Text
ff. 1a–372a · 734 folio sides
- 1a
@#/ 'phags pa brgyad kyang bags sbyangs 'azhug /
- 2a
ar+ya aSh+Ta sa ha sra ka pradz+nyA pa ra mi ta/ bod skad
- 2b
'phags pa shes rab kyi pha rol tu phyin pa brgyad sto pa/ bam po dang po// sangs rgyas dang byang chub sems dpa' dang / 'phags pa nyan thos dang /
- 3a
rang sangs rgyas thams cad la phyag 'tshan lo// 'di skad bdag gis zos pa'i dus gcig na bcom ldan 'das rgyal po'i khab na/ bya rgod phung po'i
- 3b
ri la/ dge slong stong nyis brgya lnga bcu'i dge slong gi dge 'dun chen po dang / thabs gcig tu bzhugs te/ thams cad kyang dgra bcom pa/ zag pa zad pa nyon mongs pa med pa/ dbang du gyur pa/ sems shin du rnam par grol ba/ shes rab shin du rnam par grol ba/ cang shes pa/ glang po chen po// bya ba
- 4a
byas pa/ byed pa byas pa/ khur bo ba/ bdag gi don rjes su thob pa// srid pa kun du sbyor ba yongs su zad pa/ yang dag par shes pas sem shin du rnam par grol ba/ sems kyi dbang thams cad kyi dam pa'i pha rol du son pa sha stag ste/ gang zag gcig ma gtogs pa ni 'di lta ste/
- 4b
tshe dang ldan pa kun dga' bo// de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor byang chub sems dpa' sems dpa' chen po rnams la shes rab kyi pha rol tu phyin pa brtsams te/ ci nas byang chub sems dpa' sems dpa' chen po rnams shes rab kyi pha rol tu phyin pa las nges par 'byung bar 'gyur ba de bzhin du khyod spobs par byos shig/ de nas tshe dang ldan pa sha ri'i 'di snyam du sems te/ tshe dang ldan pa rab 'byor 'di bdag rang gi
- 5a
shes rab kyi spongs pa'i stobs bskyed pas/ byang chub sems dpa' sems dpa' chen po rnam/ kyi shes rab kyi pha rol tu phyin pa ston par 'gyur ram/ 'on te sangs rgyas kyi mthus ston par 'gyur snyam pa dang / de nas sangs rgyas kyis mthus/ tshe dang ldan pa rab 'byor gyis tshe dang ldan pa sha ri'i bu'i de lta bur sems kyi rtog pa sems kyis shes nas/ tshe dang ldan pa sha ri'i bu la 'di skad ces smras so// tshe dang ldan pa sha ri'i bu/ bcom ldan 'das kyis nyan thos rnams gang ci smra ba dang / ston pa dang / brjod pa dang / 'chad pa dang / rab tu
- 5b
ston pa de thams cad ni/ de bzhin gshegs pa'i mthu yin par rig par bya'o// de ci'i phyir zhe na/ de bzhin gshegs pas chos gang bstan pa'i chos ston pa de la bslabs nas de dag chos nyid de mngon sum du byed do// chos nyid de mngon sum du byas nas/ gang ci ba dang / ston pa dang / 'chad pa dang / rab tu ston pa de thams cad chos nyid dang mi 'gal lo// tshe dang ldan pa sha ri'i bu/ rigs kyi bu de dag 'di ltar chos nyid ston pa rnams/ chos nyid dang mi 'gal ba de yang / de bzhin gshegs pas chos ston pa'i rgyu 'thun pa'o// de nas sangs rgyas kyi mthus/ tshe dang ldan pa rab 'byor gyis/ bcom ldan 'das la 'di skad ces gsol to// gang bcom ldan 'das kyis 'di skad du/ rab 'byor byang chub sems dpa' sems dpa' chen po rnams la shes rab kyi pha
- 6a
/ rol tu phyin pa brtsams te/ ci nas byang chub sems dpa' sems dpa' chen po rnams la shes rab kyi pha rol tu phyin pa las nges par 'byong bar 'gyur ba de bzhin/ khyod spobs par byos shig ces bka' stsal pa/ bcom ldan 'das byang chub sems dpa' sems dpa' chen po zhes bgyi na/ bcom ldan 'das 'di ltar byang chub sems dpa' sems dpa' chen po zhes bgyi ba 'di chos gang gi tshig bla dgas lags/ bcom ldan 'das 'di lta ste/ byang chub sems dpa' zhes bgyi ba'i chos de/ bdag gis yang dag par rjes su ma mthong ngo // bcom ldan 'das 'di lta ste/ shes rab kyi pha rol tu phyin pa zhes bgyi ba'i chos de dag gis yang dag par rjes su ma mthong ngo // bcom ldan 'das byang chub sems dpa' 'am/ byang chub sems dpa'i chos kyang bdag
- 6b
gis ma 'tshal/ ma dmigs yang dag par rjes su ma mthong ngo // shes rab kyi pha rol tu phyin pa yang ma 'tshal/ ma dmigs yang dag par rjes su/ ma mthong na/ byang chub sems dpa' gang zhig shes rab kyi pha rol tu phyin pa gang la/ gdams shing rjes su bstan par bgyi/ bcom ldan 'das 'on kyang gal te 'di ltar bshad cing bstan pa la/ byang chub sems dpa' sems dpa' chen po sems mi zham mi 'gong ste/ yid phyir phyog par mi bgyid/ mi skrag mi dngang dngang bar mi 'gyur na/ de nyid byang chub sems dpa' sems dpa' chen po'i shes rab kyi pha rol tu phyin pa la bstan pa lags so// de nyid byang chub sems dpa' sems dpa' chen po'i shes rab kyi pha rol tu phyin par rig par bgyi'o// de nyid shes rab kyi pha rol tu phyin pa la gdams pa lags so// gal te de ltar gnas de nyid gdams pa dang / bstan pa lags so// gzhan yang bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi pha rol tu phyin pa bsgoms pas ji ltar bslabs na/
- 7a
byang chub sems dpa'i sems des kyang / rlom sems su mi bgyid pa de ltar bslab par bgyi'o// de ci'i slad du zhe na/ 'di ltar sems de ni sems ma mchis pa ste/ sems kyi rang bzhin 'od gsal ba lags so// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor ci sems gang sems med pa'i sems de yod dam/ de skad ces smras pa dang / tshe dang ldan pa rab 'byor gyis/ tshe dang ldan pa sha ri'i bu la 'di skad ces smras so// tshe dang ldan pa sha ri'i bu/ ci'i sems med pa gang yin pa de la yod dam med pa dmigs sam/ sha ri'i bus smras pa/ tshe dang ldan pa rab 'byor de ni med do// rab 'byor gyis smras pa/ tshe dang ldan pa sha ri'i bu gal te sems med pa de la sems yod pa 'am/ med cing mi dmigs na/ gang tshe dang ldan pa sha ri'i bus 'di skad du/ sems gang sems med pa'i sems de yod dam/ zhes zer na/ khyod kyis brgal ba de rung ngam/ de skad ces smras pa dang / tshe dang ldan
- 7b
pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor sems med pa de gang yin/ rab 'byor gyis smras pa/ tshe dang ldan pa sha ri'i bu sems med pa de ni 'gyur ba med pa'o// rnam par rtog pa med pa'o// de nas tshe dang ldan pa sha ri'i bus tshe dang ldan pa rab 'byor la legs so zhes bya ba byin te/ tshe dang ldan pa rab 'byor ji ltar khyod/ bcom ldan 'das kyis nyon mongs pa med pa la gnas pa'i mchog tu gsungs pa ltar ston pa legaso legs so// de bas na byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par rtag par bya'o// byang chub sems dpa' sems dpa' chen po shes rab kyi pha rol tu phyin pa dang ma bral bar rig par bya'o// nyan thos kyi sa la slob par 'dod pas kyang / shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya'o// shes rab kyi pha rol tu phyin pa 'di nyid
- 8a
la bslab par bya/ rnal 'byor du bya'o// rang sangs rgyas kyi sa la slob par 'dod pas kyang / shes rab kyi pha rol gyi phyin pa 'di nyid mnyan par bya'o// gzung bar bya'o// bcang bar bya'o// klag par bya/ kun chub par bya'o// shes rab kyi pha rol tu phyin pa 'di nyid la bslab par bya'o// rnal 'byor du bya'o// byang chub sems dpa'i sa la slob par 'dod pas kyang / shes rab kyi pha rol tu phyin pa 'di nyid mnyan par bya/ gzung bar bya/ bcang bar bya/ klag par bya/ kun chub par bya'o// shes rab kyi pha rol tu phyin pa 'di nyid la thabs mkhas pa dang ldan pas/ sangs rgyas kyi chos thams cad yongs su bsgrub pa'i phyir/ rnal 'byor du bya'o// de ci'i phyir zhe na/ byang chub sems dpa' sems dpa' chen pos gang la bslab cing rnal 'byor du bya'o// byang chub sems dpa'i chos thams cad rgyas par shes rab kyi pha rol tu phyin pa 'di las bstan te/ blan med pa yang dag par
- 8b
rdzogs pa'i byang chub la slob par 'dod pas kyang / shes rab kyi pha rol tu phyin pa 'di nyid mnyan par bya/ gzung bar bya/ bcang bar klag par bya/ kun chub par bya'o// shes rab kyi pha rol tu phyin pa 'di nyid la thabs mkhas pa dang ldan pas/ sangs rgyas kyi chos thams cad yongs su bsgrub pa'i phyir/ rnal 'byor du bya'o// de ci'i phyir zhe na/ shes rab kyi pha rol tu phyin pa 'di las ni/ byang chub sems dpa' sems dpa' chen po gang la bslab par bya ba dang / rnal 'byor du bya ba'i sangs rgyas kyi chos thams cad rgyas par bstan to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa'i ming 'di nyid bdag gis ma 'tshal/ mi dmigs yang dag par rjes su mi mthong / shes rabakyi pha rol du phyin pa yang ma 'tshal/ mi dmigs yang dag
- 9a
par rjes su mi mthong ste/ bcom ldan 'das bdag gis byang chub sems dpa'i ming de yang ma 'tshal ma dmigs/ yang dag par rjes su mi mthong ngo // shes rab kyi pha rol tu phyin pa yang ma 'tshal ma dmigs/ yang dag par rjes su ma mthong na/ byang chub sems dpa' gang zhig shes rab kyi pha rol tu phyin pa gang la gdams shing bstan par bgyi/ bcom ldan 'das bdag gis dngos po ma 'tshal ma dmigs/ yang dag par rjes su ma mthong na/ ming tsam gyis byang chub dpa' zhes 'du ba dang / 'jig par bgyid pa ni bdag gis blo la bcag mod kyi/ bcom ldan 'das ming de yang mi gnas shing / mi gnas pa yang ma lags la/ rnam par gnas pa yang ma lags so// de ci'i slad du zhe na/ ming de ma mchis pa'i slad du ste/ de ltar ming de mi gnas shing / mi gnas pa yang ma lags la/ rnam par mi gnas pa ste/ bcom ldan 'das de ltar shes rab kyi pha rol tu phyin pa zab mo bshad pa la/ gal te byang chub sems dpa' sems dpa' chen po'i sems ma zham/ ma 'god / yid ma sad/ yid phyir phyogs par mi bgyid/ mi skrag mi dngang / dbang bar mi 'gyur zhing / lhag pa'i bsam pas mos pa'i byang chub sems dpa' sems dpa' chen po ni/ shes rab kyi pha rol tu phyin pa dang ma bral bar rig par bya'o// phyir mi ldog pa'i byang chub sems dpa'i sa la gnas pa ste/
- 9b
mi gnas pa'i tshul gyis lags par gnas so// bcom ldan 'das gzhan yang byang chub sems dpa' sems dpa' chen po// shes rab kyi pha rol tu phyin pa la spyod cing / shes rab kyi pha rol tu phyin pa la bsgom pas gzugs la gnas par mi bgyi ste/ tshor ba la ma lags/ 'du shes la ma lags/ 'du byed rnams la ma lags/ rnam par shes pa la gnas par mi bgyi'o// de ci'i slad du zhe na/ gal te gzugs la gnas na/ gzugs mngon par 'du byed pa la spyod kyi/ shes rab kyi pha rol tu phyin pa ma lags so// gal te de bzhin du tshor ba dang / 'du shes dang / 'du byed rnams dang / gal te rnam par shes pa la gnas na// rnam par shes pa mngon par 'du byed pa la spyod kyi/ shes rab kyi pha rol tu phyin pa la spyod pa ma lags so// de ci'i slad du zhe na/ 'du byed rnams la spyod na/ shes rab kyi pha rol tu phyin pa la yongs su 'dzin pa ma lags/ shes rab kyi pha rol tu phyin pa la brtson par bgyid pa ma lags so// shes rab kyi pha rol tu phyin pa yongs su rdzogs par ma gyur na/ yongs su mi bzung ba dang / yongs su bzung bas thams cad mkhyen pa nyid la nges par 'byung bar mi 'gyur ro// de ci'i slad du zhe na/ shes rab kyi pha rol tu phyin pa las gzugs yongs su bzung ba ma mchis so// de bzhin du shes rab kyi pha rol tu phyin pa la tshor ba dang / 'du shes dang / 'du byed rnams dang /
- 10a
rnam par shes pa yongs su gzung ba ma mchis so// gzugs yongs su bzung ba ma mchis so// gzugs yongs su bzung ba ma mchis pa gang lags pa de ni gzugs pa lags/ tshor ba dang / 'du shes dang / 'du byed rnams dang / rnam par shes pa yongs su bzung ba ma mchis pa gang lags pa de ni/ rnam par shes pa ma lags te/ shes rab kyi pha rol tu phyin pa de yongs su bzung ba ma mchis so// de bzhin du byang chub sems dpa' sems dpa' chen pos/ shes rab kyi pha rol tu phyin pa 'di la spyad par bgyi'o// 'di yang byang chub sems dpa' sems dpa' chen po'i chos thams cad yongs su bzung ba ma mchis pa zhes bgyi ba'i ting nge 'dzin te/ yangs pa mdun du ma bgyis pa/ tshad ma nges pa/ nyan thos dang / rang sangs rgyas thams cad dang thun mongs ma lags pa'o// thams cad mkhyen pa nyid de yang yongs su bzung ba ma mchis te/ mtshan mar bzung ba ma lags so// gal te mtshan mar bzung bar gyur na/ kun du rgyu sde can 'di la dad par mi 'gyur ba zhig na/ kun du rgyu bzo spyang thams cad mkhyen pa'i ye shes 'di la mos nas/ dad pas rjes su yid rangs shing phyogs cig pa'i ye shes kyis zhugs so// de zhags nas kyang gzugs yongs su mi 'dzin te/ de bzhin du tshor ba ma lags/ 'du shes la ma lags/ 'du byed rnams la ma lags/ rnam par shes pa yongs su mi 'dzin to// de la shes pa dga' ba dang / bde bar yang dag par rjes su mi mthong / shes pa de gzugs kyi nang na yang dag
- 10b
par rjes su mi mthong / shes pa de gzugs kyi phyi rol na yang dag par rjes su mi mthong // shes pa de gzugs kyi nang dang phyi rol na yang yang dag par rjes su mi mthong / shes pa de de gzugs las gzhan la yang yang dag par rjes su mi mthong / de bzhin du shes pa de tshor ba dang / 'du shes dang / 'du byed rnams kyi nang dang / rnam par shes pa'i nang na yang yang dag par rjes su mi mthong / shes pa de rnam par shes pa'i phyi rol na yang yang dag par rjes su mi mthong / shes pa de rnam par shes pa las gzhan na yang yang dag par rjes su mi mthong ste/ tshig gi rnam grangs 'di las kun du rgyu bzo sbyang mos so// de thams cad mkhyen pa'i ye shes 'di la thams cad du dad pas rjes su 'brang zhing / chos nyid tshad mar bgyid de mos pa zhes bgyi'o// des chos gang yang yongs su ma bzung ngo // gang bzung ba 'am/ gtang bar bgyi ba'i chos de gang yang mi dmigs so// / de mya ngan las 'das par yang rlom sems su mi bgyid de/ bcom ldan 'das 'di yang byang chub sems dpa' sems dpa' chen po'i shes rab kyi pha rol tu phyin par rig par bgyi'o// gzugs gang lags pa yang yongs su mi 'dzin/ de bzhin du tshor ba dang / 'du shes dang / 'du byed rnams gang lags pa dang / rnam par shes pa gang lags pa yang yongs su mi 'dzin la/ de bzhin gshegs pa'i stobs bcu dang / de bzhin gshegs pa'i mi 'jigs pa bzhi dang / sangs rgyas kyi chos ma 'dres pa bco
- 11a
brgyad rnams yongs su ma rdzogs par/ bar ma dor yongasu mya ngan las mi mnga' ste/ bcom ldan 'das 'di yang byang chub sems dpa' sems dpa' chen po'i shes rab kyi pha rol tu phyin par rig par bgyi'o// gzhan yang bcom ldan 'das byang chub sems dpa' sems dpa' chen po// shes rab kyi pha rol tu phyin pa la spyod cing / shes rab kyi pha rol tu phyin pa la bsgoms pas 'di ltar brtag cing 'di ltar bsams te/ shes rab kyi pha rol tu phyin pa 'di gang gi yin/ ci chos gang med pa dang / mi dmigs pa de shes rab kyi pha rol tu phyin pa yin nam zhes/ gal te de ltar brtags/ de ltar bsams nas/ ma zhum/ ma gong / yid mi gsod/ yi gsod par mi bgyid/ de'i yid phyir phyogs par mi bgyid/ mi skrag mi dngang / dngang par mi 'gyur na/ byang chub sems dpa' sems dpa' chen po shes rab kyi pha rol tu phyin pa dang ma bral bar rig par bgyi'o// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang pa rab 'byor 'di ltar gzugs nyid gzugs kyi ngo bo nyid dang bral ba/ de bzhin du 'di ltar tshor ba dang / 'du shes dang / 'du byed rnams dang / de bzhin du 'di ltar rnam par shes pa yang rnam par shes pa'i ngo bo nyid dang bral ba/ shes rab kyi pha rol tu phyin pa nyid kyang / shes rab kyi pha rol tu phyin pa'i ngo bo nyid dang bral ba/ thams cad mkhyen pa nyid kyang thams cad
- 11b
mkhyen pa'i ngo bo nyid dang bral ba yin na/ ci'i phyir byang chub sems dpa' sems dpa' chen pos/ shes rab kyi pha rol tu phyin pa dang ma bral bar rig par bya/ de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu de de bzhin no// de de bzhin te/ sha ri'i bu gzugs nyid gzugs nyid kyi ngo bo nyid dang bral ba/ de bzhin du tshor ba dang / 'du shes dang / 'du byed rnams dang / de bzhin du rnam par shes pa nyid kyang tshe dang ldan pa sha ri'i bu/ rnam par shes pa'i ngo bo nyid dang bral ba'o// tshe dang ldan pa sha ri'i bu shes rab kyi pha rol tu phyin pa nyid kyang / shes rab kyi pha rol tu phyin pa'i ngo bo nyid dang bral ba'o// tshe dang ldan pa sha ri'i bu thams cad mkhyen pa'i ngo bo nyid kyang thams cad mkhyen pa'i ngo bo nyid dang bral ba'o// shes rab kyi pha rol tu phyin pa yang rang gi mtshan nyid dang bral ba'o// mtshan nyid kyang mtshan nyid kyi ngo bo nyid dang bral ba'o// mtshan nyid kyi gzhi yang mtshan nyid kyi gzhi'i ngo bo nyid dang bral ba'o// ngo bo nyid kyang ngo bo nyid kyis mtshan nyid dang bral ba'o// de skad ces smras pa dang / tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor ci byang chub sems dpa' sems dpa' chen po 'di la slob par 'gyur ba de/ thams cad mkhyen pa nyid la nges par 'byung bar 'gyur ram/ rab 'byor gyis smras pa/ tshe dang ldan pa sha ri'i bu de bzhin no// de de bzhin te/ byang chub
- 12a
sems dpa' sems dpa' chen po 'di la slob par 'gyur ba de/ thams cad mkhyen pa nyid la nges par 'byung bar 'gyur ro// de ci'i phyir zhe na/ tshe dang ldan pa sha ri'i bu chos thams cad ni ma byung ma skyes pa ste/ de ltar spyod na tshe dang ldan pa sha ri'i bu/ byang chub sems dpa' sems dpa' chen po thams cad mkhyen pa nyid la nye ba yin no// yang tshe dang ldan pa sha ri'i bus de ltar byang chub sems dpa' sems dpa' chen po shes rab kyi pha rol tu phyin pa la spyod na/ thams cad mkhyen pa nyid la nye ba yin// / gzhan yang tshe dang ldan pa rab 'byor gyis byang chub sems dpa' sems dpa' chen po la brtsams te/ 'di skad ces gsol to// gal te gzugs la spyod na mtshan ma la spyod do// gal te gzugs mtshan ma med pa'o snyam du spyod na/ mtshan ma la sbyong ngo // gal te gzugs 'byung ba la spyod na/ mtshan ma la spyod do// gal te gzugs 'gag pa la spyod na mtshan ma la spyod do// gal te gzugs 'jigs pa la spyod na mtshan ma la spyod do// gal te gzugs stong pa'o snyam du mi byed na// mtshan ma la spyod do// bdag spyod do snyam du spyod na mtshan ma la spyod do// bdag byang chub sems dpa'o snyam du spyod na/ dmigs pa la spyod do// de bzhin du gal te tshor ba dang / 'du shes dang / 'du byed rnams dang / gal te rnam par shes pa la spyod na mtshan ma la spyod do// gal te rnam par shes pa mtshan ma med pa'o snyam du spyod na mtshan ma la spyod do// gal te rnam par shes pa 'byung ba la/
- 12b
spyod na mtshan ma la spyod do// gal te rnam par shes pa 'gag pa la spyod na mtshan ma la spyod do// gal te rnam par shes pa 'jigs pa la spyod na mtshan ma la spyod do// gal te rnam par shes pa stong pa'o snyam du spyod na mtshan ma la spyod do// bdag spyod do snyam na mtshan ma la spyod do// bdag byang chub sems dpa'o snyam na dmigs pa la spyod do// gal te 'di snyam du gang de ltar spyod pa de/ shes rab kyi pha rol phyin pa la spyod do snyam du sems na mtshan ma la spyod do// byang chub sems dpa' 'di ni thabs la mi mkhas par rnyig bya'o// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' sems dpa' chen po ji ltar spyad na/ shes rab kyi pha rol tu phyin pa la spyod pa yin/ de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// gal te gzug la mi spyod/ gzugs kyi tshan ma la mi spyod/ gzugs mtshan ma med pa'o snyam du mi spyod/ gzugs 'byung ba la mi spyod/ gzugs 'gags pa la mi spyod / gzugs 'jigs pa la mi spyod/ gzugs stong pa'o snyam du mi spyod/ de bzhin du gal te tshor ba la ma yin/ 'du shes la ma yin/ 'du byed rnams la ma yin/ gal te rnam par shes pa la mi spyod/ rnam par shes pa'i mtshan ma la mi spyod/ rnam par shes pa'i mtshan ma med pa'o snyam du mi spyod/ rnam par shes pa 'byung ba la mi spyod/
- 13a
rnam par shes pa 'gag pa la mi spyod/ rnam par shes pa 'jigs pa la mi spyod/ rnam par shes pa stong pa'o snyam du mi spyod de/ byang chub sems dpa' sems dpa' chen po de ltar spyod na/ shes rab kyi pha rol tu phyin pa la spyod do// de spyod kyang spyod do snyam du nye bar mi 'gro/ mi spyod do snyam du nye bar mi 'gro/ spyod kyang spyod la mi spyod kyang mi spyod do snyam du myi 'gro/ spyod pa nyid kyang ma yin la/ mi spyod pa nyid kyang ma yin pa snyam du nye bar mi 'gro/ spyod par bya'o snyam du yang nye bar mi 'gro/ spyod par mi bya'o snyam du yang nye bar mi 'gro/ spyad par yang bya la mi spyad par yang bya'o snyam du nye bar mi 'gro/ spyad par bya ba nyid kyang ma yin la/ mi spyad par bya ba yang ma yin pa snyam du nye bar mi 'gro'o// de ci'i phyir zhe na/ chos thams cad ni rjes su nye bar ma song ba/ ma blangs pa ste/ 'di ni byang chub sems dpa' sems dpa' chen po'i ting nge 'dzin chos thams cad len pa med pa zhes bya ste/ yangs pa mdun du ma byas pa/ tshad ma nges pa/ nyan thos dang rang sangs rgyas thams cad dang thun mongs ma yin pa ste/ ting nge 'dzin 'di la gnas na/ byang chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya'o// sangs rgyas/ kyi mthus gnas brtan tshe dang ldan pa rab 'byor gyis 'di skad ces gsol to// bcom ldan 'das gang ting nge 'dzin 'di la spyod pa'i byang chub sems dpa' sems dpa' chen po'i
- 13b
sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan te/ de ni ting nge 'dzin de yang dag par rjes su mi mthong / ting nge 'dzin des rlom sems su mi bgyid/ bdag ni mnyam par bzhag pa ste/ bdag ting nge 'dzin la snyoms par 'jug go/ bdag ting nge 'dzin la snyam par gzhag go// bdag ting nge 'dzin la snyoms par zhugs pa'o snyam pa de lta de la/ thams cad du thams cad rnam pa thams cad kyi thams cad du ma mchis so// de skad ces gsol pa dang / tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor ting nge 'dzin gang la gnas na/ byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu/ lung bstan pa'i ting nge 'dzin de bstan du rung ngam/ rab 'byor gyis smras pa/ tshe dang ldan pa sha ri'i bu de lta ma yin no// de ci'i phyir zhe na/ rigs kyi bu ting nge 'dzin de la yang mi shes/ yang dag par mi shes so// sha ri'i bus smras pa/ tshe dang ldan pa rab 'byor mi shes yang dag par mi shes zhes zer ram/ rab 'byor gyis smras pa/ tshe dang ldan pa sha ri'i bu mi shes yang dag par mi shes zhes zer ro// de ci'i phyir zhe na/ ting nge 'dzin de med pas na/ mi shes yang dag par mi shes so// ting nge 'dzin de yang mi shes/
- 14a
yang dag par mi shes so// de nas bcom ldan 'das kyis tshe dang ldan pa rab 'byor la legs so zhes bya ba byin te/ 'di ltar khyod sangs rgyas kyi mthus spobs pa dang / sangs rgyas kyi byin gyis brlabs kyis ston pa le gso legs so// de de bzhin no// de de bzhin te/ byang chub sems dpa' sems dpa' chen pos de bzhin du 'di la slab par bya'o// de ci'i phyir zhe na/ byang chub sems dpa' sems dpa' chen po de ltar slobs na/ shes rab kyi pha rol tu phyin pa la slob po// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po de ltar slob na/ shes rab kyi pha rol tu phyin pa la slob pa lags sam/ bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu byang chub sems dpa' sems dpa' chen po de ltar slob na/ shes rab kyi pha rol tu phyin pa la slob pa yin no// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' de ltar slob pa chos gang la slob/ bcom ldan 'das kyis bka' stsal pa/ sha ri'i bu byang chub sems dpa' de ltar slob pa ni/ chos gang la yang mi slob po// de ci'i phyir zhe na/ sha ri'i bu chos de dag ni ji ltar byis pa so so'i skye bo ji ltar mngon par zhan pa de bzhin du yod pa ma yin no// sha ri'i
- 14b
dus gsol pa/ bcom ldan 'das 'on dang lta bur mchis sha ri'i bu ji ltar yod pa de bzhin te/ de ltar med pa de'i phyir ma rig pa zhes bya'o// de dag la byis pa so so'i sbyoro thos pa dang mi ldan pa rnams mngon par zhen te/ de dag gis chos thams cad med pa la btags so// de dag gis rtags nas mtha' gnyis la zhes pas chos de dag mi mthong mi shes te/ de'i phyir chos thams cad la rtog go// rtags nas mtha' gnyis la mngon par zhen te/ de'i gnyis dmigs pa gnas nas/ 'das pa'i chos la rtog go// ma 'ong pa'i chos la rtog go// da ltar byung ba'i chos la rtog go// de dag gis rtags nas ming dang gzugs la mngon par zhen pa de dag gis/ med pa'i chos de dag thas cad la rtag so// de dag gis med pa'i chos de dag thams cad la rtags pas/ lam yang dag pa ji lta ba bzhin du ma shes ma mthong bas khams gsum na nges par mi 'byung ngo // yang dag pa'i mtha' khong du ma chud de/ de'i phyir de dag la byis pa zhes bya ba'i grangs su 'gro'o// de dag chos bden pa la yid mi ches so// yang sha ri'i bu byang chub sems dpa' sems dpa' chen po rnam ni/ chos gang sa yang mngon par zhen par mi byed do// de skad ces paka'aphrul ba dang bcom ldan 'das la ched brjen pag ri'i thas 'di skad ces gsor to// bcom ldan 'das byang chub sems dpa' sems dpa' chen po dalar thothon/ thams cad mkhyen pa nyid la slob bo// bcom ldan 'das kyi
- 15a
bka' stsal pa/ shA ri'i bu byang chub sems dpa' sems dpa' chen po de ltar slob na/ thams cad mkhyen pa nyid la yang mi slob ste/ sha ri'i bu byang chub sems dpa' sems dpa' chen po de ltar slob na/ chos thams cad la slob po// sha ri'i bu byang chub sems dpa' sems dpa' chen po de ltar slob na thams cad mkhyen pa nyid la slob/ thams cad mkhyen pa nyid la nye ba yin/ thams cad mkhyen pa nyid du nges par 'byung bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das gang zhig 'di skad du/ ci'i sgyu ma'i skyes bu 'di thams cad mkhyen pa nyid la slob par 'gyur ram/ thams cad mkhyen pa nyid la nye ba yin nam/ thams cad mkhyen pa nyid la nges par 'gyur ram/ zhes de skad du 'dri na/ bcom ldan 'das de la ji skad du bstan par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de bas na khyod nyid la dri ba byas/ khyod kyis ci nus pa de bzhin du ston cig ces bka' sprul pa dang / bcom ldan 'das la legs so zhes gsol nas/ tshe dang ldan pa rab 'byor gyis bcom ldan 'das kyis ltar mnyan pa dang / bcom ldan 'das kyis 'di skad/ ces bka' stsal to// rab 'byor 'di ji snyam du sems/ sgyu ma de gzhan la gzugs de gzhan nam/ sgyu ma de gzhan la tshor ba dang / 'du shes dang / 'du byed de dag gzhan nam/
- 15b
/ sgyum de gzhan la rnam par shes pa de gzhan nam/ rab 'byor gyis gsol pa/ bcom ldan 'das sgyu ma de gzhan la gzugs de gzhan ma lags te/ bcom ldan 'das gzugs/ nyid kyang sgyum lags so// sgyu ma nyid kyang gzugs lag so// bcom ldan 'das sgyu ma de gzhan la// tshor ba dang / 'du shes dang / 'du byed de dag gzhan ma lags/ bcom ldan 'das sgyu ma de gzhan la rnam par shes pa de gzhan ma lags te/ rnam par shes pa nyid sgyu ma lag so// sgyu ma nyid rnam par shes pa lag so// bcom ldan 'das kyis bka' stsal pa/ rab 'byor 'di ji snyam du sems/ de la len pa'i phung po lnga la byang chub sems dpa' zhes bya ba 'di ni/ 'du shes kun shes pa btags pa tha snyad yin no// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pa la slob pa de/ sgyu ma'i skyes bu ltar bla na med pa yang dag par rdzogs pa'i byang chub la slab par bgyi'o// de ci'i slad du zhe na/ bcom ldan 'das 'di lta ste/ phung po lnga po de nyid sgyu ma'i skyes bur gzung bar bgyi'o// de ci'i slad du zhe na/ 'di ltar bcom ldan 'das kyis ni sgyu ma lta bur gsungs te/ gzugs gang lags pa de yang dag po drug dang / phung po lnga po de dag lags te/ de bzhin du tshor ba dang / 'du shes dang / 'du byed rnams dang / sgyu ma lta bu'o// de bzhin du rnam par shes pa yang sgyu ma lta bu'o// /
- 16a
zhes bcom ldan 'das kyis gsungs na/ bcom ldan 'das rnam par shes pa de yang dbang po drug dang / phung po lnga po de dag lags na/ theg pa la/ gsar du zhugs pa'i byang chub sems dpa' sems dpa' chen po rnams bstan pa 'di thos nas/ skrag cing dngang ba dang / shin du dngang bar mi 'gyur ram/ bcom ldan 'das kyis bka' stsal pa/ rab 'byor theg pa la gsar du zhugs pa'i byang chub sems dpa' sems dpa' chen po rnams sdig pa'i grogs po'i lag tu song bar 'gyur na ni/ skrag cing dngangs pa dang / shin du dngangs par 'gyur ro// rab 'byor gal te byang chub sems dpa' sems dpa' chen po dge ba'i bshes gnyen gyi lag tu song bar gyur na ni/ mi skrag mi dngangs/ shin du dngangs par mi 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po'i dge ba'i bshes gnyen gang rnams lags par bgyi/ bcom ldan 'das kyis bka' stsal pa/ gang de pha rol tu phyin pa rnam ston cing 'doms pa dang / gang de la bdud kyi nyes pa ni 'di lta bur rig par bya/ bdud kyi nyes pa 'di ni 'di dag yin/ bdud kyi las ni 'di dag yin par rig par bya/ bdud kyi las ni 'di dag rtogs nas spangs par bya'o// zhes bdud kyi las ston pa 'di dag ni/ rab 'byor byang chub sems dpa' sems dpa' chen po'i go cha chen po bgos/
- 16b
pa theg pa chen po la yang dag par zhugs pa'i dge ba'i bshes gnyen rnams su rig par bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis 'di skad du/ 'di dag ni byang chub sems dpa' sems dpa' chen po dge ba'i bshes gnyen du rig par bya'o// / zhes bka' stsal pa dang / bcom ldan 'das byang chub sems dpa' sems dpa' chen po zhes bgyi ba 'di/ byang chub sems dpa'i tshig gi don gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po ni chos thams cad chags pa med pa la slob po// rab 'byor byang chub sems dpa' sems dpa' chen po ni/ chos thams cad ma chags pa khong du chud par bya ba'i phyir/ bla na med pa yang dag par rdzogs pa'i byang chub mngon par rdzogs par 'tshang rgya ste/ rab 'byor byang chub kyi don gyi byang chub sems dpa' sems dpa' chen po zhes bya'o// rab 'byor gyis gsol pa/ bcom ldan 'das kyis 'di skad du/ byang chub sems dpa' sems dpa' chen po zhes bka' stsal pa/ bcom ldan 'das ci'i slad du/ byang chub sems dpa' sems dpa' chen po zhes bgyi/ bcom ldan 'das kyis bka' stsal pa/ sems can gyi phung po chen po dang / sems can gyi rigs chen po'i gtso bo byed par gyur pas na/ de'i phyir
- 18a
byang chub sems dpa' sems dpa' chen po zhes bya'o// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das bdag kyang don gang gi slad du/ byang chub sems dpa' sems dpa' chen po zhes bgyi bar spobs so// bcom ldan 'das kyis bka' stsal pa/ sha ri'i bu da de'i dus la bab par shes na spobs par byos shig/ sha ri'i bus gsol pa/ bdag tu lta ba dang / sems can du lta ba dang / srog tu lta ba dang / gang zag tu lta ba dang / 'byung bar lta ba dang / 'jig par lta ba dang / chad par lta ba dang / rtag par lta ba dang / rang gi lus la lta ba chen po 'di lta bu la sogs pa'i lta ba de dag spang ba'i slad du/ chos bstan to snyam pas na/ don de'i slad du/ byang chub sems dpa' sems dpa' chen po zhes bgyi'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag kyang don gang gi slad du/ byang chub sems dpa' sems dpa' chen po zhes bgyi bar spobs so// bcom ldan 'das kyis bka' stsal pa/ rab 'byor de'i dus la bab par shes na spobs par gyis shig/ rab 'byor gyis gsol pa/ bcom ldan 'das byang chub sems dpa' sems dpa' chen po zhes bgyi ba ni/ bcom ldan 'das gang byang chub sems de yang thams cad mkhyen pa'i sems zag pa med pa'i sems nyan thos dang / rang sangs rgyas
- 18b
thams cad dang thun mongs ma lags pa'i sems/ mi mnyam pa dang mnyam pa'i sems/ sems de yang ma chags/ yongs su mazin to// de'i ci'i slad du zhe na/ 'di ltar thams cad mkhyen pa'i sems de ni zag pa ma mchis pa/ yongs su ma zin pa'o// thams cad mkhyen pa'i sems de yang zag pa ma mchis shing yongs su ma zin te/ sems de la yang ma chags shing yongs su ma zin pas/ de'i slad du byang chub sems dpa' sems dpa' chen po zhes bgyi ba'i grangs su mchi'o// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor ci'i phyir sems de la ma chags shing yongs su ma zin to// rab 'byor gyis smras pa/ tshe dang ldan pa sha ri'i bu sems med pa'i phyir/ sems de la yang ma chags shing yongs su ma zin to// sha ri'i bus sbas pa/ tshe dang ldan pa rab 'byor ci sems med pa'i sems de yod dam/ rab 'byor gyis smras pa/ tshe dang ldan pa sha ri'i bu ci sems med pa de la yod pa 'am/ med pa zhes bya ba yod dam/ dmigs sam/ sha ri'i bus smras pa/ tshe dang ldan pa rab 'byor de lta ma yin no// rab 'byor gyis smras pa/ tshe dang ldan pa sha ri'i bu gal te sems med pa de la yod pa 'am/ med pa med cing mi dmigs na/ tshe dang ldan pa sha ri'i bu ci'i phyir de skad du/ sems gang med pa'i sems de yod dam/ zhes zer/ sha ri'i bus smras pa/ tshe dang
- 19a
ldan pa rab 'byor ji ltar khyod/ bcom ldan 'das kyis nyon mongs pa med pa la gnas pa'i mchog tu gsungs pa ltar ston pa leg so leg so// de nas bcom ldan 'das la byams ma'i bu gang pos 'di skad ces gsol to// bcom ldan 'das byang chub sems dpa' sems dpa' chen po zhes bgyi ba ni/ sems pa de go cha chen po bgos pa/ sems pa de theg pa chen po la yang dag par 'tshal ba lags pas na/ de'i slad du byang chub sems dpa' sems dpa' chen po zhes bgyi ba'i grangs su mchi'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das go cha chen po bgos pa/ go cha chen po bgos pa zhes bgyi ba bcom ldan 'das ji tsam gyis na/ byang chub sems dpa' sems dpa' chen po go cha chen po bgos pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'di snyam du bdag gis sems can dpag tu med pa yongs su mya ngan las zla'o// bdag gis sems can grangs med pa yongs su mya ngan las zla'o// sems can de dag de snyed cig yongs su mya ngan las 'das kyang / gang yang yongs su mya ngan las 'das pa'i sems can gang yang med do snyam du sems so// de ci'i phyir zhe na/ rab 'byor chos rnams kyi chos nyid de yin te/ rab 'byor dper na/ sgyu ma mkhan mkhas pa'am/ sgyu ma mkhan mkhas pa'i
- 19b
slob ma chen pa'i bzhi mdor skye ba'i tshogs chen po mngon par sprul nas/ mngon par sprul te/ skye bo'i tshogs chen po de mi snang bar byas na/ rab 'byor 'di ji snyam du/ sems/ de la chos gang yang bsad pa 'am/ shi ba 'am/ bshig pa 'am/ mi snang bar gyur pa yod dam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de de bzhin te/ sems can dpag tu med pa/ grangs med pa/ gzhal du med pa rnams yongasu mya ngan las bzlas kyang / chos gang la yang yongs su mya ngan las zlas pa'i chos gang yang med do// gal te byang chub sems dpa' sems dpa' chen po bstan pa 'di lta bur bstan pa 'di thos nas/ mi skrag mi dngangs/ shin du dngas par mi 'gyur na/ byang chub sems dpa' sems dpa' chen po de/ go cha chen po bgos par rig par bya'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gsungs pa'i don bdag gis 'tshal te/ bcom ldan 'das byang chub sems dpa' sems dpa' chen po de ni/ go cha ma mchis par bgos par rig par bgyi'o// bcom ldan 'das kyis bka' stsal pa/ rab 'byor de de bzhin no// de de bzhin te/ byang chub sems dpa' sems dpa' chen po de ni/ go cha chen po bgos pa med par rig par bya'o// de ci'i phyir zhe na/
- 20a
rab 'byor thams cad mkhyen pa nyid ni ma byas pa/ mngon par 'dus ma byas pa'o// sems can gang dag gi gong du go cha bgos pa'i sems can de dag kyang ma byas pa/ mngon par 'dus ma byas pa'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de de bzhin no// bde bar gshegs pa de de bzhin te/ de ci'i slad du zhe na/ bcom ldan 'das 'di ltar gzugs ni ma bcing ma grol ba'o// de bzhin du tshor ba dang / 'du shes dang / 'du byed rnams dang / bcom ldan 'das 'di ltar rnam par shes pa yang ma bcing ma grol ba'o// bcom ldan 'das gzugs kyi de bzhin nyid kyang ma bcing ma grol ba'o// de bzhin du bcom ldan 'das tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid kyang ma bcing ma grol ba'o// de nas tshe dang ldan pa byams ma'i bu gang pos tshe dang ldan pa rab 'byor la 'di skad ces smras so// tshe dang ldan pa rab 'byor gzugs ma bcing ma grol ba zhes zer/ tshe dang ldan pa rab 'byor de bzhin du tshor ba dang / 'du shes dang / 'du byed rnams dang / rnam par shes pa ma bcing ma grol ba zhes zer/ tshe dang ldan pa rab 'byor gzugs kyi de bzhin nyid ma bcing ma grol ba zhes zer/ tshe dang ldan pa rab
- 20b
'byor de bzhin du tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid dang / rnam par shes pa'i de bzhin nyid kyang ma bcings ma grol ba zhes zer na/ tshe dang ldan pa rab 'byor gzugs ma bcing ma grol ba zhes zer ba'i gzugs de gang yin/ tshe dang ldan pa rab 'byor tshe ba dang / 'du shes dang / 'du byed rnams gang yin/ rnam par shes pa gang ma bcing ma grol ba'i rnam par shes pa gang yin/ tshe dang ldan pa rab 'byor gzugs kyi de bzhin nyid ma bcing ma grol ba zhes zer ba'i gzugs kyi bzhin nyid de gang yin/ tshe dang ldan pa rab 'byor tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid gang yin/ tshe dang ldan pa rab 'byor rnam par shes pa'i de bzhin nyid ma bcing ma grol ba zhes zer ba'i rnam par shes pa'i de bzhin nyid de gang yin/ de skad ces smras pa dang / tshe dang ldan pa rab 'byor gyis tshe dang ldan pa byams ma'i bu gang po la 'di skad ces smras so// tshe dang ldan pa gab po sgyu ma'i skyes bu'i gzugs de gang yin pa de ni ma bcing ma grol ba'o// tshe dang ldan pa gang po sgyu ma'i skyes bu'i tshor ba dang / 'du shes dang / 'du byed rnams gang yin pa dang / sgyu ma'i skyes bu'i rnam par shes pa gang yin pa de ni ma bcing ma grol ba'o// tshe dang ldan pa gang po sgyu ma'i skyes bu'i gzugs kyi de bzhin nyid ni ma bcing ma grol ba'o// sgyu ma'i skyes bu'i tshor ba'i
- 21a
de bzhin nyid dang / 'du shes kyi de bzhin nyid rang 'du byed kyi de bzhin nyid gang yin pa dang / tshe dang ldan pa gang po rnam par shes pa'i de bzhin/ nyid gang yin pa de ni ma bcing ma grol ba'o// de ci'i phyir zhe na/ yang dag pa ma yin pas na ma bcing ma grol ba'o// dben pas na ma bcing ma grol ba'o// ma skyes ma bcing ma grol ba ste/ 'di ni byang chub sems dpa' sems dpa' chen po la yang dag par zhugs pa'i go cha chen po'i go cha med pa'o// de skad ces smras pa dang / tshe dang ldan pa byams ma'i bu gang po cang mi smra bar gyur to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das ji ltar na byang chub sems dpa' sems dpa' chen po// go cha chen po bgos pas theg chen po la yang dag par zhugs shing / theg pa chen po la yang dag par zhugs/ bar 'tshal ba lags/ theg pa chen po la yang dag par zhugs pa/ theg pa chen po de gang de gang du gnas par 'gyur/ theg pa chen po de gang nas nges par 'byung bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor theg pa chen po zhes bya ba 'di ni dpag tu med pa'i tshig bla dgas so// rab 'byor dpag tu med pa zhes bya ba 'di ni gzhal du med pa'i phyir ro// rab 'byor 'di skad du theg pa chen po gang na nges par 'byung bar
- 21b
'gyur zhes zer ba ni/ khams gsum nas nges par 'byung ste/ sgrib pa med pa ga la ba der yang dag par zhugs shing / thams cad mkhyen pa nyid la gnas par 'gyur te/ theg pa chen po gang yang nges par 'byung / nges par mi 'byung nges par 'byung bar mi 'gyur ro// de ci'i phyir zhe na/ gang nges par 'byung ba dang / gang gis nges par 'byung ba'i chos de gnyi ka yang med cing mi dmigs te/ de ltar na chos rnams med cing mi dmigs la/ chos gang zhig chos gang gis nges par 'byung bar 'gyur/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das theg pa chen po zhes bgyi ba ni/ lha dang mi dang / lha ma yin dang / dri zar bcas pa'i 'jig rten zil gyis mnan nas/ nges par 'byung bar 'gyur ro// na mkha' yas pa na theg pa chen po ste/ ji ltar na mkha' la sems can grangs ma mchis dpag tu ma mchis pa'i go skabs ma mchis pa de bzhin du/ bcom ldan 'das theg pa chen po la yang sems can grangs ma mchis dpag tu ma mchis pa'i go skabs ma mchis te/ bcom ldan 'das rnam grangs 'dis na/ 'di ni byang chub sems dpa' sems dpa' chen po rnams kyi theg pa chen po'o// 'di la 'ong ba yang mi gda'/ 'di la nges par 'byung bar 'gyur ba yang mi gda'/ de la gnas kyang ma mchiso// /
- 22a
bcom ldan 'das de ltar theg pa chen po la sngon gyi mtha' mi dmigs/ phyi mi'i mtha' mi dmigs/ dbus kyang mi dmigs te/ bcom ldan/ 'das theg pa de ni dus gsum mnyam pa'o// de bas na theg pa chen po theg pa chen po zhes bgyi'o// de nas bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor leg so legs so// de de bzhin no// de de bzhin te/ 'di ni byang chub sems dpa' sems dpa' chen po rnams kyi theg pa chen po yin no// / de nas bcom ldan 'das la byams ma'i bu gang pos 'di skad ces gsol to// bcom ldan 'das gnas brtan rab 'byor 'di la shes rab kyi pha rol tu phyin pa'i slad du// gsol ba btab pas 'di yang theg pa chen pos bshad par sems so// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag ni shes rab kyi pha rol tu phyin pa dang 'gal bar theg pa chen po ston par ma gyur lags grang / bcom ldan 'das kyis bka' stsal pa/ rab 'byor de lta ma yin te/ rab 'byor de dag ni shes rab kyi pha rol tu phyin pa la theg pa chen po rjes su mthun par ston to// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// yang bcom ldan 'das byang chub sems dpa' sngon gyi mthar yang nye bar mi mchi/ byang chub sems dpa' phyi ma'i mthar yang nye
- 22b
bar mi mchi/ byang chub sems dpa' dbus su yang nye bar mi mchi/ de ci'i phyir zhe na/ nye bar mi mchi zhes bgyi ba ni/ gzugs mu ma mchis pas na/ byang chub sems dpa'/ yang mu ma mchis par rig par bgyi'o// de bzhin du tshor ba dang / 'du shes dang / 'du byed rnams dang / rnam par shes pa mu ma mchis pas na/ byang chub sems dpa' yang mu ma mchis par rig par bgyi'o// gzugs byang chub sems dpa'o zhes nye bar mi mchi ste/ 'di'ang ma mchis mi dmigs so// de bzhin du tshor ba dang / 'du shes dang / 'du byed rnams rnam par shes pa byang chub sems dpa'o zhes nye bar mi mchi ste/ de yang ma mchis mi dmigs so// bcom ldan 'das byang chub sems dpa' thams na du thams cad/ rnam pa thams cad kyi thams cad mi dmigs pas/ bcom ldan 'das 'di ltar byang chub sems dpa' sems dpa' chen po zhes bgyi ba'i chos de yang dag par rjes su mi mthong ngo // shes rab kyi pha rol tu phyin pa yang dag par rjes su mi dmig so// thams cad mkhyen pa nyid kyang yang dag par rjes su mi mthong mi dmigs te/ bcom ldan 'das bdag gis chos de thams cad du thams cad/ rnam pa thams cad kyi thams cad yang dag par rjes su mi mthong zhing mi dmigs na/ chos gang zhig chos gang gis chos gang gdams shing bstan par bgyi/ bcom ldan 'das sangs rgyas zhes bgyi ba ni ming tsam mo// bcom ldan 'das byang chub sems dpa' zhes bgyi
- 23a
pa 'di yang ming tsam mo// shes rab kyi pha rol tu phyin pa zhes bgyi ba 'di yang ming tsam ste/ ji ltar bdag ces bgyi ba 'di dag shin du mngon par ma grub pa de bzhin du/ chos rnams ngo bo nyid ma mchis pa la gang gzugs ma mchis/ mngon par ma grub pa'i gzugs de gang lags/ tshor ba dang / 'du shes dang / 'du byed rnams de dag gang lags shing gzung du ma mchis/ mngon par ma grub pa'i rnam par shes pa de gang lags/ de ltar chos de dag gi ngo bo nyid ma mchis pa de ni mngon par ma grub pa'o// gang chos rnams kyi mngon par ma grub pa de ni chos ma lags na ci shes rab kyi pha rol tu phyin pa la mngon par ma grub pas// mngon par ma grub pa gdams shing bstan par bgyi 'am/ bcom ldan 'das mngon par ma grub pa las gud na chos thams cad dam/ byang chub sems dpa'i chos sam/ byang chub tu spyod pa yang mi dmigs so// gal te de ltar bshad cing snyan pa la/ byang chub sems dpa' sems dpa' chen po'i sems mi zhum mi 'gong // yi mi gsod/ yi gsod par mi bgyid/ de'i yid phyir phyogs par mi bgyid/ mi skrag/ mi dngangs/ shin du dngangs par mi 'gyur na/ byang chub sems dpa' sems dpa' chen po 'di ni shes rab kyi pha rol tu phyin pa la spyod pa'o// byang chub sems dpa' sems dpa' chen po 'di ni shes rab kyi pha rol tu phyin pa la bsgom pa'o// zhes de ltar rig
- 23b
par bgyi'o// de ci'i slad du zhe na/ bcom ldan 'das gang gi tshe/ byang chub sems dpa' sems dpa' chen po shes rab kyi pha rol tu phyin pa la chos 'di dag rab tu rnam par rtog pa de'i tshe gzugs nye bar mi 'gro/ gzugs la nye bar mi rig/ gzugs 'gag par yang yang dag par rjes su mi mthong // de bzhin du tshor ba dang / 'du shes dang / 'du byed rnams dang / rnam par shes pa la nye bar mi 'gro/ rnam par shes pa la nye bar mi rig/ rnam par shes pa 'gag par yang dag par rjes su mi mthong ngo // de ci'i slad du zhe na/ 'di ltar gzugs kyi 'byung ba ma mchis pa gang lags pa de ni gzugs ma lags/ gzugs kyi 'jigs pa gang lags pa de ni gzug ma lags te/ 'byung ba ma mchis pa dang / gzugs shes bgyi ba 'di ni gnyis su ma mchis shing gnyis su bgyir ma mchis so// 'jigs pa dang / gzugs shes bgyi ba 'di yang gnyis su ma mchis shing gnyis su bgyir ma mchis te/ gang yang gzugs shes bgyi ba 'di ni gnyis su ma mchis pa'i grangs su gtogs so// de bzhin du 'di ltar tshor ba dang / 'du shes dang / 'du byed rnams kyi gang lags pa dang / 'di ltar rnam par shes pa'i 'byung ba ma mchis pa gang lags pa de ni rnam par shes pa ma lags so// / rnam par shes pa'i 'jig pa gang lags pa de ni rnam par shes pa ma lags te/ 'byung ba ma mchis pa dang / rnam par shes pa zhes bzhi bgyi ba 'di yang gnyis su ma mchis
- 24a
shing gnyis su bgyir ma mchis so// 'jig pa dang / rnam par shes pa zhes bgyi ba 'di yang gnyis su ma mchis shing gnyis su bgyir ma mchis te/ gang yang 'di skad du rnam par shes pa zhes bgyi ba 'di ni gnyis su ma mchis pa'i grangs su rtog so zhes de ltar chos la yongs su rtog na/ de'i tshe gzugs la nye bar mi 'gro gzugs la nye bar mi rig/ gzugs 'gag par yang yang dag par rjes su mi mthong / de bzhin du tshor ba dang / 'du shes dang / 'du byed rnams dang / rnam par shes pa la nye bar mi 'gro// rnam par shes pa la nye bar mi rig/ rnam par shes pa 'gag par yang yang dag par rjes su mi mthong ngo // de ci'i slad du zhe na/ 'di ltar gzugs kyi 'byung ba ma mchis pa gang lags pa de ni gzugs ma lags so// gzugs kyi 'jig pa gang lags pa de ni gzugs ma lags te/ 'byung ba ma mchis pa dang gzugs shes bgyi ba 'di ni gnyis su ma mchis shing gnyis su bgyir ma mchis so// 'jig pa dang gzugs shes bgyi ba 'di ni gnyis su ma mchis shing gnyi su bgyir ma mchis te/ gang yang 'di skad du/ gzugs shes bgyi ba 'di ni gnyis su ma mchis pa'i grangs su rtog so// de bzhin du 'di ltar tshor ba dang / 'du shes dang / 'du byed rnams kyi gang lags pa dang / 'di ltar rnam par shes pa'i 'byung ba ma mchis pa gang lags pa de ni rnam par shes pa ma lags te// 'byung ba ma mchis pa dang / rnam par shes pa zhes bgyi ba 'di yang gnyis su
- 24b
ma mchis te/ gnyis su bgyir ma mchis so// 'jig pa dang rnam par shes pa zhes bgyi ba 'di yang gnyis su ma mchis shing gnyis su bgyir ma mchis te/ gang yang 'di skad du rnam par shes pa zhes bgyi ba 'di ni gnyis su ma mchis pa'i grangs su rtog so// 'phags pa shes rab kyi rol tu phyin pa brgyad stong pa/ bam po gnyis pa'o// / de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// / de'i phyir tshe dang ldan pa rab 'byor gyis ji ltar bshad pa'i don kho bos shes te/ byang chub sems dpa' yang 'byung ba med pa yin no// tshe dang ldan pa rab 'byor gal te byang chub sems dpa' 'byung ba med pa yin na/ byang chub sems dpa' dka' ba spyad pa ci'i phyir spyod/ sems can rnams kyi phyir sdug bsngal gang yod pa de dag bzod par byed cing myong bar 'gyur/ de skad ces smras pa dang / tshe dang ldan pa rab 'byor gyis/ tshe dang ldan pa sha ri'i bu la 'di skad ces smras so// tshe dang ldan pa sha ri'i bu kho bo ni byang chub sems dpa' sems dpa' chen po dka' ba spyad pa spyod par mi 'dod de/ gang dka' bar 'du shes pas spyod pa de ni byang chub sems dpa' ma yin no// de ci'i phyir zhe na/ tshe dang ldan pa sha ri'i bu bde bar 'du shes pa nyid du byas shing / sems can thams cad la mar 'du shes pa dang / bar 'du shes pa dang / bur 'du shes pa dang / bu mor
- 25a
'du shes pa ma byas pa ma gtogs par sems can grangs med dpag tu med pa'i don bya bar mi nus so// de ltar skyes pa 'am/ bud med dag la 'du shes byas shing / byang chub sems dpa' sems dpa' chen po byang chub sems dpa'i spyad pa spyod do// de bas na byang chub sems dpa' sems dpa' chen pos sem can thams cad la mar 'du shes pa dang / bar 'du shes pa dang / bur 'du shes pa dang / bu mor 'du shes bskyed par bya'o// bdag nyid kyi bar du'ang 'du shes bskyed par bya ste/ ji ltar bdag thams cad du thams cad rnam pa thams cad kyi thams cad du sdug bsngal thams cad las thar bar bya ba de bzhin du sems can thams cad la yang 'di ltar 'du shes bskyed par bya ste/ bdag gis sems can 'di dag thams cad yongs su mi btang ngo // bdag gis sems can 'di dag thams cad sdug bsngal gyi phung po dpag tu med pa las thar bar bya'o// bdag gis lus brgyar gtub kyang chung ngu na/ 'di dag la bdag gis gnod sems kyang ma bskyed do// snyam du de ltar byang chub sems dpa' sems dpa' chen pos sems bskyed par bya'o// gal te sems de ltar gnas na dka' ba byed pa'i 'du shes su gnas pa ma yin no// tshe dang ldan pa sha ri'i bu gzhan yang byang chub sems dpa' sems dpa' chen pos ji nas kyang bdag ni thams cad du rnam pa thams cad kyi thams cad du med cing mi dmigs pa de ltar sems
- 25b
bskyed par byaste/ de bzhin du nang dang phyi'i chos rnams la 'du shes bskyed par bya'o// gal te sems de ltar skyong nga/ dka' ba'i 'du shes can masrung ba/ tshe dang ldan pa ga po/ bu gang 'di skad du byang chub sems dpa' ni 'byung ba med pa'o zhes smras pa de de bzhin no// tshe dang ldan pa sha ri'i bu de de bzhin te/ byang chub sems dpa' ni 'byung ba med pa'o// tshe dang ldan pa sha ri'i bus smras pa/ tshe dang ldan pa rab 'byor ci byang chub sems dpa' nyid 'byung ba med pa 'am/ 'on te byang chub sems dpa'i chos rnams kyang 'byung ba med pa yin/ rab 'byor gyis smras pa/ tshe dang ldan pa sha ri'i bu byang chub sems dpa'i chos rnams kyang 'byung ba med pa'o// sha ri'i bus smras pa/ tshe dang ldan pa rab 'byor byang chub sems dpa'i chos rnams 'byung ba med dam/ 'on te thams cad mkhyen pa nyid kyang 'byung ba med/ rab 'byor gyis smras pa/ tshe dang ldan pa sha ri'i bu thams cad mkhyen pa nyid kyang 'byung ba med do// sha ri'i bus smras pa/ tshe dang ldan pa rab 'byor ci thams cad mkhyen pa nyid 'byung ba med dam/ 'on te thams cad mkhyen pa nyid kyi chos rnams kyang 'byung ba med/ rab 'byor gyis smras pa/ tshe dang ldan pa sha ri'i bu thams cad mkhyen pa nyid kyi chos rnams kyang 'byung ba med do// sha ri'i bus smras pa/ tshe dang ldan pa rab 'byor/ ci thams cad mkhyen pa nyid kyis chos rnams nyi tshe 'byung ba med dam/ 'on te so so'i skye bo yang 'byung ba med/ rab 'byor gyis smras pa/ tshe dang ldan pa sha ri'i bu so so'i
- 26a
@skye bo yang 'byung ba med do// sha ri'i nus smras pa/ tshe dang ldan pa rab 'byor gyi so so'i skye bo 'di nyid 'byung ba med dag/ 'on te so so'i skye bo'i chos rnams kyang 'byung ba med/ rab 'byor gyis smras pa/ tshe dang ldan pa sha ri'i bu so so'i skye bo'i chos rnams kyang 'byung ba med do// de skad ces smras pa dang / tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' yang 'byung ba med pa/ byang chub sems dpa'i chos rnams kyang 'byung ba med pa/ thams cad mkhyen pa nyid kyang 'byung ba med pa/ thams cad mkhyen pa nyid kyi chos rnams kyang 'byung ba med pa/ so so'i skye bo yang 'byung ba med pa/ so so'i skye bo'i chos rnams kyang 'byung ba med pa na/ tshe dang ldan pa rab 'byor ci byang chub sems dpa' sems dpa' chen pos thams cad mkhyen pa nyid rjes su thob pa ma yin nam/ de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smraso// tshe dang ldan pa sha ri'i bu ma byung ba'i chos la thob par ma byung ba 'thob par mi 'gyur ro// sha ri'i bus smras pa/ tshe dang ldan pa rab 'byor ci ma byung ba'i chos kyis thob pa ma byung ba thob par 'gyur ras/ 'on te byung ba'i chos kyi thob pa ma byung ba thob par 'gyur/ rab 'byor gyis smras pa/ tshe dang ldan pa sha ri'i bu ci ma byung ba'i chos ma byung ngam/ 'on te byung ba'i chos nyid ma byung / sha ri'i
- 26b
bus smras pa/ tshe dang ldan pa rab 'byor ci 'byung ba nyid 'byung ba med pa 'am/ 'on tem byung ba 'byung bar 'gyur/ rab 'byor gyis smras pa/ tshe dang ldan pa sha ri'i bu 'byung / ba med pa'i chos shes smra bar mi spobs so// sha ri'i bus smras pa/ tshe dang ldan pa rab 'byor 'byung ba med pa'i chos la smras par khyod mi spobs sam/ rab 'byor gyis smras pa/ tshe dang ldan pa sha ri'i bu 'byung ba med pa nyid smras pa yin la/ tshe dang ldan pa sha ri'i bu 'byung ba med pa nyid spobs par byed de/ tshe dang ldan pa sha ri'i bu 'byung ba med pa nyid spobs so// de skad ces smras pa dang / tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor ni chos ston pa'i nang na mchog tu gzhag par bya'o// de ci'i phyir zhe na/ 'di ltar gnas brtan tshe dang ldan pa rab 'byor ni gang dang gang la yongs su dris pa de dang de nyid las 'byung bar 'gyur zhing / chos nyid las kyang mi g.yo'o// de skad ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// / tshe dang ldan pa sha ri'i bu bcom ldan 'das kyi nyan thos mi gnas pa'i chos can rnams ni/ de dag las gang dang gang la dris pa de dang de nyid las 'byung bar 'gyur zhing / chos nyid las kyang 'gal bar mi byed do// chos nyid las kyang mi mnga'o// de ci'i phyir zhe na/ 'di ltar chos thams cad la gnas pa med pa'i phyir ro// de skad
- 27a
ces smras pa dang / tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor legs so legs so// byang chub sems dpa' sems dpa' chen po rnams kyi chos thams cad la mi gnas pa'i pha rol tu phyin pa 'di gang yin/ rab 'byor gyis smras pa/ tshe dang ldan pa sha ri'i bu chos thams cad la mi gnas pa'i phyir// theg pa thams cad pa'i shes rab kyi pha rol tu phyin pa 'di yin no// de ltar byang chub sems dpa' sems dpa' chen po gang shes rab kyi pha rol tu phyin pa zab mo 'di lta bur bshad cing bstan pa la/ nem nur mi 'gyur ba dang / rmongs par mi 'gyur ba'i byang chub sems dpa' sems dpa' chen po de gnas pa 'di lta bur gnas shing / yid la byed pa 'di dang ma bral ba yin no// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' sems dpa' chen po gang shes rab kyi pha rol tu phyin pa la gnas na/ ji ltar yid la byed pa dang / ma bral bar 'gyur/ tshe dang ldan pa rab 'byor gal te byang chub sems dpa' sems dpa' chen po yid la byed pa dang ma bral bar gyur na/ de yang de bzhin du shes rab kyi pha rol tu phyin pa la gnas pa dang ma bral bar 'gyur zhing / tshe dang ldan pa rab 'byor gal te byang chub sems dpa' sems dpa' chen po yid la byed pa dang ma bral na/ shes rab kyi pha rol tu
- 27b
byin pa la gnas pa dang ma bral ba nyid du 'gyur te/ de ltar yin du zin kyang sems can thams cad shes rab kyi pha rol tu phyin pa la gnas pa dang ma bral bar 'gyur ro// de ci'i phyir zhe na/ sems can thams cad kyang yid la byed pa dang ma bral bar gnas so// de skad ces smras pa dang / tshe dang ldan pa rab 'byor gyis/ tshe dang ldan pa sha ri'i bu la 'di skad ces smras so// sha ri'i bu 'di legs so legs so// khyod la dris te/ tshe dang ldan pa sha ri'i bus/ don 'di nyid yang dag pa'i tshig tu brjod pas yongs su bzung ngo // de ci'i phyir zhe na/ tshe dang ldan pa sha ri'i bu sems can ngo bo nyid med pas/ yid la byed pa ngo bo nyid med par bya'o// tshe dang ldan pa sha ri'i bu sems can dngos po med pas na/ yid la byed pa dngos po med par rig par bya'o// sems can dben pas na/ yid la byed pa dben par rig par bya'o// tshe dang ldan pa sha ri'i bu sem can mngon par byang ma chub pas na/ yid la byed pa mngon par byang chub par rig par bya'o// tshe dang ldan pa sha ri'i bu byang chub sems dpa' sems dpa' chen po yid la byed pa 'di lta bu dang / gnas 'di lta bus gnas par 'dod ngo do// 'phags pa shes rab kyi pha rol tu phyin pa brgyad stong pa las/ spyad pa'i lar zhes bya ba rab 'byor gyis le'u zhes bya ste dang po'o// / yang de'i tshe lha'i dbang po brgya byin sum bcu rtsa
- 28a
gsum ris kyi lha'i bu bzhi khri dang / lhan cig tu 'khor de nyid du 'dus te 'khod par gyur to// 'jig rten skyong ba bzhi yang rgyal chen bzhi'i rigs kyi lha'i bu nyi khrir bcas pa dang / mi mjed kyi bdag po tshangs pa yang tshangs pa'i rigs kyi lha'i bu khrir bcas pa dang / gnas gtsang ma'i lha'i bu lnga stong 'khor de nyid du 'dus te 'khod do// lha'i bu rnams kyi rang gi las kyi rnam par smin pa las skyes pa'i 'od ci yod pa de thams cad kyang sangs rgyas kyi mthu dang / sangs rgyas kyi gzi brjid dang / sangs rgyas kyi byin gyis brlabs kyis zil gyis gnan to// de nas lha'i dbang po brgya byin gyis/ tshe dang ldan pa rab 'byor la 'di skad ces smras so// 'phag pa rab 'byor lha'i bu stong phrag mang po 'khor 'dir 'dus te 'khod pa 'di rnams/ 'phags pa rab 'byor las shes rab kyi pha rol tu phyin pa dang / byang chub sems dpa' sems dpa' chen po rnams kyi man ngag dang / gdam pa dang / bstan pa nyan par 'dod na/ byang chub sems dpa' sems dpa' chen pos ji ltar shes rab kyi pha rol tu phyin pa la gnas par bgyi/ ji ltar rnal 'byor du bgyi/ gnas brtan rab 'byor gyis smras pa/ ke'u shi ka de'i phyir sangs rgyas kyi mthu dang / sangs sangs rgyas kyi byin gyis brlabs kyis khyod la bstan par bya ste/ lha'i bu gang gis bla na med pa yang dag par rdzogs pa'i byang chub tu sems ma skyed pa de dag gis
- 28b
kyang bla na med pa yang dag par rdzogs pa'i byang chub tu sems bskyed par bya'o// gang yang dag par nyid du nges par zhugs pa de ngag kyang bla na med pa yang dag par rdzogs pa'i byang chub tu sems bskyed pa bskal pa med de/ de ci'i phyir zhe na/ de dag gis 'khor ba'i rgyun gyis mtshams bcas pas yang dang yang du 'khor zhing // de dag bla na med pa yang dag par rdzogs pa'i byang chub tu sems bskyed pa'i bskal pa med mod kyi/ 'on kyang gal te de dag gis bla na med pa yang / dag par rdzogs pa'i byang chub tu sems bskyed na/ khyad par du 'phags pa'i chos rnams las ches khyad par du 'phags pa'i chos rnams la lhag par du dmigs par bya ste/ de dag gi dge ba'i phyogs la kho bo bar chad mi byed do// de nas bcom ldan 'das kyis tshe dang ldan pa rab 'byor la bka' stsal pa/ rab 'byor leg so legs so// gang khyod byang chub sems dpa' sems dpa' chen po rnams la spro bar byed pa lags so// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bdag cag gis ni/ bcom ldan 'das kyis bkar drin 'azo bar bgyi/ mi bzo bar mi bgyi'o// de ci'i slad du zhe na/ bcom ldan 'das sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung du/
- 29a
/ sngon byang chub sems dpar gyur pas/ byang chub tu tshangs par spyad pa spyod pa la nyan thos gzhan dag gis/ pha rol du phyin pa rnams la gdas/ shing bstan te/ de la bcom ldan 'das kyis spyad pas/ bla na med pa'i ye shes bskyed do// bcom ldan 'das de bzhin du bdag cag gis kyang byang chub sems dpa' sem dpa' chen po rnams rjes su gzung bar bgyi'o// rjes su bskor bar bgyi'o// yang dag par yongs su gzung bar bgyi'o// yang dag par yongs su bskor bar bgyi'o// de ci'i slad du zhe na/ bcom ldan 'das 'di la bdag cag gis byang chub sems dpa' sems dpa' chen po rnams rjes su bzung ba dang / rjes su bskor ba dang / yang dag par rjes su bzung ba dang / yang dag par rjes su bskor bas myur du bla na med pa yang dag par rdzogs pa'i byang chub mngon par rdzogs par tshang rgya bar 'gyur ro// de nas tshe dang ldan pa rab 'byor gyis lha'i dbang po brgya byin la smras pa/ ke'u shi ka de'i phyin shin du legs par nyon la yid la zung shig dang / ji ltar byang chub sems dpa' sems dpa' chen pos shes rab kyi pha rol tu phyin pa la gnas par bya ba kho bos khyed la bshad par bya'o// ke'u shi ka byang chub sems dpa' sems dpa' chen po shes rab kyi pha rol tu phyin pa stong pa nyid la gnas par bya ste/ ke'u shi ka byang chub sems dpa' sems dpa' chen po go cha chen po bgos pa des/ gzugs la gnas
- 29b
par mi bya'o// tshor ba dang / 'du shes dang / 'du byed rnams dang / rnam par shes pa la gnas par mi bya'o// brgyun du zhugs pa'i 'bras bu la gnas par mi bya'o// lan cig phyir 'ong ba'i 'bras bu dang / phyir mi 'ongs pa'i 'bras bu dang / dgra bcom pa nyid la gnas par mi bya'o// rang sangs rgyas nyid la gnas par mi bya'o// sangs rgyas nyid la gnas par mi bya'o// de bzhin du gzugs so zhes gnas par mi bya'o// de bzhin du tshor ba'o zhes/ 'du shes so zhes/ 'du byed rnams so zhes bya ba dang / de bzhin du rnam par shes pa'o zhes gnas par mi bya'o// de bzhin du rgyun du zhugs pa'i 'bras bu'o zhes gnas par mi bya'o// de bzhin du lan cig phyir 'ongs pa'i 'bras bu'o/ zhes bya ba dang / de bzhin du phyir mi 'ong ba'i 'bras bu'o zhes bya ba dang / de bzhin du dgra bcom pa'o zhes gnas par mi bya'o// de bzhin du rang sangs rgyas so zhes gnas par mi bya'o// de bzhin du sangs rgyas so zhes gnas par mi bya'o// gzugs rtag pa dang mi rtag pa'o zhes gnas par mi bya'o// de bzhin du tshor ba dang / 'du shes dang / 'du byed rnams dang / rnam par shes pa rtag pa dang mi rtag pa'o zhes gnas par mi bya'o// gzugs bde ba dang / sdug bsngal ba'o zhes gnas par mi bya'o// / de bzhin du tshor ba dang / 'du shes dang / 'du byed rnams dang / rnam par shes pa bde ba dang / sdug bsngal ba'o zhes gnas par mi bya'o// gzugs bdag dang bdag
- 30a
med pa'o zhes gnas par mi bya'o// de bzhin du tshor ba dang 'du shes dang / 'du byed rnams dang / rnam par shes pa bdag dang / bdag med/ nga'o zhes gnas par mi bya'o// gzugs sdug pa dang mi sdug pa'o zhes gnas par mi bya'o// de bzhin du tshor ba dang / 'du shes dang / 'du byed rnams dang / rnam par shes pa sdug pa dang / mi sdug pa'o zhes gnas par mi bya'o// gzugs stong pa 'am/ dmigs pa'o zhes gnas par mi bya'o// de bzhin du tshor ba dang / 'du shes dang 'du byed rnams dang / rnam par shes pa stong pa 'am/ dmigs pa'o zhes gnas par mi bya'o// rgyun du zhugs pa'i 'bras bu 'dus ma byas kyi rab tu phye ba'o zhes gnas par mi bya'o// de bzhin du lan cig phyir 'ongs pa'i 'bras bu dang / phyir mi 'ongs pa'i 'bras bu dang / dgra bcom pa nyid 'dus ma byas kyis rab tu phye ba'o/ zhes gnas par mi bya'o// rang sangs rgyas nyid 'dus ma byas kyis rab tu che ba'o zhes gnas par mi bya'o// sangs rgyas nyid 'dus ma byas kyis rab tu phye ba'o zhes gnas par mi bya'o// rgyun du zhugs pa sbyin pa'i gnas shes bya bar gnas par mi bya'o// rgyun du zhugs pa po zos kyang srid pa lan bdun pa'o zhes gnas par mi bya'o// lan cig phyir 'ongs pa sbyin pa'i gnas shes gnas par mi bya'o// lan cig phyir 'ong ba yongs su mthar ma phyin pa'i phyir// 'jig rten 'dir lan cig 'ong /
- 30b
bas sdug bsngal mthar byed par 'gyur ro zhes gnas par mi bya'o// phyir mi 'ong ba'i sbyin pa'i gnas so zhes gnas par mi bya'o// phyir mi 'ong ba 'jig rten 'dir phyir mi 'ong ba de nyid du yongs su mya ngan las 'da'o zhes gnas par mi bya'o/ dgra bcom pa nyid sbyin pa'i gnas so zhes gnas par mi bya'o// dgra bcom pa 'di nyid du phung po'i lhag ma ma lus par mya ngan las 'das pa'i dbyings su yongs su mya ngan las mnga' bar 'gyur ro zhes gnas par mi bya'o// rang sangs rgyas sbyin pa'i gnas so zhes gnas par mi bya'o// rang sangs rgyas ni nyan thos kyi sa las 'das nas/ sangs rgyas kyi sa ma thob par yongs su mya ngan las mda' bar 'gyur ro zhes gnas par mi bya'o// sangs rgyas ni sbyin pa'i gnas so zhes gnas par mi bya'o// sangs rgyas ni so so'i skye bo'i sa dang / nyan thos kyi sa dang / rang sangs rgyas kyi sa las 'das nas/ grangs med dpag tu med pa'i sems can rnams kyi don mdzad do// grangs med dpag tu med pa'i sems can yongs su mya ngan las zlas/ grangs su med dpag tu med pa'i sems can rnams nyan thos dang / rang sangs rgyas su nges par mdzad cing / sangs rgyas kyi sa la bzhugs te/ sangs rgyas kyi mdzad pa mdzad nas// yongs su mya ngan las mda'o zhes des 'di ltar yang dag par gnas par mi bya'o// de nas tshe dang ldan pa shi ri'i bu 'di snyam du sems te/ gal te sangs rgyas kyi sa la bzhug
- 31a
shing sangs rgyas kyis mdzad pa mdzad de/ grangs med dpag tu med pa'i sems can gyi don mdzad nas/ grangs med dpag tu med pa'i sems can yongs su mya ngan las zlas te/ sangs rgyas kyi mya ngan las mda' bas yongs su mya ngan las mda' bar 'gyur ro zhes des de ltar yang gnas par mi bya na// des ji ltar gnas par bya snyam pa dang / de nas sangs rgyas kyi mthus tshe dang ldan pa rab 'byor gyis/ tshe dang ldan pa sha ri'i bu'i sems kyi rtog pa sems kyi shes nas/ tshe dang ldan pa sha ri'i bu la 'di skad ces smras so// sha ri'i bu de ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas ji zhig la gnas/ sha ri'i bus smras pa/ tshe dang ldan pa rab 'byor de bzhin gshegs pa ni ci la yang gnas pa ma yin no// de ci'i phyir zhe na/ tshe dang ldan pa rab 'byor de bzhin gshegs pa dgra bcom pa yang dag par rdzogs pa'i sangs rgyas kyi thugs ni mi gnas pa ste/ de ni 'dus byas kyi khams la yang mi gnas la// 'dus ma byas kyi khams la yang mi gnas te/ de las bzhengs pa yang ma yin no// de nas tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu byang chub sems dpa' sems dpa' chen pos 'di ltar bslab par bya ste/ ji ltar de bzhin gshegs pa dgra bcom pa yang dag par rdzogs pa'i
- 31b
sangs rgyas ci la yang mi gnas pa yang ma yin la/ rnam par mi gnas pa de bzhin du des de ltar bslab par bya'o// de bzhin gshegs pa'i gnas pa ji lta ba de bzhin du gnas par bya'o// de bzhin du bslab par bya'o// zhes bya ba dang / de bzhin gshegs pa'i gnas ji lta ba de bzhin du gnas par bya'o snyam pa ni/ mi gnas pa'i tshul gyis legs par gnas pa yin te/ de ltar 'di la byang chub sems dpa' sems dpa' chen pos bslab par bya'o// de nas 'khor de'i nang nas lha'i bu kha cig 'di snyam du sems par gyur te/ gnod sbyin rnams kyis gang gnod sbyin gyis bshad pa'i gnod sbyin gyi tshig de dag dang gnod sbyin gyi sgra dang / gnod sbyin gyis brjod pa de dag sman shes par rung gi/ gnas brtan tshe dang ldan pa rab 'byor gang ji smra zhing brjod pa dang / ston cing 'chad pa 'di ni shes par mi rung ngo snyam mo// de nas rab 'byor gyis sangs rgyas kyi mthus lha'i bu de dag gi sems kyi rtog pa sems kyis yongs su shes nas/ lha'i bu de dag la smras pa/ lha'i bu dag shes par mi rung / shes par mi rung zhes bya ba de ni/ 'di ltar 'di la cung zad kyang smos pa med de/ cung zad kyang thos pa med rung ngo // de nas lha'i bu de dag 'di snyam du sems par gyur te/ e ma 'o 'phags pa rab 'byor 'di ni gsal bar byed pa'o// e ma ho 'phags pa rab 'byor 'di ni gsal bar byed pa ste/ tshe dang ldan pa rab 'byor 'di ni ring ba bas
- 32a
ches ring du 'jug/ phra ba bas ches phra bar 'jug/ zab pas bas kyang ches rab tu 'jug ste/ ston cing 'chad do snyam mo// de nas yang sangs rgyas kyi mthus tshe dang ldan pa rab 'byor gyis lha'i bu de dag gi sems kyi rtog pa sems kyis shes nas/ lha'i bu de dag la 'di skad ces smras so// lha'i bu dag de lta bas na/ gang rgyun du zhugs pa'i 'bras bu thob par 'dod pa dang / rgyun du zhugs pa'i 'bras bu la gnas par 'dod pa dang / gang lan cig phyir 'ong ba'i 'bras bu thob par 'dod pa dang / lan cig phyir 'ong ba'i 'bras bu la gnas par 'dod pa dang / gang phyir mi 'ong ba'i 'bras bu thob par 'dod pa dang / phyir mi 'ong ba'i 'bras bu la gnas par 'dod pa dang / gang dgra bcom pa nyid thob par 'dod pa dang / dgra bcom pa nyid la gnas par 'dod pa dang / gang rang byang chub thob par 'dod pa dang / rang byang chub la gnas par 'dod pa na yang / bzod pa 'di la ma bsten par mi 'grub po// bla na med pa yang dag par rdzogs pa'i byang chub thob par 'dod cing / bla na med pa yang dag par rdzogs pa'i byang chub la gnas par 'dod na yang bzod pa 'di la ma bsten par mi 'grub bo// de nas yang lha'i bu de dag 'di snyam du sems te/ gnas brtan rab 'byor 'di la chos nyan pa ji lta bu dag btsal bar bya snyam pa dang / de nas sangs rgyas kyi mthus tshe dang ldan pa rab 'byor
- 32b
gyis/ lha'i bu de dag gi sems kyi rtog pa sems kyi shes nas/ lha'i bu de dag la smras pa/ lha'i bu dag kho bo la chos nyan pa ni sgyum dang / sprul pa lta bu dag btsal bar bya'o// de ci'i phyir zhe na/ 'di ltar de dag ni nyan par mi 'gyur/ mngon du byed par mi 'gyur ro// de nas lba'i bu de dag gis tshe dang ldan pa rab 'byor la 'di skad ces smras so// 'phags pa rab 'byor ci sems can de dag sgyu ma lta bu yin nam/ rmi lam lta bu yin nam/ rab 'byor gyis smras pa/ lha'i bu dag sems can de dag ni sgyu ma lta bu/ sems can de dag ni rmi lam lta bu ste/ lha'i bu dag de ltar sgyu ma dang / sems can de dag ni gnyis su med de gnyis su byar med do// de ltar rmi lam dang / sems can de dag ni gnyis su byar med do// lha'i bu dag chos thams cad kyang sgyu ma lta bu/ rmi lam lta bu'o// rgyun du zhugs pa yang sgyu ma lta bu/ rmi lam lta bu'o// rgyun du zhugs pa'i 'bras bu yang sgyu ma lta bu/ rmi lam lta bu'o// de bzhin du lan cig phyir 'ong ba dang / lan cig phyir 'ong ba'i 'bras bu dang / phyir mi 'ong ba dang / phyir mi 'ong ba'i 'bras bu dang / dgra bcom pa yang sgyu ma lta bu/ rmi lam lta bu'o// dgra bcom pa nyid kyang sgyu ma lta bu/ rmi lam lta bu'o// rang sangs rgyas kyang sgyu ma lta bu/ rmi lam lta bu'o// sangs rgyas nyid kyang sgyu ma lta bu/ rmi lam lta bu'o// yang dag par rdzogs pa'i sangs
- 33a
@rgyas kyang sgyu ma lta bu rmil pa lta bu'o// yang dag par rdzogs pa'i sangs rgyas nyid kyang sgyu ma lta bu rmi lam lta bu'o// de nas lha'i bu/ de dag gis tshe dang ldan pa rab 'byor la 'di skad ces smras so// 'phags pa rab 'byor yang dag par rdzogs pa'i sangs rgyas kyang sgyu ma lta bu/ rmi lam lta bu'o// / zhes zer ram/ yang dag par rdzogs pa'i sangs rgyas nyid kyang sgyu ma lta bu/ rmi lam lta bu'o zhes zer ram/ rab 'byor gyis skyes pa/ lha'i bu dag mya ngan las 'das pa yang sgyu ma lta bu zhes smra na/ chos gzhan lta ci smos/ lha'i bu dag gis smras pa/ 'phags pa rab 'byor mya ngan las 'das pa yang sgyu ma lta bu rmi lam lta bu'o// zhes zer ram/ rab 'byor gyis smras pa/ lha'i bu dag kho bo ni gal te mya ngan las 'das pa las khyad par du 'phags pa'i chos gzhan zhig yod kyang sgyu ma lta bu rmi lam lta bu'o zhes smras so// de ni 'di ltar sgyu ma lta bu dang / rmi lam lta bu dang / mya ngan las 'das pa 'di ni gnyis su byar med do// de nas tshe dang ldan pa sha ri'i bu dang / tshe dang ldan pa gang po byams ma'i bu dang / tshe dang ldan pa lho rings chen po dang / tshe dang ldan pa ka t+ya'i bu chen po dang / tshe dang ldan pa 'od bsrungs chen po rnams kyis tshe dang ldan pa rab 'byor la 'di skad ces smras so// tshe dang ldan pa rab 'byor shes rab kyi pha rol tu phyin pa 'di ltar bstan pa 'di
- 33b
la su dag yang dag par 'dzin par 'gyur/ de nas tshe dang ldan pa kun dga' bos gnas brtan de dag la 'di skad ces smras so// tshe dang ldan pa dag phyir mi ldog pa'i byang chub sems dpa' sems dpa' chen po rnams sam/ lta ba phun sum tshogs pa'i gang zag rnams sam/ dgra bcom ldan pa zag pa zad pa gang yin pa de dag shes rab kyi pha rol du phyin pa 'di ltar bshad pa 'di la yang dag par 'dzin par 'gyur ro// de nas tshe dang ldan pa rab 'byor gyis/ gnas brtan de dag la 'di skad ces smras so// tshe dang ldan pa dag shes rab kyi pha rol tu phyin pa 'di ltar bshad pa 'di la yang dag par 'dzin pa su yang mi 'byung ngo // de ci'i phyir zhe na/ 'di ltar de la chos gang yang ma smos/ chos gang yang yongs su snang bar ma byas/ chos gang yang ma gces te/ de lta bas na ji ltar 'di la chos gang yang ma smos so// chos gang yang yongs su snang bar ma byas/ chos gang yang ma bcas pa de bzhin du/ shes rab kyi pha rol tu phyin pa 'di la yang dag par 'dzin pa gang yang mi 'byung ngo // de nas lha'i dbang po brgya byin 'di snyam du sems te/ 'phags pa rab 'byor gyis de ltar chos kyi rnam grangs 'di bstan na/ bdag gis kyang 'di ltar me tog dag mngon par sprul te/ 'phags pa rab 'byor la mngon par gtor ro snyam mo// de nas lha'i dbang po
- 34a
brgya byin gyis/ de'i tshe me tog dag mngon par sprul nas/ tshe dang ldan pa rab 'byor la mngon par gtor to// de nas gnas brtan tshe dang ldan pa rab 'byor lha'i dbang po brgya byin la rjes su brjod pa'i phyir 'di snyam du sems te/ 'di ltar lha'i dbang po brgya byin gyis mngon par gtor ba'i me tog 'di dag ni/ bdag gis sngon chad sum bcu rtsa gsum lha'i gnas na yang yod par yang ma mthong ste/ me tog 'di dag ni sprul pa'o// 'di ltar lha'i dbang pos mngon par gtor ba'i me tog 'di dag ni/ shing dang / gel ba dang / 'khri shing las skyes pa ma yin gyi/ yid las byung ba'i me tog go snyam pa dang / de nas lha'i dbang po brgya byin gyis tshe dang ldan pa rab 'byor gyi sems kyi rtog pa sems kyi shes nas/ tshe dang ldan pa rab 'byor la 'di skad ces smras so// btsun pa rab 'byor me tog 'di dag ni ma byung ba ste/ de ci'i phyir zhe na/ yid las skyes pa'i me tog ni gang yang med de/ shing dang gel ba dang / 'khri shing las skyes pa yang ma yin no// tshe dang ldan pa rab 'byor gyis/ lha'i dbang po brgya byin la 'di skad ces smras so// ke'u shi ka de skad du me tog 'di dag ni ma skyes pa ste/ me tog 'di dag ni yid las skyes pa ma yin/ shing dang gel ba dang / 'khri shing las skyes pa yang ma yin no// zhes zer na/ ke'u shi ka gang ma skyes pa ni me
- 34b
tog kyang ma yin no// de nas lha'i dbang po brgya byin 'di skadam du sems te/ e pa'o 'phags pa rab 'byor shes rab kyi pha rol tu phyin pa zab ste/ ming dang tshig tu btags pa yang ston la/ de dang yang 'gal bar mi byed/ de nyid gsal bar byed cing de nyid nye bar ston snyam pa dang / de nas lha'i dbang po brgya byin gyis tshe dang ldan pa rab 'byor la 'di skad ces smras so// 'phags pa rab 'byor de de bzhin no// de de bzhin te/ 'phags pa rab 'byor ji skad du ston pa de bzhin du/ byang chub sems dpa' sems dpa' chen po rnams kyis de la slab par bya'o// de skad ces smras pa dang / tshe dang ldan pa rab 'byor gyis lha'i dbang po brgya byin la 'di skad ces smras so// ke'u shi ka de de bzhin no// de de bzhin te/ de ltar byang chub sems dpa' sems dpa' chen pos de la bslab par bya'o// ke'u shi ka byang chub sems dpa' sems dpa' chen po de ltar slob na/ rgyun du zhugs pa'i 'bras bu la mi slob po// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la mi slob bo// rang sangs rgyas nyid la mi slob ste/ gang sa 'di dag la mi slob pa de ni/ sangs rgyas nyid dang thar cad mkhyen pa nyid la slob po// gang sangs rgyas nyid dang thams cad mkhyen pa nyid la slob pa de ni sangs rgyas kyi chos dpag tu med pa'i tshad med pa la slob po// /
- 35a
gang sangs rgyas kyi chos dpag tu med pa la slob pa de ni gzugs 'phel bar bya ba dang / 'grib par bya ba'i phyir mi slob bo// de tshor ba la ma yin/ 'du shes la ma yin/ 'du byed rnams la ma yin/ rnam par shes pa 'phel bar bya ba dang / 'grib par bya ba'i phyir mi slob po// gang gzugs 'phel bar bya ba dang / 'grib par bya ba'i phyir mi slob pa gang tshor ba la ma yin/ 'du shes la ma yin/ 'du byed rnams la ma yin/ rnam par shes pa 'phel/ bar bya ba dang / 'grib par bya ba'i phyir mi slob pa de ni/ gzugs yongs su bzung ba dang dor bar bya ba'i phyir mi slob bo// tshor ba la ma yin/ 'du shes la ma yin/ 'du byed rnams la ma yin/ rnam par shes pa yongs su gzung ba dang / dor bar bya ba'i phyir mi slob po// gang chos yongs su bzung ba dang nub par bya ba'i phyir mi slob po// chos gang yang yongs su bzung ba dang / nub par bya ba'i phyir mi slob pa de ni thams cad mkhyen pa nyid yongs su bzung ba dang / nub par bya ba'i phyir mi slob bo// de ltar slob pa'i byang chub sems dpa' sems dpa' chen po ni thams cad mkhyen pa nyid la slob cing // thams cad mkhyen pa nyid la nges par 'byung ngo // de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa'
- 35b
sems dpa' chen po gang chos gang yang yongs su bzung ba dang / nub par bya ba'i phyir mi slob pa de ni thams cad mkhyen pa nyid yongs su bzung ba dang / nub par bya ba'i phyir mi slob ste/ tshe dang ldan pa rab 'byor de ltar slob pa'i byang chub sems dpa' sems dpa' chen po ni thams cad mkhyen pa nyid la slob cing thams cad mkhyen pa nyid la nges par 'byung ngo // rab 'byor gyis smras pa/ tshe dang ldan pa sha ri'i bu de bzhin no// de de bzhin te/ tshe dang ldan pa sha ri'i bu byang chub sems dpa' sems dpa' chen po gang chos gang yongs su bzung ba dang / nub par bya ba'i phyir mi slob thams cad mkhyen pa nyid kyang yongs su bzung ba dang nub par bya ba'i phyir mi slob na/ tshe dang ldan pa sha ri'i bu de ltar slob pa'i byang chub sems dpa' sems dpa' chen po ni/ thams cad mkhyen pa nyid la slob cing / thams cad mkhyen pa nyid la nges par 'byung ngo // de nas lha'i dbang po brgya byin gyis/ tshe dang ldan pa sha ri'i bu la 'di skad ces smras so// tshe dang ldan ba sha ri'i bu byang chub sems dpa' sems dpa' chen pos shes rab kyi pha rol tu phyin pa gang nas btsal bar bya/ sha ri'i bus smras pa/ ke'u shi ka byang chub sems dpa' sems dpa' chen pos shes rab kyi pha rol tu phyin pa ni/ tshe dang ldan pa rab 'byor gyis le'u las btsal bar bya'o// de skad ces smras pa dang /
- 36a
lha'i dbang po brgya byin gyis tshe dang ldan pa shA ri'i bu la 'di skad ces smras so// 'phags pa sha ri'i bu 'di ltar 'phags pa rab 'byor shes rab kyi pha rol tu phyin pa la 'chad pa 'di su'i mthu/ su'i byin gyis brlabs su rig par bya/ sha ri'i bus smras pa/ ke'u shi ka tshe dang ldan pa rab 'byor shes rab kyi pha rol tu phyin pa gang 'chad pa 'di ni de bzhin gshegs pa'i mthu ste/ 'di ni de bzhin gshegs pa'i byin gyis brlabs su rig par bya'o// de nas tshe dang ldan pa rab 'byor gyis lha'i dbang po brgya byin la 'di skad ces smras so// ke'u shi ka gang 'di skad du bdag shes rab kyi pha rol tu phyin pa 'chad pa 'di su'i mthu su'i byin gyis brlabs su rig par bya zhes zer ba ni/ ke'u shi ka bdag shes rab kyi pha rol tu phyin pa 'chad pa de ni/ de bzhin gshegs pa'i mthu dang / de bzhin gshegs pa'i byin gyis brlabs su rig par bya'o// ke'u shi ka gang yang 'di skad du byang chub sems dpa' sems dpa' chen pos shes rab kyi pha rol tu phyin pa gang nas btsal bar bya zhes zer ba ni/ ke'u shi ka byang chub sems dpa' sems dpa' chen pos shes rab kyi pha rol tu phyin pa gzugs las kyang btsal bar mi bya/ gzugs las gzhan du yang btsal bar mi bya'o// tshor ba las ma yin/ 'du shes las ma yin/ 'du byed rnams las ma yin/ rnam par shes pa
- 36b
las kyang btsal bar mi bya rnam par shes pa las gzhan du yang btsal bar mi bya'o// de ci'i phyir zhe na/ ke'u shi ka 'di ltar gzugs shes rab kyi pha rol tu byin pa ma yin/ gzugs las gud na yang shes rab kyi pha rol tu phyin pa med do// de bzhin du tshor ba ma yin/ 'du shes pa yin/ 'du byed rnams ma yin/ rnam par shes pa shes rab kyi pha rol tu phyin pa ma yin/ rnam par shes pa las gud na yang shes rab kyi pha rol tu phyin pa med do// de skad ces smras pa dang / lha'i dbang po brgya byin gyis/ tshe dang ldan pa rab 'byor la 'di skad ces so// 'phags pa rab 'byor 'di lta ste shes rab kyi pha rol tu phyin pa 'di ni pha rol tu phyin pa chen po'o// 'phags pa rab 'byor 'di lta ste/ shes rab kyi pha rol tu phyin pa 'di ni tshad med pa'i pha rol tu phyin pa'o// 'phags pa rab 'byor 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// rab 'byor gyis smras pa/ de de bzhin no// ke'u shi ka de de bzhin te/ 'di lta ste shes rab kyi pha rol tu phyin pa 'di ni pha rol tu phyin pa chen po'o// ke'u shi ka 'di lta ste shes rab kyi pha rol tu phyin pa 'di ni tshad med pa'i pha rol tu phyin pa'o// ke'u shi ka 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// de ci'i phyir zhe na/ ke'u shi ka gzugs mtha' yas
- 37a
de bzhin du chad med pa'i pha rol tu phyin pa zhes bya ba dang / pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// de bzhin du tshor ba dang / 'du shes dang / 'du byed rnams dang / rnam par shes pa mtha' yas pa'i phyir/ ke'u shi ka shes rab kyi pha rol tu phyin pa 'di ni mtha' yas pa'i pha rol tu phyin pa'o// ke'u shi ka de bzhin du pha rol tu phyin pa chen po zhes bya ba dang / de bzhin du mtha' yas pa'i pha rol tu phyin pa'o zhes mngon par chags par mi byed do// ke'u shi ka de lta bas na 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// ke'u shi ka dmigs pa mtha' yas pa'i phyir/ 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// ke'u shi ka sems can mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa'o// yang ke'u shi ka ji ltar na dmigs pa mtha' yas pa'i phyir 'di lta ste shes rab kyi pha rol tu phyin pa 'di ni mtha' yas pa'i pha rol tu phyin pa yin zhe na/ ke'u shi ka 'di ltar chos thams cad kyi thog ma dang / dbus dang / tha ma mi dmigs te/ de bas na ke'u shi ka shes rab kyi pha rol tu phyin pa 'di ni mtha' yas pa'i pha rol tu phyin pa ste/ ke'u shi ka rnam grangs 'dis dmigs pa mtha' yas pa'i phyir 'di lta ste shes rab kyi pha rol tu phyin pa
- 37b
'di ni mtha' yas pa'i pha rol tu phyin pa'o// ke'u shi ka gzhan yang 'di skar chos thams cad mthara' yas mu med de/ de dag gi thog ma 'ag/ dbus sam/ tha ma yang mi dmigs te/ de bas na ke'u shi ka 'di lta ste/ shes rab kyi pha rol tu phyin pa 'di ni mtha' yas pa'i pha rol tu phyin pa'o// de ci'i phyir zhe na/ gzugs kyi thog ma 'am/ dbus sam/ tha ma yang mi dmigs te/ ke'u shi ka de bzhin du tshor ba dang / 'du shes dang / 'du byed rnams dang / rnam par shes pa'i thog ma 'am/ dbus sam/ tha ma mi dmigs te/ ke'u shi ka rnam grangs de lta bur 'di lta ste/ shes rab kyi pha rol tu phyin pa 'di ni mtha' yas pa'i ba rol tu bya'o// ke'u shi ka gzhan yang sems can mtha' yas mu med de/ de ci'i phyir zhe na/ sems can la thog ma 'am/ dbus sam/ tha ma yang mi dmigs te/ de bas na 'di lta ste/ ke'u shi ka shes rab kyi pha rol tu phyin pa 'di ni mtha' yas pa'i pha rol tu phyin pa'o// de skad ces smras pa dang / lha'i dbang po brgya byin gyis tshe dang ldan pa rab 'byor la 'di skad ces smras so// 'phags pa rab 'byor ji ltar na sems can mtha' yas pa'i phyir 'di lta ste/ shes rab kyi pha rol tu phyin pa 'di mtha' yas pa yin/ rab 'byor smras pa/ ke'u shi ka bgrang ba'i tshul lam/ bgrang ba mang pos sems can mtha' yas pa'i phyir 'di
- 38a
lta ste/ shes rab kyi pha rol tu phyin pa 'di mtha' yas pa ma yin no// brgya byin gyis smras pa/ 'phags pa rab 'byor 'on ji ltar/ sems can mtha' yas pa'i phyir 'di lta ste/ shes rab kyi pha rol tu phyin pa 'di mtha' yas pa'i pha rol tu phyin pa zhes bya/ rab 'byor gyis smras pa/ ke'u shi ka 'di ji snyam du sems/ 'di lta ste sems can sems can zhes bya ba 'di chos gang gi tshig bla dgas yin/ brgya byin gyis smras pa/ 'phags pa rab 'byor 'di lta ste/ sems can sems can zhes bya ba ni chos kyi tshig bla dgas kyang ma yin/ chos med pa'i tshig bla dgas kyang ma yin te/ ming du btags pa 'di ni blo bur du byung ba'o// ming du btags pa 'di ni dngos po med pa'o// ming du btags pa 'di ni bdag pa dang / bdag gi zhes bya ba med pa'o// 'di lta ste sems can sems can zhes ming du btag pa 'di ni dmigs pa med pa'o// gnas brtan rab 'byor gyis smras pa/ ke'u shi ka 'di ji snyam du sems/ 'di la sems can du yongs su bstan par byas pa gang yang yod dam/ brgya byin gyis smras pa/ 'phags pa rab 'byor de lta ma yin no// rab 'byor gyis smras pa/ ke'u shi ka ga la sems can yongs su bstan par byas pa med pa de la sems can mtha' yas pa yod dam/ ke'u shi ka gal te de bzhin gshegs pa dgra bcom pa yang dag par rdzogs pa'i sangs rgyas bskal pa gang ga'i klung gi
- 38b
bye ma snyed du byin gyis brlabs te/ dbyangs mtha' yas pas go bar byed pa dang / gsungs dbyangs zab mos sems can sems can zhes tshig tu brjod du zin kyang / de la sems can gang yang skyes pa 'am/ skye bar 'gyur ram/ skye ba 'am/ 'gags pa 'am/ 'gag par 'gyur ba 'am/ 'gag pa yod dam/ smras pa/ 'phags pa rab 'byor de lta ma yin no// de ci'i phyir zhe na/ sems can thog ma nas dag pa'i phyir ro// sems can thog ma nas yongs su dag pa'i phyir ro// smras pa/ ke'u shi ka rnam grangs 'dis kyang sems can mtha' yas pa'i phyir 'di lta ste/ shes rab kyi pha rol tu phyin pa 'di mtha' yas pa yin pas na/ ke'u shi ka de ltar yang sems can mtha' yas pa'i phyir shes rab kyi pha rol tu phyin pa mtha' yas par rig par bya'o// de nas dbang po dang bcas pa'i lha rnams dang / tshangs pa dang bcas pa dang / skye dgu'i bdag por bcas pa dang / drang srong dang / skyes pa dang / bud med kyi tshogs rnams kyis lan gsum du ched du brjod do// kye ma/ chos/ kye ma chos rnams chos kyi chos nyid/ de bzhin gshegs pa 'byung ba gang yin pa de ni 'phags pa gnas brtan rab 'byor gyis legs par smras pas/ brjod cing bstan te rab tu bshad do// bcom ldan 'das da slan chad bdag cag ni byang chub sems dpa' sems dpa' chen po gang / shes rab kyi pha rol tu phyin pa 'di dang ma bral ba dang / byang chub sems
- 39a
dpa' sems dpa' chen po gang dag shes rab kyi pha rol tu phyin pa'i gnas pa 'di la gnas pa 'di ni de bzhin gshegs pa legs par 'dzin/ to// de nas bcom ldan 'das kyis dbang por bcas pa'i lha rnams dang / tshangs par bcas pa dang / skye dgu'i bdag por bcas pa dang / drang srong dang bcas pa dang / skyes pa dang / bud med kyi tshogs la bka' stsal pa/ de de bzhin no// lha'i bu dag de de bzhin te/ lha'i bu dag gang gi tshe rgyal po'i pho brang 'khor na/ mar me can gyis tshongs 'das kyi dbus su de bzhin gshegs pa dgra com pa yang dag par rdzogs pa'i sangs rgyas mar me mdzad kyi drung du nga shes rab kyi pha rol tu phyin pa dang ma bral bar gyur pas/ de'i tshe de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis/ khyod ma 'ongs pa'i dus bskal pa grangs med pa na/ shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar shegs pa/ 'jig rten mkhyen pa/ skyes bu 'dul ba'i kha lo sbyar ba/ bla na med pa/ lha dang mi rnams kyi ston pa/ sangs rgyas bcom ldan 'das su 'gyur ro// zhes nga bla na med pa yang / dag par rdzogs pa'i byang chub tu lung bstan to// de nas bcom ldan 'das la lha'i bu de dag gis 'di skad ces gsol to// bcom ldan 'das 'di ltar shes rab
- 39b
kyi pha rol tu phyin pa 'di/ byang chub sems dpa' sems dpa' chen po rnams kyis thams cad mkhyen pa nyid yongs su bsdud cing / rjes su yongs su 'dzin pa ngo mtshar to// bde bar gshegs pa shin du ngo mtshar to// zhes zer to// shes rab kyi pha rol tu phyin pa brgyad stong pa las// brgya byin gyi le'u zhes bya ba ste/ gnyis pa'o// // bam po gsum pa// / de nas bcom ldan 'das kyis 'khor der lha'i bu gang dag 'dus par gyur pa dang / dge slong dang / dge slong ma dang / dge bsnyen dang / dge bsnyen ma dag der 'dus te 'khod par gyur pa dang / 'khor bzhi po thams cad 'dus shing 'khod par mkhyen nas/ 'dod pa spyod pa'i lha'i bu rnams dang / tshangs ris kyi lha'i bu rnams dang / 'od gsal gyi lha'i bu rnams dbang du bzhag ste/ lha'i dbang po brgya byin la sogs pa 'dod pa na spyod pa'i lha'i bu rnams dang / tshangs pa chen po la sogs pa tshangs ris dang / 'od gsal gyi lha'i bu rnams la bka' stsal pa/ ke'u shi ka rigs kyi bu 'am rigs kyi bu gang la la shes rab kyi pha rol tu phyin pa 'dzin tam/ 'chang / ngam/ klog gam/ kun chub par byed dam/ rab tu ston na/ de la bdud dam/ bdud kyi ris kyi lha dang / glags lta ba dag gis glags rnyed par mi 'gyur ro//
- 40a
rigs kyi bu'am rigs kyi bu mo de yang mi dang mi ma yin pa rnams kyis glags rnyed par yang mi 'gyur ro// rigs kyi bu 'am rigs kyi bu mo de yang mi spong bas 'chi ba'i dus byed par mi 'gyur ro// ke'u shi ka gzhan yang lha'i bu dag bla na med pa yang dag par rdzogs pa'i byang chub tu yang dag par zhugs pa rnams dang / lha'i bu gang dag gis shes rab kyi pha rol tu phyin pa 'di ma bcang ba dang / ma glags pa dang / kun chub par ma byas pa dang / rab tu ma 'don pa'i lha'i bu de dag rigs kyi bu de'i drung du 'ong bar 'dod par 'gyur te/ rigs kyi bu 'am rigs kyi bu mo shes rab kyi pha rol tu phyin pa 'dzin pa dang / klog pa dang / 'chang ba dang / rab tu 'don pa de la nyan par 'gyur te/ thos nas 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur ro// ke'u shi ka rigs kyi bu 'am/ rigs kyi bu mo shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa de bas mthar dgon par song yang rung / shing drung du song yang rung / khyim stong par song yang rung / lam du song yang rung / lam gol bar song yang rung / 'brog dgon par song yang rung / nye bar song yang rung / 'jigs pa 'am/ bag tsha ba mi 'byung mi skye'o// de nas de'i
- 40b
tshe bcom ldan 'das la rgyal po bzhis 'di skad ces gsol to// bcom ldan 'das bdag cag gis kyang rigs kyi bu 'am/ rigs kyi bu mo gang shes rab kyi pha rol tu phyin pa 'dzin cing 'chang ba dang / klog cing kun chub par byed pa dang / rab tu 'don par 'gyur ba de la bsrung bar bya/ bskyab par bya/ sba bar bgyi'o// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das bdag gis kyang rigs kyi bu 'am/ rigs kyis bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par bgyid pa dang / rab tu 'don par 'gyur ba de dag la bsrung ba dang / bskyab pa dang / sba bar bgyi'o// bcom ldan 'das la tshangs pa mi mjed kyi bdag po/ tshangs ris kyi lha'i bu rnams dang bcas pas 'di skad ces gsol to// bcom ldan 'das bdag cag gis kyang rigs kyi bu 'am rigs kyi bu mo gang shes rab kyi pha rol tu phyin pa 'di 'bri ba dang / 'dzin pa dang / 'chang ba dang / klog pa dang / kun chub par bgyid pa dang / rab tu 'don par bgyid pa de bsrung ba dang / sgrub pa dang / sba bar bgyi'o// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das 'di ltar rigs kyi bu 'am/ rigs kyi bu mo gang shes rab kyi pha rol tu phyin pa 'dzin
- 41a
@pa dang / 'chang ba dang / klog pa dang / kun chub par bgyid pa dang / rab tu 'don pa de'i tshe 'di la yon tan 'di dag thob cing / yongasu 'dzin par 'gyur ba ngo mtshar to// bcom ldan 'das yang shes rab kyi pha rol tu phyin pa 'di gzung na/ pha rol tu phyin pa drug po thams cad bzung bar 'gyur ram/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ ke'u shi ka shes rab kyi pha rol tu phyin pa bzung bas/ pha rol tu phyin pa drug po thams cad bzung bar 'gyur ro// ke'u shi ka gzhan yang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don par byed na/ rigs kyi bu 'am rigs kyi bu mo de'i tshe 'di la yon tan gang dag 'dzin par 'gyur ba shin du legs par rab tu nyon la yid la zung shig dang / ngas khyod la bshad do// bcom ldan 'das la lha'i dbang po brgya byin gyis leg so zhes gsol nas/ lha'i dbang po brgya byin gyis bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to// ke'u shi ka de la gang la la zhig chos 'di rtsod par 'dod pa dang / rgol bar 'dod pa dang / 'gal bar byed par 'dod pa zhig byung na/ rtsod par 'dod pa dang /
- 41b
rgol bar 'dod pa dang / 'gal bar byed par 'dod pa de dag gis rtsod pa dang / rgol ba dang / 'gal bar byed 'dod pa gang byung zhing / skyes pa med par 'gyur/ te/ rtsod par 'dod pa dang / rgol bar 'dod pa dang / 'gal bar byed 'dod pa de dag gis bsam pa rdzogs par mi 'gyur ro// de ci'i phyir zhe na/ ke'u shi ka de ni 'di ltar 'gyur te/ rigs kyi bu 'am rigs kyi bu mo gang la la shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don par 'gyur na/ de'i tshe rtsed pa'i gzhi 'byung zhing / skyes pa de dag med par 'gyur/ te/ rtsod par 'dod pa dang / rgol bar 'dod pa dang / 'gal bar byed 'dod pa de dag gis bsam pa yongs su rdzogs par mi 'gyur ro// ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa de'i tshe 'di la yon tan 'di dag yongs su 'dzin par 'gyur ro// ke'u shi ka 'di lta ste/ dper na/ rtsi ma g+ni zhes bya ba dug thams cad zhi bar byed pa zhig yod de/ der skye bo sbrul sdug pa bkres shing zas 'dod de/ zas tshol ba zhig gis/ srog chags su gyur pa 'ga' zhig mthong ste/ sbrul bdug pa des zas kyi phyir bza' bar 'dod nas/
- 42a
srog chags su gyur pa de'i phyogs su 'brang zhing bsnyags pa dang / srog chags su gyur pa de rtsi ma gI gang na yod pa der song ste/ phyin nas 'dug pa dang / de nas sbrul bdug pa de rtsi de'i dri tsam gyis phyir ldog go/ de ci'i phyir zhe na/ ke'u shi ka de ltar sbrul gyis bdug pa zil gyis non pa de rtsi ma g+hi de'i yon tan de yon te/ ke'u shi ka rtsi ma gI de ni 'di ltar mthu che'o// ke'u shi ka de bzhin du rigs kyi bu 'am/ rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa de la ni ke'u shi ka rtsod pa dang / rgol ba dang / 'gal bar byed pa gang dang gang 'byung ba de dag thams cad shes rab kyi pha rol tu phyin pa'i gzi brjid dang mthus de dag med par 'gyur te/ nye bar zhi zhing nub par 'gyur te/ de gang dang gang nas byung ba de dang de nyid du nub par 'gyur zhing / 'gags te 'phel bar 'gyur ro// ke'u shi ka rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / rigs kyi bu 'am rigs kyi bu mo gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa de la bsrungs pa dang / skyab pa dang / snga bar byed de/ ke'u shi ka rigs kyi bu 'am rigs kyi bu mo des tshe 'di la yang yon tan de dag
- 42b
yongs su bzung bar 'gyur ro// ke'u shi ka gzhan yang rigs kyi bu 'am rigs kyi bu mo gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa de'i tshig gzung bar 'gyur/ tshig ran par 'gyur/ tshig 'khyal pa med par 'gyur ro// khro bo'i zil gyis non par mi 'gyur ro// nga rgyal gyis zil gyis non par mi 'gyur ro// de ci'i phyir zhe na/ 'di ltar shes rab kyi pha rol tu phyin pa yongs su dul bar byed/ shes rab kyi pha rol tu phyin pas yongs su bsgyur te/ khro ba 'phel bar mi byed/ nga rgyal 'phel bar mi byed/ 'khon du 'dzin pa yongs su mi 'chang la/ gnod sems yongasu mi 'dzin cing / bag la nyal ba yongs su mi 'dzin te/ rigs kyi bu 'am/ rigs kyi bu mo de ltar spyod pa la dran pa dang / byams pa skye bar 'gyur zhing / de 'di snyam du sems te/ gal te bdag gis gnod sems bskyed du zin na/ bdag gi dbang po rnams 'khrugs shing / bzhin gyi mdog kyang 'gyur na/ bdag kyang bla na med pa yang dag par rdzogs pa'i byang chub tu yang dag par zhugs shing / 'di la slob par 'dod pa khro bo'i dbang du 'gro ba 'di ni mi rigs so// de myur du dran pa rnyed par 'gyur te/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang /
- 43a
rab tu 'don par 'gyur ba des/ tshe 'di la yon tan de dag yongs su 'dzin par 'gyur ro// de skad ces bka' stsal pa dang / lha'i dbang po brgya byin gyis bcom ldan 'das la 'di skad ces gsol to// bcom ldan 'das shes rab kyi pha rol tu phyin pa 'di de ltar byang chub sems dpa' sems dpa' chen po rnams yongs su dul ba dang / khengs pa ma mchis par bgyi ba'i slad du/ nye bar gnas pa ngo mtshar to// bcom ldan 'das kyis bka' stsal pa/ ke'u shi ka gzhan yang rigs kyi bu 'am/ rigs kyi bu mo gang shes rab kyi pha rol tu phyin pa 'di 'dzin pa dang / 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur na/ rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / kha don byed pa de 'thab mo g.yul 'gyed pa'i tshe/ g.yul gyi thog mar byung na/ de 'thab mo'i g.yul du 'jug gam/ g.yul du zhags sam/ thal te 'gro 'am/ 'greng ngam/ 'dug pa 'di lta bu'i gnas ma yin zhing skabs med de/ rigs kyi bu 'am rigs kyi bu mo 'di shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa 'am/ rab tu 'don pa 'am/ kha ton byed pa de'i srog gi bar
- 43b
chad du 'gyur ba/ gzhan gyis bar chad du 'gyur ba 'am/ gzhan gyis gnod par byed pa srog gi bar chad du 'gyur ba 'di ni/ gnas ma yin no// gal te de la mtshon 'phangs na/ lus la phog par mi 'gyur ro// de ci'i phyir zhe na/ ke'u shi ka 'di lta ste/ shes rab kyi pha rol tu phyin pa 'di ni rigs sngags chen mo'o// ke'u shi ka 'di lta ste/ shes rab kyi pha rol tu phyin pa 'di ni bla na med pa'i rigs sngags so// ke'u shi ka 'di lta ste shes rab kyi pha rol tu phyin pa 'di ni/ bla na med pa'i rigs sngags so// ke'u shi ka 'di lta ste shes rab kyi pha rol tu phyin pa 'di ni/ mi mnyam pa dang mnyam pa'i rigs sngag so// ke'u shi ka rigs sngags 'di la slob pa'i rigs kyi bu'am rigs kyi bu mo ni bdag la gnod par bya bar yang mi sems te/ gzhan la gnod par bya bar yang mi sems/ gnyis ka la gnod par bya bar yang mi sems te/ ke'u shi ka rigs sngags 'di la slob pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ thams cad mkhyen pa'i ye shes thob par 'gyur te/ de bla na med pa yang dag par rdzogs pa'i byang chub mngon par rdzogs par sangs rgyas te/ sems can thams cad kyi sems la rnam par lta'o// de ci'i phyir zhe na/ ke'u shi ka rigs kyang sngags 'di la bslab pa'i
- 44a
byang chub sems dpa' sems dpa' chen po ni gang la thob pa 'am/ ma shes pa 'am/ mngon par du byas pa gang yang med do// de'i phyir thams cad/ mkhyen pa'i ye shes bya ste/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don par 'gyur ba des/ tshe 'di la yon tan 'di dag yongs su bzung bar 'gyur ro// ke'u shi ka gzhan yang shes rab kyi pha rol tu phyin pa 'di gang na yod pa der/ tha na bris te glegs bam du chud par byas nas/ mchod pa byas bzhag la/ bkur sti byas te/ mi 'dzin/ mi 'chang / mi klog/ kun chub par mi byed/ rab tu 'don par yang mi 'gyur na/ ke'u shi ka de la las kyi rnam par smin pa ma togs/ mi 'am mi ma yin pa glags lta ba dag gis glags rnyed par mi 'gyur ro// ke'u shi ka rigs kyi bu 'am/ rigs kyi bu mo tshe 'di la yon tan 'di dag yongs su 'dzin par 'gyur ro// ke'u shi ka 'di lta ste dper na/ byang chub kyi snying po la 'dug pa dang / byang chub sems dpa'i 'khor yug na 'dug pa dang / byang chub kyi snying po'i drung na 'dug pa'i mi dang mi yin pa dag gis rgyal ka bya ba dang / bsad pa 'am/ gnod par byed mi nus te/ de ci'i phyir zhe na/ der 'das pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams
- 44b
mngon par rdzogs par sangs rgyas pa dang / mngon par rdzogs par 'tshang rgya bar 'gyur ba dang / mngon par rdzogs par 'tshang rgya ba'i sems can thams cad mi 'jigs pa dang / mi mgon pa dang / mi skrag pa ston cing brjod pa de bzhin du/ ke'u shi ka rigs kyi bu 'am/ rigs kyi bu mo gang shes rab kyi pha rol tu phyin pa 'di nyid 'dzin pa dang / 'chang ba dang / klog pa dang / kun chub par byed pa dang / rab tu ston par byed pa de la las kyi rnam par smin pa ma gtogs par mi 'am/ mi ma yin pa dag gi rgyal ka bya ba 'am/ bsad pa 'am/ gnod par bya bar mi nus so// de ci'i phyir zhe na/ ke'u shi ka shes rab kyi pha rol tu phyin pa 'di nyid kyis/ sa phyogs de sems can thams cad kyi mchod rten du gyur pa byas pa dang / phyag bya ba dang / ri mor bya ba dang / mchod par bya ba dang / bla mar bya ba dang / bkur stir bya ba dang / de na sems can rnams kyi skyabs dang / gnas dang / mgon dang / dpung gnyen du byas par 'gyur ro// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das rigs kyi bu 'am/ rigs kyi bu mo gang gis shes rab kyi pha rol tu phyin pa 'di bris nas/ glegs bam du chud par bgyis te/ bzhags pa de la lha'i me tog dang / 'dug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal
- 45a
mtshan dang / ba dan dang / khor yug tu mar me'i phreng ba dag dang / mchod pa rnam pa mang po dag gis bkur stir bgyi ba dang / bla mar bgyis pa dang / ri mor bgyis pa dang / mchod pa dang / brjod pa dang / gsol ba dang / gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i sku gdung dag mchod rten du nang stsal te/ yongs su 'dzin cing bcangs la/ de dag la yang de bzhin du lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dang / mchod pa rnam pa mang po dag gis bkar stir bgyis/ bla mar bgyis/ ri mor bgyis/ mchod cing brjod de gsol na/ rigs kyi bu 'am rigs kyi bu mo de gnyis gang / bsod nams ches mang du bskyed par 'gyur/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de'i phyir 'dir khyod la dri bar bya ste/ khyod kyis ci nus pa de bzhin du lan thob shig/ ke'u shi ka 'di ji snyam du sems/ gang de bzhin gshegs pa dgra bcom pa yang dag par rdzogs pa'i sangs rgyas kyis ska mngon par grub pa 'di/ lam gang la bslabs pas/ de bzhin gshegs pa dgra bcom pa yang dag par rdzogs
- 45b
pa'i sangs rgyas kyis/ bla na med pa yang dag par rdzogs pa'i byang chub dang / thams cad mkhyen pa nyid bsnyes shing mngon par rdzogs par sangs rgyas/ de skad ces bka' stsal pa dang / lha'i dbang po brgya byin gyis bcom ldan 'das la 'di skad ces gsol to// bcom ldan 'das shes rab kyi pha rol tu phyin pa 'di nyid la bslabs pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub dang / thams cad mkhyen pa nyid bsnyes so// mngon par rdzogs par sangs rgyas so// bcom ldan 'das kyis bka' stsal pa/ ke'u shi ka de bas na/ sku de lta bu bsnyes pa ni/ de bzhin gshegs pa de bzhin gshegs pa zhes bya ba'i grangs su mi 'gro ste/ thams cad mkhyen pa nyid bsres pas/ de bzhin gshegs pa de bzhin gshegs pa zhes bya ba'i grangs su 'gro'o// ke'u shi ka de bzhin gshegs pa de bzhin gshegs pa dgra bcom pa yang dag par rdzogs pa'i sangs rgyas kyis thams cad mkhyen pa nyid gang yin pa de yang shes rab kyi pha rol tu phyin pa las byung ba yin te/ ke'u shi ka de bzhin gshegs pa bdag gis dngos po'i sku gdung 'grub pa yang shes rab kyi pha rol tu phyin pa dang / thabs la mkhas pa las byung ste/ thams cad mkhyen pa'i ye shes kyi gnas su gyur pa yin no// de ltar
- 46a
chos su rab tu dbye'o// na gnas la brten gnas thams cad mkhyen pa'i ye shes su rab tu dbye'o// sangs rgyas kyi sku gdung du rab tu dbye'o// dge 'dun du rab tu dbye/ bar 'gyur ro// de ltar bdag gi dngos po'i sku gdung du 'grub pa thams cad mkhyen pa'i ye shes kyi rgyu las byung ste/ thams cad mkhyen pa'i ye shes kyi rgyur pas/ na/ sems can thams cad kyi mchod rten du gyur cing / phyag bya ba dang / bkur stir bya ba dang / bla mar bya ba dang / ri mor bya ba dang / mchod par bya ba dang / brjod par bya ba dang / gsol bar bya bar gyur pa yin no// de lta bas na nga yongs su mya ngan las 'das pa'i sku gdung de dag la yang mchod pa de lta bur 'gyur ro// ke'u shi ka de ltar rigs kyi bu 'am/ rigs kyi bu mo gang la la shes rab kyi pha rol tu phyin pa 'di bris nas glegs bam du chud par byas te 'chang ba dang / mchod pa dang / me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bsnyen bkur byed/ bla mar byed/ ri mor byed/ mchod par byed/ brjod par byed/ gsol bar byed na/ 'di nyid de'i gzhi las bsod nams ches mang du bskyed do// de ci'i phyir zhe na/ ke'u shi ka rigs kyi bu 'am/ rigs kyi bu mo des thams cad mkhyen pa'i ye shes la mchod pa
- 46b
byas par 'gyur ro// yang rigs kyi bu 'am rigs bu mo gang gis shes rab kyi pha rol tu phyin pa 'di bris nas glegs bam du chud par byas te/ bkur stir bya ba dang / bla mar bya ba dang / ri mor bya ba dang / mchod par bya ba dang / brjod par bya ba dang / gsol ba dang / mchod pa rnam pa mang po dag byed na/ 'di nyid de'i gzhi las bsod nams ches mang du bskyed do// de ci'i phyir zhe na/ ke'u shi ka gang shes rab kyi pha rol tu phyin pa la mchod par 'gyur ba des/ thams cad mkhyen pa'i ye shes su mchod par 'gyur ro// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das 'dzam bu'i gling gi mi gang dag shes rab kyi pha rol du phyin pa 'di la bkur stir mi ste mi bgyid/ bla mar mi bgyid/ ri mor mi bgyid/ mchod par mi bgyid/ brjod par mi bgyid// gsal bar mi bgyid pa de dag bcom ldan 'das 'tshal bar 'gyur ram/ de ste 'tshal bar mi 'gyur/ bcom ldan 'das kyis gsungs pa'i shes rab kyi pha rol tu phrin pa 'di la/ mchod par bgyis pa de ltar don che ba dang / phan yon che ba de dag gi mi 'tshal to// de skad ces gsol ba dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka 'di ji snyam du sems/ 'dzam bu'i gling gi mi de dag las gang dag sangs rgyas la shes nas dad pa dang
- 47a
ldan pa dang / gang dag chos la shes nas dad pa dang ldan pa dag gang dag dge 'dun la shes nas rang bstan paji snyed yod/ de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das 'dzam bu'i gling gi mi de dag las/ gang dag sangs rgyas la shes nas dad pa dang ldan pa dang / gang dag chos la shes nas dad pa dang ldan pa dang / gang dag dge 'dun la shes nas dad pa dang ldan pa nyung ngo // de skad ces gsol ba dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ 'dzam bu'i gling gi mi de dag las gang dag sangs rgyas la shes nas dad pa dang ldan pa dang / gang dag chos la shes nas dad pa dang ldan pa dang / gang dag dge 'dun la shes nas dad pa dang ldan pa de lta bu ni nyung ngo // gang dag rgyun du zhugs pa'i 'bras bu thob pa ni nyung ba de bas ches nyung ngo // gang dag lan cig phyir 'ong ba'i 'bras bu dang phyir mi 'ong ba'i 'bras bu thob pa ni nyung ba de bas kyang ches nyung ngo // gang dag dgra bcom pa nyid thob pa ni nyung ba de bas kyang ches nyung ngo // gang dag rang byang chub mngon du byed pa ni nyung ba de bas kyang ches nyung ngo // gang dag bla na med pa yang dag par rdzogs pa'i byang chub tu sems bskyed pa ni nyung ba de bas kyang ches nyung ngo //
- 47b
gang dag bla na med pa yang dag par rdzogs pa'i byang chub tu sems bskyed nas/ sems bskyed pa de rab tu rgyas par byed pa de bas kyang ches nyung ngo // gang dag bla na med pa yang dag par rdzogs pa'i byang chub tu sems bskyed de/ sems bskyed pa de rgyas par byas nas/ brtson 'grus brtsams shing gnas pa de ni nyung ba de bas kyang ches nyung ngo // gang dag shes rab kyi pha rol tu phyin pa la rnal 'byor du byed pa de ni nyung ba de bas kyang ches nyung ngo // gang dag shes rab kyi pha rol tu phyin pa la spyod pa ni nyung ba de bas kyang ches nyung ngo // gang dag shes rab kyi pha rol tu phyin pa la spyod cing / phyir mi ldog pa'i sa la gnas pa ni nyung ba des kyang ches nyu'o// / ke'u shi ka gang dag shes rab kyi pha rol tu phyin pa la spyod cing 'bad de bla na med pa yang dag par rdzogs pa'i byang chub mngon par rdzogs par 'tshang rgya ba dang / gang dag byang chub sems dpa' sems dpa' chen po phyir mi ldog pa'i sa la gnas nas/ bla na med pa yang dag par rdzogs pa'i byang chub mngon par rdzogs par sangs rgyas nas/ rigs kyi bu 'am rigs kyi bu mo lhag pa'i bsam pa phun sum tshogs pa/ shes rab kyi pha rol tu phyin pa la slob cing 'bad pa rnams/ shes rab kyi pha rol tu phyin pa 'di nye bar ston cing / 'dzin du 'jug pa dang / 'chang du 'jug pa dang / klog tu 'jug pa dang / kun chub par byed du 'jug pa dang / rab tu 'don du 'jug pa dang / shes rab
- 48a
kyi pha rol tu phyin pa de la lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams dang / khor yug tu mar me'i phreng ba dang / mchod pa rnam pa mang po dag gis bkur stir byed du 'jug/ bla mar byed du 'jug/ ri mor byed du 'jug/ mchod du 'jug/ brjod du 'jug/ slob du 'jug pa ni nyung ba de bas kyang ches nyung ngo // ke'u shi ka gang dag byang chub tu sems bskyed pa dang / byang chub kyi sems rgyas par byed cing / byang chub kyi sems rgyas par bya ste/ byang chub tu spyod pa'i sems can ni grangs med dpag tu med par yod do// ke'u shi ka sems can grangs med dpag tu med par yod do// ke'u shi ka sems can grangs med dpag tu med pa'i byang chub la spyod pa de dag las gal te na/ gcig gam gnyis shig phyir mi ldog pa'i byang chub sems dpa'i sa la gnas par 'gyur ro// de ci'i phyir zhe na/ ke'u shi ka bla na med pa yang dag par rdzogs pa'i byang chub ni brtson 'grus zhen pa dang / le lo can dang / sems stobs zhan pa dang / 'du shes dman pa dang / dad pa dman pa dang / shes rab dman pa rnams kyis sgrub par dka'o// ke'u shi ka de bas na rigs kyi bu 'am/ rigs kyi bu mo gang myur du bde bar bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ rgyun mi 'chad par
- 48b
shes rab kyi pha rol tu phyin pa 'di mnyan par bya'o// bzung bar bya'o// bcang bar bya'o// klag par bya'o// kun chub par bya'o// rab tu 'don par bya'o// yongs su/ bri bar bya'o// de ci'i phyir zhe na/ ke'u shi ka 'di ltar rigs kyi bu 'am rigs kyi bu mo de dag 'di lta bur shes te/ de bzhin gshegs pa sngon byang chub sems dpa'i spyad pa spyod pa'i tshe'ang 'di ltar shes rab kyi pha rol tu phyin pa la bslabs kyis/ bdag gis kyang de'i rjes su slob par bya'o// 'di lta ste/ shes rab kyi pha rol tu phyin pa 'di ni bdag gis ston pa'o// snyam ste/ de bzhin gshegs pa dgra bcom pa yang dag par rdzogs pa'i sangs rgyas bzhugs kyang rung / yongs su mya ngan las 'das kyang rung ste/ byang chub sems dpa' sems dpa' chen pos/ shes rab kyi pha rol tu phyin pa 'di nyid la bsten par bya'o// ke'u shi ka 'di ltar rigs kyi bu 'am rigs kyi bu mo gang la la zhig gis/ de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa mchod pa'i phyir/ rin po che sna bdun gyis mchod rten/ de bzhin gshegs pa'i ring srel gyi snying po can byed du bcug ste/ byas nas kyang des de la ji srid mtsho'i bar du/ lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / bdugs dang / rgyal mtshan dang / ba dan dang
- 49a
@khor yug tu mar me'i phreng ba dag dang / mchod pa rnam pa mang po dag gis bkur stir byed/ mchod par byed/ brjod par byed/ gsol bar/ byed/ ke'u shi ka de ji snyam du sems/ rigs kyi bu 'am// rigs kyi bu mo de de'i gzhi las bsod nams mang du bskyed dem/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka de bas kyang rigs kyi bu 'am rigs kyi bu mo gang shes rab kyi pha rol tu phyin pa 'di la mngon par dad de/ rtog cing mos la sems dang bas byang chub tu sems bskyed de/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chud par byed pa dang / rab tu 'don pa dang / kha don byed pa dang / gzhan dag la rgya cher yang dag par ston pa dang / 'di'i don rnam par 'grel pa yid kyis rjes su rtogs pa dang / ji lta bur grub pa'i shes rab kyis yongs su spyod par byed cing / sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos gnas par bya ba dang / tshul dang ma bral bas byang chub sems dpa' rnams la phan gdags pa bsgrub par byas par 'gyur ba/ tha na glegs bam du chud par byas te/ 'chang ngam/ bzhag la de la rigs kyi bu 'am rigs kyi bu mo des/ lha'i me tog dang / bdug pa dang //
- 49b
spos dang / phreng ba dang / byug pa dang / bye ma dang / na bzar dang / gdugs dang / rgyal mtshan dang / ba dan ngag dang / khor yug tu mar me'i phreng ba dang / mchod pa rnam pa mang po dag gis bkur stir byed/ bla mar byed/ ri mor byed/ brjod par byed/ gsol bar byed na/ 'di nyid de bas ches bsod nams mang du bskyed do// ke'u shi ka rin po che sna bdun gyi mchod rten de bzhin gshegs pa'i ring srel gyi snying po can lta zhog gi/ ke'u shi ka rigs kyi bu 'am/ rigs kyi bu mo gang la las/ 'dzam bu'i gling 'di kun du rin po che'i mchod rten gang bar byed du bcug ste/ byas nas kyang de dag ji srid mtsho'i bar du lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdags dang / rgyal mtshan dang / ba dan dag dang / kho ra khor yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka de bas kyang rigs kyi bu 'am/ rigs kyi bu mo gang shes rab kyi pha rol tu phyin pa 'di la mngon par dad de/ rtog cing
- 50a
mos la/ sems dang zas byang chub tu sems bskyed nas/ lhag pa'i thasam pas nyan pa dang / ston pa dang / 'dzin pa dang/ 'chang ba dang / klog 'jug/ kun chub par byed pa dang / rab tu 'don pa dang / gzhan dag la rgya cher yang dag par rab tu ston pa dang / de'i don rnam par 'grel pa dang / yid kyi rjes su rtog pa dang ji lta bur grub pa'i shes rab kyis yongs su spyod par byed/ sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan dgas pa bsgrub par byas par 'gyur bar/ tha na glegs bam du chud par byas te/ 'chang ngam/ bzhag la de la lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshal dang / ba dan dag dang / khor yug tu mang me'i phreng ba dag dang / mchod pa rnam pa mang po dag gi bkur stir byed/ bla mar bya/ ri mor byed/ mchod par byed/ brjod par byed/ gsol bar byed/ 'di nyid de bas ches bsod nams mang du bskyed do// ke'u shi ka 'dzam bu'i gling 'dir rin po che sna bdun gyi mchod rten de de bzhin gshegs pa'i ring srel gyi snying po can rnams kyis gang ba lta zhog gi/ ke'u shi ka gal te gling bzhi pa'i 'jig rten gyi khams na/ sems can ji snyed yod pa de
- 50b
thams cad las/ sems can so so nas rin po che sna bdun gyis mchod rten de bzhin gshegs pa'i ring srel gyi snying po re re byed du bcug ste/ de dag ji srid tshe'i bar/ du lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnams pa mang po dag gis bkur stir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka de ji snyam du sems/ sems can de dag de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo / bcom ldan 'das kyis bka' stsal pa/ ke'u shi ka de bas kyang rigs kyi bu 'am/ rigs kyi bu mo gang shes rab kyi pha rol tu phyin pa 'di la mngon par dad de/ rtog cing mos la sems dang bas byang chub tu sems bskyed nas/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / 'don du byed pa dang / gzhan dag la yang rgya cher yang dag par ston pa dang / 'di'i don rnam par 'grel pa dang / yid kyis rjes su rtog pa dang / ji lta bur grub pa'i shes rab kyi yongs su spyod par byed cing / sangs rgyas kyi tshul rgyun chad par ma gyur
- 51a
@cing / dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bar byang chub sems dpa' rnams la phan gdags pa bsgrub pa byas par 'gyur ba/ tha na glegs bam du chud par byas te/ 'chang ngam/ bzhag la de la lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / kho ra yug tu mar me'i phreng ba dag dang / mchod pa rnam pa mang po dag gis bkur stir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka rigs kyi bu 'am/ rigs kyi bu mo de nyid de bas ches bsod nams mang du bskyed do// ke'u shi ka gling bzhi pa'i 'jig rten gyi khams kyi sems can thams cad lta zhog gi/ ke'u shi ka stong spyi phud kyi 'jig rten gyi khams na/ sems can ji snyed yod pa de dag thams cad las/ sems can so so nas/ rin po che sna bdun gyi mchod rten de bzhin gshegs pa'i ring srel gyi snying po can re re byas te/ de dag la ji srid mtsho'i bar du lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur
- 51b
bstir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka 'di ji snyam du sems/ sems can de dag de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo po/ bcom ldan 'das kyis bka' stsal pa/ ke'u shi ka de bas kyang rigs kyi bu 'am rigs kyi bu mo gang shes rab kyi pha rol tu phyin pa 'di la mngon par dad de rtog cing mos la sems dang bas/ byang chub tu sems bskyed/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / kha don byed pa dang / gzhan dag la yang rgya cher yang dag par ston pa dang / de'i don rnam par 'grel pa dang / yid kyi rjes su rtog pa dang / ji lta bur grub pa'i shes rab kyi yongs su spyod par byed cing / sangs rgyas kyis tshul rgyun chad par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdag pa bsgrub pa byas par 'gyur bar/ tha na glegs bam du chud par byas te/ 'chang ngam/ bzhag la de la lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / kho ra yug tu mar me'i phreng ba dag dang / mchod pa rnam pa mang po dag gis bkur
- 52a
bstir byed bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka rigs kyi bu 'am rigs kyi bu mo 'di nyid de'i gzhi las bsod nams ches mang du bskyed do// ke'u shi ka stong spyi phud kyi 'jig rten gyis khams kyi sems can thams cad lta zhog gi/ ke'u shi ka stong gnyis pa bar ma'i 'jig rten gyi khams na/ sems can ji snyed yod pa de dag thams cad las/ sems can so so nas rin po che sna bdun gyis mchod rten de bzhin gshegs pa ring srel gyi snying po can byed du bcug ste/ de dag la ji srid mtsho'i bar du lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / kho ra yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka 'di ji snyam du sems/ sems can de dag de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo / bde bar gshegs pa mang ngo // bcom ldan 'das kyis bka' stsal pa/ ke'u shi ka de bas kyang rigs kyi bu 'am/ rigs kyi bu mo gang shes rab kyi pha rol tu phyin pa 'di la mngon par dad de rtog cing mos las sems dang bas byang chub tu sems bskyed
- 52b
