Text

ff. 1b–232a · 462 folio sides

  1. 1b

    rgya gar skad du/ tring+gi ka kA ri kA/ bod skad du/ sum cu pa'i tshig le'ur byas pa/ 'jam dpal gzhon nur gyur pa la phyag 'tshal lo// bdag dang chos su nyer 'dogs pa// sna tshogs dag ni gang byung ba// de ni rnam par shes par gyur// gyur pa de yang rnam gsum ste// rnam par smin dang ngang sems dang // g.yul la rnam par rig pa'o// de la kun gzhi rnam shes ni// rnam smin sa pon

  2. 2a

    thams cad pa// de ni len pa dag dang gnas// rnam par rig pa mi rig pa// rtag tu reg dang yid byed dang // rig dang 'du shes sems par ldan// de la tshor ba btang snyoms te// de ni ma bsgribs lung ma bstan// reg la sogs pa de bzhin no// de ni rgyun 'bab chu bo bzhin// dgra bcom nyid na de ldog go/ de la gnas sa gas/ rnams mams bdag na/ sa sa thug/ / nga / // bang sa rgyal bdag shes pa// gang du skyes pa de'i 'o gzhan// reg sogs kyang de dgra bcom med// 'gog pa'i snyoms par 'jug la med// jig te/

  3. 2b

    'das pa'i lam na'ang med// 'di ni bur pa gnyis pa'o// gsum pa yul rnam drug po la// dmigs pa gang yin de dag ste// dge dang mi dge gnyi ga min// kun tu 'gro dang bye brag nges// sems las byung ba dge ba dang // de bzhin nyon mongs ni nyon mongs// tshar rab gsum dang de mtshungs ldan// dang po'i reg la sogs pa dang // 'dun mos dran dang bcas pa dang // ting nge 'dzin blo bye brag nges// dang dang ngo tsha khrel yod dang // ma chags la sogs gsum brtson 'grus// shin tu sbyangs dang bag yong bcas// rnam mi 'tshe dge nyon mongs ni// 'dod chags khong khro gti mug dang // nga rgyal lta ba the tshom mo// khro dang khon du 'dzin pa dang // 'chab dang tshig dang phrag dog dang // ser sna dang ni rgur bcas dang // g.yo rgyags rnam 'tshe ngo tsha med// khrel med rmugs dang rgod pa dang // ma dad pa dang le lo dang // bag med pa dang brjed ngas dang // rnam g.yeng shes bzhin ma yin dang // 'gyod dang gnyis kyang de bzhin te// rtog pa dang ni dpyod pa'o// nye ba'i nyon mongs gnyis rnam gnyis// lnga rnams rtsa ba'i rnam shes las// ji lta'i rkyen las 'byung ba ni// rnam shes lhan cig 'am ma yin// tshul rlabs rnams ji bzhin no// yid kyis rnam shes 'byung ba ni// rtag tu'o 'du shes med pa dang // snyoms par 'jug pa rnam gnyis dang // sems med gnyid dang brgyal ma gtogs// rnam par shes par gyur pa 'di// rnam rtog yin te de yis gang // rnam brtags de med des na 'di// thams cad rnam par rig pa tsam// rnam shes sa bon thams cad pa// phan tshun dag gi dbang gis na// de lta de ltar 'gyur bar 'gro// des na rnam rtog de ste// las kyi bag chags 'dzin gnyis kyi// bag chags bcas pas snga ma yis//

  4. 3a

    rnam par smin pa zad nas gzhan// rnam smin skyed pa de yin no// rnam par rtog pa gang gang gis// dngos po gang gang rnam brtags pa// de nyid kun du brtags pa yi// ngos nyid med de med do// gzhan gyi dbang gi ngo bo nyid// rnam rtog yin te rkyen las byung // grub ni de la snga ma po// rtag du med par 'gyur ba gang // de phyir de nyid gzhan dbang las// gzhan min gzhan ma yin pa'ang / min// mi rtag pa sogs bzhin du brjod// de ma mthong bar de mi mthong // ngo bo nyid ni rnam gsum gyis// ngo bo nyid med rnam gsum la// dgongs nas chos rnams thams cad kyi// ngo bo nyid med bstan pa yin// dang po pa ni mtshan nyid kyis// ngo bo nyid med gzhan pa yang // de ni rang nyid mi 'byung bas// ngo bo nyid med gzhan yin no// chos kyi don gyi dam pa'ang de// 'di ltar de bzhin nyid kyang de/ dus rnams kun na'ang de bzhin nyid// de nyid rnam par rig pa tsam// ji srid rnam rig tsam nyid la// rnam par shes pa mi gnas pa// 'dzin pa gnyis kyi bag la nyal// de srid rnam par mi ldog go// 'di dag rnam rig tsam nyid ces// de snyam du ni dmigs nas su// ci yang rung ste mdun 'jog na// de ni tsam la mi gnas so// nam zhig shes pas dmigs pa rnams// mi dmigs de'i tshe na ni// rnam par rig pa tsam la gnas// gzung ba med pas de 'dzin med// de ni sems med mi dmigs pa// 'jig rten 'das pa'i ye shes de// gnas kyang gzhan du gyur pa ste// gnas ngan len gnyis spangs pa'o// de nyid zag pa med/ dang dbyings// bsam gyis mi khyab dge dang brtan// de ni bde ba rnam grol sku// thub pa chen po'i chos zhes bya// // sum cu pa'i tshig le'ur byas pa slob dpon chen po dbyig gnyen mdzad pa rdzogs so//

  5. 3b

    rgya gar gyi mkhan po dzi na mi tra dang shI len+d+ra bo d+hi dang / zhu chen gyi lo tsA ba ban+de ye shes sdes bsgyur zhing zhus te gtan la phab pa'o// // rgya gar skad du/ bing+ga ka kA ri ka/ bod skad du/ nyi shu pa'i tshig le'ur byas pa// 'jam dpal gzhon nur gyur pa la phyag 'tshal lo// 'di dag rnam par rig tsam nyid// yod pa ma yin don snang phyir// dper na rab rib can dag gis// skra zlul sogs med mthong bzhin// gal te rnam rig don min na// yul dang dus la nges med cing // sems kyang nges med ma yin la// bya ba byed pa'ang mi rigs 'gyur// yul la sogs pa nges 'grub ste// rmi 'dra'o sems kyang nges pa med// yi dgas bzhin te thams cad kyis// klung la rnag la sogs mthong bzhin// bya byed rmi lam gnod pa 'dra// thams cad sems can dmyal ba bzhin// dmyal ba'i srung ma sogs mthong dang // de dag gi ni gnod phyir ro// ji ltar dud 'gro mtho ris su// 'byung ba de ltar dmyal ba min// yi dgas min te 'di lta bur// de yod sdug bsngal des mi myong // gal te de'i las kyis der// 'byung ba dag ni 'byung ba dang // de bzhin 'gyur bar 'dod nago/ rnam par shes par cis mi 'dod// gzhan na las kyi bag chags la// 'bras bu dag ni gzhan du rtog/ gang na bag chags yod pa der// ci yi phyir na 'dod mi bya// gzugs sogs skye mched yod par ni// des 'dul ba ni skye bo la// dgongs pa'i dbang gis gsungs pa ste// rdzus te 'byung ba'i sems can bzhin// rang gis sa bon gang las su// nam rig snang ba gang 'byung ba// de dag de yi skye mched ni// rnam pa gnyis su thub pas gsungs// de ltar gang zag bdag med par// 'jug par 'gyur ro gzhan du yang // bstan pas chos la bdag med pal// /

  6. 4a

    'jug 'gyur brtags pa'i bdag nyid kyis// de ni gcig na'ang yul min la// za rab rdul du du ma'ang min// de dag 'dus pa'ang ma yin te// 'di ltar rdul phran mi 'grub phyir// drug gis cig car sbyar ba na/ phra rab rdul cha drug tu 'gyur// drug po dag ni go gcig na// gong bu rdul phran tsam du 'gyur// rdul phran sbyor ba med na ni// de 'dus yod pa de gang gis// cha shas yod pa ma yin pas// de sbyor mi 'grub ma zer cig/ gang la phyogs cha tha dad yod// de ni gcig tu mi rung ngo // grib dang sgrib par ji ltar 'gyur// gong bu gzhan min de de'i min// gcig na rim gyis 'gro ba med// zin dang ma zin cig car med// ris chad du mar gnas pa dang // mig gis mi gsod phra ba'ang med// mngan sum blon rmi sags bzhin// de yang gang tshad yi che// khyod kyi dan de mi snang na// de ni mngon sumaji ltar 'dod// dper na dang snang rnam rig bzhin// bshad zini de las dran par zad// rmi lam mthong ba yul med par// ma sa dbar du rtogs ma yin// gcig la gcig gi dbang gisan// rnam par rig pa phan tshun nges// sems ni gnyid kyis nan pas na// dbyir rje dang 'bras mi mtshungs// 'chi ba gzhan gyi rnam rigs gis// bye brag las te dper byan// 'brel sogs pa'i yid dbang gis// gzhan gyi dran nyams 'gyur sogs bzhin// drang srang khros pas da n+te ka'i// dgon pa ji ltar stong par 'gyur// yid shes kha nam cher// de yis ji ltar 'grub par 'gyur// gzhan sems rig pa'i shes pa ni// don bzhin ma yin ji ltar dper// rang sems shes pas sangs rgyas kyi// spyod yul ji bzhin ma shes phyir// rnam rig tsam du grub pa 'di// bdag gis bdag gi mthu 'dra bar// byas kyi des rnam pa kun// bsam yas sangs rgyas spyod yul lo// nyi shu ba'i tshig le'ur byas pa slob dpon dbyig gzhan gyis mdzad pa rdzogs so// / rgyagar byi mkhan po dzi na mi tra dang /

  7. 4b

    shI len+d+ra bo d+hi dang dA na shI la dang / zhu chen gyi lo tsA ba ban+de ye shes sdes bsgyur cing zhus te gtan la bab pa'o// @#/ [।]// @#// rgya gar skad du/ bing shi ka br-i ti ti/ bod skad du/ nyi shu pa'i 'grel pa/ 'jam dpal gzhon nur gyur pa la phyag 'tshal lo// theg pa chen po'i khams gsum pa rnam par rig pa tsam du rnam par bzhag ste/ mdo las/ kye rgyal ba'i sras dag 'di lta ste/ khams gsum pa 'di ni sems tsam mo zhes 'byung ba'i phyir ro// sems dang yid dang / rnam par shes pa dang / rnam par rig pa zhes bya ba ni rnam grangs su gtogs pa'o// sems de yang 'dir mtshungs par ldan pa dang bcas par dgongs pa'o// tsam zhes bya ba smos pa ni don dgag pa'i phyir ro// rnam par shes pa 'di nyid don du snang ba 'byung ste/ dper na rab rib can rnams kyis skra zla la sogs pa med par mthong ba bzhin te/ don gang yang med do// 'dir 'di skad ces brgal te/ gal te rnam rig don min na/ yul da dus la nges med cing // sems kyang nges med ma yin la// bya ba byed pa'ang mi rigs 'gyur// ji skad du bstan par 'gyur zhe na/ gal te gzugs la sogs pa'i don med par gzugs la sogs pa'i rnam par rig pa 'byung ste gzugs// la sogs pa'i don las ma yin na/ ci'i phyir yul la lar 'byung ba thams cad na ma yin/ yul de nyid na yang nges 'ga' 'byung ba thams cad du ma yin/ yul dang dus de na 'khor pa thams cad kyi sems la nges pa med pa 'byung la 'ga' tsam la ma yin/ ji ltar rab rib can nyid kyi sems la sgra la sogs pa snang gi/ gzhan dag la ni ma yin/ ci'i phyir gang rab rib can gyis mthong ba'i sgra dang / sbrang bu la sogs pas skra la sogs pa'i bya ba mi byed la/ de ma yin pa gzhan dag gis ni byed/ rmi lam na mthong ba'i bza' ba dang btung ba dang bgo ba dang dug dang mtshon la sogs pas zas dang skom la sogs pa'i bya ba mi byed la/ de ma yin pa gzhan dag gis ni byed/ dri za'i grong khyer

  8. 5a

    yod pa ma yin pas grong khyer gyi bya ba mi byed la/ de ma yin pa gzhan dag gis ni byed/ 'di dag don med par med du 'dra na yul dang dus nges pa dang / sems nges pa med pa dang bya ba byed pa 'di dag kyang mi rung ngo zhe na/ mi rung ba ma yin te/ 'di ltar/ yul la sogs pa nges 'gyur te/ rmi 'dra'o// rmi lam du rmis pa dang mtshungs pas na rmi 'dra'o// ji ltar zhe na/ rmi lam na yang don med par yul la lan grong dang / kun dga' ra ba dang / skyes pa dang bud med la sogs pa ji dag snang la dus thams cad du ma yin pas don med par yang yul la sogs pa nges par 'grub bo// sems kyang nges pa med yi dgas bzhin te/ grub ces bya bar bsnyegs so// yi dgas rnams kyi dang mtshungs pas na yi dgas bzhin no// ji ltar grub/ thams cad kyis/ grung la nag la sogs mthong bzhin// nag gis gang ba'i grung ni rnag gi klung ste/ mar gyi bum pa bzhin no// las kyi rnam par smin pa mtshungs pa la gnas pa'i yi dgas rnams ni kun gyis kyang mtshungs par grung rnag gi gang bar mthong ste/ gcig 'gas ni ma yin no// rnag gi gang ba ji lta ba bzhin du gcin dang / ngan skyugs dang / me mar mur dang / mchil ma dang / snabs kyi sa gang ba dang / dbyig pa dang ral gri thogs pa'i mi dag gis bsrungs pa yang de bzhin te/ sogs pa zhes bya bar bsdu'o// de ltar na don med par yang rnam par rig pa rnams kyi sems nges pa med par 'grub bo// bye byed rmi lam gnod pa 'dra// 'grub ces bya bar rig par bya'o// dper na mi lam na gnyis kyis gnyis phrad pa sa par yang khub 'byung ba'i mtshan nyid ni rmi lam gyi gnod pa'o// de ltar re zhig dpe gzhan dang gzhan dag gis yul dang dus nges pa la sogs pa bzhi 'grub bo// thams cad sems can dmyal ba bzhin/

  9. 5b

    'grub ces bya bar rig par bya'o// sems can dmyal ba dag na yod pa dang mtshungs pas sems can dmyal ba bzhin no// ji ltar 'grub ce na/ dmyal ba'i srung ma sogs mthong dang / de dag gis ni gnod phyir ro// dper na sems can dmyal ba dag na sems can dmyal ba'i sems can rnams kyi sems can dmyal ba'i srung ma la sogs pa mthong ste/ yul dang dus nges par 'grub bo// khyi dang bya rog dang lcags kyi ri la sogs pa 'ong ba dang 'gro bar yang mthong ba ni sogs pa zhes bya bar bsnga ste/ thams cad kyis mthong gis gcig 'gas na ma yin no// de dag gis de dag la gnod pa yang 'grub ste/ dngos po la sems can dmyal ba'i srung ma la sogs pa med par yang rang gi las kyi rnam par smin pa mtshungs pa'i dbang gi phyir ro// de bzhin du gzhan yang yul dang dus nges pa la sogs pa bzhi po 'di dag thams cad grub par rig par bya'o// ci'i phyir sems can dmyal ba'i srung ma dang bya rog dang khyi la sogs pa de dag sems can du mi 'dod ce na/ mi rigs pa'i phyir ro// de dag ni sems can dmyal bar mi rigs te/ de bzhin du sdug bsngal des mi myong ba'i phyir ro// gcig la gcig gnod pa byed na ni 'di dag ni sems can dmyal ba pa dag go/ 'di dag ni sems can dmyal ba'i srung ma dag go zhes rnam par bzhag pa med par 'gyur ro// byad gzugs dang bong tshod dang stobs mtshungs pa dag ni gcig la gcig gnod pa byed kyang ji lta bur 'jig par mi 'gyur ro// lcags rab tu 'bar bi la sa gzhi la tsha ba'i sdug bsngal/ yang mi bzod na ni ji ltar de na gzhan la gnod pa byed par 'gyur sems can dmyal ba pa ma yin pa dag sems can dmyal bar 'byung bar ga la 'gyur/ 'on dud 'gro dag kyang ji ltar mtho ris su 'byung ste//

  10. 6a

    de bzhin du sems can dmyal bar yang dud 'gro dang yi dgas kyi bye brag sems can dmyal ba'i srung ma la sogs pa 'byung bar 'gyur ro zhe na/ ji ltar dud 'gro mtho ris su// 'byung ba de ltar dmyal ba min// yi dgas min te de lta bur// de yod sdug bsngal des mi myong // dud 'gro gang dag mtho ris su 'byung ba de dag ni snod kyi 'jig rten na de'i bde ba myong bar 'gyur ba'i las kyis der 'byung ba dag ste/ de na yod pa'i bde bas sor myong ngo // sems can dmyal ba'i srung ma la sogs pa dag ni de bzhin du sems can dmyal ba'i sdug bsngal mi myong ngo // de'i dud 'gro dag der 'byung bar mi rigs so// yi dgas bye brag dag kyang ma yin no// sems can dmyal ba de dag gis las rnams kyi der 'byung ba'i bye brag dag 'di lta bur 'byung ste/ mdog dang byad gzugs dang bong tshad dang stobs kyi bye brag gang gis sems can dmyal ba'i srung ma la sogs pa'i ming thob pa'o// gang lag pa brkyang ba la sogs pa bya ba sna tshogs byed par snang ba de lta bur yang 'gyur ste/ de dag 'jigs pa bskyed pa'i phyir ro// dper na lug lta bu'i ri dgas 'ong ba dang / 'gro ba dang / lcags kyi shal ma la'i nags tshal tsher ma kha thur du lta ba dang gyen du lta bar 'gyur ba de lta bu ste/ de dag ni med pa yang ma yin no zhe na/ gal te de'i las kyi der 'byung ba dag ni 'byung ba dang / de bzhin 'gyur bar 'dug na go/ rnam par shes par cis mi 'dod/ de'i las rnams kyis der rnam par shes pa nyid der de lta bur 'gyur ba ci'i phyir mi 'dod la/ ci'i phyir 'byung ba rnams su rtog gzhan na las kyi bag chags la// 'bras bu dag ni gzhan du rtogs// gang na bag chags yod pa der// ci'i phyir na 'dod mi bya// sems can dmyal ba pa rnams kyi las gang gis der 'byung ba dag de lta bur 'byung ba dang / 'gyur bar yang rtog pa'i las de'i bag chags dag nyid kyi

  11. 6b

    rnam par shes pa'i rgyud la gnas te/ gzhan ma yin na bag chags de gang na yod pa de dag nyid la de'i 'bras bu rnam par shes par 'gyur ba de 'dra bar ci'i phyir mi 'dod la/ gang na bag chags med pa der de'i 'bras bu rtog pa 'di la gtan chags ci yod/ smras pa/ lung gi gtan tshigs yod de/ gal te rnam par shes pa nyid gzugs la sogs par snang gi/ gzugs la sogs pa'i don ni med na gzugs la sogs pa'i skye mched yod par ni bcom ldan 'das kyis gsungs par mi 'gyur ro zhe na/ 'di ni gtan tshigs ma yin te/ 'di ltar/ gzugs sogs skye mched yod par ni// des 'dul ba'i skye bo la// dgongs pa'i dbang gis gsungs ba ste/ rdzus te byung ba'i sems can bzhin// dper na bcom ldan 'das kyis rdzus te byung ba'i sems can yod do zhes gsungs pa yang phyi ma la sems kyi rgyun mi 'chad pa la dgongs nas dgongs pa'i dbang gis gsungs pa ste/ 'di na bdag gam sems can med// chos 'di rgyu dang bcas las byung // zhes gsungs pa'i phyir ro// de bzhin du bcom ldan 'das kyis gzugs la sogs pa'i skye mched yod par gsungs pa yang de bstan pas 'dul ba'i skye bo'i ched du ste/ bka' de ni dgongs pa can no// 'dir ci las dgongs she na// rang gi sa bon gang las su// rnam rig snang ba gang byung ba// de dag de'i skye mched ni// rnam pa gnyis su thub pas gsungs// 'di skad du bstan par 'gyur zhe na/ gzugs su snang ba'i rnam par rig pa rang gi sa bon 'gyur ba'i bye brag tu gyur pa gang las byung ba'i sa bon de dang / snang ba gang yin pa de dang de dag ni/ de'i mig dang / gzugs kyi skye mched du bcom ldan 'das kyi go rims bzhin du gsungs so// de bzhin du reg byar snang ba'i rnam par rig pa'i bar du rang rang gi sa bon 'gyur ba'i bye brag tu gyur pa'i sa bon gang las

  12. 7a

    / byung ba'i sa bon de dang / snang ba gang yin pa de dang de dag ni bcom ldan 'das kyis de'i lus dang reg bya'i skye mched du go rims bzhin du gsungs te/ 'di ni 'dir dgongs pa'o// de ltar dgongs pa'i dbang gis bstan pa la yon tan ci yod ce na/ de ltar gang zag la bdag med par 'jug par 'gyur ro// de ltar bshad na gang zag la bdag med par 'jug par 'gyur te/ drug po gnyis las rnam par shes pa 'byung gi/ lta ba po gcig po nas reg pa po'i bar du gang yang med par rig nas gang dag gang zag la bdag med par bstan pas 'dul ba de dag gang zag la bdag med par 'jug go// gzhan du yang / bstan pa'i chos la bdag med par 'jug 'gyur/ gzhan du yang zhes bya ba ni rnam par rig pa tsam nyid du bstan pa'o// ji ltar chos la bdag med par 'jug ce na/ rnam par rig pa tsam 'di nyid gzugs la sogs pa'i chos su snang bar 'byung ste/ gzugs la sogs pa'i mtshan nyid kyi chos gang yang med par rig nas 'jug/ gal te chos rnam pa thams cad du med na rnam par rig pa tsam zhes bya ba de yang med pas de ji ltar rnam par gzhag cen/ chos ni rnam pa thams cad du med pa ma yin pas de ltar chos la bdag med par 'jug par 'gyur te/ brtags pa'i bdag nyid kyis/ gang byis pa rnams kyis chos rnams kyi rang bzhin kun brtags pa'i bdag ni des de dag bdag med kyi sangs rgyas kyi spyod yul gang yin pa brjod du med pa'i bdag nyid kyis ni med pa ma yin no// de ltar rnam par rig pa tsam yang rnam par rig pa gzhan gyis kun brtags pa'i bdag nyid kyis bdag/ med par rtog pa'i phyir rnam par rig pa tsam du rnam par bzhag pas chos thams cad la chos la bdag med par 'jug pa yin gyi/ yod pa de la yang rnam pa thams cad du sung pas ni ma yin no// gzhan du na ni rnam

  13. 7b

    par rig pa gzhan yang rnam par rig pa gzhan gyi don du 'gyur bas rnam par rig pa tsam nyid du mi 'grub ste/ rnam par rig pa rnams don dang ldan pa'i phyir ro// bcom ldan 'das kyis dgongs pa 'dis gzugs la/ sogs pa'i skye mched yod par gsungs kyi/ gzugs la sogs pa'i gang dag yod bzhin du de dag rnam par rig pa so so'i yul du mi 'gyur ro zhes bya ba de ji ltar rtog par bya zhe na/ 'di ltar/ de ni gcig na'ang yul min la/ tha rab rdul du du ma'ang min// de dag 'dus pa'ang ma yin te/ 'di ltar rdul phran mi 'grub phyir// ji skad du bstan par 'gyur zhe na/ gang gzugs la sogs pa'i skye mched gzugs la sogs pa rnam par rig pa so so'i yul yin du zin na de ni gcig pu zhig yin te/ ji ltar bye breg pa rnams kyis cha shas can gyi ngo bar brtags pa'i lta bu'am/ rdul phra rab du ma 'am/ rdul phra rab de dag nyid 'dus pa zhig tu 'gyur grang na/ gcig pu de ni yul ma yin te/ cha shas rnams las gzhan pa cha shas can gyi ngo bo gang la'ang mi 'dzin pa'i phyir ro// du ma'ang yul ma yin te/ rdul phra rab so sol mi 'dzin pa'i phyir ro// de dag 'dus pa yang yul ma yin te/ 'di ltar rdul phra rab rdzas gcig tu mi 'grub pa'i phyir ro// ji ltar mi 'grub ce na/ 'di ltar drug gis/ cig car sbyar bas na// phra rab rdul cha drug tu 'gyur// phyogs drug nas rdul tha rab drug gis cig car du sbyar na ni rdul phra rab cha drug tu 'gyur te/ gcig gis go gang yin pa de gzhan mi 'byung ba'i phyirar// drug pa dag kyang gi gcig na// gong bu rdul phrin tsam du 'gyur// dzi sa rdul phra rab gci/ gi go gang yin pa de nyid du drug po rnams kyi go yang yin na ni des na thams cad go gcig pa'i phyir gang bu thams cad rdul phra rab tsam du 'gyur te/ phan tshun tha dad pa med pa'i phyir gong bu gang yang snang bar mi 'gru'o/

  14. 8a

    kha che'i bye brag tu smra ba rnams nyes pa 'di 'byung du 'ong ngo zhes te/ rdul tha rab rnams ni cha shas med pa'i phyir sbyor ba ma yin gyis/ 'dus pa dag ni bar tshur skyong ngo zhes zer ba de dag la 'di/ skad du/ rdul phra rab rnams 'dus pa gang yin pa de dag las don gzhan nam gzhan ma yin no zhes brjod par bya'o// rdul phran sbyor ba med na ni// de 'dus yod pa de gang gis// sbyor ba zhes bya bar bsnyegs so// cha shas yod pa ma yin pas// de'i sbyor mi 'grub ma zer cig/ ji ste 'dus pa dag kyang phan tshun mi sbyor ro zhe na/ rdul bra rab gyi rnams ni cha shas med pa'i phyir sbyor ba mi 'grub po zhes ma zer cig/ 'dus pa chashas dang bcas pa yang sbyor bas khas mi lon pa'i phyir ro// de bas rdul phra rab rdzas gcig pu mi 'grub bo// rdul phra rab sbyor bar 'dod kyang rung mi 'dod kyang rung ste/ gang la phyogs cha tha da yod// de ni gcig du mi rung ngo // rdul phra/ rab kyi shar phyogs kyi cha yang gzhan pa nas 'og gi cha'i bar du yang gzhan te/ phyogs kyi cha tha dad na de'i bdag nyid kyi rdul phra rab gcig pur ji ltar rung / grib dang sgrib par ji ltar 'gyur// gal te rdul phra rab re re la yang phyogs kyi cha tha dad pa med na ni nyi ma shar ba'i tshe ngos gzhan na ni grib mi 'bab par ji ltar 'gyur te/ de la ni gang du nyi ma mi 'bab pa'i phyogs gzhan med do// gal te phyogs kyi cha tha dad par mi 'dod na rdul phra rab la dul phra rab gzhan gyis sgrib par yang ji ltar 'gyur/ rdul phra rab gang la yang cha shas gzhan med na/ gang du 'ong ba'i phyogs la gcig la gcig thog par 'gyur/ thogs pa med na ni thams cad go gcig du gyur pas 'dus pa thams cad rdul phra rab tsam du 'gyur te/ de ni bshad zin to// grib ma dang sgrib pa rdul phra rab kyi ma yin yang / hi gong bu'i yin pa de ltar yang mi 'dod dam/ rdul phra rab rnams las gong bu gzhan zhig yin par 'dod

  15. 8b

    dam ci na de dag de'i yin smras pa yin no// gong bu gzhan min de de'i min// gal te rdul phra rab rnams las gong bu gzhan ma yin na de dag de'i ma yin par grub pa yin no// yongs su rtog pa 'di ni gnas pa'i khyad par te/ gzugs la sogs pa'i mtshan nyid ni ma bkag na rdul phra rab ce 'am/ 'dus pa zhes bsam pa 'dis ci zhig bya zhe na/ de dag gi mtshan nyid gang yin// mig la sogs pa'i yul nyid dang // sngon po la sogs pa nyid do// gang mig la sogs pa'i yul sngon po dang / ser po la sogs pa 'dod pa de ci rdzas gcig pu zhig gam/ 'on te du ma zhig ces de dpyad par bya'o// 'dis ci zhig bya zhe na/ du ma'i nges pa ni bshad zin to// gcig na rim gyis 'gro ba med// zin dang ma zin cig car med// ris chad du mar gnas pa dang // mig gis mi so phra ba'ang med// gal te mig gi yul sngon po dang ser po la sogs pa gang yin pa de ris su ma chad de rdzas gcig par rtogs nas la rim gyis 'gro bar mi 'gyur te/ goms pa gcig bor bas thams cad du son pa'i phyir ro// tshu rol gyi cha zin la pha rol gyi cha ma zin pa/ cig car du mi 'gyur te/ de'i tshe zin pa dang ma zin pa de mi rigs so// glang po che dang rta la sogs pa'i ris su chad pa du ma gcig na 'dug par mi 'gyur te/ gcig gang na 'dug pa de nyid na gzhan yang 'dug na de dag ris su chad par ji ltar rung / de gnyis kyis gang non pa dang ma non pa de dag gcig tu ji ltar rung ste/ bar na de dag gis stong pa gzung du yod pa'i phyir ro// gal te mtshan nyid tha dad pa nyid kyis rdzas gzhan kho nar rtog gi gzhan du ma yin na go/ chu'i skye bo phra mo rnams kyang chen po dag dang gzugs mtshungs pas mig gis mi sod par 'gyur ro// de'i phyir nges par rdul phra rab tha dad par brtag par bya ste/ de dag cig du mi 'grub bo// de ma

  16. 9a

    grub pas gzugs la sogs pa yang mig la sogs pa'i yul nyid du mi 'grub ste/ rnam par rig pa tsam du grub pa yin no// tshad ma'i dbang gis na yod dam med pa dmigs kyis dbye bar 'gyur la/ med pa thams cad kyi nang na mngon sum gyi tshad ma ni mchog yin no// don de med na 'di ri bdag gi mngon sum mo snyam pa blo 'di ji ltar 'byung zhe na/ mngon sum blo ni rmi sogs bzhir// don med par yang zhes sngar bstan pa nyid do// de yang gang tshe de'i tshe// khyod kyis don de mi sdang na// de ni mngon sum ji ltar 'dod// gang gi tshe yul 'di nyid ni bdag gis mngon sum mo snyam du mngon sum gyi blo de byung ba de'i tshe khyod kyis don de mi snang ste/ yid kyi rnam par shes pas yongs su bcad pa dang / mig gi rnam par shes pa yang de'i tshe 'gags pa'i phyir ro// lhag par yang skad cig mar smra bas de mngon sum du ji ltar 'dod/ de ltar na de'i tshe gzugs dang ro la sogs pa de dag ni 'gags zir to// myong ba med par yid kyi rnam par shes pa dran par mi 'gyur bas don gdor mi za bar myong bar 'gyur te/ de ni de mthong ba yin ro// de ltar de'i yul gzugs la sogs pa mngon sum du 'dod do zhe na/ myong ba ni don dran pa yin no zhes de ma grub ste/ 'di ltar dper na der snang rnam rig bzhin/ bshad zin nas/ dper na don med par don du snang ba mig gi rnam par shes pa la sogs pa'i rnam par rig pa 'byung ba de bzhin de bshang zin to// de las dran par zad/ rnam par rig pa de las dran pa dang mtshungs par ldan pa der sdang ba nyid gzugs la sogs pa la rnam par rtog pa yid kyi rnam par rig pa 'byung ste/ dran pa byung ba las don myong bar mi 'grub bo// dper na rmi lam gyi rnam par rig pa'i yul yod pa ma yin pa de bzhin du/ gal te gnyid kyis ma log pa'i tshe na yang de ltar yin na ni de

  17. 9b

    kho na bzhin du de med par 'jig rten dang rang gis khong du chud pa'i rig na/ de lta yang ma yin te/ de'i phyir rmi lam bzhin du don dmigs pa thams cad don med pa ma yin no zhe na/ de ni gtan tshigs su mi rung ste/ 'di ltar// / rmi lam mthong ba yul med par// ma sad par du rtog ma yin// de ltar log par rnam par rtog pa la goms pa'i bag chags kyi gzhid kyis log pa'i 'jig rten ni rmi lam bzhin du yang dag pa ma yin pa'i don mthong ste/ ma sad kyi bar du de med par ji lta ba bzhin du rtogs pa ma yin gyi/ gang gi tshe de'i gnyen po 'jig rten las 'das pa rnam par mi rtog pa'i ye shes thob nas sad par gyur pa de'i tshe de'i rjes las thob pa dag pa 'jig rten pa'i ye shes/ de mngon du gyur nas yul med par ji lta ba bzhin du khong du chud de de ni mtshungs so// gal te rang gi rgud gyur pa'i khyad par nyid las sems can rnams kyi don du snang ba'i rnam par rig pa byung gi don gyi khyad pa las ma yin na/ rten pa de dang bshad pa de med pas sdig pa'i grogs po dang / dge ba'i bshes gnyen la brten pa dang / dam pa dang dam pa ma yin pa'i chos mnyan pa las sems can rnams kyi rnam par rig pa nges pa ji ltar grub par 'gyur/ gcig la gcig gi dbang gis na// rnam par rig pa phan tshun nges// sems can thams cad kyi rnam par rig pa phan tshun gyi dbang gis phan tshun du rnam par rig pa rnams nges par 'gyur te/ ci rigs su sbyar ro// gcig la gcig ces bya ba ni phan tshun no// de'i phyir rgyud gzhan gyis rnam par rig pa'i khyad par las rgyud gzhan la rnam par rig pa'i khyad par byung gi/ don gyi khyad par las ni ma yin no// dper na rmi lam gyi rnam par rig pa'i don med pa bzhin du gal te gnyid kyis ma log pa'i yang de lta na gzhid kyis log pa dang ma log pa ni dge ba dang mi dge ba'i las kun du dpyad pa'i 'bras bu phyi ma la 'dod pa dang mi 'dod par 'dra bar ci'i phyir mi 'gyur/

  18. 10a

    sems ni gnyid kyis non pas na// de phyir rmi dang 'bras mi mtshungs// de ni 'dir rgyu yin gyi don yod pa ni ma yin no// gal te 'di dag rnam par rig pa tsam du zad na gang la yang lus dang ngag kyang med pas shan pa la sogs pas gsod pa na lug la sogs pa 'chi bar ji ltar 'gyur/ 'chi ba de des ma byas na ni shan pa la sogs pa srog gcod pa'i kha na ma tho ba dang ldan par ji ltar 'gyur zhe na/ 'chi ba gzhan gyi rnam par rig gi bye brag las de dper bya na/ 'dre la sogs pa'i yid dbang gis// gzhan gyi dran nyams 'gyur sogs bzhin// dper na 'dre la sogs pa'i yid kyis dbang gis gzhan dag gis dran pa nyams pa dang / rmilhas su mthong ba dang / 'byung po'i gdon bab par 'gyur ba dang / rdzu 'phrul dang ldan pa'i yid kyi dbang gis te/ dper na 'phags pa ka ta'i bu chen po'i byin gyis brlabs kyis sa ra Na sa rmi ltas su mthong ba dang drang srong dgon pa pa'i yid 'khrugs pas thag bzangs rigs bzhin du gzhan gyi rnam par rig pa'i bye brag gis sems can gzhan gyi srog gi dbang po dang mi mthun pa'i 'gyur ba 'ga' 'byung ste/ des bskal pa 'dra ba'i rgyud kyis rgyun 'chad pa zhes bya ba 'chi bar rig par bya'o// drang srong khros pa'i dan+ta ka'i// dgon pa ji ltar stong par 'gyur// gal te gzhan gyi rnam par rig byed brag gi sems can dag 'chi bar mi 'dod na yid kyi nyes pa kha na tho ba chen po dang bcas pa nyid du sgrub pa na/ bcom ldan 'das kyis khyim bdag nye bar 'khor la bka' stsal pa/ khyim bdag khyod kyis dan+ta ka'i dgon pa dang / ka ling+ga'i dgon pa dang / ma tang+ga'i dgon pa de dag ci zhig gis stong pa dang / gtsang mar gyur pa ci thos zhes rmas pa dang / des gau tam drang srong rnams khros pas de ltar gyur ces thos so zhes gsol to// yid zhes kha na ma tho cher// ji ltar de yis 'grub par 'gyur// gal te 'di ltar rtog ste/ de la dga' ba

  19. 10b

    mi ma yin pa de dag gis de na gnas pa'i sems can rnams kha bdag gi/ drang srong rnams kyi yid 'khrugs pas dogs pa ni ma yin no zhe na/ de ltar na las des lus dang ngag gi nyes pa rnams pas yid kyi nyes pa ches kha na ma tho ba chen po dang bcas par 'grub par ji ltar 'gyur te/ de'i yid 'khrugs pa tsam gyis sems can de snyed 'chi bar 'grub bo// gal te 'di dag rnam par rig pa tsam du zad na gzhan gyi sems rigs pas ci gzhan gyi sems shes sam 'on te mi shes she na/ 'dis ci zhig bya/ gal te mi shes na ni gzhan gyi sems rig pa zhes kyang ci skad du bya/ ji ste shes na yang / gzhan sems rig pas shes pa ni// don bzhin ma yin ji ltar dper// rang sems shes pa// de yang ji ltar don ji lta ba bzhin du ma yin zhe na/ sangs rgyas kyi spyod yul ji bzhin ma shes phyir/ ji ltar de brjod du med pa'i bdag nyid du sangs rgyas kyi spyod yul du gyur pa de ltar des ma shes pa'i phyir de gnyi ga yang don ji lta ba bzhin ma yin te/ log par snang ba'i phyir ro// gzung ba dang 'dzin pa'i rnam par rtog pa ma spangs pa'i phyir ro// rnam par rig pa tsam gyi rab tu dbye ba rnam par nges pa mtha' yas la gting mi dpog shing zab pa'i/ rnam rig tsam du grub pa 'di// bdag gis bdag gi mthu 'dra bar// byas kyi de yi rnam pa kun// bsam yas/ bdag 'dra bas// rnam pa thams cad ni bsam par mi nus te/ rtog ge'i spyod yul ma yin pa'i phyir ro// 'o na de rnam pa thams cad du su'i spyod yul yin snyam pa la/ sangs rgyas spyod yul lo zhes bya ba smos te/ de ni sangs rgyas bcom ldan 'das rnams kyi spyod yul yin te/ shes bya thams cad kyi rnam pa thams cad la mkhyen pa thogs pa mi mnga' ba'i phyir ro// slob dpon dbyig gnyen gyi mdzad pa'i nyi shu pa'i 'grel pa rdzogs so//

  20. 11a

    phyag gyi ma khan po dzin mi d+ha dang / shrI nA ba d+hi dang / su can gyi la rna ba sa shes rjes nas te gtan la babag/ mas / # / b+hag skad du/ tra~M swa b+hA ba ni d+h+r-i sha/ bod skad rje/ rang bzhin gsu banges par bsten pa/ bcom ldan 'das 'jig rten dbang phyug la phyag 'tshal lo// btags dang gzhan gyi dbang ni yongs su grub pazhid dag ste// rang bzhin gsuMb pa birtan rnams kyis// zab mo yini shes byar 'dod// rkyen gyi dbang gis 'jug pa dang // brtags btsam gyi dngos yin pas// gang zhig sdang dgazhan dbang ste// ji snad de kun banags pa yin// gang snang de'i ji ltar sdang // nag tu med pa gang yin de// gzhan du 'gyur med shes bya bas// yongs su grub pa'i rang bzhin yin// de las gang sde kun brtags te// ji ltar snang de gnyis po'o// de la de med gang yin la// de nyid de yi gnyis med chos// gang phyir de la med brtags dang // de yis ji ltar don brtags pa// de ltar shin tu med pas na// sems ni kun rtog ces bya yin// chu dang 'bras bu'i dngos po yis// sems de rnam pa gnyis 'dod de// kun gzhi rnal shes zhes bya dang // 'jug pa zhes b+harnam bdun no// dang po kun nyon mongs sa bor// bag chags bsags pas sems zhes bya// gnyis pa rnam pa sna tshogs su// rab tu 'jug pas brjod pa yin// yang dag ma yin kun rtog de// rnam par sprin dang de bzhin du// ngar 'dzin gzhan du snang ba yi// dbye bas rnam pa gsum du'ang 'dod// dang po rnam smin bdag nyid de// 'di ni rtsa ba'i rnam shes yin// gzhan ni 'jug pa'i rnam par shes// blta bya mthong byed rtogs pas 'jug/ yod dang med dang gnyis dang gcig/

  21. 11b

    kun nas nyon mongs rnam byang dag/ mtshan nyid kyi ni rab dbye bas// rang bzhin dag ni za bar 'dod// yod par gzung ba gang yin pa// de nyid shin tu med pa ste// des na brtags pa'i rang bzhin te// yod dang med pa'i mtshan nyid 'dod// 'khrul pa'i ngo bor yod pa dang // ji ltar snang bzhin med pa ste// des na gzhan gyi dbang de yang // yod dang med pa'i mtshan nyid 'dod// gang phyir gnyis po med pa dang // gnyis su med par yod pa ste// des na yongs su grub rang bzhin// yod dang med pa'i mtshan nyid 'dod// brtags pa'i don gyi rnam gnyis te// yod dang med par ngo bo gcig/ des na byis pas brtags rang bzhin// gnyis dang gcig gi bdag nyid 'dod// snang ba'i cha yis gnyis yin la// 'khrul pa tsam dngos gcig yin pas// gzhan dbang zhes bya'i rang bzhin yang // gnyis dang gcig gi bdag nyid 'dod// / gnyis kyis ngo bo'i rang bzhin nyid// gnyis su med par gcig gyur pas// yongs su grub pa'i rang bzhin yang // gnyis dang gcig gi bdag nyid 'dod// brtags dang gzhan gyi dbang dag ni// shes bya kun nyon mongs mtshan nyid// yongs su grub pa rnam byang gi/ mtshan nyid du ni 'dod pa yin// mi bden gnyis po'i rang bzhin de// dngos med rang bzhin nyid yin pas// brtags pa'i rang bzhin shes bya las// grub pa'i mtshan nyid gzhan ma yin// gnyis med pa yi rang bzhin nyid// gnyis po med pa'i rang bzhin pas// yongs su grub las brtags pa yi// mtshan nyid gzhan min shes par bya// bden min ji ltar snang gyur pa// gzhan dbang zhes bya'i rang bzhin las// yongs grub mtshan nyid tha dad min// yang dag min pa gnyis rang bzhin// ji ltar snang ba'i dngos med pas// yongs grub las kyang gzhan dbang gi/

  22. 12a

    mtshan nyid tha dad min zhes bya// tha skad la ni bskos pa yi// rang bzhin dbye ba'i go rims dang // de la 'jug pa'i dbang byas pa'i// nogs pa'i rim pa bzhin du brjod// kun/ brtags tha snyad bdag nyid de// za snyad 'dogs pa gzhan bdag nyid// tha snyad yongs su chad pa yi// rang bzhin yang ni gzhan du 'dod// sngon du gnyis po bdag med la// zhugs pas gzhan dbang la 'jug ste/ yod pa ma yin gnyis po dag/ de la brtags tsam yin phyir ro// de nas gnyis dngos med rang bzhin// yongs grub la ni 'dir 'jug ste// 'di ltar de nyid de'i tshe// yid dang med pa dag tu'ang brjod// rnam pa cas zheg sdung bar 'dod// glang ba kun tu yang ma yir// brnags pa'i rang ba'i daglang po 'dra// ga' dab dang yi rabs zug// de lagang ba dngas med gang // de 'dra yongasas grub par 'dod/ sems las gnyis bdag tu// yang dag ma yin kun nog snang // gnyis po shin tu med pas na// de ni rnam pa tsam du yod// rtsa ba'i rnam shes sngags dang 'dra// de bzhin nyid ni shing 'drar 'dod// rnab rtog glang po'i rnam pa'adra// gnyis ni glang po lta bu'o// don gyi de nyid rig pan// yongs su shes dang spang ba dang // thob byago rims ji bzhin du// cig car mtshan nyid gsum rig byed// dmigs su med pa/ yongs shes dang // snang ba dag ni spong bar 'dod// gnyis su med pas dmigs pas na// thob bya mngon du byas pa'ang yin// glarang po dmigs su med pas na// de yi rnam pa rab 'gyur te// shing gi

  23. 12b

    dum bu dmigs 'gyur ba// sgyu ma la ni ji bzhin du// 'di ltar gnyis po mi dmigs tshe// gnyis su snang ba nub par 'gyur// nub na de yi yongs su sgrub pa// gnyis dngos med pa rtogs par 'gyur// mi mthun blo yis dbang sgyur dang // don med bzhin du zlos mthong dang // ye shes gsum ga'i rjes 'brang dang // 'bad med grol bar thal 'gyur phyir// sems tsam du ni nyer dmigs te// shes bya'i don la dmigs mi bya// shes bya'i don ni dmigs med pas// sems kyang dmigs su med pa yin// gnyis po dmigs su bde bas na// chos kyi dbyings la dmigs par 'gyur// chos kyi dbyings la dmigs pa yis// phun sum tshogs pa nye dmigs 'gyur// phun sum tshogs pa nyer dmigs pas// sku gsum bdag nyid bla med pa'i// byang chub blo ldan gyis thob nas// bdag gzhan don ni rab grub 'gyur// slob dpon dbyig gnyen gyis mdzad pa'i rang bzhin gsum nges par bstan pa rdzogs so// // paN+Di ta chen po shAn+ti b+ha dra dang / zhu chen gyi lo tsa ba 'gos lha btsas kyis gtan la bab ste legs par bsgyur ba'o// // brang ba lnga'i rab rkyed bcugs// / @#// rgya gar skad du/ pany+tsa san+ta pra ka ra Na/ bod skad du/ phung po lnga'i rab tu byed pa/ 'jam dpal gzhon nur gyur pa la phyag 'tshal lo// phung po lnga ni gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o// gzugs gang zhe na/ gzugs gang yin pa ci yang rung ste/ de dag thams cad 'byung ba chen po bzhi dag dang / 'byung ba chen po bzhi dag rgyur byas pa'o// 'byung ba chen po bzhi dag gang zhe na/ sa'i khams dang / chu'i khams dang / ma'i khams dang /

  24. 13a

    9/ rlung gi khams so// de la sa'i khams gang der/ srab nyid do// chu'i khams gang zhe na/ gsher banyid do// me'i khams gangapa len che ba nyid do// rlung gi 'ams gang nen yang ni g.yo ba nyid de// rlung byas pa'i gzugs gang zhe na/ mig gi dbang po dang/ rnaba'i dbang po dang / sna'i dbang po dang / lce'i dbang po dang / lus kyi dbang po dang / gzugs dang / swA dang dr-i dang / ro dang / reg bya'i phyogs gcig dang / rnam par rig byed ma yid pa'o// de la mig gi dbang po gang zhen/ yul 'dog gzugs dang ba'o// rna ba'i dbang pog panan/ yul sgra gzugs dang ba'o// sna'i dbang pogang zhe na/ yul ni gzugs dang ba'o// sde'i dbang po gang len/ yul gzugs dang ba'o// lus kyi dbang po gang zhen/ yul reg bya gzugs dpapa'o// gzus gang zhe na/ mig gi yul te/ kha dog dang dbyibs dang / rnam par rig byed do// skrag she na/ rna ba'i yul te/ zin pa dang mazin pa dang gzhi ga'i te/ 'byung ba chen po bzhi'i rgyalas byung ba'o/ tshig zhen sna'i yul te/ dri zhim pa dang / dring ba dang / de las gzhan pa'o// 'og pa na/ lce'i yul te/ mang ra ba dang / sbyang ba dang / lan tshwa dang / che bdang / kha ba dang / bas pa sa 'o/ rig bya'i phyogs gcig gang zher/ lus kyi yul te/ 'byung ba chen po rnams bzhag sa/ 'jam pa nyid dang / nub pa nyid dang / khri ba nyid dang / yang banyid dang / zang ba nyid dang bkres pa nyid dang / skom pa'o// rnam par rig byed ma yin pa gang zhe na/ rnam par rig byed dang / ting nge 'dzin las byung ba'i gzugs te/ bstan du med la thogs pa med pa'o// tshor ba gang zhen

  25. 13b

    myong ba rnam gsum pa ste/ bde ba dang / sdug bsngal ba dang / sdug bsngal ba yang ma yin/ bde ba yang ma yin pa de/ bde ba ni gang 'gags na/ phrad par 'dod pa'o// sdug bsngal ni gang byung na/ bral bar 'dod pa'o// bde ba yang ma yin/ sdug bsngal ba yang ma yin pa ni gang byung na/ gnyis kar 'dod par mi 'gyur ba'o// 'du shes gang zhe na/ yul la mtshan mar 'dzin pa'o// de ni rnam pa gsum ste/ chung ngu dang / rgya chen por gyur pa dang / tshod med pa'o// 'du byed rnams gang zhe na/ tshor ba dang / 'du shes las gzhan pa pasems las byung ba'i tshes rnams dang / sems dang ldan pa ma yin pa rnams so// de la sems las byung ba'i chos rnams kyang gang zhe na/ chos gang dag sems dang mtshungs par ldan pa rnams so// de dag kyang gang zhe na/ reg pa dang / yid la byed pa dang / tshor ba dang / 'du shes dang / sems pa dang / 'dun pa dang / mos pa dang / dran pa dang / ting nge 'dzin dang / shes rab dang / dad pa dang / ngo tsha shes pa dang / khrel yod pa dang / ma chags pa dge ba'i rtsa ba dang / zhe sdang med pa'i dge ba'i rtsa ba dang / gti mug med pa'i dge ba'i rtsa ba dang / brtson 'grus dang / shin du sbyangs pa dang / bag yod pa dang / btang snyoms dang / rnam par mi 'tshe ba dang / 'dod chags dang / khong khro ba dang / ngargyal dang / ma rig pa dang / lta ba dang / the tshom dang / khro ba dang / 'on du 'dzin pa dang / 'chab pa dang / 'tshig pa dang / phra dog dang ser sna dang / sgra dang / g.yo dang / rgyags pa dang / rnam par 'tshe ba dang / ngo tsha med pa dang / khrel med pa dang / rmugs pa dang / rgod pa dang / ma dad pa dang / la lo dang / bag med pa dang / brjed ngas pa dang /

  26. 14a

    rnam par g.yeng ba dang / shes bzhin ma yin pa dang / 'gyod pa dang / gnyid dang / rtog pa dang / dpyod pa'o// de rnams las/ lnga ni kun tu 'gro ba'o// lnga ni yul so sor nges pa'o// bcu gcig ni dge ba'o// drug ni nyon mongs pa'o// lhag ma rnams ni nye ba'i nyon mongs pa'o// bzhi ni gzhan du yang 'gyur ba'o// reg pa gang zhe na/ gsum 'dus nas yongs su gcod pa'o// yid la byed pa gang zhe na/ sems kyis 'jug pa'o// sems pa gang zhe na/ yon tan dang / nyes pa dang / gnyi ga ma yin pa la sems mngon par 'du byed pa yid kyi las so// 'dun pa gang zhe na/ bsam pa'i dngos po la 'dod pa'o// mos pa gang zhe na/ nges pa'i dngos po la de bzhin du nges par 'dzin pa'o// dran pa gang zhe na/ 'dris pa'i dngos po ni dam brjed pa ste/ sems kyi mngon par brjod pa nyid do// ting nge 'dzin gang zhe na/ brtags pa'i dngos po la sems rtse gcig pa nyid do// shes rab gang zhe na/ de dag nyid la rab tu rnam par 'byed pa ste/ rig pa dang / rigs pa ma yin pas bskyed pa dang / gzhan pa'o// dad pa gang zhe na/ las dang 'bras bu dang / bden pa dang dkon mchog la mngon par yid ches pa dang / 'dod pa dang / sems dang ba'o// ngo tsha shes pa gang zhe na/ bdag gam chos kyi dbang du byas te/ kha na ma tho bas mdzem pa'o// khrel yod pa gang zhe na/ 'jig rten gyi dbang du byas te kha na ma tho bas gzhan la 'dzem pa'o// ma chags pa gang zhe na/ chags pa'i gnyen po ste/ yid byung zhing mi len pa'o// zhe sdang med pa gang zhe na/ zhe sdang gi gnyen po ste/ byams pa'o// gti mug med pa gang zhe na/ gti mug gi gnyen po// yang dag pa la yang dag par rtogs pa'o// brtson 'grus gang zhe na/ le lo'i gnyen po ste/ dge ba la sems mngon par spro ba'o// shin du sbyangs pa gang zhe na/ gnas

  27. 14b

    ngan len gyis gnyen po ste/ lus dang sems las su rung ba nyid do// bag yod pa gang zhe na/ bag med pa'i gnyen po ste/ ma chags pa nas brtson 'grus kyi bar de dag la gnas nas mi dge ba'i chos spong zhing / de'i gnyen po dge ba'i chos rnams bsgom pa'o// btang snyoms gang zhe na/ ma chags pa nas brtson 'grus kyi bar de dag nyid la gnas shing sems mnyam pa nyid dang / sems rnal du 'dug pa dang / sems lhun gyis grub ba yang thob pa ste/ gang gis nyon mongs pa can gyis chos rnams bsal nas nyon mongs pa can med par gnas pa nyid do// rnam par mi 'tshe ba gang zhe na/ rnam par 'tshe ba'i gnyen po ste/ snying rje ba'o// 'dod chags gang zhe na/ nye bar len pa'i phung po la mngon par zhen pa dang / lhag par chags pa'o// bong khro ba gang zhe na/ sems can rnams la kun nas mnar sems pa'o// nga rgyal gang zhe na/ nga rgyal rnam pa bdun te nga rgyal dang / che ba'i nga rgyal dang / nga rgyal las kyang nga rgyal dang nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal dang / log pa'i nga rgyal lo// nga rgyal gang zhe na/ chung ngu bas bdag che ba 'am/ mtshungs pa dang / mtshungs so snyam du sems khengs pa gang yin pa'o// che ba'i nga rgyal gang zhe na/ mtshungs pa bas bdag che ba 'am/ che ba dang mtshungs so snyam du sems khengs pa gang yin pa'o// nga rgyal las kyang nga rgyal gang zhe na/ che bas kyang bdag che'o snyam du sems khengs pa gang yin pa'o// nga'o snyam pa'i nga rgyal gang zhe na/ nye bar len pa'i phung po lnga po rnams la bdag gam bdag gir lta ba'i sems khengs pa gang yin pa'o// mngon pa'i nga rgyal gang zhe na/ gong ma'i khyad par thob par bya ba'i ma thob par bdag gis thob bo snyam du sems khengs pa gang yin pa'o// cung zad skam pa'i nga rgyal gang zhe na/ khyad ches 'phags/

  28. 15a

    babs bdag cung zad chung ngo snyam du sems khengs pa gang yin pa'o// log pa'i nga rgyal gang zhe na/ yon tan ma yin pa dang ldan pa la bdag yon tan dang ldan no snyam du sems khengs pa gang yin pa'o// ma rig pa gang zhe na/ las dang 'bras bu dang bden pa dang / dkon mchog rnams mi shes pa de/ de yang lhan cig skyes pa dang / kun tu brtags pa'o// 'dod pa na spyod pa'i 'dod chags dang / khong khro ba dang / 'dod pa na spyod pa'i ma rig pa de dag ni mi dge ba'i rtsa ba gsum ste/ chags pa dang zhe sdang dang gti mug gi mi dge ba'i rtsa ba'o// lta ba gang zhe na/ lta ba lnga ste/ 'jigs tshogs la lta ba dang / mthar 'dzin par lta ba dang / log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa'o// 'jigs tshogs la lta ba gang zhe na/ nye bar len pa'i phung po lnga/ rnams la bdag gam bdag gir lta ba'i shes rab nyon mongs pa can gang yin pa'o// mthar 'dzin par lta ba gang zhe na/ de nyid kyi dbang du byas te/ rtag pa'am chad par lta ba'i shes rab nyon mongs pa can gang yin pa'o// log par lta ba gang zhe na/ rgyu 'am 'bras bu 'am/ byed pa la skur pa 'debs pa dang / yod pa'i dngos po la 'jigs pa'i shes rab nyon mongs pa can gang yin pa'o// lta ba mchog tu 'dzin pa gang khyen/ lta ba rnam pa gsum po de dag nyid dang // de'i gnas phung po rnams la mchog dang / gtso bo dang / khyad par du 'phags pa dang / dam par lta ba'i shes rab nyon mongs pa can gang yin pa'o// tshul khrims dang brtul zhugs mchog tu 'dzin pa gang zhe na/ tshul khrims dang brtul zhugs dang / de'i gnas phung po rnams la dag pa dang / grol ba dang nges par 'byin par lta ba'i shes rab zhon mongs pa can gang yin pa'o// the tshom gang zhe na/

  29. 15b

    bden pa la sogs pa la gang yid gnyis za ba'o// nyon mongs pa de dag las lta ba 'og ma gsum dang / the tshom ni kun tu brtags pa'o// lhag ma ni lhan cig skyes pa dang / kun tu brtags pa'o// khro ba gang zhe na/ 'phral du gnod pa byed pa la gnas te/ gang sems kyi kun nas mnar sems pa'o// khon du 'dzin pa gang zhe na/ mdud par 'dzin pa'o// 'chab pa gang zhe na/ bdag gi kha na ma tho ba mkhyud pa'o// 'tshig pa gang zhe na/ tshig brlang pos zher 'debs pa nyid do// phrag dog gang zhe na/ gzhan gyi phun sum tshogs pa la sems khong nas 'khrugs pa'o// ser sna gang zhe na/ sbyin pa dang mi mthun pa'i sems kyi kun tu 'dzin pa'o// sgra gang zhe na/ gzhan bslu ba yang dag pa ma yin pa'i don ston pa'o// g.yo gang zhe na/ bdag gi nyes pa bcab pa'i thabs bzung ste sems gya gyu ba'o// rgyags pa gang zhe na/ bdag gi phun sum tshogs bi la chags pa'i rab tu dga' ba de sems yongs su 'dzin pa'o// rnam par 'tshe ba gang zhe na/ sems can rnams la rnam par mtho mtshams pa'o// ngo tsha med pa gang zhe na/ kha na ma tho bas bdag la mi 'joms pa'o// khrel med pa gang zhe na/ kha na ma tho bas gzhan la mi 'joms pa'o// rmugs pa gang zhe na/ sems las su mi rung ba ste/ blong ba nyid do// rgod pa gang zhe na/ sems rnam par ma zhi ba'o// ma dad pa gang zhe na/ las dang 'bras bu dang / bden pa dang / dkon mchog rnams la yid mi ches pa dang / sems ma dad pa ste/ dad pa'i mi mthun pa'i phyogs so// le lo gang zhe na/ dge ba la sems mngon par spro ba med pa ste/ brtson 'grus kyi mi mthun pa'i phyogs so// bag med pa gang zhe na/ chags pa dang zhe sdang dang / gti mug dang / le lo gang yin pa dag gis nyon mongs pa

  30. 16a

    las sems mi spang ba dang dge ba mi sgom pa'o// brjed ngas pa gang zhe na/ dran pa nyon mongs can te/ dge ba la mi gsal ba'o// rnam par g.yeng ba gang zhe na/ 'dod chags dang zhe sdang dang gti mug gi cha shas kyi 'dod pa'i yon tan lnga po la gang sems rnam par 'gro ba'o// shes bzhin ma yin pa gang zhe na/ nyon mongs pa dang mtshungs par ldan pa'i shes rab ste/ des lus dang ngag dang yid kyi spyod pa la mi shes bzhin du 'jug pa'o// 'gyod pa gang zhe na/ yid la gcags pa'o// gnyid gang zhe na/ 'jug pa rang dbang med par sems sdud pa'o// rtog pa gang zhe na/ kun du 'tshol ba'i yid kyis brjod pa ste/ sems pa dang / shes rab kyi bye brag gang sems rtsing ba'o// spyod pa gang zhe na/ so sor rtog pa'i yid kyis brjod pa ste/ de bzhin du gang sems zhib pa'o// sems dang mi ldan pa'i 'du byed rnams gang zhe na/ gang dag gzugs dang sems dang sems las byung ba'i gnas skabs la gdags pa ste/ de nyid dang gzhan du mi gdags so// de dag kyang gang zhe na/ thob pa dang / 'du shes med pa'i snyoms par 'jug pa dang / 'gog pa'i snyoms par 'jug pa dang / 'du shes med pa pa dang / srog gi dbang po dang / ris mthun pa dang / skye ba dang / gnas pa dang / mi rtag pa nyid dang / ming gi tshegs dang tshig gi tshogs dang / yi ge'i tshogs dang / so so'i skye bo nyid dang / de lta bu'i cha dang mthun pa dag go// de la thob pa gang zhe na/ rnyed pa dang ldan pa'o// de yang sa bon dang / dbang dang / mngon du gyur pa dang ci rigs su sbyar ro// 'du shes med pa'i snyoms par 'jug pa gang zhe na/ dge rgyas kyi 'dod chags dang bral la/ gong ma'i ma yin pa 'byung ba'i 'du shes mngon du btang ba'i yid la byed pas sems dang

  31. 16b

    sems las byung ba'i chos brtan pa ma yin pa rnams 'gog pa gang yin pa'o// 'gog pa'i snyoms par 'jug pa gang zhe na/ ci yang med pa'i skye mched kyi 'dod chags dang bral la/ srid pa'i rtse mo las gyen du bskyod/ pa'i gnas par 'du shes mngon du bdang ba'i yid la byed pas/ sems dang sems las byung ba'i chos brtan pa ma yin pa rnams dang / brtan pa rnams las kyang bcig 'gog pa gang yin pa'o// 'du shes med pa zhe na/ 'du shes med pa'i sems can gyi khrod kyi lha rnams kyi nang du bskyed pa'i sems dang / sems las byung ba'i chos bstan pa ma yin pa rnams dang 'gog pa'o// srog gi dbang po gang zhe na/ ris mthun pa rnams su sngon gyi las kyis 'phangs pas/ gang 'du byed rnams kyi gnas pa'i du oM nges pa'o// ris mthun pa gang zhe na/ gang sems can rnams kyis lus 'dra ba bo// skye ba gang zhe na/ ris mthun par 'du byed rnams ma byung ba las byung ba gang yin pa'o// rna ba gangan no// des de dag gi rgyun gzhan du 'gyur ba'o// gnas pa ga zhe na/ de ltar de dag gi rgyun drung chags pa'o// mi rtag nyid ga zhen/ de ltar de dag gi rgyun chud pa'o// ming gang zhe na/ chos rnams kyi ngo bo nyid kyi tshig bla dgas so// tshig gi tshogs gang zhe na/ chos rnams kyi khyad par gyi tshig bla dgas so// yi ge'i tshogs gang zhe na/ yi ge rnams te/ de gnyis ka bsal bar byed pa'i phyir ro// brjod pa yang de dag yin te/ ming dang tshig la brten nas don brjod pa'i phyir ro// yi ge yang rnam grangs gzhan du mi 'gyur ba'i phyir ro// so so'i skye bo nyid gang zhe na/ 'phags pa'i chos rnams ma thob pa'o// 'di ni 'du byed kyi phung po zhes bya'o// rnam par shes pa gang zhe na/ dmigs pa rnam par rig pa'o// sems dang yid kyang de yin te/ sna tshogs pa/ yid rten byed pa'i phyir ro// dngos sun

  32. 17a

    sems kyi kun gzhi rnam par shes pa ste/ 'di ltar de ni 'du byed thams cad kyi sa bon bsags pa'o// de yang dmigs pa dang rnam pa yongs su ma chad pa'o// rigs gcig pa dang // rgyun chags par 'jug pa'o// 'di ltar 'gog pa'i snyoms par 'jug pa dang / 'du shes med pa'i snyoms par 'jug pa dang / 'du shes med pa pa rnams las langs nas yang yul rnam par rig pa zhes bya ba 'jug pa'i rnam par shes pa 'byung ba dang / dmigs pa'i rkyen la bltos nas rnam pa gzhan du 'jug pa nyid dang / chad nas yang 'byung ba nyid dang / 'khor bar 'jug pa dang ldog pa'i phyir ro// kun gzhi rnam par shes pa de 'di ni sa bon thams cad kyi gzhi nyid dang / lus kyi kun gzhi dang rgyu nyid dang / lus la gnas pa nyid kyi yang phyir ro// len pa'i rnam par shes pa yang de yin te/ lus len pa'i phyir ro// dngos su na yid ni kun gzhi rnam par shes pa la dmigs te/ rtag tu bdag tu rmongs pa dang / bdag tu lta ba dang / bdag tu nga rgyal ba dang / bdag la chags pa la sogs pa dang mtshungs par ldan par rnam par shes pa ste/ rigs gcig pa dang / rgyun chags par 'jug pa ste/ dgra bcom pa dang / 'phags pa'i lam dang / 'gog pa'i snyoms par 'jug pa'i dus ma gtogs so// ci'i phyir phung po zhes bya zhe na/ spungs pa'i phyir te dus dang rgyud dang rnam pa dang 'gro ba dang / yul tha dad pa'i gzugs la sogs pa mdor bsdus pa nyid kyi phyir ro// skye mched bcu gnyis ni mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi

  33. 17b

    skye mched dang / chos kyi skye mched do// mig la sogs pa dang / gzugs dang sgra dang dri dang ro'i skye mched la sogs pa yang snga ma bzhin du bshad do// reg bya'i skye mched ni 'byung ba chen po bzhi dag dang gang reg bya'i phyogs gcig bshad pa'o// yid kyi skye mched ni rnam par shes pa'i phung po gang yin pa'o// chos kyi skye mched ni gang / tshor ba dang / 'du shes dang / 'du byed rnams dang / rnam par rig byed ma yin pa dang / 'dus ma byas so// 'dus ma byas gang zhe na/ nam mkha' dang / so sor brtags pa ma yin pa'i 'gog pa dang / so sor brtags pa'i 'gog pa dang / de bzhin nyid do// de la nam mkha' gang zhe na/ gzugs kyi go 'byed pa'o// so sor brtags pa ma yin pa'i 'gog pa gang zhe na/ gang 'gog pa la bral ba ma yin pa ste/ de ni nyon mongs pa'i gnyen po med par phung po rnams gtan du mi skye ba'o// so sor brtags pa'i 'gog pa gang zhe na/ gang 'gog pa de ni bral ba ste/ de ni gang nyon mongs pa'i gnyen pos phung po rnams gtan du mi skye ba'o// de bzhin nyid gang zhe na/ gang chos rnams kyi chos nyid dang / chos bdag med pa nyid do// ci'i phyir skye mched ces bya zhe na/ rnam par shes pa skye ba'i sgo'i phyir ro// khams bco brgyad ni mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams so// mig la sogs pa'i khams dang /

  34. 18a

    gzugs la sogs pa'i khams ni skye mched rnams ji lta ba bzhin no// rnam par shes pa'i khams drug po dag ni mig la sogs pa rnams la brten te/ gzugs la sogs pa la dmigs pa rnam par rig pa'o// yid kyi khams ni de dag nyid 'gag ma thag pa ste/ rnam par shes pa drug pa'i gnas bstan pa'i phyir ro// de ltar na khams bco brgyad du rnam par gzhag go// gzugs kyi phung po gang yin/ pa de ni skye mched dang / khams bcu dang / chos kyi skye mched dang / khams kyi phyogs gcig go/ rnam par shes pa'i phung po gang yin pa de ni yid kyi skye mched dang / sems kyi khams bdun no// gzhan phung po gsum po gang yin pa dag dang / gzugs kyi phung po'i phyogs gcig po de dang / 'dus ma byas dang bcas pa ni chos kyi skye mched dang / chos kyi khams so// ci'i phyir khams shes bya zhe na/ byed pa med la rang gi mtshan nyid 'dzin pa'i phyir ro// ci'i phyir phung po la sogs pa bshad ces na/ bdag du 'dzin pa rnam pa gsum gyi gnyen por go rims bzhin no// bdag tu 'dzin pa rnam pa gsum ni gcig pur 'dzin pa dang bas na pa dang / TId pa 'dzin pa // mas btsabargyad pa gzugs ca pan/ na na dang // gzun pa ban na// gas mas so// baN+Din du ma ba na/ gzugs kyi khams gcig ste/ yul bstan du yod pa'o// bstan du med pa gang du zhe na/ lhag ma rnams so// thogs pa dang bcas pa du zhe na/ gzugs can bcu ste/ gang la gang thogs pa'o// thog pa med pa du zhe na/ lhag ma rnams so// zag pa dang bcas pa ru zhe na/ bco lnga dang tha ma gsum gyi cha'o// mi ldan pa du zhe na/ gsum gyi cha'o// de dag nyon mongs pa skye ba'i mngon sum gyi spyod yul gyi phyir ro//

  35. 18b

    zag pa med pa du zhe na/ tha ma gsum gyi cha'o// 'dod pa dang rab tu ldan pa du zhe na/ thams cad do// gzugs dang rab tu ldan pa du zhe na/ bcu bzhi ste/ dri dang ro dang sna dang / lce'i rnam par shes pa ma gtogs pa'o// gzugs med pa dang rab tu ldan pa du zhe na/ tha ma gsum mo// mi ldan pa du zhe na/ gsum gyi cha'o// phung por bsdus pa du zhe na/ 'dus ma byas ma gtogs pa'o// nye bar len pa'i phung pos bsdus pa du zhe na/ gang zag pa dang bcas pa rnams so// dge ba du mi dge ba du/ lung du ma bstan pa du zhe na/ bcu ni rnam pa gsum char te/ sems kyi khams bdun dang / gzugs dang sgra dang chos kyi khams so// lhag ma rnams ni lung du ma stan pa'o/ nang gi du zhe na/ bcu gnyis te/ gzugs dang sgra dang / dri dang ro dang / reg bya dang / chos kyi khams ma gtogs pa'o// phyi rol gyi du zhe na drug ste gang dag ma gtogs pa rnams so// dmigs pa dang bcas pa du zhe na/ sems kyi khams bdun dang / chos kyi phyogs gcig kyang yin te/ gang sems las byung ba'o// dmigs pa med pa du zhe na/ lhag ma bcu dang / chos kyi khams kyi phyogs so// rnam par rtog pa dang bcas pa du zhe na/ yid kyi khams dang / yid kyi rnam par shes pa'i khams dang / chos kyi khams kyi phyogs so// rtog pa med pa du zhe na/ lhag ma rnams so// zin pa du zhe na/ nang gi lnga dang / phyi'i phyogs te/ gzugs dang / sgra dang / dri dang / ro dang / reg bya rnams kyi'o// zin pa ma yin pa du zhe na/ bzhi'i phyogs so// bstan pa mtshungs pa du zhe na/ nang gi gzugs can lnga ste/ rang gi rnam par shes pa dag dang yul thun mong pa nyid kyi phyir ro// de dag dang mtshungs pa du zhe na/ de dag nyid rang gi rnam par shes pas stong pa ste/ rang gi rig dang

  36. 19a

    shA pa da// nga ga'i dru nga pa/ gagan rdzas pa dang rtags pa// rtag pa ya yang dang/ / brgyan gyi ba shes sna la sags pas bskye sa / tu / 'i da / la gcan pa ga ba shA / dngasas rdugs / 'dum dang / thos pa'i ga ts+tshan dang / thas pa bsags pa nad/ dus ches das bu mang ba shes pa dang / ba dang / na kyis kyis brten pa pa dang / gzang bas shid 'anag nga/ 'di ga yangs pa nag+sa gags pa ma dag nags sa pa sa sna / / du mas kyi dang/ sna sa pA dusas nas thapa dang/ dag dang / sa padang pa mas pa dang/ ga sa pa sa pa sdu pa/ sma ya panas sa gsolas nga yang phyu / gdu la pa dang /

  37. 19b

    log pas lan mang du gnas shing / de'i tshe bdag ni bla na med pa yang dag par rdzogs pa'i byang chub mngon par rdzogs pa'i byang chub mngon par rdzogs par sangs rgyas par shes so zhes bya ba dang / btsun pa bcom ldan 'das ni ma dul ba rnams dul bar mdzad pa/ ma zhi ba rnams zhi bar mdzad pa/ dbugs ma phyin pa rnams dbugs 'byin par mdzad pa/ yongs su mya ngan lam ma 'das pa rnams yongs su mya ngan las 'da' bar mdzad pa'o zhes bya ba dang / de bzhin gshegs pa ni lam mkhyen pa/ lam thugs su chud pa/ lam ston pa/ lam gsung ba/ lam yongs su 'dren pa lags so zhes bya ba dang / bcom ldan 'das kyi chos ni legs pad gsungs pa/ yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis rang gi rig par bya'o zhes bya ba dang bcom ldan 'das kyis legs par gsungs pa'i chos 'dul ba ni legs par brtan pa/ nges par 'byung ba rdzogs pa'i byang chub tu 'gro bar byed pa/ mi mthun pa med cing 'dus pa dang ldan pa zhes bya/ brten pa yod pa zhes bya/ 'di ston pa de bzhin gshegs pa dgra bcom pa yang dag par rdzogs pa'i sangs rgyas so zhes bya ba dang / dge slong dag nga'i chos ni legs par gsungs pa/ gsal ba phye ba/ rgyu ba bcad pa// lha dang mi'i bar dag la yang dag par shin tu brtan pa'o zhes bya ba dang / bcom ldan 'das kyi nyan thos kyi dge 'dun ni legs par zhugs pa/ rigs par zhugs pa/ drang por zhugs pa/ mthun par zhugs pa/ chos rjes su mthun par spyod pa'o zhes bya ba dang / dge slong gang tshul khrims 'chal ba sdig pa'i chos can/ khong myags pa/ 'dzag pa/ shing rul ba lta bu/ bong bu ltar kun tu spyod pa/ dge sbyong ma yin

  38. 20a

    par dge sbyong du khas 'che ba/ tshangs par spyod pa can ma yin par tshangs par spyod pa can du khas 'che ba de ni/ ji ltar rmig pa gcig la rwa ni med pa dang / rkang pa bzhi la rung gi kha can skad po che/ rtag tu ba lang rnams kyi nang du rab 'gro ste/ 'di la khyu mchog sgra ni 'byin par mi byed ltar// de bzhin 'dir ni kha cig dran nyer ma gzhag cing // rtag tu bde bar gshegs pa mchog gi bstan pa la// gnas par mi byed le lo ldan zhing ma gus pa// 'dus ma byas pa'i go 'bang de la 'dir mi reg/ gzhan yang bong bu de ni ba lang nang song yang // de ni b.lang rnams las ring bar gyur pa yin// gzhan yang de lta bu ni dge 'dun nang 'dug kyang // 'phags pa'i tshogs rnams dang ni ring ba yin zhes brjod ces bya ba dang / gau tra ma dag khyed ni skye dgu non mongs pa can/ sdug bsngal can/ mya ngan can/ 'khrug pa can dag yin na/ khyed cag la rnyed pa dag ni ci dag yod/ legs par rnyed pa dag ni ci dag yod ces bya ba dang / dge slong dag dge sbyong ngam bram ze gang la la mig gi ro myang bar byed pa de dag ni dge sbyong ngam bram ze bdud ral sdig 'dod kyis dbang du shes kyis song ba dang / dbang du song ba dang / lag tu song ba dang / bdud ngal sdig 'dod kyi ci 'dod dgur bya ba dang / bdud kyi bcing ba dag gis bcings pa dang / bdud kyi zhags pa dag las yongs su ma grol ba zhes bya'o zhes bya ba dang / mi dge ba'i chos rnams yang dag par blangs pa'i rgyus mthong ba'i chos 'di la sdug bsngal ba dang / sdug bsngal dang bcas pa dang / phongs pa dang bcas pa dang / gnod pa dang bcas pa dang / yongs su gdung ba dang bcas par gnas pa dang / lus zhig nas ngan 'gror 'gyur bar rig par bya'o zhes bya ba dang / srog gcod pa kun tu bstan cing / bsgoms la lan mang du byas pas sems can dmyal

  39. 20b

    ba rnams su skye bar 'gyur ro// zhes bya ba dang / sgrib pa lnga po sems zhi bar nyon mongs par byed pa dag ni 'dod pa la 'dun pa'i sgrib pa dang / gnod sems dang / rmugs pa dang / gnyid dang / rgod pa dang // 'gyod pa dang / the tshom gyi sgrib pa'o zhes bya ba dang / sna rtsal shes dag gsum po 'di dag ni sems can rnams kyi las kyi gni dang / kun du 'byung ba dag yin par rig par bya ste/ smra rtsal shes dag gsum po gang zhe na/ chags pa ni sems can rnams kyi las kyi gzhi dang / kun 'byung ba dag yin par rig par bya ste/ sku rtsal shes dag zhe sdang dang / gti mug ni sems can rnams kyi las kyi gzhi dang / kun 'byung ba dag yin par rig par bya ste zhes bya ba dang / de ltar rnam par rtog pa de dag ni mi dge ba rnams dang / sdug bsngal ba rnams dang / 'phags pa ma yin pa rnams dang / don med pa dang ldan pa rnams so zhes bya ba dang / mi dag gi/ 'dod pa rnams ni mi gtsang ba rnams dang / dri mi zhim pa rnams dang / dring ba rnams dang / mi mthun pa nams yin no zhes bya ba dang / zas rnams dang ni skom rnams dang yang de bzhin ro rnams dang / bud med rnams ni 'dod rnams yin zhes 'di na kha cig 'chi/ phung po 'di dag dri ma lags par yang dag rab mthong ste/ de slad bdag ni byin dang sbyin sreg la ni dga' ma mchis/ zhes bya ba dang / 'dod pa'i rgyu dang / 'dod pa'i gzhi dang / 'dod pa'i dbang du byas pa dang / 'dod pa rnams kho na'i rgyus ma dang bu dag nas rtsod par byed na zhes bya ba dang / chags pa dang / zhen pa dang 'chums pa dang / mdud pa bor ba dang / brgyal ba dang / lhag par chags pa dang / lhag par zhen pa'o zhes bya ba dang / 'dod pa la 'dod chags dang / lhag par zhen pa dang / rnam par bcings pa dang / yongs su zhen pa dang / kun tu 'dod

  40. 21a

    chags kyi rgyus khyim pa rnams dang khyim pa rnams su rtsod par byed do// lta ba la 'dod chags dang / lhag par zhen pa dang / rnam par bcings pa dang / yongs su zhen pa dang / kun tu 'dod chags kyis rgyus rab tu byung ba rnams dang / rab tu byung ba rnams su rtsod par byed do zhes bya ba dang / dge slong dag sems can de dag la ni don spyod pa med/ chos spyod pa med/ bsod nams spyod pa med dge ba spyod pa med/ dge legs spyod pa med ces bya ba dang / dge slong dag de ni chu gter chen po dang / chu'i chu chen po dang / chu'i tshogs chen po dang / chu'i chu chen po ma yin gyi zhes bya ba dang / thags 'khrug pa lta bu dang / dru bu 'dzings pa lta bu dang / rtsa mun dza dang / bal badza lta bur 'ong ba dang 'gro bar gyur cing / 'jig rten 'di nas 'jig rten pha rol dang / 'jig rten pha rol nas 'jig rten 'dir kun tu rgyug par byed/ 'khor bar byed 'khor ba las mi 'da' bar byed pa zhes bya ba dang / sdug bsngal mi zad pa rtsub pa tsha ba yid du mi 'ong ba srog 'phrog pa dag gis zhes bya ba dang / ci khyod la tshor ba sdug bsngal ba/ mi bzad pa rtsub pa tsha ba yid du mi 'ong ba/ srog 'phrog pa skyes pa lus las bral zhing mi skye la/ de bral zhing mi skye bar mngon pa yin nam zhes bya ba dang / sdug bsngal nyid gsum ste/ sdug bsngal gyi sdug bsngal nyid dang / 'du byed kyi sdug bsngal nyid dang / 'gyur ba'i sdug bsngal zhid do// zhes bya ba dang / ji skad du/ 'du byed sdug bsngal nyid dang ni/ 'gyur ba zhid du mkhyen nas ni// rdzogs sangs rab tu mkhyen pa yis// tshor ba sdug bsngal nyid du gsungs zhes gsungs pa lta bu dang / srog gcod pa dang / drag shul can dang / lag pa khrag dmar ba dang / gsod pa dang / rab tu gsod pa la gnas pa dang / sems can

  41. 21b

    srog chags su gyur pal ngo tsha med cing snying mi brtse ba la zhugs pa yin la/ zan srog chags srin bu bre'u dang / grog sbur yang chad kyi srog gcod pa mi spong ba yin no zhes bya ba dang / dge slong dag gson pa rnams las gnyir log pa ni stong pa dang / gsog dang 'bras bu med pa dang / don med pa dang / phan yon med pa yid na zhes bya ba dang / byis pa rmongs pa mi bsal ba mi mkhas pa zhes bya ba dang / byis pa'i rang bzhin can/ rmongs pa'i rang bzhin can/ shes rab 'chal pa'i rang bzhin can zhes bya ba dang / gro zhin skyes dge sbyong ngam bram ze gang la la dag gzugs mi rtag pa mi brtan pa yid bstan du mi rung ba 'gyur ba'i chos can gyis che ba yid no snyam du rlom par byed/ khyad par du 'phags so snyam du rlom par byed/ dman pa ma yin no snyam du rlom par byed/ gro bzhin skyes dge sbyong ngam bram ze de dag thams cad ni de ltar yang dag pa ji lta ba bzhin du ma mthong ba'i phyir ro// gzugs ji lta ba bzhin du rnam par shes pa'i bar du'ang de bzhin no zhes bya ba dang / gzugs gang dag pa dang / brtan pa dang / ther zug pa dang / mi 'gyur ba'i chos can dang / yang dag par de bzhin du gnas par 'gyur ba'i gzugs de lta bu 'ga' yod dam zhes bya ba dang / 'phags pa zhan thos shes nas dad pa pa'i ngag dang ldan pa ni 'tsho ba dag gis dbul ba ma yin/ bkren pa ma yin/ phongs pa ma yin par 'tshe zhing zhes bya ba dang / gal te zhing nge 'dzin 'du byed pas zin cing chu bzhin du bzung ba yin la/ chos nyid kyis zin ci bzhi pa ma yin pa dang / gya nom pa ma yin pa dang / lam shin tu sbyangs pa thob pa ma yin pa dang / sems rgyud gcig tu gyur pa rdog pa ma yin pa zhes bya ba dang / de ltar sems mnyam par bzhag pa yongs su dag padang /

  42. 22a

    yongs su byang ba dang / nyon mongs pa med pa dang / nye ba'i nyon mongs pa dang bral ba dang / drang por gyur pa dang / las su rung ba dang / gnas pa dang / mi g.yo ba thob na zhes bya ba dang / ting nge 'dzin dung gnas dang ldang / nyams bde ba dang spyod yul dang / mngon par bsgru ba dang sred pa dang / mi snyed de bzhin gnyis ka dang / skye dang 'bring dang de bzhin thabs// zhe gnas rab 'jan btang snyoms so// zhes bya ba dang / sred pa yang sring ba 'byung bar byed pa dga' ba'i 'dod chags dang ldan pa dang demi mngon par dga' ba ma lus par spangs pa dang / bor ba dang / bsal bdang zad pa dang 'dod chags dang bral ba dang / 'gog pa dang / rnam par zhi ba dang / nub pa gang yin pa zhes bya ba dang / rtog ge pa yid/ spyod pa pa dang / rtog ge la zhugs pa dang / rang gi spobs pa dang ldan pa dang / so so'i skye bo dang ldan pa dang / spyod pa 'brel pa'i sa la gnas pa yin zhes bya ba dang / 'chi ba ni bzang po ma yin/ 'dus byas pa ni bzang po ma yin/ tshe phyi ma ni bzang po ma yin na/ zhes bya ba dang / tsher ma phyung ba rnams dang / tsher ma dkrug pa rnams dang / tsher ma dang bral ba rnams dang / tsher ma med pa rnams gang yin pa zhes bya ba dang / dad pa skyes na 'gro bar byed/ song nas chos nyan par byed do// des na chos de thos nas sems par byed do// bsams nas 'jal bar byed cing / nye bar rtog par byed la/ bden pa de yang lus kyis mngon sum du byed cing shes rab kyis so sor 'bigs par byed do zhes bya ba dang / gzhi de las sbyin pa po dang / sbyin bdag gi bsod nams rgyun rgyas pa dang / dge ba rgyun rgyas pa dang / bde ba 'dren pa tshad med pa yod par zhes bya ba dang

  43. 22b

    rdzu 'phrul gyi yul rnam pa mang po nyams su myong bar byed de/ gcig tu gyur nas mang por 'gyur/ mang por gyur nas gcig tu 'gyur la snang bar gyur cing mi snang bar 'gyur ba yang shes pa dang mthong bas nyams su myong bar byed pa dang / rtsig pa la yang zad kar 'gro/ ri la yang zad kar 'gro/ ra ba la yang thad kar 'gro ste/ lus kyi thog par 'gro la/ sa la yang steng du 'byung ba dang bye'u thul byed de/ dper na tshul bye ba bzhin no// tshul yang mi nub pa'i rgyun gyis 'gro ste/ dper nas chen po la bya ba bzhin no// nam mkha' la yang skyil ma krung gis 'gro ste/ dper na 'ang ba chags bzhin no// nem dang tha ba'adi gnas 'di ltar rje phrul chab/ 'di ltar mthu che ba/ 'di ltar gzi brjid che ba la yang lag pas 'dzin cing zhug par byed kun du zhug par byed do// tshangs pa'i 'jig rten gyib sems can rnams la lus kyi dbang sbyar ra shes bya ba dang / 'jig chags 'gag pa mya ngan las 'das pa la sems 'jug par byed/ dad par byed/ kun tu gnas par byed/ rnam par grol bar byed ces bya ba dang / dge slong dag 'di la mig gi dbang po bsrung ba'i phyir dang / sba ba'i phyir dang / dul bar gnas par bya ba'i phyir rab tu zhugs pa yin no zhes bya ba dang / dge slong dag dbang po drug po 'di dag shin tu dul ba dang / shin tu sbas pa dang / shin tu bsrungs pa dang / shin tu bsdam pa dang / shin tu bsgoms pa ni zhes bya ba dang / de byams pa dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshod med pa/ shin tu bsgoms pas phyogs gcig tu mos te khyab par byas nas rdzogs par byas te gnas so// de bzhin du gnyis pa dang /

  44. 23a

    de bzhin du gsum pa dang / de bzhin du bzhi pa dang / bla dang 'og dang thad kar rnam pa thams cad du thams cad dang ldan pa'i 'jig rten 'di byams pa dang ldan pa'i sems khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa shin du bsgoms pas mos te khyab par byas ras rdzogs par byas te gnas so zhes bya ba dang / brtson 'grus brtsams shing zhum pa med pa yin/ lus shin du sbyangs shing zhes par brtsams pa med pa yin/ dran pa nye bar bzhag cing kun du rmongs pa med pa yin/ sems mnyam par bzhag cing rtse gcig pa yin zhes bya ba dang / dge slong dag 'di ni sdug bsngal 'phags pa'i bden pa'o// zhes sngar ma thos pa'i chos rnams la tshul bzhin yid la byed pa na mig skyes shing / shes pa dang rig pa dang / blo skyes pa yin no zhes bya ba dang / dge slong dag 'di ni khyed le phan pa'i phyir dang / 'di ni bde ba'i phyir dang / 'di ni phan pa dang / bde ba'i phyir zhes bya ba dang / shing thags btsugs pa ni thabs ring / legs par btsugs pa/ bsra ba brtan pa mkhregs pa dang ldan pa/ mi g.yo ba/ mi 'chags pa yin zhes bya ba dang / des longs spyod spyod pa dang / brtson 'grus kyis thob pa/ lag mthus bsgrubs pa/ rdul med dri ma chags chags su bsgrubs pa chos dang ldan pa'i chos kyis rnyed pa zhes bya ba dang / yon dbul bar byed pa ni tshe phyi ma la 'gro ba gong mar 'gyur ba dang / skal pa bzang por 'gyur ba dang / rnam par smin pa bde bar 'gyur ba dang / mtho ris 'grub par byed par 'gyur ba'o zhes bya ba dang / dge slong ngas khyed la skyes bu dam pa rnams kyi 'gro ba bdun dang / len pa med par mya ngan las 'das pa bshad par bya'o// skyes bu dam pa rnams kyi 'gro ba bdun

  45. 23b

    gang zhe na/ dge slong dag 'di la dge slong ni 'di ltar bdag ma byung yang rung / bdag gi ma byung yang rung / bdag mi 'byung bar 'gyur ro// bdag gi mi 'byung bar 'gyur ro snyam du zhugs pa yin no// de ltar na gang yod pa dang / gang byung ba de spang ngo snyam du btang snyoms thob la/ de la chags par mi byed cing / de'i 'og tu zhi ba'i sgo 'bang gong ma la shes rab kyis so sor rtog par byed do zhes bya ba dang / yod pa la yang yod pa nyid dang / med pa la yang med pa nyid dang / bla ma dang bcas pa la yang bla dang bcas pa nyid dang / bla na med pa yang bla na med pa nyid du shes par 'gyur zhes bya ba dang / legs par mthong ba dang / legs par rig pa dang / legs par yid la byas pa dang / legs par brtan pa dang / legs par rtog pa zhes bya ba dang / 'dun pa skyed par byed/ rtsol bar byed/ brtson 'grus rtsom par byed/ sems rab tu 'dzin par byed/ rab tu 'jog par byed do zhes bya ba dang / 'dus pa dang ldan pa/ tshogs dang ldan pa/ tshogs kyi slob dpon skye ba mang pos zhi ba'i rang bzhin du kun tu shes pa/ tshogs chen pos mdun gyis bdar ba zhes bya ba dang / dmag ldan chos 'di ni zab pa/ zab par snang ba/ mthong bar dka' ba/ khong du chud par dka' ba/ brtag mi nus pa/ rtog ge'i spyod yul ma yin pa/ zhib mo brtags pa'i mkhas pa dang / 'dzangs pas rig par bya ba yin no zhes bya ba dang / de bzhin gshegs pas phan yon bcu gzigs nas 'dul ba la nyan thos rnams kyi bslab pa'i gzhi 'cha' bar mdzad do// bcu gang zhe na/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar bya ba'i phyir dang / mngon par ma dad pa rnams dad par bya ba'i phyir dang / mngon par dad pa rnams phyir zhing

  46. 24a

    'byung bar bya ba'i phyir dang / gang zag gnod mi bskur ba rnams tshar gcad pa'i phyir dang / ngo tsha shes pa rnams bde bar gnas par bya ba'i phyir dang / mthong ba'i chos kyi zag pa rnams bsdam pa'i phyir dang / tshe rabs phyi ma'i zag pa rnams bzlog pa'i phyir dang / tshangs par spyod pa rjes su bzung ba'i phyir dang / tshangs par spyod pa yun ring du gnas par bya ba'i phyir nga'i tshangs par spyad pa spyod pa yun/ ring du gnas par 'gyur ba dang / skye bo mang po la phan pa dang / rgyas pa dang / lha dang mi rnams kyi bar dag la yang dag par legs par rab tu bstan pa'o zhes bya ba dang / dge slong dgra bcom pa zag zad pa sdug bsngal gang yin pa de 'gag pa dang / de nye bar zhi ba dang / de bsil bar gyur pa dang / de nub pa zhes bya ba dang / bram ze de som nyi med cing 'gyod pa chad pa dang / 'byung ba dang / 'jig pa la sred pa dang bral ba dang chags pa rgyas par mi 'gyur ba yin zhes bya ba dang / dge slong dag mi rtag pa'i 'du shes bsgoms shig/ dge slong dag mi rtag pa'i 'du shes kun tu bsten cing bsgoms la lan mang du byas pa dang / bgrod par byas/ rten du byas/ nan tan du byas shing shin du rdzogs par byas la legs par brtsams pa ni 'dod pa'i 'dod chags thams cad yang dag par 'joms shing / gzugs kyi 'dod chags thams cad dang gzugs med pa'i 'dod chags thams cad dang / rgod pa dang / nga rgyal dang / ma rig pa thams cad yang dag par 'joms te/ dper na khyim bdag zhing pa dbyar 'das nas ston gyi dus kyi tshe bshol chen pos zhing rnams rmed cing rmed pa na ram pa'i rtsa rgyas thams cad gcod par byed/ kun du spyod par byed/ mngon du gcod par byed pa de bzhin du/ dge slong dag mi rtag pa'i 'du shes kun tu brten cing snga ma bzhin du

  47. 24b

    nga rgyal dang ma rig pa'i bar du yang dag par 'joms so// dge slong dag dper na mi rtsa bal ba dza brda ba zhig gi rtswa bal ba dza chung zhing nyung la mi mang ba shas shig mchog ma nas bzung ste/ sprug cing bar bur thams cad sel bar byed pa de bzhin du mi rtag pa'i 'du shes kun tu bstan cing zhes bya ba nas/ nga rgyal dang / ma rig pa'i bar du yang dag par 'joms so// dper na shing thogs am+bi'i dogs pa la a mra gang ci yod pa de thams cad ni rtsa rgyas dang ldan pa/ rtsa rgyas la brten pa/ rtsa rgyas dang 'brel pa/ rtsa rgyas su 'du ba/ rtsa rgyas dang ma bral ba dag yin zhing de dag las 'byung ba de bzhin du mi rtag pa'i 'du shes kun tu brten cing ste snga ma bzhin no// dper na gtsang khang phyur bu'i phyam dgu po gang ji snyed pa de thams cad ni spyi rten la gnas/ spyi rten la brten/ spyi rten la rag las/ spyi rten la gzhol bas spyi rten ni de rnams kyi mchog yin par bstan te/ 'di lta ste kun tu 'dzin pa'i phyir ro// de bzhin du mi rtag pa'i 'du shes kyang snga ma bzhin no// dper na srog tshogs dud 'gro'i skye gnas su gtogs pa'i 'gro ba rnams rjes gang ji snyed pade dag thams cad glang po che'i rjes su 'dus shing khongs su chud pas glang po che'i rjes ni de rnams kyi mchog tu bsten te/ 'di lta ste/ che ba nyid kyi phyir ro// de bzhin du mi rtag pa'i 'du shes snga ma bzhin no// dper na 'dza m+bu'i gling du 'bab chu gang ji snyed pa de dag thams cad ni rgya mtshor gzhol ba/ rgya mtshor 'bab pa yin/ rgya mtsho 'bab pa yin pas rgya mtsho ni de rnams kyi mchog yin par bstan te/ 'di lta ste/ kun tu sdud pa'i phyir ro// de bzhin du mi rtag pa'i 'du shes kyang snga ma bzhin no// dper na/ gnam las nyi ma shar ba ni gnam la yog pa'i mun pa thams cad 'od kyis zil gyis

  48. 25a

    bya// mnan nas lham me lhan ne lhang nge'o// de bzhin du mi rtag pa'i 'du shes kyang snga ma bzhin no// dper na 'khor los sgyur ba'i rgyal po ni khams kyi rgyal po gang ji snyed pa de rnams kyi mchog yin te/ 'di lta ste/ dbang byed pa nyid kyis so// de bzhin du mi rtag pa'i 'du shes kun tu brten cing bsgoms la lan mang du byas pa dang / bgrod par byas/ rten du byas/ nan tan du byas shing shin tu rdzogs par byas la/ legs par brtsams pa ni 'dod pa'i 'dod chags thams cad yang dag par 'joms shing / gzugs kyi 'dod chags thams cad dang / gzugs med pa'i 'dod chags thams cad dang / rgod pa dang / nga rgyal dang / ma rig pa thams cad yang dag par 'joms so// sdom ni/ zhing pa dang ni gres ma brda// dog pa dang ni spyi rten dang // rjes dang 'bab chu nyi ma dang // brgyad pa rgyal po yin par 'dod ces bya ba dang / tshe dang ldan pa dag dge slong chos smrab pos chos kyi gtam byed par rnam pa nyi shu po 'di dag dang ldan pas gtam bya ste/ dus su dang / gus pa dang / go rims dang / mtshams sbyar ba dang / rjes su mthun pa dang / dga' bar bya ba dang / 'dod par bya ba dang / mgu bar bya ba dang / spro ba bskyed pa dang / mi smad pa dang / rigs pa dang / 'brel pa dang / ma 'dres pa dang chos dang ldan pa dang / 'khor ji lta ba bzhin dang / byams pa'i sems dang / phan pa'i sems dang / snying brtse ba'i sems dang / rnyed pa dang / bkur bsti dang / tshigs su bcad pa la mi brten pa dang / gtam de dag brjod pa na bdag la bstod par mi bya zhing / gzhan la smad par mi bya la gtam yang bya ba ste/ rnam pa nyi shu po 'di dag dang ldan pas gtam bya'o zhes bya ba dang / tshe dang ldan pa

  49. 25b

    dag chos nyan par 'dod pas ni rnam pa bcu drug dang ldan pas chos nyan par bya ste/ dus su chos nan par bya ba dang / gus pa dang / nyan par gus pa dang / ma rangs pa med pa dang / sgo ba bzhin byed pa dang / klanag mi 'tshol ba dang / chos la gus pa nye bar bzhag pa dang / gang zag chos smra ba la gus pa nye bar bzhag pa dang / chos la brnyas pa med pa nyid dang / gang zag chos smra ba la brnyas pa med pa nyid dang / bdag nyid la brnyas pa med pa nyid dang / kun tu shes par bya ba'i sems dang / sems rtse gcig tu bya ba dang / rna blags pa dang / sems kun tu btud pa dang / sems thams cad kyis bsams nas chos mnyan par bya ste/ tshe dang ldan pa rnam pa bcu drug po 'di dag dang ldan pas chos mnyan par bya'o zhes bya ba dang / gsung gsal ba dang / snyan cing 'jebs pa dang / rnam par gsal ba dang / rnam par shes par bya ba dang / mnyan par 'os pa dang / mi brten pa dang / mi mthun pa med pa dang / yongs su gtugs med pas chos ston par mdzad do zhes bya ba dang / de nas tshe dang ldan pas ga dge slong rab tu mang po dag rim gro'i gnas sna tshogs shing 'dus par gyur pa dag la skad gsal ba dang / snyad cing 'jebs pa dang / rnam par gsal ba dang / rnam par shes par bya ba dang / mnyan par 'os pa dang / mi rten pa dang / mi mthun pa med pa dang / yongs su gtugs pa med par chos ston par byed pa dang / de la dge slong de dag gis bkur stir byas/ bla mar byas/ mchod par byas/ yid la byas/ sems rtse gcig tu byas te/ rna blags shing sems thams cad kyi bsams nas chos nyan par byed do zhes bya ba dang / chos mngon pa dang 'dul ba mngon pa las dri ba dris pa yang shes shing / tshig dang yig 'bru

  50. 26a

    rigs pa dang / 'brel ba dang / rjes su mthun pa dang / 'byor pa dang / thabs dang / ldan pa dang / 'tshams pa dang / mthun pa dang / rtags 'grus skyong gi yan lag gi tshogs rnams kyi lan ldon par byed do zhes bya ba dang / dge slong dag gtam la 'jug par bya ste/ 'dun pa dang / zhe sdang dang / nga rgyal dang / 'chab pa dang / kun nas mnar sems dang / mi bzod pa dang / yid mi ches pa dang / spangs la sems kyi tha ba dang / 'thab pa'i gzhi yang bor te lta ba'i yongs su gdung ba yang bsel nas ha cang smra bar yang mi bya zhing / 'gal tshabs can du yang mi bya la/ tshig rngub pa smra bar yang mi bya ste/ don dang chos bstan par bya/ kun shes par bya/ yang dag par shes par bya/ nges par shes par bya/ nges par sems su zhugs par bya zhing mgu bar bya/ yang dag par mgu bar bya/ yongs su mgu bar bya la/ dad par bya zhing dad pa bskyed par bya ste/ 'phags pa rnams ni de ltar brjod cing / 'phags pa rnams kyi brjod pa ni de lta bu yin no zhes bya ba dang / dge slong dag bdag nyid gling du 'gyur ba dang / bdag nyid skyabs su 'gyur ba dang / chos gling du 'gyur ba dang / chos skyabs su 'gyur ba dang / gling gzhan ma yin pa dang / skyabs gzhan ma yin par gnas par gyis shi ces bya ba dang / dge slong dag log par lta ba spongs shig/ de ci'i phyir zhe na/ dge slong log par lta ba ni spangs par rung bas so// dge slong dag gal te log par lta ba spang bar mi rung na ni log par lta ba spongs shig ces mi zer bzhig na/ gang gi phyir log par lta ba spang du rung ba de'i phyir dge slong dag log par lta ba spangs sheg ces di skad zer ro// dge slong dag gal te log par lta ba spangs pas dus/

  51. 26b

    ring por don med pa dang / mi phan pa dang / sdug bsngal ba 'grub par 'gyur ba ni log par lta ba spongs shig ces de skad mi zer bzhig na/ gang gi phyir log par lta ba spangs pas don dang phan pa dang bde ba 'grub par 'gyur ba de'i phyir dge slong dag log par lta ba spongs shig ces nga de skad zer ro zhes bya ba dang / dge slong dag gang zag gi snga gang zag la chod ma gzung zhig/ gang zag la tshad ma 'dzin cig/ de ci'i phyir zhe na/ gang zag gi gang zag la tshod 'dzin pa dang / gang zag la tshad 'dzin pa ni gnod par 'gyur te/ dra 'amang 'dra ba gang yin pas gang zag tshod bzung ba'am tshad 'dzin pa yin no// / zhes bya ba dang / de 'di snyam du kye ma bdag gi 'di lta ste/ lus dang ngag dang yid kyis sdig pa byas shing / kye ma bdag gi 'di lta ste/ lus dang ngag dang yid kyis bsod nams ma byas pas sdig pa byed byed pa rnams dang / drag shul byed byed pa rnams dang / gdug pa byed byed pa rnams dang / bsod nams ma byas pa rnams dang / dge ba ma byas pa rnams dang / 'jigs pas bag tsha ba rnams dang skyob pa ma byas pa rnams kyi 'gro ba gang yin pa'i 'gro ba de dag tu 'gro bar 'gyur ro snyam du sems nas yid la gcags pa 'byung ste/ dge slong dag gang zag yid la gcags pa'i 'chi ba ni bzang po mo yin la/ 'du byed pa ni bzang po ma yin zhing tshe phyi mar 'gro ba yang bzang po ma yin no zhes bya ba dang / dge slong dag gson po rnams las gnyid log pa ni brdzun pa dang / shin te ma dang // 'bras bu med pa dang / don med pa dang / phan yon med pa yid kyis kyang / dge slong dag gnyid log pa ri sla'i/ 'thab mo dang / 'tshang 'dru ba dang / rtsod pa dang / 'gyed pa gang dag skye bo

  52. 27a

    mang po la mi phan pa dang / don med par 'gyur ba dang / lha dang mi rnams la mi gnas pa dang / sdug bsngal bar 'gyur ba'i rnam par rtog pa gang la brten nas chags pa dang // 'thab mo dang / 'tshad 'bru ba dang / rtsod pa dang / 'gyed par 'byung ba'i rnam par rtog pa'i rnam par brtag pa ni de lta bu ma yin no zhes bya ba dang / dge sbyong du byed pa'i chos bzhi ni gshe yang slar mi gshe khros kyang slar mi khro/ brdegs kyang slar mi brdeg/ 'char brus kyang slar 'tshang mi 'bru ba'o zhes bya ba dang / 'di la 'phags pa nyan thos ni bdag nyid kyi tshul khrims dag la tshul khrims 'di dag ni mnyams pa/ skyon med pa/ 'dren mar ma gyur pa/ thun chags ma yin pa/ rang dbang can/ nog nog por ma gyur pa/ legs par chub pa/ legs par brtsams pa/ mkhas pa rnams kyis bsngags pa/ mkhas pa rnams kyis ma smad pa yin no zhes bya ba rnam pa yang dag pa rjes su dran no zhes bya ba dang / dge slong dag gang zag bden pa mthong ba/ 'bras bu thob pa/ mngon par rtog pa dang ldan pa'i sdug bsngal ni rdzing bu la brten pa'i chu ji tsam yod pa de snyed tsam zhig yod de spangs pa dang yongs su shes pa ste/ zhes bya ba dang / dge slong dag gsum po 'di dag ni nang gi dri ma yin nang gi 'gran zla dang bcas pa yin/ nang gi phyir rgol ba yin/ nang gi dgra bo yin no// gsum gang dag ce na/ dge slong dag 'dod chags ni nang gi dri ma yin/ nang gi 'gran zla dang bcas pa yin// nang gi phyir rgol ba yin/ nang gi dgra bo yin no// 'dod chags ji lta ba bzhin du zhe sdang dang / gti mug kyang de bzhin no zhes bya ba dang / dge slong dag mig ni skye bu'i rgya mtsho yin te/ de las gzugs

  53. 27b

    las byung ba'i shugs dag las 'byung ngo // gang zhig gzugs las byung ba'i shugs de bzod pa de ni mig gi rgya mtsho dpa' rlabs dang bcas pa/ glog dang bcas pa/ 'dzin khri dang bcas pa/ srin po dang bcas pa las brgal ba yin no zhes bya ba dang / shes rab myur ba/ shes rab mgyogs pa/ shes rab rno ba/ nges par 'byung ba'i shes rab can nges par 'byed pa'i shes rab can/ shes rab che ba/ shes rab yangs pa/ shes rab zab pa/ shes rab mnyam pa med pa/ shes rab rin po che dang ldan pa zhes bya ba dang / 'di la 'phags pa nyan thos thos pa dang ldan pa ni bdag ni skye dgu ser sna'i dri mas kun nas dkris pa rnams las sems ser sna'i dri ma dang bral bas lhag par gtong ba dang / lag rkyang ba dang / rnam par gtong ba la dga' ba dang / sbyin pa la rgyun mi 'chad pa dang gtong ba phun sum tshogs pa dang / sbyin pa la 'ged par dga' bas khyim na gnas pa ni bdag gi rnyed pa legs par rnyed do zhes sbyin par bya ba'i chos kyi rnam pa yang dag par rjes su dran no zhes bya ba dang / de la rigs kyi bu dga' bo'i zas la tshod zin pa ni 'di yin te/ dge slong dag rigs kyi bu dga' bo ni longs pa'i phyir ma yin/ rgyags pa'i phyir ma yin/ tsha ba'i phyir ma yin/ brgyan pa'i phyir ma yin gyi/ lus 'di kho na gnas par bya ba'i phyir dang / gso ba'i phyir dang / bkres pa dang bral ba'i phyir dang / tshangs par spyod pa rjes su bzung ba'i phyir te/ de lta bus tshor ba rnyid ni gzhil bar byal/ tshor ba gsar ni mi skye bar byas na/ bdag 'tsho ba dang / stobs dang / bde ba dang / kha na ma tho ba med pa dang / reg par gnas par 'gyur ro zhes so sor brtags nas zas za'o//

  54. 28a

    bya// dper na skyes bu shing rta pas mar ram 'bru mar gyis shing rta'i srog shing la skud par byed na/ longs pa'i phyir ma yin/ rgyags pa'i phyir ma yin/ cha ba'i phyir ma yin/ brgyan pa'i phyir ma yin gyi/ khal kho na thig pa'i phyir ma yin no// skyes bu smras gzir ba yang mar ram 'bru mar gyis rma la bskud pa na/ longs pa'i phyir ma yin gyi/ rgyags pa'i phyir ma yin/ tsha ba'i phyir/ ma yin/ brgyan pa'i phyir ma yin gyi/ rma kho na gso ba'i phyir yin no// de bzhin du rigs kyi bu dga' bo yang longs pa'i phyir mi yin/ rgyags pa'i phyir ma yin/ tsha ba'i phyir ma yin/ brgyan pa'i phyir ma yin/ gyi/ lus 'di sngon gnas par bya ba'i phyir dang / gso ba'i phyir dang / bkres pa dang bral bar bya ba'i phyir dang / tshangs par spyod pa rjes su bzung ba'i phyir te/ de lta bus/ tsher ba rnying ni gzhil bar byar/ tsher rab gsar ni mi skye bar byas na/ bdag 'tshe ba dang / stobs dang / bde ba dang / kha na ma tho ba med pa dang / reg par gnas par 'gyur ro zhes so sor brtags nas zas za'o zhes bya ba dang / de la rigs kyi bu dga' bo dran pa dang / shes bzhin mchog dang ldan pa ni 'di yin te/ dge slong dag rigs kyi bu dga' bo ni gal te shar phyogs su rnam par lta na sems thams cad kyis bsams nas rnam par lta'o// de de ltar rnam par lta ba na brnab sems dang / yid mi bde ba dang / sdig pa mi dge ba'i chos rnams sems la rjes su mi 'dzag par 'gyur la/ gal te lho dang nub dang byang phyogs su rnam par lta na yang sems thams cad kyis bsams te rnam par blta'o// de de ltar rnam par lta ba na snga ma bzhin du sems la rjes su mi 'dzag pa'i bar du 'gyur te/ dge slong dag rigs kyi bu dga' bo'i tsher ba yang shes

  55. 28b

    bzhin du skye/ shes bzhin du gnas/ shes bzhin du nub pa dang / zad pa dang gdugs par 'gyur la/ 'du shes kyang shes bzhin du skye/ shes bzhin du gnas/ shes bzhin du nub pa dang zad pa dang gtugs par 'gyur ro zhes bya ba dang / dge slong dag rgyal po legs mthong chen po ni ha cang mi dri ba dang / dus tshigs bde ba dang / gnod pa med pa dang / gang gis na des zos shing 'thungs pa dang / 'chos pa dang / myangs pa rnams legs par bde bar 'ju ste/ pho ba'i drod snyoms shing 'ju ba dang ldan pa saM gnod pa 'ang ba dang / nad med pa'i rang bzhin can du gyur to zhes bya ba dang / dge slong dag dge slong 'di la brnyas pa'i sems ma skyed cig/ de ci'i phyir zhe na/ dge slong dag dge slong 'di ni lhag pa'i sems mthong ba'i chos la bde bar gnas pa dang ldan pa bzhi rnams ci 'dod pa bzhin thob pa/ tshigs med par thob pa/ ngan nga ma yin pa zab pa yin chenas bya ba dang / dge slong dag per dme tog ut+pa pa'i phreng ba'am/ tsamu ka'i phreng ba'am/ bad ka'i zang ba'am/ a ti muk+ta kA ba phrag pa la thogs pa'am/ snod du bzhag pa'i mtshan mo dang nyin mo de dang / de dag 'das/ skad cig dang / thang cig dang / yud tsam de dang de dag las 'das pa dang zegs pa nyid du 'gyur/ rnyings pa nyid du 'gyur/ skams pa nyid du 'gyur ro// dge slong dag me tog ut+pa la'i phreng ba'am/ tsam+ba ka'i phreng ba'am/ baR+shi ka'i phreng ba'apa/ a ti muk+ta ka'i phreng ba gang yin pa de gzegs pa dang / rnyings pa skams pa dang / phyag dar gyi phung po la thug par 'gyur ba de ni dus la bab pa yin no// dge slong dag de bzhin du lus gzugs can rag pa 'byung ba chen po bzhi las gyur pa/ pa dang ma'i khu chu dung nur po las byung ba/

  56. 29a

    chan dang num bus gso gso ba/ rtag tu bsku ba dang dkru ba dang / mnye ba byas pa/ 'gyes pa dang / 'jig pa'i chos can 'di yang rga ba nyid du 'gyur/ 'chi ba nyid du 'gyur ro// dge slong dag lus gzugs can rag pa 'byang ba chen po bzhi las gyur pa/ pha dang ma'i khu chu nur nur po las byung ba/ chan dang num bus gso gse ba rtag tu bsku ba dang / dkru ba dang / mnye ba byas pa/ 'gyes pa dang / 'jig pa'i chos can gang yin pa 'di mtshan mo dang nyin mo de dang de dag 'das/ skad cig dang / thang cig dang / yud tsam de dang de dga' das na rgas pa dang nad bu can dang shi ba dang dur khrod du thug par 'gyur ba de ni dus la bab pa yin no zhes bya ba dang / 'dod pa la rnam par rtog pa byung ba dang du mi len cing spong bar byed la sel bar byed cing byang bar byed do// gnod sems la rnam par rtog par 'byung ba dang / rnam par 'tshe ba la rnam par rtog pa byung ba dang du mi len cing spong bar byed la sel bar byed cing byang bar byed do zhes bya ba dang / bram ze'i khye'u sems can rnams ni las bdag gir bya ba las kyi bgo skal spyod pa/ las kyi skye gnas pa/ las la ston pa/ las kyi sems can rnams la mthon po dang / dma' ba dang / ngan pa dang gya nam pa 'god par byed pa dag yin no zhes bya ba dang 'dod pa rnams la yid 'byung bar bya ba'i phyir dang / 'dod chags dang bral ba'i phyir dang / 'gog par bya ba'i phyir sgrub pa yin no zhes bya ba dang / gzugs rnams la yid 'byung bar bya ba'i phyir dang // 'dod chags dang bral bar bya ba'i phyir dang / 'gog par 'gyur bar bya ba'i phyir sgrub pa yin no zhes bya ba dang / chags pa zad par bya ba'i phyir dang / sred pa zad par bya ba'i phyir dang / sdug bsngal

  57. 29b

    ma sas pa sa ya pa mams sas las sa pa tham pa la sasams ma mamam mas la pa yam mas thams la 'gamamam ma mamams camam mamasas sum thas sadu mas ka sapas pa sa pa gang tha ya sa sa mas pa sa samamam ma tham sa thal pas ma ya zad par bya ba'i phyir dang / bsags pa zad par bya ba'i phyir sgrub pa yin no zhes bya ba dang / gro zhin skyes de ltar na ha cang brtson 'grus brtsam drags na ni rgod pa nyid du 'gyur la/ ha cang zhum che sa ra ni le lor 'gyur ro// gro bzhin skyes de bas na mnyam pa nyid du rtogs par byas la de la yang mtshan mar gzung zhig/ des rloms sems kyang ma byed la/ de la bag med par yang ma byed cig ces bya ba dang bcom ldan 'das kyis rgyang ring po nas shing gi phung po chen po zhig 'bar rab tu 'bar/ kun tu rab tu mched cing me lce gcig tu gyur te lham mer 'bar ba gzigs so zhes bya ba dang / dge slong dag byis pa so so'i skye bo thos pa dang mi ldan pa rnams ni phung po lnga po 'di dag la rtag pa nyid dang / brtan pa nyid du yang dag par rjes su lta ba de ba nyid dang / nad med pa nyid dang / bdag dang bdag gi nyid du yang dag par rjes su lta'o zhes bya ba dang / tshul 'chos pa dang / kha gsag dang / gzhog slongs dang / thob kyis 'jal ba dang / rnyed pas rnyed par byed 'dod pa zhes bya ba dang / zla byed byed cing tshes bco lnga la rgyal po chen po bzhi dag rang nyid ci'i mi'i 'jig rten na/ mar 'dzin pa dang / bar 'dzin pa dang / dge sbyong du 'dzin pa dang / bram zer 'dzin pa dang / rigs kyi nang nas rgan rabs la rim byed pa dang / don byed pa dang / bya ba byed pa dang / bsod nams byed pa dang / 'jig rten 'di dang / 'jig rten pha rol gyi kho na ma tho ba rnams la 'jig par lta ba dang / sbyin par byed pa dang / bsod nams byed pa dang / bsnyen gnas la nye bar gnas pa dang tshul khrims yang dag par blang nas gnas pa'i mi dag mang ngam zhes 'jig rten rnam par lta bar byed de zhes bya ba dang / kye shA ri'i bu 'jig

  58. 30a

    sa suma' ba ngas ma sams mams mas mas mas ma masas sathas pa lams sa ma sa las ya mams la thams sa sa ma ma mas sa thams ma ma sa sa ma mas mas thas ya mas mas thamasams pa sa sas ma mal thamangs ga sa rten na chos smra ba ni su dgra yin/ legs par zhugs pa ni su dag yin/ bde bar gshegs pa ni su dag yin/ dzam+bu'i grib ma can grang su dag 'dod chags gdul ba'i phyir dang / zhe sdang gdul ba'i phyir dang / gti mug gdul ba'i phyir chos ston pa 'di ni 'jig rten na chos spa ba dag ces bya'o// gang su dag 'dod chags gdul ba'i phyir zhugs pa dang zhe sdang gdul ba'i phyir dang / gti mug gdul ba'i phyir zhugs pa 'di ni legs par zhugs pa dag ces bya'o// gang su dag 'dod chags ma lus par spangs pa dang / yongs su shes pa dang / zhe sdang dang / gti mug ma lus par spangs pa dang / yongs su shes pa 'di ni 'jig rten na bde bar gshegs pa dag ces bya'o zhes bya ba dang / dge slong dag 'di ltar sa bon kyang yod la/ ma grugs pa dang // ma rul ba dang / rlung dang nyi mas gdungs pa dang / gsar pa dang / snying po dang ldan pa dang / legs par gnas pa yang yin la/ sa'i sdug dang / chu yang yod na de lta bu'i sa bo ni de dag ni 'brel zhing rgyas la yangs par 'gyur ro// dge slong dag de bzhin du 'di ltar las kyang yod/ nyon mongs pa rnams dang / sred pa dang / lte ba dang / de rgyal dang / ma rig pa yang yod na de lta bu ni che phyi ma la 'du byed rnams 'byung bar 'gyur ro zhes bya dang / dge slong dag dge slong gsar bu 'di dag ni dge sbyong gi gnod pa gtses pa/ tshangs par spyod pa'i 'dam gyis zil gyis non pa sdig pa mi dge ba'i chos kun nas nyon mongs pa can/ yang srid pa pa/ rims nang dang bcas pa/ sdug bsngal gyi rnam par smin pa can/ tshe byi ma la skyo ba dang / rga ba dang / 'chi bar 'gyur masamamam masam sa sa ma tshar sa ma pas mang tsham ma pa ma lal/ tsho 'am mas pam ma dpas so ma pa ma par ya ma tsham ma pa tha ma sa ma ma pa tham masas ma mas tham ma la mapa lam ma sa pa masacas tha mas

