Text

ff. 1a–422a · 843 folio sides

  1. 1a

    slob dpon zla ba grags pas mdzad pa'i rigs pa drug cu ba'i 'grel pa bzhugs/

  2. 1b

    rgya gar skad du/ yuk+ti ShaSh+TI ka brit+ti/ bod skad du/ rigs pa drug cu pa'i 'grel pa/ 'jam dpal ye shes sems dpa' la phyag 'tshal lo/ /rgyal ba'i rigs pa'i lam gyi rjes 'gro ba/ /mdza' gnyis sel ba'i rigs pa drug cu pa/ /gang gis mdzad pa de la phyag 'tshal te/ /bdag gis dbu ma'i tshul gyis de rnams dbye/ /de slob dpon 'di ni rtan cing 'brel par 'byung ba ji ltar gnas pa bzhin du de kho na gzigs pas dgyes pa'i khyad par brnyes pa ste/ de rtogs pa

  3. 2a

    ni dad pa mchog gi gnas yin par mkhyen nas rten cing 'brel par 'byung ba mthong ba las 'jig rten dang 'jig rten las 'das pa'i dge ba'i tshogs ma lus par 'byung ba dang 'phags pa'i gang zag ma lus par 'byung ba dang/ sangs rgyas bcom ldan 'das ye shes sgrib pa med pa dang ldan pa rnams kyi rnam pa thams cad du de kho na mngon par rdzogs par byang chub pa yang? gzigs nas rten cing 'brel par 'byung ba rang bzhin gyis ma skyes pa'i phyir skye ba dang 'jig pa dang yod pa dang med pa'i mthar/ rtog pa'i dri mas

  4. 2b

    ma gos brten cing 'brel par 'byung ba ngo bo nyid kyis stong pa yin par che ba nyid kyi brjod nas rten cing 'brel bar 'byung ba 'chad par bzhed de/ de ston pa'i de bzhin gshegs pa rten cing 'brel par 'byung ba'i ngo bo nyid dang tha mi dad par gyur pa la gus pa skyes nas de la phyag 'tshal ba rtsom mo/ /gang dag skye dang 'jig pa dag /'di yi tshul gyis rab spangs pa/ /rten cing 'brel pa gsungs pa yi/ /thub dbang de la phyag 'tshal lo/ /zhes phyag 'tshal ba brtsa mo/ /ci'i phyir stong pa nyid bdun cu pa dang/ rtsod pa bzlog pa las slob dpon gyis bstod pa ma brjod la dbu ma 'di las brjod ce na/ smras pa/ stong pa nyid bdun cu pa dang rtsod pa bzlog pa gnyis dbu ma las 'phros pa ste/ rang gi rgyud gud na med pas logs shig tu bstod pa ma brjod de/ 'di ltar rtsod pa bzlog pa ni/ /dngos po rnams kyi rang

  5. 3a

    bzhin ni/ /rkyen la sogs pa med pa ste/ /rang gi dngos po yod min na/ /gzhan gyi dngos po yod re skan/ /rtsod pa bzlog pa ni de la brgal ba dang lan btab par gyur pa'i phyir de las 'phros pa yin par mngon no/ /ji ltar sgyu ma rmi lam bzhin/ /dri za'i grong khyer ci 'dra ba/ /de bzhin skye dang de bzhin gnas/ / de bzhin du ni 'jig par bshad/ /stong pa nyid bdun cu pa ni de la brgal ba dang lan btab par gyur pa'i phyir de las 'phros pa yin par mngon no/ /rig pa drug cu pa 'di ni dbu ma bzhin du 'dir yang gtso bor rten cing 'brel par 'byung ba dpyad pa las brtsams te byas pa'i phyir dbu ma las 'phros pa lta bu ni ma yin no/ /de la ngo bo nyid dang dbang phyug la sogs par smra ba ngo bo nyid dang dbang phyug dang rang bzhin dang skyes bu dang dus dang sred med kyi bu la sogs pa las 'gro ba rnams kyi skye ba dang 'jig pa la

  6. 3b

    sogs pa khas len pa dag thams cad btang bas mya ngan las 'das pa'i grong khyer du 'gro 'dod kyang bden pa gnyis phyin ci ma log par mthong ba las nyams pas phyir phyogs pa bzhin du 'khor ba rnams par chad pa'i mtshan nyid mya ngan las 'das pa'i grong khyer du yun ring mor yang 'gro mi nus so/ /rten cing 'brel par 'byung ba bstan pa rkyen nyid 'di pa tsam 'di ni bden pa gnyis phyin ci ma log par mthong ba'i rgyur gyur pa'i phyir 'phags pa'i skye bo thams cad gshegs shing rjes su gshegs pa drang po zla med pa/ 'dus byas thams cad yongs su spangs pa/ mya ngan las 'das pa'i grong khyer du gcig tu gzhol bar 'gyur ba'i lam chen po'o/ /de bas na de ston pas bsod nams dang ye shes kyi tshogs ma lus pa'i dbang phyug phun sum tshogs pa ston pa bla na med pa ni nyan thos dang rang sangs rgyas thub pa rnams kyi gtso bo yin pas thub pa'i dbang por dga' ba ma yin te/ rten cing 'brel bar 'byung ba ston par gyur pa nyid kyi phyir thub pa'i dbang po yin par rtogs nas/ rten cing 'brel 'byung gsung ba yi/ /thub dbang? de la phyag 'tshal lo/ /zhes bya ba smos so/ /rten cing 'brel par 'byung ba gsung ba ni thub pa'i dbang po ma yin pa mi 'byung ngo/ /rten cing 'brel par 'byung

  7. 4a

    bar gsung ba ni thub pa'i dbang por 'gyur ba'i phyir rgyu'o/ /thub pa'i dbang por gyur pa yang rten cing 'brel par 'byung ba gsung pa'i rgyu ste/ /gzhan rten cing 'brel bar 'byung ba 'chang nus pa med pa'i phyir ro/ /nyan thos dang rang sangs rgyas dang byang chub sems dpa' rnams kyang thub pa'i dbang pos bstan pa nyid kyi phyir de 'chad nus so/ / gal te gcig la gcig bltos pa'i phyir gnyi ga mi 'grub po zhe na/ smras pa/ 'di lta ste gcig la gcig bltos pa gzhan ngo bo nyid kyis mi skye mi 'gag ces bya ba gang yin pa de rten cing 'brel bar 'byung ba ste/ de nyid stong pa nyid du smra ba rnams 'dod do/ /rten cing 'brel bar 'byung ba gsung ba 'ba' zhig gi phyir de thub pa'i dbang por gyur ba ma yin gyi/ dngos po rnams gcig la gcig bltos pa'i grub pa'i tshul gsung pa na dngos po rnams kyi skye ba dang 'jig pa bkag pa'i phyir ro/ /gang gis zhes bya ba ni rgyu ste/ des kyang gnyis su med pa ston pa'i phyir ston pa bla na med pa thub pa'i dbang po mthong nas/ thub dbang de la phyag 'tshal lo/ /zhes bya ba smos so/ /

  8. 4b

    yang na thub pa'i dbang po gang gis rten cing 'brel par 'byung ba gsung ba na/ rten cing 'brel par 'byung ba'i tshul 'di nyid do/ /rim pa 'dis dngos po rnam kyi skye ba dang 'jig pa bkag pas thub dbang de la phyag tshal lo/ /yang na gang gis zhes bya ba ni rgyu kho na te/ gang gi phyir thub pa'i dbang po des dngos po rnams kyi rten cing 'brel par 'byung ba ston pa rang bzhin gyis dngos po rnams kyi skye ba dang 'jig pa bkag pas thub dbang de la phyag 'tshal lo/ /'jig rten rnams la shin tu phan? 'dogs pa'i phyir zhes bya ba'i tha tshig go/ yang na 'og nas 'byung ba thub pa'i dbang po'i gsung rab las brten te/ rang gi sems la bkod pa grub par mthong nas/ gang gis skye dang 'jig pa dag/ 'di yi tshul gyis rab? spangs? pa/ zhes bya ba smos te rten cing 'brel bar 'byung ba yi'o/ /de'i phyir thub dbang de la phyag 'tshal lo/ /zhes bya'o/ /'dir smras pa/ khyod kyi tshig gi lugs 'di ni/ sngon ma byung ba ste/ rten cing 'brel par 'byung ba smra ba ni skye ba dang 'gag pa med par ston pa mi rungs ste/ khyod kyi bu skyes so/ /zhes smra na khyod kyi bu ma skyes so/ /zhes smras pa ma yin bar 'gyur ba de bzhin du 'di yang mi rigs so/ /bshang pa gal te ma rig pa'i rab rib kyis blo gros kyi mig nyams pa dang sbyar te/ rten cing 'brel bar 'byung ba'i sgra la rang bzhin gyis mi skye ba dang mi 'gag pa'i tshig tu mi 'gyur bar brtan ni nyed? ci yang med kyi rtogs shig/ /byis pa ngo bo nyid du mngon par? zhen pa rnams ni gzugs brnyan la byis pa lta bur dngos po rnams kyi rang bzhin med pa nyid yod bzhin duAng rtogs par mi nus kyi/ mkhas pa rnams ni gzugs brnyan la mkhas pa lta bur dngos po rnam kyi ngo bo nyid med par gsal bar khong? du chung bar nus so/ /zhes bstan pa'i phyir/ gang blo yod dang med pa las/ /rnam par 'das shing mi gnas pa/ /de dag zab

  9. 5a

    mo dmigs med pa'i/ /rkyen gyi don la rnam par bsgom/ zhes bya ba smos so/ /gang dag 'das pa'i srid pa na stong pa nyid la goms pa de dag rten cing 'brel bar 'byung ba rtogs shing stong pa nyid mthong ba'i sa bon yod pa'i phyir mthu che ba yin te/ da ltar gyi dus na skyes pa'i goms pa mtshar po tshe med kyang skye bo byis ba'i blo'i spyod yul ma yin pa yod pa dang med pa'i mthar rtog pas rnyog pa'i dri mas ma sbags pa brten cing 'brel par 'byung ba zab mo 'phags pa shA ri'i bu la sogs pas khong du chud par dmigs te/ ji ltar 'jig rten las dang nyon mongs rgyur byas byed rgyu ldan 'byung ba/ /las dang nyon mongs pa dag ldog rgyu de yang 'dren pas rab tu gsungs/ /gang na skye dang rga dang rgung pa'i sdug bsngal des par mi gnas pa/ /thar pa mchog de smra ba'i khyu mchog de yis rang gi mkhyen de gsungs/ /tshigs su bcad pa de? 'phags pa shA ri'i bus thos pa tsam gyis de kho na rtogs shing 'byung ste/ de bas na de ltar de sngon goms pa'i mthu nyid kyis de dag gi blo yod pa dang med par mthong ba las 'das so/ /mdza' gnyis de las lhag pa'i dbus med pa'i phyir de la yang gnas pa med pas mi gnas so/ /skye bo byis pa rnams la 'jigs par byed pa dang/ de dag 'jug mi nus pa'i phyir zab pa'o/ /rang bzhin gyis mi skye bas yod pa dang med pa'i mdza' dang dbus yongs su brtag pa'i yul du dmigs par mi nus pa'i phyir dmigs su med do/ /'phags pa de dag kyang rkyen gyi don la rnam par sgom zhes bya ba ni ye shes kyis mngon sum du byed ces bya ba'i tha tshig go/ 'phags pa ma yin pa shin tu phyin ci log pa dag gis ni rten cing 'brel bar 'byung ba'i don de ltar rtogs par mi nus te/ rten cing 'brel bar 'byung ba'i sgra nyid kyis rang

  10. 5b

    bzhin gyis skye bar mngon par zhen pas stong pa nyid du smra ba la phyir rgol ba dang de bstan pa'i rigs pa btsal ba la brtson pa'i phyir 'dir smras pa rta? 'thad pa gang gis rten cing 'brel ba ji 'byung bar migs zhing? yod pa yang med par brtags? su? gang gi phyir 'phaT pa dag yod pa dang/ med par rtogs pa las 'das pa'i blos rten cing 'brel par 'byung ba zab? mo la rnam par sgom pa ji tsam du dngos po dmigs su yod pa dag med par mi rung ngo/ /gal te med du zin na de'i tshe bod bu'i rwa? bzhin du de yang dmigs par mi 'gyur ro/ /'jig rten pha rol nas 'di 'ong pa dang/ 'jig rten 'di nas 'jig rten pha rol tu 'gro bar bstan pa las dang 'bras bu 'brel bar 'byung ste 'khor ba'i rgyun mi 'chad par brtan pa'i phyir rten cing 'brel bar 'byung ba yan lag bcu gnyis tshe rabs gsum du bshad pa yang mi rung bar 'gyur ro/ /chos mngon pa las phung po dang skye mched dang/ khams rnams kyi rang dang spyi'i mtshan nyid bshad pa yang mi rung bar 'gyur ro/ /de dag thams cad ji ltar bshad pa bzhin du 'dug ste yod na rung bas de'i phyir rten cing 'brel par 'byung ba 'di yod pa'o/ /bshad pa gal te khyod kyi/ nyes pa thams cad 'byung ba'i gnas/ /med pa rnam par bzlog zin gyis/ /de dag dgag par sgrub pa'i kho bo'i nyon mongs pa yang khyod kyi bgag? pas ma khyod kyis grogs byas te? bsto? yang? bdag gis? rigs pa gang gis yod pa yang/ /bzlog par bya ba mnyan par gyis/ /rten cing 'brel par 'byung ba'i skabs yin pas cing 'brel par 'byung ba yin par shes par bya'o/ /yang shed pa can las dang 'bras bur 'bral pa la skur pa 'debs bas med par lta ba khas blangs pa gang yin pa de 'jig rten pa dang 'jig rten las 'das pa'i dge ba'i rtsa ba ma lus pa sun 'byin par gyur pas nyes pa thams cad 'byung ba'i rgyur gyur pa dang/ mi dge ba'i chos thams cad sogs? pa'i rgyur gyur ba'i phyir nyes pa thams cad kyi 'byung gnas te/

  11. 6a

    rten cing 'brel bar 'byung ba tshe rabs gsum pa dang/ sems cad thams cad kyi spyi'i las kyis bskyes pa snod kyi 'jig rten sna tshogs rnam par gzhog pa na de chos mngon pa las rnam par bzlog go/ de bas na de ltar pha rol dag la? gsal ba'i phyir de yang rig pa mi bshad do/ /yod pa bzlog pa ni dge slong dag 'di lta ste/ mi bslu ba'i chos can mya ngan las 'das pa 'di ni bden pa'i mchog gcig bu'o/ /'du byed thams cad snod kyi 'jig rten ni brdzun? pa bslu ba'i chos can no/ /kye ma 'du byed rnams mi rtag ces bya ba la sogs pa bshad pa na/ bcom ldan 'das kyis gsungs so/ /de lta mod kyi de phyir zhing btung de gzhung gcig tu ma gsungs la/ byis pa dag yun ring po nas yong par lta bas sams pas de'i phyir thub pa'i dbang po'i gsung rab de dang de dag las bshad pa'i gsung rab las btus te/ rab tu byed pa 'dir bsdus pa nyid kyis/ rig pa gang gis yod pa yang/ /bzlog par bya ba mnyan par gyis/ /rig pa de dag gang zhe na/ de bstan pa'i phyir/ ji ltar byis bas rnam brtags bzhin/ /dngos po de ste bden gyur na/ /de dag dngos med rnam thar du/ /gang phyir mi 'dod rgyu de ci/ zhes bya ba smos so/ /bcom ldan 'das kyis de don so so yang dag par rig pa dang/ /chos so so yang dag par rig pa las mchog tu dga' ba skye'o/ /rab tu dga' ba las bde ba skye'o/ /yid bde ba las lus shin tu sbyangs par 'gyur ro/ /lus shin tu spyangs ba las bde ba myong bar 'gyur ro/ /bde ba las sems rtse gcig tu 'gyur ro/ /sems rtse gcig ba las yang dag pa ji lta ba bzhin du rab tu shes rab 'gyur ro/ /yang dag pa ji lta ba bzhin du rab tu mthong bar 'gyur ro/ /yang dag pa ji lta ba bzhin rab tu shes/ yang dag pa ji lta ba bzhin rab tu mthod na

  12. 6b

    yid 'byung bar 'gyur ro/ /yid byung na mi chags par 'gyur ro/ /ma chags na rnam par grol bar 'gyur te/ de ltar na yang dag pa ji lta bzhin du rab tu mthong nas sems rnam par grol bar rnam par? zhag go/ gal te don dam ba ma rtogs pa dag gis sngon po la sogs pa'i don de dag yongs su gcod ba'i rang gi ngo bo gang yin pa ngo nyid kyis phyin ci ma log par gyur na ni de'i tshe de ji ltar snang ba'i dngos po'i ngo bo nyid kyi de kho na mthong ba'i phyir dgra bcom pa dag bzhin du de dag dngos po med pa phyis mi skye bas len pa med pa'i yongs su mya ngan las 'das pas thar bar 'gyur te/ ji ltar/ gang na lus kyang zhig pa dang/ 'du shes 'gags shing tshor bral ba/ /'du byed sbyor ba kun sun 'byin/ /rnam par shes pa nub gyur ba/ /zhes gsungs pa dang/ de bzhin du/ ma zhum pa yi lus kyis ni/ /tshon ba dang du len pa na/ /de yi sems kyi rnams bar thar/ /mya ngan 'das pa mar me bzhin/ /zhes 'byung ba lta bu'o/ /de ltar byis pa rnams kyang yang dag pa mthong ba'i phyir dgra bcom pa bzhin du de dag thams cad btang bas mya ngan las 'das par 'dod par gyis shig/ 'on te de dag dgra bcom bzhin du thams cad med bas rnam par grol bar mi 'dod na/ byis pa ma rig bas phyin ci logs dag gang la ji ltar rtog pa de bzhin du nges par mi 'gyur te/ de bas na da dag gi yod par lta ba ni de kho na mthong bar mi 'gyur ro/ /de'i phyir bcom ldan 'das kyis/ mig dang rna ba sna yang tshad ma yin/ /lca dang lus dang sems kyang chad ma yin/ /gal te dbang po 'di dag tshed yin na/ /'phags pa'i lam gyis su la ci zhig bya/ /'di ltar dbang po 'di dag tshad min te/ /ngo bo nyid kyis bem po lung ma bstan/ /de phyir mya ngan 'das pa'i lam 'dod gang/ /des ni

  13. 7a

    'phags pa'i lam gyis bya ba byos/ zhes gsungs so/ de skad du/ 'di dag 'du shes log pa brtags pa ste/ yang dag min la yang dag yod la med/ /ma byung ba dang ma skyes chos rnams la/ /yang dag nyid dang 'byung ba log par brtags/ /she'o/ de dag ji ltar yang dag par mthong ba ma yin zhe na/ yang de nyid las/ gang cho 'dus byas 'dus ma byas/ /yang dag yang dag ma yin dang/ /rab 'bring tha ma'i chos rnams la/ /rnam pa kun tu sbyod pa med/ / brtan pa bud med ces mi sbyod/ skyes ba zhes kyang mi rtog ste/ /chos so cog ni ma skyes phyir/ /btsal bar byas kyang ma mthong ngo/ /chos 'di thams cad med pa ste/ /skye ba med cing 'byung ba'ang med/ /rtag tu stong pa byed med gnas/ /'di ni mkhas pa'i sbyod yul yin/ zhes gsungs so/ /de star mthong ba ni/ de kho na mthong ba ste/ de yang byis pa rnams la med do/ /de'i phyir de kho na mthong ba ma yin pas de dag rnam par mi bzhag go/ gang gi phyir de ltar med bar lta ba de nyes pa thams cad kyi 'byung gnas yin te/ dan par 'gro ba'i 'bras bu dang mi bde ba myong ba'i 'bras bu yang yin pa ltar/ yod par lta ba yang skye bo byis pa rnams dang 'dris pa bde 'gro'i 'bras bu dang/ tshe rabs thams cad bde ba myong ba'i 'bras bu ste/ de lta bas na lta ba gnyis 'khor ba'i 'bras bu yin pas rig pa dang 'gal lo/ /yod pas rnam par mi grol te/ /med pas srid pa 'di las min/ /gang gi phyir mi gtsang bas mi gtsang ba bkru bar mi 'gyur ba de'i phyir 'khor ba'i ma gtsang ba 'byung bar 'gyur ba'i rgyu lta ba 'di gnyis kyis srid pa las 'da' ba' i mtshan nyid rnam par grol ba thob par mi nus so/ /gal te de ltar yod ba dang med bar lta ba ni phung bo khams dang skye mtshad las rnam par

  14. 7b

    gro la bar mi 'gyur na/ rnal 'byor bdag lta ba gang gis rnam par grol bar 'gyur zhe na/ dngos dang dngos med yongs shes pas/ /bdag nyid chen po rnam par grol/ /zhes bya ba smos pa yin te/ dngos po lam brten par dngos po med par? mi 'grub/ dngos po med ba lam brten par yang dngos por mi 'grub ste/ dngos po dang dngos po med pa gnyis rka rang gi ngo bor grub pa med par gnas so/ de gnyis dngos po med par yongs su shes pa dngos po dang dngos po med pa'i rang gi ngo bo la sogs yongs su mi rtogs pa'i rang bzhin gang yin pa de ni de ltar dngos po dang dngos po med pa phyin ci ma log par yongs shes pa ste/ de ltar yongs su shes pa des bdag nyid chen po rnams kyi rnam par grol ba rnam par bzhag go/ de'i phyir de dag skye bo byis pa rnams las shin tu 'das pa dmigs pa med pa'i ye shes la gnas pas de dag nyid che ba'i phyir bdag nyid chen po zhes bya ste/ 'phags pa zhes brjod do/ /dngos po dang dngos po med pa'i mtshan ma la rtog ba las byung ba'i 'dod chags la sogs pa khams gsum las mi 'da' ba' i rgyur gyur pas byis pa rnams ni 'ching ba ste/ des byis pa dag 'jug pa la rang dbang med par byas nas 'gro ba lngar 'khor ba na 'khor ro/ /dngos bo dang dngos po med pa mi dmigs pa ni de'i mtshan ma la rtogs pa med pa'i phyir phyis mi skye bas nges par 'dod chags la sogs pa'i rgyun chad do/ /de dag rgyun chad pas rnam par grol bar 'gyur bas nas/ 'di nyid rnam par grol ba'i thabs su rigs so/ /bdir smras ba/ dngos po dang dngos po med pa dag ni yod do/ /gal te de dag med du zin na de'i tshe khyod kyi 'khor ba dang mya ngan las 'das pa yang med par 'gyur ro/ /'khor ba ni nye par len ba'i phung po lnga'i rang

  15. 8a

    gi ngo bo yin pas dngos po'i ngo bo ste/ nye bar len pa'i phung po lnga po de dag nyid las dang nyon mongs bas 'phangs nas/ 'gro ba rnams su 'gro ba nas 'gro ba gzhan du 'gro ba'i phyir/ 'khor bzhes bya bas na de yang yod do/ / de yod bas na dngos po yod pa nyid do/ /mya ngan las 'das pa thar ba ni 'khor ba zad pa'i rang bzhin te/ sdug bsngal phyi na mi skye bas de ni dngos po med pa'o/ /de bas na 'khor ba med pa'i dngos po mya ngan las 'das pa yang srid de yod do/ /bshad pa/ gal te 'khor ba dang mya ngan las 'das pa de gnyis yod na ni dngos po dang dngos po med pa gnyis kyang yod par 'gyur ba zhig na/ de gnyis ni med do/ /'o na de gnyis yod do/ /zhes bcom ldan 'das kyis ma gsungs sam/ 'di ltar 'khor ba yongs su zad par bya ba dang mya ngan las 'das pa thob par bya ba'i phyir yang chos bstan to/ /gal te de dag med na de'i tshe sangs rgyas bcom ldan 'das rnams kyi chos bstan pa yang don med par 'gyur bzhig na don med pa ni ma yin no/ /de bas na 'khor ba dang mya ngan las 'das pa yod pas dngos po dang dngos po med pa gnyis kyang grub po/ /bshad pa 'khor ba dang mya ngan las 'das pa gnyis su la bshad/ smras pa 'phags pa rnams la'o/ /gal te 'phags pa rnams la ni/ gal te 'phags par gyur zin pa rnams la de bshad par sems na ni de dag bshad pa gang gis 'phags pa rnams su 'gyur/ de ltar na 'o na ni 'phags par 'gyur ba'i phyir de bstan to/ /gal te de ltar na de thos pa dang sems pa la sogs pa'i rim gyis 'phags par 'gyur bas 'di ni 'phags ba ma yin pa rnams kyi ched du gyur to/ /'phags pa ma yin pa de dag ni thog ma med pa can gyi 'khor ba na dngos bor lta ba la goms pas de'i gnyen por 'khor ba ldog pa'i mtshan nyid chos shin

  16. 8b

    tu bzang po mya ngan las 'das pa ma bstan na/ dngos por chags pa las bzlog par mi nus so/ /'jig rten ni bde ba rgya chen po dang ldan par 'dod pas de la de nye par bstan na bde pa las kyang bzlog par nus na/ rab tu sdug bsngal la sogs pa lta la smos kyang ci dgos te/ de bas na mya ngan las 'das pa de bstan te/ de skye bo byis pa rnams kyi ched du gyur pa nyid yin par bstan pa'i phyir/ yang dag ma mthong 'jig rten dang/ /mya ngan 'das par rlom sems te zhes smos so/ /de kho na ma mthong ba ni 'khor ba zhes brjod pa 'jig rten dang de ldog pa zhes brjod pa mya ngan las 'das pa 'di gnyis la mi mthun pa'i phyogs dang gnyen po'i dngos por gnas shing gcig ni blad? gcag ni dor par sems te de'i phyir te skya bo 'khor ba la rgyab kyis lta par gyur cing de ldog pa la mos pa skyes ba dag la rten cing 'brel bar 'byung ba bstan pas spang bar bya ba'i skye ba med pa bde bar rtogs par nus so/ /dngos po skye pa med par rtogs na dngos po med pa la ci zhig gi dngos po med pa mya ngan las 'das par brtag ces mya ngan las 'das pa la mngon par chags pa yang bde bar spong nus so/ /de ltar de kho na nyid mthod pa la zhugs nas 'phags par gyur pa de ni/ yang dag mthong bas 'jig rten dang/ /mya ngan las 'das par rlom sems med/ /'phags pa ngo bo nyid mi dmigs pa'i chos rtogs pas rab tu phye ba rnams ni de gnyi ga mi dmigs shing mi rtog go /zhes bya bar dgongs so/ /de bas na byis pa'i skye bo'i rtog pa'i dbang du 'khor ba dang mya ngan las 'das pa gnyis yod do/ /zhes bstan pas dngos po dang dngos po med pa gnyis yod do/ zhes gang smras pa de rigs pa ma yin no/ /gal te 'khor ba dang mya ngan las 'das pa gnyis 'phags pa la bstan pa ma yin

  17. 9a

    na/ 'phags pa'i bdon pa bzhi po de dag bstan pa de ji ltar rung bar 'gyur/ gal te 'di dag 'phags pa rnams la bden pa yin na ni de'i tshe 'phags pa'i bden pa rnams shes byar rung ngo/ /gal te de dag 'phags pa ma yin pa dang spyar na ni de'i tshe 'phags pa'i bden pa zhes byar mi rung ngo/ /gal te de lta na 'phags pa'i tha snyad brgyad kyang? ji ltar rung bar 'gyur/ de dag ni 'phags pa nyid kyi ma yin gyi/ tha snyad de dag zag pa dang bcas pas 'jig rtan gyi yin no/ /de pas na 'jig rten gyi dngos po la yang gang ji ltar gnas pa bzhin du rang gi ngo bo las mi bsgyur bar rnam par bzhag pa de yang 'phags pa zhes brjod du rung ngo/ /yang na 'phags par 'gyur ba'i bden pa rnams ni 'phag pa'i bden pa rnams so/ /yang na 'phags pas bsten pa'i bden pa rnams ni 'phags pa'i bden pa rnams so/ /gang la dmigs pa yong ba yang dmigs pa de ni rnam pa gnyis te/ de la phyin ci log dang phyin ci ma log pa'o/ /de la phyin ci log ni bde ba la sogs par 'jin? pa ste/ kun rdzob tu yang de'i bdag nyid du dngos po rnam par mi gnas pa'i phyir ro/ /phyin ci ma log pa ni sdug bsngal ba la sogs pa ste/ dngos po kun rdzob tu de'i bdag nyid du yod pa'i phyir ro/ /de tsam zhig dang spyar nas 'phags pa'i tha snyad cas bya ba bzhin du/ 'phags pa'i bden pa rnams zhes bya'o/ /ci mya ngan las 'das pa yang kun rdzob kyi bden pa yin nam/ de de bzhin te/ 'khor bar yongs su rtog pa yod na mya ngan las 'das par yongs su rtog ste/ de gnyi ga yang 'jig rten gyi tha snyad yin pa'i phyir ro/ /de bas na bcom ldan 'das ma las gsungs ba/ de dang ldan pa rab 'byor mya ngan las 'das pa yang sgyu ma lta bu rmi lam lta bu'o/ /zhes smra 'am/ shA ri'i bu gal te mya ngan las 'das pa bas

  18. 9b

    ches lhag pa'i chos shig yod na yang sgyu ma lta bu'o/ /zhes kho bo smra'o/ /zhes 'byung ngo/ /gal te 'khor bar rtog pa la bltos pa ma yin na de sgyu ma lta bur mi 'gyur ro/ /de bas na mya ngan las 'das pa yang kun rdzob kyi bden par yongs su brtags pa yin no/ /gal te de ltar na mya ngan las 'das pa don dam pa'i bden pa'o/ /zhes ji skad du bshed/ de'i bdag nyid du 'jig rten la mi bslu ba'i phyir 'jig rten bya? tha snyad kyis don dam pa'i bden pa zhes bshad do?/ /bslu ba 'dus bya gang yin pa de ni don dam pa'i bden pa ma yin no/ /bden pa gsum ni 'dus byas kyi mtshan nyid de ngo bo nyid yod par snang bas byis pa rnams la bslu ba'i phyir kun rdzob kyi bden par rnam par bzhag go/ 'o na bcom ldan 'das kyis dge slong dag 'di lta ste/ mi slu ba'i chos can mya ngan las 'das pa 'di ni bden pa'i mchog gcig bu'o/ /zhes gsungs pa de ji lta bu/ ji ltar 'dus byas log par snang bas byis pa rnams la bslu pa de bzhin du mya ngan las 'das pa ni de lta ma yin te/ rtag par skye ba med pa'i rang gi ngo bor gnas pa'i phyir de ni byis pa rnams la 'dus byas ltar skye ba'i ngo bor nam yang mi snang ngo/ /de bas na mya ngan las 'das ba ni rtag tu mya ngan las 'das pa nyid du gnas pas 'jig ten kyi tha snyad kyis don dam pa'i bden pa zhes bshad do/ /'phags pa don dam pa gzigs pa la gnas pa rnams ni 'khor ba 'am mya ngan las 'das pa mi dmigs te de'i phyir yang dag pa mthong ba 'jig rten dang mya ngan las 'das par ?? sems med ces bya ba grub po/ /ci'i phyir 'phags ba don dam pa gzigs pa la gnas pa dag 'khor ba 'ang den dam pa dmigs bar mi 'gyur zhe na/ 'di ltar/ srid pa dang ni mya ngan 'das/ /de gnyis yod pa ma yin no/ /srid pa ni nye bar len pa'i phung po lnga rnams te/ de dag kyang rten cing 'brel bar 'byung ba'i phyir gzugs brnyan bzhin

  19. 10a

    du ngo bo nyid kyis med pa'o/ /de dag med na de'i dngos po med pa yang shin tu med pa'i phyir de gnyis yod pa ma yin no/ /zhes bshad do/ /med pa mthong pa ni de kho na mthong ba ma yin te rab rib can la sogs bas kyang de kho na mthong bar thal bar 'gyur ba'i phyir ro/ /'phags pa rnams ni de kho na gzigs pa yin te/ med pa'i rang gi ngo bo gzigs pas mi 'os so/ /gal te mya ngan las 'das pa ci yang med pa zhig yin na/ 'phags pa rnams mya ngan las 'das pa thob bo/ /zhes pa rnams par bzhag pa de ji lta bu zhe na/ srid pa yongs su shes pa ni/ /mya ngan 'das zhes brjod pa yin/ /zhes bya ba smas so/ /srid pa de nyid kyi ngo bo nyid skye ba med pa yongs su mi shes ba'i tshul gyis yongs su shes pa gang yin pa de nyid mtshan ma thams cad rab tu zhi ba'i ngo bo yin pas tha snyad kyi bden pa dang spyar nas mya ngan las 'das pa zhes bya ba rang gi ngo bor grub ba ni gang yang med par shes par bya'o/ /ji ltar mi rtag pa nyid dngos po med pa'i ngo bo rang bzhin gyis yongs su grub ba med pa de dngos po la ma bltos par ngo bo nyid kyis yongs su grub par rnam par bzhag mi nus pa de bzhin du mkhas ba yang sgyu ma byas pa lta bu'i dngos po lam bltos par mya ngan las 'das pa zhes bya ba rang bzhin gyis grub pa gang yang yongs su brtag par mi nus so/ /zhes bstan pa'i phyir/ dngos po skyes pa jig? pa la/ /ji ltar 'gog pa rtag ba bzhin/ /de bzhin skyu ma bus ba ltar/ /mkhas pa dag gis 'gogs par dgongs/ /zhes bya ba smos so/ /ji ltar dngos po skyes pa'i mi rtag pa nyid de med par gyur pas rnam par bzhag pas rang gi ngo bor grub ba me do/ /yod pa zhig yin na ni dngos po la mi bltos par rang gi ngo bo mthong bar 'gyur ro/ /de bzhin du 'phags pa yang 'gog pa

  20. 10b

    zhes bya ba rang gi ngo bor grub pa gang yang mi dmigs te/ shes rab kyis rnam par dbyang na/ sgyu ma byas pa'i glang po che ltar ngo bo nyid med pa rang bzhin gyis ma skyes pa gang yin pa de mya ngan las 'das pa'o/ /de yang sgyu ma byas pa lta bu zhes bya bde nyid la brtan nas mya ngan las 'das par rnam bar bzhog pa na/ 'jig rten gyi tha snyad kyis mi rtag pa nyid rnam par 'jog go/ des na 'khor ba dang mya ngan las 'das pa zhes bya ba ngo po nyid med par grub po// /de ltar na dngos po'i ngo bo nyid yongs su shes nas mi dmigs pa gang yin ba de nyid mya ngan las 'das bar gdon mi za bar shes par bya'o/ de bzhin dun/ rnam bar 'jig pas 'gog 'gyur gyis/ /'dus byas shes bas ma yin na/ /de ni su la gmngon sum 'gyur/ /zhig ches pa de ji lta bu/ /gal te sgyu ma byas pa bzhin du chos thams cad mi dmigs ba'i dus na skye ba med pa gang yin pa de mya ngan las 'das pa ma yin gyi/ gzugs la sogs pa'i rang gi ngo bo'i mtshan nyid dngos po'i rang bzhin rgyu rkyen las dang nyon mongs pa dang mi ldan pas phyis mi skye ba gang yin pa de mya ngan las 'das pa snyam ru sems na ni gal te de ltar gyur na dngos po'i rang gi ngo bo'i mtshan nyid zhig nas rgyun chad ba'i tshul gyis mya ngan las 'das par gyur te/ 'dus byas yongs su shes pas ni ma yin par 'gyur ro/ /gal te 'di nyid 'dod pa yin pas na nyas pa med do zhe na yang 'di 'thad ba ma yin te/ 'di ltar de kho na mthong bas 'gog pa mngon su du bya dgos pa de lta bu de ni phung po ma 'gag pa'i tshe ni med ba/ 'gags nas ni su yang med na 'gog pa de su la mngon sum du 'gyur/ phung po'i rgyun yod pa'i dus na ni de kho na mthong ba'i dus gang zag 'phags pa shA ri'i bu la sogs pa yod pas 'gogs pa de mngon sum

  21. 11a

    zhes bya ba de rigs so/ /gal te de'i tshe des ci mthong na de'i tshe ci zhig de la mngon sum du 'gyur/ bshad pa/ ma mthong du zin kyang rnam par shes pas de'i rnam par rig pas mngon sum du zhes gdags so/ /gzhan dag gis kyang yul rang gi mtshan nyid kyi rnam pa dang mthun pas sngon po la sogs par snang ba'i rnam par shes pa gzhan yang mngon sum du bsten to/ /'di la yang de dang mthun pa yod pas de mngon sum zhes bya ba de 'gal pa med do/ /sdug bsngal 'gog pa mngon sum du 'gyur zhes bya bar dngos po'i rang gi mtshan nyid ni mngon sum gyi yul yin par khas blangs pas dngos po med pa ni mngon sum gyi shes pas rig par yang mi rung ste/ sdug bsngal 'gog pa ni mngon sum du mi 'dod na 'gog pa shes pas 'gog pa'i bden pa ji ltar mngon sum du bye/ sdug bsngal mi skye ba tsam yang dngos po'i ngo bor mi rung ngo/ /gang sdug bsngal mi skye ba tsam 'gog pa yin par mi 'dod pa des kyang sdug bsngal mi skye ba tsam las don gzhan du gyur pa'i 'gog pa rang gi ngo bor grub pa bstan par mi nus so/ /'gog pa shes pa zag pa med pa ni mngon sum du 'dod na/ de yang de ltar gyur pas de ni mngon sum du mi 'gyur ro/ /gal te 'gog pa shes pa mngon sum du gyur na ni de'i tshe nges yongs su bcad pa'i 'gog pa yang 'grags pas mngon sum nyid du khyod kyi gzhung ltar na ko bum pa shes ba mngon sum du mi 'dod na sngon po la sogs pa ltar bum pa mngon sum du mi rung ba de bzhin du 'gog pa yang mi 'gyur ro/ /rnal 'byor pa rnams kyi bla mas bstan pa las skyes pa rnam par rtog pa dang ma 'dres pa gcig tu yul sgro btags pa med pa don tsam mthong ba gang yin pa de yang 'gog pa la mi srid do/ /rang gi mtshan nyid dngos por yong pa gang yin pa de nyid spyi'i mtshan nyid kyis goms

  22. 11b

    bar byas na ni rim gyis bsgoms pa las byung ba'i ye shes skye zhes grag ste/ rnam par mi rtog pa'i ye shes de'i bzung ba'i dngos po gang yin pa de yang sgro btags pa med pa'i ngo bo nyid yin pas na rang gi mtshan nyid kho na 'o/ /'di ltar mi rtag pa nyid khong du chung na thog ma dang tha ma'i phyogs kyis stong pa dngos po tsam khong du chud do/ /de bas na de yang yul gyi rang gi mtshan nyid yin pas sngon po la sogs pa tsam la dmigs pa'i rnam par shes pa bzhin du mngon sum nyid do zhe na/ 'on kyang dpyod na rang dang spyi'i mtshan nyid tha dad par khas blangs pas spyi'i mtshan nyid kyi rnam pa la sgom pa'i sbyor ba grub pa'i ngo bo'i yul rang gi mtshan nyid du mi 'thad de/ ha cang thal bar 'gyur ba'i phyir de'i tshig de 'brel pa med do/ /de ltar yin gyis kyang 'gog pa la ni sdug bsngal ldog pa'i ngo bo'i dngos po'i bag tsam yang med pas 'gog pa shes pa'i mngon sum du gal 'gyur te/ de lta bas na gsung rab las sdug bsngal mi skye bar shes pa ni mngon sum mo/ /zhes 'byung bas skye ba med pa'i ngo bo de la shes pas skyes par byed mi srid de/ gdon mi za bar skye ba med pa'i tshul du byed par 'gyur ro/ /de ltar na gal te dmigs pa bzhin du shes pa yang skye ba med pa'i ngo bo yin na ni shes pa de dmigs pa ji lta ba bzhin bas zhugs par rung ngo/ /'jig rten na yang rnam pa de lta bus mngon sum zhes brjod do/ /'di ltar 'gron po zhig gis rang gi mdun logs na yul chu rab tu dang ba chen pos gang ba 'dra ba zhig rgyang ring po nas mthong ba dang/ de brgal bar 'dod la nyams kyis mi nus shing skrag pas yul de nas 'ongs pa'i zhing

  23. 12a

    pa zhig la chu 'di ci tsam zhes smras pa dang/ des de la 'di na chu ga la yong chu 'dra ba 'di ni smig rgyu'o/ /de ste nga'i tshig la yid mi ches na der song la ltos shig dang nga'i tshig de mngon sum du 'gyur ro/ /zhes smras pa na/ de chu med par bstan pas rang gi tshig kyang 'gron po la mngon sum du 'gyur ro/ /zhes smras pa de bzhin du med pa dang mi dmigs pa yang 'jig rten mngon sum zhes tha snyad 'dogs te de'i phyir 'jig rten gyi kun rdzob kyi bden pas mi dmigs pa'i shes pa la mngon sum zhes bya ba 'gal ba med do/ /shes pa byed par gyur pa gang gis dngos po gang gi don ji lta ba bzhin du yongs su gcod pa de de'i mngon sum zhes bya ba na lung de rig pa yin no/ /de la phung po'i rgyun chad pa'i ngo bo la ni gang yang med na 'gog pa de su la mngon sum du 'gyur ro/ /gang skye ba zad do tshangs par sbyong ba bsnyen to/ /bya ba byas so/ /'di las srid pa gzhan mi shes so/ /zhes bya ba 'di la skye ba zad pa'i shes pa gang yin pa de yang mi rung ste/ dngos po 'ga' zhig skye ba med na dngos po zad? do zhig go /yang mi skye'o/ zhes bya bar yang 'gyur na/ ji srid du de'i rgyu dang rkyen gyis 'phags pa'i phung po'i rgyun 'byung ba de srid du de la skye ba yod pas na de zad par khong du chud bar mi nus so/ /'di las srid ba gzhan mi shes so/ /zhes bya ba'i tshig las grangs te/ gal te ma 'ongs pa'i skye ba ma mthong bas de skad ces bya'o zhe na/ yang de lta yin du zin na de'i dus na de'i gal te phung po ma 'gags na/ nyon mongs zad kyang 'das mi 'gyur/ /mdo las ni phung bo 'gags na mya ngan las 'das

  24. 12b

    pa zhes gsungs te/ sdug bsngal 'di ma lus par spangs pa rab tu btang ba byang bar gyur pa zad pa 'dod chags dang bral ba 'gog pa nye bar zhi ba nub pa sdug bsngal gzhan gyi mtshams mi sbyor zhing phyis mi skye ba gang yin pa de nyid zhi ba de nyid gya nom pa ste/ 'di lta ste phung po thams cad rab tu btang ba bsrid pa zad pa 'dod chags dang bral ba 'gog pa mya ngan las 'das pa'o zhes 'byung ba yin te/ de la mdo sde las sdug bsngal 'di zhes bya ba'i chig gis ni da ltar nyid kyi sdug bsngal gyi dbang du byas te/ ma lus par spangs pa nas nub par gyur pa'i bar du gsungs so/ /ma 'ongs pa'i sdug bsngal gyi dbang du byas te/ sdug bsngal gzhan gyi mtshams mi sbyor zhes bya ba nas mya ngan las 'das pa zhes bya ba'i bar du bstan to/ /de bas na 'dir yang skyo ba zad do/ /zhes bya ba'i tshig ni da ltar nyid kyi mi skye bar bstan pa'o/ /'di las srid pa gzhan mi shes so/ /zhes bya ba'i tshig ni ma 'ongs pa'i sdug bsngal dang sbyar bar nges so/ /da ltar gyi dus na yang de'i phung po de dgag pa med na ni de mya ngan las 'das pa yang mi 'thad do/ /gal te sdug bsngal gyi ngo bo nyid skye ba med pa mthong ba de'i tshen skye ba de mi dmigs pas sdug bsngal zad pa nyid du 'gyur na/ gzhan de dag ni de ltar mi 'dod pas de'i tshe mya ngan las 'das par mi 'gyur ro/ /ci ste bcom ldan 'das kyis mya ngan las 'das pa ni gnyis su gsungs te phung po'i lhag ma dang bcas pa dang/ phung po'i lhag ma med pa yin te de'i phung po'i lhag ma dang bcas pa ni phung po tsam du zad do/ /nyon mongs pa'i bcings pa las grol ba yin/ phung po lhag ma med pa ni phung po'i gyun? chad pa'i mchan nyid yin pas phung po dang

  25. 13a

    bcas pa'i mya ngan las 'das pa la 'dod chags la sogs pa'i bcing ba spangs kyang mya ngan las 'das par mi 'dod do snyam du sems na ni 'o na mdo sde las rjes bzlas zhes bya ba'i mdo sde 'di ni/ shA ri'i bu yis mya ngan 'das/ /mngong sum byas nas bshad pa yin zhes 'byung ba ji ltar bshad/ de ni nyon mongs pa med pa mngon sum du bya ba'i dbang du byas nas gsungs par nges kyi phung po dang bral ba ni ma yin no/ /zhes bya ba yang gal te de lta yin du zin na gang sdug bsngal 'di ma lus par spangs shing rab tu btang zhes bya ba la sogs pa 'di dag bshad par mi 'gyur gyi/ gal te nyon mongs pa de dag ma lus par spangs pa nas nub par gyur zhes bya ba'i bar du de skad gsungs pa'i rigs so/ /sdug bsngal zhes smos pa ni nye bar len pa'i phung po lnga rnams bsdus par mngon te/ 'dir sdug bsngal dang kun 'byung ba dang/ 'jig rten zhes bya ba la sogs pa ni nye bar len pa'i phung po lnga rnams kyi rnam bra su zhag pa'i/ gal te de skad byung du zin kyang spyir smos pa'i sgra phyogs gcig la bya ba'ang yod de/ 'di ltar nyon mongs pa rnams nyid las sdug bsngal zhes bya'o/ /zhes zer na yang spyi'i don dang sbyar du rung ba med na ni de de ltar 'gyur ba zhig na nam nye bar len pa'i phung po lnga rnams kyi ngo bo nyid skye ba med par mthong ba srid pa de na spyi'i sgra phyogs gcig la 'jug ces byar mi rung ngo/ /de ste yang phung po la mngon par zhen pa mi gtong la don 'di khas mi len na de ltar na yang de'i nyon mongs pa skye ba med pa'i mtshan nyid kyang mya ngan las 'das par mi 'gyur ro/ /gal te de'i tshe sdug bsngal skye ba med pa'i ngo bo mya ngan las 'das par mi 'dod na de'i tshe 'dod chags la sogs pa'i bcing pa bcad pas nyon mongs pa med par gyur kyang de'i tshe

  26. 13b

    'jig tshogs la lta ba la sogs pa'i rgyu yod par dmigs pa dang/ de la dmigs pas 'dod chags la sogs pa skyed pa'i phyir nges rnam bar grol ba gang yin pa de yang grob par mi 'gyur te/ de bas na de'i dus na grol ba mkhas blang du mi rung ngo phung po rnams/ gang tshe de yid 'gag pa/ nga yi tshe na grol bar 'gyur/ /zhes byar mi rung ngo/ /phung po dmigs pas rgyu de las byung ba nyon mongs pa rgyun mi 'chad pa'i phyir de'i phung po rnams 'gag pa de yang mi srid da?/ /nyon mongs pa rnams kyang yod la rgyu de las byung ba'i las kyis 'phangs pa yang yod na/ rgyu nyon mongs pa dang las las byung ba'i skye ba'i rgyun mthar thug pa med bar 'gyur ba'i phyir de'i phung po rnams par chad pa'i mtshan nyid thar pa mi srid do/ /de bas na skye ba zad do/ / zhes bya ba ma 'ongs pa'i phung po dang sbyar ba'i shes pa de yang mi srid pas zhig ces pa de ji lta bu zhes bya ba smos so/ /de'i phyir de ltar ji skad smras pa rigs pas ngo ba nyid yod par smra ba la rnam par grol ba ye mi srid par bstan nas stong pa nyid du smra ba la rnam par grol ba srid par bstan pa'i phyir/ ma rig rkyen gyis byung ba la/ /yang dag shes pas rnam brtags na/ /skye ba dang ni 'gag pa'ang rung/ /gang yang dmigs par mi 'gyur ro/ /zhes bya ba smos so/ /ma rig pa'i rkyen gyis byung zhes bya ba la ma rig pa ni 'du byed dang rnam par shes pa la sogs pa'i don gyi mngon sum dang gcig nas gcig tu brgyud pa'i rkyen to/ /ma rig pa'i rkyen las byung ba 'du byed la sogs pa'i don gal te rang gi mtshan nyid du grub par gyur na de rang gi mtshan nyid du grub pa'i phyir ma rig pa la mi bltos so/ /rang gi mtshan nyid du grub pa bum pa la sogs pa ni rang gi ngo bo la sgrib pa yun pa med na shin tu gsal bar dmigs so/ /rkyen gyi bye phrag dang ldan pas rab rib can gyis yongs su brtags

  27. 14a

    pa skra la sogs pa'i dngos por shes pa ni ji ltar ji ltar rang gi ngo bo med par 'gyur te/ rnam par byang ba'i mig can dag la ni snang bar mi 'gyur ro/ /de ltar rnam par brtags pa'i mtshan nyid du grub pa ni skra yang dag pa la sogs pa bzhin du yod por bzhag mi nus so/ /de bzhin du 'du byed la sogs pa 'di dag kyang gal te rang gi mtshan nyid du grub par gyur na de'i tshe bden pa'i don gtan la phab pha las skyes pa 'phags pa yang dag pa'i ye shes can rnams kyis kyang rang gi mtshan nyid gzhig tu ma rung ba gzigs pas bum pa la sogs pa snang ba dang bcas pa bzhin du dmigs shing yul du 'gyur ba'i rigs na ma rig pa 'gags pas 'du byed 'gag go zhes bya ba'i tshig gis de ltar yang mi 'gyur ro/ /de'i phyir yang dag pa'i ye shes shar ba na rab rib can gyis dmigs pa'i skra la sogs pa 'di dag ltar rang gi mtshan nyid mi snang bas rang gi mtshan nyid yod par bzhag mi nus so/ /nam zhig 'di ltar ma rig pa'i rkyen las byung ba 'du byed la sogs pa la rang rig med pa can rnams ltar yang dag pa'i ye shes kyis brtags na de rab rib can gyis dmigs pa'i skra la sogs pa bzhin du yang dag pa'i ye shes kyi dus na 'du byed la sogs pa'i skye ba 'am 'gag pa gang yang nges par mi dmigs so/ /rten cing 'brel bar 'byung ba gang yin pa 'di yi skye ba dang 'gag pa mi dmigs pa'i ye shes kyi dus na/ mthong ba'i chos la mya ngan 'das/ /bya ba byas pa'ang de nyid do/ /cho 'di nyid la rnal 'byor ba de'i chos thams cad mi dmigs pa'i ye shes kyi dus gang yin pa de nyid mthong ba'i chos la mya ngan 'das ba'o/ /bya ba byas pa nyid mthong ba'i chos la kho na bya ba byas pa nyid ces bya'o/ /skye ba dang 'gag pa mi dmigs pa'i ye shes kyi dus gang yin pa de nyid mthong ba'i chos la mya

  28. 14b

    ngan las 'das pa'o/ /bya ba byas pa zhes bya bar shes par bya ste/ lung dag las dge slong mthong ba'i chos la mya ngan las 'das pa zhes gsungs pa dang 'phags pa shA ri'i bus mya ngan las 'das pa mngon sum du byas te/ mdo 'di bshad do/ /zhes 'byung ba de nyid de'i mthong ba'i chos la mya ngan las 'das pa yin par blta'o/ /skye ba zad do/ /tshangs par spyod pa bsnyen to/ /bya ba byas so/ /'di las srid pa gzhan mi shes so/ /zhes gang gsungs pa de yang bya ba byas pa 'di nyid yin par rig par bya ste/ de ni rten cing 'brel bar 'byung ba'i skye ba med pa dang 'gag pa med pa'o/ /ci ste zhes pa 'di rten cing 'brel par 'byung ba'i skye ba dang 'gag pa mi dmigs pa'i mtshan nyid de kho na ber te/ dmigs pa'i dngos po rang gi mtshan nyid kyi ngo bo zhig/ yod par yongs su rtog na dngos po rnams ni phan tshun tha dad pa'i rang gi ngo bo yin pas de nges par des bye brag tu yongs su bcad dgos par 'gyur te/ ngo bo gzhan yongs su shes pas dngos po'i ngo bo gzhan yongs su bcad par mi nus so/ /sngon po'i ngo bo shes pas ser po yongs su gcod mi nus pa de bzhin du 'di la yang/ chos shes de yi 'og tu ni/ 'di la bye brag dbye yong na/ /shin tu phra ba'i dngos la yang/ /gang gis skye bar rnam brtags ba/ /rnam par mi mkhas de yis ni/ /rkyen las byung ba'i don ma mthong/ /de la chos shes bya ba'i sgra ni mya ngan las 'das pa la bya'o/ /de yang rten cing 'brel par 'byung ba'i ngo bo nyid las gzhan ma yin te/ mdo sde las kyang sus rten cing 'brel par 'byung ba mthong ba des chos mthong ngo/ /zhes ji skad 'byung ba yin no/ /rten cing 'brel par 'byung ba de dang mya ngan las 'das ba tha mi dang pa'i rang bzhin du gyur par yongs su gcod pa'i shes pa gang yin pa de chos shes pa'o/ /chos shes pas rten cing

  29. 15a

    'brel bar 'byung ba'i don khong du chud par bya ste/ de yang bstan bcos las/ gang dang gang dag rten 'byung ba/ /de dag ngo bo nyid kyis zhi/ /de lta bas na skye ba dang/ /skyes ba nyid ni zhi pa'o/ /zhes 'byung ba yin no/ / 'di la skyes par gyur pa dang skye ba ngo bo nyid kyis skye ba med pa gang yin pa de rten cing 'brel par 'byung ba'i don du gsungs so/ /sdug bsngal yang rten cing 'brel par 'byung ba yin pas rang bzhin gyis ma skyes pa'o/ /gang gi ngo bo nyid kyis skye ba med pa de nyid mya ngan las 'das pa ste/ gnyi ga yang ma skyes pa'i phyir ro/ /'di ltar yang/ 'khor ba las ni mya ngan 'das/ /bye brag dbye bcung zad med/ /mya ngan 'das las 'khor ba yang/ /bye brag dbye ba ci yang med/ /mya ngan 'das kyi mdza' 'di ni/ /'khor ba'i mdza' yang de yin te/ /de gnyis la ni cung zad kyang/ /bye brag shin tu phra ba'ang med/ /ces bya ba bstan pa yin no/ /mdza' zhes bya ba'i sgra ni mchog tu 'byung ba'o/ /mchog tu byung ba zhes bya ba ni phul du phyin pa zhes bya ste/ byis pa'i skye bo rnams kyi sbyod yul du ma gyur ba'i mdza' i rang bzhin ni gnyi ga yang ma skyes pa'i phyir ngo bo nyid kyis skye ba med pas 'khor ba dang mya ngan las 'das pa gnyis gcig go/ de bas na mya ngan las 'das pa dang khyad par med pa'i phyir rten cing 'brel par 'byung ba la yang chos shes bya ste/ de mthong bas mya ngan las 'das pa yang mthong bas na sus rten cing 'brel par 'byung ba mthong ba des chos mthong ngo/ /chos kyi ngo bo nyid dang sangs rgyas bcom ldan 'das tha mi dad pa na de mthong bas sangs rgyas mthong ba yin no/ /de ltar na t+ten cing 'brel par 'byung ba'i skye ba med pa dang 'gag pa med pa la dmigs

  30. 15b

    pa'i chos shes pas rten bden pa gsum rten cing 'brel par 'byung ba ngo bo nyid kyis ma skyes la/ mya ngan las 'das pa yang de'i ngo bo nyid yin par mthong bas mngon par rtogs pa gcig tu zad do/ /de la rten cing 'brel par 'byung ba la dmigs pa'i chos shes pa sdug bsngal gyi skye ba med pa dang 'gag pa med pa yongs su gcod pa gang yin pa'i bdag nyid de sdug bsngal yongs su shes so/ /las dang nyon mongs pa'i skye ba dang 'gag pa med pa yongs su gcod pa gang yin pa de ni kun 'byung ba shes pa'o/ /rten cing 'brel par 'byung ba'i skye ba med pa dang 'gag pa med pa yongs su gcod pa gang yin pa 'di ni 'gog pa shes pa'o/ /lam gyi bden pa yang rten cing 'brel par 'byung ba yin pas ngo bo nyid kyis skye ba med pa dang 'gag pa med pa yongs su gcod pa gang yin pa de ni lam shes pa'o/ /de ltar na chos shes pas skad cig gcig la rten cing 'brel par 'byung ba mthong bas sngon ma mthong ba'i lta bar bya ba gzhan mi srid do/ / gal te de ltar na mthong ba'i lam skad cig ma bco lngar ji ltar gzhag /sde pa kha cig ni mthong ba'i lam skad cig ma bco lngar mi 'dod kyi/ mngon par rtogs pa gcig tu zad par 'dod do/ /de dag gi 'dod pa dang bshad pa 'di mi 'gal lo/ /gang dag skad cig ma bco lngar 'dod pa de dag gi ltar na/ yang de lta bus gdul ba'i üskye bo la de bstan pas phan gdags pa'i phyir shes pa ngo bo gcig las char phye ste/ cha bco lngar rnam par bzhag go/ gal te de ltar na lam sgom pa rnam pa bcu drug pa de ci lta bur thar pa 'dod pa rnams lam rnam pa gzhan dag gis de kho na shes pa la 'jug pa goms par bya ba'i phyi

  31. 16a

    'di yang yongs su brtags nas rnam par bzhag pa nyid de/ de kho na ni ngo bo gcig pur zad do/ /ci ste khyad par du dbye ba'i rnam pa dngos po gzhan shes pa gzhan gyi gzung ba zhig yod na ni de'i tshe rnam pa yongs su ma bcad pa yongs su bcad dgos par 'gyur te/ chos shes pa de'i 'og tu bye brag tu yongs su gcad par bya ba bye brag dbye ba zhig yod na ni de'i dmigs pa gzhan du brtags pas des de'i ngo bo bye brag tu yongs su bcad dgos pas mi mkhas pa sus dngos po shin tu phra ba la rang gi ngo bor skye bar rnam par brtaD pas kyang rten cing 'brel par 'byung ba'i don ngo bo nyid kyis skye ba med cing ro gcig pa'i don mi shes pa yin na rag pa sa la sogs pa lta ci smos/ ji ltar rten cing 'brel par 'byung ba'i don de mtshan nyid gcig tu mthong ste/ rim gyis goms par byas nas ma rig pa ma lus par 'gags te/ rten cing 'brel par 'byung ba'i ngo bo nyid la dmigs pa'i shes pa la gnas pa ni mthong ba'i chos la mya ngan las 'das pa dang bya ba byas pa zhes bya bar rnam par bzhag ste gzhan du ma yin no/ /ci ste khyod kyi gzhung ltar na/ /nyon mongs zad pa'i dge slong gi/ /'khor ba gal te rnam zlog na/ /rdzogs pa'i sangs rgyas rnams kyis kyang/ /ci phyir de yi rtsom mi bshad/ /gal te ye shes kyis nyon mongs pa bzlog na las ldog ste/ rgyu dang rkyen du mi ldan pa'i phyir thog ma med pa nas 'khor bar 'jug pa dang skye ba dang 'chi ba gcig nas gcig tu brgyud pa rang gi mtshan nyid kyis grub pa'i ngo bo gzugs la sogs pa'i rgyun ldog na de lta na ni de rtsom pa rdzogs pa'i sangs rgyas rnams kyis mi gsungs pa ni gtan tshigs 'di lta bu zhig gis bcom ldan 'das kyis rtsom pa ma gsungs so/ /zhes 'di la khyod kyi phung po'i rgyun de'i rtsom pa tha ma bzhin du brjod dgos par 'gyur ro/ /mi mkhyen te ma gsungs sam

  32. 16b

    gzhan zhig gi phyir ma gsungs zhes bya/ 'di la bcom ldan 'das ni thams cad mkhyen pa khas len pa'i phyir mi mkhyen ni mi srid do/ /gzhan zhig gi phyir ma gsungs zhes byar ni de yang mi rigs so/ /zo chun brgyud mo'i 'khrul 'khor ltar thogs ma ming pa'i phyir ma gsungs zhes byar ni gal te de ltar na zo chun brgyud mo'i 'khrul 'khor ltar thog ma med pa de bzhin du de'i tha ma yang med par 'gyur te/ 'khor lo la sogs pa'i dpe la yang de skad ces brjod par bya'o/ /zad par 'gyur ro/ /zhes bshad pas tha ma yod bskad bya na ni de'i phyir sangs rgyas bcom ldan 'das la mi mkhyen pa yod par 'gyur te/ mi mkhyen mi srid pas rtsom pa yang bstan dgos so/ /ma bstan na yang rigs pa 'di dang sbyar na med du mi rung ste de bas na/ rtsom pa yod na nges par yang/ /lta bar gyur pa yongs su 'dzin/ /rtsom pa yod par brtags na ni 'khor ba thog ma can du 'gyur ro/ /thog ma yod pa can du gyur na ni rgyu med par smra ba khas blangs pas log par lta ba nyid du 'gyur ro/ /rten cing 'brel par 'byung ba smra ba la ni nyes pa 'di med do/ /su dngos po rnams rten cing 'brel par 'byung ba'i 'dod pa de ni de dag ngo bo nyid kyis ma skyes par 'dod pas de dag gi thog ma'am tha ma med pas yongs su brtag pra mi nus par bstan pa'i phyir/ rten cing 'bral par gang 'byung ba/ /de la sngon dang tha ma ci/ /zhes bya ba smos te gdon mi za bar 'di nyid khas blangs dgos so/ /gzhan du na ni 'khor ba thog ma can du 'gyur bar yang ma zad de/ /ngo bo nyid kyis skyes pa ni gzhan du 'gyur mi srid pas rtag pa kho nar 'gyur bar bstan pa'i phyir/ sngon skyes pa ni ji lta bur/ /phyi nas rab tu ldog par 'gyur/ /zhes bya ba smos so/ /ngo bo nyid mi 'gyur bas rtag go /zhes bya ba'i thi tshig go /dngos po skye ba de'i rang bzhin med pa las 'byung ba khas len na ni rtsom pa yod na nges par yang/ /lta bar gyur

  33. 17a

    pa yongs su 'dzin/ /med pa las dngos po rnams skye na ni rgyu med pa kho na las skye bar 'gyur ro/ /de bas na rgyu med par lta ba de yang de bzhin du yod la de yang 'brel na ni chang bar lta ba'i skyon du yang 'gyur ro/ /nam zhig 'di la/ rten cing 'brel par gang 'byung ba/ /de la sngon dang tha ma ci/ /ngo bo nyid kyis ma skyes pa'i phyir te/ 'di ltar rten cing 'brel bar 'byung bas 'di ni ngo bo nyid kyis ma skyes pa'o/ /des na the tshom med par/ sngon dang phyi ma'i mdza' spangs pas/ /'gro ba sgyu ma bzhin du snang/ /ji ltar sgyu ma mkhan gyis sgyu ma sgrub pa'i sngags kyi sbyor ba la glang po che dang rta dang mi la sogs pa byung ba rnams ngo bo nyid kyis ma skyes na glang po che la sogs par snang ste/ de dag la glang po che yang dag pa la soT pa ltar sngon dang tha ma'i rtog pa mi 'byung ba de bzhin du glang po che yang dag pa la sogs par 'dod pa rnams kyang rten cing 'brel par 'byung bas sngon dang phyi ma'i mthar btag pa mi rigs te de ltar na/ sngon dang phyi ma'i mdza' spangs pa/ 'gro ba sgyu ma bzhin du snang/ /skyes nas skad cig kyang mi sdod par 'gro bas 'gro ba'o/ /bslu ba'i bdag nyid pas sgyu ma ste/ de'i ngo bo nyid la rmongs pa rnams la log par snang bas bslu ba yin no/ /de'i bslu ba nyid bstan pa'i phyir/ /gang tshe sgyu ma byung zhe 'am/ /gang gi tshe na 'jig 'gyur zhes/ /sgyu ma shes pa der mi rmongs/ /sgyu ma mi shes yongs su skom/ /zhes bya ba smos so/ /ji ltar sgyu ma mkhan gyi sngags kyi rkyen las byung ba'i bung med na chung sgyu thabs rnams legs par bslabs pa lta bu dbyibs dang spyod lam shin tu mdzes pa tshul shin du mdzes shing gzhog steg la mkhas pa phun sum tshogs pa yid 'phrog pa dag ni de'i ngo bo nyid la mi mkhas pa 'dod pa la zhen pa rnams la na

  34. 17b

    chung yang dag pa bzhin du mchog tu dga' ba'i gnas su 'gyur te/ de la ji ltar mi mkhas pa dag rnam par rtog pa ltar rang bzhin med de de'i ngo bo nyid la mkhas ma byas? mkhan ni sgyu ma yang dag pha ma yin par snang ba khong du chud pas de ltar yang rmongs pa'i sems mi 'byung ngo/ /de bzhin du 'dir yang sgyu ma mkhan lta bu'i rnal 'byor pa mkhas pa rnams kyis/ srid pa smig rgyu sgyu 'dra bar/ /blo yis mthong bar gyur na ni/ sngon gyi mdza' 'am phyi pa'i mdza' / lta bas yongs su bslad mi 'gyur/ /rnal 'byor pas srid pa 'dus byas ma lus pa sgyu ma dang smig rgyu ba lta bur blo yang dag pa'i bsam pa so sor rang gi shes rab kyi mthong na dom pa'i ngo bo nyid du gang yang mi dmigs pas dngos po'i rang bzhin gang yin pa de la sngon gyi mdza' 'am/ phyi ma'i mthar yongs su bslad par mi 'gyur te/ blo phyin ci log par mi 'gyur ro/ /de bas na 'phags pa'i skye bor thams cad gshegs shing rjes su ... gshegs pa ngo bo nyid med pa'i lam 'di bor ba dag ni sgyu ma'i bud med la mi mkhas pa dag bzhin du/ gang dag gis ni 'dus byas la/ skye dang 'gag par rnam brtags pa/ /de dag rten 'byung 'khor lo yi/ /'gro ba shin tu mi shes so/ /rang gi mtshan nyid skye rang gi mtshan nyid 'gag go /zhes de ltar gang dag rang gi mtshan nyid skye zhing 'gag pa'i tshul gyis 'dus byas kyi skye bo dang 'gag pa yongs su brtags pa dag gis ni rten cing 'brel par 'byung ba'i 'khor lo la thog ma dang dbus dang tha ma dang bral ba mgal me bskor ba lta bu'i 'gro ba 'jig bzhin du mi shes ste/ 'dus byas rang bzhin yod pa skye zhing 'jig mi srid pa la skye ba dang 'jig pa rtog pas do dag gis rten cing 'drel par 'byung ba'i 'khor lo khong du chud ces bya'o/ /rang gi mtshan nyid du skye bar khas blangs na ci'i phyir rten cing 'brel par 'byung ba'i don khong du chud pa ma yin zhes zer ba de la/ de dang de brten gang 'byung ba/ rang bzhin du ni den skyes/ rang bzhin du ni

  35. 18a

    gang ma skyes/ /de ni skye zhes ji skad bya/ /zhes bya ba smos so/ /de dang de brten zhes bya ba ni de dang de la bltos zhes bya ba'i tha tshig go /de dang de zhes bya ba spyir bsgrub? pa thams cad bsdu ba'i spyi'i tshig 'dis nang gi ma rig pa la sogs pa dang phyi'i rlung gi dkyil 'khor la sogs pa ma lus pa dag 'du byed la sogs pa dang/ chu'i dkyil 'khor la sogs pa skye ba la rgyu'i dngos por gnas par gyur te/ rgyu de dang de la brten nas gang skye ba de gang skye ba de gal te rang gi ngo bor grub pa zhig yin na ni de yod par gyur pas grub pa'i ngo bo'i dus bzhin du skye ba'i rgyu la mi bltos par 'gyur ro/ /ci ste skye ba de sngon rang gi ngo bor med na ni skyes pa de yang gzugs brnyan bzhin du ngo bo nyid kyis yod pa ma yin par mngon pas/ de dang de brten gang byung ba/ /rang bzhin du ni de ma skyes/ /zhes bya ba smos so/ /ci skye ba ngo bo nyid kyis med kyang bla ste tha snyad du gzugs skyes so/ /tshor ba skyes so/ /zhes bya bas skye ba yod do snyam du sems na ni kye ma lam log par song du gdon mi za'o/ /mkhas pas ni gzo po lta bu'i blos rnam par dpyad pa'i rigs pa snyam rang bzhin du ni gang ma skyes/ /de ni skyes zhes ji skad bya/ /sa'i rang gi mtshan nyid ni sra ba ste/ gal te de rang gi mtshan nyid du ma skyes par sems na de gsher ba'i mtshan nyid du skyes so/ /zhes brtag tu ni mi rung na/ de gzhan gang ci zhig tu skye bar brtag /de bas na bdag dang gzhan las skye mi srid pas skye pa med par grub bo /de ltar rten cing 'brel par 'byung ba la skye ba mi srid pa ci bstan na/ da ni 'gag pa mi srid par bstan par bzhed nas/ rgyu zad pa yi zhi ba ni/ /zad ces bya bar mngon pa ste/ /rang bzhin du ni gang ma zad/ /de la zad ces ji skad brjod/ /ces bya ba smos so/ /skyes pa'i dngos po skye ba yod na 'jig la dngos po'i gnas pa yang rkyen gyi kha na las te gnas pa'i rkyen med na 'jig par 'gyur bas de lta na 'jig rten na rgyu zad nas zhig gang mya ngan las 'das pa gang yin pa de nying

  36. 18b

    zhi ba zhes bya bar dmigs te/ gang yang gnas pa'i rkyen med na zad par 'gyur ba de gnas pa'i rkyen med pa la rag las pas rang gi ngo bor grub pa med par khong du chud nas/ rang bzhin gyis ni gang ma zad/ /de la zad ces ji skad brjod/ /ces bya ba smos so/ /gal te rang bzhin gyis zad ba zhig yod na ni de rkyen la bltos par mi 'gyur te/ de rgyu yongs su zad pa las ma yin par 'gyur ro/ /de'i phyir las dang nyon mongs pa'i dngos po med par ma gyur kyang mya ngan las 'das par 'gyur te/ de bas na 'bod? mi dgro par thang par 'gyur ro/ /mar dang ras yongs su ma zad par mar me 'chi bar 'gyur ba'i rigs na de yang de lta ma yin pas rang gi ngo bor grub pa'i 'gag pa med do/ /ci ste mar dang ras yongs su zad pa ni mar me'i 'chi ba'i rgyu ma yin te/ ji ltar zhen/ mar dang ras lhan cig tu 'gags la mar me'i skad cig ma tha ma de'i rigs kyi mar me skad cig na ma 'ongs pa'i lhan cig byed pa'i rgyu med pas skye ba'i yan lag gi dngos por ma gyur pa ma 'gags so/ /ma 'ongs pa yang skye ba'i rkyen med pas ma skyes te/ de lta bas na ma 'ongs pa'i rkyen med pas 'di la skye ba med ces bya'o snyam du sems na yang de ltar ma 'ongs pa'i rkyen med pa mi skye ba'i rgyur 'gyur na ni gal te rkyen med par ma gyur na gdon mi za bar skye bar 'gyur ro/ /de ltar na mi skye ba yang rgyu nyid du khas blangs pa yin no de ltar khas len na rgyu zad nas zhi ba gang yin pa de zad pa zhes bya bar khas blangs pa yin no/ /gang dag dngos po rnams kyi 'gag pa rgyu med pa yin par 'dzin pa de dag gi 'gag pa de dngos la brten par mi 'gyur te/ nam mkha' i me tog la soT pa bzhin du rgyu med pa'i phyir ro/ /gal te dngos po med pa'i phyir rdza ma la sogs pa yang rten cing 'brel par 'byung ba ma yin na de dag kyang dngos po la brten pas de bas na de dag gcig tu nges pa med do/ zhen yang 'jig rten na rgyu dang bcas pa grags pas de dag ltar ma yin no/ /yang na de dag kyang 'gag pa bzhin du dngos po la brten pa med pa'i skyon du 'gyur ro/ /gal te med pa la rgyu zhes ji skad du bya zhe na/ yod pa la yang rgyu zhes ji skad du bya/ sa bon?

  37. 19a

    yod pa'i dus nyid na myu gu'i rgyu'i dngos por ni shes par mi rung ste/ med par 'gyur ba'i tshe rgyur 'gyur ro/ /dper na med par 'gyur ba'i rnam par shes pa nyid rnam par shes pa gzhan gyi de ma thag pa'i rkyen du khas blang ba lta bu ste/ rnam par shes pa de yod pa'i dus na rnam par shes pa gzhan gyi rgyu yin no/ /zhes ni brjod par mi nus so/ /rnam par shes pa gnyis cig car du mi 'byung ba'i phyir ro/ /yod pa dang med pa gnyis kyi gnas pa ma rtogs pa'i rnam par shes pa gzhan na mi srid do/ /la la rgyu 'gags ma thag pa ni 'bras bu skye ba'i rkyen yin no/ /zhes bya ba mi rigs so zer ba yang yod/ /de bas na med pa yang rgyur srid pas med pa rgyur mi rung ngo/ /zhes bya bar mi rigs so/ /gal te rigs pas rnam par dpyad na rgyur mi srid do/ /zhe na yang de ni de lta ma yin te/ 'jig rten gyi dngos po rnams ni rnam par brtag cing khas blang bar mi bya ste/ 'jig rten ji lta ba bzhin du'o/ /'jig rten na yang med pa la rgyu zhes bya ba yod de/ 'di ltar chu med pas 'gru ma rung bar gyur to/ /zan med pas de'i bu shi'o/ /zhes de skad du chu dang zan med pas 'bru dang bu ma rungs par byas so/ /zhes zer ro/ /'jig rten pa'i tha snyad thams cad la 'thad pa med pas/ 'jig rten na grags pa'i don rnams kyang 'jig rten na grags pas rnam par bzhag par bya ste/ 'thad pas ni ma yin no/ /chu la sogs pa med pa ni 'jig pa'i rgyu zhes bya ba yod de/ de bas na rgyu zad pa'i zhi ba ni zad ces bya bar mngon pa ste zhes bya ba grub bo/ /rgyu zad pa nyid nye bar bzung nas zad pa zhes bya bar rnam par bzhag ste/ zad pa de ni rgyu zad pa'i snga rol gyi gnas na mi srid la zad nas yod pas rang gis grub pa'i ngo bo nyid med do/ /gang rang bzhin gyis ma zad te rgyu la mi bltos par ngo bo nyid kyis zad pa yang ma yin pa de dag gzhan gyi ngo bo gang gis zad ces bya bar rnam par bzhag /zad pa ma yin pa'i ngo bo'i chos ni zad pa'i ngo bo nyid dang mi mthun pas zad pa'i ngo bor rnam par bzhag par mi nus so/ /

  38. 19b

    gang gi phyir de ltar skye ba dang 'gag pa 'di rang gi dngos pos kyang srid pa ma yin la/ gzhan gyi dngos pos kyang ma yin pa de'i phyir rnal 'byor pas rten cing 'brel par 'byung ba ji lta ba bzhin du mthong ste 'thad pas rnam par dpyad na/ de ltar gang yang skye ba med/ /gang yang 'gag par mi 'gyur ro// //bam po gnyis pa'o/ /gal te de ltar skye ba dang 'jig pa gnyis mi srid na bcom ldan 'das kyis/ kye ma 'du byed rtag mod/ /skye zhing 'jig pa'i chos can yin/ /skyes nas 'gag par 'gyur ba ste/ / de dag nye bar zhi ba bde/ /zhes de skad gsungs pa ji lta bu/ gal te skye ba dang 'jig pa gnyis med du zin na de'i tshe skye ba dang 'jig pa'i lam mya ngan las 'das par 'gro ba'i man ngag bstan par mi 'gyur ba zhig na/ bstan pas de bas na skye ba dang 'jig pa gnyis yod do/ /zhe na yang bcom ldan 'das kyis de skad gsungs mod kyi de gnyis rang gi ngo bor grub pa la bltos nas gsungs pa ni ma yin no/ /de med kyang 'jig rten 'di rten cing 'brel par 'byung bas sbyor ba mdzad de/ skye bdad ni 'jig pa'i lam/ /dgos pa'i don du bstan pa'o/ /de bstan pa'i sgo nas dgos pa 'ga' zhig sgrub dgos pas bcom ldan 'das kyis skye ba dang 'jig pa'i lam bstan to/ /skye ba dang 'jig pa'i lam gyis bstan pa'i dgos pa gang zhe na/ de bstan pa'i phyir skye ba shes pas 'jig pa shes/ /'jig pa shes pas mi rtag shes/ /mi rtag nyed la 'jug shes pas/ /des ni chos kyang rtogs par 'gyur/ zhes bya ba smos so/ /'du byed rnams la chags pa ni mya ngan las 'das pa'i grong khyer du 'gro ba'i lam bsgribs shing 'dug pas bcom ldan 'das kyis de'i gnyen por re zhig skye ba dang 'jig pa'i lam bshad do/ /ji ltar zhe na/ 'di ltar skye ba shes pas 'jig pa shes zhes bya ba ste/ skye ba ni 'jig pa'i rtsa bar gyur ba'i phyir ro/ /'jig pa shes pa la 'jig pa dang mi rtag pa gnyis don gcig tu

  39. 20a

    khong du chung pa'o/ /sa gsum gyi mi rtag pa nyid kyi me rab tu 'bar ba'i nang na 'dug pa khyim rab tu 'bar bar chud pa bzhin du gdon mi za bar de las 'da' bar 'dod na rten cing 'brel par 'byung ba'i chos nyid nges par 'byin pa gyur pa ma skyes pa ma 'gags pa khong du chud na nges mchog tu zab pa mya ngan las 'das pa zhes bya ba'i chos khong du chud do/ /de'i phyir de ltar blo mchog dang ldan pa rim gyis skye ba dang 'jig pa'i rjes su 'brang nas/ gang dag rten cing 'brel par 'byung/ /skye dang 'jig pa rnams spangs pa/ shes par? gyur pa de dag ni/ /lta gyur srid pa'i rgya mtsho brgal/ /skye ba med pas dngos por lta ba med 'jig pa med pas chad par lta ba med do/ /skye ba dang 'jig pa med na rang gi mtshan nyid med par rtag par lta ba mi 'byung ngo/ /de ltar rten cing 'brel par 'byung ba'i skye ba dang 'jig pa mi dmigs na lta bar gyur ba'i srid pa'i rgya mtsho las brgal ba yin no/ /lta bar gyur pa nyid srid pa'i rgya mtsho'o/ /lta ba'i chu bo nyid lta bar gyur pa'i srid pa'i rgya mtsho yin no/ /stong pa nyid la brtson pa dag ni stong pa nyid mthong ba'i gru chen pos gdon mi za bar de las brgal bar 'gyur ro/ /gang dag stong pa nyid du lta bas 'jig pa de dag ni rten cing 'brel par 'byung ba skye ba dang 'jig pa'i mdza' gnyis su ltung ba dang bral bar khong du chud par mi nus te de dag gdon mi za bar/ so so'i skye bo dngos bdag can/ /yod dang med par phyin ci log /nyes pas nyon mongs dbang gyur pa/ /rang gi sems kyis bslus par 'gyur/ /las ji lta ba dang nyon mongs pa ji lta ba bzhin du so sor skye bas so so'i skye bo'o/ /gang dngos po rnams la bdag nyid du gnas par 'dzin pa de dag dngos bdag can nam/ dngos po la bdag tu 'dzin pa gang yin pa de dag dngos bdag can te/ bdag tu 'dzin pas de la dmigs pa'i phyir ro/ /yang na ni dngos po la mngon par zhen pas dngos bdag can te/ de dag dngos po

  40. 20b

    dngos po med pa la phyin ci log pa'i nyes pa rang gis yongs su rtog pas bskyed pas nyon mongs pa rnams kyi dbang du 'gyur ro/ /de dag dngos po yid du 'ong ba'i gnas su gyur pa la ni rjes su chags par 'gyur/ de med pa la ni khong khro bar 'gyur ro/ /zhes bya ba la sogs pa dang sbyar ro/ nyon mongs pa'i dbang du gyur pas 'jug ste/ gang dge ba dang mi dge ba'i las nye bar len pa yod na 'khor ba na 'khor bas de ltar so so'i skye bo dngos po la mngon par zhen pa rnams rang gi sems kyis bslus so/ /dngos po la mngon par zhen pa rang gi sems kyis yongs su brtags pa dang/ dngos po'i rang gi ngo bo rang bzhin gyis grub pa med pa'i phyir dngos po rnams kyi de bzhin nyid mthong ba bsgribs te phyin ci log tu sgro bdags pas rang sems kyis bslus te bring ces bya ba'i tha tshig go /su dag dge ba'i bshes gnyen gyis stong pa nyid bstan pa la g.yang sa lta bur mi sems shing/ 'di ni chos rnams kyi don dam pa 'di ni mya ngan las 'das pa'i grong khyer du 'gro ba yin par shes pa bslu ba'i sems la bslu ba nyid du yang dag par rtogs nas skad cig tsam yang yid mi rton pa de dag ni nges par 'phags par gyur par blta ste/ dngos la mkhas pa rnams kyis ni/ /dngos po mi rtag bslu ba'i chos/ /gsog dang stong pa bdag med pa/ /rnam par dben par rab tu mthong/ /byung bas dngos po zhes bya ste/ /dngos po zhes bya ba'i sgra ni 'dus byas la bya'o/ /dngos po de yang skad cig re re la 'jig pa'i dang can yin pas mi rtag pa'o/ /dngos po'i rang bzhin ngo bo nyid med pa yin na gang gis phyir byis pa rnams la ngo bo nyid yod par snang ba de'i phyir sgyu ma la sogs pa bzhin du bslu bas na dngos po de nyid bslu ba'i chos so/ /ring du gnas pa'i mthu med la rang bzhin gyis nyam chung bas bsog go /ngo bo nyid med pa'i phyir stong pa'o/ /bdag gis stong pa'i phyir bdag med pa ste/ mi rtag pa la sogs pas dngos po'i rang gang gi ngo bo bsnyad do/ /de bas na dngos po 'di de ltar mthong bas mkhas pa de dag gis dben par

  41. 21a

    mthong ngo/ /dben zhes bya ba ni stong ba'o/ /de ltar na dben pa dang mthun pa'i phyir skye ba med pa'i dgon pa rnams la dben pa zhes bya ste/ de bzhin du 'dir yang? rnal 'byor bas dngos po dben par mthong zhes bya ba ni ltong par mthong ba'i bar la bya'o/ /de bas dngos? po nyid skur te dben par mthong ba ni mthong ba ma yin gyi/ dngos po stong par gyur pa la stong bar mthong ngo/ /stong pa nyid bstan pa'i phyir mi rtag pa la soT pa bye brag rnams smos so/ /yang na dben pa ni dri ma med pa yin na 'di ltar so so'i skye bo rnams phyin ci log tu gyur pa rang bzhin gyis yongs su dag pa'i dngos po yang rang gi rtog pa'i dri mas spags pa'i phyir phyin ci log tu khong du chud kyi/ 'phags pa rnams ni de lta ma yin te/ de dag ni med pa la sgro mi 'dogs par dben par dri ma med pa nyid du gzigs so/ /yang na 'phags pa rnams de kho na'i ye shes las bzhengs nas dngos po la gzigs na dben par gzigs so/ /zhes bya ba'i tha chig go/ 'phags pa mdzad pa mthar phyin pa nyi tshes 'di ltar gzigs par yang ma zan de/ slob dpon yang rang gi shes pa la brten nas/ rig pa dang bcas pa'i chos nyid rab tu rtogs pas chos nyid la gces par 'dzin pa yang dag par skyes te/ rang gis rigs pa ston pa na/ gnas med dmigs pa yod ma yin/ /rtsa ba med cing gnas pa med/ /ma rig rgyu la shin tu byung/ /thog ma dbus mdza' rnam par spangs/ /chu shing bzhin du snying po med/ / dri za'i drod khyer 'dra ba ste/ /rmongs pa'i grong khyer mi zad pa/ /'gro ba skyu ma bzhin du snang/ /zhes bya ba smos so/ /'di la brten pas gnas pa ste/ /lo tog rnams kyi rgyur gyur pa/ /sa gzhi gzhin du gzhi byed pa'o/ /'di'i gnas med pas gnas med pa'o/ /brten par bya bas dmigs pa ste/ /ldang mi nus pa rnams ldang bar byed pa'i 'khar ba bzhin no/ /'di'i dmigs pa yod pa ma yin no/ /rtsa ba ni rgyu'i gtso bo ste/ de yang de las 'byung ba rnams kyi skye ba dang/ 'das pa dang 'phel ba'i rkyu ste/ dper na shing rnams kyi rtsa ba lta bu'o/ /

  42. 21b

    gnas pa yod pa ma yin pas gnas pa med pa'o/ /gnas dang dmigs pa dang skye ba'i rgyu dang gnas pa med pa 'dis 'gro ba ma grub pa nyid du brjod do/ /de dag ni dngos po rnams 'grub pa'i rgyu yin na de dag kyang 'gro ba la med pas de'i phyir 'gro ba ni 'og pa'o/ /de la gnas ni skye? mtshang drug go/ dmigs pa ni chos thams cad de mthun du sbyar ro/ /rtsa ba ni sa bon gyi chos? kyi tshul? gyis rgyu'i rkyen to/ /'dis gnas par byed pas gnas pa sto?/ des ste? pa gnas pa'i phyir ro/ /de dag thams cad ni rten cing? 'brel bar 'byung bas ngo bo nyid med de/ de dang de brten gang byung ba/ /rang gi dngos por de ma skyes/ /zhes gong du bstan pa yin no/ /de'i phyir gnas la sogs pa dang bral ba'i 'gro ba ni yod par mi rung ngo/ /gal te de ltar 'gro ba med na ji ltar de'i rang gi ngo bo rnam pa sna tshogs su dmigs 'phags pa rnams ni 'gro ba rnam pa sna tshogs su mi dmigs te/ de dag la 'gro ba stong pa nyid du ro gcig pas stong pa nyid la rnam pa sna tshogs yod? pa ma yin no/ /de bas na byis pa ma rig pa'i gnyis kyis log pa phyin ci log tu gyur pa dag ni ma sad de rmi lam smi ba bzhin du sna tshogs su dmigs bar bstan pa'i phyir ma rig rgyu las shin tu byung zhes bya ba smos te/ ngo bo nyid kyis grub pa med pa dang/ ma rig pa yod pas 'gro ba ngo bo nyid kyis ma grub ste/ ma rig pa'i sa bon gyi rgyu las gyur bar nges so/ /ji ltar ngo bo nyid kyis grub pa med pa de ltar bstan pa'i phyir/ thog ma dbus mdza' rnam par spangs/ zhes bya ba stan te skye ba dang gnas pa dang 'jig pa dang dal ba zhes bya ba'i tha tshig ngo/ 'di'i phyir yang ma rig pa'i sa bon las byung ba ste/ 'di ltar chu shing bzhin du snying po med pa'o/ /gal te ma rig pa'i sa bon las byung ba ma yin na/ de'i tshe brtags na snying po dmigs par 'gyur ba'i rigs ni 'dus byas ni brtags na chu shing gi phung po bzhin du snying po med do/ /gang snying po med kyang snying po can du snang ba de gti mug gi mthu las

  43. 22a

    byung ba ste/ de ltar na 'gro ba ni ma rig pa'i sa bon las byung ba'o/ /'di'i phyir yang ma rig pa'i sa bon las byung ba ste /'di ltar dri za'i grong khyer lta bu yin pa'i phyir te/ 'di ltar dri za'i grong khyer yang dag pa bzhin du snang yang brtags na de bzhin ma yin pas grongs khyer yang dag pa ma yin no/ /gang gi phyir de ltar brtags na ma rig pa'i sa bon gyi rgyu las byung ba'i 'gro ba ngo bo nyid kyis ma grub pa de'i phyir 'di ni nges par rmongs pa'i grong khyer mi bzad pa/ 'gro ba sgyu ma bzhin du snang gnad par byed pa bzlog par dka' ba dang/ mun pas bsgribs pas rang gi ngo bo rtogs par dka' ba'i phyir/ 'gro ba mi bzad? pa zhes bya ste/ ma rung ba dang dbugs 'byin pa med pa'i gnas dang 'jigs par byed ces bya ba'i tha tshig go/ de'i phyir 'di ni phyin ci ma log pa rnam kyis sgyu ma bzhin du gzigs so/ /byis pa rnams kyi rmongs pa'i grong khyer gang yin pa de ni 'phags pa rnams kyis sgyu ma bzhin du gzigs te/ ma rig pa'i mun pa dang bral ba'i phyir ro/ /'di'i phyir yang 'di ltar 'gro ba de dngos po med de 'di ltar/ tshangs la sogs pa 'jig rten 'di/ /bden pa rab tu gang brjod pa/ /'phags la de yang brdzun zhes gsungs/ /de las gzhan ni ci zhig lus/ /sgyu ma lta bur ma gyur pa gang yang yod dam zhes bya ba tshig gi lhag ma'o/ /dbang po yul las 'das pa'i don yongs su gcod pa ni 'jig rten na tshangs pa ni tshad ma'o/ /de ltar tshad mar gyur pa de la dngos po rnams kyi rang gi ngo bo bden par snang ba gang yin pa de yang 'phags pa rnams la brdzun no/ /zhes bcom ldan 'das kyis mya ngan las 'das pa nyid bden pa gcig bu'o zhes stan pa ni gsungs te/ 'dus byas ni brdzun pa bslu ba'i chos can yin na/ gzhan dag la snang ba gang yin pa de brdzun par ci'i phyir mi 'gyur/ gang la brdzun pa nyid du the tshom med pa de las gzhan ci zhig lus zhes bya ba ni