na/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don du byed byed pa dang / gzhan dag la rgya cher yang dag par ston pa dang / 'di'i don rnam par 'grel ba dang / yid kyis rjes su rtog pa dang / ji ltar bur grub pa'i shes rab kyis yongs su spyod par byed cing / sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdags par bsgrub par byas par 'gyur bar/ tha na gleg kham du chud par byas te/ 'chang ngam/ bzhag la de la lha'i me tog dang / bdug pa dang / spos dang phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed na/ 'di nyid de bas ches bsod nams mang du bskyed do// ke'u shi ka stong gnyis pa bar ma'i 'jig rten gyi khams kyi sems can thams cad lta zhog gi/ ke'u shi ka stong gsum gyis stong chen po'i 'jig rten gyi khams na/ sems can ji snyed yod pa de
- 53a
thams cad las/ sems can de dag so so nas rin po che sna bdun gyi mchod rten de bzhin gshegs pa'i ring srel gyi snying po can byed du bcug ste/ de dag la ji srid mtsho'i bar du lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdug dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur stir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka 'di ji snyam du sems/ sems can de dag de'i gzhi las bsod nams mang du bskyed do// brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka de bas kyang rigs kyi bu 'am/ rigs kyi bu mo gang shes rab kyi pha rol tu phyin pa 'di la mngon par dad de/ rtog cing mos la sems dang bas byang chub tu sems bskyed nas/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed pa dang / gzhan dag la yang ba rgya cher yang dag par ston pa dang / 'di'i don rnam par 'grel pa dang / yid kyi rje su
- 53b
rtog pa dang / ji lta bur grub pa'i shes rab kyis yongs su spyod par byed cing / sangs rgyas kyi tshul rgyun chad par ma gyur cig/ dam pa'i chos nub par ma gyur/ cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdags par byas par 'gyur bar/ tha na glegs bam du chud par byas te/ 'chang ngam/ bzhag pa de la lha'i me tog dang / bdug pa dang / spos dang / phreng ba dang / byug pa dang / bye ma dang / na bza' dang gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur stir byed/ bla mar byed/ ri mor byed/ mchod par byed/ gsol bar byed na/ 'di nyid de bas ches bsod nams mang du bskyed do// ke'u shi ka stong gsum gyis stong chen po'i 'jig rten gyi khams na/ sems can so so nas rin po che sna bdun gyi mchod rten de bzhin gshegs pa'i ring srel gyi snying po can byed du bcug ste/ de dag la ji srid mtsho'i bar du lha'i me tog dang / bdug pa dang / spos dang / phreng ba dang / byung ba dang / phye ma dang / na bza' dang / gdugs dang / rgyal mtshan dang / ngangan dag dang / khor lug tu mar po'i phreng ba dang / mtshang pa rnam pa mang ba dag gis 'akur stir byed/ bla mar byed/ ri sor byed/ mchod par byed/ brjod
- 54a
#par byed/ gsol bar byed pa lta zhog gis/ ke'u shi ka gal te skyong gsum gyi stong chen po'i 'jig rten gyi khams na/ sems can gang su dag yod ba de dag thams cad nag par yongasu bzung ste/ snga phyi med par mi'i lus thob par gyur la/ de dag las kyang sems so so nas/ rin po che sna bdun gyi mchod rten de bzhin gshegs pa'i ring srel gyi snying po can re re byed du bcug ste/ byed du bcug nas kyang sems can so so nas mchod rten de dag thams cad la bskal pa 'am/ bskal pa las lhag pa'i sil snyan thams cad dang / glu dbyangs thams cad dang / gar thams cad dang / rnga dang pheg rdo ba dang / me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur stir byed/ bla mar byed/ ri mor byed/ mchod par byed/ brjod par byed/ gsol bar byed na/ sems can de dag thams cad de lta bu'i bsod nas bya ba des/ mchod rten tshad med grangs med dpag tu med pa de dag byed du bcug la/ de lta bu'i mchod rten la mchod pa dag byed du bcug na/ ke'u shi ka 'di ji snyam du sems/ sems can de dag de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo / bde bar gshegs pa mang ngo // bcom ldan 'das kyis bka' stsal pa/
- 54b
ke'u shi ka de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di la mngon par dad de/ rtog cing mos la sems dang bas byang chub tu sems bskyed/ nas/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed pa dang / gzhan dag la rgya cher yang dag par ston pa dang / de'i don rnam par 'grel ba dang / ji yid kyis rjes su rtog pa dang / ji lta bur grub pa'i shes rab kyis yongs su spyod par byed cing / sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas/ byang chub sems dpa' sems dpa' chen po rnams la/ phan gdags pa bsgrub par byas par 'gyur bar tha na glegs bam la chud par byas te/ 'chang ngam bzhag la/ de la lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur stir byed/ bla mar byed/ ri mor byed/ mchod par byed/ brjod par byed/ gsol bar byed na/ 'di nyid de bas ches bsod nams mang du bskyed do// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das de de
- 55a
bzhin no// bde bar gshegs pa de de bzhin te/ bcom ldan 'das shes rab kyi pha rol tu phyin pa la bkur bstir bgyid pa dang / bla mar bgyid pa dang / ri mor bgyid pa dang / mchod par bgyid pa dang / brjod par bgyid pa dang / gsol bar bgyid pa'i rigs kyi bu 'am/ rigs kyi bu mo des 'das pa dang / ma byon pa dang / da ltar byung ba'i sangs rgyas bcom ldan 'das/ sangs rgyas kyis yongs su mkhyen pa'i 'jig rten gyi khams na bzhugs pa rnams la/ shin tu bkur stir bgyis/ bla mar bgyis pa dang / ri mor bgyis pa dang / mchod par bgyis pa dang / brjod pa dang / gsol bar 'gyur ro// bcom ldan 'das rnam grangs 'di lta bur stong gsum gyi stong chen po'i 'jig rten gyi khams kyi sems can rnams lta zhog/ bcom ldan 'das 'jig rten gyi khams gang ga'i klung gi bye ma snyed na/ sems can ji snyed yod pa de dag thams cad/ sems can so so nas/ rin po sna bdun gyi mchod rten de bzhin gshegs pa'i ring srel gyi snying po can re re bgyid du stsal te/ sems can de dag so so nas mchod rten de dag thams cad la/ bskal pa 'am/ bskal pa las lhag pa'i sil sman thams cad dang / glu dbyangs thams cad dang / gar thams cad dang / rnga dang / pheg brdob pa thams cad dang / lha'i me tog dang / bdag pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i
- 55b
phreng ba dag dang / mchod pa rnam pa mang po dag gis bkur bskor bgyid/ bla mar bgyid/ ri mor bgyid/ mchod par bgyid/ brjod par bgyid/ gsol bar bgyid pa 'am/ bcom ldan 'das rigs kyi bu 'am/ rigs kyi bu mo gang shes rab kyi pha rol tu phyin pa 'di la mngon par dad du rtog cing mos la/ sems dang bas byang chub tu sems bskyed pa nas/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par bgyid pa dang / rab tu 'don pa dang / lung nod pa dang / kha don bgyid pa dang / gzhan dag la yang rgya cher yang dag par ston pa dang / 'di'i don rnam par 'grel pa dang / yid kyis rjes su rtog pa dang / ji lta bar grub pa'i shes rab kyis yongs su spyod par byed cing // sangs rgyas kyi tshul rgyun chad par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' sems dpa' chen po rnams la phan gdags pa bsgrub par 'gyur na/ tha na glegs bam du chud par bgyis te/ 'chang ngam/ bzhag la/ de la rigs kyi bu 'am/ rigs kyi bu mo des lha'i me tog dang / bdag pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir bgyid/ bla mar bgyid/ mchod par bgyid/ brjod par bgyid/ gsol bar bgyid na/ 'di nyid de'i gzhi las bsod nams ches mang du
- 56a
bskyed do// de nas bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ ke'u shi ka rigs kyi bu 'am rigs kyi bu mo de de'i gzhi las bsod nams mang po dpag tu med par bskyed do// ke'u shi ka rigs kyi bu 'am rigs kyi bu mo de'i gzhi las bsod nams grangs med pa bskyed do// ke'u shi ka rigs kyi bu 'am rigs kyi bu mo de de'i gzhi las bsod nams bsam gyis mi khyab pa bskyed do// ke'u shi ka rigs kyi bu 'am rigs kyi bu mo de de'i gzhi las bsod nams mtshungs pa med par bskyed do// ke'u shi ka rigs kyi bu 'am/ rigs kyi bu mo de'i gzhi las bsod nams gzhal du med pa bskyed do// ke'u shi ka de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid ni/ shes rab kyi pha rol tu phyin pa las skyes so// / de bzhin gshegs pa'i sku gdung la mchod pa ni/ thams cad mkhyen pa nyid las byung ste/ ke'u shi ka de bas na rigs kyi bu 'am/ rigs kyi bu mo gang shes rab kyi pha rol tu phyin pa 'di la mngon par dad de rtog cing mos la sems dang bas byang chub tu sems bskyed de/ lhag pa'i bsam pas nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don bgyid pa dang / gzhan dag la yang rgya cher yang dag par ston pa dang / 'di'i don rnam par 'grel pa dang / yid kyis
- 56b
rjesu rtog pa dang / ji lta bur grub pa'i shes rab kyis yongs su spyod par byed cing / sangs rgyas kyis tshul chud par ma gyur cig/ sangs rgyas kyis tshul rgyun chad par ma gyu cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdags pa bsgrub pa byas par 'gyur bar/ tha na gleg bam du chud par byas te/ 'chang ngam bzhag la de lha'i me tog dang / bdug pa dang / spos dang / phreng ba dang / byug pa dang / phye ma dang / bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka bsod nams mngon par 'du byed pa de la rin po che sna bdun gyis mchod rten de bzhin gsheg pa'i ring srel gyi snying po can la bkur bstir byas pa'i bsod nams mngon par 'du byed pa/ snga ma des brgya'i char yang nye bar mi 'gro/ stong gi char yang / brgya stong gi char yang / bye ba'i char yang / bye ba phrag brgya'i char yang / bye ba phrag stong gi char yang / bye ba khrag khrig brgya stong gi char yang nye bar mi gro/ grangs su yang / bgrang bar yang / dper yang mi bzod do// de nas lha'i bu bzhi khri gang de dag lha'i dbang po brgya byin dang bcas pa 'khor de nyid du 'dus te 'khod par gyur pa de dag gis lha'i dbang po brgya byin
- 57a
la 'di skad ces smras so// grogs po shes rab kyi pha rol tu phyin pa bzung bar bgyi'o// grogs po shes rab kyi pha rol tu phyin pa bcad par bgyi'o// grogs po shes rab kyi pha rol tu phyin pa grags par 'chi'o// grogs po shes rab kyi pha rol tu phyin pa kun chub par bgyi'o// grogs po shes rab kyi pha rol tu phyin pa rab tu 'don par bgyi'o// grogs po shes rab kyi pha rol tu phyin pa lung nod par bgyi'o// grogs po shes rab kyi pha rol tu phyin pa kha don du bgyi'o// de nas bcom ldan 'das kyi lha'i dbang po brgya byin la 'di skad ces bka' stsal to// ke'u shi ka khyod kyis shes rab kyi pha rol tu phyin pa bzungs shig/ ke'u shi ka khyod kyis shes rab kyi pha rol tu phyin pa chongs shig/ ke'u shi ka khyod kyis shes rab kyi pha rol tu phyin pa lhogs shig/ ke'u shi ka khyod kyis shes rab kyi pha rol tu phyin pa kun chub par byos shig/ ke'u shi ka khyod kyis shes rab kyi pha rol tu phyin pa rab tu thon cig/ ke'u shi ka khyod kyis shes rab kyi pha rol tu phyin pa lung nos shig/ ke'u shi ka khyod kyis shes rab kyi pha rol tu phyin pa kha don byos shig/ ke'u shi ka de'i ci'i phyir zhe na/ gang gi tshe lha ma yin rnams sems kyi rgyu ba 'byung ste/ 'di snyam du sum bcu rtsa gsum pa'i lha rnams dang 'thab par bya'o// sum bcu rtsa gsum pa'i lha rnams dang g.yul 'gyed par bya'o snyam na/ de'i tshe ke'u shi ka khyod kyis shes rab kyi pha rol tu phyin pa 'di 'dran par byos shig/ kha don du byos shig/ lha ma yin de dag gi
- 57b
sems kyi rgyu ba de dag nub par gyur to// de skad ces bka' stsal ba dang / bcom ldan 'das la lci'i dbang po brgya byin gyis 'di skad ces gsol to// bcom ldan 'das 'di lta ste/ shes rab kyi pha rol tu phyin pa 'di ni rig sngags chen mo'o// bcom ldan 'das 'di lta ste/ shes rab kyi pha rol tu phyin pa 'di ni bla na med pa'i rigs sngags so// bcom ldan 'das 'di lta ste/ shes rab kyi pha rol tu phyin pa 'di ni mnyam pa dang mi mnyam pa'i rigs sngags so// de skad ces gsol pa dang / bcom ldan 'das kyi lha'i dbang po brgya byin la 'di skad ces bka' stsal to// ke'u shi ka de bzhin no// de de bzhin te/ ke'u shi ka 'di lta ste/ shes rab kyi pha rol tu phyin pa 'di ni rig sngags chen mo'o// ke'u shi ka 'di lta ste/ shes rab kyi pha rol tu phyin pa 'di ni bla na med pa'i rig sngags so// ke'u shi ka 'di lta ste/ shes rab kyi pha rol tu phyin pa 'di ni mi mnyam pa dang mnyam pa'i rig sngags so// de ci'i phyir zhe na/ ke'u shi ka 'di lta ste shes rab kyi pha rol tu phyin pa 'di ni rig sngags 'di la bsten nas/ sngon gyi de bzhin gshegs pa dgra bcom pa yang dag par rdzogs pa'i byang chub tu mngon par rdzogs par sangs rgyas so// ke'u shi ka 'di lta ste ma 'ongs pa'i dus na 'byung ba'i de bzhin gshegs pa dgra bcom pa yang dag par rdzogs pa'i sangs rgyas rnams bla na med pa yang dag par rdzogs pa'i byang chub tu mngon par rdzogs par 'tshang brgya bar 'gyur ba/ de snyed pa de dag kyang shes rab kyi pha rol tu phyin pa'i rig sdug
- 58a
'di la brten nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// ke'u shi ka 'di lta ste/ de ltar 'jig rten gyi khams grangs med pa na/ sangs rgyas bcom ldan 'das gang su dag bla na med pa yang dag par rdzogs pa'i byang chub mngon par sangs rgyas pa de dag kyang / shes rab kyi pha rol tu phyin pa'i rigs sngags 'di la bsten nas/ bla na med pa yang dag par rdzogs pa'i byang chub mngon par rdzogs par sangs rgyas so// ke'u shi ka 'di lta ste/ nga yang shes rab kyi pha rol tu phyin pa'i rig sngags 'di la brten nas/ bla na med pa yang dag par rdzogs pa'i byang chub mngon par rdzogs par sangs rgyas so// ke'u shi ka rig sngags 'di la brten nas/ dge ba bcu'i las kyi lam rnams kyang / 'jig rten du rab tu 'byed do// byang chub kyi yan lag dang ldan pa'i bsam gtan bzhi dang / byang chub kyi yan lag dang ldan pa'i tshad med pa bzhi dang / byang chub kyi yan lag dang ldan pa'i gzugs med pa'i snyoms par 'jug pa bzhi dang / byang chub kyi yan lag dang ldan pa'i mngon par shes pa drug rnams 'jig rten du rab tu 'byed do// byang chub kyi phyogs kyi chos sum bcu rtsa bdun yang 'jig rten du rab tu 'byed do// mdor na chos kyi phung po brgyad khri bzhi stong yang 'jig rten du 'byed do// sangs rgyas kyi ye shes dang / rang byung / gi ye shes dang / bsam gyis khyab pa'i ye shes kyang 'jig rten du rab tu 'byed do// / bam po bzhi pa'o//
- 58b
// de nas de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du mi snang bar gyur pa de'i tshe/ ke'u shi ka shes rab kyi pha rol tu phyin pa 'di la brten nas/ byang chub sems dpa' sems dpa' chen po rnams/ sngon ma thos pa'i shes rab kyi pha rol tu phyin pa'i rgyu 'thun pa'i thabs mkhas pa dang ldan par 'gyur ro// ke'u shi ka de dag sems can rnams la snying brtse ba'i phyir 'jig rten nas/ dge ba bcu'i las kyi lam rnams 'jig rten du rab tu 'byed do// byang chub kyi yan lag dang mi ldan pa'i bsam gtan gzhi dang / byang chub kyi yan lag dang mi ldan pa'i tshad med pa bzhi dang / byang chub kyi yan lag dang mi ldan pa'i gzugs med pa'i snyoms par 'jug pa bzhi dang / byang chub kyi yan lag dang mi ldan pa'i mngon par shes pa lnga rnams 'jig rten du rab tu 'byed do// ke'u shi ka 'di lta ste dper na/ zla ba'i dkyil 'khor la brten nas/ sman dang skar ma rnams stobs ji lta bu dang / mthu ji lta bar kun du snang bar byed/ rgyu skar rnams kyang stobs ji lta ba dang / mthu ji lta ba bzhin du snang bar byed de/ ke'u shi ka de bzhin du de bzhin gshegs pa dgra bcom pa yang dag par rdzogs pa'i sangs rgyas 'das nas/ dam pa'i chos nub par gyur pa dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du ma byung na/ chos spyod pa dang mtshungs par spyod pa dang / dge ba spyod pa gang dag 'jig rten du snang ba dang / rab tu 'byed pa de dag thams cad byang chub sems dpa' las
- 59a
skyes shing / byang chub sems dpas rab tu phye ste/ byang chub sems dpa' rnams kyi thabs mkhas pa de yang shes rab kyi pha rol tu phyin pa las skyes par rig pa bya'o// ke'u shi ka gzhan yang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed pa dang / yi ger 'bri ba dang / yid la byed pa dang / dran par byed pa'i rigs kyi bu 'am/ rigs kyi bu mo rnams de de'i gzhi las/ tshe 'di la yon tan mang po rnams re bar bya'o// de skad ces bka' stsal pa dang / lha'i dbang po brgya byin gyis bcom ldan 'das la 'di skad ces gsol to// bcom ldan 'das rigs kyi bu dang / rigs kyi bu mo de dag tshe 'di la yon tan gang dag dang ldan par 'gyur/ bcom ldan 'das kyis bka' stsal pa/ ke'u shi ka rigs kyi bu 'am/ rigs kyi bu mo de dag ni yang ba mi spongs pas 'chi ba'i dus byed par mi 'gyur/ dug gis 'chi ba'i dus byed par mi 'gyur// mtshon gyis 'chi ba'i dus byed par mi 'gyur/ mes 'chi ba'i dus byed par mi 'gyur/ dbyig pas 'chi ba'i dus byed par mi 'gyur/ pha rol gyi gnod pas 'chi ba'i dus byed par mi 'gyur/ de dag la rgyal po dang / blon po dang / rgyal por blon po dag gis gcer ba 'byung zhing skye na yang / shes rab kyi pha rol tu phyin pa 'di bzung / kha don byed pa dag las phyir mi snang bar 'gyur ro//
- 59b
shes rab kyi pha rol tu phyin pa yang dang yang du 'don byed pa de dag la 'dir glags lta ba dang / glags tshol ba gang dag nye bar 'ong bar 'gyur na/ 'di lta bur shes rab kyi pha rol tu phyin pa bzung ba'i phyir/ de dag gis glags rnyed par mi 'gyur ro// rgyal po 'am/ blon po 'am/ rgyal po'i blon chen po dag nye bar 'ongs par gyur na/ yang smra bar 'dod cing gtam zer 'dod de/ yang dag par dga' bar bya'o snyam du sems par 'gyur ro// ke'u shi ka de ci'i phyir zhe na/ shes rab kyi pha rol tu phyin pa 'di ni sems can thams cad la byams pa'i sems kyis/ byams pa nye bar bsgrub pa dang / snying rje'i sems kyis snying rje nye bar bsgrub pa la gnas par 'gyur te/ ke'u shi ka de lta bas na rigs kyi bu 'am rigs bu mo gcan zin dang / grog sbur dang / dgon pa'i nang du song ba de dag la mi 'am mi ma yin pa glags lta ba dang / glags tshol ba de dag gis kyang / de dag la sngon gyi las kyi rnam par smin pa ma togs par glags rnyed par mi 'gyur ro// de nas mu stegs can gzhan kun du rgyu glan ka tshol ba'i bsam pas/ de'i tshe bcom ldan 'das ga la ba dor 'od // de nas lha'i dbang po brgya byin gyis gzhan mu stegs can kun du rgyu de dag ring mo nas 'ong ba mthong nas/ de dag gis sems la kun du btags te/ 'di snyam du gzhan mu stegs can kun du rgyu 'di dag glan ka tshol ba'i bsam pas/ bcom ldan 'das ga la ba der 'ong gis/ bdag gis ci nas kyang
- 60a
@gzhan mu stegs can kun du rgyu de dag bcom ldan 'das kyi drung du nye bar 'ong bar bya'o// de ltar byas pa dang shes rab kyi pha rol tu phyin pa 'di bshad pa la/ bar chad du mi 'gyur ro snyam na/ bcom ldan 'das las shes rab kyi pha rol tu phyin pa 'di/ ji tsam bzung ba de tsam bros dran par byas/ kha don du byas/ rab tu 'don par bya'o snyam du bsams so// de nas lha'i dbang po brgya byin gyis/ bcom ldan 'das las shes rab kyi pha rol tu phyin pa ci bzung ba de tsam bros dran par bsams te/ kha don du byas shing rab tu gton pa dang / de nas gzhan mu stegs can kun du rgyu de dag rgyang ring ba bas kyang ches ring ba nas/ bcom ldan 'das la bskor ba byas te/ ske de nyid dang / lam de nyid nas phyir log te dong ngo // de nas tshe dang ldan pa sha ri'i bu 'di snyam du sems te/ de ci'i phyir 'di ltar mu stegs can kun du rgyu de dag rgyang ring ba bas ches ring ba nas/ bcom ldan 'das la bskor ba byas te/ sgo de nyid dang lam de nyid nas slar dong ngo snyam mo// de nas bcom ldan 'das kyis tshe dang ldan pa sha ri'i bu'i sems kyi rtog pa sems kyis shes nas/ tshe dang ldan pa sha ri'i bu la 'di skad ces bka' stsal to// lha'i dbang po brgya byin gyis gzhan mu stegs can kun du rgyu de dag glan ka tshol ba'i bsam pa can de dag gis sems dag mthong nas/ shes rab kyi pha rol tu phyin pa la bar chad byed par 'gyur na/ mi rung ngo zhes/ ci nas shes rab kyi pha rol tu phyin pa 'chad par/
- 60b
gzhan sus stegs can kun du rgyu de dag mi 'ong bar gzhan mu stegs can kun du rgyu rtsod par 'dod pa de dag la/ shes rab kyi pha rol tu phyin pa 'di dran pas bsams te/ khadod du byas shing rab tu 'don te/ lha'i dbang po brgya byin gyis ltar ngas kyang gnang ngo // de ci'i phyir zhe na/ ke'u shi ka gzhan mu stegs can kun du rgyu de dag la chos dkar po gcig kyang yod par ma mthong ste/ de dag thams cad ni glan ka tshol ba'i bsam pa dang / zhes 'gras pa'i sems kyis 'od 'dod par 'gyur ro// de nas bdud sdig can 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas kyis 'khor bzhi po 'di dag tshogs shing 'khod do// de bzhin gshegs pa'i mngon sum du gyur cing / 'dod pa na spyod pa dang / gzugs na spyod pa'i lha'i bu 'di dag kyang mngon sum gyur pa lags na/ 'dir ni nges par byang chub sems dpa' sems dpa' chen po dag bla na med pa yang dag par rdzogs pa'i byang chub tu lung ston par 'gyur gyis/ mig gis mi rtsol bar bya ba'i phyir/ bdag nye bar 'gro'o// snyam mo// de nas bdud sdig can gyis yan lag bzhi'i dpung gi tshogs mngon par sprul te/ bcom ldan 'das ga la ba der song ngo // de nas lha'i dbang po brgya byin 'di snyam du sems te/ kye ma'o// 'di ni bdud sdig can yin te/ yan lag bzhi pa'i dpung gi tshogs mngon par sprul nas/ bcom ldan 'das ga la der 'ong ba yin gyis/ yan lag bzhi pa'i dpung
- 61a
gi tshogs kyi g.yul gang yin pa de ni/ rgyal po gzugs can snying po'i yan lag bzhi pa'i dpung gi tshogs kyi g.yul yang ma yin no// rgyal po gsal rgyal gyi yan lag bzhi pa'i dpung gi tshogs kyi g.yul yang ma yin no// shAkya rnams kyi yan lag bzhi pa'i dpung gi tshogs kyi g.yul yang ma yin no// lI tsA byi rnams kyi yan lag bzhi pa'i dpung gi tshogs kyi g.yul yang ma yin no// 'di ni bdud sdig can gyis mngon par sprul pa yun te/ bdud sdig can ni yun ring po nas/ bcom ldan 'das la glags lta ba dang / glags tshol ba dang / sems can rnams la gtse ba'i bsam pas rjes su 'brang ngo // da bdag gis shes rab kyi pha rol tu phyin pa 'di dran pas bsam par bya/ kha don du bya/ rab tu 'don par bya'o snyam mo// de nas lha'i dbang po brgya byin gyis shes rab kyi pha rol tu phyin pa 'di dran pas bsam par bya/ kha don du byas te/ rab tu ston pa dang / lha'i dbang po brgya byin gyis ltar shes rab kyi pha rol tu phyin pa dran pas bsams shing / kha don du byas te rab tu ston pa de lta bur/ bdud sdig can lam de nyid nas slar log te song bar gyur to// de nas sum bcu rtsa gsum pa'i rigs kyi lha'i bu rnams kyis/ 'di me tog man+dA ra ba dag mngon par sprul te/ bar snang gi na mkha' la 'dug nas bcom ldan 'das ga la ba der gtor cing / mngon par rab tu gtor te/ 'di skad du kye ma/ shes rab kyi pha rol tu phyin pa 'di ni yun ring mo zhig nas/ 'dzam bu'i gling gi mi rnams kyi
- 61b
nang du byung ngo // zhes ched du brjod pas ched du brjod pa nas/ yang lha'i me tog rnams kyis bcom ldan 'das gal ba der gtor/ mngon par rab tu gtor te 'di skad ces gsol to// bcom ldan 'das sems can gang dag shes rab kyi pha rol tu phyin pa 'chad pa dang / shes rab kyi pha rol tu phyin pa la spyod pa de ni/ bdud dam bdud kyi rigs kyi lha rnams kyis glags mi rnyed do// bcom ldan 'das gang shes rab kyi pha rol tu phyin pa 'di nyan pa dang / 'dzin pa dang / 'chang ba dang / klog pa dang / kun chub par bgyid pa dang / rab tu 'don pa dang / lung nod pa dang / kha 'don bgyid pa dang / de bzhin nyid du slob pa dang / de bzhin nyid du bsgrub pa dang / de bzhin nyid du rnal 'byor du bgyid pa'i sems can de dag ni/ nga sngon gyi dge ba'i rtsa ba dang ldan pa ma lag so// bcom ldan 'das shes rab kyi pha rol tu phyin pa 'di gang dag gis rna lam du grags par 'gyur ba'i sems can de dag gis kyang / sngon gyi rgyal ba rnams la bgyi ba bgyis pa lags na/ gang 'dzin pa dang / 'chang ba dang / klog pa dang / kun chub par bgyid pa dang / rab tu 'don pa dang / lung nod pa dang / kha don bgyid pa dang / de nyid du slob pa dang / de bzhin nyid du bsgrub pa dang / de bzhin nyid du rnal 'byor du bgyid pa lta ci smos te/ bcom ldan 'das sems can de dag gis ni/ de bzhin gshegs pa la bsnyen bkur bgyis pa lagaso// de ci'i slad du zhe na/ 'di lta ste shes rab kyi pha rol tu phyin pa 'dis thams cad
- 62a
mkhyen pa nyid rab tu 'byed do// 'dis thams cad mkhyen pa nyid btsal bar bya'o// bcom ldan 'das 'di lta ste dper na/ rin po che gang yang rung ba de dag thams cad ni/ rgya mtsho chen po rab tu phye ba lags te/ de dag ni rgya mtsho chen po las btsal bar bgyi lags te/ bcom ldan 'das de bzhin du thams cad mkhyen pa nyid kyi rin po che yang de bzhin gshegs pa dgra bcom pa yang dag par rdzogs pa'i sangs rgyas rnams kyi shes rab kyi pha rol tu phyin pa'i rgya mtsho chen po la btsal bar bgyi'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ de bzhin gsheg pa dgra bcom pa yang dag par rdzogs pa'i sangs rgyas rnams kyi/ thams cad mkhyen pa nyid kyi rin po che ni 'di lta ste/ shes rab kyi pha rol tu phyin pa'i rgya mtsho chen po 'di skyes so// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das ni sbyin pa'i pha rol tu phyin pa'i yon tan mi gsung / tshul khrims kyi pha rol tu phyin pa'i yon tan mi gsung / bzod pa'i pha rol tu phyin pa'i yon tan mi gsung / brtson 'grus kyi pha rol tu phyin pa'i yon tan mi gsung / bcom ldan 'das ni bsam gtan gyi pha rol tu phyin pa'i yon tan mi gsung mi ston gyi/ bcom ldan 'das ni shes rab kyi pha rol tu phyin pa gcig pu'i ming brjod de/ bcom ldan
- 62b
'das kyis bka' stsal pa/ de bzhin no// de de bzhin te/ kun dga' bo shes rab kyi pha rol tu phyin pa'i bsngags pa brjod cing smra ste/ pha rol tu phyin pa gzhan mi brjod do// de ci'i phyir zhe na/ shes rab kyi pha rol tu phyin pa ni/ pha rol tu phyin pa'i sngon du 'gro ba'o// kun dga' bo 'di ji snyam du sems/ thams cad mkhyen pa nyid du yongs su ma bsngos pa'i sbyin pa la/ sbyin pa'i pha rol tu phyin pa zhes bya ba'i ming thob par 'gyur ram/ dkun dga' bos gsol pa/ bcom ldan 'das de ni ma lags so// bcom ldan 'das kyis bka' stsal pa/ de bzhin du yongs su ma bsngos pa'i tshul khrims dang / yongs su ma bsngos pa'i bzod pa dang / yongs su ma bsngos pa'i brtson 'grus dang / yongs su ma bsngos pa'i bsam gtan dang / kun dga' bo 'di ji snyam du sems/ thams cad mkhyen pa nyid du yongs su ma bsngos pa'i shes rab la/ shes rab kyi pha rol tu phyin pa zhes bya ba'i ming thob par 'gyur ro// kun dga' bos gsol pa/ bcom ldan 'das de ni ma lags so// bcom ldan 'das kyis bka' stsal pa/ kun dga' bo 'di ji snyam du sems/ dge ba'i rtsa ba rnams thams cad mkhyen pa nyid du yongs su bsngos pas/ yongs su ma bsngos pa'i shes rab gang yin pa de ni bsam gyis mi khyab po/ kun dga' bos gsol pa/ bcom ldan 'das de de bzhin te/ bcom ldan 'das dge ba'i rtsa ba rnams/ thams cad mkhyen pa nyid du yongs su bsngos pas/ yongs su bsngo
- 63a
pa'i shes rab gang lags pa de ni bsam gyis mi khyab bo// bcom ldan 'das kyis bka' stsal pa/ kun dga' bo de lta bas na/ dam pa yin pa'i phyir pa rol tu phyin pa dam pa zhes bya ba'i ming thob par 'gyur ro// kun dga' bo de lta bas na/ dge ba'i rtsa ba thams cad mkhyen pa nyid du yongs su bsngos pa'i phyir/ shes rab kyi pha rol tu phyin pa ni/ pha rol du phyin pa lnga'i sngon du 'gro ba'o// tshul 'dis pha rol tu phyin pa lnga ni shes rab kyi pha rol du phyin pa'i nang du 'dus so// 'di lta ste/ shes rab kyi pha rol tu phyin pa zhes bya ba ni/ pha rol tu phyin pa drug yongs su rdzogs pa'i tshig bla dgas so// kun dga' bo de lta bas na/ shes rab kyi pha rol tu phyin pa brjod na/ pha rol tu phyin pa drug po thams cad brjod par 'gyur ro// kun dga' bo 'di lta ste/ dper na/ sa chen po la sa bon btab pa tshogs pa dang phrad na skye bar 'gyur te/ sa chen po ni sa don de dag gi gzhi yin pas/ sa chen po la brten nas sa bon de dag skye bar 'gyur ro// kun dga' bo de bzhin du pha rol tu phyin pa lnga yang shes rab kyi pha rol tu phyin pas yang dag par bzung zhing thams cad mkhyen pa nyid la shes rab kyi pha rol tu phyin pa gnas pas/ pha rol tu phyin pa lnga skye bar 'gyur ro// shes rab kyi pha rol tu phyin pas yongs su bzung ba'i phyir/ pha rol tu phyin pa zhes bya ba'i ming thob par 'gyur ro// kun dga' bo de lta bas na/ shes rab kyi pha rol tu phyin pa nyid/ pha rol tu phyin pa lnga'i sngon du 'gro zhing yongs su 'dren
- 63b
pa'o// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa bzung zhing bcangs pa dang / rdzogs pa dang / kun chub par bgyis pa dang / rab tu ston pa dang / lung nod pa dang / kha don du bgyis nas rigs kyi bu 'am/ rigs kyi bu mo de yon tan gang dag yongs su 'dzin bar 'gyur ba'i/ shes rab kyi pha rol tu phyin pa 'di'i phyogs bcom ldan 'das las gang blangs shing rab tu ston pa/ shes rab kyi pha rol tu phyin pa'i yon tan 'di dag thams cad da dung de bzhin gshegs pa dgra bcom pa yang dag par rdzogs pa'i sangs rgyas kyis ma brjod do// bcom ldan 'das kyis bka' stsal pa/ ke'u shi ka legaso legs so// ke'u shi ka gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed pa de dag nye tshe la yon tan 'di dag 'byung ba ma yin gyi/ ke'u shi ka rigs kyi bu 'am/ rigs kyi bu mo gang dag gis sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dngang tshul dang ma bral bas byang chub sems dpa' rnams la phan gdags pa bsgrub pa byas par 'gyur bar/ shes rab kyi pha rol tu phyin pa 'di bris shing glegs bam du chud par byas te/ bzhag la/ de la lha'i me tog dang / bdug pa dang / spos dang / phreng
- 64a
ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dang / mchod pa rnam ba mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka rigs kyi bu rigs kyi bu mo de'i tshe/ 'di nyid kyi yon tan ngas bshad par bya'o// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das bdag gis kyang shes rab kyi pha rol tu phyin pa 'di 'bri ba dang / 'dzin pa dang / 'chang ba dang / klog pa dang / kun chub par bgyid pa dang / rab tu 'don pa dang / lung nod pa dang / kha don bgyid pa dang / lha'i me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar bgyid/ ri mor bgyid/ mchod par bgyid/ brjod par bgyid/ gsol bar bgyid pa'i rigs kyi bu 'am/ rigs kyi bu mo de la bsrung ba dang / bskyab pa dang / sba bar bgyi'o// bcom ldan 'das kyis bka' stsal pa/ rigs kyi bu'am/ rigs kyi bu mo de shes rab kyi pha rol tu phyin pa 'di la khadzin byed pa na/ lha'i bu brgya phrag mang po dang / lha'i bu stong phrag mang po dang /
- 64b
lha'i bu brgya stong phrag mang po rnams chos nyan pa'i phyir nye bar 'ong bar 'gyur ro// lha'i bu de dag chos nyan pa na/ chos nyan pa de'i spobs pa nye bar bsgrub po// snyam du/ sems dpar 'gyur ro// gang gi tshe chos mi sba bar 'dod pa gyur pa de'i tshe/ lha'i bu de dag gis chos la gus pa de nyid kyis spobs pa nye bar bsgrub par sems so// rigs kyi bu 'am/ rigs kyi bu mo de ji ltar sba bar 'dod par 'gyur ba/ ke'u shi ka de yang rigs kyi bu 'am rigs kyi bu mo gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed par 'gyur ba dag tshe 'di la yon tan 'di dag yongs su 'dzin bar 'gyur ro// gzhan yang ke'u shi ka rigs kyi bu'am/ rigs kyi zhu ma des shes rab kyi pha rol tu phyin pa 'di 'chad pa dang / klan ka chol ba la nol ba ni mi rung ngo // snyam du sems zhum par mi 'gyur ro// de ci'i phyir zhe na/ 'di ltar shes rab kyi pha rol tu phyin pa bsrung ba dang / bskyab pa dang / sba bar byed de/ shes rab kyi pha rol tu phyin pa la gnas pa la klan ka tshol ba yang yang dag par rjes su mi mthong ngo // gang la klan ka btsal bar bya ba de yang yang dag par rjes su mi mthong ngo // shes rab kyi pha rol tu phyin pa de yang yang dag par rjes su mi mthong ste/ de ltar shes rab kyi pha rol tu phyin pas yongs su bzung ba'i rigs kyi bu 'am rigs kyi bu mo la rnam grangs de lta bur rgol la
- 65a
@gang yang mi 'byung ngo // mi skrag mi dngangs shin du dngang bar mi byed de/ ke'u shi ka rigs kyi bu 'am/ rigs kyi bu mo gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed par 'gyur ba de/ tshe 'di la yon tan 'di dag yongs su 'dzin par 'gyur ro// gzhan yang ke'u shi ka rigs kyi bu 'am rigs kyi bu mo dag pha ma dang / mdza' shes dang / blon po dang / nye du dang / snag gi gnyen 'tshams dang / dge sbyong dang / bram ze dag la dben par 'gyur ro// de la pha rol tu brgol ba 'byung zhing skyes pa dag chos dang ldan par gcod nus par 'gyur ro// mthu yod par 'gyur ro// pha rol gyis rgal kyang / brgal ba la lan 'dabs nus par 'gyur ro// rigs kyi bu 'am rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha don byed par 'gyur ba de'i tshe/ 'di la yon tan 'di dag yongs su 'dzin par 'gyur ro// ke'u shi ka sa phyogs gang du shes rab kyi pha rol tu phyin pa 'di bris nas/ rigs kyi bu 'am/ rigs kyi bu mo des/ glegs bam du chud par byas te/ bzhag par gyur pa der/ ke'u shi ka rgyal chen bzhi'i rigs kyi lha dag gi nang na/ lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag der 'ong bar sems te/
- 65b
der 'ongs nas shes rab kyi pha rol tu phyin pa glegs bam du chud par byas pa la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ ltas shing phyag byas nas/ 'dud pa byas/ gzung ba byas/ bcang ba byas/ klog pa dang / kun chub par byas/ rab tu 'don par byas/ lung nod cing kha don du byas te/ yang phyir 'gro bar sems so// ko'u shi ka sum bcu rtsa gsum pa'i lha dag gi nang nang / lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag der 'ongs par sems te/ der 'ongs nas shes rab kyi pha rol tu phyin pa 'di glegs bam du chud par byas pa la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ bltas shing phyag byas nas/ 'dud pa byas/ gzung ba byas/ bcang ba byas/ klag pa byas/ kun chub par byas/ rab tu 'don par byas/ lung nos shing kha don du byas te/ yang phyir 'gro bar sems so// ko'u shi ka tshe ma'i lha'i bu dag gi nang na lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag der 'ongs par sems te/ der 'ongs
- 66a
nas shes rab kyi pha rol tu phyin pa 'di glegs bam du byas pa la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kur chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ bltas shing phyag byas nas/ 'dud pa byas/ bzung ba byas/ bcang ba byas/ klag pa byas/ kun chub par byas/ rab tu 'don par byas/ lung nos shing kha don byas te/ yang phyir 'gro bar sems so// ko'u shi ka dga' ldan gyi lha dag gi nang na lha'i bu su dag bla na med pa yang dag par rdzogs pa'i byang chub tu yang dag par zhugs pa de dag 'ongs par sems te/ der 'ongs nas shes rab kyi pha rol tu phyin pa 'di glegs bam du byas pa la blta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ ltas shing phyag byas nas 'dud pa byas/ bzung ba byas/ bcang ba byas/ klag pa byas/ kun chub par byas/ rab tu 'don par byas/ lung nos shing kha don byas te yang phyir 'gro bar sems so// ke'u shi ka 'phrul dga'i lha dag gi nang na/ lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag 'ongs par sems te/ der 'ongs nas shes rab
- 66b
kyi pha rol tu phyin pa 'di glegs bam du byas la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ ltas shing phyag byas nas/ 'dud pa byas/ bzung ba byas/ bcang ba byas/ klag pa byas/ kun chub par byas/ rab tu 'don par byas/ lung nos shing kha don byas te yang phyir 'gro bar sems so// ke'u shi ka gzhan 'phrul dbang byed kyi lha dag gi nang na/ lha'i bu su dag bla na med pa yang dag par rdzogs pa'i byang chub tu yang dag par zhugs pa de dag der 'ongs par sems te/ der 'ongs nas shes rab kyi pha rol tu phyin pa 'di glegs bam du byas pa la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ bltas shing phyag byas nas 'dud pa byas/ bzung ba byas/ bcang ba byas/ kun chub par byas/ rab tu 'don par byas/ lung nos shing kha don byas te/ yang phyir 'gro bar sems so// ke'u shi ka de bzhin du gzugs na spyod pa'i lha dag gi nang na/ lha'i bu gang su dag yod pa las/ tshangs pa'i 'jig rten na tshangs ris kyi lha'i bu dag gi nang na/ lha'i bu ji snyed bla na med pa yang dag par rdzogs pa'i byang chub tu yang dag par zhugs pa de
- 67a
dag der 'ongs par sems te/ der 'ongs nas shes rab kyi pha rol tu phyin pa 'di glegs pas byas pa la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ bltas shing phyag byas nas 'dud pa byas/ bzung ba byas/ bcang ba byas/ klag pa byas/ kun chub par byas/ rab tu 'don pa byas/ lung nos shing kha don byas te/ yang phyir 'gro bar sems so// ke'u shi ka de bzhin du tshangs pa'i mdun na 'don gyi lha dag gi nang na/ lha'i bu gang su dag yod pa dang / tshangs pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi che ba dang / mi gdung ba dang / gya nom snang ba dang / shin du mthong ba dang / 'og min gyi lha dag gi nang na/ lha'i bu gang su dag bla na med pa yang dag par rdzogs pa'i byang chub tu yang dag par zhugs pa de dag 'ongs par sems te/ der 'ongs nas shes rab kyi pha rol tu phyin pa 'di glegs bam du byas pa la lta bar 'gyur/ phyag 'tshal bar 'gyur/ 'dud pa byed par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par
- 67b
'gyur te// kha don byed par 'gyur te/ ltas shing phyag byas nas/ 'dud pa byas/ bzung ba byas/ bcang ba byas/ klag pa byas/ kun chub par byas/ rab tu 'don pa byas/ lung nos shing kha don byas nas/ yang phyir 'gro bar sems so// ke'u shi ka rigs kyi bu 'am rigs kyi bu mo des sems 'di ltar bskyed par bya ste/ gang su dag phyogs bcu'i 'jig rten gyi khams grangs med pa dag na/ lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa gang ji snyed pa de dag thams cad glegs bam 'di las shes rab kyi pha rol tu phyin pa ltos shig/ phyag 'tshol cig/ 'dud pa gyis shig/ bzungs shig/ tshongs shig/ lhogs shig/ kun chub par bgyis shig/ rab tu thon cig/ lung nos shig/ kha don gyis shig/ ltas shing phyag byas te/ 'dud pa byas/ bzung ba byas/ bcang ba byas/ klag pa byas/ kun chub par byas/ rab tu 'don par byas/ lung nos shing kha don byas nas/ yang bdag gi gnas nyid du deng shig/ de dag la chos kyi sbyin pa 'di'ang byin par gyur cig/ ces sems bskyed par bya'o// ke'u shi ka khyod 'di snyam du gling bzhi pa'i 'jig rten gyi khams 'di'i 'dod pa na spyod pa dang / gzugs na spyod pa'i lha'i bu gang dag/ bla na med pa yang dag par rdzogs pa'i byang chub tu yang dag par zhugs pa de dag der 'ong ba snyam du sems par gyur na mi rung ste/ ke'u shi ka de ltar mi lta'o// ke'u shi ka
- 68a
stong gsum gyis stong chen po'i 'jig rten gyi khams na 'dod pa na spyod pa dang / gzugs na spyod pa'i bu gang dag/ bla na med pa yang dag par rdzogs pa'i byang chub tu yang dag par zhugs pa de dag der song bar sems te/ der 'ongs nas shes rab kyi pha rol tu phyin pa 'di glegs bam du byas pa la lta bar 'gyur/ phyag 'tshal bar 'gyur/ 'dud pa byas par 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ lung nod par 'gyur/ kha don byed par 'gyur te/ ltas shing phyag byas nas/ 'dud pa byas/ bzung ba byas/ bcang ba byas/ klag pa byas/ kur chub par byas/ rab tu 'don par byas/ lung nos shing kha don byas te/ yang phyir 'gro bar sems so// ke'u shi ka rigs kyi bu 'am rigs kyi bu mo de'i khyim dang / gnas nyid dang / khang pa yang shin du bsrung bar 'gyur te/ sngon gyi las kyi rnam par smin pa ma gtogs par/ de la su 'ang 'tshe ba med par 'gyur ro// ke'u shi ka de ltar gang du gzi brjid chen po gzi brjid/ che ba'i lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa dag 'ongs par sems pa yang rigs kyi bu 'am/ rigs kyi bu mo des tshe 'di la yon tan 'di dag yongs su 'dzin par 'gyuraro/ de skad ces bka' stsal pa dang / bcom ldan 'das la
- 68b
lha'i dbang po brgya byin gyis 'di skad ces gsol to// bcom ldan 'das rigs kyi bu 'am rigs kyi bu mo des 'dir lha 'am/ klu 'am/ gnod sbyin nas/ dri za 'am/ lha ma yin nam/ na mkha' lding ngam/ mi 'am ci 'am/ lto 'phye chen po 'am/ mi 'am mi ma lags pa rnams shes rab kyi pha rol tu phyin pa 'di la nyan pa dang / lta ba dang / phyag bgyi ba dang / 'dud pa bgyid pa dang / bzung ba dang / bcang ba dang / klag pa dang / kun chub par bgyid pa dang / rab tu 'don pa dang / lung nod pa dang / kha don bgyid pa'i slad du der mchis par ji ltar 'tshal bar bgyi/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka rigs kyi bu 'am rigs kyi bu mo des snang ba chen po dag mthong na/ lha 'am klu 'am/ gnod sbyin nam/ dri za 'am/ lha ma yin nam/ na mkha' lding dang / mi 'am ci dang / lto 'phye chen po dang / mi dang mi ma yin pa dag 'dir 'ongs shing lhags so// snyam du rtogs par bya'o// gzhan yang ke'u shi ka rigs kyi bu 'am rigs kyi bu mo des/ mi ma yin pa'i dri sngan chad ma bsnams pa ro bro bar 'gyur na/ rigs kyi bu 'am rigs kyi bu mo des lha 'am/ klu 'am/ gnod sbyin nam/ dri za 'am/ lA ma yin nam/ na mkha' lding ngam/ mi 'am ci 'am/ lto 'phye chen po 'am/ mi dang mi ma lags pa 'dir 'ongs shing lhags par rtogs par bya'o// gzhan yang ke'u shi ka rigs kyi bu 'am rigs
- 69a
kyi bu mo de ngo tsha phyed par 'gyur/ gtsang sbra byed par 'gyur te/ de ngo cha byed pa dang / gtsang sbrar byed pa des/ lha dang / ku dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa dag 'ongs par sems so// der lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma lags pa gang dag der 'ongs par gyur pa de dag kyang / ngo tsha byed pa dang / gtsang sbar byed pa des yid rangs shing rab tu dga' ste/ mgu ba dang / yid bde ba skyes par 'gyur ro// de nas gzi brjid chung ba gzi brjid chung ba'i lha gang dag gnas pa de dag 'byol bar sems te/ de ci'i phyir zhe na/ lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa gang gzi brjid chen po de dag gi dpal dang gzi brjid dang / btsun pa mi bzod pas/ der lha gzi brjid chung ba de dag 'byol bar sems so// ke'u shi ka ji lta ji lta bur lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa gzi brjid chen po de dag rtag tu 'ongs par sems pa de lta de lta bur rigs kyi bu 'am rigs kyi bu mo de yang dad pa mang bar 'gyur te/ ke'u shi ka rigs kyi bu 'am rigs kyi bu mo des tshe 'di la yon
- 69b
tan 'di dag kyang yongs su 'dzin par 'gyur ro// ke'u shi ka rigs kyi bu 'am rigs kyi bu mo des bla ma la gus par bya ba yongs su rdzogs par bya ba dang / chos kyi tshul gyis gnas de'i khor yug tu gtsang sbrar mi rung ba brtsog pa'i bya ba mi sprad par bya'o// gzhan yang ke'u shi ka rigs kyi bu 'am/ rigs kyi bu mo de'i lus ngal bar mi 'gyur/ sems ngal bar mi 'gyur/ bde bar nyal bar byed par 'gyur/ bde bar 'gro bar 'gyur/ gnyid kyi log na yang sdig pa'i rmi lam mthong bar mi 'gyur/ mthong na yang de bzhin gshegs pa dgra bcom pa yang dag par rdzogs pa'i sangs rgyas mthong bar 'gyur/ mchod rten mthong bar 'gyur/ byang chub sems dpa' rnams mthong bar 'gyur/ de bzhin gshegs pa'i nyan thos rnams mthong bar 'gyur/ sgra thos na yang pha rol tu phyin pa dag thos par 'gyur/ byang chub kyi shing mthong bar 'gyur/ de bzhin gsheg pa dgra bcom pa yang dag par rdzogs pa'i sangs rgyas mngon par rdzogs par 'tshang rgya ba dag mthong bar 'gyur/ de bzhin du mngon par rdzogs par sangs rgyas pa rnams chos kyi 'khor lo mthong bar 'gyur/ byang chub sems dpa' sems dpa' chen po mang po dag 'di ltar thams cad mkhyen pa nyid yongs su bzung bar bya/ 'di ltar sangs rgyas kyi zhing yongs su sbyang bar bya'o// zhes shes rab kyi pha rol tu phyin pa 'di nyid 'gro bar byed pa mthong bar 'gyur ro// phyogs che ge mo zhig na de 'jig rten
- 70a
gyi khams che ge mo zhig na/ de bzhin gshegs pa dgra bcom pa yang dag par rdzogs pa'i sangs rgyas che ge mo zhig nyan thos dang / byang chub sems dpa' brgya phrag mang po dang / nyan thos dang / byang chub sems dpa' stong phrag mang po dang / nyan thos dang byang chub sems dpa' brgya stong phrag mang po dang / nyan thos dang / byang chub sems dpa' bye ba khrag khrig brgya stong phrag mang pos yongs su bskor cing mdun gyis bltas te/ chos ston to zhes sangs rgyas kyi sgra rlab po che yang thos par 'gyur ro// ke'u shi ka rigs kyi bu 'am rigs kyi bu mo des/ de lta bu'i rmi lam mthong bar 'gyur te/ de bde bar nyal bar 'gyur/ bde bar sad par 'gyur/ lus kyi nang du mdangs rab tu bcug pas bde ba myong bar 'gyur/ yang ba myong bar 'gyur/ de la ma 'ongs pas kha zas la rkam pa'i sems kyi rgyud mi skye bar 'gyur/ kha zas kyi 'du shes chung bar 'gyur te/ ke'u shi ka dper na dge slong spyod pa rnal 'byor pa/ ting nge 'dzin las langs pa'i sems yid la byed pas/ yongs su brlan pas kha zas brkam pa drag po mi 'byung zhing / zas la 'du shes chung ba bzhin du/ ke'u shi ka rigs kyi bu 'am rigs kyi bu mo de la yang kha zas la brkam pa'i drag po mi 'byung bar 'gyur te/ de'i zas kyi 'du shes chung bar 'gyur ro// de ci'i phyir zhe na/ ke'u shi ka 'di ltar de ni rigs kyi bu 'am rigs kyi bu mo shes rab kyi pha rol
- 70b
tu phyin pa bsgom pa'i rnal 'byor la/ brtson pa de'i lus la mi ma yin pa dag mdangs nye bar bsgrub par 'gyur ro// rigs kyi bu'am rigs kyi bu mo gang shes rab kyi pha rol tu phyin pa la mngon par dad de/ rtog cing mos la sems dang bas byang chub tu sems bskyed nas/ lhag pa'i bsam pas nyan pa dang 'dzin pa dang / 'chang ba dang klog pa dang / kun chub par byed pa dang / rab tu 'don pa dang / lung nod pa dang / kha don byed pa dang / gzhan dag la rgya cher yang dag par ston pa dang / de'i don rnam par 'grel pa dang / yid kyis rjes su rtag pa dang / ji lta bur grub pa'i shes rab kyis yongs su spyod par byed cing / sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdags pa bsgrub pa byas par 'gyur ba dza na glegs bam du chud par byas te 'chang ngam bzhag la de la me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed na/ ke'u shi ka rigs kyi bu 'am/ rigs kyi bu mo tshe 'di la yon tan 'di
- 71a
dag yongs su 'dzin par 'gyur ro// ke'u shi ka de lta bas na/ tshe 'di nyid la yon tan bye brag tu 'phags pa 'di dag yongs su 'dzin par 'dod pa'i rigs kyi bu'am rigs kyi bu mos shes rab kyi pha rol tu phyin pa 'di nyid la mngon par dad par bya/ rab tu rtag par bya/ lhag par mos par bya/ sems dang bas byang chub tu sems bskyed par bya/ lhag pa'i bsam pa phun sum tshogs pas nyan par bya/ bcang bar bya/ klag par bya/ kun chub par bya/ rab tu 'don par bya/ lung nod par bya/ kha don du bya/ gzhan dag la yang rgya cher yang dag par bstan par bya/ 'di'i don rnam par 'grel par bye/ yid kyis rtog par bya/ ji lta bur grub pa'i shes rab kyi pha rol tu phyin pa yongs su spad par bya/ sangs rgyas kyi tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdags pa bsgrub pa byas par 'gyur bar tha na glegs bam du chud par byas te/ bcang / zhing bzhag par bya'o// don 'dod pa'i rigs kyi bu 'am rigs kyi bu mo de dag yang dag par bgo par bya'o// bdag dang sems can dge ba'i gzhan dag la yang sangs rgyas kyi tshul spyan chen po dang ma bral bar 'gyur ro// zhes de la lha'i me tog dang / bdug pa dang / spos dang / phreng ba dang / phye ma dang / na bza' dang / gdugs dang //
- 71b
rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir byed/ bla mar byed/ ri mor byed/ mchod par byed/ brjod par byed/ gsol bar bya'o// shes rab kyi pha rol tu phyin pa brgyad stong pa las/ dpag tu med pa'i yon tan bzung ba dang / pha rol tu phyin pa dang / mchod rten la ri mor byas pa'i le'u ste gsum pa'o// / gzhan yang bcom ldan 'das kyis/ lha'i dbang po brgya byin la bka' stsal pa/ ke'u shi ka gal te 'dzam bu'i gling 'di'i de bzhin gshegs pa'i sku gdung gis byung bur bkang ste/ byin la shes rab kyi pha rol tu phyin pa 'di yang bris te/ gtad na/ de las cha gcig btab na/ cha bzhag pa de gnyis la ke'u shi ka khyod gang len/ brgya byin gyis gsol pa/ bcom ldan 'das gal te 'dzam bu'i gling 'di de bzhin gshegs pa'i sku gdung gi byar bur ltam ste/ stsal la/ shes rab kyi pha rol tu phyin pa 'di yang bris te btab nas/ de la cha gnyis btabs na bzhag pa de gnyis las/ bcom ldan 'das bdag ni shes rab kyi pha rol tu phyin pa 'di nyid lan to// de ci'i slad du zhe na/ 'di ni de bzhin gshegs pa'i yang dag pa'i don gyi sku'o// de ci'i slad du zhe na/ bcom ldan 'das kyis bka' stsal pa/ sangs rgyas bcom ldan 'das
- 72a
rnams ni chos kyi sku yin gyis/ dge slong dag 'jig tshogs la skur ma 'dzin par dge slong dag nga ni chos kyi sku yongs su rdzogs par ltos shig/ ces/ gsungs pas/ de bzhin gshegs pa'i sku ni yang dag pa'i mtha' rtogs pa 'di lta ste/ shes rab kyi pha rol tu phyin par lta'o// bcom ldan 'das bdag de bzhin gshe pa'i sku gdung la ri mor mi bgyid pa yang ma lags te/ de bzhin gshegs pa'i sku gdung de dag la ri mor bgyid mod kyi/ bcom ldan 'das shes rab kyi pha rol tu phyin pa bsgom pa 'di las/ de bzhin gshegs pa'i sku gdung de dag skyes te/ mchod pa brnyes so// bcom ldan 'das de ltar na shes rab kyi pha rol tu phyin pa 'di nyid mchod pas/ de bzhin gshegs pa'i ska gdung la mchod pa yongs su rdzogs par bgyis par 'gyur ro/ de ci'i phyir zhe na/ de bzhin gshegs pa'i sku gdung rnams shes rab kyi pha rol tu phyin pa las byung ba'i slad du'o// bcom ldan 'das 'di lta ste dper na/ gang gi tshe bdag chos bzangs lha'i mdun sar bdag nyid lha'i stan la mchis pa de'i tshe/ lha'i bu bdag gi rim gror bgyid par mchis pa de dag kun kyang bdag la mchod par bgyis te/ nam bdag der mchis pa na yang lha'i bu de dag der bdag gi stan gang na mchis par bdag gi ri mor bgyid pa'i slad du/ lha'i bu dag gi stan de la phyag bgyis nas lan gsum bskor te slar mchi'o// de ci'i slad du zhe na/ lha'i
- 72b
dbang po brgya byin stan 'di la mchis nas/ sum bcu rtsa gsum pa'i lha rnams la chos ston to snyam mo// bcom ldan 'das de bzhin du shes rab kyi pha rol tu phyin pa yang / de bzhin gshegs pa dgra bcom pa yang dag par rdzogs pa'i sangs rgyas kyi rgyu dang / rkyen du gyur pa lags te/ thams cad mkhyen pa nyid yongs su bsdud pa'o// de bzhin gshegs pa'i sku gdung rnams ni thams cad mkhyen pa'i gnas su gyur pa lags/ de dag ni ye shes skye ba'i rgyu ru gyur pa ma lags so// bcom ldan 'das de bzhin gshegs pa'i sku la mchod pa ni/ thams cad mkhyen pa'i ye shes kyi rgyu las byung ba lags te/ de bas na cha bzhag pa 'di gnyis las bdag ni shes rab kyi pha rol tu phyin pa 'di nyid len to// bcom ldan 'das bdag de bzhin gshegs pa'i sku gdung de dag la ri mor mi bgyid pa yang ma lags te/ bcom ldan 'das bdag de bzhin gshegs pa'i sku gdung de dag la ri mor yang bgyid mod kyi/ de bzhin gshegs pa'i sku gdung de dag ni shes rab kyi pha rol tu phyin pas/ yongs su bsgos pas mchod pa brnyes so// yang bcom ldan 'das 'dzam bu'i gling de bzhin gshegs pa'i sku gdung gi byur bur bltas pa lta zhog/ gling bzhi pa'i 'jig rten gyi khams de bzhin gshegs pa'i sku gdung gi byur bur ltam pa lta zhog/ stong gi 'jig rten gyi khams de bzhin gshegs pa'i sku gdung gi byur bur ltam pa lta zhog/ stong gnyis pa bar ma'i 'jig rten gyi
- 73a
khams de bzhin gshegs pa'i sku gdung gi byar bur ltas pa lta zhog/ bcom ldan 'das stong gsum gyi stong chen po'i 'jig rten gyi khams 'di nyis de bzhin gshegs pa'i sku gdung gi byung bur bltam ste/ cha gcig bzhig la shes rab kyi pha rol tu phyin pa 'di yang bris la/ cha gnyis par bzhag ste/ cha bzhag pa 'di gnyis la khyod gang 'dod pa gcig khyer cig ces cha gcig stabs na/ bcom ldan 'das bdag ni shes rab kyi pha rol tu phyin pa 'di nyid len to// bcom ldan 'das bdag de bzhin gshegs pa'i sku gdung de dag la ri mor bgyid pa yid mi lags te/ bcom ldan 'das de bzhin gshegs pa'i sku gdung de dag la bdag gi ri mor bgyid kyi/ de bzhin gshegs pa'i sku gdung de dag ni/ shes rab kyi pha rol tu phyin pa las yongs su sgom pas mchod pa bsnyes so// / bam po lnga pa'o// // bcom ldan 'das 'di lta ste/ dper na/ rin thang ma mchis pa'i nor bu rin po che yon tan 'di dag dang ldan pa zhig mchis la/ de gang dang gang du bzhag pa de dang der mi dang mi legs pa dag gis/ glags rnyed par mi 'gyur/ gang dang gang du skyes pa de 'am/ bud med la la mi ma lags pas zin pa de dag der/ nor bu rin po che de rtsal ma thag tu mi ma lags pa des 'byer 'khris pas lus tsha bar gyur pa'i steng du bzhag na/ de'i
- 73b
mkhris pa yang dag 'ju ste/ mi 'phel ba dang / zhi bar bgyid / gser mas lus gzir cing / rgyas pa'i steng du bzhag na de'i gser ma thag 'jug ste/ mi 'phel zhing zhi bar bgyid do// bad kan gyi lus gzir cing tsha ba'i steng du bzhag na yang bad kan 'ju ste/ mi 'phel zhing zhi bar bgyid/ 'dus pa'i nad kyi sdug bsngal ba'i lus la bzhag na yang / de'i 'dus pa'i nad de dag 'ju ste mi 'phel zhing zhi bar bgyid/ mtshan mo mun pa mun nag gi nang du ni snang bar bgyid/ tsha ba'i tshe ni sa phyogs gang bzhag pa'i sa phyogs de bsil bar 'gyur// grang ba'i tshe na yang sa phyogs de dro bar 'gyur ro// sa phyogs gang na sbrul bdug pa mchis pa dang / de bzhin du srog chag phra mo mchis pa'i sa phyogs der bzhag nas/ des sbrul bdug pa dag dang / srog chags phra mo de dag kyang 'byer ro// bcom ldan 'das gal te skyes pa dang / bud med sbrul bdug pas zinan/ nor bu rin po che de stan na/ nor bu rin po che mthong ma thag tu de'i dug bkum na mi mchis par 'gyur te/ bcom ldan 'das nor bu rin po/ tshe de yang yon tan de dag de lta bu gzhan dag dang yang ldan no// bcom ldan 'das gang su dag mig la grog sbyar ram/ rab rib bam/ mig nad ling tog byung na/ de dag gi mig gi steng du nor bu rin po che de bzhag ma thag tu mig gi skyon byung ba zhi bar 'gyur te/ bcom ldan 'das yon tan de dag dang de lta bur gzhan dang yang
- 74a
ldan no// chab gang gi nang du stsal ba'i chab de yang rang gi mdog gcig tu 'gyur/ gal te ras dkar pos bkris te chab kyi nang du stsal te/ chab de yang dkar por 'gyur/ de bzhin du gal te ras mthing ka dang / ser po dang / dmar po dang / leb rgan dang / de lta bu dag dang gzhan dag kyang rung ste/ ras rnam pa sna tshogs kyi nang nas/ ras gang yang rung bas nor bu rin po che de bkris sam/ bcings te/ chab kyi nang du btsal na/ ras kyi tshon de dang de dag gi chab kyang de dag gi mdog tu 'gyur la/ chab de la rnyog par gyur pa ci mchis pa de dag kyang dang bar 'gyur te/ bcom ldan 'das nor bu rin po che de yon tan de lta bu de dag dang ldan no// de nas tshe dang ldan pa kun dga' bos lha'i dbang po brgya byin la 'di skad ces smras so// ke'u shi ka tsi nor bu rin po che de dag lha'i 'jig rten zhig na yod dam/ 'on te nor bu rin po che de dag 'dzam bu'i gling gi mi rnams la yang yod/ brgya byin gyis gsol pa/ 'phags pa kun dga' bo nor bu rin po che de dag ni lha'i nang na yod de/ 'dzam bu'i gling gi mi dag la yang yod mod kyi/ de dag ni lci zhing phra la chung ba yon tan med de/ de lta bu'i yon tan de dag dang ldan pas/ lha'i nor bu rin po che de dag gi brgya'i char yang nye bar mi 'gro/ stong gi char yang / brgya stong gi char yang / bye ba'i char yang / bye ba rgya'i char yang / bye ba stong gi char yang / bye ba brgya stong gi char yang / bye ba
- 74b
khrag khrig brgya stong gi char yang nye bar mi 'gro/ grangs su yang / bgrang bar yang dper yang / rgyu yang mi bzod do// lha rnams kyi nor bu rin po che de dag ni yang shing yon tan gyi rnam pa thams cad yongs su rdzogs pa ste/ rin po che za ma tog gang gi nang du bcug gam/ phyung na yang nor bu rin po che de phyung yang des za ma tog de sdug par 'gyur/ nor bu rin po che de'i yon tan de dag gis za ma tog de la shin du re ba skye'o// bcom ldan 'das de bzhin du shes rab kyi pha rol tu phyin pa la yang yon tan de dag mchis te/ 'di ltar de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i ring srel dag kyang 'di dag thams cad mkhyen pa'i ye shes kyi snod du gyur pa'o zhes de ltar de bzhin gshegs pa'i sku gdung rnams mchod pa brnyes so// bcom ldan 'das de lta bas na stong gsum gyi stong chen po'i 'jig rten gyi khams/ de bzhin gshegs pa'i sku gdung gis byung bur bltam pa lta zhog/ bcom ldan 'das gang yang gang ga'i klung gi bye ma snyed kyi 'jig rten gyi khams de dag/ de bzhin gshegs pa'i sku gdung gi byur bur ltam te cha gcig tu gzhag la/ shes rab kyi pha rol tu phyin pa 'di yang bris nas/ cha gnyis par bzhag ste// bcom ldan 'das la la zhig gis bdag la cha bzhag pa 'di gnyis la khyod gang 'dod pa cha gcig khyer cig ces stabs na cha bzhag de gnyis la bdag ni shes rab kyi pha rol
- 75a
tu phyin pa 'di nyid len te/ bcom ldan 'das bdag de bzhin gshegs pa'i sku gdung de dag la ri mor mi bgyid pa yang sa lags te/ bcom ldan 'das de bzhin gshegs pa'i sku gdung de dag la bdag gis ri mor bgyid mod kyi/ bcom ldan 'das thams cad mkhyen pa nyid ni shes rab kyi pha rol tu phyin pa las rab tu phye ba lags te/ de bzhin gshegs pa'i sku gdung la mchod pa ni thams cad mkhyen pa'i ye shes las skyes pa lags so// bcom ldan 'das de lta bas na/ shes rab kyi pha rol tu phyin pa 'di mchod na/ 'das pa dang / ma byon pa dang / da ltar byung ba'i sangs rgyas bcom ldan 'das rnams la mchod par 'gyur ro// gzhan yang bcom ldan 'das 'jig rten gyi khams grangs ma mchis dpag tu ma mchis pa dag na/ sangs rgyas bcom ldan 'das bzhugs te/ mtshe zhing bzhes pa de dag kyang chos nyid kyis blta bar 'dod pa'i rigs kyi bu'am rigs kyi bu mos shes rab kyi pha rol tu phyin pa 'di nyid la spyad par bgyi'o// shes rab kyi pha rol tu phyin pan pa la bsgom par bgyi'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas/ gang dag byung bar gyur pa de dag kyang shes rab kyi pha rol tu phyin pa 'di nyid la brten te/
- 75b
bla na med pa yang dag par rdzogs pa'i byang chub mngon par rdzogs par sangs rgyas so// ke'u shi ka ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas gang dag 'byung bar 'gyur ba de dag kyang / shes rab kyi pha rol tu phyin pa 'di nyid la brten nas/ bla na med pa yang dag par rdzogs pa'i byang chub mngon par rdzogs par sangs rgyas so// ke'u shi ka da ltar gyi dus na 'jig rten gyi khams grangs med dpag tu med pa dag na/ sangs rgyas bcom ldan 'das gang dag bzhugs te/ mtsho zhing bzhes pa de dag kyang shes rab kyi pha rol tu phyin pa 'di nyid la brten nas/ bla na med pa yang dag par rdzogs pa'i byang chub mngon par rdzogs par sangs rgyas so// ke'u shi ka da ltar gyi de bzhin gshegs pa dgra bcom pa yang dag par rdzogs pa'i sangs rgyas nga yang shes rab kyi pha rol tu phyin pa 'di nyid la brten nas bla na med pa yang dag par rdzogs pa'i byang chub mngon par rdzogs par sangs rgyas so// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das 'di lta ste/ shes rab kyi pha rol tu phyin pa 'di pha rol tu phyin pa chen po lags te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis sems can thams cad kyi sems kyi spyod pa rab tu mkhyen to// bcom ldan 'das kyis
- 76a
bka' stsal pa/ ke'u shi ka de de bzhin no// de de bzhin te/ 'di ltar byang chub sems dpa' sems dpa' chen po yun ring por shes rab kyi pha rol tu phyin pa la spyod na/ des sems can thams cad kyi sems kyi spyod pa yang shes rab kyi pha rol tu phyin pas yang dag par mthong ngo // de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das ci byang chub sems dpa' sems dpa' chen pos shes rab kyi pha rol tu phyin pa 'ba' zhig la bslabs kyis/ pha rol tu phyin pa gzhan dag la mi slob bam/ bcom ldan 'das kyis bka' stsal pa/ ke'u shi ka byang chub sems dpa' sems dpa' chen po pha rol tu phyin pa drug po thams cad la slob mod kyis/ ke'u shi ka shes rab kyi pha rol tu phyin pa ni 'di dag gi sngon du 'gro ba'o// byang chub sems dpa' sems dpa' chen po sbyin pa sbyin par byed pa dang / tshul khrims bsrungs pa dang / bzod pa bsgom pa dang / brtson 'grus brtsom pa dang / bsam gtan la mnyam par bzhag pa dang / chos la rnam par lta ba'i byang chub sems dpa' sems dpa' chen po'i sngon du 'gro ba ni/ shes rab kyi pha rol tu phyin pa'o// ke'u shi ka 'di lta ste dper na/ 'dzam bu'i gling gi shing sna tshogs ni kha dog tha dad / dbyibs tha dad / lo ma tha dad / 'bras bu tha dad / chu zhengs phun sum tshog
- 76b
pa tha dad kyang shing de dag gi grib ma bye brag med cing tha dad du bya ba mi dmigs so// gzhan du na grib ma grib ma zhes bya ba'i grangs su 'gro ba de bzhin du/ ke'u shi ka pha rol tu phyin pa drug po 'di rnams thabs mkhas pas yongs su zin cing / thams cad mkhyen par yongs su bsngos pa rnams la ni/ bye brag med cing tha dad du bya ba mi dmig so// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa 'di ni yon tan chen po dang ldan no// bcom ldan 'das shes rab kyi pha rol tu phyin pa 'di ni dpag tu ma mchis pa'i yon tan dang ldan pa'o// / bcom ldan 'das shes rab kyi pha rol tu phyin pa 'di ni mu ma mchis pa'i yon tan dang ldan pa'o// yon tan yongs su brjod pa'i le'u ste bzhi pa'o// / / de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa 'di la dad cing rtog la mos te/ sems dang bas byang chub tu sems bskyed nas/ lhag pa'i bsam pas nyan cing 'dzin tam/ 'chang ngam/ klog gam/ kun chub par bgyid dam/ rab tu 'don tam/ kha don bgyid dam/ gzhan dag la rgya cher yang dag par ston tam/
- 77a
'di'i don rnam par 'grel pa dang / yid kyis rjes su rtog pa dang / ji lta bur grub pa'i shes rab kyis yongs su spyod par byed cing sangs rgyas kyis tshul rgyun chad par ma gyur cig/ dam pa'i chos nub par ma gyur cig/ ces dam pa'i chos yun ring du gnas par bya ba dang / tshul dang ma bral bas byang chub sems dpa' rnams la phan gdags pa bsgrub pa byas par 'gyur bar tha na glegs bam du chud par bgyis te/ 'chang ngam 'jog pa dang / de ltar bstan pa 'di thos nas/ kye ma shes rab kyi pha rol tu phyin pa 'di ni 'di ltar don che'o// kye ma shes rab kyi pha rol tu phyin pa 'di ni 'di ltar phan yon che'o// kye ma shes rab kyi pha rol tu phyin pa 'di ni 'di ltar yon tan chen po dang ldan no// shes rab kyi pha rol tu phyin pa ni bdag gis mi btang ngo // shes rab kyi pha rol tu phyin pa 'di bdag gis bsrung bar bya'o// / shes rab kyi pha rol tu phyin pa 'di ni bdag gis sba bar bya'o// shes rab kyi pha rol tu phyin pa 'di ni shin du rnyed par dka'o// zhes bdag nyid de la me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag dang / khor yug tu mar me'i phreng ba dag dang / mchod pa rnam pa mang po dag gis bkur bstir bgyid pa dang / bla mar bgyid pa dang / ri mor bgyid pa dang / mchod par bgyid pa dang / brjod par
- 77b
bgyid pa dang / gsol bar bgyid pa dang / gang yang gzhan gyis glegs bam du bgyid nas mchod de/ rigs kyi bu'am rigs kyi bu mo gzhan spong ba gnyer bar 'chal ba dag la stsal ba dang / 'di bar sprad pa dang / gtad pa dang / yongs su gtong ba dag dang / gang gtong ba'i blo dang ldan pa dang / gtong ba'i blo dang mi ldan pa de gnyis gang bsod nams ches mang du bskyed/ de skad ces gsol pa dang / bcom ldan 'das kyis lha'i dbang po brgya byin la 'di ces bka' stsal to// ke'u shi ka de'i phyir khyod nyid la dris 'di khyod kyis ci nus pa bzhin du lan thob shig/ ke'u shi ka 'di ji snyam du sems/ rigs kyi bu 'am rigs kyi bu mo gang de bzhin gshegs pa/ mya ngan las 'das pa'i sku gdung la bdag nyid kyi gus par byed de/ rim 'gror byed pa dang / 'chang ba dang / bkur bstir byed pa dang / bla mar byed pa dang / ri mor byed pa dang / mchod pa dang / brjod pa dang / gsol bar byed pa dag dang / rigs kyi bu 'am rigs kyi bu mo de bzhin gshegs pa'i sku gdung la/ bdag nyid kyis bkur bstir byed/ bla mar byed/ ri mor byed/ mchod par byed/ brjod par byed/ gsol bar byed/ mchod par rgyas par 'gyur zhes gzhan dag la yang sbyin par byed/ 'gyed par byed na/ ke'u shi ka de gnyis gang bsod nams ches mang du bskyed/ ci bdag nyid kyis kyang mchod la/ gzhan dag la yang 'gyed par byed pa de ches bsod nams mang du bskyed dam
- 78a
@'on te bdag nyid so so mchod pas bsod nams mang du bskyed/ brgya byin gyis gsol pa/ bcom ldan 'das rigs kyi bu 'am rigs kyi bu mo bdag nyid kyang de bzhin gshegs pa'i gdung la bkur bstir bgyid/ bla mar bgyid/ ri mor bgyid/ mchod par bgyid/ brjod par bgyid/ gsol bar bgyid la/ sems can dag la yang glo rtse ba'i slad du/ mchod pa byas par 'gyur ro// zhes gzhan dag la yang stsal cig/ yang dag par gang ston na 'di nyid de bas bsod nams ches mang du bskyed do// bcom ldan 'das kyis bka' stsal pa/ de de bzhin no/ de de bzhin te/ ke'u shi ka rigs kyi bu 'am rigs kyi bu mo de ltar gang shes rab kyi pha rol tu phyin pa 'di bris nas 'dzin tam/ 'chang ngam/ kun chub par byed dam/ 'don tam/ lung 'bog gam/ kha don byed dam/ pha rol 'dod cing gnyer ba'i rigs kyi bu 'am rigs kyi bu/ mo slong ba dag la glegs bam du byas te/ sbyin par byed pa dang / nye bar spras pa dang / gtad pa dang / yongs su gtad pa 'di ni ke'u shi ka gzhan la phan par byed pa yin te/ rigs kyi bu 'am rigs kyi bu mo de ches bsod nams mang du bskyed do// gzhan yang ke'u shi ka rigs kyi bu 'am rigs kyi bu mo gang dag shes rab kyi pha rol tu phyin pa 'di/ snod du gyur pa'i rigs kyi bu 'am rigs kyi bu mo gang dag/ gang na 'dug pa de dang der song ste/ shes rab kyi pha rol tu phyin par byed/ yang dag par 'gyed par byed na/ ke'u
- 78b
shi ka rigs kyi bu 'am rigs kyi bu mo de ches bsod nams mang du bskyed do// gzhan yang ke'u shi ka rigs kyi bu 'am rigs kyi bu mo gang gis 'dzam bu'i gling gis sems can ji snyed yod pa de dag thams cad/ dge ba bcu'i las kyi lam la yang dag par bcud cing bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka de bas na/ rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam du chud par byas te/ mngon par dad pas dad par byed/ rab tu rtog pas rtog par byed/ lhag par mos pas mos par byed/ sems dang bas byang chub sems dpa' sems dang ba la byang chub tu sems bskyed nas/ lhag pa'i bsam pa phun sum tshogs pas lhag pa'i bsam pa phun sum tshogs pa la/ bsam pa thag pa nas byin nam/ tha na 'dri ba dang / klog pa de la yang mi skyo bar bsgrub ba dang / brtson pas 'dzin du 'jug gam/ yang dag par ston pa dang / yang dag par gzeng bstod pa dang / rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / 'di'i don yang dag par ston cing de la/ 'di ltar rigs kyi bu dag tshur
- 79a
sheg/ byang chub sems dpa'i lam 'di la slob shig/ khyod kyis lam 'di la slabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par tshang rgya bar 'gyur ro// mngon par rdzogs par sangs rgyas nas/ sems can gyi khams dpag tu med pa rnams/ phung po yang dag bar zad pa/ bla na med pa 'di lta ste/ yang dag pa'i mtha' rab tu 'byed pa 'dul bar 'gyur ro// zhes sems rnam par spyod pa dang / the tshom med par byed na/ de bas ches bsod nams mang du bskyed do// yang ko'u shi ka 'dzam bu'i gling gi sems can thams cad dge ba bcu'i las kyi lam la bkod pa'i bsod nams lta shog/ ke'u shi ka gling bzhi pa'i 'jig rten gyi khams na/ sems can ji snyed yod pa dang / rnam grangs de lta bur stong spyi bud kyi 'jig rten gyi khams na sems can ji snyed yod pa de dag thams cad rigs kyi bu 'am rigs kyi bu mo la la zhig gis dge ba bcu'i las kyi lam la yang dag par btsud cing bkod kyang / ke'u shi ka stong spyi phud kyi 'jig rten gyi khams na/ sems can ji snyed pa de dag thams cad lta zhog gi/ ke'u shi ka stong gnyis pa bar ma'i 'jig rten gyi khams na/ sems can ji snyed yod pa de dag thams cad rigs kyi bu 'am/ rigs kyi bu mo la la zhig gis dge ba bcu'i las kyi lam la yang dag par btsud cing bkod kyang / ko'u shi ka stong gnyis pa bar ma'i
- 79b
'jig rten gyi khams kyi sems cad thams cad lnga zhog/ ke'u shi ka stong gsum gyi stong chen po'i 'jig rten gyi khams na/ sems can thams cad ji snyed yong ba de dag thams/ cad rigs kyi bu'am rigs kyi bu mo la la zhig gis/ dge ba bcu'i las kyi lam la yang dag par bcud cing bkod kyang / ke'u shi ka stong gsum gyis stong chen po'i 'jig rten gyi khams kyi sems can thams cad lta zhog gi/ rnam grangs 'di lta bur gang ga'i klung gi bye ma snyed kyi 'jig rten gyi khams na sems can thams cad ji snyed yod pa de dag thams cad rigs kyi bu 'am/ rigs kyi bu mo gang la la zhig gis dge ba bcu'i las kyi lam la yang dag par btsud cing bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka de bas kyang rigs kyi khu 'am rigs kyi bu mo gang shes rab kyi pha rol tu phyin pa 'di ban glegs pam la bris nas/ mngon bar dad par byed/ rab tu rtog pas rtog par byed/ lhag par mos pas mos par byed/ sems dang bas byang chub sems dpa' sems dang ba la byang chub tu sems bskyed de/ lhag pa'i bsam pa phun sum tshogs pa la lhag pa'i bsam pa phun sum tshogs pas bsam pa thag pa nas sbyin par byed pa dang / tha na bri ba dang / klag pa la
- 80a
yang mi skyo bar bsgrub pa dang / brtson pas 'dzin du 'jug pa dang / yang dag par gzeng bstod pa dang / yang dag par dga' bar mdzad pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing sprad de 'bad na/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams/ phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro// zhes sems rnam par sbyong zhing the tshom med par byed na/ de bas ches bsod nams mang du bskyed do// gzhan yang ke'u shi ka 'dzam bu'i gling na sems can ji snyed yod pa de dag thams cad rigs kyi bu 'am rigs kyi bu mo gang la la zhig gis bsam gtan bzhi la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang po/ bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam la bris nas/
- 80b
mngon par dad pas dad par byed/ rab tu rtog pas rtog par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/ lhag pa'i bsam pa phun sum tshogs pa la lha'i bsam pa phun sum tshogs pas bsam pa thag pa nas sbyin par byed pa/ tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis tshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyi lam 'di la bslabs shing sprad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ro// mngon par rdzogs par sangs rgyas nas/ sems can gyi khams gzhal du med pa rnams/ phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro zhes/ sems rnams par sbyong zhing the tshom med par byed na/ de bas ches bsod nams mang du bskyed do// ke'u shi ka 'dzam bu'i gling gi sems can thams cad rnam grangs 'di lta bur bkod pa lta zhog gi/ ke'u shi ka gling chen po bzhi pa'i 'jig rten gyi khams na/ sems
- 81a
can ji snyed yod pa de dag thams cad rigs kyi bu 'am rigs kyi bu mo la la zhig bsam gtan bzhi la bkod kyang gling chen po bzhi pa'i 'jig rten gyi khams kyi sems can thams cad lta zhog gi/ ke'u shi ka stong spyi phud kyi 'jig rten gyi khams na/ sems can thams cad ji snyed yod pa de dag thams cad rigs kyi bu 'am/ rigs kyi bu mo la la zhig gis bsam gtan gzhi bkod kyang / ke'u shi ka stong spyi phud kyi 'jig rten gyi khams kyi sems can thams cad lta zhog/ ke'u shi ka stong gnyis pa bar ma'i 'jig rten gyi khams na/ sems can thams cad ji snyed ji yod pa de dag thams cad rigs kyi bu 'am rigs kyi bu mo la la zhig gis bsam gtan bzhi la bkod kyang / ke'u shi ka stong gnyis pa bar ma'i 'jig rten gyi khams kyi sems can thams cad lta zhog/ ke'u shi ka stong gsum gyis stong chen po'i 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gi/ bsam gtan bzhi la bkod kyang / keru shi ka stong gsum gyi stong chen po'i 'jig rten gyi khams na sems can thams cad lta zhog gi/ ke'u shi ka 'jig rten gyi khams gang ga'i klung gi bye ma snyed na sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis/ bsam gtan bzhi la bkod na/ ke'u shi ka 'di ji snyam du sems/
- 81b
rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo po/ bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam la bris nas/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dpa bas byang chub sems dpa' sems dang ba la byang chub tu sems bskyed de/ lhag pa'i bsam pa phun sum tshogs pa/ bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar mdzad pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la slabs shing spyad de 'bad na/ myur du bla na med pa yang dag par rdzogs pa'i byang chub mngon par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta
- 82a
ste/ yang dag pa'i mtha' rab tu 'byed pa la 'dul bar 'gyur ro zhes sems rnam par sbyong zhing the tshom med par byed na/ de bas ches bsod/ nams mang du bskyed do// gzhan yang ke'u shi ka 'dzam bu'i gling gi sems can ji snyed yod pa de dag thams cad rigs kyi bu 'am rigs kyi bu mo la la zhig gis bsam gtan dang / tshad med pa bzhi la bkod pa dang / de bzhin du gzugs med pa'i snyoms par 'jug pa bzhi dang / mngon par shes pa lnga la bkod na/ ke'u shi ka 'di snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo / bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na/ glegs bam la bris nas/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems dpa' sem dang ba la byang chub tu sems bskyed do// lhag pa'i bsam pa phun sum tshogs pa la/ lhag pa'i bsam pa phun sum tshogs pas/ bsam pa thag pa nas sbyin par byed pa dang / tha na bri ba dang / glag pa la yang mi skyo bar bsgrubs pa dang / brtson pas 'dzin du 'jug pa dang / yang dag par ston pa dang / yang dag par gzeng bstod
- 82b
pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la spobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro zhes sems rnam par sbyong zhing the tshom med par byed na/ de bas ches bsod nams mang du bskyed do// yang ke'u shi ka 'dzam bu'i gling gi sems can thams cad bsam gtan dang / tshad med pa dang / gzugs med pa'i snyoms par 'jug pa dang / mngon par shes pa rnams la bkod pa'i bsod nams mngon par 'du byed pa lta zhog/ ke'u shi ka gling chen po bzhi pa'i 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis bsam gtan dang / mtshad med pa dang / gzugs med pa'i snyoms par 'jug pa dang / mngon par shes pa lnga la bkod kyang / ke'u shi ka gling chen po bzhi pa'i 'jig rten gyi khams na/ sems can
- 83a
thams cad ji snyed yod pa de dag thams cad rigs kyi bu 'am rigs kyi bu mo la la zhig gi bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dag la bkod pa'i bsod nams mngon par 'du byed pa lta zhog gi/ ke'u shi ka stong spyi bud kyi 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis/ bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dag la bkod kyang / ke'u shi ka stong spyi bud kyi 'jig rten gyi khams kyi sems can thams cad rigs kyi bu 'am rigs kyi bu mo la la zhig gis bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dag la bkod pa'i bsod nams mngon par 'du byed pa lta zhog ko'u shi ka stong gnyis pa bar ma'i 'jig rten gyi khams na/ sems can ji snyed yod pa de dag thams cad/ rigs kyi bu 'am rigs kyi bu mo la la zhig gis/ bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dag la bkod kyang / ko'u shi ka stong gnyis pa bar ma'i 'jig rten gyi khams kyi sems can thams cad/ bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dag la bkod pa'i
- 83b
bsong nams mngon par 'du byed pa la zhog/ ke'u shig slong gsum gyi stong chen pa'i 'jig rten gyi khams na/ sems can thams cad ji snyed stong ba de dag thams cad/ rigs kyi bu 'am rigs kyi bu mo la la zhig gis/ bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dag la bkod kyang / ke'u shi ka stong gsum gyis stong chen po'i 'jig rten gyi khams kyi sems can thams cad/ bsam gtan dang / tshad med pa dang / gzugs med pa'i snyoms par 'dug pa dang / mngon par shes pa dag la bkod pa'i bsod nams mngon par 'du byed pa lta zhog/ ke'u shi ka gang ga'i klung gi bye ma snyed kyi 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis/ bsam gtan dang / tshad med pa dang / gzugs med pa'i snyoms pa 'jug pa dang / mngon par shes pa dag la bkod na/ ke'u shi ka 'di ji snyam du sems/ rigs kyi bu 'am rigs kri bu so la la zhig gis/ de de'i gzhi las bsod nams sang du bskyed dam/ ban+d+ha byin gyis gsal pa/ bcom ldan 'das mang ba/ bde bar gshegs pa mang ngo // bcom ldan 'das kyis bka' stsal pa// ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam la/
- 84a
bris nas/ mngon par dang par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems/ dpa' sems dang ba la byang chub tu sems bskyed de/ lhag pa'i bsam pa phun sum tshogs pa la lhag pa'i bsam pa phun sum tshogs pas bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yeng dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam la slobs shig/ khyod kyis lam 'di la bslabs shing sprad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyuraro// zhes sems rnam par sbyong zhing theg tshom med par byed pa dang / de bas ches bsod nams mang du bskyed do// gzhan yang ke'u shi ka rigs kyi bu 'am rigs kyi bu mo ga
- 84b
shes rab kyi pha rol tu phyin pa 'di bris nas/ bdag nyid klog gam/ bris nas gzhan dag la byin nas/ ke'u shi ka rigs kyi bu 'am rigs kyi bu mo gang don la mkhas pas shes rab kyi pha rol tu phyin pa 'di klog pa dang / gzhan dag la yang don dang bcas/ tshig 'bru dang bcas par ston/ yongs su gsal bar byed na/ de bas ches bsod nams mang du bskyed do// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa 'di yang bstan par bgyi ba lags so// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka rigs kyi bu 'am rigs kyi bu mo khong du chud pa dag la/ shes rab kyi pha rol tu phyin pa 'di bstan par bya'o// de ci'i phyir zhe na/ ke'u shi ka ma 'ongs pa'i dus na/ shes rab kyi pha rol tu phyin pa 'di ltar bcos par 'byung ste/ de la rigs kyi bu 'am rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod la mi shes pas shes rab kyi pha rol tu phyin pa ltar bcos par thos nas/ chud zos par gyur na mi 'ong ngo // de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa ltar bcos pa bstan pa de ni 'di lags so// zhes ji ltar shes rab kyi pha rol tu phyin pa
- 85a
ltar bcos par rig par bgyi'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka ma 'ongs pa'i dus naH/ dge slong kha gcig lus ma sgom pa/ sems pa sgom pa/ shes rab ma bsgom pa/ shes rab 'chal pa dang / lug ltar lkugs pa'i rang bzhin can/ shes rab yongs su nyams pa dag 'byung ste/ de dag shes rab kyi pha rol tu phyin pa bstan to snyam nas/ de ltar chos ston to// ke'u shi ka shes rab kyi pha rol du phyin pa ltar bcos pa ji ltar ston par 'gyur zhe na/ gzugs 'jig pa ni gzugs mi rtag pa nyid do// zhes ston par 'gyur ro// de bzhin du tshor ba dang / 'du shes dang / 'du byed rnams dang / rnam par shes pa 'jig pa ni rnam par shes pa mi rtag pa nyid do zhes ston par 'gyur ro// zhes de bzhin du tshor ba dang / 'du shes dang / 'du byed rnams dang / rnam par shes pa 'jig pa ni rnam par shes pa mi rtag pa nyid do zhes ston par 'gyur te/ gang de ltar tshor ba ni shes rab kyi pha rol tu phyin pa la spyod par 'gyur ro// zhes bya ba 'di ni/ ke'u shi ka shes rab kyi pha rol tu phyin pa ltar bcos par rig par bya ste/ yang ke'u shi ka gzugs 'jig pa ni gzugs mi rtag par mi lta'o// de bzhin du tshor ba dang / 'du shes dang / 'du byed rnams dang / rnam par shes pa 'jig pa ni rnam par shes pa 'jig par mi lta'o// /
- 85b
gal te de ltar shes rab kyi pha rol tu phyin pa ltar bcos pa la spyod pa yin no// ke'u shi ka de lta bas na/ rigs kyi bu 'am rigs kyi bu mo gang shes rab kyi pha rol tu phyin pa/ 'di ston pa de ni/ bsod nams shin du mang du bskyed do// gzhan yang ke'u shi ka rigs kyi bu 'am rigs kyi bu mo gang 'dzam bu'i gling gi sems can ji snyed yod pa de dag thams cad/ rgyun du zhugs pa'i 'bras bu la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nas mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam du chud par byas te/ mngon par dad pas dad par byed/ rab tu rtogs pas rtogs par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/ lhag pa'i bsam pa phun sum tshogs pa la lhag pa'i bsam pa phun sum tshogs pas bsam pa thag pa nas sbyin par byed pa dang / tha na bri ba dang / glag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang /
- 86a
tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag chur sheg/ byang chub sems dpa'i lam 'di la slobs shig/ khyod kyis lam la skabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro// zhes sems rnam par sbyong zhing the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa'i chos 'di dag de ltar thob par gyis shig/ de ci'i phyir zhe na/ 'di las rgyun du zhugs pa'i 'bras bu rab tu 'byed do zhes zer na/ bas 'di ches bsod nams mang du bskyed do// ke'u shi ka 'dzam bu'i gling gi sems can thams cad rgyun du zhugs pa'i 'bras bu la bkod pa'i bsod nams mngon par 'du byed pa lta shog/ ke'u shi ka gling chen po bzhi pa'i 'jig rten gyi khams na/ sems can thams cad rigs kyi bu 'am rigs kyi bu mo la la zhig gis/ rgyun tu zhugs pa'i 'bras bu la bkod kyang / ke'u shi ka gling chen po bzhi pa'i 'jig rten gyi khams na/ sems can thams cad/ rgyun du zhugs pa'i 'bras bu la bkod pa'i bsod
- 86b
nams mngon par 'du byed pa lta zhog/ ke'u shi ka stong spyi phud kyi 'jig rten gyi khams na/ sems can thams cad rigs kyi bu 'am rigs kyi bu so la la zhig gis/ rgyun du zhugs pa'i bras bu la bkod kyang / ke'u shi ka stong spyi phud kyi khams kyi sems can thams cad rgyun du zhugs pa'i 'bras bu la bkod pa'i bsod nams mngon par 'du byed pa lta zhog/ ke'u shi ka stong gnyis pa bar ma'i 'jig rten gyi khams kyi sems can thams cad/ ji snyed yod pa de dag thams cad rigs kyi bu 'am rigs kyi bu mo la la zhig gis rgyun du zhugs pa'i 'bras bu la bkod kyang / ke'u shi ka stong gnyis pa bar ma'i 'jig rten gyi khams kyi sems can thams cad/ rgyun du zhugs pa'i 'bras bu la bkod pa'i bsod nams mngon par 'du byed pa lta zhog/ ke'u shi ka stong gsum gyis stong chen po'i 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis rgyun du zhugs pa'i 'bras bu la bkod kyang / ke'u shi ka stong gsum gyi stong chen po'i 'jig rten gyi khams kyi sems cad thams cad/ rgyun du zhugs pa'i 'bras bu la bkod pa'i bsod nams mngon par 'du byed pa lta zhog gi/ ke'u shi ka gang ga'i klung gi bye ma snyed kyi 'jig rten gyi khams ni sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis/ rgyun du zhugs pa'i 'bras bu la bkod na/ ke'u shi ka 'di ji
- 87a
snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang po/ bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam la bris nas/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/ lhag pa'i bsam pa phun sum tshogs pa la/ lhag pa'i bsam phun sum tshogs pas/ bsam pa thag pa nas sbyin par byed pa dang / tha na bri ba dang / klog pa la yang mi skyo bar bsgrub pa dang / brtson pas 'dzin du 'jug pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la slobs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams
- 87b
phung po yang dag par 'dab bla na med pa 'di lta ste/ yang dag pa'i mtha' rab tu 'byeng ba la 'dul bar 'gyur ro// zhes sems rnam par sbyong zhing the tshos med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa'i chos 'di dag thams cad thob par bgyis shig/ de ci'i phyir zhe na/ 'di las rgyun du zhugs pa'i 'bras bu rab tu 'byed do zhes zer na/ de bas ches bsod nams mang du bskyed do// gzhan yang ke'u shi ka rigs kyi bu 'am rigs kyi bu mo gang gis 'dzam bu'i gling gi sems can ji snyed yod pa de dag thams cad lan cig phyir 'ongs pa'i 'bras bu la bkod na/ ke'u shi ka rigs kyi bu 'am rigs kyi bu ng+ge de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam du chud par byas nas/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/ lhag pa'i bsam pa phun sum tshogs pa la/ lhag pa'i bsam pa phun sum tshogs pas bsam pa thag pa nas sbyin par byed pa dang / tha na bri ba dang / klags pa la yang mi skyo bar bsgrub pa dang / brtson pas 'dzin du 'jug pa dang /
- 88a
yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro// zhes sems rnam par sbyong zhing / the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa'i tshig dag de ltar thob par bgyis shig/ de ci'i phyir zhe na/ 'di las lan cig phyir 'ong ba'i 'bras bu rab tu 'byed do zhes zer na/ de bas 'di ches bsod nams mang du bskyed do// ke'u shi ka 'dzam bu'i gling gi sems can thams cad/ lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ ke'u shi ka gling chen po bzhi pa'i 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis lan cig phyir 'ong ba'i 'bras
- 88b
bu la bkod kyang / gling chen po bzhi pa'i 'jig rten gyi khams na/ sems can thams cad lan cig phyir 'ongs pa'i 'bras bu la 'god pa'i bsod nams mngon par 'du byed pa lta zhog/ ke'u shi ka stong spyi phud kyi 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis lan cig phyir 'ong ba'i 'bras bu la bkod kyang / ke'u shi ka stong spyi phud kyi 'jig rten gyi khams kyi sems can thams cad/ lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ yang ke'u shi ka stong gnyis pa bar ma'i 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis phyir 'ongs pa'i 'bras bu la bkod kyang / ke'u shi ka stong gnyis pa bar ma'i 'jig rten gyi khams kyi sems can thams cad/ lan cig phyir 'ong ba'i 'bras bu la bkod pa'i bsod nams mngon par 'du byed pa lta zhog/ ke'u shi ka stong gsum gyi stong chen po'i 'jig rten gyi khams na/ sems can thams cad ji snyed yod pa de dag thams cad/ rigs kyi bu 'am rigs kyi bu mo la la zhig gis lan cig phyir 'ong ba'i 'bras bu la bkod kyang / ke'u shi ka stong gsum gyi stong chen po'i 'jig rten gyi khams kyi sems can thams cad lan cig phyir 'ong ba'i 'bras bu
- 89a
la bkod pa'i bsod nams mngon par 'du byed pa lta zhog gi/ ke'u shi ka gang ga'i klung gi bye ma snyed kyi 'jig rten gyi khams na/ sems/ can ji snyed yod pa de dag thams cad rigs kyi bu 'am rigs kyi bu mo la la zhig gis/ lan cig phyir 'ong ba'i 'bras bu la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam la bris nas/ mngon par dad pas dad par byed/ rab tu rtogs pas rtogs par byed/ lhag par mos pas mos par byed/ sems dang bas byang chub sems dpa' sems dang ba la byang chub tu sems bskyed de/ lhag pa'i bsam pa phun sum tshogs pa la lhag pa'i bsam pa phun sum tshogs pas/ bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su
- 89b
mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyi lam 'di la bslabs shing / spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro zhes sems rnam par sbyong zhing the tshom med pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa'i chos 'di dag thams cad thob par gyis shig/ de ci'i phyir zhe na/ 'di lta ste/ lan cig phyir 'ong ba'i 'bras bu rab tu 'byed do zhes na/ de bas ches bsod nams pang du bskyed do// / bam po drug pa'o// / gzhan yang ke'u shi ka rigs kyi bu 'am/ rigs kyi bu mo la la zhig gis/ 'dzam bu'i gling gi sems can de dag thams cad phyir mi 'ong ba'i 'bras bu la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo po/ bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am
- 90a
rigs kyi bu mo gang shes rab kyi pha rol tu phyin pa 'di tha na glegs bam la bris nas/ mngon par dad pas dad par byed/ rab tu rtogs pas rtogs par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/ lhag pa'i bsam pa phun sum+b+ha tshogs pa rarapa pu na tshogs pa'i lhag la bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mchod pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams/ phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro zhes sems rnam par sbyong zhing the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par
- 90b
gyis shig/ de ci'i phyir zhe na/ 'di la phyir mi 'ong ba'i 'bras bu 'byed do// zhes zer na/ de bas ches bsod nams mang du bskyed do/ ke'u shi ka 'dzam bu'i gling gi sems can thams cad phyir mi 'ongs pa'i 'bras bu la bkod pa'i bsod nams mngon par 'du byed pa lta zhog/ ke'u shi ka gling chen po bzhi pa'i 'jig rten gyi khams na/ sems can ji snyed yod pa de dag thams cad/ rigs kyi bu 'am rigs kyi bu mo la la zhig gis/ phyir mi 'ongs pa'i 'bras bu la bkod kyang / ke'u shi ka gling chen po bzhi pa'i 'jig rten gyi khams kyi sems can thams cad phyir mi 'ongs bu la bkod pa'i bsod nams mngon par 'du byed pa lta zhog/ ke'u shi ka stong spyi phud kyi 'jig rten gyi kham kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog gi/ ke'u shi ka stong gnyis pa bar ma'i 'jig rten gyi kham na sems can ji snyed yod pa de dag thams cad/ rigs kyi bu 'am rigs kyi bu mo la la zhig gis/ phyir mi 'ong ba'i 'bras bu la bkod kyang / ke'u shi ka stong gnyis pa bar ma'i 'jig rten gyi khams kyi sems can thams cad phyir mi 'ong ba'i 'bras bu la bkod pa'i bsod nams mngon par 'du byed pa lta zhog/ ke'u shi ka stong gsum gyi stong chen po'i 'jig rten gyi khams na/ sems can thams cad rigs kyi bu 'am rigs kyi bu mo la la zhig gis/ phyir mi 'ongs pa'i 'bras bu la bkod kyang / ke'u shi ka stong
- 91a
gsum gyi stong chen po'i 'jig rten gyi khams kyi sems can thams cad phyir mi 'ongs pa'i 'bras bu la bkod pa'i bsod nams mngon par 'du byed pa lta zhog/ ke'u shi ka gang ga'i klung gi byed ma snyed kyi 'jig rten gyi khams na sems can ji snyed yod pa de dag thams cad rigs kyi bu 'am rigs kyi bu mo la la zhig gis phyir mi 'ong ba'i 'bras bu la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam la bris nas/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/ lhag pa'i bsam pa phun sum tshogs pa la/ lhag pa'i bsam pa phun sum tshogs pas bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang /
- 91b
rjes su mchod pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la spobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa 'di lta ste/ yang dag pa'i mtha' rab tu 'byed pa la 'dul bar 'gyur ro// zhes sems rnam par sbyong zhing the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par gyis/ de ci'i phyir zhe na/ 'di las phyir mi 'ong ba'i 'bras bu rab tu 'byed do// zhes zer na/ de bas 'di ches bsod nams ma du bskyed do// gzhan yang ke'u shi ka 'dzam bu'i gling gi sems can ji snyed yod pa de dag thams cad/ rigs kyi bu 'am rigs kyi bu mo la la zhig gis dgra bcom pa nyid la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na/ glegs bam la bris nas mngon par
- 92a
dad pas dad par byed/ rab tu rtogs pas rtogs par byed lhag par mos pas mos par byed/ sems dang bas byang chub sems dpa'i sems dang ba la/ byang chub tu sems bskyed de/ lhag pa'i bsam pa phun sum tshogs pa la lhag pa'i bsam pa phun sum tshogs pas bsam pa thag pa nas sbyin par byed pa dang / tha na bri ba dang / klags pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro// zhes sems rnam par sbyong zhing the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob
- 92b
par bgyis/ de ci'i phyir zhe na/ 'di las dgra bcom pa nyid kyang rab tu 'byed do zhes zer na/ de bas 'di ches bsod nams mang du bskyed do// ke'u shi ka 'dzam bu'i/ gling gi sems can thams cad dgra bcom pa nyid la bkod pa'i bsod nams mngon par 'du byed pa lta zhog/ ke'u shi ka gling chen po bzhi pa'i 'jig rten gyi khams na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis/ dgra bcom pa nyid la bkod kyang / gling chen po bzhi pa'i 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed pa lta zhog/ ke'u shi ka stong spyi phud kyi 'jig rten gyi khams ma sems can ji snyed yod pa de dag thams cad rigs kyi bu 'am rigs kyi bu mo la la zhig gis/ dgra bcom pa nyid la bkod kyang / ke'u shi ka stong spyi phud kyi 'jig rten gyi khams kyi sems can thams cad dgra bcom pa nyid la bkod pa'i bsod nams mngon par 'du byed pa lta zhog/ ke'u shi ka stong gnyis pa bar ma'i 'jig rten gyi khams na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis/ dgra bcom pa nyid la bkod kyang / ke'u shi ka stong gnyis pa bar ma'i 'jig rten gyi khams na/ sems can thams cad dgra bcom pa nyid la bkod pa'i bsod nams mngon par 'du byed pa lta zhog/ ke'u shi ka stong gsum
- 93a
kyi stong chen po'i 'jig rten gyi khams na sems can ji snyed yod pa de dag thams cad rigs kyi bu 'am/ rigs kyi bu mo la la zhig gis/ dgra bcom pa nyid la bkod kyang / ke'u shi ka stong gsum gyi stong chen po'i 'jig rten gyi khams na/ sems can thams cad/ dgra bcom pa nyid la bkod pa'i bsod nams mngon par 'du byed pa lta zhog/ ke'u shi ka gang ga'i klung gi bye ma snyed kyi 'jig rten gyi khams na/ sems can thams cad ji snyed yod pa de dag thams cad rigs kyi bu 'am rigs kyi bu mo la la zhig gis dgra bcom pa nyid la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo / bde bar gshegs pa mang mo// bcom ldan 'das bsod nams kyi phung po de'i grangs su bzung bar yang slab ma lag so/ bcom ldan 'das bsod nams kyi phung po de bgrang bar yang / dper yang rgyur yang bgyi ba sla ba lagaso/ bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di ba na glegs bam la bris nas/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems dpa'i
- 93b
sems dang ba dang / byang chub tu sems bskyed de/ lhag pa'i bsam pa phun sum tshogs pa la lhag pa'i bsam pa phun sum tshogs pas/ bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro// zhes sems rnam par sbyong zhing / the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par bgyi shig/ de ci'i phyir zhe na/ 'di las dgra bcom pa nyid rab tu 'byed do zhes zer na/ de la 'di ltar rigs kyi bu khyod ji lta bur shes rab kyi pha rol du phyin pa la/ spobs pa de lta bur
- 94a
khyod mthar gyis sangs rgyas kyis chos rnams thob par 'gyur ro// thams cad mkhyen pa nyid kyi bar du nye bar 'gyur ro// khyod 'di la spobs pa'i rgyun du zhugs pa'i 'bras bu rab tu 'byed par 'gyur ro// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid rab tu 'byed do// rang sangs rgyas nyid rab tu 'byed do// rang sangs rgyas nyid la rab tu 'byed par 'gyur ro zhes spro ba 'phel bar byed na/ dag de bas 'di ches bsod nams mang du bskyed do// gzhan yang ke'u shi ka 'dzam bu'i gling gi sems can thams cad/ rigs kyi bu 'am rigs kyi bu mo la la zhig gis/ rang sangs rgyas nyid la bkod na/ ke'u shi ka 'di ji snyam du sems/ rigs kyi bu 'am rigs kyi bu mo la la zhig gis/ rang sangs rgyas nyid la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka de bas na rigs kyi bu 'am/ rigs kyi bu mo gang shes rab kyi pha rol tu phyin pa 'di tha na glegs bam du chud par byas te/ mngon par dad pas dad par byed/ rab tu rtog pas rtogs par byed/ lhag par mos pas mos par byed/ sems dang bas byang chub sems dpa' sems dang ba la/ byang chub tu sems bskyed de/
- 94b
lhag pa'i bsam pa phur sum tshogs pa la lhag pa'i bsam pa phun tshogs pas/ bsam pa thag na nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag par 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing sprad de 'bad na/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// mngon par rdzogs par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyuraro// zhes sems rnam par sbyong zhing the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par bgyis shig/ de ci'i phyir zhe na/ 'di las rang sangs rgyas nyid rab tu 'byed do zhes zer/ de la 'di ltar rigs kyi bu khyod ji lta ji lta bur shes rab kyi pha rol tu phyin pa la spobs par 'gyur ba de lta bur mthar gyis khyod sangs rgyas kyi chos rnams thob
- 95a
par 'gyur ro// thams cad mkhyen pa nyid dang nye bar 'gyur ro// khyod bslab pa 'di la slobs cing spyad de 'bad na/ rgyun du zhugs pa'i 'bras bu rab tu 'byed par 'gyur ro// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid rab tu 'byed par 'gyur ro// rang sangs rgyas nyid rab tu 'byed par 'gyur ro zhes spro ba 'phel bar byed na/ de bas 'di ches bsod nams mang du bskyed do// yang ke'u shi ka 'dzam bu'i gling gi sems can thams cad rang sangs rgyas nyid la bkod pa'i bsod nams mngon par 'du byed pa lta zhog ke'u shi ka gling chen po bzhi pa'i 'jig rten gyi khams na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis/ rang sangs rgyas nyid la bkod kyang / gling chen po bzhi pa'i 'jig rten gyi khams kyi sems can thams cad/ rang sangs rgyas nyid la bkod pa'i bsod nas mngon par 'du byed pa lta zhog/ ke'u shi ka stong spyi phud kyi 'jig rten gyi khams na/ sems can ji sbed yod pa de dag thams cad rigs kyi bu 'am rigs kyi bu so la la zhig gis/ rangab sangs rgyas nyid la bkod kyang / ke'u shi ka stong ste phud kyi 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog/ ke'u shi ka stong gnyis pa bar ma'i 'jig rten gyi khams na/
- 95b
sems can ji snyed yod pa de dag thams cad rigs kyi bu'am rigs kyi bu mo la la zhig gis/ rang sangs rgyas nyid la bkod kyang / ke'u shi ka stong gnyis pa bar ma'i 'jig rten gyi khams kyi sems can thams cad rang sangs rgyas nyid la bkod pa'i bsod nams mngon par 'du byed pa lta zhog/ ke'u shi ka stong gsum gyis stong chen po'i 'jig rten gyi khams na/ sems can ji snyed yod pa de dag thams cad rigs kyi bu 'am/ rigs kyi bu mo la la zhig gis rang sangs rgyas nyid la bkod kyang / ke'u shi ka stong gsum gyi stong stong chen po'i 'jig rten gyis khams kyi sems can thams cad rang sangs rgyas rang sangs rgyas nyid la bkod pa'i bsod nams mngon par 'du byed pa lta zhog gi/ ke'u shi ka gang ga'i klung gi bye ma snyed kyi 'jig rten gyi khams na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis rang sangs rgyas nyid la bkod na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am rigs kyi bu mo gang shes rab kyi pha rol tu phyin pa 'di tha na glegs bam du chud par byas te/ mngon par dad pas dad par byed/ rab tu rtog pas rtogs par byed/ lhag pa re mos pas mos par byed/ sems dang bas byang chub
- 96a
sems dpa' sems dang bal byang chub tu bskyed de/ lhag pa'i bsam pa phun sum tshogs pa la lha'i bsam pa phun sum tshogs pas/ bsam pa thag pa nas sbyin par byed pa dang / tha na bri ba dang / klag pa la yang mi skyo bar bsgrub pa dang / brtson pas 'dzin du 'jug pa dang / yang dag par ston pa dang / yang dag par gzeng bstod pa dang / yang dag par rab tu dga' bar byed pa dang / yang dag por 'dzin du 'jug pa dang / tshig gis mtshon pa dang / rnam par mtshon pa dang / rjes su mtshon pa dang / de'i don yang dag par ston pa dang / 'di ltar rigs kyi bu dag tshur sheg/ byang chub sems dpa'i lam 'di la slobs shig/ khyod kyis lam 'di la bslabs shing spyad de 'bad na/ myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ro// mngon par sangs rgyas nas/ sems can gyi khams gzhal du med pa rnams phung po yang dag par zad pa/ bla na med pa 'di lta ste/ yang dag pa'i mtha' rab tu 'byed pa la 'dul bar 'gyur ro zhes sems rnam par sbyong zhing the tshom med par byed pa dang / tshig 'di skad du rigs kyi bu khyod 'di lta ste/ shes rab kyi pha rol tu phyin pa dang ldan pa'i chos de dag nyid thob par gyis shig/ de ci'i phyir zhe na/ 'di las rang sangs rgyas nyid rab tu 'byed do zhes zer zhing / de la 'di ltar rigs kyi bu khyod ji lta bur shes rab kyi pha rol tu phyin pa
- 96b
la spongabs par 'gyur ba de lta de lta bur mthar gyis khyod/ sangs rgyas kyi chos rnams thob par 'gyur ro// thams cad mkhyen pa nyid dang nye bar 'gyur ro// khyod bslabs pa 'di la slob cing spad de 'bad na/ rgyun du zhugs pa'i 'bras bu rab tu 'byed par 'gyur ro// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid rab tu 'byed par 'gyur ro// rang sangs rgyas nyid rab tu 'byed par 'gyur ro// zhes spro ba 'phel bar byed na/ de bas 'di ches bsod nams mang du bskyed do// gzhan yang ke'u shi ka 'dzam bu'i gling gi sems can de dag thams cad rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub tu sems bskyed du bcug la/ rigs kyi bu 'am rigs kyi bu mo gang gis bla na med pa yang dag par rdzogs pa'i byang chub tu sems bskyed du bcug nas/ shes rab kyi pha rol tu phyin pa 'di bris nas byin pa dang / ke'u shi ka rigs kyi bu 'am rigasapa kyi bu mo gang gis phyir mi ldog pa'i byang chub sems dpa' sems dpa' chen po la/ shes rab kyi pha rol tu phyin pa nye bar gtad de/ shes rab kyi pha rol tu phyin pa 'di la de brlob par 'gyur/ rnal 'byor du byed par 'gyur te/ de nyid shes rab kyi pha rol tu phyin pa 'di sgom pa 'phel zhing rgyas pa dang / yangs par gyur pas sangs rgyas kyi chos rnams yongs su rdzogs par 'gyur ro// zhes nye bar gtad na/ rigs kyi bu 'am rigs
- 97a
kyi bu mo snga ma de bas ches bsod nams mang du bskyed do/ de ci'i phyir zhe na/ 'di ni nges par bla na med pa yang dag par rdzogs pa'i byang chub tu mngon/ par rdzogs par sangs rgyas nas/ sems can rnams kyi sdug bsngal mthar 'byin par 'gyur ro// yang ke'u shi ka 'dzam bu'i gling gi sems can thams cad/ bla na med/ pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ ke'u shi ka gling chen po bzhi pa'i 'jig rten gyi khams na/ sems can ji snyed yod pa de dag thams cad/ rigs kyi bu 'am/ rigs kyi bu mo la la zhig gis bla na med pa yang dag par rdzogs pa'i byang chub tu sems bskyed du bcug kyang / ke'u shi ka gling chen po bzhi pa'i 'jig rten gyi khams kyi sems can thams cad/ bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ ke'u shi ka stong spyi phud kyi 'jig rten gyi khams na/ sems can ji snyed yod pa de dag rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub tu sems bskyed du bcug kyang / ke'u shi ka stong spyi phud kyi 'jig rten gyi khams kyi sems can thams cad bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog/ ke'u shi ka stong gnyis pa bar ma'i 'jig rten gyi kham
- 97b
nasems can ji snyed yod pa de dag thams cad rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub tu sems bskyed du bcug kyang ke'u shi ka stong gnyis pa bar ma'i 'jig rten gyi khams kyi sems can thams cad bla na med pa yang dag par rdzogs pa'i nga'i byang chub tu sems bskyed pa'i bsod nams mngon par 'du byed pa lta zhog/ ke'u shi ka stong gsum gyi stong chen po'i 'jig rten gyi khams na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub tu sems bskyed kyang / ke'u shi ka stong gsum gyis stong chen po'i 'jig rten gyi khams kyi sems can thams cad/ bla na med pa yang dag par rdzogs pa'i byang chub tu sems bskyed pa'i bsod nams mngon par 'du byed pa lta zhog gi/ ke'u shi ka gang ga'i klung gi bye ma snyed kyi 'jig rten gyi kham na// sems can ji snyed yod pa de dag thams cad rigs kyi bu 'am rigs kyi bu mo la la zhig gi/ bla na med pa yang dag par rdzogs pa'i byang chub tu sems bskyed pa dang / ke'u shi ka rigs kyi bu 'am rigs kyi bu mo gang gis/ bla na med pa yang dag par rdzogs pa'i byang chub tu sems bskyed nas/ sems can de dag thams cad la shes rab kyi pha rol tu phyin pa 'di bris te byin pa dang / ke'u shi ka rigs kyi bu 'am rigs kyi bu mo gang gis shes rab kyi pha rol tu phyin pa 'di bris nas/ phyir mi ldog pa'i byang chub sems dpa' sems
- 98a
dpa' chen po la byin te/ shes rab kyi pha rol tu phyin pa ltar slob cing rnal 'byor du byed na/ shes rab kyi pha rol tu phyin pa 'di la de ltar lhag pa'i bsgom pa 'phel zhing rgyas pa dang / yangs pa dang / yongs su rdzogs par 'gyur ro zhes gtad na/ ka shi ka rigs kyi bu 'am rigs kyi bu mo de bas ches bsod nams mang du bskyed par 'gyur ro// de ci'i phyir zhe na/ 'di ni nges par bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnam kyi sdug bsngal mthar 'byin par 'gyur ro// gzhan yang ke'u shi ka 'dzam bu'i gling gi sems can ji snyed yod pa de dag thams cad/ bla na med pa yang dag par rdzogs pa'i byang chub las phyir mi ldog par 'gyur la/ rigs kyi bu 'am rigs kyi bu mo la la zhig gis shes rab kyi pha rol tu phyin pa 'di/ glegs bam la bris shing byas te/ byin zhing nye bar gtad de/ don bzang po tshig 'bru bzang pos ston na/ ke'u shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo / bcom ldan 'das bsod nams kyi phung po de'i grangs su bzung bar yang sla ba ma lags te/ bcom ldan 'das bsod nams kyi phung po de'i bgrangs par yang dper yang / rgyur yang bgyi ba ma lags so// bcom ldan 'das kyis bka'
- 98b
stsal pa/ ke'u shi ka rigs kyi bu 'am rigs kyi bu mo gang gis phyir mi ldog pa'i byang chub sems dpa' sems dpa' chen po myur du blan med pa yang dag par rdzogs pa'i byang chub tu mngon par rdzogs par 'tshang brgya par 'dod pa dag/ bla na med pa yang dag par rdzogs pa'i byang chub/ shes rab kyi pha rol tu phyin pa 'di byin zhing nye bar gtad de/ gang gis shes rab kyi pha rol tu phyin pa 'di la gdams shing bstan na/ de bas ches bsod nams mang du bskyed do// gzhan yang ke'u shi ka 'dzam bu'i gling gi sems can thams cad phyir mi ldog par 'gyur ba la/ shes rab kyi pha rol du phyin pa 'di nye bar gtad pa'i bsod nams mngon par 'du byed pa lta zhog/ ke'u shi ka gling chen po bzhi pa'i 'jig rten gyi khams na/ sems can ji snyed yod pa de dag thams cad bla na med pa yang dag par rdzogs pa'i byang chub las phyir mi ldog par gyur la/ de dag rigs kyi bu 'am rigs kyi bu mo la la zhig gis/ shes rab kyi pha rol tu phyin pa 'di glegs bam la bris te byin zhing nye bar gtad la/ don bzang po tshig 'bru bzang pos rab tu ston na/ ke'u shi ka gling chen po bzhi pa'i 'jig rten gyi khams na/ sems can thams cad phyir mi ldog par 'gyur ba la shes rab kyi pha rol tu phyin pa 'di nye bar gtad pa'i bsod nams mngon par 'du byed pa lta zhog/ ke'u shi ka stong spyi phud kyi 'jig rten gyi khams na/ sems can ji snyed yod pa de dag
- 99a
thams cad/ bla na med pa yang dag par rdzogs pa'i byang chub las phyir mi ldog par 'gyur ba la/ de dag la rigs kyi bu 'am rigs kyi bu mo la la zhig gis shes rab kyi pha rol tu phyin pa 'di glegs bam la bris nas byin zhing / nye bar gtad la/ don bzang po tshig 'bru bzang pos rab tu ston na/ ke'u shi ka stong spyi phud kyi 'jig rten gyi khams kyi sems can thams cad phyir mi ldog par 'gyur la/ shes rab kyi pha rol tu phyin pa 'di/ nye bar gtad pa'i bsod nams mngon par 'du byed pa lta zhog/ ke'u shi ka stong gnyis pa bar ma'i 'jig rten gyi khams na/ sems can ji snyed yod pa de dag thams cad/ bla na med pa yang dag par rdzogs pa'i byang chub las phyir mi ldog par 'gyur la/ de dag la rigs kyi bu 'am rigs kyi bu mo la la zhig gis shes rab kyi pha rol tu phyin pa 'di/ glegs bam la bris nas byin zhing / nye bar gtad la/ don bzang po tshig 'bru bzang pos rab tu ston na/ ke'u shi ka stong gnyis pa bar ma'i 'jig rten gyi khams kyi sems can thams cad phyir mi ldog par 'gyur ba la/ shes rab kyi pha rol du phyin pa 'di nyid nye bar gtad pa'i bsod nams mngon par 'du byed pa lta zhog/ ke'u shi ka stong gsum gyi stong chen po'i 'jig rten gyi khams na/ sems can ji snyed yod pa de dag thams cad bla na med pa yang dag par rdzogs pa'i byang chub las phyir mi ldog par 'gyur ba la/ de dag la
- 99b
rigs kyi bu 'am rigs kyi bu mo la la zhig gis/ shes rab kyi pha rol tu phyin pa 'di glegs bam la bris nas byin zhing nye bar gtad la/ don bzang po tshig 'bru bzang / pos rab tu ston na/ ke'u shi ka stong gsum gyi stong chen po'i 'jig rten gyi khams kyi sems can thams cad phyir mi ldog par 'gyur ba la/ shes rab kyi pha rol tu phyin pa 'di nye bar gtad pa'i bsod nams mngon par 'du byed pa lta zhog/ ke'u shi ka 'jig rten gyi khams gang ga'i klung gi bye ma snyed na/ sems can ji snyed yod pa de dag thams cad/ bla na med pa yang dag par rdzogs pa'i byang chub las phyir mi ldog par 'gyur la/ de dag la rigs kyi bu 'am rigs kyi bu mo la la zhig gis/ shes rab kyi pha rol tu phyin pa 'di glags bam la bris nas/ byin zhing nye bar gtad la/ don bzang po tshig 'bru bzang pos rab tu ston na/ ke'i shi ka 'di ji snyam du sems/ rigs kyi bu 'am rigs kyi bu mo de de'i gzhi las bsod nams mang du bskyed dam/ brgya byin gyis gsol pa/ bcom ldan 'das mang lags so// bde bar gshegs pa mang lag so// bcom ldan 'das bsod nams de'i grangs su bzung bar sla ba ma lags te/ bcom ldan 'das de la bgrang bar yang / dper yang / rgyur yang bgyi ba sla ba ma lags so// bcom ldan 'das kyis bka' stsal pa/ ke'u shi ka de bas kyang rigs kyi bu 'am rigs kyi bu mo la la zhig gis phyir mi ldog pa'i byang
- 100a
@chub sems dpa' sems dpa' chen po myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag la shes rab kyi pha rol tu phyin pa 'di glegs bam la bris te/ sbyin zhing nye bar gtad la don bzang po tshig 'bru bzang pos rab tu ston pa/ shes rab kyi pha rol tu phyin pa de la 'dom shing ston na/ de la rigs kyi bu 'am rigs kyi bu me de bas ches bsod nams mang du bskyed do// ke'u shi ka byang chub sems dpa' sems dpa' chen po gzhan zhig byung ba de 'di skad du bdag ni 'di dag thams cad pas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes zer ba la/ ke'u shi ka rigs kyi bu 'am rigs kyi bu mo gang gis mngon par shes pa shin du myur ba'i byang chub sems dpa' sems dpa' chen po do/ shes rab kyi pha rol tu phyin pa la bsten cing gdams na/ rigs kyi bu 'am rigs kyi bu mo snga ma de bas ches bsod nams mang du bskyed do// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das byang chub sems dpa' sems dpa' chen po ji lta ji lta bur/ bla na med pa yang dag par rdzogs pa'i byang chub tu nye bar 'gyur ba de lta de lta bur/ shes rab kyi pha rol tu phyin pa la bsten cing gdams na/ de bzhin nyid la nye bar 'gyur ro// de bzhin nyid la nye bar 'gyur na/
- 100b
de dag gis gos dang / bsod snyoms dang / mal cha dang / bro 'tshal ba'i gsos sman dang / yo byad rnams yongasu spyad na 'bras bu chen po bgyid/ phar yon chen por bgyid de/ de ni bsod nams shin du mang du bskyed do// de ci'i slad du zhe na/ 'di ltar byang chub sems dpa' sems dpa' chen po bla na med pa yang dag par rdzogs pa'i byang chub tu nye bar gyur pa legs so// de nas tshe dang ldan pa rab 'byor gyis/ lha'i dbang po brgya byin la 'di skad ces smras so// ke'u shi ka khyod 'di ltar byang chub sems dpa'i theg pa can rnams la/ spo ba byin zhing phan 'dogs pa dang / rim gror byed pa leg so legs so// ke'u shi ka khyod 'di ltar byas te/ 'phags pa nyan thos gang sems can thams cad la phan 'dogs par 'dod pa des/ byang chub sems dpa' sems dpa' chen po rnams/ bla na med pa yang dag par rdzogs pa'i byang chub la spro ba 'phel bar byed cing phan 'dogs pa dang / rim gror byed pa de ltar gyis shig/ de ci'i phyir zhe na/ byang chub sems dpa' rnams kyi bla na med pa yang dag par rdzogs pa'i byang chub ni 'di las skyes te/ gal te byang chub sems dpa' sems dpa' chen po rnams kyis/ byang chub sems ma bskyed du zin na/ byang chub sems dpa' sems dpa' chen po rnams/ bla na med pa yang dag par rdzogs pa'i byang chub la yang mi spobs/ pha rol du phyin pa drug la yang mi slobs par 'gyur ro// ma bslabs na bla na med pa yang dag par rdzog/
- 101a
dush+ya/ pa'i byang chub kyang / mngon par rdzogs par 'tshang rgya bar mi 'gyur ba zhig na/ 'di ltar byang chub sems dpa' sems dpa' chen po dag kyang // byang chub sems dpa'i slabs pa pha rol tu phyin pa drug la slob ste/ de ci'i phyir bla na med pa yang dag par rdzogs pa'i byang chub mngon par rdzogs par 'tshang rgya'o// shes rab kyi pha rol tu phyin pa brgyad stong pa las// / bsod nams grangs kyi le'u ste lnga pa'o// // de nas byang chub sems dpa' sems dpa' chen po byams pas/ gnas brtan tshe dang ldan pa rab 'byor la smras pa/ 'phags pa rab 'byor byang chub sems dpa' sems dpa' chen po'i rjes su yid rang ba dang ldan pa'i bsod nams kyi dngos po gang yin pa dang / sems can thams cad kyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nams bya ba'i dngos po gang yin pa de dag las/ byang chub sems dpa' sems dpa' chen po'i rjes su yid rang ba dang ldan pa'i bsod nams bya ba'i dngos po 'di mchog ces bya'o// gtso bo zhes bya'o// rab ces bya'o// mchog rab ces bya'o// gya nom pa zhes bya'o// bla ma zhes bya'o// bla na med pa zhes bya'o// gong na med pa zhes bya'o// de skad ces smras pa dang / gnas brtan tshe dang ldan pa rab 'byor gyis/ byang chub
- 101b
sems dpa' sems dpa' chen po byams pa la 'di skad ces smras so// byams pa byang chub sems dpa' sems dpa' chen po gang / phyogs bcu'i 'jig rten thams cad/ nas thams cad du des/ 'jig rten gyi khams dpag tu med pa'i yang dpag tu med pa/ grangs med pa'i yang grangs med pa/ bsam gyis mi khyab pa'i yang bsam gyis mi khyab pa/ gzhal du med pa'i yang gzhal du med pa/ mtha' yas mu med pa dag tu 'jig rten gyi khams re rer yang / 'das pa'i dus na dpag tu med pa'i yang dpag tu med pa/ grangs med pa'i yang grangs med pa/ bsam gyis mi khyab pa'i yang bsam gyis mi khyab pa/ gzhal du med pa'i yang gzhal du med pa/ de bzhin gshegs pa dgra bcom pa yang dag par rdzogs pa'i sangs rgyas lam chad pa/ 'jug pa chad pa/ spro ba dang srid pa dang 'dren pa/ phung po lhag ma med pa'i dbyings su yongs su mya ngan las 'das pa de dag gis sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa de dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su mya ngan las
- 102a
/ 'das pa'i bar dang dam pa'i chos nub par mi 'gyur ba'i bar dang / de dag gi bar gyi sangs rgyas bcom ldan 'das rnams kyis/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / pha rol tu phyin pa drug dang ldan pa'i dge ba'i rtsa ba ci yod pa dang / sangs rgyas kyi yon tan phun sum tshogs dang ldan pa dang / stobs dang mi 'jigs pa'i pha rol tu phyin pa dang / mngon par shes pa'i pha rol tu phyin pa dang ldan pa dang / shes rab kyi pha rol tu phyin pa dang ldan pa dang / smon lam gyi pha rol tu phyin pa dang ldan pa dang / thams cad mkhyen pa'i ye shes phun sum tshogs pa dang ldan pa rnams dang / phan par bzhed pa gang yin pa dang / byams pa chen po gang yin pa dang // snying rje chen po gang yin pa dang / sangs rgyas kyi yon tan grangs med dpag tu med pa gang yin pa dang / bla na med pa yang dag par rdzogs pa'i byang chub gang yin pa dang / bla na med pa yang dag par rdzogs pa'i byang chub kyi bde ba gang yin pa dang / chos thams cad la dbang phyug gi pha rol tu phyin pa gang yin pa dang / zil gyis non pa dpag tu med pa dang / thams cad zil gyis gnon pa'i rdzu 'phrul mngon par 'du byed pa'i mchog gang yin pa dang / stobs kyi nang na de bzhin gshegs
- 102b
pa'i stobs yang dag pa'i lta ba bzhin du sgrib pa med cing ma chags ma thogs pa/ mi mnyam pa dang mnyam pa'i dpag tu med pa ci yod pa dang / de bzhin gshe pa'i ye shes gzigs pa dang / stobs dang pha rol tu phyin pa bcu gang yin pa dang / mi 'jigs pa bzhi gang yin pa dang / mchog tu legs par khong du bachud pa gang yin pa dang / chos thams cad don dam par mngon par bsgrub pas/ chos thams cad khong du chud pa gang yin pa dang / chos kyi 'khor lo// rab tu bskor ba gang yin pa dang / chos kyi rnga gdung ba dang / chos kyi dung 'bud pa dang / chos kyi char 'bebs pa dang / chos kyi mchod sbyin byin pa dang / chos kyi sbyin pas sems can thams cad tshim par mdzad pa dang / stobs dang / chos ston pa de dag dang / sangs rgyas kyi chos rnams sam/ rang sangs rgyas kyi chos rnams sam/ nyan thos kyi chos de dag la gang dag brtul ba dang / bslabs pa dang / mos pa dang / nges par gyur pa dang / rdzogs pa'i byang chub la gzhol bar gyur pa dang / sangs rgyas bcom ldan 'das de dag gis byang chub sems dpa' gang dag bla na med pa yang dag par rdzogs pa'i byang chub tu lung bstan pa de dag gi dge ba'i rtsa ba ci yod pa dang / pha rol tu phyin pa drug dang ldan pa'i dge ba'i rtsa ba ci yod pa dang / gang zag rang sangs rgyas kyi theg pa can dang ldan pa
- 103a
