes pa des chos thams cad gnyis su med pa'o// bdag ni gzugs dang dbyer med pa gzugs med pa shes pa la gnas kyis/ gzhan dag kyang gzugs dang dbyer med pa gzugs med pa shes pa la dgod do zhes dbugs 'byin pa rnyed par 'gyur te/ de la gzugs dang dbyer med pa gzugs med pa ni gzugs kyi rang bzhin gang yin pa'o/ / de ci'i phyir zhe na/ gzugs med pa ni gzugs kyi rang bzhin las gzhan ma yin pa'i phyir te/ gzugs kyi rang bzhin las/ gzugs med pa gzhan med pas gzugs kyi rang bzhin nyid gzugs med pa ste/ gzugs kyi rang bzhin gyi gzugs med pa shes pa des chos thams cad gzugs med pa'o// bdag ni 'khor ba dang dbyer med pa mya ngan las 'das pa shes pa la gnas kyis/ gzhan dag kyang 'khor ba dang dbyer med pa mya ngan las 'das pa shes pa la dgod do zhes dbugs 'byin pa rnyed par 'gyur te/ de la 'khor ba dang dbyer med pa mya ngan las 'das pa ni 'khor ba'i rang bzhin gang yin pa'o// de ci'i phyir zhe na/ mya ngan las 'das pa ni 'khor ba'i rang bzhin las gzhan ma
- 325a
yin pa'i phyir te/ 'khor ba'i rang bzhin las mya ngan pas 'das pa gzhan med pas/ 'khor ba'i rang bzhin nyid mya ngan las 'das pa'o// 'khor ba'i rang bzhin gyi mya ngan las 'das pa shes pa des/ chos thams cad mya ngan las 'das pa ste/ 'jam dpal dbugs 'byin pa rnyed par 'gyur te/ lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag/ byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chags pa dang dbyer med pa chags pa med pa shes pa la gnas kyis/ gzhan dag kyang chags pa dang dbyer med pa chags pa med pa shes pa la dgod do zhes dbugs 'byin pa rnyed par 'gyur te/ de la chags pa dang dbyer med pa chags pa med pa ni chags pa'i rang bzhin gang yin pa'o// de ci'i phyir zhe na/ chags pa med pa ni chags pa'i rang bzhin las gzhan ma yin pa'i phyir te/ chags pa'i rang bzhin las chags pa med pa gzhan med pas chags pa'i rang bzhin nyid chags pa med pa ste/ chags pa'i rang bzhin gyi chags pa med pa des/ chos thams cad chags pa med pa'o/ / bdag ni rlom sems dang dbyer med par rlom sems med pa shes pa la gnas kyis gzhan dag kyang rlom sems dang dbyer med pa rlom sems med pa shes pa la
- 325b
dgod do zhes dbugs 'byin pa rnyed par 'gyur te/ de la rlom sems dbyer med pa rlom sems med pa ni rlom sems kyi rang bzhin gang yin pa'o// de ci'i phyir zhe na/ rlom sems med pa ni rlom sems kyi rang bzhin las gzhan ma yin pa'i phyir te/ rlom sems kyi rang bzhin las rlom sems med pa gzhan ma yin pas/ rlom sems kyi rang bzhin nyid rlom sems med pa ste/ rlom sems kyi rang bzhin gyi rlom sems med pa'i shes pa des/ chos thams cad rlom sems med pa'o// bdag ni mi shes pa dang dbyer med pa'i shes pa la gnas kyis/ gzhan dag kyang mi shes pa dang dbyer med pa'i shes pa la dgod do zhes dbugs 'byin pa rnyed par 'gyur te/ de la mi shes pa dang dbyer med pa'i shes pa ni mi shes pa'i rang bzhin gang yin pa'o// de ci'i phyir zhe na/ shes pa ni mi shes pa'i rang bzhin las gzhan ma yin pa'i phyir te/ mi shes pa'i rang bzhin las shes pa gzhan med pas mi shes pa'i rang bzhin nyid shes pa ste/ mi shes pa'i rang bzhin gyi shes pa des chos thams cad shes pa'o/ / bdag ni yod pa dang dbyer med pa'i med par shes pa la gnas kyis/ gzhan dag kyang yod pa dang / dbyer med pa'i med par shes pa la dgod do zhes dbugs 'byin pa rnyed par 'gyur te/ de la yod pa dang dbyer med pa'i med pa ni yod pa'i rang bzhin gang yin pa'o// de ci'i phyir zhe na/ med pa'i rang bzhin ni yod pa'i rang bzhin las gzhan ma yin pa'i phyir te//
- 326a
yod pa'i rang bzhin las med pa gzhan med pas yod pa'i rang bzhin nyid med pa ste/ yod pa'i rang bzhin gyi med pa shes pa des chos thams cad med pa'o// bdag ni rnam par rig pa dang dbyer med pa rnam par rig pa med pa shes pa la gnas kyis/ gzhan dag kyang rnam par rig pa dang dbyer med pa rnam par rig pa med pa shes pa la dgod do zhes dbugs 'byin pa rnyed par 'gyur te/ de la rnam par rig pa dang dbyer med pa rnam par rig pa med pa ni rnam par rig pa'i rang bzhin gang yin pa'o// de ci'i phyir zhe na/ rnam par rig pa med/ pa ni rnam par rig pa'i rang bzhin las gzhan ma yin pa'i phyir te/ rnam par rig pa'i rang bzhin las ni rnam par rig pa med pa gzhan med pas/ rnam par rig pa'i rang bzhin nyid rnam par rig pa'o/ / rnam par rig pa'i rang bzhin gyi rnam par rig pa med pa shes pa des/ chos thams cad rnam par rig pa med pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag/ byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni mi dang dbyer med pa ming med pa shes pa la gnas kyis/ gzhan dag kyang ming dang dbyer med pa ming med pa shes pa la dgod do zhes dbugs
- 326b
'byin pa rnyed par 'gyur te/ de la ming dang dbyer med pa ming med pa ni ming gi rang bzhin gang yin pa'o// de ci'i phyir zhe na/ ming med pa ni ming gi rang bzhin las gzhan ma yin pa'i phyir te/ ming gi rang bzhin las ming med pa gzhan med pas/ ming gi rang bzhin nyid ming med pa ste/ ming gi rang bzhin gyi ming med pa shes pa des/ chos thams cad ming med pa'o// bdag ni bdag dang dbyer med pa bdag med pa'i ye shes la gnas kyis/ / gzhan dag kyang bdag dang dbyer med pa bdag med pa'i ye shes la dgod do zhes dbugs 'byin pa rnyed par 'gyur te/ de la bdag dang dbyer med pa dag med pa ni bdag gi rang bzhin gang yin pa'o/ / de ci'i phyir zhe na/ bdag med pa ni bdag gi rang bzhin las gzhan ma yin pa'i phyir te/ bdag gi rang bzhin las bdag med pa gzhan med pas/ bdag gi rang bzhin nyid bdag med pa ste/ bdag gi rang bzhin padag med pa shes pa des chos thams cad bdag med pa shes pa'o// bdag ni rgyu dang rkyen tshogs pa'i byed pa dang dbyer med pa rgyu dang rkyen tshogs pa'i byed pa med pa shes pa la gnas kyis/ gzhan dag kyang rgyu dang rkyen tshogs pa'i byed pa dang dbyer med pa rgyu dang rkyen tshogs pa'i byed pa med pa shes pa la dgod do zhes dbugs 'byin pa rnyed par 'gyur te/ de ci'i phyir zhe na/ de la rgyu dang rkyen tshogs pa'i byed pa dang dbyer med pa rgyu dang rkyen tshogs pa'i byed pa med pa ni rgyu dang rkyen tshogs pa'i byed pa'i
- 327a
rang bzhin gang yin pa'o/ / de ci'i phyir zhe na/ rgyu dang rkyen tshogs pa'i byed pa med pa ni rgyu dang rkyen tshogs pa'i byed pa'i rang bzhin las gzhan ma yin pa'i phyir te rgyu dang rkyen tshogs pa'i byed pa las/ rgyu dang rkyen tshogs pa'i byed pa med pa gzhan med pas rgyu dang rkyen tshogs pa'i byed pa med pa'i rang bzhin nyid rgyu dang rkyen tshogs pa'i byed pa med pa ste/ rgyu dang rkyen tshogs pa'i byed pa med pa'i rang bzhin shes pa des/ chos thams cad rgyu dang rkyen tshogs pa'i byed pa med pa'o// bdag ni dbye ba dbyer med pa shes pa la gnas kyis gzhan dag kyang dbye dang dbyer med pa shes pa la dgod do zhes dbugs 'byin pa rnyed par 'gyur te/ de la dbye dang dbyer med pa'i rang bzhin dbye ba'i rang bzhin gang yin pa'o// de ci'i phyir zhe na/ dbyer med pa ni dbye ba'i rang bzhin las gzhan ma yin pa'i phyir te/ dbye ba'i rang bzhin las dbyer med pa gzhan med pas/ dbye ba'i rang bzhin nyid dbyer med pa ste// dbye ba'i rang bzhin gyis dbyer med pa shes pa des/ chos thams cad dbyer med pa'o// bdag ni yi ge dang dbyer med pa yi ge med pa shes pa la gnas kyis/ gzhan dag kyang yi ge dang dbyer med yi ge med pa shes pa la dgod do zhes dbugs 'byin pa rnyed par 'gyur te/ de la yi ge dang dbyer med pa yi ge med pa ni yi ge'i rang bzhin gang yin pa'o// de ci'i phyir zhe na/
- 327b
yi ge med pa ni yi ge'i rang bzhin las gzhan ma yin pa'i phyir te/ yi ge'i rang bzhin las yi ge med pa gzhan med pas/ yi ge'i rang bzhin nyid yi ge med pa'o// yi ge'i rang bzhin gyi yi ge med pa shes pa des/ chos thams cad yi ge med pa ste/ 'jam dpal dbugs 'byin pa rnyed par 'gyur te/ lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed par lnga dag/ byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lhag pa'i nga rgyal dang dbyer med pa'i lhag pa'i nga rgyal med pa shes pa la gnas kyis/ gzhan dag kyang lhag pa'i nga rgyal dang dbyer med pa lhag pa'i nga rgyal med pa shes pa la dgod do zhes dbugs 'byin pa rnyed par 'gyur te/ de lhag pa'i nga rgyal dang dbyer med pa lhag pa'i nga rgyal med pa ni/ lhag pa'i nga rgyal gyi rang bzhin gang yin pa'o// de ci'i phyir zhe na/ lhag pa'i nga rgyal med pa ni lhag pa'i nga rgyal gyi rang bzhin las gzhan ma yin pa'i phyir te/ lhag pa'i nga rgyal gyi rang bzhin las lhag pa'i nga rgyal med pa gzhan med pas lhag pa'i nga rgyal gyi rang bzhin nyid lhag pa'i nga rgyal med pa ste/ lhag pa'i nga rgyal gyi rang bzhin gyi lhag pa'i nga rgyal med pa shes pa des chos thams cad lhag pa'i nga rgyal med pa'o// bdag ni bdag bstod pa dang dbyer med pa bdag bstod pa med pa shes pa la gnas kyis
- 328a
gzhan bdag kyang bdag bstod pa dang / dbyer med pa dag bdag bstod pa med pa shes pa la dgod do zhes dbugs 'byin pa rnyed par 'gyur te/ de la bdag bstod pa dang dbyer med pa dag pa dag pastod pa med pa ni bdag bstod pa'i rang bzhin gang yin pa'o/ / de ci'i phyir zhe na/ bdag bstod pa med pa ni bdag bstod pa'i rang bzhin las gzhan ma yin pa'i phyir te/ bdag bstod pa'i rang bzhin las bdag bstod pa med pa gzhan med pas/ bdag bstod pa'i rang bzhin nyid bdag bstod pa med pa ste// bdag bstod pa'i rang bzhin bdag pa stong pa med pa shes pa des/ chos thams cad bdag bstod pa med pa'o// bdag ni drang ba'i don dang dbyer med pa nges pa'i don shes pa la gnas kyis/ gzhan dag kyang drang ba'i don dang dbyer med pa nges pa'i don shes pa la dgod do zhes dbugs 'byin pa rnyed par 'gyur te/ de la drang ba'i don dang dbyer med pa nges pa'i don ni drang ba'i don gyi rang bzhin gang yin pa'o// de ci'i phyir zhe na/ nges pa'i don ni drang ba'i don gyi rang bzhin las gzhan ma yin pa'i phyir te/ drang ba'i don gyi rang bzhin las nges pa'i don gzhan med pas/ drang ba'i don gyi rang bzhin nyid nges pa'i don te/ drang ba'i don gyi rang bzhin nges pa'i don shes pa des chos thams cad nges pa'i don to/ / bdag ni gang zag dang dbyer med pa'i chos nyid shes pa la gnas kyis/ gzhan dag kyang gang zag dang dbyer med pa
- 328b
chos nyid shes pa la dgod do zhes dbugs 'byin pa rnyed par 'gyur te/ de la gang zag dang dbyer med pa chos nyid ni gang zag dang dbyer med kyi rang bzhin gang yin pa'o// de ci'i phyir zhe na/ chos nyid ni gang zag gi rang bzhin las gzhan ma yin pa'i phyir te/ gang zag gi rang bzhin las chos nyid gzhan med pas gang zag gi rang bzhin nyid chos nyid de/ gang zag gi rang bzhin gyi chos nyid shes pa des/ chos thams cad chos nyid do// bdag ni log par lta ba dang dbyer med pa yang dag pa'i lta ba la gnas kyis/ gzhan dag kyang log par lta ba dang dbyer med pa yang dag pa'i lta ba la dgod do zhes dbugs 'byin pa rnyed par 'gyur te/ de la log par lta ba dang / dbyer med pa yang dag pa'i lta ba ni log par lta ba'i rang bzhin gang yin pa'o// de ci'i phyir zhe na/ yang dag pa'i lta ba ni log par lta ba'i rang bzhin las gzhan ma yin pa'i phyir te/ log par lta ba'i rang bzhin las yang dag pa'i lta ba gzhan med pas/ log par lta ba'i rang bzhin nyid yang dag pa'i lta ba'o/ / log par lta ba'i rang bzhin yang dag pa'i lta ba shes pa des chos thams cad yang dag pa'i lta ba ste/ 'jam dpal dbugs 'byin pa rnyed par lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang
- 329a
zhe na/ 'di lta ste/ bdag ni mtha' dang dbyer med pa mnyam pa nyid shes pa la gnas kyis/ gzhan dag kyang mtha' dang dbyer med pa mnyam pa nyid shes pa la dgod do zhes dbugs 'byin pa rnyed par 'gyu te/ / de la mtha' dang dbyer med pa mnyam pa nyid ni mtha'i rang bzhin gang yin pa'o// de ci'i phyir zhe na/ mnyam pa nyid ni mtha'i rang bzhin las gzhan ma yin pa'i phyir te/ mtha'i rang bzhin las mnyam pa nyid gzhan med pas/ mtha'i rang bzhin mnyam pa nyid de/ mtha'i rang bzhin gyi mnyam pa nyid shes pa des chos thams cad mnyam pa nyid/ do// bdag ni shes bya dang dbyer med pa'i shes pa la gnas kyis/ gzhan dag kyang shes bya dang dbyer med pa'i shes pa la dgod do zhes dbugs 'byin pa rnyed par 'gyur te/ de la shes bya/ dang dbyer med pa shes pa ni/ shes bya'i rang bzhin gang yin pa'o// de ci'i phyir zhe na/ shes pa ni shes bya'i rang bzhin las gzhan ma yin pa'i phyir te/ shes bya'i rang bzhin las shes pa gzhan med pas shes bya'i rang bzhin nyid shes pa ste/ shes bya'i rang bzhin gyi shes pa de/ chos thams cad shes pa'o// bdag ni 'dzin pa dang dbyer med pa 'dzin pa med pa'i shes pa la gnas kyis/ gzhan dag kyang 'dzin pa dang dbyer med pa 'dzin pa med pa'i shes pa la dgod do zhes dbugs 'byin pa rnyed par 'gyur te/ de la 'dzin pa dang dbyer med pa 'dzin pa med
- 329b
pa ni 'dzin pa'i rang bzhin gang yin pa'o/ / de ci'i phyir zhe na/ 'dzin pa ni 'dzin pa'i rang bzhin las gzhan ma yin pa'i phyir te/ badzin pa'i rang bzhin las 'dzin pa med pa gzhan med pas 'dzin pa'i rang bzhin nyid 'dzin pa med pa ste/ 'dzin pa'i rang bzhin gyi 'dzin pa med pa'i shes pa des chos thams cad 'dzin pa med pa'o// bdag ni mtshan ma dang dbyer med pa/ mtshan ma med pa'i shes pa la gnas kyis/ gzhan dag kyang mtshan ma dang dbyer med pa mtshan ma med pa'i shes pa la dgod do zhes dbugs 'byin pa rnyed par 'gyur te/ de la mtshan ma dang dbyer med pa mtshan ma med pa ni mtshan ma'i rang bzhin gang yin pa'o/ / de ci'i phyir zhe na/ mtshan ma med pa ni mtshan ma'i rang bzhin las gzhan ma yin pa'i phyir te/ mtshan ma'i rang bzhin las mtshan ma med pa gzhan med pas/ mtshan ma'i rang bzhin nyid mtshan ma med pa ste/ mtshan ma'i rang bzhin mtshan ma med pa'i shes pa des// chos thams cad mtshan ma med pa'o/ / bdag ni bsgom pa dang dbyer med pa bsgom pa med pa'i shes pa la gnas kyis/ gzhan dag kyang bsgom pa dag dang dbyer med pa bsgom pa med pa'i shes pa la dgod do zhes dbugs 'byin pa rnyed par 'gyur te/ de la bsgom pa dang dbyer med pa bsgom pa med pa ni/ bsgom pa'i rang bzhin gang yin pa'o// de ci'i phyir zhe na/ bsgom pa med
- 330a
pa ni bsgom pa'i rang bzhin las gzhan ma yin pa'i phyir te/ bsgom pa'i rang bzhin las bsgom pa med pa gzhan med pas/ bsgom pa'i rang bzhin nyid bsgom pa med pa'o/ / bsgom pa'i rang bzhin bsgom pa med pa'i shes pa des/ chos thams cad bsgom pa med pa ste/ 'jam dpal dbugs 'byin pa rnyed par lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni mtha' dang dbyer med pa dbu ma'i lam shes pa la gnas kyis/ gzhan dag kyang mtha' dang dbyer med pa dbu ma'i lam shes pa la dgod de zhes dbugs 'byin pa rnyed par 'gyur te/ de la mtha' dang dbyer med pa dbu ma'i lam ni mtha'i rang bzhin gang yin pa'o// de ci'i phyir zhe na/ mtha'i rang bzhin las dbu ma'i lam gzhan ma yin pa'i phyir te/ mtha'i rang bzhin las dbu ma'i lam gzhan med pas/ mtha'i rang bzhin nyid dbu ma'i lam ste/ mtha'i rang bzhin dbu ma'i lam shes pa des/ chos thams cad dbu ma'i lam mo/ / bdag ni nam mkha' ma yin pa dang dbyer med pa'i nam mkha' shes pa la gnas kyis/ gzhan dag kyang nam mkha' ma yin pa dang dbyer med pa'i nam mkha'
- 330b
shes pa la dgod do zhes dbugs 'byin pa rnyed par 'gyur te/ de la nam mkha' ma yin pa dang dbyer med pa'i nam mkha' ni nam mkha' ma yin pa'i rang bzhin gang yin pa'o// de ci'i phyir zhe na/ nam mkha' ni nam mkha' ma yin pa'i rang bzhin las gzhan ma yin pa'i phyir te/ nam mkha' ma yin pa'i rang bzhin las nam mkha' gzhan med pas/ nam mkha' ma yin pa'i rang bzhin nyid nam mkha' ste/ nam mkha' ma yin pa'i rang bzhin gyi nam mkha' shes pa des/ chos thams cad nam mkha'o// bdag ni mo gsham gyi bu ma yin pa dang dbyer med pa'i mo gsham gyi bu shes pa la gnas kyis/ gzhan dag kyang mo gsham gyi bu ma yin pa dang dbyer med pa'i mo gsham gyi bu shes pa la dgod do zhes dbugs 'byin pa rnyed par 'gyur te de la mo gsham gyi bu ma yin pa dang dbyer med pa'i mo gsham gyi bu ni mo gsham gyi bu ma yin pa'i rang bzhin gang yin pa'o/ / de ci'i phyir zhe na/ mo gsham gyi bu ma yin pa'i rang bzhin las mo gsham gyi bu gzhan ma yin pa'i phyir te/ mo gsham gyi bu'i rang bzhin las mo gsham gyi bu ma yin pa gzhan med pas/ mo gsham gyi bu'i rang bzhin nyid mo gsham gyi bu ma yin te/ mo gsham gyi bu ma yin pa'i rang bzhin gyi mo gsham gyi bu shes pa des/ chos thams cad mo gsham gyi bu dang mtshungs pa'o// bdag ni smig rgyu ma yin pa dang dbyer med pa'i smig rgyu shes pa la gnas
- 331a
kyi gzhan dag kyang smig rgyu ma yin pa dang dbyer med pa'i smig rgyu ma shes pa la dgod do zhes dbugs 'byin pa rnyed par 'gyur te/ de la smig rgyu ma yin pa dang dbyer med pa'i smig rgyu shes pa ni smig rgyu ma yin pa'i rang bzhin gang yin pa'o/ / de ci'i phyir zhe na/ smig rgyu ma yin pa ni smig rgyu'i rang bzhin las gzhan ma yin pa'i phyir te/ smig rgyu'i rang bzhin las smig rgyu ma yin pa gzhan med pas/ smig rgyu'i rang bzhin nyid smig rgyu ma yin pa ste/ smig rgyu ma yin pa'i rang bzhin gyi smig rgyu'i shes pa des/ chos thams cad smig rgyu lta bu'o// bdag ni log par lta ba dang dbyer med pa dag yang dag pa'i lta ba shes pa la gnas kyis/ gzhan yang log par lta ba dang dbyer med pa yang dag pa'i lta ba shes pa la dgod do zhes dbugs 'byin pa rnyed par 'gyur te/ de la log par lta ba dang dbyer med pa yang dag pa'i lta ba ni log par lta ba'i rang bzhin gang yin pa'o// de ci'i phyir zhe na/ log par lta ba'i rang bzhin las yang dag pa'i lta ba gzhan ma yin pa'i phyir te/ log par lta ba'i rang bzhin las yang dag pa'i lta ba gzhan med pas/ log par lta ba'i rang bzhin nyid yang dag pa'i lta ba'o// log par lta ba'i rang bzhin yang dag pa'i lta ba shes pa des/ chos thams cad yang dag pa'i lta ba ste/ 'jam dpal dbugs 'byin pa rnyed pa lnga po dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal
- 331b
gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni ma rig pa dang dbyer med pa'i rig pa shes pa la gnas kyis/ gzhan dag kyang ma rig pa dang dbyer med pa'i rig pa shes pa la dgod do zhes dbugs 'byin pa rnyed par 'gyur te/ de la ma rig pa dang dbyer med pa'i rig pa ni ma rig pa'i rang bzhin gang yin pa'o/ / de ci'i phyir zhe na/ rig pa ni ma rig pa'i rang bzhin las gzhan ma yin pa'i phyir te/ ma rig pa'i rang bzhin las ma rig pa gzhan med pas/ ma rig pa'i rang bzhin nyid rig pa ste/ ma rig pa'i rang bzhin gyi rig pa shes pa des/ chos thams cad rig pa'o// bdag ni 'dod chags dang dbyer med pa/ 'dod chags med pa shes pa la gnas kyis/ gzhan dag kyang 'dod chags dang dbyer med pa 'dod chags med pa shes pa la dgod do zhes dbugs 'byin pa rnyed par 'gyur te/ de la 'dod chags dang dbyer med pa 'dod chags med pa ni 'dod chags kyi rang bzhin gang yin pa'o/ / de ci'i phyir zhe na/ 'dod chags med pa ni 'dod chags kyi rang bzhin las gzhan ma yin pa'i phyir te/ 'dod chags kyi rang bzhin las 'dod chags med pa gzhan med pas 'dod chags kyi rang bzhin nyid 'dod chags med pa ste/ 'dod chags kyi rang bzhin 'dod chags med pa shes pa des/ chos thams cad
- 332a
'dod chags med pa'o/ / bdag ni zhe sdang dang dbyer med pa zhe sdang med pa shes pa la gnas kyis/ gzhan dag kyang zhe sdang dang dbyer med pa zhe sdang med pa shes pa la dgod do zhes dbugs 'byin pa rnyed par 'gyur te/ de la zhe sdang dang dbyer med pa zhe sdang med pa ni zhe sdang gi rang bzhin gang yin pa'o// de ci'i phyir zhe na/ zhe sdang med pa ni zhe sdang gi rang bzhin las gzhan ma yin pa'i phyir te/ zhe sdang gi rang bzhin las zhe sdang med pa gzhan med pas/ zhe sdang gi rang bzhin nyid zhe sdang med pa ste/ zhe sdang gi rang bzhin zhe sdang med pa shes pa des/ chos thams cad zhe sdang med pa'o/ / bdag ni gti mug dang dbyer med pa gti mug med pa shes pa la gnas kyis/ gzhan dag kyang gti mug dang dbyer med pa gti mug med pa shes pa la dgod do zhes dbug 'byin pa rnyed par 'gyur te/ de la gti mug dang dbyer med pa gti mug med pa ni gti mug gi rang bzhin gang yin pa'o// de ci'i phyir zhe na/ gti mug gi rang bzhin las gti mug med pa gzhan ma yin pa'i phyir te/ gti mug gi rang bzhin las gti mug med pa gzhan med pas/ gti mug gi rang bzhin nyid gti mug med pa ste/ gti mug gi rang bzhin gti mug med pa shes pa des chos thams cad gti mug med pa'o/ / bdag ni nying mtshams sbyor ba dang dbyer med pa nying mtshams sbyor ba med pa shes pa la gnas kyis/ gnas gzhan dag kyang nying mtshams sbyor ba dang dbyer
- 332b
med pa nying mtshams sbyor ba med pa shes pa la dgod do zhes dbugs 'byin pa rnyed par 'gyur te/ de la nying mtshams sbyor ba dang dbyer med pa nying mtshams sbyor ba med pa ni/ nying mtshams sbyor ba'i rang bzhin gang yin pa'o/ / de ci'i phyir zhe na/ nying mtshams sbyor ba med pa ni nying mtshams sbyor ba'i rang bzhin las gzhan ma yin pa'i phyir te/ nying mtshams sbyor ba'i rang bzhin las nying mtshams sbyor ba med pa gzhan med pas/ nying mtshams sbyor ba'i rang bzhin nyid mtshams sbyor ba med pa shes pa des chos thams cad nying mtshams sbyor ba med pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sbyin pa las byung ba'i bsdu ba'i dngos po shes pa la gnas kyis/ gzhan dag kyang sbyin pa las byung ba'i bsdu ba'i dngos po shes pa la dgod do zhes dbugs 'byin pa rnyed par 'gyur te/ de la sbyin pa las byung ba'i bsdu ba'i dngos po ni gtong ba dang bsngo ba gang yin pa'o// bdag ni snyan par smra ba'i bsdu ba'i dngos po shes pa la gnas kyis/ gzhan dag kyang snyan par smra ba'i bsdu ba'i dngos po shes pa la dgod do zhes dbugs 'byin pa rnyed par 'gyur te/ de la snyan par smra ba'i bsdu ba'i dngos po 'di bsam
- 333a
pa dang sbyor ba gang yin pa'o/ / bdag ni spyod pa'i bsdu ba'i dngos po shes pa la gnas kyis/ gzhan dag kyang don spyod pa'i bsdu ba'i dngos po shes pa la dgod do zhes/ dbugs 'byin pa rnyed par 'gyur te/ de la don spyod pa'i bsdu ba'i dngos po ni byams pa dang snying rje gang yin pa'o// bdag ni don mthun pa'i bsdu ba'i dngos po shes pa la gnas kyis gzhan dag kyang don mthun pa'i dngos po shes pa la dgod do zhes dbugs 'byin pa rnyed par 'gyur te/ de la don mthun pa'i bsdu ba'i dngos po ni thebs dang shes rab gang yin pa'o// bdag ni rtsom pa la gnas kyis/ gzhan dag kyang rtsom pa la dgod do zhes dbugs 'byin pa rnyed par 'gyur te/ de la rtsom pa ni bsam pa dang sbyor ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni 'dod chags dang bral ba nyid la gnas kyis/ gzhan dag kyang 'dod chags dang bral ba nyid la dgod do zhes dbugs 'byin pa rnyed par 'gyur te/ de la 'dod chags dang bral ba nyid ni/ chos thams cad la mi gnas par 'jug pa'o// bdag ni zhe sdang dang bral ba nyid la gnas kyis/ gzhan dag kyang zhe sdang dang bral ba nyid la dgod
- 333b
do zhes dbugs 'byin pa rnyed par 'gyur te/ de la zhe sdang dang bral ba nyid ni sems can thams cad la zhe 'gras pa med pa'i sems nyid gang yin pa'o// bdag ni lus sdom pa la gnas kyis/ gzhan dag kyang lus sdom pa la dgod do zhes dbugs 'byin pa rnyed par 'gyur te/ de la lus sdom pa ni lus kyi las kyi skyon rnam gsum yongs su spong ba nyid gang yin pa'o// bdag ni ngag sdom pa la gnas kyis/ gzhan dag kyang ngag gi sdom pa la dgod do zhes dbugs 'byin pa rnyed par 'gyur te/ de la dgra sdom pa ni ngag gi las kyi nyes pa rnam bzhi yongs su spong ba nyid gang yin pa'o/ / bdag ni yid sdom pa la gnas kyis/ gzhan dag kyang yid sdom pa la dgod do zhes dbugs 'byin pa rnyed par 'gyur te/ de la yid sdom pa ni brnab sems dang / gnod sems dang log par lta ba yongs su spong ba nyid gang yin pa ste/ 'jam dpal dbugs 'byin pa rnyed pa lnga po dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sangs rgyas rjes su dran pa la gnas kyis/ gzhan dag kyang sangs rgyas rjes su dran pa la dgod do zhes dbugs 'byin pa rnyed par 'gyur te/ de la sangs rgyas rjes su dran pa ni sangs
- 334a
rgyas mthong ba rnam par dag pa gang yin pa'o/ / bdag ni chos rjes su dran pa la gnas kyis/ gzhan dag kyang chos rjes su dran pa la dgod do zhes dbugs 'byin pa rnyed par 'gyur te/ de la chos rjes su dran pa ni chos mthong ba rnam par dag pa gang yin pa'o// bdag ni dge 'dun rjes su dran pa la gnas kyis/ gzhan dag kyang dge 'dun rjes su dran pa la dgod do zhes dbugs 'byin pa rnyed par 'gyur te/ de la dge 'dun rjes su dran pa ni mi 'gyur ba la 'jug pa gang yin pa'o// bdag ni gtong ba rjes su dran pa la gnas kyis/ gzhan dag kyang gtong ba rjes su dran pa la dgod do zhes dbugs 'byin pa rnyed par 'gyur te/ de la gtong ba rjes su dran pa ni rdzas thams cad yongs su gtong ba gang yin pa'o// bdag ni chu khrims rjes su dran pa la gnas kyis/ gzhan dag kyang tshul khrims rjes su dran pa la dgod do zhes dbugs 'byin pa rnyed par 'gyur te/ de la tshul khrims rjes su dran pa ni chos thams cad la mnyam pa nyid du 'jug pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// / / bam po gnyis pa/ 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang
