Text
ff. 1a–408a · 815 folio sides
- 1a
dpal mchog dang po'i rgya cher bshad pa slob dpon kun dga' snying pos mdzad pa bzhugs/
- 1b
de ltar 'dod chags la sogs pa'i gnyen por gyur pa rdo rje sems dpa' dang/ de bzhin gshegs pa dang/ rdo rje dang/ pad+ma dang/ nor bu'i rigs rnams bshad nas/ da ni 'jig rten pa'i lha rnams kyi tshul gyis 'dul ba'i sems can gyi khams nas brtsams te/ de nas rgyal po rdo rje 'dzin zhes bya ba la sogs pas ming po gsum gyi rtog pa gsungs pa yin no/ /de nas zhes bya ba'i sgra ni de ma thag pa ste/ dang po'i sbyor ba'i ting nge 'dzin gyi rjes thogs nyid la'o 'dir
- 2a
dang po sbyor ba'i ting nge 'dzin ni dpal rdo rje sems dpa' i dkyil 'khor chen po bshad pa nyid yin no/ /rgyal po rdo rje 'dzin ces bya ba ni go bar zad do/ /'jig rten gsum po zhes bya ba ni sems can rnams 'dul ba'i phyir/ sa'i 'jig rten dang/ bar snang gi 'jig rten dang/ mtho ris kyi 'jig rten dang/ ming po gsum gyi tshul gyis bzhugs shing de'i chos nyid yin pas na 'jig rten gsum mo/ /khams gsum pa zhes bya ba ni sems kyi don dang/ chos nyid kyis 'dod pa dang/ gzugs
- 2b
dang gzugs med pa'i tshul gyis bzhugs pa'o/ /bdag po zhes bya ba ni khams gsum pa'i chos kyi rgyal srid kyi dbang bskur ba brnyes pas na khams gsum pa'i bdag po'o/ /rgyu ba dang mi rgyu ba dang dngos po thams cad kyi ngo bo yin pas na thams cad do/ /lha chen po la sogs pa 'jig rten pa gsum po la tshar gcod pa dang/ phan 'dogs par mdzad pa ni 'jig rten gsum gyi ston pa'o/ /cho ga bzhin du sgom gyur cing zhes bya ba ni ming po gsum gyi dkyil 'khor gyi tshul gyis sems can thams cad kyi don bya ba de sgom zhing mngon sum du mdzad pa'o/ /sems can don phyir cho gas bzhugs zhes bya ba ni ming po gsum gyi bag chags dang ldan pa'i sems can gyi khams rnams la ming po gsum rtogs pa bskyed par
- 3a
bya ba'i phyir cho ga bzhin du bzhugs pa ni sems can gyi don de bsgom par mdzad pa'o/ /ji ltar bsgom par mdzad ce na/ 'dod chags zhes bya ba gsungs te/ sems can thams cad kyi rgyud la yod pa'i 'dod chags dang/ zhe sdang dang/ gti mug rnams ni rnam pa thams cad du gzung ba dang 'dzin pa'i rnam par rtog pa'i ngo bos gnas pas na rnam par gnas shes bya'o/ /mi mnyam pa'i rten 'gyur na zhes bya ba ni dngos por 'dzin pa la mngon par zhen pa nyid kyis mngon sum du byas pa'o/ /dug nyid du 'gro zhes bya ba la rgyu ba dang mi rgyu ba'i dug dang 'dra bar sems can thams cad kyi dge ba'i rtsa ba'i srog 'phrog par byed pas na dug go /de'i ngo bo nyid yin pas na dug nyid do/ /nye bar 'gro zhes bya ba ni dug gi rang bzhin ma yin yang 'di dag dug gi bya ba byed pa'i tha tshig go /bdud rtsi
- 3b
nyid du 'gyur ba yin zhes bya ba la bdud ni 'chi ba'o/ /de 'di la med pas na 'chi ba med pa ste/ mya ngan las 'das pa bdud rtsi'o/ /de'i ngo bo nyid yin pas ni bdud rtsi nyid yin no/ /'ang zhes bya ba'i sgra ni khyad par gyi don no/ /'gyur ba yin zhes bya ba ni 'gro ba'i zhes bya ba'i tha tshig go /ji ltar 'gyur zhen bdud rtsi nyid kyis bsten 'gyur na zhes bya ba gsungs te mya ngan las 'das pa'i don du rang bzhin med pa'i ngo bo nyid kyis mngon sum du byas pas na bdud rtsi nyid du bsten pa yin no/ /'di skad ston pa yin te/ 'dod chags dang/ zhe sdang dang/ gti mug rgyal bar byed pa dang/ sbrang rtsir byed pa dang/ don thams cad grub par byed pa'i tshul du yongs su rtog cing dngos po la mngon par zhen pas brten na ni ngan song gsum gyi rgyur gyur pa yin la/ rang bzhin gyis rnam par dag par bsgoms pas mngon sum du byas nas thar pa chen po bskyed par gyur pa yin no/ /'dod chags tshangs pa 'byin pa'i mchog ces bya ba ni sems can thams cad kyi rgyud la yod pa'i 'dod chags ni ting nge 'dzin gyis tshangs pa yin zhing 'jig rten thams cad kyi dam pa yin pas mchog yin la skye bas na 'byin pa'o/ /de gdul bya rnams la phan gdags par bya ba'i phyir bcom ldan 'das rdo rje sems dpa' tshangs pa yin par
- 4a
gsungs so/ /zhe sdang drag po zhes bya ba ni sems can thams cad kyi rgyud la yod pa'i zhe sdang ni ting nge 'dzin gyis na drag po yin no/ /ting nge 'dzin gyis bya ba ni sgom pa'i stobs kyis so/ /gti mug khyab 'jug ces bya ba ni sems can thams cad kyi rgyud la yod pa'i gti mug ni khyab 'jug gi tshul du bskyed pa yin no/ /brtan mdzad nas 'jig rten gsum po byin gyis brlabs zhes bya ba ni de ltar 'dod chags dang zhe sdang dang gti mug 'tshal ba la sogs pa'i tshul du bskyed nas/ de la mos pa'i sems can rnams mgu bar bya ba'i phyir 'khor ba ji srid par du brten par mdzad nas de'i rjes la rgyal bar byed pa dang/ sbrang rtsir byed pa dang don thams cad sgrub par byed pa'i tshul gyis 'dod chags la sogs 'jig rten gsum po yang dag par byin gyis brlabs shing bskyed par mdzad pa yin no/ /ci'i phyir zhe na/ 'dod chags zhes bya ba la sogs pa gsungs te gang gi phyir 'dod chags dang zhe sdang dang gti mug gi rang bzhin 'jig rten gsum po ni rtag par gnas shing rgyun mi 'chad pa nyid du gnas dang/ srid pa gsum ste 'dod pa dang/ gzugs dang gzugs med pa'i srid pa rnam pa gsum ste/ chos rnam pa gsum gyi tshul gyis bsten cing rang bzhin dag bas mngon du bya/ mchog gsum ste rgyal bar bya ba dang / sbrang rtsir bya ba dang/ don thams cad grub par byed pa'i rang
- 4b
bzhin du 'gyur ro/ /chos min bsten pas ngan song gsum zhes bya ba ni rgyal bar byed pa dang/ sbrang rtsir byed pa dang don thams cad grub par byed pa'i rang bzhin 'dod chags dang zhe sdang dang gti mug dngos por 'dzin pa la mngon par zhen pas bsten pa dang/ dmyal ba dang/ yi dags dang byol song dud 'gro'i mtshan nyid can gyi ngan song gsum du 'gyur ro/ /'dod chags sbrang rtsir byed par bshad ces bya ba ni 'dod pa'i lha'i gzugs 'dzin pa'i tshangs pa la ni sbrang rtsir byed pa zhes bya'o/ /zhe sdang rgyal bar byed ces grags ces bya ba'i stobs bzang gis gzugs 'dzin pa'i drag po ni rgyal bar byed pa zhes bya'o/ /gti mug der ni sgrub byed yin zhes bya ba ni dpyid kyi gzugs 'dzin pa'i khyab 'jug gi don thams cad grub pa zhes bya'o/ /kun tu gsang ba'i ming yin no/ /zhes bya ba ni skye bo thams cad kyi thun mong ma yin gyi/ phyogs bcu thams cad du rnal 'byor pa nyid la ming 'di dag grags pa yin no/ /da ni 'jig rten gcig pu nyid ces bya ba ni sems tsam gyi tshul gyis 'dod chags dang zhe sdang dang gti mug nyid 'jig rten yin no/ /'jig rten gsum du rab tu bshad ces bya ba ni rnam par dbye ba'i tshul ni 'dod chags ni tshangs pa zhe sdang ni drag po'o/ /gti mug ni khyab 'jug yin no zhes rab tu bshad cing ngas ting nge 'dzin gyi stobs kyis bskyed de bshad pa yin no zhes bcom ldan 'das rdo rje 'chang chen pos gsungs so// yang de ltar rnam par shes pa tsam du ni gcig tu zad la/ de'i tshul gyis ni rnam par bzhag pa ji ltar shes na/ da ni 'dod pa gcig pu nyis ces bya ba gsungs te/ gang gi phyir chos kyi dbyings thog ma dang tha ma med pa'i ngo bo nyid kyis ni don dam par gcig bu nyid yin zhing byang chub kyi mtshan ma ming can gyi sems kyi ngo bo yin pas na 'dod pa yin la/ 'di'i rgyu mthun pa las byung pa'i 'dod pa'i lha'i gzugs can gyi tshangs pa yin pas na 'dod pa'o/ /drag po ni stobs bzang gi gzugs can no/ /g.yung drung ni dpyid kyi
- 5a
gzugs can khyab 'jug go/ de bas na rgyu gcig gi rgyu mthun las byung ba nyid kyis na 'jig rten gsum po 'di dag gcig bu nyid yin no zhes rdo rje 'chang chen pos rab tu bshad cing gsungs pa yin no/ /de nas zhes bya ba'i sgra ni de ma thag pa ston pa'i tshig yin te/ de ltar 'jig rten gsum gyi de kho na nyid bshad nas de'i rjes thogs nyid la/ ming po gsum po 'di'i mchog rdo rje 'chang dngos por 'dzin pa la mngon par zhen pa yang spang bas byang chub kyi mtshan can gyi sems rtogs pa ni sbyangs pa ste/ don de'i phyir rdo rje bzang po zhes bya ba stong pa nyid kyi rdo rje shin tu rdzogs par mdzad pas na rdo rje bzang po 'dzin pa'o/ /gzugs ni gsum po 'di dag nyid ces bya ba rgyal bar byed pa dang/ sbrang rtsir byed pa dang/ don thams cad grub par byed pa'i lus gsum pa ste/ de dag bskyed par mdzad pa'o/ /nyid ces bya ba ni nges par bzung ba ste/ gzugs gsum po 'di dag kho na'o/ /bdag nyid kho na phyung ba yin zhes bya ba ni bdag nyid kyi rang gi rgyud rgyal bar byed pa dang/ sbrang rtsir byed pa dang/ don thams cad grub pa'i gzugs su bcom ldan 'das rdo rje 'chang chen por byin gyis brlabs shing phyung la bskyed par mdzad pa yin no/ /ci'i phyir gzugs gsum po der bdag nyid kyis bdag nyid byin gyis rlob par ce na/ gang phyir 'jig rten 'di dag ni/ /rtag tu yang ni 'di skad smras zhes bya ba gsungs te/ gang phyir sa 'og sa bla mtho ris pa'i rang bzhin can gyi ming po gsum la 'khor ba thog ma med pa nas rtag par lhag par dad par 'di dag go/ yang zhes bya ba sgra ni khyad par du bya ba'i don to/ /de bzhin gshegs pa la sogs pa lhag par mos pa'i sems las bltos pa yin no/ /tshangs pa la sogs pa gang yin pa de ni tshangs pa la sogs kyis 'dul te/ drag po dang khyab 'jug la sogs pa 'dul zhing de la mos pa'i sems can gang yin pa'o/ /yang dag
- 5b
sangs rgyas byang chub snod ma yin zhes bya ba ni gzhan dag gis 'dul ba'i 'jig rten 'di ni yang dag cing phyin ci ma log pa'i sangs rgyas kyi byang chub mngon sum du byed pa snod ma yin zhing skal pa med pa yin la de bas na gzugs gsum por bdag nyid kyis bdag nyid byin gyis brlab par mdzad pa yin no/ /de rnams sbyang ba'i phyir zhes bya ba'i gzugs gsum por bdag nyid byin gyis brlabs pas sems can de rnams kyi dngos po la mngon par zhen pa'i sems rnam par bsam par mdzad nas sangs rgyas pa thob par mdzad pa'i phyir bcom ldan 'das rdo rje 'chang chen po rang nyid rgyal bar byed pa dang/ sbrang rtsir byed pa dang/ don thams cad grub par byed pa'i gzugs su mdzad par byed pa'i rgyu des gzugs gsum nyid kyis tshangs pa la sogs pa 'dul ba de rnams kyi sems rnam par sbyangs nas bcom ldan 'das ci zhig mdzad ce na/ phyis ni sangs rgyas nyid mi 'gyur zhes bya ba gsungs te/ tshangs pa la sogs pa de rnams de bzhin nyid rtogs pa'i sa brgyad pa'i rang bzhin can gyis sems su bskyed pa mdzad nas/ phyis nas sangs rgyas nyid du rtag cing mi 'gyur bskyed par mdzad pa yin no/ /'di skad ston te/ tshangs pa dang/ khyab 'jug dang/ dbang phyug chen po dang/ de la mos pa'i sems can rnams ming po gsum gyi tshul gyis rang bzhin gyis dag pa'i ting nge 'dzin gyis sangs rgyas nyid la nges par sbyar ba'i phyir bcom ldan 'das rdo rje 'chang ba gzugs gsum par bdag nyid kyis byin gyis rlob par mdzad pa yin no/ /de nas sems can de rnams gzugs gsum por 'dzin par mdzad pa'o/ /rdo rje sems dpa' las chos thos nas de bzhin gshegs par 'gyur ba yin no/ /de nas zhes bya ba'i sgra ni de ma thag pa ste de ltar bshad ma thag pa'i tshul gyis bcom ldan 'das rdo rje 'chang chen po tshangs pa la sogs pa lha rnams sangs rgyas nyid la rab tu bzhag pa'i rjes thogs nyid la'o/ /'jig rten gsum gyi mchog kyang yin la dbang phyug chen po yang yin pas na 'jig
- 6a
rten gsum gyis cho ga dbang phyug chen po'o/ /dkyil 'khor zhes bya ba ni 'jig rten gsum gyi gsang ba'i dkyil 'khor du'o/ /der zhes bya ba ni dkyil 'khor der ro/ /rang gi zhes bya ba ni bdag nyid kyi'o/ /gsang ba'i snying po zhes bya ba ni gsang ba ston par byed pa 'am gsang bskyed par byed pa'i snying po'o/ /rang gi rab grub phyir rab phul zhes bya ba ni rang nyid grub par byed pa'i phyir snying po phul ba ste/ ming po gsum gyi tshul gyis gdul bya rnams sangs rgyas kyis byang chub tu grub cing mngon par byang chub pa thob par bya ba'i phyir tshangs pa la sogs pas rang gi snying po phul lo zhes bya ba'i tha tshig go /de ltar na de nas rgyal po rdo rje 'dzin ces bya ba nas brtsams te/ oM b+hur b+hu ba swA zhes bya ba'i bshad pas ni ting nge 'dzin gnyis pa gsungs pa yin no/ /bsdu ba sngon du 'gro ba nas brtsams te/ gsum pa yin par shes par bya'o/ /de ltar ting nge 'dzin gsum gsungs pa nas da ni dam tshig dbang bskur ba thob pa rnams kyi bzlas brjod dang bsgom pa bya'o zhes bya ba bstan pa'i phyir/ zur bzhi pa la sgo bzhi pa zhes bya ba la sogs pas slob dpon gyi las kyi cho ga dang slob ma 'jug pa la sogs pa'i cho ga rgyas pa gsungs pa yin no/ /zur bzhi pa la zhes bya ba ni go bar zad do/ /de kho na nyid ni snying stobs rdul dang mun pa nyid/ /tshangs pa drag po g.yung drung ste/ /ming po gsum pa 'di nyid ni/ /nam yang brnyas par mi bya'o zhes bya ba 'di nyid ni gsang ba yin no/ /gal te khyod kyis rtse gsum bcag snying po snod min la smras saM ji skad smras pa'i chos rnams ni/ /gal te 'di ni ma spyad dam zhes bya ba'i dam tshig byin la slob ma rnams la de kho na nyid gsang ba brjod pa 'di bya zhing/ b+hur b+hu ba swA ya zhes bya ba 'jug pa'i glu dang zlos shing rdo rje'i shugs kyis 'dir 'jug par bya'o/ cho ga lhag ma rnams ni sngar mang po gsum gyi nang du bshad zin pas de nyid las khong du chud par bya'o/ /'jig rten gsum 'byin pa'i rgyud bshad pa rdzogs so// //de ltar 'jig rten gsum 'byin pa'i rgyud gsungs nas/ da ni de nas zhes bya ba la sogs pa sring mo bzhi pa'i 'byin
- 6b
pa'i rgyud gsungs pa yin no/ /de nas zhes bya ba'i sgra ni de ma thabs pa ste/ dang po'i sbyor ba'i rjes thogs nyid la'o/ /'dir dang po sbyor ba'i ting nge 'dzin ni ming po gsum gyi dkyil 'khor las bshad ba nyid yin no/ /kun tu chags dang zhe sdang rmongs/ /bstan par byed pa'i rgyud yin no zhes bya ba ni ming po gsum gyi rnal 'byor pa rnams kyi yang dag par sbyor ba'i sgom pas 'di dag sgrub pa'o/ /de ltar kun tu chags pa dang zhe sdang gti mug ste ming po gsum gyi rang bzhin 'di rnams kyis brtan par byed pa'i rgyu yin no/ /dkyil 'khor zhes bya ba ni go bar zad do/ /gal te gsang zhing ma bsrungs na/ /gang zhig sems can don zhugs dang/ /gang yang dkyil 'khor sgrub byed pa/ /de rnams khyed kyis gsang ba 'gyur zhes bya ba ni dam tshig gi dkyil 'khor 'di'i bshad pa ni sngar bshad zin la 'dir khyad par ni 'di tsam du zad do/ 'di lta ste h+ri hUM sh+rI d+hyo zhes bya ba ni 'jug pa'i glu yin no/ /de ni de nas zhes bya ba la sogs pas glu'i dkyil 'khor gsungs pa yin te/ de nas zhes bya ba'i sgra ni sngar bshad pa yin no/ /'dod chags la sogs dug gzhig phyir zhes bya ba'i 'dod chags la sogs pa'i dug bsal ba ni dug gzhig pa ste de phyir ro/ /kun nas bdud rtsi nyid bya'i phyir zhes bya ba ni phyogs bcu'i gdul bya rnams kun nas rang bzhin gyi dag par bsgoms pas thar pa mngon sum du byas pa ni bdud rtsi'o/ /de'i ngo bo nyid yin pas na bdud rtsi nyid te/ /de'i don du'o/ /zhe sdang las byung glu yin no/ /dkyil 'khor dam pa phyung bar 'gyur zhes bya ba ni 'di yang sngar bshad pa'i de nyid las shes par bya'o/ /'di'i khyad par ni 'di yin te/ 'di lta ste phu phu zhes bya ba 'jug pa'i glu'i mchod pa yin no/ /de ltar klu'i dkyil 'khor gsungs nas da ni de nas ston pa rdo rje 'dzin zhes bya pa la sogs pas bgegs thams cad rnam par gzhom pa'i phyir gdon gyi dkyil 'khor gsungs pa yin no/ /de nas zhes bya'i sgra ni snga ma bzhin du log 'dren la sogs pa gdon thams cad las byung ba'i sdug bsngal thams cad ste/ de rnam par bsal cing med par mdzad
- 7a
pas na sdug bsngal thams cad bsal ba ste/ bcom ldan 'das rdo rje 'chang ba'o/ /sems can kun ni bde ba'i phyir zhes bya ba ni/ gdon la sogs pa las 'byung ba'i sdug bsngal dang bral bas sems can thams cad bde ba nyams su myong bar bya ba'i phyir ro/ /ni zhes bya ba ni nges par gzung ba ste/ bde ba kho na'i phyir ro/ /gdon gyi dkyil 'khor phyung ba yin zhes bya ba ni rims la sogs pa yongs su gang ba'i dkyil 'khor skyed par mdzad pas so/ /de ci'i phyir zhe na/ 'dod chags zhes bya ba la sogs pa gsungs te/ gang gi phyir dmigs pa la spyod pa'i sems can thams cad ni 'dod chags la sogs pa dug gi gso ba ma byas pa'i nyes byas kyis dug nyid du gyur pa yin zhing sngar bshad pa'i tshul gyis gdon dang rims dang sdig pa dang/ dmyal par yang ni 'gyur ba yin zhes bya ba yang de nyid yin gyis phyi rol gzhan dag ma yin no/ /de bas na rnam par rtog pa dang bcas pa las byung ba'i srin po la sogs pa'i gdon gyi tshul can sdug bsngal thams cad skyed par byed pa'i rnam par rtog pa de rnams gzhig par bya ba'i phyir/ bcom ldan 'das kyis gdon gyi dkyil 'khor phyung ba yin no/ /de nas zhes bya ba'i sgra ni gnas skabs te/ gdug pa skyed par byed pa yi ge h+riM? ngo/ /de ltar de nas ston pa rdo rje 'dzin ces bya ba nas brtsams te h+riM zhes bya ba'i bar gyis ni ting nge 'dzin gnyis pa gsungs pa yin no/ /de nas bsdu ba sngon du 'gro bas gsum pa yin par shes par bya'o/ /de ltar bsdus pa srin po la sogs pa'i gdon rnams bkug ste/ rdo rje lcags kyu'i khro bo la sogs pa dgug pa dang gzhug pa dang bcing dang/ dbang du bya ba la slob dpon gyis srin po la sogs pa'i gdon gzhom par bya ba'i phyir dkyil 'khor bris la/ srin po la sogs pa'i gdon gzhom par bya'o zhes bya ba'i cho ga 'di bstan par bya ba'i phyir zur bzhi pa zhes bya ba la sogs pas gdon gzhom pa'i slob dpon gyi las kyi cho ga gsungs pa yin no/ /zur bzhi pa la zhes bya ba la sogs pa la ni go bar
- 7b
zad do/ /de nas zhes bya ba bshad ma thab pa'i dkyil 'khor de'i dbus dang por zhes bya ba las dkyil 'khor 'jug pa'i thog mar dkyil 'khor du 'byung po dang/ /yi dags dang/ sha za dang/ gnod sbyin dang/ srin po dang/ grul bum dang/ klu la sogs pa rig pa mchog gi rgyud las gsungs pa'i gdon bco brgyad dang/ sogs pa'i zhes bya ba'i sgras rim pa brgyad po skyes bu gcer bu gdong gnag ba skra gyen du brje sa pa/ sdig pa zhes bya ba yi dags kyi khyad par rnams dang/ mnar med pa la sogs pa'i dmyal ba brgyad dang/ nye 'khor ba dmyal ba rnams so/ /de rnams kyi cho ga rgyas pa ni yul dang/ grod dang/ 'jig rten gyi bkod pa'i dbyibs rnams bri bar bya'o/ /de ltar dkyil 'khor de bris pa'i rjes thogs nyid la rdo rje me ltar 'bar ba'i rnal 'byor pas rnal 'byor chen po byas la/ gtsug tor la sogs pa yang rang gi lus la bkod de/ de'i rjes thogs nyid la dkyil 'khor 'dir slob dpon gyi 'jug pa bcom ldan 'das rdo rje sems dpar bshad cing gsungs pa yin no/ /ji ltar 'jug par bya zhe na/ myur du zhes bya ba gsungs so/ /myur du ci zhig bya zhe na/ rdo rje 'dzin pa zhugs nas ni zhes bya ba gsungs te/ g.yas pa'i rdo rje khu tshur gyis khro bo'i rdo rje thogs pa/ g.yon pa'i khro bo'i khu tshur sdigs mdzub byed pa la brtson pas de rkang pa g.yon pas nye bar bya'o/ /de nas zhes bya ba la sogs pa ni go bar zad do/ /'dis ni 'di skad ston par 'gyur te/ gang gi tshe rnal 'byor pa log 'dren la sogs pa nye bar 'tshe bar 'gyur ba de'i tshe rdo rje me ltar 'bar ba'i sbyor bas rnal 'byor chen po byas pa ni rdo rje gtsug tor la sogs pa nas/ rdo rje shugs kyi bar du rang gi lus la bkod nas/ rdo rje sems dpa' i lha mo'i dkyil 'khor gyi tshul gyis bdag nyid rdo rje sems dpa' rnam par bsgoms la de'i rjes thogs nyid la bdag nyid rdo rje me ltar 'bar bar slar yang bsams te/ dkyil 'khor 'dir ri rab kyi steng du h+ri las sprul pa gsung bar bya'o/ /de nas rdo rje lcags kyu'i khro bo la sogs pa las kyi phyag rgya bzhis gdon la sogs
- 8a
pa'i cho ga rgyas pas bkug nas bcug ste bcings la 'jug pa'i phyag rgyas bcings nas hAM? badzra tiSh+Tha maN+Ta la uSh+na? ba ye shes bya bas dkyil 'khor de bar snang gi phyogs su bzhag la rdo rje me ltar 'bar ba'i dam tshig gis phyag rgya dang/ yi ge hUM dang bdag nyid byin gyis brlabs la hUM zlos shing yongs su bskor nas thig gdab pa dang tshon dgye ba byas te/ rig pa mchog gi rgyud las gsungs pa'i gdon bco brgyad dang/ 'phags pa dpung bzang las bshad pa'i log 'dren rnams dang/ sngar bshad pa'i rims brgyad dang/ sdig pa dang/ dmyal ba rnams yi ge hUM zlos shing bri bar bya'o/ /de nas sgo dbye ba dad bsdu ba byas la/ rdo rje lcags kyu'i khro bo la sogs pas de dag dgug pa dang bcing ba byas la g.yas pa'i rdo rje khu tshur gyis khro bo'i rdo rje thogs te/ g.yon pa'i khro bo'i khu tshur gyis sdigs mdzub byed pa la brtson pa dang// glu'i tshig zlos shing rab tu dgod pa dang/ dkyil 'khor der zhugs la khros pa dang/ rkang pa g.yon pas gnye bar bya'o/ /de la glu ni 'di yin te/ sarba a g+ha mand+ha la mi daM badzra b+ha ra/ a kra ma bi ki ra bi ki ra bi kir b+han badzra d+d+ha ya na shA ya ha na da ha na pa tsa b+hasmi ku ru krung dang/ hUM ka ram? de na/ de nas rdo rje khu tshur dang rdo rje gtsug tor gyis bdag nyid bsrung ba byas la rang gi lha mo sbyor bas gnas par bya'o/ /sdug bsngal las gdon pa'i rgyud kyi bshad pa rdzogs so// //de ltar 'jig rten dang 'jig rten las 'das pa'i dkyil 'khor rnams bshad nas/ da ni 'jig rten dang 'jig rten las 'das pa'i lha thams cad kyi dkyil 'khor la lhag par mos pa'i sems can rnams rjes su gzung ba'i phyir/ /de nas zhes bya ba la sogs pa bsdus pa'i dkyil 'khor gsungs pa yin no/ /de nas zhes bya ba'i sgra ni de ma thag pa thag pa'i tshig yin te/ dang po'i sbyor ba'i rjes thogs nyid la'o/ /'dir dang po'i sbyor pa'i ting nge 'dzin ni dpal rdo rje sems dpa' i dkyil 'khor chen po gsungs pa yin no/ /kun mchog dam pa'i dbang phyug ste/ zhes bya ba ni kun gyi mcheg kyang yin la dam
- 8b
pa'i dbang phyug kyang yin pas na kun mchog dbang phyug ste/ dpal rdo rje sems dpa' o/ /de yang thams cad kyi mchog yin pas kun mchog go/ de nyid ni dam pa ste phul du phyung ba yin zhing khams gsum pa ma lus pa'i chos kyi rgyal srid la mnga' brnyes pas na dbang phyug go/ zhes bya ba ni rigs lnga'i lha rnams kyis 'bul pa'i sems can kun yin te/ de rnams kyi rab tu sgrub pa ni rigs lnga rtogs par gyur pa ste de'i don du'o/ /dkyil 'khor thams cad gsungs pa yin zhes bya ba ni bcom ldan 'das rdo rje 'chang bas bsdus? pa'i dkyil 'khor bka' stsal pa'o// gzugs kun gyis zhes bya ba ni 'jig rten las 'das pa'i lha rnams kyi gzugs kyis so/ /dus gang gi tshe na/ gang tshe gsang ba lnga zhes bya ba gsungs te/ gsang ba chen po'i de kho na nyid lnga ni rdo rje sems dpa' dang/ de bzhin gshegs pa dang/ rdo rje dang pad+ma dang/ nor bu'i rigs rnams kyis gang gi tshe 'bul bar na gyur pa'i sangs rgyas nyid dam rdo rje 'dzin pa nyid la 'jog par mi nus pa de'i tshe sna tshogs chen po bsdus pa'i dkyil 'khor gyis 'dul ba'i skye bo skal pa ldan pa rnams la dam pa ste/ mchog 'di mdzad pa yin no/ /de ltar na de nas rgyal bo rdo rje 'dzin ces bya ba nas brtsams te/ sna tshogs chen po 'gro ba 'dul ba'i dam pa yin zhes bya ba'i bar gyis bshad pas ni ting nge 'dzin gnyis pa gsungs pa yin no/ /de nas bsdu ba ston du 'gro ba ni gsum pa yin par shes par bya'o/ /de ltar bsdus pa'i dkyil 'khor gyi ting nge 'dzin gsum gsungs nas da ni dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba'i phyir/ de nas gang gi phyir zhes bya ba la sogs pa slob dpon gyi las kyi cho ga dang slob ma 'jug pa la sogs pa'i cho ga gsungs pa yin no/ /de nas zhes bya ba'i sgra ni de ma thag pa ston par byed pa'i tshig ste/ las kyi mchog gi ting nge 'dzin gyi rjes thogs nyid la'o/ /gang phyir zhes bya ba ni rgyu de gang gi phyir bsdus pa'i dkyil 'khor du 'jug par byed pa nges 'dul ba'i sems can rnams kyi don du mi 'gyur pas de'i phyir
- 9a
dkyil 'khor chen po ste/ bsdus pa'i dkyil 'khor dam pa ste mchog tu gyur pas rab tu phye ste bshad par bya'o zhes pa'o/ /kun mchog ni 'jig rten dang 'jig rten las 'das pa'i tshul yang dag par ston pa yin zhing/ gang du btul ba'i sems can kyi khams rnaMs las rnam par rgyal ba yin pas na kun mchog rnam rgyal lo/ /lha thams cad kyi dkyil 'khor gyis 'dul ba'i sems can skal ba dang ldan pa rnams la 'jig rten dang 'jig rten las 'das pa'i dkyil 'khor gyi lha thams cad kyi gzugs ni sna tshogs so/ /de nyid kyis na bsdus pa'i dkyil 'khor 'di ni kun mchog dam pa'i dbang phyug yin no zhes bya ba ni 'jig rten pa'i dkyil 'khor chen po bris nas ni rdo rje sems dpa' i dkyil 'khor chen po bris la/ de'i dbus su zhes bya ba'i dkyil 'khor dbus ma'i lte ba'i phyogs su rdo rje sems dpa' i dkyil 'khor chen po'i thig btab cing kun tu bris la ming de skad ces bya ba'i dkyil 'khor de'i lte ba'i phyogs su sngar bshad pa'i tshul gyis rdo rje sems dpar rab tu bzhag par byas te 'di ni cho ga bzhin zhes bya ba'i sgra'i don yin no/ /cing de 'ba' zhig gam zhe na/ rdo rje lha mo zhes bya ba gsungs te/ 'dod chags rdo rje dang/ ki li ki li dang/ rdo rje dran ma dang/ rdo rje dran ma dang/ rdo rje 'dod pa'i dbang phyug ma ni rdo rje lha mo'o/ /sogs pa'i sgras ni dus kyi mchod pa dang/ rdo rje sgeg mo rnams dang/ sgo bsrungs rnams gzung ngo/ /rdo rje lha mo la sogs pa yongs su gang ba'i dkyil 'khor ram/ des nye bar mtshon pa'i dkyil 'khor rdo rje lha mo la sogs ba'i dkyil 'khor te der ro/ /de'i ngo bos ni thams cad du zhes bya ba ni re'u cha dbus mar dpal rdo rje sems dpa' i dkyil 'khor chen po bris pa de'i phyogs bzhir de bzhin gshegs pa dang/ rdo rje 'dzin pa dang/ 'jig rten dbang phyug dang/ nam mkha' i snying po kun mchog lhag pa'i sku rnams kyis mtshan pa'i mchog rdo rje dang bcas pa 'khor lo la sogs pa gang yin pa de ni rdo rje mchog bcas mtshan ma rnams rdo rjes mtshan pa'i
- 9b
'khor lo la sogs pa'i/ /zhes bya ba'i tha tshig go/ ni zhes bya ba'i sgra ni nges par gzung ba de rdo rjes mtshan pa'i mtshan nyid do/ /sku gzugs la sogs bzhag par bya zhes bya ba ni mi bskyod ba la sogs pa rang gi rigs kyi lha'i tshul gyis yongs su bskor pa ni rang gi rigs kyis bskor ba zhes bya'o/ /rgyal ba rdo rje ? med bu'i/ /gzugs 'dzin 'khor lo bsnams pa bri zhes bya ba ni bcom ldan 'das rnam par snang mdzad kyi sred med kyi bu'i gzugs 'dzin pa phyag na 'khor lo bsnams ba bzhag par bya'o/ /khyab bdag rdo rje can rdo rje/ /gtum dbang rdo rje mdung bsnams pa/ /zhes pa ni bcom ldan 'das rdo rje me ltar rab tu 'bar ba'i rdo rje gtum pa'i dbang phyug gi gzugs 'dzin pa rdo rje mdud bsnaMs pa bri bar bya'o/ /rdo rje pad 'byung pad+ma can/ /rdo rje 'dzin pa tshangs gzugs ldan zhes bya ba ni 'phags pa spyan ras gzigs dbang phyug gi gzugs 'dzin ba'i rdo rje 'chad rdo rje 'dzin pa ni tshangs pa'i gzugs bri bar bya'o/ /nam mkha' i snying po'i 'dod gzugs can/ /rdo rje dang bcas me tog mchog ces bya ba ni bcom ldan 'das 'phags pa nam mkha' i snying po ni 'dod pa'i lha'i gzugs 'dzin pa la rdo rjes mtshan pa'i gzhu bsnams te bzhugs pa bri bar bya'o/ /gzhi'i dkyil 'khor gyi me'i mtshams su rdo rje dpal mo/ /bden bral gyi mtshams su rdo rje dkar mo/ /rlung gi mtshams su rdo rje sgrol ma/ dbang ldan gyi mtshams su nam mkha' i rdo rje ma bri bar bya'o/ /de nas 'di rnams kyi zhes bya ba ni go bar zad do/ /phyi'i dkyil 'khor gnas rnams su zhes bya ba ni lha'i snam bu'o/ /rdo rje mtshan ma rang phyogs gnas zhes bya ba ni drag po la sogs pa'i mtshan ma rdo rjes mtshan pa'i tri shul sogs pa gang yin pa de ni rdo rje mtshan ma ste/ de shar la sogS pa'i phyogs su ? ni rang gi phyogs su pa nas pa bri ba yin no/ /rdo rje'i mtshan ma rang gi phyogs su gnas par bri ba de gang zhig yin zhe na/ lha dbang ni ma mo nyid ces bya ba gsungs te/ klu'i dbang po ni drag po la sogs pa nas chu lha'i mthar thug pa'o/ /de rnams kyi chung ma ni ma mo'o/ /de nyid ni lha'i dbang po ma mo dang bcas
- 10a
pa'i 'jig rten skyong ba rnams yin te de rnams dgod par bya'o/ /tshogs kyi dbang phyug rdo rje yis/ /rol mo'i che bcu brdung byed pa/ /phyi yi dkyil 'khor kha khyer dang/ sgo dang mtshams suAng de bri'o/ /zhes bya ba ni phyi'i dkyil 'khor gyi mtshams bzhir sgeg mo la sogs pa dang/ sgo rnams su lcags kyu ma la sogs pa bri bar bya'o/ /sgo rnams kun tu 'jug pa ni/ /rang gi phyag rgyas rab tu 'jug ces bya ba ni sngar bshad pa'i cho gas rdo rje sems dpa' dang/ de bzhin gshegs pa dang/ rdo rje dang pad+ma dang/ nor bu'i rigs kyi dkyil 'khor du 'jug par bya'o// dang po sbyor bas dkyil 'khor ni/ /dam pa lnga bu? zhes bya ba ni gzhi'i dkyil 'khor du dang po'i dkyil 'khor du 'jug pa'i cho gas 'jug par bya'o/ /de nas dbus su gnas gyur nas/ /dgug pa 'di ni bya ba yin/ /'di ltar dkyil 'khor bris nas rdo rje hUM mdzad kyi sbyor ba byas te/ ji lta ba bzhin du zhugs te/ de'i rjes tshogs nyid la dkyil 'khor gyi dbus su 'dug par bsams pas sgo dbye ba'i phyag rgyas dkyil 'khor gyi sgo rnams phye nas/ de rjes la 'og nas bshad pa'i dgug par bya'o/ /gsang ba'i lcags kyu dril bcas pas/ /'di ni zhes bya ba la sogs pa go bar zad do/ /de dag go rims ji bzhin du/ /dkyil 'khor thams cad bsgrub par bya zhes bya ba ni re zhig dang por rdo rje sems dpa' i dkyil 'khor chen po'i lha rnams rang gi dam tshig gi phyag rgya rnams kyis de bzhin nyid du bsgrub par bya'o/ /de bzhin gshegs pa dang rdo rje dang pad+ma dang/ nor bu'i rigs kyi lha rnams bsgrub par bya ste/ 'di ni 'dir go rims ji bzhin bsgrub par bya zhes bya ba'i sgra'i don yin no/ /sgrub pa dag ni thams cad dang/ /dngos grub rnams kyang de bzhin no zhes bya ba ni rdo rje sems dpa' dang/ de bzhin gshegs pa dang/ rdo rje dang pad+ma dang/ nor bu'i rigs kyi dkyil 'khor rnams su lha thams cad kyi sgrub pa gsungs pa dang/ lha thams cad kyi dngos grub gsungs pa de thams cad kyi dkyil 'khor thams cad sgrub pa'i sgrub pa po la 'grub par 'gyur ro/ /ci'i phyir zhe na/ yang bde ba thams cad mi 'gyur gnas zhes
- 10b
bya ba la sogs pa gsungs te/ bde ba yang yin la thams cad kyang yin pas bde ba thams cad ste/ rdo rje sems dpa' la sogs pa lha thams cad kyi bde ba gnyis su med pa sems dang sems las byung ba'i mtshan nyid can no/ /de nyid ni mi 'gyur ba'i gnas te chos kyi dbyings thog ma dang tha ma? med pa'i rang bzhin sems can gyi khams thams cad dang/ rdo rje sems dpa' la sogs pa'i bde ba mngon sum du byed pa'i gzhir gyur pa'o/ /bde ba chen po zhes bshad do zhes bya ba ni bcom ldan 'das rdo rje 'chang chen pos gsungs pa'o/ /rdo rje 'di ni bsgrub la sogs/ /'di ni tshe 'dir 'grub par 'gyur zhes bya ba ni de bzhin nyid kyi rdo rje'i rang bzhin yin pas bde ba chen po de ni rdo rje yin pa dang/ de las byung ba'i dkyil 'khor 'di la yang nye bar btags pas de skad ces bya ste/ sgrub pa 'di la sogs pa'i dkyil 'khor sgrub par byed bar bsgrubs nas sgrub pa po tshe 'di nyid la mngon par 'dod pa'i dngos grub 'di dag thams cad 'grub par 'gyur ro/ /de ltar bshad pa'i tshul gyis 'grub par 'gyur bar bshad do zhes sbyar ro/ /sna tshogs pa yang yin la don dam pa yang yin pas/ sna tshogs pa'i don te/ bsdus pa'i dkyil 'khor du rdo rje sems dpa' la sogs pa'i tshul lo/ /des rnam par sbyang ba ni lha sna tshogs pa la mos pa'i sems can gyi khams rnams rigs lnga po rtogs pas 'dod chags la sogs pa dang bral ba'o/ /de'i don gyi cho ga ni lhag par gnas pa dang/ phyag 'tshal ba dang dkyil 'khor du 'jug pa la sogs pa'o/ /de ltar 'gro ba dpag tu med pa ste/ sems can gyi khams tshad med pa des 'dul zhing/ lam rtogs pa la bzhag pa ni 'gro ba dpag tu med pa kun btul ba ste/ de nyid ni mdza' med pa yang yin la sna tshogs pa yang yin pas nam mdza' med pa'i sna tshogs pa ste/ mnyam pa med pa'i mtshungs pa med pa'o/ /gsungs pa ni bshad pa'o/ /phul du gyur pa ni mchog tu gyur pa'o/ /ji ltar na phul du byung ba yin zhe na/ gang gi phyir de bzhin gshegs pa la sogs pa'i rigs thams cad 'dzin pas na de bzhin gshegs pa thams cad kyi rigs 'dzin pa'o/
- 11a
de byed pa yang yin la bde ba'i mchog kyang yin pas na de byed pa'i bde ba'i mchog go /rgyal ba thams cad ste de bzhin gshegs pa thams cad kyis bsdus pa'i dkyil 'khor 'di byin gyis brlabs shing brtan par mdzad pas na srid pa pa'i bde ba'i mchog byed pa ste/ gdul bya rnams kyis mi gnas pa'i mya ngan las 'das pa'i bde bskyed par byed pa nyid yin pa'i phyir ro/ /yang 'di'i don brjod par byas te/ dpal rdo rje sems dpa' i sbyor bas rdo rje dbyings kyi dkyil 'khor las bshad ba'i rnal 'byor ji lta ba bzhin du byas pa 'di las bshad pa'i byin gyis brlabs pa dang/ dbang bskur ba dang dngos grub kyi rdo rje btul shugs kyang blangs nas 'dod chags rdo rje ma la sogs pa'i phyag rgya'i mchod pa bcu gnyis kyis bdag nyid yang dag par mchod la/ rnam par sgeg pa'i dga' ba'i rdo rje dang/ phyag bzhis kyang phyag byas la de kho na nyid dang chos dang dam tshig bzung nas hUM zhes bya lan gsum bzlas la/ dam tshig gsum gyi glu'i mchod pa byas nas rang gi snying ga'i zla bar yid kyis zhugs la/ rdo rje sems dpa' i phyag rgya bcings te hUM a hUM h+ri h+raM zhes brjod do/ /der bsdus pa'i dkyil 'khor sprul la lha thams cad kyi rang rang gi gnas su rang rang gi snying pos lha thams cad rang rang gi gzugs su bkod la/ oM badzra Adma ko haM zhes bya ba la sogs pa'i snying po gsum bzlas la/ snga ma bzhin du don gsum bsgoms te/ bdag ni rang nyid bsdus pa'i dkyil 'khor yin no zhes nga rgyal bskyed la bsdus pa'i dkyil 'khor gyi snying po zlos shing/ dus ji srid kyis bdag nyid bsdus pa'i dkyil 'khor gyi ngo bo nyid kyi mngon sum ltar mthong bar gyur pa de srid kyi bar du nyin re'i sbyor bas bsgom par bya'o/ /de nas nyin zhag bdun gyi bar du sngar bshad pa'i tshul gyis ting nge 'dzin gsum bsgoms pa nas brtsams te/ bsdus pa'i dkyil 'khor brtsam par bya'o/ /de nas ji skad du bshad pa'i dkyil 'khor gyi dbus su snga ma bzhin du cho ga thams cad rjes su sbyang la/ slob ma lhag pas gnas pa dang/ lha lhag par gnas par byas nas nyi ma ?
- 11b
ba'i dus su dkyil 'khor thig gdab par bya'o/ /de la re zhig dang por rdo rje sems dpa' i lha mo'i dkyil 'khor gyi thig gdab par bya'o/ /de la dkyil 'khor dbus ma'i dbus kyi re chal yang rdo rje sems dpa' i dkyil 'khor gnyis pa 'dod chags rdo rje ma'i gnas su rnam par snang mdzad kyis dkyil 'khor kI li kI la'i gnas su rdo rje me ltar 'bar ba'i dkyil 'khor/ rdo rje 'dod pa'i dbang phyug ma'i gnas su 'phags pa nam mkha' i snying po'i dkyil 'khor thig gdab par bya'o/ /de nas tshon sna lnga'i phye mas rten dang brten pa'i dkyil 'khor thams cad bris nas bcom ldan 'das rdo rje sems dpa' 'khor dang bcas pa rang gi tshogs rang gi dkyil 'khor du dgod par bya'o/ /de nas bcom ldan 'das rnam par snang mdzad sku mdog nag po khyab 'jug gi gzugs can/ phyag bzhi pa phyag g.yas pa gnyis na rdo rje 'khor lo dang dbyug pa bsnams pa/ g.yon gnyis na gcig gis mdud bsnams pa/ gnyis pas gdan la snyems pa'i tshul gyis gnas pa dkyil 'khor gyi dbus nas shar phyogs su gzigs te gzhug par bya'o/ /oM badzra gad+ha yan tshinb+ha a pra ti ha ra badzra tsag kren ho b+ha ga ba na badzra ta thA ga ta dza(rgyud 'grel): hUM baM ho badzra d+ha ra stwaM/ mi bskyod pa la sogs pa ni sngar bshad pa'i snying pos rang gi gnas su ? par bya'o/ /bcom ldan 'das rdo rje me ltar 'bar ba gtum pa'i dbang phyug gi gzugs 'dzin pa/ sku mdog sngo ba/ spyan gsum pa phyag bzhi pa/ rdo rje rtse gsum dang rdo rje 'bar ba bsnams pa/ g.yod kyi gcig gis thod pa bsnams pa/ gnyis pas ral gri bsnams pa snying po 'dis dgod par bya'o/ /hUM badzra kro ta mahA yo gi ni/ ga ne shwa ra ma hA badzra shu lo grwa pa ne ho b+ha ga bA na badzra tsan d+he shar ra a ha ha ha ha ho/ rdo rje mtshon cha a la sogs pa lhag ma rnams ni snga ma bzhin du bri bar bya'o/ /rdo rje gtsug tor la sogs ba yang thig bdun gyi nang du bya'o/ /de nas 'jig rten dbang phyug tshangs pa'i gzugs 'dzin pa/ sku mdog dkar po zhal bzhi pa phyag g.yas pa gnyis na phreng ba dang dbyug pa bsnams pa/ g.yon gnyis na spyi blugs dang pad+ma bsnams pa/ rang gi dkyil 'khor gyi dbus su snying po 'dis
- 12a
dgod par bya'o/ /h+ri badzra pad+ma d+ha b+ha ba ga na/ badzra a ba lo ki te shwa ra ya ma hA pra ma sid+d+ha oM b+hur b+ha ba swa swa ti na ma swAhA/ pad+ma'i ting nge 'dzin bzang po la sogs pa snga ma kho na ltar bri bar bya'o/ /de ltar 'jig rten dbang phyug gi dkyil 'khor bris nas 'phags pa nam mkha' i snying po rang gi dkyil 'khor gyi dbus na 'dod pa'i dbang phyug gi gzugs 'dzin pa sku mdog dmar po phyag mtshan rdo rje me tog dang bcas pa'i snying po 'dis bri bar bya'o/ /he badzra ku su ma a su d+ha sarba karma na me sad+ha ya hi ba ga bAn badzra arka sha garb+ha Da Da traM /dbang bskur ba'i rin po che la sogs pa gzhan dag ni de bzhin du bri bar bya'o/ /yang gzhi'i dkyil 'khor gyi me'i mtshams su bcom ldan 'das yum chen mo shes rab kyi pha rol tu phyin pa dpal mo'i gzugs 'dzin pa/ sku mdog gser btso ma'i mdog 'dra ba phyag g.yas na 'khor lo bsnams pa snying po 'dis bri bar bya'o/ /na mo ye na sad+hi na b+ha ga ba ti pradz+nyA pa ra mi ta spu ta tshind+ha badzra ni tsag kre na/ Te na sad ? ba ba kan oM d+hi sh+rI shud+d+ha bi dzA ye swAhA/ de bden bral gyi mtshams su rdo rje 'dzin ma u ma'i gzugs 'dzin ma gser gyi mdog can phyag g.yas na rdo rje rtse gsum bsnams pa/ g.yon na mdud rtse gsum pa bsnams pa'i snying po 'dis bri bar bya'i/ /oM badzra go rim/ hi ba d+he trai lo kya badzra ye sha ri badzra kro d+ha agni sa ma ye badzra d+ha rin mo stu ste/ tadya thA/ hi li mi li/ le li la lo'i bar kam ka ye swAhA/ rlung gi mtshams su sgrol ma sku mdog ljang gu phyag g.yon gyis pad+ma bsnams pa/ phyag g.yas kyis mchog stsol pa/ snying po 'dis bri bar bya'o/ /na mo yi nas swad ? ma b+ha ga ba ti bud+d+ha d+ha po d+hi ra bud+d+ha ra badzra d+harma bra mo gon te na swad d+he na sid+d+ha maM oM ta re tut+ta re tu re swAhA/ de nas dbang ldan gyi mtshams su nam mkha' rdo rje ma dga' ba'i gzugs 'dzin pa/ sku mdog dmar po rdo rje dang bcas pas mtshon cha bsnams pa snying po 'dis bri bar bya'o/ /aM karma badzra ni si da si bi shud+d+ha si sa ba ba ta/ ga go mod b+ha ba yod ke na sing d+ha maM bar ma ka re ta dya thA/ ga ga ni
- 12b
bi shud+d+ha sarba a phi pra ya pa ri pu ra ni swAhA/ /de bzhin du bzhi'i dkyil 'khor phyi'i mtshams bzhir sgeg mo la sogs pa yang dag par bri bar bya'o/ /phyi dang nang gi sgo rnams su rdo rje lcags kyu ma la sogs pa dgod bar bya'o/ /phyi'i dkyil 'khor gyi snam bu la 'dod pa'i lha dang/ tshangs pa'i bdag po dang/ bde byed la sogs pa chung ma dang bcas dum bu dang po'i rdo rje sems da'i? dkyil 'khor las bshad pa'i tshul du bra bar bya'o/ /de nas phyi'i dkyil 'khor gyi kha khyer la rdo rje tshogs kyi dbang phyug ma pi wang len pa la brtson pa bcu/ gling bu len pa la brtson pa bcu/ mur ny+dza len pa bcu/ cha lang 'khrol ba bcu/ rnga bo che brdud ba bcu/ rdza rda brdud ba'i sbyor bas gnas pa bcu/ glu rings len pas gnas pa bcu/ ti le ma len pa bcu ste/ rdo rje tshogs kyi dbang phyug bcu hUM zhes byas sa gnas pa bri bar bya'o/ /de nas ji lta ba bzhin du sgo phye la bsdu ba byas la mtshan brgya rtsa brgyad pas bstod la dkyil 'khor gyi dbus su 'dug ste/ gsang ba'i lcags kyu ma'i rdo rje dril bu ma dang bcas pas dkyil 'khor gyi lha thaMs cad bkug ste/ snying po 'dis dkyil 'khor du zhugs par bya'o oM ma hA sa khu badzra satwa sid+d+hi hUM sarba ta thA ga ta na sa mA ka ra sha ya dza/ sarba badzra ku la a ti baM dam yi dang pra b+he sha ya hUM/ sarba lo ke sha raM/ pra be sha ya sa ma ya bar bAn dan ga sarba ratna a d+hi baM ma ni ro dza pa shi ku ru ho hUM a hUM h+ri traM/ de nas rdo rje gnod sbyin gyis bgegs bsal ba la sogs pa byas la rdo rje khu tshur gyis so/ rnams bcad de rdo rje go chas bsrung ba thaMs cad yang dag par bsrungs pa bsdus pa'i dkyil 'khor las bshad pa'i snying pos mchod yon phul te/ rang gi dam tshig gi phyag rgya rnaMs kyis rdo rje sems dpa' la sogs pa nas chu lha'i bar du bsgrub par bya'o/ /rdo rje sems dpa' la sogs pa ni rang rang gi dkyil 'khor las bshad pa ltar bsgrub par bya'o/ /'dod pa'i lha dang tshangs pa la sogs pa ni hUM tri shu sa ma ya stwaM sa ma ya ho ? dza(rgyud 'grel): hUM paM ho(rgyud 'grel): zhes lan gsum zlos shing dang po'i rdo rjes bcings ? chos kyi dbang phyug gi bar du bsgrubs par bya'o/ /de nas rdo rje sems dpa' la sogs pa chos dang las dang/ phyag rgya chen pos rgyas gdab par bya'o/ /de nas rdo rje sems dpa' la sogs pa ni rang gi dbang bskur ba'i phyag rgya rnams kyis dbang bskur ro/ /rdo rje sred med kyi bul sogs pa bzhin no rdo rje rin chen gyi phyag rgyas dbang bskur ro/ /de nas slob dpon gyi cho ga thams cad snga ma bzhin du rjes su spyad par bya'o/ /rigs lnga'i dkyil 'khor du bshad pa las khyad par ni 'di yin te/ ji ltar gzhi'i dkyil 'khor du rdo rje sems dpa' i dkyil 'khor las bshad pa'i cho ga bsdus
- 13a
pa'i dkyil 'khor du 'jug pa'i glu'i mchod pa zlos shing 'jug par bya'o/ /de'i rjes la rdo rje sems dpa' la sogs pa'i dkyil 'khor du rang gi cho gas so/ /slob dpon gyi las kyi cho ga rgyas pa'o/ /de nas slob ma bsdus pa'i dkyil 'khor du bshad pa'i glu'i mchod pa gzhi'i dkyil 'khor du bcug la/ de'i 'og tu rdo rje sems dpa' la sogs pa'i dkyil 'khor gyi cho gas rigs lnga'i dkyil 'khor du gzhug pa'i cho ga thaMs cad rjes su spyad par bya'o/ /slob ma 'jug pa la sogs pa'i cho ga rdzogs so// //bsdus pa'i dkyil 'khor gyi bshad pa rdzog sho/ //rtog pa yang yin la thams cad kyang yin pas na rtog pa thams cad de/ rdo rje sems dpa' la sogs pa'i dkyil 'khor bcu po bshad ma thag pa nyid do/ /de nyid ni rgyud phyi ma yin la de bas na rtsa ba'i rgyud yongs su rdzogs pa yin no/ /de ltar rtog pa thaMs cad kyi rgyud phyi ma dang/ rtsa ba'i rgyud bshad nas da ni de las kyang las kyi sgrib pa'i dbang gis rnal 'byor pas ma grub na/ gsang ba'i le'u yi dkyil 'khor 'dod pa'i dngos grub thaMs cad bsgrub par byed pa'i khyad par gyi rang bzhin bstan pa'i phyir/ sangs rgyas kun gyi zhes bya ba la sogs pa gsungs te/ sangs rgyas kun ni 'jig rten gyi khams thaMs cad kyi rdul phra rab dang mnye pa'i rnam par snang mdzad la sogs pa ste/ de rnams kyi gsang ba yang yin la chen po yang de nyid yin pas gsang ba che te/ skye bo thams cad dang thun mong ma yin pa'i lha mo bzhi dang lhan cig tu bzhugs pa'i bcom ldan 'das rdo rje sems dpa' 'o/ /dam tshig mchog ces bya ba ni de nyid dam tshig kyang yin la mchog kyang yin pas na dam tshig mchog go/ /de'i sgrub pa ni dpal dgyes pa chen po'i gnas te der bzhugs pa'o/ /de gang yin zhe na/ rgyal po mchog ces bya ba dang sbyor ro/ /slar yang gnas kyi khyad par bstan par bya ba'i phyir bde ba chen po zhes bya ba la sogs pa gsungs te/ bde ba chen po ni rdo rje seMs dpa' 'o/ /de'i gzhal yas khang pa ni bde ba chen po'i gzhal yas khad do/ /dngos grub kun gyi ni phyag rgya chen po la sogs pa'i dngos grub rnams te/ de dag gis mngon par 'du byas pa ni rdzogs pa 'am de'i don du 'jig rten gyi khams thaMs cad kyi rdul phra rab dang mnyam pa'i rnaM par snang mdzad la sogs pa'i de bzhin gshegs pa rnams 'dus te byon pa ni/ de bzhin gshegs mchog chen po'i rin chen rgyal po'o/ /sogs pa'i sgras ni gzugs dang/ rig pa dang/ rdo rje 'chang chen po dang/ byams pa la sogs pa'i byang chub seMs dpa' rnams kyang gzung bar bya'o
- 13b
de bzhin gshegs mchog chen po yi/ /rin chen rgyal po la sogs pa de rnams kyis brgyan pa de yin no/ /bde ba chen po chags pa che zhes bya ba la/ bde ba chen po yang yin la chags pa chen po yang de nyid yin pas na/ bde ba chen po chags pa che ste/ lha mo'i dkyil 'khor gyi dbus na bzhugs pa'i dpal rdo rje sems dpa' o/ /dngos grub kun la rjes chags phyir/ bcom ldan 'das ni chags pa che/ /dmar dang sna tshogs mdzes pa'i 'od/ /dpal rdo rje seMs dpa' i phyag rgya 'di zhes 'og nas gsungs pa'i phyir ro/ /rdo rje sems dpa' de'i glu ni 'og nas 'chad par 'gyur ba'i mtshan nyid can yi ge hUM gi glu dang rol mo ste/ de dag gi rjes su chags pa ni rjes su sgrub pa bde ba chen po chags pa chen po'i glu dang rol mo rjes su chags pa gang la yod pa de la 'di skad ces bya'o/ /bla med dga' ba chen po yi/ /mchod pa kun gyis rab tu mchod/ /ces bya ba la bla na med pa'i dga' ba chen po'i yid bde bas 'dod chags rdo rje ma la sogs pa'i mchod pa bcu gnyis dang/ phyi'i me tog la sogs pa'i mchod pa thams cad kyis rab tu mchod pa gang yin pa de ro/ /dga' ba chen po zhes bya ba la/ /chen po ni byang chub kyi mtshan nyid can gyi thugs dang sems can gyi don la chags pas ni dga' ba chen pos rdo rje seMs dpa' o/ /de'i dpal gyi gnas ni 'dod chags rdo rje ma la sogs pa'i lha mo'i tshogs dang ldan pa'i gzhal yas khang pa'o/ /de lta bu'i gnas kyi mchog de la bcom ldan 'das bzhugs pa yin no/ /rab tu dga' ba'i rgyal po mchog ces bya ba ni ji ltar bshad pa bzhin du'o/ /mi 'gyur mchog ni rtag pa'o/ /de gang yin zhe na/ rdo rje sems dpa' bdag rang nyid/ /rab tu dga' ba mi 'gyur mchog/ kun tu bzang po 'khor ba dang/ /byang chub sems dpa' de bzhin gshegs zhes bya ba'o/ /dngos grub chen po kun gyi mchog ces bya ba la dngos grub kyang yin la chen po yang yin pas dngos grub chen po ste/ de nyid thams cad kyi mchog yin bas na/ /dngos grub kun gyi mchog ni dpal rdo rje sems dpa' i dngos grub po/ /des rdo rje snyems pa ni rdo rje sems dpa' i phyag rgya chen po dang lha mo rdo rje snyems ma'i bdag po ni bcom ldan 'das byang chub chen po'i thugs kyi rang bzhin rdo rje 'chang chen po'o/ de nyid rigs kyi lha mo thaMs cad/ byang chub sems las byung ba'i phyir/ de rnams kyi yang bdag po yin no zhes bya ba bdag po'i sgra gnyis pas bstan pa yin no/ /de ltar na thaMs cad ces bya ba nas bdag po yi bdag ces bya ba'i bar du bshad pas ting nge 'dzin dang po bstan pa yin no/ /'jig rten dang 'jig rten las 'das
- 14a
pa'i lha thams cad kyi mchog yin pas na kun mchog go/ kun mchog kyang yin la chags pa chen po yang de nyid yin pas kun mchog chags pa chen po'o/ /de'i dngos grub ni gdul bya'i skye bo yi rgyud la rdzogs pa'o/ /des gdul bya de la lus shing lus nga med pa'i khams gsum gyi bdag po nyid do/ /de rjes su bsgrub pa ni rdzogs par mdzad pa'o/ /glu dang rol mo zhes bya ba'i yi ge hUM gi glu gsungs pa dang/ pi wang la sogs pa'i rol mo ston par byed pa'i hUM ste/ de nyid rol mo'o// de nyid ni don dam par dbus dang mdza' med pa'i phyir thog mdza' med pa ste/ sngar gsungs pa yin yang sbyor ba'i khyad par gyis slar yang gsungs pa yin no/ /de gang yin zhe na hUM zhes pa'o/ /de thams cad 'dzin pa zhes bya ba la/ rdo rje sems dpa' dang/ chags pa'i rdo rje ma dang/ kI li kI la dang/ rdo rje dran ma dang/ rdo rje 'dod ba'i dbang phyug ma rnams kyi de bzhin nyid dang ro gcig pa'i ye shes rnams ni rdo rje thams cad do/ /de rnams dang rgyu mthun pa'i dang po'i rdo rje ni rdo rje thaMs cad do/ /de 'dzin par mdzad du? na rdo rje thaMs cad 'dzin pas na rdo rje 'dzin pa ste/ rdo rje thams cad 'dzin pa de yin no/ /ni'i sgra ni nges par bzung ba ste/ rdo rje thams cad 'dzin pa kho na'o zhes bya'o/ /gsang ba lnga'i de nyid che zhes bya ba ni byang chub kyi sems dang/ de so sor rtogs pa dang/ mngon du bya ba dang/ yongs su mi spang ba dang/ thob pa'i mtshon nyid can gyi ye shes rnams so/ /de las byung ba'i dga' ba chen po'i dpal rdo rje don yod pa'i chags pa'i dam tshig gis 'dod pa'i chags pa'i dam tshig gis 'dod pa'i rdo rje ma la sogs pa lha mo bzhi pa'i rdo rje mda' la sogs pa nye bar mtshon pa rnams ni gsang ba lnga'i de kho na nyid chen po'i phyag rgya'i lha mo rnams so/ /de dag rdo rje thams cad 'dzin pa'i sku gsung thugs kyi rdo rje rnams pas byung ba yin no/ /ji skad du rdo rje 'chang ni chen po yi/ /sku gsungs ?
- 14b
kyi rdo rje las/ /de nyid phyag rgya byung ba yin/ zhes 'og nas gsungs pa'i phyir ro/ /rtag pa yang yin la chags pa yang de nyid yin pas rtag tu chags pas te de ltar byung ba'i rang bzhin gyis rtag tu bzhugs pa kun mchog so sor rtogs pa'i lha mo'i gzugs can gyi rdo rje sems dpa' o/ /dngos grub kyang yin la chen po yang de nyid yin pas na dngos grub chen po ste/ byang chub chen po'i mtshan nyid can gyi sems dang sems las byung ba mngon du bya ba'i dngos grub thams cad kyi bde ba dam pa ma'i gzugs can gyi rdo rje sems dpa' o/ / rnam rgyal ni lta ba drug cu rtsa gnyis kyi rang bzhin dag pa'i so sor rtogs nas spong pa 'am mi gnas pa'i mya ngan las 'das pas 'chi bdag gi bdud las rnam par rgyal ba ste/ kun mchog rnam par rgyal ba mthong ba'i lha mo'i gzugs can sems dpa' o/ / phyug ni 'jig rten dang 'jig? las 'das pa'i phun sum tshogs pa'i bdag po nyid te/ thams cad kyi dbang phyug mchod pa chen po'i lha mo'i gzugs can bcom ldan 'das yin no/ /rtag tu chags pa dang/ dngos grub chen po dang/ rnam par rgyal ba dang/ dbang phyug ni rtag tu chags dang dngos grub che/ rnam rgyal dbang phyug che rnams so/ /de rnams kyi lhag pa'i lha ni lhag pa'i lha'o/ /de dag gang yin zhe na/ bzhi po rnams so/ /phyag rgya dam pa zhes bya ba ni phul du byung ba'o/ /phyag rgya dam pa bzhi po de dag ji lta bu yin zhe na/ sems dpas byin gyis brlabs pa'i sku zhes bya ba smos te/ /rdo rje sems dpa' ni rdo rje sems dpa' ste/ des byin gyis brlabs pa ni brtan par bya'o/ /de'i don du rig pa'i lha mo sku gzugs can yin pas na sems de bas byin gyis brlabs pa'i sku gzugs yin no/ /'dis ni 'di ltar bshad par 'gyur te/ 'di rnams dpal rdo rje sems dpa' i yan lag yin no zhes bya ba'o/ /kun mchog so sor rtogs pa dang zhes bya ba la/ thams cad kyi mchog ni kun mchog ste/ thog ma dang tham med pa chos kyi
- 15a
dbyings byang chub chen po'i thugs kyi rang bzhin can rdo rje sems dpa' o/ /de'i so sor rtog pa ni de'i rang bzhin mngon du byed pa'i gzugs can chos bdag med pa sgom pa'i rang bzhin can 'dod chags rdo rje ma'o zhes bya ba'i tha tshig go/ dngos grub kun gyi bde ba'i mchog ces bya ba la dpal rdo rje sems dpa' i gnyis su med pa'i sems dang sems las byung ba'i rnal 'byor pa rnams kyis mngon sum du bya ba gang yin pa de ni dngos grub kun te de nyid bde ba'o/ /gzugs des mchog ni bcom ldan 'das ma kI li kI la'o// /kun mchog rnam rgyal mthong ba ma zhes bya ba la/ de nyid dpal rdo rje sems dpa' i gnyis su med pa'i sems dang sems las byung ba'i rang bzhin gang rnal 'byor bas rtogs par 'gyur ba de ni kun mchog ste/ 'jig rten dang 'jig rten las 'das pa'i ye shes thams cad las phul du byung ba'i phyir ro/ /des rnam par rgyal ba ni 'dod chags la sogs pa'i bag chags dang bcas pa spong ba dang/ 'chi bdag gi bdud las rnam par rgyal ba ste/ de'i mtho ba'i yang mtho ba ste/ de las byung ba'i rgyal ba'i ba dan gyis nye bar mtshan/ /bcom ldan 'das ma rdo rje dran pa ma'o/ /thams cad dbang phyug mchod pa che zhes bya ba la thams cad kyang yid la dbang phyug kyang de nyid yin pas na thams cad dbang phyug ste/ /sangs rgyas sprul pa dang sems can gyi don mdzad pa la bdag po nyid do/ /de yis mchod pa chen po ni/ /thams cad dbang phyug mchod pa che ba ste/ /bcom ldan 'das ma rdo rje 'dod pa'i dbang phyug ma'o/ /dngos grub ces bya ba ni 'jig rten dang 'jig rten las 'das pa'i dngos grub thams cad 'dod chags rdo rje ma'i gzugs kyis so/ /bde ba dang yid bde ba nyams su myong ba'i rang bzhin can gyi phun sum tshogs pa thams cad ni kI li kI la ma'i
- 15b
gzugs kyis so/ /'dod chags la sogs pa las rnam par rgyal ba las 'dod pa'i 'byung ba'i dga' ba thams cad ni rdo rje dran pa ma'i gzugs kyis so/ /thams cad kyi bdag po nyid kyi rang bzhin can gyi bdag po ni rdo rje 'dod pa'i dbang phyug ma'i gzugs kyis so/ /rdo rje lha mo thog mdza' med ces pa ni/ dpus dang mdza' dang bral ba da ltar byung ba'i rang bzhin gyis rtag tu zhugs pa ste/ bcom ldan 'das rdo rje sems dpa' i mchog gi sku de rnams yin no/ /slar yang de dag gsang ba'i mchog gi mtshan rnams bsnyan par bya ba'i phyir/ de nas zhes bya ba la sogs pa gsungs te/ dga' ba chen po yang yin la dpal rdo rje don yod kyang de nyid yin bas na dga' ba chen po dpal rdo rje don yod te/ rdo rje sems dpa' o/ /de la chags pa ni dga' ba ste/ /de'i dam tshig ni 'dod pa'i rdo rje ma'o/ /rdo rje sems dpa' i thugs kyi dkyes pa bskyed bar byed pas rgyur gyur ba byang chub sems bsgom pa'i rang bzhin can thugs gzhan du 'gyur ba med pa bcom ldan 'das ma 'dod chags rdo rje'o/ /dga' ba chen po dpal rdo rje don yod pa la chags par skyed pa'i phyir rgyu'i dam tshig rnam par grol ba'i las kyi rang bzhin can bcom ldan 'das ma rdo rje kI li kI la ste/ bcom ldan 'das dpal rdo rje sems dpa' i yi dbang ba dang yid mi phyed pa'i rang bzhin yin no zhes bya ba'i don to/ /dga' ba chen po zhes bya ba la sogs pa ni snga ma bzhin no/ /de'i dga' ba'i dam tshig ni dga' ba'i rgya ste/ rnam par rgyal ba'i rdo rje ma ste 'dod chags la sogs pa las rnam par rgyal bas mi byed pa rdo rje dran pa ma'o/ /dga' ba chen po zhes bya ba la sogs pa ni de gzhin no/ /rdo rje 'dod pa ni thams cad las su rung ba'i gzugs dang/ sgra dang/ bri dang ro dang/ reg bya rnams gang dag bcom ldan 'das rdo rje sems dpas sprul ba de rnams kyi dbang phyug ma gang yin pa de ni rdo rje 'dod pa'i dbang phyug ma ste/ dga' ba chen po dpa' rdo rje don yod pa ni rdo rje sems dpa' dang/ gdul bya rnams kyi dga' bskyed pa'i phyir rgyu yin no zhes bya ba'o/ /'di rnams zhes bya ba la
- 16a
sogs pa la 'dod chags rdo rje ma la sogs pa'i lha mo rnams kyis 'das ma thag tu bshad pa'i mtshan rnams la dad cing lhag par mos nas mchan gyi don gang zhig bud med dam/ skyes pa 'am khye'u 'am bu mo 'am gang zag mkhas pa gang/ mtshan gyi don shes pas klog pa de ni de nyid do/ /gzhan ma yin pa'i phyag rgya thams cad ni 'dod chags rdo rje ma la sogs pa'i phyag rgya chen po la sogs pa'i dngos grub kyi bdag po rdo rje sems par 'gyur ro/ /de ltar na kun mchog chags pa chen po zhes bya ba nas brtsas te/ gsang ba'i mchog ces bya ba ni bar du bstan pas/ ting nge 'dzin gnyis pa bstan to/ /de nas 'dus pa sngon du 'gro bas gsum pa shes par bya'o/ /de ltar ting nge 'dzin gsum bstan nas/ da ni dan tshig dang dbang bskur ba thob pas bzlas pa dang/ bsgom pa bya ba yin no zhes bya ba'i cho ga 'dis rab tu bstan par bya ba'i phyir de nas 'dir ni bsgrub ces bya ba la sogs bas slob dpon gy las kyi cho ga dang/ slob ma gzhug pa la sogs pa'i las kyi cho ga rgyas par gsungs pa yin no/ /de nas kyi sgra ni de ma thag par brjod par byed pa ste/ sngon du bsnyen pa 'das ma thag pa kho na yin no/ /'dir zhes bya ba ni gsang ba'i dkyil 'khor du'o/ /gang gis bsgrub par bya ba de ni bsgrub pa ste dkyil 'khor gyi cho ga'o/ /sgrub pa gang gis dpal rdo rje sems dpa' nyid rtogs par 'gyur ba de bshad par bya'o/ /dngos grub ces bya ba la sogs pa ni bshad zin to/ /nyin re zhes bya ba ni sngon du bsnyen pa byas pa'i rnal 'byor bas dkyil 'khor bris la nyin re bzhin du ji srid dkyil 'khor bsgrub pa de srid sgrub pa bdun gyi bar du byas nas de nas 'grub par 'gyur ro/ /zla ba re re 'am zhes bya ba snga ma bzhin sngon du bsnyen pa byas kyang gal te dang po'i bsgrub pas grub par ma gyur na yang dang yang du zla ba'i bar bsnyen pa byas la nya dang nya la dkyil 'khor 'di bris te/ mtshan thog thag bsgom par bya ste/ de ltar na sgrub pa bdun la
- 16b
nges bar 'grub par 'gyur ro/ /de bzhin lo ni re re la zhes bya ba la/ yang lo gcig gi sngon du bsnyen ba bya ste/ gal te dang po la sogs pa'i sgrub pas grub par ma gyur na/ slar yang lo gcig gi bar du bsnyen pa byas te/ de srid sgrub pa byas na/ ji srid sgrubs bdun pa las yongs su rdzogs par 'gyur ro/ /ji srid mngon par 'dod pa bsgrub par bya zhes bya ba la/ /phyag rgya chen po la sogs pa'i bsgrub bya'i dngos po rnams kyi nang na rnal 'byor pas gang zhig mngon par 'dod pa de nyid bsgrub par bya ba yin no/ /ji snyed pa zhes bya ba ni phyi'i phun sum tshogs pa ji ltar 'thob pa ste/ chung du 'am 'bring dam/ mang po'i phyi'i phun sum tshogs pas mchod par byas nas bsgrub par bya'o/ /ci bde ba zhes bya ba la dka' thub ma yin pa dang nges pa med pas bsgrub par bya'o/ /ras la bcom ldan 'das bri bar bya zhes bya ba ni ras ris la bcom ldan 'das rdo rje sems dpa' bri bar bya'o/ /kun bdag dam tshig dbang phyug go zhes bya ba la/ kun ni brtan pa dang g.yo ba'i dngos po rnams so/ /de'i bdag nyid rang bzhin te/ kun bdag nyid do/ /de yang thog ma dang tha ma med pa'i chos kyi dbyings so/ /de'i dam tshig gi ni rdo rje sems dpa' i phyag rgya chen po'i rang bzhin te de las byung ba'i phyir ro/ /kun bdag dam tshig kyang yin la de nyid dbang phyug kyang yin pa ste/ kun bdag dam tshig dbang phyug go/ gang zhig ces bya ba la gang zhig bris nas rtag pa dang mchog tu 'gyur ba'i thar par 'gyur ro/ /bzhed pa dang bcas pa zhes bya ba la sogs pa ni go sla'o/ /rab tu dga' ba dang bde ba'i sku zhes bya ba la rab tu dga' ba ni yid bde ba'o/ /bde ba'i lus kyi tshor ba bde ba dang bde ba chen po'i bde ba yang ngo/ /rab tu dga' ba dang bde ba dag ni rab tu dga' ba dang bde ba dag go/ de ston par byed pa dang/ de las byung ba dang/ de thob par byed pa'i sku ni rab tu dga' ba dang bde ba'i sku'o/ /dang po zhes bya ba ni 'dod chags rdo rje ma'o/ /gzhan zhes
- 17a
bya ba ni kI li kI la'o/ /gzhan ni rdo rje dran pa ma'o/ /rdo rje snyems pa'i 'dzin pa ni rdo rje 'dod pa'i dbang phyug ma'o/ /dang po ni 'dod chags rdo rje ma'o/ /gnyis pa ni kI li kI la'o/ /gsum pa ni rdo rje dran pa ma'o/ /bzhi pa ni rdo rje 'dod pa'i dbang phyug ma'o/ /dbus kyi rang lha dgyes pas spro zhes bya ba la dbus kyi rang gi lha ni rdo rje sems dpa' ste/ de las ma khyud pa dgyes shing spro ba gang la yod pa de ni dbus kyi rang lha dgyes par spro ba ste/ rdo rje kI li kI la dgod par bya'o// de'i zhes bya ba la sogs pa la rdo rje kI li kI la de'i lho'i logs la/ rdo rje che'i mda' ni gsor ba la brtson pa zhes pa la/ rdo rje rtse gcig pa'i mde'u can gyi mda' ni rdo rje chen po'i mda' ste/ de gyen du bstod pas gsor bar mdzad cing de la sogs pa gang yin pa de ni rdo rje chen po'i mnga' gsor ba la brtson pa ste/ 'dod chags rdo rje ma'o/ /de kI li kI la'i lho phyogs la dgod par bya'o/ /snyems pa'i phyag gis yongs mkhyud pa'i/ /chu srin rgyal mtshan bsgreng dang bcas zhes bya ba la chu srin gyi rgyal mtshan bsgreng ba dang bcas pa'i sku gang la mnga' ba de ni chu srin gyi rgyal mchan bsgring ba'i sku can no/ /bcom ldan 'das rdo rje sems dpa' i snyems pa'i phyag gis yongs su 'khyud pa gang yin pa de'o/ /snyems pa'i phyag gis yangs su 'khyud pa yang de yin la chu srin rgyal mchan bsgreng ba dang bcas pa yang de yin pas na/ snyems pa'i phyag gis yongs su 'khyud pa yi/ /chu srin rgyal mtshan bsgreng dang bcas pa ste/ bcom ldan 'das ma rdo rje dran pa ma'o de yi logs la bzhad dang bcas/ /mchod pas bdag po la brdeg pa zhes bya ba la/ rdo rje dran pa ma de'i g.yon gyi logs ni de'i logs te/ de'i logs der bcom ldan 'das ma rdo rje 'dod pa'i dbang phyug ma rdo rje dril bu dang bcas pa'i g.yon
- 17b
pa'i rdo rje khu tshur gyis snyems pa mdzad cing g.yas pa'i phyag na bsnams pa'i mchod pa'i me tog gis phreng bas bdag po bcom ldan 'das rdo rje sems dpa' la brdeg pa dgod par bya'o/ /sangs rgyas rin chen dbang bskur gyis/ /mtshan ma thams cad ces bya ba la/ 'dod chags rdo rje ma ni de bzhin gshegs pa mi bskyod pa dang ldan pa dang/ kI li kI la ni de bzhin gshegs pa rin chen 'byung ldan dang ldan pa dang/ rdo rje dran pa ma ni de bzhin gshegs pa snang ba mdza' yas dang ldan pa dang/ rdo rje 'dod pa'i dbang phyug ma ni de bzhin gshegs pa don yod grub pa dang ldan pa'i cod pan gyis dbang bskur ba yin no/ /spyan gyi phyag rgya la gzigs pa zhes bya ba la 'di rnams rdo rje mda' la sogs pa'i phyag rgya la gzigs pa'i sbyan gang la mnga' ba de ni spyan gyi phyag rgya la gzigs pa'o/ /rang bdag la ni thugs gtad pa zhes bya ba la bcom ldan 'das rdo rje sems dpa' la thugs gtang pa'o/ /zur du blta zhing bzhugs pa'i zhes bya ba la/ de la mig lta zhing de bzhin du chags pa bskyed pa'i phyir lugs su blta zhing bzhugs pa ste/ rang gi phyag rgyal spyan gtad nas bzhugs pa yin no// ras ris 'di ni mthong ba yis zhes bya ba la sogs pa ni go sla'o/ /de ltar 'das ma thag tu bshad pa'i cho gas ras ris 'di thams cad gzigs pa rnams kyi ras ris 'di mchod pa chen po'i dpal gyis rol par byed ces sbyar ro/ /mchog ces bya ba la sogs pas de nyid kyi khyad par bstan pa yin te/ mchog kyang yin la dga' ba yang de nyid yin pas na mchog gi dga' ba ste/ dpal rdo rje sems dpa' i dga' pa'o/ /de nyid phul du byung ba'i 'dod pa ni kun mchog so sor rtog pa'i mtshan nyid can gyi rdo rje sems dpa' 'dod pa gang la yod pa de ni mchog tu dga' ba phul du byung ba'i 'dod pa can no/ /yang na mchog tu dga' bas bskyed pa'i phul du byung ba'i 'dod pa ni kun mchog so sor rtog pa'i rang bzhin can gyi rdo rje sems dpa' i 'dod pa gang la yod pa de ni mchog tu dga' ba dul? du
- 18a
byung ba'i 'dod pa can te/ de ston par byed pa nyid kyi phyir ro/ /mchog ni chos kyi dbyings dang/ sems can yongs su smin pa la chags pas na mchog la chags pa ste/ kI li kI la'i rang bzhin can gyi dpal rdo rje sems dpal lo/ /de'i dga' ba mchog ni bag chags dang bcas pa'i nyon mongs pa'i dri ma bsal ba'o/ /de'i dngos grub ni rdzogs pa ste/ de'i grub pa ni rdzogs par gyur ba'o/ /kI li kI la'i rang bzhin gyi dpal rdo rje sems dpa' i dga' ba mchog gi dngos grub kyi/ gdul bya rnams la rdzogs pa'o zhes bya ba'i tha tshig go/ gsal bar ni dngos po thams cad 'dzin pa'i mngon par zhen pa dang bral bas 'dod chags la sogs pa nyon mongs pa las rnam par rgyal ba dang/ 'chi bdag gi bdud las rnam par rgyal ba rdo rje dran pa me'i rang bzhin gyi ras ris chen po gang la yod pa de ni gsal zhing rnam par rgyal ba'i ras ris chen po'o/ /ras ris 'dis zhes bya ba 'das ma thag tu bshad pa'i mtshan nyid can gyi ras ris gtso bor gzung ba nyid kyis bstan pa yin te/ ras ris 'di kho nas rol par byed pa yin te gzhan ni ma yin no/ /thams cad gzigs pa'i mchod pa chen po'i dpal zhes bya ba la/ thams cad gzigs pas na thams cad gzigs pa ste/ de bzhin gshegs pa rnams so/ /de dag rang gi ras ris 'di rol par byed pa ni sgrub par byad pa'o/ / ci sgrub par byed ce na/ mchod pa chen po'i dpal zhes bya ba la/ mchod pa yang yin la chen po yang de nyid yin pas na mchod pa chen po ste/ brtson 'grus kyi pha rol tu phyin pa so sor rtogs pa'i rang bzhin can 'dod pa'i dbang phyug ma'i ngo po bcom ldan 'das rdo rje 'chang ngo/ /de'i dpal ni de rnams te phun sum tshogs pa gang yin pa de dag bsgrub par byed pa'o/ /lha mo bzhi dang 'dus pa'i sbyor bas bcom ldan 'das gnas gang du ras ris la bri bar bya zhe na/ 'khor lo de ni brtag byas nas zhes bya ba la bcom
- 18b
ldan 'das rdo rje sems dpa' i lha mo'i dkyil 'khor gang bshad pa de nyid ji lta ba bzhin du thig gdab pa yang dag par bris la/ skye bo thams cad kyi thun mong ma yin pa'i gsang ba'i dkyil 'khor mchog tu phul du byung ba gang yin pa de brtags nas bcom ldan 'das 'di dbus kyi dkyil 'khor gyi phyogs su lha mo bzhi dang yang dag par 'dus pa'i sbyor bas ras ris la bri bar bya'o/ /'khor lo de yang gnas gang du brtag par bya zhe na/ rnam par dben pa'i khang pa 'am zhes bya ba la sogs pa la dam tshig mi shes pa la sogs pa'i sems can dang bral ba ni rnam par dben pa ste/ khang pa sum brtsegs kyi khang bzang der ro/ /yang na skyed mos tshal la sogs su zhes bya ba la skyed mos tshal thog mar gang la yod pa de ni skyed mos tshal la sogs pa'o/ /skyed mos tshal la sogs pa dang bcas pa'i sa phyogs gang yin pa de ni skyed mos tshal dang bcas pa'i sa phyogs so/ sogs pa'i sgras ni gtsug lag khang dang/ kun dga' ra ba dang/ ri bo dang/ chu'i 'gram dang/ rgya mtsho dang/ rgyal po'i nags tshal la sogs pa khang pa med pa rnams bzung bar bya'o/ /yang gi sgras ni snga ma las khyad par du bstan pa'i don du'o/ /de bzhin gshegs pa la sogs pa ni bshad zin to/ /rdo rje ? zhes bya ba la sogs pa ni de la thams cad rjes su chags pa'i bde ba dam pa'i thugs/ /rdo rje sems dpa' khyod ni rab tu byung ba yin/ /rab tu dga' ba 'gro ba kun gyi bde chen po/ /brta mtho de ring bdag la myur grub mngon phyogs mdzod ces bya ba'i rdo rje'i glu rgyur 'di nyid las gsungs ba dang/ sangs rgyas thams cad 'dus pa'i rgyud las kyang gsungs pa yin te de dag gis mchod par bya'o/ /glu ni 'jig rten pa'i glu'o/ /rol mo ni pi wang la sogs pa'i rol mo'o/ /rnam 'phrul ni gar te/ rnam 'phrul bar du rab tu bshad ces bya ba gsungs pa'i phyir ro/ /blu dang rol mo dang rnam par 'phul pa ni glu dang rol mo rnam par 'phrul pa rnams so/ /rdo rje glu'i mchod pa la sogs pa dang/ glu dang rol mo dang rnam par 'phrul pa ni rdo rje'i glu'i mchod sogs dang/ blu dang rol mo rnams 'phrul pa rnams so/ /de dag khang bzang gang la yod pa de la de skad ces bya'o/ /me tog dang sbos dag gis
- 19a
phul du byung ba'i sbyor ba ni rab tu sbyor ba'o/ /me tog dang spos kyi rab tu sbyor ba de dag gi mchod pa thog mar gang la yod pa de ni me tog dang spos dang rab tu sbyor ba de dag gi mchod pa thog mar gang la yod pa de ni me tog dang spos dang rab tu sbyor ba la sogs pa mar me'i sbyor ba 'o/ /de yis yang dag par mchod pa gang yin pa de ni/ me tog spos dang rab sbyang sogs/ /mar me'i sbyor bas yang dag mchod ste de lta bu'i dkyil 'khor gyi khang pa sum brtsegs der/ /mchog ste phul du byung ba'i gsang ba'i dkyil 'khor mdun du bri bar byas la mtshan thog thag sgom pa'i sbyor bas rab tu bsgrub par bya ba ni rang la rag las par bya'o/ /yang na bdag nyid mchog gyur pas/ /rang gi lha nyid bsgom bya zhing zhes bya ba la/ yang na zhes bya ba phyogs gzhan bstan pa yin no/ /bdag nyid cho ga mchog ni phul du byung ba ste/ dpal rdo rje sems dpa' o/ /de nyid rang gi lha de 'dod pa'i lha bsgom zhing ji lta ba bzhin du bshad pa'i mtshan nyid can gyi khad pa sum brtsegs su gsang ba'i dkyil 'khor rab tu bsgrub par bya'o/ /'dis ni 'di ltar bshad par 'gyur te/ dpal rdo rje sems dpa' i rnal 'byor byas la tshogs kyi dkyil 'khor gyi rab tu sbyor bas sngon du bsnyen pa bya ste/ mtshan ma thob ba'i rnal 'byor pas ji ltar bshad ba'i khang pa gsum brtsegs su gsang ba'i dkyil 'khor bris nas rang nyid kyis lha mo bzhi dang/ yang dag par 'dus pa'i sbyor bas rab tu bsgrub pa'i rab myos ma rnams dang lhan cig tu dkyil 'khor gyi dbus su zhugs te/ dus kyi mchod pa la sogs pa'i sbyor ba dang ldan pa'i gzungs ma rnams sam/ slob ma'i tshogs rang rang gi gnas su bkod la cho ga thams cad rjes su sbyang bar bya'o/ /'jug pa'i dus ni rang gi slob dpon rdo rje sems dpa' i gnas su bkod la/ bdag nyid 'jug pa la sogs pa'i cho ga rdzogs par byas te/ phyi nas der 'dug la bsgom par bya ba yin no/ /de nas 'khor lor ma zhugs kyang/ /rang nyid kyis ni rab zhugs nas zhes bya ba la sogs pa ni bshad zin to mchog tu gsang ba dam pa zhes bya ba la/ mchog ni thog ma med pa'i sangs rgyas 'byung ba dam pa la bzhugs pa'i
- 19b
phyir ro?/ /gsar ba ni rdo rje lha mo'i tshogs nang bzhugs pa'i bcom ldan 'das kyi sku'o/ /mchog kyang yin la gsang ba yang de nyid yin pas na mchog tu gsang ba ste/ de'i dam pa ni dpal dam tshig gsum gyi gsang ba'i dkyil 'khor te/ der bcom ldan 'das rdo rje sems dpa' lha mo bzhi'i ? dbus na bzhugs pa'o/ /de nyid kyi sku gsung thugs kyi rdo rje rnams ni dam tshig ste/ ded nye bar mtshon pa'i gsang ba'i dkyil 'khor ni mchog tu gsang ba dam pa'i dpal dam tshig gsum mo/ /der zhugs pa'i phyir mchog tu gsang bston par byed ba'i rdo rje'i glu'i mchod pa'o/ /de khyad par ji lta bu dang ldan zhe na/ mchog tu grub pa zhes bya ba la/ ji lta ba bzhin du rdo rje snyems pas rdo rje glu len cing 'jug pa'i phyag rgyas me tog rnams blangs la gsang ba'i dkyil 'khor du 'jug par bya'o/ /bcom ldan 'das bde chen khyod ni rab tu 'jug ces bya ba la rdo rje sems dpar byas pa'i rang gi rgyud bcom ldan 'das dpal rdo rje sems dpa' i dkyil 'khor du 'jug pa'i bdag nyid la bod pa yin te/ thar ba'i grong khyer gsang ba'i dkyil 'khor du zhugs shig pa'o/ /thar pa'i grong khyer de nyid kyi khyad par bstan par bya ba'i phyir dngos grub kun gyi bde ba nyams dga' ba zhes bya ba la dpal rdo rje sems dpa' la sogs pa'i sku gsung thugs kyi rdo rje rtogs pa ni dngos grub yin no/ /de las byung ba'i bde ba ni/ dngos grub kun gyi bde ba'o/ /des dga' par byed pas na nyams dga' ba ste/ yid dang rjes su mthun pa'o/ /mchog tu bde ba dam pa'i dngos grub kyis zhes bya ba la/ phyi ma'i mdza' i bar du skad cig ma re re la sprul pa'i sbrin rnams kyi de bzhin gshegs pa'i thams cad la mchod pa dang/ sems can thams cad kyi don du bya ba nan tan bsgrub pa'i ye shes mchog tu bde ba dam pa'i dngos grub bsgrub bo/ /de nyid rgyur gyur pas der bzhugs shig ces bya'o/ /kun gyi mchog so sor rtogs pa'i rang bzhin nyid kyis dpal rdo rje sems dpa' la sogs pa'i sku gsungs thugs kyi rdo rje rnams mngon du byas na rigs pa yin no/ /kI li kI la'i rang bzhin bde ba chen po'o/ /rdo rje dran pa ma'i rang bzhin gyi dngos grub kun bde ba
- 20a
nyams dga' ba'o/ /rdo rje snyems pa'i rang bzhin gyis mchog tu bde ba dam pa'i dngos grub po/ /dza hUM baM ho(rgyud 'grel): khyed kyis rab tu bsgrub mdzod ces bya ba la 'dod chags rdo rje ma dang/ kI li kI la dang/ rdo rje dran ma dang/ rdo rje 'dod pa'i dbang phyug ma'i rang bzhin rnams kyi dpal rdo rje sems dpa' la sogs pa'i sku gsung thugs rdo rje rnams dgug cing bcug la bcings nas dbang du bya ste/ dza hUM baM ho/ rnams kyis mchog tu grub bar gyur pa ni rab tu grub par mdzod cig ces bya'o/ /zhugs te zhes bya ba la sogs pa la/ de 'das ma thag tu bshad pa'i cho ga ste mgon po rdo rje sems dpa' la phyag bya'o/ /g.yon pa'i mig gi rdo rjes so zhes bya ba la/ g.yon ba'i rdo rje lta bas so/ /de khyad par ji lta bu dang ldan pa zhe na/ g.yon pa snyems pas zhes bya ba la sogs pa la/ g.yon snyems pa ni go sla ste de dang bcas pa'i cung zad bzhad pa gang yin pa de dang ldan par bstod cing mdzes pa ste/ sgeg pa dang bcas pa'i mig btsum pa gang la yod pa de ni g.yon pa snyems pas cung zad bzhad/ bstod cing mdzes pa'i mig btsums pa'o/ /de dag gang yin zhe na/ g.yon pa'i mig gi rdo rje ste/ lta ba de dang ldan pa'i rnal 'byor pas bcom ldan 'das la phyag bya'o/ /ci brjod cing bya ba yin zhe na/ de la 'di zhes bya ba la sogs pa la/ phyag de la bar mchod par 'og nas 'chad par 'gyur ba 'di yin te/ mchog tu gsang ba dam pa'i dpal dam tshig gsum ni gsang ba'i dkyil 'khor gyi phyag rgya'o/ /de nyid du me tog gi sil ma gtor ba ni ma rgyus pa'i me tog dor ba'o/ /phyag bya ba dang me tog sil mdor ba de dag gi mchog ni thog ma dang tha ma med pa'i gsang ba ste/ skye bo gzhan gyi sngon du mar gyur pas rdo rje sems dpa' la sogs bston par byed pa dang/ mi byed pa'i glu'i mchod pa'o/ /mchog tu grub pa ni thog ma dang tha ma med pa nyid du rdzogs pa yin no zhes bya ba ni tshig gi lhag ma'o zhes bya ba'i sgras ni yongs su bcad pa la'o//
- 20b
mchog tu bde ba ni byang chub chen po'i mtshan nyid can rdo rje sems dpa' la sogs pa'i gnyis su med pa'i sems dang sems las byung ba rnams dang/ de dang rgyu mthun pa'i rdo rje sems dpa' la sogs pa'i sku gsung thugs kyi phyag rgya rnams ste/ de la sems dpa' ni thob pa'i 'dun pa'o/ /mchog tu bde ba'i bsam pa des mdzes pa dang bcas pa'i sgeg pa dang bcas pa'i gar las byung ba'i phyag bya ba de dag gis bcom ldan 'das dpal rdo rje sems dpa' la phyag bya'o/ /dza hUM baM ho/ zhes bya ba ni bshad zin to/ /hi hi hi hi hi zhes bya ba ni yi ge hi bzhi pos brtson 'grus kyi pha rol tu phyin pa'i rang bzhin can gyi bcom ldan 'das bstan pa yin no/ /he zhes bya ba rang bzhin gyis 'od gsal ba'i rnam par thar pa'i sgo'i rang bzhin can bdud bzhi las rnam par rgyal ba de nyid bstan pa'o/ /mgon po snyim pa'i me tog zhes bya ba la/ 'dir snyim pa'i me tog ni phyag bya ba'o/ /me tog dor ba'i dus ni snyim pa'i me tog kho na me tog gi snyim pa ste/ de bzhes pa ni blang bar mdzod cig pa'o/ /sems can thams cad skyab par mdzad pa rdo rje sems dpa' la sogs pa'i dngos grub brtsol bas na mgon po'o/ /de la mchog tu bde ba dang hUM zhes ba 'dis kI li kI la'i rang bzhin can mo/ sems dpa' zhes bya ba dang ji zhes bya bas 'dod chags rdo rje ma'i rang bzhin bstan to/ /mdzes pa dang baM zhes bya bas rdo rje dran ma'i rang bzhin bstan to/ /rnam par rol pa'i phyag gis phyag bya'o/ /zhes bstan pa 'di dang/ hi hi hi hi hi zhes bya bas rdo rje 'dod pa'i dbang phyug ma'i rang bzhin nyid du bcom ldan 'das tshig gi zur gyi bstan to/ /de nas zhes bya ba la sogs pa la de ltar sgeg mo dga' ba'i rdo rje mas phyag byas la/ de nyid phyag byas pa'i glu'i mchod pa brjod cing me tog dor bar bya'o/ /de nas de dag blangs te rang gi mgo la ji lta ba bzhin du bcings te/ dkyil 'khor bltas la 'jug pa'i phyag rgya rang gi snying gar dgrol bar bya'o/ /de nas chu dang/ phyag rgya dang/ cod pan dang/ rdo rje dang/ bdag pa dang/ ming gi dbang bskur ba blang bar bya ba'i phyir dngos grub kyi rdo rje brtul zhugs blang bar bya'o/ /de nas me tog la sogs dang rdo rje mtshon cha ma la sogs
- 21a
ba'i mchod pa'i phyag rgya rnam pa bcu gnyis kyis bdag nyid yang dag par mchod la/ de kho na nyid dang/ chos dang/ dam tshig rnams blangs la/ rang gi snying gar lan gsum bskor bar bya'o/ /de kho na nyid la sogs pa gsum po ni 'og nas gsungs pa yin no/ rdo rje la sogs thob pa bzung zhes bya ba la rdo rje thor pa ni snyed pa'o/ /sogs pa'i sgras ni dril bu dang phyag rgya bshad pa yin no/ /rdo rje la sogs pa thob pa nyid gzung ba yin no/ /rdo rje la sogs pa'i gzung ba des cir 'gyur zhe na/ rdo rje sems dpa' gnyis pa 'dra zhes bya ba ni rnal 'byor pa rdo rje sems dpa' gnyis pa dang 'dra par 'gyur ro/ /rdo rje thams cad 'dzin pa ni dang po'i rdo rje 'dzin pa'o/ /rgyal po zhes bya ba ni de bzhin gshegs pa'i rigs kyi 'khor los sgyur ba dang rigs thams cad kyi 'khor los sgyur ba'o/ /rdo rje can gyis byin gyis brlabs 'gyur zhes bya ba la/ /rdo rje can ni rdo rje sems dpa' ste/ des de ma thag tu phyin gyis brlabs par 'gyur ro/ /'dis ni 'di ltar 'chad par 'gyur te/ de kho na nyid dang/ chos dang dam tshig thob ma thag tu sku gsung thugs kyi rdo rje rnams kyi rdo rje sems dpa' dang 'dra bar 'gyur ba'i rnal 'byor pa/ bcom ldan 'das rdo rje sems dpar byin gyis brlabs nas brtan par mdzad par 'gyur ro/ /mchog tu gsang ba dam pa'i dpal dam tshig gsum ni gsang ba'i dkyil 'khor te/ der bdag byin gyis brlab pa ni 'das ma thag tu bshad pa'i rdo rje slob dpon rang nyid rdo rje sems dpa' nyid du bya'o/ /bsgrub pa cig pu zhes bya ba ni slob ma gzhan du gzhug pa la sogs pa'i cho ga dang bral ba'o/ /de nyid kyi cho ga ni cho ga'i tshig go/ mchog tu grub pa ni thog ma dang tha ma med pa ste/ dngos grub kyi rgyu nyid yin pa'i phyir ro/ /de nas kyi sgra ni skabs su bab pa ste/ gsang ba'i dkyil 'khor du bdag la byin gyis brlab pa cho ga gcig pu'i skabs la'o zhes bya ba'i tha tshig go/ 'dir zhes bya ba ni gsang ba'i dkyil 'khor du'o/ /gang gis sgrub par bya ba ni sgrub bas te bcom ldan 'das kyi mdun du bdag la byin
- 21b
gyis brlab pa la sogs pa gang yin pa de bshad par bya'o ste/ brjod par bya'o/ /dngos grub shin tu rtag pa yang zhes bya ba la/ dpal rdo rje sems dpa' i gsang ba'i dkyil 'khor gyi dngos grub thog ma dang tha ma med pa bshad par bya'o/ /sgrub pa de khyad par ji lta bu dang ldan zhe na/ gang gi zhes bya ba la sogs pa la bdag la byin gyis brlab pa la sogs pa'i rang bzhin gyi sgrub pa gang gis/ srid pas ste skye ba 'di nyid la thog ma dang tha ma med pa'i dpal rdo rje sems dpa' gsang ba'i dkyil 'khor gyi dngos grub shin tu rtag pa thob par 'gyur te/ de ltar gyur pa'i sgrub pa de bshad par bya'o// slar yang sgrub pa de nyid khyad par du bstan par bya ba'i phyir gang gis zhes bya ba la sogs pa gsungs te/ sgrub pa gang gis dpal rdo rje sems dpas gsungs pa'i dkyil 'khor gyi bsgrub pa po mchog ni bsod nams dang ldan pa'i sgrub ba po rnams byung? ba kho nar 'grub par 'gyur ro/ /sdig chen byed pa rnams kyang ni zhes bya ba ni mtshams med pa lnga dang dam pa'i chos spong bar byed pa la sogs pa rnams so/ kyang gi sgras ni gang zhig bsod nams dang ldan zhing sdig chen po byed pa ma yin pa de rnams ni shin tu yang 'grub par 'gyur bar bstan pa yin no/ /ni'i sgras ni nges par bzang ba'o/ /ma grub rnams kyang 'grub par 'gyur zhes bya ba la/ shes rab kyi pha rol tu phyin pa'i dum bu dang/ dum bu gnyis pa rtsa ba'i rgyud dang/ rgyud phyi ma dang/ rtog pa thams cad kyi rtsa ba'i rgyud dang/ rgyud phyi ma las gsungs ba'i sgrub pa ji lta ba bzhin du bshad pa des gal te grub par ma gyur na de'i tshe ma grub pa'o/ /kyang gi sgra ni sgrub pa ste shin tu grub par 'gyur ro zhes bya ba'o/ /'dis ni 'di skad ston par 'gyur te/ sngar bshad pa'i sgrub pas rdo rje sems dpa' dang 'dra bar 'gyur te/ gsang ba'i dkyil 'khor gyi sgrub pas ni rdo rje sems dpa' nyid du 'gyur ba yin no zhes bya ba bstan to/ /ji ltar sgrub par 'gyur zhe na/ rdo rje sems dpas gsungs pa yin zhes bya ba la/ ji ltar bcom ldan 'das rdo rje sems dpas gsungs pa bzhin du'o/ /lugs ma 'am ni brdungs ma
- 22a
'am?/ /'dus byas pa 'am bris pa 'am/ /dang po'i sems dpa' bzhugs gsol nas/ /de yi mdun du cho ga bzhin zhes bya ba la sogs pa ni sgrub pa'o/ /ma grub pa rnams kyang 'dis grub pa yin gyi gzhan gyis ni ma yin no/ /da ni sgrub pa rnam par bshad pa'i phyir/ /rtag tu rdo rje dril 'chang zhing bya ba la sogs pa gsungs te/ 'dir dang po'i rdo rje ni rdo rje ste/ dang po'i rdo rje dang ldan pa'i dril bu ni dril bu'o/ /'di gnyis 'dzin pas na rdo rje dang dril bu 'chang ba'o/ /rtag tu zhes bya ba ni bdag dang gnas bsrung ba nas brtsams te lha gshegs su gsol ba la thug gi bar gyi dus su'o/ /gzhan du ni rang gi rigs kyi phyag rgyas mtshan pa 'dzin cing de yis mchan pa'i dril bu 'dzin pa ni rtag tu'o/ /dngos grub mchog ni sgrub par bya zhes bya ba la/ rang gi lha'i phyag rgya chen po la sogs pa sgrub pa ni rang la rag las bar bya ba yin no/ /byed par 'gyur ba gang dag gis bsgrub par bya zhe na/ thams cad dgug pa zhes bya ba la sogs pa la thams cad dgug pa ni thams cad dgug pas te/ 'dod pa'i lha'i rang bzhin can gyi ye shes sems dpa' rang gi lus la zhugs pa'o zhes bya ba'i don to/ /mchod pa che zhes bya ba ni 'dod chags rdo rje ma la sogs pa'i phyag rgya bcu gnyis kyi mchod pa ste mchod pa chen po'o/ /de kho na nyid dang/ chos dang dam tshig rnams kyis bdag la byin gyis brlab pa ni bdag byin gyis brlab pa'o/ /sogs pa'i sgras ni sgrub pa chen po dang/ rjes su sgrub pa dang/ phyag rgya chen po dang/ dam tshig dang/ chos dang/ las kyi phyag rgya dang/ dbang bskur ba dang/ dngos grub kyi rdo rje brtul zhugs dang/ phyag bya ba rnams gzung bar bya'o/ /thams cad dgug pa dang/ mchod pa chen po dang/ bdag la byin gyis brlab pa ni thams cad dgug pa dang/ mchod pa chen po dang/ bdag byin gyis brlab pa rnams so/ /de la thog mar gang la yod pa de ni/ thams cad dgug dang mchod pa che/ /bdag byin brlabs sogs bsgrub pa rnams so/ /de dag gis mchog gi sgrub pa bsgrub par bya'o/ /da ni thams cad dgug pa bstan par bya ba'i phyir de la zhes bya ba la sogs pa gsungs
- 22b
ste/ de la zhes bya ba'i ni dkar ba'o/ /ji ltar zhes bya ba ni dri ba'o/ /mchog tu gsang ba'i dpal dam tshig gsum ni gsang ba'i dkyil 'khor te/ de'i dngos grub thams cad ni ye shes sems dpa' dgug pa ste spyan drang ba'o/ /de ston par byed pa'i sgra'i chogs ni rgyu'o/ /de ji ltar shes par bya zhes kha bskang ngo/ rang gi lhag pa'i lha ni 'dod pa'i lha ste/ de'i sku gsung thugs kyi rdo rje bdag nyid can gyi lhag par mos pa ni ji lta ba bzhin du sbyor ba ste/ rnal 'byor zhes bya ba'i don to/ thams cad dgug pa'i phyag rgya ni dril bu dang bcas pa'i gsang ba'i lcags kyu ste/ thams cad dgug pa'i phyag rgya de rang gi lha'i rnal 'byor gyi spyi bor sgeg pa'i gar bya zhing spyan drang ba'i glu brjod nas ye shes sems dpa' bkug la rang gi lus gzhug par bya'o/ de nas kyi sgra ni skabs skabs su bab po/ /de bzhin gshegs pa thams cad kyi mchog gi dngos grub kyi don du dgug pa ni spyan drangs pa ste/ de'i don du mchog tu gsang ba ni sku gsung thugs kyi rdo rje ston par byed pas 'da' bar dka' ba dang/ mi phyed pa'i glu'i mchod pa 'di yin te/ dza mchog dang po zhes bya ba nas brtsams te/ ji srid rab tu dga' ba khyod bdag mchog dang po zhes bya ba'i bar du'o/ /de la dza zhes bya ba ni dpal rdo rje sems dpa' la sogs pa'i kun mchog so sor rtogs pa'i mtshan nyid can gyi lam bstan pa yin no/ /mchog ni thog ma dang tha ma med pa'o/ /dang po zhes bya ba ni bskal pa bzang po la sogs pa nas sngon du yang da ltar byung ba'i rang bzhin du bzhugs pa'o/ /lam de nyid kyi rang bzhin gyi de bzhin nyid kyi rdo rje 'dzin pas na rdo rje 'chang ngo/ /gzung ba dang 'dzin pa'i rnam par rtogs pas bskyed par mi nus pa'i phyir rdo rje sems dpa' o/ /mchog dang po'i rdo rje 'chang yang de yin la rdo rje sems dpa' yang de nyid yin pas mchog dang po'i rdo rje 'chang gi rdo rje sems dpa' o/ bde ba ni kun nas nyon mongs pa med pa thog ma dang tha ma med pa'i chos kyi dbyings thams cad las mchog tu gyur ba rab tu rtogs par mdzod cig ces sangs rgyas bcom ldan 'das rdo rje
- 23a
sems dpa' la bod pa'o/ /'dir sangs rgyas ni rdo rje 'chang bstan pa yin te/ 'dir 'dod chags rdo rje'i rang bzhin can gyi rdo rje sems dpa' yin no/ /hUM zhes bya ba ni 'dod chags rdo rje ma'i rang bzhin gyi kun mchog so sor rtog pa'i mtshan can gyi lam gyi yul du byas ba'i zag pa med pa'i bde ba dang yid bde ba'i ngo bor rtogs pa'o/ /de nyid mchog ste phul du byung ba'i rdo rje ni 'dod chags rdo rje ma'i rang bzhin can gyi las mngon du bya ba'i rang bzhin no/ /de khyad par ji lta bu dang ldan pa yin zhes bya ba bstan pa'i phyir mchog ces bya ba la sogs pa'i khyad par gsungs te/ mchog kyang yin la mi 'gyur ba yang de nyid yin pas na mchog tu mi 'gyur ba ste thog ma dang tha ma med pa'o/ /de zad pa med pa'i srid pa rab tu bsgrub pa ni mi gnas pa'i mya ngan las 'das pa grub pa'o// zag pa med pa'i srid pa rab tu bsgrub pa de'i don du zag pa med ba'i bde ba'i rang bzhin gyi dam tshig dang po ni thog ma dang tha ma med pa ste de'i las so/ /de'i phyir gsol ba btab pa ni bdag la sgrubs shig ces bya ba ste/ kI li kI la'i rang bzhin gyi rdo rje 'chang bstan to/ /baM zhes bya ba ni mi gnas pa'i mya ngan las 'das pa srid pa phyi ma'i mdza' i mur thug pa'i sems can la bltos pa'i rang bzhin gyi dmigs pa med pa'i thugs rje'i chen po'i bcings pas 'ching bar mdzod cig/ pad+ma'i rgyal po skye zhes bya ba dang sbyar ro/ /de nyid khyad par du bstan par bya ba'i phyir mchog tu bdag ces bya ba la sogs pa gsungs te/ dmigs pa med pa'i thugs rje chen po'i mtshan nyid can gyi chos kyi dbyings ni mchog tu bdag ste de'i sku ni de las byung ba'i longs spyod rdzogs pa'i sku ste de 'dzin par byed pas na mchog tu bdag gi sku 'dzin pa'o// thams cad rnal 'byor ni rdo rje 'chang chen pos ste/ de rnam par rgyal ba ni rang bzhin gyis dag pa'i ting nge 'dzin gyis nyon mongs pa la sogs pa'i bdud las rnam par rgyal ba'o/ /de bsgreng ba ni rdo rje chu srin gyi rgyal mtshan gyis nye bar mtshan pa'i rdo rje dran pa'i rang bzhin can gyi rdo rje
- 23b
sems dpa' i sku'o/ /mchog tu bdag gi sku 'dzin pa yang de yin la rnal 'byor thams cad rnam par bsgreng ba yang de nyid yin pas na mchog tu bdag gi sku 'dzin pa'i rnal 'byor thams cad rnam par rgyal ba'i bsgreng ba'o/ /de nyid kyi nyon mongs pa'i dri ma'i bag chags dang bral bas rang bzhin gyis dag pa'i ting nge 'dzin gyi ngo bos rab tu mchog gis dag pa ste/ des bde ba gang la yod pa de ni bde ba dang ldan pa ste/ de ltar gyur pa ni khyod ni pad+ma'i rgyal po ste/ gyur cig ces bya ba ni sgrub par gyur cig ces bod ba'o/ /pad+ma bzhin du 'jig rten gyi chos kyi dri ma rnams kyis ma gos pas mdzes pa ste/ 'dis ni rdo rje dran pa ma'i rang bzhin can gyi rdo rje 'chad bstan to/ /brtson 'grus kyi pha rol tu phyin pa'i rang bzhin can gyi snyems pas sems can gyi don mdzad pa'i ngo bo dang sangs rgyas sprul pa'i mchod pa'i rang bzhin can gyi las dbang du mdzad pas/ yi ge ho yin no/ /de nyid khyad par du bstan par bya ba'i phyir rab mchog ces bya ba la sogs pa gsungs te/ rab mchog ni phul du byung ba'o/ /rab mchog las kyang phul du byung bas nas mchog gi mchog go/ dngos grub kyang de yin la thams cad kyang de yin pas dngos grub thams cad de/ sems can gyi don byed pa'i sangs rgyas la mchod pas sangs rgyas kyis sprul pa rdzogs pa'i rang bzhin can no/ /des mchog kyang yin la dbang phyug kyang yin pas na dngos grub thams cad kyi dbang phyug go/ dngos grub thams cad kyi dbang phyug dam pa'i rang bzhin can nam mkha' i snying po kye bdag la gyur cig ces bya ba ni bod pa'o/ /nam mkha' ni rang bzhin gyis 'od gsal ba nam mkha' dang mnyam pa'i bya ba nan tan grub pa'i ye shes te de nyid snying po ste/ skyed pa'i gnas gang la yod pa de ni nam mkha' i snying po ste / sprul pa'i sku'i rang bzhin 'dzin pa'i rdo rje 'chad do/ /rtag tu zhes bya ba ni skad cig ma re re nyid du bdag la grub gyur cig pa'o/ /de yang ji ltar zhe na/ dngos grub thams cad kyi dbang phyug dam pa'i gzugs kyis bdag la grub par gyur cig ces bya ba slob dpon gyis bod pa yin te/ 'dis
- 24a
rdo rje 'dod pa'i dbang phyug gi rang bzhin rdo rje 'chang bstan to/ /mdor bsdus na 'dod chags rdo rje ma'i rang bzhin ji zhes bya ba dang/ kI li kI la'i rang bzhin hUM zhes bya ba dang/ rdo rje dran pa ma'i rang bzhin baM zhes bya ba dang/ rdo rje 'dod pa'i dbang phyug gi rang bzhin can gyi rdo rje 'chang rgyas par bstan pa ste/ mdor bsdus na ha ho zhes bya ba'o/ /lha mo bzhi'i rang bzhin de nyid 'bab par mdzod cig ces bya ba gsungs te/ hu lu hu lu zhes bya ba dang/ sgrubs shig ces bya ba thams cad dgug pa'i sgrub pas bdag la sgrubs shig ces bya'o/ /de nyid bstan par bya ba'i phyir dam tshig chen po rnams kyis yang dag dgug ces bya ba gsungs te/ 'dod chags rdo rje ma la sogs pa'i rang bzhin ston pa'i yi ge rnams ni dam tshig chen po rnams so/ /dam tshig chen po'i de dag gis phyogs bcu nas 'dren cing yang dag par dgug pa ni bcom ldan 'das kye bdag la grub par gyur cig ces bya ba la/ slob dpon gyis gsol ba btab pa yin no/ /bdag rang bzhin ji lta bu dang ldan pa yin zhe na/ de bzhin gshegs pa thams cad kyi dam tshig ces bya ba la/ byang chub kyi sems dang/ sbyin pa'i pha rol tu phyin pa dang/ shes rab kyi pha rol tu phyin pa dang/ brtson 'grus kyi pha rol tu phyin pa'i rang bzhin can gyi sems dang sems las byung ba rnams ni de bzhin gshegs pa thams cad de/ de rnams kyi dam tshig ni rdo rje sems dpa' la sogs pI sku gsang ba'i rang bzhin can gyi rdo rje 'chang ngo/ /rab tu dga' ba khyod ni bdag la zhes bya ba zag pa med pa'i bde ba dang yid bde bas las byung ba'i rdo rje sems dpa' la sogs pa'i sku'i gsang ba'i rang bzhin can khyod gang yin pa de nyid bdag yin no zhes bya ba 'dis de dang lhan cig tu gyur ba nyid du bstan pa yin no/ /mchog dang po zhes bya bas bcom ldan 'das rdo rje sems dpa' la bod pa'o/ /de ltar thams cad dgug pa bstan nas da ni mchod pa chen po bshad par bya ba'i phyir/ zhes bya ba la sogs gsungs te/ dpal dam tshig gsum gyi gsad ba'i dkyil
- 24b
'khor du dngos grub thams cad kyi don du mchod pa chen po ni 'dod chags rdo rje ma la sogs pa phyag rgya bcu gnyis kyis mchod pa ste/ de'i cho ga ni rnam pa bcu gnyis kyis phyag rgya'i mchod pa la bya'o/ /rang lha'i rnal 'byor ji lta ba bzhin du zhes bya ba la/ rnal 'byor dang rjes su rnal 'byor dag gis 'dod pa'i lha'i rang bzhin can du bdag nyid sgom pa ni 'dir lha'i rnal 'byor ji bzhin du bya'o/ /thams cad kyang yin la mchod pa yang de nyid yin pas na mchod pa thams cad ste/ rdo rje mtshon cha ma la sogs pa'i phyag rgya bcu gnyis kyis mchod pa'o/ /de dag gi mchog gi sku ni 'dod chags rdo rje ma la sogs pa'i phyag rgya chen po bcu gnyis so/ /de rnams kyis rang gi lha'i rnal 'byor dang ldan pa'i bdag nyid yang dag par mchod la yang glu dang rol mo rnam par 'phrul pa ni 'og nas 'chad par 'gyur ba'i mtshan nyid can rnams kyis mchod par bya'o/ /de nas zhes bya ba la sogs pa la/ de nas kyi sgra ni skabs su bab pa ste/ mchod pa'i skabs 'di la zhes bya ba'i don to/ /de bzhin gshegs pa thams cad kyi mchog gi dngos grub ni de bzhin gshegs pa thams cad kyi mchog gi dngos grub ste/ de'i don du mchod pa chen po ni 'das ma thag tu bshad pa'i phyag rgya'i mchod pa'o/ /ze'i? cho ga ni phyag rgya'i mchod pa'o/ /der mchog tu gsang ba dang/ 'da' bar dka' ba dang/ mi phyed ba'i glu'i mchod pa zhes bya ba'i don to/ /thams cad kyang yin la rjes su chags pa yang de nyid yin pas na thams cad rjes su chags pas rdo rje sems dpa' la sogs pa sgom pa'o/ /de nyid bde bas te rdo rje sems dpa' la mchod pa'i rang bzhin can gyi bde ba mngon du gyur pa'i rgyu nyid yin pa'i phyir/ /des rdo rje sems dpa' nyid la bod pa'o/ /thams cad rjes su chags pa'i bde ba de gang yin na/ dam pa'i thugs zhes bya ba ste/ thabs dang shes rab kyi rang bzhin can gyi mchog tu gyur pa'i thugs gang la mnga' ba di ni dam pa'i thugs te de bzhin gshegs pa rnams so/ /de rnams kyi rdo rje sems dpa' khyod ni bdag la gyur cig ces bya ba 'dis kun mchog so sor rtog pa'i rang bzhin can la slob dpon
- 25a
gyis/ gsol ba btab pa yin no/ /rab tu dga' ba zhes bya ba ni kI li kI la'i rang bzhin can te/ de nyid 'da' bar mi bya ba'i phyir dam tshig go/ bde ba chen po bdag la gyur cig ces bya ba ni bod pa'o/ /brtan mtho zhes bya ba ni mi phyed pa'i sku bdag la gsol bar mdzod cig pa ste/ 'dis mi gnas pa'i mya ngan las 'das pa'i rang bzhin rdo rje dran ma bdag la gsol cig pa'o zhes gsol ba btab pa ste/ brtan pa dang mtho pa la sogs pa gsol ba la mngon par phyogs par mdzod cig pa'o/ /brtan pa dang mtho ba la sogs pa'i dngos grub kyis myur du sangs rgyas kyi sprul bas sems can gyi las la rab tu 'dud pa ni mchog tu 'dud par mdzad pa ste/ 'dis rdo rje 'dod pa'i dbang phyug ma'i rang bzhin can gyi dngos grub kyi phyir gsol ba btab pa'o/ /de ltar mchod pa chen po bstan nas bdag la byin gyis brlab pa rnam par 'grel par bya ba'i phyir de la ji ltar zhes bya ba la sogs pa gsungs te/ mchog tu gsang ba dam pa'i dpal dam tshig gsum ni dpal rdo rje sems dpa' la sogs pa'i sku gsung thugs rdo rje rnams kyis bdag la byin gyis brlabs pa ni dngos grub thams cad kyi byin gyis brlab pa ste/ de ston par byed pa'i sgrub pa chen po'i rgyud ji ltar shes par bya zhe na/ rang lha'i sbyor ba ji bzhin du zhes bya ba la rnal 'byor dang/ rjes su rnal 'byor gyi mtshan nyid dang/ rnal 'byor chen po'i mtshan nyid can no/ /de nyid chos dang las dang dam tshig gi phyag rgya rnams kyis byin gyis brlabs te/ bstan par bya ba gang yin pa de ni phyag rgya kun gyis byin gyis brlabs pa'o/ /de nyid chen po'i mchog gis ni/ rang nyid bsgrubs te snying po bzla zhes bya ba la/ rang gi lha'i sbyor ba ji lta ba bzhin du phyag rgya kun gyis byin gyis brlabs pa'i rang gi bdag nyid gang yin pa de nyid/ de kho na nyid dang/ chos dang/ dam tshig gi mtshan nyid can gyi mchog gi de kho na nyid chen pos rab tu bsgrubs? pa ni/ yongs su rdzogs shing mthar thug par byas nas rang gi lha'i snying po hUM la sogs pa'i rang bzhin gyis bzlas pa ni mngon par bsngags par bya'o/ /de yang de nyid kyis mi rdon?
- 25b
gzung/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzla/ /zhes bya ba'i don to/ /de ltar de kho na nyid dang/ chos dang/ dam tshig rnams kyis bdag nyid rab tu bsgrubs la/ dam tshig gsum gyis klu'i mchod pa bya'o zhes bya ba'i cho ga 'dir rab tu bstan par bya ba'i phyir/ de nas de bzhin gshegs pa thams cad kyi mchog ces bya ba la sogs pa gsungs te/ de bzhin gshegs pa thams cad kyi mchog gi dngos grub rdo rje sems dpa' la sogs pa'i sku gsung thugs kyi rdo rje rdzogs pa'o/ /de'i don du byin gyis brlabs pa ni rdo rje sems dpa' la sogs pa'i sku gsung thugs kyi rdo rje'i nus pa bskyed/ /de'i mchog gi de kho na nyid ston par byed pa'i mchog gi gsang pa gang yin pa de dam tshig gi rdo rje'i glu'i mchod pa yin no/ /de khyad par ji lta bu dang ldan pa yin zhe na/ mchog tu grub pa zhes bya'o// oM zhes bya ba ni 'dod chags rdo rje ma la sogs pa'i mdangs kyis dpal zhes bya pa'i don to// nam mkha' skye ba'i mtshan ldan phyi zhes bya ba'i don to/ /nam mkha' skye ba'i mtshan ldan phyir zhes bya pa la sogs pa la/ ji ltar nam mkha' ni rdzas thams cad dang bral pa'i rang bzhin/ rtsig pa la sogs pa'i rdzas zhig pas skye bo zhes 'dogs pa de bzhin du/ de bzhin nyid kyis rdo rje'i rang bzhin gyis rdo rje sems dpa' ni yang dag pa ma yin pa'i kun tu rtog pa'i dri ma dang bral pas sems can rnams kyi rgyud la skye bo'o zhes 'dogs pa yin te/ de na nam mkha' skye ba'i mtshan ma dang ldan pa'i bcom ldan 'das yin no/ /nam mkha' skye ba'i mtshan nyid dang ldan pa de nyid kyis thog ma dang tha ma med pa'o/ /'jig rten la grags pa gzhan dag kyang thog ma dang tha ma med par yongs su brtags pa'i tshul gyis thog ma dang tha ma med pa yin gyi don dam par ni ma yin te de'i phyir de rnams las khyad par du bstan pa'i phyir mchog ces bya ba gsungs te/ don dam par thog ma dad tha ma med pa'i mchog ces bya ba yin no/ /de lta bu gang yin zhe na/ sems dpa' i rdo rje che rang bzhin zhes bya ba de bzhin nyid kyi rdo rje'i rang bzhin gyi sems dpa' ni sems dpa' i rdo rje
- 26a
chen po'i rang bzhin te/ de bzhin nyid dang ro gcig pa'i sems dang sems las byung ba'i rang bzhin can no zhes bya ba bstan pa yin no/ /rdo rje sems dpa' bdag grub mdzod ces bya ba ni sgrub pa pos gsol ba btab po/ /gzhung 'di tsam gyis ni/ thog mdza' med pa'i sems dpa' ni/ rdo rje sems dpa' zhes bya ba'i don bshad pa yin no/ /da ni dga' ba che zhes bya ba 'di'i don bstan par bya ba'i phyir kun mchog ces bya ba la sogs pa gsungs te/ thams cad kyi mchog ni kun mchog ste 'jig rten dang 'jig rten las 'das pa thams cad kyi mchog tu gyur pa byang chub chen po'i rang bzhin can gyi dngos grub kun mchog kyang yin la dngos grub chen po yang de nyid yin pas na kun mchog dngos grub chen po'o/ /bag chags dang bcas pa'i nyon mongs pa dang bral ba nyid kyis gzhan gyi dbang du ma gyur pa nyid kyi phyir dbang phyug chen po ste/ sku thams cad bstan pas sems can gyi don mdzad pa'i phyir gtso po nyid yin no zhes bya ba'i don to/ /de dang rgyu mthun pa'i lha ni lhag pa'i lha ste/ dpal rdo rje sems dpa' i phyag rgya chen po'i rang bzhin can gyi lhag pa'i lha'o/ /gsang ba lnga'i de kho na nyid chen po'i rang bzhin dang po'i rdo rje na rdo rje thams cad te/ de 'dzin pas na rdo rje thams cad 'dzin pa'o/ /de yang rigs thams cad kyi bdag po'i tshul gyis thams cad las rgyal bas na rgyal po'o/ /'dir rgyu la 'bras bu nye bar btags par byas nas phyag rgya chen po'i gzugs su bcom ldan 'das de kho na nyid kyi glus bstan pa yin no/ /mi 'gyur mchog tu bdag grub mdzod ces bya ba pod pa'o/ /da ni kun tu bzang po kun bdag nyid/ /rdo rje snyems pa bdag po bdag ces bya ba 'di'i don dran par bya ba'i phyir/ nyes pa mi mnga' zhes bya ba la sogs pa gsungs te/ bag chags dang bcas pa'i nyon mongs pa dang bral bas na skyon med pa ste rang bzhin nges rtag pa khyod yin no/ /'dis ni kun tu bzang po'i don bstan pa yin no/ /tshul gang gi sems can rnams 'dul bar 'gyur ba de nyid kyis
- 26b
'dul ba'i phyir/ 'dod chags kun gyis rjes chags ste/ 'dis ni thams cad bdag ces bya ba la sogs pa'i don to/ /chags pa chen po dga' ba che/ /bcom ldan de nyid kyis grub mdzod ces bya bas pod pa dang bcas pa'i dngos grub kyi phyir gsol ba btab pa'i don to/ /de ltar de kho na nyid kyi glu'i mchod pa bstan par bya ba'i phyir shin tu zhes bya ba la sogs pa gsungs te/ phyi ma'i mdza' i bar du gzung ba dang 'dzin pa'i rnam par rtog pa'i dri ma dang bral ba'i phyir shin tu dag pa'o/ /nyan thos dang rang sangs rgyas dang byang chub sems dpa' thams cad las mchog tu gyur pas nas kun mchog go/ gdod nas grol ba de bzhin gshegs zhes bya ba la/ thog ma dang tha ma med pa chos kyi dbyings kyi rang bzhin gyis rtag tu 'ching ba thams cad dang bral ba nyid kyi phyir gdong nas grol ba'o/ /dngos po'i rang bzhin lta ba bzhin du chos kyi dbyings kyi rang bzhin dang thabs kyi rang bzhin du dngos po rnams gnas pa mkhyen pas na de bzhin gshegs pa'o/ /gzhan yang gzhan dag la de bzhin du gsungs pa rab tu ston par mdzad pas na de bzhin gshegs pa'o/ /kun tu bzang po zhes bya ba ni sems can rnams la kun nas bzang po'i dga' ba gang las byung ba de ni kun tu bzang po'o/ /brtan pa dang g.yo ba'i dngos po thams cad kyi rang bzhin du bzhugs pas na kun bdag nyid do/ /byang chub kyi rang bzhin gyi sems dpa' ni byang chub sems dpa' o/ /rab tu sgrubs zhes bya bas gsol ba btab pa yin no/ /de ltar chos kyi glu'i mchod pa bstan nas/ da ni dam tshig gi glu'i mchod pa bstan par bya ba'i phyir kun mchog ces bya ba la sogs pa gsungs te/ kun gyi mchog kyang de yin la dngos grub chen po yang de nyid yin pas na kun mchog dngos grub chen po ste / thabs dang shes rab kyi bdag nyid can rdo rje 'chang chen po rtogs pa'o/ /de nyid dbang phyug chen po ste de yod pas phyag rgya'i mchog gang yin pa de ni/ kun mchog dngos grub chen po yi/ /dbang phyug chen po'i phyag rgya'i mchog ste/ dpal rdo rje sems dpa' i phyag rgya chen po'o/ /de nyid
- 27a
kyis grub par gyur cig pa'o/ /de ji ltar zhe na/ rdo rje cher bstod pa zhes bya ba la/ ji lta ba bzhin du bshad pa'i dang po'i rdo rje cher bstod pa ni rdo rje cher stod pa'o/ /lag pa g.yas pa'i sor mo dbus ma'i kha TwAM ga rang gi snying gar bstod pa'i tshul 'dzin pa ni rdo rje cher bstod pa ste/ rdo rje cher bstod pa des sgrubs shig pa ni dpal rdo rje sems dpa' i phyag rgya chen po'i dngos grub kyis rdo rje snyems pa'i bdag po kye bdag la sgrubs shig ces bya ba la bod pa dang bcas pas bcom ldan 'das la sgrub pa pos gsol ba btab pa yin no/ /de ltar dam tshig gsum gyi glu'i mchod pa bstan nas/ da ni de nyid kyi phan yon bstan par bya ba'i phyir/ dpal mchog dang po zhes bya ba la sogs pa gsungs te/ dpal mchog dang po ni ji lta ba bzhin du bshad pa'i bcom ldan 'das rdo rje sems dpa' i ste/ de'i glu ni/ oM nam mkha' skye med mtshan ldan phyir zhes bya ba la sogs pa'i klu sgrub pa pos bcom ldan 'das kyis yang dag par gyur pa'i yon tan brjod cing/ don dam par de kho na nyid dang/ chos dang dam tshig gi don la lhag par mos pas glu blangs na ji ltar 'gyur zhes bya ba bshad par bya ba'i phyir/ de ni dngos grub kun gyi mchog 'gyur zhes bya ba gsungs te/ de zhes bya ba ni sgrub pa po'o/ /ni zhes bya ba'i sgra nges par gzung ba la bya ste/ de nyid kho nar gyur pa yin no/ /dpal rdo rje sems dpa' i sku gsung thugs kyi rang bzhin can gyi dngos grub kyi dngos grub kun gyi mchog ste/ rdo rje dbang phyug chen po'i sku thams cad ston par byed pas sems can gyi don no/ /dbang phyug chen po de dang ldan zhing dbang phyug chen po nyid du 'gyur ro zhes bcom ldan 'das rdo rje 'chang chen pos gsungs so/ /mchog kyang yin la de kho na nyid kyang de nyid yin pas na mchog gi de nyid yin pas mchog gi de nyid ste/ rdo rje 'chang chen po'i sku gsung thugs kyi rdo rje rnams so/ /de nyid gsang ba'i mchog ni 'jig rten thams cad dang thun mongs ma yin pa'o/ /de'i glu chen po ni dam tshig gsum gyi blu'i mchod pa'o/ /mchog tu grub pa zhes bya ba
- 27b
nas mchog tu grub pa ni rdo rje sems dpa' ste/ de ston par byed pa nyid kyi phyir 'di yang mchog tu grub pa'o/ /mchog tu grub pa yang mngon du byed pa'i rgyu nyid yin pa'i phyir mchog gi glu 'di yang mchog tu grub pa zhes bya ba yin no/ /dngos grub cho ga 'di yis ni zhes bya ba la/ dngos grub kyi don gyi cho ga ni dngos grub kyi cho ga ste glu'i mchod pa'o/ /mchog gi dngos grub kyi cho ga 'dis rdo rje sems dpa' yang dag par rjes su rnal 'byor rang gi mtshan nyid can ni dngos grub chen po kun gyi mchog ni rdo rje sems dpa' i dngos grub ste/ des dbang phyug chen po ni bag chags dang bcas pa'i nyon mongs pa dang bral bas khams gsum thams cad du gzugs thams cad ston pas sems can byed pa'o/ /yul der rdo rje sems dpa' dang yang dag par 'dus pa'i sgrub pa pos bsgrub par bya ba yin no/ /de bzhin du dam tshig gsum gyi glu'i mchod pa 'dis kun nas 'od zer ston sogs dang zhes bya ba la/ cho 'phrul brgya rtsa brgyad kyi rnam pa can dang/ so sor ston pa'i rmad du byung ba rnams ni ngo mtshar bar gyur pa rnams sgrub pa po'i rdo rje slob dpon gyis rang gi lha dpal rdo rje sems dpa' las mthong bar 'gyur ro/ /rtog pa kun zhes bya ba ni gsang pa'i dkyil 'khor gyi rtog pa sna tshogs chen po'i dngos grub ni gsang ba lnga'i de kho na nyid chen po'i dngos grub bo/ /de'i dbang phyug ni ji lta ba bzhin du bshad pa ste/ de las byung ba'i bde ba ni/ /rtog pa kun gyi sna tshogs che/ /dngos grub dbang phyug bde ba rnams/ ni'i sgra ni des par gzung bas te/ dam tshig gsum gyi glu'i mchod pa nyid kyis rtog pa thams cad kyi sna tshogs pa'i dngos grub kyi bde ba rnams dpal rdo rje sems dpa' i legs par byin gyis brlabs pas rdo rje slob dpon gyis rtag tu 'thob pa yin no/ /de ltar bdag la byin gyis brlab pa bstan nas/ da ni rnal 'byor chen po sgrub pa'i rang bzhin can sgrub pa chen po'i rgyud bstan par bya ba'i phyir/ de la ji ltar zhes bya ba la sogs pa gsungs te/ thams cad kyang yin pa bdag la byin gyis brlabs la yang de nyid yin pas na thams cad
- 28a
bdag la byin gyis brlab ba ste/ rang gi rigs kyi lha thams cad sgrub pa po'i lus la dgod pa'o /de'i don du lha rnams kyi sgrub pa chen po ni rang gi dam tshig gi phyag rgya rnams kyis rang la rag las par bya ba de ni thams cad bdag la byin gyis brlab pa'i lha'i sgrub pa chen po'o/ /de ston par byed pa'i rgyud ji ltar shes par bya zhe na/ rang lha'i rnal 'byor ji bzhin du zhes bya ba la bdag nyid kyis rang gi lha ni 'dod pa'i lha'o/ /rdo rje thal mo dang rdo rje bsdams pa bcings nas snying gar dral bar bya'o/ /de nas rdo rje dbab pa bskyed nas rang gi snying gar rdo rje dbab pa'i bya ba rgyas dprol bar byas la dam tshig gi rdo rje khu tshur bcings te phyag rgya thams cad brdeg par bya'o/ de nas sdig pa dang dral ba'i phyag rgyas sdig pa rnams dral bar bya'o/ /de nas dpal rdo rje sems dpa' i rnal 'byor pas rang gi snying gar gnas pa'i rdo rje la yi ge hUM yid kyis bris pa de nyid yid kyis brjod cing chos thams cad rang bzhin gyis 'od gsal ba dang nam mkha' dang mnyam par sgom par bya'o/ /de nas nam mkha' i phyogs su rang gis sems yi ge hUM gi rnam par bsam la dbyangs bcu drug dang bcas pa'i yi ge hUM gis rang gi sems zla ba'i dkyil 'khor gyi rang bzhin du bsam par bya'o/ /de'i steng du ka la sogs pa'i yi ge dang bcas pa'i yi ge hUM las zla ba'i dkyil 'khor gnyis pa de nyid yi ge hUM dang bcas pa'i rdo rje ste/ rdo rje dbus su yi ge hUM yid kyis bri ste gsang ba lnga'i de kho na chen po dang po'i rdo rje zhes bya bsgom zhing rdo rje las 'jig rten gyi khams thams cad kyi rdul phra rab dang mnyam pa'i gsang ba'i dkyil 'khor rnams spros te/ de dag gis sems can gyi khams thams cad gsang ba'i dkyil 'khor rtog pas rdo rje 'chang chen po nyid du byas la de rnams rdo rje la bzhugs par bya'o/ de nas sems dpa' byin gyis brlab pa'i sbyor bas bdag nyid rdo rje sems dpar bsgoms la/ ma hA sa ma ya satwa a haM zhes bzla bar bya'o/ de nas dang po'i rdo rje bcings la slar yang sa ma yo a haM zhes bya ba bzla bar bya'o/ /de nas dang po yi
- 28b
rdo rje'i? snying ga dang/ smin mtshams dang/ mgrin pa dag sbyi bo rnams su sa ma ya satwa a d+hi tiSh+Tha swa maM zhes bya bas byin gyis brlab par bya'o/ /de nas phyag rgya chen po bcing bar bya'o/ /de nas rdo rje sems dpa' i rnal? 'byor pa'i rang gi lha'i sbyor pa ji lta ba bzhin yin no/ /gzhan la ni rang gi chogs rang gi lha phyir rkya chen po bcing bar bya ste/ 'dis rang gi lha'i sku'i gsang pa ji lta ba bzhin du sku mdog dang/ dbyibs dang/ gzugs dang ldan pa'i rang gi lha'i sbyor ba ji lta ba bzhin bstan pa yin no/ /lha yang yin la kun yang de nyid yin pas na lha kun te rdo rje sems dpa' la sogs pa'o/ /de rnams kyi bdag nyid kyi sbyin? sku'i gsang ba rnams so/ /rang gi lha'i sbyor ba ji bzhin pa dang/ lha kun gyi bdag nyid kyi sku rnams ni rang gi lha'i sbyor bas ji bzhin pa'i lha kun gyi bdag nyid kyi sku rnams te/ /de dag gis rang gi lha'i sbyor ba'i bdag nyid can gyi rnal 'byor ba de rang gi lha'i dkyil 'khor gyi bsgrub par bya ba yin te/ gzhan gyis ni ma yin no zhes bya'o/ /'di ltar bshad par 'gyur te/ rang gi lha'i rnal 'byor tsam byas la nam mkha' dad mnyam pa nyid kyi sbyor bas nam mkha' dang mnyam pa'i rang gi snying ga'i zla ba la zhugs te/ yi ge hUM gis dang po'i rdo rje bcings nas/ a nu ra ga ya mi hUM zhes bya ba brjod cing sa la rab tu bzhag par byas nas dpal rdo rje sems dpa' gsang ba'i dkyil 'khor snying gar rdzogs par bya'o/ /de nas muug tu phyag rgya bcings nas/ der zhugs la dngos grub kyi rdo rje brtul zhugs blang ba'i bar du rang gi tshogs rdzogs par bya ste/ sngar bshad pa'i rdo rje sems dpa' i dkyil 'khor chen po la gsungs pa'i rnal 'byor chen po'i gnas rnams su gsang ba'i lcags kyu nas dpal mchog dang po zhes bya ba la sogs pa'i glu brjod cing/ rang gi lus la rdo rje sems dpa' la sogs pa bcug la dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab la de bzhin gshegs pa thams cad rang gi lus dang rdo rje sems dpa' la sogs pa'i sku la snga ma bzhin du bcug ste dam tshig gi
- 29a
phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab la/ dang po'i rdo rje de bzhin du bdag la byin gyis brlabs te/ brtan par byed pa'i snying por brtan par byas la dbang bskur ba'i phyag rgya rnams kyis dbang skur te/ rdo rje dang bdag po dang/ ming gi dbang bskur ba dang/ dngos grub kyi rdo rje brtul shugs blangs la/ 'dod chags rdo rje ma la sogs pa'i mchod pa'i phyag rgya bcu gnyis kyis bdag nyid yang dag par mchod la/ sgeg mo dga' ba'i rdo rje ma'i phyag bzhis phyag btsal bar byas nas/ de kho na nyid dang/ chos dang/ dam tshig rnams la yi ge hUM lan gsum brjod de/ dam tshig gsum gyi mchod pa byas la rdo rje'i bdag? nyid dang/ rang bzhin dag pa dang/ thams cad mnyam pa'i bdag nyid rnam par bsgoms la/ ji lta ba bzhin du rang gi snying gar gnas pa'i rdo rje la yi ge hUM yid kyis bris nas rab tu dga' ba'i dag gi brjod cing bsgom par bya ba yin no/ /de dag thams cad dgug pa dang/ mchod pa chen po dang/ bdag la byin gyis brlabs pa dang/ sgrub pa chen po rnams bstan nas/ da ni ba ra ta dang be sha khi la la mkhas pa'i rjes su bsgrub par bstan par bya ba'i phyir/ de nas zhes bya ba la sogs pa gsungs te/ de nas kyi sgra ni skabs su bab pa'o/ /gsang ba dam yig? chog gi dpal dam tshig gsum ni de bzhin gshegs pa thams cad kyi sku gsung thugs kyi rdo rje brtan par byed pa'i gsang ba'i dkyil 'khor der mchog gi dngos grub thams cad kyi dbang phyug ni khams gsum pa'i chos kyi rgyal srid thob pa'o/ /de nyid bdag po nyid dngos grub thams cad kyi tshogs pa'i gang gi dang por yod pa de la de skad ces bya'o/ /dngos grub kyang yin la thams cad kyang de nyid yin pas nas dngos grub thams cad te/ phyag rgya chen po dang/ dam tshig dang chos dang las kyi phyag rgya'i dkyil 'khor gyi dngos grub rnams so/ /las rnams kyi tshogs ni las kyi tshogs te gsang ba'i dkyil 'khor dang 'brel ba'i 'og nas 'chad par
- 29b
'gyur ba'i las rgyu'i rgyun no/ /mi 'gyur ba mang yin la mchog kyang de nyid yin pas na mi 'gyur mchog ste/ thog ma dang tham ma med pa'o/ /de nyid kyi phyir dam pa ni phul du byung pa'o/ /'di la gong na med pas bla na med pa'o/ /dga' ba dang rab tu dga' ba zhes bya ba la/ dga' ba ni yid bde ba'o/ /rab tu dgar ba ni dga' ba'o/ /bde ba thams cad ni 'jig rten las 'das pa'i 'o/ /de yang dam pa dang/ bar ma dang/ mchog gis dbye bas phye ba yin no/ /yid bde ba yang de bzhin du shes par bya'o/ /bla na med pa'i dga' ba dang rab tu dga' ba las khyad par ci yod ce na/ 'di ni dman pa dang/ bar ma dang/ mchog gi dbye ba rnam pa gsum te/ de ni bla na med pa kho na yin no zhes bya ba ni 'di'i khyad par yin no/ /mchog gi dngos grub ni rdo rje 'chang chen po la sogs pa'i rang bzhin can no/ /ji lta ba bzhin du bshad pa'i dngos grub thams cad dang pas kyi tshogs dang/ mi 'gyur ba mchog gi dam pa bla na med pa'i dga' ba dang rab tu dga' ba dang/ yid bde ba dang mchog gi dngos grub rnams ni ji lta ba bzhin du bshad pa'i bdag po nyid la sogs pa'i dngos grub thams cad kyi las kyi tshogs kyi mi 'gyur ba mchog gi dam pa bla na med pa'i dga' ba rab tu dga' ba dang/ bde ba thams cad dang/ yid bde ba mchog gi dngos grub rnams so/ /de dag gi cho ga rgyas ba ni rdo rje su chags pa la sogs pa'i glu dang rol mo yi cho ga rnam gsum mo/ /de nyid rjes su bsgrub pa ni phyi nas bsgrubs pas na rjes su bsgrub pa ste/ thams cad dgug pa dang/ mchod pa chen po dang/ bdag la byin gyis brlabs pa dang/ sgrub pa chen po las phyis bya ba'i phyir ro/ /de nyid mchog gi dngos grub kyi rgyud gyur pa'i phyir mchog tu grub pa yin no/ /ji lta ba bzhin du bshad pa'i rnal 'byor chen po byas la rang gi lha'i dkyil 'khor cho ga bzhin du mdun du bzhag la de nyid sgom pa ni 'di rang gi lha'i sbyor ba ji lta ba bzhin gang yin pa dang/ tshogs kyi dkyil 'khor bsgom ba'o/ /rdo rje kun ni rdo rje sems dpa' la sogs pa rnams te/ de dag gi
- 30a
mchog gi sku ni mtshan ma'i phyag rgya'o/ /de yang gnyis su med pa'i sems dang sems las byung ba rnams ston par byed pa'i phyir ro/ /rang gi lha'i sbyor ba ji bzhin pa dang/ rdo rje kun gyi mchog gi sku ni rang lha'i sbyor ba ji bzhin dang/ rdo rje kun gyi mchog sku'o/ /byed par gyur pa de rnams kyis blu dang rol mo'i cho ga gang zhig rnal 'byor pas bya ba de ni de la rdo rje rjes su chags pa yin te/ shin tu rnal 'byor gyi sbyor bas mngon du gyur pa yin no/ /zhes bya ba'i tha tshig go/ 'di lta bshad par 'gyur te/ ji ltar bshad pa'i cho gas mdun du dkyil 'khor bzhag pa 'am/ tshogs kyi dkyil 'khor gyi sbyor bas dbus su 'dug ste/ thog mdza' med pa'i sems dpa' ni/ rdo rje sems dpa' dga' ba che/ /kun tu bzang po kun bdag nyid/ /rdo rje snyems pa bdag po'i bdag ces bya ba/ /dpal rdo rje sems dpa' i rnal 'byor pas yi ge hUM gi glu brjod cing bsgom par bya'o/ /dril bu dang bcas pa'i pi wang la sogs pa'i rol mo nyid thog ma dang tha ma med pa'i gzugs can gyi rdo rje nges rjes su chags par 'gyur ro/ /gzhan gyi rnal 'byor pas ni rang gi lha'i yi ge brjod cing rang gi rigs kyi de kho na nyid bsgom par bya ba yin no/ /de ltar rdo rje'i rjes su bsgrub pa bstan nas/ da ni dril bu'i rjes su bsgrub pa bstan par bya ba'i phyir/ rang lha'i sbyor ba ji bzhin du/ /dbyangs kyi rtsa ba rnams sad pas ces bya ba la sogs pa gsungs te/ rang lha'i sbyor ba ni bshad zin to// a kA ro mu khaM sarba d+harmma NAM/ A rya? nu d+dana? twat ces bya ba ni lhag par mos pa rnams ni dbyangs kyi rtsa ba rnam par sang pa ste/ dbyangs kyi rtsa ba rnam par sang pa de dag dang bcas pa'i glu dang rol mo'i cho ga rnal 'byor pas gang byed pa de dag dril bu nyid kyis rjes su blangs te dril bu'i sgra dang lhan cig tu glu lan pa'o/ /thams cad nam mkha' i mtshan nyid med/ nam mkha' dang mnyam sbyor ba yis/ /kun mchog mnyam pa nyid du gsal/ zhes bya ba bstan pa yin te/ de bsgom par bya'o zhes bya ba'i don to/ /'dis ni 'di ltar sngar bshad par 'gyur
- 30b
te/ snga ma bzhin du rang gi dkyil 'khor mdun du bzhag pa 'am tshogs kyi dkyil 'khor gyi tshul gyis 'dug ste/ dpal rdo rje sems dpa' i rnal 'byor pas/ yi ge hUM brjod cing dril bu dkrol ba la brtson pas sgra'i rjes su 'brang pa'i shes rab bsgom par bya ba dang/ pi wang la sogs pa rol mo'i sgra rnams kyis de nyid mngon du bya ba yin no/ /de ltar dril bu'i bsgrub pa bstan nas da ni dam tshig gi rjes su bsgrub pa bstan par bya ba'i phyir yang lha zhes bya ba la sogs pa gsungs te/ rang lha'i sbyor ba ji bzhin du zhes bya ba ni snga ma bzhin no/ /sna tshogs rdo rje sems dpa' ste phyag rgya ni phyag rgya chen po'o/ /de'i bdag bo'i ni sna tshogs phyag rgya'i bdag po te phyag rgya chen po'i bdag po phyag rgya chen po rdzogs par byed pa'i bdag po zhes bya ba'i don to/ /de gang yin zhe na/ mchog tu glu dang rol mo'i cho ga zhes bya ba la/ mchog gi phul du byung ba ste phyag rgya chen po ston pa /byed pa'i yi ge hUM gi gru dang/ rdo rje dril bu dang bcas pa'i pi wang la sogs pa'i rol mo ni glu dang rol mo'i cho ga'o/ /de yang slob ma'i tshogs dang bcas pa'i rnal 'byor pas bya ba yin no/ /dam tshig gis ni rjes su bsgrub ces bya ba la/ de nyid rnal 'byor pas dam tshig gi gzugs brnyan dang 'dra ba'i sku'i gsang ba'i bsgom pas rjes su bsgrub par bya'o/ /'di ltar bshad par 'gyur te de bzhin du mdun du dkyil 'khor yongs su brtag pa 'am/ yang na tshogs kyi dkyil 'khor gyi tshul gyis dkyil 'khor gyi dbus su 'dug ste rang gi phyag rgya chen po bcings la yi ge hUM brjod cing chos dbyings kyi rgyu mthun pa gzugs brnyan dang mtshungs pa'i phyag rgya chen po thams cad kyi gzugs sgom pa dang/ dril bu'i sgra dang bcas pa'i pi wang la sogs pa'i rol mos don de nyid bstan par bya'o/ /glu dang rol mo'i cho ga 'di nyid kyi mtshan nyid ni 'og nas 'chad par 'gyur ro// de ni rjes su bsgrub pa'i phan yon bstan par bya ba'i phyir 'dis zhes bya ba la sogs pa gsungs te/ rnam pa gsum gyi rjes su bsgrub pa 'dis rtog pa thams cad ni rigs lnga'i rang bzhin gyi dmigs pa'i rkyen rnams so/ /rdo rje 'bebs pas rab tu sad ces bya ba ni de kho na nyid dang
- 31a
chos dang dam tshig dang/ ye shes rnams kyis bskul zhing mngon du gyur pa'o/ /rang gi lha'i dam tshig ni/ /thams cad bzhir 'gyur 'grub par 'gyur/ zhes bya ba la grub pa ni sgrub pa po la rag las pa yin no/ /de yang dpal rdo rje sems dpa' la sogs pa'i phyag rgya'i rang bzhin can gyis dam tshig go/ rang gi lha ni rdo rje sems dpa' la sogs pa thams cad rnal 'byor bsgrub par bya ba nyid du 'dod pa rnams so/ /rjes su bsgrub pa gang zhig dang bril bas zla ba bzhis 'grub par 'gyur ba nges rjes su bsgrub pa de nyid kyis zla ba gcig gis 'grub par 'gyur te/ de bas ni mi 'gyur ro zhes bya ba gsungs so/ /mchog tu gsang ba dam pa'i dpal/ /dam tshig gsum gyi dkyil 'khor du glu dang rol mo ste/ ji skad du bshad pa'i mtshan nyid can de bzhin du rdzogs pa ni cho ga ste/ 'di mchog tu gsang ba ni sku gsung thugs kyi rdo rje sgrub par byed pas/ mchog tu gsang ba dam pa'i dpal dam tshig gsum gyi dngos grub kyi rgyu nyid rdzogs pa yin pas na mchog tu grub pa'o/ /de ltar thams cad dgug pa dang/ mchod pa chen po dang/ bdag la byin gyis brlabs pa dang/ sgrub pa chen po dang/ rjes su bsgrub pa rnams kyis bdag nyid dang dkyil 'khor rdzogs par byas la/ nyin re de srid du bsgom par bya ste/ ji srid mngon du gyur pa lta bur nyin re sgom pa'i dus su mthong bar 'gyur ro/ /de nas dkyil 'khor 'di bri bar bya'o zhes bya ba'i cho ga 'di rab tu bstan par bya ba'i phyir de nas zhes bya ba la sogs pa gsungs te/ de nas zhes bya ba ni mtshan ma thob ma thag pa kho na'o/ /de zhes bya ba ni ji srid ma thob pa'i gong du ma yin pa'o/ /gsang ba mchog gi dgyes pa na/ sangs rgyas kun gyis rjes brten pa'i/ /rdo rje sems dpa' i rang gnas su/ /thams cad bdag nyid rtag tu bzhugs/ /zhes bya ba'i gnas 'di 'og nas 'chad par 'gyur ro/ /de lta bu'i ji bzhin pa'i gnas su ji snyed pa zhes bya ba la sogs pa ni bshad zin to/ /bdag nyid ces bya
- 31b
ba la sogs pa la dpal rdo rje sems dpa' i rgyan rnams kyi bdag nyid yang dag par brgyan la/ /ji ltar 'dod pa 'am ji ltar thob pa'i sna tshogs pa'i gos gyon pa dang/ me tog gi phred ba dang ldan zhing kha dri zhim po bsgom pas lugs ma 'am brdungs ma la sogs pa'i rang bzhin can gyi bcom ldan 'das rdo rje sems dpa' 'khor dang bcas pa ji skad bshad pa'i khang pa sum brtsegs su dkyil 'khor bris la de'i dbus su rdo rje bzhag nas de nyid kyi mdun du ji lta ba bzhin bshad pa'i sgrub pa'i cho gas dpal rdo rje sems dpa' i sbyor bas rnal 'byor chen po byas la/ brla gnyis la dril bu ste brla gnyis po dpal rdo rje sems dpa' i sku gsung thugs kyi rdo rje 'bebs pa bskyed par byed pa'i dril bu'i sgra sgrogs par byed cing/ thams cad dgug pa dang/ mchod pa chen po dang/ bdag la byin gyis brlab pa la sogs pa sngar bshad pa'i mtshan nyid can bsgrub par bya'o/ /sngon du zhes bya ba la sogs pa la de ltar 'das ma thag tu bshad pa'i tshul gyis bdag nyid dang dkyil 'khor dang por lhan cig tu bsgrub pa byas nas bsgoms pas la la de'i rjes la khrus la sogs pa rang gi lha'i nga rgyal gyis rdzogs par byas nas/ slar yang zhugs te nyin re bzhin du mchod pa thams cad kyis? dkyil 'khor yang dag par mchod la de srid du bsgom par bya ste/ ji srid zla ba gcig gi bar du'o/ /mthar nya la mtshan thog thag bsgom par bya ste/ nyi ma 'char ka'i dus su rdo rje 'chang chen po nyid thob par 'gyur ro/ /don de nyid bstan par bya ba'i phyir/ 'dis ni 'dod pa kun dbang phyug 'gro dang 'od dang 'dod na 'phung zhes bya ba la sogs pa gsungs so/ /de ltar zhes bya ba la sogs pa la 'das ma thag tu bshad pa'i sgrub pa'i cho gas de ltar mchog tu rjes chags dga' ba pad+ma'i rab tu che/ /mchog gi rgyal mtshan bsgreng bas gang zhig rjes su bstan pa ste/ /mchog gi dngos grub dbang phyug chen po nyid de nyams myong ba /zhes bya ba sbyar ro/ /mchog kyang yin la rdzas su chags pa yang de nyid yin pas na mchog tu rjes su chags pa ste/ dpal rdo rje sems dpa' i gsang ba'i dkyil 'khor bsgom pa'o/ /'dis ni 'dod chags rdo rje ma'i rang bzhin can gyi dpal rdo rje sems?
- 32a
dpa' bstan pa ste/ des bskyed pa'i dga' ba ni mchog tu rjes su chags pa'i dga' ba'o/ /de nyid bag chags dang bcas pa'i nyon mongs pa thams cad kyi dri ma dang bral bas pad+ma lta bu yin pas na pad+ma'o/ /des na nam mkha' i khams thams cad khyab par byed pa'i nam mkha' dang mnyam pa'i ye shes kyi rin po che'i sa gzhi khyab pas na dga' pa'i pad+ma'i ra ba chen po'o/ /dga' ba'i pad+ma'i ra ba chen po ni dga' ba'i pad+ma'i ra ba chen po'o/ /de nyid mchog tu gsang ba grub pa ni bla na med pa yang dag par rdzogs pa'i byang chub kyi dngos grub la chags pas na bla na med pa'i dngos grub la chags pa ste/ 'dis kI li kI la'i rang bzhin can gyis rdo rje sems dpa' bstan to/ mchog gi rgyal mtshan bsgrengs pas gang zhig rjes su bsten pa ste zhes bya ba la/ de lta bu'i yon tan gyi khyad par dang ldan pa'i sgrub pa rnal 'byor pa gad gis phyin ci ma log par bsten pa ni bsgom par byed pas ste/ mchog kyang yin la rgyal mtshan yang de nyid yin pas na mchog gi rgyal mtshan te dpal rdo rje sems dpa' i sku'o/ de nyid de'i rnal 'byor gyis bsgreng bas te/ mthon pa'i sku gang la yod pa de ni mchog gi rgyal mtshan bsgreng ba rnams te/ 'dis rdo rje dran ma'i rang bzhin can gyi rdo rje sems dpa' tshig gi zur gyis bstan pa yin no/ /rdo rje sems dpa' rnal 'byor gyi ji lta ba bzhin du bshad pa'i sgrub pa mngon du byed pa de rnams cir 'gyur zhe na/ mchog gi dngos grub chen po nyid des nyams su myong ba zhes bya ba la/ /so so rang rig pa'i ye shes kyis nyams su myong ba ni rnal 'byor ba rnams kyi rig pa yin no/ /mchog kyang yin la dngos grub kyang de nyid yin pas na mchog gi dngos grub ste rdo rje 'chang chen po yi rang bzhin gyi gsang ba'i dkyil 'khor gyi dngos grub bo/ /des dngos grub chen po ni mchog gi dngos grub kyi dbang phyug chen po'o/ /de'i dngos po ni dbang phyug chen po nyid de de dag gi nyams su myong ba yin no/ /bya ba nan tan grub pa'i ye shes kyis sangs rgyas sprul pa dang sems can gyi don byed pa yin no zhes
- 32b
bya ba'i don te/ 'dis rdo rje 'dod pa'i dbang phyug ma'i rang bzhin gyi rdo rje sems dpa' bstan to/ /dpal mchog dang po zhes bya ba la sogs pa ni go sla'o/ /gnas gang du gsang ba'i dkyil 'khor brin rnal 'byor pas dngos grub bsgrub pa de bstan pa'i phyir/ gsang ba zhes bya ba la sogs pa gsungs te/ 'dod chags rdo rje ma la sogs pa'i dpal gyi cho gas dang ldan pas na gsang ba ste bcom ldan 'das rdo rje sems dpa' rang nyid kyis bzhugs pa'o/ /mchog ni phul du phyung ba'o/ /yid dang rjes su mthun par spyad na dgyes pa'o/ /'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'i de bzhin gshegs pa rnams kyis bsten pas na sangs rgyas kun gyi bsten pa'o/ /rdo rje sems dpa' rang gi ye shes las byung ba'i bzhugs pa ni rdo rje sems dpa' i rang gi gnas so/ /thams cad ni rigs lnga'i lha rnams kyi bdag nyid ni thams cad kyi bdag nyid de/ byang chub chen po'i sems la sogs pa las byung ba nyid kyis byang chub chen po'i sems la sogs pa'i ngo bo nyid 'di yin no zhes bstan par 'gyur ro/ /thams cad bdag nyid der da ltar byung ba'i ngo bos rtag tu ste thams cad du bzhugs pas na rtag tu bzhugs pa yin no/ thog mdza' med pa zhes bya ba ni bshad zin to/ /'di zhes bya ba ni ji lta ba bzhin du bshad pa'i mtshan nyid can no/ /rang byung zhes bya ba ni sgom pa las rang nyid kho na byung ba yin gyi gzhan las ma skyes pa na rang byung ngo/ /bdud bzhi bcom pas na bcom ldan 'das so/ /lhag pa'i lha ni gcig pu nyid ces bya ba la/ 'di las mchog tu gyur pa gzhan med pas na lhag pa'i lha'o/ /de bzhin nyid dang ro gcig pa'i sems dbang sems las byung ba'i rang bzhin nyid kyis rgyud tha mi dad pas na gcig pu nyid yin no/ /'di ltar 'chad par 'gyur te/ gang gi phyir bcom ldan 'das 'di ji ltar bshad pa'i yon tan dang ldan pa ji lta ba bzhin du bshad pa'i gsang ba dang/ thams cad kyi bdag nyid rdo rje sems dpa' i rang gi gnas su rtag tu bzhugs pa grub par 'gyur
- 33a
bde'i phyir ji skad du bshad pa'i khang pa sum brtsegs su gsang ba'i dkyil 'khor bris la/ rnal 'byor pas bcom ldan 'das bsgrub par bya ste/ gzhan du ma yin no zhes bya ba'o/ /rab tu de ltar mchog tu rjes chags dga' ba pad+ma'i ra ba che/ mchog tu gsang ba bsgrub pa zhes bya ba ni bshad zin to/ /bsgrub pa de nyid bla na med pa yang dag par rdzogs pa'i byang chub rdzogs pa'i rgyu nyid yin pa'i phyir/ bla na med pa'i dngos grub ste de nyid bde ba'o/ /gang zhig rjes su bsten pa zhes bya ba ni snga ma bzhin no/ /rab tu dga' ba ni rdo rje sems dpa' ste lha mo bzhi phreng gi dbus na bzhugs pa'o/ /de nyid 'dod chags kyis 'dod chags spong ba'i phyir rnal 'byor pa rnams kyi rtags su gyur pas na rgyal mtshan te/ de bsgred ba ni de'i sku gang la yod pa de ni rab tu dga' ba'i rgyal mtshan bsgred ba'i rnal 'byor pa rnams so/ /dpal rdo rje sems dpa' i lha mo bzhi yang dag par 'dus pa'i rnal 'byor las byung ba'i bde ba ni dngos grub mchog gi bde ba chen po ste/ de'i dngos po ni bde ba chen po de nyid do/ /dngos grub mchog gi bde ba chen po nyid rnal 'byor pa de rnams kyis nyams su myong ba yin no/ /'di ltar 'chad par 'gyur te ji lta ba bzhin du bshad pa'i khang pa sum brtsegs su gsang ba'i dkyil 'khor bris la/ cho ga thams cad rjes su spyad nas/ lha mo bzhi dang kun nas 'dus pa'i rnal 'byor gyis mdun du bcom ldan 'das bzhugs su gsol la/ gsang ba'i dkyil 'khor dbus su de'i rnal 'byor gyis de'i rang bzhin can gyis bdag nyid gang gis bsgom pa de ni de'i rang bzhin du 'gyur ro/ /dga' ba chen po yang yin la rdo rje don yod pa yang de nyid yin pas na dga' ba chen po rdo rje don yod pa ste/ gsang ba'i dkyil 'khor gyi dbus na bzhugs pa'i dpal rdo rje sems dpa' o/ /de'i dga' ba gang yin pa des dam tshig can ni rigs la bskyed pa'i rgyu'o/ /rnal 'byor yang yin la thams cad kyang de nyid yin pas rnal 'byor thams cad de/ rnal 'byor dang
- 33b
rjes su rnal 'byor dang shin tu rnal 'byor ni rnal 'byor thams cad do/ /de rnams kyi dbang phyug ni gtso bos te de skyed par byed pa'i phyir ro/ /dga' ba chen po rdo rje don yod pa'i dga' ba'i dam tshig thams cad kyang de yin la rnal 'byor thams cad kyi dbang phyug kyang de yin pas ni dga' ba chen po'o/ /rdo rje don yod pa'i dga' pa'i dam tshig dang/ rnal 'byor thams cad kyi dbang phyug go/ /de gang yin zhe na/ de bzhin gshegs pa thams cad kyi dpal rang gi dam tshig gi dkyil 'khor zhes bya ba la/ de bzhin gshegs pa thams cad kyi dpal ni lha mo bzhi phreng gi dbus na bzhugs pa lha mo thams cad kyi tshogs kyis yongs su bskor ba'i rdo rje sems dpa' i sku'o/ de nyid kyi rang gi dam tshig gi dkyil 'khor mchog tu gsang ba 'di yin no/ /de ltar slob dpon gyi las kyi cho ga bstan nas/ da ni slob ma gzhug pa la sogs pa'i cho ga rgyas par bshad par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa'o/ /'dir yang don 'di bshad pa yin te/ gal te slob ma gzhug pa'i don du rnal 'byor pas dkyil 'khor brtags pa yin la/ dngos grub kyi don du ni ma yin na/ de'i cho ga 'dis rnal 'byor pas slob ma gzhug par bya'o zhes bya ba'o/ /de bzhin gshegs pa thams cad kyi dam tshig chen po ni de bzhin gshegs pa thams cad kyi dam tshig chen po ste/ gsang ba'i dkyil 'khor 'di byang chub chen po'i sems kyi rang bzhin nyid kyi phyir dam tshig chen po dang shin tu rnal 'byor ro/ /der slob ma rnams gzhug pa la sogs pa'i cho ga ste/ de rgyas pa ni byang chub chen po'i sems bskyed pa la sogs pa'i rgyun te/ de bshad par bya'o/ /zhes bya ba ni bcom ldan 'das rdo rje sems dpas gsungs pa yin no/ /de la dang po kho na zhes bya ba la sogs pa ni go sla'o/ /rigs lnga'i mtshan pa rnams ni 'dod pa kun te 'dod pa de rnams la byang chub kyi mtshan can gyi rdo rje grub pa yin te/ dang po'i rdo rje la sogs pa'i rang bzhin gyi rigs kyi slob pa thams cad kyi snying
- 34a
ga'i zla ba rnam par bya ba yin no zhes bya ba'i don to/ /rdo rje sems dpa' nyid du 'gyur zhes bya ba la/ dang po'i rdo rje dang de bzhin gshegs pa dang/ khro bo'i rdo rje dang/ pad+ma'i rdo rje dang/ rin po che'i rang bzhin du 'dzin pa yin no/ /gar zhes bya ba ni/ ? gsum mchog sbyor ba yis/ sgeg bcas mdza' ma la sogs bkrol/ /glog 'gyu mchog tu bskor ba ni/ /rdo rje gar zhes de bshad do/ /zhes bya ba 'dis/ /rang gi lus la skor ba'i gar phyogs bzhir byas nas phyag bya ba'i thal mo de gang la yod pa de ni gar gyi thal mo rnams so// de gnas gang du zhes bya na/ spyi bo zhes bya ba ste/ gang gyi thal mo sbyar ba de dag rang gi spyi bor bcings pa'i rdo rje gar las byung ba'i phyag bya ba'i thal mo rnams so/ /zhes bya ba'i tha tshig go/ gos kyis gdong ni g.yogs pa rnams zhes bya ba la/ /ji lta ba bzhin du bshad pa'i ras gyis gdong g.yogs pa ste de ltar gyur pa de rnams dpal rdo rje sems dpa' la sogs pa'i rigs lnga'i dngos grub 'dod pa ji ltar 'dod pa'i dngos grub 'dod pas te/ slob ma de rnams thams cad rang gi cho gas gzhug par bya'o// //gang gis dpal rdo rje sems dpa' la sogs pa'i dngos grub gang 'dod pa ni 'dir ci 'dod pa ste/ de lta bu'i 'dod pa'i dngos grub slob ma'i tshogs la bsam zhing/ slob dpon gyis slob ma rnams me tog dor du gzhug par bya'o/ /sangs rgyas rin chen dbang bskur gyis/ /dam tshig gsum ni gsal bar sbyin/ /zhes bya ba la/ sangs rgyas nyid ni rin po /dam tshig gsum ni gsal bar sbyin/ /zhes bya ba la/ sangs sangs rgyas rin chen dbang bskur pa'o/ /sangs rgyas lnga'i phyag rgya'i dbang bskur ba dang/ cod pan la sogs pa'i dbang bskur bas sangs rgyas rin chen dbang bskur bas /de dang bcas pa'i de kho na nyid dang/ chos dang/ dam tshig sku gsung thugs kyi rdo rje ston par byed pa rnams thog mdza' med pa zhes bya ba la sogs pa'i 'og nas 'chad par 'gyur pa'i dam tshig gsum gyi bshad pa'i gzhung
- 34b
gis de dag sbyin par bya'o/ /de ltar dam tshig gsum ni gsal bar sbyin par 'gyur ro/ /'di zhes bya ba la sogs pa la/ 'di ni dmyal ba'i chu yin te/ khyod dam tshig las 'das pa'i rgyus dmyal ba khyod la sreg par byed do/ /de yang zangs 'bar zhing zhu ba'i chur 'gyur ro/ /dam tshig bsrungs na zhes bya ba la dam tshig dang? mi shes pa rnams la rdo rje la sogs pa ma bstan pas sku gsung thugs kyi rdo rje dngos grub rdzogs pa'i phyir dngos grub rdo rje'i bdud rtsi'i chu ni thar pa chen po'i bdud rtsi'i chu ste/ dam tshig bsrungs na khyod la 'grub pa yin no/ /dam tshig de gang zhig las 'das pas bdag la skyon cing 'gyur zhe na/ rdo rje zhes bya ba la sogs pa la lha thams cad kyi rdo rje phyag mtshan rnams ni rdo rje'o/ /rigs thams cad kyi mtshan mas mtshan pa ni dril bu'o/ /chos dad las dang dam tshig dang phyag rgya chen po rnams te/ khyad par du lha thams cad kyi sku'i gsang ba ni phyag rgyar brjod pa yin no/ /dam tshig de? gang zhig las 'das pas bdag la skyon cir 'gyur zhe na/ phyag rgya la sogs pa rnam pa gsum po 'di dag gal te dkyil 'khor du ma zhugs pa la khyod kyis smras sam/ dad pa med pas gzhan gzhang gang byed ces bya ba la/ rdo rje la sogs pa 'dis ci zhig bya/ sgom pa kho na gtso bor 'gyur ba yin te/ lag pa rnam par 'gyur ba la sogs pa ni ma yin no zhes skye bo'i tshogs kyi nang du gnas nas smod pa gang yin pa 'di ni dam tshig las 'das pa'o/ /zhes bya bas mna' bsgag go/ de ltar dbang bskur ba'i chus chu blud la dam tshig rab tu bstan nas/ phyag rgya'i dbang bskur pa la sogs pa nas dngos grub kyi rdo rje brtul zhugs kyi bar du sbyin par bya'o zhes bya bar bstan par bya ba'i phyir/ /de nas zhes bya ba la sogs pa gsungs te/ de yang go sla'o/ /de ltar dbang bskur ba la sogs pa byin nas de kho na nyid dang/ chos dang dam tshig rnams sbyin par bya'o/ /zhes bya ba'i cho ga 'di rab tu bstan par bya ba'i phyir de la 'di zhes bya ba la sogs pa gsungs te/ de la zhes bya ba ni dag nye bar dgod pa la'o/ /'di zhes bya ba ni de ma thag tu 'og nas 'chad par 'gyur ba thugs la
- 35a
bzhag par mdzad nas 'di ltar gsungs so/ /mchog ni thog ma dang tha ma med pa'o/ /gsang bar gyur pas na gsang bas te dmigs pa med pa'i thugs rje chen po las byung ngo zhes bya ba'i don to/ /mchog kyang yin na gsang ba yang de nyid yin pas na mchog tu gsang pa'o/ /de nyid kyi phyir dam pa ste phul du byung ba'o/ /de gang yin zhe na/ dpal dam tshig gsum sbyin pa'i zhes bya ba la lha mo bzhi phreng gi dbus na bzhugs pa'i dpal rdo rje sems dpa' i sku gsung thugs kyi gsang ba ni dpal dam tshig gsum ste/ de sbyin pa ni thog mdza' med pa zhes bya ba la sogs pa bshad pa'i dam tshig gis slob ma'i rgyud la gtad pa'o/ /thog ma ni dang po skye ba'o/ /tha ma ni par mchod pa'i 'jig pa'o/ /thog ma dang tha ma de dag gang la med pa de ni thog ma dang tha ma med pa'o/ /de gang yin zhe na/ sems dpa' zhes bya pa'ang de bzhin nyid dang ro gcig pa'i sems dang sems las byung ba rnams ni sems dpa' ste/ gzung ba dang/ 'dzin pa'i rnam par rtog pas mi bskyod pa'i phyir ro/ /de nyid bstan par bya ba'i phyir rdo rje sems dpa' zhes bya ba la sogs pa gsungs te/ rdo rje ni de bzhin nyid do/ /de bzhin nyid dang ro gcig pa'i sems dang sems las byung ba rnams ni sems dpa' o/ /rdo rje la sems dpas na rdo rje sems dpa' o/ /de nyid dmigs pa med pa'i thugs rje'i rang bzhin nyid kyi sems can gyi don chen po la chags pas na dga' ba che? ji skad du rtag tu dri med thugs rje'i shugs las byung/ /smon lam grub pa mi 'gag chos nyid can/ /'gro ba'i don ni yang dag sgrub? byed mchog/ thugs rje'i rtag tu rnam par 'dzes bya ba 'byung ngo/ /'dis ni bcom ldan 'das gzhan gyi don gyi thabs kyi rang bzhin du bstan to/ /dga' chen po'i don nyid bstan pa'i phyir kun tu bzang po zhes bya ba gsungs te/ kun nas bzang po'i dge ba gang las byung ba de ni kun tu bzang po'o/ /thams cad kyi bdag nyid yin pas na kun bdag nyid do/ /rigs lnga'i lha rnams kyi rang bzhin
- 35b
gyis/ 'od gsal ba'i sems dang sems las byung ba'i rang bzhin nyid yin pa'i phyir ro/ /dpal rdo rje sems dpa' phyag rgya chen po dang/ bcom ldan 'das ma dpal rdo rje sems dpa' i rig pa'i lha mo ni rdo rje snyems pa ma ste/ de'i bdag po ni chos kyi dbyings kyi rang bzhin can gyi dpal rdo rje sems dpa' o/ /bdag ces bya ba ni bdag po'o/ /'di ltar 'chang par 'gyur te/ chos kyi dbyings kyi rang bzhin gyi rdo rje sems dpa' ni phyag rgya chen po bskyed pa'i rgyu nyid yin pas bdag po zhes bya'o/ /mchog dang po'i skyes bu bcom ldan 'das zhes bya ba la/ rgyu la 'bras bu nye bar brtags pa byas nas chos kyi dbyings nyid mchog dang po'i skyes bu bcom ldan 'das rdo rje 'chang chen po nyid du bstan to/ /rdo rje zhes bya ba la dang po'i rdo rje brjod do zhes bya ba dang sbyor ro/ /gang gis brjod par bya zhe na/ mchog gi de kho na nyid kyis zhes bya ba la gang zhig thog mdza' med pa zhes bya ba nas brtsams te/ ji srid mchog dang po'i skyes bu bcom ldan 'das so zhes bya ba'i bar gyis bstan pa 'di ni mchog gi de kho na nyid de/ des slob ma rnams la rdo rje sbyin par bya'o/ /ci byas nas she na/ gsang ba lnga'i de kho na nyid bshad nas zhes bya ba la/ rdo rje sems dpa' dang/ 'dod chags rdo rje ma dang/ rdo rje kI li kI la dang/ rdo rje dran ma dang/ rdo rje 'dod pa'i dbang phyug ma'i rang bzhin can gyi gsang pa lnga'i de kho na nyid chen po 'di 'og nas 'chad par 'gyur ba'i tshig gis slob ma rnams la yang dag par bstan la/ de nas mchog gi de kho na nyid kyis rdo rje sbyin par bya'o/ /de ltar mchog gi de kho na nyid kyis rdo rje byin nas/ chos kyi dril bu slob ma rnams dkrol du gzhug go zhes bya ba'i cho ga 'di rab tu bstan par bya ba'i phyir/ 'di de zhes bya ba la sogs pa gsungs te/ 'das ma thag tu bshad pa'i thog ma dang tha ma gang yin pa de ni 'di lta ste mchog dang po'i skyes bu bcom ldan 'das so/ /mchog ni thog ma dang tha ma med pa'o/ /srid pa'i bdag po zhes bya ba ni khams gsum ma lus pa'i chos kyi rgyal srid thob pa'i phyir ro/ /thams cad kyi mchog kyang yin la dbang phyug dam
- 36a
pa yang de nyid yin pas na thams cad kyi mchog gi dbang phyug dam pa'o/ /nyan thos pa dang rang sangs rgyas dang byang chub sems dpa' thams cad las phul du byung bas na/ thams cad las phul du byung ba thams cad kyi mchog go/ /khams gsum pa ma lus pa'i bdag po nyid thob pas dbang phyug dam pa'o/ /des ci mdzad ce na mchog chos bka' stsol pa yin no zhes bya ba la/ mchog kyang yin la/ chos kyang de nyid yin pas na/ mchog chos ces te rigs lnga'i sku gsung thugs kyi rdo rje rnams so/ /de phyogs bcu kun tu gdul bya rnams la bka' stsal pa ni rtogs par mdzad pa'o/ /de yang thog ma dang tha ma med pa chos kyi dbyings so/ /des mchog gi chos ji ltar bka' stsal pa yin zhe na/ de bzhin gshegs pa zhes bya ba la/ gang gi phyir de ni ji ltar rigs thams cad kyi sku gsung thugs kyi rdo rje thams cad dang/ chos kyi dbyings kyi bdag po nyid du zhugs pa de bzhin du mkhyen cing gzhan dag la yang de bzhin du ston par mdzad pa'i phyir ro/ /phyin ci log gi chos ci'i phyir gsung pa ma yin zhe na/ rang bzhin dag pa zhes bya ba la chos kyi ser sna la sogs pa'i bag chags dang bcas pa'i nyon mongs pa dang bral bas na rang bzhin gyis dag pa'o/ /ni'i sgra ni gang gi phyi'i don to/ /srid pa ni ngo bo nyid kyis srid bral byas zhes bya ba la 'dod pa dang gzugs dang gzugs med pa'i srid pa ni srid pa rnams so/ /de dag gi ngo bo nyid rnams ni yang dag pas yin pa'i kun tu rtog pa'i rang bzhin can gyi sems dang sems las byung bas te/ de dag dang bral pa'o/ /de ltar 'chad par 'gyur te/ gang gi phyir mchog dang po'i skyes bu bcom ldan 'das de rang bzhin gyis dag pa dang/ srid pa'i rang bzhin rnams dang bral ba de'i phyir mchog gi chos bka' stsol ba yin no/ /skyon zad pa ni rdzun gyi tshig brjod pa'i rgyu med ba'i phyir ro/ /mchog dang po'i skyes bu bcom ldan 'das yon tan de lta bu dang ldan pa gang gis srid pa mchog mdzad pa yin zhe na/ rang bzhin dag pa'i sems dpa' mchog/ srid pa mchog ni mdzad pa yin zhes bya ba la/ don dam par yang dag pa ma yin pa'i kun tu rtog pa//
- 36b
dang bral ba'i phyir rang bzhin gyis dag pa'i sems dpa' mchog ni byang chub sems dpa' rnams so/ /sems dpa' mchog de de dag gis/ /srid pa mchog tu mdzad pa yin zhes bya'o/ srid pa ni mchog dang po'i skyes bu mi gnas pa'i mya ngan las 'das pa'i rang bzhin du mdzad pa ni rtogs par mdzad pa yin te/ dngos po la mngon par zhen pa'i nyan thos dang rang sangs rgyas rnams kyis ni ma yin no/ /mchog tu gsang ba'i chos nyid 'bebs pa zhes bya ba gang yin zhe na/ dril bu ste/ sgra'i rjes su 'gro ba'i shes rab ston par byed pa'i rdo rje dril bu'o/ /ji skad du/ rdo rje des rtogs shes rab ni/ /dril bu dbyangs kyi rjes 'gror bshad/ /bdag gzhan don ni rab bsgrub pa'i/ /sangs rgyas mchog nyid 'di yin no zhes gsungs so/ /de dus gang gi tshe dkrol bar bya zhe na/ de bzhin gshegs pa thams cad ces bya ba la sogs pa rigs lnga'i lha rnams ni de bzhin gshegs pa thams cad de/ de rnams la me tog la sogs pa dang/ rdo rje mtshon cha ma la sogs pa phyag rgya bcu gnyis kyi mchod pa rnams kyis yang dag par mchod pa 'am/ rjes su rnal 'byor gyi sbyor bas rang gi lus la ye shes sems dpa' bcug la dam tshig gi phyag rgyas rab tu sgrubs te/ ji skad bshad pa'i dbyangs kyi rjes su 'gro ba'i shes rab kyi mtshan nyid can gyi chos kyi dril bu dgrol bar bya ste/ slob ma rnams la bstan par bya'o/ /de ltar chos kyi dril bu dkrol bas ce byed ce na/ chos thams cad kyi de kho na nyid sad pa'i 'bebs pa rnams kyis dril bu des rnal 'byor pa'i sgrib pa thams cad rnam par dag par byed pa yin no/ /chos kyang yin la thams cad kyang de yin pas na chos thams cad ste/ /rigs thams cad sku gsung thugs kyi rdo rje rnams so/ /de dag gi de kho na nyid ni gsang ba lnga'i de kho na nyid chen po ste/ de thog ma dang tha ma med pa la zhes bya ba la sogs pa 'og nas gsungs pa yin no/ /gdul bya'i skye bo'i rgyud la de bzhin nyid du phul du byung bas rab tu sad pa ni gdul bya rnams kyi de'i rang bzhin mngon du byed pa'i phyir 'bebs pa ni ye shes bskyed pa'o/ /byed par 'gyur pa'i 'bebs pa rnams kyi de kho na nyid rtogs pa'i gogs byed
- 37a
pa'i sgrib pa thams cad rnam par dag pa ni dril bu de'i sgrub pa po'i sgrib pa spong bar byed pa yin no/ /'di yang ji ltar 'gyur zhe na/ thams cad ces bya ba la sogs pa gang gi phyir de dpa' rdo rje sems dpa' la sogs pa'i sku gsung thugs kyi rang bzhin can gyi rdo rje thams cad rnal 'byor pa'i rgyud la 'bebs par byed pa'i phyir de nyid du rdo rje thams cad rab tu sgrub par byed pa'o/ /dbang du byed pa ni rang la rag las par byed pa'o/ /rab tu dang par byed pa ni rdo rje thams cad kyi spyod yul der rnal 'byor pa'i sems dang par byed pa de nyid yin no zhes bya ba'i sgra ni nges pa la de ltar nges par bskyed nas bsgrub pa po grub par 'gyur ro/ /de ltar chos kyi dril bu dkrol ba bstan nas/ dam tshig gis phyag rgya chen po byin gyis brlabs pa bstan par bya ba'i phyir/ zhes bya ba'i cho ga 'di rab tu bstan par bya ba'i phyir/ de nas zhes bya ba la sogs pa gsungs te/ chos kyi dril bu gcig ces bya ba bstan nas de'i rjes thogs nyid du srid pa rnam par dag pa mi gnas pa'i mya ngan las 'das pa'i mchog gi thabs zhes bya ba ni mchog kyang yin la thabs kyang de nyid yin pas mchog gi thabs so/ /de ji lta bu zhe na/ rtog pa thams cad ces bya ba ni dpal rdo rje sems dpa' la sogs pa thams cad kyi gsang ba chen po'i dam tshig ni gsang ba chen no yang yin la de tshig kyang yin pas na gsang ba chen po ? dam tshig go rtog pa thams cad kyi gsang ba'i dam tshig ni rtog pa thams cad kyi gsang ba chen po'i dam tshig te/ dpal rdo rje sems dpa' la sogs pa'i sku'i gsang ba'i rang bzhin can no de nyid nag tu rnal 'byor gyi bsgom pas bar mchod par bstan par bya ste/ shin tu mnyam par bzhag pa dang mnyam par ma bzhag pa'i rnal 'byor dag gis mngon du bya'o zhes bya ba slob tu gzhug go/ 'di la 'di zhes bya ba ni snga ma bzhin no/ /khyod la zhes bya ba ni khyod kyi dam tshig go/ zhes bya ba'i tha tshig go/ de gang yin zhe na/ srid pa zhes
- 37b
bya ba la sogs pa 'byung bas na srid pas te mi gnas pa'i mya ngan las 'das pa'i mtshan nyid can gyi sku'i gsang ba'i rang bzhin no/ /shin tu myur ba ni myur ba kho nar dpal rdo rje sems dpa' la sogs pa'i bde ba'i rgyu yin pas na shin tu myur bar bde ba'o/ /ni'i sgra ni nges par bzung pa la ste myur? ba kho nar bde pa'o/ /sdug bsngal chen po dag par bya ba'i phyir zhes bya ba la sogs pa la gong nas gong du rnam pa bcu'i sdug bsngal thog ma med pa'i 'jig rten las byung ba gang yin pa de sgrub pa po'i rgyud la spong ba'i phyir rnam par dag pa'o/ /gang gi phyir shin tu bde ba dam pa ni gnyis su med pa'i ye shes kyi thabs ni rgyu'o/ /de yang dam tshig 'di zhes bya ba ni mi gnas pa'i mya ngan las 'das pa'i rang bzhin can gyi srid pa 'di yin te/ de'i phyir 'di rtag tu bzung zhes bya ba ni/ rtag tu rnal 'byor gyi bar mchod pa nyid du bsgoms shig pa'o/ /de ji ltar zhe na/ 'dod pa'i longs spyod thams cad ni zhes bya ba la sogs pa la/ 'dod pa'i longs spyod kyang yin la thams cad kyang de nyid yin pas na 'dod pa thams cad la longs spyod pa ste/ 'dod chags rdo rje ma la sogs pa'i mchod pa'i lha mo bcu gnyis dang/ dpal rdo rje sems dpa' sgrub pa dang rjes su mthun pa'i rgyan dang/ dbyibs dang/ me tog dang/ spos dang/ dri la sogs pa'o/ /de la 'dod pa ni rdo rje sems dpa' ste/ mngon par 'dod par bya bas na 'dod pa'o/ /ji skad du sems dpa' 'dod pa bcom ldan 'das zhes gsungs so/ /gzhan yang khams gsum pa ni ma lus pa/ thams cad de yi longs spyod yin zhes gsungs so/ /ci'i 'dod pa ni brten bzhin du zhes bya ba la/ de la dpal rdo rje sems dpa' i rgyan rnams kyis bdag nyid brgyan cing/ rnal 'byor dang rjes su mthun pa'i gos la sogs pa la longs spyod pa dang/ rang gi lha mo'i chags la yang shin tu rnal 'byor gyi bsgoms pas rol cing bsten pa'o/ /de yang ji ltar bsten par bya zhe na/ ci 'dod pa zhes bya ba la 'dod pa ma lus pa'i longs spyod thams cad bstan pa 'am/ phyogs gcig
- 38a
gi nus pa dang rjes su mthun par byed par gyur pa de rnams kyis mchod par bya'o/ /zhes bya ba dang sbyar ro/ /rnal 'byor gang gis de rnams la bsten pas rang gi lha yi sbyor ba yis zhes bya ba la/ rang gi lha yi sbyor ba ni rnal 'byor chen po'am/ rnal 'byor gcig gis byas nas/ de'i rjes la rang gi bdag nyid dam pa gzhan rnams sangs rgyas dang byang chub sems dpa' dang slob ma'i tshogs de dag gis mchod par bya'o/ /'di ltar 'chad par 'gyur te/ rang gi lha'i rnal 'byor gyi ye shes sems dpa' gcig pu rang gi lus la gzhug pa'am/ rnal 'byor chen po byas la rang gi rigs kyi dkyil 'khor ba thams cad spyan drangs nas cho ga thams cad rjes su spyad pa/ mchod pa thams cad kyis yang dag par mchod de phyag byas nas rang gi lha mo'i tshogs thams cad dang/ /bdag nyid gzugs brnyan dang mnyam par bsams la/ de dang rang lhan cig tu yang dag par sbyor bar bsgom zhing/ bdag nyid dang de bzhin gshegs pa la sogs pa rnams so sor rtogs pa'i mchod par bya'o/ /dam tshig gang gis rang dang gzhan gyi mchod pa bdag gi bya ba'i dam tshig de gang yin zhe na/ de bzhin gshegs pa thams cad ces bya ba la sogs pa la de bzhin gshegs pa yang yin la thams cad kyang de nyid yin pas na de gzhin gshegs pa thams cad de/ 'jig rten gyi khams thams cad kyi rdul phra rab dad mnyam pa'i rnam par snang mdzad la sogs pa rnams so/ /de rnams kyi thog ma dang tha ma med pa'i shes rab kyi pha rol tu phyin pa'i thabs kyi ye shes byang chub sems dpa' i lam 'bras bu dang bcas pa'i ngo bo ni mchog tu gsang ba bla na med pa'i theg pa chen po'o/ /mchog tu gsang ba yang yin la bla na med pa'i theg pa chen po yang de nyid yin pas na/ mchog tu gsang ba bla na med pa'i theg pa chen po'o/ /de las kyang phul du byung pas na theg pa chen po'i yang chen pos te/ /de gang gi phyir
- 38b
theg pa chen po des bskal pa grangs med pa gsum gyi sangs rgyas nyid thob po zhes bcom ldan 'das kyis gsungs so/ /rdo rje theg pa 'dis ni skye ba 'di nyid la'o/ /bya ba gsungs pa yin no/ /de la yang rigs lnga'i de bzhin ni rdo rje ste/ de ston par byed pa'i rtse lnga pa ni 'dir rdo rje yin no/ /de las byung ba'i rnam par snang mdzad la sogs pa'i theg pa'o/ /de nyid na nam mkha' i khams thams cad du rtag tu bzhugs pa'i sku gsung thugs kyi rang bzhin dang/ de bzhin nyid kyi ngo bo nyid thams cad du 'gro bas na dam tshig chen po'o/ /de'i rnal 'byor ni rgyu mthun pa'i 'bras bus te/ rdo rje dang dril bu 'dzin pa'i bcom ldan 'das rdo rje sems dpa' ji lta ba bzhin du bshad pa'i mtshan nyid dang ldan pa'o/ /dam tshig ni thog ma dang tha ma med pa'i chos kyi dbyings las byung ba'i bcom ldan 'das rdo rje sems dpa' i sku'i gsang ba gzugs brnyan dang mtshungs par so sor snang ba tsam dam tshig yin te/ kun gzhi'i rnam par shes pa'i rang bzhin can gyi 'khor ba'i ngo bo ni ma yin no/ /de ci'i phyir zhe na/ zhes bya ba la rgyu gang gi phyir chos kyi dbyings las byung ba'i ngo bo kho na dam tshig yin gyi 'khor ba las byung pa ni ma yin no zhe na/ 'di ltar zhes bya ba la sogs pa la/ 'di ltar zhes bya ba'i sgra ni gang gi phyir zhes bya ba'i tha tshig go /de'i phyir 'da' bar dka' ba nyid kyi phyir zhes bya ba gsungs so/ /gang gis 'da' bar dka' zhes na/ de bzhin gshegs pa kun gyis kyang zhes bya ba la/ de bzhin gshegs pa yang yin la kun kyang de nyid yin pas na de bzhin gshegs pa kun te/ 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa 'o// de dag gis kyang bcom ldan 'das rdo rje sems dpa' i thog ma dang tha ma med pa chos kyi dbyings las byung ba'i sku'i gsang ba'i phyag ni 'da' bar dka' ba yin no/ /kyang gi sgras ni rdo rje rgyal po la sogs pa'i rnal 'byor gyi dbang phyug thams cad gzung ngo//
- 39a
'dis ni don 'di 'chad par 'gyur te/ gang gi phyir chos kyi dbyings las byung ba'i rdo rje sems dpa' ni de bzhin gshegs pa thams cad kyis kyang 'da' bar dka' ba de'i phyir dam tshig ces bya ba yin no/ /ci'i phyir de bzhin gshegs pa rnams kyis kyang de 'da' bar dka' pa yin zhe na/ phyag rgya zhes bya ba la sogs pa la/ ni'i sgra ni ci'i phyir gyi don du'o/ /gang gi phyir yid kyi gzugs brtan pa nyid kyi phyir phyag rgya kho na dam tshig tu brjod pa de'i phyir de bzhin gshegs pa thams cad kyis kyang 'da' bar dka' ba yin no/ /de la rang gi phyag rgya chen por bskyed pas dngos po thams cad la rgyas 'debs pa ni rdo rje sems dpa' nyid du mdzad pa'i phyir phyag rgya ste/ dpal rdo rje sems dpa' i sku'i gsang ba'i rang bzhin gyi phyag rgya chen po'o// de ltar gzhan du yang shes par bya'o/ /dam tshig ni bshad zin to/ /de nyid rab tu brjod pa mthar thug pa'i don bcom ldan 'das rdo rje sems dpas gsungs pa yin no/ /yid ces bya ba ni dmigs pa med pa'i thugs rdo rje chen po'i mtshan nyid can gyi thog ma dang tha ma med pa'i chos kyi dbyings ni 'dir yod do/ /de'i gzugs ni rdo rje sems dpa' i phyag rgya chen po ste de ni de las byung ba'o/ /bstan pa ni sems can dang sems can ma yin pa rnams kyis mi phyed pa nyid de/ yid kyi gzugs brtan pa'i rgyu de nyid kyi phyir ro/ /'dis ni 'di skad 'chad par 'gyur te/ de bzhin gshegs pa thams cad dang rigs rnams dmigs pa med pa'i thugs rje chen po las byung bas te/ /de'i phyir rdo rje sems dpa' i phyag rgya chen po'i gzugs kyi gdul bya sems can rnams 'dul bar mdzad pa'i phyir/ nges pa nyid du de bzhin gshegs pa dang/ rigs thams cad kyis de'i gzugs su bzhugs pa yin no/ /de kho na nyid bsgoms pa tsam nyid kyis chos bdag med pa'i ye shes skye ba yin te/ de nyid kyis bag
- 39b
chags dang bcas pa'i nyon mongs pa thams cad kyi bud shing sreg par 'gyur te/ de bas na chos dang dam tshig gi bsgom pa don med pa yin no zhes rnams par brtag pa de'i lan gdab par bya ba'i phyir de la 'di brjod par bya'o zhes bya ba gsungs so/ /'di ci brjod pa/ bya zhe na/ ji srid 'khor ba'i zhes bya ba la sogs pa gsungs te/ de yang sngar bshad zin to/ /'di ltar 'chad par 'gyur te/ shes rab kyi pha rol tu phyin pa'i sgom pas ni chos thams cad kyi dngos po'i rang bzhin rtogs par 'gyur ba yin te/ nges kyang shin tu yongs su mya ngan las 'das par 'gyur ro zhes bya ba'i skyon du 'gyur pa'i phyir gzhan gyi don gyi thabs su 'gyur ba dang/ mi gnas pa'i mya ngan las 'das pa bsgrub par byed pa chos dang dam tshig kyang bsgom par bya ba yin no/ /byang chub sems dpa' shes rab kyis 'ching pa yin te/ yongs su mya ngan las 'das pa'i mthar thug pa nyid kyi phyir ro/ /'khor bar yongs su mthar thug pa nyid kyi phyir/ thabs kyis kyang 'ching ba yin te/ byang chub sems dpa' ni 'khor pa la gnas par mi bya/ mya ngan las 'das pa la yang gnas par mi bya'o zhes bya bas shes rab dang thabs zung du 'jug par byed/ lam bsgom par bya'o zhes bya ba dang/ 'phags pa 'jig rten dang 'jig rten las 'das pa'i rdo rje las kyang/ kye 'phags pa dag stong pa nyid gcig pu'i ting nge 'dzin gyis ni nyan thos dang rang sangs rgyas kyi yongs su mya ngan las 'das ba sgrub par byed cing sdug bsngal ni zad pa skyed par byed la/ sangs rgyas 'byung pa rnyed par dka' bar byed pa yin te/ de bas na shes rab dang thabs zung du 'jug par byed pa'i lam yin no zhes bya ba'i chos de bzhin gshegs pas gsungs pa yin no/ /de nas ma rtogs pa'i sems can de rnams kyis chos bstan pa 'di thos nas mi bzang ba sdug bsngal de las grol bar 'gyur ba yin no/ /dam tshig 'di ni mchog bsgrub cing zhes bya ba
- 40a
la/ gzugs brnyan dang mtshungs pa'i dpal rdo rje sems dpa' bsgom pa'i mtshan nyid can gyi dam tshig 'di lta ste 'das ma thag tu bshad pas/ mchog ni phul du byung ba dpal rdo rje sems dpa' bsgrub pa ni rang la rag las par bya ba'o/ /ni'i sgra ni nges par gzung ba la ste bsgrub par bya ba kho na yin no zhes bya'o/ /ci bde ba ni sdug bsngal dang yid mi bde ba thams cad kyi skabs med pa zhes bya'o/ /de ltar cir 'gyur zhe na/ nyes par spyad pa dang sdig pa zhes bya ba la sogs pa la mi rigs par yongs su spyod pa ni nyes par spyod pa ste ngan par spyad pa'o/ /ji skad du shA ri'i bu khyod kyis nyes par spyad do zhes bya ba gsungs so/ /lus la sogs pa'i nyes par spyod pa ni sdig pa ste de dag thams cad kyis gnod par mi 'gyur ro/ /phyag rgya chen po bsgoms pa'i stobs kyis sdig pa thams cad las grol bar 'gyur ro zhes bya ba'i don to/ /byas pa dang/ byed du bcug pa dang/ rjes su yi rang ba'i sdig pa thams cad grol bar 'gyur ba gcig pur ma zad kyi/ 'dod pa chen po grub par 'gyur zhes bya ba la byang chub chen po'i mtshan nyid can gyi dpal rdo rje sems dpa' ni 'dod pa chen po ste/ de yang rnal 'byor pa la grub par 'gyur ro/ /ji lta bu zhe na/ kun bdag dam tshig dbang phyug ces bya ba ni kun bdag nyid kyang yin la dam tshig dbang phyug kyang yin pas na kun bdag dam tshig dbang phyug ste/ thog ma dang tha ma med pa'i chos kyi dbyings kyi rang bzhin dang phyag rgya thams cad bskyed pa'i rgyu'i dbang phyug gtso bo zhes bya ba'i don to/ /thams cad rdo rje 'dzin rgyal po zhes bya ba ni bshad zin to/ /kun mchog dbang phyug dam pa zhes bya ba ni kun mchog kyang yin la dbang phyug dam pa yang de nyid yin pas na kun mchog dbang phyug dam pa ste/ ma lus sgrub pas grub 'gyur te zhes bya ba las kyi tshogs kyi dngos grub kyis te las brgya'i dngos grub kyis grub par 'gyur ro/ /ji ltar zhe na/ bdag gzhan thams cad
- 40b
rgyas btab pas zhes bya ba la 'das ma thag tu bshad pa'i dam tshig des rang gis rgyus la rgyas btab pa dang/ de bzhin gshegs pa la sogs pa gzhan rnams la rgyas btab pas las kyi tshogs kyi dngos grub rnams kyis bcom ldan 'das sgrub pa po la myur du 'grub par 'gyur ro/ /yang na sgrub bya kun la yang zhes bya ba la yid bzhin gyi nor bu dang/ bum ba bzang po dang/ ral gri dang/ tri shul dang/ 'khor lo dang/ rdo rje dang/ pad+ma dang/ bsgrub bya la sogs pa'i bsgrub bya rnams la ji lta ba bzhin du bshad pa'i bcom ldan 'das bsams na bsgrub bya de rnams 'grub par 'gyur ro// rgyu gang gis de rnams 'grub par 'gyur zhe na/ don yod ces bya ba la sogs pa la/ gang gi phyir de don yod cing mchog ste thog ma dang tha ma med pa'o/ /grub pa zhes bya ba ni mngon par 'dod pa'i 'bras bu rdzogs par mdzad pa'i phyir rdzogs pa'o rnal 'byor thams cad rjes su sgrub ces bya ba ni rnal 'byor dang/ rjes su rnal 'byor dang/ shin tu rnal 'byor rdzogs par mdzad pa'o/ /dpal ldan zhes bya ba ni brtan pa dang g.yo ba'i dngos po thams cad kyi rang bzhin can gyi dpal rdo rje sems dpa' i phun sum tshogs pa dang ldan pa'o/ /sdug bsngal kun 'phrog ces bya ba ni 'chil ba sogs pa'i sdug bsngal thams cad 'phrog par mdzad pa'o/ /dam tshig 'da' bar dka' ba'o zhes bya ba ni ji ltar ba bzhin du bshad pa'i mtshan nyid can dam tshig dngos grub thams cad rdzogs par byed pa la 'da' bar dka' ba yang yin no/ /rdo rje la sogs thob pa 'dzin zhes bya ba ji lta ba bzhin du bshad pa'i dam tshig gsum gyi rdo rje la sogs pa thob pa gang yin pa de nyid 'dzin pa ste/ rdo rje la sogs pa thob pa 'dzin pa de nyid las phyag rgya chen po las byung ba'i dngos grub thams cad las byung ba'i bde ba rnams rdo rje slob mas dkyi 'khor du nyams su myong ba yin no/ /ni'i sgra ni nges par gzung ba la lte ba la sogs pa thob cing bzung ba kho na zhes bya ba'o/ /kun tu 'phebs pa zhes bya ba ni kun nas 'bebs pa ni kun nas 'bebs spas? ste/ rdo rje sems dpa' la sogs pa'i sku gsung thugs kyi rdo rje rnams rdo rje slob ma'i rgyud la 'jug pa'o/ /kun tu
- 41a
'bebs pa'i rgyu de nyid las dngos grub thams cad kyi bde ba rnams dkyil 'khor du nyams su myong bya? yin no/ /ni'i sgra ni gang gi phyir gyi don te/ gang gi phyir rdo rje slob ma rnams kun tu 'bebs pas dngos grub thams cad kyi bde ba rnams dkyil 'khor du nyams su myong ba de'i phyir/ gzer bstod pas de bzhin gshegs pa thams cad la lung bstan par bya'o/ /zhes bya ba dang sbyor ro/ /kyang gi sgra ni bsdu ba ste/ dam tshig gsum sbyin par bya ba dang/ gzengs bstod pa dang lung bstan par bya'o/ /de yang ji ltar bya zhe na/ kun zhes bya ba la sogs pa la rin chen 'byung ldan gyi nga rgyal gyis de bzhin gshegs pa rin chen 'byung ldan gyi las kyi phyag rgya bcings la/ rdo rje ming gi ming dbang bskur ba rnams kyis de bzhin gshegs pa rnams la lung bstan par bya'o/ /ni'i sgra ni nges par gzung ba la bya ste/ rdo rje slob ma de rnams de bzhin gshegs pa kho nar lung bstan par bya ste/ /de bzhin gshegs pa ma yin par ni ma yin no zhes bya ba'o/ /de la 'di zhes bya ba la sogs pa ni go sla'o/ /mchog tu gsang ba'i cho ga ni dkyil 'khor te/ /der slob ma dang/ /slob dpon gyis gzengs bstong pas lung bstan par byas na/ de la rdo rje sems dpa' la sogs pa rnams kyi lung ston par mdzad do/ /zhes bya ba dang sbyar ro/ /rdo rje sems dpa' thog gang la yod pa de ni rdo rje sems dpa' la sogs pa'o/ /de dag kyang gang yin zhe na/ /de bzhin gshegs pa thams cad ces bya ba ni rnam par snang mdzad la sogs pa'o/ /rdo rje 'chang dang bcas pa zhes bya ba la sogs pa la de dang lhan cig pas na rdo rje 'chang dang bcas pa'o/ /byang chub sems dpa' chen po'i 'khor gyi dkyil 'khor dang bcas pa'i zhes bya ba ni 'phags pa byams pa la sogs pa dang lhan cig tu bzhugs pas na byang chub sems dpa' i 'khor gyi dkyil 'khor dang bcas pa'o/ /de bzhin gshegs pa thams cad kyi rang gi dam tshig ni rigs lnga'i dkyil 'khor rnams te/ de dag gi slob dpon rnams ni
- 41b
de bzhin gshegs pa thams cad kyi rang gi dam tshig gi slob dpon rnams so/ /rdo rje sems dpa' la sogs pa'i de bzhin gshegs pa de rnams ji lta ba bzhin du bshad pa/ rigs thams cad kyi dkyil 'khor byed pa'o zhes bya ba'i don to/ /mnyam par zhes bya ba ni dus gcig tu'o/ /de nyid bshad par bya ba'i phyir mgrin gcig tu zhes bya ba gsungs pa yin no/ /ri skad bshad pa'i rdo rje sems dpa' la sogs pa'i de bzhin gshegs pa de dag thams cad kyis gcig pa nyid du bla na med pa yang dag par rdzogs pa'i byang chub tu lung ston par mdzad do zhes bya ba dang par bya'o zhes bya ba dang sbyar ro/ /gang gi stobs kyis zhe na/ ji lta ba bzhin du bshad pa'i gzengs bstod pa dang phyag rgya chen po'i stobs kyis so/ /mchog tu gsang ba dam pa'i dngos grub kyis byin gyis brlabs so zhes bya ba la/ mchog tu gsang pa ni ji lta ba bzhin du bshad pa'i dkyil 'khor 'di lta ste/ der dpal rdo rje sems dpa' la sogs pa'i sku gsung thugs slob pa'i rgyud la rdzogs pa gang yin pa de ni dngos grub dam pa ste/ gzengs bstod pa'i phyag rgya chen po de nyid kyis 'di byin gyis brlabs pa yin te/ byin gyis brlabs pa de'i stobs kyis zhes bya ba dang sbyar ro/ /oM 'di ni ngas khyod lung bstan yin zhes bya ba la sogs pa'i sngags 'di nyid kyis dang par bya ba ni rdo rje slob ma thams cad kyis rtogs bar bya ba yin no/ /de nas zhes bya ba la 'das ma thag tu gang dang gang dpal rdo rje sems dpa' la sogs pa'i cho gas ji ltar bzhin du zhugs pa de rnams la/ de bzhin gshegs pa thams cad 'dus pa ste de 'jug pa la sogs pa'i thog ma gang yod pa de ni de bzhin gshegs pa thams cad kyi 'dus pa la sogs pa ste/ de yang dbugs dbud? ba ni gdul bya rnams la gang gis dga' ba bskyed par byed pas na dbugs dbyung ba ste/ de nyid slob ma rnams la slob dpon gyis gsal bar bstan par bya'o zhes bya'o/ /rang gi dam tshig ni yi ge hUM ste/ des rjes su chags pa ni dkyil 'khor la mngon du phyogs par byas
- 42a
pa'o/ /de nyid kyi dkyil 'khor gyi phyogs bzhir dgug pa ni drangs pa'o/ /de nyid kyi stobs kyis gsang ba'i dkyil 'khor 'dir de rnams sgo bzhi nas 'jug pa'o/ /dbang du byas pa ni de nyid kyi stobs kyis slob dpon gyis rang la rag las par byas pa'o// sgrub pa ni dam tshig gi phyag rgya la sogs pas sgrub pa'o/ /rjes su sgrub pa ni glu dang rol mo'i tshogs so/ /rdo rje dbyings thams cad ni dpal rdo rje sems dpa' la sogs pa'i sku gsung thugs kyi rdo rje rnams so/ /de rnams kyi bstan pa nyid ni mi phyed pas te/ phyed par bya ba dang phyed par byed pa'i ngo bo nyid med pa des dpal gsang ba'i dkyil 'khor 'dir bstan par gyur pa ste/ de bzhin gshegs pa thams cad kyi sku gsung thugs kyi rdo rje'i rang bzhin rnams kyis 'dir mi phyed par 'gyur ba yin no/ /chos kyi dbyings thams cad ces bya ba la/ chos kyi dbyings kyang yin la thams cad kyang de nyid yin pas na chos kyi dbyings thams cad de de nyid do/ /de kun tu ste phyogs bcur kun tu 'gro zhing bzhugs pa'o/ /de'i dngos po ni kun tu bzhugs pa nyid de/ de gsang ba'i dkyil 'khor 'dir mdza' yas pa'i sku gsung thugs kyi rdo rje rnams kyi kun nas bzhugs pa ni khyab pa yin no/ /'dis ni 'di ltar 'chad par 'gyur te/ chos bdag med pa'i ye shes dang/ de'i 'bras bu de bzhin gshegs pa thams cad kyi sku gsung thugs kyi rdo rje'i rang bzhin can gang yin pa des ni thams cad du khyab pa yin pas mdza' yas pa'i rgyud las byung ba'i phyir mdza' yas par gyur pa yin no zhes bya ba'o/ /de ltar 'jig rten las 'das pa la rab tu grags pa'i chos kyi dbyings kun tu bzhugs pa nyid kyis de bzhin gshegs pa rnams kyi tshad med pa nyid bstan nas da ni 'jig rten las rab tu grags pa'i mdza' yas pa nyid bstan par bya ba'i phyir nam mkha' i khams thams cad ces bya ba la sogs pa gsungs te/ nam mkha' i khams kyang yin la thams cad kyang de yin pas
- 42b
na nam mkha' i khams thams cad de/ 'jig rten las rab tu grags pa'o/ /de'i rgya chen po nyid gang yin pa de ni nam mkha' i khams thams cad kyi rgya chen po nyid de phyogs bcu nam mkha' i mdza' yas ba'i dngos po nyid do/ /rgya chen po de nyid kyis gsang ba'i dkyil 'khor 'dir dpag tu med pa'i sku gsung thugs kyi rdo rje rnams kyis bzhugs shing/ rab tu bzhugs pa ni shin tu bzhugs pa'o/ /de rnams kyis khyer cag la dbugs dbyung bar mdzad pa yin te/ de la dad par bya'o zhes bya ba dang sbyar ro/ /ci mdzad nas zhe na/ de bzhin gshegs pa thams cad ces bya ba la sogs pa la de bzhin gshegs pa thams cad kyi rang gi dam tshig ni bshad zin to/ /de ltar slob dpon ni dkyil 'khor slob dpon de la rag las pa ni de'i dbang du gyur pa te/ de bzhin gshegs pa thams cad nyid gdul bya rnams la mngon du mdzad nas/ de bzhin gshegs pa thams cad kyi dkyil 'khor gyi slob dpon 'di nyid de bzhin gshegs pa yin no zhes pa byin gyis brlabs pa ni de bzhin gshegs pa thams cad kyi rang bzhin can gyi dkyil 'khor bstan par mdzad nas/ de bzhin gshegs pa thams cad kyi dkyil 'khor gyi slob dpon ni rang gi dam tshig gi slob dpon dang mgrin gcig tu 'da' bar dka' ba'i slob dpon gyi zhal gyis khyed rnams la dbugs dbyung bar mdzad pa yin te/ khyed kyis dad par bya ba ni the chom mi bya'o/ /mthong ba zhes bya ba ni rdo rje lcags kyu ma nas rdo rje sems dpa' i bar du kha dog dang dbyibs kyi bdag nyid can gyi rten dang rten pa'i dkyil 'khor blta'o/ /rab tu zhugs pa zhes bya ba ni phyi dang gsang ba'i 'jug pas dpal rdo rje sems dpa' i gsang ba'i dkyil 'khor du zhugs par bya'o/ /de yang gang yin zhe na/ gsang ba dam pa'i dkyil 'khor ro/ /srog gcod pa la sogs pa'i sdig pa thams cad dang bral bas khyed dang legs par gnas pa ste/ dus 'di nas gzung nas byang chub snying po thob kyi bar du sdug bsngal gyi rgyu thams cad dang bral zhing bde ba dang yid bde ba thams cad dang rjes su mthun pa'i
- 43a
lha dang mi'i srid las yid dga' bas gnas pas legs par gnas pa'o/ /de ci'i phyir zhe na/ khyed rnams slar yang 'chi pa med sme bya ba la sogs pa la dkyil 'khor mthong ba dang de nyid du zhugs pa'i phyir khyed rnams la slar yang shi ba yod pa ma yin no/ bde chen theg pa 'dir zhugs pas zhes bya ba ni thar pa chen po'i rang bzhin gyi rdo rje theg pa bde ba chen po 'di la zhugs pa'i phyir ro/ /de ltar yin pa de'i phyir mi tshugs pa ni theg pa bzhag 'dod pa'i bsams pas mi thub pa'i phyir ro/ /mi sod pa zhes bya ba ni de nyid kyis bde chen po'i theg pa 'di las lhung bar mi 'gyur pa'o/ /rol bar gyis bya ba ni rdo rje sems dpa' la sogs pa'i dngos grub bsgribs par gyis shig pa'o/ /cis kyang 'jigs pa med pa ni srid pa'i sdug bsngal nyid med pa'i phyir ro/ /de ci'i phyir zhe na/ srid pa'i sdug bsngal ldog pa ni zhes bya ba la sogs pa la/ mthong ba dang zhugs pa 'dis 'dod pa'i srid pa la sogs pa'i sdug bsngal mdza' med pa 'di khyod rnams la ldog pa med pa'i phyir ro/ /srid pa shin tu grub pa'i phyir zhes bya ba ni mi gnas pa'i mya ngan las 'das pa grub pa'i phyir/ ston pa mchog tu gyur pa yin zhes bya ba ni de bzhin gshegs pa rnams kyi phul du byung ba khyed yin no/ /shin tu ni phyi ma'i mthar gnas pa'o/ /de gang yin zhe na/ srid pa grub pa zhes bya ba ni mi gnas pa'i mya ngan las 'das pa'i rang bzhin te longs spyod rdzogs pa'i sku rdzogs pa ni srid pa'i dngos grub rnams so/ /'di ltar 'chad par 'gyur te gsang ba'i dkyil 'khor mthong ba dang zhugs pa dag gis sdig pa thams cad dang bral zhing mi gnas pa'i mya ngan las 'das pa thob pa'i snod du gyur ba 'khor ba'i sdug bsngal thams cad dang bral zhing phyir mi ldog par khyed rnams rdzogs pa yin no zhes bya ba'o/ /'di zhes bya ba ni 'chad par 'gyur ba'i dam tshig dang sdom pa thugs la gnas pa gsungs pa yin no/ /khyed kyis rtag tu de skad cig ma de?