  59. 30b

    rnams kyis zil gyis non pa zhes bya'o zhes bya ba dang / dge slong ngam dge slong ma gangal la cung zad cung zad dang / yud tsam yud tsam dang / tha na se gol gtogs pa tsam yang sems can chags su gyur pa thams cad la byams pa'i sems sgom par byed pa'i dge slong ngam/ dge slong ma 'di ni ston pa'i bstan pa bzhin byed pa/ mi gtong bar sgom pa/ lhag mthong dang ldan pa/ khyim stong pa rnams rgyas par byed pa dang / rang gi don gyi sbyor ba la rjes su brtson pa/ tshangs pa mtshungs par spyod pa mkhas pa rnams kyis ma smad pa/ yul 'khor gyi bsod snyoms la 'bras bu yod par za ba zhes bya ba dang / kye gau ta ma gang gis na de ltar mi rnams stobs chung ba dang / gnod pa mang ba dang / mthu chung ba dang / tshe thung ba'i rgyu ni gang lags/ de skad ces gsol pa dang / bcom ldan 'das bram ze gro bzhin skyes la 'di skad ces bka' stsal to// bram ze de ltar mi rnams ni chos ma yin par chags pas chags pa dang / mi rigs par chags pas zil gyis non pa dang / log pa'i chos kyis dkris pa/ yin no zhes bya ba dang / sangs rgyas bcom ldan 'das gtam dus sngar bya ba de ni 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la ro// byung ba dang / nyes dmigs dang / nges par 'byung ba dang / rab tu dben pa dang / phan yon dang / rnam par byang ba'i phyogs kyi chos rnams rgya cher yang dag par rab tu ston par mdzad pa yin no// gang gi tshe de sems rangs pa dang / sems nyams bde ba dang / sems dga' ba dang / sems sgribs pa med pa dang / yang dag phul can gyi chos bstan pa la kun shes par bya bar skal ba dang

  60. 31a

    ldan pa dang / nus pa kun tu mkhyen par gyur pa de'i tshe sangs rgyas bcom ldan 'das rnams kyis yang dag phul can gyi chos bstan pa gang yin pa de ni 'di lta ste/ sdug bsngal dang // kun 'byung ba dang / 'gog pa dang / lam mo zhes bcom ldan 'das kyis de la 'phags pa'i bden pa bzhi po dag yang dag par rab tu ston par mdzad pa yin no zhes bya ba dang / dge slong dag gzugs mi rtag pa ste/ gang mi rtag pa de ni sdug bsngal ba'o// gang sdug bsngal ba de ni bdag med pa'o// gang bdag med pa ste thams cad ni bdag ma yin/ de ni nga bdag ma yin/ de ni bdag gi bdag ma yin no// / zhes des de ltar yang dag pa ji lta ba bzhin gyi legs pa'i shes rab kyis blta bar bya'o// gzugs la ji lta ba bzhin du rnam par shes pa'i bar la yang legs pa'i shes rab kyis blta bar bya'o// yid byung na 'dod chags dang bral bar 'gyur ro// 'dod chags dang bral na rnam par grol bar 'gyur ro zhes bya ba dang / sems shes bya ba 'am/ yid ces bya ba 'am/ rnam par shes pa zhes bya ba yang rung ste/ gang 'di skad ces bya ba 'di ni byis pa so so'i skye bo thos pa dang mi ldan pas yun ring po nas byi byas shing sras la/ bdag gis byas pa dang / 'di ni bdag gi yin/ 'di ni nga bdag yin/ 'di ni bdag gi bdag yin no// zhes khas blangs la bzung ba yin no zhes bya ba dang / bcom ldan 'das kyi dper na gong ngam grong rdal dang ha cang mi ring ba zhig na/ mdag ma me lce

  61. 31b

    med bdu ba med pa'i mdag mas gang ba'i klung zhig yod la/ de nas mi byis pa'i rang bzhin can ma yin pa/ rmongs pa'i rang bzhin can ma yin pa/ shes rab kyi rang bzhin can/ bde ba 'dod pa sdug bsngal la mi dga' ba/ gson por 'dod pa/ 'chi bar mi 'dod pa/ 'chi ba la mi dga' ba zhig 'ongs pa dang / de 'di snyam du mdag ma me lce med pa du ba med pa'i mdag mas gang ba'i klung 'dir bi dag lhung na bdag 'chi ba 'am/ 'chi ba la thug pa tsam gyi sdug bsngal bar 'gyur ro snyam du bsams nas/ de de las bsing bar sems pa dang / bsring bar don du gnyer bar byed cing bsring ba yid la byed do// mdag ma'i klung dang 'dra bar 'dod pa rnams kyang de bzhin no zhes gsungs pa zhes bya ba dang / dge slong dag dge slong chos shes pa'ang yin no// ji lta bu yin zhe na/ 'di la dge slong gis chos shes pa ni 'di lta ste/ mdo'i sde dang / dbyangs kyi bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la dbab par bstan pa'i sde'o zhes bya ba'o// / rnam par bshad pa'i rigs pa'i mdo sde'i dum bu brgya rdzogs so// rgyag gyi mkhan po bi shud+d+he sid+d+ha dang / sarba d+hA de ba dang / lots+tsha ba ban+de rtsangs de ben+d+ha rak+Shi tA swa bsgyur cing / zhu chen gyi lotso ba ban+de man+t+ra shrI warmas zhus te gtan la bab pa// 9 gang gis cag na sa/ rgya ga skad du/ b+ha~M thA yu tI/ bod skad du/ rnam par bshad pa'i rigs pa/ bam pa deng ga

  62. 32a

    'jam dpal gzhon nur gyur pa la phyag 'tshal lo// blo ldan rnams kyi spyil bzhugs// gti mug gnyid gnyis zad phyir dang // blo rgyas phyir nas sangs rgyas pa// thub la spyi bos phyag 'tshal te// gang dag bdag pas blo chung ba// mdo rnams 'chad 'dod de dag la// de la phan par bya ba'i phyir// man ngag cung zad bstan par bya// mdo rnam par 'chad par 'dod pas thog ma kho nar thos pa mang ba dang / thos pa'i gzhi can dang / thos pa bsag par bya'o// ji ltar na thos pa mang ba dang / thos pa'i gzhi can dang / thos pa bsags pa yin zhe na/ chos gang dag thog mar dge ba zhes bya ba mdo las rgya cher ji skad bstan pa lta bu'o// de la chos ni mdo la sogs pa ste/ rigs pa ston pa'i don dang / don phyin ci ma log par nges par 'dzin pa'i don gyis so// tshangs par spyad pa ni mya ngan las 'das pa'i lam yin no// myang na las 'das pa ni mchog drug sa pa yin pa'i don gyis tshangs pa yin te/ zhi ba dang bsil bar gyur pa dang tshangs par byur ba zhes gsungs pa'i phyir ro// doder glang gos spyod par byed pa dang / 'gro bar byed pa dang / thob par byed pa de ni tshangs par spyod pa yin te/ 'dis myos par 'gyur bas chang zhes bya ba bzhin no// de'i thog ma dang bar dang tha ma dag ni tshul khrims dang ting nge 'dzin dang / shes rab kyi phung po dag yin te/ 'di ltar 'od srungs pa'i sde pa dag gi mdo las/ dge slong dag khyed la ngas chos thog mar dge ba/ bar du dge ba/ tha mar dge ba dag bstan pa yin te/ tshangs pa'i spyod pa'i thog ma gang zhe na/ tshul khrims dang ldan par gnas pa dang nas rgya cher 'byung ba dang / tshangs par spyod pa'i bar gang zhe na/ 'dod pa dag las

  63. 32b

    dben pa zhes bya ba nas rgyas par bsam gtan bzhi pa'i bar du rdzogs par byas te gnas pa yin no zhes 'byung ba dang / tshangs par spyod pa'i tha ma gang ne na/ 'di ni sdug bsngal ba pags pa'i bden pa yin no zhes yang dag pa ji lta ba bzhin du rab tu shes pa nas/ rnam par grol ba la rnam par grol lo snyam du ye shes mthong ba 'byung ba yin no zhes bya ba'i bar du rgya cher 'byung ba yin no// dge ba yang yongs su nyam pa med pas mi bslu ba'i phyir ro// don bzang po tshig 'bru bzang po ni go rims bzhin du byin ci ma log pa dang go bar byed pa gnyis kyis brjod par bya ba dang / brjod pa phun sum tshogs pa'i phyir ro// ma 'dres pa la sogs pa ni thun mong ma yin pa'i phyir dang / nyon mongs pa thams cad kyi gnyen po'i phyir dang / ngo bo nyid dang rgud rnam par grol ba gnyis kyis rnam par grol ba'i phyir te/ go rims bzhin no// gzhan yang thog me dang bar dang / tha mar dge ba ni don bzang po dang tshig 'bru bzang po dang ma 'dres pa la sogs pa yin pa'i phyir ro// gzhan yang phyi rol pa'i chos kyi gnyen por 'di pa'i chos rnams kyi che ba'i bdag nyid yongs su bstan pa yin te/ phyi rol pa dag gi chos rnams ni thog ma dang bar dang tha ma dag tu tshangs par spyod pa rab tu mi ston te/ phyi 'gal ba'i phyir ro// dge ba yang ma yin no// don dang tshig 'bru skyon dang ldan pa'i phyir ro// ma 'dres pa yang ma yin te/ gzhan dang thun mong yin pa'i phyir ro// yongs su rdzogs pa yang ma yin te/ nyi tshe'i gnyen po yin pa'i phyir ro// yongs su dag pa yang ma yin te/ rang gi sa pa'i nyon mongs pa kun tu spyod pa'i rten du gyur pa'i phyir ro// yongs su byang ba yang ma yin te/ sa gzhan pa'i nyon mongs pa'i bag la

  64. 33a

    nyal dang ldan pa'i phyir ro// 'di pa'i chos rnams ni de las bzlog pa yin no// kha cig ni don dang ldan pa dang / tshig 'bru dang ldan pa zhes 'don te/ de las ni dron dang bcas pa dang / tshig 'bru dang bcas pa dang dge ba yin par ston to// mngon par brjod pas mngon par brjod par byed pa zhes pa ni rtogs par byed pa yin te/ 'di dag gis ni bshad pa'i chos bstan pa yin no// de kun nas slong bar byed pa'i chos rnams ni ngag gi rang bzhin ma yin pa'i phyir rang gis don go bar byed mi nus kyi rgyud pas go bar byed do// gzhan yang gang dag de'i rang bzhin// yin pa'i phyir mngon par brjod pas mngon par brjod pa yin gyi/ yi ge bskur te/ rnam par bshad pas mngon par brjod pas ni ma yin te/ ha cang yang thal bar gyur na mi rung ba'i phyir ro// gang dag mngon par brjod pa na mngon par rjod par byed pa zhes de skad du'i don pa de'i don ni tshig gi don grags pas bdag nyid brjod pa na yin gyi/ yi ge bsgyur te/ rnam par bshad pas mngon par brjod pa na ni ma yin te/ ji ltar bdud kyis spras pa'i tshigs su bcad pa las/ mi rnams tshe ni ring ba ste// skyes bu dam pa spu mi byed// 'dir ni 'chi ba dag 'ong ba med// 'phyar ba dang ni bag med spyod ces bya ba/ mi rnams tshe ni mi ring bas// skyes bu dam pa rnams la bslu// 'dir ni 'chi bdag 'ang yod pas// 'byar dang bag med spyad mi bya zhes yi ge rnams bskur nas rnam pa gzhan du rnam par bshad par nus pa lta bu'o bya ba 'di yin to// gzhan yang tshangs par spyod pa mngon par brjod pa na mngon par rjod par byed pa zhes bya ba ni gzhan ma yin par brjod pa nyid du bstan pa yin no//

  65. 33b

    thos pa zhes bya ba nas/ mthong bas shin tu rtogs pa yin no zhes bya ba'i bar ni nyan pa dang / 'dzin pa dang / 'jug par byed pa dang / don sems pa dang / de dmigs kyis byed pa'i sgo nas ni go rims bzhin no// de la gnyis kyis ni mang du thos pa dang / thos pa'i gzhi can yin no// lhag ma rnams kyi ni thos pa bsags pa yin te/ brtan par byed pa'i phyir ro// lung las ni bstan par 'dzin pa dang / klog pa dang / bdon pa dang / sems dang ba dang ldan pa dang / gtsug lag nyid du dmigs kyis byed pa'i sgo nas thos pa nas mthong bas shin tu rtogs pa'i bar yin no zhes 'byung ngo // bshad pa 'di ni gang las ji ltar na mang du thos pa la sogs pa yin pa de yongs su ston pa yin par rig par bya'o// de lta bur gyur pa des ji ltar mdo sde rnam par bshad par bya zhe na/ rnam pa lnga dag gis te/ mdo sde'i dgos pa dang / bsdus pa'i don dang / tshig gi don dang / mtshams sbyar ba dang / brgal ba dang lan gnyis brjod par bya'o// 'dir smras pa/ mdo don sa bdag gis ni/ dgo sde pa bsdus pa'i don bcas dang // tshig don bcas dang mtshams sbyor bcas/ brgal lan bcas par bsnyad par bya// brgal ba dang lan gnyis gcig tu bya ba ni brgal ba'i lan gdab pa'i don gyi phyir ro// ci'i phyir 'di dag brjod par bya zhe na/ mdo sde'i don bcas kyi che ba nyid thos nanyan pa dang 'dzin pa la 'bad bar byed pas dgos pa brjod par bya'o// dgos pa de'ang mdo sde'i bsdus pa'i don las rtogs par 'gyur ro// bsdus pa'i don yang / tshig gi don las so// tshig gi don gyi go rims mi 'gal ba ni mtshams sbyar ba las so// rigs pa dang mi 'gal ba dang / sngo phyi mi 'gal ba ni

  66. 34a

    brgal ba dang lan las yin pas na bsdus pa'i don la sogs pa yang brjod par bya'o// 'di ltar smras pa/ mdo don che ba nyid thos na// nyan pa dang ni 'dzin pa la// nyan pa po ni gus byed pas// thog mar dgos pa brjod par bya// de 'grub de ni bsdus don las// bsdus pa'i don ni tshig don las// go rims rigs pa snga phyi dag/ mi 'gal ba ni gnyis las so// gzhan yang dgos pa brjod pa las ni mdo sde'i 'bras bu phun sum tshogs pa shes par 'gyur zhing / bsdus pa'i don brjod pa las ni don gyi dbang du byas pa yin la/ tshig gi don brjod pa las ni bsdus pa'i don dang / chos kyi mtshan nyid dang / dgongs pa'i mtshan nyid yin la/ mtshams sbyar ba brjod pa las ni tshig rnams kyi go rims 'brel pa'o// brgal ba dang lan brjod pa las ni rigs pa dang snga phyi mi 'gal ba'o// 'dir smras pa/ lnga po bstan pa byas pa las/ 'bras bu phun sum dbang byas dang // de bzhin bsdus don la sogs gsum// 'brel dang mi 'gal shes par 'gyur// de la chos kyi mtshan nyid ni ji ltar gzugs ni mi rtag pa'o zhes bya ba lta bu'o// tshig 'di yi rang dang spyi'i mtshan nyid kyi don bstan pa na dgongs pa'i mtshan nyid ni ji ltar mi rtag pa gang yin/ pa de ni sdug bsngal ba'o// zhes bya ba lta bu ste/ zag pa dang bcas pa dang / 'du byed kyi sdug bsngal la dgongs pa yin no// de bzhin du rnyed pa dang bkur stis ni pags pa nas rkang gi bar du 'chad do zhes bya ba lta bu ni 'dir dbang po lnga po dag tu dgongs pa ste/ dad pa la sogs pa ni pags pa la sogs pa bzhin du 'og ma 'og ma nang du gyur pa'i phyir dang / gces rims yin pa'i phyir ro//

  67. 34b

    lung las kyang dad pa tsam ni pags pa lta bu yin te/ srab pa'i phyir ro// brtson 'grus ni sha lta bu yin te/ rtag tu rtsom pas sdug pa'i phyir ro// dran pa ni rgyus pa lta bu yin te/ thos pa dang bsams pa'i don 'brel par byed pa'i phyir ro// ting nge 'dzin ni rus pa lta bu yin te/ rtog pa ngan pas phyed par dka' ba'i phyir ro// shes rab ni rkang lta bu yin te/ mnyam par bzhag pa'i sems la gnas pa'i phyir ro zhes 'byung ngo // de la mdo sde'i dgos pa ni bsnga na rnam pa bzhir rig par bya ste/ kun tu rmongs pa rnams la yang dag par bstan pa dang / bag med pa rnams la yang dag par len du gzhug pa dang / kun tu zhum pa rnams la yang dag par gzong bstod pa dang / yang dag par zhugs pa rnams la yang dag par dga' bar bya ste/ ji ltar rigs par kha cig tu ni gcig yin pa nas/ kha cig tu ni bzhi yin pa'i bar du sbyar bar bya'o// de'i phyir de dang de las yang dag par ston par mdzad/ yang dag par len du 'jug par mdzad/ yang dag par gzer bstod par mdzad// yang dag par dga' bar mdzad ces bya ba smos so// gang zag kha cig cig pu yin yang don kha cig la kun tu rmongs la/ kha cig la zhes bya ba nas yang dag par zhugs pa'i bar du yin pas gcig la yang bzhi 'thad do// de la kun tu rmongs pa rnams na mi shes pa dang the tshom dang log par shes pa dang ldan pa'i phyir ro/ bag med pa rnams ni le lo dang 'dun pa med pa dang g.yen spyo ba dang ldan pa'i phyir ro// / kun tu zhum pa rnams ni dman pa la mos pa dang bdag nyid mi nus par sems pa dang 'gyod pa dang bya ba mang pos 'jigs pa dang ldan pa'i phyir ro// yang dag par zhugs pa rnams ni phyin ci ma log pa

  68. 35a

    dang mnyam pa dang chog mi shes pa'i brtson 'grus bsgrub pa dang ldan pa'i phyir ro// nag po'i phyogs las bdun pa bzlog pa yang dgos pa yin no// yang na de yang yang dag par len du 'jug pa nyid yin te/ de bzlog pa la 'dzud pa'i phyir ro// yang dag par bstan pa la sogs pa de dag kyang yon tan gyi khyad par gyi don nam/ yongs su spong bar byed pa'i don nam rten par byed pa'i don nam/ skye bo'i don nam/ dang ba'i don nam/ de lta bu la sogs pa yin par ci rigs par rig par bya'o// mdo las ma dad pa gnyis ni dad pa phun sum tshogs pa la yang dag par len du 'jug 'dul bar byed/ 'dzud par byed/ rab tu 'jog par byed ces 'byung ba gang yin pa de ci don gcig pa zhig yin nam 'on te tha dad pa yin/ de las cir 'gyur/ gal te don gcig pa zhig yin na ni don zlos pa nyid kyi skyon du 'gyur ro// 'on te don tha dad pa zhig yin na ni ji ltar na yang dag par bstan pa la sogs pa kho na mdo sde'i dgos pa rtag tu 'gyur zhe na/ re zhig don gcig pa zhig yin mod don zlos na skyon cir 'gyur/ don med par 'gyur te/ tshig 'jug pa don med pa yin na ni ci'i phyir bzlog par 'gyur la/ ci'i phyir rnam grangs rnams kyi bstan gyi de nyid kyis ma yin zhe na/ gal te sangs rgyas rnams kyi rnam grangs gsungs pa dgos pa med pa zhig yin na ni skyon der 'gyur ro// 'dir dgos pa gang yin zhe na/ dgos pa dag ni brgyud de rnam grangs gsungs pa ni 'dul ba tha dad pa'i phyir te/ de'i tshe dang phyi ma'i tshe kha cig la las khong du chud par bya ba'i phyir dang / de'ache rnam par g.yengs pa rnams la brjod pa de nyid kyis ni gzhan dag gi smad par 'gyur bas rnam grangs

  69. 35b

    kyis de'i don bstan par bya ba'i phyir dang / yid mi gzhungs pa rnams la yang dang yang du de'i don yang dag par mtshon pas mi brjed par bya ba'i phyir dang / tshig gcig la don du ma byung bas don gzhan du rtog pa bsal ba'i phyir dang / gzhan du ming de rnams kyis de'i don yang dag par bsgrub pa'i phyir sgra nges par sbyor ba lta bu dang / chos sgrogs pa rnams don gyi bshad sbyar dang go bar byed pa gnyis la thabs mkhas pa nyid du bsgrub pa'i phyir dang / nyid la chos so so yang dag par rig pa mnga' bar bstan pa'i phyir dang / gzhan dag la de'i sa bon bskyed pa'i phyir te/ rnam par bshad pa byed pa thams cad kyang rnam grangs bshad pa dag gi slob ma rnams la go ba byed pas na de lta bu'i rang bzhin can la zlos pa'i skyon du mi 'gyur ro// yang na don tha dad pa yin du chug ste/ 'di ltar byos shig ces bya ba ni yang dag par len du 'jug pa'o// 'dul bar byed pa nyid du sgrub pa'i phyir ro// 'dzud par byed pa ni sgrub pa la 'jog par byed pa'i phyir ro// rab tu 'jog par byed pa ni mi'i phogs ba nyid kyis rnam par mi g.yos par bya ba'i phyir ro// rnam grangs gzhan yang 'dul bar byed pa ni bgegs sel ba'i phyir ro// de lta na mdo sde las dgos pa mang po mi 'byung zhe na/ mi 'byung ste/ 'dul bar byed pa la sogs pa rnams kyi 'bras bu ni nye bar 'dun par byed pa yin pa'i phyir ro// 'o na rnam grangs kyi nye bar 'dun par byed pa'am/ 'dun pa zlog par byed pa 'di lta ste/ sbyor bar bya ba ni rigs so// bag yod par bya ba ni rigs so// ston pa'i bstan pa la rnal 'byor du bya ba ni rigs so zhes bya ba dang / kun dga' bo dge slong 'du 'dzil kun dga' ba dang / 'du 'dzil

  70. 36a

    kun dga' ba'i sbyor ba dang mngon par brtson zhing gnas pa ni legs pa ma yin no zhes bya ba gang yin pa ji lta bu zhe na/ de dag kyang 'dul ba bag med pa'i rang bzhin can gyi dbang du mdzad nas ni yang dag par len du 'jug pa yin no// kun tu rmongs pa'i dbang du mdzad nas ni yang dag par bstan pa yin te/ rigs pa dang rigs pa ma yin pa nyid gnyis yang dag par ston pa'i phyir ro// de la mdo sde'i dum bu dang po 'di ni gang la brten nas gang bya ba de la nye bar 'dun par byed pa yin te/ ci la brten nas zhe na/ brtson 'grus brtsams pa la'o// ci zhig bya zhe na/ mi mthun pa'i phyogs spang ba dang / gnyen po'i phyogs bsten par bya'o// gzhan yang gdul ba le la can gyi dbang dang / brnyed pa dang bkur sti'i don du thos pa dang / bsam pa la brtson pa dang / ting nge 'dzin tsam gyis chog par 'dzin pa'i rang bzhin can las brtsams nas nye bar 'dun par byed pa 'di yin par rig par bya'o// gzhan yang ting nge 'dzin dang de la ro myang ba med pa dang de tsam gyis chog mi shes par nye bar 'dun par byed pa yin no// lung las ni go rims bzhin du bslab pa gsum la brtsams nas zhes 'byung ngo // a lam zhes bya ba'i sgra 'di ni nus pa la yang mthong ste/ lam 'di yang shes par nus pa ma yin zhes bya ba ste/ mi phod cing mi nus so zhes bya ba'i tha tshig go/ bzlog pa'i don la yang mthong ste/ rgyal po chen po re shig bdag la byas pa ni zhes bya ba nas sems rab tu dang bas ni chog go/ 'du byed thams cad kyis ni tshig go zhes bya ba'o// rgyan gyi don la yang mthong ste/ rus pa'i lus ni mngon par brgyan byas shing / mig sman bskus pa ji ltar gsar

  71. 36b

    bris bzhin zhes bya ba'o// rigs pa'i don la yang mthong ste/ dmag ldan pa khyod som nyi za ba ni rigs pa yin no// the tshom za ba ni rigs pa yin no zhes bya ba ste/ the tshom za bar bya ba'i gnas la the tshom skyes pa yin pas so// skyo bar rigs pa yin no// 'dod chags dang bral bar rigs pa yin no// rnam par grol bar bya ba ni rigs pa yin no zhes bya ba ni rung ba zhes bya ba'i tha tshig go// 'dir yong sbyor bar bya ba ni rigaso so zhes bya ba ni rung ba'i don du blta bar bya'o// mdo sde'i dum bu gnyis pa las 'byung ba ni da ltar byung ba dang / 'das pa dang ma 'ongs pa'i 'du 'dzi las brtsams nas tshigs gsum po dag rigs par bya ste/ de la dga' ba dang ro myang bar byed pa dang mngon par dga' ba'i phyir ro// spong ba la kun dga' ba zhes bya ba de la yang de bzhin no// dgos pa bshad zin to// bsdus pa'i don ni mdo sde'i lung yin te/ 'di lta ste/ yang dag par ldan pa'i lung las/ dge slong dag gzugs yod pa 'di la zhes bya ba la sogs pa'i mdo sde lta bu ste/ de las ni bsdu na gang zhig ji ltar yongs su shes par bya ba dang / yongs su shes pa gang yin pa dang / yongs su shes pa'i 'bras bu gang yin pa dang / de brjod par byed pa gang yin pa de bstan pa ni bsdus pa'i don no// ci zhig yongs su shes par bya zhe na/ gzugs la sogs pa sngal gyi bden pas bsdus pa'o// ji ltar yongs su shes par b+ha zhe na/ mi rtag par ro// yongs su shes gtan ni/ yang dag pa'i smra ba'o// yongs su shes pa'i 'bras bug zhe na/ slob la legs pa'i rnams kyis sapas shin tu rnam par grol ba zhid de// dend par byed pa gang yin non/

  72. 37a

    bdag gi skye ba zad do zhes bya ba de lta bu la sogs pa'o// gzhan yang bsdus pa'i don ni bsdu na 'dir yang dag pa ji lta ba bzhin du mthong ba dang / skyo ba dang / 'dod chags dang bral ba dang / rnam par grol ba dang / rnam par grol ba'i ye shes mthong ba yin par bstan to// de lta bu'i rang bzhin can ni mdo sde rnams kyi bsdus pa'i don du rig par bya'o// tshig gi don ni brjod pa gang gi brjod par bya ba gang yin pa ste/ de yang kha cig ni gcig la du ma 'byung ba dang / kha cig ni du ma la gcig 'byung ba ste/ re zhig gcig la du ma 'byung ba ni dper na/ ma zla ba'i bu mo'i mdo las/ de'i sems de 'dod chags dang bral ba dang / zhe sdar dang / thal ba dang / gti mug dang bral ba yin no zhes bya ba 'byung ba lta bu ni de dag dang mi ldan par shes par bya ste/ kun tu chags pa ma yin pa'i chos can zhes bya ba la sogs pa gsung ba'i phyir dang / phyir mi ldog pa'i chos can zhes gsungs pa'i phyir te/ yongs su nyams pa med pa dang / phyir ldog pa med pas phyi rol pa'i 'dod chags dang bral ba dang chos mi mthun pa'i phyir ro// yan lag lnga pa'i phywa mkhan gyi mdo las/ dge ba'i tshul khrims 'di dag ni sems kyis kun nas bslang ba dag ste/ sems de gang zhe na/ 'dod chags dang bral ba dang zhe sdang dang bral ba dang / gti mug dang bral ba yin no zhes bya ba ni ma chags pa la sogs pa dag dang mtshungs par ldan par shes par bya'o// 'dod chags la sogs pa dag dang mi ldan pa yang ma yin la/ lung du ma bstan pa yang ma yin te/ so so thar pa'i sdom pa'i dbang du mdzad pa'i phyir ro// sems kyi rnam grangs mngon par shes pa bstan pa las/ sems 'dod

  73. 37b

    chags dang bral na sems 'dod chags dang bral lo snyam du yang dag pa ji lta ba bzhin du rab tu shes pa dang / zhe sdang dang bral ba dang / gti mug dang bral ba zhes bya ba ni 'dod chags la sogs pa dag dang mtshungs par ldan pa ma yin par shes par bya'i/ mi ldan pa yang ma yin la/ gdon mi za bar ma chags pa la sogs pa dang mtshungs par ldan pa yang ma yin no// ci'i phyir mi ldan pa ma yin zhe na/ 'dod chags dang sogs pa dang bral ba nyid rnam par grol ba nyid du 'gyur bas so// cir 'gyur zhe na/ de logs shig tu bstan par mi 'gyur la/ mngon par shes pa byi bo dag la yang 'dod chags la/ sogs pa dang bral bar smos par mi 'gyur te/ rnam par grol ba bzhin no// gal te 'dod chags la sogs pa dang bral ba de dang mi ldan pa yin na// 'o na ni 'dod chags sogs pa dang bcas pa yang de dang ldan pa yin gyi de dang mtshungs par ldan pa ni ma yin no// cir 'gyur zhe na/ tha dad pa smos par mi 'gyur te/ gcig la yang gsum char dang ldan pa'i phyir ro// rnam par ma grol ba yang logs shig tu smos par mi 'gyur ro// gal te 'dod chags dang bral ba mi ldan pa yin yang 'dod chags dang bcas pa ldan pa tsam la mi brjod par mtshungs par ldan pa la bya'o zhes pa ni gal te nag po'i phyogs dang mthun pa de dang mtshungs par ldan pa yin la/ dkar po'i phyogs dang mthun pa ni de dang mi ldan pa yin na cir 'gyur zhe na/ rnam par grol ba logs shig tu smos par mi 'gyur zhing / 'dod chags la sogs pa dang mtshungs par ldan pa yang ma yin mi ldan pa yang ma yin pa'i dge ba zag pa dang bcas pa dang / lung du ma bstan pa gang yin pa de yin pa de yang smos par mi 'gyur ro//

  74. 38a

    re zhig nyon mongs pa gzhan dang nye ba'i nyon mongs pa dang mtshungs par ldan pa'i sems kyang ji ltar smos par 'gyur te/ de la yang de bzhin du 'gyur ro zhe na/ tshor ba rnam ba gsum la gnas pa'i sems kyi dbang du byas nas de dang mtshungs par ldan pa'i nyon mongs pa'i rtsa ba gsum po dag smos pa'i phyir/ de la gnas pa'i sems dang mtshungs par ldan pa'i nyon mongs pa dang nye ba'i nyon mongs pa dang / nye ba'i nyon mongs pa de'i phyogs dang mthun pa gzhan rnams kyang smos pa kho na yin pas de dang mtshungs par ldan pa'i sems ma smos pa ma yin no// gal te 'o na 'dod chags dang mtshungs par ldan pa ma yin pa 'dod chags dang bral ba yin na/ zhe sdang dang mtshungs par ldan pa yang 'dod chags dang bral ba yin no zhe na/ de la de ltar gzung ba go ba ma yin te de la ni zhe sdang dang bcas pa nyid du bzung ste/ ji lta bu dang mtshungs par ldan par bzung ba'i phyir de kho na bzhin du bstan to// 'dod chags la sogs pa dang / bral ba ni tha dad par yang gzung ste/ gang dang mtshungs par ldan pa de dang bral ba dang / gzhan dang yang mtshungs par ldan pa ma yin pa las so// tha dad pa ma yin par yang yin te/ thams cad dang mtshungs par mi ldan pa'i las so// gang zhig 'di skad du/ gal te 'dod chags dang ldan pa 'dod chags dang bcas pa yin na de ni pha rol gyi sems shes par 'dzin par mi 'thad de/ ci'i phyir zhe na/ 'dod/ chags dang ldan pa ni des dmigs pa'am de thob pa'i sgo nas yin grangs na/ de gnyis kyang des mi 'dzin te/ pha rol gyi sems shes pas de la dmigs pa can dang / sems dang mi ldan pa la

  75. 38b

    dmigs pa can du gyur na mi rung bas so zhes zer ba de la 'di skad ces re zhig ji ltar na pha rol gyi sems shes pas sems rnam par ma grol ba 'dzin par 'gyur te/ de la yang de bzhin du 'gyur ro/ zhes brjod par bya'o// de yang ji ltar 'dzin par 'gyur zhe na/ 'di ni bsam gyis mi khyab pa sems pa ste/ bcom ldan 'das kyis bsam gtan pa rnams kyis bsam gtan gyi yul ni bsam gyis mi khyab bo zhes gsungs so// 'on kyang 'dod chags la sogs pa'i bag chags dang bcas pa'i sems khyad par can la 'dzin to// de ltar na tshig gcig la don du ma byung ba yin no// yang dper brjod par bya ste/ dper na gzugs shes bya ba gzugs phung dang // kha dog bsam gtan rnam par 'dren// gzugs zhes bya ba gzugs kyi phung po la ni gzugs la bdag tu rjes su lta zhing rnam par shes pa'i bar du zhes 'byung ba lta bu'o// 'dog la ni mig gis gzugs rnams mthong nas zhes 'byung ba lta bu'o// bsam gtan rnams la ni gzugs kyi 'dod chags dang / gzugs med pa'i 'dod chags zhes 'byung ba lta bu'o// rnam pa la ni gzugs rnams kyi sdug pa'i gzugs dag la kun du chags zhes 'byung ba lta bu'o// mtha' ni zad dang 'jug cha dang / nye dang phyogs dang smad la'o// mtha'i sgra zad pa la ni sdug bsngal mthar 'byin zhes 'byung ba lta bu'o// mjug la ni 'tshe ba'i mtha' ni 'chi ba zhes 'byung ba dang / 'dir ni 'gro bas 'jig rten mtha'/ nam yang phyin par mi 'gyur ro// zhes 'byung ba lta bu'o// cha la ni mtha' gsum ste/ 'jigs tshogs kyi mtha' dang / 'jig tshogs kun 'byung ba'i mtha' dang / 'jig tshogs 'gog pa'i

  76. 39a

    mtha'o// zhes 'byung ba lta bu'o// nye ba la ni sa spangs nas chu'i mthar 'gro'o zhes 'byung ba lta bu'o// phyogs la ni mtha' gang du phyin zhes 'byung ba dang / mtha' gcig tu 'dug go zhes 'byung ba lta bu'o// smad pa la ni 'di ni 'tsho ba rnams kyi mtha' ste/ 'di lta ste/ slongs mo'i zhes bya ba lta bu ste/ tha chad do zhes bya bar mngon no// mchog gi sgra ni gtso bo dang // dang po rtse mo mdun don dang // tshig dang mang po dag dang ni// dmigs pa la yang yod par mthong // gtso bo la ni sems can gang su dag yod pa de rnams kyi mchog ni de bzhin gshegs pa yin par bshad ces 'byung ba lta bu'o// dang po la ni stan gyi thog ma dang / chu'i thog ma dang / bsod snyoms kyi thog ma zhes 'byung ba lta bu'o// rtse mo la ni skra'i rtse mos sam/ rtswa'i mchog mas sam zhes 'byung ba lta bu'o// mdun gyi don la ni mdun du 'gro'o zhes 'byung ba lta bu'o// tshig la ni tshigs kyi sa bon zhes 'byung ba lta bu'o// mang po la ni khrom gyi du zhes 'byung ba lta bu'o// dmigs pa la ni sems rtse gcig pa nyid dang / sems mi 'brel pa zhes 'byung ba lta bu'o// nye bar bsgyur ba dang bcas na yid bde ba la yang mthong ste/ mgu ba nyid du gyur/ yid rangs pa nyid du gyur zhes 'byung ba lta bu'o// blo gcig pa nyid la yang yod de/ nyan thos kyi dge 'dun rnams mthun pa rnams la ltos zhes 'byung ba lta bu'o// mtha' dag nyid la yang yod de/ rkyen rnams tshogs pa zhes 'byung ba lta bu'o// gnan pa nyid le yang yod de/ yang tshaganon nu dang ldan pazhes 'byung ba zhi bu'o// 'jig rten zhes bya sems can dang // sdod dang sbrul 'gra'adad la'o// sems can dag pa na chos gsum pa

  77. 39b

    'di dag ni 'jig rten mi 'dod pa dang / mi sdug pa dang / mi dga' ba dang / yid du mi 'ong ba'o zhes 'byung ba lta bu'o// snod la ni 'jig rten gyi bar gyi 'jig rten dag yod do zhes 'byung ba lta bu'o// sdug bsngal gyi bde ba la ni 'jig rten gang zhe na/ nye bar len pa'i phung po lnga rnams so zhes 'byung ba lta bu'o// 'gro ba la ni lan cig 'jig rten 'dir 'ongs na sdug bsngal gyi/ mthar 'byin to zhes 'byung ba lta bu'o// 'dod pa rnams la ni kun tu rgyu dag 'dod pa'i yon tan lnga po 'di dag ni 'phags pa'i chos 'dul ba la ni 'jig rten zhes bya'o zhes 'byung ba lta bu'o// zang zing zhes bya rnyed pa dang / 'dod yon gzugs dang zas la yod// rnyed pa la ni dge slong dag nga ni chos kyi bgo skal la spyod cing gnas pa yin gyi zang zing gi bgo skal la spyod pa ni ma yin no zhes 'byung ba lta bu'o// 'dod pa'i yon tan rnams la ni gang la so so'i skye bo rnams chags pa 'di ni 'jig rten gyi zang zing drag po yin no// zhes 'byung ba lta bu'o// gzugs la ni zang zing dang bcas pa'i rnam par thar pa gang zhe na/ gzugs dang ldan pa gang yin pa'o zhes 'byung ba lta bu'o// zas la ni lag pa zas dang 'bags pas chu snod la ma bzung zhes 'byung ba lta bu'o// 'jig rten na zang zing gi sgra ni sha la yang yod de/ sha med pa'i zas dang zhes 'byung ba lta bu'o// 'byung ba zhes bya skyes bden dang // sa khams sogs dang 'dus byas dang // yod dang sems can rnams dang ni// / mi ma yin pa rnams la yod// skyes pa la ni zas bzhi ni sems can 'byung ba rnams gnas pa'i phyir ro zhes 'byung ba lta bu ste/ skyes pa rnams shes bya bar shes so// bden pa la ni de ya

  78. 40a

    dus bzhin du smra ba dang / yang dag par smra ba yin zhes 'byung ba lta bu'o// sa'i khams la sogs pa ni 'byung ba chen po bzhi dag ces 'byung ba lta bu'o// 'dus byas pa ni dge slong byung ba la skyo bar bya ba'i phyir dang / 'dod chags dang bral bar bya ba'i phyir dang / 'gog par bya ba'i phyir zhugs pa yin no zhes 'byung ba lta bu'o// yod pa la ni bdag nyid la ji ltar yod pa bzhin du smra ba yin zhes 'byung ba lta bu'o// sems can rnams la ni 'byung po thams cad la dbyug pa spangs nas zhes 'byung ba lta bu'o// mi ma yin pa rnams la ni// 'byung po gang dag 'dir ni lhags gyur cing // sa 'am 'on te bar snang 'khod pa dag ces 'byung ba dang / 'byung pos zin pa dang / 'byung po'i sman pa zhes 'byung ba lta bu'o// pA da zhes bya mya ngan 'das// rkang pa cha dang yud tsam dang // gzhi dang bden gnyis rkang pa'i phyogs// rjes dang tshig la yod pa yin// mya ngan las 'das pa la ni zhi ba'i go 'phang bla na med pa zhes 'byung ba lta bu'o/ rkang pa la ni sems can gang dag rkang pa med pa'am/ rkang gnyis sam/ rkang mangs sam zhes 'byung ba lta bu'o// cha la ni chos kyi rnam grangs tshig bzhi pa zhes 'byung ba lta bu'o// yud tsam la ni sems yud tsam yud tsam la ni yid chad cing rnam par rtog pa rnams kyi dbang du song zhes 'byung ba lta bu'o// gzhi la ni bag yod pa ni mi 'chi ba'i gzhi yin te/ bag med pa ni 'chi ba'i gzhi yin zhes 'byung ba lta bu'o// bden pa rnams la ni slob pa'i gzhi mthong ba zhes 'byung ba lta bu'o// rkang pa'i phyogs bram ze bre bo dang rus gcig pas bcom ldan 'das kyi gom gnas su

  79. 40b

    zhabs la 'khor lo dag mthong ngo zhes 'byung ba lta bu'o// rjes la ni mkha' la bya'i rjes bzhin du/ de dag rtogs par dka' ba yin zhes 'byung ba lta bu'o// tshig la ni legs par bshad pa'i tshig gcig gi don kyang shes par byas nas zhes 'byung ba lta bu'o// chos ni shes bya la ma dang ni// mya ngan 'das dang yid kyi yul// bsod nams tshe dang gsung rab dang // 'byung 'gyur nges dang chos lugs la'o// chos kyi sgra zhes bya ba la ni chos gang la la 'dus byas sam 'dus ma byas sam de rnams kyi mchog ni 'dod chags dang bral ba yin par bshad do zhes 'byung ba lta bu'o// lam la ni dge slong dag log pa'i lta ba ni chos ma yin la yang dag pa'i lta ba ni chos yin no zhes rgyas par 'byung ba lta bu'o// mya ngan las 'das pa la ni chos la skyabs su song ba zhes 'byung ba lta bu'o// yid kyi yul la ni chos kyi skye mched ces 'byung ba lta bu ste/ de ni yid kho na'i yul yin zhing yul kho na yin gyi rten ni ma yin no// bsod nams la ni btsun mo'i 'khod dang gzhon nu rnams dang lhan cig tu chos spyod ces rgyas par 'byung ba lta bu'o// tshe 'di la ni mthong ba'i chos la myong bar 'gyur ba dang / byis pa ni mthong ba'i chos gces par 'dzin pa yin zhes 'byung ba lta bu'o// gsung rab la ni 'di la dge slong chos shes pa ni 'di lta ste/ mdo'i sde dang / dbyangs kyis bsnyad pa'i sde dang zhes rgya cher 'byung ba lta bu'o// 'byung bar 'gyu ba la ni 'du byed kyi rdzas rnams ni de'i chos so zhes 'byung ba dang / de ltar 'di lta ste/ lus 'di ni rga ba'i chos yin no zhes 'byung ba lta bu'o// nges pa la ni dge slong gi chos bzhi rnam shes 'byung ba dang /

  80. 41a

    de bzhin du dge slong dag srog gcod pa ni chos ma yin la srog gcod pa spong ba ni chos yin no zhes rgya cher 'byung ba lta bu'o// chos lugs la ni yul chos dang rigs chos zhes 'byung ba lta bu'o// spangs pa zhes bya btang ba dang // bral dang gnon dang bgal nal// bton pa'o spangs pa sogs pa'i// spangs pa zhes bya gnyis su bzhed// spangs pa zhes bya ba btang ba la ni longs spyod kyi phung po che ba'am/ chung ba yang spangs nas zhes 'byung ba lta bu'o// rgyun dang bral ba la ni sdig pa mi dge ba'i chos skyes pa rnams spangs nas zhes 'byung ba lta bu'o// 'jig rten pa'i lam gyis gnod pa la ni/ 'dod pa'i 'dun pa spangs nas des lan mang du gnas shing / tshangs pa'i 'jig rten dang skal ba mnyam par skyes zhes 'byung ba lta bu'o// bag la nyal yang dag par bcom pa la ni kun tu sbyor ba gsum spangs pa las/ rgyun du zhugs pa yin no zhes 'byung ba lta bu'o// de bzhin du spangs par spong ba dang / sdom pas spong ba dang / rjes su bsrungs bas spong ba dang / bsgom pas spong ba ste/ nyan thos la bshad pa'i mdo sde gnyis las rnam pa gnyis su rnam pa gyi'o// tshul gyi sgra ni bden pa dang / lam dang 'brel 'byung rig pa dang // nges 'byed cha dang mya ngan 'da'// thabs dang rigs pa nyid la yod// sdom gyi tshigs su bcad pa/ bden dang yan lag brgyad dang 'byung zhes bya ba 'di las/ 'phags pa'i tshul gyi sgra ni bden pa rnams dang // lam dang rten cing 'byung ba la yang mthong ngo // rig pa rnams la yang mthong ste/ bram ze nga ni 'phags pa'i chos 'dul ba 'di la 'phags pa'i tshul gyi gsum rig pa yin par smra'o zhes 'byung ba lta bu ste/

  81. 41b

    'di las so// nges par 'byed pa'i cha dang mthun pa rnams la yang mthong ste/ gang su dag dran pa nye bar gzhag pa bzhi rnams dang mi mthun pa'i byed pa de dag ni 'phags pa'i tshul la de dag gis mi mthun par byas pa yin no zhes 'byung ba lta bu'o// tshul gyi sgra ni mya ngan las 'das pa la yang mthong ste/ khyim pa'am rab tu byung ba'am// gang zhig yang dag sgrub byed la// des ni bla med tshul nyid kyi// chos ni kun tu thob par 'gyur zhes 'byung ba lta bu'o// thabs la yang mthong ste/ tshul gyis brtson 'grus brtsams pal// bya bar dka' ba ci yang med ces 'byung ba lta bu'o// rigs pa la ni tshul bzhin byed do zhes 'byung ba lta bu'o// las mtha' zhes bya nor tshol dang // gsum bdun spangs pa rnams la'ang yod// las kyi mtha' zhes pa ni nor tshol ba la ni des gal te zhing dang / gal te tshong gi las kyi mtha'adi dang byed do zhes rgyas par 'byung ba lta ba'o// gsum spangs pa la yang yod de 'jig rten pa'i yang dag pa'i las kyi mtha' ga zhen zhes byas par 'byung ba nas/ srog gcod pa'i bar du spangs nas srog gcod pa las phyir ldog pa yin/ de bzhin du 'dod pa la log par g.yem pa las zhes bya ba'i bar du 'byung ba lta bu'o// bdun spangs pa la yang yod de las kyi mtha' bu sum tshogs pa gang zhe na/ srog gcod pa spangs pa nas srog gcod pa las phyir log pa yin zhes bya ba'i bar dang / de bzhin du tshig 'phrul ba smra ba las zhes bya ba'i bar du 'byung ba lta bu'o// las kyi mtha'i sgra ni mtshams med pal yang yod de/ log pa'i las kyi mtha' med pa nyid ces gsungs pa'i phyir te/ chos 'dul ba 'di la sa log cing drang du mi rung ba rnams ni gang zag lnga s+t+wa~M//

  82. 42a

    bsod pa dang zhes mdo las rgyas par gsung ba las so// log pa de rnams kyi las kyi mtha' ni log pa'i las kyi mtha' ste/ mtshams med pa lnga po dag go// 'di la log pa'i las kyi mtha' med pas na log pa'i las kyi mtha' med pa ste/ de dngos po ni log pa'i las kyi mtha' med pa nyid do// phung po zhes bya spangs pa dang / zag pa sdong po che nyid la'o// phung po zhes bya ba spangs pa la ni de thams cad gcig tu bsdus na gzugs kyi phung po zhes bya ba'i grangs su 'gro'o zhes bya ba dang / de bzhin du nor gyi phung po chen po bsgrubs nas gnas so zhes 'byung ba lta bu'o// phrag pa la ni dper na mi zhigs las khri'u'i steng du 'dzegs nas rta'i steng nas glang po che phrag pa la zhon no zhes bya ba'i bar du 'byung ba lta bu'o// sdong po la ni shing ljon pa rtsa ba dang ldan pa dang / sbom pa dang ldan pa chen po zhes 'byung ba lta bu'o// cha la ni sbyin par bya ba phung po gsum dag tu sbyin no zhes 'byung ba lta bu'o// bsngo ba zhes bya rang bzhin dang // rjes su mthun dang dga' ba dang // nyams med khongs su gtogs pa dang / 'dzin par byed dang don drug go// rang bzhin la ni gzugs kyi phung po ni skye mched bcu dang gcig gi phyogs kyis bsdus so zhes 'byung ba lta bu'o// rang bzhin dang rjes su mthun pa la ni 'phags pa'i lam yan lag brgyad ni phung po gsum dag gis bsdus so zhes 'byung ba lta bu'o// dga' ba la ni bsdu ba'i dngos po bzhi po dag ces 'byung ba lta bu'o// yongs su nyams pa med pa la ni 'di ni dbang po lnga po de dag sdud par byed pa yin te/ 'di lta ste/ shes rab kyi dbang po zhes 'byung ba lta bu'o// khongs su gtogs pa la ni 'gro ba dud 'gro'i skye gnas su song

  83. 42b

    ba'i srog chags gang su yang rung ba de thams cad kyi rjes ni glang po che'i rjes su 'dus shing 'du ba yin no zhes 'byung ba lta bu'o// 'dzin par byed pa la ni khang pa brtsegs pa'i phya ma dgu po gang dag yin pa de dag gi mchog ni spyi rten yin te/ 'di lta ste/ sdud pa'i phyir ro zhes 'byung ba lta bu ste/ de lta bu ni dper brjod pa tsam du zad do// de ltar tshig gcig la don du ma byung ba yin te/ gang la gang rig pa de la de brjod par bya'o// tshig du ma la don gcig pa ni dper na rnam grangs kyi tshig lta bu'o// gzhan yang don rnam pa gsum ste// so so re re la brjod par bya ba'i don dang / bsdus pa'i don dang / dgos pa'i don no// de la so so re re la brjod par bya ba'i don ni brjod pa gang gi brjod par bya ba yang yin te/ dper na ma rig pa'i rkyen gyis 'du byed rnams shes bya ba la ma rig pa gang zhe na/ 'du byed rnams gang zhe na zhes bya ba de lta bu la sogs pa bshad pa gang yin pa'o// bsdus pa'i don ni don tha dad pa'i tshig rnams kyi don bsdus pa gang yin pa ste/ ji ltar srid pa'i yan lag bcu gnyis pa'i tshig rnams kyi mdor kun nas nyon mongs pa gsum po nyon mongs pa dang / las dang / skye ba'i kun nas nyon mongs pa rnams bstan pa lta bu dang / de bzhin du ma dang pa ni dad pa phun sum tshogs pa la yang dag par len du 'jug pa nas/ shes rab 'chal pa ni shes rab phun sum tshogs pa'i bar tshig 'di rnams kyis ni mdor na 'jug pa dang bcas pa'i mngon par mtho ba dang nges par legs pa'i rgyu yang dag par len du 'jug pa yongs su bstan pa yin te/ 'di ltar dad pas tshul khrims la tshul khrims dang gtong ba gnyis kyis ni lus dang longs spyod

  84. 43a

    phun sum tshogs pas bsdus pa'i mngon par mtho ba 'thob po/ shes rab kyis ni nges par legs pa 'thob bo zhes de lta bu la sogs pa'o// dgos pa'i don ni rnam krung gsungs pa rnams kyi don brjod pa gang yin pa ste/ de dag la ni so so re re la brjod par bya ba'i don kyang med la/ bsdus pa'i don kyang med de/ brjod par bya ba gcig tu zad pa'i phyir dang / de bzhin/ du bstan pa'i tshig rnams kyang bshad pa las brjod par bya ba'i don tha dad pa med pa'i phyir ci'i phyir bstan pa byas nis dgos pa'i don brjod dgos te/ ji ltar dge slong ma'i mdo sde las kun dga' bo yid phyi rol tu bzhag nas yid phyi rol tu bzhag go snyam pa dang / de'i 'og tu snga ma bzhin du mngon par bsdus nas bdag gi yid phyi rol tu bzhag cing rnam par grol lo snyam du yang dag pa ji lta ba bzhin rab tu shes so zhes bya ba ni bstan pa'o// lhag ma ni bshad pa'o// de bzhin du dge slong drag nga ni shin tu gzhon nur rab tu byung ngo zhes bya ba ni bstan pa'o// mchog tu gzhon nu dang rab tu gzhon nu zhes bya ba ni bshad pa yin te/ rang bzhin dang dus kyi khyad par gnyis kyis shin tu gzhon pa nyid rdzogs par bshad pa'i phyir ro// lhag ma bde ba phun sum tshogs pa yang dag pa bsngags pa ni rgyas par bshad pa yin te/ mchog tu rab tu shin tu gzhon pa de nyid rgyas par bshad pa'i phyir ro// de bzhin du rten cing 'brel par 'byung ba gang zhe na/ 'di lta ste/ 'di yod pas 'di 'byung 'di skyes pa'i phyir 'di skye zhes bya ba ni bstan pa'o// 'di lta ste/ ma rig pa'i rkyen gyis 'du byed rnams zhes rgyas par 'byung ba ni bshad pa'o// de bzhin du tshe dang ldan pa dag bcu gnyis po 'di dag ni khom par gyur pa

  85. 43b

    yin no zhes 'byung ba 'di las bdag dang gzhan phun sum tshogs pa zhes 'byung ba ni bstan pa yin la/ lhag ma ni bshad pa yin te/ bstan pa dang bshad pa gnyis kyi sa bcu gnyis su 'gyur te/ de lta bu la sogs pa bstan pa'i tshig rnams kyi dgos pa'i don yang brjod dgos so// ji skad du phung po lnga rnams dang / nang gi skye mched drug rnams zhes bya ba de lta bu la sogs pa grangs gsungs pa lta bu dag kyang de dag gi brjod par bya ba'i don mi go ba ni ma yin no// ci'i phyir grangs gsungs pa'i dgos pa'i don yang brjod dgos so// de bzhin du tshig gzhan gang dag gi brjod par bya ba'i don ni grags na/ de'i don gyi nus pa nyid ni ma yin pas de dag gis dgos pa'i don yang brjod dgos te/ dper na mnyan yod ga la bar der rgyu zhing gshegs so zhes bya ba'i brjod par bya ba'i don ni 'jig rten na grags na/ ci'i phyir sangs rgyas samanyan thos ljongs rgyu zhing gshegs pa dang / de bzhin du ci'i phyir bcom ldan 'das zla ba phyed dang gsum nang du yang dag par 'jog par mdzad pa dang / ci'i phyir tshe dang ldan pa gsus po che chen po che dang ldan pa shA ri'i bu ga la ba der song ngo zhes bya ba de lta bu la sogs pa'i dgos pa yang brjod dgos so zhe na/ de la rnam grangs gsungs pa dag gi dgos pa'i don ni sngar bshad par zad kyi lhag ma rnams brjod par bya ste/ re zhig bstan pa'i tshig ni mdos 'grel pa'i don 'dzin par byed pa bzhin du bstan pa tsam gyis de bshad pa'i don 'dzin par bya ba'i phyir dang / gdul ba mgo smos pas go ba rnams rjes su bzung ba'i phyir dang / de las gzhan pa rnams la tshe phyi ma la mgo smos pas go ba nyid kyis bsags pa'i phyir dang / bsdu ba dang rgyas par

  86. 44a

    bshad pa la mnga' ba dang ldan pa yang dag pa bstan pa'i phyir dang / gzhan rnams de lta bu la goms pa las de'i sa bon bskyed pa'i phyir ro// lung las bstan pa tsam la ni rnal 'byor pa rnams kyi sems mnyam par gzhag pa yin na/ ji ltar na de rgyas pa'i don thams cad la mnyam par bzhag par 'gyur zhig gu zhes de'i don du bstan pa dang bshad pa gnyis kyis bstan to zhes 'byung ngo // grangs gsungs pa ni kha cig ni bgrang bar bya ba nges par bzung ba'i phyir te/ dper na phung po lnga rnams dang / nang gi skye mched drug rnams zhes 'byung ba lta bu'o// grangs smos pas mi brjed pa'i phyir kha cig ni bde blag du gzung ba'i phyir te/ dper na gang la la'i sems nye ba'i nyon mongs pa nyi shu gcig gis nye bar nyon mongs pa can yin na zhes 'byung ba dang / bcur bskyed pa las kyang chos gcig ni gces sgras su byed pa yin te zhes bya ba nas sa bcu'i bar du 'byung ba lta bu'o// kha cig ni gang dag rgyas par bshad par dgos pas nyan par mi byed pa mang du mnyan pa dang / bzung // bas 'jigs pa nyan du gzhug pa'i phyir te/ dper na 'di dag ni dbang po gsum po dag ste/ mo'i dbang po dang po'i dbang po dang / srog gi dbang po zhes 'byung ba lta bu'o// kha cig ni bya ba mar pos 'jigs pa dag spro ba bskyed pa'i phyir te/ dper na dge slong dag chos gcig spongs shig dang khyed phyir mi 'ong bar 'gyur bar khas len te zhes 'byung ba lta bu'o// kha cig ni gcig gis gcig bsdu ba bstan pa'i phyir te/ dper na 'di dag ni lnga dag tu gyur na gsum dag tu 'gyur la gsum dag tu gyur na lnga dag tu 'gyur ro zhes 'byung ba lta bu'o// kha cig ni tshad shes par bya ba'i phyir te

  87. 44b

    dper na bzang po'i sde pa drug cu dag gi tshogs shes 'byung ba lta bu'o// kha cig ni dngos po gcig tu shes par bya ba'i phyir te/ chos gnyis kyi bya ba dang zas dang gnyen po mtshungs pa'i phyir na dper na sgrib pa lnga rnams 'byung ba lta bu'o// kha cig ni nyid la lnga nas so so yang dag par rig par gyur pa'i don gsung ba nyid du yang dag par bstan pa'i phyir te/ ji skad du bshad pa'am gzhan las kyang rung ste gare rigs pa'o// de lta bu la sogs pa ni grangs gsungs pa'i dgos pa yin no// sangs rgyas rnams rgyu zhing gshegs pa ni rgyu bdun dag gis rig par bya ste/ yul gzhan na 'khod pa rnams 'dul ba'i phyir dang / de na 'khod pa rnams sgom par bya ba'i phyir dang / nyan thos rnams gcig na ha cang yun ring du gnas pa spangs pa'i phyir dang / nyid de la chags pa mi mnga' bar yang dag par bstan pa'i phyir dang / yul rnams mchod rten du 'gyur ba'i phyir dang / srog chags mang po rnams de'i drung du blta ba dang 'gro ba la sogs pas bsod nams bskyed pa'i phyir dang / yams kyi nad dang than pa la sogs pa'i skyon rab tu zhi bar bya ba'i phyir ro// bsdus pa'i tshigs su bcad pa ni// yul gzhan 'dul bar bya phyir dang // de na 'khod pa sgom bya'i phyir// nyan thos du ma gnas bya'i phyir// chags pa mi mnga' bstan byer dang // yul rnams mchod rten 'gyur bya'i phyir// lus can rnams kyi bsod nams phyir// yams nad la sogs zhes bya'i phyir// sangs rgyas chu zhing gshegs par mdzad// nyan thos dag ni rku bco lnga dag gis rku bar rig par bya ste/ ji skad du bcom ldan 'das kyi nyes dmigs lnga dag ste/ ha cang yun ring du gnas na bya ba mang zhing byed pa mang ba yin pa dang / snod smra/

  88. 45a

    mang zhing mchog chas mang ba yin pa dang / gnas la ser sna byed cing gnas la zhen pa yin pa dang / khyim la ser sna byed cing khyim la zhen pa yin pa dang / chags pa dang bcas bzhin du gnas de nas 'gro bar byed do zhes 'byung ba'i nyes dmigs lnga bstan pa'i phyir dang / de bzhin du chos gos la sogs pa dang mi ldan pa'i phyir dang / mi dga' bas gnod pa'i phyir dang / nad kyis gzir ba'i phyir dang / 'dod chags kyis gzir ba'i phyir dang / mi dang mi ma yin pas byas pas gzhan gyis lus dang sems la gnod pa byed pa'i phyir dang / rnyed pa la sogs pa 'dod/ pa'i phyir dang / gzhan la dga' ba'i phyir dang / gzhan la snying rtse ba'i phyir dang / bla ma la zhes bya ba'i phyir dang / yul la sogs pa la ltad mo lta ba'i phyir dang / dge ba'i phyogs khyad par du bya ba'i phyir dang / lhung ba bshags pa'i phyir dang / dkon mchog gsum la bkur sti bya ba'i phyir dang / mchod rten la phyag 'tshal ba'i phyir ro// bsdus pa'i tshigs su bcad pa ni/ nyes dmigs lnga dang / mi ldan dang // mi dga' nad chags gnod pa'i phyir// rnyed sogs sred dang dga' ba dang // snying brtse bla ma zhes dang // ltad mo khyad par bya phyir dang // btung ba dkon mchog bkur sti'i phyir// mchod rten phyag ni bya ba'i phyir// dge slong rgya zhing 'gro bar byed// bcom ldan 'das zla ba phye dang gsum nang du yang dag par 'jog par mdzad pa ni nyan thos rnams skom par bya ba'i phyir te/ 'dir// da ltar nga ni snying brtse ba// mi chung chos la'ang ser sna med// dpe mkhyud med cing mi nus med// nga ni sdug bsngal rang bzhin min// nga'i bstan pa ma zad la// khyed las re ba'ang yod min te//

  89. 45b

    'dul bas nga'i shes mi nus shing // gus dang bcas pa'ang med pas na// des na bstan par mi bya bar// mkhyen cing skom par bya ba'i phyir// zla ba phyed dang gsum dag tu// bcom ldan nang du yang dag 'jog ces gsungs pa lta bu'o// bsod nams ye shes zang zing bskyab// dga' dang klan ka btsal ba dang // bshes dang byas gzo yon gnas dang // de dang gzhan dang gnyis brtse dang / 'jigs dang ltad mo gnyis dang ni// gzhan gyi rjes su 'brang ba'i phyir// rgyu ni bcu dang lnga rnams kyis// song ba yin par rab tu 'dod// de ni ci rigs par rig par bya'o// rnam par bshad pa'i rigs pa las/ le'ur byas pa dang po'o// // bam po gnyis pa// 'di man chad ni gzhan dag la tshig gi don bshad pa la mkhas pa nyid bskyed pa'i phyir mdo sde'i dum bu kha cig gi tshig ni don bshad pa'i phyir phyogs phal cher bstan par bya ste/ sangs rgyas kyi bsngags pa las brtsams nas ni 'di ltar yang bcom ldan 'das de ni zhes rgyas par 'byung ba dang / de'i tshe lha dang bcas pa dang zhes rgya cher 'byung ba dang / ma dul ba rnams dul bar mdzad pa zhes rgyas par 'byung ba dang / de bzhin gshegs pa ni lam mkhyen pa lam thugs su chud pa zhes rgyas par 'byung ba mdo sde'i dum bu bzhi dag ste/ de la mdo sde'i dum bu dang po las 'byung ba'i tshig rnams kyi bsdus pa'i don de ni bgegs bcom nas ston pa phun sum tshogs pa gang du gang gis/ ji ltar gshegs pa dang // ston pa'i phrin las gang yin pa dang / gang dag gis yongs su gzung ba zhes bya ba 'di yongs su bstan to// de la bgegs ni bdud sdig can du 'dod de/ de bcom pa dang ldan pa'i phyir bcom

  90. 46a

    ldan 'das zhes bya'o// ston pa nyid phun sum tshogs pa ni ji lta ba bzhin du gsung ba nyid dang sgrub pa nyid de/ go rims bzhin du ma nor bar gsung ba'i phyir dang / spangs pa dang mkhyen pa phun sum tshogs pa'i phyir te nyoran mongs pa ma lus par spangs pa'i phyir dang / thams cad mkhyer ba nyid kyis yang dag par ji lta ba bzhin du rdzogs par byang chub pa'i phyir ro// gzhan yang ma nor ba dang / nyon mongs pa can ma yin pa dang / ji tsam du gsung bar bya ba gsung ba nyid ston pa nyid phun sum tshogs pa yin te/ de ni de bzhin gshegs pa la sogs pa nyid kyi rnam pa gnyis ka yang yin par bstan to// gang gis gshegs pa zhes bya ba ni rig pa dang zhabs su ldan pa nyid kyis te/ de la rig pa ni yang dag pa'i lta ba ste/ yang dag pa ji lta ba bzhin du lta ba'i phyir te/ zhabs ni lam gyi yan lag lhag ma dag ste/ de ltar na 'phags pa'i lam yan lag brgyad kyis gshe ba yin par bstan pa yin te/ mi mthong ba 'am rkang pa med pa ni 'gro bar mi nus pas so// gzhan yang rig pa ni yang dag pa ji lta ba bzhin gyi shes rab yin la/ de'i zhabs ni tshul khrims dang ting nge 'dzin ni yin te/ de ltar na bslab pa gsum po dag gi gshegs pa yin par bstan pa yin no// shes rab sngar smos pa ni gtso bo nyid yin pa'i phyir te/ de'i dbang gi tshul khrims la sogs pa rtsom pa rnam par dag pa'i phyir la/ rig pa mig dang 'dra bas mthong ste/ zhabs rkang pa lta bus gshegs pa'i phyir te/ gzhan yang mi slob pa'i rig pa gsum dag ni rig pa zhes bya ba la/ zhabs ni tshul khrims nas bzung nas/ mngom par shes pa gsum po'i bar dag ste/ de ltar na rig pa

  91. 46b

    gsum tshogs dang bcas pa rnams kyis ston pa phun sum tshogs pa mnyes par bstan pa yin no// ji ltar gshegs pa zhes bya ba ni phyir mi ldog pa dang / ji tsam du gshegs par bya bar te/ des na bde bar gshegs pa zhes bya ba ste/ phyi rol pa'i 'dod chags dang bral ba dang / de las gzhan pa dgra bcom pa dag las khyad par du bya ba'i phyir ro// ston pa nyid kyi phrin las ni rnam pa gnyis te// 'jig rten skal pa dang mi ldan pa la gzigs par mdzad pa ste/ des na 'jig rten mkhyen pa zhes bya ba'o// gdul ba 'dul ba yang yin te/ des na skyes bu 'dul ba'i kha lo sgyur ba bla na med pa zhes bya ste/ skyes bu 'dul ba chu klung 'od srungs dang / dga' bo dang / sor mo'i phreng ba la sogs pa gdul dka' ba rnams kyang thabs slu ba dang kha na ma tho ba med pas 'dul ba'i phyir dang / gtan du don gyi mchog mya ngan las 'das par 'dul ba'i phyir ro// gang dag gi yongs su gzung ba zhes bya ba ni lha dang mi rnams kyi bstan pa nyid yongs su gzung ba ston te/ lha dang mi rnams kyi ston pa zhes gsungs pa'i phyir ro// de ni zhes gsungs pa de dgang yin zhe na/ sangs rgyas bcom ldan 'das so zhes bya ba gsungs te/ gang zhig sangs rgyas so zhes de ltar grags pa ste/ grags pa dang bcom pa rnam grangs yin pa'i phyir ro// 'dir bshad pa/ dbang phyug dang ni gzugs bzangs dang // grags dang dpal dang ye shes dang // brtson 'grus phun sum ldan pa yi// drug po dag la bcom zhes bshad// gzhan yang bsdus pa'i don ni de ni rgyas pa dang mdor bstan pa'i yon tan bsngags pa yin te/ rgyas pa ni tshig dgu po dag gis ji skad gsungs pa lta bu'o//

  92. 47a

    mdor ni sangs rgyas bcom ldan 'das te/ shes bya thams cad thugs su chud pa'i phyir dang / bdud dang pas kyi rgol ba thams cad rab tu 'joms pa'i phyir ro// mdo sde'i dum bu gnyis pa las mdor na bstan pa dang bshad pa gnyis kyis nyid kyi nyon mongs pa'i sgrib pa dang / shes bya'i sgrib pa las rnam par grol ba'i khyad par ston par mdzad de/ de la lha dang bcas pa'i 'jig rten zhes bya ba ni bstan pa yin to// de la rnam par grol ba'i khyad par ni lha dang mi'i gtso bo dang / gtso bo ma yin pa rnams las rnam par grol ba la sogs pas ston te/ lha gtso bo rnams ni 'dod pa'i dbang phyug bdud rnams dang / rnal 'byor gyi dbang phyug tshangs pa rnams so// mi'i gtso bo rnams ni dge sbyong dang bram ze rnams te/ rgyal pos kyang mchod pa'i phyir ro// lha dang mi'i gtsom ma yin pa rnams ni de las gzhan pa'i lha dang mi rnams dang bcas pa'i skye dgu ste/ lha dang bcas pa'i 'jig rten de las so// so so'i skye bo 'dod chags dang ma bral ba rnams ni ma grol ba dag yin la/ 'jig rten pa'i lam gyi 'dod chags dang bral ba mthong ba'i chos las yongs su nyams pa'i chos can rnams ni grol ba ni yin na nges par 'byung ba dag ni ma yin zhing yongs su mi nyams pa'i chos rnams ni grol ba dang nges par 'byung ba dag ni yin na bral ba dag ma yin te/ ru sbal gyi phru gu snyis zin pa bzhin du bag la nyal rjes su 'brang ba'i phyir ro// rab tu rnam par grol ba dag kyang ma yin te/ slar 'ong ba'i phyir la slar 'ong ba dang bral bar 'gro ba ni rnam par grol ba dag yin pas so// de dag dang chos mi mthun pas bcom ldan 'das kyis nyid kyi grol ba la sogs pa nyid ston par

  93. 47b

    mdzad do// rnam grangs gzhan yang 'di las phyi rol pa rnams ni tshangs pa dang bcas pa'i 'jig rten gyis de pa'i nyon mongs pa kun nas dkris pa'i 'ching ba chad pa las grol ba yang yin/ sa de'i bcom ra nas nges par 'byung ba yang yin mod kyi/ byi bzhin 'brang ba'i mi lta bu'i kun tu sbyor ba gsum rnams kyis bral ba ma yin pa nyid do// de nas sa 'og ma pa'i nyon mongs pa kun nas dkris pa'i 'ching ba dang / skye bo'i btson ra nas rab tu rnam par ma grol ba yang yin te/ yang slar ldog pa'i phyir ro// de dag las khyad par du bya ba'i phyir bcom ldan 'das kyis nyid kyi rnam par grol ba rnam pa bzhi ston par mdzad do// rnam grangs gzhan yang 'di yang phyi rol pa rnams ni sa 'og ma pa'i nyon mongs pa'i 'ching ba las grol ba dag kyang yin/ sdug bsngal gyi btson ra nas nges par 'byung ba dag kyang yin mod kyi/ sa gzhan pa'i nyon mongs pa dang yang ma bral ba yin la/ sdug bsngal las kyang rab tu rnam par ma grol ba dag yin te/ de dag las khyad par du bya ba'i phyir snga ma bzhin no// 'di ltar yang yin te/ 'di las phyi rol pa dag ni de ltar nyon mongs pa'i 'ching ba las grol zhing skye ba'i btson ra nas nges par 'byung ba yin la/ de las bral ba ni ma yin te/ pad+ma'i rtsa ba gcag/ bcwa brgyad kyis 'brel pa bzhin du bag la nyal dang 'brel pa'i phyir ro// rab tu rnam par ma grol ba dog kyang yin te/ yang sa der slar 'ong ba'i phyir ro// de dag las khyad par du bya ba'i phyir snga ma bzhin no// de dag ni gnas skabs de dag na bdag nyid yang dag pa ji lta ba bzhin du rab tu mi shes nas grol ba la sogs par mngon pa'i nga rgyal gyi sems phyin ci ma log dang ldan pas lan mang du

  94. 48a

    gnas pa yin gyi/ bcom ldan 'das la ni de mi mnga' ba'i phyir sems phyin ci ma log pas so// de ltar nyon mongs pa'i sgrib pa las rnam par grol ba'i khyad par bstan nas// shes bya'i sgrib pa las rnam par grol ba'i khyad par ni de'i tshe bdag ni bla na med pa yang dag par rdzogs pa byang chub mngon par sangs rgyas par shes so zhes bya ba ston te/ thugs su chud pas mkhyen pa'i phyir ro// // mdo sde'i dum bu gsum pa las 'dul bar mdzad pa ni nyon mongs pa spangs pa la rab tu 'jog par mdzad pa'i phyir ro// zhi bar mdzad pa ni zhi ba'i nyon mongs par 'jug pa'i bde bar gnas pa la rab tu 'jog par mdzad pa'i phyir ro// de gnyis dang ldan pa'i phyir mdo sde gzhan las thugs dul ba dang / rnam par zhi ba mchog dang ldan pa zhes gsungs so// dbugs 'byin par mdzad pa ni ngan 'gro las yang dag par 'das pa la rab tu 'jog par mdzad pa'i phyir/ yongs su mya ngan las 'das par mdzad pa ni yang srid pa las yang dag par 'das pa la rab tu 'jog par mdzad pa'i phyir ro// mdor na dul ba dang dul ba'i phan yon la rab tu 'jog par mdzad pa nyid du bstan pa yin te/ dul ba ni nyon mongs pa spangs pa'o// dul ba'i phan yon ni mthong // ba'i chos la zhi ba'i bde bar gnas pa dang tshe phyi ma la ngan song dang yang srid pa mi 'byung ba'o// gzhan yang go rims bzhin du nyon mongs pa dang sdug bsngal las/ gtan dang ma lus grol mdzad phyir// phyi rol pa ni gtan du'ang min// ma lus las kyang grol byed min// gzhan yang lus ngag dbang po dul ba dang // bsam gtan bden mthong zad pa la// 'jog phyir 'dul mdzad la

  95. 48b

    sogs nyid// rig bya n+ya gro d+ha'i mdo bzhin// de la bsam gtan ni shes bzhin du gnas pa las bzung nas bsam gtan bzhi dag gi bar dag yin par rig par bya ste/ sbyor ba dang bcas par gzung ba'i phyir ro// lung las ni 'dul bar mdzad pa ni dbang po dul bas tshul khrims rnam par dag pa la rab tu 'jog par mdzad pa'i phyir ro// zhi bar mdzad pa ni ting nge 'dzin ni rnam par dag pa la rab tu 'jog par mdzad pa'i phyir ro// dbugs 'byin par mdzad pa ni shes rab rnam par dag pas dbugs 'byin pa dang / dbugs mchog tu phyin pa gnyis la rab tu 'jog par mdzad pa'i phyir ro// yongs su mya ngan las 'das par mdzad pa ni de nyid kyi bsil bar gyur pa dang / mchog tu bsil bar gyur pa gnyis la rab tu 'jog par mdzad pa'i phyir ro zhes 'byung ngo // 'dis ni mdor na rgyu dang bcas pa'i bslab pa gsum yongs su rdzogs pa la rab tu 'jog par mdzad pa nyid du bstan pa yin no// // mdo sde'i dum po bzhi pa las ni mdor tshig dang po gnyis dang gsum gyis bcom ldan 'das kyi rang gi don phun sum tshogs pa dang / gzhan gyi don sgrub pa phun sum tshogs pa yongs su bstan to// de la lam mkhyen pa lam thugs su chud pa ni lam dang lam ma yin pa gnyis mkhyen pa'i phyir ro// / lam ston pa lam gsung ba ni lam dang lam ma yin pa gnyis yang dag par rab tu ston pa'i phyir ro// gzhan yang 'jig tshogs kun 'byung ba dang / 'gog par 'gyur ba gnyis kyi sgrub pa gnyis yongs su mkhyen pa'i phyir dang / thugs su chud pa'i phyir dang / yang dag par rab tu ston pa'i phyir te/ go rims bzhin no// lam yongs su 'dren pa ni lam mthong ba rnams lam gyi gong nas god du khyad par du/

  96. 49a

    'gro bas lam gyi mthar thug par 'dren pa'i phyir ro// gzhan yang lam mkhyen pas na lam mkhyen pa'o// lam nyid thugs su chud pas na lam thugs su chud pa'o// bsam pa yongs su smin pa rnams la lam ston par mdzad pas na lam ston pa'o// lam nyid du gsung pa'i ngang tshul can yin pas na lam gsung ba'o// lam yongs su 'dren pa ni bsam pa yongs su ma smin pa rnams la rnam par grol ba yongs su smin par byed pa'i shes rab yongs su smin par mdzad pa'i phyir ro// gzhan yang lam mkhyen pa ni de mkhyen pa'i phyir ro// lam thugs su chud pa ni de brnyes pa'i phyir te/ thugs su chud pa ni rnyed pa'i don yin pa'i phyir ro// lam ston pa ni de'i dus na 'gro ba rnams la'o// lam gsung ba ni dus gzhan na 'gro ba rnams la'o// lam yongs su 'dren pa ni de nas 'gro ba'i bar du gcod pa sel ba'i phyir ro// chos kyi bsngags pa las brtsams na ni bcom ldan 'das kyi chos ni legs par gsungs pa yang dag par mthong ba zhes rgyas par 'byung ba dang / bcom ldan 'das kyi legs par gsungs pa'i chos 'dul ba ni legs par bstan pa zhes rgyas par 'byung ba dang / dge slong dag nga'i chos ni legs par gsungs pa gsal ba che ba zhes rgyas par 'byung ba mdo sde'i dum bu gsum ste/ de la mdo sde'i dum bu dang po las 'byung ba'i bsdus pa'i don gyi phyi rol pa dag gi chos las sangs rgyas pa'i chos khyad par yongs su bstan// te/ de la phyin ci ma log par yang dag par gsungs pa'i phyir legs par gsungs pa'o// don mthong ba'i phyir yang dag par mthong ba yin gyi dad pa tsam khong du chud par bya ba ni ma yin te/ ji skad du//

  97. 49b

    sa ra'i mdo las dge slong dag khyed kyi gang dang gang yang dag pa ji lta ba bzhin du yang dag pa'i shes rab kyis mthong ba ni zhes rgyas par gsungs pa lta bu'o// nyon mongs pa'i bag la nyal gyi gnyen por gyur pa'i phyir nas med pa'o// yongs su nyams pa med pas dus chad pa med pa ste/ dus nges pa med pa'i phyir ro// sdug bsngal ma lus pa las nges par 'byung ba la nye bar gtod pa'i phyir nye bar gtod pa'o// thun mong ma yin pa'i phyir 'di mthong ba la yod pa ste/ 'di mthong ba rnams la yod pa'i phyir ro// brtag mi nus pa'i phyir mkhas pa rnams kyi rang gi rig par bya'o// phyi rol pa rnams kyi chos ni de las bzlog pa'i phyir ro// gzhan yang dus thams cad du bya smra ba'i phyir dus chad pa med pa ste/ ji skad du sangs rgyas kyi gsung ni 'gro ba na yang bya smra ba yin la zhes bya ba rgyas par gsungs pa lta bu'o// slob dpon gyi dpe mkhyud dang bral ba'i phyir tshur shog ltos shig pa yang yin te/ tshur shog ltos shig ces bya ba'i skabs dbye ba dang ldan pa'i phyir te/ ji skad du nga'i nyan thos kyi dge slong chur shog cig dang zhes bya ba rgyas par gsungs pa lta bu'o// lhag ma ni snga ma bzhin no// 'dir bshad pa/ 'phags pa'i lam gyi yan lag brgyad po ni/ yang dag don dang don ni mthong ba dang / gnyen po dang ni gtan dang ma lus dang // thun mong min dang rtog ge'i yul min dang // gzhan yang de ni dus chad med pa'i phyir// bya sla ba dang tshur shog ltos shig ces// slob dpon dpe mkhyud bral ba shes bya zhing // lhag ma snga ma bzhin du shes par bya// lung las ni legs par gsungs pa// zhes bya ba ni bstan pa yin la/ lhag ma ni bshad pa yin no//

  98. 50a

    de la gzhan gyi rkyen gyi kha na ma lus pa'i phyir yang dag par mthong ba'o// zag pa med pa yin pa'i phyir nad med pa'o// dus yongs su chad pa med pa'i phyir dus chad pa med pa ste/ yongs su nyams pa mi srid pa'i phyir ro// mya ngan las 'das pa la nye bar gtod pa'i phyir nye bar gtod pa'o// thun mong ma yin pa'i phyir 'di mthong ba la yod pa'o// brjod par bya ba ma yin pa'i phyir mkhas pa rnams kyis rang gis rig par bya'o zhes 'byung ba'o// // mdo sde'i dum bu gnyis pa las ni phyi rol pa dang chos mi mthun pas chos 'dul ba 'di'i yon tan yang dag par bstan pa yin te/ phyi rol pa dag gi chos 'dul ba ni nyes par bstan pa nyid kyis nyes par bshad pa yin no// rdzogs pa'i byang chub tu 'gro bar mi 'gyur ba nyid kyis nges par mi 'byung ba yin no// 'dus pa dang mi ldan pa nyid kyis mi mthun pa yin te/ 'dus pa dang ldan pa ni tshogs pa yin pa'i phyir ro// ston pa de bzhin gshegs pa la sogs pa ma yin pa nyid kyis brten pa med pa yin mdor ni skyon rnam pa 'di bzhi bstan pa yin te/ bstan pa'i chos la don phyin ci log pa nyid kyi skyon dang / sgrub pa'i chos la mya ngan las 'das par mi 'gro ba nyid kyi skyon dang / nyan pa po rnams la blo dum ldan pa'i skyon dang / ston pa la the tshom thams cad gcod mi nus pa'i skyon no// rnam grangs gzhan yang / tshig 'bru bzang min don bzang min// grol dang rig pa'i thabs ma yin// snga ma phyi ma 'gal ba yin// de bzhin bsdu ba bzhi dang ni// bstan pa bzhi dag spangs pa dang // ston pa'ang ston pa'i mtshan nyid med// de ltar gzhan gyi bstan bcos dang // slob ma

  99. 50b

    ston pa skyon can yin// chos 'dul ba 'di ni de las bzlog pas skyon med pa yin no// don phyin ci ma log pa nyid kyis rig pa yin pa'i phyir chos so// nyon mongs pa 'dul ba'i phyir 'dul ba'o// / de ltar na sangs rgyas kyi bstan pa ni yang dag pa'i ye shes dang spangs pa 'dren pa nyid yin par bstan pa yin no// // mdo sde'i dum bu gsum pa las 'byung ba ni rnam pa drug dag gis chos kyi yon tan yongs su bstan pa yin te/ don byin ci ma log pa nyid dang / bde bar 'jug pa nyid dang / gong na med pa nyid dang / lha dang mis yang dag par bzung ba nyid dang / ji ltar 'os pa'i gdul ba la bstan pa nyid dang / slob dpon gyi dpe ma byud med par rgyun tu bstan pa nyid kyis so// de la bde bar 'jug pa nyid ni gsal ba nyid kyis te/ tshig dang yig 'bru gsal ba'i phyir ro// bye ba nyid kyis kyang yin te/ don shin du rnam par bya ba'i phyir ro// gong na med pa nyid ni rgyu ba bcad pa nyid kyis te/ chos shin tu mchog tu 'gro ba ni rgyu ba'o// de 'dir yang dag par chad pas na rgyu ba bcad pa'o// lhag ma gsum ni go rims bzhin du lha dang mi'i bar dag la yang dag par shin tu bstan pa las rig par bya'o// bsdus pa'i tshigs su bcad pa/ de nyid don ni legs kyi sangs phyir/ bde bar 'jug phyir bla med phyir// rab tu bzung phyir ji ltar 'os// ma lus par ni bstan phyir ro// phyi rol pa'i chos ni 'di las bzlog pa'i phyir ste/ bcom ldan 'das kyis nyid kyi chos kyi yon tan thun mong ma yin pa nyid du yongs su bstan pa yin no// // dge 'dun gyi bsngags pa las brtsams nas ni/ bcom ldan 'das kyis nyan thos kyi dge 'dun ni legs par zhugs pa zhes

  100. 51a

    bya ba'i mdo sde'i dum bu sde 'dis ni nyan thos kyi dge 'dun ni dge sbyong gi tshul gyi don dang / dge sbyong gi tshul dang / dge sbyong gi tshul bstan pa las brtsams nas legs par zhugs pa nyid du ston to// dge sbyong gi tshul gyi don ni mya ngan las 'das pa ste/ der zhugs pa ni rigs par zhugs pa ste/ de yis rigs pa'i chos ni bla na med pa kun tu 'thob par 'gyur ba nyid yin la zhes bya ba gsungs pa'i phyir ro// nges pa'i tshig tu na gnas par bya ba ni gnas te/ rtag tu gnas su gyur pas na rigs pa'o// dge sbyong gi tshul ni 'phags pa'i lam yan lag brgyad de/ der zhugs pa ni drang por zhugs pa ste/ bdud rtsi'i sgo ni bye mdzad cing // drang po'i lam ni rab tu bstan zhes gsungs pa'i phyir ro// de bzhin du drang po ci zhe na/ 'phags pa'i lam mo// gya g+hu ba ci zhe na/ lta ba sdig pa can no zhes 'byung ba lta bu'o// dge sbyong rnams la yang dag pa'i rang bzhin du zhugs pa ni mthun par zhugs pa ste/ yang dag pa'i rang bzhin yang byams pa'i lus la sogs pa'i las kyis mthun par gyur pa nyid dang / longs spyod dang / tshul khrims dang lta ba mthun pa nyid kyis so// dge sbyong gi tshul bstan pa ni chos yin te/ de la ji skad bstan pa bzhin du spyod par byed pas na chos dang rjes su mthun par spyod pa'o// rnam grangs gzhan gyi don gyi mchog sgrub pa dang / byin cim log pa sgrub pa dang / tha mi dad pa sgrub pa dang / ji ltar rjes su bstan pa bzhin du bsgrub pa la brtsams nas legs par zhugs pa nyid du ston to// lung las ni mu stegs can gyi 'khor rnams la ni log par bsgrub pa rnam pa

  101. 51b

    bzhi yod de/ chos 'dul ba nyes par bshad pa la zhugs pa nyid dang / tshul 'chos pa nyid dang / bdag gi lta ba mchog tu 'dzin pa nyid dang / rnyed pa dang bkur bstil lhag par chags pa nyid do// de med pa'i phyir bcom ldan 'das kyi nyan thos kyi dge 'dun ni rigs par zhugs pas na chos dang rjes su mthun par spyod pa'o// zhes bya ba'i bar du 'byung ngo // kun nas nyon mongs pa'i phyogs las brtsams nas ni dge slong gang tshul khrims 'chal pa sdig pa'i chos can zhes bya ba ni mdo sde'i dum bu ste/ de la tshul khrims 'chal pa ni rtsa ba'i ltung ba lhag par spyod pa'i phyir ro// sdig pa'i chos can ni ngo tsha shes pa dang / khrel yod pa chu gson pa'i phyir ro// khong myags pa ni kha na ma tho ba de 'chab pa'i phyir ro// 'dzag pa ni kun du spyod pa mi spong ba nyid kyi phyir ro// shing rul pa lta bu ni dam pa'i chos mi skye ba'i phyir ro// bong bu ltar kun du spyod pa ni/ lung bong ltar kun du spyod pa'i phyir te/ ji skad du lung bong gi mdo las gsungs pa lta bu ste/ ji ltar dung gi kha can skad pa sa tshigs su bcad pa lta bu'o// de yang rgyu rnam pa gnyis kyis te/ sdig pa 'dod pa la brten nas don dam pa'i dge sbyong gi tshul khas 'che ba'i phyir ram/ 'khrig pa spang bar khas 'che ba'i phyir ro// mdor na dge slong tshul khrims log par sgrub pa la skyon rnam pa drug yongs su bstan pa yin te/ sbyor ba log pa'i skyon dang / bsam pa log pa'i skyon dang / kha na ma tho ba de las mi ldang ba'i skyon dang / thal ba'i skyon dang / rtogs pa'i skal ba med pa nyid kyi skyon dang / log par 'tsho ba'i skyon no// gzhan yang khong myags pa ni rtog pa mi bzang ba sbrang rkyag la gnas

  102. 52a

    par byed pa'i phyir ro// 'dzag pa ni dbang po drug gi rma nas mi sbed pa'i phyir ro// rnam grangs 'dis ni log pa rnam pa drug yongs su bstan pa yin te/ sbyor ba log pa dang / bsam pa log pa dang / gnas pa log pa dang / rgyu ba log pa dang / skal ba log pa dang / 'tsho ba log pa'o// // gau ta ma dag khyed ni skye dgu nyon mongs pa can/ sdug bsngal can/ mya ngan can// 'khrug pa can yin na/ khyed cag la rnyed pa dag ni ci dag yod/ legs par rnyed pa dag ni ci dag yod ces bya ba 'byung ba ni mdo sde'i dum bu ste/ de la rnyed pa dag ni ci dge yod ces bya ba ni dge ba chos dang ldan pa nyid du ston to// leg par rnyed pa dag ni ci dag yod ces bya ba ni de dang mi ldan pa nyid kyi phyir sngor gyi dge ba'i 'bras bu mi la sogs pa rnyed pa legs par rnyed pa ma yin pa nyid du ston to// nyon mongs pa la sogs pa can nyid kyis ni sdug bsngal gyi rgyu dang / sdug bsngal rnam pa mang po la skye dgu gnas par ston to// de la nyon mongs pa mang ba nyid kyi phyir nyon mongs pa can te/ ji ltar paphal cher thams cad chom rkun du gyur to zhes bya ba lta bu'o// skye ba dang / rga ba dang / na ba dang / 'tsho ba dang / mi sdug pa dang / phrad pa'i sdug bsngal bal che ba nyid kyi phyir sdug bsngal can no// sdug pa dang bral bas mya ngan meng ba nyid kyi phyir mya ngan can no// yongs su tshor ba na 'dod pa mi rnyed pa mang ba nyid kyi phyir 'khrug pa can no// de ni dus gsum dag tu sdug bsngal la sogs pa can yin te/ mi sdug pa'i dngos po dang phrad pa dang / sdug pa'i dngos po dang bral ba dang / sdug pa'i dngos po dang mi ldan pas 'tshal ba na'o// nyon mongs pa can de dag gsum char la khong khro ba dang /

  103. 52b

    sdug pa'i dngos po dang phrad pa la 'dod chags pas so// gzhan yang dbul ba dang / byug pa dang / 'bring ni sdug bsngal la sogs pa can dang go rims bzhin du rig par bya ste/ 'tsho bas phongs pa dang / rgud pa dang / des dgos pa dang / tshegs chen pos 'tsho ba 'byor pas go rim bzhin no// dge sbyong ngam bram ze gang la la mig gi ro myang bar byed pa ni zhes bya ba ni mdo sde'i dum bu'o// / de la nyon mongs pa kun tu spyod pa'i phyir ni bdud kyi dbang du shas kyis song ba yin par bya ste/ shas zhes bya ba ni cung zad kyi don yin pa'i phyir shas kyis ser skya zhes bya ba bzhin no// de dang du len pa'i phyir ni dbang du song ba'o// de'i dbang gis las kun nas slong bar byed pa'i phyir ni lag tu song ba'o// des mi 'dzem pa'i phyir ni ci 'dod dgur bya ba'o// bdud kyi bcing bdag gis ni gnas skabs de thams cad du bcings pa'o// bdud kyi zhags pa dag las ni mngon sum du ma gyur pa yin yang ma spangs pa dag yin pas rab tu ma grol ba'o// thams cad la rnam pa thamasaca 'byung ba ma yin gyi ro myang bar byed pa dag la de 'byung ba'i phyir gang la la zhes bya ba gsungs so// dge sbyong dang bram ze spros pa'i thar pa ni de dag gi dbang du bya ba yin pas bcings pa nyid kyi skyo bar bya ba'i phyir ro// mdor na 'dir nyon mongs pa'i rten dang / dmigs pa dang / rang bzhin dang / gnas skabs kyi dbye ba las nyes dmigs bstan pa yin te/ dge sbyong bram ze ni rten yin no// dmigs pa la sogs pa ni dmigs pa yin no// ro myang bar byed pa ni rang bzhin yin te/ de yang sred pa yin par rig par bya'o// gnas skabs kyi dbye ba ni rnam pa drug ste/

  104. 53a

    kun tu spyod pa dang / dang du len pa dang / zil gyis gnon pa dang / yon tan duHba dang / mngon du gyur pa dang / ma spangs pa'i gnas skabs kyi dbye ba las so// mi dge ba'i chos rnams yang dag par blang ba'i rdzas mthong ba'i chos nyid la sdug pa sngal bar gnas pa dang zhes bya ba ni mang rje'i dum bu'o// de la sdug bsngal ba zhes bya ba ni bstan pa'o// lhag par bshad pa'o// de la sdug bsngal dang bcas pa ni yongs su tshol ba'i tshe grang bar lhags pas slebs pa dang zhes bya ba rgyas par 'byung bas so// phongs pa dang bcas pas ni 'dod pas zangs bdang ldan pa'i byur 'brer ba med pa'i tshe na'o// gnod pa dang bcas pa ni rgyal po dang tsham rkun la sogs pa'i gnod pa dang ldan pa'i phyir kun tu bsrung ba'i tshe dbyug pa dang mtshan ma'i gdang la sogs pas so// yongs su gdung ba dang bcas pa ni mya ngan dang / mi tshim pa dang yid la gcags pa'i yongs su gdung ba dang ldan pa'i phyir te/ rgung pa dang / longs spyod dang / 'chi ba'i dus dag du ste go rims bzhin no// srog gcod pa kun tu bsten cing bsgoms la lan mang du byas pas shes bya ba ni mdo sde'i dum bu'o// de la kun tu bsten cing zhes bya ba ni byas pa nyid du ston la bsgoms la lan mang du byas pas shes bya ba ni bsags pa nyid de brtson pa dang / phyir zhing byed pa gnyis bsam pa dang sbyor bas de rtas par byed pa'i phyir ro// 'di la bsgoms pa byas pa dang / sgom pazung bas sam nges pa'i tshig gis na bsgoms par gyur pas na bsgoms pa ste/ bsam pa nyid kyis te/ ji skad du/ sdig pa byas par gyur na yang // de la yang dang yang mi bya// sdig pa

  105. 53b

    klan bsag sdug bsngal las// 'di la 'dun pa mi bya'o zhes gsungs pa lta ba'o// 'dir 'drar pas ni brtsod pa ston to// yang dang yang du byed pa dang // 'dun par byed pas ni bsags pa na te/ kun tu bsregs pa'i rnam grangs kyi yin no// bsags pa'i lam gang yin pa de ni rnam par smid pa nges par 'gyur ro// kha cig la ni byas pa yang 'gyur te/ skal ba rdung ba'i phyir dang / zhing dang sems pa'i khyad par las so// gal te kun tu bsten pa la sogs pas byas pa dang bsags pa nyid du ston na/ mi sdug pa kun tu bsten ning bsgoms la len mang du byas pas ni 'bras bu chen po 'gyur do zhes bya ba ji ltar rung zhen/ de la yang brtson pa dang / lan mang dubyab bya dgos so// 'di ltar yang yin te/ de la skye ba dang gnas pa dang 'phel ba dang ldan par yang san to// sa yang sbyor ba dang / rnyed pa dang / 'grub pa'i gnas skabs so// gzhan yang stobs dang skabs dang bcas pa dang / skabs bad pa 'byung ba'i yid la byed pa'i gnas skabs te/ ting nge 'dzin mthob pa dang / thob pa dang / goms pa na'o// gzhan yang rnal 'byor spyad pa rnam pa gsub gyi gnas skabs yin te/ rnal 'byor sud pa rnam pa gsum ni las dang pa pa dang / yongs su sbyang ba byas pa dang / yid la byung ba las 'das pa'o// rnam grangs gzhan yang ba nas ma du byed pa'i phyir dang / sems pa de'i sa bon rgyas par byed pa'i phyir dang / rtas pa de byir zhing mngon du gyur pa nyid kyi phyi klu drabaster ba la sogs pa gsum yin no// brjod par bya ba rnam pa du ma yin kyang brjod pa ni gcig yin no zhes bya ba de ni bsgrubs zeran to// sgrib pa lnga po zhes bya ba ni mang sde'i drim bu'o// de la

  106. 54a

    kho na'i dgos pa ni ting nge 'dzin la sbyor ba la sgrib pa gnyis yin no// ting nge 'dzin du zhugs pa'i sgrib pa ni gsum yin te/ sems nang du sdud pa'i phyir dang / phyi rol du rnam par g.yeng ba'i phyir dang / yang dag par sbyor ba la nges pa ni mi rnyed pa'i phyir ro// gzhan yang zhi gnas dang lhag mthong la sbyor ba'i sgrib pa ni sgrib pa gnyis yin la/ zhi gnas la zhugs pa'i ni zhum pa'i skyon yod pa'i phyir zhi gnas kyi sgrib pa ni gcig yin zhing / lhag mthong la zhugs pa yi ni rnam par ma zhi ba dang / ma nges pa'i skyon yod pa'i phyir lhag mthong gi sgrib pa ni gnyis so// gzhan yang tshul khrims kyi sgrib pa ni gnyis te/ 'dod chags dang / zhe sdang gnyis kyis 'chal pa'i tshul khrims kun nas slong bar byed pa'i phyir ro// ting nge 'dzin gyi sgrib pa yang gnyis te/ sems nang du sdud pa'i phyir dang / phyi rol tu rnam par g.yeng ba'i phyir ro// shes rab kyi sgrib pa ni gcig ste/ yang dag par nges pa mi rnyed pa'i phyir ro// lung las tshul khrims kyi sgrib pa ni gcig ste/ tshangs par spyod pa las nyams par byed pa'i phyir ro// gdam ngag gi sgrib pa yang gcig ste/ des tshig mi bzod pa'i phyir ro// zhi gnas dang rab tu 'dzin pa dang btang snyoms kyi dus dag tu de 'grub pa'i sgrib pa gsum mo zhes 'byung ngo // sgyu rtsal shes dag gsum po 'di dag ni sems can rnams kyi las kyi gzhi dang kun 'byung ba zhes bya ba ni mdo sde'i dum bu'o// de la las kyi gzhi deng kun 'byung ba dag ces bya ba ni rab tu 'jug par byed pa dang / rjes su 'jug par byed pa'i rgyu ston pa yin te/ chags pa la sogs pa gang dang du len pa na nyes par spyod pa kun nas slong

  107. 54b

    bar byed pa dang / gang gis mi 'dzem pa na nyes par spyod pa las mi ldog pa yin no// de ltar na de byas pa dang bsags pa yin no// gzhan yang chags pa la sogs pa ni kun tu spyod pa'i gnas skabs dang zil gyis gnon pa'i gnas skabs kyang yin par ston to// de nyid kyi phyir chags pa dang chags pas zil gyis gnon pa zhes bya ba gsungs te/ zil gyis ma non na ni des de las skyes pa'i las slong bar mi byed do// gzhan yang sbyor ba'i gnas skabs dang / mthar thug pa'i gnas skabs kyang yin no yid kyi nyes par spyod pa la sbyor ba'i skabs gang yin zhe na/ chags pa la sogs pa gang gis gzhan gyi rdzas bdag gir bya ba la sogs pa la phyis nges pa rnyed pa'o// gzhan yang chags pa la sogs pa ni lus dang ngag dang yid byed pa dang smra ba dang rtog pa'i gzhi sems kyi kun 'byung ba dag go/ de lta na mi dkar po'i phyogs la yang kun nas 'byung ba smos par 'gyur ro// rnam grangs dang po dag tu ni gzhi zad pa zhes 'byung ba nyid kyis kun 'byung ba zad pa yang rab tu grub pa'i phyir na mi 'gyur la/ btsun pa 'od srungs pa'i gzhung las/ gzhi gsum dag ni las kun 'byung bar bya ba'i phyir zhes 'don pa de dag gi ltar na zlos pa'i skyon yang med pa kho na yin no// ma chags pa la sogs pa yang dge ba'i rtsa ba yin pa'i phyir las kyi gzhi dang kun 'byung ba dag ces ci'i phyir ma smos she na/ chags pa la sogs pa'i gnyen po nyid yang dag par bstar pa'i phyir te/ gzhan du na ni de dag gi gnyen po yang dag par ma bstan par 'gyur ro// de ltar na rnam par rtog pa 'di dag ni mi dge ba rnams dang / sdug bsngal ba rnams dang /

  108. 55a

    'phags pa pa lin+d+ra pa rnams dang/ don med ba nga ldan pa rnam pas zhes bya than pa snga dub bru'o// dal ma dge ba rnams dri 'bras bu 'i sdug pa'i phyir ro// pa brnams ni mthong ba'i chos la sdug bsngal gyi rnas pa'i phying ro// 'phags pa ba smin parnam sa ni dge ba'i tshe me yongs su zhums par 'gyur ba nyid kyi rnam par byung ba dang 'gal bcan nyid mer pa'i phyir ro// don med pa dang ldan pa rnams ri k+sha da ras nyor mongs pa dang bathun pa'i gling ro// mi dag 'dod pa dag rnams ni mi gtsang ba rnams dang / dri mi nam pa rnams dang / dring ba rnams dang / mi mthun pa rnams yin no// zhes bya ba ni bdo sde'i dum bu'o// de la'i theg pa'i gzhi'i 'dod pa rnams ni mi gtsang ba rnams te/ lus dri ma can du gyur pa nyid kyis bkru dgos pa'i phyir ro// dri mi zhim pa rnams ni gcin dang phyis 'dzag pa'i phyir ro// dring ba rnams ni rang bzhin gyis sha dang khrag la sogs pa'i rang bzhin yin pa'i phyir ro// mi mthun pa rnams ni rnas re re yang smug bro ba'i gzhi yin pa'i phyir dang / 'khrig pa bsnyen pa'i 'jug du mi mthun pa skye ba'i phyir ro// de ltar na tshig gcig dang gnyis kyis 'dod pa rnams kyi 'brel pa dang / 'dzag pa dang / rang gi mtshan nyid kyi skyon yongs su bstan pa yin no// 'dir yang / 'di ltar 'dod pa mi gtsang rnams// dri mar 'gyur bas bkru ba dang // rmA ser gcin skyug dri mi zhim// dring rnams ni rang bzhin gyis// mi mthun rnams ni rdzas re yang // gang phyir de dag smad pa dang // 'khrig pa brten pa'i 'jug tu yang // mi mthun pa ni skye phyir ro zhes bya ba smos so// gzhan yang mi gtsang ba nyid rnam pa

  109. 55b

    gnyis te// rnag mi gtsang ba nyid dang / nyon mongs pa mi gtsang ba nyid de/ ji skad du/ lus 'di nyid mi gtsang ba rnam pa sna tshogs kyis gang bar so sor rtog go zhes gsungs pa lta bu'o// nyon mongs pa mi gtsang ba nyid ni ji skad du/ mig chung mi gtsang bar byed pa zhes 'byung ba lta bu'o// de phyir rnag mi gtsang ba nyid yang dag par bstan pa'i phyir dri mi zhim pa rnams zhes bya ba gsungs so// dri mi zhim pa nyid kyi rnam pa'i khyad par bstan pa'i phyir dri nga ba rnams zhes bya ba gsungs so// mi mthun pa rnams ni snga ma bzhin no// mi gtsang ba ma brjod na ni rnag mi gtsang ba nyid kyi dri mi zhim pa'i mtshan nyid ma bstan par 'gyur bas so// dri mi zhim pa ma brjod na ni dri nga ba smad pa nyid du ma bstan par 'gyur bas so// lung las ni mi gtsang ba rnams ni bstan pa yin la lhag ma ni bshad pa yin te/ de la mdor na 'dod pa dag ni rnam pa gnyis dag ste/ kha zas kyi 'dod pa rnams dang / 'khrig pa'i 'dod pa rnams te/ ji skad du/ ral pa can gyi mdo sde las// zas rnams dang ni sgrom rnams dang // yang na de bzhin ro rnams dang // bud med rnams ni 'dod rnams yin// 'di na kha cig 'chi zhes gsungs pa lta bu'o// de la kha zas kyi 'dod pa rnams ni yongs su 'gyur ba nyid kyis dri mi zhim pa rnams dang / dring ba rnams te/ gcin dang byi sa'i dngos po dang / shal sogs pa'i dngos por yongs su 'gyur ba'i phyir ro// 'jig pa'i 'dod pa rnams ni yongs su 'gyur ba nyid kyis mi mthur pa rnams te/ yongs su gdung ba dang bral na mi mthun pa skye ba'i phyir ro zhes 'byung ngo // 'dod pa'i rgyu dang 'dod pa'i ga'i zhes bya ba ni mdo

  110. 56a

    sde'i dum bu'o// de la nyon mongs pa'i 'dod pa ni rnam pa gnyis su rig par bya ste/ 'dun pa dang 'dod chags so// gzhi'i 'dod pa yang rnam pa gnyis te/ thob pa dang // ma thob pa'o// de la 'dod pa'i rgyu nga 'dod pa'i gzhi nyon mongs pa'i 'dod pa rnam pa gnyis kyis so// 'dod pa'i dbang du bya ba dang / 'dod pa rnams kho na'i rgyu zhes bya ba ni gzhi'i 'dod pa rnam pa gnyis kyi don du ste/ lus de ltar na rgyu gang gis dang gang gi don du rtsod pa de yongs su bstan pa yin no// chags pa dang / zhen pa dang / 'chums pa dang / mdud pa bor ba dang / brgyal ba dang / lhag par chags pa dang / lhag par zhen par gyur pa zhes bya ba ni mdo sde'i dum bu ste/ 'dod chags kyis kun nas dkris pa skyes pa'i phyir dang / skyes pa dang du len pa'i phyir dang / thob pa dang / longs spyod 'dod pa'i phyir dang / de'i thabs la lan mang du rjes su rnam par rtog pa'i phyir dang / nyes dmigs mi mthong ba'i phyir dang / yongs su gzung ba kun tu 'dzin pa skye ba'i phyir dang / mi tshim pa nyid kyi rgyus de bstan pa la sems gzhol ba sa lan mang du gnas pa'i phyir go rims bzhin du rig par bya'o// 'dod pa la 'dod chags dang / lhag par zhen pa dang / rnam par bcings pa dang / yongs su zhen pa dang / kun tu 'dod chags kyi rgyus zhes bya ba ni mdo sde'i dum bu ste/ kun tu spyod pa dang / dang du len pa dang / zil gyis gnon pa dang / des mi 'dzem pa dang / de la kun tu dga' ba nyid dang go rims bzhin no// gzhan yang rang gi 'dod pa la mngon par dga' ba dang / yongs su bzung ba dang / mi 'bral bar 'dod pa dang / gzhan gyi 'dod//

  111. 56b

    pal mngon par dga' bar byed pa dang / kun tu 'dod chags pa gnyis te/ 'dod pa la 'dod chags dang / lhag par zhen pa dang / rnam par bcings pa dang / yongs su zhen pa dang / kun tu 'dod chags dang go rims bzhin no// lte ba rnams la yang lta ba la 'dod chags dang / lhag par zhen pa dang / rnam par bcings pa de ni de bzhin no// lta ba ni mi mthun pa rnams yin na ni ngang gi lta bar mngon par dga' bar byed pas yongs su zhen pa'o// lta ba mthun pa dag yin na ni de'i lta ba la rjes su chags pas kun tu 'dod chags su rig par bya'o// de lta bu'i tshig rnams nirnam grangs su gsungs pa yin kyang nyes pa byed do// dgos pa dang bcas pa yin pa'i b+h+rir sngar ji skad pa shad pa lta bu'o// dge slong drug sems can de dag la ni don spyod pa med/ chos kyi pa med/ bsod nams spyod pa med/ dge ba spyod pa med/ dge legs spyod pa med do zhes bya ba ni mdo sde'i dum bu'o// mdo sde'i don 'tshol ba dang / nyan pa dang / sems pa dang rab tu ston pa dag ni don spyod pa'o// chos 'tshal ba dang nyan pa dang klog pa dang 'don pa dang ston pa ni chos spyod pa'o// de gnyis ka la brten nas mngon par mthong ba las brtsams te/ bsod nams kyi las byed pa ni bsod nams spyod pa'o// mi g.yo ba'i las byeng ba ni dge ba spyod pa ste pi dge ba spangs pa'i phyir ro// nges par legs pa las brtsabs te byang chub kyi phyogs sgom pa ni dge legs spyod pa ste/ dri ma med pa'i phyir dang / yongs su nyams pa med pa nyid kyis 'gyur ba med pa'i phyir ro// gzhan yang sbyin pa ni bsod nams

  112. 57a

    spyod pa'o// tshul khrims ni dge ba spyod pa ste// bde ba'i don gyis na gzhan la mi gnod pa'i phyir ro// sgom pa ni dge legs spyod pa'o// dge slong dag de ni chu gter chen po zhes bya ba ni mdo sde'i dum bu'o// de la snod che ba nyid kyi phyir chu gter chen po'o// ye nas chu che ba nyid kyi phyir chu'i chu bo chen po'o// chu klung sna tshogs nas glo bur du 'bab pa'i phyir chu'i tshogs chen po'o// skams par mi 'gyur ba nyid kyi phyir chu'i chu chen po ste/ rtag tu chur 'dug pa'i phyir ro// lung las ni chu chen po sdud pa'i don dang / mi skye ba'ikyi don dang / gcig tu 'gyur ba'i don dang / mi zad pa'i don gyi chu gter chen po dang / chu'i chu chen po'i bar dag yin no zhes 'byung ngo // thags 'khrugs pa lta bu zhes bya ba de ni mdo sde'i dum bu'o// de la nor dang khyim dang bu dang chung ma la sogs pa la sred pas phan tshun du sems 'phros pa nyid kyi phyir thags 'khrugs pa lta bu'o// de dang 'brel pa'i rnam par rtog pa mang du byed pa'i phyir rnam par grol ba dka' ba nyid kyis dru bu 'dzings pa lta bu'o// de yongs su gzung ba la kun tu 'dzin pas sdug bsngal mang pos gzir ba'i rten du gyur pa nyid kyi phyir rtswa mun dza dang / bal ba dza lta bur gyur pa'o// lta bu dang gyur pa'i sgra gnyis ni rnam pa'i don rnams/ dpe'i don gnyis su rig par bya'o// de ltar na 'dun pa dang rnam par rtog pa dang / lhag par zhen pa dang ldan pa'i phyir go rims bzhin du thags 'khrugs pa la lta bu la sogs pa yin par rig par bya'o// gzhan yang phrad pa dang mi 'bral ba la sred pa dang / nyes

  113. 57b

    dmigs kyi gnod pa dang ldan pa'i phyir yang go rim bzhin no// sdug bsngal ba mi bzad pa zhes bya ba'i mdo sde'i dum bu'o de la sdug bsngal ba ni rang bzhin gyis mi mthun pa nyid kyis so// / mi bzad pa ni che ba nyid kyis so// rtsub pa ni rtag tu rtse mi 'jil ba'i rgyun nyid kyis so// tsha ba ni phrad pa'i dus na mi bzod pa nyid kyis so// yid du mi 'ong ba ni dran pa'i dus na brjod du mi btub pa nyid kyis so// srog 'phrog pa ni srog gi dbang po dang 'gal ba nyid kyis so// mdor na rang bzhin dang / rnam pa dang / gnas pa dang / las kyi khyad par gyis tshor ba'i khyad par ston par byed do// de la las kyi khyad par ni lus dang sems dang srog la gnod pa nyid kyis rig par bya'o// gang las drag pa sdug bsngal ba zhes 'byung ba der ni rang bzhin la sogs pa'i khyad par gyis drag pa nyid khyad par du byed do// 'bral zhing mi skyel zhes bya ba ni 'bral ba'am mi ldan pa 'dri ba yin no// de 'bral zhing mi skye bar mngon pa yin nam zhes bya ba ni skabs skabs su de yod par 'dri ba'o// yang na ma lus par bral ba dang / mi ldan pa'i skabs 'dri ba'o// sdug bsngal nyid gsum ste zhes bya ba mdo sde'i dum bu'o// de la 'du byed rnams kyi rang gi mtshan nyid mi mthun pa nyid kyis sdug bsngal gyi sdug bsngal nyid do// spyi'i mtshan nyid 'byung ba dang 'jig pa mi mthun pa nyid kyis 'du byed kyis sdug bsngal nyid do// / gzhan du 'gyur ba'i mtshan nyid mi mthun pa nyid kyis 'gyur ba'i sdug bsngal nyid yin no// ji skad du/ 'du byed sdug bsngal nyid dang ni// 'gyur ba nyid du mkhyen nas ni// rdzogs sangs

  114. 58a

    rab tu mkhyen pa yis// tshor ba sdug bsngal nyid du gsungs shes bya ba ni gang zhig sdug bsngal nyid dgongs pa can yin pa de'i dgongs pa stong pa yin no// lung las ni rang dang spyi'i mtshan nyid gnyis kyis rang bzhin gyis sbrul nyid kyi dbang du mdzad de/ sdug bsngal dang 'du byed kyi sdug bsngal nyid gnyis gsungs la/ 'gyur ba'i sdug bsngal nyid kyi dbang du mdzad nas ni/ 'gyur ba'i sdug bsngal nyid ge sungs so zhes 'byung ngo // srog gcod pa dang drag shul can dang lag pa khrag dmar ba dang zhes bya ba ni mdo sde'i dum bu'o// de la bsad pa'i bsam pa nyid dang / gsad par sbyor ba nyid dang / de gnyis ka la mngon par dga' ba nyid dang / de'i gzhi nyid dang / de dang rjes su 'brel pa nyid kyis srog gcod pa yongs su bstan to// de'i gzhi yang kha na mtho bo de la ngo tsha ba med pa dang / snying mi brtse ba yang yin te/ srog chags phra mo sdug bsngal ba mi mkho ba rnams la yang ngo // de dang rjes su 'bral ba nyid ni ji srid du mi spong ba'o// gsod pa ni gsod par byed pa ste 'chi bar byed pa zhes bya'o// rab tu gsod pa ni rnam pa nas gsod pa ste/ rnam pa re re nas 'chi bar byed pa'o// rnam grangs gzhan yang drag shul can nyid kyis ni shan pa la sogs pa'i srog gcod pa nyid khyad par du byed pa yin no// drag shul can nyid kyang lus drag shul can nyid dang / sems drag shul can nyid dang / der gcig tu nges pa nyid dang / der gtan tu nyid kyis ston par byed do// de la ngo tsha ba med pa dang / snying mi brtse ba dang ldan pa nyid kyis ni der

  115. 58b

    gcig tu nges pa nyid yin la/ mi spong ba nyid kyis ni der gtan du ba nyid yin par rig par bya'o// dge slong dag gson pa rnams las gnyid log pa ni stod pa dang zhes bya ba ni mdo sde'i dum bu'o// gson pa rnams las gnyid log pa stong pa zhes bya ba ni bstan pa yin la/ lhag ma rnams ni bshad pa yin no// de la gang dag la gnyid mi 'byung ba gson pa'i bya ba dag ni rnam pa bzhi ste/ gson pa dag ni brtson 'grus rtsom// de las phyi mar 'bras sdug dang // dge slong tshul don rnams gzhan yang // 'di la longs spyod pa de ba 'byung // de dag med phyir gnyid log pa'i// srog ni gsog dang 'bras med dang // don med pa dang de bzhin du// phan yon med pa nyid du 'dod// gzhan yang skyes bu'i rtsal med pa'i phyir gsogs yin no// phal cher rnam par smin par mi 'gyur ba'i phyir 'bras bu med pa'o// yang dag pa yul du ma gyur pa nyid kyi phyir don med pa'o// dus ma yin par gnyid log pa ni lus dang sems las su mi rung ba nyid 'du byed pa'i phyir phan yon med pa'o// rnam grangs gzhan yang gnyis kyi gnas skabs sems med pa ni stong pa yin la/ gnyid kyi gnas skabs sems dang bcas pa'i lcug ma ste snga ma bzhin no// byis pa rmongs pa mi gsal ba mi mkhas pa zhes bya ba ni mdo sde'i dum bu'o// de la byis pa zhes bya ba ni bstan pa yin la/ lhag ma bshad pa yin te/ mi shes pa dang / the tshom dang / log pa'i shes pa dang ldan pa'i phyir ro// tshul bzhin ma yin pa la mkhas pa ni mi mkhas pa'o// rnam grangs gzhan yang gnyis te/ byis pa ni nyes

  116. 59a

    par bsam pa sems pa la sogs pas so// rmongs pa dang mi gsal ba dang mi mkhas pa ni thos pa dang / bsam pa dang / bsgoms pa las byung ba'i shes rab rnams dang mi ldan pa'i phyir go rim bzhin no// lhan cig skyes pa dang / zos pa dang / bsam pa dang / bsgoms las byung ba'i shes rab rnams dang mi ldan pa'i phyir yang byis pa nas mi mkhas pa'i bar ro// byis pa'i rang bzhin can/ rmongs pa'i rang bzhin can/ shes rab 'chal pa'i rang bzhin can zhes bya ba ni mdo sde'i rum bu ste/ de ni go rim bzhin du mi shes pa dang / the tshom dang / log pa'i shes pa dang ldan pa las rig par bya'o// gzhan yang shes rab ma byang ba dang / zhan pa dang / log pa rnams dang go rim bzhin no// gzhan yang rang gis legs par gsungs pa dang / nyes par bshad pa'i chos rnams kyi don shes par mi nus pa nyid kyi phyir byis pa'i rang bzhin can no// zos kyang mi nus pa nyid kyi phyir rmongs pa'i rang bzhin can no// byin ci log tu mngon du zhen pa'i phyir shes rab 'chal pa'i rang bzhin can no// gro bzhin skyes dge sbyong ngam bram ze gang la la dag gzugs mi rtag pa zhes b+hA ba ni mdo sde'i dum bu'o// de la gzugs mi rtag pa nas rnam par shes pa mi rtag pa nyid kyi bar gyis ni lus skye ba dang 'jig pa nyid ston par byed la/ mi brtan pas ni dus yun mi ring bar 'jig pa nyid do// yang yide bstan du mi rung bas ni dus ma nges par 'jig pa nyid do// 'gyur ba'i chos can gyis ni gnas skabs mi 'dra ba nyid kyi 'jig pa'i nyid yin to// gnas skabs mi 'dod pa nyid du 'gro ba'i phyir ro// gcig gis

  117. 59b

    ni 'dus byas kyi mtshan nyid gnyis dang ldan par ston par byed la/ gnyis kyis ni gnas pa'i khyad par te/ rgyun ni yun mi ring bya dang / dus ma nges pa nyid kyi phyir ro// bzhi pas ni gnas pa de nyid gzhan du 'gyur ba nyid do// gzhan yang gcig gis ni lus mi 'jig par 'gog par byed la/ gnyis pas ni yun ring po nas 'jig pa'o// gsum pas ni dus nges par 'jig pa'o// bzhi pas ni 'gyur ba med par 'jig pa'o// gzhan yang gcig gis ni skad cig mar 'jig pa'i mi rtag pa nyid ston par byed la/ gnyis kyis ni rgyun 'jig pa'i mi rtag pa nyid de ris mthun pa las yun ring du mi gnas pa nyid kyi phyir dang / dus ma yin par 'chi srid po'i phyir ro// bzhi pas ni 'gyur ba'i mi rtag pa nyid do// dang po ni rang gi sgras bstan pa yin te/ don dam pa yin pa'i phyir ro// 'dir smras pa/ mi 'jig yun ri 'jig pa dang // dus dang 'gyur ba med pa bkug/ skad cig dang ni tshe dang ni// 'gyur zad rnam pa gsum yang bstan// // bam po gsum pa// gzugs gang rtag pa dang brtan pa dang ther zug pa zhes bya ba ni mdo sde'i dum bu'o// de la rtag pa ni mi rtag pa nyid med pa'i phyir ro// bstan pa ni skad cig mar 'jig pa med pa'i phyir te dus gzhan du gnas pa nyid kyis so// ther zug ni rgyud 'jig pa med pa'i phyir ro// mi 'gyur ba'i chos can ni 'gyur ba med pa'i phyir ro// yang dag par de bzhin du gnas par 'gyur ba zhes bya ba ni ji ltar 'dod pa ste/ rnam pa snga ma mi srid na phye ma 'dri ba yin no// rnam grangs gzhan yang skad cig mar 'jig pa la sogs pa med pa'i phyir yang