rang sangs rgyas kyis lung stan pa'i de dag thams cad kyi dge ba'i rtsa ba ci yod pa dang / gang zag nyan thos kyi theg pa can gyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nams bya ba'i dngos po dang / slob pa'i zag ba med pa'i dge ba'i rtsa ba ci yod pa dang / mi slob pa'i zag pa med pa'i dge ba'i rtsa ba ci yod pa dang / so so'i skye bo gang dag gis chos de dag la dge ba'i rtsa ba bskyed pa dang / sangs rgyas bcom ldan 'das de dag gi 'khor bzhi po'i dge slong rnams dang / dge slong ma rnams dang / dge bsnyen rnams dang / dge bsnyen ma rnams kyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nas bya ba'i dngos po dang / bsgom pa las byung ba'i bsod nams bya ba'i dngos po de la/ sangs rgyas bcom ldan 'das chos de dag lha dang / klu dang / gnod sbyin dang / lha ma yin dang / na mkha' lding dang / dri za dang / mi 'am ci dang / lto 'phye chen po dang / mi dang mi ma yin pa gang dag dang / dud 'gro'i skye gnas su song ba'i sems can de dag thams cad kyi dge ba'i rtsa ba rnams bskyed pa dang / sangs rgyas bcom ldan 'das de dag yongs su mya ngan las 'das pa la gang gis dge ba'i rtsa ba bskyed pa dang / sangs rgyas bcom ldan 'das la
- 103b
brten pa dang / chos la brten pa dang / dge 'dun la brten pa dang / yid kyis bsgom pa'i gang zag la brten nas/ dge ba'i rtsa ba bskyed pa'i de dag thams cad ma lus pa/ lus pa med pa'i gcig tu bsdus te/ sdoms zhing gzhal nas rjes su yid rang ba'i mchog dam pa/ gtso bo rab mchog rab/ gya nom pa/ bla ma/ bla na med pa/ gong na med pa'i rjes su yid rang bas rjes su yid rang ba dang ldan pa'i bsod na bya ba'i dngos po de/ bla na med pa yang dag par rdzogs pa'i byang tu yongs su bsngo'o zhes tshig 'di skad du/ bla na med pa yang dag par rdzogs pa'i byang chub yongs su bsdud par gyur cig ces zer ba de la/ gang zag byang chub sems dpa'i theg pa can dag dngos po gang dag dang / rnam pa gang dag dang / dmigs pa gang dag gis rjes su yid rang zhing / sems de bskyed pa'i dngos po de dag dang / dmigs pa de dag dang / rnam pa de dag ji ltar mtshan mar byas pa bzhin du dmigs sam/ de skad ces smras pa dang / byang chub sems dpa' sems dpa' chen po byams pas/ gnas brtan tshe dang ldan pa rab 'byor la 'di skad ces smras so// dngos po de dag dang / rnam pa de dag ji ltar mtshan mar byed pa de bzhin du dmigs so// de skad ces smras pa dang / gnas brten tshe dang ldan pa rab 'byor gyis/ byang chub sems dpa' sems dpa' chen po byams pa la 'di skad ces smras so// gal te dngos po de yang
- 104a
med la/ dmigs pa de yang med pa la dmigs par byed na/ de ji ltar 'du shes phyin ci log pa dang / sems phyin ci log pa dang / lta ba phyin ci log par mi 'gyur/ de ci'i phyir zhe na/ 'dod chags ni med pa'i dngos po yin te/ mi rtag pa rtag pa/ sdug bsngal ba la bde ba/ bdag med pa la bdag/ mi sdug pa la sdug par rnam par brtags shing / kun du brtags nas/ 'du shes phyin ci log pa dang / sems phyin ci log pa dang / blta ba phyin ci log pa mi 'byung ngo // 'di ltar dngos po ji lta ba dang / dmigs pa ji lta ba bzhin du byang chub kyang de bzhin sems kyang de bzhin no// bla na med pa yang dag par rdzogs pa'i byang chub tu yongs su bsngo ba'i sems de gang yin/ rjes su yid rang ba dang ldan pa'i bsod nams bya ba'i dngos po dang / bla na med pa yang dag par rdzogs pa'i byang chub tu yongs su bsngo ba de gang yin/ de nas byang chub sems dpa' sems dpa' chen po byams pas/ tshe dang ldan pa rab 'byor la 'di skad ces smras so// 'phags pa rab 'byor 'di ni theg pa la gsar du zhugs pa'i byang chub sems dpa'i mdun du bshad par mi bya/ bstan par mi bya'o// de ci'i phyir zhe na/ de la gang dga' ba tsam dang / dad pa tsam dang / mos pa tsam dang / gus pa tsam yod pa de'ang med par 'gyur du 'ong ngo // 'phags pa rab 'byor phyir mi ldog pa'i byang chub sems dpa' sems dpa' chen po'i mdun
- 104b
du bshad cing bstan pa'o// byang chub sems dpa' sems dpa' chen po'i gang dag dge ba'i bshes gnyen gyis nye bar bstan pa de yang zhum par mi 'gyur/ yi gsod par mi byed/ yid phyir phyogs par mi byed/ mi skrag mi dngang / shin du dngang bar mi 'gyur ro// de ltar byang chub sems dpa' sems dpa' chen pos rjes su yid rang ba dang ldan ba'i bsod nams bya ba'i dngos po de thams cad mkhyen pa nyid du yongs su bsngo bar bgyi'o// / bam po bdun pa'o// / de nas gnas brtan tshe dang ldan pa rab 'byor gyis/ byang chub sems dpa' sems dpa' chen po byams pa la 'di skad ces smraso// byams pa sems gang gis rjes su yid rang ba nas/ yongs su bsngo bar byed pa'i sems de yang zad cing med par gyur te/ 'gags shing med par 'gyur na/ bla na med pa yang dag par rdzogs pa'i byang chub tu yongs su bsngo bar 'gyur ba'i sems de gang yin/ rjes su yid rang ba dang ldan pa'i bla na med pa yang dag par rdzogs pa'i byang chub tu yongs su bsngo ba'i sems kyang gang yin/ 'di ltar sems gnyis kyang 'grogs pa med la/ sems kyi rang bzhin yang yongs su bsngo bar mi nus na/ ji ltar sems kyi sem yongs su bsngo bar nus/ de nas lha'i dbang po brgya byin gyis/ gnas brtan tshe dang ldan pa rab 'byor la 'di skad ces smras so// 'phags pa rab 'byor theg pa la gsar du zhug
- 105a
pa'i byang chub sems dpa' sems dpa' chen po dag gi bstan pa 'di thos nas skrag cing dngangs pa dang dngangs par gyur na mi rung ngo // 'phags pa rab 'byor ji ltar byang chub sems dpa' sems dpa' chen pos/ rjes su yid rang ba dang ldan pa'i bsod nams bya ba'i dngos po do/ bla na med pa yang dag par rdzogs pa'i byang chub tu yongs su bsngo bar bya/ ji ltar rjes su yid rang ba dang ldan pa'i bsod nams bya ba'i dngos po yongs su bzung na/ rjes su yid rang ba dang ldan pa'i sems yongs su bzung bar 'gyur/ de nas 'phags pa rab 'byor byang chub sems dpa' sems dpa' chen po byams pa las brtsams zhing / byang chub sems dpa' sems dpa' chen po byams pa bzhir byas te/ byang chub sems dpa' sems dpa' chen po byams pa la smras pa/ byams pa 'di la byang chub sems dpa' sems dpa' chen pos/ sangs rgyas bcom ldan 'das lam chad pa/ 'jug pa chad pa/ spros pa dang srid par 'dren pa chad pa/ mchi ba zad pa/ tshe ma dkrug pa/ khur shin du bor ba/ bdag gis don rjes su thob pa/ srid pa kun du sbyor ba/ yongs su zad pa/ yang dag pa'i shes pas sems shin du rnam par grol ba/ sems can thams cad kyi dbang dam pa'i pha rol du son pa de dag/ 'jig rten gyi khams grangs med dpag tu med pa dag na/ 'jig rten gyi khams re rer yang sangs rgyas bcom ldan 'das grangs med
- 105b
dpag tu med pa yongs su mya ngan las 'das pa de dag gi sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos nub par ma gyur gyi bar de dag gi bar gyi sangs rgyas bcom ldan 'das de dag gi dge ba'i rtsa ba pha rol tu phyin pa dang ldan pa ci yod pa dang / sangs rgyas bcom ldan 'das de dag gi bsod nams mngon par 'du byed pa dang / dge ba'i rtsa ba mngon par 'du byed pa dang / sangs rgyas bcom ldan 'das de dag gis byang chub sems dpa' gang dag bla na med pa yang dag par rdzogs pa'i byang chub tu lung stan pa de dag gi dge ba'i rtsa ba pha rol tu phyin pa drug dang ldan pa ci yod pa dang / gang zag rang sangs rgyas kyi theg pa can gang dag rang byang chub tu lung bstan pa de dag gi dge ba'i rtsa ba ci yod pa dang / gang zag nyan thos kyi theg pa can dag gi/ sbyin pa las byung ba'i bsod nams kyi dge ba'i rtsa ba dang / tshul khrims dang / bsgom pa las byung ba'i dge ba'i rtsa ba dang / slob pa'i zag pa dang bcas pa dang / zag pa med pa'i dge ba'i rtsa ba ci yod pa dang / mi slob pa'i zag pa med pa'i dge ba'i rtsa ba ci yod pa dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes
- 106a
rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po ci yod pa dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi yon tan dpag tu med pa dang / sangs rgyas bcom ldan 'das de dag gis chos gang bshad pa dang / chos de dag gis slab pa dang / lhag par mos pa dang / gnas pa de dag gi dge ba'i rtsa ba ci yod pa dang / chos de las so so skye bo gang dag gi dge ba'i rtsa ba bskyed pa dang / lha dang / klu dang / gnod sbyin dang / dri za dang / lha ma yin dang / na mkha'i lding dang / mi 'am ci dang / lto 'phye chen po dang / mi dang mi ma yin pa gang dag gi chos de thos nas/ dge ba'i rtsa ba bskyed pa dang / dud 'gro'i skye gnas su song ba'i sems can thams cad kyi gang dag gis chos de thos nas/ dge ba'i rtsa ba dag bskyed pa dang / gang dag gis sangs rgyas bcom ldan 'das yongs su mya ngan las 'das pa de dag la/ dge ba'i rtsa ba bskyed pa de dag thams cad gcig tu bsdus te sdoms shing gzhal nas ma lus par byas te/ ma lus pa la rjes su yid rang bar bya'o// rjes su yid rang nas/ rjes su yid rang ba dang ldan pa'i bsod nams bya ba'i dngos po de/ bla na med pa yang dag par rdzogs pa'i byang chub tu yongs su bsngos pa'i byang chub sems dpa' sems dpa' chen po la/ ji ltar 'du shes
- 106b
phyin ci log tu mi 'gyur/ sems phyin ci log tu mi 'gyur/ lta ba phyin ci log tu mi 'gyur/ de skad ces smras pa dang / byang chub sems dpa' sems dpa' chen po byams/ pas/ tshe dang ldan pa rab 'byor la 'di skad ces smras so// 'phags pa rab 'byor lag te byang chub sems dpa' sems dpa' chen pos/ sems gang gis yongs su bsngo ba'i sems de la/ sems su 'du shes par ma gyur na/ de ltar na byang chub sems dpa' sems dpa' chen po rjes su yid rang ba dang ldan pa'i bsod nams bya ba'i dngos po/ bla na med pa yang dag par rdzogs pa'i byang chub tu yongs su bsngo ba yin no// nam sems de yang mi shes/ sems de 'di'o zhes bya bar yang mi shes na/ de ltar na byang chub sems dpa' sems dpa' chen po'i 'du shes phyin ci log par mi 'gyur/ sems byin ci log par mi 'gyur/ lta ba phyin ci log par mi 'gyur ro// de ste sems gang gis sems de yongs su bsngo ba'i sems de la yang 'di ltar sems te/ sems 'di'o zhes sems su 'du shes par gyur na/ de ltar na byang chub sems dpa' sems dpa' chen po'i 'du shes phyin ci log pa dang / sems phyin ci log pa dang / blta ba phyin ci log par 'gyur ro// gal te byang chub sems dpa' sems dpa' chen po'i/ sems gang gis yongs su bsngo ba'i sems de yang 'di ltar shes shing / 'di ltar sems te/ sems bsam pa de yang de ltar zad pa yang zad shes la/ gang zad
- 107a
pa de yang yongs su bsngo bar mi nus/ sems gang gis yongs su bsngo ba'i sems de'i chos nyid kyang de yin/ chos gang dag gi yongs su bsngo ba'i/ chos de dag gis chos nyid kyang de yin/ chos gang dag la yongs su bsngo ba'i chos de dag gi chos nyid kyang de yin/ chos gang dag gi yongs su bsngo na/ yang dag par yongs su bsngo ste/ log par yongs su mi bsngo'o// de ltar byang chub sems dpa' sems dpa' chen pos bsngo bar bya'o// gzhan yang 'phags pa rab 'byor byang chub sems dpa' sems dpa' chen pos ma byon/ sangs rgyas bcom ldan 'das lam chad pa/ 'jug pa chad pa/ spros pa dang srid par 'dren pa chad pa/ grangs med dpag tu med pa dag sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i bar dang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos ma nub pa'i bar dang / de dag gi bar gyi sangs rgyas rnams kyi pha rol tu phyin pa drug dang ldan pa'i dge ba'i rtsa ba ci yod pa dang / sangs rgyas bcom ldan 'das de dag gis/ byang chub sems dpa' sems dpa' chen po gang bla na med pa yang dag par rdzogs pa'i byang chub tu lung bstan pa de dag gi pha rol tu phyin pa drug dang ldan pa'i dge ba'i rtsa ba ci yod pa dang / gang zag rang sangs
- 107b
rgyas kyi theg pa can dag/ rang sangs rgyas kyi byang chub la lung ston pa de dag gi dge ba'i rtsa ba ci yod pa dang / gang zag gang nyan thos kyi theg pa can rnams kyi/ sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nams bya ba'i dngos po ci yod pa dang / slob pa'i zag pa dang bcas pa dang / zag pa med pa'i dge ba'i rtsa ba ci yod pa dang / mi slob pa'i zag pa med pa'i dge ba'i rtsa ba ci yod pa dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po gang yin pa dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi yon tan dpag tu med pa dang / sangs rgyas bcom ldan 'das de dag gis chos gang bshad pa dang / chos de la gang gis bslabs pa dang / lhag pa'i mos pa dang / gnas pa de dag gis dge ba'i rtsa ba ci yod pa dang / chos de dag la so so'i skye bo gang dag gis dge ba'i rtsa ba bskyed pa dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa gang dag gis dge ba'i rtsa ba bskyed pa dang / dud
- 108a
'gro'i skye gnas su song ba'i sems can gang dag gis/ chos de thos la thos nas dge ba'i rtsa ba bskyed pa dang / yang dag gis sangs rgyas bcom ldan/ 'das de dag yongs su mya ngan las 'das pa'i dge ba'i rtsa ba bskyed par gyur pa de dag thams cad gcig tu bsdus shing sdoms nas gzhal nas ma lus par byas te/ ma lus pa la rjes su yid rang bar bya'o// rjes su yid rang nas rjes su yid rang ba dang ldan pa'i bsod nams bya ba'i dngos po de/ bla na med pa yang dag par rdzogs pa'i byang chub tu yongs su bsngos pa'i byang chub sems dpa' sems dpa' chen po la/ ji ltar 'du shes phyin ci logs tu mi 'gyur/ ji ltar sems phyin ci log tu mi 'gyur/ ji ltar blta ba phyin ci log tu mi 'gyur zhe na/ gal te byang chub sems dpa' sems dpa' chen po de/ sems gang gis yongs su bsngo ba'i sems de la sem su 'du shes par mi 'gyur na/ de ltar byang chub sems dpa' sems dpa' chen pos rjes su yid rang ba dang ldan pa'i bsod nams bya ba'i dngos po// bla na med pa yang dag par rdzogs pa'i byang chub tu yongs su bsngos pa yin no// nam sems de yang mi shes/ sems de 'di'o snyam du bya bar yang mi shes na/ de ltar na byang chub sems dpa' sems dpa' chen po 'du shes phyin ci log par mi 'gyur// sems phyin ci log par mi 'gyur/ blta ba phyin ci log par mi 'gyur ro// de ste sems gang gis yongasu
- 108b
bsngo ba'i sems de yang shes shing / sems de 'di'o zhes sems su 'du shes par gyur na/ de ltar byang chub sems dpa' sems dpa' chen po 'du shes phyin ci log pa dang / sems phyin ci log pa dang / blta ba phyin ci log par 'gyur ro// gal te byang chub sems dpa' sems dpa' chen po sems gang gis/ yongs su bsngo ba'i sems de la yang 'di ltar shes shing / 'di ltar sems te/ sems bsal ba de la yang de ltar zad pa 'di zad par shes la/ gang zad pa de yang yongs su bsngo bar mi nus/ sems gang gis yongs su bsngos pas/ sems de'i chos nyid kyang de yin/ chos gang dag gis yongs su bsngo ba'i chos nyid kyang de yin/ chos gang dag la yongs su bsngo ba'i chos de dag gi chos nyid kyang de yin no// zhes gal te de ltar yongs su bsngo na/ yang dag par yongs su bsngo ste/ log par yongs su mi bsngo'o// 'di ltar byang chub sems dpa' sems dpa' chen pos bsngo bar bya'o// gzhan yang 'phags pa rab 'byor byang chub sems dpa' sems dpa' chen pos/ da ltar gyi sangs rgyas bcom ldan 'das lam chad pa/ 'jug pa chad pa/ spros pa dang / srid par 'dren pa chad pa/ gang dag grangs med dpag tu med pa'i 'jig rten gyi khams na bzhugs te 'tsho shing bzhes pa rnams/ sems dang po bskyed pa nas bla na med pa yang dag par rdzogs pa'i byang chub mngon par rdzogs par sangs rgyas pa'i bar dang / phung po lhag ma
- 109a
med pa'i mya ngan las 'das pa'i dbyings su mya ngan las 'das pa'i bar dang / dam pa'i chos ma nub pa'i bar dang / de dag gi bar gyis sangs rgyas bcom ldan 'das rnams kyis pha rol tu phyin pa dang ldan pa'i dge ba'i rtsa ba ci yod pa dang / sangs rgyas bcom ldan 'das de dag gis byang chub sems dpa' sems dpa' chen po gang dag/ bla na med pa yang dag par rdzogs pa'i byang chub tu lung bstan pa de dag gis/ pha rol tu phyin pa drug dang ldan pa'i dge ba'i rtsa ba ci yod pa dang / gang zag gang rang sangs rgyas kyi theg pa can gang rang sangs rgyas kyi byang chub la lung ston pa de dag gi dge ba'i rtsa ba ci yod pa dang / gang zag nyan thos kyi theg pa can rnams kyi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / bsgom pa las byung ba'i bsod nam bya ba'i dngos po ci yod pa dang / slob pa'i zag pa dang bcas pa dang / zag pa med pa'i dge ba'i rtsa ba ci yod pa dang / mi slob pa'i zag pa med pa'i dge ba'i rtsa ba ci yod pa dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs
- 109b
rgyas kyi yon tan dpag tu med pa dang / sangs rgyas bcom ldan 'das de dag gis chos gang bshad pa dang / chos de la gang gis bslabs pa dang / lhag par mos pa dang / gnas pa de dag gi dge ba'i rtsa ba ci yod pa dang / chos de la so so skye bo gang dag gi dge ba'i rtsa ba bskyed pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa gang dag gis chos de thos nas dge ba'i rtsa ba bskyed pa dang / dud 'gro'i skye gnas su song ba'i sems can gang dag gis chos thos la/ thos nas dge ba'i rtsa ba bskyed pa dang / gang dag gis sangs rgyas bcom ldan 'das de dag yongs su mya ngan las 'das pa dang / dge ba'i rtsa ba bskyed par gyur pa/ de dag thams cad gcig tu bsdus te bsdoms shing btsal nas/ ma lus par byas te/ ma lus pa la rjes su yid rang bar bya'o// rjes su yid rang nas rjes su yid rang ba dang ldan pa'i bsod nams bya ba'i dngos po de bla na med pa yang dag par rdzogs pa'i byang chub tu yongs su bsngos pa'i byang chub sems dpa' sems dpa' chen po la/ ji ltar 'du shes phyin ci log tu mi 'gyur/ sems phyin ci log tu mi 'gyur/ blta ba phyin ci log tu mi 'gyur/ zhe na gal te byang chub sems dpa' sems dpa' chen po de/ sems gang gis yongs su bsngo ba'i sems de la sems su 'du shes par mi 'gyur na/ de ltar na byang
- 110a
chub sems dpa' sems dpa' chen pos/ rjes su yid rang ba dang ldan pa'i bsod nams bya ba'i dngos po/ bla na med pa yang dag par rdzogs pa'i byang chub tu yongs su bsngos pa yin no// nam sems de yang mi shes la sems de 'di'o snyam du bya bar yang mi shes na/ de ltar na byang chub sems dpa' sems dpa' chen po/ 'du shes phyin ci log tu mi 'gyur/ sems phyin ci log tu mi 'gyur/ lta ba byin ci log tu mi 'gyur/ gal te sems gang gis yongs su bsngo ba'i sems de yang shes shing / sems de 'di'o zhes sems su 'du shes par gyur na/ de ltar na/ byang chub sems dpa' sems dpa' chen po'i 'du shes phyin ci log pa dang / sems phyin ci log pa dang / blta ba phyin ci log par 'gyur ro// yang gal te byang chub sems dpa' sems dpa' chen po sems gang gis yongs su bsngo ba'i sems de yang 'di ltar shes shing / 'di ltar sems te/ sems bsams pa de yang de ltar zad pa de'ang zad par shes la/ gang zad pa de yang yongs su bsngo bar mi nus/ sems gang gis yongs su bsngo ba'i sems de'i chos nyid kyang de yin/ chos gang dag gis yongs su bsngo ba'i chos de dag gi chos nyid kyang de yin/ chos gang dag la yongs su bsngo ba'i chos de dag gi chos kyang de yin zhes/ gal te de ltar yongasu bsngo na/ yang dag par yongs su
- 110b
bsngo ste/ log par yongs su mi bsngo'o// de ltar byang chub sems dpa' sems dpa' chen pos yongs su bsngo bar bya'o// 'phags pa rab 'byor gzhan yang byang chub sems dpa' sems dpa' chen pos 'das pa dang / ma byon pa dang / da ltar gyi sangs rgyas bcom ldan 'das lam chad pa/ 'jug pa chad pa/ spros pa dang / srid pa dang / 'dren pa chad pa/ grangs med pa dag gi sems dang po bskyed pa nas/ bla na med pa yang dag par rdzogs pa'i byang chub mngon par rdzogs par sangs rgyas pa dang mngon par rdzogs par 'tshang brgya par 'gyur ba dang / mngon par rdzogs par 'tshang brgya pa'i bar dang / phung po'i lhag ma med pa'i mya ngan las 'das pa'i dbyings su yongs su mya ngan las 'das pa dang / mya ngan las 'das par gyur pa dang / yongs su mya ngan las 'das pa'i bar dang / dam pa'i chos nub par ma gyur pa dang / nub par mi 'gyur ba dang / nub par mi 'gyur ba'i bar dang / de dag gi bar gyi sangs rgyas bcom ldan 'das rnams kyi pha rol tu phyin pa'i dge ba'i rtsa ba ci yod pa dang / sangs rgyas bcom ldan 'das de dag gis byang chub sems dpa' gang dag bla na med pa yang dag par rdzogs pa'i byang chub tu lung stan pa dang / lung ston par 'gyur ba dang / lu ston pa de dag gi dge ba'i rtsa ba ci yod pa dang / gang zag rang sangs rgyas kyi theg pa can gang dag rang byang chub tu lung bstan pa dang / lung snyan par 'gyur ba dang / lung ston pa de dag
- 111a
ki dge ba'i rtsa ba ci yod pa dang / gang zag nyan thos kyi theg pa can rnams kyi sbyin pa'i dge ba'i rtsa ba dang / tshul khrims dang / sgom pa'i dge ba'i rtsa ba ci yod pa dang / spobs pa'i zag pa dang bcas pa dang / zag pa med pa'i dge ba'i rtsa ba ci yod pa dang / mi slob pa'i zag pa med pa'i dge ba'i rtsa ba ci yod pa dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po gang yin pa dang / phan par bzhed pa gang yin pa dang / byams pa chen po gang yin pa dang / snying rje chen po gang yin pa dang / sangs rgyas kyi yon tan dpag tu med pa dang / sangs rgyas bcom ldan 'das de dag gis chos gang bshad pa dang / 'chad par 'gyur ba dang / 'chad pa dang / chos de la gang gis bslabs pa dang / slob par 'gyur ba dang / slob pa dang / mos pa dang / mos par 'gyur ba dang / mos par byed pa dang / gnas pa dang / gnas par 'gyur ba dang / gnas par byed pa de dag gi dge ba'i rtsa ba ci yod pa dang / chos de la so so skye bo gang dag gi dge ba'i rtsa ba bskyed pa dang / bskyed par 'gyur ba dang / sman pa dang / lha dang / klu dang / gnod sbyin dang / dri za dang / lce ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa gang dag gi chos de thos pa dang /
- 111b
thos par 'gyur ba dang / nyan pa dang / thos nas dge ba'i rtsa ba bskyed pa dang / bskyed par 'gyur ba dang / bskyed pa dang / dud 'gro'i skye gnas su song ba'i sems can gang dag gis dam pa'i chos de thos pa dang / thos par 'gyur ba dang / nyan pa dang / thos nas dge ba'i rtsa ba bskyed pa dang / bskyed par 'gyur ba dang / bskyed pa dang / sangs rgyas bcom ldan 'das de dag yongs su mya ngan las 'das pa la/ gang dag gis dge ba'i rtsa ba bskyed pa dang / bskyed par 'gyur ba dang / bskyed pa de dag thams cad gcig tu bsdus shing bsdoms te/ btsal nas ma lus par byas te/ ma lus pa la rjes su yid rang ba'i mchog dam pa/ gtso bo rang / mchog rab gya nom pa/ bla ma/ bla na med pa/ gong na med pa'i rjes su yid rang bas rjes su yid rang la/ de ltar rjes su yid rang nas rjes su yid rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo'o zhes tshig 'di skad du/ bla na med pa yang dag par rdzogs pa'i byang chub tu yongs su bsdad par gyur cig ces/ ji ltar byang chub sems dpa' sems dpa' chen po'i 'du shes phyin ci log tu mi 'gyur/ sems phyin ci log tu mi 'gyur/ blta ba phyin ci log tu mi 'gyur zhe na/ gal te yongs su bsngo zhing 'di snyam du chos de dag ni zad cing 'gags te/ med par gyur pa rnam par gyur pa ste/ chos de ni mi zad pa'o snyam du sems
- 112a
shing de la yongs su bsngo na/ bla na med pa yang dag par rdzogs pa'i byang chub tu yongs su bsngos pa yin no// yang gal te 'di ltar chos ni chos la yongs su mi bsngo'o// snyam du sems shing de la yongs su bsngo na/ bla na med pa yang dag par rdzogs pa'i byang chub tu yongs su bsngos pa yin no// yang gal te 'di ltar chos ni chos la yongs su mi bsngo'o snyam du sems nye bar rtog na/ bla na med pa yang dag par rdzogs pa'i byang chub tu bsngo ba yin te/ btsun pa rab 'byor de ltar yongs su bsngo ba'i byang chub sems dpa' sems dpa' chen po'i 'du shes phyin ci log tu mi 'gyur/ sems phyin cig tu mi 'gyur/ blta ba phyin ci log tu mi 'gyur ro// de ci'i phyir zhe na/ de ltar yongs su bsngo ba de lta yang mngon par mi chags so// gal te 'di ltar sems te/ sems kyang sems su ma shes/ chos kyang chos su ma shes na/ de bla na med pa yang dag par rdzogs pa'i byang chub tu yongs su bsngos pa yin te/ 'di ni byang chub sems dpa' sems dpa' chen po'i bsngo ba bla na med pa'o// gal te yang byang chub sems dpa' sems dpa' chen po// bsod nams mngon par 'du byed pa de shes na/ bla na med pa yang dag par rdzogs pa'i byang chub tu yongs su bsngos pa yin no// de ci'i phyir zhe na/ de ltar bsngo ba de la mngon du chags pa'i phyir ro// gal te yang 'di snyam du bsod nams mngon par 'ang byed pa yang dben pa zhi ba'o// rjes su yid rang ba dang ldan pa'i bsod
- 112b
bsod nams bya ba'i dngos po gang yin pa de yang dben pa zhi pa'o// sum du sems pa dang / sagal te 'di ltar 'du byed thams cad ni dben pazhi pa'o snyam du shes ma deni byang chub sems dpa' sems dpa' chen po de'i shes rab kyi pha rol tu phyin pa'o// sangs rgyas bcom ldan 'das yongs su mya ngan las 'das pa de dag gi/ dge ba'i rtsa ba gang yin pa de yang bsngo ba ci 'dra ba bzhin du dge ba'i rtsa ba de yang de dang 'dra ste/ gang gis yongs su bsngo ba de yang de'i rigs can/ de'i mtshan nyid can/ de'i rigs su gtogs/ pasade'i rang bzhin can no// gal te de ltar shes na/ bla na med pa yang dag par rdzogs pa'i byang chub tu yongs su bsngos pa yin no// de ci'i phyir zhe na/ sangs rgyas bcom ldan 'das rnams ni mtshan ma'i tshul gyis yongs su bsngo ba gnang bar mi mdzad de/ gang 'das pa de ni zad pa med par gyur la/ 'gags pa rnam par gyur pa'o// gang ma 'ongs pa de'ang ma phyin pa'o// da ltar byung ba de yang gnas pa mi dmigs te/ chos gang mi dmigs pa de ni mtshan ma yang ma yin/ yul yang ma yin no// gal te de ltar mtshan mar 'dzin cing sems na/ bla na med pa yang dag par rdzogs pa'i byang chub tu bsngos pa ma yin no// de ste dran pa dang bral bas mtshan mar 'dzin na/ mi sems pa dang dran pa dang bral ba 'am/ khong du ma chud pas yid la mi byed na/ de ltar na yang bla na med pa yang dag par rdzogs pa'i byang chub tu yongs su bsngos pa ma yin no//
- 113a
de ste mtshan ma de la mi sems shing mtshan mar mi 'dzin na/ de ltar na byang chub sems dpa' sems dpa' chen pos dge ba'i rtsa ba bla na med pa yang dag par rdzogs pa'i byang chub tu bsngos pa yin no// de ltar byang chub sems dpa' sems dpa' chen po 'di la bslab par bya'o// thabs la mkhas pas gang dag gi dge ba'i rtsa ba yongs su bsngo bar byed pa'i byang chub sems dpa' sems dpa' chen po'i thabs mkhas pa de las kyang rig par bya ste/ thabs mkhas pa de la slob par 'dod pa'i byang chub sems dpa' sems dpa' chen pos/ shes rab kyi pha rol tu phyin pa 'di nyid rgyun mi 'chad par mnyan par bya/ gzung bar bya/ bcang bar bya/ klag par bya/ kun chub par bya/ rab tu gdon par bya/ lung nod par bya/ kha don du bya/ yongs su dri bar bya'o// de ci'i phyir zhe na/ shes rab kyi pha rol tu phyin pa la mi rten par thos pa dang ldan pas/ shes rab kyi pha rol tu phyin pa 'di yongs su bsngo bar bya ba la 'jug par mi sems so// de la 'di skad du shes rab kyi pha rol tu phyin pa 'di la mi rten kyang bsod nams bya ba'i dngos po de dag bla na med pa yang dag par rdzogs pa'i byang chub tu bsngor rung po/ zhes zer na/ de la de skad ma zer cig/ ces bya bar 'gyur ro// de ci'i phyir zhe na/ lus de dag kyang 'gags/ 'du byed de dag kyang 'gags shing dben pa dmigs pa dang bral ba yin na/ gang zag de ni mtshan mar byas te/ yang dag pa ji lta ba ma yin pas
- 113b
yang dag pa ji lta ba rnam par brtags na/ yang dag pa ji lta bar 'du shes pas dmigs pa dag mi dmigs pa la yongs su bsngo bar 'dod de/ sangs rgyas bcom ldan 'das/ rnams ni de lta bur yongs su bsngos pa/ bla na med pa yang dag par rdzogs pa'i byang chub tu bsngor gnang bar mi mdzad do// de ci'i phyir zhe na/ sangs rgyas bcom ldan 'das kyis yongs su mya ngan las 'da' ba gang yin pa de yang mtshan mar byed cing / rnam par rtog pa dang / mya ngan las 'das pa la yang rnam pa de dag gis dmigs na/ de nyid de'i dmigs pa chen po yin te/ de bzhin gshegs pa dgra bcom pa yang dag par rdzogs pa'i sangs rgyas rnams ni/ dmigs pa'i 'du shes can gyis yongs su bsngo ba don chen po byed pa'o// zhes mi gsung ngo // de ci'i phyir zhe na/ yongs su bsngo ba de ni dug dang bcas pa/ zug rngu dang bcas pa ste/ 'di lta ste dper na/ kha zas bzang po dug can zhig yod la/ kha dog dang / ro dang dri srid par 'gyur ba zhig yin na/ dug yod pa yin pas na/ mkhas pa rnams kyis yongs su spang bar bya ste/ yongs su longs spyod pa ma yin no// skyes bu byis pa'i rang bzhin can/ shes rab 'chal pa'i rang bzhin ni/ de yongs su longs spyod par sems te/ des zas zos nas/ kha dog dang / dri dang / ro dang / mya ngan nas zhu ba'i tshe/ tshe la sdug bsngal ba/ smin par 'gyur te/ de de'i gzhi las shi ba 'am/ shi ba tsam gyis sdug bsngal
- 114a
du gyur pa de bzhin du 'phags pa rab 'byor 'di la kha cig log par zin cing log par rig pa dang / log par kha dog byas par log par smras pa'i don mi shes shing / don yang dag pa ji lta ba bzhin du khong du ma chud pa dag 'di ltar 'doms shing 'di ltar ston te/ rigs kyi bu khyod tshur sheg/ 'das pa dang / ma byon pa dang / da ltar gyi sangs rgyas bcom ldan 'das rnams kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / de dag nyid nyan thos gang dag gis 'das pa dang / ma byon pa dang / da ltar gyi sangs rgyas bcom ldan 'das rnams la dge ba'i rtsa ba bskyed pa dang / bskyed par 'gyur ba dang / bskyed pa rnams dang / dam pa'i chos ma nub kyi bar du de dag gi bar gyi sangs rgyas bcom ldan 'das de dag/ sems dang po bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa dang / phung po lhag ma med pa'i mya ngan las 'das pa'i dbyings su yongs su mya ngan las 'das pa rnams/ sangs rgyas bcom ldan 'das de dag gis/ byang chub sems dpa' sems dpa' chen po gang dag bla na med pa yang dag par rdzogs pa'i byang chub tu lung ston pa dang / lung ston par 'gyur ba
- 114b
dang / lung ston pa dang / rang sangs rgyas gang dag lung ston pa dang / lung ston par 'gyur ba dang / lung ston pa de dag gis dge ba'i rtsa ba ji snyed gcig sred pa dang / bskyed/ par 'gyur ba dang / bskyed pa rnams dang / 'jig rten gyi khams grangs med dpag tu med pa na bzhugs pa'i sangs rgyas bcom ldan 'das/ 'das pa dang / ma byon pa dang / da ltar byung ba rnams 'jig rten gyi khams thams cad na bzhugs pa rnams kyis/ dge ba'i rtsa ba thams cad gcig tu bsdus shing bsdoms te bcal nas rjes su yid rang zhing / bla na med pa yang dag par rdzogs pa'i byang chub tu yongs su bsngos na/ de ltar yongs su bsngo ba yang mtshan ma'i tshul gyis yongs su bsngos pas/ yang bar 'gyur te/ 'di lta ste dper na/ kha zas dag dang bcas pa bzhin du/ dmigs pa'i 'du shes can la yongs su bsngo ba med do// de ci'i phyir zhe na/ dmigs pa ni dug dang bcas pa'i/ de bas na gang zag byang chub sems dpa'i theg pa can gyis/ de ltar mi bslabs kyis/ des 'di ltar bslab par bya ste 'das pa dang / ma byon pa dang / da ltar byung ba'i sangs rgyas bcom ldan 'das rnams kyis ji ltar dge ba'i rtsa ba yongs su bzung bar bya ba dang ji ltar yongs su bzung bar 'gyur zhing / ji ltar yongs su bsngo bar bya ba dang / ji ltar yongs su bsngos na/ bla na med pa yang dag par rdzogs pa'i byang chub tu legs
- 115a
par yongs su bsngos par 'gyur zhe na/ 'di la rigs kyi bu'am rigs kyi bu mo byang chub sems dpa'i theg pa can de bzhin gshegs pa la bskur ba mi gdab par 'dod pas/ 'di ltar yongs su bsngo bar bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams/ sangs rgyas kyi ye shes dang / sangs rgyas kyi spyan gyis ji ltar mkhyen pa dang / gzigs pa dang / dge ba'i rtsa ba ji lta ji lta ba dang / rigs gang yin pa dang / rigs gar gtogs pa dang / ci 'dra ba dang / rang bzhin gang yin pa dang / mtshan nyid gang yin pa dang / chos nyid gang gis yod pa de bzhin du/ rjes su yid rangs te/ dge ba'i rtsa ba de yang ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis/ ji ltar gnang ba de bzhin du bdag gi dge ba'i rtsa ba de/ bla na med pa yang dag par rdzogs pa'i byang chub tu yongs su bsngo'o snyam na/ de ltar byang chub sems dpa' sems dpa' chen pos yongs su bsngo na/ nyes pa med cing yang dag par yongs su bsngos pa yin te/ de bzhin gshegs pa dgra bcom pa yang dag par rdzogs pa'i sangs rgyas de dag la bskur ba mi 'debs so// de ltar na de'i yongs su bsngo ba de na dug med pa'i yongs su bsngo ba yin/ yongs su bsngos pa chen po yin no// chos kyi dbyings su yong su bsngo ba/ yongs su rdzogs pa shin du yongs su rdzogs pa yin no//
- 115b
yongs su bsngo ba na/ lhag pa'i bsam pa'i mos pas byed do// gzhan yang rigs kyi bu'am rigs kyi bu mo byang chub sems dpa'i theg pa can gyis 'di ltar tshul khrims gang yin pa dang / ting nge 'dzin gang yin pa dang / shes rab gang yin pa dang / rnam par grol ba gang yin pa dang / rnam par grol ba'i ye shes gzigs pa gang yin pa dang / ji ltar 'dod pa'i khams su mi gtogs/ gzugs med pa'i khams su mi gtogs/ 'das pa ma yin/ ma 'ongs pa ma yin/ da ltar byung ba ma yin pa de ltar yongs su bsngo bar bya'o// de ci'i phyir zhe na/ khams gsum du mi gtogs pa'i phyir/ de bzhin du yongs su bsngo ba yang ma gtogs pa'o// chos gang la yang yongs su bsngo ba'i chos de yang ma gtogs pa'o// gal te de ltar mos shing de ltar yongs su bsngo na/ de ltar yongs su bsngo ba'i byang chub sems dpa' sems dpa' chen po de'i yongs su bsngo ba ni chud ma zos pa yin te/ ma gtogs pa yongs su bsngo ba chen po'o// yongs su bsngo ba dug med pa la chos kyi dbyings kyis yongs su rdzogs/ legs par yongs su rdzogs pa yin no// de ltar yongs su bsngo ba de la mngon par ma chags shing / mtshan mar 'dzin na/ log par yongs su bsngo ba yin no// de la byang chub sems dpa' sems dpa' chen po'i yongs su bsngo ba gang yin pa de ni chos nyid kyis yongs su bsngo ba 'dis/ ji ltar sangs rgyas bcom ldan 'das rnams mkhyen pa ltar yongs su bsngos na/ bla
- 116a
na med pa yang dag par rdzogs pa'i byang chub tu legs par yongs su bsngos pa yin no// 'di ni yang dag par yongs su bsngo ba yin gyis/ de ltar bdag gis yongs su bsngo'o snyam na bla na med pa yang dag par rdzogs pa'i byang chub tu yongs su bsngos pa yin no// de nas bcom ldan 'das kyis gnas brtan tshe dang ldan pa rab 'byor bos te bka' stsal pa/ rab 'byor khyod ston pa'i bya ba byed pa/ rab 'byor leg so legs so// de ci'i phyir zhe na/ de ltar khyod byang chub sems dpa' sems dpa' chen po rnams la chos ston pa'i phyir te/ rab 'byor yongs su bsngo ba gang yin pa de ni/ byang chub sems dpa' sems dpa' chen po'i chos kyi dbyings kyis yongs su bsngo ba ste/ chos nyid 'di la sangs rgyas bcom ldan 'das rnams kyis ji ltar gzigs pa dang / mkhyen pa'i dge ba'i rtsa ba des rigs gang yin pa dang / rigs gar gtogs pa dang / ci 'dra ba dang / rang bzhin gang yin pa dang / mtshan nyid gang yin pa dang / chos nyid gang gis yod pa de bzhin du bdag gis kyang yongs su bsngol snyam pa'i bsod nams kyi phung po ni/ stong gsum gyis stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis/ dge ba bcu'i las kyi lam la yang dag par btsud cing bkod pa'i bsod nams kyi phung po ji snyed yod pa dang /
- 116b
byang chub sems dpa' sems dpa' chen po'i yongs su bsngo ba 'di nyid mchog ces bya'o// gtso bo zhes bya'o// dam pa zhes bya'o// rab ces bya'o// mchog rab ces/ bya'o// gya nom pa zhes bya'o// bla ma zhes bya'o// bla na med pa zhes bya'o// rab 'byor stong gsum gyis stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad rigs kyi bu 'am rigs kyi bu mo la la zhig gis/ dge ba bcu'i las kyi lam la bkod pa'i bsod nams mngon par 'du byed pa lta zhog/ rab 'byor stong gsum gyis stong chen po'i 'jig rten gyi khams gang ga'i klung gi bye ma snyed dag na sems can ji snyed yod pa de dag thams cad bsam gtan bzhi thob par gyur la/ de dag gi bsod nams kyi rgyu mthun pa ci yod pas/ rab 'byor sems can de dag la yongs su bsngos pa dang ldan pa'i byang chub sems dpa' sems dpa' chen po'i bsod nams mngon par 'du byed pa 'di ni mchog ces bya'o// gtso bo zhes bya'o// dam pa zhes bya'o// rab ces bya'o// mchog rab ces bya'o// gya nom pa zhes bya'o// bla ma zhes bya'o// bla na med pa zhes bya'o// rab 'byor stong gsum gyi stong chen po'i 'jig rten gyi khams gang ga'i klu gi bye ma snyed dag na/ sems can ji snyed yod pa de dag thams cad bsam gtan bzhi bsgrub pa las byung ba'i bsod nams mngon par 'du byed pa lta zhog/ rab 'byor stong
- 117a
gsum gyis stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad/ tshad med pa bzhi thob par gyur kyang / rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can thams cad tshad med pa bzhi thob pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad gzugs med pa'i snyoms par 'jug pa bzhi thob par gyur kyang / rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can thams cad gzugs med pa'i snyoms par 'jug pa bzhi thob pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad mngon par shes pa lnga thob par gyur kyang / rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad mngon par shes pa lnga thob pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad rgyun du zhugs par gyur kyang / rab 'byor stong
- 117b
gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad/ lan cig phyir 'ongs par gyur kyang / rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad/ lan cig phyir 'ong bar gyur pa'i bsod nams mngon par 'dra byed pa lta zhog/ rab 'byor stong gsum gyis stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad phyir mi 'ong bar gyur kyang / rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad/ phyir mi 'ong bar gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad/ dgra bcom par gyur kyang / rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad dgra bcom par gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad/ rang sangs rgyas su gyur pa'i bsod nams mngon par 'du byed pa lta zhog/ rab 'byor stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems
- 118a
cad @#can ji snyed yod pa de dag thams cad/ bla na med pa yang dag par rdzogs pa'i byang chub tu zhugs la/ de dag thams cad kyi stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad la/ byang chub sems dpa' re res gos dang / bsod snyoms dang / mal cha dang / na ba'i bsos sman dang / yo byed dang / bde bar sbyar ba thams cad bde bar gnas pa thams cad kyi bskal pa gang ga'i klung gi bye ma snyed du rim 'gror byas te/ de la 'ang dmigs pa'i 'du shes can gyi byin la/ rnam grangs de lta bur de dag thams cad la/ byang chub sems dpa' re res bskal pa gang ga'i klung gi bye ma snyed dag na/ rim gro byed cing gos dang / bsod snyoms dang / mal cha dang / na ba'i bsos sman dang / yo byad dang / bde bar sbyar ba thams cad dang / bde ba la reg par gnas pa thams cad kyi bkur bstir byed/ bla mar byed/ ri mor byed/ mchod par byed/ brjod par byed/ gsol bar byed de/ de bzhin du re res kyang byang chub sems dpa' de dag thams cad la/ rnam grangs de lta bur sbyin par byed na/ rab 'byor 'di ji snyam du sems/ ci byang chub sems dpa' de dag de'i gzhi las bsod nams mang du bskyed dam/ rab 'byor gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das tshad ma mchis so// bde bar gshegs pa tshad ma mchis so// /
- 118b
bcom ldan 'das de'i bsod nams ni grangs su bzung bar yang sla ba ma lag so// bcom ldan 'das bsod nams de la grangs su yang / dper yang / rgyur yang / bgyi slab/ ma lags so// bcom ldan 'das ci ste bsod nams mngon par 'du bgyid pa de/ gzugs can zhig lags na ni/ stong gsum gyi stong chen po'i 'jig rten gyi khams gang ga'i klung gi bye ma snyed du 'ang mi shong bar 'gyur ro// de skad ces gsol pa dang / bcom ldan 'das kyis gnas brtan tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor gang zag byang chub sems dpa'i theg pa can/ shes rab kyi pha rol tu phyin pas yongs su bzung ba ste/ chos kyi dbyings kyi yongs su bsngo ba 'dis yongs su bsngo ba byed na/ des bsod nams mang du bskyed de/ rab 'byor chos kyi dbyings kyis yongs su bsngo ba de las/ skyes pa'i bsod nams 'di las ni/ dmigs pa'i 'du shes can gyi sbyin pa las byang ba'i bsod nams mngon par 'du byed pa snga ma'i rgya'i char yang nye bar mi 'gro// stong gi char yang / brgya stong gi char yang / bye ba'i char yang / bye ba rgya'i char yang / bye ba stong gi char yang / bye ba khrag khrig brgya stong gi char yang nye bar mi 'gro/ grangs su yang / bgrang bar yang / rgyur yang mi bzod do// de ci'i phyir zhe na/ 'di ltar snga ma'i dmigs pa'i 'du shes can gyis byang chub sems dpa' de dag byin pa ni yongs su chad
- 119a
cang @#pa yin no// de nas rgyal chen bzhi'i rigs kyi lha'i bu stong phrag nyi shu rnams thal mo sbyar te phyag 'tshal nas bcom ldan 'das la 'di skad ces gsol to// bcom ldan 'das 'di lta ste/ shes rab kyi pha rol tu phyin pa dang / thabs mkhas pas/ yongs su bzung ba'i dge ba'i rtsa ba thams cad mkhyen pa nyid du yongs su bsngo ba 'di ni/ byang chub sems dpa' sems dpa' chen po'i yongs su bsngo ba chen po lags te/ de ni 'di ltar dmigs pa dang bcas pa'i byang chub sems dpa' sems dpa' chen po de dag gis/ sbyin pa las byung ba'i bsod nams mngon par 'du byed pa de snyed kyang zil gyis mnan pa lags so// de nas sum bcu rtsa gsu gyis ris kyi lha'i bu brgya phrag stong gis/ lha'i me tog dang / bdag pa dang / spos dang / phreng ba dang / byug pa dang / phye ma rnams kyi char dang / lha'i rin po che'i char dang / lha'i na bza'i char gyis bcom ldan 'das la mngon par gtor nas/ lha'i gdugs dang / rgyal mtshan dang / ba dan dag gis bcom ldan 'das la bkur bstir bgyis/ bla mar bgyis/ ri mor bgyis/ brjod par bgyis/ gsol bar byas te/ lha'i sil snyan rnams rab tu dkrol nas/ tshig 'di skad ces gsol nas/ kye ma bcom ldan 'das byang chub sems dpa' sems dpa' chen po'i chos kyi dbyings kyis yongs su bsngo ba 'di ni chen po lags te/ 'di ltar dmigs pa can gyis byang chub
- 119b
sems dpa' de dag gis sbyin pa las byung ba'i bsod nams mngon par 'du byed pa de nyid kyang zil gyis mnan pa lags so// 'di ltar shes rab kyi pha rol tu phyin pa thabs mkhas pas yongs su bzung ba'i slad du 'di ni bsngo ba chen po lag so// de bzhin du lha'i bu gzhan dag kyang lhags nas/ bcom ldan 'das la bkur bstir bya ba dam pa dang / bla mar bya ba dam pa dang / ri mor bya ba dam pa dang / mchod par bya ba dam pa dang / brjod par bya ba dam pa dang / gsol bar bya ba dam pa rnams kyis bkur bstir byas/ bla mar byas/ ri mor byas/ mchod par byas/ brjod par byas/ gsol bar byas nas/ de skad du sgra 'byin cing de skad du dbyangs rjes su sgrog go// de bzhin du 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs pa mdun na 'don dang / tshangs pa kun 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i sems can dang / mi che ba dang / mi gdung ba dang / gya nom snang ba dang / shin du mthong ba dang / 'og min gyi zhwa de dag kyang de bzhin du thal mo sbyar te/ btsam/ ldan 'das la phyag 'tshal nas 'di skad ces gsol to// bcom ldan 'das de ltar byang chub sems dpa' sems dpa' chen po'i shes rab kyi pha rol tu phyin pas yongasu
- 120a
bzung zhing / thabs mkhas pa dang ldan pa des/ byang chub sems dpa' dmigs pa'i 'du shes can gyis yun ring por de tsam du bsags pa dang / de ltar rgya cher yang dag par bsdus pa'i bsod nams mngon par 'du byed pa yang zil gyis gnon pa ngo mtshar to// de nas bcom ldan 'das kyis gnas gtsang ma'i rig kyi lha'i bu la sogs te/ lha'i bu de dag thams cad la bka' stsal pa/ lha'i bu dag stong gsum gyis stong chen po'i 'jig rten gyi khams gang ga'i klung gi bye ma snyed dag na/ sems can thams cad bla na med pa yang dag par rdzogs pa'i byang chub tu yang dag par zhugs la/ bla na med pa yang dag par rdzogs pa'i byang chub tu zhugs nas/ sbyin pa byin pa lta zhog/ stong gsum gyi stong chen po'i 'jig rten gyi khams gang ga'i klung gi bye ma snyed dag na/ sems can ji snyed yod pa de dag thams cad bla na med pa yang dag par rdzogs pa'i byang chub tu smon lam 'debs par 'gyur la/ byang chub tu sems bskyed par gyur nas/ stong gsum gyis stong chen po'i 'jig rten gyi khams na/ gzhan gang ga'i klung gi bye ma snyed kyi sems can thams cad gos dang / zas dang / mal cha dang / na ba'i gsos sman dang / yo byad dang / bde bar sbyar ba thams cad dang / bde ba la reg par gnas pa thams cad kyis byang chub sems dpa' re res kyang / bskal pa gang ga'i klung gi bye ma snyed du 'dug ste/ sbyin pa byin la de dag dmigs pa'i 'du
- 120b
shes can gyis sbyin pa byin pa dang / rnam grangs de lta bur byang chub sems dpa' de dag thams cad kyis/ bskal pa gang ga'i klung gi bye ma snyed du 'dug ste/ sems can de dag thams cad la/ gos dang / bsod snyoms dang / mal cha dang / na ba'i gsos sman dang / yo byad dang / bde bar sbyar ba thams cad dang / bde bar reg pa la gnas pa thams cad kyis/ rim gror byed cing sbyin pa de yang dmigs pa'i 'du shes can gyis byin la/ byang chub sems dpa' sems dpa' chen po shes rab kyi pha rol tu phyin pas yongs su zin pa zhig gis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs nga'i phung po dang / gang zag nyan thos kyi theg pa can de dag gi bar dang / de la sems can gzhan gang dag gis/ dge ba'i rtsa ba de dag bskyed pa dang / bskyed par 'gyur ba dang / bskyed par byed pa de dag rnams cad gcig tu rdzus shing sdoms te/ gzhal nas ma lus par byas te/ ma lus pa la rjes su yid rang nas// rjes su yid rang ba'i mchog dam pa/ gtso bo rab/ mchog rab/ gya nom pa// bra ma/ bla med pa/ gong ma'i yang gong ma/
- 121a
mnyam pa med pa/ mi mnyam pa dang mnyam pa/ bsas gyis mi khyab pa'i rjes su yid rang bas/ rjes su yid rang la/ rjes su yid rangs nas/ rjes su yid rangs pa dang ldan pa'i bsod nams bya ba'i dngos po de/ bla na med pa yang dag par rdzogs pa'i byang chub tu yongasu bsdud par gyur cig ces/ bla na med pa yang dag par rdzogs pa'i byang chub tu yongs su bsngon/ rjes su yid rang ba dang ldan pa'i bsod nams bya ba'i dngos po 'di la/ byang chub sems dpa' dmigs pa can dag gi bsod nams mngon par 'du byed pa snga ma des/ brgya'i char yang nye bar mi 'gro/ stong gi char yang / brgya stong gi char yang / bye ba brgya'i char yang / bye ba stong gi char yang / bye ba brgya stong gi char yang / bye ba khrag khrig brgya stong gi char yang / nye bar mi 'gro/ grangs su yang / bgrang bar yang / dper yang / rgyar yang mi bzod do// de ci'i phyir zhe na/ 'di ltar byang chub sems dpa' sems dpa' chen po dmigs pa'i 'du shes can gyis sbyin pa byin par byed pa'i phyir ro// dam po brgyad pa'o// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gang 'di skad du bka' stsal pa/ 'das pa dang / ma byon pa dang / da ltar byung ba'i sangs rgyas bcom ldan 'das thams cad dang / nyan tho/
- 121b
rjes su yid rang bar 'dod pa dang / des 'di ltar rjes su yid rang bar byas te/ rnam par grol ba ji lta ba bzhin du sbyin pa yang de bzhin no// rnam par grol ba ji lta ba bzhin du tshul khrims kyang de bzhin no// rnam par grol ba ji lta ba bzhin du bzod pa yang de bzhin no// rnam par grol ba ji lta ba bzhin du brtson 'grus kyang de bzhin no// rnam par grol ba ji lta ba bzhin du bsam gtan kyang de bzhin no// rnam par grol ba ji ba bzhin du shes rab kyang de bzhin no// rnam par grol ba ji ba bzhin du rnam par grol ba'i ye shes mthong ba yang de bzhin no// rnam par grol ba ji lta ba bzhin du rjes su yid rang ba yang de bzhin no// rnam par grol ba ji lta ba bzhin du/ rjes su yid rang ba dang ldan pa'i bsod nams bya ba'i dngos po yang de bzhin no// rnam par grol ba ji lta ba bzhin du sangs rgyas bcom ldan 'das dang / rang sangs rgyas kyang de bzhin no// rnam par grol ba ji lta ba bzhin du de dag gi nyan thos gang dag yongs su mya ngan las 'das pa yang de bzhin no// rnam par grol ba ji lta ba bzhin du chos gang 'das shing 'gags pa yang de bzhin no// rnam par grol ba ji lta ba bzhin du chos gang ma 'ongs pa dang ma byung ba de dag kyang de bzhin no// rnam par grol ba ji lta ba bzhin du chos gang dag da ltar byung ba de dag kyang de bzhin no// rnam par grol ba ji lta ba bzhin du 'das pa'i sangs rgyas bcom ldan 'das de dag dang / de dag gi nyan thos rnams kyang de bzhin no// rnam par grol ba ji lta ba bzhin du ma 'ongs pa'i
- 122a
sangs rgyas bcom ldan 'das de dag dang / de dag gi nyan thos rnams kyang de bzhin no// rnam par grol ba ji lta ba bzhin du da ltar gyi sangs rgyas bcom ldan 'das rnams dang / de dag gi nyan thos rnams dang yang 'jig rten gyi khams grangs med pa na bzhugs te/ mtsho zhing bzhes pa de dag kyang de bzhin no// rnam par grol ba ji lta ba bzhin du 'das pa dang / ma 'ongs pa dang / da ltar gyis sangs rgyas bcom ldan 'das de dag kyang de bzhin du chos de dag ma bcings pa/ ma grol ba/ ma chags pa/ de dag gi chos nyid gang yin pa de/ bla na med pa yang dag par rdzogs pa'i byang chub tu yongs su mi bsngo ba'i tshul dang / mi 'pho ba dang / mi 'jigs pas yongs su bsngo ba/ rab 'byor 'di ni byang chub sems dpa' sems dpa' chen po'i rjes su yid rang ba'i mchog yin no// rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad/ bla na med pa yang dag par rdzogs pa'i byang chub tu yang dag par zhugs te/ bla na med pa yang dag par rdzogs pa'i byang chub tu yang dag par zhugs nas/ stong gsum gyi stong chen po'i 'jig rten gyi khams gzhan gang ga'i klung gi bye ma snyed kyi sems can thams cad byang chub tu sems bskyed la/ byang chub sems dpa' re res kyang / byang ngachub sems dpa' re re la dmigs pa'i 'du shes can gyis sbyin pa byin pa dang / gos dang / bsos snyoms dang / mal cha dang / na ba'i bsos sman dang // yo byad dang / bde
- 122b
bar sbyar ba thams cad dang / bde ba la reg par gnas pa thams cad kyis rib 'gror byed cing / sbyin pa de yang dmigs pa'i 'du shes can gyis byin pa lta zhog/ rab 'byor gang stong gsum gyi stong chen po'i 'jig rten gyi khams/ gang ga'i klung gi bye ma snyed dag na/ sems can ji snyed yod pa de dag thams cad bla na med pa yang dag par rdzogs pa'i byang chub la yang dag par btsud de/ bla na med pa yang dag par rdzogs pa'i byang chub tu yang dag par btsud de/ bskal pa gang ga'i klung gi bye ma snyed du lus kyis legs par spyod pa dang / ngag gis legs par spyod pa dang / yid kyis legs par spyod pa'i tshul khrims dmigs pa'i 'du shes can dag gis yang dag par blangs te/ gnas pa dang / rnam grangs de lta bur byang chub sems dpa' de dag thams cad kyis/ byang chub sems re res bskal pa gang ga'i klung gi bye ma snyed du 'dug la/ bskal pa gang ga'i klung gi bye ma snyed lus kyi legs par spyod pa dang / ngag gis legs par spyod pa dang / yid kyis legs par spyod pa'i tshul khrims dmigs pa'i 'du shes dag gis/ yang dag par blangs te/ gnas la byang chub sems dpa' sems dpa' chen po gang shes rab kyi pha rol tu phyin pa dang / thabs mkhas pas yongs su zin pa dag gis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang //
- 123a
rang sangs rgyas dag gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / nyan thos de dag gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba de dag thams cad bsdus shing sdom te/ gzhal nas ma lus par byas te/ ma lus pa rjes su yid rang bar byas nas/ rjes su yid rang ba'i mchog dam pa/ gtso bo rab/ mchog rab/ gya nom pa/ bla ma/ bla na med pa/ gong na med pa/ gong ma'i yang gong ma/ mnyam pa med pa/ mi mnyam pa dang mnyam pa/ mtshungs pa med pa'i rjes su yid rang bas/ rjes su yid rang ba dang ldan pa'i bsod nams bya ba'i dngos po/ bla na med pa yang dag par rdzogs pa'i byang chub tu yongs su bsngo na/ rab 'byor rjes su yid rang ba dang ldan pa'i bsod na pas bya ba'i dngos po 'di la byang chub sems dpa' dmigs pa can dag gi tshul khrims las byung ba'i bsod nams mngon par 'du byed pa de'i rgya'i char yang nye bar mi 'gro/ rgyu'i bar du yang mi bzod do// de ci'i phyir zhe na/ de ltar byang chub sems dpa' dmigs pa can de dag gi tshul khrims yang dag par blangs te gnas pa'i phyir ro// rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi/ sems can thams cad bla na med pa yang dag par rdzogs pa'i byang chub tu yang dag par zhugs te/ bla na med pa yang dag par rdzogs pa'i byang chub
- 123b
tu yang dag par zhugs nas/ bskal pa gang ga'i klung gi bye ma snyed du lus kyis legs par spyod pa dang / ngag gis legs par spyod pa dang / yid kyis legs par spyod pa'i tshul khrims yang dag par blangs te gnas pa lta zhog gi/ rab 'byor gang stong gsum gyi stong chen po'i 'jig rten gyi khams na/ sems can ji snyed yod pa de dag thams cad/ bla na med pa yang dag par rdzogs pa'i byang chub tu yang dag par zhags/ bla na med pa yang dag par rdzogs pa'i byang chub tu yang dag par zhugs nas/ bskal pa gang ga'i klung gi bye ma snyed dag tu 'dug cing / stong gsum gyi stong chen po'i 'jig rten gyi khams gzhan gang gi bye ma snyed kyi sems can thams cad kyi byang chub sems dpa' re re la/ spros shing brdegs te brgyab kyang de dag thams cad dmigs pa'i 'du shes can gyis/ bzod pa yang dag par blangs te gnas pa dang / byang chub sems dpa' de dag thams cad kyis bzod pa yang dag par blangs te gnas pa dang / rnam grangs de lta bur byang chub sems dpa' de dag thams cad las/ byang chub sems dpa' so so nas kyang bskal pa gang ga'i klung gi bye ma snyed du 'dug cing / stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad kyis/ byang chub sems dpa' re re la spros shing brdegs te/ rgyab kyang / de dag thams cad dmigs pa'i 'du shes can gyis bzod pa yang dag par blangs te gnas na/ byang chub sems dpa' sems dpa' chen po gang shes rab kyi pha rol tu
- 124a
phyin pa dang / thabs mkhas pas yongs su zin pa dang / ma 'ongs pa dang / da ltar byung ba'i sangs rgyas bcom ldan 'das rnams kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang / nyan thos de dag gi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang / nyan thos de dag gi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba de dag thams cad gcig tu bsdus shing bsdoms te/ gzhal nas ma lus par byas nas/ ma lus pa la rjes su yi rang ste/ rjes su yi rang ba'i mchog dam pa/ gtso bo rab/ mchog rab/ gya nom pa/ bla ma/ bla na med pa/ gong ma'i yang gong ma/ mnyam pa med pa/ mi mnyam pa dang mnyam pa/ mtshungs pa med pa'i rjes su yi rang shing / rjes su yi rang nas rjes su yi rang ba dang ldan pa'i bsod nams bya ba'i dngos po// bla na med pa yang dag par rdzogs pa'i byang chub tu bsngon/ rab 'byor rjes su yi rang ba dang ldan pa'i bsod nams bya ba'i dngos po 'di la/ byang chub sems dpa' dmigs pa can snga ma de dag gi bzod pa las byung ba'i bsod nams mngon par 'du byed pa de ni rgya'i char nye bar mi 'gro ba nas/ mdor bsdus te rgyu'i bar du yang mi bzod do// de ci'i phyir zhe na/ de ltar byang
- 124b
chub sems dpa' de dmigs pa can de dag bzod pa yang dag par blangs te gnas pa'i phyir ro// rab 'byor stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad bla na med pa yang dag par rdzogs pa'i byang chub tu yang dag par zhugs te/ bla na med pa yang dag par rdzogs pa'i byang chub tu yang dag par zhugs nas/ stong gsum gyi stong chen po'i 'jig rten gyi khams gang ga'i klung gi bye ma snyed kyi sems can thams cad kyis spyos shing brdegs te brgyab kyang / de dag thams cad dmig pa'i 'du shes can gyis bzod pa yang dag par blangs te gnas pa lta zhog gi/ rab 'byor stong gsum gyis stong chen po'i 'jig rten gyi khams gang ga'i klung gi bye ma snyed na/ sems can ji snyed yod pa de dag thams cad bla na med pa yang dag par rdzogs pa'i byang chub tu yang dag par btsud de/ bla na med pa yang dag par rdzogs pa'i byang chub la yang dag par btsud nas/ bskal pa gang ga'i klung gi bye ma snyed du 'dug cing / bskal pa gang ga'i klung gi bye ma snyed du yi mi bsod cing / rmugs pa dang / gnyid kyis zil gyis mnon par brtson 'grus dmigs pa'i 'du shes can gyis yang dag par blangs te gnas la/ byang chub sems dpa' sems dpa' chen po gang / shes rab kyi pha rol tu phyin pa dang / thabs mkhas pas yongs su zin pas/ 'das pa dang / ma 'ongs pa dang / da ltar byung ba'i sangs rgyas bcom ldan 'das
- 125a
rnams kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / rang sangs rgyas de dag gi yang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang / nyan thos de dag gi yang tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po de dag thams cad gcig tu bsdus shing gzhal nas ma lus par byas nas/ ma lus pa la rjes su yi rang bar byed de/ rjes su yi rang ba'i mchog dam pa/ gtso bo rab/ mchog rab/ gya nom pa/ bla ma/ bla na med pa/ gong na med pa/ gong ma'i yang gong ma/ mnyam pa med pa/ mi mnyam pa dang mnyam pa/ mtshungs pa med pa'i rjes su yid rang bas rjes su yid rang ba la/ rjes su yid rang nas rjes su yid rang ba dang / ldan pa'i bsod nams bya ba'i dngos po/ bla na med pa yang dag par rdzogs pa'i byang chub tu yongs su bsngo na/ rab 'byor rjes su yid rang ba dang ldan pa'i bsod nams bya ba'i dngos po 'di la/ byang chub sems dpa' dmigs pa can snga ma de dag gis brtson 'grus las byung ba'i bsod nams mngon par 'du byed pa de ni/ brgya'i char yang nye bar mi 'gro ba nas/ rgyu'i bar du yang mi bzod do// de ci'i phyir zhe na/ 'di ltar byang chub
- 125b
sems dpa' dmigs pa'i 'du shes can de dag brtson 'grus dang dag par blangs te gnas pa'i phyir ro/ rab 'byor stong gsum gyis stong chen po'i 'jig rten gyi khams gang ga'i klung gi bye ma snyed kyis sems can thams cad/ bla na med pa yang dag par rdzogs pa'i byang chub tu yang dag par btsud te/ bla na med pa yang dag par rdzogs pa'i byang chub la yang dag par zhugs na/ bskal pa gang ga'i klung gi bye ma snyed du dmigs pa'i 'du shes can dag yi mi bsod cing rmugs pa dang / gnyid kyis zil gyis gnon par brtson 'grus yang dag par blangs te gnas pa lta zhog gi/ rab 'byor stong gsum gyis stong chen po'i 'jig rten gyi khams gang ga'i klung gi bye ma snyed kyi sems can thams cad/ bla na med pa yang dag par rdzogs pa'i byang chub la yang dag par zhugs te/ bla na med pa yang dag par rdzogs pa'i byang chub la yang dag par zhugs nas/ bskal pa gang ga'i klung gi bye ma snyed du dmigs pa'i 'du shes can gang gis bsam gtan bzhi la mnyam par bzhags la byang chub sems dpa' sems dpa' chen po gang / shes rab kyi pha rol tu phyin pa dang / thabs mkhas pas yongs su zin pas/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang /
- 126a
rang sangs rgyas de dag gi tshul khrims dang / ting nge 'dzin dang / shes rab dang / rnam par grol pa dang / rnam par grum pa'i le shes pazang ba'i phu dang / nyan thos de dag gi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po de dag thams cad gcig tu bsdus shing bsdoms te gzhal nas ma lus par byas shing / ma lus pa la rjes su yi rang bar byed de/ rjes su yid rang ba'i mchog dam pa/ gtso bo/ mchog rab/ gya nom pa/ bla ma/ bla na med pa/ gong na med pa/ gong ma'i yang gong ma/ mnyam pa med pa/ mi mnyam pa dang mnyam pa/ mtshungs pa med pa'i rjes su yi rang ba la/ rjes su yid rang nas/ rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo na/ rab 'byor rjes su yi rang dang ldan pa'i bsod nams bya ba'i dngos po 'di la byang chub sems dpa' dmigs pa can gyi bsam gtan las bya ba'i bsod nams mngon par 'du byed pa snga ma de ni rgya'i char yang nye bar mi 'gro'o// stong gi char yang / brgya stong gi char yang / bye ba'i char yang bye ba rgya'i char yang / bye ba stong gi char yang / bye ba brgya stong gi char yang / bye ba khrag khrig brgya stong gi char yang nye bar mi 'gro'o// grangs su yang / dper yang / rgyar yang mi bzod do// de ci'i phyir zhe na/ de ltar byang chub sems dpa' dmig
- 126b
rjes su tI rang ba dang pa can dag bsam gtan dag la mnyam par gzhog pa'i phyir ro// shes rab kyi pha rol tu phyin pa brgyad stong pa las/ yongs su bsngo ba'i le'u ste drug pa'o// / de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa ni/ thams cad mkhyen pa'i ye shes yongs su rdzogs pa lags so// shes rab kyi pha rol tu phyin pa ni thams cad mkhyen pa nyid lags so// bcom ldan 'das kyis bka' stsal pa/ de de bzhin no// sha ri'i bu ji skad zer ba de bzhin no// sha ri'i bus gsol pa/ bcom ldan 'das shes rab kyi pha rol tu phyin pa ni gsal bar bgyid pa lags te/ bcom ldan 'das shes rab kyi pha rol tu phyin pa ni phyag 'tshal lo// bcom ldan 'das shes rab kyi pha rol tu phyin pa ni 'jig rten pa thams cad kyis mi gos pa lags so// bcom ldan 'das shes rab kyi pha rol tu phyin pa ni snang bar bgyid pa lags so// bcom ldan 'das shes rab kyi pha rol tu phyin pa ni 'jig rten pa thams cad kyis mi gos pa lags so// bcom ldan 'das shes rab kyi pha rol tu phyin pa ni snang bar bgyid pa lags so// bcom ldan 'das shes rab kyi pha rol tu phyin pa ni rab rib ma mchis par bgyid pa lags so// bcom ldan 'das shes rab kyi pha rol tu phyin pa ni mchog tu btsun pa lags so// bcom ldan 'das shes rab kyi
- 127a
pha rol tu phyin pa ni bde bar bcad pa lags so// bcom ldan 'das shes rab kyi pha rol tu phyin pa ni dongs pa rnams la snang bar gyid/ lags so// bcom ldan 'das shes rab kyi pha rol tu phyin pa ni mig lags so// bcom ldan 'das shes rab kyi pha rol tu phyin pa ni gti mug dang / rab rib rnams ma mchis par bgyid pa lags so// bcom ldan 'das shes rab kyi pha rol tu phyin pa ni chos thams cad mi bgyid pa lags so// bcom ldan 'das shes rab kyi pha rol tu phyin pa ni lam log par mchis pa'i sems can lam thams cad du 'jug pa lags so// bcom ldan 'das shes rab kyi pha rol tu phyin pa ni thams cad mkhyen pa nyid lags so// bcom ldan 'das shes rab kyi pha rol tu phyin pa ni chos thams cad ni chos thams cad mi bskyed pa lags so// bcom ldan 'das shes rab kyi pha rol tu phyin pa ni chos thams cad mi 'gag pa lags so// bcom ldan 'das shes rab kyi pha rol tu phyin pa ni byang chub sems dpa' sems dpa' chen po rnams kyi yum lags so// bcom ldan 'das shes rab kyi pha rol tu phyin pa ni/ mgon ma mchis pa rnams kyi mgon lags so// bcom ldan 'das shes rab kyi pha rol tu byin pa ni 'khor ba'i gnyen po lag so// bcom ldan 'das shes rab kyi pha rol tu phyin pa ni chos thams cad kyi ngo bo nyid ston pa lags so// bcom ldan 'das shes
- 127b
pha rol tu phyin pa ni sangs rgyas bcom ldan 'das rnams kyis chos kyi 'khor lo lan gsum du bzlas te/ rnam pa bcu gnyis su bskor ba yongs su rdzogs pa lags na/ bcom ldan 'das ji ltar byang chub sems dpa' sems dpa' chen pos/ shes rab kyi pha rol tu phyin pa lags par bgyi/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu ston pa ji lta ba bzhin du shes rab kyi pha rol tu phyin pa la'ang de bzhin du gnas par bya'o// sha ri'i bu de bzhin du shes rab kyi pha rol tu phyin pa yid la bya'o// sha ri'i bu ston pa ji lta ba bzhin du shes rab kyi pha rol tu phyin pa la phyag bya'o// de nas lha'i dbang po brgya byin 'di snyam du sems te/ kye ma 'phags pa sha ri'i bu ci'i phyir 'dri bar 'gyur/ kye ma 'phags pa sha ri'i bu ci'i phyir gzhi las 'dri bar 'gyur// snyam nas/ lha'i dbang po brgya byin gyis tshe dang ldan pa sha ri'i bu la 'di skad ces smras so// 'phags pa sha ri'i bu ci'i phyir 'di 'dri bar 'gyur/ 'phags pa sha ri'i bu ci'i gzhi las 'di 'dri bar 'gyur/ de skad ces smras pa dang / tshe dang ldan pa sha ri'i bus lha'i dbang po brgya byin la 'di skad ces smras so// ke'u shi ka shes rab kyi pha rol tu phyin pa dang / thabs mkhas pas yongs su zin pa'i byang chub sems dpa' sems dpa' chen pos/ rjes su yi rang ba dang ldan pa'i bsod nams bya ba'i dngos po
- 128a
de dag thams cad mkhyen pa nyid dang yongs su bsngos pa/ byang chub sems dpa' dmigs pa can de dag thams cad kyi/ sbyir ba las byung ba'i bsod nams mngon par 'du byed pa gang yin pa dang / tshul khrims las byung ba gang yin pa dang / bzod pa las byung ba gang yin pa dang / brtson 'grus las byung ba gang yin pa dang / bsam gtan las byung ba gang yin pa dang / shes rab las byung ba'i bsod nams mngon par 'du byed pa gang yin pa de dag thams cad zil gyis gnon to// ke'u shi ka 'di lta ste dper na/ dmus long brgya 'am/ stong ngam/ brgya stong ngam/ yongs su mtshon pa med na/ lam du 'jug pa'i bskal pa med cing / grong ngam/ grong khyer du 'gro ba'i bskal ba med de/ ke'u shi ka de bzhin du sbyin pa dang / tshul khrims dang / bzod pa dang / brtson 'grus dang / bsam gtan gyis pha rol tu phyin pa'i ming mi thob ste/ yongs su mtshon pa shes rab kyi pha rol tu phyin pa med pa'i phyir/ dmus long lta bu yin te/ thams cad mkhyen pa'i lam du 'jug pa'i skal pa yang med na/ thams cad mkhyen pa lta ga la byed/ ke'u shi ka nas sbyin pa dang / tshul khrims dang / bzod pa dang / brtson 'grus dang / bsam gtan rnams shes rab kyi pha rol tu phyin pas yongs su bzung ba de'i tshe pha rol tu phyin pa'i ming dang / pha rol tu phyin pa'i sgra yang thob po// de'i tshe pha rol tu phyin pa lnga po 'di dag thams cad mkhyen pa'i lam
- 128b
du 'jug pa dang / thams cad mkhyen pa'i rjes su thob par bya ba'i mig rab tu thob par bya ba yin no// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen pos/ ji ltar shes rab kyi pha rol tu phyin pa mngon par bsgrub par bgyi/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu gzugs la mngon par mi bsgrub par lta ste/ sha ri'i bu de bzhin du tshor ba dang / 'du shes dang / 'du byed rnams dang / rnam par shes pa la mngon par mi bsgrub par lta'o// sha ri'i bu phung po lnga rnams mngon par mi bsgrub pa gang yin pa de ni/ sha ri'i bu de bzhin du shes rab kyi pha rol tu phyin pa la mngon par bsgrub pa zhes bya'o// de ltar mngon par bsgrub pas phung po lnga rnams mngon par bsgrub na/ shes rab kyi pha rol tu phyin pa la mngon par bsgrub pa ste/ mngon par bsgrub pa zhes bya'o// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa de ltar mngon par bsgrubs nas/ chos gang thob par bgyid/ bcom ldan 'das kyis bka' stsal pa/ sha ri'i bu shes rab kyi pha rol tu phyin pa de ltar mngon par bsgrubs na/ chos gang yang thob par byed pa med do// sha ri'i bu nam chos gang yang thob par mi byed pa de'i tshe/
- 129a
shes rab kyi pha rol tu phyin pa'o zhes bya ba'i grangs su 'gral/ de nas bcom ldan 'das la lha'i dbang po brgya byin gyis 'di skad ces gsam/ bcom ldan 'das ci lags/ shes rab kyi pha rol tu phyin pa 'di thams cad mkhyen pa nyid thob par mi bgyid dam/ bcom ldan 'das kyis bka' stsal pa/ ke'u shi ka 'di skad ci shes rab kyi pha rol tu phyin pa 'di thams cad mkhyen pa nyid kyang thob par mi byed dam/ zhes zer ba ni/ ji ltar dmigs pa de lta bur thob par mi byed do// ming ji lta ba de lta bur thob par mi byed do// mngon par 'du byed pa ji lta ba de lta bur thob par mi byed do// brgya byin gyis gsol pa/ bcom ldan 'das 'o na ji lta bu thob par bgyid/ bcom ldan 'das kyis bka' stsal pa/ ke'u shi ka ji ltar thob par mi byed pa de ltar thob par byed do// brgya byin gyis gsol pa/ bcom ldan 'das ji ltar shes rab kyi pha rol tu phyin pa 'di chos gang yang mi bskyed/ chos gang yang mi 'gog cing / chos thams cad skye ba ma mchis pa dang / 'gog pa ma mchis bar bgyi ba'i slad du nye bar gnas la/ gnas pa yang ma lags pa ngo mtshar to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po de lta bur yang 'tshal bar bgyid na/ shes rab kyi pha rol tu phyin pa 'di ring du bgyid/ shes rab kyi pha
- 129b
rol tu phyin pa 'di gsog tu bgyid/ shes rab kyi pa rab tu phyin pa 'di gsob tu bgyid de/ shes rab ci rob tu phyin pa 'dimi bgyid do// de na byas rnam ma pa dang / bcom ldan 'das kyis tshe dang ldan pa rab 'byor la 'di skad ces bka' stsal to// de de bzhin no// rab 'byor de de bzhin te/ rab 'byor rnam grangs gang gis shes rab kyi pha rol tu phyin pa 'di rgyang ring du byed pa dang / shes rab kyi pha rol tu phyin pa 'di gsog tu byed pa dang / shes rab kyi pha rol tu phyin pa 'di gsob tu byed pa dang / shes rab kyi pha rol tu phyin pa 'di mi byed par 'gyur ba'i rnam grangs yod do// de ci'i phyir zhe na/ rab 'byor shes rab kyi pha rol tu phyin pa 'di yongs su gsal bar byas nas/ gzugs yongasu gsal bar byas pa ma yin no// tshor ba la ma yin/ 'du shes la ma yin/ 'du byed la ma yin/ rnam par shes pa yongs su gsal bar byas pa ma yin/ rgyun du zhugs pa'i 'bras bu yongs su gsal bar byas pa ma yin/ lan cig phyir 'ong ba'i 'bras bu ma yin/ phyir mi 'ongs pa'i 'bras bu ma yin/ dgra bcom pa nyid yongs su gsal bar byas pa ma yin/ rang sangs rgyas nyid yongs su gsal bar byas pa ma yin no// rang sangs rgyas nyid gsal bar byas pa ma yin no// gnas brtan rab 'byor gyis gsol pa/ bcom ldan 'das 'di lta ste/ shes rab kyi pha rol tu phyin pa chen po lags so// bcom ldan 'das kyis
- 130a
bka' stsal pa/ rab 'byor 'di ji snyam du sems/ rnam grangs gang gis 'di lta ste shes rab kyi pha rol tu phyin pa 'di pha rol tu phyin pa chen po yin no// rab 'byor gyis gsol pa/ bcom ldan 'das gzugs chen por mi bgyid/ chung ngur mi bgyid/ gzugs bsdud par mi bgyid/ g.yeng bar mi bgyid do// de bzhin du tshor ba la ma lags/ 'du shes la ma lags/ 'du byed rnams la ma lags te/ bcom ldan 'das rnam par shes pa chen por mi bgyid/ chung ngur mi bgyid/ rnam par shes pa bsdad par mi bgyid/ g.yeng bar mi bgyid do// de bzhin gshegs pa rnams kyi de bzhin gshegs pa'i stobs gang lags pa de dag kyang stobs dang ldan par mi bgyid/ stobs ma mchis par yang mi bgyid do// thams cad mkhyen pa nyid kyang chen por mi bgyid/ chung ngur mi bgyid do/ bsdud par mi bgyid/ g.yengs par mi bgyid do// de ci'i slad du zhe na/ bcom ldan 'das thams cad mkhyen pa nyid ni ma sdus pa/ ma g.yengs pa lags so// gal te de ltar yang 'chal bar mi bgyid na/ shes rab kyi pha rol tu phyin pa la spyod pa ma lags so// de ci'i slad du zhe na/ shes rab kyi pha rol tu phyin pa ni sems can ngo bo nyid ma mchis pa'i rang bzhin can du rig par bya ste/ sems can ngo bo nyid ma mchis pas na/ shes rab kyi pha rol tu phyin pa ngo bo nyid ma mchis par rig par bgyi'o// sems can dben pas na shes
- 130b
rab kyi pha rol tu phyin pa dben par rigs par bgyi'o// sems can bsam gyi mi khyab pas na/ shes rab kyi pha rol tu phyin pa bsam gyis mi khyab par rig par bgyi'o// sems can mi 'jigs pa'i chos nyid lags pas na/ shes rab kyi pha rol tu phyin pa mi 'jigs pa'i chos nyid du rig par bgyi'o// sems can mngon par rdzogs par 'tshang mi brgya pas na/ shes rab kyi pha rol tu phyin pa yang mngon par rdzogs par 'tshang mi brgya par rigs par bgyi'o// sems can mngon par ji lta ba bzhin du mngon par rdzogs par 'tshang mi brgya pas na/ shes rab kyi pha rol tu phyin pa'i don ji lta ba bzhin du/ mngon par rdzogs par 'tshang mi brgya par rig par bgyi'o// sems can stobs yang dag par bsgrub pas/ de bzhin gshegs pa'i stobs yang dag par bsgrubs par rig par bgyi ste/ bcom ldan 'das rnam grangs de lta bur/ 'di lta ste/ shes rab kyi pha rol tu phyin pa 'di pha rol tu phyin pa chen po lags so// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po gang shes rab kyi pha rol tu phyin pa/ zab mo 'di la mos shing nem nur mi bgyid/ the tshom mi 'tshal/ rmongs par mi 'gyur na bcom ldan 'das de gang nas shi 'phos te/ 'dir skyes par rig par bgyi'o// bcom ldan 'das shes rab kyi pha rol tu phyin pa 'di don dang / chos nyid dang / don gyi tshul
- 131a
dang / chos kyi tshul bzhin du 'tshal bar bgyid cing rjes su rtogs par bgyis pa'i byang chub sems dpa' sems dpa' chen po de/ yun ji srid/ gcig tu spyad par bgyi/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu byang chub sems dpa' sems dpa' chen po de ni/ sangs rgyas bcom ldan 'das rnams la bsnyen bkur byas shing / yongs su dris nas 'jig rten gyi khams gzhan dag nas/ shi 'phos te 'dir skyes par rig par bya'o// de ci'i phyir zhe na/ sha ri'i bu byang chub sems dpa' sems dpa' chen po gang / sangs rgyas bcom ldan 'das rnams la bsnyen bkur byas shing yongs su dris nas/ 'jig rten gyi khams gzhan dag 'dir skyes pa de/ shes rab kyi pha rol tu phyin pa 'di nyan te/ shes rab kyi pha rol tu phyin pa 'di thos nas/ shes rab kyi pha rol tu phyin pa la ston par 'du shes bskyed do// bdag gi ston pa mngon sum du gyur te/ bdag gi ston pa mthong ngo snyam du sems bskyed do// shes rab kyi pha rol tu phyin pa la rna ba blags te gus par nyan to// gtam gyis bar chad mi byed do// sha ri'i bu byang chub sems dpa' sems dpa' chen po de ni/ yun ring por spyad pa de lta bur rig par bya'o// sha ri'i bu byang chub sems dpa' sems dpa' chen po de ni/ sangs rgyas mang po la bsnyen bkur byas par bya'o// de nas bcom ldan
- 131b
'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa 'di nyan pa 'am/ rtogs pa 'am/ bsam pa 'am/ bskyed par nus sam/ shes rab kyi pha rol tu phyin pa 'di'o// zhes 'am/ shes rab kyi pha rol tu phyin pa de gang na zhes rnam pa dang / rtags dang / mtshan ma gang gis kyang bstan par mi nus sam/ bcom ldan 'das kyis bka' stsal pa/ rab 'byor de lta ma yin te/ shes rab kyi pha rol tu phyin pa 'di ni phung po 'am/ khas sam/ skye mched du bstan cing nye bar gzung mi nus so// de ci'i phyir zhe na/ rab 'byor chos thams cad dben pa dang / chos thams cad shin du dben pa'i phyir/ shes rab kyi pha rol tu phyin pa yang bstan pa 'am/ nye bar bzung ba 'am/ rtogs par mi nus te/ shes rab kyi pha rol tu phyin pa ni phung po 'am/ khams sam/ skye mched las gzhan du yang med par rig par bya'o// de ci'i phyir zhe na/ rab 'byor phung po dang / khams dang / skye mched nyid stong pa dben pa ste/ de ltar shes rab kyi pha rol tu phyin pa dang / phung po dang / khams dang / skye mched 'di ni gnyis su med de gnyis su byar med do// stong zhing dben pa dang / zhi ba'i phyir dmigs su med do// chos thams cad kyi mi dmigs pa gang yin pa de ni/ shes rab kyi pha rol tu phyin pa zhes bya'o// nam 'du shes dang / kun shes dang / btags pa dang / tha snyad mi 'byung ba de'i tshe shes
- 132a
rab kyi pha rol tu phyin pa zhes bya'o// gnas brtan rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di la/ rnal 'byor du bgyid pa de yun ji srid gcig spyad par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po rnams kyis dbang po'i rim pa yod pas 'di ni rnam par phye ste/ lung bstan par phye ba yin te/ rab 'byor rnam grangs gang gis byang chub sems dpa' sems dpa' chen po rnams/ sangs rgyas brgya phrag mang po dang / sangs rgyas stong phrag mang po dang / sangs rgyas stong phrag mang po dag mthong na/ de dag gi drang na tshangs par spyod pa spyad kyang shes rab kyi pha rol tu phyin pa 'di la ma dang / ma mos par 'gyur ba'i rnam grangs kyang yod do// de ci'i phyir zhe na/ sngon yang sangs rgyas bcom ldan 'das de dag las/ shes rab kyi pha rol tu phyin pa zab mo 'di bstan pa dang / nye bar bstan pa dang / bshad pa la ma gus pas nyan par mi 'dod do// nyan par mi 'dod pas bsnyen bkur mi byed do// bsnyen par mi byed pas yongs su mi 'dri'o// yongs su mi 'dri bas ma dad do// ma dad pas 'khor de nas 'byol te/ de ngag de'i phyir chos kyi phongs par 'gyur ba'i las brtsegs shing / kun brtsegs te nye bar bsdus te nye bar bsdus pas/ da ltar yang shes rab kyi pha rol tu phyin pa zab
- 132b
mo 'di la dad cing ston pa dang / nye bar ston pa las 'byol zhing ma gus pas/ ma dad pas mos par mi byed de/ lus dang sems kyis kyang 'thur par mi byed pas shes rab kyi pha rol tu phyin pa 'di mi shes/ mi rig/ khong du mi chud de/ de dag shes rab kyi pha rol tu phyin pa la ma dad par 'gyur ro// ma dad pas mi nyan te/ mnyan pas mi shes so// ma shes pas mi mthong ngo // ma mthong bas khong du mi chud do// khong du ma chud pas chos kyi phongs par 'gyur ba'i la stsogs shing / nye bar bsdu de dag chos kyi phongs par 'gyur ba'i las de stsogs shing nye bar bsdus pas/ shes rab 'chal par 'gyur ba'i las mngon par 'du byed par 'gyur ro// de dag shes rab 'chal pa de las mngon par 'dus shing bstsags pa dang / kun nas bstsags pa dang / nye bar bsdus pas shes rab kyi pha rol tu phyin pa 'di 'chad pa dang / ston pa dang / nye bar ston pa la spong zhing / dbang bzas nas 'byor par 'gyur ro// rab 'byor yang shes rab kyi pha rol tu phyin pa 'di spong zhing dbang bzlas te mi sman par brjod pa dang / 'das pa dang / ma 'ongs pa dang / da ltar gyi sangs rgyas bcom ldan 'das rnams kyi thams cad mkhyen pa nyid spangs par 'gyur/ dbang bzas par 'gyur/ mi snad pa brjod par 'gyur/ de dag bdag gi rgyud kyang ma rungs bar byas shing bsregs nas/ gzhan blo chung ba/ shes rab chung ba/ bsod nams chung ba
- 133a
dge ba'i rtsa ba chung ba dang / dad pa tsam dang ldan pa/ dga' ba tsam dang ldan pa/ mos pa tsam dang ldan pa/ 'dod pa tsam dang ldan pa/ las dang po skal pa med pa rnams kyi dad pa tsam dang / mos pa tsam dang / 'dod pa tsam yang phyir bzlog cing 'bral bar byed/ ldog par byed de/ 'di ni sangs rgyas kyi tshig ma yin gyis/ bslab par mi bya'o zhes zer ro// de dag rang gi rgyud kyang ma rungs par byas shing bsregs nas/ pha rol gyi rgyud ma rungs par byas/ shes rab kyi pha rol tu phyin pa la skur pa btab na/ thams cad mkhyen pa nyid la bskur pa btab par 'gyur ro// thams cad mkhyen pa nyid la bkur pa btab na/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams la bskur pa btab par 'gyur ro// de dag sangs rgyas bcom ldan 'das rnams la 'byol bar 'gyur ro// chos las yongs su 'phangs par 'gyur/ dge 'dun las yongs su phyi rol tu 'gyur/ de dag sems can rnams la phan pa dang / bde ba rgyun gcod par byas pas/ sems can dmyal ba chen po rnams su rnam par smin par 'gyur ba'i las nye bar stsogs so// de dag de lta bur chos kyi 'phongs par 'gyur/ shes rab 'chal par 'gyur ba'i las mngon par 'du byed par nye bar gnas pas/ lo brgya phrag mang po// lo stong phrag mang po/ lo bye ba
- 133b
khrag khrig stong phrag mang por sems can dmyal ba chen po rnams su btso zhing / de dag sems can dmyal ba chen por 'gyur ro// de dag de lta bur yun ring por sem can dmyal ba chen po nas/ sems can dmyal ba chen por 'pho ba na/ me yis bsdud pa'i bskal pa 'byung bar 'gyur ro// me yis bsdad pa'i bskal pa 'byung ba na/ 'jig rten gyi khams gzhan na/ sems can dmyal ba gang dag yod pa de dag tu 'dor te/ de dag sems can dmyal ba chen po de dag tu skye bar 'gyur ro// de dag der bor te sems can dmyal ba chen po de dag tu skyes ma thag tu de ni yang sems can dmyal ba chen po nas sems can dmyal ba chen por 'pho bar 'gyur ro// de dag na sems can dmyal ba chen po nas/ sems can dmyal ba chen por 'pho ba na/ yang me yis bsdud pa'i bskal pa 'byung bar 'gyur te/ de dag de nas shi 'phos ma thag tu 'jig rten gyi khams gzhan dag tu/ sems can dmyal ba chen por yod pa der 'dor te/ sems can dmyal ba chen po de dag tu skye bar 'gyur ro// de dag der yang de bzhin du sems can dmyal ba chen po nas/ sems can dmyal ba chen por 'pho bar 'gyur ro// de dag der yang de bzhin du yun ring por sems can dmyal ba chen po nas/ sems can dmyal ba chen por 'pho na/ der yang de bzhin du me yis bsdad pa'i bskal pa 'byung bar 'gyur ro// de dag me yis bsdud pa'i
- 134a
bskal pa 'byung ba dang / yang de nas shi 'phos te las de nyid du ma zad cing / lhag ma lus pas yang 'jig rten gyi khams 'dir 'dor te/ bor nas kyang sems can dmyal ba chen po rnams su skye bar 'gyur te/ yang de dag sems can dmyal ba chen po rnams su sems can dmyal ba'i sdug bsngal myong bar 'gyur ro// nam me'i skal pa 'byung bar 'gyur ba de dag de'i bar du de dag lta bu'i sdug bsngal mang po'i tshor bar 'gyur ba'i las myong bar 'gyur ro// de ci'i phyir zhe na/ de ltar tshig nyes pa smras pa'i phyir ro// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das mtshams med pa lnga'i las bgyid pa yang yid kyis nongs pa bgyis pa dang / ngag gis nong pa spyad pa 'di'i gzugs bstan du'ang 'dra ba ma lags so// bcom ldan 'das kyis bka' stsal pa/ de de bzhin no// sha ri'i bu de de bzhin te/ sha ri'i bu mtshams med pa lnga byas pa ni/ yid kyis nyes par spyad pa dang / ngag gis nyes par spyad pa de'i gzug bstan du'ang 'dra bar ma lags so// las de bstsags shing kun nas bstsags te/ nye bar bsdus pa'i tshul 'dra ba ba tsam yang ma yin no// geng su dag shes rab kyi pha rol tu phyin pa 'di bshad pa dang / bstan pa dang / nye bar bstan pa la phyir gzhi la bar sems zhing spong bar 'gyur/ mi snyan pa zer bar 'gyur te/ 'di la bslab par mi bya
- 134b
zhes tshig tu smra bar 'gyur te// de ni de bzhin gshegs pas bshad pa sa yin// zhes tshig tu smra par 'gyur ro// de dang sems can gzhan das kyang 'jam bar bya de de bdag gi rgyud kyang ma rungs par byas nas/ gzhan gyi rgyud kyang ma rungs par byed do// bdag gi rgyud kyang dug can du byas nas/ gzhan gyi rgyung kyang drug can du byed par 'gyur ro// bdag nyid kyang phungs nas/ gzhan yang phung bar byed par 'gyur ro// bdag nyid kyang shes rab kyi pha rol tu phyin pa zab mo mi shes pa rtogs pa/ gzhan dag kyang 'di la bslab par mi bya bar 'dzin du 'jug pa'i gang zag de lta bu ni sha ri'i bu ltar yang ngas mi gnang na/ de dag dang / 'grogs pa lta ci smos/ bsnyen pa dang / bkur bstir bya ba lta ci smos/ gnas pa lta ci smos/ de ci'i phyir zhe na/ sha ri'i bu de lta bu ni gang zag de dag chos la sun 'byin par rig par bya'o// sha ri'i bu gang zag de lta bu de dag ni shing rul pa de lta bur gyur pa yin no// sha ri'i bu gang zag de lta bu de dag ni/ nag po'i rang bzhin can du rig par bya'o// sha ri'i bu gang zag de lta bu de las gang nyan pa dang / dad par bya bar sems pa de dag thams cad kyang tshul ma yin pas brlag par 'gyur ro// sha ri'i bu gang dag shes rab kyi pha rol tu phyin pa la/ sun 'byin par sems pa de dag ni sha ri'i bu chos la sun 'byin pa'i gang zag tu rig par bya'o// sha ri'i bus gsol pa/ bcom ldan 'das kyis gang zag der skyes
- 135a
shing // sems can dmyal ba na mchis pa'i lus de'i tshad ma bstan to// bcom ldan 'das kyis bka' stsal pa/ sha ri'i bu gang zag der skyes pa'i lus de'i tshad zhog shig/ de ci'i phyir zhe na/ gang zag de lta bu'i lus kyis tshad thos nas/ khrag dron mo kha nas skyug cing / 'chi bar gyur pa 'am/ 'chi ba tsam gyis sdug bsngal mi zad pa dang / nad kyis reg cing tshig pa las/ mya ngan gyi zug ngur zhugs sam/ g.yangs sa chen por lhung ngam/ skam pas snyes par gyur na mi rung ngo // gang la nges pa de dag yod pa'i lus de'i tshad ni 'jigs pa chen po'i bar du mi thos na/ bcom ldan 'das kyis lus de'i ched 'di tsam du 'gyur ro zhes/ tshe dang ldan pa sha ri'i bu la go skabs ma phye'o// lan gnyis lan gsum du bcom ldan 'das la sha ri'i bus 'di skad ces gsol to// gang zag de'i lus kyi phyi ma'i skye bo mang pos snang bar bgyis par 'gyur gyis/ ngag dang yid kyis las bstsags shing / kun nas bstsags pa dang / nye bar bstsags pa 'dis sems can dmyal ba'i lus 'di lta bu yongs su 'dzin par 'gyur ro zhes/ bcom ldan 'das kyis bshad du gsol// bcom ldan 'das kyis bka' stsal pa/ ngag dang yid kyis nyes par spyad pa'i mi dge ba'i las mngon par 'du byed pa de dag bstsags pa dang / nye bar bstsags pas yun ring por 'di tsam du sdug bsngal myong bar 'gyur ro zhes bya ba 'di nyid kyis/ ma 'ongs pa'i skye bo mang po la snang ba
- 135b
byas par 'gyur ro// sha ri'i bu sdug bsngal de gnyis dpag tu med pa dang / sdug bsngal mang po gang yin pa de nyid kyis rigs kyi bu 'am/ rigs kyi bu mo dag dkar ba'i skal pa rnams skye bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am/ rigs kyi bu chos lus kyi las dang / ngag gi las dang / yid kyi las shin tu bsdam par bgyi'o// de ci'i slad du zhe na/ bcom ldan 'das de ltar gang gis las nongs par smras pa de lta bur bsod nams ma lags pa'i phung po chen po skyes so// bcom ldan 'das gang gi bsod nams ma lags pa'i phung po chen po 'di skye bar 'gyur/ bcom ldan 'das kyis bka' stsal pa/ rab 'byor ngag gi nyes par smras par/ bsod nams ma lags pa'i phung po de legs par bshad pa'i chos 'dul ba de nyid la rab tu byung la/ shes rab kyi pha rol tu phyin pa zab mo 'di la sun phang bar sems/ spongs par sems/ phyir gzhil bar sems par 'gyur ro// shes rab kyi pha rol tu phyin pa 'di gzhi la na/ sangs rgyas bcom ldan 'das rnams kyi byang chub kyang phyir gzhil bar 'gyur ro// sangs rgyas kyi byang chub phyir gzhil bar gyur na/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi/ thams cad mkhyen pa nyid kyang phyir gzhil bar 'gyur ro// thams cad mkhyen pa nyid phyir gzhi la na/ dam pa'i chos
- 136a
phyid gnyil na/ de bzhin gshegs pa'i nyan thos kyi dge 'dun phyi gzhil bar 'gyur ro// de bzhin gshegs pa'i gan thos kyi dge 'dun gyi gzhil nas/ 'o na ni dkon mchog gsum las yod de phyi rol du gyur pa yin te/ dpag tu med pa'i yang ches dpag tu med pa'i mi dge ba'i las chen po mngon par 'du byed pa yongs su 'dzin par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am/ rigs kyi bu mo shes rab kyi pha rol tu phyin pa 'di la phyir gzhil bar sems dpa' de'i rgyu gang lags/ rkyen gang lags/ bcom ldan 'das kyis bka' stsal pa/ rab 'byor rigs kyi bu 'am/ rigs kyi bu mo de bdud kyis byin gyis brlabs sam/ shes rab 'chal par 'gyur ba'i las kyis chos zab mo dag la ma dad ma mos par 'gyur ba 'am/ rab 'byor sdig pa'i chos 'di gnyis dang ldan pas/ rigs kyi bu 'am rigs kyi bu mo de shes rab kyi pha rol tu phyin pa la phyir gzhi la bar 'gyur ro// gzhan yang rab 'byor rigs kyi bu 'am/ rigs kyi bu mo snga ma nges/ sdig pa'i grogs pa'i lag tu song ba yin nam/ mi rtson pa yin nam/ mngon par zhan pa yin nam/ bdag bstod cing gzhan smod pa dang / nyes pa'i klan ka tshol ba yin te/ rab 'byor rigs kyi bu 'am/ rigs kyi bu mo gang shes rab kyi pha rol tu phyin
- 136b
pa bab mo 'di bshad cing bstan pa dang / nye bar bstan pa la phyir gzhil bar sems pa 'di ni rnam pa de dag dang ldan pa yin no// shes rab kyi pha rol tu phyin pa brgyad stong pa las/ sems can dmyal ba'i le'u ste bdun pa'o// / bam po dgu pa'o// de nas bcom ldan 'das la tshe dang ldan pa rab 'byor gyis 'di skad ces gsol pa/ bcom ldan 'das shes rab kyi pha rol tu phyin pa ni mi brtson pas mos par dka'o// bcom ldan 'das kyis bka' stsal pa/ de de bzhin no// rab 'byor de de bzhin te/ rab 'byor shes rab kyi pha rol tu phyin pa mi brtson pa na/ dge ba'i rtsa ba chung ba dang / blo zhan pa dang / mi 'dod pa dang / thos pa nyung ba dang / shes rab zhan pa dang / sdig pa'i grogs po nye bar brten pa dang / sri zhu chung ba dang / mi 'dra ba'i rang bzhin can dang / dge ba'i rtsa ba chung ba/ chos la mi rtson pas mos par dka'o// rab 'byor gyis gsol pa/ bcom ldan 'das e ma/ shes rab kyi pha rol tu phyin pa 'di mos par dka' ba'i slad du ji tsam du zab pa lags/ bcom ldan 'das kyis bka' stsal pa/ rab 'byor gzugs ni ma bcings ma grol ba'o// de ci'i phyir zhe na/ rab 'byor gzugs kyi ngo bo nyid med pa'i phyir ma bcings ma grol ba'o// rab 'byor de bzhin du tshor ba dang / 'du shes dang / 'du byed rnams dang / rnam par shes pa ma bcings
- 137a
ma grol ba'o// de ci'i phyir zhe na/ rab 'byor rnam par shes pa'i ngo bo nyid med pa'i phyir ro// rnam par shes pa ma bcings ma grol ba'o// rab 'byor/ gzugs kyi sngon gyi mtha' ma bcings ma grol ba'o// de ci'i phyir zhe na/ rab 'byor gzugs ni sngon gyis mtha' ngo bo nyid med pa'i phyir ro// rab 'byor gzugs ni phyi ma'i mtha' ma bcings ma grol ba'o// de ci'i phyir zhe na/ rab 'byor gzugs kyi phyi ma'i mtha' ngo bo nyid med pa'i phyir ro// rab 'byor gzugs kyi da ltar byung ba ma bcings ma grol ba'o// de ci'i phyir zhe na/ rab 'byor gzugs ni da ltar byung ba'i ngo bo nyid med pa'i phyir ro// rab 'byor de bzhin du tshor ba dang / 'du shes dang / 'du byed rnams dang / rnam par shes pa'i ngo bo nyid sngon gyi mtha' ma bcings ma grol ba'o// de ci'i phyir zhe na/ rab 'byor rnam par shes pa sngon gyi mtha' ngo bo nyid med pa'i phyir ro// rab 'byor rnam par shes pa phyi ma'i mtha' ma bcings ma grol ba'o// de ci'i phyir zhe na/ rab 'byor rnam par shes pa ni phyi ma'i mtha' ngo bo nyid med pa'i phyir ro// rab 'byor rnam par shes pa da ltar byung ba ma bcings ma grol ba'o// de ci'i phyir zhe na/ rab 'byor rnam par shes pa ni da ltar byung ba'i ngo bo nyid med pa'i phyir ro// rab 'byor gyis gsol pa/ bcom ldan 'das shes rab kyi pha rol tu phyin pa ni mos par dka'o// bcom ldan 'das shes rab kyi
- 137b
pha rol tu phyin pa ni/ de de bzhin no// rab 'byor de de bzhin te/ rab 'byor shes rab kyi pha rol tu phyin pa ni mos par dka' ba'o// de ci'i phyir zhe na/ rab 'byor gzugs kyi rnam par dag pa gang yin pa de ni 'bras bu'i rnam par dag pa'o// 'bras bu'i rnam par dag pa gang yin pa de ni/ gzugs rnam par dag pa ste/ rab 'byor de ltar gzugs rnam par dag pa dang / 'bras bu rnam par dag pa 'di ni gnyis su med de/ gnyis su byar med cing tha mi dad te ma chad pa'o// rab 'byor de ltar 'bras bu rnam par dag pas na/ gzugs rnam par dag pa'o// gzugs rnam par dag pas na/ 'bras bu rnam par dag pa'o// rab 'byor de bzhin du tshor ba dang / 'du shes dang / 'du byed rnams dang / rnam par shes pa'i rnam par shes pa gang yin pa de 'bras bu rnam par dag pa'o// 'bras bu rnam par dag pa gang yin pa de ni/ rnam par shes pa rnam par dag pa ste/ rab 'byor de ltar rnam par shes pa rnam par dag pa dang / 'bras bu rnam par dag pa 'di la gnyis su med de/ gnyis su byar med cing tha mi dad cing ma chad pa'o// rab 'byor de ltar 'bras bu rnam par dag pas na/ rnam par shes pa rnam par dag pa'o// rnam par shes pa rnam par dag pas na/ 'bras bu rnam par dag pa'o// gzhan yang rab 'byor gzugs rnam par dag pa gang yin pa de ni/ thams cad mkhyen
- 138a
pa nyid rnam par dag pa'o// thams cad mkhyen pa nyid rnam par dag pa gang yin pa de ni/ gzugs rnam par dag pa ste/ rab 'byor/ de ltar gzugs rnam par dag dang / thams cad mkhyen pa nyid rnam par dag pa 'di ni gnyis su med cing gnyis su byar med cing tha mi dad de ma chad pa'o// rab 'byor de ltar na thams cad mkhyen pa nyid rnam par dag pas na/ gzugs rnam par dag pa'o// gzugs rnam par dag pas na/ thams cad mkhyen pa nyid rnam par dag pa'o// rab 'byor de bzhin du tshor ba dang / 'du shes dang / 'du byed rnam dang / rnam par shes pa'i rnam par dag pa gang yin pa de ni/ thams cad mkhyen pa nyid rnam par dag pa'o// thams cad mkhyen pa nyid rnam par dag pa gang yin pa de ni/ rnam par shes pa rnam par dag pa ste/ rab 'byor de ltar na rnam par shes pa rnam bar dag pa dang / thams cad mkhyen pa nyid rnam par dag pa 'di la gnyis su med de/ gnyis su byar med cing so so ma yin tha mi dad de ma chad pa'o// rab 'byor de ltar na rnam pa thams cad mkhyen pa nyid rnam par dag pas na/ rnam par shes pa rnam par dag pa'o// rnam par shes pa rnam par dag pas na/ thams cad mkhyen pa nyid rnam par dag pa'o// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa ni zab
- 138b
po/ bka' stsal pa/ sha ri'i bu rnam par dag pa'i phyir ro// bcom ldan 'das shes rab kyi pha rol tu phyin pa ni gsal bar bgyid pa'o// bka' stsal pa/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni/ snang ba bgyid pa'o// bka' stsal pa/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni mtshams sbyor ba ma mchis pa'o// bka' stsal pa/ shA ri'i bu rnam par dag pa'i phyir ro// gsol ba/ bcom ldan 'das shes rab kyi pha rol tu phyin pa ni/ kun nas nyon mongs pa ma mchis pa'o// bka' stsal po/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni thob pa ma mchis pa mngon par rtogs pa ma mchis pa'o// bka' stsal pa/ sha ri'i bu rnam par dag pa'i phyir ro// / gsol pa/ bcom ldan 'das shes rab kyi pha rol tu phyin pa ni/ mngon par 'grub pa ma mchis pa'o// bka' stsal pa/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni/ 'dod pa'i khams dang / gzugs kyi khams dang / gzugs med pa'i khams shin tu skye ba ma mchis pa'o// bka' stsal pa/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni ma 'tshal/ yang dag par ma 'tshal ba'o//
- 139a
bka' stsal pa/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni ci zhig ma 'tshal cing / yang dag par ma 'tshal to// bka' stsal pa/ sha ri'i bu shes rab kyi pha rol tu phyin pa ni gzugs mi shes yang dag par ma shes so// de ci'i phyir zhe na/ sha ri'i bu rnam par dag pa'i phyir ro// de bzhin du sha ri'i bu shes rab kyi pha rol tu phyin pa ni tshor ba dang / 'du shes dang / 'du byed rnams dang / rnam par shes pa mi shes/ yang dag par mi shes so// de ci'i phyir zhe na/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa ni/ thams cad mkhyen pa nyid la phan par yang mi bgyid/ gnod par yang mi bgyid do// bka' stsal pa/ sha ri'i bu rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa chos gang yang yongs su mi 'dzin/ chos gang yang yongs su mi gtong ngo // bka' stsal pa/ sha ri'i bu rnam par dag pa'i phyir ro// / de nas bcom ldan 'das la tshed ldan pa rab 'byor gyis 'di skad ces gsol to// bcom ldan 'das bdag rnam par dag pas gzugs rnam par dag pa'o// bka' stsal pa/ rab 'byor shin du rnam par phyir ro// gsol pa/ bcom ldan 'das bdag rnam par dag pas tshor ba dang / 'du shes dang / 'du byed rnams dang / bcom ldan
- 139b
'das rnam par shes pa rnam par dag pa'o// bka' stsal pa/ rab 'byor shin du rnam par dag pa'i phyir ro// gsol ba/ bcom ldan 'das bdag rnam par dag pas 'bras bu rnam par dag pa'o// bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das bdag rnam par dag pas/ thams cad mkhyen pa nyid rnam par dag pa'o// bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das bdag rnam par dag pas/ thob pa yang ma mchis/ mngon par rtogs pa yang ma mchis/ bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das bdag mya mchis pas na/ gzugs mu mchis pa'o// bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das mu ma mchis pas na/ tshor ba dang / 'du shes dang / 'du byed rnams dang / rnam par shes pa mu ma mchis pa'o// bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das gang de ltar rtogs pa de ni/ byang chub sems dpa' sems dpa' chen po de'i shes rab kyi pha rol tu phyin pa'o// bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das shes rab kyi pha rol tu phyin pa 'di ni tshu rol gyi 'gram na yang mi gnas/ pha rol gyi 'gram na yang mi gnas/ gnyi ga'i
- 140a
bar rgyang ring po na yang mi gnas so// bka' stsal pa/ rab 'byor shin du rnam par dag pa'i phyir ro// gsol pa/ bcom ldan 'das de ltar byang chub sems dpa' sems dpa' chen po/ shes rab kyi pha rol tu phyin pa 'di 'dor bar 'gyur ro// shes rab kyi pha rol tu phyin pa 'di rgyang ring du byed par 'gyur ro// / bcom ldan 'das kyis bka' stsal pa/ de de bzhin no// rab 'byor de de bzhin te/ de ci'i phyir zhe na/ rab 'byor ming las kyang chags par 'gyur ro// mtshan ma las kyang chags par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis chags pa 'di dag bshad pa ni/ bcom ldan 'das ji tsam du shes rab kyi pha rol tu phyin pa 'di legs par bshad cing / legs par bstan te/ shin du mthar btugs pa ngo mtshar to// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor chags pa gang yin/ rab 'byor gyis smras pa/ tshe dang ldan pa sha ri'i bu gzugs stong pa'o snyam pa ni chags pa'o// de bzhin du tshor ba dang / 'du shes dang / 'du byed rnams dang / tshe dang ldan pa sha ri'i bu rnam par shes pa stong pa'o snyam pa ni chags pa'o// 'das pa'i chos rnams la 'das pa'i chos rnams su shes pa ni chags pa'o// ma 'ongs pa'i chos rnams la
- 140b
ma 'ongs pa'i chos rnams su shes pa ni chags pa'o// da ltar byung ba'i chos rnams la da ltar byung ba'i chos rnams su shes pa ni chags pa'o// gang zag byang chub sems/ dpa'i theg pa can sems dang po bskyed pa nas/ bsod nams 'di tsam bskyed do zhes bya ba ni chags pa'o// de nas lha'i dbang po brgya byin gyis/ tshe dang ldan pa rab 'byor la 'di skad ces smras so// 'phags pa rab 'byor rnam grangs gang gis chags par 'gyur/ rab 'byor gyis smras pa/ ke'u shi ka gal te byang chub kyi sems dang po bskyed pa'o// zhes byang chub kyi sems su yang dag par shes shing / bla na med pa yang dag par rdzogs pa'i byang chub tu yongs su bsngo'o zhes yongs su bsngo na/ rigs kyi bu 'am/ rigs kyi bu mo theg pa la yang dag par zhugs pa des/ sems kyi rang bzhin yongs su bsngo bar mi nus so// de bas na ke'u shi ka gzhan yang yang dag par ston pa dang / yang dag par gzeng bstod pa dang / rab tu dga' bar byed pa dang / yang dag par 'dzin pas bla na med pa yang dag par rdzogs pa'i byang chub la yang dag pa nyid du rjes su rtogs pas yang dag par bstan par bya/ yang dag par gzeng bstod par bya/ yang dag par rab tu dga' bar bya/ yang dag par gzung bar bya ste/ de ltar bdag nyid la yang gnod par mi byed cing / sangs rgyas kyis gnang ba'i yang dag par 'dzin du 'jug pas/ yang dag par 'dzin du 'jug
- 141a
par 'gyur ro// rigs kyi nu 'am/ rigs kyi bu mo da chags pa'i mtha' 'di dag rnam par blangs pa yin no// de nas bcom na' kyis tshe dang ldan pa rab 'byor la legs so zhes bya ba byin te/ rab 'byor khyod ltar byang chub sems dpa' sems dpa' chen po dag la/ chags pa'i mtha' khong du chud par byed pa leg so legs so// rab 'byor de'i phyir chags pa rab tu phra ba gzhan dag kyang legs par rab tu nyon la yid la zung shig dang / ngas khyod la bshad do// bcom ldan 'das la legs so zhes gsol nas/ tshe dang ldan pa rab 'byor bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rab 'byor 'di la rigs kyi bu 'am/ rigs kyi bu mo dad pa dag de bzhin gshegs pa dgra bcom pa yang dag par rdzogs pa'i sangs rgyas mtshan mar yid la byed na/ rab 'byor mtshan ma ji snyed pa chags pa de'ang de snyed do// de ci'i phyir zhe na/ rab 'byor mtshan ma las ni chags pa 'byung ste/ nga 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi zag pa med pa'i chos gang yin pa de dag la rjes su yid rang ngo zhes/ rjes su yi rang nas rjes su yi rang ba dang ldan pa'i dge ba'i rtsa ba dag/ bla na med pa yang dag par rdzogs pa'i byang chub tu yongs su sngo'o snyam mo// rab 'byor chos rnams kyi chos nyid
- 141b
gang yin pa de ni 'das pa dang / ma 'ongs pa dang / da ltar byung ba ma yin te/ de ni dus gsum las grol ba'o// gang dus gsum las grol ba de ni yongs su bsngo ba mi nus so// mtshan mar byar mi rung / dmigs par byar mi rung ste/ de ni mthong ba dang / thos pa dang / rtogs pa dang / rnam par rig pa ma yin no// rab 'byor gyis gsol pa/ bcom ldan 'das rang bzhin ni zab po// bka' stsal pa/ rab 'byor dben pa'i phyir ro// rab 'byor gyis gsol pa/ bcom ldan 'das shes rab kyi pha rol tu phyin pa ni/ rang bzhin zab po// bcom ldan 'das kyis bka' stsal pa/ rab 'byor rang bzhin rnam par dag pa'i phyir ro// rab 'byor rang bzhin dben pas na/ shes rab kyi pha rol tu phyin pa zab po// rab 'byor gyis gsol pa/ bcom ldan 'das shes rab kyi pha rol tu phyin pa rang bzhin dben pas na/ bcom ldan 'das shes rab kyi pha rol tu phyin pa la phyag 'tshal lo// bcom ldan 'das kyis bka' stsal pa/ rab 'byor chos thams cad ni rang bzhin gyis dben pa ste/ rab 'byor chos thams cad kyi rang bzhin dben pa gang yin pa de ni/ shes rab kyi pha rol tu phyin pa'o// 'di ltar rab 'byor chos thams cad de bzhin gshegs pa dgra bcom pa yang dag par rdzogs pa'i sangs rgyas kyis ma byas par/ mngon par rdzogs par sangs rgyas so// rab 'byor gyis gsol pa/ bcom ldan 'das de lta bas na/
- 142a
de bzhin gshegs pa dgra bcom pa yang dag par rdzogs pa'i sangs rgyas kyis chos thams cad mngon par rdzogs par sangs rgyas so// bcom ldan 'das kyis bka' stsal pa/ rab 'byor 'di ltar rang bzhin gyis chos de dag gang yang med do// rang bzhin gang yin pa de ni rang bzhin med do// rang bzhin med pa gang yin pa de ni rang bzhin te/ 'di lta ste mtshan nyid med pas chos thams cad kyi mtshan nyid cig pa'i phyir ro// rab 'byor de lta bas na/ de bzhin gshegs pa dgra bcom pa yang dag par rdzogs pa'i sangs rgyas kyis/ chos thams cad mngon par rdzogs par sangs rgyas so// de ci'i phyir zhe na/ rab 'byor chos kyi rang bzhin ni gnyis su med de/ rab 'byor chos thams cad kyi rang bzhin ni gcig tu zad do// rab 'byor rang bzhin gang yin pa de ni rang bzhin med pa'o// rang bzhin med pa yin pa de ni rang bzhin te/ rab 'byor de ltar na chags pa'i mtha' de dag thams cad rnam par spangs pa yin no// rab 'byor gyis gsol pa/ bcom ldan 'das shes rab kyi pha rol tu phyin pa ni rjes su rig par dka'o// bcom ldan 'das kyis bka' stsal pa/ rab 'byor su yang mngon par rdzogs par 'tshang brgya pa med do// rab 'byor gyis gsol pa/ bcom ldan 'das shes rab kyi pha rol tu phyin pa ni bsam gyis mi khyab pa'o// bcom
- 142b
ldan 'das kyis bka' stsal pa/ rab 'byor 'di ltar sems kyis rnam par rig par bya ba ma yin no// rab 'byor gyis gsol pa/ bcom ldan 'das shes rab kyi pha rol tu phyin pa ni ma bgyis pa'o// bcom ldan 'das kyis bka' stsal pa/ rab 'byor byed pa po mi dmigs pa'i phyir/ shes rab kyi pha rol tu phyin pa ma byas pa'o// rab 'byor gyis gsol pa/ 'o na byang chub sems dpa' sems dpa' chen pos/ shes rab kyi pha rol tu phyin pa la ji ltar spyad par bgyi// bcom ldan 'das kyis bka' stsal pa/ rab 'byor gal te gzugs la mi spyod na/ shes rab kyi pha rol tu phyin pa la spyod do// de bzhin du gal te tshor ba la ma yin/ 'du shes la ma yin/ 'du byed rnams la ma yin/ gal te rnam par shes pa la mi spyod na/ shes rab kyi pha rol tu phyin pa la spyod do// gal te gzugs stong pa'o// zhes mi spyod na/ shes rab kyi pha rol tu phyin pa la spyod do// de bzhin du gal te tshor ba la ma yin/ 'du shes la ma yin/ 'du byed rnams la ma yin/ gal te rnam par shes pa stong pa'o// snyam du mi spyod na/ shes rab kyi pha rol tu phyin pa la spyod do// gal te gzugs gang ma yin no// snyam du mi spyod na/ shes rab kyi pha rol tu phyin pa la spyod do// gzugs kyi gang ba med pa gang yin pa de ni gzugs ma yin te/ de ltar mi spyod na shes rab kyi pha rol tu phyin pa la spyod do// de bzhin
- 143a
du tshor ba la ma yin/ 'du shes la ma yin/ 'du byed rnams la ma yin/ rnam par shes pa gang ba ma yin no snyam du mi spyod na/ shes rab kyi rol tu phyin pa la spyod do// rnam par shes pa gang ba med pa gang yin pa de ni rnam par shes pa ma yin no zhes de ltar yang spyod na/ shes rab kyi pha rol tu phyin pa la spyod do// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de'i slad du de ltar chag pa nyid dang / chags pa ma mchis pa nyid bshad pa ngo mtshar to// bcom ldan 'das kyis bka' stsal pa/ rab 'byor gzugs chags pa med pa'o snyam du mi spyod na/ shes rab kyi pha rol tu phyin pa la spyod do// de bzhin du tshor ba la ma yin/ 'du shes la ma yin/ 'du byed rnams la ma yin/ rnam par shes pa la chag bo med pa'o snyam du mi spyod na/ shes rab kyi pha rol tu phyin pa la spyod do// rab 'byor byang chub sems dpa' sems dpa' chen po ltar spyod na/ gzugs la chag pa mi bskyed/ tshor ba lo ma yin/ 'du shes la ma yin/ 'du byed rnams la ma yin/ rnam par shes pa la chags pa mi bskyed/ rgyun du zhugs pa'i 'bras bu la chags pa mi bskyed/ lan cig phyir 'ongs pa'i 'bras bu la chags pa mi bskyed/ phyir mi 'ong ba'i 'bras bu la chags pa mi bskyed/ dgra bcom pa nyid la chag
- 143b
pa mi bskyed/ rang sangs rgyas nyid la chags pa mi bskyed/ sangs rgyas nyid la chags pa mi bskyed/ thos cad mkhyen pa nyid la chags pa mi bskyed do// de ci'i phyir zhe na/ rab 'byor thams cad mkhyen pa nyid ni ma chags pa/ ma bcings pa/ yang dag par ma 'das pa'o// rab 'byor de ltar chags pa thams cad las rab tu zla ba'i phyir/ byang chub sems dpa' sems dpa' chen pos shes rab kyi pha rol tu phyin pa la spyad par bya'o// rab 'byor gyis gsol pa/ bcom ldan 'das 'di ltar shes rab kyi pha rol tu phyin pa zhes pa'i chos 'di ni zab pa ste/ de ni bstan kyang mi 'grib/ ma bstan kyang mi 'grib/ bstan kyang mi 'phel/ ma bstan kyang mi phel ba ngo mtshar to// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor legs so leg so// rab 'byor de de bzhin no// de de bzhin te/ rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas ji srid mtsho'i bar du bzhugs shing / na mkha'i sngags pa ma brjod kyang / na mkha' yongasu 'grib par mi 'gyur/ bsngags pa brjod kyang na mkha' yongs su 'phel bar mi 'gyur ro// rab 'byor 'di lta ste dper na/ sgyu ma'i skyes bu la bsngags pa brjod kyang rjes su chags par yang mi 'gyur/ kun nas nyon mongs par yang mi 'gyur/
- 144a
bsngags pa sa brjod kyang khong khro bar yang mi 'gyur/ kun nas nyon mongs par yang mi 'gyur ba de bzhin du/ rab 'byor chos rnams kyi chos nyid gang yin pa de'ang bstan kyang de snyed du zad do// ma bstan kyang de snyed du zad do// gnas bstan tshe dang ldan pa rab 'byor gyis gsol pa/ bcom ldan 'das byang chub sems dpa' sems dpa' chen po gang / shes rab kyi pha rol tu phyin pa la spyod cing / shes rab kyi pha rol tu phyin pa bsgom pa la zhum par mi 'gyur/ yam yam por mi 'gyur/ 'di la rnal 'byor du'ang bgyid la/ phyir mi ldog na dka' ba bgyid pa lags so// de ci'i slad du zhe na/ 'di lta ste/ shes rab kyi pha rol tu phyin pa bsgom pa 'di ni/ na mkha' bsgom pa'o// bcom ldan 'das byang chub sems dpa' sems dpa' chen po gang dag gis/ go cha 'di bgos pa ni phyag bgyi ba lag so// de ci'i slad du zhe na/ gang sems can rnams kyi slad du go cha 'tshal ba 'di ni/ na mkha' la go cha 'tshal ba lags so// bcom ldan 'das na mkha' dang mtshungs pa'i sems can gyi dbyings dang / mtshungs pa rnams kyi slad du go cha bgo bar 'tshal ba'i byang chub sems dpa' sems dpa' chen po ni/ go cha chen po bgos pa lags te/ bcom ldan 'das byang chub sems dpa' sems dpa' chen po lags so// bla na med pa yang dag par rdzogs pa'i byang chub mngon par rdzogs par 'tshang rgya bar
- 144b
'tshal ba de ni/ na mkha' 'degs par 'tshal ba lag so// byang chub sems dpa' sems dpa' chen po gang na mkha' dang batshungs pa'i chos rnams kyi slad du rga cha 'tshal ba de ni/ brtson 'grus kyi pha rol tu phyin pa'i go cha chen po thob pa lags so// de nas dge slong gzhan zhig gis bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das shes rab kyi pha rol tu phyin pa la phyag 'tshal lo// bcom ldan 'das 'di ltar shes rab kyi pha rol tu phyin pa ni chos gang yang mi bskyed/ chos gang yang 'gog par mi bgyid do// de nas tshe dang ldan pa rab 'byor gyi lha'i dbang / po brgya byin la 'di skad ces smras so// 'phags pa rab 'byor shes rab kyi pha rol tu phyin pa 'di la rnal 'byor du byed pa de/ ci la rnal 'byor du byed par 'gyur/ rab 'byor gyis gsol pa/ ke'u shi ka gang shes rab kyi pha rol tu phyin pa la rnal 'byor du byed pa de ni/ na mkha' la rnal 'byor du byed par 'gyur ro// gang shes rab kyi pha rol tu phyin pa la slob par sems pa de ni/ bla gab med pa la rnal 'byor du byed par 'dod do// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das rigs kyi bu'am rigs kyi bu mo gang shes rab kyi pha rol tu phyin pa la 'dzin pa dang / bsrid pa dang / bsgrub
- 145a
pa dang / sba ba ci zhig bgyi ba bka' stsal du gsol// de nas tshe dang ldan pa rab 'byor gyis lha'i dbang po brgya byin la 'di skad ces smras so// ke'u shi ka chos gang la bsrung ba dang / bskyab pa dang / sba bar bya ba'i phyir chos de khyod kyis mthong ngam/ brgya byin gyis smras pa/ 'phags pa rab 'byor de ni ma yin no// rab 'byor gyis smras pa/ ke'u shi ka de ltar gal te byang chub sems dpa' sems dpa' chen po shes rab kyi pha rol tu phyin pa ji ltar bshad pa la gnas na/ de nyid bsrung ba dang / bskyob pa dang / sbed par 'gyur ro// gal te shes rab kyi pha rol tu phyin pa dang bral bar gyur na/ mi dang mi ma yin pa de la glags lta ba dang / glags tshol ba dag gis grags rnyed par 'gyur ro// ke'u shi ka gang byang chub sems dpa' sems dpa' chen po shes rab kyi pha rol tu phyin pa la spod pa la/ bsrung ba dang / sba bar sems pa de ni/ nam mkha' la bsrung ba dang / sba bar bya bar sems so// ke'u shi ka 'di ji snyam du sems/ khyod brag cha la bsrung ba dang / sbyang ba dang / sba bar byed par nus sam/ brgya byin gyis gsol pa/ 'phags pa rab 'byor de ni ma yin no// rab 'byor gyis smras pa/ ke'u shi ka de bzhin du byang chub sems dpa' sems dpa' chen po shes rab kyi pha rol tu phyin pa la spyod cing / gnas pa yang chos rnams kyang brag cha lta bur yang dag par rjes su mi
- 145b
mthong / mi shes yang dag par rjes su mi mthong / mi shes yang dag par mi shes/ mi snang ba med cing dmigs par gnas te/ gal te de de ltar gnas na/ shes rab kyi pha rol tu phyin pa la spyod do// de nas sangs rgyas kyis mthus stong gsum gyi stong chen po'i 'jig rten gyi khams na/ rgyal po bzhi ji snyed yod pa dang / lha'i dbang po brgya byin thams cad dang / tshangs pa chen po thams cad dang / mi mjed kyi bdag po tshangs pa chen po yang / bcom ldan 'das ga la ba der 'ongs te/ lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas te/ phyogs gcig tu 'khod do// phyogs gcig tu 'khod pa dang / rgyal po chen po de dag dang / lha'i dbang po brgya byin thams cad dang / tshangs pa chen po thams cad dang / tshangs pa chen po mi mjed kyi bdag po yang sangs rgyas kyi mthu dang / sangs rgyas kyi byin gyis brlabs kyis/ sangs rgyas stong yang dag par rjes su dran te/ de dag gis ming 'di dag nyid dang / yi ge 'di dag nyid dang / rab 'byor ces bya ba'i dge slong dang / shes rab kyi pha rol tu phyin pa 'di nyid yongs su zhus pa dang / shes rab kyi pha rol tu phyin pa'i le'u 'di nyid/ lha'i dbang po brgya byin dag yongasu 'dri zhing / kun 'dri bar byed pa dang / sa phyogs 'di nyid du shes rab kyi pha rol tu phyin pa 'di nyid bshad pa dran no// byang chub sem
- 146a
dpa' sems dpa' chen po byams pa yang / bla na med pa yang dag par rdzogs pa'i byang chub mngon par rdzogs par sangs rgyas nas/ sa phyogs 'di nyid du shes rab kyi pha rol tu phyin pa 'di 'chad par 'gyur ro// shes rab kyi pha rol tu phyin pa brgyad stong pa las/ rnam par dag pa'i le'u ste brgyad pa'o// // de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa zhes bgyi ba 'di ni ming tsam mo// ming de yang mi dmigs te/ gang gi dngos po nyid ming zhes bgyi'o// shes rab kyi pha rol tu phyin pa de yang ma mchis/ mi dmigs te/ ji lta ba de bzhin du shes rab kyi pha rol tu phyin pa'ang de bzhin no// shes rab kyi pha rol tu phyin pa ji lta ba bzhin du ming yang de bzhin te/ chos 'di gnyis ni ma mchis shing mi dmigs na/ bcom ldan 'das ci'i slad du byang chub sems dpa' sems dpa' chen po byams pa/ bla na med pa yang dag par rdzogs pa'i byang chub mngon par rdzogs par sangs rgyas nas/ ming 'di dag dang / yi ge 'di dag gis/ sa phyogs 'di nyid du/ shes rab kyi pha rol tu phyin pa 'di 'chad par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di lta/
- 146b
byang chub sems dpa' sems dpa' chen po byams pa ni/ gzugs stong pa'o zhes 'am/ gzugs grol ba'o zhes 'am/ mngon par rdzogs par 'tshang rgya bar mi 'gyur te/ de bzhin du tshor ba la ma yin/ 'du shes la ma yin/ 'du byed rnams la ma yin/ rnam par shes pa stong pa dang / rnam par shes pa bcings pa dang / rnam par shes pa grol ba'o zhes mngon par rdzogs par 'tshang brgya par mi 'gyur ro// rab 'byor rnam pa de lta bur byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par sangs rgyas nas/ ming 'di nyid yi ge 'di nyid kyis sa phyogs 'di nyid du/ shes rab kyi pha rol tu phyin pa 'di nyid 'chad par 'gyur ro// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das e ma'o// shes rab kyi pha rol tu phyin pa 'di ni yongs su dag pa'o// bcom ldan 'das kyis bka' stsal pa/ rab 'byor gzugs yongs su dag pas/ shes rab kyi pha rol tu phyin pa yongs su dag pa'o// rab 'byor de bzhin du tshor ba dang / 'du shes dang / 'du byed rnams dang / rnam par shes pa yongs su dag pas/ shes rab kyi pha rol tu phyin pa yongs su dag pa'o// rab 'byor na mkha' yongs su dag pas/ shes rab kyi pha rol tu phyin pa yod
- 147a
su dag pa'o// rab 'byor gzugs gos pa med pas/ shes rab kyi pha rol tu phyin pa yongs su dag pa'o// rab 'byor de bzhin du tshor ba dang / 'du shes dang / 'du byed dang / rnam par shes pa gos pa med pas/ shes rab kyi pha rol tu phyin pa yongs su dag pa'o// na mkha' gros pa med pas shes rab kyi pha rol tu phyin pa yongs su dag pa'o// gos pa thams cad kyis gos par 'gyur ba'i chos mi dmigs pa'i phyir/ shes rab kyi pha rol tu phyin pa yongs su dag pa'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am/ rigs kyi bu mo gang dag gi rna lam du shes rab kyi pha rol tu phyin pa 'di grags par gyur pa de dag kyang / rnyed pa legs par rnyed pa legs na/ gang dag 'dzin pa dang / 'chang ba dang / klog pa dang / kun chub par bgyid pa dang / rab tu 'don pa dang / lung nod pa dang / kha don bgyid par 'gyur ba lta ci smos te/ de dag ni yang ba mi spong pas 'chi ba'i dus byed par mi bgyid do// de dag la lha stong phrag mang po dag de'i phyi bzhin 'brang bar 'gyur ro// tshes brgyad dang bcu zhi dang / bcwo lnga la chos smra ba'i rigs kyi bu 'am/ rigs kyi bu mo de dag gang du shes rab kyi pha rol tu phyin pa 'chad par 'gyur ba de dang der bsod nams mang du bskyed par 'gyur ro// de
- 147b
skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// de de bzhin no// rab 'byor de de bzhin te/ rab 'byor rigs kyi bu 'am/ rigs kyi bu mo de shes rab kyi pha rol tu phyin pa 'di 'chad pa dang / lha stong phrag mang po dag 'ong bar 'gyur ro// de ci'i phyir zhe na/ rab 'byor shes rab kyi pha rol tu phyin pa ni lha dang / mi dang / lha ma yin du bcas pa'i 'jig rten gyi rin po che bla na med pa'o// yang rab 'byor rigs kyi bu 'am/ rigs kyi bu mo de'i gzhi las bsod nams mang du bskyed par 'gyur mod kyi/ shes rab kyi pha rol tu phyin pa yi ger 'dri ba dang / lung nod pa dang / ston pa la bar chad mang du byed par 'gyur ro// de ci'i phyir zhe na/ rab 'byor 'di ltar rin po che chen po la dgra mang ngo / ji tsam du dbyig tu gyur pa bzhin du dgra ji lci bar 'gyur te/ rab 'byor 'di lta ste/ shes rab kyi pha rol tu phyin pa rin po che'i phung po 'di ni/ bla na med pa'i rin po che ste/ 'jig rten la phan pa dang / bde ba'i phyir zhugs pa dang / chos thams cad mi skye ba dang / mi 'gag par bya ba'i phyir mi 'jigs pa'i tshul gyis nye bar gnas pa dang / rab 'byor shes rab kyi pha rol tu phyin pa ni chos gang la yang mi gnas/ chos gang la yang mi sbyor/ chos gang la yang mi spyod/ chos gang la yang mi 'dzin to// de ci'i phyir zhe na/ rab 'byor 'di ltar chos de dag thams cad ni med cing mi dmigs so// rab 'byor mi dmigs pa'i
- 149a
phyir shes rab kyi pha rol tu phyin pa ni ma gos pa'o// rab 'byor ma gos pa zhes bya ba 'di ni shes rab kyi pha rol tu phyin pa ste/ rab 'byor 'di ltar gzugs ma gos pas na/ shes rab kyi pha rol tu phyin pa ma gos pa'o// de bzhin du tshor ba dang / 'du shes dang / 'du byed rnams dang / rnam par shes pa ma gos pas na/ shes rab kyi pha rol tu phyin pa 'di yang ma gos so// gal te de ltar yang dag par mi shes na/ shes rab kyi pha rol tu phyin pa la spyod do// rab 'byor shes rab kyi pha rol tu phyin pa ni chos gang la yang 'jug pa 'am/ nges par 'jug pa 'am/ yang dag par ston pa 'am/ yongs su thob par byed pa 'am/ nges par thob pa med do// de nas lha'i bu stong phrag mang po dag bar snang la ca co dang / ga sha dag byed de gos dag 'thor zhing / a ma/ 'dzam bu'i gling du chos kyi 'khor lo bskor ba lan gnyis su byung bar snang ngo zhes zer ro// de nas bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di ni chos kyi 'khor lo gnyis su bskor ba ma yin te/ chos gang la yang rab tu bskor ba 'am ldog pa med do// rab 'byor 'di yang byang chub sems dpa' sems dpa' chen po shes rab kyi pha rol tu phyin pa la spyod pa yin no// de skad ces bka' skul pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das 'di ni gang la chos thams cad la chags pa ma mchis pa dang /