- 43b
bsrung ba ni yongs su bskyang pa'o/ /grub pa ni rdo rje sems dpa' la sogs pa'i dngos grub stsol bas ni rdzogs pa'o/ /dam tshig dang sdom pa de yang sangs rgyas kun te ji lta ba bzhin du bshad pa rnams kyis mthun pa ni dus gcig tu mgrin gcig gis gsungs te bstan pa yin no// bka' ni bka' stsal pa'o/ /mchog tu rtag pa ni des pa'i don yin gyi drang ba'i don ma yin no/ /'di ltar 'chad par 'gyur te/ byang chub sems ni gtang mi bya zhes bya ba la sogs pa gang zhig de bzhin gshegs pa thams cad kyis mchog tu rtag pa'i bka' ba'i gsungs pa de nyid dam tshig dang sdom pa khyed la rtag tu grub pas bsrung bar bya ba yin no/ /byang chub ni rang gi sems ji lta ba bzhin du yongs su shes pa'o/ /de nyid bla na med pa yang dag par rdzogs pa'i byang chub te/ de'i rang bzhin can dang de thob pa'i rgya byang chub kyi sems de smon pa byang chub kyi sems dang/ /'jug pa byang chub kyi sems so/ /de spong bar mi bya'o/ /phyag rgya rdo rje gang yin pa'o zhes bya ba ni gang zhig stong pa nyid kyi rdo rje zhes bya ba rdo rje rtse lnga pa'i phyag rgyas yongs su brtags nas zla ba'i dkyil 'khor gyi steng du tiSh? badzra zhes bya bas bskyed par bya ba yin no/ /gang zhig bskyed pa tsam gyis ni zhes bya ba la zla ba'i dkyil 'khor gyi steng du yongs su brtags pa tsam gyis phyir mi ldog pa'i bag chags bskyed pas dus gsum na bzhugs pa'i de bzhin gshegs pa thams cad dang mnyam pa nyid kyi de ltar byung ba'i sangs rgyas nyid du rnal 'byor pas shes par bya'o/ /'di la the tshom mi bya'o zhes bya ba'i tha tshig go /de ltar gyur pa'i byang chub kyi sems de rnal 'byor pas spang bar mi bya'o/ /dam pa rnams kyi chos ni dam pa'i chos de theg pa gsum du bstan pa'i chos so/ /de smad par mi bya ba'i 'di chos ma yin te 'dis ci zhig bya zhes brjod par mi bya'o/ /nam yang spang bar mi bya'o zhes bya ba ni bdag la 'di dgos pa med pas 'di bdag gis spang
- 44a
bar bya zhes pa'i dag gam yid kyi rnam grangs gang gis kyang yongs su spang mi bya'o/ /theg pa gsum gyi chos yongs su spang bar mi bya'o/ zhes bya ba ji ltar shes par 'gyur zhe na/ nyan thos kyi theg pa las gsungs pa 'am/ rang sangs rgyas kyi theg pa las gsungs pa 'am/ theg pa chen po las gsungs pa'i dam pa'i chos la sun 'byin na dge ba'i rtsa ba thams cad 'jig par byed cing/ pham par gyur cing mnar med pa la sogs pa yin no zhes 'phags pa nam mkha' i snying po'i mdo las gsungs pa'i phyir ro/ /mi? shes pa zhes bya ba ni thos pa'i shes pas ma des pa'o/ /rmongs pa ni mthos pa dang/ bsam pa dang sgom pa'i rang bzhin gyi shes rab med pas rten cing 'brel par 'byung ba'i bdag nyid thams cad yongs su ma shes pas theg pa gsum gyi chos la ji ltar bshad pa'i sgrub pa po des smad par mi bya'o/ /rang zhes bya ba la phyi'i dngos po yang rang gi sgras brjod pas de rnam par bcad pa'i phyir bdag nyid ces bya ba gsungs te/ phung po lnga'i rang bzhin gyi bdag nyid lus dang srog la bltos pa med pa nyid kyis bya ba'i rgyud las gsungs pa'i mi bzad pa'i dka' thub bco brgyad po dang/ rlung gi yal ga dang pa'i lci pa'i zas dang/ rnal 'byor gyi gnyen por gyur pa'i bza' ba la sogs pa'i dka' thub rnams kyis yongs su spangs nas gdung bar mi bya'o/ /'o na bdag nyid ji ltar gzung bar bya zhe na/ ci bde bar bya zhes bya ba la sogs pa la/ dka' thub dang dka' ba spyod pa med pa ni ci bde ba ste/ des gzung ba'i rnal 'byor pa dang rjes su mthun pa'i mal dang gnas dang/ bza' ba dang/ btung pa la sogs pa rnams kyis bde bar gzung ste/ yang dag par 'phel bar bya'o/ /'di ni ma byon rdzogs sangs rgyas zhes bya ba la 'di ni bcom ldan 'das rnams kyi bdag nyid de ji lta ba bzhin du bshad pa'i rig pas phyir mi ldog pa des pa'i phung po la rnam
- 44b
par gnas pa'i phyir ma byon pa'i yang dag par rdzogs pa'i sangs rgyas yin pas yang dag par 'phel bar bya'o/ /byang chub kyi sems ston par byed pa'i dang po'i rdo rje'i rang bzhin can gyi phyag mtshan ni rdo rje'o/ /dang po'i rjes mtshan pa'i dril bu shes rab ston par byed pa'i sgra ni rjes su 'gro ba'i phyag mtshan ni dril bu'o/ /dam tshig dang/ chos dang/ las dang phyag rgya chen po ni phyag rgya ste/ phyag rgya la sogs pa gsum po 'di dag spong bar mi bya'o/ /bsam pa tsam gyis 'di thams cad 'grub pa yin te/ phyag rgya la sogs pa 'di dag gis ci zhig bya zhes bya ba 'di yongs su spangs na pham par 'gyur ro zhes gsungs pa'i phyir ro/ /gang gis rnal 'byor pa dkyil 'khor du 'jug par byed pa'i slob dpon de la khyod tshul khrims 'chal ba dang/ brtson 'grus zhan pa dang/ rmongs pa yin no zhes smod par mi bya'o/ /de ci'i phyir zhe na/ de ni sangs rgyas kun dang mnyam zhes bya ba la/ de bzhin gshegs pa thams cad kyi yon tan bskyed pa'i rgyu nyid kyi phyir/ sgrub pa pos ji ltar de bzhin gshegs pa thams cad mnyes pa bya ba de bzhin du rang gi dam tshig gi slob dpon yang mnyes par bya ba yin no de ci'i phyir zhe na/ sangs rgyas nyid kyang brtson ldan la/ /tshe 'di nyid la ster bar byed/ ces bya bas de ni sangs rgyas thams cad dang mnyam pa yin no/ /slob dpon la gang rmod pa zhes bya ba la sogs pa la/ gang gis slob dpon la brnyas par byed pa des ni rtag tu sdug bsngal 'thob ces bya ba 'dis kyang slob dpon la brnyas pa gang yin pa de la yang mi bya ba'o/ /bag med pas gal te byas na de'i tshe slob dpon la zhal zas bstabs la gang dang gang yid du 'ong ba de dang de slob dpon la dbul bar bya'o/ /de ltar na rims la sogs pa'i sdug bsngal rnams de la slar yang 'byung bar mi 'gyur ro/ /rtag tu rang gi dam tshig bsrung zhes bya ba ni rang gi ltag pa'i lha'i sku gsung thugs kyi rdo rje ni rang gi dam tshig ste/ de rtag tu rnal 'byor pas rang la rag las par bya ba yin no//
- 45a
rtag tu de bzhin gshegs pa mchod ces bya ba ni rdo rje mtshon cha ma la sogs pa dang/ phyi'i me tog la sogs pa rnams kyis nam mkha' khyab par byas pa la tshogs yongs su rdzogs par bya ba'i phyir rdo rje sems dpa' la sogs pa'i de bzhin gshegs pa rnams yang dag par mchod par bya'o/ /tshogs las dngos grub mchog tu 'gyur zhes 'og nas gsungs pa'i phyir ro/ /mnyam pa zhes bya ba ni mtshungs pa'o/ /gang dang mnyam zhe na/ dam tshig lha zhes bya ba ni dam tshig kyang yin la lha yang yin bas na dam tshig lha ste rigs lnga'i sku'i gsang ba'i phyag rgya'i rang bzhin no/ /dam tshig gi lha de dag dang mnyam pa'o/ /de ring skye ba ni dkyil 'khor mthong ba dang der 'jug pa'i dus nas brtsams te rang byung sangs rgyas bcom ldan 'das rnams kyi dam tshig gi lha gang yin pa de dag dang lhan cig tu khyed rnams mnyam por 'gyur ba yin no/ /de ring khyed rnams la gsang ba'i dbang bskur bas dbang bskur ba 'dzin pa yin no/ /gang gis shes na/ sangs rgyas rdo rje 'dzin bcas pas zhes bya ba ni rdo rje sems dpa' dang/ rdo rje 'chang chen po dang bcas pa sangs rgyas thams cad kyis so/ /'dod pa dang/ gzugs dang/ gzugs med pa'i khams kyi rang bzhin gyi khams gsum ba'i rgyal srid chen po thob pa'i phyir rgyal po'i bdag po ste/ 'dod pa'i khams kyi dbang phyug gi rgyal po'i bdag po rnams so/ /brtan pa ni rtag bas nye dkyil 'khor 'dir zhugs nas phyir mi ldog pa'i sa bon bskyed pas yang dag par rdzogs pa'i byang chub mngon du byed pa'i phyir ro/ /de bas na de ni bdud las rnam rgyal te zhes bya ste/ bdud las rnam par rgyal zhing gsang ba'i dkyil 'khor gyi grong khyer mchog tu rab tu zhugs pas khyod rnams kyiS de ring kho na sangs rgyas nyid thob pa yin no/ /de bzhin gshegs pa thams cad kyis rang gi dpal dam tshig gi gsang ba'i dkyil 'khor ni 'di nyid do/ /de la slob dpon dang slob ma'i mchog dag ni slob dpon
- 45b
dang slob ma'i mchog ste/ de dag gi dbugs dbyung ba ni 'di yin te/ oM sarba yo ga tsit+taM utpa ta ya mi zhes bya ba smon pa byang chub kyi sems bskyed pa'i rjes thogs nyid byang chub kyi sems dang lhan cig tu bskyed pa yin no/ /gang dang lhan cig tu zhe na/ byang chub kyi sems bskyed ba'i mtshan nyid can gyi phyir mi ldog pa'i phyag rgya dang lhan cig tu sangs rgyas nyid rtogS par bya ba yin no/ /ni'i sgra ni gang gi phyir gyi don to/ /rtogs par bya ba ni shes par bya ba'o/ /de ji lta bu yin zhe na/ mkhas shing mchog tu rtag pa'o zhes bya ba ni bud+d+ha ni rtogs pa la bya ste/ thabs dang shes rab kyi rang bzhin can gyi byang chub chen po rtogs pa nyid kyi phyir mkhas pa'o/ /mchog tu rtag pa zhes bya ba ni thog ma dang tha ma med pa'o/ /de'i rgyu gang yin zhe na zhes bya ba la rgyu gang gis bdag cag gi bdag nyid thams cad byang chub tu sems bskyed ba nyid kyis mchog tu rtag pa'i sangs rgyas nyid du rtogs par bgyi zhes bya ba'o/ /de'i phyir khyed rnams kyis phung po lnga'i rang bzhin can gyi bdag nyid thams cad/ oM sarba yo ga tsit+taM utba te ya mi zhes bya ba 'di de bzhin gshegs pa thams cad kyi byang chub kyi sems bskyed pa tsam gyi mthus bsam pa dang/ bsgom pa dang bral bar bya ba'i phyir mi ldog par 'gyur ro/ /de'i phyir nges pa'i phung po gnas pas bla na med pa yang dag bar rdzogs pa'i byang chub nges pa nyid kyis ma byon pa'i sangs rgyas dus gsum gyi de bzhin gshegS pa dang mnyam pa nyid kyis khyed rnams kyis bdag nyid thams cad 'di/ da ltar byung ba'i de bzhin gshegs pa nyid du rtogs par bya ba yin no/ /ji ltar byang chub chen po'i sems bskyed pa'i mthus dus gsum gyi de bzhin gshegs pa dang mnyam pa nyid kyis da ltar byung ba'i de bzhin gshegs pa nyid du rjes su rtogs par bya ba de bzhin du/ lha mo bzhi phreng gi dbus na bzhugs pa'i dpal rdo rje sems dpa' i bdag nyid bsgrub pas da ltar byung ba nyid du de bzhin gshegs pa bla na med pa yang dag par rdzogs ba'i byang chub mngon par sangs
- 46a
rgyas nyid du rang gi bdag nyid thams cad khyed rnams kyis rtogs par bya ba yin no/ /de bzhin gshegs pa thams cad kyi mchog tu gsang ba bla na med pa'i theg pa chen po yang theg pa chen po ni bshad zin to/ /de nyid dam tshig chen po ste/ de las byung ba'i dpal rdo rje sems dpa' i gsang ba'i dkyil 'khor gyi lha tshogs rnal 'byor chen po'i dkyil 'khor gyi rnal 'byor gyi rang bzhin gyi tshul so sor rtogS pa'i ngo bos yang dag bar mchod la/ rang gi bdag nyid thams cad bde bar gzung zhing 'phel bar bya ste/ bar mchod par shin tu rnal 'byor bsgoms pa'i stobs kyis rgyun gong nas gong du rang gi rgyud la bya ba yin no/ /rang gi dam tshig gi sbyor ba gang gis khyed rnams la sku gsung thugs kyi rdo rje'i rang bzhin can dpal rang gi dam tshig bla na med pa'i dngos grub 'grub par 'gyur te/ dpal rdo rje sems dpa' i gsang ba'i dkyil 'khor las gsungs pa'i lha mo bzhi phreng gi dbus na bzhugs pa'i sku gsung thugs kyi rdo rje rdzogs pa'o/ /de ji lta bu yin zhe na/ mchog tu rtag pa zhes bya ba la thog ma dang tha ma med pa'i 'da' bar dka' ba'i dam tshig gang la lha mo bzhi phreng gi dbus na bzhugs pa'i dpal rdo rje sems dpa' sku gsung thugs kyi rdo rje'i phyag rgya bsgom pa'i rnal 'byor gyi rang bzhin can gyi dam tshig gang yin pa de nyid 'da' bar dka' ba yin no/ /de mngon du byas na des pa nyid du de bzhin gshegs pa thams cad kyi dpal rdo rje sems dpa' i sku gsung thugs kyi rdo rje rdzogs pa'i ngo bos sgrub pa po'i rgyud la mngon sum du 'gyur ba yin te/ 'khor ba'i yang dag pa ma yin pa'i kun tu rtog pa'i ngo bo ni ma yin no/ /de'i phyir na dam tshig 'di 'da' bar dka' ba zhes bya ba'o/ /de ltar 'das ma thag tu bshad pa'i tshul gyis dkyil 'khor mthong ba dang der zhugs pa dang/ byang chub kyi sems bskyed pa dang rang gi lha'i rnal 'byor bsgoms pa rnams kyis nges pa kho nar bla na med pa yang dag par rdzogs pa'i byang chub rtogs par 'gyur ro/ /de'i phyir da ltar gyi zhes bya ba gsungs so/ /ci zhig bya
- 46b
zhe na/ yid ni rab dang rdo rje zhes bya ba lam dang ba'i dri ma dang bral ba sems de bzhin gshegs pa thams cad kyi sku gsung thugs rdo rje'i rang bzhin can lha mo bzhi phreng gi dbus na bzhugs pa'i dpal rdo rje sems dpa' i dngos grub rdzogs par byed pa'i rang gi yid rnam par rtogs pa thams cad kyis mi byed par gyis shig pa'o/ /rang gi dam tshig ni lha mo thams cad kyi tshogs dang bcas pas rdo rje sems pa'o/ /mi zad bde gsol zhes bya ba ni thog ma dang tha ma med pa'i bde ba gsal ba'o/ /bsten pa ni bsgoms shig pa'o/ /'gro ba'i bde ba chung ba ni sems can gyi khams la bde ba chung ba'o/ /der ni da lta kho nar sangs rgyas thams cad mtshungs pas te sangs rgyas thams cad dang 'dra ba'o/ /sangs rgyas thams cad dang mtshungs pa yang de yin la rtag pa yang de yin pas sangs rgyas thams cad dang mtshungs par rtag pa/ /te/ de dag gi dngos po ni rtag pa nyid do/ /de khyod rnams kyis thob pa yin no/ /de nas zhes bya ba la sogs pa la/ /do ni phyi'i ro dang sgeg pa la sogs pa'i nyams rnams so/ /bza' pa ni bza' ba dang btung ba la sogs pa'o/ /spyod pa ni rdo rje gar la sogs pa'i rang bzhin can gyi 'dug stangs la sogs pa'i yang bzhin can gyi 'dug stangs la sogs pa'i yid las byung ba rnams so/ /glu ni ye ge hUM glu la sogs pa'i glu ste/ rdo rje dang dril bu la sogs pa dang bcas pa'o/ /rol mo'i mchod pa ni rol mo'i cha byad bzhi'i mchod pa rdo rje dang dril bu ma gtogs pa rnams so/ /sogs pa'i sgras ni phyag rgya'i mchod pa sna tshogs pa gzung bar bya'o/ /ro dang bza' ba dang spyod pa dang glu dang/ rol mo'i mchod pa la sogs pa ni ro dang bza' ba dang spyod pa dang rol mo'i mchod pa la sogs pa de rnams kyis mgon po ste dpal rdo rje sems dpa' yang dag par mchod la/ bcom ldan 'das 'khor dang bcas pa la de rnams phul nas rdo rje slob dpon chen po ni/ rdo rje slob dpon gyis rdo rje sems dpa' i nga rgyal la gnas pa'i rang rang gi bdag nyid dang/ gzhan te slob ma rnams kyang yang dag par mchod par bya'o/ /myos byed ces bya
- 47a
ba la sogs pa ni go sla'o/ /ci bzhin rjes 'gro bzlas pa bzla zhes bya ba ni dpal rdo rje sems dpa' la sogs pa'i bzlas pa'i don bsgom pa'o/ /rgyu gang gis ro dang bza' ba la sogs pas mchod cing bzlas pa bya ba yin zhe na/ rang gsang cho ga blangs ba yi zhes bya ba la sogs pa la/ rang gi gsang ba'i cho gas blangs pa'i glu la sogs pa dang/ ji srid 'dod pa'i longs spyod rnams kyis mchod pa byas nas rab tu 'grub par 'gyur ba'i phyir ro/ /da ni rang gi gsang ba'i cho ga'i glu bstan pa yin te / hUM zhes bya ba ni dpal rdo rje sems dpa' i rigs kyi rnal 'byor ba rnams kyi'o/ /a zhes bya ba ni de bzhin gshegs pa'i rigs kyi rnal 'byor pa rnams kyi'o/ /hi zhes bya ba ni rdo rje'i rigs kyi rnal 'byor pa rnams kyi'o/ /oM zhes bya ba ni pad+ma'i rigs kyi rnal 'byor pa rnams kyi'o/ /ha zhes bya ba ni nor bu'i rigs kyi rnal 'byor pa rnams kyi ste de dag gis de lta bu'i glu bya ba yin no/ /rnal 'byor gang la la ba ra ta dang/ we sha'i khi la la mkhas pa'i slob ma'i tshogs sam/ bud med kyi tshogs yod na/ de g.yas pa'i rol mos 'grub par 'gyur ro/ /ci byas nas 'grub par 'gyur zhe na/ rdo rje dril bu mnyam sogs zhes bya ba la mnyam pa ni dus gcig ste/ rdo rje dang dril bu la sogs pa dang bcas pas rnam par dben pa'i bu sum brtsegs su b+ha ra ti'i mtshan nyid dag pas rnam par dben par dag pa'i pi wang la sogs pa'i rang bzhin can gyi rol mo brdung bar bya ste/ byed par gyur pa de rnams kyis yi ge hUM gi glu la sogs pa'i rang bzhin can gyi rol mo brdung bar bya ste/ byed par gyur pa de rnams kyi yi ge hUM gi glu la sogs pa'i rang gi gsang ba'i cho ga'i glu len par byed cing g.yas pa'i rol mos rnal 'byor ba grub par 'gyur ro/ /de yang rang gi gsang ba'i cho ga'i glu rang gi dam tshig grub pas so/ /de ltar glu dang rol mo'i mchod pa'i
- 47b
rang bzhin can gyi rjes su bsgrub pa bstan nas/ da ni rdo rje gar gyi rang bzhin can phyag rgya sna tshogs kyi mchod pa'i ngo bos so sor rjes su bsgrub pa bstan par bya ba'i phyir/ rdo rje gar zhes bya ba la sogs pas b+ha ra ta dang/ we sha le la la mkhas slob ma'i tshogs dang bcas pa'i rnal 'byor pa gsungs te/ ba dang gsum mchog chul gyis ni/ /sgeg bcas mdza' ma la sogs dkrol/ /glog 'gyu rtse mo bskor ba yis/ /rdo rje gar zhes de bshad do/ /zhes bya ba 'di rdo rje gar gyi mtshan nyid yin no/ /rdo rje gar gyi mtshan nyid 'dir rang gi lha'i rnal 'byor gyis rdo rje gar rab tu bya zhes rab tu mchod par bya zhes bya ba dang sbyar ro/ /'dzin pa dang bcas bzung ba che zhes bya ba la rang gi lha'i nga rgyal gyis gar byas shing bsams pa dang/ gar gyi nyams dang/ lta ba dang/ smin ma dang/ so dang/ rgod pa dang/ mchu dang lag pa'i rim pa la sogs pa dang ldan pa'o/ /'dzin pa dang bcas gzung ba chen po gang la yod pa de ni 'dzin pa dang bcas gzung ba chen po ste/ des yongs su bskor nas rab tu mchod par bya ba yin no/ /ji ltar zhe na/ dkyil 'khor 'dra ba'i gar byas na zhes bya ba la dkyil 'khor dang 'dra ba'i gar gyi man ngag las shes par bya ste/ de byas nas yongs su bskor la/ dkyil 'khor la mngon du phyogs par 'gyur bar byas nas lha thams cad kyi phyag rgya rnams bcing par bya'o/ /de ltar na rdo rje gar gyi mchod pas dkyil mchod par 'gyur ro/ /tshogs kyi dkyil 'khor gyi sbyor bas phyag rgya tshogs kyi mchod pa gtam rgyud dang/ phyag mchan dang/ phyag rgya dag gis bya zhing/ mtshan thog thag bsgrub par bya'o/ /lugs ma 'am brdungs pa la sogs pa'i rang bzhin can gyi dngos po dang bcas pa'i rang rang gi lha'i dkyil 'khor bri bar bya'o/ zhes bya ba'i cho ga 'di rab tu bstan par bya ba'i phyir/ de nas mchog tu gsang ba'i phyag rgya sna tshogs pa'i mchod pa zhes bya ba gsungs te/ rdo rje sems dpa' i phyag rgya chen po nas brtsams nas/ ji srid lha mo rin chen dril bu ma'i mthar
- 48a
thug pa'i bar gyi rigs thams cad kyi lha mo rnams kyi sna tshogs pa'i ngo bo phyag rgya chen po la sogs pa'i sna tshogs pa'i dbye bas phye bar gyur pa'i phyag rgya'i mchod pa ni phyag rgya sna tshogs kyi mchod pa'o/ /rdo rje sems dpa' la sogs lha zhes bya ba la sogs pas 'di nyid rnam par 'grel ba yin te/ rdo rje sems dpa' rigs lnga'i rang bzhin can gyi lha rnams kyi thog ma gang la yod pa de ni rdo rje sems dpa' la sogs pa'i lha rnams te/ rdo rje sems dpa' i phyag rgya chen po nas brtsams te/ ji srid lha mo rin chen dril bu ma'i phyag rgya chen po yi bar ro/ /de rnams kyi rtog pa yang yin la thams cad kyang de nyid yin pas nas rtog pa thams cad de/ phyag rgya chen po dang/ dam tshig dang/ chos dang/ las kyi phyag rgya rnams so/ /de dag gi rnam par 'phrul pa ni gzugs thams cad ston pas sems can gyi don mdzad pa'o/ /rtog pa thams cad rnam par 'phrul pa de rnams kyis gar byas pa gang yin pa de rol mo zhes bya ba dang sbyar ro/ /byed par gyur pa gang gis de bya zhe na/ gtam rgyud phyag mtshan phyag rgya yi zhes bya ba la/ de la gtam rgyud ni sngon gyi lo rgyus bstan pa'i rang bzhin can no/ /dang po'i rdo rje la sogs pa'i rang gi lha'i mtshon cha ni phyag mtshan no/ /rang gi lha'i phyag rgya chen po bcings pa'i mthar thug pa'i sngon gyi lo rgyus kyi tshul bstan pa ni phyag rgya'o/ /gtam rgyud de dang phyag mtshan dang/ phyag rgya dag gis rang gi lha'i gar gyi nyams dang/ bsam pa dang/ lta pa dang/ rgod pa dang/ mchu dang/ so dang/ smin ma dang/ gdong dang/ dga' ba la sogs pa phyag rgya dang bcas pa'i yan lag rnam par 'gyur ba gang yin pa de 'dir rol mo zhes bya bar 'dod pa yin no/ /de yang sangs rgyas kyi byang chub bsgrub par byed pa yin te so sor rjes su sgrub pa 'dis rang gi dngos grub sgrub par bya'o/ /dbyibs gang gis phyag rgya sna tshogs kyis mchod par bya zhe na/ gser zhes bya ba la sogs pa
- 48b
gsungs te/ gang dag gi lha gser gyi kha dog can yin la/ de dag gis rang lha'i gser gyi gdong brnyan du byas la rang gi gdod g.yogs la phyag rgya sna tshogs kyis mchod par bya ba yin no/ /gang dag gis kha dog dkar po can yin na de dag gi dngul gyis bya ba yin te/ de ltar gzhan dag la yang shes par bya'o/ /yang na rang gi lha'i gdong brnyan shing gi dngos po la dkar po la sogs pa'i tshon gyis bsgyur la rang gi gdong la bgos la rang gi lha'i zhal gyi rnam pa can de dag gis dngos grub kyi don du phyag rgya'i gar bya'o/ /dkyil 'khor gang la zhe na/ dkyil 'khor gang dang gang zhes bya ba la rigs lnga'i lha rnams kyi dkyil 'khor gang dang gang la brten pa ni bsgom pa ste/ phyag rgya sna tshogs kyi mchod pas dkyil 'khor de dang der gtam rgyud dang/ phyag mtshan dang/ phyag rgya dag gi mthar rang gi lha'i snying po bzla zhing slob ma'i tshogs thams cad kyis mchod par bya ba yin no/ /de yang dngos grub kyi phyag rgya'i gar gyi dngos po so sor rtog pa'i mchod pa 'dis mchod par bya ba yin no/ /dngos grub ni kun mchog so sor rtog pa'i rang bzhin can no/ /phun sum tshogs pa ni dngos grub thams cad kyi bde ba chen po'i ngo bo 'o/ /dga' ba ni kun mchog rnam par rgyal ba bsgreng ba'i rang bzhin can no/ /bdag po ni phun sum tshogs pa chen po thams cad kyi dngos grub po 'dis thob par 'gyur ro/ /de ltar na dpal rdo rje sems dpa' la sogs pa'i sangs rgyas thams cad nyid mchog ste/ kun mchog so sor rtog pa la sogs pa bsdu ba'i rang bzhin can gyi rnal 'byor mchog sgrub pa pos thob pas te mngon du bya ba yin no/ /de nas kyi sgra skabs su bab pa ste/ phyag rgya sna tshogs kyi mchod pa rdzogs par bya ba 'di la'o/ /rigs thams cad kyi 'dod pa'i lha rnams ni dpal rdo rje sems dpa' la sogs pa ste/ so so rang gi dkyil 'khor du zhugs pa'i de dag gi glu'i mchod pa'i cho ga rgyas pa mngon du brjod pa ni mngon par phyogs par blangs nas de'i 'og tu rdo rje slob dpon gyis mdzad pa 'am/ sangs rgyas thams cad dang mnyaM
- 49a
pa'i sbyor ba la sogs pa'i rgyud la sogs pa'i glu dang rol mo'i cho ga bdag nyid kyis ji ltar 'dod pa rgyur gyur pa rnams kyis dpal rdo rje sems dpa' la sogs pa'i rtog pa thams cad kyi sna tshogs pa'i dam tshig chen po'i mchod pa ni sna tshogs pa'i phyag rgya'i mchod pa ste/ mchog tu grub pa yin no/ /rtog pa thams cad kyi dkyil 'khor du zhugs pa'i glu'i mchod pa ji lta bu yin phyag rgya sna tshogs kyi mchod pa'i dus su gad mngon par brjod nas de'i 'og tu rdo rje slob dpon gyis brtsams pa 'am/ rtog pa gzhan las gsungs pa mngon par brjod par bya zhe na/ de la re zhig thog ma kho nar zhes bya ba la sogs pa la/ mchog kyang yin la gsang ba yang de nyid yin pas mchog tu gsang ba te dkyil 'khor ro/ /de nyid dam tshig ste der 'jug pa ni phyi dang gsang ba'i 'jug pa'o/ de'i don du rdo rje'i glu'i mchod pa 'di yin no/ /'di ltar bshad par 'gyur te/ rang gi dkyil 'khor du 'jug pa'i glu brjod cing 'dzug pa'i phyag rgya bcings la glu de nyid len cing dkyil 'khor du 'jug par bya'o// yang bya? de nyid brjod nas de'i 'og tu rdo rje slob dpon gyis brtsams pa 'am/ sangs rgyas thams cad dang mnyam par sbyor ba la sogs pa'i rgyud las gsungs pa'i glu brjod nas gtam rgyud dang phyag mtshan dang phyag dang gis phyag rgya sna tshogs pa'i mchod pa slob ma'i tshogs dang bcas pa'i slob dpon gyi bya ba yin no/ /thams cad rjes su chags pa ni dpal rdo rje sems dpa' la sogs pa bsgom pa ste/ de las byung ba'i bde ba ni rnal 'byor gyi bde ba'o/ /de gang yin zhe na/ dam pa'i thugs te de bzhin gshegs pa rnams kyi'o/ /rdo rje sems dpa' las gzhan pa yin nam zhe na/ rdo rje sems dpa' khyod ces bya ste/ gang zhig sangs rgyas bcom ldan 'das rnams kyi thams cad rjes su chags pa'i bde ba nyid rdo rje sems dpa' khyod yin gyi gzhan ni ma
- 49b
yin no/ /rab tu dga' ba zhes bya ba ni zag pa med pa'i bde ba dang yid bde ba'i rang bzhin can gyi bla na med pa'i byang chub kyi ngo bo'o/ /de bzhin gshegs pa kun gyis kyang/ 'da' ba ru ni mi mdzad pas zhes bya ba 'dis kyang/ de nyid dam tshig yin no/ /bdag gyur cig ces bya ba ni thams cad rjes su chags pa dang/ rab tu dga' ba dang/ brtan zhing mthob dag la gyur cig ces bya ba dang sbyar ro/ /bde ba chen po zhes bya ba ni bod pa'o/ /brtan zhing mtho ba ni mi dmigs pa'i mya ngan las 'das pa ste/ de gsol bas na brtan zhing mtho ba gsol ba'o/ /so sor rtog pa ni sems can gyi don mdzad pa dang sangs rgyas kyi mchod pa la'o/ /sgrubs shig ces bya ba ni 'das ma thag tu bshad pa'i dngos grub kyis myur du bsgrubs shig pa'o/ /phyag 'tshal ba ni sngon du gyur pa'o/ /de la thams cad rjes su chags pa zhes bya ba ni 'dod chags rdo rje ma'i rang bzhin can gyi bcom ldan 'das bstan to/ /bde ba chen po zhes bya ba la sogs pas kI li kI la'i rang bzhin can bstan to/ /brtan zhing mtho ba zhes bya bas rdo rje dran ma'i rang bzhin can bstan to/ /so sor rtog pas myur du bsgrubs shig ces bya ba dang 'tshal bas rdo rje 'dod pa'i dbang phyug ma'i rang bzhin bstan to/ /de ltar rdo rje sems dpa' i dkyil 'khor chen po la 'jug pa'i glu'i mchod pa bstan nas de nas de bzhin gshegs pa'i rigs zhes bya ba la sogs pas de bzhin gshegs pa'i rigs la 'jug pa'i glu'i mchod pa gsungs pa yin/ rdo rje sems dpa' i bsdus pa ni rdo rje sems dpa' bsdus pa ste/ byang chub chen po yi sems bskyed pa'o/ /rdo rje rin chen bla na med ces bya ba ni de la sbyin pa'i pha rol tu phyin pa bskyed par 'gyur ro zhes bya ba lhag ma'o/ /shes rab kyi pha rol tu phyin pa'i rang bzhin can gyi sems dang sems las byung ba ni rdo rje chos te/ de dag gi glu blangs pa ni chos thams cad rang bzhin gyis dag pa'o zhes bya ba so sor rtog pa'i ngo bo'o/ /rdo rje chos kyi glu blangs pa de dag gis/ rdo rje las ni byed pa yin zhes bya ba
- 50a
ni brtson 'grus kyi pha rol tu phyin pa'i rang bzhin can gyi las la rdzogs par mdzod cig ces bya ba bsgrub pa po rang gi la bod pa yin no/ /rdo rje sems dpa' bsdus pa la sogs pa'i tshig rnams kyis de bzhin gshegs pa mi bskyod pa dang/ rin chen 'gyur ldan dang/ 'od dpag med dang/ don yod grub pa rnams la de'i rigs kyang bstan pa yin no/ /de ltar de bzhin gshegs pa'i rigs kyi glu bstan nas/ rdo rje rigs la 'jug pa'i glu bstan par bya ba'i phyir/ de nas zhes bya ba la sogs pa gsungs te/ rdo rje'i gzhu ni gzhu'o?/ /mda' ni go sla'o/ /de dag gis nye bar mtshon pa'i rdo rje gzhu dang mda' dang ldan pa'i bcom ldan 'das rdo rje nyi ma me ltar 'bar ba ste/ rdo rje 'dod pa me ltar 'bar ba'i gzugs can no/ /dngos po thams cad thal bar rlog par mdzad pa de la phyag 'tshal ba ni/ hUM badzra karma ka shA ra ya na ma:sgom pa'i lam gyi rang bzhin rdo rje 'dod pa me ltar 'bar bas yul du byas pa'i rdo rje nyi ma me ltar 'bar ba'i rang bzhin can gyi don rdo rje 'dod pa chen po me ltar 'bar ba'i dam tshig gi phyag rgya'i ral gris phyag gnyis kyis sku dbus ma gzung ste bstod pa ni dpal rdo rje chags pas te/ des nye bar mtshon pa'i dam tshig ni rdo rje nyi ma me ltar 'bar ba ste/ dpal rdo rje sems dpa' i dam tshig yin te de la phyag 'tshal ba'o/ /rdo rje 'dod pa chen po me ltar 'bar ba thal par klog pa'i mtshan dang ldan pa'i lha mo chen mos bcom ldan 'das kyi rdo rje chen pos kha TwAM ga bzung ba nges gdug pa can dang drag po rnams sangs rgyas nyid thob par byed pa la gegs su gyur pa gang yin pa dang/ dngos po thams cad thal bar mdzad pa ni kha TwAM ga dang rdo rje glog pa ste/ nges nye bar mtshon pa'i bcom ldan 'das kha TwAM ga dang rdo rje 'jigs pas te de la phyag 'tshal pa'o/ /rdo rje 'dod pa chen po me ltar 'bar ba'i thal bar rlog pa'i 'chi ba gso par mdzad pa'i ming dang lha mo g.yon
- 50b
bsnyems nas phyag g.yas pas rang gi spyi bor rdo rje dril bu dkrol ba la brtson pa ni dpal rdo rje dril bu bskyod pas te/ des nye bar mtshon pa'i rdo rje nyi ma me ltar 'bar ba dpal rdo rje dril bu bskyod pas te/ dpal rdo rje dril bu bskyod pa de la phyag 'tshal ba'o/ /de ltar rdo rje'i rigs la 'jug pa'i glu bstan nas da ni pad+ma'i rigs la 'jug pa'i glu bstan par bya ba'i phyir/ de nas zhes bya ba la sogs pa gsungs te/ shin tu drag po yi sku zhes bya ba ni zhi pa'i gzugs 'dzin pa'i don yod zhags pa'o/ /skye bo me rungs pa'i srog 'phrog pa zhes bya ba la/ gzhan la gnod pa byed pa la brtson pa'o/ /de dag gi srog 'phrog pa'i shin tu drag po'i sku kha cig tu mdzad pa de dbang phyug chen po yi gzugs su bdag nyid kyi sku mdzad pa yin no zhes bya ba'i don to/ /'dis ni zhi ba'i gzugs 'dzin pa'i don yod zhags pa'i rang bzhin can gyi 'jig rten gyi dbang phyug bstan pa yin no/ /kha cig tu ni 'gro ba mdza' yas pa 'dul bar mdzad pa'i phyir ro/ /shin tu rno ba'i 'khor lo 'dzin pa'i sku zhes bya ba la/ khyab 'jug gi gzugs 'dzin pa'i 'jig rten dbang phyug shin tu rno ba'i 'khor lo 'dzin pa'i sku ste/ kha cig tu sku de 'dzin par mdzad pa'o/ /de yang khyab 'jug gi gzugs kyis 'dul ba'i sems can gyi khams mdza' yas pa 'dul bar mdzad pa'i phyir ro/ /'dis ni khyab 'jug gi gzugs 'dzin pa'i 'jig rten dbang phyug bstan pa yin no/ /kha cig tu ni pad+ma'i gdan gyi ni shin tu zhi pa'i sku ste 'gyur ba med pa ster zhes bya ba la/ tshangs pa'i gzugs 'dzin pa'i 'jig rten dbang phyug zhi ba'i sku ste 'gyur ba med pa'i thar pa gsol ba'o/ /pad+ma'i gdan ni tshangs pas ste/ de'i gzugs 'gyur pa med pa ster ba kha cig tu mdzad pa yin no/ /'dis ni tshangs pa'i gzugs 'dzin pa'i 'jig rten dbang phyug bstan to/ /kha cig tu ni shin tu 'bar ba'i 'dod pa'i dam tshig ces bya ba 'dod pa'i khams kyi dbang phyug ma'i gzugs 'dzin pa'i 'jig rten dbang phyug shin
- 51a
tu 'bar ba'i dam tshig gi gzugs te/ kha cig tu ste sems can gyi khams mdza' yas pa gdul bar mdzad pa'i phyir mdzad pa yin no/ /pad+ma'i rgyal po bdag sgrubs shig ces bya ba 'dis bcom ldan 'das 'phags pa spyan ras gzigs dbang phyug la slob dpon gyis pos nas gsol ba btab pa yin no/ /de ltar pad+ma'i rigs kyis 'jug pa'i glu bstan nas/ da ni nor bu'i rigs kyis 'jug pa'i glu bstan par bya ba'i phyir/ de nas nor bu'i rigs zhes bya ba la sogs pa gsungs te/ dbang bskur thams cad dbang phyug dam pa las zhes bya ba la dbang bskur ba yang de nyid yin la thams cad kyang de nyid yin pas na dbang skur ba thams cad de 'jig rten dang 'jig rten las 'das pa'i dbang bskur ba'i lha mo'o/ /de yis dbang phyug kyang yin la dam pa yang de nyid yin pas na dbang phyug dam pa ste/ dbang phyug thams cad kyi dbang phyug dam pa ni nam mkha' i snying po'o/ /khams gsum pa'i chos kyi rgyal srid kyi dbang skur ba thob pas khams gsum pa'i bdag po zhes bya ba'i tha tshig go /rgyu de'i phyir yang dbang sgrubs shig mi zad gter gyi mchog ces bya ba ni gter gyi lha mo yi gzugs kyis so/ /mchog ni phul du byung ba'o/ /nor gyi phung po thams cad mdza' yas pa ni mi zad pa'o/ /kun mchog rgyal mtshan rnam rgyal mtho ba las zhes bya ba las/ kun mchog rgyal mtshan ni yid bzhin nor bu'i rgyal mtshan no/ /nges rnam par rgyal ba ni dbul ba'i sdug bsngal thams cad rnam par spong ba'o/ /des nye bar mtshan pa'i mtho ba'i sku gang la yod pa de ni kun mchog rgyal mtshan rnam rgyal mtho ba ste rgyal mtshan mchog ma'i gzugs 'dzin pa'i nam mkha' i snying po'o/ /rgyu de nyid kyi phyir rdo rje rin chen dpal bdag legs mchod 'gyur zhes bya ba la/ dbang skur ba la sogs pa'i lha mo yi tshogs kyi mdangs dang ldan pa 'phags pa nam mkha' i snying po'i sku ni dpal rdo rje rin chen ste/ bdag gi legs par gyur cig ces bya ba ni slob dpon gyis bod pa dang bcas de la gsol ba btab pa
- 51b
yin no/ /de yang mchod pa chen po'i rang bzhin gyi lha mo yis legs par mchod pa yin te/ bdag la de'i ngo bor gyur cig pa'o zhes bya'o/ /de ltar rin po che'i rigs kyi 'jug pa'i glu bstan nas/ da ni ming po gsum la 'jug pa'i blu bstan par bya ba'i b+hu b+hu wa swa zhes bya ba gsungs so/ /sring mo rnams kyi glu bstan par bya ba'i phyir hwA hUM sh+rI b+hyo zhes bya ba gsungs so/ /klu'i dkyil 'khor gyi glu ni phu phu zhes bya bar gsungs so/ /sdig pa thams cad ces bya ba ni sdig pa thams cad las byung ba'i rims la sogs pas te/ badzra d+ha ra a kra ma zhes bya ba ni zung zhig pa'o/ /we mar d+ha/ zhes bya ba ni tshir cig pa'o/ /bi kidza bi ki re zhes bya ba ni de dang der dor cig pa'o/ /bidza? zhes bya ba ni kha dog dang dbyibs choms shig pa'o/ /utpa da ya zhes bya ba ni slar yang mi 'byung bar mdzod cig pa'o/ /na sha ya zhes bya ba ni dmigs pa med par mdzod cig pa'o/ /ha na zhes bya ba ni 'tshogs par mdzod cig pa'o/ /da ha zhes bya ba ni khros pa'i mes thal bar mdzod cig pa'o/ /pa tsa zhes bya ba ni 'tsher cig pa'o/ /ji ltar zhe na/ khros pa zhes bya ba ni dpal rdo rje me ltar 'bar ba'i khro bos snyoms par zhugs pa'i yi ge hUM tsam gyis so/ /de ltar rigs thams cad kyi dkyil 'khor du zhugs pa'i glu bstan nas da ni bsdus pa'i dkyil 'khor du 'jug pa'i glu bstan par bya ba'i phyir/ de nas thams cad kyi mchog ces bya ba gsungs pa yin no/ /la lar zhes bya ba la sogs pa la lar dri med zla ba'i dkyil 'khor stong gi 'od gyis sku ni rnam par mthos/ zhes bya ba ni phyogs la lar dri ma med pa'i zla ba'i dkyil 'khor stong rnams zla ba'i kha dog dang 'dra ba'i mdangs dang ldan pa'i dpal rdo rje sems dpa' i sku rnam par mdzes pa sde gsal zhing mdzes pa'o/ /la lar 'jig dus nyi ma 'char kar byed pa'i 'od zer tshogs ni 'jigs chen 'bar zhes bya ba ni 'jig pa'i dus kyi ring por mi thogs par shar ba'i nyi ma bya ba rnams kyi 'od zer tshogs gang yin pa de dang 'dra ba 'bar ba sngon po yi ngo bo ni 'jig rten gsum sreg par nus pa dang/ rdo rje trI shu la
- 52a
'dzin pa'i rdo rje nyi ma me ltar 'bar ba'i skus phyogs la lar rnam par mdzes pa yin no/ /phyogs la lar de lta bas chog mi shes pa'i sku'i rang bzhin gyi 'od zer dang ldan pa'i 'bar ba'i mdangs kyis mdzes pa'i 'khor lo 'dzin pa'i rgyal ba'i sku chang gzug pa med pa'i bde ba dang ldan pa bag chags dang bcas pa'i nyon mongs pa thams cad zhi ba'i sku rdo rje sems dpa' khyod rnam par mdzes pa yin no zhes bya ba dang sbyar bar bya'o/ /mdzes pa'i gzugs 'dzin pas na gzugs mdzes pa 'chang ba ste/ 'dod pa'i la'o/ /mdzes pa'i gzugs 'chad pa de nyid mchog gi mdangs dang ldan pas te/ des la lar rnam par mdzes pa yin no/ /la lar rdo rje dang pad+ma las byung ba'i gzugs kyis nam mkha' bzhin du thams cad bzhugs pa'o/ /gzugs thams cad bstan pas 'gro ba'i sems can 'dul bar mdzad pa'i brtson 'grus dang ldan pas yin no/ /sems can de rnams kyi nyon mongs pa dang nye ba'i nyon mongs pa thams cad las sems rnam par spyad pa'i don du bcom ldan 'das rdo rje sems dpa' khyod bzhugs pa yin pa'i phyir ro/ /bdag kyang sems can gyi khongs su gtogs pas ma lus pa 'dul ba la mkhas pa bde ba dam pa rnams thob par bya ba'i phyir bdag bsgrubs zhes bya ba slob dpon gyis bcom ldan 'das la gsol ba btab pa yin no/ de yang sems can gyi thams cad 'dul bar mdzad pa la mkhas pa ni dpal rdo rje sems dpa' la sogs pa ste/ ma lus pa 'dul ba la mkhas pa de rnams kyi bde ba dam pa ni thog ma dang tha ma med pa'i chos kyi dbyings kyi rang bzhin can gyi sems dang sems las byung ba rnams so/ /de rdzogs pa'i don du bcom ldan 'das khyod bdag la bsgrubs shing ces bya'o/ /de ltar bsdus pa'i dkyil 'khor gyi glu bstan nas/ da ni glu de nyid kyis ras ris kyi dkyil 'khor 'dir 'jug pa ni thams cad rjes su chags
- 52b
pa zhes bya ba la sogs pa nges par bzung ba'i don du slar yang gsang ba'i dkyil 'khor du 'jug pa'i glu bstan par bya ba'i phyir/ de nas mchog tu gsang ba'i cho ga dam pa zhes bya ba la sogs pa gsungs te/ de yang bshad zin to/ /de ltar ro/ /mchog tu gsang ba'i cho ga ni gsang ba'i dkyil 'khor te 'khor du 'jug pa'i glu'i mchod pa bstan nas/ da ni dus kyi nges pa bstan par bya ba'i phyir dus gang la glu'i mchod pa 'di ste/ gtam rgyud phyag mtshan phyag rgya yis zhes bya ba la sogs pas sna tshogs pa'i phyag rgyas mchod par bya ba gang yin pa de nyid ni de nas zhes bya ba la sogs pa gsungs te/ de nas kyi sgra ni skabs su bab pas te/ phyag rgya sna tshogs pa'i mchod pa'i skabs 'dir ro/ /mchog tu gsang ba'i cho ga ni gsang ba'i dkyil 'khor te der mchog tu gsang ba yin la/ bla ma dam pa yang de nyid yin pas na mchog tu gsang ba bla ma dam pa'o/ /de yang gang yin zhe na/ dpal rang gi dam tshig ni/ dpal rdo rje sems dpa' i gsang ba'i dkyil 'khor te/ de'i bla med mchog tu gsang ba rdo rje glu'i mchod pa de ni bcom ldan 'das bde chen thar pa'i grong khyer du zhes bya ba la sogs pas ji ltar bzhin du gsungs pa'o/ /de yang shin tu mchog tu grub pa zhes bya ba ni thog ma dang tha ma med pa'i dpal rdo rje sems dpa' i gsang ba'i dkyil 'khor gyi dngos grub ster bya'i phyir/ /glu de blangs la phyag rgya sna tshogs pa'i mchod pa bya ba yin no/ /ci byas nas zhe na/ mchog gi de kho na nyid ces bya ba la sogs pa la mchog gi de kho na nyid dam pa yang de nyid yin la rdo rje'i glu'i mchod pa yang de nyid yin pas na/ mchog gi de kho na nyid dam pa'i rdo rje glu'i mchod pas te/ aauM na ma'i? skye ba mtshan ? phyir zhes bya ba la sogs pas ji lta ba bzhin du ribstan pa'o/ /de dang bcas pa'i ji lta ba bzhin du bshad pa'i glu dang rol mo'i cho ga ni mchog gi de kho na nyid dam pa'i rdo rje'i glu'i mchod pa dang rol mo'i cho ga ste/ sngar bshad pa'i tshul de
- 53a
nyid kyis rjes su bsgrub par byas nas ji lta ba bzhin du rjes su bsgrub par bya ste/ de'i 'og tu sngar bshad pa'i dkyil 'khor bskor ba'i gang dang/ phyag rgya sna tshogs pa'i mchod pas so sor rjes su bsgrub par bya'o/ /'di ltar 'chad par gyur te/ ji lta ba bzhin du gsang ba'i dkyil 'khor gyi sgom pas sngon du bsnyen par byas nas gsang ba'i dkyil 'khor bris te rab tu 'jug pa la sogs pa'i cho ga rjes su spyad la/ slob ma gzhug pa la sogs pa'i cho ga rdzogs par byas nas slob ma'i tshogs dang bcas pa'i sngon du spyod pa byas shing shin tu bslabs pa'i skyes pa dang bud med kyi tshogs dang bcas pas yi ge hUM gi glu'i cho ga dang rol mo'i cho ga de kho na nyid glu dang bcas rjes su spyad par bya'o/ /de nas rdo rje glu'i mchod pa dkyil 'khor bskor ba'i gar gyis byas la bcom ldan 'das bde chen zhes bya ba la sogs pa'i klu blangs te phyag rgya sna tshogs pa'i mchod pa bya ba yin no/ /de bzhin gshegs pa yang yin la thams cad de nyid yin pas na de bzhin gshegs pa thams cad te/ de rnams kyi cho ga ni shin tu gsang ba bla na med pa'i rtog pa thams cad kyi rdo rje sems dpa' i lha thams cad kyi gzugs thams cad ston pa'o/ /rang bzhin can gyi sna tshogs pa'i dam tshig chen po rnams kyi cho ga ni phyag rgya bsgrub pa'i cho ga 'di yin no/ /zhes bya ba 'dis dpe tsam du bstan pa yin te/ rigs thams cad kyi dkyil 'khor yang dngos po 'di thun mong yin pa'i phyir ro/ /sna tshogs cho ga 'di yis ni zhes bya ba ni phyag rgya sna tshogs pa'i mchod pas so/ /rdo rje sems dpa' bsdus pa yin zhes bya ba ni dpal rdo rje sems dpa' i gsang ba'i dkyil 'khor gyi rnal 'byor ro/ /kun mchog sna tshogs chen po'o/ /rnal 'byor dbang phyug rab bsgrubs zhes bya ba la/ kun mchog kyang yin la dbang phyug kyang yin pas na kun mchog sna tshogs chen po'o/ /de'i rnal 'byor ni shin tu rnal 'byor gyi
- 53b
ting nge 'dzin gyi ngo bo ste/ des ni dbang phyug ni gzugs thams cad ston par byed pas sems can gyi don te de sgrub par 'gyur ro/ /da ni bsdu ba'i tshigs su bcas pas 'das ma thag tu bshad pa'i rtog pa rgyas pa'i don bstan par bya pa'i phyir/ da ltar zhes bya ba la sogs pa gsungs te/ de ltar 'das ma thag tu bshad pa'i tshul gyis thams cad dgug pa la sogs pa dang/ mchod pa chen po la sogs pa'i rang bzhin can gyi dpal mchog dang po'i rtog pa'i cho ga rgyas pa ste/ des sna tshogs pa ni rnam pa sna tshogs pa'i gtam rgyud can no// sna tshogs pa'i gtam rgyud can gyi cho ga rgyas pa nyid mchog tu gsang ba'i rol mo ste/ phyag rgya sna tshogs pa'i mchod pa'i rang bzhin can no/ /de nyid dang la rdo rje sems dpa' o/ /dngos grub kyi nyams dang ldan pa'o/ /de lta bu de ji lta ba bzhin du bshad pa'i sgrub pa dang/ rjes su sgrub pa dang/ so sor rjes su sgrub pa rnams kyis rnal 'byor pa gang gis mngon du byed pa ni bsten pa ste/ de dag dpal rdo rje sems dpa' i bde ba dang yid bde ba'i rang bzhin can gyi dngos grub kyi bde ba chen po nyid thob pa yin no zhes bya ba dang sbyar ro/ /de yang ji lta bu zhe na/ sna tshogs pa'i rgyan mtho ba dang ldan pa zhes bya ba ni dpal rdo rje sems dpa' la sogs pa'i phyag mchen dang bcas pa'i sna tshogs pa'i sku mtho pa dang ldan pa gang yin pa de dag gis mchog gi dngos grub kyi bde ba chen po nyid nyams su myong ba yin no/ /don yod zhes bya ba ni don yod pa yin te/ 'dod pa'i 'bras bu sgrub par byed pa'o/ /mchog gi ji lta ba bzhin du bshad pa'i thog ma dang tha ma med pa'o/ /bsod nams ldan zhes bya ba ni sdig pa thams cad kyi dri ma sbyor bar phyed pa'o/ /de gang yin zhe na/ cho ga zhes bya ba ni thams cad dgug pa la sogs pa'i dog go/ mchog tu rtag pa ni shin tu thog ma dang tha ma med pa'o/ /mchog tu rtag pa de gang gis bsgrub par byed pa de dag gis shin
- 54a
tu dam pa 'dod pa'i dngos grub dbang phyug ci bder thob ces bya ba dang sbyar ro/ /kun mchog gsang ba chen po zhes bya ba ni gsang ba'i dkyil 'khor ro/ /de nyid dngos grub thams cad myur sgrub byed ces bya ba ni rdo rje sems dpa' la sogs pa'i dngos grub thams cad myur du sgrub par byed pa'o/ /de lta bu'i grong khyer mchog tu zhugs na sgrub pa po gang gis sgrub par byed pa de dag gis thog ma dang tha ma med pa'i dngos grub kyi dbang phyug gi bde ba rnams thob pa yin no/ /ni'i sgra ni nges par gzung ba ste de rnams kho nas thob kyi gzhan gyis ni ma yin no/ /sgrub pa po gang la sgrub pa'i cho ga gzhan dag dang/ sgrub pa bdun gyis kyang 'grub par ma gyur pa dang/ dngos grub rdzogs par byed pa'i bsod nams dang mi ldan pa dang/ yo byang la sogs pa phun sum tshogs pa yang med pas dpal rdo rje sems dpa' i mchog gi dkyil 'khor du zhugs kyang grub par ma gyur pa dang/ bsod nams med pa dang/ phun sum tshogs pa dang/ mi ldan pa'i sgrub pa po gsang ba'i dkyil 'khor 'dir mngon par 'dod pa'i dngos grub bsgrubs nas rab tu 'grub bar 'gyur ro/ /de'i phyir ma zhugs kyang 'grub par 'gyur ro zhes bya ba kyang gi sgras bstan no/ /gal te rdo rje sems dpa' mchog/ snying po sogs kyis ma grub na zhes bya ba la/ gal te bcom ldan 'das rdo rje sems dpa' dang/ phyag rgya dang/ sngags dang/ rig pa rnams kyis mchog ste phul du byung grub par ma gyur pa dang/ a nu ra ga ya mi hUM zhes bya ba nye ba'i snying po dang bcas pa bsgrub par bya ba sgrub pa po la gal te grub par ma gyur na gsang ba'i dkyil 'khor 'dir sgrub pa po zhugs te/ nye ba'i snying po med na yang de 'grub par 'gyur ro/ /dpal mchog dang po'i rtsa rgyud du/ de de ltar myur du grub pa min zhes bya ba la sogs pa la/ dpal mchog dang po'i rtsa ba'i rgyud las ji lta ba bzhin du bshad pa'i sgrub
- 54b
pa'i rnam pa rtsa ba'i rgyud las gsungs pa gang yin pa des myur du grub pa ma yin te/ ji ltar dang po'i khang par lha mo bzhi phreng gi dbus na bzhugs pa'i dpal rdo rje sems dpa' i gsang ba'i dkyil 'khor gyi sgrub pa po ji ltar grub pa de ltar dpal mchog dang po'i rtsa pa'i rgyud la grub pa ma yin no/ /dkyil 'khor thams cad sgrub pa yis/ de ltar thams cad grub pa min zhes bya ba la gsang ba'i dkyil 'khor ma gtogs pa'i dkyil 'khor thams cad sgrub pa'i dngos grub kyi cho ga gzhan dag gis phyag rgya chen po la sogs pa de ltar grub par 'gyur ba ma yin te/ ji ltar mchog tu gsang ba'i dkyil 'khor gyi khang pa mchog 'di mthong ba nyid kyis so/ /dkyil 'khor du ma zhugs pa rnams la rdo rje dang dril bu'i phyag rgya bstan pa dang/ slob dpon la brnyas pa la sogs pa'i rang bzhin can gyi dam tshig nyams ? pa smod pa ni sgrib pa thams cad kyis smad pa'o/ /bdud sogs gdon gyis reg pa zhes bya ba la/ rig pa mchog las gsungs pa'i gdon bco brgyad kyis reg pa gang yin pa de dag kyang/ gal te gsang ba'i dkyil 'khor du zhugs nas sgrub par byed na nges pa kho nar grol bar 'gyur ro/ /thog ma dang tha ma med pa'i rtag pa'o/ /dkyil 'khor du ni ma zhugs pa'am zhes bya ba la sogs pa la/ dkyil 'khor gzhan du ma bsgrubs pa 'am/ /dkyil 'khor gzhan bsgrubs pas dkyil 'khor ma grub pa gang yin pa de rnams kyang gsang ba'i dkyil 'khor du zhugs pa ste/ gal te sgrub par byed na myur du dngos grub thob par 'gyur ro/ /de rgyu gang gi phyir zhe na/ bsgrub bya min 'dir cung zad med ces bya ba la sogs pa la/ gang gi phyir gsang ba'i dkyil 'khor 'dir phyag rgya chen po la sogs pa bsgrub par bya ba ma yin pa gang yang med pa'i phyir ro/ /las ni rnam pa sna tshogs pa'o/ /bde ba ni 'jig rten dang 'jig rten las 'das pa'i ste/ bsgrub par
- 55a
bya ba ma yin pa mod pa ma yin no/ /de'i phyir grub pa'i las kyi bde ba rnams/ rtog pa thams cad las nye bar thob nas bsgrub par bya'o/ /de ltar sgrub par byed pa'i sgrub pa po la phyag rgya chen po la sogs pa'i dngos grub thams cad bzhi 'gyur 'grub pa yin no/ /de ltar 'chad par 'gyur te/ rtog pa gzhan rnams la gang zhig phyag rgya chen po'i dngos grub zla ba bzhis 'grub par 'gyur ba de nyid gsang ba'i dkyil 'khor du zhugs na zla ba gcig gis 'grub par 'gyur ro/ /slob ma gzhug pa la sogs pa'i las kyi cho ga rgyas pa rdzogs so// //slar yang gsal bar bya ba'i phyir cho ga thams cad brjod par bya ste/ ji lta ba bzhin du bdag bsrung ba dang/ gnas bsrung ba dang/ khrus dang ji skad bshad pa'i gos dang rgyan rnams kyis brgyan par byas la/ rdo rje dang dril bu 'chang bas yang dang rjes su mthun pa'i gnas su bcom ldan 'das rdo rje sems dpa' 'khor dang bcas pa 'am/ gcig pu lugs ma 'am brdungs ma la sogs pa'i dngos po bzhugs su gsol la/ slar yang bdag bsrung ba byas la/ rdo rje gnod sbyin yongs su bzlas pa'i dri bzang gi chu lha'i mchod pa lngas yongs su bsangs la/ rdo rje me lan gsum yongs su bzlas la/ me tog la sogs pa'i rig pa rnams kyis slar yang yongs bzlas te/ arga'i phyag rgyas yi ge hUM lan bdun bzlas pa arga la sogs pa yongs su bzlas pa bzhag te/ rdo rje gnod sbyin yongs su bzlas pa'i dri bzang gi chu lha'i khang pa'i sgor yangs pa'i phyir bzhag ste/ rtag tu rdo rje dril 'chang zhing/ /thams cad dgug dang mchod la che/ /bdag byin brlab sogs bsgrub pa yis/ /mchog gis dngos grub bsgrub par bya// de la dang po yi ge hUM brjod cing dang po yi rdo rje bcings te sa la/ a nu ra ga ya mi hUM zhes bya ba brjod cing gsang ba'i dkyil 'khor rdzogs par byas nas/ phun sum tshogs pa yod na me tog la sogs pas yang dag par mchod cing phyag 'tshal te/ sdom pa
- 55b
bzung ba'i bar mthar thug pa'i cho ga rjes su spyad nas dam tshig rdo rje khu tshur gyi phyag rgya bcings pa'i mthar thug pa'i phyag rgya bcing bar byas la/ dkyil 'khor thams cad kyi phyag rgya bstod pa snga ma bzhin du rjes su spyad la/ ji lta ba bzhin du dpal rdo rje sems dpa' i phyag rgya chen po bcing bar bya'o/ /de nas yid kyi nam mkha' dang mnyam pa'i rang gi snying ga'i zla ba la/ nam mkha' dang mnyam pa nyid kyi tshul gyis bzhugs te/ dang po'i rdo rjes der gsang ba'i dkyil 'khor rdzogs par byas la/ dngos grub kyi rdo rje brtul zhugs mthar thug pa'i cho ga rdzogs nas/ /dkyil 'khor de rang gi snying ga na gnas pa'i zla ba'i dkyil 'khor gyi khongs su chud par bsams la/ rang gi lus la lha thams cad kyi gnas skabs su yi ge h+ri las byung ba'i sna tshogs pad+ma rnams rdzogs par byas te/ rten pa'i lus po'i phyi rol gyi mdun du sna tshogs pad+ma'i gdan gyi steng du dpal rdo rje sems dpa' la sogs pa ji skad bshad pa bzhin du sprul te/ rdo rje lcags kyu la sogs pa'i las kyi phyag rgya rnams kyi dbug pa dang gzhug pa dang/ bcing ba dang du byas nas/ rang gi dam tshig gi phyag rgya rnams kyis blta bar byas la gsang ba'i lcags kyu ma bcings nas/ dza:dpal mchog dang po rdo rje 'chang zhes bya ba'i glus 'khor dang bcas pa'i rdo rje sems dpa' rang gi lus la rang rang gi gnas su bcug la/ rang gi dam tshig gi phyag rgya rnams kyis rab tu bsgrubs la/ chos dang las dang phyag rgya chen po rnams kyis btab nas snga ma bzhin du de bzhin gshegs pa thams cad rten pa'i lus dang rdo rje sems dpa' la sogs pa'i sku la rab tu bcug te/ phyag rgya bzhis rgyas btab nas dang po'i yi ge rdo rjes snying ga dang/ smin mtshams dang/ mgrin pa dang spyi por rang gi bdag nyid de bzhin du byin gyis brlabs nas yi ge brgya pas brtan par byas nas dbang bskur pa'i phyag rgyas sangs rgyas sna'i cod pan gyi dbang bskur ba blangs de/ yi ge gnyis kyi go chas bdag nyid go bgos nas de kho na nyid dang/ chos dang dam tshig
- 56a
rnams blangs te dam tshig gsum gyi glu'i mchod pa dang/ rjes su bsgrub pa byas nas rang gi snying gar snga ma bzhin du dkyil 'khor rdzogs par byas la lha dgod pa'i cho gas rdo rje sems dpa' la sogs pa rdo rje dril bu ma'i bar rnams rang gi phyag rgya rnams kyis dgod par byas nas de bzhin du/ badzra Adma ko la sogs pa'i snying po gsum brjod cing de'i don gsum rnam par bsgoms la/ de bzhin gshegs pa thams cad kyi dpal dam tshig chen po'i dkyil 'khor bdag yin no/ /zhes bya ba rang nyid kyis brjod cing rdo rje sems dpa' gsang pa'i dkyil 'khor gyi rang bzhin du bdag nyid nges par byas nas lha mo thams cad kyi snying gar gnas pa'i rdo rje'i dbus su yi ge hUM rnam par bsams te/ de nyid yid kyis rdo rje'i dag gam rab tu dga' ba'i rdo rje'i dag gis brjod cing/ ji srid du nyin re lan cig bdag la byin gyis brlab pa la sogs pa sngon du 'gro bas bsgom par bya ste/ ji srid mngon du gyur pa bzhin du nyin re bsgom pa'i dus su dkyil 'khor mthong bar 'gyur ro/ /de nas de kho na nyid bsdus pa las gsungs pa'i tshul gyis mngon par shes pa bsgrub par bya ste/ de ltar na mngon du bsnyen pa byas par 'gyur ba yin no/ /yang na ting nge 'dzin gsum gyi sgom pa nas brtsams la de ji srid du dkyil 'khor 'di bsgom par byas te ji srid mngon du mthong bar 'gyur ba'o/ /de nas de bzhin du mngon par shes pa bsgrub par bya ba yin no/ /yang na tshogs kyi 'khor lo'i tshul gyis sngon du bsnyen pa byas la mngon par shes pa bsgrub par bya'o/ /de nas ji skad bshad pa'i khang pa sum brtsegs su dpal rdo rje sems dpa' i rgyan rnams kyis bdag cing brgyan par byas la/ sdom pa gzung ba'i mthar thug pa'i cho ga rjes su spyad nas ji lta ba bzhin du rnal 'byor chen po dang/ gzhal yas khang pa dang/ gdan rnams rdzogs par byas la brla gnyis la dril bu gnyis bcings te/ dbus su sems dpa' i skyil mo krung gis nye bar 'dug la ba dang
- 56b
nyid spro ba bskyed par bya'o/ /de bzhin du /de bzhin gshegs pa thams cad spyan drang bar byas la yan lag bris phyag byas la dkyil 'khor gyi rgyal po mchog dang/ las kyi rgyal po mchog rnam par bsgom par bya'o/ /de nas phyag rgya chen po bcings la yi ge hUM brjod cing de la brtson pas gsang ba'i dkyil 'khor bsgom par bya'o/ /de nas de bzhin gshegs pa thams cad kyi gsang ba'i dkyil 'khor bri ba'i phyir/ bdag nyid la gsol ba gdab par bsam par bya'o/ /'dod chags chen po bde ba che/ /bcom ldan khyod la gsol ba ni/ /snying po 'di yi rtog pa ni/ /bde ba chen po myur sgrub byed ces bya ba'i tshig 'dis so/ /de nas langs te de bzhin gshegs pa thams cad kyi zhabs la phyag 'tshal bar byas nas/ bdag ni rang nyid rdo rje can zhes bya ba la sogs pa nas bdag rdo rje chen po bdag ces bya ba'i bar du brjod par bya'o/ /de la dang po'i rdo rjes/ hUM badzra tiSh+Tha sarba ta thA ga tA sh+rI mah+na sa ma ya maN+Ta la ut+tha pa ya zhes brjod cing gsang ba'i dkyil 'khor bteg la/ nam mkha' i phyogs su bzhugs su gsol te snga ma bzhin du dang po'i rdo rje gnas gzhir yi ge hUM dang rdo rje sems dpa' la sogs pas byin gyis brlabs la/ slar yang phyag rgya chen po bcings te/ badzra tiSh+Tha ma Ta ces bya ba mig gnyis su rnam par bsams la/ phyag rgya la gnas te bzhin las/ /kun tu rnam par bltas nas ni/ /yi ge hUM ni brjod bya zhing/ bsgyings pa'i tshul gyis yongs su bskor/ /de nas ji lta ba bzhin du bshad pa'i tshul gyis gsang ba'i dngos po'i dkyil 'khor bkug la/ byin gyis brlab pa'i phyag rgyas byin gyis brlab ste/ snga ma bzhin du phur bus gdab par bya'o/ /de nas bgegs bskrad pa la sogs pa dang/ sgo bcad pa dang/ dkyil 'khor gyi bsrung ba thams cad byas la/ rdo rje gnod sbyin yongs su bzlas pa'i bum pa'i dkyil 'khor gyi sgo yongs su gsang ba'i don du bzhag la/ rdo rje gnod sbyin gyis yongs su bzlas pa'i dri zhim po'i chus dkyil
- 57a
'khor gyis sa gzhi byug par bya'o/ /de nas dpal rdo rje sems dpa' la sogs pa'i snying po rnams kyis lan bdun gyis mngon par bsngags pa'i dri'i maN+Dal rnams lha thams cad kyi gnas rnams su bya'o/ /maN+Dal de rnams la dpal rdo rje sems dpa' la sogs pa rnams dang rang gi snying po bkod la/ mchod pa lnga yis yang dag par mchod la phyi rol tu gtor ma byin la ji lta ba bzhin du bshad pa'i mtshan nyid can gyi rnam par rgyal ba'i bum pa rdo rje gnod sbyin dang rdo rje me dang/ rdo rje sems dpa' rnaMs so sor lan brgya rtsa brgyad bzlas pa de'i cho gas lhag par gnas par byas la dpal rdo rje sems dpa' i mdun du bzhag nas rdo rje gnod sbyin dang/ rdo rje sems dpa' dang/ sangs rgyas spyan rnams kyi re re zhing yang mar la sogs pa brgya rtsa brgyad kyis sbyin sreg bya'o/ /de nas mtshan brgya rtsa brgyad kyis bstod nas rnam pa bcu gnyis kyi phyag rgya'i mchod pas bcom ldan 'das 'khor dang bcas pa mchod cing phyag byas nas bcom ldan 'das la mchod yon phul la/ slob ma rnams lhag par gnas par bya'o/ /de bzhin du lhag par gnas par bya'o/ /slar yang bcom ldan 'das la phyag byas nas mtshan brgya rtsa brgyad kyis bstod la/ mchod yon phul ba sngon du 'gro bas yang dag par mchod cing phyag bya ste/ zab pa dang rgya chen po'i chos slob ma rnams la bstan par byas la slob ma'i tshogs dang bcas pa'i slob dpon gyis dkyil 'khor gyis gzhi'i mthar rmi lam brtag par bya'o/ /de nas skya reng 'char ba'i dus su mal nas 'das te snga ma bzhin du rnal 'byor chen po byas la/ nyi ma 'char ka'i dus su rdo rje sems dpa' i dkyil 'khor chen po'i tshogs de bzhin du nam mkha' i phyogs su dkyil 'khor bzhag la thig gdab par bya'o/ /de nas de bzhin rdul tshon dgye bar bya ste/ dkyil 'khor gyi dbus kyi lte ba lha mo bzhi dang/ yang dag par 'dus pa'i sbyor bas bris la/ dpal rdo rje semS
- 57b
dpa' i ras ris de shar phyogs su mngon par phyogs par bzhag la/ oM su ra tastwaM hUM zhes bya ba zlos shing nam mkha' i phyogs nas phab ste/ dpal rdo rje sems dpa' ras ris de la dgod par bya'o/ /'dod chags rdo rje ma la sogs pa rnams kyang rdo rje sems dpa' i dkyil 'khor chen po las gsungs pa'i snying po rnams kyis so/ /de la g.yas phyogs na bzhugs pa'i kI li? kI las bcom ldan 'das rdo rje sems dpa' la 'khyud nas spro ba bskyed par 'gyur bar bri bar bya'o/ /kI li kI la'i g.yas phyogs na 'dod chags rdo rje ma dang/ g.yon pa rdo rje khu tshur gyis rdo rje gzhu blangs te/ phyag g.yas pas rdo rje rtse gcig pa'i mde'u dang ldan pa'i mda' gsar ba la brtson pa'o/ /rdo rje dran ma ni phyag g.yon pas chu srin gyi rgyal mtshan 'chad pa ste/ bcom ldan 'das kyi g.yon logs su bcom ldan 'das kyi bsnyems pa'i phyag gis yongs su 'khyud pa'o/ /rdo rje dran ma'i g.yon logs su rdo rje 'dod pa'i dbang phyug ma ste/ g.yon pa'i rdo rje khu tshur rdo rje dril bu dang bcas pas bsnyems pa mdzad nas/ phyag g.yas pas me tog gi phreng ba blangs te/ des bcom ldan 'das bsnun bar mdzad par bri bar bya'o/ /rdo rje sems dpa' i mtshams rnams su dus kyi mchod pa dgod par bya'o/ /rab tu dga' ma'i dga' ba dang/ /spyan dang de bzhin dpal chen no/ /me tog spos dang mar me che/ /dri rnams steng du ka bu tas/ /lha mo rdo rje rgyal mo rnams/ /de yi phyag rgya bshad par bya'o/ /te badzra ra ti ma hA ra ti badzra ho/ /oM badzra lo tsa ni/ mahA sh+rI badzra hA/ sgeg mo gzhad ma glu mche/ /gar ma lta yi bu mo'i tshogs/ /'di dag sgeg ma'i rdo rje ma/ /phyi yi mtshams su dgod par bya/ /he ra ti badzra bi las ni traT/ bi ga pa ti badzra ha sa ha ha/ he ra ti badzra gi te te te/ he ri te badzra ni ti pe pa pe pa/ rdo rje lcags kyu zhags pa ma/ /rdo rje lcags sgrog dril bum/ /sgo bsrungs ma ni bzhi po dag/ sgo rnams la ni bzhugs pa yin/ /badzra aM ku shi dza /badzra pa sha hUM /badzra shaM ka le baM/ badzra gand+hE ho zhes bya ba'o/ /rdo rje
- 58a
sems dpa' i dkyil 'khor las gsungs pa kho na'i phyag rgya chen po rnams kyis bri bar bya te/ /de la dpal rdo rje sems dpa' dang lha mo bzhi po ni rab tu grags pa yin no/ /rab tu dga' ma dang/ sgeg mo dang/ lcags kyu ma rnams ni sku mdog dkar dmar ro// dga' ma dang/ bzhang ma dang/ zhags pa ma la sogs par rnams ni bla ka sha ltar dkar ba'o/ /spyan dang glu ma dang/ lcags sgrog ma rnams ni utpa la sngon po'i 'dab dang mtshungs pa'i mdog can no/ /dpal chen mo dang/ gar ma dang/ dril bu ma'i sku mdog ser mo'o// de ltar dkyil 'khor bris la/ rdo rje hUM mdzad kyi rnal 'byor byas la/ ji lta ba bzhin du zhugs te/ sgo dbye bar bya ste/ slar yang bcom ldan 'das rdo rje sems dpa' i phyag rgya chen po bcings la bdag nyid rdo rje sems dpa' rnam par bsgoms te/ 'dud pa byas nas mtshan brgya ? bstod par bya'o/ /de nas bcom ldan 'das rdo rje sems dpa' i mdun du sems dpa' i skyil mo krung gos 'dug ste/ /rdo rje dril bu dang bcas pa'i gsang ba'i lcags kyu ma bcings te/ dza mchog dang po zhes bya ba la sogs pa'i spyan 'dren pa'i glu yis bcom ldan 'das 'khor dang bcas pa dgug la dkyil 'khor du bcug ste/ rdo rje gnod sbyin gyis bgegs bskrang pa la sogs pa byas nas rdo rje khu tshur gnyis kyis sgo rnams bcang la/ /rdo rje go chas go bkon nas yi ge hUM brjod cing bcom ldan 'das 'khor dang bcas pa la mchod yon phul te/ /dam tshig gi phyag rgya rnams kyis bcom ldan 'das 'khor dang bcas pa bsgrub par bya'o/ /de nas chos dang las dang phyag rgya chen po rnams kyis rgyas btab la dbang bskur ba'i phyag rgyas dbang bskur te/ de la bcom ldan 'das dang/ 'dod chags rdo rje ma dang/ rab tu dga' ma dag /sgeg mo dang/ lcags kyu ma ni de bzhin gshegs pa mi bskyod pa'i cod pan gyi phyag rgyas dbang bskur ba'o/ /kI li kI li dang/ dga' ma dang/ bzhad ma dang/ zhags pa ma ni de bzhin
- 58b
gshegs pa rin chen 'byung ldan gyi cod pan gyi phyag rgyas dbang bskur ba'o/ /rdo rje dran ma dang/ spyan ma dang/ glu ma dang/ lcags sgrog ma ni de bzhin gshegs pa 'od dpag med kyi cod pan gyi phyag rgyas dbang bskur pa'o/ /rdo rje 'dod pa'i dbang phyug ma dang/ dpal chen mo dag gar ma dang/ rdo rje dril bu ma ni de bzhin gshegs pa don yod par grub pa'i cod pan gyi phyag rgyas dbang bskur bar bya'o/ /de nas mchod yon phul ba bum pa gang ba la sogs pa'i mchod pa thams cad kyis bcom ldan 'das 'khor dang bcas pa de bzhin du yang dag par mchod la/ phyi rol tu gtor ma btang bar bya'o/ /de nas rdo rje gnod sbyin dang rdo rje me dang/ sangs rgyas spyan rnams kyis de bzhin du sbyin sreg byas te/ thab khung gi dbus su dpal rdo rje sems dpa' 'khor dang bcas pa yi ge hUM la sogs pa brjod cing me tog gi dkyil 'khor gyi tshul du bkod la/ mar la sogs pa'i rdzas rnams re re zhing yang yi ge hUM gis brgya rtsa brgyad du sbyin sreg bya'o/ /'dod chags rdo rje ma sogs kyi/ /snying po rnams kyis bdun bdun sreg/ de nas yi ge hUM la sogs pa brjod cing me tog dag/ bo nas dpal rdo rje sems dpa' la sogs pa rnams bris pa'i dkyil 'khor dang gcig tu byas te/ ji lta ba bzhin du rang gi gdong g.yogs bcing ba la sogs pa byas la/ phyag 'tshal ba la sogs pa sngon du 'gro ba'i sdom pa snga ma bzhin du blangs nas/ oM sarba yo ga ci? d+hA utpa ta ya mi zhes bya bas byang chub chen po'i sems bskyed nas/ g.yas pa'i rdo rje khu tshur gyis dang po'i rdo rje blangs te/ rang gi snying gar yi ge hUM gi sa bkod la 'di ltar brjod par bya ste/ sur te sa ma ya st+thaM? ho badzra sid+d+hya la TA su kham zhes bya'o/ /de nas sgo'i phyi rol na gnas pa'i bum pa'i chu g.yas pa'i rdo rje khu tshur gyis blangs pa nges yi ge hUM brjod cing bdag nyid la dbang bskur te/ ji ltar bshad pa'i mtshan can gyi rdo rje shugs kyis rdo rje'i gar kyi sbyar ba yis
- 59a
spyi bor me tog ga su ta/ /rdo rje glu yis gar bya zhing/ /grong khyer du ni rab 'jug bya/ /dngos grub kun gyi bde ba nyams dga' pa'i/ /thar pa'i grong du bcom ldan bde chen 'jug /mchog tu bde ba dam pa'i dngos grub kyis/ dza:hUM baM ho:rab tu grub par mdzod ces bya ba dang/ shar gyi sgo nas rdo rje lcags kyu ma'i snying po brjod cing rdo rje lcags kyu mas bdag nyid bkug par bsam par bya'o/ /de nas lho'i sgo nas de bzhin du 'jug pa dang/ rdo rje zhags pa ma'i snying po yang brjod par bya'o/ /de nas de bzhin du nub kyi sgo nas 'jug pa dang/ rdo rje lu gu rgyud ma'i snying po yang brjod par bya'o/ /de nas slar yang byang gi sgo nas de bzhin du 'jug pa dang/ rdo rje dril bu ma'i snying po yang brjod par bya'o/ /slar yang shar gyi sgo nas de bzhin du zhugs nas 'di ltar brjod par bya ste/ ma hA ra ta su tri ta su tro sha su su kho badzra sa twa a dya sid+d+ha maM zhes bya ba'o/ /de nas rdo rje gar las byung ba'i bcom ldan 'das kyi phyag rgya chen po bcings la/ g.yon pa'i rdo rje mig gis ni/ /de yi mgon po la phyag bya/ /g.yon bsnyems bzhin pas bstod pa yis/ /sgeg ma'i mig ni btsum pa'o/ /oM mchog tu bde ba'i sems ni rol par ldan/ /sgeg pa'i phyag gis bcom ldan 'das la 'dud/ /dza hUM baM ho/ he he he he hi/ mgon po snyim pa'i me tog bzhes su gsol/ /slar yang 'jug pa'i phyag rgya bcings la dkyil 'khor la lan gsum bskor ba byas te/ bcom ldan 'das kyi mdun du 'dug la de kho na nyid 'di lan cig brjod par bya ste/ 'dod chags chen po bde ba che/ /rdo rje chen po nor che ba/ /ye shes chen po las chen po/ /rdo rje sems dpa' deng bdag grub ces bya'o/ /'di yang brjod par bya ste/ dza hUM baM ho/ pra ti sid+d+ha maM zhes bya'o/ /de nas rdo rje'i chu 'thungs la/ g.yon pa'i khro bo'i khu tshur gyis sems dpa'
- 59b
rdo rje ma'i phyag rgya bral zhing hUM a zhes bya bas lan brgya brjod cing bdag nyid la dbab par bya'o/ /de nas me tog sil ma gtor bar bya ste/ ka pu ta'i thal mo ni/ /spyi bor bzhag ste phab nas kyang/ /sgeg bcas mthe bong mthe chung bar/ /bzol? nas rdo rje 'dzin la dbul// de nas phyag 'tshal ba'i sngags brjod cing bya'o/ /de nas phreng ba de sngags 'dis rang gi spyi bor bcing bar bya ste/ 'dod pa kun gyi dbang phyug nyid/ /sems can kun la bde stsol ba/ /thams cad grub phyir rdor 'dzin gyi/ /de ring khyed la dbang bskur mdzad// oM ma hA su kha badzra satwa twaM a b+hi Shiny+tsa su ra ta stwaM zhes bya ba'o/ /de nas badzra tsak+Shu sa ma ya sarba su ra ta stwaM bya ba 'dis gdod g.yogs dgrol bar bya'o/ /de nas yi ge hUM las mig gnyis su rdo rje rnam par bsams la he badzra pa sha zhes brjod cing/ rdo rje lcags kyu ma nas brtsams te dpal rdo rje sems dpa' i mthar thug pa'i bar gyi dkyil 'khor la blta bar bya'o/ /de nas tiSh+Tha badzra zhes bya ba la sogs pas rang gi snying gar 'jug pa'i phyag rgya bcings te dgrol bar bya'o/ /rdo rje thal mo bskor ba/ /shis par brjod pa sbyin pa'i tshul gyis snying ga'i phyogs su bzung zhing mtshan brgya rtsas bcom ldan 'das la bstod de/ 'dod chags rdo rje ma la sogs pa gsang ba'i mchod pa bzhi dang/ glu dang gar gyis mchod pas yang dag par mchod la/ rang gi bdag nyid rdo rje semS dpar byin gyis brlabs te/ dkyil 'khor gyi lha thams cad rang gi dam tshig gi phyag rgya rnams kyis rang gi lus la gnas ji lta ba bzhin du rnam par bkod nas/ de bzhin gshegs pa thams cad legs so'i sbyor pas de bzhin du lus kun la yang dag par bcug la bzhag te/ phyi'i dkyil 'khor gyi nang du shar gyi sgor mngon par phyogs par sna tshogs pad+ma bris te/ de'i steng du dpal rdo rje sems dpa' i phyag rgya chen pos nye bar 'dug pa 'am/ yang na dbang bskur ba'i dkyil 'khor du sna tshogs pad+ma bris pa'i ?
- 60a
gyis bkab pa'i seng ge'i gdan la 'dug ste/ mchod yon phul ba sngon du 'gro ba'i mchod pa lngas bdag nyid yang dag par mchod la/ rnam par rgyal pa'i bum pa las rdo rje khu tshur chu blangs te/ dbang bskur bar bya zhing/ chu de btung bar yang bya'o// de yang oM badzra a b+hi'i ny+tsa hUM zhes bya ba brjod cing/ 'di ni khyod kyi dmyal ba'i chu zhes bya ba la sogs pa mna' bsgag pa'i snying po yang brjod cing bya'o/ /de nas gso dang rgyan rnams kyis bdag nyid brgyan la/ sangs rgyas lnga'i cod pan gyi phyag rgya'i dbang bskur ba dang/ phyi'i yang de bzhin gshegs pa lnga'i cod pan dang rang dbyangs kyis dbang bskur ba blangs nas/ rdo rje dang bdag po dang/ ming gi dbang bskur ba dang/ dngos grub kyi rdo rje brtul zhugs kyang gzung bar bya'o/ /de nas phyi'i me tog la sogs pas bdag nyid yang dag par mchod la/ 'dod chags rdo rje ma la sogs pa'i phyag rgya'i mchod pa bcu gnyis kyis yang dag par mchod par bya'o/ /de nas de kho na nyid chos dang dam tshig rnams blangs la dril bu dkrol zhing dam tshig gsum gyi gru'i mchod pa bya pa yin no/ /de nas bcom ldan 'das la phyag byas nas snying po dang phyag rgya bzhi'i ye shes bcom ldan 'das las blangs la/ tshigs su bcad pa lngas rjes su gnas pa dang/ gzengs bstod pa dang/ lung bstan pa blangs te/ slar yang bdag byin gyis brlabs pa la sogs pa dang/ ji ltar mngon par 'dod pa'i bzlas pa byas te byung bar bya'o/ /slob dpon gyis las kyi cho ga yongs su rdzogs pa'o// /de nas slob ma gzhug pa la sogs pa'i cho ga bya ste/ rdo rje mchod yon bskor bcings nas// snying gar bzhag ste/ gdong bskyod pa'i/ /spyi bor yang dag phyag byas na/ /dngos grub thams cad rab grub pa'o/ /bde ba chen po chags pa che/ /'gro kun la yang 'grub 'gyur zhes/ /lan gsum bskor ba byas nas ni/ /bstod dkyil 'khor
- 60b
du gzhug? pa/ /de nas dus kyi mchod pa yis/ /bde chen yang dag mchod nas ni/ /rdo rje gzung nas dbang bskur phyir/ /de bzhin slob ma 'jug par bya/ /de la bslab pa'i gzhi lnga yongs su gzung pa'am/ dge tshul la mi dge slong gi sdom pa yongs su bzung ba'i slob ma ji lta ba bzhin du lhag par gnas par byas pas sdom pa gzung bar bya ba yin no/ /nges kyang slob dpon la phyag byas nas/ dga' chen khyod bdag ston pa bas/ /slob dpon khyod ni dgongs su gsol /byang chub chen po'i tshul bstan pa/ /ma yin? po chen po bdag 'tshal lo/ /dam tshig nyid ? bdag la stsol/ /sdom pa yang ni bdag la stsol zhes bya ba'o/ /de nas rdo rje gcod sbyin yongs su bzlas pa'i sna tshogs pa'i gos kyis stong g.yogs byas zhing/ /rdo rje lcags kyu ma la sogs pa yongs su bzlas pa'i sna tshogs pa'i gos kyis gdong g.yogs dpal ldan zhing /me tog gi phreng ba dang bcas pa'i kha dri zhim por byas pa'i slob ma phyag bzhi la sogs pa sngon du 'gro bas sdom pa 'dzin du gzhug par bya'o/ /de'i rjes la/ oM sarba yo ga tsita ut+tha ta ya mi zhes bya bas byang chub tu sems bskyed du bzhag go/ de bzhin du de'i snying gang sur te sa ma ya stwaM haM badzra sid+d+hi? ya thA su? laM zhes bya bas rdo rje bskyed la/ ? rdo rje sems dpa' byin gyis brlab ste/ dri dang me tog la sogs pas mchod nas yon gyi mchog blangs la rdo rje shugs kyi rang 'jug pa'i tshul bu btsug nas/ dga' ba chen po ni zhes bya ba la brjod du gzhug go/ de nas de la ji ltar bzhin du dbab pa bskyed la/ de bzhin du slob ma me tog dor du gzhug go /de nas phreng ba'i dbang bskur ba de la byin nas de'i gdong g.yogs dkrol bar byas la dkyil 'khor bstan par bya'o/ /de nas slar yang 'jug pa'i phyag rgya bcing du bcug nas de nyid kyi snying gar dgrol bar bya'o/ /de nas de bzhin du de nyid rdo rje sems dpa' byin gyis brlabs de'i lus la rdo rje sems dpa' la sogs pa rnams gnas ji lta ba bzhin du dam tshig gis phyag rgya rnams kyis bkod la/ de bzhin gshegs pa rnams kyang
- 61a
ji lta ba bzhin du bkod de/ slob dpon dbang bskur ba'i cho gas yon gyi mchog blangs te/ chu'i dbang bskur ba dang/ phyag rgya dang/ cod pan dang/ dar dbyangs dang/ rdo rje dang/ bdag po dang/ ming gi dbang bskur ba rnams kyis dbang bskur bar bya'o/ /de nas de la dngos grub kyi rdo rje brtul zhugs sbyin par bya'o/ /de nas me tog la sogs pa dang/ 'dod chags rdo rje ma la sogs pas de yang dag par mchod la/ gsang ba lnga'i de kho na nyid chen po'i bshad pa byas la de kho na nyid dang/ chos dang/ dam tshig rnams de la sbyin te dam tshig gsum gyis rdo rje'i glu'i mchod pa slob tu gzhug go /de nas tshigs bcad lngas rjes su gnang ba dang/ mna' sngon du song ba'i snying po dang/ phyag rgya bzhi'i ye shes byin la/ gzengs bstod pa dang/ lung bstan pas lung bstan par bya'o/ /de nas ji ltar zhugs pa rnams la de bzhin gshegs pa thams cad la sogs pa'i dbugs dbyung ba dang/ sngon du spyod pa byas pa'i slob ma'i cho ga dang bcas pas rjes su bsgrub pa dang/ so sor rjes su bsgrub pa byin la/ tshogs kyi dkyil 'khor bris pa'i dkyil 'khor dam/ lugs ma 'am/ bcungs pa'i lha'i sku dang ldan pa'i dkyil 'khor du zhugs te/ rdo rje dang dril bu gnyis brla gnyis la bcings te/ nges de rgyun ma chad par dkrol zhing sku gsung thugs kyi rdo rje'i don bsgom par bya'o/ /slar yang g.yas pa'i rol mo dang bcas pa'i rdo rje dang dril bu dang ldan pa'i pi wang la sogs pa dang/ de kho na nyid kyi glu dang bcas pa'i yi ge hUM gi glus rjes su bsgrub par byas la/ /snod du gyur pa'i slob ma'i cho gas rjes su bsgrub pa'am rnal 'byor gyis bzhag par byas la/ slob ma'i tshogs dang lhan cig tu dkyil 'khor bskor ba lta bu'i gar byas la/ rdo rje sems dpa' la sogs pa'i rnal 'byor pas rdo rje sems dpa' la sogs pa'i gdong brnyan rang gi gdong la bsgom la/ rdo rje sems dpa' la sogs pa'i rgyan rnams kyis bdag nyid yang dag par brgyan pa de'i rnal
- 61b
'byor dang ldan pa'i phyag rgya sna tshogs kyis mchod par bya ba yin no/ /dang po re zhig rgyal mtshan gyi ming can gyis rjes su sgrub pa pos gnas gang du rdo rje sems dpa' bzhugs pa dang/ ji lta bu yin /ci mdzad ces bya ba dri bar bya'o/ /de nas sgrub pa pos/ /dngos grub kun gyi bde ba nyams dga' ba'i/ /thar pa'i grong du bcom ldan bde chen 'jug /mchog tu bde ba dam pa'i dngos grub kyis/ /dza hUM baM ho(rgyud 'grel): rab tu grub par mdzod ces bya ba'i 'jug pa'i glu'i mchod pa dang bcas pas bya ba yin no/ /de nas rdo rje slob dpon gyis brtsams pa dang/ rgyud gzhan las gsungs pa'i ji ltar rtogs pa'i phyag rgya sna tshogs pa'i mchod pa dang/ rjes su mthun pa'i glu'i mchod pa bya'o/ /de nas slob dpon gyis/ /sangs rgyas kun gyi gsang ba che/ /dam tshig mchog ni sgrub pa po zhes bya ba nas ji sring gsang ba mchog ces bya ba'i bar gyis gsang ba'i dkyil 'khor gyi gtam bya ba yin no/ /dkyil 'khor gzhan du ni rab tu 'jug pa'i glu'i mchod pa byas la/ dang po sbyor ba dang/ dkyil 'khor rgyal po mchog gi ting nge 'dzin ston par byed pa'i/ de nas dang po'i gnas nyams dga' zhes bya ba la sogs pa'i gtam bya ba yin no/ /rang gi mtshan ma gzung te/ don gyi tshul gyis lha'i phyag rgya chen po bcings la snying po brjod par bya'o/ /de ltar 'dod chags rdo rje ma la sogs pas rang gi lha'i gtam gyis phyag mtshan blangs te don gyi tshul sbyin par bya'o/ /phyi nas rang gi phyag rgya chen po bcings te/ rang gi lha'i snying po bzlas la de nas slob dpon gyis dkyil 'khor bsgom par bya'o/ /de nas bsgom pas ngal na slar yang phyag rgya sna tshogs pa'i mchod pa bya'o/ /de nas dkyil 'khor bsgom par bya'o/ /de nas ngal bsos la yi ge hUM gi glu de nyid de kho na nyid kyi glu dang bcas pas brjod cing/ phyag rgya sna tshogs pa'i mchod pa byas na/ nyi ma 'char ba'i dus su rang gi phyag rgya chen po'i dngos grub kyis thams cad 'grub par 'gyur ro/ /gal te grub par ma
- 62a
gyur na ngal ba bso zhing khrus la sogs pa byas la zla ba gcig gi bar du bsgom par bya'o/ /mthar nya la mtshan thog thag ngal bso zhing/ phyag rgya sna tshogs pa'i mchod pa'i sbyor bas bsgrub par bya'o/ /de nas nyi ma 'char ba'i dus su bcom ldan 'das 'khor dang bcas pas byon te tshogs dang bcas pa'i sgrub pa po'i lus dang ngag dang yid kyi rdo rje la zhugs pa yin no/ /de nas dpal rdo rje sems dpa' nyid du 'gyur ba yin no/ /dpal mchog dang po ni bshad zin to/ /de la de bzhin gshegs pa thams cad ni byang chub kyi sems la sogs pa'i rang bzhin can te/ de dag gi dpal dam tshig chen po'o dkyil 'khor ni dpal rdo rje sems dpa' i gsang ba'i dkyil 'khor lha mo bzhi dang yang dag par sbyor ba nye bar mtshon pa gang yin pa de'i cho ga ni rtog pa ste/ de'i grub par bya ba dang/ sgrub par byed pa ston pa'i ngo bo yongs su rdzogs pa ni mthar thug pa gsang ba zhes bya'o/ /dpal mchog dang po'i rgyal cher 'grel pa shes rab kyi pha rol tu phyin pa 'byung ba zhes bya ba las/ de bzhin gshegs? pa thams cad kyi dpal dam tshig chen po yi dkyil 'khor gyi cho ga'i bshad pa rdzogs so// //de nas 'dod chags kyi 'dod chags spang ba'i phyir dpal rdo rje sems dpa' i ras ris kyi dkyil 'khor chen po'i rang bzhin can gyi de bzhin gshegs ba thams cad kyi dpal chen po'i dkyil 'khor bstan nas da ni de bzhin gshegs pa'i rnal 'byor pa rnams la myur du dngos grub sgrub par byed pa de'i de bzhin gshegs pa'i gsang ba'i dkyil 'khor bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa brjod par byed pa ste/ dang po sbyor ba 'das ma thag pa nyid du'o/ /dpal rdo rje sems dpa' i ras ris kyi dkyil 'khor las gsungs pa nyid 'dir dang po'i sbyor ba'i ting nge 'dzin yin no/ /de'i phyir zhes bya
- 62b
ba ni rgyu la'o/ /gang gi phyir mchog tu gsang ba'i cho ga 'dis de bzhin gshegs pa'i bzlos pa pos sum 'gyur gyi dngos grub grub par 'gyur ba'i rgyu de'i phyir/ mchog de phul du byung ba yin no/ /de bzhin gshegs pa thams cad ni rnam par snang mdzad la sogs pa rnams te/ de dgag dam tshig chen po gsum ni nam mkha' i khams thams cad du bzhugs pa'i sku gsung thugs kyi rdo rje sems dpa' dang/ 'jig rten dbang phyug dang/ nam mkha' i snying po'i gzugs kyis byin gyis brlabs pa gang yin pa de'i dngos grub kyi don du gsang pa'i cho gar gyur pa ni de bzhin gshegs pa'i gsang ba'i dkyil 'khor gyi rtog pa skabs su bab par gyur pa'o/ /zhes bya ba'i don to/ /dam tshig chen po gsum gang yin zhe na/ sangs rgyas dang chos dang zhes bya ba la sogs pa la/ de la de bzhin gshegs pa thams cad gyis rtogs par gyur pas na sangs rgyas te/ byang chub chen po'i sems kyi mtshan nyid can gyi rdo rje 'chad do/ /shes rab kyi pha rol tu phyin pa la bzhugs pa'i rang bzhin can gyi rdo rje 'chad do/ /shes rab kyi pha rol tu phyin pa la zhugs pa'i rang bzhin can gyi 'jig rten gyi dbang phyug so so yang dag par rig pa bzhi'i ngo bo ni chos so/ /rang bzhin gyis 'od gsal ba'i brtson 'grus kyi pha rol tu phyin pa bya ba nan tan sgrub pa'i ye shes las byung ba gzugs thams cad ston pa'i sprul pa'i sku'i rang bzhin ni dge 'dun no/ /gsum pa de dag nam mkha' i khams thams cad la khyab nas bzhugs te/ de'i phyir dam tshig chen po gsum po 'di yin no/ /dkon mchog gsum po 'di dag gzugs gang gis gang du bri bar bya zhe na/ ras zhes bya ba la sogs pa la/ rdo rje sems dpa' la sogs pa'i byang chub sems dpa' rnams kyis mchog gi gzugs can gyi dkon mchog gsum po 'di ni ras la bri bar bya'o/ /ji lta bu zhe na/ go cha bcas te go cha dang ldan pa'o/ /rdo rje mtshon cha mchog
- 63a
la sogs pa rgyan thams cad kyis rab tu mdzes shing legs par brgyan pa bri par bya'o/ /de'ang phyag mtshan ji lta bu dang ldan pa yin zhe na/ rdo rje mtshon cha stod pa zhes bya ba la sogs pa la/ rdo rje rtse gcig pa'i mde'u dang ldan pa'i mnga' ni rdo rje mtshon cha ste/ de bstod pa ni gyen du 'degs pa'o/ /rdo rje mtshon cha bstod pa dang/ pad+ma dam pa dang/ rin po che chen po 'chang ba ni/ rdo rje mtshon cha bstod pa dang/ pad+ma rin chen 'chang ba'o/ /mchog ni phul du byung pa'o/ /'dir bshad par 'gyur te/ ras kyi dbus su sna tshogs pad+ma'i steng du g.yon pa'i de bzhin gshegs pa'i khu tshur gyis gzhu bzung nas/ phyag g.yas pas mnga' bstod pa la sogs pa brtson pa'i rdo rje sems dpa' i gzugs can gyi de bzhin gshegs pa bri bar bya'o/ /pad+ma de nyid du rdo rje sems dpa' i g.yas logs su pad+ma kha 'byed pa'i tshul gyis/ 'phags pa spyan ras gzigs dbang phyug gi gzugs 'dzin pa'i chos bri bar bya'o/ /pad+ma de nyid du rdo rje sems dpa' i g.yon logs su rdo rje rin po che 'dzin pa'i nam mkha' i snying po'i gzugs 'dzin pa'i dge 'dun bri bar bya'o/ /de dag thams cad 'od kyi 'khor lo gcig dang/ rin po che'i cod pan gyis dbang bskur ba dang ldan pa/ sems dpa' i dkyil mo krung gis bzhugs pa'o/ /gnas gang du ras la dkon mchog gsum 'di bri bar bya ba yin zhe na/ 'khor lo de ni brtags nas su/ /gsang ba'i dkyil 'khor dam pa'o zhes bya ba la/ 'das ma thag tu bshad pa'i dpal rdo rje sems dpa' i gsang ba'i dkyil 'khor dam pa ste phul du byung ba yang dag par bris la/ de'i dbus gyi re mig la dkon mchog gsum gyi ras ris bri bar bya yi gzhan du ni ma yin no zhes bya ba'o/ /de bris nas de'i rjes la ji ltar bya zhe na/ ci rigs par ni bsgrubs byas na/ /sum 'gyur du ni 'grub par 'gyur/ zhes bya ba la/ rdo rje sems dpa' i gsang ba'i dkyil 'khor gyi cho ga ni ci rigS
- 63b
pa te/ de las mi 'da' bar dkon mchog gsum 'di sgrub par bya ste/ de ltar bsgrubs na sum 'gyur du 'grub pa ste/ rdzogs shing mngon du 'gyur ba yin no/ /de bzhin gshegs pa thams cad kyi sku gsung thugs kyi gsang ba ni sum 'gyur te/ de dang ldan pa'i rdo rje 'chang la sogs pa'i gzugs 'dzin pa'i dkon mchog gsum ni sum 'gyur ro/ /rdo rje sems dpa' i gsang ba'i dkyil 'khor bsgrub pa'i cho ga ngas rnal 'byor pa la 'grub par 'gyur ro/ /snying po gang gis de bzhin gshegs pa'i gsang ba'i dkyil 'khor 'di sprul nas bri bar bya ste zhe na/ de la 'di zhes bya ba la sogs pa la de la zhes bya ba'i sgra ni dag nye bar dgod pa la'o/ /'di zhes bya ba ni thugs ka la gnas pa'o/ /de bzhin gshegs pa thams cad kyi dam tshig chen po gsum rdzogs par byed pa'i nges pa'i shes pa ni dam tshig chen po zhes bya ba'i mchog gi snying po ste/ de ston par byed pa'i sgra yang nye bar btags nas de nyid yin no/ /de yang las ji lta bu dang ldan pa yin zhe na/ mchog gi dngos grub ma lus par gsol pa'o/ /zhes bya ba la/ dkon mchog gsum gyi dngos grub bzung bas rigs thams cad kyi dngos grub ster bas na mchog gi dngos grub ma lus par gsol ba'i snying po de yin no/ /oM b+hu khaM zhes bya ba la/ yi ge oM ni rdo rje 'chang ngo/ /yi ge b+hu ni rdo rje dbang phyug go/ yi ge khaM ni nam mkha' 'phags pa nam mkha' i snying po'o/ /ji skad du rdo rje dril bu phyag rgya dang/ /dam tshig gsum po mchog yin te/ /oM b+hu kha duM yang dag bshad/ /sangs rgyas phyag rgya brda ru byas zhes bya bas gsungs so/ /de ltar na de nas zhes bya ba nas brtsams te ji srid oM b+hU khaM zhes bya ba'i bar du bstan pas ting nge 'dzin gnyis bstan pa yin no/ /de nas 'dus pa sngon du 'gro bas gsum pa shes par bya'o// //dam tshig dang dbang skur ba thob pas 'dir bzlas pa dang/ ?
- 64a
pa bya ba yin no zhes bya ba'i cho ga 'di rab tu bstan par bya ba'i phyir/ khyim 'am zhes bya ba la sogs pas slob dpon gyis las kyi cho ga dang/ slob ma gzhug pa la sogs pa'i cho ga rgyas par gsungs te/ phyi ma zhes bya ba ni rab tu grags pa'o/ /nags tshal zhes bya ba ni sna tshogs pa'i rigs can gyi shing drung gi tshogs so/ /de dag 'dir dpal rdo rje sems dpa' i gsang pa'i dkyil 'khor gyis cho gas nye bar mdzes shing yang dag par brgyan la/ snga ma bzhin du dpal rdo rje sems dpa' i ras ris kyi cho gas rang 'jug pa'i cho ga thams cad dang/ slob ma gzhug pa'i cho ga rjes su spyang la/ mchog gi mtshon cha'i cho gas thams cad byas nas/ de bzhin gshegs pa thams cad kyi rigs lnga'i bshad pa byas la/ 'di brjod pas te slob ma rnams la bstan par bya'o/ /de nyid ces bya ba la sogs pa la/ de nyid ni dngos po'i rigs pas bdud bzhi las rnam par rgyal ba'i bcom ldan 'das rnams yin no/ /ni'i sgra ni gang gi phyir gyi don du'o/ /byang chub sems dpa' ni rdo rje sems dpa' dang/ 'jig rten dbang phyug dang/ nam mkha' i snying po rnams te/ sangs rgyas bcom ldan 'das de bzhin gshegs pa thams cad rnams ni rnam par snang mdzad dang/ mi bskyed pa dang/ rin chen 'byung ldan dang/ snang ba mdza' yas dang/ don yod grub pa'i rang bzhin can no/ /'di ltar bshad par 'gyur te/ gang gi phyir de bzhin gshegs pa rnams nyon mongs pa dang/ lha'i bu dang/ phung po dang/ 'chi bdag gis bdud bcom par mdzad na bcom ldan 'das te/ de'i phyir 'chi bdag gi bdud la sogs pa dang bral bas 'khor ba'i phyi ma'i mthar thug gi bar du rtag tu rdo rje 'chang dang/ 'jig rten dbang phyug dang/ byang chub sems dpa' nam mkha' i snying po'i gzugs 'dzin pa yin no zhes bya
- 64b
ba yin no/ /de dag ci mdzad ce na/ lta ngan zhes bya ba la sogs pa la/ 'khor ba la rtag pa'i 'du shes can gang yin pa de ni lta ba ngan pa dang ldan pa'i sems can rnams so/ /de dag gi rtag pa'i 'du shes dang bral mdzad pa'i phyir/ shAkya'i rigs la sogs pa'i skye ba yongs su bzhes pa mdzad nas sprul pa'i sku yongs su mya ngan las 'das pa chen po ston par mdzad do/ /longs spyod rdzogs pa'i skus ni ma yin no/ /rdo rje 'chang la sogs pa'i byang chub sems dpa' i gzugs kyis lta ba ngan pa dang lan pa rnams la phan pa'i don du rdo rje 'chang la sogs pa'i gzugs 'dzin cing mya ngan las 'das pa ston par mdzad pa yin no/ /ma lus pa ni sems can gyi khams thams cad de/ de 'dul ba dang ni lung dang rtogS pa la rab tu bzhag pa'o/ /de'i don du brtson pa ni spro ba'i brtson 'grus te/ der brtan pa'i nges pa ni mi phyed pa'i ye shes te/ nges go cha dang bcas pa ni/ sems can gyi don du go cha dang ldan pa'o/ /shin tu sring pa la gnas pa ni mi gnas pa'i mya ngan las 'das pa ste/ de nyid mchog te phul du byung ba'i go cha la sogs pa gang yin pa bgos pa de ni/ shin tu srid pa'i gnas mchog gi/ go cha la chos bgos pa'o/ /sogs pa'i sgras ni tsong? pan dang/ rna rgyan dang/ gdu bud dang/ dbu rgyan la sogs pa gzung bar bya'o/ /dkon mchog gsum nyid nye ba 'gro ba ni thob pa'o/ /dkon mchog gsum nyid nye bar 'gro ba de gang yin zhe na/ sangs rgyas chos dang dge 'dun rnams zhes bya ba'o/ /de dag la ji lta bu dang ldan pa yin zhe na/ shin tu zhes bya ba la sogs pa la/ gdul bya'i skye bo'i rgyud la thog ma dang tha ma med pa'i mi gnas pa'i mya ngan las 'das pa bskyed pa ni/ shin tu srid pa grub pas te/ de nyid rnam par dag pa'i dpal ni bag chags dang bcas pa'i nyon mongs pa'i dri ma dang bral ba'i dkon mchog gsum gyi rang bzhin can gyi mdangs gang
- 65a
yin pa de gdul bya'i skye bo'i rgyud la rdzogs par byed pa'o/ /rnam par dag pa'i dpal mdzad pa yin no/ /mchog ni phul du byung bas te/ rdo rje 'chang la sogs pa'i rang bzhin can gyi de bzhin gshegs pa de dag yin no zhes bya'o/ /de kho na nyid 'di brjod pa gang yin zhe na/ de bzhin gshegs pa thams cad kyi mchog ni gsang ba'i rdo rje'o zhes bya ba la/ rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med dang/ don yod grub pa rnams ni de bzhin gshegs pa thams cad de/ de rnams kyi mchog ni phul du byung ba/ thog ma dang tha ma med pa gnyis su med pa'i thugs rang rig pa'i rang bzhin gyi phyir gsang ba'i rdo rje de nyid yin no/ /'dis ni 'di ltar bshad par 'gyur ro/ /rdo rje'i don 'di mngon du byas shing de bzhin gshegs pa'i rigs kyi rnal 'byor pas de bzhin gshegs pa'i rdo rje blangs te gzung bar bya'o/ /de ltar de bzhin gshegs pa'i rdo rje de kho na nyid kyis gzung ste/ de bzhin gshegs pa'i dril bu chos kyi dril bu dkrol cig ces bya ba'i cho gas 'di rab tu bstan par bya ba'i phyir/ de nas mchog tu gsang ba'i chos nyid kyi dril bu'o zhes bya ba gsungs te/ de nas kyi sgra ni skabs la bab pa'o/ /mchog tu gsang ba'i chos nyid ni sgra'i rjes su 'gro ba'i shes rab bo/ /de ston par byed pa'i phyag rgya ni dril bu'o/ /thams cad nam mkha' i mtshan nyid can zhes bya ba la/ 'dus byas dang 'dus ma byas kyi dngos po thams cad don dam par nam mkha' i rang bzhin can no/ /nam mkha' i rang bzhin 'di lta bu dang ldan pa yin zhe na/ nam mkha' yang ni mtshan nyid med ces bya ba la/ rdzas thams cad med pa'i mtshan nyid can ni nam mkha' i mtshan nyid can no/ /ji ltar nam mkha' i mtshan nyid med pa de bzhin du dngos po thams cad kyang mtshan nyid med pa yin no zhes bya ba yang gi sgras ni ston pa yin te/ don dam par chos thams cad gdong ma nas ma skyes pa'i rang bzhin nyid yin pa'i phyir ro zhes bya bar dgongs so/ /nam mkha' mnyam pa nyid
- 65b
ni de bzhin nyid de/ de'i sbyor ba ni rnal 'byor ba'i sems dang sems las byung ba de bzhin nyid ni ro gcig pa'o/ /rgyu de nyid kyi phyir rnal 'byor pa des kun mchog mnyam pa nyid ni de bzhin nyid de/ de la gsal ni khyab par gyur pa yin no/ /shes rab kyi pha rol tu phyin pa'o zhes bya ba la/ sgra'i rjes su 'gro ba'i shes rab kyis nam mkha' dang mnyam pa nyid du khyab par gang rnal 'byor pas thob pa de ni shes rab kyi pha rol tu phyin pa ste/ lhag par mos pa 'dis rnal 'byor pas dril bu dkrol bar bya'o/ /'di ltar bshad par 'gyur te/ thams cad nam mkha' i mtshan nyid can/ /nam mkha' i yang ni mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal zhes bya ba de lta bu'i sgra ni dril bu sgrogs pa yin no/ /zhes bya bas dril bu dkrol bar bya zhing/ de'i sgra la lhag par mos par bya ba yin no/ /de ltar chos kyi dril bu dkrol cig ces bya ba bstan nas/ dam tshig gi phyag rgya chen po byin gyis brlabs shig ces bya ba'i cho ga 'di rab tu bstan par bya ba'i phyir/ de nas dam tshig chen po gsum gyi sdom pa'o/ zhes bya ba gsungs te/ de nas kyi sgra ni snga ma bzhin no/ /chen po yang de yin la/ dam tshig gsum yin pas na/ dam tshig chen po gsum te/ dkon mchog gsum gyi sku'i gsang pa'o/ /de'i rang bzhin can gyi bsgom pa ni sdom pas te de brjod par bya'o zhes bya ba'i tshig gi lhag ma'o/ / longs spyod kyang yin la kun kyang yin pas na longs spyod kun te/ rigs kyi lha thams cad kyi gzugs kyi rang bzhin no/ /de rnams la longs spyod pa ni de'i rang bzhin la lhag par mos pa'o/ /ni'i sgra ni nges par gzung ba'o/ /longs spyod thams cad la longs spyod pa'i ? 'gyur ba kho nas zhes bya ba'o/ /de dag gi dkon mchog gsum la mchod la mchod par bya'o zhes bya ba brjod cing rang nyid mchod par bya'o zhes bya ba dang sbyar ro/ /de dag khyab par ji lta bu dang ldan pa yin zhe na/ bsten par te bsgom par bya ba rnams kyis
- 66a
so/ /rang? gi bdag nyid las su gyur pa'o/ /bdag nyid ni byed par gyur pas so/ /sangs rgyas dang chos dang dge 'dun la mchod pa ni dkon mchog gsum la mchod pa'o/ /mchog ni dam pas te nang du brjod pa'i rnam pas brjod pas ni bsam zhing bsgo? pa'i mtshan nyid can gyi so sor rtogs pa'i mchod pa 'dis bdag nyid mchod par bya'o/ /dam tshig chen po gsum gyi sdom pa 'di las ji lta bu dang ldan pa yin zhe na/ de bzhin gshegs pa'i rnal 'byor bsgrub pa'o zhes bya ba la/ rnam par snang mdzad la sogs pa'i de bzhin gshegs pa rnams kyi phyag rgya chen po ni rnal 'byor te/ de sgrub pa ni rdzogs pa'i rgyu'o/ /'dis ni 'di ltar bshad par 'gyur te/ de bzhin gshegs pa'i rnal 'byor pa rang gi de bzhin gshegs pa'i phyag rgya chen po bsgrub par 'dod pas/ ji lta ba bzhin du de kho na nyid kyis rdo rje bzung la/ chos kyi dril bu dkrol bar bya'o/ /de nas rang gi de bzhin gshegs pa'i phyag rgya chen po bcings la/ gzugs gang dang gang gis sems can gdul bar 'gyur ba'i gzugs de dang de rnams kyis rnam par spyad par bya'o/ /de nas bdag nyid kyis bya ba byas pa lta bu'i de bzhin gshegs par bsams la bzlas pa'am bsgom pa bya ba yin no/ /thabs kyi cho ga 'di yis ni zhes bya ba la de kho na nyid dang/ chos dang/ dam tshig gzung ba'i rang bzhin can gyis thabs kyi cho gas 'dod pa'i yon tan lnga ni/ rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa rigs dang bcas pa rnams 'dod pa'i yon tan lnga gsang ba sra zhing mtho pa'i rgyud du gsungs pa'i 'dod pa'i yon tan lnga la spyad kyang grub par 'gyur ro/ /kyang gi sgras ni gcig la yang ngo zhe bstan to/ /bza' min pa yang bza' byas na zhes bya ba la/ bza' bar bya bas na bza' ba ste/
- 66b
rnal 'byor pas rang gi rigs kyi dkyil 'khor gyi lha'i gzugs kyis nam mkha' i khams gang bar byas la/ de yis sems can gyi khams ma lus par rang rang gi rigs kyi lha'i dkyil 'khor gyi gzugs su byas te/ rang gi rang bzhin du bsgom par bya'o zhes bya ba'i don to/ /bza' bar bya ba ma yin pas na bza' bar mi bya ba ste/ rigs gzhan gyi dkyil 'khor gyi lha'i gzugs rnams so/ /bza' bar mi bya ba de rnams kyang bza' zhing rigs lnga'i dkyil 'khor gyi lha'i rang bzhin can gyi bdag nyid rnam par bsgom par bya ste/ de bzhin gshegs pa'i dngos grub sangs rgyas nyid kyi mtshan nyid can rtag pa ni thog ma dang tha ma med pa te/ de rnal 'byor pa rnams kyis thob par 'gyur ro/ /de bzhin gshegs pa thams cad ces bya ba la sogs pa la gang zhig de kho na nyid la sogs pa gsum pa 'di ni de bzhin gshegs pa thams cad kyi mchog tu gsang pa'i dam tshig chen po gsum po ni zhes bya'o/ /de ltar brjod nas zhes bya ba ni slob dpon gyis slob ma rnams la bstan nas/ snying po byin pa de dag phyag rgya chen po bcing ba la sogs pa slob tu bcug nas/ de'i rjes la rdo rje sems dpa' i gsang ba'i dkyil 'khor bsgrub pa'i cho gas ji ltar mngon par 'dod pa'i phyag rgya chen po la sogs pa'i dngos grub slob ma'i tshogs dang bcas pa'i slob dpon gyis bsgrub par bya'o/ /de nas zhes bya ba la sogs pa rnams la snying po byin nas phyag rgya bzhi yi ye shes tshigs su bcad pa gzhan nyid de bzhin gshegs pa'i rnal 'byor gyis de bzhin gshegs pa'i rdo rje 'chang gi slob dpon rdo rje 'chang gi slob dpon te nges sbyin par bya'o/ /ji ltar zhe na rdo rje mchod pas mchod nas ni zhes bya ba la/ re dang bza' ba dang rnam par rol pa dang/ glu dang rol mo'i mchod pa la sogs pa rnams kyis dkyil 'khor yang dag par mchod pa byas
- 67a
na'o/ /de nas ji ltar bya zhe na/ ci 'dod spyod pa'i mchod pa yis/ /slob ma thams cad mchod du gzhug ces bya ba la/ phyi'i me tog la sogs pa rnams dang/ 'dod chags rdo rje ma la sogs pa'i phyag rgya'i mchod pa bcu gnyis slob ma'i tshogs thams cad mchod pa byed du gzhug go/ zhes bya ba'i don to/ /longs spyod kun la longs spyod kyang zhes bya ba ni bshad zin to/ /kyang gi sgra ni bsdu ba la'o/ /khyab par ji lta bu dang ldan pas zhe na/ dkon mchog gsum la phul ba zhes bya ba la/ mdzes pa'i dkon mchog gsum ni dkon mchog ste/ sangs rgyas dang/ chos dang/ dge 'dun gyi rang bzhin no/ /de ci'i phyir zhe na/ dkon mchog gzhan thams cad las phul du byung ba nyid kyi phyir ro/ /de las sprul pa'i longs spyod la longs spyod pa rnams ni phyi'i rin po che la sogs pa thams cad kyis rang gi bdag nyid dang/ gzhan rnams 'dod pas te/ gal te mngon par 'dod na yang dag par mchod na slob dpon de ji ltar mngon par 'dod pa'i dngos grub sgrub? cing grub par 'gyur ro/ /'dis ni 'di ltar bshad par 'gyur te/ snga ma bzhin du sdig pa bral ba'i mthar thug pa'i cho gas thams cad rjes su spyad nas/ rang gi snying gar gnas pa'i rdo rje la/ oM b+hu khaM zhes bya ba la rnam par bsams la/ rdo rje skyil mo krung gis 'dug ste/ rdo rje bsdams pa kha gyen du lta ba skyil mo krung gi steng du yang dag par bzhag la/ rdo rje'i dbus su bkod pa'i snying po de nyid yid kyis brjod cing chos thams cad bdag med pa bsgom par bya ste/ dbyangs bcu drug dang bcas pa'i de nyid las zla ba'i dkyil 'khor gyi bdag nyid can du rang gi sems bsams par bya'o/ /slar yang de'i steng du snying po de nyid kyis mngon par bris la/ yi ge ka la sogs pa dang bcas pa'i de las zla ba'i dkyil 'khor gnyis
- 67b
pa ste/ slar yang snying po da dang bcas pa'i de bzhin gshegs pa'i rdo rje ste/ slar yang snying po de rdo rje'i dbus su rnam par bsams la rdo rje'i nga rgyal bsgom zhing de bzhin gshegs pa thams cad kyi sku gsung thugs kyi rdo rje'i khams de rnams rdo rje de las spros te/ de dag gis sems can gyi don bya ba la slar yang rdo rje'i yid kyis gzhug par bya'o/ /de nas rdo rje de la oM b+hu khaM zhes bya ba bzlos shing/ sangs rgyas dang/ chos dang/ dge 'dun gyi rang bzhin du bdag nyid bsams la/ ma hA sa ma ya satwa haM zhes bya brjod par bya'o/ /de nas de bzhin gshegs pa thams cad kyi sku mchog/ bcings nas sa ma ya haM zhes bya ba brjod par bya ste/ de nyid kyis snying ga dang/ mdzed sbu dang/ mgrin pa dang/ spyi bo rnams su sa ma ya satwa a d+hi tiSh+Tha swa mi zhes bya ba rang gi bdag nyid la byin gyis brlab par bya'o/ /de nas sangs rgyas dang/ chos dang/ dge 'dun gyi phyag rgya chen po/ /oM b+hu khaM zhes bya ba bzlas shing bcing bar bya'o/ /de nas rang gi snying ga'i zla ba la/ sangs rgyas dang/ chos dang/ dge 'dun gyi gsang pa'i dkyil 'khor/ rdo rje 'khor lo'i phyag rgya bskyed la/ dngos grub kyi rdo rje brtul zhugs kyi mthar thug par rang 'jug pa la sogs pa'i cho ga thams cad rjes su spyad la/ de bzhin gshegs pa'i dkyil 'khor chen po las gsungs pa'i rnal 'byor chen po bsgrub par bya'o// de nas rdo rje mtshon cha ma la sogs pa'i phyag rgya bcu gnyis kyi mchod pa rnams kyis bdag nyid yang dag par mchod la/ de bzhin gshegs pa'i dkyil 'khor chen po las gsungs pa'i phyag 'tshal ba sngon du bya ste/ de kho na nyid dang/ chos dang/ dam tshig rnams la ting nge 'dzin gsum rnam par bsgom ste/ slar yang 'dus pa la sogs pa'i cho ga rjes su spyad la/ gsang ba'i dkyil 'khor 'di nyin re zhing de srid du bsgom par bya ste/ ji srid du nyin re zhing de bzhin du mngon du gyur pa de bzhin
- 68a
du mthong bar 'gyur ro/ /de nas ji lta ba bzhin du rdo rje sems dpa' i dkyil 'khor bris la/ de'i dbus su rdo rje rtse gsum pa'i phreng ba'i 'khor lo zlum po ka pa brgyad kyis nye bar mdzes pa bris la/ ras la dbus kyi dkyil 'khor gyi lte bar sna tshogs pad+ma'i gdan la ji lta ba bzhin du bshad pa'i mtshan nyid can gyi dkon mchog gsum bri bar bya'o/ /de nyid nang gi dkyil 'khor gyi mtshams bzhi ru rdo rje dang/ rin po che dang/ pad+ma dang/ sna tshogs rdo rje sngar bshad pa'i snying po bzhis bri bar bya'o/ /phyi'i dkyil 'khor gyi lha'i snam bu'i mtshams bzhi po la snga ma bzhin du sgeg mo la sogs pa bzhi bri bar bya'o/ /sgo rnams su lcags kyu ma la sogs pa bzhi/ rdo rje sems dpa' i dkyil 'khor chen po las gsungs pa'i snying po rnams kyis bri bar bya'o/ /de nas rdo rje sems dpa' i gsang ba'i dkyil 'khor las gsungs pa'i tshul gyis/ de bzhin gshegs pa thams cad kyi dkyil 'khor chen po las gsungs pa'i 'dus pa dang/ mchan brgya rtsa brgyad dang/ dgug pa la sogs pa'i cho ga byas la/ rang 'jug pa'i tshog dang/ slob ma gzhug pa la sogs pa'i cho ga rgyas par bya'o/ /mchog tu gsang ba'i cho ga zhes bya ba la/ de bzhin gshegs pa thams cad kyi/ sangs rgyas dang/ chos dang/ dge 'dun gyi rang bzhin ni mchog tu gsang ba'o/ /de'i cho ga ni sgrub par? bya ba la/ sgrub pa'i rtog pa ste/ de yang yongs su rdzogs pa yin no/ /zhes shes par bya'o/ /dpal mchog dang po'i rgya cher 'grel pa shes rab kyi pha rol tu phyin pa 'byung ba zhes bya ba las/ dkon mchog gsum gyi gsang ba'i dkyil 'khor gyi bshad pa rdzogs so// //de ltar myur du dngos grub bsgrub par byed pa la/ de bzhin gshegs pa'i ras ris kyi dkyil 'khor bstan nas/ da ni rdo rje rigs kyi rnal 'byor pa la myur du dngos grub sgrub par byed pa'i rdo rje nyi ma me ltar 'bar ba'i gsang ba'i
- 68b
dkyil 'khor bshad par bya ba'i phyir/ de nas rdo rje chen po'i khro bo'i rgyal po mchog gi cho ga zhes bya ba gsungs te/ de nas kyi sgra ni 'das ma thag pa ste/ dang po sbyor ba'i rjes thogs kho na la zhes bya ba'o/ /'dir dang po sbyor ba'i ting nge 'dzin ni dpal rdo rje sems dpa' gsang pa'i dkyil 'khor las gsungs pa kho na'o/ /chen po yang de yin la khro bo'i rgyal po yang de nyid yin pas na/ rdo rje khro bo chen po yi khro bo'i rgyal po ste/ bcom ldan 'das rdo rje nyi ma me ltar 'bar ba'o/ /de'i mchog kyang de yin la/ gsang ba'i cho ga yang de nyid yin pas na mchog tu gsang ba'i cho ga ste/ sgrub par bya ba dang/ sgrub pa'i ngo bor gsang ba'i dkyil 'khor ro/ /'di ltar bshad par 'gyur te/ yi ge hUM brjod cing gsang ba'i dkyil 'khor 'di rdzogs par byas la/ lha thams cad kyi snying po brjod cing rang rang gnas su lha thams cad kyi gzugs dgod cing drangs te/ 'di ni 'dir ting nge 'dzin gnyis pa'o/ /de nas 'dus pa sngon du 'gro bas gsum pa shes par bya'o/ /de ltar ting nge 'dzin gsum bstan nas/ da ni ras la bcom ldan 'das bri bar bya zhes bya ba la sogs pas slob dpon gyi las kyi cho ga dang/ slob ma gzhug pa la sogs pa'i cho ga bshad par bya ste/ cho ga ji lta ba bzhin du dkyil 'khor bris la dbus kyi dkyil 'khor gyi lte ba'i phyogs su bcom ldan 'das rdo rje sems? ltar 'bar ba ras la bri bar bya'o/ /mchog ces bya ba 'di phul du byung ba'o/ /ci'i phyir zhe na/ gang gi phyir gsang ba'i cho ga 'di rgya che ba'i 'jigs pas 'jigs pa rnams la mdor bsdus pas rdo rje'i rigs thams cad kyi dngos grub rdzogs par byed pa de'i phyir mchog ste phul du byung ba yin no/ /rdo rje nyi ma mi ltar 'bar ba de'i sna tshogs pad+ma'i gdan gcig kho na'i g.yas dang g.yon gyi logs dag la bzhugs pa'i rdo rje mkha' 'gro ma rnams de'i 'od kyis dkyil
- 69a
'khor la brten par bri bar bya'o/ /de la rdo rje nyi ma me ltar 'bar ba ni dkyil 'khor chen po las gsungs pa'i phyag rgya chen po bri bar bya'o/ /de'i lha mo dang po ni dmar ba dang dkar ba'o/ /gnyis pa ni thal ba ltar dkar pa'o/ /gsum pa ni dkar ba dang/ ljang ba'o/ /bzhi pa ni gser ltar dri ma med pa'i sku mchog can bri bar bya'o/ /rdo rje gtum pa'i dbang phyug grub ces bya pa la/ kha TwAM ga 'dzin pa'i rdo rje gtum pa'i dbang phyug ma ste/ de grub pa ni rdzogs pa'o/ /de nyid rdo rje kha TwAM ga sgreng ba dang bcas pa bri bar bya ste/ rdo rje kha TwAM ga sgreng ba dang bcas pa'i sku gang la mnga' ba de ni kha TwAM ga bsgreng ba dang bcas pa'o/ /de ni thal ba ltar mdog dkar ba bcom ldan 'das kyis g.yas logs su bri bar bya'o/ /de'i yang g.yas logs su dmar pa dang dkar ba'i sku mdog can mda''dzin pa rdo rje 'dod pa me 'bar ba zhes bya ba'i ming can g.yon pa'i phyag gi gzhu 'dzin cing g.yas pa rdo rje gcig pa mde'u dang ldan pa'i mda' bstod pa la brtson pa bri bar bya'o/ /bcom ldan 'das kyi g.yon logs su rdo rje khyab 'jug mas ste/ sku mdog dkar ba dang ljang ba dang/ phyag g.yon gyi sor mo dbus ma'i rtse mos rdo rje 'khor lo bstod pa la brtson pa/ phyag g.yas pas gdan la brten pa dang bcas pas bzhugs pa'o/ /de'i g.yon logs su dri ma med pa'i gser gyi mdog can/ rdo rje dril bu'i ba dan zhes bya ba'i lha mo rdo rje dril bu dang bcas pa'i g.yon pa'i rdo rje khu tshur gyis bsnyems pas bzhugs pa/ phyag g.yas pas dril bu dang bcas pa'i ba dan 'dzin pa bri bar bya'o/ /de dag thams cad kyang sems dpa' i skyil mo krung gis bzhugs pa'o/ /cung zad mche ba gtsigs pa'o/ /khro dang bcas pa'i zhal bzhad pa rang bdag la ni thugs gtad cing/ /sku ni zur gyis phyogs par bzhugs/ /gsang pa'i dkyil 'khor 'dir sprul pa la
- 69b
sogs pa'i las thams cad rdzogs par byed pa'i snying po ni yi ge hUM ngo/ /nye ba'i snying po ni hi ste lha thams cad kyi'o/ /de la yi ge hUM gis bsgrub pa ni phra mo'i cho ga gnyis pa las 'og nas 'chad par 'gyur ba de nyid 'dir shes par bya'o/ /nye ba'i snying po'i bsgrub pa bshad par bya ba'i phyir mnyam po zhes bya ba la sogs gsungs te/ de la mnyam po ni dus cig tu rdo rje dang bcas pa'i dril bu la sogs pa'i rol mo brdung zhing/ slob ma'i tshogs mkhas pa dang bcas pas yi ge hUM gi glu dang rol mo bya zhing zur bzhi ba'i glu'i sbyor bar nye bar mtshon pa'i rnal 'byor pa ni zur bzhi pa ste rab tu grub par 'gyur ro/ /de ltar yang rdo rje nyi ma me ltar 'bar ba'i dngos grub kyis te/ rdo rje nyi ma me ltar 'bar ba'i gsang ba'i dkyil 'khor 'di bzlas pa'i cho ga yin no/ /gnas gang du bcom ldan 'das rdo rje nyi ma me ltar 'bar ba ras la bri bar bya zhe na/ 'khor lo de ni brtags byas nas zhes bya ba la sogs pa bcom ldan 'das rdo rje nyi ma me 'bar ba'i ji lta ba bzhin du bshad pa'i 'bar ba'i 'khor lo de ni gsang ba'i dkyil 'khor ro/ /de nyid dam pa ni phul du byung bas te/ brtags pa ni yang dag par rtags nas gsang ba'i dkyil 'khor bris te/ dkyil 'khor gyi lte ba'i phyogs su bcom ldan 'das bri bar bya'o/ /zhes bya ba'i don to/ / 'dir dkyil 'khor gyi cho ga ji lta ba bzhin du shes par bya zhe na/ mtshon cha mchog ces bya ba la sogs pa la/ bcom ldan 'das rdo rje sems dpa' gsang ba'i dkyil 'khor gyi cho ga ni mtshon cha dam pa'i cho ga ste/ sgrub par bya ba dang sgrub pa'i rim pa'i cho ga des rdo rje'i rigs dgug pa la sogs pa'i cho ga rgyas pa thams cad 'dir shes par bya'o/ /de ltar rdo rje sems dpa' i gsang pa'i dkyil 'khor las gsungs pa'i tshul gyis rdo rje'i rigs las gsungs pa rang 'jug pa la sogs pa'i
- 70a
cho ga thams cad dang/ slob ma gzhug pa la sogs pa'i cho ga thams cad rjes su spyad nas de kho na nyid la sogs pa gsum po rdo rje slob dpon gyis slob ma rnams la bshad par bya ba yin no zhes bya ba bstan par bya ba'i phyir/ de nas zhes bya ba la sogs gsungs te/ de nas kyi sgra ni de ma thag pa'o/ /de kho na nyid dang/ chos dang/ dam tshig ni de kho na nyid dang chos dang dam tshig rnams so/ /de rnams kyi cho gas sbyin pa ni cho ga rab tu sbyin pas te slob ma rnams la man ngag sbyin pa'o/ /dmigs pa med pa'i thugs rje chen po'i mtshan nyid kyi thog ma dang tha ma med pa'i mtshan nyid can gyi chos kyi dbyings ni rtag tu chags pa ste/ de las byung ba ste skye ba gang la yod pa de rtag tu chags pa las byung ba'i khro bo ni rdo rje nyi ma me ltar 'bar ba'o/ /de'i rdo rje me'i phung po ni rdo rje 'bar ba 'bar ba'i tshogs te/ de'i rang bzhin can gyi sku ni sku rnams nyid do/ /de dag gang yin zhe na/ rdo rje 'bar ba zhes bya ba la sogs pa rdo rje nyi ma me ltar 'bar ba'i rdo rje ni rdo rje me ltar 'bar ba ste/ de'i rnal 'byor chen po'i mkha' 'gro ma ni de las byung ba'i rdo rje nyi ma me ltar 'bar ba la sogs pa'i rdo rje'i rigs kyi phyag rgya chen po thams cad phyogs bcu dang nam mkha' i khams la bzhugs pa'o/ /'bar ba zhes bya ba ni gdug pa rnams 'dul pa'i gzugs kyis thogs pa med pa'o/ /de ni rdo rje'i rigs zhes bya ba la de ltar rdo rje'i de kho na nyid shes par bya ste/ lhag par mos pa 'dis de gzung bar bya'o zhes bya ba'i don to/ /de ltar de kho na nyid kyis rdo rje gzung bar bya'o zhes bstan nas chos kyi dril bu dkrol bar bya'o bya ba bstan par bya'o/ /zhes bya ba'i don to/ /de nas chos zhes bya ba gsungs te/ thams cad nam mkha' i mtshan nyid can/ /nam mkha' yang ni mtshan nyid med ces bya ba ni bshad zin to/ /nam mkha' dang mnyam pa nyid ni chos thaMs cad
- 70b
dngos po med pa'i ngo bo nyid kyi de bzhin nyid do/ /de bzhin nyid ro gcig pa'i sems dang sems las byung ba rnams ni nam mkha' dang mnyam pa nyid kyi sbyor ba'o/ /de gang la yod pa de ni nam mkha' dang mnyam pa nyid kyi sbyor ba dang ldan pa yin no/ /des thams cad ni phyag rgya chen po la sogs pa'o/ /myur ba ni myur ba nyid du bsgrub par byed pa'i yin te/ de ltar dril bu sgra bsgom zhing dril bu dkrol bar bya'o/ /de ltar chos kyi dril bu dkrol zhes bya bas bstan nas/ dam tshig gis ni phyag rgya cher byin gyis brlabs zhes bstan par bya ba'i phyir/ nam mkha' kun mchog ces bya ba la sogs pa gsungs te/ thams cad kyang de yin la nam mkha' yang de nyid yin pas na thams cad nam mkha' te/ rdzas thams cad kyi dngos po med pa'i rang bzhin can gyi nam mkha' dang mnyam pa'i rang bzhin gyis 'od gsal ba'i sems so/ /de'i rnam pa can gyi ting nge 'dzin ni thams cad nam mkha' i mchog gi sbyor ba'o/ /thams cad nam mkha' i zhes brjod cing zhes bya ba la thams cad nam mkha' i mchog gi sbyor ba nges 'dus byas dang 'dus ma byas kyi dngos po thams cad nam mkha' dang mnyam pa'o zhes bya ba nang du brjod pa'i rnam pas mngon du bya zhing/ rdo rje nyi ma me ltar 'bar ba la sogs pa'i chos dang/ las dang dam tshig dang/ phyag rgya chen po'i rdo rje'i rigs kyi rang bzhin gyi rdo rje'i phyag rgya rnams kyis rgyas btab pa ni rang gi rang bzhin du byas pa'i 'jig rten gsum yang sa 'og sa steng sa bla'i rang bzhin can za ba ni snang bar byed pa yin no/ /yang gi sgras ni phyogs gcig gi dngos po shin tu za bar byed pa yin no// rdo rje rnal 'byor gyi mkha' 'gro ma rnams ni rdo rje rigs kyi phyag rgya chen po rnams te/ de dag gi mchog tu gsang ba'i dam tshig ni 'da' bar dka' ba'i nye bar sbyor ba'o/ /'dis ni don 'di 'chang bar 'gyur te/ ji lta ba bzhin du de kho na nyid kyis
- 71a
rdo rje bzung la chos kyi dril bu dkrol bar bya'o/ /de nas rdo rje nyi ma me ltar 'byor ba la sogs pa'i phyag rgya chen po bcings nas 'dus byas dang 'dus ma byas kyi dngos po thams cad nam mkha' dang mtshungs pa rnam par bsams la 'jig rten gyi khams thams cad rdo rje'i rigs kyi rang bzhin can bdag nyid kyi gzugs su bsams te bsgom par bya'o/ /cho ga 'di zhes bya ba ni de kho na nyid dang chos dang/ dam tshig gzung ba'i mtshan nyid kyi mchog thams cad de/ ma lus pa bsgrub par bya ba ni rdzogs par bya'o/ /shin tu mnyam par bzhag pa ni sems rtse gcig pa'o/ /bsgrub par bya ba de gang yin zhe na/ kun mchog ces bya ba la sogs pa la/ rdo rje rigs kyi chos dang/ las dang dam tshig dang/ phyag rgya chen po'i dngos grub rnams ni kun mchog chen po rnams so/ /rdo rje nyi ma me ltar 'bar ba'i las brgya la sogs pa'i rgyan ni las kyi tshogs so/ /kun mchog dngos grub chen po rnams dang/ las kyi tshogs ni ku mchog dngos grub chen po'i las kyi tshogs so/ /de yang mi zad pa zhes bya ba ni thog ma dang tha ma med par 'grub par bya'o/ /de nas ji lta ba ? du de bzhin gshegs pa'i cho gas dang phyag rgya rnams kyis gong du nye bar bsdu ba'i mchod pa byas nas/ rab tu 'grub par 'gyur zhes bya ba la/ 'dis ni don 'di 'chad par 'gyur te/ snga ma bzhin du sdig pa dral ba'i mthar thug pa'i cho ga thams cad rjes su spyad nas rdo rje nyi ma me ltar 'bar ba rnam par bsgoms la/ /dam tshig sems dpa' byin gyis brlab pa byas la/ rdo rje nyi ma me ltar 'bar ba'i phyag rgya chen po bcing bar bya'o/ /de nas ji lta ba bzhin du rang gi snying gar rdo rje nyi ma me ltar 'bar ba'i gsang ba'i dkyil 'khor rdo rje 'khor lo'i phyag rgya rdzogs par byas nas dngos grub kyi rdo rje brtul zhugs kyi mthar thug pa'i rang 'jug pa'i cho ga snga ma bzhin du byas la/ 'phags pa de kho na nyid bsdus pa'i 'jig rten gsum
- 71b
las rnam par rgyal ba'i dkyil 'khor chen po las gsungs pa'i lha rnams kyi rnal 'byor chen po byas la de bzhin gshegs pa thams cad dang lha thams cad kyi sku rang gi lus la bcug ste/ phyag rgya bzhis rgyas btab par byas la 'jig rten gsum las rnam par rgyal ba'i phyag rgya dang/ dang po yi rdo rje sems dpa' la sogs pa rnams kyis snga ma bzhin du bdag nyid la byin gyis brlabs te dbang bskur ba thams cad bzung la dngos grub kyi rdo rje brtul zhugs blangs la khro bo rdo rje mtshon cha ma la sogs pa'i mchod pa'i phyag rgya bcu gnyis kyi bdag nyid yang dag par mchod la/ phyag bzhi dang rdo rje me ltar 'bar ba'i dkyil 'khor chen po las gsungs pa'i phyag btsal ba byas nas/ dang po sbyor ba dang/ dkyil 'khor rgyal po mchog dang/ las kyi rgyal po mchog rnam par bsgom par bya'o/ /de nas bsdu ba dang/ mtshan brgya rtsa brgyad kyis bstod par byas la rdo rje nyi ma me ltar 'bar ba'i dkyil 'khor chen po las gsungs pa'i lcags kyus 'khor dang bcas pa'i bcom ldan 'das dkyil 'khor du bcug ste/ ji lta ba bzhin du phyag rgya bzhis rgyas btab par byas la/ dbang bskur ba'i phyag rgyas dbang bskur te/ mchod pa'i phyag rgya bcu gnyis kyis yang dag par mchod cing phyag 'tshal te/ de ltar nyin re bzhin du bsgom par byas na ji srid dkyil 'khor mthong bar? 'gyur ro/ /yi ge hi'i yi ge hUM brjod cing/ rdo rje dril bu logs mnyam bcas /rnam dben rol mo brdungs pa yis/ /yi ge hi yi glu rol mo/ /bya zhing zur bzhi 'grub par 'gyur zhes bya ba 'dir bzlas pa'i cho ga'o/ /de nas ji lta ba bzhin du lhag par gnas byas la nyi ma 'char ka'i dus su rdo rje sems dpa' i dkyil 'khor chen po'i tshul du phyi'i dkyil 'khor thig btab nas/ de nang du de'i phyed kyi tshad rdo rje rtse gsum pa'i thig zlum po 'bar ba dang bcas pa dang/ ka ba brgyad dang ldan par thig 'khor
- 72a
chen po las gsungs pa'i snying po bzhis pos lha mo bzhi par bris la/ dbus kyi dkyil 'khor gyi lte ba'i phyogs su lha mo bzhi dang yang dag par 'dus pa'i sbyor bas hUM hi zhes bya ba brjod cing/ bcom ldan 'das ras ris la bri bar bya'o/ /dkyil 'khor chen po las gsungs pa'i snying po bzhis pos lha mo bzhi bri bar bya'o/ /phyi rol gyi dkyil 'khor gyi mtshams bzhi dang sgro bzhi la rdo rje nyi ma me ltar 'bar ba'i dkyil 'khor chen po las gsungs pa'i mogs? khro po yi sgeg mo la sogs pa dang khro bo rdo rje lcags kyu ma la sogs pa bzhi bri bar bya'o/ /de la rdo rje nyi ma me ltar 'bar ba'i dkyil 'khor chen po las gsungs pa'i phyag rgya dang sngags kyis de bzhin gshegs pa'i gsang ba'i dkyil 'khor gyi cho gas dkyil 'khor bsgrub pa thams cad dang 'phags? 'jug pa la sogs pa'i cho ga dang/ slob ma gzhug pa la sogs pa'i cho ga thams cad bya'o/ /rdo rje rnal 'byor gyi cho ga'o zhes bya ba la/ lha mo bzhi dang yang dag par 'dus pa'i sbyor bas rdo rje nyi ma me ltar 'bar ba'i ? gsang pa gang yin pa de gnas pa ni rdo rje rnal 'byor ro/ /de'i cho ga ni sdug par bya ba dang/ sgrub pa'i rtogs pa bstan pa'o/ /dpal mchog dang po'i rgya cher 'grel pa shes rab kyi pha rol tu phyin pa 'byung ba zhes bya ba las rdo rje nyi ma me ltar 'bar ba'i ras ris kyi dkyil 'khor gyi bshad pa rdzogs so// //de ltar rdo rje nyi ma me ltar 'bar ba'i gsang ba'i ras ris kyi dkyil 'khor gyi cho ga bstan nas/ da ni rdo rje nyi ma me ltar 'bar ba'i ras ris kyi dkyil 'khor nyid kyi cho ga gnyis pa bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa brjod par byed pa ste/ dang po'i sbyor ba'i rjes thogs nyid du'o/ /'dir dang por sbyor ba'i ting nge 'dzin ni dpal rdo rje sems dpa' i ras ris kyi dkyil 'khor las gsungs pa nyid do/ /
- 72b
yi ge hUM gis dkyil 'khor sprul te/ gnas ji lta ba bzhin du rang gi snying po rnams kyis lha thams cad dgod par bya ste/ ting nge 'dzin gnyis pa shes par bya'o/ /de nas ji lta ba bzhin du 'dus pa sngon du 'gro bas gsum pa shes par bya'o/ /de ltar ting nge 'dzin gsum bstan nas/ da ni dam tshig dbang bskur ba thob nas 'das pa dang/ sgom par bya ba yin no zhes bya ba'i cho ga 'di rab tu bstan par bya ba'i phyir shin tu phra ba la sogs pas slob dpon gyi las la sogs pa'i cho ga dang/ slob ma gzhug pa la sogs pa'i cho ga gsungs te/ 'das ma thag tu bshad pa'i dkyil 'khor phra ba las kyang shin tu phra ba yin no/ /de bshad pa ni bstan par bya ba'o/ /'di shin tu khro ba sgeg pa ston par byed pas na shin tu gsang ba yin no/ /rdo rje ni rdo rje nyi ma me ltar 'bar ba'i rdo rje ste de'i gsang ba'i rnal 'byor chen po'i mkha' 'gro ma rnams kyi dkyil 'khor ni nam mkha' thams cad khyab pa'i phyir chen po de nyid yin no/ /ji bzhin zhes bya ba la sogs pa la/ dpal rdo rje sems dpa' i gsang ba'i dkyil 'khor chen po las gsungs pa'i cho gas grong khyer sum brtsegs dang/ skyed mos chal la sogs pas yang dag par brgyan la/ rdo rje 'chang thams cad kyi slob dpon rdo rje nyi ma me ltar 'bar ba'i gsang ba'i dkyil 'khor las gsungs pa'i tshul gyis rnal 'byor chen po byas la/ de'i rdo rje 'dzin pas mtshan ma thob nas gsang ba'i dkyil 'khor ji lta ba bzhin du sgrub pas de yang dag par bris la rdo rje chen po 'dod pa'i me 'bar ba la sogs pa'i gsang ba'i lha mo bzhi yi rnal 'byor dang ldan pa dang// de'i rigs dang rgyan dang ldan pa'i bu mo bzhi dang ldan pa dang/ rang nyid kyang rdo rje drag po'i rnal 'byor dang ldan pa dang/ de'i dbyibs dang rgyan dang ldan pas gar las byung ba'i me tog dang bcas pa'i phyag 'tshal ba'i thal mo rang gi spyi bor bcings
- 73a
la/ hUM rdo rje gzhu dang mda' bcas phyag 'tshal lo zhes bya ba la sogs pa'i 'jug pa'i glu brjod cing lha mo bzhi'i phreng ba'i dbus na bzhugs pa'i slob dpon gyis rang gi lha'i me tog gi phreng ba blangs te/ 'jug pa'i glu dang/ rang gi lha'i snying po brjod par byed pa'i bu mo de rnams dang bcas par dkyil 'khor du 'jug par bya'o/ /de nas g.yon pa'i kha ni gyen du bstod/ /rdo rje drag po'i bzhad chen po'i/ /sgra sgrogs mchog gi ming can gyi/ /phyag rgyas ha ha ha ha/ oM badzra ru lu ru lu laM zhes brjod cing dga' ba chen po'i dbugs kyi rlung gi ru lu ni drug dang ldan par bar ma dag gis bcom ldan 'das la mchod par bya'o/ /'dir ni 'dir zhes bya ba la sogs pa ni go sla'o/ /de ltar bu mo de rnams dang lhan cig tu bcom ldan 'das la phyag byas nas me tog dang pa'i sngags kyis me tog gi tshogs gtor bar bya'o/ /de nas ji lta ba bzhin du phreng ba'i dbang bskur ba blangs te/ gdong g.yogs dgrol te/ dkyil 'khor mthong nas 'jug pa'i phyag rgya dgrol bar byas nas/ chu'i dbang bskur bas dbang bskur la phyag rgya'i dbang bskur pa la sogs pa nas/ dngos grub kyi rdo rje brtul zhugs kyi mthar thug bzung bar bya'o/ /dang po re zhig thod pa'i phreng ba'i cod pan gyis dbang bstung? pa'i phyag rgyas so/ /de nas sangs rgyas lnga'i cod pan gyis dbang bskur ba'i phyag rgyas so/ /de nas thod pa'i phreng ba de bzhin gshegs pa lnga dang lhan cig pa'i gsang ba 'am brdungs pa la sogs pa'i rang bzhin can rdo rje rin po che dang cod pan gyi sngags dag gis yongs su bzlas pa'i phyi'i cod pan gyis kyang dbang bskur bar bya'o/ /de la gtsug tor dang mdun dang/ logs gnyis dang/ rgyab tu rdo rje rtse lnga pas mtshan pa'i thong pa rnams te de rnams kyi steng du de bzhin
- 73b
gshegs pa rnams cod pan du bya'o/ /de ltar thod pa'i phreng ba'i dbang bskur gyis bdag nyid la dbang bskur te/ cho ga thams cad rdzogs par byas nas bdag nyid dang bu mo rnams la dam tshig gsum sbyin par bya'o zhes bya ba bstan pa'i phyir/ pad+ma'i dbang bskur gyis dam tshig 'di ni gsal bar sbyin zhes bya ba gsungs te/ gsang ba ni gsal ba'o/ /da ni rdo rje pad+ma'i phyag rgya bstan pa'i phyir/ de la 'di zhes bya ba la sogs pa gsungs te/ rdo rje bsdams pa nang du byas pa'i sor mo'i rtse mo thams cad phan tshun du yang dag par sbyar ba byas la mthe bong gnyis rtse mo yang dag par sbyar ba'i rtse mo byas te/ nges sor mo'i rtse mo rnams dgab par byas te/ 'di rdo rje pad+mas te dbang bskur ba'i phyag rgya'o/ /de nas hUM a b+hi shiny+tsa mo zhes bya ba brjod cing gtsug tor gyi phyag rgya dang/ slar yang spyi bo dang/ rna ba gnyis kyi steng dang/ spyi bo'i rgyab tu dbang bskur bar bya'o/ /'dis dbang bskur ba tsam gyis zhes bya ba la sogs pa la rdo rje pad+ma'i dbang bskur ba 'dis sgrub pa po dbang bskur ba tsam gyis rnam par snang mdzad la sogs pa'i de bzhin gshegs pa thams cad de/ de dag gis byin gyis brlabs pa dang zhes bya ba sbyar ro/ /sgrub pa po de la ji ltar byin gyis brlab pa mdzad ce na/ shin tu gdug pa dang/ drag po dang/ rab tu gtum po dang/ ma rungs pa'i sems can rnams thal bar rab tu 'jig pa'i rgyur gyur pa'i phyir thal bar rab/ tu rlog pa'o/ /dbang phyug chen po la sogs pa'i 'jig rten gsum las rnam par rgyal bas na thams cad las rnam par rgyal pa'o/ /khams gsum ma lus pa'i rdo rje chen po'i 'khor los sgyur bya bar yang byin gyis brlabs par 'gyur ro/ /de nyid kyis rdo rje zhes bya ba la sogs pa ni go sla'o/ /bud med rnams kyang 'bebs gyur na zhes bya ba la sogs pa la/ dkyil 'khor du zhugs pa'i bu mo rnams gang yin pa de dag kyang 'bebs na/ bdag nyid
- 74a
mnga' 'dzin pa la sogs pa'i rang gi lha mo'i rnal 'byor gyi sgom pa'i rang bzhin gyis rdo rje 'bebs pas phab ste/ ston pa ni de bzhin gshegs pa rnams kyi rdo rje pad+ma'i dbang bskur bas dbang bskur te/ de kho na nyid dang chos dang/ dam tshig blangs la rdo rje mnga' la sogs pa'i rdo rjes mtshan pa'i phyag mtshan 'dzin pa'i rnal 'byor rnams dbang du 'gyur ro/ /rdo rje 'dod pa'i me la sogs pa'i lha mo'i gzugs su yang dag par 'gyur ro/ /'dis ni 'di ltar 'chad par 'gyur te/ ji ltar slob dpon gyis rang nyid rdo rje nyi ma me ltar 'bar ba'i rdo rje drag po'i gzugs su byin gyis brlabs nas dbang bskur te/ de kho na nyid dang/ chos dang/ dam tshig blangs nas dkyil 'khor du zhugs te/ khams gsum ma lus pa'i stobs chen po'i 'khor los sgyur bar 'gyur ro de bzhin du bu mo rnams kyang rang gi lha'i rnal 'byor gyis bdag nyid la dbang bskur byas nas de kho na nyid dang/ chos dang dam tshig blangs te/ rdo rje 'dod pa'i me la sogs pa'i lha mo'i gzugs su 'gyur ba yin no/ /da ni bu mo dang bcas pa'i slob dbon la rdo rje nyi ma me ltar 'bar ba la sogs pa 'bebs pa bstan par bya ba'i phyir de la zhes bya ba la sogs pa gsungs te/ de la zhes bya ba'i sgra ni dgar ba la'o/ /thog ma kho nar zhes bya ba ni shin tu dang po kho na'o/ /re zhig gi sgra ni rim pa la bltos pa'o/ /rdo rje nyi ma me ltar 'bar ba chen po ni nyi ma dang 'dra bas na nyi ma'o/ /gdug pa dang drag po rnams thal bar rab tu 'jig pa'i rgyur gyur pa'i phyir thal bar rab tu rlog go /rdo rje nyi ma me ltar 'bar ba chen po yang yin la thal bar rab tu rlog pa gang de nyid yin pas na/ rdo rje nyi ma me ltar 'bar ba chen po thal bar rab tu rlogs pas te/ de'i ming dang ldan pa zhes bya ba'o/ /de bzhin gshegs pa thams cad kyi rdo rje chen po'i khro bo thams cad kyi bdag nyid do/ /mchog dang po ni thog ma dang tha ma med
- 74b
pa'o/ /yang dag par 'bebs pa'o zhes bya ba ni sgrub pa po'i rgyud la rab tu bzhugs pa'o/ /de bzhin gshegs pa thams cad kyi thugs rdo rje chen po ni de bzhin gshegs pa thams cad kyi thugs rje chen po ste/ nges thabs kyi ngo bor bskyed pa'i zhe sdang gi khro bo me ltar 'bar ba'i 'od zer gyis nye bar mtshon pa/ mi phyed pa'i khon du 'dzin pa'i khro bo'i me ltar 'bar ba'i rdo rje ni bcom ldan 'das rdo rje nyi ma me ltar 'bar ba'i khro bo'i rdo rje kha TwAM ga'i rgyal mtshan dang bcas pas bzhugs pa ni rdo rje kha TwAM ga'i rgyal mtshan dang bcas pa'o/ /de bzhin gshegs pa thams cad kyi thugs rje chen po'i thabs kyi kho na du 'dzin pa'i khro bo'i me 'bar ba'i rdo rje yang de nyid yin la rdo rje kha TwAM ga'i rgyal mtshan dang bcas pa yang de nyid yin pas na/ de bzhin gshegs pa thams cad kyi thugs rje chen po'i thabs kyis khon du 'dzin pa'i khro bo me 'bar ba'i rdo rje rdo rje'i kha TwAM ga'i rgyal mtshan dang bcas pa'o/ /nges bar sbyor ba ni gtso bo nyid du nges par sbyor ba'o/ /ba dan dang bcas pa'i dril bu ni ba dang gyi dril bu ting 'dzin par mdzad pas na ba dan gyi dril bu 'dzin pa'o/ /rdo rje snyems ma ni ji lta ba bzhin du bshad pa'o/ /de'i bdag po ni rdo rje snyems ma'i bdag po'o/ /'bebs pa'i khyad par ji lta bu dang ldan pas 'bebs pa ni shin tu khro bo'i 'bebs pa ste/ bcom ldan 'das de 'bebs par 'gyur ro/ /de lta bu'i phyag rgya gang dang ldan pa yin zhe na/ sgeg pa dang bcas pa zhes bya ba la sogs pa la/ sgeg pa dang khro bo ston par byed pa'i smin mtshams kyis dpral ba'i ri mo ni sgeg pa dang bcas pa'i smin mchams kyi khro gnyer te/ /de dang bcas pa'i spyan ser po ni dmang ser te/ 'jig pa chen pos 'jigs par byed pa'i spyan dmar ser gang la yod pa de la de skad ces bya'o?/ /de lta bu'i lta ba dang ldan pa'i bcom ldan 'das yang dag par phab nas nges ji ltar mdzad
- 75a
ce na/ 'dis zhes bya ba la sogs pa la de ltar gyur pa'i lta ba'i phyag rgya 'dis sgrub pa po'i rgyud la bcom ldan 'das bzhugs nas phyag rgya chen po la sogs pa'i dngos grub thams cad kyi dkyil 'khor du stong phrag brgya 'das pas sgrub pa po la bsgrub par mdzad pa yin no/ /dkyil 'khor du stong phrag brgya'i zlas pas ma grub na de nas dus phyi ma la yi ge hUM lan cig zlas pas rjes su chags pa la sogs pa sgrub par byed pa yin no zhes bya ba'i don 'di rab tu bstan par bya'i phyir/ de bzhin gshegs pa thams cad rjes su chags pa zhes bya ba la sogs pa gsungs so/ /ting nge 'dzin gang gis yi ge hUM lan cig bzlas pas de bzhin gshegs pa thams cad rjes su chags pa dang/ dgug pa dang/ gzhug pa dang/ bcing ba dang/ dbang du byed pa dang/ 'bebs par nus zhe na/ thams cad nam mkhar sbyor ba'i ting nge 'dzin gyis zhes bya ba la/ yi ge hUM lan cig brjod pa tsam gyis gdod ma nas ma skyes pa'i rdo rje nyi ma me ltar 'bar ba'i sgom pa thams cad nam mkha' i sbyor ba'i ting nge 'dzin dang lhan cig brjod pa tsam gyis de bzhin gshegs pa thams cad rjes su chags pa la sogs pa'i las byed pa'o zhes bya ba'i don to/ /gang zhig khams gsum pa thams cad kyi khongs su chung pa'i rdo rje'i bdud la sogs pa'i bdud thams cad dang/ gang zhig de bzhin gshegs pa thams cad ni de bzhin gshegs pa rnams kyi bstan pa rnams la shin tu gdug pa dang/ drag po dang/ rab tu gtum pa'i ma rungs pa'i sems can rnams dang/ gang zhig sems can nye bar 'tshe ba rab tu 'jug pa'i mkha' 'gro ma drug po rnams dang/ gang zhig nyan thos dang rang sangs rgyas rnams te de dag kyang sgrub pa po'i 'dod pas thal bar rab tu 'jig par 'gyur te/
- 75b
dmyal bar skye ba'i rgyur gyur ba spyod pa ngan pa'i rang bzhin can gyis phan pa ma yin pa la sogs pa gzhan rnams la smos kyang ci dgos rnal 'byor 'dis bcom ldan 'das 'di ji lta ba bzhin du ci'i phyir bsgrub pa mdzad pa yin zhe na/ don yod ces bya ba la sogs pa la/ gang gi phyir bcom ldan 'das 'di ji lta ba bzhin du bshad pa'i rnal 'byor gyis don yod pa ni 'bras bu med pa ma yin pa dang/ thog ma med pa ni bzlog par mi nus pa dang/ ji lta ba bzhin du bshad pa'i dngos grub thams cad kyi las kyi tshogS rnams la nye bar sbyor bar ni sgrub pa pos mngon par sbyor ba mchog tu sgrub par 'gyur pa'i phyir ro/ /ji lta ba bzhin du bshad pa'i bcom ldan 'das 'di sgrub pa'i snying po'i bzlas pa bstan par bya ba'i phyir/ de nas zhes bya ba la sogs pa gsungs so/ / 'dis ni 'di ltar 'chang par 'gyur te/ sna'i dbugs phra mo nyid kyis thung du'i gzugs su yongs su brtags nas sna'i dbugs kyi sbyor ba kho nas bzlas pa byas nas ji lta ba bzhin du bshags pa dngos grub sgrub par byed pa yin no zhes bya'o// de ltar bcom ldan 'das dbab pa'i bsgrub pa bstan nas/ da ni lha mo bzhi dbab pa'i sgrub pa bstan par bya ba'i phyir/ de nas zhes bya ba la sogs pa gsungs te/ rdo rje nyi ma me ltar 'bar ba la sogs pa'i sgom pa'i lam ston par byed pa'i bcom ldan 'das yum mnga' 'dzin pas te/ rdo rje chen po 'dod pa'i me 'bar ba zhes bya ba'i lha mo chen mo/ de yang phyag g.yon pas gzhu 'dzin cing phyag g.yas pas ji lta bshad pa'i mtshan nyid can gyi mnga' blangs te bstod par mdzad pa/ sgeg pa dang bcas shing g.yon pa'i spyan gyis zur gyis lta ba'i phyag g.yon pa'i ming can gyis lta ba'i phyag rgyas nye bar mtshan pa/ g.yon pa'i spyan bcom ldan 'das ma rdo rje 'dod pa me 'bar pa'o/ /lta ba'i phyag rgya 'dis de ci mdzad ce
- 76a
na/ thams cad bsgrub par mdzad pa zhes bya ba ni gzigs pa tsam gyis thams cad la rgyas gdab pa zhes bya ba la sogs pa ni de'i las bstan to/ /snying po gang gis ji lta ba bzhin du bshad pa'i las rnams 'dis sgrub pa mdzad ce na/ de nas 'di zhes bya ba la sogs pa la 'di ltar 'chad par 'gyur te/ h+ni? zhes bya ba'i phra ba'i rdo rje khro bo'i bzlas pas ji lta ba bzhin du bshad pa'i lta bas 'di las thams cad bsgrub par mdzad pa yin no/ /de ltar dang po dbab pa'i sgrub pa bstan nas da ni gnyis pa dbab pa'i sgrub pa bstan par bya ba'i phyir gnyis pa zhes bya ba la sogs pa gsungs te/ rdo rje chen po 'dod pa'i me 'bar ba'i mtshan nyid can gyi sgom pa'i lam gyis yul du byas pas don mngon du byed pa ni lha mo chen mo gnyis pa ste/ kI li kI la'i gzugs 'dzin pa rdo rje chen po 'dod pa me 'bar ba lngar bshad pa'o/ /de nyid dam tshig ni rgyu ste/ rdo rje nyi ma me ltar 'bar ba la sogs pa re re mngon du byed pa'i rang bzhin can gang dang gang gi phyag rgya de ni re re'i dam tshig gi phyag rgya'o/ /de'i ming ston par mdzad pa'i lha mo chen mo phyag gnyis kyis dbus su rang gi 'dod pa'i lha bcom ldan 'das rdo rje nyi ma me ltar 'bar ba bstod nas gang gis 'khyud pa de ni dbus su bstod pa'i rang gi lhag pa'i lha'o/ /'dzum pa ni cung zad bzhad pa dang bcas shing 'dzum pa ste/ cung zad phye ba'i spyan gang la yod pa de ni spyan 'dzum pa'o/ /lta ba'i phyag rgya 'dis rdo rje nyi ma me ltar 'bar ba la sogs pa thams cad sgrub par mdzad pa'i bcom ldan 'das yum so so'i dam tshig gi phyag rgya rdo rje kI li kI la'i rang bzhin can no/ /yi ge hUM 'bum bzlas pas 'di'i sbyor ba ma grub na yi ge hUM lan cig tu bsgrub pa pos brjod cing yid kyis sam mngon du
- 76b
sgrub par bya la tsum+ba na dang 'khyud pa la sogs pa bya zhing/ tsum+ba na dang 'khyud pa la sogs pa'i reg bya 'dis rgyas btab pa tsam gyis bsam pa'i dbang gis sgrub bya rgyas btab pa dang/ mkha' 'gro ma la sogs pa thams cad kyi phyag rgya gzhig par mdzad pa dang/ sgrub bya thams cad bsang pa'i bsam pa'i dbang gis gsod par mdzad pa dang/ 'chi ba bslang ba'i bsam pas 'chi ba thams cad slong bar mdzad pa dang/ 'phags pa rdo rje nyi ma me ltar 'bar ba'i las brgya sgrub par mdzad pas dngos grub thams cad kyi tshogs rnams la nye bar sbyor ba dang/ yi ge hUM lan cig tu bzlas pas mchog tu sgrub pa'o/ /de nas 'di zhes bya ba sogs pa ni go sla'o/ /da ni gsum pa bstan par bya ba'i phyir gsum pa zhes bya ba la sogs pa gsungs te/ ji lta ba bzhin du bshad pa'i rdo rje chen po 'dod pa'i me 'bar bsgom pa'i lam gyi rang bzhin can gyis khams gsum pa ma lus par thal bar mdzad par nus pa bskyed pa ni/ rdo rje chen po 'dod pa'i me 'bar ba thal bar rab tu 'jig pa zhes bya ba'i lha mo chen po gsum pa ste/ bcom ldan 'das rdo rje nyi ma me ltar 'bar ba'i'o/ /de yang rdo rje dang kha TwAM ga'i rgyal mtshan 'dzin pa'o/ /khro zhing sgeg pa dang bcas pa'i 'dzum pa ni sgeg pa dang bcas pa'i 'dzum pa ste/ des smin ma'i dbus su khro ba ston par byed pa'i dpral ba'i ri mo ni khro gnyer te/ sgeg pa dang bcas pa'i 'dzum pa'i smin ma'i khro gnyer de las khro bI sbyin khro ba'i lta bste? des nye bar mtshon pa'i bcom ldan 'das ma gang yin pa de ni de bzhin te/ rdo rje chen po 'dod pa'i me 'bar bas thal bar rab tu 'jug par zhes bya ba'o/ /oM badzra ru lu ru lu ru lu h+ni zhes bya ba dkyil 'khor du stong phrag brgya bzlas pas rang gi dngos grub gsol ba
- 77a
yin no/ /sgrub pa ma grub na lan cig bzlas pa yid kyis 'dod pa'i las thams cad sgrub par mdzad pa yin no/ /chen po yang yin la rdo rje 'dod pa yang de nyid yin pas na rdo rje 'dod pa chen po yin pas te/ rdo rje nyi ma me ltar 'bar ba la sogs pa'i sgom pa'i lam gyi rang bzhin gyi byang chub chen po'i sems kyi bsgom pa'i zhes bya ba'i don to/ /nyon mongs pa'i bud shing sreg pa'i rang bzhin can ni me 'bar ba'o/ /rdo rje chen po 'dod pa yang de yin la me 'bar ba yang de nyid yin pas na rdo rje chen po 'dod pa'i me 'bar ba'o/ /des thal bar rab tu klog pa ni khams gsum pa'i sems can gyi khams dang sems las byung ba rnams mi snang bar mdzad pa'o/ /sreg pa'i bskal pa'i rang bzhin can gyis kyang kun nas nyon mongs pa can gyi sems can gyi khams rnam par spyod pa'i phyir sreg pa gang yin pa des shi ba'i sems can gyi khams rnam par dag pa'i sangs rgyas kyi zhing du skye bar ston pa ni slong ba ste nan tan sgrub pa'i ye shes kyi ngo bo 'dis gang gis sgrub par 'gyur ba de'i mtshan nyid dang ldan pa bzhi pa ste/ bcom ldan 'das ma rdo rje 'dod pa'i me 'bar ba thal bar rab tu rlog pa 'jigs pa'i 'chi ba slong bar mdzad pa zhes bya ba'i lha mo chen mo/ /g.yon pa'i rdo rje khu tshur gyis bsnyeMs par mdzad nas phyag g.yas pas rdo rje dril bu rang gi spyi bor bskyod par mdzad cing khro ba dang sgeg pa dang bcas pa'i spyan shin tu gdangs pa de'i rnal 'byor dang ldan ma la dbab pa'o/ /de nyid la phyag rgya chen po la sogs pa rdzogs par mdzad pas na thams cad sgrub par mdzad pa'o/ /de bzhin du Sh+Nai zhes bya ba dkyil 'khor du stong phrag brgya bzlas pas ma grub na lan cig bzlas pas khu tshur dang thal lcags la sogs pa dang/ bzhad gang dang/ brdeg pa dang/ phyag rgyas btang ba
- 77b
tsam gyis 'chi ba thams cad slong bar mdzad pa dang/ bsams pa tsam gyis las thams cad kyi tshogs sgrub par mdzad pa'o/ /de la sogs pa zhes bya ba ni rdo rje 'dod pa'i me'i lha mo bzhi po gtso bor gyur pa rnams so/ /mdza' yas mchog ni thog ma dang tha ma med pa'o/ /chos kyi dbyings dang mnyam pa ni/ thog ma dang tha ma med pa'i chos kyi dbyings dang mtshungs pa'o/ /mi mnyam pa ni mtshungs pa med pa'o/ /nam mkha' i khams bzhin du tshad med pas na nam mkha' i khams bzhin du grangs med pa ste/ 'jig rten gyi khams thams cad kyi rdul phra rab dang mnyam pa'o zhes bya ba'i don to/ /rdo rje nyi ma me ltar 'bar ba las byung bas na rdo rje nyi ma las byung ba'o/ /nam mkha' yang de yin la thams cad kyang de yin pas na nam mkha' thams cad te phyogs bcu na gnas pa thams cad dang bral ba'i ngo bo ji lta ba bzhin rab tu grags pa'o/ /nam mkha' thams cad bzhin du lha mo thams cad la gnas skabs ster ba'i phyir nam mkha' thams cad gnas skabs ster ba dkyil 'khor 'di yin no/ /nam mkha' thaMs cad gnas skabs kyi gsang ba'i dkyil 'khor 'di la rab tu zhugs pa ni legs par zhugs pa'o/ /kun nas 'bebs pa ni dkyil 'khor du bsgom pa la mngon par chags pa'i rgyud la rab tu zhugs pa'o/ /rdo rje mchog gi rnal 'byor gyi dbang phyug ma'o/ /de nas zhes bya ba ni rnal 'byor bsgom pa'i dus phyis dkyil 'khor bsgrub par byed pa rdo rje nyi ma me ltar 'bar ba'i rnal 'byor la dbang thob pa nyid dang/ mtshan ma thob pa'i rdo rje rnal 'byor gyi dbang phyug nges/ rnal 'byor bas te lha mo bzhi'i rnal 'byor dang ldan pa'i ji lta ba bzhin du zhugs pa'i bu mo de rnams rang gi g.yas pa dang g.yon pa'i logs dag la zla ba tshes pa'i dkyil 'khor gyi rnam pa'i dkyil 'khor ni zla ba phyed pa'i dbyibs can gyi rlung gi dkyil 'khor du dgod
- 78a
par bya'o/ /de nas ji ltar zhe na/ bkod nas zhes bya ba la sogs pa la/ de ltar rnal 'byor ma de rnams bkod nas thams cad kyang yin la mchog kyang de nyid yin pas na thams cad mchog ni bcom ldan 'das kyi gsang ba'i dkyil 'khor gyi dngos grub te/ dngos grub mchog de sgrub pa ni rdzogs par bya'o/ /byed par gyur pa gang gis zhe na/ thams cad dgug dang mchod pa che/ /bdag byin rlabs sogs sgrub pa yis zhes bya ba ji lta ba bzhin du bshad pa'i mtshan nyid can rnams kyis so/ /de ltar 'das ma thag tu bshad pa'i tshul gyis dkyil 'khor de rtag pa dang rab tu sgrub par byas nas phyi nas bcom ldan 'das kyi rdo rje blangs la slob ma thams cad gzhug par bya'o/ /de la zhes bya ba'i sgra ni dag nye bar dgong? pa la'o/ /re zhig gi sgra ni rim pas bltos pa'o/ /gal te dkyil 'khor 'di tshogs kyi dkyil 'khor gyi tshul du bri bar gyur na/ de'i tshe bud med rnams gzhug ste/ rdo rje 'dod pa'i me 'bar ba la sogs pa'i lha mo bzhi'i rnal 'byor dang ldan par byas la de kho na nyid dang/ chos dang dam tshig gi mtshan nyid can gyi dam tshig gsum byin gyis brlabs nas rang gi logs gnyis su mngon du bsnyen pa byas pa yang dag par bzhag par bya'o/ /skyes pa rnams kyang sngon du bsnyen pa byas pa rdo rje nyi ma me ltar 'bar ba'i rnal 'byor dang ldan pa/ dam tshig gsum gyi byin gyis brlabs pa de rnams lha mo bzhi'i phreng ba'i dbus su bkod pa de'i rnal 'byor sgrub pa yang dag par 'dzin du gzhug par bya'o/ /rdo rje chen po'i khro bo yi rgyal po chen po'i dam tshig dang sdom pa dag kyang len du gzhug par bya'o/ /bu mo dang khye'u ni byis pa'i blo'i rang bzhin can rnams dkyil 'khor du bcug ste/ tshogs dang bcas pa'i slob dpon rang nyid kyis yang dag par
- 78b
bsrung par bya'o/ /dus gzhan du de rnams kyang ma bzhin du sgrub pa la nges par sbyar bar bya'o/ /de ltar slob dpon gyi las kyi cho ga rgyas par bstan nas slob ma gzhug pa la sogs pa'i cho ga rgyas par bstan par bya ba'i phyir/ de nas zhes bya ba la sogs pa gsungs te/ byang chub sems ni bla med pa/ bskyed nas zhes bya ba ni go sla'o/ /mi phyed pa zhes bya ba ni srog chagS dang srog chags ma thaMs cad kyis dbye bar mi nus pas na mi phyed pa'o/ /dngos po thams cad kyi de kho na nyid mngon du byed pa'i rang bzhin can yin pas so sor rtog pa'o/ /'dod chags la sogs pa'i nyon mongs pa dang nye ba'i nyon mongs pa rnams dang/ phyi rol gyi lha chen po la sogs pa ni gdug pa rnams te/ de dag gnod pas na gdug pa thams cad gnod pa ste de lta bu'i byang chub kyi sems so/ /sbyin pa'i pha rol tu phyin pa dang/ shes rab kyi pha rol tu phyin pa dang/ brtson 'grus kyi pha rol tu phyin pa ni sangs rgyas kun te de'i rang bzhin yin pas na sangs rgyas kun dngos so/ /de ni bcom ldan 'das kyi 'bar ba'i rdo rje byang chub kyi mtshan nyid can gyi sems ni smon pa byang chub kyi sems te/ brtan pa ni mi phyed pa ste/ da nyid yin no/ /rdo rje rtse lnga pa'i gzugs su gdul bya rnams kyis yongs su brtag pa de nyid mtshon cha ste/ de rgyal ba de bzhin gshegs pa rnams kyis bde ba chen po'i rdo rje dkyil 'khor la sogs pa'i don du kun tu bzang po'i lag tu byin pa yin no/ /de bzhin gshegs pa thams cad kyis bstan pa ni bka' ste/ de'i dngos grub ni dpal rdo rje sems dpa' la sogs pa'i dngos grub po/ /de'i don du mtshon cha de de bzhin gshegs pa thams cad/ de'i lag tu phyin pa yin no/ /rdo rjes nye bar mtshan pa'i phyag gang la mnga' ba de ni phyag na rdo rje ste/ byang chub sems dpa' kun tu bzang po/ /de ltar sgeg pa dang khro bo'i gzugs can rdo rjes rdo rje 'chang ba bstan nas da ni thun mongs yin pa'i khro bo'i
- 79a
rdo rje bstan par bya ba'i phyir/ de nas zhes bya ba la sogs pa gsungs te/ rtag tu chags pa las byung ba'i khro bo ni bshad zin to/ /de gang yin zhe na/ rdo rje sems dpa' zhes bya ba ni rdo rje dang dril bu 'chang ba'i rdo rje sems dpa' nyid khro bor 'gyur ro/ /ci'i phyir zhe na/ gdul bya'i phyir zhes bya ba ni drag po'i la sogs pa gdug pa dang/ drag po rnams ni khro pos gdul bar gyur pas te/ de'i phyir khro bos gdul ba'i rgyu de'i phyir rdo rje sems dpa' nyid khro bor 'gyur te/ nyon mongs pa'i dbang gis ni ma yin no/ /khyad par ji lta bu dang ldan pa'i khro bor gyur zhe na/ rdo rje ltar 'bar pa ni zhes bya ba la/ ni'i sgra ni nges par gzung ba la ste/ khro bo rdo rje nyi ma me ltar 'bar ba nyid de bzhin ni ma yin no/ /rdo rje ni byang chub chen po'i mtshan nyid can gyis sems te/ de'i 'bar ba ni nam mkha' i thams cad la rtag tu bzhugs pa'i sku gsung thugs kyi rdo rje sngon po 'bar ba'i ngo bo sems dpa' i ste 'od kyi 'khor lo dmar po 'bar ba'o/ /de nyid rdo rje nyi ma me ltar 'bar ba ste/ kun nas nyon mongs pa can bsregs nas/ sangs rgyas kyi zhing du sangs rgyas kyi rang bzhin du mdzad pas na nyi ma dang mtshungs pas nyi ma'o/ /de nyid kyi phyir rab tu 'jigs pa las kyang 'jigs par byed pa'i mchog tu 'jigs pa ni nga yin no/ /de ltar bcom ldan 'das kyis de kho na nyid kyis rdo rje gzung ba bstan nas/ de ni lha mo rnams kyi gsungs pa yin te/ rdo rje nyi ma me ltar 'bar ba ni ji lta ba bzhin du bshad pa'o/ /de las byung ba ni skyes pas te de'i 'od kyis 'khor lo las byung ba'o zhes bya ba'i don to/ /grib ma zhes bya ba ni de dang rjes su mthun zhing mtshungs pas te/ de dag de bzhin gshegs pa rnams kyis sprul pa ni skyed par mdzad pa'o/ /las de lta bu dang ldan pa zhe na/ ma lus bdud la sogs pa gdug pa yi/ khrag gsol bar ni nus pa'o/ /zhes bya
- 79b
ba'?/ lus pa med pa'i bdud la sogs pa'i gdug pa rnams kyi khrag gsol ba'i nus pa dang bcas pa'o/ /shin tu nyal du bcug pa ni shin tu gsod pa'o/ /des dag pa ni dag par gyur pas te rjes su rtse bas ni ma yin no/ /zhes bstan to/ /mi'i khrag sngags kyi stobs kyis dgug pa 'grub pa gang yin pa de ni khrag chen po'o/ /lhag ma'i don ni go sla'o/ /slar yang 'di'i don bshad par bya ste/ snga ma bzhin du rdo rje me 'bar ba'i rnal 'byor gyis rnal 'byor chen po byas la/ lha mo bzhi'i rnal 'byor dang ldan pa'i bu mo rnams dang/ lhan cig tu lha mo bzhi dang yang dag par sbyor ba'i rnal 'byor gyis nye bar 'dug la dkyil 'khor thams cad ji lta ba bzhin du yongs su rdzogs par byas la/ ji srid mtshan ma thob par 'gyur ba ji srid kyi bar du bsgom par bya'o/ /de nas ji lta ba bzhin du slob ma lhag par gnas pa dang/ lha lhag par gnas par byas la/ nyi ma 'char ka'i dus su dkyil 'khor la thig btab nas phyi'i dkyil 'khor de nyid du bris la de'i phyed kyi tshad kyis nang du rlung gi dkyil 'khor zla ba phyed pa'i dbyibs can de'i steng du 'bar ba'i 'khor lo ka ba brgyad kyis nye bar mdzes pa te/ lcags kyi phye mas 'bar bar bris la/ nang gi dkyil 'khor gyi lte bar pad+ma'i ras ris kyis bkab pa'i gdan la/ lha mo bzhi yang dag par 'dus pa'i rnal 'byor dang ldan pa'i bu mo bzhi dang lhan cig tu slob dpon gyis 'dug pa bya'o/ /phyi'i dkyil 'khor gyi mtshams bzhi po la khro bo yi sgeg mo la sogs pa'i rnal 'byor ma rnams dgod par bya'o/ /sgo bzhi po la khro mo rdo rje lcags kyu me la sogs pa'i rnal 'byor ma bzhi 'am/ de'i rnal 'byor dang ldan pa'i slob ma rnams dgong par ba'o/ /de ltar sngon du bsnyen pa byas pas tshogs yod na tshogs kyi 'khor lo brtag ste/
- 80a
cho ga thams cad rjes su spyad par bya'o/ /rang 'jug pa'i dus dang/ slob ma gzhug pa'i dus su rang gi slob dpon nam de'i yon tan dang ldan pa'i gzhan dbus su dgong par bya'o/ /gang la tshogs med na nges dbus kyi dkyil 'khor gyi phyogs su lha mo bzhi phreng gi dbus na bzhugs bcom ldan 'das snying po 'dis ras la bri bar bya'o/ /hUM zhes bya ba'o/ /rdo rje chen po'i 'dod pa me ltar 'bar ba'i snying po ni h+ni? zhes bya ba'o/ /gnyis pa ni hUM zhes bya ba'o/ /gsum pa ni oM badzra ru lu ru lu la h+ni zhes bya ba'o/ /bzhi pa ni ? zhes bya ba'o/ /khro bo'i sgeg mo la sogs pa'i lha mo rnams ni sngar bshad pa'i snying po rnams kyis dgod par bya'o/ /de nas dkyil 'khor gyi bsgo bzhi phyi la bsdu ba byas nas mtshan brgyas bstod nas/ rdo rje nyi ma me ltar 'bar ba'i dkyil 'khor chen po las gsungs pa'i spyan drangs pa'i/ phyag rgya dang sngags dag gis bcom ldan 'das 'khor dang bcas pa dkyil 'khor du bcug te bgegs bskrang pa la sogs pa byas nas/ yi ge hUM gis mchod yon phul te/ dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis bcom ldan 'das 'khor dang bcas pa la rgyas btab te thod pa'i 'phreng ba'i dbang bskur ba'i phyag rgya dang/ de bzhin gshegs pa'i sku mchog gi phyag rgyas dbang bskur la/ mchod yon phul ba sngon du 'gro ba'i mchod pa'i yan lag thams cad kyis mchod par bya'o/ /de la re zhig pad+ma'i snod du khrag chen dang ga bur dang tsan dan dmar po yi ge hUM gis mngon par bsngags pa bcom ldan 'das kyi dam tshig gi phyag rgyas yongs su gzung ba'i rdo rje me tog gi yal gas bcom ldan 'das nyid kyi mdun du bzhag te/ bum pa dang bum pa gang ba rnams dbul bar bya'o/ /de nas mchog
- 80b
pa thams cad bya'o/ /de nas bcom ldan 'das kyi rnal 'byor gyis rnal 'byor chen po dang ldan zhing/ rdo rje chen po 'dod pa'i me la sogs pa'i lha mo bzhi'i rnal 'byor dang ldan pa dang/ sngon du bsnyen pa byas pa'i bu mo bzhi dang lhan cig tu phyag bzhi sngon du 'gro bas gang las byung ba'i phyag 'tshal ba'i thal mo me tog dang bcas pa'i spyi bor bcings te/ de bzhin du me tog gi phreng ba blangs la/ rdo rje shugs kyis rdo rje mda' gzhu can khyod la phyag 'tshal zhes bya ba la sogs pa'i 'jug pa'i glu brjod cing 'jug par bya'o/ /bu mo bzhi pos kyang rang gi lha'i dam tshig gi phyag rgya lag pa gnyis kyis 'ching zhing me tog phreng ba blangs te/ 'jug pa'i glu dang/ rang gi lha'i snying po bzlas shing 'jug par bya'o/ /de nas dpal rdo rje sems dpa' i ras bris kyi dkyil 'khor gyi cho ga dngos grub kyi rdo rje brtul zhugs kyi mthar sa thams cad rjes su spyad nas/ me tog la sogs pa dang/ rdo rje mtshon cha ma la sogs pa'i phyag rgya'i mchod pa bcu gnyis bu mo bzhi dang bcas pa'i bdag nyid yang dag par mchod? nas de kho na nyid dang/ chos dang/ dam tshig rnams bzung la/ snying po dang/ phyag rgya bzhi ye shes bcom ldan 'das kyi drung nas blangs ste/ tshigs su bcad pa lnga pos rjes su gnang ba dang/ gzengs bstong pa dang/ lung bstan pa mnos la/ rdo rje nyi ma me ltar 'bar ba'i rnal 'byor bya'o/ /bu mo bzhi yang rang gi lha'i rnal 'byor dang ldan pa blangs te/ dkyil 'khor gyi dbus su lha mo bzhi dang yang dag par sbyor ba'i rnal 'byor gyis zla ba tshes pa'i dkyil 'khor dang lhan cig tu bdag nyid la gzhug par bya'o/ /de nas thams cad dgug dang mchod pa che/ /bdag byin gyis brlabs sogs bsgrub pa yis/ /bdag nyid 'khor dang bcas pa rdzogs par byas nas/ nyin re'i sbyor bas yi ge hUM gis bzlas pa 'bum
- 81a
bya'o/ /bu mo rnams kyis kyang rang gi lha mo rnams kyi bzlas pa 'bum bya'o/ /de nas khrag chen ga bur bcas/ /tsan dan dmar po dang bcas pa rdo rje 'bar ba dang bcas pa ji lta ba bzhin du bshad pa'i pad+ma'i snod na gnas par sbyor par bya ste/ /srin lag dang mthe bong gi rtse mos blangs te/ bza' bar bya'o/ /bu mo de rnams kyis kyang rang gi lha'i snying pos bza' bar bya'o/ /de nas thams cad mkha' spyod su 'gyur ro/ /rnal 'byor pa ni rdo rje rnal 'byor pa'i dbang phyug dang/ bu mo rnams ni rdo rje chen po'i 'dod pa'i me la sogs pa'i gzugs can gyi rnal 'byor ma rnams su 'gyur ro/ /de nas 'bar ba'i sbyor ba 'di yin te/ pad+ma'i 'dab ma'i dbus su yi ge ha las rlung gi dkyil 'khor te/ de'i steng du thig le dang bcas pa'i yi ge ra las me'i dkyil 'khor/ de'i steng du me tog phro zhing 'bar ba'i yi ge hUM rnam par bsams la/ rdzas de des rab tu 'bar bar gyur pa rnam par bsgom par bya'o/ /gang zhig la rab tu 'bar ba'i nus pa med na nges bza' bar mi bya'o/ /'on kyang rjes su bsgrub pa dang so sor bsgrub pa'i rnal 'byor gyi tshogs dang bcas pas mtshan ma ma lus par sgrub par bya'o/ /de nas nyi ma 'char ka'i dus su phyag rgya chen po ji lta ba bzhin bdun par 'dod pa'i dngos grub thob par 'gyur ro/ /gal te slob ma rnams gzhug par 'dod na/ de'i tsha bu mo rnams med par 'jug pa gnyis pas 'jug par bya ste/ cho ga thams cad kyang rjes su spyad la rdo rje bzung ste de bzhin du nyi ma me ltar 'bar ba'i dkyil 'khor du 'jug pa'i cho gas phyag bzhi byed du gzhug go/ de nas byang chub chen por sems bskyed du gzhug go /de nas de rnams rdo rje nyi ma me ltar 'bar ba'i gzugs su byas la yang dag par mchod de/ gar las byung ba'i me tog dang bcas pa'i phyag
- 81b
'tshal ba'i thal mo 'ching du gzhug par bya'o/ /de nyid kyis me tog gi phreng ba 'dzin du bcug nas bzhugs te/ thams cad byas la rdo rje la sogs pa gsum po de rnams la sbyin par bya'o/ /rtag tu 'dod chags las byung ngo/ /rdo rje sems dpa' i gdul bya'i phyir/ /rdo rje nyi ma me ltar 'bar/ /mchog tu rab 'jigs 'di yin no zhes bya ba'i de kho na nyid 'dis gsang ba lnga'i bshad pa byas nas rdo rje sbyin par bya ba ni rdo rje nyi ma me ltar 'bar ba'i rnal 'byor pa la'o/ /rdo rje rnal 'byor ma rnams ni/ /rdo rje nyi ma 'bar 'byung ba'i/ /grib ma 'di dag bdud la sogs/ /gdug pa ma lus khra za? nus/ /de bzhin gshegs pa rnams kyis sprul zhes pa'i de kho na nyid 'dis sbyin par bya'o/ /rdo rje kha TwAM ga nges par sbyor ba'i ba dan dang bcas pa'i rdo rje dril bu chos 'dis dgrol bar bya'o zhes bstan par bya'o/ /de la chos ni 'di yin te/ shin tu ma rungs drag po dang/ bdag po grogs po bu rnams dang/ /shin tu nyal du bcug nas brtag mchog ni 'dzin pas gsungs/ zhes bya ba ni mchog tu gsang ba'i chos nyid 'bebs pa'i rdo rje kha TwaM ga'i rgyal mtshan dang nges par sbyar ba'i ba dan dang bcas pa'i dril bu ni thams cad 'bebs par byed pa dang/ rab tu sgrub par byed pa dang/ thams cad ltung bar byed pa dang/ slong bar byed pa'o/ /dam tshig gis ni phyag rgya cher/ /byin gyis brlabs shig ces bya ba yang slob tu gzhug go /de la dam tshig ni 'di yin te/ /khrag cher ga bur dang bcas pa/ /tsan dan dmar pos sbyar bas te/ /tshogs kyi nang du rab zhugs nas/ /rdo rje dang bcas rdor 'dzin nyid/ /srin lag mthe bo'i rtse mo yis/ /nam mkha' thams cad mchog sbyor ldan/ /zla ba'i btung ba bzhin myangs na/ /rtag pa'i dngos grub thob
- 82a
par 'gyur/ /'dod pa kun la longs spyod cing/ /ci 'dod par ni bsten bzhin du/ /nam mkha' kun mchog sbyor ba yis/ /dngos grub thams cad thob par 'gyur zhes bya ba 'di tshogs kyi 'khor lo shes par bya'o/ /sngon du bsnyen pa'i dus su ni/ /nam mkha' kun mchog sbyor ba yis/ /thams cad nam mkha' i zhes brjod cing/ /rdo rje phyag rgyas btab pa yi/ /'jig rten gsum yang bza' bar bya zhes bya ba'i dam tshig 'dis phyag rgya chen por byin gyis brlab par bya'o/ /de nas mna' bsgags la snying po phyag rgya bzhi'i ye shes bstan par bya'o/ /de yang sgeg pa dang bcas pa'i smin ma'i khro gnyer can spyan dmar ser gyis shin tu 'jigs par byed pa phyag g.yas pas 'bar ba'i rdo rje rtse lnga pa gsor ba la brtson pa sngo la 'bar ba'i rang bzhin can 'od kyi dkyil 'khor 'bar zhing 'bar ba/ g.yon pa'i rdo rje khu tshur rdo rje dril bu dang bcas pas rdo rje bsnyems pa 'dzin pa dgu g.yon par mchod phyir thogs kyi tshul du rdo rje kha TwAM ga'i phyag mtshan dang nges par sbyar ba'i ba ngan dang bcas pa'i dril bu 'chang ba/ de bzhin gshegs pa rnam par snang mdzad kyi rang bzhin gyi sangs rgyas kyi gtsug gi nor bu dang bcas pa'i thod pa'i phreng ba'i cod pan can/ sna tshogs pad+ma la sems dpa' i skyil mo krung gis bzhugs pa/ rdo rje drag po'i gzugs can gyi rdo rje nyi ma me ltar 'bar ba'i phyag rgya chen po'o/ /lha mo bzhi po ni go sla'o/ /rdo rje me ltar 'bar ba dang/ mda''dzin ma dang/ kha TwAM ga 'dzin pa dang/ ba dan sna tshogs 'dzin ma rnams kyi phyag rgya 'og nas ston par 'gyur ba yin no lha mo gnyis pa'i dam tshig gis phyag rgya ni rab tu dga' ba'i rdo rje khro bo yi dkyil 'khor chen po las gsungs pa'i kI li kI la'i dam tshig gi phyag rgya bzung bar bya'o/ /chos kyi phyag rgya rnams ni rang rang gi snying po kho na'o/ /las kyi phyag rgya ni
- 82b
rdo rje nyi ma me ltar 'bar ba dang/ mnga' 'dzin ma dang/ kI li kI li ma dang/ kha TwAM ga 'dzin ma dang/ ba dan 'dzin ma rnams kyis shes par bya'o/ /de nas ji lta ba bzhin du gzengs bstod pas lung bstan pa byin la/ de bzhin gshegs pa thams cad la sogs pa'i dbugs dbyung ba sbyin par bya'o/ /de'i rjes la cho ga thams cad rjes su spyad par bya'o/ /dpal mchog dang po'i rgya cher 'grel pa shes rab kyi pha rol tu phyin pa 'byung ba ces bya ba las/ rdo rje nyi ma me ltar 'bar ba'i phra mo'i cho ga'i gsang pa'i dkyil 'khor gyi bshad pa rdzogs so// //de ltar bcom ldan 'das nyi ma me ltar 'bar ba gsang ba'i dkyil 'khor gnyis pa bstan nas re zhig bcom ldan 'das 'phags pa spyan ras gzigs kyi bstan par bya ba'i phyir de nas 'phags pa spyan ras gzigs ces bya ba la sogs pa gsungs te/ 'dir dang po sbyor ba'i ting nge 'dzin ni dpal rdo rje sems dpa' i ras ris kyi dkyil 'khor las gsungs pa kho na'o/ /snga ma bzhan du tshigs su bcad pa'i sngags kyis ras ris kyi dkyil 'khor rdzogs par bya'o/ /de nas gnas ji lta ba bzhin du rang rang gi snying pos dgod par bya ste/ 'di ni ting nge 'dzin gnyis pa'o/ /de nas gdul ba sngon du 'gro bas ting nge 'dzin gsum pa shes par bya'o/ /de nas kyi sgra ni de ma thag pa brjod par byed pas te/ ting nge 'dzin 'das ma thag pa kho na zhes bya ba/ 'phags pa spyan ras gzigs dbang phyug gi mchog kyang de yin la gsang ba yang de nyid yin pas na mchog tu gsang bas te ras ris kyi dkyil 'khor ro/ /sems can gdul bar bya ba'i phyir/ de'i cho ga ni sgrub par bya ba dang sgrub pa bstan pa yin pa'o /ras la bcom ldan 'das bri bar bya zhes bya ba ni ras kho na la bri bar bya'o/ /de gang yin zhe na/ pad+ma gang gyi dbang phyug gtso zhes bya ba la/ pad+ma zhi ba'i gzugs don yod rgyal pos te don yod
- 83a
zhags pa'o zhes bya ba'i don te/ /de yang mchog stsol ba bri bar bya'o/ /'jig rten dbang phyug nyid dbang phyug chen po'i gzugs 'chang ba ni 'jig rten dbang phyug chen po'o/ /glog gi 'khor lo zhes bya ba la sogs pa la rnam par 'phrul pa ni sgeg pa'i nyams kyi dngos po ston par byed pa'i bzhin 'dzum pa dang/ mchu dang/ so dang/ smin ma dang/ mig la sogs pa'i phyag rgya'i rang bzhin can te/ de dang bcas pa gar mdzad pa'i phyag gang yin pa de la de skad ces bya'o/ /glog 'gyu ba ltar gar mdzad pas 'khor lo bzhin du sku'i phyi rol tu bskor ba'i tshul gyis 'gyur ba yang de yin pas yongs su bskor ba yang de nyid yin pas na glog gi 'khor lo 'gyu ba ltar bskor ba'o/ /glog gi 'khor lo 'gyu ba ltar yongs su bskor ba yang de dag yin la rnam par 'phrul pas gar mdzad pa yang de nyid yin no zhes bya ba ni slar yang bzhi mthun pa'i bsdu ba'o/ /de'i phyir phyag de dag gis pad+ma la sogs pa'i phyag mtshan yang de dag nyid yin pas na pad+ma la sogs pa'i phyag mtshan te/ de rnams 'tshang ba ni 'dzin pa'o/ /phyag rgya ni phyag rgya ste phyag rgya chen po de gang gis 'khor lo ltar mdzad pa de ni phyag rgya 'khor lo ltar mdzad pas te/ spyan ras gzigs kyi dbang phyug bri bar bya'o/ /'di ltar bshad par 'gyur te pad+ma dang/ ral gri dang/ 'khor lo dang/ lce dang/ sna tshogs rdo rje dang go cha dang/ mche ba dang khu tshur dang rdo rje lcags kyu dang/ mnga' dang/ legs par sbyin pa dang/ rin po che dang/ nyi ma dang/ rgyal mtshan dang/ 'dzum pa dang/ lcags kyu dang/ zhags pa dang/ lcags sgrog dang/ dril bu dang/ tri shul dang/ dbyug pa dang/ dgra sta dang/ mdung dang/ gzhu dang/ mdung la sogs pa'i phyag mtshan rnams te/ ji lta ba bzhin du bshad pa'i mtshan nyid can gyi gar gyi tshul
- 83b
gyis phyag rgya 'khor lo ltar mdzad cing sna tshogs pad+ma'i gdan la sems dpa' i skyil mo krung gis bzhugs pa/ zla ba lta bu'i 'od dang ldan pa/ spyan gsum pa sangs rgyas sku'i mchog gis dbu la mtshan pa/ mchog stsol ba'i don yod zhags pa 'jig rten dbang phyug bri bar bya'o/ /de'i zhes bya ba la sogs pa 'jig rten dbang phyug de'i logs thams cad de phyogs bzhir khro gnyer ma la sogs pa bri bar bya ste/ drag mo la sogs pa'i gzugs dang phyag mtshan gang la yod pa de ni drag mo la sogs pa'i gzugs dang phyag mtshan can no/ /pad+ma dang bcas par bzhugs pas na/ pad+ma dang bcas pas te/ pad+ma rigs kyi lha mo rnams pad+ma dang bcas pa bri bar bya'o/ /'di ltar 'chad par 'gyur te/ hUM pad+ma tsan di shwa ra hUM phaT ces bya ba'i snying po 'dis ji lta ba bzhin bu bshad pa'i sku mdog dang dbyibs dang ldan pa'i don yod zhags pa 'jig rten dbang phyug bri bar bya ste/ de'i pad+ma gcig la bzhugs/ /de yi 'od kyis 'khor lor brten/ /drag mo sogs gzugs phyag mtshan ldan/ /khro gnyer ma sogs bri bar bya/ /de la g.yas logs su pad+ma khyab 'jug ma te/ phyag g.yas pas pad+ma 'dzin pa/ /g.yon pas 'khor lo 'dzin pa'o/ /de nyid kyi g.yas logs su khro gnyer ma ste phyag g.yas pas pad+ma 'dzin pa/ g.yon pas rtse gsum 'dzin pa'o/ /slar yang bcom ldan 'das kyi g.yon logs su gos dkar mo ste/ phyag g.yon pas phreng ba 'dzin pa/ phyag g.yas pas pad+ma 'dzin pa'o/ /de nyid kyi g.yon logs su pad+ma la chags pa ste/ pad+ma mda' gzhu 'dzin pa ste/ /h+ri zhes bya ba'i snying po 'di bri bar bya'o/ /gnas gang du ras ris 'di bri bar bya zhe na/ 'khor lo de ni brtan gnas su zhes bya ba la sogs pa la pad+ma rigs kyi dkyil 'khor de brtags te dri bar byas nas gsang ba'i dkyil 'khor bri bar bya'o/ /dam pa ni phul du byung ba'o/ /ras ris 'di ni dbus kyi dkyil 'khor gyi lte ba'i phyogs su
- 84a
bri bar bya'o/ /de nas pad+ma'i sgeg mo la sogs pa rnams ni 'gro ba 'dul ba'i dkyil 'khor chen po las gsungs pa'i cho gas phyi'i dkyil 'khor gyi mtshams rnams su bri ba'o /sgo bzhi la ni lcags kyu ma la sogs pa rnams bri bar bya'o/ /rdo rje sems dpa' i ras ris kyi cho ga ni mtshon cha mchog gi go cha ste/ go cha des thams cad ni rang gi cho ga rgyas pa dang/ slob ma gzhug pa la sogs pa'i cho ga rgyas pa byas la/ de kho na nyid dang/ chos dang/ dam tshig rnams sbyin par bya'o/ /de bzhin nyid ni don dam pa ste/ des na sangs rgyas bcom ldan 'das ni spyan ras gzigs ste/ de bzhin gshegs pa rnams kyis so sor gzigs pa yin no/ /bag chags dang bcas pa'i nyon mongs pa'i gzhan gyi dbang du ma gyur pas na de nyid dbang phyug go /de nyid kyi phyir don dam pa'i 'phags pa spyan ras gzigs dbang phyug te/ sa 'og ma la gnas pa'i byang chub sems dpa' ni ma yin no zhes bya ba'i don to/ /gar mdzad pa zhes bya ba dang sbyar ro/ /khyad par ji lta bu dang ldan pa ce na/ 'dul ba'i thabs ces bya ba la sogs pa la/ sems can rnams 'dis 'dul ba ste/ 'dul ba yang de yin la thabs kyang de nyid yin pas na 'dul ba'i thabs so/ /de gang yin zhe na/ 'dod chags la sogs pa'i dri ma dang bral ba'i yol pas gar ni rol pa'i gar te/ 'jig rten dbang phyug gi gzugs 'dzin pa'i sangs rgyas bcom ldan 'das gar de mdzad pa yin no/ /mchog kyang yin la rdo rje yang yin pas na rol pa'i rdo rje'o/ /gang zhig de kho na nyid de ni mchog gi rdo rje ste/ nges par 'byin pa'i shes rab ces bya ba'i don to/ /'dis pad+ma'i rigs kyi rnal 'byor pas pad+ma rdo rje blang bar bya'o/ /de ltar de kho na nyid kyi pad+ma blangs te/ chos kyi dril bu dkrol bar bya zhes bya ba'i don 'di bstan par bya ba'i phyir/ ji ltar pad+ma
- 84b
dmar po ni zhes bya ba la sogs te/ ji ltar pad+ma rang bzhin gyi kha dog dmar pos dmar pas te/ ji lta ba bzhin du bshad pa'i 'dod chags kyi skyon rnams dang/ sna tshogs pa'i gnas kyi nyes pa rnams 'dam dang chu la sogs pa'i skyon rnams kyis gos par mi 'gyur ba de bzhin du don dam par gzung ba dang/ 'dzin pa'i rnam par rtog pa'i dri ma dang bral ba'i khams gsum pa yin no zhes bya ba dril bu'i sgra dkrol bar byed cing/ chos bdag med pa la chags par byed pas dmar ba dang sems can gyi don mdzad pa la chags pa'i byang chub sems dpas bsgom par bya ba yin no/ /'dis 'di ltar bshad par 'gyur te/ chos bdag med pa'i chags pa la chags pa dang/ sems can smin pa dang grol ba'i chags pa la chags pa'i byang chub sems dpa' pad+ma ltar srid pa'i skyon gyis gos par mi 'gyur zhes bya ba'o/ /da ni dam tshig gis ni phyag rgya cher/ /byin gyis brlabs nas snying po bzla zhes bya ba'i don 'di rab tu bstan par bya ba'i phyir/ /cho ga gang dang gang dag gis bya pa la/ gang dang gang gi rang bzhin gyi cho gas 'gro ba sems can gyi khams 'dul bar gyur pa de dang des de sbyar bar bya'o zhes bya ba dang sbyar ro/ /chos thams cad rang bzhin gyis dag pa'o zhes bya bar so sor rtogs pa ni pad+ma thams cad dag pa'i mchog/ gi rnal 'byor te/ de'i bdag nyid ni de'i rang bzhin no/ /gzugs de nyid kyis sku'i phyag rgya'i rang bzhin gyi bcom ldan 'das spyan ras gzigs dbang phyug gi ni 'gro ba sbyangs te 'dul ba la rab tu 'god par mdzad pa yin no zhes bya ba'o bsgom pa rnal 'byor pas bya'o/ /rdo rje thams cad kyi chos kyi dam tshig gi ces bya ba la/ thams cad kyang yin la/ rdo rje chos kyang yin pas na thams cad kyi rdo rje chos te/ pad+ma'i rigs kyi lha rnams kyi sku'i gsang ba'i rang bzhin can no/ /de
- 85a
rnams kyis dam tshig ni 'das ma thag tu bshad pa'i bsgom pa'o/ /gang gi phyir de ltar yin pa de'i phyir sgom pa ni 'dis pad+ma'i rigs thams cad kyi rnal 'byor pa rnams kyis rang gi lha'i phyag rgya chen pos byin gyis brlab par bya'o zhes bstan par 'gyur ro/ /de nas ji lta ba bzhin du pad+ma gar gyis mchod pas zhes bya ba la sogs pa la/ de ltar slob ma gzhug pa la sogs pa'i cho ga rgyas par rjes su spyad nas glu dang rol mo'i cho gas dkyil 'khor yang dag par mchod la/ dkyil 'khor ba'i gar gyis mchod pa dang/ sna tshogs pa'i mchod pa'i phyag rgya yis mchod la rdo rje sems dpa' i ras ris kyi dkyil 'khor las gsungs pa'i cho ga thams cad rjes su spyad par bya'o/ dpal mchog dang po'i rgya cher 'grel pa shes rab kyi pha rol tu phyin pa 'byung ba zhes bya ba las 'gro ba 'dul ba'i ras ris kyi dkyil 'khor gyi bshad pa rdzogs so// //de ltar 'gro ba 'dul ba'i gsang ba'i dkyil 'khor bstan nas da ni 'phags pa nam mkha' i snying po'i don du bstan par bya ba'i phyir/ de nas bcom ldan 'das nam mkha' i snying de'i don thams cad grub pa'i cho ga zhes bya ba gsungs te/ de nas kyi sgra ni 'das ma thag pa la ste ma dang po sbyor ba dang/ dkyil 'khor rgyal po mchog dang/ las rgyal po mchog gi ting nge 'dzin 'das ma thag pa kho na'o/ /de la dang po sbyor ba'i ting nge 'dzin ni dpal rdo rje sems dpa' i ras ris kyi dkyil 'khor las gsungs pa kho na'o/ /de nas ji lta ba bzhin du 'phags pa nam mkha' i snying po'i rnal 'byor gyis bcom ldan 'das kyis ras ris kyi dkyil 'khor sprul te/ rang gi snying po rnams kyis gnas ji lta ba bzhin du dgod par bya ste 'di ni ting nge 'dzin/
- 85b
gnyis so/ /de nas 'dus pa sngon du 'gro bas gsum pa shes par byas te/ dam tshig dang dbang bskur ba thob pas bzlas pa dang bsgom pa bya ba yin no/ /zhes bya ba'i cho ga rab tu bstan par bya ba'i phyir slob dpon gyi las kyi cho ga slob ma gzhug pa la sogs pa gsungs te/ rdo rje sems dpa' gsang ba'i dkyil 'khor bzhin du phyi'i dkyil 'khor bris la/ de'i phyed kyi tshad kyis de'i dbus su nyi ma'i dkyil 'khor bris la de'i steng du cha brgyad pa'i nor bu'i dbyibs can gyi rin po che'i dkyil 'khor de bzhin du bris nas nang gi dkyil 'khor gyi re'u mig gis ras la bcom ldan 'das 'phags pa nam mkha' i snying po sngar bshad pa'i phyag rgya chen pos sna tshogs pad+ma'i gdan la sems dpa' i dkyil mo krung gis bzhugs pa baiDUrya sngon po ? mtshungs pa/ oM sarba badzra a d+hi la ti traM a b+hi shiny+tsa ma b+har bu ba swa zhes bya ba'i snying po 'dis bri bar bya'o/ /de ni pad+ma gcig la bzhugs /de yi 'od kyis dkyil 'khor rten /dbang bskur ba dang gtor ma nyid/ /rgyal mtshan mchog ma mchod chen mo zhes bya ba 'di bri bar bya ste/ de la de'i g.yas logs su lha mo gter ma/ na hA badzra ni d+ha ne hUM zhes bya ba snying po 'di bri bar bya'o/ /de'i yang g.yas logs su lha mo dbang bskur ma/ badzra a b+hi She ka dza zhes bya ba'i/ /slar yang bcom ldan 'das kyi g.yon logs su rgyal mtshan thogs mchog ma ste/ oM badzra ma ni d+hwa dza gra ke yu re paM zhes bya ba'i snying po 'dis so/ /de'i yang g.yon logs su mchod chen ma ste/ ma hA badzra ma hA he he ho zhes bya ba'i snying po 'di bri bar bya'o dbang bskur ba? rin po che'i cod pan 'dzin pa'o/ /gter gyi lha mo ni gter gyi bum pa 'dzin pa'o/ /rgyal mtshan mchog ma ni rin po che'i rgyal mtshan 'dzin pa'o/ /mchod chen ma ni dra ba dang dra ba phyed pa dang/ gdu bu dang/ rna cha dang/ dpung rgyan
- 86a
rang/ rin po che dang/ na bza' la sogs pa'i rgyan thams cad kyis yongs su gang ba'i rin po che'i snod 'dzin ma'o/ /phyi'i dkyil 'khor gyi mtshams rnams la rin po che'i sgeg mo la sogs pa dang/ sgo rnams la sngar bshad pa'i snying po rnams kyis lcags kyu ma la sogs pa rnams bri bar bya'o/ /de nas dpal rdo rje sems dpa' i dkyil 'khor gyi cho ga rang gi cho ga thams cad dang/ slob ma gzhug pa la sogs pa'i cho ga thams cad rjes su spyad la/ slob ma rnams la rdo rje rin po che de kho na nyid sbyin par bya'o/ /de la de kho na nyid ni 'di yin te/ nyi ma 'di ni zhes bya ba la sogs pa la/ gang zhig sngar bstan pa'i 'phags pa nam mkha' i snying po sems can thams cad kyis bsam pa yongs su rdzogs par mdzad pa yin no/ /'dis ni 'di ltar bshad par 'gyur te/ de bzhin gshegs pa kho na 'phags pa nam mkha' i snying po'i gzugs kyis sems can thams cad la 'khor ba ji srid kyi bar du bsam pa yongs su rdzogs par mdzad pa'i phyir bzhugs so/ /zhes bya ba'i don nor bu'i rigs kyi phyag mtshan rdo rje rdo rje rin po ches bstan pa yin no zhes bya ba'o/ /da ni chos kyis dril bu dkrol ba zhes bya ba bstan par bya ba'i phyir bsam pa kun zhes bya ba la sogs pa gsungs te bsam pa grub pa yang de yin la thams cad kyang de nyid yin pas na bsam pa grub pa thams cad de/ nor bu'i rigs dang tha mi dad pa'i dngos grub thams cad do/ /de rnams kyi nang na nor gyi bsam pa grub pa gang yin pa de ni mchog ste/ ser sna'i dri ma bsal bas gnyis su med pa nyid kyi phyir nor bu'i rigs kyi dngos grub po zhes bya ba'i tha tshig go /de ces bya ba nor bu'i rigs kyi dngos grub de yang 'dod pa rab tu grub par bya ba'i phyir/ bsgrub par bya ste/ byang chub chen
- 86b
po'i sems rdzogs pa'i phyir zhes bya ba'i don to/ /de ci'i phyir 'dod pas rab tu grub pa'i phyir sgrub par bya zhe na/ 'dod las thang ba zhes bya ba la sogs pa la/ gang gi phyir byang chub chen po'i sems mngon du bya ba'i rang bzhin gyi 'dod pa las thog ma dang tha ma med pa'i chos kyi dbyings kyi thar pa mngon du byed par 'gyur ba de'i phyir ro/ /gang zhig thar pa de nyid ni zag pa med pa'i bde ba dang yid bde ba rang gi ngo bo ma spangs pa'i rang bzhin yin no/ /de ni dam tshig gis ni phyag rgya tshar/ /byin gyis brlabs pa zhes bya ba bstan pa'i phyir/ sman min rnams kyang zhes bya ba la sogs pa gsungs te/ de la sman ni mi rtag pa dang/ sdug bsngal ba dang/ stong pa dang/ bdag med pa la sogs pa sgom pa'i rang bzhin te/ mdo sde pa la rab tu grags pa brjod pa yin no/ /sman ma yin pa ni sman min te yang dag pa'i sbyor ba'i sgom pa'i rang bzhin can rnams te/ de'i dngos po las byung ba'i bde ba rnams ni 'dod pa kun gyi bde pa rnams te/ rdo rje thog pa la ma mos pa'i bde pa la rab tu grags ba nyid kyis de rnams 'dod chags spangs pa'i phyir man ngag dang sgom pa dag gis rnal 'byor pa rnams la sbyin par bya'o/ /de rnams gang dag la sbyin par bya zhe na/ bdag nyid dang ni zhes bya ba la sogs pa la/ bdag nyid la bsgom pa'i dus dang/ gzhan rnams la sems can gyi khams ma lus pa la nor bu'i rigs grub nas bsam pa thams cad yongs su rdzogs pa'i don du'o/ /da ltar bshad par 'gyur te/ nor bu'i rigs kyi rnal 'byor pas rang gi lha'i phyag rgya chen po bcings la 'jig rten gyi khams thams cad kyi rdul phra rab dang mnyam pa'i nor bu'i rigs kyi dkyil 'khor rdzogs par byas nas nges 'jig rten gyi khams thams cad kyi rdul phra rab dang mnyam pa'i sems can gyi khams yang dag par sbyor ba'i sgom pas nor pa'i
- 87a
rigs kyi rang bzhin du rdzogs par byas la/ bya ba byas pa ltar de'i rang bzhin can du bdag nyid rnam par bsams te bsgom par bya'o/ /zhes bya ba'o/ /de ltar zhes bya ba de ni de lta bu'o/ /mchod kyang yin la gsang ba yang de nyid yin pas na mchog tu gsang bas te nor bu'i rigs kyi gsang ba'i dkyil 'khor ro/ /de'i tshul ni ji lta ba bzhin du bshad pa'i sgrub par bya ba dang sgrub pa'i cho ga'o/ /mchog ni nam mkha' i snying po ste/ de'i cho ga rgyas pa ni sgrub par bya bar dang/ sgrub pa'i rgyun 'das ma thag tu de ltar bshad pa bstan nas/ bcom ldan 'das kyi tshul gyis cho ga rgyas par gsungs pa yin gyis gzhan gyis ni ma yin no zhes bya ba ni tshig gi lhag ma'o/ /ci'i don du zhe na/ mchog 'di zhes bya ba ni gang gi phyir tshul 'di mchog yin pas na de'i phyir ro/ /'di nyid kyang ci'i phyir zhe na/ de ni zhes bya ba la/ gang gi phyir sgrub pa po de nor bu'i rigs kyi thams cad kyi rtog pa'i mchog tu gyur pa'i dngos grub kyi tshul 'di nyid kyi khyad par du thob par 'gyur ba'i phyir ro/ /rtog pa yang yin la thams cad kyang yin pas na/ rtog pa thams cad de/ rdo rje sems dpa' la sogs pa'i gsang ba'i dkyil 'khor gyi rang bzhin no/ /de rnams kyi bsgrub pa'i cho ga ni slob dpon gyi las dang slob ma gzhug pa la sogs pa'i cho ga rgyas pa'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes pa nor bu'i rigs kyi ras ris kyi dkyil 'khor gyi bshad pa rdzogs so// // de ltar rtog pa thams cad kyi rgyud phyi ma'i rtsa ba'i rgyud dang/ rtog pa thams cad kyi sgrub pa'i cho ga bstan nas da ni bdag la byin gyis brlab pa'i rnal 'byor gyis phyag rgya thabs kyi rang bzhin can rnams kyi rtog pa thams cad kyi dngos grub
- 87b
thob pa yin no zhes pa'i don 'di bstan par bya ba'i phyir de nas zhes bya ba la sogs pa gsungs te/ de nas kyi sgra ni skabs su bab pa la ste/ bdag byin gyis brlab pa la sogs pa'i rnal 'byor gyi phyag rgya'i skabs su bab pa'o zhes bya ba'i don to/ /dngos grub chen po yang de nyid yin la thams cad kyang de nyid yin pas na dngos grub chen po thams cad de/ dpal rdo rje sems dpa' la sogs pa'i phyag rgya chen po la sogs pa rnams thob pa'o/ /de rnams sgrub pa ni phyag rgya chen po la sogs pa bcing ba dang/ rnal 'byor bsgom pa dang/ bdag la byin gyis brlab pa la sogs pas te/ nges mchog ni 'jig rten dang 'jig rten las 'das pa'i thabs rnams kyi dam pa'o/ /dngos grub thams cad kyis mi 'gyur ba'i bde ba dang ldan pas na bde ba chen po'o/ /rdo rje sems dpa' ni ji lta ba bzhin du bshad pa'i mtshan nyid can no/ /nam mkha' i khams thams cad la rtag tu bzhugs pa'i sku gsung thugs kyi rdo rje'i rang bzhin can gyi phyag rgya chen po gang la mnga' ba de ni phyag rgya che'o/ / dpal rdo rje sems dpa' la sogs pa'i phyag rgya chen po dang/ dam tshig dang/ chos dang las kyi phyag rgya rnams ni rtogs pa thams cad de mchog tu gyur pa de rnams kyi dngos grub ni de'i rang bzhin rnal 'byor pa rnams kyis thob pa'i don gyis na/ rtog pa kun mchog grub pa'i phyir/ /phyag rgya de rnams grub par mdzad pa'o zhes bya ba dang sbyar ro/ /rgyu gang gi phyir zhe na/ snod ma yin pa zhes bya ba la sogs pa la/ dpal rdo rje sems dpa' la sogs pa mthong bag chags dang bcas pa dang bral ba'i sems can rnams ni snod ma yin pa te/ snod ma yin pa'i sems can de rnams la'o/ /srog gcod pa dang ma byin par len pa la sogs pa'i mi dge ba'i las kyi lam bcu la rab tu zhugs pa ni sdig?