  118. 60a

    brtun pa la sogs par rtag pa nyid 'dri bar byed pa yin no// rnam grangs gzhan yang rtag pa ni zer zug gi don gyis yin la/ brtan pa ni mi 'gyur ba'i don gyis yin te/ tshig gnyis ni tshi ga gnyis kyis rnam par bshad pa yin par yang 'og nas bstan par bya'o// 'phags pa nyan thos shes nas dad pa bzhi dag dang ldan pa ni 'tshe ba dag gis dbul ba ma yin zhes bya ba ni mdo sde'i dum bu'o// de la 'phags pa'i nor bdun dang ldan pa'i phyir 'tsho ba dag gis dbul ba ma yin no// 'tshe ba med pa'i 'jigs pa spangs pa'i phyir bkren pa ma yin no// log pa'i 'tsho ba spangs pa'i phyir phongs pa ma yin no// nor dang sems dang tshe ba ngan pa dang ldan pa'i phyir ni dbul ba dang / bkren pa dang / phongs pa nyid du rig par bya'o// gal te ting nge 'dzin 'du byed pas zin zhing zhes bya ba ni mdo sde'i dum bu'o// 'du byed pas zin pa ni yun ring po nas mngon du 'gyur ba'i phyir ro// chu bzhin du 'tsho ba ni myur bar 'bral ba'i phyir ro// chos nyid kyis zin pa ni rtag tu bag yod pas bsrung bar bya ba nyid kyi phyir ro// zhi ba ma yin pa ni de'i mi mthun pa'i phyogs sa 'og ma pa'i nyon mongs pa shin tu ma thul ba'i phyir ro// gya nom pa ma yin pa ni rang gi sa pa'i nyon mongs pa dang 'dres pa nyid kyi phyir ro// lam bag yangs su 'gyur ba thob pa ma yin pa ni shin tu ma goms pa nyid kyi rgyus rang gi ngang gis mi 'byung ba'i phyir ro// sems rgyud cig tu gyur pa rtogs pa ma yin pa ni g.yo ba dang bcas pa nyid kyi phyir ro// de la rtag tu bag yod pas bsrung bar bya ba nyid ni mi zhi ba la sogs pa'i rgyus

  119. 60b

    rig par bya'o// dkar po'i phyogs ni de las bzlog par rig par bya'o// 'dir smras pa/ myur du mngon du 'gyur ba dang // myur du 'bral bar mi 'gyur dang // nAg tu bag yod pa srung bya min// de yi mi mthun phyogs bcom phyir// rang gi nyon mongs ma 'dres phyir// shin tu groms 'ab de med 'byung phyir// 'du byed zin la sogs pa min// rgyud gcig yin te mi g.yo phyir// lung lus na/ bas mngon 'an na kyi byed// minyams b+hi da n+ta bsrung byed// na mongs min byer dag nyid byeng // dad kris 'byung rdzing yang sa rdzogs kyi/ ma ban byed pasam zin pa nas rgyud gcig tu gyur pa rtogs pa'i bar du yin no zhes 'bung ngo // de de ltar sems mnyam par gzhag pa yongs su dag pa dang zhes bya ba mdo sde'i dum bu'o// de la sa yongs su dag pa ni yongs su byang ba'i don gyis te/ de'i mi mthun pa'i phyogs sa 'og ma pa'i dri ma spangs pa'i phyir ro// nyon mongs pa med pa ni nye ba'i nyon mongs pa dang bral ba'i don gyis// te/ rang gi sa pa'i nyon mongs pas nyon mongs pa can ma yin pa'i phyir ro// drang por gyur pa ni las su rung ba'i don gyis te/ 'bad pa med par 'byung ba nyid kyi phyir ro// gnas pa ni mi g.yo ba thob pa'i don gyis te/ bsam gtan bzhi pan g.yo ba med pa'i phyir ro// de ltar ting nge 'dzin de ni dge ba nyid dang / ji ltar na de dge ba nyid dang dbang du bya ba nyid dang / yongs su grub pa nyid rnam grangs kyi mtshan nyid dang bcas pa yongs su bstan pa yin no// res 'ga' tshig gnyis ni gzhan gnyis kyi rnam par 'chad de/ dper na sems mgu ba dang semasanya

  120. 61a

    bde ba zhes bya ba ni sems dga' ba dang / sems sgrib pa med pa zhes bya ba 'dis so zhes 'byung ba lta bu'o// res 'ga' tshig gcig gzhan gcig gis yin te/ dper na yang dag phul gyis chos bstan pa kun tu shes par skal ba yod cing nus pa yin zhes 'byung ba lta bu ste/ 'di ni dper brjod pa tsam du zad do// 'dir yang smras pa/ mi mthun phyogs du bral phyir drung // nyan mangs mdo sgrib mang 'byung phyir// g.yo ba med phyir gnyis pas ni// yengs dag la sogs rig par bya// glu n+d+hes dang gnyis kyis tid 'dzin gyis// de dag nyid dang de ji lta// dbang bya nyid dang grub pa nyid// mtshan nyid bcas par rab tu bstan// rnam grangs gzhan yang yongs su dag pa ni nyon mongs pa med pa dang / nye ba'i nyon mongs pa dang bral ba nyid kyis twe/ go rim bzhin du rnyed pa dang bkur sti dang tshigs su bcad pa dang ldan pa'i 'dod pa rgyu ba dang / sred pa dang / lta ba dang / nga rgyal dang / the tshom gyi nye ba'i nyon mongs pa dang bral ba'i phyir ro// yongs su byang ba ni drang por gyur pa la sogs pa nyid kyis te/ de la drang por gyur pa ni 'bad pa med par 'byung ba nyid kyis shin tu thul ba'i phyir ro// las su rung ba ni mngon par shes pa bsgrub par rung ba nyid kyi phyir ro// gnas pa ni yongs su nyams par mi 'gyur ba nyid kyi phyir ro// mi g.yo ba thob pa ni bsam gtan bzhi pa ni g.yo ba thams cad dang bral ba'i phyir ro// 'dir yang smras pa/ gnyis kyis yongs dag yin la tshig/ gzhan dag gis ni yongs bya ba nyid// rnyed 'dod la sogs sred la sogs// bral phyir

  121. 61b

    shin tu thul ba'i phyir// mngon shes yon tan rung nyid phyir// nyams med phyir g.yo zad pa'i phyir// don grub dag gis go rim bzhin// nyon mongs med sogs nyid shes bya// rnam grangs gzhan yang yongs su dag pa ni de'i mi mthun pa'i phyogs sa 'og ma pa spangs pa'i phyir ro// yongs su byang ba ni de thag ring du byas pa'i phyir ro// nyon mongs pa med pa ni rang gi sa pa'i phyogs nyon mongs pa dang ma 'dres pa'i phyir ro// nye ba'i nyon mongs pa dang bral ba ni de kun tu rgyu ba thag ring du byas pa'i phyir ro// drang por gyur pa ni 'bad pa med pa dang ji ltar 'dod par 'byung ba'i phyir ro// / las su rung ba ni mngon par shes pa rung ba nyid kyi phyir ro// gnas pa ni mi nyams pa'i cha dang mthun pa'i phyir ro// mi g.yo ba thob pa ni snga ma bzhin no// ting nge 'dzin dang gnas dang ldang zhes bya ba ni sdom gyi tshigs su bcad pa ste/ de la gnas pa ni ji srid 'dod pa rjes su 'jug pa yin no// ldang ba ni mnyam par ma bzhag pa'i sems mngon par rjes su 'jug pa'am sa gzhan pa'o// nyams bde ba ni las su rung ba nyid dang nye ba'i nyon mongs pa dang bral ba nyid do// spyod yul ni dmigs pa yin no// mngon par sgrub pa ni skyed pa yin no// 'phrod pa ni rnyed pa dang mthun pa yin no// mi 'phrod pa ni de dang mi mthun pa yin no// gnas ka ni de gnyis ka dang bcas pa'o// skye ba ni 'phel ba yin no// 'bri ba ni 'grib pa yin no// thabs ni de gnyis ka'i bzhi yin no// sred pa yang sred par 'byung bar byed pa dga' ba'i 'dod chags dang ldan pa zhes bya ba ni mdo sde'i dum bu'o// de la ma lus par spangs pa zhes bya ba ni/

  122. 62a

    bstan pa yin pa la lhag ma ni bshad pa yin te/ gnas skabs thams cad kyi spong ba kun tu bstan pa'i phyir ro// gnas skabs thams kyi spong ba ni sel ba'i gnas skabs dang / rnam par gnon pa'i gnas skabs dang / mthong ba'i lam gyi gnas skabs dang / bsgom pa'i lam gyi gnas skabs dang / mi slob pa'i lam gyi gnas skabs dang / kun nas dkris pa dang bral ba'i gnas skabs dang / bag la nyal ba dang bral ba'i gnas skabs so// sred pa langs pa ni kun nas dkris pa yin te/ des sems rnam par ma zhi bar 'dus gi/ de'i phyir dang bral ba ni rnam par zhi ba yin no// sred pa nyal ba ni sa bon gyi gnas skabs bag la nyal yin te/ de yang rtag tu rgyud la gnas so// de'i phyir de dang bral ba ni nub pa yin no// rnam pa gcig kyang ma brjod na sred pa'i gnas skabs thams cad spong ba'i rab tu dbye ba kun tu ma bstan par 'gyur bas so// de lta bu'i tshig rnams ni rnam grangs su brjod pa yin kyang skyon med par sngar ji skad bstan pa lta bu yin no// rtog ge pa dang zhes bya ba ni mdo sde'i dum bu'o// de la rnam pa gnyis kyis rtog ge pa yin te/ mngon par rtog pa nyid dang / de'i spyod yul los mi 'dra' ba nyid kyis so// des na spyod pa pa dang / rtog ge la zhugs pa'i sal gnas pa zhes bya ba smos so// rnyog gel zhugs pa'i sna gang zhe na/ rang gi spobs pa dang ldan pa rnams dang / so so'i skye bo rnams kyis mngon par rtogs pa dang ldan pa gang yin pa ste/ de kho na'i lung dang ldan pa yin no// sa ni yul zhes bya ba'i tha tshig go/ de ltar tshig gcig ni bstan pa yin la

  123. 62b

    gnyis ni bshad pa yin zhing / tshig gsum ni bstan pa yin la/ gsum ni bshad pa yin par rig par bya'o// gzhan yang rtog ge pa ni rnam grangs nyid dang / mtshan nyid nyid kyis kun tu bstan pa yin no// spyod pa pa zhes bya ba ni rnam grangs yin te/ khyad par du bya ba'i phyir te don du gnyer ba re gang yin pa yang rtog par byed ces bya ba yin pas der thal bar gyur na mi rung bas so// rtog shel zhugs pa'i sa la gnas pa zhes bya ba ni mtshan nyid yin te/ de yang tshe rabs snga ma la rtog ge la goms pas bsgoms pa'i rgyud dang / de kho na mthong ba dang bral ba dang / rtog gal 'dris par bya ba thog ma med pa nas zhugs pa'o// gzhan yang lung las ni rtog ge ba lnga rig par bya ste// de'i ngang phyir brtag rtog phyir dang // sngon goms phyir mngon ma byas phyir lung la mi brtan nyid phyir dang // brtson phyir yid la byed phyir dang // sngon phangs phyir dang yongs bzung phyir// yongs su bya ba byas pa'i phyir// rtog ge phun sum rnam lngar 'dod// de de dang / ldan pa ni rtog ge pa yin no// zhes 'byung ba'o// de la yid la byed phyir zhes bya ba ni brtag par bya ba'i gnas yid la byed pa'i phyir ro// yongs su bzung phyir zhes bya ba ni tshad ma'i rigs pa rnam pa gsum yongs su bzung ba'i phyir ro de ni so so'i skye bo rnams kyis yin no// 'chi ba ni bzang po ma yin zhes bya ba ni mdo sde'i dum bu'o// de la sems nyams pa dang rmongs pas 'chi ba'i phyir dang / bsod nams ma byas pa'i 'chi 'pho ba'i phyir dang / 'gro ba mi 'dod par 'gro ba'i phyir go rims bzhin du 'chi ba ni bzang po ma yin/ dus byed pa ni bzang po ma yin

  124. 63a

    tshe byi ma ni bzang po ma yin zhes bya bar rig par bya'o// bzlog pa'i phyir dgra bcom pa ni bzlog pa ste/ sems ma nyams pa dang / ma rmongs pa 'chi ba'i phyir dang / bsod nams byas nas 'chi 'pho ba'i phyir dang / phung po lhag ma med par mya ngan las 'da' ba'i phyir bzang po gsum yin no// tsher ma byung ba zhes bya ba ni mdo sde'i dum bu'o// de la so sor rtog pa'i stobs la brten nas nyon mongs pa'i kun nas dkris pa bsal ba'i phyir tsher ma phyung ba rnams yin no// bsgoms pa'i stobs la brten nas 'jig rten pa'i lam gyis nyon mongs pa'i bag la nyal 'joms pa'i phyir tsher ma dkrugs pa rnams yin no// mthong ba'i lam gyi bag la nyal gyi phyogs yang dag par bcom pa'i phyir tsher ma dang bral ba rnams yin no// bsgom pa'i lam gyi bag la nyal thams cad yang dag par bcom pa'i phyir tsher ma med pa rnams yin no// gzhan yang 'bras bu dang po la mthong bas spangs par bya ba'i bag la nyal yang dag par bcom pa'i phyir tsher ma byung ba rnams yin no// gnyis pa la 'dod pa na spyod pa'i bsgom pas spang bar bya ba nyung zad cig lus pa'i phyir tsher ma dkrugs pa rnams yin no// gsum ba la de mtha' dag spang pa'i phyir tsher ma dang bral ba rnams yin no// bzhi pa khams gsum pa'i nyon mongs pa thams cad spangs pa'i phyir tsher ma med pa rnams yin no// dad pa skyes nas 'gro bar byed song na chos nyan par byed do zhes bya ba ni mdo sde'i dum bu'o// de la nyan par byed do zhes bya ba ni tshig 'bru dang don gyis// sems par byed pa ni ji ltar thos pa'i don nges par sems pa'i

  125. 63b

    phyir ro// 'jal bar byed pa ni rig pa ste/ legs par gsungs pa nyid kyis khyad par dmigs kyis 'byed pa'i phyir ro// nye bar rtog par byed pa ni bsgom pa'i rnam pa ste/ ji ltar gzung ba'i don so sor rtog pa'i phyir ro// bden pa de yang lus kyis mngon sum du byed pa ni gnas gyur pa'i tshe yang dag pa ji lta ba bzhin du mngon par rtogs pa'i phyir ro// shes rab kyis so sor 'bigs par byed pa ni bdag gi mngon sum du byas so zhes 'jig rten las 'das pa'i ye shes kyi rjes las thob pa 'jig rten pa'i ye shes kyis nges par 'dzin pa'i phyir ro// gzhan yang nyan pas ni thos pa las byung ba'i ye shes ston par byed do// sems pas ni bsam pa las byung ba'o// 'jal ba dang nye bar rtog pa gnyis kyis ni mthong ba dang sgom pa'i lam gyis bsgoms pa las byung ba ste/ mthong ba'i lam gyis ni de bzhin nyid so sor rtogs pa'i phyir sgro 'dogs pa dang skur pa 'debs pa med pa gnyis kyis mnyam pa la 'jog par byed pa'i phyir 'jal bar byed pa yin no// sgom pa'i lam gyis ni ji ltar 'jal ba la yang dang yang du rtog par byed pa'i phyir nye bar rtog par byed pa yin no// bden pa de yang zhes bya ba ni gang gi dbang du mdzad nas chos bstan pa'i mya ngan/ las 'das pa yin no// lus kyis mngon sum du byed cing zhes bya ba ni gnas gyur pa nyid kyis te/ rnam par grol ba thob pa'i phyir ro// shes rab kyis so sor 'bigs par byed do zhes bya ba ni rnam par grol ba'i ye shes kyis so// de ltar na dad pal brten nas tshogs dang bcas pa'i lam dang / lam gyi 'bras bu rnam par grol ba dang / rnam par grol ba'i ye shes kun tu ston par byed do//

  126. 64a

    gzhi de las sbyin pa po dang spyin bdag gis bsod nams rgyur rgyas pa zhes bya ba ni mdo sde'i dum bu'o// de la sbyid pa po ni gzhan gyi nor kyang bdag gis sbyin par byed do// sbyin bdag ni gang gis nor sbyin par byed bsod nams kyi las byed par rgyu de la bag chags rnam pa gnyis gnas te/ 'bras bu rnam par smin pa yid du 'ong ba 'grub par byed pa dang / dad pa la sogs pa dge ba'i chos kyi rgyu bathun pa'i 'bras bu 'grub par byed pa ste/ yon gnas kyi khyad par gyis de'i sbyin par bya ba'i dngos po yongs su spyad pa'i phyir ro// de gnyis rtas pa'i khyad par du 'gro ba ni go rims bzhin du bsod napa sa d+ha rgyas pa dang / dge brgyar rgyas pa tshad med par rig par bya'o// de rgyur rgyas pa yang bde ba'i rgyun yin pa'i phyir bde ba 'dren pa zhes bya ba ni phan yon yongs su ston par byed pa yin no// gzhan yang sbyin pa las byang ba'i bsod nams gang yin pa dang / de rab tu 'jug par byed pa'i dge ba yang dag pa'i lta ba gang yin pa de gnyis kyis khams rtas pa ni go rim bzhin du bsod nams rkyen rgyas pa dang / dge ba rgyun rgyas pa yin no// de gnyis kyis 'bras bu yid du 'ong ba'i sa bon rtas pa ni bde ba 'dren pa yin no// gnad yang spyir ba las byung ba'i bsod dpa saM nud rgyas pa de nyid dge btsun rgyas pa yin te/ dge ba'i rgyu mthun pa'i 'bras bu'i rgyu yin pa'i phyir ro// bde ba 'dren payang yin te/ 'bras bu rnam par smin pa yid du 'ong ba'i rgyu yin pa'i phyir ro// rdzu 'phrul gyi yul rnam pa du mnyams su myong bar 'gyur ba yin te/ zhes bya ba ni mdo sde'i dum bu'o//

  127. 64b

    del rdzu 'phrul gyi yul rnam pa du ma nyams su myong bar 'gyur ba yin no zhes bya ba ni bstan pa yin la/ lhag ma ni bshad pa yin no// dbang rnam lnga thob pas de nyams su myong bar ston te/ dbang rnam pa lnga ni rdzu 'phrul la dbang ba ni de rgyas par byed pa dang bsdus pa'i phyir ro// ston pa dang mi ston pa la dbang ba ni lus snang bar byed pa dang snang bar mi byed pa'i phyir ro// 'gro ba la dbang ba ni thed ka dang bla dang 'og thogs pa can la yang 'gro ba'i phyir ro// gnas pa la dbang ba ni thogs pa med pa las kyang mi ltung ba'i phyir ro// 'gro ba dang khams khyad par du 'phags pa gnyis su rang gi lus 'jug pa la dbang ba'o// rtsig pa dang ri dang rab smos pa ni gtsug lag khang dang ri dang / grong na gnas pa na rig par bya'o// 'jig tshogs 'gog pa mya ngan las 'das pa la sems 'jug par byed ces bya ba ni mdo sde'i dum bu'o// de la mi skrag phyir dang mngon dga'i phyir// rtse gcig ma chags 'byung ba'i phyir// sems ni 'jug par byed pas na// grol byed par du shes par bya// bzlog pa'i phyir ni bzlog pa yin no// gzhan dag na re 'jug par byed pa ni thos pa las byung ba'i shes rab kyis so// dad par byed pa ni bsam pa las byung bas so// kun tu gnas par byed pa ni 'jig rten pa'i bsgoms pa las byung bas so// rnam par grol bar byed pa ni 'jig rten las 'das pas so zhes zer ro// de ltar na ni rgyu bstan pa yin gyi don ni ma yin no// tshe dang ldan pa 'dun pas kyang 'on kyang bdag 'du byed thams cad zhi bar gnas pa dang / stong pa nyid du dmigs pa dang / sred pa zad pa dang

  128. 65a

    'dod chags dang bral ba dang / 'gog pa dang / mya ngan las 'das pa la sems 'jug par mi byed// dad par mi byed do zhes smras pa ni de la thos pa las byung ba dang // bsam pa las byung ba'i shes rab kyang med pa ni ma yin te/ gnas brtan ba dag kyang 'di snyam du 'du byed thams cad ni mi rtag pa/ chos thams cad ni bdag med pa/ zhi ba ni mya ngan las 'das pa'o snyam du sems so zhes kyang 'byung ba'i phyir te/ mang du thos pa nyid kyis phyir dang / rgyud yongs su smin pa nyid kyi phyir ro// de lta bas na shes rab rnam pa gsum char dang ldan pa dag yin yang nam yang mya ngan las 'das pa la sems mi 'jug ste/ nga'o snyam pa'i nga rgyal rags pa bar chad dang bcas pa dang / bar chad med par kun tu rgyu ba'i phyir ro// de nyid kyi phyir 'o na nga'i bdag gang yin snyam du yongs su yi chad pa'i rgyu yid byer ldog go/ gang gi tshe na bsgoms pa las byung ba'i shes rab kyis nga'o snyam pa'i nga rgyal kun tu rgyu bde gnyen pos bsal ba de'i tshe de la mi skrag pa la sogs pa dang ldan pa'i phyir 'jug par byed pa nas rnam par grol bar byed pa'i bar du yin no// mig gi dbang po bsrung ba'i phyir dang / sba ba'i phyir dang / dul bar gnas par bya ba'i phyir rab tu zhugs pa yin no zhes bya ba ni mdo sde'i dam bu'o// de la dran pa dang / ting nge 'dzin dang / shes rab la brten nas go rim bzhin du mig gi dbang po bsrung ba'i phyir dang / sba ba'i phyir dang / dul bar gnas bar bya ba'i phyir rab tu zhugs pa yin no// gzhan yul gang la 'jug par bya ba de la bsrung bar bya ba'i phyir te/ dran pas byin gyis brlabs pa'i phyir ro// gang la 'jug par bya ma yin pa de las

  129. 65b

    nisba ba'i phyir te/ du mi 'jug pa'i phyir ro// de'i sgo nas nyon mongs pas kun tu chu ba'i bag la nyal yang dag par gzhom pa'i phyir gnyen po bsgom pas na dul bar gnas par bya ba'i phyir rab tu zhugs pa yin par rig par bya'o// dbang po drug po 'di dag shin tu dul ba dang / shin tu sbas pa dang zhes bya ba ni mdo sde'i dum bu'o// de la nyon mongs pa'i bag la nyal thams cad yang dag par bcom pa'i phyir shin tu dul ba yin no// so sor rtog pa'i stobs la brten nas dran pa dang shes bzhin gnyis kyis nyon mongs pa'i kun nas dkris pa mi skyed pa'i phyir shin tu sbas pa yin la skyes pa dang du mi len pa'i phyir shin tu bsrungs pa yin no// 'jig rten pa'i bsgom pa'i stobs la brten nas shin tu bsdams pa yin no// 'jig rten las 'das pa la brten nas shin bsgoms pa yin no// de ltar sems dul ba thabs dang bcas pa yongs su bstan pa yin no// 'dir yang smras pa/ dran pas ma skyes phyir sbas shing // shes bzhin gyis ni skyes las bsrungs// gnon dang rtsa ba bcom gnyis kyis// bsdams dang bsgoms pa yin par 'dod// lung las ni 'jug par bya ba ma yin pa la mi 'jug pa'i phyir shin tu sbas pa yin no// 'jug par bya ba la dran pa shin du nye bar gzhag pas 'jug pa'i phyir shin tu bsrungs pa yin no// rang nyid yul la mi rgyug pa'i phyir shin tu bsdams pa yin no// rang nyid kun nas nyon mongs par mi 'byung ba'i phyir shinatu bsgoms pa yin no// de ltar na shin du dul ba yin no// zhes 'byung ngo // de byams pa dang ldan pa'i sems khon med pa 'gran zla med pa zhes bya ba ni mdo sde'i dum bu'o// de la sems can pha rol

  130. 66a

    dag la phan pa dang bde ba'i bsam pa ni byams pa'o// de dang mtshungs par ldan pa'i sems ni byams pa dang ldan pa'o// de ni nye ba'i nyon mongs pa rnam pa gsum gyi gnyen po yin pa'i phyir kho na med pa dang 'gran zla med pa dang / gnod pa med pa'o// nye ba'i nyon mongs pa rnam pa gsum ni sems can mnyam pa dang khyad par du 'phags pa gnod pa byed pa dag la khon du 'dzin pa dang / gnod pa mi byed pa dag la phrag dog dang / de gnyis dang ldan pa dman pa dag la ni gang gis na de dag la gnod par 'gyur ba'i zhe sdang ngo // 'bras bu che ba nyid yin pa'i phyir yangs pa'o// gzugs na spyod pa nyid yin pa'i phyir rgya chen por gyur pa'o// sems can dpag tu med pa la dmigs pa nyid yin pa'i phyir chad med pa'o// mi mthun pa'i phyogs shin tu thul ba'i phyir shin tu bsgoms pa'o// de ltar na gnyen po nyid dang / 'bras bu nyid dang sa nyid dang / dmigs pa nyid dang / rnam par dag pa nyid kyi sems de yongs su bstan pa yin no// phyogs gcig tu zhes bya ba ni gnas kyis gnas pa po bstan pa yin te/ dper na khri dag 'bod do// ri dgas tshig go zhes bya ba lta bu'o// mos te zhes bya ba ni mos pa yid la byed pa nyid ston pa yin no// khyab par byas nas zhes bya ba ni rtsub par ston pa yin te/ cig car du mtha' dag la mos pa'i phyir ro// rdzogs par byas te zhes bya ba ni dngos gzhi'i snyoms par 'jug pa mngon du gyur pa yin par ston par yin no// gnas so zhes bya ba ni dus gzhan du yang rjes su 'jug par ston pa yin no// brtson 'grus brtsams shing shum pa med pa yin/ lus shin tu skyengs shing nyes par brtsams pa

  131. 66b

    med pa yin zhes bya ba ni mdo sde'i dum bu'o// de la tshigs kyi bas rnam par bshad pa dang bcas pa'i tshig bzhi po dag ni go rim bzhin du sems rnam pa bzhi'i gnyen por rig par bya'o// sems rnam pa bzhi ni ha tsang zhum pa dang / he cang rab tu bzung ba dang / nang du bsdus pa dang / phyi rol tu rnam par g.yengs pa ste/ de kho ma'i gnyen por spyong pa'i 'du byed rnam pa gnyis gnyis yin no// gzhan yang zhi gnas dang rab tu 'dzin pa'i nye ba'i nyon mongs pa'i gnyen por tshig gnyis te/ zhum pa dang / rgod pa'i gnyen po yin pa'i phyir ro// btang snyoms kyi nye ba'i nyon mongs pa'i gnyen po yang tshig gnyis yin no// gnyis kyang gang gis na dran pa kun tu rmongs par 'gyur ba'i ma rig pa dang / gang gis na ro myang ba la sems rnam par g.yengs par 'gyur ba'i sred pa'o// gzhan yang skyon rnam pa bzhi'i gnyen por tshig bzhi dag yin no// skyon rnam pa bzhi ni brtson 'grus ma brtsams na sems zhum par 'gyur ba dang / ha cang brtsams na lus dub par 'gyur ba dang / brjed ngas pa dang sems nyams pa ste gang gis na lus nyes par brtsams pa dang / dran pa kun tu rmongs pa dang sems rtse gcig pa ma yin pa ste yul la rnam par g.yengs pa'i phyir ro// de nyid kyi phyir de'i gnyen po nyid yang dag par bstan pa'i phyir brtson 'grus la sogs pa tshig phyi mas khyad par du byed pa yin par rig par bya'o// tshul bzhin yid la byed pa ni mig skyes shing zhes bya ba ni mdo sde'i dum bu'o// de la don mngon sum du gyur pa'i phyir zag pa med pa'i shes rab ni mig go/ the tshom med pa'i phyir shes pa'o// yang dag pa don du gyur pa'i phyir rig pa'o// rnam par

  132. 67a

    dag pa'i phyir blo ste/ nges pa'i tshig gi chos nyid kyi rgyus na rnam par dag pa'i phyir blo yin no// mig la gzhan pa dang / nor pa dang / rnyog pa nyid med pa yang dag par bstan pa'i phyir rnam gsum gyi khyad par du byed pa yin no// gzhan yang phyi rol pa rnams kyi lta ba ni bden pa rnams la ngan par lta ba dang / the tshom dang / ma rig pa rnams kyi gnyen po ma yin pa dang zag pa dang bcas pa yin pas de las khyad par du bya ba'i phyir mig la sogs pa smos so// gzhan yang bzlas pa gsum dag la thog mar mthong ba ni mig go/ ji ltar mthong ba la rnam par dpyod pa/ ni shes pa'o// gnyis po de nyid ji snyed yod pa can nyid la brten nas rig pa ste/ ji snyed yod pa la 'dzin pa'i phyir ro// ji ltar yod pa can nyid la brten nas blo ste/ yang dag pa ji lta ba bzhin du rtogs pa'i phyir ro// gzhan yang chos ma thos pa rnams la rjes su dpage pa dgag pa'i phyir mig ces bya ba gsungs so// mos pa las byung ba'i mthong ba dgag pa'i phyir shes pa'o// mngon pa'i nga rgyal dgag pa'i phyir rig pa'o// zag pa dang bcas pa nyid dgag pa'i phyir blo ste// rnam par dag pa'i don gyis so// kha cig na re bzod pa ni mthong ba nyid yin pa'i phyir mig yin la/ shes pa ni shes pa nyid yin no zhes zer te/ de ni bzlas pa gsum dag la 'thad pa ma yin te/ de dag ni mthong ba dang / sgom pa dang / mi slob pa'i lam gyis bsdus pa'i phyir ro// / dge slong dag 'di ni khyed la phan pa'i phyir dang zhes bya ba ni mdo sde'i dum bu'o// phan pa'i phyir ni 'dod pa bsod nyams kyi rjes su sbyor ba'i mtha' yongs su spong ba yin no// bde ba'i phyir ni// /

  133. 67b

    bdag nyid dub par gnas pa'i rjes su sbyor ba'i mtha' yongs su spong ba yin no// phan pa dang bdo ba'i phyir ni gnyis ka'i mtha' spangs nas dbu ma pa'i lam bsgom pa yin no// gzhan yang phan pa'i phyir ni sdug bsngal dang bcas pa'i nye ba'i nyon mongs pa'i gnyen po brten pa yin no// bde ba'i phyir ni nyon mongs pa rnams med par sdug bsngal gyis gnyen po brten pa yin no// / phan pa dang bde ba'i phyir ni bde ba dang bcas pa'i nyon mongs pa'i gnyen po brtan pa yin no// gzhan yang phan pa'i phyir ni lhag pa'i sems mthong ba'i chos la bde bar gnas pa rnams ma rtogs par nyon mongs pa zad pa'i lam mo// bde ba'i phyir ni 'dir nyon mongs pa zad pa'i lam ma rtogs pa'i lhag pa'i sems mthong ba'i chos la bde bar gnas pa'i lam mo// phan pa dang bde ba'i phyir ni lhag pa'i sems mthong ba'i chos la bde bar gnas pa rnams dang bcas pa'i nyon mongs pa zad pa'i lam mo// gzhan yang phan pa'i phyir ni slob pa rnams kyi dka' ba'i lam mo// bde ba'i phyir ni mi slob pa rnams kyi slab pa'i lam yin no// phan pa dang bde ba'i phyir ni slob pa rnams kyi sla ba'i lam yin te go rim bzhin no// shing thags btsugs pa ni zhes bya ba ni mdo sde'i dum bu'o// de la zabs ring ba ni za bas ring du btsug pa yin pa'i phyir ro// legs par btsugs pa ni blo nas legs par brtan por byas pa'i phyir ro// sra ba ni mi 'drul ba'i phyir ro// brtan pa ni yun ring du gnas pa'i shing yin pa'i phyir ro// mkhregs pa dang ldan pa ni shun pa med pa dang / khong na lu med pa'i phyir ro// mi g.yo ba ni mi

  134. 68a

    'gul ba'i phyir la/ mi chags pa ni mi chog pa'i phyir te/ zabs ringadra ba dang legs par btsugs pa'i gzhi'i khyad par gyis ni mi g.yo ba yin la/ sra ba dang brtan ba dang 'khregs pa dang ldan pa'i rang bzhin gyi khyad par gyis mi 'chag pa yin pas gzhi dang rang bzhin gyis khyad par de gnyis dang go rim bzhin no// de ltar na de dag ni rnam pa gnyis dang gsum dang gnyis kyi gzhi nyid dang / rang bzhin nyid dang / des byas pa'i phan yon gyi phyir phun sum tshogs pa ni phyi rol pa rnams kyis gnas mi thod pa yin no// longs spyod bskyed/ pa dang brtson 'grus kyis thob pa zhes bya ba ni mdo sde'i dum bu'o// de la bskyod pa dang brtson 'grus kyis thob pa zhes bya ba ni sems kyi rtsal gyis bsgrubs pa nyid du yongs su bstan pa yin te/ gnyid kyi bde ba dang / glos 'bebs pa dang nyal ba'i bde ba gnyis kyis gnyen por go rim bzhin no// lag mthus bsgrubs pa zhes bya ba ni lus kyi rtsal gyis bsgrubs gas su g+sa smrabs sa yin te/ yang dag pa'i 'tshe ba dang ma bral ba nyid kyi phyi'i chos dang ldan zhing ngo // bsod ni mas kyis thob pa'i phyir chos kyis thob pa'o// gzhan yang sangs rgyas la sogs pa yir gtogs pa nyid ma yin pa'i phyir chos dang ldan zhing ngo // log pa'i 'tshe bas thob pa ma yin pa'i phyir chos kyis thob pa'o// khan yon tshe phyi ma la 'gro ba gong mar 'gyur zhes bya ba

  135. 68b

    ni mdo sde'i dum bu'o// de la 'gro ba 'og ma ni ngan song rnams yin no// de'i 'gro ba gong mar gyur pa ni mi rnams te/ der 'gro bar byed pa'i phan yon ni 'gro bgod mar 'gyur ba'o// de las kyang gang zhig mI'i bskal pa bzang po'i 'bras su smin par byed pa de ni bskul ba bzang por 'gyur ba'o// de las kyang gang zhig lus dang longs spyod yid du 'ong ba'i 'bras bu smin par byed pa de ni rnam par smin pa bde 'gyur ba'o// gang zhig ltar skye bar byed pa de ni mtho ris 'grub par byed pa'o// gzhan yang 'gro ba gong mar 'gyur ba de nyid lhag mas gsal bar byed pa yin no// skyes bu dam pa'i 'gro ba bdun dgra gang no na zhes bya ba ni mdo sde'i dum bu'o// 'dir 'gro ba ci zhe na 'jig rten pha rol tu 'gro ba'i skye ba gzhan gyis gnas skabs so// bdun nyid ni mya ngan las 'das pa 'thob pa'i dus kyis dbye ba las so// 'phags pa ma yin pa yang srid pa bdun dag gis sam/ lan cig phyir 'ong bas yongs su mya ngan las 'das pa'i phyir la/ bar ma dor yongs su mya ngan las 'da' ba ni ma yin pa nas gong du 'pho ba'i bar du yang mi 'gyur bas 'di dag kho na skyes bu dam pa'i 'gro ba bdun dag yin no// mya ngan las 'das pa yang 'gro ba kun tu gcod pa yin pa'i phyir 'gro ba ma yin no// 'o na tshigs su bcad pa las/ dgra bcom 'gro ba mya ngan 'das zhes gang gsungs pa ji lta bu zhe na/ de las ni ston pa la 'gro ba zhes bya bar bstan pa yin no// bdag ma byung yang rung bdag gi yang srid pa ma byung yang rung zhes

  136. 69a

    bya ba rnam pa 'di gnyis kyis ni mya ngan las 'dras pa la 'drod pa'i phyir mtshan ma med pa la sbyor ba yin no// bdag mi 'byung bar 'gyur bdag gi lus 'di mi 'byung bar 'gyur ro zhes bya ba yin te/ mi rtag pa'i rnam pa gnyis kyi skye ba sun 'byin pa'i phyir smon pa med pa la sbyor ba yin no// rnam grangs gzhan yang smon pa dang nges pa'i dus gnyis su mya ngan las 'das pa la sems rab tu 'jug par byed pa'i phyir gany+dzi so ka yang mtshan ma med pa la sbyor ba kho na yin no// de ltar na gang yod pa zhes bya ba ni phung po tsam mo// gang 'byung ba zhes bya ba ni 'dus byas so// de spong ngo zhes bya ba ni 'dus byas mi rtag pa tsam 'gog par mthong ba'i phyir btang snyoms 'thob kyi bdag mi 'byung bar 'gyur ro snyam du dang bar mi 'gyur ro// len pa med par mya ngan las 'das pa ni kha cig ni las ni phung po'i lhag ma med pa yin par 'byung ste/ dper na rnam par grol ba'i rgyus len pa med par yongs su mya ngan las 'das pa yin no zhes 'byung ba lta bu'o// kha cig las ni phung po'i lhag ma dang bcas pa yin par 'byung ste/ dper na kye ma dge slong nye bar zhi ba zag pa med pa dang ldan pa/ 'dod chags dang bral ba mi ldan par gyur pa/ len pa med par mya ngan las 'das pa 'di ni legs so zhes 'byung ba lta bu'o// 'dir ni phung po'i lhag ma med pa la bya bar mngon te/ tshe phyi ma'i 'gro ba'i dbang du mdzad pa'i phyir dang / shar phyogs su 'gro bar mi smra zhing zhes bya ba rgyas par gsungs pa zhes bya ba'i phyir ro// yod pa la yod pa nyid dang zhes bya ba ni mdo sde'i dum bu'o//

  137. 69b

    del stong pa nyid kyis yod pa la/ yod nyid med la med nyid rig/ de nas ji ltar gang yod la// gnyis kyi bla bcas bla med rig/ gnyis kyis zhes bya ba ni mtshan ma med pa dang smon pa med pa gnyis kyis so// stong pa nyid la sogs pa'i ting nge 'dzin rnams kyi go rims kyang de nyid kyi phyir ro// yod pa dang med pa'i dngos por shes pa ni yod pa la bla ma dang bcas pa dang bla ma med pa gnyis su shes par nus kyi/ byin ni ma yin la/ shes na yod pa bla ma dang bcas pa yin na ni yid kyis smon par mi byed la/ bla na med pa yin na ni smon par byed do// gzhan yang smras pa/ bdag 'dzin phyir dang srid la sred// des na srid za mi 'dod de// gsum po de'i gnyen por ni// stong nyid la sogs ting 'dzin rnams// gcig gis yod dang med pa dang // gnyis kyis yod la skyon yon rig/ de phyir gsum ste de dag gis// rim pa snga mas phyi ma drangs// de ltar na yod la skyon yon zhes bya ba ni 'dus byas dang 'dus ma byas la ste go rims bzhin no// lung las ni med dang de bzhin skyon ldan dang // de bzhin yon tan ldan dngos la// yod 'dzin yon tan ldan 'dzin dang // yon tan mi ldan 'dzin gzhom phyir// go rim bzhin du stong pa nyid la sogs pa'i ting nge 'dzin rnams so zhes 'byung ngo // legs par mthong ba legs par rig pa zhes bya ba ni mdo sde'i dum bu'o// de la legs par mthong bani bstan pa yin la// lhag ma ni bshad pa yin no// de legs par rig pa ni thos pa las byung ba'i shes rab kyis so// legs par yid la byas pa ni bsam pa las byung bas so//

  138. 70a

    legs par brten pa ni 'jig rten pa'i bsgoms pa las byung ba ste/ dga' ba dang bcas pa yin pa'i phyir ro// legs par rtogs pa ni 'jig rten las 'das pa ste don dam pa la 'jug pa'i phyir ro// de ltar na legs par mthong ba yin no// 'dun pa skyed par byed rtsol bar byed ces bya ba ni mdo sde'i dum bu'o// mnyam par ma bzhag pa'i sbyor ba spang ba la sogs par 'dod pa nyid kyi phyir dang / de'i thabs yongs su bzung ba nyid kyi phyir dang / de lan mang du bya ba dang / brtan por bya ba nyid kyi phyir dang / mnyam par bzhag pa'i sbyor bzhum pa dang / rgod pa'i gnyen po'i bsgom pa nyid kyi phyir de dag go rime bzhin du rig par bya'o// gzhan yang spang ba la sogs par 'dod pa nyid kyi phyir dang / de dag la sbyor ba nyid kyi phyir dang / de la brtson pa'i lus dang sems dub par gyur na brtson 'grus rgyan mi 'chad pa nyid kyi phyir dang / zhi gnas dang lhag mthong gi nye ba'i nyon mongs pa spang ba nyid kyi phyir yang go rim bzhin no// gzhan yang rtsol bar byed pa ni so sor rtog pa'i dus na brtson 'grus brtsams pa la brten pa nyid kyi phyir dang / sgom pa'i dus ni ting nge 'dzin la brten pa nyid kyi phyir te// sems zhum pa rab tu bzung nas nang du rab tu 'jog pa'i phyir na dge slong ma'i mdo sde las 'byung ba bzhin no// 'dus pa dang ldan pa tshogs dang ldan pa zhes bya ba ni mdo sde'i dum bu ste/ 'khor dang / blo dang / yid ches pa dang mchod pa phun sum tshogs pa nyid du ston to// 'dus pa dang ldan pa tshogs dang ldan pa zhes bya ba ni 'khor phun sum tshogs pa nyid yin te/ nyan pa po'i

  139. 70b

    tshogs 'dus pa dang 'khod pa rang go rim bzhin no// tshogs kyi slob dpon zhes bya ba ni blo phun sum tshogs pa nyid yin te/ de rnams la rang gi bstar bcos kyi sa rjes su ston pa'i phyir ro// skye bo mang pos dge ba'i rang bzhin du kun du shes pa zhes bya ba ni yid ches pa phun sum tshogs pa yin te/ mang po rnams kyis rtogs pa la yid ches pa nyid yin pa'i phyir ro// tshogs chen pos mdun gyis pa dar ba zhes bya ba ni mchod pa phun sum tshogs pa nyid yin no// dmag ldan chos 'di ni zab pa zhes bya ba ni mdo sde'i dum bu'o// de yang de las bcom ldan 'das kyis tshos pa dag med pa thugs su chud pa gang yin pa de'i dbang du mdzad pa yin pa'i phyir ro// de ni mngon shes rab ma sbyangs pas rang gis mthong bar dka' ba yin te des na spyod yul ma yin te/ des na khong du chud par dka' ba ste/ de ni rtog ge la ma grags pa nyid yin pa'i phyir ro// gzhan yang 'dir bdag med pa ston pa kho na chos yin te/ don dam par mthong bar dka' ba nyid kyi phyir zab pa'o// kun rdzob kyi don khong du chud par dka' ba nyid kyi phyir zab par snang ba'o// don dam par brtag par mi nus pa nyid kyi phyir mthong bar dka' ba'o// kun rdzob kyi don du rtog ge spyod pa ma yin pa nyid kyi phyir khong du chud par dka' ba ste/ don dam pa'i dbang du mdzad pas de'i rtog ge la rgyu ba ma yin pa'i phyir ro// de ltar na ji ltar na

  140. 71a

    bab pa zab par snang ba dang / rdugang gi yin pa de tshig gnyis dang gnyis kyis yongs su bstan pa yin no// da ni de lta bu'i chos de sus rig par nus sher shrIb mor brtags pa'i mkhas pa dang 'dzangs pas rig pa shes bya ba smras te/ de la zhib mo ni de kho na'i don la 'jug pa'i phyir la/ brtags pa ni don mtha' dag la 'jug pa'i phyir te/ jilta ba bzhin dung ji snyed yod pa nyid can gyis nus so// de gnyis kyang rnam pa gnyis te/ mkhas pa rnams te so po'i skye bo gang dag sngon blo yongs su smin par byas pa stobs thob pa de gnyis ka'i don la 'jug nus pa'i shes rab dang ldan pa rnams dang / 'dzangs pa rnams te bden pa mthong ba rnams so// de rnams ni de gnyis ka'i don la zhugs pa'i shes pa can nyid yin pa'i phyir 'dzangs pa rnams so// de bzhin gshegs pas par yon bcu gzegs nas 'dul ba la nyan thos rnams kyi bslab pa'i gni 'cha' bar mdzad pa zhes bya ba ni mad snga dum bu'o// de la bslab pa ni gang yin/ bslab pa'i gzhi ni gang yin zhe na/ yang dag par blang ba dang / rjes su bsrung ba dang / sor zhugs pa rnams ni bslab pa yin no// bya ba yin pa dang / bya ba yang dag par blang bar bya ba dang / rjes su bsrung bar bya ba dang / sor bzhugs par bya ba ni bsgrub pa'i gzhi yin no// gzhan yang spang ba dang / blang ba dang / so ser bshags pa dang / nyin mtshan du slob pa ni bslab pa yinaH/ sgra gcar zin gyi mdo sde las byung ba bzhin ni// tshul khrims kyi yan lag rnams re bslab pa'i gzhi yin na

  141. 71b

    gzhan yang bslab pa nyid gzhi yin te/ bslab pa 'dod pa rnams khyad par du 'gyur ba'i phyir ro// dge 'dun bsdu ba'i phyir ni bslab pa mthun pa nyid kyis so// dge 'dun legs par bya ba'i phyir ni mdzes pa nyid kyis so// dge 'dur bde bar bya ba'i phyir ni yang dag bar slang bsgrub pa mchog tu dga' ba mang ba nyid kyis so// mngon par ma dad pa rnams dang par bya ba'i phyir ni mdzes pa nyid kyis dad pa skyes pas so// mngon par dad pa rnams phyir zhing 'byung bar bya ba'i phyir ni de nyid kyi de 'phel bar byed pa nyid kyis so// gang zag gnod mi bkur ba rnams tshar bcad pa'i phyir bslab pa las bzla ba mi mdzes pa rnams te/ bslab pa ni 'dod pa rnams gnas nas dbyung ba dang bskrad pa nyid kyis so// ngo tsha shes pa rnams bde bar gnas par bya ba'i phyir ni bslab pa 'dod pa rnams tshul khrims mtshungs pa nyid kyis bskyod pa med par 'grogs na bde ba nyid kyis so// mthong ba'i chos kyi zag pa rnams bsdams pa'i phyir ni da ltar byung ba'i zag pa rnams bzlog pa'i phyir bslab pa'i ga'i 'cha' ba'o// tshe rabs phyi ma'i zag pa rnam bzlog pa'i phyir ni ma 'ongs pa'i gang zag la mi 'jug par bya ba'i phyir bslab pa'i gzhi 'cha' ba'o// tshangs par spyod pa rjes su bzung ba'i phyir dang / tshangs par spyod pa yun ring du gnas par bya ba'i phyir te/ nga'i tshangs par spyod pa yun ring du gnas par 'gyur ba ni tshangs par spyod pa brda can dang don dam pa'i rjes su 'jug pa ste/ rab tu byung ba dang rtogs par brgud pa gnyis so// de rnams las gcig ni bstan pa mi byed par

  142. 72a

    bya ba'i dbang du mdzad nas so// gcig ni kha na ma tho ba nyid kyi'o// gcig ni chu phun sum tshogs pa'i'o// gnyis ni zang zang gi longs spyod phun sum tshogs pa'i'o// gnyis ni chos kyi longs spyod phun sum tshogs pa'i'o// gnyis ni mya ngan las 'das pa 'thob pa phun sum tshogs pa'i'o// gcig ni bstan pa'i don che ba nyid du phun sum tshogs pa'i'o// dge slong dgra bcom pa zag pa zad pa'i sdug bsngal gang yin pa de 'gag pa zhes bya ba ni mdo sde'i dum bu'o// de la yang 'byung ba pa'i sdug bsngal gang yin pa de 'gags pa ste/ 'jug pa'i gags su gyur pa'i phyir ro// de nye bar zhi ba ni gtan du mi skye ba'i chos nyid yin pa'i phyir ro// 'jig rten pa'i 'geg pa las khyad par du bya ba'i phyir nye bar zhi ba smos te/ bsrabs pa'i dngos por nye bar zhi ba las khyad par du bya ba'i phyir 'gog pa smos so// tshe 'di pa'i gang yin pa de ni bsil bar gyur pa ste/ nyon mongs pa'i bag la nyal gyi drod dang bral ba'i phyir na bum ba'i gyo mo tsha ba bsil bar gyur pa bzhin no// de nub pa ni phung po'i lhag ma med pa'i mya ngan las 'das par ro// gzhan yang 'jig rten pa'i 'dod chags dang bral ba rnams ni sa 'og ma pa'i sdug bsngal 'gags pa yin gyi nye bar zhi ba ni ma yin te/ phyis skye ba'i chos nyid yin pa'i phyir ro// gsil bar gyur pa yang ma yin te/ bag la nyal lus pa'i phyir ro// sa gong ma pa yang ma nub pa yin no// dgra bcom pa'i ni de las bzlog nas nye bar zhi ba dang nub pa'i bar du yin no// gzhan yang 'jig rten pa rnams kyi 'gog pa ni zhi ba ma yin te/ sa 'og ma'i sdug

  143. 72b

    yas mapa 'amams mams thas sa ma mas mamamamatham ma mams sa ma mam ma nga sa sa sa nga pa ngas bu su nga mas pas sa mas pasamasamamasasas sams masam sasus masasasasam mamasasam bsngal gyi sdug bsngal dang bcas pa yin pa'i phyir ro// bag la nyal ma spangs pas gya nom pa yang ma yin no// yang 'jug pa nyid kyis nges par 'byung ba yang ma yin no// de las log/ nas 'phags pa rnams kyi sdug bsngal 'gog pa'i zhi ba dang / bya rom pa dang / nges par 'byung ba yin no// de'i rnam pa dang mthun par dgra bcom pa'i sdug bsngal 'gags pa dang nub pa zhes bya ba'i bar yin par bstan to// bram ze ni 'di lta ste som nyi med cing zhes bya ba ni mdo sde'i dum bu ste/ 'di las ni ye shes dang spangs pa phun sum tshogs pas don dam pa'i bram ze'i mtshan nyid bstan to// som nyi med pa nyid kyis ni ye shes phun sum tshogs pa ste/ don dam pa dang rang gis thob pa la som nyi med pa'i phyir ro// lhag mas ni spangs pa phun sum tshegs pa ste/ ngan song ba dang yang 'byung ba pa'i kun nas nyon mongs pa spangs pa'i phyir ro// 'gyod pa chad pa nyid kyis ni nyon mongs par 'gyur ba'i las spangs pa'i phyir ngan song ba'i / kun nas nyon mongs pa spangs par yongs su ston to// lhag mas ni yang 'byung ba pa'i kun nas nyon mongs pa spangs pa yin te/ 'dun pa dang 'dod chags spangs par yongs su bstan pa'i phyir ro// 'byung ba dang 'jig pa la sred pa ni 'byung bar 'gyur bar bya'o// mi 'byung bar 'gyur bar bya'o snyam du 'dun pa'o// chags pa ni de nyid la 'dod pa dang gzugs dang gzugs med pa'i 'dod chags rnams so// sred pa thams cad rnam spangs nas// 'du byed thams cad zad phyir dang // phung po thams cad yongs shes na// yang srid par mi 'dod mi 'gyur//

  144. 73a

    zhes bya ba'i tshigs su bcad pa 'di dang / las drang sred dang de bzhin ma rig pa// tshe rabs phyi ma'i 'du byed rnams kyi rgyu zhes bya ba 'di yang sbyar bar bya ste/ go rim tha dad pa tsam zhig khyad par yod do// gzhan yang som nyi med pa nyid kyis ni shes nas dad pa gsum 'thob par ston la/ 'gyod pa chad pa nyid kyis ni 'phags pa dgyes pa'i tshul khrims// 'thob par ston te/ de ltar na mthong ba'i lam gyis bram ze'i tshul gyis ni slob pa'i bram ze'i mtshan nyid yongs su bstan to// lhag mas ni mi slob pa'i bram ze'i mtshan nyid yongs su bstan te/ 'dun pa dang 'dod chags spangs par yongs su bstan pa'i phyir ro// 'byung ba dang 'jig pa la sred pa dang bral ba zhes bya ba ni gson pa dang 'chi ba la mngon par mi dga' ba'i phyir 'dun pa spangs pa yin te/ ji skad du/ 'chi la mngon par mi dga' la/ gson la'ang mngon par mi dga'o zhes tshigs su bcad pa gsungs pa lta bu'o// chags pa rgyas par mi 'gyur ba zhes bya ba ni 'dod pa dang gzugs dang gzugs med pa'i 'dod chags spangs pa yin no// rnam grangs gzhan yang mngon pa'i nga rgyal can gyi nye ba'i nyon mongs gnyen por bram ze nyid la mngon pa'i nga rgyal med pa nyid du yongs su bstan pa yin te/ mngon pa'i nga rgyal can ni zab mo stong pa nyid dang ldan pa rten cing 'brel par 'byung ba rkyen 'di pa nyid dang mthun paba'i gtam brjod pa na som nyi za la/ phyis kyang yid la gcags par 'gyur te/ ji skad du lha'i mdo las gsungs pa lta bu yin zhing / lus sam snyoms par 'jug pa la sred pa kun tu/

  145. 73b

    rgyu la/ 'dod chags kyi bag la nyal yang rtag tu rjes su 'brang ba kho na yin no// mi rtag pa'i 'du shes zhing pa la sogs pa'i dpe dang bcas pa ni mdo sde'i dum bu'o// 'dir zhing pa'i dpes ni mi rtag pa'i 'du shes bag la nyal gyi gnyen po nyid du yongs su bstan la/ rtsa bal ba dza'i dpes ni kun nas dkris pa'i gnyen po nyid du yongs su bstan pa yin te/ nyon mongs pa ma byang ba dang / byung ba'i dbang du byas pa'i phyir ro// a mra'i dog pa'i dpes ni de las gzhan bag la nyal gyi gnyen po smon pa med pa dang / mtshan ma med pa'i 'du shes dag 'dren par byed pa nyid yin no// spyi rten gyis ni de las gzhan pa kun nas dkris pa'i gnyen po mi sdug pa la sogs pa'i 'du shes dag kun tu 'dzin par byed pa nyid yin te/ yongs su mi nyams par 'gyur ba'i phyir ro// glang po che'i rjes kyis ni de dag mi rtag pa'i 'du shes kyis spyod yul gyi nang du chud pa nyid yin te/ mi rtag pa nyid du yongs su brtag par bya ba nyid yin pa'i phyir ro// 'bab chu rnams kyis ni de las gzhan pa sun 'byin pa'i rnam pa dag der thug pa nyid yin te/ 'du byed kyi sdug bsngal nyid la 'jug pa nyid yin pa'i phyir ro// nyi ma dang khams kyi rgyal pos ni mi slob pa'i gnas skabs na go rim bzhin du mi brjed pa'i chos nyid du byed pa dang / 'jig rten pa'i 'du shes gzhan la dbang rgyur ba nyid yin no// de ltar na ji ltar mi rtag pa'i 'du shes ni mtha' dag gi gnyen po yin pa yang yin te/ bag la nyal dang kun nas dkris pa'i gnyen po nyid yin pa'i phyir ro// ji ltar na gnyen po'i rtsa ba yin pa yang yin te

  146. 74a

    gnyen po gzhan 'drer pa'i phyir ro// ji ltar na kun nas dkris pa'i gnyen po gzhan las khyad par rnam pa gsum dag gis khyad par du 'phags pa yin pa yang yin no// ji ltar na gnyer po bla med pa nyid yin pa de yang yongs su bstar pa yang yin te/ ma rig pa dang rig pa gzhan thams cad zil gyi gnon pa'i phyir ro// rnam pa nyi shu po 'di dag du ldan pas gtam bya'o zhes bya ba ni mdo sde'i dum bu'o// de la dus su zhes bya ba ni nyan 'dod pa nyid dang bshad pa'i 'os su gyur pa nyid du shes nas te/ ka t+ya'i nu mo smug ma can bzhin no// bsgrim pa zhes bya ba ni brnyas pa med pa ste/ seng ge mchod ba bzhin no// go rim zhes bya ba ni dus sngar bya ba sbyin pa la sogs pa dang / yang dag phul can gyi gtam las brtsams nas so// mtshams sbyar ba zhes bya ba ni mdo sde rnam par bshad pa las brtsams nas so// rjes su mthun pa zhes bya ba ni 'dri ba lung bstan pa las brtsams nas te/ mgo gcig tu lung bstan pa la sogs pa rnams la de bzhin du lung ston pa'i phyir ro// dga' bar bya ba ni dad pa can rnams la'o// 'dod par bya ba ni sngar gnas pa dang zhe 'gras pa rnams la'o// mgu bar bya ba ni the tshom can rnams la'o// sprob mi bskyed pa dang mi smad pa ni gang su dag 'di 'dra ba thams cad ni yang dag pa la zhugs pa dag go zhe 'am/ log pa la zhugs pa dag go zhes bya blta bu ste/ ji skad du nyon mongs pa med pa'i mdo las gsungs pa lta bu ste/ gdul bar khyad par mngon par mi shes pa de lta bur byed pa ni des gdul ba ma yin pa rnams snying na par

  147. 74b

    'gyur ro// rig pa ni tshad ma dang mi 'gal ba'i phyir ro// 'brel pa ni snga phyi 'brel ba'i phyir ro// pa 'dres pa ni gtam gzhan du 'phro ba spangs pa'i phyir ro// chos dang ldan pa ni dge ba dang mthun pa'i phyir ro// 'khor ji lta ba bzhin ni gdul ba dang 'cham pa'i phyir ro// byams pa'i sems ni nyan pa po bde bar smos pas so// phan pa'i sems ni de la nyon mongs pa/ med par smos pas so// snying brtse ba'i sems ni de la sdug bsngal med par spros pas so// gzhan yang dge ba dang mi dge ba la phyogs pa dang / tha mal pa dag la byams pa la sogs pa'i sems kyi te go rim bzhin no// rnyed pa dang bkur sti tshigs su bcad pa mi brten pa ni de 'dod pa nyid spangs pas so// bdag la bstod par mi bya zhing gzhan la smad par mi bya ba ni sgra ba po nyid kyi bdag la lhag par yid ches par byed 'dod pa nyid spangs pas so// de ltar na ji lta bur dang / gang gi dor du dang / gang 'dra ba dang / gang 'dra bas gtam bya ba de lnga lnga dag gis yongs su bstan to// lung las ni sbyor bcu gcig gi gnyen por gtam rnam pa nyi shu dang ldan pa zhes 'byung ngo // skyon bcu gcig ni snod ma yin pa la brjod pa'i sbyor dang / brjod pa yongs su ma rdzogs pa'i skyed dang / brjod pa bar chad pa'i spyod dang / brjod pago bar mi byed pa'i skyod dang / brjod pa mchod par mi 'gyur ba'i skyon dang / don 'thad pa med par brjod pa'i skyon dang / spyod yul ma yin pa brjod pa'i spyod dang / rnam par g.yengs nas brjod pa'i sngon dang / don med pa dang ldan pa brjod pa'i spyod dang

  148. 75a

    mi 'tsham par brjod pa'i skyon dang / nyon mongs pa can gyi bsam pas brjod pa'i skyon no// de la snod ma yin pa ni spyod lam mi sdug par 'dug pa'o// brjod pa bar chad pa'i skyon gyi gnyen por ni go rim la sogs pa rnam pa gsum po dag yin par rig par bya ste/ bstan pa dang / rgol ba'i tshig dang / lan gyi tshig gis dbang du mdzad nas so// brjod pa go bar mi byed pa'i skyon gyi gnyen por drug pa dang / bdun pa dang brgyad pa dag ste/ dad pa can dang / zhe 'gras pa dang / bar na gnas pa'i dbang du mdzad nas so// brjod pa mchod par mi 'gyur ba'i skyon gyi gnyen por dgu pa dang bcu pa gnyis te/ sdig pa'i las can la ni spob bskyed par 'os pa ma yin la/ smad na yang mchod par mi 'gyur ba'i skyon du 'jud pas so// spyod yul ma yin pas ni don bzang ba ste/ dbang po tha ma la'o// nyon mongs pa can gyi bsam pa ni rnam pa gsum ste/ yid ches par zla ba'i bsam pa dang / dad nas bkur sti byed pa'i bsam pa dang / phrag dog gi bsam pa'o// dang po'i gnyen por byams pa dang / phan pa dang snying brtse ba'i sems kyi rnam pa dag ste/ mya ngan las 'das pa dang / de'i lam rtogs par bya ba'i bsam pa nyid dang / bshad pa'i don du chud par bya ba'i bsam pa nyid kyis so// gzhan yang mdor na 'di las gtam gyi sbyor ba dang / gtam gyi las dang / gtam gyi yon tan dang / sgrub po'i yo tan las brtsams nas rnam pa lnga lnga dag tu rig par bya'o// bam po bzhi pa// rnam pa bcu drug po 'di dag dang ldan pas/

  149. 75b

    chos mnyan par bya'o zhes bya ba ni mdo sde'i dum bu'o// de la rnam pa bcu drug po dag ni skyon rnam pa bcu gsum gyi gnyen po yin par rig par bya'o// skyon rnam pa bcu gsum ni smra ba po la bdag nyid kyis bskyod pa dang spyod lam gyi skyon dang / 'gying ba'i skyon dang / don du mi gnyer ba'i skyon dang / gzhan gyi phyogs byed pas snying na ba'i skyon dang / mchod par mi 'gyur bas smra ba po rab tu mi 'dzin pa'i skyon dang / sun ci phyin du brgal ba'i bsam pa'i skyon dang / chos dang chos smra ba la yid la mi byed pa'i phyir rim gro mi byed pa'i skyon dang / skyon yid la byed pa'i phyir bskyes pa'i skyon dang / smod pa'i skyon dang / rnyed pa dang bkur sti 'dod pa nyid kyi skyon dang / rnam par g.yengs pa dang bsdus pa gnyis kyi mnyan pa'i skyon dang / len par yid la mi byed pa'i skyon dang / rab tu yid la mi byed pa'i skyon dang / de la nang du yang 'jog pa'i tshe spyod lam gyi mi sdug pa'i phyir skyon dang po yin no// rigs mthon po nyid la sogs par nga rgyal 'byung ba'i phyir 'gying ba'i skyon no// chos la ni yon tan dang legs par gsungs pa dang 'bras bu chen po nyid du'o// chos smra ba la ni dge ba'i bshes gnyen nyid du'o// chos la skyon ni tshig dang yig 'bru mo 'brel pa nyid du'o// chos smra ba la ni tshul khrims dang / rigs dang / byad gzugs dang / tshig dang / tshig 'byin pa ma tshang ba nyid du'o// rnam par g.yengs pa ni sems gzhan du 'phros pa'o// bsdus pa ni rmugs pa dang / gnyid kyis sems zhum pa nyid do// legs par yid la mi byed pa ni dgongs pa dang chos nyid la phyin ci log

  150. 76a

    pa nyid kyis so// rab tu yid la mi byed pa ni 'dun pa dang 'jug pa zhan pa nyid kyis so// lung las ni skyon rnam pa drug gi gnyen por rnam pa bcu drug dag yin no zhes 'byung ste/ skyon drug dag ni las kyi skyon dang / mos pa med pa'i skyon dang / mchod par mi 'gyur ba'i skyon dang / bsam pa'i skyon dang / mi mthun pa nyid kyi skyon dang / 'dzin pa'i skyon no// de la las kyi skyon ni rnam pa gsum ste/ lus kyi las kyi skyon ni spyod lam mi sdug par 'dug pa'i phyir ro// lus dang ngag gi skyon ni de gnyis kyis skul bar mi byed pa'i phyir ro// yid kyi las kyi skyon ni nye bar mi 'dod pa nyid kyis so// bsam pa'i skyon ni gzhan la klan ka btsal ba dang / 'di lta bu zhig tu rgol ba las thar bar bya ba'i bsam pa nyid kyis so// mi mthun pa nyid kyi skyon ni rnam pa lnga dag ste/ de la chos la ni nges par 'byin pa ma yin par go ba nyid kyis gus pa med pa dang / tshig dang yi ge ma 'brel pa nyid kyis brnyas pa'o// gang zag la ni tshul khrims dang / tshig dang / tshig 'byin pa'i skyon gyis gus pa med pa dang / rigs kyi skyon gyis brnyas pa'o// khong du chud pa dang sgrub pa'i nus pa mi 'byung snyam pa'i bdag nyid la brnyas pa'o// 'dzin pa'i skyon yang rnam pa lnga ste/ log par 'dzin pa dang / don mi 'dzin pa dang / tshig 'bru mi 'dzin pa dang / brda ma sprad par 'dzin pa dang / ma lus par mi 'dzin pa'o// lhag mni go sla ba'i phyir rnam par ma phye'o// gsung grong khyer ba dang zhes bya ba ni mdo sde'i dum bu ste/ 'dis ni yang dag par sdud par byed pa rnams kyis gsung yon tan drug dag

  151. 76b

    dang ldan par yongs su ston pa yin te/ gsung snyan pa nyid dang tshig 'bru bzang po nyid dang / don bzang po nyid dang / zang zing med pa nyid dang / ji ltar 'os pa nyid dang / rgya che ba nyid do// / de la rnam pa gnyis kyis na gsung snyan pa nyid du rig par bya ste/ gsung rgya che ba nyid kyi ste/ 'khor la chub par mdzad pa'i phyir dang / gsung 'jam pa nyid kyis so// gnyis kyi na tshig 'bru bzang po nyid yin te/ tshig 'bru'i nges pa'i tshig legs pa nyid dang / brjod pa go bar mdzad pa nyid kyis so// lhag ma rnams ni re res te rigs pa'i don dang ldan pa nyid kyis te/ mnyan par 'os pa'i phyir dang / rnyed pa la sogs pa'i bzhed pa dang mi ldan pa nyid kyis dang / 'khor ji lta ba bzhin du sbyor ba nyid kyis dang / spobs pa dpag tu med pa dang ldan pa nyid kyis so// lung las ni mya ngan las 'das pa'i grong khyer gyi dbang du mdzad pa nyid dang / gsung 'jam pa nyid dang / tshig 'bru'i nges pa'i tshig legs pa nyid dang / go bar mdzad pa nyid dang / chos dang don dang ldan pa nyid dang / dad nas bkur sti byed pa la mi brten pa nyid dang / ran par gsungs pa nyid dang / rgya che zhing thabs mkhas pa nyid kyi rgyus na gsung grong khyer bas ba nas yongs su gzugs pa med pa'i bar yin par 'byung ste/ gsung rnam pa brgyad dang ldan pa 'di ni mdor na yon tan gsum dang ldan par rig par bya ste/ dbang du mdzad pa nyid ni rnam pa gcig gis so// rang bzhin nyid ni gnyis kyis so// sbyor ba nyid ni lhag ma rnams kyis so zhes 'byung ngo // de nas tshe dang ldan pa sa ga dge slong rab tu mang ba dag rim grol

  152. 77a

    gnas su tshogs shing 'dus par gyur pa dag la zhes bya ba ni mdo sde'i dum bu'o// de la bkur sti byas zhes bya ba ni bstan pa'o// bla mar byas pa nas sems thams cad kyis bsams nas zhes bya ba'i bar ni bshad pa'o// 'dis ni bkur sti byas nas nyan pa skyon drug dang bral bar bstan pa yin no// skyon drug ni nga rgyal gyi skyon dang ma dad pa'i skyon dang / ma mos pa'i skyon dang / phyi rol tu rnam par g.yengs pa'i skyon dang / nang du bsdus pa'i skyon dang / skyo ba'i skyon no// 'dir yang smras pa/ nga rgyal dang ni ma da dang / don du gnyer ba med nyid dang // phyi rol rnam g.yengs nang bsdus dang // skyo ba nyan pa'i dri ma yin// chos mngon pa dang 'dul ba mngon pa dri ba dris pa yang shes shing tshig dang yig 'bru rigs pa dang 'brel pa dang zhes bya ba ni mdo sde'i dum bu ste/ 'odi las ni 'dri ba rnam pa gsum la la na gdab pa yon tan brgyad dang ldan par yongs su bstan pa yin no// don dang mtshams sbyar ba'i dbang du byas nas mi shes nas 'dri ba la ni don byin ci ma log pa nyid kyis dang / mtshams sbyar ba 'brel bar bya ba nyid kyis so// chos nyid dang snga phyi'i dbang du byas nas 'gal ba'i dri ba la chos nyid kyi rjes su mthun pa nyid kyis dang / dgongs pa bstan pa nyid kyis so// 'dri ba gnyis ka la yang go bar byed pa nyid kyis dang / gdul ba ji lta ba bzhin du 'chad pa nyid kyis so// rtogs pa'i dbang du byas nas gdams ngag 'dri ba la ni 'jig rten pa'i yon tan mngon par bsgrub pa dang rjes su//

  153. 77b

    mthun pa nyid kyi sa dang / 'jig rten las 'das pa'i yon tan mngon par bsgrub pa dang rjes su mthun pa nyid kyis te/ rtag 'grus skyong gi 'phags pa'i lam gyi yan lag gi tshogs yin pa'i phyir ro// rtag pa dang 'grus par skyong ba ni rtag 'grus skyong ste/ rtag tu dang bsgrim pas zag pa rnams las bsrung ba'i phyir ro// gzhan yang rigs pa nyid ni 'brel pa nyid kyis gsal bar byed pa yin te/ snga byi ma 'brel pa med pa nyid kyis so// rjes su mthun pa nyid ni 'byor pa nyid kyis te/ chos nyid dang mi mthun pa med pa nyid kyis so// thabs dang ldan pa nyid ni// 'tsham pa nyid kyis te/ gdul ba dang rjes su mthun par 'chad pa nyid kyis so// mthun pa nyid ni rtag 'grus skyong gi yan lag gi tshogs nyid kyis te/ tshangs par spyod pa'i rjes su mthun pa nyid kyis so// ji ltar gsung dbyangs yan lag lnga dang ldan pa bshad pa las 'byung ba lta bu ste/ tshig snga mo byims gsal bar byed pa yin no// tshig phyi ma rnam par bshad pa dang bcas pa bzhi po 'di rnams kyis ni 'dri ba thams cad la lan gdab pa yon tan bzhi dang ldan par bstan pa yin te/ snga phyi mi 'gal ba dang / chos nyid dang mthun pa dang / gdul ba dang // mthun pa dang / don gyi mchog dang mthun pa'o// lung las ni tshig brgyad po dag gis lan gdab pa yon tan brgyad dang ldan par yongs su bstan pa yin no zhes 'byung ngo // yon tan brgyad dag ni don la 'jug pa nges par 'byin pa nyid dang / 'jig rten la grags pa'i tshig dang yig 'bru dang 'brel ba nyid dang / rgol ba 'gal ba'i rjes su mthun pa nyid dang / tshig zab

  154. 78a

    mo'i don nges par byas pa nyid dang / nyan pa po la phan 'dogs pa'i tshig dang yig 'bru rnam par g.yeng ba med pa'i gzhir gnas pa nyid dang / gdul ba'i bsam pa dang thos paji lta ba bzhon du rab tu rnam par che ba nyid dang / lung 'bog pa dang / kha ton byed pa dang / mos pa dang sems pa dang bsgom pa dang mthun pa nyid dang / sku 'i lta bzhin du mngon par mi zhen por gtan la dbab par bstan pa nyid do// dge slong dag gtam la 'jug par bya na 'dun pa dang zhe sdang dang zhes bya ba ni mdo sde'i dum bu ste/ 'di las ni nyon mongs pa can gyi gtam gzhi dang bcas pa spangs nas gtam gang bya ba dang / gang gi don du bya ba de yongs su bstan to// de la kun nas nyon mongs pa can gyi gtam gyi gzhi ni rnam pa dgu ste/ rang gi phyogs rgyal bar 'dod pa dang / rang 'bam na phyir rgol ba la khong khro ba nyid dang / rang gi phyogs grub na sems khengs pa nyid dang / byir rgol bas skyon byung ba glengs na de bcab par 'dod pa nyid dang / skyon ma byung ba glengs na khro ba dang / khros nas sha glan pa'i phyir khon du 'dzin pa dang / bam na yid mi bde ba'i mtshan nyid sems mi gsal ba nyid do// 'di thams cad kyi rtsod pa'i sngon du 'gro ba ni gnyis yin te/ rab tu byung ba'i yang sems kyi za ba dang / 'chab pa'i gzhi ni zag pa'i gnas dang mthun pa rnyed pa dang bkur sti dang ldan pa'i yul rnams yin te/ de la bltos pa dang bcas pa ni de'i dgra bor gyur pa dag la zhe sdang skyed pa'i phyir dang / bdag nyid kyi skyon 'chab par byed pa'i phyir ro// de la mi

  155. 78b

    bltos pa nyid kyis ni de spangs pas na brtsod pa'i rtsa ba dang po yongs su spangs pa yin no// gnyis pa ni lta ba'i yongs su gdung ba bsal ba'i phyir ro// lta ba ngan pa'i sems yongs su gdung ba yin te/ rab tu ma zhi ba'i mtshan nyid yin pa'i phyir ro// 'dir yang smras pa/ rgyal dang pan byed 'dod grub dang // byung dang ma byung glengs pa dang // ma byung glengs na khro ba las// khon du 'dzin pa 'byung ba dang // phan na gdug pa la sogs pa// bdun ni spangs nas gtam bstan bya// rtsod pa'i gzhi gnyis snga ma ste// gang las skyon 'di 'byung ba'o// de la kun nas nyon mongs pa can gyi gtam ni rnam pa gsum dag gis yongs su bstan pa yin te/ mazhi zhing tshad mi 'dzin par smra ba nyid kyi phyir dang / grub pa'i mtha' las 'das par byed pa nyid kyi phyir dang / gzhan la smod pa nyid kyi phyir ro// gtam cu dang bcas pa 'di lta bu spangs nas gtam ci zhig smra bar bya zhe na/ don dad chos te gang zhig gang don du gnyer ba'am// chos dang don gang gi yul la 'bab pa'o// ci'i phyir gtA ma smra bar bya zhe na/ gzhan dag la shes rab rnam pa gsum nye bar bsgrub pas bzod pa chung ngu dang 'bring dang chen po bskyed pa'i phyir/ bdag dang gzhan gnyis dad pa bskyed pa'i phyir ro// 'phags pa rnams ni de ltar brjod cing zhes bya ba ni gzhin dag ma yin pa'o// 'phags pa rnams kyi brjod pa ni de lta bu yin no zhes bya ba ni rnam pa gzhan du ma yin no// 'di ni gang zag nges par gzung ba dang / gtam nges par gzung bar rig par bya'o// gzhan yang 'dod chags dang

  156. 79a

    ma bral ba rnams ni so sor brtags nas de ltar brjod la/ 'dod chags dang bral ba rnams kyi rang bzhin gyis brjod pa ni de lta bu yin no// 'dis ni gang zag so sor rtogs pa dang / sgom pa'i stobs can gnyis nges par gzung ba yin no// gzhan yang da ltar byung ba dang lkog tu gyur pa 'das pa dang / ma 'ongs pa'i dus la'o// gzhan yang de dag ji ltar brjod pa dang / 'bras bu brjod pa de ji lta bu yin pa yongs su bstan pa yin te/ gang zag dang 'bras bu khyad par can dang ldan pas gtam rab tu bsngags par bya ba'i phyir ro// lung las ni gtam la 'jug pa rnam pa gsum dang bcas pa yin te/ phyir rgol ba dang / bar na gnas pa dang / chos mthun pa dang ngo zhes 'byung ste/ de las ni mdo sde'i dum bu 'dis dge slong gi sems yongs su dag pa dang / ngag yongs su dag pa yongs su ston pa yin no// phyir rgol ba ni rgol ba la sbyor ba rnam pa gsum gyis nye bar gnas pa yin te/ phyir rgol ba'i sbyor ba dang / bkur sti ma yin pa'i sbyor ba dang / tshig rtsub po'i sbyor bas so// de la dge slong gi ni phyir rgol ba'i sbyor ba byung na/ de pham par 'dun pa spangs shing phyir rgol ba de nyid la yang zhe sdang spangs la gtam bya'o// ma byung ba dang byung ba'i skur ba gnyis kyis bkur sti ma yin pa'i sbyor ba zung na nga rgyal dang 'chab pa spangs nas so// tshig rtsub po'i sbyor ba byung na kun nas mnar sems te/ sems 'khrugs pa dang / mi bzod pa ste slar gshe ba dang / khro ba la sogs pa 'dod pa nyid dang / yid

  157. 79b

    mi ches pa ste rang gi sems kyi yang dag par sdom pa ma nges pa yang spangs pa'o// bar na gnas pa dang lhag cig gtam la 'jug pa na sems kyi tha ba dang 'chab pa'i gzhi ste/ 'di lta ste/ slob dpon gyi dpe mkhyud las byung ba bar chad dang bcas par bstan pa'i bsam pa dang / dad nas bkur sti byed 'dod pa yang bor te'o// lta ba'i yongs su gdung ba ste rang gi lta ba mchog tu 'dzin pa yang bsal nas so// 'di ni de'i sems yongs su dag pa yin no// ha cang brjod pa yang mi bya zhing 'gal bar yang mi bya la/ tshig rtsub po smra bar mi bya ste zhes bya ba ni phyir rgol ba dang lhan cig gtam la zhugs pa na nyes rtsom gyi tshig dang / mi rigs pa dang ldan pa'i tshig dang / kha na mtho dang bcas pa'i tshig las zlogapa par byed pa'o// bar na gnas pa dang lhag cig gtam la 'jug pa na the tshom can dang / bye brag mi phyed pa las brtsams nas don dang chos bstan par bya'o// bye brag byed pa la ni kun shes par bya ba nas yongs su mgu bar bya ba'i bar du drug bya'o// 'di ni de'i ngag yongs su dag pa yin no// de la bsam gyis mi khyab pa'i gnas la sems pa la ni kun tu shes par bya/ bsam gyis mi khyab pa'i gnas la the tshom zos pa la ni yang dag par shes par bya/ rtog par bya ba rtogs par bya ba'i phyir bsgom pa la ni nges par sems su gzhug par bya'o// de dag kho nas mchog tu dga' ba rnam pa gsum bskyed pa'i phyir na mgu bar bya/ yang dag par mgu bar bya/ yongs su mgu bar bya ba yin no// mchog tu dga'

  158. 80a

    ba rnam pa gsum ni sems g.yengs pa spong ba'i mchog tu dga' ba dang / the tshom gcod pa'i mchog tu dga' ba dang / 'bras bu yongs su 'dzin pa'i// mchog tu dga' ba'o// chos mthun pa dang lhag cig gtam la 'jug pa ni dad par bya ba ni sems yongs su dag pa ste legs par yongs su dri ba'i phyir ro// dad pa bskyed par bya ba ni ngag yongs su dag pa yin te/ legs par lung ston pa'i phyir ro// dge slong dag bdag nyid gling du gyur pa dang zhes bya ba ni mdo sde'i dum bu'o// ji ltar na bo dag/ nyid gling du 'gyur ba dang / bdag nyid skyabs su 'gyur bar gnas she na/ nang gi sems kyi zhi gnas la brtson pa'i phyir ro// ji ltar na chos gling dang chos skyabs su 'gyur ba sbyin zhen/ y+m+R+YuMg+sa pa'i shes rab chos kyi lhag ma thong la btsun pa'i kya // hU~M wAr nA m-i kuzha na ma yid pa dang / sgyu byas gzhan ma yin pa yin pa dang / de'i mi mthun pa'i/ phyogs 'dod pa'i bsod nyams dang / bdag nyid dub par gnas pa la brtson pa gnyis yongs su spangs pa'i phyir ro// de ltar na sred pa dang ma rig pa'i gnyen po zhi gnas dang lhag mthong gnyis so sor brten pa'i phyir dang / de'i mi mthun pa'i phyogs mtha' gnyis yongs su spangs pa'i phyir bdag nyid la sogs pa gling dang skyabs su 'gyur ba nyid du yongs su ston pa yin no// gzhan yang rang gi skyes bu'i rtsal dpung gnyen nyid yin pa'i phyir ni bdag nyid gling du 'gyur ba yin te/ 'dis ni brtson 'grus brtsams pa

  159. 80b

    nyid la sbyor bar mdzad pa yin no// lung dang rtogs pa'i chos dpung gnyen nyid yin pa'i phyir ni chos gling du 'gyur ba yin te/ 'dis ni thabs shes par bya ba la sbyor bar mdzad pa yin no// de dag la gcig tu nges pa nyid kyi byung ni gling gzhan ma yin pa ste/ 'dis ni gnyis la ston mi 'byung ba nyid du sbyor bar mdzad pa yin no// dran pa nye bar gzhag po bsgom pas de ltar gnas par 'gyur ro zhes yang dag par ston pa yin te/ 'di la dge slong nang gi lus la lus kyi rjes su lta zhing zhes rgyas par gsungs pa'i phyir ro// sdud pa'i tshigs su bcad pa/ ni/ brtson 'grus ldan dang thabs shes dang // rtag tu de la dga' ba gang // de ni bdag la sogs pa gsum// gling 'gyur go rims bzhin shes bya// rnam grangs gzhan yang // rang gi tshul bzhin yid byed dang // gzhan gyi sgra la brten pa dang // bsgom pa gcig tu nges pa 'di// bdag sogs gling 'gyur shes par bya// 'di gsum don gang gi na gling du 'gyur// don gang gis na skyabs su 'gyur zhe na/ chu bo bzhis ded pa las yongs su skyob pa'i don gyi na gling du 'gyur ba yin la/ skye ba la sogs pa'i sdug bsngal las yongs su skyob pa'i don gyis na skyabs su 'gyur ba yin no// gzhan yang go rims bzhin du nyon mongs pa skyes pa dang / ma skyes pa'i gnyen po nyi yin pa'i phyir ro// bsdus pa'i tshigs su bcad pa ni/ de dang chu dang thang 'dra ba'i// nyon mongs sdug bsngal skyob phyir dang // nyon mong so skyes dang ma skyes dang // 'di'i gnyen po yin phyir ro// yang gzhan dag na re// bdag nyid

  160. 81a

    skyabs min 'dod pa rnams la brten// chos skyabs 'gyur min sdug bsngal rnams la ste/ bdag la rag las mkhas dang de gnyi ga/ skyabs su 'gyur byed pa ni zhi bar 'gyur zhes 'chad de/ de dag ni mtha' gnyis kyi gnyen po la brten pa'i phyir dang / srid pa gzhan nye bar mi len pa'i phyir bdag nyid la sogs pa gling du 'gyur ba nyid du yongs su ston pa yin no// lung las ni grogs la sred pa dang / rnyed pa la sred pa dang / yang srid pa la sred pa'i gnyen por go rims bzhin du bdag nyid dang chos dang gling gzhan ma yin pa nyid du bstan to// dge slong dag log par lta ba spongs shig ces bya ba ni mdo sde'i dum bu'o// de la log par lta ba spongs shig ces bya ba ni bka' yin no// lhag mas ni bka' bzhin du bsgrub pa'i rgyu rnam pa gsum ston pa yin te/ nus pa nyid dang / skyon med pa nyid dang / yon tan mang ba nyid do// skyon med pa nyid ni don med pa la sogs pa mi 'grub pa yin pa'i phyir ro/ yon tan mang ba nyid ni don la sogs pa 'grub pa'i phyir ro// mi sgrub na yang skyon mang ba nyid kyi rgyu rnam pa bzhi pa glengs pa yin te// ma spangs na don med pa la sogs pa 'grub par glengs pa'i phyir ro// de la don ni dge ba'i chos 'byung ba ste/ ji ltar yang dag par spong ba phyi ma gnyis lta bu ste/ rgyan can gyi bu'i mdo sde las gsungs pa lta bu'o// phan pa ni mi dge ba'i chos dang 'bral ba ste/ ji ltar yang dag par spong ba snga ma gnyis lta bus so// bde ba ni mthong ba'i chos la bde

  161. 81b

    bar gnas pa yin te/ lus dang sems shin tu sbyangs pa'i khyad par dang ldan pa'i phyir ram/ rnam par grol ba'i dga' ba dang bde ba myong ba'i phyir ro// don ni dge sbyong gi don tshul gyi don te/ gang gi don du rab tu byung ba rnams yin no// phan pa ni de 'dren par byed pa dge sbyong gi tshul yin no// bde ba ni snga ma bzhin no// gzhan yang don ni bstan po yin la/ phan pa dang bde ba zhes bya ba ni bshad pa yin te/ de la dge ba'i don gyi de la phan pa yin la/ rjes su 'dzin pa'i don gyis na bde ba yin te/ de dag la ni sems can thams cad kyi don du gnyer bar byed pa yin pas de'i phyir 'di gnyis kho na don yin no// rnam grangs gnyis ka yang lung yin no// dge slong dag gang zag gis gang zag la tshod ma gzung zhig ces bya ba ni mdo sde'i dum bu'o// de la yon tan yod pa dang / med pa gnyis kyis gang zag la tshod 'dzin pa yin la/ yon tan gyi tshad 'dzin pas ni gang zag la tshad 'dzin pa yin no// gzhan yang 'di ni 'di ji lta ba de lta bu yin no zhes gzhan brten nas gang zag la tshod 'dzin pa yin la/ gzhan la mi brten par 'di la yon tan 'di snyed cig yod do zhes gang zag la tshod 'dzin pa'o// de 'di snyam du kye ma bdag gi 'di lta ste/ lus dang ngag dang yid kyis sdig pa byas shing zhes bya ba ni mdo sde'i dum bu'o// de la sdig pa ni tha chad kyi don gyis na nyes par spyad pa yin te/ ji skad du/ lus kyi nyes par spyad pa'i rnam par smin pa sdig pa zhes bya ba dang / che ge mo nga ni khyed la mi 'jigs kyi nyis na khyod dang reg na sdig par 'gyur ro zhes gsungs pa lta bu yin pas tha chad yin

  162. 82a

    par mngon mo// nyes par spyad pa de nyid drag shul yin te/ gzhan la gnod pa byed pa'i don gyis so// de nyid gdug pa yin te/ tshe phyi ma la rang gi lus la gnod pa byed pa'i don gyis so// bsod nams ni bkra shis po'i don gyis na legs par spyad pa yin te/ ji skad du dri ni bsod pa yin no zhes bya ba lta bu'o// de nyid dge ba yin te/ tshe phyi ma la 'bras bu yid du 'ong ba'i don gyis so// de nyid 'jigs pas bag tsha ba rnams las skye ba po yin te/ ngan 'gro'i 'jigs pas bag tsha ba las yongs su skyob pa'i don gyis so// 'di ni don tha dad pas de skad gsungs pa yin gyi/ gzhi tha dad pas ni ma yin no// 'di ji ltar shes she na/ kye ma bdag gis 'di lta ste/ lus dang / ngag dang / yid kyi sdig pa byas shing / kye ma bdag gi 'di lta ste/ lus dang ngag dang yid kyi bsod nams ma byas pas zhes thog mar sdig pa dang bsod nams gnyis kho na smos pa'i phyir ro// thab mo dang mtshang 'bru ba dang rtsod pa dang 'gyed pa zhes bya ba ni mdo sde'i dum bu'o// de la nyes par rtsom pa rnams kyis smra ba dang / slar smra ba tsam ni thab mo yin no// gcig la gcig skyon smra ba ni mtshang 'bru ba yin no// de mi bzod pa ni rtsod pa yin no// rtsod pa rnams zhal che grar pan tshun mi mthun par smra ba ni 'gyed pa yin no// gshe yang slar mi gshe zhes bya ba ni mdo sde'i dum bu'o// de la khros pas tshegs mi dbyung ba'i skur pa gleng ba ni 'dir gshe ba yin no// khro ba bskyed pa'i bsams pas ngag dang byed pa yid du mi 'ong ba ni khro ba yin no// sdug bsngal bar bya ba'i bsams pas snun par byed pa ni rdeg pa yin

  163. 82b

    no// mtshang 'bru ba ni snga ma bzhin no// tshul khrims 'di dag ni ma nyams pa skyon med pa zhes bya ba ni mdo sde'i dum bu'o// de la mnyams pa ni bslabs pa las mi 'da' ba'i phyir ro// skyon med pa ni bar bar du yang yongs su mi gtong ba'i phyir ro// 'dren par ma gyur pa ni 'chal pa'i tshul khrims dang ma 'dres pa nyid kyi phyir ro// thun chags ma yin pa ni de'i chu rnam par rtog pa dang ma 'dres pa nyid kyi phyir ro// rang dbang can ni de'i gnyen po yongs su bzung bas bdag gis dbang nyid du gyur pa'i phyir te/ rkyen gyis mi 'phrogs pa nyid kyi rgyus so// nog nog por ma gyur pa ni lta ba ngan pa dang smon lam gnyis kyis te/ nges par 'byin pa nyid kyi rgyus so// 'dis ni tshul khrims yon tan bzhi dang ldan par ston te/ tshul khrims de'i rgyus mi thub dang / de'i gnyen po la brten pa ste/ tshig gsum dag gis dang lhag ma rnams kyis na re re dang go rims bzhin du sbyar ro// rnam pa gsum po dag gis ni legs par chub pa yin te/ yongs su rdzogs pa nyid kyi phyir ro// gsum po gzhan dag gis ni legs par brtsams pa yin te/ legs par yongs su dag pa nyid kyi phyir ro// mkhas pa rnams kyis bsngags pa ni 'phags pa rnams kyis bsngags pa nyid kyi phyir te/ dge ba nyid kyis rgyus so// mkhas pa rnams kyis ma smad pa ni rnam grangs kyis kyang ma smad pa nyid kyi phyir te/ zag pa med pa nyid kyi rgyus so// gang zag bden pa mthong ba 'bras bu thob par mngon par rtogs pa dang ldan pa zhes bya ba ni mdo sde'i dum bu ste/ 'di las ni dmigs pa dang / las dang rang bzhin gyis lta ba phun sum tshogs par yongs su bstan pa yin te/

  164. 83a

    bden pa la dmigs pa dang / 'bras bu thob par byed pa dang / mngon par rtogs pa'i mtshan nyid kyis lta ba phun sum tshogs pa ni lta ba phun sum tshogs pa'o// de la mngon par rtogs pa ni bdag nyid kyi yang dag pa ji lta ba bzhin du rtogs pa yin par rig par bya'o// yid ches pa las ni/ mngon sum nyid kyis don gyis su/ shes bya shes par phrad pa ste/ des na mngon par rtogs par 'dod ces 'byung ste/ de yang 'jig rten las 'das pa'i shes rab yin no// dge slong dag gsum po 'di dag ni nang gi dri ma yin/ nang gi 'gran zla dang bcas pa yin zhes bya ba ni mdo sde'i dum bu'o// 'dod chags dang zhe sdang dang gti mug rnams ni rang gi sems skye ba na skyon rnam pa bzhi dag byed de/ sems dri ma can du byed pa ste kun nas nyon mongs par byed pa'i phyir dang / dge ba'i chos ma skyes pa rnams skye ba'i gegs byed pa dang / dge ba'i chos skyes pa rnams las yongs su nyams par byed pa dang / gang gis ngan song rnams su yun ring por 'gro bar gyur pa de 'dra ba'i mi dge ba'i la so kun nas slong bar byed pa'o// de'i phyir nang gi dri ma yin/ nang gi 'gran zla dang bcas pa yin nang gi phyir rgol ba yin/ nang gi dgra bo yin no// zhes bya ba ste/ go rim bzhin no// de ni mig gi rgya mtsho dpa' rlabs dang bcas pa klong dang bcas pa 'dzin khri dang bcas pa srin po dang bcas pa las brgal ba yin no zhes bya ba ni mdo sde'i dum bu'o// de dpa' rlabs shes bya ba ni rnam par rtog pa nyon mongs pa can yin te/ sems kun tu 'khrug par byed pa'i phyir ro// klong ni nyon mongs pa dag gis bslab pa btang nas nyams par bya/

  165. 83b

    phyir gnas pa'o// 'dzin khri ni nyon mongs pa gang gis rnyed pa dang bkur sti la bying bar byed pa'o// srin po ni gang gis 'chal ba'i tshul khrims bskyed nas ngan song rnams su skye bar 'gyur ba'o// / de ltar na bstan pa 'di la rab tu byung ba'i mig gis bdag po byas na chud za ba bzhi dang bcas pa rnam pa gnyis yang dag par bstan pa yin te/ bslab pa gtong ba dang nyams par byed pa yin no// shes rab myur bar shes rab mgyogs pa zhes bya ba ni mdo sde'i dum bu'o// de la de bzhin gshegs pas gsungs pa'i chos 'dul ba la don myur ba dang / mang po dang / phra ba la 'jug pa'i phyir shes rab myur ba dang mgyogs pa dang rno ba yin te go rim bzhin no// mang po dag tu 'gro ba la ni mgyogs pa zhes bya'o// 'di la shes rab 'khor ba las nges par 'byung ba dang de kho na nges par 'byed pa yod pas nges par 'byung ba'i shes rab can yin no// 'di la shes rab chen pa yod de/ 'dri ba dang la na gdab pa dgal thugs thug par mi 'gyur ba'i phyir ro// yangs pa yang yin te/ mngon par shes pa lnga rgya che ba dang yongs su rdzogs pa'i phyir ro// zab pa yang yin te/ gzhan dag gis rtogs par dka' ba'i phyir ro// mnyam pa med pa yang yin te/ 'jig rten pa thams cad las khyad par du 'phags pa'i phyir ro// rin po che lta bu yang yin te/ rnyed par dka' ba'i phyir dang / don chen po yang dag par bsgrub pa'i phyir dang / dga' bar byed pa'i phyir te/ rang dang gzhan gyi rgyu dag la rnam par grol ba dang dga' ba bskyed pa'i phyir ro// de'i phyir shes rab che ba shes rab yangs pa/ shes rab zab pa/ shes rab mnyam pa med pa

  166. 84a

    shes rab dri po che dang ldan pa yin te go rim bzhin no// 'dir gnyis ka'i don gyi dbang du mdzad pa'i chos kyi don la brtsams nas shes rab kyi yon tanA gsum dag rig par bya'o// gnyis ni rang gi don te/ 'jig rten las 'das pa yin pa'i phyir ro// lhag ma rnams ni gzhan gyi don yin te/ the tshom gcod pa'i phyir dang / 'dud pa'i phyir dang / ri mo'i khyad par bskyed ba'i phyir dang / don gyi mchog thob par bya ba'i phyir ro// zab pa dang mnyam pa med pa gnyis kyis ni ri mo'i khyad par bskyed pa yin par rig par bya'o// gzhan yang 'phags pa shA ri'i bu dbang du mdzad nas tshig 'di dag gsungs pa yin te/ de la shes rab myur ba ni tshe dang ldan pa rta thul las lan cig tshigs su bcad pa thos pas don la zhugs pa'i phyir ro// shes rab mgyogs pa ni de thos pa na mang po la zhugs pa'i phyir ro// shes rab rno ba ni don phra ba la zhugs pa'i phyir ro// nges par 'byung ba'i shes rab can nges par 'byed pa'i shes rab can ni de nyid las 'jig rten 'ang 'a du gas / na sangs pa sbyangs pa dang de tshugs 'i byu pa// shes rab ba ni d+he skad dab dgan brnaMs na dngan 'da' ra yang nyid mA bdun gzhan dang yig 'bru gzhan dag gis lan 'debs so zhes gsungs pa lta bu yin no// shes rab yangs pa ni rnam par thar pa brgyad la bsam gtan byed pa'i phyir te/ ji skad du/ skyes bu 'dul ba'i kha lo skur ba bla na med pas skyes bu gdul bzul ba na phyogs thams cad du rnam par chud par byed do zhes gsungs pa lta bu'o// 'o na mdo sde las 'di la dge slong

  167. 84b

    'dod pa dag las dben pa nas/ bsam gtan bzhi pa'i bar la stoms par zhugs te gnas na 'di tsam gyis/ dge slong mkhas pa yid gzhungs pa shes rab yangs pa zhes bya'o zhes gang gsungs pa ji lta bu yin zhe na/ der yang bsam gtan rnams la mngon par shes pa dang rnam par thar pa brten pa nyid kyi phyir rig par bya'o// shes rab zab pa ni ji skad du/ khyod ni ji la gnas te bsam gtan pa/ khyod la mngon par rtog par mi 'gyur bas// skyes bu cang shes khyod la phyag 'tshal lo// skyes bu dam pa khyod la phyag 'tshal lo zhes gsungs pa lta bu'o// shes rab mnyam pa med pa ni ji skad du de bzhin gshegs pa ma gtogs pa// 'jig rten kun gyi shes rab gang // shA ri'i bu ye shes rab kyi// bcu drug char yang mi phod do zhes gsungs pa lta bu'o// shes rab rin po che dang ldan pa ni shes rab rin po che lta bu yin pa'i phyir te snga ma bzhin du sbyar ro// 'di la 'phags pa nyan thos thos pa dang ldan pa ni bdag ni skye dgu ser sna'i dri mas kun nas dkris pa rnams las sems dri ma'i ser sna dang bral bas sdug par gtong ba dang lag brgyang ba dang zhes bya ba ni mdo sde'i dum bu'o// de la drim gang las ser sna 'byung ba de'i rgyu de ni ser sna'i dri ma zhes bya ste/ sbyin pa dang 'gal ba chags pa'i rnam pa yin pas 'bras bu'i shing lta bu dang ser ba'i sbyin lta bu'o// de nyid kyi phyir sems dri ma'i ser sna dang bral ba zhes bzlog nas gsungs pa yin te/ ser sna'i rgya chags pa dang sngar bral ba'i phyir ro// de ltar na ber swa sdang dang byin ma sngos par byed par du bya ba'i phyir dang / ldog pa'i gi rim yang dag par bstan pa'i phyir ro// sdug par gtor ba dang / lag brkyang ba dang / rnam ga gtong ba la dga' ba dang / spyod pa

  168. 85a

    rgyun mi 'chad pa dang / gtong ba phun sum tshogs pa dang / sbyin pa la 'ged par dga' ba dang zhes bya ba 'dis ni mi gnas par sbyin pa byed pa nyid dang / rgya cher sbyin pa byed pa nyid dang / dga' bas sbyin pa byed pa nyid dang / legs par 'tsho ba med par sbyin pa byed pa nyid dang / phyogs med par sbyin pa byed pa nyid ston to// mi gnas par sbyin pa nyid ni lan dang rnam par smin pa mi 'dod par nyid yin par rig par bya'o// phyogs med par byed pa nyid ni dge sbyong rnams las slong mo pa rnams kyi bar dag la kun tu 'god pa'i phyir ro// de la rigs kyi bu dga' bo'i zas tshod zin pa ni 'di yin te zhes bya ba ni mdo sde'i dum bu'o// so sor brtags nas zas za'o zhes bya ba ni bstan pa yin la/ lhag ma ni bshad pa yin no// de la kha cig na re longs pa'i phyir ma yin pa ni gzhon nu rnams lta bu ste/ de rnams ni rgod pa dang rtsed mo'i bsam pa nyid kyis longs pa'i phyir za'o// rgyags pa'i phyir ma yin pa ni gyad rnams lta bu ste/ de rnams kyi lus kyi stobs rtas par bya ba dang / yang yeng bar bya ba'i bsam pa nyid kyis rgyags pa'i phyir za'o// tsha ba'i phyir ma yin/ rgyan pa'i phyir ma yin pa ni 'dod pa la longs spyod pa rnams lta bu ste/ de rnams ni mdzes par bya ba'i bsam pa nyid kyis tsha ba'i phyir dang / brgyan pa'i phyir za'o// / de la khrus dang byi dor byed pa dang / zhug pa ni tsha ba'o// gos dang phreng ba dang rin po ches grub pa ni brgyan pa'o zhes kyang zer te/ 'di thams cad ni 'dod pa longs spyod pa kho na dag la 'byung bas de lta bu'i bsam pas zas kyi bya ba 'gog par byed do// lus 'di kho na gnas par bya ba'i phyir dang / gso ba'i phyir zhes bya ba ni 'ba' nig srog yod par bya ba'i phyir dang / stobs yod par bya ba'i phyir te/

  169. 85b

    shing rta'i srog shing bsku ba bzhin no// bkres pa dang bral bar bya ba'i phyir zhes bya ba ni za 'dod pa'i sdug bsngal bzlog pa'i phyir te rma bsku ba bzhin no// tshangs par spyod pa rjes su gzung ba'i phyir zhes bya ba ni lus gnas pa dang / lus kyi stobs dang lus kyi nyon mongs pa med pa de dag la brten nas 'phags pa'i lam bsgrub pa'i phyir te/ tshangs par spyod pa gang zhe na/ 'phags pa'i lam yan lag brgyad pa'o zhes mdo sde gzhan dag las byung ba'i phyir ro// de lta bu sa tshor ba rnying ni gzhil bar byal zhes bya ba ni bkres pas kun nas blang ba gang yin pa'o// tshor ba gsar ni mi skye bar byas nas zhes bya ba ni ha cad bza' drags pa las skye ba gang yin pa'o// 'dis ni zas chung ngu dang lhag par za ba yongs su spong bar byed do// de lta bus zhes bya ba ni chod yang dag par bstan pa'i phyir ro// tshor ba rnying bcil bas/ cir 'gyur snyam pa la/ bdag 'tsho ba dang / stobs dang bde bar 'gyur ro snyam du sa sar rtog ste/ de dag kyang lus gnas pa la sogs pa sngar bstan pa gang yin pa'o// tshar ba gsar mi bskyed na cing 'gyur snyam pa la/ kha na ma tho ba med pa dang / reg par gnas par 'gyur ro snyam du so sor rtog ste/ de dag kyang tshangs par spyod pa rjes su gzung ba ltar sngar bstan pa gang yin pa'o// de la ha cang bza' drags pa'i skyon med pa'i phyir kha na ma tho ba med pa nyid yin par rig par bya'o// de la skyon ni lnga dag ste/ snyom pa dang / mi dga' ba dang / glal ba dang / zas kyis gsung pa dang / sems zhum pa nyid do// / lus zo mdog bde bas shin tu sbyangs pa dang mthun pa nyid kyis bde bar gnas pa'i reg par gnas pa nyid yin par rig par bya'o// de ltar na bsam pa gang gis mi bza' ba dang bsam pa gang

  170. 86a

    gis dang / tshod ji tsam du bza' ba dang / zas la tshod zin pa'i phan yon gang yin pa de la so sor brtags na sa zas za ba'i phyir so sor brtags nas zas za ba yin no// gzhan dag na re so sor brtags pa bzhi dag gis so sor brtags na sa yin zhes zer te/ so sor brtags pa bzhi la spang bar bya ba so sor brtags pa ni tshig bzhi dag gis so// ched so sor brtag pa yang bzhi dag gis so// tshod bzang ba so sor brtags pa ni gnyis so// tshod zin pa'i phan yon so sor brtag pa ni lhag ma rnams kyis so// yod ni tshig bzhi dag gis 'dod pa'i bsod nyams la rjes su sbyor ba'i mtha' yongs su spong ba yin la gsum dag gis ni bdag nyid dub par gnas pa la rjes su sbyor ba'i mtha' spong ba yin no// gcig gis ni dbu ma'i lam sgrub pa yin no// lnga dag gis ni mtha' gnyis yongs su spangs pa'i phan yon rtogs par byed pa yin la/ gnyis kyis ni dbu ma'i lam sgrub pa'i phan yon yin no// shing rta'i srog shing dang rma'i dpe gnyis ni sngar sbyar ba kho na'o// de la rigs kyi bu dga' bo dran pa dang shes bzhin mchog dang ldan pa ni 'di yin te zhes bya ba ni mdo sde'i dum bu'o// de la sems thams cad kyi bsams nas rnam par lta ba ni rgyu ba na yin par rig par bya'o// tshor ba dang 'du shes shes bzhin pa ni bsam gtan pa dang gzugs med pa'i mnyam par gzhag pa la gnas pa na ste/ go rim bzhin no// rnam par rtog pa shes bzhin pa ni langs shing mnyam par ma gzhag pa la gnas pa yin no// gzhan yang sems thams cad kyis bsams nas rnam par lta ba ni gsum 'dus pa las reg pa 'byung ba'i rkyen tshor ba dang / 'du shes dang / sems pa 'byung

  171. 86b

    ba gang yin pa de dag shes bzhin du skye ba nas gtugs pa'i bar du 'gyur ro// sems pa'i mtshan nyid ni 'dir rnam par rtog par yin par rig par bya'o// gzhan yang sems thams cad kyis bsams na/ rnam par lta ba kun nas nyon mongs pa med pa'i phyir gzugs dang shes bzhin du tshor ba la sogs pa skye ba la sogs pa nyid kyis tshor ba dang 'du shes dang 'du byed rnams la dran pa dang shes bzhin mchog dang ldan pa nyid yin par yongs su bstan to// de ltar na rnam par shes pa gnas pa bzhi dag la dran pa dang shes bzhin mchog dang ldan pa nyid yin par yongs su bstan pa yin no// de la tshor ba la sogs pa skad cig pa yin yang rgyun 'dra ba dus gzhan du yang rjes su 'jug pas gnas par rig par bya'o// nub pa ni dal gyis ma yin par rkyen gyis dbang gis 'bral dgag pa'i phyir ro// zad pa dang gtugs par 'gyur ba ni byin nas dal gyis ma lus par rgyun 'dra ba dgag pa'i phyir ro// dge slong dag rgyal po legs mthong chen po ni ha cang mi grang zhing ha cang mi dro ba dang / dus tshigs bde ba dang / gnod pa med pa dang / gang gis na de zos pa dang 'thungs pa dang / 'chos pa dang / myangs pa rnams legs par bde bar 'ju ste/ pho ba'i drong snyoms shing 'jug par byed pa dang ldan pas gnod pabanyung ba dang / nad med pa'i rang bzhin can du gyur to zhes bya ba ni mdo sde'i dum bu'o// de la gnod pa nyung ba ni zas dang gnas 'phrod pa la sbyor ba dang mngon par brtson pa'i phyir yin la/ rang bzhin/ gyi nad med pa'i rang bzhin can ma yin pa yang yod/ nad med pa'i rang bzhin can yin la/ rang bzhin gyi gnod pa zhung ba ma yin pa yang yod de/ zas dang gnas mi 'phrod pa mang ba nyid kyis phyir ro// /

  172. 87a

    byade'i phyir gnyis ka brjod pa ni gcig gis gcig khyad par du bya ba'i phyir ro// de la yang rgya ni pho ba'i drod snyoms shing 'ju bar byed pa dang ldan pa zhes bya bas yang dag par ston te/ lus dang bcas pa'i snyoms pa nyid du ston to// snyoms pa de yang ha cang mi grang zhing ha cang mi dro ba nyid dang dus tshigs bde ba dang / gnod pa med pa dang zhes bya bas ston to// 'dis ni ma snyoms pa nyid rnam pa gsum med pa'i phyir pho ba'i drod snyoms pa nyid du yang dag par ston to// ma snyoms pa nyid rnam pa gsum la me ma snyoms pa nyid kyis ni des me'i drod chung bar ha cang grang ba'am/ me'i drod ches pas ha cang drod che bar 'gyur ro// dus tshigs ma snyoms pa nyid kyis ni des tshigs rnams 'pho ba na skyon rnams rab tu 'khrugs par byed pa'i phyir mi bde bar 'gyur ba'o// zas ma snyoms pa nyid kyis ni des zas mi 'phrod pa'i skyon las gnod pa skye ba'o// snyoms pa nyid bshad nas 'ju bar byed pa nyid ni gang gis na des zos pa dang 'thungs pa dang 'chos pa dang / myangs pa rnams legs par bde ba 'ju zhes bya ba 'chad de/ 'dis ni zas kyi rnam pa thams cad dus su ngal ba med par 'jug par byed pa ston to// de la zos pa dang 'thungs pa dang 'chos pa dang myangs pa ni bza' ba dang btung ba dang bca' ba dang bldag pa dang bzhib pa'i dbye bas rig par bya'o// ci 'dod pa bzhin thob pa tshogs med par thob pa ngan ngon ma yin par thob pa zhes bya ba ni mdo sde'i dum bu ste/ ji srid 'dod pa dang nam 'dod pa dang / ji lta bu 'dod pa mngon sum du bya ba la dbang ba nyid kyi phyir rig par bya ste/ yun ring po dang / ring por mi thogs pa dang / mchog tu byung ba rnams mngon sum du bya ba la dbang ba nyid kyi phyir zhes bya ba'i tha

  173. 87b

    tshig ste/ tha chad ni ngan ngon zhes bya ba'i phyir ro// gzhan dag na re ni tshegs dang nyams med pa nyid ngan ngon ma yin pa yin no zhes zer ro// yid ches pa'i lung las ni// gang zhig rdzogs snyoms zhugs dang pUr// brtan nyid de ni ci 'dod bzhin// sogs thob yin par bzhed 'dir ni// cung zad tsam gyis gtong bas na// de phyir ngan ngon zhes 'byung ngo // dper na me tog ut+pa la'i phreng ba zhes bya ba rgyas par 'byung ba nas/ zegs pa nyid du 'gyur/ rnyings pa nyid du 'gyur/ skams pa nyid du 'gyur zhes bya ba'i bar ni mdo sde'i dum bu'o// de la zegs pa nyid du 'gyur ba ni rnam par 'gyur ba'i phyir ro// rnyings pa nyid du 'gyur ba ni sa'i khams zhum pa'i phyir ro// skams pa nyid du 'gyur ba ni chu'i khams zad pa'i phyir ro// tshig gcig ni bstan pa yin la/ tshig gnyis ni bshad pa yin par rig par bya'o// ji srid du rnyings pa 'am skams par ma gyur pa de srid du me tog gi 'od dang / dri bsung chung bar 'gyur ba'i phyir ni rnam par 'gyur ba yin par rig par bya'o// 'dod pa la rnam par rtog pa byung ba dang du mi len zhes bya ba ni mdo sde'i dum bu'o// de la dang du mi len pa ni ro myang bar mi byed pa'i phyir ro// spong bar byed pa ni de'i dmigs pa'i mtshan ma sel ba'i phyir ro// bzlog tu zin yang rgyub sags pa las byung ba'i rnam par rtog pa rnam pa kun tu rgyu ba nyid yin pas sel bar byed de/ so sor brtags pa'i stobs kyis rgyun gcod pa'i phyir ro// bsal du zin kyang brtson pa lhod pas yang skye ba'i phyir byang bar byed do// bsgom pa'i stabs kyis rnam par gnon pa'i phying dam/ sa bon yang dag par 'joms pa'i byed // 'dir yang smras pa/ 'di dag bzhi ni rnam rtag la/ mi mthun nyid dang de yin+tu// rnam spong byer dang ldan dang ni/

  174. 88a

    rjes su 'ching ba gcod phyir ro// rnam grangs gzhan yang skyon nyid du 'dzin pa'i phyir na dang du mi len pa yin no// byung ba'i shugs dang bral ba'i phyir na spong bar byed pa yin no// yang dang yang du kun tu rgyu ba dang bral ba'i phyir ni sel bar byed pa yin no// dge ba'i phyogs kyis rgyud bstan pa nyid kyis kun tu mi rgyu ba'i phyir na byang bar byed pa yin no// bram ze'i khye'u sems can rnams ni las bdag gir bya ba/ las kyi bgo skal la spyod pa/ las kyi skye gnas pa/ las la brten pa zhes bya ba ni mdo sde'i dum bu'o// mi dag ni phal cher nor dang khyim dang bu dang chung ma la sogs pa dag la bdag shir bya bar 'du shes byas na sred pa sbrid par byed de// de'i phyir myos nas bsad nams ky-i las ni mi brid ba sad nams ma yin pa'i las ni byed do// phal cher lha rnams las bgo skal longs spyod dang bdag gi skye ba'i khyad par don du gnyer bar byed cing rgud par gyur na lha rnams la ston pa yin par rten par byed do// de ltar byed pa na rgyu ma yin pa la rgyur lta bas bskrad par 'gyur ro// bcom ldan 'das kyis de'i gnyen por sems can rnams kyi las kho na bdag gir bya ba yin zhing sems can rnams ni sngon gyi las kho na la bgo skal spyod pa yin la de rnams ni las kho na'i skye gnas las byung ba yin zhing rgud par gyur pa na las kho na ston pa yin gyi lha rnams ni ma yin no zhes bya ba gsungs so// 'di la rig pa ci yod ce na/ las ni rgyal po la sogs pa rnams dang thun mong ma yin pa byir dang / shi ba'i tshe yang mi gtong ba'i phyir ro// lnga la gus pa dang mgus pa rnams longs spyod rgud pa dang dran sum tshogs par dmigs pa'i phyir dang / skye ba dman pa dang khyad par du 'phags pa dmig

  175. 88b

    pa'i phyir dang / yams kyi nad dang gnod pa nye bar ma zhi ba dang nye bar zhi ba dmigs pa'i phyir ro// 'dod pa rnams la yid byung bar bya ba'i phyir dang / 'dod chags dang bral bar bya ba'i phyir dang 'gog par 'gyur bar bya ba'i phyir sgrub pa yin no zhes bya ba ni mdo sde'i dum bu'o// de la 'dod pa rnams la zhes bya ba ni 'dod pa'i khams la'o// gzugs rnams la zhes bya ba ni gzugs kyi kham la'o// rnam pa gcig tu ni sdug bsngalaM gyi phung po can gyi mdo dang po las 'dod pa rnams dang gzugs rnams gsungs pa bzhin no// yid byung bar bya ba'i phyir dang / 'dod chags dang bral bar bya ba'i phyir dang / 'gog par 'gyur par bya ba'i phyir zhes bya ba ni sdug bsngal nyid yongs su shes par bya ba'i phyir dang / kun 'byung ba spang bar bya ba'i phyir dang / 'gog pa mngon sum du bya ba'i phyir de go rim bzhin no// sgrub pa yin no zhes bya ba la sgrub pas ni lam sgom pa yongs su ston to// gzhan yang dga' ba'i 'dod chags kyi rgyu las byung ba'i tshe byim las sdug bsngal skye ba de'i gnyen por go ma bzhin du gsum gsungs pa yin no// chags pa zad par bya ba'i phyir dang / sred pa zad par bya ba'i phyir dang / sdug bsngal zad par bya ba'i phyir dang / phung po zad par bya ba'i phyir sgrub pa yin no zhes bya ba ni mdo sde'i dum bu'o// 'dis ni ngan song gi sdug bsngal yang srid brgya dang bcas pa zad par bya ba'i phyir zhes bya ba yongs su bstan pa yin te/ chags pa ni rgyu yin no// sdug bsngal ni ngan song ba'i sdug bsngal yin te ji skad du bcom ldan 'das kyis 'jig rten 'di dang pha rol na ngan 'gro gang ji nyid nga de dag thams cad ma rig pa'i rtsa ba las byung ba 'dod pa dang chags pa las kun tu byung ba yin no

  176. 89a

    zhes gsungs pa lta bu'o// 'dir ni mi dge ba'i rtsa bas bsdus pa'i chags pa yin par rig par bya'o// de smos pa yang 'phrog par byed pa'i phyir ro// yang srid pa la sred pa ni rgyu yin no// phung po ni srid pas bsdus pa'i nye bar len pa'i phung po lnga rnams te/ de ni sred pas spungs pa'i phyir ro// gzhan yang chags pa dang sred pa gnyis ni 'dod pa dang srid pa'i 'dod chags gnyis yin te go rim bzhin no// sdug bsngal ni 'dod pa'i khams yin te/ sdug bsngal gyi sdug bsngal dang ldan pa'i phyir ro// phung po ni gzugs dang gzugs med pa'i khams gnyis yin no// gro bzhin skyes de bas na mnyam pa nyid du rtogs par byas la de la yang mtshan mar zung zhig/ des rlom sems kyang ma byed la/ de la bag med par yang ma byed cig ces bya ba ni mdo sde'i dum bu'o// 'dis ni mnyam pa nyid du yongs su shes par bya ba dang / mi brjed pa'i rgyu dang / kun nas nyon mongs pa med pa'i rgyal sbyor bar mdzad do// de la yongs su shes pa ni rtogs pa'o// mi brjed pa'i rgyu ni mtshan mar 'dzin pa'o// kun nas nyon mongs pa med pa'i rgyu ni nga rgyal med pa ste mnyam pa nyid dus khengs par mi 'gyu ri ba'i phyir dang / bag yod pa ste ro myang bar mi byed pa'i phyir dang / nga rgyal dang sred pa shas che ba'i bsamasan pa'i gnyen por go rim bzhin no// 'phags pa gro bzhin skyes kyis de'i tshe bden pa gzigs pa'i phyir lta ba dang the tshom shas che ba'i bsam gtan pa ni ma yin te de gnyis spangs pa nyid kyis phyir ro// bcom ldan 'das kyi rgyang ring po nas shing gi sdong po chen po zhig 'bar zhing rab tu 'bar la kun tu rab tu mched cing me lce gcig tu gyur te lam mer 'bar ba gzigs so zhes bya ba ni mdo sde'i dum bu'o// 'dis ni shing

  177. 89b

    gi sdong po la mes reg pa nyid dang / me'i mdog dang / kun tu 'bar ba nyid dang / 'dril te 'bar ba nyid dang / mi g.yo bar 'bar ba nyid du yang dag par sdud par byed pa ston te go rim bzhin no// dge slong dag byis pa so so'i skye bo thos pa dang mi ldan pa rnams ni phung po lnga po 'di dag la rtag pa nyid dang brtan pa nyid du yang dag par rjes su lta/ bde ba nyid dang / nad med pa nyid dang / bdag dang bdag gi nyid du yang dag par rjes su lta'o zhes bya ba ni mdo sde'i dum bu'o// de la nye bar len pa'i phung po lnga rnams ni 'dus byas kyi mtshan nyid skye ba dang 'jog pa gnyis dang yang ldan pa yin la/ rgun gyi 'byung ba na gnas skabs gzhan du 'gyur ba'i byer ba dras byas kyi mtshan nyid gnas pa las gzhan du 'gyur ba dang yang ldan pa yin no// de dag mtshan nyid de ltar gnas pa yin pa na sems las byung ba'i sdug bsngal gyi gzhi dang lus kyi sdug bsngal gyi gzhi dang / rang bdag ma yin la bdag gzhan gyis kyang stong ba yin na/ de la kun tu rmongs pa'i go rim bzhin du rtag pa la sogs pa nyid du zhes bya ba yin par rig par bya'o// gzhan yang phyi rol gyi gnod pa'i sdug bsngal gyi gzhi nyid dang / rang gi khams la snyoms pa'i sdug bsngal gyi gzhi nyid du ma mthong na bde ba nyid dang nad med pa nyid du lta zhes bya ba yin par rig par bya'o// de dag ni mdor na nye bar len pa'i phung po lnga rnams kyi mi rtag pa la sogs pa rnam pa bzhi'i mi mthun pa'i phyogs su rtag pa dang / bde ba dang / bdag tu phyin ci log pa rnams te/ lta ba gnyis dang gnyis kyis yongs su bstan pa yin par rig par bya'o// de nyid kyi phyir 'dir gtsang bar byin ci log par ma smos so// tshul 'chos pa dang / kha gsag dang / gzhog slongs dang / thob kyi 'jal ba nyid dang / rnyed pas rnyed par