  44. 22b

    sgyu ma lta bur ma gyur pa gang yang med ces bya ba'i tha tshig go/ 'di ni gdon mi za bar khas blang bar bya'o/ /gzhan du na gal te tshangs pa la sogs pa dang/ 'phags pa rnams 'jig rten 'di la lta ba mtshungs par? gyur na ni de'i tshe 'phags pa rnams dang 'phaT pa ma yin pa rnams mtshungs pa nyid du 'gyur ro/ /de dag mtshungs par mi srid par bstan pa'i phyir/ /'jig rten ma rig ldongs gyur pa/ /srid pa'i rgyun gyi rjes 'brang dang/ /mkhas pa sred dang bral ba yi/ /dge ba rnams ltag la mnyam/ /zhes bya ba smos te ma rig pa'i ling tog gis khebs nas/ blo'i mig ldongs bar gyur ba tshangs pa la sogs pa 'gro ba ma lus pa yang dag par mthong ba dang bral ba'i phyir/ rang dbang med par 'gro ba thogs ma med pa'i 'khor bas 'khor bar 'phangs pas brub? pa na shugs kyis lbu ba 'khor ba lta bu'i 'khor ba'i 'khor lo chu klung chen por phyin ci lo gi rlung gis bkrugs te/ 'khrugs pas dge ba'i phyogs kyi gru chag pa dge ba'i las kyi rnam par smin pa'i 'bras bu mthar thug pa'i ldong can sred pa'i rgyun gyi rjes su 'gro ba so so'i skye bo dang/ mkhas pa shes rab kyis dag pa blo'i mig can dam pa'i chos bdud rtsi'i khu ba'i rgyun gyi btung bas ngoms pa gcig tu chos kyi dang tshul can gyi dge ba rnams dang/ gong du smos pa'i 'jig rten du mtshungs par brtag tu ga la rung ste/ snang ba dang/ mun pa dang/ 'khor ba dang/ mya ngan las 'das pa mtshungs par brtag pa ni mi rigs so/ /de bas na tshangs pa la sogs pa'i 'jig rten 'khor ba'i rjes su mthun par 'gro ba 'di ni bden pa gang yin pa de ni gdon mi za bar 'phags pa rnams la brdzun pa yin no/ /gang gi phyir de ltar 'phags pa rnams kyis 'di skad ces/ rmongs pa'i grong khyer mi bzad pa/ /'gro ba sgyu ma bzhin du snang/ /zhes smos pa gang yin pa de la mkhas pa rnams dogs pa spangs te mos par bya'o/ /'dir smras pa

  45. 23a

    gal te 'gro ba sgyu ma bzhin du rang bzhin gyis stong na 'di la bcom ldan 'das kyis de kho na gang yin pa de mi bstan par phung po dang/ khams dang skye mched yod do/ /zhes bstan pa bden pa ma yin pa 'dis ci zhig bya/ bshad pa/ bden pa nyid ni bstan gyi brdzun pa ni ma yin no/ /zhes bya ba 'di ni ga las 'ongs/ 'jig rten na bden yang mi dgos na ni kha cig mi bstan to/ /brdzun yang dgos pa yong na ni la la bstan dgos te 'di la ni don dam pa la 'jug pa'i thabs su dgos pa yod pas phung po dang khams la sogs pa bden pa ma yin yang yod do/ /zhes thog ma nyid du bstan pa'i dbang du byas kyi/ /de kho na yang dag pa stong pa nyid ni ma yin te/ de la thog mar bstan na don med par 'gyur ba'i phyir ro/ /mdza' gnyis kyi g.yang sa med ba'i chos 'di skye bo blo gros ma byang pa la thog ma nyid du bstan mi bzod de/ de bas 'gro ba'i don sgrub pa la mkhas pa thabs la khod? bzo bas/ de nyid chol la thog mar ni/ /thams cad yod ces brjod par bya/ / don rnams rtogs shing chags med nas/ /de yi 'og tu dben pa'o/ /skye bo blo gros ma byang ba dag thog ma kho nar stong pa nyid du lta ba la bcud na shin tu mgo rmongs par 'gyur te/ de bas na 'phags pa rnams stong pa nyid thog ma kho nar mi ston te/ dngos po la chags pa dang ldan pa dngos po'i ngo bo nyid rab tu dbye ba la dga' ba rnams kyi 'dod pa'i don yang dag par brjod pas bdag la gces par 'dzin par bya ba'i phyir de kho na tshol ba la thog mar thams cad yod do/ /zhes brjod par bya'o/ /de'i dngos po ni de nyid do/ /brjod par 'dod pa'i don spyi'i dngos po dang 'brel ba can de'i zhes bya ba 'de dang sbyar ro/ /dngos po ni rang gi ngo po ste/ gang gi rang gi ngo bo gang yin pa de ni de'i dngos po ste/ de kho na'o/ /rang gi ngo bo'o/ /ngo bo nyid do/ /de bzhin

  46. 23b

    nyid do/ /gzhan ma yin pa nyid do/ /zhes bya ba'i tha tshig go/ de kho na tshol ba'i ngang tshul can yin pas na de kho na tshol ba'o/ /de kho na tshol bar 'dod pa de la bla ma phan par 'dod pas ji skad brjod par bya zhe na/ thams cad yod do/ zhes brjod par bya'o/ /bram ze thams cad thams cad ces bya ba ni phung po lnga dang/ skye mched bcu gnyis dang/ khams bco brgyad kyi bar dag go/ zhes gsungs so/ /de'i shes pa dang sbyar te phung po la sogs pa de dang 'di yong par brjod par bya'o/ /phung po la sogs pa de dag kyang nye bar bzung ste de dang 'di'i yod pa gang yin pa de nye bar bzung nas ring po dang/ thung du bzhin du 'am/ mar me'i 'od bzhin du brten te gyur pa de las gzhan du ma yin te/ de ltar na nye bar bzung ba 'am brten par zad do/ /don rtogs zhes bya ba ji lta bu zhe na/ 'bras bu rnams kyi mdza' med pa'i phyir dang/ 'bras bu re re'i rkyen kyang du ma yod pa'i phyir dang/ rkyen re re la yang brtags na thog ma med pa'i 'khor ba bzhin du rgyu'i tshogs pa gcig nas gcig tu brgyud pa'i mdza' mi mthong ba'i phyir 'bras bu'i rtsom pa la 'jigs par lta bas rgyu'i tshogs pa gcig nas gcig tu brgyud pas bsgrubs pa'i 'bras bu rkyen du ma las byung ba grub ma thag tu 'jig par rtogs shing/ skye ba ni shin tu 'bad pas bsgrub par bya ba yin la/ shin tu 'bad pas bsgrubs pa 'jig pa ni 'bad pa med par yang 'byung bar rtogs nas 'dus byas kyi chos nyid la sgyid lug pa/ byis pa skye bo'i spyod pa la mngon par mi bstod pa/ skye ba la mngon par mi dga' ba/ 'jig pa la mi 'phrod par 'dzin pa/ 'khor ba rnams la chags pa 'dor bar 'dod pa/ 'khor ba spong bar 'dod ba/ bdag la chags pa lhod par gyur bas de ltar don khong du chud pa la de'i 'og tu dben pa ni rigs kyi snga rol tu ni ma yin no/ /de ltar byas na slob dpon gyis stong pa nyid bstan pa yang 'bras bu med par mi 'gyur/ slob ma rnams kyang spong ba dang/

  47. 24a

    phyin ci log tu 'dzin pas log par ltung bar mi 'gyur ro/ /de ltar ma byas na kun rdzob dang don dam pa'i bden pa gnyis rnam par gnas pa dang/ mi mthun par gyur ba'i phyir stong pa nyid bstan pas log par ltung bar 'gyur ro/ /de ltar gyur na mi dge ba spong mi nus so/ /mi mkhas pa'i blo can dag 'gro ba 'di'i stong pa'o snyam du 'dzin cing 'di ni stong pa nyid na 'dis ci zhig bya zhes nges par bsgrub par bya ba'i dge ba'i las la mi spro bar 'gyur te/ de bas na 'di yang sgrog shog ma skyes pa'i bya rang gi tshang bor nas 'phur ba bzhin du brlag par 'gyur te/ 'di ltar so so rang gis rtogs pa dang bral ba'i phyir/ rnam par dben don mi shes la/ /thos btsam la 'jug byed cing/ /gang rnams bsod nams mi byed pa/ /skyes bu tha shal de dag brlag/ 'jig rten pa nyid kyi don dam pa la gnas te phyin ci ma log pa rnam par byad ba'i phyogs phun sum tshogs shing stong pa nyid kyi de kho na so so rang gis rtogs par bsod nams dang bsod nams ma yin pa mi bya ba ni rigs so/ /gang dag stong pa nyid so so rang gis rtogs pa? med par stong pa nyid kyi sgra thos pa tsam gyis bya ba byas pa rnams kyi spyod pa ltar rjes su 'chos pa ni mi dge ba'i las nyid la zhugs pa yin gyi/ dge ba la ni ma yin te/ /de dag gdon mi za bar sgro gshog rdzogs pa'i bya'i tshul byi'u phrug sgro gshog ma skyes pas bya ba bzhin du nyon mongs pa'i mthar 'gyur ro/ /chu thos pa tsam gyis sgom pa mi phyed la/ zas thos pa tsam gyis kyang bkres pa mi pyid? de/ de bsten na de dag phyid pa bzhin du 'di rtogs nas skyes bu tha shal de dag brlag go/ zhes brjod do/ /gcig tu mi dge ba la 'jug pas de dag ni skyes bu tha shal la/ /de ltar de'i nyes pa yongs su spang bar bzhed nas/ bcom ldan 'das kyis nyan pa rnams la kun rdzob kyi bden pa las yongs su ma nyams pa'i don re zhig thog ma nyid du/ las kyi 'bras

  48. 24b

    bu yod pa dang/ /'gro ba rnams kyang shin du brjod/ /sems can rnams gang la gnas nas las rnams byed cing de'i 'bras bu yang za ba'i 'gro ba lnga bcom ldan 'das kyis gsungs so/ /de'i 'og tu de dag gi 'di bden no snyam du mngon par zhen pa mchog tu 'dzin pa lus kyi mdud pa 'di'i gnyen por de yi rang bzhin yongs shas dang/ /skye ba med pa dag kyang bstan/ /'gro ba la sogs pa yang rten cing 'brel bar 'byung ba yin pas ngo bo nyid kyis ma skyes pa'o/ /de'i rang bzhin yongs su shes pa lam dang 'gro ba la sogs pa rnams kyi skye ba med pa lam gyi ye shes thob par bya ba yang stan to/ /de bas na 'di ltar gnyi ga'i bdag nyid bstan pa rnam par bzhag pa 'di la dgos pa'i ched du bstan pa ni gang zhe na/ 'di la dpyad na gtan la dbab tu rung ste/ dgos pa'i dbang du rgyal ba rnams/ /nga dang nga yi zhes gsungs ltar/ /phung po khams dang skye mched rnams/ /de bzhin dgos pa'i dbang gis gsungs/ /sangs rgyas bcom ldan 'das ni/ nga dang nga yer? 'dzin pa spangs pa yin yang brjod par bzhed pa'i don gyi sgo nas bstan pa'i phyir 'jig rten gyi ched du nga dang nga'i zhes gsungs pa de bzhin du dgos pa'i dbang gis phung po dang skye mched dang/ khams rnams gsungs te/ de'i rnam par dbye ba bstan pa med par 'jig rten de kho na la zhugs pa'i thabs med pa'i phyir ro/ /ji ltar dgos ba'i dbang du phung po dang/ skye mched dang/ khams rnams bshad kyi de kho na'i don du ni ma yin bar 'di ji ltar shes par nus pa 'di ni 'thad pa dang lung gis nges par rung ste/ de la re zhig 'thad pa'i dbang du byas nas/ 'byung ba che la sogs bshad pa/ /rnam par shes su yang dag 'du/ /de shes pas ni 'bral 'gyur na/ /log par rnam brtags ma yin nam/ zhes bya ba smos so/ /rnam par shes pas dmigs pa gang gi rnam par 'dzin cing skye ba'i dmigs pa de/ rnam par shes pa

  49. 25a

    la rnam pa nye bar bsgrubs pa'i rang gi dngos po thob nas dngos po'i don gyi ngo bo nyid kyis 'byung ba chen po la sogs par yongs su brtags so/ /rnam par shes pa la 'ga' zhig gi rnam par ma bzhag pa la ni 'jig rten gyis yod pa nyid du rnam par gzhag mi nus te/ mo gsham gyi bu la sogs pa yang yod par thal? bar 'gyur ba'i phyir ro/ /de bas na 'byung ba dang/ 'byung ba las gyur ba dang/ sems dang sems las byung ba dang/ sems dang ldan pa ma yin pa rnams ni rnam par shes pa'i rnam pa'i rgyu can yin pa'i phyir 'byung ba chen po la sogs pa gang dang gang bshad pa ci ying rung ba de dag thams cad ni rnam par shes par yang dag par 'du zhing khongs su chud do/ /gang gi cho rnal 'byor bas yod pa med pa yin pa'i don sgro 'dogs pa'i rnam par shes pa'i tshangs pa de brdzun pa bslu ba'i chos can du mthong zhing rang bzhin gyis skye ba med par mthong ba de'i tshe nges par de shes te/ ji ltar gnas pa'i sems rang gi ngo bos skye ba med par shes pas des bskyed pa 'byung ba chen po la sogs pa ma lus pa dag kyang gzugs 'gag pa na gzugs brnyan 'gag pa bzhin du 'bral bar 'gyur na/ de lta bu gang yin pa de gzugs brnyan bzhin du log par rnam par brtags pa nyid ma yin nam/ de'i phyir de ltar phung po la sogs pa de dag ni rnam par shes pa'i rgyus yod pa nyid de de med na yod pa med pas ngo bo nyid du grub pa med pa kho na yin pa la dar 'dzin pa dang nga yir 'dzin pa'i mdon pa'i nga rgyal can gyi dbang du bstan par nges so/ /re zhig de ltar rigs pas phung po la sogs pa dgos pa'i dbang du bstan par shes par byas nas/ da ni lung gis phung po la sogs pa brdzun pa nyid du bstan pas dgos pa'i tshad du brjod par bstan pa'i phyir/ mya ngan 'das pa bden gcig bu/ /

  50. 25b

    rgyal ba rnams kyis rnam gsungs pa/ /de'i tshe lhag ma log pa zhes/ /mkhas pa su zhig rtogs mi byed/ /ces bya ba smos so/ /bcom ldan 'das kyis dge slong dag 'di lta ste/ mi bslu ba'i chos can mya ngan las 'das pa 'di ni bden pa'i mchog gcig bu'o/ /zhes gsungs te lung 'di'i don gyis na shes rab can su zhig phung po la sogs pa brdzun pa'i don khong du chud par mi 'gyur/ gang gi phyir phung po dang skye mched dang/ khams de dag rnam pa de ltar rig pa dang/ lung gis rnam par dpyad na ngo bo nyid kyi grub pa med pa de'i phyir nges par/ ji srid yid kyi rnam g.yo ba/ /de srid bdud kyi spyod yul te/ /'phags pa'i shes rab kyi dbang po'i srog gi bar chad byed pas bdud de de yang khams gsum gyi sa chen po ba phyin ci log bzhi'i blon po chen po dang ldan pa 'dod chags la sogs pa nyon mongs pa'i 'khor gyis rtag tu 'khor ba/ 'phags pa ma yin pa skye bo mdza' dag gis sma ma phab pa/ spyod pa bzang po ma yin pa la zhugs pa'i rjes su song ba/ 'khor ba ba'i sems can ma lus par 'phel bar byed pa ma rig pa zhes bya ba yin te tshul bzhin ma yin pas dngos po la rnam par rtog na ma rig pa'i yul las mi 'da' ba nyid du mngon no/ /gang gi tshe de bdud kyi spyod yul yin pa de'i tshe de skye ba med na yid kyi 'jug pa mi 'byung ba'i phyir bdud kyi yul nyid med par 'gyur bas/ de lta yin na 'di la yang/ /nyes pa med par ci mi 'thad/ e/'di zhes bya ba ni de'i ngo bo nyid skye ba med pa yongs su shes pa yin par ston te/ de'i dbang du byas pa'i phyir nye bar gyur bas nye ba mngon sum gyi tshig 'dis 'di la zhes bya ba bstan to/ /'di'i phyir yang ngo bo nyid skye ba med pa yongs su shes pa na rigs kyi ngo bo nyid yongs su shes pa ni ma yin no/ /de'i phyin ci log yod na ni yod la med na ni med pa'i phyir ro/

  51. 26a

    de ltar bstan pa'i phyir/ ma rig rkyen gyis 'jig rten zhes/ /'di ltar rdzogs pa'i sangs rgyas gsung/ /de phyir 'jig rten 'di dag kyang/ /rnam par rtog par cis mi 'thad/ /ces bya ba smos so/ /gang gi rkyen ma rig pa yin pa de ma rig pa'i rkyen las byung ba ste/ 'jig rten no/ /'jig rten ni nye bar len pa'i phung po lnga rnams so/ /de la ma rig pa'i rkyen gyis 'du byed rnams/ 'du byed kyi rkyen gyis rnam par shes pa zhes bya ba la sogs pa 'das 'di ltar bcom ldan 'das kyis 'jig rten 'di'i rkyen ni ma rig pa'o/ /zhes bstan pa de'i phyir rang gi ngo bo grub pa med rang gi ngo bo grub pa rdzas la sogs pa'i rkyen ni mun pa ma yin no/ /de bas na ma rig pa rkyen du gyur pa'i phyir/ 'jig rten rnam par rtog pa ci'i phyir 'thad de/ 'jig rten rnam par rtog pa tsam du 'thad pa nyid do/ /zhes bya bar dgongs so/ /rnam par rtog pa ni rnam par rtog pa'o/ /rnam par rtog pa tsaM du zad pas na rnaM par rtog ba ste rnam par rtog pa tsam du zad do/ /zhes bya ba'i tha tshig go /rang gi ngo bo grub pa med pas mun khung na mi'i tshul du yongs su rtog pa 'byung bltar 'jig rten yang rnam par rtog pa tsam du rnam par bzhag go /de ltar phyin ci log yong na 'jig rten yod par ci bstan nas/ da ni phyin ci log med na med par bstan pa'i phyir/ ma rig 'gags par gyur na ni/ /gang rnams 'gag par 'gyur ba rnams/ /de dag mi shes kun brtags par/ /ci yi phyir na gsal mi 'gyur/ /zhes bya ba smos so/ /snang ba byung na mun khung na mi'i tshul du snang ba mi dmigs pa bzhin du rig pa byung na/ gang yog pa de nges par mi shes pas yongs su brtags pa'i phyir ngo bo nyid du grub pa med par gnas so/ /'di'i phyir yang 'jig rten dngos po med de/ gzugs brnyan bzhin

  52. 26b

    du rgyud rkyen las byung ba phyir ro/ /de nyid bstan pa'i phyir/ rgyu yod pa las gang byung zhing/ /rkyen med par ni gnas pa med/ rkyen med phyir yang 'jig 'gyur ba/ /de ni yod par ji ltar shes/ /zhes bya ba smos so/ /gal te 'jig rten ngo bo nyid du grub na ni de'i tshe de'i rang bzhin gyi ngo bor grub pa yod pas rgyu dang rkyen la blto la te 'byung ba mi 'gyur zhing/ rgyu dang bcas pa las 'byung bar yang mi 'gyur te/ ngo bo nyid ni byas pa med pa'i phyir ro/ /gnas pa yang rkyen la rag las par mi 'gyur ro/ /ngo bo nyid kyis grub pa yod na gzhan du 'gyur mi srid de/ 'di ltar gzhan du 'gyur ba spang ba'i phyir gnas pa'i rkyen btsal ba ni rig par 'gyur ro/ /gang gnas pa'i rkyen la rag las pa de gzugs brnyan bzhin du ngo bo nyid med par grub pa yang rigs so/ /gang ngo bo nyid du grub pa de ni rang bzhin gyis mi 'gyur bas gnas pa'i rkyen med kyang ldog par mi rigs so/ /gang gnas pa'i rkyen med na ldag pa di ni gzugs brnyan bzhin du ngo bo nyid kyis grub pa med par 'os so/ /gang de ltar ngo bo nyid kyis grub pa med pa de gzhan gyis ji ltar yod pa khod du chud pa'i rgyu mad pas de yod pa nyid du mi rigs so/ /zhes bya bar dgongs so/ /mu stegs can rnyen cing 'brel par 'byung ba mi smra ba rnams kyi dngos po rnams la ngo bo nyid yod par mngon par zhen pa gang yin pa de ni rang gi grub pa'i mdza' las 'byung ba dang mi 'gal bas/ gal te yod par smra ba rnams/ /dngos la zhen par gnas pa ni/ /lam de nyid la gnas pa ste/ de la ngo mtshar cung zad med/ /grangs can gyis rang gi grub pa'i mdza' las yon tan snying stobs dang/ rdul dang mun pa gsum rtag par lobs la/ bye brag pas kyang rang gi grub pa'i mdza' las sa dang chu dang me dang rlung gi rdul phra rab yan lag can ma lus pa'i dngos po rtsom pa rtag pa nyid du lobs nas rtag pa'i dngos por smra ba'i phyir gal te dngos por/ zhen dang?

  53. 27a

    gnas pa dang ngo bo nyid bzung nas gnas pa de la ni blo mchog dang ldan pa dag ngo mtshar du 'dzin pa cung zad kyang med de ya mtshan du bya ba cung zad kyang med pa yin no/ /de ci'i phyir zhe na 'di ltar mi srid pa'i dngos po la brten pa ni 'jig rten na ngo mtshar gyi rgyu yin no/ /srid pa'i dngos po la brten pa ni de lta ma yin te/ de rigs pa'i phyir ro/ /rang gi grub pa'i mdza' las yod par bstan pa ston zhing khong du chud pa la ni ngo mtshar gyi rgyu med pas ngo mtshar cung zad kyang med par rigs so/ /bye brag tu smra ba dang/ mdo sde pa dang/ rnam par shes pa tsam du smra ba grub pa'i mdza' las yod pa mi srid pa yongs su ston pa ni blo mchog dang ldan pa dag la mchog tu ngo mtshar bskyed pa yin no/ de dag sangs rgyas lam la brten nas ni/ /thams cad mi rtag smra ba rnams/ /rtsod pa yis ni dngos po la/ /chags gnas gang yin de rmad do/ /rten cing 'brel bar 'byung ba ni sangs rgyas pa'i lam yin te/ de la brten nas 'du byed de dag thams cad rten cing 'brel par 'byung ba'i phyir mi rtag pa'i zhes de skad khas len kyang dngos po rnams kyi rang gi ngo bo grub par ston par 'dod pa de stong pa nyid du smra ba la rtsod par byed cing de mi srid pa'i dngos po la brten pa ni ngo mtshar che bas de rmad du gyur pa'o/ /ngo mtshar che ba de lang 'jig rten na ya mtshan du gyur pas rmad du byung ba zhes bya'o/ /de ltar thams cad kyang mi rtag par smra la rten cing 'brel par 'byung ba'i lam mkhas len par gyur kyang dngos po'i ngo bo nyid ston zhing rlom par gnas pa ni rta rmu rgod bong bu'i spyod pa ltar bcos pa bzhin du mkhas pa dag la rab tu ngo mtshar du 'gyur/ /phyag bya bar 'os par ma yin pa la phyag 'tshal lo/ /zhes bya ba'i tshig bzhin du rmad du byung ba'i sgra bstong pa'i

  54. 27b

    tshig 'di yang bsting ba yin no/ /rten cing 'brel par 'byung ba khas len pa sangs rgyas pa'i lam la brten pa dag /de ni 'di zhes gang dag la/ /brtags na rab tu mi dmigs na/ /bden pa de ni 'di'o zhes/ /rtsod pas mkhas pa su zhig smra/ /'di ltar gzugs dang tshor ba dang/ rnam par shes pa dang 'dus byas gzhan thams cad rten cing 'brel par 'byung ba'i phyir ngo bo nyid kyis ma skyes pa'o/ /gang ngo bo nyid kyis ma skyes pa de'i mtshan ma dmigs su med pa'i phyir gzugs de ni 'di'o/ /tshor ba de ni 'di'o/ /rnam par shes pa de ni 'di'o/ /'dus byas gzhan de ni 'di'o/ /zhes blo la rnam pa thams cad du mi snang ste/ de ltar gang gis kyang bye brag tu mi snang ba gang yin pa de de ni 'di'o/ /zhes gzhan la bstan par mi nus so/ /gang bstan par mi nus pa de la shes rab can dag rtsod pa smra ba ni mi rigs so/ /rtsod pa zhes bya ba ni gang la bdag gi phyogs sgrub pa dang/ gzhan gyi phyogs gzhig pa'o/ /de ltar dngos po gang yang mi dmigs na rang gis khas blangs pa dngos po bden pa gang yin pa de ni 'di'o/ /zhes bsten par bya ba de cung zad kyang yod par ga la 'gyur/ gzhan gyis khas blangs pa'i dngos po brdzun pa gang yin pa de ni 'di'o/ /zhes bstan par bya ba de yang cung zad kyang yod par ga la 'gyur/ de ltar rten cing 'brel par 'byung ba'i don rang bzhin gyis sgye ba med pa'i don du khong dum chud pa shin tu phyin ci log tu gyur pa dag gis/ ma brten par ni gang dag gis/ /bdag gam 'jig rten mngon chags pa/ /rtag dang mi rtag sogs lta bas/ /kye mde dag phrogs pa yin/ /gang dag phung po lnga gzugs brnyan lta bu rang bzhin med pa la brten nas bdag tu mi 'dogs kyi/ sems rang gi mtshan nyid du grub pa la bdag go /zhes rnam par 'jog pa de dag gdon mi za bar lta ba'i chu bo chen pos mya ngan las 'das pa'i lam las ded cing khyer bar 'gyur ro/ /ji ltar zhe na/ de las sems ngo bo nyid du grub par

  55. 28a

    'dod na yang na ni rtag par 'gyur/ /yang na ni mi rtag par 'gyur ro/ /gal te rtag par 'gyur na de'i tshe ther zug tu smra ba yin no/ /'on te mi rtag na de'i tshe chad par smra ba yin te/ byung nas med par gyur pa ni chad par lta ba yin// de ltar de dag kye ma lta bas 'phrogs pa yin no/ /kye ma zhes bya ba'i sgra ni smre sngags 'don pa'am des par rig par bya'o/ /de ltar 'jig rten zhes bya ba phung po lnga po rang gi mtshan nyid kyis grub par 'dod na yang mthun par skyon du 'gyur bar sbyar ro/ /yang na 'di ni don gzhan te/ grangs can la sogs pa gang dag ma brtan par bdag rtag pa dang/ ngo bo nyid kyis grub pa dang/ rten cing 'brel par 'byung ba ma yin pa dang/ 'jig rten yang rang bzhin gyi bdag nyid dang/ rang bzhin yang 'gyur ba med pa'i phyir ngo bo nyid kyis grub po zhes mngon par zhen la 'gyur ba'i tshogs ni ldog par 'dod do/ /gzhan dag ni gzhan du 'dod/ kye ma de dag ni gdon mi za bar rtag pa dang/ /mi rtag pa la sogs pa'i lta ba rnams kyis 'phrogs par 'gyur ro// rang gi sde pa gang dag phung po lnga dang bdag brten par khas len kyang rjes su yod pa nyid du zhugs pa dang gang dag ma rig pa dang 'du byed la sogs pa rgyu dang rkyen tshogs pa las byung ba yin yang rnam par shes pa la sogs pa rdzas su yod pa nyid du brjod pa de dag kyang de bzhin du lta ba log par zhugs pa yin par bstan pa'i phyir/ gang dag brten nas dngos po rnams/ /yang dag nyid du grub 'dod pa/ /de dag la yang rtag sogs kyi/ skyon de ji ltar 'byung mi 'gyur/ /zhes bya ba smos so/ /ji ltar bdag dang chos kyi ngo bo nyid kyi don yod pa dang/ med par khas blangs pa la rtag pa dang/ chad pa'i skyon du 'gyur ba dang mtshungs pa'i phyir ro/ /ji skad smos pa'i lta ba dag bsal nas rten cing 'brel bar 'byung ba ji ltar gnas pa'i don khong du chud na/

  56. 28b

    gang dag brten nas dngos po rnams/ /chu yi zla ba lta bur ni/ /yang dag ma yin log min par/ 'dod pa de dag ltas mi 'phrogs /gal te gzugs la sogs pa ngo bo nyid kyis med pa yin na/ de dag ngo bo nyid kyis med pas ngo bo nyid gzhan du 'gyur mi srid de/ ngo bo nyid kyis med pa ni phyis yod par mi rung ngo/ /rgyu dang rkyen yod du zin kyang gang yang skye mi srid pa dang rgyu dang rkyen rnams kyang de lta bu'i rang bzhin yin pas mi srid pa'i phyir rten cing 'brel par 'byung ba dang 'gal bar 'gyur ro/ /'on te nyes par de yongs su spang bar 'dod de/ ngo bo nyid kyis yod par khas len na yang de'i tshe de ltar byung ba bzhin du rgyu dang rkyen rnams kyis kyang 'byung bar mi 'gyur te/ rkyen rnams kyang dgos pa med pas yod par mi 'gyur ro/ /de lta na yang rten cing 'brel par 'byung ba dang 'gal bar 'gyur ro/ /rten cing 'brel par 'byung ba dang 'gal na rnam par bzhag pa thams cad zhig par 'gyur te/ bong bu'i rwa la sogs pa bzhin du 'gro ba yang mi dmigs par 'gyur ro/ /de bas na khams dang/ 'gro ba dang/ skye gnas dang/ rigs dang rus dang/ cho rigs dang/ kha dog dang/ gzugs dang/ stobs dang/ blo dang/ dbang po so so tha dad pa'i 'gro ba dang/ 'gro ba ma lus pa'i rten/ phyi rol gyi rlung gi dkyil 'khor la sogs pa dang/ gser dang/ dngul dang/ an+d+ra rnyil dang/ shel dang/ pad+ma rA ga la sogs pa dang/ pad+ma dang/ ku mu ta dang/ shing dang/ ra dang/ sman dang/ bun pa dang/ shing rta la sogs pa dmigs su med pa sna tshogs kyang med pa nyid du 'gyur ro/ /de dmigs su yod bzhin du med par khas blang bar ni mi rigs so/ /de bas na gang brten te 'byung ba'i ngo bo nyid kyis yod pa dang med pa spangs pa ste rkyen 'di tsam gyis grub pas gzugs brnyan bzhin du de ngo bo nyid kyis grub pa med par khas blang bar bya ste/ ji ltar 'phags pa lhas/ 'bras bu yod par gang 'dod dang/ 'bras bu med

  57. 29a

    bar gang 'dod la/ ka ba la sogs khyim don du/ /rgyan pa'i don kyang med par 'gyur/ /zhes smos pa lta bu'o/ /de ltar rtag pa dang chad pa spangs nas rten cing 'brel par 'byung ba gzugs brnyan lta bu blo phyin ci log gis spyod yul du gyur pa dang 'gal ba med pas ji skad smos pa'i 'gro ba sna tshogs mi srid pa ma yin no/ /'phags pa rnams kyang phyin ci log spangs te/ brdzun du sgro mi 'dogs pas rnam par grol ba mi srid pa ma yin no/ /gang gi phyir rten cing 'brel par 'byung ba 'di ltar ngo bo nyid kyis skye ba med pa de'i phyir rigs pa 'dis dngos po rnams la gang dag brten nas dngos po rnams chu'i zla ba lta bur ni 'dod pa de dag rang gi ngo bor grub pa med pas gzugs brnyan bzhin du rang gi ngo bo nyid kyi bden pa yang ma yin/ brdzun pa yang ma yin par 'dod de/ 'di ltar bsam pa 'di ni dngos por gyur pa la brten pa ste/ rten cing 'brel par 'byung ba ni dngos po yod pa ma yin la/ gzugs brnyan lta bur gyur pa de'i phyir de yang dag pa ma yin no/ /yang dag par yod na gzhan du 'gyur mi srid par thal bar 'gyur ro/ /'jig rten na yang yang dag pa dang 'dra bar snang bas log pa yang ma yin no/ /yang dag pa ma yin pa zhes bya ba yang la la la bstan pa dang/ dgos pa 'grub pa'i phyir ro/ /gang gi phyir yang dag pa ma yin pa de'i phyir rtag par sma ba ma yin no/ /gang gi yang dag pa ma yin pa yang ma yin pa de'i phyir chad par smra ba 'am/ log par smra ba ma yin no/ /de ltar gzugs brnyan bzhin du rten cing 'brel bar 'byung ba rang bzhin med par khong du chud na gdon mi za bar tshul bzhin ma yin par rnam pa'i rlung gis dkrugs te 'khrugs par gyur ba'i rba rlabs chen po pa rtag pa dang mi rtag pa la sogs pa'i lta ba'i chu

  58. 29b

    bo las rten cing 'brel par 'byung ba shes pa'i grus brgal nas mya ngan las 'das pa'i skyed mos tshal gyi thang sangs rgyas kyi chos ma 'dres pa'i shing gi tshal gyis mdzes par byas pa/ byang chub kyi yan lag gi rin po che sna tshogs yid 'phrog pa yod pa stobs bcu dang ldan pas dri ma med pa/ zad pa dang mi skye ba shes pas dben par bde bar phyin te/ gzhan dag la yang de'i rjes su 'gro ba rten cing 'brel par 'byung ba'i gtam gsang bstod te ston pas bsgo ba de sgrub pa la brtson pa la 'khor ba'i rgya mtsho chen po'i nang na 'dug pa rtag pa la sogs pa'i lta ba'i chu bo rnams kyis mgo rmongs pa de dag nges par sgrol lo/ /gang dag rten cing 'brel par 'byung ba'i chos nyid 'di khong du chud de/ dngos po rnams kyi rang gi mtshan nyid la yongs su rtog pa de dag ni gdon mi za bar/ dngos por khas len yod na ni/ /'dod chags zhe sdang 'byung ba yi/ /lta ba mi bzad ma rungs 'dzin/ /de las byung ba'i rtsod par 'gyur/ /de la 'dod chags ni rang gi phyogs la mngon par zhen pa'i mtshan nyid do/ /zhe sdang ni gzhan gyi phyogs la rgyab kyis bltas pa'i mtshan nyid do/ /'dod chags dang/ zhe sdang gang las 'byung ba de 'dod chags dang/ zhe sdang 'byung ba'o/ /rnam par smin pa shin tu mi bde ba dang shin tu bzod par dka' ba'i phyir mi bzod pa'o/ /sems kyi rgyud la gnod pa skyed par byed pa dang/ 'da' bar dka' ba'i phyir ma rungs pa ste/ de yang gang zhe na/ lta ba yongs su 'dzin pa'o/ /lta ba la gnas pa 'di lta bu 'di yang dngos por khas len pa las skye'o/ /lta ba yongs su 'dzin pa yod na rang gis khas blangs pa'i don bstan par 'dod pa dang/ gzhan gyis khas blangs ba zhig 'dod pa'i phyir lta ba khas len pa las byung ba'i rtsod pa dngos la mngon par zhen pa'i rtsa ba las byung ba gzhan dag kyang 'byung ngo/ /gang gi phyir de de ltar byung ba'i phyir/ de ni lta ba kun gyi rgyu/ /de med nyon mongs mi skye ste/ de bas de ni yongs shes na/ lta dang nyon mongs yongs su 'byar//

  59. 30a

    dngos por khas len pa yod na de ni sngon gyi mdza' dang phyi ma'i mdza' dang dbus yongs su rtogs pas de la dmigs pa lta bar gyur pa rnams su ltung ba yod pas na dngos por 'dzin pa de lta bar gyur pa thams cad kyi rgyu yin no// lta bar gyur pa yod na rgyu de las byung ba'i nyon mongs pa byung ste/ rang gi lta ba la 'dod chags 'byung ba dang/ nges nga rgyal du 'gyur ba dang/ gzhan gyi lta ba la zhe sdang 'byung ba'i phyir dang/ thams cad du gti mug 'byung bas lta bar gyur pa las nyon mongs pa rnams 'byung ngo/ /gang gi phyir de ltar lta ba dang/ nyon mongs pa thams cad dngos por dmigs pa'i rgyu las byung ba de'i phyir dngos po de yongs su shes te/ dngos po'i rang gi ngo bo ji lta ba bzhin du khong du chud na dmigs pa med pas lta ba rnams ldog go/ de log na nyon mongs pa rnams spong ngo/ /gal te 'di snyam du/ gang gis de shes 'gyur zhe na/ /rten cing 'byung ba mthong ba ste/ /rten cing skyes pa ma skyes zhes/ /yang dag mkhyen pa mchog gis gsungs/ /rten cing 'brel par 'byung ba mthong nas dngos po rnams la ngo bo nyid du dmigs par mi 'gyur/ gang rten nas skyes pa de ni gzugs brnyan bzhin du ngo bo nyid kyis ma skyes pa'i phyir ro/ /brten nas byung ba gang yin pa de ni byung ba nyid du nges te/ de la ma byung zhes bya ba'i sgrar ji skad du gdags/ gal te ma skyes pa zhes bya ba ni de brten nas skyes pa zhes byar mi rung ste/ de bas na nang 'gal ba'i phyir de rig pa ma yin no/ /zhes zer na/ kye ma kyi tud rna ba dang snying med pas kyang bdag la kran ka btsal ba gang yin pa de ni bdag ma rungs pa zhes bab po/ /gang brten nas skyes pa gzugs brnyan bzhin du ngo bo nyid kyis skyes pa ma yin no/ /zhes kho bos gang gi tshe smras pa de'i tshe de la klan ka

  60. 30b

    btsal ba'i skabs ga la yod/ brten nas 'byung ba'i rnam pa gang gi gzugs brnyan dmigs pa de'i brdzun par gyur pa dmigs pa kho bo ma skyes pa'o/ /zhes smra'i/ bdag nyid gang gis de'i byung ba med pa rnam par bzhag pa de nyid kyis de'i skye ba med par brjod do// bdag nyid gang gis de'i skye ba med par rnam par bzhag ce na/ yang dag par 'dod pa'i ngo bo nyid kyis 'dod kyi/ brdzun pa'i ngo bos ni ma yin te/ de ni ngo bo nges rten cing 'brel par 'byung ba khas blangs pa'i phyir ro/ /de'i phyir de ltar skye ba dang mi skye ba 'di gnyis yul ma yin pa'i phyir gcig gi yul du gcig ga la 'gyur/ gal te 'brel par 'byung ba ji ltar dmigs pa de la skye ba med/ zhes mi ston gyi/ ngo bo nyid la skye ba med pa zhes ston na 'di la khyod kyis de skad smras pa lta bu sngon ma thos pa ci zhig bstan par 'gyur/ kho bo ni sngon ma thos pa cung zad kyang mi ston te/ nged kyi bstan bcos ni ji ltar gnas pa'i chos nyid bstan pa ched che bar bya ba yin na ji ltar gnas pa'i chos nyid de la yang phyin ci log gi rjes su 'brang ba 'gron po phyogs bslad pa lta bu dag rnam pa gzhan du yongs su rtog go /rten cing 'brel par 'byung ba ngo bo nyid kyis ma skyes pa ste/ phyin ci log pa'i bdag nyid du ma byung ba yin na so so'i skye bo dag de la ngo bo nyid kyis skye bar yongs su rtog ste/ de la mngon par zhen nas kun nas nyon mongs so/ / kun nas nyon mongs pa de spang ba'i phyir nyan thos dang/ rang sangs rgyas dang byang chub sems dpa' yang dag par rig pa rnams kyi mchog sangs rgyas bcom ldan 'das kyis gsungs pa/ brten nas skyes pa ma skyes she'o/ /sgyu ma mkhan ni sgyu ma'i na chung la na chung yang dag par snyaM du mngon par zhen nas kun nas nyon mongs par mi 'gyur gyi/ na chung yang dag pa snyam du mngon pa'i nga rgyal can phyin ci log tu gyur pa de la ni kun nas nyon mongs pa 'byung ngo/ /de bzhin du 'di la yang brten nas byung ba ngo bo nyis

  61. 31a

    kyis ma skyes so zhes bcom ldan 'das gsung bas dngos bo rnams la ngo bo nyid du mngon par zhen pa bzlog pa yin no/ /'di ltar/ log pa'i shes pas zin non pa/ /bden pa min la bden 'dzin pa'i/ /yongs su 'dzin dang rtsod soT kyi/ /rim pa chags las shin tu byung/ /de lta bas na dngos po bden pa ma yin pa la bden par 'du shes pa de bzlog pa'i phyir bcom ldan 'das kyis rten cing 'brel par 'byung ba bstan to/ /rten cing 'brel par 'byung ba ni bslu ba'i phyir bden pa ma yin no/ /de bden pa ma yin par rtogs na dngos po la chags pa ldog go/ dngos po lo chags pa log na dngos po yongs su 'dzin pa ldog go/ yongs su 'dzin pa ni bdag gir byed pa ste/ de ni de ltar ldog go/ de log na 'dod pa la chags par gyur pa dang/ lta ba la chags par 'gyur ba'i rtsod pa yang ldog go/ rtsod pa log na 'thab pa la sogs pa yang ldog go/ de bas na dngos po brten nas grub pa gang yang mi dmigs na gdon mi za bar/ rtsod med che ba'i bdag nyid can/ /de dag la ni phyogs med do/ /rang gi phyogs khas len pa yod na ni de'i tshe de gzugs pa'i phyir gzhan rnams dang rtsod par gyur na de dag la ni de lta bu yang med pas de bas na rtsod med che ba'i bdag nyid can no/ /gal te de dag la rang gi phyogs med du zin kyang gzhan gyi phyogs gzhig pa med mi srid de/ de bas na gzhan gyi phyogs yod dang/ bdag gi phyogs kyang med du mi rung ngo/ /phyogs shig yod na ni bdag gis phyogs sam gzhan gyi phyogs yod par yang 'gyur na/ gang gi cho phyogs ye med pa de'i tshe/ gang rnams la ni phyogs med pa/ /de la gzhan phyogs ga la yod/ /gang gi tshe de ltar dngos po med pas bdag dang gzhan gyi phyogs med pa de'i tshe de ltar mthong ba rnams kyi nyon mongs pa rnams nges par 'gag

  62. 31b

    par 'gyur ro/ /ji lta zhe na/ de dag 'di ltar/ gang yang rung ba'i gnas rnyed nas/ /nyon mongs sbrul gdug g.yon can gyis/ /zin par 'gyur ro gang gi sems/ /gnas med de dag zin mi 'gyur/ /'dod chags la sogs pa ni rang bzhin gyis 'du byed kyi nags thibs po na rgyu ba dge ba'i phyogs kyi srog gi par chad byed pa lta ba la sogs pa'i mig gi dbang po'i phug tu gnas bcas pa yul gyi rlung la yid chags pa yun ring po nas rjes su 'brang ba'o/ /g.yo can ni gya gyu ltar 'gro ba ste/ 'dzin pa la brtson pas de dag ni sbrul lo/ /gnas brten par bya ba rgyu 'ga' zhig rnyed nas 'ga' zhig la 'dzin to/ /gang dag dngos po thams cad du mi dmigs pas nyon mongs pa'i sbrul gyi gnas pa'i rgyu ma lus par bsregs shing dren pa dang shes bzhin gyis dbang po'i phug rnams bkag pa de dag nyon mongs pa'i sbrul gyis zin par 'gyur ba'i gnas med par byas pas gang dag gi sems la gnas pa med pa ni zin par 'gyur te/ dngos por dmigs pa med na sems kyis bdag dang gzhan gyi phyogs yongs su mi 'dzin pa'i phyir ro/ /de'i phyir de ltar gang dag gis sems la dmigs pa med pa de dag nyon mongs pa'i sbrul gdug pa g.yon can gyis kyang mi tshugs shing zin par mi 'gyur ro/ /gang dag gzugs la sogs pa'i rang bzhin dmigs kyang nyon mongs pa rnams spang du rung bar 'dod pa de dag la ni nyon mongs pa spong bar 'gyur ba med do/ /zhes bstan pa'i phyir/ /gnas dang bcas pa'i sems yod la/ nyon mongs dug chen ces mi 'byung/ /zhes bya ba smos so/ /dngos por dmigs na ni/ 'dod chags la sogs pa nyon mongs pa rnams kyi 'byung ba gdon mi za bar mi zlog te 'byung ngo/ /ji ltar zhe na/ gal te dngos po de yid dang mthun par gnas na ni de'i tshe de la rjes su chags pa bzlog dka' bar 'gyur ro/ /ci ste mi mthun na yang de'i

  63. 32a

    tshe de la khong khro ba dang/ tshig pa za ba bzlog dka' bar 'gyur ro/ /'on te rtog pa de gnyis ka bsam kyang de'i tshe de'i rang gi ngo bo la sgro 'dogs shing dmigs pa las byung ba btang snyoms su 'gyur pa'i yul la ma rig pa'i bag la nyal ba bzlog dka' bar 'gyur ro/ /tha mal par 'dug pa'i gnas nas kun tu 'byung ba'i ma rig pa'i bag la nyal 'khor ba'i sdug bsngal 'byung ba dang mthun pa gnod pa'i bdag nyid nyon mongs pa'i sprul 'byung bar dmigs nas/ gang tshe tha mal 'dug pa yang/ /nyon mongs sprul gyis zin par 'gyur/ /zhes bya ba smos so/ /gang gi tshe gti mug de rtag tu 'byung bar gyur pa de ni kun tu rmongs pas de kho na mthong ba bsgribs pa'i so so'i skye bo dag gti mug gi mthus grub pa'i dngos po'i rang gi mtshan nyid la gdon mi za bar/ byis pa bden par 'du shes pas/ /gzugs brnyan la ni chags pa bzhin/ /de ltar 'jig rten rmongs pa'i phyir/ /yul gyi gzeb la thogs par 'gyur/ /ji ltar byis pa 'jig rten gyi tha snyad mi shes pa rang bzhin gyis rnam par shes pa blun pa dag gzugs brnyan dmigs pa na de la dngos po yod par 'dzin zheng? chags par 'gyur te ci dang ci yang byed cing de dang rtse ba de bzhin du byis pa ma rig pa dang ldan pa gti mug gi mthus skyes pa la dngos po yod pa yang dag par rtsod pa la mngon par zhen pa/ lus dang ngag dang/ yid kyi 'jug pas/ de dang de la mngon par zhen bas rjes su chags pa dang/ khong khro ba dang/ nga rgyal la sogs pas rang dbang med par 'jug pa byis pa bzhin du ci dang ci yang byed cing 'khor ba'i gzeb la thogs pa 'khor ba'i ngo bo nyid mi shes pa dag ni 'phags pa rnams la snying brtse ba'i yul du snang ngo/ /shes rab kyis dag pa'i spyan dang ldan pa 'phags pa dag ni ngo bo nyid yang dag pa ji lta ba bzhin du gzigs pas/ dngos po gzugs brnyan lta bur ni/ /ye shes mig

  64. 32b

    gis rab mthong na/ /bdag nyid chen po de dag ni/ /yul gyi 'dam la mi chags so/ /chags pa med na dngos po rnams la de'i bdag nyid du chags shing 'jug pa med pas yul gyi 'dam la chags par mi 'gyur te/ 'phags pa rnams ni gzugs brnyan la blo byang ba dang 'dra zhes bya ba'i tha tshig go/ de'i phyir de ltar shin tu byis pa'i blo can dag ni gzugs brnyan la byis pa bzhin du gdon mi za bar/ byis pa rnams ni gzugs la chags/ /bar ma dag ni 'dod chags bral/ /gzugs kyi rang bzhin shes pa yis/ /blo mchog dag ni rnam par grol/ /de la byis ba'i mtshan nyid dang ldan pa ni byis ba ste/ de yang nyes pa sems pa sems pa dang/ nyes par smra ba smra ba dang nyes par byed par byed pa'i las byed pa'o/ /de la nyes par sems pa sems pa ni gang dag lus mi brtsang ba dang skad cig cing 'jig pa'i dang can la gtsang ba dang/ mi 'jig pa'i ngag can du sems pa'o/ /nyes par smra ba smra ba zhes bya ba ni bsngags par mi 'os pa rtag tu phan gdags dgos pa sdug bsngal gyi bdag nyid can gyi lus la ming dang tshig dang yi ge'i tshogs sna tshogs kyis bsngags pa brjod pa'o/ /nyes bar byed pa'i las byed pa zhes bya ba ni mi dge ba'i rnam par smin pa sdug bsngal du 'gyur ba'i las rtsom ba'o/ /de ltar byis pa de dag ni mi gtsang bzhin du gzugs la chags so/ /bar ma ni gang dag mi gtsang ba la ji ltar gnas pa bzhin du smod cing gzugs la sdug bsngal brgya phrag du ma bsags par mthong ste gzugs la 'dod chags dang bral bar gyur nas bsam gtan dang gzugs med pa'i snyoms bar 'jug pa 'thob ste/ /'dod pa'i khams las shin tu 'das pa de dag ni bar ma'o/ /gang dag gzugs kyang ngo bo nyid kyis med de/ gzugs brnyan bzhin du khong du chud ba de dag ni gzugs la song ba'i rnam par rtog pa rnams las gdon mi

  65. 33a

    za bar gzugs kyi rang bzhin shes pa yis/ blo mchog rnams ni rnam par grol/ /don de nyid rnam par dbye ba bstan pa'i phyir/ sdug ches pa la chags par gyur/ /de las ldog pas 'dod chags bral/ /sgyu ma'i skyes bu ltar dben par/ /mthong bas mya ngan 'das par 'gyur/ zhes bya ba smos so/ /sgyu ma'i skyes bu bzhin du 'gro ba dben zhing stong ste/ mya ngan las 'das pa mthong nas gang dag mya ngan las 'das par gyur pa de dag ni blo'i mchog dang ldan pa ste/ de dag kyang nyan thos dang rang sangs rgyas dang bcom ldan 'das su shes par bya'o/ /bar ma dag ni 'jig rten ba rnams te/ 'dod pa'i 'dod chags dang bral ba'o/ /byis pa rnams ni 'dod pa la chags par shes par bya'o/ /sgyu ma'i skyes bu bzhin du 'gro ba dben par mthong nas mya ngan las 'das pa ji ltar 'gyur zhe na/ log pa'i shes pas mngon gdud ba'i/ /nyon mongs skyon rnams gang yin te/ /dngos dang dngos med rnam rtog pa/ /don shes gyur la mi 'byung ngo/ /zhes bya ba smos so/ /gang gis 'gro ba sgyu ma bzhin du dmigs pa des dngos po dang dngos po med pa'i rang gi mtshan nyid ngo bor mi dmigs pas dngos po dang/ dngos po med par yongs su shes te/ de gnyis la yongs su mi rtog pa'i phyir rnam par mi rtog pa yin no/ /dngos po dang dngos po med pa rnams rnam par bshig pa don shes pa de la 'dod chags la sogs pa nyon mongs pa gang yin pa de dag gdon mi za bar 'khor ba'i rgyur mi 'gyur ro/ /nyon mongs pa de dag ni log pa'i shes pas mngon par gdung ba rnams la 'byung ngo/ /mngon gdung ba'i dang tshul can ni mngon par gdung ba can no/ /lag pa'i shes pas mngon par gdung bas log pa'i shes pas mngon bar gdung ba'o/ /phyin ci log pa dag yul la dmigs

  66. 33b

    pa rnyed nas nyon mongs pa rnams kyi gdungs bar byed do/ /don rtogs pa la ni de dag med par gdon mi za bar mya ngan las 'da' o/ /byis pa rnams ni phyin ci log tu gyur pas mya ngan las 'das par mi 'thad do/ /de dag ni 'dod chags dang chags dang bral ba'i gnas la yongs su rtog pas ji ltar dmigs pa'i yul la chags pa dang/ mi chags pa yod par 'gyur/ 'phags pa dag ni 'khor ba 'di la/ gnas yod na ni 'dod chags dang/ 'dod chags bral ba dmigs 'gyur na/ /gnas mad bdag nyid chen po rnams/ /chags pa med cing chags bral min/ /gang la chags pa de yang dmigs la gang la mi chags pa de yang dmigs na ni chags pa dang mi chags pa gnyis su rung ngo/ /dngos po la rang gi ngo bor sgro mi 'dog na 'dod chags dang 'dod chags dang bral ba mi 'byung ngo/ /'phags pa rnams ni dngos po'i rang gi ngo bo mi dmigs pas de bas na de dag gnas med de/ dmigs pa med par nges par mya ngan las 'da' o/ /de'i phyir de ltar rnam par dpyad na/ gang dag rnam par dbyen pa la/ /g.yo ba'i yid kyang mi g.yo ste/ /nyon mongs sbrul gyis bkrugs pa yi/ /mi bzad srid pa'i rgya mtsho brgal/ /rang bzhin gyis rgod pa'i phyir sems spre'u lta bu dben pa 'gro ba stong ba zhes dmigs pa 'di la gang dag bstan par gnas pa dag ni srid pa'i rgya mtsho nyon mongs pa'i sprul gyis gang ba dmigs pa brgal ba'o/ /da ni rab tu byed pa'i dge ba yongs su bsngo ba'i phyir/ /dge ba 'di yis skye bo kun/ /bsod nams ye shes tshogs bsags te/ /bsod nams ye shes las byung ba/ /dam pa gnyis ni thob par shog /ces bya ba smos so/ /shes rab ma gtogs pa dang/ shes rab kyi rgyu ma gtogs pa sems can gyis khams mdza' dag yongs su shes par bya ba'i phyir bsgrubs pa dge ba dpag tu med pa thams

  67. 34a

    cad ni bsod nams kyi tshogs zhes bstan to/ /shes rab dang shes rab kyi rgyu sangs rgyas su 'grub par yongs su bsngo ba thams cad ni ye shes kyi tshogs so/ /skye bo thams cad kyis tshogs de gnyis bsags te nye bar bsgrubs nas bsod nams ye shes las byung ba'i dam pa bla na med pa thob par shog cig /byung ba ni skyes ba'o/ /bsod nams dang ye shes las byung ba de dag ni bsod nams dang ye shes las byung ba ste/ de gnyis gang zhe na/ gzugs kyi sku dang chos kyi sku'o/ / dge ba 'dis de gnyis thob par shog cig /klu yi rkyen yin 'jigs dang bcas pas yongs spangs pa/ /rigs pa'i ku mu da 'di kha 'byed zla ba ni/ /nyes pa'i 'byung gnas rab rib rnam pa rab bcom nas/ /blo gros mi ldan skye bo rnams la grags bas mdzes/ /chos nyid dang ni mi 'gal gang 'jug pa/ /don de gal te ji skad ces brjod kyang/ /de la nyes shes sangs rgyas mi gsung phyir/ /bdag gis yang dag rtogs la dogs pa med/ /de phyir bdag gis 'jom spangs gus byas te/ /rig pa drug cu pa 'di rnam par phye/ /rnam par phye ba'i bsod nams gang yin 'dis/ /'gro ba ma lus thub dbang myur gyur cig /rig pa drug cu ba'i 'grel pa 'di ni/ slob dpon zla grags zhes bya ba theg pa chen po dbu ma'i slob dpon yul sa ma ta nas skyes pa/ mu stegs can rtog ge ngan par smra ba'i tshogs thams cad kyi mun pa mang po rnam par 'joms pa/ de bzhin gshegs pa dka' mdza' gnyis rnam par spangs pa'i nam mkha' i dkyil thos pa dang bsams pa las byung ba'i ye shes kyis snang bar gyur na/ gnas pa yang dag pa ma yin pa'i phyin ci log rnam pa sna tshogs kyi tsha bas gdungs pa'i 'gro ba mdza' dag bsil bar mdzad pa'i zla ba 'od zer dri ma med pa dpag chu med pas grags pa yin te/ des mdzad pa'i rig pa drug cu

  68. 34b

    pa'i 'grel pa rdzogs so// //rgya gar gyi mkhan po dzi na mi tra dang/ tA na shi ?? dang/ shO len+d+ra bod+hi dang/ zhu chen gyi lo tsA ba bande ye shes sles? bsgyur cing zhus te gtan la phab ba'o// //bzhi brgya ba'i 'grel ba slob dpon zla ba grags pas mdzad pa bzhugs so// // */ /rgya gar skad du/ bo d+ha sitwa yo ga tsArya tsa tu sha ta kaTI ka/ bod skad du/ byang chub sems dpa' i rnal 'byor spyod pa bzhi brgya pa'i rgya cher 'grel pa/ 'phags pa 'jam dpal gzhon nur gyur pa la phyag 'tshal lo/ /'dir slob dpon 'phags pa lhas nye bar sbyar ba byang chub sems dpa' i rnal 'byor spyod pa bzhi brgya pa'i bstan bcos kyi rab tu byed pa bcu drug gi tshig le'ur byas pa'i don 'grel gcig gis rnam par dbye bar 'dod pas de'i spyi don nye bar bsten pa'i phyir bshad pa/ gang las 'jig rtan pa'i dngos ji ltar gnas pa bzhin/ /rnam par phye nas rim gyis don dam ston gyur ba/ /de la rab tu byed pa dang po bzhis ni 'jig rten pa'i dngos po ji ltar gnas pa yongs su gsal bar bya ste/ 'di ltar gzugs la sogs pa phung po lnga po dag ni rgyu dang rkyen la rag las te skye ba yin la/ de dag kyang skye ba dang ldan pa nyid kyi phyir na mi rtag pa'o/ /gang dag mi rtag pa de dag ni gdon mi za bar mi rtag pa nyid kyis gnod pa'i bdag nyid can yin pa'i phyir sdug bsngal ba'o/ /gang dag sdug bsngal ba de dag ni rtag tu skyo ba skyed par byed pa nyid kyi phyir mi gtsang ba'o/ /gang dag mi gtsad ba de dag ni dor bar bya ba nyid kyis bdag tu 'dzin pa dang bdag gir 'dzin bas yongs su bzung bar mi 'os pa nyid kyis nga dang nga'i 'byung bar mi 'os pa nyid kyi phyir na bdag med pa'o/ /de'i phyir 'jig rten pa'i dngos po de lta bu 'di phyin ci log las rnam pa gzhan du snang bas gdon mi za bar 'di spang bar bya ba nyid du mngon par gsal

  69. 35a

    bar byas nas sangs rgyas nyid blang bar bya ba nyid yin no/ /de ni byang chub sems dpa' i spyod pa yang dag par bstan pas 'thob pa'i phyir lnga pas ni byang chub sems dpa' i spyod pa bstan to/ /nyon mongs pas zil gyis mnan pa ni byang chub sems dpa' i spyod pa'i bar du gcod par byed pa yin pas na drug pas nyon mongs pa dpyad do/ /bdun pas ni yul rnams nyon mongs pa rnams skye ba dang gnas pa dang 'phel pa'i rgyu yin pas yul dpyad do/ /yul de dag kyang sems can chos kyi rang bzhin ma rtogs shing yul rnams la tshul bzhin ma yin pa'i yid la byed pa dang ldan pa rnams la nyon mongs ba skye ba'i rgyu yin pas bstan bcos 'di las don dam pa bstan pa de la chos kyi rang bzhin rnam par bshad pa nyan par 'dod pa'i slob ma'i sems kyi rgyud las su rung bar bya ba'i phyir/ /brgyad pa yongs su sbyong ba'i rab tu byed pa'o/ /de'i 'og tu rab tu byed pa brgyad kyis chos rnams kyi rang bzhin med pa nyid bstan to/ /zhes bya ba ni bstan bcos bzhi brgya ba'i bsdus pa'i don to/ /de 'di da lta'i snyan dngags mkhan gyis rnam gnyis byas/ bstan bcos bzhi brgya ba de ni da lta'i snyan dngags mkhan btsun pa chos skyong gis ji ltar dgod pa phye nas rnam pa gnyis su byas te/ gcig ni chos bstan pa brgya pa nyid du'o/ /gzhan ni rtsod pa brgya ba nyid du'o/ /da ni bdag gis gcig tu de rnam dbye bar bya/ da ni bstan bcos bzhi brgya ba de gcig tu byas nas bdag gis rnam par dbye bar bya'o/ /de ltar byas dang bkod pa snga ma yang yongs su bskyangs par 'gyur la/ des phan gdags par bya ba rnams la phan btags par yang 'gyur te/ bstan bcos kyi don brjod par 'dod pa mdza' dag blangs bas rang dang gzhan gyi don yang dag par 'grub pa'i phyir ro/ /gang gi phyir na slob dpon 'phags pa lha 'di ni/ /slob dpon klu sgrub slob mar gnang bar 'dod gyur pa/ /de'i

  70. 35b

    phyir 'di'i de nyid lugs las lugs gzhan min/ /'di ltar slob dpon 'phags pa lha ni sing+ga la'i gling du 'khrungs pa sing+ga la'i gling gi rgyal po'i sras zhig ste mthar rgyal tshab bor nas de nyid du rab tu byung zhing/ de nas lho phyogs kyi brgyud ltar 'ongs te slob dpon klu sgrub kyi nye gnas nyid du gyur cing/ de'i lugs kyi rjes su 'jug par gyur pa de nyid kyi phyir na bstan bcos bzhi brgya ba 'di'i de kho na nyid gang yin pa de ni dbu ma'i bstan bcos las bshad pa'i de kho na nyid las mtshan nyid tha dad pa can ma yin no/ /gang zhig mtshan nyid so sor byas nas smra bar byed pa de'i gzhung lugs so sor smra ba shin tu bab col yin te/ de'i chos nyid la log par rtog pa'i phyir ro/ /bstan bcos bzhi brgya ba 'di ni/ /bzhi sgra mi mngon byas pa dang/ /rtog rnams sel bar byed pa'i phyir/ /brgya ba zhes byar brjod pa ste/ /'dzin pa 'chos phyir bstan bcos so/ /dang po'i sgra mi mngon par byas pa'i phyir dang/ rtog pa rnams sel bar byed pa'i phyir brgya ba yin la/ 'dzin pa rnam pa sna tshogs pa 'chos pa'i phyir na de nyid bstan bcos te/ bzhi yang de dag yin la tshigs su bcad pa brgya yang yin no/ /de la mi rtag pa nyid ni skyo ba dang/ rjes su mthun pa'i phyir dang/ de rtog pas sdug bsngal la sogs pa rnams khong du chud bar sla ba nyid kyi phyir na dngos bo ji ltar gnas pa ?? yongs su gsal bar bya ba'i phyir re zhig mi rtag pa nyid bstan pa'i phyir bshad pa/ gang la 'jig rten gsum mnga' bdag /rang nyid 'chi bdag byed po med/ /yod des rnal bzhin gnyid log na/ /de las ma rungs gzhen ci yod/ /sangs rgyas bcoM ldan 'das la bsten nas bstan bcos bzhi brgya ba 'di la gus pa bskyed bar bya ba'i phyir/ gdon mi za ba kho nar bstan bcos kyi rtsom bar ston pa la mchod pa bsgrub par bya dgos so zhe na/ bdon mod kyi 'on kyang sngon gyi slob dpon rnams ni slob dpon klu

  71. 36a

    sgrub kyi zhal snga nas kyis/ gang gis rten cing 'brel par 'byung/ /'gag pa med pa skye med pa/ /zhes bya ba la sogs pas bstan bcos dbu ma'i rtsa ba las thog mar bcom ldan 'das la bstod pa brjod par mjed la/ bstan bcos 'di yang bstan bcos de'i khongs su gtogs pa nyid kyi phyir rje btsun sangs rgyas bcom ldan 'das la logs su bstod pa brjod pa nye bar ma bkod do/ /zhe'o/ /'dir rab tu byed pa brgyad kyi tshig le'ur byas pa dag re re la slob dpon chos kyi 'bangs kyis sbyar ba'i dpe rnams 'don pa de dag dang lhan cig rnam par bshad par bya'o/ /de la phung po lnga rgyur byas nas gdags pa'i gang zag ni skye ba'i gnas de dang der 'jig cing rab tu 'jig pas 'jig rten no/ /'jig rten gsum nyid 'jig rten gsum ste/ rang gi don la Shun byas pa'i phyir ro/ /de dag kyang khams gsum po 'dod pa dang gzugs dang gzugs med pa zhes bya ba dag gi/ gang klu'i 'jig rten dang/ mi dang lha'i 'jig rten zhes bya ba dag go /de'i phyir 'chi bdag ni ji ltar 'dod pa bzhin bya ba la mda' brtsan pa'i phyir na 'jig rten gsum po 'di'i mda' bdag go /de la sangs rgyas bcom ldan 'das 'chi bdag gi bdud pham par mdzad pa la 'chi bdag gi bsnyengs pa mi mda' zhing/ des bstan pa las skyes pa 'jig rten las 'das pa'i lam gyi 'od kyis sems kyi rgyud snang bar byas shing/ nges par 'byung ba'i rga shi yongs su zad pa rnams la yang 'chi bdag gi 'jigs pa med mod kyi/ gang zhig 'phags pa'i lam rgyud la ma skyes shing/ dngos po rnams la 'di nyid du bden par mngon par zhen pas khams gsum gyi 'ching ba las yongs su ma grol ba de 'chi bdag don po can yin pa nyid kyi phyir gang la zhes bya ba ste/ rnam pa de lta bu'i gang zag gang la 'jig rten gsuM

  72. 36b

    gyi yang bdag po rang nyid 'chi bdag gi rgyal po gzhan gyis rab tu ma sbyar ba dang/ gzhan rab tu sbyor ba po ma yin pa nyid kyis na rang nyid kyis chad pa gcod par byed pas skyes bur byed pa gzhan dag gis slar bzlog tu med pa/ ral gri rnon po gdengs pa ltar srog gcod par bya ba'i phyir zhugs pa yod cing/ gson pa de dag la rag las pa des 'chi ltas kyis zin pa ltar ram skra 'am gos la me shor ba ltar gyur par byas te bag yod par spyod pas de'i phyir spyod bdag la brtson par bya dgos te/ bya ba byas pa ltar chos shing brtson par mi byed par rnal ma bzhin gnyid log na ni/ de las ma rungs gzhan ci yod/ /ji skad bshad pa'i gang zag bag med pa dang ldan pa 'di las ches mchog tu ma rungs pa gzhan yod pa ma yin te/ gang zhig 'chi bdag gi chad pa'i dkyil na gnas bzhin du rnal ma bzhin du gnyid log cing de'i phyir spyo ba'i cho gar 'phags pa'i lam bskyed pa la gus par mi byed pa de nyid ma rungs pa yin no/ /de'i phyir de ltar na chad pa dug pa med pa can gyi 'chi bdag gi spyod yul gnas pas ni gor ma chag par bag yod pa dang ldan par bya dgos te/ mar me 'degs pas rab tu skyon par byas pa'i rgyal po dang/ 'jigs pa dang bcas pa'i grong du bsdad pa'i mi bzhin no/ /rgyal po ri mo cher yongs su bzung ba'i blon po 'ga' zhig gis mar me 'dzin pa rnams ma gtogs pa rgyal po slas dang 'khor dang bcas pa rang gi khyim du spyan drangs nas ri mo cher rim gro byas pa dang/ sems mgu bar ma byas pa de rnams kyis thabs kyis ci nas blon po gsod par 'gyur ba de ltar rgyal po log par 'dzin du bcug la nges kyang rang gi rgud pa phyir ldog pa'i phyir gus pa dang ldan pas ji ltar de la gnod par mi 'gyur ba re ltar nan tan du byas par grag ste/ de bzhin du gzhan dag gis kyang bag yod pa la gnas te/ ji ltar 'chi bdag gi rgyal

  73. 37a

    po gnod par byed par mi 'gyur pa de ltar bsgom par bya'o/ /yang skyes bu zhig lam bzang po nor nas 'brog dgon pa zhig tu phyin par gyur zhing/ de'i rjes thogs su bag med pas 'jigs pa shin tu che ba'i grong zhig tu yid bstan par byas te bcom nas shi bar gyur pa de bzhin du khams gsum gyi grong 'chi bdag gi chad pa nye bar bag med pa dang ldan pa gang zhig sdod pa de ni nges par 'chi bdag gis 'joms par 'gyur ro/ /de'i phyir bdag nyid shes pas rtag tu bag yod pa kho nar bya dgos te/ bag yod bdud rtsi'i gnas te bag med pa/ /'chi ba'i gnas su zhes bshad do/ /'dir smras pa/ gal te yang 'jig rten gsum gyi mnga' bdag 'chi bdag yod mod kyi/ de lta na yang de bas ches sngar de bzlog par byed pa po bya ba gson pa yod pa yin te/ de yod pa las na de'i bar du 'chi bdag la mi 'jigs te/ skyes pa tsam la 'chi ba mi srid pa'i phyir ro/ /bshad par bya ste/ gson pa la ni 'chi bdag gi 'jigs pa phyir ldog par byed pa po nyid yod pa ma yin te/ de yang 'chi ba'i don du yin pa nyid kyi phyir ro/ /'di ltar 'chi bar bya phyir skyes gyur cing/ /gzhan dbang 'gro ba'i dang can la/ /'chi ba bya ba ltar snang ste/ /gson pa bya ba min ltar ro/ /rga shi skye ba'i rkyen can yin pa nyid kyi phyir skyes pa kho na 'chi'i ma skyes pa ni ma yin pas/ 'chi ba'i ched du dang po skye ba 'byung ba de ltar na/ 'chi bar bya phyir skye 'gyur zhing/ /'chi bdag dang sprod pa'i rgyu rga ba dang na ba dang rgud pa la sogs pa'i rkyen la rag las pa nyid kyi phyir rang dbang med cing 'chi ba'i lam na gnas pa'o/ /rga ba la sogs pa skyes bu gshed ma dang 'dra ba rnams kyis myur du 'chi bdag gi thad du bkri bar bya ba nyid kyi phyir na 'gro ba'i dad can no/ /de'i phyir bsad par

  74. 37b

    bya ba'i mgo gcod pa ltar mdza' yang 'chi bas thog ma dang bar dang tha ma rnams su de'i don kho nar zhugs pa nyid kyi phyir skye bo de la 'chi ba bya bltar mthod gi/ gson pa ni ma yin te/ de'i don du zhugs par mthong ba'i phyir ro/ /de'i phyir thog mar yang gsod ba la re bas bdag nyid bslu bar mi bya'o/ /zhes bya ba ni yang dag par bskul ba'o/ /'dir mi'i dpa' bo thog ma'i mtshan mo ni/ /gang nas 'jig rten mngal na gnas 'gyur pa/ /de nas brtsams te de ni nyin re zhing/ /'gros pa shol med par 'chi bdag drung du 'gro/ zhes bshad de/ zhag grangs pa'i rgyal po'i pho nya dang/ rnga mo la zhon pa'i kun tu rgyu mo dang/ bshed byed mo bslang ba bzhin no/ /dper na rgyal po shin tu gtum po ma rung pa snying rje med pas yongs su bgrangs pa'i zhag la 'ong bar bya pa'i phyir mngags pa'i pho nya'i bya ba ni 'ong ba kho na yin gyi 'dug pa ma yin pa de bzhin du/ skyes pa'i bya ba yang 'chi pa nyid yin gyi/ gson pa ni ma yin te/ skad cig skad cig la gson pa 'gag pa'i phyir ro/ /yang dper na kun tu rgyu mo zhig khyim du 'jug par bya'o snyam ste khyim sgo na 'dug pa'i rnga mo la bgom par zhugs pa dang/ rnga mo des 'di ni skyen bu zhig go snyam du shes te langs nas chas shing/ de yang de'i dbang du gyur pa de bzhin du skye ba thams cad 'chi ba gzhan gyi dbang ste/ 'chi ba la rag las zhes bya ba'i don to/ /yang ji ltar gzhan bsad par bya ba'i phyir gshed byed bslang ba dang gzhan gsod par ma nus pas slang ba po de nyid bsad kyi/ gzhan ni ma yin pa de bzhin du skyes pa gnas par bya bar mi nus pa'i phyir 'chi ba nyid bya ba yin gyi/ gson pa ni ma yin te/ gson pa ni slong ba po gsod par byed pa ltar blta bar bya'o/ /'dir 'chi ba phyir bzlog par byed pa gson pa ni yod pa nyid de/ las kyi 'phen pa ji lta ba bzhin de yod pa'i phyir ro/ /

  75. 38a

    'di ltar deng sang na mi rnams tshe lo brgya pa yin la/ bdag gi dang po lo bcu drug ni 'das la/ brgyad cu rtsa bzhi ni ma 'ongs pa yin te/ de'i phyir bdag gis dus cung zad? cig yul gyi bde ba nyams su myong bar byas te phyis 'chi bdag bzlog pa'i phyir 'bad par bya'o/ /de'i phyir gson po'i? dus ring po nyid du mthong ba'i phyir gson po'i re ba rig pa yin no/ /zhes smra'o/ /'di yang mi rigs pa smras pa nyid du brjod pa'i phyir/ khyod kyi 'das dus thung du ltar/ /mthong zhing ma 'ongs gzhan du na/ khyod mnyam mi mnyam ltar sems te/ /gsal bar 'jigs pa'i 'o dod 'dra/ /zhes bya ba smos so /gang la khyod kyis ches nyung pa nyid du nges par bzung nas yid bag med spyod pa la nye bar sbyor ba 'das pa'i dus gang yin pa de ni ma 'ongs pa dang 'dra'o/ /ji ltar tshe la nges pa med pa'i phyir ma 'ongs ba'i dus thung ba 'am ring ba nyid du yongs su bcad par mi nus pa de bzhin du 'das pa yang thung ba 'am ring pa nyid du yongs su bcad par mi nus te/ de thung ba dang ring ba nyid ni ma 'ongs pa'i 'thung ba dang ring ba nyid la bltos pa'i phyir ro/ /de'i phyir de ltar na thung ba dang ring ba nyid du yongs su bcad par mi nus pas 'das pa dang ma 'ongs pa'i dus dag mnyam par rnam par gnas pa la/ gang 'das pa kho na thung gi ma 'ongs pa ni ma yin no/ /zhes mi mnyam par mthong ba dang ldan pa khyod kyi bsam pa de ni gsal bar 'chi ba'i 'jigs pa kho na ston pa yin te/ 'jigs pa'i sgra bzhen no/ /de'i phyir ma 'ongs pa ring pa nyid du yongs su brtags pa las yid brtan par mi rigs te/ 'dis 'chi bdag gi 'jigs pa dang bral bar bya ba'i phyir brtson par gyur par ni rigs te/ 'jig tshogs pa lta ba'i bra ma the dang/

  76. 38b

    'jigs nas bstan pa'i dngo 'don pa bzhin no/ /grong gi khang dmigs 'ga' zhig tu don mthun byed pa brdal gcig gis mtshan mo bsdang nas phyegs dang phyogs su bshad pa btang te nang par snga ba nyid du dong bar gyur to/ /de dag gi nang nas bram ze kha cig gnyid kyis bor ba la khang pa de skyong ba zhig gis 'ongs te slang nas blun po smad ba'i gnas dag ji srid ma snan gyi bar du la mar bshad ba sol cig ces smras pa dang/ de nas de dag gi rang rang gis bshad ba btang ba sel gyi/ gzhan gyis ni ma yin no/ /zhes smras par grags te/ bram ze de dag ni mi gtsang ba la yang bdag gir 'dzin par zhugs pas 'jig tshogs la lta ba'i bram ze zhes bya'o/ /ji ltar 'jig tshogs la lta ba'i bram ze de dag brdeg par bya'o/ /zhes thabs kyis bshad ba sel du bcug la/ ji ltar de dag bshad pa mi gtsang bar mtshungs kyang 'di ni bdag gi yin gyi/ 'di ni ma yin no/ /zhes mi mnyam par lta ba de bzhin du/ 'das pa dang ma 'ongs pa dag thung ba dang ring ba nyid du yongs su gcad du med par mnyam du zin kyang sems can rnams kyi thung ba zad la ring ba lus so snyam du mi mnyam par mthong ngo/ /yang na dper na lam 'jigs pa dang bcas par zhugs bzhin rkun po'i tshogs nye bar gnas pas 'jigs bzhin du yang mi 'jigs pa skad du smra zhing/ nges 'jigs pa yin no/ /zhes bya bar shes par byed pa kho na yin pa de bzhin du tshe cung zad cig ni song ngo mang po ni lus so/ /zhes 'chi bas 'jigs pas sgag? par smra ste/ de cem gyis de dag dbyugs phyung bar ni mi 'gyur ro/ /gang zhig ma 'ongs pa la ring po nyid du brtag par mi rigs mod kyi/ de lta na yang 'chi ba 'di ni sems can thams cad kyi thun mong yin pas de las skrag par mi 'byung ngo/ /zhes smra pa de las brtsad par bya ste/ gzhan dag la'ang spyi thun phyir/ /khyod la 'chi ba'i

  77. 39a

    'jiT med na/ gcig la gnod gang de phrad dog /sgo nas sdug bsngal bskyed 'gyur ram/ /gal te thun mong ma yin pa'i phyir gnod pas gzhan la mi gnod pa nyid kyis phun sum tshogs pa mi bzod pa'i rten pag dog de la ltos nas 'joms shing/ rang gi ngo bo nye bar lhags pa las ma yin na ni de'i tshe 'di yid brtan pa'i gnas su 'gyur ba zhig na/ 'di ni de ltar yang ma yin te/ gnod pa de'i rang gi ngo bo nyid tsha ba yin no/ /'di ltar mes bsregs pa'i sdug bsngal ni gzhan la phrag dog pa la bltos te bsreg bya 'joms pa ma yin gyi/ 'on kyang gang phrag dog med par 'joms pa/ yul yang dag par lhags pa de nyid rnam pa de lta bu yin pa de bzhin du 'chi ba'i sdug bsngal 'di ma yin bas thun mongs pa nyid yid brtan pa'i rgyu ma yin no/ /kha cig tu phrag dog gis byas pa'i sdug bsngal bla lhag srid kyi/ /phrag dog gi dngos po ni yul yang dag par lhags pas gnod pa'i sdug bsngal gyi rgyu ma yin no/ /de'i phyir skrag pa'i gnas su mkhas pa'i skrag pa nyid rigs pa'i ngo bo yin te/ grong pa'i dpya' dbul ba dang chom rkun gyis ded dpon bsad bya ba bzhin no/ /ji ltar grong pa rnams dpya''bul ba'i dus su thog mar gang bzung ba de sdug bsngal bar 'gyur la/ thams cad bzung ba'i tshe na ni ma yin pa de bzhin du 'chi ba ni ma yin te/ de ni phrag dog med pas sdug bsngal gyi rgyu nyid yin pa'i phyir ro/ /yang ji ltar rgyal pos tshom rkun gyi ded dpon bsang bar bya ba bsad par bya dgos so/ /zhes bka' lung stsal pa dang/ de yang phrag dog gis sdug bsngal par gyur la/ thams cad la bka' stsal na ni ma yin zhing/ de dag bsad pa de la phan par 'gyur pa yang ma yin pa de bzhin du/ thams cad kyi thun mong yin no snyam du bsams nas byis pa so so'i skye bo rnams 'chi ba la 'jigs shing/ 'ga' zhig 'chi bas 'ga' zhig la

  78. 39b

    phan 'dogs par yang mi 'gyur ro/ /gang zhig gso dpyad dang bcud kyi len nyo bar spyad bdag gis dus re zhig rga ba dang na ba'i gnod pa nye bar lhags pa'i sdug bsngal bzlog ste/ des byas pa'i skyes bu'i byed pas 'chi ba yang mi 'jigs pa de skyo ba bskyed pa'i phyir bshad pa/ nad bco rga ba gso bya des/ /de dag la khyod mi 'jigs mod/ /chad pa phyi ma bcor med pas/ /khyod ches gsal bar de la 'jigs/ /nad bcos su yod pa'i phyir dang/ rga ba gsor yod pa'i phyir de gnyis la khyod mi 'jigs la rag mod/ 'chi ba la ni de ltar bzlog pa po mi srid pas khyod la de la 'jigs pa yod par ches gsal lo/ /chad pa phyi mi de ni bcos su med pa zhig ste/ srog mthar byed 'che bdag ces bya ba bcos su med pa de la gdon mi za bar 'jigs par bya dgos pas rga ba dang na ba'i bcos ga tsam la re ba'i sgo nas khyod bdag nyid bslu bar mi rigs te/ blon po rengs pa bzhin dang/ khrus mkhan dang rgyal po'i na bza' bzhin no/ /dper na rgyal po 'ga' zhig la blon po rengs shing/ des de bzung ba'i phyir dmag mngags pa dang des de 'bul gyi bcos par gyur la/ de nas gzhan btang ba dang/ de yang kho na ltar bcos par gyur to/ /de nas rang nyid gshegs pa dang/ des bcos su med par gyur pa de bzhin du/ rga ba dang na pa dang 'chi ba dag shes par bya'o/ /yang ji ltar khrus mkhan zhig khyim khol gyi bram ze rnams kyi gos dag chud gzan nas thabs kyis bstun par byed kyi/ gang gi tshe rgyal po'i na bza' chud gzan pa de'i tshe ni slar bstun par me nus so/ /de ltar rgyal po'i na bza' brlag pa dang slob dpon kha cig dag rgyal po mthar 'gro zhon chad par byed te/ de'i na bza' chud gzan nas slar bskyal bar mi nus pas/ lags mthun khyab 'jug la dgyes ltos phyogs rgya mtsho'i bu mo gnag khrus 'gram dkrigs? shing na?