- 88a
pa thams cad byed pa'o/ /sdig pa thams cad byed pa de rnams nye bar spyod pa'i mun pas bsgribs pas mun pa la gnas pa'i me long gi dkyil 'khor bzhin du rang gi gzugs brnyan mthong ba la sogs pas dpal rdo rje sems dpa' la sogs pa'i sems dpa' chen po rnams phyag rgya chen po la sogs pa'i rang bzhin gyi don mdzad pa ma yin pa'i phyir ro/ /lhag par mos pa'i mig dang bral bas na mi mthong ba ni long ba'o/ /mi mthong ba'i long ba de rnams dang bar byed pas bsod nams te/ dpal rdo rje sems dpa' la sogs pa'i bsgom pa dang/ byams pa la sogs pa'i bsgom pa'o/ /yang dang yang du rnam par spyod zhing nges par legs par spyod par byed pas na bsod nams so zhes bya ba'i don to// bsod nams ma yin pa ni bsod nams min pa ste/ mi dge ba'i las kyi lam bcu'o/ /de rnams nyid bar mtshams med par bzhugs pas na tshogs te/ grong khyer gyi chu'i tshogs bzhin no/ /de gang la yod pa de ni bsod nams ma yin pa'i tshogs dang ldan pa'o/ /bsod nams ma yin pa'i tshogs dang ldan pa de rnams la rtag tu thams cad du rdo rje sems sogs sems dpa' mchog /mthong ba thabs kyi rgyur gyur ba zhes bya ba la/ rdo rje sems dpa' la sogs pa yang de rnams yin la sems dpa' mchog kyang de nyid yin pas na rdo rje sems dpa' la sogs pa'i sems dpa' mchog ste/ rigs lnga'i lha rnams kyi sku gsung thugs kyi rang bzhin can no/ /de rnams kyis dmigs pa'o/ /de'i thabs kyi rgyu yin pas mthong ba'i thabs kyi rgyu'o/ /rdo rje sems dpa' la sogs pa'i sems dpa' mchog rnams mthong ba'i thabs kyi rgyu'o/ /rdo rje sems sogs sems dpa' mchog /mthong ba'i thabs kyi rgyur gyur pa'o/ /rdo rje sems
- 88b
dpa' la sogs pa'i sems dpa' mchog ni ji lta ba bzhin du bshad pas te/ de rnams kyi sku dang gsung dang thugs kyi rdo rje ni rdo rje ste de nyid sku gsung thugs kyi rdo rje'o/ /sku gsung thugs kyi rdo rje de nyid kyis bcing ba ni phyag rgya bcing ba'o/ /dam tshig kyang de yin la mchog kyang de nyid yin pas na dam tshig mchog ste phyag rgya chen po la sogs pa'i dam tshig gi phyag rgya'o/ /ci'i phyir rdo rje sems dpa' la sogs pa'i sku gsung thugs kyi rdo rje 'ching ba dam tshig mchog rnams kyi dam tshig yin zhe na/ 'da' thar dka' ba'o zhes bya ba la gang gi phyir rdo rje sems dpa' la sogs pa'i phyag rgya bcing ba 'di ni dam tshig yin no/ /'di ltar 'chad par 'gyur te/ rdo rje sems dpa' la sogs pa'i sku gsung thugs kyi rdo rje la lhag par mos pas rdo rje sems dpa' la sogs pa'i sku la sogs pa'i phyag rgya rnams bcing ba gang yin pa de nyid/ rdo rje sems dpa' la sogs pa'i sems dpa' mchog mthong ba'i thabs kyi rgyu yin no/ /gsal ba'i dbye bas rgyu rnams zhes gsungs so/ /gang gi phyir de rnams zhes gsungs so/ /gang gi phyir de rnams phyag rgya zhes bya bar brjod pa yin no zhe na/ rdo rje sems dpa' zhes bya ba la sogs pa la/ ji lta ba bzhin du bshad pa'i rdo rje sems dpa' la sogs pa rnams kyi sku zhes bya ba'i sku gsung thugs kyi rdo rje ste/ de rnams rdo rje bzhin du mi phyed pas shin tu brtan pa ste/ rgyu de'i phyir sku gsung thugs kyi rdo rje de'i rang bzhin can gyi phyag rgya zhes bya ba kun tu bshad pa ni bstan pa ste/ lus can rnams kyi phyag rgya chen po la sogs pa thams cad grub pa'i phyir de ltar gyur pa'i phyag rgya de rnams sprul pa ni spro bar mdzad pa yin no/ /slar yang phyag rgya de rnams kyi khyad par bstan par bya ba'i phyir/ gang zhig ces bya ba la sogs pa gsungs te/ phyag rgya chen po la sogs pa'i phyag rgya rnams rdo rje sems
- 89a
dpa' la sogs pa'i sku gsung thugs kyi rdo rje la lhag par mos pas bzung ba tsam gyis bsgrub pa po rnams kyis bcings nas mngon du byas na/ rdo rje sems dpa' la sogs pa ni mchog ste phul du byung ba rnams bsdus par 'gyur ro mchog gi dam pa'o/ /mthong zhing mngon par mthong ba nyid ces bya ba ni sku gsung thugs kyi rdo rje'i phyag rgya rnams gzugs brnyan gyi tshul du bcings pa tsam nyid kyis de dag bsdus par 'gyur ro/ /ni'i sgra ni gang gi phyir gyi don te/ gang gi phyir phyag rgya bcings pa tsam gyis de dag bsdus par 'gyur ba de'i phyir rdo rje sems dpa' la sogs pa'i sems dpa' rnams bsgrub pa po la 'grub par 'gyur ro/ /de ci'i phyir zhe na/ phyag rgya chen po la sogs pa'i dngos grub nyams pas 'jigs pa mi dam tshig nyams pas 'jigs pa'o/ /de dag ci'i phyir dam tshig nyams pas 'jigs zhe na/ ji ltar 'khor los sgyur ba rnams kyi gang bu'i phyag rgyas rgyas btab pa'i rtags kyi phyag rgya de'i yul na gnas pa rnams kyis 'da' bar dka' bas ste/ 'da' bar mi nus pa de bzhin du/ sku gsung thugs kyi rdo rje ston par byed phyag rgya de'i bsgom pas rnal 'byor pa rnams kyis bcings pa de bzhin gshegs pa rnams kyis kyang 'da' bar mi spyod do/ /gal te sku gsung thugs kyi rdo rje'i bsgom pas phyag rgya chen po la sogs pa bcing ba rgyal ba thams cad kyis kyang 'da' bar mi spyod pa de ltar yin pas na bsgom pa kho na gtso bor gyur pa yin gyi phyag rgya'i bcing ba ci zhes bya ba'i rnam par rtog pa 'di yin pas sangs rgyas nyid ces bya ba la sogs pa gsungs so/ /gang la ji lta bu'i dngos grub grub par 'gyur zhes bya ba'i rnam par rtog pa 'di ji ltar zhes bya ba sogs gsungs te/ 'dod chags la spyod pa'i sems can gang yin pa
- 89b
de ni dpal rdo rje sems dpa' i sgeg pa'i spyod pa gang yin pas 'dul ba de ltar gang zhig ji srid ser snas zil gyis gnon pa de ni 'phags pa nam mkha' i snying pos 'dul ba 'dis 'dul bar mdzad pa'i phyir ro/ /de gang la yod pa de ni ji ltar 'jig rten 'dul ba dang ldan pa'o/ /'jig rten gyi sems can gyi khams so/ /de ltar dngos grub gsungs pa yin zhes bya bcom ldan 'das kyis gsungs pa yin no/ /phyag rgya chen po la sogs pa'i phyag rgya ni dngos grub de'i thabs de thob pa'i rgya'o/ /de yang phyag rgya chen po la sogs pa'i dngos grub sgrub par byed pas na dngos grub thams cad byed pa'o/ /mchog tu phul du byung pa'o/ /phyag rgya chen po la sogs pa'i phyag rgya gang zhig bcings pa tsam gyis bsdus pa ste/ /bde ba chen po ni gnyis su med pa'i rang bzhin can gyi rdo rje sems dpa' la sogs pa'i sangs rgyas dang byang chub sems dpa' byon te/ rang gi sku gsung thugs kyi rdo rje byin gyis brlabs pa brtag pa mdzad pa yin no/ /skad cig mas zhes bya ba skad cig ma nyid du ste/ yun ring pos ni ma yin no/ /de nyid kyis phyir de dag mchog gi thabs yin no/ /de nas 'di gsungs nas bcom ldan 'das kyis mchog gi rgyud phyi ma byin gyis brlab pa mdzad pa yin no zhes bya ba dang sbyar ro/ /de khyad par ji lta bu dang ldan pa yin zhes bya ba de'i khyad par bstan par bya ba'i phyir/ mchog tu zhes bya ba la sogs te/ mchog ni bshad zin to/ /'dod chags la sogs pa'i nyon mongs pa dang nye ba'i nyon mongs pa 'gog pa la rab tu zhugs pas na mkhas pa'o/ / nyan thos dang rang sangs rgyas thams cad dang/ 'jig rten pa'i lam rnams kyi spyod yul ma yin pas na phra ba'o/ /nam mkha' i khams thams cad du rtag tu bzhugs pa'i sku gsung thugs kyi rdo rje ni rgya che ba'o/ /nges par 'byin pa'i ye
- 90a
shes kyi rang bzhin nyid kyis bsam par mi nus pas na bsam gyis mi khyad pa'o/ /mchog kyang de yin la mkhas shing phra ba yang de nyid yin zhing/ rgya che ba dang/ zab pa dang/ bsam gyis mi khyab pa de yin pas na mchog tu mkhas shing phra la rgya che zhing zab pa la bsam gyis mi khyab pa'o/ /bag chags dang bcas pa'i nyon mongs pa dang bral bas na mchog tu rnam par dag pa'o/ /thog ma dang tha ma med pa ni bshad zin to/ /thog ma dang tha ma med pa nyid kyi phyir mi zad pa'o/ /de nyid mi 'jigs pa'o/ /'dod pa'i dngos grub nges par ster bas na gdon mi za'o/ /de nyid kyi phyir thogs pa med pa'o/ /de ni de ltar gyur pa cig pur ma zad kyi shin tu phul du byung bas mchog gi chos kyi dbyings la chags pa nyid do/ /ma lus pa ni rigs lnga'i lha rnams kyi bde ba chen po dang/ yid bde ba thams cad kyi mchog tu rtag pa dang/ thog ma dang tha ma med pa'o/ /ci mdzad nas bcom ldan 'das kyis byin gyis brlab pa mdzad pa yin zhe na/ ma lus shing lus pa med pa la sogs pa la/ rdo rje dbab pa rnams kyis rab tu sad bar mdzad cing ces bya ba dang sbyar ro/ /ma lus shing lus pa med pa'i sgra ni bshad zin to/ /ma lus shing lus pa med pa yang de yin la sems can gyi khams thams cad kyang de nyid yin pas na ma lus shing lus pa med pa'i sems can gyi khams thams cad do/ /de'i mchog tu phul du byung ba ni thams cad kyi dam pa dpal rdo rje sems dpa' la sogs pa'i dngos grub chen po rdzogs pa ste / de'i dbang phyug chen po nyid ni ma lus shing lus pa med pa'i khams gsum pa'i chos kyi rgyal srid de/ de rdzogs pa'i phyir mchog tu mi 'gyur ba ni thog ma dang tha ma med pa'i rigs
- 90b
gyi lha thams cad kyi bde ba dang yid bde ba thams cad kyi rang bzhin can gyi byang chub chen po'i sems dang/ sbyin pa'i pha rol tu phyin pa dang/ brtson 'grus kyi pha rol tu phyin pa dang/ shes rab kyi pha rol tu phyin pa'i rang bzhin can gyi mchog gi dngos grub thams cad kyi yang mchog ni dam pa'o/ /rdo rje 'bebs pa ni rigs kyi lha thams cad kyi sku gsung thugs kyi rdo rje rnams sgrub pa po'i rgyud la zhugs pa gang yin pa de dag gis de bzhin gshegs pa thams cad la sogs pa'i sems can gyi khams rab tu sad par mdzad cing mchog gi rgyud phyi ma byin gyis brlab pa yin no/ /de ming ji lta bu dang ldan pa yin zhe na/ bde ba chen po zhes bya ba la sogs pa la bde ba yang yin la chen po yang de nyid pas bde ba chen pos te/ rigs kyi lha thams cad kyi gnyis su med pa'i ye shes so de las byung ba'i rigs thams cad kyi phyag mtshan ni rdo rje'o/ /gdul bya rnams kyis mngon par 'dod pa'i dngos grub nges par rdzogs par mdzad nas de'i phyir don yod pa yin no /skye bo thams cad kyis thun mong ma yin pa'i phyir/ de mchog tu gsang ba yin no/ /bde ba chen po'i rdo rje gsang ba yang de nyid yin la mchog tu gsang ba yang de nyid yin pas na bde chen po 'ang rdo rje gsang ba'i don yod pa mchog tu gsang bas de'i ming dang ldan pa'o/ /mchog tu yang yin la mtshon cha yang de nyid yin pas na mchog gi mtshon cha ste/ shes rab dang thabs kyi rang bzhin can gyi mtshon cha'o/ /mchog tu gsang ba ni 'das ma thag tu bshad pas te/ de'i cho ga ni bsgrub pa'o/ /mchog kyang yin la rgyud phyi ma yang de nyid yin pas mchog gi rgyud phyi ma ste/ bdag la byin gyis brlab pa la sogs pa'i rgyun gyi rang bzhin can gang yin pa de byin gyis brlab par mdzad pa ni phyi ma'i mu'i mthar thug par brtan par mdzad pa yin no/ zhes bya ba'i don to/ /de nas zhes bya ba la sogs pa la/ de nas kyi sgra ni skabs su bab pa'o/ /de bzhin
- 91a
gshegs pa thams cad ni gnyis su med pa'i sems dang sems las byung ba rnams so/ /de dag gi dam tshig thams cad ni rigs thams cad kyi rang bzhin can gyi sku gsung thugs kyi rdo rje'i phyag rgya'o/ /de rnams kyi bdag nyid kyi byin kyis brlab pa ni bsgrub pa'i rgyud la rang gi rigs kyi lha'i sku gsung thugs kyi rdo rje rdzogs par mdzad pa ste/ de sgrub pa gcig pu ni rdzogs pa'i rgyu'o/ /de'i cho ga ni rjes su spyad par bya ba'i dngos po rab tu bstan pa'o/ /mchog tu gsang ba ni skye bo thams cad la rab tu ma grags pa'o/ /bshad par bya ba ni 'og nas rgyas par bshad par bya ste/ bcom ldan 'das rdo rje sems dpas de skad gsungs so/ /nyin re zhes bya ba la ni zhag re re la'o/ /sngon du ni thams cad dgug pa la sogs pa'i thog mar ro/ /lan cig tu ni lan cig kho nar ro/ /phyag rgya chen po ni rang gi lha'i sku'i gsang ba'i rang bzhin can no/ /snying po bzlas zhes bya ba ni rang gi lha'i snying pos mngon par bsngags par bya'o/ /phyag rgya kun gyis rab grub pa zhes bya ba la rigs thams cad kyi dam tshig dang/ chos dang/ las dang/ phyag rgya chen po rnams kyi phyag rgya thams cad de/ de dag rab tu grub pa ni shin tu grub pa'o/ /de gang yin zhe na/ ji lta ba bzhin du bshad pa'i bdag la byin gyis brlab pa'i sgrub pa gcig pu'o/ /de ltar rnal 'byor tsam byas la/ dam tshig sems dpa' i byin brlabs sngon du 'gro ba'i phyag rgya chen po 'ching pa'i mtshan nyid can gyi bdag la byin gyis brlab pa cig pu bstan nas/ da ni rdo rje rnal 'byor ston par byed pa'i thams cad dgug pa la sogs pa'i rang bzhin can gyi dam tshig gsum blang ba'i mthar thug pa'i bdag la byin gyis brlab pa gcig pu'i sgrub pa gnyis pa bstan par bya ba'i phyir/ de nas zhes bya ba la sogs pa gsungs so/
- 91b
de nas kyi sgra ni snga ma bzhin no/ /mchog kyang yin la gsang ba yang yin pas mchog tu gsang bas te/ thams cad kyang dgug pa la sogs pa'i rang bzhin can gyi bdag la byin gyis brlab pa'i cho ga ste/ sngar bshad pa'i bdag la byin gyis brlab pa gcig pu'i sgrub pa las kyang 'di mchog tu grub pas na shin tu mchog tu grub pa'o/ /lan cig ni lan cig tu phyi'i dkyil 'khor gyi khang pa dang/ sngags dang phyag rgya dag gis yongs su brtags pa'i rang gi lha'i dkyil 'khor gang yin pa de ni dam tshig gsum gyis shin tu gsang ba'i mchog gi khang pa ste/ mdun du gnas pa de ltar rdo rje sogs thob bzung ba yis/ /rdo rje can rang gi lha'i rang bzhin gyis yang dag par sbyin gyis brlab par 'gyur te/ rang gi sku gsung thugs kyi rdo rje'i rang bzhin can du mdzad pa yin no zhes bya ba'i don to/ /de ltar rjes su rnal 'byor ston par byed pa'i thams cad dgug pa la sogs pa'i rang bzhin can gyi ye shes sems dpa' gcig pu sgrub par byed pa'i bdag la byin gyis brlab pa gcig pu'i sgrub pa gnyis pa bstan nas/ da ni rang gi rigs kyi dkyil 'khor chen po las gsungs pa'i rang gi lhag pa'i lha'i rnal 'byor sngon du 'gro ba'i thams cad kyis ji lta ba bzhin du bshad pa'i rnal 'byor chen po yi mtshan nyid kyi bdag la byin gyis brlab pa gcig du'i bsgrub pa'i sgrub pa gsum pa bstan par bya ba'i phyir/ de nas mchog tu gsang ba zhes bya ba la sogs pa gsungs te/ de nas kyi sgra ni snga ma bzhin no/ /mchog kyang yin la gsang ba yang de nyid yin pas na mchog tu gsang ba te/ 'das ma thag tu bshad pa'i bdag la byin gyis brlab pa gcig pu'i sgrub pa'i khyad par ro/ /de las kyang 'di dam pa yin pas na shin tu mchog tu gsang ba'i bdag la byin gyis brlab pa gcig pu'i sgrub pa'i cho ga rgyas pa'i khyad par ro/ /de ci'i phyir zhe na/
- 92a
mchog tu shin tu grub pa zhes bya ba la/ bdag la byin gyis brlab pa'i khyad par snga ma ni mchog tu grub pas te/ de las kyang 'di mchog tu grub pas na mchog tu shin tu grub pa'i bdag la byin gyis brlab pa gcig pu'i sgrub pa'i khyad par shes bya ba'o/ /rdo rje dril bu zhes bya ba la sogs pa ni 'gyur zhes bya ba dang sbyar ro/ /kun gyi bdag nyid ni kun bdag ste/ thog ma dang tha ma med pa'i chos kyi dbyings kyi rang bzhin can gyi sems dang sems las byung ba'i rang bzhin can gyi tshogs so// de las byung ba'i rang gi rigs kyi dkyil 'khor gyi lha rnams kyi sku gsung thugs kyi rdo rje'i phyag rgya ni kun bdag sna tshogs phyag rgya rnams so/ /rdo rje dang dril bu dang bcas pa'i kun bdag sna tshogs phyag rgya ni ye shes sems dpa' i rang bzhin gyi bdag nyid kyi sku ste/ bdag la byin gyis brlob pa gcig du sgrub pa dang pos rdzogs pa'i sku rnal 'byor pa gang la yod pa de ni rdo rje dril bu bcas kun bdag sna tshogs phyag rgya'i rang skur ldan pa'i rnal 'byor ro/ /ci'i phyir 'di ltar 'gyur zhe na/ kun bdag zhes pa la sogs pa la/ kun bdag ni bshad zin to/ /de'i phyag rgya ni de las byung ba'i rang gi lha rnams kyi phyag rgya chen po la sogs pa ye shes sems dpa' i rang bzhin can gyi phyag rgya rnams so/ /de dag sbyor ba ni yang dag par 'dus pa ste chu dang 'o ma bzhin du rnal 'byor pa dang gcig tu gyur pa'o/ /de nyid kyi bdag nyid ni rang bzhin gang la yod pa de ni kun bdag phyag rgya'i sbyor ba'i bdag nyid dang ldan pa'i rnal 'byor pa'o/ /de'i 'bras bu bstan par bya ba'i phyir/ rdo rje sems dpa' nyid du 'gyur zhes gsungs pa yin no/ /'di ltar bshad par 'gyur te/ gang gi phyir rnal 'byor pas rnal 'byor chen po byas nas/ rdo rje sems dpa' nyid du gyur pa de'i rnal 'byor chen po bya ba yin no/ /bdag la byin gyis brlabs
- 92b
pa gcig pu sgrub pa 'dis rnal 'byor pa ji ltar rdo rje sems dpa' nyid du 'gyur zhe na/ grub pa'i cho ga 'di yis ni zhes bya ba la sogs pa la/ 'das ma thag tu bshad pa'i cho ga 'dis rdo rje sems dpa' yang dag par bsdus pa ni rang gi rigs kyi lha'i rnal 'byor chen po/ /kun gyi mchog kyang de yin la dngos grub chen po yang de nyid yin pas na/ kun mchog dngos grub chen po ste/ rang gi lha'i phyag rgya chen po la sogs pa'i dngos grub po/ /des dbang phyug chen po ni khams gsum pa'i chos kyi rgyal srid de/ der byin gyis brlabs pa ni/ gang gi phyir brtan par 'gyur ba de'i phyir bdag la byin gyis brlab pa 'dis rdo rje sems dpa' nyid du 'gyur ba yin no/ /rab tu ni shin tu'o/ /'bras bu med pa ma yin pa'i phyir don yod pa'o/ /'das ma thag tu bshad pa'i bdag la byin gyis brlab pa mdzes pa de nyid kyi ma thun rigs thams cad las byung ba ste/ rang nyid kyis bdag nyid bcings te grub par 'gyur ba ni sgrub pa po la rag las par 'gyur pa'o/ /de gang yin zhe na/ mdor na phyag rgya thams cad ni zhes bya ba ni rigs thams cad kyis dam tshig dang/ chos dang las dang/ phyag rgya chen po rnams mdor bsdus pas grub par 'gyur ro/ /byin gyis brlab pa 'di don spyod pa'i phyir/ phyag rgya thams cad rang gis rang bcings te/ grub par 'gyur ba yin te cig pur mdzad kyi 'bad pa med pa shin tu myur ba nyid du phyag rgya chen po la sogs pa'i rang bzhin can gyi dngos grub rnams kyang grub par 'gyur ro/ /sgrub pa gang gis she na/ las kyi tshogs kyi sgrub pa yis/ /dngos grub myur ? bya ba la/ phyag rgya thams cad kyi sgrub pa'i byed par 'gyur pa des ji lta ba bzhin du bshad pa'i thams cad rjes su chags pa la sogs pa'i las kyi dngos grub rnams de dag gis myur du grub par 'gyur ro /rgyu gang gi phyir zhe na/ 'di la zhes bya ba
- 93a
la sogs pa la/ bdag la byin gyis brlab pa gcig bu sgrub pa 'dis sgrub par bya ba ma yin pa cung zad kyang med do/ /sgrub par bya ba ma yin pa med pa ma yin pa de dag gang yin zhe na/ dngos grub las dang de bzhin pa de ces bya ba la/ de la rigs thams cad kyi dkyil 'khor la sogs pa'i dngos grub ste de mngon du byed pa'o/ /rigs thams cad kyi las kyi tshogs kyi bya ba dang 'bras bu thob pa ni las te/ dngos grub dang las de dag gis 'jig rten dang 'jig rten las 'das pa'i bde ba nyams su myong ba ni bde ba ste/ gsum po 'di dag la sgrub par bya ba ma yin pa yod pa ma yin no/ /'di dag thams cad mi 'gyur ba ni thog ma dang tha ma med par sgrub par byed pa yin no/ /de gang gis she na/ bdag byin brlabs kun sgrub pa pos zhes bya ba la/ rigs thams cad kyi sku gsung thugs kyi rdo rje rnams kyis byin gyis brlab pa ni nus pa ste/ mngon par 'dod pa'i 'bras bu rdzogs pa'i rgyu de rnams yin pas na sgrub pa bya'o/ /byed par 'gyur pa de dag gis 'das ma thag tu bshad pa'i bdag la byin gyis brlab pa gcig du'i sgrub pa'i khyad par gyis dngos grub dang las dang bde ba rtag pa rnams sgrub par byed pa yin no/ /zhes bya ba ni bcom ldan 'das rdo rje sems dpas gsungs so/ /de lta mngon par 'dod pa'i dngos grub kyi thabs su gyur ba'i bdag la byin gyis brlab pa'i sgrub pa gcig pu bstan nas/ da ni mngon par 'dod pa'i dngos grub kyi thabs nyid kyi rnal 'byor bstan par bya ba'i phyir/ de nas mchog tu gsang pa'i rnal 'byor thams cad ces bya ba la sogs pa gsungs te/ de nas kyi sgra ni snga ma bzhin no/ /mchog ni dam pa'o/ /gsang ba ni thun mong ma yin pa'o/ /rnal 'byor thabs kyi cho ga ni bsgom pa bstan pa ste/ de bshad par bya ste bstan par bya'o/ /zhes
- 93b
bya ba ni bcom ldan 'das rdo rje sems dpas gsungs so/ /de la re zhig dang po kho nar zhes bya ba la/ de la zhes bya ba'i sgra ni/ dag nye bar dgod pa la'o/ /dang po ni thog mar te/ rnal 'byor gyi sgra re zhig bsgrub par bya ste/ yo ga ni rnal 'byor las te skad kyi byings? so 'dis rnal 'byor gyi sgra sgrub pa yin no zhes bya ba ni tshig gi lhag ma'o/ /rnal 'byor sgra de yang rig pa dang 'brel pa la 'jug par mthong ba yin te/ rnam par bcas pa'i phyir skad kyi byings kyi don 'di yang brtson pa'o zhes bya ba gsungs te/ rnam pa 'di lta bu'i skad kyi don ni brtson pa yin no/ /zhes bya ba'i don te/ /yo za ni ting nge 'dzin la'o zhes bya ba'i skad kyi dbyings gzhan 'di'i don ni ting nge 'dzin no/ gang gi brtson ba ces bya ba'i yul gang gis brtson pa zhes bya ba'i don to/ /'brel pa tsam gsungs par 'dod pa'i phyir rang gi lhag pa'i lha rjes su dran pa'i brtson pa ni rnal 'byor yin no/ /rang gi lhag pa'i lha rjes su dran pa'i yul can gyi sems bskyed pa ni rnal 'byor yin no zhes bya ba'i don to/ /'di bshad par 'gyur te/ phyag rgya bteg pa'i mthar thug pa'i cho ga rjes su spyad nas de'i rjes la nam mkha' dang mnyam pa'i zla ba'i dkyil 'khor gyi rnams te/ de'i steng du zla ba'i dkyil 'khor gnyis pa'o/ /slar yang zla ba'i dkyil 'khor gnyis pa de nyid dang gi lha'i snying po dang bcas pa'i rdo rje rtse lnga pa gang la yod pa de la'o/ /gzhan la ni rdo rje las byung ba'i rang gi phyag rgya ste/ de nas phyag rgya'i nga rgyal rnam par bsgom la/ sems dpa' byin gyis brlab pa'i sbyor bas bdag nyid rdo rje sems dpar bsgoms nas/ dam tshig sems dpa' chen po'i nga rgyal rdo rje sems dpa' i rnal 'byor pas bsgom par bya'o/ /rdo rje mtshon cha ma la sogs pa'i rnal 'byor pas ni rdo rje sems las byung pa'i rang gi lha'i rang bzhin gyi bdag nyid rang gi snying po brjod cing bsgom par
- 94a
bya'o/ /de nas ma hA sa ma ya satwa haM zhes bya ba brjod do/ /de bzhin gshegs pa'i rnal 'byor pas kyang de bzhin gshegs pa'i rdo rje 'am? byung pa'i rang gi de bzhin gshegs par bsam par bya'o/ /de nas rdo rje sems dpa' i la sogs pa'i rnal 'byor pa thams cad kyis ni rang gi lha'i dam tshig gi phyag rgya bcings nas sa ma yo haM zhes bya ba'i spyi'i snying po brjod cing/ rang gi lha'i sku gsung thugs kyi rdo rje'i rang bzhin gyi nga rgyal bya'o/ /de nas sa ma ya satwaM a ti tiSh+Tha swa maM zhes bya bas rang gi lha'i dam tshig gi phyag rgyas snying ga dang/ mdzod spu dang/ mgrin pa dang/ spyi bo rnams su bdag nyid la byin gyis brlab nas phyag rgya chen po bcings te/ sku gsung thugs kyi rdo rje rnams kyis rang gi lha'i rang bzhin can gyi bdag nyid bsgoM par bya ste/ 'di ni 'dir ye shes sems dpa' gzhug pa dang bral ba'i rang gi lha'i bsgom pa'i rang bzhin can gyi rnal 'byor ro/ /de ltar 'khor ba'i bdag nyid kyi gnyen por gyur pa'i rnal 'byor bstan nas da ni ye shes sems dpa' bcu gnas gcig tu gyur par lhag par mos pas gser 'gyur rtsi blangs nas zangs ma la sogs pa'i khams dngul la sogs par byed pa bzhin du rdzogs par 'gyur ba yin no zhes bya ba rab tu brtan par bya ba'i phyir rjes su rnal 'byor gsungs pa dang/ brtan pa dang g.yo ba'i dngos po thams cad kyi rang bzhin gyi gzugs kyi rang gi lha'i bsgoms pas kyang shes rab dang thabs kyi ye shes thams cad du thogs pa med par 'gyur ro/ /zhes bya ba rab tu brtan par bya ba'iphyir thams cad kyi rnal 'byor dang rnal 'byor chen po gsungs pa dang/ shin tu chags pa'i bsgom pas kyang rnal 'byor dang/ rjes su rnal 'byor dang/ thams cad rnal 'byor dang/ rnal 'byor chen po shin tu rdzogs par 'gyur ba nyid yin no zhes bya ba rab tu bstan par
- 94b
bya ba'i phyir shin tu rnal 'byor yang gsung ba yin pa ni/ slar yang gzhan zhes bya ba la bya ba la las ma thag tu bshad pa'i rnal 'byor las/ slar yang gzhan ni rnal 'byor gyi rang bzhin can gyi dngos po? gzhan te/ rjes su rnal 'byor dang/ thams cad rnal 'byor dang/ rnal 'byor chen po dang/ shin tu rnal 'byor bsgom pa'i rang bzhin can no zhes bya ba'i don to/ /dngos po 'di gang las shes par bya zhe na/ yang dag par bsdu ba dang/ yang dag par kun tu sbyor ba dang/ yang dag par sbyor ba zhes bya ba'i sgra rnams yod pas ste/ de rnams las 'di shes par bya'o zhes bya ba'i don to/ /de la 'das ma thag tu bshad pa'i rnal 'byor byas la ji lta ba bzhin du rang gi lus la ye shes sems dpa' bcug ste/ sa ma ya sShwoM? zhes bya ba brjod cing 'od kyi dkyil 'khor rdzogs par bya la sa ma yastwoM? a haM zhes bya ba dang mthar rang gi lha'i snying po lan gsum bzlos shing/ bcug pa'i ye shes sems dpa' dang/ chu dang 'o ma bzhin du lhan cig gyur par lhag par mos par byas te/ da ni 'dir rjes su rnal 'byor gyi mtshan nyid can gyi yang dag par bsdu bya yin no/ /rnal 'byor dam rjes su rnal 'byor dam/ rnal 'byor chen po byas la thams cad bdag yin no zhes bya ba'i sgom pa ni thams cad rnal 'byor gyi mtshan nyid can gyi yang dag par kun tu sbyor bas ste/ des phyogs dang dus thams cad la khyab pa'i ph yir ro/ /yang dag par kun tu sbyor bas na kun tu sbyor pa ste/ 'di ltar sgra sgrub pa'o/ /lha mo thams cad dang yang dag par sbyor ba'i bsgom pa dang/ bsgom pa'i 'bras bu ni shin tu rnal 'byor gyi mtshan nyid can gyi yang dag par sbyor ba'o/ /de ltar mdor bstan pa'i tshig rnams kyis rjes su rnal 'byor dang thams cad rnal 'byor dang/ rnal 'byor chen po dang/ shin tu rnal 'byor rnams bstan nas da ni re zhig rjes su rnal 'byor rgyas par
- 95a
bstan par bya ba'i phyir gang dag sbyor ba zhe na/ zhes bya ba gsungs te/ rjes su rnal 'byor gyi bsgom pa 'di lnga'i khyad par gang gi yin zhes bya ba'i tha tshig go/ de ltar rang nyid kyis dris nas slob ma rnams kyis khong du chud par bya ba'i phyir/ rang gi lhag pa'i lha zhes bya ba la slob pas rgyas par gsungs te/ sgrub par bya ba nyid du rang gi 'dod cing byin gyis brlab par mdzad pa gang yin pa de ni rang gi lhag pa'i lha'o/ /rjes su dran pa bsgom pa ste/ de nyid rnal 'byor te ye shes sems dpa' dang gcig tu gyur pa'i lhag par mos pa'o zhes bya ba'i don to/ /de'i rjes su sgrub pa ni/ lhag pa'i lha ni gang zhig gi /phyag rgya gang dang gang bcings pa/ de dang de yi sbyor ba yis/ /phyag rgya de de nges par sbyar zhes bya ba de ma thag tu 'og nas gsungs par 'gyur pa gang yin pa rjes su sgrub pa de las rang gi lhag pa'i lha dang yang dag par sbyor ba ni rjes su sgrub pa de las rang gi lhag pa'i lha dang yang dag par sbyor ba ni rjes su rnal 'byor gyi mtshan nyid can no/ /grub pa ni rdzogs pa'o/ /de ltar rjes su rnal 'byor bstan nas pa ni yang dag par kun tu sbyor pa'i rang bzhin can gyi thams cad rnal 'byor bstan par bya ba'i phyir de la zhes bya ba la sogs pa gsungs te/ de la zhes bya ba'i sgra ni dag nye bar dgod pa la'o/ /ji ltar zhes bya ba ni dri pa'o/ /thams cad kyang de yin la rnal 'byor yang de yin pas na thams cad rnal 'byor te/ thams cad kyi thams cad nyid bdag nyid yin no zhes bya ba'i sgom pa'o/ /brtan pa dang g.yo ba'i dngos po thams cad kyi gzugs 'dzin pa'i rang gi lha ni dam tshig ste/ gang phyir phyag rgya dam tshig bshad ces bya ba rgyas par bshad pa las gsungs pa'i phyir ro/ /thams cad kyi rang bzhin can gyi kun rdzob kyi bden pa'i ngo bo rang gi lha ni dam tshig ste/ de'i rang bzhin can gyi bsgom pa ni dam
- 95b
tshig gi sbyor bar thams cad kyi rnal 'byor zhes bya ba'o/ /rgyu gang gis bsgom pa de dam tshig gi sbyor ba yin zhe na/ de bzhin gshegs pa kun gyis kyang 'da' bar 'da' ba nyid kyi phyir zhes bya ba ni de dag gis kyang 'da' bar mi mdzad pa'i phyir kun rdzob kyi bden pa'i rang bzhin can gyi phyag rgya de gang gi phyir rdo rje 'chang chen pos dam tshig ces bya bar gsungs pa de'i phyir ro/ /ci'i phyir brtan pa dang g.yo ba'i dngos po thams cad kyi gzugs 'dzin pa'i rang gi lha'i rang bzhin can gyi phyag rgya de bzhin gshegs pa thams cad kyis kyang 'da' bar mi mdzad ce na/ yid kyi lus ni brtan phyir ro zhes bya ba la/ yid ni thog ma dang tha ma med pa'i dmigs pa med pa'i thugs rje chen po'i mtshan nyid can gyi chos kyi dbyings/ /de'i lus ni de bzhin gshegs pa la sogs pa'i sku dang/ ri bo la sogs pa brtan pa gzugs so/ /de nyid rdo rje bzhin du mi phreng pas na brtan pas te/ de'i dngos po ni brtan pa nyid do/ /yid kyi lus brtan pa nyid kyi rgyu de'i phyir/ de bzhin gshegs pa thamS cad kyis kyang de 'da' bar mi mdzad pa yin no/ /'di ltar bshad par 'gyur te/ ji lta ba bzhin du bshad pa'i chos kyi dbyings srog chags dang srog chags ma yin pa rnams kyis phyed par mi 'gyur te/ rnam par mi rtog pa'i phyir ro/ /bdag po nyid de las byung ba'i sems can thams cad kyi don rdzogs par mdzad pa'i sangs rgyas la sogs pa'i gzugs sngon gyi smon lam gyi dbang gis 'jug pa'i phyir/ de bzhin gshegs pa rnams kyis kyang phyed par mi 'gyur te/ de dag kyang de'i rang bzhin can nyid kyi phyir ro/ /de'i phyir 'da' bar mi mdzad pa zhes bya ba ni dam tshig gi don yin no/ /ji lta ba bzhin du bshad pa'i chos kyi dbyings kyi rgyu mthun pa brtan pa dang g.yo ba'i dngos po thams cad kyi rang bzhin can gyi rang gi lha'i
- 96a
gzugs de rjes su sgrub pa ni lhag pa'i lha ni gang gi zhes bya ba la sogs pa ji lta pa bzhin du rgyas par bshad pas brtan pa de ni dam tshig gi sbyor bas te/ de nyid thams cad kyi rnal 'byor yin no/ /da ni dpes thams cad rnal 'byor gsang bar bstan pa'i phyir/ 'di lta ste zhes bya ba la sogs pa gsungs te dper na ku mu ta dang/ /utpa la dang/ ru rta la sogs pa'i rdzas mang po gcig du sbyar bas/ 'jig rten na sbyor ba zhes grags pa de bzhin du/ ji lta ba bzhin du bshad pa'i thams cad kyi bdag nyid brtan pa dang g.yo ba'i dngos po thams cad kyi rang bzhin can gyi phyag rgya rnams dang/ gcig tu gyur pa'i lhag par mos pa'i rnal 'byor gyis phyogs bcur sbyor ba ni yang dag par kun tu sbyor bas te/ yang dag par kun tu sbyor ba'i rgyu de ji lta ba bzhin du bshad pa'i thams cad kyi rnal 'byor gyi dam tshig gi sbyor ba zhes bya bar brjod pa yin no/ /da ni thams cad kyi bdag nyid kyi phyag rgya'i sbyor ba'i rang bzhin bstan par bya ba'i phyir/ de la ji ltar thams cad kyi bdag nyid kyi phyag rgya'i sbyor ba yin zhe ma zhes bya ba gsungs te/ thams cad kyi bdag nyid ni chos kyi dbyings te/ de'i phyag rgya ni dam tshig dang/ chos dang/ las dang/ phyag rgya chen po'o/ /rigs thams cad kyi lha thams cad kyi phyag rgya de dag dang sbyor ba ni rnal 'byor pas gcig tu gyur par lhag pa mos pa'o/ /de nyid bstan par bya pa'i phyir ro/ /sangs rgyas thams cad kyi bdag nyid ces bya ba la sogs pa gsungs te/ sangs rgyas kyang yin la thams cad kyang de nyid yin pas sangs rgyas thams cad de/ lha ma lus pa'i sku gsung thugs kyi rdo rje'i rang bzhin no/ /de dang bdag nyid yang dag par sbyor ba ni ye shes sems dpa' rnams dang lhan cig tu gnyis su med par lhag par mos pa gcig tu gyur pa'i rnal 'byor
- 96b
bsgom pa'o/ /de yang khyad par ji lta bu dang ldan pa yin zhe na/ /ji lta'i dbyibs dang sku dang ldan zhes bya ba la sangs rgyas thams cad la sogs pa de'i dbyibs rgyud las bstan pa gang yin pa dang/ sku'i gsang ba gang yin pa de gnyis po gang la yod pa de ni ji lha'i dbyibs dang sku dang ldan pa'i sangs rgyas thams cad kyi bdag nyid kyi sbyor ba'o/ /de ltar gyur pa'i sangs rgyas thams cad kyi bdag nyid kyi sbyor pa dang ldan pa'i las su gyur pa'i bdag nyid de/ rnal 'byor bzhir gyur pa'i bdag nyid la yang dag par bkod de/ phyi nas rjes bsgrub par bya ba ni rang gi lha'i phyag rgya bcings nas brtan pa dang/ g.yo ba'i dngos po thams cad kyi rang bzhin gyi rang gi lha'i gzugs su bdag nyid bsgom par bya'o/ /ni'i sgra ni nges par gzung bas te/ bdag nyid kho na'o 'di ltar bshad par 'gyur te/ ji lta ba bzhin du bshad pa'i sku mdog dang dbyibs dang gdan dang/ phyag mtshan la sogs pa dang ldan pa'i rang gi lha'i gzugs bdag nyid rnal 'byor tsam gyis de bzhin du nges par byas la/ phyi nas ye shes sems dpa' rang gi lus la bcug ste/ de dang lhan cig tu gyur pas lhag par mos par byas pa rang gi lha'i phyag rgya bcings nas dngos po thams cad kyi bdag nyid kyi lha'i gzugs su bdag nyid bsgom par bya'o zhes bya ba'o/ /don 'di nyid bstan par bya ba'i phyir rang gi dam tshig gi sbyor ba ni thams cad kyi sbyor ba'o zhes bya pa gsungs te/ rjes su bsgrub par bya ces bya ba'i 'das ma thag tu bshad pa'i rjes su bsgrub pas te de nyid bstan pa'i phyir/ de la 'di ces bya ba la sogs pa gsungs te/ bsgrub par bya ba'i 'dod pa'i lha ni lhag pa'i lha ste/ de'i phyag rgya chen po la sogs pa'i phyag rgya dang/ de lha'i khyad par de dang de'i rnal 'byor ni de'i gzugs la sogs pa'i lhag par mos pas rnal 'byor pas bcings shing phyag rgya chen po la sogs
- 97a
pa'i rang bzhin can gyi phyag rgya de dan de ran gi las rab tu sbyar bar bya ste/ gzhan gyis ni ma yin no zhes bya'o/ /de ltar thams cad kyi rnal 'byor bstan nas/ da ni rnal 'byor dang rjes su rnal 'byor dag gis mnyam par bzhag pa dang/ mnyam par ma bzhag pa'i rnal 'byor gyi tshul du bsgoms bstan par bya ba'i phyir/ de nas mchog tu gsang ba'i mchog gi rjes su sgrub pa'i cho ga rgyas pa mchog tu grub pa'o zhes bya ba gsungs te/ rnal 'byor gyi dus dang/ rjes su rnal 'byor gyi dus su lus kyi yan lag sogs pa thams cad yongs su rdzogs pa'i rang gi lha'i bsgom pa ni mchog tu gsang ba'i mchog gi rjes su sgrub pa'i cho ga ste/ de'i mnyam par bzhag pa dang/ mnyam par ma bzhag pa'i dbye ba sna tshogs nyid ni rgyas pa'o/ /bdag nyid ces pa ni phung po lnga'i rang bzhin gyi bdag nyid kyi dngos po'o/ /ni'i sgra ni nges par gzung bas te/ bdag nyid kho na rnam par snang mdzad la sogs pa'i de bzhin gshegs pa'i rang bzhin can gyi sangs rgyas thams cad do/ /dpal rdo rje sems dpa' la sogs pa'i byang chub sems dpa' i gzugs ni byang chub sems dpa' nyid do/ /'dod pa'i lha'i rnal 'byor ni/ rang gi lhag pa'i lha'i rnal 'byor ro/ /rang gi lha'i brtan pa dang g.yo ba'i dngos po thams cad kyi bdag nyid kyi gzugs gang yin pa de ni/ rang gi dam tshig ste/ de dan sbyor pa ni de dang lhan cig tu rnal 'byor ba'i tha mi dad pa'i rang bzhin can gyi bsgom pa gang yin pa de ni rang dam tshig gi sbyor bas te/ de nyid thams cad kyi sbyor ba yin no zhes bya'o/ /bdag nyid ni bdag nyid la 'jug ste/ don dam par bdag nyid las tha dad pa'i sangs rgyas dang byang chub sems dpa' nyid mi dmigs pa de'i phyir bdag ni sangs rgyas nyid dang ni/ byang chub sems
- 97b
dpal nyid kyang yin/ /zhes bya bas bdag nyid kho nas sangs rgyas dang byang chub sems dpa' i gzugs brtag par bya ste/ phyi'i dngos po ni ma yin no zhes bya ba'o/ /'di ltar 'chad par 'gyur te/ gang gi phyir ji lta ba bzhin du bshad pa'i tshul gyis phyi rol gyi dngos po sangs rgyas kyi gzugs sam/ byang chub sems dpa' i gzugs don dam par mi dmigs pa de'i phyir/ bdag nyid kho na'i yan lag thams cad yongs su gang ba'i sangs rgyas kyi gzugs sam byang chub sems dpa' i gzugs su rnal 'byor pas bsgom par bya ba yin no zhes bya ba'o/ /phyag rgya chen po la sogs pa'i rang bzhin gyi rigs thams cad kyi phyag rgya ni phyag rgya thams cad de/ de dag gi rnal 'byor yang yin la chen po yang de nyid yin pas phyag rgya thams cad kyi rnal 'byor chen po'o/ /'das ma thag tu bshad pa gang yin pa de nyid mchog tu gsang ba yin no zhes bya ba'o/ /'dis ni 'di ltar bshad par 'gyur te/ shin tu mnyam par bzhag pa'i sgom pas skyon cig gi rang bzhin kun tu 'gro ba'i rang gi lha'i gzugs gsal ba'i dbye bas 'jig rten gyi khams thams cad kyi rdul phra rab dang mnyam par bsgom par bya ste/ de'i phyag rgya thams cad kyi rnal 'byor chen po 'di yin te/ kun tu khyab pa nyid kyi phyir ro zhes bya ba'o/ /de ltar rnal 'byor dang/ rjes su rnal 'byor bsgom par byed pa'i mchog tu gsang pa'i rdul phra rab kyi sgrub pa'i cho ga rgyas par bstan nas/ da ni rnal 'byor thams cad bsgom par byed pa'i bstan par bya ba'i phyir de nas zhes bya ba la sogs pa gsungs te/ rnal 'byor dang rjes su rnal 'byor byas la/ brtan pa dang g.yo ba'i dngos po thams cad kyi rang bzhin can gyi rang gi lha'i gzugs kyi bdag nyid bsgom pa ni mchog tu gsang ba'i mchog gi rjes su sgrub pa'i cho ga rgyas pa'i khyad par 'dir mcho tu shin tu grub par shes par bya'o/ /rang gi lha'i sbyor ba zhes bya ba ni 'dod pa'i lha'i rnal 'byor te/
- 98a
rnal 'byor dang/ rjes su rnal 'byor gyi rang bzhin ji lta ba bzhin du bshad pa'i mtshan nyid can no/ /des sna tshogs ni brtan pa dang g.yo ba'i rang bzhin can gyi bdag nyid sku gang la yod pa de ni sna tshogs phyag rgya'i bdag nyid kyi sku dang ldan pa ste/ thams cad rnal 'byor dang ldan pa'o zhes bya ba'i don to/ /de lta bu cir 'gyur zhen kun bdag ces pa la sogs pa la kun bdag bshad zin to/ /de'i phyag rgyas rnams kyang bshad zin to/ /de dang lhan cig tu gcig tu gyur pa'i lhag bar mos pa ni rnal 'byor ro/ /de nyid kyi bdag nyid ni rang bzhin gang la yod pa de ni kun bdag phyag rgya'i rnal 'byor bdag go /mi 'gyur mchog ces bya ba ni thog ma dang tha ma med pa'o/ /grub par gyur pa ni rdzogs par gyur pa'o/ /'di ji lta bur brjod ce na/ thams cad ces bya ba la sogs pa la rtog pa yang yin la/ thams cad kyang de nyid yin pas na thog pa thams cad ni rdo rje sems dpa' la sogs pa ste/ brtan pa dang g.yo ba la sogs pa'i dngos po thams cad kyi phyag rgya'i gzugs su bzhugs pa'o/ /thams cad shes pa'i sna tshogs pa'i dam tshig chen po'o/ /rtog pa thams cad kyang de yin la sna tshogs pa'i dam tshig chen po yang de nyid yin pas na rtog pa thams cad kyi sna tshogs pa'i dam tshig chen po'o/ /de dag dang lhan cig tu gyur pa'i lhag par mos pas rnal 'byor pa de'i ? bzhin du rdzogs pa ni mchog gi rnal 'byor te/ de nyid kyang 'dir thams cad kyi rnal 'byor ro/ /'dis ni thams cad kyi rnal 'byor bsgom pa'i rnal 'byor pa la brtan pa dang g.yo ba'i dngos po thams cad kyi rang bzhin kho na rang dang gzhan gyi don phun sum tshogs pa rang bzhin gyis 'bras bu 'thob par 'gyur ro zhes bya ba'i don to/ /de ltar thams cad rnal 'byor bstan nas da ni dkyil 'khor la sogs pa sgrub par byed pa'i rnal 'byor
- 98b
chen po yang dag par kun tu sbyor ba bstan par bya ba'i phyir/ de nas slar yang gzhan zhes bya ba la sogs pa gsungs te/ rnal 'byor dang/ rjes su rnal 'byor dang/ thams cad kyi rnal 'byor rnams las slar yang sgom pa'i rang bzhin gyi dngos po gzhan 'di yin no zhes bya ba'i don to/ /ji lta ba bzhin du bshad pa'i rnal 'byor chen po'i mtshan nyid can ni 'dir mchog tu gsang ba'i shin tu mchog tu cho ga rgyas pa'i khyad par shin tu mchog tu grub pa las kyang gzhan ni rjes su bsgrub pa las kyang shin tu mchog tu grub pas te/ dngos grub thams cad sgrub par byed pa nyid kyi phyir zhes bya ba'o/ /rdo rje sems dpa' ni rang gi rigs kyi dkyil 'khor gyis bdag po ye shes sems dpa' o/ /ye shes sems dpa' de dang rnal 'byor gyi rang bzhin gyi bdag nyid yang dag par sbyor ba ni cig tu gyur ba ste/ rdo rje sems dpa' i bdag nyid sbyor ba'o/ /dbyibs ji lta ba bzhin du rdo rje sems dpa' i sku yang ji lta bu gang la yod pa de ni dbyibs dang sku ni ji ltar ldan pa'o/ /rdo rje sems dpa' i bdag nyid kyi sbyor ba yang de nyid yang yin la dbyibs dang sku ji lta bu yang de nyid yin pas na/ rdo rje sems dpa' i bdag nyid sbyor/ /dbyibs dang sku ni ji ltar ldan pas te/ mi 'gyur mchog ni grub par 'gyur zhes bya ba dang sbyar ro/ /de gcig tu yin nam zhe na/ kun gyi bdag po ni ji lta bu bzhin du bshad pas te/ de'i phyag rgya ni rang gi rigs kyi dkyil 'khor chen po'i lha rnams kyi phyag rgya rnam pa bzhi ste/ de dang lhan cig tu sbyor ba ni kun bdag phyag rgya'i sbyor ba'o/ /de nyid kyi bdag nyid ni rang bzhin gang la yod pa de ni kun bdag phyag rgya'i sbyor ba'i bdag go /grub par 'gyur ba ni rdzogs par 'gyur ba'o/ /mi 'gyur mchog ni rtag pa ste thog ma dang tha ma med pa'o/ /'di ci zhes bya ba brjod pa yin zhe na/ 'di ni zhes bya ba la sogs pa la thams cad rnal 'byor gyi bdag po zhes bya ba dang
- 99a
sbyar ro/ /'di zhes bya ba ni rnal 'byor chen po'i mtshan nyid yin no/ /ni'i sgra ni gang gi phyir gyi don te/ gang gi phyir sangs rgyas thams cad kyi rang gi bdag nyid dam tshig gsal ba ni rang gi rigs kyi ye shes sems dpa' rnams te de rnams kyi rjes su 'brang pas rang gi dam tshig gi rjes su 'phro ba ste/ rang gi rigs kyi ye shes sems dpa' rnams dang lhan cig tu gyur pas song ba'o zhes bya ba'i don to/ /de nyid kyi phyir thams cad kyi rnal 'byor rnams kyi bdag po ni gtso bo ste/ grub pa ni rdzogs pa'o/ /thams cad kyi rnal 'byor gyi bdag po'i rang bzhin gyis gsal ba'o/ /shin tu grub pa'i rnal 'byor gzhan las kyang/ mchog gi mchog yin pas na shin tu grub pa'i mchog go /rnal 'byor chen po 'di yang rdzogs pa'i cho ga sngar bshad pa nyid de/ slar yang bshad par mi bya'o/ /ci'i phyir 'di shin tu grub pa mchog yin zhe na/ 'di la zhes bya ba 'um la sogs pa la gang gi phyir/ rnal 'byor chen po 'dis dkyil 'khor bsgrub pa nas brtsams te/ 'jig rten dang 'jig rten las 'das pa'i dngos po bsgrub par bya ba ma yin pa'i dang po cung zad yod pa ma yin pa'i phyir ro/ /dngos grub las dang de bzhin bde zhes bya ba la sogs pa ni bshad zin to/ /de ltar dngos grub thams cad sgrub par byed pa'i rnal 'byor chen po bstan nas da ni shin tu chags pa'i bsgom pas thams cad grub par 'gyur ro zhes bya ba'i don 'di bstan par bya ba'i phyir yang dag par sbyor ba'i mtshan nyid can gyi shin tu rnal 'byor gyi bsgom pa bstan par bya ba'i phyir/ 'dod pa kun la longs spyod pa la sogs pa gsungs te/ 'dod pa kun gyi sems dpa' ste bshad zin te/ /de'i longs spyod pa ni brtan pa dang g.yo pa'i dngos po thams cad do/ /'dod pa kun yang yin la de la longs spyod pa yang yin pas na
- 99b
'dod pa kun la longs spyod pa'o/ /ni'i sgra ni nges par bzung ba ste/ 'dod pa kun la longs spyod pa'i byed par gyur pa de rnams nyid bsten pa ni shin tu rnal 'byor gyi bsgom pa nyams su myong ba kho na'o/ /ci 'dod pa zhes bya ba ni rang gi 'dod pa ma lus pa 'am/ kha cig tsam dag gis so/ /'di dag gis ci bya zhe na/ rnal 'byor 'di zhes bya ba la sogs pa la/ shin tu rnal 'byor gyi sgom pa'i tshul 'di rang gi bdag nyid la rab tu mchod par bya'o zhes bya ba'o/ /'di ltar bshad par 'gyur te/ rang gi dkyil 'khor kyi tshul du gnas pa'i rnal 'byor pas rdo rje mtshon cha ma la sogs pa'i mchod pa'i phyag rgya bcu gnyis kyis yang dag par mchod la/ rang gi rigs kyi dkyil 'khor las gsungs pa'i brtan pa dang/ g.yo ba'i rang bzhin can mchod pa bcu drug gis kyang mchod nas/ thams cad du khyab pa'i mchod pa'i lha mo thams cad dang lhan cig tu yang dag par sbyor ba bsgom par bya'o/ /de yang shin tu rnal 'byor gyi rang bzhin can gyi tshul des so/ /rdo rje sems dpa' sbyor ba yis/ mthu nyid kyis ni thams cad du/ /lha mo thams cad bde chen ldan/ /rang nyid so sor rjes su bsgrub pa'o/ /rdo rje sems dpa' i sbyor ba yis/ /mthu nyid kyis ni thams cad du/ /rnal 'byor thams cad dga' ston bde/ /rang nyid so sor rjes bsgrub pa'o rdo rje sems dpa' sbyor ba yi/ /mthu nyid kyis ni thams cad du/ /dngos grub thams cad dga' ston bde/ /rang nyid so sor rjes bsgrub pa'o/ /rdo rje sems dpa' i sbyor ba yi/ /mthu nyid kyis ni thams cad du/ /dbang phyug kun gyi dga' ston bde// rang nyid so sor rjes bsgrub pa'o/ /nam mkha' i khams ni mdza' yas pa/ /bud med mchog ni 'byung bar 'gyur/ /dam tshig las byung de dag de'i/ /yid 'ong dam tshig rjes su 'gro ba'o/ /shin tu rnal 'byor rnal 'byor che/ /thams cad bdag nyid
- 100a
dam tshig mchog/ gcig nyid dang ni spyod pa gcig /yid 'ong rjes sbyod lhan cig spyod/ /sangs rgyas kun dang mnyam sbyor ba'o/ /mkha' 'gro ma rnams mchog tu mdzes/ /kun tu sna tshogs rol pa yis/ /phyag rgya thams cad bde chen ldan/ /bka' nyan mchog gi mchod pa kun/ /lha mo mchog tu rtag pa'o/ /rdo rje sems dang sbyor ba yi/ /lha mo thams cad kun bsdus pas/ /kun nas sna tshogs skal bzang po/ /rang nyid so sor rjes bsgrub 'gyur/ /phyag rgya 'di ni btab tsam gyis rdo rje sems dpa' lha sogs lha/ /nam mkha' i khams ltar mdza' yas pa'i/ /lha mo thams cad bde chen ldan/ /rnal 'byor thams cad bde bas myos/ /stobs kyis gnon cing nyes pa med/ /phan tshun rab tu dga' gyur nas/ /skyes bu byad bzhin rol par 'gyur/ /kun bdag dbang po thams cad las/ /'byung ba'i mchod pa thams cad kyi/ /sbrin chen spros pa'i tshogs rnams kyang/ /de dag mchod par mdzad pa yin/ /kye ma bde ba las byung ba'i/ /kun sbyor bde ba'i dbang phyug dang/ /rin chen kun gyi rnam pa yis/ /rab tu myos shing bsten pa yi/ /zhes bya ba bcom ldan 'das rdo rje sems dpas gsungs so/ /'di zhes bya ba ni 'das ma thag tu bshad pa ste/ shin tu rnal 'byor gyi mtshan nyid do/ /de yang de bzhin gshegs pa thams cad mchog tu gsang ba'i rnal 'byor gzhan las dam pa ste/ mchog tu shin tu gsang ba'o/ /'di las gong na gzhan med pas na bla na med pa'o/ /shes rab kyi pha rol tu phyin pa'i tshul gyi rang bzhin can mdo snga'i spyod pa byang chub sems dpa' i lam 'bras bu dang bcas pa'i rang bzhin can las kyang rdo rje theg pa ni theg pa chen po'i chen po'o/ de nyid dam tshig chen po ni thog ma dang tha ma med pa'i chos kyi dbyings kyi rang bzhin gyis thams cad du 'gro ba'i phyir ro/ /de'i phyir rnal 'byor
- 100b
ni de las byung ba'i shin tu rnal 'byor te/ de bzhin gshegs pa thams cad lha mo dang yang dag par sbyor ba'i phun sum tshogs pa gsal bar 'bar ba bstan pa ni dpal rang gi dam tshig ste de'i sbyor ba ni sbyor ba'o/ /dga' ba chen po'i dpal rdo rje don yod ni rdo rje sems dpa' ste/ de dga' ba'i dam tshig ni thugs bde ba bskyed pa'i rgyu'o/ /rnal 'byor thams cad bskyed pa'i nyid kyi phyir rnal 'byor thams cad do/ /bcud kyi len thams cad kyi mchog yin pa'i phyir bla na med pa'i bcud kyi len te/ gang gi phyir de thob nas rnal 'byor pa ni thog ma dang tha ma med par 'gyur ro/ /'jig rten dang 'jig rten las 'das pa'i dngos grub rnams zil gyis mnan nas mdzes pas na mchog gi dngos grub kyi rgyal po'o/ /bcom ldan 'das de bzhin gshegs pa dpal rdo rje sems dpa' ni rnal 'byor 'di yin no/ /mchog ni dam pa'o/ /rdo rje sems dpa' i sku tshe ni srog go /na tshod gzhon pa ni de nyid kyi'o/ /nad med pa ni go sla'o/ /skyes bu chen po'i mtshan sum cu rtsa gnyis dang/ dpe byad brgyad cu ni gzugs so kha dog ni mdangs so/ /gzi brjid ni 'od zer ro/ /mthu ni nus pa'o/ /stobs ni sku dang ye shes kyi stobs so/ /spro ba ni brtson 'grus so/ /sangs rgyas dang byang chub sems dpa' nyid thob pa ni mchog gi dngos grub chen po thams cad do/ /rdo rje lta mo'i tshogs kyi phun sum tshogs pa ni dpal lo/ /bskal pa bzang po ni go sla'o/ /kI li kI la'i rang bzhin can ni dga' ba chen po dang/ shin tu bde ba dang yid bde ba thams cad do/ /'di rnams la mchog tu grub pa zhes bya ba ni shin tu rnal 'byor gyi mtshan nyid can ni bcom ldan 'das dpal rdo rje sems dpa' zhes bya'o/ /ji srid kyi sgras sa dang pha rol tu phyin pa rnams gzung bar bya'o/ /ma lus shing lus pa med pa'i sgra ni bshad zin to/ /ma lus pa ni lus pa med pas te/ /mchog
- 101a
gi dngos grub chen po thams cad ni sangs rgyas nyid do/ /rdo rje sems dpa' nyid thob pa'o/ /de las dbang phyug chen po nyid ni khams gsum pa'i chos kyi rgyal srid thob pa'o/ /des bdag po nyid ni gtso bo nyid do/ /de rigs thams cad la gsungs pa'i dngos grub thams cad rab tu sgrub par byed pa'i las kyi chogs gang gi thog mar yod pa gang yin pa de grub pa ni rdzogs pa'i rgyud nyid du grub pa'o/ /rgyu gang gi phyir zhe na/ rab tu grub par 'gyur zhes gsungs te/ phyag rgya chen po la sogs pa dang bcas pa'i rnal 'byor 'dis gang gis phyir phyag rgya btab pa tsam gyis skad cig mas grub par 'gyur ro/ /zhes bya ba bcom ldan 'das rdo rje sems dpas gsungs so/ /de rgyu gang gi phyir zhes bya ba la/ rgyu gang gi phyir rnal 'byor dang rjes su rnal 'byor dang/ thams cad rnal 'byor dang/ rnal 'byor chen po dang/ shin tu rnal 'byor phyag rgya dang bcas pa rnams kyis rnal 'byor pa rnams de bzhin gshegs par 'gyur zhes bya ba'i phyogs snga ma 'di yod pas 'di lta ste zhes bya ba la sogs pa gsungs te/ gang gi phyir phyag rgya chen po la sogs pa'i phyag rgya rnams kyis bcings pa'i mi gnas pa'i mya ngan las 'das pa'i srid pa'i rang bzhin dang sprul pa'i sku'i gzugs kyis sangs rgyas rnams kyis spyod pas te/ de'i phyir re zhig phyag rgyas khas blang bar bya'o/ /gzugs brnyan dang mtshungs pa'i de bzhin gshegs pa thams cad kyi gsung thugs kyi rdo rje la lhag par mos nas rnal 'byor pa rnams kyis phyag rgya bcings na/ phyag rgya chen po la sogs pa'i rang bzhin can du 'gyur te/ gzhan du ma yin no/ /de'i phyir na phyag rgya ni rnal 'byor la rtag tu 'bras bu'i tshul gyis rab tu gnas pa yin te/ rnal 'byor dang rjes su rnal 'byor dang/ thams cad rnal 'byor dang/ shin tu rnal 'byor dang/
- 101b
rnal 'byor chen po rnams kyi phyag rgya bskyed pa'i rgyur gyur pa khas blang bar bya'o/ /rnal 'byor gyi phyag rgya 'grub par 'gyur na/ rnal 'byor gang gis 'grub par 'gyur zhe na/ rnal 'byor khyad par can gyis bsgrub par bya zhes bya ba'o/ /gang gi rnal 'byor sgrub par byed pa'i khyad par de gang yin zhe na/ rnal 'byor dam tshig gis sgrub byed ces bya ba la/ dam tshig ni rigs thams cad kyi phyag rgya rnam pa bzhi ste/ de nyid bsgrub pa ni grub pa'i rgyud gang la yod pa de ni dam tshig gis sgrub par byed pas te/ phyag rgya rnams kho na rnal 'byor thams cad skyed par byed pa'i rgyu yin no zhes bya ba'i tha tshig go /ji ltar rnal 'byor gyi phyag rgya grub par 'gyur ba dang/ gzugs mi mthun pa'i phyag rgyas kyang rnal 'byor 'grub par 'gyur zhe na/ sems zhes bya ba la sogs pa la ji ltar sems ni rnam par shes pa'i sgyu ma lta bu don dam stong pas te/ de ma grub pa ni skye ba med pa'o/ /lus dang bral ba ni rang rig pa tsam mo/ /lus kyang don dam par rang rig pa dang bral bas te/ rang rig pa dang lus rang gi rang bzhin du mthar thug pa nyid kyi phyir ro/ /de'i phyir lus de rtsig pa dang 'dra ba'o/ /de gal te rtsig? pa dang 'dra bar bya ba med cing sems dang bral ba yin na yang ji ltar med na mi 'byung ba de bzhin du phyag rgya dang rnal 'byor dag phan tshun tha dad pa'i rang bzhin min na yang 'das mthag tu bshad ba'i ma brtags na nyams dga' ba'i med na mi 'byung ba'i cho ga 'dis bcom ldan 'das rdo rje 'chang chen pos brjod pa ni gsungs pa yin no/ /ji ltar brjod ce na/ ? /ji ltar zhes bya ba la sogs pas rgyas par bshad pa gsungs te/ 'das ma thag tu bshad pa'i rigs pas/ lus sems kyis 'grub par 'gyur ba dang/ sems kyang lus kho nas 'grub par 'gyur ba de bzhin du phyag rgya ni phyag rgya chen po la sogs pa'i rang bzhin rnams bdag nyid kyi rnal 'byor ni rang gi phyag
- 102a
rgya'i lha'i lhag par mos pas grub pa dang/ rnal 'byor la lhag par mos pa yang ji lta ba bzhin du bshad pa rnam pa bzhi'i rang bzhin te/ de yang dam tshig sgrub pa yis zhes bya ba ni rang gi lha'i phyag rgya chen po la sogs pa'i rang bzhin can gyi sgrub pa rnams kyis sgrub pa po la 'grub par 'gyur ro/ /dam tshig dang rnal 'byor de dag gis rnal 'byor pa rnams la cir 'gyur zhe na/ de ltar zhes bya ba la sogs pa la/ de ltar sgrub pa po la rnal 'byor gyis phyag rgya bskyed par 'gyur ba dang phyag rgyas kyang rnal 'byor skye bar 'gyur te/ phan tshun du sgrub pa'i phyir ro/ /de bas na byed par 'gyur ba'i dam tshig dang/ rnal 'byor dag gi rten cing 'brel par 'byung ba'i chos nyid kyis bdag med pa'i rnal 'byor pa rnams kyang 'grub par 'gyur ro/ / de yang na don dam par med pa'i rang bzhin can rtag pa'i bdag nyid can gyi de bzhin gshegs pa rnams so zhes bya ba'o/ /da ni phyag rgya dang rnal 'byor dag gi rjes su bstan pa bsgrub pa'i phyir de la/ zhes bya ba la sogs pa gsungs te/ sku gsung/ thugs kyi rdo rje rnams kyi sku thams cad du bstan pa yin pa'i phyir phyag rgya ste/ phyag rgya rnam pa bzhi por brjod pa yin no/ ni'i sgra ni nges par gzung ba la'o/ /sku de yang bde ba rnams kyis brtan par 'gyur ba yin no/ /de ci'i phyir zhe na/ sdug bsngal dang ldan pa'i rnal 'byor pa sems g.yeng bar 'gyur zhing/ g.yo bar 'gyur ro/ /yang na 'khor pas ci zhig bya zhes bya ba'i sdug bsngal gyis zil gyis gnan pas bdag nyid gsod par byed pa'o/ /de ni rnal 'byor sems las byung zhes byas la/ sku brtan par gyur pa gang yin pa de ni rnal 'byor sems las byung bas te/ rnal 'byor gyi rjes su rnal 'byor las byung ba'o/ /de yang rnal 'byor pa'i yid dga' ba rnams kyis 'grub par 'gyur ro/ /de ci'i phyir zhe na/ yid mi dga' ba zhes bya ba la gang
- 102b
gi phyir yid dga' ba rnams kyis sems g.yo zhing rnal 'byor pa g.yeng ba thob pa'i phyir ro/ /yang na nyan thos dang rang sangs rgyas kyi phung po lhag ma med pa'i mya ngan las 'das pa thob pa ni mngon du byed pa yin no/ /de bas na nyes pa 'dir mi 'gyur ba'i phyir 'bad pa thams cad de/ brtson 'grus kyis phyag rgya dang/ rnal 'byor dag rjes su sgrub pa yongs su rdzogs par byed pa'i rnal 'byor bas/ dka' thub med cing nges pa med/ /bde dang dga' bas bsgrub par bya zhes bya ba ni/ de la bya ba'i rgyud las gsungs pa'i skyil mo krung gis nges pa ni dka' thub po/ /bya ba'i rgyud kho nar gsungs pa'i lo ma dang lci ba las byung ba'i nad dang/ slongs mo za ba la sogs pa'i nges par rang bzhin can ni nges pa rnams so/ /shin tu rnal 'byor gyi nges pa ni bde ba'o/ /de las byung ba ni yid bde ba ? spu ldang ba la sogs pa ni dga' ba'o/ /de las bsgrub par bya ba'o zhes bya ba gang gsungs pa'i bde ba de gang yin pa mi shes pas de bstan par bya ba'i phyir/ 'dod pa kun la longs spyod cing zhes bya ba la sogs pa gsungs te/ de yang bshad zin to/ /'dod pa kun la longs spyod pa ni phyi rol yang yod par rtog pa de bsal bar bya ba'i phyir/ de bzhin gshegs pa thams cad ces bya ba la sogs pa gsungs te/ de bzhin gshegs pa thams cad kyi mchog tu gsang ba bla na med pa'i theg pa chen po 'ang dam tshig chen po'i rnal 'byor ni bshad zin to/ /shin tu rnal 'byor gyi bsgom pa'i rang bzhin can ni bcom ldan 'das rdo rje sems dpa' te/ de nyid mchog tu bde ba zhes bya'o/ /'dis ni 'di ltar bshad par 'gyur te shin tu rnal 'byor gyis bsgom pa'i rang bzhin can rdo rje sems dpa' ni 'dir 'dod pa kun gyi longs spyod pa la brten pa'o/ /de nyid bde ba ste/ des phyag rgya dang rnal 'byor dag sgrub pa po'i rgyud la rdzogs par 'gyur gyi phyi'i yul gyi bde bas ni ma yin
- 103a
te/ de rnam par g.yeng ba'i rang bzhin can nyid yin pa'i phyir ro/ /de ltar shin tu rnal 'byor bsgom pa'i mtshan nyid can gyi bde ba phyag rgya dang rnal 'byor dag gis rjes su sgrub pa bstan nas/ da ni shin tu rnal 'byor kho na las byung po'i dga' ba dang yid bde bde dag nyid rjes su sgrub pa bstan pa'i phyir/ de la dga' zhig ces bya ba la sogs pa gsungs te/ thams cad kyi dam tshig ni rigs thams cad kyi phyag rgya rnams so/ /rnal 'byor ni ji lta ba bzhin tu bshad pa'i rnam pa bzhi 'di dag rjes su sgrub pa ni rdzogs pa'i rgyu'o/ /dka' thub la sogs pa rnams kyis rnal 'byor pa'i sems g.yeng bar 'gyur ba dang/ ji lta ba bzhin du bshad pa'i rnal 'byor la sbyor bar mi 'gyur ba ni mnyam par bzhag par mi 'gyur pa'o/ /de'i phyir skyil mo krung la sogs pa dang bral bas phyag rgya bcings te/ bdag la byin gyis brlabs pa byas nas/ de'i 'og tu ci 'dod pa'i las dang ldan pa dang kun za ba ni rnal 'byor dang rjes su mthun pa'i zas za ba ste/ kha na ma thob dang bcas pa'i nyan thos la sogs pa ni bza' ba ma yin pas te/ nges par gzung ba rnams de dag so sor bkag pa'i phyir ro/ /gsang ba sra zhing mtho ba'i thun mong gi ting nge 'dzin gyi le'u las gsungs pa'i phyir ro/ /phyag rgya chen po la sogs pa'i bsgom bya byed pas na kun byed pa'o/ /ci 'dod bya pa la spyod pa zhes bya ba 'di'i rgyas par bshad pa ni 'dod par ni spyod pa'o/ /zhes bya ba'o/ /de dag gi phyir spyod pa ni spyod lam du brjod pa'i phyir/ /slar yang spyod pa de nyid rnam par bshad par bya ba'i phyir ldang ba 'am zhes bya ba la sogs pa gsungs te/ gang dang der zhes bya bas gnas kyi nges pa med pa bstan to/ /spyod lam gang dang gang gis bsgom par byed pa 'dod pa de dang des bya ba yin pas na ji bzhin de'o/ /thams cad bdag nyid sgrub par byed ces bya ba ni/ brtan pa
- 103b
dang g.yo ba'i dngos po thams cad do/ /dal ldan sdug bsnga kun 'phrog pa'i/ /rnal 'byor 'di zhes ? bya ba 'di shin tu rnal tu rnal 'byor 'di sdug bsngal la sogs dang bral bas te/ shin tu rnal 'byor las byung ba'i yid bde ba thams cad kyi rang bzhin can gyi bcom ldan 'das rdo rje sems dpa' 'di nyid 'dir mchog tu yid bde ba'i yin te/ shin tu rnal 'byor gyi ting nge 'dzin zhes bya bar brjod do/ /phyi'i bud med la sogs pa bsten pa las byung ba'i bde ba ni ma yin te/ shin tu g.yeng ba'i rang bzhin can yin pa'i phyir ro/ /de ltar phyag rgya dang rnal 'byor dag gis rjes su sgrub pa bstan nas da ni rigs thams cad kyi rnal 'byor tsam 'ching ba ji ltar bya ba de bstan par bya ba'i phyir/ de la rnal 'byor thams cad bcings pa ji ltar yin na zhes bya ba gsungs te/ rnal 'byor yang yin la thams cad kyang yin pas na/ rnal 'byor thams cad de/ ji lta ba bzhin du bshad pa'i rigs kyi rnal 'byor ro/ /de sgrub pa pos ji ltar bcing bar bya zhes bya ba'i don bstan to/ /thams cad byed cing zhes bya ba la shin tu mnyam par bzhag pa'i rnal 'byor gyi gnas skabs su phyag rgya chen po la sogs pa bcing ba thams cad byed pa dang/ mnyam par bzhag pa'i rnal 'byor gyi gnas skabs khrus la sogs pa lha thams cad kyi bya ba dang rang gi lha'i snying po dang/ de dang rjes su mthun pa'i brjod pa'i glu blabs pa ste/ nyam par ma bzhag pa'i rnal 'byor gyi gnas skabs kho nar gzhan gang gang rung brjod pa'o/ /shin tu mnyam par bzhag pa dang/ shin tu mnyam par ma bzhag pa'i gnas skabs su phyag rgya chen po la sogs pa bsam pa'o/ /de bzhin du phyag rgya chen po la sogs pa rdzogs par byed pa'i rnam pa dang nges phyag rgya chen po la sogs pa sgrub par byed ba'o/ /ye shes tsam la snyoms par 'jug pa zhes bya ba la/ ye
- 104a
shes pa dang bral ba'i rang gi lha'i rnam pa nang gi rgyud kyi sems dang sems las byung ba rnams dmigs pa gcig pa'i rang bzhin can ni she shes tsam la snyoms par zhugs pa'o/ /de la snyoms par 'jug pa'i rnal 'byor yang yang mngon du bya ba'o/ /rang bzhin zhes bya ba ni kun gzhi rnam par shes pa rnams/ /nyon mongs pa can gyi yid dang/ yid kyi rnam par shes pa dang/ mig dang rna ba dang/ sna dang/ lce dang/ lus kyi rnam par shes pa rnams so/ /rang bzhin 'dis ye shes tsam la snyoms par 'jug pas rnal 'byor pas snyoms par zhugs par bya'o/ /'dis ni 'di ltar bshad par 'gyur te/ rang gi snying gar gnas pa'i sems dpa' i rdo rje la rang gi lha'i snying po rnam par bsams nas de nyid yid kyis brjod cing chos thams cad bdag med par bsgom par bya ste/ de'i rjes la de nyid dbyangs bcu drug dang bcas pa'i zla ba'i dkyil 'khor gyi rnam pa ste/ slar yang de'i steng du yi ge ka la sogs pa dang ldan pa'i rang gi lha'i snying po las zla ba'i dkyil 'khor gnyis pa'o/ de las slar yang rang gi lha'i snying po dang bcas pa'i dang po'i rdo rje rtse lnga pa de'i dbus su rang gi lha'i snying po de bzhin du bsams la phyag rgya'i nga rgyal bsgom par bya'o/ /byag rgya'i ngo bo de yang sems dpa' byin gyis brlab pa'i sbyar bas rdo rje sems dpa' i rnal 'byor pas bdag nyid rdo rje sems dpar bsgom par bya'o/ /gzhan dag gi rnal 'byor pas ni sngar bshad pa'i tshul gyis rang gi lha'i gzugs su bsgom par bya ste/ de lta/ rang gi rang bzhin so sor rtogs pas rang bzhin gyi ye shes tsam gyis shes tsam gyis ? pa 'jug pa la sogs par zhugs par 'gyur ro/ /de ltar rnal 'byor tsam bcing ba bstan nas/ da ni rjes su rnal 'byor bcing ba dang de'i rang bzhin rgyas par
- 104b
bshad pa bstan par bya ba'i phyir/ de la ji ltar rnal 'byor thams cad bcing ba dang lung bstan pa ji ltar yin zhes bya ba gsungs te/ thams cad kyang yin la rnal 'byor yang yin pas na/ thams cad rnal 'byor te/ rigs kyi lha thams cad kyi rjes su rnal 'byor ro// de'i bcing ba ni sgrub pa pos ji ltar bya ba yin zhes bya ba'i don to/ /de'i rang bzhin bstan pa ni lung bstan pa yang ngo/ /ji lta ba bzhin du bshad pa'i rjes su rnal 'byor ni rang gi lha'i sbyor ba'o/ /rang gi lha'i sbyor ba de las dngos grub thams cad rab sbyor bas zhes bya ba la/ dngos grub kyang yin la thams cad kyang yin pas na dngos grub thams cad de phyag chen po la sogs pa'i rang bzhin sna tshogs pa'i rnam pa can no/ /de rnams rab tu sbyor ba ni rang gi bsgrub pa'i cho ga'o/ /dngos grub thams cad rab ru sbyor ba'i rgyu de las/ ye shes tsam las rab sbyor bas zhes bya ba ni rang gi lha'i sgom pas te/ rjes su rnal 'byor g yis bsgom pa 'dir rnal 'byor zhes bya ba brjod pa ni rgyas par bshad cing bstan pa yin no/ /zhes bya ba'i don to/ /rjes su rnal 'byor 'di thams cad dgug pa la sogs pa'i chog ni sngar bshad pa yin te/ slar yang bshad par mi bya'o/ /de ltar rjes su rnal 'byor bcing ba dang/ lung bstan pa bstan nas de ni thams cad rnal 'byor dang/ rnal 'byor chen po des shin tu rnal 'byor rnams kyis bcing ba dang/ lung bstan par bya ba'i phyir de nas zhes bya ba la sogs pa gsungs te/ rdo rje sems dpa' bdag sbyor bas zhes bya ba las/ rdo rje sems dpa' bdag nyid sbyor bas na rdo rje sems dpal bdag nyid sbyor bas te/ 'dod pa'i lha'i rnal 'byor sngon du 'gro ba'i thams cad rnal 'byor dang/ rnal 'byor chen po dang/ shin tu rnal 'byor ro/ /rdo rje sems dpa' bdag nyid sbyor ba de las 'dod chags rdo rje ma la sogs pa'i phyag rgya'i mchod pa bcu gnyis dang/ rang gi
- 105a
rigs kyi dkyil 'khor las gsungs pa'i mchod pa bcu drug gi phyi nas sbyor ba ni mchod pa kun gyi rjes su sbyor ba'o/ /rjes su sbyor ba de rnal 'byor thams cad rab 'byor ba ni thams cad rnal 'byor dang/ shin tu rnal 'byor rnams bsgoms pa gang yin pa de ni skabs 'dir rnal 'byor zhes bya bar brjod pa yin no/ /'di rnams kyi cho ga rgyas par sngar bshad pa yin te/ de nyid las rtogs par bya'o/ /thams cad rnal 'byor gyi cho ga 'di yang thams cad la sbyin par mi bya'o zhes bya ba bstan par bya ba'i phyir de la 'di ltar brjod par bya'o zhes bya ba gsungs te/ rnal 'byor ram/ rjes su rnal 'byor ram/ kun gyi thun mong thams cad rnal 'byor dang/ rnal 'byor chen po dang shin tu rnal 'byor ni shin tu gsang ba las kyang mchog yin pas na de'i phyir so so'i skye bo la bstan par mi bya'o/ /ni'i sgra ni nges par bzung bas te/ so so'i skye po pa bshad par mi bya ba de kho na'o/ /de la de kho na nyid dang/ chos dang dam tshig rnams mi shes shing/ lhag par mi mos pa ni 'dir so so'i skye bor mngon par 'dod pa'o/ /de ci'i phyir zhe na/ rdo rje slob dpon slob ma mchog /de nyid dang pa'i rjes 'brangs la/ /thams cad rnal 'byor cho ga sbyor/ /gzhan rnams la ni rim gyis so zhes bya ba la/ rdo rje slob dpon dang slob ma mchog ni/ rdo rje slob dpon dang slob ma mchog te/ rigs thams cad kyi dkyil 'khor sgrub par byed pa ni rdo rje slob dpon rnams so/ /rgyal bu rgyal tshab gzhon nu ming can gyi phyir sgrub par byed pa ni slob ma mchog go /rdo rje slob dpon dang slob ma mchog de rnams la thams cad rnal 'byor gyi cho ga sbyar bar bya'o/ /ji lta ba bzhin du bshad pa'i sku gsung thugs kyi gsang ba rdo rje dang/ dril bu dang/ dam tshig gi ming dang ldan pa rnams ni de kho na nyid do/ /dang pas de'i rjes su
- 105b
'brang pa ni sngon du byed pa'i lhag par mos pas na de nyid dad pa'i rjes su 'brang bas te/ de nyid dad pa'i rjes su 'brang pa de rnams la ji lta ba bzhin du bshad pa'i thams cad rnal 'byor gyi cho ga sbyar bar bya ba ni sgom par bya ba'i phyir bstan par bya'o/ /gzhan rnams ni byang chub sems dpa' i ming dang ldan pa mchog dang 'bring dang tha ma'i slob ma rnams la de kho na nyid la dad pa'i stobs dang/ thos pa'i stobs shes nas rim gyis sbyin par bya ste/ cig cang du ni ma yin no zhes bya ba'o/ /thams cad rnal 'byor gyi cho ga 'di de ltar sbyor na cir 'gyur zhe na/ 'di la sgrub min cung zad med ces bya ba la sogs pa la/ gang gi phyir thams cad rnal 'byor gyi cho ga 'di tshul 'dis rab tu sbyar na bsgrub par bya ba ma yin pa gang la yod pa ma yin te/ de'i phyir tshul nyid kyis 'di rab tu sbyor bar bya ba yin te/ gzhan du dam tshig nyams pas dngos grub nyams pas 'gyur ba yin no/ /zhes bya ba'o/ /dngos grub las zhes bya ba ni go sla'o/ /de ltar rnal 'byor gyi mtshan nyid bstan nas/ da ni phyag rgya rnams kyi mtshan nyid bstan par bya ba'i phyir de nas rtog pa thams cad don yod pa zhes bya ba la sogs pa gsungs te/ dpal rdo rje sems dpa' la sogs pa'i rigs kyi lha thams cad ni rtog pa thams cad te/ de rnams kyi phyag rgya'i rgyud bshad par bya'o zhes bya ba dang sbyar ro/ /de khyad par ji lta bu dang ldan pa yin zhes bya ba ni de'i khyad par bstan par bya ba'i phyir/ don yod pa zhes bya ba la sogs pa gsungs te/ don yod pa ni 'bras bu med pa ma yin no/ /'di nyid kyis na thog pa med pa'o/ /phul du byung bas na mchog go /dngos grub ma yin pa'i rgyur gyur pa'i nyon mongs pa dang nye ba'i nyon mongs pa thams cad la bklags skabs ster ba dang gral bas na mkhas pa'o/ /chos kyi dbyings kyi rang bzhin gyi mthong bar dka' bas ni phra ba'o/ /nam mkha'
- 106a
thams cad khyab pas na rgya che ba'o/ /rgya mtsho chen po bzhin du tha mal pa'i shes pas rtogs par mi nus pa'i phyir na zab pa'o/ /rang rig pa'i rang bzhin gyis bsam par mi nus pas na bsam gyis mi khyab pa'o/ /nam mkha' thams cad du rtag tu bzhugs pa'i sku gsung thugs kyi rdo rje'i rang bzhin gyis thams cad du 'gro bas na shin tu med med pa'o/ /phyag rgya chen po la sogs pa'i mchog gi dngos grub thams cad dang/ bar ma dang/ tha ma'i dngos grub thams cad khyad par du sgrub par byed pas na/ ma lus shing lus pa med pa'i mchog gi dngos grub la sogs pa'i dngos grub thams cad rab tu sgrub par byed pa'o/ /don yod pa yang de yin la thogs pa med cing mchog tu mkhas pa dang/ phra ba dang/ rgya che ba dang/ zab pa dang/ bsam gyis mi khyab pa dang/ shin tu tshad med pa dang/ ma lus shing lus pa med pa med pa'i mchog gi dngos grub la sogs pa'i dngos grub thams cad rab tu sgrub par byed pa yang de nyid yin pas na/ don yod cing thogs pa med pa la sogs pa de yin no/ /skyon thams cad dang bral ba'i phyir thog ma dang tha ma med pa'i rigs thams cad rdzogs par byed pa'i rgyu yin pas na mchog tu grub pa'o/ /de lta bur gyur pa'i phyag rgya chen po la sogs pa'i phyag rgya rnams kyi rgyu ni rgyun te/ bshad par bya ba ni bstan par bya ba yin no zhes bya ba bcom ldan 'das rdo rje sems dpas gsungs so/ /de khyad par ji lta bu dang ldan pa yin zhe na/ thams cad ces bya ba la sogs pa la phyag rgya yang yin la thams cad kyang de nyid yin pas na phyag rgyas thams cad de lha thams cad kyi phyag rgya chen po la sogs pa'i phyag rgya rnams so/ /de dag mkhyen pa'i nges pas te/ des rdo rje ltar brtan pa ni mi phyed pa'i sems de thugs
- 106b
gang la mnga' ba de la de skad ces bya ste/ rdo rje dang dril bu 'chang ba'i rdo rje sems dpa' o/ /g.yon pa'i pad+ma zhes bya ba la sogs pa la dpal rdo rje sems dpa' i rnal 'byor pas snga ma bzhin du dam tshig sems dpa' byin gyis brlab pa la sogs pa mthar thug pa can gyi rang gi cho ga rjes su sbyad nas/ rkang pa g.yon pa'i rdo rje'i khyed stan gyi tshul du bzhag nas de'i steng du rkang pa g.yas pa gyen du kha lta bar byas la pad+ma'i phyogs su bzung ba bya ste/ de ltar na pad pa g.yon pa la de dgod par 'gyur ro/ /ji ltar bag chags dang bcas pa'i nyon mongs pa dang bral ba'i gnyis su med pa'i ye shes ni thar pa'i bde ba ste/ de bzhin du ci bde bar ni bcom ldan 'das rdo rje sems dpa' i byang chub chen po'i thugs kyi rang bzhin ston par byed pa'i skyil krung ni sems dpa' i skyil mo krung ste/ de bcing ba ni bzung ba dang 'dzin pa'i rnam par rtog pa dang bral ba'i byang chub chen po'i thugs kyi rang bzhin mngon du byed pa'o/ /'di ltar bshad par 'gyur te/ gang zhig pad pa g.yon pa la rnam par bzhag pa'i zhabs kyi pad+ma gang yin pa de nyid thar pa'i rang bzhin gyi byang chub chen po'i thugs su rnam par bsam par bya ba yin no zhes bya ba'o/ /byang chub chen po'i sems ston par byed pa'i skyil mo krung 'dis kyang rnal 'byor pas bdud bzhi bcom pa yang bstan pa yin no/ / ji skad du/ sems dpa' i skyil mo krung bcings nas/ bdud kun rab tu 'joms par byed ces bya ba gsungs so/ /rang nyid lus ni drang por 'dzin zhes bya ba ni go sla'o/ /rdo rje dril bu dang bcas pa'i rdo rje khu tshur gyi bsnyems par byas nas/ lag pa g.yas pas dang po'i rdo rje steng du gsor zhing gsod te/ gsang ba lnga'i de kho na nyid sngon du byed pa ston par byed pa'i rdo rje gser ba 'dis bdud bzhi po thams cad las rgyal bas rang gi snying gar bstod pa'i tshul gyis rdo rjer 'dzin ci rdo rje
- 107a
sems dpa' i phyag rgya chen po rdzogs pa ni kun mchog grub pas te/ de'i phyir dpal rdo rje sems dpa' i sku'i gsang ba'i nga rgyal mngon du byed pa ni sku'i rdo rje dang/ de'i snying po ni bzla ba ni gsung gi rdo rje dang/ rang gi snying gar gnas pa'i zla ba la dang po'i rdo rje rtse lnga pa bsgom pa ni thugs kyi rdo rje ste/ byed par gyur pa de dag gi sgrub pa po rdo rje sems dpa' nyid du 'gyur ba yin no zhes bya ba 'di ni bcom ldan 'das kyi phyag rgya chen po yin no/ /'di yi 'bras bu bstan par bya ba'i phyir/ 'di yis rdo rje sems dpa' nyid ces bya ba la sogs pa gsungs te/ bcom ldan 'das rdo rje sems dpa' i phyag rgya chen po 'di bcings pas bsgom par byed cing sgrub pa po rdo rje sems dpa' nyid ni rdo rje sems dpa' i rigs kyi dngos grub dang/ sangs rgyas nyid ni de bzhin gshegs pa'i rigs kyi dngos grub dang/ byang chub sems dpa' i rdo rje rigs la sogs pa'i rigs thams cad kyi dngos grub dang/ bsdus pa'i dkyil 'khor las gsungs pa'i rigs thams cad kyi dngos grub dbang du byed pa ni dngos grub kun gyi dbang phyug nyid do/ /'di dag thams cad bcom ldan 'das kyi phyag rgya chen po 'dis sgrub pa po la tshe 'di nyid du grub par 'gyur ro/ /thams cad kyi bdag nyid ni chos kyi dbyings te/ des brtan pa ni mi phyed pa'i sems dpa' ste/ 'gyur ba med pa'i rgyu las byung ba nyid kyis mi phyed pa'i bcom ldan 'das rdo rje dang dril bu 'dzin pa'o zhes bya pa'i tha tshig go /dkyil 'khor du ni ma zhugs dang zhes bya ba la sogs pa ni go sla'o/ /phyag rgya chen po la sogs pa'i rigs thams cad kyi dngos grub ni dngos grub kun te/ de dag gi chags pa chen po ni rdo rje sems dpa' ste/ dngos grub thams cad kyis rjes su chags pa'i phyir ro/ /ji skad du/ bcom ldan 'das ni chags chen po/ /dngos grub kun gyi rjes chags phyir/ /
- 107b
rdo rje sems dpa' i phyag rgya 'di/ /dmar zhing sna tshogs 'bar ba'i 'od ces bya ba 'og nas gsungs pa'i phyir ro/ /'di ltar bshad par 'gyur te/ dngos grub thams cad sgrub par byed pa'i dpal rdo rje sems dpa' i phyag rgya chen po ni dngos grub kun gyi chags chen po'i zhes bya ba'o/ /chags pa chen po des bde ba ni rdo rje sems dpa' la sogs pa'i rang bzhin mngon du bed pa'o/ /bde ba las byung ba'i longs spyod rdzogs pa'i sku'i rang bzhin can gyi phun sum tshogs pa ni thun sum tshogs pas te/ de yi dbang phyug chen po ni de las rlung? ba'i skul pa'i skus skad cig ma re re nyid du phyi ma'i mthar thug pa'i bar gyi 'khor ba'i sems can 'dul ba la brtson pa'o/ /de la chags pa chen po zhes bya ba 'dis 'dod chags rdo rje ma'i rang bzhin can gyi rdo rje 'chang bstan to/ /bde ba zhes bya pas kI li kI li'i rang bzhin can no/ /phun sum tshogs pa zhes bya bas rdo rje dran ma'i rang bzhin can no/ /dbang phyug chen po zhes bya bas rdo rje 'dod ma'i dbang phyug ma'i rang bzhin can du bstan to/ /de lta bu'i rang bzhin can gyi dbang phyug chen po'i rnal 'byor pa de nyid phyag rgya chen por gyur te phyag rgya chen po gang dag yod pa de ni phyag rgya chen po can te/ rdo rje sems dpa' gzhan lta bu ni rdo rje sems dpa' dang 'dra bar 'gyur zhing 'grub par 'gyur ro/ /lha la sogs pa zhes bya ba ni bya ba'i rgyud las gsungs pa'i de bzhin gshegs pa dang/ pad+ma dang rdo rje'i rigs kyi dngos grub rnams ni lha la sogs pa'i dngos grub tu brjod pa yin te/ de dag thams cad dang rdo rje sems dpa' la sogs pa'i las kyi phyag rgya las gsungs pa'i bde pa gang yin pa'i las thams cad kyi bde pa de rnams kyang dpal rdo rje sems dpa' i phyag rgya chen po'i mdzes pa'i byin gyis brlabs pa'i rgyus khyad par du rab tu 'jug pa ni 'byung bar 'gyur ro/ /de las sgrub min yod pa min zhes bya ba la sogs pa ni go
- 108a
sla'o/ /de ltar dpal rdo rje sems dpa' i phyag rgya chen po phun yon dang bcas pa bstan nas/ da ni lta dgu pa'i phyag rgya bstan par bya ba'i phyir/ de nas zhes bya ba la sogs pa gsungs te/ de nas kyi sgra ni skabs su bab pa la'o/ /thog ma dang pha ma med pa yang de yin la rdo rje sems dpa' la sogs pa'i sems dpa' chen po thams cad kyang de yin pas na/ thog pa dang tha ma med pa'i rdo rje sems dpa' la sogs pa'i sems dpa' chen po thams cad te/ rdo rje sems dpa' i dkyil 'khor gyi lha thams cad do/ /de rnams kyi dkyil 'khor thams cad ni rdo rje sems dpa' i dkyil 'khor chen po'o/ /dam tshig ni phyag rgya chen po dang dam tshig gi phyag rgya'o/ /chos ni chos kyi phyag rgya'o/ /las ni las kyi phyag rgya'o/ /dkyil 'khor thams cad dang dam tshig dang/ chos dang las de dag gi don yod pa ni 'bras med pa ma yin te/ dgug pa dang/ gzhug pa dang/ dbab pa dang/ rjes su chags pa dang/ dbang du byed pa dang/ phyag rgya chen po la sogs pa thams cad sgrub pa dang/ sangs rgyas nyid dang rdo rje 'chang nyid mchog tu sgrub pa thams cad la dam tshig chen po'i phyag rgya ste/ byang chub chen po'i sems ston par byed pa'i phyag rgya'o/ /de ming ji lta bu dang ldan pa yin zhe na/ bde pa chen po'i rdo rje gsang ba'i dam tshig go zhes bya ba la/ bde ba chen po'i rdo rje ni dang po'i rdo rje ste/ de'i gsang pa'i dam tshig ni skye bo thams cad la rab tu ma grub pa'i tshul lo/ /de nyid kyi ming gang la yod pa de ni bde ba chen po'i rdo rje gsang ba'i dam tshig ces bya ba'i phyag rgya chen po'o/ /de bcing ba 'di yin zhes bya ba la de bcing ba ni mtshan nyid 'di yin zhes bya ba'i don to/ /sor mo thams cad yang dag sbyor ba ni lag pa gnyis kyis kha sbyor gyi thal mo bcings te/ sor mo dang phan tshun du bcing bar bya'o/ /'dis cir 'gyur zhe na/ rdo rje thal mo zhes brjod do zhes bya
- 108b
ba ni yang dag par sbyar ba de las rdo rje thal mo zhes bya ba bcom ldan 'das rdo rje sems dpas gsungs pa yin no/ /rdo rje thal mo de nyid kyi/ /kun mchog nang du bcings pa yis/ /rdo rje bsdams pa yang dag bshad ces pa yin no/ /'das ma thag tu bshad pa'i rdo rje bsdams pa 'di'i nang gi bu ga'o/ /bu ga de gang yin zhe na/ mdzub mo zhes bya ba la sogs pa la/ mdzub mo dang mthe bong dag gis skye gnas byas la/ g.yas pa'i mthe bo rtse mo skye gnas de la bcug nas btsir bar bya ste/ 'di ni mda' lnga bsdus pa zhes bya ba bcom ldan 'das kyi dam tshig gi phyag rgya ste/ gsang ba lnga'i de kho na nyid chen po'i mda' lnga bsdus pa ston par byed pa yin no/ /mda' lnga bsdus pa 'di bcings nas sor mo dbus ma gnyis kyi rtse mo yang dag par sbyor ba byas nas rdo rje bsdams pa'i nang du bzhag nas/ mthe bong gnyis kyi rtse mo dang/ mthe'u chung gnyis kyi rtse mo zur du sbyar bar bya ste/ dpal rdo rje sems dpa' i dang po'i rdo rje 'di 'gyur ba yin no/ /dang po'i rdo rje 'di nyid bcings te/ nang na gnas pa'i sor mo dbus ma gnyis kyis lcags kyus rang gi snying gar brud cing dgug par bya'o zhes bya ba'i don to/ /de ltar byas na cir 'gyur zhe na/ lcags kyu 'di dang/ dgug pa'i sngags kyis bcom ldan 'das rdo rje sems dpa' i dga' ba chen po myur du byon nas grub par 'gyur ro/ zhes bya ba dang sbyar ro/ /dges pa ni dga' ba'o/ /de nyid rdo rje ste mi phyed pa'i phyir ro/ /dgyes pa'i rdo rje yang de yin la lcags kyu yang de nyid yin pas na dgyes pa'i rdo rje'i lcags kyu ste lcags kyu'i bya ba byed pa'i phyir te ngas dgug pa'o/ /a nu ra ga ya mi zhes bya ba'i sgra 'di ni nye ba'i snying po ste/ nye ba'i snying po nges bsgrub pa ni ngag lus par bya ba'o/ /slar yang snying khar brud pa ni snying gar dgug pa shin tu drag po'i rjes su chags pa'i me ni sgrub pa po'i shin tu chags pa'i sgom pa'i rang bzhin gyis gdung bar 'gyur zhing/ snying pos 'phrog cing dbang du gyur par dgyes shing
- 109a
myur bar skad cig ma nyid du byin nas grub par 'gyur ba yin no/ /'dis ni 'di ltar bshad par 'gyur te/ snga ma bzhin du ye shes sems dpa' mdun du gzhug la/ rdo rje dang dril bu dang bcas pa'i gsang ba'i lcags kyu bcings te/ dgug pa'i snying po 'am glus ji lta ba bzhin du rang gi lus la ye shes sems dpa' cig pu 'am/ 'khor dang bcas pa gzhug par bya'o/ /dkyil 'khor ram gzugs sku la sogs pa la dgug pa'i sngags glus so/ /de nas rang gi dam tshig gi phyag rgya rnams kyis rab tu bsgrubs la/ slar yang gsang ba'i lcags kyu bcings te a nu ra ga ya hUM zhes bya ba shin tu dga' ba'i sgom pa lan gsum bzla bar bya ste/ de ltar na slar yang nye ba'i snying pos 'grub par 'gyur ba yin no/ /gang zhig gsang ba'i lcags kyu sgrub pas byed pa nges na cho ga thams cad rjes su sbyar la/ de nyid kyis ni rdo rje bzung/ /chos kyi dril bu dkrol bar bya/ /de'i 'og tu/ dam tshig gi ni phyag rgya cher/ byin gyis brlabs te snying po bzla bar bya'o/ /de nas dam tshig gsum gyi glu'i mchod pa dang/ rjes su bsgrub par byas la/ slar yang gsang ba'i lcags kyu bcings te/ a nu ra ga ya mi hUM zhes bya ba brjod cing de srid du bsgom par bya ste/ de srid bcom ldan 'das byon nas mngon du kho nar grub par 'gyur ro zhes bya ba'i don to/ /de ltar zhes bya ba la sogs pa la ji ltar bsgrub pa 'dis bcom ldan 'das byon te/ mngon du 'grub par 'gyur ba de bzhin du de bzhin gshegs pa thams cad la sogs pa'i dngos po thams cad ni brtan pa dang g.yo ba ste/ de dag rgyas btab pa ni rdo rje sems dpa' nyid du byas pas byon te/ myur du 'grub par 'gyur ba yin no/ /phyag rgya 'di ming ji lta bu dang ldan pa yin zhe na/ bde ba chen po zhes bya ba la sogs pa bde ba chen po'i rdo rje bshad zin to/ /de'i don yod dam tshig ni rdo rje sems dpa' ste/ de ston par
- 109b
byed cing de'i ming dang ldan pa gang yin pa de ni bde ba chen po'i rdo rje don yod pa'i dam tshig ces bya ba nye ba'i snying po rjes su chags pa'i phyag rgya'o/ /rdo rje mchod yon rdo rje chen po rab tu brkyang ba'i thal mo zhes bya ba la/ rdo rje thal mo bcings nas sor mo thams cad bsdams te/ phan tshun du yang dag par sbyar ba gzung bar bya ste/ brten pa'i thal mo'i tshul gyis lag pa'i mthil gnyis rab tu brkyang la mthe bong gnyis kyang rang gi mdzub mo'i logs dag las brkyang ste/ 'di ni rdo rje mchod yon zhes bya ba'i phyag rgya'o/ /'di dang rang gi lha'i snying pos lan gsum mam bdun nam nyi shu rtsa gcig mchod yon gyi snod la yongs su bzung ste phyi nas rang gi lha'i snying po kho nas mchod yon dbul bar bya'o/ /med na phyag rgya tsam nyid rang gi lha'i snying po dang ldan pas mchod yon dbul bar bya'o/ /gang gi phyir rgyud 'dir rang gi lha'i snying po kho na las thams cad bar brjod ste/ 'dir khyad par gyi gnod pa ma yin pa'i phyir ro/ /de nas dang po'i rdo rje'i phyag rgyas zhes bya ba la sogs pa la/ ji lta ba bzhin du dkyil 'khor bris la lha spyan drang bar bya ste/ dam tshig gi phyag rgya rnams kyis rab tu bsgrub ste/ chos dang/ las dang/ phyag rgya chen po dag gis rgyas btab la/ dbang bskur ba'i phyag rgyas dbang bskur nas/ dpal rdo rje sems dpa' la sogs pa rnams pa mchod yon phul la/ de ma thag pa nyid du dang po'i rdo rje'i phyag rgya'i dbus ma'i rdo rjes rdo rje me tog gi yal ga blangs te/ rnam par rgyal ba'i bum pa'i sngags kyis lan nyi shu rtsa gcig yongs su bzlas te/ dpal rdo rje sems dpa' i mdun du bzhag nas ji lta ba bzhin du bshad pa'i mchod pa thams cad bya'o/ /rnam par rgyal ba'i bum pa'i chu nges cir 'gyur zhe na/ nges zhes bya ba la sogs pa la/ rnam par rgyal ba'i bum pa'i chu re rdo rje khu tshur gyis blangs te/ bdag nyid slob ma rnams la dbang
- 110a
bskur par bya'o/ /chu de yang btung bar byas nas ji lta bu bzhin du bshad pa'i yon tan rnams so sor thob par 'gyur ro zhes bya ba'o/ /de ltar bum pa'i phyag rgya bstan nas da ni dang po'i dkyil 'khor du 'jug pa'i phyag rgya bstan par bya ba'i phyir/ /de nas dang po'i dkyil 'khor du 'jug pa'i phyag rgya zhes bya ba gsungs te/ dang po'i dkyil 'khor ni rdo rje sems dpa' i dkyil 'khor chen po'o/ /der zhugs pa ni phyi dang gsang ba'i rang bzhin can te/ de'i don du phyag rgya'o/ /de yang la dan gsum zhes bya ba la sogs pa la/ lag pa g.yas pas ba dan gsum byas la/ g.yon pas kha TwAM ga ste/ ba dan gsum dang kha TwAM ga bcings nas/ rang gi nus pa dang rjes su mthun pa'i dga' bas rab tu dga' ba ni/ ci nus par ni rab tu dga' i bas te/ yid bde ba skyes pa zhes bya ba'i tha tshig go /sgeg pa dang bcas pas mthe'u chung la sogs pa'i sor mo rnams dkrol bas bskor zhing glog 'gyu ba'i tshul gyis mchog tu bskor bas rdo rje gar yang yin pa de nyid bskor bas te/ des dkrol da ni ba dan gsum dang kha TwAM ga bcing ba bstan pa'o/ /rdo rje gar bskor ba dkrol ba'i byed par gyur pa des yongs su bskor ba ni dbyibs gzhan du gyur pa ste/ phyag 'tshal ba'i me tog gi thal mo sbyi bor bcing ba ni/ 'dzin pa chen po'o/ /rdo rje gang dkrol nas yongs su bskor ba yang de yin la/ 'dzin pa chen po yang de nyid yin pas na/ rdo rje gar bskor ba dkrol ba'i yongs su bskor ba 'dzin pa che ba'o/ /de gang yin zhe na/ ka pu ta ni kha sbyor zhes bya ba la/ ka pu ta ni thal mo te/ ka pu ta'i thal mo yang de yin la kha sbyor yang de nyid yin pas na ka pu ta'i kha sbyor ro/ /ka pu ta'i kha sbyor de spyi bor bzhag la de nyid kyis me tog gi phreng ba blangs te/ 'jug pa'i glu brjod cing sngar bshad pa'i tshul gyis dkyil 'khor du 'jug par bya'o/ /de nas
- 110b
cho ga thams cad rjes su spyad la/ me tog gtor ba'i dus su spyi bo'i phyogs de las phab la rdo rje can te rdo rje sems dpa' la phul te/ sbyin par bya'o/ /ji ltar zhe na/ sgeg bcas mdzub mo mthe'u chung sogs/ /rnam par dkrol ba zhes bya ba la/ sgeg pa dang bcas pas lag pa dang 'brel pa'i mdzub mo la sogs pa dang/ lag pa g.yon pa dang 'brel pa'i mthe'u chung la sogs pa rnam par dkrol ba ni/ sgeg bcas mdzub mo mthe'u chung sogs rnam par dkrol ba ste/ rnam par dkrol ba de rnams kyis oM mchog tu bde ba'i thugs zhes bya pa la sogs pa'i glu brjod cing bcom ldan 'das dpal rdo rje sems dpa' la de dbul bar bya'o/ /'di nyid kyi 'bras bu bstan par bya ba'i phyir/ 'di zhes bya ba la sogs pa gsungs te/ dang po'i dkyil 'khor du 'jug pa'i phyag rgya 'dis 'khor lor ma zhugs pa yang zhes bya ba ste/ rdo rje'i dkyil 'khor chen por zhugs par ma gyur na yang rdo rje slob dpon nyid thob par 'gyur ro/ /ji ltar zhe na/ rang nyid zhugs pa tsam gyis ni zhes bya ba la/ rang nyid kyi dkyil 'khor 'di bris nas zhugs te/ zhugs pa tsam de nyid kyis byed par gyur pa ste/ rdo rje gar gyi mchod pas don yod pa ni 'bras bu med pa ma yin pa'i dang po'i dkyil 'khor du zhugs pas rdo rje slob dpon nyid grub pa ni rdzogs pas te/ don yod pa'o// //rgyu de'i phyir mchod pa ni don yod par grub par grub pa'i mchod pa ste/ des rdo rje slob dpon nyid thob par 'gyur ro/ /ji ltar rdo rje gar gyi mchod pa dkyil 'khor du zhugs pa'i dngos grub ster bar byed pa de bzhin du me tog la sogs pa'i mchod pa'i dngos grub kyang ster bar byed pa yin no zhes bstan par bya ba'i phyir yongs su rdzogs pa'am/ ma tshang ba zhes bya ba la sogs pa gsungs te/ me tog dang sbos dang/ mar me dang dri ste phyi'i mchod pa rnams dang ldan pa ni yongs su rdzogs pa'o/ /de dang 'brel bar?
- 111a
ni mtshar ba'o/ /de rnams phyogs gcig thob pa ji snyed pas te/ me tog la sogs pas phyogs gcig thob pa'i rang bzhin can ji snyed pa des thun mong dngos grub kun gsol ba'o/ /me tog la sogs mchod mtshan mas zhes bya ba la/ dga' ma dang/ rab tu dga' ma dang/ sbyan dang/ dpal chen mo rnams ni me tog la sogs pa'i mchod par brjod pa yin no/ /de rnams kyi mtshan ma ni me tog la sogs pa'i tshul gyi rang bzhin can gyi las kyi phyag rgya rnams so/ /ni'i sgra ni nges par bzung ba ste/ me tog la sogs pa'i mchod pa'i mtshan ma rnams kho nas rdo rje gar gyi mchod pa thams cad thun mong gi dngos grub ster ba yin gyi gzhan du ni ma yin no/ /zhes bya ba'o/ /da ni rdo rje gar gyi mtshan nyid bstan par bya ba'i phyir ba dan gsum mchog ces bya ba la sogs pa gsungs te/ lag pa g.yas pas ba dan gsum pa byas la g.yon pas kha TwAM ga ste 'di ni ba dan gsum mchog gi kha TwAM ga zhes bya ba'o/ /byed par gyur pa des sgeg pa dang bcas pa'i mthe'u chung la sogs pa'i sor mo thams cad dkrol ba dang bcas pas glog 'gyu ba'i gang byas nas mdun du bskor ba ni lag pa gnyis g.yas su bskor bas te/ de rnams kyi gar zhes bya ba'i mchod pa'i phyag rgyar brjod pas ni bcom ldan 'das rdo rje sems dpas gsungs pa yin no/ /sgeg mo dga' ba'i rdo rje mas phyag btsal bar bya'o/ /zhes bya ba gang gsungs pa de'i mtshan nyid bstan par bya ba'i phyir/ sgeg mo dga' ba'i rdo rje ma la sogs pa gsungs te/ rdo rje gar gyi mchod pa ni bshad zin to/ /des sgeg pa dang bcas shing bzhin ? pa'i tshig gis phyag 'tshal ba'i sgeg pa'i lta ba dang bcad pa'i spyi bos phyag 'tshal ba'o/ /oM mchog tu bde ba'i thugs zhes bya ba la sogs pa'i glu brjod cing rdo rje sems dpa' la sogs pa'i dngos po thams cad dang lhan cig tu yid
- 111b
kyis cig tu gyur te/ phyag btsal ba 'dis rdo rje sems dpa' dang de bzhin gshegs pa rnams kyis rjes su chags par byas nas phyag 'tshal bar mdzad do zhes bya ba'i bsam pa bskyed nas phyag 'tshal bar bya ste/ de ltar de rnams byed du bcug nas rdo rje semS dpa' la sogs pa'i dngos po thams cad sgrub pa po la rag lus par 'gyur ro/ /de nas mtshan brgyas bcom ldan 'das la bstod par bya ba gsungs pa'i bstod pa yang phyag rgya bcings nas bya ba yin te/ de'i phyir bstod pa'i phyag rgya'i mtshan nyid bstan pa'i phyir rdo rje thal mo bskor bas ma lus pa byas nas thams cad bskor ba'i phyag rgya'i zhes bya ba gsungs te/ rang gi snying ga'i phyogs su rdo rje thal mo g.yon du bskor nas shis par brjod pa sbyin pa'i tshul du bzung zhing mtshan brgya la sogs pa'i bstod pa thams cad kyi mchod pa bya ste/ 'di ni thams cad kyi bstod pa'i phyag rgya'o/ /de bzhin gshegs pa thams cad kyi sku mchog bcings nas dbang bskur bar bya'o zhes bya ba gsungs pa de'i mtshan nyid bstan par bya ba'i phyir/ de bzhin gshegs pa thams cad kyi sku mchog ces bya ba la sogs pa gsungs te/ de bzhin gshegs pa yang yin la thams cad kyang yin pas na de bzhin gshegs pa thams cad de/ byang chub chen po'i sems la sogs pa'i rang bzhin can gyi sems dang sems las byung ba rnams so/ /de dag gi sku ni de las byung ba'i rnam par snang mdzad dang/ mi bskyod pa dang/ rin chen 'byung ldan dang/ snang ba mdza' yas dang/ don yod grub pas te/ de bzhin gshegs pa de rnams kyi sku'i gsang ba'o/ /de dag gi mchog ni phul du byung ba gang yin pa de nyid de bzhin gshegs pa thams cad kyi sku mchog ste/ de ston par byed pa dang de rdzogs par byed pa'i phyag rgya gang yin pa de'i/ rdo rje bsdams pa'i mthe bor gnyis kyis
- 112a
brten pa'i skyil mo krung ni skyil mo krung ste gang la yod pa la de skad ces bya'o/ /gnyis kyang yin la mdzub mo yang de nyid yin pas na mdzub mo gnyis so/ /de dag nyid bkug pa lus gang la yod pa de ni mdzub mo nyid bkug pa'i lus can no/ /dbus ma yang de nyid yin la mnyam pa yang de nyid yin pas dbus ma mnyam pa ste dbus mnyam pa de nyid kha 'bus pa ni tshigs gsum pa bkug pa'i mchog gi yan lag gi mgo bo gang la yod pa de ni dbus ma mnyam pa'i kha 'dus pa'i mchog gi yan lag can no/ /'di ltar bshad par 'gyur te/ rdo rje bsdams pa bcings nas mthe bong gnyis kyis rdo rje skyil mo krung gi rnam par byas la sor mo gnyis kyi rtse mo yang dag par sbyar te tshigs gsum pa bkug par byas nas/ de'i tshigs dbus ma'i steng du mdzub mo gnyis lcags kyu'i rnam par dgug pa yang dag par bzung bar bya ba ste/ 'di ni de bzhin gshegs pa thams cad kyi sku mchog ces bya ba sangs rgyas lnga'i cod pan gyi dbang bskur ba rdzogs par byed pa'i phyag rgya'o/ /'di spyi bor bzhag la oM b+hu khoM zhes bya bas rnam par snang mdzad bsam par bya'o/ /dpral ba'i steng du badzra satwa zhes bya bas mi bskyod pa'o/ /rna ba g.yas pa'i steng du badzra ratna zhes bya baS rin chen 'byung ldan no/ /spyi bo'i rgyab tu badzra d+harma zhes bya bas snang ba mdza' yas so/ /rna ba g.yon pa'i steng du badzra karma zhes bya ba brjod cing de bzhin gshegs pa don yod grub pa bsam par bya'o/ /re re'i dbang bskur ba'i glu ni dang por gsungs pa de ni 'di yin te/ oM sangs rgyas kun gyi rin chen mchog tshogs kyis/ /spras pa'i lha yi cod pan khyod la 'dud/ /rab mchog rdo rje can gyis bdag dbang bskur/ /rdo rje sems dpa' khyod bdag dam tshig yin
- 112b
zhes bya ba'o/ /de ltar phyogs thams cad du cod pan bcings la/ de'i rjes la badzra karma zhes bya ba brjod cing rdo rje khu tshur gnyis kyis mdud pa'i tshul ni phreng ba'i tshul gyis phreng ba 'ching ba'i tshul byas la slar yang spyi bo'i rgyab tu de bzhin du mdud pa'i tshur byas la/ logs dag la sgeg pa dang bcas pa'i mthe'u chung la sogs pa'i sor mo dkrol bas dang dbyangs kyi tshul byas nas mthar mnyam pa'i thal mo dang badzra tuSh+ya ho zhes bya bas mnyes par bya'o/ /de nas bde ba chen po zhes bya ba la sogs pa la/ de nas dkyil 'khor du zhugs nas ji lta ba bzhin du me tog rnams dor la phreng ba'i dbang bskur blangs te/ gdong g.yogs dkrol la dkyil 'khor bltas nas 'jug pa'i phyag rgyas rang gi snying gar dkrol ba rang gi lha'i rnal 'byor byas te/ de ma thag kho nar sna tshogs pad+ma bris te de'i steng du phyag rgya chen po bcings la nye bar 'dug ste/ oM badzra a b+hi Shiny+tsa hUM zhes bya brjod cing rdo rje khu tshur gnyis kyis rnam par rgyal ba'i bum pa las chu blangs te bdag nyid la dbang bskur bya'o/ /chu de yang 'thungs na ji lta ba bzhin du bshad pa'i 'bras bu thob par 'gyur te/ slob ma rnams la yang de bzhin du dbang bskur bar bya'o/ /rdo rje khu tshur gyis zhes bya ba la sogs pa la chu'i dbang bskur ba'i rjes la sangs rgyas lnga'i cod pan gyis dbang bskur bar byin nas rdo rje khu tshur gnyis kyis rdo rje rtse lngas rtse mo las 'od zer 'bar ba kha dog dmar po'i rdo rje sngar bshad po'i sngags kyis sbyin par bya'o/ /de la rtse gcig pa'i rdo rje'i rnam pa can gyi 'od zer de nyid 'bar ba'o/ /des nye bar mtshon pa'i rtse mo gang la yod pa de ni rdo rje'i 'od zer 'bar ba can gyi rtse mo can gyi rdo rje ste/ de sbyin par bya'o/ /slob mas kyang zhes bya ba la sogs pa la/ rdo rje slob mas slob dpon la phyag byas nas rdo rje thal mo bskor te me tog la sogs pas dbang bskur ba thams cad
- 113a
blang bar bya'o/ /dpal rdo rje sems dpa' i dkyil 'khor du 'jug pa la sogs pa'i cho ga bstan pa de nyid de bzhin gshegs pa la sogs pa'i rigs thams cad kyi dkyil 'khor rnams su dbang du byed pa nyid du 'jug pa yin no zhes bya ba shes par bya ste/ gang du khyad par gyi gnod pa yod pa ma yin pa'i phyir ro/ /de ltar dkyil 'khor gyi thabs bstan nas/ da ni sgrub pa'i thabs bstan par bya ba'i phyir/ de nas zhes bya ba la sogs pa gsungs te/ de nas kyi sgra ni skabs su bab pa la'o/ /dngos grub kyang yin la thams cad kyang de nyid yin pas na dngos grub thams cad de/ phyag rgya chen po la sogs pa'i dngos grub rnams so/ /de rnams kyi dbang phyug ni gtso bo'o/ /grub pa ni rdzogs pa ste/ sems dpa' byin gyis brlab pa'i sbyor ba las byung ba'o// stong pa nyid dang ro gcig pa'i sems dang sems las byung ba'i rdo rje sems dpa' ni rdo rje 'chang chen po'o/ /dngos grub thams cad kyi dbang phyug kyang yin la grub pa yang yin la rdo rje 'chang chen po yang de nyid yin pas na dngos grub thams cad kyi dbang phyug grub pa'i rdo rje 'chang chen po'o/ /de nyid dngos po thams cad kyi bdag nyid rang bzhin du mdzes shing gsal bar 'gyur bas na rgyal po'o/ /de sgrub pa'i don du phyag rgya ston par byed pa'i rgyu ni 'di zhes bya ba ston pa ni tshig gi lhag ma'o/ /bde ba chen po'i rdo rje gsang ba'i lcags kyu ni ji lta ba bzhin du bshad pa'i mtshan nyid can gyi nye ba'i phyag rgya'o/ /des rdo rje sems dpa' spyan drang ba ni rang gi snying po'i sngags lan cig tu/ snga dro'i dus su bcom ldan yi ge hUM bkug la rang gi lus la gzhug par bya ste/ rjes su rnal 'byor gyi dus su'o/ /zhes bya ba'i don to/ /sems dpa' i skyil mo krung gi bshad zin to/ /de gang la yod pa de ni sems dpa' i skyil mo krung ldan pa'o/ /rdo rje gar ni bshad zin to/ /des mchod pa rnams phul ba ni me tog dang spos dang/ mor
- 113b
mo dang/ dri dbul ba'i tshul te/ mchod pa dbul ba de dag gis rdo rje mtshon cha ma la sogs pa bsgreng bar byas la phyag ba tsal bar bya'o/ /zhes bya ba dang sbyar ro/ /rdo rje gar gyis mchod pa 'bul bar bya zhes bya glog 'gyur ba'i gar gyis zhes bya ba la glog 'gyu ba'i gar ni bshad zin to/ /de nyid kyis bya'i gzhan gyis ni ma yin no/ /rdo rje khu tshur yongs su bzung ba zhes bya ba la/ de ltar glog 'gyu ba'i gar gyi me tog la sogs pa 'bul ba byas nas/ de'i rjes la rdo rje khu tshur gnyis bcings te/ des bsnyems pa dang bcas pa ? de yin la rdo rje bsnyems pa yang de nyid yin pas na bsnyems pa dang bcas pa'i rdo rje bsnyems mas te/ bcom ldan 'das rdo rje sems dpa' i las kyi phyag rgya'o/ /rgyur gyur pa des rdo rje mtshon cha ma la sogs pa bsgreng ba ni 'dod chags rdo rje ma la sogs pa'i las kyi phyag rgya bzhi po bcings la/ 'dod chags rdo rje ma la sogs pa rang bzhin la lhag par mos pa gang yin pa de byas la/ de'i 'og tu ji lta ba bzhin du bshad pa'i mtshan nyid can gyi sgeg mo dga' ba'i rdo rje mas ras ris la sogs par bzhugs pa'i bcom ldan 'das kyi sku la phyag 'tshal bar bya'o/ /mchod pa dang gar gyi mchod pa rnal 'byor pas ji ltar bya zhe na/ rdo rje glus zhes bya ba la sogs pa la/ thams cad rjes su chags pa zhes bya ba la sogs pa'i rdo rje glu glur blangs pas? so ni'i sgra ni nges par bzung bas te/ rdo rje glu kho nas bya pa'o/ /bzlas pa'i don gyis zhes bya ba ni rdo rje glu'i bzlas pa 'di'i don gang yin pa de lhag par mos pa ni bzlas pa'i don dang dga' ma? la sogs pa'i snying po'i don to/ /bzlas pa'i don des ci bde bar ni dka' thub med pa la sogs pas rdo rje gar gyi mchod pa ni rdo rje gar gyi rang bzhin can gyi mchod pa dang yang dag par sbyar zhing byas na myur du 'grub par 'gyur ro/ /de la 'di zhes bya ba la sogs pa glu gsungs pa yin te/ dang po la sogs pa rnams
- 114a
kyis glu blang bar bya ba'o/ /zhes bya ba drug ldan dang bar ma la sogs pa'i dbyangs rnams dang/ rol mo rnams kyis glu blang par bya'o/ /thams cad rjes su chags pa zhes bya ba la sogs pa ni rdo rje'i glu'o/ /rjes su chags pa chen po ni shin tu chags pa'o/ /rab tu dga' ba ni zag pa med pa'i bde ba dang yid bde ba'i rang bzhin no/ /brtan par 'gyur ba ni de nyid dang ro gcig pa'i thugs mnga' bas rnam par rtog pa thams cad kyis mi bskyod pa'o/ /'phel bar 'gyur zhes bya ba ni rdzogs par gyur nas mngon du gyur pa yin no zhes bya ba'i tha tshig go/ phyag rgya chen po lan cig tu snying pos bdag nyid la byin gyis brlab par bya'o zhes bya ba la/ ji lta ba bzhin du bshad pa'i rnam pa gsum gyis bdag la byin gyis brlab pa'i dus su phyag rgya chen po bcings nas yi ge hUM gis bdag nyid la lan cig byin gyis brlab par bya'o/ /de'i rjes la dam tshig dang chos dang/ las la sogs pa'i phyag rgya rnams bsgrub par bya'o/ /shin tu g.yo pa ni shin tu g.yo ba nyid do/ /shin tu g.yo ba med pa ni shin tu g.yo ba med pa'o// lce'i? rtse mo ni lce'i rtse mo'o/ /shin tu g.yo ba med pa'i lce'i rtse mo gang la yod pa de ni shin tu g.yo ba med pa'i lce'i rtse mo'o/ /shin tu g.yo ba med pa'i lce'i rtse mo yang de yin la so dang mchu gnyis dang ldan pa yang de nyid yin pas na shin tu g.yo med lce rtse dang mchu? dang? so gnyis ldan pa'o/ /shin tu'i sgra ni so dang mchu gnyis la rjes su 'jug pa yin no/ /de bas na don 'di ltar bshad par 'gyur te/ cung zad rtse mo g.yo ba dang/ zad mchu dang so gnyis yang dag par ldan pa gang yin pa de ni de ni rdo rje'i dag go/ dbyangs dang dpral? ba zhes bya ba ni rna ba'i rnam par shes pas gzung ba'i sgra dang bral ba zhes bya pa'i don to/ /rigs kun grub par byed ces bya ba la/ rdo rje sems dpa' i rigs nas bzung ste/ de bzhin gshegs pa dang/ rdo rje dang/ pad+ma dang/ nor
- 114b
bu'i rigs rnams kyi dngos grub thams cad rab tu grub par byed pa'o/ /'dis ni ngag 'di'i thun mong yin no zhes bya ba'i don bstan to/ /yi ge hUM gi glu zhes bya ba la sogs pa ni bshad zin to/ /ji srid mngon par 'dod pa'i bzlas pas zhes bya ba ni grangs kyi nges pa med pa bstan pa yin te/ 'dir bsgom pa kho na gtso bo yin pa'i phyir ro/ /bzlas pa'i don gyis kyang yi ge hUM gi glu'i bzlas pa byas ba bya ba yin no zhes bya ba bstan par bya ba'i phyir bzlas pa'i don du nye ba'i snying po shes pa yin no zhes bya ba gsungs te/ a nu ra ga ya mi zhes bya ba mngon du bya zhing rnal 'byor pas yi ge hUM gi glu'i bzlas pa bya ba yin te/ 'di ni nye ba'i snying po shes pa'o/ /nye ba'i snying po shes pa 'di dag gang yin zhe na/ rdo rje sems dpa' bsgrub pa'o zhes bya ba'o/ /ci byas nas nye ba'i snying po 'di shes pas rdo rje sems dpa' 'di bsgrub par bya ba yin zhe na/ phyag rgya chen po rang la byin gyis brlabs nas zhes bya ba ste/ byin gyis brlabs pa de yang bshad zin to/ /ci bya zhing bsgrub par bya zhe na/ de bzhin du blta zhing zhes bya ba la sogs pa la/ ji ltar dkyil 'khor chen po bsgrub pa la bcom ldan 'das rdo rje blta bas lta zhing bsgrub par bya'o zhes bya ba de bzhin du bsgrub pa'i thabs kyis bsgrub pa la/ yang rdo rje lta bas lta zhing bsgrub par bya'o/ /lan cig sgrub pa ni ji lta ba bzhin mngon par 'dod pa'i bzlas pas so/ /zhes bya ba la/ nyin re thun mtshams snga ma'i dus su dpag tu med pa'i bzlas pas bsgrub pa lan cig bya'o/ /de zhes bya ba la sogs pa la de ltar shin tu mnyam par bzhag pa'i rnal 'byor gyis ci nus par bsgrub par lan cig tu byas nas/ de'i dus phyi ma la ji ltar mngon par brtson pa ni mnyam par ma bzhag pa dang shin tu mnyam par bzhag pa'i rnal 'byor dag gis so/ /ji ltar 'dod pa ni ji ltar mos pa'o/ /ji ltar mngon par 'dod/ ni? dus ji tsam du bsgom? par 'dod
- 115a
pa yin no/ /ji ltar byin gyis brlabs pas zhes bya ba ni lha bsgom pa las byung ba'i ba spu ldang ba la sogs pa'o/ /de ltar ji lta ba bzhin du bshad pa'i yi ge glu'i bzlas pas dga' ba chen po rdo rje don yod ni rdo rje sems dpa' i dga' ba'i shugs kyis bsgrub pas de mngon du bya ba yin no/ /de gang yin zhe na/ rdo rje sems dpa' la sogs pa'i dngos po thams cad ces bya ba'o/ /ji lta ba bzhin du 'dod pa zhes bya ba ni ji ltar 'dod pa'o/ /'dis ni 'di bshad par 'gyur te/ snga ma bzhin du dam tshig sems dpa' i byin gyis brlabs pa mthar thug pa'i cho ga rjes su sbyar nas phyag rgya chen po bcing bar bya'o/ /de nas yi ge h+ri las mdun du sna tshogs pa de'i steng du yi ge hUM a zhes brjod pas dang po'i rdo rje'i dbus su yi ge hUM rnam par bsams la/ badzra haM zhes bya ba bsgom par bya'o/ /de nas hUM badzra satwaM haM zhes bya ba brjod cing rdo rje de rdo rje sems dpar bdag nyid rnam par bsams la/ rdo rje lcags kyu ma la sogs pa'i las kyi phyag rgya bzhi pos bcom ldan 'das de nyid bkug cing bcug ste bcing pa la dbang du byas nas/ dang po'i rdo rje'i phyag rgyas dri sh+ya zhes bya bas blta bar byas la/ dril bu dang bcas pa'i gsang ba lcags kyu ma dang/ yi ge hUM gis rang gi lus la bcug te/ slar yang dang po'i rdo rje bcings nas/ sa ma ya haM zhes bya ba brjod cing 'od kyis dkyil 'khor phab par byas nas/ sa ma yastwaM a haM dza:hUM baM ho/ /zhes bya ba lan gsum brjod cing bcom ldan 'das dang lhan cig tu bdag nyid du gyur par bsam pa'o/ /slar yang gsang ba'i lcags kyu ma bcings nas/ a nu ra ga ya mi hUM zhes bya ba lan gsum du brjod par bya'o/ /de nas chos dang las dang/ phyag rgya chen po rnams kyis rgyas btab la/ dza:hUM baM ho:zhes brjod cing yid kyis legs pa'i sbyor bas sangs rgyas thams cad bcug ste dam tshig gi phyag rgya rnams kyis bsgrub par
- 115b
bya'o/ /de nas chos dang las dang phyag rgya chen po rnams kyis de dag la rgyas btab nas snga ma bzhin du dang po'i rdo rjes bdag nyid kyi gnas bzhir byin gyis brlabs te/ yi ge brgya pas brtan par byas la sangs rgyas lnga'i 'od? phan? gyis ? bskur ba'i phyag rgyas dbang bskur te/ rdo rje dang/ bdag po dang/ ming gis dbang bskur ba blangs la/ dngos grub kyi rdo rje brtul zhugs bzung bar bya'o/ /de nas thams cad rjes su chags pa zhes bya ba la sogs pa'i rdo rje'i glu brjod cing rdo rje'i gar byas te/ rab tu dga' ba'i phyag rgya bcings nas de'i snying po brjod cing me tog dbul ba'i tshul byas nas rdo rje khu tshur gnyis bcing bar bya'o/ /de nas yi ge hUM brjod cing rdo rje sems dpa' i las kyi phyag rgya bcings nas 'dod chags rdo rje ma'i snying po brjod cing/ rdo rje mtshon cha ma'i las kyi phyag rgya bcing bar bya'o/ de naS de bzhin du gar las byung ba'i dga' ba ma'i las kyi phyag rgya bcings te/ de'i snying pos spos 'bul ba'i tshul byas la snga ma bzhin du rdo rje sems dpa' i las kyi phyag rgya bcing bar bya'o/ /de nas de bzhin du kI li kI la'i las kyi phyag rgya bcing bar bya'o/ /de bzhin du zhes bya ba la slar yang de bzhin du gar byas la sbyan gyi las kyi phyag rgya bcing bar bya'o/ /de nas rdo rje sems dpa' i phyag rgya dang/ de nas rdo rje dran ma'i las kyi phyag rgya bcing bar bya'o/ /slar yang de bzhin du gar byas pa dpa' ? chen mo'i las kyi phyag rgya bcing bar bya'o/ /de nas rdo rje sems dpa' i las kyi phyag rgya dang/ de nas rdo rje 'dod ma'i dbang phyug ma'i las kyi phyag rgya de bzhin du bcing bar bya'o/ /'di ni gsang ba'i mchod pa rnam pa bzhi'o de nas bdag nyid yang dag par mchod la sgeg mo dang dga' ba'i rdo rje mas bcom ldan 'das la phyag byas la/ de kho na nyid dang/ chos dang/ las dang/ dam tshig rnams blangs te/ dam tshig gsum gyi glu'i mchod pa byas nas rang gi snying ga na gnas pa'i
- 116a
rdo rje la yi ge hUM rnam par bsams te/ de bzhin du bdag gi rdo rje sems dpar gyur cig ces smon lam byas la/ a nu ra ga ya mi zhes bya ba bzlas pa'i don du yi ge hUM gi glu'i bzlas pa bya ba yin no/ /de ltar rdo rje sems dpa' i bsgrub pa byas nas da ni 'dod chags rdo rje ma la sogs pa'i bsgrub pa bstan par bya ba'i phyir/ de nas phyag rgya chen po la sogs pa gsungs te/ de nas kyi sgra ni snga ma bzhin no/ /'dod chags rdo rje ma la sogs pa'i sku'i gsang ba byin gyis brlab par byed pa'i phyag rgya chen po ste/ de dag gi sku'i gsang ba'i tshul gyis rang bzhin can no/ /sku zhes bya ba ni bshad zin to/ /'di dag gi sgrub pa thams cad ni rdo rje sems dpa' i sgrub pa bzhin du shes par bya'o/ /khyad par ni 'di yin te/ 'dod chags rdo rje ma la sogs pa'i snying po zla ba'i dkyil 'khor dang bcas pa'i dad po'i rdo rje'i rnam par bsams la rnal 'byor gyi rdo rje de nyid de rnams kyi snying po las rang gi phyag mtshan rnam par bsams te/ phyag mtshan gyis nga rgyal bskyed la phyag mtshan de nyid sems dpar byin gyis brlab pa'i sbyor bas rdo rje sems dpa' ste/ rdo rje sems dpa' yang 'dod chags rdo rje ma la sogs pa'i snying po brjod cing bdag nyid 'dod chags rdo rje mal sogs pa'i rang bzhin du mos par bya'o/ /de nas cho ga thams cad rjes su spyad nas 'dod chags rdo rje ma la sogs pa'i phyag rgya chen po bcings la/ ji lta ba bzhin du 'dod chags rdo rje ma la sogs pa'i sku mdun du bskyed la/ rdo rje lcags kyu ma la sogs pas 'dod chags rdo rje ma la sogs pa'i lha mo rnams bkug cing bcug la bcings te dbang du byas nas/ rang gi dam tshig gi phyag rgya rnams kyi blta bar byas la/ 'dod chags rdo rje ma la sogs pa'i snying po dang gsang ba'i lcags kyu mas rang gi lus la bcug la
- 116b
tshog? thams cad rjes su spyad par bya'o/ /de ltar phyag rgya chen po'i mtshan nyid dang sgrub pa bstan nas/ da ni dam tshig gi phyag rgya rnams kyi mtshan nyid bstan par bya ba'i phyir/ de nas zhes bya ba la sogs pa gsungs te/ de nas kyi sgra ni snga ma bzhin no/ /dam tshig 'dzin par byed pa'i phyag rgya ni dam tshig gi phyag rgya rnams so/ /bde ba chen po'i rdo rje bshad pa'o zhes bya ba la/ bcom ldan 'das rdo rje sems dpa' i dang po'i rdo rje ni bde ba chen po'i rdo rje ste/ de nyid kyi dam tshig 'dzin pa gang yin pa de bshad zin to// rdo rje mnga' la sogs pa ni 'di las byung ba'o/ /bde ba chen po rdo rje sems dpa' 'di las 'dod chags rdo rje ma la sogs pa'i rdo rje mnga' la sogs pa bzhi po dam tshig 'dzin pa'i phyag rgya rnams 'byung ngo/ /'di lta ste zhes bya ba la sogs pa la dang po'i rdo rje bcing te/ mdzub mo gnyis kyi rtse mo yang dag par sbyar bar byas nas mdzub? mo gnyis kyi rtse mo ci nus par mnga' i tshul du phyi rol du drang bar bya ste/ 'di ni 'dod chags rdo rje ma'i rdo rje mnga' zhes bya ba'i dam tshig gi phyag rgya yin no// dang po'i rdo rje bcings la rdo rje bsngams pa'i tshul gyis mthe bong gnyis bzung bar bya ste/ 'di ni kI li kI la ma'o/ /dang po'i rdo rje bcings te mthe bong gnyis brlang ste/ ma 'byar bar byas la g.yas pa'i mdzub mo lcags kyu rnam pa g.yon pa'i dbus ma'i tshigs gsum par btsugs la g.yon pa'i mdzub mos de bzhin du g.yas pa'i dbus ma'i tshigs gsum par btsugs te/ srin lag gnyis yang dag par sbyar ba'i rtse mo dang/ mthe'u chung gnyis kyi rtse mo sbyar nas rtse mo 'dis byas pa 'di ni rdo rje dran ma'o/ /dang po'i rdo rje bcings la brla g.yas pa dang g.yon pa la bzung par bya ste/ 'di ni rdo rje 'dod pa'i dbang phyug ma'i dam tshig gi phyag rgya'o/ /rdo rje thal mo bskor ba rang gi snying ga'i phyogs su bcings la lhag par dad pa'i
- 117a
khyad par gyis sgeg pa dang bcas pa'i mig gis lta zhing spyi bos bcom ldan 'das la phyag byas nas spyi bor bzung bar bya ste/ de nas de las phab nas me tog 'bul ba'i tshul gyis gyen du gtor bar bya ste/ 'di ni rab tu dga' ba ma'i 'o/ /de bzhin du rdo rje thal mo bskor ba bcings la spyi bor bzhag nas phab ste/ spos 'bul ba'i tshul gyis 'og tu ngor bar byas te 'di ni dga' ma'i 'o/ /de bzhin du rdo rje thal mo bskor ba bcing la spyi bor bzhag nas phab ste mar me 'bul ba'i tshul du mthe bong sbyar ba bskor nas bzung bar bya ste/ spyan gyi'o/ /de bzhin du thams cad byas la rdo rje thal mo spyi por bzhag nas phab te rang gi snying ga'i phyogs su brkyang te dri byug pa'i tshul gyis bzung bar bya ste/ 'dis ni rdo rje dri ma'i'o/ /rdo rje thal mo bcings te/ des lhag par dad pa'i khyad par rnam par 'phrul pa'i tshul bstan par bya ste/ 'di ni sgeg ma'i 'o/ /rdo rje thal mo bcings te rgod pa'i tshul gyis khar yongs su bskor la spyi bor bzung bar bya ste/ 'di ni bzhad ma'i'o/ /rdo rje thal mo bcings te/ g.yon pa'i mdzub mo pi wang gi tshul du bzung bar byas la g.yas pa'i mdzub mo bkug pas rdo rje pi wang brdung ba'i rdo rje glu ma'i snying po'i rdo rje glus mngon par bstod cing rnal 'byor pas phyag rgya bcing bar bya ste/ 'di ni rdo rje glu ma'i'o/ /rdo rje khu tshur gnyis kyis gang byas la spyi bor rdo rje thal mo bcing bar bya ste/ 'di ni rdo rje gar ma'i'o/ /rdo rje bsdams pa nang du bcings la g.yas pa'i mdzub mo brkyang te bkug la lcags kyu'i rnam par bzung bar bya ste/ 'di ni rdo rje lcags kyu ma'i'o/ /rdo rje bsdams pa nang du bcings la mthe bong gnyis phan tshun du 'dud pa byas te/ 'di ni rdo rje zhags pa ma'i'o/ /rdo rje bsdams pa nang du bcings la mdzub mo dang mthe bong dag gis lcags kyi lu gu rgyud bcing bar bya ste/ 'di ni rdo rje lcags sgrog ma'i 'o/ /rdo rje bsdams pa nang du bcings la rang
- 117b
rang gi mthe'u chung dang srin lag gi nang du mthe bong gnyis bzung bar bya ste/ 'di ni rdo rje dril bu ma'i'o/ /gsang ba'i dam tshig gi phyag rgya bshad zin to/ /gzhan rnams thams cad ji bzhin bshad ces bya ba la/ shin tu dga' ma la sogs pa'i dam tshig gi phyag rgya rnams kho nar rab tu dga' ma la sogs pa rdo rje dril bu ma'i mthar thug pa'i bar gyis gsang ba'i dam tshig gi phyag rgya rnams rab tu sbyor ba'i khyad par gyis 'gyur ba yin no/ /de la spyod pa'i khyad par ni 'di yin te gang zhig nye ba'i snying po dang bcas ba'i rang gi lha'i snying po bzlas pa zhes bya'o/ /'di ltar bshad par 'gyur te/ a nu ra ga ya mi hUM zhes bya ba nas ji srid du/ a nu ra ga ya mi badzra g+hand+he ho zhes bya ba'i bar gyis rang gi lha'i gsang ba'i dam tshig gi phyag rgya bcings la nye ba'i snying po dang bcas pas rang gi lha'i snying po bzla bar bya'o/ /dam tshig rdo rje'i 'bebs pa la zhes bya ba la sogs pa la/ rdo rje dril bu ma'i dam tshig gi phyag rgya ni dam tshig rdo rje 'bebs pa ste de bcings nas mdzub mo gnyis kyi rtse mo rang gi mthe bong gi steng du yang dag par sbyar zhing bzung bar bya ba 'di ni rdo rje khu tshur gyi phyag rgya ste/ rdo rje khu tshur gnyis bskyed pa'i rgyur gyur pa yin no/ /de nas kyi sgra ni de ma thag pa'o/ /ji lta ba bzhin du bshad pa'i mtshan nyid can kyi rdo rje khu tshur gyi phyag rgya bcings la/ de ma thag pa nyid du gnyis su byas ste/ phyag mtshan med pa'i rdo rje khu tshur gnyis kyis dpal rdo rje sems dpa' la sogs pa nas/ rdo rje dril bu'i mthar thug pa'i bar gyi dam tshig gi phyag rgya dang las kyi phyag rgya rnams bcing bar bya'o zhes bya ba'i tha tshig go/ de dag ji ltar bcing bar bya zhe na/ 'di lta ste zhes bya ba la sogs pa la/ g.yon pa'i rdo rje khu tshur gyis snyems par byas nas g.yas pa'i rdo rje khu tshur bskor ba byas la rang gi snying ga'i phyogs su bstod pa'i tshul du bzung bar bya ste/ 'di ni rdo rje mtshon cha ma la zhes bya ba
- 118a
'dod chags rdo rje ma'i'o/ /rdo rje khu tshur gnyis ni rdo rje gnyis te nges bstod pa'i tshul ni gyen du bstod pa'o/ /de bstod par byed pa'i phyag rgya ni rdo rje gnyis bstod pa'i tshul can te/ rdo rje kI li kI la zhes bya ba rdo rje kI li kI la'i las kyi phyag rgya'o/ /'di ltar bshad par 'gyur te/ rang gi snying gar rdo rje khu tshur gnyis kyis rdo rje sems dpa' la 'khyud pa'i tshul gyis 'khyud de/ bstod pa la sogs pa rdo rje khu tshur gnyis bzung bar bya'o/ /zhes bya ba'o/ /rdo rje khu tshur gnyis kyi rgyal mtshan bsgreng ba'i tshul du bya ste/ rdo rje dran ma'i'o/ /rdo rje khu tshur gnyis kyis bsnyems pa gnyis bya ste/ rdo rje 'dod pa'i dbang phyug ma'i'o/ /mtshams rnams su rdo rje gar bshad pa'o/ /zhes bya ba la/ nang gi dkyil 'khor gyi mtshams bzhi po la rab tu dga' ma la sogs pa'i rdo rje gar las byung ba'i dam tshig gi phyag rgya nyid ni las kyi phyag rgya zhes bya ba'i don to/ /sgeg mo la sogs pa yang de bzhin no/ /zhes bya ba la/ sgeg mo dang/ bzhad ma dang/ glu len ma dang/ gar ma rnams kyi gar las byung ba'i dam tshig gi phyag rgya nyid las kyi phyag rgya rnams yin no/ /rdo rje sgo ma rnams kyi zhes bya ba la sogs pa rdo rje khu tshur gnyis bcings te mkhrig ma gnyis mdud pa byas la/ g.yas pa'i mdzub mo bka' bsgo ba'i tshul gyis yang dag par bzung zhing bkug la lcags kyu'i rnam pas gzung bar bya ste/ 'di ni rdo rje lcags kyu ma'i'o/ /rdo rje khu tshur gnyis bcings la des mkhrig ma'i mdud pa byas te/ 'di ni rdo rje zhags pa ma'i'o/ /rdo rje khu tshur gnyis kyis mkhrig ma mdud pa byas la mnan par bya ste/ 'di ni rdo rje lcags sgrog ma'i'o/ /rdo rje lcags sgrog ma'i phyag rgya nyid rang gi snying gar dril bu phra bar dkrol ba'i tshul gyis bskyod par byas te/ 'di ni rdo rje dril bu ma'i las kyi phyag rgya'o/ /'di rnams kyi zhes bya ba
- 118b
la sogs pa ni go sla'o/ /ci bzhin 'grub ces bya ba la sogs pa la/ dpal rdo rje sems dpa' la sogs pa rdo rje dril bu ma'i mthar thug pa'i bar gyi dngos grub ni ji bzhin dngos grub ste/ rdo rje sems dpa' la sogs pa'i las kyi phyag rgya rnams grub pa gang yin pa de ni ci bzhin grub pa'o/ /byed par 'gyur bci bzhin du grub pa nges mchog ni rang bzhin gyis 'od gsal ba'i rnam par thar pa'i sgo'i rang bzhin gyis bya ba nan tan grub pa'i ye shes kyi mtshan ma ni snying gar gnas pa'i sna tshogs rdo rje dang bcas pa'i rdo rje sems dpa' i sku'i gsang ba rnams so/ /yul du gyur pa'i mchog gi phyag mtshan de rnams las rdo rje sems dpa' la sogs pa'i rang bzhin gyi dngos grub chen po myur du gsol ba'o/ /thog ma dang tha ma med pa'i phyag rgya ni dang po'i phyag rgya'o/ /dge ba ni bral? pa med pa'o/ /'di dag ces bya pa ni rdo rje sems dpa' la sogs pa'i las kyi phyag rgya 'di rnams la dkyil 'khor du ma zhugs pa rnams la yang grub par 'gyur ro/ /de ltar dkyil 'khor gyi phyag rgya bstan nas/ da ni las kyi tshogs sgrub par byed pa'i phyag rgya rnams bstan par bya ba'i phyir/ de nas dngos grub med pa bsgrub pa'i phyag rgya chen po bcing ba zhes bya ba gsungs te/ de nas kyi smra? ni skabs su bab pa'o/ /phyag rgya chen po rdzogs pa ni dngos grub ste/ de med pa ni dngos grub ma thob pa'o/ /dngos grub ma thob pa de sgrub pa ni dngos grub ma thob pa sgrub pa ste/ rjes su chags pa la sogs pa'o/ /de'i don du phyag rgya chen po'i las sgrub par byed pa'i phyag rgya rnams so/ /de rnams 'ching ba ni de dag 'ching pa'i mtshan nyid 'di yin no zhes bya ba ni tshig gi lhag ma'o/ /rjes su chags pa la sogs pa rnams ni ji ltar sgrub par bya zhe na/ dang po'i rdo rje zhes bya ba la sogs pa la/ dang po'i rdo rje bcings te de nyid kyi las phyag rgya bzhi'i tshogs kyi tshul gyi rjes su chags pa la sogs
- 119a
pa sogs pa'i tshul gyis sgrub par bya'o/ /rgod pa dang/ dgug pa dang/ bstan pa dang/ las bstan pas so zhes bya ba la rgod pa dang/ dgug pa dang/ brtan pa dang/ las ni rgod pa dang/ dgug pa dang bstan pa dang/ las rnams te de dag blta bas bsgrub par bya'o/ /'dis 'di ltar bshad par 'gyur te/ dang po'i rdo rje bcings te rgod pa'i gdong gis rdo rje'i blta bas rjes su chags pa bsgrub par bya'o/ /'bar ba'i blta bas bsgrub bya dgug par bya ste/ de ltar bsgrub pa dgug par bya'o/ /brtan pa'i lta ba dang/ 'ching pa'i bsam pa las lta zhing bzlas pa bya ste/ de ltar na bstan par 'ching bar 'gyur ro/ /rdo rje blta bas bsgrub bya dbang du byed pa rdzogs pa'i bsam pas blta zhing bzla bar bya ste/ de ltar ? dbang du bya ba'i las lta bas grub pa yin no/ /de ltar na dang po'i rdo rje lta bas las bzhi po sgrub pa yin no/ /rtags dang snying ga dang/ dbang bskur ba dang/ spyi bor bzhag par bya'o zhes bya ba la/ dang po'i rdo rje rang gi rtogs la gzung bar bya ste/ de ltar na bde ba thams cad mngon par 'phel bar 'gyur ro/ /rang gi snying gar bzung bar bya ste/ de ltar na yid bde ba thams cad mngon par 'phel bar 'gyur ro/ /dbang bskur ba'i gnas su bzung par bya ste/ de ltar na phun sum tshogs pa thams cad mngon par 'phel bar 'gyur ro/ /spyi bor bzung bar bya ste/ de ltar na dngos grub thams cad mngon par 'phel bar 'gyur ro/ /dbus ma'i rdo rje snying ga dang rtags dang/ khang? dang/ dbang bskur du bzhag nas btung bar bya'o/ /zhes bya ba la/ dang po'i rdo rje bcings te/ dbus ma'i rdo rje rang gi snying gar bzhag la phyi nas rang gi kha la bzung zhing btung bar bya ste/ de ltar na tshe chen po mngon par 'phel bar 'gyur ro/ /rang rtags la bzhag nas khar bzung zhing btung par bya ste/
- 119b
de ltar na na tshong mngon par 'phel bar 'gyur ro/ /rang gi bar bzung zhing btung bar bya ste/ de ltar na gzugs mngon par 'phel lo/ /dbang bskur pa'i gnas su bzhag te/ rjes la khar bzung zhing btung bar bya ste/ des ni gzi brjid 'phel bar 'gyur pa yin no// mdzub mo dang dbus ma dang/ srin lag dang/ mthe chung gi rdo rje zhes bya ba la/ ngang? po'i rdo rje'i mdzub mo gnyis kyis yang dag par sbyar ba'i rtse mo bya ste/ de ltar na dpal chen po ngon par 'phel bar 'gyur ro/ /dang po'i rdo rje dbus ma'i rtse mor phyir bzung bar bya ste/ de ltar bde ba chen po mngon par 'phel bar 'gyur ro/ /dang po'i rdo rje srin lag gnyis kyis rtse mor bya ste/ 'dis sgra snyan chen po mngon par 'phel bar 'gyur ro/ /dang po'i mthe'u chung gnyis rtse mo bslang la bzung bar bya ste/ de ltar na grags pa chen po mngon par 'phel bar 'gyur ro/ /dpung pa dang/ snying ga dang/ lce dang/ spyi bor gtod pa'o zhes bya ba la/ dang po'i rdo rje rang gi dpung par gtong pa'i tshul bya ste/ 'dis stobs chen po'i dngos grub thob par 'gyur ro/ /dang po'i rdo rje rang gi snying gar gtod pas ye shes chen po 'grub pa'o/ /rang gi lce gtong pas chos grub pa'o/ /dang po'i rdo rje spyi bor gtong pa las grub par 'gyur ro/ /nam mkha' bskyed pa dang/ mdzub mo dang srin lag 'bar ba dang/ snying gar dga' ba dang/ rang gi lus la bskor ba zhes bya ba la/ dang po'i rdo rje bcings la/ /de yis nam mkha' rdo rje sems dpa' la sogs pa'i dngos po thams cad bskyed nas blta ba'i tshul bya ste/ de ltar na dngos grub thams cad mthong bar 'gyur ro/ /dang po'i mdzub mo gnyis dang srin lag gnyis kyis 'bar ba'i tshul bya ste/ de ltar na cho 'phrul thams cad mthong ba yin no/ /dang po'i rdo rje bcings la rang gi snying gar dga' ba bskyed pa'i tshul gyis bzung bar bya ste/ de ltar na rmad du byung ba thams cad
- 120a
mthong ba yin no/ dang po'i rdo rje bcings la rang gi lus la bskor bar bya ste/ de ltar na rnam par 'phrul pa thams cad mthong bar 'gyur ba yin no/ /thams cad du bskor nas dbang po kun la bzhag par bya'o zhes bya ba ni dang po'i rdo rje bcings la thams cad du bskor nas/ mig la gzung bar bya ste/ de ltar na bden pa thams cad mthong par 'gyur ro/ /dang po'i rdo rje thams cad du bskor nas rna ba gnyis la bzung bar bya ste/ de ltar na bden pa thams cad mthong ba yin no/ /dang po'i rdo rje bcings la thams cad du bskor nas lce la bzung bar bya ste/ de ltar na thams cad smra ba'o/ /dang po'i rdo rje bcings la lus thams cad bzung bar bya ste/ de ltar na lus kun gyis 'khyud pa 'grub par 'gyur ro/ /dbus ma'i rdo rje dbang po thams cad la reg pa'o zhes bya ba la dang po'i rdo rje'i dbus ma'i rdo rjes mig gnyis la reg pas bden pa thams cad mthong ba'o/ /rna ba gnyis la reg pas thams cad thos pa'o/ /rang gi lce la rig pas thams cad smra ba'o//lus la reg pas na tshod gzhon pa thob par 'gyur ro/ /rang gi las byed pas so zhes bya ba la/ dang po'i rdo rje'i dbus ma'i rdo rje'i dbus ma'i rdo rje sgyu ma lta bu'i tshul bya ste/ de ltar na sgyu ma lta ba thams cad mthong bar 'gyur ro/ /de nyid kyis ngo mtshar ba mthong ba'i tshul bya ste/ de ltar na ngo mtshar ba thams cad mthong ba'o/ /de nyid kyi so sor bstan pa mthong ba'i tshul bya ste/ de ltar so sor bstan pa thams cad mthong ba yin no/ /dbang bskur bar bzhag nas de bzhin du dngos grub byed pa'i zhes bya ba la/ dang po'i rdo rje dbus ma'i rdo rje mdzod spu'i phyogs su gter ston pa'i tshul gyis bzung bar bya ste/ de ltar na gter thams cad thon par 'gyur ro/ /gter la sogs pa dgug pa'i tshul gyis bzung bar bya ste/ de ltar na nor bu thams cad 'phrog pa'o/ /rgyal srid 'thob pa'i
- 120b
tshul gyis bzung bar bya ste/ de ltar na rgyal srid 'thob pa'o/ /skye bo'i tshogs thams cad rang las rag lus pa'i bsam pas bzung bar byas nas sa gzhi thams cad nye bar longs spyad par 'gyur ro/ /sa la bzhag nas bya'o zhes bya ba la/ dang po'i rdo rje dbus ma'i rdo rje la bzhag nas/ de yul thams cad sprul pa'i tshul bya ste/ de ltar na yul thams cad sprul pa la nye bar longs spyod par 'gyur ro/ /skye bo sprul pa'i tshul bya ste/ de ltar na 'dod pa'i skye po sprul par 'gyur ro/ /grong khyer sprul pa'i tshul bya ste/ 'di ltar na grong khyer sprul pa'o/ /nags tshal dang chu po sprul pa'i tshul bya ste/ de ltar nags tshal dang chu bo sprul par 'gyur ro/ /thams cad du bskor nas yid kyis sprul par bya'o zhes bya ba la/ dang po'i rdo rje dbus ma'i rdo rje thams cad bskor bar bya ste/ de ltar na mchog tu gyur ba'i yul sprul par bya'o/ /rin po che sprul pa'i bsam pas thams cad du bskor bar bya ste/ de ltar na lha'i rin po che sprul par 'gyur ro/ /mchog tu gyur pa'i grogs po dang/ 'khor sprul pa'i bsam pas thams cad du bskor bar bya ste/ de ltar na de dag sprul par 'gyur ro/ /lha'i yul la sogs pa'i ji ltar sprul pa la yongs su longs spyod pa'i bsam pas thams cad du bskor bar bya ste/ de ltar na lha'i yul la sogs pa la yongs su longs spyod par ? btsum pa med pa'i khro zhing 'bar la g.yo ba'i lta bas blta'o zhes bya ba la dang po'i rdo rje'i dbus ma'i rdo rjes btsum pa med pa'i lta bas blta zhing ci 'dod pa'i smin pa'i 'bru? bskyed pa'i tshul bya ste/ de ltar na skad cig mas sa 'og thams cad ? smin pa'i 'bru la sogs pa skye bar 'gyur ro/ /khro'i lta bas blta zhing chu med pa'i phyogs su chu skye tshul bya ste/ de ltar na chu med pa'i phyogs su chu'i phung po chen po 'byung bar 'gyur ro/ /'bar ba'i lta bas blta zhing snang ba chen po bskyed pa'i tshul
- 121a
bya ste/ de ltar na mun par snang ba chen po yang dag par skye bar 'gyur ro/ /g.yo ba'i lta bas glu thams cad dbang du byed par 'gyur ro/ /bza' ba dang/ btud pa dad/ rked pa bskyod pa dang/ spyi bos bka' bsgo ba zhes bya ba la/ dang po'i rdo rje'i dbus ma'i rdo rjes dngos po thams cad za ba'i tshul bstan cing bza' bar bya ste/ de ltar na brtan pa dang g.yo ba'i dngos po thams cad za bar 'gyur ro/ /'thung ba'i tshul bstan cing bzla bar bya ste/ de ltar na thams cad 'thung pa'o/ /rol tu bcug tshul byas shing/ rked pa bskyod la bzla pa'i tshul bya ste/ de ltar na gnod sbyin ma las sogs pha rol tu 'jug pa'o/ /dbus ma'i rdo rje de nyid kyis spyi bos bka' bsgo ba'i tshul byas shing bzla bar bya ste/ de ltar na las la nges par sbyar bar 'gyur ro/ /thams cad du bskor zhing thams cad du dran pas so zhes bya ba la/ bcom ldan 'das rdo rje sems dpa' i las kyi phyag rgya bcings la/ g.yas pa'i rdo rje khu tshur gyis dang po'i rdo rje bzung ste de bzhin gshegS pa ? rjes su dran pas thaMs cad du bskor bar bya ste/ de ltar na de bzhin gshegs pa thams cad mthong bar 'gyur ro/ /byams pa la sogs pa'i byang chub sems dpa' thams cad rjes su dran pas byams pa la sogs pa mthong pa'o/ /rdo rje sems dpa' la sogs pa'i rdo rje 'chang thams cad rjes su dran pas rdo rje sems dpa' la sogs pa'i rdo rje 'chang thams cad mthong pa yin no/ /dang po'i rdo rje la sogs pa'i phyag mtshan thams cad rjes su dran pas dang po'i rdo rje la sogs pa mthong bar 'gyur ro/ /mthe'u chung dang mthe bong dang/ dbus ma'i rdo rje bzhi snying gar bya'o zhes bya ba la dang po'i rdo rje bcings la/ mdza' u chung gnyis kyi rtse mo dang/ mthe bong gnyis kyi rtse mo dbus ma'i rtse mo dang yang dag par sbyar bar byas la snying gar bzung zhing
- 121b
bdag nyid kyi lus la dpal rdo rje sems dpa' la sogs pa'i sprul pa mi mthong ba'i bsams pas bzla bar bya ste/ de ltar na rdo rje sems dpa' la sogs pa sprul pa 'grub par 'gyur ro/ /mi snang ba'i bsam pas bzla bar bya ste/ mi snang bar 'gyur ro/ /nam mkhar 'gro ba'i bsam pas bsgom na nam mkhar 'gro bar 'gyur ro/ /shin tu phra ba dang rags ba du ma la zhugs pa dang/ mthong pa bsgoms pas der zhugs pa dang/ mthong par 'gyur ro/ /mdzub mo gnyis kyi yi ge hUM dang bcas par dgug par bya'o zhes bya ba la dad po'i rdo rje bcings nas mdzub mo gnyis kyi sor mo bsgrengs nas 'og tu btung bar byas pa'i bsam pas/ a nu ra ga ya mi hUM hUM zhes bya ba brjod cing sdigs mdzub byas te/ de ltar na 'jig rten gsum gyi bdag po thams cad 'jug par 'gyur ro/ /dbang du bya ba'i tshul gyis sdigs mdzub byas na dbang du byed pa yin no/ /bcing ba'i tshul gyis sdigs mdzub byas na bcing ba'o/ /las thams cad la nges par sbyor ba'i tshul gyis sdigs mdzub byas te/ de ltar na 'jig rten gyi bdag po thams cad las thams cad la nges par? sbyar bar 'gyur ba yin no/ /dbus ma'i rdo rje dpral bar 'phreng kyis mig byed pas so zhes bya ba la/ dang po'i rdo rje dbus ma'i rdo rjes lha thams cad gzhug pa'i bsgom pa dpral bar 'phreng du mig gi tshul du byas ste/ de ltar na thams cad 'jug pa'o/ lha thams cad 'ching pa'i bsam pas lha thams cad 'ching ba'o/ /lha thams cad dbang du byed par bsgoms pas dbang du byed pa'o/ /lha thams cad las thams cad la nges par bsgom pas lha thams cad las thams cad la nges par sbyor ba dang? 'gyur ba yin/ rang gi snying gar bcings la g.yo ba med cing ma btsum pa'i lta bas sa 'og tu blta zhing ha hUM ho d+hi zhes bya ba brjod par bya'o zhes bya ba la sogs pa dang po'i rdo rje rang gi snying gar bcings la g.yo ba med cing ma btsum pa'i blta bas
- 122a
sa 'og tu blta zhing/ a nu ra ga ya mi hUM ha zhes bya ba brjod par bya ste/ de ltar na klu thams cad gnon pa'o /bkug pa'i glu thams cad la blta zhing/ a nu ra ga ya mi hUM hUM zhes bzla bar bya ste/ de ltar klu thams cad 'dul pa'o// a nu ra ga ya mi hUM ho bya ba bzla bar byas na/ klu thams cad dbang du byed pa'o/ /las thams cad la nges par sbyar ba'i bsam pas de bzhin du blta zhing a nu ra ga ya mi hUM d+hi zhes bya ba bzla bar bya ste/ de ltar na klu thams cad nges par sbyor bar 'gyur ro/ /gnod sbyin la sogs pa'i gdong pa bris nas rdo rjes dgug par bya'o zhes bya ba la gnod sbyin pa la sogs pa'i gdod pa bris nas/ dang po'i rdo rje bcings te/ gnod sbyin la sogs pa'i gdong pa dang po'i rdo rje'i dbus ma'i rdo rje g.yo zhing btsum pa'i blta bas dgug pa'i tshul gyis blta zhing bzung bar bya ste/ de ltar na gnod sbyin thams cad la sogs pa dgug par 'gyur ro/ dbang du byed pa'i tshul gyis bzung bar bya ste/ de ltar na dbang du byed pa'o/ bcing ba'i tshul gyis bzung ba bya ste/ de ltar bcing bar? las thaMs cad ma nges par sbyor ba'i tshul gyis bzung bar bya ste/ de ltar na gnod sbyin thams cad la sogs pa las thams cad la nges par sbyor bar 'gyur ro/ /'og gi phyogs su bzhag nas brtags par 'gyur ro zhes bya ba la dang po'i rdo rje dbus ma'i rdo rje sa la bzhag nas/ a nu ra ga ya mi hUM zhes bya ba bzla bar bya ste/ de ltar na dkyil 'khor sprul par 'gyur ro/ /rang gi kha la bzhag nas bzla bar bya ste/ de ltar na dkyil 'khor du zhugs par 'gyur ro/ /dang po'i dbus ma'i rdo rje la phyog byas na dkyil 'khor mthong bar 'gyur ro/ /rang gi snying gar bzhag na dkyil 'khor grub par 'gyur ro/ /cig car du sor mo thams cad dral ba ni yid kyi las so zhes bya ba la/ dang po'i rdo rje bcings ste rdo rje bsdams pa dral ba'i
- 122b
tshul gyis myur du rang gi snying gar dral bar bya ste/ de ltar na phyag rgya thams cad dgug pa dang bcing ba dang/ brtan par bya ba dang/ phyag rgya thams cad 'grub par 'gyur ba yin no/ /de yang bsgom pa'i dbye bas so/ /bcings nas dza:hUM baM ho:zhes bya ba dang po'i rdo rje bcings nas/ yi ge dza yis sems can thams cad la sogs pa'i dam tshig dgug pa'o/ /yi ge hUM gis gzhug pa'o/ /yi ge baM gyis bcing ba'o/ /yi ge ho:yis dbang du byed pa'o/ /dbus ma'i phyi rol tu bcing ba spyi bo dang snying ga dang/ kha dang phyogs thams cad bskor ba'o zhes bya ba la dang po'i rdo rje'i dbus ma'i rdo rje'i phyir byas nas spyi bor bzung bar bya ste/ de ltar na las thams cad sgrub pa'o/ /rang gi snying gar bzung bar bya ste/ de ltar ni las thams cad 'jigs gar mi 'gyur ro/ /rang gi kha la bzung bar bya ste/ de ltar na thams cad brtan par 'gyur ro/ /phyogs thams cad la bskor bar bya ste/ de ltar na snyan pa chen po rab tu gsal bar 'gyur ba yin no/ /snying gar bzhag nas rang gi bdag nyid rdo rjer bsgom pa'o zhes bya ba la/ dang po'i rdo rje bcings nas rang gi snying gar bzhag la/ bdag nyid rdo rje rtse lnga pa'i gzugs su bsgom par bya ste/ de ltar na rdo rje thams cad dgug pa dang/ gzhug pa dang/ bcing ba dang/ dbang du byed pa'o/ /rang nyid byang chub sems dpa' bsgom par bya zhes bya ba la/ dang po'i rdo rje bcings nas rang gi snying gar bzhag la/ rdo rje sems dpa' dang/ yid las byung pa la sogs pa'i rang gi byang chub sems dpa' i gzugs su bdag nyid bsgom par bya ste/ de ltar na byang chub sems dpa' thams cad dgug pa dang/ gzhug pa dang/ bcing ba dang/ dbang du byed pa'o/ /rang dang de bzhin gshegs pa rjes su dran pa'o zhes bya ba la/ dang po'i rdo rje bcings nas rang gi snying gar bzung zhing rnam par snang mdzad la
- 123a
sogs pa'i de bzhin gshegs pa'i gzugs su bdag nyid bsgom par bya ba ste/ de ltar de bzhin gshegs pa thams cad dgug pa dang/ gzhug pa dang/ bcing ba dang/ dbang du byed pa'o/ /rang rdo rje 'chang chen por rjes dran par bya ba'o/ zhes bya ba la/ dang po rdo rje bcings nas rang gi snying gar bzung bar bya zhing/ bdag nyid rdo rje 'chang chen por bsgom par bya ste/ de ltar na rdo rje 'chang chen po dgug pa dang/ gzhug pa dang/ bcing ba dang/ dbang du phyed par 'gyur ba yin no/ /de ltar phyag rgya bzhi'i phreng ba'i sbyor ba las brgya sgrub par byed pa'i phyag rgya rnams kyi mtshan nyid bstan nas/ da ni gar las byung ba'i las gzhan brgya po sgrub par byed pa'i phyag rgya rnams kyi phyag rgya lnga'i phreng ba'i sbyor ba'i mtshan nyid bstan par bya ba'i phyir/ de nas las kyi tshogs thams cad sgrub par byed pa'i phyag rgya'i rgyud ces bya ba la sogs pa gsungs te/ de nas kyi sgra ni skabs su bab pa la'o/ /las kyang yin la thams cad kyang yin pas na las thams cad de/ thams cad shin tu bsrung ba la sogs pa'o/ /de rnams kyi tshogs ni rgyun no/ /de bsgrub pa ni rdzogs pas te/ de'i don phyag rgya rnams te/ de dag gi rgyud ni de ston par byed pa'i sgra'i tshogs so/ /rdo rje gar ni bshad zin to/ /de las byung ba'i phyag rgya ni de ma thag tu 'og nas 'chad par 'gyur ba'o/ /de yang thams cad shin tu bsrung ba la sogs pa rdzogs pas 'bras bu med pa ma yin pa nyid kyi phyir don yod pa'o/ /dgag par mi nus pa nyid kyi phyir thogs pa med pa'o/ /gang gis dgag par mi nus shes na/ bdag rdo rje 'chang chen po dang/ de bzhin gshegs pa thams cad kyis kyang ngo zhes bya ba'o/ /rdo rje mchog gi gtsug tor zhes bya la/ thams cad
- 123b
shin tu bsrung ba la sogs pa'i las lnga po sgrub par byed pa gang zhig sngar bshad pa'i rdo rje gar gyi rdo rje sems dpa' i gtsug tor zhes bya ba de nyid 'dir rdo rje sku mchog gi gtsug tor te/ las lnga sgrub par byed pa 'dir bzung bar bya'o/ /'di yang mtshan nyid 'og nas 'chad par 'gyur ba yin no/ /las zhes ba ba ni rdo rje sku mchog gtsug tor de nyid kyi las ni 'di yin no/ /zhes bya ba tshig gi lhag ma'o/ /de ji lta bu yin zhe na/ rdo rje bsdams pa mnan pa dang/ dbus ma'i nor bu dang/ bskor ba dang/ sor mo thams cad kyi rdo rje dang/ sor mo lhag ma'i 'od zer gyi 'khor lo zhes bya ba la 'di ltar bshad par 'gyur te/ rdo rje thal mo'i mdzub mo gnyis yang dag par sbyar zhing rtse mo byas pa mthe bong g.yon pa'i steng du mthe bong g.yas pa sems dpa' i dkyil mo krung gi tshul gyis bzung bar bya ste/ rdo rje sku mchog go/ 'di gtsug tor du bzhag nas mnan par bya ste/ de ltar na thams cad shin tu bsrung bar 'gyur ro/ /phyag rgya 'di nyid kyi dbus ma'i ser mo gnyis kyi steng du bkug pa'i nor bu bya ste/ de ltar na thams cad yongs su sbyong ba yin no/ /gtsug tor gyi phyag rgya de nyid thams cad du bskor bar bya ste/ de ltar na zhi ba grub par 'gyur ro/ /gtsug tor gyi phyag rgya nyid kyi mthe bong gnyis kyi rtse mo dang/ mdzub mo gnyis kyi rtse mo dang/ dbus ma gnyis kyi rtse mo dang/ srin lag gnyis kyi rtse mo dang/ mthe'u chung gnyis kyi rtse mo byas te/ de ltar na sor mo thams cad kyi rdo rjer 'gyur te/ 'dis dge zhing bkra shis par 'gyur ro/ /gtsug tor gyi phyag rgya de nyid bcings la srin lag dang mthe'u chung dgag gis kha phye ba'i rdo rje thal mo bcings pas 'od kyi 'khor lo bya ste/ 'dis tshe 'phel bar 'gyur ro/ /khro bo'i rdo rje khu tshur gnyis kyis phyogs kyi 'khor lo bskor zhing bskor ba'o zhes bya ba la/
- 124a
dkyil 'khor bcing ba'i tshul gyis khro bo'i khu tshur gnyis bskor zhing bskor ba bya ste/ de ltar na dkyil 'khor bcings par 'gyur ro/ /khar bskor zhes bya ba ni khro'i khu tshur gnyis po de nyid mtshams bcing pa'i tshul gyis rang gi khar bskor bar bya ste/ de ltar na mtshams bcings par 'gyur ro/ /snying gar phab cing 'bar bar byed pa zhes bya ba ni khro bo'i khu tshur gnyis bcings te/ rang gi snying gar bzhag nas des dbab par byas la/ rang gi snying ga las rdo rje 'bar ba spros te phyogs bcing bar bya ste/ de ltar na phyogs thams cad du rdo rje'i me 'bar ba'i rab 'byung bar 'gyur te/ khro bo chen po 'bar ba'i rdo rje bdag nyid kyis kyang 'jug par mi nus so zhes bya ba bcom ldan 'das rdo rje 'chang gis gsungs so/ /dam tshig brjod par bya'o zhes bya ba ni/ khro bo'i khu tshur gnyis po de nyid bcings te/ a nu ra ga ya mi hUM baM zhes bya ba brjod cing rdo rje seMs dpa' la sogs pa rnams dam tshig la rab tu bzhag par bya'o/ /grub pa la baM zhes bya ba ni ? de'i khu tshur gnyis po de nyid bcings la/ a nu ra ga ya mi hUM baM zhes bya ba bzla bar bya ste/ de ltar na rdo rje sems dpa' la sogs pa'i dngos grub thob par 'gyur ro/ /sems dpa' rdo rje lta ba'i 'phrog pa rnams kyis gsum dang bzhi dang phyir ldogs? dang/ rtag tu 'byung ba dang/ dpag tu med pa ni bskor zhing btsum pa med pa'i mig gis rab tu zhi ba'o/ /zhes bya ba la/ rdo rje bsdams pa'i dbus ma bslang ba mnyam pa'i lcags kyu ni sems dpa' i rdo rje ma ste/ 'dis rim gyis bzang ba ? pa'i blta ba de dag gis byab par bya ste/ de ltar na nyin zhag gsum pa dang bzhi pa dang/ slar yang phyir mi ldog pa dang/ rtag tu 'byung ba'i rim pas 'jig par 'gyur ro/ /khyab 'jug gi rim ni dpag tu med pa bskor bas ldog par 'gyur ro/ /rdo rje
- 124b
khu tshur gnyis kyis mthe'u chung gi lcags kyu'i mdud pa dang/ mdzub mo gnyis mnyam pa zhes bya ba la/ rdo rje khu tshur gnyis bcings nas lcags kyu'i rnam pa can gyi mthe'u chung gnyis phan tshun bcings pas gang du bur byas la mdzum mo gnyis yang dag par sbyar nas de ltar na las zhes bya ba ni las kyi phyag rgya'o/ /ji ltar zhe na/ snying gar rab tu bzhag pa zhes bya ba ni rang dang gzhan gyi snying ga'i phyogs su bzung pas yid mi bde pa'i las thams cad 'jig par byed pa yin no/ /byab pa zhes bya ba ni phyag rgya 'di nyid kyis bsgrub byab la byab pa ste/ de ltar na thams cad 'jig par 'gyur ro/ /mdzub mo'i rtse mo mnan par bya'o zhes bya ba la/ phyag rgya 'di nyid kyi mdzub mo gnyis kyi rtse mos nang pa la mnan par bya ste/ de ltar na nang 'jig par 'gyur ro/ /rgod pas rab tu bzhag pa zhes bya ba ni phyag rgya de nyid rgod pa'i tshul gyis kha la bzung bar bya ste/ de ltar na mya ngan thams cad 'jig pa'o/ /yongs su bskor bas de bzhin du mdzod sbur bzhag par bya'o zhes bya ba ni phyag rgya de nyid bcings te/ yongs su bskor la mdzod sbur bzung bar bya ste/ de ltar na sdug bsngal thams cad 'jig par 'gyur ro/ /kha TwOM ga gnyis kyis rdo rje bcings pa zhes bya ba la/ lag pa gnyis kyis kha TwAM ga gnyis bcing ba ni kha TwAM ga gnyis kyis rdo rje bcing ba zhes pa ste/ nges dga' ba'i tshul du mthe'u chung gnyis legs par byed pa sbyin pa'i tshul bya ste/ de ltar na dug dang sbyar dug thams cad 'bar bar 'gyur ro/ /mthe'u chung gnyis po de nyid kyis kun nas bsdu ba'i tshul bya ste/ de ltar na dug dang sbyar pa'i dug thams cad 'bengs par 'gyur ro/ /de ltar na dug dang sbyar ba'i dug thams cad 'ching ba'o/ /kha TwAM ga gnyis kyis thal mo byas te dug dang sbyar ba'i dug thams cad 'phrog pa'i tshul du bya ste/ de ltar na dug thams cad za ba'o/ /kha TwAM ga gnyis kyis thal mo sbya ste/
- 125a
spro ba'i tshul du bya ste/ de ltar na dug thams cad bdud rtsir byed par 'gyur ro/ /rdo rje bsdams pa'i mdzub mo gnyis bcug cing bsdams la nang du bzhag ste mthe bong gnyis kha 'byed pa'i mchi ba ni rdo rje gnod sbyin gyi phyag rgya'o/ /zhes bya ba la/ rdo rje bsdams pa bcings nas mdzub mo gnyis bkug cing nang du btsug ste mthe bong gnyis kha phye bar byas la/ mche ba'i tshul gyis rang gi khang bzung bar bya ste/ 'di rdo rje gnod sbyin gyi phyag rgya'o/ /des mthil phra mor brdab pa zhes bya pa la rdo rje gnod sbyin gyi phyag rgya des lag pa'i mthil gnyis su cung zad gdab par bya ste/ de ltar na gdon thams cad 'bebs par 'gyur ro/ /mdzub mo'i sen mo btud pa'i zhes bya ba la rdo rje gnod sbyin gyi phyag rgya'i mdzub mo gnyis kyi sen mo phan tshun du brdar bar bya ste/ de ltar na gdon thams cad 'ching ba'o/ /dbus ma'i rdo rje bstan pa'o zhes bya ba la/ rdo rje gnod sbyin gyi phyag rgya'i dbus ma gnyis kyi rtse mo byas la bstan par bya ste/ de ltar gdon thams cad kyi dam tshig gzung ba'o/ /bya bas nas myur du phyag rgya dkrol ba'o/ /zhes bya ba la rdo rje gnod sbyin gyi phyag rgyas gdon gyis bzung ba la byabs la phyag rgya de shin tu myur bar dgrol bar bya ste/ de ltar na gdon thams cad rab tu zhi bar 'gyur ro/ /sor mo sbyar bas rdo rje gtsug tor to zhes bya ba la/ rdo rje gnod sbyin gyi phyag rgya'i mdzub mo dang mthe bo'i rtse mo rnams yang dag par spyar bar byas la phyag rgya de sgrub bya'i gtsug tor gyi phyogs su bzung bar bya ste/ de ltar na gdon thams cad kyis bzung ba rnams bsrung bar 'gyur ro/ /ba dan gsum pa gnyis gyen du kha blta ba dang/ 'og tu kha blta ba dang dbus ma'i mdud pa byas la mdzub mo dang dbus ma'i rtse mo de dag 'dud pa'o zhes bya ba la ba dan gsum pa gnyis gyen du kha blta bar byas nas de'i?
- 125b
'og tu de nyid kyi kha thur du bstan la mdzub mo gnyis dang dbus ma gnyis kyis mdud pa bcings la mdzub mo'i rtse mo dag dang dbus ma'i rtse mo 'dus par bya'o/ /rdo rje hUM mdzad kyi las so zhes bya ba la/ a nu ra ga ya hUM hUM zhes bya ba dang bcas pa'i rdo rje hUM mdzad kyi phyag rgya 'di'i las ni 'di yin te/ mdud pa mnan pa'o zhes bya ba la/ phyag rgya 'di bcing ba mnan par bya ste/ de ltar na thams cad bcing ba'o/ /cig car du phyag rgya dkrol ba'o zhes bya ba la phyag rgya de nyid cig car du dgrol bar bya ste/ de ltar na bcings pa thams cad dgrol ba yin no/ /mnan nas yang dag par dral ba'o zhes bya ba la phyag rgya de nyid yang dag par mnan nas dral bar bya ste/ de ltar na thams cad dral pa yin no/ /dbus mas bsnun te nam mkha' las ltung ba'i tshul lo/ / zhes bya ba phyag rgya de nyid bcings nas dbus ma gnyis kyi rtse mo sbyar la rtse mo des nam mkha' la brdeg par bya ste/ de'i rjes la nam mkha' las lha la sogs pa ltung ba'i tshul bstan par bya ste/ de ltar na thams cad ltung pa'o/ /ldang ba'i tshul yang ngo zhes bya ba la phyag rgya de nyid dbus ma gnyis snga ma bzhin du bcings nas thams cad ltung ba bslang ba'i tshul bya ste/ de ltar na ltung ba thams cad bslang bar 'gyur ro/ /ba dan gsum pa mnyam pa'i mthe'u chung dang mdzub mo'i rdo rje dbus ma mdud pas yongs su bskor la dbang bskur ba'i gnas su mdzub mo bzhag pa'o zhes bya ba la/ ba ngan gsum pa gnyis bcings nas dbus ma'i sor mo gnyis phan tshun du mdud pa bcings pas bcings te/ mdzub mo gnyis dang mthe'u chung gnyis kyi rtse mo gnyis sbyar te yongs su bskor bas mdzub mo gnyis kyi rtse mo mdzod spu'i phyogs su yongs su bzung bar bya'o/ /des cir 'gyur zhe na/ yi ge hUM gis phye ba'o/ /zhes bya ba la phyag rgya 'dis/ a nu ra ga ya mi hUM haM zhes bya
- 126a
kha bzlas nam mkha' 'gro thams cad kyi phyag rgya dbye ba byas pa yin no/ /phyag rgya de nyid bcings nas a nu ra ga ya mi hUM mu(rgyud 'grel): zhes bya ba bzla bar bya ste/ de ltar na mkha' 'gro ma thams cad la sogs pa'i gdon thams cad yi ge mus dkrol bar 'gyur ro/ /phyag rgya de nyid bcings nas/ a? nu ra ga ya mi hUM a zhes bya ba bzla par bya ste/ de ltar na yi ge a yis shi ba slong pa yin no/ /phyag rgya de nyid bcings nas/ a nu ra ga ya mi hUM hUM zhes bya ba bzla bar bya ste/ de ltar na yi ge hUM gi glu bzlas pa tshe 'phel bar 'gyur ro/ /phyag rgya de nyid bcings nas chos kyi dag gis/ a nu ra ga ya mi hUM haM zhes bya ba bzla bar bya ste/ de ltar na yi ge haM gi chos kyi dag rnams kyis shin tu bsrung par 'gyur ro/ /pad+ma chen po bcings nas ji srid 'dod pa'i bzlas pas zhes bya ba la 'og nas 'chad par 'gyur pa'i rig pa rnams kyis bzlas pas sgrib pa thams cad la sogs pa 'jig par 'gyur ro/ /de la kha 'bus pa'i rdo rje thal mo'i dbus ma dang mthe bong dang mthe'u chung kha phye pas 'dab ma bzhi te pad+ma chen po'i mchan nyid do/ /yang na pad+ma'i khu tshur g.yon pa bsnyems pas mar dang til mar dad 'bras khams kyi phye ma'i sbyin sreg mchog tu grub pas te/ sgrub pa thams cad la sogs pa'i ? pa'i sbyin sreg gi cho ga bya pa yin no/ /de yang sngar bshad zin pas 'dir bshad par mi bya'o/ /kha TwAM ga gnyis kyis rdo rje bsdams pa zhes bya ba ni kha TwAM ga gnyis kyi rang bzhin can gyi rdo rje bsdams pa'i phyag rgya bcings nas dga' ba'i tshul te legs par byed pa sbyin pa'i tshul gyis mdzub mo dang mthe bong dag gis sen mo phan tshun drud par bya ste/ de? TwAM ga gnyis kyi rang bzhin can gyi rdo rje bsdams pa bcings nas dga' ba'i tshul gyis mdzub mo dang mthe bong dag gi sems ?
- 126b
nges? sems cad 'bebs par 'gyur ro/ /'og dang steng du rdo rje bsdams pa bskyod pa'i zhes bya ba la kha TwAM ga gnyis kyi rang bzhin can gyi rdo rje bsdams pa 'og dang/ steng du bskyod pas thams cad g.yo bar 'gyur ro/ /rdo rje bsdams pa'i mthe'u chung la sogs pa dkrol bas gar so? zhes bya ba la/ kha TwAM ga gnyis kyis rang bzhin can gyi rdo rje bsdams pa bcings te/ mthe'u chung la sogs pa dkrol ba'i gar bya ste/ de ltar na gang byed par 'gyur ro/ /rdo rje bsdams pa'i mdzub mo'i rdo rjes dag 'byin pa'o zhes bya ba la/ kha TwAM ga gnyis kyi rang bzhin can gyis rdo rje bsdams pa bcings nas/ mdzub mo gnyis kyi rtse mo yang dag par sbyar nas dag 'byin pa'i tshul gyis kha'i phyogs las gyen du drang bar bya ste/ de ltar na thams cad babs pas sems can/ thams cad smra par 'gyur ro/ /bde ba chen po'i rdo rje ngo tshar yod ces bya ba la sogs pa la/ /gsang ba'i lcags kyu ma bcings yas? dngos po thams cad gzugs brnyan gyis tshul du bsgoms pas rdo rje sems dpa' la sogs pa'i dngos po/ thams cad rang nyid kyis mthong ba dang gzhan dag la ston par byed pa yin no/ /sgra thams cad sgra brnyan gyi tshul du rang nyid kyis mnyan pa dang/ gzhan dag kyang nyan du gzhug pa yin no/ /rdo rje khro bo'i khu tshur gnyis bcings la rdo rje lta ba'i lta bas so zhes bya ba la lta ba dang bcas pa'i khro bo'i khu tshur gnyis kyis thams cad la rgyas btab pa la sogs pa bya ste / ji ltar bya zhe na/ 'di lta ste zhes bya ba la sogs pa la/ 'dis ni 'di skad bshad par 'gyur te/ khro bo'i khu tshur gnyis bcings nas btsum pa'i lta bas bsgrub bya la blta bar bya ste/ de ltar na thams cad la rgyas btab par 'gyur ro/ /mig 'bras steng du yongs su bskor bar bya ste/ /de ltar na thams cad gsod pa'o/ /btsum ba myur du ltung bar byas te/
- 127a
de ltar na thams cad ltung ba'o/ /'og nas bslad par bya ste/ de ltar na thams cad slong ba'o/ /khro bo'i khu tshur gnyis po de nyid dang ldan pas bsgrub par bya bas te/ de ltar na phyir bzlog par 'gyur ro/ /khro bo'i khu tshur gnyis zhes bya ba la sogs pa la bdag nyid rdo rje gnod sbyin du rnam par bsams la/ rdo rje khu tshur gnyis bcings la/ mdzub mo gnyis kyis lcags kyu gnyis byas la yongs su bskor nas kha'i mdza' gnyis su mche ba bzhin du bzung par bya ste/ mthe'u chung gnyis 'jig par byed pa'i kha'i so dag gis bzung bar bya ste de ltar na g.yo bar mi 'gyur ro zhes bya ba ni thams cad rengs pa'o zhes bya ba'i don to/ /phyag rgya de nyid bcings nas yan lag thams cad glod par bya ste/ de ltar na thams cad rmongs par 'gyur ro/ /de nyid bcings nas nyal zhing glang? pas te/ gnyid log pa ston pa'i tshul gyis mig gnyis btsum par bya zhing glal bar bya ste/ de ltar thams cad nyal du bcug pa'o/ /phyag rgya de nyid bcings nas rang gi snying gar dral bar bya ste/ de ltar na thams cad nyal bar 'gyur ro/ /de nyid bcings nas myur du za ba'i tshul du bya ste/ de ltar na thams cad za bar gyur pa yin no/ /rdo rje khu tshur gnyis bcings nas zhes bya ba ni go sla'o/ /kha phye ba gang yin pa des 'jigs par byed pa ni 'jigs su rung ba'i kha gang la yod pa de ni/ kha phye ba 'jigs par byed pa'i kha dang ldan pa'o/ /kha phye ba 'jigs par byed pa'i kha dang ldan pa yang de yin la/ skra gyen du brdzes pa de nyid yin pas na kha phye ba 'jigs par byed pa'i kha dang ldan pa'i skra gyen du rjes pa'o/ /spyi bo zhes bya ba ni rang gi spyi bos so/ /rang gi spyi bo 'og tu bstan pa la phyi nas steng du bslang bar bya ste/ de ltar na spyi bos 'og nas blang ba'i las su 'gyur ro/ /ji lta bu zhe na/ yi ge b+hyo dang/ rdo rje khu tshur dor ba dang/ khu tshur mnan pa dang/ yi ge hUM dang bcing ba'i yan
- 127b
lag gi mchog gi sdigs mdzub dang/ rang nyid myur du khro bas ltung ba'o zhes bya ba la/ 'dis ni 'di ltar bshad par 'gyur ba ste/ rdo rje khu tshur gnyis bcings nas kha phye ba'i 'jigs par byed pa'i kha dang ldan zhing skra gyen du rdzes pa'i rnal 'byor pas rang gi spyi po 'og tu bstan la gyen du bslang bar byas nas/ a nu ra ga ya ni hUM b+hyo zhes bya ba bzlas par bya ste/ de ltar na gzhan gyi dpung thams cad skrag par 'gyur ba yin no/ /rdo rje khu tshur bcings nas de bzhin du bzla zhing gzhan gyi dpung mngon du phyogs par dor bar bya ste/ de ltar na gzhan gyi dpung thams cad 'joms pa'o/ /de bzhin du bzla zhing rdo rje khu tshur gnyis mnan par bya ste/ de ltar na gzhan gyi dpung dbang du byed pa'o/ /de bzhin du rdo rje khu tshur gnyis bcings nas/ a nu ra ga ya mi hUM hUM zhes bya ba'i hUM mdzad kyis spyi bos bsgrub bya la sdigs mdzub byas te/ de ltar na gzhan gyi dpung thams cad ltung ba'o/ /de bzhin du rdo rje khu tshur gnyis bcings nas/ a nu ra ga ya mi hUM zhes bya ba bzla zhing khro bo chen po 'bab par gyur nas rang nyid la ltud par bya ste/ de ltar na gzhan gyi dpung thams cad gsod par 'gyur ba yin no/ /rdo rje gnod sbyin gyi phyag rgya ni rdo rje bsdams pa'i mdzub mo gnyis bkug la mnyam por bya ste/ nang du bzhag la mthe bong gnyis kha phye ba mche ba'i mtshan nyid can gang yin pa de nyid srin lag dang mthe'u chung mnyam par kha phye ba'i ba ngan gyi rgyal mtshan mchog gi dpung rgyan zhes bya ba'i phyag rgya'o/ /las zhes bya ba ni 'di las zhes bya ba yin no zhes bya ba'i don to/ /ji ltar zhe na/ phyag 'tshal ba dang/ rgod pa dang/ lce bskyod pa dang/ dpung pa gnyis bsnyems pas bstod pa dang/ rgyal mtshan bsgreng ba'o zhes bya ba la/ 'dis 'di ltar bshad par 'gyur te/ 'das ma thag tu bshad pa'i rgyal mtshan mchog gi dpung rgyan de bcings nas
- 128a
bsgrub bya de phyag 'tshal du gzhug pa'i bsam pas phyag bya ba yin te de ltar na khro ba thams cad 'phro ba'o/ /de bcings nas rgod par bya ste/ de ltar na gdong rab tu dang pa'o/ /de nyid bcings nas lce yis bskyod pas rtsod pa las rgyal/ pa'o/ /de nyid rang gi dpung pa la bcings te bsnyems pa'i tshul byas te/ de ltar na 'jigs pa thams cad las thar bar 'gyur ro/ /de nyid bcings nas lag pa gnyis rab tu brkyang la spyi bor bzung par bya ste/ de ltar na 'thab mo las rgyal bar 'gyur ro sems dpa' i skyil mo krung gi gnas pa zhes bya ba la/ bcom ldan 'das rdo rje sems dpa' i phyag rgya chen po bcings la/ rdo rje gsor ba'i byed par 'gyur bas las bya'o/ /ji lta bu zhe na/ nam mkha' dbus gtong ba dang kun tu g.yo zhing btsum pa'i lta bas char 'phebs pa'i tshul dang/ rdo rje khro bo nyi ma mo ltar 'bar ba'i bzlas pa dang/ lta ba 'phrog pa dang drang pas yan lag bskor zhing thams cad du 'bar par byed pa 'bebs pa zhes bya ba la/ 'di ltar bshad par 'gyur te/ rdo rje sems dpa' i phyag rgya chen po bcings te lag pa g.yas pas rdo rje gsor zhing nam mkha' la dbugs gtong zhing bzlas pa bya ste/ de ltar na sprin thams cad 'gegs par 'gyur ro/ /snga ma bzhin du rdo rje gsor zhing thams cad du g.yo zhing btsum pa'i lta bas char 'bebs pa'i tshul du bya ste/ de ltar na char 'bebs pa'o/ /de bzhin du rdo rje gsor zhing bdag nyid rdo rje nyi ma me ltar 'bar ba bsams la/ a nu ra ga ya mi hAM zhes bya ba bzlas par bya zhing khro ba'i lta bas 'phrog par bya ste/ de ltar na rlung dang thog dang glog dang sbrin 'jig par 'gyur ro/ /de bzhin du rdo rje gsor zhing grang bas yan lag bskor ba'i sbyor ba bya ste/ de ltar na dro ba thams cad 'jig pa'o/ /de bzhin du rdo rje nyi ma me ltar 'bar ba bsams la rdo rje gsor zhing
- 128b
rdo rje'i me 'bar ba rdzogs pa'i tshul bya ste/ de ltar na grang ba 'jig par 'gyur ro/ /rdo rje bsdams pa'i rdo rje dran ma'o zhes bya ba la/ rdo rje bsdams pa bcings nas mdzub mo g.yas pas g.yon pa'i dbus ma'i tshigs pa bzung ste/ g.yon pa'i mdzub mos g.yas pa'i dbus ma'i tshigs gsum pa yang bzung la mthe bong gnyis kyi rtse mo yang dag par sbyar bar bya ste/ 'di ni rdo rje 'dren ma zhes bya ba'i phyag rgya'o/ /'di bcings nas bzla bar bya ste/ de ltar na gzugs thams cad 'grub par 'gyur ro/ /rdo rje bsdams pa'i g.yon pa'i mdzub mo bkug pa'i shing bu g.yas pa'i mdzub mos btung ba ni rdo rje pi wang ngo zhes bya ba la 'di bcings nas bzla bar bya ste/ de ltar na rdo rje'i sgra grub par 'gyur ro/ /rdo rje bsdams pa'i mthil dag mnye pa'o/ /zhes bya ba la/ rdo rje bsdams pa bcings te lag pa'i mthil gnyis phan tshun mnye bar bya ste/ de ltar na rdo rje dri grub par 'gyur ro/ /kha 'bus mnyam pa'i dbus ma lce'o zhes bya ba la/ rdo rje bsdams pa bcings nas kha 'bus pa mnyam pa'i dbus ma dang lcer sbyar bar bya ste de ltar na dngos grub thams cad grub par 'gyur ro/ /rab tu dga' ba'i rdo rje'i phyag rgya yang ngo zhes bya ba la mda' lnga bsdus pa'i phyag rgya ni rab tu dga' ba'i rdo rje'i phyag rgya ste/ de bcings na reg bya'i dngos grub shin tu thob par 'gyur ro/ /bde ba chen po rdo rje'i mchod pa ni ji lta ba bzhin du bshad pa'i mtshan nyid can gyi rdo rje gar ma ste/ de'i las ni 'di yin te/ de yang gang yin zhe na/ dang po'i glu'i bzlas pa ji srid mngon par 'dod pa'o zhes bya ba la/ gar gyi tshul gyis yi ge hUM gi glu'i bzlas pa bya ste/ de ltar na rgyu ba dang mi rgyu ba thams cad rjes su chags pa'o/ /g.yo ba med cing rgod pa dang dgug pa dang/ rab tu dga' ba'i rdo rje'i lta ba'i lcags kyu mas so/ /zhes bya ba la skye bo thams cad kyi lkog tu gyur pa'i rgod pa ni g.yo ba med pa'i rgod pa ste/ de dang
- 129a
bcas pa'i rgod pa ni bkug pa'o/ /rdo rje lta ba'i 'od zer gyi lcags kyu ma ni rab tu dga' ba'i rdo rje lcags kyu mas te des bsgrub dgug cing gar gyi tshul gyi yi ge hUM? bzla bar bya ste/ de ltar na dngos po thams cad dgug par byed pa'o/ /rang gi ma mchu so dag gis yong su bzung bar bya'o zhes bya ba la de bzhin du gar gyi tshul gyis yi ge hUM gi glu'i bzlas ba bya zhing/ bsgrub bya la'i? byed pa'i tshul gyis/ rang gi ma mchu nang du bcug nas so rnams kyis yongs su bzung bar bya ste/ de ltar na thams cad dbang du byed pa'o/ /rang gi dbang po bskyod? pa'o zhes bya ba la de bzhin du gar gyi tshul yi ge hUM gi glu'i bzlas pa bya zhing gnod sbyin ma la sogs pa'i bsgrub bya dang yang dag par sbyor ba'i bsgom pas rang gi dbang po bskyed par bya ste/ de ltar na thams cad rol tu bcug pa'o/ /rab tu dga' ba rdo rje'i dag gis yid kyi 'dod pa'i bka' bsgo ba yang ngo zhes bya ba la/ dpal rdo rje sems dpa' i rnal 'byor byas nas gar bya zhing rdo rje sems dpa' la sogs pa'i dngos po thams cad? la yid? kyis 'dod pa'i bka' bsgo ba'i tshul gyis yi ge hUM gi blu'i bzlas pa bya ste de ltar na las thams cad la nges par sbyar bar 'gyur ro/ /bcom ldan 'das dpal rdo rje sems dpa' yang/ phyag rgya 'di rnams bsgrub pa po dag gis sbyor na des kyang mnga' ? bar mi mdzad na/ bstan? pa dang g.yo ba gzhan dag la smos kyang ci dgos zhes bya ba 'dis ni phyag rgya 'di rnams kyis khyad par can du grub pa yin no zhes bya bar bstan pa yin no/ /rdo rje thal mo zhes bya ba la sogs pa la rdo rje sku mchog gi mtshan nyid phan yon dang bcas pa ni go sla'o/ /spyi bor bzhag ste steng nas g.yas su phab par bya'o zhes bya ba ni/ rdo rje sku mchog spyi bor bzhag cing ste steng gi phyogs nas lha 'bebs pa'i tshul gyis g.yas phyogs su phab par bya ste/ de ltar na
- 129b
thams cad 'bebs par 'gyur ro/ /sa la bzhag nas khro gnyer gyis gyen du drang? bar bya'o zhes bya ba la/ rdo rje sku mchog bcings nas sa la bzhag ste/ klu thams cad dbang du byed pa'i bsam pas khro gnyer byas nas gyen du dwang? bar bya ste/ de ltar na klu thams cad dbang du byed par 'gyur ro/ /gnod sbyin gyi gzugs brnyan bris la de'i snying gar bzhag par bya'o zhes bya ba la rdo rje sku mchog bcings nas gnod sbyin gyi gzugs brnyan bris te de'i snying ga'i phyogs su bzung bar bya ste/ de ltar na gnod sbyin thams cad mdag gzhug byed par 'gyur ro/ /lha chen po'i gnas su rdo rje sku mchog bcings te/ khro zhing bzla bar bya ste/ de ltar na 'byung po thams cad mdag gzhug par 'gyur ro/ /rdo rje sku mchog bcings te/ ma mo rnams kyi gnas su bdag nyid/ dpal he ru kar rnam par bsams te/ yi ge b+hyo bzla bar bya ste/ de ltar na ma mo thams cad bsnyen bkur dang rol ba la sogs pa'i bka' bsgo ba thams cad byed par 'gyur ro/ /rdo rje gsor ba'i phyag rgyas lus ngan po'i gzugs brnyan rkang pa g.yon pas mnan te khyod ni rgod pa dang bcas pa'i gdod gis bzla bar bya ste/ de ltar na dpal 'gugs par 'gyur ro/ /de bzhin du khro zhing rgod pa dang bcas pa'i gdod dang ldan pas rdo rje gsor ba'i phyag rgyas gzhon nu ma'i gzugs brnyan gyi mdun du mig gnyis kyis 'phrog pa bya zhing bzla? bya ste/ de ltar ? lha'i bu mo thams cad 'phrog pa'o b+ha ga ni bud med kyi gzugs ras? sa ma rtsig pa la sogs pa la bris te/ de dang yang dag par sbyor bar bsgom zhing rdo rje gsor te khro zhing rgod pa dang bcas pa'i khas bzla bar bya ste/ de ltar na lha dang lha ma yin pa'i bu mo'i thams cad rol tu bcug pa yin no/ /lha chen po'i gzugs brnyan rkang pa g.yon pas mnan te gsor ba'i phyag rgya khro zhing rgod ba dang bcas pa'i khas/ a nu ra ga ya mi hUM hUM zhes bya ba bzla bar bya ste/ de ltar na khams gsum
- 130a
pa ma lus pa las rnam par rgyal bar 'gyur ro/ /'dod pa'i dbang phyug gi gzugs brnyan sngar bshad pa'i mtshan nyid can gyi mnga' 'phen pa'i phyag rgyas bsnun la 'og tu kha blta bar byas nas de'i rjes la rdo rje gsor ba'i phyag rgya dang rkang pa g.yon pas mnan te khro zhing rgod pa dang bcas pa'i khas bzla bar bya ste/ de ltar na dbang phyug chen po thams cad 'phrog par 'gyur ro/ /rdo rje gsang ba'i mchod pas bde ba chen po'i rdo rje don yod pa'i dam tshig ces bya ba ni bshad pa'o zhes bya ba ni dang po'i rdo rje'o/ /zhes bya ba'i don to/ /'di ltar bshad par 'gyur te/ dang po'i rdo rje bcings te 'dod chags rdo rje ma la sogs pa'i lha mo'i cho gas bskyed la/ de rnams kyis bcom ldan 'das yid kyis mchod par bya ste/ de ltar na mchod pa thams cad grub par 'gyur ro/ /thams cad rdo rjer byed pa zhes bya ba la sogs pa la rdo rje khu tshur gnyis bcings nas snying ga dang mgrin pa dang/ slar yang snying ga dang nu ma'i bar dang/ de nas snying ga dang/ slar yang mgrin pa dang dbang bskur ba'i gnas mdud pa'i tshul gyis go cha bgo? par byas la/ slar yang spyi bo dang dbang bskur ba'i sar mdud pa bcing ba'i tshul dang/ mgo yi logs g.yas pa dang g.yon pa ngag la mdud pa 'ching ba'i tshul du bya ste phyag rgya 'dis thams cad rdo rje nyid du byed par 'gyur ro/ /g.yon du rdo rje'i mnga' 'phang ba'o zhes bya ba la rdo rje khu tshur gnyis bcings g.yon gyis mnga' 'phang ba'i tshul du bya ste/ de ltar na bdud la sogs pa'i 'jigs pa thams cad rab tu 'joms par 'gyur ro/ /rdo rje bsnyems ma zhes bya ba la bcom ldan 'das rdo rje sems dpa' las kyi phyag rgya ni rdo rje bsnyems ma ste/ des phyag rgya thams cad bcings par 'gyur ro/ /phyag rgya chen po yang ngo zhes bya ba la bcom ldan
- 130b
'das rdo rje sems dpa' i phyag rgya chen po gang yin pa des ma lus shing lus pa med pa'i mchog gi dngos grub kyi 'dod pa grub par 'gyur ro/ /dam tshig dang/ chos dang/ las dang phyag rgya chen po ni phyag rgya thams cad de/ de dag gi rgyud ni de dag ston par byed pa sma'i tshogs so/ /de nyid ni chog rgyas pa'o/ /dpa' mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las/ dpal rdo rje sems dpa' i dkyil 'khor chen po'i phyag rgya'i rgyud kyi cho ga rgyas pa rdzogs so// / de nas dpal rdo rje sems dpa' i dkyil 'khor chen po'i rgyud bstan nas/ /nga ni de bzhin gshegs pa'i dkyil 'khor chen po'i phyag rgya'i rgyud bstan par bya ba'i phyir/ de nas de bzhin gshegs pa thams cad kyi phyag rgya'i rgyud ces bya ba gsungs te/ de nas kyi sgra ni skabs su babs? pas? de bzhin gshegs pa thams cad kyi phyag rgya rnams ni dam tshig dang chos dang las dang phyag rgya chen po rnams te/ de dag gi rgyu ni 'di yin no zhes bya ba ni tshig gi lhag ma'o/ /de gang yin zhe na/ sems dpa' rdo rje zhes bya ba la sogs pa la/ rdo rje bsdams pa'i dbus ma gnyis kyi rtse mo yang dag par sbyar ba ni sems ma rdo rje mas te/ mi bskyod pa'i dam tshig gi phyag rgya'o/ /'dis dbang bskur ba'i dus su rang dang gzhan dag byin gyis brlab par bya'o/ /de yang badzra satwa zhes bya ba'i snying po 'dis bya'o/ /de bzhin gshegs pa thams cad kyi khu tshur zhes bya ba ni bcom ldan 'das rnam par snang mdzad kyi las kyi phyag rgya'o/ /'dis ni 'di ltar bshad par 'gyur te/ dbang bskur gzhan rnam par snang mdzad du bsams la/ badzra satwa a d+hi tiSh+Tha zhes bya bas sems ma rdo rje ma bcings te/ snying ga dang mdzod spu dang mgrin pa dang spyi bor byin gyis brlab cing sems ma rdo rje ma bcings nas ldang bar bya'o/ /de nas rdo rje khu tshur gnyis kyis/ oM ? khaM zhes bya ba bzla bar bya zhing de bzhin gshegs pa thams cad kyi khu tshur dang
- 131a
nyid 'chid dam gzhan 'ching du gzhug par bya'o/ /rdo rje rin chen gyi dbang bskur bas dbang bskur ba byas nas zhes bya ba la rdo rje thal mo 'og tu brkyang nas mthe bong dang mdzub mo'i rtse mo mnyam par sbyar ba snying ga la gyen du blangs ste/ dbang bskur ba'i gnas su rtse mo bzhag pa ni rdo rje rin chen zhes bya'o/ /de bcings pas badzra ratna a b+hi Shiny+tsa zhes bya ba bzla zhing rang dam gzhan la dbang bskur bar bya'o/ /de ltar rdo rje rin chen gyi dbang bskur bas rang dang gzhan dag la slob dpon gyis dbang bskur te/ rdo rje rtse lnga 'od zer dang bcas pas ji skad bshad pa'i sngags kyis sbyin par bya'o/ /mchod pa ni mnyam pa'i thal mos ji lta ba bzhin du gtor ba la sogs pa rnams so zhes bya ba la/ dpal rdo rje sems dpa' i dkyil 'khor du rdo rje thal mos ma tog la sogs pa'i mchod pa'i phyag rgya gang bstan pa de nyid 'dir mnyam pa'i thal mos 'dir shes par bya'o/ /'di ltar bshad par 'gyur te/ rdo rje sems dpa' bsdus pa yis/ /rdo rje rin chen bla na med/ /rdo rje chos ni glu blangs pas/ /rdo rje las ni byed par 'gyur zhes bya ba'i rdo rje'i glu brjod cing snga ma bzhin du gar byas la mnyam pa'i thal mo bskor bas rang gi snying gar bsam pa spro bas mgo bos phyag byas te/ /spyi bor bzhag nas phab nas steng du gtor ba dang/ 'og tu dor ba dang/ mthe bong sbyar bas bskor ba dang/ rab tu brkyang zhing byugs pa'i tshul rnams kyis spyad bar bya ste/ de ltar na me tog dang spos dang mar me dang/ dri'i mchod pa'i phyag rgya rnams yin no/ /de bzhin du gar byas la mnyam pa'i thal mo bskor bas snying gar rnam par 'phrul pa bsten par bya'o/ /mnyam pa'i thal mo khar yongs su bskor te spyi bor bzung bar bya'o/ /mnyam pa'i thal mo g.yon pa'i mdzub mo bkug pa dbyug pa'i rnam par byas la g.yas pa'i mdzub mo bkug pas
- 131b
rdo rje pi wang brdud ba'i tshul bya'o/ /de bzhin gshegs pa'i khu tshur gnyis kyis gar byas la mnyam pa'i thal mo spyi bor bcing ba bya ste/ sgeg mo la sogs pa rdo rje gar ma'i mthar thug pa'i phyag rgya 'di rnams yin no/ /phyag rgya rnam pa brgyad po 'di dag gis de bzhin gshegs pa'i rigs la mchod par bya'o/ /de ltar mchod pa rnam pa brgyad kyi phyag rgya rnams bstan nas da ni de bzhin gshegs pa thams cad kyi khu tshur gyi mtshan nyid bshad par bya ba'i phyir de bzhin gshegs pa'i khu tshur gnyis bcing ba'o zhes bya ba gsungs te/ /de bzhin gshegs pa thams cad kyi khu tshur gnyis bcings nas bcing bar bya ba'i don to/ /ji ltar zhe na/ g.yon pa'i zhes bya ba la sogs pa la/ g.yon pa'i de bzhin gshegs pa'i khu tshur rang gi snying gar bzhag la/ de'i mdzub mo g.yas pa'i de bzhin gshegs pa'i khu tshur gyis byang chub mchog gi tshul du bsgreng ba bzung bar bya ste/ 'di ni de bzhin gshegs pa thams cad kyi khu tshur zhes bya ba'i rnam par snang mdzad kyi las kyi phyag rgya'o/ /lhag ma'i don ni / sla'o/ /de la phyag rgya chen po'i bdag nyid thams cad kyi cho ga rgyas pa'o zhes bya ba la/ rnam par snang mdzad la sogs pa'i phyag rgya chen po ji ltar bris pa'i rjes su 'brangs pas rnam par snang mdzad la sogs pa'i rang bzhin can gyi bdag nyid rnam par bsgoms nas/ bcing bar bya'o zhes bya ba'i tha tshig go/ 'dis ni 'di ltar bshad par 'gyur te/ de bzhin gshegs pa'i rdo rje blangs nas rdo rje khu tshur gnyis bcings te rdo rje skyil mo krung gis 'dug la/ g.yon pa'i rdo rje mdzub mo ni/ /g.yas pa'i nang du bsgred bar bya/ /byang chub mchog gi phyag rgya 'di/ /sangs rgyas byang chub sbyin byed pa'o/ /zhes bya ba 'di bcom ldan 'das rnam par snang mdzad kyi phyag rgya chen po'o/ /pang par lag pa g.yon pa gyen du 'dzin pa'i tshul du bzhag la/ lag pa
- 132a
g.yas pa sa la reg pa'i tshul gyis de bzhin gshegs pa'i rdo rje dang bcas pas gang yin pa de ni mi bskyod pa'i phyag rgya chen po'o/ /mi bskyod pa'i phyag rgya nyid rin po che dang bcas pa'i lag pa g.yas pas mchog sbyin pa'i tshul du bzhag pa gang yin pa de ni rin chen 'byung ldan gyi'o/ /lag pa g.yon pas rdo rje'i pad+ma blangs te/ chos bstan pa gang yin pa de ni 'od dpag med kyi'o/ /mi bskyod pa'i phyag rgya chen po nyid sna tshogs rdo rje dang bcas pa'i lag pa g.yas pas mi 'jigs pa sbyin pa'i tshul du bzhag pa gang yin pa de ni don yod grub pa'i phyag rgya chen po'o/ /rdo rje sems dpa' phyag rgya chen po ni sems dpa' i rdo rje ma'o/ /rdo rje bsnyems pa'i phyag rgya chen po ni rdo rje rin chen ma'i 'o/ /'jig rten dbang phyug gi phyag rgya chen po ni chos kyi rdo rje ma'i 'o/ /rdo rje las kyi phyag rgya chen po ni las kyi rdo rje ma'i 'o/ /de bzhin gshegs pa'i khu tshur gnyis kyis de bzhin gshegs pa'i rdo rje gnyis bsnyems pa gnyis kyis gnas pa gang yin pa de ni sgeg mo'i 'o/ /rdo rje rtse gsum pas mtshan pa'i lag pa gnyis 'degs shing gar gyis tshul gyis gnas pa ni gar ma'o 'o//lag pa gnyis kyi rdo rje'i lcags kyu blangs te/ des de bzhin gshegs pa thams cad dgug par byed pa ni rdo rje lcags gyu'i 'o/ /lag pa gnyis kyis rdo rje zhags pa blangs te/ de bzhin gshegs pa thams cad gzhug par byed pa ni rdo rje zhags pa ma'i 'o/ /lag pa gnyis kyis rdo rje lu gu rgyud blangs nas de bzhin gshegs pa thams cad 'ching bar? byed pa'o/ lag pa g.yon pa stan la brten pa'i tshul la gnas pas g.yas pa'i de bzhin gshegs pa'i khu tshur gyis rdo rje dril bu dkrol bar byed pa ni rdo rje dril bu'i phyag rgya chen po'o/ /dam tshig gi phyag rgya pad+ma chen po zhes bya ba la 'phags pa spyan ras
- 132b
gzigs kyi dbang phyug gi dkyil 'khor chen po la pad+ma chen po zhes bya ba'i dam tshig gi phyag rgya gang yin pa de bcings pa tsam gyis bcom ldan 'das 'od dpag med kyi dam tshig gi phyag rgya yin no zhes bya ba'i don to/ /da yang 'di yin te rdo rje gal? mo kha 'bus? pa'i dbus ma mnyam pa'i mthe bong dang mthe'u chur kha phye bas 'dab ma bzhi pa zhes bya ba'o/ /rdo rje phyag rgya zhes bya ba ni rdo rje bsdams pa las byung ba'i dang po'i rdo rje'i phyag rgya gang yin pa de nyid bcom ldan 'das don yod grub pa'i dam tshig gi phyag rgyar? shes par bya'o/ /de bzhin gshegs pa thams cad kyi sku mchog ni rdo rje sems dpa' i dbang bskur ba'i phyag rgyar gang bshad pa de nyid rnam par snang mdzad kyi dam tshig gi phyag rgya yin no/ /rdo rje las kyi phyag rgya bshad pa'o/ /zhes bya ba la dum bu dang po las bcom ldan 'das nam mkha' mdzod kyi phyag rgyar gang bshad pa de nyid rdo rje las mar shes par bya'o/ /de yang rdo rje bsngams pa las byung ba'i rdo rje rin chen gyi dam tshig gi phyag rgya bcings la srin lag dang mthe'u chung gnyis mnyam pa'i rgyal mtshan 'phyar ba'i mdzub mos bya ba'o/ /rdo rje thal mo 'og tu'o zhes bya ba la sogs la rdo rje thal mo'i 'og tu kha bltas par bcings la mdzub mo dang mthe bong dag gis rdo rje rin po cher byas la snying ga'i phyogs su bzhag ste/ mdzub mo'i phyogs su mdzub mo dang mthe'u rtse mo bzung bar bya ste/ 'di ni bcom ldan 'das rin chen 'byung ldan dang/ bcom ldan 'das ma rdo rje rin chen ma'i rdo rje rin po che zhes bya ba'i dam tshig gi phyag rgya yin no/ /de nyid gyen du kha blta ba'i mdzugs? gnyis pa tug pas? rdo rje pad+ma'o zhes bya ba la/ 'das ma thag tu bshad pa'i rdo rje rin po che'i phyag rgya nyid gyen du kha blta bar byas pa'i mdzub mo gnyis pad+ma'i rnam pa can du byas te/ 'di rdo rje pad+ma zhes bya ba'i rdo rje chos ma'i 'o/ /sems ma rdo rje ma ni phyi rol tu dbus?
- 133a
ma bcings pa'o zhes bya ba la/ rdo rje bsdams ba'i dbus ma bsgreng ba'i lu gu mnyam pa zhes bya ba'i don te 'di ni rdo rje sems ma'i dam tshig gi phyag rgya'o/ /mnyam pa'i thal mo bskor bas snying gar rnam par 'phrul pa bstan par bya ste 'di ni sgeg mo'i phyag rgya'o/ /mnyam pa li thal mo rgod cing yongs su bskor bas spyi bor bzung bar bya ste/ 'di ni bzhad ma'i 'o/ /mnyam pa'i thal mo g.yon pa'i mdzub mo dbyug pa'i tshul du bkug la g.yas pa'i mdzub mo bkug pas pi wang bcungs? pa'i tshul du byas te 'di klu chen mo'i 'o/ /de bzhin gshegs pa'i khu tshur gnyis kyis gar bya zhing spyi bor mnyam pa'i thal mo bcings par bya ste/ 'di ni gar ma'i 'o/ /dam tshig gi phyag rgya'o/ /rdo rje bsdams pa'i mdzub mo gnyis kyis lcags kyu ni rdo rje lcags kyu ma'i rdo rje bsdams pa'i g.yon pa'i mdzub mo lcags kyus bzung bar byas la rdo rje zhags pa'o/ /rdo rje bsdams pa bcings nas mdzub mo dang/ mthe bong mdud pa ni rdo rje lcags sgrog gi'o/ rdo rje bsdams pa bcings nas mthe bong gnyis nang du bcug ste rang gi mthe'u chung dang srin lag nad du bzung bar byas te 'di na rdo rje dril bu ma yi dam tshig gi phyag rgya'o/ /chos kyi phyag rgya zhes bya ba la/ rang bzhin gyis dag pa'i shes rab kyi pha rol tu phyin pa'i chos ston par byed pa'i yi ge rnams ni chos kyi phyag rgya ste/ yi ge a ni rnam par sang? mdzad kyi'o/ /yi ge ho ni mi bskyod pa'i 'o/ /traM ni rin chen 'byung ldan gyi'o/ /yi ge h+ri ni 'od dpag tu med pa'i 'o/ / / /yi ge hUM ni don yod grub pa'o/ /lhag ma rnams kyi ni rang gi snying po kho na'o/ /de nas kyis ni snga ma bzhin no/ /brtson 'grus kyi pha rol tu phyin pa'i mtshan nyid can gyi las ston par byed pa'i phyag rgya ni las kyi phyag rgya ste/ de'i
- 133b
mtshan nyid 'di yin no zhes bya ba'i tshig gi lhag ma'o/ /rdo rje khu tshur mthe bor bzhag pas de bzhin gshegs pa'i khu tshur ro zhes bya ba ni rdo rje bsdams pa nang du bcings la mthe bong gnyis bzhag la mdzub mo gnyis kyi rtse mos rang gi mthe bong mnan par byas te/ 'di ni 'dir rdo rje khu tshur yin no/ /'di bcings nas mthe bong gnyis phyir phyung ste/ yang dag par sbyar bar byas la rtse mo'i tshul du bzung bar bya ste/ 'di ni rdo rje khu tshur la mthe bong bzhag bas de bzhin gshegs ba'i khu tshur ro zhes bya'o/ /de gnyis byas pas de bzhin gshegs pa'i khu tshur gnyis su 'gyur ro/ /g.yon pa'i de bzhin gshegs pa'i khu tshur gyi mdzub mo snying ga'i phyogs su bsgreng ba g.yas pa'i de bzhin gshegs pa'i khu tshur gyis byang chub mchog gi tshul du bzung bar bya ste/ de ltar na de bzhin gshegs pa'i khu tshur bcings pa ni de bzhin gshegs pa thams cad kyi khu tshur te/ de bzhin gshegs pa'i khu tshur gnyis bya ba la sogs pa bshad pa yin no/ /de ni bcom ldan 'das rnam par snang mdzad kyi laS kyi phyag rgya'o/ /g.yon? chos gos dang bcas pa zhes bya ba la g.yon pa'i de bzhin gshegs pa'i khu tshur chos gos gyi mdza' ma 'dzin pa'i tshul gyi rang gi snying gar bstod pa'i tshul gyis bzung bar bya'o/ /g.yas ba'i de bzhin gshegs pa'i khu tshur gyi sor mo thams cad rab tu brgyad bas sa la reg pa'i tshul gyis bzung bar bya ste/ 'di ni rab tu rgyal bar byed pa zhes bya ba bcom ldan 'das mi bskyod pa'i las kyi phyag rgya'o/ /des bdud thams cad kyi stobs 'joms pa'o zhes bya ba la ji skad du/ mtshan phyed kyi dus su bdud thams cad kyi stobs bltas te nges na bdud thams cad rab tu 'joms par byed pas bdud gzhom par bya'o zhes bya ba gsungs te/ de yis de bya ba yin no/ /'das ma thag tu bshad pa'i mi bskyod pa'i las kyi de nyid bcings pa yongs su
- 134a
bskor te/ kha gyen du blta bar byas na 'don par byed cing gzengs bstod par byed ces bya ba rin chen 'byung ldan gyi las kyi phyag rgya ste/ de nyid lha la sogs pa'i sems can thams slod bar byed pas na ltung ba 'don pa dang/ rigs thams cad kyi dkyil 'khor rnams su slob dpon dang slob ma rnams la bla na med pa yang dag par rdzogs pa'i byang chub tu lung ston par byed pa yin no/ /'dis ni 'di ltar bshad par 'gyur te/ mi bskyod pa'i phyag rgya nyid bcings nas lag pa g.yas pa kha gyen du blta bar byas te/ /mchog sbyin gyi tshul du bzung bar bya ste/ 'di ni gzeng+gs bstod pa zhes bya ba ni rin chen 'byung ldan gyi phyag rgya yin no/ /mi bskyod pa'i las kyi phyag rgya de nyid bcings nas pad+ma'i 'dab ma kha phye ba'i tshul du g.yas pa'i mthe bong dang mdzub mo dag gis g.yon pa'i de bzhin gshegs pa'i khu tshur gyi rang bzhin gyi chos gos kyi ma lam 'dzin pa'i tshul kha 'byed par byed pa'o/ /de nyid shes rab kyi pha rol tu phyin par byed pa'i chos ston par byed pas na chos 'byung zhes bya ba'o/ /las gang dang ldan pa yin zhe na/ chos thams cad rnam par sbyong bar byed pa'o zhes bya ba la chos kyang yin la thams cad kyang de nyid yin pas na chos thams cad do/ /de bzhin gshegs pa 'od dpag tu med pa la dmigs pa'i sems dang sems las byung ba rnams so/ /de dag rnam par spyod par byed pa ni de rtogs shing bskyed par byed pao/ /'dis 'di ltar bshad par 'gyur te/ mi bskyod pa'i las kyi phyag rgya de nyid bcings nas lag pa g.yas pa'i mdzub mo dang mthe bong dag gis g.yon pa'i khu tshur pad+ma kha phye ba'i tshul du mthe'u chung nas brtsams te sor mo thams cad kha phye bar byas te/ 'di ni 'od dpag tu med pa'i las kyi phyag rgya chos 'byung ba zhes bya ba yin no/ /mi bskyod pa'i las kyi phyag rgya de nyid bcings nas lag pa g.yas
- 134b
pas ba dan gsum byas la mi 'jigs pa sbyin pa'i tshul yis bzung bar bya ste/ 'di ni slong bar byed pa zhes bya ba don yod grub pa'i phyag rgya yin te/ sgrub pa po la gdon mi za bar dngos grub rtsol ba yin no/ /rnam par snang mdzad la sogs pa'i las kyi phyag rgya 'di rnams lag pa g.yas pas rang gi lus rdzogs par byed pa na/ g.yas pas las byed pa yin no/ /gdon mi za ba ni 'bras bu med pa ma yin pa'o/ /bcings pa tsam gyis grub pa'o zhes bya ba ni phyir mi ldog pa'i sa bon bskyed par byed pa'i phyir ro lhag ma ni ji lta ba bzhin du bzung bas so zhes bya ba la sogs pa sems ma rdo rje ma la sogs pa nas rdo rje dril bu mthar thug pa'i bar du ji lta bu bzhin du rang gi phyag mtshan bzung ba bshad pa de bzhin du de bzhin gshegs pa'i khu tshur gnyis kyi las kyi phyag rgya bcing bar bya'o/ /'di ltar 'chad par 'gyur te/ de bzhin gshegs pa'i khu tshur gnyis kyis sems dpa' i las kyis phyag rgya bcings pa ni sems ma rdo rje ma'i 'o/ /nam mkha' i snying po'i las kyi phyag rgya bcings pa ni chos kyi rdo rje ma'i lo/ /sna tshogs rdo rje las kyi phyag rgya ni las kyi rdo rje ma'i las kyi phyag rgya yin no/ /de bzhin gshegs pa'i khu tshur gnyis bskor bas snying gar rnam par 'phrul pa bstan par bya ste/ sgeg mo'i phyag rgya'o/ /de bzhin gshegs pa'i khu tshur gnyis rgod pa'i tshul gyis khar yongs su bskor nas spyi bor bzung ba byas te/ 'di ni bzhad ma'i 'o/ /g.yon pa'i de bzhin gshegs pa'i khu tshur gyi mdzub mo rab tu brkyang nas bkug ste/ dbyug pa'i tshul du bzung bar byas la g.yas pa'i de bzhin gshegs pa'i khu tshur gyis mdzub mo'i bi wang brdud ba'i tshul du byas te/ 'di ni gru chen mo'i 'o/ /de bzhin gshegs pa'i khu tshur gnyis kyis gar byas la spyi bor mnyam pa'i thal mo bcings pa byas te// 'di ni gar ma'i 'o/ /de bzhin gshegs
- 135a
pa'i khu tshur gnyis bcings la mdzub mo gnyis gyis lcags kyu gnyis bya ste/ 'di ni lcags kyu ma'i 'o/ /de bzhin gshegs pa'i khu tshur gnyis bcings te/ g.yas pa'i mdzub mo'i lcags kyu g.yon pa'i mdzub mo bsgreng bas bzung bar byas te/ 'di ni rdo rje zhags pa'i 'o/ /de bzhin gshegs pa'i khu tshur gnyis bcings nas mdzub mo dang mthe bong dag gis mdud pa bcings par byas te/ /'di ni rdo rje lcags sgrog ma'i 'o/ /de bzhin gshegs pa'i khu tshur gnyis bcings nas lam? tshun du yang dag par sbyar ba bzung bar byas te/ 'di ni rdo rje dril bu'i las kyi phyag rgya'o/ /de nas las kyi phyag rgya zhes bya ba la/ de nas kyi sgra ni snga ma bzhin no/ /nad 'jigs pa la sogs pa'i las rdzogs par byed pa'i phyag rgya ni las gyi phyag rgya'o/ /de rnams kyi mtshan nyid bshad par bya ba'i phyir/ de bzhin gshegs pa thams cad kyi khu tshur gyis nad gzir ba la sogs pa gsungs te/ de bzhin gshegs pa'i khu tshur bcings la g.yon pa rdo rje sor mo ni? bsgreng ba g.yos pas bzung par bya ste zhes bya ba ni de bzhin gshegs pa thams cad kyi khu tshur ro/ /'dis nang gzir bar bya ste/ /de ltar nang thams cad 'jig par 'gyur ro/ /de nyid bcings nas de'i rang gi mig yongs su sbyar bar? bye sa te/ de ltar na mya ngan 'jig par 'gyur ro/ /de nyid snying gar bzhag par bya ste/ /de ltar na yid mi bde ba thams cad 'jig par 'gyur/ /de nyid kyis bya ba par bya ste/ de ltar na nad thams cad 'jig par 'gyur ro/ /de nyid kyis khu tshur gyis blangs? te/ dug 'phrog par bya ste de ltar na dug thams cad 'jig pa'o/ /de bcings nas bza' ba la mngon par bsngags nas bza' bar bya ste/ de ltar na sbyar ba'i dug 'jig pa'o/ /de nyid bcings nas khro zhing gyur gyis mngon pa
- 135b
phyogs par gtor bar byas te de ltar na gyur? 'jig par byed pa'o/ /de nyid kyi phur bu blangs nas gton par byas te/ de ltar byad 'jig par byed pa'o/ /de nyid kyis rting pa la brdeg pa'i tshul bya ste/ de ltar ro langs thams cad 'jig par byed pa'o/ /yi ge oM bris nas phyi bar bya'o zhes bya ba la/ de nyid oM bris nas phyi bar bya ste/ de ltar na sngags thams cad 'jig pa'o/ /sor mo rnams kyis gzung bar bya ste/ de ltar sman thams cad 'jig pa'o/ /yi ge hUM dang bcas pas brdeg par bya'o zhes bya ba la de nyid bcings nas/ oM b+hu khaM zhes bya ba'i yi ge hUM dang bcas pa'i snying po bzla zhing bgegs la brdeg par byas te de ltar na bgegs thams cad 'jig pa'o/ /log 'dren la brdeg par bya'o zhes bya ba la/ de nyid khro ba dang bcas pas log 'dran la brdeg par bya ste/ de ltar na log 'dren thams cad 'jig par byed pa yin no/ /mtshon cha bris nas phyi bar bya'o zhes bya ba la/ de nyid kyis ral gri bris nas phyi bar byas te/ de ltar na sdig pa thams cad 'jig pa'o/ /kun tu sbyin sreg bya'o zhes bya ba la/ de nyid kyis sbyin sreg gi tshul byas te de ltar na rmi lam ngan pa thams cad 'jig pa'o/ /dur ba'i sbyin sreg bya'o zhes bya ba la/ de nyid kyi sbyin sreg gi cho gas dur ba'i sbyin sreg bya ste/ de ltar na dus ma yin pa'i 'chi ba'i 'jigs pa med do// spyi bor bzhag nas blta bas bya ba par bya'o zhes bya ba la de bcings nas nad med pa'i spyi bor bzhag la byab par bya ste/ de ltar na rims thams cad 'jig par 'gyur ro/ /skra nas bzung zhing bskyod par bya'o zhes bya ba la de nyid kyi nad pa'i skra la bzung zhing bskyod par bya ste/ /de ltar na gdon 'jig par 'gyur ro/ /steng du kha TwAM ga bzung ba'o zhes bya ba la de nyid bcings nas steng du kha TwAM ga 'dzin pa'i tshul bzung bar byas te/ de ltar nam mkha' 'gro ma thams cad 'jig par 'gyur ro/ /rang gi khyim
- 136a
du bskor bar bya'o zhes bya ba la de nyid bcings nas rang gi khyim du bskor bar bya ste/ de ltar na thams cad 'jig par 'gyur ro/ /rang gi khyin du bzhag par bya'o zhes bya ba la de nyid bcings nas ragn gi khrim du rdo rje'i rigs dag pa'i tshul gyis bzhag par bya ste/ de ltar na nye bar 'tshe ba thams cad 'jig par 'gyur ro/ /'jug pa zhes bya ba ni de nyid bcings nas khyim du zhugs nas ltas ngan pa thams cad 'jig par 'gyur ro/ /snying ga la gdon par bya'o zhes bya ba la de nyid la bcings nas snying ga'i phyogs nas gdon par bya ste/ de ltar na gdon thams cad 'jig par 'gyur ro/ /lus la bskor bar bya'o zhes bya ba la de nyid bcings nas lus la bskor bar bya ste/ de ltar na lus kyi sdug bsngal thams cad 'jig par 'gyur ro/ /ngag 'byin pa'o zhes bya ba la de nyid kyis sngags 'byin pa'i tshul byas te/ de ltar na ngag gi sdug bsngal thams cad 'jig par 'gyur ro/ /snying gar btsir bar bya'o/ /zhes bya ba la de nyid bcings nas snying ga'i phyogs su bcing bar byas te/ de ltar na sems kyi sdug bsngal thams cad 'jig par 'gyur ro/ /de ltar bcom ldan 'das rnam par snang mdzad kyi las kyi phyag rgya las bsgrub pa bstan nas nga ni de nyid dam tshig gi phyag rgya las sgrub pa bshad par bya ba'i phyir de bzhin gshegs pa'i phyag rgya chen po'o/ /zhes bya ba gsungs te/ 'dir bcom ldan 'das rnam par snang mdzad ni de bzhin gshegs pa ste/ de'i phyag rgya chen po ni de bzhin gshegs pa thams cad kyi sku mchog ces bya ba ji lta ba bzhin du bshad pa'i mtshan nyid can bcom ldan 'das kyi dam tshig gi phyag rgya'o/ /de bcings nas rang gi snying gar bsten par byas te/ de ltar na tshe ring por 'phel bar 'gyur ro/ /dbang po
- 136b
la bzhag par bya'o zhes bya ba la de nyid bcings nas dbang po thams cad la bzhag par bya ste/ de ltar na tshongs chen po 'phel bar 'gyur ro/ /kha la zhes bya ba ni de nyid bcings nas rang gi snying gar bzung bar byas te/ de ltar na gzugs chen po 'phel bar 'gyur ro// de nyid la bskor bar bya'o zhes bya ba la de bcings nas rang gi snying gar bskor bar bya ste/ de ltar na kha dog chen po 'phel bar 'gyur ro/ /dpral bar bzhag par bya'o zhes bya ba la de nyid bcings nas dpral bar bzung bar bya ste/ de ltar na gzi brjid chen po 'phel bar 'gyur ro/ /snying gar zhes bya ba la de nyid bcings nas snying gar bzung bar bya ste/ de ltar na gzi brjid mngon par 'phal? bar 'gyur ro/ /dpung pa gnyis la zhes bya ba ni de nyid du dpung pa gnyis bzung bar byas te/ de ltar na stobs 'phel bar 'gyur ro/ /brla gnyis la zhes bya ba ni de nyid brla gnyis su bzung bar bya ste/ de ltar na spro ba 'phel bar 'gyur/ /phreng ba bcing ba zhes bya ba ni de nyid kyi phreng ba 'ching ba'i tshul bya ste/ de ltar na brtson 'grus 'phel par 'gyur ro/ /dbang po rnams la zhes bya ba ni de nyid mig dang rna ba dang sna dang lce dang lus kyi dbang po rnams la bzung bar bya ste/ de ltar na dpal chen po 'phel bar 'gyur ro/ /spyi bo la zhes bya ba ni denyid spyi bor bzung bar bya ste/ de ltar na dpal dang skal pa bzhang po 'phel bar 'gyur ro/ /kha la zhes bya ba ni de nyid khar bzung bar bya ste/ de ltar na bsod nams 'phel bar 'gyur ro/ /kha la bton nas zhes bya ba la de nyid kha'i phyogs las gyen du drang bar bya ste/ de ltar na ming 'phel par 'gyur ro/ /thams cad du bskor bar bya'o zhes bya ba ni de nyid phyogs bcur bskor bar bya ste/ de ltar na snyan pa'i sgra 'phel bar 'gyur ro/ /phyogs su bskor bar bya'o zhes bya ba la de nyid grogs pa 'phel ba'i bsam pas phyogs bcur bskor bar bya ste/ de ltar na grags pa 'phel
- 137a
bar 'gyur ro/ /rang dang gzhan dag de bzhin gshegs pa rjes su dran pa'o zhes bya ba la de nyid bcings nas sangs rgyas kyi gzugs su bdag nyid dam mdun du bsgom par bya ste/ de ltar na dran pa 'phel bar 'gyur ro/ /snying ga las gdon pa'o zhes bya ba la de nyid bcings nas snying ga las steng du drang bar bya'o/ /de ltar na blo gros 'phel bar 'gyur ro/ /snying gar bzhag nas dga' ba bskyed par bya'o/ /zhes bya ba la de nyid snying ga'i phyogs su bzung zhing dga' ba mngon du bya ba 'di ltar na brtan pa 'phel bar 'gyur ro/ /sangs rgyas nyid bskyed par bya'o zhes bya ba la/ de nyid bcings nas bdag nyid sangs rgyas kyi gzugs su bsgom par bya ste/ de ltar na de bzhin gshegs pa 'phel bar 'gyur ro/ /sangs rgyas thams cad bdag nyid bsgoms pa'o/ /zhes bya pa la de nyid bcings nas chos kyi 'khor lo mi bstan pa'i ting nge 'dzin la snyoms par zhugs pa'i sangs rgyas kyi ngo bor bdag nyid bsgom par bya ste/ de ltar na ting nge 'dzin 'phel bar 'gyur ro/ /phung po lnga la bzhag par bya'o zhes bya ba la de nyid bcings nas gzugs dang tshor ba dang 'du shes dang 'du byed dang rnam par shes pa'i phung po rnams la rnam par snang mdzad la sogs pa rnams de bzhin gshegs pa'i bsgom pas brdung bar bya ste/ de ltar na cho ga 'phel bar 'gyur ro/ /rdza mkhan gyi 'khor lo ltar bskor bar bya'o/ /zhes bya ba la de nyid rdza mkhan gyi 'khor lo'i tshul gyis bskor ba bya ste/ de ltar na 'du byed 'phel bar 'gyur ro/ /lus drang po'o zhes bya ba la de nyid bcings nas bdag nyid rnam par snang mdzad kyi skur bsgom par bya ste/ de ltar na lus 'phel bar 'gyur ro/ /lce la bzhag par bya ste zhes bya ba de nyid lcer gzhag par bya ste/ de ltar na dag 'phel bar 'gyur ro/ /yid kyis mngon par 'dud par bya'o zhes bya ba la de
- 137b
nyid bcings nas sems kyis de bzhin gshegs pa thams cad la phyag bya ste/ de ltar na yid 'phel bar 'gyur ro/ /gtong ba rjes su dran pa'o zhes bya ba la de bzhin gshegs pa'i sku mchog de nyid bcings nas gtong ba rjes su dran pa de nyid bsgom par bya ste/ de ltar na sbyin pa'i pha rol tu phyin pa grub par 'gyur ro/ /tshul khrims zhes bya ba ni de nyid bcings nas tshul khrims rjes su dran pa bsgom par bya ste/ de ltar na tshul khrims kyi pha rol tu phyin pa grub par 'gyur ro/ /byams pa zhes bya ba la de nyid bcings nas byams pa bsgom par bya ste/ de ltar na bzod pa'i pha rol tu phyin pa grub par 'gyur ro/ /brtson 'grus zhes bya ba ni de nyid bcings nas brtson 'grus brtsams par bya ste/ de ltar na brtson 'grus kyi pha rol tu phyin pa 'grub par 'gyur ro/ /ting nge 'dzin zhes bya ba ni de nyid bcings nas ye shes kyi pha rol tu phyin pa bsgom par bya ste/ de ltar na ye shes kyi pha rol tu phyin pa grub par 'gyur ro/ /stobs zhes bya ba de nyid bcings nas stobs kyi pha rol tu phyin pa bsgom par bya ste/ de ltar na stobs kyi pha rol tu phyin pa grub par 'gyur ro/ /thabs zhes bya ba ni de nyid bcings nas thabs kyi pha rol tu phyin pa 'grub par 'gyur ro/ /rdo rje zhes bya ba ni de nyid bcings nas mdun du rdo rje bsgom par byas te/ de ltar na rdo rje grub par 'gyur ro/ /nges par brjod par bya ba de nyid bcings nas rdo rje dbyings kyi dbang phyug ma la sogs pa'i gzugs nges par mngon du brjod pa'i bsgom pas bsgoms na de nges par brjod pa grub par 'gyur ro/ /gzungs zheS bya ba de nyid nges par bcings nas dran pa dang shes rab yang dag par ldan pa'i de bzhin gshegs pa'i thugs bsgom pas gzungs grub par 'gyur ro/ /sa zhes bya ba ni de nyid bcings nas sangs rgyas kyis bsgoms na de nyid grub po/ /spyod pa zhes bya ba ni de nyid bcings nas pha rol tu phyin pa bcu'i spyod pa bsgoms pas pha rol
- 138a
tu phyin pa bcu'i spyod pa grub pa'o/ /so sor yang dag par rig pa bzhi grub pa thob pa'o/ /ma 'dres pa zhes bya ba ni de nyid bcings nas sangs rgyas kyi chos ma 'dres pa bco brgyad bsgoms pas de kho na nyid grub par 'gyur ro/ /chos zhes bya ba de nyid bcings nas shes rab kyi pha rol tu phyin pa'i chos bsgoms pas byas chub sems dpa' rdo rje chos grub par 'gyur ro/ /las zhes bya ba de nyid bcings nas byang chub sems dpa' rdo rje las bsgoms pas des grub pa'o/ /sna tshogs lus zhes bya ba ni de nyid bcings nas gzugs thams cad ston pa'i ting nge 'dzin bsgoms nas de grub pa yin no/ /sems can gyi don zhes bya ba la de nyid bcings nas sems can gyi don bsgoms pas de grub pa yin no/ /sangs rgyas kyi don zhes bya ba la de nyid bcings nas sangs rgyas kyi don ba sboms pas de grub pa yin no/ /lus zhes bya ba la de nyid bcings nas rnam par snang mdzad kyi sku bsgoms pas lus grub pa'o/ /dag ces bya ba de nyid bcings nas snga ma bzhin du bsgom par bya ste/ de ltar na dag grub po/ /yid kyis bya ba ni de nyid bcings nas rdo rje dam pa de nyid du bsgom par bya ste/ de ltar na yid grub pa'o/ /rdo rje chen po zhes bya ba de nyid bcings nas bdag nyid de bzhin gshegs pa'i rdo rjer bsgom par byas te/ de ltar na rdo rje chen po grub par 'gyur ro/ /slar yang de nyid bcingS nas/ oM bud+hi tsit+ta badzra zhes bya ba la sogs pa'i shes rab kyi pha rol tu phyin pa'i sgo nyi shu rtsa lngas snga ma bzhin bsgom par bya'o/ /de bzhin gshegs pa'i rigs 'dir chos kyi dag gi bzla bar ba ba yin no zhes rab tu bstan par bya ba'i phyir de nas zhes bya ba la sogs pa gsungs te/ de la bzlas pa ni de bzhin gshegs pa rjes su dran pas so zhes bya ba la oM sarbA ta thA ga ta tsit+ta zhes bya bas de nyid bcings la rdo rje sems dpa' i bzlas pas de bzhin gshegs par bdag nyid dam mdun du bsgom par bya zhing
- 138b
bzlas par bya'o/ /sgrub pa de bzhin no zhes bya ba la de bzhin gshegs pa'i bzlos pa pos bum pa bzang po la sogs pa'i sgrub pa ni de bzhin gshegs pa'i rang bzhin du bsgom par bya ba yin no/ /lus la nye bar sbyor ba ni de bzhin gshegs pa thams cad rjes su dran pas so zhes bya ba ni las brgya sgrub pa rang de bzhin gshegs pa'i bdag nyid rnam par bsamS la bya ba yin no/ /de bzhin gshegs pa thams cad kyi phyag rgya bcings la zhes bya ba ni 'das ma thag tu bshad pa'i phyag rgya bcing ba gang yin pa de ni de bzhin gshegs pa thams cad kyi yin gyi gzhan gyi ni ma yin no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las/ de bzhin gshegs pa'i rigs kyi phyag rgya'i rtog pa'i bshad pa rdzogs so// // de ltar de bzhin gshegs pa'i phyag rgya'i rtog pa bstan nas da ni rdo rje rigs kyi phyag rgya'i rtog pa bstan par bya ba'i phyir de nas zhes bya ba la sogs pa gsungs te de nas kyi sgra ni skabs la babs pa la'o/ /rdo rje nyi ma me ltar 'bar ba'i phyag rgya bcing ba zhes bya ba la phyag rgya bcing ba'i mtshan nyid yin no/ /de la phyag rgya chen po ni bdag nyid thams cad rdo rjes so zhes bya ba la/ sngar bshad pa'i tshul gyis dam tshig sems dpa' byin gyis brlab pa'i cho ga rjes su spyad la/ sku gsung thugs rdo rje'i nyi ma mi ltar 'bar ba la sogs pa rang nyid du 'gyur ro zhes bya ba 'di bdag nyid thams cad kyi rdo rje'o/ /bdag nyid thams cad kyi rdo rje de las phyag rgya chen po bcing bar bya'o/ /phyag rgya chen po rnams kyi mtshan nyid de yang bri ba'i cho ga bsten pa yin te de nyid las zhes par bya'o/ /dam tshig bzung ba'i phyag rgya ni dam tshig gi phyag rgya'o/ /de rnams kyi rgyud ni 'di yin te/ rdo rje ? sdams? pa zhes bya ba la sogs pa la/ rdo rje bsdams pa nang du bcings nas/ /gyen du kha blta bar byas te mthel?
- 139a
chung dang/ srin lag dang gung mo dang/ mdzub mo'i sor mo brgyad cung zad zur du kha blta bar bzhag pa rnams kyis 'bar ba'i dkyil 'khor byas te/ gung mo dang srin lag dag gis nang du mthe bong gnyis yang dag par bzhag ste/ rtse mo kha steng du kha blta bar byas nas bzung bar byas te/ 'di ni bcom ldan 'das rdo rje nyi ma me ltar 'bar ba'i dam tshig gi phyag rgya yin no/ /de yid kyi 'bras bu bstan par bya ba'i phyir/ khams gsum pa thams cad ces bya ba la sogs pa la rdo rje nyi ma ma ltar 'bar ba'i dam tshig gi phyag rgya de nyid kyis g.yon pa'i mdzub mo bsgreng bas sdigs mdzub byed cing g.yas pa'i mdzub mo bkug la lcags kyu'i rnam pa can gyi dkyil 'khor nam? rang gi lus las gzhan du spyan 'dren pa'i sngags kyis bcom ldan 'das 'khor dang bcas pa dgug par bya ste/ de ltar na thams cad bkug par 'gyur ro/ /rdo rje hUM mdzad kyi phyag rgya zhes bya ba la sogs pa la/ rdo rje khu tshur gnyis bcings nas g.yon pa'i khu tshur gyis nor bu 'ching pa'i steng du g.yas pa'i khu tshur gyi nor bu bcing ba bzhag ste/ mthe'u chung gnyis kyi lcags kyu phan tshun du bcing bar byas la mdzub mo gnyis bsgreng bas sdigs mdzub byed cing snying ga'i phyogs su so sor bzung bar bya ste/ 'di ni rdo rje hUM mdzad ces bya ba bcom ldan 'das kyi las thams cad kyi phyag rgya yin no/ /'dis dkyil 'khor du zhugs nas yi ge hUM brjod cing bcom ldan 'das la sdigs mdzub byas na las thams cad dang dngos grub thams cad nyams su myong ba yin no/ /yang bsgrub bya'i dngos po gzhan la sdigs mdzub byas te/ de ltar na yang ji ltar 'dod pa'i dngos grub sgrub par 'gyur ro/ /rdo rje thal mo zhes bya ba la sogs pa la rdo rje thal mo ? nas mdzub mo gnyis kyi rtse mo yang dag par sbyar bar byas la de nyid
- 139b
thub du kha bstan pa dpral ba'i phyogs su bzung bar bya ste/ sor mo lhag ma rnams kyis me tog stong pa'i tshul bya ste/ /'di ni yi ge ho'i rang bzhin gyi nye ba'i snying po'i phyag rgya rdo rje khro gnyer zhes bya ba'i ming can no/ /thams cad sreg par byed pa'o zhes bya ba la sogS pa ni go sla'o/ /rdo rje thal mo legs par bskor bas g.yon pa'i mdzub mo'i lcags kyu'o zhes bya ba la/ yang gi snying ga'i phyags su rdo rje thal mo bcings nas g.yon du bskor bar byas na g.yon pa'i mdzub mo'i lcags kyu'i rnam pa can gang yin pa de ni rdo rje mtshon cha 'dzin pa'i dam tshig gi phyag rgya ste/ dgug pa dang/ gzhug bsgrub pa thams cad la don yod pa'o/ /rdo rje pad+ma dbus ma mnyam pa'i kha 'bus kyi mdzod do/ /zhes bya ba la rdo rje thal mo 'og tu rab tu brkyang ba'i mthe bong dang mdzub mo'i rtse mo mnyam par sbyar ba snying ga la bstong nas dbang bskur ba'i gnas su rtse mo rab tu bzhag pa ni rdo rje rin chen no/ /de'i steng du lta ba'i mdzub mo gnyis spyi bor bzhag pa/ rdo rje pad+ma zhes bya ba ste/ de bzhin gshegs pa'i rdo rje'i rtog pa las rdo rje pad+ma'i mtshan nyid bshad pa yin no/ /da bcings nas sor mo dbus ma gnyis kyi rtse mo'i tshigs gsum pa bcas pa ral kyi'i tshul du gzung bar bya bar 'di ni mdzod 'dzin ma'i dam tshig gi phyag rgya ste/ thams cad gcod par byed pa'o/ /rdo rje bsdams pa zhes bya ba la sogs pa la rdo rje bsdams pa bcings mas g.yas pa'i mdzub mo bsgreng ba g.yon pa'i mthe bong dang/ mdzub mo dag phan tshun kha yang dag par sbyar bas bzung bar byas te/ 'di ni zhags pa 'dzin ma ri'o/ /thams cad dgug pa dang/ gzhug pa dang/ mchog tu grub pa'o zhes bya bas ni de'i las bshad pa'o/ /rdo rje hUM mdzad las byung ba'o zhes bya ba la sogs pa la ji lta ba bzhin du bshad pa'i rdo rje hUM mdzad bcings nas de nyid kyi g.yas
- 140a
pa'i mdzub mo'i lcags kyus g.yon pa'i mdzub mo blangs nas dgug par byas te/ 'di ni mda''dzin pa'i gzhu rgyud 'gugs pa'i dam tshig gi phyag rgya'o/ /thams cad rjes su chags par byed ba dang/ 'bigs par byed pa zhes bya ba ni de'i las bstan to/ /rdo rje hUM mdzad kyi mchog go zhes bya ba ni/ rdo rje bsdams pa bcingS nas mdzub mo bsgreng bar na tshun du yang dag par sbyar zhing bzung bar bya'o zhes bya ba'i tha tshig go/ rdo rje bsdams pa'i g.yon pa'i rdo rje khu tshur g.yos pa'i rtse gsum gyis mtshan pas yongs su bzung te/ thams cad dral bar byed pa'o/ /zhes bya ba la rdo rjer bsdams pa bcings nas lag pa g.yon pa'i rdo rje khu tshur bcings la g.yas pa'i mthe'u chung dang mthe bong dag gis g.yon pa'i mthe'u chung bzung ste/ sor mo lhag ma rnams kyis rtse gsum pa yin no/ /'di ni rtse gsum chen po 'dzin pa'i dam tshig gi phyag rgya thams cad dral bar byed pa'o/ /rdo rje hUM mdzad kyi g.yas ba'i khu tshur gyi mthe'u chung yang dag par brkyang ba g.yon pa'i steng du bzhag pa ni kha ? ga bsgreng ba'i zhes bya ba la rdo rje hUM mdzad kyi phyag rgya bcings nas g.yas pa'i sdigs mdzub kyi rtse mo rang gi mthe'u'i steng du yang dag par sbyar bar byas la g.yas pa'i mthe'u chung gi lus rgyud yang dag par sbyar pa nyid zur du brkyang ste/ lag pa g.yon pa'i steng du bzhag la bzung bar bya ste/ 'di ni kha TwAM ga 'dzin pa dam tshig phyag rgya ste/ kha TwAM ga bsgreng ba zhes bya ba'i ming can no/ /mkha' 'gro ma la sogs pa'i gdug pa thams cad kyi phyag rgya phye zhing bral bar byed pa'i dang/ mkha' 'gro ma la sogs pa thams cad rgyas 'debs pa dang/ mkha' 'gro ma la sogs pa thams cad 'phrog par byed pa zhes bya ba ni go sla'o/ /g.yas pas 'khor lo bzung ba'i tshul gyis bstod cing dor pa'o/ /zhes bya ba la rdo rje hUM mdzad
- 140b
kyi phyag rgya bcings nas g.yas pa'i mdzub mos 'khor lo bzung ba'i tshul dang bstod pa'i tshul byas nas 'khor lo 'phang ba ston par byed pa 'di ni 'khor lo 'dzin pa'i dam tshig gi phyag rgya ste thams cad gcod pa dang gsod par byed pa'o/ /'di'i ming bstan par bya ba'i phyi rdo rje chen po khro mo chen po zhes gsungs so/ /g.yas pa'i rdo rje 'bebs pa dang/ sbyar ba spro zhing g.yo ba'i pad+ma 'dab ma can gyi ba dan gsum mo zhes bya ba la lag pa g.yas pa khyu? tshur bcings nas mthe'u chung dang srin lag gi nang du mthe bong bzung bar bya ste/ 'di ni g.yas pa'i rdo rje 'bebs pa'i phyag rgya'o/ /lag pa g.yon pa ba dan gsum pa byas la bdan? gsum pa'i mtshan nyid can gyi phyag rgya glog ltar spro zhing g.yo ba'i ba dan gyis ba dan gsum gyis phyag rgya deS nyid g.yas pa'i rdo rje 'bebs pa'i phyag bya de yang dag par sbyar zhing gzung br bya ste/ 'di ni sna tshogs ba dan 'dzin ma'i ro/ /slar yang sna tshogs ba dan 'dzin ma'i dam tshig gi phyag rgya gnyis bshad par bya ba'i phyir/ rdo rje bsdams pa'i mtho ? dang mdzub mo gnyis kyi rdo rje las byung ba'i srin lag mnyam par sbyar zhing mthe'u chung ba phyag? zhes bya ba la rdo rje bsdams pa bcis nas mthe'u chung dang mdzub mo dang srin lag gi don no rnams kyis rtse mo gsum bya ba la mthe'u chung gnyis rab tu brkyang nas rtse mo gnyis byas te/ 'di dang sngar bshad pa'i dpal rdo rjer dan zhes bya ba dpal thams cad byed pa dang/ rnam par rgyal par byed la dgug pa thams cad rab tu 'joms par byed pa dang thams cad 'bebs bar byed par shes par bya'o/ /'dir gang dang gang du dam tshig gi phyag rgya gnyis bshad pa de dang der dang por rtsa ba'i phyag rgya dang gnyis ba nye ba'i snying po'i phyag rgyad shes par bya'o/ /sgeg mo la sogs pa nas rdo rje dril bu ma'i mthar thug pa'i bar gyi ni dpal rdo rje sems dpa' i dkyil
- 141a
'khor chen po las gsungs pa lo na'i dam tshig gi phyag rgya rnams su bzung bar bya'o/ da ni dpal rdo rje 'jig rten gsum las mchog tu rnam par rgyal ba las gsungs pa'i rdo rje gtsug to ? la sogs pa'i dam tshig gi phyag rgya rnams bshad par bya ste/ rdo rje khu tshur gnyis bcings nas gyen du kha blta bar byas te mthe'u chung gnyis su gu rgyud du bcing bar bya ste/ mdzub mo gnyis kyi yang dag par sbyar bar bya ste/ 'di ni thun mong gi slong ba'i phyag rgya'o 'di nyid bzlog nas mdzub mo'i rtse mo gnyis kyis gtsug tor gyis phyogs su bzung bar bya ste/ 'di ni rdo rje gtsug tor gyi thun mong gi dam tshig gi phyag rgya rnams so/ /slong ba'i dam tshig gi phyag rgya de nyid snying ga la btegs te/ yongs su bzlog pa dpral par mdzub mo'i rtse mo bzhag ste/ rdo rje hE? mdzor hU rnams kyi'o/ /de nyid kha las 'byin ba ni/ kha las byung ba rig pa mchog gi'o/ /de nyid snying gar rdo rje lcags kyu ste/ khro bo ta ke'o/ /de dag gi khar mdzub mo bzhag pa ni gshin rje mthar byed kyi'o/ /mdzub mo'i tshigs gsum pa bkug pa'i ral gri byas te khro bo ta ki'o/ /mdzub mo gnyis kyis dpung pa g.yas par lcags kyu gnyis byas te/ rdo rje lcags kyu'i'o/ /g.yas pa'i mdzub mo lcags kyus g.yon pa'i mdzub mo'i dbus ma dang sbyar par bya ste/ dpung pa g.yon par ro/ /mdzub mo gnyis kyi rtse mo rang gi snying gar sbyar bar bya ste/ 'di ni rdo rje kI li kI la'i 'o/ /mdzub mo'i rtse mo gnyis brla g.yon par bzhag par bya ste/ 'di ni rdo rje snyems pa'i 'o/ /snying ga'i phyogs su mdzub mo gnyis kyis lu gu rgyud bcing bar bya ste/ 'dir ni rdo rje bsdams pa'i mdzub mo gnyis kyis rtse mo rang gi mthe bo'i steng du yang dag par sbyar ba byas la bcing bar bya ste/ 'di ni rdo rje khu tshur gyi'o/ /mdzub mo gnyis pad+ma'i 'dab ma'i rnam pa can du bya ste
- 141b
rdo rje'i sde'o/ /g.yas pa'i mdzub mos g.yon pa'i mdzub mo bzung zhing dgug par byas te/ 'di ni mur 'da' ta ka'i gzhu rgyud 'dren pa'o/ /ba dan gsum pa byas nas des phyag 'tshal bar byas te/ 'di ni rdo rje phyag gi'o/ /ltung ba'i tshul du byas te 'di ni rdo rje ltung ba'o/ /mdzub mo mdza' phan tshun gyi rtse mo rdo rje bsdams pa ni rkang gdub kyi'o/ /mdzub mo mdud pa ni rdo rje lcags sgrog gi'o/ /mdzub mos rdo rje 'bebs pa ni rdo rje rnon po'i 'o/ /g.yon pa'i khro bo yi khu tshur gyis sdigs mdzub byed cing g.yas pas rdo rje gsor nas na nan par bya ste/ 'di ni rdo rje shugs kyi'o/ /phyag rgya lnga po 'di ni slong ba'i phyag rgya las byung ba ste/ /thig skud dang po'i bar mtshams su gsungs pa'i rdo rje gtsug tor la sogs nas rdo rje shugs kyis mthar thug pa rnams kyi shes par bya'o/ /rdo rje khu tshur gnyis bcings nas/ mthe'u chung gnyis kyi lu gu rgyud bcing ba byas la khu tshur gnyis phan tshun du btsir bar bya ste/ 'di ni sngags rnams kyi'o/ /rdo rje khu tshur gnyis bcings nas gyen du kha blta bar bzhag ste/ mdzub mo gnyis kyi rtse mo yang dag par sbyar bar byas nas snying ga'i phyogs nas gyen du drang bar bya ste/ 'di ni lha rnams kyi'o/ /rdo rje khu tshur gnyis bcings nas g.yas pa'i khu tshur gyis rang la dar dbyangs 'ching ba'i tshul byas te/ 'di ni rdo rje mgon po rnams kyi'o/ /rdo rje khu tshur gnyis bcings nas g.yon pas rang la dar dbyangs 'ching ba'i tshul byas te/ 'di'i lha mo rnams kyi dam tshig gi phyag rgya'o/ /'di rnams ni thig skud gnyis pa'i bar mtshams su bris pa rnams kyi'o/ /rdo rje khu tshur gnyis bcings nas g.yon pa'i khu tshur gyis bsnyems par byas te/ 'di ni gsum pa'i rdo rje rgyal 'theb rnams dang lha mo rnams kyi'o/ /rdo rje khu tshur gnyis bcings nas de'i lag pa'i sor mo rnams kyis pi
- 142a
wang dang gling bu dang/ rdza rnga dang ku mu d+ha dang/ cha la da dang/ lnga po che dang/ rda zlum dang/ rda dad ti mi la brdung ba'i tshul rnams bstan par byas te/ 'di dag ni thig skur bzhi pa'i bar mtshams su rol mo'i phyag rgya rnams so/ /sgeg mo dang bzhad ma dang glu chen ma dang/ gar ma rnams kyi rang gi dam tshig gi phyag rgya rnams bzung bar bya'o/ /thig skud kyi bar mtshams lnga pas rgyal 'theb rnams kyi phyag rgya ni sngar bshad pa kho na bzung bar bya'o/ /rdo rje khu tshur gnyis bcings nas g.yon pa bsnyemS par byas la g.yas pa'i khu tshur gyis mdzub mo bsgreng ba 'ong ma'i yal ga mdud pa'i tshul gyis bzung par bya ste/ /'di ni sgo srung rnams kyi'o/ /rdo rje khu tshur gnyis bcings nas de'i rdo rje bar 'phang pa dang/ tshur 'dren pa'i tshul bya ste/ 'di ni rdo rje tshogs rnams kyi'o/ /g.yon pa'i khu tshur gyis bsnyems par byas nas g.yas pa'i khro bo'i khu tshur gyis sdigs mdzub du byas te 'di ni khro bo rnams kyi'o/ /rdo rje khu tshur gnyis kyis 'od ma'i yal ga mdud pa'i tshul bya ste/ 'di ni thig skud drug par rdo rje pho nya rnams kyi'o/ /rdo rje khu tshur gnyis dril bu dkrol bar byas te/ /'di ni rdo rje gnod sbyin rnams kyi'o/ /khu tshur bcings nas mthe'u chung gi sor mo gnyis byas la kha'i mdza' gnyis su bzung bar bya ste/ 'di ni rdo rje srin po rnams kyi mche pa'i phyag rgya'o/ /rdo rje khu tshur gnyis bcings nas des bka' nod pa'i tshul du byas ste/ 'di ni mngag gzhug rnams kyi'o/ /thig skud kyi bar mtshams bdun pa la ni rdo rje gtsug tor la sogs pa'i phyag rgya dang sngags sngar bshad pa gzung bar bya'o/ /rdo rje rnal 'byor gyi mkha' 'gro ma dang/ pho nya mo dang/ tshogs brgyad kyi bshad par bya ste/ de la rdo rje hUM mdzad gyi phyag rgya bcings nas g.yon pa'i rtse gsum gyis mtshan pa'i rdo rje mkha' 'gro ma'i phyag rgya dang po'o/ /
- 142b
de nyid bcings nas g.yas pa'i mthe'u chung rab tu brkyang ba ni gnyis pa'o/ /de nyid bcings nas g.yon pa'i mdzub mo dbyug pa'i khu tshur ni gsum pa'o/ /de nyid bcings nas steng du dbyug pa dang/ 'og tu rgyal mtshan lta bu ni rdo rje mkha' 'gro ma'i phyag rgyu bzhi pa'o/ /pho nya'i dam tshig phyag rgya nyid ni pho nya mo rnams kyi'o/ /khro bo'i khu tshur gnyis rdo rje kha TwAM ga dang/ rdo rje rtse gsum pa dang/ rdo rje mdzod dang/ rdo zhags pa dang/ rdo rje dbyug pa dang/ rdo rje mdung thung dang/ rdo rje mnga' dad/ rdo rje 'khor lo zhes bya ba ni tshogs brkyang kyi dam tshig gi phyag rgya'o/ /rgyud 'di thams cad du gang du khyad par med pa deng rang gi snying po nyid chos kyi phyag rgyar shes par bya'o/ /rdo rje sems dpa' i dbang bskur bzhad pa'o/ /zhes bya ba la/ /rdo rje sems dpa' i dkyil 'khor du de bzhin gshegs pa thams cad kyi sku mchog sangs rgyas lnga'i cod pan gyis dbang bskur ba'i phyag rgya bzung bar bya'o/ /de ltar na sangs rgyas lnga'i cod pan gyi dbang bskur ba'i phyag rgya bstan nas da ni rdo rje phreng ba'i dbang bskur ba'i phyag rgya bstan par bya ba'i phyir/ rdo rje'i rigs thams cad ces bya ba gsungs te/ rdo rje rigs kyang yin la thams cad kyang yin pas na rdo rje'i thams cad de 'jig rten dang 'jig rten las 'das pa'o/ /rdo rje'i rigs thams cad kyi dbang bskur ba sbyin pa'i phyag rgya ni 'di zhes bya ba ni tshig gi lhag ma'o/ /ji ltar zhe na/ rdo rje thal mo zhes bya ba la sogs pa la rdo rje thal mo bcings nas mdzub mo gnyis kyis phan tshun mdung ba bcing bar byas la mthe bor dang srin lag gi sor mo dag gis rtse mo gnyis byas te/ de nas yongs su bskor la gtsug tor gyi phyogs nas brtsams te logS bzhir phreng ba 'ching ba'i tshul byas te/ hUM a b+hi Shiny+tsa zhes bya ba brjod cing dpral ba'i steng du bzung bar bya ste/ de ltar na rdo rje'i rigs thams cad la
- 143a
'bar ba'i rdo rje rtse lnga pa'i phreng ba'i dbang bskur bar bya'o/ /'bar ba'i rdo rje rtse lnga pa zhes bya ba la sogs pa ni go sla'o/ /rdo rje'i phyag rgya khro bo ti rin ti ri las byung ba'o zhes bya ba la/ bcom ldan 'das rdo rje nyi ma me ltar 'bar ba'i dam tshig gi phyag rgyan gang bshad pa de ni rdo rje khro bo ti rin ti ri zhes bya ba ste/ de bcings nas mdzub mo gnyis bsgreng pas yi ge hUM brjod cing bcom ldan 'das rdo rje nyi ma me ltar 'bar ba dam tshig gi phyag rgyas rab tu bsgrubs nas sdigs mdzub byas te/ de ltar na rdo rje'i phyag rgya'i khro bo ti rin ti las byung ba yin no/ /don thams cad sgrub par byed pa'o/ /zhes bya ba 'di'i las bstan pa yin te/ de ltar rdo rje'i phyag rgya 'di rab tu skyor na nges pa kho nar dngos grub thams cad rab tu sgrub par byed pa yin no/ /de nas kyi sgra ni skabs la bab pa la'o/ /las kyi phyag rgya bzhi zhes bya ba ni rgyas btab pa dang/ phyag rgya che bar byed pa dang/ gsod par byed pa dang/ slar yang srog ster bar byed pa zhes bya ba rnams so/ /de dag gang yin zhe na/ dam tshig gi phyag rgya'i lha mo rnams so zhes bya ba ni mda''dzin pa la sogs pa'i dam tshig gi phyag rgya rnams so zhes bya ba ni don to/ /'di ltar bshad par 'gyur te/ mda''dzin ma'i dam tshig gi phyag rgyas ni ? 'debs pa'o/ /kha TwAM ga 'dzin pa'i dam tshig gi phyag rgyas ni phye ba'o/ /'khor lo 'dzin pa'i dam tshig gi phyag rgyas gsod par byed pa'o/ /sna tshogs pa'i ba dan 'dzin pa'i dam tshig gi phyag rgyas slar yang dam tshig gi srog byin pas 'byin par 'gyur ro/ /de nas bcom ldan 'das kyis las kyi dam tshig go zhes bya ba la/ de nas kyi sgra ni snga ma bzhin no/ /bcom ldan 'das rdo rje nyi ma me ltar 'bar ba'i phyag rgya bya ba nan tan bsgrub pa'i ye shes rdzogs pa'i rgyur gyur pa'i las kyi dam tshig ces bya ba ni las kyi phyag rgya yin no zhes bya ba'i don to/ /de ji ltar yin zhe na/ rdo rje khu tshur gyis
- 143b
zhes bya ba la sogs pa la g.yon pa'i rdo rje khu tshur gyis bsnyems pa byas nas g.yas pa'i rdo rje khu tshur gyis rdo rje gsor ba'i tshul byas te/ 'di ni bcom ldan 'das rdo rje nyi ma me ltar 'bar ba'i las kyi phyag rgya'o/ /'di zhes bya ba la sogs pa ni go sla'o// de ltar bcom ldan 'das kyi phyag rgya'i mtdzad pa nyid bshad nas da ni rdo rje mtshon cha 'dzin ma la sogs pa rnams kyis bshad par bya ba'i phyir de nas las kyi phyag rgya zhes bya ba gsungs so/ /rdo rje khu tshur sdigs mdzub dang bcas pa'i mdzub mo ni rdo rje khro bo yi khu tshur ro zhes bya ba la/ rdo rje khu tshur gnyis bcings nas mdzub mo gnyis bsgreng ba sdigs mdzub kyi tshul du bzung bar bya ste/ 'di ni rdo rje khu tshur zhes bya ba phyag rgya'o/ /de dag gi las kyi dam tshig gi phyag rgya'o/ /zhes bya ba la khro bo'i khu tshur de dag gi las kyi phyag rgya rnams kyi rgyur gyur pa'i phyag rgya ni las kyi dam tshig gi phyag rgya ste/ de gnyis su byas nas las kyi phyag rgya bcing bar bya'o/ /khro bo'i khu tshur gnyis phan tshun yang dag par sbyor ba bcings te/ gnyis su byas nas bya'o zhes bya'i don to/ /sor mo gnyis kyis thams cad bkug pa'o/ /zhes bya ba khro bo yi khu tshur gnyis bcings nas/ mdzub mo gnyis kyis dgug pa'i tshul bya ste/ 'di ni rdo rje mtshon cha 'dzin pa'i thams cad dgug pa'i las kyi phyag rgya yin no/ /snying gar cig shos dang g.yas pas gdug pa thams cad gcod pa'o/ /zhes bya ba la g.yon pa'i khro bo yi khu tshur rang gi snying gar bzhag ste/ g.yas pas ral gri 'di bas pa'i tshul du bya ste/ 'di ni mdzod 'dzin ma'i gdug pa thams cad gcod par byed pa'o/ lag pa'i mdud pas g.yas pa'i khro bos 'gugs pas thams cad 'gugs pa dang rab tu gzhug pa'o zhes bya ba la khro bo yi khu tshur gnyis bcings te/ /des lag pa'i mdud pa byas te/ /g.yas pa'i khro bo'i khu tshur gyis g.yon pas khro bo yi
- 144a
khu tshur dgug par byas te/ 'di ni zhags pa 'dzin pa'i las thams cad 'gugs pa dang/ thams cad gzhug par byed pa'o/ /bstod pa dang bcas pa'i mnga' 'phang ngo zhes bya ba la g.yon pa'i khro bo yi pu tshur gyis gzhu 'dzin pa'i tshul byas la g.yas pas mnga' bstod pa'i tshul byas nas de nas 'phangs pa'i tshul byas te/ 'di ni mnga' 'dzin ma'i 'o/ /de bzhin du rdo rje rtse gsum pa la sogs pa'i rdo rje gar gyi sbyor bas rang gi dam tshig gi phyag rgya gyen du 'phang pa'o zhes bya ba la rtse gsum dang/ kha TwAM ga dang/ 'khor lo dang/ sna tshogs ba dan 'dzin pa rnams kyi gang las byung ba'i dam tshig gi phyag rgya rnams gyen du 'phangs pas las kyi phyag rgyar 'gyur ro/ /thams cad la rgyas btab pa zhes bya ba la sogs pa ni go sla'o/ /sgeg mo la sogs pa rnams kyi las kyi phyag rgya ni khro bo yi khu tshur gnyis kyis bcing bar bya ste/ /khro bo yi khu tshur gnyis bcings nas bskor te rang gi snying ga'i phyogs su sgeg pa dang bcas pas gzung bar bya ste / 'di ni sgeg mo'i 'o/ /khro bo'i khu tshur gnyis rgod pa'i tshul du khar yongs su bskor nas spyi bor yongs su gzung bar bya ste/ 'di ni bzhad ma'i 'o/ /g.yon pa'i khu tshur gyis mdzub mo bkug pa dbyug pa'i tshul la gnas pa'i mdzub mo gi wang 'jud pa'i tshul du gzung bar bya ste/ 'di ni glu chen mo'i 'o/ /khro bo'i khu tshur gnyis kyis gang byas la rdo rje thal mo sbyi bor bcing bar byas te/ 'di ni rdo rje gar ma'i'o/ /khro bo yi khu tshur gnyis bcings nas/ lag pa mdud pa byas te las pa g.yas pa gyen du byung bas rdo rje bka' sgo ba'i sgo bsrungs ma rnams kyi'o/ /de yang g.yas pa'i las te mdzub mo'i lcags kyu dang/ lag pa bzung pa dang/ mdud pa bcing ba dang/ rang gi snying gar dril chung dkrol pa'i tshul zhes bya
- 144b
pa'o/ /rdo rje gtsug tor la sogs pa rnams kyi yang rdo rje khu tshur gnyis kyis dam tshig gi phyag rgya'i sbyor bas gtsug tor la sogs pa'i tshul sbyin pa'i las kyi phyag rgya'o/ /'di ltar bshad par 'gyur te/ rdo rje khu tshur gnyis rang gi snying ga'i phyogs su bcings te/ gyen du bstan pas yongs su bskor nas gtsug gi phyogs su gzung bar byas te/ 'di ni gtsug tor rnams kyi las kyi phyag rgya'o/ /snying ga las gyen du btegs te yongs su bskor nas mdzod spu'i phyogs su bzung bar bya ste/ 'di ni rdo rje mdzod spu rnams kyi'o kha las byung bar bya ste/ 'di ni rig pa mchog gi'o/ /rang gi snying gar lcags kyu'i tshul du bzung bar bya ste/ 'di ni khro bo ti ka na'i'o/ /lte bar mdzub mo bzhag pa'i tshul du bzung bar bya ste/ 'di ni gshin rje mthar phyed kyi'o/ /ral gri'i tshul du ? bar bya ste/ 'di ni khro bo ta ki ni'i'o/ /dpung pa g.yas pas rdo rje lcags kyu 'dzin pa'i tshul gyis bzung bar bya ste/ 'di ni rdo rje lcags kyu'i'o/ /dpung pa g.yon pa'i zhags pa'i tshul du bzung bar bya ste/ 'di ni rdo rje zhags pa'i'o/ /rdo rje khu tshur gnyis kyis rtse mo rang gi snying gar sbyar par bya ste/ 'di ni rdo rje kI li kI la'i 'o/ /rdo rje khu tshur gyi rtse mo brla g.yon par bzung bar bya ste/ 'di ni rdo rje bsnyems ma'i'o/ /rang gi snying gar bzung bar bya ste/ 'di ni rdo rje bsdams pa'i'o/ /phan tshun du bcing par bya ste/ 'di ni rdo rje khu tshur ro/ /pad+ma 'dzin pa'i ? bya brla g.yas pa la bzung bar bya ste/ 'di ni rdo rje sde'o/ /g.yon pa dang g.yas pa'i khu tshur gnyis mnga' 'phang ba'i tshul du bya ste/ 'di ni mur d+ha d+ha ki'i'o/ /phyag 'tshal ba'i chung du byas te 'di ni rdo rje phyag gi'o/ /de nyid ltung ba'i tshul byas te/ 'di ni rdo rje ltung ba'i 'o/ /rkang gdung gzung bar bya ste/ 'di ni rdo rje lcags sgrog gi'o/ /bsdams pa'i bsam pas bcing bar bya ste/ 'di ni rdo rje lu gu rgyud kyi'o/ /rdo rje shugs kyis
- 145a
bsgoms pas bcing bar bya ste/ 'di ni rdo rje shugs kyi'o/ /g.yon pa'i rdo rje khu tshur rang gi snying gar bzung bar bya ste/ g.yas pa'i rdo rje khu tshur rdo rje gsong? pa'i tshul du gsor zhing bsgrub bar byas te/ 'di ni rdo rje shugs kyi'o/ /rdo rje khu tshur gnyis bcing par byas te/ 'di ni sngags rnams kyi'o/ /rdo rje khu tshur gnyis gyen du kha blta bar bzhag la snying ga la gyen du drang bar bya ste/ 'di ni lha rnams kyi'o/ /rdo rje khu tshur bcings la g.yas pas rang la dar dbyangs kyi tshul du bya ste/ 'di ni rdo rje mgon po rnams kyi'o/ /rdo rje khu tshur gnyis bcings nas g.yon pas rang la dar dbyangs 'ching ba'i tshul du byas te 'di ni lha mo rnams kyi'o/ /rdo rje khu tshur gnyis bcings nas g.yon pas bsnyems par bya ste/ 'di ni rdo rje rgyal 'thel rnams dang de'i lha mo rnams kyi'o/ /thig skud bzhi po yi bar mtshams su rol mo'i phyag rgya de bzhin du shes par bya'o/ /sgeg mo la sogs pa yang rang gi las kyi phyag rgya rnams gzung bar bya'o/ thig skud lnga ba'i bar mtshams su/ rgyal 'theg rnams gyi phyag rgya sngar bshad pa kho nas shes par bya'o/ /g.yon pa'i rdo rje khu tshur gyis bsnyems par byas nas gsang ba'i khu tshur gyis rdo rje 'od ma'i yal ga mdung pa'i tshul du byas ste/ 'di ni sgo srungs rnams kyi'o/ /rdo rje khu tshur gnyis kyis rdo rje mdun du drang ba dang phyir drang ba'i tshul du bya ba ste 'di ni tshogs rnams kyi'o/ /g.yon pa'i rdo rje khu tshur gyis snyems par byas la/ g.yas pas sdigs mdzub kyi tshul du byas te/ 'di ni khro bo rnams kyi'o/ /rdo rje khu tshur gnyis kyis 'od ma'i yal ga 'gugs pa'i tshul du bya ste/ 'di ni pho nya rnams kyi'o/ /rdo rje khu tshur gnyis dril bu dkrol ba'i tshul du bzung bar bya ste/ 'di ni rdo rje gnod sbyin rnams kyi'o/ /rdo rje khu tshur gnyis kha'i mdza' gnyis su gzung bar bya ste/ 'di ni
- 145b
rdo rje srin po rnams kyi'o/ /rdo rje khu tshur gnyis bka' sgo ba'i tshul du bzung bar bya ste/ 'di ni mngag gzhug pa dang mngag gzhug ma rnams kyi'o/ /rdo rje khu tshur gnyis rdo rje kha TwAM ga dang/ rdo rje rtse gsum dang/ rdo rje mdzod dang/ rdo rje zhags pa dang/ rdo rje dbyug pa dang/ rdo rje mdud cung dang/ rdo rje mda' dang/ rdo rje 'khor lo 'dzin pa'i bsam pas bcing bar bya ste/ 'di rnams ni tshogs brgyad las kyi phyag rgya yin no/ /rdo rje rnal 'byor gyi mkha' 'gro ma rnams kyis gang las byung ba'i rang gi dam tshig gi phyag rgya steng du bzung ba nyid las kyang phyag rgya'o/ /khro bo'i dag gis rdo rje'i rigs la bzlas pa bya'o zhes bya ba khro bo yi mtshan nyid bstan par bya ba'i phyir de nas ngag gi phyag rgya zhes bya ba la sogs pa gsungs te/ sprin bzhin du yi ge hUM gi sgra sgrogs ba gang la yod pa de ni sprin gyi sgra sgrogs pa'i yi ge hUM dang po'o/ /sprin gyi sgra sgrogs pa'i yi ge hUM dang ldan pa yang de yin la phra ba'i spro dang bcas pa yang de yin pas sprin gyi sgra sgrogs pa'i yi ge hUM dang ldan pa'i phra mo'i sgra'o/ /de ltar rgyur pa gcig pur ma zad kyi khro zhing gsal ba'o zhes bya ba la/ /khro bas gsal na khro zhing gsal bas te/ khro ba'i nyams kyis khyab cing de dang ldan pa'o zhes bya ba'i don to/ de ltar gyur pa'i khro bo chen po'i rdo rje'i ngag yin no/ /gang gi don du dang ldan pa bsam po gang gis 'di sbyar bar bya zhe na/ sgrub pa'i don du bsgrub par bya'o zhes bya ba la/ phyag rgya chen po la sogs par sgrub pa'i phyir 'dis bdag nyid dang khams gsum pa'i rdo rje'i rigs kyi gzugs rdzogs pa bsgrub par bya'o zhes bya ba'i bsam pas rab tu sbyar bar bya ba yin no/ /de ni pas brgya sgrub par byed pa'i phyag rgya rnams kyi mtshan nyid bstan par bya ba'i phyir/ de nas ma grub na zhes bya ba la sogs pa gsungs te/ ji ltar bshad pa'i tshul gyis sngon du bsnyen par byas nas mtshan thog thag bsgoms pas gang gi tshe chos kyi phyag rgya la sogs pa grub par ma gyur na de'i tshe chos kyi phyag rgyal
- 146a
sogs pas ma grub pa'i rjes thogs nyid du sregs pa la sogs pa'i las thams cad sgrub par byed pa'i phyag rgya rnams 'ching ba la/ 'ching ba'i mtshan nyid 'di yin no zhes bya ba'i don to/ /sgrub pa ni de bzhin du phyag rgya chen pos lan cig tu bya'o zhes bya ba la/ ji ltar chos kyi phyag rgya la sogs pa sgrub pa'i phyir thams cad dgug pa dang mchod pa chen po dang/ bdag la byin gyis rlob pa la sogs pa bsgrub pa sngon du 'gro ba'i phyag rgya chen pos bdag la byin gyis brlab pa'i sgrub pa cig bu lan cig bstan pa de bzhin du thams cad sreg pa la sogs pa'i las sgrub pa 'dir yang shes par bya'o/ /las la nges par sbyar ba ni/ khro gnyer gnyis so zhes bya ba la/ 'dir yi ge hi ni khro gnyer te/ de dang bcas pa las thams cad sgrub par byed pa'o/ /phyag rgya rnams la nges par sbyar bar bya'o/ 'di ltar bshad par 'gyur te/ bdag la byin gyis brlab pa la sogs pa dang/ phyag rgya bzhi byas nas khro gnyer gyis kyang rgod pa dang bcas pas phyag rgyas te/ las sgrub par byed pa'i phyag rgya bcings te hi hUM zhes bya ba bzlas zhing las thams cad bsgrub par bya ste/ de ltar na las thams cad nges par sbyor ba khro gnyer gyis 'grub pa yin no/ /rdo rje hUM mdzad las byung ba'o/ /zhes bya ba la/ rdo rje hUM mdzad bcings nas las sgrub bar byed pa'i phyag rgya bcing bar bya ste/ de ltar na rdo rje hUM mdzad las byung ba de yin no// ji ltar zhe na/ ske tshe dang bcas pa'i til mar rnog pa'i sbyin sreg ni g.yas pas so zhes bya ba la/ rdo rje hUM mdzad kyi phyag rgyas g.yas pa'i khu tshur gyis blugs gzar blangs te/ des ske tshe dang bcas pa'i til mar la zhi ba'i sbyin sreg byas te/ de ltar na thams cad bsregs par 'gyur ro/ /de nyid kyis btad pa'o zhes bya ba la/ rdo rje hUM mdzad bcings nas sgrub par bya ba bskrad pa'i bsam pas sdigs mdzub kyis btang bar bya ste/ de ltar na thams cad bskrad pa'o/ /de nyid kyis thams cad 'ching
- 146b
pa'o zhes bya ba la/ rdo rje hUM mdzad kyi phyag rgya'i mdzub mos bsgrub bya'i gdong bcing bar bya ste/ de ltar na thams cad rmugs par byed par 'gyur ro/ /g.yo ba med pa zhes bya ba la rdo rje hUM mdzad gyi phyag rgyas bsgrub bya g.yo ba med par bsam par bya ste/ de ltar na thams cad rings pa'o/ /gnyid log pa ston pa'o zhes bya ba la rdo rje hUM mdzad bcings nas mig gnyis btsum par bya ste/ de ltar na thams cad gnyid log tu 'jug pa'o/ /khro bo'i rdo rje'i lta bas sdigs mdzub zhes bya ba la khro bo'i lta bas bsgrub bya la blta zhing/ rdo rje hUM mdzad kyi phyag rgyas sdigs mdzub byas te/ de ltar na thams cad la rgyas btab pa'o/ /phyag rgya gling bar 'gyur ba'o zhes bya ba la/ rdo rje hUM mdzad bcings nas glod par bya ste/ de ltar na thams cad rmongs par 'gyur ba'o/ /mdzub mo gnyis yang dag par sbyar nas 'phye ba'o zhe sbyar ba la/ rdo rje hUM mdzad kyi phyag rgya'i mdzub mo gnyis phan tshun sbyar bar byas la so sor phye bar byas te/ de ltar na thams cad 'joms pa'o/ /de dag nyid kyis sdug gu 'ching ba'o zhes bya ba la rdo rje hUM mdzad kyi phyag rgya'i mdzub mo gnyis kyis pu? gu rgyud bcing bar bya ste/ de ltar na thams cad 'ching ba'o/ /'ching ba btsir ba'o zhes bya ba ni/ rdo rje hUM mdzad kyi mdzub mo'i phyag rgya'i mdzub mo gnyis kyis lu gu rgyud bcings nas btsir bar bya ste/ de ltar na thams cad btsir ba'o/ /de nas dral bar bya'o zhes bya ba la 'das ma thag pa'i lu gu rgyud bcing bar byas la mdzub mo gnyis bcings la dral bar bya ste/ de ltar na thams cad dral ba'o/ /g.yas pas rdog pa'o zhes bya ba la/ rdo rje hUM mdzad kyi phyag rgya'i g.yas pa'i mdzub mos g.yon pa'i mdzub mo la brdeg par bya ste/ de ltar na thams cad gsod pa'o/ /mdzub mo gnyis kyis 'bar ba'i zhes bya ba la rdo rje hUM mdzad kyi phyag rgya'i mdzub mo gnyis kyis gyen du 'bar ba'i tshul du byas te/ de ltar na
- 147a
thams cad 'bar ba'o/ /g.yas pa'i mdzub mo dbus ma ltung ba'i tshul lo zhes bya ba la rdo rje hUM mdzad kyi phyag rgya'i g.yas pa'i mdzub mo la g.yon pa'i dbus ma'i sor mo bsgreng ba bsgrub bya ltung ba'i tshul gyis dbab par byas te/ de ltar na thams cad ltung du 'jug pa'o/ /mdzub mo gnyis kyis mi phyed pa'o zhes bya ba/ rdo rje hUM mdzad kyi phyag rgya'i mdzub mo gnyis kyis 'bar ba'i tshul bstan par bya ste/ de ltar na thams cad 'tshed pa'o/ /gcod pa'i zhes bya ba la rdo rje hUM mdzad kyi phyag rgya gcod pa'i tshul du sbyar bar bya ste/ de ltar na thams cad gcod pa'o/ /mdzub mo gnyis kyis sen mo sbyar ba'i rtse mos gcod pa'o zhes bya ba la rdo rje hUM mdzad kyi sen mo gnyis kyis phan tshun sen mo yang dag par sbyar ba'i rtse mong byas la/ des bsgrub bya rnams dral ba'i tshul du byas te/ de ltar na thams cad dral bar 'gyur ro/ /lag pa gnyis drag tu mnye ba'o zhes bya ba la/ rdo rje hUM mdzad bcings nas lag pa gnyis phan tshun du drag tu mnye bar bya ste/ de ltar na thams cad phye mar 'gyur ro/ /thams cad du sor mo thaMs cad nor ba'o zhes bya ba la rdo rje hUM mdzad bcings te phyogs bcur sor mo thams cad dor bar bya ste/ de ltar na thams cad dor bar 'gyur ro/ /cig car du phyag rgya dkrol ba'o zhes bya ba la rdo rje hUM mdzad myur ba nyid du dgrol par byas te de ltar na thams cad rnam par 'dzoms par 'gyur ro/ /rang? zhing g.yo bas sdigs mdzub po zhes bya ba la rdo rje hUM mdzad bcings nas/ gang zhig g.yo ba'i tshul gyis bdag nyid 'dar bar bya zhing bsgrub bya la sdigs mdzub byas te/ de ltar na rims thams cad kyis bsgrub bya 'dzin du gzhug pa'o/ /g.yas pa'i mdzub mo'i gdengs ka bskyod pas sdigs mdzub bo zhes bya ba la/ rdo rje hUM mdzad kyi phyag rgya'i g.yas pa'i mdzub mos klu'i lto 'phye'i tshul du byas la de yis bsgrub bya la sdigs mdzub byas te/ de ltar na dug thams cad
- 147b
kyis bsgrub bya zin par 'gyur ro/ /g.yas pa'i mdzub mo mche bas bzung ba'o zhes bya ba la/ rdo rje hUM mdzad kyi g.yas pa'i mdzub mo so rnams kyis bzung bas byas te/ de ltar na bsgrub bya gdon gyis 'dzin du gzhug pa yin no/ /du ba dang rgod pa dang rmugs pa la sogs pa bstan pa'o/ /zhes bya ba la rdo rje hUM mdzad bcings nas du ba dang rgod pa dang rmugs pa la sogs pa bdag nyid kyis bstan par bya ste/ de ltar na bsgrub bya smyo bar byed pa yin no/ /mdzub mo gnyis kyis se gol brdebs pa'o zhes bya ba la/ rdo rje hUM mdzad kyi mdzub mo gnyis kyi phan tshun du se gol gyi sgra byung zhing bsgrub bya la brdeg par bya ste/ de ltar na thams cad gsod par 'gyur ro/ /g.yon pa'i steng du g.yas pa nye bar bzhag pa'o/ /zhes bya ba la rdo rje hUM mdzad kyi phyag rgya'i g.yon pa'i sdigs mdzub dang/ khur du bzhag ste/ de'i steng du g.yas pa'i mdzub mo bzhag par bya ste/ de ltar na langs pa thams cad nye bar 'dug par 'gyur ro/ /sa la rab tu bzhag pa'o/ /zhes bya ba la rdo rje hUM mdzad kyi bcings nas sa la rab tu bzhag par byas te/ de ltar na thams cad 'khor bar 'gyur ro/ /bskyod par bya'o zhes bya ba la rdo rje hUM mdzad bcings nas bsgrub bya g.yo ba'i bsam pas bskyod par bya ste/ de ltar na thams cad g.yo bar 'gyur ro/ /gar bya'o zhes bya ba la rdo rje hUM mdzad bcings nas rang gis gar byas te/ de ltar na/ thams cad gang byed du 'jug pa yin no/ /'byin pa'o zhes bya ba la/ rdo rje hUM mdzad bcingS na nam mkha' i phyogs las gyen du drang bar byas te/ de ltar na thams cad blu len du 'jug par 'gyur ro/ /bslab par bya'o zhes bya ba la rdo rje hUM mdzad bcings nas chu bo yi tshogs chen pos bskyod pa'i tshul du brlab par bya ste/ de ltar na thams cad brtsor gzhug pa yin no/ /thams cad du brlab par bya'o zhes bya ba la rdo rje hUM mdzad bcings nas phyogs bzhi du chu'i tshogs bskyod pa'i tshul du brlab par bya ste/ de ltar na thams
- 148a
cad rol tu gcug par 'gyur ro/ /ha har rgod pa'o zhes bya ba la rdo rje hUM mdzad bcings nas ha har rgod par bya ste/ de ltar ha har rgod par byed du bcug par 'gyur ro/ /bskor ba'o zhes bya ba la rdo rje hUM mdzad bcings nas bskor bar byas te/ de ltar na thams cad bskor du bcug pa'o/ /dgug par bya'o zhes bya ba la/ rdo rje hUM mdzad dgug par bya ste/ de ltar na thams cad 'gugs par 'gyur ro/ /drang bar bya'o zhes bya ba la rdo rje hUM mdzad bcings nas mdun du de drang bar bya'o/ /de ltar na 'dren pa'o// gtang bar bya'o zhes bya ba la rdo rje hUM mdzad mdun du drang bar bya ste/ de ltar na thams cad gtang bar 'gyur ro/ /yongs su bskor nas nub par bya'o/ /zhes bya ba la/ rdo rje hUM mdzad yongs su bskor nas nub pa'i tshul du gzung bar bya ste/ de ltar na thams cad nub par 'gyur ro/ /de nas dor bar bya'o zhes bya ba la rdo rje hUM mdzad gyen du drang bar bya ste/ de ltar na thams cad gyen du 'byung bar 'gyur ro/ /myur du dor ba'o zhes bya ba la/ rdo rje hUM mdzad myur du dor bar bya ste/ de ltar na thams cad dor ba'o/ /de bzhin du kun nas 'dren pa'o zhes bya ba la rdo rje hUM mdzad myur du gyen du drang bar bya ste/ de ltar na thams cad gyen du 'dren par 'gyur ro/ /de bzhin du gyen du drang bar bya'o zhes bya ba la rdo rje hUM mdzad chu du drang bar byas te/ de ltar na thams cad gyen du drang bar 'gyur ro/ /rang gi da? ro bya'o zhes bya'o zhes bya ba la rdo rje hUM mdzad bcings nas rang nyid kyis nga ro bya ste/ de ltar na thams cad kyis nga ro 'don par byed pa'o/ /du bar bya'o zhes bya ba la rdo rje hUM mdzad bcings nas rang gis du bar byas te de ltar na thams cad du pa'o/ /bdag nyid la brdog par bya'o zhes bya ba la/ rdo rje hUM mdzad bcings nas bdag nyid la brdig par byas te/ de ltar na bsgrub bya thams cad kyis bdag nyid la brdeg pa'o/ /snying gar brdeg pa sbyin par bya'o//
- 148b
zhes bya ba la rdo rje hUM mdzad bcings nas des rang gi snying gar brdeg par bya ste/ de ltar na thams cad gsong pa'o/ /de nyid kyis rang gi sgra 'don par bya'o zhes bya ba la/ gzhan gyi sgra yang rang nyid kyis 'don pa yin pas de rnam par bcad par bya ba'i phyir rang nyid 'don zhes bya ba 'dis 'di ltar 'chad par 'gyur te/ rdo rje hUM mdzad kyi bar gyi sgra 'don par byas te/ de ltar na thams cad bsgrub bya sgra 'don par byed pa yin no/ /sdang ba sngams pa'o zhes bya ba la rdo rje hUM mdzad bcings nas yid kyis bsgrub bya dpral bar bya ste/ de ltar na rnam par sdang ba'o/ /rang gi gos gtong bar bya'o zhes bya ba la/ rdo rje hUM mdzad kyis rang gi gos gtong par byas te de ltar dgos gtong pa'o/ /khro bas de bzhin du 'bar ba bstan pa'o zhes bya ba la rdo rje hUM mdzad bcings nas khro zhing rab tu g.yo bas mdzub mo gnyis kyis gyen du 'bar ba bskyed pa'i tshul du bya ste/ de ltar na khro ba 'bar bar 'gyur ro/ /g.yas pa'i mdzub mo'i lcags kyu'i zhes bya ba la rdo rje hUM mdzad kyi g.yas pa'i mdzub mo lcags kyu'i rnam par byas te/ 'dis thaMs cad 'gugs par 'gyur ro/ /de nyid kyis rab tu gzhug pa'o zhes bya ba la rdo rje hUM mdzad kyis bsgrub bya rab tu gzhug pa'i tshul du bya ste/ de lta ngan thams cad rab tu gzhug par 'gyur ro/ /g.yas pa'i se gol zhes bya ba la rdo rje hUM mdzad kyi phyag rgya'i g.yas pas sdigs mdzub dang mthe bong dag gis se gol gyi sgra bya ste/ de ltar na thams cad 'bebs pa'o/ /g.yon pa'i se gol zhes bya ba la rdo rje hUM mdzad kyi phyag rgyas g.yon pa'i sdigs mdzub dang mthe bong dag gis se gol gyi sgra bya ste/ de ltar na pra dbab gpa thams cad bsgrub pa'o/ /lce reg pa ni mdzub mo gnyis zhes bya ba la rdo rje hUM mdzad kyi phyag rgya'i mdzub mo gnyis kyis lce reg par bya ste/ de ltar na thams cad smra bar 'gyur ro/ /yan lag la sbu g.yas su 'khyil ba bskor ba'o zhes bya ba la rdo rje hUM mdzad bcings nas
- 149a
g.yas su 'khyil ba'i spu ston pa'i tshul du yan lag thams cad bskor bar bya ste/ de ltar na sgyu ma thams cad sngon par 'gyur ro/ /ltung du gzhug pa la sogs pa byed pa'o zhes bya ba la rdo rje hUM mdzad kyis ltung du gzhug pa dang/ slod par byed pa'i tshul ston par byed te/ /de ltar na thams cad so sor ston pa mthong ba'o/ /dus bsgom pa'o zhes bya ba la rdo rje hUM mdzad bcings nas dus 'khor lo yongs su bskor bar bya ste/ de ltar na dus kyi 'khor lo yongs su bskor ba'o/ /khro bo'i lta bas shing drung rnams la yid kyis 'dod pa'o zhes bya ba rnams la rdo rje hUM mdzad bcings nas khro bo'i lta ba bskyed nas nges shing drung rnamS kyi 'dab ma dang me tog dang 'bras bu dang ci 'dod pa'i shing de dag mthong zhing bstan pa'o/ /de bzhin dus la blta zhes bya ba ni rdo rje hUM mdzad bcings nas khro ba yi lta bas sa la lha zhing sa la bzhag ste/ 'bru thams cad skye bar bsgom par bya ste/ de ltar na 'bru thams cad ston par byed pa'o/ /lta ba'o zhes bya ba la rdo rje hUM mdzad bcings nas byams pa'i lta ba bya ste/ des bsgrub bya la blta zhing rims dang bral bar byed pa'o/ /smin ma zhes bya ba la rdo rje hUM mdzad bcings nas smin ma 'gyur pas 'phrog par bya ste/ de ltar na sbyar ba'i dug thams cad dang bral bar byed pa'o/ /so zhes bya ba la rdo rje hUM mdzad bcings nas so bstan par bya ste/ de ltar na gdon thams cad las grol bar 'gyur ro/ /du zhes bya ba la rdo rje hUM mdzad bcings nas yi ge phu brjod bar bya ste/ de ltar na dug thams cad las thar ba'o/ /phyag rgyas brdeg pa'o zhes bya ba la rdo rje hUM mdzad kyi mkha' 'gro mas bzung ba la brdeg par bya ste/ de ltar na mkha' 'gro ma thams cad kyi gzung ba dgrol ba'o rgyal mtshan bsgred pa'o zhes bya ba ni rdo rje hUM mdzad bcings nas rgyal mtshan bsgreng ba'i tshul gyi gyen du bzung bar bya ste/ de ltar na 'thab mo thams cad thar pa'o/ /'jigs
- 149b
byed kyi lta ba khro ba dang bcas pas so zhes bya ba la rdo rje hUM mdzad bcings nas khro bo dang bcas pa'i 'jigs byed kyi lta bas gzhan gyi dbung la lta zhing bzla bar bya ste/ de ltar na gzhan gyi dpung thams cad 'joms par 'gyur ro/ /'dzum pa des bas blta'o zhes bya ba la rdo rje hUM mdzad bcings nas 'dzum pa med pa'i lta bas blta zhing bzla bar bya ste/ de ltar na mtshams bcing bar 'gyur ro/ /de bzhin du 'bar bas 'ching ba'o/ /zhes bya ba la rdo rje hUM mdzad bcings nas/ snying ga las rdo rje 'bar ba spro ste/ des phyogs bcing par bya ste/ de ltar na phyogs thams cad bcing bar 'gyur ro/ /phyag rgya bskor bar bya'o zhes bya ba la rdo rje hUM mdzad bskor bar bya ste/ de ltar na dkyil 'khor bcing bar 'gyur ro/ /gtsug tor las mdzub mo'i rdo rje zhags par bya'o zhes bya ba la rdo rje hUM mdzad bcings nas mdzub mo gnyis kyis rtse mo yang dag par sbyar ba'i rtse mo bya ste/ yongs su bskor ba gtsug tor du 'dzub mo gnyis kyis rtse mo gnyis gzung bar bya ste/ de ltar na shin tu bsrungs par 'gyur ro/ /de bzhin du snying gar ro zhes bya ba la rdo rje hUM mdzad bcings nas mdzub mo gnyis kyi rtse mo yang dag par sbyar bar byas nas rang gi snying gar gzung bar bya ste/ de ltar na yongs su sbyong? bar byed par 'gyur ro/ /rdo rje bkrol ba'o zhes bya ba la 'das ma thag tu bshad pa'i phyag rgya rang gi snying gar dgrol bar bya ste/ de ltar thams cad dgrol bar 'gyur ro/ /phyag rgya zur du bslang pa'o zhes bya ba la rdo rje hUM mdzad zur du bzhag la bslang bar bya ste/ de ltar na thams cad bslang bar 'gyur ro/ /mdzub mo'i rtse mo brtan par sbyar la bya'o zhes bya ba la/ rdo rje hUM mdzad kyi phyag rgya'i mdzub mo gnyis kyi rtse mo phan tshun du yang dag par sbyar bar bya ste/ de ltar na thams cad dbang du byed par 'gyur ro/ /lta ba zhes bya ba la rdo rje hUM mdzad kyis khro bo'i lta bas blta zhing las bya'o/ /ci ltar zhe na/ steng nas 'og tu ltung
- 150a
ba'o zhes bya ba la/ rdo rje hUM mdzad bcings nas khro bo'i lta bas blta zhing steng gi phyogs nas 'og tu ltung ba'i tshul du byas te/ /de ltar na thams cad ltung bar 'gyur ro/ /'og nas steng du 'dren pa'o zhes bya ba la rdo rje hUM mdzad bcings nas lta ba dad bcas pa'i de nyid kyis 'og nas gyen du drang ba'i tshul du bya ste/ de ltar na klu thams cad ston par 'gyur ro/ /yi ge hUM khros pa'o zhes bya ba lta ba de nyid kyis blta zhing rdo rje hUM mdzad bcings ste/ bltos pas yi ge hUM bzlas par bya ste/ de ltar na gnod sbyin thams cad rjes su 'brang bar byed pa'o/ /'jigs byed lta ba'o zhes bya ba la/ rdo rje hUM mdzad bcings nas 'jigs byed kyi lta bas blta zhing bzla bar bya ste/ de ltar na srin po thams cad 'jigs su gzhug go/ rdo rje kha TwAM ga dral ba khro bos so zhes bya ba la rdo rje hUM mdzad bcings nas khro bo'i lta bas 'bar ba'i rdo rje rnams kha TwAM ga'i steng du yid kyis dbab par bya ste/ de ltar nag po chen po'i rdo rje kha TwAM ga dral bas mkha' 'gro ma la sogs pa'i gdon thams cad zhi bar 'gyur ro/ /snying gar rdo rje bsgom pa'o zhes bya ba la rdo rje hUM mdzad bcings nas rang gi snying gar rdo rje 'bar ba bsgom par bya ste/ de ltar na bdud kyi dpung thams cad 'joms par 'gyur ro/ /rdo rje rtse gsum bral ba'o zhes bya ba la rdo rje hUM mdzad bcings nas yid kyis rtse gsum dral bar byas te/ de ltar na ma mo thams cad zhi bar 'gyur ro/ /gdug pa'i dkyil 'khor gzhig par bya'o zhes bya ba la rdo rje hUM mdzad bcings nas bzla bar byas nas te/ /de ltar na gdug pa thams cad kyi dkyil 'khor gtor bar 'gyur ro/ /yi ge hUM gis so zhes bya ba la/ rdo rje hUM mdzad bcings nas yi ge hUM bzla bar bya ste/ de ltar na gdug pa can tshar gcod par 'gyur ro/ /yi zhes bya ba la rdo rje hUM mdzad bcings na yi ge hi bzla bar bya ste/ de ltar thams cad 'dul bar 'gyur ro//
- 150b
gags pas dbugs dbyung pa'o zhes bya ba la/ rdo rje hUM mdzad bcings nas g.yas phyogs su mi 'jigs pa sbyin pa'i tshul du gzung bar bya ste/ de ltar na 'jigs pa med par 'gyur ro/ /de nyid kyi dong rtse gsor ba'o zhes bya ba la rdo rje hUM mdzad kyi dong tso gsor ba'i tshul bya ste/ de ltar na nor bu bzang po dbang du byed do/ /khro bo'i lte bas de bzhin du byed do zhes bya ba la/ ji ltar dong tse gsor ba'i tshul gyis nor bu bzang po dbang du byed par 'gyur ba de bzhin du hUM mdzad bcings nas khro bo'i lta bas nor sbyin gyi gzugs brnyan la blta zhing bzla bar bya ste/ de ltar na gnod sbyin gyi nor thams cad 'phrog par 'gyur ro/ /rdo rje khu tshur g.yas pas mnan te/ g.yon pas so rnams kyis bzung nas dgug par bya'o zhes bya ba la/ rdo rje hUM mdzad bcings nas g.yon pa'i khu tshur du bzhag ste/ g.yas pa'i khu tshur gyis bzung la yu gu rgyud bcings pa ma dkrol zhing/ g.yon pa'i mdzub mo rnams kyis gzung bar byas la bkug par byas te/ de ltar na rnam par 'phrul pa'i gzugs brnyan gnas pas dpal thams cad 'dren par 'gyur ro/ /dong rtse gsor ba ni gnyis kyi so zhes bya ba la rdo rje hUM mdzad bcings mdzub mo gnyis kyis dong rtse gsor ba'i tshul bstan te/ de ltar na lha'i bu mo thams cad 'phrog par 'gyur ro/ /g.yon pa'i dril bu dral ba'o zhes bya ba la rdo rje hUM mdzad bcings nas gzhon nu ma'i lag pa g.yon pa la gnas pa'i dril bu yid kyis dral bar bya zhing gzhon nu ma dang lhan cig tu yang dag par sbyor bar bsam par bya te/ de ltar na gzhon nu ma dang/ rol par 'gyur ro/ /de bzhin rdo rje hUM mdzad kyis g.yas pa'i khu tshur g.yon pa'i rdo rje khro bos mnan te mthe'u chung gis gang du bu dkrol ba'i rdo rje khu tshur gyis 'phrog par bya'o zhes bya pa la rdo rje hUM mdzad bcings nas g.yas pa'i mdzub mo'i rtse mo rang gi mthe bong gi steng du bzhag nas thur
- 151a
du bstan la g.yon pa'i mdzub mos mnan te/ mthe'u chung gi lu gu rgyud bkrol bas 'phrog par bya ste/ de ltar na rkang pa g.yon pas brgya byin gyi gzugs brnyan mnan na sha tsi 'phrog par 'gyur/ g.yas pa'i dril bu dral ba'o zhes bya ba la rdo rje hUM mdzad bcings nas gzhon nu ma'i lag pa g.yas pa la gnas pa'i dril bu yid kyis dral bar bya ste/ de ltar na gzhon nu rnam par gcod par 'gyur ro/ /chags pa dral bas ltung ba ni yid kyis so zhes bya ba la rdo rje hUM mdzad bcings nas sems kyis ltung bar byas te/ de ltar na tshangS pa ltung du bcug par 'gyur ro/ /'khor lo dral ba'o zhes bya ba la rdo rje hUM mdzad bcings nas yid kyis khyad 'jug gi 'khor lo dral bar bya ste/ de ltar na khyab 'jug 'dul ba'o/ /rtse gsum dral ba'o zhes bya ba la/ yid kyis lha chen po'i rtse gsum dral bar bya ste/ de ltar na lha chen po rnams las rnam par rgyal bar 'gyur ro/ /rdo rje hUM mdzad kyi g.yon pa g.yas pa'i rdo rje khu tshur gyis mnan te/ de bzhin du gdub bu dkrol bas 'phrog par bya'o zhes bya ba la rdo rje hUM mdzad bcings nas mdzub mo'i rtse mo rang gi mthe bo'i steng du bzhag la g.yon pa'i mdzub mo yis yang de bzhin du bzhag ste/ g.yas pa'i rdo rje khu tshur gyis g.yon par bzung ste/ mthe'u chung gis gang du dkrol ba de ltar na/ 'dod pa'i dbang phyug mnan nas dga' ba ma 'phrog par 'gyur ro/ /rdo rje dang byang chub sems dpa' dang/ de bzhin gshegs pa thams cad dang/ rdo rje 'chang chen po rjes su dran pas bsgrub par bya'o zhes bya ba la rdo rje hUM mdzad bcings nas mdun du rdo rje bsgom par bya ste/ de ltar na rdo rje sgrub pa'o/ /mdun du byams pa la sogs pa'i byang chub sems dpa' bsgom par bya ste/ de ltar na byang chub sems dpa' chen po grub pa'o//
- 151b
mdun du rnam par snang mdzad la sogs pa'i de bzhin gshegs pa thams cad bsgom par bya ste/ de ltar na de bzhin gshegs pa thams cad rjes su chags pa'o/ /de bzhin du rdo rje hUM mdzad bcings nas mdun du rdo rje 'chang chen po bsgom par bya ste/ de ltar na rdo rje 'chang chen po rjes su chags pa dang/ 'jug pa dang/ dam tshig bcing ba dang/ dbang du byed pa grub par 'gyur ro/ /dpal mchog dang po'i rgya cher bshad pa shes rab kyi pha rol tu phyin pa/ 'byung ba zhes bya ba las rdo rje khro bo'i rgyal ba chen po'i phyag rgya'i rgyud kyi bshad pa rdzogs so// /de ltar na bcom ldan 'das rdo rje nyi ma me ltar 'bar ba'i phyag rgya'i rtog pa bstan nas/ da ni 'phags pa spyan ras gzigs dbang phyug gi phyag rgya'i rgyud kyi rtog pa bstan par bya ba'i phyir/ de nas 'phags pa spyan ras gzigs dbang phyug gi phyag rgya'i rgyud ces bya ba gsungs te/ pad+ma chen po zhes bya ba ni mdor bstan pa'o/ /rdo rje thal mo kha 'bus pa zhes bya ba la sogs pa ni rgyas par bshad pa'o/ /'dis ni da de ltar bshad par 'gyur te kha 'bus pa'i tshul gyis rdo rje thal mo bcings na/ sor mo dbus ma gnyis kyis rtse mo yang dag par sbyar bar bya ste/ mthe'u chung dang mthe bong rnams kyis pad+ma'i 'dab ma bzhi shin tu ba phye dang bya ste/ 'di ni 'phags pa 'jig rten dbang phyug gi dkyil 'khor du 'jug pa'i phyag rgya pad+ma chen po zhes bya'o/ /chos thams cad 'thob pa'o zhes bya ba la/ pad+ma'i rigs dang rang bzhin gyis dag pa'i ting nge 'dzin ni thams cad de de thob pas te pad+ma chen po'o/ /de thob pa'i rgyur gyur pa nyid phyir thob pa zhes brjod pa yin no/ /thams cad rjes su chags par byed pa yang ngo zhes bya ba la/ de nyid pad+ma'i rigs thams cad rjes su chags par byed pas na thams cad rjes su chags par byed pa'o/ /phyag rgya chen po de bzhin no zhes bya ba la/ ji ltar pad+ma'i rigs kyi
- 152a
lha rnams kyi dkyil 'khor du phyag rgya chen po bstan pa de bzhin du phyag mtshan dang sgrub pa pos bcing bar bya'o zhes bya ba'i don to/ /dam tshig gi phyag rgya rdo rje pad+ma bshad pa'o zhes bya ba la de bzhin gshegs pa'i dkyil 'khor du rdo rje pad+ma zhes bya ba'i phyag rgyar gang bshad pa de nyid 'phags pa spyan ras gzigs kyi dbang phyug gi dam tshig gi phyag rgyar shes par bya'o/ /de'i mtshan nyid 'di yin te/ rdo rje thal mo 'og tu brkyang ba mthe bong dang mdzub mo'i rtse mo mnyam par sbyar nas/ snying ga la btegs te dbang bskur ba'i gnas su rtse mo bzhag pa ni rdo rje rin chen ste/ de nyid steng du kha blta ba'i mdzub mo gnyis kyi phyi rol tu bkug pa ni rdo rje pad+ma'o/ /pad+ma'i rigs kyi rdo rje bsngams pa las byung ba'o zhes bya ba la/ mdzes pa'i ting nge 'dzin gyi pad+ma la sogs pa ni pad+ma'i rigs rnams te/ de rnams dam tshig gi phyag rgya rnams rdo rje bsdams pa bcings la bcing bar bya'o/ /de la zhes bya ba'i sgra ni dag nye bar dgod pa'am dgar ba la'o/ /pad+ma'i? de bzhin gshegs pa ni mdzes pa'i ting nge 'dzin gyi ming can no/ /sogs pa'i sgras ni pad+ma chen po dang ting nge 'dzin dang rnam par gzigs pa rnam par gzung bas te/ bzhi po de dag ni nang du rdo rje bsdams pa las byung ba'i dam tshig gi phyag rgya rnams shes par bya'o/ /ji ltar zhe na/ de bzhin gshegs pa'i pad+ma zhes bya ba la sogs pa la rdo rje bsdams pa nang du bcings nas gyen du lta ba las par bar bzung bar bya ste/ 'di ni mdzes pa'i ting nge 'dzin gyi ming can de bzhin gshegs pa'i pad+ma'i dam tshig gi phyag rgya ste/ pad+ma spyan zhes bya ba'o/ /rdo rje bsdams pa nang du bcings nas mthe bong gnyis yang dag par sbyar ba'i rtse mo dang mdzub mo gnyis sbyar ba pad+ma'i 'dab ma'i rnam pa can du byas la rang gi snying gar bzung bar
- 152b
bya ste/ 'di ni pad+ma chen po'i ming can gyi dam tshig gi phyag rgya ste/ rdo rje chen po pad+ma'i chags pa zhes bya ba'o/ /rdo rje bsdams pa nang du bcing na? mdzub mo gnyis kyi rtse mo yang dag par sbyar bar yas la kha thur du lta ba par par bzung bar bya ste/ 'di ni ting nge 'dzin gyi ming can pad+ma chen po'i dam tshig gi phyag rgya de pad+ma'i sgrol ma zhes bya'o/ /rdo rje bsngams pa nang du bcings te/ mthe bdag nyis kyi rtse mo'i thog tu mdzub mo'i rtse mo bzung bar bya ste/ de nas rin po che dang pad+ma gnyis sbyin pa'i tshul du byas te/ 'di ni rnam par gzigs pa'i ming can pad+ma chen po'i nor bu'i dam tshig gi phyag rgya'o/ /pad+ma'i de bzhin gshegs pa la sogs pa'i dam tshig gi phyag rgya rnams kyi 'bras bu bstan par bya'i phyir/ 'di rnams kyi zhes bya ba la sogs pa gsungs te/ de la pad+ma'i de bzhin gshegs pa'i dam tshig gi phyag rgyas pad+ma'i rigs thams cad rang bzhin gyis dag pa'o zhes bya bar rtogs pa ni chos nyid thams cad thob pa'o/ /rdo rje pad+ma chen po'i dam tshig gi phyag rgyas pad+ma'i rigs thams cad rjes su chags pa'o/ /pad+ma chen po'i bdag po'i dam tshig gi phyag rgyas rang rang gzhan dag sdug bsngal thams cad las sgrol ba'o/ /pad+ma chen po'i nor bu'i dam tshig gi phyag rgyas rang dang gzhan dag gis bsaM pa thams cad yongs su rdzogs pa shin tu grub par 'gyur ro/ /de nas kyi sgra ni skabs su bab pa la'o/ /pad ma'i lha'i bdag po ni zhi ba dang/ khyab 'jug la sogs pa rnams te/ de dag gi dam tshig gi phyag rgya ni phyi'i rdo rje bsdams pa las byung ba yin no/ de la zhes bya ba'i sgra ni snga ma bzhin no/ /dbang phyug chen po'i gzugs 'dzin pa'i 'jig rten dbang phyug ni don yod rgyal po ste/ don yod rgyal po don yod zhags pa de'i dam tshig gi phyag rgya ni 'di yin te/ 'og tu mdzub mo gnyis kyi?