- 149b
gang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur la/ chos gang yang mngon par rdzogs par 'tshang mi brgya ba dang / chos kyi 'khor lo rab tu bskor yang / chos gang yang mi ston pa'i byang chub sems dpa' sems dpa' chen po pha rol tu phyin pa chen po'o// de ci'i slad du zhe na/ chos gang yang smos par bgyi ba'i chos de ni dmigs te/ chos gang yang rab tu bskor ba ma mchis so// de ci'i slad du zhe na/ bcom ldan 'das chos thams cad ni shin du mngon par ma grub pa ste/ chos gang yang mngon par bsgrub par mi 'gyur ro// de ci'i slad du zhe na/ bcom ldan 'das chos thams cad ni thog ma nas mngon par ma grub pa'o// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor stong pa nyid ni rab tu 'jug pa 'am ldog pa med do// rab 'byor mtshan ma med pa ni 'jug pa 'am ldog pa med do// smon pa med pa ni 'jug pa 'am ldog pa med do// gang 'di ltar bstan pa de ni chos thams cad bstan pa yin te/ sus kyang bstan pa med la/ sus kyang thob pa med/ sus kyang gnos pa med/ sus kyang mngon sum du ma byas/ sus kyang mngon sum du byed par mi 'gyur ro// chos bstan pa 'di ni su yang yongs su mya ngan las ma 'das/ yongs su mya ngan las 'das par mi 'gyur/ yongs su mya ngan las mi mnga' ste/ chos bstan pa 'dis ni su yang sbyin pa'i gnas su
- 150a
byas pa med do// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das nam mkha' mtha' yas pa'i slad du/ 'di ni mtha' yas pa'i pha rol tu phyin pa'o// bcom ldan 'das chos thams cad dmigs su ma mchis pa'i slad du 'di ni mnyam pa ma mchis pa'i pha rol tu phyin pa'o// bcom ldan 'das shin du stong pa'i slad du 'di ni dben pa'i pha rol tu phyin pa'o// bcom ldan 'das chos thams cad mi dmig ba'i slad du/ 'di ni mi rdzi ba'i pha rol tu phyin pa'o// bcom ldan 'das 'gro ba dang 'ong ba ma mchis shing lus ma mchis pa'i slad du 'di ni gos pa ma mchis pa'i pha rol tu phyin pa'o// bcom ldan 'das 'gro ba dang 'ong ba ma mchis pa'i slad du/ 'di ni ngo bo nyid ma mchis pa'i pha rol tu phyin pa'o// bcom ldan 'das chos thams cad 'gro ba ma mchis pa'i slad du/ 'di ni 'ong ba ma mchis pa'i pha rol tu phyin pa'o// bcom ldan 'das chos thams cad gzung ba ma mchis pa'i slad du/ 'di ni mi 'phrog pa'i pha rol tu phyin pa'o// bcom ldan 'das mi bas pa'i chos dang ldan pa'i slad du/ 'di ni mi bas pa'i pha rol tu phyin pa'o// bcom ldan 'das chos thams cad mngon par ma grub pa'i slad du/ 'di ni chos thams cad mi skye ba'i pha rol tu phyin pa'o// bcom ldan 'das byed pa po mi dmigs pa'i slad du/ 'di
- 150b
ni byed pa po sa mchis pa'i pha rol tu phyin pa'o// bcom ldan 'das chos thams cad bdag ma mchis pa'i slad du/ 'di ni shes pa po dang / mthong ba po ma mchis pa'i pha rol tu phyin pa'o// bcom ldan 'das shi 'pho ba dang / skye ba mi skye ba'i slad du/ 'di ni mi 'pho ba'i pha rol tu phyin pa'o// bcom ldan 'das sngon gyi mtha' dang / phyi ma'i mtha' dang / da ltar byung ba'i dus mi dmigs pa'i slad du/ 'di ni mi 'jigs pa'i pha rol du phyin pa'o// bcom ldan 'das skye ma mchis rnam par grol bar mi bgyid pa'i slad du/ 'di ni rgyu ma mchis pa'i pha rol tu phyin pa'o// bcom ldan 'das yid kyi rnam par shes pa dang mtshungs pa'i slad du/ 'di ni rmi laM gyi pha rol tu phyin pa'o// bcom ldan 'das 'dod chag dang / zhe sdang dang / gti mug ngo bo nyid ma mchis pa'i slad du/ 'di ni kun nas nyon mongs pa ma mchis pa'i pha rol tu phyin pa'o// bcom ldan 'das rten mi dmigs pa'i slad du/ 'di ni gos pa'i pha rol tu phyin pa'o// bcom ldan 'das rlom sems thams cad las 'das pa'i slad du// 'di ni spros pa ma mchis pa'i pha rol tu phyin pa'o// bcom ldan 'das g.yo ba ma mchis pa'i slad du/ 'di ni rlom sems ma mchis pa'i pha rol du phyin pa'o// bcom ldan 'das chos kyi dbyings gnas pa nyid kyi slad du/ 'di ni mi g.yos pa'i pha rol tu phyin pa'o// bcom ldan 'das chos thams cad ma log pa/ de bzhin
- 151a
nyid kyi slad du/ 'di ni 'dod chags dang bral ba'i pha rol tu phyin pa'o// bcom ldan 'das chos thams cad rnam par mi rtog pa'i slad du/ 'di ni mnga' ba ma mchis pa'i pha rol tu phyin pa'o// bcom ldan 'das mtshan ma thams cad mi dmigs pa'i slad du/ 'di ni zhi ba'i pha rol tu phyin pa'o// bcom ldan 'das yon tan gyi pha rol tu phyin pa'i slad du/ 'di ni skyon ma mchis pa'i pha rol tu phyin pa'o// bcom ldan 'das yang dag pa'i mtha'i slad du/ 'di ni sems can ma mchis pa'i slad du pha rol tu phyin pa'o// bcom ldan 'das tshad ldang ba ma mchis pa'i slad du/ 'di ni tshad ma mchis pa'i pha rol tu phyin pa'o// bcom ldan 'das rtogs pa ma mchis pa'i slad du/ 'di ni yang dag pa ji lta ba'i pha rol tu phyin pa'o// bcom ldan 'das chos thams cad mngon par ma chags pa'i slad du/ 'di ni mtha' mi rig pa'i pha rol tu phyin pa'o// bcom ldan 'das chos thams cad ma bral ba'i slad du/ 'di ni tha mi dad pa'i pha rol tu phyin pa'o// bcom ldan 'das nyan thos dang / rang sangs rgyas thams cad kyi sa'i slad du/ 'di ni mchog tu mi 'dzin pa'i pha rol tu phyin pa'o// bcom ldan 'das rtogs pa'i mnyam pa nyid kyi slad du/ 'di ni ma rtogs pa'i pha rol tu phyin pa'o// bcom ldan 'das chos nyid tshad ma mchis pa'i slad du/ 'di ni grangs ma mchis pa'i pha rol tu phyin pa'o// bcom ldan 'das chos
- 151b
nyid bdag ma mchis pa'i slad du/ 'di ni skye ba ma mchis pa'i pha rol tu phyin pa'o// bcom ldan 'das chos thams cad rnam par rtog pa dang mnyam pa'i slad du/ 'di ni rnam par mi rtog pa'i pha rol tu phyin pa'o// bcom ldan 'das chos kyi rang bzhin gyi slad du/ 'di ni dmigs su ma mchis pa'i pha rol tu phyin pa'o// bcom ldan 'das chos thams cad chags pa ma mchis pa'i slad du/ 'di ni chags pa mchis pa'i pha rol tu phyin pa'o// bcom ldan 'das gnas mi dmigs pa'i slad du/ 'di ni gnas pa'i pha rol tu phyin pa'o// bcom ldan 'das chos thams cad skye ba ma mchis pa'i slad du/ 'di ni 'byung ba ma mchis pa'i pha rol tu phyin pa'o// bcom ldan 'das chos thams cad 'dus ma bgyis pa'i slad du/ 'di ni mi rtog pa'i pha rol tu phyin pa'o// bcom ldan 'das chos thams cad nyid na mkha' dang 'dra ba'i slad 'di ni sdug bsngal gyi pha rol tu phyin pa'o// bcom ldan 'das chos thams cad mngon par chags pa'i slad du/ 'di ni bdag ma mchis pa'i pha rol tu phyin pa'o// / bcom ldan 'das chos thams cad mi dmigs pa'i slad du/ 'di ni stong pa nyid kyi pha rol tu phyin pa'o// bcom ldan 'das chos thams cad mngon par ma grub pa'i slad du/ 'di ni mtshan nyid ma mchis pa'i pha rol tu phyin pa'o// bcom ldan 'das mtha' yas mu ma mchis pa'i slad du/ 'di ni dpag tu ma mchis pa'i pha rol tu
- 152a
phyin pa'o// bcom ldan 'das mi rdzi ba'i slad du/ 'di ni stobs kyi pha rol tu phyin pa'o// bcom ldan 'das bgrang ba'i tshul las shin du 'das pa'i slad du/ 'di ni sangs rgyas kyi chos thams cad kyi pha rol tu phyin pa'o// bcom ldan 'das shin du ma zhum pa'i slad du/ 'di ni mi 'jigs pa'i pha rol tu phyin pa'o// bcom ldan 'das chos thams cad ma log pa de bzhin nyid kyi slad du/ 'di ni de bzhin gshegs pa'i pha rol tu phyin pa'o// bcom ldan 'das chos thams cad ngo bo nyid ma mchis pa'i slad du/ 'di ni rang byung gi pha rol tu phyin pa'o// bcom ldan 'das chos thams cad kyi ngo bo nyid yongs su 'tshal ba'i slad du/ 'di lta ste shes rab kyi pha rol tu phyin pa 'di ni thams cad mkhyen pa'i ye shes kyi pha rol tu phyin pa'o// shes rab kyi pha rol tu phyin pa brgyad stong pa las/ bstod pa'i le'u zhes bya ste dgu pa'o// // bam po bcu pa'o// / / de nas lha'i dbang po brgya byin 'di snyam du sems te/ shes rab kyi pha rol du phyin pa 'di rigs kyi bu 'am/ rigs kyi bu mo bu grang gi rna lam du grags par 'gyur ba de dag kyang / sngon gyi rgya ba rnams la bya ba byas pa yin na/ gang 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang /
- 152b
lung nod pa dang / kha don byed pa dang / bzung zhing bcangs pa dang / klags pa dang / kun chub par byas pa dang / rab tu 'don pa dang / lung nod shing kha ton byas nas/ de bzhin nyid du bsgrub pa dang / de bzhin nyid du slob pa dang / de bzhin nyid du rnal 'byor du byed pa lta ci smos te/ de dag ni ngan ngon gyi ma yin gyi dge ba'i rtsa ba dang ldan par 'gyur ro// rigs kyi bu 'am/ rigs kyi bu mo de dag ni sangs rgyas mang po la bsnyen bkur byas pa yin/ rigs kyi bu 'am/ rigs kyi bu mo de dag ni sangs rgyas bcom ldan 'das de dag la shes rab kyi pha rol tu phyin pa 'di bris shing / yongs su dri ba byas pa yin te/ gang dag gis shes rab kyi pha rol tu phyin pa 'di nyid thos nas/ da ltar na yang nyan te/ mnyan nas kyang 'dzin par 'gyur ro// 'chang bar 'gyur/ klog par 'gyur/ kun chub par byed par 'gyur/ rab tu 'don par 'gyur/ ston par 'gyur/ kha ston byed par 'gyur/ de bzhin nyid du slob pa dang / de bzhin nyid du rnal 'byor du byed par 'gyur ba de dag ni/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams las shes rab kyi pha rol tu phyin pa 'di nyid thos pa yin no// rigs kyi bu 'am/ rigs kyi bu mo gang shes rab kyi pha rol tu phyin pa zab mo 'di lta bu bshad pa la zhum par mi 'gyur/ kun du zhum par mi 'gyur/ yid mi gsod yi gsod par mi
- 153a
byed/ yid phyir phyogs par mi byed/ mi skrag/ mi dngang / shin du dngang bar mi 'gyur ba de dag ni/ sangs rgyas mang po la dge ba'i rtsa ba bskyed pa yin par rig par bya snyam mo// de nas tshe dang ldan pa sha ra dwa bus/ lha'i dbang po brgya byin gyi 'di lta bu'i sems kyi rtog pa sems kyis shes nas/ bcom ldan 'das la 'di skad ces gsol to// bcom ldan 'das rigs kyi bu 'am/ rigs kyi bu mo gang shes rab kyi pha rol tu phyin pa zab mo 'di nyid la mngon par dad de rtog cing mos la/ shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod par bgyid pa dang / kha ton bgyid pa dang / de bzhin du slob dang / de bzhin du bsgrub pa dang / de bzhin du rnal 'byor du bgyid na/ de ni phyir mi ldog pa'i byang chub sems dpa' sems dpa' chen po ji lta ba bzhin du gzung bar bgyi'o// de ci'i slad zhe na/ bcom ldan 'das shes rab kyi pha rol tu phyin pa 'di ni za ba ste/ bcom ldan 'das dge ba'i rtsa ba chung ba dang / yongs su mi 'dri ba'i rang bzhin can dang / sangs rgyas bcom ldan 'das mngon sum du gyur par ma thos pa dang / sngon spyad pa dang ldan pa rnams kyis shes rab kyi pha rol tu phyin pa zab mo 'di la mos par mi nus so// bcom ldan 'das gang dag ma rtogs pas spong bar sems pa'i rigs kyi bu 'am/
- 153b
rigs kyi bu mo de dag gis ni/ sngon gyi mtha' na yang shes rab kyi pha rol tu phyin pa 'di nyid 'chad pa la spong bar 'gyur ro// de ci'i slad du zhe na/ bcom ldan 'das 'di/ ltar dge ba'i rtsa ba chung ba'i slad du sngon ma spyad pa dag/ shes rab kyi pha rol tu phyin pa zab mo 'di la mos par mi 'gyur ro// gang dag shes rab kyi pha rol tu phyin pa zab mo 'di 'chad pa dang / spong bar gyur pa de dag kyang de bzhin du rig par bya ste/ de dag gi sngon yang shes rab kyi pha rol tu phyin pa 'di bshad pa la spangs pas na/ 'di ltar de dag gis shes rab kyi pha rol tu phyin pa zab mo 'di bshad pa la mos pa ma mchis/ dad pa ma mchis/ dga' ba ma mchis/ dang ba ma mchis/ bzod pa ma mchis te/ de dag gis sngon yang sangs rgyas bcom ldan 'das rnams dang / sangs rgyas kyi nyan thos rnams la yongs su ma dris te/ yongs su dri ba ma mchis so// de nas lha'i dbang po brgya byin gyis tshe dang ldan pa sha ri'i bu la 'di skad ces smras so// 'phags pa sha ri'i bu shes rab kyi pha rol tu phyin pa ni zab te/ byang chub sems dpa' sems dpa' chen po ma spyad pa dang / shes rab kyi pha rol tu phyin pa bshad pa la mos par mi 'gyur ba de ltar ngo mtshar ci che/ de nas bcom ldan 'das la lngan dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa la phyag 'tshal lo// bcom ldan 'das shes rab kyi pha rol tu phyin
- 154a
@pa la phyag 'tshal ba ni/ thams cad mkhyen pa'i ye shes la phyag 'tshal ba lags so// bcom ldan 'das kyis bka' stsal pa/ ke'u shika de de bzhin no// de de bzhin te/ ke'u shika gang shes rab kyi pha rol tu phyin pa la phyag 'tshal ba de ni/ thams cad mkhyen pa'i ye shes la phyag 'tshal ba yin no// de phyir zhe na/ ke'u shi ka sangs rgyas bcom ldan 'das rnams kyi thams cad mkhyen pa nyid ni 'di las skyes te/ ke'u shi ka thams cad mkhyen pa'i ye shes las kyang shes rab kyi pha rol tu phyin pa skyes par rab tu bzhag go// de ltar shes rab kyi pha rol tu phyin pa 'di la spyad par bya/ de ltar shes rab kyi pha rol tu phyin pa 'di la gnas par bya/ de ltar shes rab kyi pha rol tu phyin pa 'di la rnal 'byor du bya'o// de nas bcom ldan 'das la lha'i dbang po brgya byin gyis 'di skad ces gsol to// / bcom ldan 'das ji ltar na/ byang chub sems dpa' sems dpa' chen po shes rab kyi pha rol tu phyin pa la spyad na/ shes rab kyi pha rol tu phyin pa la gnas pa lags// ji ltar shes rab kyi pha rol tu phyin pa la spyad na/ shes rab kyi pha rol tu phyin pa la rnal 'byor du bgyid/ de skad ces gsol pa dang / bcom ldan 'das kyi lha'i dbang po brgya byin la 'di skad ces bka' stsal to// ke'u shi ka legs so legs so// gang de bzhin gshegs pa dgra bcom pa yang dag par rdzogs pa'i sangs rgyas la
- 154b
don 'di 'dri bar sems pa ni legs so legs so// ke'u shi ka 'di yang sangs rgyas kyis mthus khyod kyi spobs pa skyes so// ke'u shi ka byang chub sems dpa' sems dang/ chen po shes rab kyi pha rol tu phyin pa 'di la spong na/ gzugs la mi gnas/ gzugs so zhes mi gnas te/ ke'u shi ka 'di ltar byang chub sems dpa' sems dpa' chen po gzugs la mi gnas/ gzugs so zhes mi gnas pas/ ke'u shi ka de ltar na byang chub sems dpa' sems dpa' chen pos/ gzugs la rnal 'byor du byed// de bzhin du tshor ba dang / 'du shes dang / 'du byed rnams dang / rnam par shes pa la mi gnas/ rnam par shes pa'o zhes mi gnas te/ ke'u shi ka 'di ltar byang chub sems dpa' sems dpa' chen po rnam par shes pa la mi gnas/ rnam par shes pa'o// zhes mi gnas pas/ ke'u shi ka de ltar byang chub sems dpa' sem dpa' chen pos/ rnam par shes pa la rnal 'byor du byed do// ke'u shi ka gzugs so zhes mi sbyor te/ ke'u shi ka nam gzugs so zhes mi sbyor ba de ltar na/ gzugs so zhes mi gnas so// ke'u shi ka de bzhin du tshor ba dang / 'du shes dang / 'du byed rnams dang / rnam par shes pa'o// zhes mi sbyor te/ ke'u shi ka rnam par shes pa'o zhes mi sbyor ba de ltar na rnam par shes pa'o zhes mi gnas so// de nas bcom ldan 'das la tshe dang ldan pa sha ri'i bus 'od skad ces gsol to//
- 155a
bcom ldan 'das shes rab kyi pha rol tu phyin pa ni zab bo// bcom ldan 'das shes rab kyi pha rol tu phyin pa ni rtog par dka'o// bcom ldan 'das shes rab kyi pha rol tu phyin pa ni gzung bar dka'o// bcom ldan 'das shes rab kyi pha rol tu phyin pa ni tshad ma mchis pa'o// bcom ldan 'das kyis bka' stsal pa/ sha ri'i bu de de bzhin no// de de bzhin te/ sha ri'i khu gzugs zab po snyam du mi gnas so// sha ri'i bu 'di ltar gzugs zab po snyam du mi gnas pas/ de ltar na gzugs la rnal 'byor du byed do// de bzhin du tshor ba dang / 'du shes dang / 'du byed rnams dang / sha ri'i bu rnam par shes pa zab po snyam du mi gnas pas/ de ltar na rnam par shes pa la rnal 'byor du byed do// sha ri'i bu gzugs zab po snyam du rnal 'byor du mi byed do// sha ri'i bu 'di ltar gzugs zang po snyam du rnal 'byor du mi byed pas/ de ltar na gzugs zab po snyam du mi gnas so// de bzhin du tshor ba dang / 'du shes dang / 'du byed rnams dang / sha ri'i bu rnam par shes pa zab mo snyam du rnal 'byor du mi byed do// sha ri'i bu 'di ltar rnam par shes pa zab po snyam du rnal 'byor du mi byed pas/ shA ri'i bu de ltar na rnam par shes pa zab mo snyam du mi gnas so// de skad ces bka' stsal pa dang / bcom ldan 'das la tshe dang ldan pa sha ri'i bus 'di ces gsol to// bcom ldan 'das shes rab kyi pha rol tu phyin pa ni/
- 155b
zab pas/ byang chub sems dpa' sems dpa' chen po phyir mi ldog pa rnams kyi mdun du bshad par bgyi'o// de ci'i slad du zhe na/ bcom ldan 'das de ni nem nur mi bgyid/ the tshom 'tshal bar mi bgyid do// de nas tshe dang ldan pa sha ri'i bu la lha'i dbang po brgya byin gyis 'di skad ces smras so// 'phags pa sha ri'i bu gal te byang chub sems dpa' sems dpa' chen po lung ma bstan pa'i mdun du/ shes rab kyi pha rol tu phyin pa 'di bshad na ni/ nyes pa ci yod/ de skad ces smras pa dang / tshe dang ldan pa sha ri'i bus lha'i dbang po brgya byin la 'di skad ces smras so// ke'u shi ka gang lung ma bstan pa shes rab kyi pha rol tu phyin pa 'di bstan te phyag bya ba dang / mnyan pa thos par 'gyur la/ thos nas kyang mi skrag/ mi dngang / shin du dngang par mi 'gyur ba'i byang chub sems dpa' sems dpa' chen po de ni/ yun ring po nas theg pa la yang dag par zhugs pa ste/ des ring por mi thogs par lung bstan pa thob par 'gyur te/ de ni lung bstan pa bsnyen pa yin no// byang chub sem dpa' sems dpa' chen po de ni/ de bzhin gshegs pa dgra bcom pa yang dag par rdzogs pa'i sangs rgyas gcig gam gnyis las mi mnga' ste/ de nas bla na med pa yang dag par rdzogs pa'i byang chub tu lung bstan pa thob par 'gyur ro// de bzhin gshegs pa dgra bcom pa yang dag par rdzogs pa'i sangs rgyas rnams
- 156a
mnyes par 'gyur te/ thugs byung bar byed par mi 'gyur ro// de bzhin gshegs pa mthong na yang lung bstan pas 'bras bu yod par byed par 'gyur ro// de bzhin gshegs pa mthong ba bla na med pa yang dag par rdzogs pa'i byang chub tu lung bstan thob par 'gyur ro// ke'u shi ka gang shes rab kyi pha rol tu phyin pa 'di zab mo 'di lta ba dang / phyag bya ba dang / mnyan pa thob par gyur la/ thos nas kyang 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa'i byang chub sems dpa' sems dpa' chen po de ni/ rgyang ring po nas 'ongs pa yin te/ yun ring po nas theg pa la yang dag par zhugs pa yin no// ke'u shi ka byang chub sems dpa' sems dpa' chen po de ni/ dge ba'i rtsa ba yongs su smin pa yin no// de nas bcom ldan 'das kyi tshe dang ldan pa sha ri'i bu la 'di skad ces bka' stsal to// sha ri'i bu de de bzhin no// de de bzhin te/ gang shes rab kyi pha rol tu phyin pa zab mo 'di lta ba dang / phyag bya ba dang / mnyan pa thob par 'gyur la thos nas kyang 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa'i byang chub sems dpa' sems dpa' chen po de ni rgyang ring po nas 'ong ba yin te/
- 156b
yun ring po nas theg pa la yang dag par zhugs pa yin no// sha ri'i bu byang chub sems dpa' sems dpa' chen po// de dge ba'i rtsa ba yongs su smin pa yin no// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das bdag spobs so// bde bar gsheg pa bdag spobs so// bcom ldan 'das 'di lta ste/ dper na/ rigs kyi bu 'am/ rigs kyi bu mo byang chub sems pa'i theg pa can gang de'i rmi lam du 'ang byang chub kyi snying po la 'dug pa rmi ba mthong na/ byang chub sems dpa' sems dpa' chen po de ni mngon par rdzogs par byang chub par bgyi ba'i slad du/ bla na med pa yang dag par rdzogs pa'i byang chub tu bsnyen pa lags so// bcom ldan 'das de bzhin du rigs kyi bu'am/ rigs kyi bu mo gang shes rab kyi pha rol tu phyin pa 'di lta ba dang / phyag bgyi ba dang / mnyan pa dang / gzung ba dang / bcang ba dang / klag pa dang / kun chub par bgyid pa dang / rab tu 'don pa dang / lung nod pa dang / kha ton du bgyi ba rnyed par gyur na/ bcom ldan 'das byang chub sems dpa'i theg pa can gyi gang zag de ni rgyang ring po nas mchis pa lags te/ gang zag byang chub sems dpa'i theg pa can de ni lung bstan pa la bsnyen pa lags so// de nas sangs rgyas bcom ldan 'das kyis bla na med pa yang dag par
- 157a
rdzogs pa'i byang chub tu lung bstan par 'gyur ba'i rig par bgyi'o// gang shes rab kyi pha rol tu phyin pa zab mo 'di tha na nyan pa dang / bsnyen par 'gyur ba'i byang chub sems dpa' sems dpa' chen po ni dge ba'i rtsa ba yongs su smin par lags par rigs par bgyi'o// de ci'i slad du zhe na/ bcom ldan 'das phal cher gyis phongs par 'gyur ba'i las bstsags pa dang / ma bral ba'i sems can de dag las phal cher ni shes rab kyi pha rol tu phyin pa 'di la sems mi mthun par 'gyur ro// sems log par 'gyur ro// dge ba'i rtsa ba ma bsags pa ni yang dag pa'i mtha' 'di la rab tu mi 'jug ste/ yang dag pa'i mtha' 'di la rab tu mi gnon cing / yang dag par dad par 'gyur ba'i rigs kyi bu 'am/ rigs kyi bu mo de dag ni dge ba'i rtsa ba bsags pa lags so// bcom ldan 'das de dag ni dge ba'i rtsa ba shin du bsags pa lags so// bcom ldan 'das 'di lta ste dper na/ skyes bu zhig 'brog dgon pa dpag tshad brgya 'am/ dpag tshad nyis brgya 'am/ dpag tshad sum brgya'am/ dpag tshad bzhi brgya 'am/ dpag tshad lnga brgya 'am/ dpag tshad brgya phrag bcu'i 'brog dgon pa nas byung ba dang / des 'di ltar mtshan ma gang gis na/ grong ngam/ grong khyer ram/ grong rdal mchis par mngon pa'i
- 157b
mtshan ma sngar rnga ba/ ba lang rdzi 'am/ phyugs rdzi 'am/ 'tshams sam/ kun dga' ra ba phun sum tshogs pa 'am/ de ma lags pa'i mtshan ma gzhan dag sngar mthong la/ des mtshan ma de dag mthong ba dang / 'di snyam du 'di lta mtshan ma de dag gda' ba las grong ngam/ grong khyer ram/ grong brdal du nye bar gyur to snyam nas/ de ni dbugs 'byin pa snyed pa lags te/ de la slan chad chom po yid la bgyid pa ma mchis pa lag so// bcom ldan 'das de bzhin du byang chub sems dpa' sems dpa' chen pos shes rab kyi pha rol tu phyin pa 'di la nye bar gnas na/ bcom ldan 'das byang chub sems dpa' sems dpa' chen po 'di ni bran med pa yang dag par rdzogs pa'i byang chub tu bsnyen pa lags te/ byang chub sems dpa' sems dpa' chen po 'di ni ring por mi thogs par bla na med pa yang dag par rdzogs pa'i byang chub tu lung bstan pa thob par 'gyur te/ nyan thos kyi sa 'am/ rang sangs rgyas kyi sa la sems par mi 'gyur/ 'jig par mi 'gyur ro// de ci'i slad du zhe na/ de ni 'di ltar lhas sngar gda' ba 'di lta ste/ shes rab kyi pha rol tu phyin pa zab mo 'di lta ba dang / phyag bgyi ba dang / mnyan par thob ba'i slad du'o// de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no// de de
- 158a
bzhin te/ sha ri'i bu ji ltar sangs rgyas kyis mthus smras pa dang / smras par 'gyur ba de bzhin du yang gnas 'di la 'di khyor spong bar bgyis/ de skad ces bka' stsal pa/ bcom ldan 'das la tshe dang ldan pa sha ri'i bus 'di skad ces gsol to// bcom ldan 'das 'di lta ste dper na/ skyes bu la la zhig rgya mtsho chen po lta 'tshal bar 'gyur te/ de rgya mtsho chen por mchis na ji lta ji ltar mchis pa dag la/ gal te des ldum bu 'am/ ldum bu'i mtshan ma 'am/ ri 'am/ ri'i mtshan ma mthong na/ des 'di snyam du sems te/ 'di nas rgya mtsho chen po ni da dung ring ngo snyam du 'tshal bar bgyi'o// gal te phyis ldum bu 'am ldum bu'i mtshan ma 'am/ ri 'am/ ri'i mtshan ma mthong na/ de 'di snyam du 'di nas rgya mtsho chen po dang nye'o snyam du 'tshal bar bgyi'o// de ci'i slad du zhe na/ rgya mtsho chen po ni dma' ba lags pas rgya mtsho chen po'i nang du/ ldum bu 'am ldum bu'i mtshan ma 'am/ ri 'am/ ri'i mtshan ma gang yang ma mchis te/ rgya mtsho blo de ni mig gi ma mthong mod kyi/ 'on kyang rgya mtsho chen po ni/ bdag gi bsnyen te/ 'di phan chad rgya mtsho chen po mi rung ngo snyam du rtogs par rig go// bcom ldan 'das de bzhin du byang chub sems dpa' sems dpa' chen pos 'di snyam du rig par bgyi ste/ shes rab kyi pha rol tu phyin pa 'di nyan pa na/ de bzhin gshegs pa dgra bcom pa yang dag par rdzog
- 158b
pa'i sangs rgyas de dag gis bdag mngon sum du lung bstan kyang / 'di ltar bla na med pa yang dag par rdzogs pa'i byang chub tu bsnyen par rig par bgyi'o// de ci'i slad du/ zhe na/ de ni 'di ltar shes rab kyi pha rol tu phyin pa zab mo 'di lta ba dang / phyag bgyi ba dang / mnyan par thob pa'i slad du'o// bcom ldan 'das 'di lta ste dper na/ dpyid ga'i nye bar gnas pa na/ shing sna tshogs kyi yal ga dang / lo ma rnams lhags pas lo ma 'byung ste/ lo ma rnams byung ba dang / 'dzam bu'i gling gi mi rnams nag tshal la mtshan ma sngar byung ba de dag mthong nas/ de ni me tog dang / 'bras bu rnams ring por mi thogs par 'byung ngo snyam nas/ yid dga' bar 'gyur ro// de ci'i slad du zhe na/ de ni 'di ltar sdong po las mtshan ma 'di lta bu dag sngar gda' ba'i slad du gang gi tshe byang chub sems dpa' sems dpa' chen pos shes rab kyi pha rol tu phyin pa 'di la lta ba dang / phyag bgyi ba dang / mnyan pa'i slad du nye bar gnas na/ byang chub sems dpa' sems dpa' chen po de ni shes rab kyi pha rol tu phyin pa zab mo 'di la dge ba'i rtsa ba yongs su smin pa lags par rig par bgyi ste/ shes rab kyi pha rol tu phyin pa zab mo 'di ni sngon gyi dge ba'i rtsa ba de nyid bsgrub pa/ lags so// de la gang sngon sangs rgyas mthong ba'i lha de dag ni 'di snyam du sngon gyi byang chub sems dpa' sems dpa' chen po de dag kyang / bla na med pa yang dag par
- 159a
rdzogs pa'i byang chub tu lung bstan pa'i mtshan ma sngar byung ba yin gyis/ byang chub sems dpa' sems dpa' chen po de ni bla na med pa yang dag par rdzogs pa'i byang chub tu ring por mi thogs par lung bstan pa thob par 'gyur ro snyam nas/ rab tu dga' zhing rang te/ yid mgu ba skyes par 'gyur ro// bcom ldan 'das 'di lta ste dper na/ bud med sbrum ma mngal lci bar gyur pa/ de ji lta ji lta bur lus nam bskyed na cher snyoms par 'gyur te/ chags pas dad pa cher mi 'gyur/ kha zas chung ngu 'tshal bar 'gyur rmug pa dang / gnyid chung bar 'gyur/ smra ba nyung bar 'gyur/ stobs chung bar 'gyur/ sdug bsngal ba mang bar 'gyur/ 'chag pa la yun ring du mi gnas par 'gyur/ grogs 'grogs pa la dad pa che bar mi 'gyur/ sngon gyi tshul bzhin ma lags pa yid la bgyid pa ston cing bsgoms te mang du byas pas 'di lta bu'i tshor ba lus kyi myong ngo snyam nas/ bcom ldan 'das 'di ltar mtshan ma 'di dag 'da' ba'i slad du/ bud med 'di ni ring por mi thogs par bu 'byung bar 'tshal bar bgyi'o// bcom ldan 'das de bzhin du byang chub sems dpa' sems dpa' chen po dge ba'i rtsa ba yongasu smin pa 'di ji lta ji ltar shes rab kyi pha rol tu phyin pa zab mo 'di lta ba dang / phyag bgyi ba dang / mnyen pa'i slad du nye bar gnas la/ nyan pa na de na dga' zhing shes
- 159b
rab kyi pha rol tu phyin pa la don du gnye ba'i sems skye na bcom ldan 'das byang chub sems dpa' sems dpa' chen po 'di ni/ bla na med pa yang dag par rdzogs pa'i/ byang chub tu ring por mi thogs par lung snyan pa thob par 'gyur ba 'tshal bar bgyi'o// de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu legs so legs so// sha ri'i bu 'di yang sangs rgyas kyi mthus khyod spobs par gyur to// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa' sems dpa' chen po 'di ltar legs par yongs su gtad pa 'di ni ngo mtshar to// bcom ldan 'das kyis bka' stsal pa/ rab 'byor 'di ni 'di ltar byang chub sems dpa' sems dpa' chen po ni/ skye bo mang po la phan pa dang / skye bo mang po la bde ba dang / 'jig rten la snying rtse ba dang / skye bo phal po che'i don dang / phan pa dang / bde ba'i phyir zhugs pa ste/ lha dang me rnams la snying brtse ba can dang / snying brtse ba'i phyir bla na med pa yang dag par rdzogs pa'i byang chub mngon par rdzogs par 'tshang brgya par 'dod pa bla na med pa yang dag par rdzogs pa'i byang chub mngon par rdzogs par sangs rgyas nas/ bla na med pa'i chos ston par 'dod pa'o//
- 160a
@rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa la/ ji ltar shes rab kyi pha rol tu phyin pa bsgom par yongs su rdzogs par 'gyur/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po shes rab kyi pha rol tu phyin pa la spyod pas/ gzugs kyi 'phel ba yang dag par mi mthong na/ shes rab kyi pha rol tu phyin pa la spyod do// de bzhin du tshor ba la ma yin/ 'du shes la ma yin/ 'du byed rnams la ma yin/ rnam par shes pa 'phel ba yang dag par rjes su mi mthong na/ shes rab kyi pha rol tu phyin pa la mi spod do// gzugs kyi 'grib pa yang dag par rjes su mi mthong na/ shes rab kyi pha rol tu phyin pa la spyad do// de bzhin du tshor ba la ma yin/ 'du shes la ma yin/ 'du byed rnams la ma yin/ rnam par shes pa 'grib pa yang dag par rjes su mi mthong na/ shes rab kyi pha rol tu phyin pa la spyod do// chos yang dag par rjes su mi mthong na/ shes rab kyi pha rol tu phyin pa la spyod do// chos ma yin pa yang dag par rjes su mi mthong na/ shes rab kyi pha rol tu phyin pa la spyad do// rab 'byor gyis gsol pa/ bcom ldan 'das 'di ni bsam gyis mi khyab par bstan to// bcom ldan 'das kyis bka' stsal pa/ rab 'byor gzugs bsam gyis mi khyab
- 160b
ste/ de bzhin du tshor ba dang / 'du shes dang / 'du byed rnams dang / rnam par shes pa bsam gyis mi khyab po/ rab 'byor gzugs bsam gyis mi khyab ces byas par mi shes na/ shes rab kyi pha rol tu phyin pa la spyod do// de bzhin du tshor ba dang / 'du shes dang / 'du byed rnams dang / rab 'byor rnam par shes pa bsam gyis mi khyab ces bya bar mi shes na/ shes rab kyi pha rol tu phyin pa la spyod do// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das shes rab kyi pha rol tu phyin pa zab mo 'di la su zhig mos par 'gyur/ bcom ldan 'das kyis bka' stsal pa/ sha ri'i bu byang chub sem dpa' sems dpa' chen po shes rab kyi pha rol tu phyin pa la spyad par 'gyur ba gang 'byung bar 'gyur ba'o// sha ri'i bus gsol pa/ bcom ldan 'das ji ltar na/ byang chub sems dpa' sems dpa' chen po sprad pa lags/ ji ltar na spyad par gyur pa zhes bya ba'i ming thob par 'gyur/ bcom ldan 'das kyis bka' stsal pa/ sha ri'i bu 'di la byang chub sems dpa' sems dpa' chen po stobs rnams la mi rtog/ mi 'jig pa rnams la mi rtog/ sangs rgyas kyi chos rnams la mi rtog/ thams cad mkhyen pa nyid la yang mi rtog go// de ci'i phyir zhe na/ sha ri'i bu stobs rnams bsam gyis mi khyab/ mi 'jigs pa rnams bsam gyis
- 161a
mi khyab/ sangs rgyas kyi chos rnams bsam gyis mi khyab/ thams cad mkhyen pa nyid kyang bsam gyis mi khyab ste/ shA ri'i bu de ltar spyod ba'i byang chub sems dpa' sems dpa' chen po gang la yang mi spyod na/ shes rab kyi pha rol tu phyin pa la spyod de spyad par gyur pa zhes bya ba'i zhing spyad par 'gyur ba zhes bya ba'i ming thob po// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das nam mkha' dag pa'i slad du/ shes rab kyi pha rol tu phyin pa zab po// bcom ldan 'das shes rab kyi pha rol tu phyin pa ni rin po che'i phung po'o// bcom ldan 'das shes rab kyi pha rol tu phyin pa ni yang dag pa'i phung po'o// bcom ldan 'das rigs kyi bu 'am/ rigs kyi bu mo gang dag shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton bgyid pa dang / yi ger 'dri ba la bar chad bgyid pa mang du mi 'byung ba 'di ni ngo mtshar to// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rigs kyi bu 'am/ rigs kyi bu mo de dag shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang /
- 161b
rab tu 'don pa dang / lung nod pa dang / kha ton byed pa dang / yi ger 'dri ba'i bar chad byed pa mang du 'byung ste/ de ci'i phyir zhe na/ rab 'byor de ni 'di ltar rigs kyi bu 'am/ rigs kyi bu mo gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa dang / yi ger 'dri ba la bdud sdig can dag bar chad bya bar brtson par byed de/ ci ste/ lo gcig gi 'dris par gyur na yang myur du bris pa yin gyis/ rigs kyi bu 'am rigs kyi bu mo de dag gis/ shes rab kyi pha rol tu phyin pa 'di bri bar bya'o// de ci'i phyir zhe na/ rab 'byor 'di lta bu ni yod de/ gang rin po che chen po yin par chad byed pa mang du 'byung ngo // de skad ces bka' stsal pa dang / bcom ldan 'das la tshe dang ldan pa rab 'byor gyis bcom ldan 'das la 'di skad ces gsol to// bcom ldan 'das shes rab kyi pha rol tu phyin pa 'di yi ger 'dri ba dang / lung nod pa la bdud sdig can bar chad bgyi bar spro ba chen po skyes nas brtson par 'gyur ro// bcom ldan 'das kyis bka' stsal pa/ rab 'byor shes rab kyi pha rol tu phyin pa 'di yi ger 'dri ba dang / lung nod pa la bdud sdig can byas bya bar brtson pa ni/ 'gyur mod kyi/ 'on kyang yid ma mnyam pa'i byang chub sems dpa' sems
- 162a
dpa' chen po la bar chad mi nus so// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das rigs kyi bu 'am/ rigs kyi bu mo dag shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par bgyid pa dang / rab tu 'don pa dang / lung nod pa dang / kha ton bgyid pa dang / yi ger 'bri ba dang / bdud sdig can bar chad bgyid pa la spro ba skye bar 'gyur na/ ji ltar na rigs kyi bu dang / rigs kyi bu mo gang dag gis shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lcang nod pa dang / kha ton bgyid pa dang / yi ger 'bri bar 'gyur ro// bcom ldan 'das gang gi mthus rigs kyi bu 'am/ rigs kyi bu mo dag gis shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa dang / yi ger 'bri bar 'gyur/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu rigs kyi bu 'am/ rigs kyi bu mo de dag ni sangs rgyas kyi mthus shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang /
- 162b
rab tu 'don pa dang / lung nod pa dang / kha ton byed pa dang / yi ger 'dri bar 'gyur ro// de ci'i phyir zhe na/ sha ri'i bu 'di ni chos rnams kyi chos nyid de/ gang 'jig rten gyi khams tshad med grangs med pa dag na sangs rgyas bcom ldan 'das gang dag bzhugs te 'tsho zhing bzhes pa de dag shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa dang / yi ger 'dri ba 'di la dgongs par 'gyur/ yongs su bzung bar 'gyur ro// rigs kyi bu 'am/ rigs kyi bu mo gang dag shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / kha ton byed pa dang / yi ger 'dri bar 'gyur ba de dag la yang sangs rgyas bcom ldan 'das de dag gis dgongs par 'gyur/ yongs su bzung bar 'gyur te/ sha ri'i bu sangs rgyas kyi dgongs pa dang / sangs rgyas kyi yongs su gzung ba'i rigs kyi bu 'am/ rigs kyi bu mo dag la bar chad mi nus so// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin pa 'di nyan pa dang / 'dzin pa dang / 'chang ba dang /
- 163a
klog pa dang / kun chub par bgyid pa dang / rab tu 'don pa dang / lung nod pa dang / kha ton byed pa dang / yi ger 'dri ba dang / de bzhin nyid du slob pa dang / de bzhin nyid du bsgrub pa dang / de bzhin nyid du rnal 'byor du byed pa de dag thams cad ni/ bcom ldan 'das sangs rgyas kyi mthu dang / sangs rgyas kyi byin gyis brlabs dang / sangs rgyas kyi yongs su bzung ba dang / shes rab kyi pha rol tu phyin pa nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / kha ton bgyid pa dang / yi ger 'dri bar 'gyur te/ de ltar bsgrub par 'gyur ro// de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no// de de bzhin te/ sha ri'i bu byang chub sems dpa' sems dpa' chen po de dag thams cad ni sangs rgyas kyi mthu dang / sangs rgyas kyi byin gyis brlabs dang / sangs rgyas kyis yongs su bzung bas shes rab kyi pha rol tu phyin pa 'di nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa dang / yi ger 'dri bar 'gyur/ de ltar bsgrub par 'gyur te/ de bzhin nyid du slob par 'gyur/ de bzhin nyid du rnal 'byor du byed par 'gyur te/ sha ri'i bu byang chub sems
- 163b
dpa' sems dpa' chen po gang dag shes rab kyi pha rol tu phyin pa 'di nyan pa dang / 'dzin pa dang 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa dang / yi ger 'dri bar 'gyur/ de bzhin nyid du bsgrub par 'gyur/ de bzhin nyid du rnal 'byor du byed pa de dag ni/ sha ri'i bu de bzhin gshegs pas mkhyen to// sha ri'i bu de dag ni de bzhin gshegs pas byin gyis brlabs so// sha ri'i bu de dag ni de bzhin gshegs pas gzig so// sha ri'i bu de dag ni de bzhin gshegs pas sangs rgyas kyi spyan gyi rnam par gzigs te/ thos shing bris pa dang / gzung ba dang / kun chub par byas pa dang / bcangs pa dang / klag pa dang / rab tu 'don pa dang / lung nod pa dang / kha ton byas nas/ de bzhin nyid du slob pa dang / de bzhin nyid du bsgrub pa dang / de bzhin nyid du rnal 'byor du byed na bla na med pa yang dag par rdzogs pa'i byang chub tu nye bar 'gyur ro// sha ri'i bu gang dag shes rab kyi pha rol tu phyin pa 'di bris nas 'chang ngam/ de bzhin nyid du slob/ de bzhin nyid du bsgrub pa dang / de bzhin nyid du rnal 'byor du byed pa de dag kyang de bzhin nyid du mi slob/ de bzhin nyid du mi bsgrub/ de bzhin nyid du rnal 'byor du mi byed par de bzhin nyid dang / bla na med pa yang dag par rdzogs pa'i byang chub tu gnas par mi 'gyur mod kyi/ sha ri'i
- 164a
bu de dag de bzhin gshegs pas mkhyen/ de dag kyang de bzhin gshegs pas byin gyis brlabs so// de dag kyang de bzhin gshegs pas gzig de dag kyang de bzhin gshegs pas sangs rgyas kyi spyan gyis rnam par gzigs so// sha ri'i bu de dag 'bad pa dang / g.yo ba de dag kyang don chen po dang ldan par 'gyur ro// de ci'i phyir zhe na/ de ni 'di ltar shes rab kyi pha rol tu phyin pa ni chos thams cad kyi don dam pa dang ldan pa yin te/ sems can thams cad la yang dag pa ji lta ba de bzhin du rtogs par bya bas nye bar gnas so// sha ri'i bu shes rab kyi pha rol tu phyin pa dang ldan pa'i mdo sde 'di dag ni de bzhin gshegs pa 'das pa nas/ dam pa'i chos nub pa'i dus na/ lho phyogs su 'byung / lho phyogs nas kyang slar mtha' 'khor du 'byung / mtha' 'khob nas kyang byang phyogs su 'byung ste/ chos 'dul ba'i snying por gyur pa ni ma yin no// sha ri'i bu gang shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed pa'i rigs kyi bu 'am/ rigs kyi bu mo de dag de bzhin gshegs pas dgongs so// sha ri'i bu de tha na yi ger bris nas/ glegs bam du chud par byas te/ 'chang ba de dag ni de bzhin gshegs pas mkhyen to// sha ri'i bu de dag ni de bzhin gshegs pas byin
- 164b
gyis brlabs so// sha ri'i bu de dag ni de bzhin gshegs pas gzig so// sha ri'i bu de dag ni de bzhin gshegs pas sangs rgyas kyi spyan gyis rnam par gzig so// sha ri'i bus gsol pa/ bcom ldan 'das shes rab kyi pha rol tu phyin pa zab mo 'di phyi ma'i dus phyi ma'i tshe na byang phyogs dang / byang phyogs gnas su rgyas par 'gyur ro// bcom ldan 'das kyis bka' stsal pa/ de la sha ri'i bu byang phyogs dang / byang phyogs kyi gnas de na/ gang shes rab kyi pha rol du phyin pa 'di nyan pa dang / shes rab kyi pha rol tu phyin pa 'di rnal 'byor du byed de/ sha ri'i gang shes rab kyi pha rol tu phyin pa 'di nyan pa dang / yi ger 'dri ba dang / 'dzin pa dang / 'chang ba dang / klog pa dang / kun chub par byed pa dang / kha ton byed pa dang / rab tu 'don pa dang / lung nod pa dang / 'chad pa dang / nye bar ston pa dang / de bzhin nyid du slob pa dang / de bzhin nyid du bsgrub pa dang / de bzhin nyid du rnal 'byor du byed par 'gyur ba'i byang chub sems dpa' sems dpa' chen po de dag ni yun ring po nas theg pa la yang dag par zhugs par bya'o// sha ri'i bus gsol pa/ bcom ldan 'das byang phyogs dang / byang phyogs kyis gnas na gang shes rab kyi pha rol tu phyin pa 'di thos nas/ 'dzin pa dang / 'chang ba dang / klog pa dang / kun chub par byed pa dang /
- 165a
ton bgyid pa dang / rab tu 'don pa dang / ston pa dang / 'chad pa dang / nye bar ston par 'gyur ba'i byang chub sems dpa' sems dpa' chen po de dag mang ngam/ ji snyed gcig mchis par 'gyur/ bcom ldan 'das kyis bka' stsal pa/ sha ri'i bu byang phyogs dang byang phyogs kyi gnas na/ byang chub sems dpa' sems dpa' chen po ni mang du yod mod kyi/ mang po de dag kyang gang shes rab kyi pha rol tu phyin pa 'di thos nas 'dzin pa dang / 'chang ba dang / klog pa dang / kun chub par byed pa dang / kha ton byed pa dang / lung nod pa dang / 'chad pa dang / nye bar ston pa dang / de bzhin nyid du slob pa dang / de bzhin nyid du bsgrub pa dang / de bzhin nyid du rnal 'byor du byed pa dang / shes rab kyi pha rol tu phyin pa 'di bshad pa na/ zhum par mi 'gyur/ yang dag par zhum par mi 'gyur/ yid mi sod/ yid bsod par mi 'gyur/ yid phyir phyogs par mi 'gyur/ mi skrag/ mi dngang / shin du dngang bar mi 'gyur ba'i byang chub sems dpa' sems dpa' chen po de dag ni ches nyung bar 'gyur te/ de dag ni sngon gyi de bzhin gshegs pa dgra bcom pa yang dag par rdzogs pa'i/ sangs rgyas rnams kyi rjes su 'brang zhing yongs su dri ba byas pa'o// gang zag byang chub sems dpa'i theg pa can rigs kyi bu 'am/ rigs kyi bu mo de dag gis
- 165b
sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la 'chad do// de dag ni tshul khrims yongs su rdzogs par byed par 'gyur ro// de dag ni 'di lta ste/ bla na med pa yang dag par rdzogs pa'i byang chub 'di nyid las brtsams te/ skye bo mang po'i don byed par 'gyur ro// de ci'i phyir zhe na/ de ni 'di ltar rigs kyi bu dang / rigs kyi bu mo de dag la nga nyid kyis thams cad mkhyen pa nyid dang ldan pa'i gtam byas so// de dag ni tshe rabs rjes kyang shes rab kyi pha rol tu phyin pa nyid dang ldan pa la yang dag par spyod par 'gyur ro// 'di lta ste/ bla na med pa yang dag par rdzogs pa'i byang chub la brtsams nas nyid kyi gtam byed par 'gyur/ de nyid kyi gtam la mngon par dga' bar 'gyur/ shes rab kyi pha rol tu phyin pa la de dag rab tu gnas shing mnyam par 'gyur/ bdud kyis kyang dbye bar mi nus na/ 'di lta ste/ sems can gzhan dag gis 'dod pa dang / gsang ste snyam pas dbye ba lta ci smos/ de ci'i phyir zhe na/ de ni 'di ltar bla na med pa yang dag par rdzogs pa'i byang chub tu mthu bstan pa'i phyir ro// gang shes rab kyi pha rol tu phyin pa 'di thos nas/ rgya chen po rnyed par 'gyur ba'i rigs kyi bu 'am/ rigs kyi bu mo de dag ni 'di lta ste skye bo mang po dag bla na med pa yang dag par rdzogs pa'i byang chub tu dge ba'i rtsa ba bskyed par 'gyur ro// de ci'i phyir zhe na/
- 166a
rigs kyi bu dang / rigs kyi bu mo de dag gis nga la mngon sum du tshig 'di skad du byang chub sems dpa'i spyad pa spyod pa na/ srog chag brgya phrag mang po rnams bla na med pa yang dag par rdzogs pa'i byang chub tu yang dag par rdzogs pa'i byang chub tu yang dag par gzung bar bgyi'o// yang dag par bstan par bgyi'o// yang dag par gzer bstod par bgyi'o// yang dag par dga' ba bskyed par bgyi'o// yang dag par rab tu dbye bar bgyi'o// slar mi ldog par bgyi'o// zhes smras so// de ci'i phyir zhe na/ sha ri'i bu gang gis tshig 'di skad du smras pa'i rigs kyi bu 'am/ rigs kyi bu mo byang chub sems dpa'i theg pa can de dag la yang dag par rjes su yid rang bar byas so// ngas rigs kyi bu 'am/ rigs kyi bu mo de dag gi sems la sems kyis brtags nas byang chub tu spyod pa na/ srog chags rgya phrag mang po dang / srogs chags stong phrag mang po dang / srog chags brgya stong phrag mang po rnams bla na med pa yang dag par rdzogs pa'i byang chub tu yang dag par bzung bar bgyi'o// yang dag par bstan par bgyi'o// yang dag par gzeng bstod par bya'o// yang dag par rab tu dga' bar bya'o// yang dag par 'dzin du bzhugs par bya'o// yang dag par rab tu dbye bar bya'o// snyam du sems dpa' rjes su yi rang bar byas so// de ltar rigs kyi bu 'am/ rigs kyi bu mo de dag ni mos pa brgya
- 166b
chen po dang ldan pa yin no// de dag gis sangs rgyas kyi zhing gzhan du yang lhag par dmigs par bya bar sems te/ gang na de bzhin gshegs pa dgra bcom pa yang dag rdzogs pa'i sangs rgyas mngon sum du chos ston pa der yang de bzhin gshegs pa dgra bcom pa yang dag par rdzogs pa'i sangs rgyas las mngon sum du shes rab kyi pha rol tu phyin pa 'di nyid rgya cher nyan cing / sangs rgyas kyi zhing de dag na yang srog chags brgya phrag mang po dang / srog chags stong phrag mang po dang / srogs chags brgya stong phrag mang po de dag bla na med pa yang dag par rdzogs pa'i byang chub tu yang dag par 'dzud pa dang / yang dag par ston pa dang / yang dag par gzeng bstod pa dang / yang dag par rab tu dga' bar bskyed pa dang / yang dag par 'dzin du 'jug pa dang / rab tu 'byed par 'gyur ro// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das 'di ltar de bzhin gshegs pa dgra bcom pa yang dag par rdzogs pa'i sangs rgyas kyi 'das pa dang / ma byung ba dang / da ltar byung ba dang / da ltar byung ba'i chos 'di dag la/ ma gzigs pa dang / mngon par mi mkhyen pa gang yang ma mchis so// rnam par mkhyen pa'i chos gang yang ma mchis so// 'di ltar ma byung ba'i chos byang chub sems dpa' sems dpa' chen po la mos pa rnams dang / lhag pa'i bsam pa
- 167a
phun sum tshogs pa rnams dang / brtson 'grus brtsams pa rnams kyi sems can gyi sbyong ba rnam par mi mkhyen pa gang yang ma mchis pa ngo mtshar to// gang de'i tshe shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / kha ton byed pa dang / rab tu 'don pa dang / lung nod pa dang / 'chad pa dang / nye bar ston pa dang / yi ger 'dri ba dang / gang de'i tshe na pha rol tu phyin pa drug po de dag gi phyir// sems can thams cad kyi don du brtson pa bskyed do// tshol zhing yongs su tshol bar gyur la/ tshol ba'i rigs kyi bu 'am/ rigs kyi bu mo de dag las byang chub sems dpa' kha cig ni 'tshal na/ shes rab kyi pha rol tu phyin pa 'di rnyed la/ kha cig gis ni mi rnyed par 'gyur ba/ bcom ldan 'das 'di'i rgyu gang lags/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no// de de bzhin te/ de bzhin gshegs pa ni 'das pa dang / ma 'ongs pa dang / da ltar byung ba'i chos rnams la ma gzigs pa 'am/ mi mkhyen pa gang yang med// sha ri'i bu de'i tshe de'i dus na byang chub sems dpa kha cig gis ni yongs su btsal kyang mi rnyed la/ byang chub sems dpa' kha cig gis ni yongs su ma btsal kyang rnyed par 'gyur ro// de ci'i phyir zhe na/ 'di ltar byang
- 167b
chub sems dpa' de dag gis shes rab kyi pha rol tu phyin pa 'di sngon gyi mtha' na brtson pa ma bor bar btsal cing yongs su btsal bas/ dge ba'i rtsa ba de nyid dang 'dod pas/ de dag gis shes rab kyi pha rol tu phyin pa 'di yongs su ma btsal bar yang rnyed par 'gyur ro// gzhan yang de las gzhan pa'i mdo shes rab kyi pha rol tu phyin pa 'di nyid kyi don mngon par brjod pa de dag kyang bdag nyid dag gi drung du nye bar 'ong zhing gzhol bar 'gyur ro// de ci'i phyir zhe na/ sha ri'i bu de bzhin du byang chub sems dpa' sems dpa' chen po de dag gis shes rab kyi pha rol tu phyin pa 'di brtson pa ma bor bar tshol zhing yongs su tshol bas/ de skye ba 'phos shing / tshe rabs rjes kyang she rab kyi pha rol tu phyin pa 'di rnyed par 'gyur te/ mdo sde ma yin pa shes rab kyi pha rol tu phyin pa dang ldan pa gzhan dag kyang bdag nyid de'i drung du 'ong zhi bar gzhol bar 'gyur ro// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// bcom ldan 'das pha rol tu phyin pa drug dang ldan pa'i mdo sde 'di dag ni rigs kyi bu 'am/ rigs kyi bu mo de dag la gzhol bar 'gyur te/ gzhan dag la ma lagaso// bcom ldan 'das kyis bka' stsal pa/ sha ri'i bu mdo sde zab mo gzhan ji snyed yod pa de dag kyang bdag nyid rigs kyi bu dang / rigs kyi bu mo de dag la zhol bar
- 168a
'gyur ro// de ci'i phyir zhe na/ sha ri'i bu 'di ltar byang chub sems dpa' sems dpa' chen po bla na med pa yang dag par rdzogs pa'i byang / chub tu yang dag par 'dzud pa dang / yang dag par ston pa dang / yang dag par gzeng bstod pa dang / yang dag par rab tu dga' byed pa dang / yang dag par 'dzin du 'jug pa dang / rab tu 'byed par 'gyur te/ bdag nyid kyang de la slob par 'gyur na/ sha ri'i bu de dag skye ba 'phos nas kyang / stong pa nyid dang ldan pa dang / mi dmigs pa dang ldan pa dang / pha rol tu phyin pa drug dang ldan pa'i mdo sde zab mo 'di la gzhol zhing 'byung bar 'gyur ro// shes rab kyi pha rol tu phyin pa brgyad stong pa las// 'dzin pa'i phan yon gyi le'u ste bcu pa'o// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am/ rigs kyi bu mo 'di dag gi yon tan dag ni bcom ldan 'das kyis yongasu brjod na/ bcom ldan 'das de dag la bar du gcod pa la la dag 'byung bar 'gyur ram/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor bar chad byed pa'i bdud kyi las mang du 'byung bar 'gyur ro// rab 'byor gyis gsol pa/ bcom ldan 'das bar du gcod/
- 168b
pa bgyid pa'i bdud kyi las mang po ji ltar 'byung bar 'gyur/ bcom ldan 'das kyis bka' stsal pa/ rab 'byor rigs kyi bu 'am/ rigs kyi bu mo shes rab kyis pha rol du phyin pa 'chad pa de dag gi spobs pa ring po zhig na/ 'byung bar mi 'gyur te/ rab 'byor 'di ni bdud kyi las su rig par bya'o// rab 'byor spobs pa de skyes na yang g.yeng bar 'gyur te/ 'di yang bdud kyi las su rig par bya'o// rab 'byor gleng zhing yi ger 'dri na/ 'di yang bdud kyi las su rig par bya'o// rab 'byor sems g.yeng bas kun chub par byed na/ 'di yang bdud kyi las rig par bya'o// rab 'byor rnam par shes pas gzhan dang ldan pas yi ge 'dri na/ 'di yang bdud kyi las su rig par bya'o// rab 'byor dran pa mi thob na/ 'di yang bdud kyi las su rig par bya'o// / rab 'byor phan tshun gzhad gad zer zhing yi ger 'bri na/ 'di yang bdud kyi las su rig par bya'o// rab 'byor phan tshun ku co byed zhing yi ger 'dri na/ 'di yang bdud kyi las su rig par bya'o// rab 'byor mig yeng zhing yi ger 'bri na/ 'di yang bdud kyi las su rig par bya'o// rab 'byor yi ger 'bri ba dag phan tshun mi mthun par gyur na/ 'di yang bdud kyi las su rig par bya'o// rab 'byor bdag gis 'di'i gting mi snyed do// ro ma myod do// zhes stan
- 169a
/ las langs te 'gro ba 'di yang bdud kyi las su rig par bya'o// rab 'byor nga ni shes rab kyi pha rol tu phyin pa 'di las lung ma bstan te zhes sems ma dad pas bstan las langs te 'gro ba 'di yang bdud kyi las su rig par bya'o// rab 'byor bdag gang du skyes pa'i grong dang / grong khyer dang / grong brdal gyi ming yang 'dir ma spros/ bdag gi pha'i ming dang / rigs kyang 'dir ma spros/ bdag gang du skyes pa'i rigs kyang ma smos so snyam nas shes rab kyi pha rol tu phyin pa 'di mi nyan par sems shing / de de nas 'gro bar sems na/ de ji lta ji lta bur sems bskyed pa de dag gis 'gro bar sems pa de snyed du rnal 'byor du bya bar 'gyur ba'i 'khor ba'i bskal pa yongs su 'dzin par 'gyur ro// de ci'i phyir zhe na/ rab 'byor shes rab kyi pha rol tu phyin pa 'di mi nyan pa'i byang chub sems dpa' sems dpa' chen po rnams ni 'jig rten pa dang / 'jig rten las 'das pa'i chos de dag la nges par mi 'byung ste/ rab 'byor 'di yang bdud kyi las su rig par bya'o// rab 'byor gzhan yang gang zag byang chub sems dpa'i theg pa can dag shes rab kyi pha rol tu phyin pa/ thams cad mkhyen pa'i ye shes kun du bsdud pa 'di spangs zhing bor nas/ mdo sde gang dag thams cad mkhyen pa'i ye shes kun bsdad pa ma yin pa de dag yongs su btsal bar sems te/ rab 'byor de dag ji ltar 'jig rten pa dang / 'jig
- 169b
rten las 'das pa'i chos dag la slob par 'dod pa dang / 'jig rten las 'das pa'i chos dag la nges par 'byung bar mi 'dod pa de ltar shes rab kyi pha rol tu phyin pa 'di la mi slob bo// shes rab kyi pha rol tu phyin pa 'di la ma bslabs pas/ 'jig rten pa dang / 'jig rten las 'das pa'i chos dag la nges par mi 'byung ste/ de ltar blo chung ba de dag 'jig rten pa dang / 'jig rten las 'das pa'i chos rnams la yang dag pa ji lta ba bzhin du yongs su shes pa'i rtsa ba shes rab kyi pha rol tu phyin pa spangs te/ yal ga la 'jug par sems so// rab 'byor 'di lta ste/ dper na/ khyi jo bo las zan blang ba btang ste/ las byed pa'i mi las zan btsal bar sems pa de bzhin du/ rab 'byor ma 'ong ba'i dus na gang zag byang chub sems dpa'i theg pa can la la dag shes rab kyi pha rol tu phyin pa thams cad mkhyen pa'i ye shes kyi rtsa ba 'di bor te/ nyan thos dang / sangs rgyas kyi theg pa la yal ga dang / 'dab ma lta bu las snying po sangs rgyas nyid btsal bar sems so// de ci'i phyir zhe na/ blo chung ba de dag shes rab kyi pha rol tu phyin pa 'di thams cad mkhyen pa'i ye shes yongs su bsdud par mi shes te/ shes rab kyi pha rol tu phyin pa spangs shing bor nas de ma yin pa'i mdo sde gang nyan thos kyi sa mngon par bstan pa dag rang sangs rgyas kyi sa mngon par bstan pa de dag la lhag par kun chub par bya bar sems dpa' de dag ni yal ga dang / lo/
- 170a
ma dang / 'dab ma lta bu la zhugs pa yin par rig par bya'o// de ci'i phyir zhe na/ rab 'byor byang chub sems dpa' sems dpa' chen pos ji ltar nyan thos kyi theg pa can dag dang / rang sangs rgyas kyi theg pa can dag slob pa de ltar mi slob po// rab 'byor nyan thos kyi theg pa can dang / rang sangs rgyas kyi theg pa can dag ji ltar slob zhe na/ rab 'byor de dag 'di snyam du sems te/ bdag gcig pu dul bar bya'o// bdag gcig pu zhi bar bya'o// bdag gcig pu yongs su mya ngan las 'da' bar bya snyam ste/ bdag dul ba dang / zhi ba dang / yongs su mya ngan las zla ba'i phyir dge ba'i rtsa ba mngon par 'du byed pa sbyor ba thams cad rtsom ste/ de ltar byang chub sems dpa' sems dpa' chen pos bslab par mi bya'o// rab 'byor byang chub sems dpa' sems dpa' chen pos 'di ltar bslab par bya ste/ 'jig rten thams cad la phan gdags pa'i phyir/ bdag nyid kyang de bzhin nyid la gnas par bya/ sems can thams cad kyang / de bzhin nyid la dgod par bya ste/ sems can gyi khams dpag tu med pa yongs su mya ngan las zla'o zhes dge ba'i rtsa ba mngon par 'du byed pa'i sbyor ba thams cad byang chub sem dpa' sems dpa' chen pos de ltar brtsoms par bya ste/ sems des kyang rloms sems su mi bya'o// rab 'byor 'di lta ste dper na/ glang po che ma mthong bar
- 170b
skyes bu la la zhig glang po che'i kha dog dang / dbyibs tshol te/ des mun khung na glang po che zhig rnyed nas snang ba ga la ba der btags te/ btags nas glang po che'i rjes su btsal bar sems shing / glang po che'i rjes las glang po che'i kha dog dang / dbyibs rtogs par byed na/ rab 'byor 'di ji snyam du sems/ skyes bu de mkhas pa'i rang bzhin can yin nam/ rab 'byor gyis gsol pa/ bcom ldan 'das de ma lags so// bcom ldan 'das kyis bka' stsal pa/ rab 'byor de bzhin du gang zag byang chub sems dpa'i theg pa can gang shes rab kyi pha rol tu phyin pa 'di mi shes/ mi 'dri zhing de spangs la/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ mdo sde gang nyan thos kyis mngon par ston pa dang / rang sangs rgyas kyis mngon par ston pa de dag yongs su btsal bar sems pa de dag de lta bur rigs par bya'o// rab 'byor 'di lta ste dper na/ skyes bu rin po che tshol ba zhig rgya mtsho chen po mthong na/ der mi 'jug cing rin po che dag la mi sems mi dmigs te/ rin po che la ba lang gi mig rjes kyi nang du 'tshol bar sems/ ba glang gi rmi rjes kyi chu dang / rgya mtsho chen por mtshungs par sems na/ rab 'byor 'di ji snyam du sems/ skyes bu mkhas pa'i rang bzhin can yin nam/ rab 'byor gyis gsol pa/ bcom ldan 'das de ni ma lags so// bcom ldan
- 171a
'das kyis bka' stsal pa/ rab 'byor de bzhin du gang zag byang chub sems dpa'i theg pa can gang shes rab kyi pha rol tu phyin pa 'di rnyed na/ ma rtogs shing mi rnyed pas 'dor bar byed de/ brtson pa chung ba la gnas par 'dod pas/ mdo sde gang dag nyan thos kyis mngon par ston pa dang / rang sangs rgyas kyi sa mngon par ston pa de dag btsal bar sems pa de dag ni de lta bur rig par bya ste/ gang las byang chub sems dpa'i theg pa bsngags pa mi 'byung ba la bdag cag cig bu dul bar bya'o// zhi ba dang / yongs su mya ngan las 'da' ba'i nang du yang dag par bzhag pa dang / rgyun du zhugs pa'i 'bras bu thob par bya'o// lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu thob par bya'o// rang byang chub thob par bya'o// tshe 'di nyid la len pa med par zag pa rnams las sems yongs su grol bar yongs su mya ngan las 'das par bya'o// zhes 'byung ba ni nyan thos dang / rang sangs rgyas kyi sa dang ldan pa zhes bya ste/ rab 'byor byang chub sems dpa' sems dpa' chen po de dag ni de ltar sems bskyed par mi bya'o// de ci'i phyir zhe na/ rab 'byor byang chub sems dpa' sems dpa' chen po la yang dag par zhugs shing / go cha chen po bgos pa yin te/ de dag gis ni nam 'du shes yang spro ba chung ngu la sems mi bskyed do/ de ci'i phyir zhe na/ skyes bu dam
- 171b
pa de dag ni 'jig rten yongs su 'dren pa/ 'jig rten gyi don byed pa yin te/ de bas na rtag tu rgyun mi 'chang par pha rol tu phyin pa drug la bslab par bya'o// rab 'byor gang zag byang chub sems dpa'i theg pa'i rgyal po dang / mkhar gyi rgyal por mtshungs par bya bar sems pa'i skyes bu de mkhas pa'i rang bzhin can yin nam/ rab 'byor gyis gsol pa/ bcom ldan 'das de ma lags so// bcom ldan 'das kyis bka' stsal pa/ rab 'byor ma 'ongs pa'i dus na gang zag byang chub sems dpa'i thag pa can gang shes rab kyi pha rol tu phyin pa 'di thos shing bris/ shes rab kyi pha rol tu phyin pa 'di thos nas/ shes rab kyi pha rol tu phyin pa btang / shes rab kyi pha rol tu phyin pa bor nas/ nyan thos dang / rang sangs rgyas kyi sa dang ldan pa'i mdo sde dag las thams cad mkhyen pa nyid yongs su btsal bar sems pa dag 'byung ba 'di 'am/ rab 'byor 'di'ang bdud kyi las su rig par bya'o// rab 'byor nyan thos dang / rang sangs rgyas dang ldan pa'i mdo sde 'di dag byang chub sems dpa' sems dpa' chen pos yongs su btsal bar bya'o zhes nga mi smra ste/ rab 'byor de bzhin gshegs pas shes rab kyi pha rol tu phyin pa las byang chub sems dpa' sems dpa' chen po rnams kyi thabs mkhas pa gang bshad pa de la bslab par byang chub sems dpa' sems dpa' chen po bla na med pa yang dag par rdzogs pa'i byang chub
- 172a
tu nges par 'byung bar mi 'gyur ro// de ci'i phyir zhe na/ de ma yin pa'i mdo sde gzhan dag las byang chub tu bsgrub par 'byung ba ni bul ba yin no// / rab 'byor de bas na/ de bzhin gshegs pas shes rab kyi pha rol tu phyin pa'i phan yon de dag gzigs pas/ byang chub sems dpa' sems dpa' chen po dag ji ltar bla na med pa yang dag par rdzogs pa'i byang chub las phyir mi ldog par 'gyur snyam ste/ rnam grangs du mas byang chub sems dpa' sems dpa' chen po rnams shes rab kyi pha rol tu phyin pa 'di la yang dag par ston/ yang dag par gzeng bstod/ rab tu dga' bar byed/ yang dag par 'dzin du 'jug/ yang dag par 'dzud/ yang dag par 'god do// yang rab 'byor byang chub sems dpa' gang phyir mi ldog pa'i theg pa chen po thob cing bsgrubs nas de bor te/ yang phyir mi ldog pa'i yongs su btsal bar sems na/ de dag mkhas pa'i rang bzhin can yin nam/ rab 'byor gyis gsol pa/ bcom ldan 'das de ma lags so// bcom ldan 'das kyis bka' stsal pa/ rab 'byor 'di lta ste dper na/ skyes bu bkres pa zhig gis kha zas ro brgya bzhun phan bzhun bde ba tshe mthar thug pa'i bar du bkres pa dang / sgom pa zlog pa zhig rnyed la des de bor te/ zhag drug bcu'i 'bras chen btsal bar sems shing / kha zas ro brgya pa bor te/ zhag drug bcu'i 'bras chen za bar
- 172b
sems na/ rab 'byor 'di ji snyam du sems/ skyes bu de mkhas pa'i rang bzhin can bzhin nam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ sems can dge ba'i rtsa ba yongs su ma smin pa blo chung ba/ lhag pa'i bsam bzhan pa dag pha rol tu phyin pa drug dang ldan pa'i mdo sde dag mi shes shing / khong du chud pas shes rab kyi pha rol tu phyin pa 'di bor te/ mdo sde gang dag nyan thos dang / rang sangs rgyas kyi sa mngon par ston pa de dag yongs su btsal bar sems te/ rab 'byor 'di yang gang zag byang chub sems dpa'i theg pa can 'di lta de dag gi bdud kyi las su rig par bya'o// rab 'byor 'di lta ste dper na/ shing mkhan nam/ shing mkhan gyi slob ma zhig rnam par rgyal ba'i khang pa'i tshad du khang pa byed par 'dod/ bsgrub par 'dod nas/ de nyi ma dang zla ba'i gzhal yas khang gi tshad dang / dkyil 'khor yongs su 'tshol te/ de yongs su tshol bas/ nyi ma dang / zla ba'i gzhal yas khang mthong ba dang / de dag gi tshad gzung bar bya ba yin nam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ gang zag byang chub sems dpa'i theg pa can la la dag shes rab kyi pha rol tu/
- 173a
byin pa 'di thos shing shes rab kyi pha rol tu phyin pa 'di rnyed nas/ shes rab kyi pha rol tu phyin pa spangs/ shes rab kyi pha rol tu phyin pa gtang nas/ nyan thos dang / rang sangs rgyas kyi theg pa dang ldan pa'i mdo sde dag gis thams cad mkhyen pa nyid yongs su tshol bar sems te/ mdo sde gang bdag gcig pu dul bar bya'o// bdag gcig pu zhi bar bya'o// bdag gcig pu yongs su mya ngan las 'da' bar bya'o zhes mngon par ston pa bdag 'ba' zhig dul ba dang / zhi ba dang / yongs su mya ngan las mnga' ba thob par byed pa de lta bu'i mdo sde dag yongs su tshol zhing de lta bur slob par sems na/ rab 'byor de ji snyam du sems/ byang chub sem dpa' de dag mkhas pa'i rang bzhin can du rig par bya 'am/ rab 'byor gyis gsol pa/ bcom ldan 'das de lta ma lags so// bcom ldan 'das kyis bka' stsal pa/ rab 'byor 'di yang bdud kyi las su rigs par bya'o// rab 'byor 'di lta ste dper na/ skye bu zhig 'khor los bsgyur ba'i rgyal po lta bar 'dod la/ 'khor los bsgyur ba'i rgyal po mthong ste/ mthong nas 'khor los sgyur ba'i rgyal po'i kha dog dang / dbyibs dang / gzi brjid dang / rdzu 'phrul 'dri 'dra'o zhes mtshan mar gzung nas mkhar gyi rgyal po mthong na/ ngas mkhar gyi rgyal po'i kha dog dang / dbyibs dang / gzi brjid dang / mtshan ma bzung ste/ bye brag shes par mi nus la/
- 173b
'di skad du 'khor los bsgyur ba'i rgyal po'i kha dog dang / dbyibs dang / gzi brjid dang / mtshan ma 'di 'dra'o zhes zer na/ rab 'byor de ji snyam du sems/ gang 'khor los sgyur ba la la shes rab kyi pha rol tu phyin pa 'di thos nas/ shes rab kyi pha rol tu phyin pa 'di rnyed nas/ shes rab kyi pha rol tu phyin pa bor nas/ nyan thos kyi theg pa dang rang sangs rgyas kyi theg pa dang ldan pa'i mdo sde dang ldan pa'i mdo sde dag btsal bar sems shing / mdo sde gang de dag nyan thos dang / rang sangs rgyas kyi theg pa dang / mngon par ston pa de dag gis thams cad mkhyen pa nyid btsal bar sems na/ rab 'byor 'di ji snyam du sems/ byang chub sems dpa'/ de dag mkhas pa'i rang bzhin can du rig par bya'o// rab 'byor gyis gsol pa/ bcom ldan 'das de lta ma lagaso// bcom ldan 'das kyis bka' stsal pa/ rab 'byor 'di'ang bdud kyi las su rigs par bya'o// rab 'byor 'di lta ste dper na/ skyes bu zhig gis nor bu rin po che rin thang che ba zhig rnyed la/ nor bu rin po che rin thang chung zhing byin chung ba dang / mtshungs par bya bar sems na/ rab 'byor 'di ji snyam du sems/ skyes bu de mkhas pa'i rang bzhin can yin nam/ rab 'byor gyis gsol pa/ bcom ldan 'das de ni ma lagaso// bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ gang zag byang
- 174a
chub sems dpa'i theg pa can la la shes rab kyi pha rol tu phyin pa zab mo// rin po che 'di thos shing rnyed nas kyang / nyan thos dang / rang sangs/ rgyas kyi theg pa can dang / mtshungs par bya bar sems par 'gyur te/ nyan thos dang rang sangs rgyas kyi theg pas thams cad mkhyen pa nyid dang / thabs mkhas pas yongs su btsal bar sems na/ rab 'byor 'di ji snyam du sems/ byang chub sems dpa' de dag mkhas pa'i rang bzhin can du rig par bya 'am/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di'ang bdud kyi las su rig par bya'o// rab 'byor gzhan yang shes rab kyi pha rol tu phyin pa ston pa dang / lung nod pa dang / 'dzin pa dang / klog pa dang / kha ton byed pa dang / tha na yi ger 'bri ba la yang gang g.yeng bar 'gyur ba'i spobs pa mang po 'byung bar 'gyur te/ rab 'byor 'di yang bdud kyi las su rig par bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa yi ger bri rud las sam/ bcom ldan 'das kyis bka' stsal pa/ rab 'byor de ni ma yin no// rab 'byor gang su dag shes rab kyi pha rol tu phyin pa yig 'brur bris nas/ shes rab kyi pha rol tu phyin pa bri bar sems shing / yi ge dag
- 174b
la shes rab kyi pha rol tu phyin pa mngon par chags na/ rab 'byor 'di yang bdud kyi las su rig par bya'o// rab 'byor gzhan yang shes rab kyi pha rol tu phyin pa 'di yi ger 'bri ba la ljongs yid la byed pa dag 'byung bar 'gyur/ yul yid la byed pa dag 'byung bar 'gyur/ grong dang / grong khyer dang / grong brdal dang / ljongs dang / yul 'khor dang / rgyal po'i pho brang 'khor yid la byed pa dag 'byung bar 'gyur/ skyed mos tshal yid la byed pa dag 'byung bar 'gyur/ bla ma yid la byed pa dag 'byung bar 'gyur/ kun bstan pa yid la byed par 'byung bar 'gyur/ chos kun yid la byed pa dang / la can yid la byed pa dang / smad 'tshong yid la byed pa ngag 'byung bar 'gyur/ bde ba yid la byed pa dang / sdug bsngal yid la byed pa dang / 'jigs pa yid la byed pa dag 'byung bar 'gyur/ bud med yid la byed pa dang / skyes pa yid la byed pa dang / ma ning yid la byed pa dag 'byung bar 'gyur/ mdza' ba dang / mi mdza' ba dang / snrel zhig yid la byed pa dag 'byung bar 'gyur/ pha ma dang ldan par yid la byed pa dang / spun dang / sring mo dang ldan pa'i yid la byed pa dag 'byung bar 'gyur/ gnyen shes dang ldan pa'i yid la byed pa dang / chung ma dang / bu dang / bu mo dang ldan pa'i yid la byed pa dang / khyim dang / zas dang / skom dang / gos yid la byed pa dang / mal cha yid la byed pa dang / 'tsho ba'i yo byad yid la byed pa dang
- 175a
'bral gyi bya ba yid la byed pa dang / 'dod chags yid la byed pa dang / zhe sdang yid la byed pa dang / gti mug yid la byed pa dang / mdza' bshes dang / rtsa lag dang / snag gi gnyen 'tshams dang ldan pa'i yid la byed pa dang / dus tshigs yid la byed pa dang / dus bzang po dang / dus ngan pa yid la byed pa dang / klu yid la byed pa dang / rol mo yid la byed pa dang / gar yid la byed pa dang / snyan dag dang / glu tshigs dang / bsrung yid la byas pa dang / bstan bcos yid la byed pa dang / tha snyad yid la byed pa dang / mya ngan yid la byed pa dang / nyon mongs pa yid la byed pa dang / rab 'byor yid la byed pa de dag dang / gzhan dag kyang bdud sdig can nye bar bsgrub par 'gyur te/ shes rab kyi pha rol tu phyin pa la bar chad byed par 'gyur/ sems g.yeng bar byed par 'gyur te/ byang chub sems dpa' sems dpa' chen pos bdud kyi las su 'di dag rtogs par bya ste/ rtogs nas spangs par bya'o// rab 'byor gzhan yang rgyal po yid la byed pa dang / gzhon nu yid la byed pa dang // glang po yid la byed pa dang / rta yid la byed pa dang / shing rta yid la byed pa dang / yi ge yid la byed pa dag 'byung bar 'gyur te/ rab 'byor 'di yang bdud kyi las su rig par bya'o// rab 'byor gzhan yang me yid la byed pa dang / 'dod pa yid la byed pa dang / nor yid la byed pa dang / 'byung bar 'gyur te/ rab 'byor 'di yang byang/
- 175b
chub sems dpa' sems dpa' chen po bdud kyi las su rig par bya'o// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa/ 'di lung nod pa dang / kha ton byed pa dang / yi ger 'dri ba dag gos dang / bsod snyoms dang / mal cha dang / na ba'i bsos sman dang / yo byad rnyed pa dang / bkur bsti dang / tshigs su byed pa dag gis sems la gdung ba byed pa 'di yang rab 'byor byang chub sems dpa' sems dpa' chen po dag gis bdud kyi las su rig par bya'o// de dag rtogs nas rnam par spang bar bya'o// rab 'byor gzhan yang byang chub sems dpa' sems dpa' chen po rnams shes rab kyi pha rol tu phyin pa 'di lung nod pa dang / kha ton byed pa dang / yi ger 'dri ba dag la thos pa dang / rang sangs rgyas kyi sa dang ldan pa'i mdo sde gang zab mo zab pa dag yod pa de dag bdud sdig can dge slong gi cha byad du bsgyur nas/ sbyin par 'gyur te/ 'di skad du 'di slobs shig/ 'di 'bris shig/ 'di'i lung nos shig/ 'di kha ton gyis shig/ 'di las thams cad mkhyen pa 'grub par 'gyur ro// zhes zer na rab 'byor byang chub sems dpa' sems dpa' chen po thabs la mkhas pas de dag la 'dod pa mi skyed do// rab 'byor mdo sde de dag la stong pa nyid dang / mtshan ma med pa dang / smon pa med pa dag bshad mod kyi/ de las byang chub sems dpa' sems dpa' chen po'i thabs mkhas pa ma
- 176a
bstan to// de nas byang chub sems dpa' sems dpa' chen po gang la thabs mkhas pa'i ye shes kyi bye brag mngon par mi shes pa de dag ni shes rab kyi pha rol tu phyin pa zab mo 'di btang bar sems te/ shes rab kyi pha rol tu phyin pa zab mo 'di btang nas/ nyan thos dang / rang sangs rgyas kyi theg pa dang ldan pa'i mdo sde dag las thabs mkhas pa btsal bar sems te/ rab 'byor 'di yang byang chub sems dpa' sems dpa' chen po'i bdud kyi las su rig par bya'o// rab 'byor gzhan yang chos nyan pa la dad pa dang / 'dun pa dang / ldan pa'i shes rab kyi pha rol tu phyin pa gzung bar 'dod na/ chos smra ba snyoms par 'gyur te/ chos ston par mi 'dod pa 'di 'ang / rab 'byor byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos smra ba snyoms par byed cing / shes rab kyi pha rol tu phyin pa sbyin par 'dod na/ chos nyan pa bya ba dang ldan par gyur pa 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos nyan pa 'dun pa dang ldan zhing shes rab kyi pha rol tu phyin pa gzung bar 'dod/ bcang bar 'dod/ kun chub par byed par 'dod cing // rtogs pa dang ldan dran pa dang ldan par 'gyur na/ chos smras pa yul gzhan du btang na/ rab 'byor 'di yang shes rab kyi pha rol tu phyin pa slob pa dang / yi ger 'dri ba
- 176b
la tshogs pa dang / mi ldan par 'gyur te/ rab 'byor 'di yang byang chub sems dpa' sems dpa' chen pos bdud kyi las su rigs par bya'o// rab 'byor gzhan/ yang chos smra ba shes rab kyi pha rol tu phyin pa sbyin par 'dod/ klog tu bzhugs par 'dod na/ chos mnyan pa yul gzhan du zhugs par gyur na/ rab 'byor 'di yang byang chub sems dpa' sems dpa' chen pos bdud kyi las su rigs par bya'o// rab 'byor gzhan yang chos smra ba zang zing lhar byed/ gos lhur byed/ rnyed pa lhur byed par 'gyur la/ chos nyan pa ni sbyin par mi 'dod na/ rab 'byor 'di yang shes rab kyi pha rol tu phyin pa la bslabs pa dang / yi ger bri ba la tshogs ba dang mi ldan par gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos mnyan pa la dad cing sbyin par 'dod/ nor yongs su btang bar 'dod na/ chos kyi rab tu gyur par smra ba la mdo sde de dag med de/ mi 'jug na/ chos mnyan pa chog ma shes par 'gyur te/ rab 'byor 'di yang shes rab kyi pha rol tu phyin pa la slob pa dang / 'dzin pa dang / kun chub par byed pa dang / yi ger 'dri ba la tshogs pa dang mi ldan par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan
- 177a
yang chos smra bal 'chad par 'dod la/ chos mnyan pa nyan mi 'dod na/ rab 'byor 'di yang shes rab kyi pha rol tu phyin pa gzung bar bya ba dang / kun chub par bya ba dang / yi ger bri ba dang / mnyan pa la tshogs pa dang mi ldan par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos smra ba gnyid che zhing lus lci bar 'gyur te/ de lus lci ba de dang ldan par lus sgoms pa de dag ldan pas/ byA chad mi 'dod par 'gyur la/ chos mnyan pa ni nyan 'dod par gyur na/ rab 'byur 'di yang yi ger brib dang / klag pa dang / kun chu par bya bra la tshas/ pa dang mi ldan par gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang shes rab kyi pha rol tu phyin pa sa yi ger 'bri ba rjo/ slob pa la 'azhig der 'ongs nas sems can dmyal de'i mi bsngags pa brjod/ dud 'gro'i ste gnas dang yi dgas ni tshul gyi bsngags pa brjod/ sems can dmyal ba ni 'di ltar sdug bsngal ba'o// drung 'dra'i skye gnas ni 'di ltar sdug bsngal pa'o// yid dgas kyi yul ni 'od lur sdug bsngal palo// lha ma yin gyi yul ni 'di ltar sdug bsngal ba'o// 'du byed rnams ni 'di ltar sdug pasngal palo// 'di nyid du sdug bcwan
- 177b
mthar dbyung ngo zhes zer na/ rab 'byor 'di'ang byang chub sems dpa' sems dpa' chen pos bdud kyis las su rig par bya'o// rab 'byor gzhan yang shes rab kyi pha rol tu phyin pa yi ger 'bri ba dang / klog pa la la zhig der 'ongs nas/ lha'i sngags brjod de/ lha rnams 'di ltar skyed do// mtho rig ni 'di ltar bde'o// 'dod pa'i khams ni 'di ltar bstan no// gzugs kyi khams su bsam gtan rnams ni 'di ltar mnyam par gzhag go// gzugs med pa'i snyoms par 'jug pa rnams ni 'di ltar mnyam par bzhag go/ 'di yang shes rab kyi pha rol brtags nas skye ba thams cad sdug bsngal ba yin no// bcom ldan 'das kyis kyang 'di skad du dge slong dag se gol gtogs pa srid par 'grub pa nga mi ston na 'dus byas thams cad ni sdug bsngal ba/ srid par sod pa thams cad ni sdug bsngal ba/ kham gsum pa thams cad ni bdag med pa ste/ chos thams cad ni bdag med pa ste/ de ltar de dag thams cad mi rtag pa/ mi brtan pa/ sdug bsngal bar 'gyur chos can du rig par byas nas/ mkhas pa dag gis 'di nyid du rgyun du zhugs pa'i 'bras bu thob par bya'o// lan gcig phyir 'ongs pa'i 'bras bu dang / phyir mi 'ongs ba'i 'bras bu dang / dgra bcom pa 'di nyid thob par bya'o// yang dag par phun sum tshogs pa sdug bsngal ba mang po de dag dang / phrad par 'gyur ta re zhes gsung
- 178a
so// zhes zer zhing / de la byang chub sems dpa' kha cig gis skyo bar byed par 'gyur te/ rab 'byor 'di yang byang chub sems dpa' sems/ dpa' chen pos bdud kyi las su rig par bya'o// rab 'byor gzhan yang chos smra ba gang yin pa de dag 'khor lhur byed par 'gyur te/ de dag 'di skad du gang la bstan par byed pa de la ni/ shes rab kyi pha rol tu phyin pa 'di sbyin no// gang la bstan par byed pa de dag la ni sbyin no zhes zer bar 'gyur te/ rigs kyi bu de dag de ltar 'dod pa dang du gnyer ba dang / chos la gus pas chos smra ba la gus par byed par 'gyur ro// chos smra ba de gang na mu ge dang / grub pa dang / bde ba med pa dang / srog gi bar chad du 'gyur bar yod pa de dag der 'gro bar 'gyur te/ chos mnyan pa de dag kyang gzhan las thos nas/ phyogs de na mu ge byung ste/ grub pa dang bde ba med cing / phyogs der srog gi bar chad du yang 'gyur ro zhes thos la/ chos smra ba de yang rigs kyi bu de dag la 'di skad du rigs kyi bu dag phyogs 'di zhes bya bar mu ge'i 'jigs pa byung ste/ khyed der dong na mu ge'i 'jigs pas phyis 'gyod ta re/ zhes zer nas de ltar chos smra ba des thabs zab mos slong ba ste/ de dag kyang yid byung nas/ 'di ltar shes te/ 'di dag ni spangs pa'i mtshan ma yin gyis/ 'di dag ni sbyin pa 'dod pa'i mtshan ma yin te/ 'di ni
- 178b
sbyin pa mi 'dod do snyam nas/ bsnyen par mi byed de/ rab 'byor 'di yang shes rab kyi pha rol tu phyin pa bslab pa dang / lung nod pa dang / kha ton byed pa la tshogs pa dang mi ldan par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor gzhan yang dge slong chos smra ba de gang na srog chags kyi 'jigs pa yod pa dang / gang na gcan zan gyi 'jigs pa yod pa dang / gang na mi ma yin pas 'jigs pa der ches te/ 'gro 'am/ 'dug na yang gcan zan gyi 'jigs pa dang / grog sbyar gyi dgon pa dang / mu ge'i dgon pa gang yod pa der 'gro bar 'gyur te/ de chos nyan pa de dag la 'di skad du rigs kyi bu dag shes par gyis shig/ da ni yul gang na srog chags kyi 'jigs pa dang / gcan zan gyi 'jigs pa dang / sha za'i 'jigs pa dang / grog sbyar gyi dgon pa dang / mi rgod kyi dgon pa dang / chu'i dgon pa dang / mu ge'i dgon pa gang na yod pa der 'gro'o// rigs kyi bu dag shes par gyis shig/ khyed sdug bsngal 'di dag myong bar nus zhes zer zhing de dag thabs phra mos spong bar nus zhes/ de nas de dag kyang yid byung bar gyur to// yid byung nas de la bsnyen pa mi byed cing phyir mi ldog par 'gyur/ rab 'byor shes rab kyi pha rol du phyin pa lung nod pa dang / kha ton byed pa dang / yi ge
- 179a
'dri ba la bar chad byed par 'di dag 'byung bar 'gyur ro// rab 'byor 'di'ang byang chub sems dpa' sems dpa' chen pos bdud kyi las su rig par bya'o// rab 'byor gzhan yang chos smra ba de mdza' bshes kyi khyim dang / slong mo ster ba'i khyim la 'du bar 'gyur te/ de mdza' bshes kyi khyim dang / slong mo ster ba'i khyim la 'dug des rtag tu mdza' bshes kyi khyim dang / slong mo gter ba'i khyim la blta bar sems so// de rtag tu lta ba des bya ba mang po'i phyir chos nyan pa de dag spong bar 'gyur ro// nga cung zad blta bar bya ba zhig yod do// cung zad 'gro dgos pa zhig yod do zer na/ rab 'byor 'di yang shes rab kyi pha rol tu phyin pa yi ger bri ba dang / kun chub par bya ba la tshogs pa dang mi ldan par 'gyur te/ rab 'byor 'di yang byang chub sems dpa' sems dpa' chen pos bdud kyi las su rig par bya'o// rab 'byor de ltar bdud sdig can ci na nas/ shes rab kyi pha rol tu phyin pa 'di su'ang 'dzin pa dang / kun chub par mi byed pa dang / mi 'chang ba dang / mi klog pa dang / mi ston pa dang / yi ger mi 'dri ba de ltar de dang de dag gis brtsol bar 'gyur ro// rab 'byor de lta bas na/ bar chad ji snyed tshogs pa dang mi ldan par 'gyur ba de dag thams cad byang chub sems dpa' sems dpa' chen pos bdud kyi las su rig par bya'o//
- 179b
de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das ci'i slad du 'di ltar bdud sdig can ni ci nas kyang / shes rab kyi pha rol tu phyin pa 'di mi 'dzin pa dang / kun chub par mi bgyid pa dang / mi 'chang ba dang mi klog pa dang / mi ston pa dang / yi ger mi 'dri ba de dag de lta bur thabs su sbyong zhing / 'bad pa ched stsal/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor sangs rgyas bcom ldan 'das rnams kyi thams cad mkhyen pa nyid ni shes rab kyi pha rol tu phyin pa las skyes so// de bzhin gshegs pa'i bstan pa ni thams cad mkhyen pa nyid las byung ngo // de bzhin gshegs pa'i bstan pa las ni/ sems can grangs med dpag tu med pa'o zhes nyon mongs pa spong bar 'byung ngo // nyon mongs pa spangs pa las ni/ bdud sdig can gyis glags mi rnyed do// ma rnyed pas sdug bsngal gyis gzer cing mi yi mug ste/ mya ngan gyi zug du khong du chud par 'gyur ro// de'i phyir shes rab kyi pha rol tu phyin pa yi ger 'bri ba dang / kun chub par byed pa rab tu mi dga' zhing 'bad pa chen pos brtson pa cher byed de/ ci nas shes rab kyi pha rol tu phyin pa yi ger 'dri zhing / kun chub par mi byed pa de lta bur thabs su sbyor zhing brtson par
- 180a
n+ya/ byed do// rab 'byor bdud sdig can dge sbyong gi cha byed du 'ongs nas/ 'bral bar byed cing 'di ltar rigs kyi bu dag theg pa la gsar du zhugs pa dag 'bral bar byed de/ gang khyod nyan pa 'di ni shes rab kyi pha rol tu phyin pa ma yin te/ ji ltar nga'i mdo sde'i nang du chud pa mdo sde'i nang du gtogs pa 'di ni/ shes rab kyi pha rol tu phyin pa yin no// zhes rab 'byor bdud sdig can the tsom zar 'jug ste/ rab 'byor de ltar bdud sdig can dge sbyong gi cha byed du 'ongs nas dbye ba byas pas/ byang chub sems dpa'i theg pa la gsar du zhugs pa'i blo chung ba/ blo zhan pa/ blo dman pa/ dngos por gyur pa/ bla na med pa yang dag par rdzogs pa'i byang chub tu lung ma bstan pa la gsar du 'jug go// de dag the tsom du gyur nas she rab kyi pha rol tu phyin pa 'di mi 'dzin/ kun chub par mi Sh+ya/ mi 'chang / bzlog/ mi ma/ 'igar mi 'dri bar 'gyur te/ rang 'byor 'di yang byang chub sems dpa' sems dpa' chen pas bdud kyi rdzas su rig pa byang bzha yang 'drang sdig pa dge slong gi sa byed du 'angs nas/ byang chub ses dpa blang tsas zang mo ngas la sa byung nga/ 'ang dag pa'i bar mngon du rgyang cing dra nyan thos su gyur gyi/ byang chub sems dpar mi 'gyur ro// zhes bdud kyi las nye bar sbyor/ 'di yang byang chub sems dpa' sems pa
- 180b
chen pos bdud kyi las su rig par bya'o// rab 'byor de ltar shes rab kyi pha rol tu phyin pa 'di yi ger 'dri ba dang / kun chub par byed pa la bdud sdig can gyis/ las gzhan dang gzhan dag mang du 'byung bar 'gyur te/ de dag byang chub sems dpa' sems dpa' chen pos rtogs par bya'o// rtogs nas yongs su spang bar bya'o// sten par mi bya'o// brtson 'grus brtsams shing dran pa dang ldan par bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das de de bzhin no// bde bar gshegs pa de de bzhin te/ bcom ldan 'das nor bu rin po che chen po de gang lags pa de dag la dgra mang ngo // de ci'i slad du zhe na/ 'di lta ste rnyed par dka' zhing rin che ba'i skad du de/ de dag dbyigs lags pas na/ de'i slad du de dag la dgra mang por 'gyur ro// de bzhin du bcom ldan 'das shes rab kyi pha rol tu phyin pa 'di la 'ang phal cher bar du gcod pa mang du 'byung ste/ de la gang dag par du gcod pa'i dbang gis le lo can 'gyur zhing / gang shes rab kyi pha rol tu phyin pa 'di mi gzung bar sems pa dang / kun chub par mi bya ba dang / mi 'chang ba dang / mi klog pa dang / kha ton du mi bya ba dang / rab tu mi 'don pa dang / lung mi nod pa dang / mi bstan pa dang / tha na yi ger mi 'dri bar sems dpa'i byang
- 181a
byang chub sems dpa' de dag ni bdud kyi byin gyis brlabs pa dang / bcom ldan 'das de dag ni theg pa la gsar du zhugs pa lags pa dang / de dag blo chung ba dang / blo dman pa lags pa dang / de dag blo zhan pa lags pa dang / blo phyin ci log pa lags pa dang / de dag sangs rgyas kyi chos rgya chen po/ rgya chen po dag la sems mi 'jug par rig par bgyi'o// de skad ces gsol pa dang / bcom ldan 'das kyi tshe dang ldan pa rab 'byor la 'di skad ces bka' stsal to// rab 'byor de de bzhin no// gang shes rab kyi pha rol tu phyin pa 'di mi bzung bar sems dpa' dang / kun chub par mi bya ba dang / mi 'chang ba dang / mi klog pa dang / kha ton mi bya ba dang / rab tu mi 'don pa dang / lung mi nod pa dang / mi ston pa dang / tha na yi ger mi 'bri bar sems dpa'i byang chub sems dpa de dag ni rab 'byor bdud kyi byin gyis brlabs par rig par bgyi ste/ byang chub sems dpa' de dag theg pa la yang gsar du zhugs pa yin no// de dag ni blo chung ba rnams yin no// de dag ni blo dman pa rnams yin no// de dag ni blo zhan pa rnams yin no// de dag ni blo phyin ci log pa rnams yin no// de dag ni sangs/ rgyas kyis chos rgya chen po dag la sems mi 'jug par 'gyur ro// rab 'byor de ltar bdud kyi nyes pa dang / bar du gcod pa mang du 'byung mod kyi/ rab 'byor
- 181b
gang shes rab kyi pha rol tu phyin pa bzung bar sems shing kun chub par bya ba dang / bcang bar bya ba dang / klag pa dang / kha ton bya ba dang / rab tu 'don pa dang / lung nod pa dang / bstan pa dang / nye bar bstan pa dang / tha na yi ger bri bar sems na yang / rab 'byor de ni sangs rgyas kyi mthu dang / sangs rgyas kyi byin gyis brlabs dang / sangs rgyas kyi yongs su bzung bas de dag 'dzin par 'gyur ba dang / kun chub par byed pa dang / bcang ba dang / klog pa dang / kha ton byed pa dang / rab tu 'don par bya ba dang / lung nod par byed pa dang / bstan pa dang / nye bar bstan pa dang / yi ger 'dri bar rig par bya'o// de ci'i phyir zhe na/ 'di la bdud sdig can yang bar chad bya ba'i phyir brtson pa cher byed do// de bzhin gshegs pa dgra bcom pa yang dag par rdzogs pa'i sangs rgyas kyang yongs su gzung ba'i phyir brtson pa cher mdzad do// shes rab kyi pha rol tu phyin pa brgyad stong pa las/ bdud kyi le'u zhes bya ste/ bcu gcig pa'o// / bam po bcu gnyis pa// de nas bcom ldan 'das kyis tshe dang ldan pa rab 'byor la bka' stsal pa/ rab 'byor 'di la ste dper na/ bud med cig la bu mang ba yad de/ lnga'ag/ zul/
- 182a
nyi shu 'am/ sum bcu 'am/ bzhi bcu 'am/ lnga bcu 'am/ brgya 'am stong yod la de dag gis ma na bar gyur na/ de dag bdag cag gis/ ma ci nas kyang srog gi bar chad du mi 'gyur ba dang / bdag cag gi ma ci nas lus ma rungs par mi 'gyur ba dang / bdag gi ma ci nas ring du gnas par 'gyur ba dang / bdag cag gi ma ci nas nyam nyes par mi 'gyur ba dang / bdag cag gi ma ci nas sdug bsngal gyi tshor ba mi 'byung ba dang / 'di la mi bde bar reg pa la gnas pa dang / lus la yid du mi 'ong ba mi 'byung bar 'bad cing rtsol lo// de ci'i phyir zhe na/ 'dis ni bdag cag bskyed de/ 'di ni bka' ba byed pa bdag cag gi srog sbyin pa dang / 'jig rten kun du ston pa yin no zhes 'di sdug bsngal gyi tshor ba dang / sdug bsngal gyi reg pa gang yang byung da re zhes/ bu de dag ma de la bde bar sbyar thams cad kyis legs par bzung ba 'dzin/ legs par sba bas sbed/ legs par bcos pas 'chos shing 'di'i mig gang / rna ba ma/ sna 'am/ lce 'am/ lus sam/ yid la rlung ngam/ 'khris pa 'am/ bad kan nam/ 'dus pa 'am/ sbrang bu 'am/ sha sbrang ngam/ grog sbur ram/ mi 'am/ mi ma yin pa 'am/ nyam thag pa dang / ye 'brog gam/ mi 'dod pa 'byung ba lus la byung ba da re zhes de ltar bur de dag ma de la bsams te/ bde bas sbyar
- 182b
pa thams cad kyis/ 'di ni bdag cag gis ma bskyed pa 'jig rten ston pa'o zhes 'chos shing sbed la bdag gir byed do// rab 'byor de bzhin gshegs pa dgra bcom pa yang dag par rdzogs pa'i sangs rgyas rnams kyang / shes rab kyi pha rol tu phyin pa 'di la dgongs te/ gang 'dzin pa dang / yi ger 'dri ba dang / kun chub par byed pa dang / rab tu 'don pa dang / lung nod pa dang / 'chang ba dang / klog pa dang / kha ton byed pa dang / ston pa dang / nye bar ston pa de dag thams cad kyang / de bzhin gshegs pa dgra bcom pa yang dag par rdzogs pa'i sangs rgyas kyi mthu dang / byin gyis brlabs dang / dgongs pa las 'gyur ro// 'jig rten gyi khams gzhan dag na de bzhin gshegs pa dgra bcom pa yang dag par rdzogs pa'i sangs rgyas gang ji snyed skye bo mang mo la phan pa dang / skye bo mang po la bde ba dang / 'jig rten la thugs brtse ba dang / skye bo phal po che'i don dang / phan pa dang / bde ba dang / lha dang / mi rnams dang / sems can thams cad la thugs brtse ba'i phyir zhugs te/ 'tsho zhing bzhes pa de dag thams cad kyang shes rab kyi pha rol tu phyin pa 'di nyid la dgongs ste/ shes rab kyi pha rol tu phyin pa 'di ci nas kyang ring du gnas par 'gyur ba dang / ci nas kyang shes rab kyi pha rol tu phyin pa 'di ci'i ming du 'gyur ba dang / ci nas kyang shes rab kyi pha rol tu phyin pa 'di la bdud sdig
- 183a
can nam/ bdud kyi rigs kyi lha dag par bya bar mi 'gyur bar brtson par mdzad do/ rab 'byor de ltar de bzhin gshegs pa dgra bcom pa yang dag par rdzogs pa'i sangs rgyas kyi yum ste bskyed pa'o// thams cad mkhyen pa nyid ston pa'o// rab 'byor de bzhin gshegs pa dgra bcom pa yang dag par rdzogs pa'i sangs rgyas rnams ni 'di las skyes te/ rab 'byor shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas rnams la/ thams cad mkhyen pa'i ye shes ston pa'o// 'jig rten kun bstan pa'o// rab 'byor de bzhin gshegs pa dgra bcom pa yang dag par rdzogs pa'i sangs rgyas rnams kyi thams cad mkhyen pa nyid 'di las skyes so// rab 'byor 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang su dag bla na med pa yang dag par rdzogs pa'i byang chub mngon par rdzogs par sangs rgyas pa de dag thams cad kyang shes rab kyi pha rol tu phyin pa 'di la rten nas bla na med pa yang dag par rdzogs pa'i byang chub mngon par rdzogs par sangs rgyas so// rab 'byor ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag 'byung bar 'gyur ba de dag thams cad kyang shes rab kyi pha rol tu phyin pa 'di la rten nas/ bla na med yang dag/
- 183b
bar rdzogs pa'i byang chub mngon par rdzogs par 'tshang rgya bar 'gyur ro// rab 'byor da ltar byung ba'i dus na/ 'jig rten gyi khams grangs med dpag tu med pa phyogs bcu'i 'jig rten na de bzhin gshegs pa dgra bcom pa yang dag par rdzogs pa'i sangs rgyas gang dag skye bo mang po la phan pa dang / skye bo mang po la bde ba dang / 'jig rten la thugs brtse ba dang / skye bo phal po che'i don dang / phan pa dang / bde ba dang / mi rnams dang / sems can thams cad la thugs brtse ba dag dang / ngathugs brtse ba'i phyir gzhags te/ mtsho zhing bzhes pa de dag thams cad kyang shes rab kyi pha rol tu phyin pa 'di la brten nas/ bla na med pa yang dag par rdzogs pa'i byang chub mngon par rdzogs par sangs rgyas so// rab 'byor da ltar de bzhin gshegs pa dgra bcom pa yang dag par rdzogs pa'i sangs rgyas nga bla na med pa yang dag par rdzogs pa'i byang chub mngon par rdzogs par sangs rgyas pa yang shes rab kyi pha rol tu phyin pa 'di nyid la brten nas/ bla na med pa yang dag par rdzogs pa'i byang chub mngon par rdzogs par sangs rgyas so// de nas bcom ldan 'das la tshe dang ldan pa rab gro gyib 'di skad ces gsol to// bcom ldan 'das kyis gang 'di skad du shes rab kyi pha rol tu phyin pa ni de bzhin gshegs pa rnams la 'jig rten 'di bston pa'o// zhes bka' stsal nas/ bcom 183'a1(brgyad stong): ldan 'das ji ltar shes rab kyi pha rol tu phyin pa 'di de bzhin gshegs pa rnams la 'jig rten ston pa lags/ bcom ldan 'das de bzhin 183'a2(brgyad stong): gshegs pa dgra bcom pa yang dag par rdzogs pa'i sangs rgyas rnams kyis 'jig rten du gsungs pa gang lags/ de skad ces gsol pa dang / bcom ldan 183'a3(brgyad stong): 'das kyis tshe dang ldan pa rab 'byor la 'di skad ces bka' stsal to// rab 'byor phung po lnga rnams ni de bzhin gshegs par 'jig rten du gsungs so// 183'a4(brgyad stong): lnga gang zhe na/ 'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa ste/ rab 'byor phung po lnga ni de bzhin 183'a5(brgyad stong): gshegs pas 'jig rten du gsungs so// rab 'byor gyis gsol pa/ bcom ldan 'das de bzhin gshegs pa la shes rab kyi pha rol tu phyin pas phung 183'a6(brgyad stong): po lnga ji ltar bstan/ bcom ldan 'das shes rab kyi pha rol tu phyin pas ci zhig bstan/ de skad ces gsol pa dang / bcom ldan 'das kyis tshe dang ldan pa rab 'byor 183'a7(brgyad stong): la 'di skad ces bka' stsal to// rab 'byor mi 'jigs pas rab tu mi 'jigs pas na/ phung po lnga po ni 'jig rten no zhes shes rab kyi pha rol tu phyin pas 183'a8(brgyad stong): bstan to// de ci'i phyir zhe na/ mi 'jigs rab tu mi 'jigs pas na/ de ltar bstan to// rab 'byor phung po lnga rnams ni ngo bo nyid med pas na/ stong pa nyid 183'b1(brgyad stong): ngo bo nyid do// rab 'byor stong pa nyid ni 'jig pa 'am/ rab 'byor 'jigs pas pa ma yin te/ rab 'byor de bzhin du shes rab kyi pha rol tu phyin pa 'di yang / 183'b2(brgyad stong): de bzhin gshegs pa rnams la 'jig rten 'di ston pa'o// rab 'byor mtshan ma med pa dang / smon pa med pa dang / mngon par 'du ma byed pa dang / mi skye ba dang / dngos po med pa 183'b3(brgyad stong): dang / chos kyi dbyings mi 'jig rab tu mi 'jig pa de bzhin du/ rab 'byor shes rab kyi pha rol du phyin pa 'di yang de bzhin gshegs pa rnams la 'jig rten 'di ston pa'o// rab 'byor 183'b4(brgyad stong): sems can grangs med dpag tu med pa dag ni/ sems can grangs ji snyed yod pa de dag thams cad kyang / rab 'byor de bzhin gshegs pas sems can dngos po med pa rab tu mkhyen to// 183'b5(brgyad stong): rab 'byor de bzhin gshegs pas de ltar shes rab kyi pha rol tu phyin pa 'di la brten nas/ sems can grangs med dpag tu med pa dag gi sems can grangs med dpag tu med pa rnams/ 183'b6(brgyad stong): yang dag pa ji lta ba bzhin rab tu mkhyen to// rab 'byor de ltar shes rab kyi pha rol tu phyin pa ni de bzhin gshegs pa rnams 'jig rten pa'o// rab 'byor gzhan yang de bzhin gshegs 183'b7(brgyad stong): pas shes rab kyi pha rol du phyin pa 'di la rten nas/ sems can grangs med dpag tu med pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs 183'b8(brgyad stong): pas shes rab kyi pha rol du phyin pa 'di la rten nas/ sems can grangs med dpag tu med pa'o zhes yang dag pa ji lta ba bzhin du rab tu mkhyen ces na/ ngo bo nyid med pa'i phyir ses
- 184a
can grangs med/ dpag tu med pa'o zhes yang dag pa ji lta ba bzhin du rab tu mkhyen to// rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can grangs med dpag tu med pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten te/ sems can dpag tu med pa dag gis sems can dpag tu med pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi rol tu phyin pa 'di la rten nas/ sems can dpag tu med pa dag gis sems can dpag tu med pa'o zhes yang dag pa ji lta ba bzhin du rab tu mkhyen ce na/ rab 'byor de'i ni rnam par mnyam shing / sems de 'gog pa la gnas pa dag pa ji lta ba bzhin du rab tu mkhyen te/ na mkha' dpag tu med pas na/ sems can dpag tu med pa ste/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems can dpag tu med pa'o/ zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten te/ sems can
- 184b
dpag tu med pa dag gis sems bsdus pa rnams sems bsdus po zhes yang dag pa ji lta ba bzhin du rab tu mkhyen to// rab 'byor ji lta ba de bzhin gshegs pas shes/ rab kyi pha rol tu phyin pa 'di la rten nas/ sems can dpag tu med pa dag gis sems bsdus pa rnams sems bsdus pa'o zhes yang dag pa ji lta ba bzhin tu rab tu mkhyen ce na/ zad pa yang zad pa nyid/ ma zad pa yang ma zad pa nyid du yang dag pa ji lta ba bzhin du rab tu mkhyen to// rab 'byor de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis sems bsdus pa rnams sems bsdus pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems g.yengs pa rnams sems g.yengs pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems g.yengs pa rnams g.yengs pa'o zhes yang dag pa ji lta ba bzhin du rab tu mkhyen ce na/ rab 'byor chos nyid kyi sems de dag ni mi zad par yang dag pa ji lta ba bzhin du rab tu mkhyen te/ rab 'byor de ltar de bzhin gshegs pas
- 185a
shes rab kyi pha rol tu phyin pa 'di la rten nas/ sems can dpag tu med pa dag gis sems g.yengs pa rnams sems g.yengs pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis kun nas nyon mongs pa'i sems rnams kun nas nyon mongs pa'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis kun nas nyon mongs pa'i sems rnams kun nas nyon mongs pa'i sems so zhes yang dag pa ji lta ba bzhin du rab tu mkhyen ce na/ sems can de dag kun nas nyon mongs pa ste/ rab 'byor de ltar de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gis sems kun nas nyon mongs pa'o// zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis sems kun nas nyon mongs pa rnams sems kun nas nyon mongs pa'o zhes yang dag pa ji lta ba bzhin du rab tu mkhyen to// rab 'byor ji ltar de
- 185b
bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis kun nas nyon mongs pa'i sems rnams/ kun nas nyon mongs pa'i sems so zhes yang dag pa ji lta ba bzhin du rab tu mkhyen ce na/ sems de dag rang bzhin gyis 'od gsal ba ste/ rab 'byor de ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis sems kun nas nyon mongs pa'i sems rnams kun nas nyon mongs pa'o zhes so zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems zhums pa rnams sems zham pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis sems zhum pa rnams sems zhum pa'o zhes yang dag par ji lta ba bzhin du mkhyen ces na/ rab 'byor sems de dag ni kun gzhi med pa/ ma zhum pa ste de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis sems zham pa rnams/ sems zhum pa'o zhes yang dag pa ji lta ba bzhin du rab tu mkhyen te/ rab 'byor ji ltar de
- 186a
bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis/ sems rab tu bzung ba rnams sems rab tu bzung ba'o yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi sems rab tu bzung ba rnams sems rab tu bzung ba'o zhes yang dag pa ji lta ba bzhin du rab tu mkhyen ce na/ sems de dag ni gzung du med cing mi bzung ba yin te/ rab 'byor de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems rab tu bzung ba rnams sems rab tu bzung ba'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi zag pa dang bcas pa'i sems rnams zag pa med pa'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag du med pa dag gi zag pa dang bcas pa'i sems rnams zag pa dang bcas pa'i semaso zhes yang dag pa ji lta ba
- 186b
bzhin du rab tu mkhyen ces na/ rab 'byor sems de dag ni ngo bo nyid med cing / kun du rtog pa med de/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi zag pa dang bcas pa'i sems rnams/ zag pa dang bcas pa'i sems so zhes yang dag par ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi zag pa dang bcas pa'i sems rnams zag dang bcas pa'i semaso zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas sems can dpag tu med pa dag gis zag pa med pa'i sems rnams zag ba'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi zag pa med pa'i sems rnams zag pa med pa'i sems so zhes yang dag pa ji lta ba bzhin du rab tu mkhyen ce na/ sems de dag ni dngos po med par gyur cing / lhun gyis grub pa ste/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can
- 187a
dpag tu med pa dag gi zag pa med pa'i sems rnams zag pa med pa'i sem so// zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi 'dod chags dang / bcas pa'i sems rnams 'dod chags dang bcas pa'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi 'dod chags dang bcas pa'i sems rnams 'dod chags dang bcas pa'i sems so zhes yang dag pa ji lta ba bzhin tu mkhyen ce na/ rab 'byor sems 'dod chags dang bcas pa gang yin pa de ni// sems kyi yang dag pa ji lta ba nyid ma yin no// rab 'byor sems kyi yang dag pa ji lta ba nyid gang yin pa de ni 'dod chags dang bcas pa'i sems ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis 'dod chags dang bcas pa'i sems rnams 'dod chags dang bcas pa'i sems so zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas/ sems can dpag tu med
- 187b
ba dag gis 'dod chags dang bral ba'i sems rnams 'dod chags dang bral ba'i sems so zhes yang dag paji lta ba bzhin du rab tu marten to// rab 'byor ji ltar/ de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi 'dod chags dang bral ba'i sems rnams so zhes yang dag pa ji lta ba bzhin du rab tu mkhyen ce na/ rab 'byor sems kyi 'dod chags dang bral ba gang yin pa de ni sems kyi 'dod chags dang bcas pa yin// 'dod chags dang bral ba'i sems kyi yang dag ji lta ba nyid gang yin pa de ni/ sems kyi 'dod chags dang bcas pa yin te/ rab 'byor de ltar de bzhin gsheg pas shes rab kyi pha rol tu phyin pa 'di la brten nas/ sems can dpag tu med pa dang 'dod chags dang bral ba'i sems rnams 'dod chags dang bral ba'i sems so// zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di rten nas sems can dpag tu pA dag gi zhe sdang dang bcas pa'i sems rnams zhe sdang dang bcas pa'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag med pa dag gi zhe sdang dang bcas pa'i sems rnams zhe sdang dang bcas pa'i sems so zhes yang dag
- 188a
pa ji lta ba bzhin du rab tu mkhyen ce na/ rab 'byor sems kyi zhe sdang dang bcas pa gang yin pa de ni sems kyi yang dag pa ji lta ba nyid ma yin no// rab 'byor sems kyi yang dag pa ji lta ba nyid gang yin pa de ni/ sems kyi zhe sdang dang bcas pa ma yin te/ rab 'byor de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi zhe sdang dang bcas pa'i sems rnams zhe sdang dang bcas pa'i sems so zhes yang dag pa ji ltar ba bzhin tu rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi zhe sdang dang bral ba'i sems rnams zhe sdang dang bral ba'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi zhe sdang dang bcas pa'i sems rnams zhe sdang dang bcas pa'i sems so zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi zhe sdang dang bral ba'i sems rnams zhe sdang dang bral ba'i sems so zhes yang dag pa ji lta ba bzhin du rab tu mkhyen ces na/ rab 'byor sems kyi bral ba gang yin pa
- 188b
de ni// zhes sdang dang bcas pa ma yin te/ zhe sdang dang bral ba'i sems kyis yang dag pa ji lta ba bzhin du gang yin pa de ni/ sems zhe sdang dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gis zhe sdang dang bral ba'i sems rnams zhe sdang dang bral ba'i sems so zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems gti mug dang bcas pa rnams/ sems gti mug dang bcas pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi sems gti mug dang bcas pa rnams sems gti mug dang dang bcas pa'o zhes yang dag pa ji lta ba bzhin du rab tu mkhyen ce na/ rab 'byor sems kyi gti mug dang bcas pa gang yin pa de ni/ sems kyi yang dag pa nyid ji lta ba bzhin du ma yin/ sems kyi yang dag pa nyid gang yin pa de ni/ sems kyi gti mug dang bcas pa ma yin te/ rab 'byor de ltar de bzhin gshegs pas shes rab kyi pha rol tu phyin pa 'di la rten nas sems can dpag tu med pa dag gis sems gti mug dang bcas pa rnams/ sems
- 189a
gti mug dang bcas pa'o zhes yang dag pa ji lta ba bzhin du rab tu mkhyen rab 'byor gzhan yang de bzhin gshegs pas shes rab kyi pha rol/ tu phyin pa 'di la brten nas/ sems can dpag tu med pa dag gi gti mug dang bral ba'i sems rnams gti mug dang bral ba'i sems so// zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi gti mug dang bral ba'i sems rnams/ gti mug dang bral ba'i sems rnams so zhes yang dag pa ji lta ba bzhin du rab tu mkhyen ce na/ rab 'byor sems kyis gti mug dang bral ba gang yin pa de ni sems kyi gti mug dang bcas pa yin no// gti mug dang bral ba'i sems kyi yang dag pa ji lta ba nyid gang yin pa de ni/ sems kyi gti mug dang bcas pa ma yin te/ rab 'byor de ltar de bzhin gshegs pas shes rab kyi pha rol du phyin pa 'di la rten nas/ sems can dpag tu med pa dag gti mug dang bral ba'i sems la gti mug dang bral ba'i sems so zhes yang dag pa ji lta ba bzhin tu rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi sems chen por zhugs pa ma yin pa rnams/ sems chen por zhugs pa ma yin pa/
- 189b
zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems chen por zhugs pa ma yin pa rnams sems chen por zhugs pa ma yin pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni 'ong ba med pa/ 'gro ba med pa ma gtogs pa ste/ rab 'byor de de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems chen por zhugs pa rnams ma yin pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems chen por zhugs pa rnams sems chen por zhugs pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol du phyin pa 'di la rten nas/ sems can dpag tu med pa dag gi sems chen por zhugs pa rnams// sems chen por zhugs pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni mnyam pa nyid kyi sems mnyam pa yin te/ dngos po med pas mnyam pa'o// rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems chen por zhugs pa rnam/
- 190a
sems chen por zhugs pa'o zhes yang dag par ji lta ba bzhin du rab tu mkhyen te/ rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems rgya chen po ma yin pa rnams/ sems rgya chen po ma yin pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi sems rgya chen po ma yin pa rnams/ sems rgya chen po ma yin pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gsheg pas shes rab kyi pha rol tu phyin pa 'di la rten nas/ sems can dpag tu med pa dag gi sems rgya chen po ma yin pa rnams/ sems rgya chen po ma yin pa'o zhes yang / dag pa ji lta ba bzhin du rab tu mkhyen ce na/ rab 'byor sems de dag gi yongs su mi ldang ba'i tshul te/ yongs su mi ldang ba'i nang du gtog so// rab 'byor de ltar de bzhin gshegs pas shes rab kyi pha rol tu phyin pa 'di la rten na/ sems can dpag tu med pa dag gi sems rgya chen po ma yin pa rnams sems rgya chen po ma yin pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems
- 190b
can dpag tu med pa dag gi sems rgya chen po rnams/ sems rgya chen po'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems rgya chen po rnams/ sems rgya chen po zhes yang dag pa ji lta ba bzhin du rab tu mkhyen ce na/ rab 'byor sems de dag ni mi 'phel mi bri zhing / sems rnams med par gyur pas na/ mi 'jigs pa ste/ rab 'byor de ltar de bzhin gsheg pas shes rab kyi pha rol tu phyin pa 'di la rten nas/ sems can dpag tu med pa de dag gi sems rgya chen po rnams/ sems rgya chen po'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems rgya chen po'o zhes yang dag pa ji lta ba bzhin du rab tu mkhyen ce na/ sems stan du yod pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas sems can dpag tu med pa dag gis sems stan du yod pa rnams sems brtan du yod pa'o// zhes yang dag pa ji lta ba bzhin du rab tu mkhyen ce na/ rab 'byor sems de dag ni mnyam par ston cing / sems kyi ngo bo nyid yin te/ rab 'byor de ltar de bzhin gshegs pas/ shes rab kyi pha rol tu
- 191a
byin pa 'di la rten nas/ sems can dpag du med pa dag gi sems bstan du yod pa rnams/ sems bstan du yod par zhes yang dag pa jis pa bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems bstan du med pa rnams sems bstan du med pa'o zhes yang dag ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems btan du med pa rnams/ sems bstan du med pa'o zhes yang dag pa ji lta ba bzhin du rab tu mkhyen ce na/ rab 'byor mtshan nyid med cing don sna tshogs yin pa'i phyir/ sems de ni mi snang ba ste/ spyan gsum la ni snang bar mi gyur pa'o// rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems bstan du med pa rnams sems bstan du med pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa gi sems khong khro ba dang bcas pa rnams/ sems khong khro dang bcas pa'o zhes yang dag pa ji lta bzhin du rab tu mkhyen to// rab 'byor ji ltar de bzhin gshegs
- 191b
pas shes rab kyi pha rol tu phyin pa 'di la rten nas/ sems can dpag tu med pa dag gi sems khong khro ba dang bcas pa rnams/ sems khong khro ba dang bcas pa'o// zhes yang dag pa ji lta ba bzhin du rab tu mkhyen ce na/ rab 'byor sems de dag ni med pa la kun btags pa ste/ dmigs pa'i dbang du gyur pa'o// rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems khong khro ba dang bcas pa rnams/ sems khong khro ba dang bcas pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems khong khro ba med pa rnams/ sems khong khro ba med pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems khong ba med pa rnams/ sems khong khro ba med pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni gnyis su med par gyur pa/ ma byung ba dang / yang dag par 'gyur ba ste/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems khong
- 192a
ba med pa rnams/ sems khong khro ba med pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes/ rab kyi pha rol tu phyin 'di la rten nas/ sems can dpag tu med pa dag gi sems bla na yod pa rnams/ sems bla na yod pa'o zhes yang dag pa ji lta ba bzhin du rab tu mkhyen to// rab 'byor ji lta de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gis sems bla na yod pa rnam/ sems bla na yod pa'o zhes yang dag pa ji lta ba bzhin du rab tu mkhyen ce na/ rab 'byor sems bla na yod pa'i yang dag pa ji lta ba bzhin du gang yin pa de la rlom sems/ med de/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems bla na yod pa rnams/ sems bla na yod pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems bla na med pa rnams/ sems bla na med pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems dpag tu med pa dag gi sems bla na med pa rnams/ sems bla na med pa'o zhes yang dag
- 192b
pa ji lta ba bzhin du rab tu mkhyen ce na/ rab 'byor sems de dag ni/ sems rdul phra rab tsam yang mi dmigs pa'i phyir spros pa med pa yin te/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems bla na yod pa rnams/ sems bla na yod pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems mnyam par ma bzhags pa/ sems mnyam par ma bzhag pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di lta rten nas/ sems can dpag tu med pa dag gi sems mnyam par ma bzhag pa rnams/ sems mnyam par ma bzhag pa'o zhes yang dag pa ji lta ba bzhin du rab tu mkhyen ce na/ rab 'byor de dag ni sems mnyam pa mi 'grogs pa ste/ rab 'byor de ltar de bzhin gshegs pas shes rab kyi pha rol tu phyin pa 'di la rten nas/ sems can dpag tu med pa dag gi sems mnyam ma bzhag pa rnams/ sems mnyam par ma bzhag pa'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gi sems
- 193a
mnyam par bzhag pa rnams/ sems mnyam par bzhag pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can dpag tu med pa dag gi sems mnyam par bzhag pa rnams/ sems mnyam par bzhag pa'o zhes yang dag pa ji lta ba bzhin du rab tu mkhyen ce na/ rab 'byor sems de dag ni mnyam pa dang mi mnyam zhing na mkha' dang mtshungs pa ste/ rab 'byor de ltar de bzhin gshegs pas/ shes rab kyi pha rol tu phyin pa 'di la rten nas/ sems can dpag tu med pa dag gi sems mnyam par bzhag pa rnams/ sems mnyam par bzhag pa'o zhes yang dag pa ji lta ba bzhin du rab tu mkhyen ce na/ rab 'byor gzhan yang de bzhin gshegs pas/ shes rab kyi pha rol tu phyin pa 'di la rten nas/ sems can dpag tu med pa dag gi sems ma grol ba rnams/ sems ma grol ba'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la rten nas/ sems dpag tu med pa dag gi sems ma grol ba rnams/ sems ma grol ba'o zhes yang dag pa ji lta ba bzhin du rab tu mkhyen ce na/ rab 'byor sems de dag ni rang bzhin gyis rnam par grol ba ste/ ngo bo nyid med pa'i ngo bo nyid de/ rab 'byor de bzhin gshegs pas/ shes rab kyi pha rol tu phyin pa 'di la
- 193b
rten nas/ sems can dpag tu med pa dag gi sems ma grol ba rnams sems ma grol ba'o zhes yang dag pa ji lta ba bzhin du rab tu mkhyen to// rab 'byong gzhan yang de zinan gshegs pas shes rab kyi pha rol tu phyin pa 'di la brten nas/ sems can dpag tu med pa dag gi sems rnam par grol ba rnams sems rnam par grol ba'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa 'di la brten nas/ sems can tu med pa dag gi sems rnam par grol ba rnams sems rnam par grol ba'o zhes yang dag pa ji lta ba bzhin du rab tu mkhyen ce na/ rab 'byor de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gi sems med pa'i phyir/ 'das pa'i sems kyang mi dmigs/ ma 'ongs pa yang mi dmigs/ da ltar byung ba yang mi dmigs te/ rab 'byor de ltar de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gi sems rnam par grol ba rnams/ sems rnam par grol ba'o zhes yang dag pa ji lta ba bzhin du rab tu mkhyen to// rab 'byor gzhan yang de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gi sems mi snang ba rnams/ sems mi snang ba'o zhes yang /
- 194a
zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gi sems mi snang ba rnams/ sems mi snang ba'o zhes yang dag pa ji lta ba bzhin du rab tu mkhyen ce na/ rab 'byor med pas na/ mi snang ba'o zhes/ ma byung bas rnam par mi rigs pa'o// yongs su ma rdzogs pas na/ shes rab kyi mig dang / lha'i mig gis kyang gzung du med na/ thams cad mkhyen pa nyid la mi snang ba'i phyir sha'i mig gis lta ci smos te/ rab 'byor de ltar de bzhin gshegs pas/ shes rab kyi pha rol tu phyin pa 'di la brten nas/ sems can dpag tu med pa dag gi sems mi snang ba rnams/ sems mi snang ba'o zhes yang dag pa ji lta ba bzhin du rab tu mkhyen to// rab 'byor de ltar shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams 'jig rten 'di ston pa'o// rab 'byor gzhan yang de bzhin gshegs pas/ shes rab kyi pha rol tu phyin pa 'di la brten nas/ sems can gzhan dang / gang zag gzhan dpag tu med padag gi phye ba dang / btsubs pa rnams/ phye ba dang btsums pa'o zhes yang dag pa ji lta ba bzhin du rab tu mkhyen to// rab 'byor ji ltar de bzhin gshegs pas shes rab kyi pha rol tu phyin pa
- 194b
'di la brten nas/ sems can gzhan dang gang zag gzhan dpag tu med pa dag gi phye ba dang btsums pa rnams/ phye ba dang btsun pa rnams so zhes yang dag pa ji lta ba bzhin du rab tu mkhyen ce na/ rab 'byor de dag thams cad ni gzugs la gnas shing / skye ba dag skye'o zhes yang dag pa ji lta ba bzhin du rab tu mkhyen to// de bzhin du tshor ba dang / 'du shes dang / 'du byed rnams dang / rab 'byor de dag thams cad ni rnam par shes pa la gnas na skye ba dag skye'o zhes yang dag pa ji lta ba bzhin du rab tu mkhyen to// rab 'byor de la ji ltar de bzhin gshegs pas/ phye ba dang btsums pa de dag mkhyen pa yin zhe na/ de bzhin song ba shi nas 'byung ngo zhes bya ba 'di ni gzug la rten pa'o// de bzhin song ba shi nas mi 'byung ngo zhes bya ba 'di gzugs la brten pa'o// de bzhin song ba shi nas 'byung yang 'byung la mi 'byung yang mi 'byung ngo zhes bya ba 'di ni gzugs la brten pa'o// de bzhin song ba shi nas 'byung ba yang ma yin no zhes bya ba 'di ni gzugs la brten pa'o// de bzhin du tshor ba dang / 'du shes dang / 'du byed rnams dang / de bzhin song ba shi nas 'byung ngo zhes bya ba 'di ni rnam par shes pa la brten pa'o// de bzhin song ba shi nas mi 'byung ngo zhes bya ba 'di ni rnam par shes/ ba la brten pa'o// de bzhin song bshi nas 'byung yang 'byung la mi 'byung yang mi 'byung ngo zhes bya ba 'di ni rnam par shes pa la brten pa'o// de bzhin song bshinas
- 195a
'byung ba yang ma yin mi 'byung ba yang ma yin no// zhes bya ba 'di ni rnam par shes pa la rten pa'o// bdag dang 'jig rten ni rtag pa ste/ de nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten ni mi rtag pa ste/ de nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten ni rtag dang rtag la mi rtag kyang mi rtag go// zhes bya ba 'di ni bden gyi gzhan ni gti mug go zhes bya ba 'di ni gzugs la rten pa'o// bdag dang 'jig rten ni rtag pa yang ma yin mi rtag pa yang ma yin no zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// de bzhin du tshor ba dang / 'du shes dang / 'du byed rnams te bdag dang / 'jig rten ni rtag pa ste/ 'di ni bden gyi gzhan gyi gti mug go zhes bya ba 'di ni rnam par shes pa la rten pa'o// bdag dang 'jig rten ni rtag pa ste/ 'di nyid bden gyi gzhan ni gti mug go zhes bya ba 'di ni rnam par shes pa la rten pa'o// bdag dang 'jig rten rtag kyang rtag la mi rtag kyang mi rtag go// zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la rten pa'o// bdag dang 'jig rten ni rtag pa yang ma yin mi rtag pa yang ma yin no zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// /
- 195b
bam po bcu gsum pa'o// bdag dang 'jig rten mthar dang bcas pa'o zhes bya ba 'di ni bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten mtha' med pa dang bcas pa'o zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// bdag dang 'jig rten mtha' med pa dang bcas pa yang ma yin/ mtha' med pa dang bcas pa yang ma yin no zhes bya ba 'di ni bden gyi gzhan ni gti mug go zhes bya ba 'di gzugs la rten pa'o// bdag dang 'jig rten mtha' dang bcas pa nyid kyang ma yin no// zhes bya ba 'di mtha' med pa yang ma yin no// zhes bya ba 'di mtha' med pa yang ma yin no zhes bya ba 'di nyid ba dan gyi gzhan ni gti mug go zhes bya ba 'di ni gzugs la brten pa'o// de bzhin du tshor ba dang / 'du shes dang / 'du byed rnams dang / bdag dang 'jig rten mtha' dang bcas pa'o zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// bdag dang 'jig rten mtha' med pa dang bcas pa 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// bdag dang 'jig rten mtha' dang bcas pa yang ma yin la mtha' med pa yang ma yin no zhes bya ba 'di nyid bden gyi gzhan ni
- 196a
gti mug go zhes bya ba 'di ni rnam par shes pa la brten pa'o// bdag dang 'jig rten mtha' dang bcas pa nyid kyi yin/ mtha' med pa yang ma yin no zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// lus de srog de'o zhes bya ba 'di nyid bden gyi gzhan ni gti mug go zhes bya ba 'di ni gzugs la rten pa'o// srog kyang gzhan lus kyang gzhan no zhes bya ba 'di nyid bden gyi gzhan ni gti mug go zhes bya ba 'di ni gzugs la brten pa'o// de bzhin du tshor ba dang / 'du shes dang / 'du byed rnams te/ lus de srog de'o zhes bya ba 'di nyid bden gyi gzhan ni gti mug go zhes bya ba 'di ni rnam par shes pa la brten pa'o// srog kyang gzhan la lus kyang gzhan no zhes bya ba 'di ni bden gyi gzhan ni gti mug go zhes bya ba 'di ni rnam par shes pa la brten pa'o// rab 'byor de ltar de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa 'di la brten nas/ sems can gzhan dang gzhan dpag tu med pa dag gi gzug la rten pa'i phye ba dang btsums pa de dag de bzhin du tshor ba dang / 'du shes dang / 'du byed rnams dang / rnam par shes pa la rten pa'i phye ba dang btsums pa de dag yang dag ba ji lta ba bzhin du rab tu mkhyen to// gzhan yang rab 'byor de bzhin gshegs pas shes rab kyi pha rol tu phyin pa 'di la brten nas/ sems can gzhan yang dpag tu
- 196b