  79. 40a

    gang ga'i ngo zla go da wa ri'i klung zhes rnam par grags par gyur pa gang/ de la da lta sprin dus byol du zin kyang khyod kyi glang chen dbang myos pa'i/ /mche ba'i gtun shing gis dkrugs bslang ba'i rdul rnams kyis chab dang pa yongs ma mchis zhes zhu gsol byas par grag go /'chi bdag ni de ltar zhu bas bcos su yod pa ma yin te/ de ni ma rig pa'i dgra bo zhe ngan drag po 'byung ba can dang 'dra bar gdon mi za bar de la yid dbyung bar bya'o/ /ci ste nges par 'chi ba zhes bya ba so so'i skye bo rnams kyis skyes bu'i mthu nges par ldog tu med pa 'di ni yod mod kyi/ de ni da ltar nges bar ma zin pa'i phyir 'jigs pa 'dren par byed pa ma yin no snyam na/ de yang yong pa ma yin te/ 'di ltar bsang par bya ba'i phyogs rnams ltar/ /'chi ba kun gyi thun mong zhing/ /gzhan yang 'chi ba snang 'gyur na/ /khyod la 'chi bdag 'jigs ces med/ /gal te 'chi ba 'di thun mong ma yin pa dang/ mi snang bar 'gyur na ni de de skad brjod par rigs pa zhig na/ gang gi phyir gang 'chi bar rtogs par mi 'gyur pa 'di ni shin tu byings che ba ma yin te/ du ma zhig ni shi zin zhing 'chi ba bzhin par rtogs so/ /de ni de kho na la yod pa yang ma yin te/ gang gi phyir 'chi ba thams cad kyi spyi thun yin par rtogs pa'i phyir ro/ /dper na bsad par bya ba'i phyugs rnams kyi 'chi ba ni thams cad la thun mong ba yin la/ gcig gis cig shos 'chi ba dmigs pa yang yin no/ /de bzhin du mi rnams kyi yang yin pas rgyu gang gis khyod la 'chi ba'i 'jigs pa med par 'gyur/ rgyu gnyis kyis 'chi ba'i 'jigs pa mi srid de/ de mi dmigs pa dang de las 'das pa yin pa zhig na/ gnyis po 'di ni khyod la mi srid de/ 'chi bdag gdol pa gson pa'i lam 'gags nas mdun na gnas pa de'i phyir bag med pas ci zhig bya/ bag med pas ni

  80. 40b

    phyugs dang mtshungs pa nyid du 'gyur te/ gsod sa'i phyugs bzhin no/ /ji ltar bsha' ri'i phyugs rnams 'chi bar mtshungs bzhin du/ gang gi tshe ba shan pas phyugs gcig bsad pa'i phyir khrid par gyur pa de'i tshe gzhan dag so gsong par gnas par 'gyur pa de bzhin du/ gsong sa'i phyogs ltar 'chi ba thams cad la thun mong du yod bzhin du gang gi tshe gcig 'chi ba de'i tshe byis pa gzhan rnams rnal du gnas par 'gyur ro/ /gang dag gal 'chi ba mngon sum du dmigs mod kyi/ de lta na yang de'i dus ma nges pas de la gcig tu 'jigs pa ma yin no/ /'di ltar ston brgya 'am stong na 'chi'o/ /zhes nges par mi zin te/ de'i phyir shin tu gus pas ci zhig bya snyam du sems pa de yang yod pa ma yin te/ 'di ltar dus la nges pa med pa'i phyir/ /bdag rtag snyam du sems na ni/ /nam zhig dus na 'chi bdag gis/ /khyod la bsod? par byed par 'gyur/ /'dir dus 'di zhes bya ba na 'chi bar 'gyur ro/ /zhes bya ba'i des pa med pas bdag ther zug pa yin no snyam du sems na/ 'chi ba'i dus la nges pa med pa nyid kyis 'jigs par bya dgos bzhin du de nyid kyis mi 'jigs so zhes bya ba 'di ni cher blun pa nyid de/ 'di ltar ded ngam sang zhes bya ba de lta bu la sogs pa'i dus gang yang rung bzhig na gdon mi za bar 'chi ba'i chos can khyod la 'chi bdag nye bar lhags nas gnod pa byed par 'gyur te/ de nas rang nyams kyis shes pa ma 'gyur ro/ /de'i phyir gson pa'i dus ring bar re ba brgya stong gi bdag nyid can de dor nas/ 'chi >ba'i 'du shes mngon du bya ba la bag yod par bya bar rigs te/ srin po ba ga'i za res la 'gro ba bzhin no/ /ji ltar gang zag gi yul la/ srin po bka' i bza' i ched du gang la res 'ong ba de nyid 'gro ba de bzhin du skye bo thams cad 'chi bar 'gyur ro/ /'dir 'chi ba nges mod kyi/ de lta na yang

  81. 41a

    dpa' o thob par bya ba rnyed pa dang bkur sti dang snyan pa sgrub pa lhur len cing/ g.yul ngor mtshon cha rnon po babs pas nyam nga bar gyur bar yang sdug bsngal med pa rnams ni/ rang gi bstan pa'i gdeng gis gzhan gnon par byad te/ de'i phyir 'chi ba'i 'jigs pa ni sngar ma kho na la mi dga' ba skyed par byed pa yin gyi/ dpa' bo la ni ma yin no/ /zhes zer ba bzlog ba'i phyir bshad pa/ ma 'ongs pa yi don lta zhing/ gson pa zad pa ma yin no/ /bdag nyid 'tshod la bdag nyid ni/ /byams zhes mkhas pa su zhig smra/ /'dir khyod sred pas tshe 'di'i ma 'ongs pa'i don rnams gcig tu thob par bya ba nyid du lta yi/ gang gi ched du don thob par byed pa don nye bar longs spyod pa'i rten du gyur pa'i gson pa de zad pa la ni ma yin no/ /de'i phyir de ltar na rang gi srog 'tshong ba'i bya bas ma 'ongs pa'i don rnams don du gnyer zhing bdag 'tshong ba khyod la bdag rig go /zhes mkhas pa su zhig smra ste/ su yang ma yin gyi/ rmongs pa kho na smra bar byed do/ /de'i phyir rang gi srog dang bral ba kho na la so sor brtag par bya'i/ rnyed pa dang bkur sti la sogs pa rnams ni ma yin te/ tshong ba'i bu dang/ phas btsongs pa'i bu bzhin no/ /tshong pa'i bu zhig la chags 'brel mang ba la/ des kyang phar chags pa kho na bltas kyi tshur 'brel pa ni ma yin pas chags pa'i rjes su mthun par bgod rgo byas nas de phongs par gyur to/ /yang bram ze zhig la bu gsum yod par gyur la/ des mu ge'i dus su khyim thab la yu bu bu gcig btsong ngo zhes smras pa dang/ de rgyal bu zhig gis thos par gyur zhing/ des 'ongs nas bslangs par gyur to/ /de nas phas thu'o bzung la/ mas tha chungs bzung ngo/ /de nas 'bring pos rgyal bu la/ thu bo pha yi btsong bya min/ /tha chungs ma yis

  82. 41b

    ma yin pas/ /'bring po btsongs par gyur snyam gyis/ /rgyal bu kho bo bkre bar mdzod/ /ces smras so/ /ji ltar drang srong phrug gu 'bring po des rang gis rang btsongs pa de bzhin du gla ba de dag kyang bdag btsongs nas bdag srol bar byed pa dang/ /'dir smras pa/ gal te nor gyi don du srog gtong ba smad pa yin na/ 'o na rang gi srog bsrung bar bya ba'i phyir sdig pa dag la yang spyad par 'os so/ /brjod par bya ste/ bdag nyid gta' mar bzhag bya ste/ sdig las ci yi phyir na byed/ /nges par khyod ni mkhas rnams ltar/ /bdag la 'dod chags bral bar zad/ /'di ji ltar chang la dga' ba kha cig chang khang du rang nyid kyi bar yang gtar bcug nas myos bar gyur ba'i khu ba kho na 'thung gi/ bdag nyid kyi ma 'ongs pa'i sdug bsngal bkren pa las gyur ba 'am/ gzhan gyi dbang las gyur pa la mi lta ba de bzhin du khyod kyang ci'i phyir 'di yul smig rgyu lta bu la chags pa'i sgo nas dmyal ba la sogs pa'i sdug bsngal drag po la rtsis med par der bdag nyid gtar bzhag nas sdig pa'i las byed par 'gyur/ 'di na ji ltar dgra bcom pa rnams rgyu med pas bdag la chags pa dang bral ba de bzhin du khyod kyang yin no snyam mo/ /de ni rigs pa yang ma yin te/ de'i phyir bdag legs su 'dod pas sdig pa spyad par mi bya ste/ smad 'tshong mas g.yon can bcongs pa dang/ chang gis myos pa bzung ba bzhin no/ /g.yon can kha cig gis smad 'tshod dang lhan cig rtse 'jo byas par gyur la/ der sngar bsags pa'i nor gyi phung po zad pas de la ci yang ma byin par gyur to/ /nam zhig na de las de'i bu gnyis skyes par gyur la/ de dang ha cang mi ring ba zhig na tshong dpon 'gron po zhig gi khyim yod par gyur to/ /de nas des g.yon can la/ yu bu gnyis la bu gzhan

  83. 42a

    dag kyang skye bar 'gyur gyis/ bgod sgo'i phyir tshong ba 'dron pa'i lag tu byis pa gnyis btsongs par bya'o/ /zhes smras pa dang/ des de ltar byas par gyur to/ /de nas tshod pa rang gi yul du chas pa dang/ smad 'tshod mas g.yon can la ngas song ste tshong pa 'gron po'i khyim du gte'u mar bsdad kyis khyod kyis byis ba gnyis long la chung shos la khrus gyis la zar chug cig ces smras pa dang/ g.yon gcan gyis nga 'gron pa'i khyim du gte'u mar bsdad kyis khyod kyis byis pa gnyis khug la tha chung khrus byed du chug cig zar chug ces smras pa dang/ de bzhin du bya'o/ /zhes te/ des byis pa gnyis khrid nas sa phyogs lkug pa zhig tu bsdad pas nyi ma gnyis pa la tshong pa 'gron pos g.yon can de bcings nas rang gi yul du song ba de bzhin du skye bo byis pa rang gtar gzhag nas sdig pa'i las rnams byed de/ de rnam par smin pa ni de kho na nyams su myong par bya ba yin no/ /yang mi nor med pa 'ga' zhig gis chang khang du phyin te/ rin sbyin par bya yis zhes te chang mang po 'thungs la/ de yang yod par ma gyur pa dang/ des de bzung nas co dris par gyur te/ /gang zhig ring du gson du re bas mthong ba'i chos kho na la rang gis rang btsongs nas sdig pa'i las bya ba la 'jug pas 'jig rten phyi ma'i rnam par smin pa sdug bsngal pa'i ched du bdag nyid gtar 'jog pa de la yang slar brtsad par bya ste/ su la'ang gson pa zhes bya ba/ sems kyi skad cig las gzhan med/ /skye bos de nges mi rig pa/ des na bdag nyid shes pa dkon/ /dmigs pa las myur du 'pho ba nyid kyi phyir na sems kyi skad cig mar 'jig pa rtogs par ha cang yang mi dka' ste/ 'di ltar yi ge a la sogs pa'i yig 'bru rnams ches skyen par brjod

  84. 42b

    pa na/ yig 'bru re re zhing dus dang rnam pa tha dad pas de la dmigs pa'i sems dus dang rnam pa tha dad pa rtogs la/ dus dang rnam pa tha dad pa las kyang sems skad cig ma nyid du grub po/ /skad cig ces bya ba ni dus 'gribs pa'i mthar thug par gyur pa la bya la/ skyes bu stobs dang ldan pas se gol gtogs pa tsam gyis skad cig drug cu rtsa lnga 'da' ste/ rnam pa de lta bu'i skad cig gis rnam par shes pas skad cig ma yin no/ /ji ltar rnam par shes pa skad cig ma yin pa de bzhin du 'du byed thams cad kyang sems ltar skad cig ma yin te/ 'du byed thams cad kyang skyes ma thag tu 'jig pa la gegs med pa'i phyir dang/ mi rtag pa nyid kyang skyes pa tsam la bltos pa nyid kyi phyir ro/ /de ltar na sems can su la yang skad cig las lhag pa'i gson pa yod pa ma yin no/ /de'i phyir 'dus byas thams cad kyi chos nyid de ltar rnam par gnas pa na kha cig dag yun ring du gson pa re bas shin tu yun ring por yul longs spyad par bya ba'i phyir sdig pa'i bya ba khas blangs nas yul nye bar sogs pa gang yin pa de ni mi rigs so/ /gal te mi rigs na 'jig rten ci ste spyod ce na/ brjod par bya ste/ gang gi phyir 'du byed kyi rgyun bye brag ches mang mos tha dad bar ma gyur ba de nyid 'di 'o de nyid bdag go zhes 'dra bas blos phrogs pas gcig nyid du lhag par sgro btags nas skye bo skad cig mar nges shing gsal bar mi rig pas spyod do/ /de nyid kyi phyir 'jig rten na bdag gi rang bzhin shes pa rnyed par dka' o/ /gang zhig bdag gi rang bzhin shes pa de ni phyin ci log gi rgyu ma tshang bas sdig pa'i las la mi 'jug par spro na/ 'jig rten 'di ni phal cher sdig pa'i bya ba la gzhol bas 'jig rten na bdag shes pa dkon pa nyid do/ /de'i phyir mkhas pas bdag gi rang bzhin so sor brtag pa la rtag tu ches gus bas

  85. 43a

    'bad par nus so/ /chu klung du lhung ba'i gos tshol ba bzhin dang/ lha'i bu 'gro mgyogs bzhin te/ ji ltar mi mkhas pa 'ga' zhig gos chu klung du lhung pa yun ring du lon bzhin du yang sa de nyid du tshol pa de bzhin du bdag nyid mi shes pa yang na tshod 'das su zin kyang bdag nyid byis pa kho nar blta'o/ /yang dper na lha'i bu 'gro mgyogs dag gi 'gros ni sa bla ba 'am bar snang la sbyod ba'i lha yang rung ste bsdus kyang thub par mi nus te/ de bzhin du skad cig mar 'jig pa'i gson pa las ches chung ba'i dus 'ga' yang yod pa ma yin no/ /'dir smras pa/ gson ba skad cig ma yin mod kyi de lta na yang de rgyun mi 'chad bas tshe ring pa nyid kyi phyir na de la mngon bar zhen pa rigs pa nyid do/ /zhe na/ bshad par bya ste/ khyod ring gson pa la dga' zhing/ /rgan nyid la khyod mi dga' na/ /e mkhyod sbyod skye po ni/ /'dra la dam pa lta bur 'gyur/ /'di na ji lter na khyod nyams pa med par yun ring du gson pa la dga' ba de ltar khyod tshe ring po med na mi 'byung ba/ gnyer ma dang mgo skya ba dang 'brel ba'i rgan po nyid la ni dga' ba ma yin te/ de'i phyir kye ma khyod kyi spyod log 'di ni dam pa ma yin yang khyod dang 'dra ba'i byis pa'i skye bo kho na la dam pa ltar rab tu 'jug pa nyid yin gyi/ gzhan la ni ma yin ne/ /de'i phyir rga ba la rnam bar sdang pas rgyun dag la mngon par zhen par mi bya ste/ skyed mos tshal du zhugs pa'i rgan po la gzhon nus bzhang gang byas ba bzhin no/ /mi rgan po 'ga' zhig skyed mos tshal du zhugs pa la gzhon nu rnams kyis rgad bo khyod gzugs ngan no zhes bzhad gang du byed cing de rnams kyis yun ring du gson par 'dod pa yang yin te/ de rnams kyi spyod pa ni rmongs pa'i skye bo 'dra ba kho na la dam pa ltar 'gyur ro/ /de'i phyir de lta na bdag nyid kyi sdug bsngal rig bas gzhan 'chi ba na gzhan dag kyang 'di lta bu'i chos can no/ /zhes

  86. 43b

    skyo pa dang ldan par bya dges so/ /gang zhig rga shi ni mi 'dod pa yin mod kyi/ de lta na yang de gnyis ji ltar bu la yod par mya ngan gyi rgyur 'gyur ba da ltar rang la yod pa ma yin no/ /snyam du sems pa de la brjod par bya ste/ khyod rang 'chi la mya ngan no/ / bu sogs rnams phyir ci ste yin/ /rang nyid spyo bya smra bo ni/ /ji lta bur na smad mi 'gyur/ /'chi ba 'chi ba'i chos can te/ /bdag nyid 'chi ba'i chos can nyid du gyur pa des ni bya ba ma byas pa nyid kyi phyir rang kho na la mya ngan bya bar 'os pa na/ bu la sogs pa'i don du mya ngan bya bar mi rigs so/ /rang nyid 'chi bdag las 'das pas ni gzhan la 'chi bdag babs pa la sems nad bya bar rigs na/ gang zhig skyon mtshungs pa nyid kyis spyod pa bya bar gyur zhing gzhan dag la de smra ba por 'gyur ba de ni smad bar 'os par ji ltar mi 'gyur/ /de lta yin dang/ khyod bdag nyid kyi mya ngan bya bar 'os pa nyid las mi bltos par bu la sogs pa dag kho na la des mya ngan bya bar 'os so/ /zhes smra ba na rgyu gang gis dam pa rnams kyis smad pa nyid du mi 'gyur/ de'i phyir gzhan dag la yang 'chi bdag babs pa nges par zin par byas te ches shin tu yid dbyung bar bya'i/ mya ngan lhur len pas rtag tu dge ba'i phyogs rgyun chad par ni mi bya ste/ bram ze bran rtags mtshan btab pa bzhin no/ /ji ltar bram ze'i 'bangs rma bya'i mdongs sgros mgo la mdongs ris btab ba zhig 'jig rten kho na bran nyid du sbyor bar byed kyi/ bdag nyid la ni 'bangs yin no/ /zhes bya bar mi rtogs pa de bzhin du 'jig rten yang rang nyid kyi 'chi ba'i chos can brjed par byas nas bu la sogs pa dus byas par gyur pa rnams la mya ngan byed do/ /ci ste yang bdag ni 'chi ba'i chos can yin no/ /zhes bdag nyid la mya ngan bya bar 'os mod kyi/ de lta na yang bu nyid du yongs su bzung ba'i ma dris par 'jig rten pha rol tu 'gro ba ni sdug

  87. 44a

    bsngal gyi phyir yin no snyam na/ 'di yang mi rigs so/ /zhes bstan pa'i phyir bshad pa/ gang tshe 'ga' zhig ma bcol bar/ /rang nyid bur gyur de yi tshe/ /de 'gro dri ba ma byas pa/ /rigs par mi 'gyur ma yin no/ / khyod kyi mya ngan 'di ni gnas ma yin pa zhig la ste/ gang tshe sems can 'ga' zhig 'jig rten pha rol nas 'dir 'od bar gsol ba ma btab par rang nyid du nyid du gyur pa de'i tshe de ltar rang rgyal du spyod cing 'jig rten pha rol du 'gro 'dod pa de'i skal pa ma bgos pa nyid du 'gro ba yang mi rigs pa ma yin no/ /gsol ba ma btab par 'ongs pa'i ma dris par 'gro ba la ni mi rigs pa 'ga' yang med te/ rigs par spyod pa de la mya ngan bya bar mi rigs te/ glo bur du 'ongs pa'i bud med bzhin no/ /bud med zhig glo bur du 'ongs nas skyed mos tshal na gnas pa 'ga' zhig la chung ma nyid du khas blangs la/ gang nas 'ongs pa yang mi shes so/ /dus phyis de de kho na ltar slar yang song par gyur la/ de de'i rgyus mya ngan byed par gyur to/ /gzhan gyis de gang nas 'ongs pa khyod kyis shes sam zhes smras pa dang/ des mi shes so/ /zhes so/ /smras pa/ gang nas 'ongs pa ji ltar mi shes pa de bzhin du de'i 'gro ba yang yin te de la mya ngan ci ste byed ce'o/ / de bzhin du blun po rnams gang zhig gang nas 'ongs pa 'am gar 'gro tol med bzhin du/ bu shi ba la mya ngan byed do/ /yang na de ma dris par 'gro ba ma yin te/ gang gi phyir des yig 'bru med par mdza' shes dang nye 'brel la skal bgos mod kyi/ khyod ni gti mug phyir na bu yin no/ /rnam par rtogs pa med par zad/ /de'i phyir de'i rnam pas bstan pa'i 'gro ba ma rtogs pas ni rang gi mi shes pa la mya ngan bya'i/ bu la ni ma yin no/ /yang gang gis na mdza' shes rnams

  88. 44b

    la skal bgos pa/ de'i rnam pa gang yin zhe na/ bshad pa/ 'di yi 'gro ba spro ba nyid/ /rga bas ston pa byed par 'gyur/ /de ni skad cig gcig nas gcig tu 'brel pa yongs su 'gyur bas 'khogs bzhin pa na byes 'gron yun ring po 'jig par rtogs par byas so/ /de'i phyir mya ngan yongs su btang ste gti mug dang bral ba nyid la bsgrim par byed par nus te/ bu gcig pa khur la chas pa bzhin no/ /bu gcig pa 'ga' zhig gi bu khur gyi phyir mngon par chas la/ de'i pha nyid kyis de 'gro ba'i rjes su mthun par byas shing 'gro bar zhugs pa la cho nges 'debs par rtsams te/ de bzhin du 'jig rten yang bu bskyed pa'i phyir rang nyid 'bad pa byed la/ bskyed pa'i 'bras bu dang /phrad na mya ngan byed do/ /'dir smras ba/ gal te yang rga bas 'di'i 'gro ba la spro ba nyid ston par byed mod kyi/ de lta na yang bu la che ba chags pa nyid pha'i mya ngan gyi rgyur 'gyur ro/ /bshad par bya ste/ ji ltar ba la bu sdug pa/ /de ltar de la skye ma yin/ /bu la pha lar pha la bu dga' pa ma yin te/ 'di ltar bu tsha rnams ni dka' ba brgya phrag gis bskyed bzhin du byas pa shes pa nyid kyi dngos po lhong ba'i phyir dang/ bdag gi ba la sred pa shas che ba nyid kyi phyir sdar ma mthong ba gzhan ltar ba gcig char yal bar dor nas rang dgar spyod pa nyid du 'gyur ro/ /gang gi phyir de ltar na ji ltar 'jig rten sred pas bu la sogs pa 'og ma dag tu lhung ba de ltar sred pas bu la sogs pa rnams gong du pha la 'dzig pa mi srid pa de'i phyir na sred pa ji lta ba bzhin/ las 'phen pa'i phyir chags pas khrid pa'i sems kyis rgyud chu ltar thur du bab pa nyid do/ /zhes bstan pa'i phyir/ 'jig rten 'di ni 'og tu 'gro /de phyir mtho ris kyang rnyed dka' / /sred

  89. 45a

    pa'i dbang du gyur pa'i 'jig rten gyis ni gyen la 'gro ba'i rgyu thob par dka' ba nyid kyi phyir na/ re zhig mthe ris kyang rnyed par dka' na/ thar pa lta ci smos/ de'i phyir bla ma la gus pa'i chags pa lhur blang bar bya'o/ /bu la sogs pa pha la nyes pa byed pa rnams la ni ngan 'gror gzhol bas mya ngan bya bar rigs kyi/ dus byas pa rnams la ni ma yin no/ /shing gun chung zos pa dang/ dril bu'i skad bzhin no/ /tshong pa rnams kyi 'byung khung nas shing gun nyung zad cig ji lta ji rtar drangs pa de lta de ltar rlag pa na thams cad rlag par 'gyur ba dang/ dril bu'i skad rim gyis gtan med par 'gyur pa de bzhin du byas pa chung gzon pa nyid la sogs pa'i spyod par nas ba rnams kyis chos bshig pas mtho ris kyang rnyed par dka' bar 'gyur na/ thar ba lta smos kyang ci dgos/ gzhan yang mya ngan gyis gned par gyur pa 'di la re zhig 'di nyid rgal zhing brtag par bya ste/ ci khyod kyi chags pas rjes su mi mthun pa'i bu la 'am/ 'on te rjes su mthun pa la yin grang/ de la gang tshe rjes su mi mthun pa/ /'ga' yang sdug ces bya yod min/ /gang gi tshe gang zhig gang rjes su mthun par mi 'gyur ba de'i tshe de da la sdug pa ma yin te/ de'i phyir rjes su mi mthun pa la chags so/ /zhes bya ba mi srid do/ /ci ste rjes su mthun pa kho na la chags par 'gyur ro snyam na/ 'gyur la rag mod/ /de lta na yang/ de tshe chags pa chod dang ni/ /'dra ba 'ba' zhig skye bar 'gyur/ /'ba' zhig ni rgyu dang bcas pa gcig pu nyid do/ /gal te 'di'i de'i dor 'jug ge/ zhes bya bas chags pa bskyed na ni/ de'i phyir de'i rjes su 'jug pa la lan du phan gdags pa'i phyir chags par byed pa na lag rje

  90. 45b

    lug rje dag gis tshod rjes su bsgrub par 'gyur gyis/ chags pa ni ma yin te/ de'i phyir bu'i mya ngan gyis ci bya/ bu shi ba la langs pa'i rgyal po'i mya ngan bsal ba bzhin na/ /rgyal po 'ga' zhig la bu shin tu sdug pa zhig yod la/ de dus byas par gyur pa dang/ blon po rnams kyis rengs so/ /zhes du zhus shing gsan nas kyang mchog tu skyon pas 'khrugs te/ de bsad pa'i phyir zhugs so/ /de nas shi'o/ /zhes zhus pa dang/ de las dgyes shing kun nas dga' ba'i rda po che yang brdungs so/ /de ltar na 'jig rten la rjes su mthun pa sdug par 'gyur gyi gzhan ni ma yin no/ /'dir smras pa/ chags pa'i 'brel pa ni bltos pa yin no/ /zhes bya ba de ni ma yin te/ bu la pha'i chags pa brtan pa nyid du yod pa'i phyir ro bshad par bya ste/ bral bas bskyed pa'i sdug bsngal ni/ /mi rnams snying nas myur ldog ste/ /chags pa 'ang sdug bsngal bral ba yis/ /mtshon pa'i mi brtan pa nyid ltos/ /chags pa la brtan pa nyid yod pa ma yin te/ yun mi ring ba kho nar bral ba las skyes pa'i sdug bsngal ldog par mthong ba'i phyir ro/ /'di ltar bu shi bas bskyed pa'i mya ngan chen po yang bya ba dang 'jigs pa'i bya ba'i gzhan gyi dbang gis yun mi ring ba nyid du mi rnams kyi snying las ldog pa yin no/ /gal te chags pa'i 'ching ba ltod pa nyid du mi 'gyur na ni de'i tshe des bskyed pa'i sdug bsngal ldog par mi 'gyur ba zhig na/ de ldog pa ni mthong ba yang yin te/ de'i phyir chags pa la yang brtan pa nyid yod pa ma yin pas des bskyed pa'i mya ngan gyis bdag nyid gdud par mi bya ste/ dga' can chur lhung ba'i bu'i las bzhin no/ /rgyal po 'ga' zhig chu steng nas 'gro ba na mi ma yin pa rnams kyis gru bzung ba dang/ de'i

  91. 46a

    blon po dga' can zhes bya ba zhig yod pa des bskyad bar mdzad 'tshal lo/ /zhes bu rnams rgyal po la bcol nas bdag nyid chu klung du mchongs la/ de khyer la rgyal po thong shig ces mi ma yin pa rnams la gsol ba yang btab te/ de yang btang bar gyur to/ /bu rnams de shi ba thos nas shin du kho na sdug bsngal bar gyur la/ gang gi tshe rgyal pos longs spyod rnams kyis yang dag par 'ged par mdzad par gyur pa de'i tshe pa dang bral ba'i sdug bsngal dang bral bar gyur zhing pha shi ba la yon tan gyi rgyur brtags par gyur to/ /de'i phyir de ltar mya ngan yang gtan du ba ma yin pa dang/ ma nges pa yin no/ /'dir gal te yang chags pa'i 'tshid pa lhod pa nyid kyi phyir de dang bral bas bskyed pa'i mya ngan gyis bdag nyid gzir bar bya ba ma yin mod kyi/ de lta na yang 'jig rten shes pas de'i 'jug pa dang bstun te/ lus sgyur ba dang/ rang gi lus la rdeg pa dang skra 'bal ba la sogs pas bdag nyid gzir bar bya dgos so/ /zhes smra'o/ /bshad par bya ste/ gnod pas gzir ba byas zin kyang/ /yon tan med snyam shes bzhin du/ /khyod bdag nyid la phyir 'chos 'gyur/ /de yang bdag la mi rigs so/ /'dir khyod kyis 'jig rten dang mthun par 'jug pas byas pa'i gnod pas gzir bar byas su zin kyang de la yon tan 'ga' yang yod pa ma yin par shes mod kyi/ de lta na yang bdag gzir bar byed pa nyid do/ /de'i phyir de ltar na khyod kyis bdag nyid la phyir 'chos 'jug pa 'dis gzir ba thob par byed na de yang bdag nyid la mi rung ngo/ /phyi 'chos ni rang gi don bsgrub par bya ba'i don du chos ma yin pa ltur byas te gzhan ngo mtshar bskyed par bya ba'i phyir/ sbyar bar bya ba yin na/ de nyid

  92. 46b

    ni bdag la rab tu sbyar bar mi rigs so/ /de'i phyir gzhan gyi rjes su 'jug pas byas pa'i sdug bsngal gyis bdag nyid skyo bar mi bya'o/ /blun po g.yon can rnams kyis brten pa'i lam 'di la mkhas pa rnams kyis dpyad par mi bya ste/ de'i phyir rang dbang du gyur pa nyid du bya dgos pas mya ngan la skabs sbyin par mi bya'o/ /lceb pa ston pa mo bzhin no/ /gang gi tshe bud med 'ga' zhig bud med la la zhig la lceb pa bslab par bya'o/ /snyam ste bdag nyid gsod par byed cing slob dpon nyid du snyems par byed la/ gang zhig de ltar byed pa de 'chi ba nyid duAng shes mod kyi de lta na yang byed par 'gyur te/ de bzhin du mya ngan gyis nyen pa rnams kyang da la yon tan 'ga' yang med do/ / zhes bya bar shes bzhin du yang bdag nyid la rtog par byed de /'dir smras pa/ gal te gzir ba la yon tan ci yang med mod kyi de lta yang sdug pa dang 'bral ba thob par 'dod pas ni de med na mi 'byung ba'i gzir ba'i cha yang yongs su spang du med pa nyid do/ /bshad par bya ste/ sdug bsngal rnam par 'ged lta bu/ /'jig rten 'di na yongs su 'khyam/ /sdug bsngal gyur pa'i skye bo la/ /sdug bsngal 'god bas ci zhig bya/ /'jig rten 'di thams cad ni las dang nyon mongs pa rnams kyis 'gro ba de dang de dag tu khrid pa na/ skye ba dang rga ba dang na ba dang 'chi ba la sogs pa'i sdug bsngal gyi bdag nyid can gyi sdug bsngal las mi mda' la/ de ltar 'khor ba'i sdug bsngal gyi sgo nas rang nyid sdug bsngal gyis nyen pa'i 'jig rten de la/ skye bo gzhan srid pa dang ma bral ba 'di 'gro ba gzhan de dang der yang dang yang du bu dang bu mo dang/ /nye du'i dngos por gyur nas slar 'gro ba na pha dang ma dang nye dur

  93. 47a

    gyur pa'i sems can gyi tshogs la rma la rgya tshwa btab pa ltar bdag nyid dang bral bas bskyed pa'i sdug bsngal 'ged pa ltar byed cing yongs su 'phyan par 'gyur ro/ /de'i phyir rang bzhin gyis sdug bsngal gyur pa'i skye bo 'di la yang bral ba'i sdug bsngal rnam par bgos pa yongs su bzung bas dgos ba ci yod/ 'di ltar gal te skye bo 'di sdug bsngal med pa dang/ sdug bsngal don du gnyer ba zhig yin na ni de'i tshe 'di la sdug bsngal gyis rnam par 'ged ba rig pa zhig na 'di ni de ltar yang ma yin pas sdug bsngal rnam par 'ged pa la dgos pa cung zad kyang med do/ /de'i phyir sems dang bcas ba su zhig don ma yin pa byed pa'i skye bo rnam pa de lta bu la phrad bar byas nas de log pas mya ngan byed par 'gyur/ de'i phyir de ltar na 'khor ba dang 'brel pas skye ba la sogs pa'i sdug bsngal gyis gnod pa rig par byas nas gzhan dag sdug bsngal las bzlog par 'dod pa'i mkhas pas ni bdag dang gzhan gyi ngon ma yin pa'i rgyu yin pa'i phyir ro khor? ba kho na dor bar byi la? mya ngan gyi khang? par zhugs nas dge ba'i phyogs yongs su nyams par ni mi bya'o/ /spun gnyis pha dang ma'i 'chi ba go bar byed pa bzhin no/ /spun gnyis las gcig gi gan du ma dus byas par gyur la/ gzhan gyi gan du pha dus byas par gyur to/ /de gnyis char yang phan tshun go par bya ba'i phyir phrad par gyur to/ /de la gcig gis mthong nas kyi hud a za zhes du la/ gnyis pa shos kyang kyi hung o po zhes du'o/ /de bzhin du 'jig rten yang sdug bsngal bar gyur pa rnams sdug bsngal 'ged par byed do/ /'dir smras pa/ sdug bsngal gyi rgyu yin pa nyid kyi phyir/ bral ba mi dga' ba yin mod kyi/ de

  94. 47b

    lta na yang bde ba'i rgyu yin pa nyid kyi phyir 'du ba la dga' ba yin no/ /brjod par bya ste/ gang gi 'du ba dga' yin de'i/ /bral ba ji ltar dga' ma yin/ /'du ba dang ni bral bdag /lhan cig rgyu bar snang min nam/ /gang gi ste khyod dam gzhan gyi yang rung ste/ yid du 'ong ba rnams dang 'du ba dga' ba yin pa de'i de rnams dang bral ba dga' ba ji ltar ma yin/ rgyud gang kho na la 'du ba yod pa de nyid la gdon mi za bar 'byung ba'i bral ba yang yin pas 'du ba dang bral ba gnyi ga yang lhan cig sbyod par snang ngo/ /de'i phyir 'du ba 'dong bas bral ba la dga' ba yang bya dgos so/ /de'i phyir bde ba'i rgyu yin yang mdza' ngan pa nyid kyi phyir de gnyi ga dang bral ba'i rnam par grol ba mngon sum nyid du bya'o/ /bkra shis ma dang sna nag ma 'jug pa dang/ kha zas dug dang bcas pa dang/ mchil pa'i zas bzhin no/ /kha cig gis nga la bkra shis yod par gyur cig ces lha mnyes par byas pa dang/ des dam ba thob par gyur to/ /de khyim du zhugs pa'i khyim du mtshan mo bkra shis ma dang de'i phyi bzhin 'brang ba'i sna nag mo yang zhugs par gyur to/ /de nas bkra shis ma la 'di su yin zhes dris ba dang/ des sna nag mo'o/ zhes smras so/ /des smras pa bdag gis 'di'i phyir dam pa thob pa ma yin no/ des smras pa gang na nga yong ba der 'di yang gdon mi za bar yod do/ /zhe'o/ /de bzhin du gang na 'du ba yong pa de na bral ba yang yin no/ /gang dag sdug pa rnams dang 'grogs pa tsam zhig kho na mngon par 'dod kyi bral ba ni ma yin pa de dag gi de ni yid smon tsam zhig tu 'gyur ro/ /kha zas dug dang bcas pa za ba la mthar gdon mi za bar 'chi ba 'am 'chi ba la thug pa'i sdug bsngal du 'gyur ba de bzhin du /'du ba'i bde ba thams cad bral ba'i sdug bsngal dang rjes su 'brel ba nyid do/ /gang zhig mchil ba'i zas bza' bar 'dod pa de la? ni gdon mi za bar

  95. 48a

    mchil bas phug ste/ drangs pa yang yod do/ /'dir gal te bral ba mthar nges mod kyi/ /de lta na yang thog mar 'grogs pa yun ring ba nyid kyi phyir na de la brtsis su bya ba ma yin no/ zhes smra'o/ /'das la thog ma yod min la/ /ma 'ongs tha ma yod min na/ /ces na khyod kyis 'du mthong zhing/ /ring por gyur kyang bral ba min/ /'khor ba 'di na ma rig pa dang ldan pa'i gang zag gi 'das pa'i dus la thog ma mi srid cing /de thams cad kyang bral bas rab tu phye ba yin no/ /ma rig pa dang ldan pa nyid kyi ma 'ongs pa la yang tha ma med la/ de yang ma thob pa'i phyir na de'i bdag nyid can kho na'o/ /de'i phyir skye ba dang rga ba dang na ba dang 'chi ba'i 'khor ba'i rgya mtsho chen po'i thog ma dang tha ma med pa 'dir ltung ba'i don dang/ 'grogs pa gang yin pa de ni skad cig ma yin te/ 'du byed thams cad skad cig re rer 'jig pa'i dang can nyid kyi phyir ro/ /de'i phyir de ltar na ci'i phyir khyod kyis 'das pa dang ma 'ongs pas bsdus pa'i bral ba ring du zin kyang ma mthong zhing/ ring po ma yin pa yang 'du ba 'ba' zhig kho na ring po nyid du mthong/ de'i phyir 'di mi rigs so/ /de'i phyir de ltar skad cig mar 'jig pa shin tu phra ba nyid kyi phyir na 'du ba mthong ba yod na bral ba mthong bas ni rtag tu skyo ba dang ldan par bya dgos so/ /chung ma gzhan gyis phrogs pas sdug bsngal ba bzhin no/ /mi 'ga' zhig yul gzhan du song bar gyur la/ byes na gnas pa de'i chung ma gzhan gyis bdag gis byas so/ /'ongs te grong de'i 'dabs na gnas pas thos par gyur zhing/ thos nas kyang g.yon can gyi khyim du song ste dus der skyes pa'i bral ba'i? sdug bsngal gyis sdug bsngal bar gyur gyi/ dus sngar byung ba'i bral bas ni ma yin no/ /de'i don

  96. 48b

    du rtsod par yang zhugs so/ /de bzhin du 'jig rten yang 'das pa dang ma 'ongs pa'i don dag la mya ngan mi byed par de'i dus kyi bral ba'i sgo nas de dang de la mya ngan byed do/ /'dir smras pa/ gal te bral ba ring mod kyi/ de lta na yang dus tshigs phun sum tshogs pas sems khrid pa'i phyir de la brtsi btab med do/ /brjod par bya ste/ skad cig la sogs dus de rnams/ /nges par dgra dang 'dra 'gyur te/ /des na dgrar gyur de dag la/ /rnam kun khyod 'dod chags mi bya/ /gang gi phyir 'di na dgun dang dgun chung dang dpyid la sogs pa dus rnams skad cig dang thad cig dang yung tsam gyi rim pa mngon par 'phel bas dgra ltar khyod kyi gson pa'i skad cig zad par byed ced nges par gnas par 'gyur te/ de'i phyir de ltar srog 'phrog par byed pa'i dus de dag la khyod chags par mi bya ste/ mdza' bshes kyi sgo nas gnas pa'i dgra bo yongs su shes pa ltar bag yod? par spyod pas de yongs su shes pa la mkhas par bya ster bran mo rgan mo sdug bsngal dang rjes su 'brel pa bzhin no/ /ji ltar skad cig la sogs pa'i dus rnams 'gro ba na las mi nus pa dang rje dpon dag gis brnyas pa'i nyes pa las bran mo rgan mo la sdug bsngal 'khor mor 'byung mod kyi/ de lta na yang 'di de dag la chags ba kho na yin gyi/ de dag la mya ngan mi byed pa de bzhin du 'jig rten yang skad cig la sogs pa'i dus rnams la chags pa yin te/ tsha ba'i dus na tshad pas gnod pa na dgun chung mngon par 'dod do/ / de bzhin du gzhan gyi sgo nas gzhan yin te/ de la gang nas kyang bde ba yod pa ma yin no/ /de'i phyir de ltar na 'du byed kyi chos nyid dag mngon sum du gnas pa ltar rjes su sems shing yid skyo bar gyur pas rjes su mthun par spyad par

  97. 49a

    rigs so/ /de yang cing rigs shes na/ 'di dag thams cad nges par bor nas/ khyim nas khyim med par rab tu byung ste gnas par ro/ /gal te 'di rigs par bden mod kyi/ nus pa ni ma yin no/ /gnyen 'dun gyi skye bo? dang bral ba ni dka' ste/ de ji ltar byed par nus/ de'i phyir des byas pa'i skrag pa las na kho bos nags su 'jug par bya ba'i phyir 'gro bar yang mi bya'o/ /zhe na/ brjod par bya ste/ blo ngan bral ba'i 'jigs pa yis/ /khyim nas nges par mi 'byung na/ /mkhas pa su zhig nges par ni/ /bya dgos chad pas byed par 'gyur/ blo gros ngan pa khyod gnyen gyi skye bo dang bral ba ni dka' o snyam ste/ de'i 'jigs pas khyim nas mi 'byung na/ de na nam du yang rung ste 'chi bdag gi dbang gi gdon mi za ste/ de'i phyir bya dgos pa kho na'o/ /de ltar gdon mi za bar bya dgos pa'i nges par 'byung ba ni dka' thub bsgrub par bya ba'i phyir rang nyid kyis ma byas par/ 'chi bdag gi chad pa 'ba' zhig gi sgo nas shes rab can su zhig byed/ de'i phyir thabs mngon du gtang te bdag dang bdag gi ba yongs su gtong ba'i ngang tshul can du bya'o/ /gzir zhing grong pa dpya''bul ba bzhin no/ /dper na grong pa rnams sdug bsngal chen po nyams su myong nas phyis nges par 'bul bar bya ba'i dpya' mdza' dag 'bul gyi gzhan du ni ma yin pa de bzhin du mi mkhas pa rnams nges par btang bar bya dgos pa'i gnyen gyi skye bo 'chi bdag gis gtong du 'jug gi/ bdag nyid kyis ni mi gtong ngo/ / 'dir smras pa/ gal te yang rtsa lag ni gdon mi za bar btang bar bya ba yin mod kyi/ de lta na yang bu skyed de/ lang tsho rdzogs pa na bag ma blangs pa de la khyim gyi khur bskur nas bgyi 'tshal yongs su rdzogs par bya ste nges par 'gro

  98. 49b

    bar bya'o/ /bshad par bya ste/ khyod ni byas nas gsal bar ni/ /nags su bgrod bya snyams sems na/ /gang zhig byas kyang gtong bya ba/ /de byas yon tan ci zhig yod/ /gal te bdag gis gdon mi za bar nags su 'gro bar bya ba yin mod kyi 'on kyang bya ba'i 'phro cung zad cig yod pas de byas la 'gro bar bya'o snyam du sems na/ gal te de 'di gang byed pa dang/ gang gi don du byed pa de gnyi ga byas nas kyang gal te slar yongs su btang bar bya ba yin na 'o na ni de lta na byas pa la yon tan ci zhig yod te/ de bas na 'di ni bya ba ma yin pa nyid do/ /de'i phyir de la bltos nas dus 'da' bar mi rigs pas bya ba dang bya ba ma yin par rnam par dpyod pa la mkhas par bya ste/ mi gtsang ba'i nang du lhung ba'i shing tog a mra blangs te 'dor ba dang/ 'gron po rdo brdar ba bzhin no/ /'ga' zhig gis shing tog a mra mi gtsang ba'i nang du lhung ba blangs pas/ de la gzhan gyis 'dis ci byed ces dris pa dang/ des bkrus la dor bar bya'o/ /zhes smras pa lta bu ste de bzhin du gal te yul rnams btang bar bya ba yin na ni de dag yongs su btsal bas ci zhig bya/ yang ji ltar 'gron po 'ga' zhig gis 'gro ba bor nas rdo brdar bar brtsams so/ /de la ci byed ces dris pa dang/ de nyid bdar bar byed par gyur cing/ don mthun song ba na de rdo? de lham par ma sbyangs par tshul ma yin pas nyon mongs pa'i bar du gyur pa de bzhin du/ 'khor ba'i 'gron po rnams kyi khyim gyi bya ba dag shes par bya'o/ /'dir gal te don du na nags su 'gro ba gtso bo yin mod kyi/ de ltar na yang bdag dang bdag gi la chags pa dang ldan pa la de las 'jigs pa 'byung ngo/ zhes smra'o/ /brjod par bya ste/ bdag ni 'chi'o snyam sems pa/ /gang la nges par yod 'gyur ba/ /de ni chags pa yongs btang phyir/ /'chi bdag

  99. 50a

    la yang ga la 'jigs/ /'dir shes rab dang ldan pa gang la la zhig la/ lung gi rjes su 'brangs te bdag ni 'chi ba'i chos can no snyam du sems pa des par yod pa de la ni/ 'du 'dzi yongs su spangs nas bsrung bar bya ba nyid du yongs su bzung ba'i srog la yang sred pa'i chags pa yongs su btang ba'i phyir re zhig 'chi bdag la yang 'jigs pa yod pa ma yin no/ nags su 'gro ba 'am bu dang bral ba la 'jigs par ltag la 'gyur de'i phyir 'chi ba rjes su dran pa sgom pa la brtson par bya ste/ dug med par bya ba'i sor gdub 'jug pa dang/ kha zas dug dang bcas pa yongs su 'dor ba bzhin no/ /ji ltar dug med par bya ba'i phyir lag pa la sor gdub 'jug pa ltar de bzhin du mkhas pa rnams kyi nyon mongs pa'i dug gzhom par bya ba'i phyir mi rtag pa'i 'du shes 'jug go /yang ji ltar kha zas dug dang bcas pa yongs su dor bas dge shis su 'gyur ba de bzhin du chags pa thams cad yongs su btang bas nges par legs par 'gyur ro/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa'i bzhi brgya ba las/ rtag par phyin ci log spang ba'i thabs bstan pa ste/ rab tu byed pa dang po'i 'grel pa'o/ /re zhig rab tu byed pa dang pos mi rtag pa la rtag go snyam du phyin ci log pa spang ba'i thabs bshad zin to/ /da ni sdug bsngal la bde'o snyam du phyin ci log pa sdang? ba'i thabs kyi dbang du byas te bshad pa/ lus ni dgra ltar mthong mod kyi/ /de lta na yang de bsrung bya/ /khrims ldan yun ring 'tsho ba ni/ /de las bsod nams chen po byed/ /gang gi phyir lus la nang gi bdag nyid las gyur pa khams la snyoms pa'i rgyu can nad

  100. 50b

    bzhi brgya rtsa bzhi dang/ phyi rol las gyur pa dbyig pa dang/ bong ba dang/ mtshon dang/ grang ba tsha ba dang sha sbrang dang/ sbrang bu mchu rings dang /sdig sbrul la sogs pas rig pa'i rgyu can gyi sdug bsngal dag 'byung ste/ de'i phyir sdug bsngal du ma 'byung ba'i phyir dang/ glags su snun pa'i phyir dang/ brten par dka' ba'i phyir na 'phags pa'i ji ltar gnas pa'i rang gi ngo bo so sor brtag pa mdzad pa rnams kyis/ lus ni dgra ltar mthong ngo/ /gal te 'o na ni de ltar na de bskyang bar bya ba ma yin te/ dgra'i phyogs su bslan pa'i phyir ro/ zhe na/ de ltar yin mod kyi/ de lta na yang de bsrung bya ste/ dgos pa dang bcas pa nyid kyi phyir ro/ /dgos pa de yang ci zhig ce na/ lus la brten nas dge ba'i rtsa ba'i tshogs thams cad nye bar sog pa'o/ /'di ltar lus 'di yod na ni gang gi tshe yun ring du 'tsho ba dang tshul khrims dang ldan bar 'gyur ba de'i tshe na bsod nams chen po byed kyi/ lus med na ni ma yin te/ de'i phyir re zhig bsrung bar bya ba nyid du 'gyur ro/ /rnam pa gcig tu na/ thal ma thag pa'i mi rtag pa nyid kyi gtam gyis sems skyo zhing/ lus don ma yin pa 'dren pa 'dis ci zhig bya zhes je la brnyas pa thob par gyur pa de la brnyas pa yongs su spangs ba'i phyir/ lus ni dgra ltar zhes bya ba la sogs pa smos te/ bshad pa de nyid sbyar bar bya'o/ /'ching ba gcig gis sbrel ba'i tshong dpon gyi bu rkun po 'tsho ba bzhin no/ /ji ltar nga ni 'chag pa la sogs par 'gro ba la nga la grogs mi byed bar 'gyur du 'ong ngo/ zhes tshong dpon gyi bu rkun po 'ching ba gcig gis sbrel pa/ btson du gyur kyang skyong bar byed pa de bzhin du mtho ris dang thar ba thob pa'i rgyu lus yongs su skyong ba la yang bsod nams dang ye shes kyi tshogs yongs su rdzogs bar bya ba'i phyir

  101. 51a

    yin par blta bar bya'o/ /'di ji ltar bdag don 'ching ba ni/ /gcig sbrel rkun po bsrung ba ltar/ /de bzhin mkhas pas lus yin te/ /tshul khrims la soT spel phyir ro/ /zhes bya bar 'gyur ro/ /smras pa gal te lus bsrung bar bya ba yin na ni/ /de'i phyir de la snying nye bar bya dgos so/ /brjod par bya ste/ mi rnams sdug bsngal lus nyid las/ /skye zhing bde ba gzhan las na/ /sdug bsngal kun gyi snod gyur pa/ /khog pa la khyod ci ste gus/ /'di ltar gang gi lus la bkres pa dang skom pa la sogs pa'i sdug bsngal gang cung zad cig 'byung ba de ni lus kho na las yin gyi/ gzhan las ma yin la/ lus la gang bde ba gang cung zad cig 'byung ba de ni gzhan kho na las yin gyi lus las ni ma yin no/ /de'i phyir lus sdug bsngal thams cad kyi snod 'di la gus par mi bya ste/ ji ltar gson pa dang/ dge ba 'phel bar 'gyur zhing nyes pa 'byung bar mi 'gyur bar dran pa tsam gyis de btsa' bar bya'o/ / dgon pa'i sha za mo la chags pa bzhin no/ /mi dgon par zhugs pa 'ga' zhig gi mdun na sha za mo zhig bud med kyi gzugs gzugs bzad bar ston pa mngon par sprul nas bdag nyid kyi zhing mgon med par ston zhing gnas par gyur pa dang de des shing rta la bskyon no/ /de nas ring po ma lon par da 'gro ba'i mdun na sha za mchog tu mi sdug pa zhig gnas par gyur to/ /des de ral gri rnon pos dkyil du bcad pa dang/ de nas gnyis su gyur to/ /des de gnyis kyang bcad pas bzhir gyur to/ /de ltar de nyis 'gyur du 'phel bar gyur to/ /de nas mi de'i gna' bshes lta zhig gis nam mkha' las bud med gang shing rta la zhon pa 'di nyid bsad par bya ste/ 'di bsad na thams cad bsad par 'gyur ro/ /

  102. 51b

    zhes tshig smras so/ /des kyang de kho na ltar byas so/ /de ltar sdug bsngal ba dang mi rtag par bltas pas lus la lhag par chags pa btang ste/ lus mi 'byung bar bya ba'i phyir nan tan bya ste/ de med par sdug bsngal thams cad med par 'gyur/ 'dir smras pa/ gal te yang mi rnams kyi sdug bsngal lus kho na las byung mod kyi/ de lta na yang de'i phyir bcor yod te/ 'di ltar bde ba rgya chen po myong bar bya bzas dang skom dang/ mal cha dang stan dang bzhon pa la sogs pa'i yul yongs su longs spyod pa shin tu sna tshogs pa rnams ni ji ltar nye bar ltags pa'i sdug bsngal 'joms pa'i rgyu yin pa 'ba' zhig tu ma zad kyi/ 'on kyang bde ba chen po 'byung ba'i rgyu yang yin no/ /de'i phyir sdug bsngal ches chung ba nyid yin pa'i phyir dang/ bde ba phal che ba nyid kyi phyir sdug bsngal la gcig tu 'jig par mi rigs so/ /zhe'o/ /bshad par bya ste/ sdug bsngal la ni 'jigs par bya dgos pa kho na ste/ 'di ltar/ gang tshe bde ba sdug bsngal ltar/ /shes cher mi la mi 'byung na/ /de ltar sdug bsngal chen po de/ /chung du snyams du sems byed dam/ /lus la sdug bsngal 'byung ba na drag pa dang cher 'byung gi/ bde ba ni de lta ma yin no/ /'di ni 'jig rten la rab tu grags pa yin te/ 'di lta ste/ lhas sbyin gding ba 'jam pa gting ba'i mal cha la lam 'dug kyang rung ste/ gzugs dang sgra dang dri dang ro dang reg pa yid du 'ong ba dag gis yongs su brten pa na rang gi bdag nyid la bde bas phan btags su zin kyang gang gi tshe/ sbrang bu mchu rings mchu khab rtse ltar rno bas phug par gyur ba de'i cha/ bde ba de dag thams cad la brtsis med par glo bur du sdang zhing sdug bsngal gyis skyo bar 'gyur ro/ /de bzhin du gang zhig bde ba phul du 'byung bar 'gyur ba bde bas ni/ gang la chags pas rus pa yang

  103. 52a

    'gas shing snying yang 'bral bar 'gyur ba bu 'phangs par shi ba la sogs pa'i gnas skabs su de 'dra ba'i sdug bsngal 'byung ba de'i bcu drug gi char yang mi phod do/ /de'i phyir sdug bsngal chen po zil gyis mnan pa'i bde ba ni yod du zin kyang skyob par mi byed do/ /gal nye bde ba shin tu che ba zhig yod par 'gyur na ni de sdug bsngal gyis zil gyis gnon par mi 'gyur te/ 'di ltar chung dus ni chen po zil gyis mi gnon pa ma yin no/ /de la lus la bde ba che la sdug bsngal chung ngo zhes gang 'dod pa de ni ma yin no/ /'dir gang zhig stobs kyis shin du che gzhan yang/ /zil gyis gnon de chung du ma yin la/ /gzhan gyis stobs kyis zil gyis gnon pa gang/ /de ni chen po yin zhes bsnyad mi bya zhes bya bar 'gyur ro/ /de'i phyir de ltar na phyi rol gyi rkyen nye bar lhags pa'i sdug bsngal dag gis kyang sdug bsngal bar gyur ba'i lus ni sdug bsngal ches chung ba nyid las bde ba yang yin no zhes mi bya ste/ sgra sgrogs sI ta 'phrog pa bzhin no/ /ji ltar sdug bsngal chen pos sI ta 'phrog par byas mod kyi/ de la bde ba ni chung du yang yod pa ma yin pa ltar/ de bzhin du sdug bsngal gyi chu bo'i 'dam du bying ba'i 'khor ba yang bde bar sems so// sdug bsngal gyis zil gyis mnan pa dang/ chung du nyid yin pa de nyid kyi phyir/ 'jig rten bde la mngon phyogs shing/ /bder 'gyur dag kyang rnyed dka' kye/ /bde ba 'dod cing sdug bsngal dang mi mthun pa'i skye bo ni sdug bsngal la 'bros mod kyi/ de lta na yang sdug bsngal dang ro gcig pa'i lus la bde ba sgrub par mi nus pa nyid kyi phyir/ ji lta ji ltar 'jig rten bde ba mngon par 'dad pa de lta de ltar 'di la bde ba thag ring bar 'gyur zhing/ sdug bsngal

  104. 52b

    kho na mngon du 'gyur te/ bde ba'i re bas sdug bsngal gyi rgyu nye bar sogs pa'i phyir ro/ /de'i phyir bde ba dang ldan pa dag shin tu dkon no/ /gang gi phyir 'di de lta yin pa/ des na skye bo 'jig 'di la/ /sdug bsngal rjes su snyag pa 'dra/ skyes bu la grib ma rjes su 'brang ba ltar sdug bsngal la bros su zin kyang skye ba la sdug bsngal rjes su 'brang ste/ rang bzhin ni spang bar mi nus so/ /khron par yin pa la glang po che bzhin te/ 'ga' zhig glang po che mos tshabs che ba lcags kyu med pas ji lta ji ltar bangs pa dang khron par gab par byed cing khron pa'i phyed du phyin nas bdag thar bar sems te/ de ni glang po che myos pas rjes su bsngams pa kho nar 'gyur ba de bzhin du rtag tu sdug bsngal dang rjes su 'brel ba'i 'jig rten yang gti mug gis bde ba'i 'du shes dang ldan par 'gyur ro/ /'dir/ 'di na 'phongs par gyur pa'i skyes bu ni/ /bde bas gzhan bzhin skad cig la yongs 'dor/ /'chi bzhin par ni gyur pa'i sems can la'ang/ /sdug bsngal grib ma bzhin du rjes su 'breng/ zhes 'brang bar 'gyur re/ /'di'i phyir yang 'di de lta yin te/ gang gi phyir/ sdug bsngal 'dod pas snyed 'gyur gyi/ /'dod pas bde ba ga la yin/ /sdug bsngal ni rtag tu nye ba'i phyir dang/ mi nye ba yang shin tu 'bad pas sgrub par bya ba ma yin pa nyid kyi phyir 'dod bzhin pa na de snyed kyi/ bde ba ni 'dod pas rnyed pa ma yin te/ sdug bsngal gyi bdag nyid can gyi lus la de shin tu dkon pa'i phyir te/ nyin mtshan la grang ba bzhin no/ /'jig rten 'di rtag tu nye bar gnas pa'i sdug bsngal la mi 'jigs shing sdug bsngal yang mi dge ba'i las las yin la/ bde ba shas tsam la re ba'i 'jig rten yang sdug bsngal gyi 'bras bu can gyi las la shin tu ches 'jug ste/ de'i phyir de ldog pa'i phyir bshad pa/ khyod cis dkon pa la gus shing/ /mod la ci ste khyod mi 'jigs/ /'dir sdug bsngal gang gi tshe

  105. 53a

    dang/ ci 'dra ba dang/ ji tsam zhig rang dbang du 'dod pas rnyad pa de ltar ni bde ba ma yin te/ de ni gzhan la rag las pa nyid kyi phyir 'dod pas mi thob na/ 'jig rten ni chags pas rnyed par dka' zhing gzhan la rag las pa'i bde ba la gus kyi/ bun pas rnyed par sla zhing rang dbang du gyur pa'i sdug bsngal la 'jigs par mi 'gyur ro/ /ji ltar bde ba dkon yang 'dod par bya ba yin pas don du gnyer ba/ de ltar yid dbyung bar bya ba'i sdug bsngal mong la ci ste yid mi 'byung ste/ thams cad du rang bzhin dang 'chams pa'i nan tan rigs so/ /de'i phyir 'dis mi dge ba spang par rigs so/ /de phyir de ltar na rang dbang du gyur pa nyid kyi phyir sdug bsngal kho na 'jig rten gyi bdag gi ba yin gyi bde ba ni ma yin te/ /mjod 'bugs pa bzhin no/ /ji ltar rgyal po'i mdzod brtol ba las rang 'dod kyis sdug bsngal 'thob pa de ltar bde ba ni ma yin no/ /'dir 'jig rten 'di ni mi shes pa/ /'dris kyang sdug bsngal la mi 'jigs/ /'dod pas bde ba'ang mngon 'dod te/ /bde nyid rnyed par dka' phyir ro/ /zhes bya bar 'gyur ro/ /yang na sdug bsngal gyi yan lag nyid kyi phyir bde ba yang skyo par bya ba yin pas de yang btang bar rigs so/ /yang ji ltar de'i yan lag nyid yin zhe na/ 'di ltar/ bde bar gyur pa'i lus po ni/ /sdug bsngal snod du 'gyur ba ste/ /bde ba dang ldan pa rnams kyi lus bde ba myong bar bya ba'i yul can ??? rtag tu phongs? spyod kyis shin tu gzhon sha can du gyur pa dag ni sdug bsngal ches chung ngus reg kyang 'bar bar gyur pa'i me lces lo ma sar pa dag ltar rod nyams par 'gyur gyi/ gnas skabs der thams cad la

  106. 53b

    sron pa'i phra dang ma rnams ni mi 'gyur te/ de'i phyir bde ba bu lang byung ba ni/ sdug bsngal 'phel ba'i rgyu yin no/ /gang gis 'di de lta yin pas/ des nas lus la gus dang dgra la gus/ /de dag gnyis ni mtshungs par snang/ /sdug bsngal bsgrub pa la lus dang ngag bo la bye brag 'ga' yang med do/ de'i phyir de gnyis brten pa na de dag kyang mtshungs par 'gyur te/ sdug bsngal gyi rgyu sdang bar gnyis char yang 'dra ba'i phyir te/ shing rta la nyal ba bzhin no/ /ji ltar mi 'ga' zhig so ka'i dus kyi nyi ma'i gung la shing rta'i rteng du bde bar gnyis kyis log pa/ rgyal po 'ga' zhig gis 'dod rgyal du mthong bar gyur to/ /des de snying rjes phyis ji ltar mal cha la 'dug pa na yungs kar gyi 'bru gcig gis reg pas kyang gnyid mi rnyed pa de ltar bde ba'i mtshog chas dag gis yongs su bskyangs pa de bzhin du lus ji lta ji ltar bde ba'i yo byad dag gi nye bar bsten pa de ltar sdug bsngal gyi snod du 'gyur ro/ /gzhan yang lus ni bde bar 'gyur bar bya bar mi nus pa nyid kyi phyir de las bzlog pa'i rang bzhin can nyid du rtogs te/ 'di ltar/ lus ni shin tu 'gor bas kyang/ /bde ba'i bdag tu mi 'gyur te/ rang bzhin gzhin gyis zil non zhes/ bya ba rig pa ma yin no/ /lus ni bde ba'i longs spyod kyi rgyu yul de dang de dag gis nye bar bsten kyang rang ba'i bdag tu mi 'gyur te/ sdug bsngal gyi rang bzhin yin pa'i phyir ro/ /ji ltar sra ba'i rang bzhin can zha nye dang ro nye dang gser dang dngul rnams me dang phrad pas zhu ba nyid du 'gyur mod kyi/ /de lta na yang sra ba'i rang bzhin nyid kyi phyir na zhu ba nyid de rnams kyi bdag gi pha ma yin pa de bzhin du sdug bsngal gyi rang bzhin yin pa'i phyir bdag gi pha ma yin pa'i bde bas lus kyi bdag gi nyid yun ring pos kyang bya bar mi nus

  107. 54a

    te/ de'i phyir lus ni sdug bsngal gyi rang bzhin can nyid ste/ khu byug gi phrug gu bzhin no/ /ji ltar khu byug gi phrug gu bya rog gis chir bskyed bzhin du/ khu byug kho na'i yin par 'gyur gyi bya rog gi ma yin pa de bzhin du lus bde ba'i ma yin no/ /'dir 'gyur te/ rmongs mun sdug bsngal bdag nyid lus/ /bde ba'i bdag gir byed dam ci/ /nam yang cher yun ring bas kyang/ /lcags gnag gser du 'gyur ba min/ /'di snyams du sdug bsngal yod du zin kyang mtshor ba ni don ma yin pa'i gnas ma yin te/ 'di ltar kha cig dag ni skyes pa nas brtsams te 'chi ba la thug pa'i bar du gcig tu bde ba rang ldan par snang la sems can mchog tu gyur pa gzhi chen po la re ba bzhag pa rnams kyang de la g.yengs pas tshor bar mi 'gyur te/ de'i phyir de ltar lus sdug bsngal gyi bdag nyid can yin snyam na/ brjod par bya ste/ mchog la yid kyi sdug bsngal te/ /tha mal rnams la lus skyes so/ /sdug bsngal gnyis kyi 'jig rten 'di/ /nyin re nyin re 'joms par byed/ /sdug bsngal ni rnam pa gnyis te/ lus kyi dang yid kyi'o/ /de la mchog tu gyur ba gang dag longs spyod tshe zhing rigs dang ldan la 'dod pa brlabs che ba de dag la ni mngon par 'dod pa'i gzhi chen po thob par dka' ba'i phyir/ phrag dog phal che bas 'dod pa mi rnyed pa las skyed pa yid kyi sdug bsngal ldog pa med la/ yang sems can tha shal rigs dma' zhing bza' ba dang/ mal cha dang gnas dang gos dman pa gang dag yin pa de dag ni lus kyi sdug bsngal gyis bcom pa nyid kyis na su la yang bde ba'i go skabs ga la yod

  108. 54b

    de'i phyir de ltar na 'jig rten 'di dag thams cad sdug bsngal gnyis kyis nyin re nyin re zhing 'joms par 'gyur ro/ /de'i phyir rang bzhin gyis bde bar gyur pa ni 'dir 'ga' yang yong ba ma yin te/ glang po che la bskyon pa mjal? nas dbang byed brnyas skran langs pa dang yongs su dga' ba bzhin no/ /rgyal po 'ga' zhig gis tshogs shig ces 'ga' zhig glang po che gdul dka' ba la bskyon la/ des kyang glang po che yang dag par bskul bar gyur to/ /de nas rgyal po mgu nas ri mor byas so/ /mi de'i bya dga' mthong nas glang po che'i dbang byed pa'i mi sdug bsngal gyur to/ /de nas 'jigs pas de la yid mi bde bar skyes par gyur to/ /yang mi gnyis pa dman pa zhig rgyal po des tshogs shig ces glang po che de la bskyon pa dang des ma nus par gyur te/ rgyal pos des lus kyi chad pa dang sbyar la/ dbang byed la yang yongs su dga' ba skyes par gyur to/ /de la gcig la yid kyi sdug bsngal yod par gyur la/ gnyis pa la lus kyi'o/ /de bzhin du chen po rnams la ni khyad du sad pa las yid kyi sdug bsngal 'byung la/ dman pa rnams la ni brdegs pa las lus kyi'o/ /'dir sdug bsngal gnyis bcom 'jig rten ni/ /rang bzhin sdug bsngal nyen mthong nas/ /de ni bde zhes snying rje yi/ /bdag can skyes bu su zhig smra/ zhes bya bar 'gyur ro/ /'dir smras pa/ sdug bsngal gnyis ni yod mod kyi/ /de lta na yang bde ba chen po nyid kyis zil gyis mnan pas mi shes so/ /bshad par bya ste/ bde ba la ni chen po nyid ga la yod de/ sdug bsngal gyi dbang du gyur pa'i chos rtog pa zhes bya ba la yang rag las te 'jug pa'i phyir ro/ /'di ltar/ bde ba rtog pa'i dbang gyur zhing/ /rtog pa sdug bsngal dbang gyur pa/

  109. 55a

    de phyir kun na sdug bsngal las/ /shin tu stobs ldan ci yang med/ /gang gi tshe skyes bu 'di bdag ni gtong ba po'o/ /bdag ni phyug po'o/ /bdag ni dbang po'i yul yid du 'ong ba dang yid du mi 'ong ba nye bar longs spyod pa'i zhes de ltar rtog par byed pa de'i tshe/ de ltar yongs su rtog par byed pa 'di la yid kyi bde ba 'byung la/ bde ba 'byor du zin kyang gzhan gyis gnod par dogs pa rnams la/ longs spyod rgyun 'chad pa'i rtog pa phyis yid kyi bde ba de ldog par 'gyur te/ de ltar na bde ba 'byung ba dang 'gag pa dag ni rtog pa la rag las pa nyid kyi phyir bde ba rtog pa'i dbang du gyur pa yin no/ /sdug bsngal ni de ltar ma yin te/ gang zhig sdug bsngal gyi gnod pa'i mthu 'gog par byed pa'i rtog pa ni 'ga' yang yod pa ma yin no/ /de'i phyir sdug bsngal ni bde ba ltar rtog pa'i dbang du gyur pa ma yin no/ /yang yul yid du 'ong ba longs spyod pa'i bde ba gang yin pa dang/ bde ba 'byung ba dang rjes su mthun pa'i rtog pa gang yin pa de gnyis char yang sdug bsngal nye bar skyes pas 'joms par 'gyur te/ 'di ltar dbang po'i yul nye bar longs spyod kyang 'di sdug bsngal gang yang rung ba zhig gis zil gyis mnan pa na nya ba de thams cad rtog pa dang lhan cig btang nas sdug bsngal kho na so sor myong bar 'gyur gyi/ bde ba ni ma yin no/ /de'i phyir de ltar na bde ba'i rtog pa sdug bsngal la rag las pa'i phyir/ sdug bsngal kho na cher stobs dang ldan pa yin gyi bde ba ni ma yin te/ chun ma'i bu bkur bas sdug bsngal bar gyur pa nyid bzhin no/ /chen chung gnyis las gcig ni bu shi ba zhig yin la/ gnyis pa ni bu dang bcas pa zhig go /de la gang bu shi ba de chun ma'i bu bkur

  110. 55b

    zhing brgyan pa mthong nas shin tu du bar gyur ro/ /de la shi zin pa la yang ci'i phyir du zhes nos pa dang/ des smras pa/ kho mo de la mi du'i/ 'on kyang gang chun ma'i bu gson pa 'di la kho mo du'o/ /de dus phyis chun ma'i bu na ba na grong gzhan zhig du song ngo nyi ma kha cig lon nas grong de'i 'dabs su bsnyan pa dang/ de nas ro zhig gton par gyur to/ /nges 'di ltar chun ma'i bu de shi'o snyam du yongs su brtags so/ /de ltar yongs su brtags nas de la shin tu yid bde ba skyes la/ sdig pas yan lag gi chal brdungs pa dang/ de phyir de la rtog pa'i dbang gis yid bde ba skyes pa dug gi sdug bsngal zil gyis mnan te/ de'i phyir gang na yang sdug bsngal las ches stobs che ba gzhan cung zad kyang yod pa ma yin no/ /'di ltar gang phyir phyin log las skyes pa/ /de phyir bde ba shin tu dkon/ /sdug bsngal yang dag las skyes pa/ /de phyir de ches stobs dang ldan/ /zhes bshad de/ /'dir smras pa/ gal te yang bde ba shin tu rnyed par dka' mod kyi/ de ltar yang gnod pa mi byed pa'i phyir de lus kyi bdag gi ba yin la/ sdug bsngal ni mang yang gnod pa byed pa'i phyir gzhan nyid du 'gyur ro/ /bshad par bya ste/ ji lta ji ltar dus 'gro ba/ /de lta de ltar sdug bsngal 'phel/ /de phyir bde ba lus 'di yi/ /gzhan pa lta bur snang bar 'gyur/ /lus gang gi byis pa dang gzhon nu dang dar la bab pa dang/ rgan pa nyid dag ni ji lta ji ltar dus 'phel ba de lta de ltar sdug bsngal mngon par 'phel bar mthong gi/ bde ba ni ma yin no/ /gang gi phyir bde ba ni da ltar rnam par 'phel ba'i lus kyi rgyab nas rgyab nas 'byer la/ sdug bsngal ni mdun nas mdun nas nye bar 'du ba de'i

  111. 56a

    phyir sdug bsngal kho na lus 'di'i bdag gi ba yin par snang la/ bde ba ni gzhan du gyur pa ste/ lam ring por 'gro ba bzhin no/ /ji ltar lam ring por 'gro ba la nyin re nyin re bzhin ngal ba'i sdug bsngal dang lam rgyags zad ba'i sdug bsngal ches drag po 'byung ba de bzhin du/ byis pa so so'i skye po thams cad kyi ji lta ji ltar yun ring por 'tsho ba de lta de ltar rga ba'i sdug bsngal 'thob cid 'chi ba yang nye bar 'gyur ro/ /'dir/ gang phyir chags pa ltar sdug bsngal/ /'di yi mdun du mdun du 'gro/ gzhan bzhin lus kyi de ba ni/ /'dor ba de phyir gzhan du 'gyur/ zhes bshad do/ /'dir smras pa/ gang gi phyir gal te yang lus 'di la sdug bsngal rang bzhin gyis yod mod kyi de lta na yang bde ba'i rgyus bcor yod pa de'i phyir bdag gi lus la skyo bar mi bya'o/ /bshad par bya ste/ sdug bsngal gyi ni rgyu mang po/ /nad rnams dang gzhan snang/ 'gyur ba/ /de snyed du ni mi rnams la/ /bde ba'i rgyu dag snang ma yin/ /'di na lus la sdug bsngal gyi rgyu nang gi bdag nyid las gyur pa khams ma snyoms pa'i rgyu can nad rnams dang/ /gzhan grang ba la sogs pa phyi rol gyi rgyu las byung ba reg pa yid du mi 'ong ba can rnams je snyed yod pa de snyed kyi bde ba'i rgyu nang dang phyi rol gyi rgyu can dag ni lus 'di la mi snang ngo/ /gang gi phyir lus la bde ba'i rgyu dag nyung la/ sdug bsngal gyi rgyu dag mad pa de'i phyir bde ba'i rgyu yod pa'i phyir sdug bsngal la skyo bar bya ba ma yin no/ /zhes bya ba de ma yin te rgyal po'i bu mo la rang nyid kyi khyim thab don du gnyer ba dang/ rnam thos kyi bu'i bu mos da las nu bzhin no/ /

  112. 56b

    gang dag rang nyid kyi khyim thab las rgyal po'i bu mo'i don du gnyer ba de dag ni sdug bsngal dang 'brel bar 'gyur ro/ /de ni gcig kho na bde ba'i rgyur 'gyur gyi/ thams cad kyi ni ma yin la/ mang po zhig kyang don du gnyar bar byed kyi 'thob pa yang ma yin te/ de'i phyir sdug bsngal dang ldan par 'gyur ro/ /de bzhin du sems can rnams la sdug bsngal gyi rgyu dag mang la/ /bde ba'i rgyu dag ni nyung ngo/ /de bzhin du rnam thos kyi bu'i bu mo 'phrogs pa sa nga las nu la sdug bsngal gyi rgyu dag du ma yod par 'gyur la/ bde ba'i rgyu dag de ltar ma yin pa lta bu ste/ gnyis char stobs dang ldan pa'i phyir ro/ /'dir bshad pa/ lus bad chu yi thigs 'dra zhing/ /sdug bsngal rgya mtsho'i chu bzhin du/ / shes nas mkhas pa ji lta bur/ /de la bde pa yod par sems/ /'dir smras pa/ gal te bde ba zhes bya ba yod par mi 'gyur na ni/ 'di la 'phel bar mi snang bar 'gyur ba zhig na/ gang gi phyir bde ba la 'phel pa snad ba de'i phyir yod do/ /bshad par bya ste/ /'phel bzhin pa'i bde ba la/ /ji ltar ldog pa mthong 'gyur pa/ /de ltar sdug bsngal 'phel bzhin pa/ /bzlog pa yod pa ma yin no/ /bde ba ji lta ji ltar 'phel bar 'gyur bde lta de ltar 'phel bzhin pa de las bzlog par mthong ngo/ /gal te rang bzhin gyis bde bar gyur na ni de las bzlog pa yod par mi 'gyur ba zhig na/ bde ba 'phel bzhin pa la ni de ltar bzlog pa yod kyi/ sdug bsngal la ni ma yin te/ 'di ltar bde ba ni mngon par 'phel ba na yun ring pos smad pa dang mnag chung bar 'gyur la/ sdug bsngal mngon par 'phel ba ni ches lhag pas gdung bas rtsub cing/ lus dang sems ches shin

  113. 57a

    tu nye bar 'joms par 'gyur ro/ /de'i phyir de ltar na 'phel ba la bzlog pa med pa'i phyir lus sdug bsngal gyi rang bzhin yin gyi/ rang bzhin gyis ni bde pa med do/ /nga? las nu lhung ba bzhin no/ /ji ltar brgya byin gyi stan phyed 'dod pas 'og tu lhung ba'i phyir da las nu'i bde ba gzhal du med par 'phel bzhin pa la yang bzlog pa mthong pa de ltar sdug bsngal la ma yin no/ /'dir bshad pa/ gal te bde de rang bzhin gyis/ /yong na bzlog las sdug mi 'gyur/ /gang phyir bzlog 'gyur de yi phyir/ /'do las rang bzhin yod ma yin/ /bde ba rang gi ngo bos nyam chung ba nyid yin pa 'ba' zhig tu ma zad kyi/ 'on kyang rkyen nyam chung ba nyid kyang yin te/ 'di ltar/ rkyen dang lhan cig bde ba la/ /bzlog pa mthong gi sdug bsngal la/ /rkyen rnams nyid dang lhan cig tu/ /bzlog pa yod pa ma yin no/ /bde ba'i rgyu dro ba dang bsil ba'i reg pa la sogs pa rnams ni bsten pa na mthar sdug bsngal gyi rgyu nyid du rnam par 'gyur gyi sdug bsngal gyi rgyu rnams ni yun ring pos bsten pa na zhe sngang drag pos mig dmar por gyur pa'i mi srun pa rnams ltar ches sri ba med par 'jug pa la sbyod do/ /de'i phyir rgyu stobs che ba nyid kyi phyir sdug bsngal ni stobs dang ldan pas yang dag par mnan pa'i phyir las sdug bsngal gyi rang bzhin kho na yin pas bde pa med de/ rgyal po mya ngan med kyi bcon ra nyams dga' bzhin no/ /rgyal po mya ngan med la btson nga nyams dga' zhes bya ba zhig yod par gyur la/ dor thog mar zhugs ba gang zhig rang 'dod kyi spyod lam bzhi las gang yang rung ba zhig gis gnas pa de bde bar gyur ba ma yin la/ de bde ba'i rkyen de yod

  114. 57b

    kyang phyis sdug bsngal bar 'gyur te/ de bzhin du rkyen dag yod bzhin du bde ba kho na bzlog par 'gyur gyi/ /sdug bsngal ni ma yin no/ /'dir smras pa/ gal te bde ba med na ni/ lta sbyin bde ba dang ldan no zhes bya ba'i brjod par mi 'gyur ba zhig na/ /rjod pa 'di ni yod pa yang ma yin te/ de'i phyir bde ma yod do/ /bshad par bya ste/ khyod 'chi bzhin la dus song zhing/ /'gro ba dang ni 'gro 'gyur na/ /'chi bzhin pa ni bde 'gyur zhes/ / rnam pa kun du rigs ma yin/ /skad cig re re la 'jigs pa'i dang can yin pa'i phyir 'du byed rnams skad cig dang skad cig la 'chi ba yin la/ de yang dus gsum la mi 'khrul pa yin pas 'chi bzhin pa la khyod kyi dus song zhing 'gro bar 'gyur ro/ /de'i phyir de ltar na dus gsum la khyab pa'i 'chis bas 'chi bzhin ? na bde ba dang ldan par 'gyur ro/ /zhes rnam pa thams cad du mi rigs so/ /de'i phyir bde ba dang ldan no zhes bya ba'i brjod pa las bde ba yod do zhes bya ba mi rung ste/ bran ngan pa na le shem za ba dang/ chang 'thung ba bzhin no/ /'bangs gzhon du zhig gis khyim bdag 'ga' zhig gi mchin lham brlag go /de nas ni khri'u'o/ /de nas ni rta'o/ /de khams nas de na le sham gyi mdzod du bcug go/ der bcug nas kyang na le sham za ba dang/ chang 'thung ba la goms par byas so/ /de nas de nas khyim bdag de stong phrag dang phral lo/ /de nas stong phrag gnyis dang ngo/ /de nas la des gang khyod bya ba ma yin pa byed kyang ngas slar bskyangs bzhin du yang nas yang du gnod pa byed pa/ khyod ni byas pa chung gzon pa dang byas pa mi shes pa zhig go zhes brjod pa dang/ des gang khyod yang nas yang du nyes

  115. 58a

    pa byas kyang da la yid rton par 'gyur pa khyod nyid byas pa chung gzon zhing byas pa mi shes pa zhig go zhes smras te/ de bzhin du byis pa rnams kyang nur nar po la sogs pa nas 'chi bzhin du kho bo cag ni bde'o zhes smra'o/ /'dir bshad pa/ gang zhig yang dang yang du 'chi de pa de min zhing/ /gang nas rtag tu nang gzhi yod de rnal ma min/ /gang du rgud pa mdun na rtag ste 'byor min la/ /gang zhig tshul ma yin pas bsags de nor ma yin/ /dus thams cad la 'khrul pa med pa'i 'chi bdag gis bzung ba la bde ba cha tsam gyi yang glags med pa 'ba' zhig tu ma zad kyi/ gzhan yang de las gzhan ba sdug bsngal gyi rgyur bar med par lhags pa las kyang phal che ba nyid kyi phyir/ yang sdug bsngal la bde pa'i 'du shes mi rigs so/ /'di ltar/ lus can rnams la bkres sogs kyis/ /gnod ba rtag tu yod 'gyur na/ /gnod bzhin pa ni bde'o zhes/ /rnam pa kun duAng rigs ma yin/ /sdug bsngal gyi rgyu lus la gnod par byed pa bkres ba dang skom pa dang grang pa dang cho ba dang nang la sogs pa rtag tu nye ba de rnams kyis/ par mtshams med par 'khor mor gnod pa ji ltar bde bar 'gyur te/ mna' ma khyim gyi so tshis don du gnyer ba bzhin no/ /mna' ma kha cig gis khyim gyi dpang don du gnyer bar gyur to/ /de sgyug mos de dang de la nges par sbyar ba dang de nas gang sngar chas bdar lhur byed par gyur pa zhig bya ba byas pa dang ma byas pa dag la mchog tu sdug bsngal bar gyur te/ de bzhin du 'jig rten yang bkres pa dang/ skom pa la sogs pa'i sdug bsngal bco ba'i rgyur zas dang skom la sogs pa tshol bas rtag

  116. 58b

    tu sdug bsngal te/ bde ba'i blo ni phyin ci log las yin no/ /'dir bshad pa/ rgyal po'i skyes bu rnams kyis rkun po ltar/ /sdug bsngal rnams kyis rtag tu lus 'joms na/ /de 'dir dam pa rnams kyis bde'o zhes/ /bya bar ji lta bur na rigs par 'gyur/ /'dir smras pa/ gal te yang bde ba rang bzhin gyis med mdo kyi/ de lta na yang bde pa ni tshogs pa'i sgo nas yod do/ /bshad par bya ste/ nus pa med pas 'byung kun la/ /tshogs pa zhes bya skye 'gyur te/ /'gal ba rnams la bde'o zhes/ /rnam pa kun duAng mi rigs so/ /'dir bde ba dang sdug bsngal dag ni lus la rag las pa yin la/ lus de yang sa la sogs pa 'byung ba chen po tshogs pa las 'byung ngo/ /'byung ba chen po yang re re la lus mngon par sgrub pa'i nus pa med pas 'tshogs par 'gyur ro/ /'di ltar gal te nur nur po'i gnas skabs nas med par gyur na na di'i tshe 'byung ba gsum 'dzin par mi 'gyur te/ de'i phyir nur nur po'i 'og tu lhung bar 'gyur ba zhig na/ /sa'i khams kyis ni bzung ba yang yin no/ /gal te chu'i khams med na ni de'i tshe gong bu'i bngo bor mi 'gyur ba zhig na/ chu'i khams kyis bsdus pas na gong pu'i ngo bor 'gyur gyi bye ma ltar rdul phra rab re re nas 'thor ba'i ngo bor mi 'gyur ro/ /gal te me'i khams med par gyur na ni/ /de'i tshe nur nur po 'drul bar 'byung ba zhig na/ me'i khams kyi skam pa na de 'drul bar yang mi 'gyur ro/ /gal te rlung gi khams med par gyur na ni nur nur pa de 'phel ba dang/ rgyas pa dang yang ba nyid du mi 'gyur ba zhig na/ rlung gi khams kyis 'phel bar 'gyur ba yang yin no/ /de lta na re re med par gzhan rnams

  117. 59a

    la lus mngon par sgrub pa'i nus pa med pa'i phyir 'byung ba thams cad 'tshogs par 'gyur ro/ /'byung ba chen po de dag ni phan tshun gnod par zhugs pa yang yin te/ 'di ltar sa'i khams ni rlung gi khams kyi 'gros sdug par bya ba'i phyir zhugs la/ rlung gi khams kyang sa'i khams rnam par 'thor ba la mngon par brtson no/ /chu'i khams ni me'i khams la gnod par bya ba'i phyir yin la/ me'i khams kyang chu'i khams skams par bya ba'i phyir rab tu zhugs so/ /de ltar na 'byung ba chen po 'di rnams ni phan tshun 'gal ba yin la/ 'gal ba rnams kyang lus gcig la sdug bsngal 'byung ba'i rgyu nyid yin bya'i phyir/ bde ba'i go skabs med pas lus ni sdug bsngal gyi bdag nyid can kho na zhig ste/ thag pa gcig gis bcings pa'i srog chags drug dang/ chung ma bzhis sdug bsngal bar gyur pa bzhin no/ /ji ltar phan tshun 'gal zhing sbyod yul tha dad pa thag pa gcig la btags pa rta dang/ ce spyang dang/ sbrul dang/ 'dab chags dang/ ri dags dang/ chu srin byis pa gsod rnams la tshogs pa yod kyang 'gal bas ji ltar bde ba med pa de dang 'dra'o/ /'dir bshad pa/ 'gal ba khang pa gcig gnas rnams/ /bde bar mi 'gyur ji 'dra ba/ /de 'dra tshogs kyang 'gal ba yi/ /'byung ba rnams la yang bde yad min/ /ji ltar chung ma phan tshun mi mthun pa bzhi las der gcig ni rtag tu khangs pa zhig go/ gzhan zhig ni rtag tu du ba zhig go/ gzhan ni rtag tu khro ba zhig go/ bzhi pa ni rtag tu smyo ba zhig ste/ de dag bdag pos sbyar ba las lus la rim gro bya ba la 'phrod par mi nus shing/ phan tshun mi mthun

  118. 59b

    pas rim gro yang dag par yang mi byed pa de bzhin du las dang yang dag par yang mi byed pa de bzhin ldan pas khams bzhi la bde ba ga la yod/ 'dir smras pa/ 'byung ba chen po rnams phan tshun 'gal mod kyi/ de lta na yang de phyir bco ba yod de las bde bar 'gyur ro/ /'di ni mi rigs te gang gi phyir/ grang sogs rnams la bco 'tsho ba/ /rtag tu yod pa ma yin na/ /brlag bzhin pa ni bde'o zhes/ /rnam pa kun du rigs ma yin/ /'dir skyes bu 'di grang ba'i tshe grang ba'i 'jigs pa las 'bros pa na de'i gnyen po/ /dro ba'i nus pa can bgo ba dang gding ba la sogs pa rnams brten la/ che ba'i tshe ni gnyen po bsil ba'i nus pa can cen dan dang bu shel ce dang/ pri yang ku la sogs pa rnams te/ de bzhin du rgyas par ro/ /gang zhig grang ba la sogs pas nyams pa de ni 'jigs pa de/ bcom bzhin pa na de'i 'jigs pa spang bar bya ba'i phyir gnyen po kun nas bsten gyi/ bde ba'i phyir ni ma yin no/ /gal te de rnams rang bzhin gyis bde ba'i rgyur 'gyur na ni/ thams cad kyi tshe yang bde ba dag bskyed par 'gyur ba zhig na de ltar yang ma yin te/ de'i phyir khyod sdug bsngal gyi gnyen po la bde ba'i blor 'gyur ta re/ zhag pa dang dbyug pa can gyis bdas pa'i rkun po'i tshogs bzhin no/ /ji ltar zhags pa dang dbyug pa can stobs dang ldan pas bdas pa'i rkun po'i tshogs bdag bsrung bar bya ba'i don du 'di dang/ de rgyug pa na bde bar ma gyur ba de bzhin du/ 'jig rten sdug bsngal gyis btses pa yang sdug bsngal gyi/ gnyen po dro ba la sogs pa de dang de la/ rgyug pa dang bde ba dang ldan pa ma

  119. 60a

    yin no/ /'dir bshad pa/ rkun po 'bros ltar rtag 'jigs shing/ /grang sogs sdug bsngal la 'jigs pas/ /de dang der ni rgyug ba yi/ /'jig rten 'di ltag la bde/ /'dir smras ba/ gang gi phyir 'jig rten na lhas sbyin bde bar nyal lo 'dug go/ 'phro'o zhes bya ba'i tha snyad 'dir 'gyur ba de'i phyir na bde ba'i tha snyang yod pa las bde ba yod do/ /bshad par bya ste/ 'bad rtsol med par spyod pa zhes/ /'ga' 'das steng yod min na/ /las byed bde ba yin no zhes/ /rnam pa kun tuAng mi rigs so/ /sa steng na 'bad pa med par nyal ba la sogs pa'i spyod pa yod par ma mthong la/ /gang gi tshe 'di nyam chung bar 'gyur zhing 'bad rtsol med la rang gi lag pa yang 'degs par mi nus pa de'i tshe gzhan gyi 'degs shing/ /gang gi tshe na nus ba de'i tshe ni nyal ba dang/ bskum pa la sogs pa'i spyod pa dag la sdug bsngal bar mi shes pa des na de rnams bde bar rtog par byed do/ /gang gi phyir 'di nyin re bzhin langs shing langs te lus 'tshe bar bya ba'i de na du las rnam pa du ma dag byed kyi/ bde ba'i phyir ma yin pa de'i phyir las byed pa bde ba ma yin te/ mkhan po las yongs su nyon mongs pa'i rgyal po'i bu bzhin no/ /ji ltar brda' sprod pa dang/ gtan tshigs dang/ nor gyi bstan bcos dang/ 'phong dang sa 'dzin bslab pa'i phyir mkhan po lnga dang rjes su 'brel ba'i rgyal po'i sras rtag tu sdug pa kho na ste/ gal te gcig gis btang na ni gnyis pas 'dzin pa de bzhin du/ byis pa so so'i skye bo rnams kyang rkun po bsheng ma phung po

  120. 60b

    lnga dang rjes su 'brel ba'i las byed pa'i phyir rtag tu sdug pa yin no/ /'dir bshad pa/ lus 'cha'i don du bya ba la/ /rtag tu 'bad par rab zhugs shing/ /las byed lta bur lus 'bangs la/ /bde ba dko ga la yod/ 'dir smras pa/ gang gi phyir 'jig rten gyi dbang po'i don gyi bde ba'i phyir/ sdug bsngal de dang de dag nyams su myong bar 'gyur ba de'i phyir yang bde ba yod do/ /bshad par bya ste/ 'di dang gzhan du bdag nyid ni/ /rtag tu sdig las bsrung bar bya/ /ngan 'gro yod na bde'o zhes/ /rnam pa kun duAng rigs ma yin/ /gang gi phyir yul la brkam pa'i sems can rnams na/ /dbang po'i don gyi bde ba'i phyir sdig pa'i las dag byed cing/ 'di dang 'phos par de'i rgyu can gsod pa dang/ bcing ba dang/ bsdam pa dang/ brdeg pa la sogs pa'i sdug bsngal myong bar 'gyur ro snyam du bsams te mkhas pa bdag bde bar 'dod pas 'jig rten 'di dang pha rol tu sdig pa'i rgyu can gyi sdug bsngal las rtag tu bdag bsrung bar bya dgos pa de'i phyir bdag nyid la ngan 'gro yod bzhin du 'ga' yang bde'o zhes bya bar rnam pa thams cad du mi rigs te/ ma tshor bar 'jug pa'i dag bzhin no/ /ji ltar 'di ni su zhig gam gang na zhes yongs su mi shes par 'jug pa'i dgra las rtag tu 'jigs par 'byung ba ltar/ de bzhin gang du 'am nam 'gro bar bya ba mi shes pas sdig pa dang dmyal ba la sogs pa dag las rtag tu bsrung bar bya'o/ /'dir bshad pa/ gang phyir 'jig rten 'di 'jigs dang/ /de bzhin 'jig rten pha rol gyi/ /'jigs las bdag rtag bsrung bya ste/ /de la bde ba ga la yod/ /'dir skyes bu bde ba don du gnyer ba rnams rkang pa gnyis kyis/

  121. 61a

    'gro ba la sdug bsngal dmigs nas rta dang glang po dang shing rta bzhon pa dag la zhon par byed do/ /gal te de na bde ba med na ni de dag la mi zhon pa zhig ste/ de'i phyir yang bde ba yod do zhes smra'o/ /bshad par bya ste/ bzhon pa sogs la mi rnams kyi/ /bde ba rtag tu yod min te/ /dang por gang la rtsom med pa/ /de la mthar 'phel ba la yod/ /bzhon pa la sogs rnams la ni/ /bde ba yod pa ma yin no/ /gal te de rnams la bde ba yod na ni mthar sdug bsngal bar mi 'gyur ba zhig na/ gang la mthar sdug bsngal dmigs pa de la thog ma kho nar sdug bsngal rtsom pa yod par 'gyur ro/ /gal te dang po kho nar sdug bsngal de phra ba'i ngo bos yod par ma gyur na ni phyis de 'phel bar yang sdug bsngal bar mi 'gyur ba zhig go /gang gi phyir thog ma dang tha mar sdug bsngal kho nar 'byung gi bde ba ni ma yin pa de'i phyir/ bzhon pa la sogs pa rnams la bde ba yod pa ma yin te/ blun po khur skya phyed kyis 'drangs pa bzhin no/ /ji ltar skyes bu blun po zhig pha ma'i khur skya phyed 'phro bkres pa sel ba'i rgyur sems pa bzhin du ?? mi mkhas pa rnams bzhon pa la sogs pa la ste/ bzhon pa dang bza' ba dang btung ba dang/ nyal ba la sogs pa'i spyod lam dag la phyis sdug bsngal bar sems so/ /'dir bshad pa/ bzhon pa sogs la rang bzhin gyis/ /gal te cung zad bde yod na/ /mthar de sdug bsngal mi 'gyur te/ rang bzhin rnam par 'jig mi 'gyur/ /'dir smras pa/ sdug bsngal phyir bcos pa'i rgyu can gyi bde ba ni yod de/ gal te de med par gyur na ni sdug bsngal phyir 'tshe ba mi byed pa zhig na/ byed pa yang yin te/ de'i phyir

  122. 61b

    yang bde ba yod do/ /bshad par bya ste/ gser gyi snod du skyug pa na/ /ji ltar 'ga' zhig dgar 'gyur la/ /de bzhin sdug bsngal phyir bcos te/ /bde'o snyam du sems par byed/ /ji ltar phyug po 'ga' zhig lus kyi phyir 'tsho bar khyed pa na gser gyi snod du skyug cing/ der skyug pa na bran po sa'i gyo mor skyug par mthong nas bdag nyid dbang thang phun sum tshogs pa la dga' zhing mngon par rlom pa bskyed nas bdag ni phyug po'i bde ba dang ldan pa'o zhes bdag tu 'dzin pa skye bar byed la/ gser gyi snod dam gyo mor skyug par byed pa de gnyis kyi skyug pa'i sdug bsngal la ni bde ba yod pa ma yin pa de bzhin du/ so so'i skye bo thos pa dang mi ldan pa yang phyin ci log pa las sdug bsngal phyir bcos ba de dang de la bde'o snyam du sems te/ rta spangs kyi snun pa zed pa bzhin no/ /ji ltar 'ga' zhig rta spangs snun pa'i sdug bsngal nye bar zhi bar byed pa yin no/ /snyam du bsams nas chags pas snun pa zed pa de bzhin du/ mi mkhas pa rnams sdug bsngal phyir bcos pa la bde bar 'du shes so/ /'dir smras pa/ dper na khu ru pa phrag pa gcig nas phrag pa gnyis par khur spo zhing/ des 'di la bde ba'i blor 'gyur ba lta bu ste/ gal te der bde bar ma gyur na ni der mi spo ba zhig go /de'i phyir yang bde ba yod do/ /bshad par bya ste/ rtsom pas skyes pa ldog 'gyur na/ /sdug bsngal rtsom la'ang bde ci yod/ /de phyir thub pas skye 'jig dag /sdug bsngal yin zhes gsungs pa snyam/ bde ba 'dod pa yongs su skyo ba bskyed pa'i yul ha cang bsten pas sdug bsngal chen po byung ba can ni/ de ldog pa'i sred pas bde ba myong bar bya ba'i yul longs spyod par rtsom la/ der yang 'di la mthar sdug bsngal chen po skye bas

  123. 62a

    rtsom pa'i dus na yang sdug bsngal chung du skyes pa rtogs so/ /sdug bsngal chung du skyes pa de yang sngar gyi g.yer po ldog pa'i rgyu yin pas sdug bsngal chung du rtsom pa na/ sngar gyi sdug bsngal skyes pa ldog par 'gyur ro/ /skyas pa'i sgra ni 'phel ba'i rab brjod pa'o/ /de'i phyir dag gi don ni sdug bsngal chung du skyes pas sdug bsngal chen po 'jig par 'gyur ro zhes bya ba'o/ /skye ba dang 'gag pa'i gnas skabs gnyi gar yang bde ba mi srid par bshad pa ni/ sdug bsngal rtsom la'ang bde ci yod/ des bya ba ste/ sdug bsngal rtsom la ni bde ba ci yang med do/ /'ang gi sgra ni sdug bsngal 'gag pa na yang bde ba ci zhig yod de sdug bsngal ci zhig kho na skye zhing 'gag pa'i phyir gnas skabs gnyi gar yang/ rang bzhin gyis bde ba yod pa ma yin pa kho na'o/ /bde bar rtog pa ni phyin ci log tshad mar byas nas 'gyur ro/ /'dis khu ru pa'i dpe yang rnam par bshad pa yin no/ /gang gi phyir de ltar rnam par spyad pa na bde ba cung zad kyang yod pa ma yin pa'i rgyu/ /de nyid kyi phyir sangs rgyas bcom ldan 'das kyis ka tya'i bu skye ba na yang sdug bsngal kho na skye'o/ /'gag pa na yang sdug bsngal kho na 'gag go zhes gsungs par sems so/ /'dir bshad pa/ byis pa sdug bsngal rtsom de la/ /bde'o snyam du mngon par rlom/ /gal te de de ltar bde na/ /de sdug bsngal bar mi 'gyur nyid/ /sba'i shun pa'i 'ching bas bsdams pa bzhin no/ /ji ltar sba'i shun pas bkyigs pa char dang nyi ma dge gis 'joms pa de bzhin du/ sdug bsngal bco ba bsdus pa las sdug bsngal gzhan rtsol bas sdug bsngal snga ma

  124. 62b

    ldog go /'dir smras pa/ gal te yang sdug bsngal rang bzhin gyis yod mod kyi/ de lta na yang bde bas byis pas mi mdon no/ /bshad par bya ste/ so so'i skye bos sdug bsngal ni/ /bde bas g.yogs ltar mi mthong na/ /gang gis sdug bsngal sgrib 'gyur ba/ /bde ba zhes bya ci yang med/ /rgyu cis byis pa so so'i skye bo 'di rnams kyi sdug bsngal de mi mthong/ gal te bde ba zhes bya ba rang bzhin gyis grub pa cung zad cig yod na ni/ /de'i tshe des g.yogs pa'i sdug bsngal mi snang ngo zhes bya bar brjod par rig par 'gyur ba zhig na/ gang gi phyir yongs su brtags pa na bde ba zhes bya ba cung zad kyang med pa ma yin pa de'i tshe/ ji ltar yod pa ma yin pa des sdug bsngal sgrib par 'gyur/ de'i phyir bde bas sdug bsngal bsgribs so zhes bya bar mi rigs te/ khron pa'i phyed du lhung ba sbrang rtsi myangs pas rton pa dang/ glang po che'i ror zhugs pa'i bya rog chu chen pos bdas pas bzhin no/ /ji ltar 'brog tu glang po ches bdas pas khron pa rnying par lhung zhing lam phyed du rtswa du rba'i rtsa ba byi bas za bzhin pa la 'jus pas thogs pa/ 'og nas sprul chen pos a dza ga ras bsgags pa/ ngos nas lto 'phye chen pos snyeg pa/ steng nas sbrang rtsi'i thigs pa babs pa myangs pas rten pa zhig bdag nyid bde bar shes pa de bzhin du/ byis pa'i skye bo 'khor ba'i dgon par 'chi ba'i glang chen gyis bdas pas rga ba'i khron par lhung zhing mi'i lam phyed du/ dge bcu'i las kyi lam gyi rtswa du rba la 'jus pas thogs pas/ 'og nas dan song gi sbrul chen po a dza ka ras bsgags pa/ ngos nas mi dge ba'i rtog pa'i nyon mongs pa'i lto 'phyos mngon par ba snyeg pa/ tshe'i rtswa du rba'i rnam par smin pa'i byi bas za bzhin