- 153a
'bus pa khro gnyer can la bzhag par bya'o zhes bya ba la rdo rje bsdams pa'i phyir bcings la mdzub mo gnyis kyi rtse mo yang dag par sbyar la tshigs gsum pa bkug par byas te/ 'og tu kha lta ba mdzod spu'i phyogs su gzung bar bya ste/ 'di ni dbang phyug chen po'i gzugs 'dzin pa'i don yod zhags pa pad+ma'i khro gnyer gyis spyan zhes bya ba dam tshig gi phyag rgya'o/ /rdo rje bsdams pa gyen du 'bar ba ni mgrin sngon can gyi'o zhes bya ba la/ pad+ma'i khyab 'jug ni mgrin sngon can te/ rdo rje bsdams pa bcings nas gyen du 'bar bar ston pa'i tshul gyis de'i dam tshig gi phyag rgya yin no/ /rdo rje bsdams pa gyen du 'bar ba de nyid rnam par grol bar bya ba'i phyir g.yon pa'i mdzub mo zhes bya ba la sogs pa gsungs te/ rdo rje bsdams pa phyir bcings nas g.yon pa'i mdzub mo bkug pa g.yon pa'i mthe pos bzung ste dung gi dbyibs su byas nas g.yas pa'i mthe bong bsgreng la rtag pa'i tshul gyis mthe'u chung gnyis pa'i rnam pa can du byas te sor mo lhag ma rnams lhag pa'i rgyab nas cung zad bteg la 'khor lo'i tshul du gzung bar bya ste/ 'di ni pad+ma'i khyab 'jug gi dam tshig pad+ma phyag rgya pad+ma'i khyab 'jug ma zhes bya pa'o/ /pad+ma las byung ba ni tshangs pa'i ma lugs 'dzin pa'i 'jig rten dbang phyug ste/ de'i dam tshig gi phyag rgya ni rdo rje bsdams pa'i phyir bcings la mdzub mo gnyis bsgreng pa bkug ste/ lcags kyu'i rnam par sor mo bzung nas sor mo lhag ma rnams kyis shin tu kha phye ba'i pad+ma'i tshul du bya ste/ 'di ni pad+ma 'byung pa zhes bya ba tshangs pa'i dam tshig gi phyag rgya'o/ /rta mgrin zhes bya ba la sogs pa la rdo rje bsdams pa phyir bcings pa la mdzub mo gnyis kyi rtse mo rta'i mgrin pa'i tshul du bkug te/ rgod ma'i kha lta bur byas te/ srin lag gnyis
- 153b
kyi tse? mo rab tu brkyang la mthe'u chung gnyis kyang rab tu brkyang la so sor g.yo bar gzung bar bya ste/ 'di ni rta mgrin gyi dam tshig gi phyag rgya pad+ma'i lcags kyu zhes bya ba yin no/ /pad+ma'i khro gnyer la sogs pa'i phyag rgya rnams kyi 'bras bu bstan pa'i phyir 'di rnamS kyi zhes bya ba la sogs pa gsungs te/ de la pad+ma'i khro gnyer gyi phyag rgyas pad+ma'i rigs thams cad kyi dbang bskur ba grub par 'gyur ro/ /pad+ma'i khyab 'jug gi phyag rgyas pad+ma'i rigs thams cad grub pa'o/ /pad+ma'i 'byung ba pad+ma'i rigs kyi gnyis su med ba'i sems dang sems las byung ba grub pa yis ni/ thar pa thams cad grub pa'o/ pad+ma'i lcags kyu'i phyag rgya pad+ma'i rigs thams cad 'gugs pa gdon mi za bar grub par 'gyur ro/ /sgeg mo la sogs pa nas pad+ma'i dril bu ma'i mthar thug pa'i bar rnams kyi dpal rdo rje sems dpa' dkyil 'khor chen po las gsungs pa yin no/ /dam tshig gi phyag rgya rnams shes par bya'o/ /de bzhin gshegs pa'i sku mchog gi dbang bskur la/ ting nge 'dzin gyi phyag rgya bshad pa'o/ /zhes bya ba la bcom ldan 'das rnam par snang mdzad kyi dam tshig gi phyag rgya ni de bzhin gshegs pa'i sku mchog ste/ de dang bcas pa'i dbang bskur ba'i don du ting nge 'dzin gyi phyag rgya ni 'od dpag tu med pa'i ting nge 'dzin te de ston par byed pa'i phyag rgya rdo rje sems dpa' i dkyil 'khor chen po las gsungS pa yin no/ /'di ltar 'chad par 'gyur te/ de bzhin gshegs pa'i sku mchog bcings nas/ oM sangs rgyas kun gyi rin chen mchog tshogs kyis/ spras pa'i lha yi cod pan can la bdud/ /rab mchog rdo rje 'dzin bdag dbang bskur gsol/ /rdo rje sems can/ dpa' dam tshig khyod nyid bdag ces bya ba'i dbang bskur ba'i glu brjod cing de bzhin gshegs pa thams cad kyi sku mchog mdun du rang dang gzhan dag gi spyi bor bzhag ste/ badzra d+harma a b+hiM Shiny+tsa zhes bya ba brjod pa byas na/ bdag dang gzhan la 'od dpag
- 154a
tu med pa'i cod pan gyi dbang bskur bar 'gyur ba yin no/ /de nas las kyi phyag rgya zhes bya ba la/ de nas kyi sgra ni skabs su bab pa la'o/ /las bstan par byed pa dang/ las grub par byed pa'i rgyu gang yin pa de la ni las kyi phyag rgya ste/ de bcings ba'i mtshan nyid 'di yin no zhes bya ba ni tshig gi lhag ma'o/ /kha TwOM zhes bya ba la sogs pa la lag pa g.yas pa dang/ g.yon pas kha TwAM ga bcings la rang gi mthe bo yi rtse mo gnyis la dbus ma'i rtse mo gnyis gzung bar byas te/ 'di ni pad+ma'i khu tshur gnyis kyi phyag rgya'o/ /g.yon pa'i pad+ma'i khu tshur rang gi snying ga'i phyogs su pad+ma kha phye ba'i tshul du byas te/ 'di ni 'phags pa spyan ras gzigs kyi dbang phyug kyi las kyi phyag rgya'o/ /pad+ma'i rigs thams cad kyi dam tshig gi phyag rgya ji lta ba bzhin du gzung bas so zhes bya ba la/ mdzes pa'i ting nge 'dzin la sogs pa nas pad+ma'i dril bu'i mthar thug pa rnams kyi ni dam tshig gi phyag rgya bcings pa'i rjes su 'brangs pas pad+ma'i khu tshur byed par 'gyur ba dag gi las kyi phyag rgya bcing par bya'o/ /'di ltar bshad par 'gyur te/ pad+ma'i khu tshur gnyis bcings te/ pad par kha gyen du blta pa bzung bar bya ste/ 'di ni de bzhin gshegs pa'i las kyi phyag rgya'o/ /pad+ma'i khur tshur gnyis bcings nas mthe bong gnyis kyi rtse mo'i yang dag par sbyar nas mdzub mo gnyis kyis pad+ma'i rnam pa can du byas la snying gar gzung bar byas te/ 'di ni pad+ma chen po'o/ /pad+ma'i khu tshur bcings nas mdzub mo rtse mo yang dag par sbyar bar byas la 'og tu kha lta bar pad par gzung bar ste/ 'di ni ting nge 'dzin pad+ma'i 'o/ /pad+ma'i khu tshur gnyis bcings nas mthe bong gnyis bcings mthe bong gnyis kyi rtse mo'i mthar mdzub mo gzung bar byas la de nas rin po che pad+ma dang pad+ma gnyis sbyin pa'i tshul du byas te/ 'di ni pad+ma'i tshul du byas te/ 'di ni rnam par gzigs
- 154b
pa'i pad+ma'i 'o/ /pad+ma'i khu tshur gnyis bcings nas mdzub mo gnyis kyi rtse mo yang dag sbyar ba'i tshigs gsum par bkug par byas la 'og tu kha lta ba mdzod spu'i phyogs su gzung bar bya ste/ 'di ni pad+ma'i zhi ba'i 'o/ /pad+ma'i khu tshur bcings nas g.yon pa'i mdzub mo bkug pa g.yon pa'i mthe bos gzung la dung gi dbyibs can du byas shing g.yas pa'i mthe bo dang po'i tshul du bsgreng la mthe'u chung gnyis pad+ma'i rnam pa can du byas te/ sor mo lhag ma rnams kyis rdo rje bsdams pa bcings nas snga ma bzhin du 'khor lo'i tshul du bya ste/ de ni pad+ma'i khyab 'jug gi'o/ /padmo'i khu tshur gnyis bcings nas mdzub mo gnyis bsgreng pa bkug la lcags kyu'i rnam par so sor gzung bar byas la sor mo lhag ma rnams kyis shin tu rgyas pa'i pad+ma'i tshul du byas te/ 'dzin pad+ma'i tshangs pa'i 'o/ /pad+ma'i khu tshur gnyis bcings nas mdzub mo gnyis kyi rtse mo'i mdza' mgrin pa'i tshul du bkug la rgod ma'i kha lta bu'i srin lag gnyis kyis rtse mo'i mdza' rab tu brgyad la mthe'u chung gnyis kyi rtse mo gnyis so sor rab tu brkyang la g.yo bar gzung bar bya ste/ 'di ni rta mgrin gyi'o/ /pad+ma'i khu tshur gnyis rang gi snying gar sgeg pa dang bcas pas gzung bar bya ste/ 'di ni pad+ma'i sgeg mo'i 'o/ /pad+ma'i khu tshur gnyis rang gi 'khor lo rgod pa'i tshul gyis yongs su bskor la spyi bor gzung bar bya ste/ 'di ni pad+ma'i bzhad ma'i 'o/ /g.yon pa'i pad+ma'i khu tshur gyis mdzug mo rab tu brkyang la bi wang gi dbyug pa'i tshul du byas la/ g.yas khu tshur gyis mdzub mos pa wang brdung pa'i tshul du byas te/ 'di ni pad+ma'i glu ma'i'o/ /pad+ma'i khu tshur gnyis gar byas la pad+ma'i thal mo bcing bar byas te/ 'di ni pad+ma'i gar ma'i'o/ /pad+ma'i khu tshur gnyis bcings nas lag pa gnyis mdung de/ lag pa g.yas steng du byung bas rdo rje bka' bsgo ba byed de mdzub mo'i
- 155a
lcags kyu'i las dang lag pa mdud pa dang/ bdud pa bcing ba dang rang gi snying gar dril bu dpral bar dkrol pa'i tshul bya ste sgo bsrungs rnams kyi'o/ /de ltar las kyi phyag rgya rnams kyi mtshan nyid bstan nas/ da ni rang gi lha'i stir? bo bzla zhing/ bzlas pa'i don shes pas phyag rgya thams cad sgrub pa yin zhes bya ba yin no/ /zhes bya ba'i cho ga 'dir rab tu bstan pa'i phyir/ dag gi ting nge 'dzin gyi zhes bya ba la sogs pa gsungs te/ de la sprin dang rdo bo che'i sgra lta bu ni 'dir chos kyi dag tu brjod pa yin no/ /bzlas pa'i don gyi rnam pa can gyi sems rtse gcig pa nyid ni ting nge 'dzin te/ dag gi ting nge 'dzin nges pad+ma'i rigs thams cad kyi rang bzhin gyis dag pa'i dran pa dang/ shes rab yang dag par rab tu sbyor ba ni gzungs te/ de dgug pa ni rang gi rgyud la rdzogs pa ste/ de'i don du ji lta ba bzhin du bshad pa'i chos kyi dag gis bzla bar bya zhing bzlas pa'i don gyi ye shes mngon du bya ba yin no/ /de ltar dkyil 'khor gyi phyag rgya rnams sbyor ba dang bcas pas bstan nas da ni las rgya sgrub byar byed pa'i phyag rgya rnams kyi mtshan nyid gsungs pa yin te/ pad+ma chen po bcings nas yid kyis sbyin sreg bya'o/ /sems kyis zhi bar bya'o/ /dngos pos bsrung bar bya'o/ /rnam par spyad par bya'o zhes bya ba la bsgrub par bya ste/ las thams cad phyag rgya'i tshogs so zhes bya ba la las kyi tshogs 'di yang sngar bshad pa yin te/ slar yang 'dir bshad par mi bya'o/ /dpal mchog dang po'i rgya cher 'grel pa shes rab kyi pha rol tu phyin pa 'byung ba zhes bya ba las 'phags pa spyan ras gzigs dbang phyug gi phyag rgya'i rgyud kyi bshad pa rdzogs so// //de ltar 'phags pa spyan ras gzigs dbang phyug gi phyag rgya'i rgyud bstan nas da ni 'phags pa nam mkha' i snying po'i bshad par bya pa'i
- 155b
phyir/ de nas nam mkha' snying po'i phyag rgya chen po zhes bya ba gsungs te/ de nas kyi sgra ni snga ma bzhin no/ /'phags pa nam mkha' i snying po ni nor bu chen po'i rigs te/ de'i phyag rgya chen po'i sku'i gsang pa'i rang bzhin can de ji ltar dkyil 'khor bri ba'i cho gar bsta? ba bzhin du dam tshig gi sems dpa' i byin gyis brlabs ma thag kho nar bcing bar bya'o/ /dam tshig gi phyag rgya zhes bya ba la dam tshig 'dzin par byed pa'i phyag rgya ni dam tshig gi phyag rgya'o/ /de yang ji ltar yin zhe na/ rdo rje rin chen zhes bya ba la sogs pa la/ rdo rje thal mo las byung ba'i rdo rje rin chen gyis dam tshig gi phyag rgya bcing bar bya ste/ 'di ni 'phags pa nam mkha' i snying po dang dbang bskur ba'i rin po che'i dam tshig gi phyag rgya'o/ /ci'i slad du zhe na/ dbang bskur ba thams cad thob pa'i phyir ro/ /zhes bya ba nor bu'i? rigs thams cad rtogs pa ni 'dir dbang bskur ba thams cad thob par bya ste/ de'i don dam tshig gi phyag rgya 'di'o/ de dbang bskur ba ji lta ba bzhin du'o zhes bya ba la rdo rje rin chen gyi dam tshig phyag rgya'i gzugs te/ des rang dang gzhan dag la/ oM sarba badzra a ti pa ti stwaM a b+hi Shiny+tsa me b+hur b+hu ba swA zhes bya ba'i sngags 'dis/ rdo rje rin chen gyis cod pan gyi dbang bskur bar bya'o/ /'di nyid snying khar zhes bya ba la rdo rje rin chen gyi phyag rgya bcings nas rang gi snying gar gzung bar bya ste 'di ni gter gyi rin chen gyi'o/ /gyen du kha lta'o zhes bya ba la rdo rje rin chen gyi phyag rgya pad par ting nge 'dzin gyi tshul du gyen du kha blta ba bzung bar bya ste/ 'di ni bla na med pa'o/ /khu tshur spyi por bzhag ste phyi'i me tog la sogs pas mchod pa dbul par bya'o zhes bya ba la 'das ma thag tu bshad pa'i bla na med pa'i rin chen khu tshur gyi spyi bor bzhag ste/ phyi nas me tog la sogs pas dbul ba'i mchod pa rnam pa brgyad bya ba yin no/ /'di ltar bshad par 'gyur te/ bla na med pa'i rin chen gyi dam tshig gi phyag rgya
- 156a
spyi bor bzhag nas phab ste gyen du gtor ba ni rin chen me tog ma'i'o/ /de nyid spyi bor bzhag nas phab ste/ thur du blugs pa ni spos ma'i/ de nyid de bzhin du phab mthe bong sbyar nas bskor ba ni mar me ma'i'o/ /de nyid de bzhin nyid du phab nas rab tu brgyad zhing byung ba'i tshul kyis rab tu sbyar bar bya ste/ 'di ni dri ma'i 'o/ /de nyid bab? nas rang gi snying gar sgeg pa rnam par sprul pa'i tshul du gzung bar bya ste/ 'di ni rin chen sgeg ma'i'o/ /de bzhin du phab ste khar yongs su bskor la spyi bor bzung bar bya ste/ 'di ni rin chen bzhad ma'i'o/ /de bzhin du yongs su phab la g.yon pa'i bkug pa'i da byug pa byas la g.yas pas bkug pas bi wang brdung ba'i tshul du byas te 'di ni rin chen klu ma'i'o/ /de bzhin du phab ste/ gnyis su byas la gar byas nas spyi bor rin po che'i thal mo bcing par byas te/ 'di ni rin chen gar ma'i'o/ /de nyid de bzhin phab nas g.yas pa'i mdzub mo lcags kyu bya ste/ 'di ni rin chen lcags kyu ma'i'o/ /de bzhin du mche por gnyis kyi mdud pa byas te/ 'di ni rin chen zhags pa ma'i'o/ /de bzhin du mdzub mo dang mthe'o lu gu rgyud du byas te/ 'di ni rin chen lcags sgrog ma'i'o/ /de bzhin du de nyid phab la gnyis kyi nang du mthe bong sbyar bar bya ste/ 'di ni rin chen dril bu ma'i'o?/ /dam tshig gi phyag rgya'o/ /'byor pa yang dag par rgyal ma'i dam tshig gi phyag rgya ni dbang bskur ba'i rin po che'o/ /dpal gyi lha mo'i dam tshig gi phyag rgya ni gter gyi rin po che'i'o/ /rab tu phun sum tshogs pa'i lha mo'i dam tshig gi phyag rgya ni nor bu rin po che'i rin chen gyi'o/ /mchod pa'i ming can gyi lha mo'i dam tshig gi phyag rgya ni bla na med pa'i rin po che yis gzung bar bya'o/ /'di nyid gnyis su byas la las kyi phyag rgyar gzung ba
- 156b
bye bo? zhes pa la 'di 'di gnyis su byas na las kyi phyag rgya'o/ /dbang bskur ba thams cad kyi rin po che'i gter gyi mchod pa thob pa'i don du yang dag par rdzogs pa'o/ /zhes bya ba la bla na med pa'i rin po che'i dam tshig gi phyag rgya gnyis su byas nas nor bu'i khu tshur gnyis su 'gyur te/ de sni 'phags pa nam mkha' i snying po la sogs pa nas nor bu'i dril bu'i mthar thug pa'i las kyi phyag rgya bcings nas sgrub pa po la dbang bskur ba thams cad la sogs pa thob pa'i phyir rdzogs par 'gyur ba yin no/ / bcom ldan 'das 'phags pa nam mkha' i snying po'i las kyi dam tshig ni las rdzogs par byed pa'i phyag rgya bsgrub pa po la kun gyi bsam pa thams cad yongs su rdzogs par byed pa yin no/ /de nyid kyi mtshan nyid bstan par bya ba'i ph yir/ g.yon pa'i khu tshur snying gar bstod nas g.yas pa nor bu sbyin pa dgrol pa'o zhes bya ba la/ g.yon pa'i nor bu'i khu tshur rang gi snying ga'i phyogs su gtong pa'i tshul gyis gzung par byas la g.yas pa rin po che'i khu tshur thams cad sbyin pa'i tshul du dgrol bar bya ste/ 'di ni 'phags pa nam mkha' i snying po'i las kyi phyag rgya'o/ /nor bu'i khu tshur gnyis kyis zhes bya ba la dbang bskur ba'i rin po che la sogs pa nas nor bu'i dril bu'i mthar thug pa'i bar rnams kyis/ nor bu'i khu tshur gnyis kho nas las kyi phyag rgya rnams bcing bar bya ste/ 'dis ni 'di ltar bshad par 'gyur te/ nor bu'i khu tshur gnyis bcings nas dpral bar gzung bar bya ste/ 'di ni dbang bskur ba'i rin po che'i las kyi phyag rgya'o/ /rang gi snying ga'i phyogs su gzung bar bya ste 'di ni gter gyi rin po che'o/ /pad par gyen du kha blta bar gzung bar bya ste/ 'di ni nor bu rin po che'i'o/ /snying ga'i phyogs su nor bu phan tshun gzung bar bya ste/ 'di ni bla na med pa'i'o/ /dbang bskur pa'i rin po che'i phyag rgya nyid ni 'byor pa'i mo?
- 157a
gter rin po che'i phyag rgya ni dpal gyi lha mo'i'o/ /nor bu rin po che'i phyag rgya ni rab tu phun sum tshogs pa'i lha mo'i'o/ /bla na med pa'i phyag rgya ni mchod pa'i shes par bya'o/ /rang gi spyi bor bzhag la phab nas rang gi snying gar sgeg pa'i rnam par phral du gzung bar byas te/ 'di ni rin chen sgeg mo'i'o/ /de bzhin du phab nas gnyis kyi nang du mthe bo sbyar te khar yongs su bskor nas spyi bor gzung bar bya ste/ 'di ni rin chen gzhang ma'i'o/ /de bzhin du phab na g.yon pa'i mdzub mo bkug pa'i dbyug pa byas la/ g.yas pa bkug pas pi wang brdung ba'i tshul du byas te/ 'di ni rin chen glu ma'i'o/ /de bzhin du phab nas gar byas la spyi bor rin po che'i thal mo bcing bar bya ste/ 'di ni rin chen gar ma'i'o/ /de bzhin du phab nas g.yas pa'i mdzub mo lcags kyu byas te/ 'di ni rin chen lcags kyu ma'i'o/ /de bzhin du phab la mthe bong gnyis kyi mdud pa byas la 'di ni rin chen zhags pa ma'i'o/ /de bzhin du phab la mdzub mo dang mthe bo mdud pa byas te/ 'di ni rin chen lcags sgrog ma'i'o/ /de bzhin du phab la gnyis kyi nang du mthe bor sbyar bar bya ste/ 'di ni rin chen dril bu ma'i las kyi phyag rgya'o/ /de ltar phyag rgya rnams kyi mtshan nyid bstan mdza' ? ni rang gi lha'i snying po grong khyer chags pa'i glu dang bcas pa'i bzlas pa rjes su gnang ba sbyin zhing rang gi phyag rgya bsgrub par bya'o zhes bya ba'i cho ga 'dir rab tu bstan par bya'i phyir snying po'i dag ces bya ba la sogs pa gsungs te/ rang gi lha'i bzla bar bya ba'i snying po ni snying po'i dag go/ snying po'i dag rang gi lha'i snying po de glu'i bstan bcos las bshad pa'i grong khyer pa chags pa'i blu dang bcas pa/ oM sarba badzra a ti pa ti traM a b+hi Shiny+tsa mi b+hur bu
- 157b
? zhes bya ba la sogs pa'i bzlas pa bya zhing phyag rgya chen po la sogs pa'i dngos grub rin po che kye bdag la gsol cig/ ces bya ba'i tshig gis rnal 'byor pas gsol ba gdab cing phyag rgya chen po la sogs pa thams cad bsgrub par bya'o// zhes bya ba ni tshig gi lhag ma'o/ /las la sbyor ba ni de bzhin du'o zhes bya ba mdor bstan pa'i tshig rnams kyis las kyi phyag rgya sgrub pa la nges par sbyor ba ji lta ba bzhin du bstan pa de bzhin du 'dir yang shes par bya'o zhes bya ba'i don to/ /'di ltar bshad par 'gyur te las kyi phyag rgya thams cad yi ge traM brjod cing bcings nas las la nges par sbyar bar bya'o/ /da ni las rgya sgrub par byed pa'i phyag rgya de rnams kyi mtshan nyid bshad par bya pa'i phyir nges ma grub na zhes bya ba la sogs pa gsungs te/ de nas kyi sgra ni snga ma bzhin no/ /nam mkha' i snying po ma grub na ji ltar bzhin du bshad pa'i mtshan nyid can gyi rdo rje rin chen gyi dam tshig gi phyag rgya mdzad spu'i phyogs su bzhag nas dbang bskur ba ni nam mkha' i snying po la 'byor pa thams cad dgug pa la sogs pa tshig gis gsol ba gdab pa ni sgrub pa po bya ba yin no/ /chos kyi phyag rgya thams cad kyi tshogs ni rgyun de sngar bshad pa bzhin du tshig gi sgo bas shes par bya'o/ /'di'i bshad pa yang sngar bshad pas te/ khyad par med pas yang slar ma bshad do/ /don yod ces bya ba la sogs pa bshad zin to/ /dag gi phyag rgya ni snying po yi bzlas pa ste/ nges tshig bsgrub pa ni 'dod pa'i dngos grub sgrub pa'i phyir yid kyi tshig bsgo pa ste/ des nam mkha' ni nam mkha' i snying po las 'byor pa thams cad dgug pa la sogs pa yang dag par 'byung ba ste/ skye bar 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba 'phags pa nam mkha' i snying po'i phyag rgya'i rgyud kyi bshad pa
- 158a
rdzogs so// //de ltar rigs thams cad lnga'i phyag rgya'i rgyud bstan nas/ da ni phyi'i phyag rgya'i rgyud bstan par bya ba'i phyir de nas zhes bya pa la sogs pa gsungs te/ de nas kyi sgra ni snga ma bzhin no/ /rdo rje 'chang chen po'i rang bzhin can gyi rigs lnga ni nang ste/ de rnams kyi phyag rgya'i rgyu ni nang gi'o/ /de'i phyi rol pa ni ming po gsum la sogs pa'i dkyil 'khor bzhi'o/ /de'i phyag rgya chen po la sogs pa'i rang bzhin te/ de ston par byed pa'i rgyu ni 'di yin te/ phyag rgya chen po ni g.yon par kham phor dang/ g.yas na mnga' gtod pa'o zhes bya ba la lag pa g.yon pas kham por 'dzin cing lag pa g.yas pas mnga' gtod pas te/ 'di ni ming po gsum gyi phyag rgya chen po'o/ /'di nyid gar gyi tshul gyis de rnams las kyi phyag rgyar 'gyur ro/ /dam tshig ni 'jug pa la'o zhes bya ba la sogs pa la mthe'u chud mthe bong dag gis lu gu rgyud du bcings la sor mo lhag ma rnams kyis rtse gsum pa'i rnam par byas te/ 'di ni de rnams kyi dkyil 'khor du 'jug pa'i phyag rgya ste/ dam tshig gi phyag rgya'o/ /ji lta ba bzhin du gzung bas lha mo rnams kyi'o zhes bya ba la bri ba'i cho gas ji lta ba bzhin du dga' ma la sogs pa'i sku'i gsang pa bshad pa de bzhin du phyag rgya bcing bar bya'o/ /'di ltar 'chad par 'gyur te/ lag pa g.yon pas gzhu bzung la/ lag pa g.yas pas mnga' gtod pa ni dga' ma'i phyag rgya chen po'o/ /lag pa g.yon pas kha TwAM ga bzung la g.yas pas ras gri'i so ni srin mo'i'o/ /lag pa la gter gyi bum pa ni phag ? /g.yon pa'i khu tshur gyis snyems pa byas nas lag pa g.yas pas chu gri 'dzin pa ni grub pa mo'i phyag rgya chen po'o/ /dbus ma dang mthe'u chung zhes bya ba la sogs pa la rdo rje bsdams pa bcings nas dbus ma dang srin lag gi sor
- 158b
mo bzhi la mdzub mo dang mthe'u chung rnams kyis rtse mo bzhi sbyar bar bya ste/ 'di ni 'dir 'dus pa'o/ /'dis ni 'di ltar bshad par 'gyur te/ rdo rje bsdams pa phyir bcings nas mdzub mo dang dbus ma dang srin lag dang mthe'u chung gis sor mo rnams bsgreng ba byas la/ g.yas pa'i dbus ma g.yon pa'i mdzub mo yi rtse mo dang sbyar la/ g.yon pa'i dbus ma'i rtse mo g.yas pa'i mdzub mo yi rtse mo dang yang dag par sbyar zhing g.yas pa'i srin lag gi rtse mo g.yon pa'i mthe'u chung gi rtse mo dang yang dag par sbyar te/ g.yon pa'i srin lag gi rtse mo g.yas pa'i mthe'u chung gi rtse mo yang dag par sbyar ba byas nas gzung bar bya ste/ 'di ni srin mo rnams kyi dam tshig gi phyag rgya'o/ /dam tshig ces bya ba la sogs pa ni go sla'o/ /klu'i dkyil 'khor gyi phyag rgya bshad par bya ba'i phyir gdeng ka can gyi dbang po rnams kyi'o/ /zhes bya ba la sogs pa gsungs te/ de la phyag rgya chen po ni bri ba'i phyag rgyar bstan pa'o/ /lag pa gnyis kyi mthe bong gnyis phan tshun mdud pa byas nas mthe bong dang sor mo'i gdengs ka bsgreng pa'i rang bzhin can gyi lha 'phye chen po'i 'ga' zhes bya ba ste/ klu thams cad 'gugs par byed pa'i phyag rgya sngar bshad pa'o/ /'gugs pa'i sngags kyis de nyid gnyis su byas na lto 'phye'i lag pa zhes bya ste/ lto ba phye chen po'i lag pa gnyis su byas nas lag ba gcig gis sor mo lnga'i gdengs ka bsgreng ba'i rang bzhin can gyi gdengs ka'i lag pa zhes bya ba klu rnams kyi dam tshig 'dzin pa'i phyag rgya'o/ /dbus ma srin lag ces bya ba la sogs pa la/ dbus ma dang srin lag gi sor mo bzhi pos rdo rje bsdams pa nang du bcings la mthe'u chung gnyis kyi rtse mo yang dag par sbyar nas mdzub mo dang mthe bo dag gis dga' pa sbyor pa'i tshul du byas te 'dis ni dug thams cad 'bar pa'o/ /lcags kyu'i rnam pa can gyi mdzub mo gnyis kyis dus
- 159a
bkug la mdzub mo gnyis kyi rtse mo dang yang dag par sbyar la gzung bar byas te/ 'dis dug thams cad 'ching ba'o/ /'di gnyis kyi mthe'u chung gnyis kyi rtse mo dug gzhom par byas te/ de ltar na dug thams cad 'jig pa'o/ /'di nyid kyis dug thams cad za ba dang/ 'pho ba dang/ dug med par byed pa yin no/ /bdug pa'i dkyil 'khor ni rdo rje khu tshur gyis gzung ba'i rdo rje khros nas myur du gzhig par bya'o/ /zhes bya ba la rdo rje nyi ma me ltar 'bar ba'i rnal 'byor byas la g.yas pa'i rdo rje khu tshur gyis khro bo yi rdo rje blangs te/ khro bo yi khu tshur gyis sdigs mdzub la brtson pas khro zhing lta ba bzhin du bshad pa'i glu brjod cing myur du rkang pas mnye bar bya'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las phyi'i dkyil 'khor gyi phyag rgya'i rgyud kyi bshad pa rdzogs so// //de ltar phyi'i dkyil 'khor gyi phyag rgya'i rgyud bstan nas/ da ni bsdus pa'i dkyil 'khor gyi phyag rgya'i rgyud bstan par bya ba'i phyir de nas zhes bya ba la sogs pa gsungs te/ de nas kyi sgra ni snga ma bzhin no/ /bcom ldan 'das zhes bya ba ni dpal rdo rje sems dpa' o/ /thams cad kyi mchog dbang phyug dam pa zhes bya ba la/ byang chub chen po'i rang bzhin can gyis thams cad kyi mchog go/ gzung ba dang 'dzin pa'i rnam par rtog pa'i gzhan dbang du ma gyur pa'i phyir dbang phyug go /dam pa zhes bya ba ni thog ma dang tha med pa'o/ /thams cad kyi mchog kyang de nyid yin la/ dbang phyug kyang de nyid yin te/ dam pa yang de nyid yin pas na/ thams cad kyi mchog gi dbang phyug dam pa'o/ /bcom ldan 'das kyi dbang phyug dam pa de'i phyag rgya 'di yin no zhes bya ba dang sbyar bar bya'o/ /de yang sku yi khyad par ji lta bu dang ldan pa yin zhe na/ nam mkha' thaMs cad
- 159b
khyad par byed cing rigs thams cad kyi rang bzhin gyi gzugs sna tshogs pa'i sku gang la mnga' ba de ni sna tshogs pa'i sku chen pos te/ bsdus pa'i dkyil 'khor gyi rigs thams cad kyi lha sku'i gzugs 'dzin pa'i rdo rje 'chang chen po'o/ /sna tshogs pa'i sku chen po de nyid kyi phyag rgya ni phyag rgya bcing ba'i mtshan nyid kyi skabs su bab pa yin no/ /de la phyag rgya chen po bcing ba'i mtshan nyid ni bsdus pa'i dkyil 'khor gyi bri ba'i cho gar bstan pa'i dpal rdo rje sems dpa' la sogs pa rnams kyis bzung par bya'o/ /rdo rje thal mo sbyar nas ni zhes pa la/ rdo rje thal mo bcings nas pa ngan gsum ni yongs su gzung ba zhes bya ba la/ rdo rje thal mo ma dkrol bar lag pa gnyis kyis ba dan gsum bya'o/ /'di ltar bshad par 'gyur te/ /rdo rje thal mo bcings nas srin lag gnyis nang du bcug la mthe bong gnyis so sor phye la mdzub mo gnyis kyi ngos la yang dag par sbyar bar gzung bar bya ste/ 'di ni khyab 'jug gi gzugs 'dzin pa'i rnam par snang mdzad dang/ rdo rje dpal gyi lha mo'i dam tshig gi phyag rgya/ rdo rje khyab 'jug ma zhes bya ba yin no/ /'di la sbyar ba dang bcas pa bstan pa'i phyir/ dor na thams cad gcod par byed pa zhes bya ba gsungs te/ 'di bcings nas bdud la sogs pa thams cad kyi bgegs kyi steng du dor bar byas na bdud la sogs pa thams cad gcod par byed pa yin no/ /rdo rje 'khor lo'i phyag rgya zhes bya ba la sogs pa ni go sla'o/ /mthe'u chung mthe bo zhes bya ba la sogs pa la lag pa g.yon pa'i 'og tu kha blta bar byas la de'i steng du kha blta ba bzhag nas g.yas pa'i mthe bong dang g.yon pa'i mthe' chung dang/ g.yon pa'i mthe bo dang/ g.yas pa'i mthe'u chung dag gis lu gu brgyud du bcings te/ dbus ma gsum po dag gi rtse mo gsum pa byas te/ 'di ni rdo rje 'dzin ma zhes bya ba gtum pa'i dbang phyug gi gzugs 'dzin pa
- 160a
dang rdo rje dkar mo'i dam tshig gi phyag rgya'o/ /rdo rje pad+ma kha sbyar ni zhes bya ba la sogs pa la/ sngar bshad pa'i rdo rje thal mo las byung ba'i 'jig rten dbang phyug gi dam tshig gi phyag rgya ni rdo rje pad+mas te/ de bcings nas gang dang gang gi yul du gnas pa de'i spyod lam gyis tshangs pa'i gzugs 'dzin pa'i bcom ldan 'das 'jig rten dbang phyug dang/ pad+ma'i sgrol ma bslab par bya ste/ 'di ni tshangs pa'i gzugs 'dzin pa'i bcom ldan 'das 'phags pa spyan ras gzigs dbang phyug dang/ pad+ma'i sgrol ma'i dam tshig gi phyag rgya'o/ /rdo rje thal mo sbyar nas ni zhes bya ba la sogs/ rdo rje thal mo bcings nas mthe bong gnyis kyi rtse mo yang dag par sbyar la de'i steng du mdzub mo gnyis rtse mo bkug pa'i rin po che gzung bar bya ste/ 'di ni lha'i gzugs 'dzin pa'o/ /nam mkha' i snying po dang/ nam mkha' i rdo rje ma ni dam tshig gi phyag rgya'o/ /dpal rdo rje sems dpa' la sogs pa rnams kyi ni sngar bshad pa kho nas dam tshig gi phyag rgyar gzung bar bya ste/ las kyi phyag rgya rnams ni rang gi rigs kyi dkyil 'khor du gsungs par shes par bya'o/ /da ni bsdus pa'i dkyil 'khor gyi las chogs kyi phyag rgya'i rgyud de nas zhes bya ba la sogs pa gsungs te/ de nas kyi sgra ni snga ma bzhin no/ /kye zhes bya ba ni de bzhin gshegs pa thams cad la bong pa'o/ /thams cad kyi mchog gi dbang phyug dam pa ni ji lta ba bzhin du bshad pa'i dpal rdo rje sems dpa' i sna tshogs kyi sku te/ de'i las kyi phyag rgya'i rgyud ni 'di yin te/ de la zhes bya ba la sogs pa la de la zhes bya ba'i sgra ni dag nye bar dgod pa la'o/ /dang po ni thog ma nyid du'o/ /re zhig gi sgra ni rim pa la bltos pa'o/ /dang po'i dngos grub rnams kyi phyag rgya ni dang po'i dngos grub kyi phyag rgya ste/ de rab tu sgrub par byed pa'i phyag rgya chen po rnams kyi
- 160b
stong 'gyur du 'gyur ba yin no/ /ji lta ba bzhin du dam tshig gi phyag mtshan rnams kyis zhes bya ba la sogs pa la dang po'i rdo rje dang/ rdo rje khyab 'jug ma dang/ rdo rje 'dzin ma dang/ rdo rje pad+ma'i ming can dang/ rdo rje rin po che'i dam tshig phyag rgya dang/ rdo rje myu gu'i ming can gyi ji lta ba bzhin du bshad pa'i dam tshig phyag mtshan rnams so/ /ji lta ba bzhin gyi dam tshig gi phyag mtshan de rnams kyi lag pa g.yas pa dang/ g.yon pa'i byed par gyur pa de dag gis rdo rje chen po rab tu sbyor ba ni rjes su chagS pa la sogs pa bsgom pa ste/ nges nges par sbyor ba'i tshul sbyin pas te/ de las rdo rje sems dpa' la sogs pa'i rigs thaMs cad kyi las thaMs cad kyi dngos grub rab tu sgrub par byed pa'i phyag rgya chen po stong 'gyur du 'gyur ro/ /'di ltar bshad par 'gyur te/ dang po yi rdo rje bcings nas gnyis su byas la lag pa g.yas pa'i dang po'i rdo rje bzhin 'dzum zhing rdo rje'i lta bas rjes su chags par bya'o/ /'bar ba'i lta bas dgug par bya'o/ /brtan pa'i lta bas thams cad bcing ba'o/ /rdo rje lta bas thams cad dbang du byed pa'o/ /lag pa g.yas pa'i dang po'i rdo rje de nyid rang gi rtags las gzung bar bya ste/ de ltar na bde ba thams cad 'phel bar 'gyur ro/ /rang gi snying gar gzung bar byas na yid bde ba thams cad 'phel bar 'gyur ro/ /dbang bskur ba thams cad gzung bar byas na/ phun sum tshogs pa thams cad 'phel bar 'gyur ro/ /lag pa g.yas pa'i dang po'i rdo rje de nyid kyi dbus ma'i rdo rje rang gi snying gar bzhag la/ de'i 'og tu rang gi snying gar gzung zhing btung bar byas na tshe ring ba thams cad 'phel bar 'gyur ro/ /rang gi rtags su bzhag nas rang gi khar gzung zhing btung bar byas na na tshod 'phel bar 'gyur ro/ /rang gi snying gar gzung zhing btung bar byas na gzugs 'phel bar 'gyur ro/ /dbang bskur ba'i gnas? su bzhag la de'i rjes
- 161a
'khar gzung zhing 'thungs na gzi brjid 'phel bar 'gyur ro/ /lag pa g.yas pa'i dang po'i rdo rje'i mdzub mo bsgreng ba gzung bar byas na dpal chen po 'phel bar 'gyur ro/ /de nyid kyi sor mo dbus ma bsgreng ba gzung bar byas na sgra snyan pa chen po 'phel bar 'gyur ro/ /de nyid mthe'u chung bsgreng bas gzung na grags pa chen po 'phel bar 'gyur ro/ /de nyid kyis dpung par bstod pa'i tshul byas te stobs chen po 'grub po/ /rang gi snying khar bstod par byas na ye shes chen po 'grub po/ /spyi bor bstod par byas na las 'grub par 'gyur ba yin no/ /de bzhin du nam mkha' i dngos po thams cad skyed pa'i tshul byas na/ rdzu 'phrul thams cad mthong bar 'gyur ro/ /mdzub mo dang srin lag gis 'bar ba'i tshul du byas na cho 'phrul thams cad ston pa'o/ /de nyid bcings nas rang gi snying khar dga' ba bskyed pa'i tshul byas nas 'dzin na rmad du byung ba thams cad ston pa'o/ /de nyid bcings nas rang gi lus la bskor ba byas na rnam par 'phrul pa thams cad ston par 'gyur ro/ /de nyid thams cad du bskor nas mig tu gzung bar byas na bden pa thams cad mthong ba'o/ /de bzhin du bskor nas rna ba gnyis su 'dzin na bden pa thams cad thos pa'o/ /de bzhin du bskor nas lcer gzung bar byas na thams cad smra ba'o/ /de bzhin du bskor nas rang gi lus la 'dzin na thams cad lus kyis 'khyud pa'o/ /de nyid bcings nas sor ma dbus mas mig la reg na bde ba'i mchog thams cad mthong ba'o/ /bka' stsol ba'i tshul byas na bka' bsgo ba thams cad ston pa'o/ /bka' stsol ba'i lam ston pa'i tshul byas na bka' stsol ba thams cad kyi lan ston pa'o/ /de nyid dbus ma'i rdo rje gter 'don pa'i tshul gyis mdzes spu'i phyogs su 'dzin na gter thams cad 'dzin pa'o/ /nor dgug pa'i tshul du gzung bar byas na nor
- 161b
thams cad 'phrog pa'o/ /rgyal srid thob pa'i tshul bzung na/ rgyal srid thams cad thob pa'o/ /skye bo'i cho gas thams cad la rag las par bya ba'i bsam pas bzhag na grong khyer sprul pa'o/ /nags tshal dang chu bo sprul par bsam pas bzhag na nags dang chu bo sprul par 'gyur ro/ /lag pa g.yas pa'i dang po'i rdo rje nyid kyis dbus ma'i rdo rje thams cad bskor bar byas na lha'i yul sprul par 'gyur ro/ /dkon mchog gsum sprul pa'i bsam pas thams cad du bskor ba byas na lha'i rin po che sprul par 'gyur ro/ /lha'i grogs dang bran sprul pa'i bsam pas bskor ba byas te/ de ltar na de sprul par 'gyur ro/ /lha yul la sogs pa ji lta ba bzhin du sprul pa la yongs su longs spyod pa'i bsam pas thams cad du bskor ba byas te/ de ltar na lha'i yul la sogs pa thams cad la yongs su longs spyod par 'gyur ro/ /mtshungs pa med pa'i lta bas lta zhing de nyid kyi dbus ma'i rdo rje blta bas blta bzhin du 'dod pa'i 'bru smin par bskyed pa'i tshul du bya ste/ de ltar na skad cig mas sa'i steng thams cad nas 'bru smin pa la sogs ba skye bar 'gyur ro/ /khro bo'i blta bas chu med pa'i phyogs su chu bskyed pa'i tshul gyis chu'i phung po chen po 'byung ba yin no/ /'bar ba'i lta bas mun pa chen po bskyed par 'gyur ro/ /de nyid dbus ma'i rdo rje myang pa'i tshul du byas nas dngos po thams cad za? ba'o/ /btung ba'i tshul du byas na thams cad btung ba'o/ /rol tu bcug pa'i tshul bstan zhing bskyed pa bskyod par byas nas thams cad rol tu bcug pa'o/ /spyi bos bka' bsgo ba'i tshul du byas na las thams cad la nges par sbyor bar 'gyur ro/ /g.yas pa'i dang po'i rdo rje de nyid de bzhin gshegs pa thams cad rjes su dra bas thams cad du bskor bar byas na de bzhin gshegs pa thams cad mthong ba'o/ /byang chub sems dpa' thams cad rjes su dran pas byang chub sems dpa' thams cad mthong ba'o/ /rdo rje 'chang thams cad
- 162a
dran pas rdo rje 'chang thams cad mthong ba'o/ /rdo rje rjes su dran pas rdo rje mthong bar 'gyur ro/ /lag pa g.yas pa'i dang po'i rdo rje de nyid kyis mthe'u chung dang mthe bong dang/ dbus ma'i rdo rje yang dag par sbyar la snying gar gzung na bdag nyid kyi lus la rdo rje sems dpa' la sogs pa'i sprul pa grub par 'gyur ro/ /mi snang ba'i bsam pas mi snang ba grub pa'o/ /nam mkha' 'gro ba'i bsam pas nam mkhar 'gro bar 'gyur te/ shin tu phra ba dang rags pa du ma la rab tu 'jug pa ston bar 'gyur ro/ /de nyid bcings nas mdzub mo bsgreng ste/ 'og tu ltung ba'i tshul du yi ge hUM gis sdigs mdzub byas te/ de ltar na 'jig rten gsum gyi bdag po thams cad 'jug par 'gyur ro/ /dbang du bya ba'i bsam pas sdigs mdzub byas te/ de ltar 'jig rten gsum gyi bdag po thams cad dbang du byas pa'o/ /bcings pa'i tshul gyis sdigs mdzub byas na 'ching ba'o/ /las thams cad nges par sbyor ba'i sdigs mdzub byas te/ de ltar na 'jig rten gsum gyi bdag po thams cad la nges par sbyor bar 'gyur ro/ /de nyid bcings nas de'i dbus ma'i rdo rje phral ba phyed mig gi tshul du byas na lha thams cad gzhug pa dang/ bcing ba dang/ dbang du bya ba dang/ las thams cad la sbyor bar 'gyur ro/ /de nyid bcings nas rang gi snying gar bzhag la g.yo zhing btsum pa'i blta bas 'og tu lta zhing/ yi ge ha bzlas na klu thams cad 'byin pa'o/ /yi ge hUM gis klu thams cad 'dul ba'o/ /yi ge ho yis klu thams cad dbang du byed pa'o/ /sdig ces bya ba bzlas bar bya ste/ de ltar na klu thams cad las thams cad la nges par sbyor bar 'gyur ro/ /sa la gnod sbyin la sogs pa'i gdong bris la lag pa g.yas pa'i dang po'i rdo rje'i dbus ma'i rdo rje g.yo zhing btsum pa'i blta bas blta zhing gnod sbyin
- 162b
? la sogs pa/ dgug pa'i tshul byas te de ltar na de dag 'gugs par 'gyur ro/ /dbang du bya ba'i tshul du byas na dbang du byed pa'o/ /'ching ba'i chul du byas na 'ching ba'o/ /las thams cad la sbyar ba'i tshul du byas te/ de ltar na las thams cad la spyor bar 'gyur te/ de thams cad du dbus ma'i rdo rje gnod sbyin la sogs pa'i khar bzhag nas zhes shes par bya'o/ /lag pa g.yas pa'i dbus ma'i rdo rje sa la bzhag na dkyil 'khor brtag pa'o/ /rang gi khar bzhag na dkyil 'khor du zhugs par 'gyur ro/ /phyag byas na mchod par 'gyur ro/ /rang gi snying gar bzhag na dkyil 'khor grub par 'gyur ro/ /lag pa g.yas pa'i dang po'i rdo rje de nyid bcings nas myur du rang gi snying gar bral bar byas na phyag rgya thams cad dgug pa dang/ bcing ba dang/ brtan par byed pa dang/ phyag rgya thams cad 'grub par 'gyur ro/ /de nyid bcings nas yi ge dza yis rdo rje sems dpa' la sogs pa thams cad dgug pa'o/ /yi ge hUM gis gzhug pa'o/ /yi ge ba gis bcing ba'o/ /yi ge ho yis dbang du byed par 'gyur ro/ /de nyid bcings nas dbus ma'i rdo rje bcing bar byas la spyi bor gzung bar byas te/ de ltar na las thams cad rab tu sgrub pa'o/ /rang gi snying gar gzung bar byas na las thams cad rnam par 'jig par mi 'gyur ro// rang gi snying gar gzung bar byas na/ las thams cad brtan par byed pa'o/ /phyogs thams cad du bskor ba byas te/ de ltar na sgra snyan pa thams cad rab tu gsal bar 'gyur ro/ /de nyid bcings nas rang gi snying gar bzhag la bdag nyid rdo rje'i rang bzhin can du bsgom par byas te/ de ltar na rdo rje thams cad dgug pa dang/ gzhug pa dang/ bcing ba dang/ dbang du byed par 'gyur ro/ /bdag nyid byang chub sems dpar bsgom par bya ste/ de ltar byang chub sems dpa' thams cad
- 163a
dkug pa dang/ gzhug pa dang/ bcing ba dang/ dbang du byed par 'gyur ro/ /bdag nyid de bzhin gshegs par bsgom par bya ste de ltar na de bzhin gshegs pa thams cad dgug pa dang/ gzhug pa dang/ bcing ba dang/ dbang du byed par 'gyur ro/ /bdag nyid rdo rje sems dpa' bsgom par bya ste/ de ltar na rdo rje 'chang chen po dgug pa dang/ gzhug pa dang/ bcing ba dang/ dbang du byed par 'gyur ro/ /de ltar lag pa g.yas pa'i dang po'i rdo rjes las rgya bsgrub pa yin no// ji ltar lag pa g.yas rdo rjes las rgya sgrub par 'gyur ba de bzhin du lag pa g.yon pa'i dang po'i rdo rjes kyang/ 'das ma thag tu bshad pa'i las brgya de nyid sgrub pa yin te/ de ltar na las brgya phrag gnyis su 'gyur ro/ /las nyis brgya po 'di dag dpal rdo rje sems dpa' i/ oM A(rgyud 'grel): hUM h+rI:traM zhes bya ba bsdus pa'i dkyil 'khor du gsungs pa'i snying po brjod cing rnal 'byor pas rab tu bsgrub par bya ba yin no/ /de nas rdo rje khyab 'jug gi de bzhin gshegs pa'i rnal 'byor byas la/ rdo rje khyag 'jug ma zhes bya ba'i dam tshig gi phyag rgya bcings la/ gnyis su byas te lag pa g.yas pa'i rdo rje khyab 'jug gi phyag rgyas de bzhin gshegs pa rnam par snang mdzad kyi dkyil 'khor chen po las gsungs pa'i las brgya yi snying po yi sngags 'di sgrub par bya ste/ oM badzra rA nA yA tshind+ha bind+ha a pra ti ha ta badzra tsik+Sha? na ho b+ha ga kAn badzra ta thA ga ta dza:hUM baM ho(rgyud 'grel): badzra d+ha ra ya stwaM zhes bya'o/ /de la las brgya bsgrub pa'i phyag rgya bcing ba ni 'di yin te/ lag pa g.yas pas rdo rje khyab 'jug bcings la nad btsir bas nad 'jig par 'gyur ro/ /rang gi mig yongs su sbyangs pas mya ngan 'jig pa'o/ /rang gi snying gar bzhag par byas na yid mi bde ba thams cad 'jig pa'o/ /de nyid kyis nad pa'i lus la byab
- 163b
par byas na nad thams cad 'jig pa'o/ /de nyid kyis kun tu bskor zhing zas la mngon par bsngags na sbyar dug zos pa 'jigs pa'o/ /de nyid kyi gyur gyi mngon du phyogs par khros nas dor bar byas na byur 'jig pa'o/ /de nyid kyis phur bu blangs te/ yid kyis 'don par byas te/ de ltar na byad 'jig pa'o/ /de nyid kyis rting pas brdeg pa'i tshul byas na ro langs thams cad 'jig pa'o/ /de nyid kyis yi ge oM bris te phyis na sngags thams cad rnam par 'jig pa'o/ /de nyid kyis so rnams kyis gzung bar byas na sman thams cad rnam par 'jig pa'o/ /de nyid khro ba dang bcas pas bgegs la bsnun par byas na bgegs thams cad 'jig ba'o/ /de nyid kyis log 'dren gyi steng du 'khor lo dag dbab par byas na log 'dren thams cad 'jig pa'o// de nyid kyis ral gri bris nas phyis na sdig pa thams cad rnam par 'jig pa'o/ /de nyid kyis sbyin sreg gi tshul du byas te/ rmi lam ngan pa thams cad 'jig pa'o/ /de nyid kyis dur ba'i sbyin sreg byas na/ dus ma yin pa'i 'chi ba'i jag? pa'o/ /de nyid kyis rims kyis gzung ba la byams pa'i lta bas byabs na rims thams cad rnam par 'jig pa'o/ /de nyid kyis gdon gyis bzung ba'i skra las gzung bas bskyod na gdon thams cad rnam par 'jig pa'o/ /de nyid kyis steng du kha TwAM ga 'dzin pa'i tshul du byas na nam mkha' la 'gro ba thams cad 'jig pa'o/ /de nyid rang gi khyim du bskor par bya ste/ de ltar na yams thams cad 'jig pa'o/ /de nyid rang gi khyim du bzhag par byas na nye bar 'tshe ba thams cad rab tu 'jig pa'o/ /de nyid khyim du rab tu gzhug par byas na ltas ngan 'jig pa'o/ /de nyid snying ga'i phyogs su las bton na gnod pa 'jig pa'o/ /de nyid lus la bskor ba byas na lus kyi sdug bsngal thams cad rab tu 'jig pa'o/ /de nyid kyis de dag 'byin pa'i tshul byas na dag gi
- 164a
sdug bsngal thams cad rab tu 'jig pa'o/ /de nyid snying ga'i phyogs su bsdam par byas te/ de ltar na sems kyi sdug bsngal 'jig par 'gyur ro/ /de nyid rang gi snying gar bstan par byas te/ de ltar na tshe chen po 'phel bar 'gyur ro/ /de nyid dbang po thams cad la bzhag par byas te/ de ltar na na tshod chen po rnam par 'phel bar 'gyur ro/ /de nyid khar bskor bar byas na mdangs chen po 'phel bar 'gyur ro/ /de nyid dpral bar bzhag na gzi brjid chen po 'phel bar 'gyur ro/ /de nyid snying gar bzhag par bya ste de ltar na gzi brjid 'phel bar 'gyur ro/ /de nyid phrag pa gnyis la bzhag par byas na/ stobs 'phel bar 'gyur ro/ /de nyid 'og tu bzhag par byas na spro ba 'phel bar 'gyur ro/ /de nyid kyis phreng ba 'ching ba'i tshul byas na brtson 'grus 'phel bar 'gyur ro/ /de nyid dbang po thams cad la bzhag par byas na dpal chen po 'phel bar 'gyur ro/ /de nyid spyi bor bzhag par byas na bskal pa bzang po 'phel bar 'gyur ro/ /de nyid khar bzhag par byas na bsod nams grub par 'gyur ro/ /de nyid kha las gdon par byas na ming 'phel bar 'gyur ro/ /de nyid thams cad du bskor ba byas na sgra snyon par 'gyur ro/ /de nyid phyogs thams cad du bskor bar byas na grags pa 'phel ? 'gyur ro de nyid bcings nas de bzhin gshegs pa rjes su dran pa bsgom par byas na dran pa 'phel bar 'gyur ro/ /de nyid snying las 'byin pa'i tshul byas na blo gros 'phel bar 'gyur ro/ /de nyid snying khar bzhag nas dga' ba bskyed par byas na brtan pa 'phel bar 'gyur ro/ /de nyid bcings nas bdag nyid sangs rgyas kyi skur bsgom par bya ste/ de ltar na de bzhin gshegs pa 'phel bar 'gyur ro/ /de nyid bcings nas sangs rgyas thams cad bsgoms pas de bzhin gshegs pa'i ting nge 'dzin
- 164b
'phel bar 'gyur ro/ /de nyid phung po lnga rnams la bzhag par byas na tshogs 'phel bar 'gyur ro/ /de nyid lcer bzhag par byas na de bzhin gshegs pa'i gsung 'phel bar 'gyur ro/ /de nyid bcings la yid kyis de bzhin gshegs pa thams cad la phyag 'tshal bar bya ste/ de ltar na yid 'phel bar 'gyur ba yin no/ /de nyid bcings nas gtong ba rjes su dran pa bsgom par bya ste/ de ltar na sbyin pa'i pha rol tu phyin pa grub pa'o/ /de nyid bcings nas tshul khrims rjes su dran pa bsgom par byas te/ de ltar na tshul khrims kyi pha rol tu phyin pa grub pa'o/ /de nyid bcings nas bzod pa'i pha rol tu phyin pa bsgoms par byas te/ de ltar na bzod pa'i pha rol tu phyin pa grub pa'o/ /de nyid bcings nas brtson 'grus kyi pha rol tu phyin pa bsgom par byas te/ de ltar na brtson 'grus kyi pha rol tu phyin pa grub pa'o/ /de nyid bcings nas bsam gtan gyi pha rol tu phyin pa bsgom par byas te/ de ltar na bsam gtan gyi pha rol tu phyin pa grub ba'o// de nyid bcings nas shes rab kyi pha rol tu phyin pa bsgom par byas te/ de ltar na shes rab kyi pha rol tu phyin pa grub pa'o/ /de nyid bcings nas ye shes kyi pha rol tu phyin pa bsgom par bya ste/ de ltar na ye shes kyi pha rol tu phyin pa grub ba'o/ de nyid bcings nas stobs kyi pha rol tu phyin pa bsgom par bya ste/ de ltar na stobs kyi pha rol tu phyin pa grub pa'o/ /de nyid bcings nas thabs kyi pha rol tu phyin pa bsgom par bya ste/ de ltar na thabs kyi pha rol tu phyin pa grub pa'o de nyid bcings nas smon lam gyi pha rol tu phyin pa bsgom par bya ste/ de ltar na smon lam gyi pha rol tu phyin pa grub pa'o/ /de nyid bcings nas mdun du rdo rje bsgom par bya ste/ de ltar na rdo rje grub pa'o/ /de nyid bcings nas gzungs la sogs
- 165a
pa mngon par brjod pas nges par bsgom par bya ste/ de ltar na gzungs grub pa'o/ /de nyid bcings nas sangs rgyas kyis bsgom par bya ste/ de ltar na de dag grub pa'o/ /de nyid bcings nas pha rol tu phyin pa bcu'i spyod pa bsgrom par bya ste/ de ltar na de grub pa'o/ /de nyid bcings nas so so yang dag par rig pa bzhi bsgom par bya ste/ de ltar na so so yang dag par rig pa grub pa'o/ /de nyid bcings nas sangs rgyas kyi chos ma 'dres pa bco brgyad bsgom par bya ste/ de ltar de dag grub pa'o/ /de nyid bcings nas chos bsgom par bya ste/ de ltar na chos grub pa'o/ /de nyid bcings nas lam bsgoms pas de grub pa'o/ /de nyid bcings nas sems can gyi don bsgoms la sems can gyi don grub pa'o de med bcings nas sangs rgyas kyi don bsgoms pas sangs rgyas kyi don grub pa'o/ /de nyid bcings nas de bzhin gshegs pa'i sku sgoms pas lus grub pa'o/ /de nyid bcings nas gsung bsgoms pas dag grub pa'o/ /de nyid bcings nas sems dpa' i rdo rje bsgom par bya ste de ltar yid grub pa'o/ /de nyid bcings nas bdag nyid rdo rje bsgom par bya ste/ de ltar na rdo rje chen po grub pa yin no/ /de nyid bcings nas oM bo hI tshid tra badzra zhes bzla bar bya ste/ de ltar na byang chub chen po'i sems skye ba grub par 'gyur ro/ /oM sa maN+Da b+ha Ta tsa tye zhes bzla bar bya ste/ de ltar na kun tu bzang po'o/ /spyod pa sna tshogs rdzogs pa'o/ /oM tshin+tam ni zhes bzlas par bya ste/ de ltar na sems can gyi don grub pa'o/ /oM a ni du d+ha ni zhes bzlas par bya ste/ de ltar na lhums su 'jug pa bsgrub pa'o/ /oM dza ti bi bar te zhes bya ba bzla bar bya ste/ de ltar na bltams pa'i sa ston pa'o/ /oM sarba big dz+nya ne zhes bya ba bzla bar bya ste/ de ltar na gzhon nu rol pa sgrub pa'o/ /oM mahA bi ra
- 165b
ga d+harma zhes bya ba bzla bar bya ste/ de ltar mngon par 'byung ba bsgrub pa'o/ /oM barya bak tso zhes bya ba bzla bar bya ste/ de ltar na dka' thub kyi spyod pa grub pa'o/ /oM sad+ha na ga mi ni zhes bya ba bzla bar bya ste/ de ltar na byang chub chen po'i snying po la 'dug pa sgrub pa'o/ /oM badzra dri b+ha tsi ? d+hi hUM zhes bzla bar bya ste/ de ltar na bdud 'dul ba'o/ /oM sarba ta thA ga ta zhes bya ba bzla bar bya ste/ de ltar na mngon par rdzogs pa'i byang chub sgrub pa'o/ /oM swa b+ha ba shud+d+ho d+harma te dz+nya na bi shud+d+he zhes bya ba bzla bar bya ste de ltar na chos kyi 'khor lo rab tu bskor ba'o/ /oM karma ba shud+ha na zhes bya ba bzla bar bya ste/ de ltar na mu stegs can thams cad tshar gcod pa'o/ /hUM ni sum b+hA badzre ni phaT ces bya ba bzla bar bya ste/ de ltar na 'jig rten gsum thams cad las rnam par rgyal bar 'gyur ro/ /oM karma? ra ge zhes bya ba bzla bar bya ste/ de ltar na lha las babs pa sgrub pa'o/ /oM badzre badzre ni zhes bya ba bzla bar bya ste/ de ltar na 'dus pa chen po byin brlabs pa'o/ /oM sarba d+harma mi ni zhes bya ba bzla bar bya ste/ de ltar na? dug thams cad 'dul pa grub pa'o/ /oM he zhes bya ba bzla bar bya ste/ de ltar na 'dul ba la rab tu bzhag pa'o/ /oM a ka ro mu khaM zhes bya ba bzla bar bya ste/ de ltar ngan song thams cad las bton pa'o/ /oM pradz+nya pa ra mi ta zhes bya ba bzla bar bya ste/ de ltar na mdo sde thams cad ston pa'o/ /a baM hUM zhes bya ba bzla bar bya ste/ de ltar rtogs pa thams cad byin gyis brlabs pa'o/ /oM a zhes bya ba bzla bar bya ste/ de ltar na dngos grub thams cad gsol ba'o/ /oM sarbA ta thA ga tA ka ya gra zhes bya ba bzla bar bya ste/ de ltar na de bzhin gshegs pa thams cad kyi sku so sor thob pa'o/ /oM sarba ta thA ga ta bag b+hi shud+d+he zhes bya ba bzla bar bya ste/ de ltar na de bzhin gshegs pa thams cad kyi gsung thob ba'o/ /oM sarba ta thA ga te tsit+ta badzre zhes bya ba
- 166a
bzla bar bya ste/ de ltar na de bzhin gshegs pa thams cad kyi thugs so sor thob pa'i rnam par 'phrul pa sgrub par 'gyur ro/ /de ltar lag pa g.yas pa'i rdo rje khyab 'jug gi phyag rgya las/ las brgya sgrub pa yin no/ /ji ltar lag pa g.yas pa'i rdo rje khyab 'jug gi las brgya po 'di sgrub pa de bzhin du lag pa g.yon pa'i rdo rje khyab 'jug gi yang 'das ma thag pa bshad pa'i las brgya po 'di dag yin te/ de bzhin gshegs pa'i las brgya gnyis pa yin no/ /rdo rje rtse gsum 'dzin pa'i rdo rje gtum pa'i dbang phyug gi gzugs 'dzin pa'i rdo rje nyi ma me ltar 'bar ba'i rnal 'byor byas la rdo rje 'dzin ma zhes bya ba'i phyag rgya bcings nas gnyis su byas nas lag pa g.yas pa'i rdo rje 'dzin ba'i phyag rgyas/ hUM badzra kro d+ha yo gi nI shwa ra ma hA badzra shu lo gra ba ne ho ba ga wan badzra tsaN+Da shwa Sha a(rgyud 'grel): ha ha ha ha hi zhes bya ba brjod cing/ bcom ldan 'das rdo rje nyi ma me ltar 'bar ba'i las brgyas cho ga 'di bsgrub par bya ste/ phyag rgya de nyid kyis blugs gzar blangs la ke tshe dang/ til mar tsha ba'i sbyin sregs byas te/ de ltar na thams cad sreg par 'gyur ro/ /phyag rgya de nyid kyis sgrub par bya ba la gtang bar bya ste/ de ltar thams cad bskrad par 'gyur ro/ /de nyid kyis bcings pa'i tshul du byas te/ de ltar na thams cad smugs pa'o/ /de nyid kyis thams cad rengs pa'i tshul du byas na thams cad rengs pa'o/ /de nyid bcings nas mig gnyis btsum par bya ste/ de ltar na thams cad gnyid log log tu bcug pa'o/ /khro bo'i blta bas bsgrub bya la blta zhing phyag rgya 'di nyid kyis sdigs mdzub byas te/ de ltar na thams cad la rgyas btab pa'o/ /de nyid kyis bcings nas glong par byas te/ de ltar na thams cad rmongs pa'o/ /de nyid bcings nas sdigs mdzub kyis
- 166b
bsgrub bya dbye ba'i tshul du byas te/ de ltar na thams cad smugs pa'o/ /sdigs mdzub kyis bskyed pa la 'ching ba'i tshul bya ste/ de ltar na thams cad 'ching ba'o/ /sdigs mdzub kyis lu gu rgyud 'ching ba'i tshul du byas nas de bci ri bar bya ste/ de ltar na thams cad btsir ba'o sdigs mdzub kyis lu gu rgyud btsir bar byas la de nyid kyis dral pa'i tshul du byas na thams cad dral ba'o/ /sdigs mdzub kyis bsgrub bya la brdeg par bya ste/ de ltar na thams cad la brdeg pa'o/ /de nyid bcings nas sdigs mdzub kyis gyen du 'bar ba'i tshul du bya ste/ de ltar na thams cad 'bar ba'o/ /de nyid kyi sdigs mdzub dang yid kyis sor mo dbus ma bsgreng ba bsgrub bya ltung ba'i tshul gyis dbab par bya ste/ de ltar na thams cad ltung ba'o/ /de nyid bcings nas mdzub mo 'bar ba'i tshul du bya ste/ de ltar na 'tshed pa'o/ /de nyid bcings nas gcod pa'i tshul du de nyid sbyar bar bya ste/ de ltar na thams cad gcod pa'o/ /de nyid bcings nas mdzub mo bsgrub bya rnam par dral ba'i tshul du bya ste/ de ltar na thams cad dral ba'o/ /de nyid bsgrub bya phye mar rlog pa'i tshul rab tu sbyar bar bya ste/ de ltar na thams cad phye mar rlog pa'o/ /de nyid bcings nas sor mo thams cad phyogs bcur dor bar bya ste/ de ltar na thams cad der ba'o/ /de nyid myur du dgrol bar bya ste/ de ltar na thams cad rnam par 'joms pa'o/ /de nyid kyis drang zhing g.yo bas sdigs mdzub bya ste/ de ltar na rims thams cad bskyed pa'o/ /de nyid bcings nas mdzub mo gdengs ka'i rnam pa can du byas la/ de yis bsgrub bya la sdigs mdzub bya ste/ de ltar na dug ldang ba'o/ /de nyid bcings nas mdzub mo so rnams kyis gzung bar bya ste/ de ltar na bsgrub bya gdon gyis 'dzin du gzhug pa yin no/ /de nyid bcings nas/ smyo ba dang/ rgyug pa bstan par bya'o/ /de ltar na
- 167a
thams cad smyor gzhug pa'o/ /de nyid bcings nas mdzub mos se gol rtog pa'i sgra 'byin ba'i tshul du bya zhing bsgrub bya bkug la yid kyi rtog par bya ste/ de ltar na thams cad gsod bar 'gyur ro/ /de nyid bcings nas bsgrub bya nye bar 'dug ba'i tshul du sbyar bar bya ste/ de ltar na thams cad nye bar 'dug par 'gyur ro/ /de nyid sa la rab tu bzhag par bya ste/ de ltar na thams cad dgod ba'o/ /de nyid skyong bar bya ste/ de ltar na thams cad g.yor gzhug pa'o/ /de nyid bcings nas rang gis gar byas te/ de ltar na thams cad gar byed du gzhug pa'o/ /de nyid kha la gyen du drang bar bya ste/ de ltar na thams cad glu len du gzhug pa'o/ /de nyid brlab kyi tshul du sbyar bar bya ste/ de ltar na thams cad rtser gzhug pa'o/ /de nyid thams cad du brlab bar bya ste/ de ltar na thams cad rtsed 'jo byed du gzhug pa'o/ /de nyid bcings nas ha har rgod par bya ste/ /de ltar na ha har rgod du gzhug pa'o/ /de nyid bskor bar bya ste/ de ltar na thams cad bskor du gzhug pa'o/ /de nyid bkug par bya ste/ de ltar na thams cad dgug pa'o/ /de nyid mdun du tshur drad bar bya ste/ de ltar na thams cad tshur 'dren pa'o/ /de nyid mdun du gtang par bya ste/ de ltar na thams cad gtad pa'o/ de nyid yongs su bskor nas nub pa'i tshul du gzung bar bya ste/ de ltar na thams cad nub pa'o/ /de nyid gyen du drang bar bya ste/ de ltar na thams cad gyen du 'byung ba'o/ /de nyid myur du dor bar bya ste/ de ltar na thams cad dor ba'o/ /de nyid myur du bteg par bya ste/ de ltar na thams cad 'degs pa'o/ /de nyid zur du tshur drang bar bya ste/ de ltar na thams cad tshur drang ba'o/ /de nyid bcings nas rang gi nga ro byas te/ de ltar na thams cad nga ro 'don pa yin no/ /de nyid bcings nas
- 167b
rang gis du bar bya ste/ de ltar na thams cad du ba'o/ /de nyid kyis bdag nyid la brdung par bya ste/ de ltar ni thams cad brdud bar 'gyur ro/ /snying gar brdeg par bya ste/ de ltar na thams cad gsod par 'gyur ro/ /de nyid kyis rang gi skra 'bal bar bya ste de ltar na thams cad kyis skral? ba'o/ /de nyid bcings nas bsgrub bya phan tshun rnam par sdang bar bya ste/ de ltar na thams cad rnam par sdad ba'o/ /de nyid kyis rang gi gos brje bar bya ste/ de ltar na gos brje bar 'gyur ro/ /de nyid kyis gyen du 'bar ba bskyed pa'i tshul gyis khro bas rab tu g.yo ba mdzub mos byas te/ de ltar na khro ba 'bar bar 'gyur ro/ /de nyid kyi mdzub mo yi lcags kyus thams cad dgug pa'o/ /de nyid kyis bsgrub bya gzhug pa'i tshul gyis thams cad 'jug pa'o/ /de nyid kyis mdzub mo dang mthe bong dag gis se gol gtog par bya ste/ de ltar na thams cad 'bebs pa'o/ /de nyid bcings nas de bzhin du se gol gtog ba'i sgras phra dbab pa thams cad sgrub pa'o/ /de nyid bcings nas mdzub mo lce la reg par bya ste/ de ltar na thams cad smra ba'o/ /de nyid g.yas su 'khyil ba'i ba sU ston pa'i tshul gyis bskor bar bya ste/ de ltar na sgyu ma thams cad ston pa'o/ /de nyid kyi ltung ba slod pa'i tshul du bya ste/ de ltar na thams cad so sor ston pa'o/ /de nyid bcings nas dus kyi 'khor lo rab tu bsgom par bya ste/ de ltar na dus kyi 'khor lo rab tu yongs su bskor ba'o/ /de nyid bcings nas khro bo'i lta bas yid kyis 'dod pa'i shing drung rnams kyis 'dab ma dang me tog dang 'bras bu rnams ston pa'o/ /de nyid bcings nas khro bo'i lta bas blta zhing 'bru thams cad ston par byed pa'o/ /de nyid bcings nas byams pa'i lta bas rims ldog par byed pa'o de ltar bcings nas smin ma bskyod pa'i 'phrog pa dag gis sbyar ba'i dug
- 168a
'phrog par byed pa'o/ /de nyid bcings nas so rnams bstan par byas te/ de ltar na gdon thams cad las grol ba'o/ /de nyid bcings nas yi ge phu brjod par bya ste/ de ltar na dug thams cad ldog pa'o/ /de nyid kyis mkha' 'gro ma rnams kyis gzung ba la brdeg par bya ste/ de ltar nam mkha' 'gro ma dang gdon thams cad las grol ba'o/ /de nyid rgyal mtshan bsgreng ba'i tshul gyis steng du gzung bar bya ste/ de ltar na sangs rgyas thams cad 'byon pa'o/ /de nyid bcings nas khro ba dang bcas pa'i 'jigs byed kyi lta bas gzhan gyi dpung thams cad 'joms pa'i/ /de nyid bcings nas btsum pa med par lta bas mtshams bcings pa'o/ /de nyid bcings nas rang gi snying ga las rdo rje 'bar ba'i yid kyis spro nas phyogs bcing bar bya'o/ /de nyid bcings nas bskor bar bya ste/ de ltar na dkyil 'khor bcing ba'o/ /de nyid bcings nas mdzub mo bsgreng ba byas nas yongs su bskor la gtsug tor du gzung bar byas na shin tu bsrung ba'o/ /de nyid bcings nas mdzub mo brkyang ba la rang gi snying gar gzung bar byas ste/ de ltar na thams cad de nyid byed pa'o/ /phyag rgya de nyid rang gi snying gar dgrol bar bya ste/ de ltar na thams cad dgrol ba'o/ /g.yas pa'i rdo rje 'dzin ma de nyid zur du bzhag la bsgreng bar bya ste/ de ltar na thams cad bsgreng ba'o/ /de nyid bcings nas mdzub mo yi rtse mos dbang du byed pa'i tshul bya ste/ de ltar na thams cad dbang du byed par 'gyur ro/ /de nyid bcings nas khro bo'i lta bas steng nas 'og tu ltung ba'i tshul du byung ste/ de ltar na ltung ba thams cad ltung ba'o/ /'og nas steng du drangs ba'i tshul byas na klu thams cad gdon ba'o/ /de nyid bcings te khros pas yi ge hUM bzla bar bya ste/ de ltar na gnod sbyin thams cad phyi bzhin du
- 168b
'brang bar byed pa'o/ /de nyid bcings nas 'jigs byed kyi lta bas srin po thams cad 'jigs su bcug pa'o/ /de nyid bcings nas khro bo'i lta bas kha TwAM ga yid kyis dral bar byas te/ de ltar nam mkha' 'gro ma thams cad la sogs pa'i gdon zhi ba'o de nyid bcings nas rang gi snying gar 'bar ba'i rdo rje bsgom par bya ste/ de ltar na bdud thams cad kyi stobs 'joms pa'o/ /de nyid bcings nas khro bo'i lta bas yid kyis rtse gsum dral bar bya ste/ de ltar na ma mo thams cad zhi bar 'gyur ro/ /de nyid bcings na gdug pa'i dkyil 'khor gzhug par bya ste/ de ltar na gdug pa'i dkyil 'khor thams cad 'thor ba'o/ /de nyid bcings na yi ge hUM bzla bar bya ste/ de ltar na gdug pa thams cad tshar gcod pa'o/ /de nyid bcings nas yi ge hi bzlas par byas te/ de ltar na thams cad 'dul ba'o/ /de nyid bcings nas mi 'jigs pa sbyin pa'i tshul gyis g.yas phyogs su bya ste/ de ltar na mi 'jigs pa bskyed pa'o/ /de nyid dong tshe gsor ba'i tshul du bya ste/ de ltar na nor bu bzang po dbang du byed pa'o/ /de nyid bcings nas nor sbyin la khro bo'i lta bas blta zhing bzla bar bya ste/ de ltar na nor sbyin las nor thams cad 'phrog pa'o/ /de nyid bcings nas mdzub mo so dag gis gzung ste/ rnam thos sras rkang pa g.yon pas mnan na bkug cing bzla bar bya ste/ de ltar na dpal dgug pa'o/ /de nyid bcings nas mdzub mos dod rtsi gnyis gsor ba'i tshul byas te/ de ltar na lha'i bu mo thams cad 'phrog pa'o/ /de nyid kyis gzhon nu ma'i lag pa g.yon pa la gnas pa'i dril bu yid kyi dral bar bya ste/ de ltar na gzhon nu ma rol tu bcug pa'o/ /de nyid bcings nas mdzub mo'i rtse mo'i mthe bong gi steng du bzhag nas 'og tu byas la rkang pa g.yon pas brgya byin gyi gzugs brnyan mnan te/ lu gu rgyud dang dkrol ba'i tshul gyis 'phrog
- 169a
pa bya ste/ de ltar na sha tsi 'phrog pa'o/ /de nyid bcings te gzhon nu ma'i lag pa g.yas pa la gnas pa'i dril bu yid kyis dral bar bya ste/ de ltar na gzhon nu rnam par gcod pa'o/ /de nyid bcings nas mdzub mos chags pa dang bral ba'i yid kyis ltung bar bya ste/ de ltar na chings pa ltung ba'o/ /de nyid bcings nas yid kyis khyab 'jug gi 'khor lo dral bar bya ste/ de ltar na khyab 'jug 'dul par 'gyur ro/ /de nyid bcings nas rtse gsum dral bar byas te/ de ltar na lha chen po las rnam par rgyal bar 'gyur ro/ /de nyid bcings nas mdzub mo'i rtse mo mthe bo yi steng du bzhag nas 'dod pa'i dbang phyug rkang pa g.yon pas gnan te lu gu rgyud dgrol ba'i tshul du dbrog par byas te/ de ltar dga' ma 'phrog pa'o/ /de nyid bcings nas mdun du rdo rje bsgom par bya ste/ de ltar na rdo rje grub pa'o/ /de nyid bcings nas mdun du byang chub sems dpa' bsgom par bya ste/ de ltar na byang chub sems dpa' sgrub pa'o/ /de nyid bcings nas mdun du rnam par snang mdzad la sogs pa'i de bzhin gshegs pa rnams bsgom par bya ste/ de ltar na de bzhin gshegs pa rjes su chags pa'o/ /de nyid bcings nas mdun du rdo rje 'chang chen po bsgom par bya ste/ de ltar na mdun du rdo rje 'chang chen po rjes su chags pa dgug pa dang/ gzhug pa dang/ bcing ba dang/ dbang du byed pa sgrub par 'gyur ro/ /ji ltar las brgya sgrub pa 'di lag pa g.yas pa'i rdo rje 'dzin ma'i phyag rgyas 'grub par 'gyur ba de bzhin du lag pa g.yon pa'i rdo rje 'dzin ma'i phyag rgyas kyang las rgya 'di nyid sgrub pa po yin no/ /bsdus? pa'i dkyil 'khor las gsungs pa'i rdo rje dbang phyug gi gzugs 'dzin pa'i 'phags pa spyan ras gzigs dbang phyug gi rnal 'byor byas la de'i ngas
- 169b
tshig gi phyag rgya de nyid chos nyid ces bya ba'i ming can bcings nas gnyis su bya ste/ lag pa g.yas pa'i rdo rje nyid kyi phyag rgya'i 'phags pa spyan ras gzigs kyi dkyil 'khor chen po las gsungs pa'i las rgya sngags 'dis sgrub par bya ste/ h+ri badzra pad+ma d+ha b+ha ho b+ha ga wa na badzra a ba lo ki te shwa ra ma hA pra mi sid+d+ha/ oM b+hur b+hu ba swa swa sti na ma swAhA zhes bya bas so/ /'dis ni 'di ltar bshad par 'gyur te/ me tog gis khyab cing 'bar ba'i yid kyis rang bzhin gyi me thab kyi nang du tshangs pa'i gzugs kyi bcom ldan 'das 'jig rten dbang phyug mdun du rnam par bsams la/ lag pa g.yas pas ji lta ba bzhin du bshad pa'i rdo rje chos nyid ces bya ba'i 'jig rten dbang phyug gi dam tshig gi phyag rgya bcings la des yid kyi sgrib pa thams cad dang/ sdig pa thams cad dang/ rmi lam ngan pa dang/ mtshan ma ngan pa dang/ 'tshe ba dang/ nye bar 'tshe ba dang/ gnod pa dang/ dus ma yin par 'chi ba dang/ 'jigs byed kyis 'jigs pa dang/ rtsod pa dang/ 'gyed pa dang/ 'thab pa dang/ brlag pa dang/ nyon mongs pa dang/ ngal ba dang/ sdug bsngal ba dang/ yid mi bde ba dang/ dbul ba dang/ pha rol gyi gnod pa dang/ reg bya ngan pa dang/ skal pa ngan pa dang/ nang dang bcas pa dang/ don med pa rnams bsreg par bya ste/ de ltar na de rnams 'jigs par 'gyur ro/ /de nyid bcings nas rang dang gzhan dag la rlung gis gso spang bya'o/ /de nyid bcings nas mkhris pa dang/ khrag dang/ bad kan dang/ 'dus pa dang/ mzhu ba dang/ rims dang/ sbyar ba'i dug dang/ dug dang/ mdze? dang/ 'brum bu phra mo dang/ g.ya' ba dang/ rkang shu dang/ skran dang/ dmu chu dang/ mtshon? par rdol? ba dang/ sha bkra dang/ gcod chen dang/ khrag zad pa dang/ nad thams cad dang/ yid mi bde ba dang/ nad dang/ gdan dang/ mkha' 'gro
- 170a
ma rnams kyis gso spyad? bya ba yin no/ /de nyid bcings nas khrab dang/ go cha dang/ gtsug tor dang/ gtsug? phud dang/ mtshams dang/ phyogs dang/ dkyil 'khor dang/ sa dang/ nam mkha' dang/ khang? bzang dang/ rdo rje'i rwa ba dang/ me 'bar ba dang/ thal ba'i thab? dang/ rdo rje'i ri bo dang/ don yod pa'i chu'o dang/ thig skud yongs su dgod pa dang/ phur bu dang/ bza' ba dang/ btung ba dang/ gos dang/ 'gug pa'i phyag rgyas 'grub pa rnams bya ba yin no/ /de cing bcings nas 'chi ba'i 'jigs pa la sogs pa las bdag nyid rnam par sbyar bar bya'o zhes bya ba'i/ bsam pa skyed par byas na/ cha dang/ kha dog dang/ stobs dang/ gzi brjid dang/ na tshong dang/ brtson 'grus dang/ nad med pa dang/ dpal dang/ bskal ba bzang po dang/ nor dang/ 'bru dang/ dbang phyug dang/ phun sum tshogs pa dang/ 'phel ba dang/ grub pa dang/ blo dang/ rnyed pa dang/ dpal mo dang/ ming dang/ sgra snyan pa dang/ grags pa dang/ ting nge 'dzin dang/ shes rab dang/ mchog gi dngos grub rnam par bya ste/ de ltar na de dag sgoms pas grub par 'gyur ro/ /ji ltar las brgya sgrub pa 'di lag pa g.yas pa'i rdo rje chos nyid ces bya ba'i/ 'jig rten dbang phyug gi dam tshig gi phyag rgya bcings nas bya bar bshad pa dang/ de bzhin du lag pa g.yon pas kyang 'di nyid shes par bya'o/ /'dod pa'i gzugs 'dzin pa yis/ 'phags pa nam mkha' i snying po'i rnal 'byor byas la rdo rje rin chen de nyid bcings nas gnyis su byas te/ lag pa g.yas pa'i rin po che'i myu gus 'phags pa nam mkha' i snying po'i rnal 'byor las gsungs pa'i las rgya sngags 'dis bsgrub par bya ste/ he badzra kadmA? ya yu da sarba ka ma nas ma da ya ho b+ha ga bAn badzra a ka sha sarba pa pa tra ta traM? zhes bya
- 170b
pa'o/ /'dis ni 'di ltar 'chad par 'gyur? te/ lag pa g.yas pas ji lta ba bzhin du bshad pa rin po che'i myu gu bcings la/ de mdzod spu'i phyogs su gzung bar byas na 'byor pa thams cad dgug pa dang/ gzhug pa dang/ bcing ba dang/ dbang du bya ba dang tshur drang ba dang/ bsag pa dang/ len pa dang/ kun tu 'dren pa dang/ tshur khyer dang/ phar gtang ba dang/ gzhig ba dang/ gyen du gtor ba dang/ tshur 'khor ba dang/ kun tu brdeg pa dang/ sbyang ba dang/ rnyed pa dang/ nye ba dang 'tshong ba dang/ yang dag par 'byed pa dang/ dogs? pa nye bar sbyor ba dang/ brtan par byed pa dang/ rdo rjer byed pa dang/ sgrub pa dang sgrub pa mchog rnams sgrub par bya'o/ /de bzhin du bcings nas dpral ba'i phyogs su gzung zhing/ dpal chen po dgug pa dang/ gzhug ba dang/ bcing ba dang/ dbang du byed pa dang ? 'phrog pa dang/ nye bar sogs pa dang/ len pa dang/ tshur drang ba dang/ bsag pa dang/ len pa dang/ kun tu 'dren pa dang/ tshur khyer ba dang/ phar gtang ba dang/ gzhig pa dang/ dor ba dang/ gyen du gtor ba dang/ kun tu brdeg pa dang/ sbyar ba dang/ rnyed pa dang/ nyo ba dang/ 'chong pa dang/ yang dag par 'gyed pa dang/ dgos ba nye bar sbyor ba dang/ brtan par byed pa dang/ rdo rjer byed pa dang/ sgrub pa dang/ grub pa mchog rnams bsgrub par bya ba dang/ slar yang de nyid bcings nas/ mdzod spu'i phyogs su gzung na phun sum tshogs pa thams cad dgug pa dang/ gzhug pa dang/ bcing ba dang/ dbang du byed pa dang/ 'phrog pa dang/ nye bar sog ba dang/ len ba dang/ tshur drang ba dang/ bsag ba dang/ len pa dang/ kun tu 'dren pa dang/ tshur khyer ba dang/ phar gtang ba dang/ gzhig pa dang/ ngor ba dang/ gyen du gtor ba dang/ tshur gtor ba dang/ kun brdeg pa dang/ sbyang ba dang/ rnyed pa dang/ nyo ba dang/ 'chod pa dang/ yang dag par 'gyed pa dang
- 171a
dgos pa nye bar sbyor ba dang/ brtan par byed pa dang/ rdo rjer byed pa dang/ sgrub pa dang/ sgrub pa mchog rnams bsgrub par bya'o/ /slar yang de nyid bcings nas mdzod sbu'i phyogs su gzung bar bya ste/ mchod pa thams cad dgug ba dang/ gzhug pa dang/ bcing ba dang/ dbang du byed pa dang/ 'phrog pa dang/ nye bar sogs pa dang/ len pa dang/ tshur drang ba dang/ bsag pa dang/ len pa dang/ kun tu 'dren pa dang/ tshur khyer ba dang/ phar gtang ba dang/ gzhig pa dang dor ba dang/ gyen du gtor ba dang/ tshur gtor ba dang/ gyen du brdeg pa dang/ sbyang pa dang/ rnyed pa dang/ nyo ba dang/ 'tshong ba dang/ yang dag par 'gyed pa dang/ dgos pa nye bar sbyor ba dang/ brten par byed pa dang/ rdo rjer byed pa dang/ sgrub pa dang/ sgrub pa mchog rnams bsgrub par bya'o/ /ji ltar lag pa g.yas pa'i rdo rje rin po che'i myu gus/ 'phags pa nam mkha' i snying po'i dkyil 'khor las gsungs pa'i las brgya po 'di sgrub pa yin pa de bzhin du lag pa g.yon pa'i rdo rje rin po che'i myu gus kyang las brgya po 'di nyid sgrub pa yin no/ /de ltar na tshul 'dis ji lta ba bzhin du dam tshig gi mtshan ma rnams kyis lag pa g.yas pa dang/ g.yon pa dag gis rdo rje chen po'i sbyor ba nges par sbyar bas rigs thams cad? dngos grub thams cad kyi phyag rgya chen po stong 'gyur du 'gyur ro/ /de ltar phyag rgya chen po'i stong phrag dang po bstan nas/ da ni dngos grub thams cad kyi phyag rgya chen po'i stong phrag gnyis pa bstan par bya ba'i phyir/ de ltar rang gi dam tshig gi phyag rgya bcing ba'i rdo rje bsdams pa nang du bcings pas so zhes bya ba gsungs te/ rdo rje bsdams pa nang du bcings nas gnyis su bya ste/ g.yas pa dang g.yon pa'i khu tshur dag gis dpal rdo rje sems dpa' i dkyil 'khor las gsungs pa dang/ de bzhin
- 171b
gshegs pa dang/ rdo rje nyi ma me ltar 'bar ba dang/ 'phags pa spyan ras gzigs dbang phyug dang/ 'phags pa nam mkha' i snying po'i dkyil 'khor las gsungs pa 'das ma thag tu bshad pa'i tshul gyis las nyis brgya po bsgrub par bya ste/ 'di ni dngos grub thams cad kyi phyag rgya chen po'i stong gnyis pa yin no/ /de ltar stong gnyis pa bstan pas/ da ni gsum pa bstan par bya ba'i phyir/ de ltar rang gi phyag mtshan gyi khu tshur rdo rje gar las byung ba'i phyag rgya stong dang po'i las kyi tshogs brgya sgrub par byed pa'i rdo rje'i las byed pa gsum pa'o/ /zhes bya ba gsungs so/ /'dis ni 'di ltar bshad par 'gyur te/ ji lta ba bzhin du gar byas nas rdo rje khu tshur gnyis bcings la g.yas pa'i rdo rje khu tshur gyis 'das ma thag tu bshad pa'i tshul du dpal rdo rje seMs dpa' i dkyil 'khor las gsungs pa'i las brgya sgrub par bya ste/ lag pa g.yon pas kyang de bzhin no/ /de bzhin gshegs pa'i khu tshur gnyis bcings nas/ lag pa g.yas pas de bzhin gshegs pa'i dkyil 'khor las gsungs pa'i las brgya bsgrub par bya ste/ g.yon pas kyang de bzhin no/ /khro bo'i khu tshur bcings nas rdo rje nyi ma me ltar 'bar ba'i dkyil 'khor las gsungs pa'i las nyis brgya bsgrub par bya'o/ /pad+ma'i khu tshur gnyis bcings te/ 'phags pa spyan ras gzigs kyi dbang phyug gi dkyil 'khor las gsungs pa'i las nyis brgya bsgrub par bya'o/ /rin po che'i khu tshur gnyis bcings nas 'phags pa nam mkha' i snying po'i dkyil 'khor las gsungs pa'i las nyis brgya bsgrub par bya ste/ de ltar mtshul 'dis gar las byung ba'i phyag rgya stod gsum pa yin no/ /de ltar rang gi mtshan ma'i khu tshur gyi rdo rje gar las byung ba'i stong gsum pa bstan nas/ las kyi phyag rgya stong bzhi pa bstan par bya ba'i phyir/ de ltar lag pa g.yas pa dang g.yon pa cig shos
- 172a
kyis las thams cad rab tu sgrub par byed pa'i las kyi phyag rgya stong bzhi po zhes bya ba gsungs te/ 'das ma thag tu bshad pa'i tshul gyis dpal rdo rje sems dpa' dang/ de bzhin gshegs pa dang/ rdo rje dang/ pad+ma dang nor bu'i rigs las gsungs pa'i las rnams bsgrub bar bya ste/ de bzhin du lag pa g.yon pas kyang ngo/ /des na tshul 'dis las kyi phyag rgya stong bzhi pa dang po'i las rab tu bsgrub par byed pa yin no/ /de ltar ma lus pa'i phyag rgya bcing ba ni lag pa gcig gis phyag rgya thams cad bcing ba rab tu sgrub pa'o zhes bya ba la/ de ltar 'das ma thag tu bshad pa'i tshul gyis 'dod chags rdo rje ma la sogs pa nas rdo rje dril bu ma'i mthar thug pa rnams kyi dam tshig gi phyag rgya thams cad bcings pa gang yin pa ma lus pa'i phyag rgya bcings te/ g.yas pa dang g.yon pa'i lag pa gcig gis phyag rgya bcings pa rab tu grub pa ni rdzogs pa'o/ /'dis ni 'di ltar bshad par 'gyur te/ 'dod chags rdo rje ma'i dam tshig gi phyag rgya bcings nas gnyis su bya ste/ lag pa g.yas pa'i 'dod chags rdo rje ma'i dam tshig gi phyag rgya/ dpal rdo rje sems dpa' i dkyil 'khor las gsungs pa'i las rgya dang/ lag pa g.yon pa'i 'dod chags rdo rje ma'i dam tshig gi phyag rgyas de nyid kyi snying po brjod cing bsgrub par bya ste/ de ltar ji srid lha mo rdo rje dril bu ma'i dam tshig gi phyag rgya de nyid kyi snying po las nyis brgya po de nyid bsgrub par bya ba yin no/ /de ltar rdo rje bsdams pa nang du bcings nas gnyis su byas la 'dod chags rdo rje ma la sogs pa'i snying po rnams brjod cing rang gi rigs kyi las brgya lag pa g.yas pa g.yon pa dag gis bsgrub par bya'o/ /de ltar na mtshan ma dang/ rdo rje khu tshur las byung ba'i 'dod chags rdo rje ma la sogs pa'i
- 172b
snying pos rang gi rigs kyi las brgya dag lag pa g.yas pa dang g.yon pa dag gis bsgrub par bya'o/ /de ltar lag pa g.yas pa dang g.yon pa'i cig shos kyi rang gi rigs kyi las brgya 'dod chags rdo rje ma la sogs pa'i snying po brjod cing bsgrub par bya ba yin te/ bcom ldan 'das kyis 'di ni 'di ltar gsungs pa yin te/ bsgom pa kho na gtso bor gyur pa yin gyi phyag rgya ni ma yin te/ de'i phyir rnal 'byor gyi rgyud 'dir bsgom pa kho na la 'bad par bya ba yin gyi/ phyag rgya bcing ba la ni ma yin no zhes bya ba'o/ /de ltar zhes bya ba la sems can thams cad kyi don du 'khor lo'i bsdus pa'i dkyil 'khor ro/ /dam tshig gi las ni phyag rgya'i las dang bcas par bcom ldan 'das rdo rje sems dpar bsgrub ste/ ting nge 'dzin rdzogs par mdzad pa'o/ /bsdus pa'i dkyil 'khor nyid rten dang brten pa'i 'khor lo'o/ /kun mchog dbang phyug chen po zhes bya ba ni rdo rje 'chang chen po ste/ sems can thams cad la phan pa dang/ bde ba dam pa'i dngos grub kyi phyir bcom ldan 'das rdo rje sems dpa' rten dang brten pa'i tshul gyis rang bzhin gyis rdo rje 'chang chen po phyag rgya chen po'i las dang bcas par sbrul par mdzad pa yin no zhes bya ba'i don to/ /bsdus pa'i dkyil 'khor gyi bshad pa rdzogs so// // de ltar zhes bya ba la de ltar ni 'di ltar ro/ /gsang ba ni skye bo thams cad kyi mngon sum du ma gyur pa'o/ /rgya che ba ni nam mkha' i khams thams cad spros nas gnas pa'o/ /rmad du byung ba ni agzhan dag la sngon chad ma byung ba'o/ /mchog ni dpal? 'gro ba kun rnam par spyod pa zhe sbya ba ni rdo rje sems dpa' la sogs pa'i skus sems can gyi khams khyab pa thams cad la rdo rje sems dpa' la sogs pa'i ting nge 'dzin rdzogs par byed pa'o/ /dpal mchog dang ba zhes bya ba ni ji lta ba bzhin
- 173a
du bshad pa'o/ /bla na med pa nyid kyi phyir bla na med pa'i bla ma'o/ /gsal ba'i rgyud ces bya ba ni rgyud shin tu gsal ba'o/ /bdag gis yang dag par bshad ces bya ba ni bcom ldan 'das rdo rje 'chang chen pos yang dag par bstan pa yin no zhes bya ba yin no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las rigs thams cad kyi phyag rgya'i rgyud kyi bshad pa rdzogs so// // de ltar rtog pa thams cad kyi rgyud phyi ma'i rgyud kyi rigs thams cad kyi phyag rgya'i rgyud bstan nas de nas zhes bya ba la sogs pa gsungs te/ de nas kyi sgra ni skabs su bab pa'o/ /rdo rje 'chang ni rdo rje sems dpa' o/ /ston par mdzad pa ni ston pa'o/ /gsang ba kun gyi bdag po zhes bya ba ni/ rigs lnga'i gsang ba'i dkyil 'khor rnams kyi bdag po'o/ /brtan pa zhes bya ba ni rtag pa'o/ /de nyid kyi phyag rgya zhes bya ba ni gsang ba'i dkyil 'khor gyi phyag rgya rnams rigs lnga'i sku'i gsang ba'i rang bzhin can no/ /de rnams kyi rgyud kyang yin la chen po yang de yin pas rgyud chen pos te/ de kho na nyid kyi phyag rgya'i rgyud chen po'o/ /mtshon cha yang yin la mchog kyang de nyid yin pas na mtshon cha mchog ste/ mchog gi mchog tu gyur pa'i shes rab dang thabs kyi mnga' zhes bya ba'i don to/ /'di zhes bya ba ni thugs la gnas pas te/ 'og nas 'chad par 'gyur ba'o/ /gsungs so zhes bya ba ni sprul? par mdzad pa'o zhes bya ba'i don to/ /de nas kyi sgra ni snga ma bzhin no/ /bcom ldan 'das rdo rje sems dpa' dngos grub kyi gsang ba rjes su bshad par bya'o zhes pa dang sbyor ro/ /rtog pa yin la thams cad kyang de nyid yin pas na rtog pa thams cad ste/ dpal
- 173b
rdo rje sems dpa' la sogs pa nas 'phags pa nam mkha' i snying po'i mthar thug pa'i bar gsang pa'i dkyil 'khor gyi rtog pa rnams so/ /de dag gi cho ga ni rgyun no/ /mchog ni dam pa'o/ /mkhas pa ni nyon mongs pa dang/ nye ba'i nyon mongs paS mi thub pa'o/ /phra ba zhes bya ba ni so sor nges pas 'bigs? par byed pa'i shes rab ston par byed pa'o/ /rgya che ba ni nam mkha' i khams thams cad khyab par byed pa'o/ /zab mo ni rgya mtsho chen po ltar 'jug par dka' ba'o/ /bsam du med pas na bsam gyis mi khyab pa'o/ /nam mkha' bzhin du mdza' yas paS na tshad med pa'o/ /nyon mongs pa dang nye ba'i nyon mongs pa'i mun pa dang bral bas na gsal ba'o/ /mtshungs pa med pas na mi mnyam pa'o/ /bla na med pa'i bla ma mthar thug pa med pa'i rdo rje sems dpa' la sogs pa'i dngos grub gyi don du gsang bas na bla na med pa'i bla ma mthar thug pa med pa'i dngos grub kyi gsang ba'o/ /rtog pa thams cad kyi tshogs kyang yin la mchog dang mkhas pa dang/ phra ba dang rgya che ba dang zab mo dang bsam gyis mi khyab pa dang/ tshad med pa dang gsal ba dang/ mnyam pa med pa dang/ bla na med pa'i bla ma mthar thug pa med pa'i dngos grub kyi gsang ba rnams kyang de nyid yin pas na rtog? pa thams cad du mchog tu mkhas shing phra ba rgya che ba zab mo bsam gyis mi khyab pa tshang med pa gsal ba mnyam pa med pa bla na med pa'i mthar thug pa med pa'i dngos grub kyi gsang bas te/ rdo rje spyan la sogs pa'i phyag rgya'i gzungs sgrub pa'i mchog tu gsang ba zhes bya ba'o/ /ma lus shing lus pa med pa'i dngos grub thams cad ces bya ba ni dpal rdo rje sems dpa' la sogs pa'i gsang ba'i dkyil 'khor gyi dngos grub thams cad kyi las rnams sgrub pa la gdon mi za zhing thogs pa med pa sgrub
- 174a
pa gang yin pa de rjes su bshad par bya ba ni brjod par bya ste/ bcom ldan 'das mchog tu gsang ba'i lha mo bzhi phreng gi dbus na bzhugs pa'i dpal rdo rje sems dpas gsungs so/ /ma mchu zhes bya ba la sogs pa la ji lta ba bzhin du lha'i rnal 'byor byas nas sgeg mo dga' ba'i rdo rje ma'i phyag rgya'i mthar thug pa'i cho ga thams cad rjes su spyad nas de kho na nyid dang/ chos dang dam tshig blangs la bcom ldan 'das mdun du bzhag ste/ rang gi ma mchu nang du bcug nas so rnams gzung bar bya ste/ 'dzum pa dang bcas pa'i rnal 'byor pas dpal rdo rje sems dpa' la sogs pa'i mchu yid kyis gzung bar byas la dga' ba chen pos dang po'i rdo rje'i lta bas blta zhing zhes bya ba ni shin tu chags shing rab tu dga' bas phye ba'i lta ba ni/ dang po'i rdo rje lta bas te/ dang po'i rdo rje lta ba'i byed par gyur pa de nyid kyis 'dod pa'i dngos grub sgrub pa'i tshul rnams ni byed pas te/ de dag gis ma lus shing lus pa med pa'i dngos grub thams cad kyi las kyi tshogs? rnams sgrub par byed pa yin no/ /de la phyag rgya chen po la sogs pa'i dngos grub rnams ni dngos grub thams cad do/ /'og nas 'chad par 'gyur ba'i las stong dang brgya lhag pa de/ las kyi tshogs te/ de dag sgrub par byed pa'o/ /bde ba chen po'i gsang ba chen po'i rdo rje zhes bya ba la/ 'das ma thag tu bshad pa'i lta ba phyag rgya gang yin pa de ni bcom ldan 'das bde ba chen po'i rdo rje sems dpa' i gsang ba chen po'i rdo rje'o/ /'di'i? ming bstan par bya ba'i phyir/ rdo rje spyan zhes bya ba'i phyag rgya'o zhes bya ba gsungs te/ de ltar bcom ldan? 'das? rdo rje sems dpa' lta ba'i phyag rgya thams cad sgrub par byed pa bstan nas da ni
- 174b
de bzhin gshegs pa bstan par bya ba'i phyir de bzhin gshegs pa thams cad ces bya ba gsungs so/ /de bzhin gshegs pa thams cad ni rnam par snang mdzad la sogs pa'o/ /thams cad khyab pa'i bzhin 'dzum pa ni bzhad pa'i rnal 'byor pa bzhad pa chen po nges rgod cing tsum pa med pa'i bstan pa'i rdo rje'i lta bas mdom gang tsam du blta zhing phyag rgya chen po la sogs pa'i de bzhin gshegs pa'i dngos grub kyi tshul bya ste/ de ltar na mngon par rdzogs pa'i byang chub la sogs pa'i de bzhin gshegs pa thams cad kyi las rnams sgrub par byed pa yin no/ /lta ba'i phyag rgya 'di yi ming bstan par bya ba'i phyir de bzhin gshegs pa thams cad kyi spyan zhes bya ba'i phyag rgya'o zhes bya ba gsungs so/ /de ltar lta ba'i phyag rgya bstan nas/ da ni khro gnyer dang bcas pa zhes bya ba la sogs pa'i rdo rje nyi ma me ltar 'bar ba'i gsungs pa yin te/ khro gnyer dang bcas pa'i rdo rje khro bo'i lta ba ni khro gnyer dang bcas pa'i khro bo yi rdo rje'i blta bas te/ khros pa'i mig btsum pa'i mtshan nyid can no/ /de'i byed pa rnams ni mngon par 'dod pa'i tshul te/ de dang bcas pa'i sna'i dbugs yi ge hUM byed par gyur pas rdo rje thams cad kyi dngos grub rnams rnal 'byor pas sgrub par byed pa yin no/ /lta ba'i phyag rgya 'di nyid kyi ming bstan par bya ba'i phyir/ rdo rje nyi ma me ltar 'bar ba chen po'i lta ba'i spyan zhes bya ba'i phyag rgya'o zhes bya ba gsungs so/ /de ltar rdo rje'i rigs kyi lta ba'i phyag rgya bstan nas da ni pad+ma'i rigs kyi bstan par bya ba'i phyir bde ba zhes bya ba la sogs pa gsungs te/ ting nge 'dzin las byung ba'i bde ba ni 'dir bde ba ste/ nges spyan cung zhig phye ba ni rgyas pa'o/ /'di yis mngon par 'dod pa'i dngos grub thams cad
- 175a
kyi las thugs kyis mngon du gyur pa'i ye shes kyi rdo rje'i lta bas che ba rnams gang yin pa de dag dang bcas pas mchu mnyam pa'i ting nge 'dzin rdo rje la sogs pa'i rang bzhin gyi 'jig rten dbang phyug gi dngos grub thams cad kyi las tshogs rnal 'byor pas sgrub par byed pa yin no/ /de'i ming bstan par bya ba'i phyir pad+ma chen po'i spyan gyi phyag rgya'o zhes bya ba gsungs so/ /de ltar pad+ma'i rigs kyi lta ba'i phyag rgya bstan nas da ni nor bu'i riD kyi bstan par bya ba'i phyir/ snyeMs? pa? dang? bcas pa'i 'dzin pa nyid kyis zhes bya ba gsungs te/ nor bu'i rigs kyi lha'i nga rgyal sgom pa ni snyems pa'o/ /snyems pa dang bcas pas gzung bas te byed pa bskyed pa'o/ /de'i dngos po ni snyems pa dang bcas pa'i 'dzin pa nyid do/ /de dang bcas par phra bar 'dzum pa'i lta ba gang yin pa de'i byed par gyur pa des/ byed pa rnams ni yid kyis 'dod pa'i dngos grub kyi tshul rnams te/ de dag gis bzhin cung zad 'dzum pa'i rnal 'byor pas nam mkha' ste/ 'phags pa nam mkha' i snying po las bcom ldan 'das 'phags pa nam mkha' i snying po'i dngos grub thams cad kyi las kyi tshogs sgrub pa yin no/ /lta ba'i phyag rgya 'di nyid kyi ming bstan par bya ba'i phyir rdo rje chen po nor bu'i spyan zhes bya ba'i phyag rgya'o zhes bya ba gsungs so/ /de ltar lta ba'i phyag rgya rnam pa lnga bstan nas/ da ni de rnams kyi nus pa bstan par bya pa'i phyir don yod ces bya ba la sogs pa gsungs te/ don yod pa ni don yod cir thogs pa med pa'o/ /rdzogs pas na grub pa'o/ /gzhug par mi nus pas na 'jigs pa med pa'o/ /de gang gis shes na bstan pa'i bdag nyid ces bya ba gsungs te/ rdo rje'i sku mnga' ba'i sangs rgyas thams cad rdo rje 'chang chen
- 175b
po dag gis kyang ngo/ /gsang ba'i phyag rgya 'di dag phyag rgya chen po la sogs pa'i dngos grub dge ba rnams stsol bar na/ dngos grub dge ba gsol ba'o/ /dkyil 'khor du ma zhugs pa zhes bya ba la sogs pa ni go sla'o/ /de nas de'i phyir zhes bya ba la sngar bshad pa'i sgrub pas rnal 'byor pa ma grub na de ma thag tu 'dzum pa'i phyag rgyas bcom ldan 'das ma bdag nyid la rgyas btab na nges par 'grub par 'gyur ro/ /rgyu de'i phyir mchog dang po'i bcom ldan 'das rdo rje sems dpa' i mchog dang po thog ma tha ma med pa'i bcom ldan 'das rdo rje sems dpas gsungs so zhes bya ba dang sbyar ro/ /de yang ji lta bu yin zhe na/ mkhas pa las kyang mkhas pas na shin tu mkhas pa'o/ /phra zhing rgya che ba dang/ zab cing bsam gyis ni khyab pa zhes bya ba ni bshad zin to/ /mchog gi mchog dang po zhes bya ba ni sngar bshad pa'i mchog dang po'o/ /las kyang dam pa yin pas na mchog gi mchog dang po'o/ /ni'i sgra ni nges par gzung ba la ste/ mchog dang po las kyang mchog kho na yin no/ /mchog tu gsang ba ni sngar bshad pa'i gsang ba las kyang gsang ba'o/ /phul du byung bas na dam pa'o/ /de gang yin zhe na/ 'dzum pa'i phyag rgya la sogs tshogs zhes bya ba la 'dzum pa'i phyag rgya'i tshogs 'dis ci zhig bya/ gang gi phyir 'di'i khyad par du bstan pa yin zhe na/ rdo rje 'chang chen zhes bya ba la sogs pa la rdo rje 'chang chen po'i rnal 'byor dang ldan pa'i slob dpon ni rdo rje 'chang chen po'i slob dpon no/ /mchog dang po ni bcom ldan 'das rdo rje sems dpa' o/ /de rab tu dgyes pa ni thugs dgyes pa ni thugs bde bas te/ de ston par byed pa'i 'dzum pa'i phyag rgya ni mchog dang po rab tu dgyes pa'o/ /mchog dang po rab tu dgyes pa nges phyag rgya chen po la sogs pa thams
- 176a
cad myur du sgrub par bya ba ni rdzogs par bya'o/ /snying po la sogs pa rnams med kyang zhes bya ba la/ kyang? gi sgra ni snying po la sogs pa rnams kyis ni shin tu sgrub par byed pa yin no/ /zhes bya ba bstan to/ /snying po dang phyag rgya dang sngags dang rig pa rnams bshad zin to/ /de rnams sgrub pa ni rdzogs pa'i rgyu 'og nas 'chad par 'gyur ba'i 'dzum pa'i phyag rgya'i rang bzhin rmad du byung ba ni ngo mtshar bar byed pa'o/ /de'i ci'i phyir zhe na/ dngos grub thams cad rab sgrub pas/ ma grub rnams kyang grub par 'gyur/ /byed par gyur pa de rnams yin pa'i rgyu de'i phyir snga ra bshad pa'i sgrub pas bsgrub pa'i gang grub par ma gyur pa dang/ bsod nams med pa dang/ phyi'i yo byad kyi phun tshogs ba med pa'i sgrub pa'o/ /de 'dzum pa'i phyag rgya bdag nyid dam mdun du bzhag pa'i bcom ldan 'das rdo rje sems dpa' rab tu bsgrubs nas myur ba nyid du 'grub par 'gyur ro/ /dus gang la rnal 'byor pas bdag nyid dam rdo rje sems dpa' rab tu bsgrubs nas myur du 'grub par 'gyur zhe na/ rdo rje sems dpa' zhes bya ba la sogs pa la gal te/ bcom ldan 'das rdo rje sems dpa' mchog phul du byung ba sgrub pa pos snying po dang phyag rgya dang/ sngags dang rig pa rnams nye ba'i snying pos rab tu bsgrubs kyang grub par ma gyur na/ de'i tshe sgrub pa pos 'dzum pa'i phyag rgyas bcom ldan 'das bsgrub par bya'o/ /gang gi phyir 'dzum pa'i phyag rgya 'dis bcom ldan 'das rdo rje/ sems dpa' i rang rig pa'i tshul gyis rang gis gsang ba'i btsun mo ste/ rdo rje sems dpa' dang 'dod chags rdo rje ma la sogs pa'i rang bzhin gyi tshogs pa thams cad kyi sgrub pa'o/ /dga' bar byed pas na chags pa thams cad kyis
- 176b
rab tu dga' bar byed pa'o/ /rdo rje sems dpa' i dga' ba gang yin pa des sgrub pa po grub par 'gyur ro/ /de nyid chen po zhes bya ba ni 'dzum pa'i phyag rgya'i rang bzhin can gyi de kho na nyid chen po 'di grub pa ni rdzogs pa'o/ /mchog ni dam pa'o/ /mchog gi de nyid ni rdo rje sems dpa' o/ /skye bo thams cad kyi thun mong ma yin pas gsang ba'o/ /mchog tu bsod nams ldan so so skye bo la brjod min zhes bya ba ni bshad zin to/ /rang gi bdag nyid byin gyis brlab pa ni rang la byin gyis brlab pas te/ rang gi yid bde ba'i nus pa gang yin pa nges rnal 'byor pa grub par 'gyur ro/ /nyon mongs pa dang nye ba'i nyon mongs pa dang bral bas na dga' ba'o/ /mchog tu gsang ba'i phyi ma las kyang/ dam pa dpal rang gi dam tshig ces bya ba ni gsang ba'i lha mo'i phreng gi dbus na bzhugs pa'i dpal rdo rje sems dpa' o/ /de'i bla na med pa'i mchog tu gsang ba'i phyag rgya ni 'dzum pa'i phyag rgya'o/ /de'i cho ga ni bsgom pa bstan pa yin no/ /de ltar thams cad sgrub par byed pa'i 'dzum pa'i phyag rgya bstan nas/ da ni las thams cad sgrub par byed pa'i tsum par la sogs pa'i phyag rgya rnams bstan par bya ba'i phyir/ de nas zhes bya ba la sogs pa gsungs te/ de nas de'i phyir zhes bya ba bshad zin to/ mchog dang po ni bcom ldan 'das rdo rje sems dpa' i mchog dang po'i mchog tu gsang ba zhes bya ba'i phyag rgya'i rgyud rjes su bstan par bya'o/ /zhes bya ba dang sbyar ro/ /mchog tu mkhas shing phra la rgya che ba dang/ ybsam gyis mi khyab pa zhes bya ba ni bshad zin to/ /shin tu mdza' yas pa zhes bya ba ni mdor bstan pa'o/ /lhag ma ni rgyas par bshad pa'o/ /de la chos kyi bzhin du thams cad 'gro ba'i phyir shin tu mdza' yas pa dang/ mthar thug pa med pa dang/ tshad med cing gzhal du med pa'o/ /bla ma las kyang bla mar
- 177a
gyur pas na bla na med pa'o/ /don yod cing thogs pa med pa'o zhes bya ba ni go sla'o/ /mchog dang po yin la snying po yang de nyid yin pas na mchog gi snying pos te/ snying po ston par byed pa'i phyir/ tsum pa la sogs pa'i phyag rgya'i rang bzhin ni snying por brjod pa yin no/ /mchog kyang yin de kho na nyid kyang yin pa na mchog gi de kho na nyid de/ thog ma dang tha ma med pa chos kyi dbyings so/ /de'i snying po ni de las byung ba'i phyir dang/ de mngon du byed pa'i rgyu nyid kyi phyir ro/ /don 'di nyid bstan par bya ba'i phyir mchog tu gsang ba'i snying po zhes bya ba gsungs te/ mchog kyang yin phra ba dang mchog tu gsang ba yang de nyid yin pas na/ mchog tu phra zhing gsang ba'i snying po'o/ /'di'i med bstan par bya ba'i phyir mchog tu gsang ba zhes bya ba gsungs so/ /'di las ji lta bu dang ldan pa yin zhe na/ thams cad ces bya ba la sogs pa la 'jig rten dang 'jig rten las 'das pa'i dngos grub thams cad kyi mchog tu gyur pas na thams cad kyi mchog go/ thams cad kyi mchog kyang de yin la dngos grub chen po yang de nyid yin pas na thams cad kyi mchog go/ dngos grub chen pos te dpal rdo rje sems dpa' thob pa'o/ /des dbang phyug chen po ni khams gsum pa'i chos kyi rgyal srid de de nyid gyi bdag po nyid do/ /sogs pa'i sgra ni sa dang pha rol tu phyin pa la sogs pa gzung ba'o/ /dngos grub thams cad kyi don las kyi tshogs ni dngos grub thams cad kyi las kyi tshogs te/ stong tshig brgya'i grangs gyis yongs su bcad pa de ma thag tu 'og nas 'chad par 'gyur ba gang yin pa de'i thams cad kyi dngos grub chen po'i dbang phyug chen po'i bdag nyid la sogs pa dang/ dngos grub thams cad kyi las kyis mchog tu mi 'byung
- 177b
ba ni mchog tu rtag pa'o/ /'jig rten dang 'jig rten las 'das pa rnams kyi mchog tu gyur pas na dam pa'o/ /dam pa yang yin la bla na med pa yang de nyid yin pas na dam pa bla na med pas te/ dpal rdo rje sems dpa' i dga' pa dang/ rab tu dga' ba gang yin pa nges kyang sgrub pa pos rnams la bde ba dang yid bde ba'i thams cad kyi rang bzhin gyi mchog gi dngos grub sgrub par byed pa ni rdzogs par byed pa te/ mchog phyag rgya'i rgyud 'di gang yin pa de rjes su bshad par bya ste de brjod par bya'o zhes bya ba bcom ldan 'das rdo rje sems dpas gsungs so/ /tsum pa na dang 'khyud pa zhes bya ba la sogs pa la lha'i rnal 'byor byas la/ dkyil 'khor gyi tshul lam dpa' o gcig pu'i bcom ldan 'das mdun du bzhag la spyan drang pa la sogs pa'i cho ga thams cad rjes su spyad nas yid kyis tsum pa na dang 'khyud pa la sogs pa bcom ldan 'das dang lhan cig tu bya zhing bcom ldan 'das bsgrub par bya ste/ ji lta ba bzhin du bshad pa'i bcom ldan 'das rdo rje sems dpa' i tsum? pa na? dang 'khyud pa la sogs pa'i phyag rgya 'di yin no/ /dga' ba chen po dpal rdo rje don yod pa bshad zin to/ /de'i dga' ba ni dgyes pas te/ de'i dam tshig gi sbyor ba ni de skyed par byed pa'i rgyu shin tu rnal 'byor ro/ /de'i ming can gyi phyag rgya'i dga' ba'i dam tshig gi sbyor ba zhes bya ba ste/ de nyid rgyud 'dir thams cad rnal 'byor ces bya bar brjod pa yin no/ /de dag dang gang du zhes bya ba la sogs pa ni go sla'o/ /de ltar rag bya'i phyag rgya bstan nas ? ni 'dod chags rdo rje ma'i lta ba'i phyag rgya bstan par bya ba'i phyir rnam par 'phrul pa dang bcas pa zhes bya ba la sogs pa gsungs te/ sgeg pa'i nyams kyis rnam par 'phrul pa ni rnam par 'phrul pa'o/ /rnam par 'phrul pa de dang bcas pa'i 'dzum pas ni rnam par 'phrul
- 178a
pa dang bcas pa'i 'dzum pa'o/ /de dang lhan cig tu g.yo ba'i mig zur gyis lta zhing lha'i phyag rgya gang la yod pa de ni rnam par 'phrul pa dang bcas pa'i 'dzum zhing g.yo ba'i mig zur gyis lta ba'i phyag rgya'o/ /bcom ldan 'das zhes bya ba la sogs pa ni go sla'o/ /'dzum zhing cung zad phye ba'i mig gis lta ba ni kI li kI la'i ste/ 'das lta zhing dpal rdo rje sems dpa' la sogs pa rnams btung bar bya'o zhes bya ba la sogs dang sbyar ro/ /mchog tu zhes bya ba la sogs pa ni nga go sla'o/ /rdo rje dran ma'i lta ba'i phyag rgya bstan par bya ba'i phyir bsnyems pa dang bcas pa zhes bya ba la sogs pa gsungs te/ rang gi lha'i nga rgyal mngon du bya ba ni 'dir snyems pa yin no/ /snyems pa dang lhan cig tu yang dag par bstod pa ni gyen du bstod nas rgod pa'i g.yon pa'i mig gis lta ba'i phyag rgya gang la yod pa de ni snyems pa dang bcas pas bstod cing bzhad pa g.yon pa'i spyan no/ /bcom ldan 'das zhes bya ba la sogs pa ni go sla'o/ /de ni rdo rje 'dod pa'i dbang phyug ma'i blta bas phyag rgya bstan par bya ba'i phyir/ sgeg pa dang bcas pa'i lta ba dang 'dzum pa dang/ g.yo zhing phyag 'tshal ba dang ldan pa'o zhes bya ba gsungs te/ sgeg pa dang bcas pa'i lta ba dang 'dzum pa dang/ g.yo ba ni sgeg pa'i lta ba dang/ 'dzum pa dang g.yo pa rnams so/ /de dang bcas pa'i phyag 'tshal ba'i lta ba'i phyag rgya gang la yod pa de ni sgeg pa'i lta ba dang/ g.yo ba dang/ phyag 'tshal ba dang ldan pa'o/ /bcom ldan 'das kyi zhes bya ba la sogs pa ni go sla'o/ /rnam par 'phrul pa dang/ sgeg po? dang bcas pa'i 'dzum pa'i zhal zhes bya ba la/ sgeg pa'i rnam par 'phrul pa dang/ sgeg pa dang bcas pa'i 'dzum pa'i zhal zhes bya ba la sgeg pa'i rnam pa
- 178b
'phrul pa dang/ bcas pa'i mdzes pa nyid ni rnam par 'phrul pa'i sgeg pa'o/ /rnam par 'phrul pa'i sgeg pa dang lhan cig tu zhal 'dzum pa'i lta ba'i phyag rgya gang la yod pa de la de skad ces bya'o/ /de'i dngos po ni 'dzum pa'i zhal nyid do/ /bcom ldan 'das kyi zhes bya ba la sogs pa ni go sla'o/ /'di zhes bya ba la rdo rje 'dzum pa'i phyag rgya 'dis bcom ldan 'das rdo rje thams cad kyi slob dpon de sgrub pa pos mchod pa'i glu ste/ yi ge hUM gi glus thams cad kyi mchog gi dngos grub chen po rdo rje sems dpa' i dngos grub gang yin pa des dbang phyug chen po ni ji lta ba bzhin du bshad par bya ste/ nga'i bdag po ni gtso bo grub par 'gyur te/ sgrub pa po rdo rje 'chang chen po nyid du 'gyur ba yin no zhes bya ba'i don to/ /'dis kyang bdag nyid la rgyas btab pa tsam gyis ma grub na yang yid kyis 'dod pa'i las thams cad kyi tshogs sgrub par byed pa yin no/ /da ni de bzhin gshegs pa'i rigs kyi phyag rgya bstan par bya ba'i phyir/ sarba ku ru ya tha su khaM zhes bya ba brjod par bya'o zhes bya ba la/ rang bzhin gyis 'od gsal ba'i rnam par thar pa'i sgo'i rang bzhin nyid kyis/ kyai bcom ldan 'das sangs rgyas dang/ chos dang/ dge 'dun gyi sku 'dzin pa'i de bzhin gshegs pa/ sangs rgyas ngang /chos dang dge 'dun gyi rang bzhin can du thams cad mdzod cig ste/ rdzogs par mdzod cig pa'o/ /de yang bde ba ste dka' thub kyi nyes pa dang bral pa'i shin tu mnyam par bzhag pa'i ting nge 'dzin gyis so/ /de ltar brjod pa'i de bzhin gshegs pa'i phyag rgya bcings nas rnal 'byor pas bzla bar bya'o/ /de bzhin gshegs pa thams cad kyi gsang ba ni dkon mchog gsum gyi gzugs 'dzin pa'i de bzhin gshegs pa'o/ /mchog ni phul du byung pa'o/ /de ston par byed pa'i theg pa
- 179a
chen po'i mdo sde'i dbang po'i rgyal po ni sarbaM ku ru ya tha khaM zhes bya ba'i sngags gang yin pa 'di nyid sangs rgyas dang chos dang dge 'dun gyis gzugs 'dzin pa'i bcom ldan 'das phyag na rdo rje'i de bzhin gshegs pa thams cad kyi theg pa chen po mngon par rtogs pa'i gsang ba'i rdo rje'i byin gyis brlab pa zhes bya ba'i dag gi phyag rgya ste/ 'di ni de bzhin gshegs pa thams cad kyi las kyi tshogs sgrub par byed pa yin no/ /de ci'i phyir zhe na rang bzhin gyis 'od gsal ba'i ngo bo nyid kyi phyir ro zhes bya ba la gang gi phyir dag gi phyag rgya 'di rang bzhin gyis 'od gsal bar brjod pa de'i phyir rang bzhin gyis 'od gsal ba nyid kyi rgyu des dkon mchog gsum gyi rang bzhin can gyi chos thamS cad rnam par dag pas chos thams cad rnam par dag pa ste/ don dam par dkon mchog gsum mi dmigs pa'i phyir ro/ /chos rnam par dag pa de nyid ma lus shing lus pa med pa'i de bzhin gshegs pa thams cad kyi chos nyid thob pa dang/ ye shes dang mngon par shes pa dang/ mchog gi dngos grub la sogs pa dang/ las thams cad tshogs gang yin pa de nyid bsgrub par byed pa yin no/ /de ltar de bzhin gshegs pa'i phyag rgya bstan nas da ni rdo rje'i rigs kyi phyag rgya bstan par bya ba'i phyir/ rnam par 'phrul pa dang bcas pa'i 'dzum zhing smin ma'i khro gnyer gyis khro bo rdo rje'i lta ba'i phyag rgya'o zhes bya ba gsungs te/ khro ba dang sgeg pa'i rnam par 'phrul pas skyed pa'i 'dzum pa dang rnam par 'phrul ba dang bcas pa'o/ /de dang bcas pa'i smin ma'i bar gyi khro gnyer ni khro ba ston par byed pa'i dpral ba'i ri mo'o?/ /des nye bar mtshon pa'i khro bo'i rdo rje'i lta ba'i phyag rgya ste/ rdo rje chen po'i khro bo kI li kA? li zhes bya ba'o/ /'dis ji
- 179b
lta ba bzhin du bshad pa'i las thams cad rnal 'byor pas sgrub par byed pa yin no/ /de ltar rdo rje'i rigs kyi dngos grub thams cad sgrub par byed pa'i phyag rgya bstan nas/ da ni pad+ma'i rigs kyi phyag rgya bstan par bya ba'i phyir thams cad dag pa'i ting nge 'dzin gyis zhes bya ba gsungs te/ pad+ma'i rigs ni rang bzhin gyis dag pa'i zhes bya ba'i bsgom pa ni thams cad dag pa'i ting nge 'dzin te/ ting 'dzin nges gzugs sna tshogs pa'i bya ba la rab tu 'jug pa ste/ rdzogs par byed cing pad+ma'i rigs kyi las kyi tshogs thams cad bsgrub par bya'o/ /de ltar pad+ma'i rigs? kyi phyag rgya bstan nas da ni nor bu'i rigs kyi phyag rgya bstan par bya ba'i phyir nam mkha' phra bar bskyod pa dag gis rol cing thams cad kyi rjes su chags par bya'o zhes bya ba gsungs te/ 'phags pa nam mkha' i snying po'i gsang ba'i dkyil 'khor nam mkha' i khams thams cad kun tu khyab par nam mkha' dang mnyam pa nyid kyi ye shes ston par byed cing thob par byed pa ni nam mkhar brjod pa yin no/ /de la shin tu rnal 'byor gyi bsgom pas cum pa na dang/ 'khyud pa la sogs pa'i phyag rgya rnams kyi rgyas btab cing phra bar byed pa bskyed pa bskyod pa rnams kyis bcom ldan 'das dang/ de'i lha mo'i tshogs dang lhan cig tu yang dag par skyor? bar bsgom zhing ? tu gzhug par bya'o/ /de nyid rnal 'byor thams cad nam mkha' la 'gro bas rjes su chags par bya zhing mngon du bya'o/ /'di zhes bya ba la sogs pa ni go sla'o/ /nam mkha' thams cad kyi bdag nyid kun gyi dngos po nyid kyi phyir ro zhes bya ba la nam mkha' yang yin la thams cad kyang de nyid yin pas nam mkha' thams cad ste/ phyogs bcur rdzas thams cad med pa'i rang bzhin can no/ /de dang 'dra ba'i gzugs thams cad bstong pas kun tu 'gro ba'i bdag nyid kyi dngos po'i sku gang la mnga' ba de ni nam mkha' thams
- 180a
cad kyi bdag nyid kun gyi dngos po ste/ de'i dngos po ni nam mkha' thams cad kyi bdag nyid kun gyi dngos po nyid do/ /nam mkha' thams cad kyi bdag nyid kun gyi dngos po nyid kyi rgyu de'i phyir bcom ldan 'das nam mkha' i snying po ste/ des sgrub pa po'i las thams cad ji lta ba bzhin du bshad pa'i tshul gyis nam mkha' las sgrub par mdzad pa yin no zhes bya ba yang gsungs so/ /mchog dang po'i zhes bya ba la sogs pa ni go sla'o/ /de ltar mchog tu gsang ba'i tsum pa na dang 'khyad pa la sogs pa'i phyag rgya bcu po'i phyag rgya'i rgyur bstan nas/ da ni phyag rgya bcu'i tshul gyis dpal rdo rje sems dpa' i gsang pa'i dkyil 'khor sgrub par byed pa nyid kyi phyag rgya bstan par bya ba'i phyir de nas zhes bya ba la sogs pa gsungs te/ mchog tu zhes bya ba la sogs pa ni bshad zin to/ /shin tu gzhal du med cing tshad med pa grangs med cing brjod du med cing brjod kyis mi lang ba zhes bya bas ni dngos po'i phyi ma phyi ma rgya cher bar ston par byed pa'i grangs kyi khyad par te/ de dang de ni mdo sde'i nang nas shes par bya'o/ /'das ma thag tu bshad pa de'i tshogs na mchog tu grub pa zhes bya ba'i ming can gyi rgyun de/ phyag rgya rnams ston par byed pa'i sgra'i tshogs rjes su sbyar par bya'o zhes bya ba/ bcom ldan 'das rdo rje sems dpas gsungs so/ /de la zhes bya ba'i sgra ni dag nye bar dgod pa la'o/ /phyag rgya bcu'i bdag nyid thams cad skyed par byed pa'o zhes bya ba la/ dpal rdo rje sems dpa' la sogs pa'i sku'i gsang ba ni bdag nyid thams cad de/ de ston par byed cing mngon du byed pas na/ bdag nyid thams cad skyed par byed pa zhes bya bar brjod do/ /de gang yin zhe na/ rdo rje sems dpa' i phyag rgya chen po zhes bya ba la rdo rje
- 180b
sems dpa' i phyag rgya chen po ni rdo rje sems dpa' i phyag rgya chen po ste/ rdo rje snyems ma la sogs pas bzhi dag las ji lta bu dang ldan pa yin zhe na/ sngon du zhes bya zhe na/ bde ba chen po rdo rje don yod pa'i dam tshig gi las byung ba'o zhes bya ba las dang po'i rdo rje ni bde ba chen po'i rdo rje'o/ /de nyid don yod pa'i dam tshig go /de las de dag byung ba yin no/ /de dag las ji lta bu dang ldan pa yin zhe na/ sngon du zhes bya ba la sogs pa la/ sngon ni thog ma ste/ gdod ma nas grub pa'o/ /gdong ma nas grub pa yang de yin la thams cad kyi mchog dngos grub yang de nyid yin pas na gdod ma nas grub pa thams cad mchog gi dngos grub ste/ dpal rdo rje sems dpa' i phyag rgya chen po'i dngos grub rdzogs pa'o/ /de nyid thog mar gang la yod pa de myur bar mchog tu sgrub par byed pa yin no/ /de dag ji ltar bsgrub par bya zhe na/ bdag nyid thams cad kyis so/ /rnam pa thams cad kyi mchog dang ldan pa'i dpal rdo rje sems dpa' la sogs pa'i rang bzhin la lhag par mos pa ni bdag nyid thams cad de/ bdag nyid thams cad des de dag sgrub par bya'o/ /de la sku'i phyag rgya ni 'di zhes bya ba ni dpal rdo rje sems dpa' la sogs pa'i phyag rgya yin no zhes bya ba'i don to/ /ba dan gsum pa dang/ kha TwAM ga'i phyag rgya bcing ba'o zhes bya ba la /lag pa g.yas pas ba dan gsum pa byas la/ g.yon pas kha ? ka'i phyag rgya bcing bar bya'o/ /g.yon pa'i dril bu dang bcas pa zhes bya ba la/ g.yon pa'i kha TwAM gas rdo rje dril bu blangs nas lag pa g.yon pa'i bdan gsum pas slong ba'i tshul byas nas sgeg pa dang dkrol zhing gar byas nas rdo rje 'dod pa'i dbang phyug mo ste/ rdo rje sems dpa' i phyag rgya chen po stong pa ni bskyed pa'i rgyu'o/ /des rdo rje snyems pa yongs su bskor te dgrol bar bya'o/ /'di ltar 'chad par 'gyur te/
- 181a
dang po'i rdo rje bcings nas gnyis su byas la lag pa g.yas pas ba dan gsum pa byas te/ bstod pa'i tshul gyis gzung bar bya'o/ /rdo rje dril bu dang bcas pa'i lag pa g.yon pas kyang kha TwAM ga bcings nas lag pa g.yon pa dang g.yas pa dag gi mdzub mo la sogs pa dang bcas pa dkrol zhing gar byas la/ bcom ldan 'das rdo rje sems dpa' i phyag rgya chen po bcing bar bya ste/ de ltar na bzhi 'gyur gyi dngos grub grub par 'gyur ro/ /mnga' bstod pa zhes bya ba la sogs pa la de bzhin du/ dang po'i rdo rje gnyis su byas la ji lta ba bzhin du gar las byung ba'i 'dod chags rdo rje ma'i phyag rgya chen po bcing bar bya'o/ /de bzhin du gar byas la kI li kI la'i phyag rgya chen po bcing bar bya'o/ / de bzhin du gar byas la rdo rje dran ma'i phyag rgya chen po bcing bar bya'o/ /de bzhin du gar byas la/ rdo rje 'dod ma'i dbang phyug ma'i phyag rgya chen po bcing bar bya ste/ de ltar na bzhi? 'gyur gyi dngos grub grub par 'gyur ro/ /rnam pa lnga po de dag mchog tu gsang ba'i ras ris phyag rgya ste/ bcom ldan 'das rdo rje sems dpa' i yin no/ /bde ba chen po'i rdo rje don yod pa'i dam tshig gi mchod pas rab tu dga' ma la sogs pa'i mchod pa thams cad thob pa mi zad pa'i zhes bya ba la rab tu dga' ma dang/ spyan dang/ dpal chen mo rnams ni bde ba chen po rdo rje don yod pa ste rdo rje sems dpa' i dam tshig gi mchod pa'o/ /rab tu dga' ma la sogs pa'i mchod pa thams cad de/ rdo rje sems dpa' la sogs pa'i bde ba dang yid bde ba'i rang bzhin can thob pa ni mngon du byed pa'o /mi zad pa'o zhes bya ba ni rtag pa'o/ /'dis 'di ltar 'chad par 'gyur te/ de bzhin du dang po'i rdo rje gnyis byas la/ ba dan gsum mchog dang/ kha TwAM gas gar byas te
- 181b
mchod pa'i lha mo bzhi po'i mchod pa'i phyag rgya bcings nas mchod par bya'o/ /rdo rje bstod pa'i phyag rgyas srid pa gsum thams cad bskyod pa dang dbang du byed pa'o zhes bya ba la de bzhin du gar byas la srid pa gsum thams cad rdo rje'i dbus su yid kyis bcug la bsnyems pa dang bcas pas rdo rje gsor nas srid pa gsum bskyod pa dang/ dbang du bya ba'i bsam pas rang gi snying gar bstod pa'i tshul gyis gzung bar bya ste/ de ltar de dag thams cad grub par 'gyur ro/ /rdo rje hUM mdzad ces bya ba la sogs pa la/ dpal rdo rje sems dpa' i rnal 'byor byas te/ lha chen po la sogs pa'i gzugs brnyan mdun du byas te/ de bzhin du gar byas te rdo rje hUM mdzad brjod cing rdo rje hUM mdzad du bdag nyid rnam par bsams te/ g.yon brkyang ba'i stab stabs kyis gnas nas lha chen po la sogs pa'i gzugs brnyan la gzhug cing bcug ste/ bcings nas dbang du byas la rkang pa g.yon pas gzugs brnyan de mnan nas bzla bar bya ste/ de ltar na ring po mi thogs par de grub par 'gyur ba yin no/ /mthon po'i stan zhes bya ba la sogs pa la dpal rdo rje sems dpa' i rnal 'byor byas nas cho ga thams cad rjes su spyang? nas/ bsgrub bya'i gzugs brnyan mdun du bzhag ste/ stan mthon po la skyil mo krung phyed pas 'dug ste/ de bzhin du gar byas la snyems pa dang bcas pas rdo rje gsor zhing yi ge hUM gis bsgrub bya gzugs brnyan la gzhug cing bcug ste bcings nas 'bad du bya'o/ /de nas bsgrub bya'i gzugs brnyan de nyid rkang pa g.yon pas mnan te/ snyems pa ngang bcas pas rdo rje gsor zhing yi ge hUM bzla bar bya ste/ de ltar na ring por mi thogs par sems can de dang de 'grub par 'gyur ro/ /g.yon pa'i rdo rje khu tshur gyis zhes bya ba la dpal rdo rje sems dpa' i rnal 'byor
- 182a
byas nas cho ga thams cad rjes su spyad la de bzhin du dang po'i rdo rje bcings nas gnyis su byas te/ snga ma bzhin du gar byas la/ lha'i bu mo gang dgos pa'i tshul du sgrub par 'dod pa de dang lhan cig tu dbang bo gnyis snyomS par zhugs pa yid kyis bya zhing g.yon pa'i rdo rje khu tshur gyis rang gis rtags gzung la/ yi ge hUM bzla bar byas te/ de ltar na de btsun mo'i rang bzhin du grub par 'gyur ro/ /de ltar dang po'i rdo rje gnyis su byas nas ba dan gsum dang kha TwAM ga'i phyag rgyas gar byas te/ rdo rje sems dpa' i phyag rgya chen po bcing ba rnam pa bcu phan yon dang bcas pa bstan nas da ni dam tshig las kyi phyag rgya bcing ba rnam pa bcu bstan par bya ba'i phyir de nas dam tshig gi phyag rgya zhes bya ba gsungs te/ bde ba chen po'i rdo rje don yod la ni rdo rje sems dpa' ste/ de'i dam tshig ni gsang ba'i lcags kyu bcings la phun sum tshogs pa bsgrub pa'i bsam pas rang gi snying gar phyag rgya rnams so/ /snying gar sen mo drud pa zhes bya ba la/ gsang ba'i lcags kyu bcings nas snying gar lcags kyu'i sen mo phan tshun drud par byas te/ de ltar na ci ltar mngon par 'dod pa'i dngos grub thams cad grub par 'gyur ro/ /lcags kyu 'jig? ba'o zhes bya ba la/ gsang ba'i lcags kyu bcings nas phun sum tshogs pa sgrub pa'i bsam pas rang gi snying gar lcags kyur brdeg par bya ste/ de ltar na phun sum tshogs pa thams cad grub par 'gyur ro/ /g.yon pa'i lcags kyu la g.yas pa gzhug pa'o zhes bya ba la/ gsang ba'i lcags kyu bcings nas g.yon pa'i lcags kyu g.yas pa'i dbus ma lcags kyu gzhug par byas te/ de ltar na bde ba thams cad 'grub par 'gyur ro/ /lcags kyu'i rtse mo btsir ba'o zhes bya ba la/ gsang ba'i lcags kyu'i dbus
- 182b
mo'i rtse mo dag phan tshun du btsir? bar bya ste/ de ltar na phyag rgya thams cad grub par 'gyur ro/ /phan tshun sen mos drung pa'o zhes bya ba la/ de nyid kyi lcags kyu'i sen mo phan tshun du drung bar byas te/ de ltar na dam tshig thams cad grub par 'gyur te/ phyag rgya thams cad grub par 'gyur ro/ /zhes bya ba'i don to/ /snying gar bya ba par bya'o zhes bya ba la de nyid kyi lcags kyus rang gi snying gar bya ba par bya ste/ de ltar na dkyil 'khor thams cad grub par 'gyur ro/ /lce mnyam par 'byin pa'o zhes bya ba la de nyid kyi dbus ma'i lcags kyu gnyis kyi rtse mo yang dag par sbyar bar byas la dag 'byin pa'i tshul gyis kha'i phyogs nas gyen du drang bar bya ste/ de ltar na bstan bcos grub par 'gyur ro/ /snying gar rdo rje brtan pa rab tu bzhag pa'o zhes bya ba la lcags kyu rang gi snying gar sems dpa' i rdo rje rdzogs pa'i tshul byas te/ de ltar na ye shes thams cad grub par 'gyur ro/ /rdo rje bya ba pa'o zhes bya ba la/ rang gi snying ga na gnas pa'i rdo rje sems dpa' i rdo rje lcags kyus byab par bya ste/ de ltar na las thams cad grub par 'gyur ro/ /rtsa ba'i phyag rgya yang ngo zhes bya ba la/ gsang ba'i lcags kyu ni rtsa ba'i phyag rgya ste/ des rang gi snying gar phrugs na bde ba chen po 'grub par 'gyur/ /de ltar gsang ba'i lcags kyus las bsgrub par bstan nas/ da ni rdo rje sems dpa' las kyi phyag rgya bstan pa'i phyir de nas gsang ba'i dam tshig gi rdo rje bsdams pa las byung ba'o zhes bya ba gsungs so/ /kha sbyor gyi nang du sor mo thams cad kyi las so zhes bya ba la/ rdo rje bsdams pa'i nang du sor mo thams cad kyi las kyi tshul bya'o zhes bya ba'i don to/ /mthe bong rdo rje zhes bya ba la/ rdo rje bsdams pa bcings? nas mthe'i rtse mo rdo rje bsdams pa la 'jug pas te/ de ltar na dngos po thams cad sgrub pa'o/ /de nyid kyi mthil gnyis su
- 183a
'phrug pa'o zhes bya ba la/ nang du gnas pa'i mthe bo gnyis po de nyid kyi phyag mthil gnyis phrug par bya ste/ de ltar na thams cad rjes su chags par 'gyur ro/ /mdzub mo'i rdo rje'o zhes bya ba la/ rdo rje bsdams pa bcings nas mdzub mo gnyis kyi rtse mo yang dag par sbyar bar bya la rdo rje bsdams par gzhug par bya ste/ de ltar na thams cad chags shing 'ching bar 'gyur ro/ /srin lag gi rdo rje'i zhes bya ba la/ rdo rje bsdams pa la srin lag gnyis kyi rtse mo bcug nas bzung bar bya ste/ de ltar na thams cad smra ba'o/ /de nyid kyis sor mo'i rtse mo dag gi rol mo'i zhes bya ba la/ nang na gnas pa'i drin lag gi rtse mo de nyid kyi sor mo'i rtse mo dag gis phan tshun rol mo'i tshul du byas te de ltar na gar byed du gzhug pa'o/ /mthe'u chung gi rdo rje'o zhes bya ba la/ rdo rje bsdams pa'i mthe'u chung gnyis kyi rtse mo nang du gzhug par bya ste/ de ltar na thams cad dgod pa'o/ /de nyid kyi mthe bo gnyis kyi rtse mo sen mo btsir? ba'o// zhes bya ba la/ 'das ma thag tu bshad pa'i mthe'u chung gnyis kyi rdo rje nang du gnas de nyid kyis mthe bo gnyis kyi sen mo btsir bar byas te/ de ltar na thams cad gsod par 'gyur ro/ /rdo rje gar gyi mchod pas zhes bya ba la soD pa la ba dan gsum mchog dang kha TwAM ga sgeg pa dang bcas par mthe chung la sogs pa dkrol ba'i tshul bar du mchod pa nyid du dpal rdo rje sems dpa' i rnal 'byor byas la/ yi ge hUM brjod cing rdo rje lta bas bltas zhing gar byas te/ de ltar na lha dang lha ma yin pa'i bu? mo thams cad dang/ gzhon nu ma'i bu mo thams cad bstan nas rjes su chags par 'gyur ro/ /rab tu dga' ba zhes bya ba ni dpal rdo rje sems dpa' i bde ba dang yid bde ba'i rang bzhin no/ /de yang de bzhin du gar gyi tshul
- 183b
gyis rang gi ma mchu nang du g.yo ba med par myang ba dang btung ba'i tshul gyis grub pa yin no/ /de bzhin du gar bya zhing lcags ring po btang bas yi ge hUM brjod par bya ba ste/ de ltar na chags pa bstan pa 'ching zhing mthong bar 'gyur ro/ /de bzhin du gar bya zhing dpung pa gnyis gtod cing bzla bar bya ste/ de ltar na dbang phyug thams cad thob par 'gyur ro/ /de bzhin du gar bya zhing gar tshul gyis snying ga bskyod par bya ste/ de ltar na thams cad kyi mchod par 'gyur ro/ /de bzhin du gar bya zhing mig gnyis kyis bsgrub bya dgug pa'i tshul byas te/ de ltar na yod pa thams cad rnyed par 'gyur ro/ /de bzhin du gar bya zhing dbugs gtong ba dang/ dman pa'i gdong gis lta ba'i tshul byas te/ de ltar na 'dod pa'i 'dod chags skyed par byed pa yin no// de bzhin du gar bya zhing rang gi snying ga'i dpral bar bskyod par bya ste/ de ltar na thams cad 'bebs par byed do/ /de bzhin du gar byas shing dbugs gtang bas rang nyid ltung bar 'gyur te/ de ltar 'dod pa'i chags pas gsod par 'gyur ro/ /de bzhin du gar byas shing bka' bsgo ba'i tshul du byed de/ de ltar 'dod pa thams cad kyi rjes su spyod pa la sogs pa'i las thams cad la nges par sbyor bar 'gyur ro/ /de ltar rdo rje gar gyi sbyor bas las bcu'i sgrub pa bstan nas/ da ni rdo rje sems dpa' i la sogs pa'i las kyi phyag rgya rnams kyi las sgrub pa bstan bar bya ba'i phyir/ de nas rdo rje las kyi phyag rgya bcu po zhes bya ba gsungs so/ /rdo rje snyems ma'i phyag rgyas thams cad sgrub pa'o zhes bya ba la bcom ldan 'das rdo rje sems dpa' i las kyi phyag rgya ni rdo rje sems dpas te/ des brtan pa dang/ g.yo pa'i dngos po thams cad sgrub pa'o/ /'dod chags rdo rje ma'i phyag rgya ni rdo rje mtshon cha ma ste/ des bdud la sogs pa thams cad las rnam par rgyal ba dang/ rdo rje sems dpa' la sogs
- 184a
pa thams cad rjes su chags pa dang/ gdug pa'i dkyil 'khor la sogs pa gsod par 'gyur ro/ /rdo rje kI li kAM la'i las kyi phyag rgya ni rdo rje kI li kI la ste/ rab tu dga' ba'i reg bya ni rdo rje sems dpa' i bde ba dang/ yid bde ba mngon du bya ba'o/ /reg bya des rdo rje sems dpa' la sogs pa'i dngos grub thams cad bde bas te/ nyon mongs pa med par sgrub pa po rnams la 'grub par 'gyur ro/ /rdo rje dran ma'i las kyi phyag rgya ni rgyal mtshan sgreng bas te/ des 'thab mo las rnam par rgyal bar 'gyur ro/ /rdo rje 'dod pa'i dbang phyug ma'i las kyi phyag rgya ni/ rdo rje 'dod dbang phyug mas te/ des rgyal srid thams cad kyis dbang phyug gi bdag po nyid du 'gyur ro/ /me tog la sogs pa'i las kyi phyag rgya bzhi ni dus kyi mchod pas te/ des thams cad kyis mchod par 'gyur ro/ /bcom ldan 'das rdo rje sems dpa' i snyems pa dang bcas pa'i rdo rje gsor ba'i phyag rgyas bdud la sogs pa thams cad 'dul bar 'gyur ro/ /g.yas pa'i rdo rje khu tshur gyis 'bar ba'i rdo rje yid kyis blangs te/ yi ge hUM brjod cing bsgrub bya'i steng du dbab par bya ste/ de ltar na thams cad gsod par 'gyur ro/ /de bzhin du g.yas pa'i rdo rje khu tshur gyis 'bar ba'i rdo rje rnams yang nas yang du 'di? kyis bsgrub bya'i steng du dbab par byas te/ de ltar na rdo rje phab pas thams cad gsod pa dang/ thams cad 'phrog par 'gyur ro/ /g.yon pa snyoms pa dang bcas pas zhes bya ba la sogs pa la/ g.yon pa'i khu tshur gnyis kyis snyeMs? par byas la g.yas pa'i rdo rje khu tshur gyis sgyu ma thams cad ston pa'i tshul gyis sgyu ma thams cad ston pa'o/ /rdzu 'phrul thams cad ston pa'i tshul gyis rdzu 'phrul thams cad ston pa'o/ /so sor bstan pa thams cad bstan pa'i
- 184b
tshul gyis bstan pa thams cad ston pa'o/ /thams cad 'joms pa'i tshul gyis thams cad 'joms pa'o/ /de bzhin du rengs pa dang/ gnyid log tu gzhug pa dang/ bskor ba dang/ bskrad pa dang/ 'bru dang/ btung ba 'pho ba dang/ dbang du byed pa rnams ni de dag gi tshul gyis las thams cad sgrub par byed pa yin no/ /da ni rdo rje thal mo las byung ba'i phyag rgya bcu bstan par bya ba'i phyir/ rdo rje dam tshig gi phyag rgya bcu zhes bya ba gsungs te/ rdo rje thal mo las byung bas na rdo rje thal mo las byung ba'o/ /rdo rje sku mchog gi dngos grub thams cad do zhes bya ba la rdo rje thal mo bcings nas mthe bo gnyis kyis sems dpa' i skyil krung du byas la/ mdzub mo gnyis kyi rtse mo yang dag par sbyar ba ni rdo rje sku mchog go/ 'dis rdo rje sems dpa' la sogs pa'i mchog gi dngos grub thams cad bsgrub pa yin no/ /mdzub mo gnyis kyis lcags kyus dngos grub thams cad do zhes bya ba la rdo rje thal mo bcings nas mdzub mo gnyis kyis lcags kyu gnyis bya ste 'dis kyang rdo rje sems dpa' la sogs pa'i mchog gi dngos grub thams cad bsgrub par bya'o/ /rdo rje gnod sbyin gyis bdud thams cad la sogs pa'i gdug pa 'dul ba'o zhes bya ba la rdo rje thal mo'i mdzub mo gnyis bkug la phan tshun steng du yang dag par sbyar bar byas la mthe bong gnyis bsgreng ba so sor yang dag par rab tu brkyang ba khar bzung bar bya ste/ 'di ni rdo rje gnod sbyin gyi phyag rgya'o/ /'dis yi ge hUM bzlos shing gdug pa thams cad 'dul bar bya'o/ /gang du khyad par gyis 'gal ba med pa de thams cad du yi ge hUM gi bzlas pa? rtogs par bya'o/ /de nyid mtheb mo gnyis kyis bkab pas thams cad rnyed pa'o zhes bya ba la/ 'das ma thag tu bshad pa'i rdo rje gnod sbyin gyi phyag rgya'i mthe bong gnyis kyi rtse mo 'dzub?
- 185a
mo gnyis kyi lcags kyu dgab par bya ste/ 'dis rdo rje sems dpa' i dngos grub thams cad thob par 'gyur ro/ /de nyid kyis mthe bo gnyis bcug la gtsug tor rdo rjes thams cad bsrung bar bya'o zhes bya ba la 'das ma thag tu bshad pa'i phyag rgya'i mthe bo gnyis nang du bcug la gtsug tor du gzung bar bya ste/ de ltar na thams cad bsrung bar 'gyur ro/ /mthe bong rdo rje nang du bcug la de nyid kyis rdo rje sems dpa' la sogs pa'i sems can thams cad rjes su chags pa dang/ dgug pa dang/ dbang du byed pa sgrub po zhes bya ba la/ 'das ma thag tu bshad pa'i gtsug tor gyi phyag rgya rang gi snying ga'i phyogs su gzung bar bya ste/ de ltar na ji ltar bshad pa bzhin du grub pa yin no/ /mthe chung rdo rje sor mo gnyis kyis rtse mor mdzub mo gnyis kyis legs par gzung bas mtho ba ni dpal dgug pa dang dbang du byed pa'o zheS bya ba la mthe'u chung rdo rje'i sor mo gnyiS ni mthe'u chung gnyis ste de'i rtse mo gnyis mdzub mo gnyis kyis legS par gzung ba gang yin pa de nyid mtho ba'i phyag rgya gang la yod pa de nyid la de skad ces bya'o/ /'dis ni 'di ltar bshad par 'gyur te/ rdo rje gnod sbyin gyi phyag rgya'i mthe'u chung gnyis nang du bcug la mdzub mo gnyis kyi lcags kyus de'i rtse mo gzung par bya'o/ /rdo rje gnod sbyin gyi rgyal mo de nyid kyis nor sbyin las nor thams cad dang/ dpal 'phrog pa'i zhes bya ba la rdo rje gnod sbyin gyi phyag rgya nyid ni rdo rje gnod sbyin gyi rgyal mos te/ des nor sbyin las dpal dgug pa dang/ nor dbrog pa'i bsam pa'i dbang gis grub pa yin no/ /de nyid kyi dbus ma gnyis zhes bya ba la sogs pa la rdo rje gnod sbyin gyi phyag rgya'i srin lag gnyis kyis rtse mo'i mthar dbus ma gnyis kyis gzung ste btsir bar byas na 'dis ni
- 185b
bdud la sogs pa'i gdon thams cad las grol ba la sogs par 'gyur ba yin no/ /rab tu dga' ba'i rdo rjes yul thams cad kyi mchog sgrub pa'o zhes bya ba la rdo rje thal mo las byung ba'i mda' lnga bsdus pa ni rab tu dga' ba'i rdo rje ste/ des yul thams cad kyi mchog ni rdo rje sems dpa' ste/ thams cad du grub par 'gyur ro/ /de ltar rdo rje thal mo las byung ba'i phyag rgya bcu bstan nas/ da ni mda' lnga bsdus pa las byung ba'i phyag rgya rnams bstan par bya ba'i phyir/ de nas gsang ba'i phyag rgya bcu rab tu dga' ba'i rdo rje las byung ba'o zhes bya ba gsungs te/ mnga' lnga bsdus pa nyid 'di ru dga' ba'i rdo rje'o/ /rdo rje sems dpa' zhes bya ba la sogs pa la/ ye shes sems dpa' i rang bzhin gyi dpal rdo rje sems dpa' dang shin tu lhag? par shin tu rnal 'byor gyi sbyor bas lhag par mos par byas la/ rdo rje sems dpa' mnan nas bcom ldan 'das rdo rje snyems ma'i phyag rgya chen po dang/ rdo rje sems ma dang bcas pa'i rig pa'i lha mo ste/ de rol tu bcug pa ni sgrub cing mngon du byed pa'o/ /'di ji ltar 'gyur zhe na/ rab tu dga' ba'i rdo rje chen pos rgyas btab pa zhes bya ba gsungs so/ /rab tu dga' pa'i rdo rje chen po de gang yin zhe na/ rdo rje dang bcas pa'i rab tu dga' ba'i rdo rje'o zhes bya'o/ /dang po'i rdo rje dang bcas pa'i mnga' lnga bsdus pa ni rdo rje dang bcas pa'i rab tu dga' ba'i rdo rje'o/ /'di ltar 'chad par 'gyur te/ dang po'i rdo rje blangs nas mda' lnga bsdus pa'i bcings nas/ rab tu dga' ba'i rdo rje chen por brjod pa yin no/ /de bcings nas rdo rje sems dpa' dang lhan cig tu gyur pa'i lhag par mos par byas te/ de ltar na rdo rje sems dpa' mnan nas rdo rje thal mo dang rol par 'gyur te/
- 186a
rnal 'byor pas rdo rje sems dpa' phyag rgya chen po'i dngos grub thob par 'gyur ro/ /zhes bya ba'i don to/ /de bzhin gshegs pa thams cad ces bya ba la sogs pa la byang chub tu sems bskyed pa'i las dang po pa rnams ni de bzhin gshegs pa thams cad do de rnams kyi nyan thos dang rang sangs rgyas kyi byang chub don du gnyer ba'i sems ni chags pa dang bral ba'i 'khor lo ste/ de bral ba ni bla na med pa yang dag par rdzogs pa'i byang chub kyi sems kyis bkag pa'o/ /de ji ltar zhe na/ mdzub mo zhes bya ba la sogs pa la/ mda' lnga bsdus pa bcings nas mdzub mo dang/ dbus ma dang/ srin lag gi sor mo rnams lag pa'i rgyab gnyis nas cung zad bteg la mthe bong dang/ mthe chung gnyis mnyam pa'i sor mo rnams kyi rtse mo gnyis byas la rdo rje bsdams pa dral ba'i tshul gyis khros shing rang gi snying gar dral bar bya ste/ de ltar na dpal rdo rje sems dpa' i bde ba dang yid bde ba'i rang bzhin can gyi rab tu dga' ba'i rdo rje rnal 'byor pa la grub par 'gyur ro/ /de yang de kho na nyid kyis rgyas btab pas na de kho na nyid kyis rgyas btab pas te / dmigs pa med pa'i thugs rje chen po'i sgrub pa po'i rgyud la skyes pa'i rab tu dga' ba'i rdo rje sgrub pa po la 'grub par 'gyur ro/ /btsir na 'dod pa thams cad brtan par byed pa'o zhes bya ba la/ mda' lnga bsdus pa bcings nas btsir bar bya ste/ de ltar na sems dpa' dang 'dod chags rdo rje ma la sogs pa'i 'dod pa thams cad brtan par byed par 'gyur ro/ /mdzub mo lcags kyus 'dod pa thams cad kyi bde ba dgug pa'o zhes bya ba la/ mda' lnga bsdus pa bcings te/ mdzub mo gnyis kyis lcags kyu byas nas rdo rje sems la sogs
- 186b
pa'i 'dod pa thams cad kyi bde ba rang gi rgyud la skye bar 'gyur ro/ /mdzub mos phrag dog la sogs pa'i 'dod pa thams cad kyi sdug bsngal rab tu zhi ba'o zhes bya ba la/ mda' lnga bsdus pa bcings nas g.yon pa'i mdzub mos bdag nyid dam sgrub bya sdigs mdzub byas te/ de ltar na phrag dog la sogs pa'i 'dod pa thams cad kyi sdug bsngal zhi bar 'gyur ro/ /rtags bskyod pas rab tu dga' ba 'bebs pa dang/ de yang sgrub pa'o zhes bya ba la/ mda' lnga bsdus pas rang gi rtags bskyod par bya ste/ de ltar na dpal rdo rje sems dpa' i bde ba dang/ yid bde ba'i rang bzhin can gyi rab tu dga' ba 'bebs pa dang/ de grub pa'o/ /skye gnas g.yo ba'o zhes bya ba la/ mda' lnga bsdus pas rang gi rtags bskyod pas shin tu bde ba'o zhes bya ba dang sbyar ro/ /de yang khyad par ji lta bu dang ldan pa yin zhe na/ bud med dang skyes pa dag gi rab tu dga' ba'o/ /zhes bya ba la/ rdo rje sems dpa' la sogs pa'i de ba dang/ yid bde ba rdzogs pa'i khyed bud med dang skyes pa dpal rdo rje sems dpa' dang cig tu gyur pas yid kyis rdzogs par bya zhing mda' lnga bsdus pa'i phyag rgya nges rnal 'byor pas rang gi rtags bskyod par bya ste/ de ltar na de la dpal rdo rje sems dpa' i bde ba dang/ yid bde ba grub pa yin no/ /kha sbyor btsir bas zhes bya ba la sogs pa dang/ mnga' lnga bsdus pa bcings nas phan tshun lag pa gnyis btsir zhing mngon par 'dod pa'i gang zag dang lhan cig tu 'dus pa dang/ bral ba bsam par bya ste/ de ltar na 'di gnyis grub pa yin no/ /rtags kyi sen mo zhes bya ba la mnga' lnga bsdus pa bcing naS de'i g.yas pa'i mthe bo yi rtags kyi sen mos lag pa g.yon pa'i mthil brud pas shin tu brtan pa'i 'dod pa la chags pa nyid du 'gyur ro/ /'dis
- 187a
ni 'di ltar bshad par 'gyur te/ mtshan thog pa'i rnal 'byor pas dngos grub chen po sgrub par byas nas gal te grub par ma gyur na/ de'i tshe 'di bcings la 'dod chags rdo rje ma la sogs dang yang dag par sbyor ba bsgom par bya ste/ de ltar na de dag gzhan mi 'dod par shin tu bde ba dang yid bde ba ster ba'i bud med thams cad rang la grub pa yin no/ /mnga' lnga bsdus pa bcings nas g.yon pa'i mtheb mo'i sen mos lag pa g.yas pa'i mthil du brud? par bya zhing rdo rje sems dpa' la sogs pa'i skyes bu rnams dang/ tsum pa na dang mkhyud pa la sogs pa bsgom par bya ste/ de ltar na de dag grub par 'gyur ro/ /rdo rje khu tshur gnyis kyis zhes bya ba la/ rdo rje sems dpa' i rnal 'byor snga ma bzhin du byas nas cho ga thams cad rjes su spyad la bcom ldan 'das mdun du spyan drangs te/ rdo rje khu tshur gnyis bcings nas rdo rje sems dpa' la 'khyud pa'i bsam pas bdag nyid la khyud pa bya zhing bzung? ba'i sam? bas rang gi ma mchus so rnaMs kyis gzung bar bya ste/ de nyid kyis bde ba dang shin tu ro gcig par 'gyur bar bdag nyid bsam zhing/ a nu ra ga ya mi hUM zhes bya ba nye ba'i snying po dang bcas pa'i yi ge hUM bzla bar bya ste/ de ltar na bcom ldan 'das rdo rje sems dpa' rab tu dga' ba'i dngos grub kyis shin tu grub par 'gyur ro/ /thog ma dang tha ma med pa'i dngos grub ni mchog dang po'i dngos grub ste/ nges su ra ta stwaM zhes bya ba bcom ldan 'das bskul te/ de kho na nyid bskul ba des de grub par 'gyur ro/ /'das ma thag tu bshad pa'i bsgom pa bya zhing/ gal te yid bde ba skyes par 'gyur na/ de'i tshe gzhan dang gzhan du su ra ta stwaM zhes pas bcom ldan 'das bskul bar byas na de kho na nyid bskul bas
- 187b
'dis de grub par 'gyur ro/ /rab tu dga' ba'i ye shes kyis thams cad sgrub pa'o zhes bya ba de bzhin du 'khyud nas dpal rdo rje sems dpa' i bde ba dang/ yid bde ba mngon du byas te/ de ltar na yid kyi 'dod pa thams cad grub par 'gyur ro/ / lag pa g.yon pa rdo rje khu tshur bkab nas sgrub po zhes bya ba la/ de bzhin du dpal rdo rje sems dpa' i rnal 'byor byas nas g.yon pa'i rdo rje khu tshur gos kyis bkab par byas langs pa 'am 'dug pa 'am/ mnyam par bzhag pa 'am myi par ma bzhag pa'i rnal 'byor gyis rtogs pa'i rnal 'byor bsgom par bya ste/ de ltar na thams cad grub par 'gyur ro/ /bde ba chen po'i rdo rje las byung ba'i rdo rje chen po'i lta bas thams cad pa'o zhes bya ba la/ rnam par 'phrul pa dang bcas pa'i 'dzum pa'i spyan dang ldan pa bde ba chen po'i rdo rje las byung ba'i rdo rje chen po'i lta ba ste/ des thams cad grub par 'gyur ro/ /smin ma gyen du bteg pas ltung ba slong ba'o zhes bya ba la/ lha chen po la sogs pa'i sems can rnam dang/ ri bo la sogs pa'i smin ma gyen du bteg pas bslang bar bya'o/ /dpal rdo rje sems dpa' i ma mchu nang du myang ba'i tshul gyis rang gi ma mchu nang du bcug nas myang bar byas te/ de ltar na skal pa bzang po chen po grub par 'gyur ro/ /rang gi lce la yi ge hUM rnam par bsams la/ tshig thams cad spro ba'i bsam pas lce bskyod cing bzlas pa bya ste/ de ltar na rang gis bden pa thams cad kyi de kho na nyid gsal bar mi bslu bar smra bar 'gyur ro/ /rang gi lus zhes bya ba la sogs pa la/ de bzhin du thams cad byas nas gzugs thams cad yongs su spong ba'i bsam pa dang/ 'bebs pa'i sbyor ba bsgoms pas bdag nyid la dbab par byas te/ de ltar na gzugs thams cad yongs su spong
- 188a
bar 'gyur ro/ /de bzhin du dpal rdo rje sems dpa' i rnal 'byor byas la cho ga thams cad rjes su sbyad nas zla ba'i gzhal yas khang la sogs par 'gro ba'i phyir/ rang gi gnas nas brtsams te zla ba la sogs pa'i gzhal yas khang gi mthar thug pa'i bar du rdo rje'i skas kyi rim pa'i phreng ba rnam par bsams la/ bdag nyid rdo rje rtse lnga par bsam zhing rdo rje skas kyis rim pa'i phreng ba nges zla ba la sogs pa'i gzhal yas khang der 'gro bar 'gyur ro/ /rdo rje thal mo yi kha TwAM ga zhes bya ba la/ rdo rje thal mo bcings nas bdag nyid kyi srin lag dang mthe'u chung rnams kyi rdo rje thal mo ma dkrol bar sor mo lhag ma rnams kyis kha TwAM ga bya'o/ /de nas gnyis su byas nas kha TwAM ga gnyis kyi rdo rje khu tshur zhes bya ba'i phyag rgyar 'gyur ro/ /dngos grub thams cad rdo rje khu tshur dag gis so/ /zhes bya ba la 'das ma thag tu bshad pa'i kha TwAM ga gnyis kyi rdo rje khu tshur gnyis dpal rdo rje sems dpas gsungs pa'i dngos grub thams cad grub pa yin no// de bzhin gshegs pa'i khu tshur dag gis dngos grub thams cad do zhes bya ba la/ de bzhin du kha TwAM ga gnyis bcings nas mdzub mo gnyis kyis sen mo'i logs su mthe bong gnyis kyi rtsa ba bzung bar bya ste/ 'di ni de bzhin gshegS pa'i khu tshur gnyis so/ /'di dag gis de bzhin gshegs pas gsungs pa thams cad grub par 'gyur ro/ /thams cad bsad pa'i ni khro bo'i rdo rje khu tshur gyis so zhes bya ba la/ de bzhin du kha TwAM ga gnyis byas la mdzub mo gnyis bsgrel? ba sdigs mdzub kyi tshul du bzung bar bya ste/ 'di ni khro bo'i khu tshur gnyis te khro bo yi khu tshur gnyis po 'dis rdo rje'i rigs las gsungs pa'i thams cad gsod pa'i las grub par 'gyur ro/ /thams cad sbyang ba ni pad+ma'i khu tshur dag
- 188b
gis so zhes bya ba la de bzhin du kha TwAM ga gnyis byas nas mthe bo gnyis kyi rtse mo dbus ma dang/ mdzub mo yi rtse mo gnyis gzung bar byas te/ 'dis thams cad sbyang ba ni pad+ma'i rigs rtogs pas sems can thams cad sbyang ba'o zhes bya ba'i don to/ /nor thams cad 'phrog pa na nor bu'i khu tshur dag gis so zhes bya ba la kha TwAM ga gnyis byas la mthe bong gi rtse mo/ /mdzub mo'i rtse mo sbyar ba ni nor bu'i khu tshur yin no/ /thams cad 'bebs pa ni thams cad 'bebs pa'i khu tshur dag gis so zhes bya ba ni kha TwAM ga gnyis byas la/ mthe bong gnyis dbus ma dang/ srin yag gi rtsa bar gzung bar bya ste/ 'di ni 'bebs pa'i khu tshur ro/ /thams cad gar byed du bcug pa ni kha TwAM ga gtor ba'i khu tshur dag gis so zhes bya ba la/ de bzhin du kha TwAM gi gnyis kyis khu tshur gnyis dor bar byas te 'dis gar gyi tshul gyis thams cad gar byed du gzhug pa yin no/ /de bzhin du kha TwAM ga gnyis byas la mdzub mo gnyis kyis yang dag par sbyar ba'i rtse mo byas la kha'i phyogS las gyen du dge 'byin pa'i tshul du drang bar bya ste/ de ltar na thams cad smrar bcug pa'o/ /de bzhin du kha TwAM ga gnyis byas la rang gi mthe'u chung dang srin lag gi nang du mthe bo gnyis bzhag la mdzub mo gnyis kyis rtse mo rang gi mthe bong gi steng du yang dag par sbyang ba gzung bar bya ste/ 'di ni bstan pa'i khu tshur gnyis te/ 'dis thams cad bskyod par bya'o/ /de bzhin du kha TwAM ga gnyis byas la mdzub mo gnyis kyis lcags kyu gnyis byas te/ 'dis thams cad gzhug par byas par 'gyur ro/ /de nas rdo rje khu tshur gnyis kyis zhes bya ba la sogs pa la dkyil 'khor gyi phyag rgya'i dbang du byas pa las gsungs pa'i rdo rje khu tshur gnyis bcings nas lag pa'i sor mo rnams kyis pi wang brdung ba'i
- 189a
tshul byas na thams cad rjes su chags par bya'o/ /gling du brdung ba'i tshul gyis thams cad dbang du byed pa'o/ /rdza rnga brdung ba'i tshul gyis thams cad 'bebs pa'o/ /mu ku ba brdung ba'i tshul gyis rims thams cad ldog pa'o/ /cha lang brdung ba'i tshul gyis dug thams cad bzlog pa'o/ /rnga bo che brdung ba'i tshul gyis sbyar ba'i dug thams cad bzlog pa'o/ /rnga zlum brdung ba'i tshul gyis gdon thams cad las grol ba'o/ /rnga pa Taha brdung ba'i tshul gyis thams cad gsod pa'o/ /'gun dza brdung ba'i tshul gyis 'thab mo las rnam par rgyal ba'o/ /ti ma la brdung ba'i tshul gyis phun sum tshogs pa thams cad grub par 'gyur ro/ /de ltar ras ris dkyil 'khor gyi las brgya sgrub par byed pa'i phyag rgya bstan nas/ da ni de nyid kyi las stong sgrub par byed pa'i phyag rgya stong bstan par bya ba'i phyir de nas zhes bya ba la sogs pa gsungs so/ /phyag rgya chen po mnyam gzhag nas zhes bya ba la sogs pa la/ bcom ldan 'das rdo rje sems dpa' i phyag rgya chen po bcings nas lag pa g.yas pas ba dan gsum pa dang/ g.yon pas kha TwAM ga bcings nas 'das ma thag tu bshad pa'i las brgya de bsgrub par bya'o/ /de ltar gar las byung ba'i las kyi phyag rgya brgya po bstan nas da ni gsang ba'i lcags kyu'i las brgya sgrub par bstan pa'i phyir bde ba chen po zhes bya ba la sogs pa gsungs te/ gsang ba'i lcags kyu bcings nas 'das ma thag tu bshad pa'i las brgya po de nyid bsgrub par bya'o/ /rdo rje bsdams pa bcings nas ni rdo rje bsdams pa'i nang du ci 'dod pa'i sor mo thams cad bskyod cing las brgya bsgrub par byed de gsum pa'o/ /rdo rje gar las byung ba'i kha sbyor gyi thal mo spyi
- 189b
bor gzung zhing las brgya po de nyid mig dang rna ba dang/ sna dang lce dang lus kyi dbang po rnams kyis des tshul bzung zhing bsgrub par bya ste bzhi pa'o/ /bcom ldan 'das rdo rje sems dpa' i las kyi phyag rgya rdo rje snyems pa ste/ de bcings nas lag pa g.yas pas gar bya zhing las brgya po de nyid bsgrub par bya ste 'di ni lnga pa'o/ /de bzhin du bcom ldan 'das kyi rnal 'byor byas la/ rdo rje thal mo bcings nas las brgya bsgrub par byas te/ 'di ni drug pa'o/ /mnga' lnga bsdus pa bcings nas rnam par 'gyur ba med par de gzung zhing las kyi phyag rgya las brgya sgrub par bya ste/ bdun pa'o/ /phyag rgya bcings pa med par sku gsung thugs kyi rdo rje rnams kyis las brgya po de nyid bsgrub par bya ste/ 'di ni las brgya pa brgyad pa'o/ / 'dis ni 'di ltar bshad par 'gyur te/ bsgom pa kho na gtso bor gyur pa yin gyi phyag rgya ni ma yin no zhes bya ba'o/ /rdo rje thal mo bcings nas kha TwAM ga gnyis byas te/ gar bya zhing yi ge hUM gi glu'i bzlas pa bya ste/ 'dis kyang las brgya po de nyid bsgrub par byas te/ 'di ni dgu pa'o/ /rdo rje khu tshur gnyis kyis lag pa'i sor mo rnams kyi pi wang brdung ba'i tshul gyis las bcu'o/ /gling bu brdung pa'i tshul gyis bcu'o/ /rdza rnga brdung ba'i tshul gyis bcu'o/ / ku mu da brdung ba'i tshul gyis bcu'o/ /cha lang brdung ba'i tshul gyis bcu'o/ /rnga po che brdung ba'i tshul gyis bcu'o/ /rnga zlum brdung ba'i tshul gyis bcu'o/ /rnga pa Ta ha brdung ba'i tshul gyis bcu'o/ /g+hun dzi brdung ba'i tshul gyis bcu'o/ /ti mi la brdung ba'i tshul gyis sngar bshad pa'i las bcu po de rnams nyid sgrub par bya ste/ 'di ni brgya bcu pa yin no/ /de ltar na phyag rgya stong du 'gyur ba yin no/ /gsang ba'i dkyil 'khor gyi phyag rgya rdzogs so// //de ltar zhes bya
- 190a
bal de ltar 'das ma thag tu bshad pa'i tshul gyis rtogs pa'i tshul yongs su spyad pa zhes bya ba dang sbyar ro/ /de ji lta bu zhe na/ mchog tu mi 'gyur zhes bya ba ni rtag pa'o/ /mchog tu ni dam pas te/ rdo rje sems dpa' la sogs pa'i dngos grub kyis bde ba rnams kyi bdag po ste/ khyab bdag rtog pa'i tshul 'di yin no/ /mchog ni dam pas te/ bag chags dang bcas pa'i nyon mongs pa dang bral bas na rnam par dag pa ste/ dmigs pa med pa'i thugs rje chen po'i rdo rje'i bde ba las byung bas na grub pa'o/ /rdul phra rab dang mnyam pa'i 'jig rten gyi khams thams cad dang mtshungs pa'i rigs lnga'i dngos grub ster pas na mdza' yas pa'i 'bras bu dang ldan pa'o/ /gsal ba ni snyigs ma lnga thams cad dang bral ba'i mchog dang po'i rdo rje sems dpa' i mchog dam pa ste/ phul du byung ba'i sku gang yin pa de'i tshul ni thob par byed pa'i rgyu'o/ /gsal ba'i rang bzhin du yongs su rdzogs pas na gsal ba yongs su spyad pa'o/ / mchog tu rtag pa zhes bya ba ni thog ma dang tha ma med pa'i rtog pa'i tshul de nyid yin no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las gsang ba'i dkyil 'khor gyi phyag rgya'i rgyud thams cad kyi rtog pa rdzogs so// //de ltar dngos grub thams cad kyi thabs su gyur pa'i bdag la byin gyis brlab pa'i rnal 'byor gyi phyag rgya thams cad sgrub pa'i cho ga'i phyag rgya thams cad kyi rgyud rnams kyi rtog pa thams cad kun nas bsdus pa'i dri ma sngon du 'gro bas bstan par bya ba'i phyir/ de nas sems dpa' chen po kun zhes bya ba la sogs pa gsungs te/ de la de nas zhes bya ba nas brtsams te/ ji srid mchog gi mdo zhes bya ba'i bar gyis mdor
- 190b
dri ba'i tshul gyis mdor bstan pa gsungs pa yin no/ /de nas ston pa rdo rje 'chang zhes bya ba nas brtsams te/ ji srid mchog tu gsang ba'i cho ga'o zhes bya ba'i bar du gsungs pas rtog pa thams cad kun nas bsdus pa dris pa'i lan btab pa'i tshul gyis rgyas par bstan pa'o/ /de la phyag rgya chen po la sogs pa'i rtog pa'i nges pa shes par sgrub pa po rnams kyis dngos grub grub pa yin no zhes bya ba bstan pa'i phyir/ rnam rtog med pa zhes bya ba la sogs pa gsungs te/ gzung ba dang 'dzin pa'i rnam par rtog pa dang bral ba'i dpal rdo rje sems dpa' la sogs pa rnams ni rnam par rtog pa med pa'i chos rnams so/ /rnam par rtog pa med pa'i chos de dag las sems can rnams kyis rdo rje sems dpa' la sogs pa'i dngos grub kyi don du phyogs bcu? kun tu brtag pa ni sems can don ni yongs su brtags pas te/ rtag tu rdo rje dril 'chang zhing/ /dngos grub mchog ni bsgrub bya ste/ bdag byin brlab sogs bsgrub pa pos/ /zhes bya ba'i rnam par rtog pa'o zhes bya ba'i don to/ /des na rtog pa kun bshad de zhes bya ba la rdo rje sems dpa' la sogs pa'i spyod yul du sems can gyi don yongs su rtog pa'i tshul gyis rgyus rtog pa ste thams cad dgug pa la sogs pa ston par byed pa'i sgra'i tshogs dpal rdo rje sems dpa' yang dag par gsungs pa ni kun tu rab tu gsungs pa yin no/ /de ci'i phyir zhe na/ rtog pa thams cad pa yongs su dag phyir ro zhes bya ba la/ sgrub pa pos gzung ba dang 'dzin pa la sogs pa'i rnam par rtog pa rnams sbyang ba'i phyir ro/ /de ltar rtog ma'i don gyi rgyud bstan nas/ da ni rgyud phyi ma shes bas dngos grub thob pa nyid do/ /zhes bya ba rab tu bstan par bya ba'i phyir/ de nas rgyud phyi ma ji ltar yin zhes bya
- 191a
ba gsungs te/ dang po'i sbyor ba la sogs pa ston par byed pa'i sgra'i tshogs ni rgyud do/ /skal pa bzang po la sogs pa las sngar da ltar byung ba'i rgyud rang bzhin du rtag tu gnas pas na phyi ma snga mar yang dag 'byung ba'o/ /rdo rje dang dril bu dang phyag rgya ni de kho na nyid do/ /lha mo bzhi phreng gi dbus na bzhugs pa'i rdo rje sems dpa' i sku'i gsang ba ni gsang ba'o/ /de nyid shin tu rnal 'byor gyi tshul gyis gsang ba'o/ /phyi ma dang bcas zhes bya ba ni phul du byung ba'i rgyud ces bya ba'i don te/ de nyid bdag gi 'dod pa yin gyi gzhan ni ma yin no zhes bya ba tshig gi lhag ma'o/ /de ltar rgyud phyi ma bstan nas/ da ni dang po'i gnas shes pa bstan par bya ba'i phyir dang po'i gnas shes pa zhes bya ba gsungs te/ da ltar byung ba'i rang bzhin gyis phul du byung ba dang/ dpag tu med pa'i gzugs kyis gnas pas na rab tu gnas pa'o/ /de yang gang du gnas zhe na/ nam mkha' kun la zhes bya ba gsungs so/ /dang po'i rdo rje dang/ rdo rje dang rin po che dang/ pad+ma dang/ sna tshogs rdo rje rnams kyis rdzogs pas ni/ rdo rje kun dngos grong khyer ro/ /bde ba yang yin la chen po yang de nyid yin pas na bde ba chen po ste/ des nyams dga' ba chen po ni yid dang rjes su mthun pa'o/ /grong khyer ni dkyil 'khor ro/ /de nyid mchog ste thog ma dang tha ma med pa'o/ /da ni thog ma dang ma med pa shes pas dngos grub thob pa yang yin zhes bya ba'i phyir/ /de la thog ma dang tha ma med pa'i rdo rje sems dpa' ji ltar yin zhes bya ba gsungs so/ /nam mkha' zhes bya ba la sogs pa ni bshad zin to/ /rdo rje chen po'i de bzhin nyid dang ro gcig pa'i shes pa yang rdo rje chen po'o/ /de'i bzhin ni
- 191b
de'i dngos po ste/ thog ma dang tha ma med pa'i zhes bya ba brjod pa yin no/ /da ni rdo rje sems dpa' shes pas dngos grub thob pa yin no zhes bya ba bstan par bya ba'i phyir/ de nas bcom ldan 'das de gang yin zhes bya ba gsungs so/ /kun gyi dam pa dngos grub che ba ni bla na med pa yang dag par rdzogs pa'i byang chub bo/ /de nyid dbang phyug dam pas te/ bag chags dang bcas pa yi nyon mongs pa dang bral ba'i thugs byin gyis brlab pa'o/ /de'i sku'i rang bzhin can gyi lha ni lhag pa'i lha'o/ /lhag pa'i lha nyid ni gsung? lha kho na ste/ dmigs pa med pa'i thugs rje chen po las byung ba'i bcom ldan 'das rdo rje sems dpa' i sku'i gsang ba'o zhes bya ba'i don to/ /rgyal po rdo rje 'chang chen po/ /rab tu dga' ba mi 'gyur mchog ces bya ba la de ltar 'das ma thag tu bshad pa'i mtshan nyid can ni bcom ldan 'das rdo rje 'chang chen po yin ste/ sa dma' ba la gnas pa'i byang chub sems dpa' ni ma yin no/ /byang chub sems dpa' thams cad zil gyis mnan nas nam mkha' i khams thams cad la rtag tu gnas pa'i sku gsung thugs kyi rdo rje rnams kyis mdzes bas na rgyal po'o/ /thag pa med pa'i bde ba dang yid bde ba'i rang bzhin yin pas na rab tu dga' ba'o/ /rtag pas na mi 'gyur mchog ste/ de lta bu rdo rje sems dpar brjod pa yin no/ /da ni dga' ba chen po nyid shes pas dngos grub thob pa yin no zhes bya ba bstan par bya pa'i phyir/ de la bcom ldan 'das dga' ba chen po nyid ji ltar yin zhes bya ba gsungs te/ bag chags dang bcas pa'i nyon mongs pa dang bral bas skyon med pa'o/ /rang bzhin las g.yo bar mi 'gyur bas na rtag pa'o/ /phyi ma'i mthar thug gi bar du gzugs thams cad ston pas sems can gyi don mdzad pa'i phyir na shin tu chags pas thams cad rjes su chags par mdzad pa'o/ /de kho na nyid 'dis gsang ba ni
- 192a
thun mong ma yin pa'i bcom ldan 'das rdo rje sems dpa' ni chags pa'o/ /chen po ni chos kyi dbyings dang sems can gyi don te/ de la dgyes pas na dga' ba che'o/ /kun tu bzang po nyid shes pas kyang grub par 'gyur ro/ /zhes bya ba bstan par bya ba'i phyir ji ltar zhes bya ba la sogs pa gsungs te/ dus thams cad du chags pa dang bcas pa bral bas ni shin tu dag pa'o/ /byang chub sems dpa' thams cad la sogs pa rnams kyi byang chub chen po'i rang bzhin gyi mchog yin pas na kun gyi mchog go/ skal pa bzang po la sogs pa las kyang sngar rtag tu bzung ba dang 'dzin pa'i rnam par rtog pa dang bral bas na 'dod chags gdod nas grol ba'o/ /dngos po thams cad ji lta ba bzhin gnas pa de bzhin du mkhyen pa dang/ de bzhin du gzhan rnams la 'ang ston pas na de bzhin gshegs pa'o/ /gdul bya rnams la kun nas bzang po 'di las byung bas na kun tu bzang po'o/ /byang chub kyi rang bzhin gyi sems ni byang chub sems dpa' o/ /cho ga mchog ces bya ba ni mchog rang bzhin gyi kun tu bzang po zhes bya bar brjod pa yin no/ /rdo rje snyems pa'i bdag po nyid ces pas kyang grub par 'gyur ro/ /zhes bya ba bstan par bya ba'i phyir/ de la rdo rje snyems pa'i bdag po bcom ldan 'das ji ltar yin zhes bya ba gsungs te/ kun mchog dngos grub chen po'o/ /dbang phyug chen po'i phyag rgya'i mchog ces bya ba ni bcom ldan 'das rdo rje sems dpa' i sku'i phyag rgya ste/ byed pa por gyur pa de dang byed par gyur pa'i rdo rje dbang phyug ste/ bag chags dang bcas pa'i nyon mongs pa dang bral ba'i de bzhin gshegs pa thams cad kyi bde ba dang yid bde ba'i rang bzhin can gyi gsang ba lnga shes pa'i phyi ma'i mthar thug pa'i bar
- 192b
du bar mchod pas bskyed cing mngon du byed pa ni/ /rdo rje dbang phyug cher bstod pa'o/ /rgyu de nyid kyi phyir rdo rje snyems pa ni bcom ldan 'das rdo rje sems dpa' i phyag rgya chen po ste/ de'i bdag po ni gnyis su med pa'i ye shes kyi rang bzhin can gyi rdo rje sems dpa' o/ /bcom ldan 'das rdo rje snyems ma'i rang bzhin gyi rig pa'i lha mo'i bdag po yin no zhes bya ba la bdag po'i sgra'i gnyis pas bstan to/ /da ni sems la sogs pa shes pas grub par 'gyur ro/ /zhes bya ba bstan par bya ba'i phyir/ de nas mchog tu zhes bya ba gsungs te/ rang rig pa'i rang bzhin nyid kyis bsam par mi nus pa'i phyir bsam gyis mi khyab pas te/ byang chub sems ni rtag brtan pa zhes bya ba dang sbyar ro/ /de bzhin nyid dang ro gcig pa nyid kyis thams cad du 'gro bas na rgya che ba'o/ /rgya mtsho chen po bzhin du shes pas gzhan gyi shes rab kyis 'jug par mi nus pas na zab mo'o/ /rdo rje sems dpa' la sogs pa'i dngos grub rnams ni dngos grub thaMs cad de/ de dag gis gdul bya rnams la bde ba 'ga' 'byung ba de ni dngos grub thams cad kyi bde ba rnams so/ /de rnams kyi mi 'gyur ba ni rang gi bskyed pa'i rgyu'o/ /sems can thams cad kyi rgyud kyi rjes su 'brang bas na thams cad la khyab pa'o/ /gser dang nam mkha' dang chu'i khams bzhin du rang bzhin gyis dag pas dri ma med pa'o/ /byang chub kyi mtshan nyid can gyi sems ni byang chub kyi sems so/ /bdag nyid brtan pa ni mi phyed pa'o zhes bya ba ni bcom ldan 'das rdo rje sems dpas gsungs so/ /de nas 'di'i las kyi khyad par zhes bya ba la sems can thams cad kyi rgyud kyi rjes su 'brangs pa'i byang chub chen po'i mtshan nyid can gyi byang chub kyi sems 'di mngon du bya ba'i phyir/ bsgom pa'i khyad par 'di yin no zhes bya ba'i don to/ /sems nyid brtan pa nyid
- 193a
sems dpa' zhes bya ba la/ sems can thams cad kyi rang rig pa'i rang bzhin can gyi sems gang yin pa de nyid ni gzung ba dang 'dzin pa'i rnam par rtog pas mi g.yo ba nyid kyi phyir/ sems dpa' ni rdo rje sems dpa' ste/ de bzhin nyid dang ro gcig pa'i sems so zhes bya ba'i don to/ /ting nge 'dzin de la mnyam par bzhag ces bya ba de la/ mnyam par bzhag pa ni ting nge 'dzin te/ sems rtse gcig pa nyid do/ /sems can thams cad kyi sems de nyid mnyam par bzhag pa'i phyir/ de bzhin nyid kyi rnam pa can gyi sems rtse gcig pa nyid kyi rnal 'byor ni ting nge 'dzin du brjod pa yin no/ /rnam shes las ni rdo rje kun zhes bya ba la/ rnam par shes pas na rnam shes te/ zla ba'i dkyil 'khor dang/ sems dpa' i rdo rje dang/ rdo rje'i bdag nyid dang/ yongs su gcod pa'i rnam pa can gyi yid kyi rnam par shes pa'o/ /de rnam par shes pa las sems dpa' rdo rje'i dngos po ni sems dpa' rdo rje nyid de nyid sems can thams cad kyi sems de sems dpa' i rdo rje'i de nyid gyur pa yin no/ /rdo rje las ni rdor 'dzin byung zhes bya ba la rdo rje dang dril bu 'dzin pa'i sems dpa' i sku bskyed par 'gyur ro/ /'dis ni 'di ltar 'chad par 'gyur te/ snga ma bzhin du sdig pa dral ba'i mthar thug pa'i cho ga rjes su spyad nas rang gi snying gar gnas pa'i rdo rje'i dbus su rdo rje rnam par bsams la de nyid kyis brjod cing chos thams cad bdag med pa bsgom par bya ste/ de'i rjes la nam mkha' i phyogs su dbyangs bcu drug dang bcas pa'i yi ge hUM las rang gi sems zla ba'i dkyil 'khor gyi rnam pa can du bsam par bya'o/ /de'i steng du ka la sogs pa gsal byed kyi yi ge dang bcas pa'i yi ge hUM
- 193b
las zla ba'i dkyil 'khor gnyis pa'o/ /der yang yi ge hUM dang bcas pa'i dang po'i rdo rje rtse lnga pa ste/ rdo rje la yi ge hUM rnam par bsams la/ badzrod? hUM zhes bya ba brjod cing bsgom par bya'o/ /de nas sems dpa' byin gyis brlab pa'i sbyor bas rdo rje de nyid rdo rjes seMs dpa' i bdag nyid du bsgom par bya ste/ de ltar na sems can gyi sems de rdo rje sems dpa' nyid du 'gyur ba yin no/ /de ltar na sems dang sems dpa' dang ting nge 'dzin dang/ rdo rje dang rdo rje 'chang zhes pa rnams bstan nas/ da ni rdo rje 'chang chen po shes pas grub par 'gyur ro/ /zhes bya ba bstan par bya ba'i phyir/ de la ji ltar na zhes bya ba la sogs pa gsungs te/ rdo rje sems dpa' byin gyis brlab pa'i sbyor pa bshad zin to/ /ni'i sgra ni nges par gzung bas te/ sems dpa' byin gyis brlab pa'i sbyor ba kho na'o/ / bdag la byin gyis brlabs mchog sgrub pa zhes bya ba la/ sems dpa' byin gyis brlab pa'i sbyor ba gang yin pa de nyid bdag la byin gyis brlab pa'i mchog sgrub pa de rdzogs par byed cing bdag nyid rdo rje 'chang chen pos te/ nyin re ni nyin zhag re re sems dpa' byin gyis brlab pa'i sbyor ba des rdo rje sems dpa' nyid thob pa yin no/ /sems dpa' byin gyis brlab pa'i sbyor ba 'dis rtag tu bdag nyid rdo rje sems dpa' nyid du rdzogs par byed pa gang yin pa 'di ni rdo rje 'chang chen po nyid yin no zhes 'chad par 'gyur ro/ /kun tu bzang po'i spyod pa shes pa grub par 'gyur zhes bya ba bstan par bya ba'i phyir/ de la zhes bya ba la sogs pa gsungs pas te snying stobs zhes bya ba ni stobs kyis lha'i gzugs can drag po'o// rdul zhes bya ba ni 'dod pa'i gzugs can tshangs pa'o/ /mun pa zhes bya ba ni dpyid kyi lha'i gzugs 'dzin pa'i khyab 'jug go/ gsum po de dag gi gzugs 'dzin pas de dag gis 'dul ba'i sems can gyi don mdzad pa'i phyir kun tu bzang
- 194a
po yin te/ rgyu de'i phyir bdag ni rdo rje 'chang chen po byang chub kyi spyod pa yin no/ /sems can rnams la bla na med pa yang dag par rdzogs pa'i byang chub rdzogs pa'i phyir spyod pa ni byang chub kyi spyod pas te/ ji lta ba bzhin du skal pa dang ldan pa'i sems can 'dul pa'i rjes su 'gro ba ni rjes su mthun pas te/ bcom ldan 'das rdo rje 'chang chen po'i rjes mthun pa'i spyod pa yin no/ /bcom ldan 'das rdo rje 'chang chen po bdud nyid dang/ bdud las rnam par rgyal ba nyid shes pa dag gis kyang grub par 'gyur ro zhes bya ba gnyis po de dag bstan par bya ba'i phyir de la zhes bya ba la sogs pa gsungs te/ sems nyid kho ? bdud nyid de zhes bya ba la/ 'dir don dam par phyi'i bges rnams 'dod pa ma yin te/ gang gi phyir de rang rig pa tsam du yod pas bdud kyis rnam par rtog pa dang/ 'dod chags la sogs pa'i rnam par rtog pa ni bdud te/ bdud kyi dngos po ni bdud nyid de/ sems nyid de bzhin gshegs par zhes bya ba la/ sems can thams cad kyi sems de nyid chos bdag med par rtogs pas de bzhin gshegs pas te/ 'dis bdud las rnam par rgyal bar bstan to/ /slar yang rnam grangs gzhan gyis bdag nyid du bstan par bya ba'i phyir rang sems gdul bar bya ba'i phyir/ bdag ni bdud nyid gyur pa yin zhes bya ba gsungs te/ rang gi sems ni rang gi sems te/ rdo rje sems dpa' la sogs pa'i rnal 'byor bsgom pa la rab tu sbyor ba'i rnal 'byor sems so/ /de gdul pa ni rdo rje sems dpa' la sogs pa'i ting nge 'dzin rdzogs pas te/ de'i don du ji lta ba bzhin du rab tu grags pa'i lha'i bu'i bdud kyi gzugs nyid bdag gis nye bar blangs par gyur na bdag nyid bdud du gyur pa yin no/ /'dis ni 'di ltar 'chad par gyur te/ gang dag 'gegs
- 194b
kyis nye bar mtshon pa'i dngos grub 'dod pa de rnams bdud kyi gzugs su bdag nye bar 'gro ba yin no/ /de ni byang chub dang sangs rgyas shes pa dag gis kyang grub par 'gyur ro zhes bya ba gnyis po de bstan par bya ba'i phyir/ de la ji ltar bcom ldan 'das mngon par rdzogs par byang chub dang sangs rgyas zhes bya ba gsungs te/ nam mkha' dang mtshungs pa'i chos thams cad bsgom pa ni rang gi sems so sor rtogs pa ste/ rang gi sems so sor rtogs pa de kho na nyid kyis gang zhig byang chub sems kyi mchog gi rdo rje nyid ni rnam par grol ba'i lam gyi rang bzhin nyid gang yin pa de byang chub yin no/ /de nyid nyid phyir sangs rgyas nyid/ /ces bya ba la/ gang zhig byang chub kyi sems rang gis sems su so sor rtogs pas de bzhin nyid dang/ rang bzhin gcig ba nyid de ni de'i rang bzhin nyid do/ /de kho na nyid yin pa de'i phyir de sangs rgyas nyid yin no/ /de kho na nyid kyi phyir sangs rgyas nyid ji ltar yin ? bdag byin brlab mchog bsgrub phyir ro/ /zhes bya ba la zla ba'i dkyil 'khor la sogs pa'i bsgom pa'i rim pas byang chub kyi sems kyi mchog gi rdo rje sangs rgyas kyi gzugs su rdzogs pa gang yin pa de ni bdag la byin gyis brlab pa mchog gi sgrub pa ste/ byang chub kyi sems kyi mchog gi rdo rje de nyid de'i sangs rgyas nyid yin no/ /phyag na rdo rje nyid shes pas kyang grub pa yin no zhes bya ba bstan par bya ba'i phyir/ de la ji ltar bcom ldan 'das phyag na rdo rje'i yin zhes bya ba gsungs te/ srog chags dang srog chags ma yin pa dang/ gzung ba dang 'dzin pa'i rnam par rtog pa rnams kyis phyed par mi nus bsam mi byang pa'o/ /rdo rje sems dpa' la sogs pa re re bsgom pa'i lam gyi rang bzhin can shes rab kyi pha rol tu phyin pa'i mdas dngos po med pa'i rang bzhin du mngon du byed pa ni 'bigs shing so sor rtogs
- 195a
pa'o/ /gdug pa yang yin la thams cad de nyid yin pas na gdug pa thams cad de 'dod chags la sogs pa'i nyon mongs pa rnams dang/ lha chen po la sogs pa'i sems can gdug pa rnams so/ /de dag gnon pa ni ltung bar byed pa'o/ /sangs rgyas kun gyi dngos po zhes bya ba ni ye shes lnga'i rang bzhin no/ /rdo rje ni rtse lnga pas te/ dang po'i rdo rje'o/ /byang chub kyi sems kyi zhes bya ba ni byang chub kyi sems kyi rang bzhin dang/ byang chub kyi sems las byung ba dang/ de ston par byed pa dang/ de bskyed pa'i rgyur bdag nyid brtan pa ni mi phyed pa'o/ /zhes bya ba bcom ldan 'das rdo rje 'chang chen pos gsungs so/ /kun tu bzang po ni bshad zin to/ /kun tu bzang po de la dum bu gnyis pa rtsa ba'i rgyud du rgyal ba ste / de bzhin gshegs pa rnams kyis mtshon cha de lag tu byin pa yin no/ /mtshon cha de ci'i don du byin pa yin zhe na/ bstan pa thams cad grub pa'i phyir zhes bya ba la rdo rje sems dpa' la sogs pa mngon du bya ba'i phyir sems can rnams la sangs rgyas kyis bka' stsal pa ni bstan pa thams cad do/ /de grub pa ni rdo rje sems dpa' la sogs pa sgrub pa po rnams kyis mngon du bya ba ste/ de'i don lag tu byin pa de'i phyir kun tu bzang po de nyid phyag na rdo rje zhes bya bar brjod pa yin no// de ltar kun tu bzang po bstan nas da ni dang po'i rigs la sogs pa byung ba shes pas grub par 'gyur ro/ /zhes bya ba bstan par bya ba'i phyir de la zhes bya ba la sogs pa gsungs te/ shes rab kyi pha rol tu phyin pa ni bshad zin to/ /de nyid rigs rnams kyi yum mo/ /yab ni thabs la mkhas pa'o zhes bya ba ni thabs kyi pha rol tu phyin pa'o/ /thabs kyi pha rol tu phyin pa yab tu gyur pa de gang zhe na rdo rje sems dpa' zhes bya ste/ byang chub kyi sems ni yab tu gyur pa yin no zhes bya
- 195b
pa'i don to/ /sems can 'dul ba'i rgyus de bzhin gshegs pa dang/ rdo rje dang/ pad+ma dang/ nor bu dang/ rdo rje sems dpa' i rigs rnams byung ba ni rab tu 'byung ba gang yin pa ni rigs rnams su brjod pa yin no/ /de ltar rigs rnams 'byung ba bstan nas da ni bcom ldan 'das 'dod pa dang thar pa'i rang bzhin du shes pas kyang dngos grub thob par 'gyur ro/ /zhes bya ba bstan par bya ba'i phyir/ de la zhes bya ba la sogs pa gsungs te/ 'dod chags kyang yin la chen po yang yin pas 'dod chags chen po'o/ /ni'i sgra ni gang gi phyir gyi don du ste/ ci'i phyir bcom ldan 'das 'dod chags chen po yin zhes bya ba'o/ /'jig rten dang 'jig rten las 'das pa'i dngos grub thams cad ni/ dngos grub thams cad do/ /de dag rjes su sgrub pa ni rjes su chags pa ste/ dngos grub thams cad rjes su chags pa gang yin pa de'i phyir bcom ldan 'das chags pa chen po yin pas na 'dod pa zhes bya ba'o/ /thar pa'i rang bzhin gyi bcom ldan 'das bstan par bya ba'i phyir/ dngos grub thams cad mi 'gyur bde/ bde ba chen po zhes brjod do zhes bya ba gsungs so/ /rdo rje sems dpa' la sogs pa'i dngos grub ni dngos grub thams cad do/ /de rnams kyi thog ma dang tha med pa'i chos kyi dbyings mngon du bya ba gang yin pa de ni mi 'gyur bde ba'o/ /de nyid bde ba chen po zhes bya bar bcom ldan 'das rdo rje sems dpas brjod pa ni gsungs pa yin no/ /de ltar thar pa'i rang bzhin bstan nas da ni rnam pa gsum gyi rang bzhin can gyi rdo rje 'chang chen po shes pas kyang grub par 'gyur ro/ /zhes bya ba rab tu bstan? par bya ba'i phyir/ de la ji ltar bcom ldan 'das rnam pa gsum zhes bya ba gsungs te/ 'das pa dang/ ma 'ongs pa dang/ da ltar byung ba'i dus gsum ni da yin no zhes bdag nyid ston par mdzad pa yin no/ /ci'i phyir khyed dus gsum yin zhe?
- 196a
na/ mdza' yas phyir zhes bya ba la 'das pa dang/ ma 'ongs pa dang/ da ltar byung ba'i dus rnams kyi de bzhin nyid ni mdza' yas pa nyid do/ /gang gi phyir de'i rang bzhin rdo rje 'chang chen po bdag yin pa ste/ mdza' yas pa'i rgyu de nyid kyi phyir da ni dus gsum yin no/ /'das pa dang/ ma 'ongs pa dang/ da ltar byung ba'i chos nyid kyis bdag du sa gsum gyi dngos po yin no zhes bya ba'i don to/ /da ni srid gsum gdul bya'i phyir zhes bya ba la 'dod pa dang/ /gzugs dang/ gzugs med pa'i rang bzhin can gyi gdul bya'i sems can gdul ba'i rgyus 'dod pa dang/ gzugs dang/ gzugs med pa'i srid pa'i rang bzhin du bdag nyid kyi dngos po rdzogs pa'i phyir bdag srid gsum yin no/ /ming po gsum gyi gzugs kyis 'dul ba'i sems can gyi don du ming po gsum gyi gzugs su bdag nyid kyi dngos po rdzogs par mdzad pas na gsum mchog go/ sangs rgyas dang chos dang dge 'dun gyis sems can gdul pa'i phyir dkon mchog gsum gyi gzugs rdzogs par mdzad pas na dkon mchog gsum/ /sa 'og sa steng sa bla'i rang bzhin du bdag nyid kyi dngos po ston pa'i phyir/ de'i chos nyid kyis thams cad do/ /thams cad yin pa'i rgyu de nyid kyis 'jig rten gsum pa yin no/ /'dod pa dang/ gzugs dang/ gzugs med pa'i khams kyi rang bzhin bdag nyid kyi dngos po ston pa'i phyir de'i chos nyid kyi khams gsum pa yang pa yin no/ /de ltar dus gsum la sogs pa'i dbye ba'i rnam pa gsum du bdag nyid bstan nas da ni dngos grub kho na'i don du thams cad nyid shes pa bstan pa'i phyir/ de la ji ltar bcom ldan 'das thams cad ji ltar yin zhes bya ba gsungs te/ ri bo la sogs
- 196b
pa sems med pa'i dngos po ni mi rgyu ba ste/ de'i rang bzhin nga yin no/ /de ci'i phyir zhe na/ bsod nams kun mtho che ba'i phyir zhes bya ba'o/ /rgyu ba sems kyis 'dus byas phyir zhes bya ba la sogs pa ni bshad zin to/ /sems dang sems la sogs pa'i shes pa sems kyis 'dus byas pa zhes bya ba'i mthar thug pa de dag thams cad rnal 'byor pas bsgom par bya ba yin pa de'i phyir/ rang gi sems kyi las kyi bya ba de kho na nyid do zhes bya ba bcom ldan 'das rdo rje sems dpas gsungs pa yin no/ /dang po'i glu 'byung pa dang/ dang po'i glu'i rang bzhin dang nye ba'i snying po'i de kho na nyid shes pa rnams kyis grub par 'gyur ro/ /zhes bya ba de'i phyir gsum po de dag bstan par bya ba'i phyir de la zhes bya ba la sogs pa gsungs te/ srid pa shin tu grub pa zhes bya ba ni mi gnas pa'i mya ngan las 'das pa rdzogs pa'o/ /longs spyod rdzogs pa'i skus kun tu bzang po la sogs pa'i byang chub sems dpa' chen po rnams kyi mngon par 'dod pa'i dngos grub rdzogs pa ni dbang phyug chan? po'i mchog gi dngos grub po/ /srid pa shin tu grub pa dang/ dbang phyug chen po'i mchog de dag grub pa'i phyir mkhas pas te/ byang chub sems dpa' rnams kyis sems can gyi don mdzad pas na bskal pa bzang po'i sngon rol du de rnaMs nyid la bcom ldan 'das rdo rje 'chang chen pos gsungs pa ni gsungs par gyur pa'o/ /de ltar dang po'i glu 'gyur ba bstan nas da ni dang po'i glu'i rang bzhin bstan par bya ba'i phyir de nas de gang yin zhes bya ba gsungs te/ 'dod chags chen po bcom ldan 'das zhes bya ba ni bshad zin to/ /zag pa med pa'i bde ba dang yid bde ba ston par byed pa'i sgra'i tshogs ni rab tu dga' pa'o/ /shin tu rtag pas na mi 'gyur ba mchog go/ skye bo kun gyi mngon sum ma yin pas na
- 197a
gsang pa te gsang ba de nyid kyi phyir snying po ste/ des pa'i shes pas gsungs pa ni yi ge hUM gi rang bzhin can gsungs par gyur pa ste de nyid mi 'gyur mchog ste/ yi ge hUM mi 'gyur pa'i mchog yin no/ /de ltar dang po'i glu'i rang bzhin bstan nas da ni nye ba'i snying po de kho na nyid shes pa bstan par bya ba'i phyir de nas nye ba'i snying po'i de kho na nyid shes pa zhes bya ba gsungs te/ de nyid gsang zhing gsang ba dang/ snying po rab tu brjod pa'o zhes bya ba la nges par 'bigs pa'i shes rab ni de kho na nyid do/ /de bzhin gshegs pa la sogs pa'i rang bzhin can gang yin pa de ni rdo rje la sogs pa'i gzugs kyis bkab pa ni gsang ba'o/ /btsun mo'i 'khor dang shin tu rnal 'byor gyi bsgom pas de longs spyod pa ni gsang ba'o/ /gsum po 'di dag ni snying po zhes brjod pa yin no/ /snying po 'di rjes su grub pa ni sgom pa ste/ de grub pa ni snying po rjes su sgrub pa'i tshul du rdzogs pa gang yin pa de ni nye ba'i snying po ste/ nye ba'i snying po'i dngos po ni nye ba'i snying po nyid du bcom ldan 'das rdo rje 'chang gis rab tu brjod pa gsungs pa yin no/ /da ni bde ba chen po'i rdo rje don yod pa shes pas grub par 'gyur ro zhes bya ba bstan par bya ba'i phyir de la zhes bya ba la sogs pa gsungs te/ dngos grub kun gyi mi 'gyur bde/ bde ba chen po zhes brjod do zhes bya ba ni bshad zin to/ /dngos grub thams cad mi 'gyur ba'i bde ba de nyid rdo rje ni rdo rje sems dpa' bsgrub pas te/ rdzogs pa'i phyir 'bras bu med pa ma yin pa'i rgyu yin pas don yod pa'o/ /de nyid mi 'da' pas na 'da' bar dka' pa'i dam tshig go /'di ltar 'chad par 'gyur te/ gnyis su med pa'i ye shes kyi rang bzhin can gyi thar pa'i ngo bo
- 197b
gang yin pa de ni bcom ldan 'das rdo rje sems dpa' i sku'i gsang ba'i rang bzhin bskyed pa'i rgyu yin no zhes bya ba'o/ /dkyil 'khor gyi de kho na nyid bstan par bya ba'i phyir de la ji ltar zhes bya ba la sogs pa gsungs te/ ji ltar gnas zhes bya pa ni nam mkha' thams cad dang ri rab la sogs pa'o/ /ji ltar 'khor lo zhes bya ba ni zur bzhi pa dang/ sgo bzhi pa zhes bya ba la sogs pa'o/ /ji ltar dgod pa zhes bya ba ni spros pa la sogs pa'i khyad par ro/ /ji ltar 'gro ba zhes pa ni rdo rje sems dpa' dang 'dod chags rdo rje ma la sogs pa'i rang bzhin can gyi 'khor lo dgod par gyur pa gang yin pa de dang rdo rje sems dpa' la sogs pa'i so sor nges pa'i gnas dkyil 'khor gyi lte ba la sogs pa'i gnas brtags par gyur pa gang yin pa de bzhin du bri ba'i dbang du byas 'dir yang de bzhin gshegs pa rnams kyis dkyil 'khor sprul par mdzad pa yin no/ /dkyil 'khor du zhugs pa dang mthong ba'i 'bras bu bstan par bya ba'i phyir de nas zhes bya ba la sogs pa gsungs te/ de yang go sla'o/ /thig gdab pa'i cho ga bshad par bya ste/ dkyil 'khor bri bar bya ba ni thig gdab par bya ba'o/ /shes rab can zhes bya ba ni gzugs can dang/ gzugs can ma yin pa'i dkyil 'khor gyi de kho na nyid shes pa dang reg la sogs pa'i bzo la mkhas pa'o/ /phyogs thams cad mnyam pa nyid ni stong pa nyid de/ de la dmigs pa ni mngon du byed pa'o/ /shar dang nub dang byang dang lhor zhes bya ba la phyogs zhes bya ba re re dang sbyar ro/ /tshangs thig gnyis pa dang mtshams kyi thig gnyis pa ni thig bzhi ste/ ka ba brgyad kyi tshul gyis dkyil 'khor brgyad de/ dkyil 'khor brtag pa'i cho ga'o/ /dkyil 'khor zhes bya ba la sogs pa la dkyil 'khor gang dang gang gi bdag po gang dang gang yin pa de dang der de'i rnal
- 198a
'byor dang ldan pa'i dkyil 'khor gyi cho ga la rab tu gomS par byas nas dkyil 'khor de dag der bri bar bya ste/ de ltar na gal te dkyil 'khor de bag med pas ma tshang pa 'am lhag par gyur na yang dkyil 'khor brtag pa grub pa yin no zhes bya ba'o/ /da ni gsang ba lnga'i de kho na nyid shes pa bstan par bya ba'i phyir/ de nas zhes bya ba la sogs pa gsungs te/ thog ma dang tha ma med pa zhes bya ba la sogs pa gsungs pa ni bshad zin to/ /thog ma med pa mchog nyid ni zhes bya ba la/ da ltar byung ba'i rang bzhin gyis rtag tu dam pa yin pas na thog ma med pa'i mchog go/ //ni'i sgra ni nges par bzung bas te/ thog ma med pa mchog nyid kho na'o/ /dpal mchog dang po'o zhes pa brjod do zhes bya ba la/ brjod pa ni bstan pa yin no/ /rigs lnga'i dkyil 'khor rnams ni dkyil 'khor thams cad de/ de'i bdag po ni gtso po'o/ /mchog ni dam pa'o/ /dbang phyug mchog ces bya ba ni khams gsum pa'i chos kyi rgyal po'o/ /de'i rang bzhin bstan par bya ba'i phyir/ kun mchog ces bya ba la sogs pa gsungs te/ kun mchog 'dod pa chen po zhes bya ba ni byang chub chen po'i mtshan nyid kyi thugs rtogs pas te/ de las byung ba'i yid bde ba ni kun mchog 'dod pa chen po'i yid 'ong bde bar?/ /de ston par byed pa'i thams cad du khyad pa'i 'dzum pa ni 'dzum pa chen po'o/ /de ltar gyur pa'i 'dzum pa nges bcom ldan 'das srid pa mchog tu rtag tu bzhin 'dzum pa yin no mchog tu mi 'gyur pa'i rdo rje sems dpa' i sku'i gsang ba rdzogs pa ni mchog tu mi 'gyur ba'i dngos grub ste/ de'i dngos po ni de nyid do/ /de'i phyir chos kyang yin la thams cad kyang de nyid yin pas na chos thams cad de /
- 198b
kun gzhi rnam par shes pa dang/ mi bskyod pa dang/ byang chub kyi sems dang/ rang bzhin gyi sku dang/ de bzhin gshegs pa'i rigs dang/ stong pa nyid kyi rdo rje rnams so/ /de dag gis rnam par dag pa ni de bzhin nyid rtogs pa ste rgyu de'i phyir ro rdo rje 'chang de zla ba'i 'od yin no/ /chos thams cad rnam par dag pa'i rgyu 'ba' zhig gis bcom ldan 'das rdo rje sems dpa' zla ba'i 'od lta bu yin pa gcig pur ma zad kyi gsang ba'i de nyid nyid phyir dkar zhes bya ba la/ lha mo bzhi phreng gis dbus na bzhugs pa'i phyag rgya chen po ni gsang ba'i de kho na nyid de/ de nyid 'dod chags dang zhe sdang dang?/ gti mug la sogs pa'i dri ma dang bral ba'i rgyu 'dis kyang dkar po'o/ /'dis ni 'di ltar 'chad par 'gyur te/ gang gi phyir bag chags dang bcas pa'i nyon mongs pa thams cad dang bral ba'i kun gzhi rnam par shes pa la sogs pa'i chos thams cad las byung ba'i bcom ldan 'das kyi phyag rgya chen po 'dod chags dang zhe sdang dang gti mug mi mnga' ba de'i phyir sku mdog dkar po ste/ rang gi rang bzhin ston par mdzad cing bzhugs pa yin no/ /gzugs thams cad ston pas sems can gyi don mdzad pa'i phyir 'dod chags chen po'i nyon mongs pa'i rang bzhin ston par mdzad pas na bcom ldan 'das kyis 'khor lo dmar zhing sna tshogs 'bar ba yin no/ /rtag pa dang/ mi bskyod pa dang/ rin chen 'byung ldan dang/ snang ba mdza' yas dang/ don yod grub pa'i ye shes kyi bdud rtsi'i chu'i bum pa'i dbang bskur bas 'dod chags la sogs pa'i bag chags dang bcas pa'i nyon mongs pa'i dri ma 'khrud par 'gyur ba yin no zhes bya ba'i yon tan 'di bstan par bya ba'i phyir/ sangs rgyas lnga'i cod pan gyis dbang bskur ba dang ldan
- 199a
pa'i bcom ldan 'das rdo rje sems dpa' yin no/ /shes rab dang thabs kyi rang bzhin gyi zhabs g.yas pas nye bar mtshon pa'i skus/ bdud bzhi'i rang bzhin can g.yon pa'i sku las mtho ba dang/ brla dang/ byin pa dang/ zhabs kyis nye bar mtshon pa'i 'khor ba'i yan lag yang dag par gnon cing 'dzin pa ste/ 'dzin pa des rgyal pa la ni phyi rol pa las rgyal ba ste/ mi snang bar mdzad pa yin no zhes bya ba bstan pa'i phyir sems dpa' i skyil mo krung dang ldan pa'i bcom ldan 'das rdo rje sems dpa' yin no/ /rgyu des rdo rje sems dpa' ni thams cad kyi mchog ste/ de'i rang bzhin gyi bsgom pa so sor rtogs par mdzad pas te/ de ston par mdzad pa bcom ldan 'das ma 'dod chags rdo rje ma yin no/ /thams cad kyi mchog so sor rtogs pas yul du byas pa'i don mngon du bya ba ni dngos grub thams cad kyi bde ba dam pa ste/ de ston par byed pa ni bcom ldan 'das ma ki li ki la yin no/ /dngos grub thamS cad kyi bde pa dam pa ni thams cad kyi mchog ste/ nges bdud bzhi las rgyal ba ni rnam par rgyal bas te/ de mthong ba ni de las byung pa'i longs spyod rdzogs pa'i sku te/ de ston par byed pas kun mchog rnam par rgyal ba'i mtho pa ni/ bcom ldan 'das ma rdo rje dran ma yin no/ /sangs rgyas sprul pa dang/ sems can gyi don sprul pa'i skus mdzad pas na dbang phyug thams cad de/ des mchod pa chen po ni thams cad du khyab pa'i so sor rtogs pa'i mchod pa ni bcom ldan 'das ma rdo rje 'dod ma'i dbang phyug ma yin no/ /'jig rten dang 'jig rten las 'das pa'i dngos grub thams cad ni 'dod chags rdo rje ma'i gzugs kyis so/ /'jig rten dang 'jig rten las 'das pa'i phun sum tshogs
- 199b
pa thams cad ni ki li ki la'i gzugs kyis so/ /'jig rten dang 'jig rten las 'das pa'i dga' ba thams cad ni rdo rje dran ma'i gzugs kyis so/ /'jig rten dang 'jig rten las 'das pa'i pa'i bdag po thams cad ni rdo rje 'dod pa'i dbang phyug pa'i gzugs kyis byin gyis brlab pa ste/ rdo rje sems dpa' i mchog gi sku'i yan lag ni de dag gi sku yin no zhes bya ba'i don te/ /de ltar bcom ldan 'das rdo rje sems dpa' i gsang ba lnga'i de kho na nyid bstan nas/ da ni de bzhin gshegs pa dang de rnams kyi rigs kyi bstan par bya ba'i phyir de la ji ltar zhes bya ba la sogs pa gsungs te/ rtag pa ni rnam par snang mdzad do/ /mi bskyod pa dang/ rin chen 'byung ldan dang/ snang ba mdza' yas dang/ don yod grub pa rnams ni go sla'o/ /lnga po 'di dag ni de bzhin gshegs pa thams cad ces bya ba brjod pa yin no/ /de ci'i phyir zhe na/ de bzhin gshegs pa thams cad nyid kyi phyir ro/ /zhes bya ba la/ don dam par 'di rnams de bzhin gshegS pa thams cad kyi rang bzhin nyid yin pa de'i phyir 'di rnams kho na de bzhin gshegs pa thams cad du brjod pa yin gyi gzhan dag ni ma yin no/ /mi bskyod pa ni rdo rje sems dpa' o zhes bya ba la/ de bzhin gshegs pa mi bskyod pa nyid rdo rje sems dpa' i rang bzhin du bzhugs pa yin no/ de bzhin du rin chen 'byung ldan la sogs pa kho na rim pa ji lta ba bzhin du rdo rje rin po che dang/ chos dang/ rdo rje las kyi gzugs su bzhugs pa yin no/ /de ltar de bzhin gshegs pa'i rigs kyi de kho na nyid bstan nas/ da ni rdo rje nyi ma me ltar 'bar ba dang/ de'i rigs kyi de kho na nyid bstan par bya ba'i phyir/ de nas zhes bya ba la sogs pa gsungs te/ shin tu gdug pa drag po ni chogs
- 200a
dang bcas pa'i 'jigs byed la sogs pa ste/ de rnams 'dul ba la zhi ba nyid dgod pa ma yin te/ de lta bas na de dag gdul ba'i phyir shes rab dang thabs kyi ngo bo ni shes dang thabs kyi rang bzhin can 'jig pa'i dus kyi nyi ma 'char king? 'od bzhin du gdug pa thams cad kyi bud shing sreg par nus pa na nyi ma'i 'od lta bu'o/ /de gang yin zhe na/ rdo rje 'dzin zhes bya ba ste/ rdo rje sems dpa' o/ /rang nyid ces bya ba ni rang nyid kyis byung ba yin no zhes bya ba ni tshig gi lhag ma'o/ /gdug pa dang drag po'i sems can gdul ba'i phyir sgeg pa'i gzugs dang ldan pa'i dpal rdo rje sems dpa' nyid rdo rje nyi ma me ltar 'bar bar gyur pa yin gyi gzhan ni ma yin no zhes bya ba'i don to/ /rdo rje mtshon cha 'dzin ma la sogs pa ni rdo rje dril bu ma la sogs pa mthar thug pa'i bar gyi rdo rje'i rigs thams cad ji lta ba bzhin du bshad pa'i de bzhin gshegs pa thams cad kyi bstan pa grub pa'i don du de'i thabs kyi khro bo'i gzugs su bcom ldan 'das rdo rje nyi ma me ltar 'bar bas rang gi rdo rje las sbrul par mdzad pa yin no/ /de ltar rdo rje'i rigs kyi bdag po dang/ rigs kyi de kho na nyid bstan nas da ni pad+ma'i rigs kyi bdag po dang/ rigs kyi de kho na nyid bstan par bya ba'i phyir/ de nas zhes bya ba la sogs pa gsungs so/ /pad+ma dmar po bzhin du nyon mongs pa'i dri ma thams cad kyis mgos pa'i rang bzhin gyis dag pa'i ting nge 'dzin dang/ thugs rje chen po ni pad+ma dga' o?/ /des thams cad dag pa ni pad+ma'i rigs rtogs pa'o/ /khyad par ji lta bu dang ldan pa yin zhe na/ bla na med pa zhes bya ba'o/ /rdo rje sems dpa' rang nyid bdag ces bya ba ni thams cad dag pa'i rang bzhin can 'jig rten
- 200b
dbang phyug gzhan ni ma yin no zhes bya ba'o/ /rdo rje chos ni stong pa nyid kyi ting nge 'dzin no/ /de rab tu sgrub pa ni rtogs pa'o/ /des sems can thams cad rnam par dag pa ni log par lta ba spong ba ste/ de'i don du pad+ma chen po'i rigs ni skyon thams cad dang bral bas na dag pa'o/ /de nyid ting nge 'dzin gyi ye shes bsags pa bcom ldan 'das 'jig rten dbang phyug gis rdzogs par mdzad pa yin no/ /de ltar pad+ma'i rigs kyi bdag po dang/ de'i rigs kyi de kho na nyid bstan nas da ni nor bu'i rigs kyi bdag po dang/ de'i rigs kyi de kho na nyid bstan par bya ba'i phyir/ de la ji ltar nam mkha' i snying po yin zhes bya ba gsungs te/ nam mkha' yin la thams cad kyang de nyid yin pas na nam mkha' thams cad de/ nor bu'i rigs de'i'o/ /thams cad nam mkha' bcom ldan 'das zhes bya ba ni nam mkha' i snying po'o/ /de yang sems can rnams kyi bsod nams kyis mtho ba che ba yin pas na/ sems can bsod nams mtho ba che pa ste/ nam mkha' thams cad khyab cing thams cad ster ba'i bcom ldan 'das nam mkha' i snying po'i sku'o/ /sems can bsod nams mtho ba che ba'i sku de nyid kyi phyir bdag nyid nam mkha' i snying po ste/ sangs rgyas dang byang chub sems dpa' rnams kyi dbang bskur ba yin gyi gzhan ni ma yin no zhes bya ba bcom ldan 'das rdo rje sems dpas gsungs/ /dbang bskur dang ni gter dang ni/ /rdo rje rgyal mtshan mchod pa che zhes bya ba la sems can thams cad kyi bsam pa thams cad yongs su rdzogs par mdzad pa'i phyir/ de dag bcom ldan 'das 'phags pa nam mkha' i snying pos bsags par mdzad nas bzhugs pa yin no/ /de ltar dkyil 'khor thams cad kyi de kho na nyid chen po bstan nas/ da ni dbang bskur ba shes pas 'grub par 'gyur ro zhes bya ba bstan par bya dba'i phyir/ de na rigs thams cad kyi dbang bskur
- 201a
ba shes pa'o bya ba gsungs te/ sangs rgyas ni de bzhin gshegs pa thams cad de/ de rnams la rdo rje rtse lnga pa phyed pa'i rtse mo can gyi yid bzhin gyi nor bu'i rin po che'i cod? phan? des rin po che'i cod phan? gyis dbang bsdud bde'i rnal 'byor pa rnams kyis bya'o/ /khro ba'i rdo rje rtse lnga pa'i phreng ba dang ldan pa'i cod pan gyis rdo rje tshan po'i rigs kyi dbang bskur ba'o/ /de bzhin gshegs pa snang ba mdza' yas dang ldan pa'i cod pan gyis pad+ma'i rigs la'o/ /yid bzhin gyi nor bu dang ldan pas nor bu chen po'i rigs kyi bdag dang gzhan la dbang bskur bar bya'o/ /dpal rdo rje sems dpa' i phyag mtshan gyi de kho na nyid bstan par bya ba'i phyir de nas zhes bya ba la sogs pa gsungs te/ thams cad mchog gi dngos grub che/ /dbang phyug chen po zhes bya ba ni bshad zin to/ /de'i don du mtshon cha chen po rdo rje rtse lnga pa zhes bya ba dang sbyar ro/ /de nyid kyi khyad par bstan par bya ba'i phyir/ gsang ba lnga'i de nyid che zhes bya ba gsungs te/ rdo rje sems dpa' dang 'dod chags rdo rje ma dang/ ki li ki la dang/ rdo rje dran ma dang/ rdo rje 'dod pa'i dbang phyug ma can du shes par bya'o/ /de'i rang bzhin can ni gsang ba lnga ste/ de rnams kyi de kho na nyid chen po ni gnyis su med pa'i ye shes so/ /de ston par byed pa'i dang po rtse lnga pa ni rdo rje rtse lnga zhes brjod pa yin no/ /de ltar mchog dang po'i phyag mtshan gyi de kho na nyid bstan nas da ni rigs thams cad kyi de kho na nyid bstan par bya ba'i phyir de nas rigs thams cad ces bya ba la sogs pa gsungs te/ sangs rgyas thams cad sangs rgyas nyid ces bya ba la/ /gang zhig sangs rgyas bcom ldan 'das rnams rdo rje rtse lnga pa de ni sangs rgyas thams cad kyi rang bzhin du shes par bya'o/ /mi bskyod pa dang?