med pa dag gi phye ba dang btsums pa yang dge pa ji lta ba bzhin du rab tu mkhyen ce na/ rab 'byor 'di la de bzhin gshegs pas gzugs mkhyen to// rab 'byor de bzhin/ gshegs pas gzugs ji ltar mkhyen ce na/ rab 'byor de bzhin gshegs pas de bzhin nyid ji lta ba bzhin du gzugs mkhyen te/ rab 'byor de ltar de bzhin gshegs pas gzugs mkhyen to// de bzhin du tshor ba dang / 'du shes dang / 'du byed rnams dang / rab 'byor 'di la de bzhin gshegs pas rnam par shes pa mkhyen te/ rab 'byor ji ltar de bzhin gshegs pas rnam par shes pa mkhyen ce na/ rab 'byor de bzhin du de bzhin gshegs pas/ de bzhin nyid ji lta ba bzhin du rnam par shes pa mkhyen to// rab 'byor de ltar de bzhin gshegs pas rnam par shes pa mkhyen te// rab 'byor de ltar de bzhin gshegs pas shes rab kyi pha rol du phyin pa 'di la brten nas/ sems can gzhan dang gang zag gzhan dpag tu med pa dag gi phye ba dang btsums pa yang dag pa ji lta ba bzhin du rab tu mkhyen to// rab 'byor de ltar de bzhin gshegs pa'i de bzhin nyid dang / phung po'i de bzhin nyid dang / phye ba dang btsums pa'i de bzhin nyid ni gtogs te/ rab 'byor phung po'i de bzhin nyid gang yin pa de ni 'jig rten gyi yang de bzhin nyid do// de ci'i phyir zhe na/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis
- 197a
phung po lnga ni 'jig rten no// zhes snying du gsungs te/ rang 'byor de lta bsan byung ba'i de bzhin nyid gang yin pa de ni 'jug rten pa'i yang de ni/ nyid do// 'jig rten pa'i de bzhin nyid gang yin pa de ni rgyun du zhugs pa'i 'bras bu'i de bzhin byed do// thun du zhugs pa'i 'das bu'i de bzhin nyid byung yid pa 'i ni/ lan cig phyir 'ongs pa'i 'bras bu'i de bzhin nyid do// lan cig phyir 'ong ba'i 'bras bu'i de bzhin nyid gang yin na phyir mi 'ong ba'i 'bras bu'i de bzhin nyid do// phyir mi 'ongs pa'i 'bras bu'i de bzhin nyid gang yin pa de ni dgra bcom pa'i 'bras bu'i de bzhin nyid do// dgra bcom pa'i 'bras bu'i de bzhin nyid gang yin pa de ni/ rang sangs rgyas kyi 'bras bu'i de bzhin nyid do// rang sangs rgyas kyi 'bras bu'i de bzhin nyid gang yin pa de ni de bzhin gshegs pa'i de bzhin nyid de/ gcig ma yin pa dang / tha dad pa ma yin pa dang / mi zad pa dang / gnyis su byar med pa dang / gnyis su byar med pa'i phyir de bzhin gshegs pa'i de bzhin nyid gang yin pa de ni/ de bzhin nyid de bzhin nyid 'di ni gcig ste/ du ma'i dngos po dang / dngos po med pa dang bral ba'o// rab 'byor de ltar de bzhin gshegs pas shes rab kyi pha rol tu phyin pa 'di la brten nas/ de bzhin nyid mngon par rdzogs par sangs rgyas te/ rab 'byor de ltar shes rab kyi
- 197b
rol tu phyin pa ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi bskyed pa'o// rab 'byor de ltar de bzhin gshegs pas/ de bzhin nyid mngon par rdzogs par sangs rgyas nas/ 'jig rten gyi de bzhin nyid mkhyen to// ma log pa'i de bzhin nyid mkhyen to// gzhan ma yin pa'i de bzhin nyid mkhyen to// rab 'byor de ltar de bzhin gshegs pas de bzhin nyid mngon par rdzogs par sangs rgyas pa na/ de bzhin gshegs pa zhes bya'o// rab 'byor gyis gsol pa/ de bzhin nyid ni zab ste/ de bzhin nyid las sangs rgyas bcom ldan 'das rnams kyi byang chub rab dbye'o// bcom ldan 'das 'di la phyir mi ldog pa'i byang chub sems dpa' sems dpa' chen po 'am/ dgra bcom pa rnams yongs su rdzogs pa 'am/ rigs kyi bu lta ba phun sum tshogs pa dag 'di la mos par 'gyur// bcom ldan 'das zab mo 'di ni/ de bzhin gshegs pas mngon par rdzogs par sangs rgyas nas gsungs so// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ de bzhin gshegs pas gnas zab mo 'di dag mngon par rdzog par sangs rgyas nas bshad de/ rab 'byor 'di ltar de gshegs pas/ gang mngon par rdzogs par sangs rgyas pa'i de bzhin nyid 'di ni mi zad pa ste/ mi zad pa zhe na
- 198a
mngon par rdzogs par sangs rgyas nas/ mi zad pa nyid du bstan to// de nas lha'i dbang po brgya byin la sogs pa 'dod pa na spyod pa'i lha'i bu rnams dang / tshangs ris kyi lha'i bu nyi khri dag bcom ldan 'das ga la der song ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// phyogs gcig tu 'khod nas/ bcom ldan 'das la 'dod pa na spyod pa dang / gzugs na spyod pa'i lha'i bu de dag gis 'di skad ces gsol to// bcom ldan 'das chos zab mo dag rab tu bshad pa dang / bcom ldan 'das 'di la mtshan nyid ji ltar bzhag/ bcom ldan 'das kyis bka' stsal pa/ lha'i bu dag stong pa'o zhes 'di la mtshan nyid bzhag go// lha'i bu mtshan ma med pa'o smon pa med pa'o zhes 'di la mtshan nyid bzhag go/ lha'i bu dag mngon par 'du mi byed pa'o// skye ba med pa'o// dngos po med pa'o// mya ngan las 'das pa'o// chos kyi dbyings so zhes 'di la mtshan nyid bzhag go// de ci'i phyir zhe na/ lha'i bu dag mtshan nyid 'di dag ni mi gnas pa na mkha' dang 'dra ste/ lha'i bu dag mtshan nyid 'di ni de bzhin gshegs pa dgra bcom pa yang dag par rdzogs pa'i sangs rgyas kyis ma bzhag ste/ mtshan nyid 'di dag ni gzugs su bgrang ba ma yin no// tshor ba dang / 'du shes dang / 'du byed rnams dang / rnam par shes pa bgrang bar ma yin no//
- 198b
mtshan nyid 'di dag ni gzugs la rten pa ma yin no// tshor ba dang / 'du shes dang / 'du byed rnams dang / rnam par shes pa la rten pa ma yin mo// mtshan nyid 'di dan/ ni lha dang mi dang lha ma yin dag gis ma bzhag pa'o// mtshan nyid 'di dag ni lha dang mi dang lha ma yin du bcas pa'i 'jig rten gyis bskyod mi nus so// de ci'i phyir zhe na/ lha dang mi dang lha ma yin du bcas pa'i 'jig rten na yang mtshan nyid de bzhin te/ mtshan nyid 'di dag lag gis bzhag pa yang ma yin no// lha'i bu dag gang zhig 'di skad du na mkha' 'di sus bzhag ces zer na/ lha'i bu dag de ci yang dag pas smra bas sgra 'am/ de skad ces bka' stsal pa dang / bcom ldan 'das la 'dod pa na spyod pa dang / gzugs na spyod pa'i lha'i bu dag gis 'di skad ces gsol to// bcom ldan 'das na mkha' ni sus kyang ma bzhag pa'o// de ci'i phyir zhe na/ bcom ldan 'das nam mkha' ni 'dus ma bgyis pa lags te/ sus kyang ma bzhag go// de nas bcom ldan 'das kyis 'dod pa na spyod pa dang / gzugs na spyod pa'i lha'i bu dag la bka' stsal pa/ lha'i bu dag de de bzhin no// de de bzhin te/ de bzhin gshegs pa rnams byung rung / ma byung yang rung ste/ mtshan nyid 'di dag ni de bzhin nyid du gnas so// de ci'i phyir zhe na/ ji ltar 'di dag gnas pa de lta bu nyid du de bzhin gshegs pas mngon par rdzogs par sangs rgyas so// de lta bas na/ lha'i bu dag gi de bzhin gsheg/
- 199a
pa/ de bzhin gshegs pa'o zhes bya'o// de skad ces bka' stsal pa dang / bcom ldan 'das la 'dod pa na spyod pa dang / gzugs na spyod pa'i lha'i nu de dag gis 'di skad ces gsol to// bcom ldan 'das mtshan nyid zab mo 'di dag de bzhin gshegs pas mngon par rdzogs par sangs rgyas so// 'di lta ste/ shes rab kyi kyi pha rol tu phyin pa ni/ de bzhin gshegs pa rnams chags pa ma mchis pa'i ye shes so// chags pa ma mchis pa'i ye shes kyi slad du/ shes rab kyi pha rol tu phyin pa ni de bzhin gshegs pa'i spyod yul lo// de skad ces gsol pa dang / bcom ldan 'das kyi tshe dang ldan pa rab 'byor la 'di skad ces bka' stsal to// rab 'byor de ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa yin no// rab 'byor ji ltar de bzhin gabye pa dgra bcom pa yang dag par rdzogs pa'i sangs rgyas rnams shes rab kyi pha rol tu phyin pa 'di la rten cing gnas pa ste/ de bzhin du chos de dag kyang rtag tu de bzhin gshegs pas mngon par rdzogs par sangs rgyas so// de dag kyang chos kho na la rten cing gnas so// chos la bkur bstir mdzad do// bla mar mdzad do// ri mor mdzad nga/ mchod do/ brjod do// gsol lo// rab 'byor shes rab kyi pha rol tu phyin pa 'di ni chos nyid yin te/ de ci'i phyir zhe na/ de bzhin gshegs pa rnams shes
- 199b
rab kyi pha rol tu phyin pa la bkur bstir mdzad do// bla mar mdzad do// ri mor mdzad do// mchod par mdzad do// brjod par mdzad do// gsol bar mdzad do// de ci'i phyir zhe na/ rab 'byor shes rab kyi pha rol tu phyin pa 'di las/ de bzhin gshegs pa dgra bcom pa yang dag par rdzogs pa'i sangs rgyas rnams rab tu 'byed par 'gyur te/ de bzhin gshegs pa dgra bcom pa yang dag par rdzogs pa'i sangs rgyas ni byas pa gzo ba dang / byas pa tshor ba rnams yin no// rab 'byor gang 'di skad du/ de bzhin gshegs pa ni byas pa bzo ba'o// byas pa tshor ba'o zhes zer na/ yang dag pas smra bas yang dag par smra'o// rab 'byor byas pa gzo ba/ byas pa tshor ba/ zhes bya ba ni de bzhin gshegs pa dgra bcom pa yang dag par rdzogs pa'i sangs rgyas yin te/ theg pa gang dang gang gis gshegs pa dang / lam gang dang gang gis bla na med pa yang dag par rdzogs pa'i byang chub mngon par rdzogs par sangs rgyas pa'i theg pa de nyid dang / lam de nyid de bzhin gshegs pas rjes su 'dzin cing / rjes su sbyong / rab 'byor byas pa gzob dang / byas pa tshor ba 'di nyid kyis de bzhin gshegs pa'i byas pa gzo ba dang / byas pa tshor bar rig par bya'o// gzhan yang ra 'byor de bzhin gshegs pas chos thams cad ma byas pa/ ma byas pa'o zhes mngon par rdzogs par sangs rgyas pa'o// ma sbyar ba ma sbyar ba'o// zhes de bzhin gshegs
- 200a
pas mngon par rdzogs par sangs rgyas te/ rab 'byor 'di yang de bzhin gshegs pa'i byas pa gzo ba dang / byas pa tshor bar rig par bya'o// rab 'byor shes rab kyi pha rol tu phyin pa 'di la brten nas/ thams cad la de bzhin gshegs pa dgra bcom pa yang dag par rdzogs pa'i sangs rgyas kyi ye shes 'jug ste/ rab 'byor rnam grangs 'dis kyang / shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das chos thams cad ni ma 'tshal/ mi mthong ba lags na/ bcom ldan 'das ji ltar shes rab kyi pha rol tu phyin pa de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de bzhin gshegs pa la don 'di lta bu dri bar sems pa legs so legs so// rab 'byor gang 'di skad du chos thams cad mi shes mi mthong ba'o zhes zer ba ni/ rab 'byor de de bzhin no// de de bzhin te/ chos thams cad ni mi shes mi mthong ba'o// rab 'byor 'di ltar chos thams cad ni mi shes mi mthong ba yin zhe na/ rab 'byor
- 200b
chos thams cad stong pa yin te/ rab 'byor chos thams cad ni gnas pa'o// rab 'byor de ltar na chos thams cad ni mi shes mi mthong ba'o// rab 'byor chos de dag thams cad ni shes rab kyi pha rol tu phyin pa 'di la rten nas/ de bzhin gshegs pa thams cad kyis mngon par rdzogs par sangs rgyas so// rab 'byor de ltar na yang shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// gzugs mi mthong ba dang / tshor ba dang / 'du shes dang / 'du byed rnams dang / rnam par shes pa mi mthong ba'i phyir/ rab 'byor 'di ltar shes rab kyi pha rol tu phyin pa ni/ de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di ston pa'o// rab 'byor gyis gsol pa/ bcom ldan 'das ji ltar gzugs mthong ba lags/ ji ltar tshor ba dang / 'du shes dang / 'du byed rnams dang ji ltar rnam par shes pa ma mthong ba lags/ bcom ldan 'das kyi bka' stsal pa/ rab 'byor nam gzugs la mi dmigs pa'i 'du shes mi skye ba'i tshe/ de ltar gzugs mi mthong ba yin no// rab 'byor tshor ba dang / 'du shes dang / 'du byed rnams dang / rnam par shes pa la dmigs pa'i sems mi skye ba'i tshe/ de ltar rnam par shes pa mi mthong ba yin no// rab 'byor gzugs mi mthong ba gang yin pa dang / tshor ba dang / 'du shes dang / 'du
- 201a
byed rnams dang / rab 'byor rnam par shes pa mi mthong ba gang yin pa dang / rab 'byor de ltar de bzhin gshegs pas 'jig rten gzigs so// rab 'byor de ltar shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams la 'jig rten 'di rten pa'o// rab 'byor ji ltar de shes rab kyi pha rol tu phyin pa 'di rten ston cing / ji ltar 'jig rten smos shes na/ 'jig rten ston pa'o zhes de ltar 'jig rten ston to// 'jig rten dben pa'o zhes de ltar 'jig rten rnam par dag pas 'jig rten smos so// 'jig rten zhi ba'o// zhes de ltar 'jig rten rton cing de ltar 'jig rten smos pa'o// shes rab kyi pha rol tu phyin pa brgyad stong pa las/ 'jig rten bstan pa'i le'u ste bcu gnyis pa'o// // de nas bcom ldan 'das la tshe dang ldan pa rab 'byor gyis 'di skad ces gsor to// bcom ldan 'das shes rab kyi pha rol tu phyin pa 'di ni bgyi ba chen pos nye bar gnas so// bcom ldan 'das shes rab kyi pha rol tu phyin pa 'di ni bgyi ba bsam gyis mi khyab pa dang / bgyi ba gzhal du ma mchis pa dang / bgyi ba dpag tu mi mchis pas nye bar gnaso// / bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor de shes rab kyi pha rol tu phyin pa 'di ni bya ba chen pos nye bar gnas so// rab
- 201b
'byor shes rab kyi pha rol tu phyin pa 'di ni bya ba bsam gyis mi khyab pa dang / bya ba gzhal du med pa dang / bya ba dpag tu med pas nye bar gnas so// rab 'byor ji ltar shes rab kyi pha rol tu phyin pa 'di bya ba bsam gyis mi khyab pas nye bar gnas shes na/ rab 'byor ji ltar de bzhin gshegs pa nyid dang / sangs rgyas nyid dang / rang byung nyid dang / thams cad mkhyen pa nyid ni bsam gyis mi khyab po// rab 'byor de ltar shes rab kyi pha rol tu phyin pa 'di ni bya ba bsam gyis mi khyab pas nye bar gnas te/ sems kyis bsam par mi nus so// de ci'i phyir zhe na/ 'di la sems las byung ba'i chos mi 'jug pa'i phyir ro// rab 'byor ji ltar na shes rab kyi pha rol tu phyin pa 'di bya ba gzhal du med pas nye bar gnas shes na/ rab 'byor de bzhin gshegs pa nyid dang / sangs rgyas nyid dang / rang byung nyid dang / thams cad mkhyen pa nyid bsam pa 'am/ gzhal bar mi nus te/ rab 'byor de ltar na shes rab kyi pha rol tu phyin pa 'di ni bya ba gzhal du med pas nye bar gnas so// rab 'byor ji ltar shes rab kyi pha rol tu phyin pa 'di bya ba dpag tu med pas nye bar gnas shes na/ rab 'byor de bzhin gshegs pa nyid dang / sangs rgyas nyid dang / rang byung nyid dang / thams cad mkhyen pa nyid ni dpag tu med pa yin te/ rab 'byor de ltar na shes rab kyi pha rol tu phyin pa 'di ni bya ba dpag tu med pas nye bar gnas so// rab 'byor gyis gsol pa/ bcom ldan 'ang
- 202a
ji ltar de bzhin gshegs pa nyid bsam gyi mi khyab pa las/ de bzhin gshegs pa nyid gzhal du ma mchis pa lags sam/ sangs rgyas nyid dang / rang byung nyid dang / thams cad mkhyen pa nyid bsam gyis mi khyab pa/ gzhal du ma mchis pa/ dpag tu ma mchis pa lags sam/ 'on te gzugs kyang bsam gyis mi khyab pa/ gzhal du ma mchis pa/ dpag tu ma mchis pa lags/ tshor ba dang / 'du shes dang / 'du byed rnams dang / rnam par shes pa yang bsam gyis khyab pa/ gzhal du ma mchis/ dpag tu ma mchis pa lags/ 'on te chos thams cad kyang bsam gyis mi khyab pa/ gzhal du ma mchis pa/ dpag tu ma mchis pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces gsol to// rab 'byor de de bzhin no// de de bzhin te/ rab 'byor gzugs kyang bsam gyis mi khyab/ gzhal du med pa/ dpag tu med pa'o// rab 'byor de bzhin du tshor ba dang / 'du shes dang / 'du byed rnams dang / rnam par shes pa bas gyis mi khyab pa/ gzhal du med pa dpag tu med pa'o// rab 'byor chos thams cad kyang bsam gyis mi khyab pa/ gzhal du med pa/ dpag tu med pa'o// rab 'byor chos thams cad kyi chos nyid gang yin pa/ de la ni sems pa yang med/ sems kyang med/ sems las byung ba'i chos kyang med do// rab 'byor gzugs ni gzhal
- 202b
du med pa'o// rab 'byor tshor ba dang / 'du shes dang / 'du byed rnams dang / rnam par shes pa yang gzhal du med pa'o// rab 'byor chos thams cad gzhal du med pa'o// rab 'byor gzugs ni dpag tu med pa'o// rab 'byor tshor ba dang / 'du shes dang / 'du byed rnams dang / rnam par shes pa yang dpag tu med pa ste/ rab 'byor chos thams cad kyang dpag tu med pa'o// rab 'byor gzugs kyi tshad kyang mi rig go// rab 'byor tshor ba dang / 'du shes dang / 'du byed rnams dang / rnam par shes pa'i tshad kyang mi rig ste/ rab 'byor chos thams cad kyi tshad kyang mi rig go// rab 'byor ci'i gzugs dpag tu med/ tshor ba dang / 'du shes dang / 'dre byed rnams dang / rab 'byor ci'i phyir rnam par shes pa dpag tu med/ rab 'byor chos thams cad dpag tu med ce na/ rab 'byor gzugs la tshad med do// rab 'byor tshor ba dang / 'du shes dang / 'du byed rnams dang / rnam par shes pa la tshad med do// rab 'byor chos thams cad la tshad med do// rab 'byor ci'i phyir gzugs la tshad med/ rab 'byor tshor ba dang / 'du shes dang / 'du byed rnams dang / rab 'byor ci'i phyir rnam par shes pa la tshad med/ rab 'byor ci'i phyir chos thams cad tshad med ce na/ rab 'byor chos thams cad la tshad med pa'i phyir ro// rab 'byor 'di ji snyam du sems/ na mkha' la tshang ngam sems sam/ sems las byung ba'i chos
- 203a
gang yang yod dam/ rab 'byor gyis gsol pa/ de lta ma lags so// bcom ldan 'das kyis bka' stsal pa/ rab 'byor de bzhin no// de de bzhin te/ rnam grangs 'dis chos 'di dag thams cad bsam gyis mi khyab pa/ gzhal du med pa/ dpag tu med pa ste/ rab 'byor chos thams cad ni/ rab 'byor rnam grangs 'dis chos thams cad kyang bsam gyis mi khyab pa/ gzhal du med pa/ dpag tu med pa ste/ rab 'byor chos 'di dag thams cad ni rnam grangs 'dis chos thams cad kyang bsam gyi mi khyab/ rab 'byor de bzhin gshegs pa'i chos 'di dag ni sems dang bral ba'i phyir bsam gyis mi khyab pa'o// gzhal ba las 'das pa'i phyir/ gzhal du med pa'o// rab 'byor gzhal du med pa zhes bya ba 'di ni rnam par 'gyur ba'i chos kyi tshig bla dgas so// rab 'byor tshad dang bral ba'i phyir dpag tu med pa'o// / nam mkha' dpag tu med pa'i phyir de bzhin gshegs pa'i chos rnams dpag tu med pa'o// na mkha' gzhal du med pa'i phyir gzhal du med pa ste/ chos de dag ni mi 'phrad pa'o// rab 'byor de lta bas na chos de dag ni gzhal du med pa zhes bya'o// na mkha' bsam gyis mi khyab pa'i phyir/ chos de dag ni bsam gyis mi khyab pa'o// na mkha' gzhal du med pa'i phyir chos de dag gzhal du med pa'o// na mkha' dpag tu med pa'i phyir/ chos 'di dag dpag tu med pa'o// de nas bcom ldan 'das kyis bsam gyis/
- 203b
mi khyab pa dang / gzhal du med pa dang / dpag tu med pa 'di dag bshad na/ dge slong lnga brgya len pa med par zag pa rnams las rnam par grol lo// dge slong gnyis stong/ yang len pa med par zag pa rnams las sems rnam par grol lo// dge snyen pa drug bcu yang chos rnams la chos kyi mig rdul med cing dri ma dang bral bar rnam par dag go/ dge snyen ma sum bcu yang chos rnams la chos kyi mig rdul med cing dri ma dang bral ba rnam par dag pa'o// byang chub sems dpa' nyi khris mi skye ba'i chos la bzod pa thob par gyur to// de dag kyang skal pa bzang po 'di la bcom ldan 'das kyis bla na med pa yang dag par rdzogs pa'i byang chub tu lung bstan te/ dge snyen ma gang dag chos rnams la chos kyi mig rdul med cing dri ma dang bral ba rnam par dag pa de dag la yang bcom ldan 'das kyis lung bstan te/ de dag len pa med par zag pa rnams las sems rnam par grol bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa 'di ni zab ste/ e ma/ shes rab kyi pha rol tu phyin pa 'di ni bgyi ba chen pos nye bar gnas so// de skad ces gsol pa dang / bcom ldan 'das kyis tshe dang ldan pa rab 'byor la 'di la skad ces bka' stsal to// rab 'byor de de bzhin no// de de bzhin te/ rab 'byor shes rab kyi pha rol tu phyin pa 'di ni bya
- 204a
pa chen pos nye bar gnas so// rab 'byor de ci'i phyir zhe na/ 'di ni thams cad mkhyen pa nyid dang yang dag par ldan no// 'di ni sangs rgyas kyi sa dang / yang dag par ldan no// 'di ni nyan thos kyi sa dang yang dag par ldan no// rab 'byor 'di lta ste dper na/ rgyal rigs spyi bo nas dbang bskur ba yul gyi mi la dbang dang brtson 'grus thob pa'i rgyal po'i bya ba gang yin pa dang / grong khyer gyi bya ba gang yin pa dang / ljongs kyi bya ba gang yin pa dang / de dag thams cad ni blon po dang ldan par gyur na/ de'i phyir rgyal po ni brtson pa chung zhing khur bor bar 'gyur ro// rab 'byor de bzhin du sangs rgyas kyi chos sam/ nyan thos kyi chos kyang rung ste/ de dag thams cad ni shes rab kyi pha rol tu phyin pa dang yang dag par ldan na/ shes rab kyi pha rol tu phyin pa ni bya ba byed do// rab 'byor rnam grangs 'dis na/ shes rab kyi pha rol tu phyin pa 'di ni bya ba chen pos nye bar gnas so// gzugs yongs su mi bzung zhing mngon par zhen par bya ba dang / de bzhin du tshor ba dang / 'du shes dang / 'du byed rnams dang / rnam par shes pa yongs su mi bzung zhing / mngon par ma chags par bya ba dang / rgyun du zhugs pa'i 'bras bu yongs su mi bzung zhing mngon par ma chags par bya ba dang / lan gcig phyir 'ongs pa'i 'bras bu dang / phyir mi 'ongs pa'i 'bras bu dang / dgra bcom pa yongs su mi bzung zhing mngon par ma chags par bya ba dang /
- 204b
rang byang chub yongasu mi bzung zhing / mngon par ma chags par bya ba dang / thams cad mkhyen pa nyid yongs su mi zhing mngon par ma chags par bya ba'i phyir/ shes rab kyi pha rol tu phyin pa nye bar gnas so// rab 'byor gyis gsol pa/ bcom ldan 'das ji ltar na thams cad mkhyen pa nyid yongs su mi bzung zhing mngon par bgyi ba'i slad du shes rab kyi pha rol tu phyin pa la nye bar gnas pa lags/ bcom ldan 'das kyis bka' stsal pa/ rab 'byor de ji snyam du sems/ dgra bcom pa nyid gang la yongs su 'dzin pa 'am/ mngon par chags par 'gyur ba khyod kyis mthong ngam/ rab 'byor gyis gsol pa/ bcom ldan 'das de ni ma lags so// bcom ldan 'das dgra bcom pa nyid gang la yongs su 'dzin pa 'am/ mngon par chags par 'gyur ba'i chos de lta bu ni bdag gis ma mthong ngo // bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor ngas kyang de bzhin gshegs pa nyid yang dag par rjes su mthong ste/ rab 'byor ngas de bzhin gshegs pa nyid de yang dag par rjes su ma mthong bas/ yongs su 'dzin par mi byed/ mngon par chags par mi byed do// rab 'byor de lta bas na/ thams cad mkhyen pa nyid ni yongs su 'dzin pa med pa/ mngon par chags pa med do// rab 'byor gyis gsol pa/ bcom ldan 'das theg pa la gsar du zhags pa'i byang chub sems
- 205a
dpa' sems dpa' chen po dag thams cad bakhyen pa nyid kyang mi 'dzin cing mngon par chags pa med do// zhes bgyi ba'i bstan pa 'di thos nas/ skrag cings dngang te/ shin du dngangs par 'gyur du 'chi'o// 'on kyang bcom ldan 'das gang phun sum tshogs pa sngon gyi rgyal bgyis pa/ yun ring po nas de dge ba'i rtsa skrun pa de dag gis ni/ shes rab kyi pha rol tu phyin pa zab mo 'di thos nas mos par 'gyur ro// bcom ldan 'das kyis bka' stsal pa/ rab 'byor de de bzhin no// de de bzhin te/ de nas bcom ldan 'das la 'dod pa na spyod pa dang / gzugs na spyod pa'i lha'i bu rnams kyi 'di skad ces gsol to// bcom ldan 'das shes rab kyi pha rol tu phyin pa ni zab cing lta dka' ba/ rtog par bka' ba lags te/ bcom ldan 'das gang dag shes rab kyi pha rol tu phyin pa zab mo thos nas mos par 'gyur ba'i sems can de dag ni sngon gyi rgyal ba rnams la bgyi ba bgyis pa'o// bcom ldan 'das gal te stong gsum gyi stong chen po'i 'jig rten gyi khams na/ sems can ji snyed yod pa de dag thams cad kyi dad pa'i rjes su 'brang ba'i bskal pa 'am/ bskal pa las lhag par spyad pa bas/ gang gis shes rab kyi pha rol tu phyin pa zab mo 'di nyid ma gcig tsam yang bzod cing bsred de/ tshol ba dang / sems dpa' dang / gzhal ba dang / nye bar rtog pa dang / nye bar sems
- 205b
bar bgyid na/ bcom ldan 'das 'di nyid de dag pas mchog tu 'gyur ro// de skad ces gsol pa dang / bcom ldan 'das kyis 'dod pa na spyod pa dang / gzugs na spyod pa'i lha'i bu rnams la bka' stsal pa/ lha'i bu dag gal te rigs kyi bu 'am/ rigs kyi bu mo gang dag shes rab kyi pha rol tu phyin pa zab mo 'di nyid nyan na/ lha'i bu des ni ces myur bar mya ngan las reg par bya'o// dad pas rjes su 'brang ba'i sa la skal pa 'am bskal pa lhag par spyod pa de dag gis ni ma yin no// de nas 'dod pa na spyod pa'i lha'i bu dang / tshangs ris kyi lha'i bu rnams kyi bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyis drung na 'chi'o zhes gsol te dong ngo // de dag shin du ring bzhin tu phyin nas mi snang bar gyur to// 'dod pa na spyod pa'i lha'i bu rnams ni 'dod pa'i khams su gnas par 'gyur/ gzugs na spyod pa'i lha'i bu rnams ni tshangs pa'i 'jig rten du phyin nas gnas par 'gyur ro// // shes rab kyi pha rol tu phyin pa brgyad stong pa las/ bsam gyis mi khyab pa'i le'u ste bcu gsum pa'o// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po gang dag shes rab kyi pha rol tu phyin
- 206a
pa zab mo 'di la mos shing zhum par mi 'gyur ba dang / rmongs par mi 'gyur ba dang / rnam par gnas par mi 'gyur ba dang / the tsom du mi 'gyur zhing shes rab kyi pha rol tu phyin pa la mngon par dga' na/ bcom ldan 'das de gang nas shi 'phos nas 'dir mchis pa lags/ bcom ldan 'das kyis bka' sprul pa/ rab 'byor byang chub sems dpa' sems dpa' chen po gang shes rab kyi pha rol tu phyin pa zab mo 'di thos ma thag tu mos shing zhum par mi 'gyur/ rmongs par mi 'gyur/ rnam par gnas par mi 'gyur/ the tsom du mi 'gyur/ mos par mi 'gyur/ blta ba dang / nyan pa la mngon par dga' bar 'gyur/ shes rab kyi pha rol tu byin pa zab mo 'di la 'dzin cing sgom par 'gyur te/ shes rab kyi pha rol tu phyin pa dang ldan pa'i yid la byed pa mi spong zhing phyir phyogs par byed/ bzung ba dang / kun chub bar bya ba dang / bcang ba dang / klog pa'i phyir mos par bskyed par 'gyur/ rjes su 'brang zhing phyi bzhin 'gro bar 'gyur/ chos smra ba mi gtong bar 'gyur/ rab 'byor 'di lta ste dper na/ ba be'u gzhon nu mi 'dor ba bzhin du/ rab 'byor byang chub sems dpa' sems dpa' chen po yang shes rab kyi pha rol tu phyin pa zab mo 'di thos nas ji srid du/ shes rab kyi pha rol tu phyin pa 'di lus la thogs pa 'am/ glegs bam du chud par ma gyur pa de slad du chos smra ba mi gtong bar gyur te/ rab
- 206b
'byor byang chub sems dpa' sems dpa' chen po 'di ni mi dag gi nang nas shi 'phos nas mir skyes pa yin no// rab 'byor gyis gsol pa/ bcom ldan 'das yon tan 'di dag dang ldan pa'i byang chub sems dpa' sems dpa' chen pos sangs rgyas kyi zhing gzhan nas shi 'phos nas 'dir skyes par 'gyur ba mchis sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos/ sangs rgyas bcom ldan 'das gzhan dag la bsnyen bkur byas shing / dri ba dang / yongs su dri ba dang / sangs rgyas kyi zhing gzhan dag nas shi 'phos nas 'dir skyes pa yod de/ de yang yon tan 'di dag dang ldan par rig par bya'o// rab 'byor gzhan yang byang chub sems dpa' sems dpa' chen po// dga' ldan gyi lha dag gi nang nas shi 'phos nas 'dir skyes pa de yang yon tan de dag nyid dang ldan par rig par bya ste/ gang gis byang chub sems dpa' sems dpa' chen po byams pa la spen bskur byas shing / shes rab kyi pha rol tu phyin pa 'di la rtsams te dri ba dang / yongs su dri ba byas pa de yang yon tan 'di dag dang ldan par rig par bya'o// rab 'byor byang chub sems dpa' sems dpa' chen po gang gi shes rab kyi pha rol tu phyin pa 'di thos nas yongs su ma dris pa de'i phyir mi nyid kyi nang du skyes na yang nem nur du 'gyur rmongs par 'gyur/ sems zhum par 'gyur na/
- 207a
rab 'byor byang chub sems dpa' sems dpa' chen po 'di ni sngon yang yongs su mi dri ba'i rang bzhin can du 'gyur bar rig par bya'o// de ci'i phyir zhe na/ 'di ltar de ni shes rab kyi pha rol tu phyin pa zab mo 'di bshad pa la nem nur du 'gyur/ rmongs par 'gyur/ sems zhum pa nyid du 'gyur ba'i phyir ro// rab 'byor gzhan yang byang chub sems dpa' sems dpa' gang gis sngon yang shes rab kyi pha rol tu phyin pa 'di nyid nyi ma gcig gam/ gnyis sam/ gsum 'am/ bzhi tsam du thos par 'gyur te/ bsnyen bkur byas nas dri ba dang / yongs su dri ba byas pa de ni re zhig dad pa yin te/ stong par 'gyur zhing yongs su dri ba phyogs par 'gyur ro// / de ci'i phyir zhe na/ rab 'byor de ni 'di ltar gang gis shes rab kyi pha rol tu phyin pa 'di sngon yongs su ma dris shing rjes su ma 'brang bar 'gyur ba de ni/ shes rab kyi pha rol tu phyin pa zab mo 'di nyan par bya ba'i phyir/ res 'ga' ni mos pas rjes su 'brang bar 'gyur/ res 'ga' ni mos par mi 'gyur te/ de'i phyir g.yengs pa dang / zham par 'gyur/ de'i blo rgod par 'gyur te/ ras bal gyi 'dab ma bzhin du 'gyur ro// byang chub sems dpa' 'di ni theg pa la yang dag par zhugs pas ring por ma lon pa zhig theg pa la gsar du zhugs te/ 'ongs par rigs par bya ste/ byang chub sems dpa' de ni dad pa de dang / dad pa des rab tu gtong bar 'gyur zhing 'di lta
- 207b
ste shes rab kyi pha rol tu phyin pa zab mo 'di rjes su 'dzin par mi 'gyur/ rjes su 'jug par mi 'gyur/ rjes su 'khor bar mi 'gyur te/ de nyan thos kyi sa 'am/ rang sangs rgyas kyi sa 'am/ sa gnyis las gang yang rung ba'i sa cig tu re bar bya'o// rab 'byor 'di lta ste dper na/ rgya mtsho chen por zhugs pa'i gru zhig pa dang / gang dag der shing ngam/ gru tshal la mi 'dzin tam/ shi ba'i ro la mi 'jun/ rab 'byor de ni chu'i pha rol gyi 'gram du ma phyin par chu'i nang du 'chi ba'i dus byed par 'gyur bar rig par bya'o// rab 'byor gang rgya mtshor 'jug pa'i gru zhig pa dang / shing leb bam/ gru tshal la 'dzin cing / shrI ba'i rol 'jun rab 'byor de ni chu'i 'chi ba'i dus byed par mi 'gyur te/ bde bar pha rol gyis 'gram du phyin pa re ma smas ma snang bar 'gyur bar rig par bya'o// rab 'byor de bzhin du byang chub sems dpa' dad pa tsam dang / dga' ba tsam dang / dang ba tsam dang / ldan yang des shes rab kyis rab kyi pha rol du phyin pa la ma 'jus na/ rab 'byor de ni brla dor lam gyi bye brag la sgyid lugs par 'gyur te/ thams cad mkhyen pa nyid ma thob par nyan thos nyid dam/ rang sangs rgyas nyid du gnas par 'gyur ro zhes rig par bya'o// rab 'byor byang chub sems dpa' sems dpa' chen po gang dag bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod pa dang /
- 208a
bzod pa yod pa dang / sred pa yod pa dang / 'dun pa yod pa dang / brtson 'grus yod pa dang / bag byed pa yod pa dang / mos pa yod pa dang / lhag pa'i/ bsam pa yod pa dang / btong ba yod pa dang / gus par byed pa yod pa dang / dga' bar bya ba yod pa dang / brtson par mi 'dor bar yod pa de dag kyang / shes rab kyi pha rol tu phyin pa la 'jug par byed de/ da ltar de dag gi dad pa de dang / bzod pa de dang / sred pa de dang / 'dun pa dang / brtson 'grus dang / bag byed pa dang / mos pa dang / lhag pa'i bsam pa dang / gtong ba dang / gus pa dang / dga' ba dang / dang ba dang / rab tu dga' ba dang / brtson pa mi 'dor ba de dag kyang shes rab kyi pha rol tu phyin pa la gnas par 'gyur ro// rab 'byor 'di lta ste dper na/ bud med dam skyes pa yang rung bum pa so ma gtang bas chu chu na/ rab 'byor de'i bum pa de ni yun ring por mi thub ste/ de ni myur du chag cing zhig par 'gyur ro// de ci'i phyir zhe na/ 'di ltar so ma btang bas de ni mthar sa nyid du 'gyur ro// rab 'byor de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang brgya par dad pa yod pa dang / bzod pa yod pa dang / sred pa yod pa dang / 'dun pa yod pa dang / brtson 'grus yod pa dang / bag byed pa yod pa dang / mos pa yod pa dang / lhag pa'i bsam pa yod pa dang / gtong ba yod pa dang / gus
- 208b
par byed pa yod pa dang / dga' bo yod pa dang / dang ba yod pa dang / rab tu dga' ba yod pa dang / brtson pa mi 'dor ba yod zin kyang / de shes rab kyi pha rol tu phyin pa dang / thabs mkhas pas yongs su ma bzung bar gyur na/ rab 'byor byang chub sems dpa' ni bar ma dor lam gyi bye brag la sgyid lug par 'gyur ro// rab 'byor byang chub sems dpa'i lam gyi bye brag la sgyid lug pa gang zhe na/ de ni nyan thos kyi sa 'am/ rang sangs rgyas kyi sa'o// rab 'byor 'di lta ste/ dper na bud med dam/ skyes ba yang rung ste/ bum pa so legs par btang bas 'bab chu 'am/ rdzing bu 'am/ lteng ka 'am/ 'tsho 'am/ khron pa 'am/ de ma yin pa'i chu'i gzhi las chu bcus nas/ de chu de khyer na/ rab 'byor bum pa des ni/ bde bar khyim du phyin par 'gyur ro// de ci'i phyir zhe na/ 'di ltar bum pa so legs par btang ba'i phyir te/ rab 'byor de bzhin du byang chub sems dpa' sems dpa' chen po gang dag bla na med pa yang dag par rdzogs pa'i byang chub mngon par rdzogs par 'tshang rgya bar/ dad pa yod/ bzod pa yod sred pa yod/ 'dun pa yod/ brtson 'grus yod/ bag byed pa yod/ mos pa yod/ lhag pa'i bsam pa yod/ gtong ba yod/ gus par byed pa yod/ dga' ba yod/ dang ba yod/ rab tu dga' ba yod/ brtson pa mi 'dor ba yang yod la/ de shes rab kyi pha rol du phyin pa dang
- 209a
thabs la mkhas pas yongs su bzung bar gyur na/ rab 'byor byang chub sems dpa' sems dpa' chen po de ni/ lam gyi bye brag la bar ma 'dor sgyid lug par mi byed de/ ma smras ma snang par thams cad mkhyen pa nyid la gnas par 'gyur bar rig par bya'o// / bam po bcu bzhi pa// / rab 'byor 'di lta ste dper na/ skyes bu shes rab 'chal pa'i rang bzhin can rgya mtsho gru mig tshags ma byas pa/ ma bcos pa/ bcings pas bcings nas/ ring por lon pa zhig tu chu'i nang du drangs la rdzas dang bcas te gang zhig khal gyis non pa'i nang du zhags par gyur na/ rab 'byor gru ni 'di lta ste/ 'di lta bu'i 'jigs pa'i chos can du 'gyur ro// pha rol tu ma rgal bar de'i rdzas kyang gzhan du 'gyur la/ grwa de yang gzhan du 'gro bar rig par bya ste/ de ltar ded dpon thabs mi mkhas pa shes rab 'chal pa'i shes rab can de nor chen po dang bral ba dang / 'phrad par 'gyur te/ rin po che'i 'byung gnas chen po las yongs su nyams par 'gyur ro// rab 'byor de bzhin du byang chub sems dpa' la yang bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod/ bzod pa yod/ sred pa yod/ 'dun pa yod/ brtson 'grus yod/ bag byed pa yod/ mos pa yod/ lhag pa'i bsam pa yod/ gtong
- 209b
ba yod/ gus par byed pa yod/ dga' bar byed pa yod/ dang ba yod/ rab tu dga' ba yod/ brtson pa mi gtong ba yod kyang de shes rab kyi pha rol tu phyin pas yongs su ma bzung shing / thabs dang bral bar gyur na/ rab 'byor byang chub sems dpa' de ni thams cad mkhyen pa'i rin po che ma thob pa nyid du bar ma dor chud zos shing yid gsod par 'gyur te/ don chen po las yongs su nyams par 'gyur ro// rin po che'i phung po chen po 'di lta ste/ thams cad mkhyen pa'i rin po che chen po las yongs su nyams par 'gyur ro// rab 'byor byang chub sems dpa' sems dpa' chen po bar ma dor chud za ba gang zhe na/ 'di lta ste/ nyan thos kyi sa 'am/ rang sangs rgyas kyi sa'o// rab 'byor 'di lta ste dper na/ ded dpon mkhas pa'i rang bzhin can gyis/ rgya mtshor 'jug pa'i gru bcings pa legs par bcings pa/ mig tshags bya ba legs par bya nas/ bcos par bya ba legs par bcos te/ chu'i nang du drangs nas rdzas skyes te/ gang bar byas nas legs par bshams shing / 'thun pa'i rlung dang sbyar te/ de gang du 'gro bar 'dod pa'i phyogs su song na/ rab 'byor gru de ni chus 'jig par mi 'gyur gyi gru ni gang du 'gro bar bya bar phyogs der phyin par 'gyur zhing / ded dpon de yang 'jig rten gyi rin po che chen po snyed pa lta ste/ 'jig rten gyi rin po che dag dang ldan par 'gyur bar rigs bya'o// rab
- 210a
'byor de bzhin du byang chub sems dpa' sems dpa' chen pos bla na med pa yang dag par rdzogs pa'i byang chub mngon par rdzogs par 'tshang rgya bar dad pa yod/ bzod pa yod/ sred pa yod/ 'dun pa yod/ brtson 'grus yod/ bag byed pa yod/ mos pa yod/ lhaga'i bsam pa yod pa dang / gtong ba yod/ gus par byed pa yod/ dga' ba yod/ dang ba yod/ rab tu dga' ba yod/ brtson 'grus mi gtong ba yang yod la/ de shes rab kyi pha rol tu phyin pas yongs su bzung zhing thabs mkhas pa dang ma bral bar gyur na/ rab 'byor byang chub sems dpa' sems dpa' chen po de ni bar ma dor lam gyi bye brag la chud mi za zhing sgyid lug bar mi 'gyur te/ byang chub sems dpa' sems dpa' chen po de ni bla na med pa yang dag par rdzogs pa'i byang chub la gnas par 'gyur ro// rab 'byor de ci'i phyir zhe na/ 'di ni 'di ltar byang chub sems dpa' sems dpa' chen po gang dag bla na med pa yang dag par rdzogs pa'i byang chub mngon par rdzogs par 'tshang rgya bar bya ba la dad pa yod/ bzod pa yod/ sred pa yod/ 'dun pa yod/ brtson 'grus yod/ bag byed pa yod/ mos pa yod/ lha'i bsam pa yod// gtong ba yod/ bla mar byed pa yod/ dga' ba yod/ dang ba yod/ rab tu dga' ba yod/ brtson 'grus mi gtong ba yod/ de'i chos 'di dag shes rab kyi pha rol
- 210b
tu phyin pas yongs su bzung zhing thabs mkhas pa dang bral bar gyur na/ de ni gang gis thams cad mkhyen pa nyid du 'gyur ba'i chos mngon du byed cing bla na med pa 'ang dag par rdzogs pa'i byang chub mngon par rdzogs par 'tshang rgya bar 'gyur ba ma gtogs/ nyan thos kyi sa dang / rang sangs rgyas kyi sar mi sgrub po// rab 'byor 'di lta ste dper na/ skyes pa 'ga' zhig skyes nas lo brgya nyi shu lon pa zhig rgad po rgas shing 'khogs par gyur la/ de'i lus la rlung las gyur pa 'am/ mkhris ba las gyur pa 'am/ bad kan las gyur pa 'am/ 'dus pa las gyur pa'i nad kyi btab na/ rab 'byor 'di ji snyam du sems/ skyes bu de ma bslang bar khris las ldang nus sam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor gal te skyes bu de khri las ldang nus sam/ de rgas pa de dang / nad des 'khogs pas rgyang grags gcig srid dam/ rgyang grags gnyis srid dam/ 'gro ba'i mthu med do// gal te skyes bu de khri las ldang nus kyang 'gro bar bya ba'i mthu med do// rab 'byor de bzhin du byang chub sems dpa' sems dpa' chen pos/ bla na med pa yang dag par rdzogs pa'i byang chub mngon par rdzogs par sangs rgyas par bya ba la/ dad pa yod pa dang / bzod pa yod pa dang / sred pa yod pa dang / 'dun pa yod pa dang / brtson 'grus
- 211a
yod pa dang / dang ba yod pa dang / mos yod pa dang / lhag pa'i bsam pa yod pa dang / gtong ba yod pa dang / bla mar byed pa yod pa dang / dga' bar byed pa yod pa dang / bag byed pa yod pa dang / rab tu gnas pa yod pa dang / brtson pa mi gtong ba yod par gyur kyang / de shes rab kyi pha rol tu phyin pas yongs su ma bzung shing thabs mkhas pa dang bral bar gyur pas/ de bla na med pa yang dag par rdzogs pa'i byang chub mngon par rdzogs par sangs rgyas par bya ba la yang dag par zhugs su zin kyang / rab 'byor de ltar byang chub sems dpa' de ni bar ma dor zhum par 'gyur/ yig sad nas nyan thos kyi sa 'am/ rang sangs rgyas kyis sa la gnas par 'gyur bar rig par bya'o// de ci'i phyir zhe na/ de ni 'di ltar shes rab kyi pha rol tu phyin pas yongs su ma bzung ba dang / thabs mkhas pa dang bral ba'i phyir ro// rab 'byor 'di lta ste dper na/ skyes bu skyes nas lo rgya nyi shu lon par gyur pa/ rgad po rgas shing khogags par gyur par gyur pa de nyid kyis lus la rlung las gyur pa 'am/ 'khris pa las gyur pa 'am/ bad kan las gyur pa 'am/ 'dus pa las gyur pa'i nad kyi gtab par gyur pa de'i g.yas dang g.yon gnyis nas/ skyes bu stobs dang ldan pa gnyis kyis legs par rten cing 'jug ste legs par gzung nas de la 'di skad du/ kye skyes bu khyod gang du 'gro bar bya ba'i gnas
- 211b
deng thong brim maphrin pa'i bar du khyong kho bca ga gnyis kyis rten pa'i lam du bar dor rdeg 'chos pa'i 'jigs par mi 'gyur gyis/ khyod gang du 'gro bar 'dod pas der song cig ces sgon/ de'i de las ldang nus par 'gyur ro// rab 'byor de bzhin du byang chub sems dpa' sems dpa' chen pos/ bla na med pa yang dag par rdzogs pa'i byang chub mngon par rdzogs par 'tshang rgya bar bya ba la dad pa yod pa dang / bzod pa yod pa dang / srid pa yod pa dang / 'dun pa yod pa dang / brtson 'grus yod pa dang / dang ba yod pa dang / mos pa yod pa dang / lhag pa'i bsam pa yod pa dang / gtong ba yod pa dang / bla mar byed pa yod pa dang / bag byed pa yod pa dang / rab tu dga' ba yod pa dang / brtson pa mi gtong ba yod par gyur la/ de shes rab kyi pha rol tu phyin pas yongs su gzungs zhing thabs pa dang / ma bral bar gyur na/ rab 'byor byang chub sems dpa' sems dpa' chen po de ni bar ma dor zhum par mi 'gyur/ yi gsod par mi 'gyur te/ byang chub sems dpa' sems dpa' chen po 'di ni 'di lta ste/ de'i gnas nas bla na med pa yang dag par rdzogs pa'i byang chub kyi gnas rjes su thob/ 'dod par rig par bya'o// shes rab kyi pha rol phyin pa brgyad stong pa las/ dpe'i le'u ste bcu bzhi pa'o// // de nas bcom ldan 'das la tshe dang ldan pa rab 'byor/
- 212a
gyis 'di skad ces gsol to// bcom ldan 'das byang chub sems dpa' sems dpa' chen po las dang po pas/ shes rab kyi pha rol tu phyin pa la ji ltar gnas par bgyi/ ji ltar bslab par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di la byang chub sems dpa' chen po las dang po pas/ shes rab kyi pha rol tu pa la slob par 'dod pas/ dge ba'i bshes gnyen dag la snyen par bya'o// bstan par bya/ snyen bkur bya'o// gang dag shes rab kyi pha rol tu phyin pa 'di la 'doms shing ston par 'gyur ba na/ gang dag shes rab kyi pha rol du phyin pa 'di la lung 'bog pa de dag ni/ rab 'byor byang chub sems dpa' sems dpa' chen po de dge ba'i gshes gnyen du rig par bya'o// de las shes rab kyi pha rol tu phyin pa 'di ltar lung 'bogs te/ rigs kyi bu khyod tshur shog/ sbyin pa dag dang gang sbyin pa de dag thams cad bla na med pa yang dag par rdzogs pa'i byang chub tu yongs su bsngos shing / rigs kyi bu khyod kyis bla na med pa yang dag par rdzogs pa'i byang chub gzugs su ma snyems shig/ tshor ba dang / 'du shes dang / 'du byed rnams dang / rigs kyi bu khyod bla na med pa yang dag par rdzogs pa'i byang chub rnam par shes pa ma skems shig/ de ci'i phyir zhe na/
- 212b
rigs kyi bu thams cad mkhyen pa nyid ni ma skems pa ste/ de ltar tshul khrims gang dang gang bsrung ba dang / bzod pa gang dang gang bsgrub pa dang / brtson 'grus dang dang dang brtsom pa dang / bsam gtan gang dang gang la mnyam par bzhog pa dang / rigs kyi bu khyod shes rab gang dang gang yongs su byang bar byed pa de dag thams cad bla na med pa yang dag par rdzogs pa'i byang chub tu yongs su ma snyems shig/ rigs kyi bu khyod bla na med pa yang dag par rdzogs pa'i byang chub la gzugs su snyems shig/ tshor ba dang / 'du shes dang / 'du byed rnams rigs kyi bu khyod bla na med pa yang dag par rdzogs pa'i byang chub la rnam par shes pa ma snyems shig/ de ci'i phyir zhe na/ rigs kyi bu thams cad mkhyen pa nyid ni ma snyems pa ste/ rigs kyi bu khyod nyan thos kyi sa 'am/ rang sangs rgyas kyi sa la 'dod pa ma bskyed cig/ rab 'byor de ltar byang chub sems dpa' sems dpa' chen po las dang po la dge ba'i bshes gnyen dag gis mthar gyis shes rab kyi pha rol tu phyin pa la zhags par bya'o// rab 'byor gyis gsol pa/ bcom ldan 'das byang chub sems dpa' sems dpa' chen po gang dag bla na med pa yang dag par rdzogs pa'i byang chub tu yang dag par zhugs shing / de lta bu'i sbyin pa la rten/ de lta bu'i tshul khrims dang / de lta bu'i bzod pa dang / de lta bu'i brtson 'grus dang / de lta bu'i bsam gtan dang / de lta bu'i shes rab
- 213a
la rten nas/ yongs su mya ngan las 'das pa rang dbang du gyur pa mi 'tshal zhing / sems can gyi khams shin du sdug bsngal ba mthong nas/ bla na med pa yang dag par rdzogs pa'i byang chub tu mngon par 'tshang rgya bar 'tshal te/ 'khor bar skrag par mi bgyid pa lags so// de skad gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ byang chub sems dpa' sems dpa' chen po gang 'jig rten la phan pa'i phyir zhags pa dang / 'jig rten la snying rtse ba'i phyir zhugs pa dag bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi skyob par 'gyur bar bya'o// 'jig rten gyi gnas su 'gyur bar bya'o// 'jig rten gyi skyabs su 'gyur bar bya'o// 'jig rten gyi dpung gnyen du 'gyur bar bya'o// 'jig rten gyi gling du 'gyur bar bya'o// 'jig rten gyi snang bar 'gyur bar bya'o// 'jig rten gyi yongs su 'dren par 'gyur bar bya'o// 'jig rten gyi rten du 'gyur bar bya'o// sbram te/ de ltar byang chub tu brtson 'grus brtsom pa de dga' ba byed pa yin no// rab 'byor ji ltar byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi skyob par gyur zhe na/ rab
- 213b
na sug sa ba nga ga @ 'byor de ltar na byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi skyob par 'gyur ro// rab 'byor ji ltar na/ byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi gnas su 'gyur zhe na/ rab 'byor de bzhin gshegs pa dgra bcom pa yang dag par rdzogs pa'i sangs rgyas sbyor ba med par bya ba'i phyir sems can rnams la chos ston to// rab 'byor gyis gsol pa/ bcom ldan 'das ji ltar na/ sbyor ba ma mchis pa lags/ bcom ldan 'das kyis bka' stsal pa/ rab 'byor gang gzug la sbyor ba med cing 'bral ba med pa de ni/ nam gzugs kyi skye ba med pa dang / 'gag pa med pa'o// gzugs kyi skye ba med pa dang / 'gag pa med pa gang yin pa de ni/ gzug la sbyor ba med do// gang gzugs la sbyor ba med pa de ni gzugs la 'bral ba med pa'o// tshor ba dang / 'du shes dang / 'du byed rnams kyang de bzhin te/ rab 'byor/ rnam par shes pa la sbyor ba med cing 'bral ba gang yin pa de ni rnam par shes pa skye ba med pa dang / 'gag pa med pa'o// gang rnam par shes pa'i skye ba med pa dang / 'gag
- 214a
@pa med pa de ni rnam par shes pa la sbyor ba med pa'o// gang rnam par shes pa de la sbyor ba de ni/ rnam par shes pa la 'bral ba med pa'o// de ltar rab 'byor chos thams cad ni sbyor ba med pa/ 'bral ba med pa ste/ rab 'byor de ltar na/ byang chub sems dpa' sems dpa' chen po bla na med pa yang dag par rdzogs ba'i byang chub mngon par rdzogs par sangs rgyas nas/ 'jig rten gyi gnas su 'gyur ba yin no// rab 'byor sems can gang skye ba'i chos can/ rgas pa'i chos can na ba'i chos can/ 'chi ba'i chos can/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can de dag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su thar bar byed de/ rab 'byor de ltar na byang chub sems dpa' sems dpa' chen po// bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi skyabs su 'gyur ro// rab 'byor ji ltar na/ byang chub sems dpa' sems dpa' chen po// bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi dpung gnyen du 'gyur ba yin zhe na/ rab 'byor gzugs kyi pha rol gang yin pa de ni gzugs ma yin/ rab 'byor pha rol gang
- 214b
yin pa ji lta bar gzugs kyang de bzhin te/ de bzhin du tshor ba dang / 'du shes dang / 'du byed rnams dang / rab 'byor rnam par shes pa'i pha rom grang yin pa de ni rnam par shes ma yin/ rab 'byor pha rol ji lta ba bzhin du rnam par shes pa de bzhin te/ rab 'byor gzugs dang / tshor ba dang / 'du shes dang / 'du byed rnams dang / rnam par shes pa'i pha rol ji lta ba chos thams cad kyang de bzhin no// rab 'byor gyis gsol pa/ bcom ldan 'das gal te gzugs dang / tshor ba dang / 'du shes dang / 'du byed rnams dang / rnam par shes pa'i pha rol ji lta ba chos thams cad kyang de dang 'dra na/ bcom ldan 'das byang chub sems dpa' sems dpa' chen po dag gis chos thams cad mngon par rdzogs par sangs rgyas pa ma lags sam/ de ci'i slad du zhe na/ bcom ldan 'das 'di la rnam par rtog pa ma mchis pa'i slad du'o// bcom ldan 'das kyis bka' stsal pa/ rab 'byor de de bzhin no// de de bzhin te/ pha rol gang na yod pa de rnam par rtog pa gang yang med de/ rab 'byor rnam par rtog pa gang yang mang ba'i phyir ro// byang chub sems dpa' sems dpa' chen po de dag gis chos thams cad mngon par rdzogs par sangs rgyas pa yin te/ gang de ltar chos thams cad la nges par sems shing du yang mi byed/ zhum par yang 'gyur na/ de bzhin du bdag cag chos 'di dag mngon par rdzogs par sangs rgyas par bya'o// de bzhin du bla na
- 215a
med pa yang dag par rdzogs pa'i byang chub mngon par rdzogs par sangs rgyas nas chos 'di dag bstan par bya'o// rab tu bshad par bya'o// 'di ni byang chub sems dpa' sems dpa' chen po'i mchog tu dga' bar byed pa ste/ rab 'byor de ltar na byang chub sems dpa' sems dpa' chen po// bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi dpung gnyen du 'gyur ro// rab 'byor ji ltar na byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi gling du 'gyur zhe na/ rab 'byor 'di lta ste dper na/ 'bab chu'am/ rgya mtsho dag gi nang na/ phyogs gang chus yongs su bskor ba ni gling zhes bya'o// rab 'byor de bzhin du gzugs sngon gyi mtha' dang / phyi ma'i mtha' yongs su chad pa'o// de bzhin du tshor ba dang / 'du byed rnams dang / rab 'byor de bzhin du rnam par shes pa sngon gyi mtha' dang / phyi ma'i mtha' yongs su chad pa'o// rab 'byor yongs su chad pa 'dis/ chos thams cad sngon gyi mtha' dang / phyi ma'i mtha' yongs su chad pa yin no// rab 'byor chos thams cad kyi yongs su chad pa gang yin pa 'di ni zhi ba'o// 'di ni gya nom pa'o// 'di ni mya ngan las 'das pa'o// 'di ni ji lta ba bzhin no// 'di ni ma log pa ste/ rab 'byor ji ltar na/ byang chub sem
- 215b
dpa' sems dpa' chen po blan med pa yang dag par rdzogs byang chub mngon par sangs rgyas nas/ 'jig rten gyi gling du 'gyur ro// rab 'byor dziTha na/ byang chub sems dpa sems dpa' chen po/ bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi snang bar 'gyur zhe na// rab 'byor 'di byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par sangs rgyas nas/ ma rig pa'i sgo nga'i sbubs dang / ling tog gis yongs su khyebs pa'i sems can mun pas zil gyis non pa rnams shes rab kyi snang ba byed cing / mi snang ba'i mun pa mun nag med par gyur to// rab 'byor de ltar na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi snang bar 'gyur ro// rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ 'jig rten gyi yongs su 'dren par 'gyur zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ gzugs rang bzhin gyis skye ba med pa dang / 'gag pa med par chos ston to// de bzhin du tshor ba dang / 'du shes dang / 'du byed rnams
- 216a
dang / rnam par shes pa rang bzhin gyis skye ba med pa dang / 'gag pa med par chos ston to// ma ma skye ba'i chos rnams kyang rang bzhin gyis skye ba med pa dang / 'gag pa med par chos ston to// nyan thos rnams rang bzhin gyis skye ba med pa dang / 'gag pa med par chos ston to// byang chub sems dpa' sems dpa' chen po rnams rang bzhin gyis skye ba med pa dang / 'gag pa med par chos ston to// sangs rgyas kyi chos rnams rang bzhin gyis skye ba med pa dang / 'gag pa med par chos ston to// chos thams cad rang bzhin gyis skye ba med pa dang 'gag pa med par chos ston to// rab 'byor de bzhin du byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ 'jig rten gyi yongs su 'dren par 'gyur ro// rab 'byor ji ltar na 'jig rten gyi rten du 'gyur zhe na/ byang chub sems dpa' sems dpa' chen po// bla na med pa yang dag par rdzogs pa'i byang chub mngon par rdzogs par sangs rgyas nas/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par sangs rgyas nas/ gzugs ni na mkha'i rten can no// zhes chos ston par 'gyur/ de bzhin du tshor ba dang / 'du shes dang / 'du byed rnams dang / rnam par shes pa yang namakha'i rten can no zhes chos ston par 'gyur ro// rab 'byor de
- 216b
bzhin du chos thams cad na mkha'i rten can te/ 'ong ba med pa/ 'gro ba med pa na mkha' dang mtshungs pa ste/ ji ltar na mkha' 'ong ba med/ song ba med pa/ ma byas pa/ mi gnas pa/ rnam par mi gnas pa/ ma skyes pa/ ma 'gags pa/ de bzhin du chos thams cad na mkha' la rnam par rtog pa med pa'i phyir/ rnam par mi rtog pa'o// / de ci'i phyir zhe na/ rab 'byor gzugs kyi stong pa nyid gang yin pa de ni 'ongs pa 'am/ 'gro ba med do// de bzhin du tshor ba dang / 'du shes dang / 'du byed rnams dang / rab 'byor rnam par shes pa'i stong pa nyid gang yin pa de ni 'gro ba 'am/ 'ong ba med de/ rab 'byor de bzhin du chos thams cad kyi stong pa nyid ni 'gro ba 'am/ 'ong ba med do// de ci'i phyir zhe na/ rab 'byor chos thams cad ni stong pa nyid kyi rten can te/ chos de dag ni rten de las mi 'da' 'o// rab 'byor chos thams cad mtshan ma med pa'i rten can te/ de dag ni rten de las mi 'da' 'o// rab 'byor chos thams cad ni smon pa med pa'i rten can te/ de dag rten de las mi 'da' 'o// rab 'byor chos thams cad ni mngon par 'du mi byed pa'i rten can te/ de dag rten de las mi 'da' 'o// rab 'byor chos thams cad ni mngon 'byung ba med pa'i rten can te/ de dag rten de las mi 'da' 'o// rab 'byor chos thams cad ni skye ba med pa'i rten can te/ de dag rten de las mi 'da' 'o// chos thams cad ni dngos po med pa'i rten can te/ de dag rten de las mi 'da' 'o// rab 'byor chos
- 217a
thams cad ni rmi lam gyi rten can te/ de dag rten de las me 'da' 'o// rab 'byor chos thams cad ni bdag gi rten can te/ de dag rten de las mi 'dar lo/ rab 'byor chos thams cad mu med pa'i rten can te/ de dag rten de las mi 'da' 'o// rab 'byor chos thams cad ni zhi ba'i rten can te/ de dag rten de las mi 'da' 'o// rab 'byor chos thams cad ni mya ngan las 'das pa'i rten can te/ de dag rten de las mi 'da' 'o// rab 'byor chos thams cad ni 'byung ba med pa'i rten can te/ de dag rten de las mi 'da' 'o// rab 'byor chos thams cad ni 'ong ba med pa'i rten can te/ de dag rten de las mi 'da' 'o// rab 'byor chos thams cad ni 'gro ba med pa'i rten can te/ de dag rten de las mi 'da' 'o// rab 'byor chos thams cad ni rab tu zhi ba'i rten can te/ de dag rten de las mi 'da' 'o// rab 'byor gyis gsol pa/ bcom ldan 'das shes rab kyi pha rol tu phyin pa zab mo 'di su dag gis 'tshal bar 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang sngon gyi de bzhin gsheg pa dgra bcom pa yang dag par rdzogs pa'i sangs rgyas rnams kyi drung du spyad pa de dag gis shes par 'gyur te/ byang chub sems dpa' sems dpa' chen po gang dag shes rab kyi pha rol tu phyin pa zab mo shes par 'gyur ba de dag ni/ dge ba'i rtsa ba yongs su smin par rig par bya'o// rab 'byor gyis gsol pa/ bcom ldan 'das byang chub sems dpa' sems
- 217b
dpa' chen po// gang dag shes rab kyi pha rol tu phyin pa zab mo 'di 'tshal bar 'gyur ba de dag gis ngo bo nyid du ji lta bu lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa zab mo 'di shes par 'gyur ba de dag gis 'dul ba dben pa'i rang bzhin can no// rab 'byor gyis gsol pa/ bcom ldan 'das byang chub sems dpa' sems dpa' chen po de dag gi de lta bu'i rten can kho na lags sam rten de/ dag mngon par rdzogs par sangs rgyas nas/ sems can dag la yang rten 'di dag nyid ston par 'gyur zhing / de dag de ltar sems can rnams kyi rten du 'gyur ba lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ rab 'byor byang chub sems dpa' de dag ni 'di lta bu rten du 'gyur ro// rten 'di dag mngon par rdzogs par sangs rgyas nas/ sems can dag la rten 'di dag ston par 'gyur te/ de dag de ltar sems can rnams kyis rten du 'gyur ro// rab 'byor de ltar na byang chub sems dpa' sems dpa' chen po dag bla na med pa yang dag par rdzogs pa'i byang chub mngon par rdzogs par sangs rgyas nas/ sems can grangs med pa dpag tu med pa dag gi rten du 'gyur ro// rab 'byor gyis gsol pa/ bcom ldan 'das sems can grangs ma mchis/ dpag tu ma mchis pa dag
- 218a
@#/ yongs su mya ngan las rna gas gang gis go cha 'di banas pa'i byang chub sems dpa' sems dpa' chen po ni dga' ba bgyid pa lags so// na ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ sems can grangs med dpag tu med pa dag gi yongs su mya ngan las bzla'o zhes gang gi go cha 'di dag bgos pa'i byang chub sems dpa' sems dpa' chen po ni dga' ba byed pa'o// rab 'byor byang chub sems dpa' sems dpa' chen po'i go cha de ni gzugs dang 'brel pa yang ma yin/ gzugs kyi don du 'brel pa yang ma yin/ tshor ba dang / 'du shes dang / 'du byed rnams dang / rnam par shes pa dang 'brel pa yang ma yin/ rnam par shes pa'i don du 'brel pa yang ma yin/ nyan thos dang / rang sangs rgyas kyi sa la 'brel pa yang ma yin/ nyan thos dang rang sangs rgyas kyi sa'i don du 'brel pa yang ma yin/ sangs rgyas kyi sa dang 'brel pa yang ma yin/ sangs rgyas kyi sa'i don du 'brel pa yang ma yin no// de ci'i phyir zhe na/ rab 'byor byang chub sems dpa' sems dpa' chen po go cha chen po bgos pa'i go cha 'di ni/ chos thams cad dang ma 'brel pa'o// rab 'byor gyis gsol pa/ bcom ldan 'das byang chub sems dpa' sems dpa' chen po// go cha chen po bgos pa/ shes rab kyi pha rol tu phyin pa zab mo de ltar spyod pa de gnas gsum la re bar mi
- 218b
bgyi ste/ gsum gang zhe na/ 'di lta ste/ nyan thos kyi sa 'am/ rang sangs rgyas kyi sa 'am/ sangs rgyas kyi sa'o// de skad ces gsol pa dang / bcom ldan 'das kyis tshe dang ldan/ pa rab 'byor la 'di skad ces bka' stsal to// rab 'byor khyod don gyi dbang ci zhig gis mthong na/ 'di skad du byang chub sems dpa' sems dpa' chen po go chen po bgos pa/ shes rab kyi pha rol tu phyin pa zab mo la de ltar spyod pa de/ gnas gsum la re bar mi bya ste/ gsum gang zhe na/ 'di lta ste/ nyan thos kyi sa 'am/ rang sangs rgyas kyi sa'o zhes zer/ rab 'byor gyis gsol pa/ bcom ldan 'das shes rab kyi pha rol tu phyin pa de ni/ sus kyang sgom par bgyi ba ma lags/ sus 'ang mi sgom/ sus 'ang sgom par mi 'gyur/ gang la sgom par bgyi ba ma lags so// de ci'i slad du zhe na/ bcom ldan 'das shes rab kyi pha rol tu phyin pa chos gang yang yongs su grub pa ma mchis pa'i slad du'o// bcom ldan 'das 'di lta ste/ shes rab kyi pha rol tu phyin pa bsgom pa 'di ni nam mkha' sgom pa lags so// 'di lta ste/ shes rab kyi pha rol tu phyin pa bsgom pa 'di ni chos thams cad bsgom pa lags so// 'di lta ste/ shes rab kyi pha rol tu phyin pa bsgom pa 'di ni/ ma chags pa bsgom pa lags so// 'di lta ste/ shes rab kyi pha rol tu phyin pa bsgom pa 'di ni/ mtha' yas pa sgom pa lags so// 'di lta ste/ shes rab kyi pha rol tu phyin pa 'di ni dngos po ma mchis pa bsgom pa lags so// 'di lta ste/ shes rab kyi pha rol tu
- 219a
phyin pa sgom pa 'di ni yongs su gzungs pa ma mchis pa lags so// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de lta bas na/ shes rab kyi pha rol tu phyin pa spyod pa'i zab mo 'di la gnas pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub las phyir mi ldog par brtag par bya'o// rab 'byor byang chub sems dpa' sems dpa' chen po la las/ shes rab kyi pha rol tu phyin pa zab mo la mngon par chags par mi byed pa dang / la la gzhan gyis smras pa dang / gzhan gyis sgo ba dag la mngon par mi chags pa dang / la la pha rol gyi dad pa'i phyir mi 'brang ba dang / rab 'byor byang chub sems dpa' sems dpa' chen po la las shes rab kyi pha rol tu phyin pa zab mo 'di bshad pa la mi zham/ mi 'god/ mi skrag/ mi dngang zhing / shin du dngang bar mi byed/ nem nur mi byed/ the tsom mi za/ rmongs par mi 'gyur zhing / rtogs par byed mos par byed shes rab kyi pha rol tu phyin pa mthong ba dang / thos par bka' na/ rab 'byor 'dis sngon yang shes rab kyi pha rol tu phyin pa yongasasu dris par rig par bya'o// de ci'i phyir zhe na/ rab 'byor 'di ltar shes rab kyi pha rol tu phyin pa zab mo bshad pa la mi skrag/ mi dngang zhing dngang bar mi byed pa'i phyir ro// rab 'byor gyis gsol pa/ bcom ldan 'das byang chub sems dpa'
- 219b
sems dpa' chen po gang / shes rab kyi pha rol tu phyin pa zab mo 'di bshad pa la mi skrag mi dngang zhing dngang bar mi bgyid na/ bcom ldan 'das rgyu gang gis de shes rab kyi pha rol tu phyin pa/ bye brag tu brtags pa lags/ bcom ldan 'das kyis bka' stsal pa/ rab 'byor thams cad mkhyen pa la gzhol ba'i sems kyis rgyud kyis byang chub sems dpa' sems dpa' chen pos/ shes rab kyi pha rol tu phyin pa bye brag tu brtags pa yin no// rab 'byor gyis gsol pa/ bcom ldan 'das ji ltar thams cad mkhyen pa nyid la bzhol ba'i sems kyi rgyud bye brag tu brtags pa lags/ bcom ldan 'das kyis bka' stsal pa/ rab 'byor na mkha' gzhol ba'i sems kyi rgyud dang / rab 'byor nam mkha' la bab pa'i bye brag dang / rab 'byor na mkha' la bab pa'i sems kyis rgyud kyi thams cad mkhyen pa nyid la gzhol ba'i sems kyi rgyud bye brag tu brtags pa yin no// rab 'byor thams cad mkhyen pa nyid la gzhol ba'i rgyud kyis bye brag tu brtags pa gang yin pa de ni bye brag tu rtags pa'o// de ci'i phyir zhe na/ rab 'byor thams cad mkhyen pa nyid ni dpag tu med pa'o// rab 'byor thams cad mkhyen pa nyid ni tshad med pa'o// rab 'byor dpag tu med pa dang / tshad med pa gang yin pa de ni gzugs ma yin/ tshor ba ma yin/ 'du shes ma yin/ 'du byed rnams ma yin/ rnam par shes pa ma yin/ 'thob pa ma yin/ mngon par rtogs pa ma yin/ khong du chud pa ma yin//
- 220a
lam gyis 'bras bu ma yin/ ye shes ma yin/ rnam par shes pa ma yin/ skye ba ma yin/ 'jig pa ma yin/ 'byung ba ma yin/ 'grib pa ma yin// 'gag pa ma yin/ bsgom pa ma yin/ rnam par bsgom pa ma yin te/ sus kyang ma byas/ gang nas kyang ma 'ongs pa/ gang du yang mi 'gro/ yul gang du yang mi 'gro/ phyog gang du yang ma yin/ gang du yang mi gnas te/ gzhan du na dpag tu med pa/ tshad med pa'i grangs su 'gro'o// na mkha' dpag tu med pa'i phyir/ thams cad mkhyen pa nyid dpag tu med pa ste/ thams cad mkhyen pa nyid dpag tu med pa gang yin pa de ni/ sus kyang mngon par rdzogs par 'tshang rgya bar mi nus te/ gzugs kyi ma yin/ tshor bas ma yin/ 'du shes kyi ma yin/ 'du byed rnams kyis ma yin/ rnam par shes pas ma yin/ sbyin pa'i pha rol tu phyin pas ma yin/ tshul khrims kyi pha rol tu phyin pas ma yin/ bzod pa'i pha rol tu phyin pas ma yin/ brtson 'grus kyi pha rol tu phyin pas ma yin/ bsam gtan gyi pha rol tu phyin pas ma yin/ rab 'byor shes rab kyi pha rol tu phyin pas mngon par rdzogs par 'tshang brgya par mi nus/ de ci'i phyir zhe na/ rab 'byor gzugs nyid thams cad mkhyen pa nyid do// de bzhin du tshor ba dang / 'du shes dang / 'du byed nyid dang / rab 'byor rnam par shes pa nyid ni thams cad mkhyen pa nyid do// de bzhin du tshul khrims kyi pha rol tu phyin pa nyid dang / bzod pa'i pha rol tu phyin pa nyid dang /
- 220b
brtson 'grus kyi pha rol tu phyin pa nyid dang / bsam gtan gyi pha rol tu phyin pa nyid dang / shes rab kyi pha rol tu phyin pa 'di nyid ni/ thams cad mkhyen pa nyid do// de nas lha'i dbang po brgya byin 'dod pa na spyod pa'i lha'i bu rnams dang / mi 'byed kyi bdag po tshangs pa dang / gzugs na spyod pa'i lha dang bcas te/ bcom ldan 'das ga la ba der song ste lhag nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas te/ phyogs gcig tu 'khod do// phyogs gcig tu 'khod pa dang / lha'i dbang po brgya byin 'dod pa na spyod pa'i lha rnams su bcas pa dang / mi 'jed kyi bdag po tshangs pa dang / gzugs na spyod pa'i lha rnams dang bcas pas/ bcom ldan 'das la 'di skad ces gsol to// bcom ldan 'das shes rab kyi pha rol tu phyin pa zab bo// bcom ldan 'das shes rab kyi pha rol tu phyin pa ni gting dpag dka' ste/ don gyi dbang 'di gzigs nas/ de bzhin gshegs pa dgra bcom pa yang dag par rdzogs pa'i sangs rgyas byang chub kyi snying po la bzhugs pas na/ brtson pa chung ba la thugs gzhol bar mdzad de/ chos bstan pa la gzhol bar mdzad do// de skad ces gsol pa dang / bcom ldan 'das kyi lha'i dbang po brgya byin dang / 'dod pa na spyod pa'i lha'i bu rnams dang / mi 'jed kyi bdag po tshangs pa dang / gzugs na spyod pa'i lha'i bu rnams la 'di skad ces bka' stsal to// lha'i bu dag de de bzhin no// de de bzhin te/ lha'i bu dag a la la/
- 221a
shes rab kyi pha rol tu phyin pa 'di ni bab po// lha'i bu dag yal la/ shes rab kyi pha rol tu phyin pa 'di ni gting dpag dka' ba/ don gyi dbang gzigs pas/ de bzhin gshegs pa dgra bcom pa yang dag par rdzogs pa'i sangs rgyas byang chub kyi snying po la bzhugs pa na/ brtson pa chung ba la sems gzhol bar mdzad de/ chos ston pa la gzhol bar ma mdzad do// e ma chos zab mo 'di ni ngas mngon par rdzogs par sangs rgyas te/ sus kyang mngon par rdzogs par sangs ma rgyas/ sus kyang mngon par rdzogs par 'tshang brgya par mi 'gyur/ mngon par rdzogs par 'tshang mi brgya ste/ 'di ni chos kyi zab pa de yin te/ namakha' zab pa'i phyir chos 'di zab bo// bdag zab pa'i phyir chos 'di zab po// chos thams cad ni sgrib pa med pa'i phyir chos 'di zab bo// chos thams cad 'gro ba med pa'i phyir chos 'di zab po// chos thams cad 'ong ba med pa'i phyir chos 'di zab po// zhes ngas mngon par rdzogs par sangs rgyas so// de skad ces bka' stsal pa dang / bcom ldan 'das la lha'i dbang po brgya byin dang / 'dod pa na spyod pa'i lha'i bu dag dang / mi 'jed kyi bdag po tshangs pa dang / gzugs na spyod pa'i lha'i bu dag gis 'di skad ces gsol to// bcom ldan 'das ngo mtshar to// bde bar gshegs pa ngo mtshar to// bcom ldan 'das chos 'di ni 'jig rten thams cad dang mi 'thun par bstan to// bcom ldan 'das mi bzung ba'i slad du bstan pa lags na/
- 221b
'jig rten dag ni 'dzin pa la spyod do// shes rab kyi pha rol tu phyin pa brgyad stong pa las lha'i le'u ste bcwo lnga pa'o// / bam po bcwo lnga pa// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das e ma'o// chos thams cad dmigs su ma mchis par chos 'di bstan te/ bcom ldan 'das chos 'di ni gang yang thogs pa ma mchis so// e ma'o// bcom ldan 'das na mkha' dang mtshung pas gnas thams cad dmigs su ma mchis pa'i slad du/ chos 'di ni thogs pa ma mchis pa'i mtshan nyid do// e ma'o// bcom ldan 'das gnyis su ma mchis pa'i slad du/ chos 'di ni mtshungs pa ma mchis pa'i mtshan nyid do// e ma'o// bcom ldan 'das rgol ba ma mchis pa'i slad du/ chos 'di ni zla ma mchis pa'i ma mi mtshan nyid do// / e ma'o// bcom ldan 'das mngon par grub pa ma grub pa'i slad du/ chos 'di ni rjes su ma mchis pa'o// e ma'o// bcom ldan 'das skye ba thams cad skye ba ma mchis ba'i slad du/ chos 'di ni 'byung ba ma mchis pa'o// e ma'o// bcom ldan 'das lam thams cad mi dmigs pa'i slad du/ chos 'di ni lam ma mchis pa'o// de nas lha'i dbang po brgya byin dang / mi 'jed kyi bdag po tshangs pa dang / 'dod pa na spyod pa dang / gzugs na spyod pa'i lha de dag gis/ bcom ldan 'das la 'di skad ces gsol to//
- 222a
bcom ldan 'das kyis nyan thos 'phags pa gnas brtan rab 'byor 'di ni de bzhin gshegs pa'i rjes su 'thun par skyes pa lag so// bcom ldan 'das de ci'i slad du zhe na/ de ni 'di ltar chos gang dag gang ston pa chos de dang de nyid las brtsams te/ ston pa'i slad du'o// de nas tshe dang ldan pa rab 'byor gyis lha'i dbang po brgya byin dang / mi 'jed kyi bdag po tshangs pa dang / 'dod pa na spyod pa dang / gzugs na spyod pa'i lha'i bu de dag la 'di skad ces smras so// lha'i bu gang dag 'di skad du gnas brtan rab 'byor 'di ni/ de bzhin gshegs pa'i rjes su 'thun par skyes so// zhes smras pa ni/ ma skyes pa'i phyir gnas brtan rab 'byor 'di ni/ de bzhin ga pa'i rjes su 'thun par skyes so// gnas brtan rab 'byor 'di ni de bzhin nyid kyis rjes su song ba'o// de ltar de bzhin gshegs pa'i de bzhin nyid 'ongs pa yang med// song ba yang med pa de bzhin du gnas brtan rab 'byor kyang de bzhin nyid kyis rjes su song zhing song ba yang med de/ gnas brtan rab 'byor 'di ni dang po nas de bzhin nyid kyi rjes su song ba'o// de ci'i phyir zhe na/ de bzhin gshegs pa'i de bzhin nyid gang yin pa de ni chos thams cad kyi de bzhin nyid do// chos thams cad kyi de bzhin nyid gang yin pa de ni/ de bzhin gshegs pa'i de bzhin nyid do// de bzhin gshegs pa'i de bzhin nyid gang yin pa dang / chos thams cad kyi de bzhin nyid gang yin pa de
- 222b
ni/ gnas brtan rab 'byor gyi de bzhin nyid de/ gnas brtan rab 'byor ni de bzhin nyid de'i rjes su song ba'o// de bas na de bzhin gshegs pa'i rjes su song ba ste/ de bzhin nyid de yang de bzhin nyid ma yin te/ de ltar gnas brtan rab 'byor ni de bzhin gshegs pa'i rjes su skyes pa'o// de bzhin gshegs pa nyid kyi zhi gnas pa gang yin pa'i gnas gang yin pa des/ gnas brtan rab 'byor ni de bzhin gshegs pa'i rjes su skyes pa'o// ji ltar de bzhin gshegs pa'i de bzhin nyid 'gyur ba med pa dang / rnam par 'gyur ba med pa dang / rtog pa med pa dang / rnam par rtog pa med pa de bzhin nyid de 'gyur ba med/ rnam par 'gyur ba med/ rtog pa med/ rnam par rtog pa med pas de bzhin gshegs pa'i rjes su skyes so// ji ltar de bzhin gshegs pa gang la yang thogs pa med de/ de bzhin du chos thams cad kyi de bzhin nyid kyang 'gyur ba med/ rnam par 'gyur ba med/ rtog pa med/ rnam par rtog pa med de/ gang la yang rtog pa med do// de ci'i phyir zhe na/ de bzhin gshegs pa'i de bzhin nyid gang yin/ ba dang / chos thams cad kyi de bzhin nyid gang yin pa'i de bzhin nyid 'di ni gcig ste/ gnyis su med cing gnyis su byar med do// gnyis su med pa'i de bzhin nyid gang yang de bzhin nyid ma yin/ gang na yang de bzhin nyid ma yin/ gang gi yang de bzhin nyid ma yin/ 'di ltar gang gi yang de bzhin nyid ma yin pa de'i phyir de bzhin nyid de ni
- 223a
gnyis su med pa ste/ gnyis su med pa'i de bzhin nyid ni gnyis su byar med do// de ltar gnas btan rab 'byor ni ma byas pa'i de bzhin nyid kyis de bzhin gshegs pa'i rjes su 'thun par skyes te/ ma byas pa'i de bzhin nyid gang yin pa de ni nam yang de bzhin nyid ma yin par 'gyur ro// de ltar nam yang de bzhin nyid ma yin par mi 'gyur ba'i de'i phyir te/ de bzhin nyid ni gnyis su med de/ gnyis su med pa'i de bzhin nyid gnyis su byar med do// de ltar gnas brtan rab 'byor ni de bzhin gshegs pa'i rjes su skyes so// ji ltar na de bzhin gshegs pa'i de bzhin nyid dus thams cad du chos thams cad la mi rtog/ rnam par mi rtog pa de bzhin du/ gnas brtan rab 'byor gyi de bzhin nyid dang / chos thams cad la mi rtog/ rnam par mi rtog go/ de bzhin gshegs pa'i de bzhin nyid kyis mngon par sprul ste/ 'byed pa med pa'i phyir 'di ni tha dad pa ma yin zhing bzhig tu med pa'o// de ltar gnas brtan rab 'byor ni de bzhin gshegs pa'i rjes su skyes so// ji ltar de bzhin gshegs pa'i de bzhin nyid ni/ chos thams cad kyi de bzhin nyid la gud na med de/ de gang gi yang de bzhin nyid ma yin pa'i mi 'gyur te/ de bzhin nyid de ni chos thas cad kyi de bzhin nyid do// de bzhin nyid de la gnas brtan rab 'byor gzhan ma yin pa de bzhin nyid kyi rjes su 'gro bas nye bar song ste/ 'di la gang yang gang du yang 'gro bas nye bar song ba med do// de ltar gnas
- 223b
brtan rab 'byor ni de bzhin gshegs pa'i rjes su skyes so// ji ltar de bzhin gshegs pa'i de bzhin nyid 'das pa yang ma yin/ ma 'ongs pa yang ma yin/ da ltar byung ba yang ma yin pa/ de bzhin du chos thams cad kyi de bzhin nyid las 'das pa yang ma yin/ 'ong ba yang ma yin/ da ltar byung ba yang ma yin te/ de ltar gnas brtan rab 'byor kyang de bzhin nyid de'i rjes su skyes pas de bzhin gshegs pa'i rjes su skyes pas so zhes bya'o// de bzhin gshegs pa'i de bzhin nyid kyi rjes su song ngo // 'das pa'i de bzhin nyid kyis de bzhin nyid kyis rjes su song ngo // de bzhin gshegs pa'i de bzhin nyid kyis ma 'ongs pa'i de bzhin nyid kyis rjes su song ngo // ma 'ongs pa'i de bzhin nyid kyis de bzhin gshegs pa'i de bzhin nyid kyis rjes su song ngo // de bzhin gshegs pa'i de bzhin nyid kyis da ltar byung ba'i de bzhin nyid kyi rje su song ngo // / da ltar byung ba'i de bzhin nyid kyis de bzhin nyid kyi de bzhin gshegs pa'i rjes su song ngo // de bzhin gshegs pa'i de bzhin nyid kyis 'das pa dang / ma 'ongs pa dang / da ltar byung ba'i de bzhin nyid kyi rjes su songs do// 'das pa dang / ma 'ongs pa dang / da ltar byung ba'i de bzhin nyid kyis rjes su song ste/ de ltar gnas brtan rab 'byor gyis de bzhin nyid dang / 'das pa dang / ma 'ongs pa dang / da ltar byung ba'i de bzhin nyid dang / de bzhin gshegs pa'i de bzhin nyid ni gnyis su med de gnyis su byar med do//
- 224a
de bzhin du chos thams cad kyi de bzhin nyid dang / rab 'byor gyi de bzhin nyid ni gnyis su med cing gnyis su byar med do// bcom ldan 'das byang chub sems dpar gyur pa'i de bzhin nyid gang yin pa de ni/ bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas pa yang de bzhin nyid de/ 'di ni byang chub sems dpa' sems dpa' chen po de bzhin nyid gang gis/ bla na med pa yang dag par rdzogs pa'i byang chub mngon par rdzogs par sangs rgyas nas/ de bzhin gshegs pa'i ming 'thob par 'gyur ba'i de bzhin nyid do// de bzhin nyid 'dis bstan pa'i tshe/ de bzhin gshegs pa bla na med pa yang dag par rdzogs pa'i byang chub mngon par rdzogs par 'tshang rgya ba de bzhin du sa chen pos rnam pa 'di drug tu g.yos/ rab tu g.yos so// kun tu g.yos// 'gul rab tu 'gul/ ldeg rab tu ldeg/ kun du rab tu ldeg par 'gyur te/ de ltar gnas brtan rab 'byor ni de bzhin gshegs pa'i rjes su skyes so// gzhan yang gnas brtan rab 'byor ni gzugs kyi rjes su ma skyes te/ tshor ba'i ma yin/ 'du shes kyi ma yin/ 'du byed rnams kyi ma yin/ rnam par shes pa'i rjes su ma skyes so// rgyun du zhugs pa'i 'bras bu'i rjes su ma skyes te/ lan cig phyir 'ongs pa'i 'bras bu ma yin/ phyir mi 'ong ba'i 'bras bu ma yin/ dgra bcom pa nyid kyi 'bras bu'i rjes su ma skyes so// rang sangs rgyas nyid kyi
- 224b
rjes su ma skyes/ sangs rgyas nyid kyi rjes su ma skyes te/ de ltar na gnas brtan rab 'byor ni/ de bzhin gshegs pa'i rjes su skyes so// de skad ces smras pa dang / bcom ldan 'das la tshe dang ldan pa shi ri'i bus 'di skad ces gsol to// bcom ldan ldan 'das 'di lta ste/ de bzhin nyid 'di ni spyad pa zab mo lags so// de skad ces gsol pa dang / bcol ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no// de de bzhin te/ sha ri'i bu 'di ltar de bzhin nyid 'di ni spyod pa zab mo yin no// de nas de bzhin nyid brtan pa 'di bshad pa na/ dge slong sum brgya len pa med par zag pa rnams las sems rnam par grol lo// dge slong ma lnga brgya chos rnam la chos kyi mig rdul med cing dri ma dang bral ba rnam par dag go// lha'i bu lnga stong sngon yongs su sbyang bar byas shing / de dag gis mi skye ba'i chos la bzod pa thob par gyur to// byang chub sems dpa' drug bcu len pa med par zag pa rnams las sems rnam par grol lo// de nas bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu byang chub sems dpa' 'di dag gis ni/ sangs rgyas lnga brgya la bsnyen bkur byas shing thams cad la sbyin pa byin/ tshul khrims bsrungs/ bzod pa bsgoms/ brtson 'grus btsams/ bsam gtan skyed kyang de dag shes rab kyi pha rol tu phyin pas yongs su ma bzung zhing / thabs mkhas pa dang bral
- 225a
bar gyur to// sha ri'i bu byang chub sems dpa'i lam ni stong pa nyid dam/ mtshan ma med pa la spyod pa 'am/ smon pa med pa la spyod pa 'am/ did la bya ba yod mod kyi/ 'on kyang de dag thabs mkhas pa dang mi ldan pa'i phyir ro// yang dag pa'i mtha' mngon sum du byas nas/ nyan thos kyi sar nges par skyes so// sha ri'i bu 'di lta ste/ dper na/ 'dab chags bya zhig lus dpag tshad brgya pa 'am/ dpag tshad nyis brgya pa 'am/ dpag tshad sum brgya pa 'am/ dpag tshad bzhi pa 'am/ dpag tshad lnga brgya pa tsam du gyur pa zhig yod de/ de sum bcu rtsa gsum pa'i nang na 'dug pa las/ 'dzam bu'i gling 'dir 'gro bo snyams du sems na/ sha ri'i bu 'dab chags bya de 'dabs ma ma skyes pa 'am/ 'dab ma byi bar gyur la/ des 'dzam bu'i gling 'dir gnas par bya'o// snyams du bsams te/ sum bcu rtsa gsum pa'i lha'i ris nas bdag nyid 'chongs nas/ 'dab chags bya de de nas lhung ba dang / na mkha'i bar snang la gnas pa der 'dir snyams du kye ma'o bdag phyir sum bcu rtsa gsum pa'i lha'i nang du gnas par bya'o// skams du bsams na/ sha ri'i bu 'di ji snyam du sems/ gal te 'dab chags bya des phyir sum bcu rtsa gsum pa'i lha'i nang du gnas par nus sam gsol pa/ bcom ldan 'das de ni ma lags so// bcom ldan 'das kyis bka' stsal pa/ sha ri'i bu 'di ji
- 225b
snyam du sems/ gal te bdag ni ma smas ma snang bar 'dzam bu'i gling du gnas par bya'o snyam na/ sha ri'i bu 'di ji snyam du sems/ 'dab chags bya de ma smas ma snang bar 'dzam bu'i gling du gnas par 'gyur ram/ gsol ba/ bcom ldan 'das de ni ma lag so// bcom ldan 'das bya de 'dzam bu gling du lhung na smas shing snang bar 'gyur te/ 'gum bu 'am/ 'gum la thugs pa tsam gyi sdug bsngal du 'gyur ro// bcom ldan 'das de ci'i slad du zhe na/ de ni 'di ltar lus kyang chen por 'gyur la/ 'dab ma yang ma mchis par gyur pa/ 'thon po zhig nas lhung ba'i slad du'o// de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de de bzhin no// de de bzhin te/ sha ri'i bu byang chub sems dpa' sems dpa' chen po bla na med pa yang dag par rdzogs pa'i byang chub tu sems bskyed nas/ bskal pa gang gi'i klung gi bye ma snyed du gnas shing / sbyin pa byin/ tshul khrims bsrungs/ bzod pa sgrubs/ brtson 'grus brtsams/ bsam gtan la mnyam par bzhag ste/ de rgya cher yang dag par zhugs par gyur cing / bla na med pa yang dag par rdzogs pa'i byang chub mngon par rdzogs par 'tshang rgya ba de'i sems cher bskyed par gyur kyang / de shes rab kyi pha rol tu phyin pas yongs su ma zin cing / thabs mkhas pa dang / bral bas nyan thos kyi sa dang / rang sangs rgyas kyi sar lhung ngo // sha ri'i
- 226a
bu byang chub sems dpa' sems dpa' chen po 'das pa dang ma 'ongs pa dang / da ltar byung ba'i sangs rgyas bcom ldan 'das rnams kyi tshul khrims de dang ting nge 'dzin de dang / shes rab de dang / rnam par grol ba de dang / rnam par grol ba'i ye shes mthong ba de dag mtshan ma'i tshul gyis sems shing bsgrubs te/ des de bzhin gshegs pa rnams kyi tshul khrims mi shes te/ ting nge 'dzin ma yin/ rnam par grol ba ma yin/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba'i ye shes mthong ba mi shes te/ des ma shes ma mthong bas/ stong pa nyid kyi sgra snyan la/ des sgra de la mtshan mar 'dzin cing / des sgra des mtshan mar gzung nas/ bla na med pa yang dag par rdzogs pa'i byang chub tu yongs su bsngo bar 'dod na/ de'i phyir 'di ni nyan thos kyi sa dang / rang sangs rgyas kyi sa la gnas par 'gyur bar rig par bya'o// de ci'i phyir zhe na/ sha ri'i bu gang shes rab kyi pha rol tu phyin pas yongs su ma bzung shing / thabs mkhas pa dang bral bar gyur pa de ni 'di ltar 'gyur ro// sha ri'i bus gsol pa/ bcom ldan 'das kyis bshad pa'i don bdag gis 'tshal bar ltar na/ byang chub sems dpa' gang bsod nams kyi tshogs shin du mang po dang ldan du lags kyang / shes rab kyi pha rol tu phyin pas yongs su ma bzung la/ thabs mkhas pa dang bral zhing dge ba'i bshes gnyen dang
- 226b
ma ldan na/ de bla na med pa yang dag par rdzogs pa'i byang chub thob par 'gyur te/ bcom ldan 'das de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par 'tshang rgya bar 'tshal bas/ shes rab kyi pha rol tu phyin pa bsgom par bgyi/ thabs mkhas pa la brtson par bgyi'o// de skad ces gsol ba dang / bcom ldan 'das kyis tshe dang ldan pa sha ri'i bu la 'di skad ces bka' stsal to// de de bzhin no// de de bzhin te/ sha ri'i bu byang chub sems dpa' sems dpa' chen po shes rab kyi pha rol tu phyin pas yongs su ma bzung zhing / thabs mkhas pa dang bral ba bsod nams kyi tshogs mang po dang ldan yang / dge ba'i bshes gnyen dang ldan par gyur na/ bla na med pa yang dag par rdzogs pa'i byang chub ni the tsom du 'gyur ro// sha ri'i bu de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ shes rab kyi pha rol tu phyin pa bsgom par bya zhing thabs mkhas pa la yang brtson par bya'o// de nas lnga'i dbang po brgya byin 'dod pa na spyod pa'i lha'i bu rnams dang bcas pa dang / mi 'jed kyi bdag po tshangs pa dang / gzug na spyod pa'i lha'i bu rnams bcas pas/ bcom ldan 'das la 'di skad ces gsol to// bcom ldan 'das shes rab kyi pha rol du phyin pa 'di ni zab bo// bcom ldan
- 227a
'das bla na med pa yang dag par rdzogs pa'i byang chub tu 'byung bar dka'o// bcom ldan 'das bla na med pa yang dag par rdzogs pa'i byang chub mngon par rdzogs par 'tshang rgya ba ni shin du 'byung bar dka'o// de nas bcom ldan 'das kyis lha'i dbang po brgya byin la sogs pa/ 'dod pa spyod pa'i lha'i bu rnams dang / mi 'jed kyi bdag po tshangs la sogs pa gzugs na spyod pa'i bu rnams la bka' stsal pa/ lha'i bu dag de de bzhin no// de de bzhin te/ shes rab kyi pha rol du phyin pa 'di ni zab bo// bla na med pa yang dag par rdzogs pa'i byang chub kyang 'byung bar dka' ste/ shes rab 'chal pa dang / brtson 'grus dman pa dang / mos pa dman pa dang / thabs mi mkhas pa dang / sdig pa'i grogs po la sten pa rnams kyis bla na med pa yang dag par rdzogs pa'i byang chub mngon par rdzogs par 'tshang rgya bar shin du 'byung bar dka'o// bla na med pa yang dag par rdzogs pa'i byang chub mngon par rdzogs par 'tshang rgya bar shin du 'byung ba dka'o zhes bka' stsal na/ 'di ltar de la ba cung zad kyang mngon par rdzogs par 'tshang rgya bar bgyi ba ma mchis na/ bcom ldan 'das ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'byung ba dka' zhing / bla na med pa yang dag par rdzogs pa'i byang chub shin du 'byung bar dka' ba lags/ de ci'i phyir zhe na/ bcom ldan 'das chos thams cad stong pa lag
- 227b
pa'i slad du/ chos gang mngon par rdzogs par 'tshang rgya bar nus pa'i chos de gang yang ma mchis so// bcom ldan 'das 'di ltar chos thams cad ni stong pa lags te/ bcom ldan 'das chos de gang spang bar bgyi ba'i slad du/ chos bstan pa'i chos de yang ma mchis so// de bzhin du bla na med pa yang dag par rdzogs pa'i byang chub tu mngon par rdzogs par 'tshang rgya ba gang lags pa dang / 'tshal bar bgyi ba gang lags pa dang / btsal bar bgyi ba gang lags pa'i chos de dag thams cad ni stong pa ste/ bcom ldan 'das rnam grangs 'dis na/ bdag 'di skams du bla na med pa yang dag par rdzogs pa'i byang chub mngon par rdzogs par 'tshang rgya bar bgyi ba la mngon par 'tshang rgya ba sla ba lags te/ mngon par rdzogs par 'tshang rgya bar bka' ba ma lags pa snyam bgyid do// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'byung ba med pa'i bla na med pa yang dag par rdzogs pa'i byang chub 'byung bar dka'o// rab 'byor yang dag pa ma yin pa'i phyir/ bla na med pa yang dag par rdzogs pa'i byang chub 'byung bar dka'o// rab 'byor rnam par ma bsgrub pa'i phyir/ bla na med pa yang dag par rdzogs pa'i byang chub 'byung bar dka'o// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor stong pa'o/
- 228a
zhes bya ba'i rnam grangs 'dis bla na med pa yang dag par rdzogs pa'i byang chub 'byung bar dka'o// bla na med pa yang dag par rdzogs pa'i byang chub mngon par rdzogs par 'tshang rgya ba shin du 'byung bar dka'o// de ci'i phyir zhe na/ tshe dang ldan pa rab 'byor na mkha' 'di snyam du bdag gis bla na med pa yang dag par rdzogs pa'i byang chub mngon par rdzogs par 'tshang rgya bar bya'o// snyam du mi sems te/ tshe dang ldan pa rab 'byor de bzhin du ma'adi dag kyang mngon par rdzogs par 'tshang rgya bar bya ba ma yin no// de ci'i phyir zhe na/ tshe dang ldan pa rab 'byor chos thams cad ni nam mkha' dang mtshungs pa'i phyir ro// tshe dang ldan pa rab 'byor gal te/ bla na med pa yang dag par rdzogs pa'i byang chub mngon par rdzogs par 'tshang rgya bar zin na/ byang chub sems dpa' gang ga'i klung gi bye ma snyed/ bla na med pa yang dag par rdzogs pa'i byang chub las phyir mi ldog par 'gyur ba zhig na/ tshe dang ldan pa rab 'byor 'di ltar byang chub sems dpa' gang ga'i klung gi bye ma snyed/ bla na med pa yang dag par rdzogs pa'i byang chub mngon par rdzogs pa las phyir ldog pa ste/ tshe dang ldan pa rab 'byor de lta bas na/ 'di ltar bla na med pa yang dag par rdzogs pa'i byang chub 'byung bar dka' ste/ bla na med pa yang dag par rdzogs pa'i byang chub mngon par rdzogs par 'tshang rgya bar shin du 'byung bar dka'o// zhes rig par bya'o// de skad
- 228b
ces smras pa dang / tshe dang ldan pa rab 'byor gyis tshe dang ldan pa sha ri'i bu la 'di skad ces smras so// tshe dang ldan pa sha ri'i bu ci gzugs bla na med pa yang dag par/ rdzogs pa'i byang chub las phyir ldog gam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu bla na med pa yang dag par rdzogs pa'i byang chub las phyir ldog pa'i chos de gzugs las gzhan yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci tshor ba dang / 'du shes dang / 'du byed rnams dang / rnam par shes pa bla na med pa yang dag par rdzogs pa'i byang chub las phyir ldog gam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci bla na med pa yang dag par rdzogs pa'i byang chub las phyir ldog pa'i chos de tshor ba dang / 'du shes dang 'du byed rnams las gzhan yod dam/ rnam par shes pa la gzhan yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu cig gzugs kyi de bzhin nyid gang yin pa de bla na med pa yang dag par rdzogs pa'i byang chub las phyir ldog gam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/
- 229a
tshe dang ldan pa sha ri'i bu tshor ba'i de bzhin nyid gang yin pa dang / 'du shes kyi de bzhin nyid dang / 'du byed rnams kyi de bzhin nyid dang / rnam par/ shes pa'i de bzhin nyid gang yin pa de bla na med pa yang dag par rdzogs pa'i byang chub las phyir ldog pa'i chos de gzugs kyi de bzhin nyid las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci'i bla na med pa yang dag par rdzogs pa'i byang chub las phyir ldog pa'i chos de tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid las gzhan na yod dam/ rnam par shes pa'i de bzhin nyid las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu gzugs bla na med pa yang dag par rdzogs pa'i byang chub mngon par rdzogs par 'tshang rgya 'am/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa shA ri'i bu ci tshor ba dang / 'du shes dang / 'du byed rnams dang / rnam par shes pa'i bla na med pa yang dag par rdzogs pa'i byang chub mngon par rdzogs par 'tshang rgya 'am/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu bla na med pa yang dag par rdzogs pa'i byang chub mngon par rdzogs par rdzogs par 'tshang rgya ba'i chos
- 229b
de gzugs las gzhan yod dam/ sha ri'i bus smras pa/ tshe dang ldan pa rab 'byor de lta ma yin no// rab 'byor gyis smras pa/ tshe dang ldan pa sha ri'i bu bla na med pa yang dag par rdzogs pa'i byang chub mngon par rdzogs par 'tshang rgya ba'i chos de tshor ba dang / 'du shes dang / 'du byed rnams las gzhan na yod dam/ rnam par shes pa la gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci gzugs kyi de bzhin nyid bla na med pa yang dag par rdzogs pa'i byang chub mngon par rdzogs par 'tshang brgya 'am/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / tshe dang ldan pa sha ri'i bu rnam par shes pa'i de bzhin nyid bla na med pa yang dag par rdzogs pa'i byang chub mngon par rdzogs par 'tshang rgya 'am/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci'i bla na med pa yang dag par rdzogs pa'i byang chub mngon par rdzogs par 'tshang rgya ba'i chos gang yin pa de gzugs kyi de bzhin nyid las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu ci bla na med pa yang dag par rdzogs pa'i byang chub mngon par rdzogs par 'tshang rgya ba'i chos de
- 230a
tshor ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid las gzhan yod dam/ rnam par shes pa'i de bzhin nyid las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu de ji snyam du sems/ gang bla na med pa yang dag par rdzogs pa'i byang chub mngon par rdzogs par 'tshang rgya ba'i chos de/ gzugs las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu de ji snyam du sems/ gang bla na med pa yang dag par rdzogs pa'i byang chub tu 'tshang rgya ba'i chos de tshor ba dang / 'du shes dang / 'di shes dang / 'du byed rnams dang / rnam par shes pa las gzhan na yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu 'di ji snyam du sems/ de bzhin nyid bla na med pa yang dag par rdzogs pa'i byang chub las phyir ldog gam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan pa sha ri'i bu 'di ji snyam du sems/ gang bla na med pa yang dag par rdzogs byang chub las phyir ldog pa'i chos de de bzhin nyid la yod dam/ sha ri'i bus smras pa/ tshe dang ldan pa rab 'byor de ni ma yin no// rab 'byor gyis smras pa/ tshe dang ldan
- 230b
pa sha ri'i bu gang bla na med pa yang dag par rdzogs pa'i byang chub las phyir ldog pa'i chos de gang mi gnas pa'i tshul gyis chos kyis de bzhin nyid la gnas pa'i chos de gang yin// sha ri'i bu de bzhin nyid ma yin pa'i chos de gang yin/ tshe dang ldan pa sha ri'i bu ci'i de bzhin nyid phyir ldog par 'gyur ram/ sha ri'i bus smras pa/ tshe dang ldan pa rab 'byor de ni ma yin no// rab 'byor de ni ma yin no// rab 'byor gyis smras pa/ tshe dang ldan pa sha ri'i bu de ltar bden pa nyid dang / gnas pa nyid du chos thams cad dmigs su med pa la/ bla na med pa yang dag rdzogs pa'i byang chub las phyir ldog pa'i chos de gang yin/ de skad ces smras pa dang / tshe dang ldan pa sha ri'i bus/ tshe dang ldan pa rab 'byor la 'di skad ces smras so// chos kyi tshul gyis rnam pa gang gis tshe dang ldan pa gnas brtan rab 'byor gyis bshad pa ltar na/ bla na med pa yang dag par rdzogs pa'i byang chub las phyir ldog pa'i chos gang yang med do// tshe dang ldan pa rab 'byor gang zag byang chub sems dpa'i theg pa can gsum du gzungs pa 'di dag ni/ sangs rgyas bcom ldan 'das rnams kyis byang chub sems dpa'i theg pa can 'di gcig tu zad kyi/ 'di dag gsum du rnam par bzhag pa med de/ ji ltar tshe dang ldan pa rab 'byor gyis bstan pa yin no// de nas tshe dang ldan pa byams ma'i bu gang pos/ tshe dang ldan pa rab 'byor la 'di skad ces smras so// tshe dang ldan pa gnas brtan rab 'byor ci byang chub sems dpa'i gcig kyang yod par
- 231a
@khas mi len na ni/ gnas brtan tshe dang ldan pa rab 'byor la 'di skad ces smras so// tshe dang ldan pa gnas brtan rab 'byor ci byang chub sems dpa' gcig kyang yod par khas mi len na ni/ gnas brtan tshe dang ldan pa rab 'byor khyod la dri ba yod do// de nas tshe dang ldan pa sha ri'i bus tshe dang ldan pa gnas brtan rab 'byor la 'di skad ces smras so// rab 'byor ci nyan thos kyi theg pa can nam/ rang sangs rgyas kyi theg pa can nam/ theg pa chen po'i byang chub cig sems dpa' gcig kyang yod par khas mi len tam/ rab 'byor gyis smras pa/ tshe dang ldan pa sha ri'i bu ci de bzhin nyid gang yin pa de la nyan thos kyi theg pa can nam/ rang sangs rgyas kyi theg pa can nam/ theg pa chen po pa'i byang chub sems dpa' yang dag par mthong ngam/ sha ri'i bus smras pa/ tshe dang ldan pa rab 'byor de ni ma yin no// de bzhin nyid kyang rnam pa gsum du dmigs su med na/ byang chub sems dpa' ci smos/ rab 'byor gyis smras pa/ tshe dang ldan pa sha ri'i bu ci'i de bzhin nyid la rnam pa gcig tu yang dmigs su yod dam/ sha ri'i bus smras pa/ tshe dang ldan pa rab 'byor de ni ma yin no// tshe dang ldan pa rab 'byor gyis smras pa/ tshe dang ldan pa sha ri'i bu ci khyod kyi de bzhin nyid la byang chub sems dpa' gcig kyang yang dag par rjes su mthong ngam/ sha ri'i bus smras pa/ tshe dang ldan pa rab 'byor de ni ma yin no// tshe dang ldan pa rab 'byor
- 231b
gyis smras pa/ tshe dang ldan pa sha ri'i bu de ltar bden pa nyid dang / gnas pa nyid du byang chub sems dpa'i chos de yang dmigs su med na/ khyod kyi ci'i phyir 'di snyam du 'di ni nyan thos kyi theg pa can/ 'di ni rang sangs rgyas kyi theg pa can/ 'di ni theg pa chen po pa'i snyam du sems/ sha ri'i bu de ltar byang chub sems dpa' 'di dag de bzhin nyid la rab tu rnam par 'byed pa na/ khyad par med pa dang / bye brag med pa dang / tha dad du bya ba med par thos nas/ byang chub sems dpa' sems dpa' chen po gang sems dpar mi 'gyur/ kun du zham par mi 'gyur na/ sha ri'i bu byang chub sems dpa' sems dpa' chen po 'di ni/ byang chub tu nges par 'byung bar rig par bya'o// de nas bcom ldan 'das kyis tshe dang ldan pa rab 'byor la bka' stsal to// rab 'byor de de bzhin no// de de bzhin te/ rab 'byor khyod 'di ltar de bzhin gshegs pa'i mthu dang / sangs rgyas kyi byin gyis brlabs kyis khyod de skad du smras pa ni rab 'byor le gso legs so// rab 'byor de ltar byang chub de dag de bzhin nyid rab tu rnam par 'byed pa na/ khyad par med pa dang / bye brag med pa dang / tha dad du bya ba med par thos nas/ sems zham par med pa/ kun du zhum par med na/ rab 'byor byang chub sems dpa' sems dpa' chen po de ni/ byang chub tu nges par 'byung bar rig par bya'o// de nas bcom ldan 'das la tshe dang ldan po rab 'byor gyis 'di skad ces gsol to// bcom
- 232a
ldan 'das byang chub sems dpa' sems dpa' chen po 'di nges par 'byung bar 'gyur/ bcom ldan 'das kyis bka' stsal to// rab 'byor bla na med pa yang dag par rdzogs pa'i byang chub kyis/ byang chub sems dpa' sems dpa' chen po 'di nges par 'byung bar 'gyur ro// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po/ bla na med pa yang dag par rdzogs pa'i byang chub tu nges par 'byung bar 'tshal bas/ ji ltar gnas par bgyi/ ji ltar brlab par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po/ bla na med pa yang dag par rdzogs pa'i byang chub tu nges par 'dod pas/ sems can thams cad la mnyam par gnas par bya/ sems can thams cad la sems mnyam par bskyed par bya ste/ mi mnyam pa'i sems kyis gzhan la smra bar mi bya/ byams pa'i sems kyis gzhan la smra bar bya/ ngan pa'i sems kyis gzhan la smra bar bya/ dge ba'i sems kyis gzhan la smra bar bya/ nga rgyal bcag pa'i sems kyis gzhan la smra bar bya/ tho 'tsham pa med pa'i sems kyis gzhan la smra bar bya/ sems can thams cad la bar/ 'du shes pa dang / bur 'du shes pa dang / bu mor 'du shes pa de nye bar bzhag ste/ gzhan la smra bar bya'o// rab 'byor de ltar byang chub sems dpa' sems dpa' chen po mar 'du shes pa dang /
- 232b
bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ sems can thams cad la de ltar gnas par bya'o// de ltar bslab par bya'o// bdag sems can thams cad kyi mgon du gyur par bya'o// shes rab kyi pha rol tu phyin pa brgyad stong pa las de bzhin nyid gnas pa'i le'u ste bcu drug pa'o// / de nas tshe dang ldan pa rab 'byor gyis 'di skad ces gsol to// bcom ldan 'das phyir mi ldog pa'i byang chub sems dpa' sems dpa' chen po ni rnam pa gang dag lags/ mtshan ma gang dag lags/ bcom ldan 'das ji ltar bdag gis phyir mi ldog pa'i byang chub sems dpa' sems dpa' chen po legs par 'tshal bar bgyi/ bcom ldan 'das kyis bka' stsal pa/ rab 'byor so so'i skye bo'i sa gang yin pa dang / nyan thos kyi sa gang yin pa dang / rang sangs rgyas kyi sa gang yin pa de ni/ de bzhin gsheg pa'i sa zhes bya ste/ de dag thams cad ni de bzhin gshegs pa nyid la gnyis su med do// gnyis su byar med cing rnam par rtog pa med do// de bzhin nyid de la chos kyis de bzhin nyid du 'jug ste/ de bzhin nyid la gnas shing de bzhin nyid la mi rtog pa ste/ de bzhin nyid du 'jug cing / de bzhin nyid du zhags pas/ de bzhin nyid ji lta ba bzhin thos nas kyang / de las 'gal ba 'di ltar ma yin no// zhes nem nur mi bya zhing / the tsom mi za zhing / 'di ni de bzhin nyid do// 'di ni 'di ltar ro//
- 233a
zhes mos par byed de/ khong du chud par byed de/ gyi na smra bar mi byed de/ don dang ldan pa'i tshig tu smras te/ don dang mi ldan par ma yin no// 5 rol gyis byas pa dang / ma byas pa la mi lta ste/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub las phyir mi ldog par bzung bar bya'o// gzhan yang rab 'byor phyir mi ldog pa'i byang chub sems dpa' sems dpa' chen po ni dge slong dang / bram ze khyed 'di dag ni shes par bya ba shes so// lta bar bya ba mthong ngo // zhes dge sbyong bram ze dag gi ngor lta ste/ lha gzhan dag la phyag mi 'tshal/ lha gzhan dag la me tog dang / 'dag pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dag sbyin par mi sems shing / lha gzhan dag la mi rten no// rab 'byor rnam pa de dag dang / rtag de dag dang / mtshan ma de dag dang ldan pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub las phyir mi ldog par bya ste/ yang byang chub sems dpa' sems dpa' chen po ni ngan song du mi skye zhing / bud med kyi dngos po yongs su 'dzin to// gzhan yang rab 'byor phyir mi ldog pa'i byang chub sems dpa' sems dpa'
- 233b
chen po ni dge ba bcu'i las kyi lam rnams yang dag par blangs nas/ gnas te/ de bdag nyid srog bcod pa spangs pa yin te/ gzhan yang srog bcod pa spong ba la yang dag par 'dzud do// bdag kyang ma byin par len pa spangs pa yin te/ gzhan yang ma byin par len par spong ba la yang dag par 'dzud do// bdag nyid kyang 'dod pas log par g.yem pa spangs pa yin te/ gzhan yang 'dod pas log par g.yem pa spong la yang dag par 'dzud do// bdag nyid kyang rdzun du smra ba spangs pa yin te/ gzhan yang rdzun du smra ba spong ba la yang dag par 'dzud do// bdag nyid kyang phram zer ba spangs pa yin te/ gzhan yang phra ma zer ba spongs pa la yang dag par 'dzud do// bdag nyid kyang tshig rtsub mo smra ba spangs pa yin te/ gzhan yang tshig rtsub mo smra ba spong ba la yang dag par 'dzud do// bdag nyid kyang tshig khyal pa smra ba spangs pa yin te/ gzhan yang tshig khyal pa smra ba spong ba la yang dge bar 'dzud do// bdag nyid kyang rnab sems spangs pa yin te/ gzhan yang rnab sems spong ba la yang dag par 'dzud do// bdag nyid kyang gnod sems spangs pa yin te/ gzhan yang gnod sems spongs pa la yang dag par 'dzud do// bdag nyid kyang log par lta ba spangs pa yin te/ gzhan yang log par lta ba spong ba la yang dag par 'dzud do// rab 'byor de ltar na phyir mi ldog pa'i byang chub sems dpa' sems dpa' chen po ni/ bdag nyid kyang dge ba bcu'i
- 234a
@las kyi lam rnams yang dag par blangs nas gnas so// gzhan yang dge ba bcu'i las kyi lam rnams la yang dag par 'dzud do// yang dag par gzeng / bstod/ rab tu dga' bar byed/ gtan par byed/ de rmi lam du yang dge ba bcu'i las kyi lam gcig gam/ mang du yang rung ste/ yod ye mi 'byung zhing sems kyang mi spyod de/ rab 'byor byang chub sems dpa' sems dpa' chen po de'i rmi lam du dge ba bcu'i las kyi lam rnams mngon du gyur te/ rab 'byor rnam pa de dag dang / rtag de dag dang / mtshan ma de dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par bzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po ni/ chos gang dang / gang kun chub par byed pa de dang de nyid sems la kun chub par byed de/ chos 'di bdag gis kun chub par byed pa'i sems can thams cad la phan pa dang / bde bar gyur cig/ chos bstan pa 'di kyang sems can thams cad chos bsam pa yongs su rdzogs par gyur cig/ ces chos kyi sbyin pa de yang sems can thams cad thun mongs du byed de/ rab 'byor rnam pa de dag dang / rtags de dag dang / mtshan ma de dag dang / ldan pa'i byang chub sems dpa' sems dpa' chen po ni bla na med pa yang dag par rdzogs pa'i byang chub las phyir mi ldog par gzung bar bya'o// gzhan yang rab 'byor byang
- 234b
chub sems dpa' sems dpa' chen po chos zab mo bshad pa la nem nur mi byed/ the tsom mi za/ yid gnyis mi byed/ rmongs par mi 'gyur/ de phan pa'i sems dang ldan par 'gyur/ tshig 'jam par 'gyur/ rmugs pa dang gnyid chung bar 'gyur te/ de 'gro 'am phyir ldog na yang sems ma smad par 'gro zhing 'ong / dran pa nye bar gzhag ste 'gro zhing 'ong ngo // de rkang pa sa la 'degs pa thog par mi byed/ gya tshom du rkang pa sa la mi 'jog/ bde bar 'deg/ bde bar 'jog/ rkang pa sa la gya tshom mi mdor// rkang pa sa la gya tshom nga mi 'dag/ de mthong bzhin du sa phyogs su gom par 'dor ro// yang rab 'byor byang chub sems dpa' sems dpa' chen po'i lus la/ chos gos yongs su longs spyad pa yang shig med par 'gyur/ btsangs pa dngas par 'gyur/ gnod pa nyung bar 'gyur/ skyon nyung bar 'gyur/ sems can gzhan dag gi lus la srin bu'i rig stong phrag bcu yod pa de dag de'i lus la yongs su mi 'byung ngo // de ci'i phyir zhe na/ rab 'byor 'di ltar byang chub sems dpa' sems dpa' chen po'i dge ba'i rtsa ba de dag ni// 'jig rten thams cad las mngon par 'phags pa yin te/ ji lta ji lta bur dge ba'i rtsa ba de dag rnam par 'phel ba de lta bur byang chub sems dpa' sems dpa' chen po de/ yang lus yongs su dag pa kun 'dzin to// ngag yongs su dag pa/ sems yongs su dag pa kan 'dzin to// rab 'byor gyis gsol pa/ bcom ldan 'das byang chub sems dpa'
- 235a
sems dpa' chen po'i sems yongasu dag pa gang lags par rig par bgyi/ bcom ldan 'das kyis bka' stsal pa/ rab 'byor ji lta ji lta bur byang chub sems dpa' sems dpa' chen po'i dge ba'i rtsa ba de dag rnam par 'phel ba de lta bur byang chub sems dpa' sems dpa' chen po sems la bya ba nyung ba yongs su 'dzin to// sems g.ye med pa dang / sems sgyu med pa dang / sems gya rgyu med pa dang / sems yon po med pa yongs su 'dzin to// rab 'byor sems rnam par dag pa des/ nyan thos kyi sa dang / rang sangs rgyas kyi sa las 'das par 'gyur te/ rab 'byor 'di ni byang chub sems dpa' sems dpa' chen po'i sems yongs su dag par rig par/ bya'o// rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub las phyir mi ldog par bzung bar bya'o// gzhan yang rab 'byor phyir mi ldog pa'i byang chub sems dpa' sems dpa' chen po ni rnyed pa dang / bkur sti dang / tshigs su bcad pa ltar mi byed de/ pra dog dang ser sna mang ba yin no// gos dang bsod snyoms dang / mal cha dang / na ba'i gsos sman dang / yo byed dag la lhur byed pa ma yin no// chos zab mo bshad pa la yang dag par mi zhum zhing / blo brtan par 'gyur/ zab par 'gyur/ ri mor byas te gang na chos nyan cing / ri mor byas te/ gzhan
- 235b
las chos gang nyan pa de dag thams cad kyang shes rab kyi pha rol tu phyin pa 'di la brtan nas sbyor bar byed do// 'jig rten las kyi gnas dang / gzo'i gnas ji snyed yod pa de dag thams cad kyang / shes rab kyi pha rol tu phyin pa 'di la rten nas chos nyid sbyor bar byed do// gang chos kyi dbyings dang / mi sbyor ba'i chos gang yang mi mthong ste/ thams cad kyang de dang ldan par yang dag par mthong ngo // rab 'byor rnam pa de dag dang / mtshan ma de dag dang ldan pa'i byang chub sems dpa' sems dpa' chen po// bla na med pa yang dag par rdzogs pa'i byang chub las phyir mi ldog par gzung bar bya'o// gzhan yang rab 'byor gal te bdud sdig can des sems can dmyal ba chen po re rer yang byang chub sems dpa' mang po brgya dag dang / byang chub sems dpa' mang po stong dag dang / mngon par sprul te/ phyir mi ldog pa'i byang chub sems dpa' sems dpa' chen po la 'di skad ces zer te/ phyir mi ldog pa'i byang chub sems dpa' sems dpa' chen po gang lung brtan pa de dag ni sems can dmyal ba chen po 'di dag tu skyes te/ khyod kyang phyir mi ldog par lung bstan pas/ khyod gang sems can dmyal ba chen po 'di dag tu skye bar 'gyur gyis/ byang chub kyi sems de'i phyir bshags par bgyis shig/ sems can dmyal bar skyes nas/ khyod la sangs rgyas kyi ci zhig bya/ de ltar byas na mtho ris kyi 'jig rten du 'gro bar 'gyur ro zhes zer na/ yang gal te byang chub sems dpa' sems dpa' chen po sems
- 236a
mi 'khrug cing / mi g.yon 'di snyam du/ gang phyir mi ldog pa'i byang chub sems dpa' sems dpa' chen po/ ngan song du skye ba 'di ni gnas ma yin zhing go skabs med do snyam du shes na/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po na/ bla na med pa yang dag par rdzogs pa'i byang chub las phyir mi ldog par gzungs par bya'o// gzhan yang rab 'byor bdud sdig can dge sbyong gi cha byad du/ phyir mi ldog pa'i byang chub sems dpa' sems dpa' chen po'i gan du 'ongs nas 'di skad ces zer te/ gang khyod kyis sngon thos pa de'i phyir gshegs par gyis shig/ gang khyod sngon yongs su gzung ba'i phyir 'ong cig/ de ltar gal te phyir gshegs shing / de ltar khyod kyis phyir bor na/ nga yang rtag tu 'dir 'ong ngo // gang khyod da lta bzung 'di ni sangs rgyas kyi tshig ma yin te/ 'di ni snyan dag mkhan gyis rang gzor byas so// gang nga 'chad pa 'di ni sangs rgyas bshad pa ste/ 'di ni sangs rgyas kyi tshig go zhes zer ba de thos nas/ gal te byang chub sems dpa' sems 'khrug cing g.yon/ rab 'byor byang chub sems dpa' 'di de bzhin gshegs pa dag gis lung ma bstan pa ste/ bla na med pa yang dag par rdzogs pa'i byang chub tu nges pa ma yin/ 'di ni phyir mi ldog pa'i khams la gnas pa ma yin par rig par bya'o// rab 'byor gal te byang chub sems dpa' sems dpa' chen po bdud sdig can las de lta bu thos nas kyang / sems
- 236b
mi 'khrug/ mi g.yo zhing / de chos nyid las rten te/ mi skye ba nyid dang / mi 'gag pa nyid dang / mi mngon par 'du mi byed pa nyid la rten cing gzhan gyi dad pa phyir mi 'gro ste/ dper na rab 'byor dgra bcom pa zag pa zad pa/ gzhan gyi dad pa'i phyir mi 'grang ste/ chos nyid las mngon sum du mi byed cing bdud sdig can gyis mi 'phrogs pa de bzhin du/ rab 'byor phyir mi ldog pa'i byang chub sems dpa' sems dpa' chen po yang nyan thos dang / rang sangs rgyas kyi theg pa can dag gis mi rdzi bar byed de/ nyan thos kyi sa 'am/ rang sangs rgyas kyi sar phyir mi ldog pa'i byang chub sems dpa' sems dpa' chen po'i chos can du 'gyur ro// thams cad mkhyen pa nyid du nges shing / rdzogs pa'i byang chub la gzhol bar 'gyur ro// rab 'byor yang byang chub sems dpa' sems dpa' chen po ni/ phyir mi ldog pa'i khams la gnas par 'gyur ba de'i tshe/ gzhan gyi dring la mi 'jog par 'gyur ba yin no// rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po// bla na med pa yang dag par rdzogs pa'i byang chub phyir mi ldog par bzung bar bya'o// // bam po bcu drug pa'o// / ka rab 'byor gzhan yang byang chub sems dpa' sems dpa' chen po'i gan du la la 'ongs nas/ 'di skad ces zer te/ byang chub sems dpa' sems dpa' chen po'i gan du la la 'ongs na
- 237a
'di skad ces zer to// byang chub sems dpa'i spyod pa 'di ni/ 'khor ba'i spyod pa yin te/ khyod 'di nyid du sdug bsngal mthar byang la phyis/ 'khor ba na yod pa'i sdug bsngal dang / yid mi bde ba de dag myong bar byed cing / kye ma khyod ni 'di nyid du lus 'di mi 'grub par 'gyur la/ khyod lus gzhan du yongs su gzung bar sems dpa' lta ga la srid zer la/ gal te mi 'khrug mi g.yo na/ bdud sdig can bdag nyid der 'ongs nas/ de la 'di skad du byang chub sems dpa' sems dpa' chen po skal pa gang gis klung gi bye ma snyed du/ sangs rgyas bcom ldan 'das dag la nam bza dang / bsod snyoms dang / gzims cha dang / snyun gyi gsos sman dang / yo byad dag gis rim gror byas pa dang / sangs rgyas bcom ldan 'das dag la gang ga'i klung gi bye ma snyed dag gi drung du tshangs par spyod pa spyad pa dang / sangs rgyas bcom ldan 'das gang ga'i klung gi'i bye ma snyed dag la bsnyen bkur byas shing / byang chub sems dpa'i theg pa 'di nyid kyi phyir/ ji ltar byang chub sems dpa' sems dpa' chen po dag gis gnas pa bya ba yongs su dris shing / dris par byas te/ ji ltar de bzhin gshegs pa de dag gis bstan pa de bzhin du gnas/ de bzhin du spyad/ de bzhin du rnal 'byor byas kyang / de dag gis da dung bla na med pa yang dag par rdzogs pa'i byang chub mngon par rdzogs par sangs rgyas te/ de ltar bstan pa dang / gdams pa la gnas
- 237b
shing de ltar brlabs pas kyang / thams cad mkhyen pa nyid rjes su ma thob na/ khyod kyi bla na med pa yang dag par rdzogs pa'i byang chub ga la thob par 'gyur zhes byas kyang // gal te mi 'khrugs mi g.yo na/ bdad sdig can gyis sa phyogs de nyid dge slong dag mngon par sprul nas/ 'di skad ces zer te/ 'di ltar dge sbyong dgra bcom pa yang dag par rdzogs pa'i sangs rgyas zag pa zad pa 'di dag ni gang byang chub tu bzhug par gyur pas da ltar dgra bcom pa nyid thob cing / dgra bcom pa nyid la gnas pa yin na/ khyod kyis bla na med pa yang dag par rdzogs pa'i byang chub thob par ga la 'gyur zhes/ byang chub sems dpa' sems dpa' chen po la 'di skad ces bshad de/ bstan kyang mi 'khrug mi g.yo na/ byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par bzung bar bya'o// gal te byang chub sems dpa' sems dpa' chen po gzhan las thos nas/ de ltar 'gyur zhing yongs su nyams par mi 'gyur/ de yid phyir mi ldog/ sems gzhan du mi 'gyur zhing / bdad kyi las de dag thams cad shes nas/ rab 'byor byang chub sems dpa' sems dpa' chen po de ltar pha rol tu phyin pa la spyod pa dang / thams cad mkhyen pa nyid mi thob par 'gyur ba de ni gnas ma yin zhing go skabs med do// byang chub sems dpa' sems dpa' chen po de ltar spyod cing de ltar slob ste/ de bzhin gshegs pas ji skad gsungs pa'i spyod pa de dang ma
- 238a
thal ba dang / pha rol tu phyin pa yid sa byed pa dang sa bral ba dang / 'dud sdig can gyi sa grags rnyed par 'gyur ba de dag ni gnas sa yin zhing mi thams med do// gal te byang chub sems dpa' sems dpa' chen po bdud kyi las rnams khang du chud cing / 'bral bar byed pa'i tshig rnams gzhan las thos nas/ yongs su mi nyams de'i yid phyir mi ldog sems gzhan du mi 'gyur te/ bdud kyi las rnams khong du chud cing / bdud kyi las de dag de ltar shes nas/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub las phyir mi ldog par 'azung bar bya'o// gzhan yang rab 'byor byang chub sems dpa' sems dpa' chen po'i drung du bdud sdig can dag dge slong gi cha byad du sbyar te/ 'ongs nas 'di ltar mdun pa bzlog par byed de/ 'di lta ste/ thams cad mkhyen pa nyid na mkha'i chos dang mtshungs pa'o// 'di lta ste thams cad mkhyen pa nyid ces bya ba'i chos 'di ni med pa'o// 'di lta ste thams cad mkhyen pa nyid ces bya ba'i chos 'di ni yod pa ma yin te/ su zhig de la shes par 'gyur/ su zhig de la mngon par rdzogs par 'tshang rgya bar 'gyur/ des gang dag kyang nges par mi 'byung ste/ gang mngon par rdzogs par 'tshang rgya ba dang / gang mngon par rdzogs par 'tshang rgya bar bya ba dang / gang shes par bya ba dang / gang shes par
- 238b
bya ba'i chos can de dag thams cad na mkha' dang mtshungs te/ khyod ni don med par nyon mongs so// 'di lta ste/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o// zhes bya ba 'di ni bdud kyi las su bstan te/ 'di ni sangs rgyas kyi bshad pa ma yin no zhes zer zhing / gang bral bar byed pa bdud kyi las yin zhes/ rigs kyi bu 'am rigs kyi bu mo des de ltar shes par bya de ltar bsam par bya/ de ltar rig par bya ste/ de ltar bsams nas/ de la sems brtan par bya'o// sems mi g.yo ba dang / sems mi 'khrug par bya'o// rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po// bla na med pa yang dag par rdzogs pa'i byang chub las phyir mi ldog par bzung bar bya'o// rab 'byor gzhan yang phyir mi ldog pa'i byang chub sems dpa' sems dpa' chen po de dag 'dod na/ bsam gtan dang po la snyoms par 'jug go// de bzhin du gnyis pa dang / de bzhin du gsum pa dang / de bzhin du bsam gtan bzhi pa la snyoms par 'jug ste/ rab 'byor de bsam gtan bzhi pa de dag gis mi gnas shing bsam gtan yongs su 'dris par byed do// bsam gtan dag la snyoms par 'jug kyang / bsam gtan gyi dbang gis mi skye zhing / de 'dod pa spyod pa'i chos rnams la dmigs par byed de/ rab 'byor 'di'ang phyir mi ldog pa'i byang chub sems dpa' sems dpa' chen po'i
- 239a
mtshan nyid du rig par bya'o// gzhan yang rab 'byor phyir mi ldog pa'i byang chub sems dpa' sems dpa' chen po ni ming ched cher byed pa ma yin/ grags pa dang / sgra dang / tshigs su bcad pa ched cher byed pa ma yin te/ ming la chags par mi byed do// de sems mi 'khrug pa yin te/ sems can thams cad la phan par sems pa yin te/ de 'gro ba dang / 'ong ba dang / sems 'khrul cing mi 'gro/ sems 'khrul cing mi 'ong ste/ dran bzhin du 'gro 'od/ dran bzhin du 'gro'o// de dag gal te khyim na gnas na yang 'dod pa rnams la 'dod pa la mngon par chags pa 'am/ bsam pa lhag pa cher mi 'byung ste/ de skye bar 'du shes pas 'dod pa la yongs su spyod cing / skrag par 'du shes pas/ 'dod pa la yongs su spyod de/ rab 'byor 'di lta ste dper na/ skyes bu zhig chom kun gyi gnas dgon pa'i gnas su song la zas kyi bya ba byed la/ skrag par 'du shes pas zas kyi bya ba byed cing / de 'gro bar 'du shes pas zas kyi bya ba byed cing / bdag chom rkun gyis gnas dgon pa 'di nas ji tsam na 'da' snyam du de de ltar 'du shes pas/ ring thabs su za ba de bzhin du/ rab 'byor phyir mi ldog pa'i byang chub sems dpa' sems dpa' chen po yang khyim na gnas na/ 'dod pa gang dang gang la yongs su spyod pa dang / 'dod pa de dag la mi 'dod pa bzhin du yongs su spod do// 'dod pa'i yon tan lnga po dga' ba'i rang bzhin can de dag la mi gnyer
- 239b
bar 'gyur ro// de dag khyim na gnas na 'thun pa dang / mi 'thun pas 'tsho bar mi byed do// chos 'ba' zhig gis 'tsho bar byed cing / chos ma yin pa mi 'chi'o// 'chi ba 'gyur yang bla'i gzhan dag la yang gnod par mi byed do// de ci'i phyir zhe na/ 'di ltar skyes bu dam pa/ skyes bu chen po// skyes bu mchog rab/ skyes bu khyu mchog/ skyes bu rlom pa/ skyes bu gtso bo// skyes bu lcing khyer ba/ skyes bu dam pa/ skyes bu pad ma dkar po// skyes bu glang po che/ skyes bu seng ge/ skyes bu kha lo sgyur ba dag gis ni/ sems can rnams bde ba'i mchog la gzung bar bya'o// zhes slar byang chub sems dpa' sems dpa' chen po de dag gi khyim na gnas te/ rab 'byor rnam pa de dag dang / rtags de dag dang / mtshan ma de dag dang ldan par 'gyur ro// de ci'i phyir zhe na/ 'di ltar shes rab kyi pha rol tu phyin pa'i stobs bskyed pa thob pa'i phyir te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub phyir mi ldog par gzung bar bya'o// gzhan yang rab 'byor phyir mi ldog pa'i byang chub sems dpa' sems dpa' chen po la/ gnod sbyin lag na rdo rje rtag par phyi bzhin 'brang bar 'gyur te/ de thub par dka' zhing mi dang mi ma yin pa dag gis 'da' bar bya mi nus par 'gyur ro// sems can thams cad kyis snyen par dka' bar 'gyur ro//
- 240a
sems mi g.yeng bar 'gyur/ dbang po ma tshang bar mi 'gyur/ dbang po yongs su tshang bar 'gyur zhing / dbang po yongs su ma tshang bar mi 'gyur/ skyes bu khyu mchog gi dbang po dang ldan par 'gyur te/ skyes bu dam pa ma yin pa'i dbang po dang ldan par mi 'gyur/ de bud med dag dbang du bya ba'i sngags bzlas brjod byas pa dang / rtsi dang rigs dang / sman la sogs pa gang yang rung ba de dag thams cad mi sbyor te/ 'tsho ba yongs su dag par 'gyur/ logs pas 'tsha bar mi 'gyur/ rtsod pa'i ngang tshul can du mi 'gyur/ de drang por 'gyur/ bdag la mi stong/ gzhan la mi smod do// de yon tan de dag dang / gzhan dag dang yang ldan par 'gyur ro// de skyes pa 'am/ bud med dag la khyod bu pho zhig bca' ba 'ong ngo zhes lung mi ston to// de la de lta bu la sogs pa kun ston pa'i nyes pa 'di lta bu mi 'byung ngo // rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par bzung bar bya'o// gzhan yang rab 'byor rnam pa gang dag dang / nags gang dag dang / mtshan ma gang dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par 'gyur ba'i byang chub sems dpa' chen po
- 240b
po phyir mi ldog pa'i rnam pa de dag dang / rtags de dag dang / mtshan ma de dag bstan par bya'o// de dag gang zhe na/ 'di lta ste de dag ni 'du 'dzil dga' ba'i gtam gyi sbyor ba la brtson par mi gnas so// rgyal po'i gtam gyi sbyor ba la brtson par mi gnas/ chom rgan gyi gtam gyi sbor ba la brtson par mi gnas/ dmag gi gtam gi spor ba la brtson par mi gnas/ 'thab mo'i gtam gyi sbyor ba la brtson par mi gnas so// grong dang grong khyer gyis gtam gyi sbyor ba la brtson par mi gnas so// grong brdal dang / ljongs dang / rgyal po'i srid dang / yul 'khor dang / rgyal po'i pho brang 'khor gyis gtam gyi sbyor ba la brtson par mi gnas/ blon po chen po'i gtam gyi sbyor ba la brtson par mi gnas/ skyes pa dang / bud med dang / ma ning gyi gtam gyi sbyor ba la brtson par mi gnas/ gzhon pa dang / bskyed mos tshal dang / gtsug lag khang dang / 'tshe'u dang / mtsho dang / lteng ka dang / rdzing dang / nags 'tshal dang / kun dga'i ra ba dang / ri'i gtam gyi sbyor ba la brtson par mi gnas/ gnod sbyin dang / srin po dang / sha za dang / srul po dang / grul bum gyi gtam gyi sbyor ba la brtson par mi gnas/ zas dang skom dang / gos dang rgyan dang / spos dang / phreng ba'i gtam gyi sbyor ba la brtson par mi gnas/ srang dang / lam gyi gzhi mdo dang / 'phongs dang / tshong dus dang / bu cha'i gtam gyi sbyor ba la brtson par mi gnas/ glu dang / gar dang / snyan pa brjod
- 241a