  125. 63a

    pa yul yid du 'ong ba la/ 'dun pa'i 'dod chags kyi sbrang rtsi'i thigs pa lhung ba ro myangs pas sems rton pa yang bdag nyid bde bar sems kyi/ bde ba ni cung zad kyang yod pa ma yin no/ /yang ji ltar bya rog zhig glang po che'i thed du zhugs pa dang/ lhas char phab pas thed de chu bo chen pos g.yengs shing/ de yang de nyid du shi bar gyur la/ mnog chung ba dang nyes dmigs che ba de bzhin du/ byis pa so so'i skye bo'i yul gyi bde ba'i ro myang ba'i thed du zhugs shing /de'i nyes dmigs ma mthong ba rnams kyang 'khor ba'i rgya mtsho chen por 'chi bar 'gyur ro/ /'dir bshad pa/ gang phyir rang bzhin gyis gang bder/ /'gyur na de sdug bsngal 'ge bas na/ /de rang bzhin gyis gang med pa/ /de yis sdug bsngal ji ltar sgrib/ /'dir smras pa/ gal te sdug bsngal rang bzhin gyis grub na 'dir nye bar bstan pas dgos pa ci zhig yod de/ nyin tshan dro bo zhes smra pa'i nye bar ston pa ni mdzes pa ma yin no/ /bshad par bya ste/ khyod sdug chags bral med do zhes/ /so so'i skye bo bstan bya des/ /nges par de bzhin gshegs rnams kyis/ /gti mug kun gyi tha mar gsungs/ / 'dir bstan par mi bya ba ni ma yin te/ gang gi phyir lus 'di sdug bsngal gyi rang bzhin yin yang gti mug gis so so'i skye bas de'i rang bzhin yang dag pa ji lta ba bzhin mi rtogs pa de'i phyir/ khyod la lus sdug bsngal gyi rang bzhin can la 'dod chags dang bral ba yod pa ma yin no zhes nye bar bstan par bya dgos so/ /gang gi phyir 'di de nyid la gnas bzhin du yang de nyid mi mthong ba de'i phyir bcom ldan 'das kyis 'di skad

  126. 63b

    du/ che zhes 'di ni sgrib pa rnams kyi mchog ste/ gang 'di ma rig pa'i sgrib pa'o zhes gsungs so/ /bong mjug nas 'dzin pa bzlog pa bzhin no/ /gla bran kha cig gis gla blangs te las phyed byas nas bor bar gyur to/ /de la mas gang 'dzin pa de legs par 'dzin par byos shig ces smras pa dang/ des na ma zhig gi tshe bong mjug nas gzung la/ des brdegs su zin kyang/ thams cad la legs par gzung bar bya'o zhes mi gtong bar gyur to/ /de bzhin du bcom ldan 'das kyang sdug bsngal las yid byung bar gyis shig ces skye bo gti mug gis bzung ba la slob par mdzad do/ /'di smras pa/ gal te de ltar lus mi rtag pa yin mod kyi/ de lta na yang 'di la bde ba yod pa nyid da/ bshad par bya ste/ mi rtag pa la nges par gnad/ /gang la gnod yod de bde min/ /de phyir mi rtag gang yin de/ /thams cad sdug bsngal zhes byar 'gyur/ /gdon mi za bar mi rtag pas gnod par bya bzhin pa'i dngos po mi rtag pa la ni gnod par 'gyur la/ gang la gnod pa yod pa de yang bde ba ma yin te/ de'i phyir gang cung zad mi rtag pa de thams cad sdug bsngal bar 'gyur te/ sdug bsngal ni gnod pa'i mtshan nyid can yin pa'i phyir te/ lan tshwa'i byung khungs su lhung ba bzhin no/ /ji ltar lan tshwa'i byung khungs su ltung ba de thams cad lan tshwa can du 'gyur ba de bzhin du gang mi rtag pa de thams cad sdug bsngal ba kho na yin pas 'du byed rnams ni sdug bsngal gyi bdag nyid can kho na'o/ /'dir 'gyur te/ gang phyir 'dus byas gang de kun/ /mi rtag nyid kyis 'dir gnod pa/ /de phyir byas pa thams cad ni/ /sdug bsngal 'ba' zhig kho nar 'gyur/ /skye ba dang rga ba dang 'chi ba la sogs pa'i

  127. 64a

    'khor ba'i dgon pa sel bar mkhas pa'i thabs 'dod chags dang bral ba skyed par byed pa/ rab tu byed pa 'dis ni slob dpon 'phags pa lha'i zhal snga nas kyis khams gsum gyi srid par skye ba nam mkha' ltar mdza' yas pa dag la gdul ba'i skye bo skyo bar bya ba'i phyir dang/ bla na med pa yang dag par rdzogs pa'i byang chub kyi sems snying rje chen po'i rgyu can/ gnyis su med pa'i ye shes nyid kyis sbyangs pa la rab tu dgod par bya ba'i phyir don ji lta ba bzhin bcom ldan 'das kyi gsung nyid nye bar sbyar ba yin te/ skye ba sdug bsngal lo/ /rga ba sdug bsngal lo/ /sdug pa dang bral pa sdug bsngal lo/ /mi sdug pa dang phrad pa sdug bsngal lo/ /gang 'dod pa btsal te ma rnyed pa yang sdug bsngal la/ /mdor na nye bar len pa'i phung po lnga sdug bsngal lo zhes bya ba dang/ de bzhin du/ dge slong dag de ni skad cig ma yang yin no/ /zhes bya ba dang/ de bzhin du ston pas chos mngon pa'i bstan bcos las kyang nye bar len pa'i phung po lnga sdug bsngal lo zhes gsungs te/ sdug bsngal kun 'byung 'jig rten dang/ lta nas srid pa'ang de dag yin/ zhes bya ba dang/ sdug bsngal nyid gsum ldan pa'i phyir/ /ci rigs ma lus sdug bsngal lo/ / zhes bya ba dang/ yid 'ong yid du mi 'od dang/ /de las gzhan zag med rnams nyid/ ces bya bas so/ /de ltar na 'khor ba'i nyes dmigs bshad pas/ yid skrag cing grol par 'dod pa rnams theg pa chen po la nges par sbyar ba'i don du bcom ldan 'das kyis dge slong dag yun ring por 'khor bar 'khor ba rnams la gang pha'am/ ma'am buAm bu mo'am/ snag gi nye mtshams gang yang rung ba'i gnas dang 'dra bar mi smra ba ni sems can gyi ris na sems can

  128. 64b

    'ga' yang yod pa ma yin no zhes gsungs la/ byang chub sems dpa' rnams kyang bcom ldan 'das kyi gsung rig par byas nas 'khor ba'i rgya mtsho sdug bsngal dang ro gcig pa/ skye ba dang rga ba dang na ba dang/ 'chi ba la sogs pa'i chu srin dang chu srin dzhaShA shan dang/ chu glang dang/ chu srin kum+b+hi ra'i 'byung gnas/ dmyal ba dang/ yi dags dang/ dud 'gro dang/ gshin rje'i 'jig rten du skye ba'i blong/ 'khor rnga bo tshe'i sbubs 'dra ba brgya phrag gcig gis dkrugs pa las/ 'khor ba brgyud pa thog ma med pa nas pha dang ma la sogs pa'i rtsa lag tu gyur pa'i 'gro ba bya zhing mgon med pa mdza' dag theg pa chen po'i tshul gyi gzings kyis bsgral bar bya ba'i phyir mchod par bzod pa yin te/ 'di ltar la la'i slob mar 'gyur ba ste/ la la yi ni bla mar 'gyur/ /thabs rig sna tshogs thabs rnams kyis/ /ma rtogs sems can rtogs par byed/ /ces bya ba la sogs pa 'di nyid las 'chad pa rgyas par brjod par bya'o// byang chub sems dpa' ni khams gsum po 'dod pa dang gzugs dang gzugs med pa'i srid pa brgya phrag mdza' yas par bde ba skyed par byed pa'i las bsam gtan dang ting nge 'dzin dang 'tsham pa/ dge legs yang shing dri ma med pa'i tshogs la mkhas pa de dang de byed cing/ sems can mdza' dag la bde ba bskyed pa'i ched du mtho ris dang byang grol gyi dpal phun sum tshogs pa'i phyir/ 'gro ba ma lus rnams la yongs su bsngo bar byed la/ 'khor ba'i chog gi sdug bsngal ma lus nga la skyo zhing grol bar 'dod pas 'di dag gi sdug bsngal thams cad zad par bya ba'i phyir/ nyin mtshan khyad par sbyor bar yang 'gyur te/ ji skad du 'phags pa rin po che'i phreng ba las/? de ltar byang chub

  129. 65a

    sems dbas kyang/ mthong nas byang chub nges par 'dod/ /'on kyang de ni snying rje yis/ /byang chub par du srid mtshams sbyor/ zhes bya ba dang/ de la lus kyi sdug bsngal med/ /yid kyi sdug bsngal ga la yod/ /de ni snying rjes 'jig rten sdug/ /de nyid kyis ni yun ring gnas/ zhes gsungs pa lta bu'o/ /de bzhin du 'phags pa ting nge 'dzin gyi rgyal po'i mdo las kyang/ ye shes kyis ni phung po stong par shes/ /shes nas nyo na mongs rnams dang ? mi 'grogs/ /tha snyad tsam gyis rnam par spyod byed cing/ /'jig rten 'di na mya ngan 'das par gnas/ zhes 'byung ngo/ /de'i phyir khams gsum mdza' dag gi skye ba dang/ /'chi ba'i sdug bsngal gyi gtam gyis bdul ba'i skye ba rnams 'khor ba'i btson ra'i tshogs la skyo bar bya ba'i phyir/ skye ba la sogs pa'i sdug bsngal can la slob dpon 'phags pa lha'i zhal snga nas gyis/ mi rtag pa la des par gnod/ gang la gnod yod da yong de bde min/ /de phyir mi rtag gang yin de/ /thams cad sdug bsngal zhes byar 'gyur/ zhes bya ba dang/ bde brtog pa'i dbang gyur zhing/ /rtag pas sdug bsngal dbang gyur pa/ /de phyir kun la sdug bsngal las/ shin tu stobs ldan ci yang med/ ces bya ba la sogs pa'i bshad pa yin no/ /de'i phyir lha dang/ mi dang lha ma yin dang/ mi 'am ci dang/ lto 'phye dang/ grub pa dang/ rig pa 'dzin pa la sogs pa'i gnas kyi 'gro ba dag na/ de dag gi rtogs pa tshong ma nyid las na byis pa so so'i skye bo ma rig pa'i mun pas blo'i mig ldongs par byas pa rnams la rang bzhin dang bcas pa dang bral zhing bden pa ma yin pa'i phyin ci log tsam gyis yang par sgrub pa'i bde ba dang/ yid

  130. 65b

    bde ba yod pa ma yin pa'i rang gi ngo bo can yod pa nyid de/ rmi lam gyi gnas skabs na mngon par 'dod pa'i yul nye bar longs spyad pa'i bde ba dang yid bde bas? bzhin no/ /de'i phyir khams gsum 'di na bde ba la sogs pa'i dngos po rdzas su yong pa rnams 'byung bar lnga ga la 'gyur te/ ji skad du/ gang gi ltar na rdzas skye ba/ /dre la chad la sogs 'gyur zhing/ /'jig rten mdza' dang ldan pa dang/ /mdza' mi ldan pa'ang de la 'gal/ zhes bshad do/ /gal te rdzas de skyes ma thag tu 'jig pa zhig yin na ni de'i tshe chad par 'gyur te/ sa bon mes tshig pa las myu gu dag 'byung ba zhes bya ba la sogs pa bzhin no/ /de'i phyir rgyu dang rkyen las skyes pa'i dngos po nang dang phyi rol rgya? bye bas tha dad cing dngos po yod pa'i ngo bos stong pa rdzas su yod pa ma yin pa/ rnam rtog log pa'i dra ba'i phreng ba'i 'jo bag gis dga' bar bya ba rnams 'byung bar nges par bya'o/ /'gal me'i 'khor lo sprul pa dang/ rmi lam sgyu ma chu zla dang/ /khug rna nang gi brag cha dang/ /smig rgyu sprin dang srin pa mtshungs/ /shes bya ba'i lung las na/ /gang gis na slob dpon dbyig gnyen gyis 'di skad du re zhig bde ba la skur ba 'debs pa de la 'di dri bar byas te zhes bya ba la sogs pa gsung ba/ slob dpon 'phags pa lca'i zhal snga nas dngos po rang bzhin du gsung ba nyid ga la yod/ de'i phyir yod pa dang med pa'i dngos por 'dzin pa sel bar zhugs pa gnyis su med pa'i chos la lhag par mos pa dang bral ba/ rdzas su yod pa'i rang bzhin smra ba 'de dag gi shin tu pa ba chol yin te gnyis su med pa'i blo'i chos nyid mchog tu zab pa dang rgya che ba la log par rtogs pa'i phyir ro/ /de nyid kyi phyir/ dbang po yis ni

  131. 66a

    dmigs gyur pa/ /'das pa yul gyi rnam pa la /yid kyis dmigs nas rtog pa na/ /bde'o snyam du rlom par byed/ /ces gsungs so/ /rnam par rtog pa log pa tsam las 'byung ba'i phyir dang/ skyes ma thag tu 'jig pa'i phyir bde ba sdug bsngal nyid do zhes bya bar rig nas gdul ba rnams sdug bsngal ma lus pa'i 'byung gnas khams gsum po mdza' dag la chags pa dang bral bar 'gyur ro/ /'dir/ slob dpon klu sgrub zhabs kyil las ni/ /phyi rol gyur pa zhi ba'i thabs med do/ /de dag kun rdzob de nyid bden las nyams/ /de las nyams pas thar pa grub yong min/ /tha snyad bden pa thabs su gyur pa dang/ /don dam bden pa thabs byung gyur pa dang/ /de gnyis rnam dbye gang gis mi shes pa/ /de ni rnam rtog log pas lam ngan zhugs/ /zhes bshad do/ /ci ste dbang po lnga'i dmigs pa'i yul gyi rjes su byed pa tshor ba yid du mi 'ong ba mi 'dod ba gang yin pa de sdug bsngal te/ gnod par byed pa yin na/ 'on ni gang gnod par byed pa ma yin pa/ dbang po gzugs can gyi 'byung ba chen po rgyas par byed pa'i bde ba rang bzhin dang bcas pa dang/ yid las byung ba yid bde ba rdzas su grub pa snyams du 'dod na/ 'di ni khyed cag gi 'dod pa tsam zhig tu 'gyur te/ 'di ltar dngos po gang zhig rang gi bdag nyid kyis yod pa de ni skye ba ma yin te/ yang skye ba don med par thal bar 'gyur ba'i phyir te/ mdun na gnas pa'i bum pa dang rnam bu dang zlos gang bzhin no/ /ci ste yod pa nyid skye na ni /nam yang mi skye bar mi 'gyur bas bde ba kho na skye bar 'gyur gyi/ de'i mjug thogs su gzhan sems las byung ba sdug bsngal

  132. 66b

    la sogs pa ni ma yin pa zhig na/ 'di ni mthong ba 'am 'dod pa yang ma yin no/ /tshor ba sdug bsngal la brten nas tshor ba bde ba 'byung bar yang mi 'gyur te/ de'i rang gi mtshan nyid kho nas yod pa'i phyir ro/ /gal te bde ba sdug bsngal las gzhan du 'gyur na ni sdug bsngal de la ma brten par 'gyur zhing/ khyod kyi lugs kyis bde bar yang 'gyur ba zhig na/ ma brten par ni dngos po 'gar yang mi 'gyur te/ gang zhig gang nas nam gyi tshe'ang ma brten par ni yod nyid med/ /de nas nam yang gang zhig tu/ /rtag pa 'ga' yang yod ma yin/ zhes bya ba'i lung las dang/ bcom ldan 'das kyis klu'i rgyal po ma dros pa'i gnas su gshegs pa'i mdo las mkhas pas brten 'byung chos rnams rtogs 'gyur zhing/ /mthar lta ba la rten par byed pa'ang min/ /rgyu dang rkyen dang bcas pa'i chos shes shing/ /rgyu rkyen med pa'i chos nyid yod ma yin/ zhes bya ba la sogs pa gsungs pa'i phyir ro/ /ci ste myu gu dang 'du byed la sogs pa'i dngos po gang ma rig pa dang sa bon la sogs rgyu dang rkyen gyi tshogs pa la brten nas 'gyur na/ ci de bden par yod pa can zhig gam/ 'on te dngos po yod pa ma yin par bden pa can zhig 'gyur grang/ de la myu gu dang 'du byed la sogs pa yod pa las sa bon dang ma rigs pa la sogs pas gos pa ci zhig yod de/ der rang gi ngo bos yod pa'i rang bzhin nyid yin pa'i phyir ro/ /'on te yod pa ma yin pa'i rang bzhin yin na ni mo gsham gyi bu ltar 'di rtag tu 'byung bar mi 'gyur ba zhig na/ myu gu dang 'du byed la sogs pa'i dngos po ni rmi lam dang/ sgyu ma dang/ chu zla la sogs pa ltar yod pa dang med pa'i rtog pa 'joms shing/ rang gi rgyud dang

  133. 67a

    rkyen gyi tshogs pa la brten nas 'byung ba yang yin no/ /ji srid du sems la yid kyi tshor ba bde ba yod pa de srid du tshor ba sdug bsngal gyi skabs med la/ yang na bde ba'o/ /sems kyi skad cig gcig la tshor ba gnyis gcig car srid pa ni ma yin te/ the tshom dang gtan la phebs pa'i sems bzhin dang/ 'dod chags dang 'dod chags dang bral ba bzhin dang/ 'chi ba'i srid pa dang skye ba'i srid pa bzhin dang/ snang ba dang mun pa bzhin phan tshun 'gal ba'i phyir ro/ /ci ste tshor bsdug bsngal 'gag pa dang dus mnyam pa kho nar tshor ba bde ba skye na/ de dag gi skye ba dang 'gag pa gnyis skad cig gcig la srid par 'gyur na/ skye ba dang 'gag pa phan tshun 'gal ba nyid gnyis ni lhan cig 'byung bar rigs par yang ma yin te/ bde 'gro dang ngan 'gro'i don mdza' dag 'byung ba'i tshe brlag pas sangs rgyas pa rnams la/ rgyu med pa'i nyes pa'i dug tu thal bar 'gyur ba'i phyir ro/ /de nyid kyi phyir/ sa bon 'gags dang ma 'gags las/ /myu gu 'byung ba ma yin te/ /khyod kyis skye ba thams cad ni/ /sgyu ma'i skye ba bzhin du gsungs/ zhes bya ba dang/ kun la mi rtag smra ba rnams/ /sangs rgyas lam la gnas nas su/ /dngos po dpyad de rtsod pa yis/ /gnas pa gang yin de rmad do/ /'di 'am de'o zhes gang du/ /rnam par dpyad nam dmigs na/ /rtsod pa 'di dang de bden zhes/ /mkhas pa su zhig smra bar 'gyur/ zhes bshad do/ /gal te tshor ba bde ba rang gi bdag nyid kyis rdzas su yod pa zhig sdug bsngal la brten nas 'gyur na ni/ de lta na 'o na de yong pa nyid kyi phyir bde bar 'dzin pa phyin ci log tu mi 'gyur ro/ /phyin ci log ces bya ba ni dngos po rnam pa gzhan du gnas ba la gzhan du 'dzin pa ste/

  134. 67b

    dper na gti mug gi dra bas blo gros kyi mig g.yogs pa'i 'jig rten 'khor ba'i btson ra'i grong khyer gyi khang pa la chags shing/ gtsang bar mngon par rlom pa'i mun pa 'thug po'i dra bas blo gros kyi mig bsgribs pas na chung dar mi'i lus mi gtsang ba rnam pa du ma'i 'byung gnas rnam par bsal te/ 'di ni mngon par dga' bar bya zhing/ mig yid du 'thad pa zhig go snyam du rtogs nas rang gi rnam par rtog pa bden pa'i rnam pas mngon par dga' bar byed pa bzhin no/ / de'i phyir rnal 'byor pa rnams la gtsang ba phyin ci log tu 'gyur ro/ /de nyid kyi phyir/ bud med chags pa phal cher ni/ /bud med gzugs gtsang sems las byung/ /bud med lus la don du ni/ /gtsang ba cung zad yod ma yin/ /kha ni kha chu rul pa dang/ /so skyag mi gtsang snod yin te/ /sna ni rnag rnabs sna chu'i snod/ /mig gnyis mig rdul mchi ma'i snod/ /lto ba'i khong ni bshad gci dang/ /glo ba mchin pa'i snod yin par/ /rmongs pas bud med ma mthong bas/ /de yi lus la chags par byed/ /lus yul shin tu dri nga ba/ /chags bral rgyu ni gang yin pa/ /de la'ang 'jig rten ches chags na/ /gang gis 'dod chags bral bar dkri/ gzugs bzang ba dang gzugs ngan nam/ /rgan nam yang na gzhon yang rung /bud med gzugs kun mi gtsang na/ /khyod chags khyad par ga la skye/ /gal te mi gtsang kha dog bzang/ /shin tu gsar la dbyibs legs kyang/ /de la chags par mi 'os lta/ /bud med gzugs la'ang yod de bzhin/ zhes bshad do/ /de lta bu la sogs pa 'byung ba las na bud med kyi lus mi gtsang ba'i rang bzhin yin la/ de la byis pa so so'i skye bo blo'i mig yang dag pa ma yin par phyin ci log tu gyur bas/ gtsang ba nyid du lhag par sgro btags nas yul

  135. 68a

    gyi bde ba nyams su myong ste/ de las gtsang bar phyin ci log tu 'gyur ro/ /rgyu gtsang ba med pa de nyid kyi phyir na/ rgyu med pa las 'jug rnams kyi/ /ldog pa rgyu las ga la zhig /ces bya ba slob dpon 'phags pa lha'i gsung bden pa ma yin par phyin ci log pa nyid bsal bar snang ste/ nyi ma sprin dang bral zhing nub par ma gyur pa bzhin no/ /rnal 'byor pa rnams kyis rtag par lta ba phyin ci log bsal nas mi rtag pa nyid sgom pa'i bag chags goms par byed do/ /ji ltar gnod par byed pa yid du mi 'ong ba sdug bsngal yin na/ 'o na ni gang dbang po'i 'byung ba chen po rgyas par byed pa rang bzhin gyis bde bar grub po/ /zhes bya bar 'dod pa de bzhin du rtag par lta ba don med pa can mthong ba dang/ ma mthong ba'i 'bras bu yid du mi 'od ba la smyon pa rtag tu don ma yin pa brgya phrag gi 'byung gnas su gyur pa'i phyin ci log yin no/ /snyam du rig par byas nas mi rtag par lta ba rtag par lta ba ltar phyin ci log tu 'gyur te/ de'i gnyen por gyur pa nyid kyi phyir gtsang bar lta ba bzhin no/ /ma rig ldongs pa'i glo can rnams/ /nang gi bdag tu gang 'dod pa/ /rnam shes dor ba mu stegs kyi/ / rmongs byed de ni gang du song/ /gang tshe nang? bdag bud med min/ /skyes min ma ning ma yin pa/ /de tshe mi shes 'ba' zhig las/ /khyod bdag pho'o snyam du sems/ /reg dang mi ldan dngos po las/ /bskul ba zhes bya mi skye ste/ /de phyir lus kyi g.yo ba la/ srog ni byes pa por mi 'gyur/ zhes bya ba la sogs pas mu stegs byed kyis brtags pa'i bdag yod pa ma yin pa nyid de rgyu med pa'i phyir nam mkha' i me tog bzhin dang bya rog dang chu skyad dang/

  136. 68b

    ne tso dang/ /spyang ki'i mgo'i nor bu bzhin no/ /de ltar nang gi bdag bden par yod pa ma yin pa la yod pa nyid du mthong ba gang yin pa de ni/ yod pa ma yin pa'i dngos po la yod cing rtag pa nyid du sgre btags pas phyin ci log ste/ de ni 'khor ba'i btson ra'i 'ching ba yin no/ /de'i gnyen por rtag par lta ba phyin ci log ni gnyen por gyur pa bdag med pa lta ba sgom pa yin la/ /gang sdug bsngal gyi 'gal zlar grub pa bde ba'i dngos po rang bzhin phyin ci log tu mi 'gyur ba bdag med par lta ba yod pa ma yin pa'i bdag tu lta ba phyin ci log gi gnyen por grub po/ /de'i phyir phyin ci log bzhi'i tshogs bsal ba grub pa'i phyir/ dngos bo'i ngo bo bden par smra ba rnams la bdag la sogs par lta ba phyin ci log bzhi ltar phyin ci log kho nar 'gyur na/ 'di ni khyed cag gis 'dod pa 'am mthong ba yang ma yin no/ /de'i phyir 'jig rten pa dang 'jig rten las 'das pa'i gsung rab mdza' dag la mkhas ba'i glo gros mnga' ba slob dpon 'phaT pa'i lha'i zhal sngan? sal? 'gar yang bde ba la skur ba 'debs pa nyid cung zad kyang ma rtogs kyi/ khyed cag dngos po rang bzhin du smra ba rnams kho na bde ba la skur pa 'debs pa nyid du ches gsal bar rtogs te/ gsung rab ji lta ba bzhin nges par ma zin pa'i phyir la/ /drang pa dang nges pa'i don gyi mdo sde rnams kyi rang gi ngo bo ji lta ba bzhin du ma ngas pa'i phyir ro/ /yang dge slong dag 'das pa'i gzugs yod bar ma gyur na ni 'phags pa nyan thos thos pa dang ldan pa dang 'das pa'i gzugs la mngon par mi dga' bar mi 'gyur ba zhig na/ dge slong dag gang gi phyir 'das pa'i gzugs yod pa de'i phyir/ 'phags pa nyan thos

  137. 69a

    'das pa'i gzugs la mngon par mi dga' o/ /dge slong dag ma 'ongs pa'i gzugs yod par ma gyur na ni 'phags pa nyan thos thos pa dang ldan pa ma 'ongs pa'i gzugs la mngon par mi dga' bar mi 'gyur ba zhig na/ dge slong dag gang gi phyir ma 'ongs pa'i gzugs yod pa de'i phyir 'phags pa nyan thos ma 'ongs pa'i gzugs la mngon par mi dga' o/ /dge slong dag 'das pa'i tshor ba yong par ma gyur na ni 'phags pa nyan thos thos pa dang ldan pa 'das pa'i tshor ba la mngon par mi dga' bar mi 'gyur ba zhig na/ dge slong dag gang gi phyir 'das pa'i tshor ba yod pa de'i phyir 'phags pa nyan thos 'das pa'i tshor ba la mngon par mi dga' o/ /dge slong dag ma 'ongs pa'i tshor ba yod par ma gyur na ni/ 'phags pa nyan thos thos pa dang ldan pa ma 'ongs pa'i tshor ba la mngon par mi dga' bar mi 'gyur ba zhig na/ dge slong dag gang gi phyir ma 'ongs pa'i tshor ba yod pa de'i phyir 'phags pa nyan thos ma 'ongs pa'i tshor ba la mngon par mi dga' o/ /de bzhin du ji ltar du dge slong dag 'das pa'i rnam par shes pa yod par ma gyur na ni 'phags pa nyan thos thos pa dang ldan pas 'das pa'i rnam par shes pa la mngon par mi dga' bar mi 'gyur ba zhig na/ dge slong dag gang gi phyir 'das pa'i rnam par shes pa yod pa de'i phyir 'phags pa nyan thos 'das pa'i rnam par shes pa la mngon par mi dga' o/ /dge slong dag ma 'ongs pa'i rnam par shes pa yod par ma gyur na ni 'phags pa nyan thos thos pa dang ldan pa/ ma 'ongs pa'i rnam par shes pa la mngon par mi dga' bar mi 'gyur ba zhig na/ dge slong dag gang gi phyir ma 'ongs pa'i

  138. 69b

    rnam par shes pa yod pa de'i phyir 'phags pa nyan thos ma 'ongs pa'i rnam par shes pa la mngon par mi dga' o/ /zhes sangs rgyas bcom ldan 'das thugs rje chen po'i thabs brgya phrag mnga' ba rnams kyis 'das pa dang/ ma 'ongs pa la sogs pa yod pa nyid du bstan pa ni byis pa'i 'jig rten gyi rtogs pa'i dor rab tu 'jug pa kho na ste/ gdul bya'i skye bo la sman 'dogs par mdzad pa la mkhas pa nyid kyi phyir ro/ /de'i phyir de ltar na bcom ldan 'das kyis phung po lnga rdzas dang ldan pa kho na lung dang mdo gzhan dag las nye bar bstan to/ /gal te 'das pa dang ma 'ongs pa'i dngos po rang bzhin gyis yod na ni de da ltar ba nyid du 'gyur te/ /yod pa'i phyir mdun na gnas pa'i bum pa dang snam bu dang re lde dang cod pan la sogs pa bzhin no/ /ci sta de 'das pa'i dor yod na ni/ de ni rtag pa 'am 'on te mi rtag pa zhig yin/ re zhig rtag pa ni mi 'dod te/ mu stegs byed kyi lta bar thal bar 'gyur ba'i phyir la/ rten cing 'brel bar 'byung ba ma yin pa nyid kyis bong bu'i rwa la sogs pa bzhin yod pa ma yin pa'i phyir ro/ /mngon par gsal bar smra ba rnams la yang skyon rnam pa gnyis thog tu 'bab pa'i phyir ro/ /ci ste de mi rtag pa nyid du yod na ni de mi rigs so/ /gang las she na 'gag pa dang yod pa dag 'das pa dang ma 'ongs pa'i dus gnyis su thal bar 'gyur ba'i phyir ro/ /'das pa dang da ltar ba 'di gnyis ni dus gcig tu dngos po gcig la srid pa yang ma yin te/ /'jig pa dang skye ba 'di dag phan tshun 'gal ba'i phyir ro/ /yid gcig la the tshom dang gtan la phebs pa dag gam 'chi ba'i srid pa dang/ skye ba'i srid pa dag cig car 'byung bar ni khyed cag gis

  139. 70a

    mi 'dod do/ /skad cig gcig las sa bon dang myu gu gnyis srid pa ni med de/ rgyu med pa can gyi nyes par thal bar 'gyur ba'i phyir ro/ /'jig rten sa lu dang til dang nas dang gro la sogs pa'i sa bon la sogs pa rnams sdud par yang mi 'gyur ro/ /ji skad du/ 'bras 'byung chen du 'jig rten 'di yis sa bon la sogs ni/ /brgya phrag dag gi sgo nas sdud par byed par yang mi 'gyur/ zhes bshad do/ /rgyu med par smra ba shin tu tha chad rgyad bsrings te yongs su spang bar bya'o/ /de bzhin du bcom ldan 'das kyis mdo sde gzhan las dge slong dag lnga po 'di dag ni ming cim khas 'ches ba tsam/ tha snyad tsam ste/ 'di lta ste/ 'das pa'i dus dang ma 'ongs pa'i dus dang/ nam mkha' dang mya ngan las 'das pa dang/ gang zag go zhes 'das pa dang ma 'ongs pa la sogs pa'i dngos po nang dang phyi rol du gyur pa thams cad 'jig rten gyi tha snyad tsam nyid du gsungs so/ /de bzhin du bcom ldan 'das kyis mdo gzhan las gzugs ni dbu ba rdos pa 'dra/ /tshor ba chu yi chu bur bzhin/ /'du shes smig rgyu lta bu ste/ 'du byed rnams ni chu shing bzhin/ /rnam par shes pa sgyu ma ltar/ /nyi ma'i gnyen gyis bka' stsal to/ /de ltar chos rnams rtog pa yi/ /dge slong brtson 'grus brtsams ldan zhing/ /nyin nam gal te mtshan mo'ang rung/ /shes bzhin so sor dran ldan pa/ /'du byed nyer zhi zhi ba yi/ /go 'phangs zhi ba rtogs par 'gyur/ zhes gsungs so/ /de bzhin du 'phags pa ting nge 'dzin gyi rgyal po las/ /ji ltar dbu ba mang po rdos pa dag /chu bos khyer ba skyes du des mthong ste/ /de la brtags na snying po yod mi snang/ /chos rnams thams cad de bzhin shes

  140. 70b

    par gyis/ /ji ltar char pa thigs chen bab pa na/ /chu yi chu bur dag ni tha dad 'byung/ /byung nas zhig ste chu yi chu bur med/ /chos rnams thams cad de bzhin shes par gyis/ /ji ltar so ga'i nyi ma phyed dus na/ /skyes bu sgom pas gdungs shing 'gro ba yis/ /smig rgyu dag la chu yi phung por mthong/ /chos rnams thams cad de bzhin shes par gyis/ /mig rgyu la yang chu ni yod med na/ /sems can rmongs pa de la mthong 'dod de/ /mi bden chu ni btung bar yod mi nus/ /chos rnams thams cad de bzhin shes par gyis/ /ji ltar chu shing rlon pa' sdong po la/ /snying po 'dod phyir skyes bu de gshegs kyang/ /nang dang phyi rol kun na snying po med/ /chos rnams thams cad de bzhin shes par gyis/ /sgyu ma byed pa bdag gis gzuT sprul te/ /rta dang glang po shing rta sna tshogs byas/ /de la ji ltar snang ba gang yang med/ /chos rnams thams cad de bzhin shes par gyis/ shes 'byung ngo/ /de'i phyir dngos po bden pa'i ngo bor smra ba la/ rtag pa dang bde ba dang gtsang ba dang bdag tu lta ba'i phyin ci log ltar mi rtag pa dang sdug bsngal ba dang mi gtsang ba bdag med par lta ba la phyin ci log tu 'gyur na/ 'di ni 'dod pa yang ma yin no/ /de'i phyir dngos po yod par smra ba khas blangs na/ re zhig bde ba la skur ba 'debs par byed pa 'di la 'dri bar bya ste/ sdug bsngal de ci zhig /gang gnod par byed pa'o zhe na/ gnod par byed pa ma yin pa bde ba zhes bya bar 'grub bo zhes bya ba la sogs pa gang smras pa de ni mi rigs te/ rang gis khas blangs pa dang 'gal ba'i phyir ro/ /ci ste byis pa'i 'jig rten gyi rtogs pa dang bstun pa'i dbang gis bcom ldan 'das kyis gsungs pa de kho na dltar slob dpon 'dis kyang gsungs pa yin no zhe na/ 'o na ni de lta na yang/ gang gis na 'di slob dpon 'phags

  141. 71a

    pa lha lam rangs pa'i tshig 'di smra ba/ slob dpon la drang ba dang nges pa'i don gyi don gyi mdo sde rnams ji lta ba bzhin ma rtogs pa yongs su gsal bar byas par mi 'gyur ro/ /de'i phyir byis pa'i skye bo ma rig pa'i rab rib kyis blo gros kyi mi gnyams par byas pa rnams kyis rtogs pa'i dbang gis/ sangs rgyas bcom ldan 'das kyis thugs rje chen po'i thabs kyi tshul la mkhas pa rnams kyis phyin ci log bzhi po rtag pa dang bde ba dang gtsang ba dang/ bdag tu lta ba rnams kyi gnyen por mi rtag pa dang mi bde ba dang/ mi gtsang ba dang/ bdag med par lta ba 'khor ba'i rgya mtsho las sgrol ba'i thabs su gyur pa gsungs pa yin no/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya pa las/ bde bar phyin ci log spang ba'i thabs bstan pa ste/ rab tu byed pa gnyis pa'i 'grel pa'o// //da ni gtsang bar phyin ci log spang ba'i thabs kyi dbang du byas nas brjod par bya ste/ 'dir smras pa/ gal te yang de 'du byed rnams sdug bsngal gyi bdag nyid can yin mod kyi/ de lta na yang yul yid du 'ong ba la longs spyod pa ros tshims pas bde bar gyur pa de'i phyir yul rnams nye bar brten par bya'o/ /bshad par bya ste/ yun ni shin tu ring bos kyang/ /yul la mu thug yod min te/ /sman pa ngan ltar khyod lus la/ /ngal ba 'bras bu med pa 'byung/ /yul gyi bde ba'i longs spyod la bsam? pa'i yid can gang zhig /na tshod dang po la yul nye bar longs spyod par bya la/ bar du nor bsag cing tha mar chos brten no zhes 'di snyam du sems pa de la brjod par bya ste/ gal te yul rnams tshad nyung zad gcig tu 'gyur na ni na tshod dang por 'di rnams zad par thob bar byas nas bde ba srid pa zhig na/ dus yun ring por

  142. 71b

    nye bar bsten pas kyang 'di rnams yongs su chad par sgrub par mi byed do/ /yongs su chad pa med na ni gang zhig 'di rnams nye bar longs spyad pa nyid kyis mthar byed pa 'dod pas/ de'i ngal ba ni sman pa ngan pa nang gyis mtshan nyid mngon par mi shes pa'i phyir/ nad bco ba dag la nus pa med pa'i lus kyi gso dpyad kyi/ 'bad pa mthar ma phyin pas chogs tsam gyi 'bras bu can du 'gyur ba ji lta bde bzhin du 'bras bu med par 'gyur/ /gzig lpags bskon pa'i spre'u bzhin no/ /ji ltar gzig lpaT g.yogs pa'i spre'u rtag tu spre'u rnams kyi skyo ba'i rgyur gyur cing skyo bar bya ba de la dus nges pa yod pa ma yin zhing rnam par bzhag pa med pa de bzhin du/ yul nye bar longs spyad pa dag la yang 'di tsam gyis tshim par 'gyur ro snyem du mu thug pa yod pa ma yin no/ /'dir bshad pa/ gsher ba gsher bas mi skems shing/ /tsha ba che bas nyams min ltar/ /de bzhin 'dod pa nyer dpyad pas/ /'dod pa'i re ba spong mi byed/ /'dir smras pa/ ji ltar chu dag gis doms pa la skom pa yod pa ma yin pa de bzhin du/ 'dod pa dag gis tshim pa 'dod pa dag la sred par mi 'gyur ro/ /bshad par bya ste/ sten par byed pa 'ga' zhig la/ /sa sred ldog pa med ji bzhin/ /bsten bzhin pa yi mi rnams la/ /'dod re 'phel ba'ang de bzhin no/ /ji ltar sa za ba bsten pa la sa'i sred pa 'phel ba kho nar 'gyur ba de bzhin du/ 'dod pa nye bar longs spyod cing 'dod pa gang bsten pa rnams la yang 'dod pa'i re ba 'phel ba nyid du 'gyur bas 'dod pa'i sred pa mthar dbyung bar bya bar mi nus so/ /'di ltar 'dod pa dag nye bar bsten pas ni ji ltar gong du mngon par brtson pa las cha rkyen sbyor ba dang/ nye bar longs spyod pa la mkhas pa 'thob cing/ rigs mtshungs pa'i

  143. 72a

    rkyen gyis gsos btab pa'i 'dod chags stobs dang ldan pa skyed par yang byed do/ /de'i phyir de ltar skad cig re re zhing nye bar 'phel ba'i shugs can 'dod pa'i sred pa'i chu klung gi g.yeng ba'i mi la tshim pa ltag la yod/ gnyid la sogs pa'i 'phel ba bzhin dang/ skom pas nyen pa'i ri dags bzhin no/ /ji ltar gnyid dang le lo dang 'khrig pa rnams ji lta ji ltar bsten pa de lta de ltar 'phel ba bzhin du nyon mongs pa rnams kyang yin no/ /yang ji ltar ri dags skom par gyur pa rnams sa skam po ches rtsub pa sprin dang bral ba'i nye ma'i gung gi nyi ma'i 'od kyi yongs su gdungs shing/ chu ltar gyur pa smig? rgyu'i klung lta bu can mthong nas chur 'du shes shing rab tu rgyug la/ skom pa sel ba yang mi thob pa de bzhin du/ 'dod pa smig rgyu dang 'dra ba dag ma shes te/ de'i rang bzhin la mngon par zhen pa gang dag yul rnams don du gnyer bar byed pa de dag la nyon mongs pa ldog pa lta yod par ga la 'gyur te/ yul nye bar longs spyod pas tshim pa yod pa las nyon mongs pa'i gdung ba ldog pa'i phyir ro/ /'dir bshad pa/ bud shing dag gis me lce dang/ /chung 'bogs pa yis klung ji bzhin/ /de bzhin 'dod pa nye spyad pas/ /mi rnams 'dod pa'i re ba 'phel/ /'dir smras pa/ re zhig nye bar bstan pa 'di skye bo bud med thun mong pa las bzlog par nus kyi/ gang dag gzugs bzang zhing/ reg pa dang ldan pa/ yan lag thams cad dga' bar bya ba/ snying dang mig tu sdug pa/ snying nas chags pa'i mig ras kyis bltas pa dag gis me dang phrad pas mar sar ltar chags pa can rnams kyi snying dag 'jug par byed pa yongs su longs spyod pa thun mong ma yin pa can de dag las bdag gis yid bzlog par ji ltar nus/ de la yang chags pa bzlog pa'i phyir bshad pa/ brud? med

  144. 72b

    kun la 'khrigs pa la/ /tha dad cung zad yod min zhing/ /gzugs gzhan gyis kyang longs spyad na/ /khyod la mo mchog gis ci byed/ /brtabs pa 'di bden pa ma yin pa'i don gyi rtog pa kho nas yul mchog tu byung ba nyid du sgro btags shing/ bdag nyid dma' bar byas nas yongs su skyo bar byed pa 'ba' zhig tu zad de/ 'dis ni 'thad pa 'dis yul dma' bar byas te de la chags pa dang bral ba nyid kyis bdag kho na bstod par rigs so/ /ri zhig bud med thams cad kyi mi gtsang ba'i phyogs dbang po'i rdul phra rab 'dus pa'i bdag nyid can/ rang gi ngang gis dri nga zhing/ rtag tu 'dzag pa/ lus kyi grong khyer gyi? mi gtsang ba'i stor khung du gyur pa/ bshad khang ltar skye bo mang pos blugs pa'i mi gtsang ba nod par lhur byed pa bshad dod ltar mun nag gi mi gtsang ba dri tshabs cher nga ba'i srin bu'i tshogs 'khrig chags pa/ bshad bu cung zad rang cing ras pa ltar nang myags shing/ myags pa des bangs pa'i pags pa tsam gyis phyi btums pa/ sngon gyi las kyis thob cing bcor med pa/ lus kyi sbubs kyi rma tha chad shin tu chen po/ de'i rang bzhin yongs su rtogs pa rnams ngas dang ldan pa rnams kyi 'dod chags dang bral ba'i tshogs chen po gnyis med pa de la rang gi sems phyin ci log las ma gtogs par 'khrig pI rig? pa tha dad pa nyid mi srid la/ de dag gi gzugs gang yin pa de yang lta ba'i dbang po'i yul yin pa nyid kyi phyir/ mig dang ldan pa gzugs de spyod yul du gyur par gnas pa thams cad kyi longs spyod thun mong ba nyid yin pa'i phyir la/ tha na khyi dang bya rog la sogs pa rnams kyis kyang nye bar longs spyad par bya ba yin pa nyid kyis? na/ dngos po thun mong pa la mngon par zhen pa bskyed par mi rigs te/ bud med kyi khog pa la brkam pa khyod la da lta bud med mchog

  145. 73a

    gis yon tan lhag pa ci zhig bskyed pa ci zhig smros shig /de'i phyir bud med mchog dag la mngon par zhen pa dor bar bya ste/ bud med gzugs ngan pa dang/ gzhan gyi bud med kyi blos mun khung du rang gi chung ma dang dus btab ste phrad par gyur pa bzhin no/ /bud med gzugs ngan pa 'gal zhig la khyim thab kyis khyod gzugs ngan no zhes spyod la/ des kyang rje bo la gzugs ngan nam/ gzugs bzang yang rung ste 'khrig pa bsten pa la 'dir khyad par 'ga' yang med do zhes zhus kyang des rtogs par ma gyur to/ /de nas des snod sna tshogs dag tu sran tshod bzhag nas zas kyi dus su skyes bu de la drangs ba dang/ des 'di ci zhig ces smras so/ /des smras pa 'di sran tshod de/ /'on kyang snod lta bar 'os pa dag tu bzhag pa yin no/ /des 'di la khyad par ci zhig yod ces smras pa dang/ des 'khrig pa la yang nges par 'di nyid yin no zhes smras so/ /yang skye bu 'ga' zhig gzhan gyi bud med mthong nas nam zhig na 'di dang phrad par 'gyur zhes brkam par gyur la/ der grogs pa shes zhig gis gang zhig don du gnyer ba de ni 'di yin gyis/ 'on kyang khyod kyis de la ci yang smra bar mi bya ste/ de ni ngo tsha dang ldan pas rigs kyi mna' ma zhig go zhes de la mun khung du rang gi chung ma dang sprad pa dang/ de yang shin tu dga' zhing rnam pa 'di lta bu'i bud med ni med do zhes smra'o/ /e ma gang gis 'gro 'di sna tshogs cher/ /bsgribs shing rmi 'dra'i reg des rnam ltas la/ /chags rmongs 'di dag gzhan du rgyug gyur pa/ /'di ni mun pa'i rang bzhin dra ba che/ /bud med mchog ni blun po'i 'dod chags kyi rgyu yang ma yin pa nyid de/ /'di ltar gang la gang yid 'ong 'gyur ba/ /de ni de yis 'tshengs par brlom/ /khyi sogs rnams la'ang thun mong pas/ /blo gros ngan pa khyod cis chags/ /gang zhig gzuT

  146. 73b

    ngan yang gang la yid du 'ong bar 'gyur ba des de bdag nyid 'tshengs par sems so/ /gal te 'dod par 'os pa nyid 'dod chags kyi rgyu yin na ni/ de dang thams cad kyang thams cad kyi ched la chags par 'gyur ba zhig na/ 'di ni de ltar yang ma yin no/ /de'i phyir yang 'dod chags kyi rgyu ni 'dod par bya bar 'os pa nyid ma yin gyi/ chags pa kho na rgyu yin no/ /chags pa yang rgyu med par khyi dang bong bu dang rnga mo dang phag pa la sogs pa rnams la yang rang rang gi mo dag la yod pa nyid de/ de'i phyir chags pa thun mong pa kho na'o/ /de'i phyir mkhas pas rgyu gang gis kyang der 'dod chags par mi bya ste/ gnod sbyin rang gi chung ma la sdug pa phyogs su lhung ba bzhin no/ /gnod sbyin gnyis rang gi chung ma dag la sdug pa phyogs su lhung bar gyur la/ de gnyis kyang rtsod pa na gang gi chung ma lta na sdug ces dge slong gi gan du son pa dang/ des gang zhig gang la sdug par gyur pa de'i de'i lta na sdug pa yin no zhes smras so/ /'dir gal te/ gti mug 'dod chags rgyu yin te/ gzugs ni 'dod chags rgyu ma yin/ /kun kyang de la chags 'gyur ba/ /de phyir 'dod chags kyi rgyu min/ zhes bshad do/ /'dir smras pa/ bu mo yan lag thams cad yid 'phrog pa ni rnyed par dka' ste/ su zhig de rnyed pa ngo mtshar ba ltar rtsib na de la kun du chags par mi byed ce'o/ /bshad par bya ste/ khyod la yan lag kun mdzes mo/ /gal te sngar kun thun mong na/ /de rnyed khyod la ngo mtshar ltar/ /ji ltar yang ni 'gyur ba min/ /bu mo rnams ni khyo'i don du yin la/ khyod la yang nges pa med pas thams cad la srid par bya dgos so/ /de'i phyir gang 'di 'di las chags par 'gyur ba dngos po thun mong rnyad pa la ngo mtshar ci yod/ de'i phyir lam po chen yod pa'i zong dang 'dra ba rnyed pas ya mtshan par mi rigs te/ bad sa la'i rgyal pos dbang pos byin rnyed pa

  147. 74a

    bzhin no/ /bad sa la'i rgyal po 'char byed ces bya bas bud med thun mong ba dbang pos byin rnyed nas ngo mtshar thob par gyur la/ de yang thams cad kyi thun mong du gyur ba zhig yin pa de bzhin du/ bud med gzhon du mar gnas pa ni thams cad kyi don du gnyer bar bya ba yin pa'i phyir ril gyis thun mong bar 'gyur la/ phyis gcig kho na'i yin par 'gyur ro/ /'dir bshad pa/ lam chen zong lta'i bud med ni/ /ri ba'i rin gyis 'dir rnyed nas/ /de rnyed pa la mkhas pas 'dis ngo mtshar snyam du mi bya'o/ /'dir smras pa/ gang gi phyir chags pa skye ba ni yon tan sngon du 'gro ba can yin par 'jig rten na mthong ste/ de'i phyir bud med yon tan dang ldan pa la chags par rigs so/ /bshad par bya ste/ yon tan ldan pa sdug pa dang/ bzlog pa la ni bzlog mthong na/ /rnam par gnas med snga ma 'am/ /cig shos la ni gang zhig bden/ /gal te yon tan dang ldan pa la 'dod chags shing/ bzlog pa la zhe sdang na/ 'o na de'i skyon dang yon tan 'tshol ba'i phyir/ bud med mchog 'dod chaT kyi rgyu ma yin la/ yon tan dang skyon dag kyang nges pa med pas yul gcig la yang rim gyis gnyis char yang yang dag par 'byung ngo/ /de'i phyir de ltar yon tan dang skyon gnyis nges par mi gnas bas de dag la rag las pa nyid kyis/ rnam par gnas pa med pa ko/ snga ma yon tan dang ldan pa nyid dang/ dus phyis 'byung ba'i skyon dang ldan pa lta gang zhig bden par 'gyur/ gal te yon tan dang ldan pa nyid bden na ni/ de nyid la skyon mthong bas de mi bden pa yin nam/ chi ste skyon dang ldan pa nyid bden na/ de lta na yang de nyid la yon tan mthong bas de bden pa ma yin no/ /de'i phyir gang rung zhig la yang bden pa'i don nyid med pa'i phyir 'dod chags dang zhe sdang nyi ga yang mi 'jug par rigs so/ /de'i phyir yon tan

  148. 74b

    dang ldan pa la 'di'i 'dod chags mi rigs te/ 'chag du 'gro ba dang/ bshad khang mthong ba bzhin no/ /ji ltar kham zas legs par 'dus byas pa ni yongs su longs spyod pan dga' bar 'gyur la/ gang gi tshe dre'i? skyon gyis 'chag tu 'gro ba ste/ 'chag khang du 'jug pa de'i tshe mi dga' ba dang/ yang ji ltar bzlog tu zin kyang grogs bshes kyi khyim gyi bshad khang blta bar 'dod cing/ gang gi tshe mthong ba de'i tshe de nyid la yon tan mthong ba'i phyir dang/ yon tan ma yin pa mthong ba'i phyir shin tu chags pa dang bral bar 'gyur ba de bzhin du/ bud med kyi rang bzhin mthong bas 'dod chags dang bral bar 'gyur ro/ /'dir 'gyur te/ gal te yon tan ldan nyid phyir/ /dngos po la lar chags 'gyur na/ /blun po yon tan 'byor pa de/ /spangs nas gzhan la chags mi 'gyur/ /'dir smras pa/ yon tan med pa rnams la ni rjes su mi mthun bas 'dod chags par mi 'gyur gyi/ rjes su mthun pa'i phyir yon tan dang ldan pa rnams la ni 'dod chags so/ /bshad par bya ste/ blun po'i 'dod chags yon tan dang/ /ldan pa 'ba' zhig la mi skye/ /rgyu med pa las 'jug rnams kyi/ /ldog pa rgyu las ga la zhig /'dir sems can gang dag 'dod chags kyis kun tu rmongs shing 'dod pas zil gyis mnan pa ngo tsha dang/ khrel dang bral ba de dag gi 'dod chags ni yon tan dang ldan pa rnams kho na la 'gyur ba 'ba' zhig tu ma zad kyi/ de dag gi 'dod chags ni thams cad la yang ste/ yon tan med pa dang yon tan dang ldan pa rnams la me ltar khyad par med pa mngon par 'byung ste/ gti mug phal che bas rgyu yongs su 'dzin pa dang bral ba'i phyir ro/ /rgyu dang bcas par 'byung na ni rgyu rgyu gzhan gyis bzlog pa'i phyir bzlog pa yod par bya bar nus kyi/ blun po rgyu med pa las 'jug pa rnams kyi ldog pa ni rgyu sngon du 'gro par can du yod par bya bar mi nus so/ /rgyu sngon du 'gro ba can ma yin par

  149. 75a

    'jug na ni gzugs mi gtsang ba la yon tan dang ldan pa ga la yod de/ de'i phyir bud med dag la 'dod chags pa yon tan dang ldan pa'i rgyu can du mi rigs so/ /bram ze ma ning du ba bzhin no/ /bram ze'i ma ning 'ga' zhig de ltar ma byed par dka' thug kyi nags tshal du dengs shig ces bu rnams kyis bzlog par gyur pa dang/ de du bar zhugs so/ /de rnams kyis dris pa/ ci bral ba'i sdug bsngal gyis du 'am/ des smras pa/ kho bo ni 'bral ba'i sdug bsngal gyis mi du'i/ 'on kyang gang khyed cag gis bde ba 'di mtshor ba de ltar kho bo du'o/ /de rnams kyis dris pa/ las 'di la yon tan ci yod/ des du bar kho nar 'gyur gyi/ smra bar ni mi 'gyur te/ de bzhin du blun pas gang dag gi 'dod chags yon tan gyis ma byas pa de dag ni gso dka' o/ /'dir 'gyur te/ skyon dang yon tan ma dpyad par/ /mi gang bud med la rmongs pa/ /de dag brgya phrag rgyu yis kyang/ /bud med rnams las bzlog mi nus/ /'dir smras pa/ bud med kyi skyes pa yang phyi bzhin lceb kyi/ skyes pa ni bud med la de ltar ma yin no/ /de ltar chags pa dang rjes su 'brel ba'i bud med dag ji ltar mi brten/ bshad par bya ste/ ji srid gzhan shes ma gyur pa/ /de srid de ni khyod la 'dug /nang ngan dang mtshungs bud med ni/ /rtag tu rkyen las bsrungs bar bya/ /bud med ni ji srid du rkyen 'ga' zhig dang bral ba las skyes pa gzhan gyi ro ma myangs pa de srid du khyod la snying nye zhing khyo dang mthun gyi/ gang gi tshe skyes bu gzhan gyi ro myangs par gyur pa de'i tshe na ni 'di gcig la mngon par mi dga' ste/ de'i phyir nad ngan pa ltar gdon mi za bar bsrung bar bya dgos pa'i bud med rnams la yid brtan par mi bya ste/ 'khrug pa'i rkyen nye bar gyur na rnam par 'gyur ba la brten pa'i phyir ro/ /'di ltar zab cing deb bar

  150. 75b

    dka' ba'i byung tshul zol du ma dang ldan pa can gyi bud med rnams ni rtag tu skyes pa mthong bar 'dod do/ /de'i phyir nges par dga' yang gang la yang mi chags pas mkhas pas bud med rnams la yid brtan par mi bya ste/ sngar mi 'dod ba'i bram ze mo log par sgrub pa bzhin no/ /skyes bu zhig gis bram ze mo 'ga' zhig don du gnyer ba dang/ des bdag po la skyes bu zhig bdag gi gan du 'ong gis/ bdag ni de la 'jigs pa dang bcas te/ gang gi tshe 'jug par 'gyur ba de'i tshe khyod la brda' sprad kyis zhes smras so/ / de skad smras nas gnas pa la gang gi tshe de zhugs shing log par gyur pa de'i tshe de de la chags shing/ rje bo de la skyes bu de 'ongs so zhes kyang mi smra ba de bzhin/ bud med rnams ni rtag tu bsrung bar bya ba zhig ste/ de dag la su zhig yid rton par 'gyur/ 'dir bshad pa/ gang phyir bud med bsrung byas kyang/ /rang gi 'dod pas 'gro 'gyur ba/ /de phyir yon shes rje'o la/ /gshin pa'i bud med shin tu dkon/ /'dir smras pa/ lang tshal bab pas na tshad dang po la 'dod pa nye bar bsten par bstan la/ nye bar bstan pa ji lta ba bzhin gnas pa rnams ni bya ba ma yin pa byed par yang mi 'gyur ro/ /bshad par bya ste/ sems can bcas pa su dag khyi ltar bud med kyi lus mi gtsang ba la mngon par zhen la gzhan yang der 'dzud cing/ 'jig rten la don ma yin pa byed pa rnams kyi tshig la tshad mar byed par 'gyur/ 'di ltar 'dod chags kyi chang 'thungs pas smyos pa ngo tsha shes pa dang khrel yod pa dang bral ba bag med pa spyod cing dge ba'i phyogs mdza' dag bcom pa/ bud med kyi skye bo'i bsgo ba bzhin byed pa 'dis dar ma'i gnas skabs su spyod pa rjes su gdung bar byed pa gang sbyad cing/ dar ma rang tgis byas pa dang/ /de ni rgan po mi 'dod na/ /gang gi tshe 'di dbang po yongs su smin cing khams yongs su nyams

  151. 76a

    pa na 'dod chags dang bral pa ma yin yang shes rab kyis rang gi 'das pa'i spyad pa rnam par 'byed pa de'i tshe rang gis spyad pa'i sdug bsngal de nges par bsams nas rjes su gdung bar 'gyur ro/ /de lta yin dang/ ji lta bur na grol ba rnams/ /de la shin tu gdung mi 'gyur/ /gang du de kho na nyid ma mthong zhing skad cig la nyon mongs pa'i sdug bsngal log pa'i spyod pa yang/ yongs su dga' ba'i rgyur mi 'gyur ba der nyon mongs pa'i 'ching ba mdza' dag grol zhing/ rab tu dang la ring po gzigs pa rnams kyi ma la dang smad pa dang rka ba rnams brgya phrag stong ngam rgyun mi 'chad par ji ltar mi 'gyur/ dri ma rnams kyis brnyogs pa'i spyod pa de ni de ltar 'dres pa zhig go /mna' ma rtabs te gyos po'i ske la be'u brtong pa bzhin no/ /rigs kyi mna' ma 'ga' zhig dus ston la bab pa na dga' ston nyams su myong bar bya'o/ snyam ste rings par khyim nas 'byung bar gyur bas be'u yang phyir byung bar gyur pa dang/ des dgyos po'i ske la btags so/ /de la 'di ci byed ces dris pas/ mthong ste de te bor ngo tsha bar gyur pa de bzhin du re zhig 'dod pa rnams mi bzad pa nyid du ma shes nas lang tsho'i tshe gang byas pa de la rgan po mi dga' na/ gang dag gis dngos po'i de nyid yongs su shes par byas pa de dag gi /de la spyod pa ches gdung bar ji ltar mi 'gyur te/ smos ci dgos/ 'di ni ches smad par bya ba nyid do zhes bya ba'i don to/ /'dir bshad pa/ rmongs las 'byung pos brlabs gyur pas/ /'dod pa'i dbang gis gang byas pa/ /de ni na tshod yongs gyur las/ /yid gdung dka' ba skyed par byed/ /'dir smras pa/ bde ba 'di ni 'dod pa'i khams na mchog yin te/ gang bud med kyi bde ba'o/ /de'i rgyu ni bud med yin te/ de'i phyir de'i

  152. 76b

    don du gdon mi za bar bud med yongs su bzung bar bya'o/ /bshad par bya ste/ ma chags pa la bde med cing/ /de yang blun min la med na/ /gang yid rtag tu phyir phyogs pa/ /de yi bde ba ci 'dra zhig/ 'dir 'dod pa'i khams kyi bud mod kyi bde ba gang yin pa de ni ma chags pa la med la/ gang gi tshe chags par gyur pa de'i tshe ni chags pas chags par bya ba'i dngos po la de'i rang bzhin du 'gyur zhing/ 'dod chags kyang dngos po ma yin pa dngos pos byas nas 'jug pas gti mug med par mi 'byung ngo/ /gang gti mug gis yul gyi rang gi ngo bo mi rig cing/ rang gi rnam par rtog pas blo phrogs pa/ 'khrul 'khor gyi mi ltar kun du rmongs par byas pa'i yul gyi rang gi ngo bo la sems gtad de/ de las gzhan du sems g.yengs pas ni yang dag pa ji lta ba bzhin du 'ga' yang mi shes te/ mi shes pa des ni bde ba so so yang dag par rig par mi 'gyur ro/ /bde ba so so yang dag pa rig pa med na yang phyin ci log gi rtog pa tsam nyid las ma gtogs pa 'di la bde pa bcung zad kyang mi 'byung ngo/ /de la bud med kyi bde ba bskyed pa'i phyir gdon mi za bar bud med yongs su bzung par bya'o/ /zhes gang smras pa de ni ma yin te/ byis pa rgyal po'i btsun mo 'dod pa dang/ thag pa bzhin no/ /byis pa la 'ga' zhig gis rgyal po'i btsun mo thong la/ de mthong nas de la 'dod chags kyi sems cher skyes te/ de'i bran mo zhig bya dags yang dag par bskongs nas bdag dang lha lhan cig sprod par nus sam zhes smras so/ /des smras pa nus so// de nas des don de rgyal po'i btsun mo de la zhus pa dang/ des rgyal po'i pho brang 'khor ni shin tu bsrungs pas te/ 'on kyang gang gi tshe yang btsun mo'i rgyu bar 'gyur ba de'i tshe don 'di nus par 'gyur gyis shes smras so/ /de nas bran mo des don

  153. 77a

    de byis pa de la glengs pas des bud med kyi ched du lo khyud kor gyi mthar thug par dri dang bdug spos dang/ me tog dang me tog phreng dang/ tam po la dang/ phye ma la sogs pa btsal bar gyur la/ btsun mo rgyu ba nye bar gnas pa na byis pa sad rgyal po'i btsun mo dang bdag lhan cig 'phrad par 'gyur ro zhes rang gi par khang legs par 'du byas so/ /de'i nyin mo byis pa de'i mkhan po zhig gi ba lang brlag par de de'i don du mdags so/ /de song ba dang rgyal po'i btsun mo byis pa de'i khang par phyin te/ slar log ste song ngo/ /ji ltar byis pa lo khyud kor du yid phyir gyur pa de la sdug bsngal mchog mngon par 'byung ba de bzhin du/ 'dod chags kyis yid phyi rol du gyur pa'i mi rnams bde ba 'thob pa ga la yod/ yang tha ga pa zhig rgyal po'i btsun mo dang 'dzol te/ 'dod chags kyis smyos par gyur nas/ kwa'i khyod kyis lha mthong ngam/ kwa'i 'ongs sam/ kwa'i da 'dri 'am zhes re re la 'dri bar gyur to/ /'dir bshad pa/ chags rmongs gang zhig bud med kyi/ /bde bar mun pas mig phrogs pas/ /de na gnas pa mi mthong ste/ /'khrug po'i chu la gzugs brnyan 'dra/ /gzhan yang/ gal te bud med kyi bde ba la bud med dang phrad pas 'byung la/ bud med med par mi 'byung bas de'i don du khyod bud med yongs su 'dzin par byed na/ ci'i phyir/ khyod la gus bzhin rtag par ni/ /mo dang lhan cig phrad pa med/ /ji ltar khyod kyi bud med longs spyod pa'i gus pa chung du dang 'bring dang chen po'i rim par 'phel bas nyin mtshan du rgyun mi 'chad par 'phel ba de ltar longs spyod kyang ci ste mi 'phel/ de'i phyir ci'i don du yud tsam longs spyod pas yongs su dub pa'i chags pa can rnams chags bral ltar bud med dag yongs su gtong bar byed/ de'i phyir gus pa ltar bud med longs spyod par mi nus pa 'di dag gi /'di nga'i gzhan gyi ma

  154. 77b

    yin zhes/ /yongs 'dzin 'di ko ci zhig yin/ /longs spyod kyi phyir na chung ma yongs su sdung pa gang yin pa de ni mi rigs te/ de longs spyod pa la nus pa med pa'i phyir ro/ /'di byed na yang ser sna med pa'i sgo nas bya bar rigs kyi/ yongs su 'dzin pa 'di ni bdag gi yin gyi gzhan gyi ma yin no zhes de ltar rang las gzhan pa'i skyes bus longs spyod pa bkag pa ni mi rigs pa nyid do/ /bdag la phan 'dogs pa'i ched du yongs su 'dzin pa'i g.yeng ba la skyo ba 'thad kyi/ gang zhig bdag la phan 'dogs pa'i ched du ma yin pa de gzhan dag la ma gyur cig ces bya ba 'di ni yongs su 'dzin pa ma yin gyi/ gti mug gi rnam par 'gyur ba zhig ste/ bram ze mo brod nyams pas zan yongs su 'dzin pa dang/ rgyal po bud med mang po can la gtam bya ba dang/ long bas mi mthong ba bzhin no/ /bram ze 'ga' zhig me drod zhan pas za bar mi nus par gyur cing/ de la kha zas mang zhing gya nom pa grub par gyur la/ cung zad kyang gang la yang sbyin par mi 'dod cing/ cher len par yang 'gyur ba dang/ yang ji ltar rgyal po 'ga' zhig la pho brang 'khor gyi nang na bud med brgya phrag du ma yod la/ rgyal po de de dag dang bya ba yang mi byed cing/ gzhan la yang mi ster bar gyur to/ /nam zhig na rgyal po de la dge slong zhig gis ci bud med thams cad kyis bya ba byed dam zhes dris pa dang/ des smras pa/ ma yin no/ /de nas dge slong nges de dag btang bar bya ba'i phyir rgyal po de la chos dang ldan pa'i gtam byas pa la btang bar yang gyur to/ /skyes bu yar ba zhig mig med pa'i phyir gzugs kyi ched du bud med dag la gus pa dang ldan par ya mi 'gyur la/ de ltar yang bud med 'di dag ni bdag kho na'i yin gyi gzhan gyi ni ma yin no zhes yongs su 'dzin par byed do/ /'dir bshad pa/ skye bos gang la bya yod pa/ /de de gal te mi byed na/ /de yongs 'dzin pas ci dgos te/ yongs 'dzin rmongs pa ma yin nam/ /'dir smras pa/ 'jig rten na ni

  155. 78a

    'dod chags la bde ba zhes brjod la/ de ni bud med dang sbyor ba med par mi 'gyur ba de'i phyir dgos pa'i don du gdon mi za bar bud med dag 'dod par bya'o/ /bshad par bya ste/ gal te 'dod chags bde yin na/ /bud med dag gis dgos med 'gyur/ /bde ba dor bya zhes bya ba/ /ji ltar yang ni ma mthong ngo/ /gal te 'dod chags bde ba yin na ni/ 'dir bud med dag gis dgos pa med par 'gyur te/ bde ba zhes bya ba ni skyon med pa'i phyir nam yang dor bar bya bar mi 'dod do/ /gang gi phyir 'dod chags ni dug ltar 'gal zla'i dug bud med kyi slar 'joms par byed pa de'i phyir/ 'dod chags bde ba yin no zhes bya bar mi rigs te/ bru ba tsha bas zas yongs su dor ba bzhin no/ / rigs kyi bu mchog bkren pa 'ga' zhig bru ba tsha bas gnod par gyur te/ mtshan mo khyim 'ga' zhig tu zhugs la/ nges der snod 'ga' zhig tu thal ba mthong zhing/ gzhan du chu mthong ngo/ /nges cher 'du shes nas thal ba de sbrus te zos shing/ bru ba tsha ba dang bral ba dang thal ba'o snyam du shes par gyur to/ /de de nyid kyis skyo bar gyur nas zas yod kyang bor nas phyir byung ngo/ /khyim bdag gis 'di ci yin zhes kyang dris la/ des kyang smras so/ /de nas des rdzas mang po la bkod la/ rmag pa nyid du yang ngo/ /de bzhin du gal te 'dod chags bde ba yin na 'di dor bar mi 'gyur ba zhig go /'dir bshad pa/ gang phyir dug lnga'i 'dod chags kyi/ zla ral dug mtshungs bud med rnams/ /de ltar phos bsten bya de'i phyir/ /de la bde ba ga la yod/ /'dir smras pa/ sbyor bas bde ba 'byung la/ de'i rgyu ni bud med yin pa de'i phyir yang bde ba bud med las skyes pa yin no/ /bshad par bya ste/ bud med lhan cig sbyor na'ang/ /bde ba gzhan las skye 'gyur na/ /de rgyu mdza' mo nyid yin zhes

  156. 78b

    blun po mun pa su zhig 'dzin/ /'dir skyes bu rnams bud med dang lhan cig phrad par 'gyur mod kyi/ de lta na yang bud med dang sbyor ba tsam der bde ba'i rgyu ma yin no/ /'di ltar 'dod chags dang bral pa ma yin yang bslabs pa la gus par byed pa kha cig dag 'dod pa po ma yin bzhin du bud med dag gis bcan thabs kyis yongs su spyod la/ de dag la mdza' mo bde'i rgyur yang mi 'gyur ro/ /gal te bud med dang sbyor ba bde ba'i rgyur na de'i tshe 'dod pa dang bcas pa dang 'dod ma med pa thams cad la mes tshig pa'i sdug bsngal star khyad par med par 'gyur ba zhig na/ de ltar ni srid pa yang ma yin no/ /de'i phyir skyes bu tshul bzhin ma yin pa yid la byad pa dang ldan pa/ mi bcad pa la gtsang bar 'du shes shing sdug bsngal pa la bde bar 'du shes pa rnams kho na la phyin ci log dang dbang po gnyis sbyor ba la brten nas bde ba 'byung ba na/ rkyen du ma nye ba las 'byung ste/ sbyor ba'i bde ba kun du rtog pa log pas bskyed pa de'i rgyu bud med kho na yin gyi gzhan ma yin zhes blun po ma yin pa su zhig ste mkhas pa su zhig 'dzin par 'gyur/ blun po kho na 'dzin par 'gyur/ /byis pa rang gi khyim thab kyi las byed du bcug pas mgu ba bzhin no/ /byis pa 'ga' zhig la rang gi khyim thab kyis khrus bya yis chu 'on cig ces smras la/ des kyang blangs par gyur to/ /de bzhin du shing len pa dang/ chu sro ba dang/ mnye ba dang/ snum gyi dril phyis rim gro dag byed du bcug cing/ des ni phyogs ma yin pa mnye ba tsam zhig byas la/ de yang de tsam gyis yongs su mgu ste/ de bzhin du 'dod pa'i bdag nyid can rnams bdag nyid kyis dal ba la brtsis med pa byas nas bde ba bud med la yod pa kho nar rlom mo/ /'dir bshad pa/ gang phyir rgyu rkyen tshogs pa las/ /bde ba 'byung ba de yi phyir/

  157. 79a

    de yi rgyu ni gcig min par/ /de nyid rig rnams kyis shes bya/ /'dir smras pa/ gal te de ltar rgyu du mas 'dod pa smad na/ ci'i phyir chags pa can yang dang yang du 'dod pa dag bsten/ gang gi phyir 'dod pa dag bsten pa'i phyir na 'di des par 'dod pa las skyes pa'i bde bas bde ba dang ldan par 'gyur ro/ /bshad par bya ste/ nges par/ mdze po 'jug bzhin 'dod chags kyis/ /ldongs pas 'dod pa'i skyon mi mthong/ /ji ltar g.yan pa tshabs chen pos thebs pa'i mdze bo 'phrug pa na/ de dang nye ba'i sdug bsngal gyis nad par gyur pa nyid kyis g.yan pa'i skyon te/ me dpal gyi nyes pa dang lpags pa bshus pa dang/ khrag dang chu ser 'dzag pa'i nyes pa mi mthong bar yang dang yang du 'phrug par byed kyi de las mi ldog la de la skyon du blta bar yang mi 'gyur ba de bzhin du/ 'dod chags can yang 'dod pa'i g.yan pas zil gyis mnan pas 'dod pa dag la skyon du mi mthong zhing/ yang dang yang du 'dod pa'i bde ba nye bar longs spyod kyi/ de las ldog pa yang ma yin la/ 'dod pa dag la mi gtsang ba'i skyon du lta bar yang mi 'gyur ro/ /gang gi phyir 'di de ltar yin pa de'i phyir/ chags bral rnams la mdze po ltar/ /chags can sdug bsngal ldan par snang/ /gang gi phyir 'dod chags kyi g.yan pa'i skyon las grol ba'i 'phags pa 'dod chags dang bral zhing/ 'dod pa dag la chags pa dang bral ba gang dag yin pa de dag la 'dod chags can rnams mdze can ltar sdug bsngal bar gyur par snang ba de'i phyir nam yang chags pa can bde bar gyur pa yin no zhes bya bar mi rung ste/ brgyan po la sogs pa brten pa bzhin no/ /ji ltar rgyan po dang chang dang 'phyug pa rnams rdzas dang lus zad pa'i rgyur yang dag par gnas pa de bzhin

  158. 79b

    du/ bud med dang gnyis sprod pa'i 'dod pa bsten pa yang yin no/ /'dir bshad pa/ skyag phag mi gtsang la ji bzhin/ /de bzhin 'dod bde mi gtsang du/ /chags can bying bar mthong 'gyur nas/ /de la gtsang spra can su dga' / /'di smras pa/ 'dod pa la mi gtsang ba nyid yod mod kyi/ de lta na yang gang der 'dod chags las spyod pa rnam pa du mar 'gyur ba de ni bde ba yin no/ /bshad par bya ste/ mgon med bkres pas nyen rnams la/ mu ger bya ba gang 'byung ba/ /de ni bud med phrad pa'i tshe/ /chags can kun gyis g.yo ba yin/ /ji ltar mu ge che ba'i dus na bkres pa dang sgom pa'i sdug bsngal gyis mngon par bcom zhing dbul ba/ gnyen gyi skye bo yongs su zad cing mgon med pa la zas rnyed par dka' ba/ nor can dag la cher 'phongs pa'i lus kyi bya ba dang/ dag tu smra ba dang/ phyug po shin tu brtse ba med pa dag gis lan brgyar brnyes su zin kyang de ltar brnyas kyang 'di dag bdag cag la phyis cung zad ster bar 'gyur ro/ /snyam du slar re ba rnams la brnyas pa'i gnas de mi gtong ba na nyon mongs pa'i g.yo ba ci 'dra ba mthong ba de 'dra ba'i g.yo ba ni chags pa can bud med dang sbyor ba mngon par 'dod pa/ skye man chung dang ba lhung byed pa/ /de'i rkyen can mgor rting pas brdeg pa dang/ mchil thor dang/ thal chag btab pa'i brnyas chos rnam pa du ma sron zhing/ nga rgyal dang bral ba 'dod pa nye bar longs spyod pa'i re bas ldongs pa rnams la yang mthong ngo/ /gang gi phyir 'di de lta yin pa de'i phyir bud med dang phrad na chags pa la spyod pa gang du 'gyur ba de ni bde ba yin no zhes bya ba mi 'thad de/ bcan rang chud pa ba lang gi lci ba'i khu ba don du gnyer pa bzhin no/ /dpar na btson rar chud pa 'ga' zhig lci ba'i chu mngon par 'dod pa de bzhin du/ 'dod chags can thams cad stong ra'i tshig dag gis bud med rnams la 'dod pa'i

  159. 80a

    longs spyod don du gnyer bar byed do/ /'dir bshad pa/ bud med phrad tshe tshul gang dang/ /chags can rnams kyi spyod de dag /thos par gyur nas chags bral rnams/ /'di na mdzem pa byed par 'gyur/ /'dir smras pa/ gang gi phyir 'di na bde ba la kun tu chags pas bud med ga la 'byung la/ de'i ched du gzhan dag la phrag dog pa de'i phyir bud med kyi bde ba yod do/ /bshad par bya ste/ dregs pa yis ni kha cig la/ /bshad khang la'ang chags bskyed cing/ /bud med la la la chags pa/ /'gal zhig 'ga' la phrag dog byed/ /phyug po dbang 'byor pa 'ga' zhig dregs pas bshad khang stug pa'i snod la yang chags par 'gyur la/ de'i ched du gzhan dag la phrag kyang dog go gang gi phyir bud med dag la kun tu chags par 'gyur ba kho na? dang/ phrag dog pa 'ba' zhig tu ma zad kyi/ 'on kyang bshad khang la yang yin pa de'i phyir yang bud med dag la 'dod chags pa'i phyir dang phrag dog yod pa'i phyir bde ba yod do zhes bya ba de yang ma yin te/ skam pa rtse mo'i bran mo la chu gang gi phrag dog bzhin no/ /rgyal po skam po rtse mo dbang phyug gi dregs pas dregs pa 'ga' zhig khyod dang de'i khyad par gang yin par 'gyur zhes phrag dog gi ser snas bran mo la byung ba'i don du chud yang ma gnang ngo/ /de'i phyir de ltar 'dod chags na yon tan dang ldan pa dag kho na la yin par ma zad kyi/ dregs pas yon tan med pa rnams la yang 'gyur/ /'dir bshad pa/ gang gi phyir na bud med dang/ /bshang khang mi gtsang snod nyid de/ /de phyir de nyid shes pa yis/ /de la 'khren par mi bya'o/ /'dir smras pa/ rtsog par rtogs pa na gang la bde ba yod pa de de la chags par rigs pa nyid do/ /bshad par bya sme/ mi gtsang ba la gti mug ni/ /'byung ba kho ba 'byung rigs kyi/ /rnam pa kun tu 'dod chags ni/ /'byung bar rig pa ma yin no/ /'ga' zhig la mi gtsang ba rdzis pas gti mug

  160. 80b

    dang khro ba dag 'byung bar rigs te/ de mun pas bsgribs pas blta ba dang bral ba'i phyir ma mthong ba la gti mug 'byung ba srid cing/ dri nga ba nyid kyis na gnod pa nye ba'i phyir khro ba 'byung ba yang srid kyi/ rjes su mi mthun pa'i phyir 'dod chags 'byung ba ni mi rigs ba de ltar bud med kyi lus mi gtsang ba la yang phyir bco bas bkag ba'i phyir gti mug dang dri nga ba nyid kyis khro ba yang 'byung bar rigs kyi/ 'dod chags 'byung bar ni rnam pa thams cad du mi rigs te/ mi gtsang ba'i rang bzhin ba'i phyir ro/ /de la gang bde ba yod pas de la chags par rigs so zhes 'dod pa de ma yin te/ mtshan mor mi gtsang ba mnan pa bzhin no/ /'ga' zhig gis mtshan mor rkad pa gnyis kyis ni gtsang pa gnas par gyur la/ des de mthong nas de 'khrugs par gyur cing/ phyis chags par gyur to/ /de la gzhan gyis khyod kyis ci phyir mi gtsang ba mnan zhes dris pa dang/ des mun pas bsgribs pa'i phyir ro zhes smras so/ /de nas khyod ci ste 'khrugs /gnas pa rjes su mi mthun pa'i phyir ro/ /de nas gang du rgyu med pa kho ci'i phyir chags par gyur zhes bya ba 'dir ci zhig smra bar byed/ de ltar na lus mi gtsang ba la khro ba dang gti mug gnyis 'byung bar rigs kyi Da 'dod chags ni rnam dag pa thams cad ma yin no/ /'dir bshad pa/ de ni lta bar ci nas kyang/ /rigs min rnam par ga la zhig/ de la chags par 'gyur zhes pa/ /e ma 'jig rten mun chen yin/ 'dir smras pa/ lus ni mi gtsang ba yin mod kyi/ de lta na yang 'jig rten ni skyon can ma yin pa'i phyir smad par bya ba ma yin pa nyid do/ /de skad du yang/ bzhin las bram ze rnams gtsang zhes/ bud med rnams ni kun las gtsang/ zhes smra'o/ /mi rnams ma rtegs mi gtsang ba'i/ /snod ni smad par 'byung 'gyur na/ gang las mi gtsang 'byung 'gyur ba/ /de ni smad par cis mi sems/ lus mi gtsang

  161. 81a

    ba las 'byung bas sun byung ba'i snod rnams kyang mchog tu skyon du brtsi bar bya bar 'gyur na/ gang las par med par mi gtsang ba'i phung po 'thon pa de gtsang do snyam du sems rnal du gnas pa rnams kyis ji ltar rtogs/ de'i phyir bud med kyi lus smad par bya ba ma yin no zhes bya bar mi rung ngo/ /bud med chol zangs thogs pa mthong ba bzhin no/ /phyug po 'ga' zhig la chol zangs 'jin pa'i bud med mchog tu mdzes pa zhig yod la/ de skyes bu 'dod pa dang ldan pa rnams kyis ngon du gnyer zhing bsten par gyur to/ /de nas nam zhig de chol zangs kyis skyugs pa blangs nas phyir byung ba dang/ de rnams kyis kyang mthong bar gyur la/ de rnams skyon du 'grang zhing sna bug bkag nas dong bar gyur te/ mi gtsang ba de ni lus las byung ba kho na yin no/ /de bzhin du byis pa rnams rang gi lus la gnas pa'i mi gtsang ba skyon du mi lta zhing/ lus las lhung ba mi gtsang bar rlom mo/ /'dir bshad pa/ chags rmongs de'i rang bzhin yin byir dang/ /tshangs par spyod pa'i stobs phyir yang/ /de sun dbyung min zhes blun po/ /mkhas pa'i nga rgyal can rnams smras/ /'dir smras pa/ gang las der skyes bu gtsang ba chags par 'gyur ba/ bud med kyi lus la gtsang ba nyid yod do/ /de'i phyir yang bud med 'god bar bya ba yin no/ /bshad par bya ste/ dngos po gtsang ba thams cad kyi/ /tha ma gang du dmigs 'gyur ba/ /de la gtsang ba yod do zhes/ /blo ldan mi ni gang zhig smra/ /me tog dang dri dang/ gos dang rgyan la sogs pa dngos po gtsang ba thams cad lus dang phrad pa nyid kyis mi gtsang ba nyid du 'gyur la/ gang la reg pas a ka ru dang/ gla rtsi dang/ gur gum dang/ tsan dan dang/ gos la sogs pa'i dngos po gtsang rnams la de ltar tha ma dmigs pa gtsang ba nyid yod do zhes bya bar mi 'thad do/ /gang gi

  162. 81b

    phyir blo dang ldan pa dag de la smod par byed pa de'i phyir/ bud med lus de gtsang ba nyid yod do zhes bya ba yin te/ de bzhin du skyes pa'i lus la yang mi gtsang ba nyid mtshungs par bsam par bya'o/ /gng+gA'i chu rgya mtshor 'bab pa bzhin no/ /dper na gang+ga'i chu mtshor phyin pa ni rgya mtsho'i chu bzhin lan tshwa can du gyur ba ltar/ de bzhin du bza' ba dang bsgo ba la sogs pa rdzas gtsang ba thams cad kyang lus dang phrad pa las lus ltar mi gtsang bar 'gyur ro/ /'dir bshad pa/ pad+ma kha dog bzang zhing dri bsung ldan/ /gtsang bar gyur kyang gzhan gyis bsnams pa yis/ /skye bo la de mi gtsang bar 'gyur ba/ /de yi phyir na lus ni mi gtsang 'gyur/ /'dir smras pa/ 'di na gang zhig gtsang ba nyid du dregs par 'gyur ro/ /gal te lus gtsang ba nyid du mi 'gyur na ni de'i tshe drags par mi 'gyur ba zhig na? 'gyur ba yang yin te/ de'i phyir yang lus gtsang ba nyid yod do/ /bshad par bya ste/ gang zhig bshang khang 'dug cing/ /de med par ni mi gnas pa/ /mi gtsang ba yi srin de la/ /rmongs bas dregs pa skye bar zad/ /skye bzhin ba gang zhig dang po ma'i mngal du pho ba dang long ka gnyis kyi bar 'chag khang dang 'dra bar bsdad cing/ bshad ba'i nying khus gnas par byas pa mi gtsang ba'i srin bu dang 'dra ba de ni 'dir gti mug kho na las bdag gtsad ngo snyam du dregs par 'gyur ba 'ba' zhig tu zad de/ byi bo skyag 'khron du bcug pa bzhin no/ /phyug phrug gzhan gyi chung ma la 'phyan pa 'ga' zhig gis gzhan gyi khyim du phyin pa dang/ de bzung nas bshad pa'i khron par bskyur ro/ /de dar bshad pa des sros btsas te nam zhig na char chen po babs pas bshad pa'i khron pa'i ngos zhig bar gyur cing/ de nas de byung bar gyur la/ gnyen gyi skye pos kyang khrid nas khyim du bcug ste/ sman pa mkhas pa bkug nas nyi ma kha cig gis snga mkho'i stobs dang kha dog gi tshogs

  163. 82a

    la bkod do/ /de dus gzhan zhig na lus bkrus shing nye bar byugs te/ lam po che'i dkyil du son pa la mi dbul po zhig gis 'dod rgyal du gos yugs kyis reg pa dang/ des dregs pas spos te smad pa'i gnas so/ /khyod kyis gos tha mal pa 'dis bdag mi gtsang par byas so zhes 'di la spyos par gyur to/ /de bzhin du byis pa'i skye po mi gtsang bas lto ba bkang ba yang zla ba dgu 'am zla ba bcur mI mngal du mi gtsang bas gnas par byas nas mi gtsang ba'i sgo nas byung ste mi gtsang ba'i srin bur gyur nas rmongs pas slar yang longs spyod dang gtsang sbra dang/ gzugs dang stobs la sogs pa rnams kyi sgo nas dregs pa bskyed do/ /'dir bshad pa/ sun dbyung min zhes smras na yang/ /lus 'dir gtsang ba yod min te/ /de lta'i sa bon gnas zas dang/ /dri nga ba dag zag phyir ro/ /'dir smras pa/ gal te lus la gtsang ba nyid yod par ma gyur na ni/ /mi gtsang ba spong bar byed par mi 'gyur ba zhig na/ gang gi phyir mi gtsang pa yongs su spong bar yang byed do/ /bshad par bya ste/ thabs gang gis kyang lus kyi ni/ /nang phugs gtsang bar mi 'gyur na/ /khyod ni nang la 'bad byed pa/ /de ltar phyi rol la ma yin/ /chu'i bsang gtor dang/ khrus dang/ byug pa dang/ gsang sngags kyis gsang ba la sogs pa rnams dus shin tu ring mor bsten kyang/ lus kyi nang bkru bar mi nus so/ /de'i phyir nang nas 'dzag pa'i mi gtsang bas sun dbyung ba'i lus la gtsang ba lta ga la yod/ gzhan yang gnas gang dag gi nang nas mi gtsang ba 'byin par byed pa de dag nyid la 'di nye bar longs spyod pa'i re ba 'cha' ste/ de la ni khrus la sogs pa rnams kyis med do/ /de'i phyir de ltar na mi gtsang ba'i rang bzhin gyi lus la gtsang ba nyid ga la yod de/ grong ba'i mdza' bshes 'chag khang gi blar bkos pa mthong ba dang/ ce sbyang gi pa la sha'i me tog bzhin no/ /grong pa 'ga' zhig gi mdza' shes zhig

  164. 82b

    rgyal pos 'chag khang gi blar byas la/ mdza' bshes des de nam zhig na bskyang nul dang bdug spos la sogs pa dag gis 'chag khang la gtsang sbra byed pa mthong bas/ de la des brgad nas 'di nam gtsang bar 'gyur zhes smras pa/ de bzhin du/ mi mkhas pa rnams bza' ba dang btung ba dri zhim po dag gis khong nas lus la gtsang sbra byed par 'dod pa yang mkhas pa rnams kyi bzhang gang du byed do/ /yang ces sbyang gnyis shing pa la sha'i 'og na gnas par gyur pa dang/ de la gcig me tog lhung bar gyur pa la gnas nas 'di dag thams cad kyang gor ma chags par rnam pa de lta bu yin no snyam ste ji ltar 'dod pa bzhin du son par gyur to/ /gnyis pa ni pa la sha'i me tog lhung pa gang yin pa de ni sha ma yin gyi/ gang pa la sha la gnas pa de ni sha yin no/ /zhes de snyam du 'gyur ro/ /de bzhin du mi mkhas pa rnams kyang gang lus la 'byung ba de ni mi gtsang gi gnas pa de ni gtsang ngo snyam du rlom mo/ /'dir bshad pa/ gang phyir lus 'di mngal nas ni/ /bzung ste mi gtsang rang bzhin nyid/ /de phyir gtsang bar bya bar ni/ /mi nus mi gtsang ji bzhin no/ /'dir smras pa/ gang gi phyir bud med kyi lus gci ba can yin yang drang srong bud med kyi bde ba'i longs spyod 'dod pa dka' thub chen po can rnams kyis kyang yongs su mi spong ste/ de'i phyir bud med dag spar bar bya ba ma yin no/ /bshad par bya ste/ gal te mdzon can bzhin de ltar/ /gcin can kun la mtshungs min na/ /mdzen can ji bzhin gcin can te/ /de ltar mi kun gyis spong 'gyur/ /gal te chu dri nga ba 'dzag pa 'di thun mod ma yin pa nyid du 'gyur na ni/ ji ltar chu ser zags pa myags pas lus rnam par myags shing/ rnyogs la rul pa nyid kyi phyir na mdze can dag gtsang sbra 'dod pa rnams kyis spong ba de bzhin du mi gtsang ba zag pa'i lus kyang yongs su spong bar 'gyur ba zhig na/ thun mong