- 201b
rin chen 'byung ldan dang/ snang ba mdza' yas dang/ don yod grub pa dang/ rnam par snang mdzad kyi ye shes rnams ni sangs rgyas thams cad de/ de rnams kyi dngos po ni sangs rgyas thams cad nyid do/ de bzhin gshegs pa lnga'i ye shes ston par byed pa'i de bzhin gshegs pa'i rdo rje rtse lnga pa ni sangs rgyas thams cad dud? spong pa yin no/ /sna tshogs bya ba rdo rje can zhes bya ba la/ rigs kyi bdag po dang bcas pa'i rdo rje'i rigs thams cad ni rdo rje can te/ de rnams kyi yang rigs kyi phyag mtshan 'bar ba'i rdo rje rtse lnga ba gang yin pa de sna tshogs bya ba'i rang bzhin du shes par bya'o/ /rdo rje'i rigs thams cad kyi dngos po ni sna tshogs te de'i bya ba ni gdug pa dang/ drag po'i sems can 'dul rdo rje ? zhes bya ba la pad+ma'i rigs kyi phyag mtshan ni rang phyug rdo rje che pa zhes bya ba la pad+ma'i rigs kyi phyag mtshan ni rang bzhin gyis dag pa'i ting nge 'dzin ston par byed pa dang/ pad+ma'i rigs ston par byed pa shes par bya'o/ /nor bu chen po'i phyag mtshan ni nor bu ste/ de la rin po che'i rigs thams cad kyi nor? thams cad ? pas te/ de der bsam? par bya ba'i don to/ /nga ni thamS cad dgug par bya ba bstan par bya ba'i phyir/ rtog pa kun zhes bya ba la sogs pa gsungs te/ rang gi lha'i rtog pa las dgug pa'i phyag rgyar gang bstan pa de ni rtog pa kun gyi gsang ba'i rdo rje lcag kyu ste/ dril bu dang bcas pa'i de dang/ dgug pa'i sngags kyis rang gi lta gcig puAm 'khor dang bcas pa spyan drangs nas de'i rjes la ji lta ba bzhin du bshad pa'i rjes su bsgrub par bya ste/ brla g.yas pa dang/ g.yon pa dag gis dril bu dkrol? zhing bya ba yin no/ /de'i? mchod pa thams cad kyi de kho na nyid shes pa bstan par bya ba'i phyir/ de la ji ltar zhes bya ba la sogs pa gsungs te/ rtog pa yang yin la kun yang de nyid yin pas na rtog pa kun te/ rigs lnga'i lha'i rtog pa rnams so/ /de rnaMs
- 202a
kyi gsang ba chen po'i mchod pa ni 'dod chags rdo rje ma la sogs pa'i phyag rgya bzhi'o/ /nges mchod pa ni mchod pa chen po byas nas rab tu dga' ba ste/ yid bde ba skyes nas mchod par bya ba ni sgrub par bya ba'i lha'i ? gzugs mdun du mchod par bya ste/ slar yang glu dang rol mo'i mchod pa rnams kyis mchod par bya'o/ /'dir 'di ltar 'chad par 'gyur te/ rjes su rnal 'byor byas la gsang ba'i mchod pa bzhis bdag nyid yang dag par mchog de/ cho ga thams cad rjes su sbyang nas bcom ldan 'das bsgrub par bya ba'i lha'i gzugs dkyil 'khor gyi tshul du 'am/ dpa' bo gcig pu ji lta ba bzhin du bzhag nas/ rnam pa bcu gnyis kyis phyag rgya'i mchod pa rnams kyis yang dag par mchod la slar yang ji lta ba bzhin du bshad pa'i glu dang rol mo'i rnam par 'phrul pa rnams kyis yang dag par mchod par bya'o/ /de la mchod pa'i phyag rgya'i bcu gnyis kyi snying po rnams dpal rdo rje sems dpa' i dkyil 'khor las gsungs pa nyid rigs dang rigs las gzung bar bya'o/ /glu yang rang gi rigs las gsungs pa'o/ /gsang ba'i mchod pa bzhi'i rang bzhin rang gi rigs kyi khu tshur gnyis kyis phyag rgya bcing bar bya'o/ /rdo rje sems dpa' i rigs las gsungs pa'i bar du dga' ma la sogs pa'i mchod pa rnam pa brgyad pa kho na rdo rje'i rigs la khro ba dang bcas pa shes par bya'o/ /de bzhin gshegs pa'i rigs la mnyam pa'i thal mos zhi ba rnams so/ /pad+ma'i rigs la pad+ma'i thal mos so/ /nor bu'i rigs la nor bu'i khu tshur gyis mchod pa rnam pa brgyad kyi phyag rgya bcing bar bya ba yin no/ /de ltar mchod pa'i de kho na nyid bstan
- 202b
nas/ ni dngos grub thams cad kyis byin gyis brlab pa bstan par bya ba'i phyir ro/ de la ji ltar zhes bya ba la sogs gsungs te/ rtog pa yang yin la kun yang yin pas na rtog pa kun te/ de rnams kyi gsang ba chen po'i phyag rgya thams cad ni phyag rgya chen po rnams te/ de dag gis ji lta ba bzhin du bshad pa'i tshul gyis legs shing mdzes par byin gyis brlab pa'o/ /de'i rjes la dam tshig chen po'i de kho na nyid kyiS bdag nyid rab tu bsgrubs la snying po ste/ rang gi lha'i bzlas ba bya ba'i sngags kyis bzla ba ni bdag nyid la mngon par sngags par bya'o/ /dam tshig chen po de kho na nyid kyi bdag nyid rab tu bsgrub par byed pa de gang yin zhe na/ de nas zhes bya ba la sogs pa de nyid gsungs pa yin te/ de yang bshad zin pas slar yang bshad par mi bya'o/ /'dis ni rigs thams cad kyi rnal 'byor pa rnams kyis dam tshig chen po'i de kho na nyid kyi don bsgom pas bdag la byin gyis brlab par bya ba yin no/ /zhes bstan par 'gyur ro/ /da ni rang gi lhag pa'i lha thams cad kyi bsgrub pa chen po'i rgyud bstan par bya ba'i phyir de la zhes bya ba la sogs pa gsungs te/ rtog pa kun ni rdo rje sems dpa' la sogs pa'i rigs thams cad kyi dkyil 'khor gyi rtog pa ste/ de rnams la bstan pa dang g.yo ba'i dngos po bsgrub par bya ba gang yin pa de dag thams cad rang gi rnal 'byor byas te/ rang gi lha'i bzla bar snying pos rang gi lha'i gzugs rnam par bsams la rang gi lha'i gzugs nying ji srid bsgrub par bya ste/ de srid kyi mig sman la sogs pa thams cad 'grub par 'gyur ro/ /nga ni thams cad rjes su bsgrub pa bstan par bya ba'i phyir de nas zhes bya ba la sogs pa gsungs te/ rdo rje dang dril bu ni 'dir rang gi rigs kyi phyag mtshan te/ gnyis po de 'dzin par byed pas na
- 203a
rdo rje dang dril bu 'chang pa'o/ /rdo rje dang dril bu 'dzin par gyur pas bdag nyid rang gi lha'i rnal 'byor dang ldan par byas la brtan pa dang g.yo ba'i rang bzhin can gyi 'gro ba thams cad gdod nas ma skyes pa'i phyir nam mkha' i mtshan nyid can du rtogs par bya'o/ /rdo rje dril bus ? pa sang pas/ /zhes bya ba ni sgra'i rjes su 'gro ba'i shes rab kyi ye shes rnams kyis de mngon du byed pa ni rab tu sang ba ste/ rab tu sang pa de dag gis dpal mchog dang po la sogs 'grub ces bya ba ni ji lta ba bzhin du bshad pa'i rtog pa thams cad rjes su sgrub pa de rnams kyis bcom ldan 'das grub par 'gyur ro/ /da ni 'bad pa med pa shes pa bstan par bya ba'i phyir dol zhes bya ba la sogs ba gsungs te/ bsgrub bya ba ni ji lta rang gi lha'i gzugs te/ de thams cad dgug pa dang/ mchod pa chen po dang/ bdag la byin gyis brlab pa la sogs pa'i sgrub pa rnams kyis rdzogs par bya'o/ /de ji ltar zhe na/ ci 'dod ces bya ba ste/ ji ltar 'dod pa'i rnal 'byor phyi so/ /ci 'dod pa ni ji lta ba bzhin du mngon par 'dod pa'o// ci 'dod pa'i spyod pa ni ji ltar 'dod pa'i sbyod lam dang ldan pa'o/ /ci 'dod pa'i las ni mchod rten gyi las dang/ glegs baM bklags? pa la sogs pa'i dge pa'i spyod pa'o/ /ci 'dod pa'i spyod pa dang las ni ci 'dod pa'i spyod pa dang las so/ de dag gang la yod pa de ni ci 'dod ba'i spyod pa'i las dang ldan pa'o/ /bya ba'i rgyud la bkag pa'i rnal 'byor dang rjes su mthun pa'i thug pa na? khol? sogs pa za bas na thams cad za ba'o/ /gar gyi tshul gyis rjes su sgrub par byed pas na thams cad byed pa'o/ /langs pa 'am ni 'dug pa 'am/ 'chag pa 'am ni ji ltar gnas zhes bya ba 'dis 'dug pa'i nges pa med pa
- 203b
ston pa yin no/ /dab? tu dgod dam rab tu smra zhes bya ba 'dis 'dug pa'i nges pa med par bstan pa yin no/ /gang der ji lta ba de bzhin du zhes bya ba 'dis gnas kyi nges pa med pa nyid du bstan pa yin no/ /gzugs dang/ sgra dang/ dri dang/ ro dang/ reg bya dang/ chos kyi rang bzhin? gyi dngos po gang dang gang mig la sogs pa'i dbang po'i spyod yul du gyur pas na dbang po'i lam du gyur pas te/ dngos po de dang de'i rang bzhin te/ rdo rje sems dpa' la sogs pa'i gzugs kyi rang bzhin dang gcig tu bya'o/ /sgra ni rdo rje sems dpa' la sogs pa'i sgra dang/ srin? rdo rje sems dpa' la sogs pa'i dri dang/ ro ni rdo rje sems dpa' la sogs pa'i ro dang/ reg bya ba ni rdo rje sems dpa' la sogs pa'i reg bya dang/ chos ni rdo rje sems dpa' la sogs pa'i chos dang gcig tu bya'o// de ltar na dngos po de rang bzhin bdag cig tu bya ba yin no/ /rnal 'byor gang gis gcig tu bya zhe na/ mnyam par ma bzhag rnal 'byor gyis te byed par gyur pa nges so/ /rang gi lhag pa'i lha ni rang gi yid kyi lha ste/ rdo rje sems dpa' la sogs pa'i rang bzhin can gyi yid de nyid kun tu bsgom ste/ bsam par bya ba yin no/ /mnyam par ma bzhag pa'i rnal 'byor bsgom pa'i rang bzhin can gyi de kho na nyid ni rnal 'byor 'dis thams cad kyi lha'i rang bzhin bsgrub ba ste/ rdzogs par byas na thams cad? nyid rab tu 'grub par 'gyur ro zhes bya ba dang sbyar ro/ /de gang gi phyir zhe na/ sangs rgyas kun dngos thams cad la zhes bya ba la rang gi lha'i rang bzhin du gzugs la sogs pa thams cad rtag tu blta zhing rab tu grub par 'gyur ro/ /dam tshig che? po zhes bya ba la sogs pa ni go sla'o/ /de ltar zhes bya ba ni 'das ma thag tu bshad pa'i tshul gyis dpal mchog dang po'i rgyud kyi cho ga ni bsgrub bar bya ba dang/ sgrub pa'i rnam pa can byin brlab pa zhes bya ba dang sbyar ro/ /byin gyis brlabs pa de?
- 204a
nyid khyad par bstan par bya ba'i phyir/ ma mnyams pa zhes bya ba la sogs pa gsungs te/ gang gis kyang ma nyams pas na ma nyams pa'o/ /mchog kyang yin la bla ma yang de nyid yin pas mchog gi bla ma'o/ /gsal ba ni sam? la ba nyid do/ /dpal rdo rje sems dpa' la sogs pa'i rigs lnga'i dngos grub ni mchog tu gsad pa'i dngos grub ste/ de'i cho ga ni sngar bshad pa ste/ des lha'i bde ba rab tu ster ba'o/ /ci'i don du byin gyis brlab cen/ myur du thub? pa'i phyir zhes bya ba ste/ myur du dngos grub thob pa'i phyir ro/ /sus byin gyis brlab ce na/ de bzhin gshegs pa kun gyis zhes bya ba'o/ /de dag ji lta bu zhe na/ stong pa nyid bcu drug ni rdo rje mchog ste/ des 'dzin par mdzad pas na rdo rje mchog 'dzin pa'i rdo rje sems dpa' la sogs pa'i phyir ro/ /byams pa la sogs pa'i byang chub sems dpa' rnams ni sras te/ de dang bcas pas de bzhin gshegs pa thams cad kyis dpal mchog ? so'i? rgyud kyi cho ga 'di? byin gyis brlabs pa yin no/ /de ltar gang gis gsungs pa yin zhe na/ mchog tu bde ba dam pa zhes bya ba la sogs pa la/ thog ma dang tha ma med pa'i chos kyis dbyings bde ba ni mchog tu bde pa'o? des dam pa ste mchog tu bde ba dam pa'o/ /gsang ba lnga'i de kho na nyid chen po'i rang bzhin can gyi dang po'i rdo rje ni mchog gi rdo rje ste/ de 'dzin par mdzad pas na mchog gi rdo rje 'dzin pa'i rdo rje sems dpas gsungs pa yin no/ de yang chen po ste thams cad khyab pa dang/ dga' ba chen po zhes bya ba'o/ /dpal mchog dang po'i rgya cher bshad ba las mchog tu gsang ba'i cho ga'i bshad pa rdzogs so/ /da ni ji lta ba bzhin du bshad pa'i cho gas?
- 204b
slob dpon las kyi cho ga dang/ slob ma zhugs pa la sogs pa'i cho ga rgyas pa rjes su spyad nas rigs thams cad kyi dkyil 'khor rnams ji lta ba bzhin du gshegs su gsol nas rang gi lus la sprul pa nye bar bsdu ba dang/ bdag nyid bsrung pa bya ste/ de bzhin gshegs pa thams cad kyis bdag nyid la legs par mdzad pa dag gis yang dag par mgu ste/ slob dpon ldang bar bya'o zhes bya ba don 'di zur gyi tshig gis rab tu bstan par bya ba'i phyir/ de nas ston pa rdo rje 'chang zhes bya ba la sogs pa gsungs te/ de nas kyi sgra ni de ma thag tu brjod bas te slob ma gzhug pa la sogs pa'i cho ga rgyas pa'i rjes thogs nyid la zhes bya ba'o/ /rdo rje 'chang ni rdo rje sems dpa' o/ /sems can gyi khams lung dang rtogs pa rab tu 'jug cing? ston par mdzad pas na ston pa'o/ /nam mkha' bzhin du mthar thug pa med pa ni mdza' yas pa'o/ /phyogs bcu'i sku gsung thugs kyi rdo rje rnams kyis 'gro bas na kun tu 'gro ba'o/ /dpal mchog ces bya ba la sogs pas 'jig rten gyi khams thams cad kyi rdul phra rab dang mnyam pa'i sangs rgyas kun te/ de bzhin gshegs pa rnams kyis yang dag par bstod pa'o/ /ni'i sgra? ni nges par gzung ba la bya ste/ sangs rgyas thams cad kho na zhes bya ba'o/ /rtog pa yongs su rdzogs pa ni mthar thug pa de'i don du yang gsungs pa yin no/ /ci gsungs pa yin zhe na/ dang po zhes bya ba la sogs pa ste/ dang po zhes bya ba ni bshad zin to/ /dpal mchog dang po'i rgyud kyi rnam pa can gyis bdag gis nges pa'i shes pa 'di? ni snying po yin no/ /mchog kyang yin la chen po yang yin pas mchog chen po'o/ /bde ba chen po'i mchog gi rjes su chags pa uchen pos te/ /thams cad du khyab pa'i rigs lnga'i gzugs bstan pas sems can gyi khams thams cad la rigs lnga'i?
- 205a
lha'i ting nge 'dzin rdzogs par byed pa'o/ /thams cad kyi mchog kyang de yin la sems dpa' yang de yin pas na thams cad kyi mchog gi sems dpa' ste/ rigs lnga'i lha'i rnam pa can no/ /de dag gi 'byung gnas ni de dag skyed par byed pa'i rgyu'o/ /ci'i phyir rgyud 'di thams cad kyi mchog gi 'byung gnas yin zhe na/ rtag tu ni zhes bya ba la sogs pa ste/ ni'i sgra ni gang gi phyir gyi don te/ gang gi phyir 'di dus thams cad du seMs can gyi khams thams cad la thams cad kyi mchog gi dbang phyug nyid gsol ba de'i phyir ro/ /thams cad kyi mchog kyang de yin la sbyor ba yang de yin pas thams cad kyi 'byor pa ste/ rigs lnga'i phun sum tshogs pa'o/ /des dbang phyug ste thams cad kyi mchog gi dbang phyug ni rdo rje 'chang ngo/ /de'i dngos po ni thams cad kyi mchog gi dbang phyug nyid de/ de bsgrub pa po rnams la gsol pa'o/ /'di yon tan 'di lta bu dang ldan pa cig pur ma zad kyi gang gis kyang 'di yongs su rdzogs par nus ba ma yin no zhes bya dang lhag par bya ba'i phyir mdza' yas zhes bya ba la sogs pa gsungs te/ 'di la mdza' med pas na mdza' yas pa'o/ /mdza' yas pa nyid kyi phyir gang gis kyang 'di'i mthar thug pa med pas ma thob pa'o/ /thob pa med pa nyid kyi phyir mthar thug pa med bas te/ yongs su rdzogs pa med pa'o/ /ni'i sgra ni nges par gzung ba la ste/ mthar thug pa med ba kho na'o/ /tshul yang de yin la chen po yang de yin pas tshul chen pos te/ byang chub sems dpa' i lam 'bras bu dang bcas pa'i rang bzhin nyid kyi chos gyi dbyings kyi dam tshig go zhes bya ba'i don to/ /'di gang gis she na mchod pa chen po thams cad ces bya ba la rigs lnga'i lha mo rnams ni mchod pa chen po thams cad de/ de rnams kyi dam tshig ni
- 205b
de yin no/ /nam mkha' bzhin du thams cad du 'gro bas nam mkha' dang mtshungs pa'o/ /'di las ji lta bu dang ldan pa yin zhe na/ mchog gi dngos grub 'phel ba ste zhes bya ba la/ rigs lnga'i dngos grub kyi mchog gi dngos grub ste/ de nyid gong nas gong du 'jug pas na 'phel ba'o/ /de lter bas na mchog gi dngos grub 'phel ba ste/ de lta bu gang yin pa de gang gis kyang yongs su rdzogs par nus pa ma yin no zhes bya ba'i tshig gi lhag ma'o/ /thog ma mthar thug med pa'o zhes bya ba la / thog ma ni dang po bskyed pa'o/ /mthar thug pa ni yongs su rdzogs pas te/ nyid mtshams sbyor ba med par 'jig pa'o/ /gang la thog ma dang mthar thug pa gnyis med pas te/ thog ma dang tha ma med pa'o/ /'di ltar 'chad par 'gyur te/ 'di thog ma dang tha med pa yin te/ ji skad du da ltar byung ba'i rang bzhin gyi nam mkha' i khams thams cad rtag tu bzhugs pa'i sku gsung thugs kyi rdo rje rnams kyis thams cad du 'gro ba ste/ de'i phyir 'dir yongs su rdzogs par byed par sus kyang nus pa ma yin no zhes bya ba gsungs so/ /gal te 'di yongs su rdzogs par byed par nus pa ma yin na /'o na yongs su rdzogs pa'o zhes bya ba ji ltar brjod ce na/ sems can zhes bya ba la sogs pa la gang gi phyir sems can rnams ni ngan pa la zhen cing gzhung nyung ba la mngon par dga' ba rgya che ba'i 'jigs pas 'jigs pa'i phyir ro/ /nam mkha' i khams thams cad la rtag tu zhugs pa'i sku gsung thugs kyi rdo rje rnams kyis de bzhin gshegs pa thams cad ni thams cad du gshegs pa yin no zhes bya ba 'di yang mi mos shing de bzhin gshegs pa'i yon tan rnams la dad pa med pa'o/ /bsgrub par bya ba'i sbyor bas gzhan du smra zhing gzhan byed pas
- 206a
g.yo sgyu can no zhes bya ba'i don to/ /de dag ci'i phyir g.yo sgyu can yin zhe na/ ma sbyangs pa zhes bya ba ni de bzhin gshegs pa la sogs pas ma thul bas na ma spyangs pa'o/ /rtag tu ste dus thams cad du 'dod pa'i yon tan lnga la zhen pas te/ rtag tu rjes su chags pa'o/ /sdom pa'i tshul khrims tsam la chags pas na/ chags pa dang bral ba la chags pa'o/ /de ltar gyur pa'i sems can yongs su ma sbyangs pa de rnams rgyas par bshad pa mdza' yas pa thos nas sun 'byin pas mnar med pa'i dmyal ba chen por ltung bar ma gyur cing ces bya ba'i phan gdags par bya'i phyir/ rgyud kyi rgyal po 'di yongs su rdzogs pas te/ mdor bsdus pa yongs su mthar thug par byas pa'o/ /gang gi khyim na yod pa des bya ba la sogs pa ni bshad zin to/ /'dis 'di ltar 'chad bar 'gyur te/ slob ma gzhug pa la sogs pa rdzogs par byas nas/ rigs thams cad kyi lha'i mchod pa dang/ phyag rgya dgrol ba dang dbang bskur ba dang/ go cha bcing ba dang/ mnyes pa bya ba byas nas/ de'i rjes la ye shes sems dpa' gshegs su gsol bar bya ste/ phur bu bton pa dang/ dkyil 'khor gyi lha gshegs su gsol ba byas la/ de'i 'og tu sprul pa yid kyis rang gi lus la bcug ste/ rdo rje bsrung ba dang/ rdo rje gnod sbyin dang/ rdo rje sems dpa' dang/ gtsug tor dang/ rdo rje khu tshur rnams kyis bdag nyid bsrung ba byas nas de bzhin gshegs pa thams cad 'dus pas/ yab mchog sangs rgyas sras rnams legs so zhes bya ba nas brtsaMs te/ de srid bde ba thams cad ces bya ba'i mthar thug pa'i bar du bstan pa'i legs par mdzad pa rnams kyis bdag nyid dga' bar gyur par bsam
- 206b
par bya'o/ /de nas ji lta ba bzhin du rdul tshon nye bar bsdus par byas la langs te/ ji ltar dge ba'i phyogs dang mthun par rjes su spyad par bya'o/ /de nas phur bu gdon pa'i sngags dang phyag rgya ni 'di yin te/ oM badzrod kI li kI la ya sarba ki la ya sarba ki lan b+hud+d+ha sar te na badzra a dz+nyA yaM hUM phaT/ phur bu thams cad gdon pa'i sngags so/ /de nas 'di'i phyag rgya ni 'di yin te/ lag pa gnyis kyis kha sbyor gyi thal mo byas la srin lag gnyis nang du bcug ste/ dbus ma gnyis kyis rtse mo yang dag par sbyar ba byas la de'i tshigs gsum pa'i drung du mdzub mo gnyis rdo rje'i rnam pa can nas gang tsam gyi bar yod par gzung zhing/ mthe'u chung gnyis dang mthe bong gnyis kyi rtse mo byas te/ 'di ni rdo rje phung bu'i sgrags? dang phyag rgya'o/ /'di ni dbus ma'i rtse mos phur bu gzung ste/ mngon sum du 'am yid kyis gdon par bya'o/ /de nas phur bu de nyid yid kyis rdo rje rtse lnga pa'i dbus su 'am/ dgra bo'i lus la gzhug par bya'o/ /de nas zhi ba'i rigS pas pa'i 'o ma la yongs su bzlas te/ phur bu'i bu gu de yongs su dgang bar bya'o/ /sbyin pa'i pha rol phyin dam tshig/ phyag rgya'i don ni rab ston byed/ /rgyud 'di'i bshad pa byas pa yis/ /bdag gis dge ba gang bsags pa/ nges ni 'jig rten ma lus pa/ /sbyin pa'i pha rol phyin kun dga' i/ /snying po bsam mi khyab dge 'byung/ /khyab bdag rdo rje rin chen gyur/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba la dum bu gnyis pa'i bshad pa rdzogs so// //de ltar nyon mongs pa can gyi yid kyis gnyen po nam mkha' dang mnyam pa nyid kyi ye shes kyi rang bzhin chos thams cad kyi mtshan nyid la mngon par zhen pa stong pa'i dngos pos sbyin pa'i
- 207a
pha rol tu phyin pa dang dam tshig gi phyag rgya'i mtshan nyid can gyi dpal mchog dang po rdo rje chen po de'i rang bzhin gdul bya rnams kyis mngon du byed pa'i phyir dum bu gnyis pa bstan nas da ni rang bzhin gyis dag pa'i so sor rtog pa'i ye shes yid kyi rnam par shes pa'i gnyen por gyur pa shes rab kyi pha rol tu phyin pa dang/ chos kyi phyag rgya'i rang bzhin gyi rdo rje 'chang chen po de'i rang bzhin gdul bya rnams kyis rtogs par bya ba'i phyir/ de nas dang po'i gnas dgyes pa zhes bya ba la sogs pas dum bu gsum pa gsungs pa yin te/ de ltar na shes rab kyi pha rol tu phyin pa'i rang bzhin can du bstan nas slar yang bya ba nan tan bsgrub pa'i ye shes brtson 'grus kyi pha rol tu phyin pa dang/ las kyi phyag rgya'i rang bzhin can mig dang/ rna ba dang/ sna dang/ lce dang/ lus kyi rnam par shes pa rnams rnam par dag pa'i rgyur gyur pa rdo rje 'chang chen po'i rang bzhin gdul bya rnams mngon du byed pa'i phyir/ de nas dang po'i gnas dgyes nas/ /thams cad nam mkha' zhes bya ba la sogs pa de nyid kyis dum bu bzhi pa bstan par gsungs pa de yin no/ /dum bu bzhi po de rnams kyis rim pa ji lta ba bzhin du stong pa nyid mtshan pa med pa dang/ smon pa med pa dang rang bzhin gyis 'od gsal ba'i rnam par thar pa'i sgo rnams te/ me long lta bu dang/ mnyam pa nyid dang/ so sor rtog pa dang/ bya ba nan tan gyi ye shes sgrub par byed pa bstan pa yin te/ de'i phyir gnyis su bros pa'i nyes par/ gas? par mi bya'o/ /gal te gnyis su zlos pa yod kyang sgra gcig gis don du ma so sor ston par byed pa yin no zhes bstan par bya ba'i phyir/ sgra de nyid kyis dgos pa'i dbang gis don gzhan bstan par bya ba yin te/ skyon
- 207b
yod pa ma yin no/ /dum bu gnyis po 'di las gzhan yang khyad par ci yod pa bstan par bya ba'i phyir/ de la dum bu gsum par/ dum bu gnyis pa'i rtog pa thams cad kyi rgyud phyi ma'i rtsa ba'i rgyud kho na/ rdo rje seMs dpa' i dkyil khor chen po yin te/ 'di'i byang ni 'di yin te/ rab tu dga' ba dang/ dga' ma dang spyan ma dang/ dpal chen mo rnams kyi sgrar spyod rdo rje ma dang rdo rje sprin ma dang/ rdo rje ston ma dang/ rdo rje dgun ma rnams brjod pa yin no/ /de rnams kyi yang rim pa bzhin du 'dir ni snying po 'di rnams yin te/ oM ma du badzra/b+huM b+huM/ oM badzra me g+he gu lu gu lu oM sha/ rata badzre aM aM oM badzre she shi ri hUM hUM zhes bya'o/ /dum bu zhes sa pa la ni he badzra te/ ma hA ra te badzre ho/ /oM badzra lo tsi ni ma sh+rI badzra nyi zhes bya ba la sogs pa ni gsum par ni he mahA su kha zhes bya ba la sogs pa ni dum bu gnyis par spyan 'dren pa'i sngags so/ /hUM ma hA? su kha zhes bya ba la sogs pa ni gsum par spyan 'dren pa'i sngags so/ /oM mahA su kha zhes bya ba la sogs pa'i ni gnyis par bum pa'i sngags so/ /hUM ma hA su kha zhes bya ba la sogs pa ni gsum par ro/ /gnyis pa sna tshogs pa'i gos kyis rab tu g.yogs pa'i slob dpon gyis/ /dkyil 'khor du 'jug par bya'o/ /gsum par dza hUM baM ho(rgyud 'grel): ma hA su kha zhes bya ba la sogs pa ni rdo rje srung ba'i sngags so/ /gsum par yi ge hUM la sogs pa'o/ /gsum pa ni 'dir dum bu bzhi pa ste/ khyad par gyi gnod pa yod pa ma yin no/ /thams cad du ni dum bu gnyis pa las gsungs pa'i rgyas par bstan pa dbang du byed pa nyid du bzung bar bya'o/ /dum bu gnyis po 'dir yang khyad par ni so so dang bsdus pa bstan pas skabs kha cig tu tshig gzhan gyis dngos po de nyid bstan par bya ba yin no/ /zhes bya ba'o/ /dum bu gsum pa'i
- 208a
dpal rdo rje sems dpa' i dkyil 'khor chen po rnam par 'grel pa rdzogs so// //de bzhin gshegs pa'i dkyil 'khor chen po yang dum bu gnyis pa'i las gsungs pa'i dkyil 'khor dang 'dra bas te/ slar yang bshad par mi bya'o/ /rdo rje nyi ma me ltar 'bar ba'i dkyil 'khor yang/ dum bu gnyis pa las gsungs pa'i rdo rje'i rigs kyi dkyil 'khor chen po dang 'dra ba ste/ 'dir khyad par ni 'di yin te/ thig skud gsum pa'i dkyil 'khor gyi dkyil gyi thig skur bdun pa'i bar mtshams bskor bar bya ste/ de'i rjes la slar yang thig skud bdun pa'i bar mtshams kyi phyi rol tu me'i phyogs kyi char 'khor gyi dkyil 'khor gyi nang du med? pa gsum po'i dkyil 'khor ro/ /bden bral du sring mo bzhi'i dkyil 'khor ro/ /rlung du klu'i dkyil 'khor ro/ /dbang ldan gyi phyogs kyi char sdug bsngal gdon pa'i dkyil 'khor ro/ /slar yang 'khor gyi dkyil 'khor gyi phyi rol tu phyogs dang mtshams rnams su 'jig rten gyi khams brgyad de/ de rnams su yang de bzhin gshegs pa'i re re logs g.yas pa dang/ g.yon pa na bzhugs pa'i byang chub sems dpa' gnyis gnyis kyis yongs su bskor ba bri bar bya'o/ /de la shar gyi phyogs su bcom ldan 'das shAkya thub pa'o/ /nub kyi phyogs su 'od dpag tu med pa'o/ /lhor mi bskyod pa'o/ /byang du rdo rje snying pos rab tu 'joms par mdzad pa'o/ /me'i phyogs su ye shes te la la'o/ /bden bral du 'jigs dbyangs 'brug sgra'o/ /rlung du gser 'od brtsegs bar snang ba'o/ /dbang ldan gyi phyogs char de bzhin gshegs pa bden par gsungs pa bri bar bya'o/ /thams cad kyang rgyan thams cad kyis rnam par brgyan cing pad+ma'i snying po can gyi seng+ge'i khri'i
- 208b
gdan la bzhugs nas chos ston pa bri bar bya'o/ /de la bcom ldan 'das shAkya thub pa'o g.yas logs su 'jig rten dbang phyug/ g.yon par rdo rje 'chang ba'o/ /mi bskyod pa'i g.yas logs su spos kyi glang po/ /g.yon par rdo rje snying po'o/ 'od dpag tu med pa'i g.yas logs su sgrib pa thams cad rnam par sel ba/ /g.yon du mthu chen thob pa'o/ /ye shes ta la la'i g.yas phyogs su 'jam dpal/ /g.yon du gzungs kyi dbang phyug rgyal po'o/ /bden bar gsungs pa'i g.yas logs su byang chub sems dpa' bzang po'i dpal/ g.yon du rin chen dra ba can/ gser 'od brtsegs par snang ba'i g.yas logs su dri ma med pa'i gzi brjid g.yon du rgyal ba'i blo gros so/ /'jigs dbyangs 'brug sgra'i g.yas logs su nam mkha' i snying po// g.yon du sa'i snying po'o/ /rdo rje snying pos rab tu 'joms par mdzad pa'i g.yas logs su blo gros mi zad pa/ g.yon du kun bzang po'o/ /de bzhin gshegs pa dang byang chub sems dpa' de rnams kyi phyag rgya dang sngags la sogs pa ni 'phags pa rnam par snang mdzad kyi snying po mdzad ces bya ba'i rgyud chen po las shes par bya'o/ /'dir khyad par yang 'di yin te/ rdo rje mtshon cha 'dzin ma la sogs pa nas/ rdo rje dril bu la mthar thug gi bar gyi lha mo bcu drug ni g.yon brgyad pa'i gnas pas bzhugs shing ngo/ /dbu sgra 'khrug cing gyen du mdzes shing g.yo pa'o/ /dum bu gsum par rdo rje nyi ma me ltar 'bar ba'i dkyil 'khor chen po'i bshad pa rdzogs so// //pad+ma'i rigs kyi dkyil 'khor chen po ni sngar bshad pa dang mtshungs pa yin pas slar yang bshad par mi bya'o/ /rin po che'i rigs kyi dkyil 'khor chen po yang sngar bshad pa dang mtshangs pa yin pa los/ /khyad par ni 'di yin te/ gang zhig yid du 'ong ma'i
- 209a
snying po'i khyad par ro/ /de la gnyis par badzra a b+hi shi ka dza/ ma hA badzre ni DDa Ne hUM/ ma ni d+hA dzA gra ke yU re bi/ ma hA badzra ma hA ma he ho zhes bya ba ni dum bu gnyis pa yid du 'ong ba'i snying po rnams so/ /gsum pa la oM ra ti badzri ni ma Da oM tsi na DA ta ma ni ho/ /oM badzra ma hA ma hE haM zhes bya'o/ /'jig rten pa'i dkyil 'khor bzhi po ni snga ma bzhin kho na'o/ /bsdus pa'i dkyil 'khor yang dum bu gnyis pa las gsungs pa yin no/ /'dir khyad par ni 'di yin te/ gang zhig mdor bstan pa ni sngar bshad pa 'di kho na 'dir rjes su 'jug pa'o/ /gang gi phyir de rgyas par bshad pa'i cho ga de nyid 'dir dbang du byas la nyid kyi rjes su 'jug pa'i byed pa'i phyir ro/ /dpal rdo rje sems dpa' i gsang ba'i dkyil 'khor yang dum bu gnyis pa las gsungs pa'i gsang pa'i dkyil 'khor dang 'dra ba yin no/ /'dir khyad par ni 'di yin te/ 'dod chags rdo rje ma ni dmar ba dang dkar ba'o/ /ki li ki li ni dkar po dang ser po'o/ /rdo rje dran ma ni sngo ba dang dkar po'o rdo rje 'dod pa'i dbang phyug ma ni ljang ba dang dkar ba'o/ /oM ma du badzri g+huM g+huM zhes bya ba la sogs pa ni dus kyi mchod pa rnams kyi snying po bzhi'o/ /dus mnyam du rdo rje dang bcas pa'i dril bu dang/ pi wang la sogs pa'i rol mo la 'khrugs ma'i dbyangs kyis rdo rje gar gyi mchod pa byas la/ gsang ba'i lcags kyu dril bu dang bcas pa dang/ oM a hUM gi bzlas pa zur bzhi'i tshul gyis bcom ldan 'das 'khor dang bcas pa spyan drang bar bya'o/ /dum bu gsum pa dpal rdo rje sems dpa' i gsang ba'i dkyil 'khor gyi bshad pa rdzogs so// //de bzhin gshegs pa'i gsang ba'i dkyil 'khor ni dum bu gnyis pa las gsungs pa kho na yin no/ /khyad par ni 'di yin te/ mchod pa thams cad kyi yongs su gang
- 209b
pa'i snod nam mkha' i snying po'i phyag tu bri bar bya'o/ /rdo rje nyi ma me ltar 'bar ba'i gsang ba'i dkyil 'khor yang dum bu gnyis pa las gsungs pa'i dang po'i gsang ba'i dkyil 'khor du bri bar bya'o/ /'dir khyad par ni 'di yin te/ rdo rje mtshon cha dang rtse gsum chen po dang/ lcags kyu dang zhags pa 'dzin ma rnams dang/ lhan cig tu gdan gcig la bzhugs pa'i bcom ldan 'das bri bar bya'o/ /mtshams bzhir ni mda''dzin ma la sogs pa bzhi bri bar bya'o/ /h+ri a ra li hUM zhes bcom ldan 'das kyi bsgrub par bya ba'i snying po'o/ /oM suM b+ha ni suM b+ha hUM/ gri h+Na grih+Na hUM/ grih+NA pa ya grih+NA ba ya hUM/ a na ya ho/ b+ha ga bAn badzra hUM phaT ces bya bas rdo rje 'bar ba lcags kyu chen po dang/ gar gyi tshul gyis bcom ldan 'das 'khor? dang bcas ba'i bcom ldan 'das spyan drang bar bya'o/ /'phags pa spyan ras gzigs kyi dbang phyug dang/ 'phags pa nam mkha' i snying po dag gi gsang ba'i dkyil 'khor yang snga ma bzhin kho na'o/ /bdag la byin gyis brlab pa'i sgrub pa dang/ rnal 'byor sgrub pa sngar bshad pa gzung bar bya'o/ /phyag rgya'i rgyud kyang de bzhin te/ bcom ldan 'das rdo rje nyi ma me ltar 'bar ba'i rdo rje dril bu ba dan 'dzin pa'i dam tshig gi phyag rgya gnyis gzhan no/ /de dag ni 'di yin te/ g.yas pa'i rdo rje khu tshur bcings nas lag pa g.yon pa ba ngan gsum g.yo bar bya ste/ 'di ni sna tshogs pa'i ba dan 'dzin pa'i dam tshig gi phyag rgya'o/ /g.yon pa'i rdo rje khu tshur bcings nas dril bu'i rnam par byas nas g.yas pa'i rdo rje khu tshur de'i steng du gzung bar bya ste/ 'di ni dam tshig gi phyag rgya gzhan yin no/ /'dir dang po ni rtog pa thams cad kun las btus pa'i dkyil 'khor chen po'i bshad pa'i don ston par byed pa yin no/ /gnyis pa ni gsang ba'i dkyil 'khor
- 210a
lnga po'i don ston par byed pa'o/ /de la rtog pa thams cad kun las bsdus pa dang/ po'i khyad par gang yin pa de bshad par bya ste/ de la chags pa chen po ni rdo rje snyems pa'i bdag po kho nar bshad pa yin no/ /snyems pa'i bdag po nyid de yang bshad zin to/ /thig gdab pa'i cho gas cha gsuM pa ma lus par thig dab par byas la dkyil 'khor bri bar bya'o/ /zhes bya ba 'di gsungs pa'i dngos po rgyud thams cad du yang gzung bar bya'o/ /dkyil 'khor du zhugs te nang gi rim par gnas naS// ? hUM ? ho:pra sid+d+haM maM zhes bya ba dkyil 'khor gyi bdag po la slob dpon gyis brjod par bya ba yin no zhes bya ba gang gsungs pa de gnyis pa 'dir shes par bya'o/ /gang la bsod nams ma tshang bar phyi'i yo byad kyi phun sum tshogs pa med na des thal ba bzang pos dkyil 'khor re khA gcig pa bris te ji lta ba bzhin du cho ga thams cad rjes su spyad nas cho gas 'jug pa la sogs pa byas te nyin zhag bzhi'i bar du bzlas pa dang/ bsgom pas bsgrub par byas na de'i rjes la sgrib pa thams cad spong bar 'gyur ro/ /me tog dang spos dang mar me dang dri rnam pa sna tshogs pa ni dpal rdo rje sems dpa' i rigs la'o/ /me tog dang spos dang/ mar me dang/ dri'i lha mo rnams kyang sku mdog sna tshogs pa'o/ /de bzhin gshegs pa'i ? la me tog la sogs pa phyi'i mchod pa dang/ me tog la sogs pa'i lha mo rnams kyang sku mdog dkar pa'o/ /rdo rje'i rigs la kha dog sngon po'o/ /pad+ma'i rigs la kha dog dmar po'o/ /nor bu'i rigs la kha dog ser po'o/ /lhag ma ni go sla bas bshad par mi bya'o/ /dum bu gnyis pa las gsungs pa'i rtog pa thams cad kun nas bsdus pa dang/ rtog pa thams cad kun bsdus pa gnyis pa 'dra ba yin te/ 'di bshad pa de nyid gzung bar bya'o/ /dum bu gsum pa'i
- 210b
gsang ba'i dkyil 'khor gyi cho gas rnal 'byor pa ma grub na bsgrub pa'i khyad par gyis myur du dngos grub bsgrub par byed pa'i dpal rdo rje sems dpa' i gsang ba'i dkyil 'khor dum bu gnyis pa las gsungs pa'i dkyil 'khor dang 'dra bar gsungS pa yin no/ /'dir khyad par ni 'di yin te/ rdo rje sems dpa' i rdo rje las 'di bskyod pa yin te/ rdo rje rin po'i cod pan gyis lha mo rnams la dbang bskur pa'o/ /de nyid kyis spyan drangs te mnyam pa'i thal mo dril bcas mchog /rtsa ba'i dbyangs gyis rnam sad pas/ /hUM gi glu ni bzlas pa yis/ /shin tu grub par 'gyur ba yin zhes bya bas so/ /gzhan yang khyad par 'di yin te/ g.yas dang g.yon pa'i bla dag gis/ /dril bu rab sad bzlas byas te/ rtog pa thams cad rjes sad pas/ /dpal mchog dang po sogs 'grub 'gyur zhes bya ba'o/ /de bzhin gshegs pa'i gsang ba'i dkyil 'khor yang dum bu gnyis pa'i de bzhin gshegs pa'i dkyil 'khor dang mtshungs te slar yang bshad par mi bya'o/ /rdo rje nyi ma me ltar 'bar ba'i cho ga yang dum bu gnyis pa'i dang po'i gsang ba'i dkyil 'khor dang 'dra ba'o/ /'dir khyad par ni 'di yin te/ yi ge hi yis bcom ldan 'das dgod par bya'o/ /de'i rjes la dang po'i dmar po dang/ dkar pos te mda''dzin pa'i snying pos so/ /gnyis pa ni zla pa ltar dkar pos te kha TwAM ga 'dzin ma'i snying pos so/ /gsum pa ni dka' ba dang ljang pas te/ rdo rje khyab 'jug ma'i snying pos so/ /bzhi pa ni gser bzhin du dri ma med pa ste/ rdo rje dril bu ba dan ma'i snying pos dgod par bya'o/ /rtag tu chags pa las byung khro/ /rdo rje me yi phung po'i sku/ /'bar pa'i rdo rje rnal 'byor che/ /mkha' 'gro ma rnams kun tu 'bar zhes bya'o/ /de kho na nyid kyis rdo rje gzung ba'i sngags so/ /de'i rjes la cho ga
- 211a
thams cad rjes su spyad nas/ oM suM b+ha ni suM b+ha hUM grih+Na grih+Na hUM/ grih+NA pa ya grih+NA pa ya hUM phaT/ a na ya ho b+ha ga bAna/ badzra hUM phaT ces bya ba ni/ mnyam pa dril bcas gling bu sogs/ /rnam dbyen rol mo dkrol ba yis/ /yi ge hUM bzhi'i glu nyid ni/ /zur bzhi pa ni sgrub par 'gyur zhes bya ba 'dir bzlas pa'i cho ga yin no/ /'phags pa spyan ras gzigs kyi dbang phyug gi gsang ba'i cho ga ni dum bu gnyis pa las gsungs pa kho na yin no/ /khyad par ni 'di yin te/ phyag g.yon pa la rang gi phyag mtshan pad+ma dang bcas pa'i pad+ma'i lha mo rnams so/ /'phags pa nam mkha' i snying po'i gsang ba'i mchog yang dum bu gnyis pa las gsungs pa dang 'dra ba'o/ /dpal rdo rje sems dpa' i ras ris kyi dkyil 'khor la/ gzhan yang sgrub pa'i khyad par 'di yin te/ oM sarba ta thA ga tA bA ra mi saM bo d+hi tsit+ta utwa? ta ya mi zhes bya ba la/ kun mchog dngos grub chen po yi/ dbang phyug chen po lhag pa'i bdag ces bya bas byang chub chen por sems bskyed do/ /'dir rdo rje thal mo kha sbyor gyi mchod pas slob ma thams cad gzhug pa'o/ /oM 'di ni sangs rgyas thams cad nyid/ /rdo rje 'chang gi rdo rje ste/ /rdo rje 'chang chen brtul zhugs ni/ /khyod kyis kyang ni rtag tu gzung/ /sa ma ya stwaM de bzhin gshegs pa thams cad kyi byang chub kyi mchog gi sems chen po ni 'di yin te/ 'di ma spangs par rtag tu gzung ba gsang ba 'di yin te/ dngos grub kyi phyir rdo rje brtul zhugs kyi sngags 'di yin no/ bsdus pa'i dkyil 'khor yang dum bu gnyis pa las gsungs pa'i dkyil 'khor dang 'dra bas te/ slar yang bshad par mi bya'o/ /nye ba'i snying po'i phyag rgyas 'grub par 'gyur bas de bshad par bya ba'i phyir/ a nu ra ga ya
- 211b
mi? zhes bya ba gsungs so/ /ji ltar phab pa'i ye shes rab tu bzhugs pas zhes bya ba la 'di ni dpal mchog dang po'i bcom ldan 'das rdo rje sems dpa' mchog gi de kho na nyid de/ mchog kyang yin la de kho na nyid kyang de yin pas mchog gi de kho na nyid de/ sku gsung thugs kyi rdo rje stong pa nyid do/ /de'i nges pa'i gsang ba'i shes pa ni de'i bsgom ba'i phyag rgya dang/ de ston par byed pa'i sku'o/ /'di'i ming ston par bya ba'i phyir/ bde ba chen po zhes bya ba la sogs ba gsungs te/ bde ba chen po rdo rje don yod pa'i dam tshig ni bshad zin to/ /de'i mchog kyang yin la de kho na nyid kyang de nyid yin pas mchog gi de kho na nyid sngar bshad pa'o/ /de la dmigs pa dang de ston par byed pa'i gang yin pa de ni de'i ming can no/ / de yang rnal 'byor pa rnams la rdo rje sems dpa' i byin gyis brlabs pa kho nas skye bar 'gyur ro/ /de ci'i phyir zhe na/ zhes bya ba la rgyu gang gi phyir sku gsung thugs kyi rdo rje'i nges pa'i shes pa la dmigs pa dang/ de ston par byed pa'i phyag rgya dpal rdo rje sems dpa' i byin gyis brlabs pa 'bebs pa kho nas skye bar 'gyur gyi/ rgyu gzhan gyis ma yin no zhes bya ba rnam par rtog pa 'di yod pas de bsal pa'i phyir 'di lta ste zhes bya ba la sogs pa gsungs te/ gang gi phyir bcom ldan 'das rdo rje sems dpa' i dmigs pa med pa'i thugs rje chen po'i rang bzhin gyi mchog gi phyag rgya chen po'i rang bzhin du mchog gi phyag rgya chen po la sogs pa'i bsgoms pa dang/ de gsal bar byed pa'i lha mo rtag tu nges pa'i shes pa la zhugs pas na rtag tu thugs la gnas pas te nges pa sku'i gzugs kyis rtag tu bzhugs pa'o zhes bya ba'i don to/ /de'i phyir rdo rje sems dpa' i byin gyis brlabs pa'i de kho nas de bskyed pa yin no/ /mchog
- 212a
ni dang po'i/ sku gsung thugs kyi rdo rje thams cad bshad zin te/ /de rnams skyed par byed pa'i rgyur gyur pa'i lha mo rnams ni sku gsung thugs kyi rdo rje thams cad kyis byin gyis rlob pa'i lha mo yin no/ /'das ma thag tu bshad pa de nyid kho na 'di ni las thams cad kyi tshogs thams cad thogs mar byas la/ las kyi tshogs kyi dngos grub thams cad myur du sgrub pa po rnams la ster ba yin no/ /'di'i sgrub pa bstan par bya ba'i phyir de la zhes bya ba la sogs pa gsungs te/ de la zhas bya ba'i sgra ni bag nye bar dgod pa la'o/ /'di zhes bya ba ni de ma thag par 'gyur ba'o ji lta ba bzhin du bshad bcom ldan 'das ma'i snying bo'i phyag rgya 'di nyid kyi'o/ /thams cad kyi mchog ces bya ba la sogs pa ni bshad zin to/ /bcom ldan 'das ma'i thams cad kyi mchog gi dngos grub chen po dbang phyug chen po'i bdag po la sogs pa'i dngos grub thams cad kyi las kyi tshogs gang yin pa de rnams mi 'gyur mchog go/ don yod pa ni thogs pa med pa'o/ /myur du ni mchog tu myur ba nyid do/ /mchog gi de kho na nyid ni bsgrub par bya ba thams cad rjes su chags pa'i rang bzhin can no/ /'dis sgrub par byed pas na sgrub pa ste/ de nyid cho ga rgyas pa'i khyad par ni sgrub pa'i cho ga rgyas pa'i khyad par de lta bu yin no/ /de yang rtogs thams cad kyiS gsang ba chen po'i dam tshig ni bsdus pa'i dkyil 'khor dang de sgom par byed pa ni rnal 'byor dam pas te/ gsang ba chen po'i dam tshig mchog go/ rnal 'byor pa'o/ /de'i nye ba'i snying po'i phyag rgya'i sgrub pa khyad par 'di yin te/ bsgrub par bya ba yang yin la thams cad kyang de yin pas na bsgrub bya thams cad de/ dam tshig dang/ chos dang las dang/ phyag rgya chen po'i rang bzhin rnams so/ /de rnams kyi rjes su chags pa ni phyag rgya chen po thams cad bsgom pa'o/ /ji skad
- 212b
du phyag rgya chen po bsgom bya zhing/ dngos grub thams cad bsgrub par bya zhes gsungs so/ /thams cad bsgrub par byed pa'i rjes su chags pa'i byed pa'i gyur pa de dag gis/ mi 'gyur mchog ni grub par 'gyur te/ bsdus pa'i dkyil 'khor gyi rang bzhin rdo rje 'chang chen po rdzogs par 'gyur ro/ /ni'i sgra ni nges par gzung bas te/ de dag kho nas 'grub par 'gyur ro/ /de ltar na phyag rgya thams cad kyi cho ga rgyas pa rnams su 'di dgos pa yin pas bsdus pa'i dkyil 'khor du gsungs pa las gzhan rigs lnga'i las kyi tshogs rnams su yang thams cad sgrub pa'i rjes su chags pa dgos pa yin no/ /de ci'i phyir zhes bya ba la rgyu gang gis bsgrub bya thams cad la rjes su chags pas bcom ldan 'das ma 'di 'grub bar 'gyur zhe na/ 'di lta ste zhes bya ba la sogs pa la/ gang gi phyir nges pa'i shes pa 'di dag dang/ de ston par byed pa'i sgra rnams kyis rdo rje sems dpa' la sogs pa'i phyag rgya'i rang bzhin can gyi lha rnams rab tu grub par gyur pa de'i phyir nges pa'i shes rab rnams dang/ de ston par byed pa'i sgra'i dngos po rnams byed par gyur pa sku rnams kyis rab tu grub pa yin no/ /de rnams kyi phyag rgya chen po la sogs pa bcing ba gang gis bsgrub pa yin zhe na/ sgom par rang bzhin can gyi phyag rgya'i sbyor ba rnams kyis so// rnal 'byor dam tshig sgrub pa pos zhes bya ba la dam tshig ni sgrub pas te/ dam tshig sgrub pa rnams so/ /byed par gyur pa'i dam tshig sgrub pa de dag gis rnal 'byor rnams grub par 'gyur te/ de'i phyir bcom ldan 'das ma 'di bsgrub bya thams cad rjes su chags pas 'grub par 'gyur ro/ /da ni de nyid snying po la sogs pa'i rang nyid du bstan par bya ba'i phyir/ 'di nyid snying gar gnas pa'i phyir zhes bya ba la sogs pas gsungs te/ nye ba'i snying po'i phyag rgya 'di nyid
- 213a
snying po nges pa'i shes par rtag tu 'bras bu'i tshul du gnas pa ni snying gar gnas pa'o/ /de'i dngos po ni de nyid de'i phyir snying po'o/ /dam tshig sgrub pa phyag rgya'i zhes bya ba la rdo rje sems dpa' la sogs pa'i sku rdzogs pa ni dam tshig sgrub pa ste/ dam tshig sgrub pa'i rgyu de nyid kyi phyir 'di nyid kyi phyag rgya zhes bya bar brjod pa yin no/ /ye shes sbyor bas rnal 'byor zhes bya ba la rnal 'byor dang/ rjes su rnal 'byor dang shin tu rnal 'byor dang/ thams cad rnal 'byor gyi rang bzhin gyi bdag gang yin pa de ni 'di nyid yin no/ /rgyu gang gis shes na ye shes sbyor ba shes bya ste/ phyag rgya chen po la sogs pa'i ye shes kyi rnal 'byor gyi rang bzhin gyis phyag rgya 'di nyid da yin no/ /thams cad sgrub phyir dam tshig go zhes bya ba la/ phyag rgya chen po la sogs pa sgrub pa ni thams cad sgrub pas te rdzogs pa'o/ /phyag rgya chen po la sogs pa'i dngos grub rdzogs pa'i rgyu nyid kyis dam tshig bdag yin pa de ni 'di nyid yin no/ /snying po ni ji lta ba bzhin du bshad pa'i snying po dang phyag rgya ni phyag rgya chen po la sogs pa'i phyag rgya dang/ rnal 'byor ni rnam pa bzhi dang/ dam tshig ni rdo rje sems dpa' la sogs pa skyed par byed pa'i rgyu ste/ nye ba'i snying po'i phyag rgya 'di nyid yin no/ /snying po ni ji lta ba bzhin du bshad pa'o/ /phyag rgya ni phyag rgya chen po la sogs pa'i rang bzhin no/ /rnal 'byor ni rnam pa bzhi'o/ /dam tshig ni phyag rgya chen po la sogs pa'i dngos grub kyi rgyu ste/ nye ba'i snying po'i phyag rgya 'di nyid snying po dang/ phyag rgya dang/ rnal 'byor dang/ dam tshig rdzogs par byed pas na thams cad sgrub par byed pa'o/ /snying po la sogs pa'i rang bzhin can 'di nyid sgrub pa po'i rgyud la rdzogs par byed
- 213b
pa yin no/ /'di zhes bya ba la sogs pa ni go sla'o/ /'dis ni 'di ltar 'chad par 'gyur te/ nges pa'i shes pa skyed par byed pa'i bcom ldan 'das ma'i snying po ste/ de las byung ba'i nges pa'i shes pa la sogs pa ni nye bar btags nas nye ba'i snying po zhes bya ba yin no/ /de nas de nyid lung bstan pa zhes bya ba la/ rang bzhin ston pa ni lung ston pa'o/ /'dod chags dam tshig brjod pa ste/ zhes bya ba la/ 'dod chags ni rdo rje sems dpa' ste/ de nyid de bzhin gshegs pa thams cad gyis kyang 'da' bar mi mdzad pas na dam tshig yin la/ de brjod pa ni bstan pa'o/ /chos 'dod yid kyis brnag pa'o zhes bya ba la thog ma dang tha ma med pa'i chos kyi dbyings ni chos so/ /byang chub chen po'i mtshan nyid can ni 'dod pa'o/ /chos kyang de yin la 'dod pa yang de yin pas na chos kyi 'dod pa'o/ /dmigs pa med pa'i thugs rje chen po'i rang bzhin ni yid la brnag pa ste/ gang gi phyir de bzhin gshegs pa thams cad kyi yun ring po nas don du gnyer ba'i sems can thams cad kyi don mdzad par mngon par bzhed pas nges yongs su rdzogs par 'gyur ba'i phyir ro/ /'di'i rjes su sgrub pa ni rnal 'byor rnam pa bzhi'o/ /de sgom pa'i cho ga ni rjes su chags pas te/ de brjod pa ni bsten pa yin no/ /ci'i phyir chos 'dod pa'i yid la brnag pa rjes su bsgrub pa'i cho ga rjes su chags par brjod kyi/ chos 'dod pa kho na ci'i phyir ma yin zhe na/ byang chub sems ni bcom ldan 'das/ 'dod chags chen po de yi lha zhes bya ba la/ gang gi phyir 'dod pa ni byang chub kyi sems kyi rang bzhin gyi bcom ldan 'das bdud bzhi bcom pas na bcom ldan 'das rdo rje sems dpar brjod pa yin no/ /de las byung ba'i bcom ldan 'das kyi phyag rgya chen po gang yin pa de ni lha
- 214a
yin no/ /'dis ni nges par 'byin pa'i shes rab kyi rang bzhin gyi bcom ldan 'das rjes su brjod la thabs kyi pha rol tu phyin pa'i rang bzhin can phyag rgya chen po la sogs pa'i phyag rgya nye ba'i snying po de nyid lha zhes brjod pa yin no/ /rjes su chags pa'i phyag rgya 'di las ji lta bu dang ldan pa yin zhe na/ 'di ni thams cad rjes sgrub byed ces bya ba la/ 'das ma thag tu bshad pa'i nye ba'i snying po'i phyag rgya ni sgrub par bya ba thams cad sgrub par byed pas te/ de'i phyir rjes su sgrub par byed pa 'di yin no/ /de ltar rnal 'byor rnam pa bzhi ston par byed pa'i rgyud bstan nas da ni phyi'i sbyor ba'i rgyud bstan par bya ba'i phyir/ de nas rdo rje 'chang zhes bya ba la sogs pa gsungs te/ de nas kyi sgra ni skabs su bab pa ste/ sgom pa'i sbyor ba'i rgyud gsungs pa yin no zhes bya ba'i don to/ /rdo rje zhes bya ba la sogs pa la rdo rje ni? ba li ka'o/ /rdo rje nor bu ni chu srin sen mo'o/ /dri ni pri ka'o/ /gur gum dang tsandan na ni go sla'o/ /cha mnyam pa'i rdzas de rnams kyis rdo rje rtse lnga pa byas te lag pas gzung nas/ yi ge hUM gis stong phrag brgyar mngon par sngags la/ de dang de'i tshul gyis dpal rdo rje sems dpar gsungs pa'i las brgya po rnams des bsgrub par byas na bklags pa ? gyis 'grub par 'gyur ro/ /ba li ka dang tsan dan dkar po dang/ tsandan dmar po dang/ spri ka dang/ nor bu dang/ mu tig cha mnyam pa rnams kyis sman byas la snga ma bzhin du stong phrag brgya mngon par bsngags nas nor bu 'ching bar gzung bar byas te/ 'di yang tshul de dang de las brgya bsgrub pa byas nas bklags pa tsam gyis 'grub par 'gyur ro/ /tsandan dkar po dang/ rgya spos dang/ spri ka dang/ ga bur dang/ ba li cha mnyam pa rnams kyis rdo rje'i gnas byas la/ de nyid la
- 214b
de bzhin gshegs pa'i snying po 'bum bzlas par byas la de bzhin gshegs par gsungs pa'i las brgya bsams pa'i dbang gis phye mar byas pa tsam gyis 'grub par byed pa yin no/ /ba li ka dang/ du ru ka dang tsan dan dkar po dang/ la cha dang/ bu ram cha mnyam pa dang ldan pa rnams la bcom ldan 'das rdo rje nyi ma me ltar 'bar ba'i snying po stong phrag brgya mngon par sngags pa rnams kyis spos kyi rdo rje 'chang du gsungs pa'i las brgya bsgrub par bya'o/ /rdo rje dreg dang/ sa rdza sa dang/ til rnams cha mnyam pa la gu gul bcug ste/ 'phags pa spyan ras gzigs dbang phyug gi sngags stong phrag brgya yongs su bzlas pa byas nas mar me sbar par bya ste/ mar me 'dis 'phags pa spyan ras gzigs dbang phyug tu gsungs pa'i las brgya bsgrub par bya'o/ /ba li ka dang/ tsandan dkar po dang/ gur gum dang/ ga pur cha mnyam rnams kyis spos kyi sbyor ba byas la 'phags pa nam mkha' i snying po'i snying po lan 'bum yongs su bzlas pa byas na/ des bdag nyid la yang dag par byugs la sbas brtul bar bya ste/ de ltar na 'phags ? nam mkha' i snying pos gsungs pa'i las brgya bsgrub par bya ba yin no/ /dum bu gsum pa'i bshad pa rdzogs so// //dum bu bzhi pa la yang rdo rje sems dpa' i dkyil 'khor chen po ni dun ? gsum las gsungs pa'i rdo rje sems dpa' i dkyil 'khor chen po dang thams cad 'dra ba yin no/ /'dir khyad par ni 'di yin te/ sna tshogs pa'i gos kyis g.yogs par gyur pa'i slob dpon gyis rdo rje mchod pa'i thal mo sbyor ro/ /slob ma thams cad gzhug par bya zhes bya ba'o/ /de bzhin gshegs pa dang/ rdo rje nyi ma me ltar 'bar ba dang/ 'phags pa spyan ras gzigs dbang phyug dang/ 'phags pa nam mkha' i snying po dang/ ming po gsum dang/ sring mo bzhi dang/ klu dang/ sdug bsngal las
- 215a
gdon pa'i dkyil 'khor rnams kyang dum bu gnyis pa las gsungs pa'i dkyil 'khor rnams dang 'dra ba yin no/ /'dir khyad par ni 'di yin te thig skud bdun pa'i? bar mtshams kyi phyi rol gyi mtshams rnams su med po gsum dang/ sring mo bzhi dang/ klu dang/ sdug bsngal gdon pa'i dkyil 'khor snga ma'i rjes su 'brangs nas bri bar bya'o/ /bsdus pa'i dkyil 'khor yang dum bu gnyis pa las gsungs pa'i dkyil 'khor dang 'dra ba'o/ /dpal rdo rje sems dpa' i gsang ba'i dkyil 'khor dang 'dra bas te/ 'dir khyad par ni 'di yin te/ oM nam mkha' skye ba mtsham ldan phyir/ /thog ma tha ma med pa'i mchog ces bya ba la sogs pa'i de kho na nyid kyi glus spyan drang ba dang/ lha mo rnams kyang 'dir rdo rje rin po ches dbang bskur bas mtshan pa'o/ /de bzhin gshegs pa dang/ rdo rje nyi ma me ltar 'bar ba dang 'phags pa spyan ras gzigs dbang phyug dang/ 'phags pa nam mkha' i snying po yi gsang ba'i dkyil 'khor rnams kyang dum bu gnyis po las gsungs pa'i gsang pa'i dkyil 'khor dang 'dra ba'o/ /zhes bya ba'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dpal mchog dang po'i dum bu bzhi pa'i bshad pa rdzogs so// //yang 'dir smras pa/ byang chub sems kyi phyag rgya che/ /lus can kun gyis thob pa'i phyir/ /'jig rten snang byed dge ba mi/ /dum bu dang po gsungs pa yin/ /sbyin pa'i pha rol phyin phyag rgya/ /dam tshig ces grags rtags tu dge/ bsam pa thams cad yongs rdzogs pa/ / dum bu gnyis pa gsungs pa yin/ /shes rab pha rol phyin chos kyi/ /phyag rgya kun 'gro rtag pa ste/ /lta ngan thams cad 'jigs byed pa'i/ /dag ba gsum pa gsungs pa yin/ /brtson 'grus pha rol phyin las kyi phyag rgya kun yang yang dag gnas/ /blo
- 215b
ldan rdo rje sems dpa' yi/ /bsam mi khyab pa bzhi par gsungs/ /lha yi dbang po'i gnas dang mtshungs/ /rgyal po mu rgya'i gnas kyis mdzes/ /sngags ces rin chen tshogs pa'i sa/ /sna tshogs brtse ba nyams dga' i ri/ /der gnas dpal ldan mchog dang po// shes rab pha rol phyin 'byung ba/ /bshad pa bdag gis byas pas las/ /dge ba bsags pa gang yin nges/ /sangs rgyas kun gyi kun dga' che/ /snying po khyab bdag bsam mi khyab/ /de yis 'jig rten ma lus pa/ /rdo rje 'chang chen rgyal gyur cig/ lus can kun gyis rgyal ba yi/ /ye shes thob phyir gzhung gi grangs/ /'di yi tshad du bshad pa ni/ /stong phrag nyi shu rtsa bzhi yin/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba slob dpon kun dga' snying pos mdzad pa rdzogs so// //gu ge'i yul gyi dbus/ byang chub sems dpa' i thugs dam pa'i snying po dpal dpe med lhun gyis grub pa'i gtsug lag khang du/ rgya gar gyi mkhan po chen po maN+tra ka la phan dang/ sgra bsgyur gyi lo tsa pa chen po/ bod kyi dpal lha btsan po byang chub sems dpa' i gdung rgyud la bla ma dge slong zhi ba 'od kyi zhal snga nas bsgyur zhing gtan la phab pa'o// //sngon gyi smon lam thugs rje'i dbang gis na/ /lha rigs byang chub sems dpa' i sprul pa mes steng rgyal po'i rgyal por sku 'khrungs pa/ /bla ma byang chub sems dpa' ye shes 'od/ /mnga' rigs stod 'di gdul ba'i don du byung/ /gsang sngags spyod pa'i chos lugs kun nyams dang/ /dkyil 'khor sbyin sreg cho ga chub gyur pas/ /dkyil 'khor cho ga pad+ma stong ldan te/ /de bzhin sprin sreg shag ti shug tis byed/ /gzhan yang gsang sngags sbas don nub gyur cing/ /sbyor grol dang ni tshogs la sogs pas bslang/ /'di rnams don nges brtsal phyir bkas gnyer te/
- 216a
lo tsa rin chen bzang po kha cher brdzangs/ /sh+rad+d+hya ka ra zhes bya spyan drangs nas/ /sgron gsal spyod pa bsdus pa'i sgron ma sogs/ /bsgyur cing bshad nas sngags bzlog gzhung gsal cing/ /sngon gyi mkhas pa chen po'i lugs la btsud/ /de bzhin dkyil 'khor sbyin sreg cho ga dang/ /sgom sgrub la sogs bya brag sna tshogs pa'i/ /skyon med gzhung lugs kun la 'gro kun sbyar/ /skal ldan rnams la dbang sogs rim bzhin gsal/ /deng sang bar du sngags kyi gzhung dar ba/ /lo co skyes mchog de yi drin yin grang/ /sh+rad+d+ha ka ra zhes bya'i mkhas pa dang/ /rin chen sgron 'dra rin chen bzang po yis/ /rnal 'byor rgyud don tshul bzhin bshad mod kyi/ /de yi gdams ngag nub par gyur pas na/ /rnal 'byor rgyud kyi ji bzhin don ma rtogs/ /yang dag don la nor pa'i dri mas slad/ /'khrul ba de dag bsal bar bya ba'i phyir/ rgyal sa'i dam pa gu ge'i yul dbus kyi/ /thugs dam sa yi snying po tho ling du/ /bla ma zhi ba 'od kyi zham ring la/ /rig pa'i 'byung gnas grong khyer dpe med kyi/ /rje rigs mchog gi nang du sku 'khrungs pa/ /thos pa med? zhing mkhyen par ldan pa yi/ mkhas pa mchog gyur sngags kyi bum pa la/ /gsol ba btab nas bdag gis bsgyur ba las/ /sgra don tha snyad la mkhas byung gyur na/ /tshig don brtags nas bcos par gyis/ /sgra yi bstan bcos mdza' dag ma bslabs shing/ /bod kyi tha snyad kun ma byang bas/ /rgya gar skad tsam nyi che shes gyur kyang/ nga rgyal 'ba' zhig tsam kyis bcos mi bya/ /don 'di rnam par phye ba'i bsod nams kyis/ /'khor ba'i khongs chung 'gro ba rigs lnga dang/ /rnal 'byor lnga bsgoms lam lnga mthar phyin nas/ /ye shes lnga rdzogs rigs lnga'i sku thob shog/ //rgyud kyi rgyal po chen po sgyu 'phrul dra ba'i rgya cher bshad ba slob dpon chen po kun dga' snying pos mdzad pa bzhugs so// rgya gar skad du/ mA yA dzA la ma hA ta ? rA dza Ti
- 216b
kA ? pod skad du/ rgyud kyi rgyal po chen po sgyu 'phrul dra ba'i rgya cher bshad pa/ bcom ldan 'das dag gi dbang phyug la phyag 'tshal lo/ /rdzogs pa'i sangs rgyas lnga rnams dang/ /legs sbyangs rig pa brgyad pa ni/ /yum gyur lha mo bzhi po dang/ /stobs chen khro bo bcu po dang/ /stong du bzhis mtshang pa'i stong/ /byang chub sems rnams phyag 'tshal te/ /rgyud bzang snying po sbas pa yi/ /bdag gis 'grel pa gsal bar bya/ /'di skad bdag gis thos pa zhes bya ba la sogs pa 'di'i brjod bya ni gang yin/ 'grel pa ni gang yin dgos pa ni ci zhig yod/ dgos pa yi yang dgos pa ni ci zhig yod ce na/ de brjod par bya ste/ de la brjod par bya ba ni/ bcom ldan 'das sgyu 'phrul dra ba ste dngos po thams cad kyi ngo bo nyid du sprul pas rnam par snang mdzad rdo rje'i de bzhin gshegs pa ni brjod par bya ba yin la/ de ston par byed pa'i rgyud la yang de skad ces bya ste skyes pa'i rabs la sogs pa bzhin no/ /'di dag ni brjod pa dod brjod par bya ba'i mtshan nyid dam/ thabs dang thabs las byung ba'i mtshan nyid dang ldan pa ni 'brel/ pa'o/ /gdul bya rnams dkon mchog gsum la skyabs su btang ba la sogs pa sngon du 'gro bas dkyil 'khor du 'jug pa la sogs par rjes su gnang bas mngon par 'dod pa bskyed pa ni dgos pa'o/ /mngon par 'dod pa yang dag par skyes pa rnams dkyil 'khor du 'jug pa la sogs pa'i rim? gyis rnam pa thams cad du kun tu bzang po'i ye shes thob pa ni de'i dgos pa'i yang dgos pa yin no/ /rgyud 'dir rgyud kyi bdag po ni dpal rnam par snang mdzad de'i yon tan ston pa'i gleng gzhi ting nge 'dzin gsum ston par byed pa ni bcom ldan 'das zhes bya ba nas brtsams te/ rgyud ston pa'i ting nge 'dzin ston pa mthar thug pa yin no/ /de nas brtsams te bcom ldan 'das kyis de skad ces bka' stsal pa dang/ zhes bya ba'i
- 217a
mthar thug pa ni rgyud yin no/ /de sdud par byed pa ni lung lo can gyi pho brang na gnas pas sa bcu'i dbang phyug rdo rje 'chang gis rang gi dkyil 'khor na gnas pa kun tu bzang po la sogs byang chub sems dpa' i tshogs rnams la 'di skad ces bya ba la sogs pa smras pa yin te/ de la 'di skad ces bya ba 'dis ni bdag nyid kyi thos pa'i shes pas mngon du gzung pa ste/ rgyud kyi don nges par gzung bas na rgyud kyi don phyin ci ma log pa nyid du smras pa yin te 'di ni 'di skad ces pa'o/ /bdag gi zhes bya ba ni bdag nyid khas len pa'i tshig gis na mngon sum du thos pa'o/ /thos pa zhes bya ba 'di ni bdag nyid kyi khong du chud pa ni med pa'o/ /gang gi tshe gang las gang du 'khor ci 'dra ba dang ci zhig thos zhes 'dri ba las/ ci rigs par lan 'debs pa'i phyir smras pa ni dus gcig na zhes bya ba ni lan cig gi dus na zhes bya ba'i don te/ dus gcig ma 'di thos kyi gzhan gyi tshe na ni gzhan dag go zhes pa ste 'dis ni sdud par byed pa bdag nyid thos pa mang bar ston pa yin no/ /yang na dum cig na zhes bya ba skad cig ma gcig la zhes bya ba'i don de rnam par thar pa'i sgo bsam gyis khyab la la dbang thob bas bdag gis thos par bya ba gang ci yang rung ba de thams cad skad cig ma gcig la thob pa de yang brjid pa med do zhes pa ste 'dis ni bdag nyid tshang ma'i skyes bu yin par bstan to/ /bcom ldan 'das zhes bya ba ni bdud bzhi bcom pa 'am/ dbang phyug la sogs pa dang ldan pas na bcom ldan 'das ni rnam par snang mdzad de de bzhugs so zhes bya bar sbyar ro/ /de ni 'di skad ston pa yin te/ gang gi tshe bcom ldan 'das gnas gtsang ma'i steng khang pa brtsegs pa'i gzhal yas khang byang chub sems dpa' chen po la sogs pa'i 'khor rnams kyis bskor te bzhugs
- 217b
pa de'i tshe bcom ldan 'das las gnas de nyid du 'khor de rnams dang lhan cig tu bdag gis rgyud 'di dus gcig na thos shes pa'o/ /gnas gtsang ma'i steng na zhes bya ba zhes la sogs pa la shes rab kyi pha rol tu phyin pa rnam par dag pa thugs su chud pas sangs rgyas bcom ldan 'das ni gtsang ma ste de rnams kyi bzhugs gnas yin pas gnas so/ /de bas na gnas thams cad de las mchog tu gyur pas na steng na ste gtso bor gyur pa'o/ /de yang yi ge bruM? las nges par 'byung ba rang gi dam tshig la kun tu chags pa'i rdo rje dbyings kyi dbang phyug ma yongs su gyur pa rin po che sna bzhi'i rang bzhin gyi mchod rten no/ /de la khang pa brtsegs ma zur bzhi la sogs pa dang ldan pa ni de nyid kyi khyad par yin no/ /rin po che sna tshogs pa zhes bya ba ni pad+ma rA ga la sogs pa'i rin po che sna tshogs pa'o/ /bkod pa ni de rnams kyi tshogs te rigs pa'i khyad par dang bzhugs pa de la de skad ces bya'o/ /de bas na de nyid du'o/ /'di ni rgyud phyi ma yin pas nges par gsang ba 'dus pa las shes par bya ste de las 'di nyid gsungs pa ni/ de nas de bzhin gshegs pa mi bskyod pas de bzhin gshegs pa thams cad kyi btsun mo'i b+ha ga la dam tshig chen po dkyil 'khor gru bzhir byin gyis brlab pa ni zhes bya ba la sogs pa'o/ /gzhal yas khang gi khyad par 'di yang nam mkha' i khams thams cad pa gzhan 'phrul? dbang byed na dbang sgyur gyi lha rnams gnas na yod pa yin par shes par bya ste/ 'dod chags la spyod pa'i sems can rnams rjes su gzung bar bya ba'i phyir ston par mdzad pa yin pa'i phyir ro/ /de bas na de nyid ni gnas gtsang ma'i lha'i gnas kyi steng ni ma yin no/ /gzhan yang gzhal yas khang de nyid kyi khyad par bstan pa ni/ shin tu rnam par phye ba zhes bya ba la sogs pa yin te shin tu rnam par mdzes pa yang
- 218a
yin zhing rnam par bye ba ste gcig la gcig ma 'dres pa yang yin la/ de yang rdo rje'i rang bzhin gyi ka ba ste/ ka ba brgyad kyi tshul du des nye bar mdzes pa ni brgyan pa ste der zhes snga ma dang sbyar ro/ /gzhal med khang chen po'i mchog gi bkod pa zhes bya ba ni phyogs brgyad du bskor ba gang yin pa de la de skad ces bya'o/ /rdo rje dril bu sgra sgrags pa ni chos rnams kyi de kho na nyid ji lta ba bzhin du ston pa'i sgra dang bcas par yang dag par byung ba gang yin pa de la de skad ces bya'o/ /yid las byung ba'i mchod pa'i khyad par chen pos shes par bya ba ni sangs rgyas la sogs pa'i sprul pa rnams kyis te des brgyan pa ni spud pa'o/ /'khor lo ni 'og nas bshad pa'i mtshan nyid dang ldan pa'i dkyil 'khor ro// rdo rje ni mi phyed pa'o/ /spras pa ni de'i don du spras par byas pa de ru ste nye bar mtshon pa 'dis na de bzhin du sgo dang sgo khyad dang mtshams rnams su yang rdo rje la sogs pas spras shing brgyan pa'o/ /cha byad sna tshogs 'chad pa ni sangs rgyas thams cad kyi sku ston pas sam/ rigs lnga'i sangs rgyas cod pan la bkod pas rdo rje sems dpa' la sogs pa gang yin pa de la de skad ces bya ste de rnams kyis brgyan pa zhes bya bar snga ma dang sbyar ro/ /de bzhin gshegs pa ni chos kyi sku'i ngo bo ste bcom ldan 'das rnam par snang mdzad chen po'o/ /de'i sprul pa ni longs spyod rdzogs pa'i sku 'chang ba rnam par snang mdzad rdo rje'i de bzhin gshegs pa ste bdag po de las nges par 'byung ba'i phyir ro/ /des gang du gdul bya rnams kyi don bya ba byas shing bskyod? pa gang yin pa de la de skad ces bya'o/ /yang na de bzhin gshegs pa ni longs spyod rdzogs pa'i sku rnam par snang mdzad 'og min na bzhugs pa'o/ /de'i sprul pa ni de las gzhan pa'i rnam par snang mdzad rdo rje'i de bzhin gshegs
- 218b
pa ste des zhes bya ba la sogs pa ni snga ma bzhin no/ /de bas na gnas las g.yo ba mi mnga' o/ /zhes gsungs pa yin no/ /rnam par snang mdzad ni sku rdo rje'o/ /de'i snying po ni skye gnas so/ /yang dag par byung ba ni skye gnas/ /yang dag par byung ba ni bla na med pa'i ye shes thugS su chud pa gang yin pa de la de skad ces bya'o/ /sna tshogs pa ni don yod grub pa'o/ /rdo rje ni mi bskyod pa'i rin po che ni rin chen 'byung ldan no/ /'od dpag med tshe dpag med pa'o/ /de yang 'dir spyod pas bskyod nas zhes bya ba ni ji skad du bshad pa'i spyod pa spyad pa de smon lam gyi grogs dang bcas pas bskyod pa ni gdul bya rnams kyi spyod yul la 'jug pa zag pa med pa'o/ /'di skad ston pa yin te 'og min zhes bya ba'i gzhal yas khang ni de bzhin gshegs pa rnams kyi nyid kyi bzhugs gnas yin pa las gzhan du bzhugs pa ni gdul bya'i 'gro ba rnams kyi ngor mdzad pa yin no zhes bya'o/ /sgo bzhi'i go skabs las byung ba zhes bya ba ni stong pa nyid ces bya ba la sogs pa'i rnam par thar pa'i sgo bzhi'o/ /de nyid 'jug par dka' pas ni go skabs dang 'drangs na go skabs te de'i bdag nyid kyi dkyil 'khor gyi de kho na nyid kyang gdong bzhi pa lto ba 'phyang ba phyag rgya gnyis byang chub mchog gi phyag rgya can/ yang g.yas na 'khor lo bsnams pa/ g.yon dril bu da kur bstan pas 'dzin pa la yang nye bar gdags pas de skad ces bya'o/ /de las byung ba de las 'thon pa ste de'i gzugs su yongs su gyur pas de yang sgo bzhi go skabs ni byung ba yin pas na de skad ces bshad de khang pa brtsegs pa der zhes de bzhin du sbyar bar bya'o// bcom ldan 'das de'i phyag rgya khyad par ji lta bu zhig yin zhe na/ de'i phyir byang chub sems dpa' chen po zhes bya ba la sogs pa gsungs te/ byang chub sems dpa' chen po'i tshogs ni byams pa la sogs pa'i tshogs so/ /rigs pa'i lha mo
- 219a
rnams ni spyan la sogs pa ste de rnams kyis brgyan pa ni 'khor du gyur pa nyid gnas pas so/ /khro bo'i rgyal po ni gshin rje gshed la sogs pa ste khro bo de'i dam tshig gi phyag rgya rnams kyang yod par shes par bya'o// bran po ni gzhan gyi mi thub pa la sogs pa'i khro po'o/ /bran mo ni de'i dam tshig gi phyag rgya'o/ /pho nya ni rta mgrin la sogs pa'i khro bo pho nya mo ni de dam tshig gi phyag rgya'o/ /phyag brnyan ni bdud rtsi 'khyil ba la sogs pa'i khro'o/ /phyag brnyan ma ni de'i dam tshig gi phyag rgya'o/ /bskor ba zhes bya ba ni dkyil 'khor du byas pa'o/ /mdun gyi bltas pa zhes bya ba ni thams cad kyi 'di'i spyan sngar btung ba byas pa ste/ de la mngon du phyogs pas gnas pa'o/ /'dis ni 'jig rten las 'das pa'i 'khor phun sum tshogs pa bstan pa yin no/ /bde ba'i ting nge 'dzin ni bde ba chen po'i ting nge 'dzin te nges de'i rang bzhin du byas pa ni gang gis bde ba chen po'i ngo bo nyid kyi bdag nyid du byas pa gang yin pa de la de skad ces bya ste/ de nyid kyis na ye shes de la dmigs pa yin te rnam pa thams cad du kun tu bzang po'i ye shes thob pa'o/ /des na ma bral ba ste rtag tu yang dag par ldan pa'o/ /thugs rje chen po ni dmigs pa med pa'o/ /sems can rnams la mnyes gshin pa ni byams pa'i spyod pas de rnams kyi don mdzad par dgongs pa bsgrub pa'o/ /de yang 'di ni thugs rje chen pos mnyes gshin pa yin pas de skad ces bya'o/ /de bas na 'di ni sems can bsgral ba la mngon par brtson par mdzad par zhes bya ba ste bdag la sogs par mngon par zhen par lhung ba'i sems can rnams bsgral ba'i phyir/ chos bdag med pa la sogs pa ston par mdzad pa la mngon par brtson zhing rab tu 'bad pa'i khyad par dang ldan pa gang yin pa de la de skad
- 219b
ces bya'o/ /lha dang klu dang zhes bya ba la sogs pas ni 'jig rten pa'i 'khor phun sum tshogs pa ston pa yin te/ lha la sogs pa brgyad kyi dkyil 'khor ji lta ba bzhin du rang gi snying pos dkyil 'khor gyi phyi rol tu rang gi phyogs su bsam par bya'o zhes bya ba ni man ngag go/ bzhugs so zhes bya ba ni rdzu 'phrul la sogs pa rnams kyis gdul bya rnams kyi yid 'phrog par byed par mdzad nas bzhugs pa'o/ /de nas zhes bya ba ni gnas skabs so/ /phyag na rdo rje zhes bya ba la sogs pa la rdo rje sems dpa' la gzigs pa mdzad nas 'dzum pa mdzad par gyur pa'o/ /de la gzigs par mdzad pa ni phyag na rdo rje ni sras kyi thu bo yin pa'i phyir ro/ /slob dpon dang slob ma'i yul la yang 'dri ba'i rim pa 'di nyid yin pa'i phyir 'dir 'dzum par mdzad pa ni dgongs pa dang bcas pa de gzigs pa ni de'i rang bzhin shes par bya ba'i phyir ro/ /des ni zhes bya ba ni gang gis na/ bcom ldan 'das bzhad par mdzad pa dang gzigs par mdzad pa'i rgyu des ni ngo mtshar gyi chos su gyur pa mdzad snyam du shes nas bcom ldan 'das ngo mtshar du gyur lags te rmad du byung bar gyur to zhes bya ba'i don to/ /de'i slad du de bka' stsal du gsol zhes bya ba ste rnam pa gang gis sems can rnams la phan pa dang rjes su mthun pas bzhad par gang ston par mdzad pa de bzhin du de nyid kyi rnam pas de'i dgongs pa bcom ldan 'das kyis bka' stsal du gsol zhes bya'o/ /seng ge chen po'i sgra'i sgra bsgrags pas shes pa ni seng ge chen po'i sgra nyid kyis sgra sgrogs shing skad 'byin pa'i ngang tshul gang la yod pa de la de skad ces bya ste/ de lta bu'i 'jigs pa med cing thogs pa med pa'i gsung des zhes bya ba'i bar gyis so/ /de nas zhes bya ba la sogs pa ni de nas de ma thag tu bcom ldan 'das kyis 'di skad ces bka' stsal to zhes nye bar mtshon pa'i tshig gi 'og ma dang
- 220a
sbyar ro/ /rgyud kyi rgyal po chen po ni khyad par du gyur pa ste de bstan par bya'o zhes bya bar sbyar ro/ /ye shes chen po ni thams cad mkhyen pa'i ye shes so/ /rnam par bsgyings pa'i rnam par rol pa ste sngon gyi smon lam gyi shugs kyi stobs kyis gang du dkyil 'khor sprul pa la sogs pa de la de skad ces bya'o/ /de yang 'di sgyu 'phrul dra ba zhes kyang 'di nyid la bya'o/ /rgyud thams cad ni 'phags pa de kho na nyid bsdus pa la sogs pa rtsa ba'i rgyud rnams so/ /de'i phyi ma ni dam tshig chen po'i de kho na nyid la sogs pa'i rgyud do/ /de las kyang rgyud kyi rgyal po 'di phyi ma yin pas de skad ces bya'o/ /thabs bde zhes bya ba ni 'di las shes rab dang thabs bde ba nyid kyi thabs kyis mngon par 'dod pa'i don myur du thob pa nyid ston pas so/ /de bas na 'di nyid ni sgrub pa'o/ /rdo rje ye shes rol pas zhes bya ba la sogs pa la rol pa zhes bya ba ni sgeg pa'i gzugs so/ /des rol cing mnyes par byed pa ste de nyid kyi thabs gang la yod pa de la de skad ces bya'o/ /de kho na nyid thams cad ni 'og nas bshad pa'i de kho na nyid bcu ste de rnams kyi 'byung gnas yin pas de kho na nyid thams cad kyi 'byung gnas so/ /ci zhig mdzad nas rgyud kyi rgyal po ston par mdzad ce na/ stang stabs zhes bya ba la sogs pa gsungs te stang stabs ni yan lag gi rnam par 'gyur ba tsham dam la sogs par rnam par bzhag pa'i mtshan nyid can te des bdud bzhi las rnam par rgyal ba gang yin pa de la de skad ces bya'o/ /thabs dang shes rab dag ni dam tshig dang phyag rgya chen po'i bdag nyid du bskyed pa ste de'i bdag nyid kyi bde ba chen po'i rdo rje sems dpa' la sogs pa ste de la de skad ces bya'o/ /yang na 'dir thabs dang shes rab bde ba chen po'i rdo rje zhes de skad ces bshad de des bsgral ba ni ngan song gsum la sogs par lhung ba'i 'gro ba
- 220b
rnams kyi don mdzad pa ste de'i don du rol pas bshad pa rang bzhin gang yin pa'o/ /de'i rnam par bsgyings pa ni rnam par rol pa ting nge 'dzin gang gis yid la byed pa'i don 'di nyid kyi rjes su 'gro ba'i ming gang la yod pa de la de skad ces bya'o/ /de la snyoms par zhugs pa ni thugs la mngon par mdzad pa ste/ sgyu 'phrul dra ba'i rgyud ston pa'i rnam pa la thugs rtse gcig tu mdzad ces bya ba'i don to/ /sgyu 'phrul dra ba'i rgyud kyi rgyal po chen po'i dam tshig dang zhes bya ba la sogs pas ni rgyud kyi bsdus pa'i don gsungs pa yin no/ /de dag nyid ston pa'i rgyud pas bshad par byas zhes bya ba la sogs pa ste/ de ni 'di skad du bshad pa'i ting nge 'dzin la snyoms par zhugs nas/ rgyud kyi rgyal po sgyu 'phrul dra ba'i de'i dkyil 'khor la sogs pa bshad par bya'o zhes pa'o/ /de bas na ting nge 'dzin mchog de la snyoms par zhugs la zhes bya ba ni shin tu mnyam par bzhag par gyis la rgyud kyi rgyal po nyon cig ces de skad du gsungs so zhes nye bar sbyang te thams cad du yang dam pa'i chos nyan pa'i tshul 'di nyid yin no/ /'di skad ston pa yin te ji ltar 'og min du yang dag par rdzogs pa'i sangs rgyas mi bskyod pa la sogs pas yongs su bskor te ji skad du bshad pa'i gnas skabs su babs pa 'di ni dang po'i sbyor ba zhes bya ba ste ting nge 'dzin dang po'o/ /ye shes kyi lha'i 'khor gyis bskor ba ni dkyil 'khor gyi mchog ces bya ba'i ting nge 'dzin gnyis pa'o/ /las kyi mchog ces bya ba ni ting nge 'dzin gsum pa'o/ /rnam par smin pa las byung ba'i byams pa la sogs pa bstan na ni rgyud gzhan dag dang rjes su mthun par shes par bya'o/ /de ltar 'jug pas gzugs la sogs pa med pa la spyod pa rnams kyi don mdzad nas ji skad du gsungs pa'i gnas su ting nge 'dzin gyis dkyil 'khor der mngon sum du 'jug pa la sogs pa skal pa
- 221a
dang ldan pa'i 'dod pa la spyod pa rnams kyang 'jug pa la sogs par bya ba'i phyir bskyed cing de bzhin gshegs pa la sogs pa mthong ba'i skal pa dang ldan pa'i sems can rnams kyi don mdzad pa'i phyir rgyud gsungs pa yin no zhes bya ba'i ni spyi'i don yin te/ de dag thams cad kyang gleng slong bar byed pa rgyud kyi sdud pa pos rang bzo spang bar bya ba'i phyir bshad pa yin la gdul bya rnams kyis kyang rtag tu gus pas mnyan pa dang bsam pa la sogs pa bya'o zhes bstan pa yin no/ /de la re zhig ces bya ba ni de'i 'og tu slob dpon dang ldan na 'grub par 'gyur gyi de dang bral bas bsgrubs pa ni dngos grub tu mi 'gyur ro zhes pa'o/ /dang por zhes bya ba ni slob dpon gyi yon tan bshad pa brjod dgos te/ 'di ltar dkyil 'khor la sogs pa la gang yon tan dang ldan pa'i slob dpon la bsnyen bkur byas nas dkyil 'khor bris te gsang sngags yongs su gzung bar byas nas/ ting nge 'dzin dang ye shes kyi man ngag la sogs pa yang mnos te/ sgrub pa pos dngos grub bsgrub par bya ba yin pas na tshul 'dis ni le'u yi go rim kyang bstan to/ /ye shes snying po khyod nyon cig ces bya ba ni phyag na rdo rje la bos pa ste/ nges gsol ba btab pa'i phyir ro/ /brtan zhing bya ba ni lus bsdams? pa'o/ /dul ba zhes bya ba ni dag bsdams pa'o/ /blo gros ldan zhes bya ba la sogs pa ni yid bsdams pa'o/ //gsang sngags rgyud kyi sbyor ba shes zhes bya ba ni sngags dang sman ngag gis bgegs byung ba? bzlog par nus pa'o/ /de nyid bcu ni yongs shes shing zhes bya ba ni 'og nas 'byung ba'i de kho na nyid bcu shes pa'o/ /theg pa che la rtag dga' ba zhes bya ba ni/ theg pa zhes bya ba'i sgra ni rigs pa'i tshul gyis bsgrub pa ste/ byang chub sems
- 221b
dpa' i lan 'bras bu dang bcas pa ni theg pa chen po'o/ /de la dga' ba ni mngon par zhugs pa'o/ /nyan thos rnams kyi lam 'gro dang zhes bya ba ni nyan thos kyi theg pa'i lam gyis 'gro ba ste thabs dang bral ba zhes bya ba'i don to/ /theg pa chen po mi shes dang zhes bya ba ni sngags kyi tshul gyi mtshan nyid yang dag par mi shes pa'o/ /khyad par ji lta bu zhe na/ gsang ba de nyid bsdus pa'i zhes bya ba gsungs te/ don gyi sgrar ni gsang ba shes par bya ste de rnams gang du bsdus pa de la de skad ces bya'o/ /bstan bcos rnams la smos pa min zhes bya ba ni sngags kyi tshul gyi mtshan nyid rnam par 'tshe ba'o/ /gong du bstan pa'i zhes bya ba la sogs pa ni bstan pa nyid la sogs pa dang ldan pa'i mtshan nyid? ldan pa'i slob dpon sgrub pa pos gzung zhing mnyes par bya ba 'os pa yin no/ /bla ma sangs rgyas kun dang mnyam zhes bya ba la sogs pa ni slob dpon la nan tan du bya ba gsungs to/ de bzhin gshegs pa la sogs pa la rigs rnam pa lnga la yang rang gi rigs kyi bdag po bzhin du blta bar bya'o zhes pa ste sangs rgyas kun dang mnyam zhes bya ba la sogs pa tshig? rkang pa lnga ni bshad pa'o/ /skyon rnams kyis ni dngos nyams zhes bya ba ni gang gi phyir skyon gzung ba ni dngos grub nyams par 'gyur ro zhes bya ba'i don to/ /rmi lam du zhes bya ba la sogs pa 'di ni slob dpon la smos pa shin tu yang kha na mA? tho ba che bar bstan te dam pa'i bdag nyid ni brnyas par byed pa dang/ gdug pa'i bsam pa can dag go /dad pas zhes bya ba ni gus pa dang ldan pa rnams kyis so/ /sngags kyi tshul slob dpon dang slob ma'i 'brel pas 'jug pas ni 'jug pa ste ston pa'i gzhung gi le'u yang 'jug pa'i rim pas phye ba'i sgar brjod do// //le'u dang po'i 'grel pa'o// //slob ma dang slob dpon 'brel par gyur
- 222a
na ni dkyil 'khor du 'jug par bya dgos te de bas na de nas zhes bya ba la sogs pa gnyis pa dkyil 'khor gyis le'u gsungs so/ /de nas zhes bya ba ni de ma thag tu ste/ bcom ldan 'das kyis rdo rje 'chang la bka' stsal pa zhes bya bar sbyor ro ci zhig mdzad nas shes na sgyu 'phrul chen po zhes bya ba la sogs pa gsungs te sgyu 'phrul chen po'i ye shes ni lha rnams sprul pa'i ye shes so/ /de'i rnam par bsgyings pa ni rnam par 'phrul pa'o/ /gsang ba ni dam tshig gi phyag rgya'i tshul te de dang lhan cig byin gyis brlabs shing bskyed pa'i dkyil 'khor gang yin pa de la de skad ces bya ste/ ji skad du b+ha ga la ni ling+ga gzhag/ yang dang yang du sngags bzlas shing/ /dkyil 'khor dkyil 'khor 'dra par ni/ rnal 'byor pa yis rtag tu spro zhes gsungs pas so/ /de kho na nyid kyi gsang ba ste byin gyis brlabs pas de la de skad ces bya'o/ /de nyid kyi mchog gi rdo rje ste ye shes dam pa'i gzugs can no/ /de la dmigs pas na ming de skad ces bya ba'i ting 'dzin gang yin pa de la snyoms par zhugs pa ni mngon sum du mdzad pa ste/ bcom ldan 'das dkyil 'khor 'dri ba ston pa'i rnam pa la thugs rtse gcig tu mdzad ces bya ba'i don to/ /'dis ni mtshan ma thob nas dkyil 'khor bri bar bya'o/ /zhes ston pa yin no/ /gong ma yi yang gong ma zhes bya ba ni mchog tu gtso bor gyur pa'o/ /ye shes chen po'i snying po 'bar ba rdo rje'i snying po'i 'byung gnas zhes bya ba ni de bzhin gshegs pa'i ye shes 'bar bas snying por byas pa de la de skad ces bya'o/ /de bas na 'di nyid ni bgegs med pa'i phyir rdo rje'i snying po zhes bya'o/ /de bzhin gshegs pa'i sangs rgyas kyi zhing du/ sangs rgyas nyid kyi grangs su 'gro bar 'gyur ba zhes bya ba ni sangs rgyas kyi zhing 'dir sangs rgyas
- 222b
nyid du rgyu 'di nyid kyis grangs su 'gro bar 'gyur ro zhes bya ba'i don te rigs des pa nyid du 'gyur ba'i phyir ro/ /rdo rje rtse mo'i rgyud las de skad du/ sa rnams thob kyang rgyal ba'i gzhi/ /yid rton par ni 'gyur min te/ /ji srid sa brgyad la gnas par/ /theg dman 'jigs ba de la yod/ /gsang ba'i 'khor lo chen po 'dir/ /rgyal ba'i sras po rab gnas na/ /theg pa chen po la gzhal bas/ /yid rton par ni 'gyur ba yin zhes gsungs pa yin no/ /lha nyid kyi stang stabs su 'dug la zhes bya ba la lha rnams kyi stang stangs su yan? lag rnam par bzhag la rnal 'byor chen pos gnas pa gang yin pa de la de skad ces bya'o/ /rdo rje'i 'gros kyis yongs su bskor bar bya'o zhes bya ba ni rkang pa'i 'og tu a bkod pa las byung ba'i sna tshogs rdo rje bsams la de'i tshul du byed cing yongs su bskor bar bya'o/ /khro bo'i nga rgyal hUM sgrogs shing zhes bya ba ni khro bo rdo rje hUM mdzad kyi sbyor ba byas nas yi ge hUM brjod pa gang yin pa de la skad ces bya'o/ /rdzogs pa'i byang chub rdzogs par byang ba dang zhes bya ba ni rnyed pa don du gnyer bas dkyil 'khor 'dri ba bkag pa'o/ /dnges? shig ces bya ba ni song zhig pa'o/ /g.yas pa brkyang ba dang zhes bya ba la sogs pa la gang yang gshol dbyibs lta bur ni/ /g.yas kyi brla dang pus mo bsang/ /g.yon pa'i byin pa brlar? sbyar? te/ /thad kar 'jog par byed pa dag/ rgya ru mtho lngar byas pa ni /g.yas brkyang bar ni rab tu grags/ /de nyid kho na bzlog pa ni/ /g.yon brkyang bar ni shes par bya/ /rkang pa'i sor mo phyir bstan cing/ /pus mo'i lha nga gnyis brkyang pa/ /rgyar ni nyi shu rtsa drug sor/ /sa ga'i 'dug stangs yin bar brjod/ /gang du pus mo gnyis 'jog pa'i/ /nang du lag gnyis bcug nas ni/ /ngang po'i gshog pa ltar byas la/ /zlum po'i 'dug stangs yin par grags/ /? ?
- 223a
dang ni rting pa dag/ shin tu sbyar bas gcer ba dag /brtan pa mthun pa'i rkang thabs su/ /de nyid shes pa rnams kyis bshad/ /rus spal gyi rkang thabs ni rdo rje khu tshur gnyis bcings la mthe'u chung gnyis lcags sgrog gi rnam pa ltar bcings te mdzub mo gnyis rtser sbyar nas bzlog ste kha'i mdun du bzhag la rkang pa gnyis rus spal gyi tshul du sa la 'jog pa'o/ /la la dag ni rus sbal gyi rkang stabs nas 'og nas bshad pa lta bu'o zhes zer ro/ /rdo rje brdeg pa ni g.yas brkyang ba 'am g.yon brkyang ba dag gang yang rung bas gnas la rdo rje brdeg pa nas bsam gtan gyi tshul gyi mthar thug pa'i bar bcing bar bya'o/ /la la dag ni g.yon dkur bsten la g.yas kyis snying gar rdo rje gtod de 'jog pa ni rdo rje brdeg pa'o zhes zer ro/ /rdo rje'i 'ju tshul ni snying ga'i mdun du 'gying ba dang bcas pas rdo rje kun tu bskor ba'o/ /rkang pa ya gcig gis stang stabs ni rdo rje hUM mdzad kyi phyag rgya chen po dang ldan pas rkang pa g.yas pa bteg ste/ brla g.yon pa la gzhag nas rkang pa gcig gis yongs su bskor ba'o/ /dpung ba'i 'phur stabs na lag pa gnyis kyis gar byas nas pad+ma'i thal mo bcings la sor mo thams cad mthe bo nas rim bzhin dkrol bas phyogs thams cad du rdo rje thal mos byas pas yongs su bskor ba'o/ /la la dag ni lag pa g.yas dang g.yon gnyis kyis rang rang gi rkang pa'i mthe bo bzung ba sngon du 'gro bas rim bzhin du lus g.yas pa dang g.yon kun tu bskor ba'o zhes zer ro/ /seng ge stang stabs ni rang gi kha 'og tu bltas te gdangs la lag pa g.yon pa'i mkhrig ma'i steng du lag pa g.yas pa de bzhin du sbyar ba'o/ /seng ge glal ba ni thams cad ma lus par lta ba sngon du 'gro ba las de nyid lce 'gul ba dang bcas pa'o/
- 223b
rdo rje sgrog ni rang gi snying gar rdo rje bcing ba ste/ rdo rje khu tshur gnyis bsdams la/ /mdzub mo bkug ste bcings nas su/ /bskor ba'i tshul du byas pa ni/ /lha rnams dgug pa'i dam pa'i zhes bshad pa'o/ /rdo rje gsor ba ni rdo rje gsong ba'i phyag rgya bcings nas rdo rje gsor ba ste/ lag pa rdo rje'i 'og tu bskor la steng du sgeg pa dang bcas par gsor pa zhes bya ba'i don to/ /rdo rje'i stang stabs ni 'og nas bshad pa'i rdo rje rtsa lnga pa 'phen pa'o/ /la lan re g.yon pa rdo rje khu tshur las mdzub mo bsgreng ba sdigs mdzub du byas nas g.yas pa'i rdo rje khu tshur gyis rdo rje bzung la bsnun pa'i tshul byas pa yin par 'dod do/ /rdo rje gar ni rdo rje'i khu tshur gnyis kyis ji lta ba bzhin du mang du bar byed pa'o/ /rdo rje 'jigs su rung ba'i ni 'og nas bshad pa'i rdo rje gnod sbyin gyi phyag rgyas kha gdangs la srin lag sbyar nas mkhur ba mig gi tshul gyis 'jigs pa bskyed pa ltar byed pa'o/ /rdo rje ro langs ma ni 'og nas bshad pa'i khro bo gshin rje gshed kyi phyag rgya bcings la ro za ba'i tshu mo?/ /rdo rje tho ba ni g.yon pa rdo rje khu tshur gyis phung bu gzung ste bgegs gyi steng du bzhag la g.yas pa'i rdo rje khu tshur gyi rdo rje tho ba bzung ste bzung ba'o/ /sgo bzhi byin gyis brlab pa ni rdo rje skyil mo krung dang byang chub mchog gi phyag rgyar ldan pas yongs su bskor zhing shar la sogs phyogs gzhir? sa gnon la sogs pa'i phyag rgya bcings la stong pa nyid la sogs pa'i rnam par thar pa'i sgo bzhi bsgom pa'o/ /rdo rje'i gdu bu ni 'og nas bshad pa'i bdud rtsi'i thab sbyor gyi phyag rgyas bgegs gsod pa'i tshul du byed pa'o/ /bud med kyi sgyu 'phrul gyi stang stabs ni gar sngon du 'gro bas rdo rje sgeg mo'i phyag rgya bcings la mgo bo g.yon du cung zad 'dud par byas pa'o/ /rdo rje dral ba ni lag pa g.yon pa na gnas pa'i khro bI? rdo rje'i nang na 'dug pa
- 224a
thams cad bsams la lag pa g.yas par gnas pa'i khro bo'i rdo rjes bsnun pa'o/ /rdo rje stobs po che'i brdeg pa ni 'og nas bshad pa'i stobs po che'i brdeg pas gdug pa rnams skrag par byed pa'o/ /rdo rje mche ba ni 'og nas bshad pa'i 'dod pa'i rgyal po'i phyag rgya dang ldan pa'i ji lta ba bzhin du gdug pa thams cad za ba'o/ /rdo rje'i gad mo ni ha ha zhes rgod pa'i tshul gyi yi ge ha bzhi brjod pa'i rjes thogs la stang stabs byed pa'o/ /rdo rje'i sgra ni g.yon pa'i khro bo'i khu tshur gyi mdzub mo snying gar bsgreng la g.yas pa'i khu tshur gyis g.yas pa'i rna drung du dril bu 'khrol ba'o/ /ral gri'i stabs ni 'og nas bshad pa'i mi g.yo ba'i phyag rgyas bgegs rnams ji lta ba bzhin du gcod pa'o/ / rdo rje stabs ni g.yon pa'i khro bo'i khu tshur las mdzub mo bsgreng la lag pa g.yas pas ba dan gsum par byas pas rdo rje gsor ba'i tshul du byed pa'o/ /'khor lo'i stabs ni 'og nas bshad pa'i 'khor lo 'phang pa'i phyag rgyas 'phen pa'o/ /gtun shing gi thabs ni rdo rje bcings pas gzung ba'i gtun shing gis bgegs rnams brdung ba'o/ /zhags pa'i thabs ni de bzhin du rdo rje zhags pa'i phyag rgyas gzhug pa'i thabs su byas pa'o/ /pad+ma'i tshul ni 'og nas bshad pa'i pad+ma'i stang stabs kyi tshul du byed pa'o/ /be con gyi thabs ni de bzhin du dbyug sngon gyi phyag rgyas mdzub mo bsgreng ba'o/ /mi 'jigs pa'i tshul ni don yod par grub pa'i phyag rgya ji lta ba bzhin du bcing ba'o/ /lcags kyu'i thabs ni 'og nas bshad pa'i lcags kyu'i phyag rgyas 'gugs pa'o/ /gshol gyi thabs ni g.yon pa'i rdo rje khu tshur gyis bzung ba'i gshol gyis sa 'dri zhing g.yas pas kyang rab tu bzlog pa'o/ /mdung gi thabs ni rdo rje khu tshur gyis mdud 'phen
- 224b
pa'o/ /gzhu'i thabs ni lag pa g.yon pas gzhu gzung la g.yas pas rnam pa'i par du gzhu rgyud drangs nas 'jog par byed pa'o/ /mnga' gzung ba'i thabs ni g.yon pa'i rdo rje khu tshur gyis gzhu gzung la ji lta ba bzhin du gang byed pa sngon du 'gro bas lte par gan rkyal du bzhag la/ g.yas pa'i mthe bo dang mdzub mo gnyis kyi bar du mda' gsor bar byed pa'o// //mda''phang pa'i thabs ni de bzhin du mda''phen par byed pa'o/ /thag mdung bskor ba'i thabs ni g.yon pa'i khu tshur gyi mdzub mo bsgreng la g.yas pa'i khu tshur gyis thag mdung yongs su bskor ba'o/ /mchog sbyin pa'i tshul ni 'og nas bshad pa'i rin chen 'byung ldan gyi phyag rgya bcing ba'o/ /mdung thung gi thabs ni g.yon pa rdo rje khu tshur las snying gar mdzub mo bsgreng la lag pa g.yas pas gsor ba sngon du 'gro bas mdung thung rab tu 'phen pa'i tshul lo/ /mtshon rtse gcig pa'i thabs ni de bzhin du mtshon rtse gcig 'phen pa'i tshul du byed pa'o/ /phyag 'tshal ba'i tshul ni bstod par byed pa'i tshul gyis lag pa thal mo sbyar nas snying gar 'jog pa'o/ /rdo rje'i 'dug stangs kyi tshul ni 'og nas bshad pa'i mi bskyod pa'i phyag rgya bcing ba'o/ /bsam gtan gyi tshul ni 'og nas bshang pa'i 'od dpag med pa'i phyag rgya bcing ba ste/ rus sbal gyi rkang stabs nas bsam gtan tshul gyi mthar thug pa'i lag g.yas brkyang ba dag bcing bar bya'o zhes gzhan dag 'dod do/ /rdo rje'i skyil mo krung ni g.yas pa'i byin pa dang brla'i bar du rkang pa g.yon pa ji lta ba bzhin du bcug ste de'i steng du rkang pa g.yas pa bzhag pa'o/ /pad+ma'i 'dug stang ni de bzhin du rkang pa g.yon pa phab ste/ 'og tu 'jog pa'o/ /sems dpa' i skyil mo krung?
- 225a
ni de bzhin du cung zad tsam gyis rkang pa g.yas pa brla g.yon pa'i steng du bzhag pa'o/ /dpa' bo'i 'dug stangs ni rkang pa g.yon pas skyil mo krung phyed du bcas la/ de'i drung du rkang pa g.yas pa drang por bzhag pa'o/ /bzang po'i 'dug stangs ni rkang pa gnyis ka stan gyi steng nas drang por mthur du brkyang nas 'jog pa'o/ /tsog bu'i 'dug stangs ni rkang pa gnyis kyi bar mtho gang gis mchod pa stan gyi steng du bzhag la tsog tsog por 'dug pa'o/ /rol pa'i stang stabs ni rkang pa g.yas pa sems dpa' i skyil mo krung du byas la g.yon pa 'og ? gyi dpag tu brkyang pa'o/ /mdun du bsnur ba dang phyir 'gyed pa ni rdo rje khu tshur gnyis mdun dang rgyab tu bltas la/ de nyid kyi mdun du phyogs pa dang phyir blta ba'o/ /rdo rje skyil mo krung la sogs pa stang thabs dgu bcing ba'i dus su ni ji lta ba bzhin du rdo rje brdeg pa bya'o/ /mthun pa'i rkang thabs kyis gnas pa 'dug la thal mo spyi bor sbyar te gnas nas shar phyogs su kha bltas te/ de bzhin gshegs pa rnams la sri zhu dang bcas shing rnam par rol pa'i gar gyi mchog/ rdo rje'i stang thabs dang sbyar bas sngags pas phyag byas nas snga ma'i thal mo snying gar phab ste pad+ma'i sbyor bas phyogs thams cad bskor nas bu tshur bcings la phyag 'tshal ba dang bcas pa'i rdo rje ldang ba'i phyag rgya bcing pa byas nas/ khro bo'i nga rgyal dang ldan pas sngags zlos shing stang stabs re re zhing gar sngon du 'gro bas ji skad du bshad pa'i stang stabs bcings te/ de las byung ba'i rdo rje hUM mdzad la sogs pa'i khro bo rnams kyis bgegs rnams gzhom pa la sogs pa dang por byas nas sa gzhi rdo rje'i rang bzhin du byin gyis brlabs la snga ma bzhin du gyur byas te/ rked pa g.yon pa ji lta ba
- 225b
bzhin du bzur la stang stabs rnams bsdu bar bya'o/ /phur bus gnas lngar bcing ba dang zhes bya ba ni dkyil 'khor gyi dbus dang shar lho la sogs pa'i mtshams bzhir ro/ /dra ba dang ra bas mtshams bcing ba dang zhes bya ba ni dkyil 'khor mngon par 'dod pa'i sa'i cha kun nas rdo rje rab tu 'bar bas bar mtshams med par khyab pas bdag gis byas pa'i tshul lo/ /phyogs bcing ba zhes bya ba ni snga ma bzhin du phyogs bcur khyab cing sa'i cha rnams bdag gir bya ba ste/ ra pa'i rtsa ba'i cha rdo rje rnam par byas pa ni/ dkyil 'khor bcing ba yang yin par shes par bya'o/ /bsgoms te zhes bya ba ni bsam pa'o/ /gtan la dbab par bya'o zhes bya ba ni de ltar 'di nyid du sems bskyed pa'o/ /rang gi ming nas ? te zhes bya ba ni/ rang gi rdo rje'i ming yi ge hUM dang spel ba'i sgra ni 'dir/ dkyil 'khor gyi stang stabs kyi dus su sngags yin la gsang sngags 'di nyid ni 'khor lo thams cad kyi bla na med par 'gyur bar grags pa'o/ /'khor lo zhes bya ba ni 'khor lo la gnas pa'i lha ma lus pa rnams kyi dkyil 'khor gyi lha rnams kyi bzhugs gnas su gyur pa'o/ /'khor lo ni rang gi gnas yin par shes par bya'o/ /mdza' kun tu yang zhes bya ba ni mdza' thog thag tu'o/ mtshams nas smos te zhes bya ba ni sngags gdon pas so/ /spyan drang ste zhes bya ba la sogs pa ni dkyil 'khor gyi lha rnams spyan drangs la ji lta ba bzhin du rgyas btab ste mchod pa la sogs pa bya'o/ /de nas zhes bya pa la sogs pa ni slob ma lhag par gnas par byas la chos kyang bstan par bya zhes 'og ma dang sbyar ro/ /ji ltar sta gon du gnas par bya zhe na spos chus zhes bya ba la sogs pa gsungs te spos chus bsangs te lag pa g.yas pas spyi po dang snying gar
- 226a
gtug pa byas nas/ snying gar rdo rje rtse lnga pa 'bar ba dang/ spyi bor thams cad byed pa sna tshogs rdo rje bsams nas dpung pa g.yon pa srung skud kyis bcing ba byas la/ lag pa g.yas par so shing dang ku sha ji lta ba bzhin du byin te 'dug pa la gsum la skyabs su 'gro ba la sogs pa 'dzin du gzhug go/ sangs rgyas byang chub yid kyis gzung zhes bstan pa 'dis ni byang chub tu sems bskyed pa yin la des na bdag dbul bar byas pa yin pas/ logs shig tu ma gsungs par shes par bya ste/ gang gis byang chub tu sems bskyed pa des ni thams cad yongs su btang pa yin no zhes gsungs pa'i phyir ro/ /ci nus kyis zhes bya ba la sogs pa ni lam mchog 'di ni zhes bya ba la sogs pa zab cing rgya tsha ba chos bzang po ci nus pa dang ni 'dod pa bshad par bya'o/ /sngar bstan pa'i bya bas slar gshegs su gsol zhes bya ba ni rtsa ba'i rgyud las bstan pa'i/ slar yang gshegs su gsol ba'i sbyor bas slar gshegs su gsol lo zhes bya ba'i don to/ /? gshegs su gsol ba 'di ni bsnyen pa'i zhag dang dkyil 'khor nye bar sdud pa'i dus su yang bya'o/ /mchod pa la sogs pa ni mchod pa'i cho ga 'og nas bshad pa'i mtshan nyid dang ldan par bya zhing rjes su mnyes par legs par bya'o/ /de la don la la ni 'di nyid nas/ dngos su gsal bar bstan la/ la la ni don gyi dbang gis gzhan la 'byung ba dang sbyar ba'i don 'ga' zhig kyang yod de/ man ngag ji ltar bstan pa bzhin du gzhung srangs te cho ga thams cad kyis dkyil 'khor bri ba la sbyar bar bya'o/ /de nas rgyud la ma tshang ba dang lhag pa yod du zin kyang som nyi mi bya ste/ don gyi dbang gis ci rigs bar sbyar bar bya'o/ /'di'i dkyil 'khor gyi cho ga rgyas pa ni logs na yod pas skabs 'dir tshig
- 226b
gi don nyid tsam las ma bris so/ /dkyil 'khor gyi sa gzhir glo g.yas bas nyal te zhes bya ba ni dkyil 'khor gyi sa'i mthar slob ma'i mchog la sogs pa dang/ lhan cig tu/ mnyam par bzhag pa dang ldan pa'i yid kyis nyal bar bya'o/ /rmi lam zhes bya ba la sogs pa rmi lam sangs rgyas mthong ba ni/ /yon tan rgya mtsho mngon sum bzhin/ /mchod rten dang ni sku gzugs dang/ /de la mchod pa brtsam pa dang/ /zhes bya ba la sogs pa ni rmi lam bzang po'o/ /de las bzlog pa ni rmi lam ngan pas te/ de mthong ba ni de la zhi ba byas par shes par bya'o/ /nyi ma gnyis pa zhes bya ba ni sta gon la gnas pa'i zhag la bltos pa ste/ sa yongs su bzung ba las bltos na ni gsum pa yin no/ /de bas na de la bltos nas ni/ /nub gsum pa ni 'dus pa yin zhes gsum pa yin no/ /tshon dang thig la sangs rgyas lnga'i zhes bya ba la sogs pa la rnam par snang mdzad la sogs pa'i de bzhin gshegs pa sngar/ sngags dang phyag rgyas bsgom zhing lhag pa'i bsam pas sprul nas/ bskyed pa'i tshon dang thig gi bya ba'o/ /de ni chos dbyings dag pa ste zhes bya ba la sogs pa la lhag par mos pa'i tshul 'di ni tshon ser po'i yin te/ lhag pa rnams la yang rim pa 'dis rang rjes su mthun par lhag par moS bar bya bar sheS ba ? kun tu zhes bya ba ni dbang ldan gyi phyogs nas brtsams te/ g.yas su bskor pa'i rim gyis so/ /dang po sa gzhi zhes bya ba la sogs pa ni grub par mdor bsdus pa'i dbang bskur ba'i dkyil 'khor la nges pa 'di yin par bstan gyi thams cad kyi ni ma yin te// gzhan dag nas zla ba nya nas phyi ma'i zla ba'i nya'i bar du bya'o zhes bya ba la sogs pa dkyil 'khor gyi las rgya cher ston pa'i phyir ro/ /yang na khru lnga 'am khru do ba/ /khru gang ba'i zhes bya ba ni khru lnga la sogs pa'i tshad du byas pa'i
- 227a
dkyil 'khor la de skad ces gsungs pa ni phyogs tsam ste grangs med pa'i grangs la 'jug par bya'o/ /zhes gsungs pa yin no/ /bar du'o zhes bya ba ni brgyad cu dang lnga bcu la sogs pa yongs su gzung ngo/ /gru bzhi pa la zhes bya ba ni phyogs bzhi'i thig gis mnyam par byas pa'o/ /rdo rje'i shugs kyis zhes bya ba la sogs pa oM badzra be gA kra ma hUM zhes bya ba brjod pa ste/ 'jug pa 'am ni 'byung ba na/ /srad bu yid kyis bteg pa ni/ /rdo rje shugs zhes grags pa ste/ /des ni ri mo bsgom par bya zhes gsungs pa'i lha'i nga rgyal gyi rol pas byas pa'o/ /? rnams su ni zhes bya ba ni phyi'i dkyil 'khor gyi mtshams su'o/ /sgo'i nang logs zhes bya ba ni sgo khyud kyi mtshams rnams su'o/ /dkar pos zhes bya ba la sogs pa la 'di skad ces gsungs mod kyi 'on kyang tshon gyi rim pa ni ser po dang dkar po dang sngon po 'am/ sngon po dang dkar po dang ser po yin no/ /de nas zhes bya ba la sogs pa la rtsa ba'i dkyil 'khor gyi phyed du / de la mngon du phyogs par khru dos phyogs bar dbang bskur ba'i dkyil 'khor tshon dkar po gcig po 'am tshon sna lngas bris te de'i dbus su dkar po 'am tshor sna? lngas de'i phyed kyi tshad las pad+ma 'dab ma brgyad pa bya'o/ /rin chen zhes bya ba la sogs pa la rin po che ni byu ru dang/ gser dang/ dung dang/ mu tig dang nor bur grags pa'o/ /sman ni bri ha ti dang/ kaN+Da ka ri dang/ sa ha dang/ daN+Da utpal/ she ta a pa ra dzi? ta zhes bya ba'o/ /'bru? ni 'bras dang nas dang gro dang til dang ma sha'o/ /spos chu ni tsan dan dkar po la sogs pa dang ldan pa'i chu ste/ de spos kyis yongs su bdugs pa'o/ las kun byed pas zhes bya ba ni las thams cad byed pa bdud rtsi thab sbyor gyi gsang sngags bzlas pa la de skad ces bya'o/ /sems can kun la bsang gtor bya zhes bya ba ni sems can thams
- 227b
cad la bsang gtor bya ba'i phyir bzhag pa yin par shes par bya'o/ /ji ltar bsang gtor bya zhe na/ yang na ku sha'i chun pos bya zhes gsungs te/ ku sha'i chun po 'am/ a mra'i 'dab ma la sogs pas bya/ lha bshos zhes bya ba ni dkyil 'khor gyi'o/ /gtor ma phul la zhes bya ba ni 'dir gtor ma ni phyogs kyi gtor ma bstan pa yin no/ /spyan drang bar bya'o zhes bya ba ni rdo rje bsdu ba'i phyag rgya dang sngags dag gis/ de bzhin gshegs pa thams cad la sogs pa bsdu bar byed pa'o/ /gsal bar byas te zhes bya ba ni rdo rje gnod sbyin nam bdud rtsi thab sbyor gyis so/ /gzhug pa dang zhes bya ba ni rdo rje zhags pas so/ /bsdam pa dang dbang du byas te zhes bya ba ni lcags sgrog dang 'bebs pa dag gis so/ /phur bu dang zhes bya ba la sogs pa la sngar bshad pa'i gsang sngags phyag rgya dang bcas pas ci rigs par phur bu la sogs pa bya'o/ /rol mo'i khyad par dpag tu med pa rnams kyis kyang zhes bya ba ni rol mo'i rnam pa 'di lta ste/ gling bu dang pi wang dang rdza rnga dang mu kuN+Da dang cha lang dang/ rnga bo che dang rdza rnga chen po dang/ ? rings? dang kun dza ta dang ti mi la la sogs pa rol mo'i sil snyan bcu po stong phrag gis so/ /stong par bya'o zhes bya ba ni mchod pa'o/ /bzod par gsol te zhes bya ba la sogs pa la mtshang ba dang lhag pa nye bar gzung ba'i phyir 'di yo byad ma chad pa dang nyams pa las byung ba gang dag yod pa de thams cad bzod par mdzod cig ces brjod la/ dngos grub thams cad kyi phyir chos kyi dbyings kyis byin brlabs dang zhes bya ba la sogs pas gsol ba gdab po// slob ma zhes bya ba ni ji skad du bstan pa'i dkyil 'khor bris par ro/ /ci zhig byas nas bzhugs par byas zhe na/ snying po 'di dag phyag rgya zhes bya ba la sogs pa gsungs te/ snying ga dang dpung mgo gnyis lkog ma dang spyi bor 'dzin dzig ces bya
- 228a
ba la sogs pa'i snying po gsum dgod cing/ sku rdo rje la sogs pa'i phyag rgyas bsrungs la rdo rje srung ba'i sngags dang phyag rgyas go bgo bar byas la gzhug par bya'o/ /dor bar bya ste zhes pa ni 'phang pa'o/ /gdong g.yogs dgrol zhes bya ba ni 'di skad ces brjod do zhes tshig 'og ma dang sbyar ro/ /dngos grub thams cad ces bya ba la sogs pa la dngos grub thams cad kyi phun sum tshogs pa ni 'da' bar mi bya ba'i ngo bo nyid du 'gyur ba'o/ /pa sh+ya badzra zhes bya ba ni de skad ces brjod par bya'o zhes shes par bya'o/ /de nas dbang bskur ba sbyin par bya'o/ /rig pa'i dbang bskur ba'i/ /dri dang me tog ces bya ba la sogs pas dbang bskur ro/ /zhes 'og nas bshad pa dang sbyar ro/ /steng du bla re bris par bya zhes bya ba ni slob ma'i zhes bya bar sbyar ro/ /gang dag ces na gdugs dang rgyal mtshan la sogs pa ste bkra shis par 'gyur ba de dag gis klubs shing nye bar brgyan par bya'o/ /rnam rgyal bum pa yis zhes bya ba ni dkyil 'khor gyi bdag po'i bum pas so/ / lha mo bzhi rnams dang zhes bya ba ni re re zhing ting nge 'dzin gyi bdag po dang lha mo gsum gsum yongs su bzlas pa'i bum pa bzhis so/ /lha rnams kun gyi bzhi po yis zhes bya ba ni re re zhing gshin rje gshed la sogs pa khro bo gnyis gnyis yongs su bzlas pa'i bum pa bzhi rnams kyis so/ /'di ni bum pa'i grangs nges pa yin te/ 'byor na ni dkyil 'khor gyi lha rnams re re'i dang bum pa gang ba byas te/ bum pa gang bas ni mchod par bya'o zhes gsungs pa'i phyir ro/ /'di skad ston pa yin te/ dang po rnam par snang mdzad kyi sngags kyis so/ /de nas mi bskyod pa dang spyan ma dang rdo rje sems ma dang skul byed ma dang mi g.yo ma dang gshin rje gshed la sogs pa'i gsang sngags bzhis dbang bskur bya'o/ /phyir mi ldog pa'i
- 228b
dbang kyi slob dpon dang/ rgyud gzhan gyi rjes su 'brangs nas ji skad du bshad pa las ? 'chad de/ yi ge'i don dang man ngag las shes par bya'o/ /'dis ni slob dpon gyi dbang bskur ba bstan pa yin no/ /til gyi gang bu zhes bya ba la sogs pas ni rjes su gnang ba'i dbang bskur ba gsungs pa yin te/ de nyid la ni dbang bskur ba zhes bya ba la sogs pa la/ rtag pa kho nar bdag nyid dbang bskur ba ster ba de'i tshe ji skad gsungs pa'i nga rgyal pa 'di rnams kyis dbang bskur stsol bar mdzad do/ /zhes de lta bu'i ngo bo nyid dkyil 'khor gyi de kho na nyid shes pas bsam par bya'o/ /chos kyi mtshan de nyid bstan par bya zhes bya ba ni chos rnams gzugs brnyan lta bu ste zhes bya ba la sogs pa'o/ /mi shes rab rib la sogs pa'o/ /mi shes rab rib la sogs pa zhes bya ba la sogs pa'i sgra ni mi dge ba'i bag chags la sogs pa yongs su gzung ngo/ /gzugs brnyan phyag rgya bstan par bya zhes bya ba ni thur ma la sogs pa ston pa'i lag pa'i phyag rgya bcings la bstan no zhes bya ba'i don to/ /rus pa la ? kyang zhes bya ba ni gshis 'jig par gyur pas kyang ngo/ /lus kyang zhes bya ba las kyang zhes bya pa'i sgra ni lus la yang ma blta ba'o/ /'di skad ston te lus byin pas kyang slob mas bla ma 'di ci nas mgu ba de ltar bya'o zhes ? bslab lte zhes bya ba ni bslang la rjes su gnang ba de nyid bstan pa'o/ /cho ga mthong bas zhes bya ba ni 'og nas bshad pa'i cho gas so/ /de bzhin du bsgom pa'i rim pa'i tshul zhes bya ba ni de kho na nyid dang gsang ba'i dbye bas zhi ba dang rgyas pa'i rim gyis dkyil 'khor gyi lha rnams legs par mchod pa ji skad du bshad pa bzhin gshegs su gsol lo zhes bya bar sbyar ro/ /sprul pa ni rang gi snying gar nye bar bsdu bar shes par bya'o/ /tshon rtsi bsdu ba zhes bya ba la sogs pa ni go sla'o/ /dkyil 'khor
- 229a
bri ba'i cho ga ston pa'i gzhung gi le'u la dkyil 'khor rim par phye ba zhes bya ba'i sgrar brjod do/ /le'u gnyis pa'i 'grel pa'o// //dkyil 'khor du zhugs pas ni sngags yongs su bzung bar bya dgos pas/ de nas zhes bya ba la sogs pas le'u gsum pa gsungs te/ bcom ldan 'das kyis bka' stsal pa zhes nye bar mtshon pa'i tshig gis 'og ma dang sbyar ro/ /ci zhig mdzad nas zhes gsang sngags kyi zhes bya ba la sogs pa gsungs pa ste/ gsang sngags nyid ni 'khor lo sta yang dang yang du bzlas pas na 'khor lo bzhin du 'khor ba 'am 'khor lo bskyed pa'i phyir 'khor lo'o de rnams bskor ba ni gsungs pa ste/ de'i don gyi rdo rje'i ye shes la dmigs pa'i ting nge 'dzin gang yin pa de la skad ces bya'o/ /de la snyoms par zhugs pa ni mngon sum du mdzad pa ste/ sngags ston pa'i rnam par thugs rtse gcig tu mdzad ces bya ba ni don to/ /gsang sngags kyi snying po'i yi ge rnams zhes bya ba ni 'dir bshad kyi ces nye bar sbyar te/ bcom ldan 'das ni rtag tu mnyam par bzhag pa yin du zin kyang ting nge 'dzin la dmigs pa sngon du 'gro bas sngags ston par mdzad pa 'dis ni 'di skad ston te/ rnal 'byor pas kyang chos bdag med pa bsgom pa dang rjes su 'bral pa'i rang gi lha la dmigs pa sngon du 'gro bas sngags gdon par bya'o zhes pa'o/ /rnam par snang mdzad do zhes bya ba 'dis ni gsang sngags dang rigs pa'i skyes bu gnyis tha mi dad par gsungs pa yin te/ gzhan du na rnam par snang mdzad las gzhan pa'o zhes ? par ston par 'gyur ro/ /de yang 'di nyid nas sbyin la sogs pa'i gsang sngags gsungs pa'i 'og tu de nas 'di ni gsungs tsam gyis zhes bya pa la sogs pa bshad ste/ de bas na nyid gnyis ni tha mi dad pa yin no/ /kun tu bzang po'o zhes gsungs
- 229b
pa 'dis ni byams pa la sogs pa ma la gtogs par bshad pa yin pas/ byams pa la sogs pa byang chub sems dpa' bcu drug le'u gnyis par bstan pa gang yin pa de ni nye bar mtshon pa tsam du zad do/ /de pas na 'dir nor bzang dag kyang dgod par bya ste/ de ci rigs par bzhis mtshang ba'i byang chub sems dpa' stong bri ba 'am bsgom mo zhes pa 'dir rig pa kho na yin no/ /'dir ma bshad pa'i byang chub sems dpa' rnams kyi spyi'i sngags ni/ oM sarba saM skA? ra pa ri shud+d+ha:d+harmA te ma hA ya na pa ri pA re swAhA/ zhes bya ba'o/ /sngags kyi rjes su 'brangs nas/ gshin rje gshed la sogs pa'i khro bo bzhis/ gshin rje dang/ khyab 'jug dang/ tshangs pa dang/ log 'dren chung ma dang bcas pa gnon par shes par bya'o/ /'di dag ni dkyil 'khor du dgod pa'i gsang sngags kyi yi ge rnams te zhes bya ba ni dkyil 'khor du lha rnams kyi dgod pa la/ ji skad du bshad pa'i gsang sngags kyi yi ge rnams yang dag par sbyar bar bya'o zhes bya ba ni tshig gi lhag ma'o/ /dkyil 'khor du zhes bya ba'i nye bar mtshon pa las na lha'i rnal 'byor la sogs pa la yang shes par bya'o/ /de dag la zhes bya ba la sogs pa ni bshad ma thag pa'i gsang sngags kyi tshogs de dag go/ brten nas zhes bya ba ni mtshan gzhir byas nas 'di nyid kyi 'khor gyi don du rigs dang rtog pa la sogs pa'i bye brag gis gsang sngags bye ba phrag du ma gsungs pa yin no/ /gzhan dag ni de la brten cing thob nas ngas gsang sngags phrag du ma gsungs so zhes bcom ldan 'das kyis bka' stsal pa yin gyi 'di ni gsang sngags kyi tshogs ma yin te chos rnams kyi chos nyid ni gnas pa ste/ 'di lta ste sngags kyi chos nyid kyang de ni mi rigs te/ sngags gsungs pa nyid ma yin gyi snga ma kho na rigs par shes so/ /gtan tshigs dang yang mi 'gal te/ don dam par stong pa nyid du yang
- 230a
med pa yin no/ /ting nge 'dzin gyi bye brag las byung ba zhes bya ba ni ting nge 'dzin phul du byung ba rang rig pa'i skyes bur ldan pas so/ /lcags kyus zhes bya ba la sogs pa ni rdo rje lcags kyu la sogs pa'i phyag rgya ni 'di nyid nas 'byung bas ma bris so/ /de dag la sogs pa ni spyan drang ba'i sbyor ba'o zhes bya ba ni rdo rje bsdu pa la sogs pa'i sbyor pa'o/ /de sngags de rnams kyi go rim ni rnam par snang mdzad kyi ngo bo nyid chos kyi dbyings kyi ye shes ni thun mong gi mtshan nyid de/ de las me long lta bu la sogs pa'i ye shes bzhi 'byung ngo/ /de bas na ye shes de'i bdag nyid mi bskyod pa la sogs pa bzhir bstan to/ /de lta na yang de sgom par byed pa'i rnal 'byor pa'i rgyud la/ ji srid du kun tu 'gro ba'i stong pa nyid kyi mtshan nyid can byang chub sems dpa' i dang po mngon du byas nas/ chos kyi dbyings las brtsams nas ji srid kyi bar gyi mthar thug pa las 'dzug pa'i dga' ba nye par mi 'byung ba de srid kyi bar du skye bar mi 'gyur ro/ /de bas na ye shes bzhi thob pa'i rkyen? gyur pa/ dga' ba bzhi'i bdag nyid can ni spyan la sogs pa bzhi'o/ /de yang ji srid du byang chub kyi pha rol tu phyin pa la sogs pa bzhi yongs su dag par mi 'gyur pa de srid du 'byung bar mi 'gyur ro/ /de bas na byang chub kyi pha rol tu phyin pa la sogs pa'i bdag nyid can ni rdo rje sems dpa' la sogs pa bzhi yin no/ /de yang pha rol tu phyin pa bzhi dang bral bas ni/ 'byung bar mi 'gyur ro/ /de bas na sbyin pa la sogs pa pha rol tu phyin pa'i bdag nyid can ni skul byed ma la sogs pa ?/ /de yang yang dag par spong ba dang/ rdzu 'phrul gyi rkang pa dang dbang po dang stobs kyi bdag nyid can nges par 'byed pa'i cha bzhi dang bral bas ni 'byung bar mi 'gyur ro/ /de bas na nges par 'byed pa'i cha bzhi'i bdag nyid can ni gshin rje'i
- 230b
gsher la sogs pa bzhi'o/ /de yang lus dang/ tshor ba dang/ sems dang/ chos dran pa nye bar gzhag pa med na 'byung bar mi 'gyur ro/ /de bas na de'i bdag nyid can mi g.yo ba la sogs pa bzhi bstan to/ /go rim ji skad du bshad pa'i nang du byams pa la sogS pa ni mi gtogs te/ rnam par smin pa las byung ba'i sems dpa' yin pa'i phyir ro/ /sngags rab tu ston pa'i gzhung gi le'u la ni gsang sngags rim par phye ba zhes bya ba'i sgrar brjod do/ /rim par phye ba gsum pa'i 'grel pa'o// //sngags yongs su bzung bas ni ting nge 'dzin yongs su shes par bya dgos pas de nas zhes bya ba la sogs pa le'u bzhi pa gsungs te/ bcom ldan 'das kyis 'di skad ces bka' stsal to zhes bya bar sbyar ro/ /ci zhig mdzad nas she na ye shes chen po'i zhes bya ba la sogs pa gsungs te/ ye shes chen po ni chos kyi dbyings la sogs pa ye shes rnam pa lnga'o/ /de yi stobs ni nus pa ste thogs pa med pa'o/ /de'i rnam par 'phrul pa ni sangs rgyas la sogs pa'i sbrul pas rnam par spyod pa'o/ /de nyid rdo rje ste 'bras bu len pa'i phyir don yod pa'i nus pa can yin la de la dmigs pa'i ting nge 'dzin gang yin pa de la yang de skad ces bya'o/ /de la snyoms par zhugs par zhugs pa ni mngon sum du mdzad pa ste/ ting nge 'dzin ston pa'i rnam par thugs rtse gcig tu mdzad de ces bya ba'i don to/ /ting nge 'dzin la dmigs pas ni 'di skad ston pa yin te/ de dngos grub kyi phyir lha'i gzugs bsgom pa ni/ rdo rje phra mo bsgoms pas sems brtan par byas bsgom par bya'o zhes pa'o/ /gzugs brnyan zhes bya ba la sogs pa'i gzugs brnyan bskyed pa'i phyir ras dang rtsig pa dang/ shing lob la sogs pa la sangs rgyas la sogs pa bri par khong du chud par bya'o zhes bya ba ni tshig gi lhag ma'o/ /'di ni gnyis su sbyor ba yin te sems yongs su dag pa'i dbang
- 231a
du mdzad pa'i dmigs pa bstan pa'o/ /rgyud yongs su dag pa ni gnyis su sbyor ba la mngon par zhen par mi byed de/ ji skad du rnal 'byor yang dag ma yin sems/ /lha la dmigs par byed pa dag/ rnal 'byor gzugs brnyan rang bzhin te/ /lugs ma la sogs rnal 'byor skye/ /yang dag mchog sems rnal 'byor pa/ /lha la dmigs par byed pa dag/ rang gi dam tshig bdag sbyor bas/ /mi 'gyur dam pa 'grub par 'gyur zhes gsungs pas so/ /gsang sngags 'chang rnams kyi zhes bya ba ni sngags pa rnams kyi'o/ /ting nge 'dzin gsang chen zhes bya ba ni rigs dang dam tshig dang/ phyag rgya mchog dang lhan cig sbyor ba'o/ /rnal 'byor dag pa 'di ni gtso bo'i dbang du mdzad ste bstan pa yin pas 'di skad gsungs pa yin te/ ting nge 'dzin la sogs pa bstan pas gnas skabs ji lta ba bzhin du de kho na nyid dang gsang ba dang gsang chen gyi rnal 'byor du 'gyur ro/ /'dis ni 'di skad ston pa yin te/ mos pa ji lta bas rnal 'byor gsum las gang yang rung ba bsgoms nas mngon par 'dod pa'i dngos grub kyi skal pa can du 'gyur ro/ /don 'di nyid gzhan dag las kyang rigs kyi bu sems 'di ni rang bzhin gyis 'od gsal ba ste/ 'di lta ste/ ji lta ji ltar sems yongs su sbyangs pa de lta de ltar 'gyur ro/ /zhes gsungs pa yin no/ /oM gyi ye shes las bsgrub pa zhes bya ba ni ye shes ni chos kyi mtshan nyid do/ /de nyid yi ge oM yin pas na oM gyi ye shes te/ des sgrubs pa'i rdo rje bsgom par bya'o zhes bya bar sbyar ro/ /rdzogs pa'i go rims kyang byang chub kyi sems kyi le'u'i rim pas so// shes rab ye shes rab rgyas pa zhes bya ba ni chos bdag med pa'i ye shes kyis blo rgyas par byas pa'o/ /zhal gsum gyis ni zhes bya ba ni 'dod chags dang zhe sdang dang gti mug rnam par dag par ston par byed pas rnam par thar pa'i sgo gsum gyi ngo bo ste
- 231b
kha dog ni gcig pa'o/ /la la ni man ngag las zhal gsum gyi mdog ni 'dus pa ltar gsum du bya'o zhes zer ro/ /spyan gsum ni zhal dang po 'am/ re re zhing gsum ste thams cad du yang de bzhin no/ /dang po bsam gtan phyag rgya can zhes bya ba ni phyag rgya dang po'i/ g.yas dang g.yon ni ting nge 'dzin gyi phyag rgyar byas pa'o/ /bgrang phreng ldan zhes bya ba ni sngags kyi nor bu dang bcas pa'o/ /nu ma 'dzin ces bya ba ni nu ma bzung ba ste/ lha mo yang phyag gnyis pa sku mdog ser mo lag pa gnyis kyis bcom ldan 'das la 'khyud par byed pas te/ gshin rje gshed kyi lha mo gnyis phyag gnyis mnga' bar bshad pa 'di yis nye bar mtshon pa yin pa'i phyir ro/ la la na re rang gi bdag po dang 'dra bar thams cad bsam mo zhes zer te/ 'dis ni gsang ba'i rnal 'byor bshad do mchod pa'i dus su ni nu ma 'dzin pa med par bya'o/ /'jigs shing skrag mdzad pa zhes bya ba ni 'dir de nas zhes nye bar mtshon pa'i tshig gis bsgom par gyis zhes bya ba 'di dang sbyar ro/ /de bzhin du rigs las kyang 'di nyid 'og nas ston to/ /sprin zhes bya ba ni tshad med pa'o/ /yang dag 'byung zhing legs 'khyud pa zhes bya ba ni gal te rnyed ma gzhan dang mi 'gro ba nyid la sogs pa'i mtshan nyid dang ldan pa'i rig ma bzhi mngon par sbyar ba byas la nges ji lta ba bzhin du mchod par byed pa ni rnal 'byor pa de de bzhin gshegs pa thams cad rang gi dam tshig gis 'khyud pa'i sku spro bar bsgom par bya ste/ 'dis ni gsang ba'i rnal 'byor bshad pa yin no/ /nang gi gsang sngags bzlas brjod cing zhes bya ba ni nang gi bzlas pas so/ /de nyid spyod yul ba zhes bya ba ni rang gi lha'i rnal 'byor gyi yul te/ 'dis ni de kho na nyid kyi rnal 'byor gsungs pa yin no/ /rnal 'byor 'di la ni nu ma 'dzin pa med pas/ sdigs mdzub la sogs pas ci rigs par gzung ngo/ /'dis yang 'am gyi sgra ni phyogs gzhan
- 232a
ston par byed pa yin par shes par bya ste/ sgom pa po gcig gis gsum char bya bar mi rigs pas sgrub pa po gcig gis de kho na nyid dang/ gsang ba dang gsang ba chen po rnams rim bzhin du bsgom par bya'o zhes shes par bya ba'i phyir ting nge 'dzin gsum nye bar bkod de/ ting nge 'dzin 'di'i rim pa ni 'og nas bshad pa'i ting nge 'dzin rnams la yang 'di bzhin shes par bya ste/ la lar de kho na nyid la sogs par ston pa'i phyir ro/ /de yang nye bar mtshon pa ni ting nge 'dzin thams cad kyi zhes bya ba la sogs pa smos pa yin te/ ting nge 'dzin thams cad kyi zhes pa lha thams cad la dmigs pa'i bdag nyid can gyi stobs te thogs ma med pa'i nus pa rdzogs par byed pa'i ye shes ni chos kyi dbyings shes par bya ba ste/ de 'gengs shing rdzogs par byed pa'i bcom ldan 'das ni de'i ngo bos rnal 'byor pa'i sems la bskyed par mdzad pa rnam par snang mdzad gang yin pa de la de skad bya ste/ de nyid la dmigs pa'i don 'dis 'gro ba'i don byed pa'i phyir ting nge 'dzin bstan to/ /rdo rje sems dpa' la sogs pa bshad par sku gsung thugs kyi rim pa dang/ rjes su mthun pa'i 'jig rten dbang phyug gi ting nge 'dzin gsungs te/ oM zhes bya ba ni so sor rtog pa'i ye shes nyid yi ge a yin par shes par bya ste/ thams cad du yang ye shes ji lta ba nyid gsang sngags kyi yi ge yin no zhes bya ba'i tshul gyis so/ /tshig gis lam zhes bya ba ni lung gi chos ma lus pa'i ngo bo nyid du/ dbu rgyan thams cad mkhyen pas byas zhes bya ba la thams cad mkhyen pa ni 'od dpag tu med pa ste/ nges dbu rgyan byas pa ni gtso bo'i rin po che'i dbu rgyan gang la mnga' ba de la de skad ces bya'o/ /gdan ni bzhi dang ldan zhes bya ba ni zla ba'i gdan te nye bar mtshon pa 'dis ni
- 232b
gzhan dag gi yang gdan du zla ba 'byung ba yin pa yin no/ /la la ni lha mo bzhi dang gdan cig pas gdan ni bzhi dang ldan zhes bya ba'o zhes zer ro/ /phyag gnyis pad+ma rnam par 'byed ces bya ba ni g.yon pa'i pad+ma'i khu tshur gyis pad+ma'i sdong bu g.yon pa'i sta zur gyi gnas su 'dzin la/ g.yas kyi pad+ma khu tshur gyis rang gi snying ger pad+ma'i 'dab ma byed pa la brtson pa ste/ 'dir de la lta zhing zhes bya ba ni tshig gi lhag ma'o/ /yang tshig gi lam zhes bya ba ni rtogs pa'i chos ma lus pa'i ngo bo'o/ /rnam pa thams cad ces bya ba la sogs pa la rnam pa thams cad ni skyes bu chen po'i mtshan sum cu rtsa gnyis dang dpe byad bzang po brgyad cus brgyan pa'o/ /mchod ni phul du byung ba'o/ /rgya che ba ni yul na gnas pa dang gsal ba dang rdzogs pa nyid dang ldan pa'o/ /chos kyi rgyal po ni chos gnyis ka'i bdag po bcom ldan 'das 'jig rten dbang phyug ste/ de la dmigs pa'i ting nge 'dzin la de skad ces bya'o/ /hUM zhes bya ba ni me long lta bu'i ye shes ni yi ge hUM ngo/ /mthing shing bzang po zhes bya ba ni sku mdog mthing shing lta bu'o zhes bya ba'i don to/ /sangs rgyas mi 'khrugs cod pan can zhes bya ba ni mi bskyod pa cod pan la bzhugs pa gang yin pa de la de skad ces bya ste/ 'dis ni shar du mi bskyod pa bri par bya'o zhes gang bshad pa der rdo rje sems dpa' bri bar rigs pa yin no/ /dbu rgyan thams cad mkhyen pas byas zhes bya ba 'dis ni 'od dpag med kyi gnas su yang 'jig rten dbang phyug go/ 'di dag gi rjes su 'brangs pas rin chen 'byung ldan dang don yod grub pa'i gnas su yang rang gi de bzhin gshegs pas dbang bskur ba dang/ shin tu 'brel pa'i 'khor los bsgyur ba gnyis dris ste/ rdo rje sems dpa' mi bskyod pa/ /rdo rje rin chen dgos 'dod 'byung/ /rdo rje chos ni 'jig rten dbang/ /rdo rje las ni rab
- 233a
sgrub stsol zhes gsungs pas rdo rje sems dpa' la sogs pa nyid mi bskyod pa la sogs pa'i sgra bshad pa la nyes pa med do/ /rol pa'i stabs su legs par zhugs zhes bya ba ni stan gyi mdun du mtho gang gis mchod par rkang pa bzhag nas phyogs gnyis su brgyad ste/ g.yon phyogs cung zad dbab par bya'o zhes bya ba'i mtshan nyid can te des gnas pa'o/ /la la na re gang rnal 'byor dang rjes su mthun pa'i gnas pas 'dug par bya'o/ /zhes zer ro/ /de ltar kun tu khyab pa nyid ces bya ba 'dir/ de dag gis zhes nye bar sbyar bar bya'o/ /de bzhin du rigs la sogs pa rnams la yang de ltar shes par bya'o/ /rga shi rnams kyi pha rol 'gro zhes bya ba ni de dang bral ba'i don to/ /sems chen po zhes bya ba la sogs pa la sems chen po ni gnyis kyis dben pa'o/ /de'i rdzogs par byed pa ni gdul bya rnams kyi sems rang bzhin gyis rnam par byang ba nyid du gnas pa'i mi bden pa'i kun tu rtog pa gsal ba de ltar rdzogs shing don de kun nas mthar phyin par byed pa de'i stobs de nus pa gang yin pa de nyid mdza' yas pa'i ting nge 'dzin rdo rje'i rgyal po la sogs pa'i ngo bo nyid ni rgyal po ste/ gtso bor gyur pa bcom ldan 'das thugs rdo rje de ston pa'i phyir ro/ / de nyid ni rdo rje'i shugs te sems can gyi don bya ba la 'jug pa la thogs pa med pa'i pha rol gnon pa dang ldan pa'i phyir ro/ /de la dmigs pas na/ ting nge 'dzin de las ming de skad ces bya'o/ /traM gi ye shes las bsgrubs pa zhes bya ba ni mnyam pa nyid kyi ye shes nyid kyi ye shes nyid yi ge traM ste/ de las bsgrubs pa ni de bzhin du gzhan dag gis ji lta ba bzhin du 'di nyid bsgoms pas 'tshang rgya ba nyid thob pa'i zhes bya ba'i don to/ /de bzhin du thams cad la yang
- 233b
'bras bu nye bar len pa'i gzhir gyur pas na lha rnams dang rjes su mthun pa'i gzugs su gdags te/ gdul bya rnams 'bras bu la gzhol pas 'jug pa'o/ /rin chen zhes bya ba la sogs pa la rin chen ni rin po che'i rigs so/ /rin chen mngon par mtho ba zhes bya ba ni gdul bya'i skye bo rnams kyi bsam pa yongs su rdzogs par byed pa nyid du 'byung ba'o/ /de'i ye shes ni des bskyed pa ste ye shes kyi tshogs kyis 'bras bu stsol bas rin chen 'byung ldan te/ ting nge 'dzin de la yang ming de skad ces bya'o/ /de la dmigs pa zhes bya ba la sogs pa ni bshad zin to/ /khaM gis ye shes las bsgrub pa zhes bya ba la ye shes ni bya ba nan tan bsgrub pa ste/ de nyid yi ge khaM yin no/ /khaM gi ye shes las bsgrubs pa ni nges par 'byung ba'o/ /ting nge 'dzin phyag rgya legs par zhugs pa zhes bya ba ni ji skad du bshad pa'i mtshan nyid can gyi bsam gtan gyi phyag rgyas shin tu legs par zhugs pa'o/ /mar ka ta'i 'od ltar 'bar ba zhes bya ba ni sku mdog mar ka ta'i 'od 'bar ba ste/ ljang gu zhes bya ba'i don to/ /la la dag ni 'od kyi dkyil 'khor mar ka ta lta bu'o zhes zer mod kyi de ni mi rigs te/ bcom ldan 'das kyi sku mdog 'chad pa'i skabs yin gyi 'od ni ma yin no/ /legs par 'grub phyir slar yang sdud ces bya ba ni sems dbang du gyur pa legs par 'grub pa'i phyir spros pa rnams slar nye bar sdud pa ste/ 'di yang rnal 'byor pa'i rim pa bstan pa'i phyir bshad pa yin te/ 'di'i 'og ma rnams la yang 'di bzhin khong du chud par bya'o/ /'od zer chen pos rab gsal zhing zhes bya ba la 'od zer chen po ni ye shes kyi snang ba'i ngo bo nyid du gyur pa'i phyir bcom ldan 'das don yod grub pa'i chos kyi sku'o/ /de dang 'dra ba ni de'i rgyu mthun pa las byung ba longs spyod rdzogs pa'i sku'i tshul 'dzin pa'i zhes
- 234a
bya ba'i don to/ /nam mkha' i snying po ni nam mkha' i skye gnas can no/ /nam mkha' dang mnyam pa zhes bya ba ni rnam par mi rtog pa nyid dang/ khyab pa nyid dang/ thams cad kyi gnas su gyur pa nyid la sogs pas mnyam pas na nam mkha' dang mnyam pa'o/ /gtan tshigs de nyid kyis na 'du byed thams cad spangs pa'i zhes bya'o/ /nam mkha' zhes bya ba la sogs pa la nam mkha' dang mnyam par 'du byed thams cad kyi go 'byed pa gang yin pa ste/ de nyid ni bya ba bsgrub pa'i ye shes yongs su gyur pa las byung bas/ ye shes kyi rdo rje ni bcom ldan 'das don yod grub pa'o/ /de la dmigs pa zhes bya ba la sogs pa'i don ni bshad zin to/ /rnam par snang mdzad la sogs pa'i ye shes kyi rjes su 'brang nas 'og 'dir rigs kyis bsdus pa'i ye shes kyi cha rnams yin par shes par bya'o/ /rgyan ces bya ba ni dam tshig phyag rgya'i tshul gyis mnyes par byed pa'o/ /'od dmar 'od zer phreng ba can zhes bya ba ni 'od dmar po dang 'od kyi phreng ba dmar po gang la yod pa'o/ /de bas na de ni lha rnams 'jigs pas sems myos te/ zhes bya ba ste/ gang gis lha rnams ni lag pa thal mo sbyar bar byed ces bya ba ste/ lag pa gnyis kyis sor mo thams cad kun nas thal mo sbyar ba byas pa gang yin pa de la de skad ces bya'o// byang chub yan lag 'bras brgyan pa'i zhes bya ba ni byang chub kyi yan lag ni sbyin pa la sogs pa 'am/ byang chub kyi yan lag bdun no/ /de'i 'bras bu ni 'tshang rgya'o/ /de nyid ni brgyan te snying po yin la de rtogs pa'i sbyor ba las yang dag par 'byung ba gang yin pa de la de skad ces bya'o/ /de bas na de bsgom par bya'o/ /ye shes kyi zhes bya ba la sogs pa la ye shes ni chos bdag med pa'i mtshan nyid can no/ /spyan ni chos rnams gnyis su med pa dang dben par rtogs pa'i mtshan nyid can
- 234b
gyis snang bar byed pa ni so sor snang pa'i ye shes te/ re nyid gzung ba dang 'dzin pa'i rnam par rtog pas mi shigs pas na rdo rje'o de'i 'jo tshul ni rnam par rol pa ste/ sems can rnams la phan pa'i phyir sngon gyi 'phen shugs kyi spyod bas mdzad pa gang yin pa ste/ bcom ldan 'das yum sangs rgyas spyan de la de skad ces bya'o/ /de la dmigs pa zhes bya ba la sogs pa ni bshad zin to/ /rdo rje'i gdan can zhes bya ba ni rdo rje'i gdan la bzhugs pa ste/ rnam par mi g.yo ba'i gdan brnyes pa'i don to la la dag na re rang gi dam tshig gi phyag rgya rdo rje la skyes bu'i tshul gyis nye bar gnas pas nye bar bzhugs pa'o/ /nye bar mtshon pa 'dis ni lha mo thams cad kyang tshul 'di nyid do/ /zhes zer ro/ /rgod cing zhes bya ba ni dbus dang g.yas kyi zhal lo/ zhal ras khro bag bcas zhes bya ba ni zhal dbus ma'i g.yon pa'i cha khro bag tu bcas la zhal gyi cha'i phyed ni rgod bag tu gnas pa gang yin pa de la de skad ces bya'o/ /shin tu gdug pa'i cig shos rnams tshar gcod pa dang rjes su gzung ba'i tshul gyis bzhugs so zhes bya ba'i don to/ /g.yon pa sdigs pa mdzub mo ste zhes bya ba ni phyag g.yon pa'i rdo rje khu tshur las byung ba'i khro bo'i sdigs mdzub mdzad pas gnas shing de nyid la de gzigs zhes bya ba'i don to/ /dngos med dngos po'i mtshan nyid can zhes bya ba ni dngos po rnams med cing mig yor lta bu'i tshul gyis gzugs chen po'i dngos po'i mtshan nyid can gyi khams gsum lta bu'i rnam par 'jug pa'i sems dang sems las byung ba'i bdag nyid can gang yin pa de la de skad ces bya ste/ don dam par ni gnyis su med pa'i ye shes kyi ngo bo nyid do zhes bya ba'i don to/ /bsgom par bya zhes bya ba ni mos shing dad pa'i rjes su 'gro ba'i sems kyis so/ /sgyu 'phrul zhes bya ba la sogs pa la sgyu 'phrul ni sangs rgyas la sogs pa'i sprul pa'i
- 235a
bdag nyid can no/ /de'i 'byung ba ni gdul bya rnams kyis skal pa ji lta bzhin du bstan pa'o/ /de'i rgyu stobs kyi ye shes ni ye shes bcu'i stobs te/ gnyis su med pa'i ye shes kyi nus pa'o/ /de dang ldan pa dang nyid ni bcom ldan 'das yum mA ma kI'o/ /zab mo ni 'phags pa ma yin pas ngo bo nyid mi rtogs pa'o/ /de la dmigs pa zhes bya ba la sogs pa'i don ni bshad zin to/ /mi 'jigs sbyin mdzad ma zhes bya ba ni phyag dang pos so// sangs rgyas kyi sku rnams 'byung ba bsgom par gyis zhes bya ba ni sangs rgyas kyi sku rnams 'byung ba nyid de de lta bu'i lus ngag yin pa de la de skad ces bya ste/ sprul pa rnams sprul par mdzad ces bya ba'i don to/ /rin chen skur ni zhes bya ba ni rang gi lus rin po che ste/ 'di ni gnyis su med pa'i sbyor ba gsungs pa yin no/ /gnyis su sbyor ba'i ming yang 'di nyid las nye bar mtshon par bya'o/ /pad+ma'i zhes bya ba la sogs pa la/ /pad+ma'i gzugs kyis ni ji ltar pad+ma rab dmar yang zhes bya ba'i dpes bstan pas na/ 'dod chags la sogs pa rnam par dag pa'i rnam par thar pa'i sgo'i ngo bo nyid kyis so/ /rnam par rol pa ni sems can gyi don gyi phyir rnam par brtse ba'o/ /des sangs rgyas rnams kyis sam sangs rgyas rnams bzhin du rgyal mtshan nyid can thob cing brnyes pa ste/ yum gos dkar mo gang yin pa de la de skad ces bya'o/ /de nyid ni mi phyed pa'i ye shes kyi ngo bo nyid yin pas na ye shes rdo rje'o/ /de la dmigs pa zhes bya ba la sogs pa'i don ni bshad zin to/ sgeg pa'i cha lugs la gnas pa zhes bya ba ni cung zad gshed pa'i tshul can no ma ra ka ta 'od dang ldan zhes bya ba ni ma ra ka ta lta bu'i 'od zer gyi mdangs gang la yod pa de la de skad ces bya ste/ sku mdog ljang gu zhes bya ba'i don to/ /sangs
- 235b
rgyas sgro ba kun tu 'khrug ces bya ba ni sangs rgyas kyang yin la spro bar mdzad pa yin pas na de la de skad ces bya ste/ de rnams kyi sku la khyab pa'o/ /sems can thams cad ces bya ba la sogs pa la sems can thams cad dbang du byas pa de la rag las pa nyid kyis/ thugs rje chen po'i stobs kyis bzhud cing 'gro bas na de la de skad ces bya la/ ngo bo nyid de la mngon par dga' ba'i rnal 'byor pa'i sems can rnams smin cing dga' bar byed pa ste de nyid ni ye shes kyi rdo rje'o/ /dmigs pa zhes bya ba'i don ni bshad zin to/ /sems ma zhes bya pa la sogs pa ni rdo rje sems ma dang/ rdo rje rin chen ma dang rdo rje chos ma dang/ rdo rje las ma'o/ /zhes bya ba ni mtshan de skad ces bya ba'o/ /rol pas rjes su mnyes mdzad ma zhes bya ba ni sgeg pa dang rjes su mthun pas rol mdzad pa'o/ /ji ltar rigs pa zhes bya ba ni rang gi bdag po'i sa bon las bsgrubs pa ste/ kha dog dang gzugs dang phyag mtshan yang de dang 'dra ba 'chang ba las rdo rje sems ma dang/ rdo rje chos la nu ma 'dzin pa med pa de'i phyag gnyis pa sdigs mdzub dang zhags pa 'dzin par bya'o/ /'phags pa'i bden pa bzhi zhes bya ba la sogs pa la/ 'phags pa'i bden pa bzhi ni mi bskyod pa la sogs pa'i ste/ de thabs dang shes rab kyi bden pas dga' zhing mnyes par byed pas na de skad ces bya'o/ /de la dmigs pa la sogs pa'i don ni bshad zin to/ /sku gsum rgyal ba bye ba phrag bdun gyis zhes bya ba ni chos dang/ longs spyod rdzogs pa dang/ sprul pa'i sku'i bdag nyid can gyi rgyal ba bye ba phrag bdun gyis yang dag par ston pa'o/ /gsang sngags glu yis zhes bya ba ni gsang sngags gsungs pas so/ /bstod ces bya ba ni rnam par mkhyen cing bsngags par mdzad pa'o/ /yi ge dgu
- 236a
pa zhes bya pa ni/ oM zhes bya ba la sogs pa'i gsang sngags kyi ngo bo nyid yin pa'i phyir ro/ /thabs dgu can zhes bya ba ni sgeg pa dpa' ba mi sdug pa/ /rgod dang khro dang 'jigs rung dang/ /snying rje rdem? dang zhi ba ni/ /gang thabs dgu ? shes par bya zhes bya ba ste/ de rnams gang la yod pa de la de skad ces bya ste/ gdul bya rnams kyi bsam pa'i bye brag gis de dag dang ldan pas de skad gsungs pa yin no/ /lha dgu yis ni gnas su mdzad ces bya ba ni lha dgus gzhir mdzad pa'i rgyal ba'i gnas gang yin pa de la de skad ces bya'o/ /don gyis ni 'di skad ston pa yin te/ oM las spyi bor rnam par snang mdzad de ser po tsa las mig tu 'khor los sgyur ba ste ser po/ /le las mgrin par mi g.yo ba ste nag po/ /tsu las snying gar gtsug na nor bu ste dmar po/ /le las dpung mgor don yod pa'i zhags pa ste nag po/ /tsu las lte par skul byed ma ste dkar po/ /de las brla gnyis su rdo rje 'chang pa ste nag po/ /swA las byin pa gnyis su ral pa gcig ma ste nag po/ /dA las rkang pa gnyis kyi steng du rdo rje sen mo can dkar bo ste de dag bzhugs pa'o/ /ston ka'i ldam bu'i mdog ces bya ba sku mdog ston ka'i ldam bu'o zhes bya ba'i don to/ /na chung skal ldan dar la bab ces bya ba na tshod gzhon zhing dar la bab pa dang ldan pa'o// rig sngags thams cad sgrol mdzad ma zhes bya ba ni lha mo thams cad kyi nang na yum 'di ni shin tu yang sems can rnams sgrol par mdzad do/ /zhes bya ba'i don to/ /zhal dang po sku mdog dang mthun la g.yas g.yon na gnas pa'i zhal gnyis kyi sku mdog bstan pa ni zhal dbus ma dang sku'i mdog can nyid yin te/ thams cad du yang de bzhin/ mche bzla ba chos pa 'dra zhes bya ba ni tshes gcig gi zla ba lta bu'o/ /ljags ni glog bzhin bskyod par mdzad ces bya ba ni lce glog ltar g.yo ba'i
- 236b
tshams kyi sgros gnon rnam par gdangs zhes bya ba ni ma mchu'i sgros tshems kyis mnan nas/ rnam par gdangs pa ni cung zad gdangs pa'o/ /rtsa ba'i phyag rgya zhes bya ba ni 'og nas bshad pas so/ /se gol gtogs zhes bya ba ni ba dan gsum pa'i phyag gis se gol gtogs pa'i tshul lo/ /stod g.yogs pad par rnam par bcings zhes bya ba ni steng nas bla gos gyon pa pad par bcings zhes bya ba'i don to/ /cho 'phrul rnam pa sna tshogs dang zhes bya ba ni kun brjod pa la sogs pa'i cha 'phrul rnam pa sna tshogs pa gang yin pa de dang ngo/ /thal mo sbyor bar byed la brtson zhes bya ba ni thal mo sbyor ba'o/ /la la na re lag pa sbyar ba byas pa'o/ /zhes zer ro/ /rgyal ba mdza' yas pa zhes pa la sogs pa la/ rgyal pa ni rnam par snang mdzad la sogs pa'o// mdza' yas pa ni tshad med pa'o/ /de rnams kyi ye shes ni chos kyi dbyings la sogs pa'i ye shes lnga ste/ de las byung ba'i bcom ldan 'das yum skul byed ma la yang de skad ces bya'o/ /de nyid ni stobs te nges lha dgu'i tshogs kyi rdo rje gang du / pa rnams ? rnam par rgyal bas na de skad ces bya ste de la dmigs pa zhes bya ba la sogs pa'i don ni bshad zin to/ /gser gyi mdog dang ldan zhes bya ba ni ser po'o/ /rol stangs stabs kyis gnas pas gnon zhes bya ba ni rol pa'i stang stabs kyi mtshan nyid ni sngar bshad pa ste de nyid ni gzhir gyur pas gnas te/ des gnon cing bdag gir mdzad pa gang yin pa de la de skad ces bya ste/ rol pa'i stang stabs kyis bzhugs zhes bya ba'i don to/ /sangs rgyas sprin 'phros thob par mdzad ces bya ba ni sangs rgyas kyi sprin spros pas thob par mdzad ces pa gdul bya'i skye po rnams kyi ye shes bskyed par mdzad pas de skad ces bya'o/ /chos mdzod ces bya ba ni ye shes rin po che'i 'byung gnas su gyur ces bya ba'i don to/ sangs
- 237a
rgyas rin chen zhes bya ba la sogs pa la sangs rgyas rnams kyi sprin ni tshogs/ /sangs rgyas kyi sprin de'i ye shes ji skad du bshad pa ni rnyed par dka' bas na rin po che ste/ sangs rgyas kyi sprin ye shes de nyid la de skad ces bya'o// nges sngon gyi smon lam nye bar bsags pas snang bar gyur cing 'gro ba ma lus pa'i yid la 'dod pa'i don rdzogs par mdzad pa nyid du so sor snang bar byed pa ste rin chen sgrol ma la de skad ces bya'o/ /dmigs pa zhes bya ba sogs pa'i don ni bshad zin to/ /ston ka'i zla ba'i 'od dang mtshungs zhes bya ba ni dkar ba'o/ /pad+ma la bzhugs pa zhes bya ba ni pad+ma de la bzhugs pa'o/ /gal te de skad bshad mod kyi 'on kyang pad+ma'i steng du zla ba'i dkyil 'khor te bskyed pa'i rim pa las byung ba yin pa'i phyir ro/ /rol ba'i stang stabs brtson pa ste zhes bya ba ni rol pa'i stang stabs kyis de la bzhugs nas gdug pa rnams bzlog par mdzad pa la rab tu 'bad pas brtson par mdzad pa'o/ /rnam par blta ba zhes bya ba ni phyogs thams cad du gziD ba'o/ /nyal dang zhes bya ba la 'dir ni 'khor lo'i sngags rnams yin par shes par bya ste/ 'dis ni mnyam par ma bzhag pa'i rnal 'byor gsungs pa yin no/ /'jigs pa thams cad ces bya ba la sogs pa la ser sna nye bar bsags pas rang gi sems nyid phyi dang nang gi bgegs rnams su snang ste de las 'jigs pa'o/ /de 'jig pa ni nye bar zhi ba ste/ de 'jig par nus pa ni bdag dang bdag gir gnyis su rtogs pa la kun tu spyod pa la 'jug pa'i ser sna spong bar nus pa'i ye shes gang yin pa de nyid ni rdo rje ste/ de'i ngo bo nyid du gyur pa'i de nyid dang de thob pa'i thabs kyi bdag nyid can du gyur pas bcom ldan 'das yum khro gnyer can la yang de skad ces bya'o/ /de la dmigs pa zhes bya ba la sogs pa'i
- 237b
don ni bshad zin to/ /thams cad bcing ba bskyed pas te/ zhes bya ba ni gdug pa thams cad kyi bcing ba ste/ bgegs byed pa'i nus med pa'o de bskyed par mdzad pas na de skad ces bya'o/ /de nyid kyis na sems can ma rungs nges 'dul byed ces bya ba gsungs te/ 'di yang rol pa'i stang stabs kyis bzhugs pa'o/ /rdo rje zhes bya ba la sogs pa'i/ /rdo rje sgrog ni mi bshigs pa'i mtshan nyid can no/ /de'i 'gro ba ni ji ltar bcings pa 'di rnam par mi bshigs par 'gyur zhes rtog pa ste/ bcom ldan 'das yum rdo rje lu gu ? la de skad ces bya ste/ de nyid ye shes rdo rje'o/ /dmigs pa zhes bya ba la sogs pa'i don ni bshad zin to/ /thub pa skyes mchog ces bya ba ni bar chad med par mngon par rdzogs par 'tshang rgya bar 'gyur ba ste/ des na de bzhin gshegs pa rnams kyi mchog tu gyur pa'o/ /sems dpa' i skyil mo krung du bzhugs zhes bya ba ni sems dpa' i skyil mo krung gis gnas pa'o/ /sangs rgyas byang chub sems dpa' yi/ /sprin rnams de bzhin 'phro bar mdzad ces bya ba ni sangs rgyas kyi rnam pa'i sprin rnams kyis khams gsum khyab par mdzad pa dang de bzhin du byang chub sems dpa' i sprin rnams kyang 'phro bar mdzad de zhes bya par sbyar te/ bsgom par bya'o zhes bya ba ni tshig gi lhag ma'o/ /byams pa'i zhes bya ba la sogs pa la byams pa'i stobs mnga' bas na byams pa'i stobs te 'phags pa byams pa'o/ /ye shes nyid kyis bdud bzhi las rgyal ba'i mtshan nyid can yin pas na rnam par rgyal ba ste de nyid ni rdo rje'o/ /dmigs pa zhes bya ba la sogs pa'i don ni bshad zin to/ /shes rab ye shes mchog thob pa zhes bya ba ni shes rab kyi mchog ni chos bdag med pa'i mtshan nyid can no/ /zab ma'i tshul ni ston pa po zhes bya ba ni dngos po rnams gnyis su med par ston pa'o/ /zur phung gsum zhes bya ba ni zur phud
- 238a
gsum dang ldan pas na de skad ces gsungs so/ /'jo sgeg thabs kyis rol pa ste zhes bya ba ni shas cher sgeg pa'i stang stabs dang ldan pa'o/ /shes rab 'chang zhes bya ba ni shes rab kyi pha rol tu phyin pa'i glegs baM bsnams pa'o/ /shes rab yon tan mchog gis klubs zhes bya ba ni sgrub pa po/ /'phags pa 'jam dpal gyis lha'i nga rgyal gyis brgyan par byas pa'o/ /sangs rgyas 'dod pas zhes bya ba 'tshang rgya bar yid la 'dod pas so/ /'jam pa'i rab mchog gi zhes bya ba la sogs pa la 'jam pa ni byis pa'i cha lugs 'chang ba'o/ /de nyid phul du byung bas na rab bo/ /de bzhin gshegs pa thams cad kyi nges par 'byed pa'i shes rab dang ye shes kyi ngo bo nyid du gyur pas na mchog go/ shes rab dang ye shes ni gnyis kyis rnam par dben pa'i shes rab dang ye shes so/ /rnam par rtog pa thams cad 'jig pas na rdo rje ste/ de rtogs pa'i tshul gyis snang zhing rab tu gsal bas na byang chub sems dpa' 'jam dpal de la de skad ces bya'o/ /dmigs pa zhes bya ba la sogs pa'i don ni bshad zin to/ /de la sogs pa zhes bya ba la sogs pa 'dis ni byang chub sems dpa' lhag ma rnams bstan pa yin no/ /grangs med pa zhes bya ba ni tshig 'di grangs med pa nyid ston pa ni ma yin gyi 'on kyang mang po ston pa ste/ de rnams ni bzhis ma tshang? ba'i byang chub sems dpa' stong yod par shes par bya'o/ /sa bon yig 'bru rnams las 'khrungs zhes bya ba ni ming gi yi ga'i dang po las byung ba'o/ /ye shes phyag rgya'i sbyor ba can zhes bya ba ni zla ba dang rdo rje la sogs pa bsgom pa'i rim pa dang ldan pa'o/ /sna tshogs nyams kyis dga' bar mdzad ces bya ba ni sgeg pa la sogs pa'i gar gyi
- 238b
nyams kyis de la mngon par zhen pa rnams gar stabs kyis nyams de dang nges dga' ba bskyed par mdzad ces bya ba'i don to/ /gsang sngags zlos pas bsgom par bya zhes bya ba ni 'dir byed pa'i tshig med par byas nas mtshams sbyar te/ sa bon yig? 'bru rnams las 'khrungs zhes bya ba dang sangs rgyas la sogs pa spros te/ so so'i sngags brjod pa ni yi ge de las spro ba dang bsdu ba dang gnas dang brtan par gyur pas rnal 'byor pa rnams kyis rtag tu dran zhing bsgom par bya'o/ /'dir bsgreng ste bstan pa'i byang chub sems dpa' de dag thams cad kyang phyag dang po gnyis ni bsam gtan gyi phyag rgyar bya'o/ /g.yas kyi gnyis pas ni mchog sbyin pa'o/ /g.yon gyi gnyis pas ni rang gi phyag rgya rgyal mtshan 'dzin par bya'o/ /zhes bya ba ni man ngag go/ 'jam pa'i dbyangs kyi zhes bya ba ni de dang 'brel ba'o/ /gzi brjid dang ldan zhes bya ba ni 'bar ma ste zhes bya ba dang sbyar te/ nyi ma'i dkyil 'khor gyi 'od dang gdan du ldan pas na de skad ces gsungs so/ /mdog ni dbyar gyi char sprin 'dra zhes bya ba ni sku mdog sngo nag go/ sprul gyi rgyan gyis brgyan pa ste zhes bya ba ni mdza' yas dang rigs ldan nag pos dbu skra bcings pa 'jog pa gser mdog dang ldan pas ni rna rgyan byas pa/ pad+ma chen po gser btse? ma'i mdog dang ldan pas ni lag gdub byas pa/ kar ko Ti mdog dkar pas ni ser la khar byas pa/ nor can mdog pad+ma dmar po lta bus ni ska rags byas la/ dung skyong dang pad+ma mdog dkar ba dang dmar bas ni rkang gdub byas pa ste/ de dag thams cad kyang gdengs ka dkyil ba dang nor bu dang ldan pa'o/ /rol pa'i stang stabs can zhes bya ba ni rol pa'i stang stabs dang ldan pas na de skad ces bya'o/ /ma he chibs zhes bya ba ni 'di skad gsungs su zin kyang rgyud chen po'i rjes su 'brangs nas ma hes nye
- 239a
bar mtshon pa gshin rje chung ma dang bcas pa yin par shes par bya'o/ /de'i zhes bya ba ni ma hes nye bar mtshon pa gshin rje'i'o/ /dbu'i steng na mi 'khrugs bzhugs zhes bya ba ni mi bskyod pa'i dbu'i steng na bzhugs pa gang yin pa de la skad ces bya'o/ /steng na sku gsum zhes bya ba la sogs pa ni steng gi char sku gsum gyi bdag nyid du gnas pa 'jam dpal gyis legs par brgyan par byas pa la de'i 'og tu mi bskyod pa'o/ /mnga' yang gsor zhes bya ba ni mnga' gsor bar mdzad pa'o/ /g.yon pa sdigs mdzub zhags pa can zhes bya ba ni g.yon pa rdo rje khu tshur la mdzub mo bsgreng bas zhags pa 'dzin pa'o/ /lha mo yi ni g.yas nas 'khyung ces bya ba la sogs pa la g.yas logs na gnas pa'i lha mo mdog de nyid dang 'dra bas na g.yon gyis 'khyud pa'o/ /lha mo de'i g.yas na utpal sngon po 'dzin pa'o/ /g.yon pa zhes bya ba la sogs pa g.yon logs na gnas pa'i lha mos g.yas kyis ni 'khyung la de'i g.yon na ni pad+ma dkar po thogs pa'o/ /sngar ma breng nas phyag kyang 'tshal zhing mgo btung pa ste/ de nyid kyis na sngar ma ste myos par gyur pa'o/ /'od zer dmar po 'bar dang bcas zhes bya ba ni 'od zer dmar ba ste/ de nyid kyis na 'bar ba dang bcas pa'i 'od kyi dkyil 'khor gyis bskor ba'o/ /sangs rgyas sbrin 'phros thob par mdzad ces bya ba ni sangs rgyas kyi sprin rnams 'phro bas mngon par 'dod pa'i don gdul bya'i skye bo rnams kyis kun mas thob cing rnyed par mdzad pas na sangs rgyas sprin 'phros thob par mdzad de/ sprul ba'i sprin gyis sems can don mdzad ces bya ba'i don to/ /bsgoms nas su zhes bya ba ni 'dir ji skad du gsungs pa'i mtshan nyid dang ldan par bsgom pa 'di dag par 'gyur ro zhes
- 239b
bya bar sbyar ro/ /nyal lam zhes bya ba ni yang gi sgras ni bsdad pa'am sdod par shes par bya'o/ /kun zos shing zhes bya ba 'dis ni bza' bar bya ba'i dam tshig bstan to// //legs par bsams te zhes bya ba ni gdug pa rnams tshar gcod cing 'jig pa'o/ /'dod pa lnga'i zhes bya ba la sogs pa la rnam par snang mdzad dang rin chen 'byung ldan dang/ snang ba mdza' yas dang/ don yod grub pa dang/ mi skyod pa'i bdag nyid kyi gzugs dang sgra dang dri dang ro dang reg bya'i mtshan nyid can gyi 'dod pa'i bdag nyid sgyu ma'i skyes bu lta bu 'am ma skyes par mos pa sngon du 'gro bas de bzhin gshegs pa la sogs pa mchod pa'i yid la byed pas nye bar longs spyod na gos pa med cing sdig pa'i snod du mi 'gyur ro/ /de bas na chos thams cad la brten pa med pas na nam mkha' lta bur zhes gsungs pa yin no/ /de skad du gzhan dag las kyang/ chags pa ye shes 'dod pa yis/ /rtag tu 'dod pa'i yon tan bsten/ /byang chub sems dpa' mnyes par bya/ /byang chub dpa' bo chags pas bya/ /gzugs la rnam gsum shes byas nas/ /mtshong pa byed pas mchod pa bya/ /bcom ldan de nyid sna tshogs pa/ /sangs rgyas rnam par snang mdzad bzhi/ /sgra la rnam gsum shes byas nas/ /lha rnams la ni dbul bar bya/ /de nyid bcom ldan sna tshogs pa/ /sangs rgyas rin chen 'byung gnas gtso/ /dri la rnam gsum shes byas nas/ /sangs rgyas la sogs dbul bar bya/ /de nyid bcom ldan sna tshogs pa/ 'dod chags chos kyi 'byung gnas gtso/ /ro la rnam gsum shes byas nas/ lha rnams la ni dbul bar bya/ /de nyid sangs rgyas sna tshogs pa/ /sangs rgyas thogs med rdo rje 'dzin/ /reg la rnam gsum shes byas nas/ /bdag gi rigs la dbul bar bya/ /de nyid bcom ldan rdo rje can/ /mi bskyod pa yi tshul brnyes pa'o/ /
- 240a
gzugs dang sgra dang rol sogs/ /rtag tu sems ni sbyar bar bya/ /'di ni sangs rgyas thams cad kyi/ /gsang ba snying po bsdus pa'o/ /zhes bya ba gsungs pa yin no/ /gshed byed ces bya ba la sogs pa la gshed byed ni 'phro ba'i bdag nyid do/ /de nyid rnam pa thams cad kyis thams cad byed pa 'am/ gdug pa rnams 'joms pa'i phyir slong bar byed pas na gshed byed thams cad slong bar byed pa'o/ /de nyid ni thogs pa med pa'i phyir ye shes kyang yin la rdo rje yang yin pas de skad ces bya'o/ /yang na gshed byed thams cad slong bar byed cing skyed par byed pa'i ye shes rdo rje yin pas de skad ces bya'o/ /bcom ldan 'das de nyid kyis gshin rjer 'jig rten du grags pa gsod pa ni bzlog par mdzad pa ste/ 'dul ba'i thabs dang bcas pas nyon mongs pa'i gnas las bzlog ste/ de bzhin gshegs pa'i lam la 'jug par mdzad pas de skad ces bya'o/ /de la dmigs pa zhes bya ba la sogs pa'i don ni bshad zin to// mi'u thung zhes bya ba ni mi'u thung gi khyad par dang ldan pa'o/ /'od zer dmar po'i dkyil 'khor can zhes bya ba ni 'od zer dmar po'i dkyil 'khor te nyi ma'i dkyil 'khor ro/ /de'i 'od zer de la mnga' bas na de skad ces bya ste/ 'od kyi dkyil 'khor dmar? po rab 'phro ba zhes bya ba'i don to/ /rol pa'i stabs kyis pad+mar bzhugS zhes bya ba ni rol pa'i stang stabs kyis pad+ma'i gdan la bzhugs pas de skad ces bya'o/ /shes rab mthar byed ces bya ba'i don gyis na pad+ma'i steng na khyab 'jug chung ma dang bcas ba de'i steng na bcom ldan 'das ji lta ba bzhin bzhugs pa'o/ /rnam par 'gyur ba zhes bya ba ni zhal gyi mche ba gtsigs pa'o/ /tshams? kyis sgros kyang mnan ces bya ba ni mche bas ma mchu'i sgros gnon par mdzad pa ste zhal
- 240b
gsum las g.yon gyi zhal steng gi tshems kyi sgros gnon pa'o/ /sna tshogs rgyan gyis 'bar ba ste zhes bya ba ni tshogs pa ni sgeg pa la sogs pas yan lag 'gyur bar byed pa'i gar stabs rnams dang ldan pas 'bar ba'o/ /spyi po'i steng ni spyi gtsug go /dngos po bsgom byas na zhes bya ba ni rab tu rang zhing mos pa'i rjes su 'gro ba'i bsam pas bsgom pa'o/ /gzhan gyis mi thub pa zhes bya ba la sogs pa la gdug pa thams cad zil gyis mnan pa gang gis kyang mi thub pas gzhan gyis mi thub pa ste / de nyid ye shes kyi rdo rje'o/ /dmigs pa zhes bya ba la sogs pa'i don ni bshad zin no/ /spyan gsum pa zhes bya ba 'dir ldan zhes bya ba ni tshig gi lhag ma'o/ /rol pa'i stabs kyis pad+mar bzhugs zhes bya ba ni bshad zin to/ /de lta mod kyi pa smra? mthar byed ces bya ba'i don gyi rjes su 'brangs na pad+ma'i steng na tshangs pa chung ma dang bcas pa de'i steng na bcom ldan 'das ji lta ba bzhin du bzhugs pa'o/ /khro bo'i lta bas rtogs par mdzad pa zhes bya ba ni khro gnyer bsnyer ba rab tu 'jigS gro? ba'i lta bas rab tu 'dzum/ /khro bo'i lta bas mnyam gzhag na/ /khams gsum dag kyang 'jigs par byed ces bshad pa ni khro bo'i lta ba'i mtshan nyid de de gzigs par mdzad pas na/ khro bo'i lta bas rtog pa mdzad pa zhes bya'o/ /ljags ni bskyod mdzad zhes bya'o/ /ljags ni bskyod zhes bya ba ni ljags bskyod par mdzad cing 'jigs pas na ljags ni bskyod mdzad la'o/ /sangs rgyas gzugs ni mang po dag ces bya ba ni sangs rgyas kyi sku du ma dag 'phro bar byed pa la sogs pa gang yin pa de la de skad ces bya'o/ /'phro zhing 'du bar zhes bya ba'i nye bar mtshon pas na 'phro ba dang bsdu ba dang gnas pa dang brtan par bya ba'o/ /bsgoms byas nas zhes bya ba ni 'dir thun gsum du goms par bya'o zhes sbyar bar bya'o/ /
- 241a
rta mchog ces bya ba la sogs pa la rab mchog tu gyur ba'i rta mchog thams cad 'joms par byed pa'i ngo bo nyid du dbu gsum gyi steng du 'jog par mdzad pas na rta mchog ste de nyid ni ye shes kyi rdo rje'o/ /dmigs pa zhes bya ba la sogs pa'i don ni bshad zin to/ /bgegs kyi gshed ces bya ba ni dngos grub ma lus pa'i bgegs su gyur pa 'joms pa'o/ /me'i dkyil 'khor bzhugs zhes bya ba ni 'bar ba'i dkyil 'khor gyis bskor ba'o/ /utpal sngon po'i 'dab ma'i mdog ces bya ba ni utpal sngon po'i 'dab ma lta bu'i mdog dang gzi mdangs yod pas na de skad ces bya ba ste/ sku mdog sngon po zhes bya ba'i don to/ /zhabs kyis bgegs ni mnan pa ste zhes bya ba zhabs g.yon pas pad+ma'i steng na tshogs gyi bdag po gnas pa gnon bar mdzad pa gang yin ba de la de skad ces bya'o/ /gnyis pa pad+ma'i steng na bzhugs zhes bya ba ni bcom ldan 'das de nyid kyi gnyis pa ste zhabs g.yas pa pad+ma la 'jog par mdzad pas na bcom ldan 'das 'di yang rol pa'i stabs kyis pad+ma la bzhugs par bsgom par bya'o zhes 'dir yang snga ma bzhin no/ /ye shes mkhas pas zhes bya ba ni bsgom pa'i ye shes la mkhas pa'o/ /bgegs thams cad ces bya ba la sogs pa la bgegs thams cad rnams gzhom pa ni rnam par 'jig pa ste/ des rnam par rgyal ba mnga' bas na de skad ces bya ste/ de nyid ni ye shes rdo rje'o/ /de la dmigs pa zhes bya ba la sogs pa'i don ni bshad zin to/ /mig g.yon zhes bya ba ni mi g.yem? ge? ba'o/ /hUM gis snying ga'i phyogs kyang bkang zhes bya ba ni snying phyogs nas gnas pa'i yi ge hUM gi sgras lus khyab pa'o/ /mthing shing gi ni mdog can te zhes bya ba ni kha dog gzhan dang shin tu ma 'dres pa'i mthing gi mdog
- 241b
can no/ /grub pa ni mi dge ba rnams rnam pa thams cad du sdom pa'i bdag nyid du gyur ba'i phyir ro/ /bgegs kyi chu 'jings zhes bya ba la sogs pa la ma rig pa'i mun pas nye bar bsags pa'i sems kyi rgyun rnam par sbyong bar mdzad pas bgegs chu bo'i mdzings 'joms pa'o/ /spyan g.yo ba ni phyogs thams cad du legs par gzigs pa la brtsan pa'o/ /de nyid nyi ma'i dkyil 'khor dang ldan pas na 'bar ba'o/ /chang la bzung ste blta ba dang zhes pa ni khu tshur dam du bcings pas dam du gzung ba'o/ sna tshogs zhes bya ba la sogs pa la dus thams cad pa'i me tog sna tshogs pa chu las skyes pa dang thang las skyes pa'i mchog rnams khyad par du spel zhing bkod pas bcings shing dkris pa ste/ des rtsa bar bcings pa'i cod pan gyi dbu rgyan rin po che las byas pa gang yin pa de la de skad ces bya ba la/ de mnga' bas ni bcom ldan 'das mi g.yo mgon la yang de skad ces bya ste/ dbu'i steng du dus thams cad pa'i me tog gi phreng bas dbu rgyan byas pa'o/ /cho 'phrul chen po du ma 'phro zhes bya ba ni gdul bya rnams mos par byed pa'i phyir rdzu 'phrul la sogs pa dang ldan pa'o zhes bya ba ni tshig gi lhag ma'o/ /de ltar zhes bya ba ni de bzhin du'o/ /rtag tu zhes bya ba ni rnal 'byor ba gang dus thams cad du spyod laM rnam bzhir bsgom mo zhes bya ba'i bar ro/ /sgron par byed ces bya ba ni 'dir 'di ltar ro/ /bla na med pa'i zhes bya ba la sogs pa chos thams cad phyin ci ma log par khong du chud ba ni byang chub pa'o/ /de las khyad par du gyur pa gzhan med pas de nyid ni bla na med pa'o// them skas ? 'dzeg par 'gyur zhes bya ba ni sems kyi rgyun 'phags pa'i lam la 'dzegs pas gnas pa ste/ 'di dag gis na byang chub rab tu 'bad pas bsgrub par bya'o zhes bstan to/ /de bzhin gshegs pa zhes bya ba la sogs
- 242a
pa la de bzhin gshegs pa thams cad kyi bka' bzhin byed pa ni sgrub pa po ma lus pa'i mngon par 'dod pa'i dngos grub stsal ba'i phyir sad par mdzad pa'o/ /de la mi g.yo ba ni mi 'gul ba'o/ /ye shes ni de bzhin gsheD pa'i gang yin pa de la des rnam par bsgyings pa ni sems can ma lus pa'i don rdzogs par mdzad pa'o/ /de rnam par rol pa mnga' bas na bcom ldan 'das mi g.yo ba la de skad ces bya ste de nyid rdo rje'o/ /dmigs pa zhes bya ba la soD pa'i don ni bshad zin to/ /ming ni 'dod pa'i dbang phyug zhes bya ba ni Tak+ki'i 'dod pa yin par grags zhes gsungs pas ni 'dod pa ma lus pa'i bdag por gyur pa na mtshan de ltar bsgrags zhes tshig 'og ma dang sbyar ro/ /dbu rgyan sangs rgyas kyis brgyan pa'i zhes bya ba ni sangs rgyas mi bskyod pa'i dbu rgyan gyi cod pan dang ldan pa ste gtso bo'i rin po che'i dbu rgyan gyis brgyan pa'o/ /dpral bar khro gnyer bsdus mdzad pa zhes bya ba ni dpral ba la smin ma'i bar? du khro gnyer bsdus par mdzad pa gang yin pa de la de skad ces bya'o/ /'bar ba ste zhes bya ba ni dngos po khyad par can dang ldan pas de skad ces bya'o/ /dkyil 'khor dmar po zhes bya ba ni nyi ma'i dkyil 'khor ro/ /'dod pa'i rgyal po phyag rgya ni 'og nas 'chang ngo/ /rol ba'i stabs ni rol ba'i stang stabs mdzad pa'o/ /'og gi bgegs la sdang bar mdzad ces bya ba ni 'og gi bgegs rnams skrag par mdzad pa'o// sangs rgyas spros pas kun tu khyab ces bya ba ni sangs rgyas rnams kyi 'phro ba kun tu 'khrigs? pas lus la khyab pa'o/ /bla med ye shes thob bya'i phyir zhes bya ba ni thams cad la mchog tu gyur pa'i ye shes thob pa'i don du'o/ /ting nge 'dzin bzang po zhes bya ba ni sems mchog tu rtse gcig pa
- 242b
thob pas so/ /snying po thams cad ces bya ba sogs pa la sangs rgyas dang rdo rje 'dzin pa la sogs thams cad kyi snying po ni gnyis su med pa'i ye shes so/ /de thams cad nas 'gugs pa na 'dren pa'o/ /des rnams rgyal ba ste gdug pa rnams zil gyis gnon pa'i mtshan nyid mnga' bas na de skad ces bya'o/ /de nyid ye shes rdo rje ste/ dmigs pa zhes bya ba la sogs pa'i don ni bshad zin to/ /sku ni sprin sngon 'dra ba ste zhes bya ba ni sku sprin sngon po dang 'dra bar sngo ba mnga' bas na de skad ces bya'o// dbu rgyan la ni sangs rgyas bzhugs zhes bya ba ni cod pan la mi bskyod pa 'jog pa'o/ /rol stabs mdzad ces bya ba ni rol pa'i stang stabs mdzad pa'o/ /dkyil 'khor zhes bya ba ni nyi ma'i dkyil 'khor ro/ /sbyor ba'i ye shes kyis bskul ba'i zhes bya ba ni dam tshig gi phyag rgya dang sbyor ba ni sbyor ba'o/ /de'i ye shes ni 'khyud pa la sogs pa ste gnas skabs der ci rigs par rigs lngar bzhugs pa'i lha thams cad kyi rab tu dga' ba rnam par dag pa nyid de/ des bskul bas so sor rig bas rab tu dga' ba'i bdag nyid can bdag gir mdzad ces bya ba'i bar du'o/ /gzhan dag ni lha dang gnyis su med pa'i nga rgyal gyi bdag nyid can gyi sbyor ba bsgom pa ni ye shes kyis bskul ba'o zhes 'dod do/ /bsgom par bya'o zhes bya ba ni tshig gi lhag ma'o/ /dbang bdag brdeg pa'i zhes bya ba la sogs pa la dbang bdag mi lha chen po'o/ /de la brdeg pa ston par gyur pa la sogs pa'i mngon pa'i nga rgyal gsal mdzad pa ste de'i ye shes gang yin pa des rnam par rgyal ba 'di la mnga' bas/ dbyug sngon la de skad ces bya ste de nyid rdo rje'o/ /dmigs pa zhes bya ba la sogs pa'i don bshad zin to/ /mig dmar skra 'bar gyen du brdzes zhes pa ni mig dmar po mnga' bas na mig dmar ro/ /yang de nyid ni dbu skra 'bar zhing 'od dang ldan pas gyen?
- 243a
du brdzes pa gang la mnga' ba de la de skad ces bya'o/ /pad+ma la bzhugs 'gying ba gcan zhes bya ba ni pad+ma'i gdan gyi steng na khro bo'i nga rgyal gyi stang stabs dang bcas pas bzhugs pa'o/ /drag po ni drag pa'i las mdzad pa'i phyir ro/ / tsham dam bcas pas gtor zhes bya ba ni tsham dam dang bcas shing rol pa'i stang stabs zhes bya ba dang khro bo'i nga rgyal gyis bzhugs bas tsham dam bcas zhes bya ba ste stang stabs nges bgegs rnams 'thor zhing skrod par byed pa bskyed pas de skad ces bya'o/ /phyogs bcu'i zhes bya ba ni rang rang gi phyogs su'o/ /'bar ba rnams kyis yongs bskor ba zhes bya ba ni nyi ma'i 'od kyi dkyil 'khor dang ldan pas de skad ces bya'o/ /sprin zhes bya ba ni 'dir ldan pa'i tshig tu shes par bya'o/ /sgom pa'i mchog gis zhes bya ba sgom pa'i mchog thob pas so/ /bsgom par bya zhes bya ba ni 'dir de bzhin du bsgom pa'o/ /chol pa zhes bya ba la 'chol pa'i rgyud las bshad pa'i kun tu spyod pa la ni chol pa zhes bya ba'i sgrar brjod do/ /de'i ye shes ni rang bzhin gyi 'od gsal bar rtogs pa'o/ /de'i stobs ni thogs pa med pa'i nus pa'o/ /nges rnam par rgyal ba ni de dang 'dra bas rjes su 'gro ba'i sems can med pas ni khro bo stobs po che la de skad ces bya ste de nyid rdo rje'o/ /dmigs pa zhes bya ba la sogs pa'i don bshad zin to/ /sku gsum ldan pa zhes bya ba sku gsum gyi bdag nyid can sku dang gsung dang thugs rdo rje'i ngo bo nyid du gyur pas de skad ces te thams cad la yang de bzhin du? par bya'o/ /'od? bzang ba zhes bya ba ni 'od dmar po'o/ /'dom gang 'od kyis rnam par brgyan ces bya ba ni kun nas 'od zer mdog gang gis sku rab tu mdzes pa'o/ /nges na lha mo rab bzhugs pa zhes bya ba ni ngos gnyis na
- 243b
gsang ba chen po'i de kho na nyid lnga'i tshul gyis gnas pa'o/ /rigs kyi yum ni bzhi po rnams zhes bya ba ni la la ni rdo rje sems ma la sogs pa yin par 'dod la/ gzhan dag ni spyan la sogs pa'i ni zhes zer mod kyi de gnyis las phyogs snga ma ni mi rigs so// de dang ldan zhes bya ba ni tshig gi lhag ma'o/ /phyag rgya 'di dag kyang gang gi phyir sngar bshad mod kyi 'on kyang bskyed pa'i rim pa la dgongs pa nyid kyis na gtso bo'i nyid du bstan pa'i phyir yang phyag rgya 'di dag nye bar dgong pa mdzad pa yin no/ /rjes chags zhes bya ba ni rjes su dgyes pa'i bdag nyid can yin pas so// /spros bcas dga' ston yin zhes bya ba ni 'khor los sgyur ba'i spro ba dang bcas pa'i dga' ston te/ kun tu dga' ba gang yin pa de la de skad ces bya'o/ /'dir lha mo rnams ni phyag gnyis pa'o// gtsug tor 'od zer lnga ba can zhes bya ba 'dir de nyid yin par shes par bya'o/ /kun tu 'khor lor phreng bar ldan zhes bya ba ni 'od kyi dkyil 'khor gyi phyi rol du'o/ /'khor lo'i bar na rdo rje gnas/ /'od zer phreng bas rnam par brgyan ces bya ba ni rdo rje phreng ba'i nang du 'od kyi dkyil 'khor byas pas rjes su 'brel pa'i rdo rje phreng ba 'od zer gyi rnam pa can bas brgyan pa ste/ nye bar mtshon pa 'dis na de'i nang du rin po che dang pad+ma dang/ utpa la'i phreng bas kyang brgyan par shes par bya'o/ /byang chub snying po don gnyer ba zhes bya ba ni byang chub kyi snying po mngon par 'dod pas so/ /'dod pa thob ces bya ba ni 'jig rten dang 'jig rten las 'das pa'i phun sum tshogs pa thams cad byed do/ /byang chub snying po zhes bya ba la sogs pa la byang chub kyi snying po ni de bzhin gshegs pa'i ye shes so/ /des gdul bya'i skye po'i bsam pa rnam pa thams cad du rdzogs par byed cing brgyan pa dang spung par mdzad pas na byang chub kyi snying po thams cad kyis brgyan pa ste 'khor los sgyur ba'o/ /de nyid kyi ye shes ni 'khor lo'i
- 244a
ngo bo nyid yin pas na ye shes 'khor lo'i rdo rje'o/ /dmigs pa zhes bya pa la sogs pa ni bshad zin to/ /gong du de dag la brten nas ting nge 'dzin gyi khyad par las nges par 'byung ba'i gsang sngags bye ba phrag du ma gsungs so zhes bya ba'i don nyid rim bzhin du bstan pa yin te gsang sngags dam pa'i tshogs dang ldan rnams tha mi dad par bzhag pa yin bas ci rigs pas bsgrub pa'i phyir 'khor lo sgyur ba dang por nye bar bkod pa yin no/ /sku gsum zhes bya ba ni rang dang rjes su mthun pa'i sku gsum dang ldan pas na de skad ces gsungs so/ /bI ja pU ra ne'u la can zhes bya ba ni lag pa g.yas pa na bI dza pU ra'o/ /g.yon pa na ne'u le'o/ /ngos la brgyan rnams thams cad kyis/ /brgyan pa'i gnod sbyin mo bzhi dag ces bya ba ni snga ma bzhin no/ /gzhan dag ni 'di dag phyogs rnam pa bzhin gnas so zhes zer ro/ /rdo rje bdud rtsi lag gnas pas zhes bya ba ni a dang hUM las byung ba yi/ /zla ba rdo rje lag par bsam/ /yi ge oM las gdu bu ni/ /ser po 'khrig? mar bsam par bya/ /baM ni b+h+ra? ba'i mdog 'dra ba/ /de las bdud rtsi char rab 'bag /dri med ser mor mngon phyogs pa/ /mkhas pas bum pa bzhin du blta/ /mdzub mo la ni nor bu bzang/ /rdzogs bzang zhes bya gung mo la// srin lag la la ni nor sbyin te/ /nor sbyin chen po mthe'u chung la/ /mthe bor pi tsi kuN+Da li/ /ke li ma li mkhrig mar te/ /sgo dbang spyod pa'i dbang po dag /lag pa'i ngos la rnam par bsam/ /sngags pas snod gnas chu dbang ni/ /lag pa'i dbus su rnam par bsam/ /dris bsgos lag pa'i dbus su mi/ rang rang sngags kyis rim bzhin bsam/ /dang por yi ge oM dang ni/ /ratna badzra rang ming dang/ /bzhi yi mdza' dang de 'og tu/ /swAhAr bcas pa sngags su bsgrags/ /rdo rje bdud kyi lag par bsaM
- 244b
'di ltar spyi bor go cha bzhin/ /mkhas pas chu yi sbyin blugs brgya/ /nyin re zhing ni legs par dbul/ /rin po che zhes bya ba la sogs pa la rin po che ni yid bzhin gyi nor bu la sogs pa'o/ /sbyin pa ni sems can thams cad la stobs pa ste/ de lta bu'i rin po che'i char 'bebs pas na de skad ces bya'o/ /de nyid sbyin pa la sogs pa'i pha rol tu phyin pa'i ye shes kyi sprin dang ldan pas na/ snon gnas la ye shes kyi sprin zhes bya ba ste de nyid rdo rje'o/ /dmigs pa zhes bya ba la sogs pa'i don ni bshad zin to/ /rta bdun ldan ba'i shing ltar zhugs zhes bya ba ni rta bdun gshibs pa'i shing rta la gnas pa'o/ /'bar ba'i dkyil 'khor snang mdzad pa zhes bya ba ni nyi ma'i dkyil 'khor las byung ba'i 'od zer 'bar ba'i 'od kyi dkyil 'khor yongs su rgyas pa'i bdag nyid can no/ /phyogs bcu bsrungs par brtson pa ste zhes bya ba ni phyogs bcu na gnas pa'i gdug pa rnams las bsrungs pa'i phyir brtson zhing rab tu 'bad par mdzad pa'o/ /mig dang kha ni 'bru bar byed ces bya ba ni gdug pa rnams kyi mig dang kha 'bru bar mdzad par bsgom par bya ba ste snga ma bzhin no/ /nye bar spyod pa rnams spangs te zhes bya ba ni mi bden pa'i rnam par rtog pa gsal la rnam pa thams cad du lha mo bsgoms pas gnas par bya'o/ /hUM mdzad ces bya ba ni yi ge hUM gi sgra legs par sgrogs pa la brtson pa'o/ /'di ni zhes bya ba ni 'od zer can gyi ting nge 'dzin gyis so/ /dbang du zhes bya ba ni rnal 'byor pa de nyid kyis so/ /sdang ba thams cad ces bya ba la sogs pa la sdang ba thams cad gyis mi tshugs par byed pa ni gdug pa thams cad bzlog pa ste/ lha mo 'od zer can no/ /de nyid thogs pa med cing mchog tu gyur pa'i ye shes kyi rdo rje mchog rab ces bya'o/ /dmigs pa zhes pa la sogs pa'i don ni
- 245a
bshad zin to/ /de steng kha dog lnga po dag/ rab tu 'dres pa'i sangs rgyas bzhugs zhes bya ba ni snga ma bzhin te/ kha dog ser po la sogs pa'o/ /slar yang de la kha dog lnga'i sangs rgyas bdud rtsi'i char 'bebs mdzad ces bya ba ni khro bo'i 'od 'bar bas gdon bsal ba'i sems can la rdo rje bdud rtsi'i bum pa phyag gnyis kyis 'dzin pa'i de bzhin gshegs pa rnams kyis dbang bskur bar bsam mo zhes sbyar ro/ /nang thams cad ces bya ba la sogs pa la nang thams cad ni rims la sogs pa'o/ /nye bar zhi ba ni bsal ba ste/ de nus pa'i ye shes thogs pa med pa'i gang yin pa ste/ de'i ngo bo nyid du gyur pas na ri khrod kyi shing lo can la yang de skad ces bya'o/ /nor bu 'bar ba'i gzugs can te mi bzad pa'i srung ba'o/ /de la dmigs pa zhes bya ba la sogs pa'i don ni bshad zin to/ /sprul mgo bdun gyis gdengs ka rgyas zhes bya ba ni sprul mgo bdun gyis gdengs gcod pan gyi steng du 'jog pas rgyas shing khyab pa gang yin pa de la de skad ces bya'o/ /de nyid ni rdo rje 'bar bas brgyan pa ste zhes bya ba ni sprul mgo rnams kyi steng na 'od 'bar ba de'i dbus na gnas pa'i nor bu ls byung ba'i 'od zer mdzes pas rang 'bar ba'i nor bus rnam par brgyan pa'o/ /'od ni dmar po'i dkyil 'khor can zhes bya ba ni 'od kyi dkyil 'khor dmar? po'i 'bar? ba'o/ /'ja' rnams 'phro bas bskor ba ste zhes bya ba ni rab tu 'gro ba'i 'ja' dra ba'i ye shes kyi phreng ba gang la yod pa de la de skad ces bya'o/ /kun nas 'bar ba rnams kyis khebs zhes bya ba ni 'bar ba'i tshogs kyis khebs pa'o/ /sangs rgyas zhes bya ba la sogs pa la de ltar gyur pa'i sangs rgyas kyi sku'i gzugs brnyan 'phro ba phyag gi pad+ma gnyis kyis yi ge baM las byung ba'i buM pa bdud rtsi'i chus yongs su gang ba'i zla ba'i mdog ltar dkar ba thogs par bsgom mo zhes bya bar sbyar ro/ /kha ni dza yis rnam bar
- 245b
brgyan pa zhes bya ba ni bum pa de yi ge dzas kha nye bar mdzes par bsgom mo zhes sbyar ro/ /la la ni dug gis brgyan bya'o zhes zer ro/ /dug gis phog pa rnams la ldugs zhes bya ba ni sangs rgyas de rnams 'dod chags la sogs pa'i dug gis brgyal ba'i sems can rnams la ldugs? par mdzad par bsgom par bya'o/ /dug gis phog pa rnams la zhes bya ba ni dug med par bya ba'i phyir ro/ /de ltar bsgom pa zhes bya ba ni dug sel ma'i ting nge 'dzin to/ /nyon mongs pa zhes bya ba la sogs pa la nyon mongs pa thams cad ni 'dod chags la sogs pa'o/ de dag nyid thabs mang par bstan na/ 'bras bu yid du mi 'ong ba 'byin pas na dug ste/ de nye bar 'joms par mdzad pas na dug sel ma la de skad ces bya'o/ /de nyid gdengs ka'i dbang po ste/ klu rnams kyi bdag por gyur pa'o/ /de dag gzhig par mi nus pa dang mi ldog pa'i phyir rdo rje ye shes so/ /dmigs pa zhes bya ba la sogs pa'i don ni bshad zin to/ /thor tshugs rgyal ba'i sku bzhugs zhes bya ba ni 'od dpag tu med pa'i sku ni rgyal ba'i sku te/ de thor tshugs kyi dbus na bzhugs pa gang yin pa de la de skad ces bya'o/ /pad+ma dkar po lta bur snang zhes bya ba ni pad+ma dag pa dang 'dra ba'o/ /nyams sems stebs ldan zhes bya ba ni gar stabs kyi ro'i nyams dang nye ba'i ldan pa'o/ /bgrang nor phreng ba can zhes bya ba ni bgrang? phreng dang ldan pa'o/ /rol pa'i stang stabs zhes bya ba ni rol pa dang bcas pas so/ /rin chen yi lug nang bzhugs pa zhes bya ba ni rin po che'i ri phug gi dbus na bzhugs pa'o/ /rnal 'byor sems pas zhes bya ba ni ha la ha la'i thabs dang shes rab bsgom par byed pas so/ /rnam par mi rtog cing ting nge 'dzin gyis zhes bya ba ni chos kyi dbyings ji lta ba bzhin du gnas pa la lhag par mos pas yang dag ma yin pa'i kun tu rtog pa bsal ba'i ting nge 'dzin gyis so/ /nang gi bzlas pa zhes bya ba la sogs pa bsam gtan gyi bzlas pas sngags zlos pa ste/
- 246a
gcig dang gnyis dang gsum la sogs pa'i gzugs 'phro bas bsgom pa ni ma yin no/ /'dod pa thams cad ces bya ba la sogs pa 'dod pa thams cad ni yongs su dag pa'i gzugs la sogs pa'o/ /de rab tu bsgrub pa ni sgrub pa po'i rgyud la rdzogs par mdzad las na 'dod pa thams cad rab tu bsgrub pa'o/ /de nyid ni ha la ha la 'di yin pas ni de skad ces bya'o/ /de nyid ni gdul bya'i skye bo ma lus pa'i 'dod chags la sogs pa'i dug 'joms pa nyid kyis thogs pa med pa'i shin tu sem pa'i ye shes dang ldan? pas na yongs su mnyes par byed pa ye shes rdo rje'o/ /dmigs pa zhes bya ba la sogs pa'i don ni bshad zin to/ /srin mo zhes bya ba ni de lta bu'i gzugs 'dzin pa'i phyir ro/ /thor tshugs zhes bya ba la sogs pa la thor tshugs dang cod pan gyis brgyan pa'i spyi bo de nyid la/ mi bskyod pa bzhugs pa zhes bya ba ni de nyid kyi mgo la mi bskyod pa bzhugs pa gang yin pa de la de skad ces bya'o/ /lag na khrag gis bkang ba'i thod pa thogs pa zhes bya ba ni mi'i khrag gis yongs su bkang ba'i mi'i thod pa lag pa g.yas kyi dang po la thogs pa gang yin pa de la de skad ces bya'o/ /g.yon pa gcig gis ni sdigs mdzub byed pa shes par bya'o/ /rol pa'i stobs kyis zhes bya ba ni rol pa'i stad? stabs kyis bzhugs pa'o/ /'di lta bu'i zhes bya ba la sogs pa la bshad ma thag pa'i bzlas pa dang/ bsgom pa 'di lta bu dang ldan pas so/ /hUM gis hUM mdzad pa zhes bya ba ni khro bo las zhen pa'i hUM sgra sgrogs par brtson pa'o/ /sems can kun don phun tshogs pa'i zhes bya ba ni sbyin pa la sogs pas sems can thams cad kyi don bya ba'i phyir nye bar bsags pa'i bsod nams dang ye shes kyi tshogs phun sum tshogs pa'i rgyu dang yang dag par ldan pas so/ /sems can thams cad ces bya ba la sogs pa la sems
- 246b
can thams cad de/ gdug pa rnams gsod pa'i mchog yin la/ de nyid kyis na rab ste pad dkar ma'i 'o/ /de nyid ni byang chub kyi snying por bdud bzhi las rnam par rgyal ba'i phyir bcom ldan 'das kyi stobs bcu'i ngo bo nyid du gyur pas na byang chub kyi snying po rnam par rgyal ba'i stobs zhes bya'o/ /dmigs pa zhes bya ba la sogs pa'i don ni bshad zin to/ /phyed zur ba ni rnam par rol ces bya ba ni g.yon logs dpag bsam gyi shing la brten pas brten pa dang bcas pa'o/ /'jam pa'i khro bo rdo rje yis zhes bya ba ni gshin rje gshid kyis so/ /de'i mgo ni mnan nas bzhugs zhes bya ba ni dkyil 'khor gyi bdag po 'jam dpal gyi sbyor bas bzhugs pa'o/ /gnod sbyin mo zhes bya ba la sogs pa la gnod sbyin mo thams cad kyi sgrub pa ni rang dbang du bya ba nyid rdzogs par byed pa ste/ de la mchog tu gyur pa ni 'jam dpal rang gi khro bo dang bcas pa'o/ /dmigs pa zhes bya ba la sogs ba'i don ni bshad zin to/ /yi ge gsum pa mig gsum gzugs zhes bya ba ni bshad ma thag pa'i yi ge gsum gyi gzugs can no/ /de nyid gsum pa ni khyab 'jug lha chen mes po che zhes bya ba ste/ khyab 'jug ni nor lha'o/ /lha chen po ni bde byed do/ /mes chen po ni tshangs pa'o/ /rang gi mtshon thogs la zhes bya ba ni mtshon cha thogs pa ni nye bar mtshon pa tsam ste/ de la khyab 'jug ni mdog sngon po lag pa bzhi pa/ g.yas dang g.yon dbyug pa dang rdo rje dang/ dud dang 'khor lo 'dzin pa nam mkha' lding la zhon pa'o/ /lha chen po ni shel gyi mdog can mgrin pa sngo ba/ mig gsum pa/ stag gi pags? pa gyon pa/ mtshan ma 'phreng? ba/ lag pa drug pa g.yas na mdud rtse gsum pa dang rdo rje dang/ Da ma ru thogs pa/ g.yon gnyis na kha TwAM ga dang thod pa khrag gis bkang ba thogs pa gcig gis u ma la 'khyud pa khyu mchog la zhon pa'o/ /tshangs pa
- 247a
ni mdog ser po lag pa g.yas na rdo rje dang phreng ba dang g.yon na dbyug pa dang spyi blugs 'dzin pa dang ngang pa la zhon pa ste/ de dag kyang rin po che'i cod pan can no/ /rdo rje'i ting 'dzin bsgom pa'o rdo rje hUM mdzad kyis bskul na zhes bya ba ni rdo rje hUM mdzad kyi rnal 'byor pas 'dod pa'i rgyal po lha chen pos la sogs pa gang yang rung ba bkug nas khro bo te rin ti ri'i phyag rgya bcengs te/ rdo rje 'di ni che zhes bya ba la sogs pa'i spyi'i dam tshig bsgom zhib byad par gyi dam tshig ji lta ba yang bstan nas mngon par 'dod pa'i las grub par gyis shig ces bskul ba byas la/ rdo rje hUM mdzad kyi phyag rgyas kyang sdigs mdzub byas nas bsgrubs na 'jigs pas dngos grub ster bar 'gyur ro/ /'jig rten zhes bya ba la sogs pa la 'jig rten thams cad kyi lha rnams sgrub par byed pas sdun gsum la 'di skad ces bya'o/ /de nyid kyis na dmigs gsum pa zhes bya ba lha chen po'i bdag nyid kyi rnam par rol pa ni rnam par rtse ba'o/ /ye shes rdo rje zhes bya ba ni 'jig rten pa'i thogs pa med pa'i shes pa'i tshul lo/ /dmigs pa zhes bya ba la sogs pa'i don ni bshad zin to/ /dkyil 'khor la ma gtogs pa'i lha cung zad cam zhig bstan nas/ da ni 'dir ma gtogs pa gzhan dag kyang bstan pa'i phyir gzhan yang zhes bya ba la sogs so/ /gsang sngags zhes bya ba ni gsang sngags kyi skyes bu ste 'di na mngon par 'dod pa'i sngags sa bon gar yin sbyar? byas te zhes bya ba gsungs so/ /rdo rje'i yig 'bru rnams bsgoms pas zhes bya ba ni rgyud kyi nang nas rab tu grags pa rang rang gi sa bon gyi yi ge 'am ming gi dang po'i yi ge dang de bzhin du rjes su sbyar ba'o/ /'phrog ma zhes bya ba la sogs pa la 'phrog ma ni yi ge ha las skyes bu lnga brgyas yongs su bskor ba rnam par bsams na 'grub par 'gyur ro/ /dpa' ?
- 247b
can yang zhes bya ba ni dpa' can la sogs pa gnod sbyin mo lnga brgyas yongs su bskor ba'o/ /ting nge 'dzin rab tu ston pa'i gzhung gi le'u ting nge 'dzin rim par phye ba zhes bya ba'i sgrar gsungs so/ /le'u bzhi pa'i 'grel pa'o// //ting nge 'dzin yongs su shes pas rang gis bstan pa la zhugs pa'i sems can rnams la phan? pa'i gsang sngags kyi mthu bstan par bya dgos pas na/ de nas zhes bya ba la sogs pas le'u lnga pa gsang sngags kyi ye shes rnam par bsgyings pa'i rim par phye ba gsungs te/ bcom ldan 'das kyis phyung ngo? zhes bya bar sngar ro/ /ci zhig mdzad nas she na/ zhi ba la rdul dang bral ba'i mchog ces bya ba gsungs te/ 'dod chags la sogs pa nye bar zhi bas na zhi ba'o/ /des rdul dang bral ba ni rnyog pa dang bral ba ste/ bcom ldan 'das rnam par snang mdzad do/ /de'i mchog ni dam tshig gi phyag rgyar gyur pa nyid de yum sangs rgyas spyan no/ /dmigs pa zhes bya ba la sogs pa'i don ni bshad zin to/ /de la snyoms par zhugs pa ni mngon sum du mdzad pa ste sprun? gyi gsang sngags ston pa'i rnam par thugs rtsa gcig tu mdzad ces bya ba'i don to/ /gsang sngags ston pa'i ting nge 'dzin thams cad la yang lha de'i gsang sngags ston pa'i rnam par thugs rtse gcig tu mdzad par shes par bya'o/ /ting nge 'dzin la dmigs par mdzad pas ni 'di skad ston to/ / mchan ma thob pa nyid kyis zhi ba la sogs pa'i las la gsang sngags rab tu sbyar bar bya'o zhes ston pa yin no/ /de bzhin gshegs pa thams cad kyi yum zhes bya ba ni rigs de'i yum du gyur pa'i phyir ro/ /ye shes bskyed par mdzad pas sna tshogs pa'i las kyi bya ba mdzad pa zhes bya ba ni ye shes bskyed par mdzad pas sems can gyi khams sna tshogs shing ma lus pa'i las mdzad pa nyid kyis na mngon par 'dod pa'i bya ba rdzogs par mdzad pa'i rgyur gyur pa'o/ /las kun rang
- 248a
tu rdzogs par mdzad pas zhes bya ba ni zhi ba la sogs pa'i las rnams bsgrub par mdzad pas so/ /dgyes pa ni sems can gyi khams thams cad bde bar ma byas par gzigs pas dgyes pa'o/ /bdud kyi dpung rnams 'dar gyur te/ zhes bya ba ni sems can rnams 'joms par byed pa'i bdud kyi sde rnams g.yos pa'o/ /sangs rgyas rdo rje rjes dran byed ces bya ba ni rang nyid la yongs su skyob pa'i phyir rnam par snang mdzad rjes su dran par gyur pa'o/ /'di'i 'og ma rnams la yang so sor sngags brjod pa rnam par snang mdzad la sogs rjes su dran pa ji lta ba bzhin du don 'di nyid kyis bsgre bar bya'o/ /'di ni 'di skad ston pa yin no/ /rigs kyi bdag pos byas pa'i tshe ba nye bar zhi bar bya ba la ni rigs kyi yum gyi gsang sngags dran par bya zhing bsgom ma zhes shes par bya'o/ /sangs rgyas rnams kyi zhi bskyed yum zhes bya ba ni sangs rgyas rnams dang 'brel pa'i gdul bya rnams kyis zhi ba bskyed pa'am/ yang na gal te bsgrub pa po zhi ba byed kyang sngags pa gzhan gyis phur bus btab bas sgrub pa po la bya ba'i dngos grub mi stsol na/ de'i tshe shes par byas nas de rnams kyi gzugs brnyan byas la phur bus btab ste/ slar phyung nas sangs rgyas spyan gyi gsang sngags bzlas pa'i 'o mas bkrus nas de'i tshe de rnams zhi bar 'gyur ro/ de nas de'i mngon par 'dod pa'i dngos grub stsol bar 'gyur bas na 'di la ni sangs rgyas rnams kyi zhing skyed yum zhes bya'o/ /'di dag kyang nges par bya ba'i gzhan gyis bkrir mi rung ba la sogs pa'i sgrub pa po'i dbang du byas pa yin te ting nge 'dzin thob pas dgug pa la sogs pa la 'jog pa'i tshul dang 'dra bar shes par bya'o/ /rdo rje dam tshig gis bskul na zhes bya ba ni nges par bskul ba'o/ /ma grub rnams la grub par stsol bar zhes bya ba ni dngos grub ma grub pa rnams la
- 248b
dngos grub stsol bar mdzad pa'o/ /'di skad ston pa yin te/ gang de bzhin gshegs pa'i rigs las byung ba'i gsang sngags rnams dngos grub mi stsal na de spyan gyi gsang sngags dang spel nas bzlas na dngos grub stsol bar 'gyur ro zhes bya'o/ /de nas zhes bya ba la sogs pa ni snga ma bzhin no/ /sku gsum 'bar ba'i mchog gi dam tshig ces bya ba la sku gsum gyi bdag nyid can mi bskyod pa'o/ /de nyid ni thabs dang shes rab kyi ngo bos khro bos gzugs su gyur pas na 'bar ba'o/ /de nyid kyis na 'jigs byed la sogs pa'i khro bo rnams kyi mchog go /de'i dam tshig gi yum mA ma kI'o/ /dmigs pa zhes bya ba la sogs pa'i don ni bshad zin to// //rdo rje 'ang 'chang ba'i mchog thams cad kyi yum zhes bya ba ni rigs de'i yum du gyur pas so/ /rdo rje'i dkyil 'khor bskyed pa zhes bya ba ni rdo rje'i rigs kyi ye shes bskyed par mdzad pas so/ /dngos grub thams cad rab tu stsol bar mdzad pa zhes bya ba ni sangs rgyas spyan dang 'dra ba'o/ /thams cad ces bya ba ni sangs rgyas la sogs pa'o/ /rjes dran gyur ces bya ba ni rjes su dran pa ste/ dgyes pas zhes bya ba ni tshig gi lhag ma'o/ /dngos grub thams cad srung mjad ma zhes bya ba ni dngos grub thams cad kyi srung ba 'dis bya'o zhes bya ba'i don do/ /'di ni spyi'i srung ba'i cho ga'o/ /de bzhin las rnams 'grub yin zhes bya ba ni ji ltar ji lta ba la sogs pa'i las rnams grub pa'i rgyur gyur pas spyan la sogs par sprul par mdzad pa de bzhin du sprul pa'i don to/ /de nas zhes bya ba la sogs pa ni snga ma bzhin no/ /'dod chags chen po zhes bya ba la rang bzhin gyis rnam par dag pa'i snying rje chen po'i ngo bo nyid ni 'dod chags? chen po ste des chags pa ni dmar ba'o/ /pad+ma ni pad+ma'i rigs so de'i gar gyis ? byed pa'i tshul gyis rnam par 'phrul pas 'thar zhing nam mkha' i khams ma lus par khyab pa ste/ bcom ldan 'das 'od dpag med la de skad ces bya'o/ /de'i rnam par 'phrul pa ni
- 249a
shin tu dga' ba'i skus rnam par rol pa'o/ /de'i don gyi dam tshig gi phyag rgya ste gos dkar mo'o/ /dmigs pa zhes bya ba la sogs pa'i don ni bshad zin to// //chos thams cad 'dzin pa mchog gi yum zhes bya ba ni rigs de'i yum du gyur pas so/ /thams cad dbang du byas pa la zhes bya ba la sogs pa la sangs rgyas la sogs pa thams cad dbang du bya ba ni mi 'da' bar byas pa'o/ /de'i khong du chud pa ni rnal 'byor pa rnams kyis rtogs par byed pa ste/ bcom ldan 'das don yod grub pa la de skad ces bya'o/ de'i rdo rje gsum mnyam pa nyid kyis dga' bar byed pa sku gsum rdo rje skye ba med par mdzad pa ste/ yum sgrol ma'o/ /sna tshogs thams cad 'chang ba'i yum gyi mchog ces bya ba ni rigs de'i yum du gyur pas so/ /de bzhin gshegs pa zhes bya ba la sogs pa la rnam par snang mdzad la sogs pa de bzhin gshegs pa thams cad kyi ye shes la 'jug pas na ye shes la 'jug pa ste/ khro bo'i thabs dang shes rab ni khro bo'i ye shes so/ /des sgrol ba ni sems can gdug pa can 'gror ltung ba rnams sgrol bas gshin rje gshed la yang de skad ces bya'o/ /de la dmigs pa zhes bya ba la sogs pa'i don ni bshad zin to/ /'jigs pa skyes gyur na zhes bya ba ni de bzhin gshegs pa dang byang chub sems dpa' dang bcas pa thams cad 'jigs pa skyes pa'o/ /'dir la la dag ni de rnams la 'jigs pa mi mnga' bas 'di ni mi 'jigs so zhe na de ma yin te/ gang gi phyir rang gi dam bcas pa ni 'jigs pa ste/ de rnams gdul bya'i dbang du mdzad nas dam bcas pa 'di la 'jigs pa rnam par 'jog par mdzad de/ gal te ji skad du bshad pa'i tshul gyis sgrub pa la lan bdun zhugs pa'i sngags pas grub par ma gyur na de'i tshe 'phags pa gshin rje gshed la sogs pas phur
- 249b
bus btab ste/ kho po cag bsgrub par bya ba yin pas bcom ldan 'das ni gtum po'o/ /snyam nas 'dir sngags pa phur bus 'debs par 'gyur ro/ /zhes 'jigs pa kun tu skyes pas dngos grub stsol par mdzad par 'gyur te/ ji skad du rdo rje hUM mdzad phyag rgya yis/ /ji lta de lta de rnams khros/ /sangs rgyas thams cad gzir na ni/ /'jigs pas dngos grub stsol bar 'gyur zhes gsungs pas so/ /rdo rje ra ba dra ba'i zhes bya ba ni bcom ldan 'das kyi gzi byin bzod par dka' bas rdo rje ra ba dang dra bas go mnan pas na ye shes sna tshogs can la gzigs pa ste/ 'dis ni bcom ldan 'das de bsnyen par dka' ba bstan to/ /srubs gcig pa 'am zhes bya ba ni dum bu gcig pa'o/ /srubs gnyis pa zhes bya ba ni dum bu gnyis pa zhes bya ba'i don to/ /lha mo bzhi yi sbyor ba dang/ sangs rgyas lnga yis byin brlabs te zhes bya ba ni ji skad du gsungs pa'i thod pa'i dbus su khrag gis thong pa la pad+ma 'dab brgyad bris te/ de'i dbus dang shar la sogs pa'i 'dab ma bzhi rnam par snang mdzad la sogs pa lnga dang shar lho la sogs pa mtshams kyi 'dab ma bzhi la spyan la sogs pa bzhi dgod pa ni sangs rgyas byin gyis brlabs pa dang/ lha mo bzhi'i sbyor pa dang de ldan par 'gyur ro/ /rkang rjes sa yi cho ga la zhes bya ba ni bsgrub par bya ba'i rkang rjes kyi sa dang chu po'i dogs gnyis kyi sa las gzugs brnyan byas te/ de'i snying gar bsgrub par bya ba'i ming dang spel ba'i gshin rje gshed kyi sngags ta la la sogs pa la bris te/ bcug nas g.yogs pa ste/ 'di ni rkang rjes kyi sa'i cho ga'o/ /rkang pas mnan te/ de la bzlas zhes bya ba ni gshin rje bshed kyi rnal 'byor pas de'i dkyil 'khor gyi dbus su 'dug la bsgrub par bya ba rdo rje rlung gi dkyil 'khor la bskyon te/ rnam par snang mdzad la sogs pas rang gi zhags pa dang lcags kyus bcings te drangs par gyur par bsams la
- 250a
rkang pa g.yon pa'i mthil du zla ba'i dkyil 'khor la gnas pa'i rdo rje lcags kyu kha thur du bltas pas thod pa'i nang du gzugs brnyan bcug pa mnan la dgug pa'i tshul gyis rkang pa bskyod cing gshin rje gshed kyi gsang sngags bsgrub par bya ba dgug pa'i ming dang spel te bzlas par bya'o/ /zhes bya ba ni bsdus ba'i don to/ /sprin chen po zhes bya ba la sogs pa la skal pa ji lta ba bzhin du dam pa'i chos kyi chu rgyun rnams kyis 'gro ba'i don mdzad pas sprin chen po dang 'dra bas ni sprin chen po ste/ sangs rgyas bcom ldan 'das so/ /de rnams kyi ye shes kyi rdo rje mchog ni gdug pa 'dul ba'i thabs kyi ye shes so/ /de las byung pa'i ni dam pa rdo rje bdud rtsi khro bo ste bdud rtsi'i thab sbyor ro/ /dmigs ba zhes bya ba la sogs pa'i don ni snga ma bzhin no/ /khro bo'i 'khor lo spel nas su zhes bya ba ni 'khyam zhing smel zhing 'khyim pa'i ta la'i lo ma la dug la sogs pas 'khor lo rtsibs brgyad pa bris la lte bar hUM lhas byin u ts+tsha? Ta ya phaT ces bya ba dang/ rtsibs brgyad la'ang de bzhin dgod do/ /mu khyud la bsgrub par bya ba'i ming skrod ba dang spel te phreng ba'i sngags bri'o/ /tshogs bdag rkang pa'i drung du bzhag ces bya ba ni tshogs kyi bdag po rkang pa'i 'og tu bsgrub par bya ba gzugs brnyan bzhag pa gang yin pa de la de skad ces bya'o/ /hUM dang phaT kyis bskul nas su zhes bya ba ni hUM che ge mo uts+tsha Ta ya phaT ces tshogs kyi bdag po bskul ba gang yin pa de la de skad ces bya'o/ 'di skad ston pa yin te bsgrub par bya ba'i bsrung ba stsal ba sngon du 'gro bas gzugs brnyan gyi snying gar 'khor lo bcug la bdud rtsi thab sbyor gyi sbyor ba dang ldan pas tshogs kyi bdag po ji lta ba bzhin bkug la dam tshig byin pa
- 250b
de'i rkang ba'i 'og tu gzugs brnyan spas nas hUM che ge mo uts+tsha Ta ya phaT ces brjod cing de la bka' bsgo bas bsgrub par bya ba gcer bu til mar gyi bskus pa rnga? mo la bskyon te rdo rje rlung gi dkyil 'khor gyis bteg nas lho phyogs su khyer bar bsam zhing de'i khyim yang rnga mo gcig gis yongs su khyer bar bsams la khros pas nyi ma phyed dang/ mtshan byed la nyin zhag bdun gyi bar du brgya rtsa brgyad bzlas na nges par skrod par 'gyur ro/ /rin po che brtson pa'i zhes bya ba la sogs pa la rin po che ni rin po che'i rigs so/ /brtson pa ni thams cad kyi bsam pa yongs su rdzogs par mdzad pas rab tu 'bad pa'i khyad par ro/ /des spros pas na khro bo gzhan gyis mi thub pa de la de skad ces bya ste de nyid ye shes rdo rje'o/ /dmigs pa zhes bya ba la sogs pa'i don bshad zin to/ /skems byed kyi gdon zhes bya ba ni byis pa'i gdon no/ /rdo rje gzer ba'i sbyor ba yis zhes bya ba ni srin po la sogs pa'i gdon rigs pa'i mchog gi rgyud kyi cho ga las mtshan mar shes bar byas la de ji lta ba bzhin du bkug la bsgrub par bya ba'i lus la gzhug cing bcings la ra ba la sogs pa byas te/ yi ge hUM las byung ba'i rdo rje gnyis kyis gzir bar bsams la hUM 'bar ba las byung ba rdo rje lta bu'i yungs kar gyis srin po la sogs pa rnams sol cig ces bskul ba'i tshig dang bcas par gsang sngags bzlas la brdeg cing bsam pa la sogs pa'i las rnams byas te/ 'dis ni rdo rje gzer ba'i sbyor ba'o/ /yon tan rin po che zhes bya ba la sogs pa la yon tan rin po che lta bu'i yon tan de lung dang rtogs pa'i bdag nyid can no/ /dpag tu med pa ni tshad med pa ste/ de kun nas bsags pa khro bo rta mgrin gang yin pa de la de skad ces bya ste de nyid rdo rje'o/ /dmigs pa zhes bya ba la sogs pa'i don ni bshad zin to// //
- 251a
lag pa la zhes bya ba la sogs pa ni go sla'o/ /'di skad ston ba yin te/ mtshan ma ji lta ba bzhin du shes par byas nas lag pa g.yon pa la zla ba rdo rje/ de'i dbus su pad+ma 'dab brgyad pa dkar po/ /de'i dbus su yi ge ha zla ba'i mdog can bsams la dug gis zin pa'i mdun du rta mgrin gyi phreng ba'i sngags nyi shu rtsa gcig bzlas te bsgrub par bya ba gos gyis bkab ste/ nub phyogs su kha bstan la bzhag nas de'i lus la phreng ba'i sngags ji lta ba bzhin bkod la/ zhi bar mdzad pa'i rta mgrin du gsol cig ces bskul ba'i tshig dang bcas par sngags bzlas par bcom ldan 'das kyis bsgrub par bya ba ste bdud rtsi'i rgyun gyis yongs su 'gengs par bsams la gos drang zhing rta mgrin gyi nga rgyal du byas pas dug bsal bar bya'o/ /gal te myur bar ldan te 'dzin par 'dod na des de'i snying gar pad+ma dkar po'i lte bar yi ge ha bsam par yang shes par bya'o/ /khro rgyal ting 'dzin la gnas nas rdo rje gsum gyi yi ges mdzes zhes bya ba ni khro bo rta mgrin gyi ting nge 'dzin la gnas nas/ oM A:hUM zhes bya bas nye bar mdzes pa'i lus kyis so/ /khams dag kyang zhes bya ba ni khams gsum po rnams kyang do/ /don yod par 'byung ba zhes bya ba la sogs pa la don yod cing don dang ldan pas thogs pa med pa'i dngos grub stsel ba 'byung zhing bskyed pa ste/ khro bo be con sngon po can la de skad ces bya'o/ /de nyid ni rgyal mtshan gyi mchog nor bu'i rdo rje ste rdo rjes mtshan zhing yid bzhin nor bu ltar bsam pa thams cad yongs su rdzogs par byed pas de bzhin gshegs pa thams cad kyis ston pa nyid yin pas na rgyal mtshan gyi mchog nor bu rdo rje zhes bya'o/ /dmigs pa zhes bya ba la sogs pa la ni go sla'o/ /sangs rgyas
- 251b
thams cad ces bya ba ni de dang 'brel pas na bcom ldan 'das dbyug sngon can no/ /'byor ba'i cho gas bskul nas zhes bya ba ni gdug pa rnams gsod pa'i bar du sbyor bas so/ /de la sbyor ba'i cho ga ni 'di yin te thugs rdo rje'i rnal 'byor pas bsgrub par bya ba'i rdo rje pad+mas sbyor ba ji lta ba bzhin du zhugs la de'i snying ga na gnas pa'i byang chub kyi sems ji lta ba bzhin du 'thungs te de nyid las byung ba'i khro bo dbyug sngon can gyi nga rgyal can du byas/ rang gi dkyil 'khor la gnas pa'i de bzhin gshegs pa thams cad khros pa dang/ bsgrub par bya ba yang dkon mchog gsum la sogs pa rnam par 'jig par bsgoms la/ sangs rgyas dang rdo rje 'dzin pa la sogs pa rang gi dam tshig gis bzlog par bya ste/ bcom ldan 'das de bzhin gshegs pa 'di ni dkon mchog gsum la sogs pa la gnod par byed pa de 'di'i dam tshig sbyin pa la sogs pa mi len te/ sems can de ni byang chub kyi sems dang bral ba yin la khyed rnams kyi byang chub kyi sems dang rab tu 'brel pa yin pas/ des na 'di'i snying spang bar mdzad du gsol zhes brjod la/ de'i snying spangs nas de bzhin gshegs par rnam par bsam mo/ /yang sbyor ba gzhan dag gis srung ba la sogs pa bsams nas khrag gis gsher ba'i gos bgos pa 'am gcer bus chu bo'i dogs gnyis kyi sa la sogs pa las bsgrub bya'i gzugs brnyan byas la rkang pa g.yon pas mnan te bsgrub par bya ba yang der dgug pa dang gzhug pa dang bcing ba byas la khros pas/ ji lta ba bzhin du mngon spyod kyi cho ga rdzogs pa la brtson par bya zhing be con sngon po can zlos pas de gsod pa la brtson pa'i rdo rje be con sngon po la sogs pa dpag tu med pa spro bar bya'o/ /kun tu zhes bya ba la sogs pa la kun
- 252a
nas thams cad du sangs rgyas la sogs pa rnam par 'phro ba ste/ de'i bkod pa'i tshogs yod pas khro bo stobs po che la de skad ces bya ste/ de nyid rdo rje'o/ /dmigs pa zhes bya ba la sogs pa'i don ni bshad zin to// //las kun rab tu sgrub par byed ces bya ba ni rnal 'byor pa mos pa'i stabs kyis na gsang sngags kyi 'di nyid kyis zhi ba la sogs pa'i las rnams kyang 'grub par 'gyur bas de skad ces bya'o/ /char pa chen gcod 'gyur la zhes bya ba ni khro bo stobs po che'i rnal 'byor gyis nam mkha' la gnas pa'i chu'i tshogs rnams 'thungs par lhag par mos nas char pa'i phyag rgyas sprin rnams gtub par bya'o/ /char pa chur na rab tu 'bebs zhes bya ba yang sbyor ba 'di nyid nas bshad do/ /kun tu zhes bya ba la sogs pa la kun nas thams cad du 'bar bas snying por byas pas bcom ldan 'das 'dod pa'i rgyal po la de skad ces bya ste/ de la dmigs pas na de skad ces bya'o/ /rkang g.yas zhes bya ba la sogs pa la rkang pa g.yas pa'i mthil du zla ba'i dkyil gyi 'og tu ye shes a las sna tshogs rdo rje de'i yang 'og tu yi ge dza:las rdo rje lcags kyu kha thur du bltas pa rnam par bsamS la mtshan de bsgrub par bya ba'i gzugs brnyan mnan no zhes bya bar sbyar ro/ /sku gsum ye shes stobs ldan pas zhes bya ba ni sku gsum gyi ye shes byin gyis brlabs la khro bo dang bcas pas g.yon phyogs su lus cung zad 'dud par bya'o// khro gnyer rim par bsnyer byas te zhes bya ba la sogs pa ni 'phral ba bskul ba byas so zhes bya ba'i don to/ /rdo rje zhes bya ba la sogs pa la rdo rje ltar rab tu 'bar ba'i ye shes ni gdug pa rnams 'dul ba'i
- 252b
thabs kyi ye shes te nges rab tu 'bar bas gtum por gyur pa ste khro bo mi g.yo ba'o/ /dmigs pa zhes bya ba la sogs pa'i don ni bshad zin to/ /gtso bo zhes bya ba ni 'dir dran zhes bya ba dang rjes su sbyar ro/ /'gugs byed cing zhes bya ba la sogs pa ni snga ma bzhin no/ /sku gsum gyi zhes bya ba la sogs pa la 'di ni rtag tu sku gsung thugs mi bzang pa'i ye shes kyi mthar thug pa yin pas na sku gsum rdo rje'i ye shes so/ /de nyid hUM bzhis bsnyen par dka' ba'i ngo bo nyid pas na 'bar ba'o/ /de nyid de bzhin gshegs pa rnams kyi thabs dang shes rab kyi khro bo'i gzugs kyis srid pa gsum po ma lus pa'i bdag por gyur cing shes pa'i bud shing rnams bsregs pas na 'bar ba'i rdo rje'o/ /de nyid bgegs rnams 'jig cing rnyog par byed pas na 'jigs pa chen po ste/ bcom ldan 'das gnod mjos? la de skad ces bya'o/ /dmigs pa zhes bya ba la sogs pa'i don ni bshad zin to/ /bcom ldan 'das 'di ni sku mdog nag po zhal g.yas dkar g.yon dmar ba phyag gnyis 'jig rten gsum las rnam par rgyal ba'i phyag rgya bcing ba/ g.yas gnyis rdo rje dang 'khor lo bsnams pa g.yon gnyis na lcags kyu dang zhags pa bsnams pa/ mi bskyod pa'i cod pan can g.yon brkyang bas bzhugs pa yi ge hUM las byung bar shes par bya'o/ /sku gsung rdo rje mchog mnga' ba'i zhes bya ba ni rnam par snang mdzad ces bya ba dang sbyar ro/ /ye shes kyi 'joms zhes bya ba ni rang gi ting nge 'dzin gyi ye shes dang bral ba'o/ /lcags kyu yis ni rnam dral te zhes bya ba ni snying gar ro/ /rdo rje zhags pas bcings nas su zhes bya ba ni mgul du'o/ /'di skad ston pa yin te gnod mdzes kyi rnal 'byor pas rang gi dkyil 'khor gyi dbus su 'dug ste/ nam mkha' i dbyings na bzhugs pa'i de bzhin gshegs pa thams cad lcags?