pa dang / bro brdung ba dang / rol mo mkhan gyi gtam gyi sbyor ba la brtson par mi gnas/ rgya mtsho dang / gling gi gtam gyi sbyor ba la brtson par mi gnas/ chos dang 'gal ba'i gtam gyi sbyor ba la brtson par mi gnas/ so so skye bo'i gtam gyi sbyor ba la brtson par mi gnas te/ gzhan du na shes rab kyi pha rol tu phyin pa'i gtam gyi sbyor ba la brtson par gnas shing / thams cad mkhyen pa nyid dang ldan pa'i yid la byed pa dang ma bral bar gnas te/ de dga' thab mo'i gtam gyi sbyor ba la brtson par mi gnas/ de dag chos 'dod par 'gyur chos ma yin pa 'dod par mi 'gyur de dag mi 'gyed pa'i sngags pa smra zhing 'dza' bar 'dod pa yin te/ mi 'dza' bar 'dod pa ma yin/ de dag chos smra bar 'gyur te/ chos ma yin pa sme bar mi 'gyur/ de dag de bzhin gshegs pa 'thong bar 'dod pas re bar byed de/ 'jig rten gyis khams gzhan dag na/ de bzhin gshegs pa dgra bcom pa yang dag par rdzogs pa'i sangs rgyas bzhugs shing / mtsho la bzhes pa de dag gi drung du skye bar bya ba'i phyir bskyed cing / de dag 'dod na der yang skye te/ de dag de ltar de bzhin gshegs pa lta ba dang / de bzhin gshegs pa la bsnyen bkur bya ba dang / mi 'bral bar 'gyur ro// gzhan yang rab 'byor phyir mi ldog pa'i byang chub sems dpa' sems dpa' chen po de dag ni/ 'dod pa na spong pa'i lha'i bu dag las shis 'phos pa dang / gzugs na spyod pa las shi 'phos pa dang / gzugs
- 241b
med pa na spyod pa las shi 'phos pa dang / 'dzam bu'i gling gi yul gyi dbus 'di nyid kyi nang du mi dag sgyu rtsal dag la mkhas pa/ rigs sngags dag la mkhas pa/ bstan/ bcos dag la mkhas pa/ mtshan ma dag la mkhas pa/ chos nyid kyi don la mkhas pa dag yod par skyes te/ mtha' khob kyi skye ba dag du skye ba ni nyung ngo // phal cher dbus kyi yul du skye'o// gang dag mtha' khob kyi skye bo'i nang du skye ba de dag kyang grong khyer chen po'i nang du skyes te/ de dag la yang yon tan 'di dag yod do// rab 'byor rnam pa de dag dang / rtags de dag dang / mtshan de dag dang ldan pa'i byang chub sems dpa' sems dpa' chen po/ bla na med pa yang dag par rdzogs pa'i byang chub las phyir mi ldog par gzung bar bya'o// rab 'byor gzhan yang byang chub sems dpa' sems dpa' chen po 'di snyam du bdag phyir mi ldog pa 'am/ phyir ldog pa 'di snyam du sems te/ rang gi sa la the tsom mi skye som nyid mi byed do// yang dag par zham par mi 'gyur ro// rab 'byor 'di lta ste dper na/ rgyun du zhugs pa'i 'bras bu rang gi sa la nem nur mi byed/ the tsom mi za ba de bzhin du/ rab 'byor phyir mi ldog pa'i byang chub sems dpa' sems dpa' chen po yang rang gis sa la nem nur mi byed/ the tsom mi za/ som nyid mi byed de/ rang gi sa la yang dag par zhum par mi 'gyur ro// bdud kyi las skyes shing byung ba rnams kyang / myur du rig cing de dag bdud kyi las las skyes shing byung ba rnams
- 242a
kyi dbang du mi 'gro/ rab 'byor 'di lta ste dper na/ mi zhig gis mtshams med pa byas na/ 'chi ka'i bar du mtshams med pa'i sems de dang mi 'bral bar 'gyur te/ sems de bsal ba dang / mnan par mi nus shing / 'chi ka'i dus kyi bar du de'i sems de rjes su 'breng ngo // rab 'byor de bzhin du phyir mi ldog pa'i byang chub sems dpa' sems dpa' chen po phyir mi ldog pa'i sems kyang gnas par 'gyur ba dang / rang gi sa la phyir mi ldog pa'i las mi bskyod par 'gyur te/ de lha dang mi dang / lha ma yin du bcas pa'i 'jig rten gyis kyang bskyod pa 'am/ bskal bar mi nus so// bdud kyi las skyes shing byung ba de dag kyang rig par byed de/ bdud kyi las skyes shing byung ba dag gis dbang du mi 'gro/ de rang gi sa la nem nur mi byed cing / the tsom med par tshe rabs 'phos na yang / nyan thos kyi sems dang / rang sangs rgyas kyi sems mi skye'o// de tshe 'phos na yang 'di snyam du sems te/ bdag ni mngon par rdzogs par 'tshang rgya bar mi 'gyur/ bdag ni bla na med pa yang dag par rdzogs par 'tshang rgya'o snyam nas/ de rang gi sa la gnas shing / rang gi sa la gzhan gyi dring mi 'gyur/ rang gi sa la ni rdzi bar 'gyur te/ de ci'i phyir zhe na/ 'di ltar mi 'phrogs pa'i sems dang / mi 'phrogs pa'i ye shes kyis gnas pa'i phyir ro// yang rab 'byor ba dang sdig can sangs rgyas kyis cha byed du de'i drung du 'ongs nas/ 'di skad zer
- 242b
te/ khyod 'di nyid du dgra bcom pa nyid mngon gsum du gyis shig/ khyod ni bla na med pa yang dag par rdzogs pa'i byang chub tu lung ma bstan te/ rnam pa gang dag dang / rtags gang dag dang / mtshan ma gang dag dang ldan pa'i byang chub sems dpa' sems dpa' chen po// bla na med pa yang dag par rdzogs par 'tshang rgya ba'i rnam pa de dag dang / rtags de dag dang / mtshan ma de dag khyod la med do// zhes zer la/ rab 'byor gal te byang chub sems dpa' sems dpa' chen po'i sems gzhan du 'gyur na/ rab 'byor byang chub sems dpa' sems dpa' chen po'i 'di sngon gyi dgra bcom pa yang dag par rdzogs pa'i sangs rgyas rnams kyis lung ma snyan par rig par bya'o// gal te 'di snyam du bdud sdig can yin te/ sangs rgyas kyi cha byed du mngon par sprul nas/ 'ongs pa 'am/ bdud kyis byin gyis brlabs pa 'am/ bdud kyi sprul pa zhig yin te/ 'di ni de bzhin gshegs pa ma yin te de bzhin gshegs pa dgra bcom pa yang dag par rdzogs pa'i sangs rgyas kyis ji srid du gsungs pa ni de bzhin te/ gzhan du ma yin snyam du sems bsam/ gal te 'di snyam du rtog cing sems te/ kye ma 'di ni bdud sdig can gyis sangs rgyas su byin gyis brlabs te/ bdag bla na med pa yang dag par rdzogs pa'i byang chub las 'bral bar byed do// snyam la rab 'byor gal te bdud sdig can phyir ldog na/ byang chub sems dpa' sems dpa' chen po 'di ni sngon gyi de bzhin gshegs pa dgra bcom pa yang
- 243a
@dag par rdzogs pa'i sangs rgyas rnams kyis lung bstan pa ste/ byang chub sems dpa' sems dpa' chen po phyir mi ldog pa'i sa la gnas par/ rig par bya'o// rab 'byor byang chub sems dpa' sems dpa' chen po la rnam pa 'di dag dang / rtags 'di dag dang / mtshan ma 'di dag yod na/ rab 'byor byang chub sems dpa' sems dpa' chen po 'di la yon tan 'di lta bu dag yod pa lags na/ kye ma byang chub sems dpa' sems dpa' chen po 'di ni gdon mi za bar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan pa'o// byang chub sems dpa' sems dpa' chen po phyir mi ldog pa'i sa la gnas par rig par bya'o// de ci'i phyir zhe na/ 'di ltar phyir mi ldog pa'i byang chub sems dpa' sems dpa' chen po'i rnam pa gang yin pa de dag dang / rtags de dag dang / mtshan ma de dag yod pa'i phyir te/ rab 'byor rnam pa de dag dang / rtags de dag dang / mtshan ma de dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog par rig par bya'o// gzhan yang rab 'byor phyir mi ldog pa'i byang chub sems dpa' sems dpa' chen po ni/ chos yongs su gzung ba'i phyir/ bdag gis lus yongs su gtong bar byed/ srog kyang yongs su gtong bar byed do// de ci'i phyir zhe na/ rab 'byor
- 243b
byang chub sems dpa' sems dpa' chen po phyir mi ldog pa'i dam pa yongs su gzung ba'i phyir brtson par byed de/ sangs rgyas bcom ldan 'das 'das pa dang / ma 'ongs pa dang / da ltar byung ba rnams la dga' ba dang / gus pa dang / rang sangs rgyas bcom ldan 'das la chos kyi sku'o zhes chos la dga' ba dang / gus pa'i phyir dam pa'i chos yongs su 'dzin par byed de/ 'di ni sangs rgyas bcom ldan 'das/ 'das pa'i nyi tshe'i dam pa'i chos yongs su 'dzin to// sangs rgyas bcom ldan 'das da ltar byung ba rnams kyi yongs su 'dzin pa 'di yin/ ma byon pa'i sangs rgyas bcom ldan 'das rnams kyi dam pa'i chos yongs su 'dzin pa 'di yin te/ bdag kyang ma byon pa'i sangs rgyas bcom ldan 'das rnams kyi grangs su gtogs so zhes bdag kyang bla na med pa yang dag par rdzogs pa'i byang chub de la lung bstan gyis/ 'di ni bdag gis yang dag par dam pa'i chos yongs su gzung bar bya'o snyam ste/ don gyi dbang 'di mthong nas/ dam pa'i chos yongs su gzung ba'i phyir bdag nyid yongs su gtong ba dag kyang byed do// srog yongs su gtong ba dag kyang byed do// de la zham par mi 'gyur/ le lor mi byed do// rab 'byor rnam pa de dag dang / rtags de dag dang / mtshan ma de dag dang ldan na byang chub sems dpa' sems dpa' chen po// bla na med pa yang dag par rdzogs pa'i byang chub las phyir mi ldog par bzung bar bya'o// gzhan yang rab 'byor phyir mi ldog pa'i byang chub
- 244a
sems dpa' sems dpa' chen po ni/ de bzhin gshegs pa dgra bcom pa yang dag par rdzogs pa'i sangs rgyas chos ston pa la nem nur du mi byed do// the tsom mi za'o// rab 'byor gyis gsol pa/ bcom ldan 'das de bzhin gshegs pa kha na ston pa nem nur ma mchis shing / the tsom ma mchis pa lags kyi/ nyan thos la ma lags sam/ bcom ldan 'das kyis bka' stsal pa/ rab 'byor nyan thos kyis chos ston pa la num nur mi byed/ the tsom mi za'o// de ci'i phyir zhe na/ 'di ltar byang chub sems dpa' sem dpa' chen po des mi skye ba'i chos la bzod pa thob pas na/ de'i phyir chos rnams kyis chos nyid dang / mi 'gal bar nyan te/ thos nas kyang nem nur mi byed/ the tsom mi za ste/ rab 'byor yon tan de dag dang ldan na/ phyir mi ldog pa'i byang chub sems dpa' sems dpa' chen po yin no// rab 'byor 'di dag ni byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa'i rnam pa dang / rtags dang / mtshan ma yin no// shes rab kyi pha rol tu phyin pa brgyad stong pa las/ phyir mi ldog pa'i rnam pa dang / rtags dang mtshan ma'i le'u zhes bya ste bcu bdun pa'o// / de nas bcom ldan 'das la tshe dang ldan pa rab/ 'byor gyis 'di skad ces gsol to// bcom ldan 'das byang chub sems dpa' sems dpa' chen po yon tan 'di dag dang ldan pa ni ngo mtshar to// bcom ldan 'das ni phyir/
- 244b
mi ldog pa'i byang chub sems dpa' sems dpa' chen po'i rnam pa dang / rtags dang / mtshan ma dag skal pa gang ga'i klung gi bye ma snyed du stong kyang spyod de de'i slad du bcom ldan 'das byang chub sems dpa' sems dpa' chen po la/ shes rab kyi pha rol tu phyin pa dang ldan pa'i gnas zab mo zab pa dag ston to// de skad ces gsol pa dang / bcom ldan 'das kyi tshe dang ldan pa rab 'byor la 'di skad ces bka' stsal to// rab 'byor khyod gnas zab mo zab pa dag shes rab 'dod pa legaso legs so// rab 'byor zab ces bye ba ni stong pa nyid kyi tshig bla dgas so// rab 'byor 'di ni mtshan ma med pa dang / smon pa med pa dang / mngon par 'du mi byed pa dang / ma byung ba dang / ma skyes pa dang / dngos po med pa dang / 'dod chags dang bral ba dang / 'gog pa dang / mya ngan las 'das pa dang / med par gyur pa'i tshig bla dag so// rab 'byor gyis gsol pa bcom ldan 'das 'di ni chos de dag nyid tshe'i tshig bla dgas kyi chos thams cad ma lags sam/ bcom ldan 'das kyis bka' stsal pa/ rab 'byor 'di ni chos thams cad kyi tshig bla dgas so// de ci'i phyir zhe na/ rab 'byor gzugs ni zab po// tshor ba dang / 'du shes dang / 'du byed rnams dang / rnam par shes pa ni zab po// rab 'byor gzugs ji ltar zab/ tshor ba dang / 'du shes dang / 'du byed rnams dang / rnam par shes pa ji ltar zab ce na/ rab 'byor de bzhin nyid ji lta ba bzhin du gzug de bzhin du zab po// tshor ba dang / 'du shes dang / 'du byed rnam dang / de bzhin te//
- 245a
rab 'byor de bzhin nyid ji lta ba bzhin du rnam par shes pa yang de bzhin du zang po// rab 'byor de la gzugs kyi de bzhin du gzugs kyang de bzhin du zab bo// tshor/ ba'i de bzhin nyid dang / 'du shes kyi de bzhin nyid dang / 'du byed rnams kyi de bzhin nyid ji lta ba dang / rab 'byor de la rnam par shes pa'i de bzhin nyid ji lta ba bzhin du rnam par shes pa yang de bzhin du zab po// rab 'byor gang la gzugs med pa de ni gzugs kyi zab pa nyid do// rab 'byor gang la tshor ba dang / 'du shes med pa dang / 'du byed rnams med pa dang / rnam par shes pa med pa 'di ni/ rnam par shes pa'i zab pa nyid do// rab 'byor gyis gsol pa/ bcom ldan 'das 'di ltar thabs zhib mos gzugs las bzlog pa/ mya ngan las 'das pa yang bstan pa dang / de bzhin du tshor ba dang / 'du shes dang / 'du byed rnams dang / 'di ltar thabs zhib mos rnam par shes pa las kyang bzlog/ mya ngan las 'das pa la'ang bstan pa ni ngo mtshar to// bcom ldan 'das kyis bka' stsal pa/ rab 'byor shes rab kyi pha rol tu phyin pa'i gnas zab mo 'di dag gal te/ byang chub sems dpa' sems dpa' chen por 'gyur/ nye bar rtogs par 'gyur te/ bdag ni shes rab kyi pha rol tu phyin pa 'di las ji lta bur bstan pa bzhin du gnas par bya'o// bdag gis shes rab kyi pha rol tu phyin pa las ji ltar bstan pa de bzhin du bslab par bya'o// zhes byang chub sems dpa' sems dpa' chen po
- 245b
ltar sgrub cing shes rab kyi pha rol tu phyin pa las ji ltar bshad pa de bzhin du nye bar sems/ nye bar rtogs pas ji ltar shes rab kyi pha rol tu phyin pa las bstan pa de bzhin du sbyor zhing de la nyin gcig tsam yang rnal 'byor du byed na/ byang chub sems dpa' sems dpa' chen po nyi ma gcig pu las ji tsam du byed par 'gyur zhe na/ rab 'byor 'di lte ste dper na/ skyes bu 'dod chags la spyod pa/ rnam par rtog pa las spyod pa la la zhig yod na/ skyes bu 'dod chags la spyod pa/ rnam par rtog pa la spyod pa des/ bud med gzug bzang zhing / mdzes pa lta na sdug pa zhig btus par gyur la/ bud med de yang gzhan zhig gis yongs su zin pa zhig yin te/ bdag nyid khyim du byung zhing 'ong ba'i dbang med na/ rab 'byor 'di ji snyam du sems/ skyes bu de rnam par rtog pa ji lta bu dang ldan pa dag 'byung bar 'gyur/ gsol pa/ bcom ldan 'das skyes bu de rnam par rtog pa ni/ bud med dang ldan pa dag 'byung ste/ de ni mchi'o// de mchis nas de dang lhan cig tu 'di ltar dga' bar bgyid/ 'di ltar brtse bar bgyi'o// snyam mo// bcom ldan 'das kyis bka' stsal pa/ rab 'byor 'di ji snyam du sems/ skyes bu de la nyi ma gcig 'das kyi bar du rnam par rtog pa ji snyed cig 'byung / rab 'byor gyis gsol pa/ bcom ldan 'das gdugs 'das kyi bar du rnam par rtogs pa mang po zhig 'byung bar 'gyur ro// bcom ldan 'das kyis bka' stsal pa/ rab 'byor skyes bu de nyi ma 'das kyi bar du rnam par rtog pa ji snyed cig
- 246a
'byung // byang chub sems dpa' sems dpa' chen po/ bskal pa de snyed du byang chub sems dpa' sems dpa' chen po gang / shes rab kyi pha rol tu phyin pa 'di las ji ltar bstan pa dang / ji ltar bshad pa la slob cing nye bar sems pa dang / rnal 'byor du byed pa de 'khor ba bsnyil cing mdor bar byed do// nyes pa gang gis byang chub sems dpa' sems dpa' chen po ldog par 'gyur ba'i nyes pa de dag kyang rnam par spong ngo // de ltar byang chub sems dpa' sems dpa' chen po shes rab kyi pha rol tu phyin pa'i rnal 'byor la brtson par byed cing / de ltar bur gnas pa ni 'di lta ste/ shes rab kyi pha rol tu phyin pa dang ldan pa'i yid la byed pa dag gis nyin cig la las ci tsam byed pa dang / byang chub sems dpa' gang shes rab kyi pha rol tu phyin pa dang bral bas bskal pa gang ga'i klung gi bye ma snyed du 'dug ste/ sbyin pa byin pa ni byang chub sems dpa' sems dpa' chen po gang shes rab kyi pha rol tu phyin pa nyin gcig rnal 'byor du byed pa 'di khyad par du 'phags so// gzhan yang rab 'byor byang chub sems dpa' sems dpa' chen po gang bskal pa gang ga'i klung gi bye ma snyed du 'dug cing / rgyun du zhugs pa dag la sbyin pa byin par byed cing / rab tu 'god par byed/ de bzhin nyid du lan cig phyir 'ong ba dang / phyir mi 'ong ba dang / dgra bcom pa dag la sbyin par byed pa dang / rab tu 'god pa dang / rang sangs rgyas dag la sbyin pa byin par byed cing rab tu 'god
- 246b
par byed pa la shes rab kyi pha rol tu phyin pa dang bral ba dang / byang chub sems dpa' sems dpa' chen po 'di bsod nams ches mang du bskyed do// gzhan yang rab 'byor byang chub sems dpa' sems dpa' chen po bskal pa gang ga'i klung gi bye ma snyed du 'dag cing / sbyin pa byin par byed de/ tshul khrims yongs su rdzogs par spyod pa dang / byang chub sems dpa' sems dpa' chen po gang shes rab kyi pha rol tu phyin pa la gnas pa gang yid la byed pa de las langs te/ chos ston na/ rab 'byor byang chub sems dpa' snga ma des byas byang chub sems dpa' 'di ches bsod nams mang du bskyed do// gzhan yang rab 'byor byang chub sems dpa' sems dpa' chen po gang chos kyi sbyin pa byin par byed cing / byin pas bsod nams mang du bskyed pa dang / rab 'byor byang chub sems dpa' sems dpa' chen po gang chos kyi sbyin pa byin la/ shes rab kyi pha rol tu phyin pa las gsungs pa'i yongs su bsngo bas bla na med pa yang dag par rdzogs pa'i byang chub tu yongs su bsngos nas/ yang nang du yang dag 'jog la rnal 'byor du byed na/ gang chos kyi sbyin pa nyi tshe byin par byed cing / nang du yang dag 'jog la rnal 'byor du byed pa'i byang chub sems dpa' ni/ ji ltar byang chub sems dpa' sems dpa' chen po chos kyi sbyin par byed cing / nang du yang dag 'jog la yang rnal 'byor du byed la/ shes rab kyi pha rol tu phyin pa yongs su zin cing / nang du yang dag 'jog la de shes rab kyi pha rol tu phyin pa dang ma
- 247a
bral bar byed pa 'di tsam du bsod nams mi bskyed do// byang chub sems dpa' sems dpa' chen po 'di ches bsod nams mang du bskyed do// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i bsod nams mngon par 'du byed do// gang yin pa de yang stong pa kho nar snang ngo // gsog nyid du snang ngo / gsob nyid du snang ngo // snying po med pa nyid du snang ngo // rab 'byor byang chub sems dpa' sems dpa' chen po ji ltar so sor rtog pa de lta de lta bur byang chub sems dpa' sems dpa' chen po/ ji lta ji lta bur shes rab kyi pha rol tu phyin pa dang ma bral bar 'gyur ro// rab 'byor yang byang chub sems dpa' sems dpa' chen po ji ltar ji lta bur shes rab kyi pha rol tu phyin pa dang ma bral bar de lta bur bsod nams grangs med dpag tu med pa spyod do// rab 'byor gyis gsol pa/ bcom ldan 'das dpag tu ma mchis pa dang / grangs ma mchis pa la tha dad du bya ba bgyi ba ci mchis/ bye brag ci mchis/ bcom ldan 'das kyis bka' stsal pa/ rab 'byor dpag tu med pa zhes bya ba ni/ dpag tu med par 'gyur ro// grang la tshad med zhes bya ba ni/ grang la tshad med par 'gyur ro// rab 'byor grangs med pa ni bgrang bar zad par mi nus so// rab 'byor gyis gsol pa/ bcom ldan 'das gang gzugs kyang dpag tu ma mchis par 'gyur ba'i rnam grangs mchis sam/ tshor ba dang / 'du shes
- 247b
dang / 'du byed rnams dang / rnam par shes pa yang dpag tu ma mchis par 'gyur ba'i rnam grangs mchis sam/ bcom ldan 'das kyis bka' stsal pa/ rab 'byor gang 'di skad du gzugs kyang dpag tu ma mchis par 'gyur ba'i rnam grangs ma mchis sam/ bcom ldan 'das kyis bka' stsal pa/ tshor ba dang / 'du shes dang / 'du byed rnams dang / rnam par shes pa yang dpag tu ma mchis par 'gyur ba'i rnam grangs mchis sam/ zhes smras pa ni/ rab 'byor gzugs nyid dpag tu med pa'o// rab 'byor/ tshor ba dang / 'du shes dang / 'du byed rnams dang / rnam par shes pa yang dpag tu med pa'o// rab 'byor gyis gsol pa/ dpag tu ma mchis pa zhes bgyi ba 'di gang gi tshig bla dgas lags/ bcom ldan 'das kyis bka' stsal pa/ rab 'byor dpag tu med pa zhes bya ba ni stong pa nyid kyi tshigs bla dgas so// dpag tu med pa zhes bya ba 'di ni mtshan ma med pa'i tshig bla dag so// dpag tu med pa zhes bya ba ni smon pa med zhes tshig bla dag so// rab 'byor gyis gsol pa/ bcom ldan 'das dpag ta ma mchis pa zhes bya ba 'di ni stong pa nyid kho na'i tshig bla dgas so// mtshan ma mchis pa kho na'i tshigs bla dag so// smon pa ma mchis pa kho na'i tshig dgas te/ chos gzhan dag gi tshigs ma lags sam/ bcom ldan 'das kyis bka' stsal pa/ rab 'byor 'di ji snyam du sems ngas chos thams cad stong pa nyid du ma bshad dam/ rab 'byor gyis gsol pa/ bcom ldan 'das de bzhin
- 248a
gshegs pas chos thams cad stong pa nyid do// zhes bka' stsal to// bcom ldan 'das kyis bka' stsal pa/ rab 'byor stong pa nyid gang yin pa ni mi zad pa'o// stong pa nyid gang yin pa de ni dpag tu med pa ste/ rab 'byor de lta bas na/ chos de dag ni don la bye brag tu bya ba 'am/ tha dad du bya ba mi dmigs te/ rab 'byor de dag ni brjod pa zhes de bzhin gshegs pas bstan cing brjod do// ma byed pa zhes bya ba dang / dpag tu med pa zhes bya ba dang / grangs med pa zhes bya ba dang / stong pa nyid ces bya ba 'am/ mtshan ma med pa zhes bya ba 'am/ smon pa med pa zhes bya ba 'am/ mngon par 'du mi byed pa zhes bya ba 'am/ mi 'byung ba zhes bya ba 'am/ mi skye ba zhes bya ba 'am/ dngos po med pa zhes bya ba 'am/ 'dod chags dang bral ba zhes bya ba 'am/ 'gog pa zhes bya ba 'am/ mya ngan las 'das pa zhes bya ba 'di ni rab 'byor snyan pa bsgrub pa bshad pa yin no// de bzhin gshegs pa dgra bcom pa yang dag par rdzogs pa'i sangs rgyas kyis gsungaso// rab 'byor gyis gsol pa/ bcom ldan 'das 'di ltar de bzhin gshegs pa dgra bcom pa yang dag par rdzogs pa sangs rgyas kyis chos rnams kyi chos nyid 'di'ang stan na/ chos nyid rnams kyi chos nyid de'ang brjod du ma mchis ngo mtshar to// bcom ldan 'das bdag gis bcom ldan 'das kyis bshad pa'i don 'tshal ba ltar na/ bcom ldan 'das chos thams cad kyang brjod du ma mchis pa lags sa so// bcom ldan 'das kyis bka' stsal pa/ de de bzhin no// de de
- 248b
bzhin te/ rab 'byor chos thams cad ni brjod du med pa'o// de ci'i phyir zhe na/ rab 'byor chos thams cad ni stong pa nyid gang yin pa de ni brjod du mi rung ba'i phyir ro// rab 'byor gyis/ gsol pa/ bcom ldan 'das brjod du ma mchis pa'i don la 'phel ba 'am/ 'grib pa ma mchis sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das gal te brjod du ma mchis pa'i don la 'phel ba'ang ma mchis/ 'grib pa 'ang ma mchis na ni/ sbyin pa'i pha rol tu phyin pa la 'ang 'phel ba ma mchis/ 'grib pa 'ong ma mchis par 'gyur ro// tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol tu phyin pa la'ang 'phel ba ma mchis/ 'grib pa ma mchis par 'gyur ro// bcom ldan 'das gal te pha rol tu phyin pa 'di rnams la 'phel ba'ang ma mchis/ 'grib pa'ang ma mchis na/ bcom ldan 'das pha rol tu phyin pa drug mi 'phel na/ ji ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ bcom ldan 'das pha rol tu phyin pa yongs su rdzogs par ma bgyis par ni/ byang chub sems dpa' sems dpa' chen po bla na med pa yang dag par rdzogs pa'i byang chub tu nye bar mi 'gyur na/ ji ltar bla na med
- 249a
pa yang dag par rdzogs pa'i byang chub tu nye bar 'gyur/ bcom ldan 'das kyis bka' stsal pa/ rab 'byor de de bzhin no// de de bzhin te/ rab 'byor pha rol tu phyin pa'i don la 'phel ba 'am 'grib pa med mod kyis/ rab 'byor byang chub sems dpa' sems dpa' chen po shes rab kyi pha rol tu phyin pa la bsgom pa thabs mkhas pa ni 'di ltar sbyin pa'i pha rol tu phyin pa 'di ni rnam par 'phel lo// sbyin pa'i pha rol tu phyin pa 'di ni yongs su 'grib po// snyam du mi sems kyi/ de 'di snyam du sems te/ 'di ltar sbyin pa'i pha rol tu phyin pa 'di ni ming tsam mo snyam nas/ de sbyin pa byin par byed cing yid la byed pa po dag dang / sems bskyed pa de dag dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ji lta ba bzhin du yongs su bsngo'o// gzhan yang rab 'byor byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi rol tu phyin pa sgom pa thabs mkhas pas 'di ltar tshul khrims kyi pha rol tu phyin pa 'di ni rnam par 'phel lo// tshul khrims kyi pha rol tu phyin pa 'di ni yongs su 'grib po snyam du mi sems te/ de 'di snyam du sems te/ 'di ltar tshul khrims kyi pha rol tu phyin pa zhes bya ba 'di ni ming tsam mo snyam nas/ de tshul khrims yang dag par blangs te/ gnas shing yid la byed pa de dag dang / sems bskyed pa de dag
- 249b
dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ji lta ba bzhin du yongs su bsngo'o// bzod pa'i pha rol tu phyin pa 'di ni rnam par 'phel lo// bzod pa'i pha rol tu phyin pa 'di ni yongs su mi sems kyi/ de 'di snyam du sems te/ 'di ltar bzod pa'i pha rol tu phyin pa zhes bya ba 'di ni ming tsam mo snyam nas de bzod pa bsgrub cing / yid la byed pa de dag dang / sems bskyed pa de dag dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ji lta ba bzhin du yongs su bsngo'o// gzhan yang rab 'byor byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi pha rol tu phyin pa bsgom pa la thabs mkhas pas ni 'di ltar brtson 'grus kyi pha rol tu phyin pa 'di ni rnam par 'phel lo// brtson 'grus kyi pha rol tu phyin pa 'di ni yongs su 'grib po snyam du mi sems kyi/ de 'di snyam du sems te/ 'di ltar brtson 'grus kyi pha rol tu phyin pa 'di ni ming tsam mo snyam nas/ de brtson 'grus rtsam zhing yid la byed pa de dag dang / sems bskyed pa de dag dang / dge ba'i rtsa ba 'di dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ji lta ba
- 250a
de bzhin du yongs su bsngo'o// gzhan yang rab 'byor byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi pha rol tu phyin pa bsgom pas thabs mkhas pas ni/ 'di ltar bsam gtan gyi pha rol tu phyin pa 'di ni rnam par 'phel lo// bsam gtan gyi pha rol tu phyin pa 'di ni yongs su 'grib po snyam du mi sems te/ 'di ltar bsam gtan gyi pha rol tu phyin pa zhes bya ba 'di ni ming tsam mo snyam nas/ de bsam gtan dag la mnyam par gzhog la yid la byed pa de dag dang / sems bskyed pa de dag dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ bla na med pa yang dag par rdzogs pa'i byang chub ji lta ba bzhin du yongs su bsngo ste/ gzhan yang rab 'byor byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi pha rol tu phyin pa bsgom pa thabs mkhas pa ni 'di ltar shes rab kyi pha rol tu phyin pa 'di ni rnam par 'phel lo// shes rab kyi pha rol tu phyin pa 'di ni yongs su 'grib po snyam du mi sems kyi/ de 'di snyam du sems te/ 'di ltar shes rab kyi pha rol tu phyin pa 'di ni ming tsam mo snyam nas/ de shes rab kyi pha rol tu phyin byin pa la spyod/ shes rab kyi pha rol tu phyin pa bsgom zhing / yid la byed pa de dag dang / sems bskyed pa de dag dang / dge ba'i rtsa ba de dag bla na med pa yang dag par
- 250b
rdzogs pa'i byang chub ji lta ba bzhin du yongs su bsngo ste/ bla na med pa yang dag par rdzogs pa'i byang chub ji lta ba bzhin du yongs su bsngo'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das bla na med pa yang dag par rdzogs pa'i byang chub ces bgyi ba 'di gang lags/ bcom ldan 'das kyis bka' stsal pa/ rab 'byor bla na med pa yang dag par rdzogs pa'i byang chub 'di ni de bzhin nyid de/ rab 'byor de bzhin nyid ni rnam par 'phel ba 'am/ yongasu 'grib pa med do// gal te byang chub sems dpa' sems dpa' chen po de lta bu'i yid la byed pa dang ldan pas/ rgyun mi 'chad par mang du gnas na/ bla na med pa/ yang dag par rdzogs pa'i byang chub tu nye bar yin no// rab 'byor de ltar brjod du med pa'i don 'phel bar yang mi 'gyur/ 'grib par yang mi 'gyur ro// yid la byed pa de dag gis yongs su mi 'grib po// rab 'byor de ltar pha rol tu phyin pa 'phel bar yang mi 'gyur/ 'grib par yang mi 'gyur ro// rab 'byor chos thams cad kyi de bzhin nyid la yang 'phel bar mi 'gyur ro// rab 'byor de ltar byang chub sems dpa' sems dpa' chen po yid la byed pa de lta bu dag gis gnas na/ bla na med pa yang dag par rdzogs pa'i byang chub tu nye ba yin no// // shes rab kyi pha rol tu phyin pa brgyad stong pa las// / stong pa nyid kyi le'u ste bcwo brgyad
- 251a
pa'o / bal po bcu bdun pa'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das ci sems bskyed pa dang pos byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs bar 'tshang rgya 'am/ 'on te sems bskyed pa smad pas byang chub sems dpa' sems dpa' chen po// bla na med pa yang dag par rdzogs pa'i byang chub mngon par rdzogs par 'tshang rgya bcom ldan 'das sems bskyed pa snga 'dis/ sems bskyed pa slad ma dang mi 'grogs na/ sems bskyed pa slad ma yang sems bskyed pa snga ma dang mi 'grogs na/ bcom ldan 'das ji ltar byang chub sems dpa' sems dpa' chen po'i dge ba'i rtsa ba rnams stsogs par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di ji snyam du sems/ mar me 'bar ba'i me lce dang po phog pas snying po de tshig gam/ 'on te me lce phyim phogs pas snying po de tshig par 'gyur/ rab 'byor gyis gsol pa/ bcom ldan 'das de lta ma lags so// me lce dang po phogs pas snying po de tshig pa ma lags so// me lce dang po 'byung ba la ma rten par yang snying po de mi tshig/ me lce slad ma phog pas/ snying po de mi tshig ste/ me lce slad ma phog pa la ma rten par snying po de mi tshig go// bcom ldan 'das kyis
- 251b
bka' stsal pa/ rab 'byor 'di ji snyam du sems/ snying ba de tshig gas/ rab 'byor gyis gsol pa/ bcom ldan 'das tshig lags so// bde bar gshegs pa tshig lag so// bcom ldan 'das kyis bka' stsal pa/ rab 'byor de de bzhin te/ sems bskyed pa dang pos kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi brgya/ sems bskyed pa dang po la ma rten par yang bla na med pa yang dag par rdzogs pa'i byang chub mngon par rdzogs par 'tshang mi brgya/ sems bskyed pa phyi mas kyang bla na med pa yang dag par rdzogs pa'i byang chub mngon par rdzogs par 'tshang mi brgya/ sems bskyed pa phyi ma la ma rten par yang bla na med pa yang dag par rdzogs pa'i byang chub mngon par rdzogs par 'tshang mi brgya ste/ byang chub sems dpa' sems dpa' chen po ni bla na med pa yang dag par rdzogs pa'i byang chub mngon par rdzogs par 'tshang brgya'o// bcom ldan 'das kyis de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das sems bskyed pa dang pos kyang / byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi brgya la/ sems bskyed pa dang po la ma rten par bla na med pa yang dag par rdzogs pa'i byang chub mngon par rdzogs par 'tshang mi brgya
- 252a
sems bskyed pa slang mas kyang byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang mi rgyal/ sems bskyed pa slad ma la ma rten par yang byang chub sems dpa' sems dpa' chen po/ bla na med pa yang dag par rdzogs pa'i byang chub mngon par rdzogs par 'tshang mi rgya/ sems bskyed pa de dag gis kyang ma lags/ sems bskyed pa de dag ma lags pa/ gzhan las kyang ma lags par mngon par rdzogs par 'tshang rgya ste/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba/ bcom ldan 'das rten cing 'brel pa ni 'byung ba 'di zab po// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor 'di ji snyam du sems/ sems gang la 'gag pa de yang phyir 'byung bar 'gyur ram/ rab 'byor gyis gsol pa/ bcom ldan 'das de lta ma lags so// bcom ldan 'das kyis bka' stsal pa/ rab 'byor 'di ji snyam du sems/ sems gang ma byung ba de 'gag pa'i chos can yin nam/ rab 'byor gyis gsol pa/ bcom ldan 'das 'gag pa'i chos can lag so// bcom ldan 'das kyis bka' stsal pa/ rab 'byor 'di ji snyam du sems/ gang 'gag pa'i chos can ni 'gag par 'gyur ba / rab 'byor gyis gsol pa/ bcom ldan 'das de ni ma lag so// bcom ldan 'das
- 252b
kyis bka' stsal pa/ rab 'byor 'di ji snyam du sems/ sems gang 'byung ba dang 'gag pa'i chos can de 'gag par 'gyur ram/ rab 'byor gyis gsol pa/ bcom ldan 'das de ni ma lag so// bcom ldan 'das kyis bka' stsal pa/ rab 'byor 'di ji snyam du sems/ chos gang rang bzhin gyis ngo bo nyid 'gag pa de bzhin du chos de 'gag par 'gyur ram/ rab 'byor gyis gsol pa/ bcom ldan 'das de ni ma lag so// bcom ldan 'das kyis bka' stsal pa/ rab 'byor 'di ji snyam du sems/ chos rnams kyi chos nyid gang yin pa de 'gag par 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ de bzhin du gnas sam/ rab 'byor gyis gsol pa/ bcom ldan 'das de bzhin nyid ji lta ba bzhin du gnas par 'gyur ro// bcom ldan 'das kyis bka' stsal pa/ rab 'byor 'di ji snyam du sems/ gal te de bzhin nyid ji lta ba bzhin du gnas na ni/ ther zug par mi 'gyur ram/ rab 'byor gyis gsol pa/ bcom ldan 'das de ma lags so// bcom ldan 'das kyis bka' stsal pa/ rab 'byor 'di ji snyam du sems/ de bzhin nyid zab bam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ sems de bzhin nyid la sems yod dam med/ rab 'byor gyis gsol pa/
- 253a
bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ sems de bzhin nyid ma yin nam// rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ de bzhin nyid la gud na sems yod dam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ khyod kyis de bzhin nyid yang dag par rjes su mthong ngam/ rab 'byor gyis gsol pa/ bcom ldan 'das de ni ma lag so/ bcom ldan 'das kyis bka' stsal pa/ rab 'byor 'di ji snyam du sems/ gang de ltar spyod pa de zab mo la spyod dam/ rab 'byor gyis gsol pa/ bcom ldan 'das gang de ltar spyod pa ci la yang mi spyod do// de ci'i slad du zhe na/ de la rgyu ba mi 'byung ste/ rgyu ba 'gyur ba ma mchis pa'i slad du'o// bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa spyod/ rab 'byor gyis gsol pa/ bcom ldan 'das don dam pa la spyod do// bcom ldan 'das kyis bka' stsal pa/ rab 'byor 'di ji snyam du sems/ byang chub sems dpa' sems dpa' chen po gang don dam pa la spyod pa ste/ mtshan ma la spyod dam/ rab 'byor gyis gsol pa/ bcom ldan 'das de ni ma lagaso//
- 253b
bcom ldan 'das kyis bka' stsal pa/ rab 'byor 'di ji snyam du sems/ mtshan ma de shin du bsgoms sam/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor 'di ji snyam du sems/ byang chub sems dpa' sems dpa' chen po shes rab kyi pha rol tu phyin pa la spyod pa ji ltar mtshan ma bshig par 'gyur/ rab 'byor gyis gsol pa/ bcom ldan 'das byang chub sems dpa' sems dpa' chen po 'di ltar spyod na/ byang chub sems dpa'i spyad pa spyod pa na/ ji ltar/ ma spong ba thob par 'gyur snyam du mi sbyor ro// gal te thob par 'gyur na ni sangs rgyas kyi chos thams cad ma rdzogs pas na/ nyan thos su 'gyur ro// bcom ldan 'das 'di ltar mtshan ma de'i mtshan nyid gang lags pa'i mtshan ma de yang 'tshal la/ mtshan ma med pa yongs su 'dres par bgyid pa 'di ni byang chub sems dpa' sems dpa' chen po'i thabs la mkhas pa'o// de nas tshe dang ldan pa sha ri'i bus/ tshe dang ldan pa rab 'byor la 'di skad ces smras so// tshe dang ldan pa rab 'byor byang chub sems dpa' sems dpa' chen po gang rnam par thar pa'i sgo stong pa nyid dang / mtshan ma med pa dang / smon pa med pa dang gsum rmi lam du bsgom na/ de'i shes rab kyi pha rol tu phyin pa rnam par 'phel lam/ rab 'byor gyis smras pa/ gal te nyin par bsgom pas rnam par 'phel na ni/ rmi lam du rmis pa yang rnam par 'phel lo// de ci'i phyir zhe na/ tshe dang ldan
- 254a
pa sha ri'i bu rmi lam dang nyin par ni rnam par rtog pa'o// zhes bcom ldan 'das kyis gsungs te/ tshe dang ldan pa sha ri'i bu gal te byang chub sems dpa'/ sems dpa' chen po shes rab kyi pha rol tu phyin pa la spyod de/ de'i phyir shes rab kyi pha rol tu phyin pa la gnas pa'i byang chub sems dpa' sems dpa' chen po rmi lam du yang shes rab kyi pha rol tu phyin pa rgyas par 'gyur te/ sha ri'i bus smras pa/ tshe dang ldan pa rab 'byor skyes pa 'am/ bud med dam/ rigs kyi bu 'am/ rigs kyi bu mo gang rmi lam na yang las byed la/ de la sogs pa 'am/ nye bar sogs par yod dam/ rab 'byor gyis smras pa/ ji ltar bcom ldan 'das chos thams cad rmi lam lta bu'o// zhes gsungs pa ltar na/ las de la sogs pa 'am/ nye bar sogs pa med do// tshe dang ldan pa sha ri'i bu de skyes bu de sad nas/ rnam par rtogs cing gsad par 'du shes bskyed de/ a la la bsad do// legs par gsad do// shin du gsad do// nges par bsad do// snyam du de ltar rtog cing gsod par 'du shes bskyed na ni/ tshe dang ldan pa sha ri'i bu la de la sogs pa 'am/ nye bar sogs par 'gyur ro// sha ri'i bus smras pa/ tshe dang ldan pa rab 'byor gral te rmi lam na srog gcod pa byas la/ sad nas kyang a la la bsad do// legs par bsad do// shin du bsad do// nges par bsad do// snyam du rnam par rtog cing gsod par 'du shes bskyed na/ de bzhin du las de la sogs pa 'am/
- 254b
nye bar sogs par 'gyur ro// rab 'byor gyis smras pa/ tshe dang ldan pa sha ri'i bu de de bzhin te/ dmigs pa med par las mi skye/ dmigs pa med par sems mi skye/ tshe dang / ldan pa sha ri'i bu de lta bas na/ las dmigs pa dang bcas par skye'i/ dmigs pa med par ma yin no// sems ni dmigs pa dang bcas par skye'i dmigs pa med par ma yin no// tshe dang ldan pa sha ri'i bu mthong ba dang / thos pa dang / rtogs pa dang / rnam par rig pa'i chos can rnams la blo 'jug ste/ de blo la la ni kun nas nyon mongs pa yongs su 'dzin/ blo la la ni rnam par byang ba yongs su 'dzin te/ sems dpa' ni dmigs pa dang bcas par skye'i/ dmigs pa med par ma yin no// las ni dmigs pa dang bcas par 'byung gi/ dmigs pa med par ma yin no// sha ri'i bus smras pa/ tshe dang ldan pa rab 'byor 'di ltar dmigs pa thams cad dben no// zhes bcom ldan 'das kyis bka' stsal pa/ tshe dang ldan pa rab 'byor ci'i phyir sems pa dmigs pa dang bcas par skye'i/ dmigs pa med par mi skye/ rab 'byor gyis sbas pa/ tshe dang ldan pa sha ri'i bu sems pa de ni dben pa ste/ mtshan ma yang dben pa'o// de bzhin du ma rig pa'i rkyen gyis 'du byed rnams dang / 'du byed rnams kyi rkyen gyis rnam par shes pa dang / tshe dang ldan pa sha ri'i bu de de bzhin du/ dmigs pa de dag thams cad ni dben pa'o// sems pa yang mtshan mas dben pa ste/ 'jig rten gyi tha snyed la rten nas skye'o// sha ri'i bus smras pa/
- 255a
tshe dang ldan pa rab 'byor byang chub sems dpa' sems dpa' chen po rmi lam na sbyin pa byin par byed cing / sbyin pa de yang bla na med pa yang dag par rdzogs pa'i byang chub tu yongs su bsngo na/ sbyin pa yongs su bsngos pa zhes bya'o// rab 'byor gyis smras pa/ tshe dang ldan pa sha ri'i bu byang chub sems dpa' sems dpa' chen po byams pa 'di sngon du 'dag na/ 'di bar ma chod par bla na med pa yang dag par rdzogs pa'i byang chub tu de bzhin gshegs pas lung bstan te/ don 'di la lus kyi mngon sum du 'gyur ba yin gyi/ 'di la bris shig dang / 'dis don la lan ldon par 'gyur ro// de nas tshe dang ldan pa sha ri'i bus byang chub sems dpa' sems dpa' chen po byams pa la 'di skad ces smras so// gnas rten rab 'byor 'di skad du/ byang chub sems dpa' sems dpa' chen po byams pa la don lan ldon no zhes zer na/ tshe dang ldan pa ma 'phams pa don 'di lan ljon cig/ de nas byang chub sems dpa' sems dpa' chen po byams pas/ tshe dang ldan pa rab 'byor la 'di skad ces smras so// tshe dang ldan pa rab 'byor gang 'di skad du ces byang chub sems dpa' sems dpa' chen po byams pa 'di la lan ldon no zhes zer ba/ tshe dang ldan pa rab 'byor 'di'i ming byams pa zhes bya ba gang yin pa de don lan ldon nam/ 'on te gzugs te lan ldon nam/ tshor ba dang / 'du shes dang / 'du byed rnams dang / rnam par shes pa lan ldon tam/ 'on te kha dog lan ljon tam 'on te dbyibs lan ljon tam/ 'on te
- 255b
gzugs kyi stong pa nyid gang yin pa de lan ldon tam/ tshor ba dang 'du shes dang / 'du byed rnams rnam par shes pa'i stong pa nyid gang yin pa de lan ldon tam/ tshe dang ldan pa rab 'byor gzugs kyi stong pa nyid gang yin pa de ni lan ldon mi nus so// tshe dang ldan pa rab 'byor de bzhin du tshor ba dang / 'du shes dang / 'du byed dang / rnam par shes pa'i stong pa nyid gang yin pa de ni len ldon mi nus so// tshe dang ldan pa rab 'byor chos gang lan ldon par byed pa'i chos de yang dag par rjes su ma mthong ngo // chos gang lan glan par bya ba de yang kho bos yang dag par rjes su ma mthong ngo // chos gang gis lan glan pa de yang kho bos yang dag par rjes su ma mthong ngo // chos gang gis bla na med pa yang dag par rdzogs pa'i byang chub tu lung bston pa de/ chos de yang kho bos yang dag par rjes su ma mthong ngo // de nas tshe dang ldan pa sha ri'i bus tshe dang ldan pa byams pa la 'di skad ces smraso// tshe dang ldan pa byams pa tshig gis bston pa de bzhin du/ khyod kyis chos 'di dag mngon sum du byas sam/ byams pas smras pa/ tshe dang ldan pa sha ri'i bu ji ltar tshig gis ston pa de bzhin du kho bos chos 'di dag mngon sum du ma byas te/ tshe dang ldan pa ji ltar tshig gis brjod pa 'am/ sems kyis bsam pa'i chos de dag kyang kho bos mi shes/ mi dmigs/ yang dag par rjes su ma mthong ngo // yang sha ri'i bu ji ltar lus kyi reg tu mi rung ba dang / tshig gis brjod du mi rung ba dang / yid kyis bsam du mi rung ba de bzhin du chos thams cad
- 256a
ngo bo nyid med pa'i phyir rang bzhin med pa'o// de nas tshe dang ldan pa sha ri'i bu 'di snyam du sems te/ kye ma/ byang chub sems dpa' sems dpa' chen po byams pa 'di shes rab zab ste/ 'di ltar shes rab kyi pha rol tu phyin pa yun ring por spyad pa ltar ston to snyam mo// de nas bcom ldan 'das kyis tshe dang ldan pa sha ri'i bu la bka' stsal pa/ sha ri'i bu khyod ci'i phyir 'di snyam du kye ma byang chub sems dpa' sems dpa' chen po byams pa 'di ni shes rab zab po snyam du sems/ sha ri'i bu khyod chos gang dang ldan pas dgra bcom pa zhes rab tu dbye ba'i chos de yang dag par rjes su mthong ngam/ sha ri'i bus gsol pa/ bcom ldan 'das de ni ma lag so// bcom ldan 'das kyis bka' stsal pa/ sha ri'i bu de de bzhin te/ byang chub sems dpa' sems dpa' chen po shes rab kyi pha rol tu phyin pa la spyod pa ni/ 'di snyam du chos 'di dag bla na med pa yang dag par rdzogs pa'i byang chub tu lung bstan to// chos 'di bla na med pa yang dag par rdzogs pa'i byang chub tu lung ston par/ 'gyur ro// chos 'di bla na med pa yang dag par rdzogs pa'i byang chub tu lung bstan to// chos 'di bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam du mi sems te/ byang chub sems dpa' sems dpa' chen po de ltar spyod na shes rab kyi pha rol tu phyin pa la spyod do// da de spyod pa na mi/
- 256b
skrag mi dngang bar mi bya'o// stobs bskyed pa bsnyed pa'i phyir/ mngon par rdzogs par 'tshang mi rgya bar mi 'gyur snyam du de ltar rnal 'byor du mi byed de/ gal te de ltar/ spyod na shes rab kyi pha rol tu phyin pa la spyod do// gzhan yang sha ri'i bu byang chub sems dpa' sems dpa' chen po/ gcan zan gyi dgon pa'i nang du song na/ mi skrag mi dngang zhing dngang bar mi bya'o// de ci'i phyir zhe na/ 'di ltar des sems can thams cad kyi don du thams cad yongs su gtong ba'i phyir te/ des 'di snyam du bdag cag gcan zan gyis zos nas de dag la sbyin pa de sbyin par gyur cig/ bdag gis sbyin pa'i pha rol tu phyin pa yang yongs su rdzogs par 'gyur ro// bdag bla na med pa yang dag par rdzogs pa'i byang chub tu nye bar 'gyur gyis/ ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der dud 'gro'i skye gnas su song ba'i sems can de dag yod ye mi snang bar 'gyur ba de ltar bya'o// snyam mo// sha ri'i bu byang chub sems dpa' sems dpa' chen po chom rkun gyi dgon pa'i nang du song na/ mi skrag mi dngang bar bya zhing dngang bar mi bya'o// de ci'i phyir zhe na/ byang chub sems dpa' sems dpa' chen po ni bdog pa/ thams cad yongs su gtong ba'i dge ba'i rtsa ba la dga' ba'i phyir te/ byang chub sems dpa' sems dpa' chen pos lus rab tu bor zhing / yo byed dang tshogs
- 257a
bcas yongs su btang bar bya'o// de nas 'di snyam du gal te bdag gi yo byad dang / tshogs bcas 'phrogs na de dag sbyin pa de byin par gyur cig gal te bdag gi srog bcod na ni/ bdag gis de la zhes sdang ngam khro ba bskyed par mi bya'o// de dag la bdag gis lus dang ngag dang yid kyis nye bar mi bya'o// de ltar na de'i tshe bdag gis sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa yongs su rdzogs par 'gyur ro// bdag bla na med pa yang dag par rdzogs pa'i byang chub tu nye bar 'gyur ro// ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing khams der chom rkun gyi dgon pa thams cad du mi snang bar 'gyur ba'i de ltar bya'o// de ltar sgrub po// ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyis zhing der nyes pa de dag dang / gzhan dag kyang thams cad kyi thams cad rnam pa thams cad du mi 'byung zhing mi snang ba de ltar sangs rgyas kyi zhing yongs su dag par bya ba'i phyir 'bad do snyam du sems bskyed par bya'o// sha ri'i bu byang chub sems dpa' sems dpa' chen po'i chu'i dgon par gyur pa'i nang du song na/ mi skrag mi dngang bar bya zhing / dngang par mi bya'o// de ci'i phyir zhe na/ byang chub sems dpa' sems
- 257b
dpa' chen po shin du mi skrag cing / shin du mi dngang ba'i chos can yin pa'i phyir te/ des 'di snyam du bdag gis sems can thams cad kyi sred pa thams cad gcad pa'i phyir slab par bya ba'i byang chub sems dpa' sems dpa' chen pos mi skrag mi dngang zhing / dngang par mi bya'o// gal te bdag bsgom pas 'chi ba'i dus byed par gyur na yang sems can de dag la ske ma sems can 'di dag ni bsod nams chung ba ste/ 'di ltar 'jig rten 'di na chus dgon par gyur pa 'di lta bu dag snang ngo zhes snying rje chen po bskyed do// bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing de na chus dgon par gyur pa de dag thams cad kyi rnam pa thams cad du ma snang ba de ltar bdag gis bsgrub po// ci nas sems can thams cad yan lags brgyad dang ldan pa'i chu rnyed par 'gyur ba de ltar bsod nams la sbyor du bzod do// ci nas de'i tshe/ bdag gis bsod nams yongs su rdzogs par 'gyur ba de ltar sems can thams cad kyi phyir brtson 'grus brtan par brtsom mo// snyam du sems bskyed par bya'o// gzhan yang sha ri'i bu byang chub sems dpa' sems dpa' chen po bkres pa'i dgon pa'i nang du song na/ mi skrag mi da ngang bar mi bya ste/ des 'di ltar go cha bgo bar bya'o// ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der bkres pa'i dgon pa 'di lta bu dag thams cad kyi thams cad mi
- 258a
'byung zhing mi snang ba dang / sems can de dag thams cad skyid par 'gyur ba dang / bde ba dang ldan pa dang / bde ba thams cad dang phrad par gyur te/ de ltar brtson 'grus brtan par bskum/ de ltar bdag gis sangs rgyas kyi zhing yongs su sbyang ngo // ci nas sems can de dag gi bsam pa gang yin pa dang / ci dang ci 'dod pa yid kyis bsam pa de dag de la 'grub par 'gyur ba 'di lta ste/ dper na sum bcu rtsa gsum pa'i lha rnams kyis bsams pa rtsam gyis/ thams cad 'byung bar 'gyur ba de bzhin du bya'o// ci nas sems can de dag gi chos kyi bsam pa yongs su rdzogs par 'gyur ba dang / sems can thams cad mtsho ba'i yo byed thams cad du rnam pa thams cad ma tshang bar mi 'gyur ba de ltar brtson 'grus bstan par bya'o snyam da go cha bgo bar bya'o// gzhan yang sha ri'i bu byang chub sems dpa' sems dpa' chen po nad kyis dgon par gyur pa'i nang du song na/ mi skrag mi dngang bar bya zhing dngang bar mi bya/ des de ltar nye bar brtag par bya/ bsam par bya/ gzhal bar bya ste/ 'di ltar chos gang yang na bar byed pa'ang med/ chos gang yang na bar 'gyur ba'ang med do zhes de ltar stong pa nyid du rtag par bya ste/ mi skrag mi dngang zhing dngang bar mi bya ste/ sha ri'i bu byang chub sems dpa' sems dpa' chen pos sems 'di ltar bskyed par bya ste/ yun ring po zhig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro//
- 258b
zhes mi skrag mi dngang bar bya zhing / dngang bar mi bya/ de ci'i phyir zhe na/ sems kyi skad cig pa gang yin pa de tsam zhes bya ba 'di ni sngon gyi mtha' ste/ 'di ltar mtha' med pa'o// sha ri'i bu byang chub sems dpa' sems dpa' chen po des sngon gyi mtha' ni rgyang chad do// sngon gyi mtha' ni ring ngo // sngon gyi mtha' ni sems kyi skad cig pa gcig dang ldan pa ste/ 'di lta ste/ mtha' med pa'o snyam du bka'i 'du shes bskyed par bya'o// sha ri'i bu de ltar byang chub sems dpa' sems dpa' chen pos yun ring po zhig gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes mi skrag mi dngang bar bya zhing dngang bar mi bya'o// sha ri'i bu byang chub sems dpa' sems dpa' chen po gang 'jig pa mi zad pa 'di dag dang mthong zhing thos pa dang / rtogs pa dang / rnam par rig pa dag la mi skrag mi dngang bar mi 'gyur na/ sha ri'i bu rigs kyi bu 'am/ rigs kyi bu mo de bla na med pa yang dag par rdzogs pa'i byang chub mngon par rdzogs par 'tshang rgya ba'i skal pa yod par rig par bya'o// sha ri'i bu de ltar byang chub sems dpa sems dpa' chen pos go cha bgos nas ci nas bdag bla na med pa yang dag par rdzogs pa'i byang chub mngon par rdzogs par sangs rgyas pa'i sangs rgyas kyi zhing der sems can thams cad kyi nad thams cad rnam pa thams cad du mi 'byung ba dang / mi snang bar 'gyur ba de ltar bya'o// ci nas sems can de dag de bzhin gshegs pa'i chos smra
- 259a
@bar 'gyur ba de ltar bya'o// de nas 'khor der gang gi lha mo zhes bya ba bud med cig 'dus par 'gyur te/ 'dug pa de stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag ni gnas 'di la mi skrag mi dngang zhing dngang bar mi bgyid de/ mi skrag mi dngang bar sems can thams cad la chos bstan par bgyi'o// de nas de'i tshe bcom ldan 'das kyi 'dzum pa mdzad de/ gser gyi kha dog lta bu mdzad do// 'od des stong gsum gyi stong chen po'i 'jig rten gyi khams mtha' yas mu med pa khyab par byas nas/ tshangs pa'i 'jig rten gyi bar du mngon par byang ste/ slar log nas bcom ldan 'das la lan gsum bskor ba byas nas/ bcom ldan 'das kyis dbu'i sdug tu mi snang bar gyur te/ bcom ldan 'das kyis 'dzum pa mdzad ma thag tu bud med des gser gyi me tog dag blangs te/ bcom ldan 'das la mngon par gtor to// de nas me tog de dag chags pa med par bar snang gi namakha' la 'dug par gyur to// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa'i lha nga sa la gtsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di
- 259b
'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni rgyu ma mchis/ rkyen ma mchis par ni 'dzum par mi mdzad na/ bcom ldan 'das 'dzum pa mdzad pa 'di'i rgya gang lags/ rkyen gang lags/ de skad ces gsol pa dang / bcom ldan 'das kyis tshe dang ldan pa kun dga' po la 'di skad ces bka' stsal to// kan dga' bo srid mo gang ga'i lha mo 'di ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas ston pa gser gyi me tog ces bya ba 'jig rten du 'byung bar 'gyur te/ skal pa skar ma lta bu la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// kun dga' bo sring mo gang ga'i lha mo 'di ni bud med kyi lus rjes te/ skyes pa'i lus thob nas/ 'di nas shi 'phos nas de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas kyi zhing mngon par dga' ba'i 'jig rten gyi khams su skyes par 'gyur ro// der skyes nas kyang de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drung na tshangs par spyad pa spyod par 'gyur ro// de nas shis 'phos nas de bzhin gshegs pa dag dang ma bral bar sangs rgyas kyi zhing nas sangs rgyas kyi zhing du 'gro bar 'gyur/ de nas kyang gang na sangs rgyas bcom ldan 'das rnams
- 260a
dang ma bral ba'i sangs rgyas kyi zhing nas sangs rgyas kyi zhing du 'gro ste/ de dang de dag tu 'gro bar 'gyur ro// kun dga' bo 'di lta ste dper na/ 'khor los sgyur ba'i rgyal po khang bzangs nas khang bzangs su 'gro ba de ji srid mtsho'i bar du rkang pa'i 'thil sa la ma reg par 'gro ste/ 'chi ka'i bar du yang rkang pa'i 'thil sa la ma reg par 'chi ba'i dus byed pa bzhin du/ kun dga' bo sring mo gang ga'i lha mo 'di yang sangs rgyas kyi zhing nas sangs rgyas kyi zhing du 'gro ste/ der yang sangs rgyas bcom ldan 'das rnams dang mi 'bral zhing / bla na med pa yang dag par rdzogs pa'i byang chub kyi bar du mngon par rdzogs par 'tshang brgya par 'gyur ro// de nas tshe dang ldan pa kun dga' bo 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i drang na/ byang chub sems dpa' sems dpa' chen po 'khor ba de dag ni de bzhin gshegs pa 'dus par rigs par bya snyam mo// de nas bcom ldan 'das kyis tshe dang ldan pa kun dga' bo'i sems kyi rtog pa thugs kyi mkhyen nas/ tshe dang ldan pa kun dga' bo la 'di skad ces bka' stsal to// kun dga' bo de de bzhin no// de de bzhin te/ byang chub sems dpa' sems dpa' chen po de dag gi 'dam las rgal ba yin te/ de bzhin gshegs pa dgra bcom pa yang dag par rdzogs pa'i sangs rgyas kyi zhing na tshangs par spyad pa spyod do// byang chub sems dpa' sems dpa' chen po de dag gi byang chub
- 260b
yongs su 'grub pa la nye bar 'gro bar rig par bya'o// kun dga' bo de bzhin gshegs pa dgra bcom pa yang dag par rdzogs pa'i sangs rgyas gser gyi me tog de'i nyan thos kyi dge 'dun gyi ni tshad yod par mi 'gyur ro// de ci'i phyir zhe na/ kun dga' bo nyan thos kyang de snyed yongs su mya ngan las 'da' bar gyur ta re/ gzhan du na grangs med pa zhes bya ba'i grangs su 'gro'o// kun dga' bo de'i tshe de'i dus na/ sangs rgyas kyi zhing der gcan zan gyi dgon pa mi 'byung / chom rkun gyis dgon pa mi 'byung / nad kyi dgon pa mi 'byung / chu'i dgon pa mi 'byung / mu ge'i dgon pa mi 'byung ste/ kun dga' bo ma lags par gyur pa de lta bu dang / gzhan dag kyang sangs rgyas kyi zhing der tham cad kyi thams cad rnam pa thams cad du mi 'byung zhing mi snang bar 'gyur ro// kan dga' bo de bzhin gshegs pa dgra bcom pa yang dag par rdzogs pa'i sangs rgyas gser gyi me tog bla na med pa yang dag par rdzogs pa'i byang chub mngon par rdzogs par sangs rgyas pa na/ 'jigs shing skrag pa'i dgon pa 'di lta bu dag de'i tshe/ thams cad kyi thams cad rnam pa thams cad du mi 'byung zhing mi snang bar gyur to// de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das sring mo gang gi lha mo 'dis de bzhin gshegs pa gang las dang po bla na med pa yang dag par rdzogs pa'i byang chub tu sems bskyed pa'i dge
- 261a
ba'i rtsa ba skrun/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo sring mo gang gi lha mo 'di ni de bzhin gshegs pa dgra bcom pa yang dag par rdzogs pa'i sangs rgyas mar med mdzad kyi drung du bla na med pa yang dag par rdzogs pa'i byang chub tu dang po sems bskyed pa'i dge ba'i rtsa ba bskyed de/ de bla na med pa yang dag par rdzogs pa'i byang chub 'dod pa'i phyir/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad la gser gyis me tog gtor te/ gang gi tshengs mar me mdzad de bzhin gshegs pa dgra bcom pa yang dag par rdzogs pa'i sangs rgyas la ud pa la lngas gtor te/ ngas mi skye ba'i chos la bzod pa thob ste/ de nas de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi nga la bram ze'i khye'u khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das shAkya thub pa zhes bya bar 'gyur ro// zhes bla na med pa yang dag par rdzog pa'i byang chub tu lung bstan pa de bzhin du/ lung bstan kyang ci ma rung snyam du sems skyes so// kun dga' bo de ltar sring mo 'dis de bzhin gshegs pa dgra bcom pa yang dag
- 261b
par rdzogs pa'i sangs rgyas mar me mdzad kyi drung du bla na med pa yang dag par rdzogs pa'i byang chub tu/ dang po sems bskyed pa'i dge ba'i rtsa ba bskyed do// de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to// bcom ldan 'das kyis sring mo gang ga'i lha mo 'di ni bla na med pa yang dag par rdzogs pa'i byang chub tu yongs su spang ba bgyis shig mthar phyin pa lag so// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo sring mo gang ga'i lha mo 'di ni khyod zer ba bzhin du bla na med pa yang dag par rdzogs pa'i byang chub tu yongs su sbyangs pa byas shing mthar phyin pa yin no// shes rab kyi pha rol tu phyin pa brgyad stong pa las/ gang gi'i lha mo'i le'u ste bcu dgu pa'o// / / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po shes rab kyi pha rol tu phyin pas/ ji ltar stong pa nyid la yongs su 'gris par bgyi/ ji ltar stong pa nyid kyi ting nge 'dzin la snyoms par 'jug par bgyi'o// bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po// shes rab kyi pha rol tu phyin pa la spyod pas/ gzugs stong par brtag par bya ste/
- 262a
tshor ba dang / 'du shes dang 'du byed rnams dang / rnam par shes pa la yang stong pa nyid du brtag par bya'o// ji ltar brtags pas gzugs so zhes chos nyid du yang dag par rjes su ma mthong ba de ltar mi g.yeng ba'i sems kyis rgyud kyis rtag par bya ste/ chos nyid de yang dag par mi mthong bas/ yang dag pa'i mtha' mngon sum du ma byed do// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das kyis gang 'di skad du byang chub sems dpa' sems dpa' chen pos stong pa nyid mngon sum du mi bya'o zhes gsungs na/ bcom ldan 'das byang chub sems dpa' sems dpa' chen po ting nge 'dzin de la gnas na ji ltar stong pa nyid la mngon sum mi bgyid/ bcom ldan 'das kyis bka' stsal pa/ rab 'byor ji ltar byang chub sems dpa' sems dpa' chen po rnam pa thams cad kyi mchog dang ldan pa'i stong pa nyid la rtog mod kyi mngon sum du bya'o// snyam du mi rtog go// yongs su 'bris par bya'o// snyam du mi rtog go/ mngon sum du bya ba'i dus 'di ma yin no// skam du mi rtog go// yongs su 'bris par bya ba'i dus 'di'o snyam du mi rtog go// mngon sum du bya ba'i dus ni ma yin no snyam du rtog cing dmigs pa la mnyam par bzhag pa'i sems nye bar 'dogs te/ shes rab kyi pha rol tu phyin pa yang bdag gis yongs su zin par 'gyur ro// zhes skabs der/
- 262b
byang chub sems dpa' sems dpa' chen po// byang chub kyi phyogs kyi chos rnams las nyams par mi 'gyur zhing / zag pa zad par mi 'gyur te/ 'di la'ang yongs su 'bris par byed do// gang gi tshe byang chub sems dpa' sems dpa' chen po rnam par thar pa'i sgo stong pa nyid kyi ting nge 'dzin la gnas pa de'i tshe/ byang chub sems dpa' sems dpa' chen po'i mtshan ma med pa'i ting nge 'dzin pa la gnas par bya ste/ mtshan ma med pa mngon sum du mi byed do// de ci'i phyir zhe na/ de ltar dge ba'i rtsa ba yongs su bskyed pa dang ldan pa'i byang chub sems dpa' sems dpa' chen po 'di ni yongs su smin par bya ba'i dus kyi mngon sum du bya ba'i dus ma yin no snyam ste/ shes rab kyi pha rol tu phyin pas kyang yongs su zin la/ yang dag pa'i mtha' yang mngon sum du mi byed do// rab 'byor 'di lta ste dper na/ skyes bu la la zhig rab tu dpa' zhing shin du rtsal che la brtan zhing mi 'gyur/ gzugs bzang zhing mdzes pa lta na sdug pa/ yon tan mang zhing yon tan mchog dang ldan pa/ tshul khrims mchog dang ldan pa/ yid bzhengs pa/ smra nus pa/ lan ldon nus pa/ spobs pa phun sum tshogs pa/ nan tan phun sum tshogs pa/ yul shes pa/ gnas shes pa/ 'phong skyen pa'i mthar phyin pa/ mtshon dang / mtshon cha dang go cha sra ba mang ba/ sgyu rtsal thams cad la rab tu mkhas pa/ shin tu yongs su rdzogs pas/
- 263a
@gzo'i gnas thams cad shin du mthar phyin pa/ dran pa dang ldan pa/ blo gros dang ldan pa/ rtogs pa dang ldan pa/ mos pa dang ldan pa/ tshul khrims dang ldan pa/ bstan chos thams cad la 'jigs pa med pa/ mdza' bshes dang ldan pa/ nor dang ldan pa/ dpung dang ldan pa/ yan lag ma tshang ba med pa/ dbang po yongs su tshang ga/ yo byad thams cad phun sum tshogs pas/ 'khor phun sum tshogs pa/ skye bo mang po la phan shin yid du 'ong ba/ zhig yod la/ de dgon pa ci dang ci brtsom pa de dang de dag thams cad las sgrol nas shing rigs pas spyod la/ de thams cad du yang rnyed pa che ste/ de rnyed pa chen po dang ldan pas/ skye bo mang po la yang 'ged par byed pa bskur bstir bya ba la bskur bstir byed/ bla mar bya ba bla mar byed/ mchod par bya ba la mchod par byed na/ rab 'byor 'di ji snyam du sems/ skye bu de gzhi de las dga' ba dang / mgu ba dang / rangs pa dang / yid bde ba cher skye 'am/ rab 'byor gyis gsol pa/ bcom ldan 'das de lta ma lagaso// bde bar gsheg pa de lta lagaso// bcom ldan 'das kyis bka' stsal pa/ rab 'byor skyes bu de phun sum tshogs pa chen po dang ldan pa nas pha ma dang / bu dang bu mo rnams khrid de/ don dang 'du 'phrod dag cig dang 'jal nas/ 'brog dgon pa chen po 'jigs pa chen po// byis pa rnams la sdig mor rung ba spu zing zhes byed par zhugs par
- 263b
gyur la/ de der phyin nas/ pha ma dang / bu dang bu mo chung ma dag la/ kho bos khyod 'brog dgon pa mi bzad pa chen po 'di nas nye zho med cing bde bar myur du bsgral/ te/ myur du thar par yis ma 'jigs shig/ ma 'jigs shig ces mi 'jigs pa stabs la/ rab 'byor 'brog dgon pa de ni skyes bu de dgra mang po dang rgol ba mang po zhig 'byung ba ni/ de la rab 'byor ji snyam du sems/ dgra phyir rgol ba de dag nye bar gnas pas skyes bu dpa'o phyir mi ldog pa/ shes rab dang ldan pa/ shin du mdza' ba/ chu gang yang yod cing brtan pa/ tshogs chen po dang ldan pa dang / pha ma dang bu dang chung ma de dag bor te/ 'brog dgon pa 'jigs pa chen po mi bzad pa ste las bdag gcig pu byung ste/ 'gro bar sems sam/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ bcom ldan 'das 'di ltar skyes bu de'i pha ma dang / bu dang chung ma yongs su mi mdor te/ de'i slad du nang gi tshogs kyi dpung dang yang ldan la/ 'brog dgon pa de na dgra phyir rgol ba gzhan de bas mang ba/ ches dpa' ba/ go mtshon ches sra ba/ ches brlabs che ba dag mchis pa bsrung bas na/ de'i slad du de'i dgra phyir rgol ba klan ka tshol ba/ glags lta ba/ glags tshor ba dag gis glags mi rnyed de/ bcom ldan 'das de'i slad du skyes bu mthu dang ldan pa de ma smas ma snad par pha ma dang bu dang chung ma dang / bdag nyid kyang 'brog
- 264a
dgon pa 'jigs pa chen po mi bzad pa nas 'byung nus te/ bde bar grong khyer ram/ grong rdal du phyin par 'gyur ro// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de bzhin du byang chub sems dpa' sems dpa' chen po dman pa la snying brtse ba/ byams pa la gnas pa/ snying rje gnas pa/ dga' ba la gnas pa/ btang snyoms la gnas pa/ thabs mkhas pa dang / shes rab kyi pha rol tu phyin pas yongs su gzung bas kyang dge ba'i rtsa ba rnams/ sangs rgyas kyis gnas pa yongs su bsngos nas/ rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin la 'jug cing 'di lta ste/ nyan thos kyi sa 'am/ rang sangs rgyas kyi sa la yang dag pa'i mtha' mngon du mi byed do// de ci'i phyir zhe na/ 'di ltar shes rab kyi pha rol tu phyin pa dang / thabs mkhas pas de'i yongs su 'dzin pa/ stobs dang ldan pa'i mchog/ brtan pa'i mchog yin te/ de'i phyir des sems can thams cad yongs su mi gtong bas/ de'i phyir dge zhing bla na med pa yang dag par rdzogs pa'i byang chub mngon par rdzogs par 'tshang rgya bar nus so// gang gis tshe byang chub sems dpa' sems dpa' chen po sems can thams cad la byams pa'i sems dmigs par byed cing / dmigs par byas nas/ byams pa'i
- 264b
mchog de nye bar 'dogs pa de'i tshe/ byang chub sems dpa' nyon mongs pa'i phyogs dang / bdud kyi phyogs las shin du 'das/ nyan thos dang / rang sangs rgyas kyi sa las shin du 'das nas/ de ting nge 'dzin de la gnas so// rab 'byor zag pa ma thob kyang pha rol tu phyin pa'i mchog stong pa nyid la yongs su 'bris par byed do// gang gi tshe byang chub sems dpa' sems dpa' chen po rnam par thar pa'i sgo stong pa nyid kyis ting nge 'dzin de la gnas pa'i tshe/ byang chub sems dpa' sems dpa' chen po de'i mtshan ma med pa'i ting nge 'dzin de la gnas te de mtshan ma med pa'i ting nge 'dzin la mngon sum du byas pa ma yin no// rab 'byor 'di lta ste dper na/ bya 'dab ma can na mkha' bar snang la rgyu yang sa la mi ltung zhing gnas ci la yang mi rten par 'dug te/ na mkha' bar snang la gnas kyang / de yang mi rten mi gnas pas de bzhin da// rab 'byor byang chub sems dpa' sems dpa'achen po de stong pa nyid la gnas pas gnas shing / stong pa nyid yongasu 'dris par yang byed do// mtshan ma med pa la gnas pas gnas shing / mtshan ma med pa la yongs su 'dris par byed do// smon pa med pa la gnas pas gnas shing / smon pa med pa la yongs su 'dris par byed do// sangs rgyas kyi chos rnams yongs su rdzogs par stong pa nyid dang / mtshan ma med pa dang / smon pa med par yang mi ldang ngo rab 'byor 'di lta ste dper na
- 265a
'phongs kyi slob dpon stobs dang ldan pa 'phongs spangs pa/ shin du mthar phyin pa des/ mda' steng du 'phangs te/ 'phangs nas de mda' de gzhan dag gis slar bzlog nas/ mda' de sa la mi lhung bar 'dzin te/ mda' snga ma la mda' phyi ma rgyud la 'phangs pas sa la ljang du mi ste/ kye ma mda' de sa la lhung yang sla snyam du 'dod pa ma byung ba de srid dus la mi ltung ba de bzhin du rab 'byor byang chub sems dpa' sems dpa' chen po shes rab kyi pha rol tu phyin pa la spyod pa thabs mkhas pas yongs su bzung ba yang ji tsam du bla na med pa yang dag par rdzogs pa'i byang chub tu dge ba'i rtsa ba de dag yongs su smin par ma gyur gyi bar du yang dag pa'i mtha' dam pa de mngon sum du ni mi byed do// nam bla na med pa yang dag par rdzogs pa'i byang chub tu dge ba'i rtsa ba de dag shin du yongs su smin par 'gyur ba de'i tshe yang dag pa'i mtha' mngon sum du mi byed do// rab 'byor de lta bas na/ byang chub sems dpa' sems dpa' chen po shes rab kyi pha rol tu phyin pa la spyod pas/ de ltar chos zab mo de dag gi chos nyid so sor rtogs shing bsam par bya ste/ mngon sum du mi byed do// / bam po bcwo brgyad pa'o// / de skad ces bka' stsal pa dang / tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po gang stong pa
- 265b
nyid la spyod cing / stong pa nyid la gnas te/ stong pa nyid kyi ting nge 'dzin la mnyam par bzhog cing / yang dag pa'i mtha' yang mngon sum du mi bgyid pa ni dka' ba gyid pa lags so// byang chub sems dpa' sems dpa' chen po 'di ni shin du dka' ba bgyid pa lagaso// bcom ldan 'das ngo mtshar te/ bde bar gshegs pa ngo mtshar to// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ byang chub sems dpa' sems dpa' chen po stong pa nyid la spyod cing / stong pa nyid la mi gnas te/ stong pa nyid kyi ting nge 'dzin la mnyam par 'jog cing yang dag pa'i mtha' mngon sum du mi byed pa/ bka' ba byed pa yin no// byang chub sems dpa' sems dpa' chen po de ni shin du dka' ba byed pa yin no// de ci'i phyir zhe na/ 'di ltar byang chub sems dpa' sems dpa' chen pos sems can thams cad yongs su ma btang zhing de'i smon lam gyi bye brag 'di lta bur 'gyur te/ gang gi tshe byang chub sems dpa' sems dpa' chen po 'di ltar sems can thams cad bdag gis yongs su ma btang ngo // bdag gis 'di dag thams cad yongs su thar par bya'o zhes sems mngon par bsgrub cing / rnam par thar pa'i sgo stong pa nyid kyi ting nge 'dzin mngon par bsgrub pa dang / rnam par thar pa'i sgo mtshan ma med pa'i ting nge 'dzin mngon par sgrub pa dang / rnam par thar pa'i
- 266a
sgo smon pa med pa'i ting nge 'dzin de mngon par bsgrub pa'i byang chub sems dpa' sems dpa' chen po 'di ni thabs mkhas pa dang ldan par rig par/ bya ste de ni bar ma dor yang dag pa'i mtha' mngon sum du mi byed do// de ci'i phyir zhe na/ 'di ltar gang des sems can thams cad yongs su mi gtang bar sems bskyed pa de thabs mkhas pa de bsrung bar byed de/ de ltar sems bskyed pa de dang / thabs mkhas pa dang ldan par bar ma dor yang dag pa'i mtha' mngon sum du byed do// gzhan yang rab 'byor byang chub sems dpa' sems dpa' chen po zab mo'i gnas 'di dag 'di lta ste/ rnam par thar pa'i sgo stong pa nyid kyi ting nge 'dzin dang / rnam par thar pa nyid kyi ting nge 'dzin dang / rnam par thar pa'i sgo smon pa med pa'i ting nge 'dzin dang / rnam par thar pa'i sgo mtshan ma med pa'i ting nge 'dzin la so sor rtog pa 'am/ so sor rtog par 'dod na/ des 'di ltar sems mngon par bsgrub par bya ste/ de sems can 'di dag ni yun ring por sems can du 'du shes pas dmigs pa la spyod do// bla na med pa yang dag par rdzogs pa'i byang chub mngon par rdzogs par sangs rgyas nas/ dmigs pa'i lta ba spang ba'i phyir/ sems can de dag la chos brtan to// snyam nas bsams bzhin du rnam par thar pa'i sgo stong pa nyid kyi ting nge 'dzin la snyoms par 'jug cing / yang dag pa'i mtha' yang mngon sum du mi byed do// rnam
- 266b
par thar pa'i sgo mtshan pa med pa'i ting nge 'dzin la mnyam par gzhog cing / yang dag pa'i mtha' mngon sum du mi byed do// rnam par thar pa'i sgo smon pa med pa'i ting nge 'dzin la mngon par 'jog cing / yang dag pa'i mtha' yang mngon sum du mi byed do// de ltar byang chub sems dpa' sems dpa' chen po sems bskyed pa dang / thabs la mkhas pas 'di ltar na/ bar ma dor yang dag pa'i mtha' mngon sum du mi byed cing / byams pa'i ting nge 'dzin las nyams par mi 'gyur/ snying rje las kyang ma yin/ dga' ba las kyang ma yin/ btang snyoms kyi ting nge 'dzin las kyang yongs su nyams par mi 'gyur ro// de ci'i phyir zhe na/ thabs mkhas pas yongs su bzung bas/ byang chub sems dpa' sems dpa' chen po chos dkar po dag gis rgya cher rnam par 'phel te/ de'i dbang po yang shin du rno bar 'gyur/ stobs dang byang chub kyi yan lag rnams kyang thob par 'gyur ro// gzhan yang rab 'byor byang chub sems dpa' sems dpa' chen po 'di snyam du sems te/ sems can 'di dag ni yun ring por mtshan ma'i 'du shes kyis mtshan ma la spyod de/ bla na med pa yang dag par rdzogs pa'i byang chub mngon par rdzogs par sangs rgyas nas/ de dag la mtshan ma spangs pa'i phyir chos bstan to snyam ste/ sems can thams cad kyi phyir rnam par thar pa'i sgo mtshan ma med pa'i ting nge
- 267a
'dzin la mnyam par 'jog go// de sems bskyed pa de dang / thabs mkhas pa snga ma des dang ldan pas/ rnam par thar pa'i sgo mtshan ma/ med pa'i ting nge 'dzin la snyom par 'jog cing yang dag pa'i mtha' yang mngon sum du mi byed la/ byams pa dang / snying rje dang / dga' ba dang / gtang snyoms dang / ting nge 'dzin thams cad las yong su nyams par mi 'gyur ro// de ci'i phyir zhe na/ thabs mkhas pas yongs su gzung ba'i phyir te/ byang chub sems dpa' sems dpa' chen po dkar po dag gis rgya cher rnam par 'phel te/ de'i dbang po yang shin du rno bar 'gyur/ stobs dang byang chub kyi yan lag kyang thob par 'gyur ro// gzhan yang rab 'byor byang chub sems dpa' sems dpa' chen po 'di snyam du sems te/ sems can 'di dag ni rtag par 'du shes pa dang / bde bar 'du shes pa dang / bdag tu 'du shes pa dang / sdug par 'du shes pas phyin ci log pa ste/ ci nas bla na med pa yang dag par rdzogs pa'i byang chub tu mngon par rdzogs par sangs rgyas nas rtag par 'du shes pa dang / bde bar 'du shes pa dang / bdag tu 'du shes pa dang / sdug par 'du shes pas phyin ci log tu gyur pa spang ba'i phyir/ 'di dag thams cad ni mi rtag pa ste/ 'di ni rtag par yang ma yin no// 'di thams cad ni sdug bsngal ba ste/ 'di ni bde ba ma yin no// 'di thams/
- 267b
cad ni bdag med pa ste/ 'di ni bdag dang bcas pa ma yin no// 'di thams cad mi sdug pa yin te/ 'di ni sdug pa ma yin no// zhes chos snyan par 'gyur/ ba de ltar bya'o// de sems bskyed pa de dang ldan zhing / thabs mkhas pa snga ma dang / shes rab kyi pha rol tu phyin pas yongs su bzung bas/ sangs rgyas kyi chos rnams yongs su ma rdzogs par/ bar ma dor yang dag pa'i mtha' mngon sum du mi byed do// de bzhin du rnam par thar pa'i sgo smon pa med pa'i ting nge 'dzin rdzogs par byas te/ gnas shing yang dag pa'i mtha' mngon par 'du mi byed/ byams pa dang / snying rje dang / dga' ba dang / btang snyoms dang yongs su nyams par mi 'gyur ro// de ci'i phyir zhe na/ thabs mkhas pas yongs su zin pa'i phyir te/ byang chub sems dpa' sems dpa' chen pos chos dkar po dag gis rgya cher 'phel/ te/ de'i dbang po yang shin du rno bar 'gyur/ stobs dang byang chub kyi yan lag rnams kyang thob par 'gyur ro// rab 'byor byang chub sems dpa' sems dpa' chen po gang sems bskyed pa 'di bskyed de/ 'di ltar sems can thams cad ni ring por dmigs pa la spyod cing / da ltar yang dmigs pa la spyod/ ril por 'du shes pa la spyod cing / de ltar yang ril por 'du shes pa la spyod/ yang dag par ma yin pa'i 'du shes la spyod cing / da ltar yang dag pa ma yin pa'i 'du shes la spyod/ log par lta
- 268a
ba la spyod cing / da ltar yang log par lta ba la spyod do// de dag nyes pa'i de dag thams cad kyi thams cad rnam pa thams cad du mi 'byung zhing mi snang ba 'di ltar bya'o// zhes de ltar sems can thams cad la sems te/ byang chub sems dpa' sems dpa' chen po dran pas sems pa de lta bu dang / sems bskyed pa de lta dang ldan zhing thabs mkhas pa dang ldan/ shes rab kyi pha rol tu phyin pas yongs su bzung bas/ chos 'di dag gis chos nyid zab mo la 'di ltar stong pa nyid dam/ mtshan ma med pa 'am smon pa med pa 'am/ mngon par 'du mi byed pa 'am/ mi 'byung ba 'am/ mi skye ba 'am/ dngos po med par so sor rtogs go// rab 'byor byang chub sems dpa' sems dpa' chen po gang de lta bur shes pa'i chos dang ldan pa ni/ mngon par 'du mi byed par ltung ba 'am/ khams gsum pa dang lhan cig gnas par 'gyur ba ni gnas ma yin zhing go skabs med do// byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ byang chub sems dpa' sems dpa' chen po la 'di ltar dri bar bya ste/ byang chub sems dpa' sems dpa' chen po gang sems mngon par bsgrub pas stong pa nyid mngon par 'du mi byed pa dang / mtshan ma med pa mngon sum du mi byed pa dang / smon pa med pa mngon sum du mi byed pa dang / mngon par 'du mi byed pa mngon sum
- 268b
du mi byed pa dang / 'byung ba med pa mngon sum du mi byed pa dang / skye ba med pa mngon du mi byed pa dang / dngos po med pa yang mngon sum du mi byed pa dang / shes rab kyi pha rol tu phyin pa yang bsgom par bya na/ sems ji lta bur mngon par bya/ chos gang dag la yang ngas yongasasu bsgrub par bya zhes gal te/ byang chub sems dpa' sems dpa' chen po de skad bris nas/ 'di skad du byang chub sems dpa' sems dpa' chen pos stong pa nyid la bya'o// mtshan ma med pa dang / smon pa med pa dang / mngon par 'du mi byed pa dang / mi 'byung ba dang / mi skye ba dang / dngos po med pa nyid byang chub sems dpa' sems dpa' chen pos yid la bya'o zhes lung bston cing / gal te sems can thams cad yongs su mi btang ba'i sems de mi ston tam/ thabs mkhas pas lung mi ston na/ rab 'byor byang chub sems dpa' sems dpa' chen po 'di sngon gyi de bzhin gsheg pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub las phyir mi ldog pa nyid du lung ma bstan par rig par bya'o// de ci'i phyir zhe na/ phyir mi ldog pa'i byang chub sems dpa' sems dpa' chen po ma 'dres pa'i chos de mi ston/ rab tu mi byed/ rab tu mi 'bog/ rab tu mi shes/ dris kyang lung mi ston/ lan mi ldon cing phyir mi ldog pa'i byang chub sems dpa' sems dpa' chen po na sa gang yin pa de mi gnod pa'i phyir ro// rab 'byor gyis gsol pa
- 269a
bcom ldan 'das byang chub sems dpa' sems dpa' chen po rnam grangs gang gis phyir mi ldog par 'gyur ba'i rnam grangs mchis sam/ bcom ldan 'das kyis bka' stsal pa/ rab 'byor rnam grangs gang gi phyir mi ldog par 'gyur ba'i rnam grangs yod de/ gal te byang chub sems dpa' sems dpa' chen pos shes rab kyi pha rol tu phyin pa 'di thos kyang rung / ma thos kyang rung ste/ de ltar shes shing lan ldon na/ phyir mi ldog par byang chub sems dpa' sems dpa' chen por rig par bya'o// rab 'byor gyis gsol pa/ bcom ldan 'das ci'i slad du byang chub tu spyod pa mang yang de ltar lan ldon pa nyung ngo // bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po gang phyir mi ldog pa'i ye shes kyi dbyings su lung bstan pa de dag ni nyung ngo // gang lung bstan pa de dag ni de ltar lan ldon no// byang chub sems dpa' sems dpa' chen po de dang de dag gis dge ba'i rtsa ba 'bar ba bskrun par rig par bya'o// byang chub sems dpa' sems dpa' chen po de dag ni/ lha dang / mi dang / lha ma yin du bcas pa'i 'jig rten gyis mi 'phrogs pa'o// rab 'byor gal te byang chub sems dpa' sems dpa' chen po nyan thos kyi sa 'am/ rang sangs rgyas kyi sa 'am/ khams gsum la'ang 'dod cing de ltar sems bskyed/ chos thams cad rmi lam lta bur yang
- 269b
rnam par lta'o// mngon sum du yang mi byed na/ rab 'byor 'di yang phyir mi ldog pa'i byang chub sems dpa' sems dpa' chen po phyir mi ldog pa'i mtshan nyid du rig par bya'o// gzhan yang rab 'byor byang chub sems dpa' sems dpa' chen po'i rmi lam du/ bdag nyid de bzhin gshegs pa dgra bcom pa yang dag par rdzogs pa'i sangs rgyas su 'gyur/ 'khor brgya stong du ma dang / 'khor stong du ma dang / 'khor brgya stong du ma'i dbus na 'dug cing / 'khor gyi khams na dge slong gi dge 'dun gyis yongs su bskor cing / dge slong gi dge 'dun gyis ltas nas/ chos ston pa mthong na/ rab 'byor byang chub sems dpa' sems dpa' chen po phyir mi ldog pa'i mtshan nyid du rig par bya'o// gzhan yang rab 'byor byang chub sems dpa' sems dpa' chen po rmi lam na bdag nyid na mkha' la mngon par 'phags te/ sems can dag la chos ston pa dang / 'od 'dom gang bar gyur pa snyam du byed cing / gang 'jig rten gyi khams gzhan du song ste/ sems can gyi don byed pa dang / chos ston pa'i sprul pa dag 'phrul ba snyam du/ byang chub sems dpa' sems dpa' chen po de snyam du byed na/ rab 'byor de yang phyir mi ldog pa'i byang chub sems dpa' sems dpa' chen po phyir mi ldog pa'i mtshan nyid du rig par bya'o// gzhan yang rab 'byor byang chub sems dpa' sems dpa' chen po rmi lam na mi skrag mi dngang shin du dngang bar
- 270a
mi 'gyur te/ grong la gnod pa 'am/ grong khyer la gnod pa 'am/ grong brdal la gnod pa 'am/ ljongs la gnod pa dang / yul 'khor du gnod pa 'am/ 'brog me shor ba'i gnod pa byung ngam/ gcan zan dang de ma yin pa'i srog chags phra mo dag mthong na/ mgo gcod pa nye bar gnas pa 'am/ de ma yin pa'i gzhan gang yang rung ba'i 'jigs pa mi zad pa dang / sdug bsngal ba dang / yid mi bde ba dag 'byung ba dang / sems can gzhan dag gi sdug bsngal ba dang / 'jig pa chen po mi bzad pa dag mthong na yang / de la 'jig pa 'am/ mi bzad par 'gyur mi skrag mi dngang shin du dngang bar mi byed de/ de nas de gnyid log pa sad de// langs ma thag tu 'di snyam du sems to// khams gsum 'di dag thams cad ni rmi lam lta bu ste/ bdag bla na med pa yang dag par rdzogs pa'i byang chub mngon par rdzogs bar sangs rgyas nas/ de ltar yang dag par bstan pas/ chos bstan par bya'o snyam nas/ rab 'byor 'di yang phyir mi ldog pa'i byang chub sems dpa' sems dpa' chen po phyir mi ldog par mtshan nyid rig par bya'o// gzhan yang rab 'byor phyir mi ldog pa'i byang chub sems dpa' sems dpa' chen po bla na med pa yang dag par rdzog pa'i byang chub mngon par rdzogs par sangs rgyas nas/ ngan song thams cad kyi thams cad rnam pa thams cad kyi thams cad du mi 'byung bar rig par bya zhe na/ rab 'byor
- 270b
gal te byang chub sems dpa' sems dpa' chen po dud 'gro'i gnas su song ba'i sems can dag mthong na/ de dran pa de rnyed nas 'di snyam du sems te/ ci nas bdag bla na med pa yang dag par rdzogs pa'i byang chub mngon par sangs rgyas pas na/ ngan song thams cad kyi thams cad rnam pa thams cad du mi 'byung bar rig par bya'o snyam pa 'di ni/ byang chub sems dpa' sems dpa' chen po ngan song yongs su dag pa'i mtshan nyid du rig par bya ste/ rab 'byor 'di yang byang chub sems dpa' sems dpa' chen po'i phyir mi ldog pa'i mtshan nyid du rig par bya ste/ rab 'byor gzhan yang byang chub sems dpa' sems dpa' chen po rmi lam na/ grong khyer tshig par 'gyur ba lags na// de rmi lam de las 'di snyam du sems te/ ngas ji ltar rmi lam du rnam pa gang dag dang rtags dag dang / mtshan ma gang dag mthong na/ rnam pa gang dang / rtags gang dang / mtshan ma gang dag gis byang chub sems dpa' sems dpa' chen po phyir mi ldog pa'i bzung bar ba ni/ rnam pa de dag dang / rtags de dag dang / mtshan ma de dag de la yod ce na/ bden pa de dag dang / bden pa'i tshig des grong mes tshig pa dang / grong khyer mes tshig pa 'di zhi bar gyur cig/ med par gyur cig/ bsil bar gyur cig/ ces byas nas/ rab 'byor gal te grong tshig pa dang / grong khyer tshig pa de zhi ste med par gyur na ni/ rab 'byor byang chub sems dpa' sems dpa' chen po de sngon gyi de
- 271a
de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu phyir mi ldog pa'i byang chub sems dpa' la lung bstan par rig par bya'o// gal te ma zhi bsil bar ma gyur med par ma song na/ rab 'byor byang chub sems dpa' sems dpa' chen po de bla na med pa yang dag par rdzogs pa'i byang chub tu lung ma bstan par rig par bya'o// rab 'byor gal te me shor na ni khyim nas khyim/ srang thal te/ srang gang yang rung ba 'am/ khyim gang yang rung ba tshig mchis te/ me zhing bsil bar ma gyur/ med par ma song na/ rab 'byor byang chub sems dpa' sems dpa' chen po de chos spong bar 'gyur ba'i las bstsogs par rig par bya'o// de ci'i phyir zhe na/ tshe 'di la myong bar 'gyur ba'i las kyi rnam par smin par 'gyur te/ chos spong ba de nyid las lhag ma dang bcas pa/ rnam par smin par gyur pas/ rab 'byor byang chub sems dpa' sems dpa' chen po phyir mi ldog pa'i mtshan nyid 'di yin/ rkyen ni 'di yin te/ rab 'byor 'di'ang byang chub sems dpa' sems dpa' chen po phyir ldog par rig par bya'o// gzhan yang rab 'byor rnam pa gang dag dang / rtags gang dang / mtshan ma gang dag gis phyir mi ldog pa'i byang chub sems dpa' sems dpa' chen por rig par bya'o rnam pa de dang / rtags de dag dang / mtshan
- 271b
ma de dag khyed la bstan par byas/ de legs par rab tu nyon la yid la bzung shig dang / ngas khyod la bshad do// de nas tshe dang ldan pa rab 'byor gyis bcom ldan 'das/ la leg so zhes gsol na/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rab 'byor gal te skyes pa 'am/ bud med dam/ khye'u 'am/ bu mo gang la la mi ma yin pas zin par gyur cing non na/ de byang chub sems dpa' sems dpa' chen po 'ongs te/ byin gyis brlabs pa 'di ltar bya ste/ gal te sngon gyi de bzhin gshegs pa dgra bcom pa yang dag par rdzogs pa'i byang chub tu lung bstan te/ bdag nyid bla na med pa yang dag par rdzogs pa'i byang chub mngon par rdzogs par 'tshang rgya ba'i bsam pa yongasu dag cing / ci nas bdag bla na med pa yang dag par rdzogs pa'i byang chub mngon par rdzogs par 'tshang rgya bar 'dod de/ bla na med pa yang dag par rdzogs pa'i byang chub la bdag gis bsam pa yongs su dag cing / nyan thos kyi sems dang / rang sangs rgyas kyi sems dang / bral bas bla na med pa yang dag par rdzogs pa'i byang chub mngon par rdzogs par sangs rgyas par bya'o// bdag ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba ma yin te/ bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur la/ gang yang 'jig rten gyi khams
- 272a
@grangs med dpag tu med pa dag na/ sangs rgyas bcom ldan 'das rnams bzhugs te/ mtsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas dag ci yang ma mkhyen pa 'am/ ma gzigs pa 'am/ thug su ma chud pa 'am/ mngon sum du ma chud pa 'am/ mngon par rdzogs par 'tshang ma rgyas pa ci yang med de/ ji ltar sangs rgyas bcom ldan 'das de dag gi bsam pa mkhyen pa ltar bla na med pa yang dag par rdzogs pa'i byang chub mngon par rdzog par 'tshang rgya bar 'gyur zhe na/ bden pa 'di dang / bden pa'i tshig gis/ 'dis skyes pa 'am/ bud med dam/ khye'u 'am/ bu mo 'di ma yin pa'i don gyis zin cing / non pa de song shig ces byas pa dang / byang chub sems sa dpa' sems dpa' chen pos de skad smras pa dang / gdon de ma song na ni rab 'byor byang chub sems dpa' sems dpa' chen po 'di sngon gyi de bzhin gshegs pa dgra bcom pa yang dag par rdzogs pa'i byang chub tu sangs rgyas pa de dag gis bla na med pa yang dag par rdzogs pa'i byang chub tu lung ma bstan par rig par bya'o// rab 'byor yang gal te byang chub sems dpa' sems dpa' chen pos de skad smras nas/ mi ma yin pa de song na ni/ rab 'byor byang chub sems dpa' sems dpa' chen po 'di ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ bla na med pa yang dag par
- 272b
rdzogs pa'i byang chub tu lung bstan par rig par bya'o// / shes rab kyi pha rol tu phyin pa brgyad stong pa las/ thabs la mkhas pa la spyad pa'i le'u ste nyi shu pa'o// / rab 'byor byang chub sems dpa' sems dpa' chen po tshig 'di skad du smras par 'gyur te/ bden pa dang / bden pa'i tshig gang gis/ bdag sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gi bla na med pa yang dag par rdzogs pa'i byang chub tu lung bstan ce na/ bden pa dang bden pa'i tshig des mi dang mi ma yin pa song shig ces bya na/ rab 'byor de la bdud sdig can mi ma yin pa de 'byer bar bya ba'i phyir brtson par byed do// de ci'i phyir zhe na/ byang chub sems dpa' sems dpa' chen po theg pa la zhugs nas/ ring po ma lon pa zhig bdud sdig can stobs dang mthus sgribs te/ ci nas mi ma yin pa dag 'byer par 'bad cing rtsol te/ de ltar mi ma yin pa de bdud kyis byin gyis 'byer bar 'gyur ro// de nas byang chub sems dpa' sems dpa' chen po 'di snyam du 'di dag 'byer ba ni nga'i mthu'o snyam du sems kyi/ 'di ltar bdud kyi mthus mi ma yin pa 'di dag 'byer ro snyam du mi sems so// de brtson pa de tsam zhig byed par 'gyur te/ brtson pa des byang chub sems dpa' sems dpa' chen po mnyes par byed/ 'phya zhing gting slad byed/ smod cing bzungs par byed par
- 273a
'gyur te/ nga ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyi bla na med pa yang dag par rdzogs pa'i byang chub lung stan to zhes/ de de tsam gyis phyi phyir nga rgyal bskyed par 'gyur/ nga rgyal 'phel bar byed par 'gyur/ nga rgyal ston par 'gyur/ nga rgyal rgyas par byed par 'gyur/ nga rgyal 'byung bar byed par 'gyur ro// de'i nga rgyal dang / log pa'i nga rgyal des thams cad mkhyen pa nyid kyang rgyang ring du byed par 'gyur ro// thams cad mkhyen pa nyid kyi ye shes bla na med pa yang rkyang ring du byed par 'gyur ro// de dge ba'i gshes gnyen dge ba'i chos can mos pa brgya che ba lhags pa'i bams pa phun sum tshogs pa/ thabs la mkhas pa phyir mi ldog pa'i chos dang ldan pa'i byang chub sems dpa' sems dpa' chen po de lta bu dag mthong ba'i nga rgyal skyed nas/ brnyes par byed cing sems can dge ba de lta bu dag la sbyin mi bsten/ brnyan bkur mi byed/ mi 'dri zhing bdud kyis bcings pa de nyid sra bar byed de/ de la nyan thos kyi sa 'am/ rang sangs rgyas kyi sa 'am sa gnyis su rigs par bya'o// rab 'byor de ltar bden pa'i byin gyis brlabs kyis/ bdud sdig can byang chub sems dpa'i theg pa la zhugs nas/ yun ring por ma lon par/ dad pa chung ba/ thos pa nyung ba/ dge ba'i bshes gnyen dang bral ba/ shes rab kyi pha rol tu
- 273b
byin pa yongs su ma zin cing / thabs mkhas pa dang mi ldan pa la/ bla na med pa yang dag par rdzogs pa'i byang chub kyi bar chad byed do// rab 'byor 'di'ang byang chub sems dpa' sems dpa' chen po'i bdud kyi las su rigs par bya'o// gzhan yang rab 'byor byang chub sems dpa' sems dpa' chen po la ming ston pas kyang bdud kyi las su rig par bya'o// rab 'byor byang chub sems dpa' la ming ston pas kyang bdud kyi las su 'gyur zhe na/ rab 'byor 'di la bdud sdig can byang chub sems dpa'i ming la rten cing drung du 'ong bar 'gyur te/ gzhan gang yang rung ba'i cha byed du 'ongs nas byang chub sems dpa' 'di skad du khyod ni sngon gyi de bzhin gsheg pa dgra bcom pa yang dag par rdzogs pa'i sangs rgyas rnams kyis bla na med pa lngaka rdzogs pa'i byang chub tu lung bstan to// de ci'i phyir zhe na/ khyod kyi ming ni 'di zhes bya/ khyod kyi ma'i ming ni 'di zhes bya/ khyod kyi pha'i ming ni 'di zhes bya/ khyod kyi bo nu'i ming ni 'di zhes bya/ khyod kyi sring me'i ming ni 'di zhes bya/ khyod kyi grogs po dang blon po dang / snag gi gnyen mtshams kyi ming ni 'di zhes bya'o// me mes dang / pha mes gnyis ka'i rabs tshun chad kyi ming ni brjod cing khyod ni phyogs ga ge mo zhes su skyes so// zhes zer zhing gal te/ rang bzhin gyi zhan pa yin na/ de la 'di skad du sngon yang de bzhin du zhan par 'gyur ro zhes zer ro// gal te rang bzhin gyis dbang
- 274a
bo rno ba zhig yin na/ de'i phyir de la 'di skad du khyod sngon yang dbang po rno bar gyur to zhes zer ro// gal te dgon pa pa zhig yin nam/ gal te bsod snyoms pa zhig yin nam/ gal te phyag dar khrod pa zhig yin nam/ gal te zas phyis mi len pa zhig yin nam/ gal te stan cig pa zhig yin nam/ gal te ji bzhin pa cig yin nam/ gal te chos gos gsum pa zhig yin nam/ gal te dur khrod pa zhig yin nam/ gal te shing drung ba zhig yin nam/ gal te cog pu pa zhig yin nam/ gal te 'dod pa nyung ba chog shes pa rab tu dben pa zhig yin nam/ gal te rkang pa skud pa dang bral ba zhig nam/ gal te 'jam por smra ba zhig yin nam/ de la bdud sdig can tshe 'di la yon tan de dang de dag gis/ 'di skad du khyod ni sngon yang yon tan 'di dang 'di gzhan dang yang ldan par 'gyur ro// khyod ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu phyir mi ldog pa'i byang chub sems dpa'i sa la nges par lung bstan to// de ci'i phyir zhe na/ 'di ltar khyed la sbyangs pa'i yon tan 'di lta bu dag yod kyis/ khyod ni gdon mi za bar sngon yang yon tan 'di lta bu dang ldan par 'gyur ro zhes bsgo bar byed de/ de ltar de sngon gyi ming bstan pa de dang / ming la rten pa de dang / de ltar sbyangs pa'i yon tan dang / yo byad bskyangs pa des/ rlom sems bskyed
- 274b
par 'gyur te/ de 'di snyam du bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ bla na med pa yang dag par rdzogs pa'i byang chub tu lung bstan te/ 'di ltar yon tan 'di dag ni bdag la yod do snyam pa dang / de la bdud sdig can 'di skad du khyod ni/ de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu phyir mi ldog pa'i lung bstan to// de ci'i phyir zhe na/ 'di ltar khyod la yon tan 'di lta bu dag yod do zhes zer ro// yang rab 'byor de la bdud sdig can res 'ga' ni dge slong gi cha byad du 'ong bar sems/ res 'ga' ni dge slong ma'i cha byad du 'ongs par sems/ res 'ga' ni dge snyen gyi cha byed du/ res 'ga' ni dge snyen ma'i cha byad du/ res 'ga' ni bram ze'i cha byed/ res 'ga' ni khyim bdag gi cha byad/ res 'ga' ni ma'i cha byed/ res 'ga' ni pha'i cha byad/ res 'ga' ni pho nu'i cha byad/ res 'ga' ni sring mo'i cha byad/ res 'ga' ni mdza' gshes dang / res 'ga' ni mdza' bo dang / blon po dang / nye du dang / snag gi snyen 'tshams kyi cha byad du 'ong bar 'gyur te/ 'ongs nas 'di skad du khyod ni sngon gyi de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu phyir mi ldog pa'i byang chub sems dpa'i sa la lung stan to//
- 275a
de ci'i phyir zhe na/ 'di ltar khyod la phyir mi ldog pa'i byang chub sems dpa' sems dpa' chen po'i yon tan gang yin pa de/ de lta bu dag yod do// zhes zer ro// yang rab 'byor ngas phyir mi ldog pa'i byang chub sems dpa' sems dpa' chen po dag gis yon tan dang / rnam pa dang / rtags dang / mtshan ma gang ngag bstan pa de dag de la med na/ rab 'byor byang chub sems dpa' sems dpa' chen po gzhan gyis kye ma byang chub sems dpa' 'di ni bdud kyis byin gyis brlabs pa zhes rig par bya'o// de ci'i phyir zhe na/ phyir mi ldog pa'i byang chub sems dpa' sems dpa' chen po rnams kyi rnam pa gang yin pa dang / rtags gang yin pa dang / mtshan ma gang yin pa de dag de la med pa'i phyir ro// rab 'byor de bdud kyis byin gyis brlabs pa de lta bus/ mngon pa'i nga rgyal bskyed par 'gyur te/ mngon pa'i nga rgyal bskyed nas/ nga rgyal gyis zil gyis non cing / khyed pa'i zil gyis non pas/ byang chub sems dpa' gzhan dag la brnam par 'gyur/ 'phya bar 'gyur/ smod/ par 'gyur/ bshud par 'gyur te/ rab 'byor 'di'ang byang chub sems dpa' sems dpa' chen pos bdud kyis las su rig par bya'o// gzhan yang rab 'byor byang chub sems dpa' sems dpa' chen pos bstan pa dang / ming gis lung bstan pas bdud kyis las su rig par bya zhe na/ rab 'byor 'di la bdud sdig can byang chub sems
- 275b
sems dpa' sems dpa' chen po la 'di skad du lung bston te/ nges gang sems kyis e ma bdag bla na med pa yang dag par rdzogs pa'i byang chub mngon par rdzogs par sangs rgyas pa'i ming ni 'di zhes bya bar gyur cig ces rjes su rtags shing / rjes su spyad pa bzhin du khyod bla na med pa yang dag par rdzogs pa'i byang chub mngon par rdzogs par sangs rgyas pa'i ming ni 'di zhes bya bar 'gyur ro// zhes bya bar lung ston to// de la byang chub sems dpa' shes rab 'chal pa'i rang bzhin can thabs mi mkhas pa 'di snyam du sems te/ ji ltar bdag gis e ma bdag bla na med pa yang dag par rdzogs pa'i byang chub mngon par rdzogs par sangs rgyas pa'i ming 'di zhes bya bar gyur cig ces ming gi rjes su btags shing rjesu spyad pa bzhin du bdud sdig can nam/ bdud kyi ris kyi lha dag bdud kyi ris kyis byin gyis brlabs pa'i dge slong gis ming gang brjod pa dang / de gnyi ga la rtags nas/ ji ltar bdag gi sems bskyed par 'byung ba dang / dge slong che ge mo zhig gis bdag gi ming ji lta bu bstan pa gnyis ming mtshungs par 'gyur gyis/ bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung stan to snyam mo// rab 'byor ngas phyir mi ldog pa'i byang chub sems dpa' sems dpa' chen po dag gi rnam pa dang / rtags dang / mtshan ma gang
- 276a
dag snyan pa de dag de la med cing / de dag dang bral na/ ming bstan pa dang / ming gis lung bstan pa de/ des rlom sems bskyed par 'gyur te/ des rlom sems bskyed par 'gyur nas/ bdag gi bla na med pa yang dag par rdzogs pa'i byang chub tu lung bstan gyi/ 'di dag bla na med pa yang dag par rdzogs pa'i byang chub tu lung bstan to// zhes byang chub sems dpa' sems dpa' chen po gzhan dag la brnyas par byed do// de ltar brnyas pa'i sems dang / mngon pa'i nga rgyal des byang chub sems dpa' sems dpa' chen po gzhan dag la brnyas pas thams cad mkhyen pa nyid rgyang ring du byed cing / sangs rgyas kyi ye shes rgyang ring du byed par 'gyur ro// de shes rab kyi pha rol tu phyin pas yongs su ma bzung zhing / thabs mkhas pa dang bral ba/ bdud kyi grogs pos zin pa de la nyan thos kyi sa 'am/ rang sangs rgyas kyi sa 'am/ sa gnyis po de las sa gang yang rung ba cig tu ring bar bya'o// / gal te yun ring po zhig tu yun ring po rgyun mi 'khor nas/ shes rab kyi pha rol tu phyin pa la rten te/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod nas/ gal te dge ba'i bshes gnyen dag la brtan cing / dge ba'i bshes gnyen gyi thad du brtag par 'gro bar 'gyur na/ lus yongs su grub pa de nyid kyis sngon gyi sems bskyed pa de dag la smod cing byang bar byed na/ rnam par smon cing 'dor te phyir 'thol bar 'gyur ro// de ci'i phyir zhe na/ rab 'byor byang chub sems dpa' sems dpa' chen po'i rlom
- 276b
sems kyi ltung ba'i gnas ni 'di tsam du lci ste/ rab 'byor 'di lta ste dper na/ dge slong nyan thos kyi theg pa can la rtsa ba'i ltung ba bzhi lci ba yin te/ de las ltung ba gang yang rung ba 'ga' zhig byung na/ dge slong ma yin te/ dge sbyong ma yin te/ shAkya'i sras po ma yin no// ltung ba bzhi po de dag pas kyang rlom sems dang / brnyas pa'i sems bskyed pa de tsam lci'o// 'di lta ste byang chub sems dpa'i ming bstan pa las brnyas pa'i mi dge ba chen po'i sems bskyed par 'byung ba 'di ni/ ltung de dag pas/ sems bskyed pa ches lci bar rig par bya'o// rab 'byor rtsa ba'i ltung ba bzhi ltar shog gi/ rab 'byor mtshams med pa'i las lnga po dag las kyang / gang 'di byang chub sems dpa'i ming bstan pas/ rlom sems dang ldan pa'i sems bskyed pa byung ba'i sems bskyed pa 'di ni ches lci ste/ mtshams med pa'i lnga po 'di dag pas kyang / sems bskyed pa 'di ches lci bar rig par bya'o// rab 'byor 'di ltar ming brtan pa de lta bus bdad kyis lus phra ba dag 'byung bar 'gyur te/ de dag byang chub sems dpa' sems dpa' chen pos rtogs par bya'o// / rtogs nas rnam par spang bar bya zhing gzhan dag kyang khong du chud par byed du 'jug cing / spong du 'jug go// gzhan yang rab 'byor bdud sdig can byang chub sems dpa' sems dpa' chen po'i drung du 'ongs nas/ dben pa'i yon tan gyis bskal cing dran par byed do// rab 'byor ba dang sdig can byang chub sems dpa' sems dpa' chen po'i drung du 'ongs
- 277a
nas/ dben pa'i yon tan gyis bskul zhing dran par byed de ce na/ rab 'byor 'di bdud sdig can byang chub sems dpa' sems dpa' chen po'i drung du 'ongs nas/ 'di skad du de bzhin gshegs pa ni dben pa'i sngags pa gsung gi/ dgon pa dang / nags 'dab dang / ri'i phug dang / dur khrod dang / sog ma'i phung po la sogs pa'i nang du gnas par bya'o zhes mi gsung / rab 'byor dgon pa dang / bas mtha' dang / yul gyi med pa dang / nags mda' dang / ri phug dang / dur khrod dang / sog ma'i phung po la stsogs pa'i gnas mal sna tshogs ni/ byang chub sems dpa' sems dpa' chen po'i dben pa'o zhes nga mi smra'o// rab 'byor gyis gsol pa/ bcom ldan 'das gal te dgon pa dang / nags mda' dang / ri'i phug dang / dur khrod dang / sog ma'i phung po la sogs pa gnas pa las/ byang chub sems da' dpa' sems dpa' chen po'i dben pa gzhan gang lags/ bcom ldan 'das byang chub sems dpa' sems dpa' chen po dben pa gzhan ji lta bu lags/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po nyan thos dang ldan pa yid la byed pa dag gis dben par 'gyur/ rang sangs rgyas yid la byed pa dag gis dben par gyur na de ltar byang chub sems dpa' sems dpa' chen po dben pa nyid du gnas pa yin no// de grong gi nang na gnas kyang shes rab
- 277b
kyi pha rol tu phyin pa dang / thabs mkhas pa dang / sems can thams cad la byams par gnas pas gnas na/ de ltar gnas pas gnas pa ni de ltar dben pa nyid du gnas pa yin no// rab 'byor byang chub sems dpa' sems dpa' chen po nyan thos dang / rang sangs rgyas dang / ldan pa'i yid la byed pa dag gis dben pa 'di gnang ste/ byang chub sems dpa' sems dpa' chen po dben pa 'di lta bu gnas pas nyin mtshan 'da' bar byed na/ dben par gnas pa yin no// gal te byang chub sems dpa' sems dpa' chen po dgon pa dang / nags 'dab dang / ri phug dang / dur khrod dang / bas mtha'i gnas mal dag na gnas pa de lta bus gnas na/ byang chub sems dpa' sems dpa' chen po dben par gnas pa yin no// rab 'byor gang la bdud sdig can 'di skad du dgon pa dang / nags 'dab dang / ri phug dang / dur khrod dang / bas mtha'i gnas mal gyi dgon pa dag ston to// de dben pa des nyan thos dang / rang sangs rgyas dang ldan pa'i yid la byed pa de dag dang 'dres shing / shes rab kyi pha rol tu phyin pa la mi brtson pas/ thams cad mkhyen pa'i ye shes yongs su rdzogs par mi byed de/ de ltar yid la byed pa yongs su ma dag par gnas pas/ lus dang ngag dang yid kyi las yongs su ma dag par 'gyur ro// lus dang ngag dang yid kyi las yongs su dag pas/ byang chub sems dpa' sems dpa' chen po de ma
- 278a
yin pa'i gzhan dag grong gi nang na gnas kyang / nyan thos dang rang sangs rgyas dang ldan pa'i yid la byed pa dang ma 'bres shing / shes rab kyi pha rol tu phyin pa dang thabs mkhas pa dang / snying rje chen po la gnas pas gnas pa dag la brnyes par sems shing / dgon pa na gnas kyang lus dang ngag dang / yid kyi yongs su ma dag par gnas pa nyis la gnas te/ dben par gnas pa ma yin la/ shes rab dang thabs dang / snying rje chen po la gnas pa/ grong na 'dug pa/ lus dang / ngag dang / yid kyi las yongs su dag par spyod pa/ nyan thos dang rang sangs rgyas dang ldan pa'i yid la byed pa dag gis dben par gyur pa/ nyan thos dang / rang sangs rgyas dang ldan pa'i yid la byed pa dag dang / ma 'dres pa de dag la/ des ma 'dres par bsam gtan dang / rnam par thar pa dang / ting nge 'dzin dang / mngon par shes pa rnams thob par mi 'gyur ro// de yongs su rdzogs par mi 'gyur ro// de ci'i phyir zhe na/ 'di ltar thabs la mi mkhas pa'i phyir te/ rab 'byor byang chub sems dpa' sems dpa' chen po 'brog dgon pa dpag tshad brgyad pa gcan zan dang / bya tshogs med pa/ gcan zan phra mo dang / srin po rgyu ba med pa/ chom rkun gyi dgon par gyur pa/ 'jigs pa mi bzad pa/ 'chi ba med pa dag na/ lo brgya'am/ lo stong ngam/ lo bye ba dang / lo bye ba brgya 'am/ lo bye ba brgya stong ngam/
- 278b
de bas lhag par 'dug la/ byang chub sems dpa' sems dpa' chen po dben pa gang du lhag pa'i bsam pas yang dag par zhugs shing / bsam pa phun sum tshogs pas gnas pa'i dben pas ngas bstan pa 'di mi shes na/ byang chub sems dpa' thabs la mi mkhas pa de bzhin mi shes pas dgon pa lhur byed cing gnas te/ dben pa la gnas cing 'brel ba dang / chags pa ni/ rab 'byor byang chub sems dpa' sems dpa' chen po des de tsam gyi nga'i sems mgu bar bya ba yin no// de ci'i phyir zhe na/ rab 'byor byang chub sems dpa' sems dpa' chen po rnams kyi dben par ngas bstan pa'i dben pa dang / de bral nas dben pa de la mi snang ba ste/ de'i thad du bdud sdig can de 'ongs nas/ steng gi bar snang gi na mkha' la 'dug nas/ 'di skad ces zer te/ rigs kyi bu leg so legs so// de bzhin gshegs pas bstan pa 'di yin te/ rigs kyi bu khyod dben pa nyid kyis gnas par gyis shig dang / rigs kyi bu khyod myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ zhes smras nas/ de dben pa des na phyi grong bar gyi nang du zhugs na/ byang chub sems dpa' sems dpa' chen po gzhan des/ tshangs pa tshungs par spyod pa dge ba'i chos can nyan thos dang / rang sangs rgyas dang ldan pa'i yid la byed pa dang / ma 'dres pa/ lus dang ngag dang / yid dang mtsho ba yongs su ma dag la brnyas par byed cing 'di skad zer te/ kye
- 279a
mtshe dang ldan pa 'di dag 'dres par gnas pas gnas par byed de/ dben pa gnas par ma yin no// kye ma tshe dang ldan pa 'di dag la 'dres par gnas par byed de/ dben par gnas pa ma yin no// byang chub sems dpa' sems dpa' chen po gang dben par gnas pa yin no// zhes ma 'dres par spyod pa zhes rtsod par byed par 'gyur// gang de 'dres par gnas par byed pa de dag la/ dben par gnas pa ma yin no zhes spyod par 'gyur te/ de la ri mor byed par 'gyur ro// de gang la ri mor byed pa ni nga rgyal bskyed bar 'gyur te/ de ci'i phyir zhe na/ gnas pa gang gi khyod gnas 'di ni yang dag par gnas pa'o// zhes bdag ni mi ma yin pa dag gi skul cing / bdag ni mi ma yin pa de de dag gis dran par byas pa'o// grong gi nang na gnas pa su zhig la mi ma yin pa dag dran par byed par 'gyur snyam nas/ de ltar de gang zag byang chub sems dpa'i thegs pa can dag la brnyas par byed de/ rab 'byor 'di ni byang chub sems dpa' gdol pa rig par bya'o// byang chub sems dpa' sun 'byin par/ byang chub sems dpa' gzugs brnyan/ byang chub sems dpa' 'dra bar 'chos pa/ byang chub sems dpa'i dbyibs can du rig par bya ste/ dge sbyong gi cha byad du 'chos shing rkun por 'gyur te/ gang zag byang chub sems dpa'i theg pa can gyi nang nas rkun po'i lha dang mi dang / lha ma yin du bcas pa'i nang na rkun pa yin te/ rab 'byor gang zag de lta bu'i rang bzhin can ni/ bstan par mi bya/ 'grogs par mi byed/
- 279b
bsnyen bkur mi bya'o// de ci'i phyir zhe na/ gang zag de lta bu de mngon pa'i nga rgyal du ltung bar rig par bya ste/ de lta bu gzhan mthu chung ba theg pa la zhugs nas ring po ma lon par dag la sun 'byin par byed par 'gyur te/ gang zag de lta bu de ni rnam par ma dag pa'i chos can du rig par bya/ gang zag de lta bu ni cho ga dang mi ldan par bya'o// rab 'byor byang chub sems dpa' sems dpa' chen po gang sems can thams cad yongs su ma gtang / thams cad mkhyen pa nyid yongs su ma gtang / bla na med pa yang dag par rdzogs pa'i byang chub yongs su ma gtang ba'i byang chub sems dpa' sems dpa' chen po lhag pa'i bsams pas/ bla na med pa yang dag par rdzogs pa'i byang chub mngon par rdzogs par sangs rgyas par 'dod cing / sems can thams cad kyi don bya bar 'dod pa de gang zag de lta bu bsnyen par mi bya/ rten par mi bya'i/ 'di ltar sems can thams cad kyi phyir mngon par brtson pas bdud kyis las/ de dag dang / gzhan yang shes rab kyi pha rol tu phyin pa'i phyir rtag tu sems skyo bar bya'o// sems can thams cad kyis lam ma thob pa'i phyir mi skrag pa dang / khams gsum pa dang ma 'dres par bya'o// de dag la yang byams pa'i snying rje bskyed de/ snying brtse ba'i phyir yang dag par zhugs pa'i sems can rnams la/ dga' ba'i sems dang / mi dmigs pa'i chos nyid kyis chos rnams la gtang snyoms pas// 'di ltar ci nas bdud kyi nyes pa thams cad du gtan mi 'byung ba mi skye ba de ltar bya'o// /
- 280a
gal te de lta bur byung na/ yang myur du spyod pa de lta bur bya'o// bslab po zhes sems bskyed par bya ste/ 'di'ang byang chub sems dpa' sems dpa' chen po rnams kyi bdag nyid kyis mngon par rig nas/ gtul ba yin par bya'o// rab 'byor 'di'ang byang chub sems dpa' sems dpa' chen pos/ dben pa'i yon tan gyis bdud kyis las su rig par bya'o// shes rab kyi pha rol tu phyin pa brgyad stong pas/ bdud kyi las kyi le'u zhes bya ste nyer gcig pa'o// / bam po bcu dgu pa'o// // de nas yang bcom ldan 'das la tshe dang ldan pa rab 'byor gyis 'di skad ces gsol to// byang chub sems dpa' sems dpa' chen po lhag pa'i bsam pa la yang dag par zhugs shing / bla na med pa yang dag par rdzogs pa'i byang chub mngon par rdzogs pare 'tshang rgya bar 'tshal bas/ dang po kho nar dge ba'i bshes gnyen gang dag la bsnyen par bgyi ba dang / rten par bgyi ba dang / bsnyen bkur ba'i byang chub sems dpa' sems dpa' chen po'i dge ba'i bshes gnyen de gang lags par 'tshal bar bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor sangs rgyas bcom ldan 'das nyid dang / phyir mi ldog pa'i byang chub sems dpa' sems dpa' chen po// byang chub
- 280b
sems dpa'i spyod pa la mkhas pa gang dag phyin pa 'di dag legs par 'chad cing ston pa dang / gang dag shes rab kyi pha rol tu phyin pa 'di 'chad cing ston pa de dag ni rab 'byor byang chub sems dpa' sems dpa' chen po dge ba'i bshes gnyen dag tu rig par bya'o// rab 'byor shes rab kyi pha rol tu phyin pa nyid byang chub sems dpa' sems dpa' chen po'i dge ba'i bshes gnyen dag tu rig par bya'o// pha rol tu phyin pa drug ni ston pa'o// pha rol tu phyin pa drug ni lam mo// pha rol tu phyin pa drug ni snang ba'o// pha rol tu phyin pa drug ni sgron ma'o// pha rol tu phyin pa drag ni 'od do// pha rol tu phyin pa drug ni gnas so// pha rol tu phyin pa drag ni mgon no// pha rol tu phyin pa drag ni skyabs so// pha rol tu phyin pa drag ni dpung gnyen no// pha rol tu phyin pa drag ni gling ngo // pha rol tu phyin pa drag ni ma'o// pha rol tu phyin pa drug ni pha'o// pha rol tu phyin pa drug ni shes par bya ba dang / byang chub par bya ba dang / bla na med pa yang dag par rdzogs pa'i byang chub par bya ba'i phyir bsgrub par 'gyur ro// rab 'byor de ci'i phyir zhe na/ 'di la shes rab kyi pha rol tu phyin pa yongs su rdzogs par 'gyur ba'i phyir te/ rab 'byor gang 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rnams bla na med pa yang dag par rdzogs pa'i byang chub mngon par rdzogs par sangs rgyas nas/ yongs su mya ngan las 'das pa'i sangs rgyas bcom ldan 'das de dag thams cad mkhyen pa nyid kyang 'di
- 281a
lta ste/ pha rol tu phyin pa 'di dag las skyes so// rab 'byor gang dag ma 'ongs pa'i dus na 'byung ba'i de bzhin gshegs pa dgra bcom pa yang dag par rdzogs pa'i sangs rgyas rnams bla na med pa yang dag par rdzogs pa'i byang chub mngon par rdzogs par sangs rgyas par 'gyur ba'i sangs rgyas bcom ldan 'das de dag ni thams cad mkhyen pa nyid kyang 'di lta ste/ pha rol tu phyin pa drug po 'di dag las skyes so// rab 'byor gang dag 'jig rten gyi khams grangs med dpag tu med/ bsam gyis mi khyab pa dag na/ de bzhin gshegs pa dgra bcom pa yang dag par rdzogs pa'i sangs rgyas rnams/ de ltar bla na med pa yang dag par rdzogs pa'i byang chub mngon par rdzogs par sangs rgyas bzhugs te/ mtsho zhing bzhes pa'i sangs rgyas bcom ldan 'das de dag gi thams cad mkhyen pa nyid kyang 'di lta ste/ pha rol tu phyin pa drug po 'di dag las skyes so// rab 'byor da ltar de bzhin gshegs pa dgra bcom pa yang dag par rdzogs pa'i sangs rgyas nga yang bla na med pa yang dag par rdzogs pa'i byang chub mngon par rdzogs par sangs rgyas te/ nga'i thams cad mkhyen pa nyid kyang 'di lta ste/ pha rol tu phyin pa 'di las skyes so// rab 'byor de phyir zhe na/ pha rol tu phyin pa drug po 'di dag gi ni nang du byang chub kyi phyogs sum bcu rtsa bdun rnams 'das shing tshangs pa'i gnas bzhi dang / bsdad pa'i mngos po bzhi dang / sangs rgyas kyis chos dang / sangs rgyas kyi ye shes dang / rang
- 281b
byung gi ye shes dang / bsam gyis mi khyab pa'i ye shes dang / gzhal du med pa'i ye shes dang / thams cad mkhyen pa'i ye shes ji snyed yod pa de dag thams cad pha rol tu phyin pa drug gi nang du 'dus pa'i phyir ro// rab 'byor de lta bas na/ pha rol tu phyin pa drug po nyid byang chub sems dpa' sems dpa' chen po'i dge ba'i bshes gnyen yin par rig par bya'o// pha rol tu phyin pa drug ni gnas so// pha rol tu phyin pa drug ni mgon no// pha rol tu phyin pa drug ni skyabs so// pha rol tu phyin pa drug ni dpung gnyen no// pha rol tu phyin pa drug ni gling ngo // pha rol tu phyin pa drug ni ma'o// pha rol tu phyin pa drug ni pa'o// pha rol tu phyin pa drug shes par bya ba dang / byang chub par bya ba dang / thams cad mkhyen pa nyid dang / bla na med pa yang dag par rdzogs pa'i byang chub thob par byed pa'i phyir bsgrub par 'gyur ro// nam byang chub sems dpa' sems dpa' chen po pa rol tu phyin pa drag la slob na/ lan ldon nus pa'i sems can thams cad la yang phan 'dogs pa yin no// rab 'byor pha rol tu phyin pa drug po 'di dag la slob par 'dod pa'i byang chub sems dpa' sems dpa' chen pos/ shes rab kyi pha rol tu phyin pa 'di nyid mnyan par bya/ gzung bar bya// bcang bar bya/ klag par bya// kun chub par bya/ rab tu 'dod par bya/ don dang tshul gyis yongs su brtag par bya/ nye bar bsam par bya/ dri bar bya/ drir bzhug par bya'o// de ci'i phyir zhe na/
- 282a
shes rab kyi pha rol tu phyin pa 'di ni pha rol tu phyin pa drug po 'di dag gi sngon du 'gro ba'o// 'dren pa'o// rab tu 'dren pa'o// yang dag par ston pa'o// kun du ston pa'o// bskyed pa'o// ma'o// de ci'i phyir zhe na/ shes rab kyi pha rol tu phyin pa dang bral na/ pha rol tu phyin pa lnga mi snang zhing / pha rol du phyin pa zhes bya ba'i ming yang thob par mi 'gyur ro// rab 'byor de lta bas na/ gzhan gyi dring mi 'jog par 'dod pa'i byang chub sems dpa' sems dpa' chen po gzhan gyi dring mi 'jog pa la gnas par 'dod pas na/ shes rab kyi pha rol du phyin pa 'di nyid las bslab par bya'o// rab 'byor gyis gsol pa/ bcom ldan 'das shes rab kyi pha rol tu phyin pa'i mtshan nyid gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor shes rab kyi pha rol tu phyin pa ni/ chags pa med pa'i mtshan nyid de/ rab 'byor gyis gsol pa/ bcom ldan 'das chags pa ma mchis pa'i mtshan nyid gang gis shes rab kyi pha rol tu phyin pa chags par 'gyur ba'i mtshan nyid de nyid kyis chos thams cad mchis par 'gyur ba'i rnam grangs mchis sam/ bcom ldan 'das kyis bka' stsal pa/ rab 'byor de de bzhin no// de de bzhin te/ chags pa med pa gang gis shes rab kyi pha rol tu phyin pa yod par 'gyur ba'i mtshan nyid 'di nyid kyis chos thams cad yod par
- 282b
'gyur ro// rab 'byor de ci'i phyir zhe na/ chos thams cad ni dben pa dang / rab 'byor chos thams cad ni stong pa'i phyir te/ rab 'byor de lta bas na/ chags pa med pa'i mtshan nyid gang gis shes rab kyi pha rol tu phyin pa dben pa dang / stong par 'gyur ba'i chags pa med pa'i mtshan nyid kyis chos thams cad dben pa dang / stong pa'o// rab 'byor gyis gsol pa/ bcom ldan 'das gal te/ chos thams cad dben pa dang / stong pa lags na/ bcom ldan 'das ji ltar na/ sems can thams cad kun nas nyon mongs pa 'da' bar 'gyur/ ji ltar rnam par byang bar 'gyur/ bcom ldan 'das dben pa'i kun nas nyon mongs par yang mi 'gyur/ rnam par byang bar yang mi 'gyur ro// bcom ldan 'das stong pa nyid ni kun nas nyon mongs par yang mi 'gyur ro// rnam par byang bar yang mi 'gyur ro// bcom ldan 'das dben pa 'am/ stong pa nyid bla na med pa yang dag par rdzogs pa'i byang chub mngon par rdzogs par 'tshang mi rgyal/ bcom ldan 'das dben pa dang / stong pa nyid las gud na chos gang bla na med pa yang dag par rdzogs pa'i byang chub mngon par rdzogs par sangs rgyas pa 'am/ mngon par rdzogs par 'tshang rgya bar 'gyur ba 'am/ mngon par rdzogs par 'tshang rgya ba'i chos de ni dmigs su ma mchis na/ bcom ldan 'das bshad pa 'di don ji lta bur 'tshal bar bgyi/ bcom ldan 'das bshad du gsol/
- 283a
bde bar gshegs pa bshad du gsol/ de skad ces gsol pa dang / bcom ldan 'das kyis tshe dang ldan pa rab 'byor la 'di skad/ ces bka' stsal to// rab 'byor 'di ji snyam du sems/ sems can rnams yun ring po nas ngar 'dzin pa dang / nga yir 'dzin pa la spyod dam/ rab 'byor gyis gsol pa/ bcom ldan 'das de lta legs so// bde bar gshegs pa de lta lags so// sems can rnams ni yun ring po nas ngar 'dzin pa dang / nga yir 'dzin pa la spyod do// bcom ldan 'das kyis bka' stsal pa/ rab 'byor 'di ji snyam du sems/ 'on kyang ngar 'dzin pa dang / nga yir 'dzin pa stong pa yin mod/ rab 'byor gyis gsol pa/ bcom ldan 'das stong pa lags so// bde bar gshegs pa stong pa logs so// bcom ldan 'das kyis bka' stsal pa/ rab 'byor 'di ji snyam du sems/ ngar 'dzin pa dang / nga yir 'dzin par sems can rnams 'khor ba na 'khor ram/ rab 'byor gyis gsol pa/ bcom ldan 'das de ltar lags so// bde bar gshegs pa de ltar lags so// ngar 'dzin pa dang / nga yir 'dzin pas sems can rnams 'khor bar 'khor ro// bcom ldan 'das kyis bka' stsal pa/ rab 'byor de ltar na sems can rnams kun nas nyon mongs par snang ngo // rnam par byang bar yang snang ngo // ji ltar sems can rnams 'dzin pa dang mngon par chags pa de ltar
- 283b
kun nas nyon mongs par 'gyur gyi/ 'di la gang yang kun nas nyon mongs par 'gyur ba ni med do// rab 'byor ji ltar 'dzin pa med pa dang / mngon par chags pa med pa de ltar ngar 'dzin pa dang / nga yir 'dzin pa med de/ de bzhin du rab 'byor rnam par byang bar yang snang ngo / 'di ltar sems can rnams la 'dzin pa med pa'i mngon par chags pa med do// 'di la su yang rnam par byang bar 'gyur ba ni med do// rab 'byor byang chub sems dpa' sems dpa' chen po de ltar spyod na/ shes rab kyi pha rol tu phyin pa la spyod do// rab 'byor de ltar chos thams cad dben pa la sems can rnams kyis nyon mongs pa dang / rnam par byang bar yang snang ngo // rab 'byor gyis gsol pa/ bcom ldan 'das de ltar chos thams cad stong zhing / chos thams cad dben pa la/ sems can rnams kyi kun nas nyon mongs pa dang / rnam par byang bar yang dag pa 'di ni ngo mtshar to// byang chub sems dpa' sems dpa' chen po de ltar spyod na/ gzugs la mi spyod do// de tshor ba la ma lags/ 'du shes la ma lags/ 'du byed rnams la ma lags/ rnam par shes pa la mi spyod do// byang chub sems dpa' sems dpa' chen po de ltar spyod na/ lha dang mi dang lha ma yin du bcas pa'i 'jig rten gyis mi dzi bar 'gyur ro// byang chub sems dpa' sems dpa' chen po de ltar spyod na/ gang zag nyan thos kyi theg pa can dang / rang sangs rgyas kyi
- 284a
theg pa can thams cad kyi spyod pa zil gyis gnon te/ zil gyis mi non pa'i gnas kyang thob bo// de ci'i slad du zhe na/ sangs rgyas nyid/ dang / de bzhin gshegs pa nyid dang / thams cad mkhyen pa nyid ni zil gyi mi non pa lags te/ bcom ldan 'das byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pa de lta bu la gnas na/ yid la bgyid pa 'dis gdugs mtshan 'da' bar bgyid na/ bla na med pa yang dag par rdzogs pa'i byang chub la nye bar 'gyur/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa chen po de ltar spyod na/ shes rab kyi pha rol tu phyin pa la spyod do// byang chub sems dpa' sems dpa' chen po de ltar spyod na/ gzugs la mi spyod de/ tshor ba la ma yin/ 'du shes la ma yin/ 'ang byed rnams la ma yin/ rnam par shes pa la mi spyod do// byang chub sems dpa' sems dpa' chen po de ltar spyod na/ lha dang mi dang lha ma yin du bcas pa'i 'jig rten dag gis mi rdzi bar 'gyur ro// byang chub sems dpa' sems dpa' chen po de ltar spyod na/ gang zag nyan thos
- 284b
kyi theg pa can thams cad dang / rang sangs rgyas kyi theg pa can thams cad zil gyis gnon te/ zil gyis mi gnon pa'i gnas kyang thob par 'gyur ro// de ci'i phyir zhe na/ rab 'byor sangs rgyas nyid dang / de bzhin gshegs pa nyid dang / thams cad mkhyen pa nyid ni zil gyis mi gnon pa'o// rab 'byor byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pa 'di la gnas na nyin mtshan 'da' bar byed na/ bla na med pa yang dag par rdzogs pa'i byang chub nye bar 'gyur ba yin te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// rab 'byor gal te 'dzam bu'i gling na sems can ji snyed yod pa de dag thams cad kyis snga phyi med par mi'i lus thob par 'gyur la/ mi'i lus thob nas kyang bla na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub tu sems bskyed nas kyang / ji srid mtsho'i bar gnas shing / ji srid mtsho'i bar du sems can thams cad la sbyin pa byin la/ sbyin pa de yang bla na med pa yang dag par rdzogs pa'i byang chub tu yongs su bsngo na/ rab 'byor 'di ji snyam du sems/ byang chub sems dpa' sems dpa' chen po de dag gzhi de las bsod nams mang du bskyed dam/ rab 'byor gyis gsol pa/ bcom ldan 'das mang ngo //