  165. 83a

    nyid yin na ni gang gis gang spong bar byed/ 'di ltar sdug bsngal thun mong pa ni de'i rgyus smod pa na mdzes par mi 'gyur ro/ /gal te de ltar gcig thun mong nyid yin pa de bzhin du mdzes yang yin par 'gyur na ni de'i tshe/ ji ltar gcig can mi spod pa de bzhin du mdze can yang mi spong bar 'gyur ba zhig na/ thun mong ma yin pa nyid kyi phyir/ /mdze can ni spong gi /gcin can ni ma yin te/ thun mong pa nyid kyi phyir ro/ /gal te gcin can yang skyon med par 'gyur na ni/ ci'i phyir mi thams cad de la de ltar mtshungs par 'gyur te/ gang gi phyir 'bru mar gyi snod du srang ma ltar la la dag der bying gi/ la la dag ni lcags kyi thu ldum 'bar ba la sbrang bu dag bzhin de de'i skyon mthong ba'i phyir/ de la yid 'byung bar 'gyur te/ de'i phyir de la mthong ba mi mthun pas drang srong rnams kyis yongs su mi spong ngo/ /de'i phyir bud med kyi lus spang par bya ba ma yin no/ /zhes bya ba de ma yin te/ smyo rgyu'i chu yongs su spong ba dang rke lpa can gyi yul du phyin pa'i mi bzhin no/ /rgyal po 'ga' zhig la bltas mkhan rnams kyis char 'bab bar 'gyur la/ gang zhig chu des bya ba byed par 'gyur ba de ni smyon par 'gro bar 'gyur ro zhes zhus pa dang/ de nas rgyal po des rang gi don du khron pa g.yogs la/ char de yang 'bab par gyur to/ /de nas yul mi de chu des bya ba byas nas smyos par gyur kyang rang bzhin gcig nyid kyi phyir na bdag nyid kho na rnal mar gnas la/ rgyal po smyo bar sems par gyur to/ /de nas rgyal pos don de mkhyen nas nga la smyon pa'o zhes brtags te bzhang gang du byed pa'i brlag par byed par gyur du 'ong gis snyam du chu de nyid spyad par gyur to/ /de bzhin du gal te gcig kho na gcin can yin na ni de mdze can bzhin yongs su spang bar 'gyur ba zhig na/ gang gi tshe thams cad kho na gcin can yin pa de'i tshe de rnams

  166. 83b

    las kun tu gtsang bar 'du shes par 'gyur la/ yang yul la skye bo thams cad rke spams bcags shing mchog tu gzugs ngan par gyur la/ der gzhan mdzes pa zhig son pa dang/ 'di ni mchog tu gzugs ngan zhing/ /yan lag mtshang ba zhig go zhes de dag gis de spangs so/ /'dir bshad pa/ gal te skyon med pa yin na/ /'jig rten kun kyang der chags na/ /gang phyir skyon ni yod pa'i phyir/ /dam pa rnams kyis de spong 'gyur/ /'dir smras pa/ gang zhig lang tsho la bab par gyur te/ /bud med na chud mchog chas thams cad dang ldan pa dga' bas nye bar longs mi spyod ba de gson pa'i 'jig rten na mchog tu bslus par 'gyur te/ 'di ltar dri zhim po'i dad kyis bsgos pa de'i mi gtsang pa de sel bar 'gyur te/ de'i phyir gtsang ba brten pa rnams la nyes pa med do/ /bshad par bya ste/ yan lag nyams pa 'ga' zhig ni/ /sna yi tshab mas dga' 'gyur ltar/ /mi gtsang phyir 'phyo me tog las/ /sogs la 'dod chags de bzhin 'dod/ /ji ltar sna sdum 'ga' zhig bcos pa'i sna sel ba na bdag nyid yan lag tshang bar rlom zhing mgu bar yang 'gyur te/ de ni byis pa'i rang bzhin can nyid kyis na lus kyi sna brnyan gang gis ngo tsha bar bya dgos pa de nyid kyis dga' ba skyed par byed pa de bzhin du/ byis pa'i skye bo 'dod pa dag la rang bzhin gyis brkam ba'i rang bzhin can yang rmongs pas lus kyi rang bzhin ma mthong ba na mi gtsang ba'i phyir 'phyo ba me tog dri zhim po dang/ dri dang brgyan la sogs bdag la kun tu 'dod chags par 'gyur zhing/ phyir bzlog pa des bdag dang gzhan gtsang bar sems so/ /me tog la sogs pa dag srel yang sgog pa la bya ba ltar 'di la dri phul du byung ba gting tshugs su bsgo bar ni mi nus te/ byi la'i sna mar gyis byugs pas ro myangs pa dang/ gser sna mthong bas dga' ba bzhin no/ /ji ltar byi la sna mar gyis bskus

  167. 84a

    nas kha zas skya bo'i chang bu byin pas de de snum dang ldan par sems pa dang/ yang ji ltar sna dang bral ba zhig gser gyis sna brnyan byas nas de mthong ste dga' ba skyed par byed pa de bzhin du/ byis pa rnams gyang me tog dang dri la soT pa dag gis bco ba byas nas 'dod chags skyed par byed do/ /'dir bshad pa/ rma dang 'dra ba'i lus po yi/ /rma skud gyur pa dri dang ni/ /me tog phreng dang gos sogs la/ /rmongs pas skye ba kun tu chags/ /'dir smras pa/ 'dod chags kyi rgyu me tog dang dri dang sogs pa dag yod de/ /gal te yod par ma gyur na ni de dgis skye bo 'dod pa dag la chags par mi 'gyur ro/ /bshad par bya ste/ gang du 'dod chags bral skye ba/ /de gtsang zhes byar mi rigs la/ /nges par 'dod chags rgyur gyur pa'i/ /dngos de'ang gang na'ang yod ma yin/ /dngos po rang bzhin gyis gtsang ba zhes bya ba ni cung zad kyang med do/ /de la re zhig mthong pa ma nyams pa rnams ni mi gtsang ba zag pas mi sdug par mthong ba'i lus la lta ba na 'dod chags dang bral bar 'gyur ro/ / de'i phyir de la 'dod chags dang bral ba'i rgyu yin pa'i phyir na bshad pa'i tshogs ltar lus gtsang ba nyid du mi mthad do/ /me tog dang dri la sogs pa dag kyang nges par 'dod chags kyi rgyu nyid du mi 'thad de/ de la yang 'dod chags dang bral ba srid pI phyir ro/ /'di ltar 'dod pa la 'dod chags bral ba thob pa rnams de dag la yang 'dod chags dang bral bar 'gyur ro/ /gzhan yang gang zhig nges par 'dod chags kyi rgyur 'gyur ba/ gtsang ba zhes bya ba cung zad cig rang bzhin gyis yod pa ni ma yin te/ 'di ltar me tog dang dri la sogs pa gtsang ba nyid bsnyad par yongs su spyad pa rnams la yang gzhan du 'gyur ba las rjes su mi mthun pa nyid 'byung ngo/ /gal te de rnams rang bzhin gyis gtsang ba nyid du 'gyur na ni de'i tshe rnam

  168. 84b

    pa gzhan du 'gyur bar mi 'gyur te/ rang bzhin la ldog pa med pa'i phyir ro/ /de'i phyir de rnams la rang bzhin gyis gtsang pa nyid med do/ /gal te me tog dang dri la sogs pa'i dngos po rnams nges par 'dod chags kyi rgyur 'gyur na ni/ thams cad kyang thams cad kyi tshe de la 'dod chags bskyed par 'gyur pa zhig na/ 'di ni de ltar yang ma yin pas me tog la sogs pa rnams 'dod chags kyi rgyur mi rung ste/ gcig gis 'dod pa dang mi 'dod pa dang bar mar mthong ba bzhin no/ /tshong pa 'ga' zhig bu mo skyes pa'i tshe 'gron la son la/ de yang dus gzhan zhig na 'ongs par gyur cing de'i bu mo de yang lang tsho la bab pa na grong khyer de'i phyi rol du skyed mos tshal du bu mo rnams dang lhan cig brtse bar gyur to/ /de mthong nas de la 'dod chags drag po skyes la/ gang gi tsho gzhan las 'di ni khyod kyi bu mo'i zhes thos pa de'i tshe 'dod chags dang bral ba de bzhin du/ gang nges par 'dod chags kyi rgyur 'gyur ba'i dngos po ni 'ga' yang med la/ gang du 'dod chags dang bral ba skye ba de ni mi gtsad ba'o zhes bya bar khong du chud par bya'o/ /'dir bshad pa/ gang phyir de nyid la chags shing/ /de nyid la ni chags bral pa/ /de yi phyir na 'dod chags rgyu/ /nges par grub pa yod ma yin/ /de'i phyir de ltar na lus mi gtsang ba yin la/ ji ltar sdug bsngal pha dang mi rtag pa yin pa de ni gong du bshad zin zhing bdag med pa nyid ni ston par 'gyur te/ 'di dag ni phyin ci ma log pa bzhi yin no/ /'di bsams par bya ste/ phyin ci ma log pa bzhi po 'di dag dngos po gcig la sring dam/ 'on te ma yin/ bshad par bya ste/ mdor na mi rtag mi rtag mi gtsang dang/ /sdug bsngal pa dang bdag med ces/ /bya ba bzhi po thams cad ni/ /gcig nyid la ni srid par 'gyur/ /gang du 'dus byas pa rten cing 'brel par 'byung ba de ni mi rtag ste/ skad cig ma nyid kyi phyir ro/ /gang mi rtag pa de ni mi gtsang ba ste skyo ba bskyed pa nyid kyi

  169. 85a

    phyir ro/ /gang mi gtsang ba de ni sdug bsngal te gnod pa byed pa'i phyir ro/ /gang sdug bsngal pa de yang bdag med pa ste/ rang dbang ma yin pa nyid kyi phyir ro/ /de'i phyir de ltar mdor bsdu na dngos po gcig kho na la phyin ci ma log pa bzhi char yang srid par 'gyur ro/ /'di dag ni yod du zin kyang byis pa phyin ci log par gyur pa rnams kyis yongs su mi gcod la/ dngos po rnams la de dag las bzlog pa nyid du yongs su rtog go /de'i phyir shes rab can gyis dngos po rnams la mi rtag pa nyid la sogs pa ji ltar gnas pa bzhin rtogs par byas nas/ rang bzhin med pa rtogs pa la sems yang dag par spro bar 'os te/ sha za mo'i rang bzhin mthong bas 'jigs pa bzhin no/ /skyes bu 'ga' zhing sha za mo zhig chung ma'i gzugs kyi rnam par gnas la/ da la chung ma ltar nye bar spyod do/ /gang gi tshe na des de'i rang bzhin sdug bsngal bskyed pa dang/ mi sdug pa nyid dang/ bsgo ba bzhin mi byed pa nyid dang/ gtan du ma yin pa nyid du mthong ba de'i tshe na 'di ni bdag gi chung ma ma yin gyi/ 'di ni sha za mo'o snyam du 'jigs par 'gyur zhing/ de'i tshe 'dod chags dang bral bar 'gyur ba de bzhin du shes rab can rnams 'dus byas kyi rang bzhin mthong ba nyid kyi phyir 'dod chags dang bral bar 'gyur ro/ /'dir 'dus byas gang de rtag min la/ /mi rtag gang de gtsang min zhing/ /mi gtsang gang de sdug bsngal te/ sdug bsngal gang de bdag med do/ /zhes bshad do/ /gang phyir phyin ci log bzhi yang/ /'dus byas gcig la'ang srid 'gyur ba/ /de phyir nyon mongs thams cad ni/ /dngos po med pa par 'gyur ro/ /zhes bya ba'o/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya pa las mi gtsang ba bsam pa zhes bya ba gtsang bar phyin ci log pa spang pa'i thabs bstan pa ste/ rab tu byed pa gsum pa'i 'bral pa'o// //'dir smras pa/ phyin ci log

  170. 85b

    gsum gyi spong ba'i thabs bshad zin gyis/ da ni bzhi pa spong pa'i thabs brjod par bya'o/ /bshad par bya ste/ bdag gam bdag gi snyam dregs pa/ /srid par dam pa su la 'gyur/ /gang phyir lus can thams cad la/ /yul rnams thams cad mtshungs phyir ro/ /dar 'dzin pa dang ya'i 'dzin pa dag ni rgyal po la bklags te/ gnas pas de gnyis bkag ba'i sgo nas phal cher rgyal po kho na la rjes su ston to/ /de la bdag tu 'dzin pa ni nga ni mnga' bdag go zhes bdag nyid la bstod pa'i khyad par yongs su rtog pa las skye la/ bdag gi 'dzin pa ni yul 'di dag ni bdag gi'o zhes bdag gir byas pa'i don dbang du gyur pa nyid du brtags pa las skye'o/ /dregs pa ni dregs chos nyid de rgyags pa zhes bya ba'i don to/ /srid pa ni las dang nyon mongs pa la rag las ba/ skye ba dang 'chi ba brgyud pas 'gro ba lngar yongs su 'phyin pa'i 'khor ba ste/ de na gnas pa'i mkhas pa sul ngar 'dzin pa dang nga yir 'dzin pa dag gis dregs pa 'byung bar 'gyur/ gal te 'ga' zhig/ la 'ga' zhig tu thun mong ma yin pa'i dbang po nyid yod na ni/ de'i tshe bdag ni yul thams cad kyi bdag po yin la yul de dag thams cad kyang bdag gi'o snyam du mthong ba'i phyir/ 'di'i de la dmigs pa'i dregs pa rigs par 'gyur pa zhig na/ 'di ni byis pa 'khor bar yongs su gtogs la srid pa yang ma yin no/ /'di ltar gzugs la sogs pa yul thams cad ni sems can thams cad kyi spyi mthun gyi las kyis bskyed pa zhig go /de'i phyir nags tshal dang khang khyim la sogs pa thun mong pa rnams ltar sems can thams cad kyi sbyi thun gyi longs spyod dag la bdag tu 'dzin pa dang bdag gir 'dzin pa yongs su bzung nas dregs par mi rigs te/ rgyal po'i zlos gar mkhan bzhin no/ /ji ltar rgyal po'i zlos gar mkhan yud tsam gyis rgyal por 'gyur zhing/ yud tsam gyis blon po dang

  171. 86a

    bram ze dang/ /khyim bdag dang dren du 'gyur ba de bzhin du rgyal po yang mi brtan pa yin te/ 'gro ba lnga'i ltad sar zlos gar byed pa'i phyir ro/ /'dir 'gyur te/ dbang ngam longs spyod phun tshogs pa/ gang phyir bsod nams kyis thob pa/ /de phyir 'jig rten las bdag pas/ /dam pas dregs par mi rigs so/ /'dir smras pa/ gang gi phyir rtsom pa thams cad ni rgyal po la dbang du byas pa yin te/ de'i phyir de la dbang du byas pa'i rgyu can gyi dregs pa rigs so/ /bshad par bya ste/ tshogs bran drug chas bstabs gyur ba/ /khyod kyi dregs pa ci zhig yin/ /gang ngam de ru bya ba ni/ /dbang du byas la rag las 'gyur/ /bskal pa dang po 'jig rten ma byin par len par gyur pa na/ 'di bdag cag bsrung ba'i phyir yongs su spyod na ci ma rung snyam ste/ zhing bsrung ba'i don du skye bo mang pos skyes bu stobs dang ldan pa zhig 'bru'i drug cha'i glas glas par gyur te/ da lta de la yang dag par bsrung ba'i las kyis skye dgu dga' bar byed pa'i phyir rgyal po zhes bsnyad do/ / de nas bzung nas rgyal po thams cad drug cha'i glas skye dgu skyong bar byed de/ de'i phyir yang drug chas bstabs pa'i rgyal pos 'jig rten gyi bya ba ni nga la rag las so zhes byas te dregs par bya bar mi rigs so/ /rje dpon gyis bran las 'ga' zhig la dbang du byas nas yang rje dpon gyi las cung zad cig de la rag las par 'gyur mod kyi/ 'bangs des bdag la rag las so zhes rje dpon la dregs par bya bar ni mi rigs so/ /de'i phyir gal te gcig la rag las su zin kyang 'dis rang dbang sgrub par mi 'os na/ kye sa bdag skye bo phal po che la rag las pa ci smos/ /de'i phyir 'di'i dregs pa rnam pa thams cad mi rigs te/ dgon pa'i sa mkhan bzhin no/ /dper na rgyal po 'ga' zhig phyogs las rnam par rgyal bar bya ba'i phyir chas pa

  172. 86b

    dang/ rang gis bskos pa'i sa mkhan gdol ba zhig gis 'brog dgon pa chen po zhig 'das par byas par gyur la/ rgyal po de yang dbung gi tshogs dang bcas par de la rag las par gyur mod kyi/ /des de'i rgyus rgyal po dpung gi tshogs dang bcas pa bdag la rag las so/ /zhes rgyags par bya bar mi bzod pa de bzhin no/ /rgyal pos kyang skye dgu nga la rag las so zhes rgyags par mi bya'o/ /'dir bshad pa/ bya ba kun la dbang ba yis/ /gal te mi bdag dregs 'os na/ /drug chas glas pa nyid kyi phyir/ / dregs pa mi rigs ma yin nam/ /'dir smras pa/ gang gi phyir rgyal po rje bo gtong ba po yin pa de'i phyir yang rgyal po la dreg pa nyid de/ nor dang cha rkyen rnams gtong ba dang sdud pa dag la dbang 'byor pa'i phyir ro/ /bshad par bya ste/ ji ltar gso bya 'thob thob nas/ /rje'o gtong por sems de bzhin/ /rje'o spyin bya byin byas nas/ /bdag ni gtong ba po snyam rlom/ /ji ltar rgyal po gso bya'i tshogs rang gi zha 'bring las 'byung ba gdon mi za bar 'thob par bya ba sbyin bya lo phoT saM zla phoT thob nas/ bdag nyid la dma' pa'i sems dang/ rgyal po la mtho ba'i sems bskyed de rje'o ni gtong ba po zhig go snyam du sems pa de bzhin du/ rgyal po yang gso bya'i tshogs la gdon mi za par sbyin par bya ba'i gla rngan byin nas bdag ni gtong pa po snyam du rlom mo/ /de la ji ltar gso bya'i tshogs rgyal po la brten pa'i skyes bu'i byed pa las skyes pa'i nor 'thob bya thob nas kyang sems 'phangs dma' ba nyid du 'gyur gyi/ rgyal po la dregs pa mi byed pa de bzhin du rgyal pos kyang gdon mi za bar sbyin par bya ba'i don byin te dregs pa bya bar mi 'os te/ khol po gla 'thob par bya ba bzhin no/ /ji ltar khol po gla gdon mi za bar sbyin par bya dgos la 'dir gtong ba po dregs par bya bar mi 'os shing/ khol pos kyang ma yin pa de bzhin du/ rgyal pos nor sdud pa

  173. 87a

    'am gtong na dregs pa bya bar mi 'os so/ /'dir 'gyur te/ gal te g.yog la gla byin te/ rgyal pos dregs pa rigs na ni/ /nor 'dod tshong pa rnams la yang/ /de ltar rigs pa ma yin nam/ /der smras pa/ 'dod dgur yul gyi bde ba nye bar longs spyod pa rtag tu nye ba'i phyir rgyal po ngar 'dzin par 'gyur la/ de'i rgyu can gyi dregs par yang gdon mi za bar 'gyur ro/ /bshad par bya ste/ gzhan rnams kyi ni sdug bsngal gnas/ khyod la phyin ci log tu dran/ /gzhan gyi las kyis 'tsho khyod kyi/ /dga' ba gang gis bskyed par 'gyur/ /bud med chang dang rgyan po la sogs pa la bya ba ltar yul dag la shin tu chags pa ni dbang po thul ba rnams kyis sdug bsngal gyi gnas su bshad de/ dbang po thul ba'i phyir ro/ /de'i phyir dbang phyug 'di rgud pa du ma'i rgyu yin pa nyid kyi phyir sdug bsngal gyi gnas yin bzhin du/ gal te khyod la mngon par mtho ba'i gnas su 'gyur na ni ma rig pas 'bras bu sgrub par gyur to/ /gzhan yang yul la chaT pa rnams dga' bar bya ba'i phyir yul nye bar bsten par smra na/ skye bo phal po che bsrung ba'i dbang du byas pa'i sdug bsngal bar mtshams med par gzhan gyi las byed cing/ de'i 'bras bu nye bar 'tsho ba nyid kyis nyon mongs pa'i dga' ba go gang zhig yin te/ rkun po chad pas gcod par byed pa bzhin no/ /dper na rkun bo la chad pa gcod par byed pa las dman pa des dga' bar mi 'os pa de bzhin du de rgyal po yin no/ /bshad par bya ste/ zhen pas gang gis 'jig rten ma rigs dang ldan la 'dzam 'byung pa/ de yis gang la dregs yin na/ /de 'dzem gzhan las 'gyur ba min/ /'dir smras pa/ rgyal po ni 'jig rten gyi bsrung ba po yin te/ des na bsrung ba po nyid kyis 'di gdon mi za bar rgyaT

  174. 87b

    par 'gyur ro/ /de med na ni tshul lugs kyis rjes su mi 'jug pa na skye dgu rnams brlag par 'gyur ro/ /brjod par bya ste/ 'jig rten gyi ni srung ba dang/ /bsrung byar sa bdag snang 'gyur na/ /ci ste gcig gis dregs yod cing/ /ci ste gzhan gyis dregs bral mi/ gal te 'jig rten gyi bsrung ba bdag la rag las so snyam du sems te rgyal po rgyags par 'gyur na/ bdag bsrung ba 'jig rten la rag las pa nyid kyi phyir bdag nyid bsrung byar rtogs te rgyags pa dang bral bar yang ci ste mi 'gyur/ /'jig rten gyis ma bsrungs pa'i rgyal pos ni 'jig rten bskyang bar mi nus te/ /khyod shug dang nags dang seng ge bzhin no/ /skyes bus 'ga' zhig gis chung ma la bdag gis ni sdug bsngal ni brgya phrag nyams su myong la/ khyod ni tshogs med par khyim nas bde bar 'dug go zhes smras par gyur la/ des kyang re zhig nyin zhag gcig khyim gyi zhal ta gyis dang de nas shes par 'gyur gyis zhes smras pa dang/ des de bzhin du byas par gyur zhing/ de skyo bar yang gyur to/ /ji ltar khyo shug gcig gis gcig la bsrung ba de bzhin du rgyal pos skye dgu rnams bsrung la/ skye dgu rnams kyis kyang rgyal po yin no/ /de bzhin du seng ges nags yin la/ nags tshal gyis seng ge yin no/ /'dir bshad pa/ mi shes gang gis nga rgyal gyis/ /gnyen po spangs nas nga rgyal nyid/ /'dzin pa de yi nga rgyal ni/ /thabs 'ga' yid kyang gzhom mi nus/ /'dir smras pa/ gang gi tshe skye dgu rnams bu ltar so sor skyong bar byed pa de'i tshe de rnam par rgyal ba yin dang/ rigs la bsten pa bsod nams kyi las can gang dag yin pa de dag gi bsod nams kyi drug cha'i 'phrog pa por 'gyur te/ de'i phyir rang dang gzhan la sogs pa'i dge ba'i phun sum tshogs pa 'byor pa

  175. 88a

    can 'di'i rgyags pa ni rigs so/ /bshad par bya ste/ rigs kun nang nas rang las la/ /dga' ba'i 'tsho rnams rnyed par dka' / /gal te khyod la mi dgar 'gyur/ /des na khyod la 'gro bzang dkon/ /deng snga na rnyings ma lnga po dag 'jug pa shas che bar gyur pas rigs la brten pa thams cad rang rang gi las dag la dga' ba rnyed par dka' zhing/ phal cher mi brtan par snang ngo/ /gal te khyod de dag gi bsod nams kyi drug cha'i 'phrog pa po yin na de bzhin du sdig pa'i yang yin par 'gyur ro/ / de lta yin dang rigs la brten pa nyon mongs pas zil gyis mnan pas/ ltod par gyur cing sdig pa'i grogs po dang rjes su mthun pa rnams la bsod nams ma yin pa phal che bas khyod la 'gro ba bzang po dkon par 'gyur ro/ /'di ltar re zhig rang gi sdig pa rnams kho nas kyang rgyal po rnams la bde 'gro mi srid na/ kye skye 'gro mdza' dag gis sdig pas smos kyang ci dgos/ de'i phyir blo 'chal pa rnams 'phung bar 'gyur te/ mdze can 'o ma dang nya za bar mngon par 'dod pa bzhin no/ /ji ltar mdze can phyin ci log la gnas pa'i phyir rang gi nad phyir bco ba'i rgyu sman dag mi bstan pa 'ba' zhig tu ma zad kyi/ 'on kyang 'o ma dang nya za bar byed pa de bzhin du/ rgyal po yang rang nyid kyis mi dge ba mang po sog pa 'ba' zhig tu ma zad kyi/ 'on kyang rigs la brten pa rnams kyis nye bar sbyang ba dang yang bdag nyid sbyor bar byed de/ bag med pa'i gnas la gnas pa'i phyir ro/ /'dir 'gyur te/ gal te rgyal pos las rnams kyi/ /drug cha des pa'i 'dir 'dzin na/ /'jig rten bsod nams min mang bas/ /de yi bde 'gro rnyed par dka' / /'dir smras pa/ gang gi phyir rgyal po 'jig rten gyi mgon dang rang dbang yin pa de'i phyir/ 'di'i nga rgyal rigs pa'i ngo bo yin no/ /bshad par bya ste/

  176. 88b

    gzhan gyis bskul te byed pa gang/ de ni sa steng blun zhes bya/ /khyod dang mtshungs pa'i gzhan dbang gzhan/ /'ga' yang yod pa ma yin no/ /gang zhig pha rol pos bskul ba byas te/ cung zad cig byed pa 'am rtog par byed par 'gyur gyi/ rang dbang gis ma yin pa de la ni 'jig rten na blun po zhes bya'o/ /'di na rgyal po ji lta ba de ltar gzhan gyi dbang du gzhan 'ga' zhig yod pa yang ma yin te/ de ni grogs du mas bskul ba na mi brtan pa'i ngo bor gyur cing/ phal cher gzhan la rag las pa'i ngo bo nyid du gnas pa la brten to/ /'di ni bya ba 'am bya ba ma yin pa gang ci byed pa de gzhan gyis bskul pa nyid na byed do/ /gang gi phyir gzhan la rag las par gnas pa'i phyir 'jig rten na rgyal po kho na mchog tu blun zhing gzhan gyi dbang du gyur pa de'i phyir/ de'i nga rgyal mi rigs pa'i ngo bo yin te/ khyi dang spre'u sbang pa bzhin no/ /ji ltar khyi dang spre'u bzung ba dang btang ba la gzhan gyi bsgo pa nyan pa de bzhin du rgyal po yang gzhan la rag las pa yin te/ bya ma rta'i mig can nyid kyi phyir ro/ / 'dir bshad pa/ /gang phyir rgyal po 'grog bskul te/ /bya dang bya min byed 'gyur ba/ /de phyir 'di ni rgyal po nyid/ /gzhan dbang blun dang gti mug pa'o/ /'dir smras pa/ gang gi phyir 'jig rten thams cad kyi bsrung ba rgyal po la rag las ba de'i phyir yang nga rgyal rigs so/ /bshad par bya ste/ bsrung ba nga la rag las shes/ /'jig rten las ni gla len zhing/ /rang nyid kyis kyang sdig byed na/ /de mtshungs brtse med su zhig yin/ /gal te srung ba nga la rag las so snyam du byas nas rgyal po 'jig rten las gla len na ni/ /des dam pa'i tshul lugs kyi rjes su zhugs shing skye po phongs pa so sor rkyang ba ltur blang bar bya dgos te/ de lta na ni des khas blangs pa rjes su bsgrubs par 'gyur ro/ /'di ni de ltar rjes su byed pa yang ma yin te/ 'di

  177. 89a

    ltar 'di ni gla rngan ster bar mi nus pa dag dang/ sdig to can dag la bsad pa dang bcing ba dang brdeg pa dang/ bsdigs pa dang bskrad pa la sogs pa'i bya ba dang/ srog dang bdog pa thams cad 'drog pa'i sgo nas bsri ba med par rab tu 'jug par 'gyur ro/ /de'i phyir khrel med pa 'des bsrung ba'i 'bras bu 'jig rten las gla len zhing/ bsrung ba'i 'bras bu'i ched du rang nyid sdig to'i las byed pas brtse ba med pa 'jig rten na de las gzhan su zhig yod/ sdig pa'i las la 'jug pa la mkhas pa'i phyir/ de nyid kho na brtse ba med pa yin no/ zhes bya bar dgongs pa ste/ shen pa'i sman pa bzhin no/ /shen pa 'gag zhig rus pa brdung pa na mig gi nang du rus pa'i 'dzel ma zhig zhugs te/ de sman pa'i gan du sang bar gyur la/ sman pa des sku byug gis nad zhi bar byas kyi zug rdu nim phyung ngo/ /de nas de yang nas yang du rab tu 'khrug pa dang/ sman pa de yang mig 'khrug pa zhi bar byed kyi zug rngu mi 'byin la/ nad pa de la nor mang po yod gcod do/ /snan pa de grong gzhan zhig tu son pa dang/ sman pa de'i bus mig gi zug rdu 'byin par byas par gyur to/ /sman pa ji lta ba de bzhin du rgyal po yang yin te/ 'jig rten las nor mang po yang gcod la/ thams cad kyi thams cad du 'jig rten gyi bya ba yang mi byed do/ /'dir bshad pa/ gla la brkam pas du ba dang/ shin tu gdug gzhan 'tshogs byed gang/ /de las gzhan pa 'jig rten na/ /shin tu brtse med mi su yod/ /'dir smras pa/ rgyal pos sdig pa'i bdag nyid tsana? dag la brtso ba mi bya ste/ gal te sdig pa'i bdag nyid can dag la chad pa gcod par mi byed na/ de'i che 'jig rten 'di thams cad nyams par 'gyur ro/ /de'i phyir 'jig rten bsrung ba'i phyir sdig to'i bdag can nyid dag gdon mi za bar

  178. 89b

    char bcad blur? bya dgos so/ /ba shad par bya ste/ skye bo sdig to byed rnams la/ /gal te brtse ba bya min na/ /byis pa so so'i skye bo ni/ /thams cad bsrung byar mi 'gyur ro/ /gal te 'di mi dge ba byed pa yin pas brtse ba'i snod ma yin na/ da ni gang zhig brtse ba'i snod du 'gyur/ de'i phyir brtse ba'i snod ma yin pa nyid kyi phyin na/ byis pa so so'i skye bo thams cad kyang 'dis bsrung bar bya ba mi 'gyur ro/ /de la byis pa zhes bya ba ni gang byis pa'i mtshan nyid dang ldan pa yin la/ so so'i skye bo ni 'phags pa'i lam ma skyes pa ste/ mi dge ba'i las byed pa nyid kyis na gnyis kyis khyad par du 'phags pa rnams la byis pa so so'i skye bo zhes bya'o/ /brtse ba can dag ni gang las de dag gis de rnams yongs su skyong bar 'gyur ba gang dag la brtse pa yod pas te/ 'di ltar de'i brtse ba ni gzhan dag gi don ma yin pa 'gog pa'i bsam pa yin la/ /de'i yongs su skyong ba ni brtse bas de sgrub pa'o/ /de'i phyir ji ltar 'di brtse ba med par de'i 'bras bu bsrung bar byed par 'gyur/ mi srung bar gla len na yang gsal bar tshom rkun du ma grags pa'i chom rkun grong dang grong khyer na gnas par 'gyur ro/ /lus dang nor bsrung ba bzhin no/ /gal te rgyal pos sdig pa'i las can dag la brtse bar bya ba ma yin na/ thams cad don ma yin par 'gyur ba'i phyir rang gi lus dang nor yang bsrung bar bya bar mi 'gyur ba zhig na/ 'on kyang bsrung ba yang yin te/ de bzhin du/ sdig pa byed pa thams cad kyang rjes su brtse bar phya bar 'gyur ro/ /'dir bshad pa/ gang dang rang chos kyis bsrung pa/ / de dag rgyal pes bsrung bya min/ /gal te tshul 'chal bsrung byas na/ /de phyir de bsrung bsrung bar 'gyur/ /'dir smras pa/ skye dgu bskyad par bya ba'i phyir gdug ba can rnams la chad pas gcod pa na rgyal po la sdig par mi 'gyur te/ dam pa

  179. 90a

    dam pa dag la phan 'dogs par zhugs pa'i phyir ro/ /bshad par bya ste/ bdag nyid dga' ba bskyed pa yin/ /rgyu ni gang du yod min 'gyur/ /lung la sogs pa'i rgyu rnams kyis/ /bsod nams min la'ang 'jig yod min/ /bdag dga' ba bskyed pa'i rgyu zhes bya ba ni gang na yang med pa ma yin te nya pa dang phag gsod pa la sogs pa sdig pa'i las la dga' ba'i bdag nyid can rnams kyang/ srog chags gsod pa 'di ni kho bo cag gi rigs brgyud las 'ongs pa zhig ste/ 'di ni skye dgu'i bdag pos 'tsho ba yongs su brtags pa yin la/ 'di la chos ma yin pa 'ga' yang med do zhes 'di snyam du 'gyur ro/ /de ltar bdag cag yongs su mgu ba'i rgyu dag tu 'gyur la/ de dag gi bsod nams ma yin pa la ni 'jig pa yod pa ma yin te de bzhin du rgyal po'i yang yin no/ /'di ltar bdag nyid la sdig pa phal che bar blta zhing ngan 'gro dag tu de'i rnam par sman pa mthong pa na/ de'i snying mya ngan gyi mes bcom zhing rnam pa brgyar ches 'gas par 'gyur ma/ de yongs su spang ba'i phyir 'di dam pa ma yin pa'i lta ba'i dpyad pa dri ma can dag gis bdag nyid dbugs 'byin par byed mod kyi/ de la bsod nams ma yin pa 'jig pa ni ma yin no/ /'di ltar ji ltar khyad par du 'phags pa rnams la dag legs su bya ba'i phyir/ phan pa'i bsam pa yin pa de bzhin du tshar bcad par bya ba'i phyir gdug pa can rnams la mi phan pa'i bsam pa yang yin pas sa la spyod pa brtse ba dang bral ba ma rungs pa'i sems dang ldan zhing gzhan dag la srin po dag dang khyad par med rnams la der mngon par mthong ba'i go skabs ga la yod/ chad pas lugs byed pa lo rgyal po rnams dang/ chos ma yin pa 'dod pa la sogs pa rnams ni sdom pa ma yin pa can no/ /zhes lung gis kyang de rnams gnod pa dang bcas pa nyid du ston

  180. 90b

    mar byed la/ rgyal po rnams ni sdom pa ma yin pa dang ldan pa ste/ gzhan la gnod par zhugs pa nyid kyi phyir te/ gshed ma bzhin no zhes rjes su dpag pa yang yod do/ /de ni rnal 'byor pa las kyi rnam par smin pa la mngon sum gyi spyan dang ldan pa rnams kyi mngon sum yang yin te/ de'i phyir lung dang rjes su dpag pa dang nye bar mjal ba dang/ mngon sum dag gis bsong nams ma yin pa de yod pas rgyal po rnams la sdig pa'i las dag yod pa nyid do/ /ma zhu bar zhu bar byas te bra ba po bzhin no/ /skyes bu 'ga' zhig ma zhu bar ngas bzhu'o snyam du bdag nyid dga' bas bdag bza' 'aM zhes bram ze dag la dris pa dang/ de dag gis zo shig ces smras shing de bzhin du chu 'thung zhing gnyid log gam zhes bya ba thams cad dris pa de dag gis gnad la/ nges kyang thams cad byas de sdug sngal phrad par gyur to/ /smras pas smras pa/ khyod kyis de ltar ci'i phyir byas par gyur/ nges smras pa/ bdag gis ma dris par ni ci yang ma byas she'o/ /ji ltar skyas bu 'di gzhan dag la dris na dga' bar bya ba'i phyir mi 'phrod pa na nad skyel chen pos zin pa de bzhin du rgyal po rnams kyang/ bdag nyid dga' ba bskyed pa'i rgyu dag gis bdag nyid dga' bar byas nas sdig pa'i las dag byed la/ de'i phyir sems can dmyal ba dag tu de'i rgyu can gyi sdug bsngal chen po sgrub par byed do/ /bstan chos tshad mar byas nas kyang/ sdig pa byed pa 'di rnams kyi 'bras bu yid du ma 'ong bi na chos ma yin pa las 'gyur ro zhe'o/ /'dir bshad pa/ lus gi dbang gis 'tshe byed pa'i/ /rgyal la sdig pa med na ni/ / 'khor ba sgrol bar byed rnams la/ /ci phyir de ltar chos yong min/ /'dir smras pa/ 'jig rten yang dag par yongs su skyong ba gang yin pa de nyid mtho ris kyi don du sa bdag rnams kyi chos yin pa de'i phyir chos gzhan gyis dgos ba med do/ /bshad par

  181. 91a

    bya ste/ yang dag srung byed ces bya ba/ /gal te sa bdag chos yin na/ /nyon mongs bzo mkhan rnams la yang/ /ci ste chos su 'gyur ma yin/ /ji ltar gla pa ji lta ba bzhin phan 'dogs kyang shing mkhan dang lcags mgar la sogs pa rnams la phan brtags pa de'i rgyu can gyi chos su mi 'gyur ba de bzhin du yang dag par bsrung bar byed kyang drug chas glas pa'i rgyal po rnams la yang chos su mi 'gyur te/ khru che ba'i sa rko bar byed pa dang/ go mtshon bsdung bar byed pa bzhin no/ /ji ltar kha che ba rnams grong khyer srung bar byed pa'i las 'obs la sogs pa dag byed cing/ de dag gis yul mi bsrung bar yang 'gyur mod kyi/ de rnams la rgyu des bsod nams yod pa ma yin pa de bzhin du rgyal po rnams la yang yin no/ /yang dper na go mtshon brdung ba rnams mi bsrung bar bya ba'i go mtshon dag brdung bar byed mod kyi/ de rnams la de'i rgyu can gyi bsod nams ni yod pa ma yin pa de bzhin du rgyal po rnams la yang yin no/ /'dir bshad pa/ gal te skyod bas rgyal po la/ /chos 'gyur gzhan gyis ma yin na/ /yang dag las byed 'gyur ba yi/ /bzo bo rnams la'ang chos su 'gyur/ /'dir smras pa/ gang gi phyir 'di na 'jig rten thams cad kyang rgyal po la rag las te/ de'i phyir thams cad kyis rgyal po smad par bya ba ma yin no/ / bshad par bya ste/ 'jig rten sa bdag dag las kyi/ /sa bdag de ni smad de dper/ dam pas 'jig rten kun gyi ma/ /srid pa yi ni sred pa bzhin/ /gal te yang khyim na gnas pa dang/ rab tu byung ba dang bcas pa 'jig rten thams cad bya ba'o chog bya ba la rgyal bo la rag las mod kyi/ de lta na yang de ni ngan par brtsib zhig kho na'o/ /dper na sred pa dang bcas pa rnams la skye ba mthong ba'i phyir la/ sred pa dang bral ba rnams la ma mthong ba'i phyir srid pa'i sred pa 'khor bar 'gro ba skyed par byed pa na ma yin mod kyi/

  182. 91b

    de lta na yang 'khor ba'i btson rar 'gro ba mdza' dag sdoms par byed pa 'khor ba'i rgyu yin pa'i phyir/ dam pa gzigs pa phyin ci ma log pa rnams kyis smad pa nyid du 'gyur ba de bzhin du rgyal po yang ste/ gal te yang 'jig rten thams cad kyi phar gyur pa yin mod kyi/ de lta na yod de ni las shin tu drag po dang ngan 'gro'i 'bras bu mang po can la des par sbyar pa'i phyir smad pa kho na ste/ dgon pa'i tshong pa bzhin no/ /ji ltar 'brog dgon par don mthun gyi tshogs bsrung ba la sogs pa cha rkyen sgrub par byed pa'i phyi tsho'i? pa la rag las bar 'gyur la/ de ni rin thang ches che bas ster ba'i phyir smad pa yin gyi/ don mthun pa rnams ni smad pa ma yin pa de bzhin du/ 'jig rten yang bsrung ba la sogs pa bar 'dogs pa'i phyir sa bdag la rag las mod kyi/ de lta na yangs pa dag ni smad pa yin te/ rang gi don sgrub pa lhur byed pa nyid kyi phyir ro/ /'dir bshad pa/ yon tan la gnas rgyal po ni/ gal te 'jig rten par gyur mod/ /de lta 'ang gnas kyi nyes pa yis/ /dam pas smad 'gyur rlung ji bzhin/ /'dir smras pa/ gang gi phyir rgyal po blo/ phun sum tshogs shing brtse ba dang ldan pa ni 'jig rten yang dag par yongs su skyod par byed pa ste/ /de'i phyir 'di la chos su 'gyur ro/ /bshad par bya ste/ blun min rgyal srid mi 'thob pa/ /blun la brtse ba yod min na/ /bsrung ba yin yang mi yi bdag /brtse pa med la chos mi gnas/ rgyal thabs shes bya ba ni rgyags pa dang bag med pa thams cad kyi gzhir gyur pa ste/ 'dis dbang phyug nyid tsam la chags pas rang dang gzhan gyi skye bo la phan 'dogs par byed pa'i lam bor nas thob pa na/ blun po min zhes bya bar srid par ji ltar nus/ 'di ltar 'jig rten gyi bya ba la g.yengs pa la yid gtad pa gsal ba 'dis long ba ltar bdag dang longs spyod dag gi mi rtag pa ye rjes su 'brel ba bzhin du mi mthong zhing/ yid gtad pa med par sa tshul khrims la 'gro bas

  183. 92a

    dga' bar bya ba nyid kyang thams cad du mthong ba dang ma mthong ba'i 'bras bu yid du 'ong pa phun sum tshogs ba nye bar ma bcom par byas te ma mthong la/ de las bzlog pa'i skyon gyi tshogs yon tan du yang rtogs pa na 'di chos blun pa kho na yin pas blun po kho nas rgyal srid 'thob bo/ /blun por gyur pa'i rgyal po la ni brtse ba ni mi gnas te/ nga rgyal glags pa'i phyir ro/ /mi yi bdag po brtse ba med pa la ni chos yod pa yang ma yin te/ 'tshe ba phal che ba'i phyir ro/ /de la rgyal po blo dang ldan cing/ brtse ba dang ldan pa la chos yod do zhes bya ba 'dod pa gang yin pa de ni ma yin no/ /gang zhig gla blangs bzhin du yang 'gro ba skyod par mi byed pa de ni zhag re zhing rkun po nyid yin gyi rgyal po ma yin te/ rgyal po brtse ba med pa drag pos byin gyi blon po bzhin no/ /rgyal po grag pos byin gyi blon po zhig gis chad pas phog pa'i mi gser 'jal par byed du gzhug par ma nus par gyur pas/ khyod ji ltar mi nus zhes de la rgyal po de khros par gyur pa dang/ de la grogs bshes mtshan te zhig yod par gyur pas de la nges bzlas so/ /nges smras pa/ 'jal du gzhug gis zhes smras so/ /de nas des ji ltar 'jel bar byed par 'gyur bar gzir ba drag po brtsams la rgyal po des kyang mtshan de nyid blon por bzhag go /des kyang rgyal po gnyes par bya bar 'dad pas sdig pa'i las chen po byas te/ mthar gang gis mtshon chags gsod ma nus pa de'i tshe thams cad mes bsregs shing deng srog chags 'bum phrag mang po bsang bar gyur la/ rgyal bo der kyang de la rje su yi rang bar byas so/ /de'i phyir de ltar na gang na blun pa nyid yod pa de na brtser yod pa ma yin la/ gang na brtse ba med pa der yang bsod nams dang phrad pa lta ga la yod/ /rgyal po rnams la yang 'di dag thams cad yod de de'i phyir bsrung bar byed pa po yin yang 'di dag la chos yod pa ma yin no/ /

  184. 92b

    'dir bshad pa/ gang phyir brtse ba'i bdag can rnams/ /chos brtse 'che med yin smra ba/ /de yi phyir na mi bdag ni/ /brtsa ba med la chos yod min/ /'dir smras pa/ drang srong gis byas pa'i rgyal rigs kyi chos kyi 'tshe ba byas kyang rgyal po la chos ma yin pa mer do/ /bshad par bya ste/ drang srong rnams kyi spyod pa kun/ /mkhas pas byed pa ma yin te/ /gang gi phyir na de dag la'ang/ /sman 'bring khyad 'phags yod phyir ro/ /mkhas pa ni drang srong rnams kyis spyod pa thams cad byed bya ma yin te/ gang gi phyir de dag la yang dman pa dang 'bring dang khyad par du 'phags pa yod pa'i phyir ro/ /'dir mkhas pas ni drang srong rnams kyi lus dang ngag dang yid dag gi g.yo ba thams cad kho na bya ba ma yin te/ 'di ltar drang srong de dag la yang dman pa dang 'bring dang khyad par 'phags pa nyid yod pa'i phyir ro/ /de la gang gi bstan bcos las 'tshe ba byed pa'i dbang gis chos su bshad pa de ni dman pa'o/ /gang zhig 'gyur ram mi 'gyur snyam du the tshom za ba de ni 'bring de/ /gang zhig 'tshe ba ni chos ma yin pa kho na'o/ /zhes bya bar 'dod pa de ni khyad par du 'phags pa'o/ /de'i phyir drang srong phyi rol pa thams cad kyi bstan bcos ni tshad ma ma yin no/ /de la gang drang srong gis byas pa'i rgyal rigs kyi chos kyi 'tshe ba byas kyang/ rgyal po la chos ma yin pa med do zhes 'dod pa de ni ma yin no/ /sna tshogs sgra dang gnas 'jog dang/ /dza mang dag ni bu bzhin te/ /sna tshogs sgra dang gnas 'jog dang/ /je mang dag ni bu rnams la rku ba dang bza' bar bya ba ma yin pa za ba dang/ bgrong par bya bam yin pa bgrod pa dang/ srog gcod pa la sogs pa grags pa'i phyir ro/ /de la sna tshogs sgras dza bu dang bza' bar bya ba ma yin pa za bar grags te/ khyi tshed dag las khyi sha 'phrog par 'dod nas des/ gson pas sdig pa'i las ni rgal nus te/ /bdag cag khyad par las 'di chad pa zhig kho na shi nas sdig pa 'di rgal bar/ mi

  185. 93a

    nus de phyir khyi sha 'di bza' o/ /zhes smras so/ /gnas 'jog gdol pa mo dbang mo phreng can la log par zhugs shing/ de nas bu dag skyes so zhes bya bar yang thos shing grag go /dza mang dag na'i bus kyang be'u phrogs pas khos nas sri ta bi dya'i bu srid sgrub kyi lag pa stong lhung bar byas te/ dul zhing bzod dang ldan par gyur kyang bshis ngan skye bo rnams kyis de dang de'i/ nyes rma dag gis nan gyis drang srong gi yid bstan bral khon bcas byed 'gyur te/ pa be'u khyer bas 'jo ba'i dus kyi 'bu sgra dag gis shin tu nyes bral ba'i/ /rA ma'i dgra sta'i so la mi yi bdag po rnams zhugs gang yin de byas so/ /zhes de skad du yang smras so/ /de bzhin du mas sbad nas de nyid kyis lan nyi shu rtsa gcig tu sa stengs rgyal rigs med par byas so/ /de la mas 'di skad du smras par grag ste/ rnam brgyar dka' thub can drang 'jam pa 'am/ /gang yang bla ste pha rol po rnams kyis/ /g.yul dor khyod kyis 'gros 'tshems med pa'i rgyu/ /gcig la'ang bltos pa byas par ma gyur na/ gnod par 'gyur dang mnyam pa'i las kyis su/ /nus ldan mi ni tshim par mi 'gyur gyi/ /dpa' bo glags te gnod byos dgra bo ni/ /sdang rnams rtsa ba ma lus 'don par gyis/ zhes bya'o/ /de nas de g.yul sprad par 'dod pas 'ongs pa gzhu klong pa'i sgra thos bar gyur te/ dza mA dAgnI'i bu'i gzhu'i sgra rgyal po rnams kyi pho brang 'joms 'joms ltar/ ra ba'i rtse las 'das par gyur pa yis/ /btson byas bu ni skra nas bzung ltar gyur/ zhes bya ba'o/ /'dir bshad pa/ skyes bu gang gis den byas nas/ /nges par ngan 'gror 'gro 'gyur ba'i/ /bstan bcos de ni bdag don la/ /mkhas bas tshad mar bya ba min/ /'dir smras pa/ gang gi phyir rgyal pa gna' rabs rnams kyis bstan bcos kyi

  186. 93b

    don tshad mar byas nas/ 'byor par 'gyur pa'i sa yang dag par bskyangs pa de'i phyir yang bstan bcos tshad ma yin no/ /bshad par pa ste/ sngar gyi sa bdag dge rnams kyis/ /'jig rten bu ltar skyangs pa de/ rtsod dus chos la bsten rnams kyis deng sang ri dags dgon par byas/ /rtsod pa'i dus kyi snga rol du 'khrungs pa'i sa bdag 'khor lo sgyur ba la sogs pa dge ba sta rigs pa dang mi rigs pa yongs su dpyod pa/ dge ba bcu'i las kyi lam la rab tu gnas shing/ bu gcig pa sdug pa ltar 'gro ba la dga' ba dang/ rjes su 'brel pa rnams kyis ni chos dang mthun pa'i bstan chos tshad mar byas shing/ chos ma yin pa dang mthun pa yongs su spangs te/ 'jig rten yongs su bskyangs na/ da ltar ni rtsod pa'i dus su skyes pa'i rgyal po rang gi sems kyi bdag nyid ngan pa'i gzhan gyi dbang du gyur pa nor tsam gtso bor gyur pa snying rje med pa rnams kyis chos ma yin pa dang rjes su mthun pa'i bstan bcos tshad mar byas shing/ chos dang mthun po bcas? ji ltar ri dags kyi dgon par gyur pa de ltar 'jig rten pa stong par byas te/ de'i phyir yang chos ma yin pa dang ldan pa'i bstan bcos tshad ma ma yin no/ /kla klo bu ram gyi shing yongs su rdzogs par ma skyes pa 'chir ba bzhin no/ /kla klo'i rkun pa gang zhig gti mug pas bur shing yongs su rdzogs par ma skyes pa 'tshir bar byed pa de ni don ma yin pa kho na byed kyi don ni ma yin pa de bzhin du/ gal te rgya la po yang bskyang bar bya ba mi skyong na de la 'di'i don med cing pha rol gyi don med de/ bsod nams ma yin pa mang po byed pa'i phyir ro/ /'dir bshad pa/ gang las rang gzhan yul 'khor la/ /rnam par dbye ba ma byas pa'i/ /skye dgu bder 'gyur bstan bcos de/ /mkhas pa rnams kyis bsti stang byas/ /'dir smras pa/ 'dir rgyal po blags dag la bab na dgra la snun pa la chos ma yin pa med de/ bstan

  187. 94a

    bcos las mthong ba'i phyir ro/ /bshad par bya ste/ glags su snun par rgyal po la/ /gal te sdig pa yod min na/ /rkun po gzhan rnams la yang de/ /dang po nyid du yod ma yin/ /gal te dgra bo dag gam gzhan ma dag la'ang rung ste/ /de glags dag la bab pa na snun pa'i rgyal po la sdig pa yod pa ma yin na/ rkun po rgyal po las gzhan pa'i rkun po nor bsrung pa rnams la glags cung zad cig snyed nas/ gzhan gyi nor 'phrogs pa rnams la yang glags su snun pa nyid kyis thog mar sdig par mi 'gyur ba bya dgos te/ de rnams glags su snun pa nyid du thu por gyur pa'i phyir ro/ /rgyal po la ni phyis te/ 'di ni de ltar yang ma yin no/ /de'i phyir rgyal po glags ngag tu snun pa la sdig pa yod pa ma yin no zhes bya bar gang 'dod pa de ni ma yin no/ /rgyal bu ma pham sde bzhin no/ /rgyal po 'ga' zhig gis blon po zhig la gang gi tshe nga 'chi bar gyur pa de'i tshe nga'i spun zla rgyal bu bzhon nu ma pham sde rgyal srid la dbang bskur cig ces smras par gyur la/ de nas blon po nges rgyal po de she ba dang glags su snun te rgyal bu gzhon nu de bsad cing bdag nyid kyis rgyal srid de bzung ngo/ /sdig pa spyod pa'o zhes de la 'jig rten du grags pa ma yin pa rab tu gnas shing/ pha rol tu yang bsod nams ma yin pa ngan 'gror lhung bar 'gyur ro/ /de bzhin du glags su snun pa'i rgyal po rnams la yang ji ltar grags pa ma yin pa dang sdig par mi 'gyur/ 'dir bshad pa/ nag po'i las gang des byas pa/ de las 'bras dkar mi 'byung ste/ /rul pa shing gi sa bon las/ /tsam pa'i shing gi myug mi 'byung/ /'dir smras pa/ g.yul der dgra po dag pham par byas te/ rang gi dpa' ba' i rnam par gnon pas bsags pa'i nor phun sum tshogs pa mthong ba na rgyal po yongs su dga' bar 'gyur

  188. 94b

    la/ ci ste 'di g.yul ngor shi bar gyur na ni de'i tshe 'dis g.yul du bdag ni yongs su dor bas gton mi za bar mtho ris su 'gro ste/ bsad na mtho ris thob pa 'am/ /phab ste sa dag spyod 'gyur gyis/ /de yi phyir na kon+ti'i bu/ 'gyeng la nges byas langs par byos/ /zhes kyang smra'o/ /bshad par bya ste/ chad sogs dag la bdog pa kun/ /yongs gtong mchod pa ma yin na/ /g.yul dor bdag kyang yongs gtong pa/ /mchod pa snyam du sems sam ci/ /chang dang rgyan po dang bud med smad 'tshong rnams la bdog pa kun gsal bar gtong ba rnams ni bsod nams la brten pa ma yin zhing/ skye po dam pa'i thugs mnyes par byed pa yang ma yin te/ gtong ba de chags pa dang rjes su 'brel ba'i phyir ro/ /de bzhin du g.yul dor bdag gi dngos po yongs su gtong ba yang mchod par bya ba ma yin pa nyid de/ de ni bsod nams ma yin pa'i gnas yin pa'i phyir ro/ /'di ltar g.yul 'gyed pa na rngaM pa dang bcas par rgyur cing/ brtse ba dang bral bas mi gzhan la brtsam pa med pa'i bsam pa can/ bsad pa'i phyir gzhan gyi mgo la mig gtad pa mtshon 'phyar bzhin pa zhig dgra phra ro pos bsang ba la mtho ris su 'gro ba srid par ji ltar rigs/ de la g.yul dor shib gdon mi za bar mtho ris su 'gro'o zhes khyod 'dod pa gang yin pa de ni ma yin no/ /gnag rdzi mo gyos po la lus stobs pa bzhin no/ /gnag rdzi mo 'ga' zhig gis khyo 'gron la son pa dang/ gyos po la ches khyad du bsad par gyur to/ /de nas gnag rdzi rgan po des de 'ongs pa na don de go bar byas shing/ gal te khyod kyi chung ma phyis yang bdag cag la khyad sod byed na ni khyod kyi khyim du mi 'dug go /zhes kyang smras so/ /de ni bud med bla mar mi byed cing pha la snying nye ba zhig ste/ des ba la spyos nas yang nga'i pha la yang khyad sod byed na ni/ khyod bdag gi khyim du bsdad du med kyis/ 'di'i bya bar bka' ba yang gyis la

  189. 95a

    sbyin par dka' ba yang 'di la byin cig ces smras la/ des kyang de kho na ltar khas 'ches so/ /de nas khyod mgron la son pa dang/ des ldog cing ldog cing gyos pa la gus pa dam pa srid zhu byas par gyur la/ khrus? dang sku byug dang phreng ba dang sbyin pa dang/ zas dang skom dang/ bza' ba gya nom pas nyin par rim gro byas shing mtshan mo chu dren mos de'i rkang pa bkrus shing/ til mar bskul nas rang gi gos phung de sgren mor sbyer ba ngan pa byed pa'i tshul gyis de'i mal du nyal bar brtsams so/ /gnag rdzi rgad pos smras pa/ spA'i sdig can ma 'di ci mig brtsams/ gnag rdzi mos smras pa/ bdag la khyos khyod kyis 'di la bya dkab a yang gyis la sbyin par dka' pa yang byin cig ces smras kyis/ 'di las ches bya dka' ba dang/ sbyin dka' ba las sbyin dka' ba yang med do/ /gnag rdzi rgang pos smras pa/ bdag dbyung ba'i phyir thabs bshams kyis dga' bar sdod cing phyin chad khyim 'dir mi 'dug go zhes smras te phyir byung bar gyur to/ de'i bu de 'ongs pa dang pha ma mthong ste chung ma la de gar song zhes dris pas/ des rje'o bdag la mtshang ba ci yang med kyis/ bdag gis mchog tu gus pas de la snying nye ba dang/ nam zla la gsong ba'i khrus dang byug pa dang bza' ba la sogs pas zhabs 'bring byas la/ jo bos ji skad bka' stsal pa ltar bya dka' ba yang byas la/ sbyin par dka' ba yang byin mod kyi/ de ltar byas kyang bdag nan gyis bor nas song ngo zhes smras so/ /khyod kyis ji skad byas zhes dris pas yang byung tshul snga ma bshad do/ /de nas thal gus pas des de bskrad de khyim nas phyung la/ pha la spro bsring byas nas rang gi khyim du bcug go /ji ltar chung ma ngan ma gnag rdzi mo 'di'i lus gyos po la byin pa mchod pa ma yin pa de bzhin du/ rgyal po

  190. 95b

    ngan pa sems can rnams kyi g.yul ngor srog gtong pa yang mchod pa ma yin no/ /'jig rten du yang skyon can yin pa'i phyir chang la sogs pa dag la bdog pa thams cad gtong pa mchod pa ma yin no/ /'dir bshad pa/ gal te g.yul ngor shi ba ni/ lhun po'i rtse mor ngas 'gro na/ /sku tshe shi ba rnams kyang ni/ /de ltar 'gro bar cis mi 'gyur/ /'dir smras pa/ 'di na rgyal po 'jig rten thams cad kyi mgon nyid byed pa gang yin bde nyid de'i dga' bi rgyu tshar phyin pa yin no/ /bshad par bya ste/ rgyal po 'jig rten mgon khyod la/ /mgon 'ga' yod pa ma yin na/ /mgon med de yis bdag nyid ni/ /ma btang su zhig dga' ba 'gyur/ /'dir rgyal po ni 'jig rten thams cad kyi mgon yin te 'di ltar 'jig rten ni de'i rjes su bstan pas rang gi srog dang/ nor bsrung ba'i don du mi rigs pa spangs nas rigs pa'i las la 'jug go /rgyal po lan ring dgar spyod pa nyid kyi phyir na rjes su ston pa po mgon 'ga' yang yod pa ma yin la/ mgon med pa zhes bya ba yang mchog tu rgud pa rnams kyi gzhi yin te/ rang yam du gyur zhing rjes su 'chos pa po dang bral ba la rigs par ro gcig pa'i 'jug pa ga la yod/ de'i phyir 'di gya rgud kyi spang na gnas pa ma gal te bdag nyid yongs su btang par gyur pa ma yin na ni de'i tshe mgon nyid des dga' bar mi 'gyur ro/ /de'i phyir 'jig rten gyi mgon nyid ni 'di'i dga' pa'i rgyur mi rung ngo/ /de'i phyir bag med pa'i gnas na gnas pa nyid kyi phyir skyo pa nyid mchog tu bcus par 'gyur gyi/ yongs su mgu pa ni ma yin no/ /dge 'dun gyi gnas brtan so so'i skye bo la phyag 'tshal ba bzhin no/ /ji ltar dge 'dun gyi gnas brtan so so'i skye bo mgon med pa zhig phyag la sogs pas dga' bar 'gyur pa de bzhin du/ rgyal po mgon med pa yang rab tu 'dud pa dang bkur sti la sogs pas dga' bar 'gyur ro/ /'dir bshad pa/

  191. 96a

    mkhas gang gson pa'i 'jig rten na/ /dngos po 'di las slar yang ni/ /'byung bas gzhan la tshol ba yi/ /mgon med dngos pos dga' bar 'gyur/ /'dir smras pa/ gang gi phyir chad pa gzhan pa'i rgyal po la graT par mi 'gyur la/ rgyal po chad pa drang po can la ni shing yang grags pa rjes su 'jug pa yin te/ de'i phyir rgyal pos chad pa drag po can du bya dgos so/ /bshad par bya ste/ rgyal po shi bar gyur ba la'ang/ /grags pas yon tan 'ga' mi 'byung/ /khyod yon med dang khyi 'ched la/ /grags pa chen po ci ste med/ /gal te shi bar gyur kyang rgyal po la grags pa'i sgo nas yon tan gyi khyad par 'ga' zhig 'byung bar 'gyur na ni/ rgyal pos chad pa drag po can du bya bar rig pa zhig na/ grags pa'i sgo nas de la yon tan gyi khyad par 'ga' zhig yod pa yang ma yin te 'byung bar 'gyur na ni/ grags pas na de'i sdig pa de rnam par sel ba ma yin no/ /ci ste bdag gi grags pa 'jig rten na ji srid gnas pa de srid du bdag rnam par ltung ba med pa'i chos can du 'gyur bas grags pas yon tan du 'gyur ro snyam na/ bshad par bya ste/ brten ba med pa dang/ rku ba la sogs pa yon tan med pa'i tshogs rnam pa sna tshogs yang khyod la ci ste med/ gang gi phyir khyod la yon tan med pa cher yod pa de'i phyir de'i rgyu can gyi grags pa chen pos nges par sdig pa bsags pa las/ khyod ngan 'gror ltung ba'i mthar phyin pa gcig bur byed par 'gyur ro/ /gal te grags pas kha na ma tho ba'i dri ma 'khru bar byed na ni de'i tshe khyi 'tshod dag la yang khyi rnams la brjid dang ldan pa nyid kyis grags pa chen po yod pas khyi 'tshed dag la yang 'khru par byed par 'gyur ba zhig na/ 'di ni de ltar yang ma yin pas grags pas dgos pa ci yang med de/ de'i phyir bdag lags su 'dod pa'i rgyal pos chad

  192. 96b

    bdag po can ma yin par bya dgos so/ /bu mo lceb pa bzhin no/ /phyug po'i bu mo 'ga' zhig shi ste/ 'byor ba chen pos phyir 'byin par gyur to/ /bu mo gzhan zhig gis mthong la mthong nas kyang bdag la yang 'di lta bu'i 'byor bar 'gyur ro snyam ste/ bdag nyid 'gag thag la dbyangs te srog dang bral ba nyid du gyur pa de bzhin du/ rgyal po yang rgyal de shi bar gyur kyang de ltar rjes su bstan pa 'bar bar gyur to/ /zhes grags pa'i ched du sdig pa byed do/ /'dir bshad pa/ gal te ma rungs rgyal shi la/ /grags pas yon tan 'gyur na ni/ /rkun po ma rungs pa la yang/ /ci phyir de ltar 'gyur ma yin/ /'dir smras pa/ rigs dang ldan pa'i rgyal bu gang yin pa de nyid rgyal thabs la 'os kyi gzhan ni ma yin te/ de'i phyir 'di'i rgyags pa rigs so/ /bshad par bya ste/ gang tshe kun gyi dbang phyug nyid/ /bsod nams kyis skyed de yi tshe/ 'di ni dbang phyug brten min zhes/ /brjod par rnyed pa ma yin no/ /gang dang gang la longs spyod yang dag par 'grub par 'gyur ba'i las bsod nams zhes bya ba yod pa/ de dang de la dbang phyug nyid phun sum tshogs par 'gyur la/ las de yang gcig la nges pa ma yin no/ /gang gi tshe sems can 'di ni dbang phyug nyid la brten pa ma yin no zhes brjod par mi nus na de'i tshe/ 'di la 'dis rgyags par bskyed par mi riT te/ bzo slob pa bzhin no/ /ji ltar bzo slob pa 'jig rten na thams cad kyi thun mong ste/ gang 'ga' zhig 'dod pa de thams cad slob pa de bzhin du/ bsod nams dag byas na rgyal srid thob po/ /'dir bshad pa/ gang tshe las bdag 'jig rten na/ rang byas 'bras bul spyod pa/ /de tshe mi dbang bde thob pas/ /de la phrag dog mi bya'o/ /'dir smras pa/ gang gi phyir rgyal srid yongs su skyong ba'i chos ni rgyal rigs kho na la bshad kyi/ gzhan rigs gsum la ni ma yin te/ de'i phyir rigs dang ldan

  193. 97a

    pa'i rgyal rigs kho nas rgyal srid bya dgos te/ gzhan dag gis ni ma yin no/ /de'i phyir 'di'i rgyags pa rigs pa nyid do/ /bshad par bya ste/ 'tsho ba'i thabs so cog la'ang/ /'jig rten na ni rigs shes brnyad/ /des na sems can thams cad la/ /rigs las dbye ba yod ma yin/ /'di dag ni 'tsho ba'i thabs shig ste/ 'di lta ste rgyal rigs la sogs pa'i rigs dag go/ 'di ltar bskal pa dang bor ni sems can thams cad phyi rol gyi rkyen sa bon la mi bltos par skye ba nyid kyi phyir brdzus de skye zhing/ yid tsam las skyes pa'i phyir yid las byung ba rang gi 'od can/ rdzu 'phrul dang ldan pa/ nam mkha' la 'gro ba dga' ba za zhing dga' ba'i zas can pho dang mo'i dbang po dang bral ba ste/ de'i phyir 'di dag thams cad brdzus te skye ba'i skye gnas las byung ba nyid kyi phyir rigs las tha dad pa nyid mi srid do/ /de'i dus phyis ni khaM gyi zas la zhugs shing jas ches rags pa la goms par byed pa na/ de'i rgyu mthun dbyung bar bya ba'i gcin dang phyi sa'i lam byung ba/ phan tshun pho dang mo'i dbang pos byas pa'i dbyibs tha dad pa lta ba na/ tshe snga mar goms pa'i dbang gis 'dod pa'i 'dod chags skye ba rnams la phan tshun log par zhugs pas mngal nas skye ba'i skye gnas byung bar gyur to/ /de nas 'jig rten du sog 'jog gi skyon gyis ma byin par len pa la sogs pa la zhugs pas rang gi 'tshe ba'i bya ba'i khyad par khas blangs pa las rigs tha dad par gyur to/ /'di ltar/ skye bo'i tshogs phal bo ches zhing bsrung ba'i phyir mi spus la bab pa zhig bskos pa dang/ las de khas blangs pas de la rgyal rigs zhes bya bar grags so/ /thul bar 'dod pa gang dag dka' thub bsgrub par bya ba'i phyir/ grong las yid phyir phyogs par gyur pa de dag la ni bram ze zhes bya bar grags so/ /rgyal po bka' bzhin byed pa rnams ni rje'u rigs so/ /

  194. 97b

    rmo ba la sogs pa las ngan pa la sbyar ba rnams ni dmangs rigs te/ de dag la yang las kyi khyad par gyi nang tshan tha dad pa las las byed pa la sogs pa'i rigs tha dad par gyur to/ /de lta na 'tsho ba'i thabs so cog la yang/ gang gi phyir 'di de lta yin pa de'i phyir sems can rnams la rigs kyis byes pa'i dbye ba yod pa ma yin no/ /de'i phyir khyad par med pas rigs rgyags ba'i rgyur mi rigs te/ bum pa sar ba'i rnam grangs bzhin no/ /ji ltar bum pa gsar pa rnam grangs kyis ji ltar 'dod pa bzhin byed de/ 'dod pa'i sgo nas 'bru mar gyi bum pa dang mar gyi bum pa'i bar du 'gyur ro/ /bum pa ji lta ba de bzhin du bskal pa dang por las gang byed pa de la rigs zhes brjod do/ /'dir bshad pa/ rigs ngan nam rigs ldan yang sla/ /las gang gis ni 'tsho 'gyur ba/ /de nas bzung ste de de yi/ rigs su dus kyis 'gyur ba'o/ /'dir smras pa/ gang gi phyir rus bzhi po bram ze'i rigs dang/ rgyal rigs dang/ rje'u rigs dang/ dmangs rigs dag rnam par gnas te/ rus rnam par gnas pa de'i phyir sems can rnams la rigs tha dad pa zhes bya ba yod do/ /bshad par bya ste/ 'das dus shin tu ring ba dang/ /mi mo rnams yid g.yo ba ste/ /de phyir rgyal rigs shes bya ba/ /rigs las 'ga' yang yod ma yin/ /'di na pha dang ma dag cing skyes shing skyes pa la rigs brgyud ces bya bar bsnyad na de ni rnyed par dka' ste/ bud med rnams la 'khrul pa mthong ba'i phyir ro/ /de la 'das pa'i dus ring ba nyid kyi phyir la/ bud med rnams kyi yid kyang g.yo bag can yin ba'i phyir de rnams la rus gzhan dang phrad pa la bu tsha dag skye ste/ de'i phyir rigs yang dag par sun phyung dang 'gyur ro/ /de'i phyir g.yem ma rnams kyis rigs sun phyung ba rnams kyis riT kyis byas nga'i? rigs brgyud kyi nga rgyal mi rigs so/ /de'i phyir de ltar na rgyal rigs zhes bya ba rigs las yong ba ma yin no/ /deng sang gi rgyal po dag ni phal cher dmangs

  195. 98a

    rigs kyi skye gnas can te/ de dag gi rgyags pa yang mi rigs so/ /mar kanda'i bus ril ba spyi blugs bcol ba dang rgyas pa bzhin no/ /ji skad du 'jig rten 'jig bzhin pa na mar kan da'i bu yongs su 'khyam pa na/ khyim rje ba dang spyi blugs rje bar grags te/ des bram ze zhig gi khyim du gser gyi spyi blugs zhig gtams la/ de dus rig mo zhig na khyim dang 'ongs te/ bram ze'i khyim 'di na su yod ces dris so/ /de dag gis smras pa/ 'di ni bram ze'i khyim ma yin gyi/ 'di ni rgyal rigs kyi khyim zhig go/ mar kanda'i bus smras pa/ gtams pa zhig yod de/ bram ze 'ga' zhig gi gser gyi spyi blags bzhag go/ de dag gis gser gyi ni med kyi/ 'on kyang dngul gyi rang bzhin can zhig yod do zhes smras so/ /de de dag gi lag tu de gtams te slar yang dus ring po zhig na 'ongs la/ rje'u rigs kyi khyim du gyur la/ spyi blugs zangs kyi rang bzhin can du'o/ /slar yang de dag gi lag tu bcol nas dus gzhan zhig na 'ongs pa de dmangs rigs kyi khyim du gyur la/ spyi blugs kyang lcags kyi rang bzhin can gyi bar du gyur par grag go/ ji ltar gser gyi spyi blugs 'di dus gzhan du gnas skabs de dang der gyur la/ khyim de yang gnas skabs tha dad pas tha dad par gyur pa de bzhin du 'jig rten gyi rigs rje ba yang yin no/ /de'i phyir rgyal rigs zhes bya ba'i rigs las 'ga' yang yod pa ma yin no/ /rgyas pa yang spos ldan du rtsibs logs skyes kyi snga dro khu rna dkrigs nas nya ba'i bu mo las bskyed par grags te/ de na gling du skyes pas gling skyes zhes kyang bya la/ rig byed la chags pas rgyas pa zhes bya'o/ /'dir bshad pa/ dus la mdza' med nyid phyir dang/ /bud med tshogs ni g.yo phyir te/ /de yi phyir na mkhas pas 'dir/ /rigs kyis nga rgyal bya min nyid/ /'dir smras pa/ gal te rigs kyis rgyal rigs su mi 'gyur na/ de'i

  196. 98b

    tshe skye dgu skyong ba'i las kyis rgyal rigs su 'gyur ro/ /bshad par bya ste/ gal te las kyis dmangs rigs kyang/ /rgyal rigs zhes byar 'gyur na ni/ /las kyis dmangs kyang bram zer ni/ /gang gis 'gyur ba min par sems/ /gal te da lta rgyal rigs ma yin pa yang rgyal rigs kyis las byed pa na rgyal rigs su 'gyur na/ dmangs rigs kyang bram ze'i las byed cing len pa dang 'don pa na bram zer 'gyur ro/ /de lta yin na yang gzhan yang gzhan yang gzhan gyi las la spyod pa na de nyi du 'gyur ro/ /de la las kyis rgyal rigs su 'gyur ro zhes bya bar gang 'dod pa de ma yin te/ gru pha rol tu 'gro ba bzhin no/ /ji ltar gru pha rol tu 'gro ba dang 'ong bar 'gyur la/ der klung gi 'gram gnyis na 'dug pa dag gru pha rol tu song gru pha rol tu song zhes sra mod kyi/ rang las grub pa'i pha rol ni ci yang yod pa ma yin pa de bzhin du/ bram ze 'am rgyal rigs kyang ma grub po/ /gal te dmangs rigs las kyi rgyal rigs su 'gyur na ni/ de bzhin du bram ze yang las kyis dmangs rigs su 'gyur te/ rgya skyegs dang ni lan tshwa dang/ /sha yis 'phral du nyams par byed/ /'o ma 'tshong ba'i bram ze gang/ /nyi ma gsum gyi dmangs rigs 'gyur zhes bya ba la sogs pa smras pa yang yin no/ /'dir bshad pa/ gal te las kyis rus 'gyur na/ /de la rigs ni rgyu ma yin/ /de dag gnyis las kyang min te/ /gang phyir rigs sngar sun phyung zin/ /'dir smras pa/ gang gi phyir rgyal srid kyi dbang phyug chen pos skye bo phal po che la dus la bab par dbang phyug bged par bya bar nus pa de'i phyir/ rgyal pos ches phyug par 'dod par bya dgos so/ / bshad par bya ste/ rgyal po sdig la dbang phyug ltar/ /bged pa yod pa ma yin na/ /gzhan gyi don du mkhas pa ni/ /su zhig phyi mar 'joms par byed/ /rgyal pos dus ring bor bsags pa'i dbang phyug chen po skye bo phal po che la bged par nus pa

  197. 99a

    bden mod kyi/ de ni skye bo phal bo che gzir ba med bar sgrub par mnus? shing/ skye bo phal po che gzir bas kyang nges par sdig pa chen por 'gyur la/ sdig pa chen po las kyang phyi mar bdag nyid la sdug bsngal chen por 'gyur dgos so/ /ji ltar dbang phyug bged ba de ltar de'i ched du/ /kha na ma thob bsags ba bged bar bya bar mi nus te/ 'on kyang gcig bu kho nas sdug bsngal de nyams su myong bar bya dgos so/ /de'i phyir mkhas pa su zhig gzhan la phan gdags par chung du'i don du nor bged par bya'o zhes don ma yin pa mi chung ba stob pa la mkhas pa'i kha na ma thob thun mong ma yin pa nye bar sog cing phyi mar bdag nyid 'joms par byed par 'gyur/ /de'i phyir 'di ni ngo tsha ba'i gnas yin gyi dregs pa'i ni ma yin no/ /ma he'i mchod sbyin lta bu dang/ shen pa'i bu bzhin no/ /ji ltar ma he mchod sbyin bya ba'i phyir gcig gis gsod cing mang po rnams kyis za bar 'gyur la/ sdig pa de yang gsod pa po de kho na la 'gyur ba de bzhin du/ rgyal po rgyal srid kyi phyir sdig pa'i las byed cing/ longs spyod ni mang po zhig gis longs spyod la/ des byas pa'i sdig pa ngan 'gror 'bras bu shin tu mi bzad pa can ni rgyal po de nyid la 'gyur ro/ /yang ji ltar shen pa'i bu zhig sdig pa la 'jigs pas ri dags la sogs pa rnams gsod bar mi byed pa dang/ de la gnyen 'gab kyis khyod song cig/ deng gang chos ma yin par 'gyur ba de ni 'o skol thams cad la thun mong nyid du 'gyur ro zhes smras pa dang/ des thabs kyis bdag gi mgo la tshor ba'i sdug bsngal chen po zhig yod kyis de bgos shig ces smras so/ /de dag gis smras ba mi nus so des smras pa/ de'i phyir ji ltar ngan 'gro'i tshor ba sdug bsngal thun mong nyid du 'gyur/ 'dir bshad pa/ gzhan du bde ba 'dod ba'i mis/

  198. 99b

    'jig rten 'di ru smad cing/ /pha rol tuAng bde ba ni/ /'dren pa gang yin de bya'o/ /'dir smras pa/ 'dir dbang phyug chen po la gnas pa'i rgyal pos gdon mi za bar rlom pa chen po nyid du 'gyur bar bya dgos so/ /bshad par bya ste/ dbang phyug gis bskyed nga rgyal na/ /mnyam dar khyad par 'phags pa yi/ /pha rol nus ldan blta bya ste/ /dam pa'i snying la mi gnas so/ /bdag nyid la gzhan pas mchog tu byung ba mthong ba nang rgyal du 'gyur na/ de ni gzhan la bltos pas mi gnas pa'i phyir mkhas pa rnams rlom par mi 'gyur ro/ /de'i phyir 'gro ba la phan pa bskyed par 'dod pas nga rgyal spangs te/ bla ma dag lta bu 'am/ rje'o bzhin du gzhan la khyad du bsad par mi bya'o/ /de'i phyir de ltar byed pan de dag phun sum tshogs pa thams cad kyi snod du 'gyur te/ 'gro ba rangs pa mgu bar byed par zhugs pa nyid kyi phyir ro/ /nor 'dzin gyi chung ma bzhin no/ /bram ze nor 'dzin zhes bya bal chung mas bdag dang gzugs mnyam pa'i bad med ni sa steng na 'ga' yang med mod kyi/ khyod ni nga la 'tsham pa'i gos dang rgyan gyis brjed par mi byed do zhes smras so/ /des de thabs kyis rgyal po drag po zhes bya ba'i btsun ma'i 'kher du bcug go/ der mi gro ma mthong nas de'i gzugs kyi dregs pa de nyams par gyur te/ rgyal po'i btsun mo lta ci smos/ /de bzhin du rgyal pos kyang bdag dang mnyam pa dang/ khyad par du 'phags pa mthong nas rgyags pa dang/ bdag tu 'dzin pa yongs su dor bar rigs so/ /'dir bshad pa/ re zhig rgyal pos rgyal dman la/ /nga rgyal bya bar mi rigs na/ /mnyam dang phul phyung mi bdag la/ /nga rgyal go skabs ga la yod/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa ba zhib rgya ba las/ bdag tu 'dzin pa spang ba'i thabs sgom pa bstan bzhes bya ba ste/ rab tu byed pa bzhi pa'i 'grel pa'o// //

  199. 100a

    'dir smras pa/ yang legs bar bshad pa'i rin po che'i khyad par 'jig rten pa'i don gyi de kho na nyid ji ltar gnas pa ston par byed pa 'dod chags dang bral ba'i rgyu 'di dag gang las rnyed/ bshad bar bya ste/ sangs rgyas bcom ldan 'das rnams las so/ /sangs rgyas bcom ldan 'das de rnams kyang ci 'dra ba zhig ce na/ thugs rje chen pos nong pas 'gro ba ma lus pa'i don sgrub pa'i rnam pa thams cad du bsam gyis mi khyab pa lhur mdzad pa rnams so/ /'di ltar/ sangs rgyas rnams kyi g.yo ba ni/ /rgyu med 'ga' yang yod min te/ /dbugs kyang sems can rnams la ni/ /sman slad kho nar yang dag 'byung/ /'di ltar sangs rgyas bcom ldan 'das rnams ni 'gro ba thams cad rjes su bzung ba'i dgongs pas 'phangs ba'i phrin las kyis sprul pa nyid kyi phyir rkyen ji lta ba bzhin 'bras bu 'byin zhing 'gro ba la dman pa sgrub pa 'byung ba la mkhas pa'i g.yo bdag gis 'gro ba khams gsum po nam mkha' i mthar thug pa na gnas pa mdza' dag la sman 'dogs par mdzad do/ /sku yongs su bskyod pa'i mtshan nyid can gyi g.yo ba gang zhig sems can ma lus pa sman mi 'dogs pa de ni 'ga' yang mnga' ba ma yin te/ ji skad du 'phags pa ting nge 'dzin gyi rgyal po las/ 'od zer brgya stong dpag tu med pa dag/ chos kyi rgyal po'i zhabs kyi mthil nas byung/ /sems can dmyal ba thams cad bsil bar gyur/ /sdug bsngal med par byas nas bde ba myod/ /der ni stobs bcu ldan bas chos bshad pas/ /lha dang mi yi mig kyang rnam par dag srog chags brgya stong dpag tu med pa rnams/ thams cad sangs rgyas ye shes nges par gyur/ zhes bya ba la sogs pa dang/ de bzhin du/ rgyal bas sgo yi them steng zhabs bzhag ste/ dmus long gyur pa'i

  200. 100b

    mi gang ci yod dang/ /rna bas mi thos mgon med bsod nams chung/ /de dag thams cad mig dang rna ba thob/ rgyal bas sgo yi thems steng zhabs bzhag che/ /gshin rje'i yul gyi yi dags gang yod pa/ /shin tu sdug bsngal dar snabs mchil ma za thams cad 'od kyis reg pas bde bar 'gyur/ zhes rgyas par gsungs ba lta bu'o/ /re zhig g.yo blta zhog cig/ skul bar byed pa'i sems dpa' i khyad par gyi 'phen pa la mi bltos par rang gi ngang gis 'byung zhing/ bltam pa nas bzung ste mya ngan las 'das pa'i bar du nyin mtshan du rjes su 'jug pa'i dbugs gang yin pa de yang skye ba dang ldan pa 'di dag la sman pa'i slad du rab tu 'jug pa kho na'o/ /'di ltar sangs rgyas bcom ldan 'das rnams kyi dbugs ngag ni byung nas sems can dmyal ba'i snod rnams kyi steng du spren nag po chen po'i dud pa'i mig sman gyi phung po chen po dang 'dra zhing/ sems can dmyal ba'i skye bo'i yid 'phrog pa/ dmyal ba'i snod kyi dkyil 'khor ma lus pa khebs pa/ 'brug sgra ches snyan zhing gsal la bar mtshams med pa ngag gis/ sems can dmyal ba'i me lce phrad pas kun nas bskor ba'i sems can dmyal ba rnams tshim par byed pa/ char gyi tshogs shin du ro zhim zhing bsil ba dag gis sems can dmyal ba'i me'i phung po 'jil bar byed pa dag tu yongs su 'gyur ba yin la/ /de'i rkyen gyis des sdug bsngal ba'i sems can dmyal ba kho bo cag la gang gi mthus 'di nye bar lhags snyams du snying la spyod par gyur cing/ /mdun du de bzhin gshegs pa'i gzugs kyi sku bsam gyis mi khyab pa mthong bas sems can gyi rgyud rangs pa/ sangs rgyas bcom ldan 'das la mngon par dad pa'i rgyus mi dge ba'i las kyi phung po ma lus pa bsrabs shing/ de'i rgyu nyid kyi thar pa'i cha dang mthun pa'i dge ba

  201. 101a

    yang dag par 'phangs pa rnams la gtan du phan 'dogs pa'i phyir na/ dbugs kyang sems can rnams la ni/ /sman slad kho nar yang dag 'byung/ /de bzhin du gzhan 'chag pa dang bzhengs pa dang/ bzhugs pa dang gzims pa'i spyod lam dag la yang lung ji lta ba bzhin sbyar bar bya'o/ /de'i phyir de ltar na blo gros dang ldan pa 'khor ba'i skyon des shing de zad par bya ba'i phyir brtson pas rnam pa thams cad du ji skad bsnyad pa'i legs par bshad pa'i rin po che'i brten sa gsum gyi blo ma/ sangs rgyas bcom ldan 'das srid pa gsum gyis skye bo yongs la bu gcig pa sdug pa ltar ro/ /byams par lhag par nye bar bsnams pa la dad pa sngon du btang ste yid btad par 'os so/ /rtsib logs skyes kyi dge slong bzhin na/ /rtsib logs skyes kyi rigs su gtogs pa'i dge slong 'ga' zhig yod la 'khrul 'khor gyi slob dpon zhig gis bdag gis khyod la bsod snyoms sbyin gyis/ khyod kyis bdag gi khyim du dbyar bye dgos so zhes 'gron du gnyer bar gyur zhing/ de'i khang bzangs kyi 'og nas 'khrul 'khor gyi bya ba bya ba'i phyir 'khrul 'khor dag mang du yod par yang gyur to/ /de nas des dge slong de 'di ji ltar 'dod pa de ltar sdod cig ces khang bzangs kho nar bzhag go/ dbyar gyi dus sod ba dang rdzad ba'i phyir de la chos gos kyi rin byin te las kyi gla byin par gyur to/ /dge slong gis bdag gis khyod kyi las rtsi yang ma byas bar nyi'i? gla blad bar bya zhes smras pa dang/ de khyod kyis yud tsam yang khyim 'dir las med par spyod lam gang gis kyang ma bsdad do zhes smra zhing/ de la 'khrul 'khor dang de sgrub pa'i khe yang ston par byed par gyur to/ /ji ltar dge slong de la de'i 'khrul 'khor bskor bas gang zhig de la 'khor ba'i phyir byung ba ma yin pa'i spyod lam 'ga' yang med pa de bzhin du sangs rgyas bcom ldan

  202. 101b

    'das la yang sku dang gsung dang thugs kyi spyod pa gang zhig 'gro ba thams cad la don chung du ma yin pa 'am/ /don ma yin pa sel bar mi 'gyur ba 'ga' yang mi mnga' o/ /bshad pa/ thugs rje ches drangs rnam dag mkhyen mnga' ba'i/ /thub la rang don sku gsung thugs 'jug pa/ /mi mnga' don med pa yang ma yin te/ gzhan dge nyid kyi phyir ni 'jug par 'gyur/ /de la nye bar bsnyen pa rnams ni 'chi ba'i 'jigs pa la thug pa sdug bsngal thams cad las 'da' bar 'gyur ro/ /'di ltar/ 'jig rten kun la 'chi bdag sgra/ /ji ltar 'jigs pa bskyed 'gyur ba/ /de bzhin kun mkhyen sgra 'di ni/ /'chi bdag la yang 'jig pa bskyed/ /gang gi phyir de bzhin gshegs pa'i lam la yang dag par rjes su sgrub pa por gyur pa rnams de'i yul gyi mtshams las 'das shing/ de bzhin gshegs pa'i mtshan thos pa las de ltar rjes su sgrub pa'i sa bon dge ba'i rtsa ba rnams kyang skrun par byed pa'i phyir te/ bcom ldan 'das kyis gang dag de'i mtshan thos par gyur pa de dag thams cad kyang theg pa gsum las theg pa gang yang rung ba zhig gis/ yongs su mya ngan las 'da' bar 'gyur ro zhes ji skad du gsungs pa lta bu'o/ /btson btang bas dbang du byas pa bzhin no/ /rgyal po 'ga' zhig gis bu skyes pa dang btson ril gyis dod sprug par dril bsgrags par gyur la/ sgra des kyang 'jig rten thams cad dga' bar 'gyur ro/ /der btson la dbang du byas pa ni btson gtong ba'i sgra thos nas 'jigs shing rims nad kyis thebs pa bzhin du/ de bzhin gshegs pa byung na bdud ma gtogs pa'i sems can thams cad dga' bar 'gyur ro/ sangs rgyas zhes bya'i sgra 'di nyid/ gang dag rna bar grag 'gyur ba/ /thams cad rnam par thar bya'i phyir/ /de nyid rgyu ru 'gyur ba'o/ /de nas sangs rgyas zhes bya ba 'di ci zhig /gang dag gis chos thams cad ji lta ba bzhin du thugs su chung pa'o/ /chos thams

  203. 102a

    cad kyi de kho na nyid mngon par rdzogs par byang chub pas shes bya thams cad la blo kha bye bas rnam par rgyas pa la sangs rgyas zhes bya ste/ dper na pad+ma rgyas pa bzhin no/ /yang na nyid kyis thugs su chud cing lha dang mis ma rdzogs pa rnams rtogs par mdzad pas na sangs rgyas yin pa'am/ ma rig pa'i gnyid ma lus pa dang bral bas rnam par sad pa na sangs rgyas te/ skyes bu gnyid sad pa bzhin no/ /yang na de kho na nyid thugs su chud pas sangs rgyas so/ /de nyid ni bcom ldan 'das te/ bdud bzhi bcom pa'i phyir ram/ chen po rnam pa drug nyid la mnga' bas dbang phyug la sogs pa'i yon tan dang ldan pa'i phyir ram/ skal pa phun sum tshogs pa nyid kyi phyir ro/ /thugs thams cad la thogs pa mi mnga' ba nyid kyi phyir ni thams cad mkhyen pa zhes bya'o/ /gal te lung du ma bstan pa'i dngos po brnga mi sprod pa'i phyir 'di thams cad mkhyen pa ma yin pa nyid du 'gyur ba ma yin nam/ 'di ltar 'jig rten rtag ces bya ba la sogs pI dri ba bcu bzhi de bzhin gshegs pa la dris pa na yang mi gsung bar gyur to zhe na/ bshad par bya ste/ de ltar thams cad mkhyen pa ma yin pa nyid du mi 'grub ste/ gang gi phyir/ thub la mdzad dang mjad min dang/ /gsung bya gsung bya min mda' ba/ /des na kun mkhyen kun mkhyen ni/ /min zhes bya la rgyu ci yod/ /de la mdzad pa ni mdzad par 'os pa yin te/ mdzad min ni mdzad par mi 'os pa ste/ 'di gnyi ga yang thub pa la mnga' o/ /de la mdzad pa ni sems can rnams bde 'gro dang thar pa'i rgyu la nges par sbyar ba yin la/ mdzad min ni gzhan dag la gnod pa'o/ /gsung bar bya ba dang gsung bar bya ba ma yin pa yang mnga' ste/ gsung bya ni gzhan la phan par sgrub par byed pa'i bka' o/ /gsung bya

  204. 102b

    ma yin pa ni /gnod pa sgrub par byed pa'o/ /'di yang thub pa la mnga' o/ /mdzad bya dang mdzad bya ma yin pa dang/ gsung bar bya ba dang gsung bar bya ba ma yin pa 'di sus yongs su gcod par nus she na/ gang gi ye shes spyod pa mdza' yas ba'i dbye bas phye ba'i sems can gyi phung po la thog pa mi mda' bar ji lta ba bzhin 'jug pas so/ /de ni rnam pa de lta bu'i ye shes dang ldan pas mdzad pa mdzad pa nyid du yang dag pa ji lta ba bzhin rab tu mkhyen la/ mdzad pa ma yin pa ni mdzad pa ma yin par ro/ /gsung par bya ba yang gsung bar bya bar yang dag par ji lta ba bzhin du rab tu mkhyen la/ gsung bar bya ba ma yin pa yang gsung bar bya bar ma yin par ro/ /de'i phyir de ltar yang dag bar ji lta ba bzhin gzigs pa de'i sems can rnams ji ltar 'dod pa bzhin bde 'gro dang thar pa'i rgyu la 'god pa don yod par 'gyur ro/ /de mngon par mi shes pa ni ma shes pa dang phyin ci log tu shes pa dang/ the tshom gyi shes pa dag gis 'dod pa'i don sgrub par mi byed do/ /de'i phyir gsung bar bya ba ma yin pa'i don bka' ma stsal ba nyid las 'di thams cad mkhyen pa ma yin pa nyid du nges par mi nus so/ /don zab mor gyur ba dri ba ni ji lta 'am de lta yang rung ste/ dri bar bya ba la 'dri na/ dri bar bya bar gyur bas dri ba po'i nyams dang nyams med pa shes par bya ste dri ba'i lan gdab par bya'o/ / bcom ldan 'das kyis ni 'dri ba po'i don zab mo khong du chud ba'i mthu med pa las dri ba'i don rtogs par mi nus pa nyid gzigs pa yang yin te/ de la ni lung du ma bstan pa kho na mdzes so/ /zab mo'i chos la ltag par mos pa la ni lung ston pa yang yin te/ de la nges phan 'dogs pa nyid kyi phyir ro/ /gang skye bo snod du ma gyur pa la zab mo'i chos mi gsung ba 'di nyid ni thams cad mkhyen pa nyid kyi rgyu yin te/ de nyid kyi phyir kha cig gis/ /dus dang bsam pa mkhyen khyod kyis/ /la lar dris kyang mi

  205. 103a

    gsung la/ /nyer byon nas kyang gsung mdzad cing/ /gzhan du bkug nas gsung bar mdzad/ ces bshad do/ /thams cad mkhyen pa nyid la rgyur gyur pa gang yin pa de nyid blo blun pa la de'i thams cad mkhyen pa ma yin pa'i rgyur 'gyur bas/ rmongs bas ma byas pa ci zhig yod/ rgyal bu bsnyings bral dang 'gron pa 'gugs pa bzhin no/ /ji ltar rgyal po gzugs can snying po'i bu rgyal bu gzhon nu bsnyengs bral gyis gcer bu pas spang nas bcom ldan 'das la de bzhin gshegs pa gang gis gzhan dag khro bar 'gyur sdang bar 'gyur 'khrug par 'gyur zhing/ khro ba 'am zhe sdang dam nga rgyal lam gti mug gis yid mi ches par 'gyur ba/ gzhan la mi snyan pa dang/ mi 'dod pa dang mi mdzes pa dang yid du mi 'ong bar 'gyur ba'i tshig gang yin pa de gsung dam zhes zhus pa dang/ de la bcom ldan 'das kyis 'di la ni mgo gcig tu ma yin te/ gang phan pa byed pa de ni res 'ga' gsung ngo zhes rgya cher gsungs so/ /gal te thams cad mkhyen pa gsung bar bya ba ma yin pa mi gsung na/ ji ltar lhas sbyin la brtsams te/ de'i tshe gos dum can gyi bu mchil zan la ci zhes bya ba la sogs pa 'di gsungs par 'gyur zhe na/ bshad par bya ste/ 'di de ltar yin mod kyi 'on kyang dgongs pa btsal bar bya dgos so/ /'di ni gzhan la don ma yin pa sgrub par byed pa'i gsung ma yin te/ de ltar ma dgongs pa'i phyir ro/ /gal te mi snyan pa thos pas sdug bsngal nye bar sgrub pa tsam gyi dgongs pa kho nas de skad gsungs par gyur na ni de lta yin pa zhig na/ 'di ni dgongs pa des gsungs pa ma yin gyi/ 'on kyang sdig pa la 'jug pa bskyung ba'i phyir gsungs so/ /'di ltar gal te mthong ba'i dug drag po spro ba'i sbrul dag ltar 'gro ba'i dge ba'i phyogs zad pa la mkhas shing/ mngon par rlom pas 'gyid tshul drag po bstan pa 'gro ba yang dag pa'i lam las skrag?