- 253a
kyu dang zhags pa ji lta ba bzhin du bsnams pa'i gnod mdzes kyi sbyor ba la zhugs pas bsgrub par bya ba rdo rje rlung gi dkyil 'khor la bskyon la dam tshig gi phyag rgya'i gzugs su bskyed la bu mo 'gugs pa la brtson par bsams nas ming dang spel ba'i sbyor bas sngags bzlas pa bya zhing dgug par bya'o/ /dgug ces bya ba la rab tu myur bar g.yo ba'i mig/ mig gis rdzi ma 'dren pa ni/ /'bar ba'i lta ba zhes grags te/ /'gro ba thams cad dgug par gsungS pa'i 'bar pa'i lta ba 'ang dgug pa'i las thams cad la sbyor bar bya'o/ /rdo rje sems dpa' la sogs pa'i sngar bshad pa'i gsang sngags kyis kyang mngon par 'dod pa'i las bsgrub tu rung ste gang 'di'i gdul bya'i skye bo rnams la rab tu snang ba'i dbang du mdzad nas spyan la sogs pa'i las so sor nges par bshad kyi 'on kyang rnal 'byor pa'i mos pa'i dbang gis de dag thams cad kyang las thams cad mdzad pa yin no/ /da ni thams cad kyi spyi'i las kyi tshogs rnamS kyi don gsungs pa yin te/ ye shes chen po zhes bya ba la sogs pa la ye shes chen po ni lha rnams sprul pa'i ye shes so/ /de'i rnam par bsgyings pa ni rnam par rol pa ste/ sangs rgyas la sogs pa 'gugs pa'o/ /de'i dga' ston ni des dga' ston mdzad pa ste rnal 'byor pa rnams kyi mngon par 'dod pa'i dngos grub thob par mdzad pa'o/ /de la dmigs pas na ting nge 'dzin de la yang ming de skad ces bya ste/ las kyi tshogs bskyed pa'i rnam pa la thugs rtse gcig tu mdzad ces bya ba'i don to/ /sku gsum gyi mchog rdo rje 'chang bskyed par mdzad pa zhes bya ba ni sku gsum gyi bdag nyid can rdo rje 'dzin pa bskyed pa'o/ /de nyid ni sangs rgyas byang chub ste/ de kho na nyid kyi ye shes bdag po'i ngo bo
- 253b
nyid yin pas so/ /'byin ces bya ba ni phyung ba ste las kyi tshogs rnams shes par bya ste/ rdo rje 'dzin pa'i rjes su dran nas las kyi tshogs rnams bshad do zhes bya ba'i don to/ /'dis ni 'di skad ston pa yin te/ las 'di dag thams cad la de yongs su rdzogs par bya ba'i phyir/ bcom ldan 'das de bskul ba bya ste/ dngos grub thams cad ni de la rag las pa yin pa'i phyir ro/ /de bas na 'di nyid kyi 'og nas/ rgyal po kun gyi gnas la bzhugs// rdo rje sems dpa' sems dpa' che/ /kun gyi sems rab rdzogs mdzad pa/ /yang dang yang du rab bsdul? bar zhes gsungs pa'i phyir ro// byang chub chen po rdo rje 'chang ba ni byang chub kyi sems kyi ngo bo nyid de/ de dran pa sngon du 'gro bas las kyi tshogs rnams bshad pa yin no/ /de ni 'di skad ston par 'gyur te byang chub kyi sems bsgom pa bstan par gyur pas khams gsum po sems tsam du shes nas las rnams byas na 'grub par 'gyur ro zhes pa'o/ /'khor lo che la rnam gnas nas zhes bya ba ni dkyil 'khor chen po la 'dug pas so/ /'di skad ston pa yin te/ gnod mdzes kyi dkyil 'khor la gnas pa ste/ dkyil 'khor de la gnas pa'i rnal 'byor pas de'i sngags bzlas shing sangs rgyas kyi sprin gnod mdzes kyi sbyor bar zhugs pa lcags kyu dang zhags pa bsnams pa spros pas 'gugs par byed pa'o/ /sangs rgyas rnams kyi sprin ni de bzhin gshegs pa thams cad do/ /rdo rje 'chang pa'i sprin ni rdo rje sems dpa' i sprin no/ /bzhan dag la yang de bzhin no/ /dgug par gsungs pa 'di ni gtso bo ma yin gyi/ snga ma nyid dus dang po bya ba yang shes par bya'o/ /de bas na gzhan dag las kyang/ sngags kyi sems dpas bya ba ni/ /rdo rje gsang ba rmad po che/ /khro bo rgyal po bkug nas ni/ /sangs rgyas thams cad rab tu mchog ces gsungs pa yin no/ /da ni rnal 'byor thams cad kyi mngon par 'dod pa'i bu mo
- 254a
la sogs pa dgug pa yin te/ kun mkhyen ye shes rang bzhin gtso zhes bya ba ni sku gsung thugs kyi ye shes kyi ngo bo nyid do/ /rang sngags skyes bur bdag bsgoms na zhes bya ba ni gshin rje gshed la sogs pa gang yang rung ba'i rang gi lha'i skur dang sngags kyi bdag nyid rnam par bsam pa'o/ /rlung la rkang pa bzhag nas su zhes bya ba la sogs pa ni rkang pa'i 'og tu rlung gi dkyil 'khor bzhag pa gang yin pa de la de skad ces bya ste/ rang gi dkyil 'khor la bskyon zhes bya ba'i don to/ /lcags kyu snying nas drangs nas ni zhes bya ba ni lcags kyus snying drangs pa gang yin pa de la de skad ces bya'o/ /'di skad ston pa yin te/ rnal 'byor pa rang gi lha'i phyag rgya chen po dang ldan pas de'i dkyil 'khor gyi dbus su 'dug ste/ mngon par 'dod pa'i bu mo dam tshig gi phyag rgya'i gzugs su bskyed la/ rlung gi dkyil 'khor la ston te/ de la mngon par phyogs par drangs shing/ rang gi lha'i gzugs kyis lcags kyu dang zhags pa thogS te/ gnas ji lta ba bzhin du bcings la drangs nas khyer te longs? bar bsam pa dang dkyil 'khor pa rnams kyang de 'gugs pa brtson par bsam zhing bdag nyid kyang ming dang spel ba'i sbyor bas gsang sngags zlos shing dgug par bya'o/ skyes pa dgug pa la ni sbyor pa 'di nyid go bzlog pa yin par shes par bya'o/ /thag ring po nas dgug na bsgrub par bya ba gal te yongs su bskams par 'gyur ba yang srid pas/ de ltar mi 'gyur bar bya ba'i phyir rdo rje rnam par snang mdzad ni zhes bya la sogs pa gsungs te bsam zhes bya ba ni bsgrub par bya ba'i mgo bo la'o/ /de ni zhes bya ba ni bsgrub par bya'o/ /'di skad ston pa yin te rlung gi dkyil 'khor la bskyon te thag ring po nas dgug pa na bsgrub par
- 254b
bya ba'i mgo la bla ba'i steng du bcom ldan 'das rnam par snang mdzad sku mdog dkar po bdud rtsi 'bab pa bsams la dgug par bya'o zhes pa'o/ /rdo rje dkyil 'khor las byung ba zhes bya ba ni rdo rje zla ba'i dkyil 'khor gyi steng du rnam par bzhugs par bsgom mo zhes shugs kyis sbyar ro/ /rdo rje lcags kyu sku chen po zhes bya ba ni yi ge dza(rgyud 'grel): las byung ba'i lcags kyu 'bar ba phyag na bsnams pa'i rang gi lha'o/ /'di ni bu mo dgug pa'i sbyor ba ni khyad par ro/ /gzhan dag na re rdo rje dkyil 'khor las byung ba/ /rdo rje lcags kyu sku chen po zhes bya ba rdo rje rlung gi dkyil 'khor gyi gzugs su yongs su gyur par bsgoms la de la bskyon nas bu mo dgug par bya'o zhes zer ro/ /rdo rje gsum gsungs khro bo ni zhes bya ba ni sku gsung thugs kyi rdo rje'i yi ge las byung ba zhal gsum pa mi bskyod pa'i gtsug gi nor bu can/ sku mdog sngo ba rol pa'i stangs stabs kyis bzhugs par khro bo rdo rje sa 'og bsgom mo zhes bya ba ni lhag ma'o/ /gsal zhing rdo rje lcags kyu zhags pa yis zhes bya ba ni gsal shing dang zhags pa la sogs pa dang ldan pas 'di skad ces bya'o/ /de yang phyag g.yas pa gnyis na gsal shing lcags kyu bsnams pa/ g.yon gnyis na rdo rje dang zhags pa bsnams pa yin par rigs so// nye bar mtshan pa 'dis na g.yas kyi cig shos la ni ral gri/ g.yon na dgra sta bsnams par la la 'dod do/ /drangs na zhes bya ba ni lcags kyus drangs nas zhags pas bcings la bsgyel ba'i tshul du byas pa'o/ /'di skad ston pa yin te rnal 'byor pa ji skad du bshad pa'i rdo rje sa 'og ni rnal 'byor pas de'i dkyil 'khor gyi sbyor bas 'dug ste/ de nyid kyis snga ma bzhin du lha ma yin gyi bu mo 'gugs bzhin par bsams la ming dang spel nas de'i sngags bzlas pa'i sbyor bas?
- 255a
dgug par bya ste/ lha ma yin gyi bu mo dgug pa'i khyad bar gyi sbyor ba'o/ /gzas zin tshe na khar bcug ste/ /rdzas rgyal rdo rje lcags kyus bsgrub ces bya ba ni gzas zin pa'i tshe rdzas khar bcug rdo rje lcags kyu dgug pa'i sbyor bas nam mkha' i khams thams cad na gnas pa'i 'phags pa gshin rje gshed la sogs pa 'gugs pa la brtson pa rnams 'gugs pa la sogs pa byas te bsgrub par bya'o/ /'di skad ston pa yin te/ rnal 'byor pas gshin rje gshed la sogs pa'i rang gi dkyil 'khor gyi dbus su 'dug ste/ gzas zin pa'i tshe rdzas khar bcug la der 'phags pa gshin rje gshed la sogs pa ji lta ba bzhin du dgug pa la sogs pa byas la zla ba 'am nyi ma gzas zin pa la lta ba bzhin du ji srid gzas gtang gi bar du bzlas pa bya'o/ /de nas bsrung ba byas pa de ltar bsgrub pa'i rdzas kyi rgyal po 'di nyid kyis drag po la sogs pa gang yang rung ba'i ming bris la rkang pa g.yon pas mnan te bsgrub bar bya ba yang rdo rje rlung gi dkyil 'khor la bskyon te gshin rje gshed la sogs pa rnams kyis lcags kyus drang zhing zhags pas bcings nas 'gugs bzhin par bsams la/ de bzhin du ming spel ba'i sbyor bas gsang sngags bzlas na khugs par 'gyur ro/ /bud med dgug pa la ni rkang pas mnan no/ /sangs rgyas 'khor lo legs bsams te/ /'jam dpal rdo rje rnam par bsgom zhes bya ba ni rnam par snang mdzad kyi dkyil 'khor gyi dbus su ji skad bshad pa'i 'jam dpal gyi skur bdag nyid bsgom par bya'o/ /lag na rdo rje lcags kyu thogs shing bya ba ni phyag gnyis na rdo rje dang lcags kyu bsnams pa te/ snying gar 'di nyid bsgom zhes bya ba ni khyad par ro/ /'di skad ston pa yin te
- 255b
'jam dpal gyi rnal 'byor pa rang gi dkyil 'khor gyi dbus su 'dug ste/ rang gi snying gar nyi ma'i dkyil 'khor la ji skad du gsungs pa'i gshin rje gshed kyi skur de'i gsang sngags kyi bsgoms la/ snga ma bzhin du legs par spros te/ mngon par 'dod pa'i gnod sbyin mo'i snying gar zhugs pa dang/ de bskal pa'i me bzhin du bsregs par gyur la rang gi mdun bsil bar gyur pa'i lam yod pa la a gats+tsha a gats+tsha zheS bya ba'i sngags kyis 'jam dpal rdo rje la skyabs su 'gro bar mngon par bsams la gshin rje gshed kyi sngags yi ge k+Shi dang spel bas bzlas la dgug par bya'o/ /phyag rgya gsang sngags sbyor ba dang zhes bya ba la sogs pa la/ gshin rje gshed la sogs pa'i rnal 'byor pas rang gi dkyil 'khor gyis dbus su 'dug ste/ rang gi phyag rgya dang sngags las byung ba'i gshin rje gshed la sogs pa grangs med pas/ nam mkha' kun tu bkang ste/ 'khor lo dang rdo rje la sogs pa rang gi mtshan ma dang lcags kyu phyag na bsnams pas bsgrub par bya ba 'gugs par gyur par bsam zhing khyad par gyi sbyor bas dgug par bya'o/ /'di ni dgug pa spyi'i yin pas 'gugs par bya ba'i gnas su gsungs zhes bya ba yin te dgug pa thams cad kyi gzhir gyur pa yin no// gzhan du byas na 'grub mi 'gyur zhes bya ba ni gal te spyi dang khyad par sbyar ba dag gis 'gugs pa la sogs pa mi phyed na de'i tshe de 'grub par mi 'gyur ro/ /de bas na gnyis kas kyang bya'o zhes bya bar gnas so/ /rgyal po'i zhabs drung kun gnas pas zhes bya ba ni rgyal po ni sngags thams cad kyi'o/ /kun gyi gnas la bzhugs zhes bya ba ni gnyis su med pa'i ye shes nyid kyis lha thams cad kyi sku la rnam par bzhugs pa'o/ /yang dang yang du bskul bar bya zhes bya ba ni bcom ldan 'das thugs rdo rje las thams cad la bcoM
- 256a
ldan 'das bdag la dngos grub stsal du gsol zhes skad cig re re zhing bskul bar bya ste/ ci'i phyir zhe na rgyal po kun gyi gnas la bzhugs pas bya ba yin pa'i phyir ro/ /gzhan dag ni dgug pa'i las rnams la bcom ldan 'das gnod mdzes nyid bskul bar bya'o/ /zhes zer ro/ /ye shes kyis zhes bya ba la sogs pa la/ ye shes kyis rnam par rgyal ba ni gdug pa'i rang bzhin zil gyis gnon pa ste/ zil gyis gnon pa yang yin pa de la de skad ces bya ste/ ral pa gcig ma'o de nyid rdo rje ste/ dmigs pa zhes bya ba la sogs pa'i don ni bshad zin to// //gsang sngags bzlas brjod byas ba yis zhes bya ba la sogs pa la/ ral pa gcig ma'i rnal 'byor pas/ de'i dkyil 'khor gyi dbus su 'dug la snga ma bzhin du klu'i bu mo 'gugs par byed par bsams la/ bsgrub par bya ba'i ming dang mdung can ma'i sngags spel zhing bzla'o/ /'dod pa'i yon tan lngas chags pa'i zhes bya ba ni gzugs la sogs pa la rjes su chags pa'i bdag nyid can gyis te/ bcom ldan 'das ma 'di yang sku mdog sngo ba cod pan la mi bskyod pas brgyan pa/ ral gri dang lcags kyu dang rdo rje dang sdigs mdzub dang bcas pa'i zhags pa dang khrag gis yongs? su gang ba'i thod pa dang ngag? sta phyag na bsnams la/ rol pa'i stangs stabs kyi legs par zhugs pa/ yi ge hUM las byung ba mchog tu klu'i bu mo 'gugs par shes par bya'o/ /nam mkha' chen po zhes bya ba la sogs pa la nam mkha' ni go 'byed do/ /chen po ni thams cad khyab pa ste/ sems can gyi don mdzad pa'i phyir mgyogs pa'i shugs dang ldan pa'i sems kyis khyab par gang yin pa de la de skad ces bya ste/ des na 'jug par dka' ba'i phyir rgya mtsho
- 256b
dang chos mthun par gnas pa na/ skul byed ma la de skad ces bya'o/ /de nyid 'da' bar mi bya bas na dam tshig go/ de la dmigs pa ni zhes bya ba la sogs pa ni snga ma bzhin no/ /sbyor ba yis zhes bya ba spyi bor rnam par snang mdzad dgod pa la sogs pa'o/ /'di skad ston to/ /skul byed ma'i rnal 'byor pas de'i dkyil 'khor gyi dbus su 'dug la klu'i bu mo la sogs pa rdo rje rlung gi dkyil 'khor la bskyon te 'phags ma tsun da'i sku nam mkha' khyab pa rnams kyis 'gugs par byed par bsams/ de bzhin du gsang sngags bzlas nas bkug ste nye bar longs spyod par bya'o/ /nam mkha' zhes bya ba la sogs pa la thams cad khyab pas na nam mkha' ste/ rang bzhin gyis rnam par dag pa chos nyid ye shes so/ /de mi phyed pas na rdo rje'o/ /des rnam par rgyal ba ni gdug pa rnams zil gyis gnon pa la brtson pa gang yin de la de skad ces bya ste/ khro gnyer can no/ /de nyid mchog ste de la dmigs pa zhes bya ba la sogs pa ni go sla'o/ /chos zhes bya ba la sogs pa la chos chen po'i lung dang rtogs pa'i mtshan nyid do/ /de nyid gnyis su med pa'i ye shes kyis bdud rtsi 'dren pas na bdud rtsi'o/ /de nyid ni dam tshig ste rgyu rdzogs pa gang yin pa ste/ de yang 'dir rdo rje khro gnyer can kyi rnal 'byor pas de'i dkyil 'khor la gnas te nye bar longs spyad par bya'o/ /yang na zhes bya ba la yang na smos pa'i ni 'gog pa'i rdo rje bzlas pa la sogs pas sam/ rdo rje phra mo la sogs pa bsgoms pas sems rtse gcig pa thob pa'o/ /skye bo med pa'i zhes bya ba ni gtsug lag khang la sogs par ro/ /sngags pa bye ba bzlas nas su zhes bya ba ni yi ge phreng ba bzlas pas so/ /las rnams thams cad bya bar gsungs zhes bya ba ni sngags de yis so/ /'di skad ston pa yin te/ lha'i bu mo mchog la sogs pa dgug pa la sogs pa'i ji skad du gsungs pa'i cho ga gang dag yod pa de dag thams cad la rdo rje phra mo
- 257a
la sogs pa bsgoms pas sems rtse gcig pa thob pa'am/ bzlas brjod bye ba bye ba byas nas bya'o/ /bskrad? pa la sogs pa ni bzlas brjod bye bam byas pa 'am/ sems rtse gcig pa ma thob pas kyang dad pa brtan por bya bas la la byar rung ba yod do/ /gzhan dag slob dpon smod pa dang zhes bya ba la sogs pa ni mngon spyod kyi yul gsungs pa yin no/ /nye bar mtshon pa 'dis na dkon mchog gsum la gnod par byed pa la sogs pa'ang bsdu'o/ /byang chub dngos grub legs par thob ces bya ba ni mngon spyod kyi yan lag 'dis mngon spyod bya bar 'os pa la las byas na sems can thams cad 'dul pa'i thabs kyi bdag nyid can gyi byang chub rtogs par 'gyur ro/ /sku gsum ye shes las byung ba zhes bya ba ni sku dang gsung dang thugs las byung ba'i gsod pa'o/ /dgra la yang zhes bya ba la yang rgyud gzhan dag las/ phyogs bcu'i sems can thams cad kyi lus dang ngag sems bsad par ni/ khyad par dag tu bsgom par bya/ dgra rnams la ni gdon mi za zhes gsungs pas 'dir som nyi mi bya ste 'di nyid kyis ni gcig tu bya ba bdag gi ngo bo nyid bstan pa yin no/ /'di skad ston pa yin te sems can thams cad gsong pa gtsug lag khang la sogs pa rnam par 'jig pa dang/ slob dpon la sogs pa la gnod par byed pa la sogs pa mngon spyod kyi yan lag bya bar ngos pa la lha'i bsrung ba dang bral par byas te/ bskal pa du mar dmyal ba la sogs pas gnas par 'gyur ro/ /zhes snying rje'i sems bskyed la mi bskyod pa la sogs pa'i sangs rgyas kyi zhing du bskyod par bya'o zhes bsams nas med par bya ba 'am/ bsang pa'i dngos po dmigs la gshin rje gshed la sogs pa'i rnal 'byor pas mngon spyod kyis bya ba'i las bya'o/ /khrag ga mchu yis zhes bya ba la sogs pa ni cho ga gsungs pa yin te/ mtshan ma zhes bya ba ni bsrub par bya ba'i gzugs
- 257b
brnyan no/ /khro bo'i rgyal po zhes bya ba ni gshin rje gshed la sogs pa'i'o/ /gsang sngags brgya rtsa brgyad bzlas na zhes bya ba na bzlas brjod brgya rtsa brgyad byas pas so/ /sangs rgyas kyang ni nges par 'jig ces bya ba ni sbyor ba phul du byung bar gsungs pa yin te/ ci'i phyir zhe na 'di ltar de rnams la ni 'chi bar 'gyur bar yang mi srid la/ 'dir de dag gis mngon spyod bya ba'i phur bus bshad pa yang na yin na/ ci'i phyir gsungs she na/ de ni bden te de dag 'chi bar 'gyur ba mi srid pa nyid yin mod kyi/ 'on kyang sbyor pa 'di nyid la dngos grub mchog stsol pa las mi ldog pa la bya'o/ /rgyud gzhan dag las/ 'ga' zhig sbyor ba ma thob pas/ /sangs rgyas gsod pa'i bdag nyid can/ /de la phan par bya ba'i phyir/ /dngos grub myur bar rab tu bsgom zhes gsungs pas so/ /chus brlan pa'i zhes bya ba la sogs pa ni bshad ma thag pa'i don nyid gsal bar bstan pas so/ /khro bo'i mdun du bcings nas su zhes bya ba ni khro po'i nga rgyal drag pos byas so/ /khro bo 'khrungs pa yis zhes bya ba ni thams cad du khro bo'i lus 'bar bas khyab pa'i tshul gyis so/ kha bzhin rnam par bsgyur byas te/ /zhes bya ba ni kha bzhin dag rnam par bsgyur pa ni 'jigs par byed pa gzugs can te/ rnam par bsgyur bar des du mar rnam par bsgyur ba ste/ rang gi lag gi rjes su mthun pa'i stobs dang ldan pas de la de skad ces bya'o/ /nam mkha' i khams kyang 'jig par 'gyur zhes bya pa 'dis ni che ba'i bdag nyid bstan pa yin no// ma mo'i gnas zhes bya ba la sogs pa ni mngon spyod kyi gnas kyi nges pa gsungs pa ste/ gang na ma mo bdun po gnas pa ni ma mo'i gnas so/ shing gcig tu bya ba ni shing gzhan gyi grib mas ma non pa zhes bya ba'i don no/ /de'i rkang rjes sa la zhes bya ba ni bsgrub par bya ba'i rkang rjes kyi sa'o/ /yang zhes bya pa'i
- 258a
spras ni chu po'i ngos gnyis kyi sa la sogs pa yang bsdus te de gzugs brnyan bya'o/ /zhes bya pa ni lhag ma'o/ /mi rus las byas phur bu dag ces bya ba ni mi'i rus pa las byas pa'i phur bus so/ /phur bu yis ni zhes bya ni lte ba yan chad spyod? bdud rtsi 'khyil pa'i gzugs can la smad rdo rje rtse gcig pa'i dbyibs su byas pa'o/ /'di skad ston pa yin te/ gshin rje gshed la sogs pa gang yang rung pa'i sbyor ba byas la/ ji skad du bshad pa'i phur bu blangs nas ngos bzhir yi ge hUM bzhi spyi bor gcig bkod pa de nyid kyis dur khod du sna tshogs rdo rje bris la rkang rjes kyi sa dang dug la sogs pa rnams kyis de'i gzugs brnyan byas te/ dug la sogs pa nges par byas pa'i ta la'i 'dab ma la sogs pa de'i ming dang spel te/ gsang sngags bris la de'i khong du bcug ste/ sa la sogs brgyad bkab la/ yi ge a yi sa bon las sngar bris pa'i sna tshogs rdo rje'i steng du lho phyogs su mngon du phyogs par bzhag la gnos mdzes kyis bsgrub par bya ba'i snying drangs nas/ bzhug pa dang/ bcing ba byas la/ 'og nas bshad pa'i phur bu'i gsang sngags brgya rtsa brgyad bzlas pa'i phur bus snying gar btab la nang gi yi ge as mtshan pa'i sna tshogs rdo rje bris pa'i kho phor gyis bkang ste/ de yang sas bkab la de'i? steng du rkang pa g.yon pas mnan te nyi ma phyed dam mtshan phyed na gsang sngags brgya rtsa brgyad bzlas brjod bya'o/ /gdon gyi las thams cad la phug ma dang dro ba dang nim pa'i lo ma dang/ sgyur rtsa bas dang/ ? tshe la sogs pa dang ldan pa'i dgras chan dmar po rang nyid khro bo'i nga rgyal dang ldan pas nang gi sbyin sreg gi cho ga ji lta ba bzhin du bza' bar bya'o/ /dgra'i khyim sgor zhes tshig mang por smos pas ni grong brdal la sogs pa
- 258b
yang gzung ste phur bu zhes bya bar sbyar bar bya'o/ /sbyor ba 'di dag la yang brkos te bzhugs ces bya par sbyar ro/ /shes dang mi shes rnam spangs pa zhes bya ba ni shes pa dang mi shes pa'i rnam par rtog pa dang bral ba 'am yang na gnyis su med pa'i rnam pa 'jug pa'i ye shes ni shes pa'o/ /mi shes pa ni de nyid mi shes pa ste de de dang bral bas na mi shes spangs pa ste/ spangs pa ni dor pa'o/ /'di skad ston pa yin te/ 'di dag thams cad ni sems tsam mo zhes bya nges par bsams pa gshin rje gshed la sogs pa'i de yang rung ba'i nga rgyal ji skad gsungs pa'i phur bus blangs la/ las kyi rjes su mthun pa'i bskul tshig dang spel ba'i gsang sngags brgya rtsa brgyad bzlas brjod byas la/ dgra'i khyim sgo la sogs pa brkos te gzhug par bya'o/ /thob pa yongs su rdzogs pa zhes bya ba ni ji skad du bshad pa'i mtshan nyid thams cad dang ldan pa'o/ /'am gyi sgra ni ma rnyed ni gzhan dag kyang rung pa'o/ /rdo rje'i tshig gis zhes bya ba ni rdo rje'i tshig gis byin gyis brlabs pas na rdo rje'i tshig gi/ 'di skad ston pa yin te/ che ge ma skrod ces bya ba dang spel ba'i gshin rje gshed la sogs pa gang yang rung ba'i gsang sngags ji skad du bshad pa'i thod pa la dug la sogs pa rnams kyis legs par bris la/ rdo rje'i tshig gis brgya rtsa brgyad yongs su bzlas te dgra'i sgo khang la sogs par sbas na grong la sogs par skrod? par 'gyur ro/ /'chi ba 'am skams par 'gyur zhes bya ba ni sod cig pa 'am sgoms shig ces pa dang spel ba'i gsang sngags bris pas so/ /nye bar mtshon pa 'dis na skrod cig ces pa la sogs pa yang yongs su bsdu'o/ /'di skad ston pa yin te/ khro bo gang yang rung ba'i nga rgyal du byas nas/ lha chen po gcer bu skra bshig pa lho phyogs na gnas pa 'dod pa'i rgyal po'i gsang sngags
- 259a
dang phyag rgyas de bkug la/ rdo rje 'di ni rdo rje che/ /sangs rgyas kun gyis byin brlabs pa/ /dam tshig 'das na myur ba ni/ /rigs brgyud bcas pa thal bar bya/ /oM ha na sa ma ya hUM phaT ces brjod la sngar bshad pa'i khro bo te rin ti ris dam tshig byin la kha zhing tsha ba'i bkra mi shis pa'i me tog rnams kyis mchod la de blangs nas de yang rang gi las bya ba bsgo ste/ srang? gtad nas grong dam grong khyer gyi lho phyogs kyi 'bus zos pa'i 'dab ma la sogs pa la bdag nyid mngon par 'dod pa'i las dang rjes su mthun par bsgrub par bya ba'i ming dang sbel ba'i sbyor bas gshin rje gshed la sogs pa gang yang rung ba'i gsang sngags mi rus la sogs pas phyag rgyas gtor ma'i tshul gyis sa ma yi ge phyin phyogs su bris la dug la sogs pa dang ni ma pa'i lo ma la sogs pa dang mi gtsang bas bskus te gsang sngags brgya rtsa brgyad bzlas la me tog de la yang lan bdun mngon par bzlas pa byas nas/ de'i 'og tu ta la'i 'dab mar sbyar te me tog lhag ma rnams kyis dkri'o/ /de nas sgra'i sgo gar cog pus dong byas la nyi ma phyed dam mtshan phyed ni sba bar bya'o/ /de bzhin gshegs pa zhes bya ba la sogs pa la de bzhin gshegs pa thams cad ji skad du bshad pa'i sgrub pa'i thabs kyi rim pas sgrub pa la lan bdun zhugs pa'i sgrub po la dngos grub mi stsol na/ phur bus gdab pa'i mngon par 'dod do/ /de rnams kyi sku gsum ni sku dang gsung dang thugs te/ ngo bo nyid dang longs spyod rdzogS pa dang sprul pa'i sku'o/ /de rnams kyi phur bus gdab pa'i phyir/ rdo rje phur bu ste/ bdud rtsi thab sbyor la sogs pa'i gzugs so/ /de nyid ye shes rdo rje ste de la dmigs pa zhes bya pa la sogs pa'i don ni bshad zin to/ /de bzhin gshegs
- 259b
pa thams cad phur bus gdab la thogs pa med pa'i gsang sngags gsung ba'i rnam par thugs rtse gcig tu mdzad ces bya ba'i don to/ /thams cad ces bya ba la sogs pa la khams gsum po thams cad kyi ste/ khams gsum byung ba'i de bzhin gshegs pa la sogs pa'i ye shes ni ye shes kyi bdag nyid can te sku gsung thugs so/ /de rnams phur bus 'debs par byed pa'i snying po gang yin pa de nyid ni rdo rje ste/ ming de skad ces bya'o/ /phur bu'i spyi sngags la ni sarba duSh+Than sarba bA poM zhes bya ba bton la bsgrub par bya ba'i ming gzhug par bya'o/ /A dz+nyA pa ya ti zhes bya ba'i 'og tu lhas byin gyi zhes bya ba yang gzhug go/ rdo rje sems dpa' mnyam gzhag ste/ zhes bya ba ni rdo rje sems dpa' i phyag rgya chen po bcing pa'o// sku gsum rdo rje'i mthar thug pa'i zhes bya ba ni sku dang gsung dang thugs rdo rje'i mthar thug ste/ bsgrub par bya ba'i zhal gsum zhes bya ba ni lhag ma'o/ /sbyar zhes bya ba ni mi rus la sogs pa las byas pa'i phur bus dbang du byas nas gdab po zhes bya ba'i don to/ /khro bo nas 'bras nyid du ni zhes bya ba ni yi ge hUM las byung ba zhal gsum pa phyag drug pa sku mdog nag po rol pa'i stang stabs kyis bzhugs pa/ mi bskyod pa'i gtsug gi nor bu can/ phyag na ral gri dang lcags kyu dang/ 'khor lo dang/ zhags pa dang/ dgra sta dang rtse gsum pa bsnams pa'o/ /rdo rje gsum gri phur bus bsams zhes bya ba'i sku gsung thugs kyi phur bu'o/ /bdag nyid chen po stobs po che zhes bya ba ni stobs po che 'am rdo rje hUM mdzad chen po la sogs pas so/ /bdud rtsi thab sbyor rdo rje dang zhes bya ba ni bdud rtsi thab sbyor gyi gzugs can gyi phur bus so/ /rdo rje'i rnal 'byor gyis zhes bya ba ni khro po'i sbyor ba dang ldan pas/ 'di la phur bus gdab par bya'o zhes pa'i bsam
- 260a
pa brtan pos so/ /steng du 'ang dam tshig de nyid ni zhes bya ba ni thugs ka nas brtsams te ji srid dbu'i bar du rdo rje phur bu de nyid bsam par bya'o/ /dam tshig ni nges par bsgom par bya ba yin pa'i phyir ro/ /'di skad ston pa yin te/ gang gi tshe rnal 'byor pas sgrub pa bdun gyis kyang ma grub na/ rdo rje sems dpa' gang yang rung ba'i nga rgyal du ji lta ba bzhin du byas la snga ma ltar mi rus la sogs pa las byas pa'i phur bu thogs te sa la sogs pa las byas pa'i rang gi lha mdun du bzhag ste/ de gnyis pa yang dgug cing gzhug la bcings nas phur bus yang dag par btab ste/ des kyang dbu nas brtsams te/ ji srid zhabs kyi mthar thug gi bar du phug par bsams la sdigs mdzub bya ba la sogs pa 'og nas bshad pa'i sbyor pa rnams kyis bsgrub par bya'o/ /bsam gtan rdo rje'i sbyor ba yis zhes bya ba 'dis ni bsam gtan gyi phur bu nyid gsungs pa'o/ /rgyal chen rdo rje sems dpa' dang zhes bya ba ni thugs ? rnal 'byor pa la de skad ces bya'o/ /sangs rgyas kun kyang phur bus 'debs zhes bya ba ni sangs rgyas kyang de'i phur bus 'debs zhes bya ba ni snga ma dang sbyar ro/ /spyi'i gsang sngags kyis de bzhin gshegs pa phur bus 'debs pa ni bcom ldan 'das nyid gtso bo nyid de/ phur bus gdab pa de la ni de bzhin gshegs pa rnams yin no/ /lha lhag ma rnams phur bus gdab pa la ni rang gi bdag po rnams kyis bya'o/ /khyad par gyi gsang sngags kyis thams cad kyi phur bu gdab pa la ni sku? rdo rje la sogs pa nyid kyis so/ /myur du 'chi ba 'am skam par 'gyur zhes bya ba ni sangs rgyas kyang zhes bya ba ni snga ma dang sbyar ro/ /'di skad ston pa yin te/ sku rdo rje'i rnal 'byor pas rang gi bsgrub par bya ba'i de bzhin gshegs pa mdun
- 260b
du bsams la de la gnyis pa yang dgug cing gzhug la bcings nas de'i steng du hUM las phur bu ji lta ba bzhin du bsams la khros pas de la bka' sgo ba'i tshul gyis phur bus gdab pa'i gsang sngags ji lta ba bzhin du zlos shing phur bus 'debs par bsams la/ phyag rgya dang tsham dam gyis phur bus btab par bya'o/ /sku la sogs pa'i phur bus gdab par khyad par gyi gsang sngags gsungs pa la/ sku'i ye shes ni rnam par snang mdzad kyi ye shes so// de'i rnam par bsgyings pa ni de bzhin gshegs pa la sogs pa'i sku'i phur bus sems can gyi don mdzad pa'o/ /de nyid rdo rje ste dmigs pa zhes bya ba'i don ni bshad zin to/ /de bzhin gshegs pa la sogs pa'i sku'i phur bus gsang sngags gsungs pa'i rnam pa la thugs rtse gcig tu mdzad ces bya ba'i don to/ /rdo rje'i zhes bya ba la sogs pa la rdo rje'i sku ni rnam par snang mdzad de nyid dam tshig go/ gnyis su med pa ni gnyis su med pa'i ye shes kyi rgyu mthun pa las byung ba de'i phur bu yin la/ de'i don gsang sngags 'byung zhes bya bar sbyar ro/ /stang stabs kyi phyag rgya gsungs pa ni phan tshun zhes bya ba la sogs pa yin te/ phan tshun dkri ba'i tshul du bya ba ni lag pa g.yon pa kha spub pa la de'i steng du g.yas pa bzhag ste/ g.yon pa'i mthe? chung la sogs pas g.yas pa'i mthe'u chung la sogs pa bzung ste/ phan tshun dkri ba lta bu byas la g.yon pa'i mthe'o g.yas pa'i lag mthil gyi dbus su bkug la bzhag ste/ mthe bo dang sbyar ba ni mthe bo sbyor ba ste nges rdo rje phur bu gdab par bya'o zhes bya ba'i don te/ /snang mdzad zhabs kyis mnan nas su zhes bya ba ni rnam par snang mdzad kyi sbyor bas gzung ba'o/ /btab pa tsam gyis zhes bya ba ni bsgrub par bya ba la'o/ /sku gsung ye shes las byung ba'i zhes bya ba ni
- 261a
sku dang gsung dang thugs las byung ba'i bcom ldan 'das rnam par snang mdzad do/ /dam tshig mchog gis bzhengs par mdzod ces bya ba ni bcom ldan 'das rnam par snang mdzad rdo rje'i phur bu'i rnam par yongs su gyur par bsgom pa ni dam tshig ste/ de nyid mchog gi 'byung bar 'gyur pa'o/ /gzhan du byas na brlag par 'gyur zhes bya ba ni gal te rdo rje phur bu 'byung bar ma bsgoms par sngags dang phyag rgya 'ba' zhig rab tu sbyar na de'i tshe mngon par 'dod pa'i dngos grub nyams par 'gyur ro/ /'di skad ston pa yin te/ rnam par snang mdzad kyi rnal 'byor pas khros pas/ rang gis bsgrub par bya ba mdun du ji lta ba bzhin du bsams te/ tshim? dam gyi phyag rgya bcings te/ de'i 'og tu phyag rgya bcings pa las khyung? ba'i 'khor lo 'bar ba yongs su gyur pa'i rdo rje'i phur bu bsgrub par bya ba la 'bab pas mgo nas brtsams te/ rkang pa'i mthar thug gi bar du gzugs brnyan gyi tshul du phur bu btab par bsam mo/ /yang na btab pa tsam gyis sems dpa' che zhes bya ba ni snga ma bzhin no/ /sku gsung ye shes las byung ba zhes bya ba ni phur bu'i gzugs can gyi bcom ldan 'das rnam par snang mdzad do/ /dam tshig gis zhes bya ba la ni bcom ldan 'das de nyid tsham rngam? gyi phyag rgyas slar bsdu ba'i sbyor ba'i mchog gis cho ga bzhin du gnas ji lta bar slar bsdu'o/ /zhes bstan to/ /bzhengs par mdzad ces bya ba ni bsgrub par bya ba la btab nas gyen du bzhugs pa'o/ /gzhan du byas na brlag par 'gyur zhes bya ba ni stang stabs rjes su ma bsdus pa'i nyes pas srin po la sogs pa rnams kyis nye bar gnon pa byed pa'i glags rnyed par 'gyur bas gnod par 'gyur ba'i don to/ /de yang sngags pas gang yang rung gzung nas/ de la'ang byams pa
- 261b
nyid du bya/ rdo rje gang la gnas nas kyang/ /de las phyag rgya legs par bsdu/ /las kyi cho ga mthong ba yis/ /rdo rje gnas su bzhag par bya// gzhan du gsang ba pa kun dang/ /srin po rnams ni gnod byed de/ /glags skabs tshor bar byed pa yi/ /gnod byed rnams ni 'tshe byed cing/ /glags tshol rjes mthun shes nas ni/ /sngags pa la ni rab gnod byed de/ /de bas rnam pa thams cad du/ /sgrub pa po ni blo ldan pas/ /rdo rje gnas ni zhes byas la/ /stang stabs bsdu ba sbyar bar bya zhes gsungs pa yin no/ /'di yang mtshams sbyar ba bstan pa las shes par bya'o/ /'di skad ston pa yin te/ snga ma bzhin du stang stabs bya ba dag byas nas/ de bzhin du bsgrub par bya ba phur bu btab par rnam par bsams la/ rdo rje khu tshur gnyis kyis ji lta ba bzhin du gar byas nas/ cho ga bzhin du rkang pa g.yon pa'i gnas su bsdu bar bya'o/ /rdo rje'i thugs kyis zhes bya ba la sogs pa la rdo rje'i thugs kyi ye shes chen po ni thugs rdo rje'i ye shes so/ /de'i rnam par bsgyings pa ni de bzhin gshegs pa la sogs pa'i thugs kyi phur bus rnal 'byor pa'i mngon par 'dod pa'i don rdzogs par mdzad pa ste/ de nyid rdo rje'o/ /dmigs pa zhes bya ba la sogs pa'i don ni bshad zin to// //dam tshig chen po yi zhes bya ba la sogs pa la/ chen po ni sangs rgyas la sogs pa ste/ de rnams kyi dam tshig ni 'og nas bshad pa'i stang ltabs so/ /des phur bus 'debs pas de'i don du gsang sngags byung ngo zhes bya bar sbyar ro/ /rtse mo lnga pa bcings nas su zhes bya ba la sogs pa la/ rdo rje bsnams? pa bcings nas su srin lag gnyis go bzlog ste/ gung mo'i nang du gzhug/ mthe bo dang mthe'u chung dag sbyar gung mo dag kyang sbyar bar byas la gung mo gnyis dam por sbyar ba'i tshigs gsum pa'i gnas su mdzub mo bkug nas rdo rje dang 'dir?
- 262a
bar nas gang tsam gyis ma reg par bzhag na rtse mo lnga pa bcings par 'gyur te/ des rdo rje'i phur bu gdab par bya ba'i don to/ /rdo rje'i thugs kyi zhabs kyi mnan ces bya ba ni thugs rdo rje'i sbyor bas gzung ba'o/ /sku gsum ye shes las byung ba'i zhes bya ba ni thugs rdo rje'i phur bu'i gzugs su'o/ /dam tshig mchog gis zhes bya ba la sogs pa'i yan lag dang spyi'i don bshad zin to/ /'jig rten dbang phyug ces bya ba la sogs pa la 'jig rten dbang phyug nyid ni gsung gi ngo bo'o/ /de nyid dam tshig ste/ de'i rnam par bsgyings pa ni de bzhin gshegs pa la sogs pa'i gsung gi phur bus sems can gyi don mdzad pa ste/ de nyid rdo rje'o/ /dmigs pa zhes bya ba la sogs pa'i don ni bshad zin to/ /gsung gi zhes bya ba la sogs pa la gsung gi dam tshig ni 'jig rten dbang phyug go/ de'i stang stabs kyi 'og nas bshad pa'o/ /des phur bus 'debs pas na de'i don du gsang sngags phyung ngo zhes bya bar sbyar ro/ /rdo rje sor mo bcum pa'i zhes bya ba la sogs pa la thal mo khong stong sbyar ba bcings la pad+ma kha bye ba lta bur rdo rje'i sor mo bzhag pa ni/ pad+ma kha bye 'bar ba ste des rdo rje'i phur bu gdab par bya'o zhes sbyar ro/ /'dod chags rdo rje'i zhabs kyis mnan ces bya ba ni 'jig rten dbang phyug gi sbyor bas gzung pa'o/ /sku gsum ye shes las byung ba zhes bya ba ni 'jig rten dbang phyug phur bu'i gzugs can no/ /dam tshig mchog gis zhes bya ba la sogs pa'i yan lag gi don dang spyi'i don ni snga ma bzhin no/ /sku gsung thugs kyi chags pa'i zhes bya ba ni rang gi lha'i sku gsung thugs bsgom pa las byung ba'i yid bde ba'i khyad par dang ldan pa'i gsang sngags la sogs pas phur bu gdab bo/ /cho ga bzang po tsam gyis ni zhes bya ba ni bshad ma thag pa'i cho ga'i rnam pas so/ /mnan gyur 'di la
- 262b
the tshom med ces bya ba la 'dis ni bsam gtan gyi phung bur bsgom pa gtso bor bstan to/ /mnyes shing zhes bya ba ni de bzhin gshegs pa la sogs pa'i phur bur rnal 'byor pa'i mngon par 'dod pa'i dngos grub gzigs pa'o/ /de nyid kyis na mgu ba mnyes pa'o/ /rdo rje dbyangs ni 'di skad gsungs zhes bya ba ni thogs pa med pa sgras gsungs pa'o/ /e ma'o gsang ba'i tshig gi mchog ces bya ba ni spyi'i phur bu'o/ /e ma'o snying po kun 'dus pa zhes bya ni sku'i phur bu'o/ /e ma'o zhi ba chos kyi tshig ces bya ba ni gsung gi phur bu'o/ /e ma'o rdo rje'i ye shes phur bu gdab ces bya ba ni thugs kyi phur bu'o/ /gsang sngags kyi phur bur zhes bya ba ni gang 'di bshad ma thag pa'i gsang sngags de thams cad kyi phur bu'o/ /bde gshegs bka' i rjes su byed ces bya ba ni gang de bzhin gshegs pa'i bka' i rjes su byed pa'i don gyis na 'di ston te/ gsang sngags kyi phur bu gdab pa la sogs pa ni/ don dam par mi srid mod kyi 'on kyang de bzhin gshegs pa dam tshig mchog mkhyen pas phur bus gdab pa la sogs pa gsungs pa yin no/ /'di dag ces bya ba la sogs pa la gnyis su med pa'i ye shes kyi rgyu mthun pa nyid yin pas phur bu ni de kho na nyid las byung pa'o// //da ni dkyil 'khor gyi lha rnams la ma gtogs 'od zer can la sogs pa'i gsang sngags dang las rnams kyang gsungs pa ni chos kun thams cad ces bya ba la sogs pa yin te/ chos kun thams cad 'ching zhes sdongs par byed pa'i rdo rje ni 'od zer can no/ /de la dmigs pa zhes bya ba'i don ni bshad zin to/ /thugs ni dgyes shing mgu bar gyur ces bya ba ni gdug pa ma lus ldongs par byed pa'i rig sngags 'dis sems can gyis khams bde bar byas par gzigs pas rab tu dgyes pa brnyes pa'o
- 263a
spyor ba zhes bya ba ni nye bar mtshon pa tsam ste/ nges na bsgom pa la sogs pa yang mngon par brtson pa'o/ /de'i rab tu sbyor ba yang 'di yin te/ rtsa bdun gyis nye bar mdzes par byas pa'i shing rta la gnas pa'i gzhal yas khang gi nang du lha mo 'od zer can gyi nga rgyal ji lta ba bzhin du byas te/ de'i dkyil 'khor gyi dbus kyi ngos thams cad la de'i grogs rnams der gnas par bsams la/ nyi ma'i dkyil 'khor gnyis kyis gzhal yas khang kha sbyar byas te/ de las byung ba'i 'od zer dmar po rnams lha mo 'od zer can gyi skur yongs su gyur pa khab dang skud pa thogs pas/ gdug pa rnams kyi kha dang mig 'tshem par bsams la/ lag pa g.yon par zla ba rdo rje zla ba la yang 'khor lo rtsibs brgyad pa de'i lte bar 'od zer can gyi sngags sngags de'i logs kyi rtsibs rnams la grogs kyi ming dgod la/ dbugs mi 'byin par de'i sngags lan bdun brjod la/ oM A:hUM zhes brjod la/ rdo rje khu tshur gyis gos g.yog par byas la/ de ma bkrol bar/ 'od zer can gyi gsang sngags zlos shing mi smra bar dogs pa med cing blo brtan pas 'gro bar bya'o/ /gnod par byed pa zhes bya ba la sogs pa la/ gnod par byed pa thams cad ni sems can mang po la 'khu bar byed pa la sogs pa'o/ /de rnams 'dul ba ni rang gi nyes pa la bzlog pa ste/ de ni rdo rje pad+ma dkar po'i'o/ /dmigs pa zhes bya ba la sogs pa'i don ni bshad zin no// //dur khrod kyi ras la srin mo chen mo btsag gis bris nas zhes bya ba ni dur khrod kyi ras nyid la bri ba'o/ /legs par sbas te zhes bya ba la dben par bzhag par bya'o zhes bya ba ni lhag ma'o/ /rig sngags brgya rtsa brgyad bzlas brjod byas la zhes bya ba'i rjes su
- 263b
mthun par/ bsgrub par bya ba'i ming bskul tshig dang bcas pa'o/ /ming nas smos shing zhes bya ba ni bsgrub par bya'i ming brjod pa'o/ /phyir rgol ba dang dgra thams cad ces bya ba ni rdzas gcig mngon par 'dod pa las byung ba'i dgra bo'i phyir rgol ba'o// mi mdza' ba'i phyogs su lhung ba ni dgra bo'o/ /bcing ba zhes bya pa ni ci yang mi byed pa nyid du byed do/ /de nyid ni 'og mas bstan pa ni/ mnan pa dang zhes bya ba la sogs te/ mi 'gul par byas pa ni mnam pa'o/ /tshig dang bral bar byas pa ni rmongs pa'o/ /'di skad ston pa yin te rin la mi brtseg par nyos pa 'am/ 'bad pa med pa las byung pa'i dur khrod kyi ras la bcom ldan 'das ma ji lta ba bzhin du bris la dben par bzhag ste/ dgug pa la sogs pa byas nas gu gul gyi bdug ba bsregs la nyin zhag bdun gyi bar du thun bzhir me tog dmar po la sogs pa mchod pa rnam pa lngas legs par mchod la/ /lhas byin ste b+ha ya zhe'i?/ dzaM b+ha ya zhes bskul ba'i tshig dang bcas par rigs la lan brgya rtsa brgyad bzlas la ras ris blangs te nyi ma'i gung dam mtshan phyed bu dud khrod du song ste der cog pus dong byas la/ thod pa gnyis kyi bar du ras ris bcug la sas bkab ste/ yungs kar dkar po la rig sngags lhas byin stwaM b+ha ya zhes bskul pa'i tshig dang ldan par brgya rtsa brgyad bzlas la/ de'i steng du gtor ma las grub nas bcom ldan 'das ma spyan drangs la ji lta bzhin mchod de slar gshegs su gsol lo/ /nad chen po zhes bya ba la sogs pa la nad chen po thams cad ni rims la sogs pa'o/ /de sel ba ni med par sel te nges na rnam par rgyal ba zhes bya ste/ ri khrod kyi lo ma can la de skad ces bya'o/ /de nyid ni ye shes kyi rdo rje'o/ /dmigs pa zhes bya ba la sogs pa'i don ni bshad zin to// //
- 264a
yam shing zhes bya ba la sogs pa ni go sla'o/ /'di skad ston pa yin te zhi ba'i tshogs thab khung gis dbus su bcom ldan 'das yum ji lta ba bzhin du bskyed la/ de'i zhal du til la sogs pa mar la sogs dang bsres pa dbul zhing sreg blugs re re'i rjes thogs la yang de'i sku las byung ba'i bdud rtsi'i chus yongs su gang ba'i bum pa 'dzin pa'i ri khrod kyi lo ma can gyi lha mo nam mkha' khyab pa rnams kyis bsgrub par bya ba'i dbang bskur bar gyur pas rims la sogs pa'i nad thams cad sel bar bsam par bya'o/ /sdang ba thams cad ces bya ba la sogs pa sdang ba thams cad rnam par 'joms pa ni nus pa med par byas pa'o/ /nges sems can rnams gdug pas 'jigs pa las sgrol zhing thar par byed pas sdang ba thams cad rnam par sel ba zhes bya ste/ stong chen mos rab tu 'joms ma la de skad ces bya'o/ /de nyid ye shes chen po'i stobs kyis rnam par rgyal ba zhes bya ste/ ye shes chen po'i stobs kyis rnam par rgyal pas so/ /dmigs pa zhes bya ba la sogs pa'i don ni bshad zin to/ /gyur ces bya ba ni de ltar gyur pa'o/ /gtso bo zhes bya ba de ltar shes nas 'di skad smras so/ zhes bya ba ni lhag ma'o/ /phyag stong ldan zhing zhal stong la zhes bya ba ni sprul pa nyid kyis so/ /gang phyir brtson 'grus chen mo phyag brgyad pa zhes bya ba dang/ zhal ras bzhi pa ste zhes bya ba gsungs pa'i phyir ro/ /khro ba dang sgeg pa'i nyams dang ldan zhes bya ba ni sgeg pa'i nyams dang bcas pa dang ldan pa'o/ /zhes bya ba'i bar du'o/ /phyag g.yon pad+ma rdo rje nor zhes bya ba ni phyag g.yon pa'i dang po na pad+ma steng na/ rdo rje mtshan pa'i yid bzhin gyi nor bu bsnams pa'o/ /mdog dmar zhes bya ba ni nyi ma'i 'od kyi dkyil 'khor can no/ /rang gi rnal 'byor la brtson pa zhes bya ba
- 264b
ni rang gi nga rgyal du byas pa la rab tu 'bad pas so/ /'bar phreng can zhes bya ba la 'dir bsgom mo zhes bya ba ni lhag ma'o/ /de'i las kyis bskul pa'i zhes bya ba ni rgyud gzhan gyi dpung rnam par bzlog cig ces bya ba la sogs pa'i tshig dang ldan pas bskul bar bya'o zhes bya ba'i don to/ /rnal 'byor dbang phyug las 'dod pas zhes bya ba ni sngags pas blo'i yul du byas pa'o/ /'di zhes bya ba ni rab tu sbyor bas so/ /dpung chen po zhes bya ba ni yan lag bzhi pa'i mtshan nyid do/ /rnam par lta ba ni bdag la sogs pa bsrung ba'i phyir nges par rtog pa'o/ /gang thams cad bsrung ba de ni stobs kyi mchog ste shin tu stobs dang ldan pa'o/ /stong chen mo rab tu 'joms pa ni shin tu ngo mtshar du gyur pa la 'jug pas te stong gis lan stong du rnam par 'joms pas na bcom ldan 'das yum de la de skad ces bya'o/ /de nyid ye shes kyis rnam par rgyal ba'i rdo rje'o/ /dmigs pa zhes bya ba la sogs pa'i don ni bshad zin to/ /'dis ni 'di skad ston pa yin te/ 'ga' zhig bdag nyid srung zhing gzhan gyi dpung rnam par 'jig pa la/ ji skad bshad pa'i bcom ldan 'das yum 'di dang sbyar bar bya'o/ /brgya byin zhes bya ba la sogs pa la/ brgya byin gyis mngon par mtho ba ni bsgreng ba'o/ /'di don gyi stobs ni nus pa'i khyab par de yang dag par bskyed pa'i rgyal mtshan mchog gi dpung rgyan gang yin pa de la de skad ces bya'o/ /de nyid kyang lha ma yin rnam par 'joms pas na de skad ces gsungs pa yin te/ de nyid ni rgyal pa'i rdo rje'o/ /dmigs pa zhes bya ba la sogs pa'i don ni bshad zin to/ /phyogs bsdigs pa'i phyag rgya can zhes bya ba la rang rang gi phyogs na 'dug pa'i gdug pa rnams la/ bsdigs pa'i mdzub mo'i phyag rgya dang ldan pa'o zhes bya ba ni lhag ma'o// sdigs pa ste zhes
- 265a
bya ba ni bsrung ba'i bdag nyid can no/ /rdo rje ro langs phyung ba yis zhes bya ba ni 'byin pa'i dpung rnams bcom zhing gtor bar blta zhes bya ba ni bcom ldan 'das ma de bsgom zhing de las byung ba'i ro langs rnams kyis/ gzhan gyi dpung rnam par 'joms par blta ba dang/ bsgom par bya'o zhes 'dir gnyi ga sbyar ro/ /'di skad ston pa yin te/ sngar bsnyen pa byas la ras rin la mi brtseg par nyos te/ de sngags zlos pa la brtson zhing gso sbyong dang ldan pa'i bzo bo mkhas pas bcom ldan 'das ma ji lta ba bzhin du bris la/ nges dgug pa la sogs pa byas te/ dus cung zad du yang 'das la/ g.yul 'gyed pa'i sa phyogs su song ste/ glang po che'i rgyab tu gzhan gyi dpung la mngon par phyogs par ras ris bsgreng la/ des dgug pa la sogs pa byas te/ ras dkar po ma spyad pas g.yogs nas/ mtshon cha 'bab pa la mngon par phyogs pa'i dus su glang po'i mdun du brtan zhing mi dar la bab pa'i skyes bu mtshon cha stod thogs pas gshin rje gshed la sogs pa khro bo'i nga rgyal du byas la/ rig pa mi g.yo ba'i dar dbyangs bcings te/ bstan pa la sogs pa'i bsrung ba'i don du rgyal bar gyur cig pa'i sgra dbyangs dang dung gi sgra dang ca co gdon par bya zhing nga rgyal bskyed la myur bar ras ris phye nas de las byung ba'i ro langs rnams kyis gzhan gyi dpung 'joms par 'gyur bzhin par bltas la/ rgyal bar gyur cig rgyal bar gyur cig ces brjod cing gsang sngags gdon par bya'o/ /'jig rten gsum la zhes bya ba la sogs pa la/ 'jig rten gsum ni gnas pa ste/ de la gnas pa'i gdug ? ? par nus shing gsal ba'o/ /de la mkhas pa ni legs par byang ba ste/ rgyal mtshan mchog gi dpung rgyan 'de? skad ces bya'o/ /de nyid ni
- 265b
mchog ste sangs rgyas rnams kyi rtse mo yin la de nyid rdo rje'o/ /dmigs pa zhes bya ba la sogs pa'i don ni bshad zin to// //mngal zhes bya ba la sogs pa la/ bud med thams cad kyi mngal yang dag par bskyed pa ni mngal chagS pa ste/ don de spros par mdzad pas na so sor 'brang ma chen mo la de skad ces bya ste de nyid rdo rje'o/ /de la dmigs pa zhes bya ba la sogs pa'i don ni bshad zin to/ /'jigs pa dang ni skrag pa yis zhes bya ba ni rjes su nye bar gyur par shes par bya'o sku gsum 'phro ba dang ldan pa zhes bya ba ni/ sku dang gsung dang thugs te gsum gyi tshul spro ba gang yin pa de la de skad ces bya ste/ sgom pa zhes bya ba ni lhag ma'o/ /bum pa'i mtsho dang zhes bya ba la sogs pa ni sbyor bas gsungs pa ste/ mngal 'dzag ma dang bu mi 'tsho ba dang/ mngal mi 'chags pa dang/ mngal nyams pa rnams so sor 'brang ba chen mo'i dkyil 'khor 'dir bcug la de zhes bya ba 'dir bsam mo zhes bya ba ni lhag ma'o/ /skal ngan ni zhes bya ba ni sdig pa'i lus yi ge ka ma las byung ba'o/ /sdig pa dral ba dral nas kyang zhes bya ba ni sdig pa dral ba'i sngags phyag rgya dang bcas pas so/ /de la 'di ni sngags dang phyag rgya'o/ /rdo rje bcing ba dam byas te/ gud? mo gnyi ga sngar nas su/ /tha ma bzhi ni rtse mor sbyar/ /sdig pa 'joms par grags pa yin zhes gsungs pa ni sdig pa dral ba'i phyag rgya'o/ /oM badzra pa ni bi spho Ta ya sarba a pa ya band+ha nA ni pre mo k+Sha ya sarba a pA ya ga ti b+hya sarba satwa maM/ sarba ta thA ga tA/ badzra sa ma ya tra Ta/ ces bya ba ni sngags so/ /'di skad ston pa yin te/ so sor 'brang ma chen mo'i dkyil 'khor ji lta ba bzhin du bris bud med bu mi 'tsho ba 'am mngal nyams pa dkyil 'khor du bcug pa/ rig pa'i dbang
- 266a
bskur ba byin la dbang bskur ba'i dkyil 'khor du bkug ste bzhag nas/ ji skad du bshad pa'i sdig pa rdo rje zhags pa'i phyag rgya dang sngags kyi phyung la sdig pa dral ba'i phyag rgya dang sngags kyis yang dag par dral te/ so sor 'brang ma chen mo'i skur rnal 'byor ma chen mo bsams la/ sangs rgyas dang rdo rje 'dzin pa la sogs pa de'i lus la 'jam pa'i gzugs can du bzhugs par bsams la dbang bskur ba'i cho gas bum pa'i chus dbang bskur bar bya'o/ /mngal thams cad ces bya ba la/ bud med thams cad kyi mngal des rnam par gzigs pas brtan par byed pa'i ye shes gang yin pa de so sor 'brang zhing/ tshor bar byed pas bcom ldan 'das ma de la de skad ces bya ste de nyid rnam par rgyal ba'i rdo rje'o/ /dmigs pa zhes bya ba la sogs pa'i don ni bshad zin to/ /nor gyi rgyun zhes bya ba la sogs pa la nor gyi rgyu ni mngon par 'dod pa'i rin po che'i rgyun yang dag par 'dzin cing sems can so so'i rgyud la mi g.yo bar byed pas nor gyi rgyun la de skad ces bya ste/ de nyid ye shes rdo rje'o/ /dmigs pa zhes bya ba la sogs pa ni snga ma bzhin no/ /bcom ldan 'das nor gyi rgyun zhes bya ba la zhes pa zhes bya ba'i sgra ste/ de bas na dbul ba rnam par 'jig pa zhes bya ba la sogs pa yongs su bzung ngo/ /de bas na 'di ltar mtshan rnams shes tshig mang po smos pa yin no/ /ba'i zhes bya ba ni/ yi ge ba las bsam par bya ste/ bshad ma thag pa'i man ngag gzhug par gyur pa ji lta ba bzhin du bsam la rin po che spro bar bya'o/ /de la khyim gyi phyogs gcig dben pa zhig tu bcom ldan 'das ma ras ris la sogs bar spyan drang ba la sogs par mchog thams cad ji lta ba bzhin du rdzogs par
- 266b
byas la khyim der tshul khrims rnam par dag cing dge ba phun sum tshogs pa'i bud med gtso mo mchod pa la sogs pa byed du bcug na khyim yang dag par 'byor par 'gyur bar shes par bya'o/ /nor gyi rgyun ces bya ba la sogs pa la nor gyis rgyun gyi rab tu char 'bebs shing der rgya che ba'i ye shes kyi ngo bo nyid du gyur par bcom ldan 'das yum la de skad ces bya ba ste de nyid rdo rje'o/ /dmigs pa zhes bya ba la sogs pa ni sngar bshad zin to// //'phrog ma'i zhes bya ba la 'phrog ma'i dga' ston ni spro ba ste// nges gnod sbyin ma'i tshogs dga' bar byed cing yid bde ba bskyed pa'o/ /nges dngos grub tu gyur pa ste/ don de ni rdo rje'o/ /dmigs pa zhes bya ba la sogs pa ni rigs pa dang ldan pa'i ming ste/ gnod sbyin ma'i tshogs dga' bar byed pa 'phrog ma'i gsang sngags gsungs pa'i rnam par thugs rtse gcig tu mdzad ces bya ba'i don to/ /dngos grub phyir ni mngon phyogs nas zhes bya ba ni dngos grub stsol ba'i phyir mngon du phyogs par gyur pa'o/ /khro bo'i 'khor lo gnod sbyin ma brgyad kyi zhes bya ba ni ji skad du bshad pa'i phyir dkyil 'khor du phyogs brgyad la khro bo brgyad yod pa'i khro bo'i 'khor lo der thugs rdo rje la sogs pa'i gnas su rdzogs bzang la sogs pa'i dam tshig gi phyag rgya'o/ /gnod sbyin mo brgyud po gdan gnod sbyin gyi mdog can no/ /dbus na 'phrog mas brgyan zhes bya ba ni rnam par snang mdzad kyi gnas su 'phrog pa brgyan thams cad kyi brgyan pa'o/ /lcags kyu'i 'bras bu ne'u le can zhes bya ba ni/ gnod sbyin dang gnod sbyin mo rnams kyi lag pa g.yas pa gnyis na 'bras bu bi dza pu ra dang lcags kyu thogs pa/ lag pa g.yon gyi dang pos ne'u le 'dzin pa gnyis pas stan la gnyis te 'dzin pa'o//
- 267a
gnod sbyin brgyad kyis brgyan nas su/ gnod sbyin ma kun bsgrub par bya zhes bya ba ni rim pa gnyis pa la shar la sogs pa'i phyogs rnams su gang ba bzang po dang rnam thos sras dang/ nor sbyin dang/ nor bu bzang zhes bya ba'i gnod sbyin bzhi po sngon po dang/ ser po dang/ dmar po dang/ ser po'o/ /me la sogs pa'i mtshams rnams su pi tsi kuN+Da li dang/ ki li ma li dang sgo'i dbang mo dang/ spyod pa'i dbang mo dmar mo dang ljang gu dang/ ser po dang/ gser gyi mdog ste de rnams kyis klubs shing brgyan pa/ gshin rje gshed la sogs pa'i sbyor bas ji lta ba bzhin du bsgrub par bya'o/ /'phrog ma yang g.yon gyi gnyis pas dga' byed nu ma ldud cing 'dzin pa'o/ /gsang sngags kyi ye shes ni de'i rnam par bsgyings pas rnal 'byor pa'i mngon par 'dod pa'i las bskyed par nus pa yin la/ de rab tu ston par byed pa'i gzhung ni rim par phye ba ste/ des na gsang sngags kyi ye shes bsgyings pa'i rim par phye ba'i sgrar gsungs so// //le'u lnga pa'i 'grel pa'o// //gsang sngags kyi mthu ni rang gi phyag rgya dang/ mchod pa'i cho ga med par phun sum tshogs par mi 'gyur bas/ de nas zhes bya ba la sogs pa drug pa phyag rgya dang mchod pa'i le'u gsungs so/ /sku gsum gyi ye shes kyi rdo rje las yang dag par byung ba zhes bya ba ni sku rdo rje la sogs pa'i ye shes las byung ba'o/ /tha dad pa zhes bya ba ni rnam par snang mdzad la sogs pa'i dbye bas so so ba yin gyi rdo rje khu tshur gnyis kyis phyi rol dang nang du rdo rje bcings pas kyang phyag rgya'i don ston pa ni ma yin no/ /'di na lus ni byin brlabs te/ /rang gi gzugs su rnam bsgoms na zhes bya ba ni phyag rgya rim par phye ba 'di na
- 267b
dam tshig gi phyag rgya ni lus te sku byin gyis brlabs pa'i lag pa'i phyag rgya bcing ba yin par shes par bya'o/ /sgom par byed pa na yang rang gi ngo bo nyid ji lta ba bzhin gyi sbyor bas/ lha dang lha mo'i skus dad pa'i phyag rgya so so la bltos pas/ rnam bsgoms na zhes tshig dbang por byas pa yin no/ /lag pa gnyis khu tshur bcangs pa las zhes bya ba ni lag pa gnyis kyis rdo rje bcings pa nang du bcings pa'i khu tshur byas pa'o/ /bshad ma thag pa'i phyag rgya bcings pa ste/ phyag rgya gsum po de dag sngags dang bcas pa ni lha thams cad kyi sku gsung thugs byin gyis rlab par byed pa yin no/ /lag pa gnyis zhes bya ba la sogs pa ni lam gyi phyag rgya gsungs pa yin te go sla'o/ /gzung ba ni zhes bya ba ni g.yon pa'i mdzub mo bsgreng ba'o zhes snga ma dang sbyar ro/ /mthe bong gnyis ni bsnol byas la mdzub mo'i rtsa ba? bkug nas ni/ /gung mo bsnyams pa'i tshigs su sbyar/ rdo rje dbyings kyi dbang mor bshad/ /ces gsungs pa dang de la bshad ma thag pa'i mtshan nyid can ni bcom ldan 'das rnam par snang mdzad kyi dam tshig gi phyag rgya yin par shes par bya'o/ /lag pa g.yon pa zhes bya ba ni phang par bkan te bzhag pa'o/ /g.yas pa zhes bya ba ni kha thur bltas par bya'o// de bzhin du zhes bya ba ni lag pa g.yon pa'o/ /mchog sbyin par mdzad pa zhes bya ba ni mchog sbyin pa'i tshul du'o/ /de nyid ces bya ba ni lag pa bkan pa'i tshul gyis so/ /bsam gtan gyi tshul du zhes bya ba ni bsam gtan gyi thad? kyis so/ /de nyid las zhes bya ba ni lag pa g.yon pa bkan pa'o/ /mi 'jigs par sbyin par byas la zhes bya ba ni lag pa g.yon pa ba ngan gsum par bdag dang nye bar bzhag ste/ des mi 'jigs pa sbyin pa'i tshul dang ldan pa'i?
- 268a
rdo rje sems ma la sogs pa'i dam tshig gi phyag rgya ni mi bskyod pa la sogs pa'i yang shes par bya'o/ /rdo rje bcings pa zhes bya ba ni rdo rje bcing ba phyi rol du bcings pa'o/ /de nyid las zhes bya ba ni snga ma dang 'dra'o/ /de nyid las zhes bya ba ni bshad ma thag pa'i phyag rgya dang 'dra'o/ /de nyid las zhes bya ba la sogs pa ni rdo rje bsdams pa phyi rol du bcings pa la/ gung mo gnyis nang du bcug ste phan tshun lto sbyar la bzhag pa'o/ /la la dag ni mthe bo dang mthe chung gnyis rdo rje ltar byas la rtse sprad par bya'o/ /zhes man ngag las bshad do zhes zer ro/ /mi bskyod pa la sogs pa'i las kyi phyag rgya ni/ rang rang gi ji ltar rdo rje sems ma la sogs pa'i yang yin par byas par bya'o/ /bzhag pa zhes bya ba ni tshig gsum pa la bzhag pa ste/ nas gang tsam gyis ma reg par bya bar blta bar bya'o/ /pad+ma kha phye ba'i tshul du byas pa ni pad+ma kha ma phye ba dang 'dra ba'o/ /mdzub mo gnyis zhes bya ba la sogs pa la mdzub mo gnyis kyis gung mo'i sen mo bkug nas mnan pa gang yin pa de la de skad ces bya ste/ mthe bo gnyis dang mdzub mo gnyis kyi bar? du gung mo bcug la btsir nas gnas pa'o/ /thal sbyor zhes bya ba ni thal mo khong stong du byas pa'o/ /tshigs dgu? par zhes bya ba la ni tshigs bar ma dang mdzub mor sbyar ba'o/ /mdzub mo gnyis mthe bo'i rtse mor bkug ba zhes bya ba ni/ mdzub mo gnyis rtse sprad la mthe bo gnyis kyi steng du rin po che 'dra bar bkug nas sbyar la bzhag ces bya ba'i don to/ /mthe'u chung gi sen mo mnan nas zhes bya ba ni rang rang gi mthe'u chung gi sen mo lu gu rgyud 'dra ba la lhag ma rdo rje'i mtshan nyid du byas pas sbyar bar bya'o/ /la la na de yang na stang stabs kyi sbyor ba
- 268b
ji lta ba bzhin du bya'o/ /zhes zer ro/ /mdzub mo dang mthe'u chung gnyis lu gu rgyud ltar bcing ba zhes bya ba ni rdo rje khu tshur gnyis rgyab sbyar ba byas la lag pa gnyis kyi mdzub mo dang mthe'u chung lu gu rgyud ltar mdud pa byas pa'o/ /lag pa gnyis zhes bya ba ni ? pa la/ rdo rje bsdams pa bcings pas khu tshur nang du bcings te gung mo sbyar la rtse mo'i tshul du bzhag srin lag gnyis gung mo'i rgyab tu gcar te bzlog pa'i tshul gyis bzhag/ mdzub mo gnyis gung mo'i tshigs gsum pa gnas su gang du bu'i tshul du bzhag/ mthe bo gnyis gung mo la phyogs par bzhag la cung zad rdo rje 'dra bar dgug go/ la la ni mthe'u chung sbyar ba byas la gung mo'i bar du bzhag go/ zhes zer ro// bzlog la dpral bar bzhag ces bya ba ni bzlog ste khu tshur du bstan la dpral bar bzhag pa'o/ /sen mo mnan na saM? zhes bya ba ni mnan pa'o/ /ral gyi shubs nas byung ba zhes bya ba la sogs pas ni/ lag pa g.yon pa'i mthe bos srin lag dang mthe'u chung mnan te bzhag pa la lag pa g.yas pas kyang rang gi srin? lag mthe'u chung gis sen mo mnan la gung mo dang mdzub mo gnyis ce bder bcug nas ral gyi ltar drangs te de'i tshul du byas la/ lag pa g.yon pa snying gar ji lta ba bzhin du bzhag go/ khro bo'i sen mo zhes bya ba mi lag pa g.yon pa'i mdzub mo bsgreng pa'o/ /rdo rje khu tshur zhes bya ba ni g.yon pa'i rdo 'rje tshur du bya'o/ /me tog gi tshul du zhes bya ba ni nA ga ge sar 'dra ba'o/ /g.yon pa zhes bya ba ni g.yon pa rdo rje khu tshur du bya'o/ /glang po che'i sna ltar zhes bya ba ni snu'i? mdun du lag g.yas ba'i rdo rje khu tshur glang po che'i sna'i tshul du bzhag pa'o/ /bsgreng la zhes bya ba ni 'dir g.yas kyi cha yin par shes par bya'o/ /g.yas zhes bya ba la sogs pa la g.yas pa'i chos nam mkha' la bteb?
- 269a
la/ g.yon pa'i rdo rje khu tshur du gnas pas g.yas pa'i lag mthil na ba dan gsum pa ji lta bar bya ba'o/ /chu rlabs ltar drang ba ni zhes bya ba ni chu rlabs 'dren pa ltar byas pa'o/ /g.yon bzla ba'i tshul du byas pa zhes bya ba ni g.yon pa rdo rje khu tshur bcings la/ mthe bo dang mdzub mo gnyis zla ba phyed pa'i tshul du byas pa'o/ /g.yon pa'i rdo rje khu tshur zhes bya ba ni g.yon pa rdo rje khu tshur bgyid pa'i tshul gyis g.yon pa'i lta zur du bzhag pa'o/ /'dod chags kyi dug thams cad sel ba zhes bya ba 'dis ni rnam par snang mdzad la sogs pa gang yang rung ba'i sbyor ba dang/ rnal 'byor pas dug bsal pa'i las byed pas na/ phyag rgya 'dis ji lta bzhin du bya'o zhes bstan to/ /mdzub mo bsgreng la zhes bya ba ni mdzub mo gnyis sdigs mdzub kyi tshul du bsgreng ba'o/ /'dris ni de bzhin gshegs pa thams cad spyan 'dren no zhes bya ba ni de bzhin gshegs pa thams cad ni lcags kyus spyan drang do/ /zhes gang gsungs pa de 'dis dran par byas te/ oM badzra oM ku sha A karA ya hUM zhes bya ba'i sngags dang phyag rgya 'di sbyar bar bya'o/ /'gram pa gnyis su bzhag pa zhes bya ba ni 'gram pa gnyis su'o/ /khro bo rnams ni zhal gyi phyag rgyas so zhes bya ba rdo rje mche ba'i phyag rgyas so/ /byang chub sems dpa' rnams ni rdo rje'i phyag rgyas so/ /zhes bya ba ni rtse mo lnga bcings la zhes bya ba la sogs pa'i mtshan nyid can gyi rdo rje'i phyag rgyas so/ /rig ma'i lha mo rnams kyi yum rnams kyis so bya ba ni rdo rje sems ma dang skul byed ma la sogs pa'i ni ci rigs par sangs rgyas spyan la sogs pa'i phyag rgyas te/ rigs kyi yum rnams kyi phyag rgyas so/ /bran rnams ni zhags pa'i phyag rgyas so zhes bya ba la 'og nas bshad pa'i rdo rje zhags pa'i phyag rgyas so/ /pho nya rnams ni
- 269b
lcags kyu'i phyag rgyas so zhes bya ba ni/ de bzhin gshegs pa spyan 'dren pa'i phyag rgya nyid do/ /phyag rgya'i rnam par dbye ba 'di ni spyan drang ba yin no/ /gzhug pa la sogs pa la ni thams cad kyang rdo rje'i zhags pa dang/ lcags sgrog dang 'bebs pa'i phyag rgya? bya'o/ /drag po'i las la ni rdo rje mkha' 'gro ma'i phyag rgya dang oM badzra DA ki nI che ge mo'i rak+ta mA ka ra Sha ya a kriShhya? tsu sha ya hUM phaT ces bya ba dang sbyar ro/ /rdo rje khu tshur zhes bya ba ni so so'i'o/ /dkyil 'khor phyag rgya zhes bya ba ni dkyil 'khor brdeg pa'i phyag rgya ste/ 'di yang oM badzra tiSh+Tha zhes bya ba 'di dkyil 'khor gyi bdag po'i snying po dang bcas pas snga ma bzhin du sbyar bar bya'o/ /mkhrig ma gnyis bsnol te zhes bya ba ni mdzub mo gnyis bsnol nas mkhrig ma gnyis kyi dbus su gzugs te/ kha thur du bltas pas ngos la bcang la brdeg par bya'o/ /sgo dbye ba'i phyag rgya yang oM badzrod g+ha Ta zhes bya ba la sogs pa'i sngags kyis sgra bsgrags la/ oM badzrod g+ha Ta ya sa ma ya pra be sha ya hUM zhes bya ba'i gsang sngags dang sbyar bar bya'o/ /gdong thams cad skrag par byed pa'i phyag rgya ni oM hUM badzra rak+Sha sa ma ya phaT ces bya ba 'di dang ji lta ba bzhin du sbyar ro/ /lha ma yin gyi bu mo kun smrar gzhug pa'i phyag rgyas zhes bya ba ni mtshan ma thob pas lha ma yin gyi phyag du 'dug pa de ni de'i sgo'i 'khrul 'khor la ltas la/ rdo rje a 'og gi sbyor bas rol pa'i stang stabs kyis 'dug nas ji skad du gsungs pa'i phyag rgyas bcings te/ nga rgyal dang bcas pas gsang sngags brjod la/ phyag rgya de bcings pa las byung ba'i rdo rje rtse lnga ba 'bar bas 'khrul 'khor rnam par gzhom par bya ba ni sbyor ba'o/ /de bas na lha ma yin gyi sgyu ma'i 'khrul 'khor gzhig pa zhes gsungs te/ gang gi tshe ? ma yin gyi bu mo legs par 'ongs so zhes bya ba la sogs pa'i tshig mi sman
- 270a
de'i tshe cho ga 'di nyid dang phyag rgya 'di nyid dran par bya'o/ /de bas na lha ma yin gyi bu mo smrar gzhug pa zhes gsungs pa yin no/ /stang stabs dang bcas par hUM zhes sgrogs pa zhes bya ba'i ni rol pa'i stang stabs dang bcas pas yi ge hUM brjod pa'o/ /rdo rje nag mo'i phyag rgya dpung pa g.yas pa bteg la rdo rje khu tshur brdeg pa'i tshul du bya ba ste/ 'di yang mngon spyod kyi las rnams la/ oM badzra kA li tir tsA ya hUM zhes bya ba 'di dang sbyar ro/ /rdo rje phur bu'i phyag rgya de bzhin gshegs pa la sogs pa gzhan dag la 'bebs pa'i tshe ni/ /oM badzra kI li kI lA ya hUM zhes bya ba 'di dang sbyar ro/ /de bzhin gshegs pa la sogs pa'i phur bu'i sngags dang phyag rgya'i dbye ba nye bar ma bstan pa'i phyir ro/ /rdo rje khu tshur zhes bya ba ni g.yon pa'i rdo rje khu tshur gyis seng weng la sogs pa'i phur bu bzung la bsgrub par bya ba'i mgo la bzhag ste/ g.yas pa'i rdo rje khu tshur gyis brdung ba ni rdo rje tho ba'i phyag rgya ste/ oM badzra mud ga ra A ko Ta ya hUM zhes bya ba'i sngags dang sbyar ro/ /'di ni phyir phur bus 'debs pa la tshul 'di yin te/ bsam gtan dang phyag rgya phur bus 'debs pa la ni phyag rgya nyid kyis phur bus bzhag pa bsams la de bzhin du brdung ngo/ /lag pa gnyis zhes bya ba la sogs pa la lag pa gnyis kyi rdo rje khu tshur phan tshun rgyab sbyar la mthe'u chung gnyis mdung ste /mdzub mo gnyis so sor phye nas lcags sgrog ltar bcing bar bya'o/ /phyag rgya 'di yang oM badzra spho Ta band+ha ya hUM zhes bya ba'i sngags 'di dang sbyar ro/ /bcing ba'i log tu mnyes par bya bas rig pa yin pas/ rgyud gzhan dag las bstan pa'i sngags dang phyag rgyas bzung ste/ bshad ma thag pa'i phyag rgya de nyid dril bu ltar snying gar bskyod ba
- 270b
ni rdo rje 'bebs pa'i phyag rgya ste/ oM badzra A pe sha hUM zhes bya ba 'di dang sbyar ro/ /bcings pa ni gzhug pa'i 'og tu 'byung bas rdo rje zhags pa'i phyag rgya 'ba' zhig kyang ston par shes par bya ste/ rdo rje'i lcags kyu'i phyag rgyas bcings pa las mdzub mo gnyis zhags par bya ba ni/ rdo rje zhags pa'i phyag rgya ste oM badzra pA sha pra be sha ya hUM zhes bya ba 'di dang sbyar ro/ /rdo rje sogs le'i phyag rgya ni gshin rje gshed la sogs pa gang yang rung ba'i sbyor ba dang de'i gsang sngags kyi rnam par dga' bar bya'o zhes bskul ba'i tshig dang bcas pas bsgrub par bya ba'i mgo po nas brtsams te rnam par dag pa ni mngon spyod kyi las kyi sbyor ba'o/ /rdo rje srin mo'i phyag rgya dang a la la zhes brjod la/ 'phags pa gshin rje gshed la sogs pa gang yang rung ba'i sbyor bas bsgrub par bya ba'i bsrung pa phrogs la mdun du rdo rje srin po la sogs pa rnams kyis rnam par bza' bar bsams la oM badzra rAk+Sha saphak+Sha ya tha phaT ces bya ba 'di dang sbyar ro/ /mthe bo zhes bya ba ni mthe bo dang gung mo chan pa'i phyag rgya dang stobs po che'i sbyar bas so/ /oM badzra kro d+ha ma hA ba la/ ka ra ka ra/ ts+tshinda ts+tshinda hUM phaT ces bya ba 'dis sprin gtub pa ji lta ba dang sbyor ro/ /de bas na char gcod par bya'o zhes gsungs pa yin no/ /skam pa'i phyag rgya dang rdo rje hUM mdzad la sogs pa gang yang rung ba'i sbyor ba dang/ oM badzra ki li ki la ya sarba big+han/ badzra d+ha ra adz+nyAM ya/ bud+d+ha sadye na hUM hUM hUM phaT ces bya ba'i gsang sngags 'dis 'khrul 'khor thams cad 'byung ba la sbyor ro/ /gsang sngags 'di la yang sarba? big+hAn zhes bya ba bor la bsgrub par bya ba'i ming gzhug go/ rdo rje nam mkha' lding gi phyag rgya ni rta mgrin la sogs pa gang yang rung ba'i khro bo yongs su gyur pa'i rdo rje nam mkha' lding gi gzugs kyis dug la sogs pas pog pa'i bsgrub
- 271a
par bya ba'i mgo bor rdo rje nam mkha' lding gi bdud rtsi'i rgyun yongs su ldugs par bsams la/ rnal 'byor pas kyang de'i tshul du bya zhing/ oM badzra mA rA ya na/ bi sham pa nA ya a mi ta/ a ma bu ma g+hai hUM zhes brjod cing ji lta ba bzhin du sbyar ro/ /rdo rje mnga' i phyag rgyas pha rol gyi gzhung bshag pa'i sbyor ba ni 'di yin te/ khro bo gang yang rung ba'i nga rgyal du byas la yi ge ba las gzhu/ a las byung pa'i gzhu brgyud dang bcas pa g.yon pa'i rdo rje khu tshur gyis bzung la/ g.yas pa'i rdo rje khu tshur la sogs pas hUM las byung ba'i mnga' char hUM dang phaT kyi mde'u dang bcas par hUM gi mnga' me 'bar ba dang 'dra ba lag pas drangs nas gzhu lag par bzhag la khros pas phyogs bzhir hUM phaT ces brjod la 'phangs te nges kyang pha rol gyi dpung thal bar byas par bsam mo/ /'dod pa'i rgyal po la sogs pa'i khro bo gang yang rung ba'i sku se'u'i me tog ltar dmar ba'i utpal dmar pos rnam rgyan byas par bdag nyid bsam pa/ snga ma bzhin du gzhu blangs te/ phaT las mda'/ de'i steng du phyogs su 'dod pa'i rgyal po dbus su rdo rje dbang/ rdo rje rtse gcig pa 'dra ba'i mde'u'i rtsa bar rdo rje chags pa/ mde'u'i rtse mor rnam par rgyal ba'i rdo rje/ ltod du mi bskyod pa bkod la/ bdag nyid snying ga'i zla ba la/ yi ge k+Sha bsam yi ge ka las bsgrub par bya ba mdun du bsam la/ badzra driSh+Ti zhes bya ba mig tu bkod la/ rdo rje lta ba kun chags pas/ /rab tu dga' zhing gdangs pa'i mig/ de yis bung med bltas na ni/ /rtag tu dbang du gyur pa yin zhes bya ba 'dis rdo rje lta bar byas la/ 'dod pa ni bdag go zhes bsgom zhing/ oM Tak+ki ho che ge mo ba sha mA na ya hUM dza:zhes brjod snying gar lcags kyu dmar po gsang bar nag po nu ma
- 271b
g.yas dang g.yon du dkar po snying gar ljang gu'i rnam pas brdeg par bya'o/ /mnga' re res phug pa'i 'og tu mnga' las byung ba'i rnam par rgyal ba'i rdo rje la sogs pa'i grangs ji lta ba bzhin du ngal las la zhugs nas dbang du bya bar gyur pas bsam la/ mun pa sel pa'i 'od zer dmar pos nang gi lus thams cad dang/ de nyid kyis phyi dang nang du bcas pa'i las la khyab pa dang nye du dag mdza' bshes kyi tshogs rnams kyis sa la 'gyel ba las slong bar byed bzhin par gnas la/ 'du shes med cing khrag? rab tu skyug pa la thug par bsams la/ rang gi dam tshig gi lha mo rang gi lus las phyung pas bkug nas/ rkang mthil gyi 'og tu bzhag la sgrub pa pos bshad ma thag pa'i cho gas ji lta ba bzhin du bsrung ba bya'o/ /mnyes par byed pa'i rdo rje mnga' i phyag rgya'i sbyor ba'o/ /khu tshur gnyis ni zhes bya ba ni lag pa gnyis kyis rdo rje bsdams pa nad du bcings par byas pa khu tshur gyis g.yul gzhig pas glang po che'i rgyab tu zhon te/ 'khor los sgyur pa ji lta ba bzhin du nga rgyal byas la/ 'khor los sgyur ba'i phyag rgya gos kyis bkab ? bcings te de las byung ba'i 'khor los sgyur pa'i tshogs kyi pha rol gyi dbung rnam par gtor bar bsams la/ phyag rgya 'phang tshul du bya ste/ 'khor lo can gyi phyag rgya 'dis g.yul las sgrol bar byed do/ /khu tshur gnyis kyis mthe'u chung gnyis dkris la zhes bya ba ni rdo rje khu tshur gnyis mthe'u chung gnyis kyis lu gu rgyud kyi tshul du dkris la/ gshin rje gshed la sogs pa gang yang rung ba'i sbyor ba bya ste/ he ru ka'i rdo rje'i phyag rgya bcings la/ oM he ru ka badzra sarba duSh+Ta sa ma ya mud+d+ha ba ra ba na dza ka hUM phaT ces brjod/ byin gyis brlab pa dang dbang bskur byas te/ dpral bar gzhag la gsang sngags 'di nyid lan bdun bzlas te/ dur khrod du 'jug
- 272a
pa la sogs pa bya'o/ /zhes bstan to/ /dur khrod du zhes bya ba la sogs pa la gar byed pa ste lha chen po'i gzugs ji lta ba bzhin du bsgoms la gar byed bcing de'i phyag rgya bcing ngo zhes bya ba'i don to/ /ma mo rnams kyis zhes bya ba ni khyab 'jug ma la sogs pa ste de rnams phyag rgyas byin gyis brlabs pa la 'di nyid sbyar ro/ /lha rnams kyi dam tshig gi phyag rgya bstan pa la ni rang gi bdag po'i dam tshig gi phyag rgya lag pa gnyis kyis bcings pa yin zhes bstan to/ /thams cad kyi rang gi sa bon gyi yi ge rnams ni chos kyi phyag rgya'o/ /so so'i las kyi phyag rgya ma gsungs pa dag gi yang phyag dang po'i g.yas dang g.yon gnyis kar byas pa las byung ba'i rdo rje khu tshur gyi ting nge 'dzin gyi le'u las gsungs pa'i rang gi mchan ma 'dzin pa'i tshul ni las kyi phyag rgya'o/ /phyag rgya chen po ma gsungs pa'i yang las kyi phyag rgya nyid rang gi mtshan ma dang bcas pa ni phyag rgya chen po'o/ /la la ni drag po sgrub par bstan pa la ni phyag rgya bzhis rgyas btab pa man ngag ji skad du bstan pa bzhin du bya'o/ /las kyi tshogs lhag ma rnams la ni de lhag ma yin no zhes zer ro/ /gzhan dag ni sgra ji bzhin par bya'o zhes zer ro/ /rdo rje sems ma la sogs pas/ /rin chen cod pa na phreng dbang bskur zhes bya ba ni dam chag dang chos dang las dang phyag rgya chen po rnams kyis ci rigs par rgyas btab nas/ rnam par snang mdzad dang byams pa la ni rdo rje rin chen ma'i sngags dang phyag rgya 'khor lo dang/ rin po che'i cod pan gyis dbang bskur bar gsungs pas dbang bskur ro/ /rdo rje sems dpa' la sogs pa la ni sems ma rdo rje la sogs pa'i sngags dang phyag rgyas so/ /ji skad du bshad pa'i de bzhin gshegs pa rnams dang spyan la sogs pa'i dbang bskur ba dang/ lhag ma dbang bskur ba ma
- 272b
gsungs pa la ni rang gi dbang po dang rjes su mthun par dbang bskur bas dbang bskur la/ dar dbyangs dang/ phreng bas dbang bskur ba ni thams cad la sbyar bar bya'o/ /rdo rje khu tshur gnyis kyis ni/ /rgyab du mdud pa ltar dor bya zhes bya ba ni dbang bskur ba'i 'og tu badzra tu Sh+ya? ho zhes bya ba dang thal mo brdabs pas nyes par byas la rdo rje khu tshur gnyis kyis rnam par snang mdzad la sogs pa'i dbu rgyan gyi cod pan gyi rtse mo'i cha la badzra rak+Sha haM zhes bya ba bkod la de las byung pa'i 'od zer lnga? gus go bgos par de bsams nas/ go cha'i tshul du nges bdag nyid go dgos la/ ji lta ba bzhin du 'gying ba dang bcas pas rna ba gnyis kyi mthar mdza' ma la sogs pa dgrol zhing dar dbyangs dbyangs pa la sogs pa'i tshul du bya'o/ /'khor lor zhes bya ba la sogs pa la de'i 'og tu ting nge 'dzin rim par phye ba las gsungs pa'i rigs kyis rang gi ting nge 'dzin la snyoms bar zhugs pa'i dkyil 'khor gyi 'khor lo yang dag par zhugs par bsam mo/ /de nas mchod yon phul la/ bzhin 'dzum pas rdo rje'i gar las byung ba'i sgeg cing dga' pa'i rdo rje snying gar gnas pas zhe sa dang bcas shing bzhin 'dzum pa'i mig gis phyag bya bas phyag byas la/ /'dod chags chen po bde ba che/ /rdo rje chen po nor che ba/ /ye shes chen po las che ba/ /rdo rje sems dpa' deng bdag grub ces de kho na nyid kyi yang dag par bskul bar bya'o/ /sangs rgyas sa rab ces bya ba la sogs pa la rdo rje sgeg mo la sogs pa mchod pa bzhi ni ye shes lnga'i bdag nyid can rdo rje 'dzin pa'i sa rab tu rdzogs par byed cing mthar phyin par byed pa ste/ phyi'i mchod pa rnams kyang bya'o zhes bya ba ni lhag ma'o/ /sangs rgyas ni 'dir sangs rgyas rdo rje 'dzin par brjod ces gsungs pas rdo rje 'chang ba nyid yin par gzung ste/ phan yon dang bcas pas brjod
- 273a
pa'i dbang du byas nas thams cad las mchog tu gyur pa'i don ston pa'i phyir ro/ /gsang ba'i mchod pa nyid bstan pa'i phyir ro/ /cung zad ces bya ba la sogs pa gsungs te/ rdo rje khu tshur gnyis kyis 'gying bag tu byas nas g.yon phyogs su sgeg pas mgo cung zad btud pas ni sgeg mo'i phyag rgya'o/ /hUM zhes bya bas zhes bya ba la sogs pa la g.yon pa'i rdo rje khu tshur gyis mdzub mo bsgreng la 'og tu bzhag/ g.yas pa'i mdzub mo gar gyi rnam pas glu len cing pi bang bsgreng ba lta bu byas la sgeg pas lus cung zad bskyod pa ni glu ma'i phyag rgya ste phreng ba ma'i 'og tu shes par bya'o/ /de nas zhes bya ba la sogs pa la rin po che'i khu tshur ngag gis mgo bo la rin po che'i phreng ba bcing ba'i tshul du byas pa ni phreng ba ma'i phyag rgya'o/ /phreng ba yis zhes bya ba ni phreng pa ma'o/ /lha rnams kun la zhes bya ba ni lha thams cad la ste phreng ba ma ni sgeg mo'i 'og tu shes par bya'o/ /lag pa gnyis zhes bya ba la sogs pa ji lta ba bzhin du gar mkhan ma'i phyag rgya'o/ /phyi'i mchod pa bstan pa'i phyir me tog ces bya ba la sogs pa gsungs te/ rdo rje khu tshur gnyis kyis gar byas pa las byung ba'i rdo rje thal mo spyi bor bzhag la phab ste snying gar me tog 'bul ba'i tshul du bya ba ni me tog ma'i phyag rgya'o/ /bdug spos rtse mo'i zhes bya ba la sogs pa la de bzhin du rdo rje bcing ba byas la bzlog ste/ bsgreng nas gung mo bdug spos kyi rtse mo'i tshul du byas nas gar gyis 'og tu bdug spos dbul ba'i tshul du bya zhing lag pa rnam par bskor ba ni bdug pa ma'i phyag rgya'o/ /mtheb gnyis zhes bya ba la sogs pa la de bzhin du rdo rje bcing ba las byung ba'i g.yas g.yon gyi mthe bo gnyis bsgreng la mar me 'bul ba'i tshul du
- 273b
lag pa bskor ba ni mar me'i phyag rgya'o/ /dung gi tshul du zhes bya ba la sogs pa la de bzhin rdo rje'i thal mo dung 'dra bar byas pa yongs su bskor nas dud phor nyid dang mchod yon 'bul ba'i tshul du byas la yang slar bzlog nas de nyid dang gar bya ba'i sbyor bas byug pas phyug pa'i tshul kyis lha thams cad la byug pa ni byug pa ma'i phyag rgya'o/ /'di rnams kyi snying po ni/ ho badzra lA skye/ traT badzra mal le/ gri badzra gI te/ kriT badzra ? tye/ tra badzra puShpe/ a badzra d+hu pe/ kha badzra A lo ke/ Tab badzra ga ? zhes bya ba dang rim bzhin sbyar ro/ /'di skad ston pa yin te/ snying gar sna tshogs rdo rje bsams la de'i 'og tu sgeg mo'i sa bon gyi yi ge bsams te/ de'i phreng ba las bdag nyid rdo rje sgeg mo'i gzugs su yongs su gyur par bsamS la/ bshad ma thag pa'i de'i las kyi phyag rgya bcings te/ de'i tshe nyid kyi gsang sngags 'don cing spro pa dang bsdu pa thams cad byas nas/ lha mo sgeg mo'i gzugs kyis/ 'dod pa dga' ba'i mchod pa rnams kyis dkyil 'khor gyi lha rnams mchod par bya'o/ /de nas bsdus la rang gi lus kyi nang du chung ba'i sna tshogs rdo rje la yang dag par dgug pa dang gzhug pa dang dbang du byas la bzhag ste yid kyis dza:hUM baM ho:zhes brjod do/ /de bzhin du dri'i bar gyi mchod pa rnams la yang bya'o/ /de nas zhes bya ba la sogs pa la yi ge oM 'don cing rdo rje'i khu tshur gnyis kyis rdza rda la sogs pa bsil snyan brdung ba'i tshul bya'o/ /de bzhin du rnga yab g.yob pa'i tshul dang nyi ma 'dzin pa'i tshul dang/ lag pa gnyis brgyab? la srin lag gi tshigs dbu ma bkug nas ba dan gsum pa'i tshul du bsgreng nas lag pa gnyis brkyang la steng du bteg pa ltar bzhag pa dang/ g.yon pa'i rdo rje khu tshur gyis rin po che'i phye ma 'gyed pa ltar bya'o/ /lha
- 274a
bshos dbul ba ni ge sla'o/ /de bzhin du rdo rje thal mo gnyis brkyang bas na bza' dbul ba dang/ rdo rje khu tshur gnyis kyis na bza' bskon pa'i tshul du bya ba dang/ lag pa g.yas pas tshad med pa lta bu ni lha thams cad gzhal yas khang ngo/ /mkhrig ma'i steng du gdu bu 'dogs pa'i tshul du byas pas gang du bu dbul ba dang do shal 'dogs pa'i tshul gyis do shal dbul ba dang/ zhabs la rkang gdub dbul ba'i tshul gyis rkang rgyan bya ba dang/ snyan la stan rgyan bya ba dang/ de bzhin du mgul du mgul rgyan bya ba dang/ dpung pa'i rtsa ba'i 'og tu dpung rgyan bya ba'i tshul dang/ de nas sor bzhi'i 'og tu bsrung skur kyi tshul gyis srung skud bya ba dang me kha la'i tshul du rked? par ska ngags? bya ba ste/ de dag dang gzhan dag kyang shes par bya'o/ /g.yon pa de bzhin gshegs pa'i khu tshur du byas pa'i mthe bo'i steng du lag pa g.yas pa kha thur du bstan la brkyang ba'i gdugs kyi tshul gyi gdugs dbul ba dang lag pa g.yon pa mang? bar bsam gtan bya ba ltar bzhag la/ lag pa g.yas pa kha thur du bstan te bla re bskyed pa'i bsam pas nam mkha' la yongs su bskor ro/ /rdo rje dril bu zhes bya pa la sogs pa ni sgo dbye ba'i yin par shes par bya'o/ /zhes la la dag zer ro/ /gzhan dag ni mchod pa'i dbang du byas pa'i bdag nyid yin gyi rang bzhin gyi mchod pa'i 'bras bu la ma dang pa dang mi shes pa'i sgo 'phang byed pa'i dril bu'i sgras rang gi lhag par mos pas bsgoms pa'i don gyi 'bras bu ster ba'i nus pa ston pas dril bu nyid gsang sngags dkrol bas dbye bar bya'o zhes zer ro/ /'dis ni 'di skad ston te/ dril bu dkrol bas yid kyis rang bzhin gyi mchod pa'i tshogs
- 274b
kyi 'bras bu phyin ci ma log pa'i stsol bar byin gyis rlob par 'gyur ba yin no/ /de bas na gzhan dag las kyang de bzhin gshegs pa thams cad mchog pa byas nas sam/ lha rnams rab tu bsgrubs na dril bu dkrol lo zhes gsungs te/ bshad pa 'di dag kyang dril bu dkrol lo/ /mchod pa'i mdza' zhes bya ba la sogs pa la badzra satwa saM gra hA ta ces bya ba la sogs pa'i gsang ba'i snying po glu blang ba sgeg pa la sogs pa'i nyams dang rjes su mthun pa'i glu len cing bstod pa'i mchod pa bya'o// de nas dkyil 'khor gyi lha rnams rang gi bde ba'i bdag nyid can sems so sor rtog pa'i rnam pa bsgoms la sgeg mo la sogs pa'i rigs pa'i lha mo rnams kyis bdag go zhes lus kyi ngo bo nyid kyis mchod pa'i dga' stobs rnams kyi 'gro ba ma lus par bkang la de dang tha mi dad pa'i nga rgyal dang glu blang ste/ stong pa shin tu rnal 'byor yod med mthus/ /nam mkha' nyid du dam tshig nye bar gshegs/ /bde gshegs bde bar gshegs pas bzhes su gsol/ /rdo rje sems dpa' dpal bzang skal khyod bdag ces bya bas blang bar bya'o/ /de nas de ltar blangs nas yang/ /oM sa gsum gyis ni phyag byas pa/ oM sa gsum gyis na ston pa po/ /sa gsum la ni 'byor stsol ba/ /sa gsum bdag ni grub par mdzod ces bya ba 'dis mchod cing bstod par bya'o/ /de nas rang gi dngos grub kyi phyir gsol ba gdab par bya ste/ rjes su tshogs pa'i rnam dag dga' pa'i pad+ma rnam dag pa'i/ /mchod pas mchod pa gsal bar rjes su mchod byas na/ mchog tu rtag pa'i rnal 'byor bde bas bde ba grub par mdzod/ /skye mchog bde ba'i dam tshig ngo bo nyid/ /mchog tu bde ba rnal 'byor skal pa bzang/ /mchog tu dgyes ba rang gi dam tshig skyon med rtag pa'i rol cig rol cig ho/ /kye mchog tu gsang
- 275a
pa'i bdag po rang gi dam tshig yin pa'i phyir/ /rab tu gsang ba'i lha mchog rnams so zhes bya'o/ /de nas dkyil 'khor byin gyis brlabs pa'i phyir gsol ba gdab par bya ste/ 'gro ba'i rgyu ni rnam pa sna tshogs 'dul ba gsal bar mkhyen/ /dam tshig thams cad dngos po brtan g.yo kun gyi ngo bor gyur/ /rgyal ba kun gyi bdag nyid rnal 'byor bde ba mkha' 'gro sgyu ma ho/ /kye dam pa rtag pa'i dngos grub chen po rab tu sgrub la ston/ /dza:hUM baM ho(rgyud 'grel): e ma ho bde mchog bde ba drongs/ /rnam par sprul hUM snang bar mdzod/ /a la la ho/ de bzhin gshegs pa thams cad kyi/ /mkha' 'gro sgyu ma sna tshogs kyis/ /slob ma gzhug tu gsol zhes bya ba'o/ /de nas dkyil 'khor 'di dag thams cad de'i gsang sngags brjod nas rang gi snying ga'i dam tshig gi phyag rgyar bcug ste/ dkyil 'khor gyi bdag po'i dam tshig gi phyag rgya bcings la/ de'i gsang sngags brgya rtsa brgyad bzla'o/ /lhag ma rnams kyi gsang sngags ni lan bdun bzlas brjod bya'o/ /de nas grub pa'i dkyil 'khor gtsug tor la sog ? pa las phyung la/ rang gi gnas su bzhag ste/ dri Dha badzra tiSh+Tha zhes bya bas brtan par bya'o/ /oM baM badzra muSh+Thi baM zhes bya pas dam tshig gi phyag rgyas byin gyis brlab par bya bar yang shes par bya'o/ /rdo rje theg pa zhes bya ba la sogs pa la ji skad du bshad pa'i yid kyis mchod pa ni chos kyi dbyings kyi rgyu mthun pa las byung ba'i phyir don dam pa'i mchod pa yin pas de nyid kyis na 'di ni rdo rje theg pa mnyes byed pa ste rdo rje theg pa bsdus pa rnam par snang mdzad la sogs pa mnyes pa byed pa yin te/ de rnams kyis dgyes pa'i ngo bo nyid du gyur pas so/ /gang gi rnam spangs te zhes bya ba ni mi bden pa'i phyi'i don gyi rnam par rtog pa spangs pa'o/ /byang chub sems ni rnam bsgom pas zhes bya ba ni byang chub kyi sems kyi le'u'i rim
- 275b
pas chos bdag med pa bsgom par byed pa'o/ /lus dang sems ni rnam par dag pa zhes bya ba ni de nyid chol la thog mar ni/ /thams cad yod ces brjod par bya/ /don rnams rtogs shing chags med nas/ /de yi 'og tu dben pa'o zhes bya pa'i tshul gyis so/ /rnam par snang mdzad la sogs pa kun rdzob kyi bden pa las mi 'da' ba' i tshul gyis mngon par yid ches pa'i rgyus dang pa gang yin pa'i zhes bya pa'i byed pa'i tshig mi mngon par mtshams sbyar te/ de rnams kyi mchod pa ni bla na med pa'o/ /sems can gang gis zhes bya ba la sogs pa la gang dngos po la mngon par zhen pa dang/ mngon par ma zhen pa'i mtshan nyid ni mdza' gnyis te de las dben pa chos bdag med pa'i ye shes ni dbu ma'i theg pa ste de bsgoms la dbyer mi phyed pa dang ldan pa'i rgyun la gnas pa dag gi yin gyi thog pa dman pa la lhag par mos shing mngon par zhen pa'i mthar ltung bde rnams kyi mchod pa ni kun rdzob pa'o/ /de'i zhes bya ba ni sgra ni tha dad pa'i rim pa dang nges pa gzung ba yin par blta bar bya'o zhes bya ba'i tshul gyis so/ /mngon par zhen pa dang mthar ltung ba rnams kyis ni mchod pa nyid med par shes par bya'o/ /mdza' gnyis su rtog pa spangs pa'i ni yid kyi mchod pa 'ba' zhig tu ma zad kyi me tog la sogs pa'i dngos su 'byor pa'i mchod pa rnams kyang mig yor lta bur mngon par 'dus byas pas de la yang mngon par zhen pa med de/ sgyu ma'i skyes bu bzhin du spyad par bya'o/ /zhes bya ba'i tshul du shes par bya'o/ /de bas na bum pa gang ba ji snyed pa/ me tog la sogs rnams kyis mchod ces bya ba'i rim pa 'dis bzhag par bya'o/ /de la re zhig rnam par rgyal ba'i bum pa ji skad bshad pa la oM mahA su kha badzra a mo g+ha sa ma yo da ka sid+d+hiM a b+hi Shiny+tsa sarba su ka so/ /ma na sya a da da ku ru ku ru dza:hUM baM haM:a zhes bya bas dkyil
- 276a
'khor gyi bdag po'i dam tshig gi phyag rgyas gzung ba'i 'khor lo dang/ me tog gi lcug ma la nyi shu rtsa gcig bzlas te/ de'i gsang sngags kyis de'i mdun du bzhag go/ bum pa gzhan rnams ni 'bru lnga la sogs pa dang ldan zhing mi bskyod pa la sogs pa'i mtshan mas mtshan pa la/ oM badzrod ka hUM zhes lan brgya rtsa brgyad bzlas brjod bya ste mi bskyod pa la sogs pa'i gsang sngags lan bdun bzlas la de rnams kyi de nyid kyis bzhag par bya'o/ /de bzhin du bum pa la a mra'i? lo ma la sogs pas kha dgab cing rdo rje'i chu'i sngags kyis lan bdun bzlas pa byas la lha thams cad la dbul bar bya'o/ /de nas yi ge oM la mngon par bskyod la rdo rje'i rtse mos bzlas pa'i chus bsang gtor bya zhing rdo rje ma'i phyag rgya dang sngags kyis btab pa dang/ rdo rje me tog la sogs pa'i phyag rgya dang/ sngags yongs su bzlas pa'i me tog dang spos dang mar me dang byug pa so so'i gsang sngags brjod cing dkyil 'khor gyi lha thams cad la mchod par bya'o/ /de nas rdo rje bcing ba byas nas ral gri 'phyar ba'i tshul gyi phyag rgya dang a kA ro mu khaM sarba d+harmA NAM? A dyA nutpanan twa ta ces bya ba 'dis yongs su bzla zhing las thams cad pa'i chus bsang ba'i bza' ba dang bca' ba dang myang ba dang ldag pa rnam pa sna tshogs pa rnams so so'i gsang sngags brjod nas dbul bar bya'o/ /de nas lha mo so so la re re 'am sbyir ras zung cig/ oM badzra bid pU ra pU ra a barta ya a barta ya ho zhes mngon par bsngags ? ki gsang sngags kyis kyang 'byor pa ci yod pas dbul bar bya'o/ /de nas thal mo sbyar ba spyi bor bzhag la/ oM las byung ba'i dpag bsam gyi shing la sogs pas nam mkha' i khams thams cad gang par byas la yid
- 276b
kyis sprul par bya'o/ /oM a nut+ta ra sarba pu dzA zhes bya ba la sogs pa 'og nas bshad pa'i gsang sngags lan gsum brjod pas byin gyis brlabs de nas dril bu dkrol te yi ge brgya pa lan bdun bzlas pas dkyil 'khor bstan par bya'o/ /de nas rdo rje hUM mdzad kyi sbyor ba dang ldan pas phyi rol tu byung ba bcom ldan 'das dang lhan cig phyogs bcu nas 'ongs pa'i sems can mi snang ba thams cad la phyogs kyis gtor ma ji lta ba bzhin byin te te reg byas nas slar zhugs la sbyin sreg byas te phyag rgya dang phyag rgya'i lan ngag gis mchod pa yang bya bar shes par bya'o/ /mchod pa dag ces bya ba la sogs pa la gong du bshad ma thag pa'i mchod pa thabs kyi bdag nyid can de dag gsan pa dang sems can gyi don du 'gyur bar gzigs pas ngo mtshar du gyur pa'i sbyan phye nas legs so zhes bya ba rab tu gsungs pa ste/ mchog tu dgyes par mdzad pa'o/ /e ma'o zhes bya ba la sogs pa la e ma'o zhes bya ba ni ngo mtshar du gyur pa'o/ /su zhig ce na sangs rgyas kyi'o/ /ci zhig ngo mtshar du gyur ce na thabs shes pa ste/ thabs zhes bya ba ni don dam pa'i mchod pa'i tshogs gsungs pa yin no/ /ci'i phyir zhe na/ sangs rgyas byang chub thob pa yi zhes gsungs pa ste de thob pa'i phyir ro/ /gang gis she na rdo rje bsgoms pas zhes bya ba ste/ rdo rje bsgoms pa ni rnam par snang mdzad la sogs pa bsgom pa ste/ sgrub pa pos zhes bya ba ni lhag ma'o/ /de'i khyad par ji lta bu zhe na/ dka' ba med pas zhes bya ba gsungs te/ dka' ba med pa ste/ nyon mongs pa thams cad dang bral ba'i thabs gang yin pa nges/ byang chub ste chos thams cad phyin ci ma log par khong du chud pa 'thob cing mngon sum du byed pa'o/ /rdo rje theg chen zhes bya ba la sogs pa la/ gang bcom ldan 'das rnam par snang mdzad
- 277a
kyis rdo rje'i theg pa bla na med pa ste/ theg pa chen po mngon sum du mdzad pa de ni rnam par rtog pa'i dri ma thams cad dang bral ba'i phyir legs so zhes bya ba'o/ /ji ltar thugs su chud pa'i ngo bo de ston pa de yang chos dang gang zag la bdag med pa rab tu ston pa legs so/ /de yang rtog ge ba thams cad kyis rtogs par mi nus pas zab pa nyid dang brtan pa nyid shes bya'i dkyil 'khor ma lus par khyab par dri ma thams cad dri ma dang bral ba'i phyir legs so zhes bya ma lus pa zil gyis mnan pas legs so/ /de la'ang thogs pa med pa'i de bzhin gshegs pa la sogs pa'i rin po che'i bsdus pa'i gang yin pa de'ang skyes bu dam pa'i don sgrub pa dang nye bar 'tsham pa'i mthar thug pa yin pa'i phyir legs so zhes pa'o/ /ye shes kyi gsum las byung ba'i zhes bya ba ni rnam par snang mdzad la sogs pa'i ye shes las byung pa'o/ /byang chub sems dpa' zhes bya ba ni byams pa la sogs pa'o/ /sangs rgyas thams cad kyis rdo rje theg pa bsngags pa zhes bya ba ni de byas pa'i phan yon la dgyes pas gsungs pa'o/ /dga' ba zhes bya ba ni sngon ma byung ba'i chos thos pas yid bde ba thob par gyur pa yin la dus phyis sngon chos 'dis bdag cag bslus so zhes sems shing yid bde ba thob pas 'chi ma 'byin cing rab tu du bar gyur pa yin gyi/ byang chub sems dpa' rnams la ni yid mi bde ba nyid mi 'byung ngo zhes la la 'dod do/ /gzhan dag na re de dag kyang nam zhig bdag mngon par rdzogs par sangs rgyas nas 'gro ba ma lus pa'i mngon par 'dod pa'i don rdzogs par byed pa'i chos kyi 'khor lo bskor bar bya zhes 'di ltar rtag tu dga' zhing 'dod pa nyid yin gyi/ de rnams kyi nang nas 'di yongs su mi shes pa'i byang chub sems dpa' mi srid do zhes zer ro/ /de
- 277b
la 'di ni gsang ba 'dus pa'i rgyud phyi ma lta bu yin pas 'di nyid bskal pa gzhan la bstan pa'i phyir/ /de'i tshe byung ba'i byams pa la sogs pa rnams ni mdo sde'i spyod pa la spyod par byed pa byung ste/ de yang gsang pa 'dus pa'i rgyud las de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad dang byang chub sems dpa' de dag la bos te gsungs pa bcom ldan 'das de bzhin gshegs pa rnams/ sngon byung ba na brjod kyis mi lang ba'i sangs rgyas kyi zhing gi rdul phra rab dang mnyam pa'i bskal pa yang 'das/ gang bcom ldan 'das mar me mdzad de bzhin gshegs pa dgra bcom pa yang dag par rdzogs pa'i sangs rgyas rnams kyang 'das/ 'od srungs thub pa chen po mngon par sangs rgyas pas kyang ma gsungs te/ de ci'i phyir zhe na/ bcom ldan 'das gsang ba chen po'i don bshad pa de'i tshe de'i dus na sems can rnams/ skal pa med pa'i phyir ro/ /zhes bya ba'i bdag nyid bstan pa'i phyir gsungs te/ de ni sgra ji bzhin yin par shes par bya'o zhes zer ro/ /gtso bo zhes bya ba la sogs pa la/ sngon chad ma rnyed pa la sogs pa'i chos thos pas mgu ba ste yid dga' bar gyur pa'o/ /mdza' rnams med pa ni mngon par zhen pa'i mdza' gnyis dang bral ba'o/ /skye ba med pa ni ji ltar yongs su brtags pa'i skye ba'i ngo bo nyid med pa'o/ /yi ge med pa ni dag gi spyod yul thams cad las 'das pa'i rang bzhin can yin pas so/ /gnas pa med pa ni so sor nges pa'i gnas med pas so/ /rnam pa de dag gis nam mkha' 'dra'o de nyid kyis rnam par rtog pa'i dri ma thams cad dang bral bas rnam rtog las grol ba zhes bya'o/ /rtog pa rnams kyi zhes bya ba la sogs pa la/ gdul bya'i skye bo rnams kyis bcom ldan 'das de rnam par rtog pa mi mnga' yang/ yid bzhin gyi? nor?
- 278a
bu lta bur rang nyid so sor snang ba'i tshul gyis sngags la sogs pa ston par rnam par brtags pas rtogs pas rtags zhes bya la/ rtog pa'i thabs su brtags pa gang gis ye shes kyi sras po kun zhes bya ba la ye shes rtog pa la sogs pa byang chub sems dpa' thams cad sangs rgyas kyi sa thob cing rtog par gyur pa'o/ /bde ba las 'khrungs zhes bya ba la sogs pa la bde ba ni byang chub kyi sems kyi bdag nyid can no/ /de las 'khrungs pa ni don gyi dngos po'i rnam pa gnyis su med par bsgoms pa ste de las byung ba'i phyir ro/ /rdo rje 'chang ba ni gnyis su med pa'i sems kyi ngo bo nyid du rtag tu byung ba'o/ /dngos po ni yod pa ngo bo ste/ de gnyis su med pa'i rnam pa ni dngos po med pa ste/ de'i 'byung gnas so// gang du zhes pa ni rgyud gang du rdo rje 'chang ba de nyid dang por rnam par snang mdzad du yi ge oM gyis ston pa ste/ dag pa'i gdul bya rnams rnam par dag par bya ba'i phyir gang gis sangs rgyas rnam par snang mdzad du sprul pa gang yin pa de la de skad ces bya'o gzugs med tshul gyis zhes bya ba ni/ sangs rgyas kyi rnam par bkod pas gdul bya rnams dga' bar bya'i phyir de bzhin gshegs pa la sogs pa'i sprul pa'i phreng ba gang gis bskor ba de la 'ang de skad ces bya'o/ /sgyu 'phrul dra ba khyod la phyag 'tshal lo zhes bya ba ni rgyud la phyag byas pas bcom ldan 'das la phyag byas pa yin no/ /gsung snyam zhes bya ba la sogs pa la spros pa med pa'i gsung du bzhugs pa ni 'jig rten dbang phyug ste/ yi ge thams cad kyis khyab par byas pa'i tshogs dang ldan pa'i rgyud gang yin pa de la phyag 'tshal lo zhes bya bar sbyar ro/ /mig gsum pa ni lha chen po'o/ /gdul bar mdzad pa ni chung ma dang bcas pa rnam par dul bar byas pa ste/ des na gang gi sgyu 'phrul gyi tshul du ma dang ldan pa'i mkhas par?
- 278b
ni de las gzhan pa med pa'o/ /yang rgyud gang du rjes su chags pa'i ngo bo nyid du gyur pa rdo rje 'chang de la phyag 'tshal lo zhes snga ma dang sbyar ro/ /khyad par ji lta bu zhe na/ lha mo dag zhes bya ba la sogs pa gsungs te/ lhan cig skyes pa'i gnas pa dang/ sgeg pa dang bcas pa'i dgongs pas phyag g.yas kyis rdo rje gtod nas gsor zhing phyag g.yon gyi dril bu legs par bsnams te dkrol ba rigs lnga ma lus pa yang dag par bsdus pa'i lha mo dang btsun mo'i tshul gyis 'dus mdzad pa gang yin pa de la de skad ces bya'o/ /dam tshig thob cing bya ba byas pas btsun mo'i don 'di nyid gsal bar gsang ba lnga'i sems dpa' chen po'i rim pa las gsungs pa ni gcig ste/ kI li kI las rdo rje sems dpa' phyag gis kun nas 'khyud pa la brtson pa dang/ gnyis pa rdo rje chags pas rjes su chags shing rab tu dga' bar nus pa dang/ gsum pa ste rdo rje snyems ma khro bo'i tshul gyis me tog gi phreng bcung zad 'phen par shes par bya'o/ /de la bzhi ba ni rdo rjes mtshon cha mo ste/ rab tu dga' ma'i 'da' 'phen cing 'bigs par byed do/ /de ltar lha mo thams cad 'dus pas btsun mo'i gzugs byed par khong du chud par bya'o/ /'dis ni 'di skad ston te/ bcom ldan 'das rdo rje 'chang 'dir gsang ba lnga'i de kho na nyid kyi rim pas kyang bsgom par bya'o zhes pa'o/ /glu de dag gis bsdus pa'i don rnal 'byor pas bsgoms rab tu dga' ba'i rdo rje mnyam pa nyid des thob par 'gyur ro/ /phyag rgya dang mchod pa'i cho ga rab tu ston pa'i gzhung gi le'u la ni phyag rgya dang mchod pa rim par phye ba'i sgrar brjod do/ /le'u drug pa'i 'grel pa'o// //phyag rgya dang mchod pa yang kun rdzob dang don dam pa'i byang chub kyi sems bsgom pa dang bral bas sems can rnams la khyad par
- 279a
gyi mthu gter bar mi 'gyur bas/ de nas zhes bya ba la sogs pa bdun pa byang chub kyi sems bsgom pa'i ye shes bskyed pa'i le'u gsungs pa yin no/ /de la 'khor na gnas pa'i byang chub sems dpa' rnams kyi don la gzigs nas de bzhin gshegs pa rnams gsol ba 'debs par mdzad kyi mi mkhyen pa ni ma yin par shes par byas te/ tshogs dang chos kyi sku dang ni/ /'gro ba'i don ni spyod pa yis/ /sangs rgyas thams cad mnyam pa ste// sku tshe rigs dang tshad kyis min zhes bya ba'i grub pa'i mdza' i rjes su 'brang na de mi srid pas/ de bzhin gshegs pa rnams kyis thugs su chud nas byang chub kyi sems rnams yongs su mkhyen pa'i phyir ni ma yin no/ /tshig mthun par dbyangs kyi sgra skad cig gis zhes bya ba la/ dbyangs ni lte ba nas byung nas/ dung gi sgrar gyur cing snying gi pad+ma'i thig le las byung ba'i tshig gis cha shas lkog ma'i gnas su yongs su gyur pa'o/ /de nas lce'i rtsa ba las byung ba ni sgra zhes bya'o// de nas yi ge ming can gyis sgra dbyangs lce la gnas pa'i tshig ni skad de ji skad du/ dung gi sgra ni gsal ba dbyangs/ /pad+ma'i khams la yang dag gnas/ /pad+ma'i ge sar thig le las/ tshig rnams kyi ni cha shas te/ lkog mar phyin nas dbyangs su 'gyur/ /dbyangs las lhag pa'i sgra yin la/ /slar yang lce du phyin pa ni// dam pa'i yi ge bzang po'o/ /zhes bshad pa yin no/ /dgongs pa cig pas ni 'di nyid gcig pa nyid de lta bu'i tshig mthun pa'i sgra dbyangs nges bshad par gsol ba 'debs pa'o/ /la la ni rnam grangs yin par 'dod do/ /bcom ldan 'das zhes bya ba la sogs pa la dus gsum gyi sangs rgyas rnams kyiS thugs su chud par bya ba'i ngo bo nyid yin pas na de bzhin gshegs pa kun gyi'o/ /
- 279b
gnyis su med pa'i ye shes kyi ngo bo nyid yin pas na ye shes so/ /gsung rab thams cad kyi snying po yin pas na snying po'o/ /rang bzhin gyi 'od gsal bar gyur pa las mchog tu dri ma med pa'o/ /byang chub kyi bdag nyid can gyi sems byang chub kyi sems te don dam pa'o/ /de las lhag par gyur pa med pas na bla na med pa ste/ 'dis ni chos kyi sku'i ngo bo nyid du bstan pa yin no/ /rnam par snang mdzad la sogs pa'i phyag rgya chen po la sogs pa'i ngo bo nyid du gyur pa na de bzhin gshegs pa thams cad kyi'o// ji skad du gsungs pa'i ye shes yongs su gyur pa yin pas na ye shes so/ /gzod ma nas ma skyes par lhag par mos pas rnam par bsgom par gyur pas na snying po'o/ /rnal 'byor chen po'i rnam par dgong pa la bzhugs pa'i lha 'khor lor ston pas na mchog tu dri ma med pa'o/ /byang chub thob pa'i thabs kyi mchog gi ngo bor gyur pas byang chub kyi sems te kun rdzob po/ /thams cad kyi mchog tu gyur pas bla na med pa ste/ 'dis ni longs spyod rdzogs pa'i sku'i ngo bo nyid du bstan pa yin te 'brel pas bstan pa las 'di ltar yang shes par bya'o/ /byang chub kyi sems gnyis po nyid bshad pa'i phyir gsol ba btab pa'i phyir dang/ ji lta ba nyid skabs la bab par gzigs pa'i phyir/ byang chub sems dpa' thams cad la 'di skad ces bka' stsal to zhes bya ba ste/ byang chub kyi sems brtan pas de dag nyid kyis don du 'gyur ba'i phyir de rnams la 'di skad gsungs kyi de bzhin gshegs pa thams cad la yang ji skad gsungs pa'i bshad pa rigs pas yin te/ byang chub kyi sems bskyed cig ces bya ba ni lhag ma'o/ /de la don de ba'i byang chub kyi sems kyi dag du mdzad nas gsungs pa ni sems lus lta bu dang zhes bya ba ste/ de bzhin gshegs pa la sogs pa'i sku ni/ don dam par
- 280a
dngos po med pa'i ngo bo nyid yin pas mig yor tsam yin pas na/ de lta bu ste de dang 'dra bar sems gnyis su med pa'i rnam par 'jug pas bskyed par bya'o/ /zhes nye bar bstan pa'i tshig gis snga ma dang sbyar ro/ /lus sems lta bu dang zhes bya ba ni ji ltar sems don dam par gzung ba dang 'dzin pa po med pas gnyis kyi rnam par dben pa yin la lus kyang de dang 'dra'o zhes bya ba ni snga ma bzhin no/ /sems kyang tshig tu rab tu brjod pa lta bu yin no zhes bya ba ni ji ltar tshig tu brjod pa ni bskyed par byed pa'i rgyu med pas sgra brnyan dang mtshungs pa'i ngo bo nyid yin la sems kyang de dang 'dra'o/ /zhes bya ba ni snga ma bzhin te lus kyang tshig tu rab tu brjod pa lta bu'o zhes shes par bya'o/ /lus dang sems dag ni dngos po med pa ngo bo nyid yin pas nus pa med par bstan cing skye ba med par rang bzhin dag gi don gyis rgya cher dngos po med par gyur pas de so sor spros nas bstan pa ni ma yin no/ /'di skad ston pa yin te/ ji skad du bshad pa'i lus dang ngag dang sems ni chos bdag med pa'i mnyam pas ngo bo nyid gcig pa ste/ 'di ni don dam pa byang chub kyi sems so/ /'brel par bstan pa las 'di ltar yang shes par bya ste/ /lus dang ngag dang sems rdo rje lta bur ji lta ba bzhin du bsgoms pa'i seMs bskyed gcig ces bya'o/ /phyogs 'di la ni lus la brten pa'i phyir sems la lus shes bya ste/ /'di ni thabs kyi ngo bo ste kun rdzob byang chub kyis sems so/ /de nas zhes bya ba la sogs pa la de bzhin gshegs pa thams cad kyi sku dang gsung dang thugs lta bur ji skad du bshad pa'i don dam pa dang kun rdzob kyi thabs kyi ngo bos byang chub kyi sems gnyis su med pas gcig tu sbyor ba byas pas bdag nyid kyi lus dang ngag dang sems dngos po med par byas nas dri
- 280b
skad du bshad pa rtogs te dga' bas rang dga' i tshig tu smra pa'i ched du brjod pa ni/ e ma ho zhes bya ba la sogs pa'o/ /e ma'o ngo mtshar du gyur pa'o/ /kun tu bzang po ni rnam par snang mdzad chen po'o/ /'dod chags la sogs pa'i spyod pa rnam par dag bston par mdzad pa'o/ /sku gsung thugs kyi rdo rje can zhes pa ni rnam par snang mdzad kyi thabs kyi ngo bo ci zhig po mtshar che zhe na/ chos rnams skye ba med pa ste zhes bya ba la sogs pa ste/ skye ba med pa ni gnyis su med pa'i ye shes kyi bdag nyid can no// 'gyur ba med pa ni chos rnams yi ge med pas ngo bo nyid las mi 'phro ba'i chos nyid can no/ /gnas pa med pa ni so sor nges pa'i gnas la mi brten pa'o/ /rtog pa dang smra ba rnams spangs pa zhes bya ba ni de bzhin gshegs pa la sogs par rtog cing smra ba dang bral ba'o/ /bskyed par bya zhes rab tu gsungs zhes pa ni don dam par skye ba med kyang gdul bya rnams la rjes su brtse bas skye ba med pa la sogs pa la bzlog nas/ gang 'di rnam par snang mdzad la sogs pa bskyed par rab tu gsungs shing sgra sgrogS pa 'di ni ngo mtshar che ste/ de bzhin gshegs pa gcig du nyid gdul bya rnams kyi mos pa'i dbang gis rnam pa lngar gyur te ji skad du/ 'jig rten khams ni stong dag tu/ /ngas ni mdo sde gang bshad pa/ /tshig 'bru tha dad don gcig ste zhes bya ba la sogs pa gsungs pa de thabs kyi ngo bos gcig las kyang gdul bya'i skye bo'i dbang gis rnam pa lngar so sor snang ngo/ /de yang 'di ni rang byung bcom ldan 'das/ /gcig pu rab tu che ba'i lha/ /sangs rgyas rdo rje 'dzin la sogs/ /gdul bya rnams la bcom par bshad ces gsungs pas so/ /de ltar de bzhin gshegs pa'i rigs kyi byang chub kyi sems rnam pa gnyis bstan nas/ /da ni bcom ldan 'das rnam par snang mdzad de nyid mi bskyod pa la sogs pa'i sku'i tshul de la mos pa'i skye bo
- 281a
rnams la rjes su brtse ba'i phyir de'i rigs kyi bu byang chub kyi sems gsungs pas 'dir de nyid la sogs la btab pa la som nyi mi bya'o/ /de bzhin du thams cad la yang bka' stsal pa/ kun la dang po nyid yin par shes par bya'o// la la ni sgra ji bzhin pa nyid la zhugs te/ des ni yang dag par gsungs pa rtogs shing khong du chud pa ma yin no zhes shes so/ /de nas bcom ldan 'das kyis byang chub kyi sems yid gsungs so zhes bya bar sbyar ro/ /ci zhig mdzad nas shen gsungs zhes bya ba la sogs pa gsungs te/ gsung gi spros pa ni gsung gi rnam par rtog pas byang chub kyi sems rab tu ston pa'i mtshan nyid can du'o/ /'di nyid ni mi bslu ba'i don bskyed pas rdo rje'o de la dmigs pa zhes bya ba la sogs pa'i don ni bshod// rang gi byang chub kyi sems ston pa'i rnam pa la thugs rtse gcig tu mdzad zhes bya ba'i don to/ /ting nge 'dzin 'og nas 'byung ba rnams kyi don yang 'di bzhin du bshad par bya'o/ /dngos po 'di dag ces bya ba la sogs pa la/ byang chub kyi sems la sogs pa'i bdag nyid can rdo rje sems dpa' la sogs pa rnams dang/ phung po la sogs pa ni dngos po ste/ de rnams la ni gnyis su rnam par rtog pas dngos por brtags pas na dngos po ste/ de ni skye pa med pa'o/ /ci'i phyir zhe na/ chos rnams med cing chos can min ces bya ba gsungs te/ don dam pa gnyis su med pa'i ngo bo nyid yin pa'i phyir ro/ /'di ni don dam pa byang chub kyi sems so/ /rdo rje rigs ji ltar byung ba yin zhe na/ nam mkha' bzhin du dmigs pa med pa'i zhes bya ba gsungs te/ ji ltar nam mkha' ni rdzas thams cad du med cing dmigs pa las 'das pa yin yang rtog pa grags pa'i blos dmigs par byed de/ rdo rje'i rigs kyang de dang 'dra bar lta bar bya'o/ /'di ni kun rdzob byang chub kyis
- 281b
sems so/ /byang chub sems 'di bstan pa yin zhes bya ba la brtan pa yin zhes bya ba ni/ gang don dam pa'i byang chub kyi sems su bshad pa de ni rnam par rtog pas mi phyed cing de 'jigs par byed pa ma yin pas brtan pa yin la/ kun rdzob byang chub kyi sems gang yin pa de la'ang 'khor bar sems can gyi don byed byed pa ni skyo bar mi 'gyur bas brtan pa yin no/ /de bzhin gshegs pa thams cad ces bya ba la/ de bzhin gshegs pa thams cad ni thams cad na gzugs kyi sku'i ngo bo'i de rnams su med pa ni don daM par gnyis su med pa'i ye shes kyi ngo bo nyid yin pas so/ /dngos po 'di dag ces bya ba la sogs pa la/ sbyin pa'i pha rol tu phyin pa'i bdag nyid kyang rin po che'i rigs kyis bsdus pa rdo rje rin chen la sogs pa dang phung po la sogs pa ni dngos po ste/ ji ltar yongs su snang ba 'di dag ni dngos po med pa nyid yin no/ /ci'i phyir zhe na/ chos kyi mtshan nyid spangs pa yin zhes gsungs pa ste/ chos ni ji skad du bshad pa'i gzugs la sogs pa'i ngo bo de rnams kyi mtshan nyid ni gzugs la sogs pa de dag nyid skye pa dang mi rtag pa la sogs pa'o/ /de rnams spangs pa ni bral ba ste/ skye ba med pa la sogs pa gzung ba la sogs pa'i ngo bor brtags pa med pa'i phyir 'di ni don dam pa'o/ /de ltar na rdo rje rin chen la sogs pa ji ltar 'byung zhe na/ bdag med chos las yang dag 'byung zhes bya ba gsungs te/ bdag med pa'i chos ni ji skad du bshad pa ste/ de bas na gal te bdag sangs rgyas su gyur na/ 'gro ba ma lus pa'i 'dod pa don ma lus pa rdzogs par bya'o zhes de lta bu'i mtshan nyid can gyi smon lam gyi shugs kyi stobs kyis gdul bya rnams la mig yong tsam du so sor 'byung ba ni yang dag par 'byung ba ste/ 'di ni kun kun rdzob bo/ /de yang rtag tu dri med thugs rje'i shugs las byung/ /smon lam grub pa mi 'gag
- 282a
chos nyid can/ /'gro ba'i don slung? lhur mdzad mdza' yas pa/ /thugs rje'i bdag nyid rtag tu rnam par snang zhes bya ba la sogs pa gsungs pa yin zhes byang chub sems ni brtan pa yin zhes bya ba'i don ni snga ma bzhin no/ /me? lce 'bar ba zhes bya ba la sogs pa la/ 'bar ba dang bcas pa'i me lta bu'i rdo rje 'bar bu nyon mongs pa'i mun nag thams cad dang bral ba'i so sor rtogs pa'i ye shes te/ de la dmigs pa zhes bya ba la sogs pa'i don ni snga ma bzhin no/ /dngos po zhes bya ba la sogs pa la/ shes rab kyi pha rol tu phyin pa'i bdag nyid can chos kyi rigs kyis bsdus pa rdo rje chos la sogs pa dang phung po la sogs pa ni dngos po ste/ de skye ba med pa ni snga ma bzhin no/ /de bas na skye ba med pa'i dngos po de rnams la dngos po med cing sgom pa med ces bya ste/ de rnams la dngos po med pas tshul gang gis spyi'i mtshan nyid kyis bsgom pa'i tshul nges med pas na/ sgom pa yang med de/ 'di ni dam pa'o/ /'o na rdo rje chos ji ltar 'byung zhe na/ nam mkha' yin ni gnas thob par/ /de ltar dngos rnams rab tu brjod ces bya ba gsungs te/ nam mkha' nyid gnas su gyur pa'i ji skad du bshad pa'i byang chub kyi sems bsgom pa la gnas pa gang yin pa de la de skad ces bya'o/ /de thob pa ni chos thams cad nam mkha' dang mnyam par gnas pa'i sems bstan pa thob nas/ 'jig rten las 'das pa'i ye shes kyi rjes la yang dag pa 'jig rten pa'i ye shes bsgoms pas rdo rje chos la sogs pa'i mtshan nyid la 'jam zhing du byas pa ste/ 'di ni kun rdzob bo/ /de bzhin gshegs pa thams cad ces bya ba la sogs pa la de bzhin gshegs pa thams cad ni gzugs kyi sku'i ngo bo nyid do/ /de nyid ni bla ma yin la de rnams kyis bla ma ni ngo bo nyid kyi sku ste de nyid rdo rje'o chos rnams rang bzhin 'od
- 282b
gsal ba zhes bya ba la sogs pa la/ brtson 'grus kyi pha rol tu phyin pa la sogs pa'i bdag nyid can las kyi rigs kyis bsdus pa'i rdo rje la sogs pa dang/ phung po la sogs pa ni chos rnams te de rnams ni rang bzhin te/ ngo bo nyid kyis 'od gsal ba ste/ gnyis su med pa'i ye shes kyi snang ba'i ngo bo nyid yin pa'i phyir ro/ /de dag kyang ci'i phyir zhe na/ gzod nas dag cing zhes bya ba gsungs te/ skye ba la sogs pa'i nyes pa rnams ma skyes pas gzod nas dag pa'o/ /de dag kyang ci'i phyir zhe na/ rtog pa med ces bya ba gsungs te/ don dam par rnam par rtog pa'i rnyog pa thams cad dang bral bas na rnyog pa med pa'o/ /de nyid kyis na sems can med cing srog kyang med ces bya ba gsungs te/ thogs pa med cing mnyam med la/ /bsam gyis mi khyab byang chub 'di/ /skye dang 'gag pas stong pa na/ /ri bong rwa bzhin bdag med do zhes bshad pas sems can la sogs pa rnam par rtog pa thag ring du spangs pa yin pas na med pa zhes bya'o/ /sangs rgyas nyid med byang chub ces bya ba ni gnyis su med pa'i ye shes rtogs pa'i gnas skabs na/ sangs rgyas nying dang byang chub ces bya ba mngon par rtogs pa'i ngo bo 'di ni rnam par rtog pa la spyod pa ste/ sangs rgyas nyid dang byang chub pa med do/ /de bas na dngos dang dngos med yongs chol ba/ zag pa mya ngan 'das zhes brjod ces bshad pa yin gyi de bzhin gshegs pa thams cad med pa nyid ni ma yin no/ /gzhan yang chos thams cad kyi de kho na nyid gnyis su med par rig pa'i sems dang sems las byung ba'i ngo bo nyid gnyis su med pa'i rnam par snang mdzad ni ngo bo nyid med pas med ces bshad pa yin te/ 'di ni don dam pa'i byang chub kyi sems so/ /'o na rdo la sogs par ji ltar so sor snang zhe na/ rmi lam sgyu ma ltar snang ba'i zhes bya gsungs te/ ji ltar rmi lam la sogs par
- 283a
rab tu snang bas gnyis su rnam par rtog pa rtsad nas 'byin pas brtags pa de bzhin du rdo rje la sogs pa yang snang ste/ 'di ni kun rdzob bo/ /byang chub sems 'di bstan pa yin zhes bya ba'i don ni bshad zin to/ /de bzhin gshegs pa thams cad kyi sku dang gsung dang thugs kyi rdo rje de bzhin gshegs pa zhes bya ba ni rnam par snang mdzad kyi'o/ /byang chub kyi sems rnam par dag pa thob nas zhes bya ba ni bshad ma thag pa'i byang chub kyi sems dam pa'o/ /e ma'o zhes bya ba la sogs pa la/ e ma'o zhes bya ba ni ngo mtshar du gyur pa'o/ /chos kyi sku'i ngo bo nyid gyur pas na sangs rgyas so/ /rnam par rtog pa thams cad bral bas na dag pa'o/ /de nyid 'di lta bu'i mngon par 'dod pa'i don rdzogS par byed pa'i chos ston pa la nye bar dmigs par mdzad pa de yang legs so zhes bya'o/ /bdag med chos las legs byung ba zhes bya ba ni chos bdag med pa'i rnam pa las yang dag par byung zhing skyes pa'i don dam pa'i rnam pa las yang dag par byung zhing skyes pa'i don dam pa'i byang chub sems de la phyag 'tshal lo zhes don dam pa la ston pa'o/ /byang chub tshogs kyis zhes bya ba la sogs pa la/ byang chub tshogs kyis bsgos pa yis zhes bya ba ni byang chub sems bskyed par byed pa aM? bsod nams ye she skyi tshogs smon lam gyis bsgos par gyur pas so/ /mi g.yo yi ge las byung ba zhes bya ba ni mi 'gyur bas na mi g.yo ba ste/ don dam pa'i sems so/ /de'i ngo bo nyid ni oM la sogs pa'i yi ge la yang nye bar 'dogs pas de skad ces bya ste/ yi ge'i rnam pa mngon par 'du byas pa'i gnas skabs de las skyes pa ni byung ba'o/ /rmi lam sogs ltar de ltar de las skyes zhes bya ba ni rmi lam la sogs pa ltar so so snang ba tsam du 283b1rgyud 'grel): ni ji skad du bshad pa'i gnas rnam par bsam zhing bskyed nas skyes pa'i ngo bo nyid du gyur pa'i thugs rdo rje rnam par snang mdzad la phyag 'tshal lo zhes bya ba ste/ kun rdzob du ston pa'o/ /thabs kyi ngo bo nyid kun rdzob kyi byang chub kyi sems su bstan pa de ji ltar bsgom par bya zhe na/ gnas 283b2rgyud 'grel): dang stan ni zhes bya ba la sogs pa gsungs te/ gnas dan stan rnams bsams te/ sems dpa' i skyil mo krung bcas nas zhes bya ba ni ji skad du bshad pa'i gnas rnam par bsam zhing bskyed nas der yang pad+ma la sogs pa bya'o zhes bya ba ni lhag
- 283b
ma'o/ /ji zhig byas nas she na/ dang por rang bzhin dag pa'o zhes bya ba la sogs pa gsungs te zhes pa'i sgra ni don lhag ma rnams nye bar mtshon te/? oM sarba ta thA ga ta a nu ShaM si ta/ sarba satwa naM tsa sarba sid+d+hi ya saM paryan taM sarba ta thA ga ta shu ad+hi bda? na haM swa b+ha ba shud+d+ha/ sarba d+harmaM/ swa b+ha ba shud+d+he haM zhes brjod la/ rang bzhin gyis dag par lhag par mos pas dag pa'i chos kyi tshul la gnas par 'gyur ro/ /rdo rje sems ni nye bar mtshon pa tsam ste/ des na rang gi rigs te yum lnga'i dam tshig gis phyag rgya rnams gyis kyang bya bar shes par bya'o/ /byin gyis brlabs ces bya ba ni nye bar mtshon pa tsam ste/ des na dbang bskur ba dang ting nge 'dzin dang mchod pa yang bya'o zhes gsungs pa yin no/ /yid kyis hUM las rdo rje can zhes bya ba ni yi ge hUM las byung ba'i rdo rje can te rdo rje 'chang bar rang gi lus kyi yid kyis rnam par bsams dang byin rlabs dang dbang bskur bar bsgoms nas/ yang dag par mchod rang gi nga rgyal bskyed la gnas dang stan bskyed par bya'o zhes ba ni rim pa'o// lcags kyu ni zhes bya ba la sogs ba la mdun du gzhal yas khang dang dkyil 'khor rnam par bsams pa'i steng du dkyil 'khor gnyis pa yang spyan brang zhing legs par bsteng la lag pa steng du bstod nas bskor ba'i rdo rje lcags kyus dgug par bya'o//
- 284a
'di nyid nye bar mtshon pa tsam ste/ gzhug pa dang bcing pa dang dbang duAng bya bar shes par bya'o/ /byon nas dang por phyogs bcings te zhes bya ba la sogs pa la/ phyogs bcings pa rjes la dam tshig ces bya ba'i nye bar mtshon pas na chos dang las dang phyag rgya chen po rnams kyis rgyas btab par bya'o zhes bya bar yang rigs pa yin no/ /la la ni sgra ji bzhin pa nyid du smra'o/ /sbyor ba zhes bya ba ni sngags dang phyag rgya dag gis so/ /'di ni bya ba'i rgyud kyi dbang du byas pa'o/ /de'i rim pa ni 'di yin te mchod yon dang zhabs bkru ba dang zhal bsil rnams phul la gdan ji lta ba bzhin du bstabs te/ thal mo sbyar nas bde bar gshegs so bcom ldan 'das/ /tshur gshegs 'dir ni gshegs su gsol// bdag las mchod pa bzhed nas ni/ /bdag kyang blo dang ldan par mdzod ces brjod la/ bcom ldan 'das ji srid 'dir mchod pa bgyid pa de srid du bden pa dam pas bzhugs su gsol zhes gsol ba btang? ste/ phur bu dang phyogs dang dkyil 'khor bcing ba dang ra ba dang dra ba byas la yang mchod pa phul te/ dam tshig la sogs pa phyag rgya bzhis rgyas btab par bya'o/ /dbang bskur ba zhes bya ba ni rang rjes su mthun pa'i dbang bskur ba bstan par bya'o zhes snga ma dang sbyar ro/ /mtshon cha go cha soD zhes bya ba ni sogs pa'i sgras dbu dang spyi gtsug dang mtshon dang go cha bya ba ma lus pa yongs su gzung ngo/ /sil snyan mchod sogs bsgom par bya zhes bya ba ni ji skad du bshad pa'i phyag rgya dang mchod pa'i cho ga bya ba'i rim gyis so/ /rnam pa kun gyis mnyes bya ba ni sngar bshad ma thag pa'i phyi dang gsang ba'i mchod pa la sogs pa'i khyad par gyis so/ /rnal 'byor bdag nyid can gyis brtag ces bya ba ni yang de bzhin du bcom ldan 'das kyi spyan sngar mgo dang spyi gtsug la sogs
- 284b
pas bdag nyid kyi sbyor ba byas la/ rdo rje la sogs pa blangs nas bzlas pa dang bsgom pa dag bya'o/ /'di skad ston pa yin te ji skad du bshad pa'i phyi'i khrus bya ba'i cho gas khrus bya ba 'am/ nang gi khrus nas/ lha'i khang pa ji lta ba bzhin du zhugs la/ 'dug ste/ de nas oM sawa b+ha bi shud+d+ha sarba d+harma swa b+ha ba shud+d+ho haM zhes brjod la/ thal mo gsum gyis bgegs bsal nas/ rang gi lus lha'i skur skad cig gis bsams te/ lkog ma'i phyogs su yi ge h+ri:las pad+ma 'dab brgyad pa las pad+ma'i 'dab ma gcig lcer gyur pa la a las zla bar gyur pa'i steng du hUM las rdo rje rtse lnga pa dkar po bsams la/ oM badzra dzi hwa? zhes bya bas byin gyis brlab bo/ /de nas lag pa gnyis la a gnyis las zla ba bsam la/ der yi ge hUM las rdo rje gnyis bsam pa dang yi ge hUM nyid las sor? mo rnams rdo rje rtse gcig pa'i rnam par bsams la gud mo dang mdzub mo dang srin lag dang mthe'u chung dang mthe bo rnams su grangs ji lta ba bzhin du/ oM hUM traM/ a khaM zhes bya ba'i yi ge lnga bkod la/ de bzhin gshegs pa thams cad la sogs pa rang gi lha'i gzugs kyi gzugs brnyan du snang bas bdag nyid ni? rgyal po'i bka' mngon sum pa ltar mda' bar dka' par bsgoms na phyag rgya phan tshun bcings te/ thal mo mdun du phyogs pas mnyam par byas la oM n+yo na na? ga ta sarba d+harma zhes brjod do/ /de nas sor ma phan tshun rtse mo bsnol pa byas la a tya na ha a nu pra biSh+Tha? sarba d+harmA hUM? badzra adz+nya li zhes brjod do/ /de nas rdo rje bsdams pa legs par bcings la/ a dya na ta a nu pra biSh+Tha sarba d+harma zhes brjod de rdo rje bsdams pa bcings pa des mthar thug pa med pa'i nam mkha' i khams na bzhugs pa'i sangs rgyas kyi yon tan bsdus la hUM badzra b+han+d+ra? zhes brjod do/ /de nas rang gi snying ga'i zla ba la rdo rje yongs su gyur pa las rdo rje'i 'khor lo rtsibs brgyad pa de'i dbus su 'ang yi ge oM bsams
- 285a
la badzra ban d+ha traT ces brjod la/ rdo rje bsdams pa rang gi snying gar dgrol bas de na bzhugs pa'i sangs rgyas kyi yon tan rdo rje 'khor lo la rab tu bzhugs par bsam mo/ /de nas rnam par snang mdzad kyi dam tshig gi phyag rgya bcings la/ oM dzin dzi ka a zhes bya ba 'dis phyag rgya bcing ba byas la dkyil 'khor chen po'i phyag rgya bcing ba yang de bzhin bya'o/ /de nas rdo rje 'bebs pa'i phyag rgya bcings la badzra a be sha a zhes lan gsum brjod la mnyes par bya'o/ /rdo rje bsdams pa bcings pa la mthe'u chung dang srin lag gi rtsa ba'i nang du mthe bo bcug la snying gar cung zad bskyod pa ni rdo rje 'bebs pa'i dam tshig gi phyag rgya'o/ /de nas tISh+Tha badzra dri Dho me b+ha ba/ h+ri da yoM me a d+hi tiSh+Tha sarba sid+d+hi me pra yats+tsha hUM ha ha ha ha ho:zhes bya ba 'dis dbang pa nye bar bsdu bar byas la badzra sand+hi zhes bya ba'i sngags kyis dam tshig gi khu tshur bcing zhing/ oM badzra muSh+Ti boM zhes bya ba'i sngags 'dis brtan par bya'o/ /rdo rje 'bebs pa'i dam tshig gi phyag rgya bcings la mdzub mo 'gugs shing tshangs gsum pa'i rgyab tu bcings pa 'di ni dam tshig rdo rje khu tshur ro/ /de nas sngar bshad pa'i rim pas bgegs la sogs pa gzhom pa nas me tog la sogs pa mchod pa lnga bskyed pa'i mthar thug pa'i cho ga byas la/ rdo rje 'khor lo'i phyag rgya bcings te/ khar bzhag nas oM badzra tsakra hUM zhes brgya rtsa brgyad brjod la mdun du dkyil 'khor bsam par bya'o/ /rdo rje khu tshur gnyis la mdzub mo dang mthe'u chung lcags kyu ltar mdud pa byas pa ni 'di'i phyag rgya'i mtshan nyid ro/ /de nas oM sarba ta thA ga ta kA ya shAka? tsit+ta badzra ? me badzra dand+ha naM ka ro ? brjod la yan lag lngas phyag rgya bya'o/ /gal te 'byor na bdug sros la sogs pa phyi'i mchod pa lnga dang/ yang mchod pa rnam pa brgyad kyis yang dag par mchod nas
- 285b
mchod pa nyi shu'i bar du ji lta ba bzhin du byas la/ rang gi snying ga dang dpral ba dang lce dang spyi gtsug tu a las ? ba'i dkyil 'khor bsam zhing der yang rdo rje dang rin po che dang/ pad+ma dang ral gri hUM traM a khaM zhes bya ba las bskyed la snying ga dang dbral ba dang kha dang spyi bor gnas pa'i rdo rje thal mo brkyang nas lus thams cad sa la phab ste/ shar dang lho dang nub dang byang gi phyogs su grangs ci lta ba bzhin snying po 'dis phyag rgya'o/ /oM sarba ta thA ga ta pu dza u ? nA ya Atam naM nIryAt yA mi sarba ta thA ga ta badzra satwa athi tiSh+Tha swa maM/ sarba ta thA ga thA pu dza a b+hi She ka ya At+ma naM ni ryat yA mi sarba ta thA ga ta badzra ratna a b+hi'i ny+tsa mAM/ oM badzra sarba ta tha ga ta pu dza pra barta NA ya At+ma naM nirya tA ya mi/ sarba ta thA ga ta badzra d+harmA pra bar ta ya sA/ oM sarba ta thA ga tA pu dza karma Na At+ma naM ni rya hA ya mi sarba ta thA ga ta badzra karma ku ru mA/ de nas mdun du 'dug la ji lta ba bzhin du sdig pa bshags pa la sogs pa'i rim gyis sdom pa blangs la smon lam byas ste/ chos bdag med pa'i mnyam pa nyid kyis rang gi snying gar dkyil 'khor bcug la rdo rje gnod sbyin dang rdo rje hUM mdzad kyi sngags dang phyag rgya dag gis ji lta ba bzhin du sdig pa bsal bar bya'o/ /de nas chos kyi 'khor lo'i phyag rgya bcings la/ hUM Tak+ki spho Ta ya ma hA bi da ga badzra badzra d+ha ra sa na tye nA tha zhes bya ba'i sngags kyi mthar de bzhin gshegs pa thams cad la sogs pa'i 'dod chags dang bral ba bral bas dral bar bya'o/ /rdo rje bsdams pa dam bcings te/ /mthe bo mthe'u chung sbyar nas ni/ /lhag ma rnams ni 'khor lor bya/ /chos kyi 'khor lo ? byar grags zhes bya ba ni chos kyi 'khor lo'i phyag rgya'o/ /de nas rab tu dga' ba'i rdo rje'i phyag rgya bcings la/ oM ma hA su kha badzra satwa ya sarba satwe b+hyo/ dza:hUM baM ho:zhes bya ba'i sngags lan bdun brjod par bya'o/ /rdo rje bsdams pa dam
- 286a
bcings la/ /g.yon gyi mthe'u chung mngal du ni/ /g.yas pa yis ni mthe bo mtshan/ /bcug la bskyod cing cung zad btsir zhes bya ba 'di ni rab tu dga' ba'i rdo rje'i phyag rgya'o/ /de nas rang gi snying gar zla ba'i dkyil 'khor la 'khor lo'i dbus su gnas pa'i yi ge oM bsams la/ de'i 'od zer gyis reg pa las bdag nyid sdig pa thams cad dang bral zhing bsod nams thams cad dang ldan par bsams la// reg pa de nyid kyis rnam par snang mdzad kyi skur nges par bsams la sku dang gsung dang thugs byin gyis brlab pa'i phyag rgya rnams kyis mgo dang snying ga dang lkog mar byin gyis brlab te/ snying ga dang dpral ba dang/ mgo dang lkog ma dang spyi po rnams su zla ba'i dkyil 'khor la gnas pa'i rdo rje la sogs pa'i yi ge hUM la sogs pas mtshan pa bsam mo/ /de nas snying gar rdo rje sems dpa' i phyag rgyas oM satwa badzri Ne hUM/ a d+hi tiSh+Tha mAM zhes bya bas byin gyis brlab po/ /de bzhin du rnam par snang mdzad kyi dam tshig gi phyag rgya bcings la/ g.yas su bskor ba'i bar gyi sbyor bas lus thams cad yongs su bskor la snying gar bzhag nas/ oM badzra d+hA drI? shwa ri hUM badzra NI ad+hi tiSh+Tha mAM zhes bya bas byin gyis brlab po/ /de nas de bzhin gshegs pa lnga'i sa bon gyi yi ges byin gyis brlabs pa gtso bor lnga dang ldan pa'i rin po che'i cod pan mgo la bsams la/ rdo rje rin chen gyi phyag rgya dpral bar bzhag ste/ oM badzra ratna a b+hiShiny+tsa mAM zhes pas dbang bskur ro/ /de nas rnam pa thams cad kyi mchog dang ldan pa'i rang gi lha'i gzugs su rnam par bsam mo/ /de nas ji lta ba bzhin du mchod pa byas la rdo rje dbyings ni bdag go zhes nga rgyal bya'o/ /de nas thal mo sbyar ba byas la/ oM bi ma la long d+hi hUM zhes bya bas mtsho chen po de'i steng du oM a tsa la b+hi
- 286b
? hUM swA hA zhes bya bas sa gzhi gser gyi rang bzhin can de'i steng du/ oM a tsa la hUM zhes bya bas rin po che sna bzhi'i rang bzhin gyi ri'i rgyal po ri rab byin gyis brlab po/ /de nas gzhan 'phrul dbang byed kyi dbang sgyur gyi rgyal po'i gnas ji lta ba bzhin du bskyed la/ de'i steng du yi ge b+h+ruM las zur bzhi la sogs pa dang ldan pa'i khang pa brtsegs ma rnam par bsams la/ de'i phyogs gcig tu pad+ma bsams te/ der 'dug nas mdun du rnam par snang mdzad kyi dam tshig gi dkyil 'khor ji lta ba bzhin du rnam par bsams la rdo rje dang dril bu 'dzin pa rang gi gnas la bzhugs pa'i dkyil 'khor gyi lha rnams bsgoms te/ sku gsung thugs byin gyis brlab pa'i phyag rgya ? byin gyis brlab pa dang/ rdo rje bsrung bas go bgos la mchod yon phul te/ ji lta ba bzhin du spran drangs la khang pa brtsegs ma'i nang du gnas pa la/ rang gi lha'i nga rgyal du byas nas rdo rje thal mo bskor ba snying gar bzhag nas/ mgo cung zad btung de bstod pa bya'o/ /de nas dgug pa la sogs pa bya ste/ de bzhin du sgo bcing ba dang bsrung ba thams cad kyis legs par bsrungs la/ dam tshig la sogs pa'i phyag rgya bzhis rgyas gdab bo/ /de nas rjes su mthun pa'i dbang bskur bas dbang bskur la snying gar snying po bkod de/ de nyid la nye ba'i snying po la sogs par lhag par mos pas snying ga'i phyogs su dbu dang gtsug pud dang nu ma gnyis dang lag pa g.yas kyi rtsa ba dang g.yon gyi rtsa ba dang lus thams cad la dgod do/ /de nas bdug spos la sogs pa mched pa brgyad byas la/ dpag bsam gyi shing la sogs pa yang phul nas dril bu blangs te bstod pas mnyes pa byas la phyag ba ni bya'o/ /de nas rang gi dam tshig gi phyag rgyas bdag nyid byin gyis brlabs la/ spos chus dbang bskur te de bzhin du snying po dgod pa byas nas spos chus rdo rje rin chen gyis dbang gi
- 287a
dbang bskur bas dbang bskur la/ mdun du dkyil 'khor bsgoms nas bdag nyid kyang rang gi lha'i ngo bo la rdo rje dang dril bu thogs par gyur pas lha'i thugs ka'i zla ba bzlas bya'i snying po rnam par bkod nas/ ji tsam 'dod kyi bar du bzlas pa dang bsgom pa bya'o/ /phyag rgya dang byin gyis brlab pa lhod par gyur pa'am/ bdag nyid gtong bar 'dod na yi ge brgya pa bzla par bya'o/ /de nas bzlas brjod ji lta ba bzhin du phul la/ mngon par 'dod pa'i dngos grub kyi phyir gsol ba byas nas sbyin sreg byas te bdug spos la sogs pa rnams kyis yang dag par mchod la/ mtshan brgya rtsa brgyad kyis bstod do/ /dkyil 'khor gshegs su gsol ba'i rim pas lha rnams gshegs su gsol la/ bdag nyid dbang bskur ba dang go bgo ba byas nas langs la/ mchod rten gyi las la sogs pa nyin re bzhin thun bzhir bya ste/ 'di ni byin gyis brlabs pa zhes bya ba'i rnal 'byor ro/ /gzugs nyid ces bya ba ni rang gi lus rang gi lha'i mtshan nyid du ?/ /byin gyis brlabs pa zhes bya ba la sogs pa ni rnal 'byor gsum gyi mtshan nyid gsungs pa ste/ byin gyis brlabs pa zhes bya ba ni sngags dang phyag rgyas so/ /byang chub sems ni dag pa dang zhes byang chub ni don dam pa'i byang chub kyi sems bsgoms pas blo shin tu rnam par dag pa'o/ /gsang sngags sa bon skye ba chen zhes bya ba ni de'i rjes las thob pa'i dag pa 'jig rten pa'i sems kyis so/ /phyag rgya'i tshogs su brtag pa yis/ /rims kyis gzugs ni rdzogs byas pa zhes bya ba ni/ de bzhin nyid snang sgyu las byung/ /gsal dang grib ma las kyang 'das/ /'phags pa'i rigs kyi sngags la skyes/ /gnyis gyur 'jig pa la rab brtson zhes bya ba'i rim gyis so/ /yongs su rdzogs pa'i rnal 'byor ni go sla bas
- 287b
'dir ma smos so/ /dang po dam tshig byin rlabs pa zhes bya ba ni dang po byin gyis brlabs pa'i rnal 'byor ro/ /dam tshig la mngon par zhes bya ba'i phyi rol gyi don yod par smra ba rnams kyi phyir yin par shes par bya'o/ /rnal 'byor spyod pa'i zhes bya ba la rnal 'byor spyod pa'i rnam par shes pa tsam du smra ba'o/ /dbu ma'i zhes bya ba ni chos thams cad skye ba med par smra pa'o/ /'di ni rnal 'byor cho gar bshad ces bya ba ni rnal 'byor gyi cho ga'i dbye ba'i rnam pa gsum mo/ rtag pa'i rnal 'byor gsal par bstan pa'i phyir nyon mongs dri mar zhes bya ba la sogs pa gsungs te/ byang chub kyi sems kyi dag pa ni don dam par byang chub kyi sems kyis so/ /de ni rang bzhin zhes bya ba la sogs pa la/ /thal mo gsum gyis sbyar zhes bya ba lha khang par zhugs pa'i 'og tu dor swa b+ha ba shugS? satra d+harmA swa b+hu ba shud+d+ho? haM zhes brjod la/ bgegs rnam par bsams te/ byang chub kyi sems ji lta bas sems spyad par bya'o zhes la ? 'dod do/ /gzhan dag na re thal mo gsum brdab pa tsam gyis sems kyi ngo bo nyid rtogs par byas pa'i 'og ta/ oM shU n+ya dA dz+nyA na badzra swa b+hA pa At+ma konyahaM zhes bya ba ngo bo nyid dag pa yongs su ston par byed pa'i tshig 'dis rab tu sad pa dang byin gyis brlab par bya'o zhes zer ro/ /sems la so sor brtan par bya zhes bya ba ni ji skad bshad pa bzhin du bsams pa'i dkyil 'khor gyi dbus rnam par snang mdzad kyi rang gi dam tshig gis sku la 'khyud par dam par sa ma sa la/ a li tsam gyi gzugs can/ oM tsit+ta barti be d+haM ka ro mi zhes brjod pas de'i zhal du zhugs nas dam tshig gi phyag rgya'i pad+ma'i gnas su song pa ste/ 'dis ni sems kyi so sor rtog pa zhugs shing 'phangs pa byas par 'gyur ro/ /phyi rol rang bzhin stong par bya zhes bya ba ni phyi rol ngo bo nyid kyis rang bzhin stong pa yin par bsam mo zhes bya ba ni lhag ma'o/ /sems tsam la ni gnas nas su/ byang chub
- 288a
tshogs kyi bag chags des zhes bya ba ni/ ji skad du bshad pa'i rnam par snang mdzad kyis byang chub kyi sems kyi gzugs su yongs su gyur pa las der yang dkyil 'khor lha rnams rab tu zhugs par bsams la/ de'i 'og tu bdag nyid mnyam par bzhag ste/ sems dpa' i gzugs gsal ba la chos kyi ri mos dbugs phug pa snying ga dang 'od dang stan zla ba'i rnam pa dang bcas pa mchog tu mya ngan 'das pa'i bde ba chen po'i ngo bo rnam par snang mdzad ting nge 'dzin la snyoms par zhugs pa bsod nams dang ye shes kyi tshogs yongs su rdzogs pa'i bdag nyid can la/ bde bar gshegs pa thams cad kyi thugs kyang de nyid du drangs la rgyal bar gyur ba la/ a la sogs pa'i sangs rgyas kyi yon tan gyi ngo bo zhugs par bsams zhing oM d+harmA d+hA tu swa b+hA ba At+ma konyahaM zhes bya bas byin gyis brlab bo/ /nges sgo byas pa'i zhes bya ba la sogs pa la snying ga dang sogs par a bkod la oM bo d+hi tsit+ta utwA da yA mi zhes brjod la thabs dang shes rab kyi ye shes bsgom par byed pas bdag nyid bsgoms shing gcig tu gyur par bsgoms la spyan la sogs pas ji lta ba bzhin du bslang nas/ kun tu bzang po'i gzugs su rnam par bsams la yi ge ka la sogs ba zhugs par byas nas snying ga la sogs pa'i zla ba'i gzugs kyi steng du brtag par bya'o/ /de nas rgyud gzhan gyi nang nas gsungs pa'i rim pas dam tshig dang chos dang las kyi phyag rgya bsams la/ thugs ka'i zla ba la yi ge oM bkod nas rnam par snang mdzad ji lta ba bzhin du bsams pa'i pad+ma la gnas pa zhes bya ba ni 'og tu paM las byung ba'i pad+ma bsams pa de'i steng du bdag nyid mtshan thams cad dang ldan par bsgom mo/ /de bzhin du oM gyi myu gus bskrun pa yi/ /yan lag kun gyi mtshan nyid gzugs/ /rdo rje sku ni bsgom par bya ba 'dis ting nge 'dzin rim par
- 288b
bya ba la gsungs pa'i don dang sbyar ro/ /de nas sku ma lus pa'i ngo bor gyur ba'i yi ge oM ni spyi gtsug tu bsams/ gsung ma lus pa'i ngo bo yi ge aM lkog mar bsam/ thugs ma lus pa'i ngo bo yi ge hUM snying gar bsam mo/ /zhes bya ba ni lhag pa ste/ de dag gis ni rgyud kyi bdag po'i rnal 'byor gsungs pa yin no/ /yi ge gsum gyis zhes bya ba la sogs pas ni thugs rdo rje la sogs pa'i rnal 'byor gsungs pa yin ting nge 'dzin rim par phye ba las gsungs pa'i rang gi sa bon gyi yi ge de rnam par bkod pa'i 'og tu rdo rje sems dpa' rang gi lha'i sku mdog dang bzhugs tshul dang gdan dang 'od dang phyag mtshan rnams dang lhags par bsgoms te/ mdog gzugs 'ong dang 'dra bas bsam zhes bya ba'i nye bar mtshon pas so/ /nga rgyal bskyed ces bya ba la sogs pas ni tha mal pa ma yin pa nyid du gsungs pa'o/ /de nas rdo rje'i bdag nyid bdag yin brjod bya ba'i nye bar mtshon pas rnam par snang mdzad kyi lus la/ oM badzra At+ma konyhaM oM swa b+hA ba shud+d+honyahaM/ oM sa ra sa mo haM zhes nga rgyal gsungs pa brjod par bya pa yin te/ de dag ni rnal 'byor chen po bskyed par bya ba'i 'og tu shes par bya'o/ /cha shas kyi dra ba can zhes bya ba ni spyan la sogs pa 'dra ba rang gi lus la rnam par dgod pa'o/ /ye shes sems dpa' bsgrub pa'i sngon du 'di bya'o zhes zer ro/ /la la ni ji skad du bshad pa bzhin rigs pa yin no zer ro/ /de 'og lag pa'i phyag rgya yis zhes bya ba ni gsol ba 'debs pa sngon du 'gro bas byin gyis brlab pa byas nas/ de'i 'og tu lag pa'i phyag rgya byin gyis brlab pa mngon par 'dus bya'o/ /cho ga mtshon cha la sogs bya zhes bya ba ni lag pa'i phyag rgya rnams kyi dbang bskur ba'i 'og tu bya ba khong du chud par bya'o/ /rdzogs sangs rgyas lngas dbang bskur te zhes bya ba ni cho ga'i tshul nyid ni ma yin gyi/ /srid pa'i dbang du mdzad
- 289a
nas gsungs pa yin te/ ci'i phyir zhe na/ thams cad la ni sangs rgyas lnga'i cod pan du byas par mi 'dod do/ /byang chub sems ni zhes bya ba 'dis cod pan phreng ba rnams kyis brgyan ces bya ba'i bar gyi gzhung gis ni/ dang po'i sbyor ba'i ting nge 'dzin gsungs pa yin no/ /de nas de 'og ces bya ba la sogs pa la/ ji lta ba bzhin du mngon par rdzogs par sangs rgyas nas/ thugs rdo rje la sogs pa bzhi sprul pa'i phyir de dang lhan cig tu ji skad du gshad pa'i gnas su babs nas/ spyan la sogs pa'i lha mo sangs rgyas kyi sprul pa mdzad pa'i sgyu ma spro bar bya'o/ /phyogs bcur khro bo bcu dag dang zhes bya ba ni shar la sogs par phyogs bcu'i mthar thug par gshin rje gshed la sogs pa'i khro bo bcu spro zhes bya bar sbyar ro/ /ci'i phyir zhe na/ 'di ltar dkyil 'khor bri ba'i dus su gtsug tor 'khor los bsgyur ba chen po dang/ gnod mdzes dag steng dang 'og dang bla gang dar phur bu'i tshul gyis bsam par bya'o zhes shes par bya'o/ /dkyil 'khor gyi rim par phye ba las khro bo brgyad bstan pa ni nye bar mtshan pa tsam yin no/ /ji lta bu zhig ce na/ yan lag ces bya ba la sogs pa gsungs te/ yan lag bzhi'i dbang dang ldan zhes bya ba ni lha mo bzhi'i tshogs dang ldan pa'o/ / yan lag bzhi'i dpung dang ldan zhes gsungs pa'i don de nyid bstan pa'i phyir/ bsnyems ma dang ni zhes bya ba la sogs pa gsungs te/ 'dir bsnyems ma zhes bya ba'i sgras ni/ kI li kI la yongs su bzung ngo/ /me tog ldan ma ni rdo rje chags ma'o/ /mtshon cha ma ni rdo rje mtshon cha ma'o/ /rtse mo can ni dus thams cad pa'i me tog gi phreng bas brdeg pas na/ phyag rgya'i nye bar mtshon pa 'di rdo rje bsnyems ma yin no/ /rdo rje mtshon cha ma la sogs pa bzhi ni/ spyan la sogs
- 289b
bzhi'i ngo bo nyid yin no/ /sgyu ma'i cha byang rnam mang po'i zhes bya ba ni gdul bya'i yid mgu bar byed pa'i sgyu ma'i rnam pa'i cha byad sna tshogs pa gang yin pa de la de skad ces bya'o/ /rnam par rol pas byin gyis rlob ces bya ba ni rnam par rol pa ste/ rdo rje dang pad+ma'i rtse 'jo byin gyis rlob cing rdzogs par mdzad pa'o/ /de nyid chen po'i bdag nyid lngas zhes bya ba la de nyid chen po ni lha mo lnga'i bdag nyid do/ /bdag nyid lngas zhes pa ye shes lnga'i bdag nyid can gang yin pa de la de skad ces bya'o/ / phyogs bzhir 'khor lo gnas byas te zhes bya ba ni sngar bshad pa'i lha mo de rnams phyogs bzhir 'khor lo ste/ dkyil 'khor gyi tshul gyis gnas par byas shing 'jogs pa gang yin pa de la skad ces bya'o/ /nges na rang gi dam tshig gis spu la 'khyud pa'o/ /'phags ma bzhi yi dga' ba ni zhes bya ba ni spyan la sogs pa'am/ rdo rje mtshon cha ma la sogs pa 'phags ma bzhi po dga' ba de yang dag par bskyed la gang yin pa de la de skad ces bya'o/ /dga' bas zhes bya ba ni rang gi dam tshig gi phyag rgya'i dga' ba las byung ba'i so sor rang gis rig pa'i bde ba'i ngo bo ste/ de'i rjes la ji skad du bshad pa'i khro bo rnams spro bar bya'o zhes bya bar sbyar ro/ /de ltar spro ba bstan nas/ da ni thams cad ces bya ba la sogs pas bsdu ba gsungs pa yin te/ ji skad gsungs pa'i spro ba sna tshogs la khyab par byas nas bkug ste/ dkyil 'khor gyi sbyor bas bzhag la/ de'i dbus su sna tshogs pa gnas par bya'o zhes bya ba ni lhag ma ste/ 'di dag gis ni dkyil 'khor gyi mchog ces bya'i ting nge 'dzin gnyis pa gsungs pa yin no/ /las kyi mchog ces bya ba'i ting nge 'dzin gsum pa ni/ gsang ba'i tshogs mthon po la sogs pa'i rjes su 'brangs nas shes par bya'o/ /ting nge
- 290a
'dzin gsum bskyed nas da ni bzlas pa dang bsgom par bya'o zhes bstan pa'i phyir/ rab dga' i longs spyod longs spyod pa zhes bya ba gsungs te/ shes rab dang thabs las byung ba'i bde ba'i khyad par ni rab tu dga' pa'o/ /de nyid bde ba chen po nyid kyis longs spyod pas na longs spyod de/ /de longs spyod pa'i dkyil 'khor gyi bdag po nyid dang mnyam par byung pas zhes bya ba la sogs pa'i don bshad zin to// //ting 'dzin kun gyi 'khor lo blta zhes bya ba la sogs pas ni slar yang ye shes kyi dkyil 'khor spyan drang zhing bstod pa la sogs pa byas nas ci rigs pa dkyil 'khor kyi 'khor lo dam tshig gi phyag rgyas ting nge 'dzin la snyoms par zhugs pa lta zhing bsam pa nyid dang/ bdag nyid kyang rjes su mnyes par thob par byas la/ oM sarba ta thA ga tA a nu rA ga Na badzra swa b+hA ba At+ma kaM? haM zhes bya bas byin gyis brlabs te/ rdo rje'i gzugs dam tshig gi phyag rgya'i pad+mar des sgeg pa la sogs pa'i tshul gyi rol pa nyid kyis rab tu gzhug par bya ba zhes bya bar sbyar ro/ /de nas ci zhig bya zhe na/ pad+ma'i zhes bya ba la sogs pa gsungs te/ dam tshig gi lha mo'i pad+ma'i gzugs rnams rab tu dga' ba gang yin pa de las sangs rgyas dang rdo rje 'chang la sogs pa sbro zhes bya ba ni lhag ma'o/ /yang na blta zhes snga ma dang sbyar ro/ /ting 'dzin kun gyi dkyil 'khor blta zhes ji skad du gsungs pa de nyid kyi khyad par ni ma lus zhes bya ba la sogs pa yin te/ 'ang zhes bya ba'i sgra'i don? lhag ma ma lus pa'i lha rnams kyi 'khor lo rnams kyang zhes bya ba'i don to/ /mdog ldan zhes bya ba ni rigs dang rjes su mthun pa dang las dang rjes su mthun pa dang ldan pa'i bdag nyid can gyi gzugs ni mdog ldan bdag nyid can gzugs so/
- 290b
mdog dang ldan pa'i bdag nyid can gyi gzugs kyang yin la spro ba yang yin pas de skad ces bya'o/ /de yang ji skad du bshad pa'i yi ge e dang a las byung ba'i sna tshogs rdo rje ska rags kyis nye bar mdzes pa/ yi ge treM las byung ba'i rin po che zur gsum gyi nang du chud pa/ mi ge h+ri las byung ba'i pad+ma'i dbus na gnas pa las/ mdog dang ldan pa'i bdag nyid can gyi gzugs su spro ba'i lha mo'i 'khor lo gang yin pa de la skad ces bya ste/ de ltar yang blta'o zhes snga ma dang sbyar ro/ /rdo rje gzhug par bya'o semS gsungs pa ji ltar pas ma zhe na/ rgyan rnams zhes bya ba la sogs pa gsungs te/ rgyud gzhan dag las byung ba'i mtshan nyid dang ldan pa dngos su 'am/ bsam gtan las byung ba rang gi bsam gtan la gnas par bsams so/ /sgeg mo glu dang gang rnams dang zhes bya ba la sogs pa la/ sku rdo rje la sogs pa'i mchod pa'i tshul gyis pad+mar rdo rje bcug ste/ oM sarba ta thA ga ta pU dza badzra swa b+hA ba At+ma ko haM zhes brjod la mchod pa bya'o/ /sgeg mo zhes bya ba la sogs pa smos mod kyi/ phreng ba mas kyang mchod par shes par bya'o/ /phyi'i mchod pa'i zhes bya ba la sogs pa'i ni go sla'o/ /gang 'di ltar gsung mod kyi 'on kyang phyi'i mchod pa dang sgeg mo la sogs pa'i mchod pa la snyoms par 'jug pa'i mchod pa'i rim gyis phyi dang gsang ba'i mchod pas mchod par bya'o zhes ston pa yin no/ /bsgom pas zhes bya ba ni rnal 'byor bsgom pas so/ /myur ches pa dang bul ches dang zhes bya ba'i sgra ni/ shas cher 'di ltar mi bya ba'o/ /gug skyed nyams min par zhes ba ba ni 'di dag ma tshang par mi bya'o/ /rtog pa ngan pa spangs te zhes bya ba ni rtag pa dang chad pa la sogs pa'i rtog pa dang bral bas so/ /bdan tshul du bya bas zhes bya ba ni sngar bshad pa'i mchod pa nyi shu nye bar mtshon pa yin no/ /mchod ces bya ba la bya'o zhes
- 291a
bya ba ni lhag ma'o/ /gshegs su gsol zhes bya ba ni slar gshegs su gsol ba ste/ sprul pa rnams ni rang gi lus nyid la nye bar bsdu bar bya'o/ /sku dang zhes bya ba la sogs pas ni mnyam par bzhag pa'i rnal 'byor gsungs pa yin no/ /bar chad byed pa rnams la ni zhes bya ba bgegs kyis gtses par gyur pa la'o/ /rdo rje theg pa rab rdzogs pa zhes bya ba ni rnam par snang mdzad kyi'o/ /sna tshogs las rnams ston pa po zhes bya ba ni don yod grub pa'o/ /rin chen zhes bya ba la sogs pa rin chen 'byung ldan no/ /'dod chags chen po zhes bya ba la sogs pa ni 'od dpag tu med pa'o/ /dpal ldan zhes bya ba la sogs pa ni mi bskyod pa'o/ /'di ni 'di skad ston te/ de bzhin gshegs pa lnga'i phul du byung ba'i yon tan thob pas na bdag nyid de bzhin gshegs par 'gyur pa'o/ /'di rnal 'byor rnams kyi rim pa dang/ lha bsgom pa'i tshul rgya cher ni de kho na nyid bsdus pa dang/ gsang ba 'dul pa la sogs pa las byung ba bzhin shes par bya'o/ /sgrub pa'i thabs logs na yod pas 'dir ma bris so/ /yongs su rtog pa'i rnal 'byor mang du yod mod ki 'dir ma bstan to/ /byang chub sems ni ji skad du bshad pa'i rnam pa gnyis so/ /bsgom pa ni yang dang yang du mngon du byed pa'o/ /de'i ye shes bsgrub pa ni byang chub kyi sems rnam pa gnyis mngon par rtogs pa'i tshul gyis nges pa so sor bsgrub pa ste/ de ston pa'i gzhung gi le'u la rim par phye ba'i sgrar brjod do/ /le'u bdun pa'i 'grel pa'o// //byang chub kyi sems bsgom pa rdzogs su zin kyang sbyor ba'i thabs med par phun sum tshogs par mi 'gyur bas/ de nas zhes bya ba la sogs pas/ brgyad pa sbyor ba'i thabs kyi bsgrub pa'i rim par phye ba gsungs pa yin te/ bcom ldan 'das kyis bka' stsal to zhes bya
- 291b
bar sbyor ro/ /ci zhig mdzad nas ni/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad de rnam par snang mdzad la sogs pa'i bka' ni/ zhi ba la sogs pa'i las bskyed pa'o/ /de bskyed pa'i don gyi 'khor lo ni dkyil 'khor/ de rab tu bsgrub cing bskyed pas de'i don du ye shes kyi rdo rje la dmigs pa gang yin pa zhes bya ba la sogs pa'i don ni bshad zin to/ /de bzhin gshegs pa thams cad zhi ba la sogs pa'i las byed pa'i dkyil 'khor ston pa'i rnam pa la thugs rtse gcig tu mdzad ces bya ba'i don to/ /'khor lo thams cad ces bya ba'i don to/ /'khor lo thams cad ces bya ba la sogs pa la 'khor lo thams cad la rang gi ming las byung ba'i dkyil 'khor thams cad rab tu bsgrubs te zhi ba la sogs pa la rab tu sbyor ba'i las gang yin pa de'i tshogs ni mang po'o/ /de'i phyi dang nang gi bdag nyid can gyi cho ga bka' stsal to zhes pa ste gsungs pa'o/ /lha ni zhes bya ba la sogs pa la/ rnam par snang mdzad la sogs pa'i lha gang yang rung bzhig dkyil 'khor gyi dbus su bkod na dkyil 'khor de de nyid yin te/ rnam par snang mdzad 'byung ba rdo rje zhes mkhas pa rnams kyis brjod do/ /'di ltar ston pa yin te/ rnam par snang mdzad kyi dkyil 'khor ni sngar bshad pa nyid do/ /gang gi tshe mi bskyod pa la sogs pa bzhi'i dkyil 'khor byed pa de'i tshe dbus su gang bris pa'i gnas su rnam par snang mdzad bri'o zhes kha cig zer ro/ /gzhan dag ni mi bskyod pa'i dkyil 'khor la rnam par snang mdzad ni mi bskyod pa'i gnas su'o/ /de'i gnas su mi bskyod pa bri'o/ /rin chen 'byung ldan gyi dkyil 'khor la ni rnam par snang mdzad ni mi bskyod pa'i gnas su/ mi bskyod pa rin chen 'byung ldan gyi gnas su/ rin chen 'byung ldan ni rnam par snang mdzad kyi gnas su bri'o zhes zer ro/ /'od dpag tu med pa dang/ don yod
- 292a
grub pa'i dkyil 'khor la yang 'di nyid kyi rjes su 'brangs nas shes par bya'o/ /spyan la sogs pa'i dkyil 'khor la yang rnam par snang mdzad nyid/ spyan la sogs pa'i gzugs ji ltar bsams la/ spyan la sogs pa yang rang nyid kyi gnas na bzhugs par sgom mo 'od zer can la sogs pa/ dkyil 'khor gyi lha la ma gtogs pa'i lha rnams kyi dkyil 'khor gyi ni/ byang chub kyi sems kyi rim par phye ba'i rim pa nyid kyis rnam par snang mdzad la sogs pa'i sku yongs su gyur pa nyid 'od zer can la sogs pa'i lha rnams kyi gzugs su gyur nas/ rang gi gnas na bzhugs la lha lhag ma rnams kyi tshul ni de bzhin du bsam par bya'o/ /'phrog ma'i drag po bsgrub pa'i dkyil 'khor du ni/ ji skad du bshad pa las de'i rim pa bzhan yin te/ de yang khro bo'i 'khor lor gnod sbyin mo brgyad kyi dbus na 'phrog mas brgyan/ gnod sbyin brgyad kyis rnam par brgyan/ gnod sbyin mo kun sgrub par bya zhes bshad pa yin no/ /de la ma gtogs par bshad pa'i gnod sbyin dang / gnod sbyin mo gzhan dag bsgrub pa la ni tshul 'di nyid yin te/ gnod sbyin nam gnod sbyin mo gang sgrub pa de dbus su bkod la de'i gnas su ni 'phrog ma'o/ gnod sbyin dang?/ gnod sbyin mor bshad pa la ma gtogs pa/ rigs gzhan dag sgrub pa la/ thams cad du ? 'phrog ma med par de'i gnas su sgrub par bya ba'i gnod sbyin nam gnod sbyin mo bsam par bya'o la la ni rnam par snang mdzad kyi dkyil 'khor bton nas de'i gnas su bshad pa dang/ ma bshad pa'i gnod sbyin dang gnod sbyin mo bkod la sngon du 'gro bas bsgrub par bya'o zhes zer te/ nges ni drag po'i bsgrub pa'i gzhung gi don yang dag par rtogs par shes mod kyi sngar bshad pa'i don de nyid gzhung dang rjes su mthun par mthong nog/ /lha chen po la sogs pa'i dkyil 'khor la ni rnam par snang
- 292b
mdzad? la sogs pa'i gnas su khro bo'i rdo rje dang/ sgyu ma'i rdo rje dang/ rdo rje dril bu dang/ mi smra ba'i rdo rje dang/ rdo rje mtshon cha grangs ji lta pa bzhin du dgong par shes par bya ste/ de la rdo rje dril bu ni mdog dmar ba gdong drug pa/ lag pa bzhi pa g.yas na mdung thung dang dril bu thogs pa/ g.yon na khyim bya dang bril du 'dzin pa/ rma bya la zhon pa'o/ /rdo rje mtshon cha ni mdog ser skya lag pa bzhi pa/ g.yas na rdo rje dang lcags kyu thogs pa/ g.yon gyi gcig gis ni stan la bsnyems thabs su 'dug la/ gnyis pa ni rang? rdo rje 'dzin pa glang po che dkar po la zhon pa'o/ /spyan ma la sogs pa'i gnas su ni 'jigs byed ma la sogs pa lha mo bzhi ste/ de la 'jigs byed ma ni mdog ljang gu g.yas kyis rdo rje 'dzin g.yon gyis ral phug thogs pa'o/ /dpal mo ni mdog ser ba g.yas na rdo rje g.yon pad+ma thogs pa'o/ /dbyangs can ma ni mdog ljang gu g.yas g.yon gnyis na rdo rje dang po bar thogs pa'o/ /dka' thub mdog ma ni mdog ljang gu g.yas kyi lag pa gnyis na rdo rje dang 'khor lo thogs pa/ g.yon gnyis na dung dang ba ti sa thogs pa ser ge la tshon pa'o/ /rdo rje sems ma la sogs pa'i gnas su drag mo dang tshangs ma dang khyab 'jug ma dang gzhon nu ma dang/ nag mo dang nag mo chen mo dang/ gnod sbyin po dang/ srin mo rnams dgod par shes par bya'o/ /de la 'di rnamS kyi lag pa la lag cha ni mdud rtsi? gsum pa dang/ phreng ba me? dang 'khor lo dang dril bu dang/ gri dang chu gri dang mche ba ba dang/ kha TwAM ga rim bzhin thogs pa/ g.yon gyi sdigs mdzub bsgreng ba'i/ /phyi'i dkyil 'khor du gshin rje gshed la sogs pa dgod pa yang de bzhin te/ 'di ni khro bo'i rdo rje'i drag po sgrub pa'i dkyil 'khor ro/ /khro bo rdo rje ma gtogs pa'i lha gzhan sgrub pa la ni rnam par snang mdzad la sogs pa nyid dgod par shes par bya'o/ /'dir ma bshad pa'i sgrub thabs la rdo rje'i rigs ?
- 293a
mcho bton la/ de'i gnas su rang gi sgrub par bya ba'i 'jig rten pa'i lha gang yang rung ba dgod par bya'o zhes khong du chud par bya'o/ /'di yang la la dag ni rnam par snang mdzad kyi dkyil 'khor du de bton pa/ lha chen po la sogs pa gang yang rung ba dgod pa sngon du 'gro bas bsgrub pa ni shin tu 'brel pa med pas smra ba yin pas/ de'i gzhung ni ma bris te/ ji skad du bshad pa 'di nyid shin tu rigs pa kho nar mthong ngo/ /de yang rdo rje ting 'dzin bsgoms nas ni/ /rdo rje hUM mdzad kyis bskul nas/ /mod la dngos grub thob par 'gyur zhes sngar bshad pa yin no/ /zhi dang zhes bya ba la sogs pa la/ rang gi dkyil 'khor gyi bdag po'i sbyor bas dkyil 'khor gyi lha rnams bsgoms te/ las dang rjes su mthun par lha rnams sprul la/ che ge mo'i zhi bar mdzod cig ces bya ba la sogs pa bskul ba'i tshig dang ldan par gsang sngags bzlas nas zhi ba la sogs pa'i las rnams la/ lha'i 'khor lo nges bar sbyar bas las de rnams bya'o/ /de ltar spyir bstan nas da ni zhi ba spyan dang zhes bya ba la sogs pa lha rnams kyi so sor nges pa las de nyid gsungs pa yin te/ thams cad du yang gsum pa'i mdza' can gyis/ bdag gi bya zhes 'og nas bshad pa dang sbyar ro/ /'od zer can dang ri khrod mas zhes bya ba 'dir sbyar bar bya ba zhes bya ba ni lhag ma'o/ /chags pa rdo rjes zhes bya ba ni snying rje chen po'i chags pa'o/ /gsang sngags de nyid kyis bskul na zhes bya ba ni gsang sngags la las dang rjes su mthun par bskul ba'i tshig bcug pas yang dag par bskul ba'o/ /lha rnams kyis so so'i nges par bstan nas da ni spyan dang zhes bya ba la sogs pas las kyi sbyor ba'i nges pa gsungs te/ ril pa spyi blugs kyis brgyan pa zhes bya ba ni/ phreng ba dang ril ba spyi blugs kyis mdzes par byas pa'o/ /dang po ting
- 293b
nge 'dzin gyis sprul nas zhes bya ba ni dang por te/ thog mar ting nge 'dzin de bsam gtan gyi sprul cing bskyed nas/ bdag nyid rnam par snang mdzad kyi skur bsam pa yin par shes par bya'o/ /de nyid kyi phyir rnam par snang mdzad gnas na 'dug ste zhes bya ba gsungs pa yin no/ /bum pa zla ba mdangs ldan pa zhes bya ba ni zla ba'i 'od 'dra ba'i bum pa gang yin pa de la de skad ces bya'o/ /bdud rtsi 'o mas rab bkang ste zhes bya ba ni/ byang chub sems kyi chus bkang ba las pa gnyis kyis 'dzin par bsam mo/ /zhes bya bar gyur ro/ / lag pa gnyis par rtsa dkar mchog gi zhes bya ba ni lag pa pad+ma'i rtsa ba'i mdog ltar dkar ba'i mchog gang yin pa de la de skad ces bya'o/ /'di skad ston te dkyil 'khor gyi dbus su zla ba'i dkyil 'khor gyi steng du rnam par snang mdzad dbang po zhi? zhing sku mdog dkar bang bdag nyid bsgoms la/ rang gi snying gang nad pa bsams te/ rang gi dam tshig gi phyag rgya dang yang dag par sbyor ba'i byang chub kyi sems las spyan dang bskul byed ma'i ngo ngor rnam par bsams la/ phyag gnyis kyis ji skyad du bshad pa'i dbus? bsnams shing/ phyag bzhir phreng ba dang/ ril pa spyi blugs kyis brgyan pa sprul la/ de rnams kyis nam mkha' bkang ste/ sngags brjod pa las byung ba'i 'od zer gyi tshogs rnams kyi bskul la bsgrub par bya ba dbang bskur te/ der rab tu zhugs nas yang de rnams kyi ba spu'i bu ga rnams las rnam par snang mdzad kha sbyar gyi sbyor bas phyung pa las yang dag par byung pa'i byang chub kyi sems kyi chu'i rgyun rnams kyis de la dbang bskur bar bya'o/ /de nas de rnams kyang de nyid du rab tu zhugs par yang shes par bya'o/ /sbyor ba 'di dag dang 'brel ba gzhan dag las kyang/ ba sbu'i bu ga rnams las ni/ sangs rgyas sprin ni rnam par spro zhes bya ba la sogs pas bstod pa yin no/ /de nas de bla na med pa'i zhi ba thob par rnam par bsam mo//
- 294a
rin chen ma ngas zhes bya ba la sogs pa la/ rin chen 'byung ldan gyi ting nge 'dzin du dang po sprul cing bsam mo zhes bya ba ni lhag ma'o/ /rin chen ma zhes bya ba ni rin chen sgrol ma'o/ /phyag na rin chen pad+ma can zhes bya ba ni phyag gnyis shes rab pad+ma dang/ rin po che rnams la cig shos gnyis kyis ni/ ji skad bshad pa'i bum pa bsnams pa'o/ /bdud rtsi rab tu gang ba dang zhes bya ba ni bsam mo zhes snga ma dang sbyar ro/ /'di skad ston te/ dkyil 'khor gyi dbus su zla ba'i dkyil 'khor ser po'i steng du/ bdag nyid rin chen 'byung ldan sku mdog ser por bsams la/ rang gi snying ga'i zla ba'i dkyil 'khor la bya bar bsams nas/ snga ma bzhin du rin chen sgron ma dang gos dkar mo'i gzuD la phyag gnyis na bum pa thogs shing/ de las gzhan pa'i phyag gis/ pad+ma dang rin po che bsnams pa sprul la/ de rnams kyis nam mkha' ma lus par bkod de/ de bzhin du bkug nas bsgrub par bya ba bskur la/ de rnams der rab tu gzhug go /de nas de'i bsdu'i? bu ga rnams las rin chen 'byung ldan ? ma bzhin du phyung la/ de las byung ba'i byang chub sems kyi chu'i rgyun gyis mngon par dbang bskur la/ de yang der bzhugs par bya bar shes par bya ste/ ba spu'i bu ga rnams las ni/ rin chen sprin ni spro bar bya zhes bya ba la sogs pa la bstan pa yin no/ /de rnams kyis bla na med pa'i sangs rgyas thob par 'gyur bar bsam mo/ /lha mo sku chen zhes bya ba la sogs pa la/ 'od dpag tu med pa sku mdog dmar por bsam zhes bya ba la ni lhag ma'o/ /sgrol ma de bzhin lu gu rgyud ces bya ba ni sgrol ma dang lu gu rgyud dang bcas par bsam par bya ste/ phyag gnyis na ni zhags pa dang lcags kyu 'dzin pa/ ? gcig shos gnyis
- 294b
na ni me tog can gyi mda' dang gzhu bsnams pa'o/ /de nas de dag bsam pa ni/ bkug ste mda' yis bsnun na ni zhes bya ba ste/ lcags kyus bkug la mnga' bsnun pa'o/ /nye bar mtshon pa 'dis na zhags pa bcings pas kyang skad cig gis dbang du mdzad pa'o/ /'di skad ston te rang dkyil 'khor gyi dbus su zla ba'i dkyil 'khor gyi pad+ma dmar po'i mdog can de'i steng du bdag nyid 'od dpag med pa mdog dmar ba'i rang gi snying gar zla ba'i dkyil 'khor pad+ma dmar mo mdog can la bsgrub par bya ba bsams nas/ snga ma bzhin du sgrol ma dang/ lu gu rgyud kyi gzugs can ma ji skad du bshad pa'i mtshon cha thogs pa sprul nas/ nges nam mkha' ma lus par gang bas bsgrub par bya ba bcings nas bkug ste rang gi snying gar bcug nas/ snga ma bzhin du mnga' i sbyor bas bsnun nas de rnams der gzhug go /de nas yang de'i ba sbu'i bu ga rnams las 'od dpag tu med pa ji lta ba bzhin du phyung la/ de las byung ba'i byang chub sems kyi chu'i rgyun gyis de dbang bskur nas/ de'ang der gzhu go? zhes snga ma bzhin du shes par bya'o/ /de nas de bla na med pa'i dbang du 'gyur ba thob par bsam par bya'o/ /yams dang zhes bya ba la sogs pa la/ yams ni nad 'go ba'i 'chi bas 'chi ba dang/ khyim la sogs par srin po la sogs pa mthong ba ste/ de byas pa'i nye bar 'tsho ba ni gnod pa ste/ nye bar 'tshe ba de rnams gzhig cing bskyab pa'i phyir 'od zer 'od zer can dang ri khrod kyi shing lo ma rab tu sbyar bar bya'o zhes shes par bya'o/ /ji ltar zhe na sku chen gyis kyang zhes bya ba la sogs pa gsungs te/ sngar bshad pa'i tshul du zhes bya ba ni ting nge 'dzin rim par phye ba las gsungs pa'i tshul du mtshon cha la sogs pa bsnams par bsam par bya'o/ /ci zhig byas nas she na/ bdud rtsi yis kyang rnam par bzlog ces bya ba
- 295a
gsungs te/ bdud rtsi'i char 'bebs par rgyur gyur pas yams dang gnod pa'i rnam pa bzlog par bya'o zhes shes par bya'o/ /'di skad ston te/ rang gi dkyil 'khor gyi dbus su zla ba'i dkyil 'khor ljang gu de'i steng du bdag nyid don yod par grub pa sku mdog mrgad lta bu'i mdog can gyi rang gi snying gar zla ba'i dkyil 'khor mdog ljang gu la bsgrub par bya ba bsams te/ 'od zer can dang ri khrod kyi lo ma can gyi gzugs la khro bo ji lta ba bzhin skur sprul pa de rnaMS? kis nam mkha' ma lus par bkang ste/ de'i lus las byung ba'i khro bo 'bar ba rnams gdug pa rnams kyis mig dang kha 'tshem zhing thal bar byas par rnam par bsams la 'od zer can la sogs pa'i lha mo'i tshul gyis zhi pa la gzugs su yongs su gyur nas/ bum pa thogs pa bkug nas dbang bskur te/ de rnams der gzhug go/ de nas yang de'i ba spu'i bu ga rnams nas don yod par grub pa ji lta ba bzhin du sprul la/ de las byung ba'i byang chub kyi sems kyi chu'i rgyun gyis dbang bskur te/ de yang der rab tu gzhug pa ni snga ma bzhin du shes par bya'o/ /de nas de nye bar 'tshe ba dang bral ba rnam par bsam mo/ /mrgad lta bu'i mdog can la zhes bya ba ni don yod par grub pa sku mdog ljang gu'i rnam pa rnams la bshad ma thag pa'i sbyor ba bya'o zhes ston pa yin no/ /la la dag ni mi bskyod pa mrgad kyi mdog lta bu'o zhes zer te/ de ni mdog dang rjes su mi mthun pas mi rigs so/ /hUM zhes bya ba'i sgra sgrogs pa zhes bya ba ni/ yi ge hUM 'don pa la brtson pa ste/ mi bskyod pa sku mdog in+d+ra nI la lta bur bsam mo zhes bya ba ni lhag ma'o rdo rje bsdigs par brtson pa yis zhes bya ba ni nye bar mtshon pa 'di ni ting nge 'dzin rim par phye ba las gsungs pa'i mtshon cha bsnams par rigs so/ /'di
- 295b
? ston te rang gi dkyil 'khor gyi dbus su nyi ma'i dkyil 'khor gyi steng du bdag nyid mi bskyod pa sku mdog sngon por bsams la/ rang gi snying ga'i nyi ma'i dkyil 'khor la bsgrub par bya pa bsrung ba dang bral zhing lhas spangs pa bsams la snga ma bzhin du /khro gnyer? can dang mA ma kI'i gzugs kyis sprul pas nam mkha' lus par bkang ste/ de bzhin du bkug nas rdo rje me'i char gyis bsregs la de rnams der gzhug go/ yang de'i ba sbu'i bu ga rnams las mi bskyod pa ji lta ba bzhin du sprul la/ de bzhin rdo rje me'i char 'bebs par bya ste/ de'i lus la de gzhug pas skams shing shi bar bsam mo/ /yan lag gzhig pa la yang cho ga 'di nyid bya'o/ /'di ni nang gi zhi ba la sogs pa'i cho ga ste/ bsgrub par bya ba mdun du bsams la las lnga ba bya ba ni phyi'i cho ga'o// byin rlabs zhes bya ba la sogs pa la byin gyis brlabs pa'i ngo bo nyid ni rdo rje sems ma'o/ /dam tshig dang dbang bskur ba'i ngo bo nyid ni rin chen sems ma'o/ /de nyid 'og nas gsungs pa ni/ rdo rje sems ma rin chen 'chang zhes bya ba yin no/ /chos dang rdo rje las mos ma zhes bya ba ni chos kyi sems ma dang/ las kyi sems ma ste/ de ltar lha mo bzhi po'i 'di nyid sbyar ro/ /ji lta zhe na/ sbyor ba zhes bya ba gsungs te/ bshad ma thag pa'i zhi ba las bzhi'i tshogs sbyar bar bya'o zhes don to/ /bcu drug ces bya ba ni nye par mtshon pa 'dis ni tshad gsungs pa yin te/ byams pa la sogs pa gzung ngo/ /rang gi phyogs zhes bya ba la sogs pa la shar la sogs pa'i phyogs na gnas pa'i byams pa la sogs pas zhi ba dang/ rgyas pa dang/ dbang dang/ yams rang mtshon pa nye bar zhi ba las nges par byed pa'o/ /'bras bu don yod sbyin byed pa'i/ /khro bo'i lus la legs gnas te/ /zhes bya ba la sogs pas ni/ don chen po 'di? yin pa'i phyir bstan pa'i don du slar yang mngon spyod kyi las bya ba
- 296a
gsungs pa yin te/ khro bo'i lus la zhes bya ba ni gshin rje gshed la sogs pa'i skur legs par gnas par byas la/ khro bo'i rgyal po las la nges par sbyar bar bya'o/ /ji ltar zhe na dam tshig ces bya ba la sogs pa gsungs te/ dam tshig la sogs pa ni rdo rje sems dpa' la sogs pa bsgrub par bya ba'i lus la gnas shing/ sku gsung thugs bsgoms pas rnam par bsgom pa'o/ /bskul ni bcom ldan 'das 'di ni dkon mchog gsum la gnod pa byed pa'o zhes bya ba la sogs pa'i bskul? pa rnams kyis phyung ste zhes bya ba'i don to/ /de'i ras zhes bya ba ni dur khrod kyi ras so/ /de'i gzugs brnyan bcing bar bya zhes bya ba ni bsgrub par bya ba'i lus kyi rnam pa dang 'dra bar byas la bya'o/ /phur bu zhes bya ba ni snga ma bzhin du mngon par 'dus byas pas so/ /me 'bar ba la zhes bya ba ni 'bar ba'i me la ste/ skam pa dang bcas pa ni snga ma bzhin te/ gong nas gong du phul du byung ba'i sbyor bas so/ /rus spal? gyis ni rkang stabs sbyar zhes bya ba ni tsog tsog por 'dug steng rkang pa g.yon? pa'i steng du rkang pa g.yaS pa bzhag par bya ba ni rus sbal gyi rkang stabs kyi mtshan nyid do/ /las 'di zhes bya ba ni las rnams so/ /'di skad ston pa yin te/ rang gi dkyil 'khor gyi dbus su gshin rje gshed la sogs pa'i gang yang rung ba'i sbyor bas 'dug la/ dkon mchog gsum la gnod pa byed pa'i bsgrub bya mdun du bsams te/ de'i snying gar de rang gi lha 'dod pa'i rgyal pos bkug la de'i mgor 'khor lo 'am pad+ma 'am? rdo rje 'bar ba kun tu 'khrug pa rnam par bsams la/ bcom ldan 'das kyis zhes bya ba la sogs pas ji lta ba bzhin du bzlog la bsgrub par bya ba'i snying ga'i zla ba la de'i ming bris la/ oM ma Ni ri ti na? ra pa? ti rA dz+nyo gi ni dza:swAhA/ zhes bya ba kha dog lnga pa'i 'od zer gyi tshogs kyis ming drangs nas bkug pa'i tshul du rigs sngags dang spel bas rang gi
- 296b
rkang? pa'i 'og tu bzhag go/ de nas byang chub kyi sems dang ji lta ba bzhin du dpral ba sngon du 'gro bas/ mgo dang spyi gtsug la sogs pa'i bsrung ba bsal la/ ji skad bshad pa'i tshul gyis de'i gzugs brnyan bskyed de rnam par shes pa'i rlung dang 'dra zhing srin bu me khyer lta bur lcags kyus ? nas/ zhags pas gzhug cing lcags sgrog gis bcings te/ gzir ba 'di lta bu zhag bdun gyi bar du'o/ /de nas rkang pas mnan la/ dus de srid kyi bar du bzlas brjod bya'o/ /de nas po son cha'i tsher mas phug la dus de srid kyi bar du bzla'o/ /de nas phur bus btab la de bzhin du bzla'o/ /de nas mes gdung bar bya'o/ /de nas bcad do/ /de nas sbyin sreg byed cing zhag bdun bzla'o/ /de ltar nyin zhag bdun khro bo'i nga rgyal byas la 'bar ba'i lus kyis las byas na nges par 'jig par 'gyur bar gdon mi za'o/ /cho ga bzhin du dgug par bya zhes bya ba ni sngar bshad pa'i cho gso/ /rdo rje gzhan gyis zhes pa ni gshin rje gshed la sogs pa'i khro bo'o/ /bsnun par phyed pa zhes bya ba ni brdeg bzhin pa'o/ /gtub pa dang zhes bya ba ni rnam par gzhig go/ rgyu ma long nar bar bsams zhes bya ba ni rgyu ma dang yan lag kun dbral zhing nad la bsgrub par bya ba 'jigs pas rnam par mos par bsam par bya'o zhes snga ma dang sbyar ro/ /'di skad ston te/ rang gi dkyil 'khor gyi dbus su gshin rje gshed la sogs pa gang yang rung ba'i sbyor bas 'dug? la bsgrub par bya ba mdun du bsams te/ bsrung ba la sogs pa dang phral la/ ji skad du bshad pa'i khro bo sprul nas/ la las ni zhags pas bcings nas lho phyogs su khrid par gyur pa dang/ la las ni rdo rjes brdeg bzhin pa dang ni gtun shing gis brdung bzhin pa dang la las ni 'khor los gcod bzhin pa dang/ la las ni lcags kyu la sogs pas 'dren bzhin pa dang/ la las ni za bzhin par rnam par bsams la/ sngar bshad pa'i rdo rje gnon
- 297a
sbyin gyi phyag rgyas bcings te/ 'bar ba'i tshul gyis ji skad du bshad pa'i gsang sngags bzlas nas/ dkyil 'khor gyi lha rnams de gsod par brtson par bsam par bya'o/ /ming nas bskul bar bya zhes bya ba ni che ge mo zo zhig ces bya ba la sogs pas bskul ba ste/ sngar bshad pa'i bskul ba'i sbyor ba 'di dang sbyar ro/ /rlung gi zhes bya ba la sogs pas ni sbyor ba gzhan gsungs pa'o/ /rdo rje khro bos zhes bya ba ni dbyug sngon la sogs pa'o/ /dkri bar bya zhes bya ba ni bsgrub par bya ba la bsam zhes bya ba ni lhag ma ste/ 'di ni bsam gtan gyis spong? pa'o/ /'di skad ston te/ khro bo gang yang rung ba'i sbyor bas rang gi dkyil 'khor gyi dbus su 'dug la/ bsgrub par bya ba de bzhin du mgo dang gtsug la sogs pa'i bsrung ba gsal la/ yaM las rlung rig dkyil 'khor bskyed pa la bskyon te/ rdo rje rnga mo'i rgyab tu bskyon te/ gcer bu spyi gtsug skra grol ba til mar gyis lus bskus la/ bsgrub par bya ba'i kha dang mdog dang/ lag pa gnyis dang/ snying ga dang/ lkog mar yi ge yaM du ba'i mdog can bsams la/ dbyug sngon gyis rdo rje mtshan pa'i dbyug pas rdo rje rnga mo 'das pas lho phyogs su khyer zhing rnga mo'i gcin gyis/ de'i lus yongs su g.yengs par gyur bar bsams te/ de nyid dang lhan cig tu yul? gzhan du phyin par bsam par bya zhing kha gdong ma bkrus shing/ ji srid du bya rog ma langs pa de srid du/ oM b+he ri b+he ri gaN+Da ri tsaN+Da li/ ma taM gi swAhA zhes brjod la kha'i dbugs kyis bsgrub par bya ba bteg nas nges par sprod? par 'gyur ro/ /de'i rkang rjes su zhes bya ba la sogs pa'i sbyor ba'i don ni bshad zin to/ /de ltar na de'i sbyor ba'i las zhes bya ba ni 'di skad du bshad cho gas bstan pa'i gsang sngags bri ba la sogs pa'i las kyis bskrad par 'gyur ro
- 297b
zhes kyang sbyar ro/ /bsgom zhing cho ga bzhin byas na zhes bya ba ni rang gi sbyor bas de bzhin du 'dug la bsam gtan gyis bskrad pa'i sbyor ba bsgoms pas skrod par 'gyur ro zhes 'og nas smos pa dang sbyor ro/ /de'i ming gsang sngags dang spel zhing zhes bya ba ni bsgrub par bya ba'i ming dang sngags su spel ba ste/ 'dis kyang phyi dang nang gi rnam pa'i bye brag can gyi sbyor ba ma lus par gsungs pa yin no/ /'di skad ston te/ de bzhin du khro bo gang yang rung ba'i sbyor bas/ rang gi dkyil 'khor gyi dbus su 'dug la bsrung ba la sogs pa bsal te/ tA la'i lo ma la sogs pa phyag rgya gtor ba'i tshul lam yi ge bzlog pa'i tshul gyis bdud rtsi 'khyil pa la sogs pa gang yang rung ba'i sngags che ge mos skrod cig bya ba'i tshig dang spel ba'i sbyor bas dug la sogs pa dang bris la nim pa'i lo ma sme bar byas pa dang/ khrag la sogs pa bskus la/ ta la'i lo ma de 'ug pa'i spros ma dge sbyong gi skras dkri shing spel ba byas la/ nyi ma phyed dam mtshan phyed la khyim gyi dbus la sogs par brkos nas ji skad bshad pa'i bsam gtan gyi bkod pa'i sbyor bas bsgom par bya'o/ /thal mo 'gyed par zhes bya ba ni lha'i gzugs su bsgoms pas gnas la 'thab bzhin par yongs su bsam mo zhes sbyar ro/ /'di skad ston pa yin te/ de bzhin du gshin rje gshed la sogs pa'i sbyor bas rang gi dkyil 'khor gyi dbus su 'dug la bsgrub par bya ba'i bsrung ba la sogs pa bsal ste/ de'i gnas dang nye bar gshin rje gshed la sogs pa'i khro bo gnyis bsams la/ de'i snying gar yi ge hUM dmar po dang nag po bsams la bsgrub par bya ba'i dpral bar yaM bkod nas/ khro bo gnyis 'thab bzhin par bsgrub par bya ba bye zhing 'bras par bsam mo/ /rang gi lag pa'i sen mo la de'i ming gi yi ge phreng ba phyin ci log tu bkod la/ phan tshun 'dar nas che ge mo 'gras bar gyu
- 298a
cig ces bskul la khros pas rang gi gsang sngags bzlas par bya'o/ /hUM zhes bya bas gang ba'i zhes bya ba/ ni yi ge hUM brjod pas so/ /rdo rje phra mo bsgoms byas? na zhes bya ba ni hUM las byung ba'i nas 'bru tsam gyi rdo rje rtse mo lnga pa 'bar ba bsams bas dgang bar bya'o zhes 'og ma dang sbyar ro/ /gang du zhe na/ sna'i rtse mo nas bton te zhes bya ba gsungs te/ man ngag ji lta ba bzhin du sna'i rtse mor bsgoms pas/ rdo rje phra mo bskyed nas nges dus phyis dgang bar bya'o/ / sna tshogs rdo rje zhes bya ba ni re re zhing rtse mo lnga pa la kha bzhi pa'i rdo rje'o/ /yang na re re zhing rtse gsum pa'i kha bzhi ba'i rdo rje ni sna tshogs rdo rje'o/ /bcings nas su zhes bya ba ni lag pa'i dbus la sogs pa'o/ /rdo rje 'bar ba zhes bya ba la sogs pa la ji skad du bshad pa'i rdo rje las byung ba'i 'bar bas bsgrub par bya ba'i lus skems ba gang yin pa de la de skad ces bya'o/ /'di skad ston pa yin te/ man ngag ji lta ba bzhin du rdo rje phra mo bsgoms pas bskyed la de bzhin du khro bo gang yang rung bas rang gi dkyil 'khor gyi dbus su 'dug ste/ bsgrub par bya ba mdun du bsams la/ bsrung ba la sogs pa bsal nas/ hUM zhes brjod la sna'i dbugs kyis ji skad du bshad pa'i rdo rjes drangs te de bsgrub par bya ba bskang ba la sogs pa'i gnas su sna tshogs rdo rje rnam par spros la/ bsgrub par bya ba'i de'i gsher ba'i rdzas rnams rdo rje mkha' gro mas bzhibs bar bsams la ji skad bshad pa'i 'dod pa'i rgyal po'i phyag rgya bcings nas khro ba la zhes pas oM zhes bya ba la sogs par bstan pa'i gsang sngags nges bsang pa la sogs pa'i sbyor bas gdon bar bya'o/ /mkhas bas zhes bya ba ni mkhas pas bya'o/ /zhes snga ma dang sbyar ba 'am/ de nas mkhas paS
- 298b
bkab ces sogs dang sbyar ro/ /rlung gi phyogs song ste zhes bya ba ni rlung gi phyogs kyi cha ste/ rlung lhas phye ba'i mtshams so/ /de dag ces bya ba ni thig le'o/ /de ni zhes bya ba ni kham por de bsam mo zhes sbyar te/ de zhes bya ba ni ri rab kyis mnan par bsgom mo zhes par bya'o/ /yang zhes bya ba la sogs pa la/ yaM las byung ba'i rlung bdun 'og gi char gnas pa rnams kyis yongs su g.yob ba dang ri rab de zhes bya ba ni snga ma bzhin du rlung mnan par bya ba'i don to/ /nang du rlung rnams nges par chung par bya zhes bya ba ni bya ba'i khyad par kyis na gnyis pa yin te/ nang ste dbus su rlung rnams chud cing sbas pa ste/ rlung tshogs ri rab kyis g.yogs pa gang yin pa de la de skad ces bya'o/ /gzhan yang de nyid khyad par ni/ la zhes bya ba la sogs pa gsungs pa yin te/ yi ge las mtshan pa'i dbang chen gyi dkyil 'khor gang yin pa der ro/ /'di skad ston te/ rnam par snang mdzad kyi rnal 'byor pas ji skad du bshad pa'i phyogs su song la/ dri'i dkyil 'khor gru bzhi pa byas te/ der 'khor lo sbyor bas mdza' mar drug dbus su gcig byas te/ de rnams la yang bkod la/ de yongs su gyur pa las rlung lha rnams su bsams te/ 'dod pa'i rgyal pos gnyis ba yang bkug nas gzhug pa dang/ bcing ba dang/ dam tshig dang/ bka' bsgo pa ji lta ba bzhin du byas te/ hUM sum hUM zhes bya ba las bskyed pa'i kham phor las ri'i rgyal po ri rab kha thur du bltas pa la yi ge haM bzlas la rab tu bkab ste/ de'i steng du yi ge laM las dbang chen gyi dkyil 'khor zur bzhi pa kha dog ser po bsamS la/ dbang chen gyi dkyil 'khor de yang khro bo'i rdo rje chen po rtse lnga bas mnan par rnam par bsams la/ de'i steng du rkang pa g.yon pa bzhag nas/ 'phags pa mi g.yo mgon gyi gsang sngags la rjes su mthun pa'i bskul tshig las
- 299a
bcas pa brgya rtsa brgyad bzlas par bya'o zhes bstan pa 'di ni de gtso bor bstan pa yin gyi/ sbyor ba gzhan gyis bya ba la yang nyes pa med do/ /klu brgyad dgong dbus zhes bya ba ni shar gyi 'dab ma nas brtsams te sngar bshad pa'i klu brgyad dgod ba'o/ /rdo rje khro bo'i sku zhes bya ba ni gtso bor khro bo stobs po che'i skus so/ /gzir nas su zhes bya ba ni gzir ba bsam mo zhes bya ba ni tshig gi lhag ma'o/ /'di skad ston te de bzhin du rang gi dkyil 'khor gyi dbus su stobs po che'i sbyor bas dug la mdun du spang leb la sogs pa'i gzhi la me'i dkyil 'khor de'i 'og tu rlung der yang chu'i dbus su ji skad du bshad ba'i pad+ma bris la/ de'i 'dab ma brgyad la ji skad du bshad pa'i klu brgyad yi ge na hUM gnyis kyi rab tu bcug pa'i rnam par bkod la/ der yang stobs po ches klu dgug pa la sogs pa byas te/ rting pas brdeg par bsams la/ hUM gis rab tu gzir par gyur pas /klu'i bdag po skyugs par gyur pa rnam par bsams la char phob cig ces bya ba'i bskul tshig dang bcas par sngags bzla'o/ /dbus su zhes bya ba ni lte ba la'o/ /klu rnams kyi snying po yongs bcug ces bya ba ni klu'i sa bon gyi yi ge hUM gnyis dang spel ba nyid yongs su bkor ro/ /hUM zhes bya ba bzlas brjod byas na ni zhes bya ba ni yi ge hUM dang spel la yi ge na bzlas shing bsams na/ klu'i tshogs rnams kyis char 'bebs so/ /bshad ma thag pa'i sbyor ba 'dis ni btsun pa mar me mdzad seng ges kyang de skad du bshad do/ /'di skad ston te/ gal te sngar bshad pa'i sbyor bas char mi 'bab na/ thams cad de bzhin du bskyed la dbus kyi na'i nang du/ brgyad char bcug la hUM na hUM zhes bya ba bzla/ stobs po che bsgoms la rang nyid kyis bzlas pa
- 299b
bya'o/ /bkug nas zhes bya ba ni dgug pa'o/ /'byung ba zhes bya ba ni rnam par 'byin pa'o/ /'di skad ston te de bzhin du/ rlung gi dkyil 'khor dbus su rta mgrin gyi gzugs khams gsum pa'i tshad tsam gyis gnas la/ lce'i dbus su yi ge hUM 'bar ba'i phreng bas khyab bar bkod la/ ji skad du bshad pa'i kha dog kha gdangs pa'i dbugs? rdub? pa'i rlung sgra dang bcas pas manda ra la sogs pa'i ji skad bshad pa'i sprin rnams bkug la dbugs dbyung ba'i rlung gis shing bal bzhin gtor la rang gi phreng ba'i sngags bzlas te/ sbyor ba 'di la gtsor ni rta mgrin sbyar ro/ /bcad gtu bas te zhes bya ba ni sprin rnams gtub po/ /'di skad ston te de bzhin du dkyil 'khor gyi dbus su bdud rtsi thab sbyor gyi sbyor bas 'dug la nyi ma'i dkyil 'khor la de'i mdog can gyi yi ge hUM bkod la/ sdigs mdzub bya ba'i tshul gyis/ rang gi gsang sngags bzlas pas/ hUM las byung ba'i rdo rje la sogs pas sprin rnams gtub par bsams te/ sbyor ba 'di la gtsor ni bdud rtsi thab sbyor sbyar ro/ /rnam par snang mdzad kyi zhes bya ba ni/ rnam par snang mdzad kyi sbyor bas gnas bar bsam pa'o/ /mnga' gzhu zhes bya ba la sogs pa la/ mda' gzhu la sogs pa thogs nas/ de dang des 'phen cing drag po'i 'char rab tu 'bebs pa'o/ /de nyid kyis ni bdud las rnam par rgyal ba ste/ phyag drug ces gsungs pas na/ g.yon gyi gcig gis ni sdigs mdzub mdzad par yang shes par bya ba'o/ /skrag mdzad ces bya ba ni 'jigs par mdzad pa'o/ /de lta bur bsams nas ci zhig byed ce na/ 'jigs shing zhes bya ba la sogs pa gsungs te/ sngar bshad pa'i gdug pa rnams yin par shes par bya'o/ /'di skad ston te/ de bzhin du rnam par snang mdzad kyi sbyor bas 'dug la/ yi ge haM las dpral pa las mi g.yo ba byung ste/ yi ge hUM las sgra bsgrogs pa las byung ba'i me'i dkyil 'khor gyis skor te bzhugs pa de'i phyag tu?
- 300a
yi ge kha las ral grir yongs su brtags pa dag k+ShIM? las zhags pa hUM:dang spel pa'i d+hi las gzhu/ ho snga ma bzhin du spel ba las mnga' / hUM las rdo rje byung pas bsnams pa la dkyil 'khor gyi lha rnams kyis kyang yongs su bskor bar bsgom nas/ zhags pas bkug nas 'gegs rnams kun nas ral gri la sogs pas btub? bar bsams te/ gsang sngags bzlas brjod bya'o/ /phur bu zhes bya ba ni phur pos gdab pa byas pa'o/ /'od zer can gyi gsang sngags bzlas ba yis zhes bya ba ni/ 'od zer can gyi gsang sngags 'don? pas lan nyi shu rtsa gcig pa mngon par bsngags pa'i phur bu ste/ des mig tu gdab pa zhes sbyar ro/ /phyi bzhin rdo rje gtun shing dag gis brdung zhes bya ba ni/ rdo rje gtun zhing thogs pa'i khro bos rgyab nas bzung? bar bsam par bya'o/ /'di skad ston te/ de bzhin du gshin rje gshed la sogs pa gang yang rung ba'i sbyor bas 'dug pa/ rkang rjes kyis dang mi'i khrag dang dur khrod kyi sol ba rnams las ming? gzugs byas la / mi rus las byas pa'i phur bu ji skad du bshad pa'i gzugs can la/ 'od zer can gyi gsang sngags lan nyi shu rtsa gcig bzlas te/ des mig gnyis su phur bus gdab pa'i mi'i gzugs brnyan rdo rje khro bo rdo rje gtun shing thogs pas brdung zhing de rengs par bya'o/ /tshogs kyi bdag po lho phyogs su mngon par phyogs nas gdug pa'i khar bcug par yang bsam la/ ji skad du bshad pa'i gsang sngags bka' lung bsko ba'i tshul gyis ? ?/ zhugs pa'i 'og tu nges zos par bsam mo/ /las 'dis bsams pas mdo las ni ji skad zhes bya ba ni ji skad du bshad pa'i bsam gtan gyis/ gzugs brnyan bya ba la sogs pa'i las rnams kyis so/ /mkha' la zhes
- 300b
bya ba ni/ bdag nyid nam mkha' i phyogs su gnas la brgya byin du bsam mo/ /zhes bya ba'i don to/ /klu brgyad dag dang char sprin dag la bsgo zhes bya ba ni ji skad bshad pa'i bka' bsgo bar bsam mo zhes bshad pa'i tshig gis snga ma dang sbyar ro/ /de nas ci zhig bya zhe na/ brgya byin zhes bya ba la sogs pa gsungs so/ /sprin tshogs zhes bya ba ni klu la bya bar 'dod de/ /de ci'i phyir zhe na/ sngar de nyid las bsgo ba'i phyir ro/ /'dab ma bkab nas ni zhes bya ba ni/ gshog pa'i rlung giS de bkang? ba'o/ /mchus gos? zhes bya ba ni/ mchu btsugs pa'o zhes bya bar sbyar ro/ /'di skad ston te/ de bzhin du khro bo gang yang rung ba'i sbyor bas rang gi dkyil 'khor gyi dbus su 'dug la nam mkhar gnas pa'i brgya byin du bdag nyid rnam par bsams la/ bar snang la gnas nas 'og tu ji skad du bshad pa'i nam mkha' lding dang/ klu'i khyim la sogs pa tshig pa spel bar byed pa bsams la/ /ji skad du bshad pa'i sngags bzlas shing bka' bsgo bas char gyi rgyun gyis mi gsong cing/ klu'i tshogs rnams nam mkha' lding gi gshog pa'i rlung g.yobs pa dang mchus? btsugs pas de byed par bsam mo/ /lta la bzhi pos yongs su bskor ces bya ba ni/ rdo rje mtshon cha la sogs pas yongs su bskor ba'o/ /de nyid gsungs pa ni/ snyems ma zhes bya ba la sogs pa ste/ bsnyems ma dang rdo rje mtshon? cha ma dang/ rdo rje byams ma dang/ rdo rje kI li kI la'o/ /chu srin rgyal mtshan ni rdo rje byams ma'o/ /me tog gi gzhu dang rol pas mtshan ma dang/ rdo rje bsnyems ma rnams kyis yongs su bskor ba'o/ /g.yas pa'i phyag gis shes zhes bya ba ni g.yas pa rdo rje bsnams pa'o/ /g.yon pas rdo rje dril bu kun 'jog pa'o zhes bya ba ni rkang pa'i phyogs su rdo rje dril bu 'jog pa gang yin pa de la de skad ces bya'o/ /bcom ldan 'das kyi phyag lhag ma dag la ni me tog can gyi mad?
- 301a
dang gzhu bsnams pa'o/ /ldem bag ces bya ba la sogs pa la/ ldem bag gi lha mo rnams gyis 'jo tshul gyis yongs su bshad la/ des sgeg cing rol pa dang bcas pa'o/ /sems dpa' byung ba zhes bya ba la sogs pa la sems dpa' ni rdo rje sems dpa' la sogs pa ste/ de byung ba na sprul pa'o/ /de'i sprin ni de'i tshogs so/ /de dang 'brel ba ni rab tu 'brel par byas pa gang yin pa de la de skad ces bya'o/ /rin chen cod pan zhes bya ba la sogs pa la/ dbang bskur ba'i phyir yin thad che ba'i rin po che'i cod pan cings shing dar dbyangs rnam pa gnyis kyi mthar 'phyang ba gang yin pa de skad ces bya'o/ /nam mkha' las 'babs pa'i zhes bya ba ni/ nam mkha' i phyogs las/ rdo rje'i thog 'bab pa bzlog par byed pa bsam pa'o/ /oM zhes bya ba la sogs pa la/ che ge mo zhes bya ba'i sgra ni sems can gyi sgra rab tu ston par byed pa yin no/ /de nas ni yi ge dza:dza:de nas yi ge hUM bkod pa byas la/ su ra ta zhes bya ba'i sgra'i mthar stwaM zhes rab tu sbyar ro/ /gal te rgyud gzhan dag las bshad pa su ra ta staM? zhes pa rnam par dgod dam zhe na/ band+ha zhes bya ba gsungs te/ band+ha ni 'ching ba'i bdag nyid can te/ yi ge poM rnam par bkod la rgyud gzhan dag dang rjes su mthun par yi ge ho yang gzung bar bya ste/ las dang rjes su mthun? par bskul ba'i tshig gzhug go /de nas mdza' mar phaT ces bya bas te/ sngags 'di dag rigs par sbyar ba ni/ oM mahA su kha badzra satwa dza:hUM baM ho:sur ta stwaM che ge mo'i badzra pa ta ma Ni pa ra ya phaT ces bya'o/ /de ltar zhes bya ba la sogs pa la/ thog ma dang tha ma med cing/ gnyis su med pa'i byang chub kyi sems ye shes bla na med pa de nyid ni sa bon gyi ngo bo nyid pas go 'phang ste gnas pa yin la/ de rgyas par byed pa ni rnal 'byor pa'i rgyud la rgya cher gnas par
- 301b
byed cing gnyis su rtog pa'i 'ching ba sel bar byed pa/ rnal 'byor pa rab tu sad par byed pas rgyas par byed pa ste/ ji skad du bshad pa'i sbyor ba rim pa 'dis bsgom zhing bsams la/ nam mkha' las ni bab pa yis/ /thog thog rnam par bzlog par bya zhes snga ma dang sbyar ro/ /'di skad ston te/ rang gi dkyil 'khor dkyil 'khor gyis dbus su/ rdo rje sems dpa' i sbyor bas 'dug la/ bsgrub par bya ba'i steng gi nam mkha' i phyogs su ji skad du bshad pa'i lha mo bzhis yongs su bskor pa'i bde ba chen po'i rnam par bsams la/ ser ba 'bab pa bzlog pa'i phyir oM zhes bya ba la sogs pa'i sngags gdon pas bcom ldan 'das bskul par bya'o/ /de nas bcom ldan 'das kyis 'di skad gsungs so zhes mi mngon pa'i tshig gis sbyar ro/ /ci zhig mdzad ce na mi 'khrugs zhes bya ba la sogs pa gsungs so/ /mi bskyod pa dang rin chen 'byung ldan dang/ snang ba mdza' yas dang/ don yod grub pa'i rgyal po dang/ sngags kyi sems dpa' i bskal pa bzang po pa bcu drug ni nye bar mtshon pa tsam mo/ /khro bo ni gshin rje gshed la sogs pa'o/ /rigs pa'i rgyal mo ni spyan la sogs pa'i rig pa'i lha mo'o/ /thams cad ldan pa ni thams cad dang bcas pa'o/ /rnam par gzigs pa ni lta ba'o/ /sku gsung thugs kyi rdo rje can zhes bya ba ni/ /rdo rje can ni rdo rje 'dzin pa'i dgyes shing rol pa'o/ /smin ma mdzes par bskyod nas su zhes bya ba ni/ smin ma mdzes par bskyod cing/ rnam par rtse ba'i khyad par rtsom pas rab tu 'dzin pas g.yon pa'i smin ma bskyod cing 'jigs pa bskyod pa ste/ nges shes 'og dang sbyar ro/ /yan lag 'phrog ma'i 'dzum mdzad nas zhes bya ba ni/ yan lag rnam par dgod pa rnams kyis te/ tshig snga ma rnams dang sbyor ro/ /thugs kyi sems ni dga' ba mdzad ces bya ba ni/ gnyis su med pa'i rdo rje ye shes
- 302a
kyi ngo bo nyid kyi thugs kyis bdag nyid kyi sems rdo rje sems dpa' dang 'brel pa'i dga' ba mod par mdzad pa'o zhes bya bar shes par bya'o/ /bsgribs nas rdo rje gsor nas nges zhes bya ba ni rdo rje'i 'debs pas so/ /ldem bag ces bya ba la sogs pas su smos la/ ldem bag dang sgeg pa dang bcas pas/ rdo rje'i lta ba'i rol pas bltas pa'i ngo bo gang yin pa de ni ldem bag 'jo tshul gyi bltas pa'o/ /lag pa gnyis zhes bya ba la sogs pa la/ rdo rje khu tshur gnyiS kyis pad+ma bskor ba'i tshul du yongs su bskor nas spyi bor me tog gi thal mo sbyar ba byas te gsol ba zhes bya bar sbyar ro/ /ji slang rnam pa thams cad du zhes bya ba ni/ phyi dang nang gis so/ /zur gyis rnam par gzigs pa dang zhes bya ba ni rnam par lta ba ni gzigs pa ste/ gzhad pa chen? po dang zur gyis gzigs pa ci'i phyir mdzad ces bya ba'i don to/ /snin ma bskyod pas 'dzum pa mdzad pa zhes bya ba ni smin ma bskyod cing 'dzum pa dang bcas pa 'dzum pa dang 'byed pa la sogs pa'i mtshan nyid can gyis so/ /brtan bzhing zab pa'i gsung gis zhes bya ba ni rgyun mi 'chad par ston pa'i gsung gis zab mo'i don ston pas so/ /bde bas byang chub thob 'gyur ldan zhes bya ba ni/ dngos su bstan pas so// nyon cig ces bya ba ni tshig yongs su bsgyur nas sbyar ro/ /gang la zhes bya ba la sogs pa la/ dngos po gang gi chos bdag med pa'i mchan nyid can gyis ngo bo ni gnyis su med pa'i mtshan nyid de/ brtags pa'i ngo bor med pa'o/ / mdza' gnyis kyi ni mchan med ces bya ba ni rtag pa dang chad pa dang bral te/ chos kyi dbyings thog ma dang tha ma med pa'o/ /de la yang 'ga' zhig 'khrul par 'gyur zhe na/ de'i phyir dbul la spyod pa med pa dag ces te/ skad cig ma re re
- 302b
zhing 'jig pas na skad cig ma gsum gyi gnas skabs kyi dbus med do/ /de med pas na de la mngon par zhen pa ring du spangs pa nyid yin no/ /yang na 'jug pa dang ldan pa'i sems dag gi dbus na ji skad du bshad pa'i ye shes rtogs pa'i bdag nyid can gyi gnas pa'i sems mdza' gnyis la bltos pa de'i dbus na zhen par byed pa rnam par rtog pa med de/ dga' ba med pa'i phyir ro/ /dus gsum nyid la gnas pa'i dus gsum po med pas dus gsum 'das pa'o zhes snga ma dang sbyar ro/ / thams cad du khyab pas na nam mkha' 'dra'o/ /de la zhes bya ba la sogs pa la/ de lta 'di lta bu'i ye shes la gnas par gyur na/ de rtogs pa'i mtshan nyid can gyi byang chub nyams su myong bar bya ba med pas/ rnam par snang mdzad la sogs pa sgoms pa'i thabs kyi ye shes dang bral ba yin te/ de bas ji skad du bshad pa'i de'i ye shes rtogs par 'dod pa'i thabs rnams ngas bshad par bya'o zhes pa'o/ /phung po la zhes bya ba la sogs pa la/ phung po lnga'i bdag nyid kyi gzung ba dang 'dzin pa'i rnam pas so sor snang bar gyur pa'i dngos po ni dngos po med pa ste/ don dam par sems can dmigs su med pas dngos po de nyid ni gnyis su med pa'i ye shes kyi mtshan nyid do/ /sems can la phan 'dogs par byed pa sbyor ba la sogs pa byang chub kyi sems kyi grogs su gyur pa sprul pa dang bcas pas sems can la rjes su phan 'dogs par byed de/ de bzhin gshegs pa la sogs pa'i sprul pa'i rgyu mdzad pa'i ngag pa 'jig rten pa'i ye shes kyis sku gsum gyi mchog dkyil 'khor gyi lha rnams mchod nas/ bdag nyid rnam par snang mdzad la sogs pa'i ngo bor bsdus pa las bskyed par bya'o/ /thabs nye bar bstan nas/ da ni sems rin po che'i bdag nyid che bar bstan pa'i phyir/ sems kyi zhes bya ba
- 303a
la sogs pa gsungs te/ sku ni zhes bya ba ni sku rdo rje'o/ /sems kyis chos rnams bstan pa yis zhes bya ba ni chos ston pa'i ngo bo gsung rdo rje thob pa'o/ /sems kyis byang chub thob 'gyur bas zhes bya ba ni thugs rdo rje'i ngo bo nyid do/ /sku rdo rje la sogs pa de rnams la yang dngos por mngon par zhen par mi bya'o/ /zhes bstan pa'i phyir/ de bzhin nyid kyi rnam par bsgom zhes bya ba gsungs te/ de bzhin nyid kyi rnam par bsgom pa'o/ /gnyis su med pa'i ye shes la mngon par zhugs pas rnam par snang mdzad la sogs pa'i skur ji ltar bsgom zhe na/ sems ni zhes bya ba la sogs pa gsungs te/ ji skad du bshad pa'i mtshan nyid can gyi sems sku rdo rje la sogs pa'i rnam par yongs su gyur pa ni/ sgyu ma lta bu'i rnam par rang dbang du gyur par mos pas rab tu bsgom zhing bsam par bya'o/ /de bas sku rdo rje la sogs par mngon par byang chub ba yang sgyu ma dang 'dra ba'o/ /dper na zhes bya ba la sogs pa ni dpe gsungs pa'o/ /gyo me zhes bya ba ni gyo mo la sogs pa'i sbyor bas so/ /zhen pa'i sems la zhes bya ba ni sems chos nyid kyis nye bar bsgom pas so/ /de bzhin zhes bya ba la sogs pas ni dpes bstan pa'i don gsungs te/ bsod nams ye shes kyi rang bzhin zhes bya ba ni bsod nams kyi ngo bo nyid dang/ ye shes kyi ngo bo nyid kyi tshogs kyis zhes bya ba blta bar bya'o/ /tshogs kyis bsgos pa'i sems zhes bya ba ni sngar bshad pa'i tshogs dang ldan pas so/ /sems rang bzhin gyi 'od gsal nyid du bstan nas/ da ni glo bur gyi dri ma can nyid du bstan pa'i phyir/ dngos po zhes bya ba la sogs pa gsungs te/ dngos po de rnams kyi don dam pa'i ngo bo nyid ni brtags
- 303b
pa'i ngo bo nyid dang bral ba nyid dngos po med pa'i ngo bo nyid kyi mtshan nyid can yin par mi shes pas gzugs la sogs pa mi bden zhing yod pa ma yin pa'i dngos po la rnam par rtog pas gzung ba dang 'dzin par zhen pa'i bag chags kyis bsgos pas rin po che'i sems dri ma can du byas pa yin no/ /de nas rnal 'byor de spyod pa'i gzhung gis kyang dngos po rnams ngo bo nyid med par bstan nas da ni mdo sde pa'i gzhung sun 'byin pas kyang dngos po thams cad mnyam pa nyid du gsungs pa ni 'byung ba chen po zhes bya ba la sogs pa ste/ 'byung ba chen po bzhi ni sa la sogs pa'o/ /dngos po thams cad ni gzugs la sogs pa thams cad do/ /ldan pa 'dres pa'o/ /gzugs zhes bya ba ni bstan pa'o/ /de lta na yang dngos po de rnams la gtsang ba dang mi gtsang ba la sogs par yongs su brtags pa'i mi shes pa'i stobs kyis sgro btags pa yin no/ /sogs pa'i sgras ni gcig dang du ma la sogs pa'i dngos por yongs su btags pa ni mi rigs te/ gcig dang du ma'i dngos po dag ni phan tshun la gal ba yin no/ /zhes shes par mi bya'o/ /so sor snang ba'i dbang gis yod pa yin no/ /zhes kyang shes par mi bya ste/ zla ba gnyis su mthong pa yod pa nyid du thal bar 'gyur ro/ /'byung ba chen po bzhi'i phra rab cha shas dang cha shas can ma yin pa dang ji lta ba bzhin brtag par bya ba ma yin pa la sogs pa rgya cher sbyar bar bya'o/ /de bas na rig pa rjes su zhugs pa rnams kyis rnam par brtag pa thams cad ni sems can nyid yin pas gnas so/ /de'i phyir gang 'di gzung ba la sogs par yongs su brtags pa de ni bdag tu 'dzin pa la mngon par zhen pa ste/ nye bar mtshon pa 'dis ni phung po dang khams dang skye mched la sogs par mngon par zhen pas chos kyi de kho na nyid mi rtogs shing mu stegs la sogs pa'i tshul
- 304a
du byas pas byang chub ji ltar thob par 'gyur zhes pa'o/ /las dang rjes su 'brel ba gsungs pa ni byang chub ces bya ba la sogs pa ste/ byang chub ni rnam pa gnyis nyid du gsungs te/ gang gi phyir 'di las gzhan pa'i byang chub ni de rnam kyis 'gyur bas de yang bya ba ma yin no/ /zhes byang chub kyi mtshan nyid bstan pa'i phyir 'di skad gsungs te/ ji srid du gzung ba dang 'dzin pa la sogs pa'i rnam par rtog pa la kun tu spyod pa de srid du/ /phyin ci log gi rnam par rtog pa ldog par mi 'gyur ro/ /de mi ldog grol bar gal 'gyur zhes bya bar dgongs so/ /rgya cher ni 'di nyid gzhan dag las ston pas der brtag par bya ste/ 'dir ni zhib tu ma bshad do/ /lhag bcas phung po'i ngo bo ste/ zhes bya ba la sogs pa yongs su gdung ba'i bdag nyid can gyi nyon mongs pa dang/ shes bya'i sgrib pa'i bag chags med pas nam mkha' ltar dri ma med pa ste/ longs spyod rdzogs pa'i sku rdo rje la sogs pa'i ngo bo chos kyi dbyings kyi rgyu mthun pa las byung ba ni lhag ma dang bcas pa'i byang chub yin par shes par bya ste/ phung po ngo bo nyid ces gong ma dang sbyar bar bya'o/ /gzung ba dang 'dzin pa'i rnam pa las ldog cing phung po lnga nyid du med pa'i ye shes nam mkha' ltar dri ma med pa gang yin pa de la ni lhag ma med pa'i byang chub yin no zhes shes par bya ste/ 'di ni phung po med pa yin la 'di nyid kyis na gnyis su med pa'i ye shes kyi ngo bor gzung ste/ thog ma dang tha ma med pa'i ngo bo nyid yin pa'i phyir ro/ /byang chub gnyis de dag kyang nyon mongs pa dang shes bya'i sgrib pa yang spang shing/ bsod nams dang ye shes kyi tshogs yongs su rdzogs par byed pa sems can rnams la rjes su phan 'dogs par byed pa'i sbyin pa la sogs pa byang chub kyi sems kyi phyogs kyis gyur pa dang chos bdag med pa bsgom pa la mngon par
- 304b
brtson pas thob par 'gyur ro/ 'di ltar de dag thams cad ni theg pa dman la med de/ de rnams ni ji skad du bshad pa'i byang chub kyis 'dul ba'i snod du gyur pa ma yin no/ /bla med byang chub 'di lta bur zhes bya ba ni byang chub rnam pa gnyis po 'di dag nyid do/ /rdo rje ye shes rnams kyis thabs zhes bya ba nas/ mkha' ltar 'dri ma med pa yin no zhes bya ba'i bar gyi don byang chub kyi sems rim bar phye ba las gsungs mod gyi/ de ltar gsungs pa'i drag po bsgrub pa'i bya ba la yang chos kyi de kho na nyid kyi rang gi ngo bo rtogs pa nyid kyis bya'o zhes bstan pa'i phyir ro/ /de'i byang chub ces bya ba la sogs pa la/ rnal 'byor pa gang zhig ji skad du bshad pa'o/ /bsgom pa dang/ bzlas pa la rab tu zhugs pas bsgrub pa bdun gyi bar gyis kyang ma grub na de ji skad du bshad pa'i byang chub pa'i phyir dbang? las sna tshogs pa bya ba'i don du drag po bsgrub pa'i cho ga ma lus par gsungs pa yin no/ /bde ba'i thabs kyis zhes bya ba ni thabs bde bas so/ /'di zhes bya ba ni lhag ma rnams kyi phyag rgya rnams dang/ sngar bstan pa'i bsgom pa rnams kyis drag bo bsgrub pa la sogs pa'i las la sbyar bar bya'o/ /dam tshig ces bya ba ni rang gi bden pa'i tshig yongs su skyo pas rgyal bas bstan pa'i las bzhi po byed pa'o/ /las gang la rab tu sbyar bar bya zhe na/ de'i phyir rdo rje lcags kyu la sogs pa'i so so'i nges pa'i las gsungs pa ni gsang sngags rig pas zhes bya ba la sogs pa ste/ rdo rje tUM mdzad la sogs pa'i sbyor bas gnas te/ hUM las byung ba'i rdo rje lcags kyu btang pas dgug par bya'o/ /zhes shes par bya'o/ /de nas ci zhig bya zhe na/ 'di ni zheS bya ba la sogs pa gsungs te/ rdo rje bcings pas bcing bar bya zhes bya ba ni gzhug pa'i 'og tu ni rdo rje lcags sgrog gis bcing bar bya'o/ /zhes shes par bya'o/ /rdo rje lcags kyu'i 'og tu ni rdo rje zhags pa gsungs pa yin pas/ rdo rje khu tshur
- 305a
gyis gzung nas zhes bya ba 'dir/ rdo rje khu tshur gyi gzung nas btsir bar bya bar shes par bya'o/ /rdo rje nag mo la sogs ni 'dir bsgrub po zhes bya bar sbyar ro/ /de nas zhes bya ba la sogs pa la de nas 'khor thams cad kyi drag po bsgrub pa'i cho gas thos nas thams cad kyis bsam pa gcig gis legs so zhes bya ba la sogs pas gsol to/ /gtso bo rdo rje rnam snang mdzad ces bya ba la sogs pa 'di dag las legs so zhes bya ba dang pos ni sku'i sgo nas so/ /gnyis pas ni gsung gi sgo nas so/ /gsum pas ni thugs kyi sgo nas so/ /bzhi pas ji sku dang gsung dang thugs kyi sgo nas so/ /thugs rdo rje'i lcags kyus kun nas 'bar zhes bya ba ni thugs rje nyid lcags kyu dang 'dra bas gdul bya'i skye bo 'gugs pa'i phyir gang 'di ltar 'bar par gyur pa de legs so/ /gsar chen zhes bya ba ni thams cad la mi ston pas so/ /theg pa'i tshul 'di la gnas na zhes bya ba ni/ ye shes 'di theg pa'i sbyor ba'i mtshan nyid la gnas pa'o/ /bde bas zhes bya ba la sogs pa la/ bla na med pa'i byang chub bde bas thob pa'o/ /sngags 'di rnams kyi phyag rgya ni sngar smras pa dang mthun? no?/ /'di skad ston pa yin te/ ji skad du bshad pa'i rnal 'byor pas rdo rje hUM mdzad la sogs pa'i sbyor bas/ rang gi dkyil 'khor gyis dbus su 'dug la bsgrub par bya ba'i lha mdun du bsams te/ gnyis pa rdo rje lcags kyu la sogs pa'i sngags dang/ phyag rgyas dgug pa dang gzhug pa dang bcing ba rdo rje khu tshur gyis bzung bas yang dag par gzung nas/ gnas ldar phur bus gdab cing bzung? ba dang/ sdigs mdzub la sogs pa byas nas bsgrub par bya'o/ /ye shes snying po'i snying po can zhes bya ba ni drag po bsgrub pa'i ye shes kyi snying po'i snying po can gyi/ gsang sngags kyi mchog yin no zhes bya bar sbyar bar bya'o/ /'di dag su la
- 305b
bstan mi bya zhes bya ba ni gang yang rung ba 'ga' zhig mi bstan pa dang/ bsgrub pa la dang pos zhugs ma thag pa rnams la bstan par mi bya'o/ /sbyor ba zhes bya ba la sogs pa la zhi ba la sogs pa'i sbyor ba'i thabs kyis ji skad du bshad pa'i ngo bo nyid bsgrub pa sde/ de ston pa'i gzhung le'u la rim par phye ba'i sgrar bshad de/ /le'u brgyad pa'i 'grel pa'o// //sbyor bas yang sbyin sreg gi yongs su rdzogs par 'gyur bas/ de nas zhes bya ba la sogs par rim par phye ba dgu pa gsungs pa yin te/ bcom ldan 'das kyis 'di skad bshad/ /zhes nye bar mtshon pa'i tshig gis sbyor ro/ /ci zhig mdzad nas she na/ sbyor ba'i las thams cad ces bya ba la sogs pa gsungs te/ sbyor ba ni rnam par dgod pa'i khyad par ro// las thams cad ni dbab pa la sogs pa'o/ /da'i tshogs ni las mang po'o/ /de'i rjes su 'breng ba ni 'di ltar bya'o zhes pa'i nges pa'o/ /de nyid ni rdo rje'i ngo bo ste/ de las dmigs pa zhes bya ba la sogs pa'i don ni bshad zin to/ / dbab pa la sogs pa zhes bya ba la sogs pa'i rnam par bzhag pa ston pa'i rnam pa la thugs rtse gcig tu mdzad ces bya ba'i don to/ /dbab pa la sogs pa'i las bya ba 'di bshad do zhes bya ba la 'dir ye shes snying po can khyod nyon cig ces gsungs so/ /zhes na tshams sbyor ro/ /oM zhes bya ba mgor bzhag ste zhes bya ba la sogs pa la gang gi mgor yi ge oM bzhag pa dang/ kha'i pad+ma la yi ge a bzhag pa dang snying gar yi ge hUM bskul bar bzhag pa gang yin pa'o/ /zhes sbyar ba thams cad du bya'o/ /yaM ni rlung gi dkyil 'khor la zhes bya ba la yi ge yaM las byung ba'i rlung gi dkyil 'khor ro/ /bzhag nas zhes bya ba ni der 'jog pas na de skad tsam bya ste/ dar bsgrub par bya pa
- 306a
bsam mo zhes bya bar shes par bya'o/ /dbab snod bskul byed bzung ba de'i zhes bya ba ni dbab pa'i snod de skul byed ma'i gzugs su bsam pa'o/ /gzugs kyi ngo bor zhes bya ba ni bsgrub par bya ba'i gzugs yongs su gyur nas skul byed ma'i ngo bor bsam pa'o/ /rdo rje 'chang ba'i nga rgyal gyis zhes bya ba ni rdo rje 'chad pa ni bdag go zhes nga rgyal du byas pa gang yin pa de la de skad ces bya'o/ /'di skad ston te/ dkyil 'khor du slob ma gzhug pa dang dam tshig bstan pa la sogs pa ji lta ba bzhin du byas la/ de'i mgo la rnam par snang mdzad lkog mar gsung rdo rje snying gang thugs rdo rje ji lta ba bzhin du bsams la/ rkang pa'i 'og tu yi ge yaM/ mdza' ma gnyis su ha rnam par bzhag ste/ pa dan dang rlung gi dkyil 'khor du bsams la/ bsgrub par bya ba skul byed ma'i sku ji lta ba bzhin du bsgoms te/ dril bu dkrol pa la rdo rje sems dpa' i nga rgyal gyis ji skad du bshad pa'i phreng ba'i sngags bzlas par bya'o/ /dbang chen dkyil 'khor la gnas oM zhes bya ba la sogs pa la/ yi ge laM las dbang chen gyi dkyil 'khor gnas brgyad du oM dang 'brel pa'i rnam pa dgod pas lte ba'i nang na gnas pa'o/ /dbus su zheS bya ba ni dgug pa bya ba'i ming ngo/ /hUM bzhi yis ni rnam par mdzes zhes bya ba ni phyogs bzhi nas hUM gis bskor ba'o/ /bsgom zhing gsang sngags bskul gyis zhes bya ba ni che ge mo rengs par gyis shig ces bya pa'i bskul pa'i tshig dang bcas pa'i gsang sngags kyis te/ bzlas pa zhes bya ba ni/ bzlas brjod byas pa'i yi ge ba'i srad bus shes bya bar sbyar ro/ /dkri bar bya zhes bya ba ni bsgrub par bya ba'i rengs par bsgom zhing dkri ba'o/ /nges ci zhig byed ce
- 306b
na 'dis ne zhes bya ba la sogs pa gsungs so/ /ji skad ston pa yin te/ de bzhin du gshin rje gshed la sogs pa gang yang rung ba'i sbyor bas 'dug la kham por cig la yi ge yaM yongs su bzlas pa'i rung ba'i khu bas dbang chen gyi dkyil 'khor bris la/ de'i phyogs brgyad du oM brgyad de'i dbus su de nyid kyi pad+ma 'dab ma brgyad pa bri/ 'dab ma de la yi ge baM brgyad/ /lte ba la phyogs bzhin yi ge hUM bzhi bzhi bkod pas bskor ba'i bsgrub par bya ba'i ming bris la/ ji skad du bshad pa'i mi'i ming gis de'i snying drangs la/ gzhug pa dang bcing ba byas nas de'i ming yongs su gyur pa'i bsgrub par bya ba de'i mgor yang yi ge hUM bzhag pa las rdo rje 'chang khros par gyur pa des kyang mnan par bsams la/ kham phor gnyis pa yang de bzhin bris sta/ des snga ma bkab la yi ge ba las byung ba'i srad bu ser mos/ gshin rje gshed la sogs pa gang yang rung ba'i gsang sngags bskul ba'i tshig dang bcas par brgya rtsa brgyad pas/ dbugs mi gtong bar dkris la mdud pa byas te/ rkang pa g.yon par mnan nas de bzhin du gsang sngags brgya rtsa brgyad bzlas par bya'o/ /sku gsum ldan pa'i mnga' thogs shing zhes bya ba ni sku rdo rje la sogs pa'i yi ge gsum bkod pa'i mnga' de'i phyag g.yas kyis yongs su 'dzin pa'o/ /g.yon la yis ni zhes bya ba ni g.yon gyis so/ /'dod pas zhes bya ba ni 'dod chags kyis so/ /bcag ste/ zhes bya ba ni mdun du 'jog pa'o/ /pad+ma zhes bya ba ni nye bar mtshon pa ste des na gnas ldang ro/ /rnal 'byor can gyis zhes bya ba ni rnal 'byor pas so/ /'di skad ston te de bzhin du/ 'dod chags rdo rje can gyi gzugs kyi mda' la sogs pa ji lta ba bzhin du 'dzin cing mdun du bud med ? bsgoms la/ de spyi bor zla ba'i dkyil 'khor la oM dzaM? zhes bya ba bkod ?