  178. 90a

    byed 'dod pa zhes bya ba ni mdo sde'i dum bu'o// de la tshul 'chos pa ni rnam pa gsum du rig par bya ste/ rnyed pa dang bkur sti 'dod pa nyid kyi gzhan la yon tan yid ches par byed pa'i bsam pas smod la ma legs par gnas pa dang / yul dben par gnas pa dang rnyed pa la byed par can mi len pa nyid kyis dang / ngan pa dang / gya nom pa brten pa dang mi brten pa nyid kyis yo byad bsnyungs pa kun tu ston pa'o// Sha gsag kyang rnam pa gsum ste/ rnyed pa dang bkur sti'i bsam pas rjes su mthun par snyan par smra ba dang / rang gi yon tan smra ba dang / chos smra ba'o// gzhog slongs kyang rnam pa gsum ste/ rnyed pa'i bsam pas lus kyis gnod pa'i gzhi kun tu stor pa dang / phongs pa'i gzhi kun tu ston pa dang / tshig gis bsam pa'i gzhi bsngags par byed pa nyid do// thob kyis 'jal ba yang rnam pa gsum ste/ rnyed pa'i bsam pas de la sbyin par mi byed pa la spod pa dang / gzhan la sbyin par byed pa la spod pa dang / ha cang phyi bzhin 'brang zhing spong ba'o// rnyed pas rnyed par byed 'dod pa yang rnam pa gsum ste/ rnyed pa'i bsam pas gzhan las rnyed pa rgya che bar kun du ston pa dang / sbyin par byed pa rgya che bar bsngags par byed pa dang / zang zing gi rnyed pa bsngags par byed pa'o// 'di ni dge slong gi 'tshe ba log pa rnam pa lnga yin te/ gcig ni lus kyis yin te gnyis pa ni ngag gis yin zhing lhag ma rnams ni lus dang ngag gis yin no// tshig yin pa de dag ji ltar lags ga ma yin zhe na/ gzhan mgu bar bya ba'i phyir smra ba 'dir legs ga yin par dgongs kyi thams cad ni ma yin no// ji ltar mi'i 'jig rten namar 'dzin pa dang / bar 'dzin pa dang / dge slong du 'dzin pa dang / bram zer 'dzid pa

  179. 90b

    rtags kyi rang nan rabs pa rim byeng ba dang / ngan byeng pa dang / bya ba byed pa dang / bsad rnams byung ba dang / 'jig na 'di dang 'jigarten par ma sa rnam tha pa rnams pa 'jigs par sgru ba dang / sbyin pa byed pa dang / bsod nams byed pa dang / bsnyen gnas la nye bar gnas pa dang / tshul khrims yang dag par blangs nas gnas pa'i ming ga mang ngam zhes bya ba ni mdo sde'i dum bu'o// de la ji ltar shes par bya ba lta bus ma shes pa ni mar 'dzin pa ste/ de la gus par bya ba nyid kyi phyir ro// mar 'dzin pa ji lta ba bzhin du par 'dzin pa yang de bzhin no// dge sbyong rnams la ldang ba dang / thal mo sbyar ba dang / phyag bya ba dang / chos gas dang / bsod snyoms la sogs pas ri ma dang / sbyin pa bya ba'i phyir legs par byed pa na dge sbyong du 'dzin pa'o// dag sbyong du 'dzin pa ji lta ba bzhin du bram zer 'dzin pa yang de bzhin no// rigs kyi nang na brgan rabs pho nu bo dang / sring mo dang ny+Ni du rnams la bkur sti byed pa ni rganarabasil ri mo byed pa ste/ ldang ba dang snyan par smra ba la sogs pa bya ba'i phyir ro// rgud pa rnams la rgud pa las yongs su bskyab pa dang / dgos pa bsgrub pa'i phyir don byed pa'o// rang gi las la 'tsho ba log pa ma yin pas legs par sbyor ba'i phyir bye ba byed pa'o// sbyin pa dang tshul khrims las byung ba'i bsod nams sgrub pa'i phyir bsod nams byed pa'o// 'di man chad ni chu gang gis de dag de ltar gyur pa dang ji ltar bsod nams byed pa rnams kyi rgyu de dang rnam pa de 'chad do// rgyu gang gis de de ltar gyur zhe na/ 'di ltar 'jig rten 'di dang 'jig rten pha rol gyi kha na ma tho ba rnams la 'jig par lta bas so// de la kha na ma tho ba ni 'phags pas smad pa gang yin pa'o// 'jigs pa ni nyes dmigs/

  180. 91a

    yin par rig par bya ste/ de las 'jig par 'gyur ba'i phyir ro// ji ltar na bsod nams byed pa dag yin zhe na/ zas dang skom dang bza' ba dang bca' ba dang / bzhon pa dang gos la sogs pa sbyin par byed pa gang yin pa ste/ de ni sbyin par bya bas na sbyin pa yin pa'i phyir ro// bsod nams byed pa ni kun dga' ra ba dang / nags tshal dang / stegs dang / rdzing bu dang / chu mig dang / bsod nams kyi khang pal sogs pa bya ba la sogs pas 'jig rten rjes su 'dzin pa'i phyir ro// 'di gnyis ka yang sbyin pa las byung ba'i bsod nams bya ba'i gzhi yin mod kyi/ tha dad par smos pa ni khyad par dang khyad par med par sbyin pa'i dbye ba yang dag par bstan pa'i phyir ro// khyad par du sbyin pa ni len pa po 'ga' zhig kho na la rang gir bya ba'i phyir sgrub pa gang yin pa'o// khyad par med par sbyin pa ni sems can rnams la yongs su longs spyod du gzhug pa'i phyir dbye ba med par gtong ba gang yin pa'o// bsnyen na sa la nye bar gnas pa dang / tshul khrims yang dag par blang nas gnas pa ni nyin zhag gcig pa dang / ji srid 'tsho ba'i bar du tshul khrims yang dag par len pa'i phyir ro// mdor na mdo sde'i dum bu 'di ni mi rnams bla ma dang / yon gnas dang / rgan po rnams dang / rgud pa rnams dang / rang gi las dang / bsod nams byed pa la go rim bzhin tshig gnyis dang gnyis dang bzhi rnams kyis ni re res yang dag par grub par bstan pa yin no// lhag ma rnams kyis ni yang dag par sgrub pa de nyid kyi rgyu dang / bsod nams bya ba'i rnam pa'i dbye ba yang dag par bstan pa yin no// 'jig rten na chos smra ba ni su dag yin/ legs par zhugs pa ni su dag yin/ bde bar gshegs pa ni su dag yin zhes bya ba rgyas par 'byung ba nas 'di ni 'jig rten na

  181. 91b

    bde bar gshegs pa zhes bya ba'i bar ni mdo sde'i dum bu'o// 'dir ni nges par legs pa las brtsams nas yang dag par smra ba dang / byed pa po gnyis dris pa dang / lan btab pa yin no// byed pa po yang rnam pa gnyis te/ brtson pa rnams ni gang dag yang dag par rab tu brtson pa rnams so// grol ba rnams ni gang dag mthar phyin pa rnams so// 'dod chags dang zhe sdang dang gti mug rnams 'on smos pa ni de rnams kyi go rim bzhin du tshor ba gsum la bcings pa'i phyir te/ 'di ltar bcom ldan 'das kyis bde ba'i tshor ba la ni 'dod chags rgyas par 'gyur la/ sdug bsngal la ni khong khro ba/ bde ba yang ma yin sdug bsngal ba ma yin pa la ni ma rig pa'o zhes gsungs so// gdul ba'i phyir zhes bya ba ni bral bar bya ba'i phyir te/ ma lus par spang bar bya ba'i phyir ro// gang su dag 'dod chags ma lus par spang ba zhes bya pa ni sa las dang / sa bon las dang / rnam pa las ma lus par spangs pa yin par rig par bya'o// sa las ji ltar zhe na srid pa'i rtse mo'i bar du ji ltar rigs par spangs pa'i phyir ro// sa bon las ji ltar zhe na/ thob pa bag la nyal gyi mtshan nyid spangs pa'i phyir ro// rnam pa las ji lta bu zhe na/ mthong ba dang bsgoms pas spang bar bya ba rnams spangs pa'i phyir dang / chung ngu'i chung ngu la sogs pa'i rnam pa spangs pa'i phyir ro// yongs su shes pa zhes bya ba la ji ltar yongs su shes zhe na bdag gis 'dod chags nas gti mug gi bar du spangs so zhes bya bar ro// spangs pas ni rnam par grol ba ston la/ yongs su/ shes pas ni rnam par grol ba'i ye shes mthong ba'o// de ltar na ma lus par spangs pa ni so sor rang gi rig par bya ba nyid du bstan pa yin te/ gzhan la rag pa dang / som nyid dang ldan pa rnams bsal

  182. 92a

    ba'i phyir ro// 'di ni 'jig rten na bde bar gshegs pa dag ces bya'o zhes bya ba'i bde bar zhes bya ba 'di ni ma lus pa'i don la yang mthong ste/ dper na zas bde bar zhu'o// bum pa legs par gang ba'o zhes bya ba lta bu'o// bsngags pa'i don la yang mthong ste/ dper na gzugs bzang po che lugs bzang po zhes bya ba lta bu'o// phyir mi ldog pa'i don la yang mthong ste/ dper na gcin nad las bde bar thar te/ 'byung po'i gdon las bde bar thar to zhes bya ba lta bu'o// don rnam pa 'di gsum gyis bde bar gshegs pa dag yin te/ 'jig rten pa'i snyoms par 'jug pa dag las bzlog nas ji srid du bgrod par bya bar gshegs pa'i phyir dang / 'gro ba bzang por gshegs pa'i phyir dang / phyir mi ldog par gshegs pa'i phyir te/ mya ngan las 'das par gshegs pa dag ni de ltar gshegs pa dag yin no// de ltar na mya ngan las 'das pa dag ni bla na med pa nyid dang / dge ba nyid dang / rtag pa nyid du bstan pa yin te go rim bzhin no// bam po lnga pa/ 'di ltar las kyang yod la nyon mongs pa rnams dang sred pa lta ba dang nga rgyal dang ma rig pa yang yod na de lta bu ni tshe phyi ma la 'du byed rnams 'byung bar 'gyur ro zhes bya ba ni mdo sde'i dum bu ste/ 'dir ni skye ba'i rgyu grogs dang bcas pa yongs su bstan pa yin no// las la nyon mongs pa rnams grogs su gyur pas skye ba skyed par byed de/ nyon mongs pa zad na mi skye ba'i phyir dang / nyen mongs pa ma zad ni las jilta ba bzhin du skye ba'i phyir ro// nyon mongs pa de dag kyang sred pa la sogs pa'o// de la sred pa ni mngon par grub pa'i rgyu yin no// mdo sde gzhan las kyang las ni skye ba'i rgyu yin la/ sred pa ni

  183. 92b

    mngon par 'grub pa'i rgyu yin no zhes gsungs pa'i phyir ro// ji ltar na sred pa mngon par 'grub pa'i rgyu yi zhe na/ lus thams cad kyi thun mong gi rgyur 'gyur ba nyid kyi mngon par 'grub pa'i rgyu yin pa'i phyir ro// lta ba dang nga rgyal dang ma rig pa ni de 'dren par byed pa dag yin te/ bdag tu lta ba dang nga'i snyam pa'i dargyal gyi sgo nas bdag med pa nyid la kun du rmongs na de kun tu nu ba dang mi spongs pa'i phyir ro// de'i phyi 'di dag kho na smos kyi/ khong khro ba dang the tshom gnyis ni ma yin no// gzhan yang 'dod pa'i khams kyi las kyi grogs ni nyon mongs pa thams cad yin la/ gzugs dang gzugs med pa'i khams gnyis kyis ni sred pa la sogs pa grogs yin no// sred pa dang lta ba dang nga rgyal dang the tshom shas che ba'i bsam gtan gyi bag la nyal yod pa'i phyir ro// the tshom ni ma rig pas rab du bye ba nyid kyi ste/ gti mug shas che ba la shes pa nges pa mi 'byung bas so// dge slong dag dge slong gsar bu 'di dag ni dge sbyong gi gnod pas gtses pa/ tshangs par spyod pa'i 'dam gyis zil gyis non pa/ sdig pa mi dge ba'i chos kun nas nyon mongs pa can yang srid pa pa rims nad dang bcas pa sdug bsngal gyi rnam par smin pa can tshe phyi ma la skye ba dang rga ba dang 'chi bar 'gyur ba rnams kyis zil gyis non pa zhes bya ba'o zhes bya ba med sde'i dum bu'o// de la dge sbyong gi gnod pa ni rnyed pa dang bkur sti gang gis zil gyis non na dge sbyong gi dngos po las nyams par 'gyur ba ste/ bcom ldan 'das kyi dge slong dag 'di ltar 'di na kha cig bslab pa btang nas nyams te gnas pa 'di ni 'phags pa'i tshes 'dul ba la nyams pa yin no// zhes gsungs pas so// tshangs par spyod pa'i 'dam ni rnyed pa dang bkur sti gang la chags na 'phags pa'i

  184. 93a

    mya ngan las 'das pa'i lam yan lag brgyad par mi 'dong ba ste/ de ni bcom ldan 'das kyis tshangs par spyod pa'i 'dam yin par gsungs so// sdig pa mi dge ba'i chos rnams ni kun nas nyon mongs pa can la sogs pa ste/ gang dag gis zil gyis non na tshul khrims nyams par byas nas ngan song du 'dong ba rnyed pa dang bkur sti'i rgyu ba snab sems can nyid la sogs pa gang dag yin/ pa'o// 'dis ni dge slong gsar bu rnyed pa dang bkur sti lhur 'dzin pa rnams la mthong ba'i chos la bslab pa gtong ba dang / mya ngan las 'das par mi 'gro ba dang / tshe phyi ma la ngan 'gror 'gro ba'i nyes dmigs rnam pa gsum yod par ston to// de la sdig pa ni 'phags pa'i skye bos smad pa'i don gyis so// mi dge ba ni mi dge ba'i don gyis so// de ltar na de rnams ni gzhan gyis dang / rang nyid kyi skyon yin par bstan pa yin/ no// ji ltar smad pa dang mi bde ba de ni kun nas nyon mongs pa can yang srid pa pa nyid nyes dmigs dang bcas pas yang dag par ston to// de la mthong ba'i chos la yang dang yang du kun nas nyon mongs par byed pa'i phyir kun nas nyon mongs pa can no// tshe phyi ma la yang srid pa mngon par 'grub pa'i phyir yang srid pa ba'o// kun nas nyon mongs pa can dag yin pa la rims nad dang bcas pa dang / sdug bsngal gyi rnam par smin pa can gyi nyes dmigs yod de/ mthong ba'i chos nyid la nyon mongs pa yongs su gdung ba rnams kyi lus dang sems yongs su gdungs par byed pa'i phyir dang / tshe phyi ma la ngan 'gror 'gro ba'i phyir ro// yang srid par gyur pa la tshe phyi ma la skye ba dang na ba dang 'chi bar 'gyur ba zhes bya ba'i nyes dmigs yod de/ yun ring por skye ba dang rga ba dang 'chi ba 'dren pa'i phyir ro// 'di ni ston pa'i bstan pa bzhin

  185. 93b

    byed pa dang / mi gtong bar sgom pa dang / lhag mthong dang ldan pa khyim stong pa rnams rgyas par byed pa/ rang gang gi don gyi sbyor ba la rjes su brtson pa/ tshangs pa mtshungs par spyod pa mkhas pa rnams kyis ma smad pa/ yul 'khor gyi bsod nams 'bras bu yod par za ba zhes bya ba ni mdo sde'i dum bu'o// de la bstan pa bzhin du sgrub pa'i phyir ston pa'i bstan pa bzhin du byed pa'o// yang dang yang du bsgoms pas mi gtong bar sgom pa ste/ 'di ltar cung zad cung zad ces bya ba gsungs pa yin no// ji ltar thos pa bzhin du chos rab tu rnam par dbye ba'i phyir lhag mthong dang ldan pa'o// sems rtse gcig tu bya ba'i don du khyim stong pa rnams la mngon par dga' ba'i phyir khyim stong pa rnams rgyas par byed pa'o// mya ngan las 'das pa ni legs par rab tu byung ba'i rang gi don yin te/ de'i don du rab tu 'byung ba'i phyir ro// de'i sbyor ba ni thabs yin te/ de thob par bya ba'i lam gang yin pa'o// de la rjes su brtson pa ni ji ltar de la brtson par bya ba de ltar brtson 'grus mi gtong ba nyid kyis brtson pa'i phyir te/ de ltar na rang gi don gyi sbyor ba la rjes su brtson pa'o// mngon par 'dod pa nyid yin pa'i phyir tshangs pa mtshungs par spyod pa mkhas pa rnams kyis ma smad pa'o// de'i 'bras bu dang bcas pa nyid du byed pa'i phyir yul 'khor kyi bsod snyoms 'bras bu yod par za ba'o// mdor na tshig bdun po 'di rnams kyis ni ston pa dang / bstan pa dang / tshangs pa mtshungs par spyod pa rnams dang / sbyin par byed pa rnams la yang dag par sgrub par yongs su bstan pa yin no// ston pa la ni de'i bstan pa bzhin du sgrub pa'i phyir ro// bstan pa la ni rtag tu las khyad par du 'phags pa la sbyor ba'i phyir dang / byin ci ma log par sbyor ba'i

  186. 94a

    phyir dang / rnam par ma g.yengs par sbyor ba'i phyir dang / chog mi shes par sbyor ba'i phyir ro// dge slong gi las khyad par du 'phags pa ni bsam gtan yin par rig par bya'o// gzhan yang rtag tu bsgom pa'i phyir dang / kun nas nyon mongs pa can ma yin par bsgom pa'i phyir dang / bar chad med par bsgom pa'i phyir dang / chog mi shes par bsgom pa'i phyir ro// tshangs pa mtshungs par spyod pa rnams la ni don mthun pa nyid sbyor ba'i phyir ro// sbyin par byed pa rnams la ni de'i sbyin pa 'bras bu chen po nyid du sbyor ba'i phyir ro// da ltar mi rnams ni chos ma yin par chags pas chags pa dang / mi rigs par chags pas zil gyis non pa dang / chos log pas dkris pa yin no zhes bya ba ni mdo sde'i dum bu'o// de la chos ma yin pas yul yongs su spyad pa la chags pa ni chos ma yin par chags pas chags pa ste/ dper na 'dod pas log par g.yem pa 'am lings 'debs pa lta bu'o// mi rigs pas chags pa ni mi rigs par chags pa ste/ tshem rkun dang / mthu stobs dang // 'drid pa la sogs pas pha rol gyi nor don du gnyer ba gang yin pa'o// log pas byas pa'i chos ni log pa'i chos te/ 'di chos ma yin par byas pa pha rol la 'tshe ba dang ldan pa rgyal po'i chos sam bram ze'i chos gang yin pa'o// des ni yul yongs su spyad pa dang / longs spyod yongs su 'tshal ba dang / bde 'gro yongs su 'tshol ba la brtsams nas mi rnams la log par sgrub pa rnam pa gsum yod par bstan pa yin no// sangs rgyas bcom ldan 'das rnams kyi gtam dus sngar bya ba gang yin pa de ni 'di lta ste/ sbyin pa'i gtam dang zhes bya ba rgyas par 'byung ba ni mdo sde'i dum bu'o// de la dus sngar

  187. 94b

    bya ba ni rgyud yang dag phul can gyi gtam gyi snod du bya ba'i phyir ro// de ni mdor na longs spyod phun sum tshogs pa'i rgya dang / lus phun sum tshogs pa'i rgyu dang / phun sum tshogs pa de gnyis ka'i khyad par dang / de las phyir phyogs par byed pa'i gzhi dang / de las nges par 'byung ba'i thabs las brtsams nas rig par bya'o// de las phyir phyogs par byed pa'i gzhi ni 'dod pa rnams ro chung ba nyid dang / nyes dmigs/ mang ba nyid yin no// de gnyis kyis kyang 'di ltar kun nas nyon mongs pa dang rnam par byang bar byed do// de las nges par 'byung ba'i thabs ni rab tu 'byung ba'i mtshan nyid nges par 'byung ba nyid dang / rab tu byung nas lus dang sems thag ring ba'i mtshan nyid rag tu dbyen pa nyid dang / rab tu dben par gyur nas kyang mya ngan las 'das pa'i tshogs kyi mtshan nyid rnam par byang ba'i phyogs dang mthun pa'i chos dran pa nye bar gzhag pa la sogs pa rnams so// sbyin pa la sogs pa'i gtam rnams kyi go rims ni mo rnams kyi bde ba ni longs spyod la ragalas pa yin la/ longs spyod chen po yang sbyin pa'i 'bras bu yin te/ de'i phyi de rnams ni sbyin pa'i gtam kho na la dga' ba yin pas thog ma kho nar sbyin pa'i gtam mo// sbyin pa de yang tshul khrims med na ngan 'gror 'bras bu smin par 'gyur te/ gro bzhin skyes kyi mdo las/ glang po cher gyur kyang glang po che rgyan dang ldan pa thob pa yin no zhes gsungs pa lta bu yin pas de'i 'og tu tshul khrims kyi gtam mo// de'i 'og tu bde 'gror gyur du zin gyis kyang mi rnams kyi 'dod par bya ba dag ni mi gtsang ba dang / dring pa dang / dri ba shung ba dang / mi mthung ba dag yin la/ lha rnams kyi 'dod par bya ba dag ni 'phags par ches lhag pa dag dang ches gya nom pa yin no zhes mtho ris kyi gtam mo// de'i

  188. 95a

    'og tu de rnams la ro chung ba dang / nyes dmigs ches mang ba yin zhes 'dod pa rnams la ro myang ba dang / nyes dmigs yang dag par rab tu bstan pa yin no// de'i 'og tu ro myang ba las gyur pa ni kun nas nyon mongs pa yin la/ nyes dmigs las gyur pa ni rnam par byung ba yin no zhes kun nas nyon mongs pa dang / rnam par byang ba yang dag par rab tu bstan pa yin no// de'i 'og tu nyes dmigs kyis yid byung na de las nges par 'byang ba la mngon du phyogs par byed pa yin no zhes nges par 'byung ba dang / rab tu dben pa'i phan yon la sogs par rab tu bstan pa yin no// gang gi/ tshe sems rangs pa dang sems nyams bde ba zhes bya ba ni gtam 'di'i phan yon yongs su bstan pa yin no// sems dga' ba dang sems sgrib pa med pa zhes bya ba ni sems rangs pa dang / nyams pade ba'i bshad pa yin par go rim bzhin te/ mchog tu dga' ba nyid dang ldan pa'i phyir dang / sgrib pa lnga dang mi ldan pa'i phyir te/ skyon med par ni nyams bde ba zhes bya bas so// yang dag phul can gyi chos bstan pa kun tu shes par bya bar skal ba dang ldan pa dang nus pa zhes bya ba ni sems de'i phan yon yongs su ston pa yin no// de la sems dga' ba nyid kyis ni skal ba dang ldan pa yin te/ dga' ba la sogs pa'i rgyu'i rim pas so// sems sgrib pa med pa nyid kyis ni nus pa kho na yin te/ sgrib pa nyon mongs pa'i gnyen po'i ting nge 'dzin thob pa'i phyir ro// gzhan yang skal pa dang ldan pa dang / nus pa gnyis kyis ni rigs dang / yongs su smin pa phun sum tshogs pa yongs su ston par rig par bya ste/ de'i tshe na de la gnyis ka phun sum tshogs pa yin no// rigs ni ldan yod pa nyid yin no// rigs ma smos na sangs rgyas rnams

  189. 95b

    kyis yang dag yul can gyi chos bstan pa ni gnyi ka la bltos pa'o zhes bstan par mi 'gyur ro// 'phags pa'i bden pa'i gtam ni yang dag phul can te/ mthong ba dang bsgom pa'i lam gnyis kyis ngan 'gro ba dang 'khor ba las yang dag phul du byed pa'i phyir ro// mya ngan las 'das pa yang chos thams cad las mchog tu 'phags pa nyid kyi yang dag phul can yin no// 'bras bu de dang ldan pa'i phyir yang dag phul can te/ yang 'byung ba pa'i sred pa bzhin no// 'phags pa nyan thos thos pa dang ldan pas de ltar mthong na gzugs la yid 'byung bar 'gyur zhing tshor ba dang / 'du shes dang / 'du byed rnams dang rnam par shes pa la yid 'byung bar 'gyur ro// yid byang na 'dod chags dang bral bar 'gyur ro// 'dod chags dang bral na rnam par grol bar 'gyur ro zhes bya ba ni mdo sde'i dum bu'o// 'dir yid byung ba dang 'dod chags dang bral ba dang / rnam par grol ba rnams kyi rgyur 'gyur ba ni go rim bzhin du yongs su bstan pa yin no// de la yid byung ba ni mi mthun pa nyid du 'dzin pa'o// 'dod chags dang bral bar gyur pa ni 'dod chags dang bral ba ste/ de'i thob pa chad pa'o// de'i thob pa la sogs pa dang de dang mi ldan par gnas gyur pa ni rnam par grol ba'o// rnam grangs gzhan yang dga' ba sngon du song ba'i 'dod chags dang / gzugs la sogs pa dag la 'dod chags sngon du song ba'i sems rang dbang med par 'jug pa nyid kyi 'ching ba yod pas de'i phyir go rim bzhin du de'i gnyen po yi dbyung ba la sogs pa rnams dus tha dad pa nyid ma yin yang mi mthun pa'i phyogs kyi go rims kyis bshad pa yin te/ dper na ma rig pa 'gag pas 'du byed 'gag ces bya ba lta bu'o// gzhan yang kha cig na re bcom ldan 'das kyi chos de dag

  190. 96a

    la nad nyid dang / 'bras nyid dang / zug rngu nying dang / sdig pa nyid dang / mi rtag pa nyid dang / sdug bsngal ba nyid dang / stong pa nyid dang / bdag med pa nyid du yid la byed do zhes gang gsungs pa 'di ni yang dag pa ji lta ba bzhin du lta ba yin la/ de chos de dag la nad nyid nas bdag med pa nyid kyi bar du yid la byas nas chos de dag la sems spro bar byed skrag par byed phyir bzlog par byed do zhes gang gsungs pa 'di ni yi byung ba'o// des chos de dag la skyo zhing sdug la phyir ldog nas 'di ni zhi ba 'di ni gya nom pa yin te/ 'di lta ste/ phung po kun spangs pa dang / sred pa zad pa dang / 'dod chags dang bral ba dang / 'grog pa dang / mya ngan las 'das pa'o zhes 'chi ba med pa'i dbyings la sems nye bar sbyor ba zhes gang gsungs pa 'di ni 'dod chags dang bral ba'o// des de ltar shes shing de ltar mthong ba na 'dod pa'i zag pa las sems rnam par grol bar 'gyur ro// srid pa'i zag pa dang / ma rigs pa'i zag pa las sems rnam par grol bar 'gyur ro zhes gang gsungs pa 'di ni rnam par grol ba'o zhes zer te/ 'dir ji ltar mya ngan las 'das pa yid la byed pa las 'dod chags dang bral bar 'gyur la/ phyis rnam par grol bar 'gyur ro zhes bya ba'i bsam pas brjod dgos so// byis pas so'i skye bo thos pa dang mi ldan pas yun ring po nas byi dor byas shing zhes bya ba nas bzung ba yin no zhes bya ba'i bar ni mdo sde'i dum bu'o// de la byi dor byas pa ni phan pa'i dngos po nye bar sgrub pa nyid kyis so// sbas pa ni gnod pa'i dngos po spong ba nyid kyis so// ci'i phyir zhe na/ bshad pa/ bdag gis byas pas so// ji ltar bdag gir byas pa yin zhe na/ bshad pa 'di ni bdag gi yin

  191. 96b

    'di ni nga ba dag yin/ 'di ni bdag gi bdag yin zhes khas blangs la bzung ba yin no// de la khas blangs pa ni lta ba ste/ rnam pa gnyis kyis khas blangs pa'i phyir ro// bzung ba ning sred pa ste/ de'i rjes su 'bar bas chags pa'i phyir ro// 'di ni bdag gi yin zhes bya ba bdag gi ba'i rnam pa dang / 'di ni nga bdag yin/ 'di ni bdag gi bdag yin no zhes bya ba bdag gi rnam pa ni bdag tu lta ba rnam pa gnyis po lhan cig skyes pa dang / kun tu brtags pa dang / gzhan yang gzhi tha mi dad pa dang / gzhi tha dad pa dang / go rim bzhin yin pa dang / de'i rjes su mthun pa'i sred pa gnyis kyis so// rnam grangs gzhan yang nga'o snyam pa'i nga rgyal dang / bdag tu lta ba gnyis kyi sa dang / de'i rjes su 'brang ba'i sred pa gnyis so// 'di thams cad ni de'i rnam pa/ de'i rgyu nyid kyis bdag gir byas pa zhes bya'o// mdor na 'dis ni byis pa rnams kyi rnam par shes pa la ba dag tu lta ba dang / sred pa la log par sgrub pa las dang bcas pa'am/ bdag tu lta ba dang / nga rgyal du lta ba dang / sred pa las log par bsgrub pa yin par yongs su bstan pa yin no// ma dag ma'i klung dper brjod pa mdzad nas/ de de las bsrid pa sems pa dang / bsring ba don du gnyer ba dang / bsring pa la brtags nas 'jog par byed do zhes bya ba ni mdo sde'i dum bu'o// de la ba sring ba zhes bya ba ni zag bsring ba'o// yon tan nyid du sems mngon par 'du byed pa ni sems pa'o// 'dod pa ni rang bzhin gyis don du gnyer ba'o// so sor brtags nas sems 'jog pa ni yid la byed pa'o// yon tan nyid du gang bsam pa de la ni rang gi rang gi don du gnyer ba'am/ so sor brtags nas de la sems 'jog par byed de// dper na na sman ro zhim pa'amatsha ba la byed pa bzhin no// dge slong dag dge slong chos shes pa yang yin no//

  192. 97a

    ji lta bu yin zhe na/ 'di la dge slong gis chos shes pa ni 'di lta ste/ mdo'i sde dang / dbyangs kyis bskang ba'i sde dang zhes bya ba ni mdo sde'i dum bu'o// de la sangs rgyas kyis sam sangs rgyas kyis gnang ste nyan thos kyis bshad pa gang yin pa de'i don mdor gleng ba'i don gyis na mdo sde'o// de nyid tshigs su bcad pas phyis dbyangs su bskrad pa dang bkri ba'i don gang yin pa skye dbyangs kyis bsnyad pa'i sde'o// lung du bstan pa'i sde ni gang las bcom ldan 'das kyis 'das pa dang ma 'ongs pa'i nyan thos la sogs pa rnams lung ston par mdzad pa dang / nges pa'i don gang yin pa'o// tshigs su bcad pa'i sde ni tshig gnyis dang gsum dang bzhi dang lnga dang drug tu tshigs su sbyar bas bshad pa gang yin pa'o// ched du brjod pa'i sde ni gang zag gi ched du gsungs pa ma yin gyi bstan pa gnas par bya ba 'ba' zhig gi phyir gang yin pa ste/ gang las bcom ldan 'das kyis ched du brjod pa ched du brjod par mdzad do zhes bya'o// gleng gzhi'i snga ni 'dul ba dang 'brel pa ste/ 'dul ba ni byung bas rab tu phye ba nyid kyis phyir te/ gang las bcom ldan 'das kyis gleng gzhi 'di dang skabs 'di dang don byung ba 'di las bcom ldan 'das kyis 'di skad bshad pa ni 'di skad ces bya'o zhes 'byung ba yin no// rtogs pa brjod pa'i sngoni rnying po len gyi rtogs pa brjod pa la sogs pa ste/ gang las rtogs par dbye ba'i phyir dpegazhan rgyas par brjod pa 'byung ba yin no// de bubyung ba'i sde ni sngon gyi hU~Md dang 'bral ba'o// skyes pa'i rabs kyi sde ni gang las bcom ldan 'das kyi sngon gyi byang chub sems dpa'i skyes pa'i rabs bstan pa 'byung ba yin no// shin tu rgyas pa'i sde ni theg pa chen po yin te/ lung phog pa gang gis

  193. 97b

    byang chub sems dpa' rnams pa rol du kyi ba bcu dag gisas brdadag tu yang dag par 'grub par stobs bcu'i nyin sangs rgyas nyid 'thab pa'o// mad du byung ba chos kyi sdeni gang pas sangs rgyas drung / byang chub sems dpa' rnams dang / nyan thos rnams kyi dul du byung ba bstar ba'o// tan la dab pa bstan pa'i rgyu ga las de ba dam thong ba dam sa dang / gzhan rnams kyis mdas 'di rjes kyi rjes su mthun pa gtan la dbub par bskur ba'o// de nyid de'i rin ma bye 'chang byas pa zhes bya ste/ desas gzhan pa'i mad sde'i don bshad pa'i rkye yid pa'i byed do// chos mngon pa zhes kyang gyu/ mtshan nyid byin ni ma log par ston pa nyid kyi chos kyi mtshan nyid la mngon du phyogs par byed pa'i phyir ro// de ltar du sangs rgyas kyi gsung rab yang lag bcuganyis po 'di ni sde sngo dgasum du bsdus pa yin no// b+h+ri theg pa chen po la shin tu byas pa'i sde zhes bya zhe na/ tshig gi don gyis dang ming du chags pas so// jis na cig gi don gyis shen/ nges pa'i tshig gi tshul gyis na theg pargyas pa ni shin nu rgyas pa'i sde yin no// theg pargyas pa yang theg pa chen po yin te/ chen po nyid rnam pa bdun dang ldan pa'i phyir ro// chen po nyid rnam pa bdud la chos chen po nyid ni stong phrag brgya ba la sogs pa'i mdo sde'i tshad med pa dang ldan pa'i phyir ro// sems bskyed pa chen po nyidi ni sems can thams cad kyi don bya ba'i yon tan dang skyod skye ba dang 'grib pa thams cad kyi mthar thug pa'i gnas bla na med pa yang dag par rdzogs pa'i byang chub tu sems bskyed pa'i phyir/ ro// mos po chen po nyid ni chos shin tu zab pa dang / rgya che ba la mos pa'i phyir ro// bsam ba rgya chen po nyid ni lhag pa'i bsam bdag pa'i sal sems can thams cad la bdag dang gzhan du mnyam pa nyid kyi

  194. 98a

    bsam pa thob pa'i phyir ro// tshogs chen po nyid ni sar chud par skad cig re re la bsod nams dang ye shes kyi tshogs dpag tu med pa sogs pa'i phyir ro// dus chen po nyid ni bskal pa grangs med pa gsum du yang dang yang du brtson pa'i phyir ro// yang dag par 'grub pa chen po nyid ni sems can thams cad dang mi mnyam pa'i sangs rgyas kyi sku yang dag par 'grub pa'i phyir ro// de lta bu ni tshig gi don gyis so// ji ltar na ming du chags pas zhe na/ theg pa chen po de nyid la shin tu rgyas pa'i sde zhes bya ba'i ming 'di chags so// mtshungs pa med pa'i sde zhes kyang bya ste/ mtshungs pa dang bral ba'i phyir ro// sde ba gzhan dag las ni rnam par 'joms pa'i gtsug pud kyi sde dang / rnam par 'joms pa chen po'i sde ste/ de ni bag chags dang bcas pa'i nyon mongs pa rnam par 'jom pa'i phyir ro// yang 'dir rgyas pa'i phyir na shin tu rgyas pa'i sde// mtshungs bral de phyir mtshungs med pa de yang yin// lha ba thams cad rnam par 'jom pa'i phyir// rnam par 'joms pa'i sder yang shes par bya// de ltar mdo sde'i dum bu brgya'i tshig rnams kyi don bshad pa ni tshig gi don bshad pa'i phyogs shig bstan pa'i phyir ro// phyogs 'dis ni blo dang ldan pa rnams kyis tshig gzhan rnams kyi don yang brtag par bya'o// rnam par bshad pa'i rig pa las le'u bcas pa gnyis pa'o// // gzhan yang rnam pa bzhi dag gis tshig gi don rig par bya ste/ rnam grangs kyis dang / mtshan nyid kyis dang / nges pa'i tshig gis dang / rab tu dbye bas so// del rnam grangs ni ming gzhan yin no// mtshan nyid ni don gang la ming de yod pa'i'o// nges pa'i tshig ni ming gi rgyu mtshan brjod pa'o// rab tu dbye ba ni brjod par bya ba de gzugs can dang / gzugs car

  195. 98b

    ma yin pa dang / bstan du yod pa dang / bstan du med pa la sogs pa'i rnam par rab tu dbye bas so// de ltar na tshig gi don rnam pa thams cad dang ldan pa yongs su bstan pa yin la/ so so yang dag par rig ba'i rgyu yang byas pa yin no// 'dul ba'i khyad par la ltas nas lar 'ga' ni kha cig bshad par bya ste/ bcom ldan 'das kyis kyang lan 'ga' ni rnam grangs tsam zhig bshad de/ dper na rten cing 'brel par 'byung ba'i mdo las/ de dang de las yang dag pa ji lta ba bzhin du mi shes pa dang / mi mthong ba dang / mngon par ma rtogs pa dang / mun khung dang / kun tu rmongs pa dang / ma rig pa dang / mun pa gang yin pa 'di ni ma rig pa zhes bya'o zhes 'byung ba lta bu'o// kha cig las ni mtshan nyid tsam zhig ste/ dper na de nyid las rnam par shes pa'i rkyen gyis ming dang gzugs zhes bya ba la/ ming gang zhe na/ gzugs can ma yin pa'i phung po bzhi dag ste/ tshor ba'i phung po nas rnam par shes pa'i phung po'i bar du'o// gzugs gang zhe na/ gzugs gang ci yang rung ste/ de thams cad 'byung ba chen po bzhi dag dang / 'byung ba chen po bzhi dag rgyur byas pa ste zhes 'byung ba lta bu'o// kha cig las ni nges pa'i tshig tsam zhig ste/ dper na bza' ba lta bu las gzugs shing gzugs su rung bas na de'i phyir gzugs nye bar len pa'i phung po zhes bya'o zhes 'byung ba lta bu'o// kha cig las ni rab tu dbye ba tsam rig ste/ dper na ma rig pa'i rkyen gyis 'du byed rnams zhes bya ba la/ 'du byed rnams gang zhe na/ 'du byed rnams ni gsum ste/ lus kyi 'du byed dang / ngag gi'i du byed dang / yid kyi 'du byed rnams so// 'du byed kyi rkyen gyis rnam pa shes pa zhes bya ba la/ rnam par shes pa gang zhe na// rnam par shes pa'i chog so drug rnams te shes 'byung ba lta bu'o// tshig gi don pa shad zin te/

  196. 99a

    da ni mtshams sbyar ba bshad par bya'o// de la mtshams sbyar ba ni rnam pa gnyis te/ don snga byi 'brel pa'i mtshams sbyar ba ni dper na dge slong dag 'phags pa'i chos kyi phyag rgya rtogs pa dang / mthong ba shin tu rnam par dag pa bshad par bya'o zhes gsungs nas/ dge slong dag gang zhig 'di skad du/ bdag gis ni stong pa nyid dang / mtshan ma med pa can dang / cung zad med pa nyid ma thob par zhes 'byung ba'i mtshams sbyar ba gang yin/ de bzhin du de las sa chen po 'di tshig par 'gyur ba dang / med par 'gyur ba dang / mi 'byung ba 'gyur ba gang yin pa gzhi mthong ba ma rtogs par su zhig dad par 'gyur/ su zhig yid ches par 'gyur/ dge slong dag sngon 'byung ba ni ston pa spyan legs zhes bya ba zhig 'byung bar gyur to zhes 'byung ba'i mtshams sbyar ba yang gang yin zhes bya ba la sogs pa'o// snga phyi nyid kyis go rim gyi mtshams sbyar ba ni dper na 'phags pa'i bden pa rnams las ci'i phyir 'bras bu'i 'og tu rgyu bstan la/ de bzhin du bslab pa gsum rnams las kyang ci'i phyir tshul khrims dang ting nge 'dzin gyi 'og tu ting nge 'dzin dang shes rab bstan zhes bya ba lta bu'o// dper brjod pa'i mdo sde'i dum bu 'di rnams kyi mtshams sbyar ba ni ji ltar rig par bya zhe na/ 'phags pa'i chos kyi phyag rgya ste rtogs par bshad par bya'o zhes gsungs nas/ dge slong dag gang zhig 'di skad du zhes bya ba ni re zhig gang zhig rtogs pa brjod par bzhed pa'i 'phags pa'i chos kyi phyag rgya de 'chad pa yin te/ 'di ni de'i mtshams sbyar yin no// gzhi mthong ba ma gtogs par su zhig dad par 'gyur/ su zhig yid ches par 'gyur zhes gsungs nas spyan legs kyi skyes pa'i

  197. 99b

    rarlarabs bstan pa ni bdag nyid la dad pa nyid du 'gyur bar yid ches par bya ba'i phyir ro// don 'di ston te/ de'i tshe na yang ngas nyan thos rnams la ma bslus na da lta smos kyir ci dgos zhes bya ba'o// mi rtag pa nyid bstan pa de yang don che ba nyid dang / rnyed par dka' ba nyid du yongs su bstan pa'i phyir te/ 'di ni de'i mtshams sbyar ba yin no// 'phags pa'i bden pa rnams kyi bshad pa'i mtshams sbyar ba ni ji ltar mngon par rtogs pa bzhin du yin te/ sdug bsngal sdug bsngal nyid du mthong nas 'di ga las byung zhes rgyu kun tu 'tshol bar byed do// de nas de 'gog pa la'o// de nas 'gog pa'i thabs la ste/ de ltar na nad dang / de'i gzhi dang / nad med pa nyid dang / sman 'tshal ba'i tshul gyis snga ma snga ma la rnam par dpyod pa'i phyir 'phags pa'i bden pa rnams ji ltar mngon par rtogs pa de ltar bshad pa yin te/ 'di ni de'i mtshams sbyar ba yin no// bslab pa gsum rnams zhes bya ba ni 'dir tshul khrims dang ldan na sems mnyam par 'jog go// sems mnyam par bzhag na yang dag pa ji lta ba bzhin du shes so zhes 'byung bas 'di ni de'i mtshams sbyar ba yin no// gzhan yang rgyu rnam pa bcu dag gis bslab pa gsum dag brjod par bya'o// yang ni go rim de gnyis bzang po yin no// sdom brtson rnam pa gsum gyi rgyu nyid kyis yin te/ sdom brtson rnam pa gsum ni 'chal pa'i tshul khrims yang dag par sdom pa'i phyir dang / yul la yang dag par sdom pa'i phyir dang / nyon mongs pa yang dag par sdom pa'i phyir ro// tshangs par spyod pa rnam pa gsum gyi na nyid kyis kyang yin te/ tshangs par spyod pa rnam pa gsum ni spong ba yang dag par len pa dang / de bar skabs su spong ba dang / de gtan du spang ba'o//

  198. 100a

    kun nas nyon mongs pa rnam pa gsum gyi gnyen pos kyang yin te/ kun nas nyon mongs pa rnam pa gsum ni sdig pa byed pa rnams kyis nyes par spyod pa'i kun nas nyon mongs pa dang / de las gzhan pa'i 'dod pa can rnams kyi sred pa'i kun nas nyon mongs pa dang / mu stegs can rnams kyi lta ba'i kun nas nyon mongs pa'o// ngan 'gro dang bde 'gro gnod pa dang bcas pa dang / gnod pa med pa'i gnyen pos kyang yin no// de la ngan 'gro ni ngan song rnams yin no// bde 'gro gnod pa dang bcas pa ni 'dod pa na spyod pa'i lha dang mi rnams so// gnod pa med pa ni gzugs dang gzugs med pa na spyod pa'i lha rnams so// las nag po dang / 'dren ma dang dkar po'i gnyen pos kyang yin te/ nag po ni sems can dmyal bar snang bar rnam par smin par byed pa yin no// 'dren ma ni de las gzhan pa'i 'dod khams su rnam par smin par byed pa yin no// dkar po ni gzugs dang gzugs med par rnam par smin par byed pa yin no// nyon mongs pa'i gnas skabs gsum gyis gnyer pos kyang yin te/ nyon mongs pa'i gnas skabs gsum ni zil gyis gnon pa'i gnas skabs dang / kur nas rU ba'i gnas skabs dang / bgal nyal gyi gnas skabs so// de'i gnyen po nyid ni dug gi ston shing rabs bskor ba dang gcad pa dang dbyung ba'i tshul gyis yin no// sdig pa dang 'dod pa dang drag po spyod pa'i gnyen pos kyang yin te/ rab tu byung bas mtha' gnyis la bsnyen par mi byazhes b+ha ba la sogs pa 'byung ba yin no// bde 'gro dang 'jig rten pa dang 'jig rten las 'das pa'i rnam par dag pa'i rgyu nyid kyis kyang yin no// ting nge 'dzin dang / shes rab dang / rnam par grol ba'i rten nyid kyis kyang yin no// gnyis 'bru

  199. 100b

    baba'i rgyu nyid dang mnyam par 'jog pa dang / rnam par grol bar byed pas kyang yin te/ gcig gis ni gnyis skye ba'i rgyu nyid yin la/ gnyis pas ni sems mnyam par ma bzhag pa mnyam par 'jog par byed pa yin zhing gsum pas ni sems mnyam par bzhag pa rnam par grol bar byed pa yin no// bsdus pa'i tshigs su bcad pa ni/ sdoms brtson tshangs spyod kun nyon mongs/ 'gro dang lam rnam gsum phyir dang / nyon mongs skabs dang spyod dang dag/ rten dang byed rnam gsum phyir ro// mtshams sbyar ba bshad zin to// brgal ba ni rnam pa gnyis te/ sgral brgal ba dang don la brgal ba'o// 'di lta ste/ tshe dang ldan pa shA ri'i bu bzhugs zin kyang // shA ri'i bu khyod da gzod dang gang nas 'ong 'ong / btsun pa dgazod thibs po'i tshil nas gdugs la mchis pa las mchi mchi'o/ zhes bya ba'i sbyor ba 'di ni da ltar byung ba bzhin du 'das pa'i dus la bya ba rigs pa ma yin no// de bzhin du tshe dang ldan pa gsus po che chen po rab tu shes par byed cing rab tu shes par byed pas na de'i phyir shes rab ces bya'o// rnam par shes par byed cing rnam par shes par byed pas na rnam par shes pa zhes bya ba 'di yang dngos po tsam la las dang bcas pa'i byed pa por bshad pa ni rigs pa ma yin te/ dper na 'gro ba grong du 'gro bar byed ces bya ba lta bu'o// 'di ltar shes rab dang rnam par shes pa gnyis las gzhan pa gang las bltos nas de gnyis la byed pa por bshad pa'i bya ba ni 'ga' yang med ro// de bzhin du mig dang gzugs la brten nas mig gi rnam par shes pa skye bo zhes bya ba'i sbyor ba 'di yang rig pa ma yin te/ byed pa po gcig pu dgal bya ba gnyis shig yod na ni dus snga ma shos kyi bya ba la

  200. 101a

    de lta bu'i sbyor ba yang 'byung ste/ dper na mkhar ba la 'jus nas ldang ba lta bu'am/ gzhan dang gzhan phrad pa la ni dper na chu brgal nas ri yod do zhes bya ba lta bu yin na/ rnam par shes pa ni gang zhig gis brten nas phyis skye bar 'gyur ba'i skye ba snga rol na yang med cing 'di la gzhan dang gzhan phrad pa yang med par bsams so// de bzhin du gzugs gang yin pa ci yang rung ste/ de thams cad 'byung ba chen po bzhi dag dang 'byung ba chen po bzhi dag rgyur byas pa'o zhes ni gsungs shing tsher ba gang ci yang rung ste/ de thams cad ni tshor ba'i tshogs drug go zhes ni ma gsungs la/ de bzhin du skye mched bcu gnyis rnams las bcu char dang bcu gcig pa'i phyogs kyang gzugs yin bzhin du gcig pu zhig gzugs kyi skye mched du gsungs pa yang mtshan nyid 'dra ba la dogs pa med par bye brag tu bshad pa ni rigs pa ma yin no// sgral brgal ba ni rnam pa de lta bu yin no// don la brgal ba yang rnam pa gnyis te/ snga phyi 'gal bar brgal ba dang / rigs pa dang 'gal bar brgal ba'o// de la snga phyi 'gal bar brgal ba ni dper na kha cig las 'di skad du sems zhes bya ba'am/ yid ces bya ba 'am/ rnam par shes pa zhes bya ba 'byung ba gang yin pa de ni mtshan mo dang nyin mo de dang de dag 'das shing skad cig dang / thang cig dang / yud tsam de dang de dag 'das pas rnam pa du ma dang / rnam pa sna tshogs mang po gzhan skye zhing skye la/ gzhan 'gag cing 'gag go zhes bya ba gsungs pa dang / kha cig las yang 'di skad du sems zhes bya ba'am/ yid ces bya ba 'am/ rnam par shes pa zhes bya ba 'byung ba gang yin pa de ni yun ri ngo bo nas dad pas yongs su bsgos/ tshul khrims dang / gtong ba dang //

  201. 101b

    shes rab kyis yongs su bsgos pas/ tshe rabs phyi ma la gong du 'gro zhing khyad par du 'gro ba dang / mtho ris su nye bar 'gro ba yin no zhes gsungs pa la ji ltar na sems skad cig pa tshe phyi ma la gong du 'gro bar 'gyur/ de bzhin du kha cig las 'phags pa'i bden pa bzhi dag ces gsungs pa dang / kha cig las bram ze'i bden pa gsum dag ces gsungs pa dang / kha cig las bden pa ni gnyis te/ kun rdzob kyi bden pa dang don dam pa'i bden pa'o zhes gsungs pa dang / kha cig las bden pa ni gcig kho na ste gnyis pa med do zhes gsungs pa dang / de bzhin du kha cig las mi rnams kyis ni 'di na bsod nams dang / sdig pa gang yin gnyis ka byed pa ste/ de'i bdag gir bya ba yin zhing des/ de yang khyer te 'gro bar byed pa yin zhes gsungs pa dang / kha cig las las kyang yod rnam par smin pa yang yod la byed pa po mi dmigs so zhes gsungs pa de lta bu'i rang bzhin ni snga phyi 'gal bar brgal ba yin no// rigs pa dang 'gal bar brgal ba ni dper na gzugs gang yin pa ci yang rung ba thams cad 'byung ba chen po bzhi dag dang 'byung ba chen po bzhi dag rgyur byas pa'o zhes bya ba la ci 'di rdzas kyi dbang du mdzad de gsungs sam 'on te gong bu 'am 'on te rigs las she na/ de las cir 'gyur/ gal te rdzas las yin// na ni 'byung ba dang 'byung ba las gyur pa rnams kyi so so'i mtshan nyid med par thal bar 'gyur te/ thams cad kyang mtshan nyid thams cad du 'gyur ba'i phyir dang / dbang po thams cad kyis 'dzin par thal bar 'gyur ro// 'on te gong bu las yin na gzugs 'dus pa thams cad la 'byung ba bzhi char dmigs par thal bar 'gyur na 'od dag la yang sra ba mi dmigs la chu la yang ma yin no//

  202. 102a

    nyi ma'i 'od la yang gsher ba med la zla ba'i 'od la yang tsha ba med do// nor bu'i 'od la gnyis ka med cing rdo ba la sogs pa dag la yang med do// brtan pa dgal zhing g.yo ba med do// de rnams dmigs pa la bgegs byed pa ni 'ga' yang med do// ji ltar med de/ 'byung ba gzhan shas che bas 'byung ba gzhan zil gyis non na mi dmigs te/ dper na skur ba'i ros chu lta bu dang / nyi ma'i 'od kyis zla ba'i 'od lta bu'o zhe na/ yod par rab tu grub na ni 'di shes par yang nus na yod par rab tu grub pa ma yin te/ thams cad la kha dog la sogs pa'i bye brag thams cad yod par thal bar gyur na mi rung bas so// / 'di la sogs pa gang la yang sra bal sogs pa nyid yod par rab tu grub pa ma yin na/ de dag mi dmigs pa ni med pa'i phyir ma yin gyi zil gyis non pa'i phyir ro zhes bya ba 'di ji ltar shes par bya/ chu sgyur ba btab kyang de'i ro ni dmigs pa kho na yin te/ 'dzin pa tha dad pa'i phyir ro// 'o na ni chu dang rdo la sogs pa rnams la yang rkyen gyis khyad par dang phrad pas mtshan nyid ltas pa'i phyir sra ba nyid dang / gshi ba nyid dang / tsha ba nyid dag dmigs pa yin te/ sa'i dri dag bzhin no zhe na/ mtshan nyid ltas pa'i phyir yin gyi skyes pa'i phyir ma yin pa 'di ji ltar shes par bya/ de lta na ni ha cang thal chos par 'gyur te/ reg bya gzhan bzhin du gzugs dang dri dang ro gzhan rnams dang / sgra yang rkyen rnyed pas dmigs pa'i snga rol nas yod pa nyid du thal ba'i phyir ro// mdo sde gzhan las kyang dge slong bsam gtan byed pa yin zhing rdzu 'phrul dang ldan pa yin la/ sems la dbang thob pa yin na shing gi sdong po 'di la khams gang dang gang du mos pade yang de la de bzhin du 'gyur te gzhan du ni ma yin no// de ci'i phyir zhe na/ shing gi sdong po 'di la

  203. 102b

    khams sna tshogs yod pas so zhes gsungs pa'o// de ltar na rkyen gyi khyad par dang phrad na sra ba nyid la sogs pa dag rang rang gi khams las 'byung bar 'gyur ro// khams dag dum bu dag kyang ma yin te/ cha shas gcig la yang ji ltar mos pa bzhin du yongs su 'gyur ba'i phyir dang / de la yang dum bu mtha' yas pa mi srid pa'i phyir ro// sa'i dri ni snga nas kyang dmigs pa nyid yin na chus gtor na rtas par 'gyur bar shes par nus so// gang zhig rkyen dang phrad pas rtas par gyur par shes par rung ba sra ba la sogs pa rnams ni rkyen med na chu la sogs pa rnams la de ltar yod par mi dmigs so// de bas na gong bur bshad pa la skyon gyi gnas skabs de nyid yin no// 'on te rigs las so zhe na/ rgyud byas pa'i gzugs thams cad 'byung ba chen po bzhi dag rgyur byas pa ma yin par 'gyur te/ 'dus pa kha cig las 'byung ba chen po kha cig yod par khas ma blangs pa'i phyir ro// de ltar na ni mdo sde dang 'gal te skye mched so so ba'i mdo sde las skye mched dgu bo rnams ni re re yang 'byung ba chen po bzhi dag nur byas pa'o zhes bshad pa'i phyir dang / lag pa rdob pa lta bu las kyang mig gi sha'i gong bul 'byung ba chen po bzhi dag yod par bshad pa'i phyir ro// mdor na rigs pa ni 'dir tshad ma rnam pa gsum po mngon sum dang rjes su dpag pa dang yid ches pa'i gsung ngo // de dag las gang yang rung ba zhig dang 'gal bar brgal ba yang rig pa dang 'gal bar brgal ba yin par rig par bya'o// dper na dge slong dag gzugs 'das pa yod do// gzugs ma 'ongs pa yod do// 'das pa dang / zad pa dang / 'gags pa dang / bral ba dang / yongs su gyur pa gang yin pa de yod do zhes bya ba ni mngon sum dang 'gal ba yin no// 'di ltar 'das pa dang ma 'ongs pa ni med pa

  204. 103a

    nyid yin par mngon sum yin te/ dper na ru sbal gyi spu bzhin no// 'das pa'ang yin la yod pa'ang yin zhes bya ba 'di snga phyi 'gal ba yang yin te/ gal te yod na ji ltar 'das ba yin/ ma 'ongs pa yang de dang 'dra'o// mdo sde gzhan las mig skye ba na gang nas kyang mi 'ong la/ 'gag pa na gang du yang sogs par mi 'gro'o// dge slong dag de ltar na mig gri ma skyes pa las skye zhing skyes nas kyang 'jig go zhes gsungs pas de dang 'dir 'gal ba yin no// gzugs rnams kyi nges par 'byung ba ni gzugs med pa'o zhes bya ba ni rjes su dpag pa dang 'gal ba yin te/ tshor ba la sogs pa rnams ni gzugs la rag las te skye bar mthong ba'i phyir ro// de bzhin du sbyin pa las byung ba'i bsod nams bya ba'i gzhi kun tu bsten cing bsgoms te lan mang du byas na longs spyod chen po nyid 'grub par 'gyur ro zhes bya ba yang rjes su dpag pa dang 'gal ba yin te/ ser sna can la phyug pa dang / gtong ba la dbul po yang snang ste/ sor sna can yang phyug po nyid yin pa'i phyir dang / gtong ba yang dbul po nyid yin pa'i phyir ro// sbyin pa la goms na yang ser sna can du 'gyur bar mi 'os la sbyin pa la mgoms na yang gtong ba dang ldan pa ma yin no// de bzhin du gang zhig skye ba'i kun tu sbyor ba ni spangs la mngon par 'grub pa'i kun tu sbyar ba ni ma spangs pa'i gang zag yod do zhes bya ba yang rjes su dpag pa dang 'gal ba yin te/ gang zhigs gang du skye ba'i srid pa las 'dod chags dang bral ba yin no// dge bsnyen gyi bslab pa'i gzhi lnga zhes bya bas ma'i chog gdon rab tu dbye ba ba shad pa de las chang 'thung ba bcad pa'i khanamathab dang bcas pa yin na gas bya ba ni lung dang 'gal ba yin/

  205. 103b

    lus kyi nyes par spyad pa rnam pa bzhi ste/ srog gcod pa nas myos par 'gyur ba'i khu ba chang 'thung ba yin no zhes bya ba'i bar du 'byung bas bcad pa'i kha na ma tho ba dang bcas pa la ni nyes par spyod pa yin no zhes mi brjod do// de bzhin du shin tu rgyas pa'i sde ni theg pa chen po yin no zhes gang bshad pa yang rung dang 'gal ba yin te/ kha cig na re mdo sde'i le'u grangs rgyas pa rnams ni shin du rgyas po'i sde yin gyi theg pa chen po ni ma yin no zhes zer te/ ci'i phyir zhe na/ de ni sangs rgyas kyi gsung ma yin no// ji ltar sangs rgyas kyi gsung ma yin zhe na/ 'gal ba'i phyir te/ de ni sde pa thams cad la grags pa'i sangs rgyas kyigasung dang 'gal ba yin no// 'di ltar de las ni chos thams cad ni rang bzhin med pa/ ma skyes pa/ ma 'gags pa/ chos thams cad ni gzod ma nas zhi ba/ rang bzhin gyi yongs su mya ngan las 'das pa zhes bya ba dang / de bzhin du rab 'byor gzugs ni dngos po med do// rab 'byor byang chub kyi bar du yang dngos po med do zhes 'byung la/ sde pa thams cad la grags pa'i sangs rgyas kyi gsung las ni bcom ldan 'das kyi ma rig pa gang zhe na/ gang de dang sngon gyi mtha' mi shes pa zhes bya ba rgyas par 'byung ba nas/ rga shi'i bar du chos rnams kyi rang bzhin yang bstan/ 'di yod pas 'di 'byung / 'di skyes pa'i phyir 'di skye/ mig dang gzugs la brten nas mig gi rnam par shes pa ste/ 'du byed 'di dag thams cad ni 'das pa zad pa 'gags pa bral ba yongs su gyur pa'o// kye ma 'du byed rnams mi rtag/ skye zhing 'jig pa'i chos can yin// skyes nas 'jig par 'gyur bas na// de dag nye bar zhi ba bde// dge slong dag 'di lta ste/ 'du byed rnams ni sdug bsngal ba'o// mya ngan las 'das pa ni ni ba'o zhes bya ba dang /

  206. 104a

    rgyu kun 'byung ba las sdug bsngal kun 'byung ba yin la/ rdzu 'gags pa las sdug bsngal 'gog pa yin no// chu dang bcas pas bde 'gror 'gro/ nur bcas nyid kyis ngan 'gror te/ d+hU dang bcas pas mya ngan 'di'o// 'di kun rgyu dang baicas les 'byung zhes bya ba dang / de bzhin du gzugs ni mi rtag pa sdug bsngal ba 'gyur ba'i chos can no zhes bya ba dang / 'jig rten na mkhas pa rnams kyi yod par 'dod pa gang yin pa de ni de yang yod par smra'o zhes bya ba de lta bu la sogs pa 'byung bas skye ba la sogs pa yang bstan to// de'i phyir rab tu grags pa'i sangs rgyas kyi gsung dang 'gal bas theg pa chen po ni sangs rgyas kyi gsung ma yin no// de bas nu shin du rgyas pa'i theg pa chen po yin no// zhes bya ba ni lung dang 'gal ba yin no// brgal ba'i tshul ni de yin no// de la re zhig sbyor ba ni da ltar byung ba bzhin du 'das pa'i dus la bya ba rigs pa ma yin no zhes gang smras pa de la lan ni 'di yin te/ sbyor ba ni da ltar byung ba bzhin du don mang po zhig la 'byung ste/ ma zin nyid dang nye ba nyid// nus dang rgyun mi 'chad nyid dang // de dang chos nyid yang dang yang // srid dang 'dod rdzogs rnams la 'byung // ma zin pa nyid la ni re lde byed do zhes bya ba lta bu'o// da ltar byung ba dang nye ba nyid la ni gang nas 'ongs zhes bya ba lta bu'o// nus pa nyid la ni lan cig smras pas 'dzin to zhes bya ba lta bu'o// rgyun mi 'chad pa nyid la ni de ni sha za'o zhes 'byung ba lta bu'o// de'i ngang can nyid la ni rta mi srun pa ni sos za'o zhes bya ba lta bu'o// de'i chos nyid la ni skyes pa thams cad ni mchi'o zhes bya ba lta bu'o// yang dang yang nyid la ni mtshan mo zhing lud pa lu'o zhes bya ba lta bu'o// srid pa la ni rwa las 'dam bu skye zhing zhes bya ba lta bu'o// 'dod pa la ni

  207. 104b

    su skyom 'thung zhing zhes bya ba lta bu'o// rdzogs pa la ni bram ze 'di ni rig byed bzhi 'dron to zhes bya ba lta bu'o// de bas na 'das pa yin yang mdo sde las 'byung ba'i sbyor ba ni de ltar byung ba dang nye ba nyid yin// pa'i phyir da ltar byung ba bzhin rig par bya'o// dngos po tsam la byed pa por bshad pa ni mi rung ste/ bya ba gzhan mi srid pa'i phyir ro zhes smras pa gang yin pa de yang dngos po zhes bya ba 'di ni ci zhig yin// byed pa po ni gang zhig yin/ ji ltar na byed pa po nyid du bshad pa yin/ dngos po zhes bya ba ni bya ba yin la de la rang dbang yod pa gang yin pa de ni byed pa po yin te dper na 'gro ba ni bya ba yin la de la rang dbang yod pa lhas byin de ni byed pa po yin no// de byed pa po nyid du bshad pa ni 'gro bar byed ces bya ba de lta bu yin no zhe na/ 'o na sa bon las myu gu 'byung bar byed do zhes bya ba gang yin pa'i dngos po de la ji ltar byed pa po nyid du bshad/ byed do zhes bya ba gal te/ rang yod gsal byed yin na de nyid dngos// yod de'ang bdog go zhes ni ji skad bya// ji ltar rang la gsal byed 'byung ba las bcas 'gyur las dang byed po ma nges rang 'dzin skyon der 'gyur// byed do zhes bya ba ni mi 'jig yin par min// yul gzhan du grib ma 'gro bar byed do// me 'bar zhing 'gro bar byed do zhes bya ba gang yin pa 'di la/ ci de gnyis la bya ba 'am/ rang dbang yod pa 'ga' zhig yod dam/ ci ste med na/ grib ma ni yul gzhan du 'phro ba med de/ de'i rgyu 'dug bzhin du yang nyi ma 'khor ba dang rgyang ring ba dang nye ba las de 'khor ba dang che ba dang chung bar 'gyur ba'i phyir ro// de nyid kyi phyir rang dbang yod pa ni med do// grib ma yang ci zhig yin par brjod par bya zhe na/ gang gis yul nyi ma dang bar du chod pa na gzugs yod pa rnams

  208. 105a

    gsal bar byed pa'o// me 'bar ba yang mi 'pho ste/ bud shing gi rang gi phyogs bsregs nas de nyid du 'chi ba'i phyir la/ bud shing gi phyogs tha dad pa las mched pa dang / 'bri ba dang / rno ba dang / zhan pa dag gis de tha dad pa'i phyir ro// de'i phyir rang dbang yod pa ni med do// rnam par shes pa yang gang gi rnam par shes pa'i bya bar brtag pa gang zhig gi rang dbang yod de/ 'di lta ste/ dbang po dang yul snang bar gyur pa dang yid la byed pa'i khyad par gsum las gzhan rnam par shes pa skyed par nus pa ni ma grub la/ de rnams ni gcig la gcig bltos pa'i de la rang dbang yod pa nyid gal yod de/ de'i phyir rnam par shes pa ni gang gi bya ba ni ma yin no// rkyen gsum las rnam par shes pa zhes bya ba'i rdzas skye la/ bya ba med par yang yum gang la skye ba de'i rnam par skyes pas na de rnam par shes par byed do zhes byaste/ dper na grib ma 'gro bar byed do// me 'bar zhing 'gro bar byed do zhes bya ba bzhin no// gal te de gnyis la bya ba med kyang bya ba ni yul ro re de skye bar khong du chud pa rnams kyis bsams nas grib ma 'gro bar byed do// me 'bar zhing 'gro bar byed do zhes brjod par byed kyi/ rnam par shes pa la ni bsams pa'i bya ba 'ga' yang med do// de bas na 'di ni mi 'dra'o zhe na/ khong du chud pa rnams kyis kyang 'gro babad+ma byed de zhes zer bas/ de bsan bsam pa'i bya ba med par yang dper na grib ma dang me 'brang zhing 'gro bar byed do zhes pa ba de bzhin du rnam par shes pas rnam par shes par byed do nas bsha sa 'di yang mi rigs pa ma yin no// gal te de lta yin du zin gyis kyang smra ba'i tshul de ni mtshan nyid med pa yin no zhe na/ mtshan nyid ji lta bur ji ltar b+ha ka ran las 'byung ba'i mtshan nyid bzhin te/ dngos por

  209. 105b

    byed pa dang gzhi la rnam par shes pa zhes bya ba 'di 'byung ngo zhe na/ byA ka ra Na'i nang du brjod pa dang / brjod par bya ba ril gyis ma shes par sgra rnams kyi mtshan nyid byas pa 'byung ba gang yin pa sus nyes/ byA ka/ raNazhes bya ba yang rig byed yan lag yin la/ rig byed nyid kyang nyes par bshad pa yin na/ b+ha ka ra Na lA ci smos/ de las sgra rnams kyi skad kyi mtshan nyid smras pa de la 'phags pa'am/ 'jig rten gyis kyang rjes su bsnyag par cig nus re skan/ 'jig rten na yang tshig gi tshul de yod do// // bam po drug pa/ gang gi yon tan dang ni skyon dag rtogs par mi byed pa de blo zhes ji skad bya// rmongs pa med par gang gis yid la bde bar mi byed pa de bde zhes ji skad bya// gang gi de nyid shes pa'i shes rab kyi ni 'gro ba'i skye dang 'jig thog nyung thos kyang // yul mi nyung la 'jug pa'i blo can de ni 'jig rten dag na shes rab can du 'dod// gang gi blo ni mang du thos kyang skye ba shes par mi byed 'jig pa mi byed de// sna tshogs gtam dge byas kyang 'khor ba 'jigs pa mang po dag las grol bar mi 'gyur ro// gang gis tshigs gi snying ni sdud nus dang // blos phra'i don mthong spyod pa thabs ldan pa// de ni skyes bu'o de las gzhan pa phyugs// b+hA ka ra Na las kyang 'di ma nges par smras pa yin te/ mang du 'dren pa yin no zhes bshad pa'i phyir de ni mtshan nyid med// payang ma yin no// gzhan yang b+hA ka kar// de las byed pa po ni rang dbang yod pa'o zhes gang spras pa'i rang dbang yod pa zhes bya ba de ci zhig yin/ ci re shig rang dgar 'jug pa yin nam/ 'on te gzhan la mi bltos par 'jug pa yin/ de cir 'gyur zhe na/ rang dgar 'jug pa rang dbang yod min na// sems dpa' med pa byed por mi 'gyur ro// de'i phyir mes sreg par byed do// shing gi 'tshed par byed do zhes byed pa

  210. 106a

    por tha snyad gdags par mi rung ste/ de gnyis la 'dod pa med pa'i phyir ro// gang zhig gnyid log dbugs ni 'byin pa dang / mi 'dod bzhin du sdug bsngal myong byed pa// de yang byed pa por mi 'gyur te/ 'dod pa med par dbugs dbyung ba'i phyir dang / mi 'dod bzhin du sdug bsngal myong ba'i phyir ro// gal te gzhan la mi bltos 'jug yin na// gru 'gro ba dang ljon shing 'gul ba dang // me bung ba dang / bum pa dag dang ni// chu gnas zhes bya rigs pa ma yin no// 'di ltar 'bul bar byed pa la ma bltos par ni klu 'gro ba yang med la ljon shing 'gul ba yang med do// skye ba'i rgyu la ma bltos par mi 'byung ba yang med la/ gzhi lam bltos par chu gnas pa yang med do// gal te de lta yin du zin kyang gru ni rten du gyur pa nyid kyis rang gi bya ba dag la bltos pa med par 'jug go/ de lta bas na de ni de la rang dbang yod pa yin no// lhag ma rnams la yang de bzhin du sbyar ro zhe na/ de la byung ba'i phyir na rten gyur pa'i// de yang de dang gzhan dang 'brel phyir ro// 'di ltar de de la 'byung ba gang yin pa'i gru de bya ba dag la rten du gyur par brtag grang na/ de yang de dang rgyu gzhan dang 'brel pa las 'byung ba'i phyir ji ltar de la rang dbang yod pa nyid du 'gyur/ bya ba gang byung ba ni de la gnas pa'i phyir de la gnas pa na gru dang rang dbang yod pa nyid yin no zhe na/ gang la de rang dbang yod pas de'i tshe de la zhig byar yod/ skye ba yang skye ba po'i bdag nyid du gyur pa yin na de de'i rten du ji ltar rigs/ bdag nyid du gyur pa yang de la 'byung ri skan/ skye ba yang skye ba thug pa med par gyur pas ha cang yang thal ches par 'gyur ro// 'o na brjod par 'dod pa de'i byed pa po rnams kyi sbyor bar 'gyur te/ gang gi tshe gru 'gro ba la rang dbang yod pa nyid du brjod par 'dod pa de'i tshe gru 'gro'o zhes bya ba'i sbyor bar 'gyur ro// gang gi tshe bdag nyid

  211. 106b

    sa tsha mam ldamamams gas ma tham cas pa masas thams cam byasardzas sa sa mas ma mchas ca mal mam bas sa grang yang sa mjamam sa ya hratratra mangs hra ba rba kras sa thob pa la rang dbang yod pa nyid du brjod par 'dod pa de'i tshe 'byung ngo zhes bya ba'i sbyor bar 'gyur ro zhe na/ gal te brjod par 'dod pa las yin pa na gru 'dren pa na 'gro'o zhes zer ba ni gzhan gyi dbang nyid dam/ rang dbang yod pa nyid dam/ ci zhig zla brjod par 'dod/ de bzhin du 'byin par byed pa na me 'thung du zhes zla ba yang n+ti zhig brjod par 'dod pa yin/ smras pa/ gnyig yin no zhe na/ mtshan nyid med bzhin du/ yang mkhas pas ci dgar byed pa po rnams sbyar bar rung ngam/ smras pa rung ste/ 'di ltar nges pa'i tshig gi chos nyid kyis rang gi mtshan nyid 'dzin pas na tshes zhes bya'o zhes bya ba de la byed pa po dang las dang bya/ ba'i dbye ba yang med la/ brjod par 'dod pa la ni de'i sbyor bar 'gyur ro zhe na/ gal te dung na byed pa po dang bya ba'i dbye ba med kyang rnam par shes par byed pas na rnam par shes pa'o zhes bya ba 'di yang ci'i phyir mi rung / ci'i phyir na 'di la byed pa po med bzhin du brjod par 'dod ce na/ rnam par shes pa tsam la byed pa po nyid du tha snyad 'dogs kyi bdag tu lta bas kun du brtags pa'i byed pa po ni 'ga' yang yod pa ma yin na/ zhes bstan pa'i phyir ro// ji ltar rnam par shes par byed pas na rnam par shes pa'o zhes bya ba de bzhin du rab tu shes par byed pas na shes rab po zhes bya ba yang rig par bshad pa yin no// 'jig rten nakhyim gyi grwa zhum mo grwa rmos so// sgo 'di yul bcom parlag tu 'byung ngo // lam 'di yul bcom brlag tu 'gro'o zhes gang ji skad zer ba yang de dag la brjod par 'dod pa byed pa po 'ga' yang ci zhig yod de/ de lta bas na brjod par 'dod pa byed pa po med par yang byed pa po nyid du bshad pa ni legs pa yin no// mig dang gzugs la brten nas mig gi rnam par shes pa skye bo zhes bya ba de lta bu'i sbyor ba ni byed pa po gcig la bya ba

  212. 107a

    byaganyis yod pa'i dus snga ma shos kyi bya ba la 'byung ba yin no zhes gang smras pa de ci khyed 'dod pa ma yin nam/ 'on te 'jig rten na de ltar mthong ba yin/ smras pa 'jig rten na de ltar mthong/ pa yin no zhes na/ 'jig rten na ni gzhan du yang mthong ste/ 'di ltar de lta bu'i sbyor ba ni byed pa po tha dad pa la yang mthong ste/ dper na mar 'thung nas stobs 'byung ngo // seng ge mthong nas 'jigs pa 'byung ngo zhes bya ba lta bu yin no// de bzhin du skar rgyal skyes sam/ rgyal la skyes gang yin pa de'i mig de la brten nas rnam par shes pa skye'o zhes bya bar 'gyur ro// dus snga ma shos ma yin pa la yang mthong ste/ dper na 'a ga dang sa nas nyal zhes bya ba'am/ mig ba nums nas nyal zhes bya ba lta bu'o// ci kha gdangs nas sam/ mig btsums nas dus phyi ma la nyal ba ma yin nam zhe na/ mi rung ste/ ji ltar sngar khrus byas nas phyis za ba lta bur sngar khag dang ba 'am/ mig 'dzums par byed la/ phyis nyal ba'i don 'dir ni khong du chud par mi 'gyur ro// 'on kyang khag dang ba 'am/ mi 'dzums pa ni nyal ba dang dus mnyam du 'byung ba yin par mngon te/ 'dir khra ga dngas nas kyis nyal bar byed pa gal te kham gdangs na kha gdangs nas nyal bar byed ces bya bar mi 'gyur ba'i phyir ro// de bzhin du 'od ldan rnams ni 'od dag gis// 'jig rten bkang nas de shar to// gang gi cha shas zhugs nas kyang // nang na yod pa'i mun pa bsal/ zhes bya ba lta bu ste/ de ni 'gengs pa 'jug par byed pa la phyis 'char ba 'am/ sel ba yang ma yin no// de bzhin du khar ba khrol zhes zer nas lhung zhes bya ba lta bu ste/ de yang sngar khrol zhes zer la gyis lhung ba yang ma yin te/ khar bar ltung ba na sgra bral zhes zer te/ brgya pa'i phyir ro// de lta bu'i sbyor ba ni rgyu'i don la yang mthong ste/ dper

  213. 107b

    nA bud shing la brten nas me 'byung til la brten na sa til mar 'byung sprin la brten nas 'char pa 'bab ces bya ba lta bu ste/ mes sngar bud shing la'am/ til mar gyis til la brten cing phyis 'byung ba yang ma yin la/ char pas kyang sngar sprin la brten te phyis 'byung ba yang ma yin te/ rgyu de nyid kyis ji skad smos pa bzhin du 'byung bar mngon no// gzhan yang gang la snga phyi bya ba dmigs pa de kha cig la de lta bu'i sbyor ba'i rgyu'i don nyid du mthong ste/ dper na mar 'thungs nas stobs dang ldan par 'gyur ro zhes bya ba lta bu ste/ 'di ltar mar 'thungs pa dang stobs dang ldan pa dag ni ji ltar khrus bya ba dang / zas za ba dag ltar snga phyitsam du rtogs par bya ba ma yin gyis/ mar 'thungs pa'i rgyu las stobs dang ldan pa nyid 'byung bar shes par bya'o// de bzhin du mig dang gzugs kyi rkyen gyis ni mig gi rnam par shes pa skye ba na mig dang gzugs// / la brten nas skyeb zhes bya'o// bcom ldan 'das kyis don nyid gsal bar mdzad pa ni 'di skad ces bka' stsal te// rten cing 'brel bar 'byung ba gang zhen/ 'dis ste/ 'di yod pas 'di 'byung / 'di skyes 'i/ phyir 'di skye ste/ 'di lta ste/ ma rig pa'i rkyen gyi 'du byed rnams zhes bya ba de lta bu la sogs pa bka' stsal pa/ sbyor ba 'di ci nas kyang rgyu'i don kho na yin par shes par bya'i/ dus snga ma shos kyi bya ba'i don du ni ma yin no// re zhig 'di yang spyad par bya ste// gang gi tshe rnam par shes pa skye ba de'i tshe ci rnam par shes pa yod dam 'on te med/ des cir 'gyur zhe na/ gal te yod na de'i tshe de skyes pa nyid yin pas/ yang ji ltar skye/ byung ba ni skyes pa yin gyis yod pa ma yin no zhe na/ gang gi tshe de zhig pa'i tshe skyes pa yin par 'gyur ro// nges pa'i tshig las kyang yod pa zhes bya ba ni sems can skyes pa nges par bzung sa pa la ma sa thams mang ba mams ma ma mam ma nga tham sams ma mams mams thams ca sas ma sa mas cas mas pams sa sa masasasamasas com ma mas ma mtha sa thams ca sa sa yang sa sa ba su bya

  214. 108a

    ba la bya'o zhes bshad pas de yang 'gal lo// gal te yang yod pa ma skyes pa zhig yin na skye ba'i snga rol na yod pa zhes bya bar 'gyur ro// de'i phyir brten nas zhes bya ba yang grub bo// yang skye ba'i tshe yang ma skye ba yin te/ skye ba'i 'og tu rnam par shes pa skyes pa yin no// de'i tshe yang de zhig pa kho na yin pas gang gi tshe zhig pa de'i tshe skyes pa yin par 'gyur ro// 'on te med pa zhig yin na ji ltar de med kyang skye ba de bzhin du skye ba'i snga rol nas med kyang brten nas zhes bya bar 'gyur bar yang ci'i phyir mi 'dod na yang yod pa dang med pa zhes bya ba thal ches pa'i tshig mang po bor te/ ci de'i tshe rnam par shes pa rnam par shes pa'i bdag nyid kyis bdag tu bcas pa yin nam/ bdag med pa yin zhes dpyad par bya'o// gal te bdag du bcas pa yin na de'i tshe skyes pa nyid yin pas yang skye bas ci zhig bya/ 'on te bdag med pa yin na ji ltar de bdag med par skye ba dag la byed pa po yin pa de bzhin du brten nas zhes bya ba yang grub pa yin no// re zhig skye zhes bya ba'i don 'di ci yin/ 'byung bar byed ces bya ba'i tha tshig go zhe na/ 'brang/ bar byed ces bya ba gang yin pa des ci zhig byed na 'di ltar byed pa por brjod/ skye bar byed do zhe na/ gal te skye ba bskyed par bya ba'i bdag tu gyur pa yin na ji ltar dngal byed/ 'on te bdag tu gyur pa ma yin na ni de las logs shig na mi dmigs so// yang na don gang gis na de byed ces bya/ byed pa la rang gi don ni 'ga' yang med de/ 'di ltar bde ba byed ces pa ni skyed ces bya bar rtogs so// khaspu byed ces bya ba ni 'dreg par byed ces bya bar rtogs so// rgyal ba la byed ces bya ba ni nyed par byed ces bya bar rtogs so// kla byed ces bya ba ni gla byin nas 'tshal bar byed ces bya bar rtogs so// spyang du 'bras byed ces ma masapa ma ma sa yang ya thams pa sa masam mamamathas thamam mthas yang sang ma mas ma nga mas mamam mams ca nga mamam ma mas ma yang thamams cadasamakhas lam mamasam ma mam ma sa cas ma ma la mas ma

  215. 108b

    bya ba ni 'jog par byed ces bya bar rtogs so// pa'i tshig bzhin byed ces bya ba ni des smras pa bzhin du sgrub par byed ces bya bar rtogs so// skabs byed ces bya ba ni sgrib pa sel bar byed ces bya bar rtogs so// de lta bas na skye ba'i byed pa po'i byed ces bya ba'i don brjod par bya dgos so// gal te skyed par byed pa'i don yin no zhe na/ sgru ba yang skye bar 'gyur bas de la yang skye ba gzhan yod de/ thub pa med pas ha nar/ thal ches par 'gyur ro// yang na skye ba'i rag dus pa ci zhig yod na gang gi phyir skye bar byed ces bya/ de lta bas na bya ba med na yang bdago nyid thob pa tsam la byed po bzhin du rnam par shes pa skye'o zhes bya ba rkyen rnyed pa tsam la brten nas zhes bya ba bshad pa yin te/ 'di la bya ba 'ga' yang med la byed pa po yang med na byed pa po gcig pu nyid lta ga la yod/ de lta bas na brten nas skye zhes bya ba'i sbyor ba 'di ni rigs pa khon// yin no// mtshan nyid 'dra ba la dgos pa med par bye brag tu bshad pa ni rigs pa ma yin no zhes gang bshad pa de ni dgos pa med pa ma yin te/ 'di ltar gzugs de la gang ci yang rung ba zhes bya ba shad pa ni gzugs gyi don du mar rab tu bstan pa'i phyir ro// 'di ltar gzugs kyi don ni rnam pa gsum ste yul brtags tu rung ba'i don dang / lag pa la sogs pa'i 'dus te reg pa dag gis 'gyur ba skyed par gzugs su rung ba'i don dang / gzugs kyi de gdags pa gzugs su rung ba'i don yin te/ 'di ltar bstan du yod pa'i gzugs 'dri na'o pha gi na'o zhes yul brtag tu rung ba'i phyir gzugs yin pa dang / thogs pa dang bcas pa'i gzugs lag pa la sogs pa'i 'dus te reg pa dag gi 'gyur ba bskyed pa gzugs su rung ba'i phyir gzugs yin pa dang / bstan du med cing thogs pa med pa'i gzugs lus dang ngag gi rnam par rig byed ma yin/

  216. 109a

    pa zhes bya ba gzugs kyi de gdags pa gzugs su rung ba'i phyir gzugs yin no// 'di ltar de ni lus dang ngag gnyis med na gdags su med pa yin te/ gzugs med pa na de gdags ba med pa'i phyir ro// rnam par rig byed ma yin pa'i gzugs yod pa nyid du ji ltar shes par bya zhe na/ gang gi phyir skye mched so so pa'i mdo las chos kyi skye mched bstan du med cing thogs pa med pa zhes ni gsungs/ kyi gzugs can ma yin pa zhes ni ma gsungs pa yin la/ yang 'di ltar glang po che'i stabs lta bu las chos kyi skye mched bstan nas/ de la chos gzugs can gang dag yin pa 'di ni gzugs kyi phung po yin no/ zhes gsungs pa yin te/ rnam par rig byed ma yin pa por na chos kyi skye mched du gyur pa chos gzugs can gang dag yod/ gzugs can 'das pa dang ma 'ongs pa gang yin pa dag chos yin pa de ltar ci'i phyir mi 'dod ce na/ skye mched so so ba'i mad dang 'gal te/ chos kyi skye mched ni skye mched bcu gcig gis ma bsdus pa bstan du med cing thogs pa med pa'o zhes 'byung la/ mig la sogs pa 'das pa dang ma 'ongs pa dag ni ji ltar rigs par bstan du yod cing thogs pa dang bcas pa'i phyir ro// yang na gzugs nyid du yang 'dod par mi bya ste/ 'di ltar de dag ni de'i tshe gzugs su med pas so// skye mched bcu po dag kyang dus gsum pa nyid du mi 'gyur te/ mig la sogs pa 'das pa dang ma 'ongs pa dag ni chos kyi skye mched yin pa'i phyir ro// de bzhin du gzugs kyi skye mched mang po dag las gcig gzugs kyi skye mched ngab tu gsungs pa yang skye mched rnam pa bcu gnyis 'o nar rnam par bzhag pa'i phyir ro// de rnam par bzhag pa yang yul can dang yul nyid du gnyis gnyis 'brel par rab tu bstan pa'i phyir ro// yid kyi/

  217. 109b

    skye mched dang chos kyi skye mched kyi phyogs gcig gi gzugs yul ni thams cad yin pas gnyis su nges pa nyams ma yin nam zhe na/ 'o na de lta na ni dbang po drug gi dbang du mdzad nas 'brel par rab tu bstan/ pa'i phyir te/ dbang po 'di'i yul ni 'di kho na yin gyi gzhan ni ma yin no zhes gnyis tshan lnga dag dang / dbang po 'di kho na'i yul ni 'di yin gyi gzhan gyi ma yin no zhes gnyis tshan drug pa yin no// dbang po lnga po dag kyang dbang po drug pa kho na'i yul yin pas gnyis tshan drug par nges pa yang nyams ma yin nam zhe na/ 'on ni dbang po gang kho na'i yul kho na gang yin pa'o zhes gnyis tshan drug pa yin no// de ltar na dbang balnga po dag ni chos kyi skye mched nyid yongs su spangs pa yin no// 'di ltar de dag ni yid kyi yul 'ba' shig ma yin gyi rten yang yin te/ yid ni rnam par shes pa'i tshigs// drug gi mtshan nyid yin pa'i phyir ro// bsdus pa'i tshigs su bcad pa/ dbang po gang gi don gang nyid// yin pa gnyis chen lnga dag go/ gang nyid kyi ni don nyid gang // gnyis tshan skye mched drug pa yin// / gal te mig la sogs pa lnga po dag chos kyi skye mched nyid du gyur na cir 'gyur zhe na/ skye mched so so ba'i mdo las dge slong dag chos phyi'i skye mched ni skye mched bcu gcig dag gis ma bsdus pa bstan du// med cing thogs pa med pa'o zhes nges par mdzad pa mi mdzad par 'gyur ro// sems ni skad cig pa zhes bya ba yin la/ gong du 'gro ba yang yin no zhes gang gsungs pa yang de'i rgyun la dgongs nas gsungs pa'i phyir 'gal ba med do// grib ma dang me 'bar ba 'gro bzhin no// bden pa rnam bzhi dang / gsum dang / gnyis dang / gcig ces grangs tha dad par gsungs pa gang yin pa der yang dgod/

  218. 110a

    du sa na nga 'gas da sa du du smra na na/ shAn sa sa sa sa sa rabs sa na dang 'dag sa 'a ba rna pa dang / 'di sag nas sa pa da ba bdag de'i bas ba ba ga sa lda / ba / nga

  219. 110b

    mi nus so// de lta bas na dgongs pa tha dad pa'i phyir bden pa rnams la grangs tha dad par bstan pa la snga phyi 'gal ba med do// kha gcig las/ mi rnams kyis ni 'di na bsod nams dang // sdig pa gang yin gnyis ka// byed pa de zhes gsungs pa dang / kha cig las byed pa po mi dmigs so zhes gang gsungs pa gang yin pa der yang dgongs pa tha dad pa'i phyir 'gal ba med de/ 'di ltar phung po'i rgyud gang la mi rnams zhes bya ba de/ la de gnyis kyi rgyu yod cing de kho na la de gnyis kyi 'bras bu 'byung bas 'di las dgongs nas/ mi rnams kyis ni 'di na bsod nams dang / sdig pa gang yin gnyis ka byed pa de/ de'i bdag gir bya ba yin zhing des/ de yang bye / 'gru bar byud pa yin/ zhes gsungs pa yin no// bdag tu lta bas kun tu btags pa'i byed pa par nga dbang yod pa la dgongs nas ni byed pa po mi dmigs so nas gsungs pa yin gyi rgyu chags pa'i mtshan nyid las ni ma yin te/ 'di ltar gang zhig phung po 'di dag 'dor zhing phung po gzhan dag tu mtshams sbyor bar byed pa'i zhes khyad par du mdzad pa yin no// de bas na dgongs pa tha dad pa'i phyir snga phyi 'gal ba med pa/ 'dir yang bshad pa/ ras bal gyis ni sa ben dang // ma tu lung ga'i me tog la/ rgya stegs kyis ni la bskur na// tshan de nub par gyur kyang ni// rgyud la bsgoms pa'i rim pa las// ras bal zab dmar skye sbyar// las rnams nub kyang de'i 'bras bu// sbrul de yi chos nyid do// gzugs gang yin pa ci'ang rung ste// de thams cad 'byung ba chen po bzhi dag dang 'byung ba chen po bzhi dag nur byas pa'o zhes ba 'di sa ci rdzas kyi dbang du mdzad de gsungs sam/ rin te ga dbu'am/ rigs las zhe na zhes smras pa gang yin pa yang rigs kyi dbang du mdzad nas gsungs pas 'di 'jig smras pa'inyis pa med do//

  220. 111a

    de kho na bzhin du khas blangs pa'i phyir ro// de ltar na ni mdo sde dang yang mi 'gal te/ skye mched so so ba'i mdo sde las skye mched dgu po rnams ni re re yang rigs smos pas ji ltar srid par 'byung ba chen po bzhi dag rkur byas pa'o zhes bshad pa'i phyir 'dus pa re re ni ma yin no// lag pa rdob lta bu las ji skad gsungs pa de kho na bzhin du khas blangs pa'i phyir te/ 'di ltar mig gi sha'i gong bu la'abyung ba thams cad rgyu las byas pa dmigs pa'i phyir ro// de lta bas na ji skad smras pa'i rigs pa dang 'gal ba med do// gzugs 'das pa yod do// gzugs ma 'ongs pa yod do zhes gsungs pa gang yin pa yang 'di lta ste/ de 'das pa'am ma 'ongs pa de lta bur ni yod ces bya ba'i gzugs kyis bdag nyid kyis ni ma yin no// ji ltar na de 'das pa yin zhe na/ sden byung ba nyid kyis so// ji ltar na ma 'ongs pa yin/ zhe na/ 'byung bar 'gyur ba nyid kyis te/ sa bon yod pa'i phyir ro// de ltar na de yod pa'i zhes bya ste/ de ltar snang ba'i phyir ro// gzhan yang gzugs gang zhig med par yang de yod do zhes bya ba rigs sam zhen/ ga sas na nga du smra phyu du 'gyur ro// 'o ni de ltar na ni gzugs 'das pa sngon byung ba dang / gzugs ma 'ongs pa 'byung bar 'gyur ba zhes brjod par bya'o zhe na/ de ltar brjod na sden byung ba na de 'das pa yin gyi/ da ltar ni 'das pa ma yin pas 'das pa nyid las rab tu nyams pa yin par bstan par 'gyur la/ 'byung bar 'gyur ba ni de mo 'ongs pa yin gyi/ da ltar ni ma 'ongs par mi 'gyur la/ ma 'ongs pa nyid kyang ma byin pa zhes bya bar bstan par

  221. 111b

    'gyur ro// 'das pa dang ma 'ongs pa zhes brjod pa nyid kyis kyang byung ba dang 'byung bar 'gyur ba'i don sbas pa'i phyir zlas bur bstan par 'gyur ro// gal te de ltar bstan pa la dga' na ni yod pa zhes bya ba'i slad nyid tshig gi phrad yin pa'i phyir ji ltar rigs par dus gsum gyi yul yin par rig par bya'o// de lta bas na dza ltar bkod pa nyid rig pa yin no// gal te gzugs kyi mtshan nyid thal ba'am/ ma red pa yin na de ji ltar gzugs zhes bya zhe na/ sngon byung ba dang 'byung bar 'gyur ba'i tha snyad kyis te/ dper na sa bon nyams pa zhes bya ba dang / bye btag go zhes bya ba lta bu'o// las zad pa dang / 'das pa dang / 'gag pa dang / bral ba dang / yongs su gyur pa gang yin pa de yod do zhes gsungs pa gang yin pa de ni des sems kyi rgyud la 'bras bu 'byin pa'i nus pa bskyed pa la dgongs nas gsungs pa yin pa'i don rtogs pas gzhan du mi 'thad pa'i phyir ro// de las skyes pa lang gdags pa ni grong la spyad do// pan za'o zhes bya ba yin zhing ji skad du reg pa'i skye mched drug bde sngon mngon par 'dus byas pa mngon par bsams pa 'di dag ni sngon gyi las yin par rig par bya'o zhes 'byung ba lta bu yang yin na// dgongs pa 'dis 'das pa dang ma 'ongs pa yod pa nyid du gsungs pa de dang / mig ni mi skyes pa las skye zhing skyes nas kyang 'jig ge zhes bya ba yang rigs pa yin no// de lta bas na 'di yang mngon sum dang 'gal ba med cing snga phyi 'gal ba yang med do// gzugs rnams kyi nges par 'byung ba ni gzugs med pa'o zhes bya ba'i rjes su dpag pa yang 'gal ba yin te/ tshor ba la sogs pa rnams ni gzugs la rag las te skye bar mthong ba'i phyir ro zhes smras pa gang yin pa de yang de yin te/ da la gzugs las 'dod chags dang ma

  222. 112a

    bral ba rnams gzugs dang lhan cig tu lus mngon par 'grub pa ni mthong ngo // gzugs las 'dod chags dang bral ba rnams ni gzugs med bzhin du lus mngon par 'grub pa/ pasasu ba / gzusas pas 'ad gasmra dzin sa rgya sa thang ba / 5 g+hu m+bu pas dang rjeg su pa pa nga ma mngon par 'grub pa khon yin no zhes bya ba khas blang bar bya grang na de yang mi rigs te/ gzugs med pa'i snyoms par 'jug pa rnams ni 'di nyid du rab tu grags pa yin no// 'dod pa rnams la rnam par sun 'byin par byed pa na 'dod pa rnams las 'dod chags dang bral ba yin la// gzugs rnams la rnam par sun 'byin par byed pa na gzugs rnams las ma yin no zhes bya ba'i rigs pa med pa'i phyir ro// 'phags pa la yang phung po mngon par 'grub pa spangs su zin kyang thar pa med par thal bar 'gyur ba'i phyir ro// sbyin pa las byung ba'i bsod nams bya ba'i gzhi kun tu brten na longs spyod chen po nyid 'brus bar 'gyur ro zhes bya ba yang rjes spya dpag pa dang 'gal ba yin te/ sar sta can yang thug pa nyid yin pa'i phyir da / gtang ba yang dbul pa nyid yin pa'i phyir nga nas smras pa gang yin pa de yang 'gal yod de/ ser sna can yang kha cig gis sngon lan cig snod khyad par can la phul ba'i phyir 'di la phyug po nyid gang yin pa thob pa yin no// gtong ba yang kha cig gis gzhan dag longs spyod dang bral bas 'di la thug pa ma thob pa yin pas 'bras bu 'byin pa la ni de rnams kyi las stobs dang stobs med pa yin par brtag par bya'o// gang zhig skye ba'i kun tu sbyor ba ni spangs pa mngon par 'grub pa'i kun tu sbyar ba ni ma

  223. 112b

    spangs pa'i gang zag yod do zhes bya ba yang rjes su dpag pa dang 'gal ba yin te zhes smras pa gang yin pa de yang 'dir lha rnams dga' bas ni spangs pa'i don mi shes te/ 'dir don ni skye ba'i srid pa las 'dod chags dang bral ba srid pa bar ma do las ni ma yin pa'i gang zag yod do zhes bya ba 'di yin no// de ltar yang yin te/ 'dir don ni gang zhig srid pa bar ma dor kho na'i zag pa zad pa mngon sum du byed pa'i phyir mi 'ong ba kha cig rgyud yongs su smin cing mngon par shes pa myur ba yin pa de la skye ba'i srid par nying mtshams sbyor bar byed pa'i nyon mongs pa ni mi skye ba kho na yin la srid pa bar ma dor nying mtshams sbyor bar byed pa ni skye ba yin te/ de ni/ mi skye ba'i chos nyid du gnas pa'i phyir skye ba'i srid pa ni spangs pa zhes bya la/ mngon par 'grub pa'i kun tu sbyor ba ni ma yin no zhes bya ba 'di yin no// de ltar ni mi 'gal ba yin no// gzhan dag na re/ spangs pa zhes bya ba ni so sor brtag pa ma yin pa'i 'gog pas thob pal dgongs nas gsungs pa yin no zhes zer ro// yang 'dir bshad pa/ bar mdor ni zad pa yi// kun nas sbyor ba gang dag gis// skye ba'i srid par mtshams sbyor te// de'i so sor brtags min pa yi// 'grogs pas 'gags te des na de'i// de spangs pa zhes bya bar brjod// gnyis po'i so sor brtags pa yi// 'gag pa cig car yin par 'dod// chang 'thub ba bcad pa'i kha na ma tho ba dang bcas pa yin no zhes bya ba ni lung dang 'gal ba yin te/ lus kyi nyes par spyad pa'o zhes 'byung ba'i phyir ro zhes smras pa gang yin pa de la yang re shig 'di dpyad par byas te/ ji tsam gyis na rang bzhin gyi kha na ma tho ba dang bcas pa'am/ bcas pa'i kha na ma tho ba dang bcas pa yin/ gang nyon mongs pa can gyi sems kho nas spyod pa de ni rang bzhin gyis kha na ma tho ba dang bcas pa yin no// gang nyon mong

  224. 113a

    pa can ma yin pa'i sems kyis kyang spyad par nus bzhin du nyes pa gzhan spang ba'i phyir bcom ldan 'das kyis dpyad pa de ni bcas pa'i kha na ma tho ba dang bcas pa yin no// da ni 'di dpyad par bya ste ci chang gang zhig mi 'dod bzhin du yang nyon mongs pa can ma yin pa'i sems kyis sman pa'i lung las so sor brtags nas 'thung ba srid pa yod dam/ 'on te med/ des cir 'gyur zhe na/ gal te/ yod na nyon mongs pa can ma yin pa'i sems ji ltar nyes par spyad par 'thad/ 'on te med na de ltar 'thung ba la ji ltar nyon mongs pa can gyi sems su 'thad ce na/ des gang la chang ngo snyam du rig nas ngo tsha med pa nyid kyis kha na ma tho ba dang bcas 'thung ngam/ yang na kha na ma tho ba dang bcas pa'i chang la kha na ma tho ba med pa'o snyam du sems na'o// gang zhig chod zin pas 'thung ba ni myos par mi nus la/ de ltar yang shes nas 'thung ba gang yin pa de gang gis na kha na ma tho ba dang bcas par 'gyur te/ dper na dug tshod zin pas zos pa ni dug gi nyes pa'i bya ba mi nus pas kha na ma tho ba dang bcas pa mi 'byung ba lta bu'o// de lta bas na chang 'thung ba thams cad nyes par spyod pa ma yin no// chang 'thung ba rnams ni phal cher rgyags par bya ba'i phyir ji ltar na dga' bar 'gyur snyam pa 'am/ bdag myos par 'gyur ro snyam du sems bzhin du char 'thung ste/ de dag gi de ni lus kyi nyes par spyad par rnam par bzhag ste/ nyon mongs pa can gyi sems yin pa'i phyir ro// de la dgongs pa ni de yin par rig par bya'o// de yang rang bzhin gyi kha na ma tho ba dang bcas pa yin te// dgag pa bcas pa med kyang kha na ma tho ba dang bcas pa nyid yin pa'i phyir ro// rnam par bshad pa'i rigs pa las le'ur bcas pa gsum pa'o// grags pa'i sangs rgyas kyi gsung dang 'gal ba'i phyir theg pa

  225. 113b

    chen po ni sangs rgyas kyi gsung ma yin no// de lta bas na shin tu rgyas pa'i sde ni theg pa chen po yin no zhes bya ba de lung dang 'gal ba yin no zhes smras pa gang yin pa yang gal te de lta bu'i rang bzhin dang 'gal ba'i phyir theg pa chen po sangs rgyas kyi gsung ma yin na/ khyed la grags pa'i sangs rgyas kyi gsung gang yin pa gzhan yang de bzhin du sangs rgyas kyi gsung du mi 'gyur ro// ci'i phyir zhe na/ 'gal ba'i phyir ro// / de las ni kha cig tu tshor ba ni gsum ste/ bde ba dang sdug bsngal ba dang / bde ba yang ma yin sdug bsngal yang ma yin no zhes bya ba dang / de bzhin du bde ba'i tshor ba tshor ba na bde ba'i tshor ba tshor ro snyam du yang dag pa ji lta ba bzhin du rab tu shes so zhes gsungs la/ yang gang ci tsher yang rung ste/ de ni 'di ltar sdug bsngal lo zhes bya ba dang / de bzhin du bde ba'i tshor ba ni sdug bsngal nyid du blta bar bya/ zhes bya ba dang / de bzhin du sdug bsngal la bde bar 'du shes pa ni phyin ci ma log pa yin no zhes gsungs pa dang / kha cig tu chos thams cad ni bdag med pa'o zhes bya ba dang / de bzhin du/ 'di na bdag gam sems can med/ chos 'di rgyu dang bcas las 'byung zhes bya ba dang / srid pa'i yan lag bcu gnyis dang / phung po dang ni skye mched khams// de dag thams cad rnam byin// gang zag dmigs pa ma yin no zhes gsungs la/ yang bdag nyid bdag gi mgon yin gyi// gzhan ni su zhig mgon du 'gyur// bdag nyid legs par dul bas ni// mkhas pas mtho ris thob par 'gyur zhes bya ba dang / de bzhin du/ sor phreng nga ni kun nas sems can thams cad la// dbyug pa dag ni spang bar byas nas 'dug pa yin zhes bya ba dang / de bzhin du 'jig rten du skye ba na gang zag gcig skye'o zhes gsungs pa dang

  226. 114a

    kha cig tu 'drin kha gcig mtshams med pa lnga'i las byas shing bsags pas lus zhig ma thag tu sems can dmyal ba rnams su skye bar 'gyur ro zhes gsungs pa la yang / pha dang ma ni bsad byas shing // rgyal po bram ze gtsang sbra can// yul 'khor 'khor dang bcas bsad na// bram ze sdig pa med par 'gyur zhes gsungs pa yin te// de ltar phan tshun 'gal ba'i phyir dang / sngar brgal ba bstan pa gang yin pa'i 'gal ba'i phyir de la ni kha cig sangs rgyas kyi gsung du mi 'gyur ro// de la ni 'gal ba med de// 'di ltar de ni nges pa'i don yin te/ kun dga' bo ngas 'du byed mi rtag pa nyid dang / 'du/ byed 'gyur ba nyid la dgongs nas gang ci tsher yang rung ste/ de ni 'di ltar sdug bsngal lo zhes pa gsungs pa yin no// de bzhin du de ltar na gzugs can ma yin pa'i phung po bzhi po 'di dag dang / mig gi dang po gzugs dang / 'di snyed cig la mi rnyed ces bya'o// 'di la sems can dang / ming dang shed las skyes dang / shed bu dang / gso ba dang / skyes bu dang / gang zag dang / srog dang / skye ba po zhes de skad ces bya'o zhes 'byung ba dang / de bzhin du/ 'di dag yod na sems can mi'am shed las skyes/ shed bri shes par de skad dag tu kun tu 'dogs// de dag dang ni de bzhin gzhan yang mi mang po// phung po'i gzhi dang rnalas byung bar 'gyur ba yin zhes bya ba yin no// tshigs su bcad pa las 'byung ba yang / sred pa ni ma/ las kyi srid pa ni pha nas bya ba nas bshad de/ skyed pa po yin pa'i phyir ro// gzhan dag na re/ nga'o snyam pa'i nga rgyal yin no zhes zer ro// gzhan du na ni mdo sde snga ma don med par 'gyur ro// de lta bas na mdo sde 'di dag dang gzhan rnams ni dgongs pa can gyi don yin pa'i phyir 'gal ba med do// theg pa chen po

  227. 114b

    la ni gang gis 'gal ba med par nges par gzung ba'i nges pa'i don cung zad kyang med do zhe na/ ci lha rnams dga' bas theg pa chen po mtha' dag shes sam/ smras pa/ ma yin no zhe na/ mtha' dag mi shes pas nges pa'i don med pa nyid du ji ltar shes/ da ltar mi snang bas de'i phyir spang bar byar mi rung ngo // de bzhin du nyan thos kyi theg pa la yang da ltar sangs rgyas kyi gsung mtha' dag ni mi snang ngo // mtha' dag ma yin par 'di ji ltar zhe na/ bla ma kun dga' 'od sel dang // sdug bsngal phung stonas ston dang // 'char ka stong nyid chu las skyes// gang pos mtshe chu shing dang // mya ngan 'das dang yul 'khor sbyong // 'gro ba'i mdo dang / de bzhin gzhan// yang dag bsdus pa'i gzhi nyams phyir// mtha' dag min par rtogs pa yin// bla ma'i mdo la sa m+b+ha rnams kyi dbang po brgya byin gyis smras/ btsun pa bla ma bcom ldan 'das kyi nyan thos 'jam bu'i gling na ji snyed 'khod pa de dag thams cad bdag gis sems kyis khyab par byas te brtag na/ btsun pa bla ma ma gtogs par dge slong gcig kyang chos kyi rnam grangs 'di 'dzin pa med do// btsun pa bla ma khyod kyi chos kyi rnam grangs 'di zung shig/ chos kyi rnam grangs 'di ni bcom ldan 'das kyis gsungs pa yin no zhes bya ba 'byung ste/ rjes su dpag pa 'dis na de'i tshe gzhan yang med par gyur par mngon no// yang na sangs rgyas bcom ldan 'das mya ngan las 'das nas ring po ma lon ning 'phags pa kun dga' bo yang bzhugs bzhin du sangs rgyas kyi gsung mtha' dag me snang na/ deng sangan lta smos kyang ci dgos/ kun dga' bo'i mad las bcom ldan 'das bkres pa'i gnas skabs na nga'i bstan pa yang 'dzin par 'gyur ro snyam nas 'phags pa kun dga' ba rim gro bar bskos zhes bya ba dang / sems kyang spras pa/

  228. 115a

    bdag gi lo nyi shu lhag btsun pa la rim gro bgyid do zhes bya ba dang / de nyid las yang smras pa/ bdag gis chos kyi phung po brgyad khri lhag ni bcom ldan 'das las gzung gnyis ni dge slong dag las so zhes 'byung bas de'i phyir sngar bcom ldan 'das kyis bshad pa gang yin pa de ni des ma bzung bar shes par bya'o// de ni dge slong rnams las bzung ba gang yin pa de kho nar zad do zhes bya bar rigs/ pa ni ma yin te/ dus de srid du bzhi bcu cha bas kyang nyung ba'i chos bshad pas ni mi rung bas so// gal te 'phags pa kun dga' bos thams cad rtogs par gyur na ni bla ma'i mdo las lha rnams kyi dbang po brgya byin gyis dge slong gcig kyang chos kyi rnam grangs 'di 'dzin pa med do zhes de skad smos par yang mi 'gyur ro// de lta bas na de thams cad gzung ba ma yin la/ des smras pa gang yin pa de yang dag par sdud par byed pa rnams kyis yang dag par bsdus pa yin no// de lta bas na deng sangs rgyas kyi gsung mtha' dag mi snang ngo // 'od sel gyi mdo las bcom ldan 'das kyis bka' stsal pa/ 'od sel gang gi tshe ngas dge slong gi dge 'dun la rta cang shes bzhon bzangs kyi chos kyi rnam grangs bshad pa de'i tshe khyed rnams nyung ba yin no zhes bya ba'i mdo sde de mi snang ngo // sdug bsngal gyi phung po ston pa las bcom ldan 'das kyis shAkya ming can la brtsams nas bka' stsal pa/ dus de gcig na rgyal po'i khab ri bgrod byal 'dug pa las/ nga ri ngos yangs pa gal ba der phyin pa dang / de nangs gcer pu lag pa bsgreng ba dag mthong ba nas de dadagal 'di skad ces spras so zhes bya ba'i bar du rgya cher 'byung ba'i mdo sde ni snang ngo // sa ston gyi mdo las bcom ldan 'das kyis bka' stsal pa/ dus de gcig gi tshe rgyal po'i kheb ribagrod dbyal 'jug go//

  229. 115b

    de nas gzhan mu stegs can kun tu rgyu ba rab tu mang po dag dag la ba der lhags so// lhags na sa la don 'di zhes bya ba rgya cher 'byung ba'i mdo sde de ni snang ngo // 'char ka'i mdo las/ ngas tshor bzhi bshad pa'i rnam grangs yod do zhes bya ba'i mdo sde de mi snang ngo // stong pa nyid kyi mdo las/ 'phags pa kun dga' bos smras pa/ dus de gcig na bcom ldan 'das shAkya rnams kyi nang na shAkya rnams kyi grong rdal grong khyer zhes bya ba na bzhugs so// de na bdag gi kun dga' bo nga ni da ltar stong pa nyid kyi lan mang du gnas so zhes bya ba de ltar bu'i bcom ldan 'das kyi bshad pa bdag gis shes so zhes bya ba'i mdo sde de mi snang ngo // chulas skyes pa'i mdo las/ rgyal po chen po bdag gis ni dge slong ngam bram ze gang la las lan cig shes par 'gyur ba 'am/ mthong bar 'gyur ba gang ma byung zhig mi 'byung la/ da ltar yang med de/ gnas de yod pa ma yin pa de lta bu smras pa dran no zhes bya ba'i mdo sde de mi snang ngo // gang po'i mdo las gnas brtan kun dga' bos smras pa tshe dang ldan pa dag dge slong gnas brtan byams ma'i bu gang po zhes bya ba 'byung ba gang gis sngon bdag gsar bur gyur pa na zhes bya ba nas/ zab cing zab pa'i chos ldan pa'i gtam 'di lta bu 'di bshad do zhes rgya cher 'byung ba'i mdo sde de mi snang ngo // sa mtsho'i mdo las/ dbyar tshul gyis smras pa/ dus de gcig na dge slong gau ta ma skra sgrogs na 'olams can gyi nang na bzhugs so zhes bya ba nas/ de na bcom ldan 'das gautam des bdag la bsam gtan thams cad bsngags so zhes bya ba'i bar du rgyu cher 'byung ba de lta bu la sogs pa'i mdo sde mi snang ngo // chu shing gi mdo las/ bcom ldan 'das kyis bka' stsal pa/ de nangs dge slong rten lnga rnams la bka' stsal pa/ rten lnga dgang sngon rab tu

  230. 116a

    'byung bar rab tu mabyung ba na'ad// zlab ste/ tham par nyamanga' zhas d+h+ya cang 'byung ba'i mang bA ma snang // yangs su mya ngan las 'das pa chen po'i mad las/ gnas brtan kun dag bos smras pa/ tshed dang ldan pa ma 'gags pa bdag gis bcom ldan 'das las sangs rgyas bcom ldan 'das spyan dang ldan pa dag bsam gtan bzhi pa la snyoms par zhugs shing mi g.yo ba'i ni bal brten nas yongs su mya ngan las 'das so zhes mngon sum du bzung ngo zhes bya ba'i mdo sde de mi snang ngo // 'phags pa yul 'khor skyong gis smras pa/ rgyal po chen po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen pa gzigs pas lam brtan pa shad pa yin no zhes bya ba nas/ rgyal ba chen po 'jig rten 'di ni rang gir bya bar med pa ngoms mi shes pa spang bas 'khor ba yin nozhes bya ba'i mdo sde de mi snang ngo // 'gro ba'i mdo las/ mgon med zas sbyin gyis spras pa/ bdag gis bcom ldan 'dasal kun dga' ra ba phul ba'i rgyus las zhig nas bde 'gro mtho ris kyi 'jig rten lha rnams/ su skye bar 'gyur ba'i sems can yod zhes bya ba nas/ yon sngob byas pa'i chus zhes bya ba'i bar nga rgya cher 'byung ba'i mdo sde de mi snang ngo // de bzhin du mdo sde gzhan gyis kyang mngon te/ dper na cang mi smra ba'i mdo las/ maud gal gyi bus sangs rgyas kyi gsung sngon gsungs pa brtan pa na mau t+pal gyi bu momau rnal gyi bu 'di ni 'phags pa'i cang mi smra ba yin pas de la bag med par ma byed cig ces bya ba dang / gnas pa'i mdo/ las/ ting nge 'dzin 'di ni 'phags pa'i gnas pa yin pas 'di la bdag med par ma byed cig ces bya ba'i mdo sde de mi snang ngo // yongs su mya ngan las 'das pa chen po la sogs pa'i mdo gzhan dag gi

  231. 116b

    nang nas 'byung ba'i mdo sde mang po rnams ni 'dom pa tha dad par snang ngo // gti mug med de lta bas na 'di dag dang mdo sde'i shes par byed pa gzhan mang po dag gis nyan thos kyi theg pa la yang da ltar sangs rgyas kyi gsung mtha' dag ni mi snang bar mngon no// yang dag par bsdus pa'i gzhi po 'od srungs chen po la sogs pa dgra bcom pa rnams kyis mdzad pa gang yin pa de yang da ltar nyams te/ sde pa gzhan dag las lung dang / le'u dang / mdo rnams par gzhag pa tha dad pa'i phyir dang / lung dang le'u gzhan yang dag par bsdus pa'i mdo rnams kyang yang sde pa de nyid las yang dag par bsdus pa'i phyir dang / mal du 'jug pa dang / dga' byed dang tshe'i mtha' la sogs pa zhes bya ba dag gi mdo sol bu dang mi 'gal bar snang ba'i phyir ro// de ltar na yang dag par bsdus pa nyams na da ltar sangs rgyas kyi gsung mtha' dag yod do zhes bya ba 'di ji ltar shes bar nus/ thos pa brgyad pa las ni gcig las 'phros pa de yang brgyal thug pa dgra gcig yod par gyur ces thos so// de lte bas na theg pa chen po la yang da ltar nges pa'i don gyi mdo sde mi snang ba'i phyir nges pa'i don nyid med par nges par gzung bar mi bya'o// / bam po bdun pa// ci 'di bkri ba'i don nam/ 'on te ste ji bzhin gyi don yin zhes dpyad par bya ste/ nges pa'i don bshad pa mi snang bar yang 'di sna rdzi bzhin gyi don ma yin no zhes shes par ni mi nus so// 'on kyang dgongs pa can yin no// ci'i phyir zhe na/ 'gal ba'i phyir ro// shes rab kyi pha rol tu phyin pa las chos thams cad ni ngo bo nyid med pa zhes bya bdag bu la sags pa 'di la na mang du bstan la/ yang de nyid las bshad pa/ byang chub sems dpa'i sun med dang la 'jug par 'dod pa dang / nyan thos dang rang sangs rgyas kyisams 'da' ba 'dod pa dang /

  232. 117a

    phyir mi ldog pa'i sa la gnas par 'dod pa dang / mngon par shes pa drug thob par 'dod pa dang / sems can thams cad kyi spyod pa dang / rnam par g.yo ba shes par 'dod pa dang nyan thos dang / rang sangs rgyas kyi shes pa thams cad zil gyis mngan par 'dod pa dang / gzungs dang / ting nge 'dzin gyi sgo thob par 'dod pa dang / nyan thos dang / rang sangs rgyas thams cad la sbyin pa sbyin par byed pa na/ rjes su yi rang ba dang ldan pa'i sems gcig gis zil gyis mnan par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes 'byung bo dang / de bzhin du sangs rgyas kyi sku mngon par bsgrub par 'dod pas shes rab kyi pha rol tu phyin pa la bslab par bya'o// dpe byad bzang po brgyad cu dang / skyes bu chen po'i mtshan sum cu rtsa gnyis bsgrub par 'dod pas shes rab kyi pha rol tu phyin pa la bslab par bya'o zhes 'byung ba dang / de bzhin du byang chub sems dpa' sems dpa' chen po shes rab kyi pha rol tu phyin pa la spyod pa na sbyin pa 'di ltar byin na ni/ longs spyod chen po nyid kyi 'bras bu 'byung ngo de bzhin du sbyin pa 'di ltar byin na ni rgyal rigs shing sAl chen po lta bu'i rigs su skye'o de bzhin du gzhan 'phrul dbang byed kyi lha rnams kyi nang du skye'o zhes bya ba'i bar du 'byung ba dang / de bzhin du ser sna'i sems cher gcod par 'dod pas shes rab kyi pha rol tu phyin pa la bslab par bya'o// 'chal ba'i tshul khrims kyi sems 'dor bar 'dod pa dang / gnod sem kyi sems 'dir bar 'dod pa dang / le lo'i sems 'dor bar 'dod pa dang / rnam par g.yeng ba'i sems 'dor bar 'dod pa dang / 'chal ba'i shes rab kyi sems mi spro bar/ 'dod pas pha rol tu phyin

  233. 117b

    pol bslab par bya'o// de bzhin du spyan lnga skyed par 'dod pas shes rab kyi pha rol tu phyin pa la bslab par bya'o// lnga gang zhe na/ sha'i spyan dang / lha'i spyan dang / 'phags pa'i shes rab kyi spyan dang / chos kyi spyan dang / sangs rgyas kyi spyan no// de bzhin du shar phyogs na sems can long ba gang dag bdag gis mthus mig gis gzugs mthong bar bya na shes rab kyi pha rol tu phyin pa la bslab par bya'o// 'on pa rnams rna bas sgra thos par bya ba dang / smyon pas dran pa thob par bya ba dang / gcer bu rnams gos thob par bya ba dang / sems can bkres pa rnams 'drangs par bya ba dang / skom pa rnams ngoms par bya ba dang / ngan song du skyes pa rnams ngan song nas thar bar bya zhing me'i lus thob par bya ba dang / tshul khrims 'chal pa rnams tshul khrims kyi phung po la dgod par bya ba dang / mnyam par ma bzhag rnams ting nge 'dzin gyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod pa dang / bde ba ma mthong ba'i rnams rkun tu zhugs pa'i 'bras bu la dgod pa dang / lhan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang sangs rgyas kyi byang chub dang / bla na med pa yang dag par rdzogs pa'i byang chub la dgod par bya na/ byang chub sems dpa' sems dpa' chen pos shes rab kyi pha rol tu phyin pa la bslab par bya'o zhes bya ba 'byung ba de la sogs pa dang / sdig pa thams cad so sor bshags pa la sogs pa yang bstan to// gal te ngo bo nyid med pa la sogs pa'i tshig rnams sgra ji bzhin kho na'i don yin na/ 'di thams cad dang 'gal bar 'gyur te/ blang bar bya ba rnams ci yang med pa'i phyir rgyu 'di las 'di lta bur 'gyur ro zhes yang