- 334b
zhe na/ 'di lta ste/ bdag ni mi rtag par so sor rtog pa la gnas kyis/ gzhan dag kyang mi rtag par so sor rtog pa la dgod do zhes dbugs 'byin pa rnye par 'gyur te/ de la mi rtag par so sor rtog pa 'dod pa'i 'dod chags dang / gzugs kyis 'dod chags dang / gzugs med pa'i 'dod chags las yang dag par 'da' ba gang yin pa'o// bdag ni bdag med pa so sor rtog pa la gnas kyis/ gzhan dag kyang bdag med pa so sor rtog pa la dgod do zhes dbugs 'byin pa rnyed par 'gyur te/ de la bdag med par so sor rtog pa la ni chos thams cad la mngon par zhen pa med pa gang yin pa'o/ / bdag ni bden pa la gnas kyis/ gzhan dag kyang bden pa la dgod do zhes dbugs 'byin pa rnyed par 'gyur te/ de la bden pa ni lha dang mi la slu ba med pa nyid gang yin pa'o/ / bdag ni yang dag pa la gnas kyis/ gzhan dag kyang yang dag pa la dgod do zhes dbugs 'byin pa rnyed par 'gyur te/ de la yang dag pa ni lha rnams dang bdag la slu ba med pa nyid gang yin pa'o/ / bdag ni chos spyod pa la gnas kyis/ gzhan dag kyang chos spyod pa la dgod do zhes dbugs 'byin pa rnyed par 'gyur te/ de la chos spyod pa ni chos la rton pa nyid gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam
- 335a
dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni tshul khrims lhod pa med pa nyid la gnas kyis/ gzhan dag kyang tshul khrims lhod pa med pa nyid la dgod do zhes dbugs 'byin pa rnyed par 'gyur te/ de la tshul khrims lhod pa med pa nyid kha na ma thob ci tsam du chung ngu yang mi byed pa nyid do/ / bdag ni tshul khrims ma ral ba nyid la gnas kyis/ gzhan dag kyang tshul khrims ma ral ba nyid la dgod do zhes dbugs 'byin pa rnyed par 'gyur te/ de la tshul khrims ma ral ba nyid ni theg pa gzhan du sgrog 'dogs pa med glang yin pa'o// bdag ni tshul khrims skyon med pa nyid la gnas kyis/ gzhan dag kyang tshul khrims skyon med pa nyid la dgod do zhes dbugs 'byin pa rnyed par 'gyur te/ de la tshul khrims skyon med pa nyid ni nyes pa thams cad rnam par spong ba gang yin pa'o// bdag ni thun tshams ma yin pa'i tshul khrims nyid la gnas kyis/ gzhan dag kyang thun tshams ma yin pa'i tshul khrims nyid la dgod do zhes dbugs 'byin pa rnyed par 'gyur te/ de la tshul khrims thun mtshams ma yin pa nyid ni/ byang chub sems dpa' thams cad yongs su 'dzin pa gang yin pa'o/ / bdag ni legs par bsrungs pa'i tshul khrims nyid la gnas kyis/ gzhan dag kyang legs par bsrungs pa'i tshul khrims
- 335b
nyid la dgod do zhes dbugs 'byin pa rnyed par 'gyur te/ de la legs par bsrungs pa'i tshul khrims nyid ni/ byang chub sems dpa' thams cad la ston par 'du shes pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni legs par sbas pa'i tshul khrims nyid la gnas kyis/ gzhan dag kyang legs par sbas pa'i tshul khrims nyid la dgod do zhes dbugs 'byin pa rnyed par 'gyur te/ de la legs par spras pa'i tshul khrims nyid ni dbang po srung ba gang yin pa'o// ba dag ni rnams par grags pa'i tshul khrims nyid la gnas kyis/ gzhan dag kyang rnam par grags pa'i tshul khrims nyid la dgod do zhes dbugs 'byin pa rnyed par 'gyur te/ de la rnam par grags pa'i tshul khrims nyid ni chos kyi dbyings dbyer med pa'i chos thams cad la gnyis su med pa'i ye shes la 'jug pa gang yin pa'o/ / bdag ni chog shes pa'i tshul khrims nyid la gnas kyis/ gzhan dag kyang chog shes pa'i tshul khrims nyid la dgod do zhes dbugs 'byin pa rnyed par 'gyur te/ de la chog shes pa'i tshul khrims nyid ni chags pa spangs pa
- 336a
gang yin pa'o/ / bdag ni dben pa'i tshul khrims nyid la gnas kyis gzhan dag kyang dben pa'i tshul khrims nyid la dgod do zhes dbugs 'byin pa rnyed par 'gyur te/ de la dben pa'i tshul khrims nyid ni lus dang sems dben pa gang yin pa'o// bdag ni dgon pa na gnas pa'i tshul khrims nyid la gnas kyis/ gzhan dag kyang dgon pa nA gnas pa'i tshul khrims nyid la dgod do zhes dbugs 'byin pa rnyed par 'gyur te/ de la dgon pa na gnas pa'i tshul khrims nyid ni chos thams cad la mtha' dang dpung med par 'jug pa ga yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed ba lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni bzod pa'i tshul khrims nyid la gnas kyis/ gzhan dag kyang bzod pa'i tshul khrims nyid la dgod do zhes dbugs 'byin pa rnyed par 'gyur te/ de la bzod pa'i tshul khrims nyid ni sems can la zhi 'gras pa med pa nyid gang yin pa'o// bdag ni brtson 'grus kyi tshul khrims nyid la gnas kyis/ gzhan dag kyang brtson 'grus kyi tshul khrims nyid la dgod do zhes dbugs 'byin pa rnyed par 'gyur te/ de la brtson 'grus kyi tshul khrim
- 336b
nyid ni phyir mi ldog pa'i chos la sems can thams cad 'god pa nyid gang yin pa'o/ / bdag ni bsam gtan gyi tshul khrims nyid la gnas kyis/ gzhan dag kyang bsam gtan gyi tshul khrims nyid la dgod do zhes dbugs 'byin pa rnyed par 'gyur te/ de la bsam gtan gyi tshul khrims nyid ni/ bsam gtan gyi yan lag la sems can thams cad dgod pa gang yin pa'o// / bdag ni shes rab kyi tshul khrims nyid la gnas kyis/ gzhan dag kyang shes rab kyi tshul khrims nyid la dgod do zhes dbugs 'byin pa rnyed par 'gyur te/ de la shes rab kyi tshul khrims nyid ni/ sems can thams cad dge ba'i rtsa ba la ngoms pa med par dgod pa gang yin pa'o// bdag ni mu cor mi smra ba'i tshul khrims nyid la gnas kyis/ gzhan dag kyang mu cor mi smra ba'i tshul khrims nyid la dgod do zhes dbugs 'byin pa rnyed par 'gyur te/ de la mu cor mi smra ba'i tshul khrims nyid ni/ chos thams cad la cang shes nyid gang yin pa ste/ 'jam dpal dbugs 'byin pa rnyed pa lnga po de dag ni/ byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni gdung ba med pa'i tshul khrims nyid la gnas kyis/ gzhan dag kyang gdung ba
- 337a
med pa'i tshul khrims nyid la dgod do zhes dbugs 'byin pa rnyed par 'gyur te/ de la gdung ba med pa'i tshul khrims nyid ni legs par bya ba'i las byed pa gang yin pa'o/ / bdag ni nga rgyal med pa'i tshul khrims nyid la gnas kyis/ gzhan dag kyang nga rgyal med pa'i tshul khrims nyid la dgod do zhes dbugs 'byin pa rnyed par 'gyur te/ de la nga rgyal med pa'i tshul khrims nyid ni sems can thams cad yongs su smin par bya ba dang / sems can thams cad kyi ci bya ba la khengs pa med pa nyid gang yin pa'o// bdag ni dul ba'i tshul khrims nyid la gnas kyis/ gzhan dag kyang dul ba'i tshul khrims nyid la dgod do zhes dbugs 'byin pa rnyed par 'gyur te/ de la dul ba'i tshul khrims nyid ni sems can thams cad yongs su sbyong bar smin par byed pa dang / sems can thams cad kyis ngan du brjod pa dang / ngan du smras pa'i tshig gi lam bzod pa gang yin pa'o// bdag ni dam pa'i chos yongs su 'dzin pa'i tshul khrims nyid la gnas kyis/ gzhan dag kyang dam pa'i chos yongs su 'dzin pa'i tshul khrims nyid la dgod do zhes dbugs 'byin pa rnyed par 'gyur te/ de la dam pa'i chos yongs su 'dzin pa'i tshul khrims nyid ni stong pa nyid la mos pa gang yin pa'o/ / bdag ni sangs rgyas kyi ting nge 'dzin gyi tshul khrims nyid la gnas kyis/ gzhan dag kyang sangs rgyas kyi ting nge 'dzin gyi tshul khrims
- 337b
nyid la dgod do zhes dbugs 'byin pa rnyed par 'gyur te/ de la sangs rgyas kyis ting nge 'dzin gyi tshul khrims nyid ni sems can thams cad la sems mnyam pa nyid gang yin pa ste/ 'jam/ dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga po dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni byams pa la gnas kyis/ gzhan dag kyang byams pa la dgod do zhes dbugs 'byin pa rnyed par 'gyur te/ de la byams pa ni sems can thams cad kyi sdug bsngal ba'i phyir/ lus dang ngag dang sems kyi tshogs gsogs pa gang yin pa'o// bdag ni snying rje la gnas kyis/ gzhan dag kyang snying rje la dgod do zhes dbugs 'byin pa rnyed par 'gyur te/ de la snying rje ni sems can thams cad yongs su smin par bya ba'i phyir/ sdug bsngal gyi yo byang gang mi len pa de ci yang med pa dang / bde ba'i yo byad gang mi gtong pa ci yang med pa gang yin pa'o// bdag ni dga' ba la gnas kyis/ gzhan dag kyang dga' ba la dgod do/ zhes dbugs 'byin pa rnyed par 'gyur te/ de la dga' ba ni stong pa nyid dang / sangs rgyas kyi che ba nyid la dga' ba dang / mchog tu dga' ba chen po gang yin pa'o// bdag ni btang snyoms
- 338a
la gnas kyis/ gzhan dag kyang btang snyoms la dgod do zhes dbugs 'byin pa rnyed par 'gyur te/ de la btang snyoms ni rjes su chags pa dang khong khro ba spong ba gang yin pa'o/ / bdag ni rnam par gtan la 'bebs pa la mkhas pa la gnas kyis/ gzhan dag kyang rnam par gtan la 'bebs par mkhas pa la dgod do zhes dbugs 'byin pa rnyed par 'gyur te/ de la rnam par gtan la 'bebs pa la mkhas pa ni chos thams cad la brjod du med par 'jug pa gang yin pa ste/ 'jam dpal dbugs 'byin pa rnyed pa lnga po/ de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa lnga dag byang chub sems dpa' rnams kyis dang po yongs su spyod pabapar 'gyur te/ lnga gang zhe na/ 'di lta ste/ bdag ni sdug bsngal shes pa la gnas kyis/ gzhan dag kyang sdug bsngal shes pa la dgod do zhes dbugs 'byin pa rnyed par 'gyur te/ de la sdug bsngal shes pa ni phung po rnams la skye bar shes pa gang yin pa'o// bdag ni kun 'byung ba shes pa la gnas kyis/ gzhan dag kyang kun 'byung ba shes pa la dgod do/ zhes dbugs 'byin pa rnyed par 'gyur te/ de la kun 'byung ba shes pa ni sred pa yang dag par 'joms pa shes pa gang yin pa'o// bdag ni 'gog pa shes pa la gnas kyis/ gzhan
- 338b
dag kyang 'gog pa shes pa la dgod do zhes dbugs 'byin pa rnyed par 'gyur te/ de la 'gog pa shes pa ni ma rig pa'i bag la nyal rnams 'byung ba med pa gang yin pa'o// bdag ni lam shes pa la gnas kyis/ gzhan dag kyang lam shes pa la dgod do zhes dbugs 'byin pa rnyed par 'gyur te/ de la lam shes pa ni chos thams cad mnyam pa nyid du gyur pa la sgro 'dogs pa med par shes pa gang yin pa'o/ / bdag ni rang gi 'khrul pa la so sor rtog pa la gnas kyis/ gzhan dag kyang rang gi 'khrul pa la so sor rtog pa la dgod do zhes dbugs 'byin pa rnyed par 'gyur te/ de la rang gi 'khrul pa la so sor rtog pa ni rang gi sems la nges par sems pa gang yin pa ste/ 'jam dpal dbugs 'byin pa rnyed pa lnga po de dag ni/ byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni gzhan gyi sems rjes su bsrung bar bya ba la gnas kyis/ gzhan dag kyang gzhan gyi sems rjes su bsrung bar bya ba la dgod do zhes dbugs 'byin pa rnyed par 'gyur te/ de la gzhan gyi sems rjes su bsrung bar bya ba ni pha rol gyi 'khrul pa la ma khros par skul ba gang yin pa'o// bdag ni sems rab tu dul ba la gnas kyis/ gzhan dag
- 339a
kyang sems rab tu dul ba la dgod do zhes dbugs 'byin pa rnyed par 'gyur te/ de la sems rab tu dul ba ni sems can yongs su smin par byed pa la skyob bzod pa gang yin pa'o/ / ba dag ni khro ba med pa nyid la gnas kyis/ gzhan dag kyang khro ba med pa nyid la dgod do zhes dbugs 'byin pa rnyed par 'gyur te/ de la khro ba med pa nyid ni sems can thams cad la kho khro med pa'i sems can nyid gang yin pa'o/ / bdag ni bdag la so sor rtogs pa la gnas kyis/ gzhan dag kyang bdag la so sor rtog pa la dgod do zhes dbugs 'byin pa rnyed par 'gyur te/ de la bdag la so sor rtog pa ni bdag la bdag med pa'i mtshan nyid gang yin pa'o// bdag ni ci yang med pa la gnas kyis/ gzhan dag kyang ci yang med pa la dgod do zhes dbugs 'byin pa rnyed par 'gyur te/ de la ci yang med pa ni lus la dmigs pa las dben pa ste/ 'jam dpal dbugs 'byin pa rnyed pa lnga po dag ni/ byang chub sems dpa' rnams kyi sa dang / po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta/ bdag ni mi skye ba'i bzod pa la gnas kyis/ gzhan dag kyang mi skye ba'i bzod pa la dgod do zhes dbugs 'byin pa rnyed par 'gyur te/ de la mi skye ba'i bzod pa ni 'gog pa mngon par
- 339b
tu byed pa gang yin pa'o/ / bdag ni 'gog pa med pa'i bzod pa la gnas kyis/ gzhan dag kyang 'gog pa med pa'i bzod pa la dgod do zhes dbugs 'byin pa rnyed par 'gyur te/ de la/ 'gog pa med pa'i bzod pa ni mi skye ba mngon du byed pa gang yin pa'o// bdag ni lus su gyur pa'i dran pa la gnas kyis/ gzhan dag kyang lus su gyur pa'i dran pa la dgod do zhes dbugs 'byin pa rnyed par 'gyur te/ de la lus su gyur pa'i dran pa ni lus dben pa nyid gang yin pa'o// bdag ni tsher bar gyur pa'i dran pa la gnas kyis/ gzhan dag kyang tshor bar 'gyur ba'i/ dran pa la dgod do zhes dbugs 'byin pa rnyed par 'gyur te/ de la tshor bar gyur pa'i dran pa ni tshor ba thams cad kyi rgyun chad pa gang yin pa'o// bdag ni sems su gyur pa'i dran pa la gnas kyis/ gzhan dag kyang sems su gyur pa'i dran pa la dgod do zhes dbugs 'byin pa rnyed par 'gyur te/ de la sems su gyur pa'i dran pa ni gnas med pa'i phyir/ sems la sgyu ma lta bur so sor rtog pa nyid gang yin pa ste/ 'jam dpal dbugs 'byin pa rnyed pa lnga po de dag ni/ byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni chos su gyur pa'i dran pa la gnas kyis
- 340a
gzhan dag kyang chos su gyur pa'i dran pa la dgod do zhes dbugs 'byin pa rnyed par 'gyur te/ de la chos su gyur pa'i dran pa ni chos thams cad yang dag pa ci lta ba bzhin du rtog pa gang yin pa'o/ / bdag ni dad pa'i dbang po la gnas kyis/ gzhan dag kyang dad pa'i dbang po la dgod do zhes dbugs 'byin pa rnyed par 'gyur te/ de la dad pa'i dbang po na chos thams cad la gzhan gyi dring mi 'jog pa'i shes pa nyid gang yin pa'o/ / bdag ni brtson 'grus kyi dbang po la gnas kyis/ gzhan dag kyang brtson 'grus kyi dbang po la dgod do zhes dbugs 'byin ba rnyed par 'gyur te/ de la brtson 'grus kyi dbang po ni chos thams cad la legs par rtogs pa'i shes pa nyid gang yin pa'o// bdag ni dran pa'i dbang po la gnas kyis/ gzhan dag kyang dran pa'i dbang po la dgod do zhes dbugs 'byin pa rnyed par 'gyur te/ de la dran pa'i dbang po ni legs par bya ba'i las byed pa gang yin pa'o// bdag ni ting 'dzin gyi dbang po la gnas kyis/ gzhan dag kyang ting nge 'dzin gyi dbang po la dgod do zhes dbugs 'byin pa rnyed par 'gyur te/ de la ting nge 'dzin gyi dbang po ni sems rnam par 'grol ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag/ byang chub
- 340b
sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni shes rab kyi dbang po la gnas kyis/ gzhan dag kyang shes rab kyi dbang po la dgod do zhes dbugs 'byin pa rnyed par 'gyur te/ de la shes rab kyi dbang po ni chos thams cad la mngon sum du shes pa nyid gang yin pa'o// bdag ni dad pa'i stobs la gnas kyis/ gzhan dag kyang dad pa'i stobs la dgod do zhes dbugs 'byin pa rnyed par 'gyur te/ de la dad pa'i stobs ni bdud kyi las las yang dag par 'da' ba gang yin pa'o// bdag ni ye shes kyi stobs la gnas kyis/ gzhan dag kyang ye shes kyi stobs la dgod do zhes dbugs 'byin pa rnyed par 'gyur te/ de la ye shes kyi stobs ni mi shes pa rnam par 'joms pa gang yin pa'o/ / bdag ni brtson 'grus kyi stobs la gnas kyis/ gzhan dag kyang brtson 'grus kyi stobs la dgod do zhes dbugs 'byin pa rnyed par 'gyur te/ de la brtson 'grus kyi stobs niphyir mi ldog pa'i chos sgrub pa'i nyid gang yin pa'o/ / bdag ni dran pa'i stobs la gnas kyis/ gzhan dag kyang dran pa'i stobs la dgod do zhes dbugs 'byin pa rnyed par 'gyur te/ de la dran pa'i stobs ni sangs rgyas kyis chos thams cad kyi 'dzin pa nyid gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs
- 341a
su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na 'di lta ste/ bdag ni ting nge 'dzin gyi stobs la gnas kyis/ gzhan dag kyang ting nge 'dzin gyi stobs la dgod do zhes dbugs 'byin pa rnyed par 'gyur te/ de la ting nge 'dzin gyi stobs ni rtog pa dang dpyod pa thams cad spong ba gang yin pa'o/ / bdag ni shes rab kyi stobs la gnas kyis/ gzhan dag kyang shes rab kyi stobs la dgod do zhes dbugs 'byin pa rnyed par 'gyur te/ de la shes rab kyi stobs ni mi rdzi ba'i shes pa nyid gang yin pa'o// bdag ni dran pa yang dag byang chub kyi yan lag la gnas kyis/ gzhan dag kyang dran pa yang dag byed/ chub kyi yan lag la dgod do zhes dbugs 'byin pa rnyed par 'gyur te/ de la dran pa yang dag byang chub kyi yan lag ni dam pa'i chos ji lta ba bzhin du yongs su shes pa gang yin pa'o// bdag ninochos rab tu rnam par 'byed pa yang dag byang chub kyi yan lag la gnas kyis/ gzhan dag kyang chos rab tu rnam par 'byed pa yang dag byang chub kyi yan lag la dgod do zhes dbugs 'byin pa rnyed par 'gyur te/ de la chos rab tu rnam par 'byed pa yang dag byang chub kyi yan lag ni chos thams cad snang ba gang yin pa'o// bdag ni brtson 'grus yang dag byang chub kyi yan lag
- 341b
la gnas kyis/ gzhan dag kyang brtson 'grus yang dag byang chub kyi yan lag la dgod do zhes dbugs 'byin pa rnyed par 'gyur te/ de la brtson 'grus yang dag byang chub kyi yan lag ni// chos thams cad legs par rig pa'i shes pa nyid gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni dga' ba yang dag byang chub kyi yan lag la gnas kyis/ gzhan dag kyang dga' ba yang dag byang chub kyi yan lag la dgod do zhes dbugs 'byin pa rnyed par 'gyur te/ de la dga' ba yang dag byang chub kyi yan lag ni ting nge 'dzin dang snyoms par 'jug pa gang yin pa'o/ / bdag ni shin tu sbyangs pa yang dag byang chub kyi yan lag la gnas kyis/ gzhan dag kyang shin tu sbyangs pa yang dag byang chub kyi yan lag la dgod do zhes dbugs 'byin pa rnyed par 'gyur te/ de la shin tu sbyangs pa yang dag byang chub kyi yan lag ni sangs rgyas kyis chos thams cad la bya ba byas pa gang yin pa'o// bdag ni ting nge 'dzin yang dag byang chub kyi yan lag la gnas kyis/ gzhan dag kyang ting nge 'dzin yang dag byang chub kyi yan lag la dgod do zhes dbugs 'byin pa rnyed par 'gyur te/ de la ting nge 'dzin yang
- 342a
dag byang chub kyi yan lag ni chos thams cad mnyam pa nyid du rtogs pa gang yin pa'o/ / bdag ni btang snyoms yang dag byang chub kyi yan lag la gnas kyis/ gzhan/ dag kyang btang snyoms yang dag byang chub kyi yan lag la dgod do zhes dbugs 'byin pa rnyed par 'gyur te/ de la btang snyoms yang dag byang chub kyi yan lag ni 'phags pa'i chos la yang rjes su chags par mi byed/ 'phags pa ma yin pa'i chos la yang khong khro bar mi byed pa gang yin pa'o// bdag ni yang dag pa'i lta ba la gnas kyis/ gzhan dag kyang yang dag pa'i lta ba la dgod do zhes dbugs 'byin pa rnyed par 'gyur te/ de la yang dag pa'i lta ba ni mi 'gyur ba la 'jug pa gang yin pa ste/ 'jam dpal dbugs 'byin pa rnyed pa lnga po de dag ni/ byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni yang dag pa'i rtog pa la gnas kyis/ gzhan dag kyang yang dag pa'i rtog pa la dgod do zhes dbugs 'byin pa rnyed par 'gyur te/ de la yang dag pa'i rtog pa ni kun rtog pa dang / rnam par rtog pa dang yongs su rtog pa spong ba gang yin pa'o// bdag ni yang dag pa'i ngag la gnas kyis/ gzhan dag kyang yang dag pa'i ngag la
- 342b
dgod do zhes dbugs 'byin pa rnyed par 'gyur te/ de la yang dag pa'i ngag ni yi ge dang skad dang dbyangs thams cad la ngag gi lam du 'du shes pa gang yin pa'o// bdag ni yang dag pa'i las kyi mtha' la gnas kyis/ gzhan dag kyang yang dag pa'i las kyi mtha' la dgod do zhes dbugs 'byin pa rnyed par 'gyur te/ de la yang dag pa'i las kyi mtha' ni chos thams cad la las kyi rnam par smin pa med pa la 'jug pa gang yin pa'o/ / bdag ni yang dag pa'i 'tsho ba la gnas kyis/ gzhan dag kyang yang dag pa'i 'tsho ba la dgod do zhes dbugs 'byin pa rnyed par 'gyur te/ de la yang dag pa'i 'tsho ba ni 'tshol ba thams cad kyi rgyun bcad pa gang yin pa'o// bdag ni yang dag pa'i rtsol ba la gnas kyis/ gzhan dag kyang yang dag pa'i rtsol ba la dgod do zhes dbugs 'byin pa rnyed par 'gyur te/ de la yang dag pa'i rtsol ba ni tshu rol gyi mu yongs su spangs shing pha rol gyi 'gram du 'gro ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga po dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni yang dag pa'i dran pa la gnas kyis/ gzhan dag kyang yang dag pa'i dran pa la
- 343a
dgod do zhes dbugs 'byin pa rnyed par 'gyur te/ de la yang dag pa'i dran pa ni rlom sems ngo bo nyid med pa'i phyir/ chos thams cad la dran pa med cing yid la byed pa med pa gang yin pa'o/ / bdag na yang dag pa'i ting nge 'dzin la gnas kyis/ gzhan dag kyang yang dag pa'i ting nge 'dzin la dgod do zhes dbugs 'byin pa rnyed par 'gyur te/ de la yang dag pa'i ting nge 'dzin ni sems med pa'i snyoms par 'jug pa gang yin pa'o// bdag ni byang chub kyi sems la gnas kyis/ gzhan dag kyang byang chub kyi sems la dgod do zhe dbugs 'byin pa rnyed par 'gyur te/ de la byang chub kyi sems ni bsam gyis mi khyab pa'i ye shes mngon par bsgrub pa gang yin pa'o// bdag ni byang chub sems pa'i bslab pa la gnas kyis/ gzhan dag kyang byang chub sems dpa'i bslab pa la dgod do zhes dbugs 'byin pa rnyed par 'gyur te/ de la byang chub sems dpa'i bslab pa ni thams cad las yang dag par 'da' ba gang yin pa'o/ / bdag ni nyon mongs pa dang dbyer med pa'i ye shes la gnas kyis/ gzhan dag kyang nyon mongs pa dang dbyer med pa'i ye shes la dgod do zhes dbugs 'byin pa rnyed par 'gyur te/ de la nyon mongs pa dang dbyer med pa'i ye shes ni nyon mongs pa'i rang bzhin gang yin pa'o// de ci'i phyir zhe na/ ye shes ni nyon mongs pa'i rang bzhin las gzhan
- 343b
ma yin pa'i phyir te/ nyon mongs pa'i rang bzhin la ye shes gzhan med pas/ nyon mongs pa'i rang bzhin nyid ye shes so// nyon mongs pa'i rang bzhin gyi ye shes des chos thams cad shes te/ 'jam dpal dbugs 'byin pa rnyed pa lnga po de dag ni/ byang chub sems dpa' rnams kyis dang po yongs su sbyong bar 'gyur ba'o// 'jam drapal gzhan yang dbugs 'byin pa rnyed pa lnga po dag byang chub sems dpa' rnams kyis dang po yongs su sbyong bar 'gyur te/ lha gang zhe na/ 'di lta ste/ bdag ni sbyin pa'i pha rol tu phyin pa la gnas kyis gzhan dag kyang sbyin pa'i pha rol tu phyin pa la dgod do zhes dbugs 'byin pa rnyed par 'gyur te/ de la sbyin pa'i pha rol tu phyin pa ni sems can ser sna can yongs su smin par byed pa nyid gang yin pa'o/ / bdag ni tshul khrims kyi pha rol tu phyin pa la gnas kyis/ gzhan dag kyang tshul khrims kyi pha rol tu phyin pa la dgod do zhes dbugs 'byin pa rnyed par 'gyur te/ de la tshul khrims kyi pha rol tu phyin pa ni/ tshul khrims 'chal pa'i sems can yongs su smin par byed pa nyid gang yin pa'o// bdag ni bzod pa'i pha rol tu phyin pa la gnas kyis/ gzhan dag kyang bzod pa'i pha rol tu phyin pa la dgod do zhes dbugs 'byin pa rnyed par 'gyur te/ de la bzod pa'i pha rol tu phyin pa ni gnod sems kyi sems dang ldan pa'i sems can yongs su
- 344a
smin par byed pa nyid gang yin pa'o/ / bdag ni brtson 'grus kyis pha rol tu phyin pa la gnas kyis gzhan dag kyang brtson 'grus kyis pha rol tu phyin pa la dgod do zhes dbugs 'byin pa rnyed par 'gyur te/ de brtson 'grus kyi pha rol tu phyin pa ni sems can le lo can yongs su smin par byed pa nyid gang yin pa'o// bdag ni bsam gtan gyi pha rol tu phyin pa la gnas kyis/ gzhan dag kyang bsam gtan gyi pha rol tu phyin pa la dgod do zhes dbugs 'byin pa rnyed par 'gyur te/ de la bsam gtan gyi pha rol tu phyin pa ni sems rnam par g.yeng ba'i sems can yongs su smin par byed pa nyid gang yin pa ste/ 'jam dpal dbugs 'byin pa rnyed pa lnga po de dag ni/ byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni shes rab kyi pha rol tu phyin pa la gnas kyis/ gzhan dag kyang shes rab kyi pha rol tu phyin pa la dgod do zhes dbugs 'byin pa rnyed par 'gyur te/ de la shes rab kyi pha rol tu phyin pa ni/ shes rab 'chal pa'i sems can yongs su smin par byed pa nyid gang yin pa'o// bdag ni dam pa'i chos yongs su bzung ba la gnas kyis/ gzhan dag kyang dam pa'i chos
- 344b
yongs su bzung ba la dgod do zhes dbugs 'byin pa rnyed par 'gyur te/ de la dam pa'i chos yongs su gzung ba ni/ byang chub sems dpa' yongs su 'dzin pa gang yin pa'o// bdag ni bsod nams kyi tshogs la gnas kyis/ gzhan dag kyang bsod nams kyi tshogs la dgod do zhes dbugs 'byin pa rnyed par 'gyur te/ de la bsod nams kyi tshogs ni byang chub sems dpa' rnams la rnyed pa dang bkur sti 'bul ba dang / phyogs dang phyogs mtshams su grags pa'i sgra dang tshigs su bcad pa 'byin pa gang yin pa'o// bdag ni ye shes kyi tshogs la gnas kyis/ gzhan dag kyang ye shes kyi tshogs la dgod do zhes dbugs 'byin pa rnyed par 'gyur te/ de la ye shes kyi tshogs ni byang chub sems dpa' rnams ye shes kyi tshogs kyis brtan pa dang gos dang zas dang mal cha dang / na ba'i gsos sman gyis brtan pa gang yin pa'o// bdag ni zhi gnas kyi tshogs la gnas kyis/ gzhan dag kyang zhi gnas kyi tshogs la dgod do zhes dbugs 'byin pa rnyed par 'gyur te/ de la zhi gnas kyi tshogs ni chos thams cad mnyam pa nyid du 'jug pa la rloms sems med pa gang yin pa'o// 'jam dpal dbuH 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems
- 345a
dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lhag mthong gi tshogs la gnas kyis/ gzhan dag kyang lhag mthong gi tshogs la dgod do zhes dbugs 'byin pa rnyed par 'gyur te/ de la lhag mthong gi tshegs ni chos thams cad la mtha' dang dbung med par 'jug pa gang yin pa'o// bdag ni tshul khrims la gnas kyis/ gzhan dag kyang tshul khrims la dgod do zhes dbugs 'byin pa rnyed par 'gyur te/ de la tshul khrims ni lus dang ngag dang yid kyis las yongs su dag pa gang yin pa'o/ / bdag ni bzod pa la gnas kyis/ gzhan dag kyang bzod pa la dgod do zhes dbugs 'byin pa rnyed par 'gyur te/ de la bzod pa ni las kyi rnam par smin pa la yid ches pa gang yin pa'o/ / bdag ni brtson 'grus la gnas kyis/ gzhan dag kyang brtson 'grus la dgod do zhes dbugs 'byin pa rnyed par 'gyur te/ de la brtson 'grus ni sems can thams cad bsod nams kyi tshogs la gzud par bya ba la yongs su skye ba med pa gang yin pa'o/ / bdag ni bsam gtan la gnas kyis/ gzhan dag kyang bsam gtan la dgod do zhes dbugs 'byin pa rnyed par 'gyur te/ de la bsam gtan ni dmigs pa thams cad la gnas pa med pa ste/ 'jam dpal dbugs 'byin pa rnyed pa lnga po dag ni/ byang chub
- 345b
sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni shes rab la gnas kyis/ gzhan dag kyang shes rab la dgod do zhes dbugs 'byin pa rnyed par 'gyur te/ de la shes rab ni chos thams cad mngon sum du gyur pa gang yin pa'o/ / bdag ni sangs rgyas kyis chos thams cad bsdu ba la gnas kyis/ gzhan dag kyang sangs rgyas kyi chos thams cad bsdu ba la dgod do zhes dbugs 'byin pa rnyed par 'gyur te/ de la sangs rgyas kyis chos thams cad bsdu ba ni bsam pas bsdus pa'i byang chub kyi sems gang yin pa'o// bdag ni chos smra ba la gnas kyis/ gzhan dag kyang chos smra ba la dgod do zhes dbugs 'byin pa rnyed par 'gyur te/ de la chos smra ba ni chos de bzhin gshegs par gnang ba rjod pa gang yin pa'o// bdag ni dran pa la gnas kyis/ gzhan dag kyang dran pa la dgod do zhes dbugs 'byin pa rnyed par 'gyur te/ de la dran pa ni mi brjed pa'i chos la 'jug pa gang yin pa'o// 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems
- 346a
dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni blo gros la gnas kyis/ gzhan dag kyang blo gros la dgod do zhes dbugs 'byin pa rnyed par 'gyur te/ de la blo gros ni chos kyi mtshams sbyor ba khong du chud pa gang yin pa'o// bdag ni brtan pa la gnas kyis/ gzhan dag kyang brtan pa la dgod do zhes dbugs 'byin pa rnyed par 'gyur te/ de la brtan pa ni spyod pa dang cho ga phun sum tshogs pa gang yin pa'o// bdag ni rtog pa la gnas kyis/ gzhan dag kyang rtog pa la dgod do zhes dbugs 'byin pa rnyed par 'gyur te/ de la rtog pa ni don rtogs pa la 'jug pa gang yin pa'o// bdag ni yang dag pa'i rnam par grol ba la gnas kyis/ gzhan dag kyang yang dag pa'i rnam par grol ba la dgod do zhes dbugs 'byin pa rnyed par 'gyur te/ de la yang dag pa'i rnam par grol ba ni chos gang yang thob pa med pa gang yin pa'o// bdag ni kun nas ldang ba rnam par gnon pa la gnas kyis/ gzhan dag kyang kun nas ldang ba rnam par gnon pa la dgod do zhes dbugs 'byin pa rnyed par 'gyur te/ de la kun nas ldang ba rnam par gnon pa ni nyes pa byung ba 'chags pa dang / phyin cad mi dge ba'i chos rnams sdom pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yong
- 346b
su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga po dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni cho ga la gnas kyis/ gzhan dag kyang cho ga la dgod do zhes dbugs 'byin pa rnyed par 'gyur te/ de la cho ga ni byang chub sems dpa' rnams kyi spyod pa la sgrub pa gang yin pa'o// bdag ni bya ba la gnas kyis/ gzhan dag kyang bya ba la dgod do zhes dbugs 'byin pa rnyed par 'gyur te/ de la bya ba ni stong pa nyid la yang mos la/ las kyi rnam par smin pa la yid ches pa gang yin pa'o/ / bdag ni sdig pa 'dod pa dang bral ba la gnas kyis/ gzhan dag kyang sdig pa 'dod pa dang bral ba la dgod do zhes dbugs 'byin pa rnyed par 'gyur te/ de la sdig pa 'dod pa dang bral ba ni rnyed pa dang bkur sti dang tshigs su bcad pa las sdig pa mi 'dod pa gang yin pa'o/ / bdag ni bdag la mi bstod gzhan la mi smod pa la gnas kyis/ gzhan dag kyang bdag la mi bstod gzhan la mi smod pa la dgod do zhes dbugs 'byin pa rnyed par 'gyur te/ de la bdag la mi bstod gzhan la mi smod pa ni bdag la yon tan yod par sgro mi 'dogs pa gang yin pa 'di ni bdag la mi bstod pa'o/ / gzhan gyi yon tan yang dag pa chud mi gzon pa gang yin pa 'di ni gzhan mi smod pa'o// bdag ni yang dag pa la gnas kyis/ gzhan dag
- 347a
kyang yang dag pa la dgod do zhes dbugs 'byin pa rnyed par 'gyur te/ de la yang dag pa ni chos thams cad la 'du shes med pa dang / 'du shes la rlom sems med pa gang yin pa ste/ bajam dpal dbugs 'byin pa la rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga po dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni bag chags kyi mtshams sbyor ba legs par 'joms pa la gnas kyis/ gzhan dag kyang bag chags kyi mtshams sbyor ba legs par 'joms pa la dgod do zhes dbugs 'byin pa rnyed par 'gyur te/ de la bag chags kyi mtshams sbyor ba legs par 'joms pa la ni/ sngon gyis byis pa'i spyod pa la spyod pa dang nyan thos dang rang sangs rgyas kyi sa dang po la 'dod pa med pa gang yin pa'o// bdag ni rjes su chags pa dang khong khro ba spong ba la gnas kyis/ gzhan dag kyang rjes su chags pa dang khong khro ba spong ba la dgod do zhes dbugs 'byin pa rnyed par 'gyur te/ de la rjes su chags pa dang khong khro ba spong ba ni mi dge ba'i chos ma skyes pa rnams kyi mi skyed pa dang / dge ba'i chos skyes pa rnams chung mi gzon pa gang yin pa'o// bdag ni gnam pa la gnas kyis/ gzhan dag kyang
- 347b
/ nam pa la dgod do zhes dbugs 'byin pa rnyed par 'gyur te/ de la gnam pa ni 'phags pa'i bden pa rtogs pa gang yin pa'o// bdag ni drang ba la gnas kyis/ gzhan dag kyang drang ba la dgod do zhes dbugs 'byin pa rnyed par 'gyur te/ de la drang ba ni 'phags pa'i lam la rtogs pa med pa gang yin pa'o// bdag ni bzhin khro gnyer med pa la gnas kyis/ gzhan dag kyang gzhin khro gnyer med pa la dgod do zhes dbugs 'byin pa rnyed par 'gyur te/ de la bzhin khro gnyer med pa ni zhe sdang dang bral ba ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga po dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni gsong por smra ba la gnas kyis/ gzhan dag kyang gsong por smra ba la dgod do zhes dbugs 'byin pa rnyed pabapar 'gyur te/ de la gsong por smra ba ni tshur shog legs par 'ongs sam zhes brjod cing ldang ba'i zo mdogs yang ba gang yin pa'o// bdag ni ye shes mtha' yas pa la gnas kyis/ gzhan dag kyang ye shes mtha' yas pa la dgod do zhes dbugs 'byin pa rnyed par 'gyur te/ de la ye shes mtha' yas pa ni phyogs bcu'i 'jig rten rab 'byams thams
- 348a
cad du 'jig rten dang 'jig rten las 'das pa'i las dang bzo'i gnas la ye shes lhun gyi grub pa gang yin pa'o/ / bdag ni las kyi rnam par smin pa la nem nur med par gnas kyis/ gzhan dag kyang las kyi rnam par smin pa la nem nur med par dgod do zhes dbugasra 'byin pa rnye par 'gyur te/ de la las kyi rnam par smin pa la nem nur med pa ni rtag pa dang / chad pa yongs su spangs pa gang yin pa'o// bdag ni brjod du med pa la gnas kyis/ gzhan dag kyang brjod du med pa la dgod do zhes dbugs 'byin pa rnyed par 'gyur te/ de la brjod du med pa ni sems dang yid dang rnam par shes pa rnams yid la byed pa med cing sgro 'dogs pa med pa gang yin pa'o// bdag ni chos kyi dbyings shes pa la gnas kyis/ gzhan dag kyang chos kyi dbyings shes pa la dgod do zhes dbugs 'byin pa rnyed par 'gyur te// de la chos kyi dbyings shes pa ni chos thams cad chos kyi dbyings dbyer med pa gnyis su med par shes pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// / 'jam dpal gzhan yang dbugs 'byin pa rnyed par lnga po dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni spong ba
- 348b
la gnas kyis/ gzhan dag kyang spong ba la dgod do zhes dbugs 'byin pa rnyed par 'gyur te/ de la spong ba ni dmigs pa dag la med pa'i 'du shes gang yin pa dang / rlom sems med pa gang yin pa'o/ / bdag ni sgrib pa med pa'i ye shes la gnas kyis/ gzhan dag kyang sgrib pa med pa'i ye shes la dgod do zhes dbugs 'byin pa rnyed par 'gyur te// de la sgrib pa med pa'i ye shes ni mtha' dang mtha' med pa rnam par dag pa gang yin pa'o// bdag ni tshig gi mtshams sbyar ba shes pa la gnas kyis/ gzhan dag kyang tshig gi mtshams sbyar ba la dgod do zhes dbugs 'byin pa rnyed par 'gyur te/ de la tshig gis mtshams sbar ba shes pa ni smon lam gyi khyad par yang dag par 'byung bas dge ba'i rtsa ba yongs su spong ba gang yin pa'o/ / bdag ni nges pa la gnas kyis/ gzhan dag kyang nges pa la dgod do zhes dbugs 'byin pa rnyed par 'gyur te/ de la nges pa ni sems can thams cad la phan pa'i gzhi gang yin pa'o/ / bdag ni bdud kyi las dang bral ba la gnas kyis/ gzhan dag kyang bdud kyi las dang bral ba la dgod do zhes dbugs 'byin pa rnyed par 'gyur te/ de la bdud kyi las dang bral ba ni lta bar 'gyur ba yongs su shes pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar
- 349a
'gyur ba'o/ / 'jam dpal gzhan yang dbugs 'byin pa rnyed pa lnga po dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sangs rgyas la skyabs su song gis/ gzhan dag kyang sangs rgyas la skyabs su 'gro ba la dgod do zhes dbugs 'byin pa rnyed par 'gyur te/ de la sangs rgyas la skyabs su 'gro ba ni de bzhin gshegs pa'i bslab pa las mi 'dra' ba gang yin pa'o/ / bdag ni chos la skyabs su song gis/ gzhan dag kyang chos la skyabs su 'gro ba la dgod do zhes dbugs 'byin pa rnyed par 'gyur te/ de la chos la skyabs su 'gro ba ni chos mi spong ba gang yin pa'o// bdag ni dge 'dun la skyabs su song gis/ gzhan dag kyang dge 'dun la skyabs su 'gro ba la dgod/ do zhes dbugs 'byin pa rnyed par 'gyur te/ de la dge 'dun la skyabs su 'gro ba ni sangs rgyas kyi tshul khrims la lta ba gang yin pa'o// bdag ni nga rgyal med pa la gnas kyis/ gzhan dag kyang nga rgyal med pa la dgod do zhes dbugs 'byin pa rnyed par 'gyur te/ de la nga rgyal med pa ni sems can la shin tu gus pa gang yin pa'o// bdag ni khon tu 'dzin pa med pa la gnas kyis/ gzhan dag kyang khon tu 'dzin pa med pa la dgod do zhes dbugs 'byin pa rnyed par 'gyur te/ de la khon tu 'dzin pa med pa ni sems kyi yongs su gdung ba nye bar zhi ba gang yin pa
- 349b
ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed ba lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni tshul 'chos pa med pa la gnas kyis/ gzhan dag kyang tshul 'chos pa med pa la dgod do zhes dbugs 'byin pa rnyed par 'gyur te/ de la tshul 'chos pa med pa ni/ zang zing med pa'i sems kyi gzhan la phan 'dogs pa gang yin pa'o// bdag ni kha gsags med pa la gnas kyis/ gzhan dag kyang kha gsag med pa la dgod do zhes dbugs 'byin pa rnyed par 'gyur te/ de la kha gsag med pa ni sems can yongs su sbyong bar smin par byed pas/ yongs su len pa gtong ba gang yin pa'o// bdag ni thob kyis 'jal ba med pa la gnas kyis/ gzhan dag kyang thob kyi 'jal ba med pa la dgod do zhes dbugs 'byin pa rnyed par 'gyur te/ de la thob kyis 'jal ba med pa ni 'phags pa'i rigs yang dag par blangs par yongs su rdzogs par byed cing / sbyong ba'i yon tan dang yo byad sbyangs pa gang yin pa'o/ / bdag ni 'tsho ba yongs su dag pa la gnas kyis/ gzhan dag kyang 'tsho ba yongs su dag pa la dgod do zhes dbugs 'byin pa rnyed par 'gyur
- 350a
te/ de la 'tshe ba yongs su dag pa ni dam pa'i chos yongs su gzung bar bya ba'i phyir/ sdug bsngal gyi yo byad gang mi len pa de ci yang med pa dang / bde ba'i yo byad gang mi gtong ba de ci'ang med pa'o/ / bdag ni gcig pur dga' ba la gnas kyis/ gzhan dag kyang gcig pur dga' ba la dgod do zhes dbugs 'byin pa rnyed par 'gyur te/ de la cig pur dga' ba ni 'du 'dzi yongs su spong bar dga' ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// / bam po gsum pa/ 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chos kyi kun dga' la dga' ba la gnas kyis/ gzhan dag kyang chos kyi kun dga' la dga' ba la dgod do zhes dbugs 'byin pa rnyed par 'gyur te/ de la chos kyi kun dga' la dga' ba ni khams gsum gyis skrag pa dang / byang chub kyi sems chud mi za ba gang yin pa'o// bdag ni mnar sems kyi dngos po dgu spong ba la gnas kyis/ gzhan dag kyang mnar sems kyi dngos po dgu spong ba la dgod do zhes dbugs 'byin pa rnyed par 'gyur te/ de la mnar sems kyi dngos po dgu spong ba ni sems can gyi gnas dgu yongs su shes pa gang yin pa'o// bdag ni sems zhi ba nyid la gnas kyis
- 350b
/ gzhan dag kyang sems zhi ba nyid la dgod do zhes dbugs 'byin pa rnyed par 'gyur te/ de la sems zhi ba nyid ni sems kyi yongs su gdung ba med pa gang yin pa'o// bdag ni zhi gnas kyi tshogs yongs su tshol ba la gnas kyis/ gzhan dag kyang zhi gnas kyi tshogs yongs su tshol ba la dgod do zhes dbugs 'byin pa rnyed par 'gyur te/ de la zhi gnas kyi tshogs yongs su tshol ba ni sems las su rung ba gang yin pa'o/ / bdag ni tshul khrims lhod pa med pa la gnas kyis/ gzhan dag kyang tshul khrims lhod pa med pa la dgod do zhes dbugs 'byin pa rnyed par 'gyur te/ de la tshul khrims lhod pa med pa ni/ cho ga dang tshul khrims dang lta ba nyams pa rnams las yang dag par 'da' ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lha dang mi la mi slu bar gnas kyis/ gzhan dag kyang lha dang mi la mi slu bar dgod do zhes dbugs 'byin pa rnyed par 'gyur te/ de la lha dang mi la mi slu bar ni byang chub kyi sems yongs su mi gtong ba gang yin pa'o// bdag ni sbyor ba la gnas kyis/ gzhan dag kyang sbyor ba la dgod do zhes dbug 'byin pa rnyed
- 351a
par 'gyur te/ de la sbyor ba ni sems can thams cad la phan pa'i dngos po sngon du 'gro ba'i rjes su bstan pa gang yin pa'o// bdag ni sems can dmu rgod ma yin pa la gnas kyis/ gzhan dag kyang sems can dmu rgod ma yin pa la dgod do zhes dbugs 'byin pa rnyed par 'gyur te/ de la sems dmu rgod ma yin pa ni dul ba dang cang shes kyis sems gang yin pa'o/ / bdag ni sems can thams cad kyi slob mar khas len pa la gnas kyis/ gzhan dag kyang sems can thams cad kyi slob mar khas len pa la dgod do zhes dbugs 'byin pa rnyed par 'gyur te/ de la sems can thams cad kyi slob mar khas len pa ni bya ba ci yod pa la bdag nyid byed pa gang yin pa'o// bdag ni sbyin gnas rnams la 'dud pa dang phyag bya ba la gnas kyis/ gzhan dag kyang sbyin gnas rnams la 'dud pa dang phyag bya ba la dgod do zhes dbugs 'byin pa rnyed par 'gyur te/ de la sbyin gnas rnams la 'dud pa dang phyag bya ba ni sems can thams cad la nga rgyal med pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni dam pa'i chos yongs su tshol ba la gnas/
- 351b
kyis/ gzhan dag kyang dam pa'i chos yongs su tshol ba la dgod do zhes dbugs 'byin pa rnyed par 'gyur te/ de la dam pa'i chos yongs su tshol ba ni sems can yongs su smin par byed pa la skyo ba med pa dang / sangs rgyas kyi zhing yongs su sbyong ba dang / tshul khrims dang thos pa'i tshogs gsog pa dang / chos yongs su tshol ba la brtson zhing / sbyin pa mi len/ ser sna mi gtong tshul khrims mi len/ 'chal pa'i shes rab kyi tshul khrims mi gtong / bzod pa mi len/ gnod sems mi gtong / brtson 'grus mi len/ le lo mi gtong / bsam gtan mi len/ rnam par rtog pa dang / rnam par dpyod pa mi gtong / shes rab mi len/ 'chal pa'i shes rab mi gtong / dge ba mi len cing / mi dge mi gtong ba gang yin pa'o// bdag ni chos la gus pa dang bcas pa la gnas kyis/ gzhan dag kyang chos la gus pa dang bcas pa la dgod do zhes dbugs 'byin pa rnyed par 'gyur te/ de la chos la gus pa dang bcas pa ni chos rnams la nan tan byed pa gang yin pa'o/ / bdag ni chos smra ba la gus pa dang bcas par gnas kyis/ gzhan dag kyang chos smra ba la gus pa dang bcas pa la dgod do zhes dbugs 'byin pa rnyed par 'gyur te/ de la chos smra ba la gus pa dang bcas par ni chos smra ba la ston par 'du shes pa gang yin pa'o// bdag ni tshig rtsub po med pa la gnas kyis/ gzhan dag kyang tshig rtsa ba
- 352a
po med pa la dgod do zhes dbugs 'byin pa rnyed par 'gyur te/ de la tshig rtsub po med pa ni phan 'dogs pa'i tshig gang yin pa'o// bdag ni gnod sems med pa la gnas kyis/ gzhan dag kyang gnod sems med pa la dgod do zhes dbugs 'byin pa rnyed par 'gyur te/ de la gnod sems med pa ni las bya ba la 'jugs pa gang yin pa ste/ 'jam dpal dbugs 'byin pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga gang gis byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sbyin pa la gnas kyis/ gzhan dag kyang sbyin pa la dgod do zhes dbugs 'byin ba rnyed par 'gyur te/ de la sbyin pa ni chos ji lta ba bzhin du ston pa gang yin pa'o// bdag ni snyan par smra ba la gnas kyis/ gzhan dag kyang snyan par smra ba la dgod do zhes dbugs 'byin pa rnyed par 'gyur te/ de la snyan par smra ba ni zang zing med pa'i sems kyis chos ston pa gang yin pa'o// bdag ni don spyod pa la gnas kyis/ gzhan dag kyang don spyod pa la dgod do zhes dbugs 'byin pa rnyed par 'gyur te/ de la don spyod pa ni gzhan la lung 'bog pa dang kha ton 'don du 'jug pa skyo ba med pa gang yin pa'o// bdag ni don mthun pa la gnas kyis/ gzhan dag kyang don mthun pa la dgod
- 352b
do zhes dbugs 'byin pa rnyed par 'gyur te/ de la don 'thun pa ni sbyin pa byin mas theg pa chen po la dgod do zhes gang yin pa'o// bdag ni byang chub kyi sems la gnas kyis/ gzhan dag cang / byang chub kyis sems la dgod do zhes dbugs 'byin pa rnyed par 'gyur te/ de la byang chub kyi sems sangs rgyas kyi chos thams cad chud mi za zhing gnas par bya ba'i phyir 'dun pa skye ba dang / 'bad pa dang / brtson 'grus rtsom pa dang / sems rab tu 'dzin pa dang / yang dag par 'jog pa gang yin pa ste/ 'jam dpal dbugs 'byin pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag gis byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni don so so yang dag par rig pa la gnas kyis/ gzhan dag kyang don so so yang dag par rig pa la dgod do zhes dbugs 'byin pa rnyed par 'gyur te/ de la don se so yang dag par rig pa ni chos kyi tshul yang dag par ci lta ba bzhin du rtog pa gang yin pa'o/ / bdag ni chos so so yang dag par rig pa la gnas gyis/ gzhan dag kyang chos so so yang dag par rig pa la dgod do zhes dbugs 'byin pa rnyed par 'gyur te/ de la chos so so yang dag par rig pa ni sangs rgyas kyi chos thams cad la 'jug pa'i ye shes gang yin pa'o// bdag ni
- 353a
nges pa'i chog so so yang dag par rig pa la gnas kyis/ gzhan dag kyang nges pa'i chog so so yang dag par rig pa la dgod do zhes dbugs 'byin pa rnyed par 'gyur te/ de la nges pa'i tshig so so yang dag par rig pa ni skad sgrags pa thams cad la 'jug pa'i ye shes gang yin pa'o/ / bdag ni spob pa so so yang dag par rig pa la gnas kyis/ gzhan dag kyang spob pa so so yang dag par rig pa la dgod do zhes dbugs 'byin pa rnyed par 'gyur te/ de la spobs pa so so yang dag par rig pa ni sangs rgyas kyi chos thams cad la tshig rab tu dbye ba la mkhas pa'i shes pa gang yin pa'o/ / bdag ni spobs pa la gnas kyis/ gzhan dag kyang spobs pa la dgod do zhes dbugs 'byin pa rnyed par 'gyur te/ de la spobs pa ni sangs rgyas kyi chos thams cad la byin gyis rlob cing ston pa shes pa gang yin pa ste/ de ni tshig gcig gzung nas phyi mthe'i mu'i bskal par byin gyis rlob cing ston kyang mi ldang ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag gis byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni sems can yongs su smin par bya ba'i phyir/ sems can gyi kun nas nyon mongs pa bzod pa la gnas kyis/ gzhan dag kyang
- 353b
sems can yongs su smin par bya ba'i phyir/ sems can gyi kun nas nyon mongs pa bzod pa la dgod do zhes dbugs 'byin pa rnyed par 'gyur te/ de la kun nas nyon mongs pa ni lus la gnod pa/ dang / sems la gnod pa gang yin pa'o// bdag ni phongs pa med pa la gnas kyis/ gzhan dag kyang phongs pa med pa la dgod do zhes dbugs 'byin pa rnyed par 'gyur te/ de la phongs pa med pa ni dge ba'i rtsa ba rnams chud mi za ba gang yin pa'o/ / bdag ni sems mi 'khrug pa la gnas kyis/ gzhan dag kyang sems mi 'khrug pa la dgod do zhes dbugs 'byin pa rnyed par 'gyur de la sems mi 'khrug pa ni dge ba'i rtsa ba thams cad chud mi za ba gang yin pa'o/ / bdag ni brtson 'grus la gnas kyis/ gzhan dag kyang brtson 'grus la dgod do zhes dbugs 'byin pa rnyed par 'gyur te/ de la brtson 'grus ni sangs rgyas kyi chos thams cad yongs su rdzogs par byed pa dang mi dge ba'i chos thams cad spong ba gang yin pa'o// bdag ni sems can la dmigs pa'i byams pa la gnas kyis/ gzhan dag kyang sems can la dmigs pa'i byams pa la dgod do zhes dbugs 'byin pa rnyed par 'gyur te/ de la sems can la dmigs pa'i byams pa ni sems can la snyoms par gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang
- 354a
dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni khong khro ba med pa'i sems la gnas kyis/ gzhan dag kyang khong khro ba med pa'i sems la dgod do zhes dbugs 'byin pa rnyed par 'gyur te/ de la khong khro ba med pa'i sems ni sems can thams cad srung ba gang yin pa'o/ / bdag ni spong ba la gnas kyis/ gzhan dag kyang spong ba la dgod do zhes dbugs 'byin pa rnyed par 'gyur te/ de la spong ba ni dus gsum gyi chos thams cad la mnyam pa nyid du 'jug pa gang yin pa'o/ / bdag ni chos la dmigs pa'i byams pa la gnas kyis/ gzhan dag kyang chos la dmigs pa'i byams pa la dgod do zhes dbugs 'byin pa rnyed par 'gyur te/ de la chos la dmigs pa'i byams pa ni chos thams cad la mi dmigs shing / mi dmigs pa la yang rlom sems med pa'o// bdag ni dang po'i bsod nams kyi tshogs la gnas kyis/ gzhan dag kyang dang po'i bsod nams kyis tshogs la dgod do zhes dbugs 'byin pa rnyed par 'gyur te/ de la dang po'i bsod nams kyi tshogs ni byang chub kyi sems mi gtong ba dang / byang chub sems dpa'i spyod pa'i rjes su 'jug pa gang yin pa'o/ / de la byang chub sems dpa'i spyod pa'i rjes su 'jug pa ni sems can thams cad la snyoms pas yang dag par 'ardzus pa'i byams pa dang / ser sna'i sems tshar bcod pa dang /
- 354b
/ 'chal pa'i tshul khrims sel ba dang / gnod sems spong ba dang / le lo sel ba dang / rnam par g.yeng ba kun tu spyod pa med pa dang / 'chal pa'i shes rab spong ba dang / bsdu ba'i dngos po bzhi pos sems can yongs su smin par byed pa dang / sems can thams cad la sems dang mtshungs pa dang / theg pa dman pa la mos pa med pa dang / snying rje chen pos sems can thams cad kyi dge ba'i rtsa ba bya ba la brtson zhing / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par byed pa dang / dam pa'i chos yongs su 'dzin cing shes rab kyi rtsa ba las byung ba'i bslab pa dang / bsod nams kyi tshogs dang / ye shes kyi tshogs la mngon par brtson par gang yin pa'o// bdag ni ngo mtshar gyi 'du shes la gnas kyis/ gzhan dag kyang ngo mtshar gyi 'du shes la dgod do zhes dbugs 'byin pa rnyed par 'gyur te/ de la ngo mtshar gyi 'du shes ni chos thams cad la gnyis su med pa'i 'du shes dang / spyod pa thams cad la bdag gi spyod par 'du shes pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhen/ 'di lta ste/
- 355a
bdag ni bzod pa dang nges pa la gnas kyis/ gzhan dag kyang bzod pa dang nges pa la dgod do zhes dbugs 'byin pa rnyed par 'gyur te/ de la bzod pa dang nges pa ni ngan tu brjod pa dang / ngan du smras pa'i tshig gi lam la khong khro ba'i sems med pa gang yin pa'o// bdag ni sems zhi ba la gnas kyis/ gzhan dag kyang sems zhi ba la dgod do/ zhes dbugs 'byin pa rnyed par 'gyur te/ de la sems zhi ba ni ltung ba la gleng ba med pa'o// bdag ni chos thams cad dngos po med pa la gnas kyis/ gzhan dag kyang chos thams cad dngos po med pa la dgod do zhes dbugs 'byin pa rnyed par 'gyur te/ de la chos thams cad dngos po med pa zhes bya ba de ni dngos po'i tshig go/ de ci'i phyir zhe na/ dngos po'i rang bzhin la dngos po med pa gzhan ma yin te/ dngos po'i rang bzhin nyid dngos po med pa ste/ dngos po'i rang bzhin dngos po med pa shes pa des chos thams cad dngos po med pa'o// bdag ni chos gnas pa nyid la gnas kyis/ gzhan dag kyang chos gnas pa nyid la dgod do zhes dbugs 'byin pa rnyed par 'gyur te/ de la chos gnas pa nyid ni chos thams cad g.yo ba med pa gang yin pa'o// / bdag ni chos la gnas kyis/ gzhan dag kyang chos la dgod do zhes dbugs 'byin pa rnyed par 'gyur te/ de la chos ni tha ma dad cing mi gnas pa gang yin pa ste/ 'jam dpal dbugs