- 307a
de las byung ba'i 'od zer dmar po'i tshogs kyis gnas bcu bdun du rtogs pa'i dregs pas sad par byas pas nges kyang de rgyal bar byas shing dreg pa 'dir bar bsams la snga ma bzhin du rdo rje mda'i sbyor bas gnas lngar dbug par bya'o/ /ngos gnyis la pad+ma bris zhes bya ba ni ngos gnyis su pad+ma bri ba'o/ /mdzes par bya zhes bya ba nye bar mdzes pa'o/ /bri ba ni pad+ma'i lte ba la bri ba'o/ /mi yi skra yis btags nas ni zhes bya ba ni mi skras bcings nas zlum por byas pas// mthing ril gyis rkang dus kyis zhes bya ba ni mthing ril/ zhes bya ba ni bya'i rkang pa'i rus pas/ khreM hUM ming nas brjod cing brdung zhes bya ba ni zas sbyin ma khug cig khroM hUM zhes bya ba brjod cing brdung do/ /ci zhig byas nas shes na/ lam gyi sum mdor zhes bya ba la sogs pa gsungs te/ g.yon pa zhes bya ba ni rkang pa g.yon pas so/ /'gugs par brtson pa zhes bya ba ni zas sbyin ma 'gugs par brtsan pa'o/ /lcags kyus bya zhes bya ba ni rkang pa g.yon pa'i mthe bong nyid kyis rdo rjes mtshan pa'i lcags kyu bri'o zhes ma dang sbyar ro/ /gzugs can gyis ni rting par brdung zhes bya ba ni rnal 'byor pas rkang pas 'gugs pa'i tshul du bya'o/ /'dis ni khams gnas pa'i zhes bya ba ni khams gsum na gnas pa'i zas sbyin pa rnams so/ /'di skad ston te mi'i mgo thong gnyis las cang te'u byas la/ /spre'u'i pags pa g.yogs nas bud med na tshod dang ldan pa'i khrag gis ngos gnyis su pad+ma bris la/ der yang yi ge khro bkod nas he ru ka'i sbyor ba byas la/ de'i sngags dang phyag rgyas byin gyis brlabs te/ nyi ma phyed dam mtshan phyed lam gyi sum mdor rkang pa g.yon pa'i mthe bos dkyil 'khor zla ba phyed pa dang 'dra bar byas la/ de'i grung yang rdo rjes mtshan pa'i lcags kyu byas la/ de'i dbus su 'dug lta/?
- 307b
rkang pas 'gugs pa'i tshul du byas nas/ khrag 'thung gi sngags kyi mthar zas sbyin ma bkug la/ khreM hUM zhes bya ba dang/ mi'i skras 'khor lor byas la/ mthing ril gyi rkang pa'i rus pas brdungs pa/ khrag 'thung gis zas sbyin ma bsnams te/ byon par bsam par bya'o/ /rnal 'byor pa sems la dbang du gyur pa thob pas tshig tsam la sogs pas thams cad dbang du gyur pa bstan pa'i phyir/ gang yang rung ba'i gzugs brnyan la/ gnas pa yi ni nga rgyal gyis zhes bya ba gsungs te/ rnam par snang mdzad la sogs pa gang yang rung ba'i gzugs brnyan du gnas pa'i nga rgyal gyis so/ /tshig gi rnam pa tsam gyis kyang zhes bya ba ni tshig gam lus kyi rnam pas kyang lha la sogs pa mdag? gzhug tu 'gyur zhing thams cad byed par 'gyur ro zhes tshig rnam par bsgyur bar sbyar par bya'o/ /gang tshe yang nyid la gnas pa zheS bya ba ni dbang nyid la gnas paS gnas pa'o/ /ma tsam gyis kyang gcod pa'i mchog ces bya ba ni gsod pas 'dul ba ma tsam kyang bzod pa'i mchog go/ glu dang gar zhes bya ba ni bsgoms pas sgrub par bya ba dang gcig tu gyur nas/ bdag nyid ji lta ba bzhin du/ gar rab tu byas pas 'gro ba'i gzugs lha'i ye shes su bsgrub pa'o/ /de la dang por sbyin sreg bya ba ni me ni lha'i zhal yin pas zhes bya ba ni de la sbyin sreg dang po byas nas/ gzhan dag la sbyin sreg bya ba yin pas 'di skad ces bshad do/ /gcug? shing las ni byung pa'i me zhes bya ba ni zhi ba'i bud shing gtsubs pa las byung ba'i me'o/ /dge ba yi ni las rnams byed ces bya ba ni zhi ba la sogs pa'i las su gang gsungs pa de nyid ni/ dge ba'i las te de byed pa'o/ /gdol pa 'am dur khrod las byung ba'i zhes bya ba ni rigs ngan gyi khyim las byung ba dang/ dur khrod kyi shing la sogs pa las byung ba'o/ /thab khud zlum po zhes bya ba las
- 308a
ba la/ zhi ba'i thab khung zlum po ste/ /rgyas pa la ni zur bzhi pa/ /dbang gi don du zla gam ste/ /mngon spyod las ni gru gsum mo zhes bshad pa'o/ /zhi ba'i thab khung du ni/ 'di ltar bdud dang yams kyi 'tshe ba nye bar zhi ba shes pa bya ba'o/ /dkyil 'khor zur bzhi kha khyer la/ /rdo rje'i mtshan ma dag gis brgyan zhes bya ba ni rdo rje zhes bya ba'i nye bar mtshon pas kha khyer dang dkyil 'khor gyi mtshams su/ las kyi rjes su mthun par rnam par snang mdzad la sogs pa'i mtshan ma bzhag pa'o/ /la la dag ni thams cad du yang rdo rje rtse lnga pa nyid kyis brgyan par bya'o zhes zer ro/ /sbyin sreg de nyid tshul rig pas zhes bya ba ni ji skad du gsungs pa'o/ /pad+ma'i zhes bya ba la sogs pa la/ zhi ba yi ni gtsug tor ro/ /dbang gi ni pad+ma'o/ /mngon spyod kyi rdo rje rtse lnga par grags pa'i rdo rje'o/ /rdo rje ni bdud dang yams kyis 'tshe ba nye bar zhi ba'i don du'o/ /rgyas pa ni rin po che ste/ de dag thams cad kyang zhi ba la sogs pa'i thab khung gi dbus su pad+ma'i steng du bya'o/ / ji ltar rig par 'dug nas su zhes bya ba ni zhi ba la sogs pa'i las la ku sha'i chun po'i stan la sogs pa la 'dug pa'o/ /dgang gzar mar gyis bkang nas ni/ /blugs gzar bgang ste de bzhin bsreg ces bya ba ni dgang gzar mer gyis yongs su bkang pas rigs kyi snying po'i gsang sngags brjod la/ rim gyis blugs gzar yongs su bkang bar sregs lugs dbul par bya ste/ des me'i gzi brjid bskyed par bya ste/ sbyin sreg la dgos g.yas su gzhag ces bya ba ni las kyi cho ga ji lta bas sbyin sreg gi rdzas dri dang me tog la sogs pa bzhag go /g.yon du chu yi snod dag go zhes bya ba ni bsang gtor gyi tshu'i snod do/ /las kun byed pas bzlas nas su zhes bya ba las thams cad pa ste rigs thaMs cad kyis las thams cad byed pas so//
- 308b
bsang gtong dang ni 'thor ? byas zhes bya ba ni bsang gtor bya ba nyid kyis 'thor 'thung la sogs par bya'i gzhan mi dgos so/ /la la ni gnyis pa la yang las thams cad byed pa dang/ rang gi gsang sngags dang rigS kyi snying po'i rig pa dag bzlas brjod bya bar shes par bya'o zhes 'dod do/ /ku sha'i rtse mor zhes bya ba la sogs pa la thab khung 'khor ba yongs su bskor ba ste/ dang por shar du rtse bstan dgram/ /gnyis pa lho ru kha bltas pa/ /gsum pa rtse mo nub du blta/ /bzhi pa byas du rtse mo bltas pa'o zheS bya ba'i tshul 'dis skur sha'i rtse mos mnan pa'i thab khung bya'o/ /g.yas pa mi 'jigs mtheb bskyod cing zhes bya ba ni/ lag pa g.yon pas lag pa g.yas pa'i mkhrig ma bdud la/ lag pa g.yas pa brkyang ste/ mi 'jig pa sbyin pa'i tshul du byas la/ ma he 'od lag pa'i mthil du bzhag ste/ spyan 'dren pa'i tshul gyis bskyod par bya'o/ /lag g.yon rdo rje bsang gtor zhes bya ba ni/ bdud rtsi thab sbyor gyi g.yon pa'i rdo rje khu tshur gyi phyag rgyas so/ /de la lag la g.yas pas ji bzhin du bsangs la/ phyag rgya bzhi mngon par rgyas gdab po/ /mchod yon rnam pa lngas dbul zhes bya ba ni/ mchod yon dang zhabs bsil dang/ bsang gtor phul nas me tog la sogs pa rnams kyis mchod do/ /thog ma dang tha mar de ji ltar bsam zhe na/ me'i phyogs nas yod pa ni zhes bya ba la sogs pa gsungs te/ me'i phyogs nas ji skad du gsung pa'i gzugs so/ /las kyi 'od zer rnams kyis brgyan zhes bya ba ni zhi ba la sogs pa la dkar po la sogs pa'i 'od zer rnaMs kyis brgyan cing slud pa'o/ /de'i phyag ji ltar bsam zhe na/ lag pa dang po zhes bya ba la sogs pa gsungs/ /bzhugs su gsol zhes bya ba ni spyan drangs pa'i 'og tu'o/ /de la sbyin sreg la dgongs pa/ /kun la lan gsum bsreg blugs zhes bya ba ni/ mchod
- 309a
yon la sogs pa phul ba'i 'og tu bgegs dang bcas pa dang/ bgegs med pa brtag la sbyin sreg gi yo byad mar la sogs pa thams cad las sreg blugs lan gsum dbul lo/ /rim pa 'di'i tshul gyis ni/ mkhas pas lha rnams tshim par bya ba ni/ de nas pad+ma dang zla ba la lha rnams ji lta ba bzhin du bsams te/ rang gi gnas nas spyan drangs la mchod yon la sogs pa phul nas/ dang po las dang rjes su mthun pa'i sngags kyis dgang blugs phul la/ phyi nang rang gi gsang sngagS kyis kyang ji lta ba bzhin du sbyin byas la/ mkhas pa dag gis lha rnams tshim par bya'o/ /legs par tshim byas bzod par gsol te/ zhes bya ba ni yo byad ma tshang pa la sogs pa nyes par mi gzung ba'i phyir bzod pa mdzod cig ces brjod do/ /'dod pa'i dngos grub gsol ba gdab ces bya ba ni zhi ba la sogs pa'i mngon par 'dod pa'i dngos grub rdzogs pa'i phyir gsol ba btab nas ji lta ba bzhin du gshegs su gsol bar bya'o zhes shes par bya'o/ /'khyil ba zhes bya pa ni 'khyil bar gyur pa'o/ /bsgom dang bzlas 'bad par bya zhes bya ba ni de'i 'og tu'o/ /oM zhes bya ba dang zhes bya ba la sogs pa yi ge oM gyis glu'i rnam pa sngags kyi mthar bya ba ni rgyas pa'i las la sbyor ro/ /swA hA ni zhi ba la'o/ /ho ni dar? la shes par bya'o/ /mngon spyod la ni/ yi ge hUM gis so/ /bdud dang yams kyi 'tshe ba nye bar zhi ba la yi ge phaT kyis rab tu zhi bar byas pa'o/ /de ltar byas nas de'i 'og tu zhi ba'i sems kyis zhi ba la zhes bya ba ni/ sngags pas zhi ba'i las la sems zhi ba ste/ bdud dang yams kyis 'tshe ba nye bar zhi ba yang bskul ba'i tshig dang zhes bya ba la sogs pa ste/ che ge mo zhi bar mdzod cig ces bya ba la sogs pa bskul pa'i tshig dang/ gsang sngags spel pa dang ldan pas
- 309b
las bya'o/ /sngags bsgrub ces bya ba la sogs pa la/ zhi ba la sogs pa'i las sna tshogs pa gang yin pa la/ rnam par snang mdzad la sogs pa nges par spang ba la/ las gang yin pa de nyid yongs su rdzogs nas mchod par bya'o/ /bshad gci la sogs pa'i sbyin sreg byas pas/ ji ltar sdig par mi 'gyur zhes 'ga' zhig som nyi skye bar 'gyur ba ji ste zhes bya ba la sogs pa gsungs te/ ci ste ye shes sems dpa' i zhal/ /mi gtsang ba yis bkang na ko zhes bya ba ni zhal yongs su bkad pa'i phyir/ ci'i phyir sngags par bya ba ma yin pa yongs su gzungs/ gal te zhes bya ba la sogs pas ni gtan tshigs gsungs ba ste/ gal te sdig pa yin na mngon par 'dod pa'i 'bras bu ji ltar 'byung ste/ de bas na med do zhes ston te/ chos ni rang bzhin gyis dag ste/ skye ba med cing gnas med kyang zhes bya ba ni don dam par ro/ /sems can ye shes zhes bya ba la sogs pa la sangs rgyas rnams kyis lhag par mos pa'i 'bras bu'i ye shes rab tu grub pa'i phyir bstan to/ /dam pa'i don du dge spangs na zhes bya ba ni/ gang gi phyir gnyis su med pa'i ye shes su bag chags thams cad rtsa ba nas 'byin pas so/ /smos ci dgos zhes bya ba ni 'dzin par rtog pa'o/ /dpe bstan pa'i phyir dper na chu klung zhes bya ba la sogs pa gsungs ste/ chus gang chu klung gis zhes bya ba ni 'dir mthor ngo zhes shes par bya'o/ /chu las brgal ba'i gzings byas nas zhes bya ba ni chu de las brgal ba'i phyir ro/ /dpe bstan pa'i don gsungs pa ni/ de bzhin zhes bya ba la sogs pa yin te/ chos kyi lam ni bskyed byas kyang zhes bya ba ni ji skad du bshad pa'i chos kyi lam la gnas pas 'khor pa'i pha rol son pa'o/ /chos dang chos min rnams spangs nas zhes bya ba ni de gnyis ka'i rnam par rtog pa dang bral pa'o/ /'di skad stobs?
- 310a
bag chags thams cad rtsa nas 'don pa'i phyir/ bsod nams kyang spang bar bya na gzhan dag lta ci smos/ da ni de ltar bstan pa 'di bcom ldan 'das kyis gsungs pa yin no/ /zhes som nyi dang bral ba'i bsam pas rab tu 'jug par bya'o zhes bstan pa'i phyir/ de'i phyir zhes bya ba la sogs pa gsungs te/ ji skad du bshad pa'i lung gis chos la goms pa'i rgyud kyis zab mo'i chos rnam par 'phel bar bya'o/ /las kyi rim pa brgya pas bstan pa ni 'dir ma bris so/ / de ni dam tshig med na dngos grub du mi 'gyur bar bstan pa'i phyir dbang po gnyis ni zhes bya ba la sogs pa gsungs te/ rang gi lha'i nga rgyal gyis gzi byin bskyed cing 'bar bar gyur pas rnam pa thams cad kyi mchog dang ldan pa'i rang gis lha'i skur bsgoms pa'i ye shes kyi tshe 'di nyid la ye shes rdzogs par bya'o zhes sbyar ro/ /dam tshig 'di dag thams cad kyang sku rdo rje la sogs pa'i dbye bas gsum du yang 'gyur bas/ las las byung par zhes bya ba la sogs pa gsungs te/ dge ba dang mi dge ba'i las las byung ba'i skyes pa dang bud med kyi gzugs yid du 'ong ba dang yid du mi 'ong ba dpag tu med pa mthong pa ni de nyid kyi sprul pa ste/ de bas na sku rdo rje nyid lus thams cad kyi ngo bo yin no zhes rnal 'byor pas lhag par mos pa byas te/ de nas de bzhin gshegs pa sku rdo rje rnam par snang mdzad khams gsum pa thams cad kyi lus rdo rje la gnas shing zhes gzhan dag las gsungs pas so/ /don rtogs zhes bya ba la sogs pa la/ sems can thams cad kyi sems la brtag pa dang bdag la sogs pa'i dra ba rnams dang/ dbyug pa dang thal lcag la sogs brdung zhing smad pa dang/ sun 'byung bar mi bya'o/ /bdag nyid kyis kyang smad par mi bya ste/ sdug
- 310b
bsngal ba dang yid mi bde ba thams cad mi 'dod bzhin du rgyun du 'byung pa las ci nus par rang gi bdag nyid thams cad la rtag tu bsrung bar bya'o/ zhes bya ba la sogs pa gsungs pa'i phyir ro/ /de yang thugs rdo rje yang gang yin pa de nyid ni sems can thams cad kyi ngo bo yin no/ /de yang de nas bcom ldan 'das de bzhin gshegs pa thugs rdo rje khams gsum pa thams cad kyi sems rdo rje la gnas shing zhes gsungs pa'i phyir/ srid pas bskyed rtsub ces bya ba la sogs pa la/ sred pa ni nor so sor bsgrub pa la bsdu zhing lhur len pa yin par shes par bya'o/ /tshig ni dag gi rnam pa'o/ /ji skad du bshad pa'i pha rol po'i tshig kyang smos par mi bya'o zhes kyang shes par bya'o/ /gtan tshigs kyang 'dir de yin na du khong du chud par bya'o/ /rang gi lus rtog pa'i sha la sogs pa la rnam par snang mdzad la sogs pa bsam par bya'o zhes bstan pa'i phyir/ rnam par snang mdzad ces bya ba la sogs pa gsungs te/ rang gi lus po'i sha la yi ge oM las rnam par snang mdzad ji lta pa bzhin du bsam par bya'o/ /rkang ni mi bskyod pa'i gnas zhes bya ba ni/ rkang ni byang chub kyi sems te/ de nyid mi bskyod pa'i bzhugs gnas yin pas na gnas so/ /de yang 'di skad du ston te/ rkang la yi ge hUM las mi bskyod pas /bsam par bya'o zhes pa'o/ /rin chen 'byung ba zhes bya ba ni yi ge traM las rin chen 'byung ldan bsam mo/ /sems can rnams kyi zhes bya ba la sogs pa la sems can rnams kyis phung po'i rus gong yi ge a las snang ba mdza' yas bsam pa'o/ /rtsa'i zhes bya ba la sogs pa la rtsa'i tshig rnams kyis rgyun la kham las don yod grub pa bsam mo/ /gang 'dir rten dang brten pa'i ngo bo nyid kyis rnam par snang mdzad
- 311a
sogs par bstan mod kyi 'on kyang de'i ngo bo nyid yin par shes par bya'o/ /dam tshig mkhas pa zhes bya ba la sogs pa la/ shal sogs pa'i ngo bo nyid rnam par snang mdzad la sogs par sngags pa rnams kyis gsang ba yin par bstan to/ /rten cing zhes bya ba la sogs pa la/ me tog la sogs pas mchod nas/ sbyang ba la sogs pas ji lta ba bzhin du bya ste/ bza' bar bya'o zhes gzhan dag 'dod mod kyi de nyid mi rigs par 'di nyid kyi 'og nas ston to/ /'dod chags zhes bya ba la sogs pa la/ 'dod chags ni rdo rje'i chos so/ /zhe sdang ni rdo rje sems dpa' o/ /rmongs pa ni rnam par snang mdzad do/ /sred pa ni yid kyis mngon par 'dod pa ste/ de yang rdo rje rin chen no/ /'du byed ni phrag dog ste/ de yang sna tshogs rdo rje'o/ /gsung rdo rje la sogs pa 'di dag 'dod chags la sogs pa'i ngo bo nyid ji ltar yin pa ni/ bcom ldan 'das kyis zla gsang thig le'i rgyud las gsal bar bstan te/ de 'dir gtan tshigs kyi tshul gyi bri par bya ste/ shes rab thabs kyi rang bzhin gyis/ /sems can thams cad dga' mdzad cing/ /pad+mas pad+ma sad mdzad pas/ /de phyir 'dod chags zhes brjod do/ /ngan song gsum gyis 'jigs byed du/ /sems can nyon mongs sdang byed pas/ /de yi phyir na rdo rje che/ zhe sdang zhes ni bsgrags pa yis/ /ngan song 'jigs pa chen po ru/ /sems can thams cad rmongs byed pas/ /de yi phyir ni gti mug che/ /rtag pa thub pa mchog yin no/ /bde chen sbyin pa'i sbyin gyis ni/ /sems can thams cad nga rgyal bskyed/ /nam mkha' bde ba bsdu ba'i phyir/ /de phyir mkhas chen nga rgyal yin/ /rol sogs pa mnyam sbyor bas/ /phrag dog rdo rje gnod mi za/ /sna tshogs pa na phye ba'i phyir/ /de yi phyir ni sna
- 311b
tshogs che zhes gsungs pa yin no/ /la la ni 'dod chags la sogs pa nyid byang chub kyi ngo bor bsgom pa/ khyad par du bslobs nas/ gsung rdo rje la sogs pa'i ngo bo nyid kyi chos lnga'i thar pa thob par byed pa bstan la/ de la mngon par zhen pa ma spangs pas ni sdig pa dang bcas shing nyon mongs pa la brten par brten pas ni mi shes pa thob par byed pa'i ngo bo nyid yin par de bzhin gshegs pas gsungs pa yin no/ /de yang thabs chen rnams dang ldan gyur na/ nyon mongs byang chub yan lag 'gyur/ /'khar ba'ang zhi ba'i mtshan nyid de/ /de phyir de bzhin gshegs bsam yas zhes bshad pa'i phyir ro zhes zer ro/ /bshad gci zhes bya ba la sogs pa la/ bshad pa la sogs pa rtag tu yongs su 'dzag pa'i chos can du/ gyur pa 'byung ba chen po'i bdag nyid can gyi dam tshig ni rnam par snang mdzad la sogs pa'i ngo bos bsten par 'os pa nyid du bskyed cing bsgom pa la brtson pas de man ngag bzhan du sbyar ba dang/ rtogs pa dang rab tu 'bar bar byas nas bza' bar bya'o/ /dkyil 'khor la sogs pa la yang rdzas de nyid kyis slob ma rnams la dam tshig gi phyir/ sbyin par bya ste dam tshig gi gsang sngags rnams grub par 'gyur ro/ /zhes gsungs pas 'dir som nyi mi bya'o/ /sbyin sreg rab tu ston pa'i gzhung gi le'u la ni/ sbyin sreg rim par phye ba'i sgrar brjod do/ /le'u dgu ba'i 'grel ba'o// //sbyin sreg byas kyang cho ga ma tshang bas kyang dngos grub kyi snod du mi 'gyur bas de nas zhes bya ba la sogs pas bcu pa cho ga thams cad bstan pa'i rim par phye ba gsungs te/ bcom ldan 'das kyis bka' stsal to/ /zhes bya bar sbyar ro/ /ci zhig mdzad nas she na/ ting nge 'dzin thams cad ces bya ba la sogs pa gsungs te/ ting nge 'dzin
- 312a
thams cad ni rnam par snang mdzad la sogs pa'i ting nge 'dzin to/ /de rnams kyi dngos grub ni 'khor lo la sogs pa'i dngos grub bo/ /de nyid ni dam pa'i rdo rje'o/ /dmigs pa zhes bya ba la sogs pa'i don ni bshad zin to/ /rnam par snang mdzad la sogs pa'i 'khor lo la sogs pa'i dngos grub ston pa'i rnam par thugs rtse gcig tu mdzad ces bya ba'i don to/ /dam tshig thams cad kyi zhes bya ba la sogs pa la/ dkyil 'khor kyi lha thams cad kyi 'khor lo la sogs pa'i dngos grub gsungs so/ /zhes bya ba'i don te/ gsang sngags zhes bya ba la sogs pa gsungs/ rang gi lha'i sku gsung thugs bsgom pa la mngon par brtson pas/ 'khor lo la sogs pa'i dngos grub bdag la stsol cig ces bya ba'i bskul tshig dang bcas par gsang sngags brjod la de'i 'og tu 'khor lo la sogs pa la sku rdo rje la sogs pa gzhug cing bsgom pa'i rnal 'byor byas nas/ rang gi dkyil 'khor gyi dbus su 'khor lo la sogs pa'i rdzas bsgrub par bya'o/ /dngos grub bsgrub pa'i thabs gsang chen zhes bya ba ni bu mo la sogs pa'i dngos grub bsgrub pa'i thabs kyang nyon cig ces 'dir dang gi sgra yod par blta'o/ /de nyid gsal bar bstan pa'i phyir rnam par snang mdzad ces bya ba la sogs pa gsungs pa ni go sla'o/ /'di skad ston te/ ji skad du bshad pa'i sbyor bas lha'i rnal 'byor byas la/ tshes grangs dang rgyu skar la sogs pa shis pas 'khor lo'i dngos grub kyi phyir/ sku rdo rje la mchod yon phul te/ ji skad du bcom ldan 'das kyi bka' thob pa de srid kyi bar du gsang sngags dam pa bzlas pa 'am bsgom par bya'o/ /de nas bkra shis dang dge mtshan dag bya zhing/ 'dul ba'i stong lam phun suM?
- 312b
tshogs pas bdag nyid song la rin la mi brtsegs par gnam lcags nyo'o/ /de nas bzo bo bzang po gla rngan lam brtsegs par 'khor lo rtsi bas brgyad pa'am/ drug pa mtho gang ba byas nas las thams cad bzlas pa'i chu dang spyan gyis gsang sngags bzlas pa'i chus bsang gtor bya'o/ /de nas thams cad bzlas pa'i rnam lngas bkru'o/ /de nas til gyi chus so/ /de nas spos kyi chus so/ /de nas rnam par snang mdzad kyi snying po bzlas spos chus bkru'o/ /de nas shin tu sngags pa'i snod kyi steng du bzhag la thun bzhin bzlas pa dang bsgom pa'i lta ba bzhin du byas nas/ gsang sngags tshim par bya ba'i phyir rdzas dang rjes su mthun pa'i sbyin sreg ji lta ba bzhin du byas te/ oM te dze te dze snga ni sid+d+he sA d+hA ya hUM phaT ces bya ba 'di sbyin sreg byas la rdzas gzi byin bskyed do/ /me tog la sogs pas kyang mchod nas las thams cad pas kyang bzlas pa'i chu dang lag pas dran zhing reg par bya'o/ /de nas bsgrub pa la bab pa'i dus su ri bo la sogs pa dkyil 'khor bris la/ 'khor gyi las thams cad ji lta ba bzhin du rdzogs par bya ste/ bdag nyid dbang bskur ba la sogs pa byas nas/ rnam par snang mdzad dang spyan gyi sngags kyis sbyin sreg brgya rtsa brgyad dang ldan pas 'khor lo la sbyin sreg dbul lo/ /dkyil 'khor gyi lha rnams la yang rdzas dang rjes su mthun par sbyin sreg bya'o/ /de nas ji skad bshad pa'i gsang sngags kyis brgya rtsa brgyad sbyin sreg byas pas/ gzi byin bskyed pa legs par bsrungs nas/ ji sbyin sreg ji lta ba bzhin du nye bar bsdu bar bya'o/ /de nas dkyil 'khor gyi sar zhugs la mchod yon dbul pa la sogs pa'i mchod pa byas nas phyag byas te/ 'khor lo mdun du bzhag la der yang sku rdo rje la sogs bzhugs par bsgoms nas/ oM dzi na dzi ka/ tsakra sid+d+hi me pra yats+tsha/ zhes bya ba'i gsang sngags mtshan thog thag bzlas brjod bya'o/ /de nas nyi
- 313a
ma 'char ba na 'khor lo 'bar bar mthong na langs te/ spyan gyi gsang sngags brjod cing de blangs la yi ge brgya pas brtan par byas nas/ dkyil 'khor ji lta ba bzhin du bsdu bar byas te/ sangs rgyas la sogs pa la mchod pa'i phyir rdzas rnam par bgo bar bya zhing/ bla ma la ni rin po che la sogs pa bdag tu bzung ba yod pas mchod la phyag byas nas de'i skal ba blang bar bya'o/ /bsgrub pa'i grogs mchog la ni nor sbyin pa 'am/ bla ma'i yang dag pa'i man ngag byin pas nga'i skal ba blus la/ rnam par snang mdzad kyi sngags zlos shing gang du 'dod pas song na/ ji skad 'dod pa'i yon tan dang ldan par 'gyur ro/ /rdo rje la sogs pa bsgrub pa yang de bzhin no/ /sku gsum rnam par 'phel 'gyur zhing zhe bya ba ni/ oM A:hUM zhes bya bas sku rdo rje la sogs pa rab tu zhugs par 'phel bar 'gyur ro/ /rdzas kyi dngos grub bstan nas/ da ni bu mo bsgrub pa bstan pa'i phyir/ /rdzas kyi dngos grub ces bya ba la sogs pa gsungs te/ phyag rgya chen po'i rdo rje thogs la/ dam tshig gi phyag rgya bsgrub pa'o/ /rnal 'byor che la rnam gnas pas zhes bya ba ni dkyil 'khor gyi lha rnams rang gi lus la dgod cing 'jog pas so/ /de la rnam par snang mdzad kyi rnal 'byor chen po ni 'di yin te/ lha thams cad kyi gnas su sa ma ya a zhes bya bas zla ba'i dkyil 'khor la sogs bar bkod la/ snying gar mi bskyod pa rnam par bsam mo/ /dpral bar ni rin chen 'byung ldan lkog mar ni 'od dpag med pa/ spyi bor don yod par grub pa mig gnyis su sangs rgyas spyan/ mi bskyod pa'i g.yon logs su mA ma kI'o /'od dpag med kyi g.yon logs su gos dkar mo/ /don yod par grub pa'i g.yon logs su sgrol ma/ mi bskyod pa la sogs pa'i g.yon logs su rdo rje sems
- 313b
ma la sogs pa bzhi mi bskyod pI? rgyab tu bskul byed? ma/ rin chen 'byung ldan gyi g.yon logs su rin chen sgrol ma/ de bzhin gshegs pa lhag ma'i rgyab tu khro gnyer can ma dang rdo rje lu gu rgyud/ lte bar gshin rje gshed/ mdzod spur gzhan gyi mi ? pa/ kha la rta mgrin gsang ba'i gnas su bdud rtsi thab sbyor/ /rkang pa gnyis su stobs po che/ /dpral ba'i steng du mi g.yo ba/ /mi bskyod pa'i mdun du 'dod pa'i rgyal po/ /dpung pa gnyis su dbyug sngon can/ /mi bskyod pa dang 'dod pa'i rgyal po'i bar du/ gnod mdzes rgyal po/ spyi gtsug gi steng du 'khor los sgyur ba/ spyi gtsug gi dbus su rnam par snang mdzad bsam par bya'o/ /de nas dza:hUM:baM ho:zhes brjod la/ yid kyis rnam par snang mdzad la sogs pa'i ye shes sems dpa' phab ste/ rnam bar snang mdzad la sogs pa dgug pa dang gzhug pa dang/ bcing ba dang/ dbang du bya ba ji lta ba bzhin du byas nas phyag rgya bzhis rgyas gdab par bya'o/ /gang 'di bu mo bsgrub par bstan pa yin mod kyi 'on kyang phyag rgya chen po la sogs pa bsgrub pa la yang shes par bya'o/ / rang gi lha'i rnal 'byor gyis dus ji srid du grub pa ma gyur na/ rnal 'byor chen po'i tshul gyis dngos grub 'thob ste/ slob dpon gyi dbang bsgrub pas dbang bskur ba nyid kyis rnal 'byor chen po bsgom par bya ba yi/ rang gi rig pa'i dbang bskur bas ni ma yin no/ /shi? bskod pa la sogs pa'i rnal 'byor chen po yang de bzhin du shes par bya'o/ /de bzhin gshegs pa'i btsun mo tsha? zhes bya ba ni sangs rgyas spyan no/ /zhe sdang rigs ni 'dren mdzad pa/ rdo rje gdan can mA ma kI zhes bya ba ni zhe sdang gi rigs? 'thob mar? byed pa'o/ /zhes sbyar ro/ /rin chen 'byung pa'i lha mo dang zhes bya ba ni gos dkar mo'o/ /lha mo 'gro la dbang mdzad ma zhes bya ba la sogs pa ni/ sgrol ma la sogs pa'i lha mo'o/ /bu mo 'di dag ces bya ba la sogs pa
- 314a
ni/ spyan la sogs pa'i rnal 'byor ma ste/ bu mo ni nges par spyan la sogs pa'i tshig gi sgrar brjod do/ /de bas na bu mo 'di dag ste spyan la sogs pa'i rnal 'byor ma ni/ mig yangs shing mdzes la lo bcu drug lon pa'i na tshod dang ldan pa/ gzugs dang na tshong lang tshos brgyan pa/ gsang sngags kyi rgyud la shin tu byang ba/ gzhan yang rang gi dam tshig dang phyag rgya shin tu legs par bslabs pa blangs la/ rdo rje dang ni pad+ma bskul zhes 'og nas smos pa'i tshig dang 'byor ro/ /rang gi phyag rgya'i khyad par bstan pa'i phyir/ lha mo zhes bya ba la sogs pa smos te/ lha mo byi dor legs byas te zhes bya ba ni/ rang gi lha'i rnal 'byor du byas pa ni byi dor ro/ /rigs lnga ni tshogs chen ma zhes bya ba ni rnal 'byor chen por byas la bzhag ste/ gsang ba bskul lo zhes 'og nas spros pa sbyar ro/ /ji skad bskul zhes na bzhag ste sprad? pa'i sbyor ba yis zhes bya ba la sogs pa gsungs te/ de nyid bstan pa ni pad+ma la ni zhes bya ba la sogs pa ste/ dam tshig gi phyag rgya'i gsang ba'i pad+ma der rdo rje gzhug pa byas la de dang lhan cig sprod pa dang 'khyud nas rdo rje dang pad+ma bskul bar bya'o zhes bya bar shes par bya'o/ /'di nyid gsungs pa ni gar gyi tshul gyi zhes bya ba la sogs pa ste rus sbal bskor ba bcings pa la sogs pa'i gar gyi tshul gyis bskor ba la sogs pa'i rim gyis mchan khung bsdams pa'i gar ro/ /de bzhin spros pa dang bsdu ba yis zhes bya ba ni/ sangs rgyas rnams kyis nam mkha' khyab par bsams pa'i sangs rgyas la sogs pa la sogs pa la dga' bas mnyes par bya ste/ nam mkha' mngon par 'phags pa'i tshul du bya'o/ /zhes thams cad du gnas so/ /mdo la sgyu ma dregs myos nas zhes bya ba la sogs pa la/ de nas skad cig gis
- 314b
lha mo'i yang dag pa'i bde bas tshim pas/ rdo rje las byung ba'i bdud rtsi de nyid phyung la de ji lta ba bzhin du legs par rten te rab tu 'bar bar byas te/ pad+ma la gnas pa nyid khas btung zhing rang gi lha'i nga rgyal dang ldan pa'i tshim par bya ste/ rnal 'byor mas kyang tshul 'di bzhin rdo rje las bdud rtsi blangs la btung bar bya'o/ /'thungs pa tsam nyid kyis zhes bya ba ni 'thungs pa'i 'og tu/ de bzhin gshegs pa lnga'i skur yongs su gyur pa 'thob pa ni khyad par gyi 'bras bu nyid bstan pa yin no/ /de yang 'di ston te/ dang po rdo rje phra mo'i ting nge 'dzin bsgoms pas/ sems rtse cig pa thob cing brtan par byas nas/ tshul 'di ltar sngar ting nge 'dzin nyi tshe tsam gyis blo byang bar byas la/ de'i 'og tu dngos su bya ba yin gyi/ gzhan du ni dngos grub tu mi 'gyur te/ de yang gzhan du 'dod pa'i longs spyod la/ /mngon par zhen pa skye 'gyur na/ /ma bslabs dbang gis sngags pa ni/ /nyams par 'gyur gyi 'grub mi 'gyur/ /slob ma bzang la'ang rnam kun tu/ /sbyor ba 'di ni mi bstan te/ /bsam par khyad par shes byas na/ mna''gyugs nas ni bstan par bya/ /zhes gsungs pa/ dang por rdo rje'i ting nge 'dzin gyis/ sems rtse gcig pa thob cing sems spyad ba dang 'bar ba'i nus pa yod par byas na dngos grub tu mi 'gyur gyi/ gzhan du 'dod pa'i yul gyis sems phrogs te nyon mongs pa'i dbang du gyur pa can dngos grub nyams shing the tshom gyi gzhir gyur pas sems can dmyal pa la sogs par skye bar 'gyur bas/ dus la bab cing sems dbang du gyur na/ gdod cig mngon sum du bya ba yin no/ /nam mkha' 'dra ba'i chos kun la zhes bya ba la sogs pa la/ nam mkha' dang 'dra bar rnam par rtog pa dang bral ba'i chos thams cad la shes rab dang thabs su ldan pas/ bshad ma thag pa'i cho ga rnam par spel zhing rdzogs par bya'o/ /rdo rje pad+mas byin rlabs pas zhes
- 315a
bya ba ni/ byang chub kyi sems mngon du 'gro bas byed pa ni tshig mi mngon par byas pas sbyar ro/ /rjes su chags ba zhes bya ba la sogs pa la/ dam tshig phyag rgya ni rjes su chags pas rjes su mnyes par byas nas 'grub par 'gyur ro zhes snga ma dang sbyar ro/ /ji ltar 'grub par 'gyur zhe na/ bde ba thabs zhes bya ba gsungs te/ 'di yang bya ba'i khyad par gyis gnyis pa yin no/ /khyad par bstan nas/ da ni thun mongs du bstan pa'i phyir/ sbyor pa'i khyad par zhes bya ba la sogs pa gsungs te/ 'di ltar rdo rje sems ma la sogs pa bzhi 'am bskul byed ma la sogs pa bzhi'i sbyor pa'i khyad par gyis lam gsum du 'jug pa ste/ dus gsum du gshegs pa'i gsang sngags rnams 'grub par 'gyur ro/ /zhes 'og ma dang sbyar ro/ /las kyi phyag rgya ngas bshad dang zhes bya ni phyag rgya rim par phye ba las/ las kyi phyag rgya'i de kho na nyid de'i tshul du bstan pas 'grub par 'gyur ro zhes bya bar sbyar ro/ /lag pa'i phyag rgya dag gis bya ba ni lag pas byas pa'i dam tshig gi phyag rgya'i de kho na nyid kyi tshul lo/ /ye shes phyag rgyas? snga? rab bskul bas zhes bya ba ni/ ji skad du bshad pa'i phyag rgyas rab tu bskul pas so/ /dam tshig mchog gi 'grub par 'gyur zhes bya ba ni/ rang gi bdag po dang ldan pas so/ /'dis rnal 'byor pa cir 'gyur zhe na/ thugs chen po zhes bya ba la sogs pa gsungs so/ /phyi dang nang gi sa la sogs pa'i khams lnga po rnal 'byor pas spyan la sogs pa'i ngo bor rnam par bsgom par bya'o/ /zhes bstan pa'i phyir/ de nas zhes bya ba la sogs pa gsungs te/ khams gsum gyi dam tshig gi 'khor lo 'di zhes bya ba ni/ srid pa gsum po 'di nyid ni khams gsum ste/ der dam tshig 'khor lo ni spyan la sogs pa'i ngo bo nyid gang yin
- 315b
pa'o/ /sgrol ma zhes bya ba la sogs pa la/ sgrol ma rlung du rab tu bsgrags/ gos dkar mo ni me zhes brjod ces bya bar sbyar te/ gzhan dag las 'dir/ gos dkar can dang sgrol ma ni/ me dang rlung du rab tu bsgrags zhes gsungs pas so/ /mkha' dbyings zhes bya ba ni nam mkha' i dbyings ni tshas kyi dbyings te/ gnyis su med pa'i ye shes kyi ngo bo nyid do/ /de nyid rdo rje 'chang bar bshad ces bya ba ni rdzas thams cad dang/ bral bas nam mkha' rdo rje ste/ dngos po med pas las nam mkha' rdo rje zhes bya bar gzhan dag gi rjes su 'grangs nas shes par bya'o/ /de bzhin gshegs pa thams cad kyi zhes bya ba la sogs pa la de bzhin gshegs pa thams cad kyis ni rnam par snang mdzad la sogs pa'i'o/ /mnyam pa nyid du gnas pa ni don dam par gnyis su med pa'i ngo bo nyid do de nyid la gnas pa ni thams cad du rtag tu zhugs pa'i phyir ro/ /dmigs pa zhes bya ba la sogs pa'i don ni bshad zin to/ /de bzhin gshegs pa thams cad kyi ngo bo nyid cig tu dmigs pa'i rnam pa la thugs rtse gcig tu mdzad ces bya ba'i don to/ /byams pa la sogs pa khyed thams cad kyis ting 'dzin 'di nyid mngon du bya'o zhes bstan par bya pa'i phyir/ dkyil 'khor gyi 'khor lo la rnam par gzigs nas cang mi gsung par gyur pa yin te/ 'di ni bcom ldan 'das kyis chos bdag med pa'i ye shes rgyu mthun pa nye bar bstan nas chos rnams de nyid nye bar bsdu ba'i sgo nas der rdzogs par bstan pa yin no/ /de nas zhes bya ba la sogs pa la/ dus pa'i 'og tu byams pa ji skad du bshad pa'i ting nge 'dzin la snyoms par zhugs nas byang chub ni dge ba'i bshes gnyen la rag lus pa yin no/ /zhes bya ba la sogs par rnam par bsams na/ slob dpon gyis slob ma la sangs rgyas la sogs pa ster ba yin par shes te/ de bzhin gshegs pa ltar gus pa bskyed par bya'o zhes bsams nas
- 316a
de bzhin gshegs pas de gsungs par 'dod nas phyag byas te 'di skad ces gsol to/ /zhes bya ba la sogs pa ni gdul bya'i skye bo'i the tshom bzlog pa'i phyir rang? nyid kyis ma gsungs so zhes shes par bya'o/ /rdo rje byang chub kyi sems su zhes bya ba la sogs pa la sangs rgyas nyid la sogs pa thob par byed pas sam/ slob ma dam bcas pa de byas pa ni de'i sgras gsungs pa yin no/ /des kyang 'di ltar blta bar bya'o/ zhes bya ba ni ci'i phyir zhe na/ byams pa byang chub kyi sems rdo rje dang slob dpon dang gnyis su med pa'i phyir ro/ zhes bya ba 'og ma dang sbyar ro gang gi phyir zhe na/ ji skad du bshad pa'i byang chub kyiS sems dang/ de gnyis ni mnyam pa'i tshul gyis gnas pas na/ gnyis byar med pa'i phyir ro zhes gsungs so/ /bar nas zhes bya ba'i sgra'i mngon par 'dod pa'i don rdzogs par byed pa nyid do zhes rigs pa dang ldan par yongs su gzung ngo/ /rigs kyi bu zhes bya ba la sogs pa la/ 'di ltar dngos su sangs rgyas dang byang chub sems dpa' thams cad dus gsum du byon nas 'di skad gsungs te/ kun nas kyang rnal 'byor chen po'i rnam par bzhag pas bzhugs nas de bzhin gshegs pa thams cad kyis mchod pa rjes su 'dzin pa'i mtshan nyid rnams kyi yang dag par mchod cing rjes su gsungs nas yang slar gshegs par mdzad pa'o/ /'di skad ston te/ slob mas slob dpon ni sangs rgyas la sogs pa yang bka' bzhin byed pa'o/ /zhes khong du chud nas sangs rgyas la sogs pa bsgrub par 'dod paS slob dpon nyid kun nas bzung bar bya'o zhes bya ba ste/ don 'di nyid gsal bar byed pa'i phyir/ /'di skad ces bya ba la sogs pa gsungs te/ rgyud pa'i rim gyis bdag cag la man ngag ston pa rtsol bar bskyed par mdzad pas na
- 316b
bdag de bzhin gshegs pa thams cad kyi pha yin no/ /bdag cag gi ma yin no/ /zhes de bzhin gshegs pas gsungs pa 'am/ dkyil 'khor du bshad pa'i sgrub pa'i thabs kyi rim gyis rdzogs par byas pas na/ de skad gsungs so/ /ji srid kyi sgras ni bdag gi don ni semS can gyi don byas pa ste/ mchog tu phan btags pa'o zhes bya ba la sogs pa yongs su gzung ngo/ /bdag cag ni ston pa'o zhes bya ba ni dam tshig las 'da' bar byed pa'i slob ma mthong nas/ dngos grub sbyin pa'i phyir rang gi lung bsgo ba la 'jog pas bdag gi ston pa'o/ / dper na zhes bya ba la sogs pa la/ sangs rgyas dang byang chub sems dpa' thams cad kyi phyag rgya bzhi la bsod nams kyi phung po ji snyed skye bas/ slob dpon gyi ba sbu'i khung bu gcig nas bsod nams phung po skye ba gang yin pa de ni snga ma pas ches lhag pa'i bsod naMS? kyi phung po skye bar 'gyur ro zhes pa ste/ sgrub pa pos de bzhin gshegs pa rnams las slob dpon 'di ches lhag par blta bar bya ste/ de rnams gyi dam tshig thob pa ni de la rag lus so/ /zhes 'di ltar mchog tu bstan pa'i tshig gi ngo bo dngos su khong du chud par mi nus pa'i phyir/ sems can gyi khams shin tu dad pa med pas/ gzhan yang byas pa de gsal bar bya ba'i phyir/ de nas zhes bya ba la sogs pa smras te/ byang chub kyi sems zhes bya ba la sogs pa 'og ma sbyar te/ ji srid kyi sgras sangs rgyas la sogs pa 'thob pa'i rgyur gyur pa zhes bya ba la sogs par yongs su gzung ste/ de yang slob dpon yin no/ /zhes bya bar dgongs so/ de nas zhes bya ba la sogs pa de lta bu'i mthu chen po dad ldan pa'i rdo rje slob dpon chen po la/ brnyas pa'i sems cung zad bskyed pa tsam gyis yun ring por dmyal ba'i gnas su gnas par 'gyur ro zhes gdul bya rnams kyis khong du chud par bya ba'i phyir/ 'jigs shing skrag pa'i yid kyis cang mi smra bar gyur to/ /de ltar rnam par snang mdzad kyis slob dpon la nan tan du bya ba bstan nas/
- 317a
de la sangs rgyas thams cad kyi gzhung ma yin par gdul ba'i skye bo 'ga' zhig som nyi skye bar 'gyur bas/ de bzlog par bya ba'i phyir /da ni mi bskyod pa la sogs pa yang don de nyid gsungs pa'i phyir/ de nas zhes bya ba la sogs pa gsungs so/ /de bzhin gshegs pa dpag med dang/ de bzhin gshegs pa rnam par snang mdzad ces bya ba ni 'od dpag tu med pa'i sgra'i snang ba mdza' yas so/ /rdo rje 'chang zhes bya la sogs pa la/ rnam par snang mdzad la sogs pa/ thams cad kyi rdo rje 'chang ba ni ye shes 'dzin pa ste/ de'i dngos grub ni phyag rgya chen po la sogs pa'i dngos grub po/ /de'i dam tshig rgyur gyur ba ni slob dpon te/ de la dmigs pa ni mngon sum du mdzad pa'o/ /de de nyid rdo rje ste ting 'dzin gang la dmigs pa'i ting nge 'dzin gyis 'di skad ston te/ dam tshig gang la yin pa mngon sum du mdzad pa ste/ de de bzhin gshegs pa thams cad la sogs pa'i dngos grub dang/ dam tshig gi slob dpon la dmigs pa'i rnam par thugs rtse gcig tu mdzad ces bya ba'i don to/ /phyogs bcu dus gsum gyi byung ba'i zhes bya ba'i ni snga ma bzhin du mchod par byed pa'o/ /mchod pa mdzad cing phyag 'tshal bar mdzod ces bya ba ni ting nge 'dzin gsum gyi rim gyi dkyil 'khor bsgrub pa la sogs par 'jug pa la phyag 'tshal ba ste/ thams cad kyis gus pa bskyed par bya ba'i phyir zhes bya ba ste/ spyi'i don ni snga ma bzhin no/ /de ci'i phyir zhe na/ zhes bya ba la sogs pa ni 'di ltar slob dpon la nan tan bu? bya ba las ldog par mi bya ste/ bdag cag rnams kyis slob dpon 'di nyid las mi 'bral pa las/ phyag rgya chen po la sogs pa'i dngos grub thams cad bsgrub par bya'o zhes 'di lta bu'i bsam pas 'jug pa'i gdul
- 317b
bya rnams la/ de bral bas gsang sngags kyi dngos grub med do zhes de bzhin gshegs pa rnams kyis rab tu bstan par bzhed nas gsungs pa yin no/ /de nas zhes bya ba la sogs pa ni/ byams pa la sogs pa byang chub sems dpa' de rnams kyis de bzhin gshegs pa de dag la 'og nas bshad pa'i don gsal ba'o/ /de bzhin gshegs pa thams cad kyi zhes bya ba la sogs pa la/ de bzhin gshegs pa thams cad la sogs pa'i dngos grub gang la gnas she na/ gsang ba gsum ni zhes bya ba la sogs pa gsungs te/ rdo rje la sogs pa gsang ba gsum dang ldan pa'i slob dpon gyi lus la sogs pa la gnas pa'o/ /lus dang ngag dang yid kyi rdo rje'i gsang ba gang la gnas pa zhes bya ba ni de bzhin gshegs pa rnams dang/ slob dpon gyis yang zhes shes par bya'o/ /gang gyi? ma yin no/ /zhes bya bar de bzhin gshegs pa thams cad kyis gsungs so/ /zhes snga ma dang sbyar te/ de bzhin gshegs pa thams cad kyis sku rdo rje la sogs pa ji ltar yongs su brtags pa'i ngo bo nyid yin pas gang la yang mi gnas so/ /de ? du slob dpon gyi yang don dam par gnyis su med pa'i ye shes yin pas de yang so sor nges pa'i phyogs na gnas pa ma yin pas gang na yang mi gnas so zhes brjod do/ /de nas zhes bya ba la sogs pa la/ de bzhin gshegs pa la sogs pa'i ? rdo rje la sogs pa'i ji lta ba bzhin du yongs su brtag pa'i don dam par dngos po med pa'i ngo bo nyid yin la/ slob dpon gyi lus dang ngag dang yid kyang don dam par med pa nyid yin pa las/ kun rdzob tu dngos grub de 'byung bar 'gyur ba ni/ sngags kyi tshul gyi chos nyid kyi che ba'i bdag nyid yin lang mthong nas dga' ba thob par ngo mtshar du gyur pa dang/ gzhan yang chos nyid ni so sor rang gis rig pa'o/ /zhes rab tu bstan pa'i phyir/ ci'ang mi zer ba 'khod do zhes bya ba ni 'di nyid
- 318a
kyi rnam grangs so/ /'di skad ston te/ ji skad du bshad pa'i bzhin slob dpon la nan tan du byas te/ dngos grub rnams ni de la rag las pa'i phyir ro/ /de bas na 'di ltar rgyud gzhan dag las slob dpon la smod pa byed pa la ni dngos grub thams cad gzhan du 'gyur bar gsungs so/ /stang stabs zhes bya ba ni yan lag gi 'gyur ba ste/ brkyang bskum la sogs pa'i mtshan nyid can no/ /'dug stangs zhes bya ba ni gnas pa'o/ /las la sbyar ba zhes bya ba ni zhi ba la sogs pa'i las rnams la nges par sbyar ba'o/ /slar bsdu ba zhes bya ba ni nye bar bsdu pa'o/ /bcu yin par zhes bya ba ni dkyil 'khor la sogs pa de kho na nyid bcu ste/ rang gi lha'i sbyor ba tsam dang 'brel ba yin par sangs rgyas rnams gsungs pas/ 'dis ni sangs rgyas thams cad kyi rjes su mthun pa'i gzhung du bstan pa yin no/ /dus gsum du byung pa'i rgyal ba thugs rje ro gcig pa rnams kyis zhes bya ba 'di ni sdud par byed pa'i tshig yin no/ /gsang ba dang gsang chen dang ye shes zhes bya ba ni dkyil 'khor la sogs pa ste de kho na nyid rnam pa bcu gsang ba ste/ rang gi dam tshig phyag rgya dang snyoms par 'jug pa dang ldan pa'i sbyor ba yang dag pa 'brel par gsungs so zhes snga ma dang sbyar ro/ /gsang ba rnam pa lnga'i de kho na nyid chen po dang 'brel pa'i dkyil 'khor la sogs pa bcu ni gsang chen yin no zhes de bzhin du sbyar ro/ /de bas na 'di ltar rnam pa gsum gyi zhes bya ba la sogs pa gsungs te/ de dkyil 'khor gyi de kho na nyid la sogs pa'i dbye bas rnam pa gsum du snying po'i ngo bo bstan pa yin no/ /bla mas dam tshig ji lta ba'i dbang du byas nas bshad par bya'o/ /zhes bya ba ni de kho na nyid la sogs pa lhag par mos pa rnams la de kho na nyid la sogs
- 318b
pa'i rim gyis mngon par 'du byas pa dang bcas pas bstan par bya'i mos pa dang mi mthun par gzhan du bstan na/ dam tshig nyams shing de yang bslus par 'gyur ro/ /de kho na nyid la sogs pa nyid gsungs pa ni sems can rnams la zhes bya ba la sogs pa yin te/ rnal 'byor gyi rim pa ni rang gi lha'i rnal 'byor tsam gyi rim pa'o/ /lhag pa'i rnal 'byor gyi rim pa ni dam tshig gi phyag rgya dang yang dag pa'i sbyor dang ldan pa'i rang gi lha'i rnal 'byor dang ldan pa'i rang gi lha'i rnal 'byor gyi rim pa'o/ /rnal 'byor chen po'i rim pa ni gsang ba lnga'i bdag nyid kyi rang gi lha'i rim pas te/ 'di dag gis dkyil 'khor gyi cho ga la sogs pa gnas skabs ji lta ba bzhin du dkyil 'khor gyi de kho na nyid la sogs pa cung zad bstan pa tsam gyis nyung du bstan pa yin te/ 'dir bshad pa'i dkyil 'khor la sogs pa de kho na nyid rnam pa bcu la sogs pa slob dpon gyi kha las rgya cher shes par bya ste/ gzhung mangs kyi dogs pas 'dir ma bris so/ /bshad ma thag pa'i don de nyid rnams ni/ thams cad yang yod par bstan pa'i phyir 'di dag gi ni zhes bya ba la sogs pa gsungs te/ 'di dag ces bya ba ni dkyil 'khor gyi de kho na nyid la sogs pa 'di dag ni dkyil 'khor gyi de kho na nyid la sogs pa gsal ba phye ba las ltos pa yin pas so/ /dam tshig thams cad nyams par byed do zhes bya ba la sogs pa la/ 'dir 'di ltar sbyar bar bya ste/ sems can la mchog tu phan 'dogs par byed pa bsngags shing/ yid du 'ong ba la sogs pa yul du byas nas bsod nams bsags pa'i rgyur gyur pa la brten nas byang chub kyi spyod pa la spyad pa yin no/ /de las bslus shing yang dag pa'i tshul ma bstan dam tshig ste/ rdo rje sems dpa' la sogs pa'i dam tshig las nyams shing yongs su zad par 'gyur ro/ /de'i dam tshig las nyams pa la
- 319a
gdung dang mkha' 'gro la sogs pas yongs su bzung ste/ de nas de gsod la de ltar skyes bu shi bar gyur nas kyang sems can dmyal ba mi zad pa ste/ mnar med pa la sogs pa'i ngan song du 'gro bar 'gyur ro zhes par byas nas zhes bya ba ni/ gang gi phyir sems can bslu ba ni nyes pa chen po yin te/ de bas na de rnams de bzhin gshegs pa'i lam yang dag par spyod pa la gzung cing yang nas yang thos pas zhes bya ba dang 'dzin du gzhug pa dang/ ji ltar thos pa de bzhin du man ngag byin pas de nyid las brten pa la sogs pa'i rim gyis/ gsang sngags kyi tshul theg pa chen po la sems can rnams sbyang zhing gzhug par bya'o/ /rdo rje theg pa la zhugs pa'i rnal 'byor pas bzlas pa dang bsgom pa la mngon par mi dga' na byang chub thob par dka' o zhes bstan pa'i phyir dang/ rgyud kyi mthar ji skad du bshad pa'i dngos grub bsgrub pa la spro ba bskyed pa'i phyir gang zhig 'di la brtson pa ma byas pa zhes bya ba la sogs pa gsungs te/ ji skad du bshad pa'i gsang sngags kyi tshul gyi bdud rtsi'i ro thos pa dang shes shing rtogs pa thos pas sdig pa gzhom pa'i phyir bzlas pa dang bsgom pa la brtson pas mi byed pa de dka' thub kyi spyod pa la sogs pas ji ltar mngon par byang chub par 'gyur zhes shes par bya ste/ gang bde blag gi sbyor bas mi nus pa gang yin pa ste/ dga' ba nyid ni ma yin no zhes bya ba'i don to/ /rnam gzhan gyis byang chub pa med do zhes bkag nas/ da ni gang gis rnal 'byor bsgom par bya ba de bstan pa'i phyir/ rnal 'byor cig ces bya ba la sogs pa gsungs te/ rnam par snang mdzad la sogs pa gang yang rung ba'i rnal 'byor shes par byas la/ skye bo med par song ste sgra'i tsher ma la sogs
- 319b
pa dang bral ba'i gnas su phyin nas 'du 'dzi thams cad dang bral bar byas te/ dngos grub kyi cho ga gang gis skye ba gang la bzlas brjod la sogs pa la bzhugs pa'i skye bo de nyid la/ sangs rgyas kyi yon tan stobs bcu dang/ mi 'jigs pa la sogs pa rnam dang ldan zhing? sems can gyi don byed pa'i nus pa bsod nams kyi tshogs bsags pa rnyed cing thob par 'gyur bar bya'o/ /rnal 'byor gyi khyad par yang ji lta bu zhe na/ de'i khyad par bstan pa'i phyir chos bdag med pa bsgoms pa zhes bya ba la sogs pa gsungs te/ gang chos bdag med pa khong du chud? pa mkhas pas so/ /shes rab dang ye shes kyi 'jo tshul gyis shes pa ni thabs dang bcas pa'i shes rab dang/ ye shes kyis rnam par rtse zhing rol pa gang yin pa'o/ /spros pa dang bsdu ba dang gsang ba lnga'i bdag nyid can gyi gtso bo la mchod par bya'o zhes bya ba ni sangs rgyas la mchod pa me tog la sogs pa spro ba dang bsdu ba dang gsang pa lnga'i bdag nyid can gyi gtso bo/ /rang gi lhag pa'i lha bsgom pa'i sbyor bas mchod pa gang la yon pa de nyid thob las mchod do zhes sbyar ro/ /gzhan yang de nyid khyad par bstan pa'i phyir dngos po thams cad ces bya ba la sogs pa gsungs te/ don dam par dngos po med pa'i ngo bo nyid yin pas na/ dkyil 'khor gyi de kho na nyid la sogs pa bzhi bcu ste/ de kho na nyid bcu'i gzhi thams cad ni rnam par snang mdzad la sogs pa'i rim gyis sbyor ba goms pas dngos po thams cad kyi don rtogs pa'o/ /zla gsang thig le tshul gyis rdo rje dang pad+mas dbang bskur ba nyid ni/ bshad gci la sogs pa'i ngo bo rnam par snang mdzad la sogs pa'i ngo bo nyid du yongs su gyur par lhag par mos nas spyang pa la sogs pa byas te/ nyin re zhing spyad de sangs rgyas kyi thabs mkhas bsam gyis mi khyab pas 'di lta ste/ 'di nyid
- 320a
kyis kyang 'bras bu rab tu rtsol bar 'gyur te/ gsang sngags kyi chos nyid bsam gyis mi khyab pa yin no/ /zhes yid la byas bas bdud rtsi lnga rnams kyi dga' ba dang mgu bar byed do/ /bdud rtsi lngas dga' bar byed do zhes bya'o/ la la ni me long lta bu la sogs pa'i ye shes lnga'i rgyu mthun pa des rigs lnga'i ngo bo nyid bdud rtsi lnga ste/ nges dga' ba'i byed pa'o zhes bya ba ni snga ma yin no/ /gsang bar bya ba'i chos gsang ba zhes bya ba ni 'og nas shin tu gsang zhing sbas par byas te/ zhes pa skal pa ngan pa'i skye bo rnams kyis phyir sngon par mi byed kyi/ rang nyid sbas pas 'jog pa'o/ /gzugs sgra zhes bya ba la sogs pa la bltas pa dang reg pas blta bar bya ba'i gzugs dang rna bas mnyan par bya ba thamS cad do/ /reg pa ni reg byas reg pa'o/ /'dod pa'i yon tan lnga po 'di dag la spyad nas/ rnal 'byor la gnas shing/ rnam par snang mdzad la sogs pa'i sangs rgyas nyid ni 'dod par bya ba yin pas na 'dod pa'o/ /de nyid brlab cing goms par bya bas na yon tan no/ /de rnams kyi rnam pa ni gzugs brnyan la sogs pa'i mtshan nyid de/ za ba la sogs pa'i rnal sems shing/ rang gi lha'i sbyor ba bsgoms pas spyod cing rnam par 'gyur ba ste/ thams cad rtogs shing khong du chud pa'i tshul lo/ /'di skad ston te/ gzugs la sogs pa yul lnga ni rnam par snang mdzad la sogs pa'i bdag nyid can du rnal 'byor pa thams cad du bsgrub par bya'o zhes pa'o/ /bltas dang khu tshur rnam pa yis/ sems can thams cad dbang du byed ces bya ba ni blta ba ni mthong ba'o/ /khu tshur ni bcing pa'o/ /nye bar mtshon pa 'dis ni smin ma bskyod pa la sogs pa yongs su gzung ste/ tshul de dag gis sems can thams cad dbang du byed pas ni 'di skad
- 320b
ces bya'o/ /'di skad ston te/ mnyam par ma bzhag pa'i sbyor bas gang gi tshe rnal 'byor pa spyod pa/ de'i tshe mthong ba la sogs pas rang gi lha'i nga rgyal du byas pas sems can thams cad rang dbang du byed de/ de'i bdag nyid kyi lha'i nga rgyal nyid kyis sems par byed do/ /de nas gang gi chos bdag la sogs pa mngag gzhug par gyur pa de'i tshe/ bdag nyid kyi phyogs bcing ba dang/ snga ma bzhin du bzlas pa dang bsgom pa la sogs pa la brtson 'grus kyis bsgrubs pa'i mtshan ma thob pa'i byas nas bsgrub pa la 'dug par bya'o/ /'khor lo la sogs pa'i dngos grub grub thams cad kyi bya ba'i thabs ni cho ga thams cad de/ de ston pa'i gzhung gi le'u la rim par phye ba'i sgrar brjod do/ /bcom ldan 'das kyis de skad ces bka' stsal nas zhes bya ba la sogs pa la/ bcom ldan 'das kyis rgyud gsungs pas yang dag pa'i don rdzogs pa mthong bas yid dga' bar gyur pa ste/ lha dang mi dang lha ma yin dang bcas pa'i 'jig rten pa mngon par dga' pa ste/ ji skad du gsungs pa rang gis rjes pa'i ye shes mngon sum du thos shing yid la 'jog pas/ bcom ldan 'das rnam par snang mdzad las thos pas na/ byams pa la sogs pa mngon par dga' gyur pa ste/ bstod de zhes bya ba ni sgra ni yongs su rdzogs pa'o/ /rgyud kyi rgyal po chen po sgyu 'phrul dra ba'i rgya cher bshad pa rdzogs so// //slob dpon mkhas pa chen po kun dga' i snying pos mdzad pa/ zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// // rgyun kyi rgyal po sgyu 'phrul dra ba'i dka' 'grel bzhugs/ /rgya gar skad du/ mA ya dzA la tan? rA dza bany+dzi kA/ bod skad du/ rgyud kyi rgyal po sgyu 'phrul dra ba'i dka' 'grel/ bcom ldan 'das dag gi dbang phyug la phyag
- 321a
'tshal lo/ /sgyu 'phrul dra bar dri ma sel mdzad pa/ /thabs dang shes rab las byung phyag 'tshal te/ /de yi rtogS par dka' ba'i tshig bshad pa/ /dran par bya ba'i phyir ni bri bar bya/ /'dir de kho na nyid rnam pa bcu ni gtso bo yin pas yang dag par brjod par bya ba yin la/ ji srid bcom ldan 'das rnam par snang mdzad chen po 'di/ gdul bya'i skye bo rnams ji lta ba bzhin du rjes su bzung bar bya ba'i phyir byung bar gyur pas 'brel pa la sogs pa gsum ni don gyi dbang gis ston par 'gyur ro/ /'dir sdud par byed pa phyag na rdo rje tshang ma nyid yin par bstan par bya ba'i phyir gleng gzhi bshad pa smras pa ni/ 'di skad ces bya ba la sogs pa la/ 'di skad ces bya ba ni rgyud kyi don thams cad ston pa'i tshig gi phrad do/ / bdag gis zhes bya ba ni mngon sum du thos kyi rtogs pa ma yin pa'o/ /dus gcig na zhes bya ba ni gzhan du gzhan dag thos pa ste/ bdag nyid thos pa mang por ston to/ /bcom ldan 'das zhes bya ba 'dis ni mi shes pa spangs pa phun sum tshogs pa'o/ /khang pa brtsegs pa'i zhes bya ba la sogs pas ni me long lta bu dang/ mnyam pa nyid dang so sor kun rtog dang/ bya ba sgrub pa'i ye shes kyi sgo nas gnas phun sum tshogs pa ste/ 'di dag gis bdag gi phun sum tshogs pa bstan nas/ gzhan gyi don phun sum tshogs pa nye bar bstan par bya ba'i phyir/ rdo rje'i 'khor lo zhes bya ba la sogs pa gsungs te/ rdo rje 'khor los rab tu spras pa'i cha byad sna tshogs 'chang ba'i de bzhin gshegs pa la sogs pa'i rigs dang ldan pa rnams kyis cha lugs bsgyur ba rnam pa sna tshogs kyis spras pa'i rnam par snang mdzad kyi sprul pas zhes bya ba'i bar du'o/ /rnam par snang mdzad kyi zhes bya ba la sogs pas ni gzhan gyi don mdzad pa'i
- 321b
thabs phun sum tshogs pa ste/ rnam par snang mdzad nyid snying po yin la/ de las byung bas na rnam par snang mdzad kyi snying po las byung ba'o/ /sna tshogs ni don yod pa'i dbang phyug go /rdo rje ni mi bskyod pa'o/ /rin po che ni rin chen 'byung ldan no/ /thabs dang shes rab dag gi rnam par rol pa bstan par bya ba'i phyir/ spyod pa zhes bya ba la sogs pa gsungs te/ spyod pa ni la la dag ni thabs kyi pha rol tu phyin pa'o zhes 'dod do/ /spyad pa spyod pas rnam par snang mdzad la sogs pa'i lha mo bzhi'i pad+ma'i go skabs nas sam/ stong pa nyid la sogs pa'i rnam par thar pa'i sgo bzhi'i ngo bo'i rdo rje'i go skabs nas byung ba'i byang chub sems dpa' sems dpa' chen po'i tshogs la sogs pa'i 'khor dpag tu med pa rnams kyis yongs su bskor pa'o/ / mdun gyis bltas pas zhes bya ba ni/ gtso bor byas pa'o /thugs rje chen po sngon du 'gro ba'i sems can thams cad bsgral ba la mngon par brtson par mdzad pa ni bshad ma thag pa nyid kyi rgyud bstan pa yin no/ /de nas zhes bya ba la sogs ni rgyud kyi don nye bar ston te/ sgyu 'phrul gyi dra ba ni dam tshig gi dkyil 'khor la sogs pa ste/ kun rdzob yin pa'i phyir ro/ /ye shes chen pos rnam par bsgyings pa ni byang chub kyi sems las byung ba'i phyir ro/ /sgrub pa zhes bya ba ni rgyu'o /rol pas zhes bya ba ni thabs dang shes rab dag gi rnam par 'phrul pas rol cing rtse pa'o/ /stang stabs kyis zhes bya ba ni g.yas brkyang ba la sogs pa'i stang stabs rnams kyis mi mthun pa'i phyogs thams cad rnam par 'jig pa yin pas na stang stabs kyis rnam par rgyal pa'o/ /thabs dang shes rab las byung ba ni byang chub sems kyi bdag nyid can bde ba chen po'o/ /de las rdo rje ni dam tshig la sogs pa ste/ de ni gdul bya'i skye bo rnams sgrol bar byed pas ni sgrol ba'o/ /de lta bu'i rol pas bzhad pa ston pa'i rnam
- 322a
bar 'phrul pa ting nge 'dzin gang du ston pa de la de skad ces bya'o/ /ye shes rgya mtsho che ni 'od dpag tu med pa'o/ /yid bzhin nor bu rin chen sbyin ni don yod par grub pa ste/ yid bzhin gyi nor bu rin po che dang 'dra bar bla na med pa'i mchod pa'i don rdzogs par byed pas so/ /rgyud kyi rgyal po sgyu 'phrul dra ba'i le'u dang po'i bshad pa'o// //rnam par snang mdzad 'byung ba zhes bya ba'i dkyil 'khor gyi rgyal po chen po bstan par bya ba'i phyir/ de nas bcom ldan 'das zhes bya ba la sogs pa gsungs te/ sgyu 'phrul chen po'i ye shes ni spyan la sogs pa'i lha mo bskyed pa'i byang chub kyi sems te/ de rnam par bsgyings pa'o/ /gsang ba ni dkyil 'khor chen po'o/ /de nyid phun sum tshogs pa thams cad kyi gnas su gyur pas na byin gyis brlabs kyi mchog go/ mi phyed pas na rdo rje'o/ /de ston pa'i ting nge 'dzin gang yin pa de la'ang de skad ces bya ste/ de la snyoms par zhugs pa'o/ /ye shes chen po ni byang chub kyi sems te/ de nyid 'bar ba'o/ /'di nyid snying po can gang yin pa ni rdo rje'i ste/ dkyil 'khor pa rnams kyi'o/ /de nyid ni snying po ste/ de rnams kyi 'byung gnas so/ /grangs su 'gro bar 'gyur ba zhes bya ba ni sangs rgyas kyi zhing che ge mo zhes bya bar/ de bzhin gshegs pa 'di zhes bya bar 'gyur ro zhes grangs su 'gro bar mkhyen par 'gyur ro zhes bya ba'i bar du'o/ /dang po kho nar sa yongs su gzung bar bya'o zhes bya ba ni 'di skad ston par 'gyur te/ dang por ji skad bstan pa'i mtshan nyid dang ldan pa'i slob dpon gyis mngon par 'dus byas pa'i sa gzhir/ rnam par snang mdzad ji lta bzhin du gyur nas gdan bzhir rang gi lha'i gzugs spro ba la sogs bsgoms la/ sprul pa'i sprin phyung ste/ de dag nyid kyis phyogs bcu na bzhugs pa'i de bzhin gshegs pa 'khor dang
- 322b
bcas pa rnams la/ khyed rnams kyis 'dir byin gyis brlab pa la brtson par mdzod cig ces gsol bar bsam zhing slob dpon dang/ slob ma de bsrung ba mdzod cig ces bskul la/ de nas de dag yang dag par bsdus te/ nang du bsgoms nas rang gi snying ga'i zla ba'i rdo rje'i lte ba'i yi ge hUM gi nang du gnas par byas la/ de las byung ba'i rdo rje 'dzin pa'i sku rang gi rig pa dang ldan pa dang/ bcom ldan 'das rnam par snang mdzad cig tu gyur par byas nas/ yi ge gsum la sogs pas byin gyis brlab pa'i mngon du 'gro ba lag pa g.yas mas rdo rje gsor la g.yon dkur brten pas rdo rje dril bu bsil zhing/ rkang pa'i 'og tu hUM bkod pa las rdo rje 'bar ba phyung ste/ rgyan gyis brgyan pa dang bcas pa'i khro bo'i nga rgyal dang ldan pas yi ge khro hUM brjod pa sngon du 'gro ba dang/ slob dpon ming 'di zhes bya ba zhes bya ba la sogs pa brjod nas/ rang rdo rje las khro bo'i lus phyung ste/ myur pa nyid du rdo rje'i 'gros kyis dkyil 'khor gyis kun tu bskor nas gdug pa thams cad bskrad par bya ste/ de lta bus ni sa gzhi yongs su bzung ba byas par gyur pa yin no/ /nyi ma gnyis pa la dkyil 'khor bri bar byung bar 'gyur bas g.yas brkyang ba la sogs pa'i stang stabs la rnam par gnas pas/ ji lta bzhin du mngon par 'dus byas pa'i dkyil 'khor gyi sa gzhi rdo rje'i rang bzhin du byin gyis brlab po/ /g.yas brkyang ba ni g.yon pa'i byin pa bskums la/ g.yas pa rgyar mtho lngar brkyang ba ni g.yas brkyang ba'o/ /g.yon brkyang ba ni g.yon de bzhin du brkyang ba ste/ 'di gnyis la ni rang gi ming smos pa sngon du 'gro bas hUM zhes bya ba'i sgra 'od zer 'bar ba'i phreng pas kun nas 'khrigs pa rnams kyis dkyil 'khor gyi sa gzhi'i gtan pa la thug gi bar du khyab par bsams la/ rdo rje gsor zhing khro bo'i lta
- 323a
pa dang ldan pas kun du bskor bar bya'o/ /lhag ma rnams la ni ci rigs par sbyar bar bya'o/ /sa ga'i 'dug stangs ni rkang pa'i phyi rol gyi sor mo'i bar rgyad sor nyi shu rtsa drug gis mchod par byas la/ bus mo gnyis brkyang pa'o/ /zlum po'i 'dug stangs kyang de nyid las lag pa gnyis rgyar dang pa'i gshog pa ltar byas pa'o/ /mthun pa'i rkang stabs ni rkang pa gnyis phan tshun du mthe bo dang long mo gcer ba'o/ /rus spal gyi rkang stabs ni rkang pa g.yas pas rkang pa g.yon pa mnan pa'o/ /rdo rje 'degs pa ni rdo rje snying gar 'degs pa'o/ /rdo rje 'jo tshul ni rdo rje nyid sgeg pa dang bcas pas yongs su bskor ba'o/ /rkang pa ya gcig gi stang stabs ni rkang pa gcig bteg la rkang pa ya gcig gis 'gro ba'o/ /bung ba'i 'phur stangs ni lus kun tu bskor ba'o/ /seng ge'i lta thabs ni g.yas brkyang bas rang gi kha gdangs la/ lag pa g.yon pa'i mkhrig ma'i steng du lag pa g.yas pa brkyang pa'i mkhrig ma sbyar ba'o/ /seng+ge'i glal ba ni 'di nyid las rgyab tu blta bar byed pa'o/ /rdo rje dral ba ni snying gar rdo rje bcing ba 'byed pa'o/ /rdo rje gsor ba ni lag pa gnyis kyis rdo rje bskor nas 'og tu rdo rje yongs su bskor ba las brjid bag dang bcas pas bskyod pa'o/ /rdo rje'i stang stabs ni rdo rje bsnun pa'i tshul lo/ /rdo rje gar ni rdo rje dang gar byas pas lag pa g.yon pa brkyang la/ de'i rtsa bar g.yas pa ba dan gsum par byas pas 'di 'dzin pa'o/ /rdo rje 'jigs su rung ba ni kha'i steng nas 'og tu lag pa brkyang nas/ de nyid 'jigs byed kyi tshul du byas pa'o/ /rdo rje ro langs ma ni lag pa gnyis kyis ro slangs la za ba ltar byed cing 'gro ba'o/ /rdo rje thob pa ni rdo rje khu tshur gyis tho ba brdeg
- 323b
pa'i tshul du byed pa'o/ /sgo bzhi byin gyis brlab pa ni/ shar la sogs pa'i phyogs su sa gnon pa la sogs pa'i phyag rgya dang ldan pas stong pa nyid la sogs pa rnam par thar pa'i sgo bzhi bsgom pa'o/ /rdo rje'i gang du bu ni skor phyogs su song ste rim gyis sa gzhir rkang pa gnyis 'jog pa'o/ /bud med kyi skya 'phrul gyi stab stabs ni/ rdo rje gar sngon du 'gro bas lag pa gnyis ka dkur brten la/ mgo g.yon du 'dud par byas pa'o/ /rdo rje stobs po che'i brdeg pa ni/ snying gar lag pa g.yon pas rdo rje rtse gsum par byas la/ g.yas pa'i rdo rje khu tshur dbyug pa brdeg pa ni/ snying gar lag pa g.yon pas rdo rje rtse gsum gyi mthe'u dag bzlog la kha'i grwa mche ba ltar byas nas lce bskyod cing khro ba'i lta bas blta ba'o/ /rdo rje'i gad mo ni ha ha zhes bya ba'i sgra yang dang yang du byed pa'o/ /rdo rje'i sgra ni rdo rje'i dril bu 'khrol ba'o/ /ral gri'i stabs ni g.yon pa'i khu tshur gyi shubs la drangs nas g.yas pa'i khu tshur ral gri'i tshul du bzhag pa'o/ /rdo rje'i stabs ni g.yas pas rdo rje rtse gsum pa 'degs pa'o/ /'khor lo'i stabs ni snying gar rdo rje khu tshur gnyis kyi mthe'u chung dang mdzub mo rdo rje 'dud pa byas la/ 'khor lo ltar gtong ba'o/ /gtun shing gi stabs ni/ rdo rje bcings pas btun shing 'dzin pa'i tshul lo/ /bdan gsum ni lag pa g.yas pa'i mthe bos srin lag gi sen mo mnan la/ ser mo lhag ma rnams brkyang nas g.yas pa'i dpung pa'i thad dkar bzhag pa'o/ /zhags pa'i stabs ni 'dod pa'i rgyal po'i phyag rgya nyid do/ /pad+ma'i tshul ni thal mo sbyar ba pad+ma ltar phye ba'i be con gyi tshul ni g.yas pa'i khu tshur gyi mthe bo nang nas bton te bsgreng ba'o/ /mi 'jigs pa'i tshul ni lag pa g.yas pa mi 'jigs pa'i tshul du byed pa'o/ /lcags kyu'i stabs ni
- 324a
lag pa g.yas pa'i mdzub mo 'gugs pa'i tshul du byed pa'o/ /gshol gyi tshul ni lag pa g.yas pa'i sor mo brkyang nas cung zad bskum pa'o/ /mdung thung gi stabs ni rdo rje khu tshur gnyis kyis bsnun pa ltar byed pa'o/ /gzhu'i stabs ni lag pa g.yon pas gzhu 'dzin pa'i tshul lo/ /mda' gzung ba'i stabs ni lag pa g.yas pa'i mdzub mo dang gung mo gnyis kyis mda' blangs la gsor ba ltar byed pa'o/ /mda' gsor ba'i stabs ni de dag nyid kyis mda''phen pa'i tshul du byed pa'o/ /thag mdud bskor ba'i stabs ni/ lag pa g.yas pa'i khu tshur gyis thag mdung yongs su bskor ba'i tshul du byed pa'o/ /mchog sbyin pa'i stabs ni lag pa g.yas pa mchog sbyin pa'i tshul du bzhag pa'o// mdud thung gi stabs ni lag pa g.yas pa dang gsor ba sngon du 'gro bas mdud thung 'phen pa'i tshul du byed pa'o/ /mtshon rtse gcig pa'i stabs ni mdud rtse gcig pa 'phen pa'i tshul lo/ /phyag 'tshal ba'i tshul ni thal mo sbyar nas bstod pa byed tshul du snying gar 'jog pa'o/ /bsam gtan gyi tshul ni ting nge 'dzin gyi phyag rgya nyid do/ /stang stabs de rnams kyis khro bo 'byin pa sngon du 'gro bas bgegs thams cad rnam par gzhom par bya'o/ /de nas rdo rje skyil mo krung la sogs pa rnams kyis/ dbus su 'dug la hUM zhes brjod cing sa'i cha rdo rje'i rang bzhin 'bar ba rnam par gyur par bsam mo/ /pad+ma'i 'dug stangs ni g.yas pa'i byin pas g.yon pa mnan la pus mo gnyis phab pa'o/ / bzang po'i 'dug stangs ni stan las rkang pa gnyis drang por 'jog pa'o/ /rtse ba'i 'dug stangs ni sems dpa' i skyil mo krung las g.yo pa brjid pag tu brkyang ba'o/ /mdun du bsnur ba ni de nyid la de bzhin d rgyab tu blta ba'o//
- 324b
gsang ba'i dkyil 'khor drangs nas lte ba dang byang shar la sogs pa mtshams bzhir sngags dang phyag rgyas byin gyis brlabs pa'i seMs pa'i ser sdeng gi phur bu sor brgyad pa dang rdo rje'i tho pas kyang de'i sngags brjod cing rim bzhin gdab par bya ste/ de ni mdza' yas dang rnam par rkyal ba la sogs zhes grags pa'i phur bur gnas lnga la btab nas phyogs bcing zhing rab bya ba la sogs pa ji lta ba bzhin du bya'o/ /stang stabs la sogs pa la dang por rang gi ming nas smos pa sngon du 'gro bas yi ge hUM zhes bya ba'i sgra brjod par bya'o/ /'di nyid 'khor lo thams cad la sbyar bar bya'o/ /zhes bstan par bya ba'i phyir sngags kyi cho ga 'di ni zhes bya ba la sogs pa gsungs so/ /de nas zhes bya ba la sogs pa la sa'i lha mo ji lta ba bzhin du byung ba bsam la yid kyis spyan drangs nas mchod de/ dbus su gnas pa la/ skyob pa sangs rgyas thams cad kyi zhes bya ba la sogs pas lan gsum du bskul la gshegs su gsol lo/ /de nas bdug spos dbul ba sngon du 'gro ba dang/ thugs rtse phan pa'i dgongs pa can zhes bya ba la sogs pas sangs rgyas dang byang chub sems dpa' rnams lhag par gnas par bya ste/ dri la sogs pa rnams kyis byugs pa lha thams cad kyi gnas su yi ge hUM dang bcas pa'i de'i mtshan nas sngon du 'gro bas sbos kyi dkyil 'khor bya'o/ /de nas spyod pas bskyod nas sgo bzhi'i go skabs nas byung ba'i yi ge hUM dang a las dkyil 'khor pa'i lha'i 'khor lo byung la gnas ji lta ba bzhin du bzhag ste spyan drang ba la sogs pa bshad pa'i rim gyis sku byin gyis brlab pa la sogs pa sngon du 'gro bas rang gi phyag rgya sngags dang bcas pa nye bar bstan te/ dbang bskur la mchod cing yang dag par bstod nas phyag byas la tshim par bya ba'i ph yir sbyin sreg byas nas phyogs kyi gtor ma sbyin no//
- 325a
de nas rtsa ba'i bum pa lhag par gnas pa ji lta ba bzhin du byas nas slob ma lhag par gnas par bya ste/ yi ge hUM bzlas pa'i spos chus snying ga la sogs par gtor te/ de nyid kyis rdo rje dang bcas pa'i lag pa g.yas pas rig par byas la snying gar rdo rje rtse lnga dang/ spyi por sna tshogs rdo rje bsams te gsum la skyabs su btang ba la sogs pa byed du bcug nas yi ge hUM gis yongs su bzlas pa'i bsrung skud dpung pa la bcings la so shing la sogs pa byin te de rnams la chos bshad par bya'o/ /de nas dkyil 'khor gyi gnas su zhugs pa gshegs su gsol ba'i phyir sngar bshad pa bzhin du mchod pa la sogs pa byas la dkyil 'khor gyi lha rnams ji lta ba bzhin du rdo rje'i lam nas/ snying ga'i rdo rje'i lte ba'i nang du gnaS par bya'o/ /de nas phyi de nyin rnam par snang mdzad kyi sbyor ba dang ldan pas mi bskyod pa la sogs pa'i snying pos phyung la sngon po la sogs pa'i tshon skud lnga pa'i rang bzhin du byas te yi ge hUM 'don bzhin pas bsgril la de brgya rtsa brgyad bzlas par bya'o/ /de bzhin du tshon rnams la yang ci rigs par bya'o/ /de nyid bstan par bya ba'i phyir/ tshon dang thig la sangs rgyas lnga'i zhes bya ba la sogs pa gsungs te/ dkyil 'khor ji lta ba bzhin du thig gdab la dang por slob dpon gyis tshon rtsi dgye bar bya ste/ phyi nas slob mas bya'o/ /de yang phyi'i dkyil 'khor du/ sngon po dang/ dmar po dang/ dkar po dang/ ljang gu dang/ ser po'i tshon rnams kyis rab lnga bya'o/ /gnyis par ni sngon po dang/ dmar po dang/ dkar po rnams kyis so/ /'khor lo gsum pa la ni rtsi dkar pos so/ /'khor lo'i lte ba la ni seng ge'i gdan la gnas pa'i pad+ma dang/ zla ba'i gdan la bzhugs pa'i rnam par snang mdzad dgod par bya'o/ /shar la sogs pa'i ri'u cha rnams
- 325b
? ni mi bskyod pa la sogs pa'o/ /'khor lo'i byang shar la sogs par ni spyan la sogs pa'o/ /rim pa gnyis pa'i shar phyogs la sogs par ni rdo rje sems ma la sogs pa'o/ /mtshams rnams su ni bskul byed ma la sogs pa'o/ /rim pa gsum pa'i shar la sogs pa'i snam bu la ni byams pa la sogs pa'o/ /shar la sogs pa'i sgo rnams su gshin rje gshed la sogs pa'o/ /mtshams rnams su mi g.yo ba la sogs pa'o/ /dbang bskur ba'i dkyil 'khor ni go sla'o/ /de ltar dkyil 'khor mngon par dris nas ji lta ba bzhin du mngon par 'dus byas pa'i bum pa la bzlas brjod brgya rtsa brgyad byas te/ rtsa ba'i bum pa rnam par snang mdzad kyi sngags stong rtsa brgyad bzlas shing yi ge hUM brgya rtsa brgyad bzla ba dang/ lhag ma rnams kyi bum pa bzhi la ni/ spyan la sogs pa bzhi'i sngags bzla ba dang/ lha thams cad kyi la ni rigs kyi dbye bas so/ /las thams cad pa bzlas pa sgor bzhag pa ni bsang gtor gyi bum pa bya'o/ /de nas lus khrus byas shing gos la sogs pa'i rgyan gyis brgyan la bdag po'i sbyor ba dang ldan pa'i rnal 'byor dam pas lha'i 'khor lo thams cad dang bdag nyid nang du bsgoms la/ de'i nga rgyal ldan pas mchod yon dang mchod pa la yongs su bzlas te/ sgo phye nas gnas ji lta ba bzhin du bum pa legs par bzhag la/ dkyil 'khor gyi lha rnams snga ma bzhin du phyung ste/ rang gnas su gnas par byas la/ 'khor lo'i lha rnams rdo rje khro bo'i lcags kyu'i phyag rgya dang/ oM badzra aM ku sha A karSha ya hUM dza(rgyud 'grel): zhes brjod la spyan drang ngo/ /rdo rje sems ma la sogs pa bzhi dang/ spyan la sogs pa'i rigs kyi yum rnams dang/ bskul byed ma la sogs pa pho nya rnams ni lcags kyu'i phyag rgyas so/ /'phags pa mi g.yo ba la sogs pa bran rnams ni zhags pa'i
- 326a
phyag rgyas so/ /gshin rje gshed la sogs pa khro bo rnams ni zhal gyi phyag rgyas so/ /hUM baM A:zhes brjod pas sngon du 'gro bas ni thams cad gzhug pa dang/ bcing ba dang/ dbang du bya'o/ /de nas langs nas pur bu dang ra ba la sogs pas gnas bsrung ba byas la pad+ma'i gdan dang/ /mchod yon dang zhabs bsil phul la sku la sogs pa byin gyis brlab pa'i phyag rgya rnams kyis byin gyis brlabs te/ rang gi phyag rgya bstan nas/ rang gi dbang bskur bas dbang bskur la ting nge 'dzin la gnas par bsams nas sgeg mo la sogs pa mchod pa thaMs cad dang/ sil snyan dang/ gling bu la sogs pa yid dga' bar byed pa'i rang bzhin gyi mchod pa'i khyad par thams cad kyis yang dag par mchod nas thal mo sbyar te rol mo'i khyad par gzhan rnams kyis kyang mchod pa dang/ lan gsum gyi bar du rdo rje glu blangs pas yang dag par bstod nas phyag byas te/ lha rnams tshim par bya ba'i phyir bshad pa'i sbyin sreg phul la bzod par gsol te/ de'i 'og tu dngos grub kyi phyir gsol ba btab nas bdag nyid 'jug pa la sogs pa rdzogs par bya'o/ /de'i 'og tu slob ma khrus byas shing rgyan gyis brgyan la dzi na dzi ka ces bya ba la sogs pa'i snying po dang/ sku la sogs pa byin gyis brlab pa'i phyag rgya rnams kyis byin gyis brlabs te mdzub mo dkri pa'i thal mo sbyar ba dang/ badzra ka wa tsa hUM zhes bya ba brjod cing gnas lngar go cha dang bcas par byas nas/ gdong gos kyis g.yogs te/ rdo rje sems ma'i phyag rgyas me tog 'dzin pas hUM zhes bya ba nyid kyis gzhug cing thun mong gi cho ga thams cad nas/ slob ma de'i thugs kar rdo rje sems dpas byin gyis brlabs pa'i rnam par snang mdzad du byin gyis brlabs la/ dri dang me tog la sogs pas brgyan nas lha thaMS cad
- 326b
kyi bum pa la sogs pa ji lta ba bzhin du dbang bskur la rnam par rgyal ba'i bum pas dbang bskur ro/ /'di dag kyang gang she na/ dang por gyis sgra ni gtso bor bstan pa yin pa'i phyir te de bzhin gshegs pa rnams lha'i bdud rtsis gang ba'i bum pa phyag na bsnams pa phyung nas de rnams kyis dbang bskur bar gyur par bsam mo/ /de nas yang gos la sogs pas brgyan nas rdo rje sems ma la sogs pa'i dbang bskur te/ sangs rgyas rnams rin po che'i dbu rgyan gyi gzugs su gyur par bsaMs nas/ dar dbyangs dang/ phreng ba dang/ rdo rje dang/ bdag po dang/ rdo rje ming gi dbang bskur la gser la sogs pa'i thur ma dang/ ji ltar mig mkhan rgyal po yis zhes bya ba la sogs pa'i tshigs su bcad pas mi shes pa'i rab rib bsal la me long blangs te/ rdo rje sems dpa' i rang bzhin te/ zhes bya ba la sogs pa'i tshigs su bcad pa rnams kyi chos kyi mtshan nyid bstan par bya'o/ /yi ge a dang glegs bam sbyin zhing a dang dril bu sbyin pa rjes su gnang bar bya ba'i phyir 'khor lo rkang pa gnyis kyi bar du bzhag nas/ lag pa g.yas par dud byin te/ /de ring phan chad 'jig rten du/ /chos kyi 'khor lo bskor bar gyis/ /zhes bya ba la sogs pa brjod do/ /de nas de ring phan chad bu khyod kyis/ /zhes bya ba la sogs pas dam tshig bstan nas / bla mas yon blangs te zhi ba'i sbyin sreg byas nas/ mchod pa dang bstod pa la sogs pa byas la hUM mu(rgyud 'grel): zhes bya brjod sems ma'i phyag rgya spyi bor dkrol ste/ lha'i 'khor lo gshegs su gsol lo/ /de nas phur bu phyung la gsang ba'i dkyil 'khor de bzhin du gshegs su gsol nas bya ba snga mas dza:hUM baM ho(rgyud 'grel): zhes brjod la/ lhag ma rnams rang gi gnas su nang du bsgom mo/ /yi ge hUM gis tshon rtsi bsdu bar bya ste/ bsdus nas chu bo rnams su dor bar bya'o/ /le'u
- 327a
gnyis pa'i bshad pa'o// //gsang sngags kyi rim par phye ba bstan par bya ba'i phyir de nas bcom ldan 'das zhes bya ba la sogs pa gsungs te/ ji lta ba bzhin du chud la so so'i gsang sngags kyi yi ges gnas ji lta ba bzhin du dkyil 'khor gyi lha rnams dgod par bya'o/ /zhes gsungs pa ste/ gsang sngags kyi yi ge 'di dag gis dkyil 'khor dgod pa'o/ /de dag la brten nas zhes bya ba la sogs pas ni gsang sngags che ba'i bdag nyid ston pa yin no/ /le'u gsum pa'i bshad pa'o// //de nas bcom ldan 'das zhes bya ba la sogs pas ni ting nge 'dzin gyi dkyil 'khor bstan pa yin te/ ye shes chen po nyid stobs yin la/ de'i rnam par 'phrul pa ni rnam par snang mdzad la sogs pa'i ting nge 'dzin gyi mtshan nyid do/ /de nyid mi phyed pas na rdo rje ste/ ting nge 'dzin gang la de skad ces bya ba de la snyoms par zhugs pa'o/ /yi ge oM nyid ye shes te/ thugs yin la de las ji lta ba bzhin du sprul to/ X /shes rang ye shes rab rgyas pa/ /zhes bya ba ni shes rab dang/ ye shes kyis rab tu rgyas pas sems can rnams sangs rgyas nyid du bskyed pa'i sangs rgyas kun mchog ni rin po che'i dbu rgyan te/ de nas mchod pa ni brgyan pa'o/ /zhal gsum zhes bya ba la dbus ma ni gser gyi mdog can no/ /g.yas ni sngon po'o/ /g.yon ni dkar po ste/ de rnams kyis rnam par mdzes pa'o/ /bsam gtan phyag rgya can zhes bya ba ni rdo rje skyil mo krung gis bzhugs pa'i pad par phyag g.yon pa brkyang la de'i steng du phyag g.yon pa brkyang nas 'jog pa'o/ bgrang phreng ldan zhing zhes bya ba ni g.yas pa'i phyag gnyis na bgrang phreng dang bcas pa'o/ /mda' yis rgyan ces bya ba ni ?
- 327b
kyi gsum pa mda' dang bcas pa'o/ /nu ma 'dzin ces bya ba ni phyag g.yon pa'i gnyis pa nu ma 'dzin pa'o/ /rdo rje gzhu thogs shing zhes bya ba ni gsum pa rdo rje gzhu bsnams shing/ 'og tu ni kun tu drag po dang/ khyab 'jug la sogs pa'i lha rnams brel cing skrad par bra'i?/ /de nyid spyod yul bsgom par gyis zhes bya ba ni 'di skad ston pa yin te/ rnam par snang mdzad kyi bsgrub pa pos yid la rang gi sngags bzlas shing/ snyoms par 'jug pa las byung ba'i sangs rgyas thams cad kyi sprin rang gi rig pa dang sbyor ba spro ba dang bsdu ba la sogs pas bsgom par bya'o/ /A zhes bya ba'i tshig gi lam zhes bya ba ni/ a las byung ba 'od dpag tu med pa'o/ /'jig rten dbang phyug 'od chen bsam/ zhes bya ba ni 'jig rten dbang phyug gi skur yongs su byung ba'o/ /dbu rgyan thams cad mkhyen pas brgyan/ ces bya ba ni 'od dpag tu med pa dbu la 'jog pa'o/ /zhal gsum 'bar ba la zhes bya ba ni dang po ni dkar po/ /g.yon pa ni ser mdog go/ g.yas pa ni utpa la'i mdog can no/ /de rnams kyi 'bar ba zhes bya ba'i bar du'o/ /lha mo bzhi dang lhan cig pas na bdug stangs bzhi pa can no/ /pad+ma'i 'jo tshul ldan zhes bya ba ni g.yon pa dkur bsten pas sdong bu 'dzin cing g.yas pa thugs kar 'byed pa'o/ /bgrang phreng rdo rje 'chang zhes bya ba g.yas kyi gnyis kyis bgrang phreng dang rdo rje bsnams pa'o/ /nu ma 'dzin ces bya ba ni snga ma bzhin no/ /gsum pas ni spyi blugs bsnams pa'o/ /gzugs rnams thams cad ces bya ba ni lta ba la spyod pa'i sems can rnams gdul bar bya ba'i phyir lha thams cad kyis 'dul bya'o/ /zla ba'i gzugs zhes bya ba ni pad+ma'i gdan la bzhugs pa'o/ /sems kyi rdo rje zhes bya ba ni rdo rje 'dzin pa'o/ /mthing shun bzang po lta bu'i mdog ces bya ba ni mthing shun gyi mdog can no/ /mi 'khrugs bzhugs zhes bya ba ni mi bskyod pas brgyan pa'o/ /zhal gsum zhes bya ba la/ zhal dbus ma ni sngon po'o/ /g.yaS ni dkar po'o
- 328a
g.yon ni ser po'o/ /rin chen 'byung ldan ni dbus ma dang g.yaS g.yon dag/ dmar po dang sngon po dang/ dkar po'i zhal mnga' bas na/ zhal gsum po'o/ /ting nge 'dzin gyi phyag rgya ni snga ma bzhin no/ /g.yas na ni rdo rje bsnams pa/ g.yon pas ni rin po che bsnams pa ste/ phyag bzhi par bsgom par bya'o/ /zhes bya ba ni lhag ma'o/ /don yod grub pa'i rdo rje ni phyag bzhi pa ste/ /ting nge 'dzin gyi phyag rgya dang ldan zhing/ ral gri dang lcags kyu bsnams la/ yi ge kho las byung ba'i sngo bsangs kyi mdog can no/ /spyan ni rnam par snang mdzad dang 'dra ba'i zhal gsum mnga' ba dang/ g.yon pa sdigs mdzub zhags pa can zhes bya ba ste/ phyag g.yon pas zhags pa thogs dang/ /sdigs mdzub mdzad pa'o/ /byang chub yan lag stobs brgyan pa'i/ /zhes bya ba ni chos rab tu rnam par dbyed pa la sogs pa byang chub kyi yan lag bdun dang/ gnas dang gnas ma yin pa mkhyen pa la sogs pa stobs bcus brgyan pa'o/ /mA ma kI'i zhal gsum ni mi bskyod pa dang 'dra'o/ /dngos dang dngos med mtshan nyid can zhes bya ba ni dngos po dang dngos po med pa dang bral pa'o/ /'di 'dra bsgom pas bsgom par bya zhes bya ba ni 'di lta bu'i bsam pas bsgom par bya'o/ /gos dkar can gyi zhal ras gsum zhes bya ba ni 'od dpag tu med pa dang 'dra ba'o/ /sgrol ma'i zhal gsum ni don yod rdo rje dang 'dra ba'o/ /mda' yang gsor zhes bya ba ni mdas gar byed pa'i tshul lo/ /rdo rje sems la sogs pa bzhi ni rim bzhin du rdo rje sems dpa' dang/ rin chen dang/ chos dang/ las kyi sems dpa' dang 'dra bar nye bar bstan par bya ba'i phyir/ skye mchog ces bya ba la sogs pa gsungs te/ de rnams ni zhal gsum pa'o/ /bskul byed ma'i ni yi ge dgu'i thabs dgu'i thabs dgu can/ lha dgu rnams kyi gnas kyang yin/ /zhes bya ba ni sngags kyi sgo nas yi ge
- 328b
dgu la sogs pa gar thabs dgu dang/ de bzhin gshegs pa la sogs pa'i lha'i dbu'i gnas su gyur pa yin pa'i phyir ro/ /'bar ba'i phyag ni nyi shu drug/ ces bya ba ni phyag 'bar ba nyi shu rtsa drug dang ldan pa'o/ /rtsa ba'i phyag rgya ni 'og nas bshad pa'i mtshan nyid can no/ /bcu gnyis pa ni phul du byung ba ste/ de mtshar du gyur pa'o/ /yang mdzub mo dang mthe bos ston pa yin no/ /ltung ba zhes bya ba'i drag po dang khyab 'jug la sogs pa'o/ /rin chen sgrol ma'i zhal ras gsum ni rnam par snang mdzad dang 'dra ba'o phyag gnyis rin chen thal mo ste zhes bya ba ni thal mo sbyar ba la yid bzhin gyi nor bu lta bu'o/ /khro gnyer can gyi zhal ras gsum ni/ 'jig rten dbang phyug dang 'dra ba'o/ /rdo rje lu gu rgyud kyi zhal ras gsum ni don yod grub pa'i rdo rje dang 'dra ba'o// zhal ni cung zad bzhad mdzad pa/ /zhes bya ba ni zhal dbus ma cung zad bzhad pa gang yin pa'o/ /byams pa'i zhal gsum ni rnam par snang mdzad dang 'dra'o/ /'jam dpal gzhon nur gyur pa'i zhal gsum yang rnam par snang mdzad dang 'dra ba'o/ /bskal pa gzung po pa lhag ma rnams kyang 'di dag gi rjes su 'brangs nas bsgom par bya'o zhes bstan par bya ba'i ph yir/ spos kyi glang po zhes bya ba la sogs pa gsungs so/ /khro bo gshin rje'i gshed kyi gdan ni 'og tu pad+ma zhes bya ba ste/ ma he'i 'og tu pad+ma'i gdan byas pa gang yin pa de skad ces bya ba'o/ /sku gsum la ni rnam par bzhugs zhes bya ba ni sku la sogs pa gsum dang ldan pa'o/ /'jam pa'i dpal gyis legs par brgyan ces bya ba ni 'jam dpal gyi sku mtshan pas phreng ba yod pa'i phyir ro/ /lha mo yis ni zhes bya ba la sogs pa ? gis ni de g.yas nas 'khyud pa'o/ /gnyis pa ni rgyab tu gnas nas utpal thogs pa'o/ /gsum pa ni gsum phyogs na 'dug ste pad+ma thogs pa'o/ /bzhi pa ni mdun du gnas par shes par bya'o/ /khro bo gzhan gyis
- 329a
mi thub pa'i zhal ras gsum ni rnam par snang mdzad dang 'dra'o/ /rta mchog gi zhal gsum ni rin chen 'byung ldan dang 'dra'o/ /khro bo bgegs kyi gshed ni zhal gsum don yod rdo rje lta bu ste/ zhabs g.yas pas bgegs gnon cing g.yon pas pad+ma la brten pa'o/ /khro bo mi g.yo ba ni zhal gsum dpal rdo rje sems dpa' dang 'dra'o/ /rin chen ri steng pad+ma la zhes bya ba ni pad+ma'i 'og tu rin po che'i ri po yod pa'o/ /khro bo 'dod pa'i rgyal po ni zhal gsum mi g.yo ba dang 'dra ba'o 'dod pa'i rgyal po'i phyag rgya ni 'og nas bshad pa'o/ /khro bo be con sngon po can ni zhal gsum 'dod pa'i rgyal po dang 'dra'o/ /sku ni ri sngon 'dra ba'o/ /zhes bya ba ni zhal dbus ma ri po sngon po dang 'dra ba mnga' pa'o/ /dbu rgyan la ni sangs rgyas bzhugs zhes bya ba ni spyi por sangs rgyas kyi dbu rgyan dang ldan pa'o/ /sbyor ba'i ye shes kyis bskul ba'i zhes bya ba ni snyoms par zhugs pa las byung ba'i byang chub kyi sems las skyes zhes bya ba'i don to/ /khro bo stobs po che ni zhal ras gsum bdud rtsi thab sbyor dang 'dra'o/ /drag po tsham dam stang stabs can zhes bya ba ni zhabs tsham dam gyi stang stabs dang bcas pa'o/ /nyi ma'i dkyil 'khor nang na bzhugs zhes bya ba ni nyi ma'i dkyil 'khor la bzhugs pa'o/ bcom ldan 'das ni rdo rje skyil mo krung dang ldan pa'o/ /slob dpon la la dag ni rol pa'i stang stabs kyis bzhugs par 'dod do/ /bskal pa bzang po pa rnams dang lha mo sgrol ma la yang de bzhin no/ /lhag ma ni rol pa'i stang stabs kyis bzhugs so gtsug tor 'khor los sgyur pa'i sku gsum zhes bya ba ni/ sku dang gsung dang thugs kyi dbye bas so/ /zhal gsum ni rnam par snang mdzad dang 'dra'o/ /rin chen ri ste pad+ma la zhes bya ba ni pad+ma'i 'og tu rin po che'i ri? yod pa'o
- 329b
rigs kyi sum ni spyan la sogs pa ste/ rim bzhin du rin po che'i snye ma dang rdo rje dang/ pad+ma dang/ utpa la bsnams pa'o/ /chags phyir spro zhing brtsol ba can zhes bya ba ni chags pas ni shin tu brtsol ba dang bcas pa'o/ /gnod gnas kyi sku gsum can zheS bya pa ni snga ma bzhin no/ /zhal ras gsum ni thugs rdo rje dang 'dra ba'o/ /pad+ma'i gdan la bzhugs pa zhes bya ba ni zhabs g.yas pa pad+ma'i gdan la brten pas bzhugs pa'o/ /bzang po'i 'dug stangs zhes bya ba ni g.yon pas bzang po'i 'dug stabs su gnas pa ste/ bum pa bzang po la brten pa'o/ /la la ni rol pa'i stang stabs su gnas so zhes zer ro/ /phyag na rdo rje bdud rtsi yis zhes bya ba ni 'di skad ston par 'gyur te/ rang gi lha spyan drangs pa la sogs sngon du 'gro bas lag pa g.yas par dang po'i yi ge a las byung ba'i zla ba'i dkyil 'khor la gnas pa'i yi ge laM gis khyab pa'i lag pas dri bzang po'i chu ji lta ba bzhin du blugs par bya'o/ /lha mo 'od zer can gyi zhal gsum ni rnam par snang mdzad dang 'dra ba'o/ /hUM mdzad ces bya ba ni khro bo'i star stabs dang ldan pa'o/ /ri khrod shing lo can gyi zhal ras gsum ni rnam par snang mdzad dang 'dra ba'o/ /de yang khro bo'i me 'bar bas skye dgu rnams la 'che? ba'i gdon thams cad thal bar byas nas sangs rgyas spros te de rnams kyis 'gro ba rnams la bdud rtsi'i char 'bebs pa'o/ /dug sel ma'i zhal ras gsum ni rnam par snang mdzad dang 'dra ba'o/ /blugs zhes bya ba ni sangs rgyas kyi gzugs rnams spros pa de dag nyid kyis yi ge dza(rgyud 'grel): kha rnam par brgyan pa'i zla ba'i bum pa rnams kyis dug gis phog pa rnams kyis ldugs so zhes pa'i bar du'o/ /ha la ha la'i zhal ras gsum ni 'od dpag tu med pa dang 'dra ba'o/ /lha rnams ting nge 'dzin nyid kyis ji ltar rang gi bsam gtan gyi tshul ston pa bzhin
- 330a
du shes par bya'o/ /skra tshugs byed du gzar zhes bya ba ni dpral ba'i bar du skra 'khyil ba'o/ /skra rab ces bya ba ni skra ste de'i mgo la'o/ /'jam pa'i rdo rje khro bo yis/ /zhes bya ba ni gshin rje'i gshed ces bya ba'i khro bo de'i mgo la gnas ba'o da ni 'di skad ston par 'gyur te/ 'jam pa'i rdo rje'i rnal 'byor pas/ /mdun du k+Shi? las byung ba'i gnod sbyin ma bskyed la de dang snyoms par 'jug pa las yang dang yang du de nyid spros nas nam mkha' gang bar bsgoms la/ maM oM A zhes bya ba'i yi ge gsum las khyab 'jug dang/ lha chen po dang/ tshangs pa ste de dag ji skad du bstan pa'i rang gi yi ge las byung ba la rdo rje hUM mdzad kyi sbyor ba dang ldan pa'o/ /dgug pa la sogs pa sngon du 'gro bas mnan la yi ge hUM brjod cing bsgom par bya'o/ /brgya byin la sogs pa yang rang gi sa bon las byung ba'i rim pa 'di nyid kyis bsgrub par bya'o zhes bstan par bya ba'i phyir gzhan yang zhes bya ba la sogs pa gsungs so/ /'phrog byed las skyes pa zhes bya ba ni yi ge ha laS byung? ba ste?/ der yang rang gi 'khor gyis yongs su bskor ba ji bzhin du sbyor ba dang spro ba la sogs pas bsgrub par bya'o/ /le'u bzhi pa'i bshad pa'o/ //de nas bcom ldan 'das zhes bya ba la sogs pa ni gsang sngags kyi ye shes rnam par bsgyings pa rim par phye pa ste/ zhi ba nyid ni nyes pa thams cad dang bral bas na rdul dang bral ba'o/ /de nyid mchog ste ting nge 'dzin gang la de skad ces bya ba de la snyoms par zhugs pa'o/ /sangs rgyas rdo rje zhes bya ba ni bcom ldan 'das rnam par snang mdzad kyi gzugs su byung ba ste/ de bzhin du 'og ma rnams la yang ci rigs par rjes su sbyar bar bya ste/ rnam par snang mdzad kyi sbyor ba dang ldan pas yum sangs rgyas spyan gsang sngags kyi yi ge laS?
- 330b
bdud rtsis gang ba'i zla ba'i bum pa thogs ba byung la nad pa la ldugs par bsgoms na zhi ba bskyed par 'gyur te/ zhi ba rnams la yang srog sbyin par byed cing ma grub rnams la grub par stsol bar 'gyur ro/ /ci'i phyir 'di ltar 'gyur zhe na/ rdo rje zhes bya ba la sogs pa gsungs te/ rdo rje bcings pa la sogs pa'i dam tshig gis sngags kyis dbang bskur ba'i bdag nyid can gyis bskul zhing mngon sum du byas pa ni rdo rje dam tshig gi bskul pa'o/ /sku gsum 'bar ba yis ni thugs rje yi ste/ mchog gi dam tshig ni mA ma kI'i mtshan nyid can te/ ting nge 'dzin gang la de skad ces bya ba de la snyoms par zhugs pa'o/ /rdo rje dkyil 'khor zhes bya ba ni rdo rje'i rigs kyi ste/ de yang sngags kyi yi ge dkar po phyung nas de bsgrub par bya ba'i lus kun tu gang bar bsgoms na sdig pa 'joms par 'gyur ro/ /nad pa la zhi ba ni spyan dang 'dra par bya'o/ /rgyas pa la rin po che'i bum pa rin po che'i char 'bebs pa bsam par bya'o/ /'dod chags chen po ni 'od dpag tu med pa'o/ /de so sor rtog pa'i mtshan nyid can gyi pad+mas chags shing mnyes par byas par gar des rnam par 'phrul pa'o/ /de nyid 'thob pa ste gos dkar mo zhes bya bas sgrib pa rnams 'thor bar byed pa'i phyir ro/ /de la dmigs pa'i ting nge 'dzin rdo rje de la de skad ces bya'o rdo rje chos ni 'od dpag tu med pa ste/ gsang sngags kyi yi ge gser gyi mdog can du gyur la sgrad? par bya ba dbang bskur na rgyas pa chen po bskyed par 'gyur ro/ /de nyid spro ba dang bsdu ba dag tu bsgom pas chos kyi mdzad rnam par 'phel bar byed do// rang gi snying ga'i pad+ma'i lte ba la bsgrub par bya ba bzhag ste/ gsang sngags kyi yi ge'i phreng bas bskor la/ sna tshogs rdo rje spyi bor gnas par byas nas/ bzlas pa la sogs pa ji lta ba bzhin du byas na bsrung ba chen po mdzad par
- 331a
'gyur ro/ /thams cad dbang du bya ba ni tshe la dbang ba la sogs pa bcu'o/ /de rnams khong du chud par byas pa las bskyed pa ni don yod rdo rje can no/ /de nyid ni rdo rje gsum mnyam pa nyid de/ de'i dga' bar byed pa ni rdo rje dang 'dra bar mi phyed ba'i ting nge 'dzin gang yin pa de la snyoms par zhugs nas yi ge dmar po'i gsang sngags phyung la nges bsgrub par bya ba kun tu bkang la bzlas na mdag gzhug par 'gyur ro/ /ye shes la 'jug pas sgrol bar byed pa zhes bya bar 'gyur ro/ /ye shes ba 'jug pas sgrol bar byed pas na de las dmigs pa'i ting nge 'dzin de la yang de skad ces bya'o/ /rdo rje ni gshin rje gshed la sogs pa'i khro bo rnams te/ de dag nyid gdug pa rnams sgrib pa'i phyir de rnams gyis dra bas byas pa'o/ /ye shes sna tshogs can 'jig rten las 'das pa'i ye shes sna tshogs dang ldan pa'o/ /srubs gcig pa ni dum bu gcig pa'o/ /srubs gnyis pa ni dum bu gnyis pa ste 'di gnyis kho na sngags pa yin pa'i phyir ro/ /bzang po ni yan lag ma nyams pa'o rkang rjes sa yi cho ga yis zhes bya ba la de ni 'di skad ston par 'gyur te/ gshin rje gshed kyi rnal 'byor pas lha mo bzhi'i sbyor ba dang ldan pas de bzhin gshegs pa lngas byin gyis brlabs la bsgrub par bya'i rkang rjes kyis las de'i gzugs brnyan byas te/ thod par bzhag la de dgug pa dang/ gzhug pa dang/ bcing ba byas la rkang pa g.yon pas mnan te/ bskul ba dang bcas par ji srid du khugs par gyur pa de srid kyi bar du bzlas brjod bya'o/ /sku gsum dbyer med bsgoms nas su/ zhes bya ba ni rang gi lha'i nga rgyal brtan po dang ldan pa'o/ /sprin mchog ni don yod rdo rje ste/ de'i ye shes rdo rje ni mchog go/ de'i ye shes de las rdo rje bdud rtsi'i khro bo'i ting nge 'dzin gang yin pa de la de skad ces bya'o//
- 331b
tshogs ba dag rkang pa'i drung du bzhag ces bya ba ni bdud rtsi thab sbyor gyi sbyor ba dang ldan pa'o/ /bsgrub par bya ba'i rkang rjes kyi sa las de'i gzugs brnyan bod bu'i gcin dang sprus te byas la rlung gi khyer ba'i 'dab ma la khrag dang btags pa'i dur khrod kyi sol bas blo? po dang spel bar bya ba'i bsgrub par bya ba'i ming bris nas gzugs brnyan gyi gnas lnga'i nang du bcug la/ rdo rje tshogs kyi bdag nyid po bkug nas legs par mchod de/ de'i rkang pa'i 'og tu de bzhag pa byas la sngags kyi mthar hUM che ge mo bskrod zhig phaT ces bya ba'i bar du khros pas bzlas brjod bya'o/ /rin po che'i sgrol ma ni rin chen 'byung ldan no/ /de'i khro bo'i ye shes ni snga ma bzhin no/ /de las byung ba'i rdo rje ni khro bo'i bdag nyid can gyi ting 'dzin gang yin pa de la de skad ces bya'o ? rdo rjes gzir pa'i sbyor ba yis hUM tsam gyis kyang las byed do/ /zhes bya ba ni khro bo gzhan gyis mi thub pa'i sbyor ba dang ldan pas de nyid 'bar ba'i phreng bas 'khrigs pa phyung la sngags kyi mthar hUM zhes bya ba brjod nas gnod sbyin la sogs pa gzir bar bya'o/ /dpag tu med pa ni 'od dpag tu med pa'o/ /de'i ye shes ni rin po che dang 'dra pas na rin po che'o/ /de nyid ni yon tan bsags pa'o/ /de las byung ba'i rdo rje ni khro bo'i rang bzhin te/ ting nge 'dzin gang la de skad ces bya ba de la snyoms bar zhugs pa'o/ /bsam zhes bya ba ni 'di skad ston par 'gyur te/ rta mgrin gyi rnal 'byor bas lag pa g.yas pa las byung ba'i pad+ma dkar po 'dab ma brgyad pa gnas par bsams la/ de'i lte ba gnas pa'i yi ge ha 'od zer 'bar ba las bsgrub par bya ba'i steng du/ bdud rtsi 'bar bar bsams la/ de dang gsang sngags 'don pa sngon du 'gro bas dug thams cad drang bar bya'o/ /don yang dag par 'byung ba ni don yod rdo rje'o/ /de'i mchog gi nor bu ste rdo rje rin po che'o/ /de las byung ba'i
- 332a
rdo rje ni khro bo chen po'i mtshan nyid can gyi ting nge 'dzin gang yin pa de la snyoms shing dmigs pa la sems rtse gcig tu gyur la mngon mdzad ces bya ba'i bar du'o/ /gsod par byed do zhes bya ba ni khro bo chen po sngon po can gyi rnal 'byor bsgrub par bya ba mdun du gnas par bsams nas khro po mtshon cha 'bar ba lag na thogs pa phyung la de dag nyid kyis de gsod par bsams la khro bo'i tshig gis gsang sngags brgya rtsa brgyad brjod na/ nges par gsod par byed do/ /kun tu rnam par 'phro ba ni byang chub kyi sems te/ de nyid bkod pa'o/ /de las byung ba'i rdo rje ni khro bo'i bdag nyid can gang yin pa ste/ ting nge 'dzin de la yang de skad ces bya'o/ /char pa chen gcod par 'gyur zhes pa ni stobs po che'i sbyor ba dang ldan pas khro bo mtshon cha 'char ba thogs pa phyung nas sprin rnams bsregs par gyur cing/ chu rnams skams pa rnam par bsam khro bas bzlas na char chen po gcod par 'gyur ro/ /gdengs ka can gyi klu'i gzugs grog mkhar gyi sa las byas nas dgug pa la sogs pa sngon du 'gro bas mnan la char phob cig ces bskul te de bzhin du bzlas brjod byas na char 'bebs par 'gyur ro/ /kun tu 'bar ba zhes bya ba ni snga ma bzhin no/ /de nyid snying po can gyi khro bo gang yin pa ste/ de la dmigs pa'i ting nge 'dzin der? yang de skad ces bya'o/ /bkug nas ni zhes pa ni 'dod pa'i rgyal po'i ting nge 'dzin dang ldan pas rkang pa g.yas par sna tshogs rdo rje 'bar ba dgod pas bkug nas bsgrub par bya ba'i mtshan ma mnan te khro gnyer rim par gnyer zhing khros bas bskul ba'i tshig dang bcas par gsang sngags bzlas pa byas na nges par khugs par 'gyur ro/ /ye shes 'bar ba dang bas na ye shes rab tu 'bar ba'o/ /de las rab tu 'bar ba ni khro bo gtum pa ste de la dmigs pa'i ting nge 'dzin de
- 332b
la yang de skad ces bya'o/ /khro bo'i rgyal po zhes bya ba la sogs pa gsungs pa la mi g.yo ba'i sbyor ba dang ldan pas de nyid mnan la zhags pas bcings la drang bar bya'o/ /yang na las 'di dag thams cad la ni rang gi bdag po'i sbyor ba ji lta bas bya'o/ /sku gsum rdo rje ni bcom ldan 'das rnam par snang mdzad do/ /de'i ye shes 'bar ba'i 'od zer lta bu de las gnang mdzes kyi bdag nyid can ni rdo rje ste de la dmigs pa'i ting nge 'dzin la snyoms par zhugs pa'o/ /sku gsum rdo rje mchog mnga' bas zhes bya ba ni rnam par snang mdzad do? dgug bya ba zhes bya ba ni gnod mdzes kyi sbyor ba dang ldan pas bsgrub par bya ba'i snying ga'i pad+ma'i lte ba lcags kyus phug la dgra bdud zhags pas bcings nas gsang sngags brjod de dgug par bya'o/ /ye shes chen po ni snga ma bzhin te/ rdo rje'i sngags kyi gzugs kyis/ de rnam par bsgyings pa nyid ni dga' ston te/ de la dmigs pa'i ting nge 'dzin la yang de skad ces bya'o/ /sangs rgyas byang chub rjes su dran zhes bya ba ni sangs rgyas kyi byang chub la sems can thams cad dgod par bya'o zhes mngon du byed pa'o/ /'khor lo che la rnam gnas nas/ /zhes bya ba ni 'di skad ston par 'gyur te/ /rdo rje sems dpa' i rnal 'byor pas 'khor lo chen po'i dbus su 'dug ste/ lcags kyu dang zhags pa thogs pa'i sangs rgyas kyi sprin phyung ste/ des ni sangs rgyas rnams kyang 'gugs par byed do/ /rang sngags skyes bur rnam bsgoms na/ /zhes bya ba ni rang gi lha'i sbyor ba dang ldan pa'o/ /'gugs 'gyur te zhes bya ba ni mi 'am lha ma yin gyi bu mo rlung gi dkyil 'khor la gnas par bsams la lcags kyus snying ga phug ste sngags brjod nas bkug na nges par khugs par 'gyur ro/ /zla ba'i dkyil 'khor la gnas pa zhes bya ba ni bcom ldan 'das rnam par snang mdzad zla ba'i mdog can sku chen po dang ldan pa bsams la bsgrub par bya ba ?
- 333a
ba'i dkyil 'khor de la gnas par bya'o/ /rdo rje bdud rtsi zhes bya ba ni 'di skad ston te/ rdo rje bdud rtsi zhes bya ba'i khro bo'i sbyor bas de 'ongs par rnam par bsams la de'i gsang sngags lan bcu brjod na/ nges par khugs 'gyur ro// gzhon nu ma dag nges par khugs zhes bya ba ni rdo rje bdud rtsi'i khro bo'i sbyor ba nyid kyis rdo rje lcags kyu gzugs chen po dang ldan zhing 'bar ba dang/ rdo rje rlung gi dkyil 'khor de la bsgrub par bya ba gnas par bsams la lcags kyus snying ga phug ste/ gzhon nu ma dgug par bya'o/ /lha ma yin bu mo dgug pa'i cho ga ni snga ma bzhin no/ /khugs zhes bya ba ni 'di skad ston par 'gyur te/ rdo rje sa 'og gi rnal 'byor pas dbu gsum pa la zhags pa dang/ dgra sta dang/ rtse gsum pa dang/ lcags kyu thogs pas mdun du rang gi rig pas byin gyis brlab pa'i nu ma pad+ma'i lte ba'i nang na gnas par byas la/ rdo rje lcags kyu'i ting nge 'dzin las byung ba'i btsag la sogs pa las 'od zer 'bar ba dang ldan pa'i rdo rje lcags kyu la sogs pa yang nas yang du byung ste/ hUM zhes bya ba'i sngags brjod nas spros pa sngon du 'gro bas gzas zin pa'i tshe mtshan ma byung gi bar du de bzlas par bya'o/ /de nas de dang ming bris na gnod sbyin mo la sogs pa nges par khugs par 'gyur /bzhug? nas zhes bya ba ni 'jam pa'i rdo rje'i ting nge 'dzin dang ldan pas sangs rgyas kyi 'khor lo'i nang na gnas la gshin rje gshed skra 'bar pas 'bar gyur cing lag na rdo rje lcags kyu thogs pa phyung la de nyid lcags kyur byas te/ gnod sbyin mo dgug par bya'o/ zhes bya ba'i bar du'o/ /phyag rgya gsang sngags sbyor ba dang/ /bsam gtan 'khor lo'i sbyor ba yis/ /zhes bya ba ni 'gog pa'i rdo rje bsgom pa'i sbyor bas so/ /bskul bar bya zhes bya ba ni yang rdo rje sems dpa' i
- 333b
nga rkyal dang ldan pa'am/ de nyid dbu rgyan la sgom par bya ste/ gnod mdzes bzhin du sbyar bar bya'o/ /ye shes ni byang chub kyi sems so/ /de las byung ba'i rnam par rgyal ba'i rdo rje ni drag po'i rdo rje ste/ de la dmigs pa'i ting nge 'dzin gang yin pa de la'ang de skad ces bya'o/ /nye bar spyod par byed ces bya ba ni rnam par snang mdzad kyi sbyor ba dang ldan pas zhal gsum pa dang ldan pas zhal gsum pa thod pa dang/ rtse gsum dang/ zhags pa dang/ lcags kyu bsnams pa phyag gnyis kyis glang po che'i pags pa nas 'dzin la/ ral pa gcig ma de'i sngags brjod pas phyud la/ de'i klu'i bu mo bkug nas nye bar spyod par bya'o zhes bya ba'i don to/ /nam mkha' chen po dang 'dra ba'i shugs rgya mtsho ni mthu'i rgya mtsho ste/ de'i 'phro ba'o/ /dam tshig ni rgyu ste bskul byed pa gang yin pa de la dmigs ba'i ting nge 'dzin de la yang de skad ces bya ste/ snga ma bzhin du 'di nyid kyis sam rang gi sbyor bas gsang ba la sogs pa'i bu mo rnams legs par bkug nas bsten par bya'o/ /nam mkha' mdzod ni 'od dpag tu med pa ste/ /chos kyi mdzod kyi mthu yis so/ /de'i rnam par rgyal pa? ni khro gnyer can gyi bdag nyid can no/ /de nyid mchog ste ting nge 'dzin de la dmigs pa'i ting nge 'dzin de skad ces bya'o 'di la yang de bzhin du bkug nas spyad par bya'o/ /'gog pa'i rdo rje bsgom pa rdzogs pa ma thos pas ni gsang sngags thams cad kyi bzlas brjod bye ba bya'o zhes bstan par bya pa'i phyir/ yang na zhes bya ba la sogs pa gsungs so/ /sangs rgyas kyang ni nges par 'jig ces bya ba ni khro bo rgyal po'i? rnal 'byor ? bdag? gis brlan pa'i gos gyis lus g.yogs pa 'am/ gcir bu dang/ rkang pa g.yon pas mtshan ma mnan la yi ge hUM gis phyogs bcu'i sems can thams cad khro bos byin gyis brlabs par bsams nas/
- 334a
de rnams kyis bsgrub par bya ba gsod par bsgoms la khro po'i tshig tu 'don pas gsang sngags brgya rtsa brgyad bzlas la bsad par bya'o/ /de la phyogs bcu'i sems can thams cad yi ge gsum las byung ba'i rnam par snang mdzad la sogs pa'i ngo bo nyid kyis dang por/ dgra bos bsad par bsams la de'i 'og tu mngon spyod kyi las bya ste/ des ni nges par sangs rgyas kyang 'jig par 'gyur ro/ /mngon spyod kyi gnas bstan par bya ba'i phyir ma mo'i gnas dang zhes bya ba la sogs pa gsungs so/ /mi rus las byas zhes bya ba la sogs pa'i ni 'di skad ston par 'gyur te/ khro bo'i sbyor ba dang ldan pas mi rus kyi phur bu sor brgyad pa de'i gsang sngags brgya rtsa brgyad bzlas pa dang bcas pa bsgrub par bya ba'i rkang rjes kyi sa la de'i gzugs brnyan byas te/ dgug pa sngon du 'gro bas sngags brjod la snying gar phur bu gdab pa 'am/ de'i khang pa'i sgor sa brkos par sba bar bya'o/ /nges par bskrod ces bya ba ni yan lag ma nyams pa'i thod pa blangs la khro bo'i sngags dang spel ba byas nas 'dir bsgrub par bya ba'i ming bris la rdo rje'i tshig dang bzlas nas dgra'i sgo kha 'am/ yul gyi dbus su sbas na nges par bskrod par byed do/ /de bzhin ? lo ma 'am/ dur khrod kyi ras la bris nas/ dgra'i khyim sgo la sogs par sbas na 'chi ba 'am skams par 'gyur ro/ /rdo rje sems dpa' rnam par 'jig ces bya ba ni sku la sogs pa'i rdo rje phur bu 'debs pa'i phyir ro/ / 'od bzang me stag 'khrug pa can zhes bya ba ni 'od kyi phreng bas 'khrigs pa hUM las byung ba'i phyir ro/ /mthas gtugs pa zhes bya ba ni spyi bo nas brtsams te rkang pa'i bar du'o/ /sbyor ba gang gis bya ba de bstan par bya ba'i phyir/
- 334b
rnam snang zhes bya ba la sogs pa gsungs so/ /sku rdo rje la sogs pa bstan par bya ba'i phyir/ de'i phur bu nye bar brtan par bya ba'i phyir/ de nas bcom ldan 'das zhes bya ba la sogs pa gsungs te/ sku'i ye shes ni rnam par snang mdzad de/ de'i rnam par bsgyings pa ting nge 'dzin gang du ston pa de la de skad ces bya'o/ /phan tshun dkri ba'i tshul gyis zhes bya ba la sogs pa gsungs/ /sor mo rnams rgyab tu phan tshun dkris la/ mthe bo gnyis lag pa g.yas pa'i mthil du kha sbyar ba ni 'khor lo'i phur bu'i phyag rgya'o/ /snang mdzad zhabs kyi mnan nas su zhes bya ba ni 'di skad ston par 'gyur te/ phur bu'i dbyibs kyi phyag rgya rnam par snang mdzad du gyur par bsams la yid nyid kyis bkug nas gsang sngags 'don pa sngon du 'gro bas phur bus gdab par bya'o/ /dam tshig mchog gis bzhengs par mdzod ces bya ba ni/ bcom ldan 'das rnam par snang mdzad nyid phur bu'i dbyibs su der 'byung bar 'gyur ro/ /zhes bya ba'i bar du'o/ /sbyor ba'i che ba'i bdag nyid bstan par bya ba'i phyir/ gzhan du byas nas brlag par 'gyur zhes bya ba gsungs te/ rdo rje thugs kyi ye shes chen po zhes bya ba ni rnam par snang mdzad de/ de'i rnam par bsgyings pa ston pa'i ting nge 'dzin gang yin pa de la yang de skad ces bya'o/ / rtse mo lnga pa zhes bya ba la sogs pa la/ thal mo sbyor ba bcings la sring sbyar ba nang du gzhug ste/ gung mo gnyis sbyar ba'i tshigs gsum par mdzub mo gnyis rdo rje dang 'dra bar bzhag na rtse mo lnga par 'gyur te/ 'di las me stag 'phro bas 'khrigs pa'i rdo rje phur bur bltas la stang stabs kyis sbyar bar bya'o/ /'jig rten dbang phyug nyid gsung gi dam tshig nyid yin te/ de'i rnam par 'phrul pa ston pa'i ting nge 'dzin gang yin pa de la yang de skad ces bya'o/ /rdo rje sor mo
- 335a
zhes bya ba la sogs pa la/ thal mo khong stong du sbyar ba pad+ma dang 'dra bar phye na pad+ma kha phye bar 'gyur te/ de dag ni rang gi bdag po'i sbyor ba gtso bor byas pas sbyar bar bya'o/ /gsang ba'i tshig ni rnam par snang mdzad kyi ngo bo nyid yin pa'i phyir ro/ /gsang ba kun gtum pa ni mi bskyod pa'i ngo bo nyid yin pa'i phyir ro/ /zhi ba chos kyi tshig ni 'od dpag tu med pa'i ngo bo nyid yin pa'i phyir ro/ /de bas na rdo rje ye shes nges par 'chi ba rdo rje ye shes so/ /mngon spyod la yang bsaM pa'i khyad par gyis rdo rje phur bus gang ba ji lta ba bzhin du sbyar bar bya'o/ /rkun ma mdongs par byed pa'i rdo rje zhes bya ba la rkun mdongs par byed pa ni lha mo 'od zer can te/ de nyid mi phyed pas na rdo rje ste/ de la dmigs pas na ting nge 'dzin de la yang de skad ces bya'o/ /de la 'dir 'od zer can gyi sbyor ba dang sngags dang phyag rgyar bcas pas rnam par 'tshe bar byed pa rnams kyi kha dang mig brtsems la de rnams lkugs pa dang longs par gyur par bsams na chom rkun dang sdang ba rnams bcings par 'gyur ro/ /nang chen po thams cad dgug pa las rnam par rgyal ma nyid ye shes yin pa de la dmigs pa'i ting nge 'dzin de la yang de skad ces bya'o/ /zhi bar 'gyur zhes bya ba ni don yod rdo rje'i sbyor ba dang ldan pas ri khrod kyi lo ma can spyan drangs la de'i zhal du pad+ma dkar po dang mar dang bsres pa'i til dang/ 'o ma la sogs pa ji lta ba bzhin du sbyin sreg byas la/ sems can rnams kyi yams dang 'tshe ba la sogs pa dang bral bar bsams na zhi bar 'gyur ro/ /yang na 'di nyid byung la kun tu sbros te/ bdud rtsi'i char rab tu 'bebs par bsam mo zhes bstan par bya ba'i phyir nam mkha' kun nas zhes bya ba la sogs pa gsungs so/ /le'u lnga pa'i bshad pa'o// //
- 335b
lag pa'i phyag rgyal sogs pa'i gleng bslang bar bya ba'i phyir/ de nas bcom ldan 'das zhes bya ba la sogs pa gsungs te/ lag pa gnyis kyi nang gi khu tshur bcings te mtha bo bshibs nas bsgreng bar byas pa 'di dang/ mgor rang gi gsang sngags kyiS sku byin gyis brlab par bya'o/ /'di nyid las g.yon pa'i mthe bo nang du bcug pa de bzhin du gsungs so/ /'di nyid las g.yas pa'i mthe bo nang du bcug la g.yon pa bteg pa ni de bzhin du thugs kyi ste/ rang gi stan la gnas nas sbyi bo la sogs par yi ge oM la sogs pa gsum bsgoms nas byin gyis brlab pa la sogs pa bya'o/ /g.yon pa'i rdo rje khu tshur gyi mdzub mo bsgreng/ g.yas pa'i rdo rje khu tshur gyis rtse mo gzung ba ni rnam par snang mdzad kyi phyag rgya'o/ /sems dpa' i skyil mo krung du 'dug nas/ lag pa g.yon pa'i khu tshur pang bar bzhag ste/ g.yas bas sa gnon pa ni mi 'khrugs pa'i'o/ /g.yon pa de bzhin bzhag pa g.yas pa mchog sbyin ltar byas pa ni rin chen 'byung gnas kyi'o/ /lag pa gnyis par? par zhag ste bsam gtan gyi tshul du sbyar ba ni 'od dpag med kyi'o/ /g.yon pa snga ma bzhin du bzhag la g.yas pa mi 'jigs pa'i tshul du bzhag pa ni gdon mi za bar grub pa'i'o/ /lag pa gnyis rdo rje bcing bar byas la gung mo gnyis bshibs te bsgreng ba ni rdo rje sems ma'i'o/ /de nyid las gung mo'i tshigs dang po dgug ste/ rin po che'i tshul du byas pa ni/ rdo rje rin chen sems ma'o/ /gung mo sbyar ba pad+ma'i 'dab ma ltar byas pa ni rdo rje chos ma'o/ /de nyid las gung mo sbyar te tshigs bar rtse bskums nas ral gri ltar byas pa na rdo rje las ma'i'o/ /thal mo khong stong du sbyar ba las mdzub mo gnyis gang du bu 'dra bar zlum por byas te/ mthe bo'i steng du mig dang 'dra par bzhag pa ni sangs rgyas spyan gyi'o/ /rdo rje bcings pa las gung mo gnyis
- 336a
bshibs te sbyar ba'i tshigs gsum par mdzub mo gnyis rdo rje'i tshul du bzhag pa ni mA ma kI'o/ /lag pa gnyis thal mo gnyis khong stod du sbyar te pad+ma kha bye ba dang 'dra bar byas pa ni gos dkar can gyi'o/ /thal mo khong stong du sbyar ba las mdzub mo gnyis kyis gung mo'i sen mo mnan te/ dbus su bzhag pa ni sgrol ma'i'o/ /thal mo sbyar te mdzub mo gnyis gung mo'i tshigs dbu mar sbyar ba mthe bo gnyis glor bzhag pa ni bskul byed ma'i'o/ /rdo rje bcing ba byas pa las mthe bo gnyis bsdams te mdzub mo gnyis kyi rtse mo bkug nas sbyar ba rin chen sgrol ma'i'o/ /thal mo khong stong sbyar ba las mthe bos so so'i rang gi mthe'u chung gis sen mo mnan la lhag ma rdo rje'i mtshan nyid du byas pa ni khro gnyer can gyi'o/ /rdo rje khu tshur gnyis bcangs pa las mdzub mo dang mthe bo chung gnyis lu gu rgyud ltar bcings pa ni rdo rje lu gu rgyud gyi'o/ /lag pa gnyis khu tshur nang du bcangs pa las gung mo bshebs? te sbyar la srin lag gnyis dkrol te/ bsnol ba mdzub mo gnyis kyis dkris te mthe bo gnyis brkyang la rtse sbyar te bkug la kha dang 'dra bar byas pa ni gshin rje gshed kyi'o/ /g.yon pa'i rdo rje khu tshur bcangs pa las mdzub mo brkyang nas snying gar bzhag /g.yas pa bteg pa thal lcag gi tshul du byas pa ni/ gzhan gyis mi thub pa zhes bya ba'i'o/ /rdo rje khu tshur gnyis mthe'u chung lu gu rgyud du byas la mdzub mo gnyis bshibs te rtse mo sbyar la bzlog ste/ dpral bar bzhag pa ni rta mgrin gyi'o/ /lag pa gnyis brkyang la mthe po gnyis kyis rang rang gi mthe'u chung gi sen mo mnan nas/ dpung mgo'i drung du de rdo rje bcings pa'i tshul du byas nas khros pa sbyar ba ni/ bdud rtsi'i thab sbyor gyi'o/ /lag pa gnyis brkyang la mthe bos rang gi srin lag dang mthe'u chung gi sen mo mnan te/
- 336b
shugs las phyur bas/ g.yas pas ral gri'i tshul du bzhag pa ni mi g.yo ba'i'o/ /lag pa g.yon pa'i rdo rje khu tshur gyi rgyab tu lag pa g.yas pa rdo rje khu tshur du byas la/ mthe'u chung gnyis lu gu rgyud ltar bcings nas mdzub mo gnyis bteg ste/ zhags par byas pa ni 'dod pa'i rgyal po'i'o/ /g.yon pa'i rdo rje khu tshur las byung ba'i mdzub mo bsgreng la snying gar bzhag la g.yas pa'i rdo rje khu tshur gyi mdzub mo be con ltar brdeg pa ni/ /be con sngon be can gyi'o/ /lag pa g.yon pa'i rdo rje rtse gsum pas byas la g.yas pa'i rdo rje brdeg pa'i tshul du bteg pa ni stobs po che'i'o/ /khu tshur gnyis bcings la mthe bo dang mdzub mo dang gung mo rnams bsgreng ste so so zhing phan tshun sprad pa ni/ byams pa'i'o/ /thal mo khong stong du sbyar la mdzub mo gnyis kyis rang gi srin lag gi sen mo mnan nas/ utA lpa'i tshul du bzhag pa ni 'jam pa'i dbyangs kyi'o/ /lag pa g.yon pa pad par gnas par byas la/ g.yas pa glang bo'i sna ltar byas pa ni/ spos kyi glang po che'i'o/ /lag pa'i rdo rje khu tshur bteg pa lag pa g.yas pa ba dan gyi tshul du bzhag pa ni ye shes tog gi phyag rgya'o/ /bzang po'i 'dug stangs su 'dug la thal mo khong stong snying gar sbyar ba ni bzang skyong gi'o/ /lag pa g.yon pa brkyang ba'i rgyab tu lag pa g.yas pa rus sbal gyi tshul du byas la sor mo rnams chu rlabs 'dren pa'i tshul du byed pa ni blo gros rgya mtsho'i'o/ /g.yon pa'i rdo rje khu tshur snying gar bcings la/ g.yas pa mchog sbyin pa'i tshul du bzhag pa ni blo gros mi bzad pa'i'o/ /g.yon pa'i rdo rje khu tshur pad par bzhag la/ g.yas pas se gol gtogs pa'i chu la du byed pa ni spobs pa brtsegs pa'i 'o/ /thal mo gnyis khyod du sbyar la pad+ma cung zad kha bye ba ltar byas pa ni mthu chen thob pa'i'o/ /lag pa gnyis kyis 'thor pa ni/ /ngan song thams cad spong pa'i'o/ /lag pa gnyis thal mo sbyar la bsnun pa'i tshul du byed pa ni/ mya ngan thaMs cad kyi
- 337a
mun ba nges par 'joms pa'i blo gros kyi'o/ /lag pa gnyis brgyad la 'bar pa'i tshul du byed ba ni dra ba can gyi 'od kyi'o/ /g.yas pa mchog sbyin par byas la g.yon pa'i mthe'o dang mdzub mo zla ba ltar brkyang ba ni zla 'od kyi phyag rgya'o/ / lag pa gnyis bum pa'i tshul du bzhag pa ni 'od dpag med pa'i'o/ /rdo rje khu tshur gnyis nam mkha' kun tu bskor ba ni nam mkha' mdzod kyi'o/ /lag pa g.yon pa sa la brkyang nas g.yas pa'i mthe bo dang mdzub mo sbrad la/ zhu ba'i tshul du byed pa ni sgrib pa thams cad rnam par sel pa'i phyag rgya ste/ de dag ni dkyil 'khor pa'i lha rnams kyi phyag rgya rnams so/ /g.yon pa rdo rje khu tshur las khro bo'i mdzub mo snying gar rab tu bzhag la/ hUM zhes smra zhing lag pa g.yas pa'i rdo rje khu tshur brdeg ba'i tshul gyis 'degs par byed pa ni ri khrod lo ma can gyi'o/ /g.yon pa'i mdzub mo dang mthe bos skud pa bzung la g.yas pas khab kyis kha dang mig 'tshem pa'i tshul du byed pa ni 'od zer can gyi'o/ /lag pa gnyis spyi bor sprul mgo'i gdengs ka'i tshul du byas la bud ces brjod pa ni dug sel ma'i ste/ dug sel ma 'di nyid kyi sbyor bas dug bsal par bya'o/ /'dod pa'i rgyal po'i phyag rgya las mdzub mo gnyis bsgreng nas bzhag pa ni rdo rje hUM mdzad kyi'o?/ /de nyid lag ba g.yas ba'i mdzub mo lcags kyu'i tshul du byas pa ni/ rdo rje 'khro bo'i lcags kyu'i phyag rgya ste/ de bzhin gshegs pa thams cad spyan 'dren pa la ni/ dza:zhes bya ba dang sbyar bar bya'o/ /rdo rje khu tshur gnyis kyi mthe'u chung gnyis kha'i grwa gnyis su bzlog ste mche bar byas la lce bsgul zhing khro bo'i ltabs lta bar byed pa ni rdo rje mche ba'i phyag rgya'o/ /rdo rje khu tshur gnyis kyi mthe'u chud dang mdzub mo gnyis rdo rjes mnan pa'i lcags kyu byas la hUM zhes brjod cing khro bo'i lta ba dang ldan pas lus bcu pa ni rdo rje mkha' ?
- 337b
'gro ma'i phyag rgya ste/ khrag la sogs pa drang ba la sbyar bar bya'o/ /rdo rje khu tshur gnyis bcings la mdzub mo gnyis brkyang nas bsnol te gyen du 'degs ba ni dkyil 'khor gyi phyag rgya ste/ bzlas brjod 'bum? byas nas mtshan mo thog thag bsgrub la phyag rgya 'di dang badzra da tISh+TA? zhes bya ba dang/ dkyil 'khor bteg la bstan par bya'o/ de nyid las mkhrig ma g.yon pa las mkhrig ma g.yas par bzhag ste yang logs su bteg pa ni/ sgo dbye ba'i phyag rgya'o/ /rdo rje khu tshur gnyis bzlog nas bsnol lam chan? khung du bsdams te khro ba'i blta ba dang ldan pa ni/ gdon thams cad bskrag par bya ba'i phyag rgya'o/ /lag pa g.yon pa brkyang ste kha spub la/ de'i steng du g.yas pa bzhag la lag pa gnyis ka'i mthe'o bskyod pa ni/ lha ma yin gyi sgyu dang 'khrul 'khor dbye ba dang/ lha ma yin gyi bu mo smrag gzhug pa'i phyag rgya'o/ /lag pa gnyis kyi mthe bo dang mthe'u chung lu gu rgyud du byas la/ lhag ma brkyang ste/ stang stabs dang bcas pas hUM zhes bya ba dang/ sbyor ba ni khro bo rdo rje sa 'og gi phyag rgya ste/ 'dis 'khrul 'khor bshig la lha ma yin gyi grong khyer du 'jug bar bya'o/ /g.yon pa'i rdo rje khu tshur gyis sdigs mdzub bya ba ni/ rdo rje nag mo'i phyag rgya'o/ /rdo rje bcings las mdzub mo gnyis brkyang ste phur bu'i tshul du byas pa ni/ rdo rje phur bu'i phyag rgya'o/ /g.yas ba'i rdo rje khu tshur brdung ba'i tshul du byed pa ni rdo rje tho ba'i phyag rgya'o/ /lag pa gnyis rdo rje khu tshur byas/ mdzub mo gnyis brkyang mdud pa dor ba'i tshul du byas pa ni de bzhin gshegs pa thams cad kyi rdo rje bcing ba'i phyag rgya ste/ 'di dang baM zhes bya ba 'dis dkyil 'khor gyi lha rnams bcings bar bya'o/ /rdo rje khu tshur gnyis sogs les bgags 'dra ba ltar byed ba ni rdo rje sog le'i phyag rgya ste/ bgegs 'dra ba ni hUM zhes brjod nas sbyar bar bya'o/ /lag pa gnyis zla ba 'dra bar byas pas
- 338a
gdong g.yogs la a la la? zhes brjod cing yig steng du bgrad bar gyur ba ni rdo rje srin mo'i phyag rgya ste/ 'di ni gdug pa gnon pa'o/ /lag pa gnyis lu gu rgyud du byas la/ gung mo dang mdzub mo brkyang na gi gug ltar byas pa ni/ chan? ba'i phyag rgya ste/ 'di dang stobs po che'i phyag rgyas sprin thams cad gtubs par 'gyur ro/ /lag pa gnyis khu tshur bcangs la mdzub mo gnyis kam par byas nas/ dpung ba brkyang la phur bu 'byin pa'i tshul du byed pa ni kam pa'i phyag rgya ste/ lag ba gnyis kyi mthe bo rang gi lag mthil du bzhag la/ rkang pa gcig sa la gtsugs nas/ rkang pa gnyis pa rgyab tu bskums la/ /khro bo'i blta bas lce bskyod cing hUM phaT ces rjod cing/ gom pa 'dor zhing bskyong pa ste/ rang gi lag pa mthil du mthe bo bzhag pa'i lag pa gnyis kyis gshog pa bskyod pa ltar byed pa ni rdo rje nam mkha' ldir gi phyag rgya ste/ rdo rje nam mkha' lding du bdag nyid bsams la/ 'dis nad thams cad bsal par bya'o/ /rdo rje khu tshur gyis mnga' gzung la/ g.yas dang g.yon du bgad pa'i tshul du byas la/ steng dang 'og dang ngos gnyis su mnga' 'phen par byed pa ni/ rdo rje mda'i phyag rgya ste/ 'di dang hUM phaT ces bya bas gzhan gyis dpung gzhig ba dang/ de bzhin gshegs pa thams cad mnyes par byas la ho:zhes bya bas mnyes par bya'o/ /rdo rje khu tshur gnyis bcings la gung mo gnyis bshibs te bsgreng la tshigs gsum par bcag ste/ /rin po che dang 'dra par bya/ mthe bo gnyis bsnyams pa'i steng du mdzub mo gnyis gdu bu'i tshul du byas ?/ bcom ldan 'das 'khor lo cen gyi phyag rgya ste/ 'di? dang de'i gzugs su bsgoms nas/ /'khor lo 'bar ba lta bu 'dzin pa ni g.yul las sgrol bar byed pa'o/ /lag pa g.yon pa'i ser mo gun rang gi mthe pos man
- 338b
te/ gung mo bsgreng la g.yas pa pad+mar bya ba ni/ ha la ha la'i phyag rgya'o/ /rdo rje khu tshur gnyis kyi mthe'u chung gnyis lu gu rgyud du byas la/ mdzub mo gnyis bshings te bzlog la dpral bar bzhag pa ni rdo rje khrab 'thung gi phyag rgya ste/ 'dis dur khrod du zhugs la mkha' 'gro ma rnams bskrad par bya'o/ /g.yon pas thod pa gzung ba'i tshul du byas la/ g.yas pas mdung rtse gsum par byas nas ral pa la zla bas brgyan te/ bcings nas ma bsgreng ba mig gsum pa la gar stabs kyis gar byed par bdag nyid bsgoms pa ni bde byed kyi phyag rgya'o/ /g.yon pas gung mo dang mthe bo mi 'jigs pa'i tshul du brkyang la g.yas pa'i khu tshur dbyug tho 'dzin pa ltar byas pa ni khyab 'jug gi phyag rgya'o/ /lag pa gnyis thal mo sbyar nas pad+ma'i tshul du brkyang par byed pa ni tshangs pa'i phyag rgya'o/ /lag pa gnyis me tog thogs pa'i phyag rgyar byas pa ni ma mo thams cad kyi'o/ /rdo rje sems ma la sogs pa de dag nyid ni rin po che ste me long lta bu la sogs pa'i ye shes kyi ngo bo nyid nges dkyil 'khor gyi lha rang gi ting nge 'dzin la gnang bar bsgoms la dbang bskur par bya ste/ de la bcom ldan 'das rnam par snang mdzad kyi ni/ rin po che'i dbu rgyan nyid kyis so/ /gzhan rnams kyi ni mi bskyod pa dang/ 'od dpag tu med pa dang sangs rgyas lnga'i dbu rgyan nyid kyis ci rigs par bskyed par bya'o/ /ngar? dbyangs dang phreng bas kyang dbang bskur bar bya ste/ /rdo rje khu tshur gnyis lhag par mdud la mthe'u chung la sogs ba sor mo thams cad dkrol nas/ 'gying bag dang bcas pas dar dbyangs kyi tshul du bya'o/ /gsang ba'i mchod pa nyid bstan bar bya pa'i phyir 'gyur zhing zhes bya ba la sogs ba gsungs te/ rdo rje khu tshur gnyis dkur brten nas/ cung zad 'jo sgeg gi tshul gyis 'gyur zhing g.yon phyogs su 'dung ba ni sgeg mo'i'o/ /de nyid las phreng pa'i tshul du mgo la 'ching ba ni phreng ba
- 339a
ma'i'o/ /glu? lan cing rdo rje'i pi wang brdud ba'i tshul du byed pa ni rdo rje glu ma'i'o/ /rdo rje khu tshur gnyis phar byed pa'i tshul du bskor ba ni rdo rje gar mkhan ma'i'o/ /gsang pa dang phyi'i mchod pa gang sngon du 'gro bas bya'o/ /zhes bstan par bya ba'i phyir/ 'do? sgeg thabs la spro ba yis zhes bya ba la sogs pa gsungs so/ /me tog ni thal mo dang/ gar gyis me tog dbul ba'i tshul du byed pa ni me tog ma'i'o/ phan tshun rgyab sbyar la gung mo bsgreng nas spos kyi tshul du bskor ba ni bdug sbos ma'i'o/ /mthe bo gnyis mar me'i tshul du bzhag pa ni mar me ma'o/ /gang sngon du 'gro bas phyug ba'i tshul du byed pa ni byug pa ma'i'o/ /lag pa gnyis dung gi tshul du sbyar la mchod yon dbul? par bya'o/ /lag pa gnyis gyis bdebs bas rdza rdza? brdung pa'i tshul du bya ba dang/ rang gis bud pa'i tshul gyis gling bu 'bud pa dang/ rdo rje bsdams pa nang du gcings la mthe bo gnyis bshibs la brkyang/ mthel lo gnyis gdu bur byas pa'i dung 'bud pa dang/ lag pa g.yas par? teg? ste/ de nyid kyis rnga yab g.yob ba ltar bya ba dang/ lag pa g.yon pa bteg la/ lag pa g.yas pa rgyal mtshan gyi tshul du sbyangs ba/ de bzhin du gnyi ga ba dan du byas la/ ba dan du bya ba'i don du g.yo zhing bskor bas 'og tu bya ba dang/ tshon 'gyed pa'i tshul gyi phreng ba bya ba dang/ lag pa g.yon pa pad? par bzhag ste/ snor dbyas la/ g.yas pa bzung nas lta bshos rnam pa sna tshogs dbul pa dang/ zur bzhi'i tshul gyis khang pa brtsegs ma bya pa dang/ gos kyi tshul te na bza' dra ba'i tshul dang/ gdu gu dang/ do shal dang/ dpung rgyan dang rkang rgyan dang/ rna cha rnams ni gnas ji lta bar brgyan par bya ba dang/ lag pa g.yon pa'i mthe bo'i rtse mo'i steng du g.yas pa brkyang la gdugs su bya ba dang/ lag pa
- 339b
g.yon la? dkar brkyang la g.yas pa de bzhin du g.yon pa'i/ steng du bzhag ste/ nam mkha' la bskor na bla rer 'gyur ro/ /mtshams rnams su dra ba la sogs pa bya ste/ 'di dag la ni yi ge hUM gis ci rigs par bya'o/ /de kho na nyid kyi mchod pa'i don du shes rang kyi sgo? 'phar? dbye? bar bya ba'i phyir dbye bar bya'o/ /gang rnam par rtog pa dang bral ba'i? ? kyi byang chub kyi sems rnam par bsgoms bas thams cad rdo rje 'dzin pa'i bdag nyid du shin tu dad pa ni lha thams cad kyi sku dang gsung dang thugs rnams la mchod pa bla na med pa byas par 'gyur ro/ /dbu ma'i theg pa bsgoms pas/ rnams par ma bsgoms pa yang kun rdzob kyi mchod pa yin par blta bar bya'o/ /dkyil 'khor ba'i lha rnams kyi sku dang gsung dang thugs dang de bsgrubs pa'i 'bras bu mnyam pa med pas legs so zhes gsungs so/ / //de bzhin gshegs la sogs pa rigs lnga'i skye ba dang 'gag pa dang bral bas/ bcom ldan 'das la bstong ba bstan par bya ba'i phyir/ mdza' ma mod cing zhes bya ba la soD? pa gsungs so/ /sku gsum gyi bde ba'i sgo nas lha thams cad la bstod pa bstan par bya ba'i phyir/ bde ba las 'khrungs rdo rje 'chang ba yi/ /zhes bya pa la sogs pa gsungs te/ rdo rje ye shes ni byang chub kyi sems kyi bdag nyid can te/ de ? ba dang rdo rje la sogs pa'i rim gyis bde ba'i ngo bor 'khrungs pa'o/ /de ji lta bu zhe na/ dngos po zhes bya ba la sogs pa gsungs te/ dngos po rnam par bsgom pa ni rnam par snang mdzad la sogs bdag po bskyed pa'i sgo yod pa de nyid brgyan? dpar? bya ba'i phyir/ gang phyir zhes bya pa la sogs pa gsungs te/ gang gi phyir dang por te thog mar rnam par snang mdzad ni/ oM las byung bar sbrul ba'o/ /gang gis she na/ ngag cing zhes bya ba la sogs pa gsungs te/ dag cing rnam dag cig?
- 340a
bya ba ni nyon mongs pa dang shes bya'i sgrib pa las dben zhing/ sgrib pa thams cad spangs pa yin pas na/ de skad ces bya'o/ /gzung mang tshul gyis zhes bya ba ni yang dag pa'i rig pa bcu mtshan nyid can gyi phreng bas bcings ba ni bskyed pa ste/ kun nas nyon mongs pa zil gyis gnon pa'i bdag nyid can gyi bstong pa'i rnam pa'o/ /de bas na sgyu 'phrul dra ba'i rgyud kyi ngo bo bcom ldan 'das de nyid la phyag 'tshal ba'o/ /gsung snyan zhes bya ba la sogs pa la/ yi ge kun ni pad+ma'i rigs kyi lha mo rnams kyis te/ de kun tu bsten cing khyab pa'i bar gyis gsung snyan ces gsungs so/ /gsung ni yi ge A:ste/ de nyid skye ba med pa ston pas spros pa med pa ston pa'o/ /de la 'jig rten dbang phyug bzhugs pa ni/ de las byung ba'i phyir te/ snga ma bzhin du de la yang bdag phyag 'tshal lo zhes bya bar sbyar ro/ /des byas pa'i mig gsum pa lha mo dang bcas pa khro bo'i rgyal po'i skus btul bar mdzad pa dang/ rdzu 'phrul gyi tshul mang po dang ldan pa gang yin pa de lta bu gzhan 'ga' mnyam pa med pa dang/ bde ba chen po'i rang bzhin gyi rjes su chags pas bzhugs pa ste/ na chung dag dang lhan cig bzhag cing rol pa ni bde ba ma yin pas kun rdzob tu bzhugs par ston pa'i bar du'o/ /de ni 'di skad ston par 'gyur te/ yi ge gsum gyi rnam pa las rim gyi 'bras bu'i sgo nas bdag nyid chen po'i 'byung ba sngon du 'gro bas phyag 'tshal ba ston pa yin te/ de las yang snga ma bzhin no/ /'di'i yang phyag g.yas pas ni/ thugs kar rdo rje bstod de 'jog la/ g.yon pa dkur bsten pas dril 'khrol bar mdzad cing/ yang g.yas dang g.yon gyis mnga' dang gzhu sor zhing bsnams pa/ zla ba'i mdog can la cung zad dmar bas mdzes ba'i
- 340b
mdangs can lha mo bzhi'i btsun mos bskor ba ste/ de yang gcig ni lha mo kI li kI la ste mchog tu/ dbus kyi rang gi lha'i dam tshig pa la 'khyud pa'o/ /gnyis pa ni chu srin gyi rgyal mtshan can te/ rgyab tu gnas shing rjes su chags pa bde ba chen po'i mthu dang ldan pa'o/ /gsum pa ni bsnyems ma zhes bya ba ste/ me tog gi phreng bas bdag po la kun nas 'phen pa'o/ zhes bya ba ni lhag ma'o/ /bzhi pa ni me tog gi ming can te/ g.yas nas bde ba'i mda''phen pa ste/ 'dod pa'i mda' zhes bya ba'i don to/ /gang zhig glu 'di len cing bstod pa byed pa dang/ sgom par byed pa des ni bde ba'i rdo rje can dang mnyam pa thob par 'gyur ro/ /de rnams kyi mchod pa rnam pa sna tshogs dang/ yid kyi mchod pa rnams oM a nut+ta ra zhes bya ba la sogs pas byin gyis brlab par bya'o/ zhes gsungs pa yin no/ /le'u drug pa'i bshad pa'o// //da ni byang chub kyi sems bstan par bya ba'i don du/ rgyud phyi ma bshad par bya ba'i phyir/ de nas bcom ldan 'das zhes bya ba la sogs pa gsungs te/ sems ni lus kyi rnam pa yin la zhe sbya ba ni de lta bu'i rnam par snang ba yin te/ de skad du khams gsum po 'di dag ni sems tsam mo zhes gang gsungs pas so/ /chos rnams zhe bya bas ni de bzhin gshegs pa'i rigs rnams la'o/ /skye ba med pas brjod du med pas na yi ge med pa'o/ /yi ge med pas na gnas pa med pa'o/ /de bas na de kho na nyid du med pa'o/ /rtogs pa dang brjod pa thams cad kyi gnas ma yin pas na rtog pa dang brjod pa'i tshul spangs pa'o/ /gsung gi spros pa tsam nyid rdo rje yin pas na/ de la dmigs pa'i ting nge 'dzin de la yang de skad ces bya'o/ /dngos po zhes bya ba ni rdo rje'i rigs rnams so/ /de ma bskyed pa yin te/ de bas na chos can dang/ chos nyid dang bral bas chos thaMs cad med pa ste/ yang dag
- 341a
par rig pa bcu'i mtshan nyid can dang chos nyid med pa ste yid du 'ong ba'i don thob pa'i bdag nyid can med pa'o/ /de bzhin gshegs pa thams cad kyi dmigs su med pa'i ting nge 'dzin gang yin pa de la de skad ces bya'o/ /dngos po 'di dag ces bya ba ni rin po che'i rigs dang ldan pa rnams so/ /chos kyi mtshan nyid spangs pa yin zhes bya ba ni dkyil 'khor la sogs pa'i chos rnams ni rang gi mtshan nyid dang bral ba'i phyir ro/ /ji ltar na 'di ltar 'gyur zhe na/ bdag med chos las legs byung ba'i/ /zhes bya ba gsungs te/ mnyam pa nyid kyi ye shes kyi bdag po las skyes zhes bya ba'i don to/ /me lce 'bar ba ni chos thams cad rang bzhin gyis dag pa'o/ /de nyid rdo rje 'bar ba ste/ de la dmigs pa'i ting nge 'dzin? de la yang de skad ces bya'o/ /dngos po zhes bya ba ni pad+ma'i rigs dang ldan pa rnams so/ /de ni skye ba med pa yin la/ de bas na dngos po med pa ste/ lha rnams dang bsgom du med pa ste/ bsgom par bya ba'ang med pa'i phyir ro dngos po zhes rab tu brjod pa ni kun rdzob yin no/ /de bzhin gshegs pa thams cad kyi bla na med pa'i rang bzhin gyis 'od gsal ba'o/ /de nyid rdo rje ste de la dmigs pa'i ting nge 'dzin gang yin pa de la yang de skad ces bya'o/ /chos rnams zhes bya ba ni las kyi rigs dang ldan pa rnams so/ /gzod nas dag pa ni thog ma nas skye ba med pa'i phyir ro/ /rnyog pa med pa ni nyes ba thams cad las dbyen pa'i phyir ro/ /de bas na sems can med pa ste/ zla ba'i dkyil 'khor gyi ngo bo dang/ srog kyang med pa ste phyag mtshan gyi gzugs med pa dang/ sangs rgyas nyid med pa ste/ rigs kyi bdag po'i mtshan nyid can dang/ byang chub med pa ste/ bya ba sgrub pa'i ye shes kyi bdag nyid can nyid dngos po med pa'o/ /sangs rgyas dang/ dag pa dang/ chos
- 341b
bstan pa rnams ni sku dang gsung dang thugs kyi sgo nas so/ /chos thams cad bdag med pa bsgom pa'i bdag nyid can yin pas na/ bdag med chos la legs byung ba ste/ 'di dag ni sangs rgyas la sogs pa'i rgyu dang 'bras bur gyur pa yin no/ /byang chub ces bya ba la sogs pa ni phyag 'tshal ba ston pa yin te/ ji ltar 'byung zhe na/ byang chub tshogs kyis bsgom pa yis/ zhes bya ba ste byang chub kyi sems bsgoms pa'i bsod nams dang ye shes kyi tshogs bla na med pa'i bsod nams dang ye shes kyi tshogs des rgyud bsgoms pa'i phyir ro/ /mi g.yo yi ge las byung zhing/ zhes bya ba ni zla ba la gnas pa'i yi ge hUM las 'byung ba'i phyir ro/ /des ni 'di skad ston par 'gyur te/ byang chub sems bsgom pa sngon du 'gro bas zla ba'i dkyil 'khor la sogs pa bsgom par bya'o// shugs rdo rje'i sbyor bas dang por bzlas pa la sogs pa la rang gi lha spyan drangs pa la sogs pa bya'o/ /zhes bstan par bya ba'i phyir/ gnas dang zhes bya ba la sogs pa gsungs te/ 'di dgag las shes she na/ 'khor los sgyur ba chen por gyur pas/ chos kyi mthar yang dam tshig rdo rje can du gyur nas rang gi lha spyan drang bar bya'o zhes bstan par bya ba'i phyir ro/ /rnal 'byor bdag nyid can gyis brtag ces bya ba ni 'di skad ston bar 'gyur te/ sems dpa' i skyil mo krung dang ldan par 'dug la rang bzhin gyis dag pa'i chos nyid mngon du byas te/ rang gi phyag rgya byin gyis brlabs sngon du 'gro ba dang/ rdo rje sems mas byin gyis brlab la hUM zhes bya ba brjod de/ rang gi lus kyi rin po che la/ bdag nyid rdo rje can yin no zhes nga rgyal bskyed la/ ji skad du bshad pa'i gnas dang/ stan la sogs pa rdzogs nas/ rdo rje'i lcags kyus rang gi lha spyan drangs la gdan ji lta ba bzhin du bstabs te/ rigs kyi yum gyi dam tshig nye bar bstan nas phyag rgya bskor bas/ phyogs bcings la mchod yon
- 342a
dang zhabs bsil la sogs pa phul nas go cha bskon te/ phyogs su mda''phen pa'i tshul dang/ phur bu dang ra bas bsrung ba byas la/ rang gi phyag rgyas byin gyis brlab cing dbang bskur te gsang ba'i mchod pa dang rol mo la sogs pa bsam zhing bstod pa dang phyag bya ba la sogs pa'i rim gyis rang gi lha'i gzugs su bsgom par bya'o/ /byin gyis rlabs pa'i rnal 'byor la ni/ rang gi sngags dang phyag rgya bdag nyid byin gyis brlab la/ rang gi lha'i nga rgyal du bya'o/ /yongs su rtogs pa'i rnal 'byor ni byang chub kyi sems bsgom pa la sogs pa'i rim gyis rang gi lhang bskyed pa'o/ /yongs su rdzogs pa'i rnal 'byor ni/ skad cig gis rnam pa thams cad kyi mchog dang ldan pa'i rang gi lha'i gzugs su spro ba dang/ sdud par byed pas bsgom pa'o/ /dam tshig byin gyis brlab ni lhar byin gyis brlab pa yin te sngar bshad pa'o/ /rnal 'byor pa zhes bya ba ni bcom ldan 'das lha thams cad kyi rnal 'byor gyis byung ba yin pa'i phyir ro/ /de nyid brtags pa ste sems so sor rtog pa la sogs pa'i rim gyis byung ba'i phyir ro/ /bar du zhes bya ba ni dbus byung ba ste/ rnam par snang mdzad kyi thugs ka'i zla ba'i dbus na gnas pa'i gsang sngags kyi yi ge las nges par byung ba'i zhes bya ba'i bar du 'dod? yongs su brtag pa la sogs pa rnal 'byor gnyis bstan par bya ba'i phyir/ byang chub sems ni zhes bya ba la sogs pa gsungs so/ /de ni 'di skad ston par 'gyur te/ de la dang por yi ge hUM gis thal mo gsum brdabs la rang gi byang chub kyi sems bsgoms pas/ rang bzhin gyis dag par mngon? sum du byas la rang gi sems byang chub kyi tshogs kyis bsgos pa zla ba'i dkyil 'khor lta bur so sor brtags la/ de nyid yongs su rdzogs pa de la yi ge oM myu gur
- 342b
byas nas/ de las de bzhin gshegs pa thams cad phyung? ste/ de rnams kyis sems can thams cad brtul nas/ nang du chud pa sngon du 'gro ba de las byung ba'i sku rdo rje la rang gi gdan paM las byung ba'i pad+ma la gnas pa'i mtshan ma thams cad yongs su rdzogs par bsgoms la/ gnas ji lta bar yi ge gsum gyis sku gnyis byin gyis brlabs la/ rang dang spyan gnyis byung ba'i rgyal mtshan la gnas pa'i yi ge thams cad/ ra'i mes zhu par byas la byang chub kyi sems phyung ste hUM las byung ba'i rang gi gsang ba'i rdo rje byas la/ de nas sngags kyi yi ge gnyis/ yi ge ho dmar po dang/ spel ba rang gi khar bcug ste/ 'dod chags chen po'i mes de zhu bar gyur cing/ gnyis ka yang zhu bar gyur par bltas la spyan la sogs pas bslang ba'i glu dang yang dag par bskul ba sngon du 'gro bar byas pa dang/ de nas rnam par snang mdzad du gyur nas thugs ka'i zla ba'i dkyil 'khor la rang gi gsang sngags dang ldan pas rdo rje'i bdag nyid ni bdag yin no/ /zhes bya ba'i nga rgyal bskyed nas mtshan thams cad la sogs pa yongs su rdzogs shing 'od kyi dkyil 'khor dam pas brgyan pa dang phyag rgya dang nye bar ldan pa'i ye shes sems dpa' bdag nyid bsgom par bya'o/ /cha shas kyi ni dra ba can/ zhes bya ba ni sa la sogs pa la spyan la sogs par rang gi sa bon las byung ba dgod par bya'o/ /phung po dang skye mched la sogs pa rnams la ni de bzhin gshegs pa rnams dang sa'i snying po la sogs pa bkod la/ yang yi ge gsum gyis byin gyis brlabs te rdo rje sems dpa' la sogs pa'i rang gi sngags dang phyag rgyas byin gyis brlab bo/ /de nas go cha dang mtshon cha la sogs pa brtags par bya zhing rdzogs pa'i sangs rgyas lnga po rin po che'i dbu rgyan du gyur pa'i cod pan dang/ phreng ba rnamS
- 343a
kyis dbang bskur la/ gsang ba'i mchod pa rnams kyis mchod de/ de'i 'og tu sgyu ma ste rang gi lha'i gzugs kyi mtshan nyid can sangs rgyas kyi sprul pa mdzad pa de rnams kyis sems can thams cad 'dul zhing pad+ma la gnas pa rdo rje 'bar ba'i 'phro ba'i bdag nyid can gyi lus dang ldan pa spros nas yang dag par bsdus te/ rang gi gdan la gnas par bya ste/ rang gi lha'i nga rgyal bya'o/ /'dir yang rdo rje sems dpa' la sogs pa'i sbyor bas rnal 'byor gsum char yang ston pa ni sgrub pa'i thabs gzhan dag nye bar mtshon pa'i don du 'di dag bstan pa yin te/ gzhan du na de rnams kyi mos pa'i dbang gis nye bar dgong pa don med par thal bar 'gyur ro/ /dbang bskur ba byas pas ni sgeg mo la sogs pa yang dag par mchod la stong pa nyid du byas te/ rdo rje glu la sogs pa rnams kyis bdag nyid kyis lus bskyed do/ /la la ni yongs su brtags pa dang/ /gzhan gyi dbang la sogs pa'i de kho na nyid kyi dbye pa dang/ rang gi lha nyid kyi sbyor ba nyid kyis sems can gyi bsam pa'i nga rgyal gyi dbye bas byang chub gsum 'dir gsungs pa yin la/ de ni dang po phye ste spos pa yin te/ gzhan dag ni ma bshad do/ /bsgom pas skyo bar gyur na myur chos pa dang/ bul pa la sogs pa dang bral ba'i gsang sngags bzlas brjod bya'o/ /bzlas pas skyon g.yas pas rdo rje gsor la g.yon pa dkur brten pa'i dril bu bsil zhing rdo rje glu blangs la mchod pa byas te/ snga ma bzhin du gshegs su gsol la bdag nyid bsrung ste/ sku dang gsung dang thugs dang bsgoms bcing de bar gnas par bya'o/ /bsgom pa dang bzlas pa bar chad du gyur pas kyang yi ge brgya pa brjod la nye? bar bsdu par bya'o/ /le'u bdun pa'i bshad pa'o// //las kyi tshogs bstan
- 343b
bar bya ba'i phyir/ de nas bcom ldan 'das zhes bya ba la sogs pa gsungs pa ste/ lha ni gang yang rung zhig ces bya ba la sogs pas ni 'di skad ston par 'gyur te/ dkyil 'khor gyi dbus su gang bzhag par gyur pa'i dkyil 'khor te/ de de'i ming 'byung ba zhes bya bar 'gyur ro/ /bdag po nyid kyis zhes bya ba ni rnam par snang mdzad la sogs pa'i rnal 'byor gyis zhi ba la sogs pa'i las rnams bya ba'o/ /'khor lo'i rgyal mo rnams bsgoms nas zhes bya ba ni spyan la sogs pa'i rgyal mo bsgoms pa ste/ zhi ba'i las ni bskul? byed ma dang spyan gnyis kyis so/ /rgyas pa la ni rin chen sgron ma dang/ gos dkar mo gnyis kyis so/ /dbang la ni sgrol ma dang/ rdo rje lu gu rgyud gnyis so/ /yams la sogs pa rnam par gzhig pa la ni 'od zer can dang/ ri khrod gyi lo ma can gyis/ /mngon spyod la ni mA ma kI dang/ khro gnyer can gyis so/ /rol pa ste zhes bya ba ni/ don dam pa la rol pa'i ngang tshul dang ldan pas so/ /chags pa'i rdo rje chags pa zhes bya ba ni snyoms par 'jug pa la rjes su chags pa'o/ / gsang sngags de nyid kyis bskul na/ zhes bya ba ni sbyor bas so/ /dang po ting nge 'dzin gyis sprul nas zhes bya ba ni snga ma bzhin du sprul par bsams te/ rnam par snang mdzad kyi spyor bas bskul pa dang bcas pa de'i sngags brjod la spyan nam skul byed ma phyung ste/ byang chub kyi sems kyi bdud rtsis gang ba'i zla ba ltar dkar ba'i bum pa lag pa gnyis kyis 'dzin cing bgrang phreng dang ril pa spyi blugs bsnams pa/ dbang po zhi zhing zla ba ltar dkar ba spos la nad la sogs pas gdungs pa'i 'jig rten la ldugs par bsam zhes bya ba'i bar du'o/ /dang po ting nge 'dzin gyis sprul nas/ zhes bya ba ni snga ma dang 'dra'o/ /lus la sogs pa rgyas par bya ba la ni rin chen tog gi ting nge 'dzin dang ldan pas rin chen
- 344a
sgrol ma dang/ gos dkar mo gser gyi mdog can la bdud rtsi la sogs pas yongs su gang ba'i gser gyi bum paphyag gnyis kyis 'dzin cing pad+ma dang rin po che bsnams pa bdud rtsi'am/ rin po che'i char 'bebs pas bsgrub par bya ba 'am/ de'i khyim 'gengs par de bzhin du bsgom mo/ /bkug ste mnga' yis bsnun na ni/ zhes bya ba 'di skad ston par 'gyur te/ 'od dpag med kyi rnal 'byor pas/ /sgrol ma 'am lu gu rgyud mdog dmar zhing 'od zer dmar po dang ldan pa/ zhags pa dang lcags kyu 'dzin la/ g.yon gyis gzhu gzung nas/ g.yas kyis rtse dmar ba'i mnga' 'dren pas bsgrub par bya ba'i snying ga'i lte pa la bsnun par snga ma bzhin du bsams na nges par mdag gzhug nying du 'gyur ro/ / don yod rdo rje'i rnal 'byor pas ni/ 'od zer can nam/ ri khrod kyi lo ma can mdog ljang gu byang chub kyi sems kyi chus gang ba'i bum pa phyag na thogs nas yul 'khor du snga ma bzhin du ldugs par bsams na bdud la sogs pa'i nye bar 'tshe pa sel bar 'gyur bas na yams dang gnod pa zhi bar 'gyur ro zhes gsungs so/ /mrgad lta bu'i mdog can la zhes bya ba ni/ mrgad kyi 'od kyi mdog can no/ /hUM zhes bya ba'i sgra sgogs pa/ zhes bya ba ni khro gnyer can nam mA ma kI/ hUM nga ro'i sgra sgrogs pa'o/ /rdo rjes bsdigs par brtson pa yis zhes bya ba ni snying gar khro bo'i sdigs mdzub kyis bsgrub par bya ba'i bsdigs pa la brtson pa'o/ /khros nas ni zhes bya ba ni khro pa'i lta bas rdo rje me'i char 'bebs par mi bskyod pa'i rnal 'byor dang ldan pas snga ma bzhin du bsam par bya zhing bsgrub par bya ba 'jigs par 'gyur ba la sbyar bar bya'o/ /sbyor ba zhes bya ba ni phyag rgya la sogs pa'i sbyor bas so/ /rdo rje sems ma la sogs pa bzhis rang gi rigs dang ldan pa rnams byin gyis brlab
- 344b
cing spyan drangs la dam tshig la bzhag nas/ dbang bskur bar bya'o/ /skal ba bzang po rnams kyang zhi ba dang rgyas pa la sogs pa'i las la sbyar na des rang gi las zhi ba dang rgyas pa la sogs pa'i 'bras bu don yod par sbyin bar byed par 'gyur ro/ /khro bo'i rgyal por spyar bar bya zhes bya ba ni gshin rdze gshed la sogs ba'i rnal 'byor pas las de nyid la sbyar bar bya'o/ /ji ltar zhe na/ dam tshig ces bya ba la sogs pa gsungs te/ rang gi lha'i nga rgyal gyis bskul ba sngon du 'gro ba dang/ gsang sngags brjod la dam tshig spyan drang ba dang/ bskrad pa dang/ bsrung ba dang/ mngon spyod la sogs pa'o?/ mngon spyod nyid bstan par bya ba'i phyir/ rkang rjes sa'i zhes bya ba la sogs pa gsungs te/ dgra bo'i tsha ba bskyed par bya ba'i phyir/ ji skad du bstan pa bzhin de'i gzugs brnyan byas la/ rnam par shes pa dgug ba la sogs pa sngon du 'gro bas dug dang ske tshe la? sogs pas bkang nas/ shin tu sdug bsngal bar gyur pa la/ po son cha'i? tsher mas khro bo'i sngags bzlas pas dbug go /gsang ba la ni mi rus kyi phus/ /dpral ba la sogs pa nas lngar gdab po/ /de yang 'di ltar phur bus btab nas skem par bya ste/ de bzhin du nges kyang ma nus na dum bu dum bur gtubs nas sbyin seg bya'o/ /rus sbal gyi rkang pas ni sngar bshad pa'o/ /cho ga bzhi du dgug par bya/ /zhes bya ba ni yi ge hUM gis bsrung ba drangs la dpal dang bral bar bya'o/ /bsgrub bya bsams nas zhes bya ba ni/ /rdo rje khro bo la las zhags pas bcings nas lho phyogs su khrid par gyur pa dang/ la las rdo rjes brdeg bzhin pa dang/ la las ral gris gtubs par gyur pa dang/ hUM badzra rak+Sha zhes bya ba la sogs pa'i skul tshig sngon du 'gro bas rdo rje srin pos/ bsgrub par bya ba zos par bsgoms shid/ bya rog dang khyil sogs pas kun nas bskor nas za zhing 'thog par bsam mo/ /
- 345a
ming nas bskul bar bya zhes bya ba ni/ de'i ming nas bskul bas so/ /bskrad pa'i yang nang gi sbyor ba bstan par bya ba'i phyir/ rlung gi dkyil 'khor zhes bya ba la sogs pa gsungs te/ rlung gi dkyil 'khor la zhon pas dang spel pa'i u las byung ba'i rdo rje rnga mo bsams te/ de'i rgyab tu bsgrub par bya ba zhon par yongs su brtags la rdo rje khro bos gzir bar gyur bzhin du lho phyogs su khrid par gyur par bsam mo/ /de nyid la phyi'i cho ga bstan par bya ba'i phyir de'i rkang rjes zhes bya ba la sogs pa gsungS so/ /de ni 'di skad ston pa yin de rlung gis bcugs pa'i shing lo la khro bo'i sngags dang spel pa'i ming bris la de dang/ de'i rkang rjes kyis ngang bsres la ming nas smos pa sngon du 'gro pas bkug la rdo rje sna yon gyi rkang pa'i drung du spa'o/ /de'i ming gsang sngags dang spel te/ zhes bya ba ni 'ug pa'i sgro la bsgrub par bya ba'i ming khro bo'i sngags dang spel te bris la dge sbyong dang/ bram ze'i skra yis de dkris la sa'i 'og tu brkos nas gzhug ste de gnyis khro bo gnyis kyis thal mo 'byed par bsam par bya ste/ des ni phan tshun 'bye par 'gyur ro/ /bsgrub par bya ba'i lus skam par bya ba'i phyir/ hUM zhes bya ba la sogs gsungs te/ khro bo'i rnal 'byor dang ldan pas rang gi sna'i rtse mo la gnas pa'i hUM las byung pa'i rdo rje phra mo spros la bsgrub par bya ba bkang? ste/ de'i yan lag gi tshigs thams cad du/ sna tshogs rdo rje rab tu 'bar pa bsams la/ de 'bar bas lus skams nas/ oM badzra DA ki ni/ zhes bya ba la sogs pa'i sngags bskul ba'i tshig sngon du 'gro bas/ rdo rje mkha' 'gro rnaMs kyis khrag kun nas bzhi bas par gyur par bsams so/ /rlung bcing bar bya ba'i phyir/ mkhas pas rlung gi zhes bya ba gsungs te/ rlung gi phyogs dre nag pos dkyil 'khor gru bzhi byas par/ thig le bdun re re zhing yi ge yas bskor ba byas
- 345b
la/ de'i sted du kham por gyis dgag pa de yang ri rab rtse mo brgyad par bsam nas/ dbus su laM gyis mtshan pa'i dbang chen gyi dkyil 'khor/ rdo rje chen pos mnan pa'i nang du rlung rnams nges par chad par bsams la gsang sngags brjod de 'di bya'o/ /char? dbab pa'i phyir/ pad+ma 'dab brgyad ces bya ba la sogs pa gsungs te/ pad+ma 'dab ma brgyad pa bris te/ de'i 'dab ma brgyad la mdza' yas dang/ rigs ldan dang/ nor byas dang/ dung skyod dang/ 'jog po dang/ pad+ma chen po dang/ kar ko Ta dang/ pad+ma zhes bya ba gnyis gnyis shing/ nag po dang/ dmar po dang/ ser po dang/ dkar po'i mdog can/ oM sha las ha zhes bya ba dang/ rkang pa nas brtsams te spyi bo'i bar du klu brgyad byin gyis brlab cing pad+ma'i lte ba la/ mjug ma rnams gnas par byas la/ rang gi gnas nas bkug ste/ mchod nas khro bo'i gzugs 'bar ba'i phreng ba can tu/ bdag nyid dbus su gnas la hUM nI hUM zhes brjod cing/ rting pa'i mthil gyis gzir bar gyur par bsams shing/ klu rnams kyang char 'bebs pa la brtson par bsam mo/ /char gcod pa'i phyir/ nyi ma'i mdog ltar zhes bya ba la sogs pa gsungs te/ bdag nyid nyi ma dmar po'i mdog dang 'dra ba'i 'od can gyi khro bo'i gzugs su bsams la/ rang gi kha nam mkha' i tshad tsam la yi ge hUM 'bar bar gyur pa'i lce dang ldan pa gdangs te/ chus yongs su gang ba'i sprin pa lpags? la dbugs kyis rdubs la dbugs phyung bas shing bal bzhin du gtor bar bya'o/ /yang na rang gi phyag rgya'i tshogs/ kha nam mkha' i tshad tsam la lce 'bar ba gangs la chus yongs su gang pa'i sprin ldags te/ dbugs gyis drangs la dbugs phyung pas/ shing ba la bzhin du gtor bar bya'o/ /gal te yang rang gi phyag rgya'i tshogs kyi 'bar ba btang bas/ sprin bcad cing btungs la/ hUM zhes bya bas bsdigs
- 346a
pa la brtson? par bya'o/ /bgegs thams cad rnam par gzhig pa'i phyir/ me'i dkyil 'khor zhes bya ba la sogs pa gsungs te/ rnam par snang mdzad kyi sbyor ba dang ldan pas rang gi dpral ba las byung ba'i 'phags pa mi g.yo ba me'i dkyil 'khor la gnas pa phyag drug pa bsams te/ de nyid khro bo grangs med pa dang bcas pas bgegs thams cad hUM gi sgra dang rab tu 'bar ba'i ral gri la sogs pa 'bebs pas bgegs rnams gzhig par bya'o// ma'i 'gegs gzhom par bya ba'i phyir/ rkang rjes sa dang zhes bya ba la sogs pa gsungs te/ ma'i rkang rjes kyi sa dang/ ma'i khrag gis bsgrub par bya ba'i gzugs brnyan byas la mi rus kyi phung ba dag la 'od zer gyi sngags nyi shu bzlas la/ gnyis kyis mig gnyis su phur bu btab la tshogs kyi bdag po'i khar bcug ste/ oM suM b+ha badzra mu sa la/ zhes brjod pa sngon du 'gro bas/ rdo rje gtun shing gis rgyab nas brdung bar bsam par bya'o/ /mi mched pa bzlog par bya ba'i phyir/ stang zil kha dog ces bya ba la sogs pa gsungs te/ rang gi ye shes hUM dang spel ba las byung ba'i nam mkha' lding mdog nag po lus la klu stong gis khyab par bsams la/ oM badzra nA ga ra yA na zhes bya ba la sogs pa dang/ bskul ba sngon du 'gro ba nges brgya byin bskul la 'di la yang/ sprin gyi tshogs las char dbab pa'i phyir/ bka' bsgo bar bya'o/ /bka' thos nas chu'i char 'bebs pa'i sprin rnams kyis me gsod pa la brtson par bsams la nam mkha' lding gis kyang/ gzhog pa'i chu dang/ mchus brkos bar chu klung gi mtshams byed par bsam mo/ /rdo rje thog zog bzlog par bya ba'i phyir/ zhal ras gsum pa zhes bya ba la sogs pa gsungs te/ dpal rdo rje sems dpa' zhal ras gsuM pa
- 346b
zla ba'i mdog can phyag bzhi pa 'od dmar po sna tshogs 'bar ba'i 'od dang ldan pa bsnyems ma la sogs lha mo bzhis yongs su bskor bdag nyid rnam par bsams la/ g.yas pas rdo rje bstod de/ 'jog pa lag pa g.yon pas rdo rje dril bu bsnams pi? rdo rje sems dpa' la sogs pa phyung la spros te/ nam mkha' i khams su sprin bzhin du khyab par bsam nas/ bsgrub par bya ba 'am/ oM ma hA su badzra/ zhes bya ba la sogs pas/ rnam pa thams cad kyis brgyan pa'i rdo rje can du byin gyis brlabs la sangs rgyas kyi rin po ches dbang bskur nas/ cod pan dang phreng ba'i dbang bskur bar bya'o/ /da ni rnam par snang mdzad chen po 'gro ba thams cad la gzigs nas smin ma mdzes par bskyed cing/ 'dzum pa la sogs pa dang ldan par mdzad pa dang phyag na rdo rjes gzigs pa la sogs pa'i rgyu zhus shing/ bcom ldan 'das kyis kyang bka' stsal par bstan par bya ba'i phyir/ bsgoms pa'i lam las zhes bya ba la sogs pa gsungs te/ sems can gyi dngos po gang yin pa'i dngos po rnams ni dngos po med la skye ba dang 'gag pa mdza' gnyis dang bral ba yin zhing de med pas na dbu ma yang med do/ /de bas na nam mkha' dang 'dra ba yin na/ byang chub ji ltar mngon sum du bya ba'i thabs de bstan par bya ba'i phyir/ phung po zhes bya ba la sogs pa gsungs te/ thabs dang shes rab kyi bdag nyid can gyi lha'i phung po dang/ gcig tu gyur par bsgoms pas/ sgom pa ni sgom pa/ sgom par byed pa'o/ /byang chub sems ni grogs 'gyur bas zhes bya ba ni byang chub kyi sems bsgom pa sngon du 'gro bas so/ /sprul pa dang ni bsdu ba yis zhes bya ba ni de bzhin gshegs pa thams cad mchod par bya ba'i phyir/ sprul ba spro ba dang bsdu ba dag byed pa ste/ de yang sems tsam yin pas de nyid kyis lha rnams kyi sku dang
- 347a
gsung dang byang chub kyi mtshan nyid can gyi sems 'thob par 'gyur la de sgyu ma dang 'dra ste/ byang chub kyang de dang 'dra'o/ /sgyu ma lta bu las ji ltar na 'bras bu 'byung bar 'gyur zhe na/ dper na zhes bya ba la sogs pa gsungs so/ / lhag ma bcas pa'i byang chub ni nyan thos la sogs pa ste/ phung po la sogs pa med pa'i phyir ro/ /lhag ma med pa yang sgrub pa'i bag chags dang bral bas bla na med pa'i byang chub bo/ /'di nyid bskyed par bya ba'i phyir/ kun rdzob tu de kho na nyid rnam pa bcu gsungs so/ /'di skad du bshad pa'i cho ga byas kyang ma grub na lha rnams tshar bcang par bya ba'i don du ji lta ba bzhin du phur bus gdab par bya ba'i phyir/ /der lcags kyu zhes bya ba la sogs pa gsungs te/ rdo rje lcags kyus bkug nas rdo rje zhags pas bcings la/ rdo rje nag mos sdigs mdzub byas la/ rdo rje khu tshur gyis phur bu bzung ste/ rdo rje tho bas phur bu'i sngags gdon bzhin du gnas lngar phur bus gdab par bya'o/ /rim par phye ba brgyad pa'i bshad pa'o// //dbab pa la sogs pa'i las bstan par bya ba'i phyir/ de nas bcom ldan 'das zhes bya ba la sogs pa gsungs te/ rnam par snang mdzad la sogs pa'i rnal 'byor pas dbab pa'i snod skul byed ma la sogs pa'i gzugs su rnam par bsams la gnas ji lta bar gyur ba'i yi ge gsum gyi byin gyis brlabs la/ /rang gi sa bon las byung ba'i rlung dang me'i dkyil 'khor la gnas pa rang gi rdo rje 'bar bar 'gyur bas 'bar bzhin par bltas la/ rdo rje bsdams pa dang bcas pa'i dril bu bskyod cing gzengs bstod pa dang bcas par gsang sngags brjod na 'bar bar 'gyur ro/ /zhes gsungs so/ /gnas bar bya pa'i don du sbyor ba bstan
- 347b
bar bya pa'i phyir/ dbang chen dkyil 'khor zhes bya ba la sogs pa gsungs so/ /de ni 'di skad ston par 'gyur te/ ras la sogs pa la dbang chen gyi dkyil 'khor phyogs dang mtshams rnams su/ /oM gyis mtshan par 'gi wang gis bris la/ dbus su pad+ma 'dab brgyad ba as mtshan pa bris te/ lte ba la gnas pa'i yi ge hUM bzhi/ mdza' ma bsgrub par bya ba'i ming dang ldan pa bris la/ de nas der de'i rnam par shes pa bkug nas kham phor ser po kha sbyor gyi nang du bcug steng du rdo rje 'chang bas mnan la bskul tshig dang bcas par hUM brgya rtsa brgyad bzlas pa'i rdo rje'i skud bas dkris la bzhag par bya'o/ /dbang du bya ba'i phyir sngags la mkhas pa zhes bya ba la sogs pa gsungs te/ 'dod chags che dang ldan pa'i gzugs zhes bya ba ni rdo rje'i 'dod chaD te/ de'i gzugs can la de skad ces bya ste/ rdo rje sems dpar gyur nas rdo rje chags bar gyur pa'?/ /dpyid ces bya ba ni me tog dri zhim pa'i phreng ba la sogs pas brgyan pa'i phyir ro/ /'dod pa dang 'dra ba ni me tog gi mda' dang gzhu dang ldan pa'i phyir ro/ /sku gsum ldan pa mda' thogs shing/ zhes bya ba ni ltong dang dbus dang mde'u la oM la sogs pa gsum bkod pa'i mda' bsgrub par bya ba'i bud med kyi spyi bor chags pas mnan la mar sar bzhin du zags par gyur par bsam zhing/ 'dzag par bya ba'i phyir pad+ma'i nang du zhugs pa 'am/ yang na 'dod chags can ma 'dzag par 'gyur ba ste/ 'dod pa zhu ba bzhin du'o/ /pad+ma ni pad+ma'i lte bar ro/ /de ltar na 'di'i 'dzag par 'gyur ba'o/ /bu mo zas sbyin ma dgug par bya ba'i phyir/ mi thod las byas zhes bya ba la sogs pa gsungs te/ mi thong las byas cad te'u la/ zhes bya ba ni mi thod las byas pa'o/ /g.yogs nas ni zhes bya ba ni kha spre'u'i pags pas g.yogs pa'o/ /bud med khrag gis mdzes par bya zhes bya ba ni/ bud med kyi zla mtshan gyis ngos gnyiS
- 348a
ga la yang pad+ma bris pas mdzes pa'o/ /bris te zhes pa ni/ bud med kyis khrag nyid kyis pad+ma'i lte ba gnyis su'o/ /mi yi skra yis btags nas ni zhes bya ba ni dur khrod kyi skra bslangs pas rus pa gnyis bcing zhes bya ba'i don to/ /dkyil 'khor bris zhes bya ba ni mtshan mo lam gyi bzhi mdor rkang pa g.yon pa'i mthe bos dkyil 'khor zur bzhi pa la mtshams rnams su rdo rje lcags kyu bri bar bya'o zhes bya ba'i bar du'o/ /brdung zhes bya ba'i bar du ni de la gnas nas rkang pa g.yon pa'i rting pas 'gugs shing brjod pa mngon du 'gro bas/ khroM hUM zhes brjod bcing mthing ril gyi rkang pa'i rus pas sgra dbyung ba'i phyir brdungs na bu mo zas sbyin ma 'gugs par 'gyur ro/ /rnal 'byor pa 'khor lo rdzogs par 'gyur bar gyur pas bltas pa dang/ tshig tsam gyis kyang mngon par dad pa'i 'bras su thams cad rdzogs par 'gyur ro/ /zhes bstan par bya ba'i phyir gang yang rung ba zhes bya ba la sogs pa gsungs so/ /sbyin sreg gi las bstan par bya ba'i phyir/ sbyin sreg ces bya ba la sogs pa gsungs te/ dge ba yi ni las rnams byed ces bya ba ni/ zhi ba dang/ rgyas pa dang/ dbang du bya ba ni g.yas su btsugs pa las byung ba'i me las bya'o/ /mngon spyod la ni dur khrod las byung ba'i me las bya'o/ /thab khung zhes bya ba ni zlum po dang/ zur bzhi pa dang/ zla gam dang/ zur gsum pa'i thab khung gi dbus su gnas pa'i dkar po dang/ ser po dang/ dmar po dang/ nag po'i pad+ma la bzhag pa'i gtsug tor dang/ rin po che dang/ pad+ma dang/ 'bar ba'i rdo rje de nyid kyi mdog can bya'o zhes bya ba'i don to/ /las kun byed pas bzlas nas su/ zhes bya ba ni hUM gis mngon par bzlas pa'i'o/ /lag g.yon rdo rje zhes bya ba ni lag pa g.yon?
- 348b
ba rdo rje rtse gsum par byas pa'o/ /las kyi 'od zer rnams kyis brgyan/ /cas bya ba ni ? la sogs pa'i las kyi mchog gi 'od zer rnams kyis mdzes par 'gyur pa'o/ /'bar ba'i rnam par bsgyur bar bya zhes bya ba ni/ 'bar ba'i lha 'bar ba'i gzugs kyis de bzhin nyid kyi ye shes ngo bo nyid du 'gyur bar bya'o/ /oM zhes bya dang swA hA'i mdza' zhes bya ba ni zhi ba dang/ rgyas pa dang/ dbang rnams la ni gsang sngags gzhan gyis mi thos par brjod par bya'o/ /mngon spyod la ni hUM dang phaT bcas shing khro ba'i tshig gis thog ma dang tha mar dgang blugs dbul bar bya'o/ /zhal bkang nas zhes gsungs pas lha rnams kyi zhal gyi pad+mar sbyin sreg dbul lo/ /bshad gci la sogs pa sbyin sreg byas pas/ sdig par 'gyur ro zhes som nyi skye bar mi bya ste/ gang gi phyir 'di dag thams cad rnam par rtog pa tsam yin gyi/ don dam par ngo bo nyid kyis dag pa yin pa'i phyir ro/ /de bas na dbang po gnyis kyi snyoms par 'jug pas kyang/ lha'i nga rgyal sngon du 'gro bas thabs dang shes rab ro gcig pa mngon gsum byas na zag pa med pa'i ye shes bskyed pa yin no /sku la sogs pa'i dam tshig bstan par bya ba'i phyir/ las las byung ba zhes bya ba la sogs pa gsungs te/ las las byung ba rnams bstan pa'i/ zhes bya ba ni dge ba dang mi dge ba'i las rnams kyis so/ /sha dang rkang la sogs pa rnams ?/ rnam par snang mdzad dang/ mi bskyod pa la sogs pa'i ngo bo yin te/ de bas na bsten par bya'o/ /gang yang 'dod chags dang/ zhe sdang la sogs pa'i 'du byed rnams 'phel ba'i bshad gci la sogs pa 'dzag pa rnam pa lnga ni/ sa la'o? gangs? pa 'byung ba chen po bzhi'i ngo bo nyid do/ /bsgom pa'i blo gros rdzogs pa yis zhes bya ba ni/ rtog pa dang bral bar gyur pa'i rim par bye ba dgu pa'i bshad pa'o// //de nas bcom ldan 'das zhes bya ba la
- 349a
sogs pa gsungs pa ni/ bsgrub pa chen po bsgrub pa la sogs pa bstan pa yin te/ ting nge 'dzin thams cad thob cing 'khor lo la sogs pa'i dngos grub mchog la dmigs pa'i ting nge 'dzin gang yin pa de la de skad ces bya'o/ /rnam par snang mdzad ting 'dzin gnas zhes bya ba ni spyan dang ldan pa'i rtog pa'i rnal 'byor dang ldan pas so/ /'khor lo bsgrub par bya zhes bya ba ni/ 'di skad ston par 'gyur te/ 'khor lo bsgrub par bya ba'i phyir sngon du bsnyen pa byas la/ rang gi dkyil 'khor gyi dbus su/ rang gi mtshan nyid ji lta ba dang ldan pa'i 'khor lo bzhag ste/ 'od zer 'bar ba'i phreng bas 'khrigs pa rnam par snang mdzad la sogs pa sku gsum rdo rje can gyi gzugs 'bar pa'i phreng bas 'khrogs pa'i 'od dang ldan pa snyoms par 'jug pa las gyur la/ 'khor lo nang du zhugs par bsgoms te/ ji srid du zhugs nas 'bar bar gyur pa de srid du bsgoms la/ de rang gi sbyan gyi rig sngags bzlas brjod byed bzhin du blang bar bya'o/ /de bzhin du ci rigs par mi bskyod pa la sogs pa'i bsgom pas rdo rje la sogs pa bsgrub pa yang nyams su blang bar bya'o/ /'di nyid kyi sku gsum gyi dbye ba'i rang gi ngo bo bstan par bya ba'i phyir/ rim pa bzhin du zhes bya ba la sogs pa gsungs so/ /las kyi phyag rgya ni lcags kyu la sogs pa 'am sngar bshad pa'i mtshan ma thams cad kyang phyogs gcig bstan pa'i nye bar mtshon pas bdag po'i sbyor ba dang ldan pas 'khor lo dang 'dra ba lcags kyu la sogs pa grub par bya ba'i phyir 'dir sku la sogs pa nang du bzhugs par bya'o/ /zhes bstan par bya ba'i phyir ro/ /'dis zhes bya ba la sogs pa spyan la sogs pa'i gzugs su bstan par bya ba'i phyir/ sa ni zhes bya ba la sogs pa gsungs so/ /de bzhin gshegs pa
- 349b
thams cad mnyam pa nyid du gnas pa'i ting nge 'dzin gang yin pa de la de skad ces bya'o/ /gsang ba 'dus par dbang bskur ba ni/ de bzhin gshegs pa thams cad bum pa'i nang du zhugs nas bde ba chen por zhu bar gyur par rnam par bsams la/ de spyan la sogs pa thogs te/ 'khor lo chen por dbang bskur ba/ zhes bya ba la sogs pa'i tshigs su bcad pa dang/ gsang sngags kyis bdag nyid la slob dpon gyis dbang bskur ba'i phyir ro/ /rdo rje 'chang thams cad kyi dam tshig ste sgyu de nyid la dmigs pa'i ting nge 'dzin gang yin pa de la'ang de skad ces bya'o/ /de nyid 'phags pa ste/ de bzhin gshegs pa thams cad kyi ye shes kyi bdag po rdo rje 'chang chen por gyur pas so/ /gang du yang mi gnas so zhes bya ba ni de rnams bskyed pa nyid du med pas so/ /stang stabs? dang spyan drang pa la sogs pa'o/ /slar bsdu ba ni mchod pa skyil mo krung la sogs pa'o/ /las la sbyor ba ni bsrung ba dang spyan drang pa la sogs pa'o/ /slar bsdu ba ni mchod pa dang bstod pa bya ba la sogs pas sngon du 'gro bas gshegs su gsol ba'o/ /gsar ba dang gsang chen nyid ye shes yin la de nyid ni rnam pa gsum ste/ bla na med pa'i 'bras bu bskyed pas na snying po ste/ de nyid bstan par bya ba'i phyir/ rnal 'byor ces bya ba la sogs pa gsungs te/ rnal 'byor ni byin gyi brlab pa la sogs pa'i bdag nyid can rnam pa gsum mo/ /de bas na gang gis sbyor ba de ni lhag pa'i rnal 'byor te/ spyan la sogs pa'i lha mo'i khyad par ro/ /de dag ni snyoms par 'jug pa'i bdag nyid can gyis rnal 'byor chen po'o/ /yang na lhag pa'i rnal 'byor dang rnal 'byor chen po 'di'i nang du chud pa sngon du 'gro ba'i dkyil 'khor/ /lha rnams kyi nga rgyal te 'di dag ni go rim bzhin du sems can rnams la bshad par bya'o/ /bshad pa 'di ni legS
- 350a
bris las/ /bdag gis dge ba gang bsags pa/ /des ni rab zhi bshes gnyen bcas/ /'jig rten rdo rje 'dzin par shog/ rgyud kyi rgyal po sgyu 'phrul dra ba'i dka' 'grel/ slob dpon rab tu zhi ba'i bshes gnyen gyis mdzed? pa rdzogs so// //rgya gar gyi mkhan po sh+rad+d+ha ka ra rma? dang/ ? chen gyi lo tsa pa dge slong rin chen bzang pos bsgyur cing zhus te gtan la phab pa'o// // dpal rdo rje snying? po'i rgyan gyi rgyud chen po'i dka' 'grel bzhugs/ /rgya gar skad du/ sh+ri badzra maN+Da laM kA re ma hA tan+t+ra pany+tsi kA/ bod skad du/ dpal rdo rje snying po'i rgyan gyi rgyud chen po'i dka' 'grel/ sangs rgyas dang byang chub sems dpa' thams cad la phyag 'tshal lo/ /byang chub sems dpa' sems dpa' chen po 'jam dpal gzhon nur gyur pa la phyag 'tshal lo/ /mdza' yas khams su rab tu g.yengs la brtse ba dam pa rnam par dag pa'i blo/ /'gro ba'i nyams thag sel cing rab tu 'dod pa'i bde ba ldan par sgrub la brtson/ /khyab bdag rnam sangs rgyas la rtag par rab tu phyag bgyi bdag gi blo gros 'di/ /mun ba lta bus brtson pas rgyud kyi don chen so sor dbye bas ga la nus/ /'on kyang spyod yul ma yin yang/ /rnam par brtson par byed pa ni/ /skye bos bzhad bgad ched du dang/ /brtse bas gzhan gyi don du'o/ /rdo rje snying po'i rgyan zhes bya ba'i don gyi ming can 'di ni rgyud do/ /'di ltar rdo rje snying po ni byang chub kyi snying po ste sangs rgyas thams cad kyi gnas so/ /de'i rgyan ni bla na med pa'i khang pa brtsegs pa gang yin pa de de bzhin du brjod par bya'o/ /yang na rdo rje ni chos kyi sku'i bdag nyid can te/ /dbye bar byar med pa nyid kyi phyir ro/ /snying po ni longs spyod rdzogs pa'i
- 350b
sku'i rang bzhin te thams cad kyi snying por gyur pa nyid kyi phyir dang/ sems can gyi don rdzogs pa'i snying rje'i phyir yang do/ /sna tshogs pa'i sprul pa ni rgyan te bcom ldan 'das rnam par snang mdzad do/ /yang na rdo rje ni dbye bar byar med pa ste khang pa brtsegs pa'o de'i snying po ni 'dzin pa'i phyir rdo rje ste byang chub kyi gdan no/ /de lhag par gnas par rgyas par byed pa'i phyir ro/ /de nyid dkyil 'khor dang phyag rgya la sogs pa'i ngo bo ma lus pa ste/ /de'i rjod par byed pa po rgyud la yang de'i ming thob par 'gyur te sangs rgyas kyi spyod pa bzhin no/ /de'i phyir yang bcom ldan 'das de 'di'i mngon par rjod par byed par gyur pa'o zhes rjod byed dang brjod bya'i mtshan nyid kyi 'brel pa'o/ /dgos pa yang de skye bo'i bye brag tu rig par byas pas de dang de thos nas thos pa la sogs pa'i rim gyis bla na med pa'i byang chub kyi mtshan nyid mthun pa'i 'bras bu'o/ /zhes rtogs par bya'o/ /'dir yang yang dag par bsdu par bya ba'i don du phyag na rdo rjes ji ltar thos pa bstan pa'i phyir thog mar 'di skad bdag gis/ zhes bya ba la sogs pa gsungs pa/ 'di skad ces bya ba ni rgyud kyi don mchog tu ston pa'i tshig phrad do/ /bdag gis/ zhes bya ba ni dngos la ste gzhan las thos pa dang rtogs pa dang rtogs pa ma yin pa'o/ /dus gcig na zhes pa 'dis gzhan gyi tshe gzhan thos pa pa mang bar 'don par byed do/ /de yang rna bas de dang de'i rnam pa thos shing so sor rtogs pa'i don no zhes rig par bya'o/ /gang las gang du thos zhes gleng gzhi nges par bstan pa'o phyir gsungs pa bcom ldan 'das zhes bya ba la sogs pa'o/ /rdo rje la sogs pa rnams kyis byin gyis brlabs pa de dam tshig gi ye shes te/ rgyur gyur pa'i ye shes so/ /ji ltar me long 'di ye shes rang dngos dang brgyud pas de'i gdul bya'i dbye ba las lha'i dkyil 'khor dang phyag rgya la sogs par byas pa ni rnam pa sna tshogs
- 351a
pa'i khyad par ro/ /des yang dag par ldan par gyur pa ni rjes su son pa'o/ /'di gang las she na gang gi phyir mnyam pa nyid kyi ye shes kyis byin gyis brlabs pas rin po che'i cod pan gyi khams gsum gyi rgyal por dbang bskur ba thob pa'o/ /de bzhin du yang ci'i phyir zhe na gsungs pa de bzhin gshegs pa thams cad kyi rdo rje dam tshig zhes bya ba la sogs pa ste/ de bzhin gshegs pa rnam pa thams cad yang dag par 'brel ba ni de las 'gong bar bya ba ma yin pa nyid kyi phyir ro/ /ye shes ni so sor rtogs pa'i bdag nyid can no/ /de'i don ni rnal 'byor chen po'o/ /ji snyed yod pa de dang ji ltar brjod pa de rnams kyi dbang phyug ste mnga' bdag go/ don dam pa'i rnal 'byor du bya ba nyid du blta bar bya'o/ /zhes pa don dam pa nges par bstan par gsungs pa/ de bzhin gshegs pa thams cad ces bya ba la sogs pa'o/ /ci'i ph yir gzhan gyi don kho nar mdzad ces na gsungs pa/ thugs rje chen po zhes pa rnam par snang mdzad chen po ni dri ma ma lus pa dang bral ba'i phyir ro/ /rtag pa ni mi gnas pa'i mya ngan las 'das pa'i tshul las so/ /dus gsum du bzhugs pa ni skad cig rtag pa nyid kyi phyir ro/ /pha rol gyis kyang dbye bar bya ba ma yin pa nyid kyi phyir sku dang gsung dang thugs rdo rje'o/ /gdul bar bya ba'o rjes su mthun par de bzhin nyid du gnas par gyur pas de bzhin gshegs pa ste/ de bzhin du yang de'i rgyu can gyi phyag rgya chen po la sogs pa bzhi po bstan to/ /de bzhin du ston pa po'i yon tan du brjod pa'i gnas phun sum tshogs pa gang yin pa nges bar bstan pa gsungs pa de bzhin gshegs pa thams cad kyi rten cing zhes bya ba la sogs pa'o/ /'khor phun sum tshogs pa yang sangs rgyas kyi zhing zhes bya ba la sogs pas ston par byed do/ /yongs su bskor cing
- 351b
ni mnga' bdag tu byas pa'o/ /mdun du bdar te ni thog mar bzhag pa'o/ /thog ma dang par dang tha ma ni thos pa dang/ bsam pa dang/ sgom par byed pa'i gnas skabs so/ /de rnams su dge ba ni phan pa la gnas pa'o/ /don bzang po ni byang chub kyi thabs kyi don nyid kyi phyir ro/ /tshig 'bru bzang po ni sgra'i yon tan phun sum tshogs pa'o/ /ma 'dres pa ni gang zag la bdag med pa ston pa'i phyir ro/ /yongs su rdzogs pa ni bla na yod pa dang bla na med pa'i 'bras bu thob pa po nyid kyi phyir ro/ /chos thams cad bdag med pa gsal bar byed pa nyid kyi phyir yongs su dag pa'o/ /the tshom gyi nyes pa thams cad sel ba'i rgyu nyid kyi phyir yongs su byang ba'o/ /chos thams cad kyi tshul ni theg pa thams cad ces pa'o/ /de rnams kyi thob par bya ba rnam par dag ? sgrib pa thams cad rab tu bcom pa'i mtshan nyid do/ /de'i sgo ni thabs te ston par byed do ni gsung bar byed pa'o/ /gang gsungs pa rnam pa sna tshogs pa'i khyad par yang dag par ldan par gyur pa zhes so/ /de la chos kyi dbyings kyi dkyil 'khor gyi sgo nas khyad par gang yin pa gsungs pa/ de nas bcom ldan 'das zhes pa la sogs pa de bzhin gshegs pa thams cad kyi sku dang gsung dang thugs rdo rje zhes pa la sogs pas me long lta bu la sogs pa ye shes lnga'i rang bzhin bstan to/ /ji ltar lha yi gtso bo'i sgo nas sku chen po'i zhes pa la sogs pa gsungs pa ste/ sku chen po ni mi bskyod pa nyid kyi phyir ro/ /rdo rje'i sku ni sems ma rdo rje ma nyid las so/ /mdza' yas pa'i sku ni rin chen bdag po nyid las so/ /rin po che'i sku ni rin chen rdo rje ma nyid pas so/ /chos kyi sku ni thod dgag med do/ /sprul pa'i sku ni chos kyi rdo rje ma nyid las so/ /las mnyam pa nyid kyi sku ni gdon mi za ba'i rgyal po rgyal ba'i gtsug tor nyid las so/ /mi shes can ni gzi brjid phung po nyid las so//
- 352a
chen po ni rnam par 'phro ba nyid las so/ /khyab bdag ni rnam par rgyal ba'i gtsug tor nyid las so/ /de lta bu'i ngo bo ci zhe na gsungs pa rnam par snang mdzad zhes pa ste rnam par snang ba kho na rnam par snang mdzad de/ dri ma med pa nyid las gsal par byed do zhes pa'i don no/ /bcom ldan 'das ni dbang phyug chen por gnas pa nyid las so/ /nam mkha' i khams thams cad du mnyam par gnas pa'i sku la sogs pa'i rdo rje ni khyab cing dbye ba med pa'i sku nyid kyi phyir ro/ /rdo rje sems dpa' dang rin chen la sogs pa 'khor lo sgyur bas ji ltar rang gi dkyil 'khor du 'dus pa bskyed pa'i rim pa dang rang bzhin gyi las 'di gnyis gsungs pa/ de bzhin gshegs pa thams cad zhes pa la sogs pa ste/ /de gshegs pa thams cad ni de bzhin gshegs pa thams cad kyi 'od zer ro/ /de nyid yang dag par 'du bar byed pa ni rgyu ste/ rdo rje sems dpa' gang yin pa de de bzhin du brjod do/ /bcom ldan 'das rnam par snang mdzad kyis rang gi thugs ka'i rdo rje phyag tu bzhag nas de la de bzhin gshegs pa thams cad kyi 'od zer 'phro bar byed pa'o/ /yang dag par bsdus nas rab tu zhugs pas rdo rje sems dpar yongs su gyur par byed do/ /de las phyung nas rang gi gnas ? kun tu? gnas so zhes pa'i ji srid par te/ de'i ngo bo phyung nas so/ /gang rdo rje'i dbyibs sam thams cad khong du chud par byed pa sems can thams cad byang chub kyi sems bskyed pa byed pa ? rnam par snang mdzad thob par byed pa'o/ /de'i don dpa' rnam par snang mdzad kyi thugs ka nas nges par byung ste spros nas rdo rje rin chen gyi gzugs kyis kun tu gnas so zhes bstan no/ /nam mkha' i khams thams cad kyi rdul shin tu phra mo
- 352b
yang dag par 'du bar byed pa'i rdo rje ni rdo rje sems dpa' ji lta ba bzhin du brjod do/ /bskyed par byas pa dang spro bar byed pa'i rim pa de nyid kyang byin gyis brlabs te de'i ye shes kyi rang bzhin gyi snying po ni rdo rje rin chen no/ /de nyid de lta bu'i rim pas rdzogs pa'i rdo rje sems dpa' rnam par snang mdzad kyi thugs ka nas nges par byung ste spros nas rdo rje rin chen gyi gzugs kyis kun tu gnas so zhes pa bskyed pa'i rim pa ye shes sems dpa' i rang bzhin nyid du 'ang bstan no zhes pa'o/ /rdo rje rin chen po'i mngon par dbang bskur ba'i dam tshig ni rgyu ste/ rdo rje rin chen ? bskur ? tshig 'dis kyang de bzhin gshegs pa thams cad mngon par dbang bskur ba'i bdag nyid can gyi las su bstan no/ /de bzhin gshegs pa'i ye shes de bzhin gshegs pa'i phyag na gnas pa'i rdo rje de'i 'od zer rnaMs kyis kyang nam mkha' thams cad 'phro bar byed pa de'i mngon par byang chub pa rdo rje sems dpa' gang yin pa de de bzhin du gsungs so/ /de'i phyir mngon par byang chub par gyur pa ni mngon par byang chub pa thob pa'i rdo rje chos so/ /de bzhin du bskyed pa'i rim par bstan no/ de bzhin gshegs pa thams cad kyi lus rnam par dag pa kho na lus rnam par dag pa nyid de sgrib pa thams cad dang bral ba'o/ /de yis ni rgyur gyur pa yis so/ /chos thams cad rang bzhin gyis dag pa ni/ rgyu gang gis na de bzhin gshegs pa thams cad kyi lus rnam par dag pa'i chos de'i phyir yang chos thams cad rang bzhin gyis dag go zhes pa ji srid pa'o/ /de kho na rdo rje sems dpa' o/ /nam mkha' thams cad la khyab pa po gzugs thams cad kun tu ston pa'i ye shes kyi rang bzhin no/ /de'i phyir ma lus pa ni 'jig rten gyi khams dang/ lus pa med pa ni sems can gyi khams so/ /'dul pa'i spyod pa mchog dang ldan pa ni rdo rje las te 'dis bskyed pa'i rim pa bstan no/ /de bzhin gshegs pa thams cad kyi bka' lung gdon mi za bar
- 353a
byed pa de rnams sems can thams cad la mnyam pa nyid du bla na med pa'i las sna tshogs pa gang yin pa de de bzhin du brjod do/ /rgyu gang gis de bzhin gshegs pa thams cad kyi bka' lung gdon mi za bar byed pa'i rang bzhin des sems can thams cad la mnyam pa nyid bla na med pa'i las sna tshogs pa'i don no/ /rdo rje snying por brjod pa'i 'khor lo 'di gnyis ji ltar gtso bo nyid kyis khyad par gang yin pa gsungs pa rnam par snang mdzad zhes bya ba la sogs pa ste/ gang gi phyir mi 'gyur pa yin pa de'i phyir mi bskyod pa'o/ /gang gi phyir rab tu snang par byed pa de'i phyir rin chen tog go/ gang gi phyir dgra las rgyal ba'i mgon po yin pa de'i phyir 'od dpag med de/ gzhan du de yang dpag tu med ba'i 'od do/ /gang gi ph yir las thams cad byed pa de'i phyir don yod do/ /dbang chen la sogs pa'i dkyil 'khor gyi sgo nas gsungs pa de bzhin gshegs pa thams cad kyi me long zhes bya ba la sogs pa ste/ /me long ye shes kyi bdag nyid can dbang chen gyi dkyil 'khor gyi rang bzhin nyid kyi phyir de bzhin gshegs pa thams cad kyi me long ye shes kyi dkyil 'khor ro/ /mnyam pa nyid kyi ye shes kyi rang bzhin me lha'i dkyil 'khor gyi ngo bo nyid kyi phyir/ de bzhin gshegs pa thams cad kyi mnyam pa nyid kyi shes rab la rab tu gnas pa'o/ /so sor rtog pa'i ye shes kyi rang bzhin chu lha'i dkyil 'khor gyi bdag nyid can nyid kyi phyir de bzhin gshegs pa thams cad kyi so sor rtog pa'i ye shes kyi gnas dang gnyis su med pa brnyes pa'o/ /bya ba rjes su sgrub pa de ye shes kyi rang bzhin rlung lha'i dkyil 'khor gyi rang bzhin nyid kyi phyir de bzhin gshegs pa thams cad kyi bya ba rjes su sgrub pa'i ye shes yang
- 353b
dag par rjes su thob pa'o/ /gtsug tor kyi dkyil 'khor gyi rang bzhin nyid kyi phyir de bzhin gshegs pa thams cad kyi chos kyi dbyings rnam par dag pa'o/ /khro bo'i 'khor lo'i bdag nyid kyi phyir chos thams cad mnyam pa nyid kyi ye shes kyi spyod yul? byang chub sems dpa' i dkyil 'khor gyi ngo bo nyid kyi phyir/ de bzhin gshegs pa thams cad kyi gnyis su med pa'i mnyam pa nyid la dmigs pa'i ye shes yongs su dag pa mthar phyin pa'o/ /gzugs kyi dkyil 'khor gyi bdag nyid can gyi phyir stong pa nyid rang de bzhin nyid nas sangs rgyas thams cad kyi yul zhes pa ji srid pa'o/ /de ltar bcom ldan 'das thams cad du gzhan gyi don kho nar gnas so zhes ston pas gsungs pa/ sangs rgyas thams cad mnyam pa nyid ces bya pa la sogs ste/ sangs rgyas rnams ni mnyam pa nyid stong pa nyid lhag par gnas pa dmigs pa sngon du byas nas so/ /rdo rje rnal 'byor gyi dbang phyug chen po nyid la byin gyis brlabs nas zhes pa ni rang gi shes rab 'jam dpal nyid du mngon par rdzogs nas so/ /'di nyid thabs bde pas rtse ba'i rgyud kyis bsdu bar bya ba ni shes rab kyi sgo nas nye bar bstan pa gsungs pa/ de nas yang zhes bya ba la sogs pa ste/ bcom ldan 'das zhes pa ni rnam par snang mdzad do// de bzhin gshegs pa thams cad ni sangs rgyas dang rdo rje 'dzin pa la sogs pa rnams so/ /de rnams kyi bsdu ba'i snying po bud+d+ha dang/ badzra sa mA dza'i sgra dag gis de bzhin gshegs pa la bsdus shing bcug pa'o/ /rgyud rab 'byam rgya mtsho'i? sprin gyi sgras 'jig rten gyi khams shar la sogs pa'i phyogs su kun tu gnas pa'i dbye bas lhag pa'i grangs rab 'byam du brjod pa'i rim pa'i mthar thug pa ni rgyud gnyis pa zhes bya ba la sogs par blta par bya'o/ /yang dag par
- 354a
sbyar nas ni 'dres par 'gyur nas so/ /rdo rje'i blo'i ye shes ni bla na med pa'i shes rab ye shes so/ /yongs su bskyed de ni mngon du bya ste'o/ /gnas rnams thams cad du ni de bzhin gshegs pa thams cad kyi thugs dang thugs ka rnams su'o/ /bcom ldan 'das rang gi shes rab de'i gzugs kyis byin gyis brlabs pa gang yin de'i phyir de nyid du kun tu gnas pa'o/ /'khor los sgyur ba chen po'i snying po zhes pa ni gtsug tor gyi snying po yi ge gcig pa'o/ /shes rab kyi pha rol tu phyin pa byin gyis rlob pa po nyid yin la de gtso bo'i nga rgyal gyi sdud pa po nyid 'di'i lus kyi thugs ka'i dpal be'u'i rnam pa ni thugs dpal gyi pe'u la'o/ /bde pa thams cad kun tu ston par byed pa ni thams cad bde ba kun tu ston par byed pa'o/ /chags pas chags pa rab tu spang ba'i phyir de la spyod pa'i dbang du byas nas rnam par snang mdzad chen po'i dkyil 'khor nges par rtogs par bya ba'i don du gsungs pa shin tu dga' ba rnam par dag ba zhes pa la sogs pa ste/ shin tu dga' ba ni dbang po gnyis snyoms par zhugs pa las skyes pa'i bde ba las byung ba'o/ /de'i rnam par dag pa ni bag chags gsal ba'o/ /de'i gnas ni rten te byed pa po'i zhes pa'o/ /re zhig gang zhe na gsungs pa 'di lta ste zhes bya ba la sogs pa'o/ /'di zhes pa byang chub kyi bdag nyid can gyi sems pa gang yin pa 'di rnam par snang mdzad chen po'i gnas te phyag rgya chen po la sogs pa'i tshul lo/ /de'i shin tu dga' ba rnam par dag pa'i gnas so/ /de bzhin du lta ba rnam par dag pa ni mi bskyod pa dang/ sems ma rdo rje ma dang/ rdo rje sems dpa' la sogs pa rnams kyi'o/ /dga' ba rnam par dag pa ni sgeg mo yi'o/ /srid pa rnam par dag pa ni phreng ba
- 354b
ma'i'o/ 'dod chags rnam par dag pa ni glu ma'i'o/ zhe sdang rnam par dag pa ni gar ma'i'o/ /gti mug rnam par dag pa ni bdug pa ma'i'o/ /bsnyems pa rnam par dag pa ni me tog ma'i'o/ /mtshan nyid med pa rnam par dag pa ni snang ba ma'i'o/ /yid ? pa rnam par dag pa ni dri ma'i'o/ /snang ba rnam par dag pa ni lcags kyu'i'o/ /lus rnam par dag pa ni zhags pa'i'o/ /dag rnam par dag pa ni lcags sgrog gi'o/ /yid rnam par dag pa ni 'bebs pa'i'o/ /gzugs la sogs pa rnam par dag pa yang gzugs la sogs pa rnam par sbyar ba rig par bya'o/ /rim pa ni 'dzin pa'i mthar thug pa de srid du shin tu dga' pa'i don to/ /bdag tu lta bas ni zhes pa'o/ /de nas bdag la dga' o/ /de nas don la sred do/ /de nas 'khor la chags so/ /de nas bdag la sogs pa dang 'gal ba la zhe sdang ngo/ /'di dag kun mi shes pa'i phyir rmongs so/ /dga' ba dang sred pa dang chags pa rnams kyis bsnyems so/ /zhe sdang las mi khom mo/ /rab tu byung ba rnams kyi lus las skyes pa la sogs pa'i sdug bsngal rnam par dpon pa'i phyir yid tshim pa'o/ /de nas ye shes kyi snang ba'o/ /de nas khyad du 'phags pa'i lus dang ngag dang yid kyi bdag nyid can dpag tu med pa'i yul rnams kyis 'dod chags dang bral ba yang rab tu 'joms par byed do zhes pas gzugs la sogs pa rnams so/ /'di nyid so sor rtog par bya ba'i phyir gsungs pa/ /de ci'i phyir zhes pa la sogs pa rnams so/ /rnam pa ni bzhi na? gsungs pa/ /chos thams cad rang bzhin gyis te stong pa nyid kyis zhes pa'o/ /gal te de ltar na thams cad dngos po med par thal bar 'gyur ro zhes gsungs pa /shes rab kyi pha rol tu phyin pa yongs su dag pa zhes pa don dam par de lta bu yin la kun rdzob tu ni 'gal
- 355a
par brjod pa'o/ /de'i phyir yang shes rab kyi pha rol tu phyin pa yongs su dag pa nyid byang chub sems dpa' i gnas so/ /chos thams cad rnam par dag pa bsdus pa ni shin tu dga' ba la sogs pa rnam par dag pa thob pa'o/ /sgrib pa thams cad dang chod pa la sogs pa de rnams nye bar bsags kyang rnam par snang mdzad chen pos byin gyis brlabs pa las te/ /chod pa ni 'dod pa'i bdun pa la sogs pa rnams so/ /nyon mongs pa'i sgrib pa ni 'dod chags la sogs pa rnams so/ /chos kyi sgrib pa ni shes bya'i sgrib pa rnams so/ /las kyi sgrib pa ni mtshams med pa'i mtshan nyid te de rnams nye bar bsags pa'o/ /rim pa bzhin du mi bskyod pa la sogs pas byin gyis brlabs pas dmyal ba la sogs pa'i ngan song du ltung bar mi 'gyur ro/ /byas pa tsam na yang sdug bsngal de zad par 'gyur ro/ /'chad ba la sogs pa ni rab tu 'jug pa'o/ /chos thams cad mnyam pa nyid rdo rje ting nge 'dzin so sor thob pa ni chos thams cad stong pa nyid dbyer med pa'i ting nge 'dzin brnyes pa'o/ /chos thams cad kyi dbang phyug ni rnam par snang mdzad chen por 'gyur ro dga' ba la sogs pa ni bla med pa zhi ba de'i'o/ /rang dang gzhan dang gnyis ka'i don la dmigs pa'i dbye bas rnam la gsungs so/ /byang chub sems dpa' sems dpa' chen po skye ba bcu drug rnams kyi ni rdo rje sems dpa' la sogs pa'i ting nge 'dzin bcu drug thob pa rnams kyis so// //zhi ba la spyod pa'i sems can rdul pa'i don du rnam par snang mdzad kyi dkyil 'khor gyi don bstan pa gsungs pa/ de nas bcom ldan 'das rnam par snang mdzad zhes pa la sogs pa ste/ de nas kyi sgra ni bar mchad pa'o/ /zhi ba'i chos nyid ni de
- 355b
bzhin nyid do/ /de'i mngon par byang chub pa ni de bzhin gshegs pa ye shes mdza' yas pa'o/ /de'i mngon par bsgrub pa ni thob par byed pa'o/ /de'i shes rab kyi pha rol tu phyin pa'i tshul lo/ /rdo rje mnyam pa nyid ni 'dzin pa'i rnam pa song ba nyid do/ /de'i mngon par byang chub pa ni rtogs pa'o/ /de kho na byang chub chen po ste rnam par snang mdzad nyid do/ /ci ltar zhe na gsungs pa rdo rje brtan pas zhes te de'i 'dzin pa stong pa nyid du lhag par rtogs pa bstan pa nyid kyis so/ /don mnyam pa nyid ni gzung ba'i rnam pa stong pa nyid do/ /de'i mngon par byang chub chen po de kho na yang byang chub chen po zhes te sngar bzhin no/ /ji ltar zhe na gsungs pa don gcig pa nyid kyi zhes pa gzung bya stong pa nyid la dmigs pa'i ye shes bstan pa nyid kyis so/ /chos ni lung dang rtogs pa'i mtshan nyid do/ /de mnyam pa nyid ni de stong pa nyid do/ /de'i mngon par byang chub pa kho na byang chub chen po zhes pa ste/ sngar bzhin no/ /ci ltar zhe na gsungs pa/ rang bzhin rnam par dag pas zhes pa chos rang bzhin gyis rnam par dag pa la dmigS pa'i ye shes bstan pa nyid kyis so/ /zhes pa ji srid pa'o/ /thams cad mnyam pa nyid ni mig la sogs pa stong pa nyid do/ /de'i mngon par byang chub pa kho na byang chub chen po'i zhes pa sngar bzhin no/ /ci ltar zhe na gsungs pa/ /thams cad ces pa la sogs pa ste/ mig la sogs pa'i shes pa rnam par rtogs pa stong pa nyid la dmigs pa'i ye shes mchog gis so zhes pa'i don to/ /de bzhin gshegs pa'i rigs la sogs pa yang rdo rje la sogs ba'i sgras brjod par bya'o/ /de rnams kyi mnyam pa nyid zhes pa la sogs pa ni sngar bzhin no/ /byang chub chen po ni rim pa bzhin du de mi bskyod pa la sogs pa'i go 'phang gi rang bzhin du chud par bya'o/ /chos bsgrub pa ni rnam par snang mdzad la sogS
- 356a
pa'i go 'phang thob par byed pa 'am mi bskyod pa la sogs pa sems can nye bar 'dren pa pa'o// //zhe sdang spyod pa rjes su gzung bar bya ba rdo rje hUM mdzad kyi dkyil 'khor gyi don bstan pa gsungs pa/ de nas bcom ldan 'das gdug? ba thams cad ces bya ba la sogs pa ste/ gdug pa thams cad ni lha chen po la sogs pa rnams so/ /de rnams gdul bar byed pa gang gis shAkya thub pa rdo rje hUM mdzad kyi gzugs can du byas pa de'o/ /chos thams cad mnyam pa nyid 'dod chags la stong pa nyid kyis so/ /rnam par rgyal ba ni de'i bsam pa nyid kyis 'dod chags pa rab tu bcom pa'o/ /de'i yang dag par bsdus pa'o/ /gang gis shes rab kyi pha rol tu phyin pa mngon par sgrub pas shes rab kyi pha rol tu phyin pa'i tshig gis de de bzhin du gsungs pa de'o/ /'dod chags ni zhen pa'i mtshan nyid do/ /de'i spros pa don dam pa nyid du nye bar ma dmigs pa'o/ /ci ltar zhe na gsungs pa/ 'dod chags spros pa med pa nyid ste/ 'dod chags kyi rgyu kha dog la sogs pa nye bar dmigs pa med pa nyid kyis so/ /zhe sdang ni kun tu 'joms pa'i mtshan nyid do/ /de'i spros pa med pa ni de kho na bzhin du/ ci ltar zhe sdang gi spros pa med pa nyid kyis zhe na kun nas mnar sems pa'i gzhi dgu nye bar dmigs pa med pa nyid kyis so/ /gti mug ni bdag tu lta ba la sogs pa'i mtshan nyid do/ /de'i spras pa med pa sngar bzhin du nye bar dmigs pa med pa'o/ /ji ltar zhe na/ gsungs pa gti mug gi spros pa med pa nyid kyis ni bdag la sogs par yongs su brtag pa'i gzhi rnams nye bar ma dmigs pa'o/ /chos thams cad ni khams gsum pa'i sems dang sems las byung ba'o/ /de rnams kyi spros pa don dam pa nyid du nye bar dmigs
- 356b
pa med pa'o/ /ci ltar chos thams cad kyi spros pa med pa nyid ce nas khams gsum pa'i sems dang sems las byung ba de dag tu yongs su btags ba rnams kyi dngos po med pa nyid kyis so/ /stong pa nyid la sogs pa'i rang bzhin can mchog tu mthar thug pa 'byed par byed pa'i shes rab ni shes rab kyi pha rol tu phyin pa'o/ /'di'i spros pa med pa ni de kho na bzhin du nye bar dmigs pa med pa'o/ /ci ltar zhe na gsungs pa/ /shes rab kyi pha rol tu phyin pa spros pa med pa nyid kyis te/ rnam par rtog pa dang de'i dbye ba rnams nye bar dmigs pa med pa nyid kyis so/ /zhe sdang gis de spang ba nye bar bstan nas gti mug la spyod pa'i sems can 'dul ba'i don du/ /de nas bcom ldan 'das rang bzhin dag pa zhes pa la sogs pas 'jig rten dbang phyug gi dkyil 'khor gyi don bstan pa gsungs pa/ /rang bzhin dag pa'i chos ma lus pa kun tu gzigs pa'i phyir/ rang bzhin dag pa'i chos thams cad do/ /chos thams cad ni 'dod chags la sogs pa'o/ /de rnams kun tu gzigs pa nyid ni mngon sum du byed pa'o/ /de la dbang byed pas na dbang phyug go/ de'i ye shes ni dkyil 'khor la sogs pa nges pa'o/ /de la gang gis rgyas gdab par bya zhing mtshon par bya ba yin pas de de bzhin du gsungs te de skad bya ba'i'o/ /'dod chags thams cad ni sngar gsungs pa de rnaMs kyi rnam par dag pa ste/ mi dge ba bcu'i las kyi lam rnam par dben pa nyid do/ /de zhe sdang thams cad rnam par dag pa nyid kyis yang dag par 'jug par 'gyur te/ rgyud du nyid 'gyur ro/ /lu dzya te zhes pa ni 'dir thob pa dang skye ba'o/ /lha la thams cad kyi dri ma de rnam par dag pa ste don dam pa ? gdong ma nas nye bar dmigs pa med pa nyid kyis so/ /sdig pa thams cad rnam par dag pa ni mi dge ba'i sems pa nye bar dmigs pa med pas so/ /chos thams cad ni sems dang sems las byung ba
- 357a
rnams so/ /de rnams kyi rnam par dag pa ni 'dzin pa nye bar dmigs pa med pa'o/ /de ni sems can thams cad rnam par dag pa nyid kyis yang dag par 'jug par 'gyur ro/ /thams cad mkhyen pa'i ye shes ni sdug bsngal dang kun 'byung ba dang 'gog pa dang lam dang/ kun rdzob dang/ gzhan gyi sems dang/ chos dang/ rjes su dang/ zad pa dang/ mi skye shes pa rnams so/ /de rnams kyi yang dag pa ni rnam par rtog pa gnyis med pa'o/ /de ni thams cad mkhyen pa'i ye sheS rnam par dag pa nyid kyis yang dag par 'jug par 'gyur ro/ /shes rab kyi pha rol tu phyin pa ni thos pa dang bsam pa las byung ba'i rgyu'i gnas skabs yang dag par bsdus pa'i sems dpa' o/ /de'i rnam par dag pa ni nye bar dmiD ba med pa'o/ /de ni shes rab kyi pha rol tu phyin pa yongs su dag pa nyid kyis/ de bzhin gshegs pa rnams kyis shes rab kyi pha rol tu phyin pa de yang dag par thob par shes par bya'o/ /'dod chags la sogs pa rnams kyis de spong ba nye bar bstan nas ser sna'i gnyen po'i don la lhag par mos pa rnams yang dag par rjes su gzung ba'i don du de nas bcom ldan 'das zhes bya ba la sogs pas rin po che'i rigs kyi dkyil 'khor gyi don nye bar bstan pa gsungs pa nyon mongs pa can dang/ nyon mongs pa can ma yin pa'i ma rig pa dang bral bas las khams gsum pa thams cad kyi bdag po'o/ /de bzhin gshegs pa thams cad kyi dbang bskur ba rin po che'i cod pan te/ de'i 'byung gnas so/ /gang las zhe na ye shes las so/ /de nyid kyi snying po gang yin pa de la de skad ces bya'o/ /mngon par dbang bskur ba byin pa ni dkyil 'khor rnams su bkod pa'i lha rnams la dad/ slob ma rnams la yang phyag rgya rnams kyis mngon par
- 357b
dbang bskur pa'o/ /don ni gser la sogs pa'o/ /chos ni mdo sde la sogs la sogs pa'o/ /de'i sbyin pa ni nyon mongs pa med pas ston par byed pa'o/ /zang zing ni bza' ba la sogs pa'o// //de ltar rnam par sbyong? bar byed pa'i don du sngags kyi tshul nges par sbyar ba rnams kyis sku la sogs pa gcig pa can du byed pa'i mtshan nyid stong pa nyid rjes su dran pa'i phyag rgya sgrub par bya'o/ /zhes de nas bcom ldan 'das zhes bya ba la sogs pas rdo rje khu tshur gyi dkyil 'khor gyi don nye bar gsal bar byed pa gsungs pa/ de bzhin de bzhin nyid bden gang/ /de ni rdo rje khu tshur brjod zhes pa 'di/ de bzhin gshegs pa thams cad kyi ye shes kyi phyag rgya nyid do/ /rab tu brnyes pa ni lhag par rtogs pa dang ldan pa'o/ /de'i gnas skabs gsal bar byed pa'i dam tshig gi khu tshur gyi phyag rgya ni de bzhin gshegs pa thams cad kyi khu tshur ro/ /de bzhin gshegs pa thams cad kyi ye shes kyi phyag rgyas byin gyis brlabs pa ni brtan pa can du byed pa'o/ /de nyid rdo rje ste de skad bya ba'o/ / de bzhin gshegs pa thams cad kyi sku'i phyag rgya yongs su 'dzin pa ni/ phyag rgya chen po 'ching ba'o/ /gsung gi phyag rgya yongs su 'dzin pa ni lcel zla ba bsgom pa sngon ma can gyi sngags bzla'o/ /chos thams cad so sor thob pa ni so sor yang dag par rig ba bzhi bsnyes pa'o/ /thugs kyi phyag rgya yongs su 'dzin pa ni rang gi snying gang zla ba la rdo rje rtse lnga pa bsgoms pa sngon ma can gyi dam tshig gi phyag rgya 'ching ba'o/ /rdo rje'i phyag rgya yongs su 'dzin pa ni rang gi snying gar zla ba la sna tshogs rdo rje sngon du 'dren pas las kyi phyag rgya'i 'ching ba'o/ /shes rab kyi blo sgrub par bya'o zhes pas de nas bcom ldan 'das chos thams cad spros pa med pa zhes bya ba la sogs pa ste/ de'i thabs 'jam dpal gyi dkyil 'khor gyi don nye bar bstan pa
- 358a
gsungs pa/ chos thams cad de'i rgyu dang 'bras bu don du gnyer pa'i bdag nyid can no/ /de rnams kyi spros pa ni 'byung ba'i rtog pa yang dag par gcod pa'o/ /de'i rjes su ma dmigs pas na spros pa med par byed do zhes pas/ spros pa med pa'o/ /yi ge'i 'khor lo ni/ a ra pa tsa na la sogs pa'o/ /yongs su bskor bar byed pa ni shes rab kyi pha rol tu phyin pa'i tshul gang yin pa de de bzhin du brjod pa de'o/ /chos thams cad ni 'bras bu'i ngo bo phung po lnga po rnams don dam? par stong pa dngos po med pa'i rang bzhin no/ /ci ltar zhe na/ rang bzhin med pa'i tshul gyis zhes te gang gi phyir de rnams don dam pa nyid du rang bzhin nye bar dmigs par bya ba med do/ /de nyid ni mtshan ma med pa ste/ ci'i phyir na/ mtshan ma med pas nye bar bzung ba ste/ /gang gi phyir don dam pa nyid du de rnams kyi mtshan ma ste rgyu'i rang bzhin nye bar thob par byar med de de'i phyir mtshan ma med pa'o/ /slar yang de kho na smon pa med pa ste don du gnyer ba med pa'o/ /ci ltar zhes smon pa med pa'i tshul gyis te gang gi phyir/ de rnams don dam par don du gnyer par rnyed par mi 'gyur ro/ /de gsungs par 'gyur ba 'bras bu'i ngo bo de snyed rang bzhin gyi stong pas 'bras bu med pa'i phyir dang de'i rgyu yang nye bar ma dmigs pa'i phyir mtshan ma med pa dang de'i smon par bya ba'i yul med pa'i phyir smon pa med pa'o/ /de'i phyir yang rang bzhin gyis 'od gsal pa'o/ /ci ltar na shes rab kyi pha rol tu phyin pa rnam par dag pa ni don dam par na de de bzhin no/ /kun rdzob tu ni rjes su 'jug pa kho na'o zhes so/ /tshig de rnams kyis kyang rim pa las stong pa nyid dang mtshan ma med pa dang smon pa med pa dang/ rang bzhin gyis 'od gsal ba'i rnam par thar pa'i sgo bstan pa dang me
- 358b
long la sogs pa'i ye shes bzhi'o zhes khong du chud par bya'o/ /dkyil 'khor du 'jug pa med na grub par mi 'gyur ro zhes pas de nas bcom ldan 'das zhes pa la sogs pas grub pa'i thabs sems bskyed ma thag tu chos kyi 'khor lo bskor ba'i dkyil 'khor gyi don kun tu bstan pa gsungs pa/ de bzhin gshegs pa thams cad ni sangs rgyas dang byang chub sems dpa' ste/ de rnams kyang 'khor lo ni dkyil 'khor ro/ /de'i nang du gnas pa ni gang du thams cad de rnams su'o zhes de bzhin du brjod par bya'o/ /gang gi 'khor lo chen po rab tu 'jug pa de 'khor lo chen po rnams su rab tu 'jug pa'o/ /rab tu 'jug pa yang phyi dang gsang ba'i dbye bas rnam pa gnyis te phyi ni phyag rgya rnams kyis so/ /gsang ba ni rab tu zhugs pa dang 'di la dkyil 'khor la sogs pa'i de kho na nyid kun tu rtogs pa la de skad ces bya'o/ /rdo rje mnyan pa nyid ni 'dzin pa'i rnam pa dang bral ba nyid do/ /de la rab tu zhugs pa ni lhag par rtogs pa'o/ /de bzhin gshegs pa thams cad kyi 'khor lo la rab tu zhugs pa'i ched du de bzhin gshegs pa la 'jug pa'o/ /yang dag par 'jug par 'gyur ro ni skye bar 'gyur ro/ /don mnyam pa nyid 'jug pa ni gzung bya'i rnam pa stong par lhag pas rtogs pa ste/ de ni byang chub sems dpa' chen po thams cad kyi don du 'khor lo la rab tu zhugs pa'i phyir/ byang chub sems dpa' chen po nyid kyi don du 'gyur ro/ /chos ni nyan thos pa'i lung gi chos ste stong pa nyid du rtogs pas dam pa'i chos kyi 'khor lo la 'jug pa'i phyir te dam pa'i chos kyi 'khor lo ni lan gsum dang rnam pa gcig gnyis kyi mtshan nyid mngon du phyogs par byed pa'i don du skye bar 'gyur ro/ /las ni mchod pa la sogs pa'i
- 359a
bya ba'o/ /de stong pa nyid du rtogs pas 'jig rten pa'i dkyil 'khor thams cad kyi don rab tu 'jug pa'i don du 'gyur ro/ //de bzhin gshegs pa thams cad mchod pa zhes bya ba la sogs pas zhugs pa'i 'khor lo rnams kyis grub pa'i thabs mchod pa'i dkyil 'khor gyi don bstan pa gsungs pa/ /de bzhin gshegs pa thams cad mchod pa ni byang chub tu sems bskyed pa la sogs pa'i mtshan nyid do/ /de dag gi cho ga rgyas pa ni rnam pa sna tshogs pa nyid do/ /de'i snod ni rten no/ /de bzhin gshegs pa thams cad kyi mchod pa nyid dam pa ste de gang la de de de bzhin du gsungs pa de la de skad ces bya'o/ /smon pa dang 'jug pa byang chub kyi rang bzhin gyi sems ni byang chub kyi sems so/ /de bskyed pa nyid do/ /ngan song pa la sogs pa'i sdug bsngal dang sgrib pa rnams yongs su skyob pa'o/ /nyan thos dang byang chub sems dpa' dang/ sangs rgyas kyi chos ni dam pa'i chos so/ /de thos pa la sogs pa rnams kyis yongs su bzung ba'o/ /shes rab kyi pha rol tu phyin pa bri ba la sogs pa ni go sla'o/ /de nas bcom ldan zhes pa la sogs bgegs kyi gnyen po'i phyogs te rdo rje gnod sbyin gyi dkyil 'khor gyi don bstan pa gsungs pa/ gdug pa rnam pa thams cad 'dul ba ste nyes par spyod pa'o zhes pas sgrib pa'o/ /de'i mthas yod pa ni nus pa ste/ sems can thams cad nyes par spyod pa la rab tu zhen pa de rnams 'dul ba ni de dag yongs su spong ba'o/ /de'i don gyi ye shes ni sems can thams cad 'dul ba'i ye shes te/ khro bo'i gzugs kun tu ston par nus pa'o/ /de nyid snying po ste de skad ces bya ba can no/ /sems can thams cad ni dgra bo dang mdza' bo la sogs pa rnams so/ /mnyam pa nyid kyi ste
- 359b
mtshungs pa nyid kyis khro ba yang mnyam pa nyid de thams cad rig pa rnams su gong ma chags par 'jug pa dang lhog pa'o/ /nam gyi tshe so sor dul bar 'gyur zhe na sems can thams cad 'dul ba nyid pas zhes bya ba la sogs pas gsungs pa/ ji srid du sems can rnams thams cad dul bar gyur pa de srid du khro bo'i skabs dul ba na khro bo'i yang 'dul ba nyid du mi 'jug par 'gyur ro zhes bya ba'i don to/ /de'i phyir nyes pa'i bdag nyid 'di yang sngon du byas pa'i phyir nyes pa med pa nyid du bstan pa gsungs pa// sems can thams cad chos nyid nyid las te de kho na ni sems can thams cad ni sems dang sems las byung ba'i rang bzhin no/ /chos nyid ni stong pa nyid de khro ba yang de nyid do/ /de'i phyir yang khro ba yang rdo rje'i sgras brjod do/ /ci'i phyir zhe na gsungs pa/ sems can thams cad 'dul ba'i byang chub po zhes pa ni gang gi phyir byang chub kyi mtshan nyid 'di kho na sems can thams cad 'dul ba de yin te de'i phyir sems can thams cad mnyam pa nyid las khro ba mnyam pa nyid nas ji srid du rdo rje nyid de zhes so/ /da ni don yod rgyal po la sogs pa nas rdo rje khu tshur gyi mthar thug pa'i dkyil 'khor gyi don bstan pa gsungs pa/ de nas bcom ldan 'das de bzhin gshegs pa thams cad ces bya ba la sogs pas thams cad mnyam pa nyid ni ji ltar gsungs pa'i dkyil 'khor bcu mtshungs pa nyid do/ /de las dkyil 'khor thams cad kyi rang bzhin yongs su gyur par kun tu gnas pa ni thams cad mnyam pa nyid las rab tu gnas pa'o/ /dkyil 'khor thams cad ni chos thams cad mnyam pa nyid do/ /de kho na mchog ste gang du de bzhin du gsungs pa/ de la de skad ces bya'o/ /thams cad mnyam pa nyid ni dkyil 'khor thams cad mtshungs pa nyid de/ des shes rab kyi pha rol tu phyin pa mnyam pa nyid de/ don dam par shes rab kyi pha rol tu phyin pa
- 360a
la dkyil 'khor thams cad ltar bur lhag par sgro btags nas de bzhin kho nar brjod bar 'gyur ba'i phyir ro/ /dkyil 'khor rnams thams cad ni rten de mngon par byung ba'i mtshan nyid ni don nyid do/ /gang kho na shes rab kyi pha rol tu phyin pa yin pa yang de kho na'o/ /de rnams kyi chos nyid ni bla na med pa'i byang chub bskyed pa po nyid de/ de kho na'o/ /de la yang gang dkyil 'khor rnams su mchod pa la sogs pa'i las nyid phun sum tshogs par 'gyur ba do kho na shes rab kyi pha rol tu phyin pa'i rang bzhin no zhes so// //'jig rten pa'i lha la lhag par mos pa rnams bstan pa 'di la 'jug par bya ba'i phyir/ de nas bcom ldan 'das de bzhin gshegs pa thams cad zheS bya ba la sogs pas dbang phyug chen po'i dkyil 'khor gyi don bstan pa gsungs pa/ dbang phyug de bzhin gshegs pa thams cad du sgom par byed pas byin gyis rlob pa ni shes rab kyi pha rol tu phyin pa'i tshul yin pa de la de bzhin du gsungs so/ /de bzhin gshegs pa ni chos kyi dbyings rnam par dag pa'i bdag nyid can rnam par snang mdzad do/ /de'i snying po gang yin pa de la de bzhin du brjod par bya'o/ /gang las zhe na kun tu bzang po zhes bya ba la soD pa ste gsungs pa/ byang chub sems dpa' chen po kun tu bzang po ni de bzhin nyid dang ye shes kyi bdag nyid can chos kyi sku rnam par snang mdzad chen po'o/ /de thams cad gyi bdag nyid nyid bas ni sems can thams cad kyi rjes su 'gro ba nyid kyis so/ /rdo rje ni mi bskyod pa ste de'i snying po gang yin pa ni rdo rje snying po'o/ /ci ltar zhe na rdo rje snying po'i dbang bskur ba nyid pas te me long ye shes kyi bdag nyid can rdo rje'i phyag rgyas mngon par dbang bskur ba ste de ni dbang phyug pa
- 360b
sogs pa'i sems can dang thun mong pa nyid kyis so/ /rin po ni rin chen 'byung ldan no/ /de gang rnams kyi snying po yin pa zhes pa sngon ma bzhin no/ /ci'i phyir zhe na rin chen snying pos dbang bskur ba nyid kyis te mnyam pa nyid kyi bdag nyid can rin chen mngon? par dbang bskur ba ste/ de ni dbang phyug la sogs pa'i sems can dang thun mongs pa nyid kyis so/ /chos ni 'jig rten dbang phyug gi rgyal po'o/ /dag thams cad la rab tu 'jug pa nyid pas ni gang gi phyir so sor kun tu rtog pa ye shes ni dag thams cad la rab tu 'jug pa ste de yang sems can thams cad kyi rjes su zhugs pa'o/ /las ni gdon mi za ba ste/ sems can thams cad la kun tu gnas so/ /nag po chen po dang dga' byed phyug gi dkyil 'khor gyi don bstan pa'i phyir de nas bcom ldan 'das zhes bya ba la sogs pa gsungs pa 'di la mdza' yod pa ma yin no zhes pas mdza' las 'das pa'o/ /mur thug pa dang mthar phyin pa ni mu med cing mthar phyin pa'o/ /des gang la mu med cing mthar phyin par rig par bya ba de bcom ldan 'das nam mkha' i dbyings thams? cad du thams cad kyi tshe kun tu gnas pa'i sku dang gsung dang thugs rdo rje nyid kyi phyir ro/ /rim pa'i mthar mdza' las 'das shing mu med pa mthar phyin pa'i tshig rnams kyis de bzhin gshegs pa la sogs pa'i rigs gsum gyi rang bzhin gsal bar byed do/ /mu med cing mthar phyin pa'i chos 'dis kyang las kyi rigs shin tu spyod do/ /zhes pa'o/ /'di'i rtog pa zhes pa nag po chen po dang dga' byed dbang phyug brtag pa'o/ /yongs su mthar thug pa ni yongs su rdzogs pa ste/ de byin gyis brlab pa'i don du'o/ /chos thaMs cad ni rigs thams cad kyi rang bzhin no/ /de'i mnyam nyid do/ /yongs su mthar thug pa ni nag po chen po dang dga' byed dbang phyug gi sprul pa ston par byed pa'o/ /de kho na tshad mas gnod pa nyid kyi phyir rdo rje'o/ /ji ltar 'byung po mdza' med par shes par bya bar rtogs pas
- 361a
shes rab kyi pha rol tu phyin pa mdza' yas pa nyid kyis de bzhin gshegs pa mdza' yas pa nyid de/ thams cad mkhyen pas gzhal du med pa nyid do/ /de bzhin du shes rab kyi pha rol tu phyin pa mu med ba dang/ gcig pa dang yongs su mdza' thug pa nyid kyis dbang phyug dang yon tan byed pa thams cad su med pa dang gcig ba dang mthar phyin pa nyid de/ yongs su mthar thug pa dang shin tu mthar thug pa dang yongs su zad pa med do zhes bya ba'i don to/ /de ni zhes pa 'dzin pa la sogs pa la 'jug pa yi'o/ /mthar phyin pa'i byang chub sems dpa' i spyod ba mthar phyin pa ste yongs su rdzogs pa la gnas pa nyid kyi phyir ro/ /sgrib ba thams cad las rnam par grol nas zhes ba sgrib pa ma lus ba yongs su zad pas so// // bcom ldan 'das rnam par snang mdzad/ zhes bya ba la sogs pas ming lo gsum gyi dkyil 'khor gyi don yongs su bstan pa gsungs pa de bzhin gshegs pa thams cad kyi gsang pa'i chos nyid ni ming po? gsum gyi chos rnams so/ /tshes thams cad ni kho na ste ming po'o/ /de rnams kyi sgros pa ni phyag rgya dang dkyil 'khor gyi rnam par rtog pa'o/ /de'i spros med pa ni gnyis su med pa'i ye shes lhag par rtogs pa nyid kyis rnam par rtog pa thams cad bral ba'i phyir ro zhes pa spros pa med pa'o/ /bde ba chen po'i rdo rje ni rnam par snang mdzad chen po ste de kho na don dam pa'i dam tshig ste ming po gsum bskyed pa'i dam tshig rgyur gyur pa de la de skad ces bya'o/ /rdo rje ni de kho na ming po gsum po de rnams kyi chos nyid ni rdo rje'i chos nyid 'bras bu thams cad kyi thog ma nyid do/ /mnyam pa nyid du yod pa ni shes rab kyi pha rol tu phyin pa'i sgo ste/ de la de bzhin du gsungs so/ /'dod chags chen po ni snying rje chen po ste/ de'i mchog tu grub pa ni mchog nyid do/ /byang chub sems dpa' chen po rnams
- 361b
kyi zhes pa ni byang chub chen po'i rang bzhin gyi sems dpa' gyi'o/ /bde ba chen po mchog tu grub par 'jug par 'gyur ro ni rnam par snang mdzad chen po nyid du skye bar 'gyur ro/ /de yang de bzhin gshegs pa thaMs cad kyi mchog tu grub pa 'dod chagS rnams pa dag pa'i bdag nyid can tshangs pas sprul pa'i don du 'jug par 'gyur ro/ /de yang bdud chen po thams cad rab tu 'joms pa mchog tu grub pas khro bo rnam par dag pa'i rang bzhin dbang phyug chen po sprul pa'i phyir 'jug par 'gyur de yang 'jig rten gsum po mdza' dag gi dbang phyug ste/ bdag po mchog tu grub pas gti mug rnam par dag pa'i rang bzhin khyab 'jug gi phyir 'jug par 'gyur ro/ /de'ang rim pa las ma lus pa med pa'i sems can gyi khams yongs su skyob pa sems can thams cad la phan pa dang bde ba'i mchog shin tu mthar thug pa bde ba chen po mchog tu grub par 'jug par 'gyur ro/ /de rgyu ci'i phyir zhe na zhes bya ba la sogs pas sring mo'i dkyil 'khor gyi don nye bar bston pa gsungs pa/ gang gi phyir mkhas mchog de lta bu ji srid 'khor ba'i gnas su gnas pa de mi gnas pa'i mya ngan las 'das pas gnas par gyur par srid du sems can gyi don mnyam med phul du byung ba mya ngan las 'da' bar byed par nus so/ /de'i phyir srid mo sprul pa rnams kyis kyang sems can gyi khams yongs su skyob pa la sogs pa byed do/ /de kho na yongs su gsal bar byed pa shes rab kyi pha rol tu phyin pa zhes bya ba la sogs pa sungs pa/ shes rab kyi pha rol tu phyin pa kho ma thabs dang ye shes te de'i byin gyis brlabs des srid ma rnams 'grub ste las rnams thams cad rnam par dag pa ni sems can thams cad kyi las yongs su spyod pa'i sgo pa yis srid pa dag par 'gyur ro/ /'jig rten pa'i srid mo lta bu zhes pa ni ma yin no zhes/ ?