- 285a
bde bar gshegs pa mang ngo // bcom ldan 'das kyis bka' stsal pa/ rab 'byor de bas na/ byang chub sems dpa' sems dpa' chen po gang tha na nyin cig tsam yang shes rab kyi pha rol tu phyin pa dang ldan pa'i yid la byed pa la gnas na/ rigs kyi bu 'am rigs kyi bu mo de ches bsod nams mang du bskyed do// de ci'i phyir zhe na/ rab 'byor ji lta ji ltar byang chub sems dpa' sems dpa' chen po shes rab kyi pha rol tu phyin pa dang ldan pa'i yid la byed pa nyin mtshan du gnas na/ de lta de lta bur sems can thams cad kyi sbyin pa'i gnas su 'gyur ro// de ci'i phyir zhe na/ de ni 'di ltar byang chub sems dpa' sems dpa' chen po de'i byams pa dang ldan pa'i sems de lta bu ni sangs rgyas bcom ldan 'das ma gtogs par sems can gzhan gang dag la med do// rab 'byor de ci'i phyir zhe na/ de bzhin gshegs pa ni gang zag zla med pa'o// rab 'byor de bzhin gshegs pa ni dpe med pa'o// rab 'byor de bzhin gshegs pa dgra bcom pa yang dag par rdzogs pa'i sangs rgyas ni bsam gyis mi khyab pa'i chos rnams dang ldan pa'i// rab 'byor ji ltar na/ rigs kyi bu mo de bsod nams de snyed mngon par bsgrub ce na/ rab 'byor shes rab kyi pha rol tu phyin pa ji lta bu dang ldan par gyur/ sems can thams cad gsad par gyur pa mthong ste/ de de'i tshe na snying rje chen pos yongs su gzung bar gyur cing des lha'i mig gis bltas dang / sems can tshad med dpag tu med pa
- 285b
rnams/ mtshams med pa'i las bgyis pa rnams dang ldan par gyur pa mthong / mi khom par gyur pas/ rnam par nyam pa dang / lta ba'i dra bas khebs pa dang / lam ma rnyed pa dang / gzhan gyi mi khom par gyur pa dag mthong zhing / dal ba chud gson pa dag mthong nas/ de'i dus na skyo ba skyes te/ semams can de dag thams cad la byams pa dang / snying rje chen pos khyab par byas nas/ bdag ni sems can 'di dag thams cad kyi mngon du gyur pa'o// bdag gis sems can 'di dag thams cad sdug bsngal las thar par bya'o snyam yid la byas par 'gyur ro// mtshan ma med pa de dag dang / gzhan dag lhan cig mi gnas par 'gyur ba'i shes rab de lta bu dang ldan par 'gyur ro// rab 'byor de'ang byang chub sems dpa' sems dpa' chen po'i bla na med pa yang dag par rdzogs pa'i byang chub mngon par rdzogs par 'tshang rgya bar bya ba la shes rab kyi snang ba chen po'o// rab 'byor 'di lta bur gnas la spyod na/ 'jig rten thams cad kyi sbyin gnas su yongasu 'dzin cing / bla na med pa yang dag par rdzogs pa'i byang chub las phyir mi ldog go// sbyin pa'i bdag po dang / sbyin pa po dag gis gos dang / bsod snyoms dang / mal cha dang / nad kyi gsos sman dang / yo byad rnams la yongs su spyod na yang shes rab kyi pha rol tu phyin pa 'di la sems rab tu nye bar gzhag na/ sbyin pa'i bdag po dang / sbyin pa po rnams kyis sbyin pa rnam par sbyong zhing / 'di ni thams cad
- 286a
mkhyen pa nyid nye bar 'gyur ro// rab 'byor de lta bas na/ byang chub sems dpa' sems dpa' chen pos yul 'khor bsod snyoms 'bras bu yod par za 'dod pa dang / sems can thams cad la lam ston par 'dod pa dang / rgya cher snang bar byed 'dod pa dang / 'khor ba na gnas pa rnams 'khor ba las thar par 'dod pa dang / sems can thams cad kyi mig rnam par spang bar 'dod pas shes rab kyi pha rol tu phyin pa dang ldan pa'i yid la byed pa dang 'di la gnas par bya'o// gal te yid la byed pa 'di la gnas par 'dod na/ des shes rab kyi pha rol tu phyin pa dang ldan pa'i yid la byed par dran par bya'o// de ci'i phyir zhe na/ gang de ltar dran par bya bar sems dpa' de nyid de'i yid la byed par 'gyur te/ de ma yin par shes rab kyi pha rol tu phyin pa dang bral ba'i yid la byed pa gzhan gyi skabs byed par mi bya'o// ci nas kyang shes rab kyi pha rol tu phyin pa dang ldan pa'i yid la byas pas nyin mtshan zad par 'gyur ba de ltar bya'o// rab 'byor 'di lta ste/ dper na/ skyes bu la la zhig nor bu rin po che rig shes pas/ sngon ma rnyed pa'i nor bu rin po che rnyed par gyur la/ des nor bu rin po che rnyed pas dga' ba dang / mchog tu dga' ba che zhing yangs pa dang ldan par gyur pa las/ de'i nor bu rin po che de phyis stor ba dang / de bzhin du de las sdug bsngal dang / yid mi bde ba chen po dang ldan par gyur te/ de 'di ltar kye ma bdag ni nor bu rin po che dang
- 286b
bral lo zhes rtag par rgyun mi 'chad par nor bu rin po che dang bral ba'i yid la byed pa 'byung zhing / de ltar nor bu rin po che chen po de 'am/ de ma yin pa gzhan dang yon tan/ 'dra zhing rigs mthun pa rnyed par 'gyur ba'i bar du/ skyes bu rin po che chen po de ma rjed do// rab 'byor de bzhin du byang chub sems dpa' sems dpa' chen po shes rab kyi pha rol tu phyin pa nor bu rin po che chen po las nyams pas kyang / nor bu rin po che chen po stor/ nor bu rin po che la rin po cher 'das shes pa ltar shes rab kyi pha rol du phyin pa yid la byed pa dang ldan zhing ma bral ba'i sems kyis ji tsam du de yang / gzhan rnyed par 'gyur ba de srid du btsal bar bya zhing / de srid du des shes rab kyi pha rol du phyin pa rin po che dang / thams cad mkhyen pa'i rin po che dang ldan pa'i yid la byed pa dang mi 'bral bar bya'o// rab 'byor gyis gsol pa/ bcom ldan 'das 'di ltar chos thams cad dang yid la byed pa thams cad ni ngo bo nyid dang bral ba lags na/ bcom ldan 'das 'di ltar na byang chub sems dpa' sems dpa' chen po thams cad mkhyen pa nyid dang ldan pa'i yid la bgyid pa dang ma bral bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal pa/ rab 'byor gal te byang chub sems dpa' sems dpa' chen po 'di snyam du/ chos thams cad ni ngo bo nyid kyis dben pa'o// zhes yid la byed par 'gyur la/
- 287a
de ltar yid la byed par 'gyur na/ shes rab kyi pha rol du phyin pa dang ma bral ba yin no// de ci phyir zhe na/ rab 'byor shes rab kyi pha rol tu phyin pa ni stong pa ste/ de mi 'phel mi 'grib po// rab 'byor gyis gsol pa/ bcom ldan 'das gal te shes rab kyi pha rol tu phyin pa stong pa ste/ de mi 'phel mi 'grib na/ de ji ltar byang chub sems dpa' sems dpa' chen po 'phel ba ma mchis par/ shes rab kyi pha rol du phyin pas byang chub tu bsgrub par 'gyur/ ji ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de skad ces gsol pa dang / bcom ldan 'das kyi tshe dang ldan pa rab 'byor la 'di skad ces bka' stsal to// rab 'byor byang chub sems dpa' sems dpa' chen po ni mi 'grib po// rab 'byor gang ji ltar shes rab kyi pha rol tu phyin pa ste/ de mi 'phel mi 'grib pa de bzhin du rab 'byor byang chub sems dpa' yang stong pa ste/ de mi 'phel mi 'grib po// rab 'byor ji ltar shes rab kyi pha rol tu phyin pa stong pa ste/ de mi 'phel mi 'grib pa de bzhin du/ rab 'byor byang chub sems dpa' sems yang stong pa ste/ de mi 'phel mi 'grib pas nas/ de'i phyir byang chub sems dpa' sems dpa' chen po yang dag par bsgrub pa bla na med pa yang dag par rdzogs pa'i byang chub mngon par rdzogs par 'tshang rgya'o// rab 'byor gal te de skad du bshad pa la byang chub sems
- 287b
dpa' sems dpa' chen po mi skrag mi dbang dngang bar mi 'gyur zhing zhum par ma gyur na/ rab 'byor byang chub sems dpa' sems dpa' chen po de shes rab kyi pha rol tu phyin pa la spyod par rig par bya'o// rab 'byor gyis gsol pa/ bcom ldan 'das ci shes rab kyi pha rol tu phyin pa'i stong pa nyid gang lags pa de shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das ci shes rab kyi pha rol tu phyin pa la shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das ci shes rab kyi pha rol tu phyin pa'i stong pa nyid las gud na gang shes rab kyi pha rol tu phyin pa la spyod pa'i chos de gang yang dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das ci stong pa nyid shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das ci shes rab kyi pha rol tu phyin pa la spyod pa'i chos 'ga' yang stong pa nyid la mchis par dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom
- 288a
ldan 'das ci gzugs shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yino// / rab 'byor gyis gsol pa/ bcom ldan 'das ci tshor ba dang / 'du shes dang / 'du byed rnams dang / rnam par shes pa shes rab kyi pha rol tu phyin pa la spyod dam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das ci gzugs las gud na gang shes rab kyi pha rol tu phyin pa la spyod pa'i chos de gang dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das ci tshor ba dang / 'du shes dang / 'du byed rnams dang / rnam par shes pa las gud na gang shes rab kyi pha rol tu phyin pa la spyod pa'i chos gang yang dmigs sam/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das 'o na ji ltar byang chub sem dpa' sems dpa' chen po shes rab kyi pha rol tu phyin pa la spyod par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor ci shes rab kyi pha rol tu phyin pa la spyod pa'i chos de khyod kyis yang dag par rjes su ma mthong ngam/ rab
- 288b
'byor gyis gsol pa/ bcom ldan 'das de ni ma lag so// bcom ldan 'das kyis bka' stsal pa/ rab 'byor shes rab kyi pha rol tu phyin pa gang la byang chub sem dpa' sems dpa' chen po spyod pa'i shes rab kyi pha rol tu phyin pa khyod kyis yang dag par rjes su mthong ngam/ rab 'byor gyis gsol pa/ bcom ldan 'das de ni ma lag so// bcom ldan 'das kyis bka' stsal pa/ rab 'byor de ji snyam du sems/ dmig su med pa'i chos de yang dag par rjes su mthong ngam/ chos de skyes bsam/ skyes par 'gyur ram/ skye 'am/ 'gags sam/ 'gag par 'gyur ram/ 'gag gam/ rab 'byor gyis gsol pa/ bcom ldan 'das de ni ma legs so// bcom ldan 'das kyis bka' stsal pa/ rab 'byor de ltar byang chub sems dpa' sems dpa' chen po mi skye ba'i chos la bzod pa ni de lta bu yin te/ rab 'byor de lta bu'i bzod pa de lta bu yid dang ldan pa'i byang chub sems dpa' sems dpa' chen po ni/ bla na med pa yang dag par rdzogs pa'i byang chub tu lung bstan par 'gyur ro// rab 'byor byang chub sems dpa' sems dpa' chen po ni/ de bzhin gshegs pa'i mi 'jigs pa'i lam 'dir zhugs nas/ de ltar spyod cing de ltar brtson te/ de ltar 'bad nas sangs rgyas kyi ye shes bla na med pa dang / ye shes chen po dang / thams cad mkhyen pa'i ye shes dang / ded dpon chen po'i ye shes dang / thob par mi 'gyur ba 'di ni gnas med do// rab 'byor/
- 289a
gyis gsol pa/ bcom ldan 'das chos thams cad kyis mi skye ba'i chos gang lags pa re bla na med pa yang dag par rdzogs pa'i byang chub tu lung bstan par 'gyur ram/ bcom ldan 'das kyis bka' stsal pa/ rab 'byor de ni ma yin no// rab 'byor gyis gsol pa/ bcom ldan 'das 'o na chos gang bla na med pa yang dag par rdzogs pa'i byang chub tu lung bstan pa lags/ bcom ldan 'das kyis bka' stsal pa/ rab 'byor ci khyod kyis chos gang bla na med pa yang dag par rdzogs pa'i byang chub tu lung bstan pa'i chos de yang dag par rjes su mthong ngam/ rab 'byor gyis gsol pa/ bcom ldan 'das de ni ma lag so// bcom ldan 'das chos gang bla na med pa yang dag par rdzogs pa'i byang chub tu lung bstan pa dang / lung bston par 'gyur ba dang / lung ston pa'i chos de ni bdag gis yang dag par rjes su ma mthong ngo // bcom ldan 'das chos gang mngon par rdzogs par 'tshang rgya bar bgyi ba 'am/ chos gang gis mngon par rdzogs par 'tshang rgya bar 'gyur ba'i chos de yang bdag gis yang dag par rjes su ma mthong ngo // bcom ldan 'das de ci'i slad du zhe na/ chos thams cad dmigs su ma mchis pa la/ bdag 'di snyam du chos 'di ni mngon par rdzogs par 'chang rgya'o// chos 'di ni mngon par rdzogs par 'tshang rgya bar bgyi'o// chos 'di ni mngon par rdzogs par sangs rgyas so// snyam du mi sems dpa'i slad du'o// shes rab
- 289b
kyi pha rol tu phyin pa brgyad stong pa las/ dge ba'i bshes gnyen gyi le'u ste nyi shu gnyis pa'o// / de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa 'di ni zab po// kye ma bcom ldan 'das shes rab kyi pha rol tu phyin pa 'di ni blta bar dka' zhing rtogs par dka' ba'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ shes rab kyi pha rol tu phyin pa 'di ni zab po// shes rab kyi pha rol tu phyin pa 'di ni blta bar bka' zhing rtogs par bka' ba ste/ na mkha' zab pa'i phyir shes rab kyi pha rol tu phyin pa zab po// shes rab kyi pha rol tu phyin pa 'di ni dben pa'i phyir lta bka' ba'o// stong pa'i phyir rtogs par dka' ba'o// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das gang dag shes rab kyi pha rol tu phyin pa zab mo 'di nyan par 'gyur zhing / thos nas 'dzin pa dang / 'chang ba dang / klog pa dang / lung nod pa dang / kha ton bgyid par 'gyur ba'i sems can de dag ni/ ngan ngon gyi dge ba'i rtsa ba dang ldan pa ma lags so// de skad ces gsol ba dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ gang dag shes rab kyi pha rol
- 290a
tu phyin pa zab mo 'di nyan par 'gyur zhing / thos nas 'dzin pa dang / 'chang ba dang / klog pa dang / lung nod pa dang / kha ton byed par 'gyur ba'i sem can de dag ni ngan ngon gyi dge ba'i rtsa ba dang ldan pa ma yin no// ke'u shi ka 'dzam bu'i gling na sems can ji snyed yod pa de dag thams cad dge ba bcu'i las kyi lam la bkod par gyur na/ ke'u shi ka de ji snyam du sems/ sems can de dag de'i gzhi de las bsod nams mang du bskyed dam/ brgya byin gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ ke'u shi ka rigs kyi bu 'am/ ka' sha ka rags kyi ba 'am/ rigs kyi bu mo gang dag shes rab kyi pha rol tu phyin pa zab mo 'di nyan pa dang / yi ger 'bri ba dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / kha ton byed par 'gyur ba'i rigs kyi bu 'am/ rigs kyi bu mo de dag ni bsod nams de bas ches mang du bskyed do// ke'u shi ka gang shes rab kyi pha rol tu phyin pa 'di nyan pa dang / yi ger 'dri ba dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang // kha ton byed par 'gyur ba'i rigs kyi bu ma/ rigs kyi nu ma de dge pa'i chu ba gang dang ldan par 'byur ba'i bam mas kyi rung pa 'di la tha ma'i 'jam bu'i rdzing gi sems ca rnams kyi tshul khrim pa las rgya
- 290b
ba'i bsod nams kyi phung pos brgya'i char yang nye bar mi 'gro/ stong gi char yang / brgya stong gi char yang / bye ba'i char yang / bye ba rgya'i char yang / bye ba stong gi char yang / bye rgya stong gi char yang / bye ba khrag khrig brgya stong gi char yang nye bar mi 'gro'o// grangs su yang / dper yang / rgyur yang mi bzod do// de nas dge slong gzhan zhig gis/ lha'i dbang po brgya byin la 'di skad ces smras so// ke'u shi ka rigs kyi bu 'am/ rigs kyi bu mo gang shes rab kyi pha rol tu phyin pa 'di nyan pa dang / yi ger 'dri ba dang / 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / lung nod pa dang / kha ton byed par 'gyur ba des zil gyis mnan to// de skad ces smras pa dang / lha'i dbang po byargya byin gyis dge slong de la 'di skad ces smras so// 'phags pa rigs kyi bu 'am/ rigs kyi bu mo des sems bskyed pa gcig gis kyang zil gyis mnan na/ gang shes rab kyi pha rol tu phyin pa 'di nyan pa dang / yi ger 'dri ba dang / 'dzin pa dang / 'chang ba dang / klog pa dang / kun chub par byas/ rab tu 'don pa dang / lung nod pa dang / kha ton byed par 'gyur bas lta ci smos/ gang gis thos nas bris shing bzung bcangs/ klags/ kun chub par byas/ rab tu 'don pa dang / lung nos shing bstan te/ kha ton byas nas/ de bzhin nyid du bsgrub pa la ci smos te/ byang chub sems dpa' sems dpa' chen po de dang de
- 291a
dag ni/ lha dang mi dang lham du bcas pa'i 'jig rten zil gyi gnon cing 'gro bar 'gyur ro// byang chub sems dpa' sems dpa' chen po de dag ni/ lha dang mi dang / lha ma yin du bcas pa'i 'jig rten zil gyis gnon cing 'gro bar ma zad kyi gang yang rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas de dag thams cad kyang zil gyis gnon cing 'gro bar 'gyur ro// byang chub sems dpa' sems dpa' chen po de dag ni rgyud du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams zil gyis gnon cing 'gro bar ma zad kyi/ byang chub sems dpa' sems dpa' chen po la gang sbyin pa'i bdag po chen po dag/ shes rab kyi pha rol tu phyin pa dang / thabs mkhas pa dang bral ba de dag kyang byang chub sems dpa' sems dpa' chen po de dag zil gyis gnon cing 'gro bar 'gyur ro// byang chub sems dpa' sbyin bdag chen po zil gyis gnon cing 'gro bar ma zad kyi/ byang chub sems dpa' sems dpa' chen po gang dag tshul khrims yongs su dag cing / tshul khrims kyi phung po ma nyams pa dang / skyon med pa dang / 'dres mar ma gyur pa dang / lhad ma zhags pa dang yongs su rdzogs pa dang ldan pa/ shes rab kyi pha rol tu phyin pa dang / thabs mkhas pa dang ma bral ba de dag thams cad kyang byang chub sems dpa' sems dpa'
- 291b
chen po de dag zil gyis gnon cing 'gro bar 'gyur ro// byang chub sems dpa' tshul khrims kyi phung po yongs su rdzogs par dag pa dang ldan pa dag zil gyi gnon cing 'gro bar ma zad kyi/ byang chub sems dpa' gang bzod pa phun sum tshogs pa/ zhi ba phun sum tshogs pa/ chung ngu na sdong dum mes tshig pa la yang gnod pa'i sems mi skyes la/ shes rab kyi pha rol du phyin pa dang / thabs mkhas pa dang ma bral ba de dag thams cad kyang / byang chub sems dpa' sems dpa' chen po de dag zil gyis gnon cing 'gro bar 'gyur ro// byang chub sems dpa'i bzod pa phun sum tshogs pa zhi ba phun sum tshogs pa/ sems khong khro ba med pa dag zil gyis gnon cing 'gro bar ma zad kyi/ byang chub sems dpa' sems dpa' chen po gang brtson 'grus rtsams pa/ le lo med pa/ ma zham pa'i lus dang / ngag dang / yid kyi las kyi mtha' dang ldan la/ shes rab kyi pha rol tu phyin pa dang / thabs mkhas pa dang / bral ba dag thams cad kyang / byang chub sems dpa' sems dpa' chen po de dag zil gyis gnon cing 'gro bar 'gyur ro// byang chub sems dpa' brtson 'grus brnams pa la lo long ba/ gdus pa'i bus dang sha dang / yid kyilas kyi mapa' dang lda pa dan zil khyim gar cing kri bar ma byang chub sems dpa' sems dpa' gang bsam gtan la mos pa/ bsam gtan gyi stobs can/ bsam gtan la gnas pa/ bsam gtan la dbang ba/ shes rab
- 292a
kyi pha rol tu phyin pa dang / thabs mkhas pa dang ma bral ba de dag thams cad kyang byang chub sems dpa' sems dpa' chen po de dag zil gyis gnon cing 'gro bar 'gyur ro// shes rab kyi pha rol tu phyin pa ji ltar bstan pa la spyod pa dag ni/ lha dang / mi dang / lha ma yin du bcas pa'i 'jig rten thams cad zil gyis gnon cing 'gro bar 'gyur ro// nyan thos kyi theg pa can dang / rang sangs rgyas kyi theg pa can thams cad dang / thabs la mi mkhas pa'i byang chub sems dpa' sems dpa' chen po rnams zil gyis gnon par 'gyur te/ de dag ni zil gyis gnon par 'gyur ro// de ci'i phyir zhe na/ byang chub sems dpa' sems dpa' chen po gang shes rab kyi pha rol tu phyin pa ji ltar bstan pa la spyod cing / shes rab kyi pha rol tu phyin pa'i rjes su 'jug ste/ byang chub sems dpa' sems dpa' chen po 'di ni thams cad mkhyen pa'i rig mi chad par bya ba'i phyir zhags pa yin no// byang chub sems dpa' sems dpa' chen po 'di ni/ de bzhin gshegs pa rnams rgyang ring du mi byed par 'gyur ro// byang chub sems dpa' sems dpa' chen po 'di de ltar nan tan byed na/ byang chub kyi snying po dang mi mthun par mi byed do// byang chub sems dpa' sems dpa' chen po 'di de ltar slob na/ sems can nyon mongs pa'i 'dam du bying ba rnams 'byin par 'gyur ro// byang chub sems dpa' sems dpa' chen po de ltar slob na/ byang chub
- 292b
sems dpa'i bslab pa la slob pa yin te/ nyan thos kyi bslab pa la mi slob po/ rang sangs rgyas kyi bslab pa la mi slob po// byang chub sems dpa' sems dpa' chen po de ltar shes rab kyi pha rol tu phyin pa la slob pa'i drung du/ 'jig rten skyong ba'i rgyal po bzhi 'ongs nas/ 'di skad ces zer te/ rigs kyi bu khyod myur du byang chub sems rapa'i bslab pa la slobs shig/ la gor slobs shig/ gang khyod byang chub kyi byang chub kyi snying po la 'dug pa nas/ bla na med pa yang dag par rdzogs pa'i byang chub mngon par sangs rgyas nas/ blang bar bya ba'i lhung bzed bzhi po 'di dag yin no zhes zer ro// byang chub sems dpa' sems dpa' chen po de ltar shes rab kyi pha rol tu phyin pa'i drung du rgyal po chen po bzhi mchis par sems te/ bcom ldan 'das byang chub sems dpa' sems dpa' chen po de'i drung du 'chi bar sems na/ lha'i bu gzhan dag lta ci smos/ byang chub sems dpa' chen po de/ de bzhin gshegs pa dgra bcom pa yang dag par rdzogs pa'i sangs rgyas dag gis kyang rtag tu dgongs par 'gyu ro// byang chub sems dpa' sems dpa' chen po de ltar shes rab kyi pha rol tu phyin pa la spyod na/ 'jig rten gyi sdug bsngal ba dang / pha rol gyi gnon pa gang yang rung ba byung na/ de dag dang de la yong ye mi 'byung bar 'gyur te/ bcom ldan 'das 'di'ang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di'i
- 293a
yon tan lags so// de nas tshe dang ldan pa kun dga' bo 'di ji snyam du sems te/ ci lha'i dbang po brgya byin 'di bdag nyid kyi spobs pas sgra 'am/ 'on te sangs rgyas kyi mthus smra snyam mo// de nas sangs rgyas kyi mthus lha'i dbang po brgya byin gyis tshe dang ldan pa kun dga' bo'i sems kyi rtog pa sems kyi shes na/ tshe dang ldan pa kun dga' bo la 'di skad ces smras so// 'phags pa kun dga' bo 'di ni sangs rgyas kyi mthus rig par bya'o// 'phags pa kun dga' bo 'di ni sangs rgyas kyi byin gyis brlabasu rig par bya ste/ kho bo ni byang chub sems dpa' sems dpa' chen po la brtsams te/ smra mi nuso// de nas bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' ba ji ltar lha'i dbang po brgya byin gyis smras pa/ de de bzhin no// de de bzhin te/ 'di ni de bzhin gshegs pa'i mthu'o// 'di ni de bzhin gshegs pa'i byin gyis brlabs kyis lha'i dbang po brgya byin gyis bshad pa yin no// shes rab kyi pha rol tu phyin pa brgyad stong pa las/ brgya byin gyi le'u ste nyi shu gsum pa'o// / bam po nyi shu pa// / de nas yang bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo yang nam byang chub sems dpa' sems dpa' chen po shes
- 293b
rab kyi pha rol tu phyin pa la rnal 'byor du byed pa dang / shes rab kyi pha rol tu phyin pa la slob pa dang / shes rab kyi pha rol tu phyin pa la bsgom pa de'i tshe/ kun dga' bo stong / gsum gyi stong chen po'i 'jig rten gyi khams kyi bdud de dag thams cad 'di ltar dogs par 'gyur te/ byang chub sems dpa' sems dpa' chen po 'di ci bar ma dor nyan thos kyi sa 'am/ rang sangs rgyas kyi sa la yang dag pa'i mtha' mngon du byed dam/ 'on te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam mo// gzhan yang kun dga' bo nam byang chub sems dpa' sems dpa' chen po shes rab kyi pha rol tu phyin pa la spyod pas gnas pa'i tshe/ kun dga' bo bdud dag mya ngan gyi zug rngus zug par 'gyur ro// gzhan yang kun dga' bo nam byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi pha rol tu phyin pa la rnal 'byor du byed pa de'i tshe/ bdad sdig can dag byang chub sems dpa' sems dpa' chen po la 'tshe bar byed de/ ci nas byang chub sems dpa' sems dpa' chen po 'di zhum par 'gyur ba dang / spu zing zhes byed par 'gyur ba dang / des bla na med pa yang dag par rdzogs pa'i byang chub tu de'i sems bskyed pa gcig tsam yang zad par 'gyur snyam ste/ 'jigs pa dag kyang 'byin cing phyogs su thar pa lta bu dag kyi gtong zhing ston to// kun dga' bo byang chub
- 294a
sems dpa' sems dpa' chen po thams cad kyi thad du bdud sdig can 'che bar sems zhing mi 'ong ste/ kha cig gi drung du ni 'ong ngo // kha cig gi drung du ni mi 'ong ngo // kun dga' bos gsol pa/ bcom ldan 'das byang chub sems dpa' sems dpa' chen po ji lta bu'i drung du/ bdud sdig can brtse bar sems shing mchis/ bcom ldan 'das kyis bka' stsal pa/ kun dga' bo byang chub sems dpa' gang gis sngon yang shes rab kyi pha rol tu phyin pa bshad pa la mos par sems ma bskyed par gyur na/ kun dga' bo byang chub sems dpa' sems dpa' chen po de dag la bdud sdig can brtse bar sems shing 'ong ste/ klags kyang rnyed par 'gyur ro// gzhan yang kun dga' bo byang chub sems dpa' sems dpa' chen po dag shes rab kyi pha rol tu phyin pa zab mo 'di bshad pa la/ 'di shes rab kyi pha rol tu phyin pa yin nam/ ma yin snyam du the tshom za bar 'gyur te/ kun dga' bo da ltar the tsom skyes pa'i byang chub sems dpa' la bdud sdig can brtse bar sems shing 'ong ste/ de la klags kyang rnyed par 'gyur ro// gzhan yang kun dga' bo 'di la byang chub sems dpa' dge ba'i bshes gnyen dang bral zhing / sdig pa'i grogs pos yongs su zin par gyur la/ zab mo zab pa'i gnas dag shes rab kyi pha rol tu phyin pa las bshad pa la mi mnyan te/ mnyan pas mi shes so// mi shes pas ji
- 294b
ltar shes rab kyi pha rol tu phyin pa la bsgom par bya zhes mi 'dri ste/ kun dga' bo byang chub sems dpa' sems dpa' chen po 'di la yang bdud sdig can brtse bar sems shing / 'ongs te/ de la klags kyang rnyed par 'gyur ro// gzhan yang kun dga' bo byang chub sems dpa' dam pa'i chos ma yin pa 'dzin pa la sbyor bar 'gyur te/ 'di ni bdag gi grogs po don bya ba thams cad la yang ma 'dor ro// bdag gis grogs po byang chub sems dpa' gzhan yang mang du yod kyang de dag ni bdag gi bsam pa yongs su rdzogs par mi byed de/ 'di ni bdag dang 'thun pa'i grogs shig rnyed kyis/ 'di ni bdag gi bsam pa yongs su rdzogs par byed do snyam na/ kun dga' bo byang chub sems dpa' 'di la yang bdud sdig can brtse bar sems shing 'ong ste/ klags kyang rnyed par 'gyuraro// gzhan yang kun dga' bo byang chub sems dpa' sems dpa' chen po gang shes rab kyi pha rol tu phyin pa zab mo 'di bshad pa la byang chub sems dpa' gzhan la 'di skad ces zer te/ kye ma shes rab kyi pha rol tu phyin pa 'di ni zab ste/ khyod la 'di mnyan pas ci zhig bya/ mdo sde dag las de bzhin gshegs pas ji skad du bshad pa ltar rung snyam yang mi byed de/ kho bos ni 'di'i gting mi rnyed na/ khyod la 'di mnyan pa 'am/ bris pas ci zhig bya zhes byang chub sems dpa' sems dpa' gzhan gang dag kyang de ltar bral byed de/ kun dga' bo byang chub sems dpa' 'di la yang bdud sdig can brtse bar sem/
- 295a
shing 'ongs te/ klags kyang rnyed par 'gyuraro// gzhan yang kun dga' bo nam byang chub sems dpa' byang chub sems dpa' gzhan dag la brnyas par byed cing / bdag ni dben par spyod cing gnas te/ gzhan dag ni dben par spyod pas mi gnas so// gzhan dag la ni dben pas gnas par med do snyam nas/ de'i tshe bdud sdig can dga' mgu yid rangs par gyur cing / rab tu dga' ba dang / rangs pa dang / yid bde ba skyes te/ sems dga' zhing rab tu mtshim pa skyes par 'gyur ro// de ci'i phyir zhe na/ 'di ni bla na med pa yang dag par rdzogs pa'i byang chub rgyang ring du byed snyam mo// gzhan yang kun dga' bo nam byang chub sems dpa'i ming nas smos pa 'am/ rus pa nas smos pa 'am/ spangs pa'i yon tan yongs su brjod pa de'i tshe/ de de tsam gyis de ma yin pa'i byang chub sems dpa' sems dpa' chen po nges pa'i chos can gzhan dag la brnyes par byed cing / de la phyir mi ldog pa'i byang chub sems dpa' sems dpa' chen po shes rab kyi pha rol tu phyin pa spyod pa gang dag gi yon tan ji snyed pa yod pa dang / rnam pa gang yin pa dang / rtags gang yin pa dang / mtshan ma gang yin pa de dag med do// de dag de la med bzhin du/ de phyir mi ldog pa'i yon tan rnams la nyon mongs pa bskyed de/ da gang la snang ba'i chos de dag la khyed mi snang ngo zhes bdag la stod cing gzhan la smod do// de la bdud sdig can 'di snyam du sems te/
- 295b
bdud kyi gnas stongs par mi 'gyur zhing / sems can dmyal ba chen po zhig par mi 'gyur/ byol song gi skye gnas dang / yi dgas kyi yul dang / lha ma yin gyi tshogs/ zad par mi 'gyur ba lta snyam nas/ bdud sdig can de lta de lta bur byin gyis brlob ste/ ci na byang chub sems dpa' de dag rnyed pa dang / bkur stis non pa'i rang bzhin can du 'gyur zhing / tshig btsun par 'gyur ba dang / tshig btsun pa des skye bo mang po 'dzin du 'jug pa ste/ de dag la skye bo mang po yang mnyan pa dang dad par semaso// mthong ngam thos na yang de dag ltar 'chos shing byed de/ mthong nas de ltar 'chos shing de bzhin du mi slob/ de bzhin nyid du nan tan mi byed par 'gyur ro// de dag de ltar de bzhin nyid la slob cing de bzhin nyid la nan tan mi byed pas/ nyon mongs pa rnam par 'phel bar 'gyur ro// de dag de ltar sems kyi rgyud phyin ci log pas lus dang ngag dang yid kyis las ci byed pa de dag thams cad mi 'dod pa dang / mi sdug pa dang / mi dga' ba dang / yid du mi 'ong bar 'gyur te/ de ltar sems can dmyal ba chen po de dag zhig par mi 'gyur ro// byol song gi skye gnas dang / yi dgas kyi yul dang / lha ma yin gyi tshogs dang / bdud kyi gnas rnams zhig par mi 'gyur ro// kun dga' bo don gyi dbang 'di mthong nas/ bdud sdig can dga' mgu yid rangs shing rab tu dga' ba dang / tshim pa dang / yid bde ba skyes par 'gyur ro//
- 296a
gzhan yang na dga' bo ma byang chub sems dpa' gang bgazhan thos kyi then pa cad dang 'thab par byed/ rtsod par byed/ babyed par byed/ gshe zhing sbyong bar byed/ gnod par sems zhing zhe sdang bskyed nas/ de'i tshe bdud sdig can 'di snyam du sems te/ rigs kyi bu 'di ni thams cad mkhyen pazhing rlung ring du byed par 'gyur te/ thams cad mkhyen pa nyid kyang ring du gnas par 'gyur ro// gal te gang dag byang chub sems dpa'i theg pa can gang zag byang chub sems dpa'i theg pa can gzhan dang / 'thab par byed/ rtsod par byed/ 'gyed par byed/ gshe zhing spyod par byed gnod par sems shing zhe sdang bskyed na/ de la bdud sdig can shin du dga' mgu yid rangs shing / rab tu dga' ba dang / tshim pa dang / yid bde ba skyes par 'gyur te/ de 'di snyam du byang chub sems dpa' 'di gnyi ga yang thams cad mkhyen pa nyid las kyang ring du gnas par 'gyur ro snyam du soms so// gzhan yang kun dga' bo byang chub sems dpa' lungs snyan pa gang byang chub sems dpa' sem dpa' chen po lung bstan pa dang 'thab par byed/ rtsod par byed/ 'gyed par byed/ gzhi zhing spyod par byed/ gnod par sems zhing zhe sdang bskyed la/ sems la gnod cing byang chub sems dpa' des gal te thams cad mkhyen pa nyid ma gtang na sems bskyed pa dang / sems bskyed pa de snyed kyi skal bar go cha bgos so// de na
- 296b
ces bka' stsal pa dang / bcom ldan 'das la kun dga' bos 'di skad ces gsol to// bcom ldan 'das kyis bskyed pa de dag la 'byung bar 'gyur ba gang yang mchis sam/ 'on te skal pa de snyed du/ byang chub sems dpa' des gdon mi 'tshal bar go cha bgo bar 'tshal ba lags/ bcom ldan 'das kyis bka' stsal pa/ kun dga' bo gang zag nyan thos kyi theg pa can dang / byang chub sems dpa'i theg pa can dag la ngas 'byung ba dang bcas par chos ston to// de la kun dga' bo gang zag byang chub sems dpa'i theg pa can gang byang chub sems dpa'i theg pa can gang byang chub sems dpa'i theg pa can dang thabs shing rtsod pa de bkye nas/ gshe zhing spyod pa nod par sems/ zhe sdang bskyed nas 'thol 'tshams mi byed/ phyis sdom pa mi 'dzin la/ 'khon du 'dzin cing 'khon du bzung nas 'dug na/ kun dga' bo gang zag de la 'byung ba yod par mi smra ste/ kun dga' bo gang zag de la phyir yang skal pa de snyed du gdon mi 'tshal go cha bgo bgos so// kun dga' bo gang zag byang chub sems dpa'i theg pa can gang / gang zag byang chub sems dpa'i theg pa can dang 'thabs shing brtsod de bkye nas/ gshe zhing spyos/ gnod par bsam zhe sdang bskyed nas/ 'thol 'tshangs byed/ 'thol 'tshangs byas nas/ phyis kyang sdom pa 'dzin la sems 'di ltar bskyed de/ ci nas bdag
- 297a
gis sems can thams cad kyi brtsod pa bcang par bya ba yin la/ bdag nyid brtsod par byed pa dang / smras pa la yang bdag slar ma smra bar ni ma snyed pa ste/ rnyed pa yin no// ngan par ma yin no// ngan par rnyed pa de legs par ma rnyed do// bdag gis ci nas sems can thams cad kyi za ma lta bur 'gyur bar bya ba yin la/ bdag pha rol khyod ces tshig tu smra 'am/ tshig rtsub pos lan ldon zhing / smra ba 'di ni bdag gis smras par mi bya ste/ 'thab cing rtsod pa dang / 'gyed pa rnams la bdag ni glen pa dang / 'on pa dang / lkugs pa lta bu dang 'dra bar bya'o// pha rol gyis ngan du smras pa dang / ngan du brjod pa dang / ngan du zer ba rnams smra bar thos kyang / gzhan la ngan sems su mi bya'o// pha rol gyi nyes pa dang / skyon bdag gis shes par bya ba 'di ni bdag la legs pa yin te/ bdag gi mi 'cha' bo// bdag gis gzhan gyi nyes pa'i skyon mi nyan to snyam du bsam pa 'di ni bdag gi mi 'cha'o snyam mo// de ci'i phyir zhe na/ bdag gis lhag pa'i bsam pa 'khrug par mi bya ste/ bdag gis bla na med pa yang dag par rdzogs pa'i byang chub mngon par rdzogs par sangs rgyas nas/ sems can thams cad dA'i yo byad thams cad kyis bde bar sbar te/ yongs su mya ngan las bzla bar byed zhing / bdag gis ci gnod sems bskyed dam/ pha rol gyis nyes pa chen po byas pa la yang bdag gis gnod sems
- 297b
mi bya na/ de la bdag 'khrug par lhag la byed de ltar bdag gis mi bya'o// bdag gis bskul bar brtan pas rtul bar bya ba'i srog gi bar byed pa la'ang / bdag 'khrug par mi bya'o// gzhan la khro gnyer ni 'byung ngo zhes bya ba 'di ni/ kun dga' bo byang chub sems dpa' sems dpa' chen po de'i 'byung ba yin par ngas bshad do// kun dga' bo de ltar byang chub sems dpa' sems dpa' chen po gang zag nyan thos kyi theg pa can rnams la yang de ltar gnas par bya ste/ ci nas sems can su la yang 'khrug par mi 'gyur ba de ltar sems can thams cad la gnas par bya'o// kun dga' bo byang chub sems dpa' sems dpa' chen pos/ gang zag byang chub sems dpa' sems dpa' chen po'i theg pa can gzhan dag la ji ltar gnas par bya zhes/ kun dga' bo 'di lta ste ston pa ji lta ba de de bzhin du byang chub sems dpa' sems dpa' chen po rnams kyang / ston pa'o zhes de ltar gnas par bya'o// byang chub sems dpa' sems dpa' chen po 'di dag ni bdag dang theg pa gcig la zhugs pa'o// byang chub sems dpa' sems dpa' chen po 'di dag ni bdag dang lam cig tu zhugs pa'o// byang chub sems dpa' sems dpa' chen po 'di dag dang bsam pa 'thun pa'o// byang chub sems dpa' sems dpa' chen po 'di dag ni bdag dang theg pa 'thun pa la yang dag par zhugs pa ste/ gang
- 298a
la 'di dag gis bslab par bya ba de la bdag gis kyang bslab par bya'o// 'di dag gis ji ltar bslab par bya ba de bzhin du bdag gis kyang bslab par bya'o gal te 'di dag 'dres par spyod pas gnas par 'gyur na yang / bdag gis ni 'dres par spyod pas gnas pa mi bya'o// gal te 'di dag thams cad mkhyen pa dang ldan pa'i yid la byed pas ma 'dres par spyod cing gnas na/ bdag gis kyang de bzhin du bslab par bya'o// kun dga' bo byang chub sems dpa' sems dpa' chen po de ltar slob pa la/ bla na med pa yang dag par rdzogs pa'i byang chub par 'gyur te/ myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o// shes rab kyi pha rol tu phyin pa brgyad stong pa las// mngon pa'i nga rgyal gyi le'u ste nyi shu rtsa bzhi pa'o// / de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das gal te byang chub sems dpa' sems dpa' chen po zab pa la slob na/ thams cad mkhyen pa nyid la slob bo// bcom ldan 'das gal te mi 'byung ba la slob na/ thams cad mkhyen pa nyid la slob bo// gal te bcom ldan 'das 'gag pa ma mchis pa la slob na/ thams cad mkhyen pa nyid la slob po// de bzhin du skye ba
- 298b
ma mchis pa dang / dben pa dang / 'dod chags dang bral ba dang / na mkha' dang / chos kyi dbyings dang / bcom ldan 'das gal te byang chub sems dpa' sem dpa' chen po mya ngan las 'das pa la slob na/ thams cad mkhyen pa nyid la slob pa lags sam/ ci'i slad du bcom ldan 'das byang chub sems dpa' sems dpa' chen po de dag la slob na/ thams cad mkhyen pa nyid la slob pa lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor gang 'di skad du ci'i phyir byang chub sems dpa' sems dpa' chen po zad pa la slob na/ thams cad mkhyen pa nyid la slob/ 'byung ba med pa dang / 'gag pa med pa dang / skye ba med pa dang / dngos po med pa dang / dben pa dang / 'dod chags dang bral ba dang / nam mkha' dang / chos kyi dbyings dang / mya ngan las 'das pa la slob na/ thams cad mkhyen pa pa nyid la slob par 'gyur ba zhes zer ba/ rab 'byor de ji snyam du sems de bzhin gshegs pa'i de bzhin nyid gang yin pa dang / de bzhin nyid gang dang gang gis de bzhin gshegs pa'o zhes rab tu 'byed pa de zad par 'gyur ram/ rab 'byor gyis gsol pa/ bcom ldan 'das de ni ma lags so// de ci'i slad du zhe na/ bcom ldan 'das zad par mi 'gyur te/ bcom ldan 'das zad pa ni zad pa lagaso//
- 299a
bcom ldan 'das kyis bka' stsal pa/ rab 'byor de ji snyam du sems/ de nyid gang gis de bzhin gshegs pa de bzhin gshegs pa'o zhes/ rab tu 'byed pa de 'byung bar 'gyur ram/ 'gag par 'gyur ram/ skye bar 'gyur ram/ dngos por 'gyur ram/ dben par 'gyur ram/ 'dod chags dang bral bar 'gyur ram/ na mkhar 'gyur ram/ chos su 'gyur ram/ rab 'byor de ji snyam du sems/ de bzhin gshegs pa'i de bzhin nyid gang yin pa dang / de bzhin nyid gang gis de bzhin gshegs pa de bzhin gshegs pa'o// zhes rab tu 'byed pa mya ngan las 'da' bar 'gyur ram/ rab 'byor gyis gsol pa/ bcom ldan 'das de ni ma lags so// bcom ldan 'das kyis bka' stsal pa/ rab 'byor de'i phyir byang chub sems dpa' sems dpa' chen po de ltar slob na/ thams cad mkhyen pa nyid la slob po// de bzhin nyid mi zad pa'o zhes slob bopo// rab 'byor byang chub sems dpa' sems dpa' chen po de ltar slob na thams cad mkhyen pa nyid la slob pa'o// rab 'byor byang chub sems dpa' sems dpa' chen po de ltar slob na/ shes rab kyi pha rol tu phyin pa la slob po sangs rgyas kyi sa la slob bo// stobs dag la slob po/ mi 'jig pa dag la slob po// sangs rgyas kyi chos dag la slob po// thams cad mkhyen pa'i ye shes dag la slob po// rab 'byor byang chub sems dpa' sems dpa'
- 299b
chen po de ltar slob na/ bslab pa thams cad kyi pha rol tu phyin pa rjes su thob par 'gyur ro// rab 'byor byang chub sems dpa' sems dpa' chen po de ltar slob na/ bdud dam/ bdud kyi 'khor ram/ bdud kyis rigs kyi lha dag gis rdzi bar mi nus so// rab 'byor byang chub sems dpa' sems dpa' chen po de ltar slob na/ myur du phyir mi ldog pa'i chos nyid rjes su thob par 'gyur ro// rab 'byor byang chub sems dpa' sems dpa' chen po de ltar slob na/ myur du byang chub kyi snying po la 'dag par 'gyur ro// rab 'byor byang chub sems dpa' sems dpa' chen po de ltar slob na/ rang gi spyod yul la spyod do// rab 'byor byang chub sems dpa' sems dpa' chen po de ltar slob na/ mgon por 'gyur ba'i chos dag la slob po// byang chub chen po la slob po// snying rje chen po la slob po// rab 'byor byang chub sems dpa' sems dpa' chen po de ltar slob na/ chos kyi 'khor lo lan gsum du bzlas pa rnam pa bcu gnyis su rab tu bskor ba la slob po// rab 'byor byang chub sems dpa' sems dpa' chen po de ltar slong na/ sems can gyi khams 'bri bar yang mi bya'o zhes slob po// rab 'byor byang chub sems dpa' sems dpa' chen po de ltar/ slob na/ de bzhin gshegs pa'i rigs mi gcad par bya ba la slob po// rab 'byor byang chub sems dpa' sems dpa' chen po de ltar slob na/ bdud rtsi'i dbyings
- 300a
dbye'o zhes bya ba la slob po// rab 'byor bslab pa la slob po che 'di ni sems stobs zhan pas slob mi nus so// bslab pa 'di la mthu chung dus slob mi nus so// de ci'i phyir zhe na/ rab 'byor gang 'di la slob pa de/ de dag ni sems can thams cad kyi mthun mong ngo // rab 'byor de dag ni sems can thams cad kyi mgon no// gang bslab pa 'di la slob pa 'di dag ni sems can thams cad las mngon par 'phags pa thob par 'dod pa yin te/ rab 'byor byang chub sems dpa' sems dpa' chen po de ltar slob pa ni/ sems can dmyal ba dag tu mi skye/ byol song gi skye gnas dag tu mi skye ste/ yi dgas kyi yul rnams mi skye/ lha ma yin gyi las su mi skye/ mtha' 'khob kyi skye bo'i nang du mi skye/ gdol pa'i gnas su mi skye/ bya ba'i rigs su mi skye/ rngon pa dang / nya ba dang / shan pa'i rigs su mi skye ste/ de lta bu'i rigs ngan pa las ngan pa/ ster ngan pa'i rigs gzhan du yang mi skye'o// rab 'byor byang chub sems dpa' sems dpa' chen po de ltar slob pa ni/ long bar mi 'gyur/ 'od bar mi 'gyur/ zhar bar mi 'gyur/ skyur por mi 'gyur/ theng por mi 'gyur/ zha bor mi 'gyur/ grum por mi 'gyur/ blun por mi 'gyur/ lkugs par mi 'gyur/ dbang po skam par mi 'gyur/ yan lags nyams par mi 'gyur/ yan lags ma tshang bar mi 'gyur/ yan lag mi sdug
- 300b
par mi 'gyur/ mdog mi sdug par mi 'gyur/ dbyibs mi sdug par mi 'gyur/ dbang po nyams par mi 'gyur/ dbang po ma tshangs par mi 'gyur te/ dbang po'i rnam pa thams cad yongs su rdzogs par 'gyur ro// dbyangs phun sum tshogs par 'gyuraro// rab 'byor byang chub sems dpa' sems dpa' chen po de ltar slob pa ni/ srog gcod par mi 'gyur/ ma byin pa len par mi 'gyur/ 'dod pas log par g.yem par mi 'gyur/ brdzun du smra bar mi 'gyur/ phra ma smra bar mi 'gyur/ tshig rtsub po smra bar mi 'gyur/ tshig kyal pa smra bar mi 'gyur/ rnab sems can du mi 'gyur/ gnod sems can du mi 'gyur/ log par lta bar mi 'gyur/ log par mtsho bas 'tsho bar mi byed do// rab 'byor byang chub sems dpa' sems dpa' chen po de ltar slob pa ni/ lha tshe rings po'i nang du mi skye/ ngan pa'i ngang tshul can yongs su mi 'dzin/ yang dag pa'i mtha' ma yin pa'i chos yongs su mi 'dzin/ bsam gtan dang / snyoms par 'jug pa'i dbang gi mi skye'o// de ci'i phyir zhe na/ de la byang chub sems dpa' sems dpa' chen po thabs mkhas pa dang ldan pas/ lha tshe rings po'i nang du skye bar mi 'gyur ba'i thabs mkhas pa de la yod do// rab 'byor thabs mkhas pa de gang zhe na/ 'di lta ste shes rab kyi pha rol tu phyin pa 'di nyid la/ byang chub sems dpa' sems dpa' chen po thabs mkhas pa dang ldan pas/ bsam gtan
- 301a
la yang snyoms par 'jug la/ bsam gtan gyi dbang gis kyang skye bar 'gyur ba de lta bur thabs mkhas pa rnal 'byor du byed do// rab 'byor byang / chub sems dpa' sems dpa' chen po de ltar slob pa na/ stobs yongs su dag par 'gyur/ mi 'jigs pa yong su dag par 'gyur/ sangs rgyas kyi chos yongs su dag par 'gyur/ rab 'byor gyis gsol pa/ bcom ldan 'das de ltar chos thams cad rang bzhin gyis rnam par dag pa lags na/ bcom ldan 'das byang chub sems dpa' sems dpa' chen po chos gang gis stobs yongs su dag par 'gyur/ mi 'jigs pa yongs su dag par 'gyur/ sangs rgyas kyi chos yongs su dag par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor de de bzhin no// de de bzhin te/ de ci'i phyir zhe na/ rab 'byor chos thams cad ni rang bzhin gyis yongs su dag pa yin te/ de ltar chos thams cad yongs su dag pa la byang chub sems dpa' sems dpa' chen po shes rab kyi pha rol tu phyin pa la slob pa dag mi zhum mi 'god na/ rab 'byor de ni shes rab kyi pha rol tu phyin pa'o// rab 'byor byis pa so so'i skye bo dag ni ltar mi shes ma mthong bas/ chos rnams kyi chos nyid mi shes ma mthong ste/ rab 'byor sems can de dag gis phyir/ byang chub sems dpa' sems dpa' chen po 'bed cing brtson 'grus
- 301b
brtsom ste/ bdag cag shes pas sems can rnams shes par bya'o// bdag cag mthong bas sems can rnams bstan par bya'o// zhes bslab pa 'di la bslob po// bslab pa 'di la slob po// bslab pa 'di la slob pa'i byang chub sems dpa' sems dpa' chen po ni/ stobs rnams rjes su thob par 'gyuraro// rab 'byor byang chub sems dpa' sems dpa' chen po de ltar slob pa ni/ sems can pha rol dang / gang zag rol dag gis sems kyi spyod pa dang / g.yos pa rnams kyis pha rol tu 'gro'o// rab 'byor 'di lta ste dper na/ sa chen po'i phyogs gang na rdo ba med pa dang / gang na gser dang / sa le sbram dang / dngul dag 'byung ba de lta bu ni nyung ngo // sa chen po la sa bon gang btsa' grangs dang / rtsa dang / sdong du ma dang / tsher ma sna tshogs kyis gang ba de lta bu ni shin du mang ngo // rab 'byor sems can gyi ris na gang dag 'di lta ste/ shes rab kyi pha rol tu phyin pa'i slob pa thams cad mkhyen pa'i bslab pa la slob pa'i byang chub sems dpa'i ni nyung ngo // sems can gyi rigs na nyan thos dang / rang sangs rgyas kyi bslab pa la slob pa'i sems can de dag ni shin du mang ngo // rab 'byor 'di lta ste dper na/ sems can gyi rigs na 'khor los bsgyur ba'i rgyal po'i srid thob par 'gyur ba'i las yang dag par blangs te/ gnas pa'i sems can de dag ni nyung gi/ sems can gyis ris ni mkhar gyis rgyal po'i srid thob par 'gyur ba'i las yang dag par blangs te/
- 302a
gnas pa'i sems can de dag ni shin du mang ngo // rab 'byor de bzhin du sems can gyi rigs na bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes lam chen po 'di lta ste/ shes rab kyi pha rol tu phyin pa'i lam du zhugs pa'i byang chub sems dpa' sems dpa' chen po de dag ni shin du nyung ngo // sems can gyi rigs na sems can gang nyan thos dang rang sangs rgyas kyi lam du zhugs pa de lta bu ni shin du mang ngo // rab 'byor 'di lta ste dper na/ sems can gyi rigs na sems can gang dag brgya byin nyid du 'gyur ba'i las yang dag par blangs te gnas pa de dag ni nyung ngo // sems can gyi rigs na/ sems can gang dag lha'i 'jig rten du skye bar 'gyur ba'i las yang dag par blangs te/ gnas pa de dag ni shir du mang ngo // rab 'byor de bzhin du sems can gyi rigs na byang chub sems dpa' gang dag shes rab kyi pha rol tu phyin pa la spyod pa de dag ni nyung ngo // rab 'byor sems can gyi rigs na sems can gang nyan thos dang / rang sangs rgyas kyi brlab pa la slob pa de dag ni shin du mang ngo // rab 'byor 'di lta ste dper na/ sems can gyi rigs na sems can gang tshangs pa nyid du 'gyur ba'i las yang dag par blangs te/ gnas pa de dag ni shin du nyung ngo // sems can gyi rigs na sems can gang dag tshangs pa'i 'khor du skyes par 'gyur ba'i las yang dag par blangs te gnas pa de dag ni shin du mang ngo //
- 302b
rab 'byor de bzhin du sems kyi rigs na byang chub sems dpa' gang bla na med pa yang dag par rdzogs pa'i byang chub las phyir mi ldog pa de dag ni nyung ngo // rab 'byor sems can gyi rigs na byang chub sems dpa' gang bla na med pa yang dag par rdzogs pa'i byang chub las phyir mi ldog par 'gyur ba de dag ni shin du mang ngo // rab 'byor de lta bas na sems can gyi rigs na sems can gang bla na med pa yang dag par rdzogs pa'i byang chub tu yang dag par zhugs pa de dag ni nyung ngo // rab 'byor de bas kyang gang de bzhin nyid du nan tan byed pa shin du nyung ngo // rab 'byor nyung ba de dag pas kyang ches nyung ba de bzhin du nan tan byed pa'i nang na/ shes rab kyi pha rol tu phyin pa la slob pa ni nyung ba de dag pas kyang ches nyung ngo // rab 'byor shes rab kyi pha rol tu phyin pa la slob pa nyung ba bas kyang ches nyud kyang de bas kyang byang chub sems dpa' sems dpa' chen po gang bla na med pa yang dag par rdzogs pa'i byang chub las phyir mi ldog pa de dag ni shin du nyung ba bas kyang ches nyung ngo // rab 'byor de lta bas na/ byang chub sems dpa' sems dpa' chen pos nyung ba bas ches nyung ba/ phyir mi ldog pa'i byang chub sems dpa' sems dpa' chen po de dag gis grangs su bgrang bar 'dod pas/ shes rab kyi pha rol tu phyin pa 'di nyid la bslab par bya'o// rnal 'byor du bya'o// gzhan yang rab 'byor byang chub sems dpa' sems dpa' chen po de ltar shes rab kyi
- 303a
pha rol tu phyin pa la spyod pa la gnod sems kyi tha ba dang ldan pa'i sems mi skye ba ba dang ldan pa'i sems mi skye/ the tsom dang ldan pa'i sems mi skye/ ser sna dang ldan pa'i sems mi skye/ ngang tshul dang ldan pa'i sems mi skye/ gnod sems dang ldan pa'i sems mi skye/ le lo dang ldan pa'i sems mi skye/ g.yeng ba dang ldan pa'i sem mi skye/ 'chal pa'i shes rab dang ldan pa'i sems mi skye ste/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la slob pas/ pha rol tu phyin pa thams cad yang dag par bsdus shing pha rol du phyin pa thams cad yongs su gzung bar 'gyur ro// pha rol tu phyin pa thams cad yongs su shes par 'gyur ro// pha rol tu phyin pa thams cad rjes su song bar 'gyur ro// pha rol tu phyin pa thams cad nang du 'dus par 'gyur ro// rab 'byor 'di lta ste/ dper na/ 'jig tshogs lta ba'i nang du lta ba drug bcu rtsa gnyis 'dus te/ rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la slob pa la pha rol tu phyin pa thams cad 'dus par 'gyur ro// rab 'byor 'di lta ste dper na/ skyes bu srog gi dbang po'i nang du dbang po thams cad 'das par 'gyur ro// rab 'byor de bzhin du shes rab kyi pha rol tu phyin pa la slob na/ byang chub sems dpa' sems dpa' chen po shes rab kyi pha rol tu phyin pa la slob na/ dge ba'i chos thams cad 'dus par 'gyur ro//
- 303b
rab 'byor 'di lta ste dper na/ skyes bu srog gi dbang po 'gag na/ dbang po thams cad 'gag par 'gyur ba de bzhin du/ byang chub sems dpa' sems dpa' chen po shes rab kyi pha rol tu phyin pa la slob na/ mi dge ba'i chos thams cad 'gag par 'gyur zhing pha rol tu phyin pa thams cad 'dus par 'gyur ro// yongs su gzung bar 'gyur ro// rab 'byor de lta bas na/ byang chub sems dpa' sems dpa' chen po pha rol tu phyin pa yongs su gzung bar 'dod pa dang / shes rab kyi pha rol tu phyin pa la bslab par bya'o// rab 'byor byang chub sems dpa' sems dpa' chen po/ shes rab kyi pha rol tu phyin pa la slob na/ sems can thams cad kyi mchog tu slob po// de ci'i phyir zhe na/ rab 'byor stong gsum gyi stong chen po'i 'jig rten gyi khams na/ sems can ji snyed yod pa de dag thams cad sems can du bsdus nas/ sems can de dag mang ba yin nam/ rab 'byor gyis gsol pa/ bcom ldan 'das 'dzam bu'i gling gi sems can yang mang na stong gsum gyi stong chen po'i 'jig rten gyi khams kyis sems can lta ci smos/ bcom ldan 'das kyis bka' stsal pa/ rab 'byor byang chub sems dpa' sems dpa' chen po nam 'tsho'i bar du 'dug cing sems can de dag thams cad gos dang / zas dang / mal cha dang / na ba'i gsos sman dang / yo byed dang / bde ba'i mchog thams cad kyis rim gror byas na/ rab 'byor 'di ji snyam du sems/ byang
- 304a
chub sems dpa' sems dpa' chen po de'i gzhi de las bsod nams mang du bskyed dam/ rab 'byor gyis gsol pa/ bcom ldan 'das mang ngo // bde bar gshegs pa mang ngo // bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa la chung ngu na se gol gtogs pa srid du sgom na/ de bas ches bsod nams mang du bskyed do// de ci'i phyir zhe na/ rab 'byor byang chub sems dpa' sems dpa' chen po'i shes rab kyi pha rol tu phyin pa ni don de ltar che ste/ rab 'byor shes rab kyi pha rol tu phyin pa ni/ byang chub sems dpa' sems dpa' chen po bla na med pa yang dag par rdzogs pa'i byang chub thob par byed pa'o// rab 'byor de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / sems can thams cad kyi nang na bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / sems can thams cad kyi nang na/ bla na med pa yang dag par rdzogs pa'i byang chub tu 'gyur bar 'dod pa dang / sems can mgon med pa rnams kyi mgon du 'gyur bar 'dod pa dang / sangs rgyas kyi yul rjes su thob par 'dod pa dang / sangs rgyas kyi khyu mchog tu 'gyur ba rjes su thob par 'dod pa dang / sangs rgyas kyi rnam par rol pas brtsod par 'dod pa dang /
- 304b
sangs rgyas kyi sgra sgrogs par 'dod pa dang / sangs rgyas kyi phun sum tshogs pa rjes su thob par 'dod pa dang / stong gsum gyi stong chen po'i 'jig rten gyi khams su chos kyi gtam byed par 'dod pa'i byang chub sems dpa' sems dpa' chen pos shes rab kyi pha rol tu phyin pa 'di la bslab par bya'o// rab 'byor byang chub sems dpa' sems dpa' chen po shes rab kyi pha rol tu phyin pa la des gang na bslab par 'gyur ba'i phun sum tshogs pa de dag yang dag par rjes su ma mthong ngo // rab 'byor gyis gsol pa/ bcom ldan 'das ci nyan thos kyi phun sum tshogs pa yang byang chub sems dpa' sems dpa' chen po des bslab pa lags sam/ bcom ldan 'das kyis bka' stsal pa/ rab 'byor nyan thos kyi phun sum tshogs pa la yang / byang chub sems dpa' sems dpa' chen po des bslab par 'gyur te/ rab 'byor byang chub sems dpa' sems dpa' chen po ni nyan thos kyis phun sum tshogs pa la gnas par bya'o// zhes mi slob bdag la nyan thos kyi phun sum tshogs pa yod par 'gyur ro zhes mi slob/ slob par mi byed/ rab 'byor nyan thos kyi yon tan gang yin pa de dag thams cad kyang rab tu shes te/ de la yang mi gnas so// 'di ltar rnam par spyod cing / 'gal bar mi byed de/ bdag gis nyan thos kyi yon tan 'di dag bshad par bya'o// rab tu ston par bya'o zhes slob po// rab 'byor byang chub sems dpa' sems
- 305a
@dpa' chen po de ltar slob na/ lha dang / mi dang / lha ma yin du bcas pa'i 'jig rten gyi sbyin pa'i gnas su 'gyur ro// rab 'byor byang chub sems dpa' sems dpa' chen po de ltar slob na/ de ma yin pa'i sbyin gnas nyan thos dang ldan pa dang / rang sangs rgyas dang ldan pa thams cad zil gyis gnon to// de skad ces thams cad mkhyen pa nyid la nye bar 'gyur ro// rab 'byor byang chub sems dpa' sems dpa' chen po de ltar slob na/ shes rab kyi pha rol tu phyin pa mi 'dor ro// shes rab kyi pha rol tu phyin pa la spyod do// shes rab kyi pha rol tu phyin pa la gnas pa dang ma bral ba ste/ rab 'byor byang chub sems dpa' sem dpa' chen po de ltar slob na/ thams cad mkhyen pa las yongs su mi nyams pa'i chos can du rigs par bya'o// nyan thos dang rang sangs rgyas kyi sa yang ring du byed do// bla na med pa yang dag par rdzogs pa'i byang chub la nye bar 'gyuraro// gal te byang chub sems dpa' de 'di ni shes rab kyi pha rol tu phyin pa ste/ thams cad mkhyen pa nyid ni thob byed pa'o snyam du sems shing de ltar shes na/ shes rab kyi pha rol tu phyin pa la mi spyod do// de ste shes rab kyi pha rol tu phyin pa yang yang dag par mi shes la/ 'di ni shes rab kyi pha rol tu phyin pa'o// 'di'i shes rab kyi pha rol tu phyin pa'o// shes rab kyi pha rol tu phyin pa 'di ni thams cad mkhyen pa yongs su bsdad
- 305b
pa'o// rab 'byor de ltar na/ byang chub sems dpa' sems dpa' chen po yang dag pa shes yang dag par rjes su mi mthong ngo // rab 'byor gal te de ltar spyod na/ byang chub sems dpa' sems dpa' chen po de shes rab kyi pha rol tu phyin pa la spyod do// // shes rab kyi pha rol tu phyin pa brgyad stong pa las/ myur ba'i le'u zhes bya ste/ nyi shu lnga pa'o// // bam po nyi shu gcig pa'o// / de nas lha'i dbang po brgya byin 'di snyam du sems te/ byang chub sems dpa' sems dpa' chen po spyod pa nyid kyang / sems can thams cad 'di ltar zil gyis gnon na/ nam bla na med pa yang dag par rdzogs pa'i byang chub mngon par rdzogs par sangs rgyas par gyur pa lta ci smos/ sems can gang dag thams cad mkhyen pa nyid du sems 'jug pa de dag ni/ rnyed pa legs par rnyed pa yin/ sems can de ni 'tsho ba yang legs par mtsho ba yin/ gang gis bla na med pa yang dag par rdzogs pa'i byang chub tu sems bskyed pa lta ci smos/ sems can gang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i sems can de dag ni re bar bya'o snyam du bsams so// de nas lha'i dbang po brgya byin gyis me tog man d+ha ra ba dag mngon par sprul nas me tog snyim par thogs te/ de bzhin gshegs pa dgra bcom
- 306a
pa yang dag par rdzogs pa'i sangs rgyas la gtor nas/ tshig tu yang 'di skad ces smras so// byang chub sems dpa'i theg pa gang dag gis/ bla na med pa yang dag par rdzogs pa'i byang chub mngon par rdzogs par byang chub par bgyi'o// zhes bla na med pa yang dag par rdzogs pa'i byang chub tu sems bskyed pa de dag gis 'tshal ba dang / yongs su bsams pa dang / yongs su bzung ba'i sems bskyed pa rnams 'byor par gyur cig de dag gi sangs rgyas kyi chos de dag yongs su rdzogs par gyur cing / thams cad mkhyen pa nyid dang ldan pa'i chos de dag yongs su rdzogs par gyur cig/ rang byung gi chos de dag yongs su rdzogs par gyur cig/ bcom ldan 'das bdag ni byang chub sems dpa' sems dpa' chen po snying rje chen po dang ldan pa de dag bla na med pa yang dag par rdzogs pa'i byang chub las slar ldog par sems bskyed pa gcig kyang mi skye'o// bcom ldan 'das bdag ni byang chub sems dpa'i theg pa'i gang zag bla na med pa yang dag par rdzogs pa'i byang chub tu yang dag par zhugs pa las/ slar ldog par sems bskyed pa gcig kyang mi skye ste/ 'khor ba na mchis pa'i sdug bsngal rnams mthong bas bla na med pa yang dag par rdzogs pa'i byang chub tu smon lam rgya cher bskyed par 'gyur ro// de ci'i slad du zhe na/ gang sems bskyed pa 'di dag lta bu 'di dag dang ldan pa dag/ ci nas bdag rgal bas re
- 306b
dbyukA byung bas dbyung bar bgyi// sems can bsgral bar bgyi/ grol bas dgrol bar bgyi/ yongs su mya ngan las 'das pas yongs su mya ngan las bzlas par bgyi'o// zhes de de ltar sems bskyed/ nas/ bdag snying rje chen po des don du 'tshal ba dang / sman par 'tshal ba dang / lha dang / mi dang / lha ma yin du bcas pa'i 'jig rten la snying brtse bar bgyid pa lags so// gang byang chub sems dpa' sems dpa' chen po theg pa la dang por zhugs pa dag gi sems bskyed pa de dag la rjes su yi rang ba dang / byang chub sems dpa'i spyad pa spyod pa rnams kyi sems bskyed pa de dag la yang rjes su yid rang ba dang / phyir mi ldog pa'i byang chub sems dpa' sems dpa' chen po rnams kyi phyir mi ldog pa'i chos nyid la yang rjes su yid rang bar bgyid na/ bcom ldan 'das rigs kyi bu 'am/ rigs kyi bu mo de bsod nams ji tsam zhig bskyed par 'gyur/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka ri rab ri'i rgyal po srang grangs su btsal ba'i tshad ni bzung bar nus kyi ke'u shi ka rjes su yid rang ba dang ldan pa'i sems bskyed pa'i bsod nams de'i tshad ni bzung bar mi nus so// ke'u shi ka yang gling chen po bzhi pa'i 'jig rten gyi khams srang grangs su bcal ba'i tshad ni bzung bar nus kyis/ ke'u shi ka rjes su yid rang ba dang ldan pa'i sems bskyed pa'i bsod nams kyi tshad ni bzung bar
- 307a
mi nus so// ke'u shi ka yang stong spyi phud kyi 'jig rten gyi khams srang grangs su bcal ba'i tshad ni bzung bar nus kyi/ ke'u shi ka rjes su yid rang / ba dang ldan pa'i sems bskyed pa'i bsod nams kyi tshad ni bzung bar mi nus so// yang ke'u shi ka stong gnyis pa bar ma'i 'jig rten gyi khams srang grangs su bcal ba'i tshad ni bzung bar nus kyi/ ke'u shi ka rjes su yid rang ba dang ldan pa'i sems bskyed pa de'i bsod nams kyi tshad ni bzung bar mi nus so// ke'u shi ka yang stong gsum gyi stong chen po'i 'jig rten gyi khams srang grangs su btsal ba'i tshad ni bzung bar nus kyi/ ke'u shi ka byang chub sems dpa' sems dpa' chen po'i rjes su yid rang ba dang ldan pa'i sems bskyed pa de dag gi bsod nams kyi tshad ni bzung bar mi nus so// de skad ces bka' stsal pa dang / bcom ldan 'das la lha'i dbang po brgya byin gyis 'di skad ces gsol to// bcom ldan 'das sems can gang dag byang chub sems dpa' sems dpa' chen po rnams kyi sems dang po bskyed pa nas bzung ste/ bla na med pa yang dag par rdzogs pa'i sangs rgyas pa'i bar gyis rjes su yid rang ba dang ldan pa'i sems de lta bu la bsod nams legs mI nyan/ ma 'tshal ba rjes su yid rang ba'i mi sems pa de dag bdud kyis byin gyis brlabs par rigs par bgyi'o// bcom ldan 'das sems can gang byang chub sems dpa' sems dpa' chen po rnams sems bskyed pa 'di la rjes su yid
- 307b
rang bar mi bgyid pa de dag ni/ bdud kyi phyogs su gyur pa lags so// bcom ldan 'das sems can gang byang chub sems dpa' sems dpa' chen po rnams kyi sems bskyed pa 'di la rjes su yid rang ba dang ldan pa mi bgyid pa de ni/ bdud kyi gnas nas shi 'phos pa lags so// de ci'i slad du zhe na/ bcom ldan 'das sems bskyed pa mngon par sgrubs pa 'di dag ni bdud kyi gnas 'jig par bgyid pa la gso// gang gi 'di dag bla na med pa yang dag par rdzogs pa'i byang chub tu yongs su bsngos pa 'am/ rjes su yid rang bar sems bskyed pa/ de dag ni rje su yid rang bar bgyid pa lagaso// bcom ldan 'das byang chub sems dpa' sems dpa' chen po gang dag gis bla na med pa yang dag par rdzogs pa'i byang chub tu sems bskyed pa'i byang chub sems dpa' sems dpa' chen po de dag gi sems bskyed pa de dag lags te/ bcom ldan 'das gang de bzhin gshegs pa yang dag par rdzogs pa yongs su ma gtang ba dang / chos yongs su ma gtang ba dang / dge 'dun yongs su ma gtang ba'i rigs kyi bu 'am/ rigs kyi bu mo de dag gis sems bskyed pa 'di la rjes su yid rang bar bgyi'o// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka de de bzhin no// de de bzhin te/ rigs kyi bu 'am/ rigs kyi bu mo gang dag gis de bzhin gshegs pa yongs su ma gtang ba dang
- 308a
chos yongs su ma gtang ba dang / dge 'dun yongs su ma gtang ba de dag gis sems bskyed pa 'di la rjes su yid rang bar bya'o// ke'u shi ka rigs kyi bu 'am/ rigs kyi bu mo byang chub sems dpa'i theg pa 'am/ rang sangs rgyas kyi theg pa 'am/ nyan thos kyi theg pa gang dag gis sems bskyed pa 'di la rjes su yid rang bar byas na/ de dag myur du de bzhin gshegs pa dgra bcom pa yang dag par rdzogs pa'i sangs rgyas rnams brnyes par byed par 'gyur te/ de ltar rjesu yid rang ba dang ldan pa'i sems bskyed pa'i dge ba'i rtsa ba de dag gis gang du skye bar gyur pa de dang der bkur stir byas par 'gyur ba dang / gtso bor byas pa dang / ri mor byas pa dang / mchod pa dang / brjod pa dang / phud dud du byas par 'gyur te/ de dag gis yid du mi 'ong ba'i gzugs mthong bar mi 'gyur/ de dag yid du mi 'ong ba'i sgra thos par mi 'gyur/ de bzhin du dri yang ma yin/ ro yang ma yin/ de dag yid du mi 'ong ba'i reg pa reg par mi 'gyur ro// de dag ngan song du mi skye bar rig par bya ste/ de dag mtho rigs su skye bar rig par bya'o// de ci'i phyir zhe na/ 'di ltar sems can de dag gis sems can grangs med pa'i dge ba'i rtsa ba sems can thams cad bde bar 'gyur ba la rjes su yid rang ba'i phyir ro// bcom ldan 'das gang gis mos pa bskyed de/ gang zag byang chub sems dpa'i theg pa rnams kyi theg pa sems bskyed pa
- 308b
de dag la rjes su yid rang bar bgyis pas/ de dag gi sems bskyed pa de dag kyang / rnam par 'phel bas bla na med pa yang dag par rdzogs pa'i byang chub thob par 'gyur ro// de dag kyang bla na med pa yang dag par rdzogs pa'i byang chub mngon par rdzogs par sangs rgyas nas/ sems can grangs ma mchis dpag tu ma mchis pa rnams yongs su mya ngan las 'da' bar bgyid par 'gyur ro// bcom ldan 'das kyis bka' stsal pa/ ke'u shi ka de bzhin gshegs pa'i mthus khyod kyis tshig ci smras pa de de bzhin no// de de bzhin te/ ke'u shi ka rigs kyi bu 'am/ rigs kyi bu mo gang zag byang chub sems dpa'i theg pa rnams kyi sems bskyed pa de dag rjes su yid rang bar byas pa ke'u shi ka rnam grangs 'dis rigs kyi bu 'am/ rigs kyi bu mo des/ gang zag byang chub sems dpa'i theg pa rnams kyi sems bskyed pa de dag la rjesu yid rang bar byas nas sems can grangs med dpag tu med pa dag gi dge ba'i rtsa ba bskyed par 'gyur ro// rab 'byor gyis gsol pa/ bcom ldan 'das sems sgyu ma lta bu'i ltar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rab 'byor 'di ji snyam du sems/ khyod kyis sems sgyu ma lta bu yang dag par rjes su mthong ngam/ rab 'byor gyis gsol pa/ bcom ldan 'das de ni ma lagaso// bcom ldan
- 309a
'das kyis bka' stsal pa/ rab 'byor 'di ji snyam du sems/ khyod kyis sgyu ma lta bu yang dag par rjes su mthong ngam/ rab 'byor gyis gsol pa/ bcom ldan 'das de ni ma lags so// bcom ldan 'das bdag gis sgyu ma dang / sems sgyu ma lta bu yang dag par rjes su ma mthong ngo // bcom ldan 'das kyis bka' stsal pa/ rab 'byor 'di ji snyam du sems/ gang sgyu ma lta bu yang ma yin/ sems sgyu ma lta bu yang ma yin la/ sgyu ma 'am/ sems sgyu ma lta bu las gud na chos gang bla na med pa yang dag par rdzogs pa'i byang chub mngon par rdzogs par 'tshang rgya ba'i chos de yang dag par rjes su mthong ngam/ rab 'byor gyis gsol pa/ bcom ldan 'das de ni ma lag so// bcom ldan 'das bdag gis sgyu ma 'am/ sems sgyu ma lta bu las gud na chos gang bla na med pa yang dag par rdzogs pa'i byang chub mngon par rdzogs pa'i 'tshang rgya bar chos de yang dag par rjes su mthong ngo // bcom ldan 'das bdag gis chos gzhan yang dag par rjes su ma mthong na/ mchis pa'o zhes 'am ma mchis pa'o zhes chos gang zhig brjod par bgyi/ chos 'di ni shin du dben pa lags te/ de mchis pa'o zhes 'am/ ma mchis pa'o zhes brjod du ma mchis pa'o// chos du ma mchis pa'o// chos gang shin du dben pa de ni bla na med pa yang dag par rdzogs pa'i byang chub mngon par
- 309b
rdzogs par 'tshang mi rgya'o// de ci'i slad du zhe na/ bcom ldan 'das chos ma mchis pa ni/ bla na med pa yang dag par rdzogs pa'i byang chub mngon par rdzogs par 'tshang mi rgya'o// bcom ldan 'das de lta bas na/ shes rab kyi pha rol tu phyin pa shin du dben pa lags te/ chos gang shin tu dben pa'i chos de ni bsgom par bgyid pa ma lags te/ de chos gang yang 'thob par bgyid pa 'am/ spong ba bgyid pa lags so// bcom ldan 'das ji ltar shes rab kyi pha rol tu phyin pa shin du dben pa la rten nas/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ bla na med pa yang dag par rdzogs pa'i byang chub kyang shin du dben pa lags te/ bcom ldan 'das de ltar shes rab kyi pha rol tu phyin pa yang shin du dben pa lags na/ bla na med pa yang dag par rdzogs pa'i byang chub kyang shin du dben pa lags na/ bcom ldan 'das ji ltar dben pa mngon par rdzogs par 'tshang rgya bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor leg so legs so// rab 'byor de de/ bzhin no// de de bzhin te/ rab 'byor shes rab kyi pha rol tu phyin pa ni shin du dben pa'o// bla na med pa yang dag par rdzogs pa'i byang chub kyang shin du dben pa yin te/
- 310a
rab 'byor 'di ltar shes rab kyi pha rol tu phyin pa shin du dben pas/ de'i phyir bla na med pa yang dag par rdzogs pa'i byang chub shin du dben pa mngon par rdzogs par 'tshang rgya'o// rab 'byor gal te byang chub sems dpa' sems dpa' chen pos shes rab kyi pha rol tu phyin pa shin du dben par yang dag par mi shes na/ de shes rab kyi pha rol tu phyin pa ma yin no// rab 'byor de ltar byang chub sems dpa' sems dpa' chen po shes rab kyi pha rol tu phyin pa la rten nas bla na med pa yang dag par rdzogs pa'i byang chub mngon par rdzogs par 'tshang rgya ste/ rab 'byor shes rab kyi pha rol tu phyin pa la rten par/ bla na med pa yang dag par rdzogs pa'i byang chub mngon par rdzogs par 'tshang mi rgya'o// dben pas dben pa mngon par 'tshang mi rgya mod kyi/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ shes rab kyi pha rol tu phyin pa la ma rten par mngon par rdzogs par 'tshang mi rgya'o// rab 'byor gyis gsol pa/ bcom ldan 'das de byang chub sems dpa' sems dpa' chen po ni don zab mo la spyod do// bcom ldan 'das kyis bka' stsal pa/ rab 'byor de de bzhin no// de de bzhin te/ byang chub sems dpa' sems dpa' chen po don zab mo la spyod do// rab 'byor byang chub sems dpa' sems dpa' chen po don zab mo la yang spyod la/
- 310b
nyan thos kyi sa 'am/ rang sangs rgyas kyi sar don de mngon sum du mi byed pa 'di ni dka' ba byed pa yin no// rab 'byor gyis gsol pa/ bcom ldan 'das ji ltar bcom ldan 'das kyis bka' stsal pa'i don bdag gis 'tshal ba ltar na/ byang chub sems dpa' sems dpa' chen po dka' ba bgyid pa cang ma lags so// de ci'i slad du zhe na/ 'di ltar gang mngon sum du bgyid pa de nyid kyang mi dmigs/ gang mngon du bgyi ba'i chos de yang mi dmigs pa'i slad du'o// bcom ldan 'das gal te 'di skad bshad pa la byang chub sems dpa' sems dpa' chen po mi zhum mi 'gong / mi skrag mi dngang / dngang par mi 'gyur na/ shes rab kyi pha rol tu phyin pa la spyod do// gal te spyod do snyam du yang dag par rjes su mi mthong na/ shes rab kyi pha rol tu phyin pa la spyod do// gal te bdag bla na med pa yang dag par rdzogs pa'i byang chub tu nye bar gyur to// / snyam du de ltar yang dag par rjes su mi mthong na/ shes rab kyi pha rol tu phyin pa la spyod do// bdag gis nyan thos dang / rang sangs rgyas kyi sa rgyang rib du bsrings so snyam du yang mi sems na/ shes rab kyi pha rol tu phyin pa la spyod do// bcom ldan 'das 'di lta ste dper na/ nam mkha' la ni 'di snyam du bdag kha cig dang ni nye'o kha cig dang ni ring ngo snyam du mi sems so// de ci'i slad du zhe na/ bcom ldan 'das na mkha' la rnam par rtog pa ma mchis pa'i slad du de/ bcom ldan 'das de bzhin du/ byang chub
- 312a
sems dpa' sems dpa' chen po shes rab kyi pha rol tu phyin pa la spyod pa yang bdag ni bla na med pa yang dag par rdzogs pa'i byang chub dang nye bar gyur te/ nyan thos kyi sa dang / rang sangs rgyas kyi sa ni bdag dang rgyang ring ngo snyam du mi sems so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtogs pa ma mchis pa'i slad du'o// bcom ldan 'das 'di lta ste dper na sgyu ma'i skyes bu ni 'di snyam du sgyu ma byed pa ni bdag dang nye'o// skye bo'i tshogs gzhan 'dus pa 'di dag ni bdag dang rgyang ring ngo snyam du mi sems so// de ci'i slad du zhe na/ bcom ldan 'das sgyu ma'i skyes bu la rnam par rtogs pa ma mchis pa'i slad du de/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang / bdag ni bla na med pa yang dag par rdzog pa'i byang chub dang nye bar gyur te/ nyan thos kyi sa dang / rang sangs rgyas kyi sa ni bdag dang rgyang ring ngo // snyam du mi sems so// de ci'i slad du zhe na/ bcom ldan 'das shes rab kyi pha rol tu phyin pa la/ rnam par rtogs pa ma mchis pa'i slad du'o// bcom ldan 'das 'di lta ste dper na/ gzugs brnyan na 'di snyam du/ dmigs pa gang gzugs brnyan 'byung ba de ni bdag bla na med pa yang dag par rdzogs pa'i byang chub dang nye bar 'gyur te/ nyan thos kyi sa dang / rang sangs rgyas kyis ni bdag dang /
- 312b
rgyang ring ngo snyam du mi sems so// de ci'i slad du zhe na/ bcom ldan 'das sprul pa la rnam par rtog pa ma mchis pa'i slad du de/ bcom ldan 'das de bzhin du byang chub sems dpa' sems dpa' chen po// shes rab kyi pha rol tu phyin pa la spyod pa yang 'di snyam du bdag ni bla na med pa yang dag par rdzogs pa'i byang chub dang nye bar gyur te/ nyan thos kyi sa dang / rang sangs rgyas kyi sa ni bdag dang rgyang ring ngo snyam du mi sems so// de ci'i slad du zhe na/ bcom ldan 'das shes rab kyi pha rol tu phyin pa la rnam par rtogs pa ma mchis pa'i slad du'o// bcom ldan 'das 'di lta ste/ dper na/ sprul pa bgyi ba gang gi slad du sprul pa'i bgyi ba de yang bgyid la/ sprul pa de yang rnam par rtogs pa ma mchis pa'i slad du de/ bcom ldan 'das de bzhin du byang chub sems dpa' sems dpa' chen po yang bgyi ba gang gi slad du shes rab kyi pha rol tu phyin pa bsgom pa bgyi ba de yang bgyid la/ shes rab kyi pha rol tu phyin pa de yang rnam par rtog pa ma mchis so// de ci'i slad du zhe na/ shes rab kyi pha rol tu phyin pa la rnam par rtog pa ma mchis pa'i slad du'o// bcom ldan 'das 'di lta ste/ dper na/ shing mkhan mkhas pa 'am/ shing mkhan gyi slob ma yis shing las bgyis pa'i skyes pa 'am/ bud med kyi 'phrul 'khor sbyar bar bgyis nas/ de bgyi ba gang gi don du bgyis pa bgyi ba de bgyid kyang / shing gi tshogs de ni rnam par
- 313a
rtog pa ma mchis so// de ci'i slad du zhe na/ shing gi tshogs de la rnam par rtog pa ma mchis pa'i slad du de/ bcom ldan 'das de bzhin du byang chub sems dpa' sems dpa' chen po yang bgyi ba gang gi don bgyid la/ shes rab kyi pha rol tu phyin pa bsgom pa'i bgyi ba yang bgyid la/ shes rab kyi pha rol tu phyin pa de rnam par rtog pa ma mchis so// de ci'i slad du zhe na/ shes rab kyi pha rol tu phyin pa la rnam par rtog pa ma mchis pa'i slad du'o// // shes rab kyi pha rol tu phyin pa brgyad stong pa las/ sgyu ma lta bu'i le'u ste nyi shu drug pa'o// // de nas tshe dang ldan pa sha ri'i bus tshe dang ldan pa rab 'byor la 'di skad ces smras so// tshe dang ldan pa rab 'byor kye ma byang chub sems dpa' sems dpa' chen po gang shes rab kyi pha rol tu phyin pa ni snying po la spyod pa'o// de skad ces smras pa dang / tshe dang ldan pa rab 'byor gyis/ tshe dang ldan pa sha ri'i bu la 'di skad ces smras so// tshe dang ldan pa sha ri'i bu kye ma byang chub sems dpa' sems dpa' chen po gang shes rab kyi pha rol tu phyin pa la spyod pa ni snying po ma yin pa la spyod pa'o// de nas 'dod pa na spyod pa'i lha'i bu stong phrag mang po rnams 'di snyam du sems te/ gang dag bla na med pa yang dag par rdzogs pa'i byang chub tu sems bskyed de/ sngon par bsgrub pa dang / gang dag shes rab kyi pha
- 313b
rol tu phyin pa zab mo 'di la spyod cing / de ltar spyod kyang 'di lta ste/ nyan thos kyi sa 'am/ rang sangs rgyas kyi sar yang dag pa'i mtha' mngon sum du mi byed pa'i sems can de dag ni phyag bya ba yin te/ gang chos rnams kyi chos nyid spyod kyang chos nyid mngon sum du mi byed na/ rnam grangs 'dis byang chub sems dpa' sems dpa' chen po rnams dga' bar byed pa yin par bya'o snyam mo de nas tshe dang ldan pa rab 'byor gyis 'dod pa na spyod pa'i lha'i bu stong phrag mang po de dag gi sems kyi rtog pa sems kyi shes nas/ 'dod pa na spyod pa'i lha'i bu stong phrag mang po de dag la smras pa/ lha'i bu yang dag pa'i mtha' de mngon sum du mi byed pa'i byang chub sems dpa' sems dpa' chen po de dag ni dka' ba spyod pa yin gyi/ lha'i bu rnams gang sems can tshad med pa rnams yongs su mya ngan las bzla bar bya'o// snyam du go cha bgos pa'i byang chub sems dpa' sems dpa' chen po de dag ni dka' byed pa yin mchog tu dka' ba byed pa yin te/ sems can rnams ni dben pa'i phyir sems can de dag kyang shin du yang dag par med de/ yang dag par med pas/ dmigs su med de/ de ltar 'dal bar bya ba rnams shin du yang dag par med de/ dmigs su medado// de ltar na byang chub sems dpa' sems dpa' chen po// sems can dag 'dul bar bya'o snyam nas/ bla na med pa yang dag par rdzogs pa'i byang chub tu yang dag par zhag
- 314a
so// lha'i bu dag gang sems can rnams gdul bar bya'o// snyam du sems so// lha'i bu dag de ci'i phyir zhe na/ na mkhar dben pa'i phyir/ sems can rnams dben par rig par bya'o// lha'i bu dag byang chub sems dpa' sems dpa' chen po/ gang sems can rnams yang dag par med cing dmigs su med pa rnams kyi phyir go cha bgos na/ rnam grangs 'dis dka' ba byed pa yin no// lha'i bu dag gang sems can rnams kyi phyir go cha bgos par bya'o snyam du sems dpa' ni nam mkha' dang brtsod par bya'o snyam du sems dpa'o// byang chub sems dpa' sems dpa' chen pos sems can rnams kyi phyir go cha bgos pa 'di/ sems can de dag kyang shin du dmigs su med par de bzhin gshegs pa dgra bcom pa yang dag par rdzogs pa'i sangs rgyas kyis gsungs te/ de yang sems can dben pa'i phyir de lta bur rig par bya'o// de ltar gdul bar bya ba dben pa'i phyir/ byang chub sems dpa' sems dpa' dben par rig par bya'o// gal te 'di ltar bshad pa 'di la/ byang chub sems dpa sems dpa' chen po zham par ma gyur na/ byang chub sems dpa' sems dpa' chen po de dag ni shes rab kyi pha rol tu phyin pa la spyod pa yin par rig par bya'o// de ci'i phyir zhe na/ sems can dben pa'i phyir gzugs dben par rig par bya'o// de bzhin du sems can dben pa'i phyir/ tshor ba dang / 'du shes dang / 'du byed rnams dang /
- 314b
rnam par shes pa dben par rig par bya'o// de ltar sems can dben pa'i phyir chos thams cad kyi bar du dben par rig par bya'o// lha'i bu dag de ltar chos thams cad dben pa nyid du blta'o// lha'i bu dag gal te de ltar chos thams cad dben pa nyid du bshad pa la/ byang chub sems dpa' sems dpa' chen po zhum par mi byed na/ 'di ltar zham par mi byed pa 'di'i phyir shes rab kyi pha rol tu phyin pa la spong ba'o// de nas bcom ldan 'das kyis mkhyen bzhin du/ tshe dang ldan pa rab 'byor la bka' stsal pa/ rab 'byor ci'i phyir chos thams cad dben pa nyid du bshad pa la/ byang chub sems dpa' sems dpa' chen po zham par mi byed/ rab 'byor gyis gsol pa/ bcom ldan 'das dben pa'i slad du zhum par mi bgyid do// bcom ldan 'das de'i slad du/ byang chub sems dpa' sems dpa' chen po chos thams cad dben pa nyid du bshad pa zhags par mi bgyid de/ bcom ldan 'das chos gang zhum par 'gyur ba ma mchis so// de ci'i slad du zhe na/ bcom ldan 'das gang zham par 'gyur ba'i chos de dag ni gang yang dmigs su ma mchis te/ bcom ldan 'das chos gang gis chos gang zhum par gyur pa'i chos de yang dmigasu ma mchis so// gal te de skad du brjod pa dang / bshad pa dang / bstan pa la byang chub sems dpa' sems dpa' chen po zhum par mi 'gyur/ yid mi gsod/ yid gsod par mi 'gyur/
- 315a
kun du zhum par mi 'gyur/ yang dag par mi 'gyur/ yid phyir phyogs par ma bgyid/ mi skrag mi dngang dngang bar mi 'gyur na/ shes rab kyi pha/ rol du phyin pa la spyod pa'o// de ltar spyod pa'i byang chub sems dpa' sems dpa' chen po la/ dbang por bcas pa'i lha rnams dang / tshangs par bcas pa dang / skye dgu'i bdag por bcas pa dang / dbang ldan dang bcas pa rnams thal mo sbyar te/ phyag 'tshal bar 'gyur ro// rab 'byor tshangs ris kyi lha rnams dang / tshangs pa'i 'dun na 'dod dang / tshangs pa kun 'khor dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod napas 'phel dang / 'bras bu che dang / 'du shes med pa'i sems cad rnams dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha ji snyed yod pa de dag kyang / byang chub sems dpa' sems dpa' chen po shes rab kyi pha rol tu phyin pa la spyod pa la phyag 'tshal bar 'gyur ro// rab 'byor 'jig rten gyis khams grangs med tshad dpag tu med pa dag tu med pa dag ni de bzhin gshegs pa dgra bcom pa yang dag par rdzogs pa'i sangs rgyas gang dag da ltar bzhags te/ mtsho zhing bzhes pa'i sangs rgyas bcom ldan 'das de dag kyang shes rab kyi pha rol tu phyin pa la spyod pa'i/ byang chub sems dpa' sems dpa' chen po la sangs rgyas kyi spyan gyis gzag
- 315b
te/ rab 'byor de dag gis byang chub sems dpa' sems dpa' chen po shes rab kyi pha rol tu phyin pa la spod pa de dag la phan 'dogs shing dgongs par mdzad do// rab 'byor byang chub sems dpa' sems dpa' chen po shes rab kyi pha rol tu phyin pa la spyod pa de dang / de dag de bzhin gshegs pa dgra bcom pa yang dag par rdzogs pa'i sangs rgyas rnams phan 'dogs shing dgongs par mdzad de/ rab 'byor byang chub sems dpa' sems dpa' chen po de dag ni bla na med pa yang dag par rdzogs pa'i byang chub las phyir mi ldog par gzung bar bya'o// de la bdud dam bdud kyi rigs gzhan dag gis byed par byed par mi 'gyur ro// de ci'i phyir zhe na/ rab 'byor stong gsum gyi stong chen po'i 'jig rten gyi khams na/ sems can ji snyed yod pa de dag thams cad bdud sdig can du gyur la/ bdud de dag re res kyang de snyed kyi bdud kyi sde mngon par sprul kyang / rab 'byor bdud sdig can de dag gis/ byang chub sems dpa' sems dpa' chen po sangs rgyas kyis dgongs shing / shes rab kyi pha rol tu phyin pa spyod pa de la/ bla na med pa yang dag par rdzogs pa'i byang chub las bar chad bye bar mi nuso// rab 'byor stong gsum gyi stong chen po'i 'jig rten gyi khams kyi sems can thams cad bdud sdig can du gyur pa lta zhog go// rab 'byor 'jig rten gyi khams gang ga'i klung gi bye ma snyed de dag na/ sems can ji snyed yod pa de dag thams cad bdud sdig can du gyur la bdud
- 316a
sdig can de dag re res kyang bdud kyi sde de snyed sprul kyang / rab 'byor bdud sdig can de dag gis byang chub sems dpa' sems dpa' chen po sangs rgyas kyis dgongs shing / shes rab kyi pha rol tu phyin pa la spyod pa de la bla na med pa yang dag par rdzogs pa'i byang chub las bar chad bya bar mi nus so// rab 'byor byang chub sems dpa' sems dpa' chen po chos nyid dang ldan na/ bdud sdig can rnams sam/ bdud kyi rigs kyi lha rnams kyis thub pa dka' ba yin te/ gnyis gang zhe na/ 'di lta ste/ des sems can thams cad yongs su mi btang ba yin/ des chos thams cad stong par brtags pa yin te/ rab 'byor chos de gnyis dang ldan pa'i byang chub sems dpa' sems dpa' chen po ni bdud sdig can rnams sam/ bdud kyis rigs kyi lha rnams kyis thub par dka' ba yin no// rab 'byor byang chub sems dpa' sems dpa' chen po chos gnyis po gzhan dang ldan na/ bdud sdig can rnams sam/ bdud kyi rigs kyi lha rnams kyis thub par dka' ba yin no// rab 'byor byang chub sems dpa' sems dpa' chen po chos gnyis po gzhan dang ldan na/ bdud sdig can rnams sam/ bdud kyi rigs kyis thub par dka' ba yin te/ gnyis gang zhe na 'di lta ste/ ji skad du smras pa bzhin byed pa yin/ sangs rgyas bcom ldan 'das kyis dgongs pa yin/ rab 'byor byang chub sems dpa' sems dpa' chen po chos de gnyis dang ldan pa ni
- 316b
bdud sdig can rnams sam/ bdud kyi rigs kyis lha rnams kyis thub par dka' ba yin no// rab 'byor de ltar spyod pa'i byang chub sems dpa' sems dpa' chen po la/ lha rnams kyang nye bar sems par 'gyur nye bar 'ongs nas kyang dri bar bya ba sems/ yongs su dri bar sems/ bsnyen bkur bya bar sems so// de la spro ba yang bskyed par byed de/ rigs kyi bu khyod myur du bla na med pa yang dag par rdzogs pa'i byang chub mngon par 'tshang rgya bar 'gyur gyis/ rigs kyi bu de lta bas na/ 'di lta ste shes rab kyi pha rol tu phyin pa la gnas pa la spyod pa 'di nyid kyis gnas par bya'o// de ci'i phyir zhe na/ khyod de ltar gnas pa de nyid gnas shing de ltar spyod na/ sems can mgon med pa rnams kyi mgon du 'gyur/ sems can gzhi med pa rnams kyi gzhir 'gyur/ sems can gnas med pa rnams kyis gnas su 'gyur/ sems can skyabs med pa rnams kyis skyebs su 'gyur/ sems can dpung gnyen med pa rnams kyi dpung gnyen du 'gyur/ sems can gling med pa rnams kyi gling du 'gyur/ sems can rten med pa rnams kyi rten du 'gyur/ sems can dmus long rnams kyi snang bar 'gyur ro zhes lha'i bu de dag/ de ltar byang chub sems dpa' sems dpa' chen po la spro ba bskyed do// de ci'i phyir zhe na/ rab 'byor de ni 'di ltar gang yang byang chub sems dpa' sems dpa' chen po shes rab kyi pha rol tu phyin pa la gnas pa 'dis gnas
- 317a
pa de dag gnas la 'jig rten gyi khams tshad med grangs med pa dag na/ sangs rgyas bcom ldan 'das de dag gis dge slong gi dge 'dun gyis yongs su bskor/ dge slong gi dge 'dun gyis mdun du 'dar cing bzhugs te mtsho zhing bzhes pa'i sangs rgyas bcom ldan 'das de dag kyang / byang chub sems dpa' sems dpa' chen po shes rab kyi pha rol tu phyin pa la spyod pa'i yon tan gyi rnam pa 'di lta bu 'di lta ste/ shes rab kyi pha rol tu phyin pa'i yon tan dang ldan pa de dag gi ming dang / rus dang / gzugs dang / kha dog rnams yongs su brjod cing chos ston te/ byang chub sems dpa' sems dpa' chen po de la ched du brjod pa/ yang ched du brjod do// rab 'byor 'di lta ste dper na/ da ltar nga nyid byang chub sems dpa' sems dpa' chen po rin po che'i tog dang / byang chub sems dpa' sems dpa' chen po gtsug phud can dang / byang chub sems dpa' sems dpa' chen po gzhan gang dag da ltar de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i drung na/ tshangs par spyod pa dag gi ming dang / rus dang kha dog dang / gzugs yongs su brjod cing chos ston te/ ched du brjod pa yang ched du brjod pa de bzhin du/ rab 'byor sangs rgyas bcom ldan 'das de dag kyang / da ltar nga nyid sangs rgyas kyi zhing dang / byang chub sems dpa' sems dpa' chen po gang
- 317b
dag tshangs pa'i 'jig rten na spyad pa spyod cing / shes rab kyi pha rol tu phyin pa la gnas pa 'das pa'i byang chub sems dpa' sems dpa' chen po de dag gis ming dang / rus dang / kha dog dang / gzugs yongs su brjod cing / sangs rgyas bcom ldan 'das de dag chos ston te/ ched du brjod pa ched du brjod do// rab 'byor gyis gsol pa/ sangs rgyas bcom ldan 'das de dag byang chub sems dpa' sems dpa' chen po chos thams cad kyi ming dang / rus dang / kha dog dang / gzugs yongs su brjod cing chos ston te/ ched du brjod pa yang ched du brjod dam/ bcom ldan 'das kyis bka' stsal pa/ rab 'byor de ni ma yin te/ sangs rgyas bcom ldan 'das de dag byang chub sems dpa' sems dpa' chen po thams cad kyis ming dang / rus dang / kha dog dang / gzugs yongs su brjod cing / chos ston pa dang / ched du brjod pa yang ched du brjod pa yin no// rab 'byor sangs rgyas bcom ldan 'das kyis ni/ phyir mi ldog pa'i byang chub sems dpa' sems dpa' chen po de dag gi ming dang / rus dang / kha dog dang / gzugs rnams yongs su brjod nas/ chos 'chad cing ched du brjod do// rab 'byor gyis gsol pa/ bcom ldan 'das sangs rgyas bcom ldan 'das kyis byang chub sems dpa' sems dpa' chen po phyir mi ldog pa rnams sam/ gtogs de ma lags pa'i byang chub sems dpa' sems dpa' chen po
- 318a
gzhan gyi ming dang / rus dang / kha dog dang / gzugs rnams yongs su brjod cing chos ston pa dang / ched du brjod pa ched du brjod par mdzad pa/ ma mchis sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po phyir mi ldog pa rnams ma rtogs par/ sangs rgyas bcom ldan 'das de dag gang gi ming dang / rus dang / kha dog dang / gzugs yongs su brjod cing chos ston pa dang / ched du brjod pa yang ched du brjod pa'i gang zag byang chub sems dpa' sems dpa' chen po'i theg pa yod do// yang de dag gang zhe na/ gang da ltar de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i drung na/ byang chub sems dpa'i spyod pa rjes su slob cing / byang chub sems dpa'i spyad pa spyod de/ rjes su slob pa'i tshul du gnas pa rnams te/ rab 'byor 'di dag ni byang chub sems dpa' sems dpa' chen po phyir mi ldog pa'i rnam pa ma gtogs par/ sangs rgyas bcom ldan 'das de dag gi ming dang / rus dang / kha dog dang / gzugs yongs su brjod cing chos ston pa dang / ched du brjod pa ched du brjod pa yin no// rab 'byor byang chub sems dpa' sems dpa' chen po rin po che tog gi byang chub sems dpa'i rjesu slob cing / byang chub sems dpa'i spyad pa spyod de/ rjes su spyod pa'i tshul du gnas pa rnams te/ rab 'byor 'di dag ni byang
- 318b
chub sems dpa' sems dpa' chen po phyir mi ldog pa rnams ma gtogs pa/ sangs rgyas bcom ldan 'das de dag gi ming dang / rus dang / kha dog dang / gzugs yongs brjod cing chos ston pa dang / ched du brjod pa ched du brjod pa yin no// gzhan yang rab 'byor byang chub sems dpa' sems dpa' chen po gang shes rab kyi pha rol tu phyin pa la spyod cing / chos thams cad mi skye ba'o zhes de ltar mos da dung mi skye ba'i chos la bzod pa ma thob pa dang / chos thams cad zhi ba'o zhes mos la/ chos thams cad phyir mi ldog pa'i dbang thob pa/ ma non pa'o// rab 'byor gnas pa de lta bus gnas pa'i byang chub sems dpa' sems dpa' chen po rnams kyi ming dang / rus dang / kha dog dang / gzugs kyang sangs rgyas bcom ldan 'das rnams yongs su brjod cing chos ston pa dang / ched du brjod pa yang ched du brjod do// rab 'byor sangs rgyas bcom ldan 'das rnams byang chub sems dpa' sems dpa' chen po gang dag gi ming dang / rus dang / kha dog dang / gzugs yongs su brjod cing chos ston pa dang / ched du brjod pa yang ched du brjod par mdzad pa de dag ni nyan thos kyi sa dang / rang sangs rgyas kyi sa spangs te/ de dag gi sangs rgyas kyi sa la re bar bya ste/ de dag ni bla na med pa yang dag par rdzogs pa'i byang chub tu lung bston par 'gyur ro// de ci'i phyir zhe na/ rab 'byor sangs rgyas bcom ldan 'das rnams gang zag byang chub sems
- 319a
dpa' sems dpa' chen po'i theg pa gang de ltar shes rab kyi pha rol tu phyin pa la spyod pa de dag gi ming dang / rus dang / kha dog dang / gzugs rnams yongs su brjod nas/ chos ston de ched du brjod pa yang ched du brjod pa de dag kyang / phyir mi ldog pa nyid la gnas par 'gyur ro// rab 'byor gzhan yang byang chub sems dpa' sems dpa' chen po shes rab kyi pha rol tu phyin pa zab mo 'di bshad pa thos nas/ mos par byed cing rmongs par mi 'gyur/ nem nur mi byed the tshom mi za ba ste/ ji ltar de bzhin gshegs pa dgra bcom pa yang dag par rdzogs pa'i sangs rgyas kyis bshad pa de bzhin no zhes rgyas par nyan cing 'di snyam du/ bdag gi shes rab kyi pha rol tu phyin pa 'di ni de bzhin gshegs pa dgra bcom pa yang dag par rdzogs pa'i sangs rgyas mi bskyod pa dang / gang sangs rgyas kyi zhing de na tshangs par spyod pa'i gang zag byang chub sems dpa'i theg pa de dag las kyang rgyas par nyan to// snyam du sems bskyed de/ de dag gi drung du shes rab kyi pha rol tu phyin pa 'di mnyan nas mos par 'gyur ro// shes rab kyi pha rol tu phyin pa 'di la mos shing de bzhin gshegs pas ji ltar gsungs pa de bzhin du mos par phyir mi ldog pa nyid la gnas par 'gyur te/ rab 'byor de ltar shes rab kyi pha rol tu phyin pa 'di thos pa yang gces spras byed par bstan na/ gang mos par byed cing mos nas kyang de bzhin nyid du gnas shing de bzhin nyid la bsgribs nas
- 319b
gnas te/ de bzhin nyid la gnas nas/ thams cad mkhyen pa nyid du chos ston pa lta ci smos kyang ci dgos/ rab 'byor gyis gsol pa/ bcom ldan 'das de ltar de bzhin nyid ma gtogs par/ chos gzhan yang dmigs su ma mchis na/ chos gang de bzhin nyid la gnas par 'gyur/ gang zhig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ gang zhig chos 'di ston par 'gyur/ de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor gang 'di skad du de ltar de bzhin nyid ma gtogs par/ chos gzhan gang yang dmigs su med mchis na/ chos gang zhig de bzhin nyid la gnas par 'gyur/ gang zhig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ gang zhig chos 'di ston par 'gyur zhes smras pa ni/ rab 'byor de bzhin nyid ma gtogs par chos gzhan gang de bzhin nyid la gnas par 'gyur ba'i chos gang yang dmig su med do// rab 'byor de bzhin nyid dang dmigs su med na/ gang de bzhin nyid la gnas par 'gyur ba lta ci smos/ rab 'byor de bzhin nyid bla na med pa yang dag par rdzogs pa'i byang chub mngon par 'tshang mi rgya ba ste/ rab 'byor chos gang bla na med pa yang dag par rdzogs pa'i byang chub mngon par rdzogs par 'tshang rgyas pa 'am/ mngon par rdzogs par 'tshang rgya bar 'gyur ba 'am/ mngon
- 320a
par rdzogs par 'tshang rgyas pa'i chos de ni gang yang dmigs su med de/ rab 'byor de bas de bzhin nyid ni chos mi ston to// rab 'byor chos gang bstan par bya ba'i chos de yang dmigs su med do// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das shes rab kyi pha rol tu phyin pa ni zab po// bcom ldan 'das gang bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba'i byang chub sems dpa' sems dpa' chen po dka' ba bgyid pa lags so// de ci'i slad du zhe na/ bcom ldan 'das de bzhin nyid la gnas pa ma mchis la/ bla na med pa yang dag par rdzogs pa'i byang chub mngon par rdzogs par 'tshang rgya ba yang gang ma mchis/ chos ston pa gang ma mchis pa 'di la zhum par mi 'gyur/ nem nur mi bgyid/ rmongs par mi 'gyur ba'i slad du'o// de nas tshe dang ldan pa rab 'byor gyis lha'i dbang po brgya byin la 'di skad ces smras so// ke'u shi ka gang 'di skad du gang dag chos zab mo 'di lta bu bshad pa la nem nur mi byed pa dang / rmongs par mi 'gyur ba'i byang chub sems dpa' sems dpa' chen po dag ni dka' ba byed pa'o zhes zer ba la/ ke 'u shi ka chos thams cad stong pa na/ 'di la su zhig nem nur byed cing rmongs par 'gyur/ brgya byin gyis smras pa/ 'phags pa rab 'byor gyis gang dang gang
- 320b
bshad pa de dang de nyid stong pa nyid la bsams te/ bshad pas ci la yang thogs pa med do// 'di sa ste/ dper na bar snang la mnga' 'bang na ci la yang thogs pa med de/ de bzhin du 'phags pa rab 'byor gyis chos bstan pa yang ci la yang thogs pa med do// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das bdag gis gnas brtan rab 'byor la brtsams te/ 'di skad du bshad cing 'di skad du bstan/ de bzhin gshegs pas gsungs pa bzhin du smras pa lags sam chos smra ba 'am/ chos gang rjes su 'thun pa'i chos lung ston pa lags sam/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// ke'u shi ka khyod kyis 'di skad du bshad cing / 'di skad du bstan pa ni de bzhin gshegs pas gsungs pa bzhin smras pa yin no// chos smra ba yin no// chos kyi rjes su 'thun par chos lung ston pa yin no// de ci'i phyir zhe na/ ke'u shi ka gnas brtan rab 'byor gang dang gang spobs par gyur pa de ni/ stong pa nyid las brtsams te spobs so// de ci'i phyir zhe na/ ke'u shi ka gnas brtan rab 'byor ni shes rab kyi pha rol tu phyin pa yang dag par rjes su mi mthong zhing mi dmigs na/ gang shes rab kyi pha rol tu phyin pa la spyod pa lta ga la yod/ byang chub nyid kyang mi dmigs na/ gang byang chub mngon par rdzogs par/
- 321a
@'tshang rgya bar 'gyur ba lta ga la yod/ thams cad mkhyen pa nyid kyang mi dmigs na/ gang thams cad mkhyen pa nyid thob par 'gyur ba lta ga la yod/ de bzhin nyid kyang mi dmigs na/ gang de bzhin gshegs par 'gyur ba lta ga la yod/ mi skye ba nyid kyang mi dmigs na/ gang mi skye ba mngon sum du byed par 'gyur ba lta ga la yod/ byang chub sems dpa' nyid kyang mi dmigs na/ gang byang chub mngon par rdzogs par 'tshang rgya bar 'gyur ba lta ga la yod/ stobs nyid kyang mi dmigs na/ gang stobs dang ldan par 'gyur ba lta ga la yod/ mi 'jigs pa nyid kyang mi dmigs na/ gang mi 'jigs par 'gyur ba lta ga la yod/ chos nyid kyang mi dmigs na/ gang chos ston par 'gyur ba lta ga la yod/ ke'u shi ka gnas brtan rab 'byor ni chos thams cad dben par gnas pa dang / chos thams cad mi dmigs pas gnas so// ke'u shi ka gang yang gan brtan rab 'byor ni chos thams cad dben par gnas pa dang / chos thams cad dmigasu med pa'i gnas pa 'di ni ke'u shi ka byang chub sems dpa' sems dpa' chen po shes rab kyi pha rol tu phyin pa la spyod cing gnas pa'i brgya'i char yang nye bar mi 'gro'o// stong gi char yang / brgya stong gi char yang / bye ba'i char yang / bye ba brgya'i char yang / bye ba stong gi char yang / bye ba khrag khrig brgya stong gi char yang nye bar mi 'gro'o// grangs dang / bgrangs pa dang / dpe dang / rgyur yang mi bzod do// ke'u shi ka byang chub
- 321b
sems dpa' sems dpa' chen po shes rab kyi pha rol tu phyin pa la spyod pa'i gnas pa gang yin pa'i gnas pa 'di ni/ de bzhin gshegs pa'i gnas pa ma gtogs/ par de ma yin pa'i gnas gzhan thams cad kyis gnon to// ke'u shi ka 'di ni gnas pa de dag thams cad pas mchog ces bya'o// gtso bo zhes bya'o// phul zhes bya'o// rab ces bya'o// mchog rab ces bya'o// gya nom zhes bya'o// bla ma zhes bya'o// bla na med pa zhes bya'o// gong na med pa zhes bya'o// byang chub sems dpa' sems dpa' chen po shes rab kyi pha rol tu phyin pa la spyod cing gnas pa'i gnas pa gang yin pa 'dis/ nyan thos dang / rang sangs rgyas kyi gnas pa thams cad zil gyis gnan to// / ke'u shi ka de lta bas na/ sems can thams cad kyi mchog tu phyin par 'dod pa dang / gtso bo phyin par 'dod pa dang / phul du phyin par 'dod pa dang / rab tu phyin par 'dod pa dang / mchog rab tu phyin par 'dod pa dang / gya nom phyin par 'dod pa dang / bla ma phyin par 'dod pa dang / bla na med par phyin par 'dod pa dang / gong na med par phyin par 'dod pa'i rigs kyi bu 'am/ rigs kyi bu mos byang chub sems dpa' sems dpa' chen po gang dag shes rab kyi pha rol tu phyin pa la spyod cing gnas pa'i gnas pa 'di la gnas par bya'o// shes rab kyi pha rol tu phyin pa brgyad stong pa las/ snying po'i le'u ste nyi shu bdun pa'o//
- 322a
/ bam po nyi shu rtsa gnyis pa'o// // de nas de'i tshe lha'i bu gzhan zhig sum bcu rtsa gsum pa'i lha rnams dang / me tog man d+ha ra ba dang / man d+ha ra ba chen po thogs nas bcom ldan 'das ga la ba de logs su dong ngo // de'i tshe na dge slong brgya phrag drug bcu 'khor der 'dus te/ 'khod par gyur to// de dag kyang stan las langs te/ bla gos phrag pa cig tu gzar nas/ pus mo g.yas pa'i lha ngas la btsugs te/ bcom ldan 'das gang na ba der logs su thal mo sbyar te phyag 'tshal ba dang / sangs rgyas kyi mthus de dag gi snyim par me tog man d+ha ra ba dang / man d+ha ra ba chen pos gang bar gyur nas/ de dag gis me tog man d+ha ra ba chen po de dag gis de bzhin gshegs pa la mngon par gtor/ mngon par rab tu gtor nas/ tshig 'di skad ces gsol to// bcom ldan 'das bdag cag gis shes rab kyi pha rol tu phyin pa 'di la spyad par bgyi'o// bcom ldan 'das bdag cag ni shes rab kyi pha rol tu phyin pa la gnas pa'i dam pa 'dis gnas par bgyi'o// de nas bcom ldan 'das de'i tshe na 'dzum pa mdzad pa de/ sangs rgyas bcom ldan 'das gang gi tshe 'dzum pa mdzad pa de'i tshe// chos nyid kyi 'od zer kha dog sna tshogs/ kha dog du ma 'di lta ste sngon po dang ser po dang / dmar po dang / leb rgan dang / shel dang / gser gyi kha dog rnams bcom ldan 'das kyi zhal gyi sgo nas byung ste/ de dag gis 'jig rten gyi khams
- 322b
mtha' yas mu med pa/ thug pa med pa/ kun du snang bar byas nas/ gyen gyi tshangs pa'i 'jig rten man cad 'phags te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu mi snang bar 'gyur ro// de nas tshe dang ldan pa kun dga' bo stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar te/ phyag 'tshal nas bcom ldan 'das la 'di skad ces gsol to// rgyu ma ma mchis par de bzhin gshegs pa dgra bcom pa yang dag par rdzogs pa'i sangs rgyas 'dzum pa mi mdzad na/ bcom ldan 'das 'dzum pa mdzad pa'i rgyu gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo ma 'ongs pa'i dus na skal pa skar ma lta bu la dge slong brgya phrag bcu drug po 'di dag thams cad bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mngon par rdzogs par sangs rgyas nas/ chos ston par 'gyur ro// 'di lta ste thams cad kyang me tog bkram pa zhes bya bar mir yang 'thun par 'gyur te/ ston pa rnams 'jig rten du 'byung bar 'gyuraro// yang kun dga' bo de bzhin gshegs pa dgra bcom pa yang dag pa par rdzogs pa'i sangs rgyas me tog bkram pa zhes bya bar de dag gi nyan thos kyi dge 'dun yang mnyam
- 323a
par 'gyur ro// de bzhin gshegs pa dgra bcom pa yang dag par rdzogs pa'i sangs rgyas me tog bkram pa zhes bya ba de dag gi tshe'i tshad kyang skal pa stong phrag nyi shur mnyam par 'gyur ro// de dag thams cad so so nas gsungs rabs rgyas par 'gyur te/ lha dang mi'i nang du yangs shing rgya che bar gyur te/ de dag thams cad so so'i dam pa'i chos kyang skal pa stong phrag nyi shu'i bar du mnyam par gnas par 'gyur ro// de dag thams cad grong ngam/ grong khyer dang / grong rdal dang / ljongs dang / yul 'khor dang / pho brang 'khor gang dang gang mngon par 'gyur zhing / mngon par byung nas kyang chos kyi 'khor lo skor bar 'gyur ro// rab tu skor nas kyang / de dang der gnas par 'gyur ro// gang dang gang du 'jug pa dang / gang dang gang nas 'byung bar 'gyur ba dang / 'jug pa dang / 'byung ba dang / gnas pa de dang de dag tu me tog rnam pa lnga dang ldan pa'i me tog gi char rab tu 'bab par 'gyur ro// kun dga' bo de lta bas nas gnas pa mchog gnas par 'dod pa'i byang chub sems dpa' sems dpa' chen pos kyang / shes rab kyi pha rol tu phyin pa'i gnas pas gnas par bya'o// de bzhin gshegs pa'i gnas pas gnas par 'dod kyang / shes rab kyi pha rol tu phyin pa'i gnas pa'i gnas par bya'o// kun dga' bo byang chub sems dpa' sems dpa' chen po gang su dag shes rab kyi pha rol tu phyin pa la spyod na/ de dag ni mi las shi 'phos te//
- 323b
'dir skyes pa 'am/ dga' ldan gyi lha'i rigs nas shi 'phos nas mi'i nang du skyes par rtog par rig par bya'o// de ci'i phyir zhe na/ mi'i nang ngam/ yang dga' ldan gyi lha'i rigs na/ shes rab kyi pha rol tu phyin pa 'di rgyas par rab tu spyod do// yang kun dga' bo gang shes rab kyi pha rol tu phyin pa 'di la spyod pa'i byang chub sems dpa' sems dpa' chen po de dag ni/ de bzhin gshegs pas gzigs par rig par bya'o// gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / ston pa dang / 'chang ba dang / kha don du byed pa dang / chung ngu na yi ger 'dri ba dang / gzung bcad klags/ kun chub par byas/ rab tu gton/ bshad bstan/ kha ton byas/ bris nas kyang / byang chub sems dpa' sems dpa' chen po rnams 'dom shing rjes su ston pa dang / yang dag par ston pa dang / yang dag par gzeng ston pa dang / rab tu dga' bar byed pa dang / yang dag par 'dzud pa'i byang chub sems dpa' sems dpa' chen po de dag ni/ kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed par yin par rig par bya'o// gang shes rab kyi pha rol tu phyin pa 'di la slob pa 'di dag ni nyan thos dang rang sangs rgyas nyi tshe la dge ba'i rtsa ba bskyed pa ma yin gyis/ byang chub sems
- 324a
dpa' sems dpa' chen po de dag gis de bzhin gshegs pa dgra bcom pa yang dag par rdzogs pa'i sangs rgyas rnams la gdon mi za bar dge ba'i/ rtsa ba bskyed pa yin no// kun dga' bo gang shes rab kyi phyin pa 'di la slob cing skrag par byed pa dang / gang shes rab kyi pha rol tu phyin pa 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / ston pa dang / 'chang ba dang / kha don byed pa dang / yi ger 'bri ba dang / don dang tshul dang / chos nyid kyi rjes su rtog par byed pa'i byang chub sems dpa' sems dpa' chen po de dag ni de bzhin gshegs pa dgra bcom pa yang dag par rdzogs pa'i sangs rgyas rnams kyi mngon sum du gyur pa yin par rtogs par bya'o// kun dga' bo gang shes rab kyi pha rol tu phyin pa 'di la mi smad/ 'gal bar mi byed 'khrugs par mi byed/ spong bar mi byed/ 'gog par mi byed na/ byang chub sems dpa' sems dpa' chen po de dag gi sngon gyi rgyal ba dag la bya ba byas pa yin te/ kun dga' bo nyan thos dang / rang sangs rgyas thob par bya ba'i phyir/ byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba ma snun gyi/ rnam par smin pa yang 'byung bar byed la/ smon lam yang bslu bar mi 'gyur te/ kun dga' bo byang chub sems dpa' sems dpa' chen po de dag ni shes rab kyi pha rol tu phyin pa la spyad par
- 324b
rig par bya'o// kun dga' bo de lta bas na shes rab kyi pha rol tu phyin pa 'di ci nas nub par mi 'gyur ba/ shes rab kyi pha rol tu phyin pa 'di khyod la gtad to// rjes su gtad do// kun dga' bo lag te shes rab kyi pha rol tu phyin pa ma gtogs par/ chos gang mngon sum du bshad pa de dag thams cad bzung nas/ phyis chung gsan tam/ phyis btang ngam/ rjed par byas na/ kun dga' bo de khyod de tsam gyis ngas nyes par brtsi bar mi 'gyur gyi/ kun dga' bo 'di ltar khyod kyis shes rab kyi pha rol tu phyin pa'i tshig gam/ yang na tshig gi yang lag dang rung ste/ chung gsan gtam/ gtang ngam/ rjed par byas na/ kun dga' bo khyod kyis de tsam du nga la nyes par byas par 'gyur te/ nga'i sems kyang mgu bar ma byas so// kun dga' bo khyod kyis lag te/ shes rab kyi pha rol tu phyin pa gzung nas/ phyis chung gsan cing gtang ste/ rjed par byas na/ khyod kyis nga la bkur bstir ma byas/ bla mar ma byas/ ri mor ma byas/ mchod par ma byas/ rjed par ma byas/ gsol bar ma byas so// kun dga' bo gal te khyod kyis shes rab kyi pha rol tu phyin pa gzung nas/ phyis chud gsan cing gtang ste/ rjed par byas nas kun dga' bo gang dag 'das pa dang / ma 'ongs pa dang / da ltar byung ba'i sangs rgyas btso/ ldan 'das de dag la yang / kun dga' bo khyod kyis bkur stir ma byas/ bla mar ma byas/ ri mor ma byas/ mchod par ma byas/ rjed par ma byas/ bsal bar
- 325a
ma byas pa yin no// de ci'i phyir zhe na/ kun dga' bo shes rab kyi pha rol tu phyin pa 'di 'das pa dang / ma 'ongs pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi yum ste skyed par byin pa/ thams cad mkhyen pa nyid thob par byed pa yin par de bzhin gshe pa dgra bcom pa yang dag par rdzogs pa'i sangs rgyas kyis gsungs so// kun dga' bo de lta bas na/ shes rab kyi pha rol tu phyin pa 'di ci nas kyang nub par mi 'gyur bar khyod la gtad to// rjes su gtad do// kun dga' bo shes rab kyi pha rol tu phyin pa 'di rjes su gzung bar bya'o// kun dga' bo shes rab kyi pha rol tu phyin pa 'di bcang bar bya'o// kun dga' bo shes rab kyi pha rol tu phyin pa 'di klag par bya'o// kun dga' bo shes rab kyi pha rol tu phyin pa 'di kun chub par bya'o// kun dga' bo shes rab kyi pha rol tu phyin pa 'di rab tu gdon par bya'o// kun dga' bo shes rab kyi pha rol tu phyin pa 'di kun snyan par bya'o// kun dga' bo shes rab kyi pha rol tu phyin pa 'di bshad par bya'o// kun dga' bo shes rab kyi pha rol tu phyin pa 'di kha don du bya'o// kun dga' bo shes rab kyi pha rol tu phyin pa 'di bri bar bya ste/ kun dga' bo khyod kyis legs par yid la byas pa dang / legs par kun chub par byas pa dang / leg par zin par bya'o// shes rab kyi pha rol tu phyin pa 'di yi ge dang / tshig 'bru dang nges pa'i tshig bzang pos shin
- 325b
du gsal bar gzung bar bya'o// de ci'i phyir zhe na/ kun dga' bo 'das pa dang / ma 'ongs pa dang / da ltar byung ba'i de bzhin gshegs pa bcom pa yang dag par rdzogs pa'i/ sangs rgyas rnams kyi chos kun tshad mar byas na/ kun dga' bo da ltar bzhugs shing / mtsho zhing bzhes pa'i de bzhin gshegs pa la khyod kyis phan par sems pa dang / dga' ba dang / gus pa dang / dge ba byas pa dang / bde bar gnas par bya ba dang / dbul ba dang / bsam par bya bar sems pa de bzhin du khyod kyi shes rab kyi pha rol tu phyin pa 'di gzung bar bya/ gtsang bar bya/ klag par bya/ kun chub par bya/ rab tu gdon par bya/ snyan par bya/ bshad par bya/ kha don du bya/ bkur stir bya/ bla mar bya/ ri mor bya/ mchod par bya/ brjod par bya/ gsol bar bya'o// kun dga' bo phan par sems dpa' de dang / dga' ba de dang / gus pa de dang / yon tan dang ldan pa des/ de ltar nga byang chub sems dpa' sems dpa' chen po de dag kyang khyod kyis mchod par 'gyur ro// khyod kyis 'das pa dang / ma 'ongs pa dang / da ltar byung ba'i sangs rgyas bcom ldan 'das lang dga' ba dang / dad pa dang / gus pa bskyed pa yin no// kun dga' bo gal te nga la khyod dga' ba dang / yid du 'ong ba yongs su ma gtong / kun dag no/ khyod kyis ci nas tshig gcig kyang chung ma zos shing ma nub par 'gyur ba de ltar shes rab kyi pha rol tu phyin pa 'di la khyod dga' ba dang / yid du 'ong ba yongs su mi gtang
- 326a
bar gyis shig/ kun dga' bo shes rab kyi pha rol tu phyin pa yongs su gtad pa las brtsams te/ ngas khyod la mang du bshad na/ bskal pa 'am/ bskal pa las lhag pa 'am/ bskal pa brgya 'am/ bskal pa stong ngam/ bskal pa bye ba phrag brgya stong ngam/ yang na de bas lhag par bshad du yod mod kyi/ kun dga' bo mdor na khyod kyi ston par yin pa de lta bur shes rab kyi pha rol tu phyin pa yang ston pa yin no// ji ltar na 'das pa dang / ma 'ongs pa dang / da ltar byung ba'i sangs rgyas bcom ldan 'das rnams lha dang mi dang / lha ma yin du bcas pa'i 'jig rten rnams kyi ston pa yin pa de lta bur shes rab kyi pha rol tu phyin pa lha dang / mi dang / lha ma yin du bcas pa'i 'jig rten rnams kyi ston pa yin no// kun dga' bo de lta bas na/ lha dang / mi dang / lha ma yin du bcas pa'i 'jig rten rnams la phan pa dang / bde bar bya ba'i phyir tshad med pa'i shes rab kyi pha rol tu phyin pa 'di tshad med pa yongs su gtad pas/ shes rab kyi pha rol tu phyin pa 'di khyod la yongs su gtad par bya'o// kun dga' bo gang gis de bzhin gshegs pa'i yongs su ma btang ba dang / chos yongs su ma btang ba dang / dge 'dun yongs su ma btang ba dang / 'das pa dang / ma 'ongs pa dang / da ltar byung ba'i sangs rgyas bcom ldan 'das kyi byang chub yongs su ma btang ba des/ shes rab kyi pha rol tu phyin pa yongs su mi gtad par bya'o// 'di ni nga'i rjes su bstan pa'o// /
- 326b
kun dga' bo gang la la zhig shes rab kyi pha rol tu phyin pa 'di 'dzin pa dang / 'chang ba dang / klog pa dang / kun chub par byed pa dang / rab tu 'don pa dang / 'chang ba dang / kha don byed pa des 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyang byang chub kyang yongasu bzung bar 'gyur ro// kun dga' bo gang la la zhig shes rab kyi pha rol tu phyin pa 'di rab tu 'jig pa'i tshe/ rjes su bzung na 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi byang chub yongs su bzung bar 'gyur ro// de ci'i phyir zhe na/ kun dga' bo sangs rgyas bcom ldan 'das rnams kyi byang chub kyi ni shes rab kyi pha rol tu phyin pa las skyes te/ kun dga' bo gang 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzog pa'i byang chub kyang shes rab kyi pha rol tu phyin pa las skyes// kun dga' bo ma 'ongs pa'i dus na byang ba'i de bzhin gshegs pa dgra bcom pa yang dag par rdzogs pa'i sangs rgyas de dag gi bla na med pa yang dag par rdzogs pa'i byang chub kyang / shes rab kyi pha rol tu phyin pa las skyeso// kun dga' bo gang dag 'jig rten gyi khams tshad med grangs med dpag tu med pa dag la/ sangs rgyas bcom ldan 'das da ltar bzhags te/ mtsho zhing ba zhes pa'i sangs rgyas bcom ldan 'das de dag gi bla na med pa yang dag
- 327a
par rdzogs pa'i byang chub kyang shes rab kyi pha rol tu phyin pa 'di las skyes so// kun dga' bo de'i bla na med pa yang dag par rdzogs pa'i byang chub kyang shes rab kyi pha rol tu phyin pa 'di las skyes so// kun dga' bo de lta bas na/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa dang / pha rol tu phyin pa drug la slob par 'dod pas kyang shes rab kyi pha rol tu phyin pa 'di nyid bzung bar bya/ bcang bar bya/ klag par bya/ kun chub par bya/ rab tu 'don par bya/ snyan par bya/ bshad par bya/ kha ton du bya/ shes rab kyi pha rol tu phyin pa 'di nyid la bslab par bya'o// rnal 'byor du bya'o// de ci'i phyir zhe na/ kun dga' bo shes rab kyi pha rol tu phyin pa 'di ni byang chub sems dpa' sems dpa' chen po rnams kyi yum ste/ skyed pa 'byin pa'o// / kun dga' bo byang chub sems dpa' sems dpa' chen po gang dag pha rol tu phyin pa drug las bla na med pa yang dag par rdzogs pa'i byang chub tu sems bskyed pa dang / skye ba dang / skye bar 'gyur ba de dag thams cad kyang / kun dga' bo shes rab kyi pha rol tu phyin pa la rten nas pha rol tu phyin pa drug la bslabs pa yin no// de dag kyang shes rab kyi pha rol tu phyin pa 'di nyid la rten nas/ pha rol tu phyin pa drug la skyes so// de ci'i phyir zhe na/ kun dga' bo pha rol tu phyin pa thams cad ni shes rab
- 327b
kyi pha rol tu phyin pa las skyes te/ bla na med pa yang dag par rdzogs pa'i byang chub thob par byed pa'o// kun dga' bo de lta bas na/ shes rab kyi pha rol tu phyin pa 'di ci nas kyang nub par mi 'gyur bar/ lan gnyis su khyod la yongs su gtad do// rjes su gtad do// kun dga' bo 'di lta ste/ shes rab kyi pha rol tu phyin pa 'di de bzhin gshegs pa dgra bcom pa yang dag par rdzogs pa'i sangs rgyas rnams kyi mdzod mi zad pa'o// de ci'i phyir zhe na/ kun dga' bo gang 'das pa'i dus kyi thog ma med pa'i 'khor ba na/ sems can rnams la sangs rgyas bcom ldan 'das kyis/ chos bshad pa 'di lta ste/ shes rab kyi pha rol tu phyin pa'i chos kyi mdzod 'di las bshad do// kun dga' bo gang ma 'ongs pa'i dus kyi 'khor ba na/ sems can rnams la sangs rgyas bcom ldan 'das chos 'chad par 'gyur ba de yang sangs rgyas bcom ldan 'das rnams kyis 'di lta ste/ shes rab kyi pha rol tu phyin pa 'di las 'chad do// kun dga' bo da ltar gyi 'jig rten gyi khams tshad med grangs med pa dag na/ sangs rgyas bcom ldan 'das rnams bzhugs te/ mtsho zhing bzhes la chos ston pa'i sangs rgyas bcom ldan 'das de dag kyang kun dga' bo 'di lta ste/ shes rab kyi pha rol tu phyin pa'i chos kyi mdzod bsgrags pa 'di nyid la chos bshad par gyur to// kun dga' bo de lta bas na 'di lta ste/ shes rab kyi pha rol tu phyin
- 328a
pa'i mdzod 'di ni/ mi zad pa'i chos kyi mdzod do// kun dga' bo gal te khyod kyis gang zag nyan thos kyi theg pa rnams la nyan thos kyi chos bshad par gyur na/ chos bshad pa des stong gsum gyi stong chen po'i 'jig rten gyi khams dag la/ sems can ji snyed yod pa de dag thams cad dgra bcom pa nyid mngon sum du byas par gyur na/ ngas kyang nga'i nyan thos rnams la nyan thos kyi bya ba byas par mi 'gyur ro// kun dga' bo gal te khyod kyis byang chub sems dpa' sems dpa' chen po dag la shes rab kyi pha rol tu phyin pa dang ldan pa'i tshig cig tsam yang bshad dam rab tu bstan na/ de nas nyan thos khyod kyi nga la ma nyes par byas par 'gyur ro// sngon gyi chos gang bshad pa de nyid kyis stong gsum gyi stong chen po'i 'jig rten gyi khams na/ sems can ji snyed yod pa de dag thams cad dgra bcom pa nyid thob par gyur na/ kun dga' bo de ji snyam du sems/ dgra bcom pa de dag gi sbyin pa las byung ba'i bsod nams bya ba'i dngos po dang / tshul khrims las byung ba'i bsod nams bya ba'i dngos po dang / sgom pa las byung ba'i bsod nams bya ba'i bskyod nams kyi phung po mang ba yin nam/ kun dga' bos gsol pa/ bcom ldan 'das mang ngo // bde bar shegs pa mdo/ bcom ldan 'das kyis bka' stsal pa/ kun dga' bo nyan thos kyi theg pa pa'i gang zag de dag pas/ gang byang chub sems dpa' sems dpa' chen po
- 328b
shes rab kyi pha rol tu phyin pa dang ldan pa'i chos ston pa'i de bsod nams ches mang du bskyed do// kun dga' bo de bas kyang byang chub sems dpa' sems dpa' chen/ bo gzhan la chung ngu na nyi ma gcig tsam yang shes rab kyi pha rol tu phyin pa dang / ldan pa'i chos ston na/ de'i bsod nams ches mang du bskyed do// kun dga' bo nyi ma gcig lha zhog gi/ chung ngu na snga dro tsam 'am/ kun dga' bo snga dro lta zhog gi/ chung ngu na chu tshod gcig tsam 'am/ kun dga' bo chu tshod gcig lta zhog gi/ chung ngu na thang cig gam/ kun dga' bo thang gcig lta zhog/ yud tsam zhig lta zhog gi/ kun dga' bo yud tsam zhig lta zhog/ chung ngu na skad cig gcig tsam du yang kun dga' bo byang chub sems dpa' sems dpa' chen po byang chub sems dpa' sems dpa' chen po gzhan la shes rab kyi pha rol tu phyin pa'i chos ston na/ 'di ni des ches bsod nams mang du bskyed do// kun dga' bo byang chub sems dpa' sems dpa' chen po de'i chos kyis sbyin pa 'di ni/ nyan thos kyi theg pa can gyi gang zag thams cad dang / rang sangs rgyas kyi theg pa pa'i gang zag thams cad kyi dge ba'i rtsa ba zil gyi gnon to// kun dga' bo de lta bu'i dge ba'i rtsa ba dang ldan pa'i byang chub sems dpa' sems dpa' chen po de ltar dge ba'i rtsa ba la sems dpa'i byang chu
- 329a
sems dpa' sems dpa' chen po bla na med pa yang dag par rdzogs pa'i byang chub las phyir ldog pa ni gnas med skabs med de/ de ni gnas ma yin no// de nas bcom ldan 'das kyis de'i tshe ji lta bu'i rdzu 'phrul mngon par 'du bya ba mngon par 'du bya bas/ dge slong dang / dge slong ma dang / dge bsnyen dang / dge bsnyen ma'i 'khor bzhi dang / lha dang / klu dang / gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang / mi ma yin pa de dag thams cad sangs rgyas kyis mthus de bzhin gshegs pa dgra bcom pa yang dag par rdzogs pa'i sangs rgyas mi bskyod pa dge slong gi dge 'dun gyis yongs su bskor cing / dge slong gi dge 'dun gyis mdun du bdar ba dang / mi skyod pa'i 'khor rgya mtsho lta bu zab me'i nang na/ byang chub sems dpa' sems dpa' chen po bsam gyis mi khyab pa'i yon tan dang ldan pa/ thams cad kyang dgra bcom pa zag pa zad pa/ nyon mongs pa med pa/ sems shin du rnam par grol ba/ shes rang shin du rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ rang gi don rjes su thob pa/ srid pa kun du sbyor ba yongs su zad pa/ yang dag pa'i shes pas sems rnam par grol ba/ sems kyi dbang thams cad kyi dam pa'i pha rol du phyin pa rnams kyis yongs su bskor
- 329b