- 355b
'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni ye shes kyis nyon mongs pa rnams gzhom pa yang ma yin/ ye shes kyis nyon mongs pa rnams mi gzhom pa yang ma yin no zhes bya ba la zhugs kyis/ gzhan dag kyang ye shes kyis nyon mongs pa rnams gzhom pa yang ma yin/ ye shes kyi nyon mongs pa rnams mi gzhom pa yang ma yin no zhes bya/ ba la bzung ngo zhes dbugs 'byin pa rnyed par 'gyur te/ de ci'i phyir zhe na/ nyon mongs pa'i rang bzhin las ye shes gzhan ma yin pa'i phyir te/ nyon mongs pa'i rang bzhin las ye shes gzhan med pas/ nyon mongs pa'i rang bzhin nyid ye shes yin te/ ye shes des ye shes de nyid bsal bar mi bya'o// dper na mdzub mo'i rtse mo de la nyid kyis mdzub mo'i rtse mo de nyid la reg par mi rung ba de ltar ye shes de nyid kyis de nyid gsal bar mi bya'o/ / bdag ni de bzhin gshegs pa rtag pa yang ma yin/ de bzhin gshegs pa mi rtag pa ma yin no zhes bya ba la zhugs kyis/ / gzhan dag kyang de bzhin gshegs pa rtag pa yang ma yin/ de bzhin gshegs pa mi rtag pa yang ma yin no zhes bya ba la gzung ngo zhes dbugs 'byin pa rnyed par 'gyur te/
- 356a
de la de bzhin gshegs par rtag pa yang ma yin mi rtag pa yang ma yin zhes bya ba ni rlom sems kyi ngo bo nyid med pa'i phyir ro// bdag ni de bzhin gshegs pa bsam gyis mi khyab pa'o zhes bya ba'i ye shes 'di la zhugs kyis/ gzhan dag kyang de bzhin gshegs pa bsam gyis mi khyab pa'o zhes bya ba'i ye shes 'di la dgod do zhes dbugs 'byin pa rnyed par 'gyur te/ de la de bzhin gshegs pa bsam gyis mi khyab pa ni sems can gdul ba ci lta ba dang / bsam pa ji lta ba de bzhin du rnam par bzhag pa las mi 'da' ba gang yin pa'o// bdag ni gzugs mtshan nyid med do zhes bya ba la zhugs kyis/ gzhan dag kyang gzugs mtshan nyid med do zhes bya ba la gzung ngo zhes dbugs 'byin pa rnyed par 'gyur te/ de ci'i phyir zhe na/ gzugs ni mtshan nyid med pa'i rang bzhin las gzhan ma yin pa'i phyir te/ gzugs kyi rang bzhin las mtshan nyid med pa gzhan med pas/ gzugs kyi rang bzhin nyid mtshan nyid med pa ste/ gzugs kyi rang bzhin gyi mtshan nyid med pa shes pa des chos thams cad mtshan nyid med pa'o/ / bdag ni thabs mkhas pa la gnas kyis/ gzhan dag kyang thabs mkhas pa la dgod do zhes dbugs 'byin pa rnyed par 'gyur te/ de la thabs mkhas pa ni chos thams cad yang dag par sdud pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam
- 356b
dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni bsod nams kyi tshogs mi zad pa la gnas/ kyis/ gzhan dag kyang bsod nams kyis tshogs mi zad pa la dgod do zhes dbugs 'byin pa rnyed par 'gyur te/ de la bsod nams kyi tshogs mi zad pa ni dge ba'i rtsa ba byang chub tu bsngos pa gang yin pa'o/ / bdag ni ye shes kyi tshogs la gnas kyis/ gzhan dag kyang ye shes kyi tshogs la dgod do zhes dbugs 'byin pa rnyed par 'gyur te/ de la ye shes kyi tshogs ni stong pa nyid la mos pa gang yin pa'o/ / bdag ni shes rab kyi rtsa ba las 'byung ba'i las la gnas kyis/ gzhan dag kyang shes rab kyi rtsa ba las byung ba'i las la dgod do zhes dbugs 'byin pa rnyed par 'gyur te/ de la shes rab kyi rtsa ba las byung ba'i las ni bdag nyid ches dkar po la gnas pa gang yin pa'o// yang shes rab kyi rtsa ba las byung ba'i las ni gzhan shes rab la dgod pa gang yin pa'o// bdag ni ting nge 'dzin la gnas kyis/ gzhan dag kyang ting nge 'dzin la dgod do zhes dbugs 'byin pa rnyed par 'gyur te/ de la ting nge 'dzin ni sems med pa'i snyoms par 'jug par gang yin pa'o// bdag ni so so yang dag par rtog pa la gnas kyis/ gzhan dag kyang so so yang dag par rtog pa la dgod do zhes dbugs 'byin pa rnyed par 'gyur te/ de la so so yang dag par rtog pa ni las dang bya ba la 'jug
- 357a
pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed par lnga dag byang chub sems dpa' rnams kyis dang po yongs su spong bar 'gyur te/ lnga gang zhe na/ 'di lta ste/ bdag ni dbu ma'i lam shes pa la gnas kyis/ gzhan dag kyang dbu ma'i lam shes pa la dgod do zhes dbugs 'byin pa rnyed par 'gyur te/ de la dbu ma'i lam ni mtha' rnam par dag pa shes pa gang yin pa'o// de ci'i phyir zhe na/ mtha'i rang bzhin las dbu ma'i lam gzhan ma yin pa'i phyir te/ mtha'i rang bzhin las dbu ma'i lam gzhan med pas/ mtha'i rang bzhin nyid dbu ma'i lam mo// bdag ni chos thams cad rtag pa'o zhes bya ba la gnas kyis/ gzhan dag kyang chos thams cad rtag pa'o zhes bya ba la dgod do zhes dbugs 'byin pa rnyed par 'gyur te/ de la chos thams cad rtag pa ni mtha' dang dpung med pa'i phyir ro// chos thams cad mtha' dang dpung med pa ni 'dus byas kyi rang bzhin ma yin pa'i phyir te/ 'dus byas kyis rang bzhin las mtha' dang dpung med pa gzhan med pas/ 'dus byas kyi rang bzhin nyid mtha' dang dpung med pa'o// mtha' dang dpung med pa gang yin pa de ni rtog pa brtan pa ther zugs pa'o/ / bdag ni sangs rgyas la mchod pa bye brag tu mngon par 'phags pa la gnas kyis/ gzhan dag kyang sangs rgyas la mchod pa bye brag tu
- 357b
mngon par 'phags pa la dgod do zhes dbugs 'byin pa rnyed par 'gyur te/ de la sangs rgyas la mchod pa bye brag tu mngon par 'phags pa ni theg pa chen po la mos pa'i byang chub sems dpa' la bsnyen cing bsten pa dang / bsnyen bkur byed cing snyed pa dang / bkur sti byas te/ cis nus kyis theg pa chen po yang dag par skyed cing sbyin pa gang yin pa'o// bdag ni chos thams cad 'dus ma byas so/ zhes bya ba la gnas kyis/ gzhan dag kyang chos thams cad 'dus ma byas so bya ba la dgod do zhes dbugs 'byin pa rnyed par 'gyur te/ de la chos thams cad 'dus ma byas zhes bya ba de ni 'dus ma byas kyi tshig go/ de ci'i phyir zhe na/ 'dus byas kyi rang bzhin las 'dus ma byas gzhan ma yin pa'i phyir te/ 'dus byas kyi rang bzhin las 'dus ma byas gzhan med pas/ 'dus ma byas kyi rang bzhin nyid 'dus ma byas te/ 'dus ma byas kyi rang bzhin 'dus ma byas shes pa des chos thams cad 'dus ma byas pa'o// bdag ni chos thams cad stong ngo zhes bya ba la zhugs kyis/ gzhan dag kyang chos thams cad stong ngo zhes bya ba la gzung ngo zhes dbugs 'byin pa rnyed par 'gyur te/ de la stong pa nyid ni lta bar gyur pa gang yin pa'o// de ci'i phyir zhe na/ stong pa nyid ni lta bar gyur pa'i rang bzhin las gzhan ma yin pa'i phyir te/ lta bar gyur pa'i rang bzhin las stong pa nyid gzhan med pas/ lta bar gyur pa'i rang bzhin nyid stong pa nyid do// lta bar gyur pa'i rang bzhin nyid shes pa
- 358a
des chos thams cad stong pa ste/ 'jam dpal dbugs 'byin pa rnyed pa lnga po dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni chos thams cad mthong bar dka' ba la gnas kyis/ gzhan dag kyang chos thams cad mthong bar dka' ba la dgod do zhes dbugs 'byin pa rnyed par 'gyur te/ de la chos thams cad mthong bar dka' ba ni rgyu dang rkyen gyi rang bzhin yin pa'i phyir ro/ / bdag ni chos thams cad rtogs par dka' ba la gnas kyis/ gzhan dag kyang chos thams cad rtog par dka' ba la dgod do zhes dbugs 'byin pa rnyed par 'gyur te/ de la chos thams cad rtogs par dka' ba ni dmigs pa med pa dang / yid la byed pa'i rang bzhin ma yin pa'i phyir ro// bdag ni chos thams cad rig par dka' ba la gnas kyis/ gzhan dag kyang chos thams cad rig par dka' ba la dgod do zhes dbugs 'byin pa rnyed par 'gyur te/ de la chos thams cad rig par dka' ba ni shis pa dang shes bya mnyam pa nyid du rtog pa'i phyir ro// bdag ni chos thams cad rnyog pa med pa la gnas kyis/ gzhan dag kyang chos thams cad rnyog pa med pa la dgod do zhes dbugs 'byin pa rnyed par 'gyur te/ de la chos thams cad rnyog pa med pa ni shin tu
- 358b
rnam par dag pa'i phyir ro/ / bdag ni chos thams cad ma zad pa la gnas kyis/ gzhan dag kyang chos thams cad mi zad pa la dgod do zhes dbugs 'byin pa rnyed par 'gyur te/ de la chos thams cad mi zad pa ni dpe dang dper bya ba'i ngo bo nyid ma yin pa'i phyir te/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su spong bar 'gyur te/ lnga gang zhe na/ 'di lta ste/ bdag ni chos thams cad mi phyed pa la gnas kyis// gzhan dag kyang chos thams cad mi phyed pa la dgod do zhes dbugs 'byin pa rnyed par 'gyur te/ de la chos mi phyed pa ni chos thams cad chos kyi dbyings dang dbyer med pa'i phyir/ dus gsum mnyam pa nyid du 'jug pa gang yin pa'o/ / bdag ni 'phags pa'i bden pa bzhi mi phyed pa la gnas kyis/ gzhan dag kyang 'phags pa'i bden pa bzhi mi phyed pa la dgod do zhes dbugs 'byin pa rnyed par 'gyur te/ de la 'phags pa'i bden pa bzhi mi byed pa ni nang rnam par dag pa gang yin pa'o// bdag ni ma rig pa dang 'du byed mi phyed pa shes pa la gnas kyis/ gzhan dag kyang ma rig pa dang 'du byed mi phyed pa shes pa la dgod do zhes dbugs 'byin pa rnyed par 'gyur te/ de ci'i phyir zhe na/ ma rig pa ni 'du byed kyi rang bzhin las gzhan ma yin pa'i phyir ro// gal te 'du byed rnams las ma
- 359a
rig pa gzhan ma yin du zin na 'du byed rnams rgyu med pa can du 'gyur ro/ / ci ste ma rig pa las 'du byed rnams gzhan ma yin/ de lta na ni shin tu rnam par dag pa'i phyir rgyu dang 'bras bu 'grogs par 'gyur ro/ / bdag ni chos thams cad mi rtog pa'o zhes bya ba la gnas kyis/ gzhan dag kyang chos thams cad mi rtag pa'o zhes bya ba la dgod do zhes dbugs 'byin pa rnyed par 'gyur te/ de ci'i phyir zhe na/ mi rtag pa nyid rtag pa'i rang bzhin las gzhan ma yin pa'i phyir te/ rtag pa'i rang bzhin las mi rtag pa gzhan med pas/ rtag pa'i rang bzhin nyid mi rtag pa'o// bdag ni de bzhin gshegs pa ma skyes ma 'gags pa'o zhes bya ba la gnas kyis/ gzhan dag kyang de bzhin gshegs pa ma skyes ma 'gags pa'o zhes bya ba dgod do zhes dbugs 'byin/ pa rnyed par 'gyur te/ de la de bzhin gshegs pa ma skyes ma 'gags pa ste gnyis po med pa'i phyir ro// 'di lta ste dper nam mkha' ni ma skyes pa ma 'gags pa mtha' dang dpung med pa yin mong kyi/ 'on kyang dmigs pa'i dbang gis 'dis ni khab kyi bu gu'o// 'di ni bum pa'i nang ngo // 'di ni nam mkha' tshad med pa'o zhes rab 'bring dang tha mar snang yang ma skyes ma 'gags pa'i phyir/ nam mkha' la rab 'bring dang tha ma med do// nam mkha' na mi rtog rnam par mi rtog mod kyis/ 'on kyang ma 'dres pa'i chos dang ldan pa'i phyir te/ de mi rtog cing lhun gyis grub par bya ba 'di lta bu
- 359b
'di byung ngo / / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang ma skyes ma 'gags pa mtha' dang dpung med pa yin mod kyis/ 'on/ kyang de sems can gyi bsam pa'i dbang gis/ sems can gyi bsam pa rab 'bring tha ma rnams la 'di ni nyan thos kyi theg pa'o// 'di ni rang sangs rgyas kyi theg pa'o// 'di ni sems can thams cad kyi go skabs yod pa theg pa chen po zhes bya ba tha dad pa 'byung ste/ de bzhin gshegs pa ni rtog rnam par mi rtog mod kyis/ 'on kyang ma 'dres pa'i chos dang ldan pa'i phyir/ de mi rtog cing lhun gyis grub par bya ba 'di 'byung ngo / / 'jam dpal 'di lta ste/ dper na nyi ma'i 'od ni gnas dang / dmigs pa'i dbang gis grib ma sna tshogs su 'gyur yang nyi ma'i 'od ni ma 'dres pa'i chos dang ldan pa'i phyir mi rtog rnam par mi rtog go/ 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / sems can rnams kyi bsam pa dang dmigs pa'i dbang gis ye shes tha dad pa sna tshogs su 'gyur te/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir/ de mi rtog cing lhun gyis grub par bya ba 'di lta bu 'di 'byung ngo / / 'di ni theg pa 'am theg pa ma yin pa ni gang yang med de/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po
- 360a
yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni sems can gyi kun nas nyon mongs pa sel ba la gnas kyis/ gzhan dag kyang sems can gyi kun nas nyon mongs pa gsel ba la dgod do zhes dbugs 'byon pa rnyed par 'gyur te/ de la kun nas nyon mongs pa ni lus la gnod pa dang / sems la gnod pa'o// bdag ni chos snang ba'i sgo'i shes rab la gnas kyis/ gzhan dag kyang chos sno ba'i sgo'i shes rab la dgod do zhes dbugs 'byin pa rnyed par 'gyur te/ 'jam dpal de la chos snang ba'i sgo'i shes rab ni chos bzhi 'byung bar 'gyur ro// bzhi gang zhe na/ 'di lta ste/ dad pa dang / bag yod pa dang / bsam pa dang / lhag pa'i bsam pa ste/ 'jam dpal chos bzhi po de dag gis byang chub sems dpa' rnams kyi chos snang ba'i sgo'i shes rang 'byung bar 'gyur te/ chos snang ba'i sgo'i shes rab kyis/ byang chub sems dpa' rnams kyis ngan song ngan 'gro log par ltung ba thams cad gcod par 'gyur ro// bdag ni ye shes snang ba'i sgo'i shes rab la gnas kyis/ gzhan dag kyang ye shes snang ba'i sgo'i shes rab la dgod do zhes dbugs 'byin pa rnyed par 'gyur te/ 'jam dpal de la ye shes snang ba'i sgo'i shes rab ni
- 360b
chos bzhi 'byung bar 'gyur ro/ / bzhi gang zhe na/ 'di lta ste/ bsod nams kyi tshogs dang / ye shes kyi tshogs dang / stong pa nyid la mos pa dang / sems can rnams kyi byang chub kyi sems la gzhog pa ste/ 'jam dpal chos bzhi po de dag gis byang chub sems dpa' rnams kyis ye shes snang ba'i sgo'i shes rab 'byung bar 'gyur te/ ye shes snang ba'i sgo'i shes rab kyis/ bdud kyi zhags pa dang / bdud kyis las thams cad gcod par 'gyur ro// bdag ni sbyin pa'i bsam pa mi bzad par sbyor ba'i shes rab la gnas kyis/ gzhan dag kyang sbyin pa'i bsam pa mi bzad par sbyor ba'i shes rab la dgod do zhes dbugs 'byin pa rnyed par 'gyur te/ 'jam dpal de la sbyin pa'i bsam pa mi bzad par sbyor ba'i shes rab ni byang chub sems dpa' rnams kyis sems can ser sna can yongs su smin par byed par 'gyur ba'o/ / bdag ni tshul khrims kyi bsam pa mi zad par sbyor ba'i shes rab la gnas kyis/ gzhan dag kyang tshul khrims kyi bsam pa mi zad par sbyor ba'i shes rab la dgod do zhes dbugs 'byin pa rnyed par 'gyur te/ 'jam dpal de la tshul khrims kyi bsam pa mi zad par sbyor ba'i shes rab ni/ byang chub sems dpa' rnams kyis sems can tshul khrims 'chal pa yongs su smin par byed par 'gyur ba ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o//
- 361a
'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni nang du yang dag 'jogs la gnas kyis/ gzhan dag kyang nang du yang dag 'dzegs la dgod do zhes dbugs 'byin pa rnyed par 'gyur te/ de la nang du yang dag 'jog ni/ lus dang sems dben zhing / dge ba'i rtsa ba brtsams pa thams cad la zhum pa med pa gang yin pa'o// bdag ni 'dus byas kyi chos nyid la gnas kyis/ gzhan dag kyang 'dus byas kyi chos nyid la dgod do zhes dbugs 'byin pa rnyed par 'gyur te/ de la 'dus byas kyi chos nyid ni chos thams cad stong pa ma yin/ mi stong pa ma yin/ sgro gtags pa ma yin/ sgrom gtags pa ma yin/ lhag par byed pa ma yin/ lhag par mi byed pa ma yin/ dngos po ma yin/ dngos po med pa ma yin/ 'dus byas ma yin/ 'dus ma byas ma yin/ mtshan nyid ma yin/ mtshan nyid med pa ma yin gnas ma yin/ gnas med pa ma yin/ gnyis ma yin/ gnyis su med pa ma yin/ 'deg pa ma yin/ gzhogs pa ma yin/ len pa ma yin/ gtong ba ma yin pa ste/ de ltar 'jug pa gang yin pa de ni 'dus byas kyi chos nyid ces bya'o/ / bdag ni 'dus ma byas kyi chos nyid la gnas kyis/ gzhan dag kyang 'dus ma byas kyis chos nyid la dgod do zhes dbugs 'byin pa rnyed par 'gyur te//
- 361b
de la 'dus ma byas kyi chos nyid ces bya ba ni chos de dag nyid la dbyer med pa/ rlom sems med pa/ sgo ma 'dogs pa mi rtog rnam par mi rtog pa gang yin pa ste/ de ni 'dus ma byas kyi chos nyid ces bya'o/ / bdag ni yang dag par mthong ba la gnas kyis/ gzhan dag kyang yang dag par mthong ba la dgod do zhes dbugs 'byin pa rnyed par 'gyur te/ de la yang dag par mthong ba ni gnyis dang gnyis su med pa la mtshan nyid med par 'jug pa gang yin pa ste/ de ci'i phyir zhe na/ gnyis kyi rang bzhin las gnyis su med pa gzhan ma yin pa'i phyir te/ gnyis kyi rang bzhin las gnyis su med pa gzhan med pas/ gnyis kyi rang bzhin nyid gnyis su med pa ste/ de ltar 'jug pa gang yin pa de ni yang dag par mthong ba zhes bya'o// bdag ni zhe sdang med pa la gnas kyis/ gzhan dag kyang zhe sdang med pa la dgod do zhes dbugs 'byin pa rnyed par 'gyur te/ de la zhe sdang med pa ni sems can thams cad la phan pa'i dngos po dang / las kyis bya ba la 'jug pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni pha rol tu phyin pa'i lam gyi tshul la 'jug pa la gnas kyis/ gzhan dag kyang pha rol tu
- 362a
phyin pa'i lam gyi tshul la 'jug pa la dgod do zhes dbugs 'byin pa rnyed par 'gyur te/ de la pha rol tu phyin pa'i lam gyi tshul la 'jug pa ni thibs mkhas pas yang / dag par zin pa'i shes rab gang yin pa'o// bdag ni sangs rgyas kyi rigs su skyes pa yin gyis/ gzhan dag kyang sangs rgyas kyi rigs su skyes pa la dgod do zhes dbugs 'byin pa rnyed par 'gyur te/ de la sangs rgyas kyi rigs su skyes pa ni bsod nams kyi tshogs dang / ye shes kyi tshogs gang yin pa'o// bdag ni byang chub kyi sems la gnas kyis// gzhan dag kyang byang chub kyi sems la dgod do zhes dbugs 'byin pa rnyed par 'gyur te/ de la byang chub kyi sems ni byams pa chen po dang / snying rje chen po gang yin pa ste/ de ci'i phyir zhe na/ chos thams cad kyi rjes su song ba'i phyir ro/ / bdag ni chos so so yang dag par rigs pa la gnas kyis/ gzhan dag kyang chos so so yang dag par rigs pa la dgod do zheg dbugs 'byin pa rnyed par 'gyur te/ del tshes so so yang dag par rig pa ni chos thams cad kyi chos rab tu dbye ba bstan pa gang yin pa'o// bdag ni don so so yang dag par rig pa la gnas kyis/ gzhan dag kyang don so so yang dag par rig pa la dgod do zhes dbugs 'byin pa rnyed par 'gyur te/ de la don so so yang dag par rig pa ni chos thams cad kyi rab tu dbye ba bstan pa gang yin pa ste/ 'jam dpal dbugs
- 362b
'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa'// rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni nges pa'i tshig so so yang dag par rig pa la gnas kyis/ gzhan dag kyang nges pa'i tshig so so yang dag par rig pa la dgod do zhes dbugs 'byin pa rnyed par 'gyur te/ de la nges pa'i tshig so so yang dag par rig pa ni/ chos rnams kun rjeb shes pa dang / dbyer med pa gang yin pa'o// bdag ni spobs pa so so yang dag par rig pa la gnas kyis/ gzhan dag kyang spobs pa so so yang dag par rig pa la dgod do zhes dbugs 'byin pa rnyed par 'gyur te/ de la spobs paso// so yang dag par rig pa la ni chos thams cad kyi don dam pa la mkhas pa'i ye shes gang yin pa'o// bdag ni dran pa la gnas kyis/ gzhan dag kyang dran pa la dgod do zhes dbugs 'byin pa rnyed par 'gyur te/ de la dran pa ni mi rjed pa'i chos nyid do// bdag ni blo gros la gnas kyis/ gzhan dag kyang blo gros la dgod do zhes dbugs 'byin pa rnyed par 'gyur te/ del blo gros ni shin tu rnam par nges pa'i ye shes gang yin pa'o// bdag ni brtan pa la gnas kyis/ gzhan dag kyang brtan pa la dgod do zhes dbugs 'byin pa rnyed par 'gyur te/ de la
- 363a
brtan pa ni sdom pa la spyod pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni rtog pa la gnas kyis/ gzhan dag kyang rtog pa la dgod do zhes dbugs 'byin pa rnyed par 'gyur te/ de la rtogs pa ni mdo las 'byung ba'i dgongs pa khong du chud pa gang yin pa'o// bdag ni shes rab la gnas kyis/ gzhan dag kyang shes rab la dgod do zhes dbugs 'byin pa rnyed par 'gyur te/ de la shes rab ni 'dus ma byas kyis chos rnams la dbyer med par mkhas pa gang yin pa'o// bdag ni tshigs la gnas kyis gzhan dag kyang tshogs la dgod do zhes dbugs 'byin pa rnyed par 'gyur te/ de la tshogs ni pha rol tu phyin pa lnga'o// bdag ni yongs su gcod pa la gnas kyis/ gzhan dag kyang yongs su gcod pa la dgod do zhes dbugs 'byin pa rnyed par 'gyur/ de la yongs su gcod pa ni shes rab kyi pha rol tu phyin pa'o// bdag ni thabs mkhas pa la gnas kyis/ gzhan dag kyang thabs mkhas pa la dgod do zhes dbugs 'byin pa rnyed par 'gyur te/ de la thabs mkhas pa ni chos thams cad yang dag par sdud pa gang yin pa ste/ 'jam dpal dbugs 'byin pa rnyed par
- 363b
lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni 'du 'dzir spyod pa la gnas kyis/ gzhan dag kyang 'du 'dzir spyod pa la dgod do zhes dbugs 'byin pa rnyed par 'gyur te/ de la 'du 'dzir spyod pa ni pha rol tu phyin pa lnga gang yin pa'o// bdag ni 'du 'dzi med par spyod pa la gnas kyis/ gzhan dag kyang 'du 'dzi med par spyod pa la dgod do zhes dbugs/ 'byin pa rnyed par 'gyur te/ de la 'du 'dzi med par spyod pa ni shes rab kyis pha rol tu phyin pa gang yin pa'o// bdag ni zag pa dang bcas pa'i spyod pa la gnas kyis/ gzhan dag kyang zag pa dang bcas pa'i spyod pa la dgod do zhes dbugs 'byin pa rnyed par 'gyur te/ de la zag pa dang bcas pa'i spyod pa ni/ gang la rlom sems 'jug pa'o// bdag ni zag pa med pa'i spyod pa la gnas kyis/ gzhan dag kyang zag pa med pa'i spyod pa la dgod do zhes dbugs 'byin pa rnyed par 'gyur te/ de la zag pa med pa'i spyod pa ni/ gang la rlom sems kyi rgyu ba med pa'o// bdag ni tshad yod par byas pa'i spyod pa la gnas kyis/ gzhan dag kyang tshang yod par byas pa'i spyod pa la dgod do zhes dbugs 'byin pa rnyed par 'gyur te/ de la tshad yod par byas pa'i spyod pa ni
- 364a
mtshan ma'i gnas pa gang yin pa ste/ 'jam dpal dbugs 'byin pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni tshad med par byas pa'i spyod pa la gnas kyis/ gzhan dag kyang tshad med par byas pa'i spyod pa la dgod do zhes dbugs 'byin pa rnyed par 'gyur te/ de la tshad med par byas pa'i spyod pa ni/ mtshan ma med pa'i gnas gang yin pa'o/ / bdag ni tshad yod par byas pa shes pa la gnas kyis/ gzhan dag kyang tshad yod par byas pa shes pa la dgod do zhes dbugs 'byin po rnyed par 'gyur te/ de la tshad yod par byas pa shes pa ni phung po dang / khams dang / skye mched dang / rten cing 'brel bar 'byung ba dang / gnas dang / gnas ma yin pa rnam par dpyad pa la mkhas pa gang yin pa'o// bdag ni tshe med par byas pa shes pa la gnas kyis/ gzhan dag kyang tshad med par byas pa shes pa la dgod do zhes dbugs 'byin pa rnyed par 'gyur te/ de la tshad med par byas pa shes pa ni gang la rlom sems kyi rgyu ba med pa'o/ / bdag ni yongs su chad pa la gnas kyis/ gzhan dag kyang yongs su chad pa la dgod do zhes dbugs 'byin pa rnyed par 'gyur te/ de la yongs su chad pa ni pha rol
- 364b
tu phyin pa lnga'o/ / bdag ni yongs su ma chad pa la gnas kyis/ gzhan dag kyang yongs su ma chad pa la dgod do zhes dbugs 'byin pa rnyed par 'gyur te/ de la yongs su ma chad pa ni shes rab kyi pha rol tu phyin pa gang yin pa ste/ 'jam dpal dbugs 'byin pa rnyed par lnga po de dag ni/ byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed par lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni rang bzhin gyi sems 'dul ba la gnas kyis/ gzhan dag kyang rang gi sems kyi 'dul ba la dgod do zhes dbugs 'byin pa rnyed par 'gyur te/ de la rang gi sems 'dul ba ni bdag med pa'i chos la so so rtog pa gang yin pa'o// bdag ni lus dang sems 'dul ba la gnas kyis/ gzhan dag kyang lus dang sems 'dul ba la dgod do zhes dbugs 'byin pa rnyed par 'gyur te/ de la lus dang sems 'dul ba ni/ sems can thams cad smin par bya ba la yongs su mi skyo ba gang yin pa'o/ / bdag ni bsam pa rnam par sbyong ba la gnas kyis/ gzhan dag kyang bsam pa rnam par sbyong ba la dgod do zhes dbugs 'byin pa rnyed par 'gyur te/ de la bsam pa rnam par sbyong ba ni/ sems can thams cad la rnam par dpyad pa gang yin pa'o// bdag ni sems can thams cad la rnam par dpyad pa la gnas kyis/ gzhan dag
- 365a
kyang sems can thams cad la rnam par dpyad pa la dgod do zhes dbugs 'byin pa rnyed par 'gyur te/ de la sems can thams cad la rnam par dpyad pa ni/ sems can tham/ cad la sems mnyam pa nyid gang yin pa'o// bdag ni tshogs dag la gnas kyis/ gzhan dag kyang tshogs dag la dgod do zhes dbugs 'byin pa rnyed par 'gyur te/ de la tshogs ni pha rol tu phyin pa lnga gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni lus 'dul ba la gnas kyis/ gzhan dag kyang lus 'dul ba la dgod do zhes dbugs 'byin pa rnyed par 'gyur te/ de la lus 'dul ba ni lus kyis nyes pa rnam pa gsum yongs su spongs pa gang yin pa'o// bdag ni ngag 'dul ba la gnas kyis/ gzhan dag kyang ngag 'dul ba la dgod do zhes dbugs 'byin pa rnyed par 'gyur te/ de la ngag 'dul ba ni ngag gi nyes pa rnam pa bzhi yongs su sbyong ba gang yin pa'o// bdag ni yid 'dul ba la gnas kyis/ gzhan dag kyang yid 'dul ba la dgod do zhes dbugs 'byin pa rnyed par 'gyur te/ de la yid 'dul ba ni yid kyi las kyi nyes pa rnam pa gsum yongs su spangs pa gang yin pa'o// bdag ni ser sna'i sems 'dul ba