  234. 118a

    de ltar blang ba ni rung ba ma yin no// yang na de ltar blang bar bya ba ni ci zhig blang bar bya bar sems/ de lta bas na tshig de rnams kyi ni sgra ji bzhin gyi don du nges par gzung ba mi bya'o// / 'o na ci zhe na/ dgongs pa can yin no// dper na pha dang ma ni gsad byas shing zhes bya ba'i tshigs su bcad pa 'di dang / ma dang byas pa mi shes dang zhes bya ba'i tshigs su bcad pa 'di la nges pa'i don bshad pa med par yang sgra ji bzhin gyi don tu nges par gzung bar mi bya ste/ mdo sde gzhan dang 'gal ba'i phyir ro// 'o na ci zhe na/ dgongs pa can yin no// yang 'di 'gal du zin yang 'ga' zhig gis de bams pan pa pa ste/ bdas brten pa ra dam maman sa ng+gA rnams d+hags na byu gzung du byas pa san pa dang/ sa pa 'du/ 'a da ltar smras pa yang dathams ca lta ba de la mngon par zhen pa kha cig snang ba kho na yin no zhe na/ de ni de dag gi shes rab kyi nyes pa yin pa'am/ sngon chos kyi phongs par 'gyur ba'i la sogs pa des de dag de ltar nyams pa yin gyi/ 'di ni nyams par byed pa ma yin no// 'di ji ltar shes zhe na/ gong du 'gal ba'i phyir ro zhes smos pa nyid dang sbyar ro// mdo gzhan las gang dag de bzhin gshegs pas gsungs pa'i don dang / tshig dang / yi ge zab mo dag rtogs par khong du chud par byed/ dgongs pa rtogs par byed/ rjes su mthun par byed/ mi mthun par mi byed/ sbyor bar byed/ gnod par mi byed/ don rtogs par khong du chud par byed kyi/ tshig 'bru'i rjes su chug par mi byed pa de dag la yon tan 'di dag dang de bas lhag pa dag 'byung bar rig par bya'o zhes gsungs pa yang yin te/ gang shig sgra ji bzhin gyi don du 'dzid

  235. 118b

    par byed pa nyid kyis sems can chud gsan par zhugs pa de la ni 'di 'gal ba yin te/ ji ltar na sgra ji bzhin gyi don du yang gzung bar bya zhing / dgongs pa yang rtogs par bya ba dang / snga phyi sbyor bar bya ba nyid du yang bstan par 'gyur/ de nyid las kyang tshangs pa gzhan yang de bzhin gshegs pa ni dgongs pa'i rnam grangs kyis rtag pa gsungs pa yin par nyid zhal gyis 'ches par mdzad/ kun nas nyon mongs pa gsungs pa dang // chad pa gsung ba dang / mi bya ba gsung ba dang / log par lta ba can dang / ma dad pa dang / bya ba mi shes pa dang / khyim 'bugs pa dang / skyugs pa za ba dang / go skabs bcom pa yin par nyid zhal gyis 'che bar mdzad kyang de bzhin gshegs pa ni bstan pa de dag la med cing mi snang ste/ de bzhin gshegs pas dgongs nas gsungs pa yin no// de bzhin gshegs pa ni dgongs pa gang gis sems can mngon pa'i nga rgyal gtong ba'i dgongs bdag ston par mdzad pa yin no// tshangs pa de ltar na de bzhin gshegs pa ni dgongs nas chos ston par mdzad pa yin pas de la byang chub sems dpas sgra thams cad la skrag par ma bya'o zhes gsung pa 'di yang gal te bstan pa la sgra ji bzhin gyi don ma yin pa nyid du mi 'dod na 'gal ba yin no// yang na 'dod na ni ji ltar na chud gsan par bya ba'i theg pa chen po gzhung du byas pa yin/ gzhan yang byang chub sems dpa' chos bzhi dang ldan pa rnams ni mgo gcig tu smra ba yin zhing gdung ba med par smra ba yin no// bzhi po gang dag gang zhe na/ byang chub sems dpa' rnams ni mgo gcig tu chos thams cad gang zag med par smra ba yin/ byang chub sems dpa' rnams ni mgo gcig tu skye ba thams cad kyi skye mched rnams la mngon par dga' ba med par smra ba yin/ byang chub sems dpa' rnams ni mgo gcig tu theg pa chen po'i bsngags pa sme ba

  236. 119a

    yin/ byang chub sems dpa' rnams ni mgo gcig tu dge ba dang / mi dge ba'i las rnams chud mi za bar smra ba yin no zhes gsungs pa'i gsung 'di yang med pa lta ba 'dzin du 'jug pa la 'gal ba yin no// 'phags pa dri ma med par grags pas bstan pa las yod pa'ang ma yin/ med pa'ang min te chos 'di kun/ rgyu la brten nas 'byung ba yin/ 'di la bdag med cing / byed pa po 'am tshor ba po med/ dge ba dang mi dge yi/ las ni ci yang chud mi za bar gsung ba lags shes bcom ldan 'das la byang chub sems dpa' sems dpa' chen po dkon mchog 'byung gnas kyis bstod pa sbyar ba 'di/ yang 'gal bar 'gyur ro// kun tu snang ba'i mdo sde las kyang / sgra ji bzhin gyi don tu 'dzin nanyes pa lnga yod de/ lnga gang zhe na/ mi mos pa'i gnas su 'gyur ba'i nyes pa dang / btsal ba nyams pa'i nyes po dang gzhan la slu bar byed pa'i nyes pa dang / ston pa la skur pa 'debs pa'i nyes pa dang / chos spong bar byed pa'i nyes pa'o zhes rang gi sgras bstan pa yin no// byang chub sems dpa' legs par rnam par byang ba rtog pas kyang / sgra bzhin don ni kun tu brtags pa na// rang dga' dag gis blo ni nyams 'gyur la// legs par gsungs la skur cing smad par 'gyur// tshes la khong khro sgrib par 'gyur ba yin// zhes gsungs pa de yang 'gal bar 'gyur ro// theg pa chen po'i mdo dad pa chen po skye ba las kyang / bcom ldan 'das kyi rigs kyi bu sgra ji bzhin du tshul bzhin ma yin pas chos rnams la rab tu rnam pa 'byed na theg pa chen po la dad pa'i 'byung gnas su mi 'gyur ro// dgongs pa can gyi don ni sgra bzhin ma yin par tshul bzhin yid la byed na theg pa chen po la dad pa'i 'byung gnas su 'gyur ro// rigs kyi

  237. 119b

    bu 'di ltar byang chub sems dpa' sgra ji bzhin du tshul bzhin ma yin pas chos rnams la rab tu rnam par 'byed na/ lta ba bzang po ma yin pa nyi shu rtsa brgyad skye ste/ 'di lta ste/ mtshan mar lta ba dang lta ba la lta ba ma yin par lta ba dang / tha snyad la skur pa 'debs pa'i lta ba dang / kun nas nyon mongs pa la skur pa 'debs pa'i lta ba dang / de kho na nyid la skur pa 'debs pa'i lta ba dang / sbyor ba gtong ba'i lha ba dang / yongs su 'dzin pa'i lta ba dang / bsgrub po'i lta ba dang / nges par 'byin pa ma yin pa'i lta ba dang / kha na ma tho ba med pa nyid du lta ba dang / nges par 'byung bar lta ba dang / sgrib pa la sogs pa'i lta ba dang / brnyas pa'i lta ba dang / 'khrugs pa'i lta ba dang / bsod nams ma yin pa bskyed pa'i lta ba dang / byin ci log gi lta ba dang / ngal ba 'bras bu med pa'i lta ba dang / skyed pa'i lta ba dang / slu ba'i lta ba dang / khas mi len pa'i lta ba dang / ngan g.yo ba'i lta ba dang / tshar gcod pa'i lta ba dong / bkur sti'i lta ba dang / skur pa'i lta ba dang / rmongs pa nyid tsha bas che ba'i lta ba dang / khan ma tho ba nyid kyi lta ba dang / lta ba chen po dang / mngon pa'i nga rgyal gyi lta ba'o// rigs kyi bu de la mtshan mar lta ba gang zhe na/ ngas kun tu sbyor ba las byung ba'i ngo bo nyid la dgongs nas chos rnams kyi med pa nyid bstan pa gang yin pa de la sgra ji bzhin gyi don du mngon par zhen cing kun nas nyon mongs pa'i chos rnams dang / rnam par byang ba'i chos rnams la yang med pa nyid du mngon par zhen pa na med pa nyid du mtshan mar bzung nas med par lta ba 'byung ba ste/ de lta bas na mtshan mar lta ba zhes bya'o// de la lta ba la lta ba ma yin par lta ba ni byang chub sems dpa' med par lta ba de la mngon par zhen pa ni lta ba ma yin pa'i

  238. 120a

    'du shes 'byung ba yin no// med par lta ba gang yin pa de ni de'i lta ba chen po yin te de lta bas na lta ba la lta ba ma yin par lta ba zhes bya'o// de la tha snyad la skur pa 'debs pa'i lta ba dang / kun nas nyon mongs pa la skur pa 'debs pa'i lta ba dang / de kho na nyid la skur pa 'debs pa'i lta ba ni mtshan mar lta ba des thams cad la skur pa 'debs pa na tha snyad la skur pa'i debs par lta ba la yang mngon par zhen par byed/ kun nas nyon mongs pa la skur pa 'debs pa'i lta ba la yang mngon par zhen par byed/ de kho na nyid la skur pa 'debs pa'i lta ba la mngon par zhen par byed/ de lta bas na tha snyad laskur pa 'debs pa'i lta ba zhes kyang b+ha'o// kun+da nas nyon mongs pa la sbyar pa 'debs pa'i lta ba zhes kyang bya'o// de kho na nyid la skur ba 'debs pa'i lta ba zhes kyang bya'o// de la sbyar ba gtong ba'i lta ba ni skur pa 'debs pa'i lta ba can de nyid byis gang gis khyad par du 'gro ba las yongs su nyams par 'gyur ba rab tu rnam par 'byed pa'i sbyor ba gtong ba'o// de la yongs su 'dzin pa'i lta ba ni lta ba la lta ba memo yin par lta ba dang / skur pa 'debs pa'i lta ba dang / sbyor ba gtong ba'i lta ba can de nyid gzhan dag dang lhan cig tu chos kyi mtshan nyid rnam par gtan la dbab par byed pa na med pa'i phyogs kho nar yongs su 'dzin pas na de lta bas na yongs su 'dzin pa'i lta ba zhes bya'o// de la skur ba'i lta ba ni gal te theg pa chen po'i mdo sde'i don gyi bsngags par brjod pa na 'di dag thams cad ni med pa'i don ston pa yin no zhes don de dag lta ba de kho nar sbyar bar byed pa yin te/ de lta bas na sbyar ba'i lta ba zhes bya'o// rigs kyi bu de la nges par 'byin pa ma yin pa'i lta ba ni yongs su 'dzin pa'i lta ba gang yin

  239. 120b

    pabadang / sbyar ba'i lta ba gang yin pa de ni bdag gam gzhan gyi phyir re zhig theg pa dman pas rdzogs pa'i byang chub tu nges par 'byin pa ma yin na bla na med pa yang dag par rdzogs pa'i byang chub tu lta ci smos pa ste/ de lta bas na ngas par 'byin pa ma yin pa'i lta ba zhes bya'o// de la kha na ma tho ba med pa nyid du lta ba na med pa'i mtshan ma nyid du lta bar gyur nas 'di lta ste/ byang chub sems dpa' gang zhig lta ba 'di dang / ldan na 'khrul pa'i nyes byas cung zad spyad kyang de la thams cad du kha na ma tho bar mi 'gyur bar lta ba 'byung ba ste/ de bas na kha na ma tho ba med pa nyid du lta ba zhes bya'o// de la nges par 'byung bar lta ba ni byang chub/ sems dpa' mod pa'i mtshan mar lta ba can de nyid 'di snyam du med pa'i mtshan mar lta ba 'di ni nyes byas kyi kha na ma tho ba thams cad las nges par 'byung ba yin no snyam du sems pa gang yin pa ste/ de ngas par 'byung ba ni ma yin no// de lta bas na nges par 'byung bar lta ba zhes bya'o// kha na ma tho ba nyid pa nyid dang / nges par 'byung bar lta bdag nyid sgrib pa la sogs pa'i lta ba yin te/ sgrib pa'i rgyu de la das gnyen po yin par blo 'byung ba'i phyir ro// de la brnyas pa'i lta ba ni byang chub sems dpa' med pa'i mtshan mar lta ba can de nyan thos kyi theg pa la chos 'di dag ni byang chub sems dpas goms par mi bya'o// chos 'di dag ni dman pa yin pas 'di dag la byang chub sems dpas mkhas pa nyid du mi bya'o// chos 'di dag ni byang chub sems dpas thag ring du spang bar bya'o zhes brnyas pa'i sems skye ba gang yin pa ste/ de bas na brnyas pa'i lta ba zhes bya'o// de la 'khrug pa'i lta ba ni byang chub sems dpa' med pa'i mtshan mar lta ba can de nyid gang zag nyan thos kyi theg pa pa de dag la 'di dag dang lhan cig gnas par mi bya//

  240. 121a

    gleng ba dang / kun tu gleng ba dang / smra bdudang / gos la sogs pa kun tu spyad pa dang / longs spyod par mi bya'o zhes 'ong khro ba'i sems ston pa gang yin pa de/ de bas na 'khrug pa'i lta ba zhes bya'o// de la bsod nams ma yin pa bskyed pa'i lta ba ni de nyid brnyas pa'i lta ba dang / 'brug pa'i lta ba can du gyur nas bsod nams ma yin pa mang du bskyed pa yin te/ de lta bas na bsod nams ma yin pa skyed pa'i lta ba zhes bya'o// de la byin ci log gi lta ba ni byang chub sems dpa' med pa'i mtshan mar lta ba can de nyid gang gis na de'i ting 'dzin rnam pa gsum sgom pa de mi 'grub pa stong pa nyid la stong pa nyid du mi rtog pa dang / mtshan ma med pa la mtshan ma med pa nyid du mdzeg pa dang / smon pa med pa la smon pa med pa nyid du mi rtog pa gang yin pa ste/ de lta bas na byin ci log gi lta ba zhes bya'o// de la ngal ba 'bras bu med ba'i lta ba ni byang chub sems dpa' phyin ci log gi lta ba can de'i ting nge 'dzin sgom pa ral ba 'bras bu med pa gang yin pa ste/ de lta bas na ngal ba 'bras bu med pa'i lta ba zhes bya'o// de la skyed pa'i lbu ba ni byung chub sems dpa' med pa'i mtshan nyid lta ba can de nyid 'di ltar byang chub sems dpa' gang lta ba de la skye bo'i tshogs chen po yang dag par len du 'jug cing skye bo'i tshogs chen po dad par byed pa de ni bsod nams mang po skyed pa yin no zhes 'byung ba gang yin pa ste/ de lta bsan skyed pa'i lta ba zhes bya'o// de la bslu ba'i lta ba ni byang chub sems de pa'i skyed pa'i lta ba can bsod nams kyi bsam pa can de bdag gam gzhan las bsod nams bslu ba 'byung ba gang yin pa ste/ de bas na bslu ba'i lta ba zhes bya'o// de la khas mi len pa'i lta ba ni byang chub sems dpa' med pa'i mtshan mar lta ba can

  241. 121b

    denyid 'di snyam du bdag gis chos thams cad med pa nyid 'di la gzhan dag dang rtsod par byed pa na yang phyogs 'ga' yang khas blang bar mi bya zhing / bdag gis sun ci byin pa 'ba' zhig bya'o// snyam du/ sems pa gang yin pa ste/ de lta bas na khas mi len pa'i lta ba zhes bya'o// de la ngan g.yo'i lta ba ni byang chub sems dpa' med pa mtshan mar lta ba can phyogs khas mi len cing sgra ji bzhin gyi med pa nyid de rnam par 'jig pa de nyid tshig dor dang / ltag tshed smra ba'i sbyor ba byed do// tshig dor dang ltag chod smra ba'i sbyor ba ni ngan g.yo smra ba zhes bya'o// de lta bas na ngan g.yo'i lta ba zhes bya'o// de la tshar bcad ba'i lta ba ni byang chub sems dpa' khas mi len pa'i lta ba dang // ngan g.yo'i lta ba can de nyid smra ba snying po med pa'i phyir mkhas pa rnams kyis dus thams cad du tshar bcad pa yin te/ de lta bas na tshar bcad pa'i lta ba zhes bya'o// de la bkur sti'i lta ba ni byang chub sems dpa' med pa'i mtshan mar lta ba can de nyid 'di ltar gang zhig de bzhin gshegs pas gsungs pa'i lta ba 'di la rten pa ni ston bal bkur sti byed pa yin/ bla mar byed pa yin/ ri mor byed pa yin/ mchod par byed pa yin no zhes bya bar lta ba 'byung ste/ bkur sti byed pa ni ma yin no// de lta bas na bkur sti'i lta ba zhes bya'o// de la skur pa'i lta ba ni byang chub sems dpa' bkur sti'i lta ba can de nyid de bzhin gshegs pa la skur pa 'debs par byed pa gang yin pa ste/ bkur sti mi byed pa 'ba' zhig ni ma yin no// de lta bas na skur pa'i lta ba zhes bya'o// de la rmongs pa nyid tshabs che ba'i lta ba ni byang chub sems dpa' med pa'i mtshan ma lta bu can de nyid byang chub sems dpa' zla ji bzhin du mngon par mazhen pa lta ba phyin ci ma log pa gzhan rnams kyi rigs pa yang dag par bstan

  242. 122a

    pa yang byas/ rnam pa du mar bzlog pa yang byas bzhin du lta ba de las bzlog par mi nus pa gang yin pa ste/ de lta bas na rmongs pa nyid tshabs che ba'i lta ba zhes bya'o// de la kha na ma tho ba nyid kyi lta ba ni byang chub sems dpa' rmongs pa nyid tshabs che ba'i lta ba de nyid kha na ma tho ba nyid kyi lta ba zhes bya'o// de la lta ba chen po ni lta ba nyi shu rtsa drug pa 'di thams cad lta ba chen po zhes bya'o// de ci'i phyir zhe na/ lta ba 'di ji lta bu yin pa ltar 'jig tshogs kyi lta ba'i gzhi can lta ba'i rnam pa drug cu rtsa gnyis po dag ni de ltar kha na ma tho ba chen po dang bcas pa ma yin no// de lta bas na lta ba chen po zhes bya ste/ ji ltar byang chub sems dpa' chos ma yin pa la chos su 'du shes pa don ma yin pa la don du 'du shes nas 'di ltar lta ba can med par lta ba ston par byed pa na/ chos kyis phongs par 'gyur ba'i las tshad med par sgrib pa yongs su 'dzin par byed pa dang / 'jig rten kun tu sbyor bar byed pa de ltar 'jig tshogs la lta ba'i rtsa ba can gyi lta ba'i rnam pa dag ni chos kyis phongs par 'gyur ba'i las dang 'jig rten kun tu sbyor bar mi byed do// de la mngon pa'i nga rgyal gyi lta ba ni lta ba chen po de nyid la mngon pa'i nga rgyal gyi lta ba zhes pa ste/ theg pa chen po'i chos rnams la sgra ji bzhin gyi don du mngon pa'i nga rgyal byed pa na log pa'i lta ba 'di 'byung bas so// / delta bas na mngon pa'i nga rgyal zhes bya'o zhes gsungs so// de lta bas na theg pa chen po ni dgongs pa can gyi don yin pa'i phyir nyams par byed pa'i gzhung du byas pa ma yin no// yang ci'i phyir zhe na/ lta ba mi bzang ba bkag pa'i phyir ro// ji ltar bkag pa'i phyir zhe na/ shes rab kyi pha rol tu phyin pa brgyad stong pa las/ rab 'byor byang chub sems dpa' sems dpa' chen po'i drung du bdud sdig can dge slong gi cha

  243. 122b

    byad du 'ongs nas 'di skad du/ chos de ni nam mkha' dang 'dra ste/ 'di lta ste thams cad mkhyen pa nyid do// chos de ni med pa ste/ 'di lta ste/ thams cad mkhyen pa nyid do// chos de ni yod pa ma yin ste/ 'di lta ste/ thams cad mkhyen pa nyid yin pa 'di la su zhig shes par 'gyur/ 'di la su zhig mngon par rdzogs par 'tshang rgya bar 'gyur/ de su yang nges par 'byin par mi byed de/ gang zhig mngon par rdzogs par 'tshang rgya bar byed pa dang / gang gis mngon par rdzogs par 'tshang rgya ba'i chos de thams cad ni nam mkha' dang 'dra ba yin pas khyod don med par rnam par nyams so// 'di lta ste bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes bya ba 'di ni bdud kyis bstan pa yin gyi/ de ni sangs rgyas kyis gsungs pa ma yin zhes 'dun pa zlog par byed na/ rigs kyi bu 'am/ rigs kyi bu mo des 'di ni bdud kyi las yin no zhes de ltar shes par bya zhing de ltar rig par bya'o zhes 'byung ba yin no// gal te theg pa chen po med par lta ba 'jug pa'i phyir gzhung du byas pa yin na 'di ni bdud kyi las yin no zhes med par lta ba de bkag par mi 'gyur ba zhig go// ci'i phyir gzhan du don dam pa zhes bya ba gang yin pa de nyid gzhan du bdud kyi las zhes bstan ce na/ dgongs pa can gyi don la dgongs nas don dam pa zhes gsungs la/ sgra ji bzhin gyi don la dgongs nas bdud kyi las zhes gsungs pa yin no// gzhan yang mi dge ba'i las kyi lam dgag par yang 'byin pa ni med do zhes bya ba de lta bu la sogs pa log par lta ba lan mar du bkag pa yin/ gang zhig thams cad med do zhes bya ba 'dzin du gzhug par zhugs pa de ji ltar na byin pa ni med do zhes bya ba de lta bu la sogs pa 'gog par byed de/ de'i phyir na yang 'di lta ba bzang po ma yin

  244. 123a

    pa 'dzin du gzhug pa'i phyir nyams par byed pa'i gzhung du byas pa ma yin no// yang ci'i phyir zhe na/ phan pa'i thabs bstan pa'i phyir ro// bsod nams thams cad bsags pa'i mdo lase/ rigs kyi bu gzhan yang byang chub sems dpa' chos bzhi dang ldan na myur du mi skye ba'i chos la bzod pa 'thob bo// bzhi po gang dag drang zhe na/ lta ba spangs pas bdog pa thams cad yongs su gtong ba nyid dang / nyon mongs pa thams cad rab tu zhi bas tshul khrims yongs su dag pa nyid dang / chos la 'jug pa'i bzod pa'i stobs dang ldan pa nyid dang / dben pa'i chos la mos pas brtson 'grus brtsams pa nyid dngango // bzhi po gzhan dag gis kyang yin te/ sems can thams cad yongs su sgrub pa nyid kyis byams pa chen po dang / 'khor ba la yongs su mi skyo ba nyid kyi snying rje chen po dang / chos la dga' ba dang / rab tu dga' ba nyid kyis dga' ba chen po dang / rjes su chags pa dang khong khro ba spangs pas btang snyoms nyid dang ngo zhes gsungs pa yin na gang zhig sems can chud gsan par zhugs pa de ji ltar na med pa can gyi lta ba thob par bya ba'i phyir sems can rnams la phan pa nyid kyi thabs ston par byed/ yang dag par bsgrub par de med par yang med pa'i lta ba 'thob par 'gyur ba ma yin nam/ de lta bas na theg pa chen po sems can rnams med par lta ba ji lta ba 'dzin du 'jug pa'i phyir nyams par byed pa'i gzhung du byas pa yin no zhes bya ba de rigs pa ma yin no// de'i phyir yang theg pa chen po ni sangs rgyas kyi gsung ma yin no zhes bya ba ma grub bo// bsdus pa'i tshigs su bcad pa dag ni/ ji ltar sangs rgyas gsung ma yin// 'gal ba'i phyir ro gzhan de bzhin// de nges don yin ril mi shes// nges don med par ji ltar shes// de sgra ji bzhin

  245. 123b

    don min no// 'gal ba'i phyir ro nyams byed yin// lta ba mi bzad bkag phyir ro// phan pa'i thabs kyang bstan phyir ro// de ni nges pa'i don yin gyi theg pa chen po la ni nges pa'i don med do zhes smras pa gang yin pa de yin pa yang thos pa nyung ba'i phyir de skad smras pa yin te/ dgongs pa nges par 'grel pa'i mdo las/ chos thams cad ni ngo bo nyid med pa zhes bya ba de lta bu la sogs pa de thams cad nges pa'i don ma yin par 'byung la/ mdo sde gzhan gyi khyad par gzhan mang po dag las kyang don de nyid yongs su bstan to// mdo sde'i dum bu de dag ni gzhung mang ba yongs su spang ba'i phyir ma bkod do// de dag las tshigs// su bcad pa tsam ni re zhig brjod par bya'o// re zhig dgongs pa nges par 'grel pa las/ chos rnams ngo bo nyid med chos rnams ma skyed dang // chos rnams ma 'gags chos rnams bzod nas zhi ba dang / chos rnams thams cad rang bzhin mya ngan 'das par ni// dgongs pa med par mkhas pa su zhig smra bar byed// mtshan nyid ngo bo nyid med skye ba ngo bo med// don dam ngo bo nyid med do zhes nges bshad de// mkhas/ pa gang zhig dgongs pas 'di dag shes pa ni// rab tu nyams par 'gyur ba'i lam du de ma 'gro// zhes gsungs pa yin no// gzhan las kyang phung po dag la bdag med de// phung po dag ni bdag ma yin// de dag brtags pa bzhin du med// de dag med pa'ang ma yin no// ji ltar byis pas brtags pa bzhin// dngos po thams cad yod pa ste// ji ltar mthong bzhin de yin na// thams cad yang dag mthong bar/ 'gyur// dngos po thams cad med pa'i phyir// kun nas nyon mongs dag pa med// ji ltar mthong bzhin de med do// de dag med pa yang ma yin no// yang gsungs pa/ kun tu brtags pa'i rang bzhin gyis// /

  246. 124a

    chos rnams thams cad ma skyes pa// gzhan gyi dbang la gnas nas na// mi yi rnam rtog 'khyam pa yin// nam zhig gzhan gyi dbang dag ste// rnam par rtog dang bral ba ni// shin tu gyur pa de bzhin nyid// rtog pa spangs par gnas pa'o// rnam brtags bden par yod min gyis// rnam par rtog pas ma rtog cig/ gzung dang 'dzin pa'i mtshan nyid du// nor par de dag rnam rtog na// phyi rol don mthong brtags na ni// kun tu brtags pa'i rang bzhin no// rtogs pa gang gis rtog byed pa// rkyen las skyes pa'i rang bzhin no// phyi rol don mthong log pa ste// don med sems ni 'ba' zhig go/ rigs pas rnam par gzhigs nas ni// gzung ba dang ni 'dzin pa 'gag/ ji ltar byis pas brtags pa ltar// phyi rol gyis ni don med do// bag chags kyis ni dkrugs pa'i sems// don du snang ba shin tu 'byung// de lta bu la sogs pa nges pa'i don bshad pa la don nam tshig gi khong du chud par ma byas par theg pa chen po las nges pa'i don bshad pa med do zhes zer ba ni bya tshom tsam 'ba' zhig go// de de lta bas na 'gal ba'i phyir theg pa chen po ni sangs rgyas kyi gsung ma yin no zhes bya ba de ma grub bo// gzhan yang theg pa chen po sangs rgyas kyi gsung ma yin no zhes zer na/ sangs rgyas kyi gsung gi mtshan nyid ci yin zhes brgal zhig brtag par bya'o// smras pa/ sangs rgyas kyi gsung nyid du sde ba bco brgyad dag gis yongs su bzung ba gang yin pa'o zhe na/ 'o na don dam pa stong pa nyid la sogs pa'i mdo sde bdag med pa dang ldan pa 'phags pa kun gyis bkur ba'i sde pa dag gis khas mo len pa dag dang / srid pa bar ma do dang ldan pa srid pa bdun zhes bya ba de lta bu la sogs pas ston pa'i sde la sogs pa rnams kyis khas mi len pa gang yin pa de dag sangs rgyas kyi gsung du

  247. 124b

    mi 'gyur ro// sde pa phan tshun tha dad pa'i mdo sde gang dag yin pa de dag yang sde pa bco brgyad po dag gis yongs su bsdu bar ji ltar nus pas de dag sangs rgyas kyi gsung du mi 'gyur ro// 'dul ba dang chos mngon pa dag kyang sde pa thams cad la tshig dang / don gyis tha dad pas de gnyis sangs rgyas kyi gsung nyid du ji ltar rtogs par bya/ 'odi slob dpon gyi rigs 'ga' zhig gis yongs su bzung ba gang yin pa de sangs rgyas kyi gsung yin no zhe na/ ji re zhig gang smras pa de legs par smras pas sam 'on te rigs pa 'ga' zhig yod/ 'di la mi rigs pa ci yod ce na/ ji ltar na phan tshun 'gal ba thams cad sangs rgyas kyi gsung du 'gyur la/ sangs rgyas kyi gsung mtha' dag ni deng sang mi snang ngo zhes de skad kyang bstan zin to// de lta bas na de ni mtshan nyid dang bral ba yin no// 'o na mdo sde la 'jug/ 'dul ba la snang / chos nyid dang mi mthun pa med pa gang yin pa de sangs rgyas kyi gsung yin te/ chen po bstan pa tshad ma nyid yin pa'i phyir ro zhe na/ mdo sde 'am 'dul ba ni gang la chos nyid ni gang yin/ yang dag par sdud par byed pa rnams padapa'am/ 'du bang dag par bzlas pag med pa dang / dag kyis pas thags pa ng+ya rnams kyi rdzu mdanapa ba 'an/ dag par bsam ni ba dang zhes ma bstan tam/ 'o na sde pa gang la yang dag par bsdus pa gang yin pa der rab tu grub pa'i chos nyid gang yin pa'o zhe na/ ji ltar na phan tshun 'gal ba thams cad sangs rgyas kyi gsung du 'gyur zhes ma bkag/ gam/ 'o na 'phags pa'i bden pa'i mdo sde la 'jug/ nyon mongs pa 'dul ba snang / rten cing 'brel bar 'byung ba'i chos nyid dang mi mthun pa ma yin pa gang yin pa'o zhe na/ ji ltar gang zhig 'phags pa'i

  248. 125a

    bden pa'i mdo sde la 'jug/ ci re zhig tshig gis sam/ 'on te don gyis yin/ gal te tshig gis so zhe na/ de las gzhan pa'i mdo sde thams cad mi 'jug go/ 'on te don gyis so zhe na/ ji ltar theg pa chen po de la don gyis mi 'jug/ nyon mongs pa 'dul ba la mi snang / rten cing 'brel bar 'byung ba'i chos nyid dang mi mthun pa yin/ gal te 'gal ba'i phyir ro zhe na/ nyes pa de ni sngar bsal zin to// de lta bu'i tshig rnams ni sgra ji bzhin gyis don ma yin pa'i phyir ro// de lta bas na gang gis na theg pa chen pos sangs rgyas kyi gsung ma yin par 'grub par 'gyur ba'i mtshan nyid de med do// ci'i phyir gang dag swa rje bzhin gyis don ma yin no nas de skad bstan pa'i tshig de dag bstan zhe na/ ra ni ga tsigs su bcad pa las/ ba dang mni bsad byas shing rnaMs bya ba de lta bul sogs pa bstan pa rje lta bu yin/ de ni gdon mi za bar bshad par bya ste/ sred pa la sogs pa ni ma la sogs pa dang 'dra ba'i chos nyid yin par bstan pa'i phyir ro zhe na/ chos thams cad ni ngo bo nyid med pa/ ma skyes pa ma 'gag pa zhes bya ba de lta bu la sogs pa 'di yang bshad par bya'o// ci'i phyir zhe na/ byis pas kun tu brtags pa'i ngo bo nyid yod pa nyid du 'dzin pa bsal ba'i phyir ro// rang bzhin gyis mig skyon can du gyur pa dag la kun tu brtags pa'i rang bzhin de yod pa nyid du 'dzin pa bsal ba'i phyir de med pa nyid yin pa dang 'dra bar de sgra ji bzhin gyis don ma yin no zhes 'di skad kyang gdon mi za bar bshad par bya'o// de ci'i phyir zhe na/ mgo smos pa mi shes pa rnams brjod du med pa'i ngo bo'i chos med par 'dzin pa bsal ba'i phyir ro// de ltar na kha cig ni sgro 'dogs pa'i mtha' dang / kha cig ni skur pa 'debs pa'i mtha' spangs pa yin no//

  249. 125b

    gzhan yang lung 'di yang yod de rgyu lnga dag gis de bzhin gshegs pa rnams kyis smos pa'i rnam pa bstan pa mdor bsdus pa yin par rig par bya ste/ legs par tha snyad gdags pa'i rjes su mthun pa nyid dang / dgongs pa sna tshogs kyi thabs dang mthun pa nyid dang / sgrim pa drag po de kho na nyid rtogs pa dang mthun pa nyid dang / de'i don khong du chud pas las dga' ba'i khyad par gyis bde bar gnas pa dang mthun pa nyid dang / 'bel ba'i gtam nyid rnam par gtan la dbab pas shes rab kyis spyod pa'i thabs dang mthun pa nyid kyis so// gal te/ de skad gdon mi za bar bstan par bya ba yin na ci'i phyir nyan thos rnams la yang nyan thos kyi theg par de skad ma bstan zhe na/ de dag la ni de skad bstan par mi bya'o// de ci'i phyir zhe na/ de dag ni chos la bdag med pa nyid la mo pa la gzud par mi bya ste/ spyo bar bya ba yin pa'i phyir ro// 'di ltar de dag ni rang bzhin gyi sdug bsngal la 'jig pa dang snying rje chung ba yin no// gang zag la bdag med pa nyid la bzud par bya ste/ de la bdag tu 'dzin pa'i dbang gi lus la sred pas sdug bsngal las rnam par ma grol ba'i phyir ro// de lta bas na de dag la gang zag med pa kho na bstan gyi chos med pa na ma yin no// bcom ldan 'das kyi nyan thos rnams la byed ni bden pa bstan/ phyed ni brdzun pa ste/ gang zag mer do zhes bya ba ni bden pa'o// chos rnams yod do zhes bya ba ni brdzun pa ste/ ji skad du 'di na bdag gam sems can med chos 'di rgyu dang bcas las 'byung // las yod rnam par smin pa yod// byed pa po ni mi dmigs so zhes gsungs pa lta bu'o zhe na bcom ldan 'das kyi sems can brdzus te byung ba yod do zhes gang bshad pa de ci brdzun rnams bcom ldan 'das kyis dgongs pa gang gis bshad pa de ltar na brdzun no zhe na/

  250. 126a

    bcom ldan 'das kyis dgongs pa gang gis chos rnapas yod do zhes bshad pa 'di yang de ltar mi brdzun no// ci dgongs pa de nyan thos rnams kyis rtogs sa pazhe na/ bden pa ma mthong ba rnabs kyi mi rtogs so// ji lta na de dag gi ji ltar kur tu brtags pa bzhin du 'dzin na bsdus par bi 'gyur zhe na/ bcom ldan 'das kyis dgongs pa gang gis 'jig rten pa'i yang dag pa'i lta ba lag bud par bya ba'i 'dul ba rnams kyi dbang du mdzad na brdzas te zung ba'i sems can yod do zhes bshad pa 'di yang rdo de dag gi dgongs pa de rtogs sam/ smras pa/ ma yin no zhe na ji ltar na ji ltar kun tu btag pa bzhin du 'dzin na bslus par mi 'gyur/ de rnams kyi ltar cig skyes pa sems can dus pa de ni bde 'brur 'gro ba'i bar du gcad par mi byed pas de'i phyir de bshad pa yin na zhe na/ de rnams kyi ltar cig skyes pa'i chos su lwa ba de yang mya ngan las 'bras pa'i bar du gcod par mi byed pas de'i phyir yang de bshad pa yin no// gal te 'khor ba la ni sdug bsngal ba nyid dam/ mya ngan las 'das pa la ni zhi ba nyid du yang dag par ji ltab bzhin du ma yin par kun du rtog na ji lta mi byed ce na/ yang dag pa de lta ba bzhin pa yin par kun du rtog pa yang gang 'phags pa'i ye shes kyi rga ma thur pa bstan pa'i rten can bci rnam par byang ba dang mthun pa yin te de'i kazhi ni brjod du bad pa'i mtshan nyid du yod pa'i phyir ro// dper na mi dag 'dod pa dang / gzugs dang gzugs med pa na spyod pa rnams kyi lus dang gnas dang / ting nge 'dzin dang / stoms par 'jug pa la/ 'jig rten las 'das pa'i rnam par grol ba gang yin pa dag thos nas rtog par byed na/ ci de dag yang dag pa ji lta ba bzhin du kun du rtog pa yin nam/ 'on kyang rtog pa de de la brtson pa rnams kyis de thob par

  251. 126b

    bya ba'i phyir mthun pa ma yin nam/ de bzhin du so so'i skye bo rnams mi rtog pa la sogs pa'i rnam pa dag gis chos rnams la kun tu rtog pa na/ yang dag pa ji lta ba bzhin du rtog pa ma yin te/ sgyu ma'i 'dra ba las bcom ldan 'das kyis 'phags pa 'dzin rten las 'das pa ni bden pa yin par gsungs so nas 'byung ba'i phyir ro// rtog pa de yang ba ji lta ba bzhin gyi chos rtogs pa thob par bya ba'i phyir ma mthun pa ma yin no// gzhan yang theg pa chen po las/ yang dag min rtogs yang dag min/ yang dag min rtog na mi rtog rtag min mi rtog ma yin par/ shes bya thams cad yin par bstan zhes tshigs su bcad pa bstan pa yang yin no// de la yang dag min rtog ni gang ni ga thar pa dang mi mthun pa'o// yang dag min yang dag min pa min ni zag pa dang bcas pa'i thar pa dang mthun pa ste/ brjod du med pa'i mtshan nyid mi rtogs pa'i phyir dang / de rtogs pa dang mthun pa'i phyir ro// mi rtog ni 'jig rten las 'das pa'i lam dang / chos rnams kyi de bzhin nyid de gang zag dang chos la bdag med pa nyid kyi rnam par rtog pa'i mtshan nyid med pa'i phyir ro// rtog min min rtog ma yin pa ni 'phags pa rnams kyi 'jig rten las 'das pa'i rjes las thob pa dag pa 'jig rten pa'i ye shes yin te/ yang dag pa ji lta ba yul yin pa'i phyir dang / chos kyi mtshan nyid rnam par 'jog ste phyir ro// gal te chos la bdag med pa nyid bstan pa med par yang nyon mongs pa rnams spongs na/ ci'i phyir byang chub sems dpa' rnams la bdag med pa nyid bstan zhe na 'khor ba la yongs su mi skyo zhing kun nas nyon mongs pa med par bya ba'i phyir dang / shes bya'i sgrib pa thams cad spang ba'i phyir ro// de dag ni tshes la bdag med pa nyid la mos pa'i sbyor ba la goms pas yang dag par sgrub pa na ci nas dus

  252. 127a

    ring por 'dor ba la yang mi skyo zhing kun nas nyon mongs par mi 'gyur ba de lta bu ni sems kyi ting nge 'dzin zhi ba mtshan ma thams cad dang bral ba thob bo// bsod nams dang ye shes kyi tshogs chen po yang bsags nas thos pa mthara' yas pa yongs su bsgoms pa'i gzungs dang / ting nge 'dzin gyi sgo stong phrag zad mi shes pa'i snying po can thams cad la mngon 'du byed pa med pa rnam par mi rtog pa'i ye shes ngo gcig bzhi pa'i ting nge 'dzin rab kyi mthar byin pa bsgrubs te/ rdo rje lta bu'i ting nge 'dzin gyi mjug thogs su nyon mongs pa dang / shes bya'i sgrib pa thams cad spangs pas chos thams cad la rnam pa thams cad mabyen pa nyid 'thub pa// gzhan du na ni nyan zas dag dang 'dre bar gang mi rtag pa de ni sdug bsngal lo// gang sdug bsngal ba de ni bdag med pa'o// zhes gang zag la bdag med pa'i rnam pa'aba' zhig yid la byed pa'i sbyor ba la goms pa las/ 'khor ba la yid byung ba mang ba'i shas che ba'i rgyud kyi mya ngan las 'das bapon la zhi bar lta zhing / sems can rnams la snying rje btang ste/ myur ba 'o nar zag pa zad pa mngon sum du byed par 'gyur gyi/ rlung chos kyi mtshan ma la 'du shes pas gzing bas dus ring por 'jug kyang gang gis mthar phyin pas shes bya thams cad la ye shes dbang ba 'thab pa de lta bu'i de bzhin gshegs pa'i ting nge 'dzin gyi rigs zhi ba sems kyi ting nge 'dzin ni 'thob par mi 'brar ro// 'dir yang bshad pa/ brtag pa'i chos kyi rnamartag ni/ shes bya kun lam spangs par/ thams cad mkhyen nyid yod min pas de phyir chos la bdag med bstan gang gi tshe byang chub sems dpa' rnams rnam par grol ba ni ni de dag chos pa bdag med pa shes pas rnam par grol lam/ 'on te gang zag la bdag med pa

  253. 127b

    shes pas zhes na/ bshad pa chos la bdag med par shes pas so// ci'i phyir nyan thos kyi theg par khams mang po pa dang / dgra bcom pa'i mdol sogs pa dag las sangs rgyas rnams dang nyan thos rnams su rnam par grol ba'i thabs mtshungs par bstan zhe na/ rnam par grol ba mtshungs pa nyid du bstan na de'i thabs mtshungs pa nyid kyang bstan par bya ba yin no// sangs rgyas rnams kyis rnam par gro/ bani khyad par yod de/ nyon mongs pa'i slob pa las ni nyon mongs pa bag chags dang bcas pa spangs pa'i phyir ro// shes bya'i sgrib pa spangs pa las kyang yin te/ shes rab thams cad kyi rnam pa thams cad mngon par rdzogs par byang chub pa'i phyir ro// thabs kyi khyad pa yang yod de/ dran pa nye bar gzhag pa la sogs pa khyad par yod pa'i phyir ro// 'o na sangs rgyas rnams kyis ma yin bzhin du de mtshungs panyid du nyid kyis ston pa mdzad pa na nyan thos rnams la bslu bar mdzad mod ce na/ sangs rgyas rnams kyi ni mtshungs pa nyid kyang yod la/ khyad par du 'phags pa nyid kyang yod pas 'di la bsrub gal yod// sangs rgyas rnams kyi sprul pa mnyam pa nyid du gshegs pas sems can gang dag 'dul bar mdzad pa ste/ ji ltar rmad du byung ba dang po'i mdo la saM gsungs pa lta bu yin na ci de dag bslu bo yin nam/ bcom ldan 'das kyis don dam pa stong pa nyid las/ las kyang yod rnam par smin pa yang yod la byed pa po ni mi dmigs so zhes gsungs pa gang yin pa de ci don dam pa nyid du lam/ 'on te kun rdzob nyid du yin zhe na/ de las cir 'gyur/ gal te don dam pa nyid du yin na/ ji ltar chos thams cad ngo bo nyid med pa yin/ gal te kun rdzob tu yin na byed pa po yang kun rdzob du yod pas byed pa po na mi dmigs so zhes brjo

  254. 128a

    par mi bya'o zhe na/ re zhig kun rdzob ces bya ba 'di ci yin/ don dam na gang zhig yin/ de las ci kun rdzob du yod dam/ ci don dam par yod par shes par bya'o// ming dang brjod pa dang / gdags pa dang / tha snyad ni kun rdzob yin pa chos rnams kyi rang gis mtshan nyid ni don dam pa ma yin no zhe na/ 'o na de lta na las dang rnam par smin pa gnyis ming du yang yod/ rang gi mtshan nyid du yang yod pas de gnyis ji ltar 'dod par yod du rtog la rag go/ nged ni gang zag kun rdzob tu yod kyi rdzas su ma yin te/ phung po rnams la de'i ming gdags pa'i phyir ro// las dang rnam par smin pa dag ni kun rdo ba du rdzas su yod don dam par ni med de/ 'jig rten pa'i shes pa'i yul yin pa'i b+hair/ dam pa ni ye shes 'jig tan las 'das pa yin te/ de'i don yin pas do na dam pa'o// de gnyis kyis rang gi mtshan nyid ni de'i yul ma yin te/ de'i yul ni brjod du med pa'i spyi'i mtshan nyid yin pa'i phyir ro// 'dir 'jig rten pa'i shes pa'am/ 'jig rten las 'das pa tshad ma yin zhe na/ gcig kho nar ni 'jig rten las 'das pa yin no// 'jig rten pa ni dbye ba yod de/ 'jig rten las 'das pa'i rjes las thob pa gang yin pa de ni tshad ma yin no// gzhan ni tshad ma ma yin no// de ltar na dge 'dun phal chen sde pa rnams kyi tshigs su bcad pa/ mig dang rna ba sna yang tshad ma min/ lce dang lus dang sems kyang tshad ma min/ gal te dbang po de dag tshad yin na/ 'phags pa'i lam gyi bya ba med par 'gyur zhes bya ba 'di dang mthun par byas pa yin no// yang theg pa chen po pa kha cig thams cad rang gi mtshan nyid du ni med pa kho na yin la/ kun rdzob tu ni bcom ldan 'das kyi chos rnams yod pa nyid du bstan to// zhes sgra ji bzhin pa nyid kyi don//

  255. 128b

    yin par brjod pa gang yin pa de dag la ji skad bstan pa'i rtsod pa 'di yang 'byung bar 'gyur// / bam po brgyad pa/ kun rdzob ces bya ba yang brjod pa yin la/ de yang kun nas nyon mongs pa dang mthun pa nyes par bshad pa zhes bya ba / rnam par byang ba dang mthun pa ni legs par bshad pa zhes bya ba yin no zhe na brjod pa tsam du zad na ji ltar na legs par bshad pa 'am/ nyes par bshad par 'gyur/ kun rdzob kyang kha cig/ gdon mi za bar dngos su khas blang bar bya bar 'gyur ro// yang na de yang med na ni ji ltar kun rdzob tu yod pa nyid du gsungs pa yin/ kun nas nyon mongs pa dang rnam par byang ba thams cad la skur pa btab pas gnas dang gnas ma yin pa gnyis la mi gnas pa'i phyir dang rang gi rang smra ba bkag pa'i phyir brjod du med par 'gyur ro// dgongs pa can yin par smra ba na ni nyes pa 'di dag tu mi 'gyur ro// 'o na kun rdzob sgra tsam du mi 'dod na theg pa chen po las 'byung ba'i tshigs su bcad pa/ 'di dag thams cad ming tsam ste// 'du shes tsam la gnas pa yin// brjod pa las ni logs shig na// brjod par bya ba yod ma yin ces bya ba 'di ji ltar 'grub ce na 'dir brjod pa la logs shig na brjod pa bya ba med par bkag pa yin gyi brjod du med pa'i mtshan nyid kyi dngos po ni ma yin te/ de ltar de ni 'di kho na ltar yin te 'du shes tsam la gnas pa yin zhes gsungs pa yang 'dir sems las byung ba'i 'du shes la 'du shes zhes gsungs te/ mdo las ji ltar 'du shes 'byung ba de ltar rjes su tha snyad 'dogs zhes 'byung ba'i phyir ro// ming nyid ming la gnas par ni mi rung ngo // 'di ltar mjug thogs su yang // ming ni gang dang gang gis su// chos ni gang dang gang brjod pa// de la yod pa ma yin te// de ni chos rnams chos nyid do zhes gsungs pa yang /

  256. 129a

    yin no// gal te/ brjod du med pa'i mtshan nyid kyi chos med na de la zhes ma gsungs kyis yod pa ma yin no zhes bya ba nyi tshe gsungs par 'gyur ro// byis pa rnams kyi kun tu brtags pa bzhin du chos brjod par bya ba de yang kun tu brtags pa'i mtshan nyid de la med do// de la med na ming la med pas de'i phyir de la yod pa ma yin te/ zhes gsungs so// 'di skad du/ de ni chos rnams chos nyid do zhes gsungs pa gang yin pa yang 'dir brjod du med pa nyid kyi chos nyid la dgongs so// brjod pa tsam du zad na ni chos gang dag gis chos nyid gang yin par 'gyur yang ming gis kyang ni ming nyid stong zhes gas/ gigasungs pa de yang 'di thams cad ming tsam mnos dam bcas nas ming yang med de zhes b+ha ba 'dir rdo ltar rigs pa yin zhe na/ kun tu brtags pa'i ra ba nyid dgag pa yin na ni brjod pa'i bdag nyid dkun/ tu brtags pa'i brjod pa yang bkag pa yin pas rigs pa'i ngo bor 'gyur ro// de ltar yang mi 'dod na ni chos rnams thams cad ming med cing ming gis yongs su brjod pa yin zhes gang gsungs pa yang gal te med pa kha na yin na/ chos ming med pa de dag gang yin/ brjod du med pa'i mtshan nyid dag chos rnams thams cad yin na ni/ byis pa rnams kyi kun tu brtags pa bzhin du brjod pas/ rjod par byed pa de'i rjes su 'brangs nas 'phags pa rnams kyang ming med pa rnams ming gis yongs su brjod pa yin par rung ngo // de ltar dgongs pa nges par 'grel pa'i mdo las/ rigs kyi bu 'dus byas zhes bya ba de ni stan brtags pa'i tshig yin te/ ston pas brtags pa'i tshig gang yin pa de ni kun du rtog pa las byung ba tha snyad du brjod pa yin la/ kun tu rtog pa las byung ba tha snyad du brjod pa gang yin pa

  257. 129b

    de ni kun tu rtog pa sna tshogs kyi tha snyad du brjod pa gtan yongs su ma grub pa'i phyir 'dus byas ma yin no// 'dus byas ji lta ba bzhin du 'dus ma byas kyang de bzhin no// zhes de bzhin du sbyar ro// 'dus byas dang 'dus ma byas su ma gtogs pa ci brjod kyang de yang de dang 'dra ba nyid du 'gyur ro// brjod pa ni dngos po med pa can yang ma yin te/ dngos po de yang gang zhe na/ 'phags pa rnams kyis 'phags pa'i shes pa dang / 'phags pa'i mthong bas brjod du med par mngon par rdzogs par sangs rgyas pa gang yin pa ste/ zhes 'byung ba'i mdo sde'i dum bu dang yang sbyar ba yin no// re zhig chos thams cad ni ngo ba nyid med pa ma skyes pa/ ma 'gags pa zhes bya ba de lta bu la sogs pa de dang / tshigs su bcad pa de dgongs pa can yin du chug na/ yang theg pa chen po las/ bram ze'i khye'u bla ma nas bzung ste yongs su mya ngan las 'das pa chen po'i bar du sprul pa tsam nig yin par bstan pa de la dgongs pa ci yod ce na/ 'di la nyes pa ci yod/ sangs rgyas kyi gsung grags pa dang 'gal te/ nyan thos kyi theg par sde pa thams cad/ las zas gtsang ma'i sras shAkya thub pa gang yin pa de ni sangs rgyas dang byang chub sems dpa' yang de zhes bya'o// zhes 'byung ngo zhe na/ ci nyan thos kyi theg pa las sangs rgyas kyi sprul pa mi 'dod dmagal te mi 'dod na 'dul ba la 'phags pa ma 'gags pas lha'i mig gi sa bar ma do'i srid pa mang po thams cad dang sangs rgyas kyi sprul pa rnams mthong ngo zhes gsungs pa dang 'gal bar 'gyur la/ dus gcig tu phyogs dang yul sna tshogs la sangs rgyas kyi 'dul ba 'khod pa rnams 'dul bar mdzad pa mi 'grub par 'gyur ro// ci sangs rgyas kyi sprul pa de gdul ba rnams la 'di skad du/ nga ni sangs rgyas kyi sprul

  258. 130a

    pa yin gyi sangs rgyas sam byang chub sems dpa' ni ma yin no zhes gsungs sam/ smras pa/ ma yin no zhe na/ nyid sangs rgyas yin par ston mod/ smras pa de bzhin no zhen ci'i phyir yin/ sangs rgyas kyi mtshan la gdul ba rnams dga' ba dang / rab tu dga' ba dang gus pa dang / zhes dang dad pa la sogs pa'i byed par bskyed pa'i phyir ro zhe na/ de bzhin du sangs rgyas kyi sprul pa shAkya thub pa 'di yang gal te nyid sangs rgyas yin par yang gsungs la/ nyan thos rnams kyis kyang de bzhin du bzung na de la 'gal ba ci yod/ sprul pa de gang gi yin pa'i ngo bo nyid kyi sangs rgyas de gang yin zhe na/ byang chub sems dpa' sa bcu pa las sangs rgyas kyi dbang bskur ba thob pa gang yin pa ste/ sa de yongs su sbyangs pa'i phyir bsod nams dang ye shes kyi tshogs yongs su rdzogs pa dang / nyon mongs pa dang shes bya'i sgrib pa thams cad spangs pa'i phyir gnas gyur pa bsam gyis mi khyab pa brnyed pa dang / sems can thams cad kyi shes pa'i yul las 'das pa'i bdag nyid de ni ngo bo nyid kyi sangs rgyas yin te/ sprul pa de ni de'i yin no// de'i phyir gzhal las grangs ni med pa ste// bsam yas bstan du med pas na// khyod ni nyid kyi rang nyid kyi// nyid ni mkhyen pa kho na rabs zhes bsnyad pa yin na/ mi'i skye ba med par sang me rgyas nyid med na ji ltar mi rnams su ma skyes pa mngon par rdzogs par sangs rgyas shes na med do zhes bya ba de gang du gsungs nyan thos kyi theg par zhen/ gang du mir sprul pa 'a nas mngon par rdzogs par byang chub pa ston pa der ji ltar gzhan du brjod par bya/ gal te sprul pa de mi 'dod na cir 'gyur zhe na/ ci zhig tu 'gyur te/ theg pa chen po skyon med pa la yang gnod par byas par 'gyur

  259. 130b

    mod/ gzhan yang mi rigs pa mang por 'gyur te/ byang chub sems dpa' thams cad mkhyen pa'i ye shes dang nyon mongs pa bag chags dang bcas par spangs pa dang nye bar gyur cing gang gis na yum gyi lhums su 'jug pa dang / 'byung bas na de las 'jig rten thams cad snang ba rgya chen pos khyab par gyur pa de lta bu'i mthu phun sum tshogs pa yin la thos pa dang ting nge 'dzin gyi snyoms par 'jug pa mtha' yas pa'i dbang thob pa ma yin zhing / nyon mongs pa'i kun du rgyu ba thams cad rnam par ma bsal ba yin no zhes 'byung ba mi rigs pa yin no// yang na de ltar gyur na yang nyon mongs pa'i dbang gis 'dod pa'i khams su skye zhing mngal gyi gzims mal du gzims so zhes 'byung ba mi rigs so// byang chub sems dpa' bltam pa'i med las sus kyang ma bzung bar gom pa bdun 'dor ba dang / phyogs bzhir gzigs pa dang 'di ni nga'i srid pa dag du skye ba tha ma yin no zhes tshig du gsungs la/ phyis bgres pa'i rgyus dbang po yongs su smin nas 'dod pa'i dga' ba'i longs spyod bag med pal zhugs so zhes 'byung ba mi rigs so// rang bzhin gyis skye ba du ma'i tshe rabs dgongs pa yang yin// bcom ldan 'das 'od srungs la tshangs par spyod pa spyad nas/ byang chub kyi lam la goms par yang mdzad la/ dga' ldan nas kyang lha'i ris drug la bka' stsal nas gshegs pa bdag nyid dang / gzhan dag gi rga ba dang / na ba dang 'chi ba'i chos nyid mi mkhyen par gyur pa dang / gzhan mu stegs can rnams las byang chub kyi lam tshol bar zhugs pa dang / bdag nyid du ba par gnas pa la rjes su sbyor bar mtha' la lam yin par 'du shes mdzad nas dka' thub drag po dag gis bdag nyid nyon mongs par gyur to zhes 'byung ba mi rigs so// yang na tshe rabs mi dgongs na ni de lta na bskal pa mi nyung bar bsod nams dang ye shes kyi tshogs bskyed pas

  260. 131a

    sku yang dag par grub pa dran pa dang blo gros chen po'i stobs bskyed pa thob pa/ mngal na yang bsnyel pa mi mnga' ba bltam ma thag tu tshig de lta bu gsungs so// zhes bya ba mi rigs so// byang chub sems dpa' srid pa tha ma pa bsam gtan dang / gzugs med pa'i snyoms par 'jug pa bskyed nas/ yongs su nyams so zhes 'byung ba mi rigs so// yang na yongs su ma nyams par gyur na ni dka' ba spyad pas/ dag par thugs su chud pa'i phyir 'dod pa na spyod pa'i tshul khrims dang / brdul zhugs mchog tu 'dzin pa'i lta ba la mchog tu 'dzin par gyur to zhes 'byung ba mi rigs so// 'on kyang rung ste/ byang chub sems dpa' de skad bstan pa de thams cad zhal gyis bzhos pa ni sems can 'dul ba'i thabs kyi rnam pa yongs su 'dzin du gzhug pa'i phyir ro// blo sngon du gtang ba yin no zhe/ de thams cad ni sprul pas kyang mdzad par spyod pas rgyu med par skye ba len pa dang / 'dod pa'i bsod nyams kyi rjes su sbyor ba'i mtha' dang / bdag nyid dub par gnas pa la rjes su sbyor ba'i mtha' la rten par mi rigs so// gal te de thams cad sprul pa yin na ci'i phyir dka' ba spyad pa na/ nga bram ze'i khye'u bla ma'i gnas skabs na yang dag par rdzogs pa'i sangs rgyas 'od srungs la dge sbyong mgo reg la byang chub ga la yod/ byang chub ni mchog tu dka' ba yin no// zhes kha byas pa'i las de'i rnam par smin pas ni nga lo drug tu dka' ba spyad pa gang yin pa 'di yin no zhes las kyi rgyu bshad ce na/ de la da ltar rigs 'di gsal bar bya'o snyam na shin tu mun pa byas pa yin no// ji ltar khyim bdag mgon med zas sbyin gyis ni sangs rgyas zhes bya ba sngon ma thos pa'i sgra thos nas ba spu thams cad zing zhes byed cing / shin tu lta ba la spro bar gyur pa gang yin pa dang / bram ze'i bye'u bla ma tshe rabs gsum na sangs rgyas

  261. 131b

    su 'gyur ba gang yin pas ni sangs rgyas nyid la skur pa btab pa 'di dgongs pa can ma yin par byed yid ches par spro/ sprul pa'i dngos po ni mi ston kyang las kyis rgyu ba ni gdon mi za bar bstan par bya ste/ sems can rnams las kyi 'jigs pa nyid yongs su bskyed pa'i phyir ro// sangs rgyas rnams sprul pa gang dag gis brdzun gsungs pa yin par 'gyur ro zhe na kye mnyes par 'dzin pa rnams gdul dka' ba nyid yin no// sangs rgyas rnams ni sems la ji lta ji ltar phan pa de lta de ltar sprul pa mdzad pa 'am gsungs pa yin na 'di la ci zhig mi rangs par bya/ gzhan du ji ltar gdul ba dang / skal ba mnyam pa'i sprul pa rnams kyi de dag skal ba mnyam pa'i rigs la sogs pa dam bcas pa 'gal bar mi 'gyur ro zhig 'di yang dpyad par bya'o// ci de bzhin gshegs pa rnams tshig rtsub po'am mdza' bo dang dbye bar byed pa gsung ngam/ spras pa sems can rnams la phan par bya ba'i phyir gsungs te/ gzhan du na 'char ka dang ci zhig gsung ba'i mdo la sogs pa dag dang 'gal bar 'gyur ro zhe na/ ci ngag gi las kha na ma tho ba dang bcas par brjod par bya ba'am smras pa ma yin te ci'i phyir zhe na dge ba'i sems las byung ba'i phyir ro zhe na/ brdzun yang de kho na bzhin du ci'i phyir mi 'dod/ 'o na bla ma la sogs pa sprul pa yin par bstan pa la dgongs pa ci zhig yod ce na/ thabs la mkhas pa'i mdo sde dang 'jig rten las 'das pa'i le'u la sogs pa dag ji ltar ji 'os par nges par gzung bar bya'o// thabs la mkhas pa'i mdo sde tshad ma yin na ni ha cang thal bar 'gyur te/ de la thabs la mkhas pa nyid kyi srog gcod pani kha na ma tho ba med do zhes gsungs so de lta yin na ni gang dag phan par 'dod pas de rnams mthor ris thob par bya ba'i phyir dang / 'khor ba las thar bar bya ba'i phyir// blugs dang dud 'gro sna tshogs gsod par byed pa

  262. 132a

    mchod sbyin pa rnams 'khor ba las thar par bya ba rnams la ci'i phyir kha na ma tho ba med par mi 'gyur zhe na/ ci'o thug dang khar 'dra ba nyid yin nam/ de rnams kyi// srog gcod de ni gti mug las skyes pa dang / chags pa las skyes pa yin no// phyugs dang srogs chags gzhan dag la mchod sbyin can gyi sdug bsngal gyi 'chi bar byed pa'am/ bsad pas mtho ris sam thar pa 'thob bo snyam pa ni gti mug ste las dang 'bras bu phyin ci log pa la mngon par zhen pa'i phyir ro// bdag la 'dis mtho ris su 'gro bar 'gyur ro snyam pa ni gti mug dang chags pa'o// bcom ldan 'das kyi dge slong dag srog gcod pa rnam pa gsum/ ste/ chags pa las skyes pa dang / zhe sdang las skyes pa dang / gti mug las skyes pa'o// lag pa ba'i bdal yang de bzhin no zhes mi dge ba'i las kyil ma rnams kyi mtshan nyid sbyi rnam par bzhag pas de'i phyir lta na da kha na ma tho ba med par 'grub/ thabs la mkhas pa'i mdo sde las ni mchags pa la sogs pa la byung ba'i srog gcod pa la na mthe ba med pa'o zhes yongs su bstan pas de dang der ji ltar na 'dra ba nyid yin ji ltar ma chags pa la sogs pa las 'byung zhe na gal te gzhan mtshams med pa'i las byed pa la mngon du phyogs pa mthong na/ las de ni yun ring por rnam par smin pa drag por 'gyur bar rigs nas/ snying rje byed pan de bsad pas bdag nyid sems can dmyal bar skye ba yang khas blangs nas/ de yongs su bskyab pa'i phyir dge ba'am lung du ma bstan pa'i sems kyi gnas skabs byas te/ bdag sems can dmyal ba rnams su skyes pa ni bla'i/ de sdug bsngal gyi phung po chen po dang 'brel bar gyur na rung ngo snyam nas gsod par byed pa ste/ de lta bu ni dge ba'i sems las byung ba'i phyir ro// 'di ltar dge ba'i sems kyang ma

  263. 132b

    chags pa la sogs pa dang mtshungs par ldan pa yin no// 'on te ma chags pa la sogs pa las byung yang srog gcod pa'i skyon du 'gyur na ni tshig rtsub po dang / 'dza' bo 'byed pa dang / ji skad du gsungs pa'i mdo sde yang skyon du 'gyur ro// de yongs su gtong ba'i sems nyid gang yin pa de nyid 'dir zhe sdang ma yin nam zhe na/ 'di sdug bsngal gyi chu bo chen po las yongs su bskyab par 'dod pas bdag la byams pa bas kyang lhag par byams pas/ der de nges par myong bar 'gyur ba'i las byed pa la mngon du phyogs pa'i lus pas phul du byung ba lus gang thob par byed pa na/ de yongs su btang ba gang yin/ gzhan yang snying brtse ba'i bdag nyid dag gis sbyor ba gang gis/ phan phyir gzhan gsod de ni skyon can na// gang gis dge sbyong drug cu la sogs shi/ mdo gnyis thub pas bstan pa de ci'i phyir// mdo gnyis kyang gang las chos kyi rnam grangs 'di bshad pa na dge slong drug rul nas khrag dron mo byung ste/ gnod pa de nyid kyis dus byas so zhes 'byung ba ljon shing gi phung po lta bu dang / gang las de na bcom ldan 'das kyi dge slong rnams la dge slong dag mi sdug pa bsgoms shig/ mi sdug pa bsten cing zhes bya ba nas phan yon che'o zhes bya ba'i bar du mi sdug pa bsten cing / mi sdug pa'i sgom pa'i bsngags pa bshad pa dang / de'i tshe dge slong dag mi sdug pa bsgoms shing / mi sdug pa bsgom pa na/ rnag gi lus 'dis 'dzem zhing zhes bya ba nas mtshon 'debs par byed cing dge slong gi dge slong gsod pa'i bar du 'byung ba ri dgas zlog gi mdo yin no ci'i phyir theg pa chen po las sprul pa shAkya thub pa sangs rgyas kyi sprul pa yin par bstan la/ theg pa chen po ma yin pa la ma yin zhe na/ byang chub sems dpa' rnams ni rgya chen po la mos pa yin pas/ de rnams la sangs rgyas kyi ngo bo nyid dang / mthun na/

  264. 133a

    bdag nyid chen po'i khyad par bstan pa'i phyir de bzhin gshegs pa skye ba bstan pa'i mdo bzhin du de ltar bstan par bya'o// gzhan du na ni de rnams de ltar sems mngon par 'du byed par mi 'gyur la ma rig par 'gyur ba ji skad du bstan pa de'i lan yang ji ltar btab par 'gyur/ nyan thos gang dag de lta bu la mos pa'i skal ba can de dag ni de nyid las thos par 'gyur ro// gang dag skal ba med pa de rnams la ni de bstan pa nyid skyon du 'gyur ro// de bas na theg pa chen po sangs rgyas kyi gsung yin no zhes bya ba de ni mi 'gal lo// de'i phyir shin tu rgyas pa'i sde theg pa chen po yin no zhes bya ba 'gal ba med do// rnam par bshad pa'i rigs pa la sa le'ur bcad pa bzhi pa'o// / brgal ba dang lan gyi rnam pa yang bstan/ ji ltar mdo sde bshad par bya ba'i rig pa yang bstan to// gzhan yang chos smra ba pos thog mkho nar mdo sde bkod nas brgal zhing brtag par bya ste/ 'khor lan rnams la sred pa bskyed pa'i phyir ro// 'on kyang sred pa chung ba yin pa rnams la yang rna blag tu gzhag pa'i phyir gus par mnyan pa dang ldan pa bshad par bya'o// gus par mnyan pa dang ldan pa 'di ci zhig ce na/ gtam gang las gus pas mnyan pa bstan pa'o// rna blugs na dgos pa la sogs pa'i rim pas mdo sde bshad par bya'o// brgal zhing brtags pa byas na yang brgal ba ci'i phyir smos she na/ brgal ba'i 'jug thog sul na rnams bde bar khong du chud par bya ba'i phyir ro// sngar mdo sde'i che ba nyid thos na/ mnyan pa dang ni bzung ba la// nyan pa po ni gus byed 'gyur/ dephyir thog mar dgongs pa brjod ces bstan pa yin na/ de ci'i phyir thog mar gus par mnyan pa dang ldan pa bshad par bya zhe na/ dgos pa bstan pa la yang gus par mnyan par bya ba'i phyir ro// kha cig mdo sde'i

  265. 133b

    don khong du chud par mi nus bdag 'byung bas de dag la chos tsam la yang gus par mnyan pas bsod nams bskyed par bya ba'i phyir dang / don khong du chud pa la smon pas shes rab kyi khams bskyed par bya ba'i phyir/ gdon mi za bar thog mar gus pa mnyan pa dang ldan pa bshad par bya'o// ji ltar bshad par bya zhe na/ rnam pa gsum dag gis te/ yang dag par 'dzin tu gzhug pa nyid dang / dgos pa yang dag par bstan pa nyid dang/ rmugs pa dang / gnyid dang log pa'i rnam par rtog pa rnams kyi zhum pa dang / sems rnam par g.yengs pa rnams la ya mtshan dang / rab tu dga' ba dang / skye ba'i gtam nye bar bsgrub pa nyid kyis so// ji ltar na yang dag par 'dzin du gzhug pa nyid kyis zhe na/ gus par chos mnyan par bya'o// zhes bya bas yang dag par 'dzud pa'i phyir ro// 'dir yang dag par 'dzud pa ni yang dag par 'dzin du gzhug pa yin par rig par bya'o// sangs rgyas bcom ldan 'das ni 'khor la chos ston par mdzad pa na dbyangs yan lag lnga dang ldan pa zhal nas 'byung ngo // re zhig de yang de lta bu'i yon tan dang ldan pa'i gsung gis chos ston pa na/ dge slong dag byed la chos bstan gyis de'i phyir nyon la legs par rab tu yid la byos shig ces de ltar yang dag par 'dzin tu gzhug par mdzad pa yin na bdag cag la lta smos kyang ci dgos pas so// dbyangs kyi yan lag lnga ni 'brug sgra ltar zab pa dang / snyan cing 'jebs la rnar snyan pa dang / yid du 'ong zhing dga' bar byed pa dang / rnam pa gsal zhing rnam par rig par bya ba dang / mnyan par 'os shing mi mthun pa med pa ste/ 'dis debazhin gshegs pa'i dbyangs kyi yon tan lnga po rgya che ba nyid dang snyan pa nyid dang / rigs pa'i don dang ldan pa nyid dang / bzung bla ba nyid dang / sna tshogs ci 'dod pa nyid yongs su bstan to// yon tan lnga po

  266. 134a

    'di dag ni mnyan pa dang / rnam par mi g.yengs pa dang / rnam par grol ba dang / khong du chud par byed pa dang / yongs su smin par byed pa'i yan lag tu go rims bzhin du 'gyur ro// bsdus pa'i tshigs su bcad pa dag ni/ yon tan lnga ni rgya chen dang // snyan dang rigs don ldan nyid dang // bzung bla sna tshogs ci 'dod nyid// 'di dag lnga'i yan lag ste// mnyan dang rnam par mi g.yongs dang / rnam grol khong du chud pa dang // smin par byed pa yin te nges// thub chen gsung ni yan lag lnga// 'phags pa shA ri'i bus tshe dang ldan pa dag dge slong smra ba pos gzhan dag la chos dang ldan pa'i gtam smra ba na rnam pa nyi shu dag dang ldan pas gtam bya ste/ dus su gtam bya ba dang / gus pa dang / go rims dang zhes bya ba de lta bu la sogs pa dang tshe dang ldan pa dag chos mnyan par bya ste/ dus su chos mnyan par bya ba dang / gus pa dang sri zhu dang zhes bya ba de lta bu la sogs pa gsungs pa yin no// nged dam khyed kyi de ni bsgrub par dka' bas de'i phyir rnam pa nyi shu 'am bcu drug lta zhog gi re zhig rnam pa gcig tsam yang byas langs kyang gus par chos bshad par bya// khyod kyis kyang gus par chos nyon cig/ ji ltar theg pa chen po'i mdo sde bsdus pa las 'byung ba de ltar yang dag par 'dzin du gzhug pa nyid kyis so// de las ji skad gsungs shes de'i phyir shes ldan rgyal ba'i sras dag ma chags pa'i sems dang / zhe sdang med pa'i sems dang / las su rung ba'i sems dang / rnam par ma rmongs pa'i sems dang / zhi ba'i sems dang / rngurtsub pa med pa'i sems dang / rgyud gcig tu gyur pa'i sems dang / dge ba'i sems dang / bye brag phyed pa'i sems dang / gus pa'i sems dang / mos pa'i sems dang / legs par rnam par gnas pa'i sems dang /

  267. 134b

    le lo med pa'i sems dang / gzung ba'i sems dang / phan 'dogs pa'i sems dang / rab tu 'dzin pa'i sems dang / sgrub pa'i sems dang / don la lta ba'i sems dang / skyon yid la mi byed pa'i sems dang don la ston pa'i sems dang / ri mor bya ba'i sems dang / zhum pa med pa'i sems dang / khengs pa med pa'i sems dang / mnyan par gzhug pa'i sems dang / tshig 'phrul mi 'phro ba'i sems dang / don mi gtong ba'i sems dang / yid la byed pa drag po'i sems byos shig ces 'byung ba yin no// yang dag par 'dzin du gzhug pa 'dis gang la yang dag par 'dzin tu gzhug pa 'dis gang la yang dag par 'dzin tu bcug/ pa ce na/ tshig bdun dag gi ni sgrib pa lnga yongs su spong ba la ste/ rmugs pa dang / gnyid dang / rgod pa dang / 'gyod pa rnam pa gnyis su byas te'o// tshig bzhi dag gi ni bcom ldan 'das kyis khye'u lta bu'i gang zag bzhi bstan pa gang yin pa dag ste gsum ni nag po'i phyogs dang mthun pa yin no// gcig ni dkar po'i phyogs dang mthun pa yin te/ de lta bu nyid yongs su spang ba dang / de lta bu nyid la'o// tshig lhag ma bcu drug po dag gis ni don rgyas pa las 'phags pa shA ri'i bus rnam pa bcu drug po gang dag gis chos mnyan par bya bar gsungs pa'i rnam pa bcu drug dag la yang dag par 'dzin du bcug pa yin no// de la chos mnyan pa dang // mthun pa'i spyod lam la rnam par gnas pa'i phyir legs par rnam par gnas pa'i sems so// le lo spangs te/ nyan pa'i phyir/ le lo med pa'i sems dang / gzung ba'i bsam pa ni gzung ba'i sems so// chos smra ba la gus pa dang bcas pa'i phyir phan 'dogs pa'i sems so// de nyid kyis sems kyi rjes su 'jug pas lus dang / ngag dag gi sems yang dag par rab tu 'dzin pa'i phyir rab tu 'dzin pa'i sems so//

  268. 135a

    chos 'di ni don chen po'i snyam pa ni don la lta ba'i sems so// tshul khrims dang / rigs dang / rus kyi skyon yid la mi byed pa'i phyir/ skyon yid la mi byed pa'i sems so// gzhug gi tshig 'bru nyams pa la don la rton pa'i sems dang / ngag gi las phun sum tshogs pa la sangs rgyas dang 'dra ba nyid kyis ri mo bya ba'i sems so// lhag ma ni go sla ba'i phyir ma bshad do// de lta bu ni yang dag par 'dzin tu 'jug pa nyid kyis so// ji ltar na dgos pa yang dag par bstan pa nyid kyis yin/ ci'i phyir gus par chos mnyan par bya zhe na/ snod gsum dag tu ni lhas char phab kyang chu'i bya ba mi byed de/ kha gzhan du phyogs pa 'am bcad pa gang du mi 'bab pa nyid dang / mi gtsang ba gang du bab kyang skyon can du 'gyur ba dang / bu ga dang bcas pa gang du mi gnas pa'o// de bzhin du skye bo nyan pa po'i yid kyi/ snod gsum dag tu chos smra bas chos kyi char phab kyang / chos kyi chu'i bya ba mi byed de/ rnam par g.yong ba dang rmugs pa dang / gnyid dag gis minyan pa'i phyir/ gang du mi 'bab pa dang / tshul bzhin yid la mi byed pa'i phyir/ gang du bab kyang skyon can du 'gyur ba dang / dran pa rjed ngas pa'i gang du mi gnas pa'o// de lta bas na de'i skyon yongs su spang ba'i phyir bcom ldan 'das kyis de'i phyir nyon la legs par rab tu nyon la yid la byos shig ces gsungs pa yin pas mnyan pa'i skyon de bdag cag la 'byung na mi rung ba'i phyir/ gus par chos mnyan par bya'o// nad pa gcig gis ni sman pa'i lung ma shes la/ gnyis pas ni/ nyes par bzung ste/ dper na 'khrus pa la 'bras bu lud cig ces bsgo ba las/ zho la chu blud pa dang / drod chung ba la phye ma sbyar ba las byung ste/ pho sum re re 'goms shig ces bsgo ba las rgyun mi 'chad par

  269. 135b

    thams cad 'gams pa dang / 'di ltar snum thong la 'di ltar bkru sman 'thungs shig/ 'thungs nas kyang 'di ltar 'bras khu dang / thug pa la sogs pa rim gyis longs spyod cig ces bsgo ba las nyi ma gcig nyid la thams cad byas so// gsum pas ni legs par bzung nas chud gzan pa lta bu ste/ de rnams las bar ma ni thams cad pas tha chad yin no// bstan pa 'di la yang gang zag de lta bu gsum yod pas de'i gnyen por bcom ldan 'das kyi nyon la legs par dang / rab tu yid la bya bas mnyan pa la yang dag pa gzung ba mdzad do// de lta bas na nad pa lta bur gyur na mi rung bas gus par chos mnyan par bya'o// nad pa gsum pa dag ni pa la gnad da zas mi zla ba gang yin pa dang / mi 'gro ba zos pa sdug pa gang yin pa'o// de bzhin du nyon mangs pa'i nad pa rnams kyang chos kyi yab sangs rgyas la gnod na dam pa'i chos mi nyan pa gang yin pa dang / tshul bzhin yid la mi byed pa gang yin pa dang / legs par yid la med pa'i phyir brjed pa gang yin pa'o// de lta bas na chos kyi yab sangs rgyas la gnod pa gyur na mi dung bas/ gus par mnyan par bya'o// bcom ldan 'das kyis chos mnyan pa la phan yon lnga gsungs te/ ma thos pa thos par 'gyur ba dang / thos pa yongs su byung bar 'gyur ba dang / som nyi spong ba dang lta ba drang por byed pa dang / shes rab kyi don dang / tshig zab mo rtogs par 'gyur ba'o// de la ji ltar na ma thos pa thos par 'gyur ba yin zhe na thog ma med pa can gyi 'khor ba nas bstan bcos gzhan thams cad las ma thos pa phung po dang / skye mched dang / khams dang / rten cing 'brel par 'byung ba dang / 'phags pa'i bden pa dang / dran pa nye bar gzhag pa dang / yang dag par spang ba dang / rdzu 'phrul gyi

  270. 136a

    rkang pa dang / dbang po dang / stobs dang / byang chub kyi yan lag dang / dbugs rngub pa dang / 'byung ba dran pa dang / bslab pa dang / shes nas dad pa rnam par gzhag pa dang // kun nas nyon mongs pa dang / rnam par byang ba'i chos rnams kyi rang dang spyi dang rgyu dang 'bras bu'i mtshan nyid phyin ci ma log pa ston pa dang / bdag du lta ba'i nye bar len pa spong ba yongs su ston pa dang // gang zag slob pa dang / mi slob pa'i bar du dbye ba dang / che ba'i bdag nyid dang / dge sbyong gi 'bras bu dang rnam par thar pa dang / zil gyis non pa'i skye mched dang / zad par gyi skye mched dang / nyon mongs pa med pa dang / smon nas shes pa la sogs pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / che ba'i bdag nyid la sogs pa gang yin pa de thos par 'gyur ro// de ltar na ma thos pa thos par 'gyur ro// ji ltar na thos pa yongs su byang bar 'gyur zhe na/ sangs rgyas 'byung ba gzhan dag las sam/ 'dir thos par brjod dam/ dri ma can du gyur pa gang yin pa de mnyan pas bsal bar byed cing dri ma med par byed do// de ltar na thos pa yongs su byang bar 'gyur ro// ji ltar na som nyi spong bar 'gyur zhe na/ de sems pa na the tshom 'byung ba gang yin pa de/ chos mnyan pas nges pa 'thob bo// ji ltar na lta ba drang por byed ce na/ 'dir sems pa na log par rtog pa 'byung ba gang yin pa de yang dag par rtog go/ ji ltar na shes rab kyi don dang tshig zab mo rtog par 'gyur zhe na/ rten cing 'brel par 'byung ba'i chos nyid gang thos nas/ chos nyid rtogs par 'gyur zhing / 'phags pa'i bden pa mngon par rtogs par byed do// phan yon lnga po 'di dag gis shes

  271. 136b

    rab gsum yongs su dag par bstan pa yin te/ ma thos pa thos pas 'gyur ba dang / thos pa yongs su byung bar 'gyur ba gang yin pa des ni thos pa las byung ba'i shes rab yongs su dag par 'gyur ro// som nyi spong ba dang / lta ba drang por byed pa gang yin pa des ni bsam pa las byung ba'o// shes rab kyis don dang / tshig zab mo rtogs par 'gyur ba gang yin pa des ni bsgom pa las byung ba'i shes rab yod su dag par 'gyur ro// phan yon 'di dag yang dag par mthong bas dam pa'i chos mnyan pa la gus par mnyan par bya'o// yang ci'i phyir zhe na bcom ldan 'das kyis/ thos pas chos rnams shes par 'gyur// thos pas sdig las ldog par 'gyur// thos pas don med spong bar 'gyur// thos pas mya ngan 'das pa 'thob ces gsungs pas so// de la ji ltar na thos pas chos rnams shes par 'gyur zhe na/ 'di lta ste 'di na kha cig de bzhin gshegs pas gsungs pa'i chos 'dul ba thos na yang dag pa'i tshul khrims dang / ting nge 'dzin dang / shes rab yongs su ston pa gang yin pa 'di de kho na chos yin gyi/ gzhan mu stegs can gyis smras pa/ me dang chur 'jug pa dang / zas mi za ba dang / brtul zhugs drag po dang / 'tshe ba dang / mchod sbyin la sogs pa yongs su ston pa ni ma yin no zhes rnam par shes so// ji ltar na thos pas sdig pa las ldog par 'gyur zhe na/ 'di lta ste/ 'din kha cig de bzhin gshegs pas gsungs pa'i chos 'dul ba las/ lhag pa'i tshul khrims kyi bslab pa thos na/ de la brten pas nyes par spyod pa las ldog go// ji ltar na thos pas don med pa spong bar 'gyur zhe na/ 'di lta ste/ 'di na kha cig de bzhin gshegs pas gsungs pa'i chos 'dul ba las/ lhag

  272. 137a

    sems kyi bslab pa thos pa/ de la brten pas gang dag la byis pa rnams don du 'du shes pa 'dod pa don med par gyur pa rnams spong bar 'gyur ro// ji ltar na thos pas mya ngan las 'das pa 'thob ce na/ 'di lta ste/ 'di na kha cig de bzhin gshegs pas gsungs pa'i chos 'dul ba las lhag pa'i shes rab kyi bslab pa thos na/ de la brten pas zag pa zad pa mngon sum du byed do// 'dis ni dam pa'i chos mnyan pa la phan yon rnam pa bzhi po yang dag pa'i lta ba rnyed pa dang / bslab pa gsum la yang dag par brten pas/ sdig pa las yang dag par brgal ba dang / 'dod pa las yang / dag par rgal ba dang / yang srid pa las yang dag par brgal ba yod par go rim bzhin du yongs su bstan to// yang nyon mongs pa'i gnod pa'i rgyus phan yon rnam pa bzhi pa yang dag pa'i lta ba rnyed pa dang // las kyi kun nas nyon mongs pa las brgal ba dang / nyon mongs pa'i kun nas nyon mongs pa las brgal ba dang / skye ba'i kun nas nyon mongs pa las brgal ba yod par yongs su bstan to// yang rnam pa bzhi te/ de bzhin gshegs pas gsungs pa'i chos 'dul ba la dad pa rnyed pa dang / rab tu 'byung ba dang / dbang po'i sgo srungs pa nyid kyi rim pas bsam gtan bzhi pa'i bar du ste/ de ni 'dod pa'i khams las 'dod chags dang bral ba'i phyir/ gnod pa spong ba dang 'phags pa'i bden pa yang dag par ji lta ba bzhin du rab tu shes pa'i rim pas zag pa zad pa'i bar du ste/ n+ya gro d+ha la sogs pa'i mdo sde rnams kyis bsgrub par bya'o// de ltar phan yon rnam pa mang po yang dag par mthong ba nyid kyi gus par chos mnyan par bya'o// yang ci'i phyir zhe na/ 'di ltar bcom ldan 'das kyi chos 'dul ba ni legs

  273. 137b

    par gsungs pa yin pas so// yang ji ltar na legs par gsungs pa yin zhe na/ rnam pa bcu dag gis te/ yang dag par bslang ba nyid kyis dang / dbang du mdzad pa nyid kyis dang / 'jug pa nyid kyis dang rab tu bstan pa nyid kyis dang / rab tu dbye ba nyid kyis dang rten nyid kyis dang go bar mdzad pa nyid kyis dang / gdags pa nyid kyis dang dus nyid kyis dang / yon tan yongs su 'dzin pa nyid kyis so// ji ltar na yang dag par bslang ba nyid kyis zhe na/ yang dag par mngon par rdzogs par sangs rgyas nas gsungs pa'i phyir ro// ji ltar na dbang du mdzad pa nyid kyis zhe na/ sems can thams cad kyi dbang du mdzad nas gsungs pa'i phyir ro// ji ltar na 'jug pa nyid kyis zhe na/ res 'ga' ma yin gyis/ yang dang yang du rgyun tu gsungs pa'i phyir/ ji ltar na rab tu bstan pa nyid kyis zhe na/ slob dpon gyis dpe mkhyud kyis 'ga' la yang bar chad ma byas par bar chad med par yang dag par gsungs pa'i phyir ro// ji ltar na rab tu dbye ba nyid kyis zhe na/ sems can gyi bsam pa ji lta ba bzhin yang dag par gsungs pa'i phyir ro// ji ltar na rten nyid kyis zhe na/ dbyangs yan lag lnga dang ldan pa can yang dag par gsungs pa'i phyir ro// ji ltar na go bar mdzad pa nyid kyis zhe na/ dbyangs gcig gis 'jig rten gyi khams mtha' yas par go bar mdzad pa yang dag par gsungs pa'i phyir dang / 'khor gyi dkyil 'khor ji snyed pa la thug par go bar mdzad par yang dag par gsungs pa'i phyir ro// ji ltar na gdags pa nyid kyis zhe na/ mtha' gnyis spangs pa'i lam gsungs pa'i phyir ro// ji ltar na dus nyid kyis zhe na/ 'dul ba yongs su smin pa rnams la gsungs pa'i phyir ro// ji ltar na yon tan yongs su 'dzin pa nyid kyis nen

  274. 138a

    gsung yon tan rnam pa drug cu dang ldan pa yang dag par gsung ba'i phyir te/ ji skad du theg pa chen po'i mdo sde de bzhin gshegs pa'i gsang ba las/ zhi ba'i blo gros gzhan yang de bzhin gshegs pa'i gsung ni rnam pa drug cu dang ldan par 'byung ste/ mnyen pa dang / 'jam pa dang yid du 'ong ba dang / yid du 'thad pa dang / dag pa dang / dri ma med pa dang / gsal ba dang / snyan cing 'jebs pa dang / mnyan par 'os pa dang / mi tshugs pa dang / snyan pa dang / 'dul ba dang / mi rngub pa dang / mi brlang ba dang / rab 'a dul ba dang / rnar spyad pa dang / lus tshim par byed pa dang / sems tshim par byed pa dang / snying dga' bar byed pa dang / dga' ba dang / bde ba bskyed pa dang / yongs su gdung ba med pa dang // kun tu shes par bya ba dang / rnam par rig par bya ba dang / rnam par gsal ba dang / dga' bar byed pa dang / mngon par dga' bar byed pa dang / kun shes par byed pa dang / rnam par rig par byed pa dang / rig pa dang / 'brel ba dang / zlos pa'i skyon med pa dang / seng ge'i sgra'i shugs dang / glang po che'i sgra skad dang 'brug gi sgra dbyangs dang / klu'i dbang po'i swa dang / dri za'i grwa dbyangs dang / ka la bi na'i sgra dbyangs dang / tshangs pa'i sgra dbyangs bsngags pa dang / shang shing ti'u'i sgra dbyangs su grags pa dang / lha'i dbang po'i sgra dbyangs ltar snyan pa dang / rnga'i sgra dang / mkhengs pa dang / mi dma' ba dang / sgra thams cad kyi rjes su zhugs pa dang / tshig zur chag med pa dang / mtshang ba med pa dang / mazhum pa dang / mi zhan ba dang / rab tu dga' ba dang / khyab pa dang / nub pa dang / thun chags pa dang / 'bel ba dang / sgra thams cad rdzogs par byed pa dang / dbang po thams cad tshim par byed pa dang / ma spang ba dang / mi 'gyur ba

  275. 138b

    dang/ ma btabs pa dang / 'khor kun du zag pa dang / rnam pa thams cad kyi mchog dang ldan pa'o// de la mnyen pa ni sems can gyi khams kyi dge ba'i rtsa bston pa'i phyir ro// 'jam pa ni mthong ba'i kho ma la reg na bde ba'i phyir ro// yid du 'ong ba ni don bzang ba'i phyir ro// yid du 'thad pa ni yi ge bzang ba'i phyir ro// dag pa ni 'jig rten las 'das bgong na med pa'i rjes su thob pa'i phyir ro// dri ma med pa ni nyon mongs pa'i bgal nyal dang / bag chags thams cad dang bral ba'i phyir ro// gsal ba ni tshig dang yi ger rab tu grags pa'i phyir ro// sbar cing 'jebs pa ni mu stegs can blo thos ngan pa thams cad kyi lta ba 'joms pa'i stobs kyi yon tan dang ldan pa'i phyir ro// mnyan par 'os kyi ni bsgrubs pas nges par 'byin pa'i phyir ro// mi tshugs pa ni bas kyi rgol ba thams cad kyis mi ji ba'i phyir ro// snyan pa ni dga' bar byed pa'i phyir ro// // bam po dgu pa// 'dul ba ni 'dod chags kyi gnyen po yin pa'i phyir ro// mi rtsub pa ni bslab pa bca' ba'i thabs bde ba'i phyir ro// mi brlang ba ni de las 'das na nges par 'byung ba'i thabs yang dag par ston pa'i phyir ro// rab tu dul ba ni theg pa gsum char gyis 'dul ba ston pa'i phyir ro// rnar snyan pa ni rnam par g.yeng ba'i gnyen po yin pa'i phyir ro// lus tshim par byed pa ni ting nge 'dzin bskyed pa'i phyir ro// sems tshim par byed pa ni lhag mthong gis rab tu dga' ba bskyed pa'i phyir ro// snying dga' bar byed pa ni the tshom gcod par byed pa'i phyir ro// dga' ba dang bde ba skyed pa ni log par nges par sel ba'i phyir ro// yongs su gdung ba med pa ni bsgrub pa la 'gyod pa med pa'i phyir ro// kun tu shes par bya ba ni thos pa las byung ba'i shes pa phun sum tshogs pa'i rten yin pa'i phyir ro// /

  276. 139a

    rnam par rig par bya ba ni bsam pa las byung ba'i shes rab phun sum tshogs pa'i rten yin pa'i phyir ro// rnam par gsal ba ni slob dpon gyis dpe mkhyud med par chos ston pa'i phyir ro// dga' bar byed pa ni rang gi don rjes su thob pa rnams dga' bar byed pa'i phyir ro// mngon par dga' bar byed pa ni rang gi don rjes su ma thos pa rnams kyis dga' bar bya ba yin pa'i phyir ro// kun shes par byed pa ni bsam gyis mi khyab pa'i chos yang dag par ston pa'i phyir ro// rnam par rig par byed pa ni bsam gyis mi khyab pa'i chos yang dag par ston pa'i phyir ro// rigs pa ni tshad ma dang mi 'gal ba'i phyir ro// 'brel ba ni 'dul ba la ji ltar rig par ston pa'i phyir ro// thos pa'i sngon med pa ni don med pa ma yin pa'i phyir ro// seng gA'i sgra'i shugs ni sa sreg can tshigs thams cad skrag par byed pa'i phyir ro// glang po che'i sgra skad ni rgya che ba'i phyir ro// 'brug gi sgra dbyangs ni zab pa'i phyir ro// klu'i dbang po'i sgra ni gzung bar 'os pa'i phyir ro// dri za'i glu dbyangs ni snyan pa'i phyir ro// ka la bing+ga'i sgra dbyangs ni rgun mi 'chad pa dang 'jig pa'i phyir ro// tshangs pa'i sgra dbyangs baspags pa ni thag ring por grag pa'i phyir ro// shang shang ti'u yi sgra dbyangs su grags pa ni grub pa thams cad kyi sngon du 'gro ba'i bkra shis yin pa'i phyir ro// lha'i dbang po'i sgra dbyangs ltar snyan pa ni mi 'da' bar bya ba yin pa'i phyir ro// rnga'i sgra ni bdud dang phyir rgol ba thams cad las rnam par rgyal ba'i sngon du 'gro ba yin pa'i phyir ro// mkhengs pa ni bstod kyang kun nas nyon mongs pa med pa'i phyir ro// mi dga' ba ni smad kyang kun nas nyon mongs pa med pa'i phyir ro// sgra thams cad kyi rjes su zhugs pa ni/ brda sprod pa thams cad kyi mtshan

  277. 139b

    nyid kyi rnam pa thams cad la rjes su zhugs pa'i phyir ro// tshig zur chag pa med pa ni bsnyel te mi gsungs pa'i phyir ro// ma tshang ba med pa ni gdul ba'i bya ba la dus thams cad du nye bar gnas pa'i phyir ro// ma zhum pa ni rnyed pa dang bkur stil mi brten pa'i phyir ro// mi zhan pa ni bsnyengs pa dang bral ba'i phyir ro// rab tu dga' ba ni mi skyo ba'i phyir ro// khyab pa ni rig pa'i gnas thams cad la mkhas pa dang ldan pa'i phyir ro// chub pa ni sems can rnams kyi de dag gi don thams cad sgrub par byed pa'i phyir ro// rgyun chags pa ni rgyun ma chad pa'i phyir ro// 'brel ba ni rnam pa sna tshogs su nye bar gnas pa'i phyir ro// sgra thams cad rdzogs par byed pa ni/ gsung gcig las sgra'i rnam par rig pa rnam pa du ma nye bar gnas pa'i phyir ro// dbang po thams cad tshim par byed pa ni gcig las don du ma'i rnam par rig pa nye bar gnas pa'i phyir ro// / ma smad pa ni dam bcas pa ji lta ba bzhin pa'i phyir ro// mi 'gyur ba ni dus la bab par rab tu sbyor ba'i phyir ro// ma brtabs pa ni rtab rtab por mi gsung pa'i phyir ro// 'khor kun tu grag pa ni/ 'khor nye ba dang / ring bas mtshungs par thos pa'i phyir ro// rnam pa thams cad kyis mchog dang ldan pa ni 'jig rten pa'i don thams cad dpe'i chos su sgyur ba'i phyir ro// yang ci'i phyir zhe na/ 'khor lo legs par sbyar ba yang phul bar byed pa dang / sa dang gnyis kyi yon tan gyis 'dril te/ gal te 'bul bar byed pas kyang legs par phul ba la/ gang du dbul bar bya ba'i sa yang mi mnyam pa med pa yin na'o// de bzhin du de bzhin gshegs pas chos kyi 'khor lo legs par bshad pa yang ston pa po dang / nyan pa po dang / gnyis kyis yon tan gyis bskor te/ gal te ston pa pos yang dag par ston la gang la bstan par bya ba'i nyan pa po yang dag

  278. 140a

    par nyan na'o// de nyid kyi phyir bcom ldan 'das kyi gang zag gnyis ni/ de bzhin gshegs pa'i chos dang ldan pa'i chos kyi 'khor lo bskor ba'i rjes su bskor bar byed pa yin te/ gang zhig gus par chos 'chod pa dang / gang zhig de gus par nyan pa'o// chos dang ldan pa chos kyi 'khor lo zhes bya ba 'di ci zhig yin zhe na/ don dam pa'i chos dang ma bral ba ni/ chos dang ldan pa yin la kun rdzob kyi chos kyi ngo bo bstan pa'i rang bzhin gyi 'khor lo ni chos kyi 'khor lo yin no// gzhan yang bstan pa yang chos zhes bya ste/ ji skad du/ ji ltar na dge slong chos shes pa yang yin zhe na/ 'di la dge slong chos shes pa ni 'di lta ste/ mdo sde dang / dbyangs kyis bsnyad pa'i sde dang zhes rgya chen gsungs pa lta bu'o// rigs pa yang yin te/ ji skad du chos kyi gos tshol bar byed de/ chos ma yin pas ma yin no/ zhes 'byung ba lta bu'o// de lta bas na rigs pa'i chos dang ma bral ba'i bstan pa ni chos kyi 'khor lo zhes pa yin no// 'khor lo dang chos 'thun pas 'khor lo te/ 'dul ba'i rgyud gzhan dag la skor ba'i phyir ro// gzhan mu stegs can dag la yang chos kyi 'khor lo yod mod kyi/ chos dang ldan pa ni ma yin te/ rigs pa'i chos dang bral ba'i phyir ro// de lta bas na de bzhin gshegs pa'i chos kyi 'khor lo kho na chos dang ldan pa zhes bya bar nges par gzung bar bya'o// de lta bas na ji ltar sangs rgyas bcom ldan 'das kyis chos kyi 'khor lo rjes su bskor bar byed par 'gyur snyam nas/ gus par chos mnyan par bya'o// 'phags pa shA ri'i bus/ de ltar 'phags pa nyan thos chos yang dag par nyan na 'chad pa po la mtho mi 'tsham pa dang / gtam gyi bcud gtogs pa dang chos nyid kyis ston pa la bsnyen bkur byed pa dang /

  279. 140b

    bdag gi don rjes su 'thob pa dang / mya ngan las 'das pa 'thob bo zhes gsungs pa 'dis ci zhig bstan pa yin zhe na/ chos yang dag par mnyan na dus gsum dag tu phan yon gsum yod par bstan pa yin te/ nyan pa'i dus na 'chad pa po'i bsam pa gang yin pa rdzogs par byed cing / bdag nyid kyis kyang chos kyi don gyi bcud 'thab pas gzhan dang / bdag rjes su 'dzin pa dang / bsgrub pa'i dus su ston pa'i dgongs pa gang yin pa rdzogs par byed cing bdag nyid kyis kyang zag pa zad pa rjes su 'thob pas bdag dang gzhan rjes su 'dzin pa dang / tha ma'i dus su sdug bsngal thams cad kyi mthar phyin pa phung po'i lhag ma med pa'i mya ngan las 'das pa 'thob bo// gal te dus gsum dag tu yin na ci'i phyir nyan na zhes gsungs zhe na/ ji ltar smra zhing 'gro bar byed ces bya ba'i bya ba gnyis dus gcig pa nyid du bsams pa de lta bur ni nyan na ji skad smos pa bzhin du byed pa ni ma yin pa'o// 'on kyang nyan pa'i rgyu nyid la dgongs pa yin te/ dper na mar zos na rta bar byed do zhes bya ba lta bu'o// de ltar na phan yin rnam pa 'dod pas gus par chos mnyan par bya'o// ji ltar long ba dang mig btsums pa la mar mi spang ba mtshungs pa ltar skal ba med pa lta ba lag par zhugs pa dang / rna ba blags pa yang de lta bu yin pas/ de lta bas na long ba dang 'dra bar gyur na mi rung ngo snyam nas gus par chos mnyan par bya'o// brda' mi phrad pas kyang sangs rgyas kyi gsung gus par mnyan par bya ste/ 'di ltar dad pa tsam gyis kyang nyan na bsod nams chen po nyid dang ldan pa dang / shes rab kyi khams rtas par 'gyur na don rtogs pa la lta smos kyang ci dgos te/ ba lang rdzi dga' bos sbal pa khar bas mnan pa'i

  280. 141a

    rtogs pa brjod pa yang brjod par bya'o// 'dir yang bshad pa/ dad pas mnyan pas gang gis na/ mtho ris dga' ba'i bsod nams dang // gang gis mya ngan 'das 'thob pa'i/ shes rabs bon rtas par 'gyur// 'dzin pa pas snod gzung ba ni sgra'i ljags pa pos bcud kyi len thugs par mi dka' bas byed kyis ni sems gtad par byabs na pa'i snod gzung ba 'ba' zhig zhing / bdag cag gi ni dam pa'i chos kyi bcud kyis len blugs par bya ste/ khyed kyi byan sla ba yin/ nged kyi bya ba ni dka' ba yin no// slab rigs pa dang ldan pa mi byed pa ni smad par bya ba yin pas de lta bas na gus par chos mnyan par bya'o// sangs rgyas kyi gsung 'di ni chung dang 'dra'o// chu ni phan pa rnam pa lnga byed de/ 'bras thug po che la sogs pa pangs par bya ba rnams pangs par byed pa dang / lus dang gos dang / snod dag gis/ drim sel ba dang / sas ka'i lus kyi yongs su gdung ba sel ba dang / skom dang che bzhi par byed pa dang / rtswa dang 'bru dang / nags tshal skyed cing 'phel bar byed pa yin no// de bzhin du sangs rgyas kyi gsungs da pa bskyed pas gdung ba'i drud pangs par byed pa dang / 'chal ba'i tshul khrims kyi drim sel ba dang / 'dod pa'i yongs su gdung ba sol ba dang / yang 'byung ba ba'i sred pazhi par byed pa dang / byang chub phyogs dang mthun pa'i yon tan gyi na dang / 'bru dang / nags tshal skyed cing 'phel bar byed pa yin no// phan pa rnam pa lnga pa de yang dad pa rnyed pa dang / las dang bcas pa'i bslab pa gsum las brtsams par ri/ par bya'o// de stabs na phan pa rnam pa lnga po de 'dod pas gus par sangs rgyas kyi gsung mnyan par bya'o// zhes bya ba bzhi byed de/ sreg par byed pa dang / chos par byed pa dang / dra bar byed pa dang / gsal bar byed pa'o/

  281. 141b

    de bzhin du sangs rgyas kyi gsung gi mes kyang / rgyu smin pa rnams la nyon mongs pa rnams sreg pa dang / rgyud ma smin pa rnams la dge ba'i rtsa ba rnams smin par byed pa dang / srid pa la mngon par dga' ba rnams skyo bar byed pa'i phyir gdung bar byed pa dang / skyo bar gyur pa rnams dang / the tshom zos pa dang / lam ngan par zhugs pa rnams la lam dang lam ma yin pa yang dag par rab tu ston pa'i phyir gsal bar byed pa yin no// de lta bas na gus par chos mnyan par bya'o// gzhi lnga dag gis 'jug ngogs bde ba la brten par bya ste/ dri ma med par bya ba'i phyir dang / tsha ba rab tu zhi bar bya ba'i phyir dang / skom pa rab tu zhi bar bya ba'i phyir dang / dga' bo'i rtsed mo nyams su myong bar bya ba'i phyir dang tshu rol gyi 'gram nas pha rol gyi 'gram du phyin par bya ba'i phyir ro// sangs rgyas kyi gsung 'jug ngogs bde ba la yang de bzhin to/ 'chal pa'i tshul khrims kyi dri ma med par bya ba'i phyir dang / 'dod pa'i yongs su gdung ba rab tu zhi bar bya ba'i phyir dang / yang 'byung ba'i sred pa zhi par bya ba'i phyir dang / bsam gtan dang / mngon par shes pa dang / tshad med pa dang / rnam par thar pa la sogs pa yon tan khyad par can gyi dga' ba'i rtsed mo nyams su myong bar bya ba'i phyir dang / tshu rol gyi 'gram 'jig tshogs nas pha rol gyi 'gram mya ngan las 'das par 'gro bar bya ba'i phyir ro// de lta bas na 'jug ngogs bde ba la brten pa'i yon tan 'dod pa rnams kyi gus par sangs rgyas kyi gsung mnyan par bya ba'o// rgyu gsum dag gis ras la gzugs su bri ba mi 'grub ste/ ras 'gus pa dang / dri ma can dang / zag zug nyid kyi skyon gyi phyir dang / tshon mi bzang ba'i phyir dang / ri mo mkhan mi mkhas pa'i phyir ro// nyan pa po'i skye bo'i yid kyi ras

  282. 142a

    la yang dag pa'i ye shes kyi gzugs su bri ba yang de bzhin te/ rnam par g.yeng pa dang / sgrib pa dang / sngon gyi sgrib pas de g.yo ba dang / dri ma can dang / mi mnyam pa nyid kyi skyon gyi phyir dang / nyes par bshad pa'i chos kyi tshon mi bzang ba'i phyir dang / chos smra ba'i ri mo mkhan mi mkhas pa'i phyir dang / de lta bas na chen gyi skyon ni med de/ chos ni legs par gsungs pa yin pa'i phyir ro// khyed dam bdag cag la skyon 'byung ste// de yongs su spang ba'i phyir khyed kyis kyang gus par sangs rgyas kyis gsung mnyan par bya zhing / bdag cag gis kyang gus par bshad par bya'o// dam pa'i chos mnyan pa la yon/ na lnga yod de/ rnam par mi shes pa rnam par shes par byed pa dang / nyes par bzung ba 'dor ba dang / the tshom zos pa nges par byed pa dang / nges par byas pa snying por byed pa dang / 'phags pa'i shes rab kyi mig sbyor bar byed pa'o// de lta bas na gus par dam pa'i chos mnyan par bya'o// long ba ni ston pa po'i yon tan gyi lam yang rnyes pa yang srid kyi/ thun po ni log par lhung na ma yin no// de ltabs na lang ba ni sla'i// bluthun po'i rgyu ni minyan pa yin no// de stobs na/ di ltar na blun por mi 'thur bar bya snyam nas/ gus par chos mnyan par bya'o// sems spre'u 'dre bar g.yo ba ni gnyis te/ rnam par g.yeng ba dang / gnyid log pas/ detsher bcad pa'i phyir 'di skad ces gus par sangs rgyas kyi gsung mnyan par bya'o// zhes brjod par bya'o// 'ga' zhig lam log par ni zhugs na yang // rim gyis bsgrub pa byas na sman du 'gyur// dge dang ma dge gnyis ka dpyad byas na// gang 'dod de nas tog byed 'gro bar gyis// 'ga' ba 'khrul pa blangan bdag nyid ni// dga' brur 'di yin shes nas 'dod pa'ang srid// yon tan de gsum btags nas thub

  283. 142b

    dbang gi/ gsung ni gus par nyon ces brjod par bya// de yang gang zag gsum po dag la dgongs nas gsungs pa yin te/ gang zag gsum dag ni nges par legs pa la log par zhugs pa dang / bsgrub par/ 'dod pa mngon par mi shes pa dang / bsgrub par mi 'dod pa gcig tu bag med par gyur pa dri ma can gyi las can yin no// nyi ma gnam la 'char ba ni bya ba lnga byed de/ mi la sogs pa dag gi lta ba skyed pa dang / 'ug pa la sogs pa dag gis lta ba zlog pa dang / 'bru la sogs pa smin par bya ba smin par byed pa dang / 'dam la sogs pa skam par bya ba skems pa dang / lus dang chu la sogs pa dro bar bya ba dro bar byed pa'o// de bzhin du sangs rgyas kyi gsung gi nyi mas kyang yang dag pa'i lta ba skyed pa dang / log par lta ba ldog pa dang / gdul ba'i zhing rnams la dge ba'i rtsa ba'i 'bru la sogs pa smin par byed pa dang / sred pa'i/ 'dam skems par byed pa dang / bdud rnams 'dod pas phongs par byed pa dang / gdul bya bag med pa rnams skyo bar byed pas gdung bar byed pa yin no// de lta bas na gus par sangs rgyas kyi gsung mnyan par bya'o// rdo thal gyi rngo mas sregs pa chus 'jig par byed pa dang / 'dra bar nyon mongs pa'i bag la nyal gyi rdo shes rab kyi mes yongs su bsregs pa ting nge 'dzin gyi chus spangs nas 'jig go/ shes rab de yang dam pa'i chos mnyan pa med par ni ma yin pas/ de lta bas na gus par chos mnyan par bya'o// tshig gi khur thogs kyang don mngon par mi shes na/ de'i don mi 'thob ste/ khye'u yi mgul du gter gyi kha tshems kyi yi ge btags pa dang 'dra'o// de lta bas na mang du thos pas kyang don shes pa nyid du bya ba'i phyir mdo sde'i don mnyan pa la 'bad pa dang ldan par bya'o// mel tshe ba so sor mi rtog pa

  284. 143a

    ni mnyal zhes zer bzhin du chom po rnams kyis bcom mo// de bzhin du sgra tsam la brtson pa'i mang du thos pa so sor mi rtog pa yang nyon mongs pa'i dgra rnams kyis 'joms so// so sor rtog pa de yang don shes pa nyid med na med pas de lta bas na don bzung ba la 'thad pa dang ldan par bya'o// de bzhin du rol mo mkhan rkun pos 'jigs nas mi nyal bar bya ba'i phyir glu len bzhin du bcom mo zhes bya ba yang dper brjod par bya'o// ji ltar long ba me mar 'dzin pa ni gzhan dag la phan par 'gyur ba dang 'dra bar don mngon par mi shes pa'i thos pa 'dzin pa yang de lta bu yin pas de lta bas na don shes pa nyid du bya ba'i phyir don mnyan pa la 'bad par bya'o// sangs rgyas kyi gsung bstan bcos kyi mtshan nyid du 'thad pa'i phyir ro// nges pa'i tshig du 'chos pa dang / skyob par byed pas/ de'i phyir bstan bcos so// nyon mongs dgra rnams ma lus 'chos pa dang // ngan 'gro srid las skyob pa gang yin de// 'chos skyob yon tan phyir na bstan bcos te// gnyis po 'di dag gzhan gyi lugs la med// de lta bas na sangs rgyas kyi gsung kho na don dam par bstan bcos yin pas 'chos pa dang / skyob pa'i yon tan gyi phyir yang don bzung ba la 'bad pa dang ldan par bya'o// legs pa ston pa la brten nas phan yon lnga yod de/ lam ngan pa yongs su spong ba dang / lam bzang po la yang dag par gnas par byed pa dang / 'brog dgon pa las brgal ba'i dbugs 'byin pa dang / bde bar 'gro ba dang / 'dod pa'i yul du yang dag par phyin par byed pa yin no// de bzhin du dam pa'i chos ston pa la brten log par lta ba la sogs pa lam ngan pa yongs su spong ba dang / yang dag pa'i lta ba la sogs pa lam bzang po la

  285. 143b

    yang dag par gnas par byed pa dang / 'khor ba'i 'brog dgon pa las brgal ba'i dbugs 'byin pa dang / ngan song las mchongs te bde bar 'gro ba dang / 'dod pa mya ngan las 'das pa'i yul du yang dag par phyin// / par byed pa yin no// de dag kyang mnyan pa las 'byung gi/ ma mnyan pa las ma yin pas gus par mnyan par bya'o// rgyus bsags pa rnams ni cung zad mnyan pas bsod nams chen po dang ldan par 'gyur te/ dper na 'phags pa shA ri'i bus bsnyen par rdzogs par bya ba la rjes su bstan pa bram ze zhig gis thos nas gab ste 'dug nas/ rab tu byung ba dang tshul khrims nyams pa la sdug bsngal rnam pa bcu gnyis 'byung ngo zhes thos nas/ 'chal pa'i tshul khrims bya ba la mngon du phyogs pa las log pa lta bu'o// sdug bsngal rnam pa bcu gnyis ni/ nyon mongs pas yongs su gdungs pa'i sdug bsngal dang / kun tu 'tshol ba'i sdug bsngal dang / gnod pa'i sbrul dang 'dod pas 'phongs pa'i sdug bsngal dang / dogs pa'i sdug bsngal dang / gleng ba'i sdug bsngal dang / kun tu spong ba'i sdug bsngal dang / bkur sti med pa'i sdug bsngal dang / rnam par smad pa'i sdug bsngal dang / yid la bcas pa'i sdug bsngal dang / tshe phyi ma la ngan song rnams su rnam par smin pa'i sdug bsngal dang / bde 'gro dag tu yang nyon mongs pa mang ba nyid kyi phyir tshangs par spyod pa dka' ba nyid kyis rgyu mthun pa'i sdug bsngal lo// 'bab par 'dod pa yang da nur me rab tu 'bab pa'i bu gar sbal pa 'jug par mngon par phyogs pa ltos shig/ khyod me rab tu 'bar bar 'jug par 'dod dam zhes spyo ba thos nas log pa yin no// chos dga' chu srin du gyur na/ sangs rgyas kyi sgra tsam zhig thos pa las sngon phyag 'tshal ba tsam la goms pa'i phyir kha btsums te/ 'dug pa yin no//

  286. 144a

    de lta bas na cung zad cig thos pas kyang rgyu bsags pa rnams kyis dge ba rab tu rgyas pa'i phyir sangs rgyas kyi gsung mnyan pa la 'bad pa dang ldan par bya'o// byas snyoms mkhan gyis bong bur byas pa'i mis de shes pa'i bud med kyi ngag snyan nas/ de'i sman 'dod pas ldam ldum thams cad zos pa dang / dngul 'khrul pa rnams kyi gser gyi phyir 'byung khungs thams cad sbyong bar byed do// de bzhin du/ bdag nyid thar pa'i chos 'dod pas// chos gang thar par 'gyur ba la// chos de ni dam pa'i chos thams cad mnyan pa las 'byung ngo snyam nas mnyan par bya'o// sdug bsngal myong dang khyab pa dang // rtag pa dang ni thabs med dang // / gnod pa mang dang 'jom byed pa'i// lus dang 'dra ba'i nad med do// 'dis ni lus kyi nad 'di la skyon drug po na ba dang 'brel ba nyid dang / lus thams cad la khyab pa nyid dang / bar chad med par 'jug pa nyid dang gser mi rung ba nyid dang / gnod pa mang ba nyid dang / srog 'phrog pa nyid spong bar yongs su bstan to// sman pa'i phul gyis nad 'di dag/ gtan du 'byin par byed pa yi// sman ni yan lag brgyad ldan pa// rdzas kyi tshogs yin gsungs pa yod// 'di ni lhag pa'i rnyed pa ste// rin med par yang rnyed pa yin// bdag nyid 'bad pa med par ni// nam yang bsgrub par mi nus so// ji ltar skyon rnams ma bsal na// bcud kyis len ni mi 'grub bzhin// de bzhin rnam par ma zhi ba'i// sems la lam ni mi gnas so// de yang rim med par dam pa'i chos mnyan pa las rnyed kyi gzhan las ni ma yin no// de lta bas na gus par sangs rgyas kyi gsung mnyan par bya'o// rgyu gsum dag gis pha rol gyi dngos po rnams mnyen pa'i dngos por 'gyur te/ spangs pas ni bong ba dang lpags pa skam po la sogs pa dag go// tsha bar bya bas ni lcags dang zangs la sogs

  287. 144b

    pa dag go/ brdungs pas ni rtswa muny+dza dang ba la dza la sogs pa dag go// de bzhin du/ sdang dang bag med rmongs rnams ni/ dad dang skyo dang rtog pa ste// mnyan pa'i dngos po'i rgyu gsum du 'gyur ro// de yang gang las 'byung // / zhen/ skal ldan rnams kyis mnyan byas na// yon tan skyon don nges las 'byung // gang gis yon tan nam gang gis skyon zos pas zhe na/ dkon mchog gsum gyi yon tan te// skyon ni sdig 'dod srid rten tsam sdig pa dang 'dod pa rnams dang srid pa'i yin no// don gang gis nges pa thob pas zhe na/ mtshan nyid rnam gnyis de rgyu dang / 'bras bur nges pa 'brel pa yin// mtshan nyid rnam pa gnyis ni phung po la sogs pa dag gi// / rang gi mtshan nyid dang spyi'i mtshan nyid do// rgyu dang 'bras bur 'brel ba'i mtshan nyid ni ma rig pa dang 'du byed la sogs pa dag gi dang / sdug bsngal dang / kun 'byung ba la sogs pa dag gi'o// de lta bas na yon tan 'di dag ni dam pa'i chos mnyan na yod par rig par bya ste/ de la gus par bya'o// nyan pa'i skye bo dag ni phal cher phyir phyogs dang / yongs su 'dzin par byed pa phal cher 'das pa dang / nyes par rnam par bshad pa dag gi mthu bcom pas/ deng sar legs par bshad pa mthar gyur to// tshigs su bcad pa 'dis ni deng sang phyogs gnyis la sangs rgyas kyi bstan pa yongs su nyams pa rnam pa bzhi dang / nub la thub pa nyid ston pa yin no// nyan pa'i skye bo dag ni phal cher phyir phyogs dang zhes bya bas ni khyim pa'i phyogs la nyan pa yongs su nyams par ston pa yin te/ de dag ni phal cher nyan pa po yin pas so yongs su 'dzin pa byed pa phal cher 'das pa dang / zhes bya bas ni rab tu byung ba'i phyogs la 'don pa yongs su nyams par ston pa yin te/ de dag ni phal cher yongs su 'dzin par byed pa yin te/ thos la 'dzin pa'i phyir ro// nyes par rnam par

  288. 145a

    bshad pa dag gi zhes bya bas ni de nyid la don bshad pa yongs su nyams par ston pa yin te/ don log par 'chad pa'i phyir ro// mthu bcom pas zhes bya bas ni rtogs pa nyams par ston pa yin te/ gang gi don du ste/ dge slong gi tshul gyi 'bras bu rtogs pa'i don du bshad pa ste/ de nus par mi byed pa'i phyir ro// 'di ni mdor bsdus nas yongs su nyams pa rnam pa gnyis su 'gyur te/ tshig dang don gnyis kyi lung yongs su nyams pa dang / rtog pa yongs su nyams pa'o// gzhan yang nyan pa'i skye bo phyir phyogs pa nyid dang / yongs su 'dzin par byed pa phal cher 'das pa nyid kyis ni thos pa yongs su nyams pa yin la/ nyes par bshad pa nyid kyis ni yang dag par bsam pa yongs su nyams pa yin no// mthu bcom pa nyid kyis ni yang dag par bsgom pa yongs su nyams pa yin no// deng sar legs par bshad pa mthar gyur to zhes bya ba ni nub la thug pa nyid du ston pa yin no// de ltar sangs rgyas kyi gsung ni yongs su nyams pa dang yun ring du mi gnas par rig par byas nas ji srid du cung zad lus pa de srid du'adi mnyan pa dang bzung ba don mthun par bsgrub pa la dad pa can rnams kyi rab tu 'bad par bya'o// der sang thub pa'i gsung ni smra bar byed pa'ang nyung // dngul dang gser du 'byed par 'gyur ba'ang nyung bar 'gyur// de ltar lung dang rtogs pa dag la 'bad zhen pas// sangs rgyas nyi ma mthar phyin dri ma med 'di nub// de lta bas na ji srid thams cad ma nub pa// de srid ji bzhin don rnams dbye la 'bad par gyi// thub pa'i gsung gi snang ba nub par gyur na ni// 'gro ba kun tu mun pa gcig po'i thibs por 'gyur// de lta bas na ji srid du mun pa gcig pu'i thibs po mi 'byung ba de srid du yang dag pa ji lta ba bzhin gyi don rab tu rnam par