cing mdun du gdar te/ chos ston pa mthong bar 'gyur de ltar rdzu 'phrul mngon par 'du mdzad pa de ltar brtul nas/ de bzhin gshegs pa dgra bcom pa yang dag par rdzogs pa'i sangs rgyas mi bskyod pa'ang mi snang bar 'gyur/ byang chub sems dpa' sems dpa' chen po de dag dang / nyan thos chen po de dag dang / sangs rgyas kyi zhing de dag kyang / 'khor bzhi po de dag kyang lha dang / mi dang / klu dang gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa de dag gi rmi lam du mi snang bar gyur to// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul mngon par 'du mdzad pa de rtul bar gyur pas/ de rnams de dag gi rmi lam du mi snang bar gyur to// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de ltar chos thams cad ni rmi la du'ang snang bar mi 'gyur te/ chos rnams la chos rnams snang bar mi 'gyur/ chos rnam kyi chos rnams mi mthong / chos rnams kyi chos rnams mi shes so// de ci'i phyir zhe na/ kun dga' bo chos thams cad mi shes pa po ma yin/ mthong ba po ma yin// dgos pa byed nus pa ma yin no// de ci'i phyir zhe na/ kun dga' bo na mkha' byed pa med pa'i phyir/ chos thams cad g.yo ba med do// gzung du med do// kun dga' bo
- 330a
chos thams cad ni sgyu ma'i skyes bu ltar bsam gyis mi khyab go// kun dga' bo chos thams cad dngos po med pa'i phyir tshor ba po ma yin no// kun dga' bo byang chub sems dpa' sems dpa' chen po de ltar spyod na/ shes rab kyi pha rol tu phyin pa la spyod cing / chos gang la yang mngon par chags pa med do// kun dga' bo byang chub sems dpa' chen po de ltar slob na/ shes rab kyi pha rol tu phyin pa la slob po// chos thams cad kyi dam pa'i pha rol tu phyin pa thob par 'dod pa'i byang chub sems dpa' sems dpa' chen pos/ shes rab kyi pha rol tu phyin pa bslabs par bya'o// de ci'i phyir zhe na/ kun dga' bo bslab pa 'di ni bslabs pa thams cad kyi dam pa zhes bya'o// gtso bo zhes bya'o// phul zhes bya'o// mchog ces bya'o// mchog rab ces bya'o// gya nom pa zhes bya'o// / bla ma zhes bya'o// bla na med pa zhes bya'o// gong na med pa zhes bya'o// 'jig rten thams cad la phan pa thob pa zhes bya'o// 'jig rten thams cad bde ba thob par byed pa'o// mgon med pa rnams kyi mgon du 'gyur ba'o// sangs rgyas kyi mnang zhing sangs rgyas kyis bsngags pa ste/ kun dga' bo bslab pa 'di la bslabs shing / bslab pa 'di la gnas na/ de bzhin gshegs pa dgra bcom pa yang dag par rdzogs pa'i sangs rgyas rnams kyis stong gsum gyi stong chen po'i 'jig rten
- 330b
gyi khams 'di zhabs kyi the bong cig gi teg te/ slar bzhag kyang / sems can de dag 'di snyam du/ stong gsum gyi stong chen po'i 'jig rten gyi khams 'di btegs pa 'am/ gzhag par mi sems so// de ci'i phyir zhe na/ shes rab kyi pha rol tu phyin pa 'di ni grangs med gzhal du med pa'i yon tan dang ldan mo// kun dga' bo sangs rgyas bcom ldan 'das kyis shes rab kyi pha rol tu phyin pa'i bslabs pa 'di la bslabs nas/ 'das pa dang / ma 'ongs pa dang / da ltar byung ba'i chos rnams la chags pa med pa'i chos nyid rjes su brnyes so// kun dga' bo 'das pa dang / ma 'ongs pa dang / da ltar byung ba'i dus kyi bslab pa ji snyed yod pa de dag thams cad las/ shes rab kyi pha rol tu phyin pa'i bslabs pa 'di ni dam pa zhes bya'o// gtso bo zhes bya'o// phul zhes bya'o// mchog dang / mchog rab dang / gya nom pa dang / bla ma dang / bla na med pa dang / gong na med pa zhes bya'o// kun dga' bo shes rab kyi pha rol tu phyin pa tshad med dam/ mtha' ma bzung bar sems pa de ni/ na mkha'i tshad dang / mtha' ma bzung bar sems so// de ci'i phyir zhe na/ kun dga' bo shes rab kyi pha rol tu phyin pa tshad med do// kun dga' bo shes rab kyi pha rol tu phyin pa 'di ni mtha' ma med do// kun dga' bo ngas shes rab kyi pha rol tu phyin pa'i tshad dam mtha' ma ni ma bshad de/ gzhan yang kun dga' bo ming gi tshogs dang / tshig gi tshogs dang //
- 332a
yi ge'i tshogs rnams la tshad chad pa yod kyi/ kun dga' bo shes rab kyi pha rol tu phyin pa la tshad chad pa med do// de ci'i phyir zhe na/ ming gi tshogs dang / tshig gi tshogs dang / yi ge'i tshogs ni shes rab kyi pha rol tu phyin pa ma yin te/ kun dga' bo shes rab kyi pha rol tu phyin pa ni tshad dang ldan pa ma yin no// kun dga' bo shes rab kyi pha rol tu phyin pa ni gzhal du med do// kun dga' bos gsol pa/ bcom ldan 'das kyis shes rab kyi pha rol tu phyin pa'i tshad ma gsungs/ bcom ldan 'das kyis bka' stsal pa/ kun dga' bo shes rab kyi pha rol tu phyin pa mi zad pa'i phyir de bzhin gshegs pas mtshan ma ston to// dkan dga' bo shes rab kyi pha rol tu phyin pa dben pa'i phyir de bzhin gshegs pas tshad ma brjod do// kun dga' bo dben pa'i chos la dben pa dmigs su med/ de'i tshad lta ga la yod// kun dga' bo de bzhin du shes rab kyi pha rol tu phyin pa dpag tu med pa'i phyir gzhal du med pa'o// kun dga' bo 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang dag byung bar 'gyur ba de dag kyang / shes rab kyi pha rol tu phyin pa 'di nyid kyis rab tu phye ba yin yang / kun dga'/ bo shes rab kyi pha rol tu phyin pa 'di zad zin pa 'am/ zad pa 'am/ zad par gyur pa ma yin no// kun dga' bo ma 'ongs pa'i dus na de bzhin gshegs pa dgra bcom
- 332b
pa yang dag par rdzogs pa'i sangs rgyas gang dag 'byung bar 'gyur ba de dag kyang / kun dga' bo shes rab kyi pha rol tu phyin pa 'di nyid kyi rab tu phye ba yin yang / kun dga' bo shes rab kyi pha rol tu phyin pa 'di zad zin pa 'am/ zad pa 'am/ zad par 'gyur ba ma yin no// kun dga' bo da ltar tshad med grangs med pa'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang dag bzhags te/ mtshe zhing bzhes de dag kyang / kun dga' bo shes rab kyi pha rol tu phyin pa 'di nyid kyis phye ba yin yang / kun dga' bo shes rab kyi pha rol tu phyin pa 'di zad zin pa 'am/ zad pa 'am/ zad par 'gyur ba ma yin no// kun dga' bo da ltar de bzhin gshegs pa dgra bcom pa yang dag par rdzogs pa'i sangs rgyas nga yang kun dga' bo shes rab kyi pha rol tu phyin pa 'di nyid kyis rab tu phye ba yin yang / kun dga' bo shes rab kyi pha rol tu phyin pa 'di ni zad zin pa 'am/ zad pa 'am/ zad par 'gyur ba ma yin no// de ci'i phyir zhe na/ kun dga' bo gang shes rab kyi pha rol tu phyin pa mi zad par bya bar sems te/ kun dga' bo de lta bas na/ shes rab kyi pha rol tu phyin pa 'di ni mi zad pa'o// de nas tshe dang ldan pa rab 'byor 'di ji snyam du sems/ de bzhin gshegs pas gsungs te/ gnas 'di ni zab mo zhig yin gyis/ de bzhin gshegs pa la bdag gis
- 333a
gnas 'di zhu'o snyam mo// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das shes rab kyi pha rol tu phyin pa ni mi zad pa lag so// bcom ldan 'das kyis bka' stsal pa/ rab 'byor 'di lta ste na mkha' zad par med pa'i phyir shes rab kyi pha rol tu phyin pa 'ang zad pa med do// rab 'byor gyis gsol pa/ bcom ldan 'das byang chub sems dpa' sems dpa' chen pos shes rab kyi pha rol tu phyin pa ji ltar mngon par sgrub par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos gzugs zad pa med par shes rab kyi pha rol tu phyin pa mngon par sgrub par bya'o// rab 'byor byang chub sems dpa' sems dpa' chen pos tshor ba dang / 'du shes dang / 'du byed rnam dang / rnam par shes pa yang de bzhin du zad pa med par shes rab kyi pha rol tu phyin pa mngon pa bsgrubs par bya ste/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa mngon par sgrubs par bya'o// rab 'byor byang chub sems dpa' sems dpa' chen pos ma rig pa mi zad par shes rab kyi pha rol tu phyin pa mngon par sgrubs par bya'o// rab 'byor byang chub sems dpa' sems dpa' chen pos de bzhin du 'du byed mi zad pa dang /
- 333b
rnam par shes pa mi za pa dang / ming dang gzugs mi zad pa dang / skye mched drug mi zad pa dang / reg pa mi zad pa dang / tshor ba mi zad pa dang / sred pa mi zad pa dang / len pa mi zad pa dang / srid pa mi zad pa dang / skye ba mi zad pa dang / rga shi mi zad pa dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrugs pa mi zad pas shes rab kyi pha rol tu phyin pa mngon par sgrub par bya'o// rab 'byor 'di ni byang chub sems dpa' sems dpa' chen po'i rten cing 'brel bar 'byung ba dang / rnam par lta ba la mtha' gnyis spangs pa'o// rab 'byor de ltar rnam par lta ba'i byang chub sems dpa' sems dpa' chen po rten cing 'brel par 'byung ba mtha' dang dbus med par rnam par lta ste/ gang rten cing 'brel par 'byung ba la de ltar blta ba 'di ni byang chub sems dpa' sems dpa' chen po byang chub kyi snying po la 'dug pa'i ma 'dres pa'i chos so// rab 'byor byang chub sems dpa' sems dpa' chen po de ltar rten cing 'brel bar 'byung ba la lta ba ni/ tham cad mkhyen pa nyid kyi ye shes thob par 'gyur ro// rab 'byor byang chub sems dpa' sems dpa' chen po gang la la mi zad par sngon par bsgrub pa 'dis shes rab kyi pha rol tu phyin pa la spyod cing 'brel bar 'byung ba la rnam par lta na/ nyan thos kyi sa dang/ rang sangs rgyas kyi sa la gnas par mi 'gyur te/ thams cad mkhyen pa
- 334a
su dag/ nyid la gnas par 'gyur ro// rab 'byor byang chub sems dpa' sems dpa' chen po gang bla na med pa yang dag par rdzogs pa'i byang chub las phyir mi ldog pa thams cad ni yid la byed pa 'di dang / thabs mkhas pa 'di la ma rten par mi shes so// ji ltar byang chub sems dpa' sems dpa' chen pos shes rab kyi pha rol tu phyin pa la spyod pas mi zad par mngon par sgrub pas/ shes rab kyi pha rol tu phyin pa mngon par bsgrub par bya/ ji ltar mi zad pa mngon par bsgrub pas/ shes rab kyi pha rol tu phyin pa rten cing 'brel bar 'byung ba la rnam par lta zhe na/ rab 'byor byang chub sems dpa' sems dpa' chen po gang bla na med pa yang dag par rdzogs pa'i byang chub las phyir mi ldog pa dang / phyir mi ldog par 'gyur ba de dag thams cad ni thabs mkhas pa 'di la ma rten pas/ phyir ldog pa dang / phyir ldog go// phyir ldog par 'gyur ro// rab 'byor byang chub sems dpa' sems dpa' chen po gang su dag bla na med pa yang dag par rdzogs pa'i byang chub las phyir mi ldog pa dang / phyir ma ldog pa dang / phyir ldog par 'gyur ba de dag thams cad ni shes rab kyi pha rol tu phyir pa 'di la rten nas phyir mi ldog go// phyir mi ldog/ phyir ldog par mi 'gyur ro// de ltar byang chub sems dpa' sems dpa' chen po shes rab kyi pha rol tu phyin pa la spyod pas/ mi zad pas
- 334b
mngon par bsgrub pas rten cing 'brel bar 'byung ba rnams lta'o// rab 'byor byang chub sems dpa' sems dpa' chen po de ltar rten cing 'brel par 'byung ba la rnam par lta bas/ chos gang yang rgyu med par 'byung ba yang dag par rjes su mi mthong ngo // chos gang yang rtags pa 'am/ ther zug tu yang dag par rjes su mi mthong ngo // chos gang yang byed pa po 'am/ tshor ba po yang dag par rjes su mi mthong ngo // rab 'byor 'di ni byang chub sems dpa' sems dpa' chen po'i shes rab kyi pha rol tu phyin pa ste/ shes rab kyi pha rol tu phyin pa mi zad pa mngon par bsgrubs pas mngon par bsgrubs cing / shes rab kyi pha rol tu phyin pa la spyod pa'i rten cing 'brel par 'byung ba la rnam par lta ba yin no// rab 'byor byang chub sems dpa' sems dpa' chen po shes rab kyi pha rol tu phyin pa mi zad pa mngon par bsgrubs pas/ mngon par bsgrub pa rten cing 'brel bar 'byung ba la rnam par lta ba de'i tshe/ byang chub sems dpa' sems dpa' chen po gzugs yang dag par rjes su mi mthong ngo // tshor ba dang / 'du shes dang / 'du byed rnams dang / rnam par shes pa yang dag par rjes su mi mthong ngo // ma rig pa yang yang dag par rjes su mi mthong ngo // de bzhin du 'du byed rnams dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang /
- 335a
rga shi dang / srid pa dang / skye ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa yang dag par rjes su mi mthong ngo // 'di ni sangs rgyas kyi zhing ngo zhes yang dag par rjes su mi mthong ngo // sangs rgyas kyi zhing gzhan yin no// shes yang dag par rjes su mi mthong ngo // chos gang gis sangs rgyas kyi zhing 'di 'am gzhan no zhes yang dag par rjes su mi mthong bar 'gyur ba'i chos de yang dag par rjes su mi mthong ste/ rab 'byor 'di ni byang chub sems dpa' sems dpa' chen po rnams kyi shes rab kyi pha rol tu phyin pa'o// rab 'byor nam byang chub sems dpa' sems dpa' chen po shes rab kyi pha rol tu phyin pa la spyod pa de'i tshe/ bdud sdig can mya ngan gyi zug rngu dang ldan par 'gyur ro// rab 'byor de 'di lta ste dper na/ mi zhig pha ma shi ba'i dus su gyur na/ shin tu mya ngan gyi zug rngu dang ldan par 'gyur ba de bzhin du/ rab 'byor nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe// bdud sdig can yang shin du mya ngan gyi zug rngu dang ldan par 'gyur ro// rab 'byor gyis gsol pa bcom ldan 'das bdud sdig can gcig cig mya ngan gyi zug chu dang ldan par 'gyur ram/ 'on te bdud mang po shin tu mya ngan gyi zug rngu dang ldan par 'gyur ram/ 'on te stong gsum gyi stong chen po'i 'jig rten gyi khams na
- 335b
bdud sdig can ji snyed cig mchis pa de dag thams cad kyang shin du mya ngan gyi zug rngu dang ldan par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor nam byang chub sems dpa' sems dpa' chen po shes rab kyi pha rol tu phyin pa la gnas pas spyod pa de'i tshe/ stong gsum gyi stong chen po'i 'jig rten gyi khams na bdud sdig can ji snyed yod pa de dag thams cad shin du mya ngan gyi zug rngu dang ldan par 'gyur te/ rang gi stan la 'dug tu 'ang nyams mi dga' bar 'gyur ro// de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la gnas pas/ spyod pa ni lha dang mi dang lha ma yin du bcas pa'i 'jig rten gyis 'di bzung na/ tho 'tsham mo snyam 'am/ bla na med pa yang dag par rdzogs pa'i byang chub las slar bzlog par bya'o snyam pa'i glags snyed par mi 'gyur/ gting rnyed par mi 'gyur ro// rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par byang chub 'dod pas shes rab kyi pha rol tu phyin pa la spyad par bya'o// de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i pha rol tu phyin pa thams cad bsgom pa yongs su rdzogs
- 336a
par 'gyur ro// thabs mkhas pa thams cad bsgom pa yongs su rdzogs par 'gyur te/ byang chub sems dpa' sems dpa' chen po shes rab kyi pha rol tu phyin pa spyod pa de la bdud kyi las gang dag 'byung bar 'gyur ba de dag thams cad 'byung ba'i tshe/ rab tu shes par 'gyur te/ rab tu shes nas rnam par spong bar 'gyur ro// rab 'byor thabs mkhas pa thams cad yongs su bzung bar 'dod pa'i byang chub sems dpa' sems dpa' chen po shes rab kyi pha rol tu phyin pa la spyad par bya'o// shes rab kyi pha rol tu phyin pa bsgom par bya'o// rab 'byor nam byang chub sems dpa' sems dpa' chen po shes rab kyi pha rol tu phyin pa la spyod cing / shes rab kyi pha rol tu phyin pa mngon par bsgrub par byed pa de'i tshe/ 'jig rten gyi khams grangs med dpag tu med pa dag na/ sangs rgyas bcom ldan 'das gang dag bzhugs te mtsho zhing bzhes pa de dag gi thams cad mkhyen pa nyid kyang 'di lta ste/ shes rab kyi pha rol tu phyin pa la skyes so snyam du bsams par bya'o// de ltar bsams nas byang chub sems dpa' sems dpa' chen po des yang sems 'di ltar bskyed par bya ste/ ji ltar sangs rgyas bcom ldan 'das de dag gis chos gang dag rjes su bsnyes pa de bzhin du/ bdag gis kyang chos de dag rjes su thob par bya'o snyam ste/ rab 'byor de ltar
- 336b
byang chub sems dpa' sems dpa' chen po shes rab kyi pha rol tu phyin pa la spyod pas/ nyin cig 'das kyi bar la se gol gtogs pa tsam du yab sems bskyed pa 'di dag bskyed par bya/ mngon par sgrub par bya'o// rab 'byor dmigs pa dang bcas pa'i byang chub sems dpa' gang gis bskal pa gang gis klung gi bye ma snyengad du sbyin pa byin pa'i byang chub sems dpa' dmigs pa can de bas ni byang chub sems dpa' sems dpa' chen po gang gis nyi ma cig 'das pa'i bar la shes rab kyi pha rol tu phyin pa 'di chung ngu na se gol gtogs pa cig tsam du mngon par bsgrubs nas bsod nams mang du bskyed do// byang chub sems dpa' sems dpa' chen po 'di phyir mi ldog pa la gnas par 'gyur ro// byang chub sems dpa' sems dpa' chen po gang nyin cig 'das kyi bar la chung ngu na/ se gol rtogs pa srid tsam yang shes rab kyi pha rol tu phyin pa 'di la spyod cing sems bskyed pa 'di/ de bzhin gshegs pas dgongs par rig par bya ba ni/ gang sems bskyed pa 'di'i rjes su thog thag 'jug pa lta ci smos/ rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas mi bskyod pa'i drung du/ da ltar byang chub sems dpa' sems dpa' chen po spos kyi glang po zhes bya ba tshangs par spyad pa spyod pa yin no// shes rab kyi pha rol tu phyin pa brgyad
- 337a
stong pa las me tog bkram pa'i le'u ste nyi shu brgyad pa'o// // gzhan yang rab 'byor byang chub sems dpa' sems dpa' chen po shes rab kyi pha rol tu phyin pa rjes su rig par bya ste/ chos thams cad chags pa med pa'i phyir shes rab kyi pha rol tu phyin pa rjes su rig par bya'o// chos thams cad ma 'dres pa'i phyir shes rab kyi pha rol tu phyin pa rjes su rig par bya'o// chos thams cad 'gyur ba med pa'i phyir nyams pas shes rab kyi pha rol tu phyin pa rjes su rig par bya'o// chos thams cad la rnam par rig pa med cing rjes su rtogs par shes rab kyi pha rol tu phyin pa la rjes su rig par bya'o// chos tham cad tha snyad gdags pa tsam gyis rjod pa'i phyir shes rab kyi pha rol tu phyin pa rjes su rig par bya'o// tha snyad gdags pa tsam gang la yang gang du yang tha snyad gdags pa med do// chos thams cad tha snyad med par brjod du med pa'i phyir/ shes rab kyi pha rol tu phyin pa rjes su rig par bya'o// chos thams cad tshad med pa'i phyir shes rab kyi pha rol tu phyin pa rjes su rig par bya'o// de bzhin du tshor ba tshad med pa dang / 'du shes med pa dang / 'du byed rnams med pa dang / rnam par shes pa tshad med pa'i phyir// shes rab kyi pha rol tu phyin pa rjes su rigs par bya'o// chos thams cad mtshan ma med pa'i phyir shes rab kyi pha rol tu phyin par rjes su rig par bya'o// chos tham
- 337b
cad nges par 'byed pa'i phyir shes rab kyi pha rol tu phyin par rjes su rig par bya'o// chos thams cad rang bzhin gyis rnam par dag pa'i phyir shes rab kyi pha rol tu phyin par rjes su rig par bya'o// chos thams cad tshig med pa'i phyir shes rab kyi pha rol tu phyin pa rjes su rig par bya'o// chos thams cad 'gog pa dang mnyam pa'i phyir shes rab kyi pha rol tu phyin par rjes su rig par bya'o// chos thams cad mya ngan las 'das pa thob cing de bzhin nyid dang mnyam pa'i phyir shes rab kyi pha rol tu phyin par rjes su rig par bya'o// chos thams cad mi 'gro ma 'ong mi skye ba'i phyir shes rab kyi pha rol tu phyin par rjes su rig par bya'o// bdag dang gzhan du mi lta ba'i phyir shes rab kyi pha rol tu phyin par rjes su rig par bya'o// 'phags pa dgra bcom pa rnams rang bzhin gyis yongasu dag pa'i phyir shes rab kyi pha rol tu phyin par rjesu rig par bya'o// chos thams cad khur bor zhing khur mi khyer ba'i phyir/ shes rab kyi pha rol tu phyin par rjes su rig par bya'o// chos thams cad yul med cing phyogs med pa'i phyir/ shes rab kyi pha rol tu phyin par rjes su rig par bya'o// de ci'i phyir zhe na/ rab 'byor gzugs ni rang bzhin gyi ngo bo nyid kyis yul med phyogs med pa'o// chos thams cad 'gag pa rab tu tshim par byed pa'i phyir shes rab kyi pha rol tu phyin par rjes su rig par bya'o// dga' ba med cing dga' ba dang bral
- 338a
ba'i phyir shes rab kyi pha rol tu phyin par rjes su rig par bya'o// 'dod chags pa ma yin pa dang / 'dod chags pa dang bral ba'i phyir shes rab kyi pha rol tu phyin par rjes su rig par bya'o// de ci'i phyir zhe na/ gzugs ni yang dag par 'dod chags par mi byed do// de bzhin du tshor ba dang / 'du shes dang / 'du byed dang / rnam par shes pa ni yang dag par 'dod chags par mi byed/ 'dod chags dang bral bar mi byed do// rang bzhin gyis yongs su dag pa'i phyir shes rab kyi pha rol tu phyin par rjes su rig par bya'o// chos thams cad ma chags pa dang bral ba'i phyir/ shes rab kyi pha rol tu phyin par rjes su rig par bya'o// sangs rgyas kyi ye shes khong du chud par byed pas chos thams cad byang chub po zhes shes rab kyi pha rol tu phyin par rjes su rig par bya'o// chos thams cad stong pa nyid dang / mtshan ma med pa dang / smon pa med pa'i phyir shes rab kyi pha rol tu phyin par rig par bya'o// byams pa chen po sngon du 'gro bas chos thams cad sman pa lta bu'o zhes/ shes rab kyi pha rol tu phyin par rjes su rig par bya'o// chos thams cad byams pa la gnas shing tshangs pa lta bur gyur pas/ zhes sdang mi len pa dang / sems can thams cad la mi khro zhing khong ba med pa'i phyir/ shes rab kyi pha rol tu phyin pa mu med par rjes su rig par bya'o// rgya mtsho mu med pa'i phyir shes rab kyi pha rol tu phyin pa mu med par rjes su rig
- 338b
par bya'o// namakha' mu med pa'i phyir shes rab kyi pha rol tu phyin pa mu med par rjes su rig par bya'o// gzugs sna tshogs kyi phyir shes rab kyi pha rol tu phyin pa mu med bar rjes su rig par bya'o// gzugs mu med pa'i phyir shes rab kyi pha rol tu phyin pa mu med par rjes su rig par bya'o// de bzhin du tshor ba dang / 'du shes dang / 'du byed rnams dang / rnam par shes pa mu med pa'i phyir shes rab kyi pha rol tu phyin pa mu med par rjes su rig par bya'o// nyi ma'i 'od zer gyi dkyil 'khor mu med par snang ba'i phyir shes rab kyi pha rol tu phyin pa rjes su rigs par bya'o// sgra thams cad mu med pa'i phyir shes rab kyi pha rol tu phyin pa mu med pa'i rjes su rig par bya'o// sems kyi khams mu med pa'i phyir shes rab kyi pha rol tu phyin pa mu med par rjes su rig par bya'o// dge ba'i chos brtsegs pa tshad med pa'i phyir/ shes rab kyi pha rol tu phyin pa mu med par rjes su rig par bya'o// chos thams cad kyi ting nge 'dzin mu med pa thob pa'i phyir/ shes rab kyi pha rol tu phyin pa mu med par rjes su rig par bya'o// sangs rgyas kyi chos mu med pa'i phyir shes rab kyi pha rol tu phyin pa mu med par rjes su rig par bya'o// chos thams cad mu med pa'i phyir shes rab kyi pha rol tu phyin pa mu med par rjes su rig par bya'o// stong pa nyid mu med pa'i phyir shes rab kyi pha rol tu phyin pa mu med par rjes su rig par bya'o// sems dang sems la/
- 339a
byung ba mu med pa'i phyir shes rab kyi pha rol tu phyin pa mu med par rjes su rig par bya'o// sems can gyi spyod pa mu med pa'i phyir shes rab kyi pha rol tu byin pa mu med par rjes su rig par bya'o// dge ba'i chos gzhal du med pa'i phyir shes rab kyi pha rol tu phyin pa mu med par rjes su rig par bya'o// mi dge ba'i chos tshad med pa'i phyir shes rab kyi pha rol tu phyin pa tshad med par rjes su rig par bya'o// seng ge'i sgra sgrogs pa'i phyir shes rab kyi pha rol tu phyin par rjes su rig par bya'o// de ci'i phyir zhe na/ rab 'byor gzugs ni rgya mtsho dang mtshungs pa'o// tshor ba dang / 'du shes dang / 'du byed rnams dang / rnam par shes pa ni rgya mtsho dang mtshungs pa'o// gzugs ni na mkha' dang mtshungs pa'o// tshor ba dang / 'du shes dang / 'ang byed rnams dang / rnam par shes pa ni na mkha' dang mtshungs pa'o// gzugs ni ri rab sna tshogs dang mtshungs pa'o// tshor ba dang / 'du shes dang / 'du byed rnams dang / rnam par shes pa ni ri rab sna tshogs dang mtshungs pa'o// gzugs ni nyi ma'i dkyil 'khor gyi 'od zer 'byung ba dang mtshungs pa'o// tshor ba dang / 'du shes dang / 'du byed rnams dang / rnam par shes pa ni nyi ma'i dkyil 'khor gyi 'od zer 'byung ba dang mtshungs pa'o// gzugs ni sgra mu med pa dang mtshungs pa'o// tshor ba dang / 'du shes dang / 'du byed rnams dang / rnam par shes pa ni sgra mu med pa dang
- 339b
dang mtshungs pa'o// gzugs ni sems can gyi khams mu med pa dang mtshungs pa'o// tshor ba dang / 'du shes dang / 'du byed rnams dang / rnam par shes pa ni sems can gyi khams mu med pa dang mtshungs pa'o// tshor ba dang / 'du shes dang / 'du byed rnams dang / rnam par shes pa ni sa dang mtshungs pa'o// gzugs ni chu dang mtshungs pa'o// tshor ba dang / 'du shes dang / 'du byed rnams dang / rnam par shes pa ni chu dang mtshungs pa'o// gzugs ni me dang mtshungs pa'o// tshor ba dang / 'du shes dang / 'du byed rnams dang / rnam par shes pa ni me dang mtshungs pa'o// gzugs ni rlung dang mtshungs pa'o// tshor ba dang / 'du shes dang / 'du byed rnams dang / rnam par shes pa ni rlung dang mtshungs pa'o// gzugs ni na mkha' dang mtshungs pa'o// tshor ba dang / 'du shes dang / 'du byed rnams dang / rnam par shes pa ni nam mkha' dang mtshungs pa'o// gzugs ni dge ba'i rtsa ba dang bral ba'o// tshor ba dang / 'du shes dang / 'du byed rnams dang / rnam par shes pa ni dge ba rtsegs pa dang bral ba'o// gzugs ni chos rtsegs pa dang bral ba'o// tshor ba dang / 'du shes dang / 'du byed rnams dang / rnam par shes pa ni chos brtsegs pa dang bral ba'o// gzugs ni ting nge 'dzin mu med pa dang mtshungs pa'o// tshor ba dang / 'du shes dang / 'du byed rnams dang / rnam par shes pa ni ting nge 'dzin
- 340a
mu med pa dang mtshungs pa'o// gzugs ni bral ba ste/ gzugs ni de bzhin nyid ni sangs rgyas kyi chos so// tshor ba dang / 'du shes dang / 'du byed rnams dang / rnam par shes pa ni bral ba ste/ rnam par shes pa'i ngo bo nyid dang / rnam par shes pa'i de bzhin nyid ni sangs rgyas kyis chos so// gzugs ni mu med pa'i chos nyid do// tshor ba dang / 'du shes dang / 'du byed rnams dang / rnam par shes pa ni mu med pa'i chos nyid do// gzugs ni mu med pa'i chos nyid kyi phyir stong pa'o// / tshor ba dang / 'du shes dang / 'du byed rnams dang / rnam par shes pa mu med pa'i chos nyid stong pa'o// gzugs ni mu med pa'o// tshor ba dang / 'du shes dang / 'du byed rnams dang / rnam par shes pa ni sems mu med pa'o// gzugs ni sems kyi spyod pa skye ba'o// tshor ba dang / 'du shes dang / 'du byed rnams dang / rnam par shes pa ni sems kyi spyod pa skye ba'o// gzugs ni dge ba dang / mi dge ba dang / mi dmigs pa'i bar bya'o// tshor ba dang / 'du shes dang / 'du byed rnams dang / rnam par shes pa ni dge ba dang / mi dge ba dang / mi dmigs pa'i bar du'o// gzugs kyang mi 'khrugs pa'o// tshor ba dang / 'du shes dang / 'du byed rnams dpa rnam par shes pa ni mi 'khrugs pa'o// gzugs ni seng ge'i sgra dang mtshungs pa'o// tshor ba dang / 'du shes dang / 'du byed rnams dang / rnam par shes pa ni seng
- 340b
ge'i sgra dang mtshungs pa'o// byang chub sems dpar sems dpa' chen po gang tshun chad shes rab kyi pha rol tu phyin pa nyid la sgyu ma dang g.yo thams cad rnam par spangs pa'i yid la byed pa dang / le lo thams cad rnam par spangs pa'i yid la byed pa dang / rlom sems thams cad rnam par spangs pa'i yid la byed pa dang / bdag la stod pa'i rnam par spangs pa yid la byed pa dang / gzhan la smod pa'i rnam par spangs pa yid la byed pa dang / bdag tu 'du shes pa rnam par spangs pa yid la byed pa dang / rnyed pa dang / bkur sti dang / tshigs su bcad pa rnam par spangs pa yid la byed pa dang / gzhan la smod pa'i rnam par spangs pa yid la byed pa dang / phrag dog dang / ser sna rnam par spangs pa yid la byed pa dag gis rjes su rig par byed pa dang / rnam par spyod pa dang / 'jug pa dang / rtogs par byed pa dang / sems pa dang / yongs su rdzogs par 'gyur ba de'i tshe/ de la sangs rgyas kyi zhing gi yon tan thams cad yongs su rdzogs pa dang / sangs rgyas kyi chos bla na med pa rnams yod rdzogs pa rnyed dka' bar mi 'gyur ro// shes rab kyi pha rol tu phyin pa brgyad stong pa las/ rjes su rig pa'i le'u ste nyi shu dgu pa'o// / / bam po nyi shu gsum pa'o// / gzhan yang rab 'byor shes rab kyi pha rol tu phyin pa 'di ji ltar byang chub sems dpa' sems dpa' chen po rtag
- 341a
tu du gang da ltar de bzhin gshegs pa dgra bcom pa yang dag par rdzogs pa'i sangs rgyas sgra dbyangs mi zad sgrogs pa'i drung du/ tshangs par spyad pa spyod pa des yongasu btsal ba de bzhin du yongs su btsal bar bya'o// de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das byang chub sems dpa' sems dpa' chen po rtag tu dus sngon shes rab kyi pha rol tu phyin pa 'di yongs su btsal na/ ji ltar yongs su btsal na/ ji ltar yongs su stsal ba lags/ de skad ces gsol pa dang / bcom ldan 'das kyi tshe dang ldan pa rab 'byor la 'di skad ces bka' stsal to// byang chub sems dpa' sems dpa' chen po rtag tu dus sngon shes rab kyi pha rol tu phyin pa yongs su tshol ba na/ lus la ched cher mi byed/ srog la mi lha rnyed pa dang / bkur sti dang / tshigs su bcad pa la mi gnas par yongs su btsal bas yongs su btsal to// de shes rab kyi pha rol tu phyin pa yongs su tshol zhing 'brog dgon pa zhig tu phyin pa na/ bar snang las sgra thos par gyur te/ rigs kyi bu shar phyogs su song shig dang / shes rab kyi pha rol tu phyin pa thos par 'gyur gyis/ ci nas lus ngal ba yid la byed pa mi skyed pa dang / bza' ba yid la byed pa mi skyed pa dang / btung ba yid la byed pa mi skyed pa dang / mtshan mo yid
- 341b
la byed pa mi skyed pa dang / nyin mo yid la byed pa mi skyed pa dang / grang ba yid la byed pa mi skyed pa dang / tsha ba yid la byed pa mi skyed pa de ltar song shig/ nang ngam phyi rol/ gang na yang sems smon par ma byed cig/ rigs kyi bu g.yas g.yon du ma lta ba song shig/ nub dang byang dang steng dang 'og dang / phyogs 'tshams su 'ang ma lta ba song shig/ rigs kyi bu ci nas 'jig tshogs kyang ma g.yos par dang / ci nas gzugs las kyang ma g.yos pa dang / ci nas tshor ba dang / 'du shes dang / 'du byed rnams dang / rnam par shes pa las kyang ma g.yos pa de ltar song shig/ gang 'di las g.yos pa de ni rnam par nyams par 'gyur ro// ci nas nyams par 'gyur zhe na/ sangs rgyas kyi chos rnams las nyams par 'gyur ro// gang sangs rgyas kyi chos rnams las nyams par 'gyur ba ni/ 'khor ba las spyod do// gang 'khor ba la spyod pa de ni shes rab kyi pha rol tu phyin pa rjes su mi thob po// de skad ces gsol pa dang / byang chub sems dpa' sems dpa' chen po rtag tu dus sgra de la 'di skad ces smra so// / de bzhin du bya'o// de ci'i phyir zhe na/ nga ni sems can thams cad la snang bar byed pa 'dod pa dang / sangs rgyas kyis chos thams cad bsgrub par 'dod pa'i phyir ro// de skad ces smras pa dang / sgra des byang chub sems dpa' sems dpa' chen po rtag tu ngu la 'di skad ces smras so// rigs kyi bu rtag tu ngu leg so legs so// de nas
- 342a
byang chub sems dpa' sems dpa' chen po rtag tu ngus yang sgra de thos te/ 'di skad du rigs kyi bu khyod kyis stong pa nyid dang / mtshan ma med pa dang / smon pa med pa'i chos dag la smos pa bskyed pa/ shes rab kyi pha rol tu phyin pa yongs su bstsal bar bya'o// khyod kyi mtshan ma yongs su spang bar bya'o// dngos po yongs su spang bar bya'o// sems can du lta ba yongasu spang bar bya'o// rigs kyi bu khyod kyis sdig pa'i grogs po dag spang bar bya'o// dge ba'i bshes gnyen gang stong pa nyid dang / mtshan ma med pa dang / smon pa med pa dang / ma byung ba dang / ma skyes pa dang / dngos po med pa dang / ma 'gag pa'i chos rnams ston pa dag la bsnyen par bya/ sten par bya/ bsnyen bkur bya'o// rigs kyi bu khyod kyi de ltar sgrubs na/ ring por mi thogs par shes rab kyi pha rol tu phyin pa glegs bam du chud pa 'am/ dge slong chos smra ba'i lus la yod par thos par 'gyur te/ rigs kyi bu gang la les shes rab kyi pha rol tu phyin pa 'di thos pa de la rigs kyi bu khyod kyi ston par 'du shes bskyed par bya zhing / khyod kyis byas pa bzo ba dang / byas pa tshor bar byas te/ gang la las shes rab kyi pha rol tu phyin pa 'di thos pa 'di bdag gis dge ba'i bshe gnyen yin te/ shes rab kyi pha rol tu phyin pa de bdag gis thos pas myur du bla na med pa yang dag par rdzogs pa'i byang chub las phyir mi ldog par 'gyur ro//
- 342b
de bzhin gshegs pa yang dag par rdzogs pa'i sangs rgyas rnams la bsnyen par 'gyur zhing / sangs rgyas kyis zhing de bzhin gshegs pa dang ma bral ba rnams su skye bar 'gyur ro// mi khom pa rnams spongs par 'gyur ro// dal ba phun sum tshogs pa thob par 'gyur ro// rigs kyi bu phan yon 'di rnams khyod kyis yongs su rtogs la dge slong chos smra ba la ston par 'du shes bskyed par bya'o// rigs kyi bu khyod kyis 'jig rten gyi zang zing dang ldan pa'i sems kyis dge slong chos smra ba'i phyi bzhin 'brang bar mi bya'i/ khyod kyi dge slong chos smra ba la chos 'dod pa dang / chos la gus par bya bas phyi bzhin 'brang bar bya'i// khyod kyis bdud kyi las rnams rtogs par bya ste/ rigs kyi bu bdud sdig can ni byang chub sems dpa' sems dpa' chen po rnams la gzugs dang / sgra dang dri dang ro dang reg bya dang / bsnyen pa dang / sten pa dang / spyad par bya ba'i phyir nye bar sgrub te/ de dag des zil gyis mnan nas thabs mkhas pas 'grogs shing bsten pa dang / bsten par byed pa yang yod do// rigs kyi bu khyod kyis chos smra ba de la ma dad pa bskyed par mi bya'o// gzhan du na sems 'di ltar bskyed par bya ste/ bdag ni thabs mkhas pa mi shes kyi/ 'di ni thabs mkhas pa rab tu shes so// 'di ni sems can gyi tshul gyis sems can rnams kyi dge ba'i rtsa ba rag
- 343a
tu bzung ba'i phyir/ chos 'di dag la rten cing 'grogs te/ bsnyen par byed kyi/ byang chub sems dpa' sems dpa' chen po rnams la yang / chags pa 'am/ sgrib pa med kyis skad cig de nyid la rigs kyi bu khyod kyis yang dag pa'i tshul so sor rtogs par bya'o// rigs kyi bu chos rnams kyi yang dag pa'i tshul gang zhe na/ 'di lta ste/ chos thams cad kun nas nyon mongs pa ma yin pa rnam par byang bar ma yin/ de ci'i phyir zhe na/ chos thams cad ni ngo bo nyid kyis stong pa'o// chos thams cad ni sems can med pa/ srog med pa gang zag med pa rgyu ma lta bu/ rmi lam lta bu/ brag cha lta bu mi yor lta bu ste/ rigs kyi bu chos rnams kyi yang dag pa'i tshul de ltar rtog cang chos smra ba'i phyi bzhin 'brang na/ ring por mi thogs par shes rab kyi pha rol phyin pa la nges par dubyung bar 'gyur ro// / gzhan yang rigs kyi bu khyod kyi bdud kyi las la mos shig/ rigs kyi bu ci ste chos smra ba dang shes rab kyi pha rol tu phyin pa 'dod pa rigs kyi bu la brnyas par byed cing mi sems na/ de la rigs kyi bu khyod kyis phyir bsngo bar mi bya ste/ gzhan du na chos 'dod pa dang / chos la gus pa nyid dang / yid mi skyo bas dge slong chos smra ba'i phyi bzhin 'brang bar bya'o zhes thos so// de nas byang chub sems dpa' sems dpa' chen po rtag tu du sgra de lta bur bstan pa blangs nas/ shar phyogs gal ba dang song
- 343b
dang / ring por ma phyin par de 'di snyam du sems te/ bdag gis sgra de la ji srid du 'gro bar bya ba ma dri so snyam nas des phyogs de nyid du zhing cho nges 'debs te/ sgre zhing 'dug go des phyogs de ni nyin zhag cig gi bar du nyin mtshan 'das par byed/ nyin mtshan gnyis sam/ gsum 'am/ bzhi 'am/ lnga 'am bdun 'das kyang shes rab kyi pha rol tu phyin pa thos par ma gyur gyi bar du/ lus ngal ba yid la byed pa mi bskyed/ rmugs pa dang / gnyid yid la byed pa mi bskyed/ bza' ba yid la byed pa mi bskyed btung ba yid la byed pa mi bskyed/ mtshan mor yid la byed pa mi bskyed/ nyin mo yid la byed pa mi bskyed/ grangs pa yid la byed par mi bskyed/ tsha ba yid la byed par mi bskyed do// rab 'byor 'di lta ste dper na/ skyes bu la la zhig bu gcig pa 'chi ba'i des byas na sdug bsngal ba dang yid mi bde ba chen po dang ldan par 'gyur te/ de bu'i mya ngan gyis bu cig yid la byed pa dang / 'byung ba ma gtogs par yid la byed pa gzhan gang yang mi 'byung ste/ rab 'byor de bzhin du byang chub sems dpa' sems dpa' chen po rtag tu du yang de'i tshe bdag gis nam shes rab kyi pha rol tu phyin pa thos par 'gyur snyam pa ma gtogs par yid la byed pa gzhan gang yang 'byung ngo // rab 'byor de nas byang chub sems dpa' sems dpa' chen po rtag tu dra de ltar gdung shing 'dug pa'i 'dun du de bzhin gshegs pa'i sku bdu
- 344a
cig bzhugs nas leg so zhes bya ba byin no// rigs kyi bu tshig de skad smras pa leg so// leg so// ji ltar khyod kyis da ltar yongs su btsal ba de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / sngon gyi byang chub sems dpa'i spyad pa spyod pa na/ shes rab kyi pha rol tu phyin pa yong su btsal to// rigs kyi bu de'i phyir khyod kyis brtson 'grus dang / spro ba 'di dang / don du gnyer ba 'di dang / 'dod pa 'di lta bus rjes su 'brang zhing shar phyogs nyid du song shig dang / rigs kyi bu 'di nas dpag tshad brgya na/ spos dang ldan pa zhes bya ba'i grong khyer rin po che sna bdun las byas pa'i ra ba rim pa bdun gyi skor ba/ 'obs rim pa bdun dang / shing ta la'i phreng ba bdun gyis yongs su bskor ba/ chur dpag tshad bcu gnyis zheng du dpag tshad bcu gnyis yod pa/ 'byor pa dang rgyas pa bde ba lo legs pa skye bo mang po dang / mis gang ba grong bar gyi srang mnyam zhing mtshungs pa lnga brgya dag gis ri mor bris pa bzhin du btags pa/ khyogs khri nyams mi nga ba dang / bar bAr dag tu zab pa btags pa grong khyer gyi khor yug tu gzhol gyis phyir rin po che sna bdun las legs par byas shing skor ba/ rin po che sna bdun gyi rab de dag gi mda'i rnams ni 'dzam bu chu bo'i gser las byas pa/ mtho zhing tshad dang ldan pa/ mnga' yab thams cad kyi rtse mo las kyang rin po che sna bdun gyi shing skyes te/ rin po che sna tshogs kyi shing thog gi
- 344b
'bras bu chags pa mda' yab las shing skyes pa thams cad las kyang rin po che'i thag gu byung ba/ mda' yang gnyis pa shing gzhan dang 'brel pa grong khyer de thams cad gser gyis dril bu g.yer kha'i dra bas khyebs te/ gser gyis dril bu g.yer kha de dag la rlung gi btang na/ sgra 'jam zhing snyan pa yid du 'ong ba dag 'byung ba 'di lta ste/ dper na yan lag lnga dang ldan pa'i rol mo sna tshogs pa/ rol mo mkhas pas brdungs shing grangs na sgra 'jam zhing snyan pa yid du 'ong ba dag 'byung ba de bzhin du/ dril bu g.yer ga de dag la rlung gi btab na sgra 'jam zhing snyan pa yid du 'ong ba dag 'byung ste/ sgra des sems can de dag rtse dga' kun du spyod do// grong khyer de kho ra yug tu 'obs chu 'bab pas gang zhing / chu ha cang yang mi brang ha cang yang mi dro bas gang bdag yod do// chu de la sngon gyi rnam par smin pa las grub pa rin po che sna bdun gyi dru dag yod do// der sems can dag zhugs nas rtse dga' zhing rab tu rgyu'o// chu de thams cad kyang me tog ud pa la dang / ku mu ta dang / pun d+ha ri ka dag gis khebs pa me tog gi rigs che zhing bzang la dri zhim po dang ldan pa/ gzhan dag gis kyang khebs te/ stong gsum gyi stong chen po'i 'jig rten gyis khams na yod pa'i me tog gis rigs las de na med pa gang yang med do// grong khyer de'i nang na/ skyed mos tshal lnga brgya yod de/ thams cad kyang rin po che sna bdun las byas pa/ rnam par bkra shing lta na sdug pa sha stag te/
- 345a
skyed mos tshal de dag re re yang rdzing bu de dag kho ra khor yug rgyang grags kyi tshad tsam lnga brgya lnga brgya yod do// rdzing bu de dag gi khor yug thams cad nas rin po che sna bdun gyi me tog ud pa la dang / ku mu ta dang / pun d+ha ri ka rnams bkra shing lta na sdug pa de dag bskyed de/ de dag gis chu de khebs shing me tog ud pa la dang / ku mu ta dang / pun d+ha ri ka de dag thams cad kyang chu zheng du shing rta la'i 'khor tsam ste/ mthing ka mthing kar ston pa/ mthing kar snang ba/ ser po kha dog ser po// ser por snang ba/ dmar po kha dog dmar po// dmar por ston pa/ dmar por snang ba/ dkar por kha dog dkar po/ dkar por ston pa/ dkar por snang ba ngag yod do// rdzing bu de dag thams cad na/ dar dur dang / khrung khrung dang / ka ra dang / sar sa sgra 'byin pa dag yod do// skyed mos tshal de dag thams cad nga yir bya ba med cing ris su bcad pa med de/ de ltar yun ring por mi thogs par sems can dag shes rab kyi pha rol tu phyin pa la spyod cing yun ring por mi thogs pa chos zab mo la mos pa'i sems can de dag gi sngon gyi las kyi rnam par smin pa las grub pa yino// rigs kyi bu grong khyer de'i dbus kyi bzhi mngon/ byang chub sems dpa' sems dpa' chen po chos 'phags kyi khang pa rin po che sna bdun las byas pa/ kho ra khor yug tu dpag tshad kyi tshad tsam rnam par bkra shing lta na sdug pa/ ra ba rim pa bdun gyis bskor ba zhig
- 345b
yod do// khang bden khang pa'i long spyod du rtag tu dga' ba zhes bya ba'i skyed mos tshal dang / bya ngan med ces bya ba dang / mya ngan bral zhes bya ba dang / me tog sna tshogs pa zhes/ bya ba'i skyed mos tshal dang / skyed mo tshal bzhi yod de/ sked mos tshal de dag re re na yang rdzing bu bzang po zhes bya ba/ bzang mchog ces bya ba dang / dga' ba zhes bya ba dang / dga' mchog ces bya ba dang / bde ba zhes bya ba dang / bde mchog ces bya ba dang / nges pa zhes bya ba dang / mi 'bab ces bya brgyad brgyad yod do// rdzing bu de dag gi ngo cig ni gser las byas pa/ ngos gnyis pa dngul las byas pa/ ngos gsum pa ni bai DUr+ya las byas pa/ ngos bzhi pa ni shel la byas pa/ nang gi sa bzhi ke ke ru lA gser gyi bye ma 'dal ba ste/ rdzing bu de dag thams cad kyi chu ni me tog ku mu ta dang / ud pa la sna tshog rnam tha dad pas brgyan pa/ brgyad brgyad yod do// them skad de dag thams cad kyi bar nas kyang 'dzam/ bu'i chu bo'i gser gyi shing ljon pa dag skyes so// rdzing bu de dag thams cad kyi chu ni me tog ku mu ta dang / ud pa la dang / pun d+ha ri ka sna tshog kyi khyeb shing / ngar dur dang / khrung khrung dang / sa ra sa rnam skad 'byin to// rdzing bu de dag gi kho ra khor yug tu me tog gi shing rnam pa sna chog skyes te/ shing de dag la rlung gis bskyod pa dang / me tog rnam rdzing bu'i nang du lhung bas rdzing de dag thams cad kyi chu yang tsan tan gyi drir phyog shing / kha dog dang ldan/ dri dang ldano// de na byang chub sem dpa' sems dpa chen po chos 'phags 'khor
- 346a
/ dang bcas pa/ bud med drug khri brgya stong dang lhan cig tu 'dod pa'i yon tan lnga ldan zhing dbang du 'gyur te/ rtse dga' kun du spyod// grong khyer de na sems can skyes pa dang / bud med gang gzhan dag 'khod pa de dag tham cad kyang skyes po tshal lam/ rdzing bu dag na rtag tu dga' zhing 'dod pa'i yon tan lnga dang ldan nas dbang du gyur te/ rtse dga' kun du spyod do// yang byang chub sems dpa' sem dpa' chen po chos 'phag de 'khor rnam dang lhan cig tu rtse dga' kun tu spyod cing de na dus gsum du/ shes rab kyi pha rol tu phyin pa ston to// sems can gang dag grong khyer spos ldan na 'khod pa de dag kyang / grong khyer gyi dbus gyi bzhi mdor/ byang chub sems dpa' sems dpa' chen po chos 'phags kyi khri gser gyi rkang pa dang / dngul gyi rkang pa dang / bai dur+ya'i rkang pa dang / shel gyi rkang pa rkang pa dag bcugs pa/ shing bal bting ba/ stan par tshang can bting ba steng snying po can du byas pa/ ka shi ka'i gos bting ba/ 'phang rgyang grag byed yod par bshams te/ steng du gos kyi bla ri mu tig brgyan pa bres shig de ltar chos la gus par byed pA sa phyog de kho ra yug kyang me tog kha dog sna lnga pa dag mngon par gtor cing / sa phyog de yang spos sna tshog dang / bdug pa sna tshog kyi shin tu bdug par byed do// de la byang chub sems dpa sems dpa' chen po chos 'phag 'dug nas shes rab kyi pha rol tu phyin pa ston to// de na gang dag nyan pa'i lha dang / mi srog chag brgya phrag mang po/ sgog
- 346b
chag stong phrag mang po/ srog chag brgya stong phrag mang po chog pa de dag las/ la lA ni lung nod/ la la ni kha don byed/ la lA ni tshul bzhin yid la byed pa rtog par byed do// sem can de dag thams cad kyang log par mi ltung ba'i chos can te/ bla na med pa yang dag par rdzogs pa'i byang chub la phyir mi ldog pa yin no// rig kyi bu byang chub sem dpa' se sa dpa' chen po chos 'phag de'i drung du song shig dang / de la shes rab kyi pha rol tu phyin pa thob par 'gyuraro// rig kyi bu de ni yun ring po nas dge ba'i bshes gnyer yin te/ bla na med pa yang dag par rdzog pa'i byang chub yang dag pa ston pa/ yang dag par 'dzin du 'jug pa/ yang dag par gzeng stod pa/ yang dag pa dga' bar byed pa yino// rig kyi bu des kyang sngon da ltar tshol ba de bzhin du/ shes rab kyi pha rol tu phyin pa yongasu stsal gyis/ rigs kyi bu khyod nyin mtshan du yid la byed pa rgyun ma chad par song shig dang / ring por mi thog par shes rab kyi pha rol du phyin pa thob par 'gyur ro// de nas byang chub sems dpa' sem dpa' chen po rtag tu dus thos nas dga' mgu yid rang rab tu mgu zhing dga' ba dang / yid bde ba skyes par gyur pa 'di lta ste dper na/ skyes bu mde'u dug can zhig gi phog na/ yid la byed pa gzhan mi skyed kyi/ gang dag sdug bsngal 'di la thar bar byed pa zug rngu 'byin pa'i sman pa dag gis/ nam rnyed snyam seMs dpa' de bzhin du/ byang chub sems dpa' sem dpa' chen po rtag tu dus yang gang bdag la shes rab kyi pha rol tu phyin pa thos par byed cing / chos gang yang
- 347a
thos nas bdag gi dmigs pa yid la byed pa spong bar 'gyur ba'i skyes bu de bdag gis nam mthong snyam sem pa ma gtogs chos gang yang yid la mi byed do// de nas byang chub sem dpa' sems dpa chen po rtag tu dus phyogs de nyid du 'dug ste/ phyogs thams cad la mi gan pa'i 'du shes bskyes nas/ tinge 'dzin gyi sgo du ma mngon du gyur pa 'di lta ste/ chos thaMd ngos nyid la lta ba zhes bya ba'i ti nge 'dzin dang / chos thad kyi ngo bo nyid mi dmigs par byed pa zhes bya ba'i ting nge 'dzin dang / chos thams cad mi shes pa dang bral ba zhes bya ba'i ting nge 'dzin dang / chos thar 'gyur ba med par mthong ba zhes bya ba'i ting 'dzin dang / chos thams cad snang bar byed pa zhes bya ba'i ting nge 'dzin dang / chos thad mun pa dang bral ba zhes bya ba'i ti nge 'dzin dang / chos thams cad mi shes pa sil ba zhes bya ba'i tinge 'dzin dang / chos thad mi dmigs pa zhes bya ba'i ting nge 'dzin dang / me tog bkram pa zhes bya ba'i tingange 'dzin dang / chos tha~Md bdag gi dngos po mi sgrub pa zhes bya ba'i ting nge 'dzin dang / sgyu ma rnam par spong ba zhes bya ba'i ting nge 'dzin dang / me long gi dkyil 'khor snang ba zhes bya ba'i ting 'dzin dang / sems can thas kyi sgra sgrub pa zhes bya ba'i ting nge 'dzin dang / chos thad tha dad pa med pa zhes bya ba'i tinge 'dzin dang / sem can thams cad mngon par dga' ba zhes bya ba'i tingange 'dzin dang / sems can thams cad kyi sgra la mkhas pa'i rjesu song ba zhes bya ba'i ti nge 'dzin dang / sgra dang tshig dang 'bru sna tshog sgrub pa zhes bya ba'i tinge 'dzin dang / ma khengs pa zhes bya ba'i ti nge 'dzin dang / rang bzhin rnam par blta ba zhes
- 347b
bya ba'i ting 'dzin dang / sgrib pa med pa'i rnam par thob zhes bya ba'i ting 'dzin dang / rdul dang bral ba zhes bya ba'i ting 'dzin dang / ming dang nges pa'i sgra dang tshig dang 'bru zhes bya ba'i ting / nge 'dzin dang / chos thams cad rnam par blta ba zhes bya ba'i ti nge 'dzin dang / chos thaMd la sgrib pa med pa'i mtha' zhes bya ba'i ting 'dzin dang / na mkha' dang mtshung pa zhes bya ba'i tinge 'dzin dang / rdo rje lta bu zhes bya ba'i ting nge 'dzin dang / gzugs kyi rdul sel ba zhes bya ba'i ting nge 'dzin dang / rgyal ba thob zhes bya ba'i ting nge 'dzin dang / phyir mi ldog pa'i mig ces bya ba'i ting 'dzin dang / sems can thams cad zil gyis non pa zhes bya ba'i ting 'dzin dang / rdul med pa zhes bya ba'i tingange 'dzin dang / kun nas nyon mongs pa zhes bya ba'i ting nge 'dzin dang / pad+ma dkod pa zhes bya ba'i ting nge 'dzin dang / nem nur gcod pa zhes bya ba'i tinge 'dzin dang / snying po thams cad kyi rjesu song ba zhes bya ba'i ting nge 'dzin dang / chos thams cad las mngon par 'phags pa zhes bya ba'i tingange 'dzin dang / mngon par shes pa dang / stobs dang mi 'jigs pa zhes bya ba'i ti nge 'dzin dang / chos thams cad la nges par 'gengs pa zhes bya ba'i ting nge 'dzin dang / chos thams cad kyi 'byor pa rgya mtsho zhes bya ba'i ting nge 'dzin dang / chos thams cad bye brag med par lta ba zhes bya ba'i tingange 'dzin dang / lta bar 'gyur ba'i thibs po thams cad rnam par spongs pa zhes bya ba'i ting nge 'dzin dang / mun pa dang bral ba zhes bya
- 348a
ba'i ti nge 'dzin dang / chos thams cad mtshan ma dang bral ba zhes bya ba'i ti nge 'dzin dang / chags pa thams cad las rnam par dben pa zhes bya ba'i ti nge 'dzin dang / le lo thams cad dang bral ba zhes bya ba'i ti nge 'dzin dang / chos zab mo'i 'od 'byed pa zhes bya ba'i ti nge 'dzin dang / ri rab 'dra ba zhes bya ba'i ti nge 'dzi dang / mi 'phrogs pa zhes bya ba'i ti nge 'dzin dang / bdud kyi dkyil 'khor rnam par 'joms pa zhes bya ba'i ting nge 'dzin dang / 'jig rten gsum la mngon par chags pa zhes bya ba'i ting nge 'dzin dang / 'od zer bsgrub pa zhes bya ba'i ting nge 'dzin dang / de bzhin gshegs pa mthong ba zhes bya ba'i ting nge 'dzin dang / de ting nge 'dzin de dag la gnas pas phyogs bcu'i 'jig rten gyi khams na/ sangs rgyas bcom ldan 'das grangs med dpag tu med pa dag/ byang chub sems dpa' sems dpa' chen po dag la shes rab kyi pha rol tu phyin pa 'di rab tu ston pa dag mthong ste/ de bzhin gshegs pa de dag gis legs so zhes bya ba byin nas/ dbugs phyung ba mdzad de/ tshig 'di skad kyang gsungs so// rigs kyi bu nged kyis kyang sngon byang chub sems dpa'i spyad pa spyod pa na/ shes rab kyi pha rol du phyin pa 'di bzhin du btsal te/ yongs su tshol ba na yang ting nge 'dzin 'di dag thob ste/ ting nge 'dzin 'di dag thob nas shes rab kyi pha rol du phyin pa rtogs par khong du chud par gyur te/ phyir mi ldog pa'i sangs rgyas kyi chos la gnas par gyur to// nged kyi ting
- 348b
nge 'dzin 'di dag gi ngo bo nyid dang / rang bzhin la ltas na gang mnyam par bzhag par bya ba 'am/ ldang bar bya ba 'am/ byang chub tu spyad pa 'am/ gang bla na med pa yang dag par rdzogs pa'i byang chub mngon par rdzogs par 'tshang rgya ba'i chos de gang yang yang dag par rjes su mthong ngo // rigs kyi bu 'di ni shes rab kyi pha rol du phyin pa de yin te/ rigs kyi bu chos gang gis kyang brlom sems sam/ rlom sems mi byed pa lags nas/ nged kyi 'dri 'dra ba'i lus gser gyi kha dog lta bu thob ste/ skyes bu chen po'i mtshan sum bcu rtsa gnyis dang / dpe byad bzang po brgya bcu dang / 'od 'dom gang ba dang / sangs rgyas kyi ye shes dang / sangs rgyas kyis shes rab bsam gyis mi khyab pa dang / sangs rgyas kyi ting nge 'dzin bla na med pa dang / yon tan thams cad kyis pha rol du phyin pa de la rjes su thob ste/ yon tan gyi pha rol du phyin pa de la/ de bzhin gshegs pa dag gis kyang tshad bzung ba 'am/ mtha' bstan bar mi nus na/ nyan thos dang rang sangs rgyas dag gis lta ci spos/ rigs kyi bu de lta bas na/ khyod kyis chos 'di dag nyid la rab tu don du gnyer ba dang / 'dod pas gus pa mchog tu bskyed par bya ste/ rigs kyi bu don du gnyer ba dang / 'dod pa la ni bla na med pa yang dag par rdzogs pa'i byang chub rnyed par dka' ba ma yin no// khyod kyi dge ba'i bshes gnyen la shin du gus pa bskyed par bya'o// phangs par bya'o// dge ba'i bshes gnyen gyi yongs su zin pas byang chub sems dpa' sems dpa' chen po ni myur du bla na med pa yang dag par
- 349a
rdzogs pa'i byang chub mngon par rdzogs par 'tshang rgya'o// de nas de bzhin gshegs pa de dag la byang chub sems dpa' sems dpa' chen po rtag/ tu dus 'di skad ces gsol to// bdag gis dge ba'i bshes gnyen gang lags/ de dag gis de la 'di skad ces bka' stsal to// rigs kyi bu khyod yun ring po nas byang chub sems dpa' sems dpa' chen po chos 'phags kyi bla na med pa yang dag par rdzogs pa'i byang chub yongs su bzung ste/ shes rab kyi pha rol du phyin pa dang / thabs mkhas pas bslabs so// rigs kyi bu de ni khyod kyis dge ba'i bshes gnyen yongs su 'dzin pa yin te/ des khyod la 'di skad bsgo ba bzhin du bzung shig/ rigs kyi bu gal te khyod kyis/ byang chub sems dpa' sems dpa' chen po chos 'phags la bskal pa 'am/ bskal pa gnyis sam/ bskal pa brgya 'am/ bskal pa stong ngam/ de las lhag par yang mgo thod bzhin du/ thogs shig/ bde ba'i yo byad thams cad kyis rim 'gror byas te/ stong gsum gyi stong chen po'i 'jig rten gyi khams na/ gzugs dang / sgra dang / dri dang / ro dang / reg pa ji snyed yod pa de dag thams cad bul yang / rigs kyis bu khyod kyis de la lan lon pa ma yin no// de ni'i phyir ce na/ rigs kyi bu de'i mthus khyod kyis 'di lta bu'i ting nge 'dzin rnams rnyed par 'gyur te/ shes rab kyi pha rol du phyin pa dang / thabs mkhas pa thos shing / shes rab kyi pha rol du phyin pa thob par 'gyu ro// de nas de bzhin gshegs pa de dag gis byang
- 349b
chub sems dpa' sems dpa' chen po rtag tu ngu/ dbugs phyung nas mi snang bar gyur to// rigs kyi bu de yang ting nge 'dzin de dag les langs te/ langs nas kyang 'di snyam du/ sems so// de bzhin gshegs pa de dag gang du bzhud snyam ste/ de de bzhin gshegs pa de dag ma mthong bas rab tu gdung zhing mi dga' bar gyur to// yang de 'di snyam du sems te// byang chub sems dpa' sems dpa' chen po chos 'phags ni gzungs thob pa mthon par shes pa lnga dang ldan pa/ sngon gyi rgyal ba rnams la lhags par byas pa byas pa ste/ bdag gis dge ba'i bshes gnyen yongs su 'dzin pa/ yun ring po nas des bdag gis don byas pa yin gyis/ bdag byang chub sems dpa' sems dpa' chen po chos 'phags kyi drung du mngon par song ste nye bar phyin nas/ de bzhin gshegs pa de dag gang nas byon/ de bzhin gshegs pa de dag gang du bzhud ces don 'di nyid dri'o// snyam mo de nas byang chub sems dpa' sems dpa' chen po rtag tu du/ byang chub sems dpa' sems dpa' chen po chos 'phags la dga' ba dang / dad pa dang / ri mo dang / gus par bya ba nye bar bzhag ste/ nye bar bzhag nas 'di snyam du sems so// bdag gis ji lta bu'i bkun stir bya bas/ byang chub sems dpa' sems dpa' chen po chos 'phags de'i drung du 'gro bar bya'o// bdag ni dbul te gang gis byang chub sems dpa' sems dpa' chen po chos 'phags la bdag gis bkun stir bya ba'i gos rin po che 'am/ gser ram/
- 350a
nor bu 'am/ mu tig gam/ bai DUr+ya 'am/ dung dang / man shel lam/ byi ru 'am/ dngul lam/ me tog gam/ spos sam/ phreng ba 'am/ byug pa 'am/ bye ma 'am/ gdugs de lta bu yang bdag la med na/ bdag 'di bzhin du/ byang chub sems dpa' sems dpa' chen po chos 'phags kyi drung du song na ni/ bdag gis mi rigs pa byas par 'gyur te/ bdag dga' ba dang / rangs pa mi skye'o snyam du sems so// de nas byang chub sems dpa' sems dpa' chen po rtag tu ngu/ de lta bu'i yon tan dag dang / bla ma la gus/ pa yid la byed pas song nas/ mthar gyis grong khyer gzhan zhig tu phyin pa dang / de'i grong bar dbus su de 'di snyam du sems te 'di snyam du sems te 'di ltar bdag gis lus bcod la de'i rin gyis/ byang chub sems dpa' sems dpa' chen po chos 'phags la bkur stir bya'o// yun ring po nas bdag lus stong zhig cing zad pa de btsongs so// 'khor dpag tu med pa nas 'dod pa'i phyir/ 'dod pa'i rgyus yang sems can dmyal ba'i sdug bsngal dpag tu med pa dag myong yang 'di lta bu'i chos kyi phyir ram/ 'di lta bu'i sems can chen po bkur sti bya ba'i phyir ma yin no snyam mo// de nas byang chub sems dpa' sems dpa' chen po rtag tu dus grong bar du 'dug ste/ mi su 'dod su nyo bar 'dod ces sgra grags shing skad ces bos so// de nas bdud sdig can 'di snyam du sems te/ byang chub sems dpa' sems dpa' chen po rtag tu du 'di ni/ chos 'dod pa'i phyir bdag nyid btsongs nas/
- 350b
byang chub sems dpa' sems dpa' chen po chos 'phags la bkur stir byed cing / ji ltar byang chub sems dpa' sems dpa' chen po shes rab kyi pha rol du phyin pa la spyad na/ myur/ du bla na med pa yang dag par rdzogs pa'i byang chub yongs su rdzogs par 'gyur/ thos pa rgya mtsho rjes su thob par 'gyur/ bdud dang bdud kyi rigs kyi lha dag gis mi thub par 'gyur/ yon tan thams cad kyis pha rol du phyin pa rjes su thob par 'gyur zhes/ shes rab kyi pha rol du phyin pa dang / thabs mkhas pas yongs su 'dri bar 'gyur te/ der sems can mang po dag gi don byed par 'gyur/ bla na med pa yang dag par rdzogs pa'i byang chub mngon par sangs rgyas nas/ de dag kyang nga'i yul las 'da' bar byed/ sems can gzhan dag kyang nga'i yul las 'da' bar byed par 'gyur gyis/ bdag gis 'di'i bar chad bya'o snyam nas/ bdud sdig can gyis ci nas bram ze dang / khyim bdag de dag gis/ byang chub sems dpa' sems dpa' chen po rtag tu du/ mi su 'dod nga su nyo bar 'dod ces zer ba'i sgra mi thos par 'gyur ba de ltar bur yongs bsgrib so// / de nas byang chub sems dpa' sems dpa' chen po rtag tu du gang gi tshe/ bdag nyo bar ma rnyed pa de'i tshe phyogs cig tu song nas/ 'chi ma phyung ste 'di ltar bdag gi lus brtsongs la/ byang chub sems dpa' sems dpa' chen po chos 'phags la bkur stir bya snyam nas/ lus nyo bar yang bdag gis ma rnyed de/ kye ma bdag ni/
- 351a
du s+ya/ thob pa ngan pa thob bo snyam mo// de nas lha'i dbang po rgya byin 'di snyam du sems te/ 'di ltar bdag gis byang chub sems dpa' sems dpa' chen po rtag tu ngu 'di ltar ste/ chos 'dod pa'i phyir bdag gis lus yongs su btang bas/ lhag pa'i bsam pa phun sum tshogs pa yin nam/ ma yin pa byang chub sems dpa' sems dpa' chen po rtag tu du bdag gis sad par bya'o// snyam te/ lha'i dbang po rgya byin bram ze'i khye'u yi cha byad du mngon par sprul nas/ byang chub sems dpa' sems dpa' chen po rtag tu ngu ga la ga der song ste/ 'od nas byang chub sems dpa' sems dpa' chen po rtag tu ngu la 'di skad ces smras so// rigs kyi bu khyod 'di ltar yid mi dga' zhing yid gdung la 'chi ma phyung ba ci nyes/ des smras pa/ bram ze'i khye'u nga ni chos 'dod pa'i phyir bdag nyid btsongs te/ chos la mchod pa bya bar 'dod na/ lus nyo ba de ngas ma rnyed nas/ de la'ang 'di snyam du sems so// kye ma nga ni bsod nams chung bas 'di ltar lus btsongs te/ shes rab kyi pha rol du phyin pa la mchod par bya ba dang / 'phags pa byang chub sems dpa' sems dpa' chos 'phags la yang bkur sti bya snyam na/ bdag gis lus nyo ba yang ma snyed do// snyam mo// de nas bram ze'i khye'u des byang chub sems dpa' sems dpa' chen po rtag tu ngu la 'di skad ces smras so// rigs kyi bu nga la mis ni bya ba med kyis/ nga mchod sbyin zhig byed de/ der mi'i snying dang / khrag
- 351b
dang / rus pa dang / rkang dag nga la dgos te rin gyis nyor byin cig ces byas pa dang / byang chub sems dpa' sems dpa' chen po rtag tu ngu 'di snyam du sems te/ gang bdag gis bram ze'i khye'u bdag gis snying dang / khrag dang / rus pa dang / rkang dag nyo ba rnyed pa 'di ni bdag gis rnyed pa'i mchog legs par rnyed do// bdag gis lus ni shes rab kyi pha rol du phyin pa dang / thabs mkhas pa la yongs su rdzogs par gyur to// snyam nas/ de sems dga' ba dang / sems bde ba dang sems rab tu dga' bar gyur nas/ bram ze'i khye'u la 'di skad ces smras so// bram ze'i khye'u lus 'di las khyod gang 'dod pa sbyin no// des de la 'di skad ces smras so// rigs kyi bu khyod rin du ci 'dod pa sbyin no// zhes byas pa dang / des de la 'di skad ces smras so// bram ze'i khye'u khyod kyis gang yongs su btang ba de nga la byin cig/ de nas byang chub sems dpa' sems dpa' chen po rtag tu ngu mtshon rnon po thogs nas/ lag pa g.yas pa phug ste khrag gzags so// brla g.yas pa sha med par gtogs nas/ rus pa cog tu rtsigs pa'i drung du song ngo // de nas tshong dpon gyi bu mo zhig khang pa'i yang thog na 'dug pa des/ byang chub sems dpa' sems dpa' chen po rtag tu du bla sha med par gtogs/ rus pa cog tu rtsig pa'i drung du song ba mthod nas/ de 'di snyam du sems te/ rigs kyi bu 'di ci'i phyir bdag nyid la/ bdag nyid 'di lta bu'i na tsha dag byed pa/ bdag rigs kyi bu de'i drung du song ste dri'o snyam nas/ tshongs/
- 352a
@dban masu mo de byang chub sems dpa' sems dpa' chen btogatu drug la ba der song ste/ byin nas byang chubs pas dpa' sems dpa' na po// t+ya du la 'di skad ces smras so// rigs kyi bu khyod ci'i phyir bdag nyid la 'di sa bu'i nam dag byed snying dang / thag dang / rus pa dang / rkang 'dis ci shig bya// rtag tu dus bu ma de la 'di skad ces smras so// bram ze'i khye'u 'di la btsongs te/ shes rab kyi pha rol du phyin pa la mchod par bya'o// 'phags pa byang chub sems dpa' sems dpa' chen po zas 'phags la bkur stir bya'o// de nas tshong dpon gyis bu mo des byang chub sems dpa' sems dpa' chen po na tu ngul 'di skad ces smras so// rigs kyi bu khyod 'di ltar bdag gi snying dang / khrag dang / rus pa dang / rkang yang btsongs te/ rigs kyi bu de la bskur stir bya bar 'dod pa khyod la yon tan gyi rnam pa ci zhig 'grub par 'gyur/ des de la smras pa/ bum rigs kyi bu de ni gang langs slab par bya ba'i shes rab kyi pha rol du phyin pa dang / rabs mkhas pa dag ston par 'gyur te/ de la ngas spangs nas/ bla na med pa yang dag pa rdzogs pa'i byang chub mngon par rdzogs par sangs rgyas nas/ sems can thams cad kyis rten du 'gyur lus gser gyi kha dog lta bu thob par 'gyur/ skyes bu chen po'i mtshan sum bcu rtsa gnyis dang / dpe byed bzang po brgya bcu dang / 'od 'dom gang ba dad/
- 352b
'od zer mnga' yas pa dang / byams pa chen po dang / snying rje chen po dang / dga' ba chen po dang / btang snyoms dang / mi 'jigs pa'i dang / so so yang dag par rig pa bzhi dang / sangs rgyas kyi chos ma 'dres pa bcwo brgyad kyang thob par 'gyur/ mngon par shes pa lnga dang / tshul khrims rnam par dag pa bsam gyis mi khyab pa dang / ting 'dzin rnam par dag pa'i bsam gyi mi khyab pa dang / shes rab rnam par dag pa bsam gyis mi khyab pa dang / de bzhin gsheg pa'i stobs bcu dang / bla na med pa'i sangs rgyas kyi ye shes kyang mngon par rdzogs par 'tshang rgya bar 'gyur/ gang gis sems can thaMd la kun du bgo sha bya'i/ bla na med pa'i chos rin po che yang rab tu thob par 'gyuraro// de nas tshong dpon gyi bu mo des/ byang chub sems dpa' sems dpa' chen po rtag tu dul 'di skad ces smras so// rigs kyi bu khyod kyis 'di ltar chos rgya chen po 'di dag yongs su brjod pa ni ngo mtshar to// rigs kyi bu chos 'di dag 'di lta bu re re'i phyir/ skal pa gang ga'i klung gi byed ma snyed du lus btang bar bya ba yin na/ gcig lta ci smos te/ de tsam du khyod kyis 'di dag rgya cher yongs su brjod na/ rig kyi bu khyod gang gis byang chub sems dpal sems dpa' chen po chos 'phags la bskur stir bya ba'i gser ram/ nor bu 'am/ bI dUr+ya 'am/ dngul lam/ me tog
- 353a
gam/ bdug pa 'am/ spos sam/ phreng ba 'am/ byug pa 'am/ phye ma 'am/ gong sa ma/ gdugs sam/ khyod la ci dgos pa de khyod la sbyin gyis/ bdag nyid la 'di lta bu'i na tsha dang / sdug sngal dag ma byed cig/ kho mo yang khyod dang 'grogs te/ byang chub sems dpa' sems dpa' chen po chos 'phar ga la ba der dong ste/ bdag dang khyod dang lhan cig tu 'di lta ste/ de lta bu'i chos 'di dag thob par bya bya'i phyir/ dge ba'i rtsa ba bskrun par bya'o// de nas lha'i dbang po brgya byin gyis bram ze'i cha byad mi snang bar byas nas/ bdag nyid kyis lus su byang chub sems dpa' sems dpa' chen po rtag tu du'i mdun na 'dag nas/ 'di skad ces smraso// rigs kyi bu khyod de ltar yid dam la la rten pa ni legs legs/ 'di lta bu'i chos 'dod pas/ sngon gyi de bzhin gshegs pa dgra bcom pa yang dag par rdzogs pa'i sangs rgyas dag gis kyang / sngon byang chub sems dpa'i spyad spyod pa na/ shes rab kyi pha rol du phyin pa dang / thabs mkhas pas yongasu rdzogs pa byas te/ bla na med pa yang dag par rdzogs pa'i byang chub mngon par rdzogs par sangs rgyas so// rigs kyis kyi bu ngal snying dang / khrag dang / rkang gis byas pa med kyis khyod sod pa'i phyir 'dir 'ongs kyi mchog gsol/ rigs kyi bu khyod la mchog ji lta bu cig sbyin par bya/ des de la smras pa/ brgya byin nas sangs rgyas kyis
- 353b
chos bla na med pa dag bdag la stsol cig/ brgya byin gyis smras pa/ rigs kyi bu yul 'di nga'i yul du rgyu rab ma yin te/ yul 'di sangs rgyas bcom ldan 'das rnams kyi yul du gyur pa yin gyis/ mchog gzhan gsal cig/ byang chub sems dpa' rtag tu des smras pa/ bdag gis lus yongasu rdzogs par bya ba'i gnas 'di la ni/ lha'i dbang po brtson pa chung bar gyis shig/ lha'i dbang po bdag nyid kyis bden pa'i byin gyis brlabs par bya'o// lha'i dbang po bden pa gang gi bla na med pa yang dag par rdzogs pa'i byang chub las phyir mi ldog par/ de bzhin gshegs pa dgra bcom pa yang dag par rdzogs pa'i sangs rgyas rnams kyis lung stan cing / bdag gis lhag pa'i bsam pa g.yo ba med par mkhyen ce na/ badren pa de dang / bden pa'i tshig des bdag gis lus sngon bzhin du 'gyur cig ces byas pa dang / skad cig yud tsam zang gcig nyid la sangs rgyas rgyas kyi mthu dang / lhag pa'i bsam pa yongs su dag pas/ byang chub sems dpa' sems dpa' chen po rtag tu da'i sa lus sngon bzhin du gnas par gyur to// de nas lha'i dbang po brgya byin spobs pa med par gyur nas/ byang chub sems dpa' sems dpa' chen po rtag tu du la lan glan par spobs pa ma bskyed nas/ de nyid tshong dpon gyis bu mo des/ byang chub sems dpa' sems dpa' chen po
- 354a
rtag tu du la 'di skad ces sba so// rigs kyi bu tshur sheg/ kho mo'i khyim gang na yod pa der dong ngo // kho mos pa ma las nor blangs te/ des shes rab kyi pha rol du phyin pa de yang mchog par bya ba dang / byang chub sems dpa' sems dpa' chen po chos 'phags de la yang bskur stir bya ba yin no// de nas byang chub sems dpa' sems dpa' chen po rtag tu du dang / tshong dpon gyi bu mo der 'grogs te/ de rang gi khyim ga la yod pa der dong ngo // de nas tshong dpon gyi bu mo de bdag gi khyim du phyin nas// pha ma la 'di skad ces smras so// yang yum gser dang / dadug dang / rin po che dang / nor bu dang / mu tig dang / 'dug pa dang / spos dang / phreng ba dang / byug pa dang / phye ma dang / gos dang / gdungs dang / rgyal mtshan dang / ba dan dang / rol mo'i cha byad mang po dang / bdag la stsol cig/ bdag kyang khyed kyis stsal ba'i g.yog mo lnga brgya 'di dag dang lhan cig dgyer gsol/ byang chub sems dpa' sems dpa' chen po rtag tu du dang bdag cag 'grog te/ byang chub sems dpa' sems dpa' chen po chos 'phags la mchod pa bgyi ba'i slad du mchi'o// de yang bdag cag la chos ston par 'gyur ro// de nas bu mo de'i ga mas bu mo de la 'di skad ces smraso// byang chub sems dpa' sems dpa' chen po rtag tu dra de su zhig/ bu mo rigs kyi bu de da lta ga na 'dug/ bu mos smras pa/ rigs
- 354b
kyi bu deng lha'o bskol gyi sgo drung na mchis te/ rigs kyi bu de ni lhag pa'i bsam pas bla na med pa yang dag par rdzogs pa'i byang chub tu yang dag par zhugs pa 'di lta ste/ sems can thams cad 'khor ba'i sdug bsngal dpag tu ma mchis pa las thar bar 'tshal bas/ de chos 'tshal ba'i slad du bdag nyid btsongs la/ shes rab kyi pha rol tu phyin pa la mchod par 'tshal/ 'phags pa byang chub sems dpa' sems dpa' chen po chos 'phags la yang dag bskur stir bgyi bar 'tshal bas/ de'i lus nyo ba su yang ma byung ste/ de sngal bsngal zhing yang mi bde nas mi dag par sems so// zhes mchis te des nga'i lus tshong bar 'dod na/ lus nyo bar ma rnyed do zhes bgyis pa dang / brgya byin bram ze'i khye'u'i gzugs su bsgyur te/ de la 'di skad du rigs kyi bu khyod gang gi phyir lus tshong bar 'dod ces bgyis pa dang / rtag tu du des shes rab kyi pha rol tu phyin pa mchod bye ba dang / byang chub sems dpa' sems dpa' chen po 'phags de la yang bskur stir bya'o// nga'i sangs rgyas kyi chos rnams ni de las rag las pa 'di lta ste/ chos 'dod pa'i phyir ro zhes bgyis pa dang / brgya byin bram ze'i gzugs su bsgyur nas kyang 'di skad ces smras so// khyod mi 'dod de/ nga mchod sbyin zhig byed pa der mi'i snying dang / khrag dang / rus pa dang / rkang dgongs so zhes bgyis pa dang / rigs kyi bus des yi ma sad par de la 'di skad du sbyin no// zhes smras nas/
- 355a
mtshon rnon po thogs pa bdag gis lag pa phug nas khrag gzugs brla'i sha gtogs te/ rus pa bcog tu song nas phyogs gcig tu 'dug ste/ rus pa dang sbyin no snyam nas/ de khrag gzigs pa bdag khang pa'i yang thog na 'dug pa mthong ste/ de la bdag 'di snyam du bgyid do// mi 'di ci'i slad du bdag nyid lan tsha dag bgyid snyam ste/ de'i thad du mchis nas 'di skad du bgyis so// rigs kyi bu 'di ltar bdag nyid kyi lus kyi khrag gzags pa 'dis ci zhig bya zhes bgyis pa dang / des bdag la 'di skad ces mchis te/ bram ze'i khye'u 'di la khrag dang snying dang / rus pa dang / rkang pa sbyin no// de ci'i phyir zhe na/ nga ni dbul te nga la nor ci yang med mchi'o// bdag gis khyod la nor gyis ci zhig bya zhes bgyis pa dang / de bdag la 'di skad du 'di lta ste/ chos 'dod pa'i phyir ram/ shes rab kyi pha rol tu phyin pa la mchod par bya'o// byang chub sems dpa' sems dpa' chen po chos 'phags la yang bkur stir bya'o zhes mchis na/ bdag gis de la 'di skad ces bgyis te/ rigs kyi bu des khyod la yon tan gyi rnam pa 'am/ yon tan gyi khyad par ci zhig 'byung bar 'gyur/ des bdag la 'di skad du sangs rgyas kyis yon tan bsam gyis mi khyab pa dang / sangs rgyas kyis chos dpag tu med pa rnams rab tu ston par 'gyur ro// 'di lta bu'i chos rnams de las 'byung bar 'gyuraro zhes mchis te/ sangs rgyas
- 355b
kyis yon tan bsam gyis mi khyab pa de dag thos nas/ bdag kyang dga' ba dang / rab tu dga' ba chen po rab tu skyes nas 'di snyam du bgyid de/ rigs kyi bu 'di ltar 'di lta bu'i gnas la spro bar bgyid pa shin du dga' ba bgyid pa ste ngo mtshar to// rigs kyi bu 'di ni chos 'dod pa'i phyir bdag yongs su gtong na/ bdag cag la longs spyod rgya chen po dag yod la ci'i phyir chos la mchod par mi bgyid/ 'di lta bu'i gnas dag la ston lam ci'i phyir mi gdab snyam nas/ rigs kyi bu de la bdag gis 'di skad bgyis so// rigs kyi bu khyod bdag la 'di lta bu'i na tsha dag ma byed cig/ khyod 'dod pa gang gis 'phags pa byang chub sems dpa' sems dpa' chen po chos 'phags la bkur stir bya ba'i nor mang po dag khyod la byin no// bdag kyang khyod dang 'grogs te/ byang chub sems dpa' sems dpa' chen po chos 'phags ga la ba der mchis so// bdag gis kyang rigs kyi bu de la mchod par bgyi'o// gang khyod kyis yongasu brjod pa 'di lta ste/ sangs rgyas kyi chos bla na med pa yang dag bdag gis kyang thob par bgyi'o// zhes bgyis na/ yab yus gyis bkor kyi phung po bdag la stsal du gsol/ bdag gis kyang rigs kyi bu de dang lhan cig tu/ byang chub sems dpa' sems dpa' chen po chos 'phags la mchod par bgyi'o// // bam po nyi shu bzhi pa'o//
- 356a
/ de nas bu mo de'i pha mas bu mo de la 'di skad ces smras so// rigs kyi bu de'i bka' ba'i gnas dag khyod kyis bstan pa lags na/ khyod de dag ni gcig tu nges par bsam gyis mi khyab/ 'jig rten thams cad las bye brag tu 'phags pa sems can thams cad la bde ba thob par byed pa yin te/ rigs kyi bu de'i phyir de lta bu'i bka' ba'i gnas la spro bar byed na/ khyod nged kyis gnang ba'i bu mo nged dang khyod lhan cig tu byang chub sems dpa' sems dpa'o chen po chos 'phags lta zhing mchod du nged kyang 'gro// nged kyang 'gro ba'i go skabs phye zhig/ de nas bu mo de byang chub sems dpa' sems dpa' chen po chos 'phags la mchod par bya ba dang / bkur stir bya ba'i phyir chas te/ pha ma la 'di skad ces smras so// bdag ni dge ba'i phyogs gang gis yang bar chad mi bgyid do// de nas tshong dpon gyi bu mo ngas shing rta lnga brgya yang rgyan gyis brgyan/ bu mo lnga brgya de dag kyang rgyan gyis brgyan to// brgyan gyis brgyan pas me tog sna tshogs thogs/ bdug pa dang / spos dang / byug pa dang / phye ma dang / gos dang / gdugs dang / rgyal mtshan dang / ba dan thogs/ gser dang dngul gyis me tog thogs/ rin po che sna tshogs rnam pa tha dad pa dag kyang thogs te/ bza' ba dang / bca' ba dang / myang ba mang po nas/ byang chub sems dpa' sems dpa' chen po rtag tu ngu dang / shing rta gcig tu
- 356b
zhugs te/ bu mo lnga brgya'i nang du zhugs de dag gis yongasu bskor cing / mdun du bdar nas pa ma la sogs pa 'khor mang po dang / shar phyogs ga la ba de log su dong ste/ mthar gyis song ba dang / byang chub sems dpa' sems dpa' chen po rtag tu ngus/ rgyang ring po zhig nas grong khyer spos ldan rin po che sna tshogs bdun rnam par bkra ba/ blta na sdug pa las byas pa/ rin po che sna bdun gyi ra ba rim pa gyis bskor ba/ rta babs bdun yod pa/ 'obs rim pa bdun dang / ta la'i phreng ba rim pa bdun gyis yongasu bskor ba/ chur dpag tshad bcu gnyis/ zheng du dpag tshad bcu gnyis yod pa/ 'byor zhing rgyas pa/ bde ba lo legs pa/ mi dang skye bo mang pos gang ba/ grong bar gyi srang mnyam zhing mtshungs pa/ lnga brgya dag gis ri mor bris pa bzhin du btams pa/ khyogs khri nyam mi nga ba dang / bar bar dag tu zam pa btag ba/ legs par byas pa mthong ngo // de'i dbus kyi bzhi mdo na/ byang chub sems dpa' sems dpa' chen po chos 'phags kyis/ chos kyi khri la 'dug nas/ 'khor/ brgya phrag mang po dang / brgya stong phrag du mas yongs su bskor cing / mdun nas chos ston pa mthong ste/ mthong ma thag tu dga' ba dang / bde ba thob pa 'di lta ste/ dper na/ dge slong bsam gtan dang po rtse cig tu yid la byed pas snyoms par bzhugs pa bzhin no// de mthong nas 'di snyam du sems te/ bdag shing rta'i nang du zhugs
- 357a
bzhin du byang chub sems dpa' sems dpa' chen po chos 'phags kyi drung du 'gro ba ni bdag gis mi chab po snyam nas/ de nas shing rta de las babs pa dang / tshong dpon gyi bu mo dang / bu mo lnga brgya de dag dang mnyam du shing rta las babs so// de nas byang chub sems dpa' sems dpa' chen po rtag tu du/ tshong dpon gyi bu mo la sogs pa bu mo lnga brgyas yongs su bskor cing mdun du bdar te/ bkod pa tshad med pa dang / byang chub sems dpa' sems dpa' chen po chos 'phags ga la ba der dong ngo // de'i tshe byang chub sems dpa' sems dpa' chen po chos 'phags kyis/ shes rab kyi pha rol tu phyin pa khang bu brtsegs pa rin po che sna bdun las byas pa/ tsan dan dmar pos brgyan cing mu tig gi dra bas g.yogs pa zhig byed du bcug ste/ khang bu rtsegs pa de'i dra bas bzhir nor bu rin po che bzhag par gyur te/ de dag sgron me'i bya ba byed do// bdug spos kyi gnod dbul las byas pa bzhi yang phyogs bzhir btags te/ 'di lta ste shes rab kyi pha rol tu phyin pa la mchod pa bya ba'i phyir// a ka ru nag po 'ba' zhig gis bdug par byed do// khang bu rtsegs pa de'i dbus na/ rin po che sna bdun gyi khri gcig btsugs te/ de'i steng du rin po che'i sgros bzhi bzhag nas/ de'i nang du shes rab kyi pha rol tu phyin pa gser gyi glegs bam la bI dur+ya bzhu bas bris pa bcug ste/ khang bu brtsegs pa de yang dar gyi chun po sna tshog/
- 357b
rnam pa tha dad 'phyang bas brgyan to// de nas byang chub sems dpa' sems dpa' chen po rtag tu ngu tshong dpon gyi bu mo la sogs te/ bu mo lnga brgya dang bcas pas khang bu brtsegs pa de bkod pa med pas brgyan pa mthong / lha stong phrag du ma dag kyang mthong ste/ lha'i dbang po brgya byin yang lha'i me tog man da ra ba dang / lha'i tsan dan gyi phye ma dang / lha'i gser gyi phye ma dang / lha'i dngul gyi phye ma dag gis khang bu brtsegs pa de la mthor mngon par mthor/ mngon par rab tu 'thor ba mthong ngo // lha'i sil snyan dag kyang thos so// mthong zhing thos nas/ byang chub sems dpa' sems dpa' chen po rtag tu dus lha'i dbang po brgya byin la 'di skad ces smras so// lha'i dbang po khyod stong phrag du ma dang / rin po che'i khang bu brtsegs pa 'di la ci'i phyir me tog ka san d+ha ra ba dang / tsan dan gyi phye ma dag gis mthong zhing mngon par 'thor/ mngon par rab tu 'thor/ lha'i sil snyen 'di dag kyang lha rnams par snang la ci'i phyir brdung / de skad ces smras pa dang / lha'i dbang po brgya byin gyis/ byang chub sems dpa' sems dpa' chen po rtag tu ngu la 'di skad ces smras so// rigs kyi bu 'di ni shes rab kyi pha rol tu phyin pa byang chub sems dpa' sems dpa' chen po rnams kyi yum dang yongs su 'dren pa yin te/ 'di la bslab pas byang chub sems dpa' sems dpa' chen po dag/ yon
- 358a
@tan thams cad kyi pha rol tu phyin pa dang / sangs rgyas kyi chos thams cad dang / thams cad mkhyen pa nyid kyang myur du thob pa yin na/ khyod mi shes/ sam/ de skad ces smras pa dang / byang chub sems dpa' sems dpa' chen po rtag tu dus lha'i dbang po brgya byin la 'di skad ces smras so// ke'u shi ka shes rab kyi pha rol tu phyin pa byang chub sems dpa' sems dpa' chen po rnams kyi yum dang / yongs su 'dren pa de gang na bzhugs brgya byin gyis smras pa/ de ni khang bu brtsegs pa 'di'i nang na/ gser gyi glegs bam la bI durar+ya zhu bas bris byang chub sems dpa' sems dpa' chen po chos 'phags kyi rgya rim pa bdun gyis btab nas bzhag ste/ nged kyis khyod la snyan par bka'/ de nas byang chub sems dpa' sems dpa' chen po rtag tu du/ tshong dpon gyi bu mo la sogs pa/ bu mo lnga brgya dag dang 'tshogs nas de dag gi me tog dang / phreng ba'i chun po dang / gos rin po che dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan ba dan dang / gser dang / dngul gyi me tog ji snyed thogs te 'ongs pa de dag gis shes rab kyi pha rol tu phyin pa la mchod par byas te/ de dag las byang chub sems dpa' sems dpa' chen po chos 'phags la bkur bstir bya ba'i phyir chas shas kyi bzhag go// de nas byang chub sems dpa' sems dpa' chen po rtag tu dus me tog dang /
- 358b
bdugs pa dang / spos dang phreng ba dang / byug pa dang / bye ma dang / na bza' dang / gdugs dang / rgyal mtshan dang / ba dan la sogs pas/ shes rab kyi pha rol tu phyin pa sngar mchod pa byas nas/ byang chub sems dpa' sems dpa' chen po chos 'phags ga la ba der song te phyin nas/ chos 'phags la mchod pa bya ba'i phyir/ byang chub sems dpa' sems dpa' chen po chos 'phags la me tog dang / bdugs pa dang / spos dang / phreng ba dang / byug pa dang / phye ma dang / na bza' dang / gdags dang / rgyal mtshan dang / ba dan dang / tsan dan gyi phye ma dang / gser dang / dngul gyi me tog gis gtor mngon par gtor to// mngon par rab tu gtor to// de nas me tog de dag byang chub sems dpa' sems dpa' chen po chos 'phags kyi spyi bo'i steng na/ me tog gi khang bu brtsegs pa bzhig tu gyur to// gser dang dngul gyis me tog dag gtor nas/ na mkha' la gzhal med khang 'dra bar 'dug par gyur to// chos gos rin po che de dag kyang rin po che sna bdun gyi dkyil 'khor 'dra bar 'dug par gyur to// byang chub sems dpa' sems dpa' chen po rtag tu dus/ tshong dpon gyi bu mo la sogs pa bu mo lnga brgya de dag gis/ byang chub sems dpa' sems dpa' chen po chos kyi rdzu 'phrul de lta bu mthong nas/ 'di snyam du sems te ngo mtshar to/ 'di ltar byang chub sems dpa' sems dpa' chen po chos 'di rdzu 'phrul che zhing
- 359a
'di ltar mthu che zhing / 'di ltar gzi brjid che ste/ rigs kyi bu 'di ltar byang chub sems dpa' sems dpa' chen po'i spyad pa spyod pa na/ yang rdzu 'phrul che rnam par 'phrul pa 'di 'dra na/ bla na med pa yang dag par rdzogs pa'i byang chub mngon par rdzogs par sangs rgyas pa na/ ci 'dra bar 'gyur snya mo// de nas tshong dpon gyi bu mo la sogs pa bu mo lnga brgya de dag gis byang chub sems dpa' sems dpa' chen po chos 'phags la dga' ba bskyed nas/ de dag tham cad kyis bla na med pa yang dag par rdzogs pa'i byang chub tu sems bskyed de/ 'di skad du dge ba'i rtsa ba 'dis bdag cag pa 'ongs pa'i dus na/ de bzhin gsheg pa dgra bcom pa yang dag par rdzogs pa'i sangs rgyas su gyur cig/ byang chub sems dpa'i spyad ka pa spyod pa na yang byang chub sems dpa' sems dpa' chen po chos 'phags kyis gang gang thob par gyur pa 'di lta bu'i chos rnams thob par gyur cig/ bdag cag byang chub sems dpa'i spyad pa spyod pa na yang 'di lta bu'i chos mngon sum du gyur cig/ shes rab kyi pha rol tu phyin pa la ji ltar byang chub sems dpa' sems dpa' chen po chos 'phags bkur stir byed pa 'di bzhin du shes rab kyi pha rol tu phyin pa la bkur stir byed par shog shig/ byang chub sems dpa' sems dpa' chen po chos 'phags ji ltar ston pa bzhin du/ bdag cag kyang skye bo mang po la
- 359b
ston par gyur cig/ ji ltar byang chub sems dpa' sems dpa' chen po/ chos 'phags 'di shes rab kyi pha rol tu phyin pa dang / thabs mkhas pa dang ldan zhing yongs rdzogs pa 'di bzhin du/ bdag cag kyang shes rab kyi pha rol tu phyin pa dang / thabs mkhas pa dang ldan zhing yongs su rdzogs par shog shig ces smras so// de nas byang chub sems dpa' sems dpa' chen po rtag tu ngu dang / tshong dpon gyis bu mo la sogs pa lnga brgya de dag gis/ shes rab kyi pha rol tu phyin pa la mchod par byas/ 'phags pa byang chub sems dpa' sems dpa' chen po chos 'phags la yang bkur stir byas te/ byang chub sems dpa' sems dpa' chen po chos 'phags kyi rkang pa la mgo bos phyag 'tshal nas/ zhes byed cing thal mo sbyar te phyogs gcig tu 'dug gnas byang chub sems dpa' sems dpa' chen po chos 'phags la/ byang chub sems dpa' sems dpa' chen po rtag tu dus 'di skad smras so// rigs kyi bu 'di la bdag shes rab kyi pha rol tu phyin pa tshol shing 'brog dgon par byin pa na sgra thos pa/ rigs kyi bu shar phyogs su song shig dang / shes rab kyi pha rol tu phyin pa 'di thos par 'gyur ro zhes bdag gi sgra de thos nas/ shar phrog ga la ba der log su mchis nas 'di snyam du sems te/ bdag gis sgra de las ji srid gcig tu mchi bar gyi/ su la shes rab kyi pha rol tu phyin pa mnyan cing rnyed
- 360a
par gyur pa ma dris so snyam ste/ der bdag yid mi bde zhing shin du gdung bar gyur nas/ sa phyogs de nyid du nyin mtshan bdun 'das te/ de ltar shin/ du gdungs pas zas la sems pa ni ma byung gi/ gzhan du shes rab kyi pha rol tu phyin pa 'ba' zhig yid la bgyis te/ ji srid gcig tu mchis par bgyi/ shes rab kyi pha rol tu phyin pa 'di su las nyan pa rnyed par 'gyur ba/ sgra de las ma dris so snyam pa dang / de nas bdag gi mdun du de bzhin gshegs pa'i sku gzugs zhig byung ste 'di skad ces gsung ngo // rigs kyi bu khyod 'di nas dpag tshad lnga brgyar song dang / grong khyer spos ldan zhes bya ba de na/ byang chub sems dpa' sems dpa' chen po chos 'phags shes rab kyi pha rol tu phyin pa 'chang bar 'gyur ro// zhes gsungs te/ de bzhin gshegs pa'i sku gzugs de las bdag gis 'di thos nas/ ji ltar btams pa bzhin du shar phyogs ga la ba de logs su zhugs te mchis pa dang / rgyang ring po zhig nas 'phags pa chos ston pa mthong ste/ mthong ma thag tu bdag la bde ba 'di lta bu skyes pa/ dper na dge slong bsam gtan dang po la snyoms par zhugs pa bzhin te/ bdag dga' ba dang / rab tu dga' ba des khyab par gyur nas/ sa phyogs de nas mi skrod par khyod las shes rab kyi pha rol tu phyin pa thos so// de nyan pa ni ting 'dzin gyi sgo mang po skyes par gyur to// bdag de na mchis pa na/ phyogs bcu'i
- 360b
'jig rten gyi khams kyi sangs rgyas bcom ldan 'das rnams kyi dbugs phyung bar mdzad de/ rigs kyi bu leg so legs so// khyod kyis ting nge 'dzin 'di dag ni shes rab kyi pha rol tu phyin pa las skyes pa yin te/ 'di la gnas pas nged kyi kyang sangs rgyas kyi chos rnams yongs su rdzogs par bya'o// zhes de bzhin gshegs pa de dag gis bdag la legs par bstan nas/ mi snang bar gyur to// bdag kyang ting nge 'dzin de las langs nas 'di snyam du bsams te/ de bzhin gshegs pa de dag gis gang nas byon/ de bzhin gshegs pa de dag gang du bzhad snyam mo// de nas bdag gi yang 'di snyam du bsams te/ byang chub sems dpa' sems dpa' chen po chos 'phags ni/ sngon gyi rgyal ba la bgyi ba bgyis pa/ dge ba'i rtsa ba bskrun na/ shes rab kyi pha rol tu phyin pa dang / thabs mkhas pas shin du bslab lags te/ de bzhin gshegs pa de dag gang nas byon pa dang / de bzhin gshegs pa de dag gang du bzhud pa de/ bdag la ston par 'gyur ro snyam nas/ rigs kyi bu la de bzhin gshegs pa de gang nas byon pa dang / de bzhin gshegs pa de dag gang du bzhud par bdag 'dren/ ci nas bdag de bzhin gshegs pa de dag byon pa dang / bzhad par 'tshal cing de bzhin gshegs pa mthong ba dang mi 'bral bar 'gyur bar/ de bzhin gshegs pa de dag byon pa dang / bzhad pa bdag la bshad
- 361a
du gsol// rtag tu ngu'i le'u ste sum bcu pa'o// // de skad ces smras pa dang / byang chub sems dpa' sems dpa' chen po chos 'phags kyis/ byang chub sems dpa' sems dpa' chen po rtag tu ngu la 'di skad ces smras so// rigs kyi bu de bzhin gshegs pa de dag ni gang nas ma byon/ gang du yang ma bzhud de/ de bzhin las ma g.yos so// de bzhin nyid gang yin pa de ni de bzhin gshegs pa ste/ rigs kyi bu mi skye ba la 'ong ba 'am/ 'gro ba med de skye ba gang yin pa de ni de bzhin gshegs pa'o// rigs kyi bu yang dag pa'i mtha' la ni 'ong ba 'am 'gro ba med de yang dag pa'i mtha' gang yin pa de ni de bzhin gsheg pa'o// rigs kyi bu stong pa nyid la 'ong ba 'am 'gro ba med de/ stong pa nyid gang yin pa de ni de bzhin gshegs pa'o// rigs kyi bu ji lta ba bzhin ni 'gro ba 'am 'ong ba med de/ ji lta ba bzhin gang yin pa de ni de bzhin gshegs pa'o// rigs kyi bu 'dod chags dang bral ba la ni 'gro ba 'am 'ong ba med do// 'dod chags dang bral ba gang yin/ pa de ni de bzhin gshegs pa'o// rigs kyi bu 'gog pa la ni 'ong ba 'am 'gro ba med de/ 'gog pa gang yin pa de ni de bzhin gshegs pa'o// rigs kyi bu namakha'i khams la ni 'ong ba 'am 'gro ba med de/ na mkha'i khams gang yin pa de ni de bzhin gshegs pa'o// rigs kyi bu chos de dag las de bzhin gshegs pa gud na med de/
- 361b
rigs kyi bu chos 'di dag de bzhin gshegs pa nyid gang yin pa dang / de bzhin gshegs pa'i de bzhin nyid gang yin pa 'di ni de bzhin nyid gcig ste/ rigs kyi bu de bzhin nyid la ni gnyis su byar med do// rigs kyi bu de bzhin nyid gcig ste/ 'di lta ste med pa'i phyir gnyis sam gsum du bgrang ba las 'das pa'o// rigs kyi bu 'di lta ste dper na/ skyes bu nyi mas gdugs pas/ sos ka'i zla ba tha ma la nyi ma gung gi dus la bab pa'i tshe/ smig rgyu g.yo ba mthong nas der chu btung ngo zhes de dang der rgyug na/ rigs kyi bu de ji snyam du sems/ chu de gang nas 'od/ gang du song chu de shar phyogs kyi rgya mtsho 'am/ lho phyogs kyi rgya mtsho 'am/ nub phyogs kyi rgya mtsho 'am/ byang phyogs kyi rgya mtsho 'am/ gang du song rtag tu ngus smras pa/ rigs kyi bu smig rgyu la chu ma mchis na/ 'ong ba 'am 'gro ba lta ga la mchis te/ rigs kyi bu nyi mas gdungs shing byis pa'i rang bzhin can shes rab 'chal ba'i rang bzhin can gyi smig rgyu mthong nas/ chu ma mchis pa la chur 'du shes bskyed kyi/ de chu ni rang bzhin gyi ma mchis so// chos 'phags kyis smras pa/ rigs kyi bu de de bzhin no// de de bzhin te/ de bzhin du rigs kyi bu gang su dag de bzhin gshegs pa la gzugs sam/ sgrar mngon par chags par byed pa de dag ni/ de bzhin gshegs pa la chags pa 'am/ bzhud par rtog go// gang de bzhin gshegs pa la byon
- 362a
pa'am/ bzhud par rtog de dag thams cad ni byis pa'i rang bzhin can/ shes rab 'chal pa'i rang bzhin can zhes bya ste/ dperan/ skyes bu chu med pa chur 'du shes bskyed pa bzhin no// de ci'i phyir zhe na/ de bzhin gshegs pa ni gzugs kyi skur mi lta ste/ de bzhin gshegs pa ni chos kyi sku'o// rigs kyi bu chos nyid 'ong ba 'am 'gro ba med de/ rigs kyi bu de bzhin gshegs pa rnams la byon pa 'am bzhed pa med do// rigs kyi bu 'di lta ste dper na// sgyu ma'i sprul pa glang po che'i tshogs sam/ rta'i tshogs sam/ shing rta'i tshogs sam/ bung bu chung gi tshogs sam/ 'gro ba med do rigs kyi bu de bzhin du de bzhin gshegs pa'i sku la'ang byon pa 'am bzhud pa med do// rigs kyi bu 'di lta ste dper na/ skyes bu gnyid log pa'i rmi lam du/ de bzhin gshegs pa gcig gas/ gnyis sam/ gsum mam/ bzhi 'am/ lnga 'am/ bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ de las lhag pa zhig mthong ba las sad pa dang / de bzhin gshegs pa gcig kyang ma mthong / rigs kyi bu de ji snyam du sems/ de bzhin gshegs pa de dag gang nas byon/ gang du bzhud rtag tu dus smras pa/ rigs kyi bu rmi lam na chos gang yang grub pa mi gda'o// rmi lam ni rdzun te/ yang dag pa ma lagaso// chos 'phags
- 362b
kyis smras pa/ rigs kyi bu de de bzhin te/ chos thams cad ni de bzhin gshegs pas rmi lam lta bu'o zhes gsungaso// rigs kyi bu gang su dag de/ bzhin gshegs pas chos thams cad rmi la pa lta bur yang dag pa ji lta ba bzhin du bstan pa mi shes pa de dag ni/ ming mtshan gyi sku dang / gzugs kyi skur mngon par zhen par byed de/ de ltar chos nyid mi shes pas de bzhin gshegs pa la byon pa dang / bzhud par rtog go// gang dag de bzhin gshegs pa la byon pa dang bzhad par 'dod pa'i byis pa so so'i skye bo de dag thams cad ni 'khor ba 'gro ba drug par 'dong ba 'dod par 'gyur ba'o// de dag thams cad ni shes rab kyi pha rol tu phyin pa las rgyang ring du gyur pa'o// de dag thams cad ni sangs rgyas kyi chos las rgyang ring du gyur pa'o// yang rigs kyi bu gang dag chos thams cad rmi lam lta bu las de bzhin gshegs pas chos thams cad rmi lam lta bu'o zhes/ yang dag par ji lta ba bzhin du bstan pa shes pa de dag ni/ skye ba 'am/ 'gag par mi rtog go// gang dag chos gang la yang 'ong ba 'am/ 'gro ba 'am/ skye ba 'am 'gag par mi rtog pa de dag ni de bzhin gshes pas chos nyid du rab tu shes so// gang dag de bzhin gshegs pas chos nyid du rab tu shes so de dag ni de bzhin gshegs pa la byon pa 'am bzhud par mi
- 363a
rtog go// gang dag de bzhin gshegs pas chos nyid de lta bu rab tu shes pa de dag ni/ bla na med pa yang dag par rdzogs pa'i byang chub la nye bar gyur pa ste/ shes rab kyi pha rol tu phyin pa la spyod do// bcom ldan 'das kyis nyan thos de dag ni/ yul 'khor gyi bsod snyoms don yod pa ste/ de dag ni 'jig rten gyi sbyin gnas so// rigs kyi bu 'di lta ste dper na/ rgya mtsho chen po'i nang na rin po che dag yod pa ni shar phyogs nas kyang ma 'ongs/ lho dang / nub dang / byang dang / phyogs 'tshams dang / steng dang / 'og dang / phyogs bcu gang nas kyang ma 'ongs mod kyi/ sems can dag gis dge ba'i rtsa ba la brten nas/ rgya mtsho chen po'i tshe dag byung ste de dag kyang rgyu med par 'byung ba ma yin gyi/ rgyu dang rkyen dang gzhi la rag las pa yin te/ rten nas byung ba'o// rin po che dag 'gag pa yang phyogs bcu'i 'jig rten gang du yang mi phod kyi/ rkyen de dag yod na/ rin po che de dag rab tu 'byed do// rkyen de dag med na rin po che rab tu 'byed pa yang med par 'gyur ro// rigs kyi bu de bzhin du de bzhin gshegs pa de dag ni sku mngon par grub par yang gang nas kyang ma byon/ phyogs bcu'i 'jig rten gang du yang ma bzhud do// sangs rgyas bcom ldan 'das de dag gi sku rgyu med pa yang ma yin te/ sngon gyi spyad pas yongs su grub pa yin pas/ rgyu dang rkyen la rag las pa/ sngon gyi phrin las rnam par smin pa'i rgyu las
- 363b
byung ba yin no// de nas kyang rkyen rnams yod na sku mngon par 'gyur te/ rkyen de dag med na sku mngon par 'grung bar 'gyur te/ rkyen de dag med na sku mngon par 'grub par yang mi snang ngo // rigs kyi bu 'di lta ste dper na/ pi wang gi sgra byung ba yang gang nas kyang mi 'ongs 'gag pa gang du yang mi 'gro/ gang du yang mi 'gro ste/ rten nas byung ba/ rgyu las rag las pa/ rkyen las rag las pa'o// 'di lta ste pi wang gi khog pa las brten lpags pa la brten/ rgyud la rten/ shing bu la brten/ mi de las skyes pa'i rtsol ba las brten nas/ pi wang de las sgra 'byung ste/ sgra de yed pi wang gi khog pa las ma byung / rgyud las yang ma byung / shing bu las ma byung / rgyud rten las ma byung / mi de las skyes pa'i rtsol ba las sgra ma byung med kyi/ de dag thams cad 'dus pa las kyang sgra grag la sgra de 'gags pa yang gang du yang mi 'gro ba de bzhin du/ rigs kyi bu sangs rgyas rnams kyi sku gdung yongs su 'grub pa yang rgyal rag las pa/ rkyen la rag las pa/ dge ba'i rtsa ba da mas yongs su grub pa yin te/ rgyu gcig gi ma yin/ rkyen gcig gi ma yin/ dge ba'i rtsa ba gcig gis sangs rgyas kyi sku rab tu dbyed pa ma yin te/ rgyu med pa yang ma yin no// rgyu dang rkyen mang po tshogs pa las byung ba yin te/ de ni gang nas kyang ma byon/ rgyu dang rkyen tshogs pa med kyang / gang du yang mi bzhad de/ rigs kyi bu khyod kyis de bzhin gshegs pa de dag byon
- 364a
/ pa dang bzhud pa de ltar lta'o// rigs kyi bu chos thams cad kyi chos nyid kyang khyod kyis 'di bzhin du khong du chud par bgyis shig/ rigs kyi bu khyod gang tshun chad de ltar de bzhin gshegs pa dang / chos thams cad skye ba med pa dang / 'gag pa med par shes pa de tshun chad chos bla na med pa yang dag par rdzogs pa'i byang chub tu nges shing // shes rab kyi pha rol tu phyin pa dang / thabs mkhas pa la nges par spyod par 'gyur ro// de bzhin gshegs pa byon pa dang bzhad pa med pa 'di bshad pa'i tshe/ sa g.yos pa chen po 'byung ste/ stong gsum gyi stong chen po'i 'jig rten gyi khams 'di thams cad rnam pa drug g.yos pa 'di lta ste/ g.yos rab tu g.yos/ kun du rab tu g.yos/ 'gul rab tu 'gul/ kun du rab tu 'gul te/ bdud kyi gnas thams cad dkrogs shing spa skong bar gyur to// stong gsum gyi stong chen po'i 'jig rten gyi khams na rtsa dang / shing gel ba dang / nags tshal ji snyed yod pa de dag thams cad byang chub sems dpa' sems dpa' chen po chos 'phags ga la ba der log su 'dud par gyur to// rus ma yin pa'i me tog dag kyang steng gi bar snang las 'thor zhing / me tog gi char dag kyang phab bo// lha'i dbang po brgya byin dang / rgyal po chen po bzhi dag kyang byang chub sems dpa' sems dpa' chen po rtag tu ngu la lha'i tsan dan gyi phye ma dang / lha'i me tog dag gis 'thor/ mngon par rab tu 'thor zhing tshig 'di skad zer te/ rig kyi bu khyod kyi 'thus der bdag cag gis
- 364b
kyang / don dam pa las byung ba'i gtam 'jig rten thams cad dang mi 'thun pa/ gang 'jigs tshogs la gnas pa thams cad kyis ma yin pa bstan pa thoso zhes mdzer to// de byang chub sems dpa' sems dpa' chen po chos 'phags la/ byang chub sems dpa' sems dpa' chen po rtag tu dus 'di skad ces smras so// rigs kyi bu sa g.yos pa byung ba 'di'i rgyu gang lags/ rkyen gang lags/ chos 'phags kyis smras pa/ rigs kyi bu de bzhin gshegs pa rnams mi byon/ mi bzhad pa 'di khyod kyis dris te kho bos ston pas/ srog chags brgya stong mi skye ba'i chos la bzod pa thob par gyur pa dang / khrag khrig phrag bcu bla na med pa yang dag par rdzogs pa'i byang chub tu sems bskyed pa dang / srog chags drug khri bzhi stong chos rnam la/ chos kyi mig rdul med cing dri ma dang bral bar gyur to// de nas byang chub sems dpa' sems dpa' chen po rtag tu du dga' ba dang rangs pa rgya chen po dang ldan par gyur to// bdag gis shes rab kyi pha rol tu phyin pa dang / de bzhin gshegs pa rnams byon pa dang / bzhud pa med pastan 'di bris pa/ sems can 'di snyed kyi don byas par gyur pa ni/ bdag gis rnyed pa legs par rnyed do// 'di nyid kyis bdag bla na med pa yang dag par rdzogs pa'i byang chub 'grub par bya ba'i dge ba'i rtsa ba mchog gis bla na med pa yang dag par rdzogs pa'i byang chub las phyir the tshom mi za'o// bdag ni the tshom med
- 365a
par de bzhin gshegs pa dgra bcom pa yang dag par rdzogs pa'i sangs rgyas su 'gyuraro// snyam pa dang / de dga' ba dang / rangs pa de dag dang ldan pas ta la bdun tsam du na mkha' la 'phag so// ta la bdun tsam du 'dug ste bdag na mkha' la 'dug nas byang chub sems dpa' sems dpa' chen po 'phags la bkur sti bya'o snyam du sems/ de nas lha'i dbang po brgya byin gyis/ byang chub sems dpa' sems dpa' chen po rtag tu du mngon par 'phags pa mthong nas/ de'i sems kyis shes nas/ de la lha'i me tog man d+ha ra ba dag byin te/ 'di skad rigs kyi bu me tog 'di dag gis byang chub sems dpa' sems dpa' chen po chos 'phags la bkur stir gyis shig/ 'di ni ngas khyod yongs su bzung ba yin te/ rigs kyi bu khyod kyis mthus/ srog chags stong phrag mang po'i don byas te/ rigs kyi bu gang sems can tha~Md kyi phyir ji ltar spro bar byed pa de lta bur/ bskal pa grangs med dpag tu med par spro ba med pa'i sems can de dag ni rnyed par dka'o zhes smras so// de nas byang chub sems dpa' sems dpa' chen po rtag tu dus lha'i dbang po brgya byin las me tog blangs te/ byang chub sems dpa' sems dpa' sems dpa' chen po chos 'phags la gtor te/ rab tu gtor nas bdag gi lus kyis byang chub sems dpa' sems dpa' chen po chos 'phags la mngon par dga' ste/ tshig 'di skad ces smras so// rigs kyi bu deng slan chad khyod/
- 365b
kyi rim gro dang / zham 'bring bgyi ba'i slad du bdag gi lus khyod la 'bul lo// des bdag gi lus phul nas/ byang chub sems dpa' sems dpa' chen po chos 'phags kyi mdun du thal mo sbyar te 'dug go// de nas tshong dpon gyi bu mo de dag dang / 'khor lnga brgya de dag byang chub sems dpa' sems dpa' chen po rtag tu ngu la 'di skad ces smraso// rigs kyi bu bdag cag kyang khyed la lus 'bul gyis/ bdag cag kyang dge ba'i rtsa ba 'dis chos de dag mthong bar gyur cig/ khyod nyid dang lhan cig tu sangs rgyas rnams dang / byang chub sems dpa' sems dpa' chen po rnams la/ bkur stir bgyid/ de dag dang nye bar gyur par bgyi'o// byang chub sems dpa' sems dpa' chen po rtag tu ngus/ tshong dpon gyi bu mo la sogs pa lnga brgya la 'di skad ces smras so// bu mo dag khyed nga la lhag pa'i bsam pas gnas par byed na/ nga la lhag pa'i bsam pas bdag nyid byin cig dang / bu mo khyod ngas blang ngo // bu mo de dag gis smras pa/ khyod la lhag pa'i bsam pa thag pa nas/ khyod kyis rjes su 'thun par 'jug go// khyod la lhag par bsam pas ci 'dod pa bya bar bdag nyid 'bul lo// de nas byang chub sems dpa' sems dpa' chen po rtag tu ngus/ tshong dpon gyi bu mo la sogs pa bu mo lnga brgya de dag thams cad rgyan thams cad kyis brgyan te/ shing rtag lnga brgya yang brgyan nas thams cad byang chub sems dpa' sems dpa
- 366a
chen po chos 'phags la phul lo// rigs kyi bu bdag ni 'khor 'di dag dang / shing rta lnga brgya 'di dag kyang yongasu longs spyod pa'i khyod la 'bu'o// de nas rna'i dbang po brgya byin gyis/ rigs kyi bu de la legaso zhes bya ba byin te/ rigs kyi bu leg so// de ltar byang chub sems dpa' sems dpa' chen po de dag gis bdog pa thams cad yongasu btang bar bya'o// yongasu gtong ba'i sems de lta bus myur du bla na med pa yang dag par rdzogs pa'i byang chub mngon par 'tshang rgya'o// de ltar chos smra ba dag la mchod pa byas nas/ shes rab kyi pha rol tu phyin pa dang / thabs mkhas pas mnyan nus te/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis byang chub sems dpa'i spyad pa spyod pa na/ 'di lta bu'i gtong ba la gnas nas/ bla na med pa yang dag par rdzogs pa'i byang chub rlag par bsgrubs te/ shes rab kyi pha rol tu phyin pa dang / thabs mkhas pas yongs su dris so// de nas byang chub sems dpa' sems dpa' chen po chos 'phags kyis/ tshong dpon gyi bu mo la sogs bu mo lnga brgya po de dag dang / shing ta lnga brgya de dag byang chub sems dpa sems dpa' chen po rtag tu ngu'i dge ba'i rtsa ba yongasu bskang ba'i phyir blangs te/ blangs nas rigs kyi bu rtag tu ngu la sbyin no// de nas byang chub sem dpa' sems dpa' chen po chos 'phags bstan las langs te/ bdag gi khyim du zhugs pa dang / nyi ma nung par gyur to// de nas byang chub sems dpa' sems dpa' chen po
- 366b
rtag tu ngu 'di snyam du sems te/ 'di ltar bdag chos 'dod pa'i phyir 'ongs la/ 'dug pa 'am nyal bar byed pa ni bdag gis mi tshal 'di ni mi lags kyis/ byang chub sems dpa'/ sems dpa' chen po chos 'phags 'di lta ste/ chos ston du phyir ma byung gi bar du bdag la 'greng ba dang / 'chags pa'i spyod lam gnyis kyi gnas par bya'o snyam mo// de nas byang chub sems dpa' sems dpa' chen po chos 'phags lo bdun gyi bar du/ ting 'dzin la snyoms par zhugs par gyur cing / byang chub sems dpa' ting 'dzin grangs med dpag tu med pa dag/ shes rab kyi pha rol tu phyin pa dang / thabs mkhas pa la gnas par gyur te/ byang chub sems dpa' sems dpa' chen po rtag tu du yang lo bdun gyi bar du 'dod pa'i rtog pa ma byung / gnod pa'i rtog pa ma byung / rnam par 'tshe ba'i rtog pa ma byung / ro la rkang pa 'am/ ma skyes te gzhan du na byang chub sems dpa' sems dpa' chen po chos 'phags nam langs par 'gyur/ bdag kyang byang chub sems dpa' sems dpa' chen po chos 'phags kyi chos kyi khri gang la rigs kyi bu de 'dug nas/ chos ston par 'gyur ba'i chos kyi khri bshams nas/ bdag gis sa phyogs 'di chag chag btab kyis legs par byugs nas/ me tog sna tshogs gtor te/ sa phyogs gang du byang chub sems dpa' sems dpa' chen po chos 'phags shes rab kyi pha rol tu phyin pa dang / thabs mkhas pas rab tu ston par 'gyur ba de ltar legs par byugs par bya'o// snyam tshong dpon gyi
- 367a
bu mo lnga brgya de dag kyang byang chub sems dpa' sems dpa' chen po rtag tu ngu'i rjes slob cing / spyod lam gnyis kyi dus 'das par byed do// bya ba zad kyang de'i rjes su 'jug go// de nas byang chub sems dpa' sems dpa' chen po rtag tu dus lha'i sgra thos te/ byang chub sems dpa' sems dpa' chen po chos 'phags zhag bdun nas ting nge 'dzin de las langs ste/ langs nas grong khyer gyi dbus su 'dug ste/ chos ston par 'gyuraro zhes grags nas/ byang chub sems dpa' sems dpa' chen po rtag tu du lha'i sgra de tho pa dang / dga' 'gu yid rangs/ rab tu zhing dga' ba dang / yid bde ba skyes te tshong dpon gyi bu mo la sogs pa lnga brgya dang / sa phyogs de phyag nas chos kyi khri rin po che thams cad kyi spras pa bsham so// de nas bu mo de dag gis bla gos phud de stan gang la byang chub sems dpa' sems dpa' chen po chos 'phags 'dug nas/ chos ston par 'gyur ba der gtang ngo // de nas byang chub sems dpa' sems dpa' chen po rtag tu dus phyogs der chag chag btab par 'dod na/ bdud sdig can gyis chu thams cad mi snang bar byas nas/ ci nas byang chub sems dpa' sems dpa' chen po rtag tu ngus chu rnyed nas/ yid mi dga' zhing sems sdug bsngal te/ sems gzhan du 'gyur ba dang / dge ba'i rtsa ba nub par 'gyur ba dang / mchod pa de mi mdzes par bya ba'i phyir/ chu de dag mi snang bar byas nas/ kun du chu btsal kyang ma rnyed do// de nas byang chub sems dpa' sems dpa' chen po rtag tu ngu 'di snyam du sems te/
- 367b
bdag gi lus phug la khrag gi sa phyogs 'di chag chag gdab bo// de ci'i phyir zhe na/ sa phyogs 'di ni rdul che ste rdul gyi khams 'di nas byung bas byang chub sems dpa' sems dpa' chen po chos 'phags kyi lus la phog na mi rung na/ bdag gis gdon mi za bar 'jig pa 'dis ci zhig bya/ bdag gi lus 'di lta bu'i bya ba la zhig pa ni bla'i/ nus pa med pa'i bya ba la 'dod pa'i phyir 'dod pa'i gzhi 'khor ba dag na/ bdag gis lus brgya stong mang po de lta bu'i gnas su/ zhig pa ni cir yang ma rung ngo snyam mo// de nas byang chub sems dpa' sems dpa' chen po rtag tu ngus/ mtshon rnon po blangs te bdag gis lus kun du phug nas/ rang gis khrag gi sa phyogs de kho ra khor yug chag chag btab po// byang chub sems dpa' sems dpa' chen po rtag tu ngu'i rjes su slob pa'i tshong dpon gyi bu mo la sogs pa/ bu mo lnga brgya de dag thams cad kyis kyang mtshon po blangs te/ rang rang gi lus phug nas/ rang rang gi khrag gi sa sa phyogs de chag chag pa btab te/ gang dag de la bdud sdig can gyis dge ba'i phyogs kyis bar chad bya ba'i glags rnyed par ma gyur par/ byang chub sems dpa' sems dpa' chen po rtag tu ngu dang / bu mo de dag sems gzhan du 'gyur ba med de/ de nas lha'i dbang po brgya byin 'di snyam du byang chub sems dpa' sems dpa' chen po rtag tu du 'di snyam du chos 'dod pa dang / ji tsam du yid dam la brten pa ni/ ji tsam du go cha chen po bgos pa dang / lus dang srog dang longs spyod rnams la mi lta ba dang / bla na med pa yang dag par
- 368a
rdzogs pa'i byang chub thob par bya ba'i phyir/ 'di lta ste/ bla na med pa yang dag par rdzogs pa'i byang chub mngon par rdzogs par sangs rgyas nas/ 'khor ba'i sdus bsngal dpag tu med pa las thar bar bya'o snyam du lhag pa'i bsam pa zhugs pa ni ngo mtshar to// snyam du sem so// de nas lnga'i dbang po brgya byin gyis khrag de thams cad lha'i can dan gyi phye mas chur byin gyis brlabs te/ lha'i tsan dan gyi chu de'i dri ngas pa dang / brgya che ba bsam gyis mi khyab pas sa phyogs de khor khor yug tu dpag tshad brgya tshang bas dris khyab po// de nas lha'i dbang po brgya byin gyis/ byang chub sems dpa' sems dpa' chen po rtag tu dril 'di skad ces smras so// rigs kyi bu leg so legs so// khyod kyi brtson 'grus bsam gyis mi khyab bo// khyod kyi chos 'dod pa dang / chos yongs su 'chol ba bla med pa'o// rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang lhag pa'i bsam 'di lta bu dang / brtson 'grus 'di lta bu dang / chos 'dod pa 'di lta bus bla na med pa yang dag par rdzogs pa'i byang chub yang dag par bsgrub so// de nas byang chub sems dpa' sems dpa' chen po rtag tu du 'di snyam du sems te/ bdag gis byang chub sems dpa' sems dpa' chen po chos 'phags kyi chos kyi bstan ni bting/ sa phyogs ni phyag dar ni byas/ chag chag ni btab na/ bdag gis me tog gang dag gis sa phyogs 'dir gtor bar bya ba dang / byang chub sems dpa' sems dpa'
- 368b
chen po chos 'phags chos 'chad pa la gtor bar bya ba'i me tog de dag gang nas rnyed par 'gyur snyam du sems so// de nas lha'i dbang po dang po brgya byin gyis byang chub sems dpa' sems dpa' chen po rtag tu ngu la 'di skad ces smraso// rigs kyi bu lnga'i me tog man d+ha ra ba 'di dag long la/ khyod kyis sa phyogs 'di dag tu man d+ha ra ba bkram par gyis shig/ byang chub sems dpa' sems dpa' chen po rtag tu ngu chos ston cing seng ge'i khri la 'dag pa la yang gtor cig ces/ des de la lha'i me tog man d+ha ra ba khal stong byin// de nas byang chub sems dpa' sems dpa' chen po rtag tu dus me tog de dag blangs te/ me tog kha cig gis ni sa phyogs der me tog bkram par bya'o// me tog kha cig gis ni byang chub sems dpa' sems dpa' chen po chos 'phags la gtor to// de nas byang chub sems dpa' sems dpa' chen po chos 'phags lo bdun 'das pa dang / ting nge 'dzin de las lang te/ chos kyi bstan gang na yod pa der 'ong nas/ bstan bting ba 'dug ste/ 'khor brgya stong phrag du mas bskor cing mdun gyis ltas nas/ shes rab kyi pha rol tu phyin pa ston to// de nas byang chub sems dpa' sems dpa' chen po rtag tu dus/ byang chub sems dpa' sems dpa' chen po chos 'phags mthong ma thag tu/ 'di lta ste dper na/ bsam gtan dang po la snyoms par bzhugs pa'i dge slong rtse gcig tu yid la byed pa bzhin du bde ba de lta bu thob po// de nas byang chub sems dpa' sems
- 369a
dpa' chen po chos 'phags shes rab kyi pha rol tu phyin pa ston pa/ 'di lta ste chos thams cad mnyam pa nyid pas shes rab kyi pha rol tu phyin pa mnyam pa nyid do// chos dzad dben pa nyid pas shes rab kyi pha rol tu phyin pa dben pa nyid do// chos thams cad g.yo ba med pa nyid pas shes rab kyi pha rol tu phyin pa g.yo ba med pa nyid do// chos thams cad rlom sems med pa nyid pas/ shes rab kyi pha rol tu phyin pa rlom sem su med pa nyid do// chos thang khengs pa med pa nyid pas/ shes rab kyi pha rol tu phyin pa khengs pa med pa nyid do// chos thams cad ro gcig pa nyid pas/ shes rab kyi pha rol tu phyin pa ro gcig pa nyid do// chos thar mu med pa nyid pas/ shes rab kyi pha rol tu phyin pa mu med pa nyid do// chos thaMd skye ba med pa nyid pas/ shes rab kyi pha rol tu phyin pa skye ba med pa nyid do// chos thams cad 'gag pa med pa nyid pas/ shes rab kyi pha rol tu phyin pa 'gag pa med pa nyid do// na mkha' mu med pa nyid pas/ shes rab kyi pha rol tu phyin pa mu med pa nyid do// brgya mtsho mu med pa nyid pas/ shes rab kyi pha rol tu phyin pa mu med pa nyid do// ri rab sna tshogs pa nyid pas shes rab kyi pha rol tu phyin pa sna tshogs pa nyid do// na mkha' rtogs pa med pa nyid pas shes rab kyi pha rol tu phyin pa rtog pa med pa nyid do// gzugs med pa nyid pas/ shes rab kyi pha rol tu phyin pa rtog pa med pa nyid do// gzugs mu med pa nyid pas/ shes rab kyi pha rol tu phyin pa mu med pa nyid do// de bzhin du tshor ba dang / 'du shes dang / 'du byed dang / rnam par
- 369b
shes pa mu med pa nyid pas/ shes rab kyi pha rol tu phyin pa mu med pa nyid do// sa'i khams mu med pa nyid pas/ shes rab kyi pha rol tu phyin pa mu med pa nyid do// de bzhin du chu'i kham dang / me'i khams dang / rlung gi khams mu med pa nyid pas/ shes rab kyi pha rol tu phyin pa mu med pa nyid do// na mkha'i khams mu med pa nyid pas/ shes rab kyi pha rol tu phyin pa mu med pa nyid do// rdo rje lta bu'i chos mnyam pa nyid pas/ shes rab kyi pha rol tu phyin pa mnyam pa nyid do// chos thams cad ma 'dres pas/ shes rab kyi pha rol tu phyin pa ma 'dres pa nyid do// chos thad dmig su med pa nyid pas/ shes rab kyi pha rol tu phyin pa dmig su med do// chos thams cad rnam par 'jig pa mnyam pa nyid pas/ shes rab kyi pha rol tu phyin pa rnam par 'jig pa nyid do// chos thams cad byed pa med pa nyid pas/ shes rab kyi pha rol tu phyin pa byed pa med pa nyid// chos tha~Md bsam gyis mi khyab pa nyid pas/ shes rab kyi pha rol tu phyin pa bsam gyis mi khyab pa nyid du rig par bya'o// de nas byang chub sems dpa' sems dpa' chen po rtag tu ngu de ltar 'dug bzhin du/ de'i tshe chos thams cad mnyam pa nyid ces bya ba'i ting nge 'dzin skyes par gyur to// chos thams cad dben pa zhes bya ba'i tingange 'dzin dang / chos tha~Md rlom sems med pa zhes bya ba'i ti nge 'dzin dang / chos thams cad khengs pa zhes bya ba'i ting nge 'dzin dang / chos thaMd ro cig pa zhes bya ba'i ting nge 'dzin dang / chos thams cad mu med pa zhes bya ba'i ting 'dzin dang / chos thaMd skye ba med pa zhes bya ba/
- 370a
tingange 'dzin dang / chos thams cad 'gag pa zhes bgyi ba'i ting nge 'dzin dang / na mkha' mu med pa zhes bya ba'i ti nge 'dzin dang / rgya mtsho mu med pa zhes bya ba'i/ ting nge 'dzin dang / ri rab sna tshogs pa zhes bya ba'i ting nge 'dzin dang / na mkha' rtog pa med pa zhes bya ba'i ting nge 'dzin dang gzugs mu med pa zhes bya ba'i ting nge 'dzin dang / tshor ba dang / 'du shes dang / 'du byed dang / rnam par shes pa mu med pa zhes bya ba'i ti nge 'dzin dang / sa'i khams mu med pa zhes bya ba'i ting nge 'dzin dang / chu'i khams dang / me'i kham dang / rlung gi khams mu med pa zhes bya ba'i tinge 'dzin dang / na mkha'i khams mu med pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / chos tha~Md ma 'dres pa zhes bya ba'i ting nge 'dzin dang / chos thad kyi rang bzhin dmig su med pa zhes bya ba'i ting nge 'dzin dang / chos thad rnam par 'jig pa mnyam pa nyid ces bya ba'i ting 'dzin dang / chos thaMd byed pa med pa zhes bya ba'i ting nge 'dzin dang / chos theng bsam gyi mi khyab pa zhes bya ba'i ting 'dzin thob par gyur te// byang chub sems dpa' sems dpa' chen po rtag tu dus de la sogs pa'i ting nge 'dzin gyi sgo brgya stong phrag drug bcu thob par gyur to// shes rab kyi pha rol tu byin pa brgyad stong pa las/ chos 'phags kyi le'u ste sum bcu gcig pa'o// / rab 'byor byang chub sems dpa' sems dpa' chen po rtag
- 370b
tu dus/ ting nge 'dzin gyi sgo stong phrag bcu thob ma thag tu/ shar phyogs dang / lho phyogs dang / nub phyogs dang / byang phyogs dang / phyogs 'tshams dang / 'og dang / steng gi phyog dang / phyogs bcu'i 'jig rten gyi kham gang ga'i klung gi bye ma snyed na/ sangs rgyas bcom ldan 'das gang ga'i klung gi bye ma snyed dag dge slong gi dge 'dun gyis yongs su bskor cing / byang chub sems dpa'i tshogs kyis mdun gyis bltas te tshul 'di lta bu nyid dang / ming nyid dang / yi ge 'di nyid kyis rlab kyi pha rol tu phyin pa 'di 'chad pa mthong ngo // 'di lta ste dper na/ da ltar stong gsum gyi stong chen po'i 'jig rten gyi khams 'di na/ chos ston pa dge 'dun gyis yongs su bskor cing / byang chub sems dpa'i tshogs kyis mdun gyis ltas te/ tshul 'di nyid dang / ming 'di nyid dang / yi ge 'di nyid kyis shes rab kyi pha rol tu phyin pa 'di 'chad bzhin no// de mang du thos pa bsam gyis mi khyab pa dang / thos pa rgya mtsho lta bu dang ldan par 'gyur te/ gar skyes pa thad du yang sangs rgyas dang mi 'bral bar 'gyur/ skyes pa thams cad du yang gang dang gang du/ sangs rgyas bcom ldan 'das rnams mngon sum du gyur pa de dang de dag tu bskyed de/ mtha' ni rmi lam na yang sangs rgyas bcom ldan 'das dag 'di dang mi 'bral bar 'gyuraro// des mi khom pa thams cad ni spangs/ dal ba phun sum tshogs pa ni bsgrub so// rab 'byor rnam grangs 'di kyang / shes rab kyi pha rol tu phyin pa 'di/ byang chub sems dpa' sems dpa'
- 371a
chen po rnams kyi/ thaMd mkhyen pa'i ye shes bsgrub pa yin par rig par bya// rang 'byor de lta bas na/ byang chub sems dpa' sems dpa' chen po tha~Mng mkhyen pa'i ye shes thob par 'dod pa dag gis/ shes rab kyi pha rol tu phyin pa 'di la spyad par bya'o// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo shes rab kyi pha rol tu phyin pa 'di byang chub sems dpa' rnams yang dag par yongs su bzung ba'i phyir zungs shig/ chongs shig lhogs shig kun chub par gyis shig gzhan dag la yang rgya cher rab tu ston cing / kun dga' bo shes rab kyi pha rol tu phyin pa 'di/ byang chub sems dpa' sems dpa' chen po dag gis mnyan par bya/ gzung bar bya/ bcang bar bya/ klag par bya/ kun chub par bya// mngon par bya/ lung nod par bya/ bstan par bya/ kha ton du bya/ de bzhin gshegs pa'i byin gyis brlabs kyis/ glegs bam chen po la yi ge gsal zhing rab tu gsal/ ba legs par bris nas/ me tog dang / bdug pa dang / dri dang / byug pa dang / phye ma dang / na za' dang / gdugs dang / rgyal mtshan dang / ba dan dang / khor yug tu mar me'i phreng ba dang / mchod pa rnam pa mang po dag gis bkur stir bya/ bla mar bya/ mchod par bya/ brjod par bya/ gsol bar bya ste/ kun dga' bo 'di ni nga'i gdam ngag go// de ci'i phyir zhe na/ kun dga' bo 'di ji snyam du sems/ de bzhin gshegs pa khyod kyi ston pa yin nam/ kun dga' bos gsol pa/ bcom ldan 'das bdag gis ston pa lag so// bde bar gshegs pa bdag gis ston pa lags so// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo khyod kyis lus kyi las byams pa yid
- 371b
du 'ong ba dang / ngag gi las byams pa yid du 'ong ba dang / yid kyi las byams pa yid du 'ong bas rim gro byas te/ de lta bas na kun dga' bo da ltar nga bzhugs te/ mtsho zhing bzhes pa'i sku 'di nyid khyod kyis dga' ba dang / dang ba dang / ri mor byas pa de bzhin du nga 'das nas/ shes rab kyi pha rol tu phyin pa 'di la'ang byos shing / kun dga' bo ci nas shes rab kyi pha rol tu phyin pa 'di nub par mi 'gyur zhing / ci nas khyod skyes bu tha mar mi 'gyur bar khyed la lan gnyis gsum du yongasu gtad do// rjes su gtad do// rjes su yongs su gtad do// kun dga' bo shes rab kyi pha rol tu phyin pa 'jig rten na ji srid du spyod pa de srid du/ de bzhin gshegs pa bzhugs par rig par bya'o// kun dga' bo de srid du de bzhin gshegs pa chos ston par rig par bya'o// kun dga' bo gang shes rab kyi pha rol tu phyin pa 'di nyid nyan pa dang / 'dzin pa dang / 'chang ba dang / klog pa dang / kun chub par byed pa dang / rab tu 'don par bya ba dang / lung nod pa dang / ston pa dang / kha ton byed pa dang / yi ger 'bri ba dang / me tog dang / bdug pa dang / spos dang / phreng ba dang / byug pa dang / bye ma dang / na bza' dang / gdugs dang / rgyal mtshan dang / ba dan dang / khor yug tu mar me'i phreng ba dag dang / mchod pa rnam pa mang po dag gis bkur stir byed/ bla mar byeba'i mor byed/ mchod par byed/ gsol bar byed pa'i sems can de dag ni sangs rgyas mthong ba dang mi 'bral ba dang / dam pa'i chos nyan pa dang mi 'bral ba dang / dge 'dun la bsnyen bkur byed pa dang mi 'bral bar rig par bya'o// kun dga' bo sems can de dag ni de bzhin gshegs pa'i drung na tshangs par spyod par rig par bya'o// bcom ldan 'das kyis de skad ces bka'
- 372a
stsal pa dang / byang chub sems dpa' sems dpa' chen po byams pa la sogs pa dang / tshe dang ldan pa rab 'byor dang / tshe dang ldan pa sha ri'i bu dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsung / pa la mngon par bstod do/ shes rab kyi pha rol tu phyin pa brgyad stong pa las/ yongs su gtad pa'i le'u ste sum bcu rtsa gnyis pa'o// // bcom ldan 'das ma shes rab kyi pha rol tu phyin pa brgyad stod pa rdzogs s+ho// bkra shis/ zhus dag