- 365b
la gnas kyis/ gzhan dag kyang ser sna'i sems 'dul ba la dgod do zhes dbugs 'byin pa rnyed par 'gyur te/ de la ser sna'i sems 'dul ba ni/ bdog pa thams cad yongs su gtong ba gang yin pa'o/ / bdag ni g.yo ba med pa la gnas kyis/ gzhan dag kyang g.yo ba med pa la dgod do zhes dbugs 'byin pa rnyed par 'gyur te/ de la g.yo ba med pa ni sems can thams cad la sems mnyam pa nyid gang yin pa'o/ / de la sems can thams cad la sems mnyam pa nyid ni/ chos kyi dbyings dbyer med pa'i phyir/ chos thams cad tha dad pa med pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o// // bam po bzhi pa 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni le le'i sems 'dul ba la gnas kyis/ gzhan dag kyang le lo'i sems 'dul ba la dgod do zhes dbugs 'byin pa rnyed par 'gyur te/ de la le lo'i sems 'dul ba ni dge ba rtsom pa thams cad la zhum pa med pa'o/ / bdag ni sangs rgyas mchod pa la gnas kyis/ gzhan dag kyang sangs rgyas mchod pa la dgod do zhes dbugs 'byin pa rnyed par 'gyur te/ de la sangs rgyas mchod pa ni gang byin gyis rlobs
- 366a
byas nas/ sangs rgyas 'byung bar 'gyur ba'i chos ston pa gang yin pa de dag la mchod pa gang yin pa de ni de bzhin gshegs pa la mchod pa'o// bdag ni ye shes spyod pa la gnas kyis/ gzhan dag kyang ye shes spyod pa la dgod do zhes dbugs 'byin pa rnyed par 'gyur te/ de la ye shes spyod pa ni sems can thams cad phyir mi ldog pa'i rab tu 'god pa gang yin pa'o/ / bdag ni ngag gi spyod pa la gronas kyis/ gzhan dag kyang ngag gi spyod pa la dgod do zhes dbugs 'byin pa rnyed par 'gyur te/ de la ngag gi spyod pa ni sems can thams cad kyi ngag gi nyes pa yongs su sbyong bar gang yin pa'o/ / bdag ni sems kyi spyod pa la gnas kyis/ gzhan dag kyang sems kyi spyod pa la dgod do zhes dbugs 'byin pa rnyed par 'gyur te/ de la sems kyi spyod pa ni sems can thams cad kyi sems kyis nyes pa yongs su sbyong ba gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan dag kyang dbugs 'byin pa rnyed pa lnga dag byang chub sems dpa' rnams kyi sa dang po yongs su spyod bar 'gyur te/ lnga gang zhe na/ 'di lta ste/ bdag ni bdud kyi lus sgro btags pa med pa sangs rgyas kyi phrin las la gnas kyis/ gzhan dag kyang bdud kyilas sgro btags pa med pa sangs rgyas
- 366b
kyi phran las la dgod do zhes dbugs 'byin pa rnyed par 'gyur te/ de la bdud kyi las sgro btags pa med pa sangs rgyas kyi phrin las ni/ bdud kyi las sgro btags pas sems can yongs su smin par byed pa gang yin pa'o/ / bdag ni de bzhin gshegs pa rtag pa'o// zhes bya bar mos pa la gnas kyis/ gzhan dag kyang de bzhin gshegs pa rtag pa'o// zhes bya bar mos pa la dgod do/ zhes dbugs 'byin pa rnyed par 'gyur te/ de la de bzhin gshegs pa rtag pa ni dbyer med pa'i phyir ro// bdag ni de bzhin gshegs pa ther zug go zhes bya bar mos pa la gnas kyis/ gzhan dag kyang de bzhin gshegs pa ther zug go zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa ther zug ni sangs rgyas mdzad pa thams cad rgyun mi gcod pa'i phyir ro/ / bdag ni de bzhin gshegs pa shis pa zhes bya bar mos par gnas kyis/ gzhan dag kyang de bzhin gshegs pa shes pa zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa shis pa zhes bya bar ni mthong ba dang / thos pa dang / dran pa rnams don yod pa'i phyir ro// bdag ni de bzhin gshegs pa g.yung drung ngo zhes bya bar mos pa la gnas kyis/ gzhan dag kyang de bzhin gshegs pa g.yung drung ngo zhes bya bar mos pa la dgod do zhes dbugs 'byin pa rnyed par 'gyur te/ de la de bzhin gshegs pa g.yung drung ngo zhes bya ba ni
- 367a
sku'i mtha' med pa'i phyir ro/ / sku'i mtha' med pa rnam par zhag pa las 'das pa'i phyir te/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni phan pa'i dngos po gnas kyis/ gzhan dag kyang phan pa'i dngos po la dgod do zhes dbugs 'byin pa rnyed par 'gyur te/ de la phan pa'i dngos po ni sems can thams cad kyi lus dang sems kyi mi bde ba yongs su skyabs pa'i phyir/ de sdug bsngal gyi yo byad gang ci yang mi len pa med de/ bde ba'i yo byad gang ci yang yongs su mi gtong ba med pa gang yin pa'o/ / bdag ni chos thams cad mtshan ma med pa la gnas kyis/ gzhan dag kyang chos thams cad mtshan ma med pa la dgod do zhes dbugs 'byin pa rnyed par 'gyur te// de la mtshan ma med pa ni mtshan ma'i rang bzhin gang yin pa ste/ de ci'i phyir zhe na/ rlom sems ni ngo bo nyid med pa'i phyir ro// bdag ni sangs rgyas la skyabs su song ba yin gyis// gzhan dag kyang sangs rgyas la skyabs su 'gro ba la dgod do zhes dbugs 'byin pa rnyed par 'gyur te/ de la sangs rgyas la skyabs su 'gro ba ni sngags pa thams cad mi byed pa gang yin pa'o// bdag ni chos la skyabs su song ba
- 367b
yin gyis/ gzhan dag kyang chos la skyabs su 'gro ba la dgod do zhes dbugs 'byin pa rnyed par 'gyur te/ de la chos la skyabs su 'gro ba ni rten cing 'brel par 'byung ba la 'jug pa gang yin pa'o/ / bdag ni dge 'dun la skyabs su song ba yin gyis/ gzhan dag kyang dge 'dun la skyabs su 'gro ba la dgod do zhes dbugs 'byin pa rnyed par 'gyur te/ de la dge 'dun la skyabs su 'gro ba ni rjes su chags pa dang / khong khro ba spangs pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni lus mi phyed pa la gnas kyis/ gzhan dag kyang lus mi phyed pa la dgod do zhes dbugs 'byin pa rnyed par 'gyur te/ de la lus mi phyed pa ni pha rol tu phyin pa'i gnod pa thams cad dang bral ba gang yin pa'o/ / bdag ni dad pa mi phyed pa la gnas kyis/ gzhan dag kyang dad pa mi phyed pa la dgod do zhes dbugs 'byin pa rnyed par 'gyur te/ de la dad pa mi phyed pa ni las kyis rnam par smin pa la yid ches pa gang yin pa'o/ / bdag ni snyoms par 'jug pa shes pa la gnas kyis/ gzhan dag kyang snyoms par 'jug par shes pa la dgod do zhes dbugs 'byin pa rnyed par 'gyur te/
- 368a
de la snyoms par 'jug pa ni dmigs pa'i ngo bo nyid la 'jug pa gang yin pa'o// bdag ni chos mi phyed pa la gnas kyis/ gzhan dag kyang chos mi phyed pa la dgod/ do zhes dbugs 'byin pa rnyed par 'gyur te/ de la chos mi phyed pa ni chos sgrub pa gang yin pa'o// bdag ni dge ba'i bshes gnyen mi phyed pa la gnas kyis/ gzhan dag kyang dge ba'i bshes gnyen mi phyed pa la dgod do zhes dbugs 'byin pa rnyed par 'gyur te/ de la dge ba'i bshes gnyen mi phyed pa ni/ dge ba'i bshes gnyen mi slu ba gang yin pa'o// 'jam dpal dbugs 'byin pa rnyed par lnga po de dag ni byang chub sems dpa' rnams kyi sa dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su spong bar 'gyur te/ lnga gang zhe na/ 'di lta ste/ bdag na chos dang rjes su mthun pa'i chos la gnas kyis/ gzhan dag kyang chos dang rjes su mthun pa'i chos la dgod do zhes dbugs 'byin pa rnyed par 'gyur te/ de la chos dang rjes su mthun pa'i chos ni chos la yang dag pa ni nyid du smra ba pa gang yin pa'o// bdag ni ngo tsha shes pa la gnas kyis/ gzhan dag kyang ngo tsha shes pa la dgod do zhes dbugs 'byin pa rnyed par 'gyur te/ de la ngo tsha shes pa ni lus dang ngag gis legs par spyod pa gang yin pa'o// bdag ni khrel yod pa la gnas kyis//
- 368b
gzhan dag kyang khrel yod pa la dgod do zhes dbugs 'byin pa rnyed par 'gyur te/ de la khrel yod pa ni yid kyi legs par spyod pa gang yin pa'o// bdag ni yang dag par mthong ba la gnas kyis/ gzhan dag kyang yang dag par mthong ba la dgod do zhes dbugs 'byin pa rnyed par 'gyur te/ de la yang dag par mthong ba ni/ chos thams cad la mtha' dang dpung med par 'jug pa gang yin pa'o/ / bdag ni rjes su chags pa spong ba la gnas kyis/ gzhan dag kyang rjes su chags pa spong ba la dgod do zhes dbugs 'byin pa rnyed par 'gyur te/ de la rjes su chags pa spong ba ni ma 'ongs pa'i mi dge ba'i las mi skyed pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni khong khro ba spong ba la gnas kyis/ gzhan dag kyang khong khro ba spong ba la dgod do zhes dbugs 'byin pa rnyed par 'gyur te/ de la khong khro ba ni dge ba'i las skyes pa rnams chud mi bzon pa gang yin pa'o/ / bdag ni tshig la gnas kyis/ gzhan dag kyang cho ga la dgod do zhes dbugs 'byin pa rnyed par 'gyur te/ de la cho ga la ni ngo tsha shes pa dang khrel long pa gang yin
- 369a
pa'o/ / bdag ni rang gi dge ba'i rtsa ba yang dag par srung ba la gnas kyis/ gzhan dag kyang rang gi dge ba'i rtsa ba yang dag par srung ba la dgod do zhes dbugs 'byin pa rnyed par 'gyur te/ de la rang gi dge ba'i rtsa ba yang dag par srung ba ni las kyi bya ba la 'jug pa gang yin pa'o// bdag ni gzhan gyi dge ba'i rtsa ba chud mi bzon pa la gnas kyis/ gzhan dag kyang gzhan gyi dge ba'i rtsa ba chud mi bzon pa la dgod do zhes dbugs 'byin pa rnyed par 'gyur te/ de la gzhan gyi dge ba rtsa ba chud mi gzon pa ni byams pa chen po dang snying rje chen po la gnas pa gang yin pa'o// bdag ni stong pa nyid la mos pa la gnas kyis/ gzhan dag kyang stong pa nyid la mos pa la dgod do zhes dbugs 'byin pa rnyed par 'gyur te/ de la stong pa nyid lta bar 'gyur bar rang bzhin las stong pa nyid gzhan ma yin pa ste/ 'jam dpal dbugs 'byin pa rnyed par lnga po de dag ni byang chub sems dpa' rnams kyi sa dang po yongs su sbyong bar 'gyur ba'o// 'jam dpal gzhan yang dbugs 'byin pa rnyed pa lnga dag byang chub sems dpa' rnams kyi sa dang po yongs su sbyong bar 'gyur te/ lnga gang zhe na/ 'di lta ste/ bdag ni sgrib pa med pa'i rnam par grol ba'i ye shes la gnas kyis/ gzhan dag kyang sgrib pa med pa'i rnam par grol ba'i ye shes la dgod do zhes dbugs 'byin pa rnyed par 'gyur te/ de la sgrib pa med pa'i rnam par grol ba'i ye shes ni
- 369b
gnyis dang gnyis su med pa'i rnam par dag pa gang yin pa'o/ / bdag ni chos rnams rten cing mi 'byung ngo zhes bya bar mos pa la gnas kyis/ gzhan dag kyang chos rnams rten cing mi 'byung ngo zhes bya bar mos pa la dgod do zhes dbugs 'byin pa rnyed par 'gyur te/ de la chos rnams rten cing mi 'byung ba ni rkyen rnams mi skye ba'i ngo bo nyid yin pa'i phyir ro// bdag ni chos thams cad gnas med do zhes bya bar mos pa la gnas kyis/ gzhan dag kyang chos thams cad gnas med do zhes bya bar mos pa la dgod do zhes dbugs 'byin pa rnyed par 'gyur te/ de la chos thams cad gnas med do zhes bya bar ni phyogs tha dad pa med pa'i phyir ro/ / bdag ni sangs rgyas nam mkha' dang mtshungs so zhes mos pa la gnas kyis/ gzhan dag kyang sangs rgyas nam mkha' dang mtshungs so zhes bya bar mos pa la dgod do zhes dbugs 'byin pa rnyed par 'gyur te/ de la sangs rgyas nam mkha' dang mtshungs so zhes bya ba ni/ tha dad pa med pa dang / rten pa med pa'i phyir ro// bdag ni sangs rgyas sems dang yid dang rnam par shes pa dang bral ba'o zhes bya ba la gnas kyis/ gzhan dag kyang sangs rgyas dang yid dang rnam par shes pa dang bral ba'o zhes bya ba la dgod do zhes dbugs 'byin pa rnyed par 'gyur te/ de la sangs rgyas sems dang yid dang rnam par shes pa dang bral ba'o zhes bya ba ni lhun gyis grub pa'i shes kyi brnyes pa'i phyir te/ 'jam
- 370a
dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / 'jam dpal gzhan yang dbugs 'byin pa rnyed pa lnga dag byang chub sems dpa' rnams kyis dang po yongs su sbyong bar 'gyur te/ lnga gang zhe na/ 'di lta ste/ bdag ni sbyin pa las byung ba'i bsdu ba'i dngos po la gnas kyis gzhan dag kyang sbyin pa las byung ba'i bsdu ba'i dngos po la dgod do zhes dbugs 'byin pa rnyed par 'gyur te/ de la sbyin pa las byung ba'i bsdu ba'i dngos po ni bsam pa dang sbyor ba'o// bdag ni tshul khrims las byung ba'i bsdu ba'i dngos po la gnas kyis/ gzhan dag kyang tshul khrims las byung ba'i bsdu ba'i dngos po la dgod do zhes dbugs 'byin pa rnyed par 'gyur te/ de la tshul khrims las byung ba'i bsdu ba'i dngos po ni byams pa dang snying rje'o/ / bdag ni bsgom pa las byung ba'i bsdu ba'i dngos po la gnas kyis/ gzhan dag kyang bsgoms pa las byung ba'i bsdu ba'i dngos po la dgod do zhes dbugs 'byin pa rnyed par 'gyur te/ de la bsgom pa las byung ba'i bsdu ba'i dngos po ni thabs kyis yang dag par zin pa'i shes rab kyi'o// bdag ni bsam pa la gnas kyis/ gzhan dag kyang bsam pa la dgod do zhes dbugs 'byin pa rnyed par 'gyur te/ de la bsam pa ni dge ba'i chos rnams la dad pa dang 'dun pa'o// bdag ni sbyor
- 370b
ba la gnas kyis/ gzhan dag kyang sbyor ba la dgod do zhes dbugs 'byin pa rnyed par 'gyur te/ de la sbyor ba ni dge ba'i chos thams cad sgrub pa gang yin pa ste/ 'jam dpal dbugs 'byin pa rnyed pa lnga po de dag ni byang chub sems dpa' rnams kyis dang po yongs su sbyong bar 'gyur ba'o/ / de nas 'jam dpal gzhon nur gyur pas/ bcom ldan 'das kyis brjod pa mthar phyin par rig nas/ byang chub sems dpa' sems dpa' chen po kun tu bzang po la 'di skad ces smras so// kye rgyal ba'i sras sangs rgyas bcom ldan 'das rnams kyis ston pa thogs pa med pa gang yin sangs rgyas bcom ldan 'das rnams kyi mkhyen pa thogs pa med pa gang yin/ sangs rgyas bcom ldan 'das rnams kyi sems can yongs su smin par mdzad pa khyu mchog tu gyur pa gang yin/ sangs rgyas bcom ldan 'das rnams kyis kun nas mngon tu gyur pa gang yin/ sangs rgyas bcom ldan 'das rnams kyi zhing yongs su sbyong ba la mi 'jigs pa gang yin/ sangs rgyas bcom ldan 'das rnams kyi sku mtha' yas pa gang yin/ sangs rgyas bcom ldan 'das rnams kyi yul gang yin/ sangs rgyas bcom ldan 'das rnams kyi lhun gyis grub pa'i ye shes gang yin/ sangs rgyas bcom ldan 'das rnams kyi bsam gyis mi khyab pa gang yin/ sangs rgyas bcom ldan
- 371a
'das rnams kyi kun tu gzigs pa gang yin/ sangs rgyas bcom ldan 'das rnams kyi grags pa gang yin/ sangs rgyas bcom ldan sa kyi dbyer med cing mi gnas pa gang yin/ sangs rgyas bcom ldan 'das rnams kyi sku thogs pa med pa gang yin/ sangs rgyas bcom ldan 'das rnams kyi spyi gtsug bltar mi mthong ba gang yin/ kye rgyal ba'i sras sangs rgyas bcom ldan 'das rnams kyi sems can yongs su smin par mdzad pa'i spyod pa'i gnas rnams gang yin/ sangs rgyas bcom ldan 'das rnams kyi sems can yongs su smin par mdzad pa'i 'jigs pa rnams gang yin/ de skad ces smras pa dang // byang chub sems dpa' sems dpa' chen po kun tu bzang pos/ 'jam dpal gzhon nur gyur pa la 'di skad ces smras so// 'jam dpal chos kyi rnam grags 'di ni mthong bar dka' rig par dka' ba ste/ brtag par bya ba ma yin zhing rtog ge ba'i spyod pa ma yin pa/ mos par dka' ba ste/ sangs rgyas bye ba khrag khrig brgya stong mang po la gnyen bkur byas pa'i sems can de dag chos kyi rnam grangs 'di thos par 'gyur zhing thos nas kyang mos par 'gyur ro/ / 'jam dpal gyis smras pa/ kye rgyal ba'i sras dmus long la mar me mi gzugs kyi/ mig dang ldan pa rnams la mar me
- 371b
gzugs te/ kye rgyal ba'i sras des bzhin du byang chub sems dpa' sems dpa' chen po gang dag bsod nams dang ye shes kyi tshogs dpag tu med pa bsags pa de dag gi phyir kho bo 'dri'o/ / gang dag bskal pa grangs med par sems can dmyal pa dang / bdud 'gro dang yi dgas shin rje'i 'jig rten du gnas par 'gyur ba'i las tshe 'di nyid la myong bar 'gyur ba de dag gi phyir kho bo 'dra'o/ / gang dag mthong ba dang thos pa dang / bsnyen bkur byas pa don yod pa de dag gis phyir kho bo 'dris ston cig/ kye rgyal ba'i sras chos kyi rnam grangs 'di la ma mos pa la/ bla na med pa yang dag par rdzogs pa'i byang chub mi smras/ kye rgyal ba'i sras skye bo mang po la phan pa dang / skye bo mang po la dang bde ba dang / 'jig rten la snying rtse ba dang / skye bo phal po che dang / lha dang mi rnams kyi don dang phan pa dang bde bar bya ba'i phyir ston cig/ de skad ces smras pa dang byang chub sems dpa' sems dpa' chen po kun tu bzang pos/ 'jam dpal gzhon nur gyur pa la 'di skad ces smras so// 'jam dpal de la ston pa thogs pa ni/ de bzhin gshegs pa phyogs bcu'i 'jig rten gyi khams so so gling re re yang gser gyi'i dog gis 'dus pa'i lha dang mi rnams dang / byang
- 372a
chub sems dpa' rnams la de bzhin gshegs pa gser gyi kha dog tu ston pa la thogs pa med do/ / nor bu rin po che'i rgyal po skar 'od kyi kha dog gi 'dul ba rnams la de bzhin gshegs pa nor bu rin po che'i rgyal po skar 'od kyi kha dog tu ston pa la thogs pa med do/ / nor bu rin po che'i rgyal po glog gi sgron ma'i kha dog gis 'dul ba rnams la de bzhin gshegs pa nor bu rin po che'i rgyal po glog gi sgron ma'i kha dog tu ston pa la thogs pa med do/ / nor bu rin po che'i rgyal po nyi zla ma ra me'i kha dog gis 'dus pa rnams la/ de bzhin gshegs pa nor bu rin po che'i rgyal po glegs nyi zla mar me'i kha dog tu ston pa la thogs pa med do// nor bu rin po che'i rgyal po snang ba thams cad bsdus pa'i kha dog gis 'dul ba rnams la/ de bzhin gshegs pa nor bu rin po che'i rgyal po snang ba thams cad bsdus pa'i kha dog tu ston pa la thogs pa med do// nor bu rin po che'i dbang gi rgyal po'i kha dog gis 'dul ba rnams la/ de bzhin gshegs pa nor bu rin po che dbang gi rgyal po'i kha dog tu ston pa la thogs pa med do// nor bu rin po che'i rgyal po ze ba can gyi kha dog gis 'dul ba rnams la/ de bzhin gshegs pa nor bu rin po che'i rgyal po pa ba can gyi kha dog tu ston pa la thogs pa med do// nor bu rin po che'i rgyal ba
- 372b
seng ge ral pa can gyi kha dog gis 'dul ba rnams la/ de bzhin gshegs pa nor bu rin po che'i rgyal po seng ge ral pa can gyi kha dog tu ston pa la thogs pa med do// nor bu rin po che'i rgyal po seng ge'i rgyal mtshan gyi rtse mo'i kha dog gis 'dul ba rnams la/ de bzhin gshegs pa nor bu rin po che'i rgyal po seng ge'i rgyal mtshan gyi rtse mo'i kha dog tu ston pa la thogs pa med do/ / nor bu rin po che'i rgyal po'i brgya byin thogs pa'i kha dog gis 'dul ba rnams la/ de bzhin gshegs pa nor bu rin po che'i rgyal po brgya byin thogs pa'i kha dog tu ston pa la thogs pa med do/ / nor bu rin po che'i rgyal po lU thams cad kyi 'od kyi kha dog gis 'dul ba rnams la/ de bzhin gshegs pa nor bu rin po che'i rgyal po lha thams cad kyi 'od kyi kha dog tu ston pa la thogs pa med do/ / nor bu rin po che'i rgyal po chu dang bar byed pa'i kha dog gis 'dul ba rnams la de bzhin gshegs pa nor bu rin po che'i rgyal po chu dang bar byed pa'i kha dog tu ston pa la thogs pa med do/ / nor bu rin po che'i rgyal po rdo rje'i 'od kyi kha dog gi 'dul ba rnams la/ de bzhin gshegs pa nor bu rin po che'i rgyal po rdo rje'i 'od kyi kha dog tu ston pa la thogs pa med do/ / nor bu rin po che'i rgyal po pad+ma ral gyi'i kha dog gis 'dul ba rnams la/ de bzhin gshegs pa nor
- 373a
dz+nyArgyun d+hA ma la ga/ smon pa la thogs pa medang/ na du kya'i rdul zlo sa nAm dag gas 'dul pa rnams la de gshegs pa nor bur ni bcoM'i rgyal de be n+ya tshul ba dog tu son pa la thogs pa med do/ / nor bu na 'i cha'i rgyal po in+d+ra tsil gyi kha dog gis 'dul ba rnams la/ de gshegs pa nor bur rin po che'i rgyal po in+d+ra nyal gyi kha dog tu ston pa la thogs pa med do/ / nor bu rin po che'i rgyal po mthon ka chen po'i kha dog gis 'dul ba rnams la/ de bzhin gshegs pa nor bu rin po na'i rgyal po bon ka can pa'i bdon tu sbyin pa la phyogs pa medang/ ni chen po che'i rgyal po rna snang ba'i 'dog gis 'dul pa rnams la/ de dag gshegs pa nor du rin po che'i rgyal po rje'i snying po'i kha dog tu sbyin pa la sogs pa med do/ / nar ba chen po che'i rgyal po dpal gyi snying po'i kha dog gis 'dul ba rnams la/ de gshegs pa nor bu rin po che'i rgyal po dpal gyi snying po'o kha dog tu ston pa la zegs pa me'o/ / nor bu rin po che'i rgyal po dge ba bkod pa'i kha dog gis 'dul ba rnams la// de bzhin gshegs pa nor bu rin po che'i rgyal po dge ba bkod pa'i kha dog tu ston pa la thogs pa med de/ / nor bu rin po che'i rgyal po ma chags pa bkod pa'i snying po'i kha dog gis 'dul ba rnams
- 373b
la/ de bzhin gshegs pa nor bu rin po che'i rgyal po ma chags pa bkod pa'i snying po'i kha dog tu ston pa la thogs pa med do// nor bu rin po che'i rgyal po mu tig dkar po'i kha dog gis 'dul ba rnams la/ de bzhin gshegs pa nor bu rin po che'i rgyal po mu tig dkar po'i kha dog tu ston pa la thogs pa med do// nor bu rin po che'i rgyal po mu tig mthon ka'i kha dog gis 'dul ba rnams la/ de bzhin gshegs pa nor bu rin po che'i rgyal po mu tig mthon ka'i kha dog tu ston pa la thogs pa med do// nor bu rin po che'i rgyal po mu tig gser lta bu'i kha dog gis 'dul ba rnams la/ de bzhin gshegs pa nor bu rin po che'i rgyal po mu tig gser lta bu'i kha dog tu ston pa la thogs pa med do// nor bu rin po che'i rgyal po mu tig nam mkha'i 'od kyi kha dog gis 'dul ba rnams la/ de bzhin gshegs pa nor bu rin po che'i rgyal po mu tig nam mkha'i 'od kyi kha dog tu ston pa la thogs pa med do/ / nor bu rin po che'i rgyal po bsod nams kyi tshogs rgya mtsho grangs med par rjes su sgrog pa'i 'od kyi kha dog gis 'dul ba rnams la/ de bzhin gshegs pa nor bu rin po che'i rgyal po bsod nams kyi tshogs rgya mtsho grangs med par rjes su sgrogs pa'i 'od kyi kha dog tu ston pa la thogs pa med do/ / nor bu rin po che'i rgyal po ye
- 374a
shes kyi tshogs rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po ye shes kyi tshig rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po pha rol tu phyin pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po pha rol tu phyin pa rgya mtsho grangs med pa rjes su sgrog pa'i kha dog tu ston pa la thogs pa med do// / nor bu rin po che'i rgyal po rgya mtsho grangs med pa rjes su sgrogs pa'i kha dog gis 'dul ba rnams la/ de bzhin gshegs pa nor bu rin po che'i rgyal po rgya mtsho grangs med pa'i rjes su sgrog pa'i kha dog tu ston pa la thogs pa med do/ / nor bu rin po che'i rgyal po bzungs rgya mtshe grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po gzungs rgya mtsho grangs med pa rjes su sgrog pa'i kha dog tu ston pa la thogs pa med do// nor bu rin po che'i rgyal po ting nge 'dzin rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po ting nge 'dzin rgya mtsho grangs med pa rjes su sgrog pa'i
- 374b
kha dog tu ston pa la thogs pa med do/ / nor bu rin po che'i rgyal po rnam par thar pa'i rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che rnam par thar pa'i rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po so so yang dag par rig pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po so so yang dag par rig pa rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po mngon par shes pa rgya mtsho grangs med pa rjes su sgrog pa'i kha dog gis 'dul ba rnams la de bzhin gshegs pa nor bu rin po che'i rgyal po mngon par shes pa rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po smon lam rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po smon lam rgya mtsho grangs med pa'i rjes su sgrog pa'i kha dog tu ston pa la thogs pa med do/ / nor bu rin po che'i rgyal po brtson 'grus rtsom pa med rgya mtsho grangs med pa rjes su sgrog pa'i kha dog gis 'dul ba rnams la/ de bzhin
- 375a
gshegs pa nor bu rin po che'i rgyal po brtson 'grus rtsom pa rgya mtsho grangs med pa rjes su sgrog pa'i kha dog tu ston pa la zegs pa med do/ / nor bu rin po che'i rgyal po dbugs 'byin pa rnyed pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor pa rin po che'i rgyal po dbugs 'byin pa rnyed pa rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po byang chub sems dpa' la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po byang chub sems dpa' la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po de bzhin gshegs pa la 'jug pa rgya mtsho grangs med pa rjes su sgrog pa'i kha dog gis 'dul pa rnams la/ de bzhin gshegs pa nor bu rin po che'i rgyal po de bzhin gshegs pa la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do// nor bu rin po che'i rgyal po sems can gyi bsam pa dang / spyod pa la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs
- 375b