  289. 145b

    dbye ba'i phyir sangs rgyas kyi sa gsung mnyan pa la dad pa can rnams kyis shin tu rings par bya'o// ston pa'i zhal nas byung ba skye bo'i mig gi rab rib ni gsung zhi bar mdzad pa bkra shis kyi 'byung gnas sems la zhog cig gang phyir 'di ni lus can rnams kyi rna ba'i bdud rtsi dang / nyon mongs pa'i dug kun sel bar mdzad pa yin pas de'i don yang dag par bsam par gyis/ rgyu 'di rnams kyis rtag tu gus par sangs rgyas kyi ni gsung dag mnyan par bya ba'i rigs/ rgyu gang gis zhe na/ gang gis phyir 'di ni de lta bu'i zhal nas byung ba dang / mig zhi bar mdzad pa'i phyir dang / bkra shis kyi 'byung khungs yin pa'i phyir dang / gang gi phyir dang / tshig 'bru bzang po nyid kyis lus can rnams kyi rna ba'i bdud rtsi yin pa dang / gang gi phyir 'di don bzang po yid kyis nyon mongs pa'i dug thams cad sel bar mdzad pa'i don gyis te/ rgyu 'di rnams kyis so// de ltar nagasung ba po dang / gsung dang don phun sum tshogs pa bstan pa yin no// sangs rgyas kyi gsung 'di ni mnyan na sim par byed pa dang / bsams nas rtog par byed pa dang / togs nas grol bar byed pa dang brjod na bzang ba dang / 'phags pa'i nor bdun sgrub pa'i phyir nor dang ldan pa dang / skyon bdun 'khru pa'i phyir bsod nams dang yon tan thams cad sngon du 'gro ba'i phyir bkra shis pa nyid dang / gtan gyis tshangs par spyod pa'i dbang du mdzad pa'i phyir tshe la phan pa dang / rang bzhin gyis rnam par dag pa dang / dgongs pa 'jam pa dang / don dang mthun pa dang / 'dul ba dang mthun pa dang / dus la bab pa dang / ran par bshad pa dang / bsod nams 'dren pa dang / ye shes 'dren pa dang / dga' ba 'dren pa dang / skrag pa sel ba dang / mya ngan sel ba dang / nyon mongs pa sel ba ste/ mdor na sangs rgyas kyi gsung ni yon tan mtha' yas pa

  290. 146a

    yid la skyod ni chen po gnyis te/ shin tu rnyed par dka' ba dang / yun ring du mi gnas pa'o// de lta bas na shin tu rings par gus par mnyan par bya'o// rgyu gsum dag gis pags pa las su rung bar 'gyur te/ snum bsku ba dang / mnye ba dang / bsro ba rnams kyis so// de bzhin du sems kyang thos pa dang // bsams pa dang / bsgom pa rnams kyis so// de lta bas na sems las su rung ba nyid du bya ba'i phyir zos pa la sogs po dag la brtson 'grus bya'o// gsum po dgage stobs kyi sa lam du 'gro ba rnams 'brog dgon pa'i lam las bde bar brgal bar 'gyur te/ lam rgyags kyi stobs dang / bzhon pa'i stobs dang / ston pa po'i stobs kyis so// de bzhin du 'khor ba'i 'brog dgon pa'i lam las de'i lam du 'gro ba rnams sbyin pa dang / tshul khrims dang / ye shes kyi stobs so// 'di gsum char yang thos pa las rag lus so// sangs rgyas gsung la dad pa tsam gyis kyang sdig pa chen po dag zil gyis gnon te/ 'di ltar mi dge ba las dge ba stobs dang ldan pas so// 'di ji ltar shes par bya zhe na/ khyad par rnam pa bcu dag gis te/ 'du byed pa'i khyad par gyis ni dge pa dang / mi dge ba gnyis 'bad pa dang ma 'bad par mngon par 'dus byas pa'i phyir ro// rnam pa'i khyad par gyis ni yang dag pa ji lta ba bzhin dang phyin ci log gi rnam pa yin pa'i phyir ro// mtshungs par ldan pa'i khyad par gyis ni dge ba'i rtsa ba gsum dag dang / mi dge ba'i rtsa gnyis sam gcig gis kyang mtshungs par ldan pa'i phyir ro// sa'i khyad par gyis// ni sa thams cad dang sa gcig pa nyid yin pa'i phyir ro// 'bras bu'i grangs kyi khyad par gyis ni 'bras bu rnam pa lnga dang bzhi yin pa'i phyir ro// 'bras bu'i mthar phyin pa'i khyad par gyis ni dus khyad par du 'phags pa

  291. 146b

    dang ngan pa yin pa'i phyir ro// 'di ltar dge ba'i 'bras bu ni bskal pa chen po brgyad khri'i bar du 'byung la/ mi dge ba'i ni bar gyi bskal pa'i bar du yin pas so// yang dag par 'chad pa'i khyad par gyis ni 'di ltar dge ba ni mi dge bas dus re zhig du yang dag par 'chad pa yin gyi mi dge ba ni dge bas gtan du yin pas so// chung ngus mang po yang dag par 'joms pa'i khyad par gyis ni 'di ltar spong ba'i lam skad cig ma gcig gis thog ma med pa'i dus nas zhugs pa'i mi mthun pa'i phyogs rnam pa mang po yang dag par 'jom pas so// spong ba'i khyad par gyis ni 'di ltar gnyen po skyes pas mi dge pa spong gis dge ba ni ma yin pas so// phyogs kyi khyad par gyis ni 'di ltar dge ba dang mi dge ba'i chos yongs su 'dzin pa la sangs rgyas 'khor dang bcas pa'i phyogs dang bdud yin te/ go rims bzhin no// dpe rnams ni snang ba dang mun pa dang / bkru sman dang / skyon dang / rdo rje dang / ri dang seng ge dang ri dgas kyi khyu zhes bya ba de lta bu la sogs pa yin no// dge ba de dang sa gcig pa yin yang dang po'i khyad par rnam pa gsum pa rnams kyi mi dge ba bas stobs dang ldan par rig par bya'o// mi dge ba zil gyis mnan nas de'i gnyen po dge ba gzhan 'dren pa'i phyir ro// bsdus pa'i tshigs su bcad pa ni// 'du byed rnam pa mtshungs par ldan// sa nyid 'bras bu rnam gnyis nyid// 'chad dang chung ngus yang dag 'joms// spong dang phyogs kyi khyad par nyid// sangs rgyas kyi ni gsung 'di ni// sman dang grub dang gtan du dang // nad kun 'joms dang gnyis med dang // legs 'thob legs brten bsgrub dka' na// nad drag yun rings su mi ston// mi shes pa ni bstan nus kyi// gang zhig de mi 'dod pa ni// gnyen po bya ba'i dgra yin pas// de bcos mi rung rig par bya// de lta bas na bcos su mi

  292. 147a

    rung bar gyur na mi rung ngo snyam nas sangs rgyas kyi gsung la brten pa la 'bad pa dang ldan pa dag tu bya'o// dam pa rnams las gang zag gnyis smad par bya ba yin te/ gang zhig dam pa'i chos minyan pa dang / gang zhig pan yon gang yin pa de mi 'thob pa de lta bur nyan pa'o// de la don tu mi gnyer rgyud g.yang dang / thugs dang gnyid log mi nyan pa'o// phan yon la ni shes rab 'tshal// rnyed sogs 'dod sdang bcas mi brten// de lta bas na mi nyan par gyur na mi rung ba dang / phan yon la mi brten par gyur na mi rung ngo snyam nas ji skad du bstan pa'i skyon bsal ba la 'bad pa dang ldan pa dag tu bya'o// gsung dang rna ba nyid dang ni/ 'od dang shes rab bgegs med pa// lnga ni gang phyir rnyed dga' bas// de phyir thub pa'i gsung mnyan bya// dam pa'i chos ni rnyed gyur cing // da da dang ldan yang blo chung dag/ yi dgas mgrin pa khab 'dra bar// de ni bdud bar mi nus so// de lta bas na ji srid du lnga po rnyed pa dang / de btung bar nus pa de ji srid du dam pa'i chos mnyan pa la 'bad par bya'o// zab mo goms par ma byas pas// thub pa'i gsung ni rnyed dka' ste// de med par ni zar/ pa med// thar pa 'dod pa rnams kyis ni// de phyir gus par mnyan par gyis// 'di ltar 'di la brten nas myur sdug khan ma tho med// phul byung nges par 'bras bu mi zad 'thob pa der nus kyis// thabs gzhan med// la sgrub pa po yang med cing gang zhig la// ma byas na yang bde ba med pa 'o na de bya mod// thub pa'i gsung ni 'bras bu dang // don dang tshig 'bru ldan pa ni// thos pa'i dus dang bsams pa dang // bsgoms pa dag na'ang rjes su 'dzin// go byed nges tshig bzang po yi// yon tan gnyis ldan thub pa'i gsung // don dang ldan zhing ji 'os dang // phan dang gtan gyi 'bras bur ldan// gang phyir 'di don kun 'grub 'byung gnas yin//

  293. 147b

    thabs bde ba dang shin tu rnyed dka' bas// de phyir 'grub pa don gnyer srog 'gyur ba// dad dang ldan pas 'di la brtun par bya// mi shes pa dang the tshom shes// log pa'i shes pa ldog pa dang // bde ba rnams ni rtog 'gyur ba// dam chos mnyan pa'i yon tan no// dam pa'i chos mnyan pal phan yon lnga gsungs pa gang dag yin pa ni bzhi po 'di dag tu 'dus te gnyis kyis mi shes pa ldog pa'i phyir/ sems ni srog chags pad ma 'dra/ stobs kyis dam pa'i chos la bla na// de phyir don gyi ro rnyed na// de lta bas na stobs kyis kyang dam pa'i chos mnyan pa la blan par bya'o// ci'i phyir zhe na/ dam pa'i chos ni gtan du phan pa dang bde ba'i phyir dang // / shin tu rnyed par dka' ba'i phyir dang / bka' ba med par bsgrub par bya ba'i phyir dang / chos dang tshe g.yo ba'i phyir dang / yang dang yang du bsgrub par bya ba dang / sbyor ba gcig pa'i phyir ro// mdor na byang chub sems dpa' yis// chags zad chags pa 'phel bya ste// des ni bdag la chags zad bya// gzhan la chags pa 'phel bar bya// nyon mongs mya ngan 'das pa spang phyir te// de dag gnyis kyis byang chub mi 'thob bo// shes rab snyid bcas 'gyur de ltar 'bad par gyis// ji ltar sbrang bu kha chu'i zar bus bcings pa gang dag 'chi ba der bcings pa'i// rgyu ni stobs ma yin gyi de dag nyam chung yin ltar de bzhin dman pa dag/ yongs su gzung la 'dzin dang ldan pa'i 'ching ba rang gi nyam chur nyid las skyes// de phyir sbrang bu 'dra bar blo ldan dar lus bcings pas 'chi bar 'os ma yin// de lta bas na sbrang bu dang 'dra bar lus kyis bcings pas 'chi bar

  294. 148a

    mi bya'o snyam nas/ rang gi blo'i stobs bskyed pa'i phyir gus par chos mnyan par bya'o// skye dgu g.yang sar 'bab pa dang // long ba bcings dang dbul po dang // nad btab dpung gnyen med pa dang // 'brog dgon yun ring lam zhugs dang // dgra rnams mang po rnam pang dang // mang po dag gis gzhom bya ba// de la sangs rgyas ma gtogs par// skyob pa med pas de'i gsung mnyan de la g.yang sar 'bab ni ngan song du skye bar mngon du phyogs pa'i phyir ro// long ba ni ma rig pas ldongs pa nyid kyis so// bcings pa ni srid pa'i 'ching bas so// dbul ba ni 'phags pa'i nor bdun dang bral ba'i phyir ro// // bam po bcu pa ste tha ma'o// nad kyis btab pa ni nad 'bras dang / 'dra ba'i nye bar len pa'i phung po rnams kyis so// dpung gnyen med pa ni mgon med pa'i phyir ro// 'brog dgon pa yun ring du lam du zhugs pa ni yun ring du 'khor ba'i lam du zhugs pa'i phyir ro// dgra rnams mang po ni nyon mongs pa dang / nye ba'i nyon mongs pa rnams dang / de las byung ba'i las rnams so// rnam mar ni sdug bsngal gsum po dag dang mya ngan la sogs pa dag dang / grang ba dang / tsha ba dang bkres pa dang skom pa dang gnod pa dang / 'ching ba dang / rdeg pa dang na ba dang / rga shi dag la sogs pa dag go// mang po dag gis gzhom bya ba ni dus ring por ro// de lta bas na sangs rgyas kyi gsung mnyan pa dang / 'jog pa ni skye dgu de lta bur gyur pa rnams kyis skyabs yin pas de'i phyir sangs rgyas kyi gsung mnyan pa la gus pa brtson par bya'o// gus par brtson pa ni dge ba stobs dang ldan par 'gyur ro// de ltar na rgyu bcu dag gis dge ba'i stobs dang ldan par 'gyur ro zhes 'chad do// bcu po gang gis zhe na/ rten nyid kyis ni rten la tshul khrims dang thos pa dang 'dod pa

  295. 148b

    chung ba la sogs pa'i yon tan gyis yongs su bskos pa'i phyir ro// dang po kun nas bslang ba nyid kyis ni rgyus kun nas bslang bas byed par 'dod pa nyid kyis sems chen po dang ldan pa yin pa'i phyir ro// brtan pa drag po nyid kyis ni byed pa'i cha gus par brjen pa'i phying dang / yang dang yad du brtson pa'i phyir te/ tig tu btsun pa'i phyir ro// zhing nyid kyis ni ning rnam pa bzhi ste/ 'gro ba dang / sna/ bsngal ba dang / par 'dogs pa dang / yon tan khyad par du 'phags pas so// gzhi nyid kyis ni dngos po mang po dang gya nom pa'i khyad par gyi phyir dang / srog gcod pa dang / ma byin par len pa la sogs pa spong ba'i khyad par gyi phyir// dang / sbyid pa dang / tshul khrims dang / bsgoms pa'i khyad par gyi phyir ro// bya ba nyid kyis ni phan pa byed pa'i khyad par gyi phyir ro// 'jug nyid kyis ni byas nas rab tu dga' ba yid la byed pa'i kun tu rtog pas rgyas pa'i phyir ro// 'khor nyid kyis ni gzhan de la yang dag par 'dzin du 'jug cing bsngags pa brjod pa dang / chos mthun pa po mthong na/ shin tu yid dga' ba nyid dag gis so// yongs su bsngo ba nyid kyis ni mya ngan las 'das pa dang / bla na med pa yang dag par rdzogs pa'i byang chub tu yongs su bsngo ba'i phyir ro// bsdus pa'i tshigs su bcad pa ni/ rten dang dang po kun nas bslang // drag dang yang dang yang brtson nyid// zhing dang / gzhi dang bya ba dang // 'jug nyid dang ni 'khor nyid dang / yongs su bsngo ba nyid kyis ni dge ba stobs dang ldan par 'dod/ mi dge ba la yang de bzhin du ci rigs par bya'o// drang srong chen po gnas ma mthong ba yis ni/ sngon// legs gsungs 'di thos nas ni rang srog nor nyos pa// ba lang rdzis ni gos kyi tha mar pa ni cig/ bcings ltar zong med dgos la brtags te sems la 'dzin// thub pa yis ni legs par gsungs pa

  296. 149a

    tshigs bcad kyi// byed tsam dag kyang rang gi sku yi rin gyis bsgrubs// rin thang chen pos mnyes na 'on kyang mi shes pa// de dag rin med par yang bsten par mi byed do// legs ldan 'di ni tshul bzang chu bo tshal ba can// mchog dang mchog tshol mchog dang mchog min shes pa'i yin// de yi snying po nyid ni rab tu rnam phye nas// rang gi srog gi rin gyis legs gsungs nyo ba mdzad// srid pa yod na gdon mi za bar tshe 'phel la// de yang phal cher don med par ni zad par 'gyur// legs par gsungs pas steng 'ga' na lan 'ga' zhig/ u dum+ba ra'i me tog bzhin du spang ba yin// ji ltar nyi ma dag ni shar ba ma/ pad+ma yongs su smin papa 'byed ltar// de bzhin gshegs pa dag kyang shar ba na// bsam pa yongs su smin pa dag par 'gyur// bsam pa yongs su smin pa de'i rgyu'i rtsa ba yang dam pa'i chos nyan pa yin no// de lta bas na bsam pa yongs su ma smin pa'i phyir sangs rgyas mang po 'byung ba dag mi mnyes par mi bya'o snyam nas rgyud yongs su smin par bya ba'i phyir dam pa'i chos nyan pa la 'bad par bya'o// sbyangs pa'i yan lag rnams 'gyur da ltar ni// dge slong tshegs kyang byams las phyir phyogs shing // sdom brtson skye bo dge 'dun nang dag tu// dogs med rtag mtshan can dang bya thogs rgyu// sngon gyi bsam gtan sa ni gang yin/ pa// kye mji ltar 'bras kyis dag byed// 'di ni thub pa'i bstan pa dus ring du// gnas par mi 'gyur bar ni dogs par 'gyur// 'dis ni bstan pa 'di la dge slong rnams kyi yongs su nyams pa rnam pa bzhir yongs su bstan te/ yo byad rnams la zang zing lhur byed pa nyid kyi yo byad bsrungs pa yongs su nyams pa dang / tshangs pa mtshungs par spyod pa rnams la byams pa yongs su nyams pa dang / zhes yongs su nyams pa dang /

  297. 149b

    rang gis don thob par bya ba la mngon par btsun pa yongs su nyams pa'o// de ltar na bstan pa yun thung ngu gnas par shes par bya ste/ dad pa can rnams kyis de la mnyan pa dang bzung ba dang / bcang ba dang don dang mthun par sgrub pa dag gis 'bad par bya'o// 'gro ba 'di yi don du ni// sdug bsngal mang po gang bstan pa// de dag dran nas khyod nyid kyi// bstan pa ngan la'ang gnas bgyi na// phan par gsungs dang phan mdzad pa'i// khyod kyis bstan pa ci smos te// mgol me na 'bar gyur kyang // ji lta bud na mi bgyi lags// de ltar so sar nas kyang sangs rgyas bcom ldan 'das rnams kyi bstan pa la gnas par bya'o// lus can 'di nas shi nas yang // dmatshas dkon mchog 'phrad 'gyur ram// mi 'gyur rna ba 'thob pa dang // su zhig dam tshas 'chad 'gyur ba// de ni sus kyang mi shes pas// de phyir khyed kyis 'bad pa yis// ston pa'i gsung ni mnyan par bya// gnas skabs 'gyur zhing gnas par mi mngon la// sa zhing song ba mi 'ong gser du skye// 'on kyang bdags bdag gir 'dzin 'jug pa// 'gro ba 'di ni ma rig pa yis med// tshigs su bcad pa 'dis ji zhig bstan zhe na// 'du byed rnams ni rnam 'jig cing // rang gi ngang gis skad cig yin// gtan dang tshad min de dag la// mi shes bdag dang bdag gis 'dzin// gzhan yang mi 'jig pa lta dang // yun ring 'jig pa lta zhig na// mya ngan byed dang zhig lta gang // de yi ched du 'du byas dag la ni// de yi rtsa ba bzhi yis mi rtag nyid 'di bstan// de la brtsa ba gnyis kyi ni 'dus byas rnams la bdag med pa dang bdag gi med pa nyid du yongs su bstan to// gcig gis ni de dag la bdag dang bdag gir lta ba'o// gcig gis de'i rgyu ma rigs pas zin pa nyid de// de ltar na tshigs su bcad pa 'di las mdor na bdag tu phyin ci log pa'i gzhi dang / rang bzhin dang /

  298. 150a

    rgyu yongs su bstan pa yin no de'i rgyu ma rig pa de yang dam pa'i chos mnyan pa las ma gtogs par spang bar mi nus so// de lta bas na bdag ni ma rigs pas med par gyur na mi rung ngo snyam nas gus par chos mnyan par bya'o// de ltar na dam pa'i chos mnyan pa'i dgos pa rnams kyi mtha' med de/ 'di ni phyogs tsam zhig go// phyogs 'dis dgos pa yang dag par bstan pa nyid kyis gus par mnyan pa dang ldan pa brjod par bya'o// ji ltar na ya mtshan dang bar tu dga' ba dang skyo ba'i nye bar bsgrub pa nyid kyis zhe na/ rmugs pa dang gnyid dang ldan pa dag la sems bsal bar bya ba'i phyir ya mtshan skye ba 'am/ rab tu dga' ba'i gtam bya'o// sems rnam par g.yeng ba rnams la skyo bar bya ste/ skyo bar gyur pa rnams sems rtse gcig pa nyid du bya ba'i byor ro// ji skad du bya zhe na/ re zhig ya mtshan skye ba ni// sangs rgyas rnams kyi bstan pa la// khyod kyi byas pa kun mi bya// de phyir rab dga' skyed par bya// byas pa bya yin nyams par 'gyur// 'di yi don ci yin zhe na/ sangs rgyas kyi bstan pa la byang chub gsum la brtsams nas thos pa las byung ba 'am/ bsags pa las byung ba'am/ bsgoms pa las byung bas rgud yongs su smin par gang byas pa de thams cad yang mi bya ba yin te/ dge ba'i rtsa ba de las nyams pa yang dus ring du lon na yang gang gi tshe brtson par byed pa de'i tshe khyad par kho na 'thob bo// de lta bas na bdag la yongs su smin par byas pa las nyams pa med do// snyam du sems dga' ba bskyed par bya'o// gang zhig gi byas pa yang bya ba yin pa de ni nyams par 'gyur te/ ji ltar phyi rol pa'i snyoms par 'jug par byed pa lta bu'o// gang byas pa ni mi bya des// yun ring na yang zhi ba'athob// gang byas bya yin de yis ni// shin tu yun ring ni mi 'thob//

  299. 150b

    gang byas pa ni mi byas des// sangs rgyas nyid du srid pa yod// gang byas bya yin de yis ni// thar pa'ang srid par mi 'gyur ro// tshigs su bcad pa 'di gnyis kyi don yang snga ma dang mthun par brjod par bya'o// / rab tu dga' ba'i gtam ji ltar brjod par bya zhe na// gnyid sangs par bya ba'i phyir rab tu dga' ba'i gtam brjod pa lags so// re zhig gtam nyon cig bong bu khur gyis dub pa zhig la rte'u yis bro brdung ngo zhes smras pa dang / de na re khyod kyis ni bro brdungs shig ngas ni rna ba bskul lo zhes smras nas/ de bro brdungs pa dang / rte'u dang mthun par bya ba'i phyir des rna ba bskul lo zhes grag go// khyed kyis ni nga chos ston na/ rna ba gnyis kyang bskul bar mi spo'am zhes bya ba dang / wa seng ge'i god kyis sha 'dod pa zhig/ seng ge'i phyi bzhin 'brangs la seng ge lan cig 'drangs te/ phag rgod chen po zhig bas da na sa de wa de la 'di byer cig ces smras pa dang / de stobs chung ba'i phyir khur de bteg par yang mi stsol/ bdag la khros te bsad na ni rung ngo snyam nas de'i tshig bzlog par mi nus nas/ 'di ni blun pa dang / nga rgyal can yin par shes te/ din re bdag gis khur 'di bkur na bya ba gnyis bya dgos te/ khur yang bkur dgos/ skad kyang dbyung dgos pas de'i phyir bdag gis cig car las gnyis bya ba mi nus pas gcig khyod kyis byos shig ces smras pa dang / seng ge ni nga rgyal can yin pa'i phyir skad 'byung bar yang mi 'dod nas/ 'o na khyod kyi skad phyung shig/ ngas khur bkur ro zhes smras te// seng ge ni khur thog seng ge dang mthun par bya ba'i phyir wa skad 'byin par byed do zhes grag go de bzhin du ngas ni chos bshad pa'i phyir khur bkur ro// nga dang rjes su mthun par bya ba'i phyir khyed kyis ni ro zhig de lags tsam yang byos shig dang dge bar 'gyu ro// /

  300. 151a

    zhes bya ba dang // nar 'gas zhig thabs ma yin pa byed pas bud med den du gnyer ba las des de lam btub pa dang / de na ra bcom ldan 'das kyis bud med kyi bsam pa ni smras pas so// zhes gsung la 'di ni mi btub pas mang sde dang 'gal la// zhes smras sa zhes grag go// de bzhin du byed dad pa can yin la dad pa'i chos nyan mi 'dod pas dad pa'i rtags rnams las dam pa'i chos mnyan par 'dod pa yin zhes gsungs pa'i mdo sde dang 'gal lo zhes bya ba dang bud med rgan mo dbul ma sngon gyi khyim phyug po na 'dug 'dug pa zhig yod la der rkun po 'gar bas mtshan mo khyim phug ste zhugs nas mun khangan lag pa gnyis rdzas btsal ba las kham snod dag gcig la thug ste/ skra zung ba dang / bud med de na dbra zhig ngas nyi ma'i grang la btsal na yang ci yang mi rnyed na/ khyod kyis mun khung na gal rnyed ces spras so zhes grag go/ de bzhin du blo rnam par gsal ba dang bcas pas kyang re zhig sangs rgyas kyi gsung gi dgangs pa can gyi don rnyed par dka' na/ gnyid kyi mun pas non pa'i yid kyi lhag pa zhig ces bya ba dang / b+hA ra ta'i gzhung klog pa na lus skyes ngus pa dang / legs ldan ci saM/ bshums/ spras pa la rnyed mas ji snyed kyi sdug bsngal nyams su myong ba la ltos zhes spras pa dang 'di ni b+ha ra ta'i gzhung yin gyi/ 'di dga' byed 'gro ba'i gzhung ni ma yin no zhes smras pa dang / bdag gis ngus pa don med par dus pa yin no zhes smras so zhes grag go// de bzhin du gal te chos 'chad par byed na khyed gnyid log pa ni ngas bshad pa don med pa yin no zhes bya ba dang / de bzhin du rgan zhugs bsnyen par rdzogs su gzhug par ma nus so zhes bya ba dang / de lta bu dang mthun pa mong hrul po'i gtam dag kyang ci rigs par bsgrub par bya zhing kyad na

  301. 151b

    du gzhug ma nus so zhes bya ste/ gnyid sangs par bya ba'i phyir rnam pa de lta bu'i rab tu dga' ba'i gtam bya'o// skyo ba'i btam ji ltar bya zhe na/ mi rnams tshe ni lo brgyal// mtshan mo nyal bas phyed du byas// de ni nyin bar yang nyal bas// de yi phyed kyang dum bur byas// srog ni gshin rje'i 'khor lo sog ler ldan na gson 'drar gang phyir nyal byed pa// ci zhig rnyed pa las ni dbugs phyin ci zhig rtogs shing bgegs ni ci dag spangs/ ngan 'gro rnams las brgal gtam ci yin mi bya'i nges pa'i las ni gang zhig thob// phrag rgyas me rnams kyis sregs srid pa rnams kyis sa ni gang zhig 'das pa smos// 'dis ci zhig bstan pa yin zhe na// rgyu gnyis dag gis srog dbugs ma phyin pa las dbugs phyin pa thob pa gson pa dang 'dra bar nyal bar rung gis gzhan du ni ma yin no// gnyis po gang dag gis zhe na/ lung bstan pa thob pa nyid kyis rtogs pa med par yang dper na kha cig la bskal pa 'di snyed du log par ltung bar mi 'gyur zhing yongs su mya ngan las 'das par 'gyur ro zhes lung bstan pa lta bu'o// 'bras bu thob pa nyid kyis rtogs pa thob pas ngan song ba'i nyon mongs pa dang / skye ba dang / las kyi kun nas nyon mongs pa mthong bas spang bar bya ba rnams dang / yang 'byung ba pa'i nyon mongs pa dang / skye ba'i kun nas nyon mongs pa gnyis zad pa yin no// ngan song ba'i las spangs pal ni yang 'byung ba pa'i las kyi kun nas nyon mongs pa rnam par mi bzhag ste/ yang 'byung ba ni dge ba'i 'bras bu yin pa'i phyir ro// de la gshin rje'i 'khor lo dang sog le dang ldan pa nyid kyis ni srog dbugs ma byin pa nyid du ston pa yin no// ci zhig rnyed pa las ni dbugs byin zhes bya bas ni lung bstan pa 'thob pa nyid du ston pa yin no// ci zhig rtog zhes bya ba ni 'bras bu ma thob pa'i phyir ro// bgegs ni ci dag spangs/ ngan 'gro

  302. 152a

    rnams las rgal gtam ci yin mi bya'i nges pa'i las ni gang zhig thob ces bya ba ni 'bras bu thob las ngan song ba'i nyon mongs pa dang / skye ba dang las kyi kun nas nyon mongs pa gang // dag zad pa yin pa de dag ma zad pa nyid du yongs su ston pa yin no// nyon mongs pa mthong ba spang bar bya ba rnams ni mngon par rtogs par bgegs yin pa'i phyir bgegs zhes bstan to// nyon mongs pa la yang skye ba'i kun nas nyon mongs pa de'i sa pa yod par bstan pa'i phyir bar du de smos pa yin no// ngan song ba'i skye ba dang las kyi kun nas nyon mongs pa gnyis pa dag dang gzhan la gnod pa'i dbang du mdzad pa'i phyir yang yin no// rgyu phra rgyas me rnams kyi bsregs sred pa rnams kyis ni gang zhig 'das pa smos zhes bya ba ni yang 'byung ba pa'i nyon mongs pa dang / skye ba'i kun nas nyon mongs pa gnyis ma zad pa nyid du ston pa yin no// bsdus pa'i tshigs su bcad pa ni ji lta bzhin pa'i yid ni dbugs phyin pa'i// lung bstan pa ni thob pa med pa dang // ngan song dang ni yang 'byung 'gyur ba gang // nyon mongs yan lag gsum gnyis zad bya phyir// de kho na nyid rtog pa med pa'o// yang rgyu gnyis dag gis dbugs phyin pa thob pa zhes bya ba snga ma bzhin te/ yongs su nyams pa med par sbyar ba'i lam thob pa nyid kyis ni nges par 'byed pa'i cha dang mthun pa'i bzod pa thob pa'i phyir ro// 'bras bu thob pa nyid kyis ni gang zhig thob pa de snga ma bzhin no// yang rgyu gsum dag gis dbugs 'byin pa thob pa zhes bya ba snga ma bzhin no// gsum po gang dag gi zhe na/ lung bstan pa thob pa nyid kyis dang / ye shes kyis khyad par thob pa nyid kyis dang / spangs pa'i khyad par nyid kyis so// yang ngan song ba'i kun nas nyon mongs pa rnam pa gsum

  303. 152b

    spangs pa ji skad bstan pa dang / yang 'byung ba pa'i kun nas nyon mongs pa rnam pa gnyis spang ba ji skad bstan pa lta bu'o// yul la rnam par rtogs pas rnam par g.yengs pa rnams la yul gyi skyon brjod pa dang / ldan pa'i kun tu skyo ba'i gtam brjod par bya'o// 'jig rten dag na 'dod pa rnams mi rtag/ dge ba'i don 'phrag gsog der sgyu ma 'dra// smon pa na yang mi rnams kyi ni sems rmongs na bdag nyid phrad na smas ci dgos/ de la 'dod pa rnams mi rtag pa nyid kyis ni mthong ba'i chos nyid la mya ngan la sogs pa'i rgyu nyid yin par ston to// dge ba'i doni 'phrogs pa nyid kyis ni tshe phyi ma la ngan 'gro'i rgyu yin par ro// gsog nyid kyis ni dge ba dang bral ba nyid du'o// sgyu ma dang 'dra ba nyid kyis ni bde ba ltar snang ba nyid du ste bde bar 'du shes phyin ci log gi gzhi nyid yin pa'i phyir ro// phyi ma'i phyed kyi ni 'di ltar de rnams ni ma phrad kyang sred pa dang bcas pa rnams kyi sems bde bar 'du shes pas rmongs par byed na phrad na lta smos kyang ci dgos zhes bya bar ston to// bsdus pa'i tshigs su bcad pa gnyis ni// 'dod pa rnams ni sdug bsngal rgyu// de dag la ni bde ba med// bde bar 'du shes log pa yi// bzhi yin par na rab tu bstan// mdze bzhin yongs su gdung bas na// mya ngan ngan 'gro'i rgyu yi phyir// ma phrad phrad pa'i gnas skabs su// sku bzhin lag par ston phyir ro// shes dka' bzlog dka' dpung thub dka' ba can rgyu ba/ rtogs dka' 'dod chags rang dga'i dbang po can rnams kyi// bzang po'i lam rnams 'joms dang rdul ni bsags rnams kyi// mos dang blo yi dgra yin yid 'khrul rnams kyi ni// tshul khrims zad byed yin zhing 'byung po rnams kyi rdzas// lta bu'i dge ba 'joms pa mi dge'i yul rnams yin// de lta bas na khyad ni dam pa'i chos mnyan gyi

  304. 153a

    tshe bdag la gzhom par bya ba ni mi rigs so// de la ji ltar na shes par dka' ba yin zhe na/ 'dod pa 'di dag ni mnog chung zhing sdug bsngal mang ba yin no// zhes bya ba de lta ba la sogs par shes dka' ba nyid kyis so// ji ltar na bzlog par dka' ba dang / dpung thub par dka' ba dang / rgyu ba rnams rtogs par dka' ba yin zhe na/ brtsal ba dang rnam par mnan pa dang / bag la nyal yang dag par gzhom pa'i spong ba dka' ba nyid kyis yin te go rims bzhin no// ji ltar bzang po rnams kyi lam 'joms pa yin zhe na/ khyim pa'i phyogs la 'dod chags dang rang dga'i dbang po rnams kyi dge ba bcu'i las kyi lam gyi khrims la sogs pa las 'da' bar byed pa nyid kyis so// ji ltar mos pa dang blo gros kyi dgra rnams dang / tshul khrims zad par bya ba yin zhe na/ rab tu 'byung ba'i phyogs la sngon rdul bsags pa dang 'dir yid 'khrul pa rnams kyis ting nge 'dzin dang shes rab dang tshul khrims kyi bar du gcod pa'i phyir te/ go rims bzhin no// mos pa ni sems gnas pa yin pas ting nge 'dzin to// ji ltar na 'byung po rnams kyis rdzas dang 'dra ba'i dge ba yin zhe na 'di dang phyi mar bde ba dang sdug bsngal gyi rgyu dang yongs su skyob pa nyid kyis nor dang 'dra ba'i phyir ro// ji ltar na mi dge ba'i yul rnams kyis 'joms pa yin zhe na/ tshul bzhin ma yin pa'i yid la byed pa na/ de'i mi mthun pa'i phyogs nyid kyi dge ba'i chos rnams las thob pa dang / ma thob pa yongs su nyams pa nyid kyis yongs su nyams par byed pa'i phyir ro// yang mdor bsdu na 'dis ni 'dod pa rnams yongs su shes par dka' ba nyid dang / spang bar dka' ba nyid dang / yongs su shes shing ma spangs pa dang / ji ltar ltar gang dang gang dag la gnod pa byed pa de yongs su bstan te/ tshig gcig dang gsum dang gsum dang lhag

  305. 153b

    ma ste go rims bzhin no// rnam grangs gzhan yang 'dod pa rnams ni chom rkun dang chos mthun par yongs su bstan pa yin no// chom rkun gyi rgyu bdun dag gis rkun po'i bya ba mthar phyin pa yin te/ mi 'phrigs pa'i rang bzhin yin/ 'phrigs na yang mi ldog pas bstan yin// 'gro ba dang 'ong ba dang pha rol gnon pa dag la ral ba med pas stobs dang ldan pa yin/ mi mngon pa dang bgrod dka' ba'i ba'i gnas su thag ring zhing thibs por rgyu ba yin/ ma lus par 'phrogs pas snying brtse ba med pa yin/ gnyid log cing ra re ba na 'joms pas dus shes pa yin/ mi mthun zhing sha khon can yin no// dngos pa'i 'dod pa nyon mongs pa'i 'dod pa dang bcas pa rnams kyang de dang chos mthun pa yin te/ de la mi 'phrigs pa'i rang bzhin nyid ni shes par dka' ba nyid kyi ston te/ nyes dmigs yongs su mi shes pa'i phyir ro// brtan pa nyid ni bzlog par dka' ba nyid kyis bsal bar dka' ba'i phyir ro// stobs dang ldan pa nyid ni dpung thub par dka' ba nyid kyis te/ kun du rgyu ba rnam par mnan par dka' ba'i phyir ro// thag ring zhing thibs por chub nyid ni rgyu ba rtogs par dka' ba nyid kyis te/ bag la nyal ba ni thag ring du zhugs shing mi mngon par song ba'i phyir ro// snying brtse ba med pa nyid ni bzang po'i lam 'joms pa la sogs pa nyid kyis te/ dge ba ma lus par med par byed pa'i phyir ro// dus shes pa nyid ni gnyid log pa dang ra ro zhing myos pa lta bu'i 'dod chags dang // dga' ba'i dbang po can rnams la 'joms pa'i phyir ro// mi mthun pa nyid ni/ mi dge ba nyid kyis dge ba dang 'gal ba'i phyir ro// nang par mar me rlung gis bskyod pa 'dra ba dang // chu bo'i 'gram gyi ldan shing rtsa ba 'gul 'dra dang // snod chag yod pa'i chu ni 'dzag par byed pa ltar// 'gro ba 'di ni dbang med 'jig pa'i chos can yin// de ltar 'gro ba

  306. 154a

    rab tu 'jig pa'i chos can yin na/ khyed dam pa'i chos mnyan par g.yer ba'i mi rigs so// ci'i phyir tshigs su bcad pa 'di las dpe gsum dag gis bstan zhe na/ 'di lta ste/ 'gro ba zhes bya 'di ni tshe yi dbang gis ming dang gzugs// 'jug yin gsum po de phyir ji lta bur// mi brtan pa de 'chi ba gyel zad la// phyogs pa'i mar me ljon shing chu yis bstan// gzhan yang rgyu brgyad dag gis chos 'di la shin tu btsal bar mi bya bar 'gyur te/ gal te thar pa don du mi gnyer ba yin pa dang / nad med pa ma yin pa'i phyir ram/ rang dbang med pa nyid kyis phyir gnyer na yang mi nus pa yin pa dang / gal te nus na yang btsal ba ma byas par 'bras bu yod pa ma yin pa dang / gzhan gyis byed pa po gzhan yin pa dang / brtsal ba byas kyang nges par 'grub par mi 'gyur ba dang / 'dis grub pa snyam du yid ches par mi byed pa yin pa dang / bdag gis ji ltar brtson par bya zhes thabs mi shes pa yin pa dang / ngan sor las yang dag par brgal ba'i dbugs byin pa thob pa yin no// 'on te yang don gnyer nus dang ma byas par// 'bras med pa gzhan med pa dang // nges par 'grub dang yid ches dang // thabs shes log par lhung ba yi// mtha' gnas pa yi skye bo gang // shin tu rtsol bar mi byed pa// de ni nges par sdig las kyis// bsgrib shing sdug bsngal mar bsten yin// ngan song thos la yid ches shing // de yid gnyen po mi byed la// 'jigs shing nus dang ldan pa dag/ tshe thung de yang ma nges dang // mi bya bar ni bya min dang // byed po gzhan med ma byas par// bde las med cing byas pa dang // mi 'jigs de byed mi shis min// gal te so so'i skye bo dag/ 'dod pa yi ni zang zing gi/ phub ma la ni yongs 'jus nas// kye ma 'di ni rab myos pa'i// glang chen nyal ba

  307. 154b

    byed dam ci// byis pa kun ni rten yod dam// kye ma mi bzad kye ma dka'// kye ma'o sdug bsngal gyis mi 'jigs// kye ma'o brlag la phyogs pa yin// sangs rgyas gsungs zhes bya ba gang // dkon mchog 'dod don sgrub mdzad pa// skye bo ser sna med 'dug pas// gaN+DI bsrungs te sgrogs byed na// gti mug nga rgyal ldongs pa yi// byis pa 'di dag bdag nyid la// dgra bo bzhin du brlag pa'i rgyu// grong pa'i dgral mngon par dga'// bdag la phan par brtson rnams kyis ni dgra yin ni yang legs bshad gzung // ngan pa yin kyang skye bos phan 'dogs skye ba'i ngaro dpyad bya na// dgra bcom pa nyid 'gro ba phan pa dpung gnyen phan pa gsungs pa yi// gsung ni gal te mi 'dzin gyi hud kyi hud tshig ni 'dir byas legs// tshigs su bcad pa 'di rnams kyis ni ji ltar byis pa rnams la mya ngan du bya ba de yongs su bstan to// ji ltar na byis pa rnams mya ngan du bya ba yin zhe na/ log par bsgrub pa skyon lnga dang ldan pa la gnas pa'i phyir ro// log par sgrub pa de yang tshigs su bcad pa gzhan gsum dag gis bstan pa yin no// de yang mdor bsdu na sangs rgyas kyi gsung mi nyan pa dang / mi 'dzin pa las brtsams nas rig par bya'o// sangs rgyas kyi gsung gang rnyed par dka' ba dang / don che ba dang / 'bad pa med 'thob pa bzhin du gti mug gi ldongs pa nyid kyis bag med pa'i rgyu 'khrig pa dang ldan pa'i sgra dag la chags nas nyan du mi 'dod pa dang / zos na yang phan pa bzhed pa dang / phan pa'i bla mas gsungs pa la mi bsgrub pas mi 'dzin pa'o// spyan lnga gar dag ce na/ mi bzad pa nyid dang / dka' ba nyid dang / sdug bsngal ba nyid dang / 'jigs pa nyid dang / brlag pa la phyogs pa nyid do// gnyen po srid pa yod kyang log par sgrub pa gang la skyon lnga yod pa de yang mi zad pa

  308. 155a

    la sogs pa'i sgrar bstan to// ci mi bzad pa ni de phyis gdung ba'i rgyu yin pa'i phyir te/ 'di ltar gang gis gdungs par 'gyur ba de byas nas mi zad pa byas so zhes zer ro// bka' ba ni mang po kun tu 'tshol bas dub pa'i rgyu yin pa'i phyir ro// sdug bsngal ba ni lus dang sems la gnod pa'i rgyu yin pa'i phyir te/ gsad pa dang / 'ching ba dang / rdeg pa la sogs pa gzhan gyi gnod pa dang mya ngan gyi gnas yin pa nyid kyis so// 'jigs pa ni ngan 'gror 'gro ba'i rgyu yin pa'i phyir ro// brlag pa la phyogs pa nyid ni mya ngan las 'das pa'i lam dang thag ring bar 'gyur ba'i rgyu nyid yin pa'i phyir ro// kye ma'o zhes bya ba'i tshig gi phrag 'di ni ya mtshan gyi don la yang mthong ste/ dper na bad sa'i bus mngon par dad nas kye ma'o chos ni legs par gsungs pa zhes smras pa lta bu'o// mya ngan byed pa'i don la yang sa'i bcud nub pa dang kye ma'o sa'i bcud kye ma'o sa'i bcud ces mya ngan byas pa lta bu'o// smon pa'i don la yang ma la kye ma'o// bdag mi skal ba bzang po pa rnams dang skal ba mnyam pa nyid du skye bar shog cig ces bya ba lta bu'o// smad pa'i don la yang dper na rkun po byed pa na kye ma bram ze'i legs pa yin no zhes bya ba lta bu ste/ de ni 'dir mya ngan byed pa'i don du blta bar bya'o// rkun po zhig gi sar ba brgyad phug ste/ rgyal po'i mdzod du zhugs nas skom pas chang zhim po 'thungs te ra ro nas nyal ba dang nang par bzung nas sdug bsngal bar byas zhes grag go/ de bzhin du khyed kyis mi khom pa'i ra ba brgyad phug ste// dal bar skyes pa'i rgyal po'i mdzod du zhugs nas 'dod pa la dga' ba'i chang 'thungs te ra ro ba nyid kyis srog gi mtshan mo'i nam nangs na bdag nyid la sdug bsngal bskyed par mi rigs so// phag mo thi

  309. 155b

    ba'i phreng ldan ma'i sngon gyi tshul yang brjod par bya ste/ de bzhin du dam pa'i chos ma nyams pas sems can rnams mngon par mtho ba'i 'gro bar skyes nas shugs zad pas mnga' mnam du 'phangs pa slar sa la ltung ba bzhin du yang ngan 'gror 'gro bar 'gyur ro// de lta bas na rnam pa de lta bu'i tshigs su bcad pa dang / gtam dang / sngon gyi sbyor ba la sogs pa dag gis skyo ba'i gtam nye bar bsgrub par bya'o// de lta bu'i ya mtshan dang / rab tu dga' ba dang / skyo ba'i gtam nye bar sgrub pa nyid kyis gus par nyan pa dang ldan pa brjod par bya'o// mdo sde'i rgyan las kyang mdo sde rnam par bshad pa'i tshul bstan to// gces pa dang ni dgongs pa can gyi gsungs dag rnam pa mang du brjod// tshig gi don dang mtshams sbyar sde ba dang 'dra bar mang du brjod par bya// 'gal ba dag dang lan gdab thabs kyang mang du brjod cing shes par bya// yon tan 'di dag rnams dang ldan pas gal te sman legs smra yin// tshigs su bcad pa 'dis ni sangs rgyas kyi gsung yon tan lnga dag tu bstan par grag ste/ dgos pa dang bcas pa nyid dang / dgongs pa zab pa nyid dang / mtshan nyid zab pa nyid dang / sde phyi 'brel ba nyid dang / rigs pa dang 'brel ba nyid do// gzhan yang bstan pa/ gang zhig gzhan gyis brgal na snyan par smra byed rtsub pa ma yin dang // bstod dam grub par gyur kyang gang gi yid ni rgyags par mi byed dang // gang zhig don rgyas pa dang sna tshogs 'brel dang go byed smra ba dang // gang zhig snying la dge rtsa skyed pa de ni smra byed mkhas pa yin// tshigs su bcad pa 'dis ni smra ba po rnam pa gnyis kyi yon tan rnam pa gnyis kyis bstan par grag ste/ smra ba po rnam pa gnyis ni rang gi phyogs 'dzugs pa dang / chos ston pa'o// yon tan rnam pa gnyis ni ngag yongs

  310. 156a

    su dag pa dang / sems yongs su dag pa'o// de la dang po'i ngag yongs su dag pa ni gzhan gyis brgal ba na snyan par smra ba nyid dang / mi snyan pa mi smra ba nyid kyis so// sems yongs su dag pani bsngags pa dang / rgyal ba thob kyang de'i nye ba'i nyon mongs pa mi skye bas so// gnyis pa'i ngag yongs su dag pa ni yongs su rdzogs pa dang / mi zlos pa dang / tshad ma dang mi 'gal ba'i don dang / gsal bI// / tshig brjod pa nyid kyis so// sems yongs su dag pa ni bdag dang gzhan gyi rgyud la dge ba'i rtsa ba bskyed pa'i bsam pa'i sems zang zing med pa nyis kyis so// ji ltar me'i sgo bud shing yin// ji ltar chu'i lam gtod pa ltar// de bzhin blo dang ldan rnams la// mdo sde bshad pa'i shan 'di bstan// rnam par bshad pa'i rigs pa las le'ur bcad pa lnga pa ste/ rnam par bshad pa'i rigs pa/ slob dpon dbyig gnyen gyis mdzad pa rdzogs so// // rgya gar gyi mkhan po bi shud+d+ha si d+ha dang / shAkya sid+ha dang / zhu chen gyi lo tsa ba ban+de rtsa ngas de ben+da rik+Sha ta sa bsgyur cing zhus te gtan la phab pa'o// / @66// las thub pa'i rab tu byed paslob dpon dbyigaganyen gyis mdzad pa bzhugs so/ @#// rgya gar skad du/ karma sid+d+ha pra ka ra Na/ bod skad du/ las grub pa'i rab tu byed pa/ 'phags pa 'jam dpal gzhan nur gyur pa la phyag 'tshal lo// mdo las las rnams ni gsum ste lus kyi las dang / ngag gi las dang / yid kyi las so zhes 'byung ba de la kha cig nar lus kyis byas pa'i las ni lus kyi las yin la/ ngag nyid ni ngag gi las yin te so sor gnyis ka yang rnam par rig byed pa/ rnam par rig byed ma yin// pa yin no// yid dang mtshungs par ldan pa'i las ni yid kyi las te sems pa yin no zhes zer ro// de la 'dir 'di dpyad par bya ste/ rnam par rig byed ces bya ba'i chos de gang yin/ re zhig lus kyi rnam par rig byed ni

  311. 156b

    dbyibs yin te/ de la dmigs pa'i sems las skyes pa yin no// gang gi dbyibs yin/ lus kyi yin no// gal te lus kyi yin na ji ltar na de lus kyis byas pa'i las zhes bya zhing des byas pa byas pa'i las zhes bya/ dbyibs de ni lus zhes bya ba spyi'i yan lag du gyur pa'i phyir lus kyi zhes bya ba la/ lus kyi 'byung ba chen po la rten nas 'byung ba'i phyir ni lus kyis byas pa'i las zhes bya'o// spyi dag la yod pa'i sgra rnams ni yan lag dag la yod de/ dper na grong na gnas so// nags tshal na gnas so zhes bya ba lta bu'o// de la dmigs pa'i sems las skyes pa zhes bya ba ci dgos zhes/ smrab na chu la sogs pa'i dbyibs kyang gyur na mi rung ba ste/ de ni de la dmigs pa'i sems las skyes pa ma yin te/ tshig la dmigs pa'i sems las skyes pa yin pa'i phyir ro// sngon gyi smon lam gyi sems las skyes pa yang gyur na mi rung ba ste/ de ni de la dmigs pa'i sems las skyes pa yang ma yin te/ rnam par smin pa'i rgyu'i sems gzhan las kyang skyes pa'i phyir ro// ci'i phyir de rnam par rig byed ces bya zhe na/ gzhan dag la de 'jug par byed pa'i sems rnam par rig par byed pa'i phyir te/ phyi rol bskyod pa'i 'gyur ba dag gis ni// skyes bu'i snying la gnas pa'i bsam pa ston/ mtshon gnas pa'i nya ni rab gab kyang / chu'i rlabs kyi 'gyur ba rnams kyis ston// / 'o na dbyibs zhes bya ba 'di ci yin/ 'di lta ste ring po la sogs pa'o// ring po la sogs pa 'di ci yin// gang las ring po 'am zung ngu'o snyam pa'i 'du shes skye ba'o// skye mched gang yin gzugs kyi skye mched do// ci de kha dog bzhin du rdul phra rab tu 'dod dam/ 'on te rdul phra rab kyi bye brag 'dus pa zhig yin nam/ 'on te kha dog la sogs pa 'dus pa la khyab pa'i rdzas gzhan gcig pu zhig yin/ gal

  312. 157a

    te rdul phra rab kyi bye brag cig yin na ni/ des ni 'dus pa'i cha shas re re la ring po nyid dam thung ngu nyid la sogs pa gzung bar 'gyur te/ dper na kha dog bzhin no// 'on te rdul phra rab kyi bye brag 'dus pa zhig yin na ni// de kha dog gi rdul phra rab kyi bye brag 'dus pa las khyad par ci yod de/ de dga'an 'das pa'i khyad par las ring po'am thung du la sogs par 'gyur ro// 'on te kha dag la sogs pa 'dus pa las khyab pa'i rdzas gcig pu zhig yin na ni/ de gcig pu nyid yin pa'i phyir dang / khyab pa yin pa'i phyir cha shas re re la gzung bar 'gyur te/ thams cad la de yod pa'i phyir ro// yang na de gcig pu ma yin da rnam pa gnas pa byur / mdzud bad drim thang babasags pa dgas na nas bya ba'i zab pa'i sa dang yang rigal ba 'ang // gagags pa dpa ga gis ga rdzas su smra ba yang spel bar 'gyur ro// phyogs gcig gi sgor 'dus pa mang por snang ba la ni ring po'i blo 'byung / thung ngu la ni thung ngu'i blo 'byung / thams cad nas mnyam par snang ba la ni ldum pa'i blo 'byung khor yug nas mnyam pa la ni zlum po'i blo 'byung / dbus na mang po la ni mthon po'i blo 'byung / nyung ba la ni dma' ba'i blo 'byung / phyogs gcig gi sgor snang ba la ni phyale ba'i blo 'byung / phyogs sna tshogs kyis la ni bya le ma yin pa'i blo 'byung ngo // ri mo bkram pa de dang de lta bur snang ba la yang dbyibs kyi blo de dang de 'byung mod kyi/ dbyibs rigs tha dad pa dag ni yul gcig par rigs pa yang ma yin te/ dper na kha dog dag bzhin no// 'on kyang 'gyur na ni phyogs thams cad du dbyibs thams cad kyi blo 'byung bar 'gyur ba zhig na de lta yang ma yin no// de lta bas na dbyibs zhes bya ba'i rdzas gzhan ni med kyi/ kha dog kho na

  313. 157b

    yul gyi khyad par na gnas pa la ring po la sogs pa'i blo dag 'byung ste/ dper na shing dang bya dang / grog ma la sogs pa'i dang ra ka dag la 'byung ba lta bu ste/ kha na ma tho ba med pa yin no// gal te de lta na thag ring po/ nas kha dog 'dus pa dmigs kyis mi byed bzhin du dbyibs dmigs kyis phyed pa ji lta bu/ re zhig dbyibs dam dmigs kyis mi byed bzhin du de'i dngang ka dang tshogs dag gi dbyibs dmigs kyis byed pa ji lta bu/ de na rdzas gzhan ni med do// mun khung ngam thag ring po'i 'dus pa gang yin pa de la ni gnyis kar yang dmigs kyis mi phyed la/ de ci zhig yin no zhes mi gsal ba zhig ni 'dzin na de na ci sdang / de lta bas na de'i tshe kha dog mi gsal bar 'dzin pa yin par rig par bya'o// de'i phyir dbyibs kyi rnam par rig byed mi 'grub bo// gzhan dag na re de la dmigs pa'i sems las skyes pa'i 'gro ba na rnam par rig byed yin no zhes zer ro// de la dmigs pa'i sems las skyes pa zhes bya ba ci dgos she na/ smra ba na ma chu la sogs pa 'gul ba yang 'gyur du 'ongs pas so// 'o na 'gro ba zhes bya ba 'di ci yin/ yul gzhan du 'pho ba'o// skye mched gang yin/ gzugs kyi skye mched do// de nyid yul gzhan du 'phos pa 'di yin no zhes bya ba 'di ga las she na/ khyad par nges par zin pa'i phyir ro// me dang / nyi ma dang / chab brim dang / rtswal sogs pa chos byed las skye ba'i rkyen phrad ma thag tu bral bar gyur pa la yang chos byed las skyes pa'i khyad par nges par mi zin la/ de dag gzhan ma yin pa yang ma yin no// bsreg bya cha shas/ 'dra ba can rtswa ring po dang 'brel pa'i me'i bar ba gzhan rnams kyi khyad par ying nges par mi zin la/ de dag gzhan ma yin pa yang ma yin no// 'on te phrad ma thag tu chos byed las skye ba mi 'byung na ni phyis kyang

  314. 158a

    mi 'byung ste/ rkyen la khyad par med pa'i phyir ro// gal te bsreg bya'i cha shas gzhan la yang ni me 'bar ba gzhan yang mi 'byung na/ de'i khyad par las me 'bar ba'i tshad dang gsal ba// dang / tsha ba'i khyad par med par 'gyur ro// de'i phyir khyad par nges par mi zin pa'i phyir de nyid 'di yin no// zhes nges par gzung ba rigs pa ma yin no// 'o na 'jig pa'i rgyu med pa'i phyir ro zhe na/ sems dang / sems las byung ba rnams dang / sgral sogs pa dang / me lce dag gis 'jig pa'i rgyu yang gang yin te/ de bzhin du gzhan la yang med par 'gyur ro// de dag gi 'jig pa'i rgyu ni rang nyid kyi mi rtag pa nyid yin no// na/ ng+ge bzhin drug zhan dag la yang ci'i phyi mI 'ad / dza~M gzhan rnyi dgal byed pa de bzhin du gzhan rnams pa yang mdapar 'gyur ro// gal te ma na med la sogs pa dang / zad pa'i san la sa ji ltar de'i 'og rol bzhin du shing la sogs pa'i gzugs la sogs pa'i zung bar mi 'gyur/ yang na ni sngar ji lta ba bzhin du b+his kyang de lta bur 'gyur ro zhe na/ re zhig ji ltar na mar me dang / dril bu'i sgragati/ rlung dang / lag pa dang zad pa'i sngon rol du gzung bar 'gyur la phyis ni ma yin/ de gnyis kyis de gnyis 'jig par byed pa ni ma yin no// gal hU~M mi la sogs pas shing la sogs pa'i gzugs pashig pa'i phyir bzung bar mi 'gyur na ni phrad pa tsam gyis bral ma thag pa na yang 'gyur ro// chos byed pa las skye ba'i phyi rol gyi rkyen byed par med na yang phyi ma phyi ma'i rgyu nyid kyis khyad par can dang / ches chad par can dang / ches shin tu khyad par can 'byung ba la snga ma dag gi 'jig pa gang las 'byung / gang kho na las gang yod pa de kho na las de med pa ni rigs pa ma yin te/ 'gal ba gnyis kyi rgyu gcig par ni ma grags so//

  315. 158b

    ma sa ngasal na 'a gas ga bca ma tsham cad sa masam mams mam gra mamag ma mam mapas nga ma ma ma mam mas mamams sa ma mas pa mams mang ma mtsham mams cad ma nga de bas na 'jig pa'i rnamed par 'jig go// snga ma bzhin du bzung ba dang / mi bzung ba ni rmad kyi khyad par med pa'i rtswa 'jug pa dang / log pa'i sgo nas rig par bya'o// gal te 'jig bcu dang ldan par gyu na ni sems dang sems las byung ba la sogs pa 'ga' yang rdu med par mi 'gyur te/ dper na srab bzhin no// me rtag pa nyed na de dag las gzhan par cung zad kyang mgrub bo// chu'i khyad pa las kyang de'i khyad par yod par 'gyur te/ me dang / nyi ma dang / chab brom dang / rgya laM sogs pa las chos byed skye ba bzhin no// 'jig pa dang ldan par yang 'gyur te/ gzugs la sogs pa bzhin no// de lta bas na 'jig pa'i rgyun 'ga' yang med do// 'o na de bzhin du skye ba'i rgyu med pa'i phyir nga nyid yin par nges par gzung ba zhe na/ snga ma na phyi ma skye ba'i rgyu yin pas yod pa nyid de/ dbar na sems sems gzhan gyi dang / chos byed las skye ba chos byed las skye bgyid par can gyi dang / 'oma'o' dang / rgan 'bru'i 'bargyan chang gi dang / rgun chang tsha'i lte bu'o// de bas na 'ab ba'i mtshan nyid kyi 'gro ba zhes bya ba 'ga' yang med do// 'di ltar yang dngos po gnas na 'gro ba med// 'gro ba me dang rtag tu gnas// gal te de lta nyi yin na// gzhan na snang ba de ci yin// de nyid snang ni ma yin no// 'o na ci/ yul dang yul du gsar dang gsar/ rtswa me lta bu 'am grib ma lta bu'o// grib ma de nyid yul gzhan du sdang ba ni ma yin te/ de dang ldan pa'adug bzhin du/ nyi ma ring ba dang / nye ba dang 'gyur ba dag gis de skye ba dang / 'grib pa dang / 'gyur bar snang ba'i phyir dang / snang ba'i phyogs gzhan du bsgribs na 'byung ba'i phyir ro// gang zhig 'di skad du de nyid yul gzhan du 'phos pa 'di yin no zhes bya ba 'di ga las shes brtsad pa la de ni de nyid ma yin no zhes bya ba

  316. 159a

    'di ga las zhes phyir rgol bar 'gyur ba de la yang 'di ltar/ dngos po gnas na 'gro ba med/ ces bya ba la sogs pa de nyid bungs yin no// 'di ltar chos byed las skye ba rnams kyi phyi rol gyi rkyen tha dad pa med kyang / phyi ma'i khyad par bzung ba 'di nyid skad cig re re la gzhan du 'gyur ba'i khungs yin no// gal te yang gzhan du 'gyur ba'i khungs med pas de'i dngos por rtog par byed na/ de'i dngos po yin pa'i khungs kyang med na gzhan du 'gyur bar ci'i phyir mi 'dod// de lta bas na gnyi gar nges par mi gzung bar thal bar 'gyur bas 'pho ba ni ma grub pa kho na yin no// nyi ma 'char ka pa dag na re 'du byed rnams ni rang bzhin gyis 'jig pa'i phyir 'pho ba med pa ni bden ma/ yul gzhan du 'brang ba'i nu chos gzhan sems kyi khyad par gyi rgyu can zhig lag pa la sogs pa la 'byung ste/ de ni 'gro ba zhes kyang bya/ rnam par rig byed ces kyang bya'o zhe na/ skye mched gang yin/ gzugs kyi skye mched do// 'o na de kho na bzhin du ci'i phyir mig gis mi mthong / 'on te mi mthong na ni gang gis gzhan la rnam par rig byed pa'i rnam par rig byed ji lta bu yin/ de yod par yang ji ltar khong du chud/ de lta ma yin na yul gzhan du lus 'byung bar ji ltar 'gyur zhe na/ sems kyi khyad par skyes pa'i rlung gi khams las te 'di lta ste/ yul gzhan du 'byung ba'i rgyu gang yin pa de nyid rlung gi khams kyi g.yo ba nyid do// rtswa dang / lo ma la sogs pa'i ji ltar 'gyur zhe na/ g.yo bar byed pa dang / 'phen par byed pa dang / phrad pa'i rlung gi khams las so// yang na gang las 'gro ba 'byung bar 'dod pa de nyid las yul gzhan du 'byung ba yin du chug na/ nus pa dmigs kyis ma bye ba can gyi 'gro ba brtags te ci zhig bya/ 'o na yul gzhan du lus

  317. 159b

    'byung ba'i rgyu sems kyi khyad par las skyes pa'i rlung gi khyad par de nyid rnam par rig byed yin mod ce na/ ji ltar na rnam par rig par mi byed pa rnam par rig byed du 'gyur/ reg bya'i skye mched dge ba dang / mi dge bar 'dod pa 'di ni shAkya'i sras pa'o ma yin no// 'o na sems kyi khyad par las skyes pa'i lus yul gzhan du 'byung ba de nyid rnam par rig byed yin med ce na/ rnam par rig byed brtags pa can yin gyi rdzas su yod pa ma yin te/ lus kyis rdzas du ma'i bdag nyid yin pa'i phyir ro// rnam par rig byed ni rnam par rig par byed pa ma yin par yang 'gyur te/ dri la sogs pas gzhan dag la rnam par rig par mi byed pa'i phyir ro// dri la sogs pa'i skye mched dge ba dang mi dge bar 'dod pa 'di yang shAkya'i sras po'i ma yin no// 'o na yang sems kyi khyad par las skyes pa'i kha dog nyid rnam par rig byed yin mod ce na/ de ni sems kyi khyad par las skyes pa ma yin no// 'o na ci zhe na/ rang gi sa bon dang / rlung gi khams kyi khyad par las skyes pa yin no// kha dog dge ba dang / mi dge bar 'dod pa 'di yang shAkya'i sras po'i ma yin no// kha dog lha ma yin yang rung / de yul gzhan du 'byung ba rnam par rig byed yin mod ce na/ lha rnams dga' ba rang gi nus pas 'bad par byed pa ni rag na/ 'bad pas bsgrub par bya ba ma yin pa de la 'bad pas ci zhig bya/ gzugs la sogs pa bzhin du yang mthong la/ mig la sogs pa bzhin du nus pa yang ma mthong ba'i 'byung ba'i don gang yin pa gzhan su zhig bsgrub par nus/ mi mthong na ni ji ltar rnam par rig byed yin no zhes de ni bshad zin to// kha dog dge ba dang / mi dge ba yin na ni de 'byung ba yang de ltar 'gyur ba zhig na/ kha dog ni de lta ma yin no zhes de ni bshad zin te/

  318. 160a

    de lta bas na rnam par rig byed ni lus kyi las ma yin no// 'o na rnam par rig byed ma yin pa tsam zhig lus kyi las yin mod ce na/ rnam par rig byed ma yin pa zhes bya ba 'di ci zhig yin/ sdom pa la sogs pa'i gzugs chos kyi skye mched pa yin no// ji ltar na 'dod pa na spyod pa'i rnam par rig byed ma yin pa/ rnam par rig byed med par 'byung bar 'gyur/ gal te yin na cir 'gyur zhe na/ sems kyi rjes su 'brang bar 'gyur te/ dper na gzugs na spyod pa lta bu'o// des na sems gzhan dang / sems med pa pa dag la sdom pa dang / sdom pa ma yin pa gnyis med par 'gyur ro// dus yongs su gzung bas 'phangs pa'i phyir de ltar mi 'gyur la/ so sor zer pa'i mdo bstan pa dang / cang mi smra bar gyur pa la ji ltar brdzun du smra bar yang 'gyur/ 'o na ni rnam par rig byed ma yin pa rnam pa gnyis yin pa'i phyir lung du bstan pa dang / rnam par rig byed ma yin pa ni/ rjes su 'brang ba yin pa'i phyir de'i skad cig pa'i dge ba dang / dge ba yang lus kyi las su mi 'gyur ro// lus dang / ngag gi las gzugs can ni ji ltar brtags kyang rung / dge ba dang / mi dge ba nyid du mi 'grub bo// ci'i phyir zhe na/ lus bor na gang las tshe phyi ma las 'bras bu yid du 'ong ba'am/ mi 'ong ba 'grub par 'gyur ba de 'chad pa'i phyir ro// kha cig na re gang las tshe phyi ma'i 'bras bu yid du 'ong ba'am mi 'ong ba 'grub par 'gyur ba'i las 'das pa de yang yod na ci ste 'grub par mi 'gyur zhes zer te/ las 'das pa yod do zhes bya ba 'di ni 'bras kyi steng du 'bum bu byung ba yin te/ 'das pa zhes bya ba gang zhig sngon byung la phyi sa med pa yin no// 'o na bcom ldan 'das kyis/ bskal pa brgya dag snyed du yang // las rnams chud zar

  319. 160b

    mi 'gyur te// tshegs shing dus dang ldan pa na// lus can rnams la 'bras bur smin zhes gsungs pa gang yin pa ji lta bu/ chud zar mi 'gyur te zhes bya ba'i don ci zhe na/ 'bras bu med par mi 'gyur zhes bya ba'i tha tshig go// de ltar yang byed 'og mas bstan pa yin no// las rnams yun ring por yang 'bras bu dang / bcas par lta bu zhig mi 'dod/ de dag nyid ji ltar 'bras bu 'byin par 'gyur/ 'bras sa lu la sogs pa'i sa bon bzhin du rgyud yongs su 'gyur ba'i khyad par las sam/ rang gi mtshan nyid kyi gnas skabs las zhes bya ba dpyad par bya'o// gal te rang gi mtshan nyid kyi gnas skabs pa dag khon 'bras bu 'byin par 'gyur na ni mo zhig pas na 'bras bu 'byin par bstan par 'gyur ro// de dag rang gi mtshan nyid du med pas de'i phyir zhig pa zhes bya ba ni ma yin no// 'o na ci zhe na/ gang las bya ba mi byed pa'o// mi byed pa ji lta bu/ yang 'bras bu mi 'phen pa'o// ci'i phyir mi 'phen/ 'phangs zin pa'i phyir 'phen par mi nus te/ ji ltar skyes pa yang mi skyed pa bzhin no zhe na/ de dang 'dra ba'i 'bras bu gzhan ci'i phyir mi 'dzin re zhig ji ltar 'bras bu 'phangs pa yin/ skye bar 'dzag par rung bar byed pa'i phyir ro zhe na/ 'on ni zag pa zad pa rnams kyi tham 'bras bu mi 'phen pa dang / sa sor btags pa ma yin pas 'gog pas gang gis 'bras bu 'gags pa zhes bya ba/ thog ma nyid nas bya ba mi byed pa'i phyir de ji ltar byis 'jig par 'gyur/ de bas na de lta bu'i rang bzhin can gyi 'bras bu 'phen par mi 'grub bo// 'o na ji lta na na/ gang gis 'bras bu'i sa bon rnyed gso bar byed pa des 'bras bu 'phangs pa yin no// gang gi ltar na 'das pa yod pa de'i ltar na ma 'ongs pa yang rdzas su yod pa

  320. 161a

    yin na ci'i phyir 'bras bu mi 'phen/ rtag tu dngos po thams cad yod pa nyid yin na ci zhig na ma zhig na med na 'di ltar tshogs pa rnyed na 'bras bu smin par 'gyur zhes bya/ 'dir gang las de'i 'bras bu 'di yin no zhes rnam par bzhag pa 'grub par 'gyur ba 'di la gang zhig ni nus pa yang ci zhig yin/ de bas na gang la tshe phyi ma la 'bras bu 'byung ba'i las 'das pa yod pa nyid de ni mi 'grub po// 'o na ni dge ba dang / mi dge ba'i lus dang / ngag gi las kyi phung po'i rgyud la sems dang mi ldan pa'i chos gzhan zhig skyed de/ kha cig na re brtsegs zhes zer ba dang / gzhan dag na re chud mi za ba zhes zer ba gang las cha tsa ma las 'bras bu yid du 'ong ba'am mi 'ang ba mngon par 'grub pa gang yin pa de yin no// gal te sems kyi hrud la chos gzhan nig mi bskyed na sems gzhan du skyes na leg pa'i yid kyilas kyang ji ltar tshe phyi ma la 'bras bu mngon par 'grub par 'gyur te/ gdon mi za bar de 'dod par bya'o zhe na/ 'o na gzhung la goms pa na yun ring mo zhig lon na yang dran pa skye ba dang / mthong ba la sogs pa'i don gzhan la dran pa skye ba gang yin pa de la goms pa de'am mthong ba la sogs pa de gang gis na phyis dran pa skye bar 'gyur ba'i chos ci zhig gam/ skad cig ma gang la skyed par byed/ 'gog pa'i snyoms par 'jug pa la sogs pa'i 'jug pa'i sems kyis kyang gang gi na phyi sa ldang ba'i sems 'byung bar 'gyur ba dang / ma du lung ga'i me tog la rgya skyegs kyi khu ba dmar pos bsgos pa de dang lhan cig tu 'gag pas kyang de'i 'bras bu la gang gis na phyis nang gi sha dmar po skye bar 'gyur ba'i chos ci zhig skyed par byed/ de bas na ji ltar kun tu brtags pa'i chos gzhan bskyed pa med par yang sems pas sems

  321. 161b

    kyi rgyud la nus pa'i khyad par bskyed pa'i phyir des bsgos pa yongs su 'gyur ba'i khyad par las tshe phyi ma la 'bras bu 'byung bar rig par bya ste/ dper nam du lung ga'i me tog rgya skyegs kyi khu bas bsgos pa'i rgyud las 'bras bu'i nang gis sha dmar pos 'byung ba lta bu'o// 'o na lus dang / ngag gi las kyis kyang sems kyi rgyud la ci'i phyir bsgo bar mi 'dod ce na/ 'di ltar de ni sems la bltos nas dge ba dang mi dge ba nyid du 'gyur ro// gang zhig gang gis dge ba dang mi dge ba nyid du byas pa de nyid kyis de'i rgyud la 'bras bu yid du 'ong ba dang mi 'ong ba 'byin par nus par rung gis de'i rgyud ni ma yin no// 'o na ni gal te las nus kyang des bsgos pa'i sems kyi rgyud las tshe phyi ma la 'bras bu 'byung na/ sems med pa'i snyoms par 'jug pa gnyis dang / 'du shes med pa pa sems kyi rgyud chad pa dag gi las snga ma'i 'bras bu tshe phyi ma la ji ltar 'byung bar 'gyur/ kha cig na re tshe 'di nyid la des bsgos pa'i sems kyi rgyud mtshams 'byor pa las so zhe na/ de yang ci'i phyir mtshams 'byor/ snyoms par 'jug pa'i sems ni de'i de ma thag pa'i rkyen yin pas de las mtshams 'byor ro zhe na/ 'gags nas ring mo zhig lon pa de de ma thag pa'i rkyen du ji ltar 'gyur te/ de ni 'das pa las 'bras bu mi 'byung ngo zhes lan/ btab zin na/ gang las sems gzhan de 'byung / kha cig na re de'i sa bon dbang po gzugs can la gnas pa las te/ sems dang sems las byung ba dag gi sa bon ni sems kyi rgyud dang / dbang po gzugs can gyi rgyud gnas la gnas pa yin te/ ci rigs su sbyar ro zhe na/ 'o na yid dang chos la brten nas yid kyi rnam par shes pa 'byung ngo zhes bya ba ma yin nam/ yid med par de ji ltar skye

  322. 162a

    de kha cig tu yid kyi sa bon las yang yid ces bya bar rgyu las 'bras bu btags pa yin par rig par bya ste/ dper na reg bya'i khyad par la bkres pa dang / sgom pa zhes bya ba lta bu'o// ji ltar na sems dang sems las byung ba rnams kyis so so'i sa bon gyi rgyud gnyis su 'gyur/ myu gu la sogs pa sa bon dang ldan pa dag la ni chos 'di ma mthong ngo // rkyen ni cig la du ma yin gyi// sa bon ni ma yin no// 'on kyang sems med pa'i snyoms par 'jug pa gnyis dang / 'du shes med pa ba sems kyi rgyud chad pa dag gi las snga ma'i 'bras bu tshe phyi ma la ji ltar 'byung bar 'gyur zhes bya ba'i skyon de so na 'dug pa kho na// yin no// sbyin de ni phyogs la yod pa yin no zhe na/ phyogs gang la yod/ gang dag gi ltar na gnas skabs de sems med pa yin pa dag la'o// kha cig ni sems dang bcas pa'i gnas skabs su 'dod de/ dper na btsun pa dbyigagashes kyis yongs su dris pa las/ gang gis ltar na 'gog pa'i snyoms par 'jug pa sems med pa yin pa de la skyon de yod kyi/ kho bo'i ltar na 'gog pa'i snyoms par 'jug pa sems dang bcas pa nyid yin pas zhes smras pa lta bu'o// 'dir mdo'i khungs kyang 'gog pa'i snyoms par zhugs pa'i lus kyi 'du byed dag 'gags pa nas/ dbang po dag ma gyur pa yin zhing rnam par shes pa lus dang / ma bral ba'i bar yin no zhes bya ba khyer te 'ong bar byed do// de dag de'i tshe rnam par shes pa gang yin par 'dod/ kha cig na re yid kyi rnam par shes pa yin no zhes zer ro// 'o na bcom ldan 'das kyis yid dang chos la brten nas yid kyi rnam par shes pa dang / gsum yang dag par 'dus pa'i reg pa dang / lhan cig skyes pa'i tshor ba dang / 'du shes dang / sems pa skye'o zhes ma gsungs sam ji ltar na

  323. 162b

    de'i tshe yid kyi rnam par shes pa yod kyang gsum yang dag 'dus pa ma yin/ gsum yang dag pa yin na yang reg pa med/ reg pa yod na yang gang gis na 'du shes dang / tshor ba 'gog pa zhes bya ba tshor ba dang // 'du shes pa med pa yin zhes bya/ kha cig na re re zhig bcom ldan 'das kyis tshor ba'i rkyen gyis sred pa zhes gsungs pa ji lta bu/ tshor ba thams cad ni sred pa'i rkyen kyang ma yin no// de bzhin du reg pa yang tshor ba thams cad kyi rkyen du mi 'gyur ro zhe na/ de ni bcom ldan 'das kyis gzhan las khyad par du mdzad de/ ma rig pa'i 'dus te reg pa las byung ba'i tshor ba la brten nas sred pa 'byung ngo zhes gsungs pa'i phyir ro// reg pa ni gang du yang khyad par du ma mdzad do// de bas na khyad par med pa'i phyir de ni lan ma yin no// gzhan dag na re 'dus pa nus pa can ni yang dag 'dus pa yin/ de'i tshe gsum 'dus pa ni/ tshor ba dang / 'du shes bskyed pa na nus pa med pa can yin te/ de sun 'byin pas de la snyoms par 'jug pa'i phyir ro// de'i phyir de'i tshe reg pa yang med na 'du shes dang / tshor ba ga la yod de/ yid kyi rnam par shes pa 'ba' zhig lus pa yin no zhe na/ 'o na de dge ba 'am/ nyon mongs pa can nam/ ma bsgribs la lung du ma bstan pa 'am ci 'dra ba zhig/ de las cir 'gyur zhe na/ gal te dge ba yin nam chags pa la sogs pa'i dge ba'i rtsa ba rnams dang mtshungs par ldan pa ma yin pa'i dge ba ji lta bu yin/ ma chags pa la sogs pa yod na yang reg pa med par ji ltar yod/ gal te de ma thag pa'i rkyen dge bas 'phangs pa'i phyir dge ba nyid yin no zhe na/ ma yin te/ dge ba'i mjug thogs su sems rnam pa gsum 'byung ba'i phyir dang / dge ba'i rtsa ba'i stobs kyis dge ba nyid can gyi sems 'phangs pa yin na//

  324. 163a

    de ldog pa'i rgyu mi rung ba'i phyir la/ de ni mi dge ba la yang thal bar 'gyur ro// 'gog pa'i snyoms par 'jug pa ni/ 'gog pa bzhin du dge ba yin no// gal te nyon mongs pa can zhig yin na nyon mongs pa dang / mtshungs par ldan pa ma yin pa'i nyon mongs pa can ji lta bu yin/ nyon mongs pa yod na yang reg pa med par ji ltar yod de/ ji skad du zhu ba bcu pa'i mdo las bcom ldan 'das kyis/ tshor ba'i phung po dang / 'du shes kyi phung po dang / 'du byed kyi phung po gang ci yang rung ba de thams cad dag pa la brten nas 'byung ngo zhes gsungs pa lta bu'o// 'du shes med pa'i snyoms par 'jug pa yang nyon mongs pa can du mi 'dod na/ 'gog pa'i snyoms par 'jug pa lhag la zhig/ 'on te ma bsgribs la lung du ma bstan pa zhig yin no zhe na/ ci de rnam par smin pa las skyes pa zhig yin nam/ 'on te/ spyod lam pa zhig gam/ bzo'i gnas pa zhig gam/ sprul pa zhig yin/ de las cir 'gyur zhe na/ gal te rnam par smin pa las skyes pa zhig yin na/ ji ltar srid pa'i rtse mo'i snyoms par 'jug pa'i sems kyi mjug thogs su 'og ma gzhan brgyad kyis chod pa 'dod pa na spyod pa'i rnam par smin pa'i sems mngon du 'gyur/ snyoms par 'jug pa de yang 'dod pa na spyod pa par ji ltar thal bar mi 'gyur/ de'i mjug thogs su yang mi g.yo ba la sogs pa'i sems ji ltar mngon du 'gyur te/ ji skad du gsus po che chen po'i mdo las/ 'gog pa las langs pa reg pa du zhig la reg legs/ gsus po che chen po gsum la ste/ mi g.yo ba dang / ci yang med pa dang / mtshan ma med pa la'o zhes gsungs pa lta bu'o// sngon gyi las kyis 'phangs pa'i rnam par smin pa 'gog pa la snyoms par 'jug par byed pa rnams kyis ldang ba'i sa tshigs//

  325. 163b

    sngar bsams pa las mi 'da' bar byed do zhes bya ba 'di la yang rigs pa ci zhig yod/ re zhig ji ltar na 'gog pa la dmigs pa srid pa'i rtse mo'i snyoms par 'jug pa'i sems kyi mthar phyin pa na 'dod pa na spyod pa'i sngon gyi bag chags rnam par smin pa'i sems 'grub par bya ba'i phyir 'jug pa 'thob kyi/ ches snga bar ni ma yin/ re zhig ci'i phyir rnam par smin pa'i gzugs ni 'dir chad na yang mtshams mi 'byor la rnam par smin pa'i sems ni mtshams 'byor/ 'on te spyod lam pa la sogs pa zhig yin no zhe na/ de'i tshe spyod lam pa la sogs pa la dmigs pa'i sems sam/ reg pa med par de mngon par 'du byed pa lta ga la yod/ mthar gyis gnas pa'i snyoms par 'jug pa dgu dang / rnam par thar pa brgyad dag ni dge ba yin par 'dod pa'i phyir yang de'i tshe nyon mongs pa can dang / lung du ma bstan pa'i sems mngon du 'gyur bar rigs pa ma yin no// srid pa'i rtse mo'i snyoms par 'jug pa la brten nas 'gog pa la zhi bar yid la byed pa na 'du shes dang / tshor ba 'gog pa la snyoms par 'jug pa yin te/ ji skad du gsus po che chen po'i mdo las 'gog pa'i snyoms par 'jug pa'i dbang du mdzad de/ mtshan ma med pa'i dbyings la snyoms par 'jug pa'i rgyun du lags/ rkyen ni du lags/ gsus po che chen po gnyis te/ mtshan ma thams cad yid la mi byed pa dang / mtshan ma med pa'i dbyings yid la byed pa'o zhes gsungs pa lta bu yin na/ gal te 'gog pa'i snyoms pa'i zhugs pa rnams la yid kyi rnam par shes pa de yod na de'i dmigs pa dang rnam pa ci zhig yin/ gal te 'gog pa la dmigs pa dang / zhi ba'i rnam pa zhig yin no zhe na/ ji ltar dge ba ma yin/ dge ba yin na yang ma chags pa la sogs pa dang

  326. 164a

    mtshungs par ldan pa ma yin/ mtshungs par ldan na yang de dag reg pa'i rkyen gyis ma yin/ 'on te dmigs pa dang / rnam pa gzhar zhig yin no zhe na/ ji ltar 'gog pa'i snyoms par 'jug pa la 'jug pa'i sems kyi mjug thogs su sems g.yeng bar rung / gnyis po de nyid kyi phyir rang gis kun tu brtags pa lung du ma bstan pa gzhan yang mi 'thad do// de bas na rtog ge ba khyed rnams kyis lung gi don ji lta ba bzhin ma rtogs pas 'gog pa'i snyoms par 'jug pa la sogs pa'i gnas skabs na yid kyi rnam par shes pa sems dang bcas pas rtogs pa ni gzu lums su sems pa yin no// 'o na sems dang bcas par ji ltar 'dod par bya zhe na/ ji ltar mdo sde pa kha cig 'dod pa lta bur ro// mdo sde pa kha cig ji ltar 'dod ce na/ rnam par smin pa'i rnam par shes pas ben thams cad panyid mtshams sbyor ba nas bzung ste skye ba de dang der bar chad med par rnam par smin pa'i rgyu tha dad pas tha dad par gyur pa mya ngan las 'das pa la thug gi bar du kun gyi 'jug pa de de'i tshe mi 'chad de/ des na gnas skabs de sems dang bcas pa zhes bya'o// rnam par shes pa'i tshogs drug pa gzhan dag ni mi 'jug ste/ 'gog pa'i snyoms par 'jug pa la sogs pa la 'jug pa'i sems kyi dbang gis dus re zhig rnam pa shes pa de dag gis bon nyams pa'i phyir des na sems med pa zhes bya'o// sems ni rnam pa gnyis te/ de la gcig ni de'i sa bon rnams bsags pa yin no// gnyis pa ni de'i dmigs pa dang / rnam pa dang / bye brag tha dad pa dag gis sna tshogs pa yin no// sems gnyis pa ma tshang ba'i phyir sems med pa yin te/ dper na khri gang pa gcig pa la rkang pa gzhan mtshang ba'i phyir/ gang pa med pa zhes bya ba lta bu'o//

  327. 164b

    sa bon nyams pa'i gnas skabs de zhan pa dang / ches zhan pa dang / shin tu ches zhan pa'i rim pas chu tshan dang mda' 'phangs pa'i shugs 'bri ba'i tshul du des ldang ba'i dus 'phangs pa'i mthar thug pa na/ rnam par smin pa'i rnam par shes pa la skad gcig re re la 'gyur ba'i khyad par las sa bon 'jug pa snyed pas yid kyi rnam par shes pa dang / phyes gzhan dag kyang rkyen ji lta ba bzhin du 'byung ngo// rnam par smin pa'i rnam par shes pa sa bon rnam pa sna tshogs kho na yod pa de nyid la/ de las gzhan pa'i rnam par shes pa dang lhan cig 'byung ba'i chos gzhan dge ba dang mi dge ba de dang de dag gis sa bon rtas par byed pa'i sgo nas ji ltar rig par bsgo bar byed do// rgyud 'gyur ba'i khyad par de las stobs ji lta ba bzhin du bag chags 'jug pa rnyed na tshe phyi ma la 'bras bu 'dod pa dang mi 'dod pa mngon par 'grub bo// de nyid kyi dbang du byas nas/ sems 'di sa bon mtha' yas pa dang ldan pa rgyun gyis 'jug 'gyur zhing / sems la rang rkyen byung na de dang de'i sa bon rtas par 'gyur de ltas rim gyis 'jug pa rnyed na dus su 'bras bu'i byin pa 'grub/ mdu lung ga'i me tog la bsgos tshen ni de'i sha dmar bzhin/ zhes bshad do// de nyid bcom ldan 'das kyis dgongs pa nges par 'grel ba zhes bya ba ga pa chen pa'i mad las/ yin pa'i rnam par shes pa zab cing za// sa bon thams cad chu bo bzhin du 'bab// bdag tu rtog par gyur na mi dA shes// bris pa rnams langs nim bstan ces gsungs so// de yang yang srid par nying mtshams sbyor bar byed pa dag na lus nye bar len pa'i phyir len pa'i rnam par shes pa zhes bya'o// chos thams cad kyi sa bon gyi gzhing gyur pa'i phyir kun gzhi rnam

  328. 165a

    par shes pa zhes bya'o// tshe rabs snga ma'i las kyi rnam par smin pa yin pa'i phyir rnam par smin pa'i rnam par shes pa zhes bya'o// gal te de yang mi 'dod na gzhan gang zhig gis lus zin par 'gyur/ de las gzhan pa'i rnam par shes pa ni ji srid 'tsho ba'i bar du lus mi gtong ba'am khyab par 'dug pa ni med do nyon mongs pa'i bag la nyal gang la gnas pa de'i gnyen pos sel bar byed/ gal te gnyen po'i sems nyid la'o zhe na/ ji ltar na nyon mongs pa'i bag la nyal dang 'brel pa de nyid de'i gnyen por rung / gzugs med pa'i khams su skyes pa nyon mongs pa can dung dge ba dang / ga pa med pa'i sems kyi rlung can dag la de'i 'thabs bsdus pa rnam par smin pa'i/ rdzas gang zhig las de 'gro ba rnam par smin pa ma yin pa dang ldan pa ma yin par yang 'gyur ro// srid pa'i rna rmo phyir mi 'ong ba zag pa zad par byed pa rnams ci yang med pa'i skye mched kyi zag pa med pa'i sems mngon du gyur pa na/ gang gis na de dag de nas shi ma 'phos so zhes bya bar 'gyur ba srid pa'i rtse mo pa'i lus kyi rdzas gzhan gang zhig lus/ ris mthun pa 'am/ srog gi dbang po'i rdzas gzhan ni ci yang med do// rnam par smin pa'i phung po'i 'dra ba dang 'phen pa tsam la de 'dogs pa'i phyir ro// 'dra ba 'am/ 'ben pa'i rdzas gzhan yang med de 'bras bu la sogs pa'i ljang bu 'dra ba dang 'phen pa bzhin no// de bas na gdon mi za bar ji skad bshad pa'i rnam par shes pa gzhan 'dod par bya'o// de nyid btsun pa gos dmar sde pa rnams ni srid pa'i yan lagagi rnam par shes pa zhes 'jog par byed do// gzhan dag ni rtsa ba'i rnam par shes pa zhes zer ro// 'o na de'i dmigs pa dang / rnam pa ci yin zhe na/ dmigs pa dang /

  329. 165b

    rnamapa mchad pa sam// des narnam par shes pa yang yin/ da ba yang lananan/ don 'thag pa'i rnams pang drug pas lags pa'i gnas skabs rnam pa gas pa yang bar smra ba gzhan du/ dang yang mtshungs sa// 'and par smin pa'i phung bgang dugardzogs shen/ ran gyis na rnam pa gas pa'i bar 'an pa'i phung ba dang // 'anam pa shes paban par lan pa'i phung bag na mA sa rgyags drug dag go zhes za ba dang / de bzhin du rnam par shes pa'i kun gyis meng dang gzugs zhes bya ba la/ rnam par shes pa gang zhen/ rnam par nas pa'i chags drug dgan zhes bya ba'i mda'i tshig 'di ltar bya zhe na/ dgongs pa can yin par bang du chud par byas/ de la 'du byed kyi phung pog zhe na/ sems pa'i tshigs drug pa zhes 'byung ba// buste/ dang chos gzhan dag kyang ma 'dus pa ni ma yin na/ 'dil dgangs pa gang yin tan/ zhig bcom ldan 'das kyis dgangs pa ngas par 'grel bltas/ bdag du chug par 'gyu nam dzunan pa/ thos pa rnams sangs ni pa bstan ces gsungs na/ snron phyi pagyu shA/ rnam pa nel 'ab sna ba sardzung pa med du 'byung ga// shi dang / gas rnam pa dang / ngasasu ba kyang gas dang / gang shig sa can mangs pa dang dro'i gtan pa dang mtshungs pad+ma ldan pa'i phyir kun nas nyon mangs pa dang / rnam par byung ba rnam par bzhag pa dang / 'bras bugang gis da'i sa pa gyis rnam par shes pa rjes su dpag pa de khon 'dir rnam par shes par bsan gyi/ d+ha'i rnam par shes pa ni ma yin gyi/ de mas bklag pa'i phyir ro nas bya 'din 'dir dgangs pa yin na// 'dzin srid pa'i ya

  330. 166a

    gi rnam par shes pa rnam par shes pa'i tshogs drug bstan pa yang ji ltar rigs par lan btab pa yin no// rnam par bshad pa'i rigs pa las kyang / der sang mdo sde thams cad ni mi snang zhes bsgrubs te/ de lta bas na mdo sde dag las lhangs por ma gsungs zhes te/ kun gzhi rnam par shes pa 'dod par mi bya ba ni ma yin no// 'o na de lta na ni rnam par shes pa'i rgyun rnam par// smin pa'i rnam par shes pa dang / gzhan dang gnyis cig car 'byung bar 'gyur ro zhe na/ de lta yin na ci nyes/ rnam par shes pa'i rgyud gnyis pa'i lus re re la sems can gnyis/ cig car du gdagra/ par 'gyur te/ dper na lus gzhan gyi rnam par shes pa'i rgyud gnyis pa'i lta bu zhe na/ de ltar mi 'gyur te/ de gnyis ni rgyu dang 'bras bu'i dngos po dang tha dad pa ma yin par 'jug pa nyid kyi phyir dang / rnam par smin pa'i rnam par shes pa'i rgyud la cig shes kyis kyang yongs su sgo bar byed pa'i phyir ro// lus gzhan gyi rnam par shes pa'i rgyud gnyis la ni chos nyid de yang med de/ de bas nad ni nyes pa med do// 'ga' zhig la sa ba ni dang / sa bon gyi drud tha dad pa mthong ngam zhe na/ ud pal la sogs bcu ba dang / rtsa ba can dag mthong ste/ gal te mthong yang rung // gal te ma mthong yang rung / de ltar mi 'dod na/ ji skad du bshad pa'i skyon rnams su thal bar 'gyur bas gdon mi za bar 'dod par bya'o// ci'i phyir bdag gis rdzas nyid rnam par shes pa drug gi rten du mi 'dod ce na/ ci 'dra bar 'dod par bya/ gal te de kun gzhi rnam par shes pa bzhin du/ rgyun gyi rjes su 'dug pa rkyen gyis 'gyur ba zhig yin na ni/ de dang de khyad par zhig yod// 'on te gcig

  331. 166b

    pa dang / gtan du mi 'gyur ba yin no zhe na/ ji ltar na de la rnam par shes pa la sogs pas bag bsgo'ang 'grub pa 'gyur/ bag chags ni nus pa'i khyad par skyed pa yin te/ ma du lung ga'i me tog rgya skyegs kyi khu bas bsgos pa bzhin no// yongs su 'gyur ba'i khyad par med na/ ji ltar de'i bag chags med par sngon myong ba dang / shes pa dang / 'dod chags la sogs pa dag la goms bI/ khyad par las dus su dran pa dang / shes pa dang / 'dod chags la sogs pa'i khyad par 'byung bar 'gyur/ bdag sems med pa'i gnas skabs su gyur pa na/ bdag la ni khyad par med na/ phyis gang las yid kyi rnam par shes pa 'byung / rnam par shes pa rnams ci zhig de la rag lus na/ gang gang gis na bdag de'i rten du rtog/ gal te skye ba yin no zhe na/ bdag la ni khyad par du gyur pa med na/ ci'i phyir rim gyis 'bung / gal te lhan cig byed pa'i chu gzhan la bltos pa'i phyir ro zhe na/ de dag las gzhan pa la de skyed pa'i nus pa yod par ji ltar khong du chud/ 'on te 'dug pa zhig de la gag las pa yin no zhe na/ skyes nas mi gnas pa dag dang / ltung ba ma yin pa dag la 'dug pa ci zhig yod/ de bas na rjen de 'dra ba'i rdzas ni mi 'dod do// de ltar chos thams cad ni bdag med pa yin no zhes 'byung ba'i lung la yang gnod par byas par 'gyur ro// de bas na rang dbang can dang / rtag pa'i bdag gi rdzas yod par rtog pa de ni gyi na'o// des na sems pa'i khyad par gyis yongs su bsgos pa'i kun gzhi rnam par shes pa las tshe phyi ma la 'bras bu'abyung gi/ ji skad du bstan pa'i mtshan nyid can gyis lus dang / ngag gi las las ni ma yin par grub bo//

  332. 167a

    de ltar lus dang / ngag gi las mi 'dod na/ las dag ni gsum ste zhes bya ba mdo'i tshig 'di ci/ de gsal bar nus sam zhe na/ mi nus te/ ji ltar skyon med pa de ltar bstan par ni nus so// ji ltar skyon med ce na/ 'dir las ngag ni gsum ste zhes bstan pa 'di ci'i phyir yin pa dang / lus gang yin pa dang / las ci yin pa dang / don gang gi lus dang / las zhes bya ba dang / lus kyi las zhes bya ba 'di yang bstan dgos la/ de bzhin du ngag dang yid kyi las la'ang brjod dgos so// ci'i phyir lus la sogs pa'i las kho na zhes bya ba/ mig la sogs pa'i las rnams ni ma yin/ re zhig bstan pa 'di ci'i phyir yin zhe na/ bya ba mang pos 'jigs pa rnams la las kyi lam bcu po dag las gsum dag gis bsdus pa'i snyan pa'i phyir te/ 'bri rdzi'i bul bslab pa gsum bstan pa bzhin no// kha cig na re lus kho nas byas pa yin gyi/ ngag dang yid gnyis ni ma yin te/ rnam par rtog pa tsam yin pa'i phyir ro zhes zer ro de dag la de gnyis kyang las nyid du bstan pa'i yang phyir ro// lus 'di dbang po dang bcas pa'i kho ga la 'byung ba dang / 'byung ba las gyur pa 'dus pa'i khyad par yin no// las ni sems pa'i khyad par yin no// bsags pa'i don gyis lus yin te/ 'byung ba dang 'byung ba las gyur pa'i rdul phra rab bsags pa'i phyir ro// kha cig na re ngan pa bsags pa'i don gyis te/ mi gtsang ba'i rdzas kyi 'byung khungs yin pa'i phyir ro zhes zer te/ de dag gi ltar na lha'i ni lus su mi 'gyur ro// byed pa po'i yid mngon par 'du byed pa ni las so// lus g.yo bar byed pa'i las ni lus kyis las so// sems pa ni rnam pa gsum ste/ 'gro ba dang /

  333. 167b

    nges pa dang / g.yo bar byed pa'o// gang gis de dang ldan pa'i rgyud yul gzhan du 'bung ba'i chu'i rlung sgrub pas/ yul g.yo bar byed pa de ni lus kyi las zhes bya ste/ bar gyi tshig mi mngon par byas pa'i phyir/ sman pa la'i 'bru mar lta bu dang / rdul gyi rlung zhes bya ba bzhin no// las kyi lam rnams las sred gcod pa dang / ma byin par len pa dang / 'dod par log par g.yem pa rnam pa gsum lus kyi las su 'dod na/ ji ltar na sems pa la de skad ces bya bar 'gyur zhe na/ des de gsod pa dang len pa dang / log par g.yem par byed pa'i phyir ro// des bskyed pa'i lus kyi rgyud kyis byas pa ni des byas zhes bya ste/ ji ltar chom rkun rnams kyis grong bsregs pa dang / rtswas 'bras chan chos zhes bya ba lta bu'o// ji ltar na sems pa las kyi lam yin zhe na/ de ni las kyang yin la bde 'gro dang / ngan 'gro gnyis kyi lam yang yin pas na las kyi lam mo// yang na lus g.yo ba las kyi lam ste/ sems pa zhes bya ba'i las rnam pa gsum ni de la rten nas 'jug pa'i phyir ro// des kyang srog gcod pa dang / len pa dang / log par g.yem pa'i phyir ro// 'jig rten dag gi rjes su mthun pa de ni lus kyi las zhes bya bar yang ston to de la dge ba dang / mi dge ba ni med med kyi/ 'dogs par ni byed do// de'i sgo nas sems pa de la 'jig rten 'jug pa dang / log par gzud pa'i phyir ro// gal te sems pa kho na las dge ba dang / mi dge ba yin na/ las mi dge ba sdug bsngal 'byung ba sdug bsngal gyi rnam par smin pa can rnam pa gsum ni lus kyis ched du bsams nas byas shing bsags nas byas shing bsags pa yin zhes 'byung ba'i mdo'i lta bu zhe na/ sgo dang / rten dang /

  334. 168a

    dmigs pa des zhes bya bar dgongs pa'o// de las gzhan pa'i sems pa ni yid kyi zhes bya ste/ yid dang mtshungs par ldan pa'i phyir dang / lus dang / ngag rab tu 'jug par mi byed pa'i phyir ro// 'o na ci ste bcom ldan 'das kyis sems pa dang / bsams pa'i las zhes gsungs she na/ sngar sems pa rnam pa gsum bshad pa gang yin pa de las gnyis kyis ni bsams la/ gsum pas ni rab tu 'jug par byed pas de ni bsams pa'i las zhes bya'o// ngag ni tshig ste/ dbyangs kyi khyad par gang gis don go bar byed pa'o// las ni de slong bar byed pa'i sems pa'o// yi ge'i rnam pa yin pa'i phyir ram/ 'dod pa'i don brjod par byed pas na yang dag go/ las ni snga ma bzhin du ngag kun nas slong bar byed pa ni las te/ snga ma bzhin du bar gyi tshig mi mngon par byas pa'i phyir ro// rnam par shes pa ni yid de/ nga yir byas pa'i phyir ram/ skye ba gzhan dang / yul la gzhol bar byed pa'i phyir yid do// lhag ma ni sngar ji ltar bstan pa bzhin no// gal te sems pa kho na lus kyi las su 'gyur na/ sems rnam par g.yengs pa dag dang / sems med pa dag la sems pa de med na/ sdom pa dang sdom pa ma yin pa gnyis ji ltar yod ce na/ sems pa'i khyad par gyi bag chags ma bcom pa'i phyir sdom pa dang sdom pa ma yin pa gnyis yod do khyad par smos pa ni gang las sdom pa dang sdom pa ma yin pa'i rnam par rig byed ma yin pa kun nas ldang bar brtag pa'i sems bakhyad par du bya ba'i phyir ro// de'i bag chags bcom pa ci zhe na/ ji ltar khas blangs pa bzhin spong ba dang spong ba ma yin pa'i sems pa'i rgyu ma yin pa nyid do// gang

  335. 168b

    gis de bcom zhe na/ sdom pa dang sdom pa ma yin pa gtong ba'i rgyu rnam par rig byed kun nas slong bar byed par brtags pa'i sems pa gang yin pa dang / de las gzhan pa'i gtong ba'i rgyus so// / mig la sogs pa'i las ma gsungs pa ni/ 'dir rtsol ba can gyi las 'on brjod par bzhed pa'i phyir byed pa'i las ni ma yin no// rtsol ba can gyi las ci yin zhe na/ byed pa pa'i yid mngon par 'du byed pa gang yin pa'o// byed pa ci yin zhe na/ gang la mig la sogs pa so so'i nus pa yod pa'o// las gsum bcom ldan 'das kyis gsungs gang tshul gang gis/ rab tu 'grub 'gyur ma bshad de kun bka' stsal pa'i/ las grub 'di dag gis bshad bsod nams gang yin des/ 'gro 'di sangs rgyas pa yi rnam dag thob par shog/ las grub pa'i rab tu byed pa slob dpon dbyig gnyen gyis mdzad pa rdzogs so// // rgya gar gyi mkhan po bi shud+d+ha sid+ha dang / lo tsA ba dge slong rtsangs ban+de de ben+na dak+Shi nya swa ba skur cing / zhu chen gyi lo tsA ba ban de dpal brtsegs kyis zhus te/ gtan la phab pa// @#// theg pa chen pa'i chos brgyags la ba'i sgo'i bstan po chos bzhugs so// @#// rgya'i skad du/ tA'i tshing pa'i hA mi mun lun/ bod skad du/ theg pa chen po'i chos brgyagasal ba'i sgo'i bstan bcos/ 'jam dpal gzhon nur gyur pa la phyag 'tshal lo// bcom ldan 'das kyis chos thams cad bdag med do zhes gsungs pa ni chos thams cad ces bya ba gang yin pa dang / bdag med pa de gang la brjod ce na/ chos thams cad ni bsdu na ngo bo lnga yod de/ sems kyi tshes dang / sems las byung ba'i chos dang / gzugs kyi chos dang / 'du byed phan

  336. 169a

    tshun mi ldan pa'i chos dang / 'dus ma byas kyi chos dang / de la thams cad khyad par du bya ba'i phyir dang / 'di dang phan tshun pa'i phyir dang / mngon sum du gyur pa'i phyir dang // bye brag 'di rnams mi 'dra ba'i phyir dang / don mngon du bya ba'i phyir rim pa 'di ltar dbye bar bya'o// sems kyi chos la ngo bo yod de/ mig gi rnam par shes pa dang / sna ba'i rnam par shes pa dang / sna'i/ rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / rnam par smin pa'i rnam par shes pa dang / nyon mongs pa can gyi yid kyi rnam par shes pa'o// sems las byung ba'i chos la bsdun ngo bo drug yod de/ kun tu 'gro ba lnga yod pa dang / gzhan yul nges pa la lnga yod pa dang / dge ba la bcu gcig yod pa dang / rtsa ba'i nyon mongs pa drug yod pa dang / rjes su 'gro ba'i nyon mongs pa nyi shu yod pa dang / gzhan du 'gyur ba bzhi yod pa'o// kun tu 'gro ba lnga gang zhe na/ yid la byed pa dang / reg pa dang / tshor ba dang // sems pa dang / 'du shes so// gzhan yul nges pa gang zhe na/ 'dun pa dang / khyad par dran pa dang / mos pa dang / ting nge 'dzin dang / shes rab bo/ dge ba bcu gcig gang zhe na/ dad pa/ dang / brtson 'grus dang / ngo tsha chad pa dang / khrel yod pa dang / 'dod chags med pa dang / zhe sdang med pa dang / gti mug med pa dang / shin du sbyangs par gnas pa dang / bag yod pa dang / btang snyoms dang / rnam par mi 'tshe ba'o// rtsa ba'i nyon mongs pa drug gang zhe na/ 'dod chags dang / zhe sdang dang / ma rig pa dang / nga rgyal dang / the tshom dang / phyin ci log gi lta ba'o// rjes su

  337. 169b

    'gro ba'i nyon mongs pa nyi shu gang zhe na/ khro ba dang / khon du 'dzin pa dang / 'tshig pa dang / 'chi ba dang / g.yo ba dang / chags pa dang / rngu dang / rnam par 'tshe ba dang / phrag dog dang / ser sna dang ngo tsha med pa dang / khrel med pa dang / ma dad pa dang / le lo dang / bag med pa dang / rmugs pa dang / rgod pa dang / dran pa dor ba dang / shes pa phyin ci log dang / rnam par g.yeng ba'o// gzhan du 'gyur ba bzhi gang zhe na/ gnyid dang / dpyod pa dang / 'gyod pa dang / rtog pa'o// gzugs kyi chos la bsdu na ngo bo bcu gcig gang zhe na/ mig gi dbang po dang / rna ba'i dbang po dang / sna'i dbang po dang / lce'i daphung po dang / lus kyi dbang po dang / gzugs dang / sgra dang / dri dang / ro dang / reg bya dang / chos kyi phyogs so// btags pa pa 'du byed phan tshun mi ldan pa'i chos la bsdun ngo bo nyi shu rtsa bzhi gang zhe na/ thob pa dang / srog gi rtsa ba dang / skal ba rigs mthun pa dang / so so'i skye bo dang / 'du shes med pa pa dang / rdzogs pa'i 'du shes med pa dang / 'gog pa'i snyoms par 'jug pa dang / ming gi tshogs dang / tshig gi tshogs dang / yi ge'i tshogs dang / skye ba dang / rgas pa dang / gnas pa dang / mi rtag pa dang / rgyun 'khor ba dang / so sor nges pa dang / phan tshun 'brel ba dang / stobs byung ba dang / go rigs dang / dus dang / phyogs dang / grangs dang / spyod pa mthun pa'i tshogs dang / spyod pa'i mi mthun pa'i tshogs so// 'dus ma byas pa'i/ chos la bsdu na ngo bo drug gang zhe na/ stong pa nyid kyi 'dus ma byas dang / brtags pas 'gog pa'i 'dus ma byas dang / brtags pas 'gog pa ma yin pa'i 'dus ma byas dang / mi g.yo ba'i

  338. 170a

    'dus ma byas dang / 'du shes dang tshor ba'i 'dus ma byas dang / rnam pa de bzhin nyid kyi 'dus ma byas so// zhes bya ba'i phyir bdag gi/ chos de med par gsungs so// de rnams bsdu na ngo bo yang gnyis yod de/ dang po gang zag gi bdag med pa dang / gnyis pa chos kyi bdag med pa'o// theg pa chen po'i chos brgya gsal ba'i sgo'i bstan bcos yongs su rdzogs so// / rgya'i dpe la slob dper dbyig gnyen gyis mdzad pa snang / ding sang bod rnams dpal ldan chos skyong gis mdzad ces grags so// dpal ldan dbang phyug rgya'i lo nA ba thang sam cang zhes bya bas rgya gar las rgya'i yul du ba sbur zhing / gyis ston pa dge slong chos kyi rgyal mtshan zhes bya ba sa bskur bar nus pa'i don du gzhi thams cad yod par smra ba'i sde pa las rab tu byung ba/ rgya nag chen po'i lnga btsun chos kyi rin chen gyis dpal sa s+ya'i gtsug lag khang du bsgyur zhing legs par gtan la phab pa'o// @6// sum pa'i bgad patho ba rtan gyis mdzad pa'o// rgya gar skad du/ tri dwi ka bal+yaM/ bod skad du/ sum cu pa'i bshad pa/ bam po dang po// 'jam dpal gzhon nur gyur pa la phyag 'tshal lo// gang zag dang chos la bdag med pa ma rtogs pa dang log par rtogs pa rnams la gang zag dang chos la bdag med pa ma log par bstan pa'i phyir/ rnam par rig pa'i rab tu byed pa sum cu pa brtsams so// de la gang zag dang chos la bdag med par bstan pa'ang nyon mongs pa dang shes bya'i sgrib pa spang ba'i phyir te/ 'di ltar 'dod chags la sogs pa nyon mongs pa rnams ni bdag lta ba las 'byung ngo // gang zag la

  339. 170b

    padag med par khong du chud pa ni 'jig tshogs la lta ba'i gnyen po yin pas na de spangs na nyon mongs pa thams cad spong bar 'gyur ro// chos la bdag med pa yang shes bya'i sgrib pa'i gnyen po yin pas shes bya'i sgrib pa spong bar 'gyur ro// nyon mongs pa dang shes bya'i sgrib pa spang ba yang thar pa dang thams cad mkhyen pa thob par bya ba'i phyir ro// nyon mongs pa rnams ni thar pa 'thob pa la sgrib pas sa de'i phyir de dag spangs na thar pa 'thob par 'gyur ro// shes bya'i sgrib pa ni shes bya thams cad la ye shes 'jug pa'i bar du gcod par gyur pa nyon mongs pa can ma yin pa'i mi shes pa ste/ de/ spangs na shes bya'i rnam pa thams cad kun la chags pa med pa dang / thogs pa med pa'i ye shes 'jug ste/ de'i phyir thams cad mkhyen pa thob par 'gyur ro// yang na chos dang gang zag la mngon par zhen pa dag sems tsam du yang dag pa ji lta ba bzhin du rab tu mi shes te/ de'i phyir chos dang gang zag bdag med par bstan pas rnam par rig pa tsam 'bras bu dang bcas pa la mthar gyis 'jug par bya ba'i phyir rab tu byed pa 'di brtsams so// yang na rnam par shes pa bzhin du shes bya yang rdzas nyid du kha cig sems pa dang / gzhan dag shes bya bzhin du rnam par shes pa yang kun rdzob nyid du yod kyi don dam par ni med do snyam du sems pa mtha' gcig tu smra ba 'di rnam gnyis dgag pa'i phyir rab tu byed pa 'di brtsams so// bdag dang chos su nyer 'dogs pa// sna tshogs dag ni gang 'byung ba// 'jig rten pa dang bstan bcos la'o zhes bya ba ni tshig gi lhag pa'o// de ni rnam par shes par gyur// bdag dang tshes su nyer 'dogs pa zhes bya ba dang sbyar ro// bdag dang chos su nye

  340. 171a

    khang 'dogs pas/ bdag dang chos su nye bar 'dog pa pa ste/ de yang bdag tu btags pa dang / ros pa btags pa'o// sna tshogs zhes bya ba ni rngapa pa du ma ste/ bdag dang klog dang / skyeb po dang / shed las skyes pa dang / shed bu dang / de dag la sogs bdag ni bdag dranye bar 'dogs pa'o// bang po dang / 'ams dang / skye bached rnams dge/ gzugs dang / sar ba dang / 'du shes dang / 'du byed dang / rnam par shes pa dang / de dag la sogs pa dag de chos su nye bar 'dogs pa dang rnga pa gnyis ni rngab par shes pa dUr ba nyid de/ bdagag pa ra sa dpa dngos po la nye bar 'dogs pa ni ma yin no zhes bya ba de ji lta bzhin ces rnapas dang / bdag de rnam par shes par gyur ba las phyi rolan byed pa'i phyir ro// rAr ces bya ba dag pa nA na/ gzhadang zur pa ste/ d+h+rU'i skad cig 'gag pa dang / dus pa nya ma dud+ha'i skad cig dang po 'dra ba 'bras pa'i bdag nyid thob pa ni drar pa'o// del bdag la sogs par rnam par rtogs pa'i bag chags yongs su tas shing gzugs la sogs pa rnam par rtog pa'i bag chags yongs sartas dku da ka'i rnam par shes pa la sogs par snang ba dang / gzugs la sogs par snang ba'i rnam par rtog pa 'thung/ de la bdag la sogs par ldang ba dang / gzugs la sogs par snang ba yang phyi rol gyi bad dang / ras rnams med par rtog pa de las bya ram du gyur pa lta bu hA ra byas nas/ bdag la sogs pa nye bar 'dogs pa dang / gzugs la sogs pa chos su nye bar 'dogs pa thag den pa'i dus ras 'jug ste/ dper rang ba rib can gyis sra bshad 'dzings pa la sogs pa mthong ba bzhin/

  341. 171b

    nye bar 'dogs pa zhes bya ba ni gang la gang med pa de la de nye bar 'dogs te/ dper na mi blan po la ba lang zhes bya ba lta bu'o// de ltar na rnam par shes pa'i rang gi ngo bo dang / phyi rol na yang bdag dang chos rnams med pas bdag dang chos rnams kun du btags pa nyid de/ don dam par yod pa ma yin pas shes bya yang rnam par shes pa bzhin du rdzas nyid do zhes mtha' gcig du smra ba 'di las mi blang ngo // nye bar 'dogs pa ni gzhi med par mi srid pas gang la bdag dang chos su nye bar 'dogs pa 'byung ba'i rnam par shes pa gyur pa dngos po yod par nges par khas blang ngo // de bas na rnam par shes pa yang shes bya bzhin du kun rdzob nyid de/ don dam par med do zhes khas len pa des rigs pa mi bzod de/ kun rdzob du yang dngos po med par 'gyur ba'i phyir ro// rten med na kun rdzob du mi rung ste/ de bas na mtha' gcig du smra ba rnam pa 'di gnyi ga yang mi rigs pa'i phyir gtang ngo zhes slob dpon gyi tshig go/ de ltar na shes bya thams cad kuran brtags pa'i ngo bo nyid yin pas dngos po med do// rnam par shes pa ni rten cing 'brel par 'byung bar rdzas su yod par khas blang ngo // rnam par shes pa rten cing 'brel par 'byung ba ni gyur pa'i sgras bstan pa'o// phyi rol gyi don med par rnam par shes pa nyid don gyi rnam par 'byung ba 'di ji ltar shes pa rung zhe na/ phyi rol gyi don ni bdag snang ba'i rnam par shes pa bskyed pa'i phyir rnam par shes pa'i dmigs pa'i rkyen du 'dod kyi byed rgyu tsam du 'dod pa ni ma yin te/ de ma zag pa'i rkyen la sogs pa dang bye brag med par 'gyur ba'i phyir ro// rnam par shes pa'i tshogs lnga po dag ni bsags pa la dmigs pa ste/ de'i rnam pa dang 'dra ba'i phyir ro//

  342. 172a

    bsags pa ni cha shas 'dus pa tsam las gud na med de/ cha shas de dag btsal nas bsags pa'i rnam pa'i rnam par shes pa med pa'i phyir ro// de bas na phyi rol gyi don med par// rnam par shes pa bsags pa'i rnam par 'byung ngo // rdul phra rab bsags pa'i bdag nyid ni rdul phra rab dag ni de'i rnam pa ma yin pa'i phyir ro// rdul phra rab rnams ma bsags pa'i dus las bsags pa'i dus na yang rang bzhin bye brag pa gyur pa ci yang med de/ de bas na rdul phra rab rnams ma bsags pa bzhin du bsags pa yang dmigs par mi rung ngo // gzhan dag rdul phra rab re re gzhan la mi bltos pa ni dbang pos mi rtogs kyi/ dbang po phan tshan bltas pa ni dbang pos bzung ba'o snyam du sems pa de dag gi bltos pa dang ma bltos pa'i dus na rang bzhin bye brag du gyur pa med pas dbang pos gzung ba 'am/ dbang pos mi rtogs pa gcig du 'gyur ro// gal te ban tshun bltos pa'i rdul phra rab nyid rnam par shes pa'i yul du gyur du zin na ni/ de ltan bum pa dang rtsig pa la sogs pa'i rnam pa zad pa gang yin pa de rnam par shes pa la 'byung ba mi 'gyur ro// rdul phra rab dag de'i rnam pa ma yin pa'i phyir ro// rnam par shes pa la snang ba yang gzhan la yul yang rnam pa gzhan du ni ha cang thal bar 'gyur/ bas mi rigs so// rdul phra rab dag kyang tshu rol dang pha rol dang dbus kyi cha yod pasag ba la sogs pa bzhin du don dam par yod pa ma yin no// de ni mi len na ni rdul phra rab la shar dang / lho dang / nub dang / byang la sogs pa'i phyogs tha dad pa med par 'gyur ro// de'i phyir rnam par shes pa bzhin du rdul phra rab kyang lus med pa dang / yul na mi gnas par 'gyur ro// de lta na 'o na phyi rol gyi don med pa'i phyir

  343. 172b

    rnam par shes pa nyid don gyi rnam par 'byung ste/ rmi lam gyi rnam par shes pa dang mtshungs par khas blang ngo // tshor ba la sogs pa dag kyang 'das pa dang ma 'ongs pa ni de'i rnam pa'i rnam par shes bskyed pa ma yin te/ 'gag pa dang ma skyed pa'i phyir ro// da ltar gyi dag kyang da ltar gyi rnam par shes pa skyed pa ma yin te/ skye ba'i tshe na ni med pa'i phyir ro// skyes pa'i tshe na ni rnam par shes pa yang de'i rnam par skyes pa'i phyir bya ba cung zad kyang med pas yid kyi rnam par shes pa yang dmigs pa med pa nyid du skye'o// gzhan dag na re ba dag dang chos dmigs su med na nye bar 'dogs par mi rung ste// nye bar 'dogs par ni gsum yod na 'gyur gyi/ gang yang rung ba zhig med na mi 'gyur te/ don gyi dngos dang / de dang 'dra ba'i yul gzhan dang / de gnyi ga dang 'dra ste/ dper na don gyi dngos med dang de dang 'dra ba bram ze'i khye'u dang / de gnyis ka'i thun mong gi chos ser ba nyid dang rno ba nyid yod na bram ze'i khye'u la ma nye bar 'dogs par byed pa lta bu'o zhes zer ro// 'di la bram ze'i khye'u la me nye bar 'dogs pa ni ris sam rdzas shig nye bar 'dogs grang na/ nye bar 'dogs pa gnyi ga yang med do// de la re zhig thun mong gi chos ser ba nyid dam rno ba nyid ni me'i rigs kyi ma yin no// thun mong gi chos med par bram ze'i khye'u la nye bar gdags su mi rung ste/ ha cang thal bar 'gyur ro// rigs chos de gnyis dang ldan pa ma yin yang rno ba nyid dang ser ba nyid rigs med par mi 'byung ba'i phyir bram ze'i khye'u la rigs nye bar 'dogs par 'gyur ro zhe na/ rigs med par yang rno ba nyid dang ser ba nyid bram ze'i khye'u la mthong ba'i phyir med par mi 'byung ba yang rigs pa ma yin no// med par