  206. 103b

    par byed pa 'khor ba'i 'brog dgon pa chen po mu mdza' med pa ston par byed pa dag la de skad ma gsungs na ni de'i tshe/ de dag gi kha na las pa'i 'jig rten phung bar 'gyur la/ gang gi tshe gzhan la sman pa'i mdzad pa la 'bab pa thugs rje mnga' ba rnams kyis chos dang mthun pas rgol bas zhuM? par mdzad pa de'i tshe ni shin tu sman btags par 'gyur ro/ /de'i phyir de ltar na sman gdags pa'i dgongs pas kun nas blang ba nyid kyi phyir de don ma yin pa 'dren pa'i gsung ma yin no/ /rgyal po 'ga' zhig braM ze nor 'byor pa zhig chad pas bcad bar 'dod pas/ khyod kyi khyim na khron pa lags mo zhig 'dug pas de nged cag la dgos kyis/ de myur du thong zhig /de lta ma yin na khyod la chad par 'gyur ro zhes smras pa dang/ de nas bram ze de'i bu mo zhig gis/ nor gyis nor rnams 'gugs byed cing/ glang po ches kyang glang chen te/ /rgyal ba khron pa mngag 'tshal lo/ /de nas khron pa 'od bar 'gyur/ zhes gsol to/ /ji ltar thabs 'dis khron pa btang bar mi nus pas byas pas chad pa bral bar byas pa de bzhin du sangs rgyas bcom ldan 'das rnams kyang thabs mkhas pas 'gro ba'i don ma yin pa bsal 'kha'i phyir re 'ga' mi snyan ba'i gsung yang bka' ? stsol bar mdzad la/ der kha na ma thob yang mi mnga' ste/ 'gro ba la dman pa'i dgongs pa nyid kyi phyir ro/ /'di'i phyir yang 'di ni de ltar yin te/ sems ma rtogs par 'gro sogs la/ /gang phyir bsod nams la sogs pa/ /ma mthong de phyir las kun la/ /yid ni don por bsgrub par bya/ /sems ci lta ba ma rtogs par 'gro ba dang 'ong ba dang langs pa dang 'chag pa dang/ smra ba dang sbyin bsreg la sogs pa'i bya ba dag la rang gi bsod nams sam/ bsod nams ma yin pa yod pa ma yin pa kho na ste/ gal te 'gro ba la sogs pa de srog gcod pa rdzogs par bya ba'i phyir brtsams na ni/ de'i tshe 'gro ba la sogs pa de bsod nams ma yin par 'gyur la/ 'on te de spang ba'i don du rtsom na ni/ de'i tshe de las bsod nams su 'gyur ro/ /gang gi tshe de tsam gyi sems pas rtsom na ni de'i tshe lung du ma brtan par 'gyur ro/ /gang gi phyir 'di de lta yin pa de'i phyir/

  207. 104a

    las gzhan dag la yang yid gtso bar rnam par bzhag ste/ sems ji lta ba bzhin du des 'phangs pa'i lus dang ngag dang yid kyi las rnams kyi rang gi ngo bo rnam par 'jog pa'i phyir ro/ /gang gi tshe 'di de lta yin pa de'i tshe de bzhin gshegs pa thugs kyi rgyud thugs rje chen po'i thabs dang/ gnyis su med pa'i ye shes dri ma med pa dang rjes su 'brel pa/ don ma yin pa'i rgyu ma lus pa gcod cing kun nas mdzes pa rnams la 'gro ba'i don ma yin pa la 'jug pa dogs par mi bya'o/ / gcer bu pa sku gzugs la phyag 'tshal ba bzhin no/ /gcer bu pa 'ga' zhig lha khang du zhugs te sku gzugs la phyag 'tshal bar gyur la/ de na sku gzugs dag kyang kun nas rnam par gnas pas gang gi tshe sku gzugs gcig la phyag byed pa de'i tshe gzhan rnams la mjug mas reg par byed pa dang/ de la 'ga' zhig gis gang khyod sku gzugs gcig la phyag byed cing gzhan la rkub kyis reg par byed pa ni mi legs pa byed pa zhig go /zhes smras so/ /de bzhin du gang dag gi ltar na sems ma rtogs shing sems med par bsod nams 'thob pa de dag la rnam pa de lta bu'i skyon du 'gyur ro/ /de'i phyir sems ma rtogs par bsod nams la sogs pa'i las rnams rnam par bzhag par mi 'gyur ro/ /'dir bshad pa/ gal te sems rab dang 'gyur na/ /las rnams shin tu dang 'gyur ba/ /de yi phyir na mkhas pa yis/ /sems dag pa yis las rnams bya/ /de nyid kyi phyir/ bsam pas byang chub sems dpa' la/ /dge 'am gal te mi dge'ang rung/ /thams cad dge legs nyid 'gyur te/ /gang phyir yid bde'i dbang 'gyur phyir/ /mi dge ba ni sdug bsngal dang ngan song gi rnam par smin pa can yin pa nyid kyi phyir mi dge ba'o/ /dge ba yang bde ba dang bde 'gro'i rnam par smin pa'i 'bras bu can yin du zin kyang skye ba dang/ rga ba dang/

  208. 104b

    'chi ba la sogs pa'i sdug bsngal sgrub par byed pa nyid kyi phyir na dge legs ma yin no/ /dge legs ma yin pa'i las gnyis po 'di thams cad ni byang chub sems dpa' sems la dbang thob rnams la dge legs nyid du 'gyur te/ skye ba can rnams kyi 'khor ba ldog pa'i rgyur gnas so/ /zhes bya ba'i don to/ /'jig rten ni sems dul ba nyid kyi phyir sems la rag las pa na/ sems ji lta ba bzhin du 'jug gi/ byang chub sems dpa' rnams ni sems dbang du gyur bas/ de dag gi lus dang ngag dang yid kyi g.yo ba thams cad dge legs su ro gcig pa nyid du 'gyur ro/ /de'i phyir na gang seng ges don mthun btang ba la sogs pa dag las byang chub sems dpa' rnams srog chags gsod par 'dod de yang ji skad bshad pa'i tshul gyis de bzhin gsheT pa'i snyan pa'i gsung la sogs pa ltar bsod nams ma yin pa ma yin pa 'ba' zhig tu ma zad kyi 'od kyang sems can phan 'dogs par zhugs pa nyid kyi phyir bla na med pa yang dag par rdzogs pa'i byang chub kyi tshogs nyid la brten to/ /sprul gyis bzung ba'i sor mo gcod pa sdug bsngal chos rgya che ba rgyun gcod pa'i rgyu yin zhing/ sdug bsngal de tsam zhig 'byung ba'i rgyur gyur pa ni sman pa rnams la bsod nams ma yin pa'am/ dge legs ma yin par mi 'gyur ba ltar/ byang chub sems dpa' rnams kyi sbyod pa 'di yang de dang 'dra'o/ /gzhan dag la yang de ltar ci'i phyir mi 'gyur zhe na/ sems la dbang thob pa med pa'i phyir dang/ sems kyi rgyud nyon mongs pa phra zhing nye ba sad pas bzung ba nyid kyi phyir ro/ /rngon pas bu bsad pa dang/ byes su yun ring mor gnas pa'i bu gcig pa la yongs su 'khyud pa dang/ seng ges don mthun btang ba dang/ rkun po la mdud thung gis snun pa dang/ /de bzhin gshegs pa la mi snyan pa'i tshig bzhin no/ /sngon pa la la zhig gi bu gnyis ri'i g.yang sa

  209. 105a

    la nye ba zhig tu 'thob par gyur la/ der gcig gis spun zla bzung nas g.yang de la mchod bar brtsams pa dang/ rngon pa des bshug par ma nus nas gnyis char 'chi bar 'gyur du 'ong ngo snyam ste bu de mdas bsad par gyur to/ / yang nyam shed dang ldan pa 'ga' zhig gis bu sdug pa yun ring por 'gron la bsdad pa nyams chung ba ches yongs su 'khyud bas de dus byas par 'gyur to/ /yang byang chub sems dpa' seng ge dag gi nang du skyes pa zhig gi sbrul chen pos yongs su bskor ba'i skye bo'i tshogs chen po thar bar bya ba'i phyir glang po che'i spyi bor bsdad nas seng ge'i nga ro chen pos bsgrags pas sgra de thos nas sbrul chen po 'jigs pas lus bskyil ba bshig ste skye bo'i tshogs phal po che btang bar gyur to/ /yang byang chub sems dpa' gzhan zhig gis seng ges bsgags pa'i don mthun gyi dbung yongs su thar bar bya ba'i phyir/ seng+ge dang don mthun gnyi ga la snying rje bskyed nas seng ge'i mgo la mdas bsnun la/ don mthun thar te dong bar gyur to/ /de bzhin du byang chub sems dpa' snying rje chen po zhes bya ba ded dpon du gyur ba zhig gis 'di ni bskal ba bzang po'i byang chub sems dpa' lnga brgya tshong bar gyur cing bzhon pa la zhon pa rnams bsad par byas te rdzas khyer bar 'dod pa zhig go snyam du/ gzhon pa la zhon pa 'thob mo pa stong phrag dang ldan pa bsel gyi phyir glas pa'i bsam pa shes par byas te/ de nas bdag ngan 'gror 'gro ba ni bla'i/ 'di byang chub sems dpa' lnga brgya bsad nas bskal pa brgyar mnar med par gnas par 'gyur du 'ong ngo snyam du snying rje chen po bskyed nas/ de dag la bde ba bskyed te/ ded dpon rkun po de gcig pu mdung gis bsad par gyur la/ dge ba'i rtsab? des kyang bskal pa stong phrag brgyar 'khor ba la rgyab kyis phyogs bar byas so/ /de nyid kyis phyir 'phags pa klu sgrub kyis

  210. 105b

    byang chub kyi tshogs las/ sdug bsngal gzhan lta yar 'dug cig /gang zhig sems can phan bde'i phyir/ /dmyal ba'i sdug bsngal che bzod pa/ /de'i lag g.yas na byang chub bo/ /zhes gsungs so/ /de bzhin du bcom ldan 'das 'od srungs la rdza mkhan bum bya cis bya bas bsngags pa brjod pa na byang chub sems dpa' snang skyong bram zer gyur pas/ mu stegs can du gyur pa'i byang chub sems dpa' sems rangs pa lnga po rjes su bsrung ba'i phyid byang chub chen po thob par dka' zhing/ bcom ldan 'das la bsam gyis mi khyab pa nyid la bsams nas/ dge sbyong mgo rag de la byang chub ga la yod te/ byang chub ni mchog tu dkon no/ /zhes smras so/ /de'i phyir de lta na byang chub sems dpa' nyams nga ba 'ga' zhig tu chud pa rnams sems can la bltos nas ni dge ba yang byed la/ mi dge ba de yang sems kyi dbang gis dge legs nyid du 'gyur ro/ /'dir bshad pa/ gdug la snying rje chen po dang/ /gdug min byams pa che skye ba/ /de phyir skye bu mchog rnams la/ /sdig to'i sgo mo yod ma yin/ /byang chub sems dpa' 'di rnams la gang nas bzung nas byang chub sems dpa' zhes bya zhe na/ rab tu dga' ba zhes bya ba sems bskyed pa dang po nas bzung nas so/ /'dir byang chub sems dpa' ni rnam pa gnyis te/ gcig ni mngon par 'dod pa'o/ /gnyis pa ni don dam pa'o/ /de la mngon par 'dod pa bi na bla na med pa yang dag par rdzogs pa'i byang chub 'dod pa nas bzung ste/ so so'i skye bo'i gnas skabs na yang yod do/ /don dam pa ni rnam pa bcur 'gyur te/ sa rab tu dga' ba sems bskyed pa dang po nas chos kyi sprin sems bskyed pa bcu pa'i bar ro/ /de la re zhig gang byang chub sems dpa' nams kyi sems bskyed pa dang po rab tu dga' ba zhes bya ba de nyid kyi yon tan gyi khyad par bstan pa'i phyir bshad pa/ byang chub sems dpa' sems dang po

  211. 106a

    sa stengs skye bo thams cad ni/ /'khor lo sgyur ba nyid 'gyur ba/ /de dag bsod nams las khyad 'phags/ /bsod nams gang zhig nye bar bsags pas gling bzhi pa'i bdag po 'khor los sgyur ba'i rgyal por 'gyur ba de nyid re zhig ches mang na/ gang sa stengs kyi sems can rnam/ 'khor lo sgyur bar 'gyur ba'i las la lta smos kyang ci dgos/ /sems can thams cad gling bzhi pa'i dbang phyug 'khor los sgyur bar 'gyur ba'i las de ni byang chub sems dpa' rnams kyi sems bskyed pa dang po'i bsod nams kyi cha 'am zla yang nye bar mi 'gro'o/ /'di ltar de ni 'jig rten dang 'jig rten las 'das pa'i dge ba'i rtsa ba'i tshogs thams cad 'byung ba'i sa bon gyi ngo bor gnas bas 'khor ba ji srid pa'i mthas gtugs pa'i 'gro ba rjes su bzung ba'i phyir gnas la/ 'khor los sgyur ba'i bsod nams ni dus nyung zad cig kha cig dag gi mngon par mtho ba'i bde ba tsam gyi rgyu yin pas shin tu khyad par che ste/ bsad bya'i thar pa dang/ ltad mo ba phaM bar byas pa dang/ khye'us pham par byas pa dang/ rgyal po'i dril 'du ba'i sgo yin pa bzhin no/ /ji ltar bsad par bya ba la thar pa ji lta ba bzhin du don du gnyer bar bya ba dang/ dga' bar bya ba'i chos rnam pa de lta bu gzhan 'ga' yang yod pa ma yin pa de bzhin du/ byang chub sems dpa' la yang sems bskyed pa dang po nye bar bzung ste/ sems can thams cad 'khor bar bcings pa thar bar byed ba ji lta ba de ltar chos gzhan mngon par 'dod par bya ba med de/ de'i phyir 'khor lo sgyur ba'i bsod nams dang mnyam par ga la 'gyur/ yang ji ltar gyad rban? rabs ltad sa pa thams cad pham par byas te don po'i ba dan bzung nas khye'us bam par byed pa de bzhin du/ 'khor los sgyur ba dag kyang gling bzhi'i gnas thams

  212. 106b

    phebs kyang byang chub sems dpa' sems dang po bskyed pa bas zil gyis gnon to/ /yang ji ltar rgyal po'i dril ni de'i sgo nas bde blag tu rigs pa dang/ mi rigs pa rnam par spyod pa'i phyir rgyal po la nor mang po 'du ba dang 'gro ba yongs su bsrung ba'i rgyur gyur bde bzhin du/ byang chub sems dpa' rnams kyi sems dang po yang sems can thams cad kyis sangs rgyas nyid thob pa'i bar gyi rgyu yin pa'i phyir 'gro ba'i don chen po 'byung ba'i sgor 'gyur ro/ /byang chub sems dpa' ni 'khor lo sgyur pa'i gsad nams 'byung ba'i sgor yang 'gyur te/ des mchod pas 'khor lo sgyur ba nyid 'thob pa'i phyir ro/ /'dir bshad pa/ ra? zhig byang chub sems dpa' ni/ /gcig gi bsod nams gang yin pa/ /de 'dir gal te gzugs can na/ /'gro yongs khyab nas gnas gyur te/ /sems can rnams mdza' yas phyir dang/ /sangs rgyas mkhyen ba tshad med dang/ der ni yongs su bsngos pa'i phyir/ /bsod nams de ni mdza' yas 'gyur/ /'dir smras pa/ sems bskyed pa dang po'i bsod nams ni bshad na/ gang gzhan dag la byang chub kyi sems skyed par byed pa de'i bsod nams ci tsam zhig tu 'gyur/ bshad par bya ste/ rin chen rang bzhin mchod rten ni/ /'jig rten rnyed mtho 'gas byas pa/ /de bas sems can gcig 'dul bo/ /mchog tu bkrabs bar brjod pa yin/ /'jig rten gsum gyi ston pa gcig pu /bsod nams kyi gzhi dam pa/ dam pa'i chos kyi 'khor lo sgyu ba/ sangs rgyas bcom ldan 'das kyi slad du de'i rong bsrel gyi snying po can gser dang bai DUrya la sogs pa rin po che'i rang bzhin gyi mchod rten chen po 'phang du 'og min gyi gnas kyi mthas gtugs ba/ rgyar stong gsum gyi stong chen bo'i 'jig rten gyi khams kyi tshad dang ldan pa zhig byas te/ de la rjes su mthun pa'i gdugs zlum brtsag ma dang/ rin po che thams cad kyi them sgas? bres shing bskal? pa rdzogs

  213. 107a

    par de la me tog dang bdug pa dang mar me dang/ zhal zas dang/ rol mo'i sgra dang/ gdugs dang/ rgyal mtshan dang/ bdan la sogs pa mchod pa'i bye brag thams cad dang/ gar dang glu dbyangs dang/ rol cha rnam pa sna tshogs pa rnams kyis mchod ba byed la/ yang gang zhig sems can gcig pa zhig byang chub kyi phyir 'dul bar byed cing/ yang dag par 'dzud par byed na/ mchod rten bzhengs shing mchod pa byed pa'i mi de bas yang dag par 'dzud par byed pa 'di ches mchog tu 'gyur te/ /bsod nams ches mang po 'byung pa'i phyir ro/ /shi ba sbyong ba dang/ bu smad gso ba bzhin no/ /skyes bu 'ga' zhig dus byas ba dang/ de la mdza' bshes gnyis yod par gyur la/ de gnyis las gcig gis ni shi ba'i ro 'byin cing sbyong ba tsam zhig byas la/ gzhan gyis bu smad la sogs pa gso ba dang skyong ba byas na/ de'i ro sbyang pa tsam gyis ni ci zhig bya ste/ rigs brgyud srol ba byas ba mchog yin no/ /de bzhin du 'ga' zhig ni sangs rgyas bcom ldan 'das rnams yongs su mya ngan las 'das pa'i sbur yongs su sbyang pa la 'jug la/ de bzhin du kha cig ni dam ba'i chos yun ring du gnas par bya ba'i phyir sangs rgyas kyi gdung brgyud rgyun mi 'chad par bya ba'i don du/ srog chags rnams byang chub tu sems bskyed pa la'o/ de bzhin gshegs pa'i ??? sbyod ba pos ni/ sangs rgyas kyi rgyud rjes su 'jug par byed pa ji lta ba bzhin du/ bsod nams kyi phung po rnams de lta bu bskrun pa ma yin no/ /'de bshad pa/ gang phyir 'jig rten mthar thug bar/ dkon mchog gsum rgyun mi bcad phyir/ /rgyud kyis bo na btab gyur ba/ /de phyir de yi bsod nams che/ /byang chub sems dpa' 'dis ji ltar sems can rnams kyi don bya zhes na/ de dag gi bsam pa rjes su mthun par tha snyad byed pas so/ /de'i phyir des ches thog mar/ de la phan 'dod bla ma yis/ /

  214. 107b

    slob ma la ni srid zhu bya/ /gang phyir nges phan mi shes pa/ de phyir slob ma zhes bya'o/ /dos blo 'tshal ba'i phyir bla ma dag la bsnyen bkur bya'o snyam du mi shes so/ /de ni dul ba zhes bya ba'i 'dzol du bzhug par 'dod pa'i hwags kyi la du dang shing du ma bu la sogs pa dag gis glang po che smyon pa ltar rim gros gzhug par bya zhing/ de nas de la nye bar dkri ba'i zhags pas btab nas bsdams ba'i skam khas yongs su sbyod bar byed pas dul ba'i lcags kyus bsdam par bya ste de ltar byed pa na phan par 'dod bar 'gyur ro/ /de nyid kyi phyir 'di bdag la phan pa mi shes pa'i phyir rjes su bstan bar bya ba yin te de'i phyir slob ma zhes brjod do/ /lteng rgyas 'od srungs bzhin te/ cho 'phrul dag rgyas par lteng rgyas 'od srungs kyi mdo las brjod par bya'o/ /'dir bshad pa/ tshig bsnyan dag gis sri zhur yang/ /byas te yid rjes bzung nas ni/ /de 'og bla mas slob ma la/ /byang chub sems ni bskyed par bya/ /byang chub sems ni bskyed nas de/ /khad kyis khad kyis rgya che yi/ /chos rnams dang ni zab mo yis/ /chos kyi tshul la yang dag dgod/ /ci ste slob ma gnong mi bkur bar 'gyur na/ /de ltar na yang des de la skyo bar mi bya'i/ /de'i bshis ngan gang dag gis byas pa'i nyon mongs pa de dag gzhom par bya ste/ dper na/ khro yang 'byung bos bzung ba la/ /sman pa 'khrug pa min de ltar/ /thub pa nyon mongs dag gzigs kyi/ /nyon mongs dang 'brel gang zag min/ /'di ltar gang zhig gang la 'khrugs pa nges ni de la phan pa sgrub par mi nus so/ /de'i phyir rje dpon mkhros par gyur pa ltar de la rim 'gro byas nas mgu bar byed la/ de nas nyams ji lta ba dang/ ji ltar bsten pa ltar phan pa byed te/ dper na sman pa skye bo gdon gyi brlams pas bshes kyad de la skyon du mi lta ba ni de la mi khro bar/ shin tu ches 'byung po bcos pa la rab tu

  215. 108a

    sbyor zhing 'byung pos zin pa la phan pa'i bsam pa skyed par byed pa de bzhin du/ nyon mongs pa dag kho na gnod pa drag cing rtsub pa can du rig nas de dag kho na'i rtsa ba gcad par bya ba'i phyir ches tshabs cher go gyon to/ /gang du bdag nyid khros pa dag kyang mgu par bya dgos pa der des gzhan khro par byed pa zhes bya ba 'de la skabs med pa nyid do/ /seng ge mtshon 'phen pa po la bsbun? pa bzhin no/ /ji ltar ri dags kyi rgyal bo seng ge 'phen pa po la bsdun gyi 'phangs pa la ma yin pa de bzhin du dangs rgyas bcom ldan 'das rnams dang byang chub sems dpa' rnams kyang nyon mongs pa dag la bsnun gyi/ nyon mongs pa dang 'brel pa dag la ni ma yin te/ de'i phyir gzhan dag gis kyang de kho na ltar rjes su brlab par bya'o/ /'dir bshad ba/ 'di 'dir sems can skyon mi na gyi/ /'di ni nyon mongs rnams skyon zhes/ /rnam par dpyad nas mkhas ba rnams/ /sems can dag la 'khrug mi byed/ /de'i phyir de ltar na slob ma la rjes su ston ba'i slob dpon gyis/ /gang zhig gang gang la dga' ba/ /de yi de de ldar spyad bya/ /nyams par gyur pa dam chos kyi/ /snod ni cis kyang ma yin no/ /phan bar nye bar 'doms shing gzhan gyi bsam pa yang dag par sun 'byin par mi byed pa/ dang po ches 'phel bar byed pa/ gzhan gyi bsam pa dang mthun par bsgrubs pas ni de nye bar lung dpog par bya'o/ /'di ltar ser sna can ni sbyin pa'i gtam gyis mi dga' la/ tshul khrims 'chal ba/ tshul khrims kyi gtam gyis so/ /khro ba can bzod pa'i gtam gyis so/ /longs spyod ba 'dod pa sbyin pa'i gtam gyis dga' la/ mtho ris 'dod pa tshul khrims kyi gtam dang/ gzugs bzang bar 'dod pa bzod pa'i gtam gyis so/ /de'i phyir de lta bu la sogs ba'i gtaM

  216. 108b

    dag sngar nye bar bstan nas phyis snod du gyur par shes par byas nas/ zab mo ri gtam dag gled bar bya ste/ dang po kho nar rjes su mi mthun pa'i gtam gyis mi dga' bar gyur ba ni de las 'byol ban pan pa nye bar ston pa'i snod nyid du mi 'gyur ro/ /skra mdzes kyi skyes rabs dang/ mkhan po slob ma'i rjes su 'jug ba bzhin no/ /byang chub sems dpa' skra mdzes zhes bya ba sman par gyur pas tshong pa'i bud med 'dod chags kyi smyos shing kho shi ba'i ro phrag pas khur ba dbugs dbyung ba'i phyir bud med shi ba'i zla ba drug tu phrag bas khur ba ji lta ba dang/ dgra bcom pas zas la zhen pas bdag nyid la sems snad pa'i nyes pa las slob mas bden pa dag mi mthong bar shes nas de dang bstun pa'i phyir zas bsres te snod gcig gis blangs pa gang yin pa de nyid phyis so sor snod mang pos khyer du bcug par gyur la/ de nas des rab tu dang bar gyur nas mkhan po'i thad du dgra bcom pa nyid mngon du byas pa ji lta ba bzhin no/ /'dir bshad ba/ re zhig thog mar ?na pa po/ /sbyin gtam sogs la yang dag sbyar/ snod du shes nas phis ba la/ zab mo'i gtam ni bsnyad par bya/ /yang gang dag lan brgyar bzlog tu zin kyang yang dang yang du mi rigs pa'i lam de nyid bsten pa de dag ni byang chub sems dpa' rnams kyis yon tan dang ldan pa rnam pas ches shin tu snying ba rtse bar bya ba yin te/ de'i phyir/ ji ltar ma ni khyad par du/ /nad thebs bu la gang du 'gyur ba/ /de bzhin byang chub sems dpa' i brtse/ /dam pa min la khyad par du'o/ /snying rje ni gzhan dag gi sdug bsngal sel pa'i rnam pa can no/ /de ni de la dmigs pa'i khyad par gyis phul du byung ba dang ldan par skye ste/ ji skad bshad pa'i rang bzhin can gyi sems can mdza' yas pa rnams da ltar byung ba'i kun nas nyon mongs pa'i sdug bsngal dang/ 'byung bar 'gyur ba'i dan 'gro la sogs ba myong bar 'gyur ba'i sdug bsngal gyis shin tu sdug bsngal

  217. 109a

    ba de'i phyir de rnams la/ byang chub sems dpa' rnams kyi snying rje chen po khyad par dang ldan par 'gyur ro/ /de'i phyir byang chub sems dpa' sems sbro bar gyur cing gzhan la phan pa'i bya ba lhur byed pa rnams ji ltar de dag la btad snyoms su 'gyur te/ spong pa lta smos kyang ci dgos/ 'di ni bu la byams pa'i ma bu nad kyis thebs pa la ches shin tu gus bar byas te rim gro byed pa ji lta ba de ltar snal mar gnas pa'i ngo bo la ma yin pa de dang 'dra'o/ /gdol pa mos bu drug pa so so'i skye bo la bya ba ma yin pa dogs pa bzhin no/ /ji ltar gdol pa mo de dag la bya ba ma yin pa mi dogs pas bu 'phags ba'i gang zag lnga po bya ba ma yin pa byed pa bsad par bya'o zhes rgyal pos bkas sbran pa na nyen par ma gyur la/ de la bya ba ma yin pa dogs pas drug ba sbran pa na shin du nyen par gyur pa de bzhin du byang chub sems dpa' rnams dam ba ma yin ngang? rgal lhag bar snying brtse 'o/ /'dir bshad pa/ brtsi ba'i bdag nyid can 'di rnams/ /sems can kun la sems snyoms mod/ /de lta'ang de rnams snying rje ni/ /sdig bdag can la khyad par du'o/ /gang gi phyir byang chub sems dpa' rnams kyi snying rje chen po dam pa ma yin pa dag la klags par 'gyur ba de nyid kyi phyir sems can gyi phung po shin du sna tshogs pa/ bsam pa dang mos pa dang dbang po tha dad ba'i phyir/ la la'i slob mar 'gyur pa ste/ /gang zhig nga rgyal gyis khengs pa de ni yon tan lhag pa de la bsnyen bkur mi byed de/ de la ni gdul bar bya ba'i phyir slob ma nyid du rjes su 'dug go/ la la'i bla mar gyur te/ /gang zhig bdag nyid smad bcad du rig pa de la ni bla ma nyid du bsgrubs pa na khyad bar bstan pa'i sgo nas rjes su ston to/ /de'i phyir de ltar na/ thabs rig sna tshogs thabs rnams kyis/ /ma rtogs sems can rtogs

  218. 109b

    par byed/ /thabs sna tshogs la mkhas pas bsam pa'i dbye dpag tu med pas bye ba'i sems can gyi khams ji ltar 'tshams pa 'dul bar byed pa ste/ sman ba chen po snum chos dang skya chos byed pa bzhin no/ /ji ltar sman pa chen po ni nad pa thams cad la gdon mi za bar snum chos mi byed kyi/ kha cig la skya chos kyang byed pa de bzhin du/ byang chub sems dpa' rnams kyang kha cig la slob ma nyid du khas len la/ kha cig la bla ma nyid du'o/ /'dir bshad pa/ sems dpa' che rnams slob ma'am/ sman ba 'am tshangs dbang du gyur nas/ ngo bo de dag gis sems can tshogs rnams 'dul bar byed/ ji skad du bcom ldan 'das kyis/ grong pa'i dpon dang kha lo bsgyur gyur zhing/ 'gron dpon khyim bdag dang ni rgyal po dang/ /blon po 'dun na 'don dang pho nya dang/ bstan bcos tshul shes smad pa mkhas gyur nas/ zhes bya ba la sogs pa gsungs so/ /de nyid kyi phyir byang chub sems dpa' sems can yongs su smin pa 'phel ba las mthu'i khyad par 'phel ba yin pa dang/ ji ltar sman pa mkhas gyur bas nad pa sgrub med kon de bzhin/ /byang chub sems dpa' stobs rnyed nas/ /gdul bya ma yin shin tu dkon/ /sman pa mkhas ba zug rdu 'byin pa ni gsor ma rung bar sems shing nad pa 'ga' yang 'dor bar byed pa ma yin pa de bzhin du/ thabs la mkhas pa'i stobs nye bar 'phel ba/ sems can gyi dbang po mchog dang mchog ma yin pa shes shing/ bsdu ba'i dngos po la mkhas pa yang gdul ba'i sems can thams cad la lta ba na 'ga' yang 'dor bar mi byed kyi/ nyams ji lta ba dang brten pa ji lta ba bzhin rnam par sbyong pa'i phyir dge ba'i sa bon skrun par byed cing/ de smin pa gcig nas gcig tu brgyud pas dus phyis de dag 'dul bar byed par 'gyur te seng lded gi chu nye bar spyod pa dang/ slob dpon klu sgrub kyis gso dpyad mdzad pa'i rgyal

  219. 110a

    bu bzhin no/ /ji ltar sman pa mkhas pa gcig gis seng ldeng gi chu'i sbyor bas phyug po zhig gis nad gsor mi rung ba zhig nye bar zhi bar byas pa de bzhin du/ byang chub sems dpa' mthu chen po thob pa rnams la yang gdul bar bya ba ma yin zhing gso bar bya ba ma yin pa shin tu dkon/ /yang ji ltar slob dpon klu sgrub kyis rgyal bo'i bu'i sems kyi nad bud med 'dod bas bslang pa thams cad kyis ma shes ba zhig mkhyen nas te bar zhi bar mdzad pa de bzhin du/ byang chub sems dpa' rnams kyang sems can gyi bsam pa dang bag la nyal yongs su shes pa las sems can thams cad kyi nyon mongs pa'i nad ril nye bar zhi bar byed do/ /'dir bshad pa/ sems can dbang po la mkhas shing/ /thabs mkhas yongs su shes phyir te/ de nas byang chub sems dpa' la/ gdul min sems can shin tu dkon/ /de ltar mthu'i khyad bar nye bar gyur pa'i/ byang chub sems dpa' yul du ni/ /gal te 'ga' zhig ma bskul bar/ /ngan song 'gro bar 'gyur na de/ /blo ldan gzhan gyi smad byar 'gyur/ /gal te gang zhig bskul zhing brjed bskul na ngan 'gror mi 'phro ba de la sems can thams cad la phan 'dogs par dam bcas pa la/ zhon pa'i byang chub sems dpa' 'di mi bskul zhing dran bar mi byed na ni dam bca' nyams ba 'di la byang chub sems dpa' gzhan rnams smod par byed do/ /de'i phyir bdag cag smad bar 'gyur du 'ong ngo zhes ji ltar 'tshams pa'i chos bstan pas rang gi yul na gnas pa'i sems can rnams bskul bar bya'o/ /don mthun pa grub pa dang bde bas ded dpon chen po bzhin no/ /ji ltar gal te don mthun pa 'ga' zhig mgon med pa nyid kyis sdug bsngal dang phrad par byed ba ded dpon chen po dam pa rnams kyis dgongs pa yin pa de bzhin du/ 'di yang yin no/ /'dir bzhad pa/

  220. 110b

    brtse can rdzu 'phrul ldan yul du/ /chos dang lhan cig ma sbyar bar/ /'ga' zhig ngan 'gror 'gro 'gyur na/ /de ni mkhas pas smad par 'gyur/ gzhan du na ni gang zhig nyen pa gzhan dag la/ /snying brtse legs shes mi 'dod ba/ /de rjes brtse bas mgon med pa/ ga la ji ltar sbyin pa gtong/ /byang chub sems dpa' rnams kyis ni byang chub 'dren par byed ba'i chos thams cad kyi sngon du 'gro ba'i phyir snying rje 'dod ba yin no/ /las dang bo'i byang chub sems dpa' gang zhig sdug bsngal la zhen pas nyen pa'i sems can gzhan dag la snying brtse ba legs so zhes bya ba mi 'dod ba de/ ji ltar bru ba tsha zhing rid ba mchu dang lce dang rkan dang khur tshos bskams ba/ nyon mongs pa nyams tha gcing slong ba mgon med la nyam chung ba zug gzer dang ldan ba dag la rjes su brtse bas sbyin pa gtong bar 'gyur de'i phyir byang chub sems dpa' rnams kyi gdon mi za bar thog ma kho nar sems can dag la snying brtse ba 'dod bar bya'o/ /long ba las rdzas 'phrog pa dang lham gyi don du gsod pa bzhin no/ /gang zhig long ba nyon mongs kyi gam nas nor 'phrog ba brtse ba med pa de la bya ba ma yin pa gzhan ci zhig yod par 'gyur de bzhin du gang zhig nyen par gyur ba gzhan dag la snying brtse ba tsam yang yod ba ma yin ba de ji ltar sdug bsngal mang pos bsags pa'i nor mgon med pa dag la rjes su brtse bas gtong bar 'gyur/ de bzhin du gang zhig lham h+rul po'i phyir gsod bar byed ba des ji ltar de las gzhan gyis rdzas kyi ched du gsod bar mi byed pa 'am 'ga' zhig la cung zad gcig ster bar 'gyur/ 'dir bshad pa/ gang la bu ltar sems can ni/ /kun la snying rje drag yod ba/ / de yi rdzogs pa'i byang chub phyir/ /mgon med dag la sbyin gtong nus/ /gal te de ltar byang chub sems dpa' rnams snying rje chen po'i dbang du gyur ba nyid kyis 'khor ba'i bar du 'gro ba'i don sgrub pa lhur len pa rnam par gnas na/ ris su lta ba'i sdug

  221. 111a

    bsngal gyis nad par gyur pa gang dag de rnams la mang du sdang ba de dag gi gtam tshul ci zhig ce na/ bshad par bya ste/ 'gro la phan phyir gang zhig la/ /'jig rten srid du gnas yod pa/ /de la 'ang sor gnas dag phyur na/ /sdang la bsam thag ci zhig yod/ /gang zhig phung po lhag ma med pa'i mya ngan las 'das pa'i dbyings kyi mthar thug par sems can gyi khams ma lus pa'i phun sum tshogs pa sgrub par byed pa phun sum tshogs pa phul du dbyung du med pa'i gter du gyur pa bsod nams kyi zhing byang chub sems dpa' de la rje bar mar gnas pa gang dag yin pa de dag kyang/ de la sbyin pa dang ri mo dang rim gro la sogs pa dag gis bsod nams kyi khyad par nye bar ma bsags pas re zhig brlags na/ gang dag yid kyi skyon la sogs pa rnams kyi sngang bar gyur ba lta smos kyang ci dgos te/ de dag ni ngan 'gro dag tu sdug bsngal brgya phrag lhags pas nges par 'phung zhing rab tu 'phung bar 'gyur ro/ /de'i phyir de la gus pa dang ldan pas bar mar gnas pa dor te/ byang chub sems dpa' rnams la bsnyen bkur bya'o/ /smad 'tshong mas rkang pa g.yas pa ma smas sam dris pa bzhin dang/ der ba lang dang/ lug g.yengs pa dang/ mkhar bas rgyal ba rnam par bshad pa dang/ rgan po arka'i me tog za ba mthong bas khur skya dang la du bzhin no/ /shing mkhan 'ga' zhig gi bu mo grong gzhan zhig tu phyin la de'i pha'i drung nas mi zhig 'ongs te/ des de la kra'i bdag gi o bo'i rkang pa g.yas pa ma smas sam zhes dris pas/ nges de la g.yon pa ci'i phyir mi 'dri zhes smras pa dang/ des de'i rkang pa g.yon pa smas pa la bdag rnam par mi dpyod kyi/ g.yas pa ni bdag the tshom za'o zhes smras so/ /de bzhin du gang dag byang chub sems dpa' la gtang snyoms su gnas pa de dag kyang re zhig byung? na/ sngar ba rnams lta smos kyang ci dgos/ yang mi 'ga'

  222. 111b

    zhig gis glang po che la dbang du byas pa dag la gnag lug gtams par gyur la/ des dus gzhan gyi tshe 'ongs te ba'i? khyed cag bde 'am zhes dris pa dang/ de dag gis kho bo cag la bde ba'i go skabs ga la yod/ gang gi ba glang thams cad g.yengs par gyur ba'i char rlung 'di 'dra ba byung ngo zhes smras so/ /de'i blo la gang du glang po che dag la bka' mchid 'di ru gyur pa der ni gnag lug g.yengs pa zhig go snyam du gyur te/ gnag lug gi gtam ma dris pa kho nar dod la/ /gang du la ni drug cu yi/ / glang chen rgan rnams g.yengs gyur pa/ /der ni gnag dang lug g.yengs par/ /the tshom med par shes par bya/ /zhes bya ba 'di skad du yang smras so/ /de bzhin du gzhan zhig gis 'khar ba rgyal bas bkris te mdza' po zhig gi khyim du bcol la des dus gzhan zhig na 'ongs te/ snyan gsol gyi gtam dris pa dang/ des bde ba ga la mchis byi bdag gis cher rtses nas gnas te/ gang khyod kyis 'khar ba btams pas de yang zos so zhes smras so/ /mi de rkyal pa'i gtam ma dris pa kho nar song la/ 'di skad du byi ba mche rnon rnams kyis ni/ /gang du dbyug pa'ang za 'gyur ba/ /der ni rgyal ba dbyug pa dang/ /lhan cig zos pa shes par bya/ /zhes kyang smra'o/ /de bzhin du rgan po rnams arka'i me tog za bar mthong nas/ kha cig gis shin tu za phod rgan po rnams/ /arka'i me tog rnams gang du/ za der la du dag dang ni/ /lhan cig khur skya zar shes bya/ /zhes smras so/ /de bzhin du byang chub sems dpa' la btang snyoms su gnas pa de dag kyang re zhig 'phud na/ sdang ba rnams la lta smos kyang ci dgos/ 'dir bshad pa/ 'di na mi gang lta zhig sems can thams cad la ni snying rab sdang 'gyur na/ rab tu sdang ba'i yid can de yi sdig pa gang zhig de ru bsdoms byas pa/ /de snyed sdig pa 'di na rgyal ba'i sras la khro ba

  223. 112a

    bskyed pas 'thob 'gyur te/ /de phyir rgyal sras khyu mchog me dang 'dra bar bltas te yang dag spang bar bya/ /'dir smras pa/ bsod nams dang ye shes kyi stobs dang ldan pa'i byang chub sems dpa' rnams kyi mchog tu bya dka' ba ci zhig yin/ /bshad par bya ste/ gang la skye ba thams cad du /mngon shes lnga char yang yod pa/ /de yi dman par dman lta'i dngos/ /'di ni shin tu bya dka' ba'o/ /gang de bzhin gshegs pa'i chos kyi longs spyod kyi ro zhim po bsam gyis mi khyab pa chog mi shes pa dang/ spros pa med pa'i ting nge 'dzin la gnas pa dang bsod nams dang ye shes kyi 'bras bu bsam gyis mi khyab pa dang/ sems can thams cad kyi mchog spangs nas snying rje chen pos gzhan gyi rjes su 'jug pa nyid kyis/ sems can la phan pa'i don du srin bu dang phye ma le ba dang/ sdig sprul dang/ ma he dang/ ri bong dang/ spre'u dang/ ri dags ru ru la sogs pa'i skye ba dag yongs su 'dzin pa na/ gzugs de dang skad cig de dang des sems can gyi ris de dang de dag byang chub kyi phyir yongs su smin par byed pa 'di ni byang chub sems dpa' i bzod pa thob cing/ mngon par shes pa ma nyams pa de dag gi mchog tu bya dka' ba yin no/ /de'i phyir de ltar na byang chub sems dpa' mchog tu bya dka' ba byed pa rnams kyi mchog tu bya dka' ba nyid 'di bltas nas/ byang chub sems dpa' la rab tu dang ba mchog bskyed par bya ste/ sems can la byams pa phul du byung ba mthong ba'i phyir ro/ /rgyal bu dang khyi'i skye ba dang/ gong ma sreg gi skyes rabs bzhin no/ /rgyal po 'ga' zhig gis/ byes na 'dug cing bran mo dang lhan cig gnas par gyur la/ de las khye'u zhig skyes par gyur to/ /de la khye'u gzhan dag gis bran mo'i bu phar song/ gang khyod

  224. 112b

    su'i bu yin pa mi shes so zhes smras pas/ des song nas mal bar gsus bskyed ces dris so/ /des smras pa rgyal pos so/ /des smras pa/ nyid kyi sras snoms shig ces rgyal po la bdag phul cig ce'o/ /des khyod kyang rgyal pos snoms par mi 'gyur la/ der bdag la yang brdung thag byed par 'gyur ro zhes smras pa dang/ de du bar zhugs so/ /de nas bu'i sred pas brdung thag snying la bzhag ste/ rgyal po 'khor gyi dkyil 'khor na bzhugs pa la bu de lag brngas ston zhing gnas la rgyal po ni do gzhan du cus nas gnas so/ /de byis pa des bskul zhing yang de phyogs su song nas bu de ston par gyur la/ rgyal po ni slar yang de kho nar ltar gnas so/ /byis pas ma la smras pa/ tshig gis smros shig lag brngas ci zhig bya/ de nas rgyal po de la bu'i gdung bas bran mos nyid kyi sras lag par mkhyen par mdzod cig /kho mos yun ji tsam par du gsos par bgyi zhes khyab par skad kyis zhus so/ /rgyal po des kyang ngo tsha nas bran mo mi bden par smra ba 'di gzhus shig ces skyes bu dag la lung bsgo la/ de dag kyang lag na lcag thogs te mngon par lhags pa dang/ byang chub sems dpa' des dang pa'i rgyal po 'dab gshog rgyas pa ltar ma'i phar nas 'phar te nam mkha' la brten nas rgyal po la bdag rgyal po'i bu yin par mi dgyes sam zhes smos so/ /de la rgyal po des ba spu langs mchi ma cung zad phyung/ gser gyi gdan khri las langs shing lag pa gnyis brkyang nas tshig sub sub pos skyes bu dam pa gshegs shig /re zhig lha'i rgyal po brgya phyin yang sras khyod kyis rjes su 'dzin na bdag cag lta bu lta smos kyang ci 'tshal zhes smas so/ /smas nas kyang 'di ma dang bcas pa tshul bzhin du mchod par gyur to/ /byang chub sems dpa' 'ga' zhig tu khyi rnams la ma 'ongs pa'i gnod pa dag rig par byas

  225. 113a

    nas khyi'i skye gnas su zhugs so/ /de nas de skyes pa tsam nyid de nas dgon pa na gnas par mngon par brtson zhing rtag tu khyi dag dang lhan cig tu dgon pa'i mdza' gcig na gnas so/ /nam zhig na rgyal po rta'i shing rta la dga' ba zhig gi rta'i shing rta'i ko lpags khyi dag gis zos par gyur to/ /de nas rgyal po bkyon par gyur pas khyi thams cad yul yul nas khug la/ dus gcig tu sod cig ces bka' stsal to/ /de nas byang chub sems dpa' sus kyang ma mthong bar rgyal po'i 'khor gyi dkyil na bzhugs pa'i seng ge'i khri'i 'og tu zhugs la/ rgyal po des kyang gzigs par gyur to/ /rgyal po rta'i shing rta'i ko lpags za ba 'dir 'ongs kyis/ 'ongs su zin kyang khyod mi btang ngo zhes kyang lung stsal lo/ /des smras pa/ gal te bdag phaM na chad pa gsal bar thob cig /rgyal pos smras pa/ khyod ko lpags zos pa'i phyir pham pa kho na ma yin nam/ des smras pa/ khyed cag pho brang 'khor ba nams nyon cig/ dud 'gro dag tu skyes pas ni bza' bar bya ba dang bza' bar bya ba ma yin pa mi shes so/ /gal te re zhig bdag kho nas zos pa de lta na yang 'di ni de'i bsrung ba po rnams kyi tshul ma yin pa yin gyi bdag ni ma yin na/ yul dang grong khyer dang grong na gnas pa rnams la nyes pa ci yod/ /de ni gcig gis zos kyis thams cad kyis ni ma yin la/ rgyal pos kyang thams cad la chad pas chod cig ces chad mar ma byas par bka' stsal to/ /de'i phyir ci mi rnams la yang chos 'di yin nam/ 'on te ma yin/ gal te de rnams la ma yin na ni mi snyoms pa nyid du thal bar 'gyur ro/ /de nas rgyal po de de lta bu la sogs pa'i snying 'dzin par byed pa mi'i tshig rmad du byung ba dag gis mnyes par gyur te/ khyi'i gnod pa de yang

  226. 113b

    bzlog par mdzad la/ tshogs? gzhol bar yang gyur to/ /de ltar na dman pa dag tu dman pa lta bu'i dngos po ni byang chub sems dpa' rgyu med par mchog tu mnyes gshin pa'i rang bzhin can rnams kyi shin du bya dka' ba yin no/ /yang gi sgras ni mngon par shes pa mdza' dag smos so/ /de'i phyir de ltar byang chub sems dpa' rnams mngon par shes pa lnga char yang dag par ldan par gyur nas sems can la phan pa'i phyir/ dud 'gro'i skyes gnas kyi gnas gang dag tu skyes pa ka ba ni dza la dang ne tso dang phug ron la sogs pa'i skyes rabs de dag dka' ba byed pa shes par bya ba'i phyir brjed par bya'o/ /'dir bshad pa/ gang las sems can yongs smin phyir/ /bsod nams phung po btang bya ste/ /brtse bas ngan song du skye ba/ /las 'di dam pa'i dka' spyod do/ /yon tan gzhal du med pa nyid mthong ba'i phyir yang byang chub sems dpa' la dad pa bskyed par bya ste/ 'di ltar/ thabs kyis kun tshe bsod nams gang/ /shin tu yun ring bsags pa de/ /thams cad mkhyen pa'i gzhal bya yang/ min zhes de bzhin gshegs pas gsungs/ /bskal pa grangs med pa mang por bsags pas chen po nyid du bstan pa'i phyir/ shin tu yun ring zhes bya ba smos so/ /gang cung zad bsod nams 'byung ba'i rgyur gyur pa de mdza' dag lus dang ngag dang yid rnams kyis bsten pa'i phyir kun tshe zhes bya ba smos so/ /thabs ni mngon par 'dod pa'i don shin tu bya dka' ba yang 'bad pa med par sgrub par nus pa'i rgyu nye bar rtogs pa'o/ /de la thabs la mkhas pa'i stabs dpag tu med pas par mtshams med par bskal pa grangs med pa stong phrag brgyar nye bar bsags pa'i bsod nams ni nam mkha' ltar mdza' yas pa'i phyir thams cad mkhyen pas kyang gzhal bar mi sbyong na/ gzhan dag gis lta ci smos te/ byis pa'i skye bo'i 'khor ba'i lhag ma

  227. 114a

    bzhin no/ /ji ltar byis pa'i skye bo'i 'khor ba'i mdza' yas pa de bzhin du/ byang chub sems dpa' i dge ba'i rtsa ba yang mdza' yas te/ snying rje chen po dang ldan pa'i phyir dang dus mdza' yas pa'i phyir dang/ thabs mdza' yas ?? phyir dang/ sems can mdza' yis ba'i phyir ro/ /'dir bshad pa gang zhig rgya mtsho chu thigs dang/ lhun po yungs kar sa gzhi ni/ /bag tsam dag gis 'jal nus te/ /byang chub sems dpa' i yon tan 'jal?/ /'dir smras pa yang ci'i phyir skyos pa'i rabs la sogs pa dag las byang chub sems dpa' yon tan rin po che thams cad kyi gter du gyur pa rnams la yang sbyin pa'i sgra ji skad du snyan par 'don pa de skad du gzhan ma yin/ bshad par bya ste/ 'chi dang chos dang srid pa gzhan/ /sbyin pa'i sgra yis gsal byed pa/ /de phyir byang chub sems dpa' la/ /sbyin pa'i sgra ni rtag tu snyan/ /de la do ni gtub pa la'o/ /'dab ni rnga ba la'o/ /zhes skad kyi dbyings gnyis po der sbyin pa'i sgra bye brag tu 'chad pa ni de'i tshe 'chi ba gsal bar byed pa ste/ de'i phyir skyob dang rjes su mthun pa'i phyir byang chub sems dpa' rnams la sbyin pa'i sgra snyan no/ /gang gi tshe daN ni sbyin pa la'o/ /Dud nya ni sbyin pa'i la'o zhes bya ba de ltar yin pa de'i tshe ni gtong ba'i brjod par byed pa yin pa de'i phyir chos bsnyad do/ /gtong ba yang rnam pa gsum ste/ zang zing dang mi 'jigs pa dang chos kyi sbyin pa'i dbye bas so/ /de la zang zing gi sbyin pa ni sbyin pa'i pha rol tu phyin pa'o/ /mi 'jigs pa'i sbyin pa ni/ /tshul khrims kyi pha rol tu phyin pa dang/ bzod pa'i pha rol tu phyin pa'o/ /chos kyi sbyin pa ni bsams gtan dang shes rab kyi pha rol tu phyin pa dag go /brtson 'grus ni thams cad du nye bar mkho ba'i phyir gsum kar yang 'gyur ro/ /de ltar chos brjod par byed pa yin pa'i phyir sbyin pa'i sgra ni snyan no/ /gang gi tshe de dang bsrung ba la'o/ /de ba ni sbyong ba la'o/ /zhes skad

  228. 114b

    kyi dbyings gnyis po der sbyin pa'i sgra bye brag tu 'chad pa de'i tshe ni/ che 'di nyid du yul dag la lus dang ngag dang yid bsrung ba'i phyir dang/ de yongs su dag pas ji ltar 'dod pa bzhin srid pa gzhan mngon par bsgrub pa'i phyir na/ /srid pa gzhan gsal bar byed pa'i phyir sbyin pa'i sgra byang chub sems dpa' rnams la snyan no/ /bsad par bya bas gtong ba thos pa bzhin no/ /bsad par bya ba la thar pa'i sgra las sgra gzhan ches snyan pa 'ga' yod pa ma yin pa de bzhin du/ byang chub sems dpa' rnams la yang sbyin pa'i sgra snyan pa las ches snyan pa'i sgra gzhan med de/ de ni bsod nams dang mi rtag pa nyid dang/ srid pa gzhan gsal bar byed pa'i phyir ro/ /'dir bshad pa/ gang phyir sbyin pas gtong po dang/ /len pa po la bde 'dren pa/ /de phyir sbyin sgra rdzogs pa yi/ /byang chub sems dpa' la rtag snyan/ /'dir smras pa/ gang byang chub sems dpa' rnams kyi sbyin pa kho na mdza' yas kyi/ gzhan dag gi ni ma yin no zhes bya ba khyad par ci yang 'bras bu la mi bltos pa'i phyir ro/ /gang zhig 'dir byin pa yi sbyin pa la/ /'bras bu chen po 'byung 'gyur zhes/ /len dang yongs su gtong ba ni/ /tshong spogs bzhin du smad par 'gyur/ gzhan dag 'bras bu bsngags par byed cing gtong ba dang len pa sgrub par byed pa de ni ji ltar tshong pa dag khe'i phyir rdzas gtong ba de dang 'dra la/ byang chub sems dpa' rnams ni snying rje chen po'i gzhan gyi dbang du gyur pas gzhan mngon par mtho bar bya ba'i ched kho nar yongs su gtong ste/ de'i phyir de rnams kyi sbyin pa las byung ba'i bsod nams la zad pa med do/ /yo byad thams cad btsongs ba'i khe bzhin no/ /ji ltar yo byad thams cad btsongs par gyur pa dang/ rdzas dang bcas pa'i chod pa 'khe tsam kho nar 'gyur gyi bsod nams ma yin pa de bzhin du/ 'bras bu 'dod pa'i sbyin pa po la longs spyod chen po nyid du 'gyur gyi thar pa ni

  229. 115a

    ma yin te/ 'khor ba'i btson ra'i khang par bsdams pa'i phyir ro/ /'dir bshad pa/ sbyin gang ser sna dang bral ba/ /snod dam snod min de dag la/ /mnyam par sems snyoms pas gtong ba'i/ /sbyin de sbyin pa po las dag/ brtse bas sbyin dang sbyin pa'i 'bras/ /gnyi ga'ang cig car don gnyer la/ /gtong ba'i sbyin gang ser sna med/ /de ni dam pa rnams kyis bsngags/ /de'i phyir de ltar na/ rgyud dge ba la gcig tu gtad cing gzhan la phan gdags pa'i phyir 'khor ba'i bar du gnas pa/ sems can gyi phung po mdza' las pa ltar rgya che ba'i bsod nams gzhal du med pa nye bar bsags pa/ gang la phyogs tsam gyis don ma yin pa byas pa las mi dge ba gang 'phangs pa'am nye bar bsags par gyur pa/ sngar byas sdig pa de yang ni/ /yod nyid yod pa ma yin pa/ /dge ba'i las can de la ni/ /sgrub min zhes bya yod ma yin/ /bsod nams ma yin pa chung ngu yang med pa'i phyir dang/ dge ba'i rtsa ba nye bar bsags pa'i khyad par gyi phyir na/ phod par gyur pa'i sems can gyi don mdza' dag 'grub par 'gyur ro/ /lan tshwa'i srang lta bu bzhin te/ /lan tshwa'i srang lta bu'i mdo'i don rgyas par brjod par bya'o/ /de'i don mdor bsdus pa ni/ /lan tshwa srang 'ga' chu ni nyung du zhig/ ro bsgyur bgyid kyi gang+gA'i klung min ltar/ /de bzhin sdig pa'i las kyang dge ba yi/ /rtsa ba chung dang che yangs la mkhyen bgyi/ /zhes bya ba'o/ /'dir bshad pa/ gang gi chos kyi sgrib pa rnams/ /rnam pa kun du spangs gyur pa/ /mya ngan 'das pa de dag la/ /bsgrub par bya min ci yang med/ / gal te de ltar byang chub sems dpa' gcig tu dge ba'i phyir mi ldog pa yin na/ /ci'i phyir mya ngan las 'das par mi 'gro zhe na/ bshad par bya ste/ rlabs chen yid can de la ni/ /'di na'ang gnod pa yod min te/ des na de la srid pa dang/ mya

  230. 115b

    ngan 'das la khyad par med/ /gang gi phyir byang chub sems dpa' phyir mi ldog pa'i chos dang ldan pa'i yid rgya che zhing nye bar mi dmigs pa yin la/ 'khor ba na 'khor ba na de'i yid nyon ma mongs pa thams cad kyis nyon mongs shing/ chus pad+ma ltar 'khor ba'i mtshor yid nyi bar nyon mongs pa'i dri ma dag gis mi gos pa de'i phyir de la 'di na yang gnod pa med do/ /de la ni skye ba dan rga ba dang/ na ba dang/ /chi ba la sogs pa'i sdug bsngal gyi gnod pa med pa'i phyir srid pa dang mya ngan las 'das pa la khyad par yang yod pa ma yin te/ de'i phyir mya ngan las 'das par mi 'gro'o/ /bu gcig pan ba'i rim gro ma bzhin no/ /ji ltar bu gcig pa na ba'i rim gro byed pa na ma yid mi 'byung ba de bzhin du/ byang chub sems dpa' rnams kyang nyon mongs pa'i nad thams cad nye bar zhi bar bya ba'i phyir rim gro de dang de byed pa na/ skyo bar yang mi 'gyur ro/ /'dir bshad pa/ dbang bcu rnam dag dbang gyur pa/ /kun kyang gang dag la yod pa/ /de dag la der srid pa'am/ /mya ngan 'das khyad ci zhig yod/ /ji skad du 'phags pa ting nge 'dzin gyi rgyal po las/ /ye shes kyis ni phung po stong par shes/ /shes nas nyon mongs rnams dang dmi 'grogs/ /tha snyad tsam gyis rnam par spyod byed cing/ /'jig rten 'di na mya ngan 'das par gnas/ zhes gsungs so/ /'dir smras pa sems bskyod pa dang po nye bar bzung nas byang chub sems dpa' rnams la phal cher dbang 'byor bar 'gyur ro zhes bya ba 'di la rgyu ci zhig yod/ bshad par bya ste/ gang la kun tshe sems dbang ni/ /nyid las skye ba yong gyur pa/ /de ko rgyu cis 'jig rten ni/ /kun gyi mnga' bdag 'gyur ma yin/ /gang gi phyir byang chub sems dpa' bsod nams dang ye shes kyi stobs dang ldan pas bsams bzhin du srid pa yongs su len par byed pa das rgyu ces thams cad kyi tshe 'jig rten thams cad kyis mngal

  231. 116a

    bdag tu mi 'gyur/ yid bzhin gyi nor bu bzhin dang/ dpag bsam gyi shing chen po dang/ bum pa bzang po bzhin no/ /ji ltar yin bzhin gyi nor bu 'dod pa'i don ster ba de bzhin du byang chub sems dpa' i sems kyang yin la/ yang ji ltar dpag bsam gyi shing 'jig rten yongs kyi yid la mngon par 'dod pa'i gnas skabs kyi 'bras bu ster bar byed pa yin pa de bzhin du byang chub sems dpa' yang yin te/ de'i phyir dge ba'i rtso ma pha thams cad 'di la rag las pa yin no/ /'dir bshad pa/ gang dag la ni yid dag dang/ bsod nams stobs yangs yod gyur ba/ /de dag bsam bzhin 'gro bar ni/ /mi 'gyur zhes 'di rgyu ca yod/ /byang chub sems dpa' i mthu las kyang de'i spyod pa'i 'bras bu'i do bo sangs rgyas bcom ldan 'das dpe mi mnga' ba mthu'i khyad par bsam gyis mi khyab pa gang dag gcig ni rang gi lhag par mos pas dbul ba nyid kyis sangs rgyas bcom ldan 'das mthu bsam gyis mi khyab pa mnga' ba de de ltar mi rtogs pa 'ba' zhig tu ma zad kyi/ 'on kyang bskur ba 'debs par yang byed de/ de skad du yang/ de bzhin gshegs pa ni thams cad mkhyen pa ma yin te/ skyes bu nyid yin pa'i phyir mi gzhan bzhin no/ /zhes smra'o/ /de'i phyir 'dir de bzhin gshegs pa ni thams cad mkhyen pa ma yin te/ zhes smra ba 'di la 'di skad dri bar bya ste/ gang dam bca' ba'i tshig gnyis nyes par bkod pa de ci don gcig pa zhig gam/ 'on te don tha dang ba zhig yin grangs/ /don gcig go zhe na ni/ zlos pa'i nyes par 'gyur ro/ /don tha dad do zhe na/ brjod par 'dod pa'i don go bar byed pa ma yin no/ /brjod du med pa yin no zhe na/ brjod du med pa nyid 'di ci zhig/ gal te brjod pa nyid med pa nyid yin na ni/ de'i phyir tshig 'di gnyis ma smras pa nyid kyi phyir

  232. 116b

    don ci yang go bar mi byed do/ /ci ste de nyid dang gzhan nyid du brjod du med pa nyid kyi phyir brjod du med pa yin no/ /zhen 'on ni ji skad du brjod par bya ba de skad du brjod par gyis shig/ gang cig ma yin zhing gcig pa yin pa yang ma yin ba'i ?? de lta bu ni ?? bya ba yang mi nus so/ /de'i phyir de ltar rang gi dam bca' ba'i dag gi don khong du chud par mi nus pas ko rtsod pa ga la rnyed/ gtan tshigs 'di yang dam bca' ba las tha dad pa zhig bsgrub bya'i don go bar byed dam/ tha mi dad pa zhig yin ??/ gal te tha dad na ni de tha dad pa nyid kyi phyir go bar mi byed de/ tha dad pa gzhan bzhin no/ /ci ste tha mi dang na/ de lta na yang dam bca' ba'i rang gi bdag nyid ltar go bar mi byed do/ /gal te 'di ni ltag chod zhig go zhe na/ lan yod na ni ltag chod du 'gyur ba zhag na de yang nga la gdab par mi nus te/ gang dag gang smras pa de dang de gnyi ga la grub pa med pa'i phyir ro/ /gang zhig bnyi ga la 'grub par 'gyur ba bdag gis ni ci yang khas mi blangs so/ /ci khyod la thams cad med dam zhe na/ re zhig thams cad nyid brjod par bya dgos te/ de nas de yod pa 'am med pa zhes bya ba der 'gyur ba thams cad ces bya ba dngos po 'di ci zhig/ ci ste khyod kyang med dam/ ci khyod yod pa zhig gam/ yod na ni? re zhig bdag sgrubs shig/ bdag dang gzhan dang gnyi ga dang rgyu med pa las rnam par dpyad pa na khyod la yong ba nyid med la/ de bzhin du rgyu la yang yod pa dang/ /med pa dang dus gsum du yang mi srid bas ji ltar khyod kyi yod pa nyid du 'gyur/ khyod la 'jig rten pa dang 'gal bar 'gyur ro zhe na/ bdag dang 'jig rten mi 'gal te/ 'di ltar bdag ni khyod la yang rnam pa gzhan du zhugs la/ 'jig rten la yang rnam pa gzhan du yin no/ /khyod ni mkhas par rlom pa zhig ste/ bdag gis tshig 'di lta bus de'i mkhas par rlom pa nyid de sel bar byed do/ /khyod ni des 'jig rten

  233. 117a

    bslu bar byed de/ de bsal bas 'jig rten yongs su bskyangs par 'gyur ro/ /gang gi tshe 'jig rten dang lhan cig smra ba de'i tshe na ni 'jig rten gyi rtogs pa ma bsal bar 'jig rten ba'i dngos po la tha snyad du byed de/ bdag dang 'jig rten la ni 'jig rten pa'i don la tshig tha dad ba 'am blo tha dad pa 'am blo tha dad pa med la/ khyod ni rang gi blos phyin ci log tu rtogs bas bslus la/ rjes su dpag pa gtsor byed cing bdag nyid mkhas par khas mches nas 'jug pas kho bos de mi bzod do/ /khyod ji lta ba de bzhin du grub pa'i mdza' gzhan gyis bslus shing mkhas par rlom pa gzhan rnams kyang yin pas thams cad kyang bdag gis dgag par bya'o/ /rjes su dpag pas gtso bor gyur pa 'di la ni mi 'dod pa mang por 'gyur te/ ma la sogs dag kyang 'di'i dgrong byar 'gyur te/ bud med nyid kyi phyir rang gi chung ma bzhin no/ /de bzhin du 'di'i ltar na rig byed kyi sgra yang rtag pa dang ma byas pa dang rang 'byung dang tshang mar mi 'gyur te/ sgra nyid yin pa'i phyir smyon pa'i sgra bzhin no/ /'di ni bum zer yang mi 'gyur te/ lag pa la sogs pa dang ldan pa nyid kyi phyir nya ba la sogs pa bzhin no/ /zhes 'di'i mngon par 'dod pa thams cad nyams par 'gyur ro/ /'dis 'jig rten gyi gnod pa gzhug par yang mi nus te/ 'jig rten gyi mthong ba tshad ma nyid du thal ba'i phyir la/ 'jig rten dang 'gal ba'i don smra ba tshad ma ma yin pa nyid du thal bar 'gyur ba'i phyir ro/ /nas dang til dang sa lu la sogs pa dag ltar rgyu'i khyad par las 'bras bu'i khyad par khas len pas 'gro ba'i bla ma de bzhin gshegs pa rnams kyi bsam gyis mi khyab pa nyid khas blang bar nus ba nyid de/ 'di ltar/ phul 'gro las ches phul 'gro ba/ /'ga' zhig 'jig rten 'dir yang snang/ /des na bsam mi khyab mthu yang/ /nges par yod ces rtogs par gyis/ /rigs kyi phul du byung ba bram ze la thug pa dang/ skye ba'i

  234. 117b

    gnas kyi phul du byung ba 'du shes med 'du shes med min gyi skye mched la thug pa dang/ ri bo phul du byung ba lhun po la thug pa dang/ rgyal po'i phul du byung ba 'khor los sgyur ba la thug pa ji lta ba de bzhin du shes pa'i phul du byung ba yang rnam pa thams cad mkhyen pa'i ye shes kyi mthar thug pa 'byung bar 'gyur ro/ /de'i phyir phun sum tshogs pa dag gi khyad par gyi gnas skabs mthong ba'i phyir 'di yang phul du byung ba dang ldan par 'gyur ro zhes bya bar srid de/ rgyu yang dag par sbyar ba dag gis rang dang mthun pa'i 'bras bu phun sum tshogs pa nye bar skyed par byed do zhes bya ba 'di ni byis ba'i bar la rab tu grags so/ /rgyu ni byang chub sems dpa' rnams kyi 'byor ba shin tu rgyu che zhing nyams par rtogs pa med pa yin la/ 'bras bu yang de dang rjes su mthun pa de bzhin gshegs pa yin pas 'gro ba'i bla ma rnams kyi yon tan bsaM gyis mi khyab pa'i 'byor pa rgya chen po srid do/ /'bru mer gyi bum pa brgya nye bar sbyor ba la dge sbyong gi rkyen bzhin no/ /dge slong mkhas pa 'ga' zhig gnas kyi ched du dbul po zhig gi khyim du zhugs la/ dbul po des kyang de la rkyang po bsku ba'i 'bru mar dang mal cha bstabs par gyur to/ /de nas gang zhig yul der yul dpon du gyur pa des dge slong de 'ongs so zhes thos par gyur pa dang/ des dge slong de'i gan du 'ongs nas ci bgyi bka' stsol zhig ces dge slong de la gus pas gsol pa btab po/ /dge slong des gang gi khyim du kho bos mtshan mo gnas bcas ba'i skyes bu 'di la 'bru mar bum pa brgya byin cig ces smras la/ des kyang de bzhin du/ byas te de ltar na 'jig rten phul du 'gro ba pas ches phul du 'gro ba mthong ngo/ /rjes su dpag pa 'dis ni gang zhig bsam gyis mi khyab pa mthu'i stobs khyad par du gyur pa de 'ga' zhig yod do zhes bya bar rtogs par bya'o/ /'dir bshad pa/ mngon sum min don gang de dag/ mngon sum don gyis rtogs bya de/ /med ces bya bar brjod min te/ /tshe kun

  235. 118a

    che rnams la 'gyur ro/ /'dir smras pa/ yang ci'i phyir sems can 'di dag phal cher theg pa chen po la skrag cing/ ji skad bshad pa'i mthu'i khyad par la yang mi gus par 'gyur/ skrag pa'i phyir ro/ /'di ltar/ blun la shin tu zab chos la/ /skrag pa skye ba ji lta ba/ /de bzhin gzhan la shin du ni/ /rmad 'byung chos la skrag pa skye/ /ji ltar blo zhen pa rnams blun pa'i rang bzhin can nyid kyis rab tu rnam par 'byed par mi nus pa'i phyir rten cing 'brel par 'byung ba zab mo rang bzhin gyis ma skyes pa'i mtshan nyid can bdag dang bdag gi ba dang bral ba la skrag pa de bzhin du/ phra mo lta bu rnams kyang rgya che ba'i khyad par dang ldan pa'i chos la yin te/ /de'i phyir byis pa rnams ni mos pa dman pa nyid kyis de bzhin gshegs pa'i phul du byung ba gcig gis gcig tu brgyud pa'i mthar thug pa de la mi dad do/ /de las de med pa yang ma yin te/ de mngon par 'dod cing 'gro ba mdza' dag rjes su 'dzin par 'dod bas zab pa dang rgya che ba'i chos kyi tshul gsal bar byed pa'i theg pa chen po la rab tu dad pa bskyed de/ de la lhag par mos pa la bdag nyid nges par sbyar bar bya'o/ /'phags pa lus bzad bzhin no/ /ji ltar sa bdag 'phags pa lus bzad khyim par gyur pa/ ri dags kyi brtul zhugs can ri dags mo la log par zhugs par mthong nas dge slong rnams la yid mi ches par gyur zhing/ nga'i gnas skabs ci zhig tu 'gyur zhig gu/ gang du ri dags kyi brtu zhugs can rnams la/ ji lta bu sdug bsngal bar gyur ba dag la 'khrig pa'i goms pa mi ldog na/ yang 'di ltar mchog tu bde bar gyur pa'i shAkya rnams la ldog pa lta ci smos zhes klas kyi nang du dge slong 'jug pa rnams la 'jig par yang gyur to/ /gna' tshe sna tshogs bshes gnyen gnas 'jog kan nA ser kya chu klung za ba rnams/ /na chung rnams kyis mig dkyus ring pos

  236. 118b

    bltas ba dag gis chu so'i dbang byas na/ /mar dang bcas shing sran tshod shar bcas zho mchog gis brgyan kha zas zos gyur nas/ /gal te shAkya rnams kyi dbang thul gyur na 'bigs byed rgya mtshor 'byo bar 'gyur/ zhes kyang smra'o/ /des btsun mo'i 'khor nas dge slong bzlog la/ de spun zla thu bo mkhas pa rgyal po mya ngan med kyis bsang bar bka' lung stsal ba'i thabs kyis btul bar yang gyur to/ /de bzhin du blun po yang zab cid shin du rgya che ba'i chos 'di la mos par ji ltar 'gyur te/ lhag bar zhen pa 'thob pa smos kyang ci dgos/ 'dir bshad pa/ zab pa dang ni rgya che'i gtam/ /phal cher theg pa che las bstan/ /des na yid chung dman pa rnams/ /'di las skrag pa yang dag skye/ /chos 'di blo chung rnams dang ni/ /dman pa rnams kyi 'ang sbyod yul min/ /chos 'di sangs rgyas sras rnams kyi/ /yul du rgyal pa rnams kyis gsungs/ /lha yi theg dang tshangs pa'i theg/ nyi tshe ba yi theg pa gang/ /thams cad theg pa chen po yi/ /gnas chen 'dir ni 'du bar 'gyur/ /de phyir 'di ni theg chen nam/ /gang phyir che rnams kyis bsten pa 'am/ /yon tan chen po nyid kyi phyir/ /che rnams kyis 'di bzung ba 'am/ /yon tan phung po chen por ni/ /mya ngan 'das rnams phan 'dogs pa 'a ma/ /dam pa rnams kyis mchod pa'i phyir/ /'di ni theg pa chen por 'dod/ /slob dpon 'phags pa lha'i zhal snga nas kyis byang chub sems dpa' i rnal 'byor spyod pa bzhi brgya ba las/ byang chub sems dpa' i sbyod pa bstan pa ste rab tu byed pa lnga pa'i 'grel pa'o// //yang de ltar byang chub sems dpa' yon tan gyi tshogs phul du byung ba khong du chud pa/ 'gro ba'i gnyen gcig bu/ /des ni rgud pa thams

  237. 119a

    cad 'byung ba'i gnas ni 'khor ba yin no/ /zhes rig par bya ste/ 'gro ba rnams la bcad par bya ba'i phyir sgrim pa dang ldan par bya dgos so/ /de ni ci nas slar mi 'byung ba'i chos can du 'gyur bar rgyu bsags pa las dgag par bya la/ /de'i rgyu yang nyon mongs pa rnams dang las rnams yin no/ /de'i phyir 'dul ba'i skye bo rnams nyon mongs pa dang las 'di dag tshar bcad pa la sbyar bar bya'o/ /gal te de ltar na rab tu byung ba rnams la ci'i phyir btsug lag khad dang kha zas dang chos gos gya nom pa la sogs pa yongs su longs spyod par gnang/ 'di ltar/ gtsug lag khang ches yid du 'ong bas gzhi bltar ba sna tshogs pas brgyan pa/ rtsig pa mtshon mdog yid du 'ong pas bskus pa skar khung yangs pa/ sbrad bu mchu rings dang sha sbrad dang sdig sprul dang bral ba dang/ ras 'jam pos gtum pa'i stan dang rdas nad tshangs can gyis mjes par byas pa'i khri 'degs dang bcas pa can dang/ yongs su longs spyod pa'i phyir gnad la/ de bzhin du bza' ba dang btung ba dri zhim zhing shin tu 'jam pa'i tshod ma ro brgya ba dang/ sha dang zho dang 'o ma dang mar dang rgyal mo ka ras rgyan pa yongs su longs spyod pa dag dang/ chos gos rin 'bum phrag ri ba dag yongs su longs spyod ba'i phyir gnang ba yin no/ /gang gi phyir 'di dag thams cad ni bde ba dang rjes su mthun pa yin zhing/ bde ba sgrub par byed pa dag kyang 'dod chags kyi gzhi yin la/ thog mar gzhi yongs su spangs pa'i sgo nas kyang nad dag phyir bco bar bya'o/ /de'i phyir sdug bsngal phal che ba'i lam bsgrub par bya ste/ dper na gcer bu bdag bzhin no/ /ji skad nye par bstan pa bzhin gnas shing rlung dang nyi ma grang zhing tsha ba

  238. 119b

    dag gis mngon par bcom pa dri ma'i 'dam gyis lus spags pa de dag ni skra 'bal ba la sogs pa'i sdug bsngal sron pa nyid kyi phyir dka' thub can zhes bya'o zhen bshad par bya ste/ bde bas 'dod chags 'phel 'gyur zhing/ /sdug pas khro ba 'phel 'gyur na/ /ci ste dka' thub can min zhing/ /sdug pa dka' thub can cis yin/ /gal te bde bas 'dod chags 'phal ba'i phyir/ bde ba myod par 'gyur ba'i yul yongs su spangs pa mchog tu 'gyur ro/ /snyam na ni sdug bsngal gyis kyang khro ba 'phel ba'i phyir sdug bsngal myong bar 'gyur ba'i yul yongs su spangs pa yang mchog tu btus par 'gyur ba ma yin nam/ de'i phyir khyod la rgyu gang gis bde bar 'gyur ba dka' thub can ma yin pa dang/ sdug bsngal can dka' thub can du 'gyur/ gang gi phyir nyon mongs pa gdung bar byed pa las dka' thub can yin na/ 'di dag ni gnyis char yang 'dod chags dang zhe sdang gi ma dag gis gdung ba'i phyir/ ji ltar gcig dka' thub can la cig shes ma yin/ gzhan yang 'dod chags dang zhe sdang dang sdug pa dang mi sdug pa'i mtshan ma ltag par sgro btags pas bskyed pa dag ni bde bar bsdug bsngal myong bar 'gyur ba'i yul tsam nye bar longs spyod pa yod kyang skye bar mi rigs te/ 'dod chags dang bral ba rnams la yang de skyed par thal ba'i phyir ro/ /sbyangs ba'i yon tan dang yo byad bsnyungs pa ston pa las bde ba myong bar 'gyur ba'i longs spyod pa bkag ba shAkya 'dod chags can rnams la yang 'dod chags skye bar lta ga la 'gyur la/ gcug lag khang dang zas dang chos gos gya nom la sogs pa longs spyod pa'i phyir zhe sdang can rnams la yang zhe sdang 'byung bar ltag la 'gyur ro/ de'i phyir rnams pa thams cad du shAkya rnams khon dka' thub can yin te/ 'dod chags dang bral ba ltar kun tu 'dod chags can yang

  239. 120a

    thabs kyis nyon mongs pa 'dul ba la zhugs pa'i phyir ro/ /phyi rol pa dag ni skye bo rnam par rmongs pas nye bar bstan pa'i lam gyi rjes su 'gro bas rtag tu nyon mongs pa'i gdung bas gdungs ba nyid kyi phyir dka' thub can ma yin par 'gyur ro/ /bu ram shing tshir ba bzhin no/ /ji ltar bu ram shing btsir bar gyur dang bu ram gyi khu ba dang/ tshigs ma dang/ bu dam gyi dbu ba dang hwags dang rgyal mo kar la sogs pa rnams 'thob par 'gyur ba de bzhin du/ shAkya rnams kyis kyang sdug pa dang mi sdug pa'i mtshan ma'i sgro mi 'dogs pa'i phyir 'dod chags la sogs pa'i nyon mongs pa gzir ba yin dang/ mthong ba'i chos dang phyi mar bde ba'i khyad par sna tshogs 'thob par 'gyur gyi/ sdug bsngal gtso bor gyur pa rnams kyis de ltar ma yin no/ /'dir bshad pa/ /mi gang mkhas bde 'dod chags kyi/ /mi yi gdung ba bzod ba de/ don dam par na dka' thub can/ /sdug la 'dod chags me yod min/ /gal te phyir gdung nad rmongs phyir/ /dka' thub can de nyid du min/ ri dags 'dabs chags thams cad kyang/ /ci phyir dka' thub can mi 'gyur/ /chos mi mthun phyir rigs pa yis/ /gnyis kyis dka' thub can mi 'gyur/ /'di na tsha grang dag cig char/ /gnas yod ma yin ji bzhin no/ /gal te 'dod pa tshad man/ chos dang chos ni ma yin pa'i/ /gdung la 'dod pa mtshungs par 'gyur/ /gal te dam pa'i blo chos na/ /dam min blo yis chos mi 'gyur/ /'dod chags la sogs pa de dag spong bar 'dod pas de dag gi las shes bar byas nas/ de dag gi gnyen po bsten par bya ste/ de la/ 'dod chags las ni sdud pa ste/ /khro ba'i las ni rtsod pa'o/ /'byung ba kun la rlung bzhin du/ /gti mug las ni gsos 'debs pa'o/ /'dod chags ni de la mngon par chags pas

  240. 120b

    sems can dang sems can ma yin par bgrangs pa'i dngos po yang dag par 'dzin par byed de/ de'i sman ni 'khor 'dab srod ba'o/ /khro ba ni kun nas rgyab kyis phyogs ba'i phyir na 'thab pa dang rtsod pa'i las can te/ de'i slan ni tshogs sdud pa gtong ba dang byams pa'i rjes su 'jug pa dang/ yid dang mthun pa'i gtsug lag khang dang nas la sogs pa yongs su longs spyod pa'o/ /gti mug ni mchog dang mchog ma yin pa mi shes pa'i phyir kun nas nyon mongs pa'i tshogs thams cad yongs su gsal bar byed do/ /ji ltar rlung ni me la sogs pa 'byung ba chen po rnams lhag par 'jug ba'i sgo nas/ me'i 'bar ba dang chu'i grad ba nyid dang/ sa'i sra ba nyid gsal bar byed pa de bzhin du/ gti mug kyang 'dod chags dang zhe sdang gnyis shin tu chen po nyid skyed par byed do/ /rang gi dmigs pa la skyon du mi lta ba'i phyir ro/ /de'i sman ni dngos po'i bdag nyid ji lta ba bzhin rab tu rnam par 'byed pa la sogs pa'o/ /chu'i srin bu mes skrog par byed pa bzhin no/ /dper na chu'i srin po ni bsnyams pa dang/ 'byed pa dang rab tu sbyin pa la sogs pa dag gis skrag bar bya bar mi nus kyi chad pa kho nas nus la/ de la yang shin tu gzhon sha chags pa'i phyir na me kho nas yin gyi gzhan gyis ma yin pa de bzhin du 'dod chaT dang zhe sdang dang gti mug rnams kyang sdud pa dang rtsod pa dang btang snyoms dag gis bzlog par mi nus kyi/ ye shes kyi me kho nas bzlog par sgrub par nus so/ /rab tu zhi phyir mnyam phyogs rung min zhing/ /nor sogs dag las sbyin pa bsdags men la/ /dpung snyems skye bo dbye bas sgrub min te/ /de la bdag 'dir pha rol gnon par 'dod/ ces smra'o/ /de bzhin du/ thub chen khyod kyis gang gsungs pa/ /de nyid legs par tshar phyin te/ /nyon mongs ye shes kho na yis/ /rtogs kyi las gzhan gyis ma lags/ she'o/ rnam

  241. 121a

    par rtog pa gzhan yang ste/ chu'i srin po la la zhig chu la rgyu pa dag gis 'tsho ba rtog par byed la/ de nas phyogs der nya ba gnyis shig mngon par 'ongs so/ /de nas chu'i srin pos mi'i gzugs su sbrul nas de gnyis la dris pa/ /byed cag su yin/ ci byed par 'dong/ de gnyis kyis smras pa/ nged cag ni nya bar shes par byos shig /nya bshor ba'i phyir 'ongs so/ /smras pa/ de ltar na khyed gnyis las gcig gis me spor ba'i las gyis la/ gnyis pas 'tshad ba'i las byos shig /bdag gis nya sbyin par bya'o/ /de ltar na'o skol cag gi zas kyi tshul gegs med par legs par 'grub par 'gyur ro/ /de gnyis kyis kyang de bzhin no zhes khas mches nas/ rang rang gi las nan tan du byas so/ /ji ltar chu'i srin po'i las nya sdud pa yin pa de bzhin du 'dod chags kyi las kyang thams cad sdud pa'o/ /ji ltar mi gnyis pa'i las 'tshed pa yin pas bzhin du/ khro ba'i las ni rtsod pa yin te/ de ni rtsod par byed pa na mi snyan zhing zhe gcod pa la sogs pa dag gis gzhan 'tshed bar byed do/ /ji ltar gsum pa'i las me spor ba yin pa de bzhin du gti mug gi las kyang ste/ de ni 'byung ba thams cad la rlung bzhin du/ 'dod chags dang zhe sdang gnyis gsos 'deb par byed do/ /ji ltar rlung ni mtshan nyid mi mthun pas 'gal bar gyur ba'i me dang chu dag la ches grang pa nyid dang gro ba nyid skyed par byed pa de bzhin du/ gti mug kyang 'dod chags dang zhe sdang mtshan nyid mi mthun pa dag shin tu chags pa dang sdang ba skyed par byed do/ /'di bshad pa/ chags pas bud med dag la sprel/ /zhe sdang gis ni byams pa 'joms/ /de la rmongs phyir blun pa yis/ /yang dag nyes pa mi mthong ngo/ /de la 'di snyam du 'dod chags la sogs pa rnams zil gyi

  242. 121b

    mnan pa la/ thabs 'di yod mod/ /de dag ni spang bar bya ba'o zhes bya ba 'di ga las snyam na/ sdug bsngal gyi gzhi yin pa nyid kyi phyir ro/ /'di ltar /ma phrad pa las 'dod chags ni/ /sdug bsngal spungs med las khro sdug /yongs mi shes las gti mug ste/ /de dag gis de dag mi rtogs/ /'dir 'dod chags ni 'dod chags kyi gzhi mngon par 'dod pa'i yul ma thob pa las sdug bsngal yin la/ /pro ba ni stobs dang ldan pa gzhom par mi nus pa las sdug bsngal yin zhing/ gti mug ni don zhib mo yongs su mi shes pa las sdug bsngal yin no/ /de'i phyir 'di dag ni rgyu 'di dag gi sgo nas sdug bsngal du gyur la/ de dag nyis kyis zil gyis gnon pa'i/ /de dag nyid yongs su mi shes pa gang yin pa 'de ni/ 'di'i tsher sdug bsngal pa'o/ /de'i phyir de ltar na sdug bsngal gtod bas rtsub pa nyid kyi phyir dgra po lag pa mtshon cha ral gri rnon po thogs pa gdengs pa rnams bzhin du yongs su spang par bya'o/ /dbang phyug gi btsun mo 'dod pa bzhin no/ /skyes bu dbul po 'ga' zhig dbang phyug gi btsun mo don du gnyer bar gyur la/ dbang phyug rnams kyi btsun mo'i 'khor ni shin du bsrungs pa zhig ste/ de de ma thob pas 'dod chags kyi kun nas bslang pa'i sdug bsngal drag po nyams su myong bar 'gyur ro/ /de nas de la ji ltar 'di'i btsun mo rnams shin tu yang dag par bsrungs par gyur zhes dbang phyug de la khro ba skyes par gyur la/ /de la gnod bzung bzad kyang bya bar mi nus te/ de nas khro ba las byung ba'i sdug bsngal shin tu nyams su myong ngo/ / 'dod chags dang zhe sdang gis mdongs pa la yang gti mug shas che bar 'phel bar 'gyur la/ de yang yongs su mi shes shing/ de las byung ba'i sdug bsngal gyis kyang gzir bar gyur to/ /de ni de dag nyid kyis ldongs bar byas pas de dag nyid mi rdzoT

  243. 122a

    te/ de bzhin du 'dod chags la sogs pa 'di dag las kyang sdug bsngal 'byung bar 'gyur ro/ /'dir bshad pa/ rang nyid bskal pa bral phyir 'dir/ /skye gang 'dod don mi 'thob pa/ de la de las gzhan pa yi/ /sdug bsngal ches dka' ci zhig 'grub/ 'dir smras pa/ ci ji ltar gti mug la 'dod chags dang zhe sdang dang lhan cig phrad pa yod pa de ltar 'dod chags dang zhe sdang gnyis la phan tshun phrad dam yod pa med/ bshad par bya ste/ ji ltar bad kan la mkhris dang/ /lhan cig phrad pa med mthong ba/ de bzhin khro la 'dod chags dang/ /lhan cig phrad pa med par mthong/ /dper na chu las gyur pa dang me las gyur pa nyid kyi phyir phan tshun 'gal bas bad kan la mkhris pa dang lhan cig phrad pa med cing/ mkhris pa la yang bad kan dang med pa de bzhin du khro ba la yang 'dod chags dang lhan cig phrad pa med la 'dod chags pa yang khro ba med te/ chags pa dang rgyab kyis phyogs pa dag gi phan tshun 'gal ba'i phyir ro/ /gti mug la ni de gnyis dang lhan cig phrad pa yod de/ rjes su mthun pa'i phyir bad kan dang mkhris pa gnyis dang rlung bzhin no/ /chu'i bum par me ldugs pa bzhin no/ /blun po 'ga' zhig bdag 'dir me dang chu bsrel bar bya'o zhes chu'i bum par me 'dzud la/ 'gal ba'i phyir na de gnyis phrad pa yang mi 'gyur ro/ / 'gal phyir me gyur mkhris pa dang/ /chu las gyur pa'i bad kan dang/ /ji ltar lhan cig phran med ltar/ 'dod chags zhe sdang dag de bzhin/ /de'i phyir de ltar 'dod chags dang zhe sdang gnyis phan tshun 'gal bar shes nas/ slob ma 'chos pa'i slob dpon gyis/ /'dod chags bran bzhin bkol bya ste/ /gang phyir mi phangs de sman phyir/ /khrol rje bo bzhin lta ste/ /de'i sman phangs pa yin phyir ro/ /'dod chags ni rjes su mi mthun pa'i dngos po bsten pas spang bar bya ste/ dngos po gya