pa nor bu rin po che'i rgyal po sems can gyi bsam pa dang / spyod pa la 'jug pa rgya mtsho grangs med pa rjes su sgrog pa'i kha dog tu ston pa la thegs pa med do// nor bu ran po che'i rgyal po 'jig rten gyi khams la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po 'jig rten gyi khams la 'jug pa rgya mtsho grangs med pa rjes su sgrog pa'i kha dag tu ston pa la thogs pa med do/ / nor bu rin po che'i rgyal po bskal pa la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po bskal pa la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po dus gsum la 'jug pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po dus gsum la 'jug pa rgya mtsho grangs med pa rjes su sgrog pa'i kha dog tu ston pa la thogs pa med do/ / nor bu rin po che'i rgyal po dus gsum bstan pa rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po dus gsum bstan pa rgya mtsho grangs med pa rjes su sgrog pa'i kha dog tu ston pa la
- 376a
thogs pa med do/ / nor bu rin po che'i rgyal po mi skyo bar sems bskyed pa rgya mtsho grangs med pa rjes su sgrog pa'i kha dog gis 'dul ba rnams la// de bzhin gshegs pa nor bu rin po che'i rgyal po ma skyo bar sems bskyed pa rgya mtsho grangs med pa rjes su sgrog pa'i kha dag tu ston pa la thogs pa med do/ / nor bu rin po che'i rgyal po dbyer med pa'i ye shes rgya mtsho grangs med pa rjes su sgrog pa'i kha dog gis 'dul ba rnams la/ de bzhin gshegs pa nor bu rin po che'i rgyal po dbyer med pa'i ye shes rgya mtsho grang med pa rjes su sgrog pa'i kha dog tu ston pa la thogs pa med do/ / de ci'i phyir zhe na/ ma 'dres pa'i chos dang ldan pa'i phyir ro// 'jam dpal 'di lta ste/ dper na/ nor bu rin po che'i bai DUrI'i dngos po'i dbang gis bya ba rnam la sna tshogs mtha' yas pa 'byung ba ste/ nor bu rin po che'i bai rUR+Ya la ni mi rtog pa rnam par mi rtog mod kyi/ 'od kyang ma 'dres pa'i chos dang ldan pa'i phyir/ de mi rtog cing lhun gyis grub par bya ba 'di lta bu 'di dag 'byung ngo // 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / sems can yongs su smin par bya ba'i dbang gis kha dog rnam par tha dad pa'i mdzad pa 'byung ba ste/ de bzhin gshegs pa ni mi rtog rnam
- 376b
par mi rtog mod kyis/ 'on kyang ma 'dres pa'i chos dang ldan pa'i phyir mdzad pa 'di lta bu 'di dag 'byung ste/ 'jam dpal 'di ni sangs rgyas bcom ldan 'das rnams kyi ston pa thogs pa med pa'o/ / 'jam dpal de la de bzhin gshegs pa'i mkhyen pa thogs pa med pa ni/ phyogs bcu'i 'jig rten gyi khams rab 'byams thams cad kyi 'jig rten gyi kham sa re re dang / gling re re dang / rdul phra rab kyi rdul re re dang / 'jig rten gyi khams thams cad rdul snyed kyi 'jig rten gyi khams rgya mtshor 'jug pa rnams la mkhyen pa thogs pa med do/ / 'jig rten gyi khams re re dang / gling re re dang / rdul phra rab kyi rdul re re dang / skad cig skad cig la zhing thams cad kyi rdul snyed kyi bsod nams kyi tshogs rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi yeng ni kyi tshogs rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi pha rol tu phyin pa rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la shing thams cad kyi rdul snyed kyi rgya mtsha
- 377a
grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul skyed kyi gzungs rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi ting nge 'dzin rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi rnam par thar pa rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi so so yang dag par rig pa rgya mtsho grang med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed thams cad kyi mngon par shes pa rgya mtsho ga med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi smon lam rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyis brtson 'grus rtsom pa rgya mtsho grangs med pa'i bye brag bstan
- 377b
ba gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyis rdul snyed kyi dbugs 'byin pa snyed pa rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi byang chub la 'jug pa rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi de bzhin gshegs pa la 'jug pa rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi zhing thams cad la 'jug pa rgya mtsho grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi sems can gyi bsam pa dang / spyod pa la 'jug pa rgya mtsho mang+gA med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul snyed kyi 'jig rten gyi khams la 'jug pa rgya ma grangs med pa'i bye brag bstan pa gzhan dang gzhan dag mkhyen pa la thogs pa med do/ / de bzhin du skad cig skad cig la zhing thams cad kyi rdul rnyed kyi bskal pa la 'jug pa rgya mchog pa
- 378a
med pa'i bye brag bstan pa gzhan dang gzhan dag mkhyen pa thogs pa med do/ / de ci'i phyir zhe na/ lhun gyis grub pa'i ye shes brnyes pa'i phyir ro// 'jam dpal 'di lta ste/ dper na/ brag phug gi nang nas/ brag cha sems can gyi sgra rnam pa mang po 'jug pa sa/ sgra skad gzhan dang gzhan mtha' yas pa 'byung ste/ brag cha ni mi rtog rnam par mi rtog mod kyis 'on kyang / ma 'dres pa'i chos dang ldan pa'i phyir de mi rtog cing lhun gyis grub par bya ba 'di lta bu 'di dag 'byung ngo // 'jam dpal de bzhin du de bzhin gshegs pa la yang / sems can gyi bsam pa ji lta ba dang / 'dul ba ci lta ba de dag gis de lta bu'i skad du ston pa 'byung bar shes te/ de bzhin gshegs pa ni mi rtog par rnam par mi rtog mod kyi/ 'on kyang ma 'dres pa'i chos dang ldan pa'i phyir/ de mi rtog cing lhun gyis grub par mdzad pa 'di lta bu 'di dag 'byung ngo // 'jam dpal de bzhin gshegs pa'i mkhyen pa thogs pa med pa/ mngor bstan pa yin te/ rgyas par ni phyi ma'i mtha'i bskal par byin gyis brlabs kyang bstan pa mi nus so// 'jam dpal de la de bzhin gshegs pa'i sems can yongs su smin par mdzad pa/ khyu mchog tu gyur pa ni de bzhin gshegs pa gtsug tor phyogs bcu'i 'jig rten gyi khas sa rab 'byams thams cad du
- 378b
'jig rten gyi khams re re dang / gling re re yang thogs pa med pa/ sgrib pa med pa/ dbyer med pa/ nam mkha' khyab par 'gengs te/ sems can yongs su smin par mdzad pa khru/ mchog tu gyur pas phyi ma'i mtha'i mu'i bskal par byin gyis brlob pa'o// 'jam dpal de bzhin gshegs pa'i mdzod spu phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re rer yang thog pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa khyu mchog tu gyur pa/ phyi ma'i mtha'i mu'i bskal par byin gyis brlobs pa'o/ / 'jam dpal de bzhin du de bzhin gshegs pa'i mtshan re re yang phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re re yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa/ khyA mchog tu gyur pas phyi ma'i mtha'i mu'i bskal par byin gyis brlobs pa'o/ / de bzhin du de bzhin gshegs pa'i dpe byad bzang po phyogs bcu'i 'jig rten gyis khams rab 'byams thams cad du 'jig rten gyi khams re re dang / gling re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa khyu mchog
- 379a
tu gyur pas/ phyi ma'i mtha'i mu'i bskal par byin gyis brlobs pa'o// de bzhin du de bzhin gshegs pa'i spu'i khung bu re re yang thogs pa med pa/ sgrib pa med// pa/ dbyer med pa/ nam mkha' khyab par 'gengs pa sems can yongs su smin par mdzad pa khyu mchog tu gyur pas/ phyi ma'i mthe'i mu'i bskal par byin gyis brlob pa'o// de bzhin du de bzhin gshegs pa'i yo byad thams cad kyang / phyogs bcu'i 'jig rten gyi khams rab 'byams thams cad du 'jig rten gyi khams re re dang / gling re rer yang thogs pa med pa/ sgrib pa med pa/ dbyer med pa/ nam mkha' khyab par 'gengs pa/ sems can yongs su smin par mdzad pa khyu mchog tu 'gyur bas/ phyi ma'i mtha'i mu'i bskal par byin gyis brlob pa'o/ / de ci'i phyir zhe na/ ma 'dres pa'i chos dang ldan pa'i phyir te/ ma 'dres pa'i chos dang ldan pa ni smon lam gyi stobs kyis byin gyis brlabs pa'i phyir ro// / 'jam dpal de bzhin gshegs pa'i sems can yongs su smin par mdzad pa khyu mchog tu gyur pa mngon bstan pa yin te/ rgyas par ni phyi ma'i mtha'i mu'i bskal par byin gyis brlab kyang bstan par mi nus so/ / 'jam dpal de bzhin gshegs pa'i kun nas mngon tu 'gyur ba ni phyogs bcu'i 'jig rten gyi khams rab 'byams thams cad du 'jig rten gyi khams rerare
- 379b
dang / gling re re dang / rdul phra rab re re la ste/ rdul phra rab kyi rdul snyed kyi phyogs re re la byang chub sems dpa' rgya mtsho 'khod pa ni rab tu mang gis/ 'jig rten gyi khams lnga bcu'i rdul phra rab kyi rdul snyed kyi 'jig rten gyi khams re re rgya mtsho grangs med pa dag gis rdul phra rab ni ches nyung ste/ byang chub sems dpa' de dag ni sems can dang / 'jig rten gyi khams dang / gling dang / ri rab dang / ri rab chen po dang / khor yug dang / khor yug chen po dang / grong dang grong khyer dang / grong rdal dang / ljongs dang / yul 'khor dang / rgyal po'i pho brang 'khor dang / 'bab chu dang / 'tshe'u dang / 'tshe bran dag gang la yang gnod pa dang / sgrib pa med de/ sngon ji lta bar phyis kyang de bzhin du bya ba dag 'jug ste/ de bzhin gshegs pa ma 'dres chos dang ldan pa'i phyir ro// bsam pa ci lta ba dang / 'dul ba ji lta ba'i lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phyo chen po dang / brgya byin dang / tshangs pa dang / 'jig rten skyong ba dang / mi dang mi ma yin pa dang / byang chub sems dpa' de dag gis kyang 'di ltar kun nas de bzhin gshegs pa gnya' shing gang tsam na zhugs par mngon du mthong ngo / / de ci'i phyir zhe na/ ma 'dres pa'i chos dang ldan pa'i phyir ro// 'jam dpal 'di lta ste//
- 380a
dper na/ zla ba yar gyi ngo tshes bco lnga'i nam phyed kyi dus na/ 'dzam bu'i gling gi skyes pa dang / bud med dang / khye'u dang bu mo thams cad kyis zla ba'i dkyil 'khor mdun na 'dug par 'thong yang zla ba'i dkyil 'khor ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir mi rtog cing / ldan kyis grub par bya ba 'di lta bu 'di dag 'byung ngo / / 'jam dpa la de bzhin du de bzhin gshegs pa gang dag phyogs bcu'i 'jig rten gyi khams rab 'bums thams cad kyi sems can bsam pa ci lta ba dang / 'dul ba ci lta ba de dag gis/ de bzhin gshegs pa mdun na bzhugs par mthong yang / de bzhin gshegs pa ni mi rtog mod kyi/ 'on kyang ma 'dres pa'i chos dang ldan pa'i phyir/ mi rtog cing lhun gyis grub par mdzad pa 'di lta bu 'di dag 'byung ngo // 'jam dpal de bzhin gshegs pa'i kun nas mngon du gyur pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// 'jam dpal de bzhin gshegs pa'i zhing yongs su sbyong ba la mi 'jigs pa ni/ de bzhin gshegs pa phyogs bcu'i 'jig rten gyi khams rab 'byams thams cad kyi 'jig rte gyi khams re re dang / rdul phra rab kyi rdul phra re re la 'jig rten
- 380b
gyi khams thams cad kyi rdul skyed kyi 'jig rten gyi khams rgya mtsho la 'jug go/ / de la 'jig rten gyi khams rgya mtsho la ni bsod nams kyi tshogs rgya mtsho grangs med pa'i bye brag bstan pa'i ye shes kyis rnams par sbyong ngo / / 'jig rten gyi khams rgya mtsho la ni ye shes kyi tshogs rgya mtsho grangs med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la ni pha rol tu phyin pa rgya mtsho grangs med pa'i bye brag bstan pa'i ye shes kyis rnam par sbyong ngo / / 'jig rten gyi khams rgya mtsho la la ni sa rgya mtsho grangs med pa'i bye brag bstan pa'i ye shes kyis rnam par sbyong ngo / / 'jig rten gyi khams rgya mtsho la la ni gzungs rgya mtsho grangs med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni ting nge 'dzin rgya mtsho grangs med pa'i bye brag bstan pa'i ye shes kyis rnam par sbyong ngo / / 'jig rten gyi khams rgya mtsho la la ni rnam par thar pa rgya mtsho grangs med pa'i bye brag bstan pa'i ye shes kyis rnam par spyong ngo / / 'jig rten gyi khams rgya mtsho la la ni so so yang dag par rig pa rgya mtsho grangs med pa'i bye brag bstan pa'i ye shes kyis rnam par sbyong ngo / / 'jig rten gyi khams rgya mtsho la la ni mngon par shes pa rgya mtsho grangs med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni
- 381a
smon lam rgya mtsho grangs med pa'i bye brag bstan pa'i ye shes kyis rnam par spong ngo / / 'jig rten gyi khams rgya mtsho la la ni brtson 'grus brtsom pa rgya mtsho grangs/ med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni dbugs rnyed pa rgya mtsho grangs med pa'i bye brag bstan pa'i ye shes kyis rnam par sbyong ngo / / 'jig rten gyi khams rgya mtsho la la ni byang chub sems dpa' la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni/ / de de bzhin gshegs pa la 'jug pa rgya mtsho grangs med pa'i ye shes bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni sems can gyi bsam pa dang / spyod pa la 'jug pa rgya mtsho grangs med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni 'jig rten gyi khams la 'jug pa rgya mtsho grangs med pa'i bye brag bstan pa'i ye shes kyis rnam par spyong ngo / / 'jig rten gyi khams rgya mtsho la la ni bskal pa la 'jug pa rgya mtsho grangs med pa'i ye shes bye brag bstan pa'i ye shes kyis rnam par sbyong ngo / / 'jig rten gyi khams rgya mtsho la la ni dus gsum bstan pa rgya mtsho grangs med pa'i bye brag bstan pa'i ye shes kyis rnam par sbyong ngo // 'jig rten gyi khams rgya mtsho la la ni
- 381b
dus gsum 'gru ba rgya ma grangs med pa'i bye brag bstan pa'i ye shes kyis rnam par spyong ngo / / 'jig rten gyi khams rgya mtshol la ni skyo bar sems bskyed pa rgya mtsho grangs med pa'i breg bstan pa'i ye shes kyis rnam par spod ngo do/ / 'jig rten gyi khams rgya mtshol la ni dbyer med pa rgya mtsho grangs med pa'i bye zag bstan pa'i ye shes kyis rnam par spong ngo // bzhin gshegs pa ni gnas gang nas kyang mi g.yo'o// de ci'i phyir zhe na/ mi g.yo ba'i ye shes brnyes pa'i phyir ro// 'jam dpal de bzhin gshegs pa'i sangs rgyas kyi zhing yongs su sbyong ba la 'jigs pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// 'jam dpal de bzhin gshegs pa'i sku mtha' yas pa ni phyogs bcu'i 'jig rten gyi khams rab 'byams thams cad kyi 'jig rten gyi khams re re dang / gling re re la ste/ 'jig rten gyi khams lnga bcu'i rdul phra rab kyi rdul snyed kyi 'jig rten gyis khams rgya ma morgya stong sangs med pa'i rdul tha rab kyi rdul snyed rnams kyi ni rab tu nyung gis/ de bzhin gshegs pa'i byang chub sems dpa'i 'khor gyi dkyil 'khor rgya mtsho ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho'i rdul phra rab kyi rdul rdul rnams ni rab tu
- 382a
@nyung gi/ byang chub sems dpa' 'khor gyi dkyil 'khor re re'i byang chub sems dpa'i rgya mtsho bsod nams kyi tshogs rgya mtsho grangs med pa gzhan dang gzhan dag gis sangs rgyas la lta ba mngon du gyur pa thob pa dag ni ches mang ngo / / 'jig rten gyi khams lnga bcu'i rdul phra rab snyed kyis 'jig rten gyi khams rgya mtsho'i rdul phra rab kyi rdul rnams ni rab tu nyung gis/ byang chub sems dpa'i 'khor gyi dkyil 'khor re re'i byang chub sems dpa' rgya mtsho ye shes kyis tshogs rgya mtsho grangs med pa gzhan dang gzhan gyis/ sangs rgyas la lta ba mngon du gyur pa thob pa dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul snyed phra rab kyi rdul rnams ni rab tu nyung gis/ byang chub sems dpa'i 'khor gyi dkyil 'khor re re'i byang chub sem sa dpa' rgya mtsho'i pha rol tu phyin pa rgya mtsho grangs med pa gzhan dang gzhan gyis/ sangs rgyas la lta ba mngon du gyur pa thob pa dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa'i rgya mtsho grangs med pa gzhan dang gzhan gyis/ sangs rgyas
- 382b
la lta ba mngon du gyur pa thob pa dag ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa'i rgya mtsho gzungs rgya mtsho grangs med pa gzhan dang gzhan dag gis sangs rgyas la lta ba mngon du gyur pa thob pa dag ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyis dkyil 'khor re re'i byang chub sems dpa' rgya mtsho ting nge 'dzin rgya mtsho grangs med pa gzhan dang gzhan gyis/ sangs rgyas la lta ba mngon du gyur pa thob pa dag ni ches mang ngo / / 'jig rten gyis khams lnga bcu'i rdul snyed kyi 'jig rten gyis khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho rnam par thar pa rgya mtsho grangs med pa gzhan dang gzhan dag gis/ sangs rgyas la lta ba mngon du 'gyur ba thob pa dag ni ches mang ngo / / 'jig rten gyis khams lnga bcu'i rdul snyed kyi 'jig rten gyis khams rgya mtsho grangs med pa'i rdul phra rab kyi rdul rnams
- 383a
ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho so so yang dag par rig pa rgya mtsho grangs med pa gzhan dang gzhan gyis sangs rgyas la lta ba mngon du 'gyur pa thob pa dag ni ches mang ngo / / 'jig rten gyis khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho mngon rab shes pa rgya mtsho grangs med pa gzhan dang gzhan gyis/ sangs rgyas la lta ba mngon du gyur pa dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa'i rgya mtsho smon lam gyi bye brag rgya mtsho grangs med pa gzhan dang gzhan gyis/ sangs rgyas la lta ba mngon du gyur pa thob pa dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa'i rgya mtsho bsod nams
- 383b
k yi tshogs kyi bye brag gzhan dang gzhan thob pa de dag bsod nams kyi tshogs kyi bye brag gzhan dang gzhan thob pa'i stobs bskyed pa'i byin brlab kyis de bzhin gshegs pa gzhan dang gzhan mthong ba dag ni ches mang ngo / / 'jig rten gyis khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho ye shes kyi tshogs kyi bye brag gzhan dang gzhan thob pa de dag ye shes kyi tshogs kyi bye brag gzhan dang gzhan thob pa'i stobs bskyed pa'i byin brlabs kyi/ de bzhin gshegs pa gzhan dang gzhan mthong ba dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho pha rol tu phyin pa'i bye brag gzhan dang gzhan thob pa de dag pha rol tu phyin pa'i bye brag gzhan dang gzhan thob pa'i stobs bskyed pa'i byin brlabs kyis/ de bzhin gshegs pa gzhan dang gzhan thob pa dag ni chos mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams
- 384a
ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa'i rgya mtsho sa'i bye brag gzhan dang gzhan thob pa de dag sa'i bye brag gzhan dang gzhan thob pa'i stobs bskyed pa'i byin brlabs kyis/ de bzhin gshegs pa gzhan dang gzhan mthong ba dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa'i rgya mtsho gzungs kyi bye brag gzhan dang gzhan thob pa de bzhin gzungs kyis bye brag gzhan dang gzhan thob pa'i stobs bskyed pa'i byin gyi rlabs kyis/ de bzhin gshegs pa gzhan dang gzhan mthong ba dag ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho ting nge 'dzin gyi bye brag gzhan dang gzhan thob pa de dag/ ting nge 'dzin gyi bye brag gzhan dang gzhan thob pa'i stobs bskyed pa'i byin gyi rlabs kyis/ de bzhin gshegs pa gzhan dang gzhan mthong ba dag ni ches mang ngo // 'jig rten gyi khams lnga
- 384b
bcu'i rdul snyed kyi 'jig rten gyi khams rgya mtsho grangs med pa'i rdul phra rab kyis rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho rnam par thar pa'i bye brag gzhan dang gzhan thob pa de dag ni rnam par thar pa'i bye brag gzhan dang gzhan thob pa'i stobs bskyed pa'i byin gyi rlabs kyis/ / de bzhin gshegs pa gzhan dang gzhan mthong ba dag ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho so so yang dag par rig pa'i bye brag gzhan dang gzhan thob pa de dag so so yang dag par rig pa'i bye brag gzhan dang gzhan thob pa'i stobs bskyed pa'i byin gyi rlabs kyis/ de bzhin gshegs pa gzhan dang gzhan mthong ba dag ni ches mang ngo // 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho mngon par shes pa'i bye brag gzhan dang gzhan thob pa de dag mngon par shes pa'i bye brag gzhan dang gzhan thob pa'i stobs bskyed pa'i byin gyi rlabs kyis/ / de bzhin
- 385a
gshegs pa gzhan dang gzhan mthong ba dag ni ches mang ngo / / 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ byang chub sems dpa'i 'khor gyi dkyil 'khor re re'i byang chub sems dpa' rgya mtsho smon lam gyi bye brag gzhan dang gzhan thob pa de dag smon lam gyi bye brag gzhan dang gzhan thob pa'i stobs bskyed pa'i byin gyi rlabs kyis/ de bzhin gshegs pa gzhan dang gzhan thob pa dag ni ches mang ngo // 'jam dpal de bzhin du sbyar te/ rten pa rnams dang / ngo mtshar gyi 'du shes rnams dang / spyod pa rnams dang / dge ba'i bshes gnyen rnams dang / brtson 'grus brtsom pa rnams dang / dbugs 'byin pa rnyed pa rnams dang / sems can yongs su smin par mdzad pa rnams dang / tshul khrims rnams dang / lung bstan pa rnams dang / byang chub sems dpa' dag la 'jug pa rnams dang / de bzhin gshegs pa la 'jug pa rnams dang / sems can gyi bsam pa dang spyod pa la 'jug pa rnams dang / 'jig rten gyi khams la 'jug pa rnams dang / bskal pa la 'jug pa rnams dang / dus gsum bstan pa rnams dang / dus gsum la 'jug po rnams dang / mi skyo ba'i sems bskyed pa rnams dang / ye shes
- 385b
dbyer med pa rnams dang / gzungs rnams dang / sangs rgyas ston pa rnams dang / kun tu bzang po'i sems bskyed pa rnams dang / kun tu bzang po'i spyod pa'i chos rnams dang / snying rje chen po thob pa rnams dang / byang chub kyi sems kyi rkyen rnams dang / dge ba'i bshes gnyen la gus par bya ba'i sems bskyed pa rnams dang / yongs su dag pa rnams dang / pha rol tu phyin pa rnams dang / ye shes rjes su rtogs pa rnams dang / so sor rtog pa rnams dang / stobs bskyed pa rnams dang / mnyam pa nyid kyi tshul gyi lam rnams dang / sangs rgyas kyi chos ma chad pa rnams dang / kun tu bzang po rnams dang / spongs pa rnams dang / ye shes kyi dbang rnams dang / gnas med pa rnams dang // sem sa mnyam pa nyid dang / ye shes mngon par bsgrub pa rnams dang / sprul pa rnams dang / byin gyi rlabs pa rnams dang / dbugs 'byin pa chen po rnyed pa rnams dang / zab mo la 'jug pa rnams dang / sangs rgyas kyi chos la brten pa rnams dang / sems bskyed pa rnams brtan pa rnams dang / the tsom thams cad gcod pa rnams dang / sems bskye ba rnams/ dang / bsam gyis mi khyab pa rnams dang / ldem po ngag la mkhas pa rnams dang / ye shes rnam par byed pa la mkhas pa rnams dang / snyoms par 'jug pa rnams dang / zang par
- 386a
gyi skye mched rnams dang / rnam par thar pa rnams dang / mngon par shes pa rnams dang / rig pa rnams dang / rnam par grol ba rnams dang / bskyed mos tshal rnams dang / rin po che bkod pa rnams dang / mi bskyed pa'i sems bskyed pa rnams dang / lhag pa'i bsam pa mi gtong ba la gnas pa rnams dang / rgya mtsho lta bu'i ye shes la 'jug pa rnams dang / rin po che lta bu'i byang chub sems dpa'i gnas rnams dang / rdo rje lta bu'i sems bskyed pa rnams dang / theg pa chen po'i go/ cha rnams dang / rtsom pa med chen po rnams dang / rtsom pa nyams 'og tu chud par byed pa rnams dang / mi phyed pa'i dad pa rnams dang / lung bstan pa rnams dang / dge ba'i rtsa ba yongs su bsngo ba rnams dang / ye shes khong du chud pa rnams dang / sems bskyed pa rgya che ba mtha' dang / dpung med pa rnams dang / gter rnams dang / sdom pa rnams dang / dbang rnam par sprul pa rnams dang / zhing rnam par sprul pa rnams dang / chos rnam par sprul pa rnams dang / smon lam rnam par sprul pa rnams dang spyod yul rnam par sprul pa rnams dang / ye shes rnam par sprul pa rnams dang / mngon par shes pa rnam par sprul pa rnam dang / rdzu 'phrul rnam par sprul pa rnams dang / stobs
- 386b
rnam par sprul pa rnams dang / rnam par rol pa rnams dang / yul rnams dang / stobs rnams dang / mi 'jigs pa rnams dang / byang chub sems dpa'i chos ma 'dres pa rnams dang / lus rnams dang / lus kyi las rnams dang / gzugs rnams dang / ngag gis las rnams dang / sems rnams dang / sems bskyed pa rnams dang / sems rgyas par byed pa rnams dang / dbang po rnams dang / bsam pa rnams dang / lhag pa'i bsam pa rnams dang / sbyor ba rnams dang / mos pa rnams dang / 'jig rten gyis khams su mos pa la 'jug pa rnams dang / bag chags rnams dang / len pa rnams dang / nan tan rnams dang / 'grub pa rnams dang / sangs rgyas kyi chos nges pa rnams dang / theg pa rnams dang / mi 'gyur ba rnams dang / byang chub sems dpa'i nges pa'i chos rnams dang / nges par 'byung ba'i lam rnams dang / skyes bu dam pa'i ming thob pa rnams dang / lam rnams dang / lam gyi tshad rnams dang / lam gyi tshogs rnams dang / lam bsgoms pa rnams dang / lam bkod pa thams cad la'ang de bzhin du brjod par bya ste/ de bzhin gshegs pa ni mi rtog rnam par mi rtog go/ / de ci'i phyir zhe na/ lhun gyis grub pa'i ye shes brnyes pa'i phyir ro// 'jam dpal 'di lta ste dper na/ nyi ma'i dkyil 'khor ni 'dzam bu gling gi snod chus
- 387a