  344. 173a

    mi 'byung ba ni nye bar 'dogs pa la med de/ mi bzhin du bram ze'i khye'u la rigs yod pa'i phyir ro// de bas na bram ze'i khye'u la rigs nye bar gdags su mi rung ngo // rdzas su nye bar gdags su mi rung ste/ spyi'i chos med pa'i phyir ro// me'i yon tan rno ba'am ser ba gang yin pa de nyid bram ze'i khye'u la med do// de ci'i phyir zhe na/ de de las gzhan te/ bye brag ni rang gi gnas dang 'brel ba'i phyir ro// me'i yon tan med par bram ze'i khye'u la me nye bar gdags pa ni mi rigs so// gal te me'i yon tan dang 'dra bas rigs so zhe na/ de lta na yang 'dra ba'i phyir me'i yon tan rno ba nyid dang // / ser ba nyid bram ze'i khye'u'i yon tan rno ba nyid dang ser ba nyid la nye bar gdags su ni rung gi/ yon tan 'dra bas bram ze'i khye'u la me nye bar gdags su ni mi rung ste/ me ni yon tan gyi 'dra ba dang 'brel pa med pa'i phyir ro// de lta bas na rdzas nye bar gdags su yang mi rung ngo // don gyi dngos yang med de/ de'i rang gi ngo bo ni shes pa dang brjod pa thams cad kyi yul las 'das pa'i phyir ro// gtso bo la shes pa dang brjod pa yon tan gyis 'jug par zad de/ de'i rang gi ngo bo la ni mi reg go/ gzhan du na yon tan don med par 'gyur ro// shes pa dang brjod pa ma gtogs par don gyi dngos kyi rang gi ngo bo yongs su gcod pa'i thabs gzhan med pas de'i phyir gtso bo'i rang gi ngo bo'i yul la shes pa dang brjod pa med pas don gyi dngos po med par khong du chud par bya'o// de bzhin du sgra'i bar du 'brel pa med pas shes pa dang brjod pa gang yang med do// de ltar na brjod pa dang brjod par bya ba med pas don gyi dngos po med do// yang 'di dag thams cad ni gtags pa nyid de dngos ni med do// /

  345. 173b

    btags pa zhes bya ba ni gang na gang med pa'i tshul gyis 'jug pa ste/ sgra thams cad kyang gtso bo la med par btags pa'i ngo bos 'jug go/ de bas na dngos po med pa nyid de/ de la bdag dang chos su med na nye bar 'dogs pa mi rigs so zhes smras pa gang yin pa de mi rigs so// rnam par shes pa gyur pa rab tu dbye ba du yod pa mi shes te/ de bas na de'i dbye ba rab tu bstan pa'i phyir/ gyur pa de yang rnam gsum ste/ zhes bya ba smos so// gang la bdag nye bar 'dogs pa dang / chos nye bar 'dogs pa de yang rgya'i dngos po dang 'bras bu'i dngos po tha dad pa'o// de la rgyur gyur pa ni// / kun gzhi rnam par shes pa la rnam par smin pa dang rgyu mthun pa'i bag chags rgyas pa gang yin pa'o// 'bras bur gyur pa ni sngon gyi las kyi 'phangs pa yongs su rdzogs la/ rnam par smin pa'i bag chags 'byung ba rnyed nas ris mthun pa gzhan dug tu kun gzhi rnam par shes pa mngon par 'grub pa gang yin pa dang / rgyu mthun pa'i bag chags 'byung ba rnyed nas 'jug pa'i rnam par shes pa dang nyon mongs pa can gyi yid kun gzhi rnam par shes pa las mngon par 'grub pa gang yin pa'o// de la 'jug pa'i rnam par shes pa dge ba dang mi dge ba ni kun gzhi rnam par shes pa la rnam par smin pa'i bag chags dang chu mthun pa'i bag chags skyed do// lung du ma bstan pa dang / nyon mongs pa can gyi yid ni rgyu mthun pa'i bag chags nyid skyed do// gyur pa rnam pa gsum bshad pa gang yin pa de yang mi// shes nas/ de bas na de'i rab tu dbye ba bstan pa'i phyir/ rnam par smin dang ngar sems dang / yul la rnam par rigs pa'o zhes pa smos pa/ gyur pa rnam pa gsum po de dag ni rnam par smin pa

  346. 174a

    zhes bya ba dang / ngar sems pa zhes bya ba dang / yul la rnam par rig pa zhes bya ba'o// de la las dge ba dang mi dge ba'i bag chags yongs su smin pa'i dbang gis ji ltar 'phangs pa'i 'bras bu mngon par 'grub pa ni rnam par smin pa'o// nyon mongs pa can gyi yid ni rtag tu ngar sems pa'i bdag nyid yin pas ngar sems pa'o// gzugs la sogs pa yul so sor snang bas mig la sogs pa'i rnam par shes pa rnam pa drug ni yul la rnam par rig par bya'o// de'i rang gi ngo bo bshad pa med par de mi rtogs pas de bas na rang gi ngo bo gang yin pa de rim pa bzhin du rab tu bstan pa'i phyir/ de la kun gzhi rnam shes ni/ rnam smin sa bon thams cad pa zhes bya ba smos so// de la zhes bya ba ni gang gyur pa rnam pa gsum bshad ma thag pa la bya'o// kun gzhi zhes bya ba ni kun gzhi rnam par shes pa la bya'o// rnam par shes pa gang yin pa de rnam par smin par gyur pa'o// de kun nas nyon mongs pa'i chos thams cad kyi sa bon gyis gnas yin pas kun gzhi ste// kun gzhi dang rten ces bya ba ni rnam grangs su gtogs pa'o// yang na de la chos thams cad 'bras bu'i dngos por 'jug cing 'brel ba'am de chos thams cad la rgyu'i dngos por 'jug cing 'brel pas kun gzhi'o// rnam par shes pa byed pas rnam par shes pa'o// khams dang / 'gro ba dang / skye gnas dang / rigs thams cad du las dge ba dang mi dge ba'i rnam par smin pas rnam par shes pa'o// chos thams cad kyi sa bon gyi gnas yin pas sa bon thams cad pa'o// gal te 'jug pa'i rnam par shes pa las gud na kun gzhi rnam par shes pa yod na go ba de'i phyir dmigs pa/

  347. 174b

    dang rnam pa yang brjod dgos te/ dmigs pa med pa dang / rnam pa med pa'i rnam par shes pa ni mi rung ngo // de dmigs pa med pa dang rnam pa med par ni mi 'dod mod kyi/ 'on kyang dmigs pa dang rnam pa yongs su ma chad pa'o// ci'i phyir zhe na/ 'di ltar kun gzhi rnam par shes pa ni nang gi nye bar len pa'i rnam par rig pa dang / phyi rol gyi rnam pa yongs su ma chad pa snod kyi rnam par rig pa dang rnam gnyis su 'byung ste/ de la nang gi nye bar len pa ni kun brtags pa'i ngo bo nyid la mngon par zhen pa'i bag chags dang / gnas dang bcas pa'i dbang po'i gzugs dang ming ste/ de'i dmigs pa shin tu phra ba'i phyir ro// de'i len pa dag dang gnas/ rnam pa rigs pa mi rigs te/ gang la len pa mi rigs pa dang / gnas kyi rnam par rig pa mi rig pa yod pa'i phyir kun gzhi rnam par shes pa de len pa dang gnas kyi rnam pa rig pa mi rig pa'o// de la len pa ni len par byed pa'o// de yang bdag la sogs par rnam par rtog pa'i bag chags dang / gzugs la sogs pa'i chos su rnam par rtog pa'i bag chags so// de yod pa'i phyir kun gzhi rnam par shes pas bdag la sogs pa rnam par rtog pa dang / gzugs la sogs pa rnam par rtog pa 'bras bur len pas bdag la sogs par rnam par rtog pa dang / gzugs la sogs par rnam par rtog pa'i bag chags de ni len pa zhes bya ste/ de ni 'di la 'di'o zhes tshor ba'i rnam par mi rigs pas de'i phyir de ni len pa mi rig pa zhes bya'o// / yang na gnas nye bar len pas len pa'o// gnas ni lus so// de yang gnas dang bcas pa'i dbang po'i gzugs dang ming ngo // de'i nye bar len pa gang yin pa de ni nye bar 'gro ba ste/ de grub pa dang bde

  348. 175a

    ba gcig pas len pa'o// de la 'dod pa dang / gzugs kyi khams na ni gnyi ga len to// gzugs kyi 'dod chags dang bral bas/ gzugs med pa'i khams na ni/ gzugs su rnam par smin pa mngon par mi 'grub pas ming bzhi len pa nyid de/ 'od kyang de ni gzugs bag chags kyi dus nyid de/ rnam par smin pa'i dus ni ma yin no// len pa de la 'di'o zhes rig par mi nus pas de'i phyir mi rig pa zhes bya ba'o// gnas kyi rnam par rig pa ni sdod kyi 'jig rten gnas par rnam par rig pa ste/ de yang dmigs pa dang rnam pa yongs su ma chad par 'byung bas mi rig pa zhes bya'o// / ji ltar na rnam par shes pa dmigs pa dang rnam par yongs su ma chad par 'gyur zhe na/ 'di ni rnam par shes par smra ba gzhar ngag gi 'gog pa'i snyoms par 'jug pa la sogs pa'i dus dang mtshungs so// 'gog pa la sogs pa'i dus na rnam par shes pa med par rtog par yang mi nus te/ rigs pa dang 'gal ba'i phyir ro// de la kun gzhi rnab shes ni zhes smos pas rnam par shes pa ni nges par sems las byung ba rnams dang mtshungs par ldan par de'i phyir sems las byung ba gang dag yin pa dang / du zhig dang mtshungs par ldan pa yang bshad dgos la/ de bzhin du ci sems las byung ba de dag dang rtag tu mtshud par ldan nam/ 'on te ma yin zhe na/ de'i phyir/ rtag tu reg dang yid byed dang / reg dang 'du shes sems par ldan zhes bya ba smos so// rtag tu zhes bya ba ni kun gzhi rnam par shes pa ji srid pa de srid du reg pa dang / yid la byed pa dang / tshor ba dang / 'du shes dang / sems pa zhes bya ba kun tu 'gro ba'i chos lnga po 'di dag dang ldan no// reg pa ni tshor ba'o// del

  349. 175b

    reg pa ni gsum 'dus nas dbang po'i 'gyur ba yongs su gcod pa ste/ tshor bar rten byed pa'i las can no// dbang po dang / yul dang / rnam par shes pa gsum nyid gsum mo// de'i rgyu dang 'bras bu'i dngos por dus mnyam du gnas pa ni gsum 'dus pa'o// de yod na dang dus mnyam pa nyid na bde ba la sogs pa'i tshor ba dang mthun pa dbang po'i 'gyur ba gang yin pa de dang 'dra ba bde ba la sog pa myong bar 'gyur ba'i yul gyi rnam pa yongs su gcod pa gang yin pa de reg pa'o// dbang po yang bye brag gang gis bde ba dang sdug bsngal la sogs pa'i rgyu nyid du 'gyur ba de ni de'i 'gyur ba'o// / reg pa yang dbang po'i 'gyur ba dang 'dra bas dbang po'i reg pa'am/ dbang po'i reg pas reg pa zhes bya'o// de'i phyir yul gyi 'gyur ba yongs su gcod pa'i bdag nyid yin du zin kyang dbang po 'gyur ba yongs su gcod pa zhes bshad do// 'di'i las ni tshor ba'i rten te/ de skad du mdo las kyang / bde ba myong bar 'gyur ba'i reg pa la brten nas/ bde ba'i tshor ba 'byung ngo zhes rgya cher gsungs so// yid la byed pa ni sems kyi 'jug pa'o// 'jug par byed pas 'jug pa ste/ dmigs pa la gang gis sems mngon du phyogs par byed pa'o// de ni dmigs pa la sems 'dzin pa'i las can te/ sems 'dzin pa ni dmigs pa de nyid la sems yang dang yang du gtod pa'o// las de yang sems kyi rgyun gyi dmigs pa nges par yid la byed pa bye brag can gyi dbang du byas nas bshad kyi/ de sems kyi skad cig re re la ni ma yin no// de ni skad cig re re nyid la las byed pa yin gyi/ skad cig gzhan la ni ma yin no// tshor ba ni myong ba'i rang bzhin no// de yang yul sim par byed pa

  350. 176a

    dang / gdung bar byed pa dang / de gnyi ga'i rnam pa las dben pa'i rang gi ngo bo mngon du byed pa'i bye brag gis rnam pa gsum du 'gyur te/ bde ba dang / sdug bsngal dang / sdug bsngal ba yang ma yin pa'o// 'di snyam du sems te/ las dge ba dang / mi dge ba rnams kyi 'bras bu rnam par smin pa 'dis myong bar byed pas myong ba ste/ de la bde ba myong ba ni las dge ba rnams kyi 'bras bu rnam par smin pa'o// sdug bsngal myong ba ni las mi dge ba rnams kyi 'bras bu rnam par smin pa'o// sdug bsngal yang ma yin bde ba yang ma yin pa myong ba ni las dge mi dge gnyi ga'i 'bras bu rnam par smin pa'o snyam du sems so// 'dir dkun gzhi rnam par shes pa nyid las dge ba dang / mi dge ba'i rnam par smin pa ste/ don dam par nad dang mtshungs par ldan pa'i btang snyoms nyid las dge ba dang / mi dge ba rnams kyi 'bras bu rnam par smin pa'o// bde ba dang sdug bsngal ni las dge ba dang / mi dge ba'i rnam par smin pa las byung ba'i phyir rnam par smin pa zhes nye bar 'dogs so// del bde bstong ba ni gang byung na 'bral bar mi 'dod pa dang / 'gashes na slar zad par 'dod pa sku'o// sdug bsngal byung ba ni gang byeng na bral bar 'dod pa dang / gags slar phrad par mi 'dod pa'o// sdug bsngal yang ma yin bde ba yang ma yin pa myong ba ni gang byung ngam 'gag kyang rung gnyi ga mi skye ba'o// 'du shes ni yul la mtshan mar 'dzin pa'o// yul ni dmigs pa'o// mtshan ma ni de'i bye brag sngon po dang / ser po la sogs pa dmigs pa rnam par bzhag pa'i rgyu'o// de la 'dzin pa ni 'di sngon po nyid yin gyi ser po ni ma yin no zhes rtog pa'o// sems

  351. 176b

    pa ni sems mngon par 'du byed pa yid g.yo bar byed pa ste/ gang yod na khab long gi dbang gis lpags g.yo ba bzhin du dmigs pa la sems g.yo bar byed pa'o// tshor ba ni rnam pa gsum ste/ bde ba dang sdug bsngal ba dang / sdug bsngal yang ma yin bde ba yang ma yin pa'o// chos kyang rnam pa bzhi ste/ dge ba dang / mi dge ba dang / bsgribs pa'i lung du ma bstan pa dang / bsgribs pa'i lung du ma bstan pa yin no// de la kun gzhi rnam par shes pa la tshor ba spyir bshad pas tshor ba rnam pa gsum la tshor ba gang yin pa mi shes la/ de bzhin du de yang ci dge ba 'am/ mi dge ba'am/ bsgribs la lung ma bstan pa 'am/ ma bsgribs la lung du ma bstan pa gang yin pa gtol med pas de'i phyir/ de la tshor ba btang snyoms te/ de ni ma bsgribs lung ma bstan ces bya bas smos so// de la zhes bya ba ni kun gzhi rnam par shes pa nyid kyi skabs yin pas der bsnyegs so// kun gzhi rnam par shes pa la tshor ba btang snyoms nyid yin gyi bde ba yang ma yin sdug bsngal ba yang ma yin te/ de gnyis kyi dmigs pa dang rnam pa yongs su chad pa'i phyir ro// de nim bai sgribs lung ma bstan ces bya ba yang kun gzhi rnam par shes pa la bsnyegs so// de la ma bsgribs pa smos pa ni bsgribs pa'i lung du ma bstan pa rnam par gcad pa'i phyir ro// lung du ma bstan pa smos pa ni dge ba dang / mi dge ba rnam par gcad pa'i phyir ro// yid kyi sa pa'i nye ba'i nyon mongs pa glo bur ba rnams kyis ma bsgribs pa'i phyir ma bsgribs pa'o// rnam par smin pa yin pas rnam par smin par gyur pa ni dge ba dang mi dge bar lung bstan

  352. 177a

    du med pas lung du ma bstan pa'o// reg la sogs pa yang de bzhin no// ji ltar kun gzhi rnam par shes pa gcig tu rnam par smin pa dang / dmigs pa rnam pa yongs su ma chad pa dang / rtag tu reg pa la sogs pa dang ldan pa dang / de la tshor ba btang snyoms nyid dang / ma bsgribs la lung du ma bstan pa de bzhin du reg pa la sogs pa yang gcig tu rnam par smin pa nyid dang / dmigs pa dang rnam pa yongs su ma chad pa dang / bdag ma gtogs par gzhan bzhi dang / kun gzhi rnam par shes pa dang rtag tu ldan no// de dag las tshor ba btang snyoms nyid dang / ma bsgribs la lung du ma bstan pa yang kun gzhi rnam par shes pa bzhin te/ rnam par smin pa dang mtshungs par ldan pa rnams rnam par smin pa ma yin pa dang / dmigs pa dang rnam pa yongs su ma chad pa yang dmigs pa dang / rnam pa yongs su chad mi srid de/ gzhan du yang de bzhin du brjod par bya'o// ci kun gzhi rnam par shes pa ji srid 'khor gyi bar du tha dad pa med par 'jug pa zhig gam/ 'on te rgyun gyi 'jug ce na/ de gcig pu tha dad pa med par 'jug pa ma yin te skad cig pa'i phyir ro// 'on kyang de ni rgyun 'bab chu bo bzhin/ de ni zhes bya ba ni kun gzhi rnam par shes pa nyid dang sbyar ro// de la rgyu ni rgyu dang 'bras bu bar chad med par rgyun tu 'byung ba'o// chu'i tshogs kyi snga phyi'i chu rgyun mi 'chad par 'bab pa ni chu bo zhes bya'o// ji ltar chu bo rtswa dang shing dang lci ba la sogs pa de de de cing 'bab pa de bzhin du kun gzhi rnam par shes pa bsod nams dang bsod nams ma yin pa dang / mi g.yo ba'i las kyi bag chags dang

  353. 177b

    ldan pa yang reg pa dang yid la byed pa la sogs pa bsdus nas ji srid 'khor gyi bar du rgyun mi 'chad par rgyan tu 'byung ngo // de ltar rgyun tu 'byung ba de gang gi tshe na ldog par 'gyur snyam pa la/ dgra bcom pa nyid na de ldog go zhes bya ba smos so// dgra bcom pa nyid ces bya ba yang reg pa dang yid la byed pa la sogs pa bsdus nas jo srid 'khor gyi bar ci dang ldan na dgra bcom pa zhes bya zhe na/ zad pa shes pa dang / mi skye ba shes pa thob pa'i phyir ro// de'i tshe kun gzhi rnam par shes pa la gnas ngan len ma lus par spangs pa'i phyir/ kun gzhi rnam par shes pa ldog par 'gyur te/ de nyid kyi dus na dgra bcom pa'o// rnam par smin par gyur pa rnam par dbye ba dang bcas pa bshad zin to// da ni rang sems pa zhes bya bar gyur pa gnyis pa ste/ de la gnas te rang 'byung zhes rgya cher smos pa'o// ji ltar mig la sogs pa'i rnam par shes pa rnams kyi gnas mig la sogs pa dang / gzugs la sogs pa ni dmigs par grags pa de bzhin du nyon mongs pa can gyi yid kyi gnas dang dmigs pa ma grags te/ rnam pa gnas dang dmigs pa la mi ltos pa ni mi rung bas de'i phyir nyon mongs pa can gyi yid kyi gnas dang dmigs pa bstan pa dang / nges pa'i tshig bstan pa'i phyir/ de la gnas te rab 'byung zhing // de la dmigs pa yid ces bya// rnam shes dang sems bdag nyid can zhes bya ba smos so// de la gnas te rab tu 'byung zhes bya ba la// de la zhes bya ba'i sgra ni kun gzhi rnam par shes pa nyid la sbyar ro// kun gzhi rnam par shes pa ni de'i bag chags kyi gnas yin te/ de bas na de la gnas bcas nas

  354. 178a

    'byung ste/ rgyan gyis skye zhes bya ba'i tha tshig go/ yang na khams sems gang du kun gzhi rnam par shes pa rnam par smin pa thob par nyon mongs pa can gyi yid de yang khams de dang sa de'i yin te/ de kun gzhi de la rag lus pas 'jug pa'i phyir de la gnas te 'bung ba'o// de la dmigs pa zhes bya ba ni kun gzhi rnam par shes pa nyid la dmigs pa ste/ 'jig tshogs la lta ba la sogs pa dang mtshungs par ldan pas kun gzhi rnam par shes pa lang dang de yir dmigs pa'i phyir ro// ji ltar na sems gang las byung ba de nyid de'i dmigs par 'gyur zhe na/ ji ltar kha cig de mi 'dod kyang dus la lar sems gang las yid kyi rnam par shes pa 'byung ba de nyid dmigs pa yin zhing de 'byung ba lta bu'o// yod ces bya ba'i rnam par shes pa ni yid ces bya ba'i rnam par shes pa yang kun gzhi rnam par shes pa gang yin pa de la brten te 'byung ba'o// de la dmigs pa yid dang ces bya ba zhes bya ba 'dis ni kun gzhi rnam par shes pa dang / 'jug pa'i rnam par shes pa las 'byed do// yang de'i rang bzhin gang yin snyam pa la/ ngang sems bdag nyid can zhes bya ba smos te/ de ltar ngar sems pa'i bdag nyid yin pas nges pa'i tshig gi tshul gyis yid ces bya'o// rnam par shes pa'i rang gi ngo bo yin pas de nges par sems las byung ba rnams dang mtshungs par ldan par 'gyur na de la sems las byung ba ni gang dag dang ji snyed cig dus ji srid du mtshungs par ldan par 'gyur ba de mi shes te/ de'i phyir bsgribs la lung du ma bstan pa'i nyon mongs bzhi dang rtag tu 'grogs zhes bya ba//

  355. 178b

    smos so// sems las byung ba dag ni rnam pa gnyis te/ nyon mongs pa dang de las gzhan pa'o// de las gzhan pa dag las rnam par dbye ba'i phyir/ nyon mongs pa zhes bya ba smos so// nyon mongs pa drug ste/ de dag thams cad dang mtshungs par ldan pa pa yin pas na'i phyir bzhi nas bya ba smras so// 'grags zhes bya ba ni mtshungs par ldan pa'o// nyon mongs pa yang rnam pa gnyis/ mi dge ba dang / bsgribs la lung du ma bstan pa'o// mi dge ba dag las bye brag tu dbye ba'i phyir bsgrib la lung du ma bstan ces bya ba smos so// bsgribs pa'i rnam par shes pa ni mi dge ba rnams/ dang mtshungs par ldan pa mi srid de/ bsgribs pa ni nyon mongs pa can gyi phyir ro// lung du ma bstan pa'i ni dge ba dang mi dge ba nyid du lung du bstan du med pa'i phyir ro// rtag tu zhes bya ba ni dus thams cad du ste/ ji srid du de yod pa de srid du de dag mtshungs par ldan no// spyir bstan pas khyad par mi shes nas khyad par ston to// bdag tu lta dang bdag tu rmongs// bdag rgyal ba dag chags zhes bya ba ste/ nye bar len pa'i phung po rnams la bdag tu mthong ba ni bdag tu lta ba ste/ 'jig tshogs la lta ba zhes bya ba'i tha tshig go// rmongs pa ni mi shes pa ste/ bdag mir shes pa ni bdag tu rmongs pa'o// bdag du nga rgyal ni bdag gi yul la ngar sems pa ste/ nga'o snyam pa'i nga rgyal zhes bya ba'i tha tshig go// bdag chags ni bdag la chags pa ste/ bdag la dga' zhes bya ba'i tha tshig go/ de la kun gzhi rnam par shes pa'i rang gi ngo bo la rmongs par gyur na/ kun gzhi rnam par shes pa la bdag tu lta ba 'byung ngo // bdag tu mthong bas sems khengs pa gang

  356. 179a

    yin pa de ni nga'o snyam pa'i nga rgyal lo// de gsum yod na bdag du bsams pa'i dngos po la mngon par chags pa gang yin pa de ni bdag la chags pa'o// yang smras pa ma rigs pa dang bdag lta dang // nga 'o nga rgyal sred 'di bzhis// kun gzhi nyon mongs can 'gyur yid// ngar sems pa yi mtshan nyid de// phyin ci log gi rgyu byed pa'ang // yid de de rtag nyon mongs can// sems dge lung du ma bstan tshe// rtag du ngar 'dzin rgyu yin no// bdag tu rmongs pa la sogs pa nyon mongs pa de dag kyang yid bzhin du sa dgu pa ste/ 'dir spyir brjod pa ci rang gi sa pa nyid dang mtshungs par ldan nam/ 'on te gzhan gyi sa pa dag dang mtshungs par ldan pa mi shes nas/ de'i phyir gang du skyes pa de'i 'o zhes bya ba smos so// gang du skyes pa ni gang du byung ba'o// de'i 'o zhes bya ba ni khams dang sa gang du skyes pa khams de dang sa de nyid kyi dang mtshungs par ldan te/ khams gzhan dag kyang sa gzhan dag gi dang ni ma yin no// ci de nyon mongs pa bzhi nyid dang mtshungs par ldan nam/ smras pa ma yin no// 'on kyang gzhan reg sogs kyang mtshungs par ldan no zhes bya bar sbyar ro// kyang zhes bya ba'i sgra ni bsdu ba'i don to// reg sogs zhes bya ba ni reg pa dang / yid la byed pa dang / tshor ba dang / 'du shes dang / sems pa ste/ chos lnga po de dag ni kun du 'gro bas rnam par shes pa thams cad dang mtshungs par ldan de dag kyang gang du skyes pa de'i nyid dang mtshungs par ldan gyi khams dang sa gzhan gyi dang ni ma yin no// yang na gzhan zhes bya ba ni rtsa ba'i rnam par shes pa dang mtshungs par ldan pa dag

  357. 179b

    las rnam par dbye ba'i phyir te/ rtsa ba'i rnam par shes pa'i reg pa la sogs pa ni ma bsgribs la lung du ma bstan pa'o// nyon mongs pa can gyi yid ni yid bzhin du bsgribs la lung du ma bstan pa'o// gal te nyon mongs pa can gyi yid de dge ba dang / nyon mongs pa can dang / lung du ma bstan pa'i dus na yang bye brag med par 'byung na ni de'i ldog pa med par 'gyur ro// mi ldog na ni de la thar pa ga la yod de thar pa med par ji ltar mi 'gyur zhe na/ mi 'gyur te 'di ltar de la dgra bcom med// 'gog pa'i snyoms par 'jug la med/ 'jig rten 'das pa'i lam na'ang med dgra bcom pa ni nyon mongs pa ma lus par spangs pas nyon mongs pa can gyi yid med de/ de ni srid pa'i rtse mo nyon mongs pa bsgom pas spang bar bya ba bzhin du dgra bcom pa nyid thob pa na bar chad med pa'i lam nyid kyis spyong ste/ de ni dgra bcom pa nyid kyi tshe na nyon mongs pa gzhan bzhin du med do// phyir mi 'ong ba ci yang med pa'i skye mched kyi 'dod chags dang bral ba 'gog pa'i snyoms par 'jug pa thob yang lam gyi stobs kyis 'gog pa'i snyoms par 'jug pa thob pas 'gog pa'i snyoms par 'jug pa'i dus na yang lam bzhin du 'gag par 'gyur ro// 'gog pabalas las nas yang kun gzhi rnam par shes pa nyid las 'byung ngo // 'jig rten 'das pa'i lam na'ang med/ 'jig rten las 'das pa smos pa ni 'jig rten pa rnam par bcad pa'i phyir ro// 'jig rten pa'i lam na ni nyon mongs pa can gyi yid 'byung ba nyid do// bdag med par mthong ba ni bdag la sogs par lta ba'i gnyen po yin pas 'jig rten las 'das pa'i lam

  358. 180a

    'byung bar mi nus te/ gnyen po dang mi mthun pa'i phyogs gnyis cig car du med pas 'jig rten las 'das pa'i lam na de 'gag go// de la sa langs nas yang kun gzhi/ rnam par shes pa nyid las 'byung ngo // 'di ni gyur pa gnyis pa'o zhes bstan pa bshad zin to// zhes mjug sdud pa'o// gyur pa gnyis pa'i 'og tu gyur pa gsum pa brjod dgos pas gsum pa yul rnam drug po la// dmigs pa gang yin de dag ste zhes bya ba smos so// gsum pa ni rnam par shes pa gyur pa zhes bya ba'i tshig lhag ma'o// rnam drug ces bya ba ni rnam pa drug ste/ gzugs dang / sgra dang / dri dang / ro dang / reg bya dang / chos kyi bdag nyid kyi yul lo// yul la dmigs pa gang yin pa ni 'dzin pa dang rtog pa zhes bya ba'i tha tshig go// de yang ci dge pa'am// / mi dge ba'am lung du ma bstan pa zhig ce na/ de'i phyir dge ba dang mi dge gnyi ga min zhes bya ba smos so// dge ba dang mi dge ba dang / gnyi ga min zhes bya ba lung du ma bstan pa'ang yin te/ ma chags pa dang zhe sdang med pa dang gti mug med pa dang mtshungs par ldan pa ni dge ba'o// chags pa dang zhe sdang dang gti mug dang mtshungs par ldan pa ni mi dge ba'o// dge ba dang mi dge ba dang mtshungs par ldan pa ma yin pa ni gnyi ga ma yin pa ste/ dge ba'ang ma yin mi dge ba'ang ma yin zhes bya ba'i tha tshig go/ de yang sems las byung ba ci 'dra ba dag dang mtshungs par ldan pa dang mtshungs par ldan pa'i sems las byung ba ni ci snyed cig yod ce / de'i phyir kun tu 'gro dang bye brag des// sems las byung ba dge ba dang // de bzhin nyon mongs nye nyon mongs/

  359. 180b

    tshor ba gsum dang de mtshungs ldan zhes bya ba smos so// kun du 'gro ba la sogs pa gang bstan pa de dag mi shes te/ de bas na de rab tu bstan pa'i phyir/ dang po'i reg pa la sogs pa dang zhes bya ba smos so// thog mar bshad pa dang po ste/ 'di ltar kun tu 'gro ba rtag tu reg dang yid byed dang / rig dang 'du shes sems par ldan zhes bya ba thog ma nyid du bshad pa'o// de dag gi dang po ni reg pa yin pas reg pa la sogs pa'o// reg pa dang yid la byed pa la sogs pa chos lnga po de dag ni sems thams cad kyi rjes su 'gro bas kun tu 'gro ba dag go// 'di ltar de dag ni kun gzhi rnam par shes pa dang / nyon mongs pa can gyis yid dang / 'jug pa'i rnam par shes pa rnams la bye brag med par 'byung ngo // bye brag tu nges pa'i dbang du byas nas/ 'dun mos dran dang bcas pa dang / ting nge 'dzin blo bye brag nges zhes bya ba smos so// bye brag can la nges pas bye brag tu nges pa ste/ de dag gi yul ni bye brag can nyid yin gyi thams cad ni ma yin no// de la 'dun pa ni bsams pa'i dngos po la 'dod pa ste/ ma bsams pa la 'dun pa med pa'i phyir yul so sor nges pa nyid du bstan pa yin no// lta ba dang mnyam par bya ba la sogs pa'i yul bas nas pa'i dngos po gang yin pa de ni bsams pa'o// de la mthong ba dang thos pa la sogs par spros pa ni 'dun pa ste/ de ni brtson 'grus rtsom pa'i rten byed pa'i las can no// mos pa ni nges pa'i dngos po la de bzhin du nges par 'dzin pa'o// nges par smos pa ni nges pa ma yin pa dgag pa'i phyir te/ rigs pa'am yid ches po'i lung gi dngos po the tshom med pa gang yin pa de nges pa ste/

  360. 181a

    rtag pa dang sdug bsngal ba la sogs pa'i rnam pa gang gis rnam par nges pa'i rnam pa de nyid kyis dngos po de la sems 'jog pa ste/ 'di ni de bzhin gyi gzhan du ni ma yin no zhes nges par 'dzin pa ni mos pa'o// de ni mi 'phrogs pa nyid kyi las can te/ mos pa gces su byed pa ni phas kyi rgol ba rnams kyi rang gi grub pa'i mtha' las 'phrogs par mi nus so// dran pa ni 'dris pa'i dngos po mi brjed pa ste/ sems kyi mngon par brjod pa nyid do// 'dris pa'i dngos po ni sngon myong ba'o// ma brjed pa ni dmigs pa la 'dzin pa chud mi za bar byed pa'i rgyu'o// sngon bzung ba'i dngos po la dmigs pa'i rnam pa yang dang yang dran pa ni mngon par brjod pa ste/ mngon par brjod pa kho na mngon par brjod pa nyid do// de ni rnam par mig yang ba'i las can te/ dmigs pa mngon par brjod pa yod na dmigs pa gzhan nam/ rnam pa gzhan la sems rnam par g.yeng ba med pas rnam par g.yeng ba med pa'i las can no// ting nge 'dzin ni brtag pa'i dngos po la sems rtse gcig pa nyid do// brtag pa'i dngos po ni yon tan du'am/ nges par brtag par bya'o// rtse gcig pa nyid ni dmigs pa gcig pa nyid do// sems mnyam par bzhag na yang dag pa ji lta ba bzhin du rab tu shes pa'i phyir shes pa'i rten byed pa'i las can no// blo ni shes rab bo// de yang brtags pa'i dngos po nyid rab tu rnam par 'byed pa ste/ rigs pa dang / rigs pa ma yin pas bskyed pa dang / gzhan pa'o// rnam par 'byed par byed pas rab tu rnam par byed pa ste/ rang dang spyi'i mtshan nyid 'dres pa lta bu'i chos rnams la yang dag pa'am log par so sor rtog pa'o// rigs pa ni bsha' ba ste/

  361. 181b

    de yang yid ches pa'i lung dang / rjes su dpag pa dang mngon sum mo// rigs pa rnam pa de gsum gyis bskyed pa gang yin pa de ni rigs pas bskyed pa'o// de yang thos pa las byung ba dang / bsams pa las byung ba dang / bsgoms pa las byung ba ste/ de la yid ches pa'i gsung rabs tshad ma nyid kyis rtogs pa gang yin pa de ni thos pa las byung ba'o// rigs pa nges par sems pa las skyes pa ni bsams pa las byung ba'o// ting nge 'dzin las skyes pa ni bsgoms pa las byung ba'o// rigs pa ma yin pa ni yid ches pa ma yin pa'i lung dang // rjes su dpag par snang ba dang / log par bsam pa'i ting nge 'dzin te/ rigs pa ma yin pa des bskyed pa ni rigs pa ma yin pas bskyed pa'o// skye ba thos pa dang 'jig rten pa'i tha snyad shes pa ni rigs pas bskyed pa'ang ma yin/ ma rigs pas bskyed pa'ang ma yin no// 'di ni som nyi zlog pa'i las can te/ som nyi zlog pa ni shes rab kyi chos rnams rab tu rnam par phye nas nges pa 'thob pa'i phyir ro// chos lnga po de dag ni phan tshun tha dad du gyur nas 'byung ba'o// de ltar na gang du mos pa der gzhan dag gdon me za bar mi 'byung ste/ thams cad la yang de bzhin du brjod par bya'o// bye brag tu nges pa rnams bshad zin to// da ni de'i 'og tu bstan dge ba dag brjod dgos pas de'i phyir/ dad dang ngo tsha khre la yod dang // ma chags la sogs gsum brtson 'grus// shin tu sbyangs dang bag yod bcas// zhes bya ba smos te/ de dag ni chos bcug cig go zhes bya ba ni tshig gi lhag ma'o// de la dad pa ni las dang / 'bras bu dang / bden pa dang / dkon mchog yod pa dang / yon tan can dang nus pa dag la mngon par yid ches pa dang / sems/

  362. 182a

    dang ba dang / 'dod pa'o// dad pa ni rnam pa gsum du 'gyur te/ dngos po yod pa yon tan can nam/ yon tan can ma yin pa la yid ches pa'i rnam pa dang / yod pa yon tan can la dang ba'i rnam pa dang / yod pa yon tan can thob par byed dam skyed pa nus pa la 'dod pa'i rnam pa'o// sems dang ba zhes bya ba la/ dad pa ni sems kyi rnyog pa dang mi mthun pas de'i phyir de dang margyangs par mun na tan mangs pa dang / nye ba'i na mangs pa'i dri ma'i rnam pa med pas/ sems dad pal brten te dang bar 'gyur bapa dang bzhes bya'o// de 'dun pa'i nyin byed pa'i las can no// ngo tsha shes pa ni bdag gam chos kyi dbang du byas te/ kha na ma tho bas 'dzem pa'o// dam pa rnams kyis spyad pa dang / rnam par smin pa mi 'dod pa yin pas sdig pa nyid kha na ma tho ba ste/ byas kyang drang ma byas kyang rung / kha na ma tho ba des sems bka' khrums pa'i 'dzem pa gang yin pa de ni ngo tsha shes pa'o// 'di ni nyes par spyod pa legs par sdom pa'i rten byed pa'i las can no// khrel yod pa ni 'jig rten dbang du byas te kha na ma tho bas 'dzem pa'o// 'jig rten na 'di smad pa ste/ bdag la las 'di lta bu rig na spod par 'gyur ro// zhes tshigs su bcad pa ma yin pa la sogs pa'i 'jig pas kha na ma tho ba la 'dzem pa ste/ 'di yang nyes par spyod pa legs par sdom pa'i rten byed pa'i las can no// ma chags pa ni chags pa'i gnyen po'o// chags pa zhes bya ba ni srid pa dang srid pa'i yo byad rnams la kun tu chags pa dang smon pa gang yin pa'o// de'i gnyen po ni ma chags pa ste/ srid pa dang srid pa'i yo byad rnams lam chags pa dang mi phyogs pa'o// 'di ni

  363. 182b

    nyes par spyod pa la mi 'jug pa'i rten byed pa'i las can no// zhe sdang med pa ni zhe sdang gi gnyen po ste/ zhe sdang ni sems can rnams dang / sdug bsngal dang sdug bsngal gyi gnas kyi chos rnams la kun nas mnar sems pa'o// zhe sdang med pa ni zhe sdang gnyen po yin pas sems can rnams dang / sdug bsngal dang sdug bsngal gyi gnas kyi chos rnams la kun nas mnar sems med pa'o// / 'di yang nyes par spyod pa la mi 'jug pa'i rten byed pa'i las can no// gti mug med pa ni gti mug gi gnyen po ste/ yang dag pa ji lta ba bzhin du yang dag par rtogs pa'o// gti mug ni las dang 'bras bu dang / bden pa dang / dkon mchog rnams mi shes pa'o// gti mug gi gnyen po yin pas gti mug med pa ni las dang 'bras bu dang bden pa dang / dkon mchog de dag yang dag par rtog pa ste/ 'di yang nyes par spyod pa la mi 'jug pa'i rten byed pa'i las can no// brtson 'grus ni le lo'i gnyen po ste/ dge ba la sems mngon par spro ba yin gyi/ nyon mongs pa can la ni ma yin no// / nyon mongs pa can la/ spro ba ni le lo yin pas le lo nyid do// 'di ni dge ba'i phyogs yongs su rdzogs par byed pa dang / yongs su sgrub pa'i las can no// shin tu sbyangs pa ni gnas ngan len gyi gnyen po ste/ lus dang sems las su rung ba nyid do// gnas ngan len gyi lus dang sems las su mi rung ba nyid dang / kun nas nyon mongs pa'i chos kyi sa bon rnams te/ de med na shin tu sbyangs pa yod pa'i phyir ro// de la lus las su rung ba ni lus rang gi dgos pa rnams la ldang ba yang ba gang las 'byung ba'o// sems las su rung ba ni yang dag pa yid la byed pa la

  364. 183a

    zhugs pa'i sems kyi sim pa dang / yang pa'i rgyu sems las byung ba chos gzhan du gyur pa gang yin pa ste/ de dang ldan na dmigs pa la sems thogs pa med par 'jug pas de'i phyir sems las su rung ba zhes bya'o// lus kyi reg bya'i byed par dga' bas zin pa la lus shin tu sbyangs par rig par bya ste/ yid dga' na lus shin tu sbyangs par 'gyur ro zhes mdo las 'byung ba'i phyir ro// 'di ni de'i dbang gis gnas gyur pas nyon mongs pa'i sgrib pa ma lus par sel ba'i las can no// bag yod bcas pa ni bag yod pa dang bcas pas bag yod bcas paste/ de yang gang zhe na/ btang snyoms so// de ci'i phyir zhe na/ gcig tu dge ba dang 'dir dge ba thams cad bshad pa'i skabs yin pa dang / dad pa la sogs pa bzhin du mngon du ma smos pa dang dge ba lhag pa gzhan med pa'i phyir/ btang snyoms nyid la bya bar mngon no// de la bag yod pa ni bag med pa'i gnyen po'o// ma chags pa nas brtson 'grus kyi bar ni bag yod pa ste/ gang ma chags/ pa la sogs pa la gnas nas mi dge ba'i chos rnams spong zhing de'i gnyen po dge ba'i chos rnams kyang sgom pa ma chags pa la sogs pa de dag ni bag yod pa'o// de bas na bag med pa'i gnyen po nyid de/ bag med pa ni 'di las bzlog pa'i phyir ro// de na 'jig rten pa dang / 'jig rten las 'das pa'i phun sum tshogs pa thams cad yongs su rdzogs par byed pa'i las can no// btang snyoms ni sems mnyam pa nyid dang / sems rnal du 'dug pa nyid dang / sems lhun gyis grub pa nyid de/ tshig 'di gsum gyis btang snyoms kyi thog ma dang / bar dang / tha ma'i dus bstan pa'o// 'di

  365. 183b

    la bying ba dang / rgod pa sems mnyam pa ste/ de med pas thog mar sems mnyam pa nyid do// de'i 'og tu mngon par 'du bya ba med cing bsgrim mi dgos par mnyam par bzhag pa'i sems ci rigs par mnyam pa nyid du 'jug pa ni rnal du 'dug pa nyid do// de'i dus na bsgoms nas ring por ma lon pa'i phyir bying ba dang rgod pa 'byung bar dogs pa dang ldan no// de'i 'og tu bsgom pa khyad zhugs par gyur pas de'i mi mthun pa'i phyogs thag ring du gyur pa'i phyir dogs pa med de/ bying ba dang rgod pa ni gnyen po'i rgyu rnams la rtsol ba mi byed pas lhun gyis grub pa nyid do// 'di ni nyon mongs pa dang nye ba'i nyon mongs pa thams cad kyi skabs mi 'byed pa'i rten byed pa'i las can no// rnam par mi 'tshe ba ni rnam par 'tshe ba'i gnyen po ste/ bsod pa dang 'ching ba la sogs pas sems can rnams la rnam par tho mi 'tsham pas mi 'tshe ba ste/ sems can rnams la snying rdo ba'o// bsod nyams zhes bya ba ni bde ba ste/ bde ba sel ces bya ba'i tha tshig go// snying rje can ni pha rol sdug bsngal na sdug bsngal bar 'gyur ba'i phyir ro// 'di ni rnam par tho mi 'tsham pa'i las can no// dge ba bcu gcig bshad zin to// de'i 'og tu nyon mongs pa rnams bstan pas de'i phyir de/ dag gi dbang du byas te/ nyon mongs ni/ 'dod chags khong khro gti mug dang // nga rgyal lta ba the tshom mo zhes bya ba smos so// 'dod chags dang khong khro ba dang gti mug ni/ 'dod chags khong khro ga ti mug go// de la 'dod chags ni srid pa dang longs spyod la lhag par chags pa dang smon pa ste/ de ni sdug bsngal kun bskyed pa'i las can no// sdug bsngal ni 'dir nye bar len pa'i phung po lnga rnams ke/

  366. 184a

    de dag ni 'dod pa dang / gzugs dang / gzugs med pa'i sred pa'i dbang gis mngon par 'grub pas de'i phyir 'dod chags kyi las ni sdug bsngal kun bskyed par bshad do// khong khro ba ni sems can rnams la kun nas mnar sems pa ste/ sems can rnams la sems rtsub pa'o// des non na sems can rnams la ba sad pa dang 'ching ba la sogs pa'i gnod pa bya bar sems so// de ni reg par mi gnas par danyes par spyod pa'i rten byed pa'i las can no// reg pa ni bde ba ste/ de dang lhan cig gnas pa ni reg par gnas pa'o// reg pa dang gnas ma yin pa ni reg par mi gnas pa ste/ sdug bsngal dang / lhan cig ces bya ba'i tha tshig go// kun nas mnar sems kyi sems yod na gdon mi za bar yid mi bde ba kun 'byung ba'i phyir sems la gdung bar 'gyur ro// sems kyi rjes su 'gyur bas lus la yang gdung bar 'gyur ba nyid de/ de'i spyod lam thams cad du sdug bsngal dang bcas shing phongs pa dang bcas par gnas par 'gyur ro zhe 'gras pa'i sems dang ldan pa ni nyes par spyod pa gang dang yang ring ba ma yin pas khong khro ba ni reg par mi gnas pa dang / nyes par spyod par spyod pa'i rten byed pa'i las can du bshad do// gti mug ni ngan song rnams dang bde 'gro dang mya ngan las 'das pa dang / de thob par byed pa'i rgyu dang de dag gi rgyu dang 'bras bur 'brel pa phyin ci ma log pa la gang mi shes pa'o// 'di ni kun nas nyon mongs pa 'byung ba'i rten byed pa'i las can no// de la nyon mongs pa dang / las dang / skyo ba'i bdag nyid ni kun nas nyon mongs pa rnam pa gsum mo// de 'byung

  367. 184b

    ba ni kun nas nyon mongs snga ma snga ma nur gyur pa las kun nas nyon mongs pa phyi ma phyi ma'i bdag nyid rnyed pa'o// 'byung ba'i rten byed pa ni rmongs par gyur na log par shes pa dang the tshom dang 'dod chags la sogs pa nyon mongs pa las yang srid pa'i las dang skye ba rnams 'bung gi rmongs par ma gyur na ni ma yin no// nga rgyal ni nga rgyal zhes bya ba thams cad kyang 'jig tshogs la brten nas 'byung ngo // de ni sems khengs pa'i mtshan nyid de/ 'di ltar phung po rnams la bdag gam bdag gi dngos por sgro btags nas 'di ni bdag go// 'di ni bdag gi'o zhes de dang de'i byad par gyis bdag khengs shing gzhan dag las lhag par rlom sems pa'o// de ni mi gus pa dang sdug bsngal 'byung ba'i rten byed pa'i las can no// mi gus pa ni bla ma rnams dang / gang zag yon tan can rnams la 'gying zhing lus dang ngag gi srizhu med pa'o// sdug bsngal 'byung ba ni 'dir yang sred pa 'byung ba'o// de ni sems khengs pa'i rang gi ngo bor bye brag med kyang sems pa'i rgyu'i bye brag gi rnam pa bdun du tha dad de/ nga rgyal dang che ba'i nga rgyal zhes bya ba la sogs pa'o// rigs dang shes rgya dang nor la sogs pas dma' ba bas kyang rigs dang shes rgyu dang nor rnams kyi bdag che snyam du sems khengs pa dang yin pa'am/ rigs la sogs pas mtshungs pa nyid la bdag dang mtshungs so snyam du sems khengs pa gang yin pa de ni nga rgyal lo// che ba'i ngaN+Dal ni rigs dang / shes rgya dang nor la sogs pa mtshungs pa bas gtong ba dang tshul khrims dang nyams rtsal la sogs pas bdag che'o snyam pa'am/ rigs dang nor dang rig pa la sogs pas che ba la shes bya

  368. 185a

    dang nor la sogs pas bdag mtshungs so snyam pa ste/ 'di ni che ba'i nga rgyal lo// rigs dang shes rgya dang nor rnams kyi che ba bas kyang rigs dang shes rgya dang nor la sogs pas bdag che'o snyam du sems khengs pa gang yin pa de 'di ni nga rgyal las kyang nga rgyal lo// nga'o snyam pa'i nga rgyal ni nye bar len pa'i phung po lnga po bdag dang bdag gis med pa rnams la bdag dang bdag gir mngon par zhen nas sems khengs pa gang yin pa ste/ 'di ni nga'o snyam pa'i nga rgyal lo// mngon pa'i nga rgyal ni gong ma gong ma'i khyad par thob par bya ba ma thob par bdag gis thob bo snyam du sems khengs pa gang yin pa ste/ 'di ni mngon pa'i nga rgyal lo// cung zad snyam pa'i nga rgyal ni rigs dang rig pa la sogs pas khyad cher 'phags pa bas rigs dang rig pa la sogs pas chung zad cig gis bdag chung ngo snyam du sems khengs pa gang yin pa ste/ 'di ni chung zad snyam pa'i nga rgyal lo// log pa'i nga rgyal ni yon tan ma yin pa dang ldan la bdag yon tan dang ldan no snyam du sems khengs pa gang yin pa ste/ 'di ni log pa'i nga rgyal lo// yon tan ma yin pa ni 'chal pa'i tshul khrims la sogs pa ste/ de dag sul yod pa de yon tan ma yin pa dang ldan pa'o// de bas na bdag yon tan dang ldan no snyam pa des sbyin pa dang tshul khrims la sogs pa med par yon tan de dang ldan pa nyid du khas blangs pa yin no// de'i phyir dngos po med pas na log pa'i dargyal zhes bya'o// lta ba zhes bya ba ni spyir bshad du zin kyang nyon mongs par gtogs pas nyon mongs pa'i bdag nyid lnga khon ste/ 'jig tshogs la lta ba la sogs pa'i lta ba dang sbyar gyi/ 'jig rten gyi

  369. 185b

    yang dag par lta ba dang / zag pa med pa'i lta ba ni ma yin no// de dag ni nyon mongs pa can dang / rtog pa'i tshul du bye brag med kyang dmigs pa dang rnam par bye brag gis phan tshun thad do// de la 'jig tshogs la lta ba ni nye bar len pa'i phung po lnga po rnams la gang bdag dang bdag gir lta ba'o// mthar 'dzin par lta ba ni nye bar len pa'i phung po lnga po la ba dag tu bzung ba de dag nyid la gang chad pa'am/ rtag par lta ba'o// log par lta ba ni lta ba gang gi rgya'am 'bras bu 'am/ byed pa la skur pa 'degs pa'am dngos po yod pa 'jig par byed pa ste/ 'di ni lta ba thams cad kyi nang na sdig pa yin pas log par lta ba zhes bya'o// lta ba mchog tu 'dzin pa ni nye bar len pa'i phung po lnga rnams la mchog dang khyad par du 'phags pa dang / gtso bo dang dam par lta ba gang yin pa'o// tshul khrims dang brtul zhugs mchog tu 'dzin pa ni nye bar len pa'i phung po lnga po rnams la dag pa dang grol ba dang nges par 'byin pa lta bu'o// the tshom ni las dang 'bras bu dang bden pa dang dkon mchog rnams la yid gnyis za ba ste/ yod dam med snyam du blo sna tshogs byed pa na yid gnyis so// 'di ni shes rab las rang bzhin gzhan nyid do// nyon mongs pa drug bshad zin to// // bam po gnyis pa ste tha ma// de'i 'og tu bstan pa nye ba'i nyon mongs pa rnams bshad pa'i phyir// khro dang khon du 'dzin pa dang // 'chab dang 'tshig dang phrag dog dang // ser sna dang ni nur bcas dang // g.yo rgyags rnam 'tshe ngo tsha med// khrel med rmugs dang rgod pa dang // ma dad pa dang le lo dang // bag med pa dang brjed ngas dang // rnam g.yeng shes bzhin ma yin dang //

  370. 186a

    'gyod dang gnyid kyang de bzhin te// rtog pa dang ni dpyod pa dang // nye ba'i nyon mongs gnyis rnam gnyis shes bya ba smos so// de la khro ba ni 'phral du gnod pa byed pa gnas te/ sems kun nas mnar sems pa gang yin pa'o// 'di yang kun nas mnar sems kyi rang bzhin yin pas khong khro ba dang tha dad pa ma yin mod kyi 'di ni khong khro ba'i dus skabs kyi bye brag la btags pa'i phyir khong khro ba'i char gtogs pa ste/ 'phral du gnod par byed pa la gnas nas sems can dang sems can ma yin pa'i yul la sems kyi kun nas mnar sems pa ste/ chad pas gcod pa la sogs pa'i rten byed pa'i las can gang yin pa de khro ba zhes gdags so// khon du 'dzin pa ni mdud par 'dzin pa ste// khros pa'i 'og tu 'dis bdag la gnod pa byas so zhes mdud par 'dzin pa'i bdag nyid shar gnyer ba de mi gtong bar rgyan tu 'byung ba ni khon du 'dzin pa'o// 'di ni mi bzod pa'i rten byed pa'i las can no// mi bzod pa ni gnod pa byed pa la ji mi snyam par mi byed kyi lam du gnod pa byed 'dod ces bya ba'i tha tshig ste/ 'di yang khro ba bzhin du zhe sdang gi dus skabs kyi bye brag la gdags pa yin pas de'i phyir btags pa'i yod par rig par bya'o// 'chab pa ni bdag gi kha na ma tho ba mkhyud pa ste/ 'dun pa dang zhe sdang dang 'jigs pa la sogs pa bsal te/ de la phan par 'dod pa'i gleng bar byed pas dus su khyod 'di lta bu byed pa'o zhes bstan na gti mug gi char gtogs pas kha na ma tho mkhyud pa ni 'chab pa'o// 'chab pa ni gti mug gi char gtogs pa nyid de/ mkhyud pa'i rnam pa yin pa'i phyir ro// 'di ni 'gyod pa dang reg par/

  371. 186b

    mi gnas pa'i rten pa'i las can no// 'di ni chos nyid yin te/ de kha na ma tho ba mkhyud na 'gyod par 'gyur ro// 'gyod na gdon mi za bar yid mi bde ba dang mtshungs par ldan par 'gyur bas reg par mi gnas so// 'tshig pa ni tshig brlang pos zher 'debs pa nyid do// tshig brlang po ni mtshang 'dru ba'i tshul gyis zhe gcod pa dang / tshig rtsub pa'o// zher 'debs par byed pa'i ngang tshul 'di zher 'debs pa ste/ de'i dngos po ni zher 'debs pa nyid do// tshig brlang pos za ba dang 'dra bar zher 'debs pas tshig brlang pos zher 'debs pa nyid do// 'di yang khro ba dang 'on du 'dzin pa sngon du 'gro ba sems kyi kun nas mnar sems pa'i rang bzhin yin pas khong khro ba'i char gtogs pa nyid de/ rdzas su yod pa ma yin no// 'di ni ngag gi nyes par spyod pa skyed pa'i las can te/ reg par mi gnas pa'i las can te/ de dag dang ldan pa'i gang zag dang 'grogs par dka' ba'i phyir ro// phrag dog ni gzhan gyi phun sum tshogs pa la sems khong nas 'khrug pa ste/ 'thob pa dang bkur sil lhag par chags pas gzhan gyi rnyed pa dang / bkur sti dang / rigs dang / tshul khrims dang / thos pa la sogs pa yon tan gyi khyad par mthong nas zhe sdang gi char gtogs pa mi bzod par byas pa'i sems khong nas 'khrug pa ni phrag dog go// rang gi gnas la khyad par 'jug pas khong nas 'khrug pa ste/ yid mi bde ba dang mtshungs par ldan pa dang / de sngon du 'gro ba'i phyir reg par mi gnas pa ste/ yid mi bde ba dang reg par mi gnas pa'i las can zhes bya'o// ser sna ni sbyin pa dang mi mthun pa sems kyis kun tu 'dzin pa'o// zin pa'i dngos po chos dang zang zing dang /

  372. 187a

    mkhas pa'i bdag nyid rnams gang gis mchod pa dang phan gdags par 'dod pas 'dod pa'am/ mi 'dod pa la'ang rung ste/ sbyin par byed pa de ni sbyin pa'o// de yod na sbyin pa med par 'gyur ba'i phyir de dang mi mthun pa zhes bya'o// rnyed pa dang / bkur sti la lhag par chags pas 'tsho ba'i yo byad rnams la 'dod chags kyi char gtogs pa'i sems kun du 'dzin pa dang yongs su mi gtong ba'i 'dod pa ni ser sna'o// de ni yo byad ma bsnyungs pa'i rten byed pa'i las can te/ yo byad pa bsnyungs pa ni ser sna sa yo byad mi mkho ba rnams kyang sogs pa rig par bya'o// sgra ni gzhan la bslu ba'i yang dag pa ma yin pa'i don ston pa ste/ rnyed pa dang bkur sti la lhag par chags pas gzhan la bslu ba'i bsam pas tshul khrims la sog+sa pa'i don gzhan du gnas la gzhan du ston pa ste/ 'di ni 'dod chags dang gti mug 'dus pas yang dag pa ma yin pa'i yon tan ston pas na de gnyis 'dus pa la gdags te/ khro ba la sogs pa bzhin du gdags pa nyid yin gyi rdzas su ni med de/ log pas 'tshe ba'i rten byed pa'i las can no// g.yo ni rang gi nyes pa bcab pa'i thabs bzung ba ste/ sems gya gru ba'o// rang gi nyes pa bcab pa'i thabs ni gzhan mgo rmongs par byed pa ste/ de yang gzhan nas gzhan du bsgyur ba dang / gtam rlung skur pa dang / gsal bar mi byed pa'o// de'i phyir g.yo dang 'chab pa gnyis tha da de// de ni gsal bar mkhyud kyi zur gyi ni ma yin no// de ni rnyed pa dang bkur b+hi la lhag par chags nas 'dod chags dang gti mug de gnyis kyis bdag gis nyes pa bcab pa'i phyir

  373. 187b

    gzhan mgo rmongs par byed pas de gnyis 'dus pa la de gdags so// 'di ni yang dag pa'i gdams ngag rnyed pa'i bar du gcod pa'i las can no// yang dag pa'i gdams dag ni gang rnyed na tshul bzhin yid la byed pa ste/ de'i bar chad byed pa'o// rgyags pa ni bdag gis phun sum tshogs pa la chags pa'i rab tu dga' ba ste/ sems yongs su 'dzin pa'o// rigs dang nad med pa dang lang 'tsho dang stobs dang gzugs dang phug pa dang blo dang yid gzhungs pa la sogs pa mchog tu gyur pa ni rang gi phun sum tshogs pa'o// rab tu dga' ba ni dga' ba'i bye brag ste/ dga' ba'i bye brag gang gi sems rang dbang med par byed pa nges pa de dag gi dbang du byed pas yongs su 'dzin par 'gyur to// de'i phyir sems yongs su 'dzin pa zhes bshad do// 'di ni nyon mongs pa dang nye ba'i nyon mongs pa thams cad kyi rten byed pa'i las can no// rnam par 'tsho ba ni sems can rnams la rnam par mtho 'tsham pa ste/ gsad pa dang bcing ba dang brdeg pa dang bsdigs pa la sogs pa sna tshogs kyis sems can rnamapa la 'tshe ba'o// 'dis gsad pa dang bcings pa la sogs pas sems can rnams la rnam par mtho 'tshams pas sdug bsngal dang yid mi bde/ bskyed pa'i phyir sems can rnams la rnam par mtho 'tsham pa'o// de ni khong khro ba'i char gtogs pa ste/ sems can rnams la snying rje med cing sems rtsub pa'o// sems can rnams la rnam par mtho 'tsham pa'i lab can ni sems can rnams la 'tshe ba zhes bya'o// ngo tsha med pa ni kha na ma tho bas bdag la mi 'dzem pa'o// las de bdag gi cha ma yin par shes bzhin du yang gang ban

  374. 188a

    ma tho bas 'dzem pa de ni ngo tsha med pa ste/ ngo tsha shes pa'i mthur pa'i phyogs su gyur pa'o// khrel med pa ni kha ni ma tho bas gzhan la mi 'dzem pa ste/ 'jig rten dang bstad bcos dang mi mthun pa 'di bdag byed par de ltar khong du chud kyang gang sdig pa byed pa des mi 'dzam pa de ni khrel yod pa'i mi mthun pa'i phyogs su gyur pa ste khrel med pa'o// de gnyis ni nyon mongs pa dang nye ba'i nyon mongs pa thams cad kyi grogs byed pa'i las can no// 'dod chags dang zhe sdang dang gti mug gi rnam pa bya ba ngan pa thams cad 'byung ba'i rgyal ji ltar mthun mthun du gdags te// 'dod chags dang zhe sdang ni cig car mi 'byung ba'i phyir ro// rang gi chu ri med do// thugs pa ni sems las su mi rung ba ste slong ba nyid do// slong ba'i dngos po ni slong ba nyid de/ de dang ldan na sems blun par gyur nas slong bar gyur te/ dmigs pa rtogs par mi nus pa'o// 'di ni nyon mongs pa dang nye ba'i nyon mongs pa thams cad kyi grogs byed pa'i las can te/ gti mug gi cha la btags pas gti mug gi char gtogs pa nyid yin gyi gud na med do// rgod pa ni sems rnam par ma zhi ba'o// rnam par zhi ba ni zhig nas ste/ de dang mi mthun pa ni rnam par ma zhi ba'o// de ni 'dod chags dang mthun pa mngon rgod rgod pa dang dga' dga' ba dang / rtse rtse ba rjes su dran nas sems rnam par ma zhi ba'i rgyu ste/ zhi gnas kyi bar du gcod pa'i las can no// ma dad pa ni las dang 'bras bu dang bden pa dang / dkon mchog rnams la mngon par yid mi ches pa ste/ dad pa'i mi mthun pa'i phyogs so// dad pa ni yod pa dang yon tan can dang nus pa rnams la mngon par yid

  375. 188b

    ches pa dang dang ba dang 'dod pa ste/ go rim bzhin no// ma dad pa ni de las bzlog pa ste/ yod pa dang yon tan can dang nus pa rnams la mngon par yid mi ches pa dang ma dad pa dang mi 'dod pa ste/ le lo'i rten byed pa'i las can no// ma dad pa ni sbyor ba la 'dun pa med pa'i phyir le lo'i rten byed pa'i las can nyid do// le lo ni dge ba la sems mngon par mi spro ba ste/ brtson 'grus kyi mi mthun pa'i phyogs so// nyal ba dang gnyis pa dang 'phres pa'i bden pa la brten na sa gti mug gi char gtogs pas lus dang ngag dang yid kyi las dge ba la sems mngon par spro ba med pa gang yin pa'o// 'di ni dge ba'i phyogs la sbyor ba'i bar du gcod pa'i las can no// bag med pa ni chags pa dang zhe sdang dang gti mug dang le lo gang yin pa dag gis 'dod chags dang zhe sdang dang gti mug la sogs pa la sems mi srung ba dang / de'i gnyen por gyur pa dge ba la mi sgom pa ste/ chags pa dang zhe sdang dang gti mug dang le lo dag la bag med pa gdags so// 'di ni mi dge ba 'phel ba dang / dge ba 'grib pa'i rten byed pa'i las can no// brjed ngas pa ni dran pa nyon mongs pa can no// nyon mongs pa can zhes bya ba ni nyon mongs pa dang mtshungs par ldan pa'o// 'di ni rnam par g.yeng ba'i rten byed pa'i las can no// rnam par g.yeng pa ni 'dod chag pa dang zhe sdang dang gti mug gi char gtogs pa sems rnam par 'phro ba'o// 'dis sems sna tshogs su g.yeng bar byed pas rnam par g.yeng ba'o// 'dod chags dang zhe sdang dang / gti mug gang dag gis ting nge 'dzin gyi dmigs pa las phyi rol du g.yeng bar byed pa de dag la ji ltar mthun mthun du rnam par g.yeng

  376. 189a

    ba gdags so// 'di ni 'dod chags dang bral ba'i bar du gcod pa'i las can no// shes bzhin ma yin pa ni nyon mongs pa dang mtshungs par ldan pa'i shes rab ste// des 'gro ba dang ldog pa la sogs pa la lus dang ngag dang sems kyi spyod pa mi shes bzhin du 'jug ste/ bya ba dang bya ba ma yin pa mi shes pas lhung ba'i rten byed pa'i las can no// 'gyod pa ni yid la gcags pa'o// smad pa byas pas 'gyod de/ de'i dngos po ni 'gyod pa'o// 'di ni ngan pa byas pa'i yul la sems ni ma dga' ba ste/ sems las byung ba'i skabs yin pas 'gyod pa zhes bya'o// 'di ni sems gnas pa'i bar du gcod pa'i las can no// gnyid ni 'jug pa dang dbang med par sems sdud pa'o// 'jug pa ni dmigs pa la 'jug pa'o// de yang sems kyi rang dbang med pa gang las byung ba de nyid do// yang na lus 'dzin mi nus pa'i sems kyi 'jug pa rang dbang med pa de gang las byung ba de gnyid do// sems sdud pa ni mig la sogs pa'i dbang po'i sgo nas mi 'jug pa'o// de ni gti mug gi cha la gdugs pas gti mug gi char gtogs pa ste// bya ba shor ba'i rten byed pa'i las can no// rtog pa ni kun tu tshol ba'i yid kyi brjod pa ste/ shes rab dang sems pa'i bye brag go// kun tu tshol ba ni ci yin zhes rtog pa'i rnam par zhugs pa'o// yid la brjod pa ni yid kyi brjod pa ste/ brjod pa dang 'dra ba'o// brjod pa ni don brjod pa'o// sems pa dang shes rab kyi bye brag ces bya ba la sems pa ni gang sems kun thu g.yo bar byed pa'i bdag nyid yin pa/ shes rab ni yon tan dang nyes pa 'byed pa'i rnam pa yin te//

  377. 189b

    de'i dbang gis sems 'jug pas na bar 'ga' ni sems dang sems la rtog pa gdags so// bar 'ga' ni shes rab dang sems la gdags te/ mngon par mi rtog pa dang / mngon par rtog pa'i dus dang go rim bzhin no// yang na sems pa dang shes rab gnyis kho na la rtog pa gdags te/ de'i dbang gi sems de ltar 'jug pa'i phyir ro// de nyid sems rtsing ba'o// rtsing ba zhes bya bi ni che long ste/ dngos po tsam kun tu tshol ba'i rnam pa yin pa'i phyir ro// tshul 'di ni dpyod pa la yang blta bar bya'o// dpyod pa yang sems pa dang shes rab kyi bye brag gi bdag nyid do// so sor rtog pa'i yid kyis brjod pa nyid de sngar khong du chud pa la 'di'o zhes dpyod pa'i phyir ro// de'i phyir sems zhi ba zhes bya'o// de gnyis ni reg pa dang gnas pa dang reg par mi gnas pa'i rten byed pa'i las can no// 'di gnyis ni byung ba dang zhib par rnam par gnas pas tha dad du dbye'o// gnyis rnam gnyis shes bya ba ni gnyis gnyis pa gnyis te/ de dag ni 'gyod pa dang gnyid gnyis dang / rtog pa dang dpyod pa gnyis so// chos de bzhin ni rnam pa gnyis te/ nyon mongs pa dang nyon mongs pa can ma yin pa'o// de la mi dge ba ma byas te dge ba byas pas sems mi dge ba gang yin pa de ni 'gyod pa nyon mongs pa can no// gang dge ba ma byas te mi dge ba byas pas 'gyod pa de ni nyon mongs pa can ma yin pa'o// gnyid kyang nyon mongs pa can gyi sems kyis 'phangs pa dang / nyon mongs pa can gyi sems dang mtshungs par ldan pa ni nyon mongs pa can no// nyon mongs pa can ma yin pa'i sems kyi 'phangs pa dang / nyon mongs pa can ma

  378. 190a

    yin pa'i sems dang mtshungs par ldan pa ni nyon mongs pa can ma yin pa'o// 'dod pa dang gnod sems dang rnam par 'tshe ba'i rtog pa'i nyon mongs pa can no// mngon par 'byung ba la sogs pa la rtog pa ni nyon mongs pa can ma yin pa'o// de bzhin du gzhan la gnod pa byed pa'i thabs dpyod pa ni nyor mongs pa can no// gzhan la phan gdags pa'i thabs dpyod pa ni nyan mongs pa can ma yin pa'o// de la 'gyod pa dang gnyid dang rtog pa dang dpyod pa nyon mongs pa can de dag nyid nyon mongs pa ste/ cig shos ni ma yin no// de la ji ltar gzugs dang skal sogs pa la dmigs pa rnam pa drug po dag tu 'gro ba rnams dang / bye brag tu nges pa rnams dang / dge ba rnams dang / nyon mongs pa rnams dang / nye ba'i nyon mongs pa rnams dang sems las byung ba thams cad kyi nang nas ci rigs pa dang mtshungs par ldan pa de bzhin du/ tsho ba gsum ste/ bde ba'i tshor ba dang / sdug bsngal tshe rab dang / sdug bsngal yang ma yin bde ba yang ma yin pa'i tshor ba ste/ tshor ba rnams pa gsum dang mtshungs par ldan te/ yid bde ba dang yid mi bde ba dang btang snyoms kyi gnas kyi gzugs la sogs pa las de 'byung ba'i phyir ro// dge ba dang mi dge ba dang lung dum bstan pa dang yang ldan no// kun gzhi rnam par shes pa ni kun tra 'thob lnga 'on dang mtshungs par ldan te/ gzhan dag dang ni ma yin no// de la tshor ba btang snyoms nyid de/ ma bsgribs la lung du ma bstan pa'o// nyon mongs pa can gyi yid ni kun du 'thob lnga dang / bdag tu rmongs pa la sogs pa nyan mongs pa bzhi dang rtag tu mtshungs par ldan no// de yang

  379. 190b

    tshor ba ni btang snyoms nyid de/ bsgribs la lung du ma bstan pa'o// da ni 'di bsam par bya ste/ ci mig gi rnam par shes pa la sogs pa lnga po dag cig car dmigs pa'i rkyen dang phrad kyang kun gzhi rnam par shes pa las gcig 'byung gi/ gnyis dang mang po mi 'byung ste/ ji ltar kha cig sems pa cig car gnyis dang mang po ma yin te/ de ma thag pa'i rkyen med pas rnam par shes pa gcig kho na 'byung bar 'gyur te/ rnam par shes pa gcig gis mang po'i de ma thag pa'i rkyen byed par mi nus so snyam pa lta bu'am/ 'on te nges pa med de/ gal te gcig gi rkyen dang phrad na gcig 'byung bar 'gyur la/ de bzhin du gnyis dang po'i rkyen dang phrad na gnyis dang mang po yang 'byung bar 'gyur ram snyam pa la/ de'i phyir lnga rnams rtsa ba'i rnam shes las// ji lta'i rkyen las byung ba ni// rnam shes lhan cig 'am ma yin// chu la rlabs rnams ji bzhin no zhes bya ba smos so// lnga rnams zhes bya ba ni mig la sogs pa rnam par shes pa rnams te/ de'i rjes su rgyu ba yid kyi rnam par shes pa dang bcas pa rnams so// lnga po rnams kyi sa bon g+hi gnas yin pas de 'byung ba dang / 'gro ba rnams su skye banye bar len pa'i phyir kun gzhi rnam par shes pa ni rtsa ba'i rnam par shes pazhes bya'o// ji lta'i rkyen las zhes bya ba ni gang dang gang gi rkyen dang phrad pa de dang de nges par 'byung ste/ 'byung ba ni bdag thob pa'o// lhan cig 'am ma yin pa zhes bya ba ni cig car ram rim gyis so// tshul rlabs rnams ji bzhin zhes bya ba ni kun ga/ rnam par shes pa las su 'jug pa'i rnam par shes pa cig car ram cig car ma yin par 'byung ba'i dpe ste/ ji skad du/

  380. 191a

    blo gros yangs pa dper na chu bo'i chu rgyun tu 'bab pa la gal te rlabs gcig 'byung ba'i rkyen nye bar gnas par gyur na rlabs gcig 'byung ngo // gal te gnyis sam gsum mam/ rlabs mang po 'byung ba'i rkyen nye bar gnas par gyur na yang rlabs mang po 'byung ste/ chu bo'i chu rgyun yang chad par mi 'gyur la/ yongs su zad par yang mi mngon pa de bzhin du blo gros yangs pa rlabs de'i chu bo'i gnas lta bu'i kun gzhi rnam par shes pa la kun tu brten cing rab tu gnas nas gal te mig gi rnam par shes pa gcig pu 'byung ba'i rkyen nye bar gnas par 'gyur na mig gi rnam par shes pa gcig pu 'byung ngo // gal te rnam par shes pa gnyis sam gsum mam lnga 'byung ba'i rkyen nye bar gnas par gyur na yang gnyis sam gsum mam lnga'i bar du'ang 'byung bar 'gyur ro zhes gsungs pa lta bu'o// 'di la tshigs su bcad pa/ len pa'i rnam par shes pa zab cing pra// sa bon thams cad chu bo bzhin du 'bab// bdag tu rtog par gyur na mi rung zhes// 'di ni byis pa rnams la ngas ma bstan ce'o// rnam par shes pa'i dmigs pa'i rkyen so sor nges pa bzhin du de ma thag pa'i rkyen ni mi 'dod de/ rnam par shes pa thams cad 'byung bar rnam par shes pa thams cad kyi de ma thag pa'i rkyen du khas len pas dmigs pa'i rkyen dang phrad na de ma thag pa'i rkyen gcig pu de las kyang rnam par shes pa gnyis sam mang po 'byung ste/ 'gal bar mi 'gyur ro// gang de ma thag pa'i rkyen so sor nges pa med la lnga po rnams cig car dmigs pa'i rkyen dang phrad kyang gcig kho na 'byung bar 'gyur gyi/

  381. 191b

    lnga char ma yin no zhes bya ba 'di la gtan tshigs ci zhig yod/ de lta bas na dmigs pa yod na lnga char 'byung ba'am/ yang na mi 'byung bar khas blang dgos so// // da ni 'di brjod par bya ste/ ci yid kyi rnam par shes pa mig la sogs pa'i rnam par shes pa dag dang lhan cig 'byung ngam/ 'on te de dag med kyang 'byung snyam pa la de'i phyir/ yid kyi rnam shes 'byung ba ni// rtag tu'o 'du shes med pa dang // snyoms par 'jug pa rnams gnyis dang // sems med gnyid dang brgyal ma gtogs zhes bya ba smos so// rtag tu zhes bya ba ni dus thams cad de/ mig la sogs pa'i rnam par shes pa dang lhan cig pa dang / de ma yin pa zhes bya ba'i tha tshig go// spyir btang ba 'di'i dmigs kyi bsal ba rtsom ste/ 'du shes med pa dang / snyoms par 'jug pa rnam gnyis dang // sems med gnyid dang brgyal ma gtogs/ de la 'du shes med pa ni 'du shes med pa'i sems can lha rnams kyi nang du skyes pa'i sems dang sems las byung ba'i chos rnams gang 'gog pa'o// snrums par 'jug pa rnam gnyis ni 'du shes med pa'i snyoms par 'jug pa dang / 'gog pa'i snyoms par 'jug po'o// de la 'du shes med pa'i snyoms par 'jug pa ni bsam btan gsum pa'i 'dod chags dang bral la gong ma'i 'dod chags dang ma bral ba 'byung ba'i 'du shes sngon du btang ba'i yid la byed pas yid kyi rnam par shes pa dang de dang mtshungs par ldan pa'i sems las byung ba rnams gang 'gog pa ste/ de ni 'dir 'du shes med pa'i snyoms par 'jug pa zhes bya'o// 'dis 'gog par 'gyur bas 'gog pa'o// de yang yid kyi rnam par shes pa mtshungs

  382. 192a

    par ldan pa dang bcas pa mi 'byung bar 'gog pa ste/ gnas kyi gnas skabs kyi bye brag go// snyoms par 'jug pa de yang sems kyi 'og tu sems gzhan 'byung ba dang / mi mthun pa'i gnas thob par byed pas snyoms par 'jug pa zhes bya'o// 'gog pa'i snyoms par 'jug pa ni ci yang med pa'i skye mched kyi 'dod chags dang bral bzhi par gnas pa'i 'du shes sngon du btang ba'i yid la byed pas yid kyi rnam par shes pa dang / nyon mongs pa can gyi yid mtshungs par ldan pa dang bcas pa gang 'gog pa ste/ 'di yang 'du shes med pa'i snyoms par 'jug pa bzhin du gnas kyi gnas skabs kyi bye brag la gdags so// sems med pa'i gnyid ni gnas gnyid sdug pas non pa'i phyir dus de srid gcig tu yid kyi rnam par shes pa mi 'byung bas sems med pa zhes bya'o// sems med pa'i brgyal ba ni glo bur du snang ba dang / rlung dang mkhris pa dang bad kan mnyam pa ste/ gnas ma mnyam pas yid kyi rnam par shes pa 'byung ba dang mi mthun pa gang yin pa de la sems med pa'i brgyal ba zhes nye bar 'dogs so// gnas skabs lnga po de dag la ma gtogs pa de ma yin pa'i dus thams cad du yid kyi rnam par shes pa 'byung bar rig par bya'o// de ltar 'du shes med pa la sogs pa rnam par shes pa 'gags te/ med par gyur pa de byis las 'byung na gang gi phyir de dag 'chi ba'i dus byed par mi 'gyur zhe na/ de ni kun gzhi rnam par shes pa nyid las 'byung ste/ de yang rnam par shes pa thams cad kyi sa bon can no// rnam par shes pa gyur pa gang la ba dag dang chos nye bar

  383. 192b

    'dogs pa de rnam pa gsum du bstan pa rgya cher rnam pa gsum du bshad zin to// // da ni bdag dang chos su nye bar 'dogs pa 'byung ba gang yin pa de rnam par shes pa gyur pa nyid de rnam par shes pa gyur pa las gud na bdag dang chos med do zhes gang dam bcas pa de rab tu bsgrub pa'i phyir/ rnam par shes pa gyur pa 'di/ rnam rtog yin te de yis gang // rnam brtags/ de med des na 'di// thams cad rnam par rig pa tsam zhes bya ba smos so// rnam par shes pa gyur pa rnam gsum bshad ma thag pa gang yin pa de ni rnam par rtog pa'o// sgro btags pa'i don gyi rnam pa khams gsum pa'i sems dang sems las byung ba ni rnam par rtog pa zhes bya ste/ ji skad du/ yang dag ma yin kun rtog ni// sems dang sems byung khams gsum pa zhes bshad pa lta bu'o// rnam par rtog pa rnam pa gsum po kun gzhi rnam par shes pa dang nyon mongs pa can gyi yid dang / 'jug pa'i rnam par shes pa'i rang bzhin mtshungs par ldan pa dang bcas pa des gang rnam par brtags pa snod dang / bdag dang / phung po dang / khams dang skyed mched dang / gzugs dang sgra la sogs pa'i dngos po de dag med pas/ de'i phyir rnam par shes pa gyur pa de rnam par rtog pa zhes bya ste/ dmigs pa med pa'i phyir ro// de'i dmigs pa de med par ji ltar shes she na/ gang gi rgyu gang yin pa tshogs pa dang 'gal ba yang med na de 'byung bar 'gyur te/ gzhan du ni ma yin no// rnam par shes pa ni sgyu ma dang dri za'i grong khyer dang / rmi lam dang rab rib la sogs pa dmigs pa la yang 'byung ngo // rnam par shes pa 'byung ba gal te

  384. 193a

    dmigs pa'i khar las na ni de lta na ga sgyum la sogs pa dag la don med pas rnam par shes pa 'byung bar mi 'gyur ro// de bas na snga ma 'gag pa de dang rigs gcig pa'i rnam par shes pa las rnam par shes pa 'byung ste/ de med kyang 'byung bas phyi rol gyi don las ni ma yin no// don tha dad pa ma yin pa la rtog par byed pa rnams phan tshun mi mthun par shes par mthong ste/ gcig ni phan tshun mi mthun du ma'i bdag nyid du mi rung ngo // de bas na sgrobatags pa'i ngo bo yin pa'i phyir rnam par rtog pa'i dmigs pa med par shes par bya'o// 'dis ni re zhig btags pa'i mtha' spangs nas/ skur pa'i mtha' spangs par 'dod pas/ desan 'di thams cad rnam par rig tsam pa zhes bya ba smos so// des na zhes bya ba ni de bas na'o// 'di ltar gyur pa'i bden nyid rnam par rtog pas gang rnam par brtags pa de med de/ de bas na yul med pas thams cad rnam par rig pa tsam mo// thams cad ces bya ba ni khams gsum pa dang / 'dus ma byas so// tsam gyi sgra ni de las lhag pa'i yul gcad pa'i tha tshig go// pa ni rtsa ba bskang ba'o// gal te thams cad rnam par rig pa tsam 'on te/ de las gzhan byed pa po dang / byed pa med na rtsa ba'i rnam par shes pa byin gyisam brlabs pa las byed pa med par rnam par rtogs pa rnams ji ltar 'byung snyam pa la/ de'i phyir rnam shes sa bon thams cad pa// phan tshun dag gis dbang gis na// de lta de ltar 'gyur bar 'gro// des na rnam rtog de de ste zhes bya ba smos so// de la chos thams cad sbyad nus pa dang ldan pas sa bon thams cad pa'o// rnam par shes pa ni kun gzhi rnam par shes pa'o// rnam

  385. 193b

    par shes pa sa bon thams cad pa ma yin pa'ang yod pas sa bon thams cad pa zhes bya ba smos so// rnam par shes pa ma yin pa la yang gcig sa bon thams cad rnam par rtog pas rnam par shes pa zhes bya ba smos so// yang na tshig gcig la 'khrul pa yod pa'i phyir bye brag dang / bye brag gi gzhi bstan te/ de la nyes pa med do// / phan tshun dag gi dbang gis na// de lta de ltar 'gyur bar 'gro// zhes bya ba la kun gzhi snga ma'i gnas skabs las gzhan du 'gyu ba ni 'gyur ba'o// de lta de ltar zhes bya ba ni rnam par rtog pa de dang de'i 'og ma skyed nus pa'i gnas skabs 'thob ces bya ba'i tha tshig go// phan tshun dbang zhes bya ba la// 'di ltar mig la sogs pa'i rnam par shes pa rang gi nus pa yongs su gso ba'i phyir 'jug pa'i tshe kun gzhi rnam par shes pa nus pa khyad par can 'gyur ba'i rgyu'o// kun gzhi rnam par shes pa 'gyur ba de yang mig la sogs pa'i rnam par shes pa'i rgyur 'gyur te/ de ltar phan tshun gyi dbang gis so// gang gi phyir gnyi ga 'byung ba de'i phyir/ kun gzhi rnam par shes pa gzhan gyis byin gyis ma brlabs pa las rnam par rtog pa rnam pa du ma de dang de skye'o// 'di ni da ltar gyi tshe la kun gzhi rnam par shes pa las 'jug pa'i rnam par shes paji ltar 'byung ba de bstan to// da ni rnam par rig pa tsam da ltar gyi tshe 'gags nas ma 'ongs pa'i tshe ji ltar mtshoms sbyar ba de bstan pa'i phyir/ las kyi bag chags 'dzin gnyis kyi// bag chags bcas pa snga ma yi// rnam par smin pa zad nas gzhan// rnam smin skyed pa de yin no zhes bya ba smos so// bsod nams dang bsod nams ma yin pa dang / mi g.yo ba'i sems

  386. 194a

    pa ni las te/ las des ma 'ongs pa'i lus mngon par 'grub par kun gzhi rnam par shes pa la nus pa bskyed pa gang yin pa de ni las kyi bag chags so// 'dzin pa gnyis ni gzung bar 'dzin pa dang / 'dzin par 'dzin pa'o// de la rnam par shes pa la gud na rang yod pas gnas pa'i gzung ba yod par lhag par chags pa ni gzung ba'i 'dzin pa'o// de yang rnam par shes pas rtogs shing rnam par shes te/ 'dzin par nges pa gang yin pa de 'dzin pa'i 'dzin pa'o// sngon byung ba 'dzin pa dang / gzung ba'i 'dzin pas btab pa'i ma 'ongs pa'i des rigs kyi gzung ba dang 'dzin pa'i 'dzin pa 'byung ba'i sa bon ni 'dzin pa gnyis kyi bag chags so// de la las kyi bag chags kyi bye brag gis 'gro ba tha dad pas lus mi 'dra bar 'gyur ba nis bon tha dad pa myu gu za dad pa bzhin no// 'dzin pa pa gnyis kyi bag chags ni las k+Shi bag chags thams cad ji ltar rang gi 'phangs pa lus skyed pa la zhugs pa rnams kyi lhan cig byed pa nyid du 'gyur te/ dper na sa bon gyi myu gu skye ba na chu la sogs pa bzhin no// de lta na las kyi bag chags 'ba' zhig ma yin gyi/ 'dzin pa gnyis kyi bag chags kyis zin pas rnam par smin pa skyed do// zhes bstan par 'gyur ro// de'i phyir 'dzin pa gnyis kyi bag chags dang bcas pas zhes bya ba smos so// snga ma'i rnam par smin pa zad nas gzhan// rnam smin skyed pa de bzhin no zhes bya ba ni tshe snga mal bsags pa'i las kyi 'dir rnam par smin pa mngon par bsgrubs pa gang yin pa de zad ces bya ba 'phangs pa'i dus kyi mtha' la gnas pa la las kyi bag chags kyi stobs ji lta ba bzhin

  387. 194b

    du de 'dzin pa gnyis kyi bag chags dang bcas pas rnam par smin pa spyad zin pa las rnam par smin pa gzhan kun gzhi rnam par shes pa de nyid skyed de/ kun gzhi rnam par shes pa ma gtogs par rnam par smin pa gzhan med pa'i phyir ro// snga ma'i rnam par smin pa zad nas zhes bya ba 'dis ni rtag pa'i mtha' spong ngo // rnam par smin pa gzhan skyed do zhes bya bas ni chad pa'i mtha' spong ngo // mig la sogs pa'i rnam par shes pa ma gtogs par kun gzhi rnam par shes pa yod de/ de nyid sa bon thams cad pa ste/ mig la sogs pa'i rnam par shes pa ma yin no zhes bya ba de ji lta bu zhe na/ lung dang rigs pas yod par mngon te/ bcom ldan 'das kyis chos mngon pa las/ thog ma med pa'i dus kyi dbyings// chos rnams kun gyi gnas yin te// de yod pas na 'gro kun dang // mya ngan las 'das pa'ang thob par 'gyur zhes gsungs so// kun gzhi rnam par shes pa med na 'khor bar 'jug pa dang ldog pa yang mi rung ngo // de la 'khor bar 'jug pa ni ris mthun pa gzhan dag du nying byung bar byed du/ brgyas pa dang / nga gas ga sas 'das ga// 'as pa dag sa la sa ga sa b+h+ya rkyen gyis rnam par shes par mi rung ste/ 'du byed kyi rkyen gyis rnam par shes pa med na 'jug pa'ang med par 'gyur ro// kun gzhi rnam par shes pa khas mi len na nying mtshams sbyor ba'i rnam par shes pa 'am/ 'du byed kyis yongs su bsgos pa'i rnam par shes pa'i tshogs drug po de dag 'du byed kyi rkyen las 'byung bar brtag grang na/ de la 'du byed gang yin pa dag ni

  388. 195a

    nying mtshams sbyor ba'i rnam par shes pa'i rkyen du mi 'dod de/ de dag ni 'gags nas ring du lon pa'i phyir ro// 'gags pa ni med pa'i phyir ro// med pa ni rkyen du mi rung bas 'du byed ni nying mtshams sbyor ba'i rnam par shes pa'i rkyen du mi rung ngo // nying mtshams sbyor ba'i tshe na ming dang gzugs kyang yod de/ rnam par shes pa 'ba' zhig ni ma yin na de la rnam par shes pa nyid 'du byed kyi rkyen gyis 'byung gi/ ming dang gzugs ni ma yin no zhes bya ba 'di la rigs pa ci yod/ de lta bas na 'du byed kyi rkyen gyis ming dang gzugs yin gyi/ rnam par shes pa ni ma yin// no zhes brjod par bya'o// rnam par shes pa'i rkyen gyis ming dang gzugs zhes bya ba gang yin/ gal te dus khyim pa gang yin pa'i rkyen non na/ de nying mtshams sbyar ba'i ming dang gzugs las rang bzhin bye brag tu gyur pa ni ci yod na/ 'di ltar de nyid rnam par shes pa'i rkyen gyis 'byung ba yin la snga ma ni ma yin/ snga ma ni 'du byed kyis rkyen gyis byung ba yin la gyi ma ni ma yin/ de'i phyir 'du byed kyi rkyen gyi ming dang gzugs nyid du 'gyur gyi/ nying mtshams sbyor ba'i rnam par shes pa yan lag gzhan du brtags pas ci zhig bya/ de lta bas na nying mtshams sbyor ba'i rnam par shes pa ni 'du byed kyi rkyen gyis 'byung bar mi rung ngo // rnam par shes pa'i tshogs drug po 'du byed kyis yongs su bsgos pa dag kyang 'du byed kyi rkyen gyis rnam par shes par mi rung ngo // de ci'i phyir zhe na/ rnam par shes pa ni rnam par smin pa'i bag chags dang rgyu mthun pa'i bag chags bdag la skyed mi nus te/ bdag nyid la byed pa 'gal ba'i phyir ro// mjug thogs su 'byung ba la yang ma yin te

  389. 195b

    de'i tshed ma blang ba'i phyir ro// ma byung ba ni med pa'i phyir ro// byung ba na yang ma yin te/ de ni de'i tshe sngar 'gag pa'i phyir ro// sems med pa'i 'gog pa'i snyoms par 'jug pa la sogs pa'i dus na ni 'du byed kyis yongs su bsgos pa'i sems 'byung ba mi srid pa'i phyir/ rnam par shes pa'i rkyen gyi ming dang gzugs med par 'gyur ro// de med pas skye mched drug kyang med par 'gyur ro// de bzhin du skye ba'i rkyen gyi rga shi'i bar du yang med par 'gyur te/ de'i phyir 'khor bar 'jug pa med par 'gyur ro// de lta bas na ma rig pa'i rkyen gyis 'du byed rnams so// des bsgos pa'i kun gzhi rnam par shes pa'i 'du byed kyi rkyen gyis rnam par shes pa'o// de'i rkyen gyis nying mtshams sbyor ba'i tshe ming dang gzugs de tshul 'di la ni nyes pa med do// 'khor ba ldog pa yang kun gzhi rnam par shes pa med na mi rung ste/ 'khor ba'i rgyu ni las dang nyon mongs pa rnams so// de gnyis las kyang nyon mongs pa ni gtso bo ste/ 'di ltar nyon mongs pa'i dbang gis na las kyis yang sred pa 'phen nus par 'gyur gyi gzhan du ma yin no// de ltar 'phangs pa'i srid pa yang las dang nyon mongs pa'i dbang gis yang srid par 'gyur te/ gzhan du ni ma yin no// de ltar na gtso bo yin pa'i phyir nyon// / mongs pa nyid 'khor bar 'jug pa'i rtsa ba ste/ de'i phyir de dag spangs na 'khor ba yang ldog par 'gyur gyi gzhan du ni ma yin no// kun gzhi rnam par shes pa med par de dag spang du mi rung ngo // ji ltar mi rung // zhe na/ nyon mongs pa mngon du gyur pa 'am/ sa bon gyi tshe spong grang na/ de la mngon du gyur pa spong ngo zhe na ni 'di mi 'dod pa nyid do// de spong ba'i lam la gnas pa'i phyir sa bon gyi tshe spang du yang mi rung ste/

  390. 196a

    gang la nyon mongs pa'i sa bon gnas pa de dag gnyen pos spong na de'i tshe na ni gnyen po las gzhan ci yang rung bas ma blangs pa'i phyir/ ji ste gnyen po'i sems nyid nyon mongs pa'i sa// bon dang ldan par 'dod ma ni de nyon mongs pa'i sa bon dang ldan pa nyid pas de'i gnyen por 'gyur ba ni mi rigs te/ nyon mongs pa'i sa bon ma spangs pa rnams kyi 'khor ba ldog pa mi srid do// de lta bas na gdon mi za bar kun gzhi rnam par shes pa la/ de las gzhan pa'i rnam par shes pa dang lhan cig 'byung ba'i nyon mongs pa dang nye ba'i nyon mongs pa rnams kyis rang gi sa bon gso bar bya ba'i phyir bag chags bsgo bar khas blang ngo // bag chags rnams stobs ji lta ba bzhin du 'jug pa rnyed na rgyur gyur pa'i bye brag thob pa'i sems nyid las nyon mongs pa dang / nye ba'i nyon mongs pa gang dag 'byung// ba de dag gi sa bon kun gzhi rnam par shes pa la gnas pa ni de dang lhan cig 'byung ba'i nyon mongs pa'i gnyen po lam gyis sel to// de bas na gnas de la yang nyon mongs pa rnams mi 'byung bas phung po'i lhag ma dang bcas pa'i mya ngan las 'das pa'i dbyings 'thob po// sngon gyi las kyis 'phangs pa de'i tshe 'gags la de las gnan pa'i tshe dang ni nying mtshams mi sbyor bas phung po lhag ma/ med pa'i mya ngan las 'das pa'i dbyings thob ste/ las yod du zin kyang nyon mongs pa rnams spangs na lhan cig byed pa'i rgyu med pa'i phyir srid pa mngon par 'grub par byed mi nus so// de ltar na kun// gzhi rnam par shes pa yod na 'khor bar 'jug pa dang ldog par 'gyur gyi/ gzhan du ni ma yin te/ mig la sogs pa'i rnam par shes pa las gud na kun gzhi rnam par shes pa yod la de nyid chos

  391. 196b

    thams cad kyi sa bon dang ldan pa ste/ mig la sogs pa'i rnam par shes pa ni ma yin par gdon mi za bar khas blang bar bya'o// rgya cher dpyad pa ni phung po lnga po'i bshad sbyar las rig par bya'o// gal te/ 'di dag rnam par rig pa tsam yin na ji ltar mdo dang mi 'gal te/ mdo sde dag las ni kun brtags pa dang / gzhan gyi dbang dang / yongs su grub pa dang ngo bo nyid gsum gsungs so zhe na/ rnam par rig pa tsam nyid la ngo bo nyid gsum rnam par bzhag par 'gal ba med do// ji ltar zhe na de'i phyir// rnam par rtog pa gang gang gis// dngos po gang gang rnam rtag pa// de nyid kun tu rtag pa yi// ngo bo nyid de de med do zhes bya ba smos so// nang dang phyi'i dngos po rnam par brtags pa'i bye brag gis rnam par rtog pa mtha' yas pa bstan pa'i phyir/ rnam par rtog pa gang gang gis zhes bya ba smos so// dngos po gang gang rnam brtags pa zhes bya ba ni nang dang phyi'i dngos po ste/ tha na sangs rgyas kyi chos kyi bar du yang de nyid kun tu brtags pa'i ngo bo nyid de 'dir gtan tshigs smos pa ni/ de med do zhes bya ba'o// rnam par brtags pa'i yul gyi dngos po gang yin pa de 'di ltar rang bzhin med pas med pa'o// de lta bas na dngos po de ni kun brtags pa'i ngo bo nyid so naste/ chu dang rkyen la rag las pa'i ngo bo nyid ma yin no// 'di ltar dngos po gcig dang de med pa la phan tshun mi mthun pa'i rnam par rtog pa du ma 'jug pa mthong ste/ dngos po gcig pu de'am/ demed pa la phan tshun mi mthun pa du ma'i rang bzhin mi rung ngo // de bas na 'di dag thams cad rnam par rtog pa tsam nyid de/ don de kun tu brtags pa'i ngo bo nyid yin pa'i phyir ro// mdo sde las

  392. 197a

    kyang rab 'byor ji ltar byis pa so so'i skye bo rnams mngon par zhen pa de bzhin du chos rnams med do zhes gsungs so// kun brtags pa'i 'og tu gzhan gyi dbang gi ngo bo nyid bshad par bya ste/ de'i phyir gzhan gyi dbang gi ngo bo nyid// rnam rtog yin te rkyen las byung zhes bya ba smos so// rnam par rtog pa zhes bya ba ni 'dir gzhan gyi dbang gi ngo bo bstan to// rkyen las byung zhes bya ba des ni gzhan gyi dbang zhes brjod pa'i 'byung ba'i rgyu bstan to// de la kun tu rtog pa ni dge ba dang mi dge ba dang / lung du ma bstan pa'i bye brag tha dad pa khams gsum pa'i sems dang sems las byung ba rnams te/ ji skad du/ yang dag ma yin kun rtog ni// sems dang sems byung khams gsum pa// zhes bshad pa lta bu'o// rgyu dang rkyen gzhan gyis dbang byas pas gzhan gyis dbang ste/ skyed ces bya ba'i tha tshig ste/ bdag las gzhan pa'i rgyu rkyen rnams la rag las shing skye ba bya bar bstan par 'gyur ro// gzhan gyi dbang bshad zin to// yongs su grub pa ji lta bu zhe na/ de'i phyir grub ni de la sdum po// rtag tu med par gyur pa gang // zhes bya ba smos so// mi 'gyur bas yongs su grub pa'o// de la zhes bya ba ni gzhan gyi dbang la'o// snga ma po zhes bya ba ni kun brtags pa nyid do// rnam par rtog pa de la bzung ba dang // 'dzin pa'i dngos po kun brtags pa ste/ 'di ltar de la gzung ba dang / 'dzin pa med pa bzhin du kun brtags pas kun brtags pa zhes bya'o// gzung ba dang 'dzin pa de dang gzhan gyi dbang de rtag tu dus thams cad du gtan du bral ba de ni yongs su grub pa'i ngo ba nyid do// de'i phyir de nyid gzhan dbang las// gzhan min gzhan pa

  393. 197b

    min pa min// de'i phyir de nyid ces bya ba 'di ltar kun brtags pa'i ngo bo nyid gzhan gyi dbang dang rtag tu bral ba ni yongs su grub pa ste/ bral ba nyid ni chos nyid do// chos nyid chos las gzhan dang gzhan ma yin par mi rung ngo // yongs su grub pa ni gzhan gyi dbang gi chos nyid de de'i phyir gzhan gyi dbang las yongs su grub pa gzhan pa yang ma yin la gzhan ma yin pa yang ma yin par khong du// / chud par bya'o// gal te yongs su grub pa gzhan gyi dbang las gzhan yin na ni de lta na go kun brtags pas gzhan gyi dbang stong par mi 'gyur ro// ji ste gzhan ma yin na/ de lta na yang yongs su grub pa rnam par dag pa'i dmigs par mi 'gyur te/ gzhan gyi dbang bzhin du kun nas nyon mongs pa'i bdag nyid kyi phyir ro// de bzhin du gzhan gyi dbang yang kun nas nyon mongs pa'i bdag nyid du mi 'gyur te/ yongs su grub pa las gzhan ma yin pa'i phyir yongs su grub pa 'dra'o// mi rtag la sogs bzhin du brjod// gzhan dang ma yin no zhes bya ba ni tshig gi lhag ma'o// dper na mi rtag pa nyid dang sdug bsngal ba nyid dang / bdag med pa nyid mi rtag pa la sogs pa las gzhan pa yang ma yin la gzhan ma yin pa yang ma yin no// gal te 'du byed rnams las mi rtag pa nyid gzhan yin na/ de lta na go 'du byed rnams mi rtag par mi 'gyur ro// ji ste gzhan ma yin na/ de lta na yang 'du byed rnams zhig nas med pa nyid du 'gyur te mi rtag pa nyid bzhin no// de/ bzhin du sdug bsngal nyid la sogs pa la'ang brjod par bya'o// gal te gzhan gyi dbang la gzung ba dang 'dzin pa med na de ji ltar 'dzin mi 'dzin na ni yod par ji ltar shes she na/ de'i phyir de ma

  394. 198a

    mthong bar de mi mthong // de mi mthong zhes bya ba ni yongs su grub pa'i ngo bo nyid do// de mi mthong zhes bya ba ni gzhan gyi dbang gi ngo bo nyid do// 'jig rten las 'das pa'i ye shes rnam par mi rtog pas mthong bar bya ba yongs su grub pa'i ngo bo nyid ma mthong ba ni ma rtogs pa dang / mngon sum du ma byas pa'o// de'i rjes las thob pa dag pa 'jig rten pa 'jig rten las 'das pa'i ye shes kyi spyod yul yin pas shes pa gzhan gyis gzhan gyi dbang mi 'dzin to// de'i phyir yongs su grub pa ma mthong bar gzhan gyi dbang mi mthong ste/ 'jig rten pas 'das pa'i ye shes kyi rjes la thob pa'i ye shes kyis ni mi mthong ba ma yin no// rnam par mi rtog par 'jug pa'i gzungs las de skad du/ de'i rjes la thob pa'i ye shes kyis ni chos thams cad sum dang smig tu dang / rmi lam dang mig yor dang brag cha dang cha zla dang sprul pa dang mtshungs par mthong ngo zhes gsungs pa lta bu'o// chos ni 'dir gzhan gyi dbang du bsdus pa rnams su bzhed do// yongs su grub pa ni nam mkha' lta bu ste/ ye shes ro gcig pa'o// ji skad du rnam par mi rtog pa'i ye shes kyis ni chos thams cad nam mkha'i dkyil dang mtshungs par mthong ngo zhes gsungs blta ba ste/ gzhan gyi dbang gi chos rnams kyi de bzhin nyid tsam mthong ba'i phyir ro// gal te gzhan gyi dbang rdzas nyid yin na ji ltar mdo sde las chos thams cad ni ngo bo nyid med pa ma skyes pa ma 'gag pa zhes bstan can 'gal ba med de 'di ltar ngab nyid ni rnam gsum gyi/ rab nyid med rnam gsum gyi// ra ba nyid med rnam gsum la// dgongs nas chos rnams thams cad ni//

  395. 198b

    ngo bo nyid med bstan pa yin// ngo bo nyid gsum kho na ste// bzhir med par bstan pa'i phyir grangs bstan to// rang rang gi mtshan nyid kyi yod pa ltar 'gyur bas ngo bo nyid do// ngo bo nyid med pa rnam pa gsum ni mtshan nyid ngo bo nyid med pa dang / skye ba ngo bo nyid med pa dang / don dam pa ngo bo nyid med pa'o// chos thams cad ni kun brtags pa dang / gzhan gyi dbang dang / yongs su grub pa'i bdag nyid do// da ni ngo bo nyid gsum gyi gang gi ngo bo nyid med pa gang yin pa bstan pa'i phyir/ dang po pa ni mtshan nyid kyi// ngo bo nyid med gzhan pa yang // de ni rang nyid mi 'byung bas// ngo bo nyid med/ gzhan yin no// chos kyi don gyi dam pa'ang de// 'di ltar de bzhin nyid kyang de zhes bya ba smos so// dang po pa ni kun tu brtags pa'i ngo bo nyid de/ de ni mtshan nyid kyis ngo bo nyid med pa ste/ de'i mtshan nyid ni brtags pa'i phyir ro// gzugs kyi mtshan nyid ni gzugs su yod pa'o// tshor ba'i mtshan nyid ni myong ba'o zhes bya ba la sogs pa ste/ de dag rang gi ngo bo med pas nam mkha'i me tog bzhin du rang gi ngo bo med pa'o// gzhan pa yang zhes bya ba ni gzhan gyi dbang gi ngo bo nyid do// de ni sgyu ma bzhin du rkyen gzhan gyis skye ba'i phyir rang gi dngos po med do// 'di ltar yang ji ltar snang ba de bzhin du de la skye ba med de/ de'i phyir skye ba ngo bo nyid med pa zhes bya'o// chos kyi don gyi dam pa'ang de/ 'di ltar de bzhin nyid kyang de zhes bya ba la/ dam pa ni 'jig rten las 'das pa'i ye shes te/ bla na med pa'i phyir ro// de'i don dam pa'o// yang na nam mkha' ltar thams cad du ro gcig pa dang / dri ma med pa dang mi 'gyur ba'i chos yongs su grub pa ste/

  396. 199a

    don dam pa zhes bya'o// 'di ltar yongs su grub pa'i ngo bo nyid de ni gzhan gyi dbang gi bdag nyid chos thams cad kyi don dam pa ste/ de'i chos nyid yin pas de'i phyir yongs su grub pa'i ngo bo nyid ni don dam pa ngo bo nyid med pa ste/ yongs su grub pa ni dngos po med pa'i ngo bo nyid kyi phyir ro// ci don dam pa 'ba' shig gis yongs su grub par brjod dam/ smras pa/ ma yin te/ de bzhin nyid kyang de'o// kyang gi sgra ni de bzhin nyid kyi sbyar brjod pa 'ba' zhig ma yin gyi chos kyi dbyings kyi rnam grangs su gtogs pa ji snyed pa de thams cad du brjod par b+ha ba'o// dus rnams kun na de bzhin yod pas de bzhin nyid de 'di ltar so so'i skye bo dang / slob pa dang / mi slob pa'i dus dag na dus thams cad du de bzhin te/ gzhan du ma yin pas de bzhin nyid ces bya'o// ci de bzhin nyid bzhin du rnam par rig pa tsam yang yongs su grub pa nyid dam/ 'on te rnam par rig pa tsam gzhan zhig snyam pa la/ de'i phyir/ de nyid rnam par rig pa tsam gzhan zhig smos te/ shin tu rnam par dag pa'i mtshan nyid khong du chud pa'i phyir ro// ji skad du/ de tshe de tsam mthong ba'i phyir// ming la sems de gnas pa yin// ming la gnas pas rnam rig la/ dmigs pa rab tu spong bar 'gyur// bsgoms pa'i rgyu yis de'i tshe// dmigs pa med pa'i dbyings la reg/ sgrib pa kun las rnam grol zhing // de tshe dbang 'byor thob par 'gyur zhes/ bshad pa lta bu ste/ de nyid rnam par rig pa tsam zhes bya ba'i tshig 'dis ni mngon par rtogs par bstan to// gal te 'di dag rnam par rig pa tsam yin na// mig dang / rna ba dang / sna dang / lce dang /

  397. 199b

    lus kyis gzugs dang / sgra dang / dri dang / ro dang / reg bya la gzung ngo snyam du de'i sems pa ci las byung snyam pa la de'i phyir/ ji srid rnam rig tsam nyid la// rnam par shes pa mi gnas pa/ de srid 'dzin pa rnam gnyis kyi// bag la nyal ba mi ldog go zhes bya ba smos so// yang na gang / las kyi bag chags 'dzin gnyis kyi// bag chags bcas pa snga ma yi// rnam par smin pa zad nas gzhan/ rnam smin skyed pa de yin no zhes smos pa de smod pa dang / mi spong ba ji lta bu zhes bya ba ste/ de'i phyir ji srid rnam rig tsam nyid la// rnam par shes pa mi gnas pa zhes rgya cher smos so// ji srid du sems kyi chos nyid rnam par rig pa tsam nyid ces bya ba la/ rnam par shes pa mi gnas pa/ gzung ba dang / 'dzin par dmigs pa la spyod pa'i bar du'o// 'dzin pa gnyis ni gzung / ba'i 'dzin pa dang / 'dzin pa'i 'dzin pa ste/ de'i bag la nyal ni ma 'ongs pa'i 'dzin pa gnyis skye bar bya ba'i phyir de dag gi kun gzhi'i rnam par shes pa la sa bon btab pa'o// ji srid du gnyis med/ pa'i mtshan nyid rnam par rig pa tsam nyid la rnal 'byor pa'i sems gnas par ma gyur pa de srid du 'dzin pa gnyis kyi bag la nyal mi ldog ste/ mi spong zhes bya ba'i tha tshig go/ 'dir ni phyi rol gyi dmigs pa ma spangs na/ nang gi dmigs pa'ang ma spangs par bstan pa/ de'i phyir de 'di snyam du bdag ni mig la sogs pas gzugs la sogs pa 'dzin to snyam du sems so// da ni 'di brjod/ par bya ste/ don dang bral ba'i sems tsam dmigs pas/ ci sems kyi chos nyid la gnas pa yin nam/ smras pa/ ma yin te/ 'di dag rnam rig tsam nyid ces// de 'di snyam du dmigs nas su//

  398. 200a

    ci yang rung ste mdun 'jog na// de ni tsam la mi gnas so// de yang mngon pa'i nga rgyal can gang thos pa tsam gyis bdag rnam par rig pa tsam rnam par dag pa la gnas so snyam du sems pa'i 'dzin pa de bsal ba'i phyir/ 'di dag rnam par rig tsam nyid ces// de snyam du ni dmigs nas su zhes bya ba la sogs pa smos so// 'di dag rnam par rig tsam nyid ces bya ba ni den dang bral ba ste/ phyi rol gyi don med do zhes de ltar dmigs pa ni 'dzin pa dang mtshan mar byed ces bya ba'i tha tshig go// mdun du zhes bya ba ni mngon sum du'o// 'jog na zhes bya ba ni ji ltar thos pa bzhin du yid kyis 'jog pa'o// rnal 'byor spyod pa'i dmigs pa rnam pa mang bas ci yang rung zhes bya ba smos te/ keng rus sam rnam par sngos pa'am rnam par rul ba 'am/ rnam par 'bu zhugs pa'am/ rnam par bam pa la sogs pa'o// de ni tsam la mi gnas pa ni rnam par shes pa'i dmigs pa ma spangs pa'i phyir ro// nam zhig na rnam par shes pa'i 'dzin pa spangs shing sems kyi chos nyid la rab tu gnas par 'gyur zhe na/ de'i phyir/ nam zhig shes pas dmigs pa rnams// mi dmigs de'i tshe na ni// rnam par rig pa tsam la gnas// gzung ba med pas de 'dzin med ces bya ba smos so// gang gi tshe bstan pa la dmigs pa dang / gdams ngag la dmigs pa dang / gzugs dang sgral sogs pa tha mal dmigs pa yang rung ste/ shes pas sems las phyi rol tu mi dmigs te/ ma mthong mi 'dzin la mngon par zhen pa med cing ngan yang dag pa rta ba bzhin du mthong la/ dmus long lta bu ni ma yin pa de'i tshe rnam par

  399. 200b

    shes pa'i 'dzin pa yang spangs shing rang gi sems kyi chos nyid la yang gnas pa yin te/ 'di nyid du gtan tshigs smos pa/ gzung ba med pas de 'dzin med ces bya'o// gzung ba yod na 'dzin par 'gyur te/ gzung ba med na ma yin no// gzung ba med na 'dzin pa med par yang rtogs par 'gyur gyi/ gzung ba me dpa' ba' zhig ni ma yin no// de ltar na dmigs par bya ba dang / dmigs par byed pa la rnam par mi rtog pas mnyam pa 'jig rten las 'das pa'i ye shes 'byung ste/ gzung ba dang 'dzin par mngon par zhen pa'i bag la nyal spong zhing rang gi sems kyi chos nyid la yang sems gnas par 'gyur ro// gal te de ltar rnam par rig pa tsam nyid la sems gnas par gyur pa de'i tshe/ ji skad bya zhe na/ de'i phyir/ de ni sems med mi dmigs pa// 'jig rten 'das pa'i ye shes de/ gnas kyang gzhan du gyur pa ste// gnas ngan len gnyis spangs pas so// de nyid zag pa med dang dbyings// bsam mi khyab dang dge dang brtan// de ni bde ba rnam grol sku// thub pa chen po chos zhes bya/ tshigs su bcad pa 'di gnyis kyi rnam par rig pa tsam nyid la zhugs pa'i rnal 'byor pa'i mthong ba'i lam la brten te/ gong nas gong du bye brag tu 'gro bas 'bras bu phun sum tshogs pa bstan to// de la 'dzin pa'i sems med pa dang / gzung ba'i don mi dmigs pa'i phyir/ de ni sems med mi dmigs pa zhes bya'o// 'jig na 'dris par ma byas pa dang / kun tu 'byung ba med pa dang // rnam par mi rtog pa dang / 'jig rten las rgal ba'i phyir/ 'jig rten las 'das pa'i ye shes de zhes bya'o// ye shes de'i 'og tug nas gyur pa bstan pa'i phyir/ gnas kyang gzhan du gyur pa ste

  400. 201a

    zhes bya ba smos so// gnas ni 'dir kun gzhi rnam par shes pa sa bon thams cad do// de gyur pa ni gang gnas ngan len dang / rnam par smin pa dang / gnyis kyi bag chags kyi dngos po log na las su rung ba dang / chos kyi sku dang / mi gnyis pa'i ye shes kyi dngos por gyur pa'o// gnas gyur pa de yang gang / spangs pas thob par 'gyur zhe na/ de'i phyir/ gnas ngan len gnyis spangs pas so zhes bya ba smos so// gnyis zhes bya ba ni nyon mongs pa'i sgrib pa'i gnas ngan len dang / shes bya'i sgrib pa'i gnas ngan len no// gnas ngan len ni gnas les su rung ba nyid de/ de yang nyon mongs pa dang / shes bya'i sgrib pa'i sa bon no// gnas gyur pa de yang nyan thos la sogs pa la yod pa'i gnas ngan len spangs pas thob par 'gyur ba ni gang / rnam grol sku zhes bya ba smos so// byang chub sems dpa' la yod pa'i gnas ngan len spangs pas thob par 'gyur ba ni gang / thub pa chen po'i chos zhes bya/ zhes bya ba smos te/ sgrib pa rnam pa gnyis spangs pa'i bye brag gis gnas gyur pa bla na yod pa dang / bla na med par bstan to// 'dir tshigs su bcad pa/ len pa'i rnam shes sgrib gnyis kyi// mtshan nyid yin par shes par bya// nyon mongs sa bon kun sa bon// der ni gnyis la gnyis 'ching ngo // gnyis zhes bya ba ni nyan thos dang byang chub sems dpa'o// snga ma la ni nyon mongs pa'i sa bon no// cig shos la ni sgrib pa gnyis kyi sa bon te/ de dag bcom pas thams cad mkhyen pa nyid thob par 'gyur ro// de nyid zag pa med dang dbyings zhes bya ba ni gnas gyur pa'i

  401. 201b

    rang bzhin de nyid zag pa med pa dang / dbyings zhes bya ste/ gnas ngan len med pa'i phyir ro// zag pa thams cad dang bral bas zag pa med pa'o// 'phags pa'i chos kyi rgyu yin pas dbyings so// dbyings kyi sgra ni 'dir rgyu'i don to// bsam gyis mi khyab pa ni rtog ge'i spyod yul ma yin pa dang / so so rang gis rig pa dang / dpe med pa'i phyir ro// dge ba ni rnam par dag pa'i dmigs pa dang / bde ba dang / zag pa med pa'i chos kyi rang bzhin yin pa'i phyir ro// brtan pa ni rtag pa dang mi zad pa'i phyir ro// bde ba ni rtag pa nyid kyi phyir te/ gang mi rtag pa de ni sdug bsngal ba'o// / 'di ni rtag pa ste/ de'i phyir bde ba'o// nyon mongs pa'i sgrib pa spangs pas nyan thos rnams kyi rnam par grol ba'i sku'o// gnas gyur pa'i mtshan nyid de ni thub pa chen po'i chos kyi sku zhes bya ste/ sa dang pha rol tu phyin pa bsgoms nas nyon mongs pa dang shes bya'i sgrib pa spangs pas gnas gyur pa yang dag par grub pa'i phyir thub pa chen po chos kyi sku zhes bya'o// 'khor ba yod su mi gtong zhing des nyon mongs pa med pa dang / chos thams cad la dbang 'byor pa thob pa'i phyir byang chub sems dpa'i chos kyi sku'o zhes bya'o// thub pa chen po zhes bya ba ni thub pa'i mchog dang ldan pas sangs rgyas bcom ldan 'das ni thub pa chen po'o// sum cu pa'i bshad pa slob dpon blo brtan gyis mdzad pa rdzogs so// // rgya gar gyi mkhan po 'dzin mi tra dang shI len+d+ra bo d+hi dang / zhu chen gyi lo tsA ba ban+de ye shes sdes zhus te gtan la phab pa// @5// rab tu byed pa nyi zla pa'i 'gres ba shad thob dpon dras pa'i rnas mdza dpa bzhugs ka/ @#// rgya gar skad du/ pra ka ra na bi d+hi

  402. 202a

    ka nI kA/ bod skad du/ rab tu byed pa nyi shu pa'i 'grel bshad/ 'jam dpal gzhon nur gyur pa la phyag 'tshal lo// gang thugs thugs rje rag las phyir// gzhan gyi don la rtag dgyes pa// mi shes bcom la phyag 'tshal te// nyi shu pa ni rnam par dbye// theg pa chen po la khams gsum pa rnam par rig pa tsam du rnam par gzhag ces bya ba'i tshig dang po 'dis ni rab tu byed pa 'di'i dgos pa dang brjod par bya ba'i rang gi ngo bo dang / dgos pa'i yang dgos pa dngos su ston to// 'brel pa ni don gyis brtag par bya'o// rab tu byed pa'i 'brel pa dang / brjod par bya ba dang / dgos pa rnams nges par brjod par bya'o// gzhan du na 'brel pa med pa dang / brjod par bya ba med pa dang / dgos pa med pa dang / dgos pa'i yang dgos pa med pa'i rab tu byed pa ni rtog pa sngon du gtong ba'i nyan pa po dag khas mi len to// de la theg pa chen po zhes bya ba 'dis ni dgos pa'i yang dgos pa bstan to// khams gsum pa rnam par rig pa tsam du rnam par gzhag ces bya ba 'dis ni brjod par bya ba dang / dgos pa bstan to// 'dir khams gsum pa rnam par rig pa tsam nyid lung dang rigs pa gnyis kyis bstan to// 'di ni brjod par bya'o// khams gsum pa rnam par rig pa tsam nyid du bstan pa ni dgos pa'o// bstan pa de yang rab tu byed pa'i phyir te/ rab tu byed pa ni dgos pa 'di'i thabs yin no// de bas na rab tu byed pa dang dgos pa gnyis ni thabs dang thabs las byung ba'i mtshan nyid kyis 'brel par gnas so// de ltar gnas pa la brgya la 'ga' zhig khams gsum pa rnam par rig pa tsam du bstan pa 'dis ci zhig bya/