  244. 122b

    nom pa ni 'dod chags kyi rjes su mthun pa nyid kyi phyir ro/ /ji ltar sdig mdzub la sogs pa dag gis pan shed bcad nas srel ba de bzhin du 'dod chags la spyod pa yang btud cing gzir te bkol bar bya ste/ gang gi phyir las la bskos pa la ni 'dod chags kyis skye ba'i glags mi rnyed de/ de'i phyir de'i sman ni mi phangs pa yin no/ /zhe sdang la spyod pa ni rje bo'i rim gros rim gror bya ste/ gang gi phyir phangs par rim gror byas pa la zhe sdang mi 'khrug ste/ de'i phyir de'i sman ni phangs pa'o/ /gti mug la spyod pa ni gang gis de'i gti mug bsrabs pa nyid du 'gyur ba 'das? pa dang mi phangs pas bsten par bya ste/ de'i sman ni de yin no/ /de ltar bla mas 'dul ba'i sems can gyis spyod pa la mkhas par byas te/ ci nas nyon mongs pa skye bar mi 'gyur bar slob ma bzlog par bya ste/ khrus mkhan gyi por bu bzhin no/ /ji ltar khrus mkhan bong bu te por shed bcad nas 'khor bar byed cing/ /gang dang gang du mi gtsigs pa byed pa de dang der skyon byed na mi rung ngo zhes de la shin du rdeg par byed pa de bzhin du/ dam pa dag ni 'dod chags la spyod pa mnan nas 'khor bar byed cing/ nyes pa byed par 'gyur du 'ong ngo zhes las 'dzin par byed do/ /de ltar khrus mkhan de nyid bong bu khyim du chud pa la chag stob ba la sogs pa'i rim pas rje dpon ltar bsten pa de bzhin du/ dam pa dag ni 'dod chags la spyod pa mnan nas 'khor bar byed cing/ nyes pa byed par 'gyur du 'ong ngo zhes las 'dzin par byed do/ /de ltar khrus mkhan de nyid bong bu khyim du chud pa la chag stobs pa la sogs pa'i rim pas rje dpon ltar bsten pa de bzhin du/ bla ma dag zhe sdang la spyod pa rja bo ltar bsten to/ /'dir bshad pa/ bla ma gang zhig bsam shes nas/ /slob ma rjes su 'chos nus ba/ /de yis slob ma bzung bya ste/ /blun pos bco bar 'os ma yin/ /'di dag gi skye ba'i dus kyang nye bar zin par byas te/ dus dang rjes su 'tsham par gnyen po bsten par bya'o/ /de la/ dang por gti mug yang dag 'byung/ /bar du khro ba 'byung 'gyur zhing/ /phyis ni 'dod chags 'byung ba ste/ nyin la rim pa gsum du'o/ /nang bar 'phro dang bcas pa yi/ /gnyid kyis mig brnya' la/ phyir

  245. 123a

    zin kyang zum zum por blta zhing lus kyi bya ba la g.yeng pas gti mug phal che bar gnas pa rjes su 'jug go /phyis ni tshol khro'i sdug bsngal gyi 'khor lo la zhugs te/ bkres pa dang/ skom pas dub gar gyur zhing/ mig g.yo la yangs pa 'byed cing/ 'byed pa'i bu la yang pha rol po ltar mngon par mi dga' ba na khro ba 'ba' zhig dang ldan pa'i gnas skabs nyams su myong bar 'gyur ro/ /phyi dro ni dub pa'i tshegs dang bral zhing dbang po yongs su tshim pa na/ 'dod chaT kyi chom rkun bde 'chams legs par rnyed pas dge ba'i nor bcom pas nor med par byed do/ /de'i phyir de ltar rig par byas nas bag yod pas dus ji lta ba bzhin phyir bzlog par bya'o/ /rgyal po 'dzen ta kas bram ze la co dris pa bzhin no/ / ji ltar rgyal po 'dzen ta kas bram ze 'ga' zhig la/ bzhu ba brgya nos shig /'bru mar bum pa brgya sbyin gyis zhes zhal gyis 'ches la/ de yang spro bar gyur zhing de la gti mug 'di skyes so/ /rmongs pa ni tshor ba bde ba yang ma yin/ sdug bsngal ba yang ma yin pa'i/ /de nas bzhus pa brgyu nyams su myong ba la tshor ba sdug bsngal 'byung zhing rgyal po la zhe sdang skyes so/ /phyis 'bru mar gyi bum pa brgya khugs pas de la 'dod chags skyes te/ de bzhin du las byas nas mtshan po gnyid dang rmugs pa phal che ba'i phyir dang/ bad kan shas che ba nyid kyi phyir/ /sems can rnams la snga dro pa/ ti mug 'byung ngo/ /de nas las du ma byed pa'i phyir dang/ nyi mas gdungs ba'i phyir dang/ bad kan yongs su byar ba'i phyir dang/ mkhris pa shas che ba nyid kyi nyi ma gung la khro ba 'byung ngo/ /phyi nas lus bkrus shing byugs la zas zos par gyur cing/ dbang po yongs su rgyas pa tha snyad kyi bgyi 'tshal yongs su rdzogs pa rnams la 'dod

  246. 123b

    chags 'byung ngo/ /de ltar na lus kyi skyon gyi rjes su byed pa nyid kyi phyir nyon mongs pa rnams 'byung bar bya ba nyin mo la rim gsum du 'byung ngo/ /'dir bshad pa/ gang zhig nyon mongs rim shes nas/ /de gzhom la tshul sgom byed pa/ /de yis de dag sel byed de/ /sman pa'i rgyal pos nad rnams bzhin/ /'dod chags la ni mdza' bshes kyi gsob su zhugs nas 'jig rten slu bar byed la/ de ma 'phrigs pas des sdug bsngal ba yang mi 'gyur ro/ /de'i phyir de la gus par bya ba'i phyir bshad pa/ gang 'dod chags mdza' min mdza' 'dra ba des de la khyod mi 'jigs te/ mi phan mdza' bo khyad par du/ /skyes bus spang bar bya min nam/ /'dod chags dang zhe sdang dang gti mug rnams ni 'dza' po dang mi mdza' ba dang/ bar ma'i sgo nas skyes bu la nye bar lhags pa zhig go/ de la re zhig zhe sdang gang yin pa 'di ni dgra'i tshul gyis skyes bu la 'od ste/ de'i gnod pa snad rung yin pa nyid kyi phyir de la bdag nyid yang dag par bsrung bar sla'o/ /gti mug ni bar ma'i tshul gyis skyes bu la nye bar 'ong ste/ de la yid mi rton pa'i phyir de las kyang bdag nyid bsrung ba sla'o/ /gang 'di 'dod chags byi bos te mdza' bo ma yin mdza' po'i tshul gyis skyes bu la nye bar 'od zhing mdza' ba shes kyi bzhin can nyid kyi phyir mdza' bo yang yin la/ dge ba'i phyogs kyi srog gi dbang po la gnod pa byed pa 'di nyid kyi phyir mi phan pa yang yin pa de las ni bdag khyad par du bsrung bar bya'o/ /ji ltar bsrung bar bya zhe na/ rtag tu yid gtad pas brtson pas phul du byung ba dang bcas pas de'i gnyen po bsten pa'i sgo nas rgyud la de skye ba'i go skabs mi ster ba las so/ /rgyal po skya seng bzhin no/ /ji ltar rgyal po skya seng lings la song bas dang srong ri dags mo la log par zhugs pa zhig sgra thos te/ sgra grags par

  247. 124a

    phog pa nyid kyi phyir drang srong la mdas bsnun pa dang des de la gang gi tshe 'khrig pa bsten par gyur ba de'i tshe khyod 'chi bar 'gyur ro/ /zhes dmod pa dor bas so/ /de tshangs par spyod pa don du gnyer sbas rgyal srid btang nus nags su dod do/ /de nas nam zhig na nyi ma nub ka'i tshe nyi ma nub la khang par gyur zhing/ des rang gi btsun mo rgyal po ma dri'i bu mo gos sgron du gyur pa la nyi ma mngon du phyogs pa mthong bas de 'di snyam du gang lta rnams kyang 'gugs par byed pa'i nga'i btsun mo ni 'di ltar lta na sdug pa zhig go snyam du sems te/ de nas 'dod chags kyi dbang gis de dang lhan cig sbyar bar gyur zhing shi bar yang gyur to/ /'dir bshad pa/ ji ltar ming na bzhin zhim zas/ /gang de las bdag sgrim bsrungs ba/ /de bzhin mdza' gdong 'dod chags la/ /'bad pas bdag nyid bsrung bar bya/ /'dod chags de la rnam pa gnyis so/ /ji ltar zhe na/ 'di ltar/ 'dod chags rgyu las skye 'gyur zhing/ /rkyen las kyang ni skye ba ste/ 'dod chags rkyen las skye ba gang/ /de ni sgrub sla cig shos min/ /nyon mongs pa rnams ni byed rgyu gnyis las skye ste/ rgyu dang rkyen las so/ /de la rgyu ni skye ba snga ma'i skal pa mnyam pa nyid skyed par byed pa ste/ de yang 'dod chags la goms pa'i bag chags yongs su rgyas pa'i ngo bo'o/ /rkyen 'di 'jig rten 'di'i skal pa mi mnyam zhing 'gyur ba'o/ /de la phug ron la sogs 'dod chags kyi bdag nyid can gyi sems can gyi ris dag las shi 'phos te 'jig rten 'dir skyes pa de ni tshe rabs snga mar byas pa'i rgyus 'dir yang 'dod chags la spyod pa nyid du 'gyur bas 'dod chags 'di ni rgyu las skyes bzhes bya'o/ /'dis ni zhe sdang la spyod pa yang bshad do/ /yang gang zhig sdig pa'i grogs

  248. 124b

    po dang phrad pa las 'dod chags la spyod par 'gyur de'i 'dod chags 'di ni rkyen las skyes pa zhes bya'o/ /de la gang zhig rgyu las 'dod chags la spyod pa de ni tshogs kyis bsgrub par bya ba yin no/ /gang zhig rkyen las yin pa de ni sgrub par sla ste/ rkyen spangs pa nyid las mi skye ba'i phyir/ /cig shos ni ma yin no/ /de ni rtsa ba gting du zug pa nyid kyi phyir dpung stobs pham par dka' ste/ de pham par bya ba la 'bad pa tshor gyi'o??/ /phan tshun las skyes pa gang yang rung ba zhig pa bzhin no/ /ji ltar mdung khyim bzhin phan tshun brten pa'i phyir phan tshun la skyes pa'i chos rnams ni gang du gcig zhig pas 'jig par 'gyur ba de bzhin du rkyen gyis bskyed pa yang rkyen zhig pas 'jig par 'gyur te rgyus bskyed pa ni ma yin no/ /rtog pa gzhan ni chos gang dag gnyis gang dag gnyis sbyar ba las skyes pa de dag ni gang rung gcig ma tshang bas 'byung bar mi 'gyur ro/ /dper na 'dab chags la gshog pa gnyis yod pas 'phur ba 'byung la/ gshog pa gang yang rung ba gcig ma tshang bas mi 'byung ba de bzhin du rkyen las skyes pa'i 'dod chags blta bar bya'o/ /'di ltar 'di ni phyi dang nang gi rkyen yod pa las 'byung la/ gang rung gcig ma tshang bas mi 'byung ba'i phyir sgrub sla'o/ /yang mig gis gzugs 'dzin pa ltar chas gang dag gnyis sbyor pa dang gnyis mi sbyor ba las kyang 'byung ba de ltar ni 'dod chags rgyu las skyes pa blta bar bya'o/ /de ni phyi rol gyi rkyen med par yang 'byung ba nyid kyis sgrub par dka' o/ /'dir bshad pa/ nyan mongs can gang phrad pa las/ /yin te 'bar pas rnam par 'byed/ /rang bzhin nyid kyi nyon mongs can/ /gang de tshegs kyi 'byad par 'gyur/ /de bzhin du khro ba'i thams cad btang ba la yang 'jug par bya ste/ 'di ltar khro ba brtan zhing nges par ni/ /mi dge nyes chen byed pa ste/ de ltar rnam kun

  249. 125a

    dbye shes pas/ /nyon mongs rnams mthar byed par 'gyur/ /gang gi phyir zhe sdang ni dam par 'dzin pa dang sha khon mang ba dang mi dge zhing rang bzhin gyi rgyud bsreg la/ gzhan la gnod pa gsal bar byed pa dang mdog ngan par byed bzhes bya ba de lta bu la sogs pa don ma yin pa rnams kyi skyed par byed pa yin pa'i phyir dang/ ngan 'gro'i 'bras bu can nyid kyi phyir dang/ mtshams med pa la sogs pa kha na ma tho ba chen po nyid kyi phyir na 'dod chags pas nyes pa che ba dang ches lci ba zhig go /'dod chags ni dar cig gis 'dod chags dang bral ba can nyid du 'gyur ba'i phyir dang/ nyes pa chud pa nyid kyi phyir zhe sdang bas ches yang ste/ mtshan nyid ni 'dir phyi nas rgyas par 'chad do/ /gang zhig de ltar rnam pa thams cad du 'dod chags la sogs pa rnams kyi skyon rnam par dbye ba dang nyes dmigs dang gzhi dang spong ba'i thabs shes par byas nas de'i gnyen po bsten pa de ni gdon mi za bar nyon mongs pa rnams rtsa ba nas bcad pa'i sgo nas sel bar byed par 'gyur te/ chos seng bzhin no// ji ltar byang chub sems dpa' blo gros bzang po'i lung bstan pa'i dus su bcom ldan 'das mar me mdzad kyi zhabs kyis ral pa mnan pa mthong ste/ chos sred pa 'khrugs pas dud 'gro rnams ji lta ba bzhin du rkang pa gnyis kyis ral pa gnon no/ /zhes ngag gis nyes par spyod pa smras pa dang/ las des bskal pa dgu bcu rtsa gcig tu dud 'gro dag tu skyes so/ /de nyar gyur pas gzings rdugs pa na bcom ldan 'das shAkya thub pa'i mtshan thos te da dung du yang bdag bde ba rgyas shing dud 'gro'i skyes gnas su sdod dam zhes rang gi lus chud gsan zhing shi 'phos nas mi rnams kyi nad du skyes te/ bcom ldan 'das shAkya thub pa'i bstan pa la rab tu byung nas rang gi sgo drud na 'chags pas skyo ba las dgra bcom pa nyid mngon sum du byas te/ bcom ldan 'das kyis kyang

  250. 125b

    gzigs nas chos sred shin tu yun ring mo zhig nas mthong ngo/ /zhes gsungs pa lta bu'o/ /'dir bshad pa/ nyon mongs rnams dbye shes byas nas/ gang zhig mi mthun phyogs bsten des/ /myur du zhi pa thob ste dper/ /sman 'phrod bsten pa'i nad pa bzhin/ /'dod chags dang zhe sdang ki mtshan nyid kyi rnam par dbye ba smras kyis/ nga ni gti mug gi mtshan nyid kyi rnam par dbye ba brjod par bya'o zhe na bshad par bya ste/ lus la lus dbang ji bzhin du/ /gti mug kun la gnas 'gyur te/ /de phyir nyon mongs thams cad ?? gti mug bcom pas bcom par 'gyur/ /'dir dngos po rten cing 'brel par 'byung ba rnams ni rang bzhin gyis rnam par dpen pa nyid kyi phyir stong pa nyid la gti mug ni de rnams la ji ltar bden par rtogs pa las rmongs pa nyid kyi phyir dngos po bden pa'i rang gi ngo bor lhag par sgro 'dogs par rab tu 'jug go /'dod chags la sogs pa dag kyang gti mug gis kun tu brtags pa'i dngos po'i rang bzhin kho na la sdug pa dang mi sdug pa la sogs pa'i khyad par sgro 'dogs par 'jug pa nyid kyi phyir gti mug las tha mi dang par 'gyur zhing/ gti mug la brten par yang 'gyur te/ gti mug gtso bo nyid kyi phyir ro/ /ji ltar mig la sogs pa'i dbang po lus kyi dbang po las tha mi dad par 'jug pa rnams lus kyi dbang po kho na la brten nas 'byung ba de bzhin du nyon mongs pa thams cad kyang gti mug la brten nas 'byung ngo/ /yang ji ltar lus kyi dbang po nyams na lus kyi dbang po la brten pa'i dbang po thams cad nyams par gyur ba de bzhin du rten cing 'brel par 'byung ba bsgoms pas nyon mongs pa bcom na brten med pas nyon mongs pa thams cad bcom par 'gyur te/ dug gi shing ljon pa bzhin no/ /ji ltar dug gi shing la don ma yin pa thams cad yod la/ de zhig bas don ma yin pa thams cad 'jig par 'gyur la/ ma zhig na mi 'jig pa de

  251. 126a

    bzhin du gti mug rab tu zhi bar 'gyur ro/ /'dir bshad pa/ ji ltar mgo po bcad pa na/ /srog ni rab tu mi 'jug pa/ /de bzhin gti mug bcad pa yis/ /nyon mongs 'khor lo 'jug mi 'gyur/ /yang ji ltar don ma yin pa'i rtsa ba gti mug 'di spang bar rig par bya zhe na/ bshad par bya ste/ rten cing 'brel par 'byung ba ni/ /mthong na gti mug 'byung mi 'gyur/ /de phyir 'bad pa kun gyis 'dir/ /gtam de kho na bsnyad par bya/ /gal te myu gu dang 'du byed la sogs pa phyi dang nang gi bdag nyid can rnams la rang bzhin yod par 'gyur na ni/ de'i tshe de rnams rang gi ngo bos yod pa nyid kyi phyir ma rig pa dang sa bon la sogs pa la bltos par mi 'gyur te/ grub par gyur pa ni yang sgrub pa ma yin no/ /myu gu dang 'du byed la sogs pa 'di rnams ni ma rig pa dang sa bon la sogs pa'i tshogs pa las brten nas 'byung ba yin te/ de'i phyir rten cing 'brel par 'byung ba'i phyir gzugs brnyan dang sprul pa bzhin du rang bzhin med pa yin la rang bzhin dang bral ba nyid kyis kyang stong pa'o/ /de ltar na rten cing 'brel par 'byung ba yang dag par mthong na gti mug spong bar 'gyur la/ de spangs pa las kyang de la brten pa 'dod chags la sogs pa rnams kyang spong bar 'gyur ro/ /gang gi phyir de ltar ma rig pa spong ba'i thabs nyid kyis rten cing 'brel par 'byung ba nye bar ston pa don chen po yin pa nyid kyi phyir bdag nyid thams cad kyi bstan bcos bzhi brgya ba 'dir 'chad par 'gyur ba'i gzhung gis rten cing 'bral par 'byung ba'i gtam de nyid byed do/ /zla ba nya ba bzhin no/ /ji ltar zla ba nya ba gyur ba dang mun pa 'jig pa de bzhin du rten cing 'brel par 'byung ba mthod bas ye shes kyi zla ba shar bar gyur pas gti mug 'jig par 'gyur ro/ /'dir

  252. 126b

    bshad pa/ gti mug rkyen nyid 'di pa yi/ /nyi ma'i 'od zer 'bar rnams dang/ /lhan cig gnas pa ma yin te/ /nyi ma'i zer dang mun pa bzhin/ /'dod chags la sogs pa rnams kyi spong ba'i thabs ni smras na/ yang de rnams la spyod pa'i sems can dag ji ltar shes par bya zhe na/ de dag gi mtshan nyid kyi dbang du byas nas bshad pa/ rtag tu sa 'dzin sogs dga' ba'i/ /gtong po za po gtsang zhing 'gyur/ /de 'dra la sogs mtshan nyid rnams/ /'dod chags can gyi mi la snang/ /sa 'dzin pa'i gar dang/ bzhad gad dang/ 'jo sgeg dang/ me tog dang dri dang/ phreng ba dang byug pa dang rgyan dang kha dog la sogs pa la dga' ba dang/ 'jam pa dang/ bde ba'i ngang tshul can dang/ gcang ba dang/ mkhas bag dang/ snyan par smra ba dang/ gsong por smra ba dang/ gtong ba po dang/ za ba po dang 'gyur ba ste/ /de lta bu la sogs pa dag ni 'dod chags la spyod pa'i mtshan nyid do/ /de las bzlog pa dag ni zhe sdang la spyod pa yi'o/ /'dren ma dag ni gti mug la spyod pa dag ste/ de ltar na ji skad bshad pa'i rtags dag gis bsam pa rjes su rtogs par bya'o/ /nor bsgyur gyi sha za bzhin no/ /ji ltar nor bsgyur gyi sha za ni nor bsgyur mkhan yod na 'tshogs chas rnam pa sna tshogs sdud par byed la de dor na thams cad 'dor ba de bzhin du 'dod chags yod na 'tshogs chas rnaM pa sna tshogs sdud par byed la/ 'dod chags dor na thams cad 'dor ro/ /'dir bshad pa/ 'dod chags kyis gzhan chags byed cing/ /rang chags bya la cher dger? 'gyur/ /sdang bas 'di dag las bzlog cing/ gti mug gis de rmongs par byed/ /'dir smras pa/ 'dod chags dang zhe sdang la spyod pa la sogs pa dag gi mtshan nyid dag ni smras na/ yang de dag 'dul ba'i thabs ni gang zhig yin bshad par bya ste/ sangs rgyas rnams kyi chags can

  253. 127a

    la/ /zas dang chos gos gtsug lag khang/ /dge legs spang pa thams cad dang/ rtag tu bla ma'i thang gnas gsungs/ /'dod chags la spyod pas ni gnas dang zas dang chos gos 'dod chags dang bral ba bskyed cing ser ba yid dang mi mthun pa dge legs spangs pa dag 'dod par bya'o zhes sangs rgyas bcom ldan 'das rnams kyis gsungs so/ /de la 'dod chags can rnams kyi gtsug lag khang la zhen pa'i gnyen por nis sangs rgyas bcom ldan 'das kyis dgon pa pa nyid dang/ shing drung pa nyid dang/ dur khrod pa nyid dang/ bla gab med pa nyid gsungs so/ /mal stan la zhen pa'i gnyen por ni cog bu nyid dang/ gzhi ji bzhin pa nyid do/ /thas la zhen pa'i gnyen por ni bsod snyoms pa nyid dang/ stan gcig pa nyid dang/ zas phyis mi len pa nyid do/ /chos gos la zhen pa'i gnyen por ni/ /chos gos gsum pa pa nyid dang phyag dar brong? pa nyid dang/ phyid pa pa nyid de/ de ltar na gtsug lag khang dang/ mal stan dang/ kha zas dang chos ro/ sa la zhen pa'i gnyen por sangs rgyas bcom ldan 'das kyis sbyangs pa'i yon tan bcu gnyis rnam par bzhag go /yang gang 'dod chags dang bral ba dag kyang 'di rnams bsten pa de ni bsod nams kyi zhing bdag nyid la dan pa la mos pa'i skye bo rab tu dang bar bya ba'i phyir te/ de'i sgo nas de la dang ba rnams de'i nye bar bstan bas nges par mya ngan las 'das par gzhol bar 'gyur ro/ /yang 'dod chags la spyod pa de ni rtag tu bla ma'i drung du bzhag par bya ste/ de ltar rtag tu bla mas bzhen bskul zhing 'phags pa'i rigs la rab tu gnas pa 'di'i 'dod chags thul bar 'gyur la/ tshul bzhin ma yin pa'i yid la byed bas rbad bas srab skyogs dang bcas pa nyid kyi phyir mtshams las 'da' bar mi nus so/ /zhe sdang la spyod

  254. 127b

    pa ni de las bzlog pa'i gtsug lag khang la sogs pa dag dang gnas rnam par dben pa'o/ /gti mug la spyod pa la ni 'dren ma dag go/ bram ze srin pos bzung ba la mi gtsang bsted ba bzhin no/ /ji ltar skyes bu gang zhig bram ze'i srin pos bzung bar gyur pa de la 'bru? chang la sogs pa mi gtsang ba'i rdzas rnams steng zhing nges de gro bar 'gyur pa de bzhin du 'dod chags can rnams la mi sdug pa'o/ /gang gis bsten par byed pa'i mi/ /con mongs zhi bar 'gyur ba de/ /de yis bston bya gang gi phyir/ /'di la nyon mongs ?? 'phel phyir/ /yang khro ba spangs par 'dod pas ni 'di ltar khro ba'i nyes dmigs dag rtogs par bya ste/ nus med la khro bdag nyid la/ /mdog mi sdug pa 'ba' zhig byed/ /nus pa gang la 'ang brtse med pa/ /de ni tha chad ces byar brjod/ /gzhan la gnod par mi nus pa la ni khro ba skyes ba tsam gyis bdag nyid la mdog sdug pa 'ba' zhig byed kyi nus pa dang mi ldan pa nyid kyi phyir gzhan dag la gnod par ni mi byed do/ /gzhan la gnod phod cing nus pa la yang gal te nus pa med pa la gnod pa brtse ba med na ni de gnod pa thams cad kyi rgyu nyid yin pa'i phyir tha chad du 'gyur te/ srog 'joms pa ni gnod pa tha chad yin pa de nyid kyi phyir gang zag 'di la yang tha chad ces bya'o/ /rnam pa gcig tu na gang zhig brtse pa med par gyur nas nyams chung ba dag la bsnun pa de las ma gtogs pa brtse ba med pa gzhan med pa'i phyir tha chad du 'gyur ro/ /rigs la gnod pa bzhin no/ /ji ltar rigs kyi nang nas gcig gis nyes par 'gyur ba bzhin du thams cad chad pa dang sbyor ba 'am/ brlag par 'gyur ba de bzhin du gnod sems kyang rnam pa thams cad du 'phung bar byed par 'gyur ro/ /'dir bshad pa/ me dang khro ba byung bas ni/ /dang por ci nas de gnyis sreg /phyi nas mched par gyur pa na/ /mi gzhan du ni sreg par 'gyur/ /yang khro ba dang ldan pa rnams la ni/ /

  255. 128a

    khro ba nye bar zhi bar bya ba'i phyir tshul 'di bstan par bya ste/ yid du mi 'ong ba'i sgras/ /sngar byas sdig mthar byed bar brjod/ /khyod tshig rtsub mo thos pas 'khrug ba gsad bar gyur zhing gzhan dag la sdang ba gang yin pa ?? ni? shin tu khyod kyis tshul ngan pa chen po zhig ste/ gang gi phyir khyod kyis sngar tshig yid du mi 'ong ba thos pa yang dag par 'grub par 'gyur ba'i las byas shing bsags pa gang yin pa de 'dir gshe ba thos pa las 'bras bu phyung ste zad pa 'gyur na/ rmongs shing dam pa ma yin pa/ /bdag nyid rnam par dag mi 'dod/ /yid du m/i 'od ba'i tshig thos pa las 'bras du phyung ste/ las zad par 'gyur la/ /las zad bas kyang 'di rnam bar dag par 'gyur ro/ /de de ltar bdag nyid rnam par dag bzhin dug 'te? bshe ba po la khro ba skyed par byed pa ni de slar yang dri ma nges bdag nyid khyad par dang bcas par dpog bar byed cing blun pa bas kyang ches blun par 'gyur ro/ /glang rgan la sman gtong ba bzhin no/ /ji ltar glang rgan skyon can 'ga' zhig de'i nad nye bar zhi bar bya ba'i phyir sman ster ba'i rdzi bo nyid gsod pa bzhin du ying du mi 'ong ba thos pa myong bar 'gyur ba'i las sngar byas ba'i sbyor ba por yang 'gyur te/ gang yid du mi 'ong ba thos par byed pa'o/ /de ni rmongs pas sbyor bar byed pa po de nyid la bkur ste ma yin pa byed do/ /'dir bshad pa/ gal te rang sdig pha rol pos/ /gshe ba'i snyad kyis sbyong byed na/ /de des de la phan btags bas/ /de'i der mkhas pa khro mi 'byung/ /'di las kyang gzhan gyi ngan smras kyi tshig dag la khro ba mi rigs te/ 'di ltar/ mnyan pa yid du mi 'ong ba 'ang/ /ngo bo nyid kyis gnod mi byed/ /de phyir rnam rtog las byung ba/ /gzhan las yin no snyam du rlom/ /gshe ba la sogs pa'i sgra rnams ni rang bzhin gyis gnod pa skyed par byed pa'i rgyur mi 'gyur ro/ /

  256. 128b

    gal te 'gyur na ni smra ba po la yang gnod par 'gyur ba zhig na/ bdag nyid 'dis bdag la de ltar smad do snyam du rnam par rtog pa na gnod par 'byung ba yang yin te/ de'i phyir rang gi rnam par rtog pa las gnod bar gyur pa na ci'i phyir gzhan la khro bar 'gyur ba/ phyugs? rdzi mo'i bu mo bzhin dang/ dge tshul bzhin no/ /ji ltar phyugs rdzi mo zhig mun khur na rang gi bu mo khru ska dag za ba'i sgra thos te/ chun ma'i bu mor yongs su brtags nas khros pas ban glang mo 'di ci za zhes smras la/ gang gi che de'i bu mos da nyid yin no zhes smras pa de'i tshe dga' ste e ma byi ba mo zhig za'o zhes smras te/ de'i phyir rnam par rtog pa ma gtogs par sgra 'ga' yang yid du 'od ba 'am yid du mi 'ong ba mi srid do/ /yang sangs rgyas 'bangs zhes bya ba'i dge tshul 'ga' zhig dge tshul rnams kyis ming sangs rgyas skyong zhes smos pas khros par gyur te/ des du zhing mkhan po la zhus pa dang/ des kyang song zhing khyod kyi ming ni chos kyi 'bangs yin gyis zhes smras la/ de de rnams kyis sangs rgyas 'bangs kyang zhes bya bas mi snyan pa smras kyang 'di ni bdag gi ming ma yin no snyam ste thos bzhin du yang mi du zhing 'di ni gang gi sangs rgyas 'bangs yin pa de mi snyan gyi bdag gi ming gzhan yin no zhe'o/ /'dir bshad pa/ rnam par rtog med tshig thos nas/ /rmong bas byis pa rab 'khrug gi/ brtan zhing de shes des thos nas/ 'khrug par mi 'gyur dgar mi 'gyur/ /'dir smras pa/ gshe ba la ni rang bzhin gyis skyom yod de/ gang gi phyir lugs kyi bstan bcos 'di las bshe ba po la chad ba bshad pa'i phyir ro/ /bshad par bya ste/ 'di ltar gshe ba po la ni/ chad par bya bar mngon brjod pa/ de bzhin stan par smra bo la/ /mchod par bya bar cis ma 'gyur/ /gal te sdang ba'i gshe bas gzhan gyi snying la gnod pas gshe ba po chad pas gcad bar bya ba yin no zhes bstan bcos las mthong ba'i phyir bshad na ni

  257. 129a

    tshig snyan pa brjod pa las kyang gzhan gyi sems 'dzin pa'i phyir de bzhin du stong pa po mchod par bya ba yang de las ci'i phyir ma bshad/ rgyu mtshungs bzhin du ci'i phyir gcig chad bas bcad par bshad la gcig mchod byar ma yin te/ de'i phyir mi snyoms pa nyid kyi phyir lugs kyi bstan bcos tshad ma ma yin no/ /'gro lding ba 'thab pa yang 'gro lding ba'i glang po che bzhin no/ /ji ltar 'gro lding ba rnams la 'thab pa tsam gyis bsad pa'i sems skye zhing gsod par yang byed kyi de ltar tshig snyan pas mchod bar byed pa ni ma yin no/ /de bzhin du gang zhig stobs chung ba de ni glang po che kho nas gsod la/ gang zhig stobs dang ldan par gyur nas bdag nyid glang po che las srung bar byed pa yang khyod ci'i phyir glang po che la sma bab byed ces rgyal po'i pho brang du gsod do/ /'dir bshad pa/ gal te der ni mnyam mthong na/ /bstod po gshe po yang rung ste/ /de gnyis la cis byas ma byas/ /de'i phyir de ni tshad ma min/ /'dir smras ba/ gang zhig gshe bas gzhan gyi smad ra gzhan dag la gsal bar byed pa de la ji ltar cig shos 'khrug par mi 'gyur/ bshad par bya ste/ khyod kyis smad bya ma smras kyang/ /gal te gzhan gyis shes na ni/ /smra bo ba khro mi rigs na/ /yang dag min smra la ci smos/ /gal te de'i yan lag smad par bya ba zhar ba zhes bya ba 'am lag rdum bya ba gang yin pa de ma smras kyang gzhan dag gis shes par 'gyur ni na bden pa'i skyon des gshe mod kyis bden bar gyur pa nyid kyi phyir gshe ba bo yang dag par smra ba la de las des khro bar bya bar mi rigs na yang dag min smra la ci smos te/ mi bden par smras pa'i skyon gyis gnod pa'i phyir ro/ /de ni gtan nyams pas ji ltar na de la dam pas bsri ba med par gnas par 'gyur/ zhar

  258. 129b

    ba dang zhar ba ma yin pa la smras pa bzhin no/ /'ga' zhig gis zhar ba la zhar ba zhes smras pas de la rgyal pos chad bas bcad do/ /gzhan gyis ma zhar ba la zhar ba zhes pa smras bas de la yang chad pas bcad do/ /de bzhin du mkhas pas bden pa la? mang? bzod pa byas la/ mi bden pa la yang bya'o/ /'dir bshad pa/ dam pa de nyid gzigs rnams la/ /yang dag min phyir mi bden pa'i/ /bden phyir bden par gyur la'ang rung/ /khro ba'i go skabs yod ma yin/ 'dir smras pa/ de ltar yin mod kyang dman pa dag las/ mi snyan pa thos pa las mi la khong khro bar ji ltar mi 'gyur bshad par bya ste/ dman las mi snyan zhes bya ba/ /nges par 'byung ba ma yin te/ /de phyir dman byung mi snyan pa/ /yan gar nyung zad lta bur snang/ /gang gi phyir skyes bu dman pa chos ma yin pa 'dod cing sdig pa kun tu spyod la/ pha rol sdug bsngal ba la mngon par dga' ba dag las ni mi snyan pa thos pa kho na nges par 'byung ba ma yin te/ ngon ma yin no cog byed pa nyid kyi phyir ro/ /gal te de tshig mi snyan pa tsam zhig byin pas yongs su tshim na ni gang gsod pa dang chi de ba la soT pa mngon par mi 'dod ba lta ches mchog gcig rnyed ba ma yin nam/ de'i phyir yongs su dga' ba'i gnas la ci ste khro ba bsten par 'gyur/ 'phags pa gang po dang/ dug be'u lte ba lta bu bzhin no/ /ji ltar 'phags pa gang bo klung sho na'i pha mdza' i yul gyi mi rnams gdul bar 'dod pa la bcom ldan 'das kyis 'di skad du mi de dag ni ma rungs shing/ rab tu gtum pa ste/ der sdug bsngal bar gnas par gyur ta re zhes bka' stsal pas/ des bcom ldan 'das gal te bdag la gshe bar gyur na ni/ /e ma ma la gang dag bdag la rdeg par mi byed pa 'di dag ni nges pa zhig go snyam du kho bo sems par bgyid la gal te srog dang bral ba'i bar du bgyid na yang/ e ma ma la gang dag bdag gi lus rul pa 'di la thar bar byed pa 'di dag ni bdag

  259. 130a

    la phan 'dogs pa zhig go snyam du de ltar sems bar bgyid do/ /zhes gsol pa dang/ de'i tshe bcom ldan 'das kyis gnang ngo/ /yang ji ltar dug be'u lte ba lta bu'i rtsa ba'i 'og tu 'ga' zhig la nyon mengs bdag thog tu bab par 'gyur ba dang de de'i rgyus mya ngan byed pa na gzhan gyis gang dug mi bzad pa dang 'brel pa las srog dag dang phral bar ma gyur na khyod mya ngan ma byed cig /gang 'dir bsdad pa ni ma shi ba 'ga' yang med kyis khyod ni bsod nams dang ldan pa zhig ste/ dga' ba nyid bya bar 'os pa ma yin nam zhes smras te/ de bzhin du gang zhig skye po dman pa las brlang ba tsam zhig thos pa des ni dga' ba kho nar bya'i mya ngan ma yin te/ nyung zad tsam gyis thar pa'i phyir ro/ /'dir bshad pa dman pa bya min med dman la/ /brjod bya brjod bya min pa 'ang med/ /de phyir 'di ni dman de las/ /mi snyan 'ba' zhig nyung du 'dra/ /'dir smras pa/ gang zhig skyon med pa la gshe ba de tshar bcas pa la nyes pa ci yang med do/ /bshad bar bya ste/ gzhan la gnod byas bdag la ni/ /yon tan nyung zad kyang med na/ /khyod khro yon tan med pa la/ /gus pa zhen pa rkyang par zad/ /gal te gzhan khros par gyur pa de la khro ba'i dbang gis gnod par byed pa gang yin pa des 'di la yon tan 'ga' zhig skyed par byed na ni gzhan la gnod par bya bar rigs na/ gang gi phyir gzhan la gnod par byed kyang de bdag nyid la yon tan 'ga' yang skyed par mi byed de/ de'i phyir de ltar yon tan med pa'i khro ba la gang zhig gus par byed pa de ni de'i zhen pa 'ba' zhig kho nar zad do/ /mtshon cha yongs su rtogs bzhin no/ /dper na 'ga' zhig mtshon cha rnon po zhig yin nam yang na ma yin zhes gang kho nas mtshon de byas pa de kho na'i lus la

  260. 130b

    nyams sod par byed na/ de ltar mtshon brtags nas skyes bu de la byas pa chud gson pa nyid dang/ sdig pa sogs pa las ma gtogs pa yon tan 'ga' yang yod pa ma yin pa de bzhin du bdag la 'dis tshig rtsub mo dang/ rdeg pa la sogs pa mi 'dod pha dag gis gnod par byas so zhes de la gnod par byed pa dang byed du 'jug pa la yang sdig pa sogs las ma gtogs pa bdag la yon tan 'ga' yang med do/ /gang zhig der gus pa ni de'i zhen pa 'ba' zhig tu 'gyur ro/ /'dir bshad pa/ gzhan la gnod pa bdag nyid la/ /yon tan rnam pa che byed mod/ /de lta 'ang rigs su skyes pa yis/ /gzhan la gnod pa byed mi nus/ /'dir smras pa/ skyes bu mkhas pa su zhig gzhan gyi gshe pa yon tan med pa la bzod par 'gyur/ bshad par bya ste/ gal te bzod pas 'bad med bar/ /bsod nams chen po thob 'gyur na/ /gang zhig de la gegs byed pa/ /de mtshungs blun po su zhig yod/ /bzod pa ni chos su bshad do/ /gal te bzod pa dang ldan pas ni sbyin pas bya ba'i dngos? po yongs su chol ba la soT pa'i 'bad pa med par pha rol po'i ngan smras kyi tshig bzo? dang? nyid kyis khro ba la soT ba'i go skabs ma yin par gzhan la gnod pa ma byas pa'i sgo nas bsod nams chen po 'thob par 'gyur na/ yang gang zhig chos kyi rgyu gshe ba po de la gegs byed pa de dang mtshungs pa'i byis pa gzhan su zhig yod/ /de'i phyir gang zhig gzhan gyis gshe ba bzod pa de kho na mkhas par 'gyur zhing/ /chos chen po yang de la 'gyur ro/ /rang gi khyim thabs gsod pa bzhin no/ /rigs kyi bud med 'ga' zhig dang gi khyo shi 'dod cing srog 'phro cung zad lus par gyur te/ des ci 'di sdug bsngal bas mnar zhing 'chi'o/ /gang 'di ni bdag gis bshad par bya'o/ /snyam du bsams shing des ji ltar sdig pa bsags pa'i don du 'bad bar gyur de ltar yang byas so/ /de bzhin du la la dag

  261. 131a

    blun pas bzod pa'i sgo nas 'bad pa med par bsod nams chen po mi 'dod cing/ bsgrims te don ma yin pa chen po'i rgyu mi bzod pa la brten to/ /'dir bshad pa/ gang gi phyir na bzod stobs kyis/ /bzod pa chos kyi dam par gsungs/ /de phyir chos la gzhol ba ni/ /chos la gegs byed ma yin no/ /'di las kyang khro ba ni/ spang bar bya ba yin te/ rje? po zhan pa la gnod par byed pa'i phyir ro/ /'di ltar/ khro ba zhes bya khyad par du/ /stobs ldan dag la skye mi 'gyur/ /des na zhan 'joms khro ba la/ /ci nas khyod gus gyur ta re/ /gal te yang khro ba ni phyir rjes su mi mthun pa'i dngos po'i yul can yin mod kyi/ /de ltar na yang stobs dang ldan pa la gnod par mi nus pa'i phyir gang du kha drag pa de kho nar khyad par du 'gyur te/ de'i phyir snga ma la gnod par byed pa'i phyir na skyes bu gzi can gyis 'di dam pa ma yin pa ltar spang bar bya'o/ /de'i phyir de ltar rig nas khro ba zhan pa 'joms pa la ci nas kyang gus par mi bya ste/ bud med rnams la dpa' ba bzhin no/ /rgyal po 'ga' zhig gzhan gyi yul 'khor mngon par dbab par 'dod pas rang gi dmag mi'i tshogs bos nas gzhan gyi yul 'khor dbab pa'i phyir 'gro yis/ /der khyed cag gang gis ci zhig byed ces smras pa dang/ der kha cig ni 'di skad du rje bo ji ltar grong khyer de nas su yang 'byung bar mi 'gyur zhing 'jug par mi 'gyur ba de ltar bgyid da? zhes smra'o/ /gzhan ngag ni kho bo cag ni 'obs kyi bar du mchi'o zhes smra'o/ /yang gzhan dag ni kho bo cag ni rab la 'dzeg par bgyid do/ /zhes smra'o/ / de la gcig ni gang rje bo cher dgyes pa dang bdag nyid kyang bsrung bar bgyid do zhes smra'o/ /rgyal pos kyang gus pa dam pas smras pa dang bdag ni gang gi tshe 'di rnams kyis rgyal po de kun nas gned par 'gyur ba de'i tshe rgyal po de lta bzhin du

  262. 131b

    btsun mo'i 'khor gyi bud med kyi skye bo la lcag rtsub mo dag gis shin tu khrim par bgyid do zhes smra'o/ /de skad thos nas rgyal pos skyes bu nyon mongs 'di ni zhen pa 'joms pa zhig go snyam ste/ dmag mi de la thugs nye bar log cing khyad du bsad par yang 'gyur ro/ /de bzhin du khro ba yang nyams chung ba dag la khyad par du skye'i stobs dang ldan pa dag la ni ma yin te/ de'i phyir zhen pa 'joms pa'i khro ba la gus par mi bya'o/ /'dir bshad pa/ brjid can stobs dang ldan pa rnams/ /gang du dpa' ba shes pa na/ /mkhas pa yon tan sbyor ba'i mis/ zhen pa 'joms la gus mi bya/ /'dir smras pa/ gang zhig bzod pa de ni bya ba la lan du gnod pa byed par mi nus so snyam pas 'jig rten gyis zil gyis gnon te de'i phyir brnyas par 'gyur bas khro ba'i gnas la khro ba nyid mdzes so bshad par bya ste/ gang zhig khro gnas la bzod pa/ /de la sgom pa skye bar 'gyur/ /yon tan gnas la 'jigs shes pa/ khyod kyi blun pa 'ba' zhig nyid/ /bzod pa ni phra rgyas khro ba'i gnyen po ste/ de khro ba'i gnas la bsgoms pa na byams pa'i ting nge 'dzin sgom pa 'dren par 'gyur ro/ /de la gal te ba 'jos tsam gyi dus su bsgoms pas goms par byed na de'i tshe sgom pa po la yon tan brgyad 'dren par 'gyur ro/ /'di lta ste/ lha dang mi rnams la sdug par 'gyur ro/ /de rnams kyis bsrung bar yang 'gyur ro/ /bde ba dang yid bde ba mang bar 'gyur ro/ /de'i lus la dug gis mi tshugs so/ /mtshon gyis mi tshugs so/ /de'i nor rnams 'bad pa med par rgyas par 'gyur ro/ /lus zhig nas shi ba'i 'og tu bde 'gro tshangs pa'i 'jig rten du skye bar yang 'gyur ro/ /de ltar byams ba'i yon tan brgyad thob par 'gyur ro/ /phra rgyas khro ba spangs pas rnyed par bya ba bsam gtan dang tshad med pa dang/ gzugs med pa dag kyang 'thob par 'gyur ro/

  263. 132a

    de ltar na gang la khro ba'i gnas la bzod pa yod pa de la sgom pa 'byung ngo/ /gang zhig ji skad bshad pa'i yon tan gyi bzod pa spangs nas byas pa la lan du gnod pa byed pa tsam mi nus bsam pas 'jigs pa bskyed de yon tan gyis gnas bzod ba mi bsten pa de ni de'i blun pa nyid kho na 'ba' zhig go snyam ste/ khro bo'i sgo nas don ma yin pa mang po 'byung ba'i phyir dang/ ji skad bshad pa'i yon tan mchog tu 'byung ba 'joms pa'i phyir ro/ /nyes par sbyod pa las log pa do tsha ba bzhin no/ /skyes bu 'ga' zhig nyes par spyod pa las log par byas nas do mtshar byed de/ ji ltar 'ga' zhig yon tan gyi khyim du skye ste skye bo dam pa phrad bas srog gcod pa la sogs pa dag las log par gyur dang/ gzhan mdza' bo blun po rnams kyis ri dags mi shor zhid skyes bu lag na mtshon cha thogs pa rnams 'thab pa'i phyir mngon par 'ongs pa la 'bros pa khyod ni bud med du gyur cing khyo ga'i rtags bsrel bar 'gyur ba zhig go zhes bzhad gad du byas pas de blun pa'i phyir ngo tsha byed par 'gyur ba de dang 'dra bar gang zhig khro ba'i gnas su bzod par byed pa de sgom pa 'thob na blun pas 'jigs pa skye bar byed de/ 'dir bshad pa/ bzod bral mi rnams khro ba ni/ /nyes chen byed pa yin mong kyi/ /'on kyang mkhas pa'i yon tan ni/ /byed de bzod pa'i rgyu yin phyir/ 'dir smras pa/ gzi can gyis dman pa dag gis khyad bsang du pa sran par dka' ste/ de'i phyir 'di dag tshar bcad par rigs so/ /bshad par bya ste su zhig khyad bsad thar byas nas 'jig rten pha rol 'gro ba yod/ /de'i phyir bdag ni sdig pa bas/ /brnyas pa legs so snyam du sems/ /sems pa dang ldan pa rnams la khyad bsad gcig nas gcig tu gyur pa mthar thug pa med pa nyid

  264. 132b

    kyi phyir sus de mthar bkri bar nus/ /ji ltar gang dag gna' rabs kyi rgyal po na tu sha dang/ aM pa ra shirSha dang/ de li pi la sogs pa mngon par rlom zhing g.yul sprod par nus pa de dag las 'dir gang du khyad du bsad pa 'di bsal bar byas nas 'jig rten pha rol tu song ba'i rgyal po su zhig yod/ de dag kyang brnyas skran gyi dbang gis sdig pa byas nas shi bar gyur pa ma yin nam/ de'i phyir 'dir bdag la ni sdig pa bas brnyas pa mchog bkrabs so snyam du snang ste/ gang gi phyir khyad du gsang bas brnyas pa la dmyal bar mi 'gro la/ sdig pa las ni 'gro ba'i phyir ro/ /zo chun gyi 'khrul 'khor dang/ dza mad g+ha na'i bu bzhin no/ /ji ltar zo chun gyi 'khrul 'khor la mdza' yod pa ma yin pa de bzhin du/ /khyad bsad la sogs pa yang ngo/ /de bzhin du dza mad g+ha na'i bus lan bdun gsum du sa stengs na rgyal rigs med par byas nas sma bab kyi 'jigs pa las ma grol zhing/ don ma byas par shi bar gyur to/ /rgyal rigs de dag kyang gtan kho nar 'phung? ba ma yin no/ /de bzhin du 'jigs pas bu mo gzhon nu ma'i ched du de g.yul du sma phab pa la/ rA mas kyang gzhu'i rgyu mtshan gyis ched du sma phab po/ /'dir bshed pa/ khyad du bsad pa 'am sdig pa ste/ /sdig pa bas ni khyad bsad sla/ /gang phyir sdig las skyes bu ni/ /dmyal 'gro khyad bsad las ma yin/ /gang zhig de de ltar so sor rtog par mi nus pa des ni rnam par shes pa'i skye ba dang 'gag pa la sogs pa phyir bzlog? par bya ste/ 'di ltar/ gang gis rnam shes gnas la sogs/ /yang dag tu ni rnam shes pa/ /de yod na ni nyon mongs rnams/ /nam yang blo gros la mi gnas/ /rnam par shes pa ni rkyen du ma la rag las te skye ba nyid kyi phyir 'dus byas yin la 'dus byas nyid kyi phyir gnas pa dang skye ba dang 'jig pa dang ldan pa zhig na/ 'di ni skad cig re re la dmiT

  265. 133a

    pa'i khyad par 'dzin pa la mkhas pa'i phyir dang mi gnas pa nyid kyi phyir 'di la gnas pa med do/ /gnas pa med pa na yang gnas pa'i rgyu skye ba mi rigs te 'dus ma byas ltar gnas ba dang skye ba dang bral ba 'di la ni mi rtag pa nyid kyang ga la yod de/ de'i phyir rang bzhin gyis gsum char yang med do/ /gsum po mi srid na yang rnam par shes pa la rang bzhin med de/ rnam shes sgyu ma lta bur ni/ /nyi ma'i gnyen gyis bka' stsal to/ /zhes tshigs su bcad pa 'byung ba'i phyir ro/ /gang la rang bzhin yod pa ma yin pa de ni rang bzhin dang bral ba nyid kyi phyir sgyu ma'i skyes bu ltar stong pa nyid yin zhing des kun brtags pa'i khams gsum po gang yin pa de yang stong ngo/ /de'i phyir de ltar rnam par shes pa'i chos gnas pa la sogs pa'i rang gi ngo bo so sor rtog par byed cing sgyu ma dang gzugs brnyan gyi chos nyid la zhugs ba 'jig rten las 'das pa'i ye shes dang ldan pa la phyin ci log tu mthong bas kun nas bslang pa'i nyon mongs pa'i 'dod chags la sogs pa rnams nges par ldog par 'gyur te/ de ltar na sgom pa 'di nyid legs so/ /de ltar dge slong rnal 'byor spyod pa sgom pa la mngon par brtson pa la nam yang nyon mongs pa thams cad mi gnas so/ /de'i phyir de ltar nyon mongs pa'i me nye bar zhi ste/ sems rnam par byang bas 'gro ba la phan par bsgrub par bya zhing/ gzhan dag kyang lam de la gzud bar bya'o/ /byi ba'i dug dang dug gi shing gi rtsa ba bzhin no/ /gang zhig byi ba'i dug gi rim gro shes pa des ni gzhom pa 'am bzlog par nus pa de bzhin du skyon rnams kyi skye ba dang 'gag pa dang gnas pa'i rkyen shes pa des nyon mongs pa rnams 'joms par nus so/ /yang ji ltar dug gi shing rtsa ba drungs phyung na slar 'byung bar mi 'gyur ba de bzhin du 'khor

  266. 133b

    ba'i 'jug pa'i dug gi shing gi skye ba la sogs pa'i rtsa ba phyung ba slar 'jug par mi 'gyur ro/ /'dir bshad pa/ sems la brten pa'i skye dang gnas/ /rgyu mtshan mnyam par gyur ba dang/ /shes bya'ang grub pa'i yul gyur na/ /de yis gti mug mun pa 'joms/ / slob dpon 'phags pa lha'i zhal snga nas kyi byang chub sems dpa' i rnal 'byor sbyod pa bzhi brgya pa las nyon mongs pa spong ba'i thabs bstan pa zhes bya ba ste rab tu byed pa drug ba'i 'grel pa'o// //nyon mongs pa rnams spang ba'i thabs bshad zin to/ /da ni 'khor ba'i nyes dmigs bstan pas de la skyo ba bskyed par bya ba'i don du las dag spang ba'i thabs brjod par 'dod bas bshad pa/ sdug bsngal rgya mtsho 'di la mdza' / /rnam pa kun tu 'ang yod min na/ /byis khyod 'dir ni bying ba la/ /'jig? pa cis na skye mi 'gyur/ /phyogs bcu thams cad du son pa'i phyir sdug bsngal gyi rgya mtsho chen po thog ma med pa'i dus nas srid pa ma rig pa dang bdag tu brgyal ba dang sred pa las byung ba sred pa'i kun tu sbyod pa sum cu rtsa drug gi sbrul gyis gang bar gyur pa/ lta bar 'dzin pa drug cu rtsa gnyis kyi chu'i srin po dkrugs pa skye ba dang 'chi ba'i klong 'khor mang ba/ /khrag dang mchi ma dang 'o ma'i chu phon rgyas pa/ rga ba dang na ba dang 'chi ba'i chu rlabs chil chil g.yo ba/ mya ngan dang/ smre sngags 'don pa dang/ sdug bsngal pa dang/ yid mi bde ba dang/ 'khrug pa'i nya dang/ rul sbal dang/ nya ti mi dang/ nya ti mi dang/ nya ti mi gi la dang/ chu srin lang long du gyur pa dums dkrigs pa/ 'dod pa la gnod pa'i chu 'khrug pa 'di la mdza' yod pa ma yin na sdug bsngal gyi rgya mtsho chen po gting med pa 'dir bying ba khyod la rgyu cis 'jig pa 'byung bar mi 'gyur pha rol mngon zhing gdon mi za bar gting rnyed pa'i mtshor bying ba mngon par gdong ba'i srog 'bral ba sdug bsngal dogs pa la yang 'jigs pa mtshungs pa med pa skyen/ srid pa'i

  267. 134a

    mtsho pha rol dang gting kun nas yod pa ma yin pa nye bar 'tshe ba med pa so so'i skye bo la lta smos kyang ci dgos/ de'i phyir 'di mi skrag cing gnod par ma gyur pa gang yin pa de ni 'di'i spyod pa spyo bar bya ba zhig ste byis pa nyid do/ /ro hi ta'i rta bzhin no/ /ji ltar ro hi ta'i rta zhes bya ba'i drang srong mngon par shes pa lnga dang ldan pa zhig byung bar gyur la/ de 'di snyam du gang dag 'jig rten gyi khams kyi mthar 'gro bo snyam du sems te/ rkang 'gros kyi rdzu 'phrul gyis lhun po'i zom du rkang pa 'jog pan 'jig rten gyi mthar ma phyin par du shi nas lha dag gi nang du skyes shing bcom ldan 'das kyi thad du 'ongs par gyur to/ /de nas de la bcom ldan 'das kyis ro hi ta'i rta ngan khyod kyi lus 'dom gang rtsam po 'di nyid la 'jig rten dang 'jig rten kun 'byung ba dang/ 'jig rten 'gog pa dang 'jig rten 'gog par 'gro ba'i lam bstan par bya yis zhes bka' stsal pa lta bu'o/ /de ltar 'phags pa'i bden pa bzhi bstan pas 'phags pa'i bden pa bzhi mthong bar byas bar gyur to/ /'dir bshad pa/ khrag dang mchi ma'i chu yangs shing/ /rga shi'i klong dkrugs dba' rlabs can/ /sdug bsngal rgya mtsho gting med du/ /bying la ji ltar 'jigs mi 'byung/ /'dir smras pa/ lang mtsho la sogs pa'i rgyags pa dag gis kun tu rmongs pa la 'khor bas 'jigs pa mi 'byung ngo/ /bshad par bya ste/ lang tsho rgyab tu byung gyur nas/ /slar yang mdun du byung bar 'gyur/ /gnas kyang 'jig rten 'di la ni/ /'gros kyi 'gran pa lta bur mngon/ /'dir lnga tsho ni 'jig rten la dga' ba'i rgyab tu byung nas/ /yang de la dus phyis mdun du 'byung zhing mdun du byung nas kyang slar rgyab tu byung la shi bas chos de slar yang mdun du byung ngo/ /de'i phyir 'jig rten 'dis 'jig rten gyi bdag gis bdag nyid gnas par rlom mod kyi/ de ltar na 'di'i lang

  268. 134b

    tsho la sogs pa'i gnas skabs rnams mi gnas par mthong ba'i phyir lang tsho dang rgas pa dang/ 'chi ba rnams 'gros kyis 'gran pa ltar mngon no/ /'gros kyis 'gran pa ni 'gros 'gran ba ste/ skyen zhing mgyogs pa'i bdag ni sngon du'o bdag ni sngon du'o snyam du phan tshun 'gros la sngo zhing lam du 'gro ba rnams bzhin no/ /de ltar lang tsho la sogs pa rnams mi gnas par yongs su dbyad de/ de'i lang tsho'i rgyags pa mi rigs so/ /skye ba dang 'chi ba bzhin dang/ /'khor los 'chir bar byed pa'i gril ma bzhin no/ /ji ltar srog chags rnams kyi skye pa dang 'chi ba yongs su 'gyur zhing mdun du byung nas rgyab tu 'byung ba dang/ yang ji ltar kha mkhan gyi 'khor los til 'chir ba rnams kyi grib ma mdun du byung nas rgyab tu byung ba de bzhin du lang tsho yang yin no/ /'dir bshad pa/ skye dang 'chi phyir skye 'gro 'di/ /'gro ba sna tshogs rnams su ni/ /rang las dag gis 'gro ba na/ /rtag tu skyen zhing mgyogs pa yis/ /de dang der ni yang dag rgyug /'dir smras pa/ 'gro ba'i chos can nyid kyi phyir 'jig rten la gdon mi za bar 'gro ba yod mod kyi/ de lta na yang de'i bdag nyid yin pas de la mi 'jigs so/ /bshad par bya ste/ srid par khyod la rang 'dod kyis/ /'gro ba gzhar yang yod min na/ /gzhan gyi dbang dang 'jigs med par/ /blo dang ldan pa su zhig 'gyur/ /'khor ba na rtag tu de dang der 'khyam pa la rang gi 'dod pas lha dang mi la sogs pa'i 'gro bar 'gro ba nam yang yod pa ma yin no/ /yang gang la rang gi 'dod pas dong zhing 'gro ba yod pa ma yin pa de rang dbang ma yin par gyur nas gal te rang dbang can ltar mi 'jigs par 'gyur ba na ni de las ches rmongs pa gzhan su zhig yod de/ blo dang ldan pa ni gzhan dbang du gyur ba dang 'jigs pa med par mi 'gyur ro/ /las dang nyon mongs pa la rag las te 'gro zhing gshed du

  269. 135a

    'gro'o snyam ste 'gro ba'i khyad par nges par ma zin pa 'dis ni nyin mtshan khyad par skyo bar bya bar rigs so/ /klung 'bogs pa'i shing dang mna' ma gsar ba bzhin no/ /ji ltar klung brug pa'i shing la rang 'dod kyis 'gro ba med pa dang/ /yang ji ltar gyos po la sogs ba rnams kyi dbang du gyur pa nyid phyir mna' ma sar pa rtag tu rang dbang ma yin par gyur pa de bzhin du byis pa so so'i skye bo rnams kyang rtag tu rang dbang med pa yin te/ rang gi las la rag las te 'gro ba'i phyir ro/ /'dir bshad pa/ 'khor bar 'khor ba'i skye bo la/ /'gro gang las dbang gis 'gyur ba/ /de'i phyir ci nas 'gro bar ni/ /'gyur ba min par las bcad bya/ /'dir smras pa/ 'di'i bde bas phrogs pa'i phyir 'gro pa gcod par mi nus kyi ma 'ongs pa'i skye ba la ni sbyar bar bya'o/ /bshad par bya ste/ ma 'ongs thams cad yod min zhing/ /kun tshe 'ang so so skye bo ste/ /khyod 'das ji ltar de bzhin du/ /de yang mi 'gyur de ltar byos/ /ma 'ongs ba'i dus la mdza' med las 'das pa yang de bzhin du yin zhing khyod kyang 'das ba'i dus thams cad du so so'i skye bo zhig ste/ khyod kyis 'das pa'i dus ji ltar don med par gyur ba de bzhin du ma 'ongs pa yang mi 'gyur ba de ltar gyis shig /nyon mongs pa nye bar zhi ba ma myong bzhin du khyod kyis 'das pa'i dus song ste/ de'i phyir da ltar yang ji ltar yang srid pa 'di mthar gyur pa de ltar 'bad bar bya'o/ /ji skad du 'phags pa sdong po bkod pa'i mdo las/ khyod kyi 'dod rgyus don med chud gsan pa'i/ /lus kyi sngon gyi mdza' gang dran bya ste/ /de ring byang chub yongs tshol brtul zhugs dang/ /bcas 'dir brtul zhugs kyis ni 'dod ba chom/ /khyod kyi 'dod rgyus don med chud gsan pa'i/ /lus kyis sngon gyi mdza'

  270. 135b

    gang dran byas te/ /gang+gA'i bye snyed dran par ma byas shing/ /'di 'dra'i gsung gang sangs rgyas las ma thos/ /zhes gsungs pa lta bu'o/ /gzhan gyi khyim thab la 'phyan pa bzhan no/ /gzhan gyi bud med la 'phyan pa 'ga' zhig la mdza' bo de ltar ma byed cig ces rjes su bstan pa dang phyin chad de ltar byed do zhes smras la/ des kyang sngon ji lta ba de bzhin phyin chad mi bya ste/ sngon yang khyod kyi phyin chad mi byed do zhes smras mod kyi byas pa yang yin pas ma 'ongs pa'i dus su de ltar mi bya'o zhes smras so/ /de bzhin du byis ba blun zhing 'khor ba'i 'jigs pa dang bral ba gti mug gis dkrugs pa kha cig la dge pa'i bshes gnyen gyi 'khor ba ni 'jigs pa chen po ste/ mya ngan las 'das pa la 'bad bar bya'o/ /zhes smras pas/ de ma byon pa'i thub pa gang gla'i klung gi bye ma snyed dag 'byung bar 'gyur gyis/ de dag la tshangs par spyod pa spyad par bya'o zhes smras pa dang de snyed dag ni 'das par yang gyur la/ /de dag khyod kyis mnyes par ma byas te/ /ji ltar 'das pa'i dus don med par sdug bsngal bas 'das pa de bzhin du ma 'ongs pa yang de ltar mi 'gyur ba de ltar byos shig ces smras so/ /'dir bshad pa/ rnam par grol la sbyar ba'i phyir/ /tshe 'di nyid la 'bad par bya/ /'jig rten gzhan du dam chos la/ /dad skye'i nges ba ci zhig yod/ /mdo las kyang/ sangs rgyas 'byung ba brgya la rnyed 'gyur gyi/ /mi ni thob pa tshogs kyis rnyed par 'gyur/ /kye ma dad pa dang ni chos nyan pa/ /'di 'dra'i bskal pa brgyar yang ches rnyed dka' / /zhes Ægsungs so/ /'dir smras pa/ yang ci 'khor ba 'di la ?? yod dam 'on te med/ gal te yod na ni de'i tshe bsgrims pa med par mdza' yod pa'i phyir 'bad pa 'bras bu med pa nyid do/ /ci ste med na ni de'i tshe bsgrim pa yod kyang mdza' med pa'i phyir 'bad pa 'bras bu med pa nyid do/ /bshad par bya ste/ 'di ni

  271. 136a

    gcig tu nges par bzung bar mi nus so/ /gang la zhe na/ rang bzhin med pa'i phyir dang/ rang bzhin med pa'i mdza' dang ldan pa dang/ mdza' dang mi ldan pa nyid kyang rig pa dang ma rig pa'i rgyu can nyid kyi phyir dang de gnyis kyang rkyen gzhan du ma la rag las pa'i phyir dang/ rkyen rnams kyang shin tu dkon pa'i phyir te/ 'di gnyis char nges par rnam par bzhag pa mi nus so/ /nges pa med pa de nye bar bstan pa'i phyir bshad pa/ nyan po mnyan bya 'chad po rnams/ /'byung ba shin tu rnyed dka' ste/ /de nas mdor na 'khor ba ni/ /mdza' med ma yin mdza' bcas min/ /de la dal 'byor la gnas pa'i gang zag ni nyan pa por 'gyur ro/ /des ni da lta dge ba'i bshes gnyen gyis lung 'bogs pa thos nas de'i gsung gi don la spyod par nus na dal 'byor de yang rnyed par shin tu dka' o/ /mnyan par bya ba ni bden pa mthong ba dang rjes su mthun pa'i gsung yin na/ de yang shin tu rnyed par dka' ste/ 'chad pa po dang nyan pa po shin tu dkon pa'i phyir ro/ 'chad pa po ni de bzhin gshegs pa yin na de yang shin tu rnyed par dka' ste/ de bzhin gshegs pa 'byung ba ni u dum+ba ra'i me tog dang 'dra bar shin tu dkon pa nyid kyi phyir ro/ /de ltar nyan pa po dang mnyan par bya ba dang 'chad pa po rnam pa gsum char yang 'byung ba rnyed pa shin tu dka' o/ /nges par 'byung ba dang nges par mi 'byung ba ma gzigs pas shin tu rnyed dka' ste/ zhes bshad do/ /dkon mchog gsum po 'di tshogs pa yod na/ 'khor ba la mdza' mthong ba'i phyir mdza' med do zhes brjod par mi nus la/ ma tshogs na mdza' ma mthong ba'i phyir mdza' dang bcas pa'o zhes kyang brjod par mi nus so/ /de la bcom ldan 'das kyis lung ma bstan pa'i dngos po bcu bzhi las gang 'khor ba la mdza' dang ldan pa nyid dang/ mdza' dang

  272. 136b

    mi ldan pa nyid zhal gyis ma bzhes pa de ni mdor bsdu na rgyu 'di nyid kyis yin la/ zhal gyis mi bzhes pa la rgyu gzhan stong pa nyid du smra ba dang ldan pa dag rgyas par med pa yang ma yin no/ /de'i phyir de ltar rkyen la rag las pa nyid kyi phyir ji srid du mdza' dang mdza' med pa dag gi rkyen tshogs pa 'di la mtshang ba med pa de srid du mkhas pas srid pa yongs su zad pa la mngon par brtson par rigs so/ /u dum+ba ra'i me tog bzhin no/ ji ltar um+ba ra'i me tog shin tu dkon pa de bzhin du nyan pa po dang mnyan par bya ba dang 'chad pa po dag kyang shin tu dkon ste/ nges na 'khor ba la mdza' dang bcas par yang ma yin no/ /'dir bshad pa/ gang phyir rgyu rkyen tshogs pa las/ /shes par bskyad pa de yi phyir/ /gsum po rnyed par dka' bas na/ /mdza' la nges pa ma bstan to/ /ci ste ji srid gsung rab gnas pa de srid du dge ba'i bshes gnyen dag dang/ de'i lung dpogs pa mngon pa yin te/ de'i phyir gzhan gyi tshe bdag 'khor ba yongs su zad par byed do snyam na/ 'di ni mi rigs te/ gal te gsung rab gnas pas gnyis yod mod kyi/ de ltar na yang nyan pa po mi srid do/ /ci'i phyir zhe na/ gang gi phyir/ phal mo cher ni mi rnams ni/ /dam pa ma yin phyogs yongs 'dzin/ /des na so so'i skye bo rnams/ /phal cher nges par ngan 'gror 'gro/ /gang gi phyir sems can rnams phal cher ma rig pas ldongs shing gzhan sdug bsngal ba la dga' la/ skyes bu dam pa ma yin pa dang phrad pas srog chags gsod pa la sogs pa mi dge ba bcu'i las kyi lam bar mtshams med pa'i phyir mi 'di dag ni phal cher ngan song du 'gro bar 'gyur te/ gang mi dge ba'i las kyi lam la rab tu gnas pa de bde 'gror 'gyur ba 'di ni gnas med cing go skabs med do zhes 'byung ba'i phyir ro/ /de nyid kyi phyir so so'i skye bo rnams shes bya ste/ 'gro ba dag so sor bskyed pa'i

  273. 137a

    phyir ro/ /de'i phyir 'di gal te bdag nyid ma 'ongs par ngan song sdug bsngal gyi me 'bar bas yongs su bskor bar yang dag par bltas nas gal te/ thod pa la me 'bar ba ltar ches myur du phyir 'tsho bar mi byed pa ni rgyal po blon po'i spyi bo nas dbang bskur ba bzhin no/ /sha na'i shing khur ba bzhin no/ /ji ltar skyes bu gnyis sha na'i shing gi phyir son par gyur la/ de gnyis slar log pas ral bal gyi khur gnyis mthong ngo/ /de nas gcig gis sha na'i khur bor nas ral bal gyi khur bzung ba na/ de bzhin du ji srid gcig gser khur khur nas 'ongs shing gnyis pa ni kho bos 'di yun ring mo zhig tu khur khur nas ji ltar bskyur bar bya snyam ste/ sha na'i khur kho na khur ba de bzhin du dbang phyug chen po la sogs pa rnams kyang rang gi phyogs la chags pas blo mnyam pa nyid kyi gtan tshigs kyi don dang ldan du zin kyang sangs rgyas kyis gsungs pa la gus pa mi byed cing ji ltar kho bo cag yun ring por rjes su 'brel pa'i grub pa'i mdza' 'di yongs su spong bar byed ces kyang smra'o/ /'dir bshad pa/ 'gro ba yangs par 'gro phyir ram/ /gang phyir so sor 'gro ba 'am/ /'gro ba yangs pa skyed byed pa/ /des 'dir so so'i skye bor bshad/ /'dir smras pa/ ngan song ni mi khom pa nyid kyi phyir dang sdug bsngal rnam pa sna tshogs pa yod pa'i phyir mngon par dga' ba'i gnas ma yin mod kyi/ de lta na yang bsod nams dag gi sgo nas bde 'gro'i 'gro ba mngon par dga' ba'i gnas yod de/ /de'i nye bar 'tshe ba dang bral pa'i phyir ro/ /de'i phyir de las skyo bar mi bya'o/ /bshad par bya ste/ ngan song ltar bde 'gro la yang skyo bar rigs te/ 'di ltar/ sa steng sdig pa'i rnam smin ni/ /co 'di kho na yin par mthong/ /des na srid pa gsod gnas dang/ /mtshungs

  274. 137b

    par dam pa rnams la snang/ /bde 'gror skyes pa rnams kyis kyang/ /yid du mi 'ong ba'i las de'i rnam par smin pa lus pa las yan lag dang nyid lag nyams pa dang/ dbang po ma tshang ba nyid dang/ dbul ba nyid dang/ mthu chung pa nyid dang/ shes rab bul ba nyid dang daM pas kha na ma tho ba spyod pa nyid du dogs pa zhes bya ba'i co 'dri ba rgud pa ches mi dga' ba nyams su myong bar 'gyur ro/ /de'i phyir kun nas ches rab tu 'bar bar snang ba'i rgud pa 'di la gnas bzhin du de gzhom pa'i phyir mi rtsom pa ni gti mug smad pa'i gnas su zad do/ /rgyal pos blon po bcad pa bzhin no/ /ji ltar rgyal po 'ga' zhig gis blon po zhig ri mor bya ba dam pas ri mor byas la/ phyis de la mi 'jigs pas des de la lag pa dang rkang pa dang rna ba dang sna bcad par sbyar te/ de bzhin du phyug por gyur zhing 'jig rten pha rol la bltos pa med pa dag sdig pa'i las rnams byed la de dag dus byas par gyur pa dang/ sems can dmyal ba la sogs pa rnams su rnam par smin pa nyams su myong nas gang gi tshe lan grangs gzhan la myong bar 'gyur ba'i bsod nams kyis mir skye ba thob pa de'i tshe de dag sdig pa'i las kyi lhag ma de gzugs mi sdug pa nyid la sogs pa rnams kyi co 'dri ba rjes su bsten par 'gyur ro/ /'dir bshad pa/ gson pa'i 'jig rten 'di na ni/ /sngon byas pa yi las de rnams/ /rnam smin rnam pa sna tshogs kyis/ /'jig rten 'di la co 'dri byed/ /'dir smras pa/ gal te dam pa rnams la srid pa bsrog pa'i gnas dang mtshungs na de la 'jig rten ci ste mi skyo zhe na/ glang po che smyon pa chang gis myos pa ltar smyon pa'i rang bzhin can nyid yin pa'i phyir ro/ /ci 'jig rten 'di thams cad smyo 'am zhe na/ de bzhin no zhes smras te/ smyon pa'i mtshan nyid kyi phyir ro/ /'di na khams ma snyams pa las sems kyi 'jug pa gnas pa med pa'i gang zag la ni 'jig rten gyis smyon pa zhes

  275. 138a

    brjod na rang bzhin gyis g.yo ba'i sems la yang 'jug pa gnas pa med pa nyid do/ /de ltar na/ rnam shes gnas pa med pa las/ /gal te smyon par gyur na ni/ /srid gnas smyon pa ma yin zhes/ /mkhas pa su zhig smra bar 'gyur/ /mkhas pa rnams ni rnam par shes pa gnas pa med pa nyid la smyon par smra la/ de las kyang 'di mi rigs pa'i tshul mang po 'dod cing brdol thabs kyang smra'o/ /gang srid par gtogs shing 'phags pas smyon pa ma yin no zhes gsungs par gyur pa/ gang la dmigs pa gcig la rnam par shes pa rtag tu gnas pa yod pa'i so so'i skye bo de ni 'ga' yang yod pa ma yin no/ /de'i phyir smyo ba'i rgyu yin pa'i phyir myos par 'gyur ba 'thung ba ltar bdag legs su 'dod pas 'di yongs su spang par rigs par 'gyur ro/ /chags pa log pa bzhin no/ /ji ltar rgyal po 'ga' zhig la bu yon tan thams cad dang ldan pa yab la gcig tu snying nye ba gcig yod la/ rgyal po de gang gi tshe de ma mthong ba de'i tshe bu'i sred pas shin tu gzir bar 'gyur zhing/ mthong nas kyang de la tshas dam du 'khyud nas pang du 'jog par byed do/ /de nam zhig na glo bur kho nang bu de mthong nas shin tu 'khrugs par gyur cing bu ngan phar song da'i mdun du ma sdod cig khyod mthong nas mes tshig pa rtsug byed do zhes smra'o/ /des pus mo gnyis ka sa la btsugs nas thal mo sbyar te ngu zhing 'dar bzhin du rgyal po la dngos kyi ci nongs zhes skad ldib ldib po dang bcas par zhus pa dang/ rgyal po des khyod kyis ci yang ma nyes mod kyi/ khyod mthong bas mi 'dod ces smras so/ /rnam par 'gyur ba de rtogs nas sman pa mkhas pa zhig gis gsangs ste blon po la ji ltar rgyal po 'di 'di la glo bur du mtshan ma ngan pa chags pa log par mngon pa ltar na/ 'di la smyo ba'i rgyu rnam par shes pa

  276. 138b

    gnas pa med par gor ma chag ste/ ji srid bsnyun 'di dkyel chen por ma gyur pa de srid du gso dpyad la 'bad par bgyis shig de ltar ma yin na bsnyun yal bar dor na tshegs kyis sgrub par 'gyur ro zhes smras so/ /de nas blon po de legs par yongs su brtags te byed pa zhig yin du zin kyang rgyal po'i las la g.yengs pas sman pa de la dngos su smad pa mchog tu tha shal du gyur pas kyang tha shal du gyur pa smad pa'i gnas zhig ste bdag nyid chen po 'di'i dgra rnams kyang smyo bar ma gyur cig /'di la tshig de lta bu su'i mdun du 'ang ma gleng zhig/ yul 'di nas dong ba'i cha'o zhe'o/ /de nas rgyal po'i nad de btang snyoms su bor ba dang nyi ma kha cig na rgyal po de des zil gyis mnan cing gnas ma yin par rgod pa dang du ba dang gar dang glu dag byed do/ /ji ltar rgyal po 'di sems gnas pa med pa las chags pa log pas smyo ba de bzhin du so so'i skye bo rnams kyang sems gnas pa med pa las phyin ci log pa nyid kyi phyir smyo ba zhig go /'di ltar 'di dag na yul gang la mngon par zhen pa de nyid la 'jug pa yongs su gtong bar snang ngo// de'i phyir srid par gnas pa smyon pa ma yin no/ /zhes blo gros dang ldan pa su zhig smra bar 'gyur/ 'dir bshad pa/ mi la smyo ba'i drung na las/ /don min byed de smyo ba min/ /las kyi skyes bu sna tshogs su/ /byed lta smyo bas min phyir ro/ /de'i phyir de ltar na bsrog pa'i gnas nyid kyi phyir dang/ smyo ba'i gnas nyid yin pa'i phyir mkhas pa dag gis srid pa yongs su spang bar byas la/ de yang las kyis 'jug pa thams cad bkag pa'i sgo nas spang bar bya'o/ /de ji ltar 'gyur zhe na de'i thabs bstan pa'i phyir bshad pa/ 'gro la sogs pa'i sdug bsngal dag /bzlog la nyams par mthong gyur te/ /des na las kun zad pa la/ blo gros ldan pa'i blo bskyed do/ /ji ltar sdod pa dang 'chags pa la sogs pas bskyed pa'i sdug bsngal dag ni yongs su spang ba na sngar

  277. 139a

    gyi 'phen shugs nad pa las mthar gyis zad par 'gyur ba de bzhin du las thams cad rgyun chad par gyur pa dang sdug bsngal dag thams cad kyi thams cad du'o/ /de'i phyir skyes bu mkhas pa las thams cad rgyun chad pa don du gnyer pa las thams cad zad pa la 'bad pa de bzhin du gzhan yang 'bad pa na rnam pa de rnyed par 'gyur bas blo gros dang ldan pas las thams cad zad pa 'thob par bya ba tshor bar byed pa 'gags pa'i rang bzhin can mya ngan las 'das pa la 'bad par bya'o/ /lam rings su 'gro ba bzhin no/ /dper na lam rings su 'gro ba ji lta ji ltar 'gro ba de lta de ltar ngal ba'i sdug bsngal dang/ lam rgyags zad pa'i sdug bsngal gyis sdug bsngal bar 'gyur ba de bzhin du byis pa 'khor ba'i lam na gnas pa rnams kyang ngal ba'i sdug bsngal dang dge ba'i las yongs su zad pa'i sdug bsngal gyis sdug bsngal ba nyid du 'gyur ro/ /rnam pa gcig tu na ji ltar lam rings su 'gro ba'i sdug bsngal gyis gzir ba 'greng brtsom zhing/ des de'i 'gro ba'i sdug bsngal ldog go 'greng ba'i sdug bsngal yang 'dug pas yin la/ 'dug pa'i sdug bsngal yang 'greng bas so/ /gal te yang 'dug pa'i sdug bsngal gyis yongs su du ba ste de btang nas spyod lam gzhan mi rtsom na ni de'i tshe 'di la spyod lam las byung ba'i sdug bsngal gtan ldog pa srid ba zhig go /de bzhin du las thams cad zad pa la yang brjod par bya'o/ /de'i phyir de ltar na sdug bsngal thams cad ldog pa'i rgyu ni las thams cad zad pa yin pas blo gros dang ldan pas las thams cad zad pa la blo gros bskyed par bya'o/ /'dir bshad pa/ lus kyi bde las sems kyi bde/ /phul du gyur pa ji bzhin du/ /nyon mongs zad pa'i bde lus kyang/ /las zad bde bde bzhin no/ /'di las kyang blo gros dang ldan pa rnams kyis

  278. 139b

    'khor ba btang bar rigs te/ 'jigs pa'i rgyu yin pa'i phyir ro/ /'di ltar/ gang tshe 'bras bu gcig gi yang/ /thog ma'i rgyu ni snang min pa/ /de tshe gcig la yang rgyas par/ /mthong nas gang la 'jigs mi 'byung/ /'den re zhig gang gi tshe skye ba gcig nas gcig la brgyud pa thog ma dang mi ldan pa nyid kyi phyir na 'byung ba las gyur pa 'am/ sems las gyur pa yang rung ste gcig nas gcig tu brgyud pas dang po yongs su brtags bzhin pa'i 'bras bu gcig gi yang dang po'i rgyu mi snang ba de'i tshe de ltar 'bras bu gcig la yang mdza' yas pa nyid shin tu rgyas par mthong nas 'jigs pa dang bral ba ma yin pa gang zhig la 'dir 'gro ba'i 'jug pa mthong bas 'jigs pa mi 'byung ste/ 'dis ni rgyun dpag gis mi lang ba'i 'tshang tshing gis ches rgyu bar dka' ba'i 'khor ba'i 'brog chen po la rtag tu skyo ba dang/ de dang rjes su 'tsham pa'i tshul bzhin gyi rnam pa bsgom pa rigs so/ /bum pa bzhin no/ /dper na bum pa la rkyen dag tu ma lta bu ste re zhig bum pa la 'jim pa'i gong bu dang dbyug gu dang 'khor lo dang sred dang chus dang skyes bu'i rtsol ba la sogs pa dag snang na/ gzhan ches brling ba rnams sgrub pa la lta ci smos/ 'dir bshad pa/ 'di ltar dus mdza' yas pa'i phyir/ /'gro la thog ma yod min pa/ /de phyir skye bo sngon gyi mdza' / /yang dag kun nas shes par dka' / /gzhan yang 'dir gang zhig mngon par 'dod cing sred pas yongs su g.yo ba de gal te des par 'grub par 'gyur na ni de'i tshe g.yo bar rigs pa zhig na/ 'bras bu thams cad nges par ni/ /'grub par 'gyur ba ma yin zhing/ /grub pa nges par mthar 'gyur na/ /de yi don du ci ste 'joms/ /'di na brtsams pa'i 'bras bu thams cad ni nges par 'grub pa'am/ ma yin pa zhig tu 'gyur la/ 'bras bu grub pa'o ceg kyang nges par gdon mi za bar 'jog pa zhig go /de la gang 'grub pa

  279. 140a

    ni nges par gdon mi za bar yun mi ring bar 'jig ste/ de'i don du 'jig rten 'di ko ci ste rnam par 'joms/ /de'i phyir dra ba can spangs te de bcad pa la bsgrim par bya'o/ /rdza mkhan so gtong ba bzhin no/ /'di ltar rdza mkhan so gtong ba la grub pa ma nges shing grub pa rnams kyang nges par 'jig pa de bzhin du 'jig rten pa'i dngos po thams cad la yang ngo/ /'dir bshad pa/ byas shing dngos po thams cad la/ /nges par grub pa yod ma yin/ /de yi phyir na de dag ni/ /nges par gor ma chags par 'jig/ ji ltar 'bras bu la nges par 'jig pa de bzhin du las kyang yin no/ /zhes bstan pa'i phyir bshad pa/ las ni 'bad pas byed 'gyur zhing/ /byas zin 'bad pa med par 'jig/ de ltar gyur kyang khyod la ko/ las la chags bral 'ga' yod min/ /'di na 'bad pa chen pos sgrub pa'i thabs mang po dag gis las byed la/ de yang 'bad pa chen po dang sgrub par byed pa mang po dag gis byas bzhin du 'bras bu ltar 'bad pa med pa kho nar 'jig de'i phyir de ltar na mkhas pa skyes bu'i byed pa sgrub byed chen po don med par byed pa'i las la 'dod chags dang bral bar ji ltar mi 'gyur/ khyod ni slar yang las de dag byed pa'i phyir na 'dod chags dang bral ba med pas blun pa nyid du ston par byed do/ /de'i phyir 'dod chags bral ba la skabs dbye bar bya ste/ phan 'dogs pa bsri ba med pa'i 'jug pa ni mdzes pa ma yin no/ /ri la rdo 'dzugs pa bzhin no/ /ji ltar ri rtser rdo 'bad pas 'dzugs shing/ de 'bad pa med par kho nar 'gyel ba de bzhin du 'jig rten pa'i 'jug pa thams cad kyang yin no/ /'dir bshad pa/ gang gi phyir na rgyu dang rkyen/ tshogs pa yis ni las byed pa/ /de'i phyir 'bad pas de byed cing/ /de ma tshang bas 'jig par 'gyur/ /'dir smras pa/ gal te yang 'bad pa med par las 'jig mod kyi/ de ltar na yang bde ba'i rgyu nyid kyi phyir

  280. 140b

    de la 'dod chags dang bral bar mi 'gyur ro/ /bshad par bya ste/ 'das la bde ba yod min zhing/ /ma 'ongs pa la 'ang yod min la/ /da ltar byung ba'ang 'gro nyid de/ /khyod kyi ngal 'di gang phyir yin/ /re zhig rnam par shes pa 'das pa la ni bde ba yod pa ni ma yin te/ 'gags zin pa'i phyir ro/ /ma 'ongs pa la yang bde ba yod pa ma yin te/ ma phrad pa'i phyir ro/ /da ltar ba la yang bde ba yod pa ma yin te/ gnas med pa'i phyir ro/ /de ltar bde ba med par gyur pa dang/ des phan 'dogs pa med pa'i phyir/ bde ba longs spyod pa la brkam pa khyod kyi bde ba'i rgyu sogs pa'i dub pa gang yin pa de gang gi ched du yin pa zhig ste/ rnam pa thams cad du bde ba'i rgyu sogs pa'i dal ba'i tshegs 'bras bu med pa kho na'o snyam du dgongs so/ klung gi dogs su khang pa rtsig pa bzhin no/ /'ga' zhig gi chu klung gis 'gram du khang pa brtsigs pa dang/ sa phyogs de rdib par gyur to/ /de nas de las gzhan zhig de dang mthun pa'i 'gram nyid du brtsigs pa dang/ de yang rdib pa ste rdib pa kho na thug pa med par 'gyur/ /ji ltar khyim rtsig pa 'di la ngal dub 'ba' zhig tu 'gyur zhing/ mngon par 'dod pa'i 'bras bu thob pa med pa de bzhin du 'jig rten pa'i 'jug pa thams cad kyang yin no/ /'dir bshad pa/ skad cig la g.yo'i 'gros can sems/ /gang gi phyir na dus gsum du 'ang/ /yongs su brtags na bde med na/ /las rnams gang gi don du sog/ 'dir smras pa/ de lta yin mod kyi/ 'on kyang mtho ris kyi bde ba'i don du gdon mi za bar dge ba'i las bya'o/ /bshad par bya ste/ mkhas pa rnams la mtho ris kyang/ /dmyal ba dang mtshungs 'jigs bskyed 'gyur/ /rnam pa kun tu de rnams la/ /sring gang 'jigs pa mi bskyed dkon/ /de la phun?? nas nyon mongs pa rnam pa sna tshogs skye ba'i sgor gyur pa nyid

  281. 141a

    kyi phyir dang/ yul las yang dag par 'byung ba'i nyon mongs pa drag po'i me 'bar ba nyid kyi phyir dang/ gti mug shas che ba nyid kyi phyir mtho ris kyang dmyal ba ltar 'jigs pa bskyed pa nyid kyi phyir mkhas pa rnams kyis spong bar byed do/ /gang dag la mtho rig phun sum tshogs pa smad du med pa'i bde ba la longs spyod pas dga' bar 'os pa rnams kyis re 'jog skyed par mi byed pa de dag de las gzhan pa'i srid pa dur khrongs gzhi lta bu la dga' bar ga la 'gyur/ kyang gi sgra ni 'dir rim pa gzhan du sbyar te/ mtho ris kyi sgra'i 'jug thogs su blta bar bya zhing/ re zhig srid pa gzhan lta zhog shig mtho ris kyang mkhas pa rnams la dmyal ba dang mtshungs so/ /zhes rnam par bshad par bya'o/ /byis pa'i 'ching ba grol ba bzhin dang/ /'ba' li'i 'ching ba grol ba bzhin no/ /dper na rgyal po byis pa zhes pa rang bzhin gyis ma rung ba'i chos lugs lcags ltar rno ba zhig byung bar gyur la de'i btson khang du gang 'jug ba de lag pa dang rkang pa dang skye dag la 'ching ba lngas dam du 'ching ngo/ /de gang gi tshe 'ga' zhig 'grol bar byed pa de'i tshe skyes bu bsrungs ma rnams la/ 'di 'ching ba thams cad las grol bar bya mod kyi/ 'on kyang spyod lam gcig po gang zhig gis tshe'i mthar gnas par 'dod pa de legs bar bsrungs par bzhag par bya'o zhes lung bsgo bar byed la/ lta de bzhin no zhes de rnams kyis ji skad du smras pa de bzhin byas pa lta bu ste/ de la gang zhig rgyal bo byis pa'i 'ching pa las grol bar gyur ba de la ni grol ba yang bcings pa dang mtshungs par 'jigs pa bskyed pa nyid do/ /sdug bsngal khyad par du gyur pa'i phyir ro/ /de bzhin du gzhan bdag nyid chen po rnams la yang mtho ris kyang dmyal ba'i gnas