gang zhing sgrib pa med pa rnam par dag pa thams cad du snang ste/ nyi ma'i dkyil 'khor ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir/ rnam par mi rtog cing lhun gyis grub par bya ba 'di lta bu 'di dag kyang byung ngo // 'jam dpe la de bzhin gshegs pa yang phyogs bcu'i 'jig rten gyi kham rab 'byams thams cad ni 'jig rten gyi khams re re'i gling re re'i sems can bsam pa ci lta ba dang / 'dul ba ci lta ba de dag gis/ cig char mthong ste de bzhin gshegs pa mi rtog rnam par mi rtog mod kyis/ 'on kyang ma 'dres pa'i chos dang ldan zhing / sku thogs pa med pa'i phyir rnam par mi rtog cing lhun gyis grub par mdzad pa 'di lta bu 'di dag kyang byung ngo ngo/ 'jam dpal de bzhin gshegs pa'i sku mtha' yas pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan pa mi nus so// / / bam po lnga pa ste tha ma'o// 'jam dpal de la de bzhin gshegs pa'i yul ni dpes bstan par bya ste/ de ci'i phyir zhe na/ skyes bu mkhas pa gang dag dpe bshad pas rin shes par 'gyur ba yod pa'i phyir ro/ / 'jam dpal 'di lta ste/ dper na mchod dpag tshad 'bum phrag lnga pa bya rog gis btung du rung bar mu
- 387b
dang kha tha chad du gyur pa pad+ma'i 'dab mas g.yogs pa zhig yod la/ de la skyes bu la la zhig gis lcags kyi shing rta phang lo rtsib ma stong yod pa/ nam mkha' lding gis mgyogs/ pa bas kyang lhag pa'i rta de lta bur mgyogs pas shing rta drangs te/ de ltar mgyogs pa'i shing rta drangs nas/ phang lo la yang chus mi reg/ rta'i mig pas kyang pad+ma'i 'dab ma mi rol pa de lta bu'i shing rta des drangs pa las/ mtsho chen po de nas sprul dug pa steng du byung ste/ skad cig gang la shing rta bsgyur ba'i skad cig de la/ sprul dug pa des/ shing rta de la na bcu'i bskor te/ 'jam dpal skad cig gang gis sprul dug pas shing rta de la na cig bskor ba'i skad cig de la/ dge slong kun dga' bos chos rnam pa bcu bstan pa bshad don yang rig par byed do/ / dge slong kun dga' bos skad cig gang la chos gcig bstan pa bshad pa'i skad cig de la/ dge slong shA ri'i bu'i chos rnam pa bcu bstan pa bshad nas don kyang rig par byed do/ / dge slong shA ri'i bus skad cig gang la chos gcig bstan pa bshad pa'i skad cig de la/ gnas brtan mo'u 'gal gyi bu 'jig rten gyi khams brgyad khri 'da'o/ / gnas brtan mo'u 'gal gyi bus skad cig gang la/ 'jig rten gyi kham gcig 'das pa'i skad cig de la/ de bzhin gshegs pas phyogs bcu'i 'jig
- 388a
rten gyi khams rab 'byams thams cad kyi gling re re na/ dga' ldan gyis gnas na gnas pa las 'pho ba dang / skye ba dang / mngon par 'byung ba dang / dka' spyod pa dang / sbyor ba dang / byang chub kyi snying por bzhud pa dang / bdud 'dul ba dang / mngon par rdzogs par byang chub pa dang / chos kyi 'khor lo bskor ba dang / mya ngan las 'das pa chen po dang / chos gnas pa dang / chos nub pa dus gcig tu ston to// mu stegs can gyi gnas kyi spyod pa dang / skyes pa'i rabs thams cad du yang dus gcig tu sngon no/ / de ci'i phyir zhe na/ mkhyen pa thogs pa med pa dang / gzigs pa thogs pa med pa dbyer med pa dang / ma brten cing dbyer med pa'i phyir ro// 'jam dpa 'di lta ste/ dper na rin po che bai DUR+Ya las dngos po'i dbang gis gzhal du med pa'i bya ba dag 'byung ste/ bai DUR+Ya ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir mi rtog cing lhun gyis grub par bya ba gzhal du med pa dag 'byung ngo / / 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas las kyang sems can yongs su smin par mdzad pa'i dbang gis phyogs bcu'i 'jig rten gyi khams rab 'byams thams cad du dus cig tu skad cig skad cig la/ mdzad pa gzhal du med
- 388b
pa dag 'byung mod kyi/ 'on kyang de bzhin gshegs pa ni mi rtog rnam par mi rtog ste/ mi rtog cing spun gyi grub par mdzad pa 'di lta bu 'di dag 'byung ste/ ma 'dres pa'i chos dang ldan pa'i phyir ro/ / 'jam dpal 'di lta ste/ dper na zla ba'i dkyil 'khor dang / nyi ma'i dkyil 'khor ni 'dzam bu'i gling du snod chus bkang ba sgrib po med pa rnam par dag pa thams cad du cig char du snang yang gnas nas mi g.yo'o/ / de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / phyogs bcu'i 'jig rten gyi khams rab 'byams thams cad du sems can sgrib pa med pa'i rnam par dag pa de dag bsam pa ci lta ba dang ci ltar 'dul ba bzhin du de bzhin gshegs pa mthong ste/ de bzhin gshegs pa ni dga' ldan gnas nas g.yos pa yang med mod kyi/ 'on kyang phyogs bcu'i 'jig rten gyi khams rab 'byams thams cad du mdzad pa rtsom pa thams cad kyang snang ngo // de ci'i phyir zhe na/ mi g.yo ba'i ye shes brnyes pa'i phyir ro// 'jam dpal 'di lta ste/ dper na las kyi 'bras bu rnam par smin pa rab 'bring dang tha ma'i dbang gi/ sems can rnams kyi 'du byed rab 'bring dang tha ma dag 'byung ste/ 'du byed ni mi rtog rnam par mi rtog mod kyi/ 'on kyang 'du byed de dag ma 'dres pa'i chos dang ldan pa'i phyir/ de mi rtog cing lhun gyis
- 389a
grub par bya ba de lta bu de dag 'byung ngo / / de bzhin du rnam par smin pa thams cad 'bring dang rab kyi dbang gis sems can rnams kyis de bzhin gshegs pa tha/ ma dang 'bring dang rab tu mthong ste/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir mi rtog cing lhun gyis grub par mdzad pa de lta bu de dag kyang 'byung ngo / / 'jam dpal 'di lta ste/ dper na sprin las ro gcig pa'i char 'bab ste/ babs nas snod kyi bye brag gis kha dog sna tshogs dang / dri sna tshogs su gyur te/ sprin ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba de lta bu de dag kyang 'byung ngo // 'jam dpal de bzhin du de bzhin gshegs pa'i chos kyi dbyings kyi ro gcig ste/ de sems can yongs su smin par byed pa'i dbang gis chos kyi dbyings tha dad par snang yang / de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag 'byung ngo // 'jam dpal 'di lta ste/ dper na nor bu rin po che dbang gi rgyal po gang du 'byung ba der/ khrugs dang lcags kyi yo byad rnams mi 'byung ngo // de ci'i phyir zhe na/ ma 'dres pa'i chos dang ldan pa'i phyir ro// 'jam
- 389b
dpal de bzhin du de bzhin gshegs pa gang du 'byung ba der/ me'i 'od rnams dang glog gi 'od rnams mi 'byung ngo // der nyi ma'i 'od rnams mi 'byung ngo // der nor bu'i 'od rnams mi 'byung ngo / / der lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / 'jig rten skyong ba'i 'od rnams mi 'byung ngo // der rgyal po rnams kyi bka' mi 'byung ngo // der rigs bzhi rnams mi 'byung ngo // der mi khom par skye ba rnams mi 'byung ngo / / der sems can dmyal ba dang / dud 'gro dang / yi dgas dang / gshin rje'i 'jig rten du skye ba rnams mi 'byung ngo // der mi dge bcu'i las kyi lam rnams mi 'byung ngo / / der nyon mongs pa thams cad mi 'byung ngo // der 'khrug pa thams cad mi 'byung ngo // der mu stegs can spyod pa pa dang / kun tu rgyu dang / gcer bu pa dang / 'tsho ba rnams ni mi 'byung ngo // de bzhin gshegs pa ni mi rtog rnam par mi rtog/ 'on kyang ma 'dres pa'i chos dang ldan pa'i phyir/ yul chags pa med pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / / 'jam dpal de bzhin gshegs pa'i yul mdor bstan pa yin te/ rgyas par ni phyi ma'i mtha'i mu'i bskal par byin
- 390a
gyis rlabs kyang bstan par mi nus so/ / 'jam dpal de la de bzhin gshegs pa'i lhun gyis grub pa'i ye shes ni/ 'jam dpal 'jig rten gyi khams snga bcu'i rdub snyed kyi 'jig rten gyi khams rgya mtsho'i rdul phra rab kyi rdul rnams ni rab tu nyung gi/ phyogs bcu'i 'jig rten gyi khams re re'i dang gling re rer skad cig skad cig la de bzhin gshegs pa'i gzugs kyi sku kha dog dang rnam par gnas pa dang / 'jug pa dus gcig tu 'byung ba dag ni ches mang ngo // de ci'i phyir zhe na/ ma 'dres pa'i chos dang ldan pa'i phyir ro// 'jam dpal 'jig rten gyi khams lnga bcu'i rdul snyed kyi 'jig rten gyi khams rgya mtsho grangs med pa'i rdul phra rab kyi rdul rnams ni rab tu nyung gi/ de bzhin gshegs pa'i ye shes lhun gyis grub pas phyogs bcu'i 'jig rten gyi khams re re dang gling re rer sems can rnams dge ba'i rtsa ba gzhan dang gzhan dag rtsom par sbyor ba dang / las dang bzo'i gnas thams cad la sbyor ba dag 'byung ba ni ches mang ngo / / de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / / 'jam dpal phyogs bcu'i 'jig rten gyi khams rab 'byams thams cad na mu stegs can gyi gnas thams cad dang /
- 390b
'jig rten pa dang 'jig rten las 'das pa'i las bya ba thams cad gang ci 'byung ba de dag thams cad ni de bzhin gshegs pa'i lhun gyis grub pa'i ye shes kyis 'byung ngo // de ci'i phyir zhe na/ ma 'dres pa'i chos dang ldan pa'i phyir ro// 'jam dpal 'di lta ste/ dper na sa la bsten sa la gnas nas/ sa bon thams cad dang rtswa dang shing gel ba dang rtsi dang nags 'tshal 'phel zhing rgyas la yangs par 'gyur te/ sa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir/ rnam par mi rtog cing lhun gyis grub par bya ba ste de lta bu de dag kyang 'byung ngo / / 'jam dpal de bzhin du de bzhin gshegs pa la brten de bzhin gshegs pa la gnas nas/ phyogs bcu'i 'jig rten gyi khams rab 'byams thams cad kyi mu stegs can spyod pa pa dang / kun tu rgyu dang / gcer bu pa la sogs pa mu stegs can gyi gnas thams cad dang / sems can thams cad kyi 'jig rten las 'das pa'i dge ba'i rtsa ba thams cad 'phel zhing rgyas la yangs par 'gyur te/ de bzhin gshegs pa ni mi rtogs rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo / / 'jam dpal 'di lta ste/ dper na gang dag zug rngu 'byin
- 391a
pa'i sman la reg pa de dag gi zug rngu thams cad 'byin te zug rngu 'byin pa'i sman ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba de lta bu de dag kyang 'byung ngo / / 'jam dpal de bzhin gang dag tha na de bzhin gshegs pa ri mor bris pa 'am gleg pa ma la bris pa la reg kyang rung ste/ rgyu des de dag gis 'dod chags dang / zhes sdang dang / gti mug dang / nyon mongs pa thams cad zug rngu 'byin te/ de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo // 'jam dpal 'di lta ste/ dper na rin po che'i rgyal po yid bzhin gyi nor bu ni sems can thams cad kyi re ba yongs su rdzogs par byed par 'gyur te/ yid bzhin gyi nor bu rin po che ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par bya ba de lta bu de dag kyang 'byung ngo // 'jam dpal de bzhin du lha dang mi dang lha ma yin dang byang chub sems dpa' gang chos bstan pa gang 'dod pa de dag/ de bzhin gshegs pa'i gan du 'gro zhing chos bstan pa de dag de bzhin gshegs pa las nyan kyang
- 391b
de bzhin gshegs pa ni mi rtog rnam par mi rtog mod kyi/ 'on kyang ma 'dres pa'i chos dang ldan pa'i phyir rnam par mi rtog cing lhun gyis grub par mdzad pa de lta bu de dag kyang 'byung ngo // 'jam dpal de bzhin gshegs pa'i lhun gyis grub pa'i ye shes mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// 'jam dpal de la de bzhin gshegs pa'i bsam gyis mi khyab pa ni/ 'jam dpal de bzhin gshegs pa phyogs bcu'i 'jig rten gyi khams rab 'byams thams cad na 'jig rten gyi khams re re dang / rdul phra rab re re dang / 'jig rten gyi khams thams cad kyi rdul snyed kyi 'jig rten gyi khams rgya mtsho dag la 'jug ste/ 'jig rten gyi khams re re dang gling re re yang 'jig rten gyi khams rgya mtsho grangs med pa bye ba khrag khrig brgya stong phrag lnga bcu'i rdul phra rab kyi rdul rnams ni rab tu nyung gi/ de bzhin gshegs pa'i bsod nams kyi tshogs tha dad pa rgya mtsho grangs med pa'i bye brag bstan pa rnam par bzhag pa las 'das pa skad cig skad cig la/ 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlobs pa dag ni ches mang ngo // de bzhin du ye shes kyi tshogs tha dad pa rgya mtsho grangs med pa'i bye brag bstan pa rnam par gzhag pa
- 392a
las 'das pa skad cig skad cig la 'byung ba thogs pa med pa/ sgrib pa med pa/ ma 'dres pa/ nam mkha'i khams rgyas par 'gengs pa/ phyi ma'i mtha' mu'i bskal par byin gyis rlobs pa dag go/ de bzhin du pha rol tu phyin pa tha dad pa rgya mtsho grangs med pa'i bye brag bstan pa rnam par gzhag pa las 'das pa skad cig skad cig la/ 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlobs pa dag go// de bzhin du sa rgya mtsho/ grangs med pa'i bye brag bstan pa rnam par gzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlobs pa dag go// de bzhin gzungs rgya mtsho grangs med pa'i bye brag bstan pa rnam par gzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlobs pa dag go// de bzhin du ting nge 'dzin tha dad pa rgya mtsho mangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa
- 392b
nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlobs pa dag go// de bzhin du rnam par thar pa tha dad pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go/ / de bzhin du so so yang dag par rig pa tha dad pa rgya mtsho grangs med pa'i bye brag bstan pa rnam par gzhag pa las 'das pa skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go// de bzhin du mngon par shes pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlobs pa dag go// de bzhin du smon lam rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'drang ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis
- 393a
rlob pa dag go/ / de bzhin du brtson 'grus rtsom pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha' khams rgyas par 'gengs pa/ phyi ma'i mtha'i mu'i bskal par byin gyis rlob pa dag go// de bzhin du dbugs 'byin pa rnyed pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i/ khams rgyas par 'gengs pa/ phyi ma'i mtha'i mu'i bskal par byin gyis rlob pa dag go// de bzhin du byang chub sems dpa' la 'jug pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go/ / de bzhin du de bzhin gshegs pa la 'jug pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go// de bzhin du sam
- 393b
can gyi bsam pa dang / spyod pa la 'jug pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa dang / dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go// de bzhin du 'jig rten gyi khams la 'jug pa rgya mtsho grangs med pa'i bye brag bstan par rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa nam mkha'i khams rgyas par 'gengs pa/ phyi ma'i mtha'i mu'i bskal par byin gyis rlob pa dag go// de bzhin du bskal pa 'jug pa la 'jug pa rgya mtsho grangs med pa'i bye brag bstan pa rnam par gzhag pa las 'das pa/ skad cig skad cig la 'byung ba thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal bar byin gyis rlob pa dag go// 'jam dpal phyogs bcu'i 'jig rten gyi khams rab 'byams thams cad bangs pa dang / ma 'ongs pa dang / da ltar byang ba'i 'jig rten gyi khams rgya mtsho grangs med gang yod pa dag/ de bzhin gshegs pa'i spu'i khung bu re rer 'jig cing chags so// de ci'i phyir zhe na/ mtha'
- 394a
dang dpung med pa'i chos nyid brnyes pa'i phyir ro/ / 'jam dpal de bzhin gshegs pa'i bsam gyis mi khyab pa mngon bstan pa yin te/ rgyas par ni rtsa ma'i mtha'i mu'i bskal par byin gyis rlob kyang bstan par mi nus so/ / 'jam dpal de la de bzhin gshegs pa'i kun tu gzigs pa ni/ phyogs bcu'i 'jig rten gyi khams rab 'byams thams cad kyi/ sems can 'chi'o ba dang / kye ba dang / bde 'gror 'gro ba dang / ngan 'gror 'gro de rnams de bzhin gshegs pas gzigs te/ de bzhin du gtsug gtor gyis kyang gzigs so/ / de bzhin du mdzod spus kyang gzigs so// de bzhin du mtshan re res kyang gzigs so// de bzhin du dpe byad bzang po re res kyang gzigs so// de bzhin du spu'i khung bu re res kyang gzigs so// de bzhin du phyogs bcu'i 'jig rten gyi khams rab 'byams thams cad ni/ sems can 'chi 'pho ba dang / skye ba dang / bde 'gro 'gro ba dang / ngan 'gror 'gro ba dag dus gcig tu gzigs so// 'jam dpal de bzhin gshegs pa'i kun tu gzigs pa mdor bshad pa yin te/ rgyas par ni phyi ma'i mtha'i mu'i bskal par byin gyis rlabs kyang bstan par mi nus so/ / 'jam dpal de la de bzhin gshegs pa'i grags pa ni/ 'jam dpal de bzhin gshegs pa phyogs bcu'i 'jig rten gyi
- 394b
rab 'byams thams cad ni/ 'jig rten gyi khams re re dang / gling re re dang / rdul phra rab kyi rdul re re la/ 'jig rten gyi khams thams cad kyi rdul snyed kyi 'jig rten gyi khams rgya mtsho dag 'jug cing / sems kyi skad cig sems kyi skad cig la/ 'jig rten gyi khams re re dang / gling re re ra/ 'jig rten gyi khams thams cad kyi rdul snyed kyi rnam par 'phrul pa thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ thams cad 'byung ste/ sems can yongs su smin par bya ba'i phyir/ phyi ma'i mtha'i mu'i bskal par byin gyis rlobs ste/ ma 'dres pa'i chos dang ldan pa'i phyir ro// de bzhin du zhing rnam par 'phral pa dang / chos rnam par 'phrul ba dang sku rnam par 'phrul pa dang / smon lam rnam par 'phrul pa dang / spyod yul rnam par 'phrul pa dang / ye shes rnam par 'phrul pa dang / mngon par shes pa rnam par 'phrul pa dang rdzu 'phrul rnam par 'phrul pa dang / stobs rnam par 'phrul pa de lta bu la sogs pa/ 'jig rten gyi khams thams cad kyi rdul snyed kyi rnam par 'phrul pa thogs pa med pa grib pa med pa/ dbyer med pa/ nam mkha'i khams rgyas par 'gengs pa dag skad cig skad cig la 'byung ste/ sems can yongs su smin par bya ba'i phyir/ phyi ma'i mtha'i mu'i
- 395a
bskul par byin gyis rlob bo/ / de ci'i phyir zhe na/ ma 'dres pa'i chos dang ldan pa'i phyir ro// 'jam dpal de bzhin gshegs pa'i grags pa mdor bstan/ pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// 'jam dpal de la de bzhin gshegs pa'i dbyer med cing mi gnas pa ni 'jam dpal de bzhin gshegs pa 'jig rten gyi khams 'di ni tha dad pa/ 'jig rten gyi khams gzhan du gnas pa ma yin no// de bzhin gshegs pa gling 'di na tha dad la/ gli gzhan du gnas pa ma yin no/ / de bzhin gshegs pa khyim 'di na tha dad la/ khyim gzhan du gnas pa gzhan ma yin no// de bzhin gshegs pa lha'i ris 'di na tha dad la/ lha'i ris gzhan du gnas pa ma yin no/ / de bzhin gshegs pa dud 'gro'i skyes gnas su skye ba 'di na tha dad la dud 'gro'o skyes gnas su skye ba gzhan du gnas pa ma yin no// de bzhin gshegs pa yi dgas kyi 'gro ba 'di na tha dad la/ yi dgas kyi 'gro ba gzhan du gnas pa ma yin no// de bzhin gshegs pa sems can dmyal ba'i 'gro ba 'di na tha dad la/ sems can dmyal ba'i 'gro ba gzhan du gnas pa ma yin no// de bzhin gshegs pa 'dod pa'i khams na tha dad pa la/ gzugs kyi khams su gnas pa ma yin no// 'jam dpal
- 395b
de bzhin gshegs pa dbyer med cing mi gnas pa mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// 'jam dpal de la de bzhin gshegs pa'i sku'i thogs pa ni/ phyogs bcu'i 'jig rten gyi khams rab 'byams dag na/ sangs rgyas kyi zhing gang dag yod pa de dag gi nam mkha' ci 'dra ba'i mtha' ni yod srid kyi/ dus gsum gyi phyogs mtha' yas pa dag na rgyal ba'i gtsug tor 'byung ba dang / 'jig rten par snang ba rgyal ba'i gtsug tor gyi mtha' ni phyogs rnams na mi rnyed do/ / de dag gi nam mkha' ci 'dra ba'i mtha' ni yod srid kyi/ de bzhin du rgyal ba'i mdzod spu dang / de bzhin du mtshan re re dang / de bzhin du dpe byad bzang po re re dang / de bzhin du spu'i khung bu re re'i mtha' ni phyogs rnams na mi snyed do// lha dang mi dang byang chub sems dpa' gang dag chos kyi tshul bstan pa ji lta bus 'dul ba de dag gi chos kyi tshul bstan pa de 'dra ba dag 'byung bar shes te/ de la lha dang mi dang byang chub sems dpa' kha cig gis ni gtsug tor la bsod nams kyi tshogs rgya mtsho grangs med pa'i bye brag bstan pa dag 'byung bar shes so/ / kha cig gis ni ye shes kyi tshogs rgya mtsho grangs med pa'i bye brag bstan pa dag 'byung bar shes so// kha cig gi
- 396a
ni pha rol tu phyin pa rgya mtsho grangs med pa'i bye brag bstan pa dag 'byung bar shes so/ / kha cig gis ni re shes kyi tshogs rgya mtsho grangs med pa'i bye brag bstan/ pa dag 'byung bar shes so// kha cig gis ni gzungs rgya mtsho grangs med pa'i bye brag bstan pa dag 'byung bar shes so// kha cig gis ni ting nge 'dzin rgya mtsho grangs med pa'i bye/ brag bstan pa dag 'byung bar shes so// kha cig gis ni rnam par thar pa rgya mtsho grangs med pa'i bye brag bstan pa dag 'byung bar shes so// kha cig gis ni so so yang dag par rig pa rgya mtsho grangs med pa'i bye brag bstan pa dag 'byung bar shes so/ / kha cig gis ni mngon par shes pa rgya mtsho grangs med pa'i bye brag bstan pa dag 'byung bar shes so// kha cig gi/ ni smon lam rgya mtsho grangs med pa'i bye brag bstan pa dag 'byung bar shes so// kha cig gis ni brtson 'grus rtsom pa rgya mtsho grangs med pa'i bye brag bstan pa dag 'byung bar shes so// kha cig gis ni dbugs 'byin pa rgya mtsho grangs med pa'i bye brag bstan pa dag 'byung bar shes so// kha cig gis ni byang chub sems dpa' la 'jug pa rgya mtsho grangs med pa'i bye brag bstan pa dag 'byung bar shes so/ / kha cig gis ni de bzhin gshegs pa la 'jug pa rgya mtsho grangs med pa'i bye brag bstan pa dag 'byung bar shes so// kha cig gis ni sems can
- 396b
gyi bsam pa dang spyod pa la 'jug pa rgya mtsho grangs med pa'i bye brag bstan pa dag 'byung bar shes so/ / kha cig gis ni 'jig rten gyi khams la 'jug pa rgya mtsho grangs med pa'i bye/ brag bstan pa dag 'byung bar shes so// kha cig gis ni bskal pa la 'jug pa rgya mtsho grangs med pa'i bye brag bstan pa dag 'byung bar shes so// kha cig gis ni dus gsum la 'jug pa rgya mtsho grangs me pa'i bye brag bstan pa dag 'byung bar shes so/ / kha cig gis ni dus gsum bstan pa rgya mtsho grangs med pa'i bye brag bstan pa dag 'byung bar shes so// kha cig gis ni mi skyo ba'i sems bskyed pa rgya mtsho grangs med pa'i bye brag bstan pa dag 'byung bar shes so// lha dang mi dang byang chub sems dpa' kha cig gis ni gtsug tor nas dbyer med pa'i re shes rgya mtsho grangs med pa'i bye brag bstan pa dag 'byung bar shes so/ / de bzhin du lha dang mi dang byang chub sems dpa' bsam pa ji lta ba dang / 'dul ba ji lta ba zhing thams cad kyi rdul snyed dag gis/ sems kyi skad cig sems kyi skad cig la/ de bzhin du mdzod spu dang / de bzhin du mtshan ma re re dang / de bzhin du dpe byad bzang po re re dang / spu'i khung bu re rer nas chos tha dad pa rgya mtsho'i bye brag bstan pa dag 'byung bar shes so// 'jam dpal de bzhin gshegs pa'i sku thogs pa med pa mdor bstan pa yin te/ rgyas par ni phyi
- 397a
ma'i mtha'i mu'i bskal par byin gyis brlab kyang bstan par mi nus so/ / 'jam dpal de la de bzhin gshegs pa'i spyi gtsug bltar mi mthong ba ni/ 'jam dpal 'jig rten gyi khams lnga bcu'i rdul snyed kyi 'jig rten gyi khams rgya mtsho dag na rdul phra rab kyi rdul yod pa dag ni rab tu nyung gi/ de bzhin gshegs pa'i byang chub sems dpa'i 'khor gyi dkyil 'khor rgya mtsho dag ni ches mang ngo / / de la byang chub sems dpa' kha cig gi khrun ni dpag tshad tsam mo// byang chub sems dpa' kha cig gi khrun ni dpag tshad bcu dang / nyi shu dang sum cu dang / bzhi bcu'o// byang chub sems dpa' kha cig gi khrun ni dpag tshad brgya'o// byang chub sems dpa' kha cig gi khrun ni dpag tshad brgya phrag bcu dang / nyi shu dang / sum du dang / bzhi bcu'o// 'khor de nyid na byang chub sems dpa' kha cig gi ni dpag tshad stong ngo // 'khor de nyid na byang chub sems dpa' kha cig gi khrun ni dpag tshad stong phrag bcu dang / nyi shu dang / su ma cu dang / bzhi bcu dang / lnga bcu'o// byang chub sems dpa' kha cig gi khran ni dpag tshad bye ba'o// byang chub sems dpa' kha cig gis khrun ni dpag tshad bye ba phrag bcu dang / nyi shu dang / sum nu dang / bzhi bcu dang / lnga bcu'o// byang chub sems dpa' kha cig gi khrun ni dpag tshad bye ba phrag brgya'o// byang chub sems dpa' kha cig gi khrun ni dpag tshad bye ba phrag stong /
- 397b
byang chub sems dpa' kha cag gi khrun ni dpag tshad bya ba stong phrag bcu dang / nyi shu dang / sum cu dang / bzhi cu dang / lnga bcu yod de/ de dag thams cad kyis phyogs bcu'i 'jig rten gyi khams rab 'byams thams cad dang / gling thams cad na dus gcig tu de bzhin gshegs pa nyis gyur du mthong ngo // 'jam dpal gal te byang chub sems dpa' rnam par thar pa bsam gyis mi khyab pa la gnas pa gang la la zhig/ sems kyi skad cig skad cig la/ 'jig rten gyi khams lnga bcu'i rdul snyed kyi gom pa dor bas/ steng gi phyogs logs su song ste/ gom pa re res kyang 'jig rten gyi khams lnga bcu'i 'jig rten rdul snyed kyi 'jig rten gyi khams rgya mtshor song la/ de bzhin gshegs pa'i spyi gtsug tshol zhing de bzhin du 'jig rten gyi khams lnga bcu'i rdul snyed kyi bskal pa rgya mtshor song yang / der yang de bzhin gshegs pa nyis 'asrung du mthong ngo // de ci'i phyir zhe na/ ma 'dres pa'i chos dang ldan pa'i phyir ro// 'jam dpal de bzhin gshegs pa'i spyi gtsug bltar mi mthong ba mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so// 'jam dpal de la de bzhin gshegs pa'i sems can yongs su smin par mdzad pa spyod pa'i gnas rnams ni/ 'jam dpal phyogs bcu'i 'jig rten gyi khams rab 'byams thams
- 398a