  403. 202b

    zhes rgol du 'ong bas de'i phyir/ theg pa chen po zhes bya ba 'di smos so// de las ni khams gsum pa rnam par rig pa tsam nyid du bstan pa ni theg pa chen po thob par bya ba'i phyir ro zhes bya ba'i tshig gi don 'di 'byung ste/ 'di ni re zhig spyi'i don to// yan lag gi don brjod par bya ste/ theg pa chen po zhes bya ba ni 'dis 'dod pas na theg pa'o// yang na 'dir 'dong bas theg pa'o// de'i theg pa yang yin la chen po yang yin pas theg pa chen po'o// de'i phyir byang chub sems dpa'i lam 'bras bu dang bcas pa la theg pa chen po zhes bstan pa yin no// chen po ni de ma yin pa'i theg pa gzhan pas mchog tu gyur par rig par bya'o// 'di ltar der ni gang zag la ba dag med par shes pas nyon mongs pa'i sgrib pa tsam spong ba'o// 'dir ni gang zag dang chos la bdag med par shes pas nyon mongs pa dang shes bya'i sgrib pa spong ba'o// yang na chen po rnam pa bdun dang ldan pa'i phyir chen po ste/ chen po rnam pa bdun ni dmigs pa dang / sgrub pa dang / ye shes dang / brtson 'grus dang / thabs la mkhas pa dang / yang dag par 'grub pa dang / las zhes bya ba'o// la ni 'dir rgyu'i don tu blta bar bya ste/ theg pa chen po'i rgyu theg pa chen po thob par byed pa'i don ces bya ba'i tha tshig go/ 'di ltar 'dul ba ni rnam pa gnyis te/ gang zag la ba dag med par bstan pas 'dul ba dag dang chos la bdag med par bstan pas 'dul ba dag go/ de la gang zag la bdag med par bstan pas 'dul ba dag ni de bstan pa la brten nas 'byung ba dang 'jig pa'i chos can bdag dang bdag gi dang bral ba phung po tsam du shes nas thos

  404. 203a

    pa dang sems pa la sogs pa'i rim gyi gang zag la bdag med pa la 'jug go// bdag med pa la 'jug pa des nyon mongs pa'i sgrib pa dang bral nas mthar phyin pa'i gnas 'thob ste/ de dag gi de'i thabs bstan pa ni gzhan nas brjod pa nyid do// gang dag chos la bdag med par bstan pas 'dul ba de dag ni de bstan pal brten nas chos kyi dbyings rab tu rtogs pa dang mthun pa'i bstan bcos nyan pa dang / sems pa la sogs pa'i rim gyis gzung ba dang 'dzin pa rnam par gzhig pa'i phyir sbyar ro// rab tu byed pa 'dis ni gzung ba dang 'dzin pa rnam par gzhig pa'i thabs nyid ston to// rnam par bshig nas gzung ba dang 'dzin pa dang bral ba'i rnam par rig pa tsam nyid la 'jug go/ de nas sa dang pha rol tu phyin pa bsgrub pas gzung ba dang 'dzin pa ma lus par bsal nas chos kyi dbyings rtogs te/ de bzhin gshegs pa'i go 'phang bla na med pa 'thob pas de la bsams nas theg pa chen po thob par bya ba'i phyir zhes bshad do// khams gsum pa zhes bya ba ni 'dod pa dang gzugs dang gzugs med pa zhes bya ba dag ste/ gsum po nyid khams yin pas khams gsum pa'o// de la sems dang sems byung ba gang dag 'dod pa las 'dod chags dang ma bral ba de dag ni 'dod pa'i khams gang dag 'dod pa las 'dod chags dang bral la gzugs las 'dod chags dang ma bral ba de dag ni gzugs kyi khams sa// gang dag gzugs las 'dod chags dang bral la gzugs med pa las 'dod chags dang ma bral ba de dag ni gzugs med pa'i khams so// rnam par rig pa tsam zhes bya ba ni dmigs pa dang

  405. 203b

    bral te 'ba' zhig pas rnam par rig pa tsam ste/ gzung ba dang 'dzin pa dang bral ba'i sems dang sems las byung ba zhes bya ba'i tha tshig go// rnam par gzhag ces bya ba ni bstan pa'o// de ni 'di skad du sems dang sems las byung ba dag nyid la khams gsum rnam par gzhag go// zhes ston te/ dper na gzugs med kyang nam mkha' mtha' yas skye mched la sogs pa tha dad par rnam par gzhag pa bzhin no zhes bstan par 'gyur ro// yang na theg pa chen po la zhes bya ba 'di yul gyi la ste/ des theg pa chen po zhes bya ba'i gsung rab la rnam par rig pa tsam zhes bya bar bstan par 'gyur ro// lhag ma'i bshad pa ni snga ma bzhin no// de las ni theg pa chen po zhes bya ba'i gsung rab la khams gsum pa rnam par rig pa tsam nyid du dam 'cha'o zhes ma 'dogs pa zhes bya ba'i tha tshig gi don 'di 'byung ngo // bshad pa 'di la ni gzung ba dang 'dzin pa rnam par gzhig pa la sogs pa dgos pa'i yang dgos pa yin par rig par bya'o// theg pa chen po thob par bya ba'i phyir lung dang rigs pa gnyis kyis khams gsum pa rnam par rig pa tsam nyid bstan ces gang smras pa de la/ re shig lung gis bstan pa'i phyir/ kye rgyal ba'i sras dag khams gsum pa 'di ni zhes bya ba la sogs pa smos so// yang na bshad pa gnyis pa'i dbang du byas nas theg pa chen po la gnas par rig pa tsam du bstan ces bya ba de ji ltar nges shes rgol ba de'i phyir/ kye rgyal ba'i sras dag khams gsum pa 'di ni zhes bya ba la sogs pa smos so// mdo sde las ni de khams gsum pa mtha' dag sems tsam zhes gsungs te/ gzugs dang mi ldan pa dang / 'dus ma byas

  406. 204a

    ni rnam par shes pa la logs shig na med la/ gzung ba dang 'dzin pa yang med do zhes dgongs pa'o// rang gi sde pa dag la re zhig lung 'di'o// gang dag gzhung gzhan la gnas/ pa de dag la ni rig pa brjod do// lung ni mchod pa dang / brjod pa nyung ba'i phyir thog ma nyid du gzhag par rigs so// rnam par rig pa tsam nyid kyi phyogs la sba'am ming gi tshogs la sogs pa med du zin kyang tshigs la sogs pa'i rnam par shes pa nyid lung ste/ 'di ltar don ji lta ba bzhin du gzigs pa la sogs pa'i yon tan dang ldan pa 'gro ba'i bla ma'i dbang las byung ste/ de bas na gzhan las 'ongs pa'i phyir lung zhes bya'o// gzhan gyis kyang 'di nges par khas blang bar bya ste/ 'di ltar sgra'i spyi nyid tshig yin gyi sgra'i bye brag ni ma yin no// sgra'i spyi de yang shes pa'i gzung ba'i cha yin te/ gud na dngos por gyur pa med do// de bas na sgra'i spyi'i rnam pa'i shes pa nyid lung zhes bstan par 'gyur ro// 'dir ni rnam par rig pa tsam du dam 'cha' la/ mdo sde las ni sems tsam zhes 'byung na de ji ltar khungs su rung ngo snyam du dogs pa de la/ sems dang yid ces bya ba la sogs pa smos so// 'di ni phan tshun du don 'brel pa med pa ma yin te// 'di ltar sems zhes bya ba dang / yid ces bya ba dang / rnam par shes pa zhes bya ba dang / rnam par rig pa zhes bya ba 'di dag ni rnam grangs su gtogs so// rgyu tha dad pa med pa'i sgra ni rnam grang su gtogs pa zhes bya ste/ 'di ltar rim zhes bya ba rnam grangs kyi don de ston to// rnam grangs su gtogs pa bzhi brjod pa ni gsung rab kyi tha snyad la mgo rmongs pa med par bya ba'i phyir ro//

  407. 204b

    gang rab tu byed pa 'di las rnam par rig pa zhes bya ba'i sgra smos pa dang / gang yang mdo sde las sems zhes bya ba 'di gnyis kyis ni rnam par shes pa'i tshogs brgyad bsdus so// rnam par shes pa 'di nyid don du snang bar 'byung ste zhes 'og nas 'byung ba yang de dang 'gal ba med do// 'di ltar rnam par shes pa'i tshogs de dag don du snang bar 'dod do// gal te khams gsum pa sems 'ba' zhig tsam yin na/ 'o na ni sems las byung ba rnams kyang med par thal bar 'gyur du dogs pa la/ sems de yang bya ba la sogs pa smos te// khams gsum pa gdags pa'i rgyu sems/ gang yin pa de mdo sde las mtshungs par ldan pa dang bcas pa dgongs pa'o// yang na mdo sde las sems zhes smos pa gang yin pa de rab tu byed pa 'dir mtshungs par ldan pa dang bcas par lta'o// sems de yang zhes bya ba ni khams gsum pa gdags pa'i rgyu'am mdo sde las 'byung ba'o// 'dir zhes bya ba ni mdo sde 'am rab tu byed pa'o// mtshungs par ldan pa dang bcas pa zhes bya ba ni// / 'di dag dang sems su mtshungs par ldan pas mtshungs par ldan pa dag ste/ tshor ba la sogs pa la bya'o// mtshungs par ldan pa rnams dang lhan cig 'jug pas na mtshungs par ldan pa bcas pa'o// dgongs zhes bya ba ni khas len to 'dod do zhes bya ba'i tha tshig go// de ni 'di skad du khams gsum pa 'di ni sems dang sems las byung ba tsam yin gyi// sems 'ba' zhig tsam ni ma yin no zhes bstan/ par 'gyur ro// sems zhes bya ba ni gsung rab las sems las byung ba dag la yang bya ste/ 'di ltar sems btul na legs zhes 'byung ste/ sems las byung ba yang mi btul ba ma yin no//

  408. 205a

    de skad du/ 'jig rten 'di ni sems kyis khrid ces gsungs te/ tshor ba dang sred pa la sogs pa la sems las byung ba rnams kyis khrid pa yang yin no// gal te sems las byung ba dag kyang khas len na ci'i phyir tsam zhes bya ba smos snyam du dogs pa de la/ tsam zhes bya ba smos pa ni zhes bya ba la sogs pa smos te/ tsam zhes bya ba smos pa gang yin pa de ni// rnam par shes pa las ma gtogs pa'i don dgag pa'i phyir smos kyi/ sems byung ba rnams kyang dgag pa ma yin no// don dgag pa'i phyir ro zhes bya ba ni rnam par shes pa las ma gtogs pa gzung ba dang 'dzin pa'i mtshan nyid kyi don dgag pa'i phyir ro zhes bya ba'i tha tshig go// de ni 'di skad du rnam par shes pa las ma gtogs pa gzung ba gang yang med la/ gang gis rnam par shes pa de la 'dzin pa'i 'dzin pa yang med do zhes bstan par 'gyur ro// gal te gzung ba dang 'dzin pa'i mtshan nyid kyi don med na 'o na sngon po la sogs par snang ba 'di ci yin/ gang gis snang snyam du dogs pa de la rnam par shes pa 'di nyid du snang zhes bya ba la sogs pa smos so// spros pa'i bag chags yongs su smin pa'i dbang gis rnam par shes pa nyid sngon po la sogs pa'i don gyi rnam par 'byung ngo // / de lta bur gyur pa byung ba de la srog chags logs shig na yod pa'i don zhig mthong ngo snyam du/ mngon pa'i nga rgyal du gyur to// 'di ltar sngon po la sogs pa'i rnam pa de snang ba nam mkha'i khams dang lhan cig tu snang ngo // nam mkha'i khams de snang ba na sngon po la sogs pa'i rnam pa de rnam par shes pa dang de las ris su chad pa lta bur snang bar byed do// dper na me long gi ngos la zla ba'i gzugs brnyan

  409. 205b

    'byung ba na nam mkha'i khams kyi gzugs brnyan dang lhan cig tu 'byung ngo // nam mkha'i khams de der gzugs brnyan du gyur pa na zla ba'i dkyil 'khor de me long gi ngos de las ris su chad de khron pa'i nang du lhung ba bzhin du sdang bar byed do// de bzhin du rnam par shes pa la nam mkha'i khams snang ba na yang ris su chad pa lta bur sngon po la sogs pa'i rnam par snang bar byed do// sngon bo la sogs pa'i rnam pa ris su chad pa lta bu de la brten nas srog chags rnams phyi rol gyi don zhig mthong ba snyam du mngon pa'i nga rgyal byed do// 'dir dpe bstan pa'i phyir/ dper na rab rib can rnams kyis zhes bya ba la sogs pa smos te/ dper na rab rib kyis nyams pa'i mig can rnams kyis shes pa sgra dang sha sbrang dang / sbrang bu la sogs pa rnam par 'byung ste/ ska la sogs pa med par yang sgra la sogs pa mthong ngo snyam du mngon pa'i nga rgyal byed pa de bzhin du gzhan du yang rnam par shes pa nyid sngon po la sogs pa'i rnam par 'byung ngo // don sngon po la sogs pa gud na gang yang med do zhes bya ba ni mjug bsdu ba'o// rab rib dang ldan pa ni rab rib can no// de lta re shig gzung ba bkag go// gzung ba bkag na 'dzin pa yang bkag par de nyid kyis grub ste/ 'di ltar gzung ba med na 'dzin pa med pa yang med do// de ltar gzung ba bkag pa dang phyi rol gyi don du smra bas grags pa'i gnod pa bstan pa'i phyir ro// 'dir 'di skad ces brgal te zhes bya ba la sogs pa smos so// gal te rnam par rig pa phyi rol gyi don las ma byung na de'i rnam par rig pa rnams par gyi yul nges pa mi 'grub/ dus nges pa dang / sems nges pa med pa dang / bya ba med pa yang /

  410. 206a

    mi 'grub bo zhes mdor byas pa'i don bsdus pa'o// 'dir zhes bya ba ni snga ma'i phyogs 'dir ro// 'di skad brgal ces bya ba ni 'og nas 'byung ba'i yul la sogs pa nges pa blo la rnam par bzhag nas 'di ltar rtog pa'o// yul dang dus la nges med cing zhes bya ba la nges pa ni rnam par gnas pa'o// yul la lar snang la thams cad na ma yin zhes bya ba ni yul nges pa'o// res 'ga' sdang la thams cad du ma yin zhes bya ba ni dus nges pa'o// yul dang dus de na 'khod pa thams cad la bye brag med par snang gi cig 'ga' la ma yin zhes bya ba ni sems nges pa med pa'o// bya ba byed pa ni bya ba byed pa'o// bstan bcos byed pas mdo'i don cis bsal bar bstan pa'i phyir/ ji skad du bstan par 'gyur zhe na zhes bya ba la sogs pa smos so// gal te gzugs la sogs pa'i don med par gzugs la sogs snang ba'i rnam par rig pa 'byung ste/ gzugs la sogs pa'i don dang 'brel pa ma yin na de'i tshe 'dir ci'i phyir 'di ltar yul la lar gzugs la sogs pa'i don du snang ba'i rnam par rig pa 'byung la yul thams cad na ma yin/ de bzhin du gang na phyi rol gyi don mthong ba mngon pa'i nga rgyal 'byung ba'i yul de nyid na res 'ga' 'byung gi dus thams cad du ma yin pa 'di la rgyu ci yod/ de ni 'di skad du gang gi ltar na rnam par rig pa phyi rol gyi don la rag las pa de'i ltung na gang nagang gi tshe phyi rol gyi don yod pa de nyid na de'i tshe rnam par rig pa 'byung ste/ yul dang dus nges par rigs so// gang gi ltar na rnam par rig pa phyi rol gyi don la rag las pa ma yin pa de'i ltar

  411. 206b

    nges par byed pa don med pas yang na thams cad nas thams cad du 'byung ngo // yang na gang du yang mi 'byung ste nam yang ma yin no// gang du yang la lar 'byung la la lar ma yin pa dang / de bzhin du res 'byung la res 'ga' mi 'byung ba der mi 'gyur ro// de ltar re shig yul dang dus nges pa mi 'thad par bstan to// sems nges pa med pa mi 'thad par bstan pa'i phyir/ yul dang dus de na 'khod pa thams cad la sogs pa smos so// gal te phyi rol gyi don yod par mi 'dod na de'i tshe ci'i phyir yul dang dus de na 'khod pa'i srog chags thams cad kyi sems rnams la rnam par rig pa nges pa med par 'gyur la/ 'ga' tsam la ma yin/ 'dir dpe bstan pa'i phyir/ ji ltar rab rib can zhes bya ba la sogs pa smos so// dper na rab rib can la snang ba'i sgra la sogs pa mthong ba rab rib can nyid kyi sems nyid la 'byung gi/ rab rib med pa gzhan dag la ma yin pa de bzhin du/ gal te phyi rol gyi don med par rnam par rig pa 'byung na de'i tshe/ gang la sngon po la sogs pa'i/ don snang ba'i rnam par rig pa de 'byung ba de nyid la sngon po la sogs pa'i don mthong ngo snyam pa'i mngon pa'i nga rgyal 'byung gi gzhan la ni ma yin no// de ni 'di skad du gzung ba'i cha la don du mthong ba'i nga rgyal 'byung ba gang yin pa ni gang la gzung ba'i cha yod pa de nyid kyi yin gyi gzhan gyis ni ma yin no zhes bstan par 'gyur te/ 'di ltar gzhan gyi gzung ba'i cha ni gzhan gyis mi myong ngo // bya ba byed pa yang mi 'thad par bstan pa'i phyir/ ci'i phyir zhes bya ba la sogs pa smos so// gal te rnam par rig pa don la rag las pa ma yin na de'i tshe ci'i phyir rab rib can gyis mthong ba'i/

  412. 207a

    skra dang sbrang bu dang sha sbrang la sogs pas bcing ba dang za ba dang skrag pa'i bya ba mi byed la/ de ma yin pa'i mig ma nyams pas dmigs pa'i skra la sogs pa gzhan dag gis ni ji skad du bstan pa de thams cad byed/ de bzhin du ci'i phyir gang dag rmi lam na mthong ba'i bza' ba dang btung ba la sogs pa de dag gis zas skom la sogs pa'i bya ba 'drangs pa dang ngoms pa la sogs pa mi byed la/ de ma yin pa gnyid kyis ma log pa'i dus na mthong ba gzhan dag gis ni byed/ 'di la yang ci'i phyir dri za'i grong khyer med pas grong khyer gyi bya ba kun tu srung ba la sogs pa mi byed la de ma yin pa rgyal po dang blon po dang bram ze dang grong khyer gyi skye bo gnas pa gzhan dag gis ni byed/ thams cad med du 'dra na de'i phyir yang thams cad sbal sogs pa'i don gyi bya ba byed pa'am/ yang na gang yang mi byed par 'gyur ro// de ni 'di skad du gal te sla la sogs pa'i don gyi bya ba gzung cha tsam dang 'brel pa yin na de'i tshe thams cad la gzung ba'i cha yod du mtshungs pas thams cad kyang don byed par 'gyur ro zhes bstan par 'gyur ro// gang gi ltar na phyi rol gyi don yod pa de'i ltar na skra la sogs pa dang / bza' ba dang btung ba la sogs pa dang // grong khyer la sogs pa yang yod de/ de dag rang rang dang mthun pa'i don gyi bya ba yang byed do// gang dag phyi rol na med par rab rib can gyi sku la sogs pa dang / rmi lam gyi zas skom la sogs pa dang / dri za'i grong khyer la sogs pa dang dri za'i grong khyer la sogs pa de dag ni don gyi bya ba gang yang mi byed do zhes bya ba de 'thad do// dpe gsum po 'di dag ni 'khrul pa rnam pa gsum

  413. 207b

    du bstan pa yin te/ dang po ni rab rib kyi 'khrul pa'o// gnyis pa ni gnyid do// gsum pa ni thag ring ba'o// de'i phyir de ltar yul la sogs pa nges pa med par bstan nas mjug bsnga ba'i phyir/ 'di dag don med par med du 'dra na zhes bya ba la sogs pa smos so// de skad bstan pa'i rnam pa'i phyi rol gyi don med na yul la sogs pa bzhin mi rung ngo // de bas na gdon mi za bar phyi rol gyi don khas blang bar bya'o zhes phyogs snga ma'o// 'di la slob dpon lan gdab par ci la ma rag par chas nas/ mi rung ba ma yin te zhes bya ba la sogs pa smos so// yul la sogs pa nges pa rnam pa 'di bzhi ni phyi rol gyi don med par mi rung ba ma yin te rung ba nyid do zhes dgongs pa'o// dgag pa gnyis kyi ni 'dir skabs yin par ston to// ji ltar rung zhe na de'i phyir 'di ltar yul la sogs pa nges 'grub ste zhes bya ba la sogs pa smos so// 'di ltar yul dang dus nges te rmi lam dang 'dra bar 'grub bo// 'dra zhes bya ba'i don bstan pa'i phyir/ rmi lam du rmis pa dang mtshungs pas na zhes bya ba la sogs pa smos so// de'i phyir rmi lam du rmis pa dang mtshungs zhes bstan pa gang yin pa de nyid rmi lam dang 'dra'o zhes bstan pa'o// dpe'i don rnam par dgrol ba'i phyir ro// ji lta zhe na zhes bya ba la sogs pa smos so// gal te don med par rnam par rig pa rnams kyi yul dang dus nges par mi 'grub na/ mi lam na yang phyi rol gyi don med par yul la lan grong dang kun dka' ra ba la sogs pa snang la thams cad na ni ma yin par ji ltar 'gyur/ de bzhin du de nyid na yang grong dang kun dga' ra ba la

  414. 208a

    sogs pa de res 'ga' sdang la thams cad du ma yin par ji ltar 'gyur/ don med par yang yul la sogs pa nges par bstan nas mjug bsdu ba'i phyir/ don med par yang zhes bya ba la sogs pa smos so// ji skad bstan pa'i rnam pas phyi rol gyi don med par yang yul dang dus nges par 'grub bo// sems nges pa med par grub pa dang dpe gzhan gyis bstan pa'i phyir/ sems kyang nges pa med ces bya ba la sogs pa smos so// dper na don med par yi dgas rnams sems nges pa med par grub pa de bzhin du gzhan du yang 'gyur ro zhes mdor byas pa'i don to// mdolas ma smos te bya ba'i tshig kong nas dpung ba'i phyir grub ces bya bar bstegs so zhes bya ba smos te/ mdor byas pa snga ma las grub pa spros pa'i rjes su brtag go zhes dgongs pa'o// 'dir yang bzhin zhes bya ba'i don bstan pa'i// yi dgas rnams kyi dang mtshungs pas zhes bya ba la sogs pa sdus te/ 'dir nI kye zhes bya ba la ban zhes bya ba bstan par 'gyur ro// yi dgas rnams kyi sems nges pa med pa ma bstan pa'i b+hir/ ji ltar grub ces dris pa dang / bstan bcos byed pas grub pa'i thabs bsar pa'i b+hing/ thams cad kyi zhes bya bya la sogs pa smos so// 'di lta phrul dang des den 'thod pa'i ye dgas thams cad kyis klung la nag la sogs par mthong ti/ de bas na don med pa sems nges pa med par grub bo// tshig gi do na bong du chud pa ni ngag gi don khong du chud pa'i sngon du 'gro bas tshig gi don thog mar rnam par dgrol ba'i phyir/ nag gis gang ba'i klung ni na

  415. 208b

    byab la sogs pa smos so// nag gi klung zhes bya ba 'di la/ gang ba zhes bya ba'i skam smos so zhes ston to// 'dir dpe bstan pa'i phyir/ mar gyi bum pa bzhin no zhes bya ba spros dper namar TI kang ba'i bum pa la sa kyi tham pa zhes bya ba de bzhin du/ 'dis snang rag gis gang ba'i sa nag ga sung nas zla'o// na bye pas thams cad kyis rbag d+hA d+hi ska ma zhe na/ las sbyirnam par smin pa mtshungs pa las gnas pa zhes bya ba la sogs pa smos te/ 'di ltar rnam par sbyin pa mtshungs pas gnas pa'i yi dgas ji snad pa de dag kun gyis k+ta d+na/ bar krung rnag gi gang bar mthong ste gcig 'gas ni ma yin no// de la rnag thig pa 'ga' yang med na rnag gi gang ba'i klung ltag la yod de/ las kyi rnam par smin pa'i dbang gis na de dag gis de mthong ngo // sogs pa zhes bya ba'i sgras bsdus pa'i don bstan pa'i phyir/ nag gi gang ba ji lta ba bzhin du zhes bya bi la sogs pa sad+d+he/ dper na kha cig gis rnag gi gang par mthong ba de bzhin du/ kha cig gis gcin gyis gang ba dang / kha cig gis ngan skyugs kyis grang ba dang / kha cig gis dbyug pa thogs pa'i mi dag gis bsungs pa dang / kha cig gis klung la ral gyi thogs pa dag gis bsrungs par mthong ngo // yi dgas rnams kyis las kyi dbang gis dbyug pa dang rol gyi thogs pa'i mi 'byung bar ni mi rigs te/ gzhan gyi las kyis gzhan dag 'byung bar gyur ta re/ de'i phyir de ltar sems nges pa med par bstan nas mjug bsdu ba'i phyir/ de ltar na zhes bya ba la sogs pa smos so// de skad du bstan pa'i rnam pas don/

  416. 209a

    med par yang rnam par rig pa rnams kyis sems nges pa med par grub bo// don med pa la bya ba byed pa bstan pa'i phyir/ bya byed rmi lam gnod pa 'dra zhes bya ba smos so// dper na rmi lam gyi gnod pa don med par yang grub pa de bzhin du don byed pa gzhan yang don med par grub bo zhes mdor byas pa'i don to// bya ba'i tshig khong nas dbyung ba'i phyir// grub ces bya bar rig par bya'o zhes bya ba smos te/ mdor byas pa gong ma las grub ces bya ba'i sgra la snyegs pa 'dir yang sbyar ro zhes bya ba'i tha tshig go/ dpe rnam par grol ba'i phyir/ dper na rmi lam na skyes pa dang bud med gnyis ma zad par khub 'byung ba de bzhin du rmi lam gyi gnod pa 'byung ba de bzhin du sgra dang shA sbrang dang bza' ba dang btung ba dang / grong khyer dang grong rdal dang dug dang mtshon dang lce 'bab pas bsgrub par bya ba'i don bya ba sgra la sogs pa med par yang 'byung ngo // gnyis kyi gnyis phrad pa med par yang bya ba ni skyes pa dang bud med gnyis kyi gnyis phrad pa med pa zhes bya ba'i tha tshig gi/ de'i phyir de ltar gong du smos pa'i brgal ba rnam pa bzhi char gyi lan btab nas mjug bsdu ba'i phyir de lta re zhig ces bya ba la sogs pasmos te/ de skad bstan pa'i rnam pas re zhig dpe gzhan dang gzhan dag gi yul dang dus nges pa la sogs pa bzhi grub bo// re zhig ces bya ba'i sgra ni yang 'grub bo zhes 'og nas 'byung ba bstan to// yang dpe gcig gis brgal ba bzhi char gyi lan gdab pa'i phyir/ thams cad sems can dmyal ba bzhin zhes bya ba smos so// dper na sems can dmyal ba

  417. 209b

    dag na don med par yang yul nges pa la sogs pa rnam pa bzhi yod pa de bzhin du gzhan du yang don med par rnam pa bzhi po de dag thams cad grub bo zhes mdor byas pa'i don no// bya ba'i tshig khong nas dbyung ba'i phyir/ grub ces bya bar rig par bya'o zhes bya ba smos te/ don de brda phrad par zad do// 'dra ba'i don bstan pa'i phyir/ sems can dmyal ba dag na zhes bya ba la sogs pa smos te/ don de brda phrad par zad do// sems can dmyal ba dag na yul la sogs pa nges pa bzhi ma bstan pa'i phyir ji ltar grub ces dris pa dang / bstan bcos byed pas/ grub pa nyid du bstan pa'i phyir/ dmyal ba'i srung ma zhes bya ba la sogs pa smos te/ 'di ltar sems can dmyal ba'i srungs ma dang / rdza ma dang / zangs po che la sogs pa med par yang sems can dmyal ba pa rnams kyi yul dang dus nges par mthong ngo // yul dang dus de na 'khod pa thams cad kyis bye brag med par mthong ste/ med par yang de dag gnod pa rnam pa sna tshogs// byed do zhes mdor byas pa'i don to// bstan bcos byed pas mdor byas pa'i don de rgya cher bstan pa'i phyir/ dper na sems can dmyal ba pa dag na zhes bya ba la sogs pa smos so// dper na sems can dmyal ba pa'i sems can rnams kyi sems can dmyal ba dag na sems can dmyal ba'i srung ma la sogs pa yul nges pa dang dus nges par grub pa bzhin no// sogs pa'i sgras bsdus pa'i don bstan pa'i phyir/ khyi dang bya rog ces bya ba la sogs pa smos te/ khyi dang bya rog dang lcags kyi ri la sogs pa'o zhes tshig rnam par sbyar ro// 'dir yang sogs pa smos

  418. 210a

    pa ni rdza ma dang zangs po che la sogs pa bsdu'o// sems nges pa med pa bstan pa'i phyir/ thams cad kyis zhes bya ba la sogs pa smos te/ don de yang brda phrad par zad do// bya ba byed pa bstan pa'i phyir/ de dag gis de dag la gnod pa yang grub ste zhes bya ba ste/ gnod pa'i bye brag rnam pa sna tshogs byed par grub bo// 'di la 'dir 'gyur te/ gal te sems can dmyal ba'i srung ma la sogs pa dag med na yul la sogs pa nges pa rnam pa bzhi po ji ltar 'byung snyam pa la/ med par yang zhes bya ba la sogs pa smos te/ de dag kyang rnam pa bzhi po de grub bo// med pa de ji ltar grub sgrub pa la/ rang gi las kyi rnam par smin pa mtshungs pa zhes bya ba la sogs pa smos te/ gang de dag gi sdug bsngal myong bar 'gyur ba'i las sngon byas pa las/ de'i rnam par smin pa gang gi tshe mngon du gyur pa de'i tshe sems can dmyal ba'i srung ma dang / khyi dang bya rog dang / lcags kyi ri dang / rdzam dang zangs po che la sogs pa'i rnam par shes panyid byung na sems can dmyal ba'i srung ma la sogs pa'i rgyu thabs kyi sems can dmyal ba pa de dag sdug bsngal gyi tsher bskyed de/ ji snyed kyi sdug bsngal myong bar 'gyur ba'i las de byas par gyur pa de dag thams cad kyi rnam par shes pa nyid sems can dmyal ba'i srung ma la sogs pa'i rnam par byung nas sdug bsngal gyi tshor rab skyed kyi gcig 'ga' la ni ma yin/ de yang mi srid pa ma yin te/ rmi lamagyi gnas na yang mthong ba'i phyir ro// dper na sdig pa can gyi rmil pan las kyi dbang gi rnam par shes pa nyid seng ge dang stag dang chom rkun la sogs mamamamams mtshamamamamamam mamatshams las tsham pa mamasas mas mamatshamamamamamamamamamamamamam mam nga ma mamatsham la ba ba ra 'a ba mamamasamamatsha ma mamasam ma sa ma mtsham

  419. 210b

    pa'i rnam par byung na sdug bsngal dang skrag pa dang 'dar ba la sogs pa skyed pa de bzhin du sems can dmyal ba dag na de srid do// de'i phyir ltar dpel yul la sogs pa nges pa rnam pa bzhi bstan nas dngos la bstan pa'i phyir/ de bzhin du gzhan na yang zhes bya ba la sogs pa smos te/ de'i don yang bshad zin to// bye brag du smra ba sems can dmyal ba'i srung ma la sogs pa sems can rnams su 'dod de/ 'dir de ltar brgal ba'i phyir/ ci'i phyir zhes bya ba la sogs pa smos so// khyed ci'i rgyus sems can dmyal ba'i srung ma dang / khyi dang bya rog de dag/ sems rnams su mi 'dod// 'di ltar de dag la ni sems can gyi tshul yang snang / sems can bzhin du g.yo ba yang yod/ 'di ltar de dag la blo'i bya ba spyod pa dang rjod pa yang snang ste de gnyis kyis gzhan la sems yod par rjes su dpag tu rung ngo // gal te de dag la sems yod par dpag pa de gnyis med na de'i tshe srog gzhan la sems yod par rjes su dpag pa med par 'gyur te/ de gnyis 'khrul pa yod pa'i phyir ro// srog chags su mi rigs par bstan pa'i phyir/ mi rigs pa'i phyir ro zhes bya ba smos so// mi rigs pa de nyid bstan pa'i phyir/ de dag ni zhes bya ba la sogs pa smos te/ 'di ltar sems can dmyal ba'i srung ma dag ni sems dmyal ba pa rnams su mi rigs so// ci'i phyir mi rigs zhe na/ de bzhin du zhes bya ba la sogs pa smos te/ ji ltar sems can dmyal ba pa'i sems can gzhan dag sems can dmyal ba pa'i sdug bsngal so sor myong ba de bzhin du de dag de ltar mi myong ba'i phyir ro// gang gnod par

  420. 211a

    byed pa de gnod par byed pa de bzhin du sdug bsngal mi myong ste/ gang sems can dmyal ba'i srung ma de dag la gnod pa byed pa ni gang yang yod skad mi grag go/ gang sems can bzhin du g.yo ba de yang rang dga' ste ni ma yin gyi/ sems can dmyal ba pa rnams kyi las kyi dbang gis so// sems can gyi tshul ni gzugs kyi lus dang ri mo'i lus la yang yod do// de la 'dir 'gyur te/ gcig la gcig gnod pa byed do snyam pa la/ gcig la gcig ces bya ba la sogs pa smos so// gal te sems can dmyal ba pa dang / sems can dmyal ba pa'i srung ma dag gcig la gnod pa byed na ni 'di dag ni sems can dmyal ba pa dag go/ 'di dag ni sems can dmyal ba'i srung ma dag go zhes ma 'dres par rnam par gzhag pa med par 'gyur ro// 'di ltar/ gang dag gnod pa bya ba de dag ni sems can dmyal ba pa rnams su 'dod/ gang dag gnod par byed pa de dag ni sems can dmyal ba'i srung ma dag tu 'dod na gnyis ka mtshungs par gnod par bya ba 'am/ gnod pa byed pa de nyid yin na ni gang dag ni sems can dmyal ba pa gang dag ni sems can dmyal ba pa'i srung ma zhes brjod par bya/ 'dir gtan tshigs lhag par byed gzugs dang bong tshod dang stobs mtshungs pa dag ni zhes bya ba la sogs pa smos so// gal te sems can dmyal ba'i srung ma dag kyang sems can dmyal ba par gyur na ni de'i tshe gnyi ga yang byed gzugs mtshungs pa dang / bong tshod mtshungs pa dang / stobs mtshungs par 'gyur ro// de'i phyir sems can dmyal ba'i srung ma dang sems can dmyal ba pa byad gzugs dang bong

  421. 211b

    tshed dang stobs mtshungs pa dag ni gcig la gcig gnod pa byed kyang ji ltar grag pa rnam pa de lta bur 'jig par mi 'gyur ro// grag pa ni 'di skad du grag ste/ sems can dmyal ba pa dag sems can dmyal ba'i srung ma ma rung ba'i tshul can lus bong che ba shin du stobs dang ldan pa rnams mthong nas phyogs mtha' dag mun par gyur te/ de dag gi lus kyang brag 'khums mgo yang rmongs so// byad gzugs kyi rkang lag gnas pa'i khyad par ro// bong tshod ni zheng gi khyad par ro// stobs ni lus kyi mthu'o// 'dir yang rigs pa gzhan bstan pa'i phyir/ lcags rab tu 'bar ba'i sa gzhi zhes bya ba la sogs pa smos so// gal te sems can dmyal ba'i srung ma dag kyang sems can dmyal ba pa bzhin du sdug bsngal myong ba ni de'i tshe tsha ba'i sdug bsngal yang skye bdun d+hi/ de na sems can dmyal ba pa rnams lagan pa byer pa dzu/ de dag bzla'abyu ba sa gzhi cu ste nga ge zas kyang 'dzin ste nus na ga zhan legan byed pa lta ci smos/ gal te sems can dmyal ba par ma gyur du zin kyang yi dgas sam dud 'gro zhig ni yin no snyam pa la/ de'i phyir/ sems can dmyal ba pa ma yin pa dag ces bya ba la sogs/ pa smos so// gal te sems can dmyal ba pa'i srung ma dag kyang khyi dang bya rog rnams sems can dmyal ba par mi 'dod na de'i tshe dud 'gro dang yi dgas kyi bye brag yi dgas dang dud 'gro'i/ 'gro bas bsdus pa de dag sems can dmyal ba'i 'gro bar 'byung bar gal 'gyur/ bye brag tu smra bas de'i lan gdab pa'i phyir/ 'o na dud 'gro dag kyang zhes bya ba la sogs pa smos so//

  422. 212a

    gal te 'gro ba gzhan gyis bsdus pa dag 'gro ba gzhan du mi 'byung na mtho ris su glang po che sa srung gi bu dang / dang mo dang zhung zung dang ne tshe dang ri skegs pa ji ltar 'byung ste/ der ji ltar 'byung ste/ der ji ltar 'byung ba de bzhin du sems can dmyal bar yang dud 'gro'i bye brag kyi dang bya rog la sogs pa dang / yi dgas kyi bye brag dmyal ba'i srung ma 'byung bar 'gyur zhe na/ de bsal ba'i phyir/ ji ltar dud 'gro mtho ris so zhes bya ba la sogs pa smos so// ji ltar dud 'gro mtho ris su 'byung ba de ltar sems can dmyal ba par 'byung bar mi rigs so// yi dgas rnams kyang ma yin te/ 'di ltar dud 'gro dang yi dgas de dag gi sems can dmyal ba na yod pa'i sdug bsngal mi myong ngo zhes mdor byas pa'i don to// bstan bcos byed pas dpe dang mi 'dra bar bstan pa'i thabs kyi mdor byas pa'i don bstan pa'i phyir/ dud 'gro gang dag ces bya ba smos so// de ni dud 'gro mtho ris su skye ba dag dang mi mtshungs te/ rten na yod pa'i bde ba so sor myong ngo // gal te dud 'gro de dag ji ltar lha'i bde ba myong zhe na/ smras pa/ ngang tshul ngan pas ni de dag dud 'gro'i 'gro ba 'thob bo// sbyin pas ni lha'i longs spyod 'thob ste 'gal ba med de// 'di ltar 'dod pa na spyod pa'i las 'gro ba gzhan pa yang de las/ gzhan pa'i rkyen gyi dbang gis 'gro ba gzhan du rnam par smin to// snod kyi 'jig rten ma

  423. 212b

    bde ba myong bar 'gyur ba'i zhes bya ba ni ga rod kyi 'jig rten du bde ba zhes bya bar tshig rnam par sbyar ro// las gang gis sdod kyi 'jig rten du bde ba grub pa de snod kyi 'jig rten na bde ba myong bar 'gyur ba zhes bya'o// de na yod pa'i bde ba zhes bya ba la de zhes bya ba ni mtho ris kyi snod kyi 'jig rten dang sbyar te/ de'i phyir mtho ris kyi snod kyi 'jig rten na yod pa zhes bstan par 'gyur ro// de la 'dir 'gyur te/ sems can dmyal bar yang de ltar 'gyur ro snyam pa de'i phyir sems can dmyal ba'i srung ma la sogs pa dag ni zhes bya ba la sogs pa smos so// ji ltar glang po ches srung gi bu la sogs pa mtho ris na bde ba myong ba de bzhin du sems can dmyal ba pa'i srung ma la sogs pas sems can dmyal ba'i snod kyi 'jig rten na yod pa'i sdug bsngal mi myong ngo // de'i phyir de ltar dpe dang mi 'dra bar bstan nas mjug bsdu ba'i phyir/ de'i phyir dud 'gro dag der zhes bya ba la sogs pa smos so// gang gi phyir sems can dmyal ba'i srung ma la sogs pa sems can dmyal ba'i sdug bsngal mi myong ba de'i phyir sems can dmyal ba der dud 'gro 'byung bar mi rigs te/ yi dgas rnams kyang ma yin zhes bya bar gnas so// de ltar bye brag tu smra ba lan med par byas pa dang mdo sde pas lan gdab pa'i phyir/ sems can dmyal ba de dag gi zhes bya ba la sogs pa smos so// gal te sems can dmyal ba'i srung ma la sogs pa de dag sems can gyi grangs su mi rung na yang / sems can dmyal ba de dag gi las rnam par smin pa'i dbang gi sems can dmyal ba der sa la sogs pa

  424. 213a

    'byung ba'i bye brag dag 'byung ste/ sems can dpral ba pa dag pas mdog ga dag pa dang / sar ba la sogs pa dang / lag pa dang / rkang pa la sogs pa 'jigasas ba'i byang gzugs dang / lus kyi thul sogs pa'i bong tshad dang / sems can dmyal ba zil gyis gnan pa'i skabs kyi bye brag gang gis sems can dmyal ba'i srung ma la sogs pa'i mang bo// gal te sems med na ji ltar sems can bzhin du g.yo zhe na/ de'i phyir/ gang lag pa btung ba la sogs pa smras sa// sems med du zin kyang sems can dmyal ba pa'i sems can rnams kyi dbang gi de dag gi b+hi mtshan cha 'debs pa ga bas pa dang / sa gcig pa dang / mig dgrad pa dang / sprin mchog nyer du bsdus pa dang / gsum pa'i b+ha ba sna chags byed par snang ba de lta de lta bur yang 'gyur ro// ci'i phyir de dag sdang zhe na/ 'jigs pa bskyed pa'i phyir zhes bya ba smos so// sems can dmyal ba pa rnams 'jigs pa'i sdug bsngal bskyed pa'i phyir de dag delta bur 'gyur te/ sems can dmyal ba dag gis 'jigs pa sdug bsngal myong bar 'gyur ba'i las gang sngon byas pa nyid kyi rnam par smin pa yin no// ji ltar 'byung ba'i bye brag rnams de ltar gyur nas sems can dmyal ba pa dag la de ltar 'jigs par byed pa dang / gnod pa byed pa'i dpe 'dir/ dper na lug lta bu'i ri dag ces bya ba smos so// dper na sems can gyi grangs su ma gtogs kyang las kyi dbang gis lug lta bu'i ri dag 'ong ba dang 'gro bas sems can dmyal ba dang / gnod pa byed pa lta bu'o// yang dper na lcags kyi shal ma li'i nags tshal la sems can/

  425. 213b

    dmyal ba pa dag yang 'dzeg pa'i tshe ni tsher ma kha thur du lta slar 'bab pa'i tshe ni gyen du lta ste/ de la gnod par byed kyang de dag la sems yod pa ma yin la/ sems yod pa lta bur bya ba byed pa dag snang ba lta bu'o// de la 'dir 'gyur te/ lug lta bu'i ri la sogs pa yod pa ma yin no snyam pa la/ de dag ni med pa ma yin no zhes bya ba la smos te/ gang lug lta bu'i ri la sogs pa de dag ni med pa ma yin par shes par bya ste/ 'di ltar de dag ni mig la sogs pa mnyam pa'i gzung ba'o zhes phyogs snga ma'o// bstan bcos byed pas 'dir/ gal te de'i las kyis der zhes bya ba la sogs pa smos so// gal te sems can dmyal ba'i sems can dag gi las kyi dbang gis sems can dmyal ba der 'byung ba dag mdog dang byad gzugs dang bong tshod dang / stobs dang ldan pa de lta bu dag 'byung bar 'dod la lag pa 'deg pa la sogs pa'i bya ba byed pa por 'gyur ba dag du yang 'dod na/ de'i tshe rnam par shes pa nyid sems can dmyal ba'i srung ma la sogs pa'i rnam pa dang / lag pa la sogs pa 'deg pa'i bya ba byed par 'byung ba dang 'gyur bar cis mi 'dod ces mdor byas pa'i don to// rnam par shes pa gyur pas khong du chud par dka' bas de nyid rnam par dgrol ba'i phyir/ de'i las rnams kyi rnam par shes pa nyid ces bya ba la sogs pa smos so// dper na sems can dmyal ba'i sems can gyi las kyi dbang gi 'byung ba dang 'gyur bar yang 'dod na/ de bzhin du rnam par shes pa nyid du ci'i phyir mi 'dod la/ khyod ci'i phyir 'byung ba rnams su rtog de dag la ni mthu lhag pa ci yang mi snang ngo // 'di ltar de dag yod pa tsam

  426. 214a

    gyis 'jigs pa la sogs pa mi skyed kyi/ dmigs nas 'jigs pa skyed de/ dmigs pa ni de dag gi de'i rnam par shes pa 'byung ba'o// de bas na gnyi ga la grub pa'i rnam par shes pa 'gyur bar brtag pa ni rigs kyi/ 'byung ba rnams ni ma yin te/ gnyi ga la ma grub pa'i phyir rmi lam la sogs pa'i gnas na yang rnam par shes pa nyid tshig dang lus dang // g.yo ba la sogs pa rnam pa sna tshogs kyi rnam par gyur par grags kyi/ 'byung ba rnams ni gang du yang ma grags te/ las rnams kyi rnam par shes pa nyid gyur par rigs so// 'dir yang gtan tshigs lhag par yang / gzhan na las kyi bag chags la zhes bya ba la sogs pa smos so// las kyis bskyed pa'i bag chags ni rnam par shes pa'i rgyud gzhan la gnas la de'i 'bras bu ni gzhan du phyi rol gyi 'brang bgyur bar rtog na rnam par shes pa'i rlung gang la bag chags de gnas pa de nyid la de'i 'bras bu mi 'dod pa'i chu 'dir brjod dgos so zhes mdor byas pa'i don to// bstan bcos byed pas mdor byas pa'i don de rgya cher bstan pa'i phyir/ sems can dmyal ba rnams kyi las gang gis zhes bya ba la sogs pa smos so// sems can dmyal ba'i sems can rnams kyi las gang gis mdog dang byad gzugs la sogs pa'i khyad par 'byung ba rnams las byung ba dang / lag pa la sogs pa 'deg pa bya ba'i mtshan nyid du gyur pa yang rtog pa'i las de'i bag chags gang yin pa de sems can de dag gi rnam par shes pa'i rgyud la gnas kyi 'byung ba la sogs pa gzhan la ni ma yin te/ las kyi dus na sems can dmyal ba rnams kyi 'byung ba dag

  427. 214b

    med pa'i phyir ro// gang gi tshe rnam par shes pa'i rgyud la bag chags gnas pa de'i tshe gang la de gnas pa de nyid la de'i de 'dra bar rnam par shes pa gyur par rigs na/ de yang der khong mi 'dod de/ 'byung ba la sogs pa gang na bag chags med pa da de'i 'bras bu nags pa 'di la gtan tshigs ci yang / 'jig rten na ni gang dus bon btab pa der 'bras bu 'byung ste/ zhing las bon btab la ri'i rtse mor 'bras bu 'byung ba ni med do// 'dir mdo sde pas lung gi gtan tshigs yod de zhes bya ba la sogs pa smras pa ni bag chags gzhan na yod la 'bras bu gzhan na med bya ba'i gtan tshigs ni lung ste/ 'di ltar gal te rnam par shes pa nyid gzugs la sogs pa'i don du sdang gi gzugs la sogs pa'i don gun na med na ni/ de'i tshe gzugs la sogs pa skye mched bcu po dag/ yod par bcom ldan 'das kyis gsungs par mi 'gyur ro// de bas na kho bo cag gis ji ltar 'dir bcom ldan 'das kyi bka' tshang mar byas te/ gzugs la sogs pa'i rgyu rnam par shes pa las gud na yod par khong du chud pa de bzhin du/ sems can dmyal ba dag na yang sems can dmyal ba pa'i sems can rnams kyi mig la sogs pa'i rnam par shes pa'i rgyu 'byung ba'i khyad par/ dag lags shig na yod par rtogs te/ 'di ni dbang gi 'bras bu yin gyi rnam par smin pa dang rgyu mthun pa'i 'bras bu ni ma yin no// rnam par smin pa dang rgyu mthun pa'i 'bras bu ni sa bon dang yul// / mtshungs par 'dod do// dbang gi 'bras bu ni sa bon dang yul mtshungs mi mtshungs 'gal ba med de/ dper na chung dgazhan gyi rnam par rig pa'i dbang gi rgyud gzhan la rnam par rig pa dag 'byung ste/

  428. 215a

    de dag ni dbang gi 'bras bu yang yin la yul tha dad pa yang yin pa de bzhin du 'byung ba gyur pa yul tha dad pa yang 'byung ste/ dbang gi 'bras bu yin pa'i phyir ro// 'di ltar/ bstan bcos byed pas/ 'di ni gtan tshigs ma yin te/ zhes bya ba la sogs pa smos so// lung 'di ni gzugs la sogs pa'i phyi rol yod par rab tu bsgrub pa'i gtan tshigs ma yin te/ 'di ltar gzugs la sogs pa bstan pas 'dul ba'i skye bo'i ched du gzugs la sogs pa'i skye mched rnams yod pa skad du dgongs pa'i dbang gis gsungs te/ dper na rdzus te byung ba'i sems can yod do zhes bya ba bzhin no zhes bya ba'i don to// bstan bcos byed pas dpe rnam par dgrol ba'i phyir/ dper na bcom ldan 'das kyis zhes bya ba la sogs pa smos te/ bcom ldan 'das kyis rdzus te byung ba'i sems can yod do zhes gsungs pa de yang dgongs pa'i dbang gis gsungs pa'o// dgongs pa de nyid bstan pa'i phyir/ phyi ma la sems kyi rgyud rgyun mi 'chad pa zhes bya ba la sogs pa smos te/ sems can kha cig 'di skad du bdag 'di ni 'di nyid du rgyun chad de 'jig rten pha rol med do zhes 'dzar te/ de dag chad par lta ba des/ dge ba dang mi dge ba'i las dang de'i 'bras bu la skur pa 'debs shing ci dga' dgur byed do// de bas na lta ba ngan pa'i dri ma de dkru ba'i phyir shi ba'i 'og tu bar ma de'i srid pa zhes bya ba sems kyi rgyun mi 'chad pa la dgongs te/ bcom ldan 'das kyis rdzus te byung ba'i sems can yod do zhes gsungs so// phyi ma la zhes bya ba ni 'jig rten pha rol tu'o// dgongs nas zhes bya ba ni ldem por dgongs pa'o// bcom ldan 'das kyi dgongs pa 'dis rdzus te byung ba'i

  429. 215b

    sems can yod do zhes gsungs kyi/ yang dag pa'i don du na bdag ni med do zhes bya bar 'di ci mngon snyam pa la/ de'i phyir/ 'di na bdag gam sems can med ces bya ba la sogs pa smos te bcom ldan 'das kyis de ma yin pa gzhan nas chos yod pa 'di dag ni rgyu dang bcas pa dag ste/ 'di la bdag gam sems can ni med do zhes gsungs pa'i mdo sde de tshad mar byas nas rdzus te/ byung ba'i sems can yod pa skad du bstan pa ni dgongs pa yin par nges so// ci'i phyir mdo sde snga ma ni dgongs pa yin la phyi ma ni ma yin zhe na/ smras pa/ 'di ltar ba dag ni rtag pa'i phyir rdzus te byung ba ma yin te/ 'di ltar gang skye bar 'os pa de rdzus te byung ba zhes bya na/ bdag ni rtag pa'i phyir ma yin de la 'os pa zhes bya ba de la ga la yod/ de gang gis na 'di rdzus te phyung bar 'gyur/ de ltar dpe/ bshad nas dngos dang sbyar ba'i phyir/ de bzhin du bcom ldan 'das kyis gzugs la sogs pa'i skye mched yod par zhes bya ba la sogs pa smos te/ dper na chad par smra ba'i skye bo'i ched du rdzus te byung ba'i sems can yod do zhes gsungs pa de bzhin du gzugs la sogs pa bstan pas 'dul ba'i skye bo'i ched du gzugs la sogs pa'i skye mched rnams yod do zhes gsungs te/ bka' de ni dgongs pa can no// de ni 'di skad du bka' de ni drang ba'i don gyi nges pa'i don ni ma yin no zhes bstan pa 'gyur ro// ched du zhes bya ba ni don du'o// mdo sde pas mdo sde 'di'i dgongs pa 'dri ba'i phyir// 'dir ci la dgongs zhes bya bar smos so// ji ltar sems kyi rgyud rgyun mi 'chad pa la dgongs nas rdzus te byung ba'i sems can yod do zhes gsungs pa de bzhin du 'dir gzugs la sogs pa'i skye

  430. 216a

    mched yod par yang ci la dgongs te gsungs pa brjod dgos so// bstan bcos byed pa'i dgongs pa bstan pa'i phyir/ rang gi sa bon gang las su zhes bya ba la sogs pa smos so// rnam par smin pa'i bag chags zhes bya ba rang gi sa bon gang las mig gi rnam par shes pa la sogs pa'i rnam par rig pa 'byung ba dang snang ba 'byung ba gang yin pa sa bon dang snang ba de dag ni rnam par rig pa de'i nang dang gyi'i skye mched du bcom ldan 'das kyis gsungs so zhes mdor byas pa'i don to// de ltar zhig skye mched bcu rnam par gzhag pa spyir bstan to// da ni so sor bstan pa'i phyir// ji skad bstan par 'gyur zhe na zhes bya ba la sogs pa smos so// gzugs su snang ba'i mig gi rnam par rig pa rnam par smin pa'i bag chags zhes bya ba rang gi sa bon yongs su smin par gyur pa gang las byung ba'i sa bon de ni bcom ldan 'das kyis rnam par rig pa de'i mig gis skye mched du gsungs so// snang ba 'byung ba gang yin pa de ni de'i gzugs kyi skye mched du gsungs so// de bzhinadun ba dang / sna dang / lce dang lus kyi rnam par rig pa rnams ni rang rang gi sa bon dang / snang ba yang phyi'i skye mched du brjod par bya'o// rnam par shes pa las snang ba gzhan ma yin na tha dad par skye mched du ji ltar rnam par gzhag/ smras pa/ dper na rnam par shes pa drug gi tshogs las kyi khams gud na med kyang 'bras bu la bltos nas logs shig tu rnam par gzhag pa ltar 'dir yang de bzhin no// de'i phyir de ltar dgongs pa dang bcas pa bstan nas mjug bsdu ba'i phyir/ 'di ni 'dir dgongs pa'o zhes bya ba smos so// sa bon dang snang ba la dgongs nas gzugs la sogs pa'i skye mched yod

  431. 216b

    skad du gsungs kyi/ de dag rnam par shes pa la gud na yod par ni ma gsungs so// mdo sde bas dgongs te bstan pa'i dgongs pa dri ba'i phyir/ de ltar zhes bya ba smos so// ji ltar rdzus te byung ba'i sems can dgongs te bstan pa'i 'bras bu bshad pa de bzhin du/ gzugs la sogs pa'i skye mched yod par dgongs te bstan pa'i 'bras bu ci yin pa yang brjod dgos so// bstan bcos byed pas 'bras bubu bstan pa'i phyir/ de ltar gang zag bdag med par 'jug par 'gyur ro zhes bya ba smos so// de nyid rnam par dgrol ba'i phyir/ de ltar bshad na zhes bya ba la sogs pa smos te/ gang gi phyir de ltar skye mched bcu gnyis po dag bshad na gang zag dngos po med par rtogs par 'gyur te/ dngos po med pa ni bdag med pa'o// ji ltar zhig gu snyam pa la drug po gnyis las zhes bya ba la sogs pa smos te/ 'di ltar mig la sogs pa nang gi drug po dang gzugs la sogs pa phyi rol gyi drug po las mig gi rnam par shes pa la sogs pa rnam par shes pa drug 'byung gi lta ba po bdag gcig pu ni yang dag pa'i don du gang yang med de/ bdag reg pa po'i bar du yang med do// 'di ltar gang dag lta ba la sogs pa byed pa bdag go zhes bdag du smra ba rnams kyis khas blangs pa'i lta ba la sogs pa de dag kyang nang dang phyi'i skye mched rnams kyi byed do zhes gang gi tshe bstan par gyur pa de'i tshe gang zag la dngos po med par rtogs so// de ni 'di skad skye mched bcu gnyis bstan par 'du byed rnams mig la sogs pa las gzhan pa'i bdag gis bdag med par rtogs so// 'du byed rnams bdag med par rtogs nas de dag las sems skyo ste/ mthar phyin pa'i gnas thob bo zhes bstan par 'gyur ro// de la 'dir 'gyur/

  432. 217a

    gang zag la bdag med par khong du chud pa nyid kyis mya ngan las 'das pa thob par grub na sems tsam du bstan pa ci dgos snyam pa la/ de'i phyir gzhan du yang bstan pas chos la bdag med par zhes bya ba la sogs pa smos so// gang yang sems tsam du bstan pas des chos la bdag med par 'jug ste/ de'i phyir chos la bdag med pa la bzhugs pa'i don du sems tsam du bstan to zhes bshad pa yin no// 'dir 'jug par byed pas 'jug pa ste/ khong du chud ces bya ba'i tha tshig go// gzhan du zhes bya ba'i sgra'i don bstan pa'i phyir ro// gzhan du yang zhes bya ba ni zhes bya ba la sogs pa smos te/ de ni go skabs ma bshad do// sems tsam du bstan pas chos la bdag med par 'jug pa yid mi ches nas ji ltar chos la bdag med par 'jug ces dris te/ bstan pa 'dis ji ltar chos la bdag med par 'jug ce na/ bstan bcos byed pas 'jug pa'i thabs bstan pa'i phyir/ rnam par rig pa tsam 'di nyid ces bya ba la sogs pa smos so// rnam par rig pa tsam 'di nyid la gzugs la sogs pa'i rnam par gyur nas/ 'byung ste/ sems las logs shig na gzugs la sogs pa'i rang bzhin chos gang yang med par gang gi tshe/ de ltar rtogs par gyur pa de'i tshe chos la bdag med pa la zhugs pa yin no// chos la bdag med/ par zhugs nas byang chub sems dpa' rnams rim gyis de bzhin gshegs pa'i go 'phang 'thob bo// de bas na don 'di ni gtso bo zhes bya'o zhes de lta bu'i don du bcom ldan 'das kyis sems tsam du bstan to// ji ltar gang zag la bdag med pa rnam pa thams cad du gang zag dngos po med pa de bzhin du chos la bdag med pa yang rnam pa thams cad du chos med pa lta bur rig nas gzhan gyis brgal ba'i phyir//

  433. 217b

    gal te chos zhes bya ba la sogs pa smos so// gal te chos med pa chos la bdag med pa yin na ni rnam pa thams cad du chos gang yang med do// de lta na ni sems tsam de yang med de/ de'i phyir ji ltar rnam par bzhag ce na/ 'dir slob dpon gyis chos ni zhes bya ba la sogs pa smos te/ thams cad du thams cad chos gang yang med pa lta bu ni chos la bdag med pa la 'jug pa ma yin gyi kun brtags pa'i chos med pas chos la bdag med pa la 'jug go// brtags pa'i ngo bo de la ji lta bu snyam pa la gang byis pa rnams kyis zhes bya ba la sogs pa smos so// gang so so'i skye bo rnams kyis chos rnams la gzug ba dang 'dzin pa'i mtshan nyid kyi ngo bo nyid du sgro btags pa ni gzung ba dang 'dzin pa'i mtshan nyid du sgro btags pa'i bdag nyid des de dag bdag med kyi/ sangs rgyas rnams kyi yul brjod du med pa gang yin pa yang med pa ni ma yin no// de ni 'di skad du de kho na mthong ba rnams kyi gang chos rnams la gzung ba dang 'dzin pa'i dngos por sgro btags pa de dag gi de med kyi/ de dag gi gzhan gyi dbang dang yongs mu grub pa'i ngo bo gang yin pa de bzhin gshegs pa'i ye shes kyi yul ni med pa ma yin no zhes bstan par 'gyur ro// 'di ltar chos la bdag med pa zhes bya ba'i sgra ni med pa tsam la mi bya'i gnas kyi da par la bya'o// 'di ltar de nyid la tshig 'di ltar rnam par sbyar te/ gzhan gyi dbang dang yongs su grub pa'i dngos po gzung ba dang 'dzin pa'i mtshan nyid kyi bdag dang bral bde bdag med de// de'i dngos pa nibadag med pa'o chos rnams la bdag med pa ni gzhan gyi dbang yang yongs su grub pa'i chos la gzung ba dang 'dzin pa med ces bya ba'i tha tshig go// de bas na 'dzin pa dang gzung ba dang bral ba'i

  434. 218a

    sems dang sems las byung ba rnams la bdag med pa zhes bstan pa yin gyis/ med pa tsam ni ma yin no// gang zag la bdag med pa yang gang zag med pa tsam 'ba' shig ma yin gyi// 'du byed rnams la gzhan gyis yongs su brtags pa'i gang zag med do// brjod du med pa'i bdag gis zhes bya ba ni brjod par mi nus par rang gi ngo bos zhes bya ba'i tha tshig go// chos la bdag med pa rnam pa de lta bu yongs su 'dzin pa'i yon tan bstan pa'i phyir/ de ltar rnam par rig pa tsam yang zhes bya ba la sogs pa smos so// gal te gzung ba dang 'dzin pa med pa la chos la bdag med par yongs su 'dzin na/ de'i tshe sems dang sems las byung ba rnams kyang de ma yin pa sems dang sems las byung ba gzhan gyis kun brtags pa'i gzung ba dang 'dzin pa'i mtshan gyis bdag nyid dang bral bar khong du chud pas gzung ba dang 'dzin pa dang bral ba sems dang sems las byung ba tsam du rnam par gzhag pa yin no// sems dang sems las byung ba gzung ba dang 'dzin pa dang bral bar rnam par bzhag pas chos thams cad la bdag med par 'jug pa yin gyi chos yod pa rnams la yang rnam pa thams cad skur pas ni ma yin no// ji ste/ de ltar mi 'dod na ci nyes snyam pa la// de'i phyir gzhan du ni zhes bya ba la sogs pa smos so// gal te sems dang sems las byung ba de ma yin pa sems dang sems las byung gis kun brtags pa'i gzung ba dang / 'dzin pa'i mtshan nyid kyi bdag bral ba ma yin na ni/ de'i tshe rnam par rig pa gzhan gyi don du khas blangs par 'gyur te/ de bas na rnam par rig pa tsam du mi 'grub bo// ci'i phyir snyam pa la rnam par rig pa rnams

  435. 218b

    don dang ldan pa'i phyir ro zhes bya bar smos so// 'di ltar don dang ldan pa ni de'i tshe rnam par rig par mi 'gyur te/ de ltar na yang rnam par rig pa tsam du 'grub par ga la 'gyur/ 'di ltar rnam par rig/ pa tsam gyi sgra ri gzung ba dang 'dzin pa dang bral ba'i sems dang sems las byung ba ga la b+ha na/ gal te 'ga' zhig de dag 'dzir tam/ gal te gzhan dag yang 'dzin na de'i tshe rnam par rig pa tsam du/ gal 'grub/ 'di ltar gzugs kyi phung po 'ba' zhig la gzung ba dang 'dzin pa dgag pa ni ma yin gyi chos thams cad la'o// de'i phyir sems dang sems las byung ba rnams kyang gzung ba dang 'dzin// / pa dang bral bar 'gyur ro// de ltar na chos thams cad la bdag med par grub pa yin no// gzung ba dang 'dzin pa dngos po med par da dung gi bar du rigs pa 'ga' yang ma brjod pas de'i phyir 'dir phyi rol gyi dan du smrab kyi gzhil ba'i phyir/ bcom ldan 'das kyis dgongs pa 'dus zhes b+ha ba la sogs pa smos so// rang gis ba dadang snang ba lnga dgongs nas bcom ldan 'das kyi gzugs la sogs pa'i skye mched yod par gsungs kyi yang dag pa'i don du yod pa'i gzugs la sogs pa de dag rnam par rig pa rnams kyi yul gyi dngos por gyur pa ni ma yin no zhes bya/ ba ci mngon/ de ni 'di skad du sgra ji bzhin du na/ gal te 'dir 'ga' zhig rigs pa dang 'gal na ni de'i tshe dgongs pa can du yang brtag pa'i yang rigs na/ 'di la ni sgra ji bzhin du na rigs pa dang 'gal ba 'ga' yang med na ci'i phyir dgongs pa can du yongs su brtag ces bstan par 'gyur ro// 'dir slob dpon gyis rigs pa dang 'gal ba bstan pa'i phyir/ 'di ltar/ de ni gcig

  436. 219a

    na'ang yul min la zhes bya ba la sogs pa smos so// gzugs la sogs pa rags pa de gcig pu yang yul ma yin no// rdul phra rab phrag can du gnas du ma yang yul ma yin no// dul phra rab de dag par med par gnas pa yang yul ma yin te/ 'di ltar rdul phra rab nyid mi 'grub pa'i phyir ro zhes mdor byas pa'i don to// bstan bcos byed pas mdor byas pa'i don de rgya cher bstan pa'i phyir/ ji skad du bstan par 'gyur zhe na/ zhes bya ba la sogs pa smos so// gang khyed kyi rnam par shes pa las logs shig na gzugs dang sgra la sogs pa'i skye mched gzugs dang sbal sogs pa'i rnam par rig pa so so'i yul du khas blangs pa de gcig pu zhig yin na bye brag pa rnams kyi cha shas kyi ngo bor rags pa khyon che ba dbang po'i blo'i gzung bar 'dod pa lta bu 'am/ zag yod par gnas pa'i rdul phra rab du ma yul du 'dod dam/ de ste phan tshun bltos pa dang bcas pa'i rdul phra rab de dag nyid 'dus pa dag yul du 'dod grang na/ phyogs dang po'i dbang du byas nas gcig pu de ni yul ma yin te zhes bya ba la sogs pa smos so// cha shas can zhes bya ba gcig pu ni yul ma yin te/ 'di ltar chu shas rnams la ma gtogs pa cha shas can gzhan gang la yang mi 'dzin te/ bum pa dung snam bul sogs pa thams cad la yang ngas cha dang rgyu srud pa la sogs pa'i cha shas nyid la 'dzin gyi/ de dag las gud na bum pa dang snam bral sogs par mi 'dzin to// phyogs gnyis pa gsal ba'i du ma yang yul ma yin te zhes bya ba smos so// du ma phrag can du gnas pa yang / yul ma yin te/ 'di ltar rdul phra rab si so la 'dzin par bas mi len

  437. 219b

    to// 'di ltar rnam par shes pa lnga'i tshogs ni bsags pa la dmigs so zhes gzhan dag gis khas blangs pa'i phyir ro// phyogs gsum pa bsal ba'i phyir/ de dag 'dus pa yang yul ma yin te/ zhes bya ba la sogs pa smos so// phan tshun nas nyete bar med par gnas pa'i rdul phra rab dag kyang yul ma yin te/ 'di ltar rdul phra rab ces bya ba gang yang rngardzas gcig tu mi 'grub pa'i phyir ro// gal te rdul phra rab dag rdzas su yod par grub na ni de'i phyir ci de dag 'dus pa yul yin nam/ 'on te phrag can du gnas pa zhes bsams par yang bya na de dag ni rdzas yod par ma grub bo// rol gyi don du smra ba rdul phra rab ma grub par yid ma ches nas ji ltar mi 'grub ces dris te/ ma grub pa'i rgyu gang yang mi snang ngo snyam du sems so// slob dpon gyis ma grub pa'i rgyu bstan pa'i phyir// 'di ltar drug gis cig car sbyar ba na zhes bya ba la sogs pa smos so// de nyid rnam par dgrol ba'i phyir/ phyogs drug nas zhes bya ba la sogs pa smos so// gang gi tshe dbus na 'dug pa'i rdul phra rab la phyogs drug nas 'ongs pa'i rdul phra rab drug gis cig car du sbyar ba de'i tshe phyogs gzhan dang gzhan dag nas sbyar tam/ 'on te gcig kho na nus sbyar ces brjod par bya'o// gal terdul phra rab drug po dag gis gzhan dag nas cig car du sbyar na ni/ de'i tshe dbus na 'dug pa'i rdul phra rab cha drug du 'gyur ro// ci'i phyir snyam pa la/ gcig gi go gang yin pa der zhes bya ba la sogs pa smos so// 'di ltar dbus su 'dug pa'i rdul phra rab kyi phyogs ngos la 'dug pa'i rdul phra rab gcig gis non pa gang yin pa der ni rdul phra rab gzhan gyi go skabs med de/ de'i

  438. 220a

    phyir de phyogs gzhan du gnas par bya dgos so// gzhan dag kyang de bzhin du cha drug du grub bo// de ltar rdul phra rab cha drug 'dus par gyur na des de rdzas su yod par ga la 'gyur phyogs gnyis pa'i dbang du byas nas drug po de dag ni go gcig na zhes bya ba la sogs pa smos so// de nyid rnam par dgrol ba'i phyir/ ji ste rdul phra rab gcig gis gang yin pa de nyid ces bya ba la sogs pa smos so// ji ste dbus na gnas pa'i rdul phra rab gcig gi go gang yin pa de nyid ngos la 'dug pa'i rdul phra rab drug po rnams kyi go gang yin na ni des na rdul phra rab mang po rnams go gcig/ pa'i phyir go bu thams cad rdul phra rab tsam du 'gyur te tshul 'dis ri rab la sogs pa yang rdul phra rab tu 'gyur ro// ci'i phyir snyam pa la phan tshun tha dad pa med pa'i phyir zhes bya ba la sogs pa smos te/ 'di ltar phyogs 'di la rdul phra rab thams cad kyang phan tshun tha dad pa med de/ de'i phyir de'i gong bu gang yang snang bar mi 'gyur te/ ri rab kyang snang bar mi 'gyur bar 'dod do// phyogs dang po ni cha shas dang bcas pa'i phyir rdzas su yod par mi 'gyur ro// phyogs gnyis pa ni cha shas med pa'i phyir sogs pa yod par mi 'grub po// de bas ni snang bar mi 'gyur ro zhes bsdus pa'i don to// phyogs dang po la bye brag tu smra bas lan gdab pa'i phyir/ rdul phra rab rnams ni zhes bya ba la sogs pa smos so// gal te rdul phra rab rnams sbyor na ni de'i phyir drug gis cig cer du sbyar bas cha drug/ tu yang 'gyur na/ de dag ni cha shas med pa'i phyir mi sbyor ro// de bas na 'di la drug gi nyes par 'gyur ba med do// gal te rdul phra rab rnams mi sbyor na gang sbyar bar snang ba de gang gi yin snyam pa la//

  439. 220b

    'dus pa dag ni zhes bya ba la sogs pa smos te 'dus pa dag ni cha shas dang bcas pa'i phyir phan tshun sbyor ro// de bas na grags pa dang mi 'gal lo snyam du khas 'che ba'i bye brag du smra ba rnams sems so// bstan bcos byed pas de bsal ba'i phyir/ de dag la 'di skad du zhes bya ba la sogs pa smos so// bye brag tu smra ba de dag la 'di skad du rdul phra rab rnams 'dus pa gang yin pa de rdul phra rab rnams las gzhan nam 'on te ma yin zhes dri bar bya'o// gal te don tha dad pa ma yin no zhes zer na de la nyes par bstan pa'i phyir/ rdul phran zhes bya ba la sogs pa smos so// gal te rdul phrathazarab rnams mi sbyor la/ 'dus pa yang de dag las don gzhan du mi 'dod na de'i tshe 'dus pa'i sbyor ba gang yin pa de dag gang gi yin par 'dod/ rdul phra rab rnams kyi ni ma yin te/ cha shas med pa dang las mi len pa'i phyir ro// de ni 'dus pa'i yang ma yin te/ de dag las don gzhan ma yin pa'i phyir ro// de don gzhan ma yin pa de las ma byung bas 'bras bu khas blang du mi rung ngo // de'i phyir sbyor ba de gang gi yin zhes brjod par bya'o// mdor byas pa snga ma las byed pa'i tshig khong nas dbyung ba'i phyir/ sbyor ba zhes bya bar snyegs so zhes bya ba smos te/ de ni go sla bas ma bshad// / de/ brgyal bye brag tu smra ba dag nyes pa des 'jigs te 'dus pa yang sbyor bar mi 'dod du dogs nas/ cha shas yod pa ma yin pas zhes bya ba la sogs pa smos so// de nyid rnam par dgrol ba'i phyir/ ji ste 'dus pa dag kyang zhes bya ba la sogs pa smos so// ji ste nyes pa 'di 'byung du 'ong zhes te 'dus pa dag kyang phan tshun mi sbyor ro zhe na/ de lta na ni rdul phra rab rnams cha shas

  440. 221a

    med pa'i phyir sbyor ba med do zhes ma zer cig/ ci'i phyir mi brjod snyam pa la/ 'dus pa cha shas dang bcas pa yang zhes bya ba la sogs pa smos so// 'di ltar 'dus pa cha shas dang bcas pa yang sbyor bas khas mi len pa'i phyir ro// gal te 'dus pa cha shas dang bcas pa sbyor bar mi 'dod na ni/ de'i tshe rdul phrar ba rnams med pa'i phyir sbyor bar mi 'grub bo zhes smra/ ba'i mi rigs so// gang gi tshe cha shas dang bcas pa yang mi 'dod pa de'i tshe cha shas med pa ni sbyor ba med pa'i gtan tshigs yin no zhes ma zer cig/ de'i phyir de ltar bye brag smra ba bsal nas snga ma'i skabs mjug bsdu ba'i phyir/ de bas na rdul phra rab ces bya ba la sogs pa smos so// gang gi phyir de ltar drug gis cig car du sbyar bas rdul phra rab cha shas drug du 'gyur ba de'i phyir rdul phra rab rdzas gcig tu mi 'grub po// cha shas med pa'i phyogs ltar na yang gong bu thams cad mi snang bar 'gyur ba'i rigs te bshad zin to// yang rdul phra rab bsal ba'i phyir rdul phra rab sbyor bar 'dod kyang rung zhes bya ba la sogs pa smos so// rdul phra rab sbyor bar 'dod kyang rung mi 'dod kyang rung ste/ sbyor bar 'ab pa 'dis bdag la ci zhig bya/ ye ni gal te rdul phra rab la phyogs kyi cha tha dad par khas len pa de'i tshe gang la phyogs cha tha dad yod/ de ni gcig tu mi rung ngo // phyogs kyi cha tha dad par bshad par 'dod nas/ rdul phra rab kyi shar phyogs kyi cha yang gzhan zhes bya ba la sogs pa smos/ so// phyogs kyis mtshon pa'i cha ni phyogs kyi cha ste/ de yang shar phyogs kyis mtshon pa yang gzhan pa nas 'og gi phyogs kyis mtshon pa'i bar du yang gzhan no// de ltar phyogs kyi cha tha dad na cha du ma

  441. 221b

    yod pa'i rdul phra ra ba gcig pur ji ltar rung / de ni 'di skad du gang la cha de dag yod pa ni cha las logs shig na gzhan gang yang med de/ de'i phyir cha 'dus pa tsam gyi rdul phra rab de gcig du ga la 'gyur ro zhes bstan par 'gyur ro// de la 'dir 'gyur te/ rdul phra rab la phyogs kyi cha tha dad pa med do snyam pa la/ de'i phyir/ sgrib dang sgrib pa ji ltar 'gyur zhes bya ba smos te/ cha med pa'i rdul phra ra ba la grib ma dang sgrib pa mi 'grub bo zhes mdor byas pa'i don bsdus pa'o// bstan bcos byed pas mdor byas pa'i don rgya cher bstan pa'i phyir/ gal te rdul phra rab re re la zhes bya ba la sogs pa smos so// gal te/ rdul phra rab cha shas med pa'i phyir phyogs kyi cha tha dad pa med na de'i dus na nyi ma shar ba'i tshe ngos gcig la grib ma 'bab pa dang gcig tu nyi ma shar bar ji ltar 'gyur/ de ltar 'gyur du mi rung ba ci yod snyam pa la de'i phyir de la ni gang du nyi ma mi 'bab pa'i zhes bya ba la sogs pa smos te/ 'di ltar rdul phra rab de la gang nyi mas gsal bar ma gyur pa'i phyogs gzhan ni gang yang med do// de lta re zhig grib ma med par bstan to// sgrib pa med par bstan pa'i phyir/ gal te phyogs kyi cha zhes bya ba la sogs pa smos so// gal te cha shas med pa'i phyir phyogs kyi cha tha dad par mi 'dod na de'i tshe rdul phra rab de la rdul phra rab gzhan gyis sgrib par yang ji ltar 'gyur/ ci'i phyir mi 'gyur snyam pa la/ de'i phyir/ rdul phra rab gang la yang zhes bya ba smos te/ 'di ltar cha gzhan gang la rdul gzhan 'ongs pas rdul gzhan thogs par rnam par bzhag pa'i cha gzhan ni rdul phra rab la gang yang med do// gal te thogs pa med na ci nyes snyam pa la/ de'i phyir/ thog pa med na ni zhes bya ba la sogs pa smos so// gal te rdul phra

  442. 222a

    ra ba la rdul phra rab gzhan gyis thogs par mi byed na/ de'i tshe rdul phra rab thams cad go gcig du 'gyur te/ de'i phyir/ thams cad go gcig tu gyur pa sa ri rab la sogs pa gong bu thams cad rdul phra rab tsam du 'gyur te/ de ni sngar bshad zin to// phyi rol gyi don du smra bas 'gro ba'i tshul du grib ma dang sgrib pa zhes bya ba la sogs pa smos so// gal te rdul phra rab cha shas med pa'i phyir grib ma dang sgrib pa mi rigs kyang gong bu cha shas dang bcas pa de yin par ci'i phyir mi 'dod na/ bstan bcos byed pas gong bu dpyad pa'i phyir/ rdul phra rab rnams las zhes bya ba la sogs pa smos so// kye khyed rdul phra rab rnams las gong bu gzhan zhig yin par 'dod dam cin grib ma dang sgrib pa de dag de'i yin par 'dod/ gal te de dag las de gzhan yin na ni de ltar yang rung ngo // mdo ste/ pas/ smras pa/ ma yin no zhes bya ba smos so// kho bo ni gong bu rdul phra rab las gzhan yin par mi 'dod do// bstan bcos byed pas/ gong bu gzhan min de de'i min zhes bya ba smos so// de nyid dkrol ba'i phyir gal te rdul phra rab rnams las gong bu gzhan ma yin na zhes bya ba la sogs pa smos so// gal te rdul phrang ba rnams las gong bu gzhan yin par mi 'dod na ni de ltar na ni grib ma dang sgrib pa dag gong bu de'i ma yin par grub pa yin no// phyi rol gyi don du smra bas slar brgal ba'i phyir/ yongs su rtog pa 'di ni zhes bya ba la sogs pa smos te/ dper na cha shas gnas pa ji lta bu zhig gis gnas pa'i gzugs la sogs pa 'khor lo zhes brjod kyang / de dag 'khor lo'i rang bzhin ma yin pa de bzhin du gzugs la sogs pa zhig pa'i mthar phyin pa la ni rdul phra rab dag ces bya bar med par gnas

  443. 222b

    pa dag la ni 'dus pa zhes bya ba yang de dag ni rdul phra rab kyi ngo bo nyid kyang ma yin/ 'dus pa'i ngo bo nyid kyang ma yin no// de bas na gzugs la sogs pa'i mtshan nyid gang yin pa de ni ma bkag na rdul phra rab ces sam 'dus pa zhes bsam pa des ci zhig bya/ de ma bkag pas phyi rol gyi don kyang ma bkag pa yin no// bstan bcos byed pas gzugs la sogs pa'i mtshan nyid dri ba'i phyir/ de dag ni mtshan nyid gang yin zhes bya ba smos so// kye gzugs la sogs pa'i mtshan nyid gang yin smos shig/ phyi rol gyi don du smra bas/ mig la sogs pa'i yul nyid dang zhes bya ba la sogs pa smos so// spyir na mig la sogs pa'i dbang po'i yul nyid gzugs la sogs pa mtshan nyid dang bye brag du na ston po dang ser po la sogs pa nyid ni de dag gi mtshan nyid do// bstan bcos byed pas/ gang mig la sogs pa'i yul zhes bya ba la sogs pa smos so// khyod kyis gang mig la sogs pa'i yul sngon po dang ser po la sogs pa 'dod pa de ci/ cha shas can zhes bya ba rdzas gcig pu zhig gam/ 'on te rdul phra rab ces bya ba du ma zhig kho bos de dpyad par bya'o// phyi rol gyi don du smra bas nyes pa ma mthong nas/ 'dis ci zhig bya zhes dris te/ de ltar na yang ci nyes bstan bcom byed pas/ du ma'i zhes bya ba la sogs pa smos so// du ma'i phyogs kyi nyes pa ni/ phra ba rdul du du ma'ang min/ de dag 'dus pa'ang ma yin te/ 'di ltar rdul phran mi 'grub phyir zhes bya ba'i skabs der bshad zin to// gcig pu'i nyes pa'ang bshad pa nyid de yang bstan pa'i phyir/ gcig na rim gyis 'gro ba med ces la sogs pa smos so// sa la sogs pa tshe shas gcig pu zhig yin

  444. 223a

    du zin na srog chags rnams rim gyi 'gro bar mi 'gyur ro// tshu rol gyi cha dang pha rol gyi cha tha dad pa gnyis zin pa dang ma zin pa cig car mi 'gyur ro// gcig na 'dug pa'i glang po che la sogs pa du ma ris su chad par 'dug par mi 'gyur ro// srog chags phra mo rnams kyang bltar mi snang bar mi 'gyur ro zhes mdor byas pa'i don to// bstan bcos byed pas mdor byas pa'i don de rgya cher bstan pa'i phyir/ gal te mig gi yul zhes bya ba la sogs pa smos so// gal te mig gi yul sngon po dang ser po la sogs pa ji snyed pa klung dang ngam grog la sogs pas ris su ma chad par 'dod de/ de dag thams cad rdzas gcig par rtog na de'i srog chags rnams rim gyis 'gro bar mi 'gyur ro// ci'i phyir rim gyis 'gro bar mi 'gyur snyam pa la/ de'i phyir/ gom pa gcig bor bas zhes bya ba la sogs pa smos te/ ji ltar gom pa gcig bor ba bgrod par bya ba mtha' dag tu son pas gom pa dor bas gzhan gyis 'gro ci dgos te/ gang du rim gyis 'gro bar 'gyur/ 'di ltar sa ni ris su mched de cha shas can rdzas gcig pa cha shas med par 'dod pas de'i phyir rim gyis 'gro bar mi 'thad do// de ni 'di skad du gcig la yul gyi dngos por snga phyi tha dad pa ji ltar 'grub ces bstan par 'gyur ro// 'di nyid la nyes pa gzhan bstan pa'i phyir/ tshu rol gyi cha zin la zhes bya ba la sogs pa smos so// gal te mig gi yul sngon po la sogs pa de dag thams cad gcig tu zin na de'i tshe gcig pa la sogs pa dag gi tshu rol gyi cha zin la pha rol gyi cha ma zin pa gcig car du mi 'gyur ro// ci'i phyir snyam pa la/ de'i tshe zhes bya ba la sogs pa smos te/ 'di ltar de'i

  445. 223b

    dngos po gcig la zin pa dang ma zin pa mi rung ngo // yang 'di nyid la nyes pa gzhan bstan pa'i phyir/ glang po che dang zhes bya ba la sogs pa smos so// gal te ris su chad par snang ba ji snyed pa de dag thams cad gcig tu zin na/ de'i tshe gnas gcig gi steng na 'dug pa'i glang po che dang rta la sogs pa du ma ris su chad par 'dug par mi 'gyur ro// ci'i phyir snyam pa la/ gcig gang na 'dug zhes bya ba la sogs pa smos te/ 'di ltar glang po che gcig gang na 'dug pa de nyid na gzhan yang ba glang dang rta la sogs pa yang 'khod na ni de'i phyir de dag ris su chad par ji ltar rung 'di ltar de ni rdzas gcig pa yin na gcig gnas pa rnams yul tha dad pa na 'dug par gal 'gyur/ brtul gzhan na nyes pa nges 'jigs nas glang ba chel sogs pa gnas phan tshun spangs te 'dug pa rtog tu dogs na/ de gnyis kyis zhes bya ba la sogs pa smos so// ji ste yul ris su chad par snang ba med na mi rung zhes gnas gcig gis spangs te/ glang po che la sogs pa yul so so na 'khod do// zhe na de lta na yang glang po dang rtas gang non pa de gcig du ji ltar rung ste/ de gnyis kyis non pa gang yin pa dang / mi non pa gang yin pa gcig du mi 'gyur ro zhes bya ba'i tha tshig go// gnyi gas gnyi ga non par brtag par yang mi rigs so// ci'i phyir snyam pa la/ bar na de dag gi stong pa zhes bya ba la sogs pa smos te/ 'di ltar glang po che dang ba glang dang rta'i bar stong pa snang ba'i phyir ro// gal te glang po che'i gor ba glang dang / rtas khyab par gyur la/ ba glang dang rta'i gor yang glang po ches khya ba na ni de'i bar yang de dag gis khyab par 'gyur te/ de bas na bar du yang de

  446. 224a

    gnyis gzung bar 'gyur ro// yang de nyid la nyes pa gzhan bstar ba'i phyir/ chu'i skye bo phra mo zhes bya ba la sogs pa smos te/ gal te sngon po dang ser po la sogs pa mig gi yul ji snyed pa de dag thams cad gcig tu zin na/ de'i tshe chu'i skye bo phra mo rnams kyang khang pa dang ril sogs po chen po dag dang rang bzhin gcig pas mig gis mi sod par mi 'gyur te/ gcig pu rang bzhin tha dad pa med pa la mig gis sod pa dang mig gis mi song po mi rigs so// gang gi tshe nyes pa 'di 'byung snyam pa la/ gal te mtshan nyid tha dad pa nyid kyis bya ba la sogs pa smos so// gal te dngos po rnams yul tha dad pa dang / chu tha dad pas tha dad par mi 'dod kyi mtshan nyid tha dad pa 'ba' zhig gis dngos po tha dad par las len pa de'i tshe nyes pa 'di dag 'byung bar 'gyur ro// 'dir mtshan nyid ni/ mig la sogs pa'i yul nyid dang sngon po la sogs pa nyid do// gzhan du ni ma yin na go zhes bya ba la 'dis ni yul tha dad pa la sogs pa ston to// de'i phyir da ltar 'di la nyes pa bstan nas mjug bsdu ba'i phyir/ de'i phyir zhes bya ba la sogs pa smos te/ gang gi phyir de ltar gcig pu'i phyogs la nyes pa mang ba de'i phyir mig la sogs pa'i yul sngon po la sogs pa nges par rdul phra rab tha dad par brtag par bya'o// ji ltar nyes pa med pa de ltar yod snyam pa la/ de'i phyir de gcig du mi 'grub bo zhes bya ba smos te/ rdul phra rab de gcig tu mi 'grub bo zhes bstan to// de la 'dir 'gyur te/ mig la sogs pa'i yul gzugs la sogs pa yang par 'grub ste// a bo la de tsam gyi tshig gi dus par ba thub pas ci zhig bya sam pa la/ de'i phyid da mi 'grub pas zhes bya ba la sogs pa sbas sa// gal ta rdul

  447. 224b

    rab mi 'grub na gzugs la sogs pa'i yul nyid du mi 'grub ste/ de'i phyir yul med pas rnam par rig pa tsam du grub pa yin no zhes bya ba ni mjug bsdu ba'o// 'dir mdo sde pas slar brgal ba'i phyir/ tshad ma'i dbang gis zhes bya ba la sogs pa smos so// 'di ni yod de 'di ni med do zhes bya ba ni tshad ma'i dbang gis dmigs kyi dbye bar 'gyur la tshad ma thams cad kyi nang na yang mngon sum gyi tshad ma ni mchog yin gyi/ 'di ltar mngon sum gyis the tshom thams cad ldog ste 'di ni nye ba'i 'bras bu yang med na/ mngon sum mchog du zin kyang des cir 'gyur snyam pa la/ don med na ches bya ba la sogs pa smos so// gal te phyi rol gyi don med na de'i gzugs dang sgra la sogs pa 'di ni bdag gi mngon sum ma snyam du sems pa'i blo 'di ji ltar 'byung zhes sems pa'o// gzhan gyi 'dod paltar gal te gzugs la sogs pa mngon sum gyis ma mya ngan de'i tshe gzugs la sogs pa 'di ni bdag gi mngon sum mo zhes gzugs la sogs pa mthong ngo snyam du sems pa'i blo 'di ji ltar 'byung zhes bya ba de'i lan du bstan bcos byed pas/ mngon sum blo na rmo sogs bzhin zhes bya ba la sogs pa smos so// dper na rmi lam la sogs pa don med par yang 'di ni bdag gi mngon sum mo snyam pa'i blo 'byung ba de bzhin te/ rnam par shes pa 'di nyid don du snang bar 'byung ste/ don gang yang med do zhes bya ba'i skabs der sngar bstan pa nyid do// de nyid la yang gtan tshigs lhag par/ de yang gang tshe zhes bya ba la sogs pa smos so// de nyid rnam par dgrol ba'i phyir/ gang gi cha 'dzin zhes bya ba la sogs pa smras te// gang gi tshe 'di ni bdag gi mngon sum du mthong ba'i dngos po la sems pa de lta bu'i blo

  448. 225a

    skad cig ma gsum pa 'byung ba de'i tshe khyod kyi don de mi snang ngo // ci'i phyir snyam pa la/ yid kyi rnam par shes pa zhes bya ba la sogs pa smos so// 'di ltar yid kyi rnam par shes pa des de ltar skad cig ma gsum pa la gang bcad pa dang / 'di ltar mig gi rnam par shes pa de'i tshe 'gags pa'i phyir ro// de bas na rtog pa'i dus na don de mngon sum du ji ltar 'dod/ de ni 'di skad dbang po'i rnam par shes pas gzugs la sogs pa mthong ba de ni rnam par mi rtog pa dang / de'i tshe 'gags pa'i phyir te/ de ltar gzung bar mi nus so// gang de ltar yongs su gcod pa yid kyi rnam par shes pa de yang don de'i rang gi ngo bo mi 'dzin te/ de'i phyir de'i tshe ji ltar don de mngon sum du 'gyur zhes bstan par 'gyur ro// gal te don de dus gzhan na yang gnas la/ gal te phyis mngon sum gyis 'dzin pa de'i tshe nyes pa ci yod snyam du dgongs pa de la/ lhag par yang zhes bya ba la sogs pa smos so// gal te don de dus gzhan na gnas na ni nyes pa 'di yang med na don de ni skad cig pa ste/ de'i phyir skad cig par smra ba la don de shin tu mngon sum du mi 'gyur ro// 'di ltar rtog pa'i dus na de'i tshe gzugs dang ro la sogs pa ni 'gags zin to// yang mdo sde pas gzhan du slar brgal ba'i phyir/ myong ba med par zhes bya ba la sogs pa smos so// gang ma myong ba de ni yid kyi rnam par dran par mi 'gyur na/ phyi rol sngon po dang sngon po la sogs pa yid kyi rnam par shes pa dran pa las de bas na sngon po la sogs pa'i don gdon mi za bar myong bar 'gyur ro// de ltar 'gyur du zin kyang des cis 'gyur snyam pa la/ de ni mthong ba yin no zhes bya ba la sogs pa smos so// don gang myong ba de gzugs la sogs pa'i don mthong ba'i snyam du de ltar bsams nas

  449. 225b

    mthong ba'i yul gzugs la sogs pa mngon du 'dod do// slob dpon gyi 'dir lan du myong ba'i don zhes bya ba la sogs pa smras so// rnam par shes pa las gzhan du gyur pa'i don dran pa yin no zhes bya ba de kho na la ma grub bo// ci'i phyir ma grub snyam pa la/ 'di ltar zhes bya ba la sogs pa smras so// de nyid dgrol ba'i phyir/ dper na don med par zhes bya ba la sogs pa smos so// dper na gzugs la sogs pa phyi rol na med par yang gzugs la sogs pa'i don du snang ba mig gi rnam par shes pa la sogs pa'i rnam par rig pa 'byung ba de bzhin te/ kho bos rnam par shes pa 'di nyid don du snang bar 'byung ste/ do na gang yang med do zhes bya ba'i bar sgrubapa der bshad zin te// de ltar gyur ra zi kyang skabs 'dir ci zhig 'grub snyam pa la/ de'i phyir/ de las dran par zad ces bya ba smos so// de nyid dgrol ba'i phyir/ rnam par rig pa de las zhes bya ba la sogs pa smras so// gzugs la sogs par snang ba'i rnam par rig pa de las rnam par rtog pa'i yid kyi rnam par rig pa dran pa dang mtshungs par ldan par 'byung ste/ dran pa 'byung ba de las gzhan myong ba mi 'grub bo// da ni 'di skad du myong ba ni dran pa'i rgyu yin la/ myong ba ni bdag cag la yod do// gzugs la sogs pa'i don du snang ba'i rnam par shes pa'o// de bas nA gzugs la sogs pa'i don du snang ba'i rnam par shes pa mang ba nyid las ngan pa 'byung gi/ don bud na yod pas ci zhig b+haM/ yang mdo sngabs gzhan du brgal ba'i phyir/ dper na rmi lam gyi zhes bya ba la sogs pa smos so// dper na rmi lam gyi rnam par rig pa thams cad kyi don med par 'byung ba de bzhin du gal te gnyid kyis ma log/

  450. 226a

    pa'i dus na yang 'gyur na ni/ de'i tshe dper na rmi lam na dmigs pa'i don med pa'i 'jig rten rang gis khong du chud pa de bzhin du/ gnyid kyis ma log pa na dmigs pa'i don med// par 'jig rten ni rang gi sa khong du chud pa'i rigs na khong du ma chud de de'i phyir rmi lam bzhin du gnyid kyi ma log pa'i dus na 'byung ba'i blo thams cad don med pa ma yin no// 'dir bstan bcos byed pas/ de ni gtan tshigs su mi rung ste zhes bya ba la sogs pa smos so// 'di ni rmi lam dang mi 'dra ba med de/ 'di ltar ji srid du sad par ma gyur pa de srid du rmi lam gyi blo yang yul med par khong du chud par mi 'gyur gyi/ nam sad par gyur pa de na khang du chud pa bzhin du/ gnyid kyis ma log pa'i dus 'di na yang log par rngam par rtog pa la goms pa'i bag chags kyi gnyid kyis log na rnalam kyi na du yang dag pa mi yin 'du ma / dam da cad kyis ma gapa nga dgas pa 'dun ma pa d+hA d+hag/ na nga ma rnam par rtog pa yang ma yin no// zhes bsdus pa'o// de la goms pa ni log par rtog pa la goms pa ste/ yang dang yang mngon du 'gyur ba ni goms pa zhes bya'o// log par rnam par rtog pa de las byung ba'i bag chags gang yin pa de la de skad ces bya'o// gnyid dang 'dra ba'i bag chags rnam pa de lta bu de la gnyid ces bya'o// ji lta ba bzhin du rtogs pa ma yin gyi zhes bya ba ni ma nor bar khong du mi chud// ces bya ba'i tha tshig go// nam zhig de med par khong du chud par 'gyur snyam pa la/ gang gi tshe de'i gnyen po zhes bya ba la sogs pa smos so// gang gi tshe bag chags de'i gnyen por gyur pa 'jig rten las

  451. 226b

    'das pa rnam par mi rtog pa'i ye shes thob nas sad par gyur pa de'i tshe 'jig rten las de'i rjes las thob pa dag pa 'jig rten pa'i ye shes mngon du 'gyur ro// de mngon sum du gyur nas yul med pa ji lta/ ba bzhin du khong du chud de/ de ni 'di skad du gzugs la sogs pa byis pa'i skye bos yongs su brtags pa dag ni 'jig rten las 'das pa'i ye shes kyi yul ma yin te/ gang dag de'i yul gyi dngos por ma gyur pa de dag gi rtog pa'i shes pa dag pa 'jig pa zhes bya ba rnams kyis sel to// de bas na de ni mtshungs so// 'jig rten las 'das pa rnam par mi rtog pa'i ye shes thob ces bya ba ni 'jig rten dang mi mthun pas 'jig rten las 'das pa'o// gzung ba dang 'dzin pa'i rnam par rtog pa med pa'i phyir rnam par mi rtog pa'o// de'i rjes las thob pa dag pa 'jig rten pa'i ye shes mngon du gyur ces bya ba ni de'i rjes las thob pa ste/ de zhes bya ba ni 'jig rten las 'das pa'i ye shes dang sbyar ro// rjes zhes bya ba ni stabs la bya'o// de ni de'i rjes las thob pa yang yin la dag pa 'jig rten pa'i ye shes kyang yin no zhes bsdu'o// gzung ba dang 'dzin par mngon par zhen pa'i bag chags spangs pa'i phyir dag pa'o// mngon par zhen pa med kyang gzung ba dang 'dzin pa'i rnam par 'byung bas 'jig pa'o// 'dir de'i spyi'i don ni spros pa'i bag chags nang gnas pa yongs su smin pa'i dbang gis gzugs la sogs pa'i don snang ba'i shes pa rnams 'khor ba'i gnas su 'jug ste/ gang gi tshe 'jig rten las 'das pa'i ye shes kyi bag chags de dag spangs par gyur par gyur pa de'i tshe dag pa 'jig rten pa'i ye shes byung nas yul med par rtogs so// gang mdo sde pas slar brgal ba'i phyir/ gal te

  452. 227a

    rang gi rgyar gyur pa'i khyad par nyid las zhes bya ba la sogs pa smos so// gal te rang gi rgyud la gnas pa'i bag chags gyur pa'i khyad par gyis srog chags rnams kyi gzugs la sogs pa don du snang ba'i rnam par rig pa 'byung gi/ sngon po la sogs pa'i don gyi khyad par las ma yin na/ de'i tshe gang gis sdig pa'i grogs po la brten pa las sems can rnams kyi lus kyi bya ba med pa'i rnam par rig pa nges pa dang / dge ba'i bshes gnyen la brten pa las lus kyi bya ba dge ba'i rnam par rig pa nges pa dang / de bzhin du dam pa'i chos mnyan pa'i ngag gi bya ba sdig pa las log pa'i rnam pa'i rnam par rig pa nges pa dang / dam pa ma yin pa'i chos mnyan pa la sems can rnams kyi ngag gi bya ba sdig pa la 'jug pa'i rnam par rig pa nges pa sdig pa'i grogs pa dang / dge ba'i bshes gnyen la brten pa med la/ dam pa dang dam pa ma yin pa'i chos bstan pa med na ji ltar 'grub par brjod de/ de ni 'di skad du ji tsam du sdig pa'i grogs po dang dge ba'i bshes gnyen spyod pa mi par 'gyur ro// bstan bcos byed pas de rtsal ba'i phyir gcig la gcig gi dbang gis na zhes bya ba la sogs pa smos so// de nyid dgrol ba'i phyir/ sems can thams cad kyi zhes bya ba la sogs pa smos so// 'di ltar srog chags thams cad kyi rnam par shes pa phan tshun gyi dbang gis rnam par shes pa rnams phan tshun dbyung ba nges par 'gyur ro// ci rigs su sbyar ro/

  453. 227b

    zhes bya ba ni sdig pa'i grogs po dang dge ba'i bshes gnyen gyi spyod pa la slob par 'dod dbang gis de dang mthun par byed pa rnams kyis sdig pa dang / dge ba'i lus kyi las rnam pa'i rnam par rig pa 'byung gi/ phyi rol na lus kyi las dang lus ni med do/ de bzhin du dam pa dang dam pa ma yin pa'i chos smra bar 'dod pa'i dbang gis nyan pa rnams kyis dam pa dang dam pa ma yin pa'i chos kyi rnam pa'i rnam par rig pa 'byung gi/ phyi rol na sgra ni med de/ 'di la ci rigs pa zhes bya ba'i don ni 'di yin no// gcig la gcig ces bya ba'i sgra ma grag pas de bas na de'i don bstan pa'i phyir/ gcig la gcig ces bya ba la sogs pa smos te/ de ni go sla bas ma bshad do// de'i phyir de ltar rgal ba'i lam btab nas/ srog chags kyi tha snyad thams cad rnam par rig pa rnams kyi phan tshun gyi dbang gis 'byung bar bstan pa'i phyir/ rgyu gzhan gyi rnam par rig pa'i khyad par zhes bya ba la sogs pa smos so// srog chags dang 'brel pa'i tha snyad thams cad ni rgyud gzhan gyi 'gro bar 'dod pa dang / brjod par 'dod pa la sogs pa'i rnam par rig pa'i khyad par las rgyu gzhan la 'gro ba dang smra ba la sogs pa'i rnam par rig pa'i khyad par 'byung gi phyi rol gyi don gyi khyad par lus dang ngag gi tha snyad kyi mtshan nyid las ni ma yin no// yang phyi rol gyi don du smra bas slar brgal ba'i phyir/ dper na rmi lam gyi zhes bya ba la sogs pa smos so// dper na rmi lam gyi rnam par rig pa don med par 'dod pa de bzhin gal te gnyid kyis ma log pa'i yang don med par 'dod na/ gnyid kyi log pa dang ma log pa ni sbyin pa la sogs pa dge ba kun tu spyad pa'i 'bras bu phyi ma la 'dod par 'dra bar ci'i phyir mi 'gyur/

  454. 228a

    gnyid kyis ma log pa dang gnyid kyis log pa na srog gcod pa la sogs pa mi dge bkun tu spyad pa'i 'bras bu yang phyim mi 'dod par 'dra bar ci'i phyir mi 'gyur/ gnyi ga yang dan med par mtshungs na go snyam du sems pa'o// bstan bcos byed pas de'i lan du/ sems ni gnyid kyi non pas na zhes bya ba la sogs pa smos so// 'di ltar rmi lam gyi gnas skabs na ni dge ba'am mi dge ba dag gnyid kyis non pa'i sems kyis kyang byed de/ de'i phyir gnyid kyis ma log pa'i dus na byed pa'i dge ba dang mi dge ba dang rmi lam gyi dge ba dang mi dge ba'i 'bras bu mtshungs pa ma yin te/ gang ga nyid kyi non pa de ni 'dir 'bras bu mi 'dra ba'i rgyu yin gyi don yod pa ni ma yin no// de ltar sad pa'i dus na g.yengs pa dang 'dres par rnam par rtog pa ngan pas non pa'i dge ba'i 'bras bu yang chung bar 'gyur te/ de bas na rmi lam gyi gnod pa yang 'bras bu chung ba'i rgyu yin no// yang 'di ni 'bras bu mi mtshungs pa'i rgyu gzhan yin te/ rmi lam na sbyin pa ni len pa po su yang med de/ sul yang phan 'dogs pa med do// de bzhin du rmi lam na gsad par bya ba yang su yang med/ yang dag pa'i don du su la yang gnod par byed pa med do gnyid kyi ma log pa'i dus na ni srog chags dag kyang yod la/ gang dag la sbyin par 'dod pa'i dbang gis len par snang ba 'byung zhing rim gyis bde ba myong bar 'gyur bas pan 'dogs par 'gyur ro// gang dag la gsad par 'dod pa'i dbang gis mtshan gyi rnam pa'i shes pa rig pas mi bzod pa'i tshor ba 'byung ba na'i chi ba'i mtshan nyid gnod par 'gyur ro// yang phyi rol gyi don du smra bas slar brgal ba'i phyir/ gal te 'di dag rnam par rig pa tsam du zad na zhes

  455. 228b

    bya ba la sogs pa smos so// gal te 'gro ba 'di mtha' dag rnam par rig pa tsam du zad na sems can thams cad gang la yang lus med la ngag kyang med de/ de'i phyir shen pa la sogs pas gsod pa na lug la sogs pa 'chi bar ji ltar 'gyur/ gal te shen pa la sogs pa la lus dang ngag yod la lus rnams kyi lus kyang yod na de'i de dag gis de dag rang gi lus lag dar te gsod pa 'am/ gzhan la song ces tshig gis bsgo bas lus rnams 'chi bar 'gyur ro// lus dang ngag med na bsad par bsams pa tsam gyi gzhan dag 'chi bar ji ltar 'gyur te/ de ltar 'dod na ni gang zag 'ga' zhig khros te gnod par bya ba'i sems bskyed pa de nyid kyis 'chi bar 'gyur ro// ji ste nyes pa 'di dag 'byung du 'ong zhes de dag 'chi ba des byas par mi 'dod na ni de'i tshe lug 'chi ba shen pa rnams kyis ma bsad pas/ shen pa la sogs pa srog gcod pa'i kha na ma tho ba dang ji ltar ldan par 'gyur/ bstan bcos byed pas de bsal ba'i phyir/ 'chi ba gzhan gyi rnam rigs gis bya ba la sogs pa smos so// rnam par rig pa'i bye brag gis mtshan gdab par gzas pas phyi rol gyi don du smra bas gzhan gsod par byed do// de bas na rnam par rig pa'i bye brag mtshan cha med pa las gzhan 'chi bar 'gyur ro// dper na 'phru sogs pa'i yid kyi dbang gis sems can gzhan dag gi dran pa nyams pa la sogs pa byed par 'gyur ro zhes bya ba'i don to// bstan bcos byed pas mdor byas pa'i don de rgya cher bstan pa'i phyir dper na 'drel sogs pa'i yid kyi dbang gis zhes bya ba la sogs pa smos so// dper na 'dre la sogs pa'i ngan sems kyi sems kyi dbang gis srog chags gzhan dag gi dran pa nyams par 'gyur ba dang

  456. 229a

    mkha' 'gro ma rnams kyi gnod pa'i sems kyi dbang gis gzhan dag gis snying gi khrag 'byin pa dang / de bzhin du lha'i byin gyis brlabs kyis rmi ltas su mthong ba dang / de bzhin du sngags mkhan gyi yid kyi dbang gi 'byung po'i gdon pham par 'gyur ba dang / de bzhin du nam mkha' lding gi sngags byed pa'i yid kyi dbang gis dug sel cing 'bo ba la sogs par 'gyur ba dang / de bzhin du rdzu 'phrul dang ldan pa'i yid kyi dbang gis gzhan dag gi 'gyur ba rnam pa mang ba 'byung ba dang / dper na ka ta'i bu chen po'i byin gyis brlabs kyi sar nas rmi ltas su mthong ba dang / dper na drang srong dgon pa pa rnams kyis yid 'khrugs pas lha ma yin gyi dbang po thags bzang rigs pha ma zhes grags pa de bzhin du/ shen pa la sogs pa'i gnod sems kyi bsam pa'i rnam par rig pa'i bye brag gis lus la sogs pa gzhan dag gi srog gi dbang po dang mi mthun pa'i 'gyur ba rnam pa 'di lta bu dag 'byung ste/ de byung bas ris gcig pa skal pa 'dra bas bsdus pa'i sems dang sems las byung ba'i rgyud ni rgyun 'chad pa'i mtshan nyid mchi bar 'gyur ro// de ltar na gzhan gyi rnam par rig pa'i bye brag gis gzhan dag 'chi bar rig par bya'o// de ltar rigs pas don bstan kyang / brgya la gzhan dag khas mi len kyang srid pas de'i phyir/ drang srong khros pas dan+da ka'i// dgon pa ji ltar stong par gyur ces bya ba smos so// de nyid rnam par dgrol ba'i phyir// gal te gzhan gyi rnam par rig pa'i bye brag gis zhes bya ba la sogs pa smos so// gal te gsod pa pa rnams kyis gsad pa'i bsam pa'i rnam par rig pa'i bye brag gis sems can bsad par bya ba dag 'chi bar khyod mi 'dod na// /

  457. 229b

    de'i tshe yid kyi nyes pa kha na tho ba chen po dang bcas pa nyid du bsgrub par bzhed nas/ bde bar gshegs pa thub pas khyim padag nye ba 'khor la bka' stsal pa/ khyod kyi dan+da ka'i dgon pa la sogs pa/ de dag na sngon mi brgya stong phrag du mas gang ba'i ljongs su gyur pa zhes grags na ji ltar skad cig tu dgon par gyur te stongs pa dang gtsang mar gyur pa ci thos shes de skad ces bka' stsal pa dang / des drang srong rnams khros pa de dag de ltar gyur ces bdag gis thos so zhes gsol to// de yid 'khrugs pa tsam gyis de snyed cig 'chi bar ji ltar 'gyur/ de ni 'di skad du gang de gsod pa'i rnam par rig pa'i bye brag gis gsad par bya ba rnams 'chi bar mi 'dod na/ de'i tshe drang srong rnams kyis yid 'khrugs pa tsam gyi sems can ji snyed cig 'chi bar mi rigs so zhes bstan par 'gyur/ yid kyi nyes pa zhes bya ba ni yid kyi nyes pa spyad pa la bya'o// dan+da ka'i dgon pa dang / ma tang+ga'i dgon pa dang / ka ling+ga'i dgon pa zhes bya ba de dag ni dgon pa'i ming ngo // stong pa zhes bya ba ni skye bo med par gyur pa'o// gtsang mar gyur ces bya ba ni skye bo med na bshang gci med pa'i phyir gtsang mar gyur ces bya ba'i tha tshig go/ brgya la gzhan dag drang srong rnams kyis yid 'khrug par shes bzhin du mi ma yin pa skabs tshol ba dag gis gsad do zhes zer du dogs nas/ yid nyes kha na ma tho cher zhes bya ba la sogs pa smos so// de nyid rnam par dgrol ba'i phyir/ gal te 'di ltar rtog ste zhes bya ba la sogs pa smos so// gal te mi ma yin pa gang dag drang srong rnams la dga' ba de dag gis lus dang ngag gis yul de na gnas pa'i sems can rnams kha btag gi/ drang srong de dag gi yid 'khrugs pas

  458. 230a

    dog pa ni ma yin no zhes de'i tshe mi ma yin pa rnams kyi lus dang ngag gis las des lus dang ngag gi nyes pa rnams pas yid kyi nyes pa ches kha na ma tho ba chen po dang bcas par grub par ji ltar 'gyur/ gang gi tshe na Sha na ma tho ba chen po dang bcas par grub ce na/ de'i yid 'khrugs pa tsam gyi zhes bya ba la sogs pa smos so// gang gi tshe lus dang ngag gi spyod pa med par drang srong rnam kyi yid 'khrugs pa tsam 'ba' zhig gis sems can de snyed 'chi bar gyur pa de'i tshe/ yid kyi nyes pa kha na ma tho ba chen po dang bcas pa nyid du 'grub bo// yang phyi rol gyi don du smra bas rgal ba'i phyir// gal te 'di dag rnam par shes pa tsam du zad na zhes bya ba la sogs pa smras so// gal te gzung ba dang 'dzin pa dang bral ba'i sems dang sems las byung ba 'ba' zhig kho nar zad na de'i gzhan gyi sems shes pa thob pa'i rnal 'byor pas/ ci gzhan gyi sems shes sam/ 'on te mi shes smos shig/ grub pa'i mtha' smra bas gnyi gar nyes par ma mthong nas/ 'dis ci zhig bya zhes dris te/ de ni go slabs ma bshad do// phyi rol gyi don du smra bas gnyi ga yang nyes par bstan pa'i phyir/ gal te mi shes na ni zhes bya ba la sogs pa smos so// gal te rnal 'byor pas gzhan dag gi sems reg pa zhes kyang ji skad du bya 'di ltar gang gzhan gyi sems rig pa de la 'di skad ces brjod do// sgra 'di'i rgyu ni bya ba yin na bya ba de med na bya bar ji ltar 'gyur/ ji snya nyes pa 'di 'byung du 'ong zhes te/ gzhan gyi sems shes par khas len na/ de'i tshe de dag gzung ba dang 'dzin pa'i rnam par 'byung bas don ji lta ba bzhin ma yin par 'gyur ro// bsgom

  459. 230b

    pa shin tu mthar phyin pa'i rnal 'byor pa rnams kyi shes pa don ji lta ba bzhin ma yin par ji ltar 'gyur/ de ni 'di skad du gal te gzhan gyi sems shes na de'i tshe gzung ba 'dzin pa'i rnam par khas blangs pas rnam par rig pa nyid nyams par 'gyur ro// don mi shes na ni de'i tshe gzhan gyi sems rig pa yod do zhes ma zer cig ces bstan par 'gyur ro// bstan bcos byed pas don ji lta ba bzhin ma yin pa de khas blangs nas don ji lta ba bzhin ma yin pa'i dpe bstan pa/ dper na rang sems shes pa can zhes bya ba smos so// dper na srog chags rnams kyi rang gi sems 'das pa dang ma 'ongs pa yang don ji lta ba bzhin du ma yin te/ de bzhin du rnal 'byor pa rnams kyi gzhan gyi sems shes pa yang don ji lta ba bzhin ma yin no// gzhan gyi sems rig pa zhes brjod pa ni rtogs so snyam pa'i dbang gis 'gyur ro// 'di ltar de dag gi rnal 'byor gyi dbang gis rang gi sems nyid gzhan gyi sems dang mtshungs pa'i rnam par gsal bar snang ba 'byung ste/ dper na de dag gi rnal 'byor gyi stobs kyis 'das pa dang ma 'ongs pa'i dngos po rnams gsal bar snang ba'i shes pa 'byung ba lta bu'o// de yang dag gzung ba'i cha la gzhan gyi sems su sems pa na gzhan gyi sems rig go zhes rtogs par byed do// pha rol gyi dpe ma grub par bsams te/ de yang ji ltar don ji lta ba bzhin du ma yin zhes dris so// gal te rang gi sems shes pa don ji lta ba bzhin ma yin par grub na ni de'i tshe dper bstan pa yang rigs na/ de nyid ma grub na ji lta ba bzhin ma yin/ bstan bcos byed pas gnyi ga yang don ji lta ba bzhin ma yin/

  460. 231a

    pa'i gtan tshigs su sangs rgyas kyi zhes bya ba la sogs pa smos so// de nyid dgrol ba'i phyir/ ji ltar de brjod du med pa'i bdag nyid du zhes bya ba la sogs pa smos so// rang gi sems de dang gzhan gyi sems de yang sangs rgyas bcom ldan 'das rnams kyis ji ltar brjod du med pa'i bdag nyid du zhes bya ba la sogs pa smos so// thugs su chud pa de bzhin du srog chags rnams kyis rang gi sems ma rig/ rnal 'byor pas kyang gzhan gyi sems ma rig go// de lta bas na rang gi sems shes pa dang gzhan gyi sems shes pa gnyi ga yang don ji lta ba bzhin du ma yin no// srog chags rnams dang / rnal 'byor pas rang dang gzhan gyi sems brjod du med pa'i bdag du ci'i phyir ma shes snyam pa la/ de'i phyir/ log par snang ba'i phyir ro zhes bya ba smos so// 'di ltar de dag gi sems de ni gzung ba dang 'dzin pa'i rnam pas log pa'o// de ltar yang dag pa'i don du na de dag gi sems de ni gzung ba dang 'dzin pa dang bral ba yin na/ gnyis su med pa'i ngo bo'i sems la gnyis kyi rnam pa ni log pa yin no// de'i phyir gzung ba'i chas bsgribs pas rang dang gzhan gyi ngo bo la srog chags rnams dang / rnal 'byor pas rang gi sems dang gzhan gyi sems brjod du med pa'i bdag tu ma rig ste/ de dag rang gi gzung ba'i cha nyid la rang dang gzhan gyi sems lta bur rig pa na rang dang gzhan gyi sems rig go zhes rtogs par byed kyi/ yang dag pa'i don du na rang dang gzhan kyi sems kyi bangog bral ni ma ga ga/ dpar nabum pa'i kha dag 'dra ba'i snam bu zhig gis bum pa gachags na skam bu ma mthong yang srag chags dag bum pa mthang ngasnyam du sems pade bzhin du

  461. 231b

    'dir yang de ltar blta'o// gal te srog chags rnams dang rnal 'byor pa dag gi sems kyi ngo bo gnyis su med pa yin na/ ci'i phyir gnyis kyi rnam par 'byung snyam pa la/ gzung ba dang 'dzin pa zhes bya ba la sngags pa smras so// 'di snyer de dag gzung ba dang 'dzin par mngon pa zhan pa ma spangs pa byung / ji srid du dam spangs pad srid du sems kyi ba gnyis su med du zin kyang gnyis kyi rnam par snang ngo // de'i phyirang de ltar rnam par rig pa tsam la rgol ba ngan pa'i lan btab bo// ci'i phyir rnam par rig btsam la cung zad tsam zhig bshad kye/ de rnam pa thams cad du ci'i phyir ma bshad snyam pa la rnam par rig pa nam gyi zhes bya ba la sogs pa smras so// gang gis rab tu byed rnam par nges pa mtha' gas pa dang / gang gting me dpag shing zab pa'i rnam par rig pa nam de'i rnam par rig pa com du 'grub pa gang men pade bdag gis rang gi nus pa dang mthun par byas kyi/ de'i rnam pa kun ni so so'i skye bo rnams kyis bsam par mi nus te/ 'di ltar de ni sangs rgyas bcom ldan 'das rnams kyi spyod yul kho na'o// bstan/ bcos byed pas tshigs su bcad pa tha ma'i byed rnam par dgrol ba'i phyir/ de'i rnam po kun nas bya ba la sogs pa smos so// de kho na ma mthong ba rtog pa'i dra ba ma dral ba bdag 'dri bas rnam par rig pa tsam de'i rnam pa thams cad bsam par mi nus so// ci'i phyir snyam pa la rtog ge'i yul ma yin pa'i phyir zhes bya ba smos so// 'di ltar don dam pa ni rtog pa'i yul ma yin no// bsam pa ni rtog ga'o// de bas na de bsam par mi nus so// rnam par rig pa tsam ni don dam pa yin na ji ltar rtog ge yul du 'gyur/ gal te de kho na ma mthong ba dag gis rnam pa thams cad bsam par mi nus na de rnam pa

  462. 232a

    thams cad du su'i spyod/ yul snyam pa la/ sangs rgyas spyod yul lo zhes bya ba smos so// de nyid dgrol ba'i phyir/ de ni na eny+tsas zhes bya ba la sogs/ spangs rgyas bcom ldan 'das rnams kyis de rnam pa thams cad du thugs su chud de/ de bas na de dag gi spyod yul lo// de ci'i phyir de dag gi sbed/ bsnyam pa la/ shes bya thamasad kyi rnam pa thams cad mkhyen pa thogs pa mi mnga' ba'i phyir ro zhes bya ba smos so// 'di ltar rnal 'byor pa'i gtsug gi nor bu sangs rgyas bcom ldan 'das rnamasakyis mkhyen pa ni shes bya thams cad kyi rnam pa thams cad la thogs pa mi mnga' ste/ 'di ltar lag mthil du sA ru ra bzhag pa bzhin du de de dag 'jig rten pa dang / 'jig rten las 'das pa'i dngos po thams cad mngon sum du mdzad do// de bas na de dag gang la yang thogs par gal 'gyur te/ 'di ltar shes bya la sgrib par byed pa'i thogs pa spangs pa'i phyir ro// nyi shu pa ni rnam bye ba na/ bdag gi dge ba khab dang // zla ba'i zer 'dra gang thob des// 'gro ba sangs rgyas grub par shog/ nus la bltos te bgyis pas na// mi shes dbang gis cung zad du// mi 'drar ba shad pa dag/ ya// mkhas pa rnams kyis bzod par mdzad// rab tu byed pa nyi shu pa'i 'grel bshad// sab dben dul ba'i lhas mdzad pa rdzogs so// // rgya gar gyi mkhan po dz+nyA na mitadang / dang / dAn shI la dang / zhwa chen gyi ban+de ye shes sdes bsgyur cing zhus ste gtan la phab pa// gcig zhus//