- 362a
de lta bu dngos las 'dod chags la sogs pa nyid kyis ci ltar sems can 'dul par 'gyur zhe na chags sogs zhes pa la sogs pas gsungs pa/ dul bar byed pa zhes pa 'dug pa ste 'dod chags la sogs pas 'dul ba'i 'jig rten ni gang las kun nas srid par te 'khor bar sdig par byed par 'gyur ba de'i phyir/ de rnams rnam par sbyang ba'i don du sring mo'i gzugs kyis 'dul bar byed do/ /rang nyid ni bdag kho na ste mkhas mchog zhes sbyar bar bya'o/ /de lta mod kyi bud med sprul pas kyang mchog tu 'jug par byed do zhes/ ji ltar pad+ma zhes bya ba la sogs pa gsungs pa/ ji ltar shin tu dmar ba'i pad+ma tshon gyi nyes pas gos par mi 'gyur ro/ /de bzhin du 'gro ba la phan pa rnams bud med la sogs pa sprul pas de la phan pa rnams 'dul bar byed pa gang yin pa la srid pa'i bag chags kyi skyon gyis gos par mi 'gyur ro zhes pa'o/ /gang gi phyir de lta bu yin pa de'i phyir sring mo sprul par byed do zhes dkyus kyi don nye bar bstan pa 'dod chags chen po zhes pa la sogs pa gsungs pa tshig bzhi pa yang sring mo bzhi po 'di dag gi sgo nas rim pa bzhin sbyar par bya'o// //oM bo d+hi tsit+ta badzra zhes pa la sogs pa ste shes rab kyi pha rol tu phyin pa'i tshig nyi shu rtsa lnga po rnams kyi rim pas de bzhin gshegs pa thams cad kyi byang chub chen po'i sems bskyed par byed pa dang/ kun tu bzang po'i spyod pa rdzogs par byed pa dang/ sems can thams cad kyi don dang 'pho pa dang skye pa'i sa dang/ gzhon nu rtse ba kun tu ston pa dang/ mngon par 'byung ba dang/ bya dka' ba spyod pa ston pa dang/ byang chub kyi snying por gshegs pa dang/ bdud thams cad btul ba dang/ byang chub chen por mngon bar
- 362b
rdzogs par sangs rgyas pa dang/ chos kyi 'khor lo bskor ba dang/ mu stegs thams cad tshar gcod pa dang/ 'jig rten gsum las rnam par rgyal ba dang/ lha las babs pa dang/ 'dus pa chen pos byin gyis brlabs pa dang/ gdug pa thams cad 'dul ba dang/ 'dul ba la so sor 'jog pa dang/ ngan 'gro thams cad gdon pa dang/ mdo sde thams cad kyi mthar thug par gsungs pa dang/ rtog pa thams cad byin gyis brlabs pa dang/ dngos grub thams cad rab tu stsol ba dang/ de bzhin gshegs pa thams cad kyi sku dang gsung dang thugs so sor thob pa rnam par 'byed pa'i sgrub thabs so zhes gsal bar byed do/ /shes rab kyi pha rol tu phyin pa'i dkyil 'khor yang 'di rnams kyi nye bar sbyor pa'o/ /zhes rtogs pa'o/ /las kyi sgrib pa dang ldan pa yang sngags sgrub pa la rang gi phyag rgya sdig pa dral bar byed pa'i sngags dang rab tu sbyar bar bya'o/ /sdig pa bral ba'i phyag rgya dang sngags so/ /chos kyi dkyil 'khor gyi dbang du byas nas bcom ldan 'das zhes bya ba la sogs pa gsungs pa/ 'khor lo sgyur ba chen po bzhi po rnams kyi ni mi bskyod pa la sogs pa'i rang bzhin a yig la sogs pa bzhi po rnams kyis so/ /snying po gnyis pa ni 'dir gtsug tor rgyal po'i rang bzhin te de yang bcom ldan 'das rnam par snang mdzad dang tha mi dad par blta? bar bya'o/ /gdugs dkar po la sogs yang mi bskyod pa la sogs pa'i ngo bo'o/ /gdod mnas ma skyes pa'i phyir ro zhes pa ni de kho na nyid du yang 'di rnams de'i skyed pa po las 'das par khong du chud par bya'o/ /dgos pa ni de rnams rgyud du sngags pas ji lta ba bzhin mngon par rdzogs par byang chub pa mi bskyod pa la sogs pa'i de bzhin gshegs pas yongs su bskor te lhun po'i khang pa brtsogs par byon nas 'di rnams kyi snying po'i don snang pas so so rang rang? gi khrugs? gnas ?
- 363a
mi bskyod pa la sogs pa'i de bzhin gshegs pa'i bdag nyid can rang gi thugs ka'i rdo rje bsnams pa la bzhag par bya'o/ /de nas 'od zer de bzhin gshegs pa lnga'i phra rab kyi bdag nyid phyung ste spro zhing bsdus nas slar yang thugs ka na dgug pa la sogs pa thams cad kyis yongs su gyur pa yang phyung ste/ phyi rol du ji lta ba rang gi lha'i phyag rgya'i gzugs kyis rang gi gnas rnams su nges par dgod par bya'o/ /de bzhin gshegs pa thams cad kyi dkyil 'khor ni chos kyi dbyings kyi dkyil 'khor te de'i bkod pa ni de ji lta ba bzhin du gsungs pa'i snying po'i don mngon du byed pa las byin gyis brlabs pa'i ting nge 'dzin gang yin pa de la de skad ces brjod do/ /de la snyoms par zhugs pa ste mngon du mdzad nas so/ /de bzhin gshegs pa thams cad kyi dam tshig ni dkyil 'khor te de'i 'byung gnas so/ /gang gi phyir rdo rje snying po'i spyan sngar gsungs pa'i snying po yin pa'i phyir de de bzhin du brjod do/ /de nyid ni byin gyis rlob pa'i ting nge 'dzin gnyis su med pa chos thams cad mchan nyid gcig pa la sogs de lta bu la dmigs pa gang yin pa de bzhin du brjod par bya'o/ /de la snyoms par zhugs pa ste/ mngon sum du mdzad nas so/ /phyi rol dkyil 'khor zhes pa snying po'i dkyil 'khor la bltos nas so/ /de'i 'am zhes pa dbang chen gyi phyi'i dkyil 'khor nyid kyis 'khor yug de'i'o/ /bdud rtsi 'od zhes pa dkar po'o/ /bskor ba zhes pa zlum por bya'o/ /de ltar gyi sgras bskor bar bya zhes pa gzhan la bsgre par bya'o/ /'khor lo ni dbang chen kyi dkyil 'khor te 'dra ba mtshungs pa ste gru bzhi pa nyid la sogs pa'i tshul ni 'khor lo 'dra bar ro/ /rdo rje'i thig gis yongs su bskor ba ni rdo rje'i phreng bas yongs su bskor ba'o/ /de bzhin du 'khor lo rnam pa gnyis zhes par ba'i dkyil 'khor gnyis so//
- 363b
nang gi dkyil 'khor zhes pa bdun par rig par byed de dbang chen gyi dkyil 'khor la'o zhes pa'i don no/ /mnyam zhes pa gru bzhi pa la sogs pas mtshungs pa'o/ /rdo rje 'khor los rnam par rgyan zhes pa rdo rje'i thig gis yongs su bskor ba'i snying po'i dkyil 'khor gyis spras pa'o/ /yang na ni 'khor lo 'dra? par zhes pa zlum pa zlum po'o/ /rdo rje'i thig gis yongs su bskor ba ni de bzhin du 'khor lo'i phreng bas yongs su rdzogs pa'o/ /de ltar 'khor lo rnam pa gnyis par ba zlum pa'i dkyil 'khor gnyis so/ /nang gi dkyil 'khor zhes pa sngar brjod pa'i gru bzhi pa'i dkyil 'khor ro/ /de bzhin du snying po'i 'khor lo gnyis pa la chu zhes de ji srid du rdo rje 'khor los rnam par brgyan pa ste snying po'i 'khor los spras pa'o/ /zhes pa ni gzhan no/ /gru gcig pa zhes pa ni gad 'di'i nang gi dkyil 'khor du mngon par 'dod pa'i dbang chen no/ /zlum po ni de nas chu'o/ /de nas kyang gzhan gru gsum gyi rnam pa me'o/ /de nas ches pha rol tu zla ba phyed pa dang mtshungs pa'i rlung ngo/ /de nas ches pha rol tu yang dkyil 'khor gru gsum gcig pa'o/ /phyi'i dkyil 'khor gyi phyed kyis snying po'i 'khor lo'o/ /de'i tshe tshad kyis gzhan rig par bya'o/ /pad+ma lo ma brgyad pa la sangs rgyas thams cad de rnam par snang mdzad la sogs pa bzhag par bya'o/ /dkyil 'khor rnams kyi dbus nyid du ni mi bskyod pa la sogs pa dang bdun pa rnams kyi'o/ /dam tshig mchog ni sems ma rdo rje ma ? ma la sogs pa'o/ /rim gyi mthar zhes pa shar la sogs pa'i phyogs su g.yas skor gyis so/ /sems ma rdo rje ma'i mdun du seng ge'i gdan gyi gnas su gang zhig rtsibs brgyad pa dang bcu drug pa cig 'khor los sgyur ba'o/ /rgyal ba'i gtsug tor la sogs pa me la sogs pa'i phyogs bral rnams yongs su bskor ba'o/ /sangs rgyas thams cad ni rtag pa
- 364a
la sogs pa'i de bzhin gshegs pa de rnams kyi rim pa'i mthar thug par gtsug tor lnga po rnams so/ /dkyil 'khor kun tu ni rtag pa'i dkyil 'khor du'o/ /rin chen 'byung ba la sogs pa'i dkyil 'khor ni ljang gu dang dmar po dang/ sngon po'i kha dog can du rim pas khong du chud par bya'o/ /dang po ni kha dog lnga pa'o/ /chu la sogs pa ni gser gyi ge sar re khA gcig pa bri/ 'khor lo'i dkyil 'khor zhes pa ni chu yi'o/ /der ni rnam gzigs la sogs pa bri bar bya'o/ /dkyil 'khor kun tu ste phyogs bzhi'i dkyil 'khor du'o/ /phyir ni me'i dkyil 'khor du rig par bya'o/ /'khor lo'i grwa? ni legs gnas par zhes pa ni snying po'i dkyil 'khor gyi'o/ /phyi'i 'khor lo'i grwa rnams su zhes pa ni dbang chen gyi dkyil 'khor gyi grwa rnams su'o/ /phyi'i dkyil 'khor grwa rnams su zhes pa ni de nyid kyi sgo'i grwa rnams su mi bskyod pa dang tha dad pa med pa nyid kyis la sogs ming ste de kho na nyid kyi rnam par bstan par blta par bya'o/ /rnam par snang mdzad dang tha mi dad pa nyid kyi phyir chos kyi dbyings so/ /sgo skyong ni rdo rje lcags kyu la sogs pa rnams so/ /dkyil 'khor gnyis pa ru zhes pa ni me lha'i dkyil 'khor la bltos nas gnyis pa ste rlung lha'i dkyil 'khor ro/ / der shar la sogs pa'i phyogs rnams su rim pas sangs rgyas kyi yum la sogs pa bri par bya'o/ /de nas blo ldan nges 'thon nas zhes pa ni dkyil 'khor lnga pa rnams su khro bo gzhan gyis mi thub pa la sogs pa'o/ /de nas kyang thon nas drug par rang sangs rgyas rnams so/ /de nas nges par 'thon nas bdun par rgyal ba'i nyan thos rnams dang tshangs pa la sogs pa'i 'jig rten rnams so/ /phyi rol gyi zhes pa sgo yi cha la shar la sogs pa'i phyogs su gzhan gyis
- 364b
mi thub ba zhes bya ba la sogs pa'i phyag rgya'i/ /de lta bu'i gru bzhi pa zhes bya ba la sogs pa rnams kyi dang po dbang chen gyi dkyil 'khor mchog tu 'dzin par byed do/ /'gro ba lnga ni 'khor yug gi nad du'o/ /rgya mtsho bdun po ni 'og tu bri bar bya'o// bim gyis zhes pa ni lugs ma la sogs pa'i gzugs brnyan gyis so/ /bkod nas ni kun tu bzhag nas so/ /nye bar spyod pa thams cad kyi tsha gas zhes pa ni me tog gis rab tu byed pa dang/ mar me la sogs pa thams cad rab tu sbyin pas so// mchod pa byas nas zhes bya ba ni nam mkhar gnas pa rnams kyis gcig pa can du byas nas mchod te'o/ /de nas rgyan mdza' dag la sogs pa rnams kyis rnam par snang mdzad kyi rnal 'byor bstan pa gsungs pa nye par bzhugs te zhes pa la sogs pa ste/ nye bar 'jug pa la sogs pa'i rnal 'byor gyi rim pas phyag rgya chen po bcings te/ ye shes sems dpa' ji lta ba bzhin mdun du dgug pa la sogs pa byas nas byin gyis brlab pa'i phyir de bzhin gshegs pa thams cad legs so zhes bya ba'i sbyor bas bkug ste dbang bskur nas spro ba dang bsdu ba de bzhin gshegs pa thams cad kyi phyag rgya chen po de bsgom par bya'o/ /de bzhin gshegs pa thams cad ni rnam par snang mdzad te de dag dang tha mi dad pa nyid kyi phyir ro/ /de kho na rdo rje sems dpa' ste dbyer mi byed pa'i phyir ro/ /kun tu bkang ste zhes pa spros nas dang bsdus nas so/ /des de bzhin gshegs pa thams cad rab tu 'bab pas te/ yang dag par sdud pa'i rang bzhin gyis rdo rje sems dpa' slar yang rdo rje hUM mdzad kyi phyag rgya chen po rang gi lus la mngon par zhugs nas te de bsgoms nas de'i nga rgyal dang ldan pas hUM yig bzhi 'don cing dkyil 'khor du zhugs nas phreng ba phul pa ste lag pa gar bskor bas?
- 365a
blabs la hUM yig bzhis de nyid rang gi spyi bor bzhag la g.yas brgyad dang g.yon brkyang dang mnyam pa dang sa ga? dang phyogs bzhi po rnams su bgegs thams cad la phyag rgyas bsnun par bya'o/ /rol pa dang bcas de bzhin gshegs pa thams cad la phyag bya'o/ /de nas sgo so sor g.yon brkyang gis gnas shing yongs su bskor te/ khro bo'i blta pas kun tu bltas pas hUM yig bzhi yang dag par bzlas te sgo rnams dbye bar bya'o/ slar yang rnam par snang mdzad du gyur nas/ ji ltar mngon par 'dus byas pa'i bum pa la oM lags pa dang badzra u ta kas brgyad lhag pa'i stong rdo rje me tog gi phreng ba nas bzung ste dam tshig gi phyag rgyas rang gi sngags kyang brgyad brgya bzlas par bya ste/ gzhan yang so so rang gi sngags kyis brgyad brgya mngon par bzlas par bya'o/ /gang pa'i bum pa sgor gnas pa'i bum pa la yang gtso bo'i sngags kyis bzlas nas ji lta ba bzhin du bzhag par bya'o/ /dam tshig gi phyag rgya bcings pa zheS bya ba la sogs pa rnams kyis rnam par snang mdzad kyi rnal 'byor chen pos bsdus te rnam par snang mdzad kyi phyag rgya chen po bcings nas/ las kyi phyag rgya dang/ rang gi snying po a(rgyud 'grel): yig dang lhan cig tu 'don pa shes pa'i nam mkha' thams cad kun tu yang dag par 'du ba'i rdo rje kun nas mngon du byas te de la de'i nga rgyal bskyed nas de la yang rnam par snang mdzad bsams nas de la de lta bu'i nga rgyal dang ldan pas rdo rje lcags kyu la sogs pa rnams kyis shes pa dgug pa la sogs ba can du byas nas rang gi phyag rgya la sogs pa don du gnyer ba'i bka' thob pas mngon par dbang bskur te rdo rje gzung ba la sogs pa byas pas slar yang bdag la byin gyis brlab pa la
- 365b
sogs pa byas nas bsdu bar bya'o/ /de nas mngon par bstod la dgug pa la sogs pa sngon du 'gro bas phyag rgya bzhis rgyas btab ste so so rang gi ting nge 'dzin du byas nas/ a:yig la sogs pa yi snying po so so re re ba lnga brgya dang bcas pa'i brgya bzlas par bya'o/ /oM sarba ta thA ga ta zhes bya pa la sogs pas gsong ? btab par bya'o/ /mngon par dbang bskur nas rdo rje'i gar dang bcas pas sgeg mo la sogs pa mchod par bya'o/ /phyag 'tshal pa'i thal mo bcings nas shes pa ni thal mo kha sbyor du bcings nas so/ /lag pa gnyis kha sbyor du byas te ming med gnyis mar ? gnas sde/ mdzub bzung gung mo khab ltar du byas pa'i tshegs gsum par nas gang tsam gyis ma reg par gzung par bya'o/ /mthe bo dang mthe chung zung gnyis de la mngon par phyogs por gzung bar bya'o/ /phyag rgya 'dis 'bebs pa'i sngags gang yin pa dang rab tu sbyar bar bya'o/ /'jug pa la sogs pa rdzogs nas de bzhin gshegs pa thams cad kyi rdo rje'i mngon par dbang bskur bar bya'o/ /ci ltar zhe na gsungs pa/ grub zin zhes bya ba la sogs pa ste/ de bzhin gshegs pa thams cad nyid rdo rje ste rnams kyi rdo rje slob dpon la de'i tshig go/ rab tu bzhag nas shes pa ni de bzhin gshegs pa thams cad kyi mdun du chu'i dbang bskur pa'i dkyil 'khor ? la slob dpon dang gi badzra bid kyi snying po dang khur lhan cig tu yang dag par bzlas nas dam tshig gi phyag rgyas slob ma la snying po 'dis dbang bskur par bya'o/ /badzra satwa/ badzra ratna badzra d+harmA/ badzra karma i daM che ge mo/ a d+hi tiSh+Tha? sarba ta thA ga tA A tsArya swAhA/ /'dis lan brgyur spyi bo dang snying ga la sogs par bzhag la rim pas thams cad bzlas por bya'o/ /yang na ni de bzhin gshegs pa rnams thams cad kyi rdo rje slob dpon ni de bzhin gshegs
- 366a
pa thams cad kyi rdo rje slob dpon no/ /de'i go 'phang ni rdo rje sems dpa' i rnal 'byor pa'i mgo bor rdo rje 'chang gi sku gzugs rab tu bzhag nas oM ma hA su kha zhes pa la sogs pa snying po yi ge bcu bdun pa brgyad mngon par bzlas nas so zhes pa 'dis rab tu bzhag nas zhes brjod par 'gyur ro zhes gsungs pas so/ /cod pan lnga'i dbang gis mngon par dbang bskur te zhes pa de bstan pa gsungs pa/ byin gyis brlab par bya ste/ 'di skad brjod pa yin te ji ltar gsungs pa'i rim pas de bzhin gshegs pa thams cad kyi rdo rje slob dpon gyi go 'phang la rab tu bzhag nas sngags 'di skad 'don cing rdo rje chen pos sangs rgyas lnga'i cod pan gyi mngon par dbang bskur bar bya'o/ /de yang sangs rgyas rin po che'i cod pan nyid kyis yongs su gyur par byas ta de bzhin gshegs pa rnams kyi sangs rgyas kyi cod pan du sbyar bar bya'o/ /rdo rje sems dpa' la sogs pa'i 'khor los sgyur ba rnams kyis legs par dbang bskur ba de la ni sbyar bar mi bya ste/ gang gi phyir gang zhig 'khor lo'i dkyil 'khor du 'chad par 'gyur pa rdo rje rin chen gyi mngon par dbang bskur bar bya'o/ /'chad par 'gyur ba zhes pa la sogs pas de 'gog par 'gyur te/ rdo rje chen po'i phyag rgya yang de bzhin gshegs pa rnams kho na'i ste/ de'i phyir skabs 'dir de rnams kho na'i dbang du byas pa'o de nas gzhan la rdo rje phreng ba'i dbang bskur ba dang/ rdo rje rin chen gyi dbang bskur ba sbyin par bya'o/ /gang la spyi bor rdo rje bkod pa mngon du 'gro bas chu'i dbang bskur ba ni rdo rje'i dbang bskur ba'o zhes brjod par bya'o/ /de rnams la de sbyar bar mi bya ste dkyil 'khor gru bzhi pa byas nas zhes bya ba la sogs?
- 366b
pa rnams kyis bcom ldan 'das kyis bshad pa'i phyir ro/ /yi ge'i phyag rgya bkod la rang gi lha'i gzugs su rab tu sbyor bar blta bar bya'o/ /zhes pa ni spyi po la sogs pa'i gnas brgyad po rnams su sngags dang dam tshig gi phyag brgyas bkod pa rnamS kyis byin brlab par bya'o/ /sku la sogs pa'i phyag rgya rnams ches myur du sgrub pa'i thabs bstan pa'i ched du/ de la 'di ni zhes bya ba la sogs pa gsungs pa rang gi las rdo rje sems dpa' ste dbyer mi phyed pa'i ye shes kyi gnas te rgyu'o/ /ci ltar na rang bzhin gyis dbyer mi phyed pa nyid te rang bzhin rang gi ngo bo gdod? ma nas skye pa med pa a'i yi ge'o/ /shes rab kyis phung po bshig par byed pas mchog tu phra mo rnams phan tshun rnam par 'dres pa ma yin pa nyid kyis so/ /'di zhes pa mthar gnas par sbyar ro/ /lta ba'i thigs po thams cad nges par 'joms pa ni 'jig tshogs la lta ba la sogs pa rab tu bcom pa gang yin pa'o/ /'jug par 'gyur ro zhes par 'gyur ro zhes pas so/ /rig pa ni zag pa med pa'i ye shes te de la rab tu 'jug pa ni lhag par rtogs pa ste de'i don ni stong pa nyid dang mtshan ma med pa dang smon pa med pa'i rnam pa'i shes rab bsgom bzhin pa'o/ /ma rig pa ni gang gi tshe dbyer mi phyed pa'i ye shes yin pa de'i tshe rdo rje gnas su 'gyur ro/ /dngos po la lhag par dmigs pa ni ma rig pa nyid do/ /mthar thug pa med pa ni mdza' ni mthar thug pa med cing grangs med pa'o/ /de kho na rdo rje'i gnas zhes so/ /snga ma bzhin du de ltar gzhan la yang ngo// rdo rje'i gnas bsdus pa'i don no/ /mngon par 'du byed pa med pa mnyam pa nyid kyis te 'dus byas stong pa nyid kyi gdod ma nas skye ba med pa'i rnam pas mnyam pa nyid kyis so zhes pa ji srid par ro/ /'dod chags dang bral ba'i mdza'
- 367a
mnyam pa nyid kyi zhes pa ni rgyu nye par dmigs pa med pa'i rnam pas 'dod chags dang bral ba'i bag chags dang mtshungs pa nyid kyis so/ /'dod chags kyis 'dod chags rab tu 'joms pa'i don du'o/ /byams pa mdza' mnyam pa nyid kyis zhes pa ni zhe sdang sgyu ma lta bu nyid kyi rnam pas byams pa'i mdza' mtshungs pa nyid kyis so/ /skyon yang dag par gcod pa ni zhe sdang rab tu 'joms pa'i don du'o/ /shes rab kyi snang ba mnyam pa nyid kyi zhes pas gti mug gi mdza' i rdul med ? nye bar 'bral ba'i rnam pa shes rab kyi rang bzhin snang ba mtshungs pa nyid kyis so/ /mun pa med pa yang nye bar thob pa dmigs pa med shes rab kyi snang ba de'i don du skye bar 'gyur ro/ /sems can thams cad cig tu nyam pa nyid kyi zhes pa ni rgyu dang bral ba nyid de 'dir bral ba nyid kyi rnam pas sems can rnams thams cad gcig tu mtshungs pa nyid kyis so// sems can rnams kyi rang bzhin de ni rang gi ngo bo'o/ /de rtogs pa ni khong du chud pa'i don du'o/ /sems can thams cad sems gcig zhes bas? ni sems can thams cad gdod ma nas skye ba med pa'i rnam pas sems nyid du gcig par mnyam pa'o/ /sems la 'jug pa'i don ni rnam par rig pa tsam du rtogs pa'i don du'o/ /rang bzhin gyis 'od gsal ba rtogs pa'i don ni rnam pa thams cad nye bar dmigs pa med pa'i ye shes kyi don du'o/ /sangs rgyas thams cad sangs rgyas su gcig zhes pa ni sangs rgyas rnams thams cad 'jigs pa dang bral pa'i stong pa rdul dang bral ba nye bar rtogs pa'i rnam pas sangs rgyas rnams gcig tu mnyam pa nyid do/ /de bzhin gshegs pa bshugs pa'i don stong pa nyid thob ba'i don du'o/ /mnyam pa nyid kyi ye shes rtogs pa'i don ni thams cad mkhyen pa'i ye shes rtogs pa'i don du'o/ /chos thams cad
- 367b
ni 'jig rten dang 'jig rten las 'das pa ste de rnams bden pa nye bar dmigs med cing stong pa dbye ba dang bral pa'i rnams pas sangs rgyas kyi chos rnams te stobs dang mi 'jigs pa la sogs pa rnams mnyam pa'o/ /thams cad du ye shes rjes su rtogs pa ste/ thob pa'i ched dang/ rdo rje lta bu'i ting nge 'dzin rtogs pa'i don ni rab tu mi gnas pa'i mya ngan las 'das pa so sor brnyes pa'i don du'o/ /bdud kyi las thams cad ni sangs rgyas kyi las zhes pa ni bdud kyi las rnams rgyu dang bral pa stong ba rdul dang bral ba la nges par 'byung ba'i rnam pa rnams kyis sangs rgyas thams cad kyi las rnams kyis ni sems can don gyi mtshan nyid kyis mnyam pa nyid do/ /las yang dag par 'da' bar 'gyur ro zhes pa las spyod pa zad pa'i don du'o/ /dag thams cad ni skye bo chig tu brjod pa ste de bzhin gshegs pa'i gsung ste sangs rgyas ba can gyi dbyangs can ma ste da ni dag thams cad do/ /dbye ba dang bral ba'i rnam pas rgyas kyi gsung dang mnyam pa'o/ /sgra ji bzhin po thams cad ni 'dug chags la sogs pa mngon par brjod par byed pa'o/ /mngon par rjod par bya ba las 'das pa'i de bzhin nyid/ chos thams cad de ni gzugs dang tshor ba la sogs pa ste de rnams sgyu ma lta bu nyid gyi phyir ma skyes pa ste skye pa med pa'o /'chi 'pho pa med pa la 'jug pa'i don ni de'i thabs lhag ma med ba mya ngan las 'das pa thob pa'i don du'o/ /nyon mongs pa las 'das pa lhag ma med pa'i mya ngan las 'das pa thob pa'i don du'o/ /chos thams cad ni 'jig rten dang 'jig rten las 'das pa rnams so/ /de rnams kyang mnyam pa nyid kyi rnam pas stobs dang mi 'jigs pa la sogs pa'i sangs rgyas kyi chos rnams kyi rang bzhin no/ /'gog pa med pa la 'jug pa ni mi gnas pa'i mya ngan las 'das pa thob pa'o/ /chos thams cad 'gog pa
- 368a
med pa'i don ni sems can thams cad kyi don chad pa med pa'i don no/ /'di la rnam gnas zhes pa 'dis byin gyis brlabs pa'i sa bon rang gi snying ga'i mtshan ma la gnas nas ji lta ba bzhin du rang rdo rje'i gnas sgom par byed pa la bstan par sbyar pa la rnam par gnas pa'i yang dag par rjes su kun tu bstan pa bdag gi de nyid zhes pa la sogs pa gsungs pa/ byang chub sems dpa' i sa rnams myur du 'grub par 'gyur ro/ /zhes pa ji srid pa'o/ /bdag gi de nyid de zhes pas sems gnyis nyid do/ /da ni yid ni rtse gcig pa zhes pa la sogs pa ste/ sku'i phyag rgya sgom par byed pa bstan pa gsungs so/ sangs rgyas lus zhes pas de bzhin gshegs pa lnga'i sku'i phyag rgya'o/ /kun tu bzang po la sogs pa'i sku'i phyag rgya ni zla ba'i dkyil 'khor gyi dbus na gnas par bsgom par bya'o/ /byang chub kyi sems ni kun tu bzang po'o/ /de'i mchog ni dang po gang yin pa de rnams byang chub sems kyi mchog /de rnams sgom pa ni byang chub sems kyi mchog bsgom pa'o/ /gtsug tor gyi sku'i phyag rgya ni 'khor lo la sogs pa la gnas par bsgom par bya'o/ /de rnams kyang gtso po rnams kyi rjes su zhugs pas dkyil 'khor ba thams cad bsgom pa blta bar bya'o/ /rnam par spyod ba ni sgo'o zheS ba la sogs pas dag gi phyag rgya bsgom par byed pa bstan par bya'o/ /chos rnams thams cad ni don gzugs la sogs pa rnams te khong du chud pa'i sgo ni nye bar len pa'o/ /de bzhin du gzhan la yang sgo'i don blta bar bya'o/ /rnam par 'byed pa'i phyir rnam par spyod par byed do zhes pa 'di bya ba'i ngo bor? gsal bar byed do/ /a yig ni chos thams cad gdod ma nas ma skyes pa gsal bar byed do/ /don dam pa'i bde pa de bzhin nyid do/ /chos rnams thaMs cad
- 368b
ni phung po lnga'i rang bzhin rnam par yongs su zhes pa'o/ /sa yig ni phung po lnga'i khong du chud pa'i sgo'o/ /na yig ni rnam pa thams cad gdod ma nas 'gyur pa med pa dbang du byed pa nyid kyi sgo'o/ /da? yig ni chos thams cad 'dug pa la sogs pa ston par byed pa'i sgo'o/ /thogs pa ni nyan thos dang rang byang chub sems dpa' de las yang dag par 'das pa sangs rgyas kyi byang chub po/ /kun nas nyon mongs pa ni 'khor pa'i chos rnams so/ /rnam par byang ba ni mya ngan las 'das pa'o/ /zag pa dang chas? pa dang zag pa med pa ni yon tan no/ /phung po la sogs pa ni zag pa med pa'i las kyi bden pas 'dus byas pa'i rang bzhin de'i bde ba la phung po la sogs pa don dam pa'i bden pa ni don dam pa'i rang bzhin gyi sems las byung ba'i rang gi ngo bo nyid du brjod de/ sa yig ni de'i sgo'o/ /de bzhin nyid kyi rjes su 'gro ba ni gang zag la bdag med par rtogs pa'o/ /chos kyi dbyings la 'jug pa ni chos kyi bdag med pa rtogs pa'o/ /de nges par ston par byed pa la na yi ge sgo'o/ /las kyi rnam par sprin pa rnam par bral ba mi las kyi 'bras las 'das pa'o/ /de gsal bar byed pa la ka yig sgo'o/ /zab mo gting dpag dka' ba nyid de rim pa bzhin phyi rol pa dang nyan thos pa la sogs pa rnams nam mkha' i lta bu nyid dang/ nam mkha' i rang bzhin nyid de gsal bar byed pa ? yig sgo'o/ /dza ? bshad pa ni go sla'o/ /chos kyi dbyings kun tu mi byed pa de bzhin nyid do/ /chos rnams thams cad ni gzhan dang ma 'dres pa'o/ /rdo rje ni go sla'o/ /yongs rdzogs pa ni dbye bar byar med pa'i shes rab la 'jug par byed pa'o/ /de ston par byed pa la brda yig sgo la/ zhi gnas ni ting nge 'dzin no/ /lhag mthong ni shes rab go?/ /de yongs su ardzogs pa rab tu gsal bar byed pa la sha yig sgo'o/ /nam mkha' dang mnyam zhing rang bzhin gyis 'od bsal nyid ni gang zag la
- 369a
bdag med pa gsal bar byed pa la kha yig sgo'o/ /'gyur ba med pa ma skyes pa can mi zad pa'i ye shes chos thams cad yongs su dag ba'i don rab tu gsal bar byed pa la k+Sha yig sgor 'gyur ro/ /thams cad mkhyen pa'i ye shes thogs pa med pa ni rnam par rtog pa thams cad dang bral ba ste de ston par byed pa la nga yig sgo'o/ /sangs rgyas kyi zhing yongs su dag par bya ba'i don du gnas dang gnas ma yin pa la mkhas pa ston par byed pa la ? yig sgo'o/ /mthar phyin pa ni yongs su ldogs pa'i 'gog pa'o/ /zhes pa ji srid du de'i mur thug pa med pa ni chos rnams kyi mu med pa'o/ /sgrib pa thams cad rab tu spangs pa ni nyon mongs pa thams cad 'gog pa'o/ /zad pa dang mi skye ba'i ye shes ni byang chub kyi mtshan nyid do// Da yig ni mthar phyin cing mur thug pa med pa sgrib pa dang bral ba'i sgo'o/ /dri ma'i rnam pa ni dri ma dang bral ba can ma yin pa ste/ de nye bar ma dmigs pa ston par byed pa la dzha yig sgo'o/ /'dod chags dang bral ba la sogs pa rab tu ston pa ma lus rnam par 'byed par brjod par bya ba la ka yig sgo'o/ /oM yig ni sems rnam par 'byed ba'i don te 'dul bar bya ba gang yin pa'i zhe sdang dang gti mug dag dang bag la nyal rab tu spangs pa byang chub tu sems bskyed pa ni smon pa'i mtshan nyid can rang bzhin gyi 'od gsal ba nyid kyang sgrib pa thams cad dang bral ba'i ye shes kyi rang bzhin rab tu gsal ba'i sgor 'gyur ro/ /dag gi spros pa chos kyi dbyings rnam par dag par ston bar byed pa la dag khong du chud pa'i dag can wa yig sgo'o/ /tsha yig gi bshad pa ni go sla'o/ /gcig tu 'dus pa ma dmigs pa ni gzhan gyis yongs su brtags pa'i cha shas gzugs la sogs pa stong pa nyid do/ /gnyis su med
- 369b
pa nyid ni bzung ba dang/ 'dzin 'bral ba nyid do/ /de dag gnyis ka ston pa la g+ha yig sgo'o/ /ca co dang bral ba nyid ni dril bu'i sgra? rjes su sgrog pa'o/ /rdo rje snyems pa 'dzin pa ni rdo rje'i phyag rgya 'dzin ba ste 'di dag gnyis ka'i khyad par de'i ? la Ta yig sgo'o/ /gsang ba'i ye shes ni thams cad mkhyen pa'i ye shes so/ /lhag ma go sla'o/ /'tshe ba ni gzhan gyi 'khor la nye bar 'tshe ba ste de dang bral ba rab tu gsal ba dang/ nam mkha' i dngos grub so sor thob pa'i don du ma yig sgo'o/ /grang ba ni kha ba la sogs pa phra mo ste de nye bar? dmigs pa ston pa la byed pa la ni ma yig ni sgo'o/ /rab tu 'byams ma yin par 'gog pa de rnam par bzhag par byed pa la nye bar zhi bar brjod pa can gyi u yig sgo'o/ /tshul bzhin du bzhag pa ni de'i ngag can la nges par 'byung ba la sogs par byed ba la sgo'o/ /a yig ni de kho na nyid ni de bzhin nyid kyi dag can te spros pa spongs pa ni rnam par rtog pa thams cad dang bral ba ste don de rnam par bzhag pa'i rgyur ta yig sgo'o/ /a yig ni ma skyes pa gsol bar byed pa ste rnam par grol ba'i mtshan nyid brjod pa la sgo'o/ /h+rI yig ni yongs su bzung ba med pa'i dag can te 'thab ba dang rtsod ba spangs ba stod pa la sgo'o/ /ka sde ni kun nas nyon mongs pa med pa'i dag can te rnam par dag pa mtshan nyid ston par byed pa la sgo'o/ /rang bzhin gyis 'od gsal ba de gzung nas gnas pa gsal bar byed ba tsa ste yang sgo'o/ /Ta sde ni snang ba zhes pa ste rab tu bsal pa ste rang bzhin gyis 'od gsal ba nyid 'bar bar byed de 'bar bar byed pa la sgo'o/ zhes rtogs par bya'o/ yang dag par sbyor ba dang bral bar yang dag pa sdud par byed pa mngon par brjod pa la bsgom par byed ba'i don du ta sde sgo'o/ /tshes pa 'dres par rab tu 'jog pa la bzhi med par brjod pa'i pa sde sgo'o/ /mthar gnas kyi sde pa ni byang
- 370a
chub kyi don dri ma med pa ston par byed pa la ste dri ma med pa gsal par byed pa la sgo'o/ /sa la sogs pa'i sde pa ni mya ngan las 'das pa'i glo bur ba nges par 'dor ba la sogs pa ston pa la sgo'o/ /e baM zhes pa la sogs pa rnamS kyis chos kyi yi ge rnam par rig pa'i sgo'o/ /zhes pa la sogs pa de kho na nyid rtogs pa ste gang rtag tu 'gro bar brjed pa'i dbang du byed pa'i bsdu ba ni thams cad mkhyen pa'i ye shes rnam par dag pa kho na rnam par phye ba'o/ /chos kyi sku rnam par nges pa ni chos brjod pa thabs rnam par 'byed pa'o/ /'di ni gtso bo'i dkyil 'khor ba dang bcas pa'i thun mong gi cho ga chos ngag gi phyag rgya'o/ /de'i sgo ni thabs so/ /de rnam par nges pa ni ye shes so/ /sems kyi phyag rgya bsgom pa de bar bstan pa de la rigs thams cad kyi zhes bya ba la sogs pa gsungs pa/ rnal 'byor gnas ni dbang po gnyis kyi snyoms par 'jug pa yongs su rdzogs pa nyid kyang sku'i phyag rgya'i sgrub thabs dang thun mong pa yang ngo/ /sangs rgyas kun gyi phyag ni rnam par snang mdzad kyi thugs kyi phyag rgya'o/ /shin tu 'od gsal gyi dkyil 'khor la ni snying gar nyi ma'i dkyil 'khor dang bcas pa'o/ /rdo rje'i rnal 'byor gyis shes pa ni de la rdo rje bsgom par byed pas mi bskyod pa'i rnal 'byor chen po ste de'i rnal 'byor chen po de lta bu kho na rdo rje sgom par byed pa rnams so/ /bsgom par bya zhes pa ni nyi ma'i dkyil 'khor la gnas pa'i rin chen kun mngon du bya'o/ /yongs su bsgoms nas zhes bya ba ni lhag par mos pa'o/ /mthong zhes bya ni nyi ma'i dkyil 'khor la gnas pa'i pad+ma bsgom pa'o/ /dag pa zhes bya ba ni 'od dpag med do/ /phyag rgya thams cad ni sna tshogs rdo rje'o/ /sna tshogs las kyi sbyor ba zhes pa ni snying khar nyi ma'i dkyil
- 370b
'khor ba gnas pa'i sna tshogs rdo rje la sprul pa sna tshogs pa sems can ma lus pa'i don la lhag par mos pa'o/ /sna tshogs las byed bzhi don yod pa'i dbang phyug go /rdo rje rnal 'byor gyis zhes pa ni zla ba la gnas ba'i rdo rje la sogs po'i mtshan ma bsgom pa'o/ rdo rje'i dam tshig ces bya ba ni nyi ma la brjod do/ /nus pa nges par bstan pa gsungs pa/ rdo rje sems dpa' sems dpa' cha zhes bya ba la sogs pa'o/ /rdo rje'i rnal 'byor gyis zhes bya ba ni snying gar zla ba'i dkyil 'khor la gnas pa'i rdo rjes bsgom mo de ltar rgyal po la sogs pa rnams kyi yang ji lta ba bzhin du rang gi snying gar zla ba la gnas pa'i mtshan ma bsgom par lta bar bya'o/ /'di dag kun gyi zhes pa ni sku la sogs pa'i phyag rgya'i sgrub thabs so/ /rang sbyor gyis shes pa dang rang gi sku'i phyag rgya sgrub pa'i don can du byas pa'i rang gi lha'i rnal 'byor ji skad gsungs pa'i gdan la gnas nas yid rtse gcig tu gyur pas sgrub par bya'o zhes bya ba 'dis so chos kyi yi ge'i tshig gis ni zhes pa dag gi phyag rgya'i dngos grub ni lce'i rtse mo'i 'dab ma la rdo rje mdzes pa bsgom pa mngon du 'gro ba can gyi snying ga'i zla ba la ji lta ba bzhin du rang gi oM baM la sogs pa'i chos kyi yi ge rnams rnam par bkod la rnam par rig pa'i sgo zhes bya ba la sogs pa'i de kho na nyid sgom par bya'o/ zhes bya ba 'dis so/ /phyag rgya'i ye shes legs sbyor bas zhes bya ba ni sems kyi phyag rgya bsgom pa'i don can rang gi snying ga'i zla ba la ji lta ba bzhin du rang gi mtshan ma bsgom par bya'o zhes pa 'dis so/ /'di rnams kyi zhes pa sku la sogs pa rnams kyi bsgrub thabs kyi rab tu sbyor ba bdun po ji lta ba bzhin no/ /phyag rgya'i 'khor lo khyad par du zhes pa ni/ sku'i phyag rgya'i tshogs su shes par bya'o/ /de nyid kyi rab tu sbyor ba bstan pa gsungs pa yi ge zhes bya ba la sogs pa ste/ de gsung bar byed pa la
- 371a
sogs pa'i phyag rgya sgrub par bya ba'i don du rang gi sngags kyis yi ge rnams kyi snying ga la sogs rnams so/ /yongs su gang pa'i sku'i phyag rgya byas nas phyag rgya thaMs cad bsgrub par bya'o zhes so/ /las kyi sgrub thabs nye bar bstan pa gsungs pa/ bsam gtan gyis zhes bya ba la sogs pa ste/ bsam gtan gyis ni sgom par byed pa rnams kyis so/ /thig le cig ni yi ge gcig ste dbang chen gyi sa bon no/ des gyur pa ste yongs su rdzogs pa 'di'i go 'phang ni dbang chen gyi dkyil 'khor ro// de nyid bstan pa gsungs pa/ sa zhes pa la sogs pa ste sa la rab gnas kyang dkyil 'khor gru bzhi pa la gnas pa'o/ /go 'phang ni gnas te de la gnas pa'o/ /dbang po gnyis ni mnyam sbyor ba ni rang dang lha gnyis bsgom par byed pas dbang phyug kyang ni bsgrub par bya'o/ /dbang chen gyi las ni rgyas pa'i mtshan ma'o/ /dang po'i dkyil 'khor tshul gyis ni zhes pa dbang chen gyi dkyil 'khor tshul gyis rang gi sa bon gang yin pa yongs su rdzogs pa'i dkyil 'khor dbang po gnyis snyoms par zhugs pa'i yang mdza' mar rab tu brtag ste/ 'khor lo lag tu bsam par bya'o/ /dang po zhes pa ni dbang chen gyi dkyil 'khor dang/ pad+ma dang rin po che la sogs pa yang ji lta ba bzhin sum med ris la sogs pa rnams su rab tu gnas pa'o/ /las kyi rnal 'byor gyis zhes pa ni sna tshogs rdo rje rnam par bzhag pas so/ /las 'di rnams kyang de nyid bsgoms pas ches myur du 'grub par 'gyur ro/ /phyag rgya ye shes bstan pa'i ched du nye bar bstan pa gsungs pa/ bcom ldan 'das zhes bya ba la sogs pa ste/ rnam par grol ba ni sgrib pa thams cad dang bral ba'o/ /de kho na phyag rgya che zhes pa thams cad du rgyas btab cing bsdus par rtog par byas pa ste/ de yis rgyas btab
- 371b
pa ni mtshan pa'o/ /chos thams cad ni 'phags pa dang so so'i skye bo'i rgyud kyi sems dang sems las phyung ba'i rang bzhin no/ /gang gi phyir gnyis dang gnyis med pa'i gnas skabs ni yongs su dag pa ni rnam par grol ba'i lus so zhes pa ji srid pa'o/ /mdza' dang mdza' med pa ni chad ba dang rtag pa'i rnam par rtog pa'o/ /mdza' las 'das pa ni mdza' med pa'o/ /de yis phyag rgyas rgyas btab pa'o/ /gang la gang gi phyir zhe na dag pa dang ma dag pa'i gnas skabs chad pa dang rtag pa yongs su dag pa ste/ don dam par de dag stong pa'o/ /zad pa dang 'dod chags dang bral ba ni phung po dang nyon mongs pa 'gag pa'o/ /de'i phyag rgyas rgyas gdab pa'o/ /gang gi phyir ni zad pa'i sgo ni skye ba'i gnas skabs so/ /zad pa'i mdza' ni gnas pa'o/ /zad pa'i mur thug pa ni mthar thug pa'o/ /skud pa 'debs pa med pa ni smod pa med pa'o/ /gang zag dang chos brtags pa tsam nyid kyis sde de'i phyag rgyas rgyas btab pa'o/ /gang gi phyir mnyam pa nyid kyang rnam par dag pa ni de dag gnyis stong pa nyid kyi rang bzhin no/ /chos thams cad gang yin pa de don dam pa nyid du nam mkha' bzhin du spyan lnga'i lam las yang dag par 'das pa'i phyir nam mkha' i phyag rgyas rgyas btab pa'o/ /sems can thams cad nam mkha' i khams nyid kyi phyir zhes pa ni don dam par na sems can thams cad nam mkha' i khams kyi rang bzhin yin pa nyid kyi phyir ro/ /dbyer mi phyed pa'i rang bzhin gyi chos kyi dbyings su yang dag par 'du ba ni/ rjes su zhugs pa'o de la dbyer med pa'i phyag rgyas rgyas btab pa'o/ /byang chub kyi rang bzhin gyi sems ni byang chub kyi sems te gnyis su med pa'i ye shes so/ /de'i phyag rgyas rgyas btab pa'o/ /gang las she na byang chub kyi sems dang tha mi dad pa nyid kyi phyir ro ste/ byang chub kyi sems rdzogs pa nyid kyi gnas skabs su yang chos rnams kyis
- 372a
lhag par kun tu 'dres pa'o/ /chos kyi dbyings 'byed pa med pa'i mtshan nyid yin pa'i phyir zhes pa ni rdzogs pa'i gnas skabs na de bzhin nyid la khyad bar med pa'i phyir ro/ /rang bzhin med pa'i phyir zhes ba ni gnas skabs thaMs cad du gnas so zhes pa mngon par dgongs pa'o/ /bdag med pa'i phyag rgya ni gang zag gi bdag med pa ste de'i rgyas btab pa'o/ /'tshe ba med pa'i phyir ni gzhan gyis yongs su brtags pa'i bdag tshad ma dang bral ba nyid kyi phyir ro/ /mi rtag pa zhes bya ba la sogs pa'i bshad pa ni go sla'o/ /sngon gyi mdza' ni 'khor ba'i gnas skabs so/ /phyi ma'i mdza' ni mya ngan las 'das pa'i gnas skabs de dag ni de bzhin nyid stong pa nyid dngos dang dngos po med pa'i rnam par rtog pa med pa'o/ /mnyam par mtshungs pa nyid kyi phyir zhes pa la 'dus byas dang 'dus ma byas dag dngos po med pa'i rang bzhin yin pa nyid kyi phyir ro/ /mtshan ma med pa'i phyag rgya ni rgyu'i rang bzhin med pa ste de'i phyag rgyas btab pa'o/ /gang las she na spros pa'i dmigs pa dang bral ba nyid kyi phyir ro ste rgyur rnam par brtags pa dang bral ba nyid kyi phyir ro/ /smon pa med pa zhes bya ba la sogs pa'i bshad pa ni go sla'o/ /bdag la sogs pa'i dngos po med pa'i phung po lnga po rnams yongs su 'dus pa ste tshogs ba can du byed pa de'i mtshan nyid kyi phyir ro/ /bdag med pa la sogs pa'i bshad pa ni go sla'o/ /dri ma med pa ni rang bzhin gyis 'od gsal ba nyid de/ de'i phyag rgyas rgyas btab pa'o/ /'tsho ba rab tu mi gnas pa nyid kyi phyir zhes pa ni don dam pa nyid du sgrib ? bag chags thams cad dang bral ba nyid kyi phyir ro/ /'khrug pa med pa ni rnam par g.yo ba med pa nyid kyi phyir ro ste de'i phyag rgyas rgyas btab pa'o/ /bla na med pa'i mthar phyin pa'i phyir ro zhes pa shin tu mthar thug cing mthas klas pa'i chos?
- 372b
nyid kyi phyir ro/ /ji lta ba bzhin zhes pa ni rtag tu lhag par gnas pa'i de bzhin nyid de de'i phyag rgyas rgyas btab pa'o/ /gang zag dang chos rnams kyi sgro 'dogs pa dang skur ba'i de bas pa med ba'o/ /gang la zhen 'jam pa'i dbang du byed pa dang /dbang du bya ba med pa'i phyi ro ste tshad ma'i yang rnam par rtog pa don dam pa nyid du med pa'i phyir ro/ /rab tu 'jigs pa zhes pa la sogs pa'i bshad pa ni go sla'o/ /'gog pa med pa nyid kyi phyir ni don dam pa nyid du chos rnams kyi rang gi ngo bo med pa'i phyir ro zhes dgongs so/ /rtog ge thams cad ni rnam par rtog pa thams cad do/ /mtshan nyid ni gzugs la sogs pa'o/ /de rnams don dam pa nyid du med pa'i phyir mtshan nyid med pa'i phyag rgyas rgyas btab pa'o/ /gnas ni kun gzhi rnam par shes pa'i rgyun chos thams cad gyi bag chags rnams yang dag par bcad pa'i phyir ro/ /rjes su sbyor ba med pa ni nyes pa'i tshul gyis phyin ci log tu sbyor ba med pa ste de'i phyag rgyas rgyas btab pa'o/ /ci'i phyir ni yon tan gyi tshul rnams kyang gnyen po'i phyogs yin la de nye bar dmigs pa med pa'i phyir ro/ /thams cad mngon par 'dus ma byas nyid kyi phyir ro ste/ /don dam par las kyi rnam bar smin pa rnams med pa nyid kyi phyir ro/ /skye ba dang gnas pa ste de dang gral ba nyid kyi phyir 'dus ma byas pa'i phyag rgyas rgyas btab pa'o/ /chos thams cad mnyam pa nyid ni stong pa nyid do/ /mtshan nyid gcig pa ni 'dus byas nyid do/ /de yang gzugs la sogs pa rnams kyi spyi'o/ /phung po ni phung po'o/ /de'i phyag rgyas rgyas btab pa'o/ /gang las she na snying po med pa'i nyid kyi phyir ste bdag med pa nyid kyi phyir ro/ /zhes pa ji srid pa'o/ /sangs rgyas kyi sku'i mnyam pa nyid ni mtshungs pa nyid do/ /de so sor rnyed pa ni so sor thob pa'i phyir te nye bar thob cing rjes su thob pa'o/ /'jig rten gyi lam ni 'jig
- 373a
rten pa'i las ste/ de kho na mdza' gcig tu rnam par dag pa'i phyir ni don dam par phyed pa'i phyir ro/ /phyag rgya chen po zhes bya ba la sogs pa'i bshad pa ni go sla ba'i phyir rnam par bshad par mi bya'o/ /mu'i yi ge 'di las sgrub pa'i dus su rang gi snying gar dgod par bya'o/ /a'i yi ge la sogs pa rnams kyang snying ga dang mdzod spu dang rna ba dang/ spyi bo dang/ gtsug tor rnams rim pas sbyar bar bya'o/ /gal te yang na hUM yig nyid snying gar zla ba'i mtshan ma la'o/ /yang na khaM yig len spyi bor bsam par bya'o/ /sngar bzhin du lha'i phyag rgya la rang gi sngags kyi yi ge rnams kyi kun tu bkang ba ji blta ba bzhin du rang gi las sgrub par bya ba'i don can la ji ltar gsungs pa'i dkyil 'khor 'byung bar 'gyur ba gang yang rung ba la mos pa'i phyag rgyas rgyas btab bo zhes pa gang yang rung ba'i tshig gi don bsgom pas ji ltar 'dod pa'i las rnams skye ba'i phyir ro/ /a yig la sogs pa ni phyag rgya lnga'i ye shes su bsdus pa can gyi sa bon ma yin no/ /'di dag sdud pa'o ni hUM yig dang baM yig ste thams cad byin gyis rlob pa'o/ /zhes pa'i dbang du byas pa'o/ /de nas da ni zhes bya ba la sogs pas rnam par snang mdzad gyi sku'i phyag rgya gsang ba'i sgrub thabs ston par byed do/ /pad+ma 'dab ma brgyad pa dang zla ba'i dkyil 'khor gyi dbus su son par khaM yig dkar po nyi ma'i dkyil 'khor rab tu gsal ba de'i steng du 'bar ba'i phreng ba 'khrug pa ni rdo rje rtse lnga par nye bar bstan no/ /shes par bya zhes pa nye ba'i mthar spyod do/ /dbang po gnyis ni snyoms par 'jug pas shes pa ji lha dang gnyis su med pa can du bsgom pas phyag rgya ste rdo rje'i bdag nyid can go 'phang ste rten du gyur par man ngag gang yin pa la shes par bya'o/ /'di'i snying po ni de'i phyag rgya'i go 'phang ngo/ /de nyid
- 373b
gnas te kun tu gnas pa'i sems gang yin pa de'i gnas so/ /yi ge hUM zhes pas ni hUM yig dgod pa'o/ /'bar ba ni ra yig las 'bar bar bsgoms nas 'bar bar mig can du byas par bsam par bya'o/ /dkar po la sogs pa ni 'bar ba ni snying ga'i rdo rje'i snying po las dbang po thams cad nges par phyung ste 'jig rten thams cad du spros nas bsdus bzhin pas 'khor los sgyur ba lta bu zhes pa rnam par snang mdzad bzhin no/ /dbang po lngas ni yang dang dmigs shes pa lha'i mig la sogs pa rnams kyis rang gi mig la sogs pa dang gcig pa can du byas nas so/ /ji ltar dbang po gnyis kyi rab tu sbyor ba brjod par bya ba de bzhin du nye bar bstan pa bkug nas zhes bya ba la sogs pa gsungs pa ji snyed bud med zhes pa ni lha gar ji snyed pa de dang de sgrub par byed pa'i rnam par snang mdzad kyi rnal 'byor can nyid gnyis su med pa can nyid kyi slar yang 'grogs par bsdoms pas ji ltar rang gi lus kyi phyag rgya gsang ba'i dngos grub kun tu thob bo/ /sems kyi phyag rgya gsad pa'i sgrub pa phye ba gsad pa'i zhes bya ba la sogs pa gsungs pa/ gsang ba ni phyi rol pa la sogs pa gsang ba nyid kyi phyir ro/ /mchog ni thams cad kyi mchog gi mchog nyid kyi phyir ro/ /dges pa ni rtog pa thams cad dang bral pa nyid kyi phyir ro/ /de lta bu'i cho ga bsam nas so/ /chen po zhes pa khyab can no zhi ba'i chos kyi rjes mthun mchog ni nye ba'i thob pa mnyam pa nyid kyi lugs dang mthun pa dang/ mchog ste 'dod pa'o/ /rdo rje sems dpa' gang yin pa yang 'grub pa ste rab tu stsol bar bya'o de'i phyir mchog de kho na/ bar ma ni la'o/ /'bras bu'i ngo bo'i chos dngos po med pa ni stod pa nyid do/ /rgyu'i chos rnam par rtog pa'i mtshan ma med pa'o/ /de'i don du gnyer ba dang bral ba'i phyir yang smon pa med pa'o/ /de kho na yang chos kun bdag med
- 374a
pa nyid do/ /pha rol phyin pa thams cad thob pa zhes bya ba ni pha rol tu phyin pa'i nad du rtogs pa'o/ /rdo rje sems dpa' mchog ces pa ni shes rab kyi pha rol tu phyin pa'o/ /rgyan rnams kun zhes pa ni mdor bstan no/ /kha dog ljang gu zhes pa ni las ji ltar gser du 'pho ba las/ sbyin pa la sogs pa'i pha rol tu phyin pa drug rgyas par bshad do/ /de dang lhan cig gnas zhes pa ni pha rol tu phyin pa gang yang rung ba sngon byas nas phyi rol gyi bud med dang skyes pa sbyor bar lhag par mos pa bsgom bar bya'o/ /rdo rje 'dzin ma yang shes pa ni shes rab kyi pha rol tu phyin pa yang ngo/ /dbang po gnyis ni snyoms 'jug pas ni sku dang gsung dang phyag rgya gsang ba bsgrub po zhes brjod do/ /rim pa gang gis der 'gyur na de bstan pa'i phyir dran pa nye bar gzhag pa/ zhes pa la sogs pa gsungs pa/ skad cig gis rdo rje sems dpa' gzugs brnyan lta bu kun nas mngon du bya ste/ rang gi sngags 'don pa sngon du 'gro bas/ dran pa nye bar gzhag pa la sogs pa nas ji srid pa'i bar du bsgom nas dam du 'khyud par bsgom par bya ste tshogs thams cad nye bar bsags par 'gyur ro/ /rnam grol gos kyis sgribs nas su zhes bya ba ni stong pa nyid du bsgoms nas so/ /byang chub sems ni zhes bya ba ni zla ba'i dkyil 'khor ro/ /rdo rje ye shes zhes bya ba ni de'i steng du brda bsgom pa'o/ /brtson 'grus che zhes bya ba ni de la nga rgyal byed pa'o/ /de bzhin gshegs pa thams cad sku la sogs pa'i rdo rje dbyings ni rnam par snang mdzad can no/ /slar yang bdag brtan pa zhes pa de la brtan pa'i nga rgyal byed pa'o/ /de'i phyir lha'i nang du rtogs pa'i bud med rnams kyi dam tshig ni sngon gyis rim pas bsgom pa'o/ /byed pa bstan pa'i phyir de'i zhes bya ba la sogs pa gsungs pa/ de'i nu ma la
- 374b
sogs pa'i cha shas rnams rang gi nu sa la sogs pa rnams kyi nang du chub par bya'o/ /'di yis zhes pa la sogs pa rnal 'byor gyi bdag nyid du gsungs pa ston par byed do/ /bshags pa la sogs pa'i ston du byas nas so/ /thog ma ni snga dro'o/ /gung ni nyid ma gur? do/ /mtshams ni thun mtshan? so/ /sangs rgyas thams cad kyi lha thams cad do/ /rnam par snang mdzad dang mthun pa ye shes kyi sku nyid bstan par bya ba'i don du 'gro ba spro ba zhes pa la sogs pa rdo rje sems dpa' la sogs pa de nyid rgyas par bshad pa gsungs so/ /dkyil 'khor rdzogs pa la yongs su mnyes pa'i phyir 'di 'jam dpal gyi glu yis bcom ldan 'das la mngon par bstod pa/ /oM sarba bud+d+ha pa ra me shwa ra zhes pa la sogs pa'i sngags la bud+d+hya bud+d+hya zhes pa ni skul bar byed pa'o/ /la la ni zhes pa ni rol ba'i gar ngo ho(rgyud 'grel): ni dge ba'o/ /su ba ga:zhes pa ni me long ye shes kyi sgo nas so/ /su ra ta zhes pa ni mnyam pa nyid kyi ye shes kyi sgo nas so/ /su b+ha ba zhes pa ni so sor rtog pa'i ye shes kyi sgo nas so/ /mahA ma hA zhes pa ni rgya ba rjes su bsgrub ba'i ye shes kyi sgo nas so/ /sangs rgyas kun la phyag 'tshal bstod pa ni chos kyi dbyings kyi dkyil 'khor gyi sgo nas so/ /gdod nas zhi ba phyag 'tshal bstod/ zhes pa ni rdo rje snying por brjod pa'i sgo nas so/ /rdo rje kun la phyag 'tshal bstod zhes pa ni dbang chen gyi dkyil 'khor gyi sgo nas so/ /byang chub sems dpa' skyob pa po zhes pa ni chu'i dkyil 'khor gyi sgo nas so/ /de bzhin gshegs pa'i rdo rje che zhes pa ni mi'i sgo nas so/ / sangs rgyas sangs rgyas zhes pa ni rlung gi sgo nas so/ /mdza' las 'das pa phyag 'tshal bstod zhes pa ni gtsug tor gyi dkyil 'khor gyis sgo nas so/ /hUM mdzad zhes pa ni khro bo'i dkyil 'khor gyi sgo nas so/ /shin tu yongs su mya ngan las
- 375a
'das zhes pa ni mi gnas pa'i mya ngan las 'das pa'i sgo nas so/ /'jig rten dbang phyug mgon zhes pa ni byang chub sems dpa' i dkyil 'khor gyi sgo nas so/ /rnam par dag pa shes pa la sogs pa ni gzungs ma'i dkyil 'khor gyi sgo nas so zhes pa'o/ /rdo rje snying po rgyan las chos kyi dbyings kyi rnam par bshad pa'o/ /rdo rje snying po zhes grags pa'i dkyil 'khor nye bar bstan pa'i phyir de nas bcom ldan 'das zhes bya ba la sogs pa gsungs pa/ sgo rnams su rdo rje'i gzugs brnyan dang de rnams kyi phyag rgya dang ldan pa'o/ /de bzhin gshegs pa zhes pa ni gtsug tor rnams kho nar bstan pa shar du zhes pa la sogs pa gsungs pa/ sangs rgyas gzugs brnyan 'dzin zhes pa ni rnam par snang mdzad lta bu'i longs spyod rdzogs pa can gyi sku 'chad pa'o/ /'khor lo gnyis pa la mi bskyod pa la sogs pa rnams shar la sogs pa'i phyogs rnams su dbang ldan la sogs pa'i phyogs bral rnams su rdo rje sems dpa' la sogs pa gnyis gnyis dri bar bya'o/ 'khor rnams zla ba'i dkyil 'khor la ste de dag gsal ba'i dkyil 'khor la'o/ /rang gi phyag rgya 'od zer 'bar zhes pa ni ji lta ba bzhin du rang gi rdo rje la sogs pa 'od zer 'bar bya'o/ /de nyid du me la sogs pa'i zur rnams su rdo rje sgeg mo la sogs pa rnams so/ /phyi'i tshur rnams su bdug pa ma la sogs pa rnams so/ /sgo'i mtshams rnams su rdo rje gzugs la sogs pa rnams so/ /sgo rnams su rdo rje lcags kyu la sogs pa rnams bri bar bya'o/ /dkyil 'khor gnas rnams su zhes pa ni dkyil 'khor gyi cha rnams su'o/ /de nas yang phyi'i dkyil 'khor du 'jig rten skyong ba la sogs pa rnams so/ /de ltar dkyil 'khor bris nas bsdu ba la sogs pa nas dbang bskur ba'i mthar thug pa mngon par rdzogs
- 375b
par bya ste/ ji lta ba bzhin du mchod nas slob ma rnams gzhug par bya'o/ /byang chub bslab pa rjes su spyod pa zhes pa ni sdom pa rnams gzung ba'o/ /rdo rje'i dbang bskur sbyor ba zhes pa ni sngar bshad pa'i rdo rje'i dbang bskur gyi rim pas so/ /de nyid la khyad par bstan pa'i phyir/ seng ge'i khri zhes pa la sogs pa gsungs pa/ de nas ming gi dbang bsur ba byin nas rdo rje rin chen gyi dbang bskur ba dang chos kyi sku'i dbang bskur ba dang/ las sna tshogs kyi mngon par dbang bskur bas so sor dbang bskur la dang dbyangs kyi dbang bskur bar bya'o/ /sbyar mi bya zhes pa ni de la zhen pa mi bya'o/ /de dag la bsngags par mi bya'o/ /sems dpa' zhes pa ni rdo rje sems dpa' o/ /de la mngon par chags par bya ba'i phyir 'dod pa'o/ /chags pa la sogs pa stong pa nyid du sgoms pas skyes pa nyid kyi phyir chags pa la sogs pa la 'khrungs pa'o/ /thal mo lhan par bsngam pa ni/ zhes pa ni mnyam pa'i thal mo'o/ /me tog kha 'bus pa'i tshul zhes pa ni me tog kha 'bus pa'i tshul du'o/ /de ni pad+ma'i thal mo'o/ /sor mo thams cad dag tu brkyang ba ni pad+ma'i phyag rgya ste/ pad+ma'i rigs rnams kyi'o/ /rdo rje thal mo ni rdo rje'i rigs rnams kyi'o/ /de'i phyir rdo rje bsngams pa bkrol te/ thal mo bkan pa'i sor mo bkug pa'i rtse mo gnyis su med pa ni de bzhin gshegs pa'i rigs rnams kyi'o/ /khu tshur nang su bya ba ni gtsug tor rnams kyi sde 'di rnams dam tshig gi phyag rgya bzhi'o/ /dam tshig ni zhes pa ni so so re rer 'chang bar 'gyur ba'i phyag rgya bcing bar bya'i gzhan du yang ma yin par nges pa'o/ /lha'i rnal 'byor la rdo rje thal mo dang/ rdo rje bsdams pa dang/ de dral ba dang/ dbab pa dang/ de bstan pa can du byed pa sngon du 'gro bas phyag rgya thams cad 'ching bar 'dod pa nyid kyi phyir kun gyi rtse mor legs par brtag zhes pa ni gung mo 'beb bzhin du byas nas sdigs
- 376a
mdzub rtse mo gnyis rdo rje'i rnam par bkum ste/ mthe'u chung dang mthe bo rab tu brkyang bar bya'o zhes pa rdo rje chen po sangs rgyas thams cad kyi'o/ /mdzub mo rab tu brkyang te steng du bsgreng ba'i rnam pas gung mo gnyis kyi gzhogs su gzung ba'o/ /gung mo gnyis ni yongs su brtag zhes pa ni gung mo gnyis sdigs mdzub kyi rtse mo khab bzhin du byas pa'i gzhogs su rdo rje ltar gung bar bya'o/ /de nyid zhes pa gung mo gnyis dang sdigs mdzub mnyam par byas pa'o// rdo rje zhes pa sdigs mdzub rdo rje'i rnam pa nyid du'o/ /khu tshur snying po ni de yid gtsug tor gyi rnam pa ni steng 'gro yi'o/ /mchog ni gung mo dang srin lag nang du bcug pa'i gung mo khab bzhin du byas par brjod par bya'o/ /lcags kyu 'di'i sbyor ba yis zhes pa ni rdo rje bsngams pa nyid do/ /gung mo rdo rje rin chen rtse zhes pa ni gung mo rdo rje dang rtse mo dag rin chen byas pa'o/ /rtse mo'i rtse mo rnam par 'joms zhes pa ni sdigs mdzub gnyis rab tu brkyang ba'o/ /gnas su nges par sbyar zhes pa ni rdo rje bsdams pa nyid rgyal mtshan ltar gzung ba'o/ /bzhad pa'i gnas su rab tu sbyar zhes pa ni de nyid do/ /ral gri lta bur zhes pa ni gung mo gnyis ral gri ltar bkum pa'o/ /'khor lo 'dra zhes pa ni 'khor lo'i rnam pa thams cad du 'khyil bar bsdams pa dkrol nas rab tu brkyang bar bya'o/ kha ru phye ba zhes pa rdo rje bstams pa nyid do/ /gar mtshungs zhes pa ni rdo rje bsdams pa gar gyi tshul gyis spyi bor gzung ba'o/ /sna tshogs rdo rje can zhes pa ni rdo rje'i mda''di nyid las kyi rdo rje ma'i 'o/ /rdo rje sems dpa' la sogs pa rnams kyi rdo rje sems dpa' dang/ rdo rje rin chen dang/ rdo rje chos dang/ rdo rje las kyi phyag rgya kho nar blta bar bya'o/ /chos yongs su sdud pa'i sbyor ba ye zhes pa ni go cha'i tshul gyis so/ /mche ba
- 376b
rnam bdag gtsigs zhes pa ni mthe'u chung dang mthe bong che ba zur gnyis su byas pa'o/ /khu tshur bcings pa khu tshur gyis zhes pa ni mthe bong dag nang du bcug ste mthe'u chung du bcug ste mthe'u chung dang mid med kyi rtsa ba'i bar du yang dag par sbyar ba sngon du byas nas sdigs mdzub gnyis kyi mdun dag gis mthe bong gi rgyab tu bcing? bar bya'o/ /'gyed cing sdud par yang dag gnas zhes pa ni kha sbyor gyi thal mo nyid do/ /pad+ma'i thal mo ni pad+ma kha zlum pa ltar legs par 'jog pa'o/ /steng du yongs brgyang ba zhes pa ni steng du me long lta bur bzung ba'o/ /rdo rje 'bebs par rnam par brtag ces pa ni dkrol ba'o/ /rnam par snang mdzad la sogs pa nas dril bu'i mthar thug pa rnams kyi ni phyag rgya'o/ /kun tu bzang po la sogs pa rnams kyi ni nye ba'i phyag rgya'o/ /rang gis zhes pa ni rang gi lha gang dang gang yin pa de dang de bdag nyid kyis so/ /rin po che'i rnam pa bcings zhes pa ni rin po che ltar mthe bong la sdigs mdzub kyi rtse mo lto sbyor ba'o/ /de nyid ces pa ni kha sbyor gyi thal mo'o/ /rtse mo'i rtse mo bkum zhes pa ni sdigs mdzub rin po che'i rnam bar byas pa ni sems la byams pa bsgom bzhin pa byams pa'i 'o/ /rab bcug nas zhes pa ni kha sbyor gyi nang du sdigs mdzub go/ /ral gri'i rnam par rab tu brtag pa ni ral gri tshul 'dzin pa'o/ /kha sbyor gyi thal mo nyid gar las ral gri'i rab tu 'dzes par byed pa'i tshul ni rnam sel rgya'o/ /gang ni sdud pa'i sbyor ba byes zhes pa ni pad+ma'i khu tshur dag gis gar byas nas kun tu sdud pas so/ /de nyid ces pa ni pad+ma'i phyag rgya utpal ltar brtags pa ni pad+ma sgrol ba yi ste/ pad+ma'i rigs rnams kyis sgrol ba gang yin pa'o/ /zhes pa ni don to/ pad+ma'i thal mo nyid sdigs mdzub nyid 'che ba'i rnam par bkum ste mthe bong gnyis kha dang 'dra bar te gyen du bskum par bya'o/ /'di ni rta mgrin gyi phyag rgya'o/ /rin chen ldan zhes pa ni sdigs mdzub dang mthe
- 377a
khong? rin po cher byas pa'o/ /yid bzhin nor bu 'dzin pa'i tshul zhes pa ni sdigs mdzub dang mthe bong dag gi rin po che 'dzin pa'i tshul lo/ /sngar gsungs pa'i rdo rje rin chen gyi phyag rgya gar sngon du 'gro bas thugs kar gnas pa ni nam mkha' mdzod kyi'o/ /rdo rje chen po legs par brkyang zhes pa ni lag pa gnyis phye bar byas nas dbus ma gsum po rdo rjer byas pa'i nang du mthe bong dang mthe'u chung bcug nas lcags sgrog sbrel ba lta bu ni blo gros rgya mtsho'i'o/ /mdzub mo gnyis po sbyar bar bya zhes pa ni sdigs mdzub khab ltar du byas pa'o/ /rdo rje snying po rnams kyis zhes pa ni de bzhin gshegs pa rnams kyis so/ /shag ti'i rnam pa ni zhes pa ni sdigs mdzub rtse mo rtsa ba nas rgyas par bya ba ni utpa la'i phyag rgya ste 'jam pa'i dbyangs kyi'o/ /snying po'i khu tshur la gung mo gnyis khab lta bu'i steng gi gzhogs su sdigs mdzub gnyis bskyed nas gzung bar byas pa ni mdud do/ /de nyid gzhogs phan tshun du lho sbyor ba ni mdud chen po'o/ /phyag rgya gnyis po 'di dag gshin rje mthar byed kyi'o/ /de nyid zhes pa ni sdigs mdzub gnyis pa'o/ /ral gri'i tshul las shes pa la khab bzhin du byas pa la yang dag par sbyar ba ral gri ltar bzung bar bya'o/ /snying po'i khu tshur la sdigs mdzub gcig yang dag par bkum? pa ni nye pa'i sgra can ma'i'o rdo rje 'dzin pa chen po'i zhes pa ni phyag na rdo rje'i'o/ /mdzub mo mthe bong bcings pa zhes pa ni rdo rje'i phyag rgya gang yin pa sdigs mdzub dang mthe bong gnyis rdo rje bsdams pa'i tshul gyis bcing bar bya'o/ /rdo rje bsdams pa la sdigs mdzub ngag phan tshun lcags sgrog ltar bcing ba byas nas gung mo dag khab bzhin du byas pa ni rdo rje lcags sgrog gi'o/ /rtse mo lnga pa'i rdo rje che ni rdo rje gzegs ma'i phyag rgya'o/ /rdo rje bsdams pa la sdigs mdzub ni rdo rje
- 377b
rtsi mo'i'o/ /lag gnyis legs par brkyang bya zhes pa ni lag pa gnyis rab tu brkyang la gcig pa can du byas nas sdigs mdzub dang mthe bong rin po che 'dzin pa'i rnam par bya'o/ /pad+ma'i dbyibs zhes pa ni pad+ma bzhin du kha sbyor gyi thal mo byas nas so// sdigs mdzub gyi tshigs bar ma bcag pa'i lto la mthe bong gi lho dag mig gi tshul gyis sbyar bar bya'o/ /byin pa g.yon pa'i steng du g.yas pa'i byin pa bkod pa ni bkra shis kyi gdan no/ /'di dag de bzhin gshegs pa rnams las gzhan pa'i dam tshig gi phyag rgya ste lus kyi sgo nas so/ /sems kyi sgo nas ni mngon bzhin du shes par bya'o/ /phyag rgya chen po ni de rnams kyi rdo rje skyil krung nyid do/ /las kyi phyag rgya ni rdo rje khu tshur las byung ba'i byang chub mchog la sogs pa'o/ /rdo rje sems dpa' la sogs rnams kyi ni bsgyings bcas gsor gnyis ka'i zhes pa la sogs pa rnams so/ /sgeg mo la sogs pa rnams dang lcags kyu la sogs pa bzhi po rnams kyi rdo rje bsnyems pa'i rab sbyor gyi bsam pa g.yos pas 'dud par bya zhes bya ba la sogs pa'o/ /lhag ma rnams ni go sla'o/ /de ltar rang gi phyag rgya snying gar sna tshogs rdo rje bsgoms nas gar sngon du 'gro bas bcing ngo/ /las kyi phyag rgya'i rnam pa ni/ gdan zhes pa rang lha'i gdan ji lta ba la'o/ /sangs rgyas kun gyi bdag zhes pa ni ji ltar bdag nyid lha'i nga rgyal kyi rnam pas so/ /bdag zhes pa ni rang nyid kyis 'chid par bya'o/ /'ching du gzhug ces pa gzhan rnams kyis so/ /mthe'u chud mthe pos nges par bcing zhes pa ni mthe'u chung mthe pos mnan pa can no/ /'di nyid lag pa g.yas pa las skyes pa las dbang po yi'o/ /de nyid ces pa ni sdigs mdzub dang mthe bong dag go/ sor mo gnyis ni bsgreng ba zhes pa ni sdigs mdzub dang gung mo gnyis las skyes pa'o/ /sdigs mdzub dang mthe bong
- 378a
dag gis mchod phyir thogs kyi tshul ni tshangs pa'i phyag rgya'o/ /dbang ldan gyi gsal shing gi phyag rgya nyid ni drag po'i'o/ /de nyid bar ma gsum paN+Ti pa'i rnam pa rab tu brkyang ba ni skyod dka' ma yi'o/ /sor mo thams cad khang sna'i rnam par dbyangS pa ni tshogs bdag gi'o/ /dkyil 'khor gyi tshul du bya ba'o/ /yang lag pa gnyis kyis 'od zer rab tu ston par byed pa ni nyi ma'i'o/ /'od kyi dkyil 'khor gyi tshul ni thams cad kyi'o/ /glu len pa'i tshul gyis khang lag pa g.yo bar bya'o/ /gdengs ga'i? tshul zhes pa mthe bong gnyis phan tshun bcings nas sor mo lhag ma rnams gdengs ka'i tshul gyis bkum par bya'o/ /gar ni sdud pa'i sbyor ba yis zhes pa la sogs pa rnams kyis rdo rje'i gang sngon du 'gro bas ji skad gsungs pa'i phyag rgya rnams bcings nas bzhag go/ de dag kyang dbyangs sna tshogs par blta bar bya'o/ /las kyi sbyor ba 'bad pa yi zhes bya ba ni bya ba'i lam la 'bad pa rnams kyi'o/ /de kho na nyid kyi lam la so sor 'dres pa'i sa der yang phyag rgya 'grub po zhes bstan pa gsungs pa/ phyag rgya dong nas zhes pa la sogs pa ste de la 'di ni rim pa ste/ ji lta bzhin du rang gi lha rdzogs pa'i rim pas de'i gzugs kyi bdag nyid du blta ste/ dza:hUM baM ho(rgyud 'grel): zhes 'don cing byon pa kho na nang du bkug nas sangs rgyas thams cad mchod dang mchod pa dang sgo rnams gnas ji lta ba bzhin du'o/ /snying gar 'bar ba dang bcas pa'i chu skyes 'dab ma brgyad pa de la gnas pa'i zla ba'i dkyil 'khor la gnas pa'i nyi ma'i 'od zer gyi thig le dab bcas pa'i ka la sogs pa de'i steng du 'od zer chen po 'bar ba 'khrugs pa'i rdo rje rtse lnga pa de'i dbus kyi rtse mor dbyangs i bskyed do/ /rnam par rtog med zhes bya ba la sogs pa ni nang du a(rgyud 'grel): ngas sgra bsgoms nas mig kyang rigs?
- 378b
las 'bar ba dang/ sna'i rtse mor yang de bzhin du hUM yig go/ de nas ji skad gsungs pa'i dbyangs a rang gi sngags kyi yi ge rang 'bar pa'i nang du kun tu 'bar ba dbang po thams cad kyis rtogs par bya ba ma yin pa sna tshogs rnam par spyod pa byod nas rab tu zhugs te nang dang nang ma yin par mngon du byas pa kho na dbyangs kyi don te ji srid du/ rgod ma kha yi mthar thug pa/ /sems kyi rin chen bsam par bya'o zhes pa ni/ phyag rgya de rnams zhes pa ni de nyid gsal bar byed pa'i gnas lus dang ngag dang yid kyi phyag rgya bcings pas bsams nas bsgoms par bya'o/ /ting nge 'dzin gsum ni lus la sogs pa'i phyir rgya'i sgrub thabs so/ /brtags pa ni rnam par bzhag pa yin te sngon du bstan pa bzhin no/ /don dam par ni phyag rgya dang sngags dang lha rnaMs gsum po de kho na nyid du stong pa nyid la sogs par rab tu gnas so/ /mdza' yas par shes pa nyid kyi kun du sems pas yang dag par sbyor bas te de kho na rnal 'byor ro/ /des na mtshan nyid gcig pa ste stong pa nyid du rang bzhin gcig par rnam par bzhag go/ phyag rgya thams cad dngos po de nyid de don dam pa'i rang bzhin no/ /dngos po med par bshad pa ste brjod pa'o/ /sgom par byed pa dngos po med pa'i rang bzhin ni sgom par byed pa dngos po med pa'o /de ni don dam par dngos po med do/ /gal te de lta bu 'bras bu ci ltar sgrub cen bsgom pa nyid kyang zhes bya ba la sogs pa gsungs pa/ brtags pa'i tshul gyis ni dngos po med pa ma yin no zhes pas dngos po'o/ /de'i phyir yang dngos po med pa las rnam par grol te/ rnal 'byor ye shes mchog tu bde zhes pa mchog tu bde zhes pa gnas pa'o/ /skyes par zhes pa ni bstan par 'gyur ba'o/ /de'i tshe phyag rgya dang sngags dang lha rnams sems dang ngag dang lus kyi phyag rgya'i tshul du rnam par bzhag go/ 'on kyang phyag
- 379a
rgya dang sngags phan tshun nyid du mthong ba ma yin pa de srid du lha dang gnyis su med pa'i rnal 'byor gyi rgyud nyid kyis rnam par gnas so/ /bcom ldan 'das zhes bya ba la sogs pa rnams kyis de bzhin gshegs pa'i rigs rdzogs pa bstan pa ste/ dga' ldan gyi sar zhugs nas zhes pa ni byang chub sems dpa' i gzugs kyis so/ /de nas rim pas rdo rje gdan du mngon par rdzogs par sangs rgyas pa ji srid par de lta bu yang rnam par snang mdzad kyis 'dul pa'i skye po gang yin pa gang gis slar yang 'jug par 'gyur zhes rdzogs par bya ba'i ting nge 'dzin de las bzhengs nas dbang chen la sogs pa'i dkyil 'khor gyi don du rdo rje sems dpa' la sogs pa'i sems dpa' 'byung ba'i mdzad pa'am/ 'dis kyang 'di dag bstan nas de rnam par snang mdzad la sogs pa'i de bzhin gshegs pa rnams bzlas pas tshogs yongs su rdzogs pas dga' ldan gyi sar yongs su gnas pa la sogs pa'i rim pas ji srid oM ya thA? sarba tA gasta thA haM zhes pas rang mngon par rdzogs par byang chub pa mngon du bya'o zhes pa'o/ /de nas bcom ldan 'das shes pa la sogs pa dbang chen la sogs pa'i dkyil 'khor nye bar ston par byed do/ /sangs rgyas thams cad ces bya ba ni mi bskyod pa la sogs pa rnams so/ /de dag so so de tshe'i? gzhegs su 'khor los sbyar ba la sogs pa gnyis bri bar bya'o/ /phyi'i gnas su zhes pa ni sangs rgyas pa bltos nas phyi rol gyi cha rnams su'o/ /sangs rgyas sras pa zhes pa ni rdo rje snying po la sogs pa'o/ /gzhan du ni dkyil 'khor gyi gleng gzhi'i rjes su 'brangs nas rdo rje sems dpa' la sogs pa rnams kyang de bzhin gshegs pa gnyis gnyis kyi gzhogs? dag tu gnyis gnyis kyis yongs su bskor bar rnam par bzhag go/ de nas 'khor los sgyur ba la sogs pa rnams
- 379b
? rnams su byas nas zur du bdug pa la sogs pa rnams dang/ sgo'i cha rnams su gzugs la sogs pa rnams dang sgo rnams su sgo ba dang nang gi zur rnams su sgeg mo la sogs pa rnams so zhes so/ /rlung gi dkyil 'khor rnams su brjod par byed pa'i dkyil 'khor thams cad rnam pa sna tshogs pa'i kha dog can gyi re khA'o/ /rdul chen yang sngags pas yid kyi rab tu brtag pa bya ste/ rab tu dgye'o/ /bsdu pa'i mthar thug pa rdzogs par byas nas las kyi dngos grub kyi don du bsgom pa bya'o/ /chu lha'i dkyil 'khor spyi don du lha rnams brjod par byas pa nyid kyis cho ga de dang de kho nas me lha'o/ /rdo rje snying po la sogs pa rnaMs las phyi rol gyi snam bu la khra po dgod par bya'o/ /rlung lha la ni shar la sogs pa'i phyogs rnams su rim pas khro bo la sogs pa rnams so zhes pa ni khyad par ro/ /de nas bcom ldan 'das zhes bya ba la sogs pa rnams kyi bzlas pa'i cho ga ston par byed do/ /mchod pa byas nas zhes pa ni bsdu ba dang dbang bskur ba'i mthar thug pa rdzogs nas sgeg mo la sogs pa rnams kyis yang dag par mchod par bya'o/ /kun zhes pa ni chos sum cu rtsa gsum mo/ /sangs rgyas kun gyi sku chen po ni rang gi lha'i gzugs ji lta ba bzhin du rang gi sngags kyi yi ge rnams kyis yang dag par ldan te kun nas gang bar bya'o/ /'dod par gter ba ni mngon par 'dod pa'i don gyi chag go?/ /de'i phyir skra la sogs pa'i bzlas pa bya'o/ /yi ge'i phreng bar rnam par gnas pa ci zhe na/ /zla ba'i dkyil 'khor dbus zhes bya ba gsungs pa/ dung gi sgra ni de bzhin gshegs pa rnams dang de'i rigs la'o/ /dril bu'i sgra ni 'jig rten dbang phyug dang de'i rigs la'o/ /rdo rje hUM mdzad dang de'i rigs la sprin te sprin gyi hUM yig tsa Ta tsa Ta'i skra sgrogs pa'o/ /nam mkha' i snying po dang de'i rigs rnams la rnga'i che'i sgra'o/ /pi wang la sogs pa'i sgra ni thams cad kyi spyi bo'o/ /rang gi snying ga'i mtshan mar
- 380a
rang gi sngags kyi yi ge bltas la rang gi de kho na nyid la lhag par mos nas bsags pa gnyis yang dag par sbyor bas sgra'i bzlas par brjod par bya'o/ /de nas lcags kyu la sogs pa rnams kyis dgug pa la sogs pa bya'o/ /rang gi tshul zhes pa ni yid bde ba'i tshul lo/ /de'i zhes pa ni rang gi lha de'i'o/ /yang dag sbyar bya zhes pa ni kun nas mi phyed pa nyis kyis so/ /phyag rgya sngags ni legs par sbyar zhes pa ni/ rang gi phyag rgya dang/ sngags rnams kyis byin gyis brlabs pa'o/ /gnyis su med pa'i rnal 'byor pa lag par rang gi mtshan ma dang/ snying gar zla ba la son pa'o rang gi mtshan ma'i phyag rgya byas nas de'i 'od zer rnams kyis kun tu 'od gsal ba gang yin pa kun nas kyang ba spu'i khung bu thams cad nas byung ba'i 'od zer rnams kyis khyab pa gang yin pa'i bzlas par bya'o/ /slar yang brtan par ? gyis brlab ba dang/ dbang bskur pa dang/ ting nge 'dzin dang/ mchod pa rnams rdzogs te rang gi gzugs la spro ba dang bsdu ba byas nas snying ga la sogs par ji srid du bzlas pa'i sgra yang mngon par mi 'jug pa ni rnal 'byor gyi bzlas par rnam par brjod do/ /de nas snying gar zla ba'i dkyil 'khor gang ba ya rang gi sngags kyi yi ge'i phreng ba mched pa mu tig gi phreng ba ltar dkar ba glog dang mtshungs par gsal ba'i 'od zer rnams kyis rang gi lus kun nas gsal bar byed par bsgoms nas sngags kyi yi ge'i bzlas pa mngon par rdzogs par bya'o/ /ji ltar ji ltar zhes bya ba la sogs pa ni bdag nyid chen por ston par byed do/ /de bzhin gshegs pa thams cad ni rnam par snang mdzad la sogs pa dang de'i rang bzhin nyid kyi rigs rnams kyang de bzhin nyid du brjod par bya'o/ /de rnams kyi bstod pa rin po che ni/ de bzhin gshegs pa thams cad kyi bstod pa rin po che'o/ /mi g.yo zhes pa'i dang?
- 380b
chos kyi sku nges par bstan no/ /mnyam pa nyid kho na de bzhin nyid do/ /de kho na snying po'i chos ste/ gang rnams kyis mnyam par yod pa de mnyam nyid snying po'i chos can te/ 'dis kyang longs spyod rdzogs pa'i sku'o/ /'gro ba'i sdug bsngal sel bar mdzad zhes pa la sogs pa rnams kyis sprul pa'i sku'i sgo nas/ gzhan gyi don phun sum tshogs pa'o/ /gsum po de rnams kyang mnyam pa med par sdug bsngal sel pa ste/ lta ba dang lta ba ma yin pa sdug bsngal sel bar byed pa'o/ /mdza' yas ni mdza' med pa gang yin pa'o? /kun nas dam pa'i yon tan 'jig rten dang 'jig rten las 'das pa thams cad dang dngos grub sbyin pa'i tshul gang yin pa de rnams la de bzhin du gsungs te/ de yi nyams thag sdug bsngal sel/ /yon tan dngos grub sbyin pas kyang thugs rje'i bdag nyid can zhes gsungs shes so/ /gal te yang thugs rje'i bdag nyid can yin pa de'i phyir de rnams kyang shin tu zhen par 'gyur ro zhe na gsungs pa/ dri med zhes bya ba la sogs pa gsungs pa/ dri med ni sgrib pa thams cad spongs pa nyid kyi phyir ro/ /mi g.yo ni gzhan mu stegs can gyis rab tu g.yo bar mi nus pa'i phyir ro/ /nyan thos dang rang sangs rgyas rnams dang byang chub sems dpa' dang thun mong ma yin pa'i phyir/ mnyam med dam pa'i chos kyi mchog yin la/ de 'di rnams la yod pa de rnams ni mnyam med ? pa'i chos mchog can te gang gsungs pa mnyam med zhes pa'o/ /de sgrub par byed pa gsungs pa/ nam mkha' zhes pa la sogs pa ste gang gi phyir nam mkha' ste nam mkha' la tshad kyi mthar thug pa med pas dpes bskrun du yod pa ma yin ste gang gi phyir 'di lam yin no zhes pa ngo bo'o/ /dpes bskrun du med cis zhe na/ yon tan cha zhes pa la sogs pa ste chung du dang/ 'bring dang/ chen po'i tshad kyis dbye ba yang yon tan la yod pa ma yin no/ /ci rnams kyi zhe na rtag tu
- 381a
zhes bya ba la sogs pa gsungs pa/ rtag tu sems can gyi khams rnams la/ dngos grub mchog rnams stsol bar byed pa'i sangs rgyas de rnams la'o zhes drug pa'i don la bdun pa'o/ /'di dag nyid gang las shes pa gsungs pa rtag tu zhes pa la sogs pa ste/ gang gi phyir de rnams kyi thugs rje'i shugs las byung ba nyid kyi phyir/ rtag tu dri ma med pa ste nyon mongs pa med pa'o/ /smon lam grub pa ni rab tu mi gnas pa'i mya ngan las 'das pa'o/ /'gag pa med pa'i chos nyid ni kun nas khyab par rtag tu gnas pa'o/ /rnam par snang bar byed do ni 'bar bar byed do/ /thugs rje chen po'i bdag nyid ni sangs rgyas rnams so/ /'di dag kyang gang las zhe na 'gag par yong mi 'gyur zhes bya ba la sogs pa gsungs par? gang gi phyir de lta yin pa de'i phyir/ thugs rje chen po 'gag pa'i chos can du yi 'gyur te de'i phyir de yang 'gag pa med pa'i chos nyid do/ /ci dang ci zhe na gsungs pa/ tshad med tshad dang bral ba zhes pa la sogs pa ste tshang med ni nyan thos dang rang sangs rgyas dang byang chub sems dpa' rnams kyis kyang tshad dang bral ba rnams la'o/ /shin tu rdzogs pa ni 'bras bu mthar thug pa'o/ /bde bar gshegs pa'i go 'phang ni yongs su mya ngan las 'das pa'i go 'phang rnams su yang brnyes gyur kyang ste/ mthong bar gyur kyang ngo/ /de'i phyir yang e ma'o shin tu bzang po'i chos nyid do/ /dam tshig gsum ni sku gsum gyi bdag nyid can no/ /de'i rgyur mchog gi dngos grub gso pa te rab tu stsol bar gyur cig/ mchog sbyin pa ni dngos grub rab mchog sbyin pa po'o/ /mchog sbyin rnams kyi nang na go 'phang mchog brnyes pa ste/ mchog sbyin pa rnams kyi nang na gtso bor gyur pa'o/ /ma lus pa ni lhag ma med pa'o/ /dus gsum mkhyen pa po ni dus
- 381b
gsum pa can no/ /sgrib pa med pa ni sgrib pa thams cad dang bral ba'o/ /'di ni zhes bya ba la sogs pa rnams kyis bstod pa'i bdag nyid chen po ston par byed do/ /rnam par snang mdzad la sogs pa de bzhin gshegs pa lnga'i bzlas pa rnamS dpe'i rnal 'byor gyi rim pas ni rnal 'byor bsdus nas 'di de mas bcom ldan 'das zhes bya ba la sogs pa rigs bzhi po de rnams kyi lha'i bzlas pa rnams kyi nges pa bstan pa gsungs pa/ ji ltar bshad pa'i tshogs zhes bya ba ni gsum la skyabs su 'gro ba sngon ma can so sor gang ba'i sdom pa yang dag par gzung ba ni bslab pa'i gnas te rang gi nus pa nyid kyis bzung nas cho ga sngon ma can gyis ji ltar gsungs pa'i sngags rnams kyis sdig pa bshags pa la sogs pa bya'o/ /dngos grub kyi gegs nye bar 'joms pa nyid kyi gtso bor bshags pa la sogs pa rnams kyis sngags nges par bstan gyi gsol ba 'debs pa la sogs pa ni ma yin no/ /sa bcu dbang phyug zhes pa ni zla ba'i kha dog can zhes pa la sogs pa rnams kyis yang dag par sprel bar bya ste/ bsod nams dang ye shes kyi tshogs yongs su rdzogs pa zhes pa'i tshig gis so/ /de nas ji ltar gsungs pa'i seng ge'i gdan gyi steng du bdag nyid rnam par snang mdzad du bsam par bya'o/ /oM bud+d+ho haM zhes pas byin gyis brlab par bya'o/ /sa bcu'i dbang phyug de'i seng ge'i gang na de bzhin du rigs pa ma yin no/ /de'i phyir oM swa b+ha ba shud+d+ho zhes pa la sogs pa rnams kyis snang ba med par byas te snying gar zla ba la gnas pa'i rdo rje lta'o/ /de las skyes pa'i rang gi mtshan mar kun tu blta'o/ / oM d+harma d+ha tu swa b+hA ba At+ma konyahaM zhes pa ni de nga rgyal byas nas de bzhin gshegs pa thams cad kyi sku la sogs pa'i rdo rje dbyings nang du chung par bya'o/ /byin gyis brlab par bya'o/ /zhes pa ni bsgoms nas ye shes kyi sku'i bdag nyid?
- 382a
kyi phyir/ chos kyi skur oM pra b+ha swa ro haM zhes pas byin gyis brlab bo/ /chos kyi dbyings rgya chen por snos? nas zhes pa ni ji ltar rang gi mtshan ma spros sems can gyi don mngon par rdzogs nas rang la nye bar bsdu bar bya'o/ /de ltar ye shes sems dpa' mngon par rdzogs pa byang chub pa mngon du byas nas bud+d+ho haM zhes nga rgyal bskyod par bya'o/ /de nas mahA sa ma ya sa twA haM zhes bya ba'i nga rgyal byas nas rang gi dam tshig gi phyag rgya yang/ sa ma yo haM zhes 'den pa nyid kyis so/ /sa ma ya satwA? A d+hI tiSh+Tha maM zhes snying ga dang/ mdzod spu dang/ mgrin pa dang/ spyi bor bzhag la yang rang gi snying gar rang gi sngags dang lhan cig tu de nyid gdon no/ /phyag rgya chen po bcings nas ye shes sems dpa' mdun du bzhag nas blta bar bya'o de bskul nas de nyid dza hUM baM ho(rgyud 'grel): zhes 'don cing rang gi lus la rab tu bsgoms nas ji lta ba bzhin du 'od kyi dkyil 'khor mngon par rdzogs par byas te/ sa ma ya staM a haM zhes der bdag nyid bsgoms nas brtan pa'i rdo rje'i lta bas yang dag par ji lta ba bzhin du dang byin gyis rlob pa'i sngags dang phyag rgyas snying gar byin gyis rlob pa yang byas nas dam tshig gi phyag rgyas dza:hUM baM ho:dang sngar gyi rang gi sngags kyi spyi bo dang mgrin pa la sogs pa rnams su bdag la byin gyis brlab pa'i ched dang tshul ji lta ba snying ga dang nye ba'i snying po la sogs pa rnams su yang ngo/ /legs so zhes pa'i sbyor bas de bzhin gshegs pa thams cad nang du bcug ste de dang de'i yi ges brtan pa can du byas te mngon par dbang bskur nas ji lta ba bzhin du chos rang las kyi phyag rgya bcings pa sngon ma can du byas pa'i ting nge 'dzin mchod pa dang phyag 'tshal ba dang/ dar dbyangs sbyin pa dang/ spyan dang ba dang/ gsang ba'i mchod pa'i mthar thug pa mngon
- 382b
par rdzogs par bya ste/ ji ltar byas pa nyid la sogs pa'i mtshan ma 'dzin pa la sogs pa can no/ /oM badzra At+ma ko haM oM swa b+hA ba shud+d+ho haM/ oM sarba sa mo haM zhes rdo rje'i bdag nyid can dang rang bzhin gyis dag pa dang/ bdag med par mnyam pa nyid kyis thamS cad mnyam par rnam par bsams nas 'gro ba ma lus pa'i nye bar 'tsho byar yang rnam par bsams nas bdag nyid sems nye bar 'phel ba'i bzlas pa bya'o/ /dus ji lta ba bzhin du zhes pa ni skabs ji lta bar ro/ /thun mtshams bzhi 'am gsum dag la brtsam par bya ste yi ge'i rjes su son pa'i yid kyi zhes pa ni snying ga'i mtshan ma'i yi ge la sems gnas par gyur pa'o/ /dman pa'i dngos grub kyi dbang du byas nas nyi ma re rer zhes bya ba la sogs pa gsungs pa sgrub pa'i dus su thams cad kyi thun mong du rdo rje'i gdan no/ /gzhan gyi tshe sangs rgyas rnams kho na'o/ /de bzhin gshegs pa'i skur gsal ba zhes pa ni rang gi lha'i byin gyis brlabs pa'o/ /dngos grub 'bring po'i dbang du byas te gsungs par? bya ba bzhin zhes bya ba la sogs pa'o/ /sgrub pa chen po zhes pa ni mchog sgrub pa'o/ /de bzhin gshegs pa'i mtho gang gi tshad kyis de bzhin gshegs pa'i mchod rten 'bum bya'o/ /de ma 'byor pa la ji ltar 'byor pa'i tshang kyis dri'i mchod rten rnams so/ /bzlas pa yang gnyis ka la stong phrag go/ bye ba bdun gyi nang ma yin pa ste steng du ni ma yin par rig par bya'o/ /sgrub pa gnyis pa gang rdzas sngon ma chad gyi dper brjod pa nyid do/ /de la yang legs par bya ba'i dbye bas dngos grub gsum du rig par bya'o/ /ci ste 'bum phrag gsum bzlas pas ri bo lhung pa la sogs pa can gyi las byed par grub par ma gyur pa yang na gal te 'bum phrag gsum du mi bzlas par zla ba du ni smra bar rang sangs rgyas thams cad kyi gzugs su
- 383a
bsgom par bya'o/ /sangs rgyas thams cad mthong ba la sogs par 'gyur ro/ /sgrub pa po thams cad gyi nan tan du bya'o/ /zhes pa'i bar du gsungs so/ /g+hi haM la sogs pa'i grub pa ni 'chang par 'gyur pa'i lhung bzed dang chos gos la sogs pa nas gal te sgrub pa zhes pa'i srid par ro/ /kun nas gru bzhi pa'i re'u mig can du byas nas kun nas ji lta ba bzhin du bdun pa bdun gyi ri mig can du 'gyur te de dang de lta bu'i re khA rnams kyis bcad pas re mig bzhi bcu zhe dgur 'gyur ro/ /phreng zung zhes pa ni phreng gnyis la a yig la sogs pa bri bar bya'o/ /phreng gnyis pa'i mdza' ma'i re mig la rim pas ma ning gi yi ge gnyis gnyis kun tu rtogs par bya'o/ /phreng gsum pa'i thog ma'i re mig nas brtsams nas rten gyi rim pas ka la sogs pa ji srid pa'o/ /phreng gsum pa'i thog ma'i re mig drug pa nas brtsams nas ya ra la wa'o/ /bdun pa'i re mig nas sha Sha sa ha'o/ /stong pa'i re mig la k+Sha yig ste thams cad kyi mthar rdo rje rtse lnga pa bri bar bya'o/ /'di dag kyang nye bar mtshon par byed pa ste/ gang du snying gar rdo rje med pa de ru ni snying ka'i gnas su rang gi mtshan ma bkod nas bzlas pa'i sku'o zhes pa'o/ /de nyid kyi phyir 'khor lo'i dbus su rab tu gnas shes pa'i tshig go/ gang du dngos grub med pa dang rab tu sbyor bar myur bar dngos grub mngon du bya'o zhes chos kun dbang du 'gyur zhes 'byung ngo/ /mchog ni a la sogs pa'i dbyangs bcu po dang gtso bo nyid du nges par bstan te/ /ma ning bzhi po spangs ba de rnams stobs bcur brjod do/ /yan lag gcig gnyis khyad par ni dbyangs gcig gnyis la gcig gnyis so/ /dbyangs las skyes pa'i sngags kyi yi ger yongs su gyur pa'o/ /dbang sgyang bar byed pa ni thig le la sogs par yongs su gyur pa'i
- 383b
ka la sogs par yongs su 'gyur pa'o/ /ya ra la wa ni rim pas rlung la sogs pa dang me la sogs par lugs las brgal pa'o/ /sha/ rnga dang ya la sogs pa'i sde pa gnyis ni mi mnyam pa'o/ /ka la sogs pa'i sde pa lnga po ni mnyam pa'o/ / chos kun gyi sdom zhes pa ni chos rnams thams cad kyis yang dag par bsdoms shing bsdus pa'o/ /yang dag par sbyor ba ni gang zhig yi ge gzhan gyis kun tu sbyor ba'o/ /sbyor ba bral ba ni gang du yi ge gzhan gsal pa'o/ /byang chub ni a yig go/ spyod pa ni a yig go/ sangs rgyas kyi don ni ma yig go/ mya ngan las 'das pa'i don ni ma yig go/ dbyangs rnams a yig la sogs pa'i yi ge rnams ka la sogs pa rnams dang gcig tu bsdus par gyur pa'o/ /byang chub gzugs ni byang chub kyi rang bzhin no/ /gzhan zhes pa ni thig le rnams so/ /sangs rgyas thams cad kyi bdag nyid can nyid kyi phyir/ sangs rgyas thams cad kyi sgras bcom ldan 'das rnam par snang mdzad du mngon par 'dod la nga ni de'i gsang sngags de kho na bstan pa gsungs pa thog ma'i dbyangs zhes pa la sogs pa ste/ de yang zla ba'i dkyil 'khor dbus su gnas pa'i rdo rje rtse mo lnga pa gnas par bsgom par byas nas thams cad du 'gro ba la sogs pa thob par 'gyur ro/ /de nyid ni byang chub kyi gzugs so/ /bral ba ni thig le'o/ /gnyis pa'i dbyangs kyis zhes pa ni a yig gis yang dag par sbyar ba'o/ /de'i gzugs kyis yongs su gyur pa ni de brtan pa shin tu ring po ni sa dang pha rol tu phyin par brjod par bya'o/ /dro ba ni tshog drag go/ nges sbyar ba ni byang chub kyi gzugs mya ngan las 'das par brjod par bya'o/ /rang gi lhag pa'i phyag rgya ni rang gi lha'i phyag rgya'o/ /thog mar spyod pa ni a yig go/ gnyis pa'i smra ba po ni wa yig go/ bzhi pa'i dbyangs ni a'i yig ste nges mnan
- 384a
pa'o/ /me'i ming can ni ra yig go/ ? dang bral bar gsal bar byed pa ni ha yig go/ drug pa'i dbyangs ni u yig go /des tha dad ma yin pa ni 'dres pa'o/ /steng du yang thig le dang bcas pa ni bzhi pa'o/ /chos rnams thams cad mkha' dang mtshungs pa nyid du gsal bar byed pa ni khaM yig ste lnga pa'o/ 'di ni bcom ldan 'das dpa' bo chen po'i gsang sngags so/ /spyod pa ni mi bskyod pa'o/ /byang chub ni rdo rje sems dpa' o/ /chos kun gyi ni de bzhin nyid gsal bar byed pa ni ta yig go/ me'i sa bon ni ra yig go/ spyod pa yi ni steng du gnas zhes pa nges na nan pa'o/ /spyod pa yang rjes su da ro la 'dir blta bar bya ste slob dpon man ngag las shes par bya zhes pa'i gsung las so/ /chos rnams kun gyi rgyu med pa nyid gsal par byed pa'i ha yig go/ me'i sa bon na ri yig go/ bzhi pa'i dbyangs ni i yig go/ de yang rjes su da ro'i dbang du byas pa'o/ /de nyid zhes pa ha yig go/ drug pa'i dbyangs kyis shes pa u yig gis so/ /de yang rang gi rjes su da ro bcas pa blta par bya'o/ /sde tshan lnga pa'i bzhi pa ni b+ha yig go/ sde pa lnga pa'i mdza' can ma yig go/ sku ma'i chos la rab tu gnas pa ni sgyu ma'i rang bzhin gsal bar byed pa'o/ /brgyad pa'i dbyangs dang yang dag ldan ni e yig gi don no/ /de nyid ces pa ni ma yig go/ thig le dang bcas pa ni 'jam pa'i dbyangs kyi'o/ /lnga pa'i dbyangs ni u yig go/ des yang dag par ldan pa n 'jam dpal gyi'o/ /de nyid ni ma yig ste spyod pa rjes su son pa ni rnam sel gyi'o/ /sde tshan lnga pa'i gsum pa ni/ pa yig go/ yi ge gsum ni gshin rje mthar byed kyi sngags so/ /de bstan pa'i phyir thog mar zhes bya ba la sogs pa gsungs pa/ dgu pa'i dbyangs ni o yig go/ sku gsum du ni rnam par bsgom ni hUM yig go/ dang po dang bar ma thig le dang dag
- 384b
dang bcas par blta bar bya'o/ /sde ba tha ma'i gsum pas yig go/ sde pa dang po'i gsum pa ga yig go/ de nyid kyang bcom ldan 'das nam mkha' mdzod dang khro bo chen po stobs po che'i'o/ /rgyu dang bral ba nyid du gsal bar byed pa ni ha yig go/ dbyangs lnga pa ni u yig go/ rang gi rjes su nga ro bcas par shes par bya'o/ /nges yang dag par sbyar ba ni rdo rje tUM? mdzad kyi'o/ /sde pa bzhi pa'i dang po ni ta yig go/ me'i rab tu gsal bar byas pa ni ri yig rjes su son pa'o/ /bzhi pa'i dbyangs dang yang dag ldan pa ni yi yig ge don no/ /de nyid 'ba' zhig ces pa ta yig ni lha mo sgrol ma'i'o/ /bzhi ba'i gnyis pa ni tha yig go/ shes rab kyi pha rol tu phyin ma yi'o/ /thig le ste rjes su da ro'o/ /sgra ni rjes su sna ldan no/ /gnyis pa'i yi ge gsum pa ni dza yig go/ bzhi pa'i dbyangs ni a'i yig go 'di 'jig rten gsum las rnam par rgyal ba dang/ 'jig rten dbang phyug de'i'o/ /snying po la ched drag dang bcas pa nyid du khong du chud par bya'o/ /spyod pa'i gar mkhan ming can zhes pa ni dang por gnas pa'i a yig go/ dgu pa'i dbyangs ni o yig go/ dbyangs chen ni la yig go/ sde tshan dang po'i dang po can gyi yi ger nges par dang po ni ka yig go/ oM yig dang bcas pa yang rang gi sngags su blta bar bya'o/ /sde chen lnga ba'i bzhi pa'i sa bon ni b+ha yig go/ sgyu ma'i chos la rab tu gnas shes pa ma yig go/ rgyu nye bar ma dmigs pa gsal byed ba ni ha yig go/ gnas pa'i dbyangs ni a yig go/ rang gi rjes su nga ro yang 'dir kun tu khong du chud par bya'o/ /snying po gzhan nyid kyang dge ba'i rdo rje bsgom par byed pa sngon ma can kyi rab tu sbyar bas chos kyi phyag rgya'o/ /rnam par snang mdzad la sogs pa de bzhin gshegs pa rnams dang rdo rje sems dpa' la sogs pa rnams dang sgeg mo la sogs pa brgyad po rnams dang lcags kyu la
- 385a
sogs pa bzhi po rnams kyis rdo rje ye shes zhes bya ba la sogs pa rnams so/ /la yig gis sbyar ba ni rdo brten par yid la bsam bzhin pas rengs par byed do/ /rang gi sa bon gnas pa ni ya yig gnas pa'o/ /de nyid zhes pa ni haM yig go/ rnam par snang mdzad mthun gnas las byung zhes pa ni rnam par snang mdzad dang mthun pa'i rnal 'byor la gnas pa'o/ /rgyu ni ha yig go/ drug pa'i dbyangs kyis ni u yig gis yang dag par sbyar ba'o/ /thig le dang sgra dang bcas pa ra la gnas pas 'grub par byed do/ /rlung gi dkyil 'khor du de'i sa bon gnas pas phye mar byed do/ /rdo rje gnas pa'am 'khor lo dbus su gnas pas rengs pa la sogs pa bya'o/ /dbang du byed zhes pa ni 'gugs par byed pa'o/ /snying gar zhes pa ni bsgrub par byed pa'i snying ga la'o/ /thob nas zhes pa ni spros nas so/ /bdag nyid bsgoms nas shes pa rtog pa'i gzugs su gnas byas nas shes pa dang sbrel lo/ /rlung gi sa bon tshon zhes pa ni ya yig gis bskor ba'i/ spyod pa'i steng du 'bar byas pa zhes pa ni ya yig go mthar A yig go /rlung la gnas pa me la gnas zhes pa ni rlung gnas pa dang me la gnas pa'o/ /sde tshan dang po'i dang por gnas pa ni ka yig go/ sa yig gi steng du gnas paS k+Sha yig tu 'gyur ro/ /sde tshon lnga pa'i tha ma ma yig go /dbyangs drug pa u yig go /nyi ma'i dkyil 'khor gyi dbus su son pa'i ra yig la gnas pas 'bar bar byed do/ /phyag rgya'i bdag nyid thams cad zhes pa ni rang gi lha'i rnal 'byor ji lta ba bzhin pas me'i mdun du gnas nas ni zhes pa me'i dkyil 'khor la gnas pa'o/ /rgyu byed pa mtshungs pa ni hUM yig go/ ngag gi 'khor lo sgrub pa'i phyir dkyil 'khor ni gsung gi 'khor lo ni dkyil 'khor ro/ /
- 385b
chu'i dkyil 'khor bsams nas de la gnas pa'i ji ltar gsungs pa'i pad+ma'o/ /de la bdag nyid 'jam dpal lhag par g.yo ba'i 'od zer chen por bsgoms nas rang gi snying gar zla ba la pad+ma? de'i nang du de'i yang steng du dung brtag par bya'o/ /de nas rdo rje'i rtse bsgoms pa la sogs pa'i rim pas ji srid du ji skad gsungs pa'i wa yig ji ltar nges par bstan pa'i dus su bsgom par bya'o/ /de ltar byas pa ni sngon du bsnyen pa'o/ /pad+mas mtshan pa'i chu'i dkyil 'khor mngon par bris nas rnam par snang mdzad kyi rnal 'byor dang ldan pas de la skyil krung nye bar 'dug ste/ chos kyi dbyings thams cad du rang gi sku yis de bzhin gshegs pa rnams spros nas yang dag par bsdus ste? sku la sogs pa'i phyag rgya rnams rang gi sems la rab tu gzhug par bya'o/ /rang gi lus kyi dkyil 'khor la zhes pa ni rang gi snying gar zla ba'i dkyil 'khor la/ pad+ma'i ge sar nyid thig le ste/ de rnams las wa yig gi phreng ba'o/ /mgrin par bsdus nas dbyangs nyid du 'gyur ro/ /de nas mchog la gzhol bar lce ba'i yi ge nyid thob bo/ /de nas rdo rje'i rang bzhin gyi lce'i yi ge 'bar ba rnams kyis thams cad kyis thams cad du gsal bar byas nas don dam pa'i rdo rje'i gsung gi dbyangs kyis nam mkha' kun nas gang bar bzlas bar bya ste dngos grub kyi mtshan ma ji srid par ro/ /yang na de kho na bzhin chu'i dkyil 'khor la gnas pa'i rdo rje sems dpa' i rnal 'byor can gyi lce rdo rje'i rang bzhin can du bsam nas rang gi sting gar zla ba'i dkyil 'khor la a yig bsam ste/ de'i sde pa rnams kyang a yig la sogs pa'i mthar thug pa nyi ma'i 'od zer dang/ mtshungs pa dang ka yig la sogs pa'o/ /de'i 'bar ba rnams kyi rang gi don du spros pas lce'i mchog tu bra ba rnam par bkram pa'i rdo rje 'bar ba stong phrad?
- 386a
skad cig skad la 'byung bar bya'o/ /de rnams kyang yi ger gyur nas 'gro ba kun tu snang bar byas te slar yang byon nas gnas gnas su rgyun bzhin du rjes su 'jug par bsam par bya'o/ /rang gi lus la lha rnams lus can gyi gzugs brnyan no/ /sems phyag rgya legs par bsam pa byas nas sgra rnams mngon par mi gsal ba'i cha shas kyi yi ge dang/ de las gzhan pa'i rang bzhin lte bar son par lhag par mos pa'i rim pa las gsang sngags dang rig pa rnams snying gar 'jug par byed pa ji srid par ro zhes par ro/ /sgom par byed par brtan par byas nas sngar gsungs pa ltar chu'i dkyil 'khor la gnas nas rdo rje lcags kyu la sogs pa rnams kyis dgug pa la sogs ba byas nas bsgrub par bya'o/ /sangs rgyas kun nyid zhes pa ni rnam par snang mdzad la sogs pa'i de bzhin gshegs pa nyid do/ /yi ge zhes pa ni a yig go /de nyid ces pa'ang de kho na'o/ /de nas bcom ldan 'das zhes pa la sogs pa rnams kyis gtsug tor rnams dkyil 'khor gsal ba dang/ sngags kyi mdzod sgrub thabs kyi le'u gsal bar byed do/ /de la 'khor los sgyur ba'i sgrub thabs bstan pa/ de nas zhes bya ba la sogs pa gsungs pa/ de bzhin gshegs pa zhes pa rnam par snang mdzad du mthun sgrubs nas de'i gzugs so/ /de ji ltar bcom ldan 'das rgyan dang bcas pa dar la'i stod g.yogs dang smad g.yogs dang rin po che lnga'i cod pan dang/ ting nge 'dzin la gnas la de bzhin du/ 'di'ang sangs rgyas de'i gzugs 'chang ba'i phyi zhes gsungs so/ /rig pa'i rgyal po'i gzugs zhes khyad par gzhan bstan pa gsungs pa/ 'khor lo'i phreng bas rnam par brgyan zhes pa 'bar ba'i phreng
- 386b
bar gtu gsal ba dang chang pa 'chad par 'gyur ba'i 'bar ba dang bcas pa'i 'khor lo'i phreng ba'o/ /mdza' ru rin chen bdun zhes pa ni bdun gyis dbus su 'khor lo rin po che'o/ /de'i g.yas dang g.yas min ngag tu khyim bdag dang/ blon po dang/ glang po dang/ bcom ldan 'das de bzhin du rim pas bud med dang yid bzhin gyi nor bu dang/ myur 'gro rin po che gzhan rnams kyang ngo/ /ting nge 'dzin dang/ dran pa dang/ shes rab dang/ dga' ba dang/ brtson 'grus dang btang snyoms dang shin tu sbyangs pa ste/ byang chub kyi yan lag gi rim pas de byin gyis brlabs pa'i dbang du byas pa'o/ /g.yas pa'i gung mo gyen du bsgrengs pas gzung ba'i 'khor lor kun tu rtogs par bya'o/ /de gsungs par 'gyur ro zhes pa'o/ /dkyil 'khor gru bzhi pa'i dbus su ji skad du gsungs pa'i 'khor lo'i phreng ba de la bsdus pa la sogs pa byas nas phyag rgya chen po sgrub pa'i don du de dang gnyis su med par gyur pas gser la sogs pa'i 'khor lo la soD pa bsgom par bya'o/ /zhes pa'o/ /phyag rgya zhes pa ni 'khor lo'i phyag rgya'o/ /phra mo zhes pa ni phra mo nyid do/ /che dang ni chen po nyid do/ /dbang phyug ni khyab bdag go /dang dbang ni dbang phyug du gyur pa'o/ /dngos dgur sbyod pa ni ci ltar 'dod pa bzhin spyod pa'o/ /oM sarbA ta thA ga tA ga to uSh+NiSha zhes bya ba la sogs pa rnams kyis rtsa ba'i sngags kyis spyi bo la sogs pa byin gyis rlob pa'o/ /snying po snying po dang mchog snying po yang nu ma'i bar du yi ge'i gong bu dang snying ga'i 'khor lo'i lte ba la rab tu bzhag nas bzlas pa bsam par bya'o/ /de nas gzi brjid phung po'i sgrubs thabs nye bar bstan pa gsungs pa nyi ma'i dkyil 'khor zhes bya ba la sogs pa ste/ gru bzhi pas ljang gu skar ma la sogs pas
- 387a
rnam par mdzes pa ste/ nam mkha' i dkyil 'khor la mos par bya'o/ /gnyis su med 'byung ni gnyis su skye ba yod pa ma yin pa'i rnam pas bsam par bya'o/ /'khor los sgyur ba mchog tu 'bar ni de dang mtshungs pa'o/ /'khor lo'i dkyil 'khor dbus gnas par/ zhes pa nyi ma'i dkyil 'khor gyi dbus gnas pa'i 'khor lo'i lte ba la gnas pa'o/ /'char sha lta bu zhes pa ni dmar po'o/ /phyag rgya zhes pa ni gtsug tor gyi phyag rgya'o/ /de nam mkha' lta bur snying gar bsgom pa'o/ /rtsa ba'i sngags la sogs pa rnal 'byor dang bral ba yang ji lta ba bzhin gyi rnal 'byor ni thams cad du sngar bzhin du blta bar bya'o/ /bsam par bya ba thams cad ji lta ji bzhin pa'i rnal 'byor gzi brjid phung po la sogs pa rnams 'khor los sgyur pa bzhin du rgyan la sogs pa dang ldan par kun tu rtogs par bya'o/ /kun nas snang ba'i sgrub thabs bstan pa kun nas snang ba zhes pa la sogs pa gsang sngags yi ge gsum zhes pa yi ge gsum/ gtsug tor 'phags shing 'od gsal ba zhes pa ni gtsug tor rgyun du byung zhing 'od gsal ba'o/ /der rang bdag nyid de lha'i gzugs kyis so/ /chos kyi 'khor lo'i phyag rgya che zhes bya ba la sogs pa chos kyi 'khor lo'i sgrub thabs gsungs pa/ rnam pa bcu gnyis nyid gsal bar gsungs pa/ rnam gsum zhes pa la sogs pa ste/ 'di ni sdug bsngal bden pa'o zhes bya ba la sogs pa ste/ 'di ni sdug bsngal bden pa'o zhes bya ba la sogs pa can ni rnam gsum mo/ /de rnams kho na lan gsum du bskor bas yongs su bskor ba gsum mo/ /theg pa gsum ni nyan thos la sogs pa'i theg pa'i dbye bas so/ /chos kyi dbyings zhes pa ni nam mkha' i
- 387b
dbyings so/ /de kho na nyid du rnam par bzhag ba ci zhig bsgom par bya'o zhes na gsungs pa/ rten cing zhes pa la sogs pa'o/ /chos kyi phyag rgya che zhes pa ni chos kyi 'khor lo'i phyag rgya chen po'o/ /de nyid sangs rgyas byang chub te de'i rab tu sgrub par byed pa'o// nyon mongs rdo rje'i sgrub thabs ston par byed ba'i phyir pad+ma rA ga mtshungs zhes pa la sogs pa gsungs pa rnal 'byor sbyor pa'i mchog zhes pa lha'i rnal 'byor mchog tu 'phags pa rdo rje'i gzugs brnyan 'bar ba rdo rje'i nyon mongs sreg par byed pa'o/ /dgra las rgyal bar byed pa ni sdug bsngal la sogs pa'i bden pa'i ye shes thob par 'gyur ro/ /de bzhin gshegs pa thams cad kyi khu tshur gyi sgrub thabs bstan pa dbang chen dkyil 'khor zhes bya ba la sogs pa gsungs pa dbang chen gyi dkyil 'khor du rdo rje la gnas pa'i sangs rgyas kyi gzugs can de'i nga rgyal gyi bdud bzhi las rgyal bar lhag par mos nas sdug bsngal la sogs pa'i bden pa bzhi po de bzhin gshegs pa'i khu tshur gnyis kyis bdag nyid thams cad gzungs nas gnyis su med cing skye ba med pa'i rnam pas bsgom par bya zhing bsgrub par bya'o/ /gtsug tor gyen 'phags kyi sgrub thabs nye bar bstan pa dngos po thams cad gyen 'phags pa zhes bya ba la sogs pa gsungs pa dngos po thams cad gyen du 'phags pa zhes pa ni chos thams cad don dam par bsgoms pas bskyed pa'o/ /dkyil 'khor chen po ni dbang chen gyi dkyil 'khor ro/ /de la gnas pa'i rdo rje'i bdag nyid de/ gang gis thams cad rdo rje rdo rje'i bdag nyid do/ /gdugs dkar po'i sgrub thabs bstan pa gdugs dkar zhes bya ba la sogs pa gsungs pa gdugs chen po zhes pa ni/ gsungs chen po dkar po tshad pa skyob pa de zla ba'i dkyil 'khor gyi dbus su gnas par sgom pa de'i?
- 388a
dngos grub zhes pa dang sprel lo/ /ci bsgom par bya zhe na gsungs pa/ chu'i zhes pa la sogs pa ste/ de gsung bar 'gyur ba chu'i dkyil 'khor du re khA bdun gyis bskor ba'i dbus su gnas pa'i puN+Da rI ka la gnas par bsgom par bya'o zhes so/ /sngags rnams ni gsal ba'i dkyil 'khor la dgod par bstan pa sngags kyi yi ge zhes bya ba la sogs pa gsungs so/ /gtsug tor rgyal ba'i sgrub thabs nges par bstan pa 'bar ba'i phreng 'khrugs zhes bya ba la sogs pa gsungs ba/ rang nyid gtsug tor rgyal pa'i rnal 'byor dang ldan pas de'i nga rgyal gyis sing ge'i zla ba'i ral gri la gnas pa'i sngags kyi yi ge nges par phyung bas rgyal ba'i gtsug tor gyi gzugs kyi tshogs kyis nam mkha' i mthengs? rnams bkang la gcig du dmigs nas bsgom par bya zhing bsgrub par bya'o/ /kun tu gtsug tor gyi sgrub thabs des par bstan pa sangs rgyas kun dang gnyis med zhes bya ba la sogs ba gsungs pa/ de dag 'chad par 'gyur ro/ /seng ge'i khri la bzhugs pa ji ltar rang gi dkyil 'khor gyi rnam pas lha dang gnyis su med par bsgoms te/ snying gar rang gi sngags 'bar bar rnam par bkod de/ bsgoms pas kun gyi gtsug tor sgrub par bya'o zhes bya'o/ /kun gyi gtsug tor gyi sgrub pa'i mthar thug pa 'dis ni zhes pa kun gyi gtsug tor gyi sgrub thabs so/ /yi ge drug pa'i gtsug tor gyi sgrub thabs zhes pa ji srid pa'o/ /rdo rje snying po rgyan du gtsug tor rnams thams cad kyi sgrub thabs rnam par 'byed pa'o/ /da ni de nas bcom ldan 'das zheS bya ba la sogs pas byang chub sems dpa' rnams kyi sngags la sogs pa'i cho ga rgyas par bstan pa dang/ dkyil 'khor gsal bar byed pa gsungs pa/ bdag nyid byin gyis brlabs pas ni de rnams bcug ste bcom ldan 'das
- 388b
rang gi yon tan nyid du byin gyis brlabs so zhes pa'o/ /'jam pa'i dbyangs kyi sgrub thabs nye bar bstan pa shes rab ye shes bya ba la sogs pa gsungs pa/ shes rab ye shes kho na/ rdo rje chen po ste rdo rje rtse lnga pa ste snying gar zla ba'i dkyil 'khor du bsgom par bya'o/ /mthas klas pa la gnas pa ni 'od gsal ba'i dkyil 'khor ngo/ /dbang chen me la yang dag 'byung ba ni dbang chen la gnas pa'i me'i dkyil 'khor la gnas pa'o/ /mngon shes drug pa nyid kyis zhal drug pa'o/ /sngags kyi yi ge drug nyid kyis yi ge drug pa'o/ /rjes su dran pa drug gi rnal 'byor gyis phyag drug pa ste/ gnyis kyis bgrang phreng dang chu skyes sngon po la bsnams pa'o/ /gnyis kyis rdo rje dang 'khor lo bsnams pa /gnyis kyis sta re dang thod pa bsnams pa'o/ /yang na zhes bya ba la sogs pa 'di kho na'i ting nge 'dzin ni gzhan ston par byed do/ /'das zhal gcig par yang brjod par byed do/ /bsam bya zhes pa kun nas mngon du bya'o/ /rnam thar gsum gyi sgo la gnas zhes pa ni stong pa nyid la sogs pa'i rnam par thar pa'i sgo? gsum ni zhal lo/ /pha rol phyin drug mchog du gsal zhes pa ni rim pa las a la sogs pa pha rol phyin pa'i yi ge'o/ /ci ltar bsgom par bya zhes ni shes rab de? zhes pa la sogs pa de 'chad par byed do/ /ji ltar dkyil 'khor du gdan la 'dug nas lha'i rnal 'byor byas pa de'i nga rgyal lam de kho na nyid sngon du byed pa sngon 'gro pas ji lta ba bzhin du bsgom par bya'o zhes pa'o/ /pad+ma da ga zhes pa la sogs pa rnams kyis 'jam dpal ston par byed do/ /'di yang ral gri 'dzin pa tshangs par spyod pa'i rang bzhin/ /? yig kyang 'di'i sngags so/ /'khor ni shes rab gyi gzugs so/ /'jig rten dbang phyug gi sgrub thabs nye bar bstan pa snying?
- 389a
gar zhes pa la sogs pa gsungs pa snying gar pad+ma 'dab ma brgyad la gnas pa'i zla ba'i dkyil 'khor la gnas pa'i pad+ma 'chang ba'o/ /zhes rtogs par byas pa'o/ /phyag bzhi zhes pa ni gnyis pad+ma kha 'byed cing snyems pa 'chang ba'o/ / gnyis kyis pad+ma'i bgrang phreng dang ril pa spyi rlugs 'dzin pa'o/ /g.yon pa dag pad+ma dang ril pa spyi blugs su 'dzin pa'o/ /g.yas pa dag dbyug pa dang bgrang phreng gi srang bu 'dzin pa'o/ /ri dags e Ne ya'i pags pa 'phyang ba chur ni dkyil 'khor chen po la zhes pa zla ba'i dkyil 'khor la'o/ /chos kyi dbyings las yang dag byung ste stong pa nyid las nges par skyes pa'o/ /snying gar yongs su bsgom par bya zhes pa ni snying khar zla ba la pad+ma 'bar ba'i phreng ba 'khrugs pa ni 'bar ba'i phreng ba rab tu gsal bas bskor ba'o/ /'jig rten gsum rgyal bstan pa chos kyi dbyings zhes pa la sogs pa gsungs pa/ snang ba'i dngos po ni rab tu gsal ba'o/ /mi snang ba'i dngos po ni mi snang ba'o/ /de bzhin du 'jig rten gsum las rnam par rgyal ba'i sku rnams kyis spros nas mdun du yang dag bar bsdus nas legs so zhes bya ba'i sbyor bas dgug pa la sogs pa can du byas la yang dang yang du bsgom pas bsgrub par bya'o/ /rdo rje hUM mdzad kyi sgrub thabs bstan pa thams cad rdo rje'i rang bzhin zhes pa la sogs pa gsungs pa/ thams cad rdo rje'i 'bar bas 'khrugs pa zhes pa ji srid par ro/ /nor bu yang dag 'byung zhes pa ni 'bar ba dang bcas pa'i rin po che brgyad pa de'o/ /de'i zhes pa ni rin po'i che'i dkyil 'khor gyi'o/ /de 'dra zhes pa rin po che'i dkyil 'khor dang mtshungs pa'i'o/ /de'i dbus su ji ltar nges par bstan pa ni rnam pa bzhin g.yon pa bsnyems pa dang bcas pa dang g.yas pas thu?
- 389b
kar 'bar ba dang bcas pa'i rdo rje gsor ba'o/ /rdo rje hUM mdzad du bdag nyid bsgom par bya'o/ /thugs kar son pa'i zhes pa la sogs pa rnams kyis 'dod pa'i rgyal po'i sgrub thabs ston par byed do/ /khrag mdog dmar po phyag bzhi pa ste/ gnyis kyis gzhu dang mda''dzin pa gnyis kyis bsnyems pa dang bcas pa dang rdo rje gsor ba la brtson pa'o/ /byams pa'i bsgrub thabs bstan pa dbang chen zhes pa la sogs pa gsungs pa/ snying gar zla ba'i gzugs brnyan zhes pa ni snying gar zla ba'i dkyil 'khor 'dzin pa'o/ /rdo rje 'bar ba'i phreng ba bcas zhes pa ni zla ba'i dkyil 'khor de nyid 'bar phreng ba dang bcas pa'i rdo rje'o/ /gcig par byas nas shes pa ni khyab pa'o/ /rang bzhin zhes pa ni rang gi lus kyi rdo rje rnams kyis sems can rnams la spro zhing dbang bskur ro/ sems can thams cad bdag nyid du gyur ba 'di'o zhes pas sems can kun bdag nyid do/ /mngon par dbang bskur zhes pa dbang bskur ba rdzogs par bya ba'i don no/ /yang na zhes pa la sogs pas bsgom pa gzhan ston par byed do/ /sems can rnams thams cad la bu gcig pa la sogs par mos nas mi 'pham pa dang gnyis su med par gyur pa de pa'o zhes pa'i nga rgyal gyis bsgom par bya'o/ /thim pa ni yid kyis gcig tu dmigs pa nyid do/ /la sogs pa'i sgras dmigs pa dag gzhan 'pho ba'o/ /phyogs kyi dbye bas zhes pa ni phyogs gcig tu lhag par mos nas zhes bya ba la sogs pa rnams kyis so/ /pad+ma ra ga mtshungs pa'i 'od zhes ba ni de'i kha dog gi 'od kyi dkyil 'khor ro// dang po'i rnal 'byor zhes pa la sogs pa rnams kyis 'di'i sngags kyi sngon gyi ting nge 'dzin gyi rab tu sbyor ba nyid ston par byed do/ /gnyis pa yi ni phyi ma can du blta bar bya'o/ /byams pa'i rnal 'byor gyis zhes pa ni byams pa'i ting nge 'dzin?
- 390a
gyis so/ /nam mkha' i snying po'i sgrub thabs bstan pa nam mkha' i bzhes pa la sogs pa gsungs pa ste yang dag bsam zhes pa ni lhag par mos nas so// chos bdag med pa bskyed ba zhes pa ni steng pa nyid kyi ting nge 'dzin mngon du byas nas so/ /nam mkha' i 'od zer rnams ni baiDUrya'i 'od zer rnams so/ /nam mkha' mnyam pa zhes pa ni rang bzhin gyis stong pa'o/ /bdag gi de nyid zhes pa ni nam mkha' i snying po nyid do/ /ci 'dra zhig bsgom par bya zhe na /rin chen dkyil 'khor zhes pa'i? sogs pa gsungs pa/ rin chen rnal 'byor gyis shes pa rin po che spro ba dang bsdu ba'i rim pas so/ /kun tu bzang po'i sgrub thabs bstan pa'i phyir /sangs rgyas kun gyi rang bzhin zhes pa la sogs pa gsungs pa/ 'od bzang po zhes pa ni mdzes pa'i 'od do/ /mtshungs par bya zhes pa ni rang gi lus kyi phra rab ji snyed sangs rgyas thams cad kyi sku nyid du yongs su gyur par bya'o/ /dkyil 'khor 'khor lo 'khor bcas pa'i dkyil 'khor gyi 'khor lo'o/ /mtshungs bya ste/ zhes bzhi rang gi ba spu'i khung bu'i? grangs gang yin pa de rnams su gnas pas mnyam par bya'o/ /'di nyid zhes pa ni rang gi ming nyid do/ /sgribs pa thams cad rnam par sem? ba'i bsgrub thabs bstan pa/ bla pa'i dkyil 'khor zhes bya ba la sogs pa gsungs pa/ sngags kyi sbyor ba zhes pa ni gsang sngags kyi don sgom par byed pas so// thams cad bsgom par sbyor ba yis zhes pa lha dang bcas pa'i rang gi gzugs mngon du byed pa yis so/ /phyag rgya kun gyis zhes pa ni sku la sogs pa ni phyag rgya rnams kyis so/ thad du zhes ba rnam pa thams cad kyis so/ /mtshungs byas nas zhes pa ni gdod nas ma skyes pa la sogs pa'i rang bzhin gyi bdag dang rang gi lha tha mi dad par byas nas so/ /rjes su rnal 'byor gyis zhes pa ni lha nang du bcu gnas de'i
- 390b
nga rgyal gyis so/ /me'i yongs su bskor ba zhes ba ni me la dbang chen du de zla ? gnas pa'o/ /sa'i snying po'i sgrub thabs bstan pa dbang chen dang zhes pa la sogs pa gsungs pa rdo rje'i ni dbus na gnas zhes pa dbang chen dang rdo rje de la pad+ma gnas pa'o rdo rje'i phyag rgya snying gar gnas zhes pa ni thugs kar zla ba'i dkyil 'khor la rdo rje'i phyag rgya de'o/ /blo gros mi zad pa'i sgrub thabs nye bar bstan pa'i phyir mi zad zhes pa la sogs pa gsungs pa 'dis 'di dag ston par byed do/ /de bzhin gsheD pa'i zad pa med pa zag pa med pa'i dbyer med pa'i shes rab kyi rang bzhin 'dis bcom ldan 'das/ /me'i dkyil 'khor ni me lha'i dkyil 'khor de la zla ba la gnas bar bsam par bya'o/ /nam mkha' mdzod kyi sgrub thabs bstan pa thams cad gtong ba zhes ba la sogs pa gsungs pa/ me long lta bur byang chub sems zhes pa ni zla ba'i dkyil 'khor ro/ /rdo rje'i rnal 'byor bdag zhes pa ni lha dang dbyer mi phyed pa'i nga rgyal can no/ /mkha' la rin chen 'byung gnas shes pa stong pa nyid bsgom pa sngon du 'gro bas rin po che'i mtshan ma rmad du byung ba'o/ /lag na rin chen gyi sgrub thabs nye bar bstan pa rin chen dkyil 'khor zhes pa la sogs pa gsungs pa/ rin chen dkyil 'khor las byung zhes pa rin po che'i 'od zer 'bar ba las rdzogs pa/ rin po che'i gzi brjid kyi mchog rin po che'i 'od gsal ba'i dkyil 'khor ro/ /rdo rje'i rnal 'byor gyis shes pa rang lha dang dbyer mi phyed ba'i rab tu sbyor bas so/ /dbang chen las yang dag 'byung /? pa dbang chen gyi dkyil 'khor la gnas pa'i me'i dkyil 'khor la rnam par gnas pa'o/ /blo gros rgya mtsho 'di sgrub thabs nye bar bstan pa chos dbyings zhes pa la sogs pa gsungs pa/ chos dbyings mnyam pa zhes
- 391a
bdon dam pa gnyis su med pa'o/ /bdud rtsi'i chu yis yongs su bkang ba zhes ba ni kun rdzob tu bdud rtsi'i rang bzhin gyi mtsho'o/ /der pad+ma gcig rnam par gnas pa'o/ /chu lha'i lus zhes pa ni chu lha'i dkyil 'khor ro/ /rtse mo brgyad byung zhes pa ni rtse mo brgyad dang ldan pa'o/ /rdo rje snying po'i sgrub thabs bstan pa'i phyir/ dbang chen dkyil 'khor zhes bya ba la sogs pa gsungs pa gang gang la sogs par spron gtug cing mtho ba zhes pa ni sprin bzhin du mtho ba'o/ /snying gar rdo rje zhes pa ni snying gar zla ba la rdo rje dang bcas pa'o/ /dgug zhes pa la sogs pas gnyis su med pa nyid du bstan no zhes pa'o/ /rdo rje da zhes pa ste rdo rje snying po nga'o/ /bdag gi rnal 'byor gyis shes pa ni de dang gnyis su med pa'i rnal 'byor gyis so/ /rdo rje nyid gyur zhes pa ni rdo rje snying po'o/ /bye mo drug zhes pa ni gnyis kar du rtse mo gsum pa can no/ /rin chen 'byung gnas kyi sgrub thabs bstan pa dbang chen me lha zhes pa la sogs pa gsungs pa/ gnas zhes pa ni pad+ma'i gnas la nor bu dang zla ba'i dkyil 'khor gyi gdan la'o/ /mkha' 'dra'i rnam pa zhes pa ni bai DU rya'i rnam par ro/ /snying gar gnas zhes pa ni snying gar zla ba'i dkyil 'khor la gnas pa'o/ /rin chen rnal 'byor gyis zhes pa ni rin chen 'byung gnas dang gnyis su med pa'i rnal 'byor gyis so/ /thams cad rnal 'byor gyis zhes pa ni rin po che thams cad kyi tshar 'bebs pa'i sbyor bas so/ /rdo rje snying bo rgyan du byang chub sems dpa' thams cad kyi sgrub thabs rnam par 'byed ba'o/ /khro bo dang gzungs thams cad kyi phyag rgya dang dkyil 'khor nye bar bstan pa de nas bcom ldan 'das zhes pa la sogs pa gsungs pa me lha'i dbus nas dbus su zhes pa ni rlung gi dkyil 'khor gyi dbus su me la khro bo thams cad
- 391b
ces pa g.yas brkyang dang g.yon brkyang gis kun nas gnas ba/ mdung dang dbyug pa la sogs pas rab tu 'joms par byed pa'i rang gi rang bzhin can no/ /gang 'di'i dkyil 'khor du rdo rje hUM mdzad la sogs pa rnams nye bar dgod pa yi ge gcig zhes pa la sogs pa gsungs pa hUM yig gis bcom ldan 'das rdo rje hUM mdzad dgod ste de'i gzugs ni 'chad par 'gyur ba nyid kyi phyir 'dir ma bstan to/ /de nyid zhes pa ni yi ge gcig pa'o/ /dbyangs bdun pa ni e yig ste des rnam bar rgyal ba ni he ru ka'i sngags so/ /dpal he ru ka kho na rdo rje chen po dang dbye bar byar med pa nyid kyi phyir ro/ /'jig pa'i thal ba mchog tu 'bar zhes pa ni zad pa'i dus rten gyi thal ba'i mdog go/ sngon po 'bar ba'i rang bzhin zhes pa ni /'od zer sngon po'i dkyil 'khor ro/ /me 'bar gsal ba'i dkyil 'khor zhes pa ni de nyid rab tu gsal ba'i dkyil 'khor 'bar ba yang dag par tshogs pa'o/ /'jigs pa chen po'i dus can gyi char sprin dang ni 'dra ba'i 'od ni sku la'o/ /de nyid la ba spu'i khung bu so so rnams su dmar po 'bar ba 'khyil cing bral bas kun nas 'bar ba'i rdo rje dang thod pa'i cod pan can/ rgod mkha' i me bzhin rnam par 'jigs par byed pa'o/ /rab 'bar bar snang bar gar mdzad pas zhes ba ni rab tu 'bar ba'i lta bas rnam par spyod pas byed pa sems kyis so/ /gcig can gyur pas zhes pa ni gar gyis mnyes par byas pa nyid kyis so/ /de nyid bcom ldan 'das rnal 'byor te zhes pa ni rnal 'byor gyi dbang phyug chen po'o/ /phyag drug rnams kyis ni g.yas pa dang g.yas min rnams mdung dang dbyug pa dang/ /thod pa dang rdo rje dang dgra sta? dang hUM mdzad kyi sor mo'i mtshan ma rnams su shes par bya'o/ /snying po dang nye ba'i snying po dang rtsa ba'i sngags rnams rim bas/ /oM A(rgyud 'grel): hUM zhes bya ba la sogs pa rnams so// thugs rje'i
- 392a
khro bo blo ldan ni sangs rgyas de rnams kyi dang tshul gzhan don gyi mtshan nyid nye bar spyod pa'o zhes pa'o/ /ji srid tu khro bo'i gzigs pa ni utpal sngon po'i kha dog go/ dmar po 'bar bcas ni 'od dkyil 'khor ro/ /sangs rgyas kyi cod phan can /rdo rje dang dbyug pa la sogs pa'i mtshan ma can no/ /de'i khro gnyer bsnyer ba ni smin ma dmar po gnyis gnyer ba'o/ /skad cig skad cig la 'byin par byed pa bsgom par bya'o/ /rdo rje sems dpa' zhes pa dbye bar byar ming pa'i sems dpa' o/ / chu'i gnas su me la rnam par gnas pa'i g.yas pa dang g.yas min dag gis pad+ma dang rdo rje dang hUM mdzad kyi sor mo'i mtshan ma can gyi bcom ldan 'das rta mgrin no/ /thams cad slong pa zhes pa'i slong ba'i dngos sgrub po/ /kun sbyor bdag gi rnal 'byor gyis zhes pa ni rdzogs pa'i sangs rgyas dang gcig pa can du bsgom pas rlung gi gnas su me'i dkyil 'khor gyi dbus su ston pa'i g.yas pa dang g.yas min dag gis ral gri dang zhags pa 'dzin pa'i bcom ldan 'das mi g.yo pa'o rdo rje snying po brgyan du khro bo'i dkyil 'khor rnam par 'byed pa'o/ /gzungs ma'i dkyil 'khor gyi skabs de nas bcom ldan 'das zhes bya ba la sogs pa gsungs pa gzungs ma'i dbang phyug rgyal po zhes pa ni rnam par snang mdzad do/ /shes rab kyi pha rol tu phyin pa'i dkyil 'khor nye bar bstan pa de nas bcom ldan 'das zhes bya ba la sogs pa rdo rje nyid rin po che ste de rnams kyis 'dab ma'i phyi rnams su brgyan pa'o/ /sna tshogs las 'dra bar rnams la zhes pa 'dab ma kha dog sna tshogs pa rnamS su shes rab 'od kyi pha rol tu phyin ma ni sgrub par byed pa'i thabs nyid kyi phyir shes rab kyi pha rol tu phyin pa'i sgo rnams te oM bo d+hi tsit+ta badzra zhes bya ba la sogs pa'i tshig rnams so/ /phyogs cha'i dbye ba ni yi ge de dang de rnams seng po la sogs pa'i kha
- 392b
dog rnams su/ shes rab 'od kyi dkyil 'khor gyi zhes pa ni ral gri'i 'od zer gyi 'khor lo rnams so /de dag kun zhes pa ni gang 'od kyis snang bas gyur pa de'o/ /lha'i gzugs dang yang dag mtshungs zhes pa ni shes rab kyi pha rol tu phyin pa'i gzugs nyid kyis yongs su gyur pa nyid do/ /sngags kyi dkyil 'khor zhes pa ni oM bo d+hi tsit+ta badzra zhes pa la sogs pa'o/ /kun tu zhes bya ba la sogs pa rnams kyis 'di'i khyab pa nyid ston par byed do/ /grol ba de srid du sgrib pa med pa'i sems can rnams la de rnam par gnas so/ gang gi phyir sgrib pa dang bcas pa rnams la ci lta ba zhe na gsungs pa kun rdzob dang zhes bya ba la sogs pa ste/ rab tu brtag ces pa ni rnam par bzhag pa'o/ /de 'chang bar 'gyur ba dag pa'i rtag tu sems can rang bzhin med pa 'am/ zag pa med pa la sogs pa'i yon tan dang ldan pa'o/ /sgrib pa dang bcas pa'i brgyud rnams ci dbang po dang gshin rje la sogs pas bcings pa nyid kyi phyir rig byar rnam par bzhag go zhes pa'o/ /de nyid kyi nus pa gsungs pa/ ji ltar bud shing zhes pa la sogs pa ste/ thams cad du sems can rnams thams cad la zhes pa la sogs pa rnams kyi dkyus ma'i don nye bar bsdu bar byed do/ /kun mkhyen ye shes kyis zhes bya ba zhes gsungs pa'o /de'i dpe rnams kyis yang dag pa'i don gang yin pa gsungs pa rnal 'byor ye shes zhes bya ba la sogs pa ste/ shes rab kyi pha rol tu phyin pa bsgoms te zhes pa ni shes rab kyis pha rol tu phyin pa nyid do/ /bsam bya zhes pa ni mngon du phyogs par bya'o/ 'di'i yi ge de kho na nyid zhes pa ni gsungs pa'i don nye bar sdud par byed pa'o/ /de kho na yi ge bstan pa gsungs pa/ bzhi pa zhes pa la sogs pa ste 'di pa snying po'o/ /sngags kyi sgras snying po dang nye pa'i snying po la yang blta bar bya'o/ /sangs rgyas spyan kyi sgrub thabS
- 393a
nye bar bstan pa'i phyir gnyis pa zhes pa la sogs pa gsungs pa rnal 'byor ma rnams kyi zhes pa ni gzungs ma rnams kyi'o/ /dbang chen yi ge'i mthar thug pa zhes pa ni rang gi sngags kyi yi ge ser po dang ldan pa'i 'od kyi dkyil 'khor gyi mthar thug pa'o/ /spyan gyi phyag rgya ni mi gsum pa'i phyag rgya'o/ /gos dkar mo'i sgrub thabs bstan pa chu'i dkyil 'khor zhes pa la sogs pa gsungs pa/ sngags kyi yi ge'i phreng ba che zhes pa ni rang gi sngags kyi yi ge'i rgyan cing 'od gsal bar rab tu 'byung? zhing thim pas so/ /pad+ma'i dkyil 'khor ni chu'o/ /de la sgrub pa'i thabs ni zla ba la sogs pa rnams kyis so/ /'phags ma sgrol ma'i sgrub thabs nges par bstan pa sngo bsangs shes pa la sogs pa gsungs pa/ sngo bsangs dkar mo zhes pa bri yang ku'i kha dog go/ zla ba'i dkyil 'khor dbus gnas pa zhes pa pad+ma dang zla ba'i dkyil 'khor la gnas pa'o/ /rol pa yi ste sngags kyi yi ge de kho na mchod bzhin pa de rnams kyis so/ /chos kyi phyag rgya zhes pa sngags so/ /mdza' yas mchog zhes pa thog ma dang tha ma med pa'o/ /khro gnyer can gyi sgrub thabs nye bar bstan pa dkyil 'khor chen po'i dbus zhes pa la sogs pa gsungs pa zla ba'i dkyil 'khor dbus zhes pa ni pad+ma la gnas pa'i zla pa'i dkyil 'khor gyi dbus so/ /phyag bzhi zhes pa ni bgrad? phreng dang chu skyes dang mchog sbyin dang spyi blugs 'dzin pa'o/ /sngags kyi phreng bas rnam bar brgyan zhes pa ni 'od kyi dkyil 'khor du rang gi sngags kyi phreng bas brgyan pa'o/ /mA ma kI'i sgrub thabs bstan pa nyi ma'i dkyil 'khor dbus shes pa la sogs pa gsungs pa rdo rje bcas zhes pa ni/ dbus su gnas pa'i rdo rje pa'o/ /rdo rje'i phreng bas kun tu bskor zhes pas rdo rje'i phreng ba bcings pa'o/ /gzi brjid dkyil 'khor bskor ba'o/ /zhes pa ni 'od zer dang bcas bzhin
- 393b
pa'o/ /phyag bzhi zhes pa ni g.yon pa dag gis rdo rje dang spyi blugs 'dzin pa/ g.yas pa dag gis mchog sbyin dang bgrang phreng 'dzin pa'o/ /sngags kyi yi ge'i phreng ba zhes pa rang gi sngags kyi yi ge'i phreng bas brgyan pa'i dkyil 'khor ro/ /rdo rje'i dbus su rab bzhugs zhes pa rdo rje la gnas pa'o/ /rdo rje me'i phreng ba che zhes pa la sogs pa rnams kyi ting nge 'dzin ni gzhan ston par byed do/ /rdo rje me ni rdo rje 'bar ba ste kho na phreng ba chen po gang yin pa de rdo rje me'i phreng ba che'o/ /rdo rje 'bar bas rnam par brgyan zhes pa ni 'od zer gyis bskor ba'o// sngags gnyis la rim pas ting nge 'dzin gnyis kyi ched du'o// //rdo rje lcags sgrog gi sgrub thabs nye bar bstan pa'i phyir rlung gi dkyil 'khor zhes pa la sogs pa gsungs pa/ nges na spros pa las sku zhes pa ni dbus su rab tu gnas pa'o/ /phyag bzhi zhes pa ni g.yon pa bsnyems pas rdo rje lcags sgrog 'dzin pa g.yas pas 'bar ba dang bcas pas rdo rje gsor ba gnyis dag gis kyang hUM mdzad kyi sor mo dang mchog sbyin pa'o/ /rdo rje'i brgyan zhes ba ni rdo rjes mtshan pa'i rgyan gyis brgyan pa'o/ /rdo rje 'bar ba 'khrug ces pa'i 'od kyi dkyil 'khor du'o/ /de'i thugs kar rdo rje che zhes pa'i thugs kar zla ba la gnas pa'i rdo rje rtse lnga pas brgyan pa'o/ /'phags ma skul byed ma'i sgrub thabs bstan pa'i phyir ba'i dkyil 'khor dbus gnas pa zhes pa la sogs pa gsungs pa/ pad+ma dmar po rab tu gnas zhes pa ni zla ba'i dkyil 'khor du pad+ma de la gnas pa'o/ /pad+ma dang bgrang phreng gi srad bu dang lhung bzod dang mchog sbyin pa'i phyag rnams kyis phyag bzhi'o/ /mang po'i gzugs zhes pa ni dpa' ba' i dbye bas mdza' med pa'i du ma'i gzugs so/ /snying gar zla ba'i dkyil 'khor du rdo rje dang bcas pa'o/ /sangs rgyas bye ba phrag bdun gyi rang bzhin yin pa nyid kyi phyir sangs
- 394a
rgyas kun gyi bdag nyid skyes so/ /der bdag zhes pa ni sangs rgyas bye ba phrag bdun gyi rang bzhin yang dag par sgom par byed pa dang ldan pa'o/ /sngags kyi yi ge'i phreng bar ldan zhes pa ni 'od kyi dkyil 'khor du rang gi sngags kyi yi ge dang ldan pa can no/ /yongs gang ba zhes pa spros nas so/ /de'i zhes pa nam mkha' i khams su'o/ /'od zer zhes pa ni 'od zer ro/ /rnal 'byor ye shes ni sgom par byed pa'i rang bzhin de dang? nges nges par sprul pa'o/ /rdo rje snying po'i rgyan du gzungs ma'i dkyil 'khor rnam par 'byed pa'o/ /nga ni bcom ldan 'das rnam par snang mdzad kyi yon tan thams cad kyi bdag nyid can nye bar bstan pa sngags kyi de nyid nges par bstan pa gsang zhes bya ba la sogs pa gsungs pa/ me long la sogs pa'i ye shes bzhi po bdag nyid can nyid kyi phyir/ gsang ba la sogs pa'i rang bzhin byang chub kyi sems la rtag tu gnas zhes pa mi gnas pa'i mya ngan las 'das pas kun gnas pa'o/ /sangs rgyas kun gyi rgyu can nyid kyi phyir sangs rgyas kun gyi rang bzhin nyid kyi phyir/ sangs rgyas kun rang bzhin no/ /dbye bar byar med pa nyid kyi phyir rdo rje sems dpa' o/ /rang nyid mngon par byang chub pa'i phyir rang 'byung ngo/ /don dam pa cig po nyid kyi lhag pa'i lha'o/ /gdul bya sna tshogs pa nyid kyis lha gzhan sna tshogs pa'i mthar thug pa sprul pa sangs rgyas kun gyis te lha rnams thams cad kyis mnyam par sbyor ba ste/ gsal bar byed pa'o/ /mkha' 'gro ma ni mkha' spyod grub pa thams cad do/ /de dang de thams kyi dra ba ni tshogs so/ /de'i rang bzhin ni shes? bde ba mchog tu bya ba'i rang bzhin ni shes? bde ba mchog tu bya ba'i phyir zhes pas sangs rgyas thams cad mnyam par sbyor ba/ mkha' 'gro ma'i dra ba sdom mo/ /sems can gyi don gyi dbang nyid kyi phyir dang/ don dam par ni 'dod chags la sogs?
- 394b
pa med pa'i rang bzhin no/ /bud med kun ni las thams cad kyi phyag rgya chen po'i rang bzhin kho na'o/ /sgyu ma zhes bya ba la sogs pa ni sgyu ma'i rang bzhin don dam bar med pa can no/ /gal te de ltar na don dam par chen po ni gang phyag rgya ni ci brtag par bya'o zhes gsungs pa thams cad mtshungs pa nyid ces pa la sogs pa'o/ /ci'i phyir khyad par du 'phags zhe na gsungs pa/ ci'i phyir na rang bzhin gyi ni rang bzhin gyi ni ma byas pa'o/ /gang gis na nus pa yis ni'o/ /rang bzhin nyid kyis te rang bzhin kho nas de 'grub po zhes sbrel lo/ /de'i phyir yang 'dis bud med ste lha rnams skur bar bya ba yin no/ /sdug bsngal gyis spyod par byed pa de mgu bar byed de zhes pas ngan spyod do/ /thams cad bud med sgyu mas 'grub ste lha'i phyag rgya'i gzugs kyis yongs su gyur pa'o/ /rang gi ngo bo yongs sgyur ba ni bdag med pa'i ngo bo khyad par du dam bcas pa rnams kyis so/ /sna tshogs zhes pa ni rang bzhin du ma rnams kyi'o/ /de bzhin thams cad du sna tshogs phyag rgya ste rnam pa sna tshogs pa'i phyag rgya'o/ /kun la sna tshogs sdom pa yis ni rang bzhi dum bde ba'i mchog gis so/ /sangs rgyas kun gyi rnal 'byor chen po'i bdag nyid can gyi don dang rjes su mthun pa de srid du bcom ldan 'das phyag rgya la sogs pa'i gzugs nyid du kun tu bstan te 'jig rten las 'das pa dang 'jig rten pa thams cad kyi nang dang phyi rol gyi dngos po'i rang bzhin nyid du bstan pa'i kun la zhes pa la sogs pa gsungs pa kun la ni yul la'o/ /kun nas ni rang rang gi lha'o/ /kun tu ni dngos po'i/ /kun gyi rnam pa ni thams cad kyis rnam pas so/ /kun cho ni dus thams cad kyi che 'o/ /rang nyid ni bdag nyid ste lha thams cad do/ /bstan pa ni ri la sogs pa rnams so/ /g.yo ba ni mi la sogs pa rnams so/ /thams cad dngos po ma lus pa'o mdor bstan pa 'di kho na'i rgyas par
- 395a
bshad pa gsungs pa sems dang zhes pa la sogs pa nas kun tu de bzhin mdza' yas mchog/ chos dbyings mnyam dang mi mnyam pa/ zhes pa ji srid par ro/ /rdo rje snying po'i rgyan du sngags kyi de nyid rnam par 'byed pa'o/ /da ni shes rab kyi sgo rtsa ba'i rgyud nye bar bsdu ba de nas bcom ldan 'das zhes bya ba la sogs pa gsungs pa/ /bcom ldan 'das zhes pa rnam par snang mdzad la gsol pa btab pa dang ldan pa'o/ /ting nge 'dzin las snyoms par zhugs nas 'phags pa 'jam dpal la theg pa chen po mngon par rtogs pa zhes bya ba'i dkyil 'khor yod pa nyid gsal bar bya ba'i phyir cad mi gsung ba ni ji ltar gsungs pa'i rim bas rnam snang ting nge 'dzin mngon du mdzad nas lha'i gnas su gdan bskyed ste bsrung ba byas nas bdag la don 'di bag la de bzhin gsheD pa thams cad kyis gsol ba btab cing ji srid du 'jaM? dpal gyiS gsol ba btab par dgongs nas slar yang de bzhin gshegs pa thams cad rdo rje'i rnal 'byor gyi dbang phyug nyid du byin gyis brlab pa'i phyir de bzhin gshegs pas? thams cad bsdu ba'i don du 'jam dpal la bka' stsal to/ /de bsdus pa'i de bzhin gshegs pa thams cad kyis lhan cig tu yang dag par mchod de/ de dag rdzogs pa'i rdo rje blo'i ye shes de bzhin gshegs pa thams cad nyid kyi bdag nyid du byin gyis brlabs pa'i phyir/ de bzhin gshegs pa thams cad kyis lhan cig pa'i 'khor los sgyur ba'i thugs kar byin gyis brlab ste thugs ka'i dpal be'u sngags kyis bskor ba rnams la sgo bzhi po slar yang shin tu dga' ba rnam par dag pa'i gnas shes pa la sogs pa shes rab kyi pha rol tu phyin pa'i gnas rnams kyi rang chos kyi dbyings rnam par dag pa khong du chud par byas nas slar yang rnam par snang mdzad chen po'i dkyil 'khor
- 395b
rdzogs nas sdud pa la sogs pa sngon ma can gyi lha rnams rang gi las la legs par sbyar bar bya'o zhes pa ni sngon du bya ba'i rim pa'o/ /de bzhin du gzhan du yang rnal 'byor ji lta ba bzhin du bshad pa rim pa rnam par rtog par bya'o/ /rdo rje rnal 'byor gyi dbang phyug ni rnam par snang mdzad de bzhin gshegs pa rnams thams cad kyi kun tu mnyam pa nyid de la ting nge 'dzin gang gis dmigs par bya ba de de bzhin gshegs pa thams cad kyi mnyam pa nyid la dmigs pa'o/ /de nyid dbyer mi phyed pa nyid kyis rdo rje ste de la de skad ces bya'o/ /de bzhin gshegs pa thams cad kyi thugs zhes pa rnam par snang mdzad dbyer med pa'i thugs la'o/ /de bzhin gshegs pa rnams thams cad kyi theg pa chen po ni chos kyi dbyings rnam par dag pa'o/ /rtogs par bya'o zhes byas nas gang gi phyir de yang dag par rtogs shing khong du chud pa gang yin pa de la de bzhin du dkyil 'khor chen por brjod do/ /shes rab kyi pha rol tu phyin pa ni shin tu dga' ba rnam par dag pa'i gnas zhes bya ba la sogs pa'i gnas rnams so/ / de nyid thabs te sgo'o/ /gang gi dkyil 'khor zhes pa ni lus so/ /de bzhin gshegs pa thams cad kyi 'khor lo chos kyi dbyings rnam par dag pa'o/ /de byin gyis brlab par byed pa gang yin pa'i ting nge 'dzin ni de bzhin du brjod par bya'o/ /'od zer 'bar bas 'khrugs pa'i 'od zhes pa ni phyi rol gyi rab la 'od zer 'bar ba dang ldan pa'o/ rdo rje snying pos yongs su bskor zhes pa ni sna tshogs rdo rje'i phreng bas yongs su bskor pa'o/ /rin chen yang yin rdo rje yang yin pas ni rdo rje rin chen te/ de rnams kyis so/ /sna tshogs rtse mo ni ba dan bkra ba de rnams so/ /dril bcas ni bdag nyid bcings pa gang yin pa de la de bzhin du brjod par bya'o/ rlung gis bskyod pa'i mtshan ma yin pa nyid kyis rgyal mtshan nyid rlung gis bskyod pa'o/ /de rnams kyang?
- 396a
bsgreng ba gang yin pa de la rgyal mtshan gyen bsgreng rlung bskyod pa'o/ /de la yang ni chu'i dkyil 'khor la'o/ /de'i zhes bya ba ni gru bzhi pa de'i'o/ /'khor lo chen po zhes pa ni dkyil 'khor gru bzhi pa'o/ /cha brgyad kyis yongs su bskor pa ni dbus ma'i cha la bskor ba gang yin pa de cha brgyad rnams kyis yongs su bskor ba'o/ /rdo rje'i thig gis yongs su bskor zhes pa ni rdo rje phreng bas yongs su bskor ba'o/ /rdo rje'i dkyil 'khor zhes pa ni byang chub kyi gdan gru bzhi pa la /seng ge'i gdan la'o zhes pa ji srid pa'o/ /rdo rje chen po ni rtse mo lnga'o/ /rdo rje pad+ma ni dbyer mi phyed pa'i pad+ma ste/ de rab tu bzhugs pa gang yin pa la rdo rje che la zhes de bzhin du brjod do/ /gsang ba chen po zhes pa ni sde tshan dang po'i gnyis pa thig le dang bcas pa'o/ / zla bas brgyan zhes pa ni steng du gnas pa'i zla pa'i dkyil 'khor ro/ /de dag thams cad du yang dud la sogs pa dkar po'o/ /rdo rje phreng ba las rnam par spras zhes pa ni sna tshogs pa 'bar pa'i 'od kyi dkyil 'khor du rdo rje'i phreng bas rnam par brgyan pa'o/ /dpral ba'i steng dang mgrin par yang rin po che chen po'i phreng bas spras pa'o/ /sems ma rdo rje ma la sogs pa rnams ngos bzhi po rnams su dgod par bya'o/ /sde pa gsal byed ni ha ste rgyu zhes pas rgyu'i don brjod par byed do/ drug pa'i dbyangs kyis shes pa ni u yig gis so/ /thig le nA da rnam par brgyan ni rjes su sna ldan dang bcas pa'o/ /rten cing 'brel 'byung 'khor lo yi zhes pa ni 'dir rten cing 'brel par bya'o zhes pa'o/ /ye shes 'od zer zhes pa ni rin chen 'byung ldan no/ /'jig rten dbang phyug gi rgyal po ni 'od dpag med do/ /rdo rje rnam par gnon pa ni don yod grub pa'o/ /shAkya thub pa zhes pa rnam par snang mdzad do/ /phyogs thams cad mnyam pa nyid du dmigs nas zhes pa
- 396b
phyogs rnams kyi skabs ma yin pa med pa nyid du bsgom pa mngon du byas nas 'khod do ste nye bar bzhugs pa'o/ /thugs ka'i rdo rje las nges par byung nas zhes pa lhag ma'o/ /de rnams kyang sngon po dang ser po dang ljang gu rnams te gser dang chu skyes dmar po dang/ shel dang mar gang? kyi 'od can chu skyes dang zla ba'i dkyil 'khor la gnas par rig par bya'o/ /de bzhin gshegs pa thams cad kyi kun tu bzang po byang chub chen po'i sems dpa' ni rdo rje sems dpa' o/ /de nyid ni 'god bar bya ba ma yin pa nyid kyi dam tshig ste/ de'i 'byung ba'o/ /gang du na sems dpa' zla ba'i dkyil 'khor la'o/ /de byin gyis brlab par bya'o/ /gang gis ni rdo rje'o/ /de ni sems dpar byin gyis rlob pa'i rdo rje'o/ /de la dmigs pa'i ting nge 'dzin la yang de bzhin du brjod par bya'o/ /de skad ces bya ba la snyogs par zhugs nas te mngon du mdzad nas so/ /dkyil 'khor zhes bya ba ni zla ba'i dkyil 'khor gyi bdag nyid can byang chub kyi sems so/ /ye shes rnam dag pa zhes pa ni rdo rje'i bdag nyid can gnyis su med pa'i ye shes so/ /rdo rje sems dpa' nyid du gyur zhes pa ni rdo rje sems dpa' nyid kyis yongs su gyur pa'o/ /byang chub sems zhes pa stong pa nyid so sor rtog pa la sogs pa rnams su zla ba'i dkyil 'khor nyid do/ /rten bskyed nas ni yongs su rdzogs pa nyid do/ /sangs rgyas ye shes ni de la rdo rje bsgom par byed pa'o/ /brten pa nyid ni de'i nga rgyal byed pa'o/ /sangs rgyas kyi ye shes las nges par skyes pa'i sku ni sangs rgyas sku'o/ /de bzhin gshegs pa thams cad kyi thugs ka zhes pa ni rnam par snang mdzad kyi thugs ka'o/ /rig pa'i mchog zhes pa ni rdo rje dbyings kyi dbang phyug ma'o/ /rnam par snang mdzad zhes pa la sogs pa rnams kyis ji srid du dkyil 'khor thams cad byin gyis brlab
- 397a
par bya ba'am/ gang der byin gyis rlob par rab tu bstan pa'i sngags can yang byin gyis brlab pa'i don du 'di dag thams cad mngon du bya'o/ /de bzhin gshegs pa thams cad kyi thugs ka zhes pa ni rnam par snang mdzad dang thun pa'i thugs ka la'o/ /dkyil 'khor rnams thams cad du zhes pa ni mi bskyod pa la sogs pa'i dkyil 'khor gyi gzugs kyis te/ bdun pa ni gsum pa'i don nyid kyi phyir ro/ /rdo rje rnams kyi ni de bzhin gshegs pa thams cad rnams kyis mnyam pa nyid gang yin pa de rab tu spro ba ste rab tu gsal pa bya'o? gang gis ni snying po ste de de bzhin du brjod do/ /mtshams rnams thams cad du zhes pa ni sgo'i mtshams rnams su'o/ /rdo rje sgeg mo dang/ bdug pa dang lcags kyu la sogs pa rnaMs rim pas rdo rje sems dpa' dang rgyal po la sogs pa de'i kha dog go/ gzugs la sogs pa rnams mi bskyod pa la sogs pa'i kha dog/ rdo rje dri la sogs pa rnam pa shes pa dgos pa rgyas par bshad pa'o/ /rdo rje bdug pa dang me tog dang mar me dang dri'o? zhes pa ji srid par oM badzra gand+he hUM oM badzrA shi shai? de ho(rgyud 'grel): ho(rgyud 'grel): zhes pa'i sngags dag legs par bzlog ste blta bar bya'o/ /rdo rje phreng ba ma dang bdug pa la sogs pa'i rnal 'byor gyis brjod par byed pa'i phyir ro/ lha phyag rgyas mngon par rgyas gdab par bya ba ni shin tu dga' ba'i rdo rje snying po ste rang giS phyag rgya bcings nas gdon par bya'o/ /dkyil 'khor thams cad du zhes ni mi bskyed pa la sogs pa'i dkyil 'khor rnams su'o/ /sgo'i phrin las zhes pa ni bsdu ba dang bstod par byas nas shar la sogs pa'i sgo rnams su gnas nas dgug pa la sogs pa'i las 'di rnams bya'o/ /byang chub sems dpa' chen po rnams bzhag par bya'o/ /zhes pa ni snam bu la shar la sogs pa'i/
- 397b
phyogs nas brtsams te/ byams pa dang kun tu bzang po dang/ phyag na rdo rje dang/ rdo rje snying po dang/ nam mkha' i snying po dang/ lag na rin chen dang/ 'khor lo dang/ de la sogs pa ji ltar gsungs pa de la sogs pa rnams kyis de dag rab tu dbye bas so/ /rdo rje snying po'i rgyan du rnam par snang mdzad chen po'i dkyil 'khor gyi rnam par 'byed pa'o/ /rnam par snang mdzad dang mthun pa'i dkyil 'khor nges par bstan pa de nas rnam par snang mdzad zhes pa la sogs pa gsungs/ sum cu rtsa gnyis mchog tu 'bar zhes pa ni mtshan sum cu rtsa gnyis 'chang ba'o/ /gnyis pa'o zhes pa ni e yig go/ /'khor lo can zhes pa ni gtsug tor 'khor los sgyur ba'o/ /'khor lo zhes pa ni gru bzhi pa'i nang du chud pa'i re mig brgyad pa can 'bar ba dang bcas pa'o pad+ma'i rgyal po rab tu gnas ni sangs rgyas zhes pa lhag ma'o/ /dang po'i dkyil 'khor zhes pa ni chos kyi dbyings kyi dkyil 'khor ro/ //rdo rje hUM mdzad kyi dkyil 'khor nye bar bstan pa de nas zhes bya ba la sogs pa gsungs pa 'khor lo zhes pa ni rnam par snang mdzad dang mthun pa'i dkyil 'khor bzhin no/ /sangs rgyas phreng ba la sogs pas rgyan zhes pa sangs rgyas lnga'i cod pan no/ /dbyug pa dang ni zhags par brjod ces pa ni de nyid do/ /khro bo'i khu tshur nyid kyis lag pa gnyis mthe chung gnyis kyis phan tshun lcags sgrog tu mdud pa'o/ /bsdigs par mdzad ces pa bsdigs pa'i tshul gyis brtag pa sna tshogs par dgongs pa'o zhes so/ /rdo rje hUM mdzad zhes pa 'dir 'jig rten gsum las rnam par rgyal pa gang yin pa de'o/ /de ltar khro bo'i dkyil 'khor thams cad rnam par? bkod nas zhes pa 'dis he ru ka la sogs pa'i dkyil 'khor rnams su gtso po'i phyag rgya chen po'i dbus su bzhag par bya'o/ /de kho na'i phyag rgya rnams gzhoD
- 398a
thams cad du bzhag bar bya'o/ /mchod pa dang sgo pa yang ngo/ /'jig rten dbang phyug gi dkyil 'khor nges pa'o/ /bstan pa de nas zhes bya ba la sogs pa gsungs pa/ dkyil 'khor chen po chu'i dkyil 'khor zhes pa ni zla ba'i dkyil 'khor ro/ /phyag bzhi zhes pa ni gnyis dag gi bgrang phreng dang bcas pa'i mchog sbyin dang spyi blugs lag tu'o/ /g.yon pas bsnyems pa dang bcas pa'i pad ma'i sdong po dkur 'dzin pa g.yas pas de'i 'dab ma kha 'byed pa'o/ /sha Sha'i sde pa'i mdza' zhes pa ni ha yig go/ dbyangs kyi bzhi pa a'i yig ste/ des spyi bor mnan pa'o/ /me'i sa bon ra yig go/ thig le sgra ni mchog tu zhes pa rjes su sna ldan dang bcas pa'i pad+ma'o/ /mdun du pad+ma'o/ /g.yas su bgrang phreng ngo/ /rgyab tu dbyug pa'o/ /g.yon du spyi blugs so/ /de rnams thams cad kyang zla ba la gnas pa'o/ /mchod pa dang sgo ba ni thams cad du sngar bzhin no/ /nam mkha' mdzod dang rin chen 'byung gnas dang 'jig rten dbang phyug dang/ 'jam dpal dang/ ngan song kun 'dren dang blo gros mi zad pa dang/ sa'i snying po dang/ sgrib pa thams cad rnam par sel dang/ dra ba can gyi 'od zhes pa'i rim pas dgod par bya'o/ /sngar gsungs dkyil 'khor zhes pa chos kyi dbyings kyi dkyil 'khor ro/ /de'i tshogs zhes pa ni rang gi gtso bo'i rnal 'byor gyi sgo phye nas bsdu ba la sogs pa sngon ma can gyi phyag rgya bzhi'i rgyas btab ste dbang bskur zhing mchod pa'i mthar thug pa rdzogs nas zhugs te rang dbang bskur ba la sogs pa can rdzogs nas slob ma bcug ste 'jug pa la sogs pa rdzogs pa 'dis nye bar spyod pa thams cad kyis mchod par bya zhes pa ni nye bar bsdu ba'i
- 398b
dus su'o/ /de la dbang po nyid du zhes pa la sogs pa ni 'jug pa la sogs pa 'dus byas pa'i dus kho nar ro/ /nges shes pa ni slob dpon gyis so/ /skyil krung zhes pa ni rdo rje skyil krung ngo/ /gar sdud pa'i sbyor bas zhes pa ni rdo rje khu tshur gyis badzra satwA? ? kra hang? ces pa la sogs pa'i glu yis rdo rje'i gar sngon ma can gyis so/ /rab bkod phyag rgya thams cad du zhes pa ni gang gi lha gang yin pa'i nyams de dang der gnas pas 'di rnams kyi phyag rgya rab tu sbyar bar bya'o/ /bdag nyid rdo rje gar byas zhes pa 'dis phyogs gzhan ston par bya'o/ /ji skad gsungs pa'i nyams kun tu gnas pa sna tshogs pa'i rdo rje'i gar sngon ma can rang gi lha'i nga rgyal gyis so/ /phyag rgya bcings pa la 'ang mchog gi dngos grub tu 'gyur ro zhes pa ji srid par ro// skyil krung shes pa rdo rje'i skyil krung ngo/ /de'i phyed kyis shes pa ni rdo rje skyil krung gi phyed sems dpa' i skyil krung ngo/ /sdig pa'i rgyu can zhes pa ni sdig pa zhi ba'o/ /chos thams cad kyi rjes su 'jug pa zhes pa ni de dang de'i dngos po rnaMs thams cad la rjes su zhugs nas chos rnams chos rnams la 'jug pa'i ngang tshul lo/ /rab tu 'jug pa rnams kyi dga' ba med pa yang de rnams kyi mdangs dang bral ba ni sgrib pa thams cad rab tu bcom pa rnams kyi dbang po zhi bar blta bar bya'o// //rdo rje rin chen gyi dkyil 'khor bstan pa de nas zhes bya ba la sogs pa gsungs pa/ rin chen snying po'i zhes pa ni nam mkha' i snying po yi'o/ /rin chen pad+ma'i zhes pa ni 'dab ma sna tshogs pa'o/ /rin chen phreng bas rnam par mdzes shes te/ dbang bskur kun gyi mchog zhes pa ni cha brgyad kyi rin po che pa'o/ /yid bzhin nor bu dang shes la sogs pa rnams so/ /dkyil 'khor kun gyi grwa rnams kyi/ /gnas rnams su ni bzhag par bya/ zhes pa ni
- 399a
mchod pa dang sgo ba rnams so/ /sde pa bzhi pa'i dang po ni ta yig go /me'i sa bon ni ra yig go /dbyangs kyi gnyis pa yis zhes pa ni A yig gis so/ /dbang sgyur ba ni zhes pa rjes su nga ro'o/ /rgyab bskums te zhes pa ni mnyam pa'i thal mor byas nas sor mo thams cad kyi rgyab bskum par bya'o/ /rin chen rnam pa legs 'byung ba zhes pa ni rin po che'i rnam pas yongs su gyur pa'o/ /rdo rje khu tshur gyi dkyil 'khor bstan pa de nas zhes bya ba la sogs pa gsungs pa / rdo rje phreng bas rnam par brgyan zhes pa ni phyi rol tu sna tshogs rdo rje'i phreng bas nye bar brgyan pa'o/ /zhal bzhi pa'i rdo rje che zhes pa ni sna tshogs rdo rje'o/ /'khor lo bzhin du yongs su bskor zhes pa ni sna tshogs rdo rje'i phreng bas bskor ba'o/ /de'i dbus su zhes pa ni zhal bzhi pa'i rdo rje chen po'i'o/ /kha dog sna tshogs mchog tu 'bar zhes pa ni rnam pa sna tshogs pa'i mchog go /rdo rje sna tshogs zhes pa ni rdo rje khu tshur ro/ /sna tshogs kha dog zhes pa ni zhal la dkar po'o/ /brang la dmar po'o/ /lag pa la ljang gu'o/ /lto ba la ser po'o/ /lhag ma nag po'o/ /gzi brjid che zhes pa ni 'bar ba'i phreng ba'o/ /sangs rgyas phreng bas rnam par mdzes zhes pa ni rdo rje sangs rgyas lnga'i cod pan can no/ /mya ngan 'das don rab gsal byed zhes pa'o pa ni a yig go /sgeg sogs rig ma thams cad kyis zhes pa ni mchod pa rnams thams cad kyis so/ /de bzhin zhes pa ni rin po che'i dkyil 'khor ji lta ba bzhin du dbang bskur ba la sogs pa'i phyag rgya rnams kyis sna tshogs mchog tu rnam par bkra zhes pa dang yang dag par sprel lo/ /rdo rje'i thig les yongs bskor zhes pa ni sna tshogs thig le'i phreng bas yongs su bskor ba'o/ /sgeg sogs rig ma thams cad kyis/ /phyag
- 399b
rgya thams cad kyis shes pa 'di kho na'i rim pa nye bar bstan pa de la dbang bskur phyag rgya yis zhes bya ba la sogs pa gsungs pas so// //'jam dpal gyi dkyil 'khor nye bar bstan pa de nas zhes gsungs pa/ shes rab ye shes 'khor lo de zhes pa ni de bzhin gshegs pa'i bla na med pa'i shes rab ye shes kyi rang bzhin rtsibs brgyad pa'i 'khor lo/ /sngags kyi yi ges rnam par brgyan zhes pa ni mu khyud la a ra pa tsa na zhes pa'i yi ge rnams kyis rnam par mdzes pa'o/ /ral gris bcas zhes pa ni phyag bzhi po rnams su'o/ /ral gri'i phreng bas rnam par mdzes zhes pa ni 'od kyi dkyil 'khor du'o/ /yi ge lnga'i gsang sngags che ni ji skad du gsungs pa rnams so/ /de'i gzhogs su gnas zhes pa ni 'od bskor la yang dag par bzhugs pa'o/ /rol zhes pa ni 'khor lo'i phyi rol 'o?/ shes rab kyi pha rol tu phyin pa ni stong pa nyid chos thams cad rang bzhin med pa'i rnal 'byor gyis so/ /zhes bya ba la sogs pa can/ de pad+ma'i 'dab ma rnams su bri bar bya'o/ /sngon du bshad pa'i cho ga yis zhes pa ni khu tshur gyi dkyil 'khor du bshad pa'i cho gas so/ /mchod pa'i cho ga rgyas par zhes pa ni sgeg mo la sogs pa rnams dgod pa'o/ /ngos bzhi po rnams su ral gri'i phyag rgya bri'o/ /'jug pa'i cho ga rgyas pa de kho na bzhin du zhes pa ni chos kyi dkyil 'khor du ji lta ba bzhin du'o// //sems bskyed ma thag tu chos kyi 'khor lo bskor ba'i gnas kyi dkyil 'khor ston pa de nas zhes bya ba la sogs pa gsungs pa chos kyi 'khor lo ni rtsibs bcu gnyis pa'o/ /rten cing 'brel 'byung phreng ba zhes pa ni ma rig pa'i rkyen gyi 'du byed de zhes ba A yig ste de mu khyud la bri bar bya'o/ /phyag bzhi zhes pa ni gnyis dag gis 'khor lo 'dzin pa'o/ /gnyis dag gis ral gri dang zhags pa 'dzin pa'o/ /rang gi yi ge'i?
- 400a
phreng ba rnams kyis ni hUM yi ge phreng ba'o/ /de yang g.yas pa dang g.yas min gyi gzhogs su 'khor lo gnyis kyis 'od zer dang ldan zhing rnam par mdzes pa'i 'od kyis bskor bar blta bar bya'o de yi zhes pa bcom ldan 'das kyi'o/ 'khor lo ma bzhin du rab tu gnas zhes pa ni 'khor lo'i rnam pas yongs su gyur pa'o/ /mchod pa zhes pa ni sgeg mo la sogs pa rnams so/ /'khor lo bskor bar bya ba la sogs zhes pa ni chos kyi dbyings kyi dkyil 'khor gyi rnal 'byor gyis bsdu ba la sogs pa sngon ba can gyi zhugs nas 'jug pa la sogs pa rdzogs par bya'o/ /nam mkha' mdzod kyi dkyil 'khor nye bar ston pa de nas zhes pa la sogs pa gsungs pa/ thog ma'i dkyil 'khor tshul gyis ni zhes pa chos kyi dbyings kyi dkyil 'khor gyi rigs pa'o/ / dkyil 'khor kun gyi zhes pa gru bzhi pa la sogs pa dang ldan pa phyi'i dkyil 'khor la'o/ /snang ba che zhes pa ni 'od kyi phreng ba can no/ /mkha' bzhin shin tu 'od gsal ba zhes pa ni baiDUrya'i kha dog go/ zla ba'i kha dog gzi brjid che/ zhes pa ni 'od kyi dkyil 'khor dkar po'o/ /sna tshogs mtshon cha 'chang ba zhes bya ni sna tshogs rdo rje 'dzin pa'o/ /sangs rgyas phreng ba sogs pas spras zhes pa ni sangs rgyas lnga'i cod pan dang/ dpral ba'i steng dang mgrin par yang rin po che'i phreng ba gzhan no/ /dbyangs kyi dgu pa zhes pa ni oM yig ste ma ning bzhi bo med pa nyid kyi phyir ro/ /thig le sgra yis rnam par brgyan zhes pa ni rjes su sna ldan dang bcas pa'o/ /de yang zhes pa ni gang thog ma ste dang po'i sde pa'i gsum pa'o/ /rjes su sna ldan dang bcas bstan to/ /pad+ma'i rgyal po'i phyi rol gyi 'dab ma la phreng ba mchog 'chang pa'o/ /rdo rje rin chen gyi phyag rgya las mthe chud dang ming med khab bzhin du byas pa 'di tog gi phyag rgya'o/ //rdo rje gnod sbyin gyi dkyil 'khor
- 400b
bstan pa de nas zhes bya ba la sogs pa gsungs pa dkyil 'khor snga ma'i sbyor ba yis/ /dkyil 'khor thams cad thig btab po zhes pa ni bshad ma thag pa'o/ /khro bo'i dkyil 'khor zhes pa ni 'bar ba dang bcas pa'o/ /de yang zhes kha ni khro bo'i dkyil 'khor gru bzhi par ro/ /me'i rdo rje mchog zhes pa ni me'i dkyil 'khor ro/ /sha Sha sa'i sde pa'i mdza' can ni ha yig go /de yang tshe drag dang bcas pa'o/ /khro bo'i dkyil 'khor gyi bskor ba ni gang du sngags kyi yi ge'i phreng ba bri bar byed pa de khro bo'i dkyil 'khor gyis bskor ba'o/ /don yod rgyal po'i dkyil 'khor bstan pa de nas zhes bya ba la sogs pa gsungs pa lcags kyu'i rnam pa zhes pa ni zur? gsum gyi rnam pa'o/ /lcags kyu la ni rab tu bzhugs zhes pa ni 'od zer dang bcas pa'i lcags kyu la yang dag par bzhugs pa gang yin pa'o/ /phyag bzhi zhes pa ni gnyis gang gis rdo rje khu tshur gyi lcags kyu 'dzin pa'o/ /g.yon pa bsnyems pa dang bcas pa/ g.yas pas mchog sbyin dang bcas pa'o/ /rdo rje lcags kyu 'dzin par byed pa'i khu tshur chen po gang yin pa de bzhin du brjod do/ /'bar ba 'phro bas rnam par brgyan zhes pa ni rab tu g.yo ba'i 'od zer 'khrugs pa'o/ /sngags kyi yi ge legs par sbyar zhes pa ni 'od kyi dkyil 'khor du sngags kyi yi ge dgod pa'o/ /lcags kyu'i phyag rgya ni sngar bshad pa'i rdo rje rgyal po'i phyag rgya'o/ /de'i yang dag par sbyar ba ni de bcings nas ekun tu 'don pa'o// //rdo rje rgyal po'i dkyil 'khor la yang thams cad sngar zhin las khyad par ni ? ba lcags kyu 'dzin zhes pa la sogs pa ste phyag gnyis kyis zhags 'dzin pa'o/ /gnyis kyis lcags kyu 'dzin pa'o zhes ji srid pa'o/ /sde tshan gnyis pa'i gsum pa ni dza yig go/ gnyis 'gyur nyid du rnam par gnas zhes pa ni yang dag
- 401a
par sbyar ba byas pa'o/ /myang 'das thig le zhes pa ni tsheg drag go /rab tu bskor zhes pa ni 'od kyi dkyil 'khor du gnas pa'o/ /sgeg mo la sogs pa ni sngon bzhin yang ngo/ /rdo rje chags pa'i dkyil 'khor la yang phyag bzhin zhes pa ni g.yon pas gzhu 'dzin g.yas bas mda''phen pa'o/ /g.yon gzhan gyis bstems pa dang bcas pa g.yas kyi mchog sbyin pa'o/ /sngags kyi phreng bas rnam par brgyan zhes pa ni 'od kyi dkyil 'khor du ho yig gi phreng bas rnam par mdzes ba'o// me tog mda' yis yongs su bskor zhes pa ni ngos bzhi pa rnams su me tog gi mda' rnams kyis yongs su bskor ba'o/ /sgeg mo la sogs pa de dag kyang blta bar bya'o/ /'chad par 'gyur ba'i rdo rje khu tshur gyi dkyil 'khor gyi mthar thug pa rnams su gang ma brjod pa de dang de dag gam rgyud kyang dbang du byas pa'o// //rdo rje legs pa'i dkyil 'khor la yang ha yig gi sngon ma/ /sems can don ni rab sgrub byed zhes pa sa yig go/ thig le gnyis ni tsheg drag go/ sangs rgyas thams cad mnyam par spyod ces pa ni sangs rgyas thams cad sngags par bya'o// //rdo rje gzi brjid kyi dkyil 'khor du yang/ kun nas sangs rgyas nyid mtshungs pa zhes pa ni thams cad du sangs rgyas nyid sbyin pa'o/ /dbyangs kyi bcu gcig pa ni a yig go/ sngags kyi phreng bas yongs su bskor ba zhes pa ni 'od bskor la rang gi sngags kyi yi ge'i phreng bas bskor ba'o/ /phyag rgya'i mtshan ma zhes pa ni phyag gnyis kyis nyi ma'i dkyil 'khor dang rin po che'i dkyil 'khor 'dzin pa'o ngos bzhi po rnams su yang de kho nas yongs su bskor ba'o/ /sangs rgyas thams cad mchod nas zhes pa ni bsdu ba la sogs pa sngon ma can ni lhag ma'o/ /rdo rje rgyal mtshan gyi dkyil 'khor la yang rin chen tog gi dkyil 'khor ni rin po che'i dkyil 'khor
- 401b
ro/ phyag bzhi zhes pa ni gnyis kyis rgyal mtshan 'chang ba'o/ /g.yon pas bsnyems pa dang bcas pa g.yas kyi mchog sbyin pa'o/ /sde mtshan bzhi pa'i dang po la me'i gsal bar can ni ta yig go/ de yang chog? drag dang bcas par blta bar bya'o// //rdo rje bzhed pa'i dkyil 'khor la yang gnyis kyis so'i phreng ba 'dzin pa g.yon gyi bsnyems pa dang bcas pa g.yas kyis mchog sbyin pa'o/ /rgyu don rab tu sgrub byed pa zhes pa ni ha yig go/ de yang chog drag dang bcas pa'o/ /rdo rje smra ba'i dkyil 'khor la yang dngos grub rab tu ster ba po nyid kyi phyir dngos grub kyi dkyil 'khor lo/ /rdo rje'i thig gis yongs su bskor ba nyid kyi phyir rdo rje'i dkyil 'khor ro/ /me la yang dag 'byung zhes pa ni me'i dkyil 'khor la gnas pa'o/ /de nyid gsal bar gru gsum zhes bya ba la sogs pa gsungs pa/ chos kyi dbyings kyi yi ge ni pa? yig go/ de'i sngags nyid kyi phyir chos dbyings yi ge ste bcom ldan 'das kyang ngo/ /thams cad gzi brjid rang bzhin zhes pa ni 'od zer sna tshogs pa'i phreng ba'o/ phyag bzhi zhes pa ni gnyis kyis kyang bsnyems pa dang bcas pa dang mchog sbyin pa'o/ /gnyis pa zhes bya ba la sogs pa rnams kyis ting nge 'dzin gzhan ston par byed do/ /brjod bya'i dbye ba zhes pa ni don 'phyed par mngon par dgongs so zhes pa ji srid pa'o/ /rdo rje srung ba'i dkyil 'khor la yang go cha zhes pa ni go cha'o/ /phyag bzhi zhes pa ni gnyis kyis go cha 'dzin pa'o/ /g.yon pas me tog dmar po 'dzin pa'o/ /g.yas kyis mchog sbyin pa'o/ /sna tshogs kha dog sna tshogs te sngar brjod pa'i rdo rje khu tshur bzhin na/ /gzi brjid che zhes pa ni 'od zer 'ang rang dang ldan pa'o/ /phyag rgya sngags dang yang dag ldan zhes pa phyag dang ngos bzhi po rnams su'o/ /sngags dang yang dag par ldan pa ni 'od kyi dkyil 'khor la'o/ /sha Sha sa'i sde mdza' can zhes pa ni ha yig
- 402a
go/ nA da yis ni steng du brgyan zhes pa ni rjes su sna ldan dang bcas pa'o/ /sna tshogs kha dog gi bsgoms pas zhes pa ni 'od zer sna tshogs kyis so/ /sngags kyi phreng bas yongs su bskor zhes pa ni 'ong bskor la'o/ /glog gi phreng bas rnam par brgyan ni de dang de kho na'o/ /rdo rje khu tshur gyis dkyil 'khor la yang rdo rje pad+ma zhes pa ni sna tshogs rdo rje la gnas pa'i pad+ma la'o/ /phyag bzhi zhes pa ni gnyis kyi khu tshur gyi phyag rgya 'ching ba'o/ /g.yas pas mchog sbyin pa'o/ /de bzhin gshegs pa rnams kun gyi khu tshur zhes pa de dag kho na'i sgrub par byed pa sku dang gsung dang thugs zhes pa gsungs pa/ de bzhin gshegs pa thams cad kyi sku dang gsung dang thugs gcig pa can du byed do zhes pa'i don no/ /rdo rje seMs dpa' zhes pa ni dbye ba dbyer med pa'i sems sa'o/ /mnyam nyid mchog zhes pa kho na bstan pa gsungs pa gnyis nyid med zhes pa ste mchog ni sems dpa' i mchog nyid kyi phyir ro/ /gsang ba ni sngags kyi sems pa rnams kyis bsrung par bya ba nyid kyi phyir ro/ /sdud pa zhes pa ni gcig pa can du byed pa'o/ /sde tshan lnga pa'i gsum pa ni ba yig go/ de yang rjes su da ro dang bcas pas blta bar bya'o/ /rdo rje sems dpa' dang rin chen dang chos dang las rnams rim pas rnam par snang mdzad chen po dang nam mkha' i snying po dang 'gro ba 'dul ba dang rdo rje khu tshur gyi rang bzhin yin pa nyid kyi phyir dkyil 'khor gsungs so zhes pas 'dir ni nye bar bkod do/ /'dir phyag rgya dgod pa nye par ma bkod pa gang yin pa de rnams kyang ngos bzhi po rnams su rang gi mtshan ma'i phyag rgya nyid bzhag par bya'o/ /sngar gsungs pa'i rdo rje la sogs pa rnams kyis kyang de rnams kyi phyag dang kha dog dang ting nge 'dzin la sogs pa'i dbye bas khyad par ya dang bar khong du
- 402b
chud par bya'o/ /da ni 'jig rten pa'i dkyil 'khor nye bar bstan pa de nas zhes pa la sogs pa gsungs pa/ /de la dbang phyug chen po'i dkyil 'khor la/ /sgo khyung la sogs pa rnam par spang zhes pa'i sogs kyi sgras rta babs la sogs pa dang bral pa'o sgo gcig par de khA dkar po'i dkyil 'khor la'o/ /phyag bzhi zhes pa na gnyis kyi mdud rtse gsum pa dang paTTis 'dzin pa'o/ /gnyis kyis dung dang pad+ma 'dzin pa'o// chu'i dkyil 'khor dbus su zhes pa ni gra bzhi pa'i dkyil 'khor la chu'o/ /de las khyu mchog go/ de la zhon pa'o/ /mdung rtse gsum pa la sogs pa'i phyag rgya rang gi ngos rnams su dgod par bya'o/ /'di nyid la zhes pa dbang phyug chen po'i dkyil 'khor du dga' byed dbang phyug kyang gar byed pa gzhag par bya'o/ /phyag bzhi zhes pa yang de kho na dang sbrel lo/ /lag pa stong gis zhes pa ni nag po chen po nyid kyi'o/ /rtse gsum gyi phyag rgya ngos rnams su bzhag par bya'o/ /'di nyid kyi ni cho ga yis zhes pa ni sgo khyud la sogs pa rnam par spangs pa'i rigs pas so/ /sbrang rtsir byed pa la sogs pa'i ming po gsum zhes pa sbrang rtsir byed pa dang/ rgyal par byed pa dang grub par byed pa rnams te de rnams rim pas 'dod chags dang zhe sdang dang gti mug gi bdag nyid can tshangs pa dang drag po dang khyab 'jug rnams ji srid par ro/ /gzhu'i phyag rgya yongs su 'dzin zhes pa ni lag pa g.yon pa na gzhu'o/ /me tog mnga' ni yongs su 'phen zhes pa g.yas pas mnga' 'dzin pa'o/ /ngos bzhi po rnams su rang gi mnga' i phyag rgyas yongs su bskor ba'o/ /'dod chags sbrang rtsir byed par gsungs/ /zhe sdang rgyal bar byed par dran/ /gti mug grub byed rab tu brjod/ /kun tu gsang ba'i ming rnams so zhes pas 'di rnams kyi ming rnams kyi mtshan ma de dag 'dod chags la sogs pa rnams su bsgom
- 403a
pas nye rang? mtshon pa'o/ /de ltar zhes pa ni rdo rje sbrang rtsi la sogs pa'i dkyil 'khor bzhin du 'dab ma bzhi pa zhes pa ni pad+ma 'dab ma bzhi pa la'o/ /rgyal ba dmar po gzhu dang mnga' dang ldan pa'o/ /rnam rgyal nag po phub dang ral gri 'dzin pa'o/ /mi pham pa ser mo gter gyi lag pa'o/ /gzhan gyi mi thub ma dkar mo thod pa dang bcas pa'i gri rings 'dzin pa'o/ /gzhogs su rang gi mtshan ma de rnams bri bar bya'o/ /go rim ji lta ba bzhin du sngags rnams bzhag par bya'o zhes pa ni rang gi sngags 'di dag 'don cing dgod par bya'o/ /'jig rten pa la yang lag pa g.yon pa'i khu tshur 'di rnams kyi phyag rgya sde de kho na bzhin du lag pa'i rgyab zhes pa oM gyi yi ge de nyid dgod do/ /rdo rje phreng ba zhes 'bar ba'i mthar thug par rdo rje rtse gsum pa'i phreng ba'o/ /yang dag sbyor las shes pa dbang du byed pa la oM yig dmar po bsgrub bya'i ming dang spel pa bri'o/ /de la bsgrub bya nang du bsgoms nas 'od zer dmar po'i phreng ba can gyi sor mo dang sbyar bar bya'o/ /rnam par dbye ba yang zhes pa dgug pa las te de kho na bzhin du bsams nas bsgrub bya dgug pa'i tshul gyis de la mngon du phyogs pa'i sor mo'i lcags kyu rnam par dbye bar bya'o/ /phyag rgya zhes pa rmongs pa las te nag por bsams nas phyag rgya bya'o/ /kun spyod zhes pa nag po nyid bsams nas bsgrub bya de yi ge nyid kyi nang du bcug nas sod mo'i mdzub mo las gzhan kun tu spyad par bya'o/ /bsdus pa zhes pa de bcing ba las te de bzhin kho nar bsams nas bsgrub bya nad du bcug ste sor mo'i rtse mos bcing par bya'o/ de'i steng du lha 'am lha mo blta'o/ /de rnams thams cad dang de thams cad de'o/ /rmongs pa la sogs zhes pa sogs kyi sgras skrad pa'o/ /rengs pa'i sogs kyis 'di las gzhan pa'i las kyang 'di'i nang du'o/ /go rim bzhin zhes pa
- 403b
ji ltar rjes su mthun par ro/ /rdo rje snying po'i rgyan du rtsa ba'i rgyud kyi rnam par 'byed pa'o// / //rgyud phyi ma nye bar mchog tu 'phags pa de nas bcom ldan 'das zhes pa la sogs pa gsungs pa byang chub sems brtsams nas rdo rje rnal 'byor dbang phyug mchog ces pa ji srid pa rnam par snang mdzad kyi sgo nas so/ /mi bskyod pa dang zhes pa la sogs pa nas thams cad de bzhin gshegs shes pa srid par mi bskyod pa la sogs pa de bzhin gshegs pa bzhi'i sgo nas so/ /'khor los sgyur ba gtsug tor gyi sgo nas so/ /rdo rje sems dpa' zhes pa nas brtsams nas rdo rje mtshams sbyor legs par bsgrub zhes pa ji srid par rdo rje sems dpa' la sogs pa sems dpa' i sgo nas so/ /phyag 'tshal khyod zhes pa de bzhin gshegs pa thams cad la phyag byas pa'i sgo nas 'di la bstod par blta bar bya'o/ //nga ni de nas bcom ldan 'das zhes pa la sogs pa dran pa nye bar gzhag pa la sogs pa nas dpe byad kyi mthar thug pa'i sgrub thabs nye bar bsdu ba gsungs pa/ sangs rgyas thams cad kyi yul rnams ni dran pa nye bar gzhag pa la sogs pa rnams so/ /de rnams kyi 'jug pa ni gang du shes pa ste/ de ni sangs rgyas thams cad kyi yul la 'jug pa ye shes so/ /de lha dang dbyer med pa nyid kyi phyir rdo rje'o/ /de la dmigs pa'i ting nge 'dzin la yang de bzhin du brjod par bya'o/ /de nyid kyang gang gi ming yin pa de la snyoms par zhugs pa zhes pa mngon du mdzad pa dang ldan pa'o/ /'jam dpal gzhon nur gyur pa zhes pa ni 'jam dpal gzhon nur gyur pa nyid kyi yongs su gyur par sngar byin gyis brlabs pa las so/ /de bzhin gshegs pa thams cad kyis shes rab ye shes zhes pa ni rnam par snang mdzad kyi thugs so/ /zhugs par gyur to zhes bya ba ni nang du thim pa ste mi bskyod pa la sogs pa'i thugs legs par byung nas zhes pa
- 404a
lhag ma'o// shes rab dang ye shes rnam par sbyang ste zhes pa ni dran pa nye bar gzhag pa rdzogs par bya ste'o/ /byang chub kyi sems bskyed nas zhes pa la sogs pas rdo rje sems dpa' la sogs pa'i byang chub sems dpa' bcu drug gi ting nge 'dzin yang bskyed nas shes pa bstan pa'o/ /de bzhin gshegs pa thams cad kyi shes rab ye shes ni rnam par snang mdzad kyi shes rab ye shes kyis so/ /yongs su bskor ba zhes pa ni yongs su bskor bar bskyed nas so/ /rnam par ci yis zhe na gsungs pa/ de bzhin gshegs pa rnams thams cad kyi zhes pa la sogs pa de bzhin gshegs pa thams cad kyi ni mi bskyod pa la sogs pa rnams so/ /nyi ma'i dkyil 'khor yang 'di rnams kho na'o/ /shes rab kyi pha rol tu phyin pa mdor bstan pa chos kyi chag zhes pa ni dran pa nye bar bzhag pa la sogs pa'i tshig go/ 'jig rten du yang nye bar len pa med do zhes pa ni nye bar thob pa med pa'o/ /lus la sogs pa'i chos mnyam pa can ni stong pa nyid do/ /gang de kho na gnas te gzhi'i rang bzhin yin pa de yang nye bar thob pa med do/ /rnam par snang mdzad kyi rnal 'byor sngon du byas nas zhes pa ni de'i snying po rang gi snying ga'i rdo rje la bkod nas dran pa nye bar gzhag pa rnams kun rdzob dang don dam pa ji lta ba bzhin du sgom par byed pa'i sku'o/ /de bzhin du dpe byung rnams kyi mthar thug par ji srid bar ro/ /mi spong ba'i ched du ni don dam par chos thams cad dngos po med pa'i phyir ro/ /mi spong ba ma yin pa'i ched du ste ma byung ba yongs su brtags pa rig bzhin pa nyid kyi phyir don dam par gnyis su med pa'o/ /don dam pa'i sgo nas dngos po mthar thug pa med pa'i phyir dang kun rdzob kyi sgo nas ji ltar snang ba theg pa las so sor 'jug pa'o/ /spros pa med pa ni don dam par gnyis su med pa'i tshul lo/ /chos thams cad
- 404b
mnyam pa nyid la gnas pa ni bcom ldan 'das rnam par snang mdzad nyid do/ /stobs thams cad ces pa ni stobs byed pa dang bral ba'o/ /cis na gdod ma nas spros pa med pa'o/ /ci du? gzhan nye bar lhag pa'i spros pa med par 'gyur zhe na gsungs pa/ gdod ma nas dag pa zhes so/ /dag so sor yang dag par rig pa zhes pa ni nges pa'i tshig so sor yang dag par rig pa'o/ /ci'i phyir chos thams cad gcig tu rjes su dran zhe na gsungs pa/ /chos thams cad don dam par stong pa nyid ces pa'o// mchan nyid ni rang bzhin med pa'i bdag nyid can no/ /mtshan nyid med pa ni de las bzlog pa'o/ /de rnams rnam par 'byed pa ni snang ba med par byed pa'o/ /des mnyam pa nyid de khong du chud ba'o/ /sgo ni thabs te de nyid gang gi ming yin pa de la de bzhin du brjod par bya'o/ /byang chub kyi yan lag bdun po rnams kyi mnyam pa nyid ni stong ba nyid do/ /skye ba med pa nyid kyang mtshon par bya ba ni mngon du bya'o/ bdag gis sam ces bya ba de la de bzhin du gsungs so/ /lam zad mi shes pa ni gang du na byang chub kyi sems la ste de'i 'jug pa'o/ /legs par so sor rig pa zhes ba ni rnam pa thams cad yongs su shes pa'o/ /de'i rang bzhin ni thams cad mkhyen pa'i ye shes su rim par 'gyur ro/ /mtshan nyid gcig pa zhes pa ni gnyis su med pa'i rang bzhin las so/ chos thams cad zhes pa dang rgyu dang 'bras bu'i ngo bo lags so/ /'di nyid kyis zhes pa ni mchad par 'gyur ba'i sngags kyis so/ /legs par so sor rtogs pa'i phyir zhes pa ni legs par so sor byed pa'i phyir ro/ /chos thams cad spros pa med pa'i mtshan nyid ni don dam pa'o/ /de'i phyir yang kun nas nyon mongs pa med cing rnam par bya dang med bsam gtan med cing bsam gtan ma min pas med bsnyomS par 'jug pa med cing snyoms par 'jug pa ma yin pa'ang med pa'o/ /mi 'jigs pa rnams kyi ni mnyam pa nyid do/ /gang las gang?
- 405a
zhig na chos thams cad sgyu ma'i mtshan nyid do/ /de ltar na yang ci'i phyir zhe na gsungs pa/ nga yi rnam pa zhes pa la sogs pa ste/ ngar 'dzin pa dang/ nga yi bar 'dzin pa ni bdag dang bdag gi bar mngon par zhen pa dag dang bral ba nyid kyi phyir ro/ /rnam par thar pa brgyad mnyam pa nyid zhes pa ni snyoms par 'jug pa brgyad stong pa nyid do/ /rnam par thar pa mnyam pa nyid ces pa ni snyoms par 'jug pa dgu dang gnyis su med pa nyid do/ /thams cad ces pa ni sbyin pa la sogs pa thabs kyi mthar thug pa'o/ /mi mnyam pa la sogs pa'i mthar phyin pa nyid ni rang bzhin du 'gyur ro/ /ci ltar na brtan par rjes su rtogs pa'i sbyor bas bsgom pa phyi rol kyis so/ ye shes kyi don to zhes pa ni ye shes kyi rang bzhin no/ /ci'ang med pa zhes pa ni dmigs pa dang 'bral ba'o/ /nyon mongs med ba zhes pa ni kun nas nyon mongs pa med pa'o/ /yi ge med pa zhes pa ni sgra dang ldan pa ma yin pa'o/ /de'i phyir don yod pa ste/ spyod pa dang bral ba'o/ /gdong nas dag pa ni glo bur gyi dri ma dang bral ba nyid kyi phyir ro/ /de ma dang bral ba dang 'od gsal ba gnyis su med pa dang rnam par rtog pa med pa'i phyir ro/ /de'i phyir yang mngon par brjod bya ma yin pa ste/ byang chub sems dpa' rnams kyis gang 'di la rnam par gnas pa de rnam par bzhag pa'o/ /gang las gang gi phyir ni/ don dam par na gnas pa dang bral ba de yang ci ltar rnam par med pa nyid kyi phyir steng ba nyid gcig tu rnam par gnas par bzhag pa gcig go dbang thams cad ba yang don dam par rang bzhin rnam par dpen pa'o/ /kun rdzob tu dbang phyug thams cad la dbang rjes su thob pa'o/ /gang las na chos thams cad legs par so sor rtogs
- 405b
pa nyid kyi phyir ro/ /thams cad du zhes bya ba ni yul du'o/ /thams cad mnyam pa nyid kyis bya ba ni cho ga thams cad mtshungs pa nyid kyis so/ /stong pa nyid las yang dag par rjes su rtogs pa nyid kyi phyir te/ de'i phyir yang shes rab yongs su dag pa'o/ /ci'i phyir mtshan mngon par 'grub bar lta bar bya ba ma yin zhe na gsungs pa/ byang chub ni mtshan nyid med pa nyid kyi phyir zhes pa gang las byang chub la mtshon bar bya ba med pa'o/ /gang zhig chos thams cad mtshan nyid med par 'gyur zhe na gsungs pa 'di lta ste/ stong pa nyid kyi mtshan nyid do zhes pa'o/ /stong pa nyid du mnyam pa zhes pa ni de'i rang bzhin no/ /gang zhig na de ltar de bzhin gshegs pa thams cad dang/ byang chub dang chos thams cad kyang mtshan nyid gcig pa ste 'di lta ste/ nam mkha' i mtshan nyid can zhi ba'i mtshan nyid can no zhes pa'o/ /tshad med pa'i dpe byad mnyam pa nyid la legs par rab tu gnas pa ni don dam par dpe byang rnams kyi dngos po med pa'i phyir ro/ /kun rdzob dang don dam par gsal byed ma yin pa mnyam pa nyid la legs par rab tu gnas pa ni mngon par zhen pa med pa'o/ /mtshan dang dpe byad rnams sgyu ma'i chos dang ldan pa la legs par rab tu gnas pa dus gsum gyi dpe byang zhes pa ni 'das pa la sogs pa'i dus so/ /de'i mnyam pa nyid kho na rdo rje lta bu'i chos mnyam pa nyid do/ /de thob pa ni stong pa nyid chos kyi dbyings thams cad dang dpe byang mnyam pa nyid rjes su thob pa'o/ /de'i phyir yang gnyis su med pa ni don la yang dag par zhugs pa ni gnyis su med pa'i rang bzhin du skyes pa'o/ /de bzhin gshegs pa thams cad ni mi bskyod pa la sogs pa rnams so/ /de la sems dpa' chen po'i don nye bar ston pa'i phyir yongs su tshim par rgyun tu legs so/
- 406a
zhes pa 'chad par 'gyur ba bzhis rigs can bzhi po rnams kyi dkyil 'khor gyi sgo nas so/ /phyag bya ba bzhi po rnams ni de bzhin gshegs pa bzhi'i dbye bas khong du chud par bya'o/ /e ma'o zhes pa ni yang dag par brjod par byed pa la a mtshan pa'o/ /rdo rje rnal 'byor gyi dbang phyug chen po ni rnam par snang mdzad do/ /de bzhin gshegs pa thams cad ni mi bskyod pa la sogs pa rnams so/ /a ha'i rnam pa la sogs pa bzhi po rnams kyang mi bskyod pa la sogs pa bzhi po de dang de'i rang bzhin no/ /'di nyid ni phyag bya ba yang dag par bsdus te bstan no/ /rigs thams cad kyi 'khor lo zhes pa ni de bzhin gshegs pa la sogs pa'i rigs so/ /rnam par snang mdzad chen po'i gsang ba'i dkyil 'khor nye bstan pa gsungs pa/ de nas bcom ldan 'das zhes pa la sogs pa ste/ kun tu sna tshogs bya ba rnams zhes pa ni rnam par snang mdzad chen po'i bya ba 'am sku de ni rnam par dben pa'i sa las bsgrub par bya'o/ / dngos grub mchog zhes pa ni 'khor los sgyur ba'i dngos grub po/ /ri'i rtse mo rnams su'o/ /dur khrod la sogs pa rnams su rdo rje 'dzin pa dang rdo rje hUM mdzad dang de'i bya ba rnams so/ /pad+ma'i skyed mos tshal la sogs pa rnams su phyag na padmo ste 'jig rten dbang phyug dang de'i bya ba rnams so/ /rgyal po'i pho brang la sogs pa rnams su lag na rin chen zhes pa nam mkha' i snying po'i bya ba de'o/ /rdo rje sna tshogs kyi bya ba de ni rtags gcig la sogs pa rnams su'o/ /dpal rdo rje sems dpa' ni lha'i mchog nyid ji skad du gsungs pa rnams su'o/ /'di rnams kyi thun mong gi gnas bstan pa'i phyir nam mkha' zhes pa la
- 406b
sogs pa gsungs pa phyogs kun mnyam nyid gnas zhes pa ni phyogs rnams skabs yin pa dang skabs ma yin pa'i rnam rtog yid la mi bya bar ro/ /shar ste shar gyi phyogs so/ /lho ni lho'i phyogs te/ bzhi po rnams su dkyil 'khor gyi thig brgyad po'o/ /phyi ru ni phyi'i thog bzhi la kun nas gru bzhi pa'i phyed kyi dkyil 'khor brgyad do/ /kha dog lnga zhes pa ni sngon po dang/ ser po dang / dmar po dang/ /ljang gu dang dkar po'i bdag nyid can no/ /rnam par snang mdzad chen po'i dkyil 'khor du dgod pa bstan pa dbus kyi dkyil 'khor dbus zhes pa la sogs pa gsungs pa sangs rgyas gzugs brnyan zhes pa ni rnam par snang mdzad chen po'o/ /sgeg pa zhes pa ni rdo rje rgyal po la sogs pa rnams so/ /rin chen 'bar ba sogs yang dag ldan zhes pa ni rdo rje rin chen rjes su son pa'o/ /sna tshogs rdo rje sogs rnams kyis ni rdo rje la sogs pa rnams so/ /rdo rje rnal 'byor can gyi dbang phyug ? zhes pa ni rnam par snang mdzad chen po yi'o/ /gal te yang kun tu bzang po la sogs pa rnams zhes gsungs pa'i de bzhin du yang byams pa la sogs pa rnams khong du chud par bya'o/ /de bzhin zhes pa ni ji ltar chos kyi dbyings kyi dkyil 'khor du ji lta ba bzhin no/ /gtso bo gzhan gyi sgrub pa'i dkyil 'khor nyid 'di'i bstan pa sgrub pa'i thabs ni brtsam par bya zhes pa ste gsungs pa/ /kun tu sna tshogs bskal bzang la zhes pa ni gru bzhi pa'o/ /kun tu sna tshogs 'khor lo can ni rnam par snang mdzad chen po'o/ /rin chen bdun po nyid mchod pa chen po ste /
- 407a
'khor los sgyur ba gang gis yin pa de bzhin du brjod par bya'o/ /de'i yongs su rdzogs pa'i zla ba bzhin no/ /de nyid kyang sangs rgyas rdo rje 'dzin pa la sogs pa rnams so/ /rin chen gyi zhes pa nam mkha' i snying po'i yi'o/ /sna tshogs zhes pa rdo rje sna tshogs kyi'o/ /yan lag kun zhes pa ni spyi bo la sogs pa'i gnas brgyad du'o/ /phyag rgya zhes pa ni rang gi dam tshig gi phyag rgya'o/ /rin po che'i pad ma 'dab ma brgyad pa la rab tu bzhag nas rnam par rgyal ba'i bum pa'i mthar thug pas yang dang yang du mngon dbang bskur te thams cad rgyal srid du 'gyur 'o/ /lag ldan la sogs pa rnams su rab tu bzhag nas / dpal gyi sngags 'don pa 'di dag gi'ang dbang bskur bas 'dir yang de bzhin no/ /mtshon cha la sogs pa la rnam par rgyal ba'i rgyu nyid kyi phyir rnam par rgyal ba ste a pa rA dzi ta dkar po dang / gi ri kir+N+Na ka gang yang rung ba 'dis dbang bskur ba ni rgyal bar gyur pa zhes pa gzhan gyis mi thu ba pa ste / de nyid du grags pa gang yin pa de la de bzhin du brjod par bya'o/ /de zhes pa ni 'khor lo dang bcas pa'i gtso bo'i phyag rgya de zhes pa'o/ /de zhes pa rnam rgyal bum pa la'o/ /
- 407b
'dis de dag bstan pa rang gi lha'i 'khor lo rnam par rgyal ba'i bum pa la ji lta ba bzhin du bsgom par bya'o zhes so/ /mchog gyur pa zhes pa ni / /gi ri kir+N+Na ka'o/ / lhag gnas kun gyi sbyor ba'i zhes pa ni / sngar gsungs pa'i mchod pa'i sngags kyis so/ /rdo rje'i dbang bskur ba ni rnam par snang mdzad chen po'i rnal 'byor pa la ste sngar bzhin du bshad par bya'o/ /ci'i don du rin po che la sogs pa rtog par byed ce na gsungs pa / sangs rgyas byin brlabs sbyor ba yi zhes pa gsungs pa / de dag rtog par byed pa la sangs rgyas kyis byin gyis rlobs par byed par 'gyur ro/ /zhes mngon par dgongs so/ /rdo rje snying po'i rgyan gyi rgyud chen po ru/ ji ltar snyed pa'i rgyud phyi ma'i rnam par rnam par 'byed pa'o/ /rgyud kyi rgyal po snying po'i don gyi phung po rgyas pa mi mngon zhing/ /shin tu mi rigs blo gros yon tan rgya mtsho'i spyad yul du 'gyur ba/ /bdag gis 'dir ni rnam par 'grel che gzung zhing thob pa sngags las byung /sgyu ba med pa rgyud la ches mngon gyur pa kho na tshad ma yin/ /dka' 'grel 'di ni sbyar ba las/ /'dir ni dge ba nyer bsags nges/ /'jig rten ma lus 'di rtag tu/ /rab zhi'i bshes
- 408a
gnyen ldan gyur cig / rdo rje snying po rgyan gyi rgyud dka' 'grel / slob dpon rab tu zhi ba'i bshes gnyen gyis mdzad pa rdzogs so// //bod kyi lo tsa ba shAkya'i dge slong rin chen grub kyi rgya dpe la bltas nas bsgyur pa'o// sarba mang+gA laM