cad kyi rdul phra rab kyi rdul rnams ni rab tu nyung gi/ 'jig rten gyi khams re re dang / gling re re dang rdul phra rab kyi rdul re re la/ de bzhin gshegs pa sems can yongs su smin par mdzad pa spyod pa'i gnas rnams ni ches mang ngo / / 'jam dpal 'jig rten gyi khams re re dang / gling re re dang / rdul phra rab kyi rdul re re la/ de bzhin gshegs pa sems can yongs su smin par mdzad pa spyod pa'i gnas ci snyed pa de bas ni/ de bzhin gshegs pa'i sku las 'od gser gyi rgya mtsho 'byung zhing byang chub sems dpa'i spyod pa rjes su sgrogs pa dag ches mang ngo / / sems kyi skad cig sems kyi skad cig la/ de bzhin du gtsug tor dang / mdzod spu dang / mtshan re re dang / dpe byad bzang po re re dang / spu'i khung bu re re nas/ zhing thams cad kyi rdul snyed kyi 'od zer rgya mtsho dag 'byung ste/ de la 'od zer rgya mtsho kha cig ni bsod nams kyi tshogs rgya mtsho grangs med pa rjes su sgrog go// 'od zer rgya mtsho kha cig ni ye shes kyi tshogs rgya mtsho grangs med pa rjes su sgrog go/ / 'od zer rgya mtsho kha cig ni pha rol tu phyin pa rgya mtsho grangs med pa rjes su sgrog go// 'od zer rgya mtshol cig ni sa rgya mtsho grangs med pa rjes su sgrog go/ 'od zer rgya mtsho kha cig ni ting nge 'dzin rgya mtsho grangs med pa rjes su sgrog go// 'od zer rgya mtsho kha cig ni rnam par thar pa rgya mtsho grangs
- 398b
med pa rjes su sgrog go/ 'od zer rgya mtsho kha cig ni so so yang dag par rig pa rgya mtsho grangs med pa rjes su sgrog go/ 'od zer rgya mtsho kha cig ni mngon par shes pa rgya mtsho grangs med pa rjes su sgrog go/ 'od zer rgya mtsho kha cig ni smon lam rgya mtsho grangs med pa rjes su sgrog go/ 'od zer rgya mtsho kha cig ni brtson 'grus rtsom pa rgya mtsho grangs med pa rjes su sgrog go/ 'od zer rgya mtsho kha cig ni dbugs 'byin pa snyed pa rgya mtsho grangs med pa rjes su sgrog go/ 'od zer rgya mtsho kha cig ni byang chub sems dpa' la 'jug pa rgya mtsho grangs med pa rjes su sgrog go/ 'od zer rgya mtsho kha cig ni de bzhin gshegs pa la 'jug pa rgya mtsho grangs med pa rjes su sgrog go/ 'od zer rgya mtsho kha cig ni sems can gyi bsam pa dang spyod pa la 'jug pa rgya mtsho grangs med pa rjes su sgrog go/ 'od zer rgya mtsho kha cig ni 'jig rten gyi khams la 'jug pa rgya mtsho grangs med pa rjes su sgrog go/ 'od zer rgya mtsho kha cig ni bskal pa la 'jug pa rgya mtsho grangs med pa rjes su sgrog go/ 'od zer rgya mtsho kha cig ni dus gsum la 'jug pa rgya mtsho grangs med pa rjes su sgrog go/ 'od zer rgya mtsho kha cig ni dus gsum bstan pa rgya mtsho grangs med pa rjes su sgrog go/ 'od zer rgya mtsho kha cig mi skyo ba'i sems bskyed pa rgya mtsho grangs pa rjes su sgrog go/ 'od zer rgya mtsho kha cig ni ye shes tha dad
- 399a
pa rgya mtsho grangs med pa rjes su sgrog go/ / thogs pa med pa/ sgrib pa med pa/ dbyer med pa/ nam mkha'i khams rgyas par 'gengs pa/ phyi ma'i mtha'i mu'i bskal par byin gyis brlob bo/ / 'jam dpal de bzhin gshegs pa'i sems can yongs su smin par mdzad pa spyod pa'i gnas rnams mdor bstan pa yin te/ rgyas par ni phyi ma'i mtha'i mu'i bskal par byin gyis brlabs kyang bstan par mi nus so/ / 'jam dpal de la de bzhin gshegs pa'i sems can yongs su smin par mdzad pa la mi 'jig pa ni/ 'jam dpal de bzhin gshegs pa skad cig skad cig la/ phyogs bcu'i 'jig rten gyi khams rab 'byams thams cad na zhing thams cad kyi rdul snyed kyi sems can rgya mtshe dag dus cig tu rdul gcig la yongs su smin par mdzad do/ / de la sems can rgya mtsho kha cig ni bsod nams kyi tshogs tha dad pa rgya mtsho grangs med pa'i bye brag bstan pa'i ye she kyi yongs su smin par mdzad do/ / sems can rgya mtsho kha cig ni ye shes kyi tshogs tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do// sems can rgya mtsho kha cig ni pha rol tu phyin pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do// sems can rgya mtsho kha cig ni sa tha dad pa
- 399b
rgya mtsho grangs med pa'i ye shes bye brag bstan pa'i ye shes kyis yongs su smin par mdzad do/ / sems can rgya mtsho kha cig ni gzungs tha dad pa rgya mtsho grangs med pa'i bye brag bstan/ pa'i ye shes kyis yongs su smin par mdzad do// sems can rgya mtsho kha cig ni tha dad pa ting nge 'dzin tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni rnam par thar pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do// sems can rgya mtsho kha cig ni so so yang dag par rig pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni mngon par shes pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni smon lam tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni brtson 'grus rtsom pa tha dad pa rgya mtsho grangs med pa'i re shes bye brag bstan pa'i ye shes kyis yongs su smin par mdzad do/ / sems can rgya mtsho kha cig ni dbugs 'byin pa rnyed pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do// sems can rgya
- 400a
mtsho kha cig ni byang chub sems dpa' la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni de bzhin gshegs pa la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni sems can gyi bsam pa dang spyod pa la 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni 'jig rten gyi khams la 'jug pa tha dad po rgya mtsho grangs med pa'i bye brag bstan pa'i ye shes kyis yongs su smin par mdzad do/ / sems can rgya mtsho kha cig ni bskal par 'jug pa tha dad pa rgya mtsho grangs med pa'i bye brag bstan pa'i ye shes kyis yongs su smin par mdzad do/ / de bzhin du dus gsum la 'jug pa dang / dus gsum bstan pa dang / mi skyo ba'i sems can bskyed pa dbyer med pa'i ye shes kyis yongs su smin par mdzad do/ / de bzhin du sems can rnam par sprul pa dang / zhing rnam par sprul pa dang / chos rnam par sprul pa dang / lus rnam par sprul pa dang / smon lam rnam par sprul pa dang / spyod yul rnam par sprul pa dang / ye shes rnam par sprul pa dang / mngon par shes pa rnam par sprul pa dang /
- 400b
rdzu 'phrul rnam par sprul pa dang / stobs rnam par sprul pa dang / rnam par rol pa'i ye shes rgya mtsho grangs med pa'i bye brag bstan pa'i ye shes kyis/ de bzhin du skad cig skad cig la sems can rgya mtsho zhing thams cad kyis rdul snyed dag rdul gcig la yongs su smin par mdzad do/ / 'jam dpal de bzhin gshegs pa'i sems can yongs su smin par mdzad pa la mi 'jig pa mngon bstan pa yin te/ rgyas par ni phyi ma'i mtha'i mu'i bskal par byin gyis brlobs kyang bstan par mi nus so// 'jam dpal rigs kyi bu 'am rig kyi bu mo gang la la zhig gis/ bskal pa rgya mtsho gang+gA'i klung gi bye ma snyed du/ 'jig rten gyi khams thams cad kyis rdul snyed kyi sems can dag la nyin cig bzhin lha'i zas ro brgya dang ldan pa byin pa dang / de bzhin du lha'i gos rnams sbyin pa bas/ rigs kyi bu 'am rigs kyi bu mo gzhan gang zhig gis/ dge bsnyen ston pa gzhan la mi sten pa/ dge ba bcu'i las kyi lam dang ldan pa cig la/ 'di ni sangs rgyas bcom ldan 'das kyi slab pa la bslabs pa'o snyam du bsam nas/ nyin cig zan cig byin na 'di ni de bas ches bsod nams grangs med pa skyed do/ / 'jam dpal rigs kyi bu'am rigs kyi bu mo gang la la zhig gis/ bskal pa gang+gA'i klung gi bye ma snyed du dge bsnyen ston pa gzhan la mi sten pa dge ba bcu'i lba
- 401a
kyi lam dang ldan pa/ 'jig rten gyi khams thams cad kyi rdul snyed dag la/ nyin cig gzhin lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu 'am rigs kyi bu mo gzhan gang zhig gis dge slong cig la nyin cig zan cig byin na/ 'di ni de bas ches bsod nams grangs med pa bskyed do// 'jam dpal rigs kyi bu 'am rigs kyi bu mo gang la la zhig gi bskal pa rgya mtsho gang+gA'i klung gi bye ma snyed du 'jig rten gyi khams thams cad kyi rdul snyed kyi dge slong dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu 'am rigs kyi bu mo gzhan gang zhig gis dad pas rjes su 'brang ba cig la ni nyin cig zan cig byin pa na/ 'di ni de bas ches bsod nams grangs med par skyed do// 'jam dpa la rigs kyi bu 'am ris kyi bu mo gang la la zhig gis/ bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi dad pas rjes su 'brang ba dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu 'am rigs kyi bu mo gzhan gang zhig gis chos kyis rjes su 'brang ba gcig la cig nyin cig zan cig byin na/ 'di ni de bas
- 401b
ches bsod nams grangs med par bskyed do/ / 'jam dpal rigs kyi bu 'am rigs kyis bu mo gang la la zhig gis/ bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi chos kyi rjes su 'brang ba dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas// 'jam dpal rigs kyi bu 'am rigs kyi bu mo gzhan gang zhig gis brgyad pa cig la nyin cig zan cig byin na/ 'di ni de bas bsod nams grangs med par bskyed do// 'jam dpa la rigs kyi bu 'am rigs kyi bu mo gang la la zhig gis/ bskal pa gang+gA'i klung gis bye ma snyed du 'jig rten gyi khams thams cad kyis rdul snyed kyi brgyad pa dag la nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal rigs kyi bu 'am rigs kyi bu mo gzhan gang zhig gis/ rgyun tu zhugs pa gcig la nyin cig zan cig byin na/ 'di ni de bas ches bsod nams grangs med par bskyed do// 'jam dpa la rigs kyi bu 'am rigs kyi bu mo gang la la zhig gis bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi rgyun tu zhugs pa dag la/ nyin cig bzhin du lha'i zas ro brgya dang ldan pa byin pa dang / de bzhin
- 402a
du lha'i gos rnams sbyin pa byin pa bas/ 'jam dpal rigs kyi bu 'am rigs kyi bu mo gzhan gang zhig gis/ lan cig phyir 'ong ba gcig la nyin cig zan cig byin na/ 'di ni de bas ches bsod nams grangs med par bskyed do// 'jam dpal rigs kyi bu'am rigs kyi bu mo gang la la zhig gis/ bskal pa gad+hA'i klung gi bye ma snyed du 'jig rten gyi khams thams cad kyi rdul snyed kyi lan cig phyir 'ong ba dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal rigs kyi bu 'am rigs kyi bu mo gzhan gang zhig gis/ phyir mi 'ong ba gcig la nyin cig zan cig byin na/ 'di ni de bas ches bsod nams grangs med par bskyed do/ / 'jam dpal rigs kyi bu 'am rigs kyi bu mo gang la la zhig gis/ bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi phyir mi 'ong ba dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam pa la rigs kyi bu 'am rigs kyi bu mo gzhan gang zhig gis dgra bcom pa gcig la nyin cig zan cig byin na/ / 'di ni de bas ches bsod nams grangs med par bskyed do// 'jam dpal rigs kyi bu 'am
- 402b
rigs kyi bu mo gang la la zhig gis/ bskal pa gang+gA'i klung gi bye ma snyed du 'jig rten gyi khams thams cad kyis rdul snyed kyi dgra bcom pa dag la/ nyin cig bzhin du lha'i zas ro/ brgya dang ldan pa byin pa dang / de bzhin du lha'i gos rnams sbyin pa byi pa bas/ 'jam dpal rigs kyi bu'am rigs kyi bu mo gzhan gang zhig gis/ rang sangs rgyas gcig la nyin cig zan cig byin na/ 'di ni de bas ches bsod nams grangs med par bskyed do// 'jam dpal rigs kyi bu 'am rigs kyi bu mo gang la la zhig gis/ bskal pa gang+gA'i klung gi bye ma snyed du 'jig rten gyi khams thams cad kyi rdul snyed kyi rang sangs rgyas dag/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ rigs kyi bu 'am rigs kyi bu mo gzhan gang zhig gis/ sangs rgyas ri mo bris pa 'am gzugs su byas pa mthong na/ 'di ni de bas ches bsod nams grangs med par bskyed do// thal mo sbyor ba 'am/ me tog gam/ bdug pa 'am/ spos sam/ mar me 'bul ba lta ci smos te/ 'di ni de bas ches bsod nams grangs med par bskyed do// 'jam dpal rigs kyi bu 'am rigs kyi bu mo gang la la zhig gis/ bskal pa gang+gA'i klung gi bye ma snyed du/ sangs rgyas bcom ldan 'das nyan thos kyi dge 'dun dang bcas pa gang+gA'i klung gi bye ma
- 403a
snyed dag la/ nyin cig bzhin du lha'i zhal zas ro brgya dang ldan pa phul ba dang / de bzhin du lha'i na bza' rnams phul ba bas/ rigs kyi bu 'am rigs kyi bu mo gzhan gang zhig gis/ tha na phyugs kyi shing rta lta bur 'gro ba'i byang chub sems dpa' bsam pa phun sum tshogs pa cig la/ sangs rgyas la skyed pa'i dge ba'i rtsa ba ci yang rung bas yongs su 'dzin te/ za na nyin cig zan cig byin pa na yang 'di ni de bas ches bsod nams grangs med par bskyed do// 'jam dpal rigs kyi bu 'am rigs kyi bu mo gang la la zhig gis/ bskal bar gang+gA'i klung gi bye ma snyed du/ phyugs kyi shing rta lta bus 'gro ba'i byang chub sems dpa' 'jig rten gyi khams thams cad kyi rdul snyed dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams byin pa byin pa bas/ rigs kyi bu 'am rigs kyi bu mo gzhan gang zhig gis/ glang po che'i shing rta lta bus 'gro ba'i byang chub sems dpa' cig la/ sangs rgyas la bskyed pa'i dge ba'i rtsa ba ci yang rung bas yongs su 'dzin te/ tha na nyin cig zan cig byin na yang / 'di ni de bas ches bsod nams grangs med par bskyed do/ / 'jam dpal rigs kyi bu 'am rigs kyi bu mo gang la la zhig gis/ bskal pa gang+gA'i klung gi bye ma snyed du/ glang po che'i shing rta lta bus 'gro
- 403b
ba'i byang chub sems dpa' 'jig rten gyi khams thams cad kyi rdul snyed dag la/ nyin cig gzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal rigs kyi bu 'am rigs kyi bu mo gzhan gang zhig gis/ zla ba dang nyi ma'i shing rta lta bus 'gro ba'i byang chub sems dpa' cig la/ sangs rgyas la bskyed pa'i dge ba'i rtsa ba ci yang rung bas yongs su 'dzin te/ tha na nyin cig zan cig byin na yang / 'di ni de bas ches bsod nams grangs med par bskyed do// 'jam dpal rigs kyi bu'am rigs kyi bu mo gang la la zhig gis/ bskal pa gang+gA'i klung gi bye ma snyed du/ zla ba dang nyi ma'i shing rta lta bus 'gro ba'i byang chub sems dpa' 'jig rten gyi khams thams cad kyi rdul snyed dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpa la rigs kyi bu 'am rigs kyi bu mo gzhan gang zhig gis/ nyan thos kyi rdzu 'phrul gyis 'gro ba'i byang chub sems dpa' gcig la nyin cig zan cig byin na/ 'di ni de bas ches bsod nams grangs med par bskyed do/ / 'jam dpal rigs kyi bu 'am rigs kyi bu mo gang la la zhig gis/ bskal pa gang+gA'i klung gi bye ma snyed du/ nyan thos kyi rdzu 'phrul gyis 'gro
- 404a
ba'i byang chub sems dpa' 'jig rten gyi khams thams cad kyi rdul snyed dag la nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'jam dpal rigs kyi bu 'am rigs kyi bu mo gzhan gang zhig gis/ de bzhin gshegs pa'i rdzu 'phrul gyis 'gro ba'i byang chub sems dpa' gcig la nyin cig zan cig byin na/ 'di ni de bas ches bsod nams grangs med par bskyed do// 'jam dpa la rigs kyi bu 'am rigs kyi bu mo gang la la zhig gis bskal pa gang+gA'i klung gi bye ma snyed du/ de bzhin gshegs pa'i rdzu 'phrul gyis 'gro ba'i byang chub sems dpa' 'jig rten gyi khams thams cad kyi rdul snyed dag la/ nyin cig bzhin du lha'i zas ro brgya dang ldan pa byin pa dang / de bzhin du lha'i gos rnams sbyin pa byin pa bas/ 'di ni rigs kyi bu 'am rigs kyi bu mo gzhan gang zhig gis chos kyi rnam grangs 'di yi ger 'dri ba dang / yi ger 'drir 'jug pa dang / klog pa 'di ni de bas ches bsod nams grangs med par skyed do// bzlog ste bsti stang ma byas pa'i mi dge ba'i las kyang de bzhin du brjod par bya'o/ / phyugs kyi shing rta lta bus 'gro ba dang / ra'i shing rta lta bus 'gro ba dang / glang po che'i shing rta lta bus 'gro
- 404b
ba dang / zla ba dang nyi ma'i shing rta lta bus 'gro ba dang / nyan thos kyi rdzu 'phrul gyis 'gro ba 'ang / de bzhin te/ 'jam dpal rigs kyi bu 'am rigs kyi bu mo gang la la zhig gis/ 'jig rten gyi khams thams cad kyi rdul snyed kyi nyan thos kyi rdzu 'phrul gyis 'gro ba'i byang chub sems dpa' rnams kyi dge ba'i rtsa ba rnams kyi bar chad byas pa bas/ 'jam dpal rigs kyi bu'am rigs kyi bu mo gzhan gang zhig gis/ de bzhin gshegs pa'i rdzu 'phrul gyis 'gro ba'i byang chub sems dpa' gcig la/ za na dud 'gro'i skyes gnas su rtogs pa'i dge ba'i rtsa ba'i bar chad byed cing khro ba dang brnyes pa'i sems bskyed na/ 'di ni de bas ches bsod nams ma yin pa grangs med par bskyed do/ / 'jam dpal rigs kyi bu 'am rigs kyi bu mo gang la la zhig gis/ phyogs bcu'i 'jig rten gyi khams thams cad kyi rdul snyed kyi sems cad rnams kyi mig phyung nas bdog pa thams cad phrogs pa bas/ rigs kyi bu 'am rigs kyi bu mo gzhan gang zhig gas/ byang chub sems dpa' la brnyas pa'i sems bskyed de/ gshe 'dang mi snyan par smra ba dang rnyog par byed na/ de bas ches sdig pa mang du skyed do// 'jam dpal rig kyi bu'am rigs kyi bu mo gang la la zhig gis/ byang chub sems dpa' la rkye
- 405a
ci yang rung bas brnyas pa bskyed de spyod pa na/ de mi dge ba'i las des sem can dmyal ba ngu 'bod chen por lus dpag tshad lnga brgyar skye bar 'gyur te/ de la mgo lnga brgya yod par 'gyur ro/ / de'i mgo re re la yang la lnga brgya yod par 'gyur/ de'i kha re re la yang lce lnga brgya yod par 'gyur/ lce re re la yang gshol lce lnga brgyas rmo bar 'gyur ro/ / 'jam dpal rigs kyi bu 'am rigs kyi bu mo gang la la zhig gis/ stong gsum gyi stong chen po'i 'jig rten gyi kham rnams su skyes pa'i sems can thams cad la dbyug pa dang mtshon cha yis bsnun te bdog pa thams cad phrogs pa bas/ rigs kyi bu 'am rigs kyi bu mo gzhan gang zhig gis/ byang chub sems dpa' la brnyas pa'i sem bskyed nas/ khro ba dang gnod sems dang tha ba dang khros pa'i sems bskyed na/ 'di ni de bas ches sdig pa grangs med par bskyed do// 'jam dpal rigs kyi bu 'am rigs kyi bu mo gang la la zhig gis/ sdang ba'i sems kyis sems can rnams la gnod par 'dod cing / 'jig rten gyi khams gang+gA'i klung gi bye ma snyed dag na/ 'jig rte gyi khams re re dang gling re re na/ dgra bcom pa gang+gA klung gi bye ma snyed dag gi srog bcad pa dang / rin po che'i mchod rten rin po che'i stegs bus yongs su bskor cing / gdugs dang / rgyal mtshan dang / lha'i ba dan gtsugs pa
- 405b
/ gang+gA'i bye ma snyed dag bshigs pa byas/ 'jam dpal rigs kyi bu 'am rigs kyi bu mo gang zhig gis/ theg pa chen po la mos pa'i byang chub sems dpa'i theg pa chen po nyid la sgro btags te brnyas pa'i sems bskyed nas/ rkyen cis kyang rung khro ba dang gshe ba dang / mi snyan pa zer ba dang / khyad dus gsod par byed na/ 'di ni de bas ches sdig pa grangs med par bskyed do/ / de ci'i phyir zhe na/ byang chub sems dpa' las de bzhin gshegs pa nges par 'byung ba'i phyir te/ de ni sangs rgyas kyi rigs mi gcod pa'i phyir zhugs pa yin no/ / gang byang chub sems dpa' la skur pa des chos spangs pa yin no// chos kyang gzhan la chos yongs su 'dzin pa'i byang chub sems dpa' gzhan yang gzhan ma yin te/ byang chub sems dpa' nyid chos so// 'jam dpal rigs kyi bu 'am rigs kyi bu mo gang la la zhig khros nas/ phyogs bcu'i 'jig rten gyi khams thams cad kyi sems can thams brtson ra mun nag dag tu bcug pa bas/ rigs kyi bu 'am rigs kyi bu mo gang la la zhig khros te/ byang chub sems dpa' la rgyab kyis phyogs shing 'dug nas/ ma rungs pa 'di mi blta'o// zhes zer na/ 'di ni de bas ches sdig pa grangs med par bskyed do// 'jam dpal rigs kyi bu 'am rigs kyi bu mo gang la la zhig gi/
- 406a
'dzam bu'i gling gi sems can thams cad kyi bdog pa thams cad phrog pa bas/ gzhan gang zhig gis byang chub sem pa'i ci lta bu yang rung ba la smad na/ 'di ni de bas ches sdig pa grangs med par bskyed do// 'jam dpal 'di lta ste/ dper na ri'i rgyal po ri rab kyis 'di lta ste/ mtho ba dang / yangs pa dang che bas/ ri thams cad zil gyi mnan nas lham me lhan ne lhang nge'o/ / 'jam dpal de bzhin du byang chub sems dpa' chos kyi rnam grangs 'di la mos pas kyang / 'di lta ste/ mtho ba dang yangs pa dang che bas/ phyogs bcu'i dag na byang chub sems dpa'achos kyi rnam grangs 'di la ma mos pa 'jig rten gyi khams thams cad kyi rdul snyed yod pa de dag gi dge ba'i rtsa ba pha rol tu phyin pa lnga/ las byung ba/ bskal pa grangs med par bsags pa zil gyis mnon nas/ lham me lhan ne lhang nge'o// 'jam dpal rigs kyi bu 'am rigs kyi bu mo gang la la zhig gis/ phyogs bcu'i 'jig rten gyi khams thams cad kyis sems can thams cad byang chub kyi sems la bkod pa bas/ 'jam dpal rigs kyi bu 'am rigs kyi bu mo gzhan gang zhig gis/ phung po med pa'i gzhi la mos na/ 'di ni de bas ches bsod nams grangs med par bskyed do// 'jam dpal gal te sems can phung po med pa'i gzhi la mos par 'gyur ba bas/ 'jam
- 406b
dpal rigs kyi bu 'am rigs kyi bu mo gzhan gang zhig chos kyi rnam grangs 'di la mos la/ mos nas kyang yi ger 'dri ba dang / yi ger 'drir 'jug pa dang / klog pa dang / klog du 'jug pa dang / tha na glegs bam du bris pa la mos nas 'dzin par byed cing / mar me dang / me tog dang / bdug pa dang / spos dang / phreng ba dang / byug pa rnams kyis mchod par byed na/ 'di ni de bas ches bsod nams grangs med par bskyed do// 'jam dpal rigs kyi bu 'am kyi bu mo gang la la zhig gis/ phyogs bcu'i 'jig rten gyi khams thams cad du gtog pa'i sems can nyan thos kyi theg pa la yang dag par zhugs pa dag/ nyan thos kyi theg pa la yang dag par zhugs pa re re'i dge ba'i rtsa ba gzhal du med pa grang med/ nam dang / 'khor los sgyur ba'i rgyal por 'gyur ba'i dge ba'i rtsa ba rnams dang lha'i 'jig rten du skye ba'i dge ba'i rtsa ba rnams chud gzon pa bas gzhan gang zhig gis/ byang chub sems dpa'i dge ba'i rtsa ba gcig chud zos par byas na/ 'di ni de bas ches sdig pa grangs med par skyed nas/ gshe ba dang mi snyan par smra ba lta ci smos/ 'jam dpal rigs kyi bu 'am rigs kyi bu mo gang la la zhig gis/ mchod rten gang+gA'i klung gi bye ma snyed dag bshig pa dang bsregs pa bas/ rigs kyi bu 'am rigs kyi bu mo gzhan gang zhig gis/ theg pa chen po la
- 407a
mos pa'i byang chub sems dpa' la gnod sems dang tha ba dang khro ba'i sems bskyed de/ gshe ba mi snyan par smras na/ 'di ni de bas ches sdig pa grangs med par bskyed do/ / de ci'i phyir zhe na/ byang chub sems dpa' las sangs rgyas bcom ldan 'das rnams nges par byung la/ sangs rgyas las mchod rten rnams byung zhing / sangs rgyas las 'jig rten thams cad dang lha'i ris thams cad kyi bde ba'i yo byad thams cad byung la/ sangs rgyas kyang byang chub sems dpa' las byung bas na/ byang chub sems dpa' la bste/ stang ma byas pa ni/ sangs rgyas thams cad la bsti stang ma byas pa yin no// byang chub sems dpa' la bsti stang byas pa ni sangs rgyas thams cad la bsti stang byas pa yin no// sangs rgyas thams cad la mchod pa bla na med pas mchod pa byed 'dod pas byang chub sems dpa' rnams la mchod par bya'o// 'jam dpal gal te grong khyer la la zhig ni/ byang chub sems dpa' bye ba brgya'am/ bye ba stong ngam/ bye ba brgya stong ngam/ gzhal du med pa grangs med pa dag yod la chos kyis rnam grangs 'di la ma mos na/ de dag gis las ni rgyal po 'khrug par 'gyur ba 'am/ chus 'khrug par 'gyur ba'i lA sa ma// chom rkun gyis 'khrug par 'gyur ba'i las sam/ mu ges 'khrug par 'gyur ba'i lA sam/ mes 'khrug par
- 407b
'gyur ba'i las sam/ kla klos 'khrug par 'gyur ba'i las su 'gyur ro// grong khyer chen po de na chos kyi rnam grangs 'di la mos pa'i byang chub sem dpa' yod na/ de'i las ni bskal pa grangs med par mtshams med pa'i gnas su mi 'gyur/ grong khyer der 'khrug par mi 'gyur ro// gal te byang chub sems dpa' de dag gi las rgyal po 'khrug par 'gyur ba mi 'byung chus 'khrug par 'gyur ba'i las mi 'byung / chom rkun gyis 'khrug par 'gyur ba'i las mi 'byung / mu ges 'khrug par 'gyur ba'i las mi 'byung / mes 'khrug par 'gyur ba'i lA mi 'byung / kla klos 'khrug pa'i las mi 'byung la/ chos kyi rnam grangs 'di la mos pa'i byang chub sems dpa'i las bskal pa rgya mtsho grangs med par sems can dmyal ba dang / dud 'gro dang / yi dgas su skye bar 'gyur ba yod na/ der 'khrug par 'gyur ro// de ci'i phyir zhe na/ de'i las bskal pa grangs med pa brjod du med par mtshams med par skye bar 'gyur ba dang / de'i las bskal pa bcu dang / nyi shu dang / sum cur ngan song myong bar 'gyur ba yang tshe 'di la myong ste 'khrug pas byang bar 'gyur ro// de ci'i phyir zhe na/ bsod nams chen po'i tshogs bsags pa'i phyir ro/ / 'jam da pa la 'di lta ste/ dper na brgyar dpag tshad brgya pa'i rdzing yan lag brgyad dang ldan pa'i chus gang la dug srang stong yang mi gdug
- 408a
par 'gyur ro/ / de ci'i phyir zhe na/ chu'i phung po chen pos rab tu bye ba'i phyir ro// 'jam dpal de bzhin du bskul pa grangs med par sem can dmyal ba dang / dud 'gro dang / yi dgas kyi nang du gnas par 'gyur ba'i las rab tu mang ba yang rnam par smin par mi 'gyur ro// de ci'i phyir zhe na/ chu'i phung po chen pos rab tu bye ba'i bsod nams kyi tshogs chen po bsags pa'i phyir ro/ / bcom ldan 'das kyi skad ces bka' stsal nas/ dge slong de dag nga byang chub sa dpa' phyogs bcu nas 'dus pa dpag tu med pa grangs med pa rnams dang / lnga dang / mi dang / lA ma yin dang / dri zer bcas pa'i 'jig rten yi rang ste/ bco ldan 'das kyis gsungs pa la mngon par bstod do/ / 'phags pa dang pa'i stobs bskyed pa la 'jug pa'i phyag rgya zhes bya ba theg pa chen po'i mdo rdzogs so//