  282. 141b

    dang 'dra bar 'jigs pa bskyed par 'gyur ro/ /yang ji ltar 'ba' li 'jig rten thams cad kyi dbon byin nas brdams par gyur pa ni 'di gzhan byin te 'gro bar snang dam/ /de bzhin du gang dag la mtho ris kyang sdug bsngal gyi rgyu yin pa'i phyir dmyal ba dang mtshungs pa de dag la gang zhig 'jigs pa mi skyed pa'i srid pa gzhan gang zhig yod/ gzhan yang ji ltar mkhas pa 'khor ba'i skyon so sor rtog pa la 'dzangs pa rnams 'khor ba gcig tu sdu bsngal zhing sdug bsngal gyi me 'bar bas yongs su bskong ba ji lta ba bzhin lta ba de ltar/ gal te byis pa 'di rnam kun du/ /'khor ba'i sdug bsngal shes gyur na/ /skad cig de la sems dang ni/ /lhan cig gtan tu 'jig par 'gyur/ /sdug bsngal gang zhig bsams pa na 'phags pa rnams 'khor ba las skyo bar 'gyur ba de gal te so so'i skye bos mngon sum du byang bar nus na ni de'i tshe skad cig de nyid la 'di'i snying lus dang lhan cig tu rnam par 'jig par 'gyur ba zhig na ma rtogs pa'i phyir na 'di grogs po'i gsob kyis g.yogs pa'i dgra la bya ba ltar 'khor ba la mngon par dga' o/ /'phags pa rnams kyis 'khor ba'i sdug? bsngal sems can thams cad la phan gdags pa'i bsam pa brtan pos bzung ba ni byas pa shes pa nyid dang snying rje chen po'i thabs dang stobs ngag gis de ltar skyo ba'i rgyu ma yin pas gzhan la phan pa'i bya ba la gzhol ba de rnams la gtan nas 'jigs pa dogs par bya bar mi nus la/ so so'i skye bo 'jigs chogs la lta ba dang rjes su 'brel pa'i phyir dang gnyen po sgom pa dang bral ba'i phyir na/ gal te 'khor ba'i sdug bsngal rnam pa thams cad du shes na des par rdul phra rab tu 'jig par 'gyur ro/ /gnod sbyin gyis brlams pa dang/ /dbang pos byis pa bzhin no/ /

  283. 142a

    'ga' zhig ni gnod sbyin gyis mngon par brlams shing gnod sbyin de yang des ma mthong bar gyur pa dang/ de 'di snyam du re zhig gnod sbyin de ma mthong bar sdug bsngal 'di 'dra ba 'byung na gal te mthong na ni bdag gi lus phyag ngar spar gang ltar rnam par 'jig par 'gyur ro snyam du sems so/ /yang ji ltar sde sna gzhon nu dpon thabs la chags pas srog yongs su btang nas sde sna nyid slar 'dzin pa de bzhin du byis pa'i skye po yang gal te 'khor ba'i sdug bsngal khong du chung na de'i 'jigs pas srid pa thams cad yongs su btang ba las gtan du 'jigs par 'gyur te thar par ro/ /zhes bya ba'i don to/ /'dir bshad pa/ sangs rgyas rnams kyi sdig pa yi/ /'bras bu ci 'dra mkhyen ji ltar/ /ji ltar byis pas shes na de/ /skad cig de la brgyal bar 'gyur/ /gzhan yang 'khor ba 'di ni bya ba dag la nus pa dang ldan zhing g.yo bar gyur ba bde bar 'gyur na/ de yang nges par dpyad pa na/ sems can rlom pa can min dkon/ /rlom can snying rje ldan pa med/ /des na snang ba nas snang bar/ /'gro ba shin tu rnyed dkar gsungs/ /bde ba myong bar bya ba'i yul ma thob bar nye bar nye bar sogs pa'i phyir dang/ thob pa yongs su bsrung ba'i phyir dang/ skyes bu nus shing zho sha dang ldan pa kho na rlom pa nye bar skye la/ rlom pa'i dbang gis kyang bdag nyid khyad par du gyur pa yongs su rtog cing lhag par mi bzod pa na de gzhom par 'dod pas brtse ba med par 'gyur ro/ /gang las bde ba nyams su myong bar 'byung ba 'gyur ba brtse ba med pa la ni ngan 'gro'i mthar thug pa nyid kyis 'byor pa dag ga la yod/ /de nyid kyi phyir bcom ldan 'das kyis snang ba nas snang bar gzhol ba'i gang zag ni dkon no zhes gsungs te/ rigs dang longs spyod dang/ phyug pa las skyes pa'i nga rgyal

  284. 142b

    gyis nges par thur du lhung ba'i phyir ro/ /dza mAdA gni'i bu bzhin no/ /ji ltar dza mAdA gni'i bu nus shing rlom pas lan nyi shu rtsa gcig tu sa steng rgyal rigs med par byas te/ snying brtse ba med pa'i phyir ro/ /de'i phyir gang zhig sbungs yod cing nga rgyal can ma yin par 'gyur ba dang/ nga rgyal can snying rje dang ldan pa zhes bya ba ni shin tu rnyed par dka' o/ /gal te de ltar rlom pa can sdig pa'i las la spyod ba'i phyir ngan 'gro'i mthar thug pas smad pa yin na 'o na bzlog ste rlom pa can ma yin pa dag chos mtho ris kyi bde ba sgrub par byed pa la sbyod pa'i phyir sngags bar 'os par 'gyur te/ de'i phyir 'khor ba ni gcig tu dgongs pa yin no zhe na/ /bshad par bya ste/ phyin ci log pa nyid kyi phyir chos la yang chags par mi rigs so/ /'di ltar/ 'di nas yul log gyur pa la/ / yul ni dmigs par grags gyur te/ /phyin ci log tu gyur pa'i chos/ /rgyu ci zhig gis yang dag 'dod/ /gang yul dag la re ba med pa ni tshangs par spyod pa khas blangs pa las de dag yongs su 'dor la de nas shi 'phos shing/ phyug po'i rigs sam mtho ris su skyes pa la yul yid du 'ong bdag dmigs so/ /gang gi phyir 'di 'dor ba'i rang bzhin yin bzhin du rang gis thob pa'i ngo bo can gyi 'bras bu mngon par sgrub par byed pa de'i phyir na chos ni phyin ci log yin no/ /de de ltar phyin ci log yin yang phyin ci log tu gyur pa'i 'jig rten gyi rgyu ci zhig ste/ dam pa rnams mi bzhed pa gang zhig gis khas blangs pa ste/ de'i phyir de la mngon par zhen ba mchog tu bkrabs par mi 'gyur ro/ /lug brdung bar 'dod pa bzhin no/ /ji ltar lug ni brdung bar 'dod pa na ring por song ba yang log pa yin pa de bzhin du yul log cing yul don du gnyer ba yang yin no/ /de ltar na re zhig chos kyang phyin ci log nyid yin pa'i phyir spang bar bya ba yin no/ /las de'i 'bras bu phyug pa gang yin pa

  285. 143a

    de yang rang dbang du gyur pa nyid mad pa'i phyir dang/ sdug bsngal rnam pa sna tshogs kyi gnas yin pa nyid kyi phyir na mkhas pas re ba bzhag par mi bya ste/ 'di ltar/ bsod nams 'bras bu phyug pa ste/ /de gzhan las yong bsrung bya na/ rtag tu gzhan las bsrung bya gang/ de ni ji ltar bdag gir 'gyur/ /sngar byas pa'i bsod nams kyi las kyi 'bras bu ni phyug pa nyid yin no/ /de yang bdag gi bar 'du shes byas pa zhig yin la/ de ni rtag tu dgra zla dag las bsrung bar bya ba yin no/ /gal te de bdag gi ba yin na ni mi bdag brgyas can dang/ rkun po dang chu dang me rlung la sogs pa dgra zla dag las bsrung bar bya bar mi 'gyur pa zhig na/ gang zhig gzhan dag gis gcad par bya ba'i phyir rtag par bsrung ba'i tshul bya dgos pa de ci ltar bdag gi ba yin bas brjod par nus/ de'i phyir 'di nam zhig bsrung ba'i sgrub pas bar med par mtshag tu 'chams shing yul? gyi ro myang bar byed/ de'i phyir 'di'i 'bras bus kyang phan 'dogs par mi nus so/ /bla ma bzhin no/ /ji ltar rtag tu bla ma'i rjes su 'jug par bya ba dang bla ma la 'bad par bya ba de bzhin du phyug ba bsod nams kyi stobs las skyes pa yin la/ de yang rgyal po dang chom rkun dang/ chu dang me dang 'bras la sogs pa dag las bsrung bar bya ba yin no/ / gang zhig rtag tu bsrung bar bya ba yin pa de ni bdag gi ma yin no/ /'jig rten pa'i chos ni gnas pa med pa'i phyir de la re ba mi legs te/ 'di ltar 'jig rten tshul lugs gang dang gang/ /de dang de la chos rjes 'jug/ de yi phyir na chos pas kyang/ /'jig rten stobs ldan lta bur snang/ /chos ni 'jig rten gyi yul dang rigs dang rus dang spyod tshul gyis rnam bar bzhag pas bu mo rdzed ba dang srol ba la sogs pa'i tshul lugs gang dang gang rnam par 'jog bar byed pa de dang

  286. 143b

    de yang dag par rjes su 'jug ste/ tshul lugs de dang de la chos shes grags par 'gyur ba'i phyir ro/ /gang zhig yul dang dus kyi khyad par dag rnam pa gzhan du 'gyur ba 'di ni rang bzhin gyi rnam par gnas pa'i chos kyi lugs suAng mi rigs te/ de'i phyir 'di la shin tu gus par mi rigs so/ /bu mo bag mar len pa bzhin no/ /skyes bu yul ya ba nang byin pa 'ga' zhig gis yul yab? na ba 'ga' zhig me spar nas rig sngags kyis me de la khyod la bu mo chung mang rung ngo zhes bya ba'i sgra 'byin par byed ba mthong ngo/ /skyes bu de yang shin tu 'dod chags la sbyong ba zhig yin zhing/ de'i bu mo gzugs dang lang tsho dang ldan pa zhig kyang rang gi yul na gnas so/ /de nas mi de yang na ba de'i thad nas rig sngags de nor mang po byin nas don du gnye bar byas shing/ rang gi yul du 'ongs te rang gi bu mo chung mar bya bar 'dod nas don te smra bar bya ba'i phyir me la dris pa dang me des tshul lugs rnam pa gzhan du yin no smras te/ de ltar na/ chos pas kyang 'jig rten stobs bas dang ldan no/ /'dir smras pa/ 'di na mngon par 'dod pa'i yul yang dag par 'byung ba med par bde ba myong bar 'gyur ba'i nyams su myong ba yod pa ma yin/ yul 'byung ba de yang gang gi phyir bsod nams kho na la srid pa de'i phyir yul 'dod pas chos bya ba kho na'o/ /bshad par bya ste/ yul ni dge bas yid 'do na/ /yul de'ang dan par brtsi ba yin/ /gang zhig btang ba shis 'gyur ba/ /de grub pa yis ci zhig dgos/ /yul yid du 'od ba/ /gzuT dang sgra dang dri dang ro dang reg bya zhes bya ba 'dod pa'i yon tan lnga'i bdag nyid can gang yin pa de ni dge ba'i las kyis 'thob na/ de nyid thar pa 'dod pa'i sems can rnams kyis mi gtsang ba bskus pa'i khyim ltar smad par 'gyur ro/ /gang zhig don

  287. 144a

    ma yin pa'i rtsa ba yin pa'i phyir dang/ mi rtag pa nyid dang/ sdug bsngal ba dang/ mi gtsang ba dang/ bdag med pa nyid kyis rtag tu so mi gsor ba'i phyir dang/ 'dod chags la sogs pa nyon mongs pa skyed par byed pa nyid kyis bag med pa'i gnas nyid kyi phyir yongs su btang ba mchog tu bkrabs par 'gyur ba de ni grub pa yis kyang dgos pa ci zhig yod/ de'i phyir 'bras bu'i yul gyi rgyu chos nye bar sog pa'i tshogs don med pa kho na yin pas/ chos ma yin pa ltar chos la yang chags pa dor bar gyis shig /kam po cer slong rgyu ba bzhin no/ /dge slong 'ga' zhig kam po tse'i yul mi dag la slong du song ba dang/ de la g.yo rgyu can 'ga' zhig gis rang gi don du 'di ni yul 'di'i khrims yin gyi bsod snyoms la rgyu ba na re zhig 'dir ci yang ma smra zhig/ bzhad gang du 'gyur du 'ong ngo zhes smras so/ /de drang bas dang per byas pa nyid kyis de ltar byas so/ /de nas skye bo'i tshogs des bdag cag la rdo bas skyes bu des 'khrul 'khor 'di byas nas bdag cag la mngags so snyam du shes shing/ e ma 'di'i mig 'byed pa dang 'dzums pa ni mi ltar spyar bar gyur to zhe'o/ /de bzhin du nyid lag thams cad la smra bar gyur to/ /de nas de dag gis kyang de dang 'dra ba'i 'khrul 'khor dag byas nas skyes bu de la mngags so/ /de nas des dge slong de la da ni skyes bu de dag gi don du tshig smros shig ces pa dang/ des kyang de ltar byas te a rok+Sha la sogs pa'i tshig phyung do/ /de nas de dag ya mtshan du gyur te 'di ni bdag gis mi nus kyis gsal bar bdag cag des pham par byas so zhes smra'o/ /g.yo rgyu can de yang rang gi ngo bo yongs su shes pa las dan par brtsi bar 'gyur te/ 'di yang de dang 'dra'o/ /'dir smras pa/ gal te yul smad

  288. 144b

    pa yin pa'i phyir yul sgrub pa'i don du chos dgos pa med pa yin mod kyi/ de lta na yang rgyal srid dag ni bka' i ro myang bas brling pa yin pas de'i don du rgyal srid la dbang ba'i bsod nams bdag la 'bad par bya'o/ /bshad par bya ste/ /thams cad la bkas dgos pa mod pa ma yin no/ /de'i phyir/ gang la bka' lung dgos med pa/ de la chos don med par 'gyur/ gang zhig gis 'dod pa'i don rnam pa gzhan du grub pa mi srid pa des ni gzhan gyis de sgrub tu gzhug pa'i phyir bka' lung stsol ba'i ngal pa thob par 'gyur gyi/ /gang zhig bka' lung med par don grub par 'bad pa med par 'thob pa de la ni bka' lung dgos pa ci yang med la/ gang la bka' dgos pa yod pa ma yin pa de la ni de'i rgyu chos kyang don med de/ /de ltar na re zhig bka' don du mi gnyer ba de chos med do/ /'on ni bka' lung dgos pa yod pa de la chos 'bras bu dang bcas par 'gyur bas de'i don du rigs so zhe na/ bshad par bya ste/ gang yang chos don gnyer ba nyid/ /de ni skye nad blun zhes bya/ /blun po'i rigs dang mi rigs par spyod par mi nus pa kho na bka' don du gnyer bar 'gyur gyi/ mkhas pa ni phyi rol tu g.yengs pa'i tshogs kyi ngal ba bde bar mi sems so/ /gzhan yang 'di bka' lung la gnod pas brod pa dang phral ba las de dang rjes su mi mthun pa dag la 'jug pas gnas pa na 'dod bzhin du bya ba ma yin pa byed de/ de'i phyir ches sdig pa'i gnas skabs su 'gyur bas don du gnyer bar mi rigs so/ /gal te 'di dge ba'i las kyis bka' tsam don du gnyer bar gyur zhing mi bde ba'i phung po rgyal srid don du gnyer bar byed na ni/ de las ches blun pa gzhan su zhig yod par 'gyur/ lo tshigs zhes pa bzhin no/ /rtsis mkhan 'ga' zhig la bu gcig la gzugs la sogs pa

  289. 145a

    yon tan dang ldan pa zhig yod la/ de yang bu de dang lhan cig yul gzhan du song bar gyur zhing de gzhan dag gi gam du bdag nyid dor bar bya'o/ /zhes du bar brtsams so/ /gzhan dag gis de la ci'i phyir du zhes dris pa dang/ des nyi ma drug na bdag gi bu 'di 'chi ba'i dus byed par 'gyur ro zhes smra ste/ nyi ma de dag tsam kho nar des bu de bsad par gyur to/ /'dir smras pa/ mtho ris kyi gnas na mi rnam la 'chos kyi 'bras bu phyug pa'i khyad par dmigs nas ma 'ongs pa'i 'bras bu'i khyad par 'dod pa nam mkhas pa su zhig gus pa dang bcas pas bsod nams dag mi byed/ bshad par bya ste/ ma 'ongs pa yi 'bras mthong nas/ /chos 'dod chags pas khyod chags na/ ma 'ongs mdza' ni mthong gyur nas/ /'jigs pa med daM ci zhig byed/ mngon par 'dod pa'i 'bras bu ma 'ongs pa la 'dod pa na 'di 'du byed dge pa dag la 'dod chags bsrel na/ de'i 'bras bu de ma thag tu 'byung ba'i ngan 'gro ni mchog tu yid du mi 'ong ba zhig ste/ de yongs su spang bar byed pas 'bras bu ltar chos la yang re ba spang bar bya'o/ /'bras bu dang chos la chags pa med pa ni nges par yongs su mya ngan las 'da' ba' i chos can du 'gyur ro/ /gal ba'i gnas nyo ba bzhin no// ji ltar mi mi mkhas pa 'ga' zhig yon tan dang ldan no snyam du bsams nas gal ba'i gnas nyo la/ de yang 'jig rten thams cad dang mi mthun par 'jug pa'i rgyu nyid kyi phyir nyes pa du mas skyon chags par gyur pa lta bu'o/ /gzhan yang 'bras bu'i rgyu mtshan du dge bar 'dod pa/ gla pa lta bu'i bsod nams ni/ /rnam kun rdan pa dang mtshungs 'gyur/ /ji ltar gla pa 'bras bu 'dod na gla'i don du las byed pa de bzhin du skye bo 'di yang 'bras bu'i ched du sbyin pa sogs??

  290. 145b

    'jug gi/ de'i phyir gla ba dang 'dra bar 'gyur du 'ong pas 'bras bu yid du 'ong ba'i ched du sbyin pa la sogs pa'i las la 'bad par mi bya'o/ /de la mkhas pa rnams la de las bzlog par 'gyur bar dogs par mi bya ste/ 'di ltar/ gang dag dge ba 'ang mi 'dod la/ /de dag mi dge ji ltar byed/ /bya ba mngon par 'dod pa la ni rang dang gzhan gyi bde ba 'byung ba'i rgyu yin pa'i phyir bsod nams kyi bya ba mchog yin na gang dag de yang 'khor ba'i rgyu yin pa nyid kyi phyir mi 'dod pa de dag da ltar rang dang gzhan la gtan den ma yin par gyur pa'i mi dge ba ji ltar byed de dag la ni 'di dogs par bya bar mi nus kyang 'khor ba las ldog pa ni srid do/ de'i rgyu las mi byed pa'i phyir ro/ /rang ka Tas rgyal bu la glang bskal ba bzhin no/ /rang ka Ta zhes bya ba mchog tu dbul zhing phongs pa sprang ba 'ga' zhig gis 'ga' zhig dag la kha 'pho legs par ma sbyar ba zhig rnyed do/ /de yang rang gi gos h+rul dri ma dang chu ser la sogs pa dri ma'i skyon du mas brlag pa zhig tu btums par gyur pa dang bag med pa de'i de khyis phrogs par gyur la/ de dang shin tu mi ring ba zhig na rgyal bu zhig lha mnyes par bya bar 'dod pas smyung bar rnam par gnas pa de la des rgyal bu 'dis bdag gi slongs mo phrogs te zos so zhes skur ba btab te rgyal bu de ni smyung bar gnas pa nyams par 'gyur du 'ong zhes te/ rang gi kha zas shin tu legs par sbyar ba yang mi za na de lta za bar ga la 'gyur/ de bzhin du gang dag srid pa'i rgyu yin pas bsod nams dag jkyang byed par mi phod pa de dag ji ltar na ngan 'gro'i rtsa bas bsod nams ma yin pa dag byed par 'gyur/ gzhan yang ma rig pa dang rjes su 'brel pa'i byis pa rnams ni dge ba dang mi dge ba la sogs pa'i las dag byed cing bde ba dang yid bde ba dang rnam par shes pa la sogs pa'i rnaM

  291. 146a

    par smin pa'i phyir sog par yang byed kyi/ /ma rig par phyin ci log 'phel ba drungs phyung ba/ rang bzhin med pa'i mthong ba skye ba'i phyir rten cing 'brel bar 'byung ba'i don dam pa khong du chud pa/ gang gis 'gro ba 'khrul 'khor gyi/ / tshogs 'dra sgyu ma'i skyes bu ltar/ /mthong bar gyur ba de dag ches/ /gsal bar go 'phang dam pa 'gro/ 'khrul 'khor ni srad bu dang shing dum sogs pa las grub pa yin la/ sgyu ma ni gsangs sngags dang sman chen po'i stobs kyi rkyen las byung ba'i skyes pa dang bud med la sogs pa'i cha byad dag go/ ji ltar gang dag phyin ci log las mi mkhas pa rnams la kun nas nyon mongs pa'i rgyur 'gyur ba de dag kho na de'i rang bzhin la mkhas pa'i 'khrul 'khor dang sgyu ma mkhan skyes pa dang bud med kyi rang bzhin gyi stong pa nyid mthong ba rnams la ji ltar kun nyon mongs pa'i rgyur mi 'gyur ba de bzhin du gang dag gis 'gro ba rten cing 'brel bar 'byung ba'i phyir 'khrul 'khor dang sgyu ma la sogs pa ltar rang bzhin dang bral zhing yod pa ma yin pa'i rang gi ngo bor mthong ba de dag ni phyin ci log gis kun nas bskyed pa'i 'khor ba las brgal nas bsod nams dang sdig pa'i bya ba las 'das pa'i mya ngan las 'das pa'i grong khyer gcig bu'i mthar thug par 'gyur ro/ /'khrug 'khor gyi bu mo bzhin no/ /ri mo mkhan 'ga' zhig gis 'khrul 'khor gyi slob dpon zhig gis khyim du gnas bcas par 'gyur la/ des der bzhad gar kyi bsam pas 'khrul 'khor gyi bu mo zhig bsngags so/ /des bran mo 'di ni bdag ji ltar 'dod pa bzhin du yongs su longs spyod pa'i phyir btang ba zhig go snyam du brtags lag pa nas bzung nas drangs pas shing thang po zhig tu gyur te/ de de mthong nas shin tu ngo tsha bar gyur to/ /des kyang lan klan pa'i phyir rtsig ngos la bdag nyid lcebs pa de ltar bris pa dang/ de

  292. 146b

    mthod nas 'khrul 'khor gyi slob dpon e ma kyi hung brtun des pa las 'khrul 'khor la reg pa'i ri mo mkhan gyis ngo tsha bdag nyid/ 'gegs te bsod ngo snyam du sems par gyur to/ /de'i phyir de ltar na sgyu ma'i rang bzhin dang? tha? mi dang pa'i chos kyi rang bzhin la mkhas pa/ gang dag la ni 'khor ba na/ /yul rnams kyis kyang dga' med pa/ /de dag la 'dir rnam kun du/ /dga' ba 'thad pa ma yin nyid/ /yul la chags pa ni byis pa rnams kyi 'khor bar gnas pa'i rgyu yin gyi gang dag la chos kyi rang bzhin legs par so sor brtags pa'i phyir 'khor bar mngon par dga' ba dang/ lha dang mi'i yul rjes su mthun pa rnams kyis kyang mngon par dga' bar yod pa ma yin pa de dag la gzhan skyo ba dang rjes su mthun pa skye ba dang rga ba dang na ba dang 'chi ba dang mya ngan dang smre sngags 'don pas 'khrug pa'i rnam pa can la mngon par dga' ba yod par 'gyur ram zhes mi srid par sems shing/ de dag la 'dir rnam kun du/ /dga' ba 'thad pa ma yin nyid ces bshad de/ mkhas pa rnams ni dga' ba'i rgyu phyin ci log spangs pa'i phyir 'khor bar dga' ba ma yin te/ legs mthong chen po bzhin no/ /ku sha'i grong khyer du byang chub sams dpa' legs mthong chen po zhes bya ba 'khor los sgyur ba'i rgyal srid la rnam par gnas shing khyim na gnas pa zhig gis yul gyi nyes pa mthong ba'i phyir btsun mo brgyad khri bzhi stong spangs nas bsam gtan bzhi bskyed do/ /'dir legs mthong chen po smos pa ni dpe tsam zhig tu zad do/ /de las gzhan pa byang chub sems// dpa' sa thob pa dag kyang 'gro ba rang bzhin med par mthong ba'i phyir lha'i yul dag gis kyang 'khor bar dga' ba ma yin mod kyi 'on kyang 'gro ba rnams kyis de'i rang bzhin khong du chud par bya ba'i phyir smon lam gyi dbang gis 'khor

  293. 147a

    ba'i mtshor 'khor zhing 'khor ba'i nyes pa'i dri ma dag gis ma gos pa yin no/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya pa las mi nyid kyis mdon par 'dod pa'i yul gyi longs spyod la mngon par zhen pa spang ba'i thabs bstan pa zhes bya ba ste rab tu byed pa bdun pa'i 'grel pa'o// //gang zhig 'dod chags kyi 'chid ba tsha bas cher gtad pa nyid kyi phyir bdag dang gzhan la 'dod chags spongs par mi srid par dogs pa de la bshad pa/ ji lta mi mthun mi rnams la/ /mdza' ba yun ring mi gnas pa/ /de bzhin kun la skyon shes la/ /'dod chags yun ring mi gnas so/ /skye bo rjes su mthun par 'jug pa rnams kho na la des phan btags pa'i stobs kyi sems kyis 'jug pa drangs pa'i mi rnams kyi mdza' bo de'i yon tan lhag par sgro btags pa sngon du 'gro ba can skye ba dang gnas par dmigs kyi rjes su mi mthun pa dag la ni ma yin no/ /de'i skyon nye bar rtog pa la zhugs pa'i phyir ro/ /de'i phyir de ltar na ji ltar 'gal ba'i mi rnams la mdza' ba yun ring por gnas pa yod pa ma yin pa de bzhin du rnal 'byor pa la yang phyi dang nang gi dngos po rnams la skyon du mthong ba nyid kyi phyir ji ltar thams cad du 'dod chags dang bral ba mi srid/ bram ze'i khye'u rgyu dang/ /'phags pa dgra bo pham dang/ rgyal po'i bu g.yul dor pham pa bzhin no/ /ji ltar bram ze'i khye'u rgyu zhes bya ba bag ma len pa'i dus su lan knan rnam par gnas shing gzhon nu ma'i lag pa nas 'dzin par 'dod pa la bcom ldan 'das kyis bram ze'i khye'u 'brel na 'ching zhing/ bral na rnam par grol lo zhes gsungs pa dang/ des

  294. 147b

    gsung de thos te/ de na gnas pa nyid kyis 'phags pa'i bden pa bzhi mthong ba so sor rtogs par byas pa lta bu ste/ de la 'brel na zhes bya ba ni kun 'byung gi bden pa'o/ /'ching zhing zhes bya ba ni sdug bsngal gyi bden pa'o/ /bral na zhes bya ba ni lam gyi bden pa'o/ /rnam par grol lo zhes bya ba ni 'gog pa'i bden pa'o/ /rab tu byung nas kyang dgra bcom pa nyid mngon sum du byas so/ /de bzhin du 'phags pa dgra bo pham sngon phyugs rdzir gyur pa yang ste/ de'i pha shi zhing kho po rab tu byung la/ de la yang bag ma len pa'i chos nye bar gnas pa dang/ de byung tshul de kho bo de la go bar byas pas des khyod kyi don du gnyer bas mang du btang na/ ci bu mo 'di'i rin cha rjes su 'tsham mam re zhig de'i bshad pa'i ring thang ci yin pa chod dang/ de bzhin du gci ba dang khrag dang snabs dang/ zhag dang chu ser dang sungs pa dang/ sbubs kyi zhes rgyas par smras so/ /de yul gyi skyon shes pa'i phyir tshig de dag thos nas tshogs las byung ste/ rab tu byung zhing dgra bcom pa nyid du yang gyur to/ /de bzhin du rgyal po 'ga' zhig la bu shin tu phangs pa zhig yod la/ de nas re zhig na rengs pa dang/ brgyal ba des de g.yul gyis pham par byas nas bzung la/ de'i nyes pa mthong ba'i phyir de las rgyal po'i de'i chags pa log par gyur to/ /de bzhin du skyon shes pa la thams cad du 'dod chags mi gnas so/ /thams cad du skyon du mthong ba'i phyir 'dod chags mi gnas pa 'ba' zhig tu ma zad kyi/ 'di las kyang spongs ba srid do/ /'dod chags kyi gzhi med pa'i phyir ro/ /de'i gzhi ji ltar med pa de ltar bstan pa'i phyir bshad pa/ la la de nyid la chags te/ /la la de nyid la sngar zhing/ /la la de nyid la rmongs la/ /de'i phyir 'dod pa don med pa'o/ /

  295. 148a

    'dod chags ni chags par 'gyur ba'i dngos po la rag las pa yin no/ /chags par 'gyur ba'i dngos po de yang rang gi ngo bos ma grub ste/ de ltar gcig gi chags par bya ba gang yin pa nyid gzhan gyis sdad bar bya ba dang rmongs pa dang bar ma byas par dmigs so/ /gal te rang gi ngo bos chags par bya ba'i dngos por gyur na ni/ de thams cad la thams cad kyi tshe de ltar 'gyur ba zhig na/ nges pa 'di ni mthong ba ma yin no/ /'di ltar gang la gcig chags pa de nyid la gzhan sdang zhing de nyid la gzhan rmongs te/ de'i phyir na/ 'dod pa rang gi ngo bos ma grub pa'i phyir stong pa yin zhing/ de ltar chags par 'gyur ba'i dngos po stong pa nyid du bsgom pa lhur byed pa'i rnal 'byor pa la 'dod chags spong ba yod pa nyid do/ /ma dang chun ma dang bran mo bzhin no/ /skyes bu 'ga' zhig la chung ma gnyis yod cing de las gcig ni bu dang lhan cig 'dug la/ gnyis ba ni bu med par ro/ /de la ma de ni gang gi tshe rang gi bu mthong ba de'i tshe dga' bar 'gyur zhing chun ma de ni de mthong nas sdug bsngal pa nyid du 'gyur la/ bran mo ni mthong nas bar mar gnas par 'gyur te/ de ltar na 'dod chags la sogs pa rnams kyi dmigs pa la rang gi ngo bos grub pa yod pa ma yin no/ /de ltar re zhig dmigs pa ma grub pas 'dod chags la sogs pa ma grub par bstan nas rgyu ma grub pas kyang 'dod chags la sogs pa ma grub par bstan pa'i phyir/ rtog pa med par 'dod chags la/ /sogs pa yod nyid yod min na/ /yang dag don de rtog pa zhes/ /blo dang ldan pa su zhig 'dzin/ /zhes bya ba smos te/ 'dod chags zhe sdang gti mug ni/ /kun tu rtog las 'byung bar bshad/ ces 'byung ba'i phyir ro/ /

  296. 148b

    'dod chags la sogs pa nyon mongs pa'i rgyu ni yul rnams la tshul bzhin ma yin pa'i rtog pa ste/ de'i phyir gang dag rtog pa yod pa kho nas yod pa nyid dang/ rtog pa med par yod pa nyid med pa de dag ni gor ma chag par thag pa bsdogs pa la brtags pa'i sprul ltar rang gi ngo bos ma grub par nges so/ /gang zhig 'dod chags la sogs pa rnams la rang gi ngo bos grub par khas len pa de ni nges par rang gi ngo bos grub pa dang 'gal ba rtog pa la bltos te/ skye ba nyed khas blang bar mi bya'o/ /gal te 'di yang dag pa'i don yin na ni ci'i phyir de yod pa nyid du bya ba la rtog pa la bltos/ 'on te bltos na ni 'di ji ltar yang dag pa'i don yin/ de ltar na 'thad pa dang bcas pa'i lung gi snang bas sems kyi rgyud gsal bar byas pa'i phyir mkhas pa rnams rang gi ngo bos grub pa la rtog pas bskyed pa nyid khas len par mi byed kyi/ blun pa rnams ni ji zhig ltar phyin ci log bas rab tu 'jug par 'gyur ro/ /bsam gtan pa'i mgo'i thad pa bzhin no/ / bsam gtan la 'ga' zhig bdag gi mgo la thod pa zhig 'jar ro snyam du sems rnam par 'khrul par gyur ba dang/ de la 'ga' zhig gis 'di khyod kyi mgo las lhung ngo zhes thod pa gzhan zhig bskyur bas de de ltar ro snyam du rtogs nas rnal mar gyur te/ rtog pa log pa'i phyir ro/ /'dir smras pa/ 'dod chags la sogs pa rnams la rang bzhin yod pa kho na ste/ 'ching ba yin pa'i phyir ro/ /'di ltar bud med ni skyes pa'i yul can gyi 'dod chags kyi skye pa dang lhan cig bcings pas skyes pa las mi mda' la/ skyes pa yang bud med kyi yul can gyi 'dod chags kyi bud med dang lhan cig bcings pas bud med mi gtong ba yin no/ /bshad par bya ste/ 'ga' la'ang gang dang lhan cig tu/ /bcings pa zhes bya yod

  297. 149a

    min te/ /de ltar 'dod chags rtog pa la bltos te skye ba nyid kyi phyir rang bzhi gyis ma grub pa de bzhin skyes pa dang bud med dag kyang rang gi ngo bos ma grub pa'i phyir na don 'ga' zhig yang don 'ga' zhig dang bcings par? rang bzhin gyis yod pa ma yin pas bcings pa'i rgyu can yin pa'i phyir 'dod chags rang gi ngo bos grub pa ma yin no/ /ci ste yang de ltar rnam par dpyod pa dor nas gzhan dang gzhan lhan cig bcings par rtog na/ de ltar na yang/ gzhan dang lhan cig bcings pa la/ /bral ba rigs pa ma yin no/ /bral ba dang rnam par thar pa dang rnam par grol ba zhes bya ba ni don gzhan ma yin no/ /gal te rang bzhin gyi gzhan gyis 'ching ba'i rgyu nyid du 'gyur na ni de'i tshe rang gi ngo bo la gzhan du 'gyur ba med pa'i phyir grol ba med pa'i phyir grol ba med pa kho nar 'gyur ba zhig na rnam par grol ba yod pas 'dod chags la rang gi ngo bos 'ching ba'i rgyu nyid yod pa ma yin no/ /'ching ba'i rgyu nyid med na yang bcings pa ga la yod /de'i phyir 'dod chags la sogs pa rnams kyi rang bzhin gyis stong pa kho na yin zhing/ rang bzhin gyis stong pa nyid du mthong ba las spong bar 'gyur ro zhes bya ba gzhag par nus so/ /glang nag po dang dkar po'i sbyor ba bzhin no/ /ji ltar glang nag po glang dkar po la sbyor ba ma yin la/ dkar po yang nag po la ma yin gyi 'on kyang gnya' shing dang chu thag la sogs pa yin te/ de bzhin du dbang po rnams yul rnams la ma yin la/ yul rnams kyang ?? dbang po rnams la ma yin gyi 'on kyang 'dir 'dun pa'i 'dod chags gang yin pa de 'ching ba yin no/ /gal te de ltar rnam par dpyad pas nyon mongs pa rnams ldog na ni ci'i phyir phal tshcher? nyon

  298. 149b

    mongs pa pham par ma byas pa dag ltar snang zhe na/ zab mo'i chos la lhag par mos pa dang bral ba'i phyir ro/ /'di ltar/ bsod nams chung dus chos 'di la/ the tshom za bar yang mi 'gyur/ /the tshom za ba tsam zhig gi/ srid pa h+rul por byas par 'gyur/ /mi mkhas pa 'khor ba thog ma med pa nas phyin ci log tu lta ba goms par byas shing dngos po gzugs brnyan lta bu rnams la 'di'i bden par mngon par zhen pa ni stong pa nyid nye bar ston pa g.yang sa ltar sems te/ sems kyi rgyu ba stong pa nyid kyi ltag par mos pa'i rgyud dge ba'i rtsa ba dang bral ba'i phyir ro/ /rnam pa de lta bu'i sems can la ni phyin ci log tu nges pa las ma gtogs pa stong pa nyid kyi chos 'di la ji ltar yin nam 'di ltar ma yin snyam du the tshom yang mi skye'o/ / de'i phyir grol ba'i rgyu la phyin ci log pa'i phyir de la thar pa lta ga la yod/ gal te stong pa nyid kyi chos yang dag par nye bar bstan na rgyu ci zhig gcig gis chos 'di ltar ma yin zhing 'di the tshom bskyeng na ni the tshom za ba 'di tsam gyis khyad? nges par 'di'i srid pa dengs pa nyid du 'gyur te/ de ni gal te 'di ltar yin snyam du dmigs pa na de'i tshe de rim gyis nyon mongs pa'i rkun po gcod pa'i rgyur 'gyur ro/ /yang the tshom za ba po nges par don du gnyer zhing 'thad pa dang bcas pa'i lung gi stobs las yang dag pa'i lta ba la nges par gyur pa ni nyon mongs zad pa las 'khor ba rgyun chad par byed pas the tshom za ba'i dus na yang 'di'i srid pa h+rul po kho nar 'gyur pa mngon te/ de 'joms pa dang mthun pa'i gnas skabs la gnas pa'i phyir ro/ /srin mos bzung ba'i rta'i rgyal po ba la ha kas thar par byas pa bzhin no/ /dper na bzhon pa chad pa'i ded dpon srin mos bzung ste khyim thab nyid du bston zhing? des khyod kyis nam yang lho phyogs su 'gro bar mi bya'o zhes lho phyogs nas bzlog pa dang/ de ci'i phyir 'di dag

  299. 150a

    bzlog par byed snyam du the tshom za ba tsam gyis phyin la/ de yang rta'i rgyal po be la ha ka dang phrad nas de nas srin mo de las thar zhing rgya mtsho'i pha rol tu phyin no/ /gal te de la the tshom 'byung bar mi 'gyur na ni srin mo de las thar bar mi 'gyur na/ rgya mtsho'i phar 'gram du yang phyin par mi 'gyur pa lta bu'o/ /yang gang la the tshom za ba srid pa h+rul po nyid kyi rgyur 'gyur ba rang bzhin gyis stong pa nyid kyi mtshan nyid can gyi chos gang yin pa de ni bcom ldan 'das kyis bzod pa'i skad cig dang po nas nye bar bzung nas ji srid thar par 'gyur ba de'i bar du yongs su mi nyams pa dang 'phel bar gsungs kyi 'jig rten pa'i chos rnams ni de lta ma yin te/ de rnams ni rnam par smin pa zad pa las kyang zad par 'gyur la/ rkyen ma tshang pa las kyang mi 'byung ngo/ /'di ltar shes rab kyi pha rol tu phyin pas byin gyis ma brlabs pa'i sbyin pa la sogs pa rnams kyis ni dmus long ltar thams cad mkhyen pa nyid kyi grong khyer du byin par byed mi nus so/ /zhes ston pas gsungs so/ /de'i phyir de ltar na/ chos gang zhig la thub pa yis/ /thar pa'i bar du 'phel ba nyid/ /gsungs der gang la gus med pa/ /de ni gsal bar blo ldan min/ /gang zhig gtan du phan 'dogs shing 'phel ba rab tu 'gyur ba dang ldan pa'i chos la gus pa skyed bar mi byed pa'i rmongs pa de ni dor ba'i gnas la 'jigs par lta ba de'i phyir bdag nyid blun po nyid du mngon par byed pa zhig ste/ de'i phyir de ltar blun por 'gyur du 'ong bas mkhas pa rnams kyi rang bzhin stong pa nyid du lta ba la gus pa bzhag par bya'o/ /li kha ra'i la du bzhin du/ thar ma dang phyag rgya bzhin no/ /dper na li kha ra'i la du kun nas myang bar bya ba yin pa de dang 'dra'o/ /yang ji ltar skyes bu 'ga'

  300. 150b

    zhig gis rigs sngags gnyis grub po/ /de la gcig gas ni thur ma la yongs su bzlas nas skye bo rnams kyi nang thams cad nye bar zhi bar byed do/ /gnyis pas ni phyag rgya bcas nas so/ /de nas des 'dza' po 'ga' zhig la khyod rig sngags gnyis po 'di nos dang/ khyod la phan par 'gyur gyi zhes smras pa las des ma mnos so/ /de nas grogs po mdza' ba de shi ba dang/ de la nad chen po byung ba de yang gsor mi rung ba zhig ste/ de nyid shi bar yang 'gyur ba bzhin no/ /yang ci dngos po 'di rnams mi stong bzhin 'dod chags dang bral bar bya ba'i phyir stong pa ltar mthong ngam/ 'on te rang bzhin gyis stong pa kho na yin dang stong pa'o zhes bsnyad ce na/ bshad par bya ste/ bdag ni mya ngan 'das 'gyur zhes/ /stong min stong ltar mthong min te/ /log ltas mya ngan mi 'da' bar/ /de bzhin gshegs pa rnams gsung ngo/ /dngos po rnams gzhan du gnas pa las rnam pa gzhan du yongs su shes pa de ni log par lta ba'o/ /gal te dngos po rnams rang bzhin gyis mi stong bzhin du rang bzhin du stong zhes mthong na ni de tshi log par lta ba kho na las mya ngan las 'das pa thob par 'gyur bzhig ma log par lta pa'i gang zag la ni sangs rgyas bcom ldan 'das rnams mya ngan las 'das par rnam par 'jog par mi mdzad de/ yang dag pa'i lta ba sngon du btang ba kho nas mya ngan las 'das pa ji ltar 'thob par rnam par 'jog pa'i phyir ro/ /de'i phyir rgyu ma ltar rten cing 'brel par 'byung ba'i phyir dngos po rnams rang bzhin gyis stong pa kho nar gyur pa na dngos po de kho na nyid ji ltar gnas pa bzhin du mthong bas rgyud spyangs shing sgro btags pa dang skur ba 'debs pa'i mthar rtog pa'i dri mas dri ma can du ma gyur pa'i 'phags pa rnams kyis chos thams cad rang bzhin gyis stong ngo snyam du rtogs te/ bcom ldan 'das kyis

  301. 151a

    chos thams cad ni stong pa nyid de rang bzhin med pa'i tshul gyis so zhes gsungs pa'i phyir ro/ /mtshan mo dge tshul btung bya ma yin pa la bsngags pa bzhin no/ /dge tshul 'ga' zhig bla mas btung bar bya ba ma yin pa'i don du mtshan mo mnan zhing bsdags pa dang/ de nas de la des 'di ni dge slong rnams la rung ba ma yin na khyod ji ltar 'thung zhes brjod do/ /des smras pa chu bo snyam du byas nas 'thung ngo zhe'o/ /des kyang nyi ma gzhan zhig la chu nyid 'on pa dang/ des ci'i phyir gzhan nyid blangs zhes smras la/ dge tshul gyis kyang gang gi tshe khyed chu nyid do snyam du byas nas 'thud na de'i phyir 'di la khyad par ci zhig ces smras so/ /gal te dngos po rnams rang bzhin gyis stong pa kho na yin na ci'i phyir ma rig pa la sogs pa'i rim pas sems can dang snod kyi 'jig rten gyi 'jug pa bstan te/ don dam pa yin pa'i phyir rang bzhin gyis stong ba nyid kho na cig rkyang nye bar bstan par bya bar 'gyur ba ma yin nam zhin 'di ni de ltar ma yin te/ dang po 'jig rten pa'i don dam pas 'jug pa'i bdag nyid can nye bar ma bstan par ni de kho na nyid rang bzhin gyis stong ba nyid kyi mtshan nyid can kun nas bstan par mi nus te/ de'i phyir de kho na nyid kyi bdud rtsi la 'jug pa'i skangs su gyur pa nyid kyi phyir na 'jug ba nye bar bstan pa yang bya dgos la/ chags pa thams cad yongs su btang bas mya ngan las 'das pa'i bde ba thob pa'i rgyu rang bzhin phyis stong pa nyid nye bar ston par yang bya dgos par bya dgos so/ /de'i phyir 'dir de bzhin gshegs pa'i gsung rab/ gang las 'jig rten bstan 'bying ba/ de las 'jug pa gsungs pa ste/ gang las don dam bsnyan byung ba/ /de la ldog pa gsungs pa lo/ /mkhas ba ni gang la dang spri'i mtshan nyid bden pa'i dngos

  302. 151b

    por rtog pa'i sgo nas rgyu med ba nyid dang/ rgya gcig pa dang mi mthun pa'i rgyu dgag par bya ba'i don du ma rig pa rang 'du byed la sogs pa'i rim pas 'khor ba'i 'jug pa'i tshul ston pa 'jug pa gsungs so zhes bya bar shes par bya'o/ /gang la rten cing 'brel par 'byung ba rang bzhin ma skyes pas rang bzhin gyis stong pa nyid du ston pa de las ni 'khor ba 'jug pa'i ldog pa gsungs te/ don dam par rang bzhin stong pa nyid khong du chung bas thams cad du ma chags pa dang ldan zhing tshor ba dag la sreng ba med ba la sred pa'i rkyen can len pa la sogs brgyu 'gag pa dang/ rnam pa thams cad du skye ba dang rga bdan ba dang 'chi pa la sogs pa 'gag pa'i phyir ro/ /gting khung du 'jug pa bzhin no/ /ji ltar gtid zhung 'jug na cha rkyen gyi 'jug pa gang chung zad yod pa de thams cad dor pa bya ba yin la/ de dag gis dgos pa ci yang med pa de bzhin du 'jig rten pa'i 'jug pa'i snying po med pa de dag thams cad kyang mkhas pas yongs su btang bar bya ba zhig ste/ gang las 'jug pa'i chos yin pa de nyid las ldog pa'i chos yin pa'i phyir ro/ /gal te de ltar dngos po thams cad stong pa'i phyir don dam pa'i bsnyang pa la ci yang yod pa ma yin na ni de'i tshe thams cad dngos po med par thal bar 'gyur ro/ thams cad dngos po med pa las kyang bya ba cung zad kyang med par 'gyur de rnam pa thams cad du yang las dang phyed pa po dang byang ba dang bya ba la sogs pa rnams med pa'i phyir ro/ /bya ba la sogs pa rnams dngos po med ba las kyang bar pa med par 'gyur bas khyob kyis thams cad mi rigs pa nyid do zhe na/ bshad par bya ste/ kun yong ma yin ci bya zhes/ /khyod la 'jig pa skye 'gyur gang/ /gal te bya ba yod na ni/ /chos 'di zlog byed mi 'gyur ro/ /gang gi gyir thams cad yod pas yin pa de nyid kyi phyir don dam mchos

  303. 152a

    'di 'jug pa zlog byed du rigs te/ de'i phyir zlog pa don du gnyer bas bya ba la sogs pa'i rten yod pa thams cad med pa ci ste mi 'dod/ ci ste 'jug pa ltar de la yang bya ba yang yod na ni de'i tshe bya ba'i 'bras bu'i dngos po yang 'jug pa'i phyir 'jug pa de nyid yin pas ji ltar chos 'di mya ngan las 'das pa 'dren par byed par 'gyur/ smig rgyu bzhin no/ /'ji ltar smig rgyu'i chu'i 'du shes bskyed cing de chur yang mi 'gyur la/ der gang zhig la skom pa skye ba de nyid ni tshogs su 'gyur pa de bzhin du phung po dag la bdag tu 'du shes pa yang yin no/ /gang zhig ldog par byed pa'i chos la ci yang yod pa ma yin pa de'i phyir stong pa nyid kyi phyogs mchog tu bkrabs par 'gyud ro zhes stong pa nyid kyi phyogs la chags shing bzlog pa rang bzhin dang bcas pa'i phyogs la sdad ba de la zlan kar 'gyur te/ khyod la rang phyogs chags yod cing/ /gzhan gyi phyogs la mi dga' na/ /mya ngan 'das par mi 'gro ste/ /gnyis spyod zhi bar spong mi 'gyur/ /phyogs ni 'dir mdor bsdun rnam pa gnyis te/ rang gi phyogs dang gzhan gyi phyogs so/ /de la gal te rang bzhin stong pa nyid kyi phyogs ni mchog go snyam du khyod la rang gi phyogs la 'dod chags shing mngon par zhen pa yod cing/ gzhan yang dag pa ma yin no snyam du rig nas gzhan gyi phyogs la khyod mi dga' zhe ni de'i phyir mya ngan las 'das par mi 'gro ste rjes su chags pa dang khong khro bas bcom zhing gnyis la spyod pa las ni mya ngan las 'das pa yod pa ma yin no/ / dam pa rnams kyis ni thams cad la bar ma gnas par 'gyur ba na chags pa bcad par zhi ba de ro gcig pa ldog pa med par 'thob par 'gyur ro/ /de nyid kyi phyir bcom ldan 'das kyis gang zhig chos thos rjes su chags 'gyur ba/ /de

  304. 152b

    ni chos min thos nas nyams 'gyur te/ /de ni nga rgyal dregs bcom phyir log cing/ /nga rgyal dbang gis de yi sdug bsngal myong/ /gang dag bdag gi nyid gnas mi 'gyur zhing/ rtag tu khengs min dma' pa ma yin la/ /gang dag dga' dang mi dga' las grol ba/ /de dag yun du yid grol gyur zhing gnas zhes gsungs so/ /'phags pa dge 'dun sde'i sdom pa rtson bzhin no/ /sdom brtson 'ga' zhig dge slong 'phags pa dge 'dun sdi'i gan du bstan bcos nyan par 'dod par 'gyur la/ nam zhig na des de la dge bsnyen gyis shig ces smras pa dang/ des kyang nyi ma gzhan zhig gi tshe slob dpon la phyag 'os kho bo ni dge bsnyen du gyur te gang gi phyir bram ze mthong nas bsad par 'dod pa'i phyir ro zhes smras so/ /'dir smras pa/ nye bar 'tshe ba thams cad dang bral ba'i phyir mya ngan las 'das pa bde ba dam pa yin mod kyi/ de ltar yang de 'thob pa'i thabs la spyod pa shin tu dka' ba'i phyir de 'thob par mi nus la/ srid pa ni 'bad pa med par bsgrub par bya ba yin pa'i phyir sgrub par sla ste/ de'i phyir bdag cag de la 'jug par 'gyur ro/ / bshad par bya ste/ phyin ci log tu nges par bzung ba zhig go/ /'di ltar/ byed med mya ngan 'da' 'gyur zhing/ /byed las yang srid 'gyur te des bsam khral med pas mya ngan las/ /'das pa thob sla gcig shos min/ /gang gi phyir bya ba thams cad la byed pa log cing bsam khral med pas mya ngan las 'das pa de'i phyir mya ngan las 'das pa thob pa sla'i/ /dge ba dang mi dge ba la 'jug pas bsgrub par bya ba nyid kyi phyir na mya ngan las 'das pa las cig shos yang srid pa ni bde blag tu mi 'thob la mkhas pas ni sgrim pa med par 'thob pa'i mya ngan las 'das pa spangs nas bya ba rnam pa sna tshogs pa'i dub pas 'thob par bya ba'i yang srid pa don du gnyer bar yang mi rigs so/ /nad med pa'i stobs sgrub pa bzhin no/ /nad med pa'i stobs

  305. 153a

    sgrub pa la rkyen mang po mthong mod kyi/ gang gi tshe khyad par cung zad kyang mi 'dod pa de'i tshe rkyen thams cad don du gnyer bar 'gyur ro/ /gal te mi byed na mya ngan las 'da' bar byung na ci'i phyir khyod kyis bstan bcos 'di las mi rtag pa nyid la sogs pa'i don ston par byed ce na/ bshad par bya ste/ 'khor ba la chags pa'i 'gro ba 'khor ba la skyo bar bya ba'i phyir ro/ /'di ltar/ gang la 'dir skyo yod min pa/ /de la zhi gus ga la yod/ /rang khyim la bzhin srid pa ni/ /'di nas 'byung ba'ang bya ba dka' / /'khor ba las sems skyo ba rnams ni de las des par 'byung bar bya ba'i phyir mya ngan las 'das pa bsten gyi gang la skyo ba yod pa ma yin pa de ci'i phyir de don du gnyer bar bya/ skyo ba med pa nyid kyis blo chung ba rnams 'khor ba las des par 'byung ba yang mi bzod de/ 'di ni dper na rang gi khyim snying po chung yang chags pa yongs su gcad par bya dka' ba nyid kyi phyir blo chung ba rnams kyis btong bar mi nus pa dang de 'dra'/ /gsang bya btung ba don du gnyer ba bzhin no/ /gsang bya 'ga' zhig 'phral bsang par bya'o zhes bsad par bya ba'i phyir btang ba yang btung ba don du gnyer bar 'gyur te/ de bzhin du rjes su 'brel pa rnams la yang 'dod pa mi ldog go/ /gzhan yang phyug po rnams kyis ni yul byi bde ba'i longs sbyod med pa'i khyim dag spod pa dang/ dgon par mya ngan las 'da' ba thob par bya bar btang ba nus par ma gyur mod/ /gang dag lan dang dbul ba la sogs pa sdug bsngal gyi rgyu rnams spyir btsa ba mi srid pa de dag gis ni 'khor ba la dga' ba yongs su dar bar rig pa nyid do/ /'di ltar/ la la sdug bsngal zin mnan zhing/ /chi par 'dod pa dag snang ste/ /de tshe de dag gi ta mug phyir/ /go 'phangs dam pa rim 'gro ?

  306. 153b

    la la dag ni nad dang dbul ba dang sdug pa dang bral ba la sogs pa'i sdug bsngal gyis gzir te/ bdag la chags pa dor nas bdag nyid ngos nas skur zhing me dang chur 'jugs pa la sogs pa dag kyang byed de/ gal te nge kho na ltar 'khor ba sdug bsngal du nges par byas nas bdag la chags pa gtan du phyung bar gyur na ni mya ngan las 'das pa'i bde ba la mi ring bar gnas pa zhig na/ yod pa ma yin phyin ci log gis mthang bar phyin ci log rnams ni gti mug che ba'i phyir gang gis na mya ngan las 'das pa sgrub par 'gyur ba de ltar mi 'jug go/ thug pa kun nas 'thungs te nyal ba dang/ btung ba'i sman pa the chom za ba bzhin no/ /'ga' zhig thug pa 'thungs nas nyal ba dang/ khyad par mang pos sdug bsngal bar gyur to/ /de bzhin byis pa rnams kyang ji lta ji ltar bde ba 'dod pa de lta de ltar sdug bsngal bar 'gyur ro/ /yang ji ltar 'ga' zhig sdun btung do snyam ste nye bar bsnums par gyur te/ /de yang nye bar bsnums par gyur nas ci btung phar bya ba'i sman zhag ba btung bya ma yin pa zhig snyam du the tshom za bar gyur la/ de na de las mthar pa de bzhin du byis pa so so'i skye bo thams cad kyang sdug bsngal dang nye bar 'cho ba'i snum chos kyi nyon mongs pa dag zhu bar byas pa yin du zin kyang/ ma rig pas gtugs shing thibs po'i rnam pa can mi shes pa'i nad sel ba'i rgyu 'dod chags dang bral ba'i sman la the tshom za ba ni nyon mongs thams cad nye bar 'jams pa'i sman ma 'thungs par kun nas nyon mongs pa'i nang chen po thams cad grol ba las gnyis su med pa'i go 'phangs dam pa skyon med pa mi 'thob po/ /'dir smras pa/ gal te de ltar srid pa thams cad yongs su btang bas rga shi med pa'i ga 'phangs mya ngan las 'das pa gcig bu kho na don du gnyer

  307. 154a

    bar bya ba yin na de thob par bya ba'i phyir sgom pa'i gtam kho na yin la rag mod/ ci'i phyir bcom ldan 'das kyis sbyin pa dang tshul khrims kyi gtam dag kyang mdzad/ bshad par bya ste dman pa dang 'bring dang rab kyi dbye bas sems can gyi khams ni rnam pa sna tshogs la de'i dbye ba las kyang bcom ldan 'das thabs chen po can gyi thugs rje chen po'i rang bzhin mnga' ba gang gi 'bras bu ltun gyis grub pa 'jug pa'o 'gro ba mdza' dag gi bsam pa dang bag nyal mkhyen pa'i chos bstan pa rnam pa sna tshogs pa yin no/ /de la bcom ldan 'das des/ sbyin pa dman pa la gsungs shing/ 'bring la tshul khrims gsungs pa ste/ mchog la zhi ba gsungs gyur pa/ /des na rtag tu mchog tu byos/ / dman pa'i gang zag la ni sbyin pa kho na dang tshul khrims la sgom pa ni ma yin te/ de gnyis kyi snod ma yin pa nyid kyi phyir ro/ /'bring po la ni tshul khrims kho na gsungs kyi sbyin pa ma yin zhing sgom pa ma yin te/ sbyin pa la gnas zin pa'i phyir dang sgom par nus pa med pa'i phyir ro/ /mchog la ni sgom pa kho na gsungs kyi sbyin pa tshul khrims dag ni ma yin te/ de gnyis la gnas par gyur zin pa'i phyir ro/ /de la sbyin pas ni longs sbyod che bar 'gyur ro/ /tshul khrims kyis ni lha dang mi'i skye ba'o/ /sgom pas ni nyon mongs pa bsrabs pa nyid du 'gyur la bsrabs pa nyid kyi phyir mya ngan las 'das pa'i phyir thams cad la mya ngan las 'das pa mi gsung ngo/ /de'i phyir bdag mchog tu gyur cig ces mya ngan las 'das pa la mngon par dga' bar byos shig /rgyal bu gsum la nye bar 'doms pa bzhin no/ /ji ltar 'di la rgyal bu gsum yod pa la der na tshod la bltos te gcig ni yi ge dag nye bar ston te/ gnyis pa la ni

  308. 154b

    bstan bcos 'don pa'o/ /gsum pa la ni mtshon cha'i thabs 'don pa ston to/ /de bzhin du dman pa la sogs pa rnams la sbyin pa la sogs pa'o/ /mchog tu byung ba'i phyir ches thog ma kho nar mya ngan las 'das ba'i gtam bya ba yang ma yin gyi/ /bsod nams min las dang por bzlog/ bar du bdag ni bzlog pa dang/ /phyi nas lta zhig kun bzlog pa/ /ni bya ste gang gi shes de mkhas pa yin/ /bstan pa 'dir rim gyis 'dus byas thams cad bzlog par bya'o/ /de la 'dir re zhig bsod nams ma yin pa'i phyogs thams cad bzlog ya ni dang por bya ste/ mthong ba dang ma mthong ba'i nyes pa brgya phrag du ma'i rgyu yin te/ spang bar slab dang por bzlog par bya'o/ /sdig pa bzlog pas ni phung po dang khams dang skye mched rnams la bdag rnam pa lngar yang mi srid ba'i phyir bdag tu ltang bcha nyi shu dor bar bya'o/ /phyi nas bdag la chags pa yang dag par ston pa'i phung po dang khams dang skye mched dag la chags pa yang yongs su btang bar bya ba'i phyir dngos po thams cad bzlog par bya'o/ /de'i phyir de ltar na blo dang ldan pa 'di len pa med par yongs su mya ngan las 'das te/ de ltar na rim pa'i sgo nas gang zhig gis thams cad bzlog pa'i thabs shes pa/ de la ni sangs rgyas kyi bstan par mkhas pa zhes brjod do/ /nad phyir bco ba'i bya ba bzhin no/ /ji ltar nad phyir bco ba dag snum chos dag la sogs bdag byas dang bya ba dang 'gal bar spyod pa'i skyon du mi 'gyur pa de bzhin du thar ba'i tshul la yang ngo/ /yang ji ltar len pa med pa nyid 'thob cen dngos po thams cad rang bzhin med pa nyid du mthong ba las so/ /gal te dngos po rnams mdza' yas de'i yul can de ji ltar blta bar nus/ chos gcig kyang yongs su ma shes shing/ ma spangs par sdug bsngal gyis

  309. 155a

    mthar byed pa yang mi srid la de bzhin du bcom ldan 'das kyis skad cig gcig dang ldan pa'i shes rab kyis gang cung zad shes par bya ba dang blta bar bya ba dang mngon sum du bya ba de thams cad mngon sum du mdzad do zhes 'don pa yang yin te/ de'i phyir 'di ltar blta bar bya zhe na/ bshad par bya ste/ dngos po gcig gis lta po gang/ /da ni kun gyi lta bor bshad/ /gcig gi stong nyid gang yin pa/ /de nyid kun gyi stod nyid do/ /gzugs kyi rang bzhin stong ba nyid gang yin pa de nyid tshor ba la sogs pa phung po rnams kyi rang bzhin stong pa nyid do/ /de bzhin du mig gi skye mched kyi rang bzhin stong pa nyid gang yin pa nyid skya mched bcu gnyis kyi char yang yin no/ /de bzhin du mig gi khams kyi rang bzhin stong pa nyid gang yin pa de nyid khams bco brgyad car gyi yang do/ /de bzhin du dngos po dang yul dang dus dang rten gyi dbye ba tha dad cid rab tu dbye ba mdza' yas pa rnams las dang po gcig gis rang bzhin stong pa nyid bar yin te nyid dngos po thams cad kyi rang bzhin stong pa nyid de/ bum pa dang mkhar gzhong la sogs pa tha dad kyang nam mkha' tha dad med pa bzhin no/ /gzugs la sogs pa'i dngos po tha dad kyang gzugs la sogs pa rnams kyi rang bzhin gyis ma skyes ba las tha dad pa med ba'i phyir chos gcig kho na'i rang bzhin gyis ma skyes pa yongs su shes na chos thams cad kyi rang bzhin gyis ma skyes pa yang yongs su shes bar 'gyur te/ de bzhin gyis ma skyes pa yang yongs su shes par 'gyur te/ /de bzhin du sbad ba la sogs pa dag la yang sbyar bar bya'o/ /de nyid kyi phyir 'phags pa nam mkha' mdzod kyi ting nge 'dzin las/ gang gis chos gcig bsgoms nas chos rnams kun/ /sgyu ma smig rgyu 'dra zhing gzung med la/ gsob brdzun ther

  310. 155b

    thug min par shes pa de/ ring bor mi thogs byang chub snying por 'gro zhes gsungs so/ /de bzhin du 'phags ba ting dre 'jin gyi rgyal po las kyang/ gcig gi thams cad shes 'gyur zhing/ /gcig gi thams cad mthong bar 'gyur/ /ji snyed mad po brjod byas kyang/ /de la dreg ba skye mi 'gyur/ /bdag gi 'du shes shes ba ltar/ /de bzhin kun la blo sbyar bya/ /chos kun de yi rang bzhin te/ /rnam par dag pa nam mkha' 'dra zhes bya ba la sogs pa 'byung ngo/ /rgya mtsho'i chu thigs pa 'thungs pa bzhin no/ /ji ltar ro mtshungs pa'i phyir gcig tu rgya mtsho ra myangs na thams cad du ro myangs bar 'gyur ba de bzhin du dngos po rnams kyi 'dus byas stod pa nyid kyang yin te/ mtshan nyid mtshungs pa'i phyir ro/ /'dir smras ba/ gal te chos thams cad stod pa'i phyir spad bar bya ba yin na/ dge slong dag de lta bas na gus par byas te/ gus bar byas nas byas pa'i bsod nams kyi rnam par smin bar 'dong bas sdug pa dang phang ba dang yid du 'ong ba so sor myod par 'gyur ro/ /zhes bya ba 'di ci'i phyir gsungs/ 'di ni mi 'gal te gad gi phyir/ /chos chags de bzhin gshegs rnams kyis/ /mtho ris 'dod pa rnams la gsungs/ /thar pa 'dod rnams la de nyid/ /smad 'gyur gzhan du smos ci dgos/ /chos la chags ba ni de'i thabs kyi ngo bo yin pa'i phyir gdon mi za bar bya ba nyid du/ bsod nams dag ni byar 'os te/ /bsod nams ma byas nyid sdug bsngal bsod nams byas pa'i 'jig rten ni/ /'di dang gzhan du dga' 'gyur ro/ /zhes sangs rgyas bcoM ldan 'das kyis 'dod cing ngan 'gror 'gro bas 'jigs ba skye ba dang/ /'jigs ba bsgom par mi nus ba rnams la gsungs kyi/ /thar ba 'dod pa rnams la ni ma yin no/ /de rnams la ni chos la chags pa 'khor pa'i brtson ra'i khad bar

  311. 156a

    'ching ba nyid yin te/ gang gi phyir chos kyi rnam grangs gzings dang 'dra bar kun nas shes pa rnams kyis ni chos rnams spang bar bya ba yin na chos ma yin pa dag lta ci smos zhes gsungs ba'i phyir ro/ /rnam par grol ba'i bde ba 'dod pa la ni 'gar yang chags pa shis par mi 'gyur te/ de ni chags pa ma lus pa bcad pas thob par bya ba yin pa'i phyir ro/ /mi pham pa'i mdo bzhin no/ /gang gi tshe bcom ldan 'das shAkya thub pas ba ra NA sir khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyur la/ yang de'i tshe 'khor los sgyur ba'i rgyal po dung zhes bya ba 'byung bar 'gyur zhing/ der grong khyer 'di nyid du khyod bzhugs pa dang yongs su mya ngan las 'das pa la mchod pa chen po byas te rab tu byung nas dgra bcom pa nyid kyis yongs mya ngan las 'das par 'gyur ro zhes byang chub sems dpa' mi pham pa zhes bya ba lung bstan par mdzad pa dang/ de nas 'khor de'i nang nas dge slong mi pham pa zhes bya ba zhig yod bar 'gyur la/ nges e ma ma la bdag gling bzha'i dbang phyug 'khor los sgyur ba dud du gyur cig ces smon lam btab ste/ de ni bcom ldan 'das kyis 'di ltar sdug bsngal bzlog par bya ba'i phyir/ /rab tu byung nas sdug bsngal de nyid 'dod pa khyod ni skyes bu blun po zhig go zhes smad pa mdzad do/ /de bstan nas bcom ldan 'das kyis da ni de'i skad cig tsam gyi srid pa mngon par 'grub pa yang bsngags par mi mdzad do/ /de ci'i phyir zhe na/ dge slong dag srid pa mngon par grub pa ni sdug bsngal ba ste/ dper na phyis ni chung du yin du zin kyang dri da na/ mang po lta ci smos zhes gsungs te/ de bzhin

  312. 156b

    du zhes bya ba ni gong ma bzhin no/ /de ni de ltar smad la/ gzhan dag ni srid pa'i rgyu bsod nams dgu la sbyar ro/ /'dir smras pa/ gal te stong pa nyid kyis chags pa log pas sdug bsngal rangs pa ldog na de lta na ni/ 'on sdug? bsngal mdza' dag nye bar gcod pa'i rgyu nyid gyi phyir de kho na nyid gcig bu nye bar bstan bar bya'o/ /de ni de lta ma yin te/ de ni stsod kyi khyad par la bltos pa'i phyir ro/ /'di ltar snod ma yin pa la bstan pa'i phyir stong pa nyid ni bza' nyes pa'i zas dang skom la sogs pa ltar phung ba'i rgyur 'gyur ro/ /de ni lhag par ma mos pas bcom ldan 'das kyi stong pa nyid spong bar 'gyur ro/ /yang na stong pa nyid kyi don ni thams cad med pa'i don du log par yongs su brtags nas log par lta bas ngan song du 'gro par 'gyur ro/ /de'i phyir/ bsod nams 'dod pas stod pa nyid/ /kun che brjod par bya min te/ /gnas ma yin par sbyar ba'i sman/ /dug du 'gyur ba ma yin nam/ /'dir snying rje can bsod nams 'dod cing sems can rnams rjes su bzung bar 'dod bas ni thog mar sems can yongs su ma smin zhing/ dge ba'i rtsa ba ma smin pa rnams la stong pa nyid brjod par mi bya ste/ don med pa'i phyir ro/ /dper na sman chen po legs shing ro nim pa gnas ma yin par btang ba ni nad pa'i don ma yin pa 'am rnam par 'jig pa'i rgyur gyur ba ltar/ 'dir gnas ma yin pa dag la stong pa nyid sbyar ba de dag gi don ma yin par 'gyur te/ bcom ldan 'das kyis 'od srungs 'di lta ste rdza mkhan gyi snod so ma btang ba rnams la me rags pa gtong ste/ 'od srungs byang chub sems dpa' yongs su ma smin pa'i sems can rnams la sangs rgyas kyi chos rgya chen po'i ye shes kyi me gtong ba yang de bzhin du blta bar bya'o/ /zhes gsungs pa'i phyir ro/

  313. 157a

    blun la nye bar bstan pa ni/ /'khrug pa'i rgyu yin zhi phyir min/ /lag 'gro 'o ma 'thungs pa ni/ /dug 'phel 'gyur ba 'ba' zhig go /zhes bshad do/ /rtswa 'phur ma dang za ma tog lta bu dang zin pa dang ma zin pa la rtsi nad med gtong ba bzhin no/ /ji ltar tshong pa'i rtswa phur ma ni rdzas gzhan dang gzhan la gnod pa gzhan dang gzhan du 'gyur ba de bzhin du chos ston pa la sems can rnams kyang yin no/ /ji skad du bcom ldan 'das kyis zam tog lta bu'i mdo las tshon gyi sbrul gdug pa bzhi la rtsi sman gzhan dang gzhan gsungs pa de bzhin du nyon mongs pa'i sgrul gdug pa rnams la yang yin no/ /yang ji ltar 'ga' zhig gis dug gi sman pa mdza' po zhig las dug thams cad sel ba'i rtsi nad med thob par 'gyur la/ de nas des de dug gis rnam par 'gyur ba zhig la btang ba dang de yang zhi bar gyur to/ /de nas dug med pa zhig la btang ba dang/ des de bsad pa ltar sems can rnams la chos ston pa yang de bzhin du shes par bya'o/ /de'i phyir sems can gyi sems kyi rgyud las su rung bar bya ba'i phyir ches thog ma kho nar 'jig rten pa'i dngos po ji ltar gnas pa bshad par bya ste/ de la de mkhas pa rnams stong pa nyid la bde blag tu 'jug pa'i phyir ro/ de nyid kyi phyir/ dri bral gos la tshon bzhin du/ /dang por sbyin sogs gtam rnams kyis/ /sems la legs pa nyid bskyed de/ /de nas chos ni bsgom par mdzad ces gsungs so/ /don 'di bstan pa'i phyir dpe bshad pa/ ji ltar kla klo skad gzhan gyis/ /bzung bar mi nus de bzhin du/ 'jig rten pa yi ma gtogs par/ /'jig rten gzung bar nus ma yin/ /dper na kla klo skad gzhan mi shes pa nyid kyi phyir rang gi skad kho nas bstan par bya ba yin pa

  314. 157b

    bzhin du 'jig rten yang 'jig rten pa'i dngos po rnam par bzhag pa'i sgo nas de kho nyid la gzhug par nus so/ /'jig rten pa'i kun rdzob la ma zhugs par ni mkhas pa sus kyang bdag dang chos gnyis sgyu ma lta bu nyid dam den dam pa'i ngo bo brjod du med pa nyid du bzung bar mi nus kyi/ 'jig rten gyi kun rdzob la ji lta ba bzhin du zhugs pas ni sgyu? ma lta bu nyid du bzung bar nus shing/ /sgyu ma lta bu la zhugs pas kyang shin tu don dam pa'i chos kyi rang bzhin brjod du med par bzung bar nus so/ /de'i phyir 'jug pa'i rim pa ji skad bshad pa gdon mi za bar bya dgos so/ /khye'u gzhon nu bzhin no/ /dper na khye'u gzhon nu skad gzhan gyis khong du chud par bya bar mi nus pa de bzhin du so so'i skye bo'i 'jig rten yang yin no/ /de nyid kyi phyir yod pa dang med pa la sogs pa brtan pa 'jig rten gzud pa'i thabs yin pa nyid kyi phyir bcom ldan 'das kyis/ yod dang med dang yod med dang/ /gnyi ga min zhes kyang bstan te/ /thams cad med par lta ba'i dri ma bkru ba'i phyir ni bcom ldan 'das kyis gdul bya rnams la yod do zhes bstan pa/ dngos por mngon par zhen pa thams cad spang ba'i phyir 'ga' zhig tu med do zhes gsungs so/ /yang rnam pa gnyis kar lta ba spang ba'i phyir ni yod pa dang med pa zhes bya ba gsungs la/ spros pa rnam pa thams cad du bcad pa'i phyir ni gnyis ka ma yin pa zhes bya bar yang rab tu bstan to/ /gzhan yang re zhig khyod nyid kyis rnam par sbyod pa dang/ nad kyi dbang gis thams cad ni/ /sman zhes bya bar 'gyur min nam/ /nad dag ni phyir bco bar bya dgos la/ /de dag la yang gzhi'i bye brag gis du ma zhig sman du 'gyur gyi/ gcig nyid thams cad du ni nye bar mkho ba ni ma yin te/ 'di yang de dang 'dra'o/ /rab tu byung bas gnod sbyin dang yi dags la chos kyi btung ba sbyin pa lta bu dang/

  315. 158a

    gnod sbyin gyis phyir 'jil bar mthong ba bzhin no/ /dper na spun gsum zhig yod pa la de las gcig ni rab tu byung ngo/ /gnyis pa ni gnod sbyin rdzu 'phrul che ba zhig tu gyur zhing/ gsum pa ni yi dags skar mnga' gdong du gyur te/ /de gnyis car yang dge slong de'i gan du song bar 'gyur to/ /de nas dge slong des gnod sbyin de la longs spyod chen po'i rgyu shes par bya ba'i phyir sbyin pa'i yon tan bshad cing/ rnam par smin pa'i rgyu shes par bya ba'i phyir tshul khrims 'chal pa'i skyon bstan to/ /yi dags lan? sdug bsngal shes par bya ba'i phyir btud ba byin pas me'i gdung bas sdug bsngal nye bar zhi bar byas na ser sna'i skyon brjod pa lta bu te/ de bzhin du sems can rnams kyi bsam pa sna tshogs pas sangs rgyas bcom ldan 'das kyi 'gro ba mdza' dag rjes su 'dzin pa la gzhol ba rnams kyi chos ston pa yang sna tshogs par 'gyur ro/ /yang na dper na 'ga' zhig gis phas yul gzhan nas bu mo zhig blangs la/ de'i pha de yang dus byas par gyur to/ /de la mas khyod kyi pha'i grogs po gnod sbyin 'di zhes bya ba de don gnyer bar gyis la bu mo de blta bar bya ba'i phyir song zhig ces smras pa dang/ des de ltar byas so/ /de nas gnod sbyin des de gzhal med khang ni nam mkha' la khyer nas 'ongs pa dang/ mi zhig kyang gan du 'ongs par gyur to/ /de la gnod sbyin des bu song la 'di bsngogs shig ces smras la/ des kyang de ltar byas te 'ongs nas de la ci'i phyir mi 'dis sdangs su bcug ces dris pa dang/ des 'di ni rab tu byung ba zhig ste/ bdag gis 'di'i gzi byin me bzang ngo zhes smras so/ /de nas des grong khyer der khrid nas khye'u de 'dabs gcig tu gzhag ste bu mo de btsal ba'i phyir rang nyid grong khyer der zhugs pa dang/ bu mo de

  316. 158b

    mthong nas gnod sbyin de la 'dod pa'i 'dod chags skyes te des de bzung ngo/ /khye'u de yang 'di yun ring por thogs par byed do/ /snyam ste rang nyid song ba dang/ de nyid kyis bzung ba'i bar du mthong nas des de la 'di thong zhig ces 'di ni khyod kyi mna' ma yin no zhes zhus pas des ma btang bar gyur to/ /de nas phyir zlog par byed pa zhig bkug ste de sgor gnas pas gnod sbyin yang du bar rtsom zhing phyogs gcig stsol cig mchi'o/ /zhes smra ba bzhin no/ /de ltar na 'ga' zhig 'ga' zhig gnyen por 'gyur te/ chos stan pa yang de dang 'dra bar shes par bya'o/ /yod pa dang med pa la sogs pa'i bstan pa 'di rnams las kyang nang gi bdag nyid du sems pa la zhugs pa'i phyir na gnyi ga ma yin par bstan pa gang yin pa de don dam pa'i bstan pa yin la/ don dam pa'i bstan pa de yang/ yang dag mthong na gnas mchog la/ /cung zad mthong na bzang 'gro ste/ /de'i phyir nang bdag bsam pa la/ /mkhas pas rtag tu blo gros bskyed/ /don dam pa'i shes pas de nyid yang dag par mthong ba yod na gnas kyi mchog mya ngan las 'das pa thob la/ /cung zad chung du zhig mthong na lha dang mi'i 'gro ba bzang po'o/ /gang gi phyir ye shes mthong ba rdzogs pa yong na mya ngan las 'das pa 'thob la/ ma rdzogs na bzang 'gro yin pa'i phyir mkhas pas rtag tu nang gi bdag nyid bsam pa la blo bya dgos so/ /rgyal po'i pho brang du rkun po chos ma yin pas mgron du bos pa bzhin no/ /rkun po 'ga' zhig yang yang gtsug lag khang du 'gro bar 'gyur la/ de la dge slong 'ga' zhig gis ded cag la skyes rengs shig leng zhig ces smras pas/ des skyes ci 'dra ba zhig ces smras pa dang/ dge slong gis chos kyi skyes bslab pa'i gzhi long zhig ces smras la/ des kyang srog gcod pa dang ma byin par len pa

  317. 159a

    pa dang/ brdzun du smra ba dang/ 'bru'i chad dag sbyong bar mi nus kyis/ 'on kyang 'dod pa la 'og par g.yem pa spong ngo zhes smras so/ /des de spangs te bslab pa'i gzhi cig blangs nas sod ste mtshan mo rgyal po'i gra sa'i khab tu rku ba'i phyir zhugs pa dang/ der bu mo chos ma yin pas mgron du gnyer nas des kyang 'dod par ma gyur to/ /don de yang rgyal pos mkhyen la/ des kyang de la btsun mo rgyan thams cad kyis klubs pa btsal zhing ri mor byas pa lta bu ste/ de bzhin du nang gi bdag nyid 'di bsams na mya ngan las 'das pa'i 'bras bu nges par thob bo/ /ci ste rkyen 'ga' zhig ma tshang pa las/ /de nyid shes pas gal te 'dir/ /mya ngan 'das pa ma thob kyang/ /skye ba phyi mar 'bad med par/ /nges par thob 'gyur las bzhin no/ /de kho na nyid kyi ye shes la blta bar bya ba'i phyir mngon par brtson pas skye ba 'dir 'dod chags dang bral ba'i mdza' mi 'thob mod kyi don dam ba'i ye shes grub pa las skye pa phyi mar 'bad pa med par mya ngan las 'das pa nges par 'thob ste/ las bzhin no/ /dper na gti mug gis byas pa'i las des par las skye ba 'dir 'bras bu 'byung ba med mod kyi/ sa bon 'gags ma thag tu myu gu dad lo ma dang me tog dang 'bras bu la sogs pa ltar de la skye ba gzhan du? gdon mi za ba kho nar 'bras bur 'gyur pa bzhin te/ rdzogs sangs rgyas rnams ma byung zhing/ /nyan thos rnams kyang zad pa na/ /rang sangs rgyas kyi ye shes ni/ /brten pa med pa las rab tu 'byung zhes gsungs ba'i phyir ro/ /a mra zas te 'dzugs pa bzhin no/ /gang zhig a mra'i 'bras bu smin pa zos zin par byas nas sa bon ma brlag par 'dzugs pa des 'phral du sa bon myad ba'i 'bras bu mi 'thob kyi/ de lta na yang dus gzhan du don chen po 'tho ste/ ji ltar

  318. 159b

    'dod pa la? shing tog 'thob pa'i phyir ro/ /gal te de ltar de kho na nyid shes pa yod na ci'i phyir gol ba dag mi snang zhe na/ la lar snang mod kyi/ 'on kyang/ bsam bzhin pa na bya ba ni/ /kun lo grub pa shin tu dkon/ /'di na'ang myang 'das med min gyi/ /sbyor dang? grol rnams rnyed par dga' / /mya ngan las 'das pa kho na dkon pa 'ba' zhig tu ma zad kyi 'on kyang rtsom pa thams cad 'bras bu 'byung bar nges par dka' ba zhig go /bsam pa kho na 'bras bu'i sgrub par byed pa ma yin gyi/ 'on kyang rgyud da rkyen gyi tshogs pa 'dod pa'i 'bras bu sgrub par byed pa yin la/ /de yang shin tu rnyed par dka' o/ /de'i phyir 'dir bya ba thams cad bsam pa na 'grub pa shin tu dkon te/ de bzhin du bde bar gshegs pa'i bstan pa 'di na yang mya ngan las 'das pa 'dod pa yod mod kyi/ de ltar na yang rgyu gang gi phyir dge ba'i ba shes gnyen dang bral ba dang nang gi tshul bzhin yid la byed pa med pa las sbyor ba dag rnyed par dka' ba de'i phyir grol ba rnams kyang rnyed par dka' / de'i phyir grol rnams ma mthod bas de kho na nyid mthong ba med par rtogs par mi nus so/ /gtum mo lcags ldag pa bzhin no/ /ji ltar gdol ba mo skud btsugs pa zhig nyes pa de dang bral ba yin du zin kyang/ kho mo ni gtum mo nyid kyis sme ba'i rang bzhin can zhig ste/ ji ltar lha khang dang nye bar lcags lngag par byed ces lcags ldag par byed mi phod de/ gal te byed na ni log par glang bskal pa de las grol bar 'gyur ba lta bu ste/ de bzhin du byis pa la la dag kyang bdag nyid dman par sems shing sangs rgyas nyid la sbyor bar mi zad do/ /gal te rigs pas sbyor na ni gdon mi za bar sangs rgyas nyid 'thob par 'gyur ro/ /gang de ltar dus yun ring por zhugs pa'i nyon mongs pa'i tshogs 'di la zad pa yod do/ /zhes bya bra?

  319. 160a

    'di ji ltar nges par nus she na/ bshad par bya ste/ lus la yon tan med thos nas/ /'dod chags yun rings mi gnas te/ /lam de nyid kyis thams cad kyang/ /zad par 'gyur ba ma yin nam/ /ji ltar 'di na dus yun ring pos kyang bdag gi ba nyid kyis mngon par bcas pa'i lus longs spyod sna tshogs pa dag gis nye bar gsos kyang 'jig pa'i chos can du gyur cing byas pa mi shes pa la yon tan med par thos nas mkhas pa la skad cig der 'dod chags mi skye bar de ltar legs par bsgoms pa'i lam 'dod chags dang bral ba skyed par byed pa de nyid kyi dus yun ring por zhugs pa'i 'dod chags thams cad kyang gtan nas zad par 'gyur ba ma yin nam/ de'i phyir phyi dang nang gi bdag nyid kyi dngos po thams cad la rang bzhin stong pa nyid kyis snying po med pa nyid du mthong ba'i phyir 'dod chaT la soT pa'i nyon mongs pa'i 'ching ba ma lus pa bcad pa las grol ba srid par bya'o/ /ce na kas gser yongs su dor ba bzhin no/ /ji ltar tsan kas ci sman dag gis gser ma sha gcig byed pa na gang gi tshe gser ka ka ni tsam zhig bsgrubs pa de'i tshe bdag gi tha bas 'dis gser ches shin tu mang po sgrub par nus so snyam ste/ des de yongs su dor ba bzhin du rnal 'byor pa yang lus yon tan dang bral ba thos pa tsam gyis 'dod chags skad cig tsam mi gnas par mthong nas/ bdag gis lam 'di'i sgo nas 'dod chags la sogs pa'i nyon mongs pa gtan bzlog par bya bar nus so/ /zhes lam de nyid goms par byed do/ / 'dir smras pa/ thog ma med pa'i dus nas zhugs pa'i skye bo'i rgyun la ji ltar mdza' yod par 'gyur/ bshad par bya ste/ ji ltar sa bon mdza' mthong zhing/ /de la thog ma yod min ltar/ /de bzhin rgyun mi tshad phyir/ /skye ba'ang 'byung

  320. 160b

    par mi 'gyur ro/ /ji ltar dus yun ring po nas zhugs shing rgyu dang 'bras bu gcig nas gcig tu brgyud pas 'jug pa'i sa bon gyi rgyun thob mar? mi ldan pa la mes tshig pa la mdza' mthong ba bzhin du skye ba gcig nas gcig tu brgyud pa'i rgyu can thog ma med pa'i dus nas 'jug cing thog ma dang mi ldan pa'i rnam par shes pa'i sa bon gyi skye ba la yang rgyu mtshad ba las yang 'byung ba yod pa ma yin no/ /nyon mongs pa la bltos pa'i las kyi ni skye pa tshar phyin pas 'phen par nus la/ nyon mongs pa? dag kyang ye shes kyi mes bsreg pa la dngos po med par nye bar 'gro ste/ de'i phyir grogs med pa las kyis skye ba 'phen par mi nus so/ /de ltar na skye ba mur thugs pa 'di bsil bar 'gyur ro/ /mar me dang til bjos? pa dang/ kun tu rgyun mkha' dang/ shing ljon pa bzhin no/ /ji ltar mar me'i rkyen dag yod na gnas par 'gyur ba dang/ ji ltar til brngos pa'i sa bon rnams kyis myu gu rgyas par mi 'gyur ba dang/ kun tu rgyun mkha' ldong pos bsgrubs te/ de'i rgyus nam mkhar 'gro bar gyur cing gang gi tsha de gzhan gyis drogs pa de'i tshe rgyu med pas sa la lhung pa dang/ ji ltar shing ljon pa'i rtsa ba bton pas rgyu med pa'i phyir slar ?? bar mi 'gyur bde bzhin du rgyu dngos por zhen pa med pas 'dod chags la sogs pa nyon mongs pa rnams mi 'byung ngo/ byang chub sems dpa' rnams kyi 'jug pa nyon mongs pa'i dbang gis kyang ma yin te/ 'on kyang smon lam gyi dbang gris? so/ /do'i phyir srid pa'i 'gro ba dngos po'i rang bzhin med pa mthong ba nyid kyis gang sems can gyi don la sbyor zhing 'ga' yong sems can du mngon par zhen pa/ byang chub sems dpa' i mchog tu dka' bar spyad pa ni shin tu rmad du byung ba zhig ste slob dpon sangs rgyas bskyangs kyis/ 'gro ba stod par gzigs mod kyang/ /'gro ba'i sdug bsngal bsal bzhed pas/ yun

  321. 161a

    rings khyed nyon mongs pa gang/ /de ni mchog tu rmad 'byung ba'o/ /zhes gsungs so/ /'phags pa nye ba 'khor gyis zhus pa'i mdo las kyang/ 'di ni sems can srog 'ga' yod min la/ /rgyal ba'i dbang po sems can smin pa'ang mdzad/ /sems can yod pa min yang don mdzad pa/ /'di ni khyod kyi dka' spyod chen po'o/ /zhes bya ba la sogs pa bcom ldan 'das kyis gsungs so/ /de bzhin du shes rab kyi pha rol tu phyin pa sum brgya pa las/ sems can ji snyed sems can du bsdu bas bsdus pa sgo nga las skyes pa'am/ mngal las skyes pa'am/ drod gsher las skyes pa'am/ gzugs can nam/ gzugs can ma yin pa'am/ 'du shes can nam 'du shes can ma yin pa 'am 'du shes med 'du shes med pa ma yin pa dag kyang rung ste/ ji snyed sems can gyi khams su gdags pas btags pa thams cad bdag gis phung po lhag ma med pa'i mya ngan las 'das pa'i dbyings su mya ngan las 'da' bar bya'o/ /de ltar sems can yongs su mya ngan las ma 'das pa rnams yongs su mya ngan las 'das kyang sems can 'ga' yang yongs su mya ngan las 'das par mi 'gyur ro/ /zhes 'dod pa'i phyir ro/ /'phags pa rin po che'i phreng ba las kyang/ ji ltar chu shing yan lag dag /ma lus bcas te bshig byas na/ /ci yang med ltar skyes bu yang/ /khams bcas bshig na de dang 'dra/ /de ltar bdag dang bdag med pa/ /yang dag ji bzhin dmigs su med/ /bdag dang bdag med lta ba dag /de phyir thub pa chen pos bzlog /ces bya ba la sogs pa gsungs so/ /'gro ba thams cad rang bzhin med par mthong ba 'dir ji ltar 'gyur ba de ltar ni 'og nas rab tu byed pa brgyad kyis ston par 'gyur ro/ /slob dpon 'phags pa lha'i zhal snga nas kyi byang

  322. 161b

    chub sems dpa' i rnal 'byor spyod pa bzhi brgya pa las slob ma yongs su spyod bzhes bya ba ste/ rab tu 'byed pa brgyad pa'i 'grel pa'o// //'di man chad slob dpon rab tu byed pa lhag ma rnams kyis slob ma rab tu byed pa thal ma thag pa'i rgya mtsho'i chu'i g.yo bas sems kyi rgyud bshal cing de kho na nyid kyi bdud rtsi bstan pa'i snod du 'gyur bas dngos po mdza' dag gi de nyid ji lta ba bzhin rtogs par bya ba'i ched du de kho na nyid rnam par gtan la phab pas brtsam par bzheng pas 'dus byas skye ba dang 'jig pa dang ldan pa nyid kyis snying po med pa nyid du brjod pa'i phyir bshad pa/ thams cad 'bras bu'i don skye ba/ /des na rtag yod min de'i phyir/ 'bras bu'i don du 'jug pa ni 'jig rten na rang bzhin pa ma yin te/ 'jig rten na 'di'i tshogs pa 'di ni 'bras bu'i ched du yin gyi dngos po pa ni ma yin no/ /zhes tha snyad 'dogs pa'i phyir ro/ /'byung ba dang 'byung ba las gyur pa dang/ sems dang sems las byung ba dang/ mtshan gzhi mtshan nyid la sogs pa 'dus byas la yang chig rkyang skye pa med pas ci rigs pa tshogs pa kho na skye ba yin no/ /tshogs pa de yang phan tshun rgyu dang 'bras bu'i dngos po gnas pa'i phyir gang zhig yod na gang 'byung zhing gang med na gang mi 'byung ba de de'i rgyu yin zhing cig shos 'bras bu yin las med par 'byung ba gsum po de med pa'i phyir dang yod na yod pa'i phyir sa skye ba 'bras bu la dgos pa yin no/ /de ltar na 'dus byas thams cad dag nyid ji lta ba bzhin du 'bras bu'i don du skye ba de'i phyir de rtag pa ma yin no/ /de ltar na 'dus byas thams cad dag nyid ji lta ba bzhin du 'bras bu'i don du skye ba de'i phyir de rtag pa ma yin no/ /rtag pa'i sgra ni rang bzhin dang /bden pa dang/ snying po dang/ dngos po dang/ rdzas kyi rnam grangs yin pa'i phyir la/ de med pa'i phyir 'dus byas

  323. 162a

    rang bzhin med pa dang/ mi bden pa dang/ snying po med pa dang/ dngos po ma yin pa dang/ rdzas ma yin pa dang/ slu ba'i bdag nyid can dang/ byis pa'i 'jig rten 'drid pa yin no/ /zhes bya ba rtogs so/ /'di skad du bcom ldan 'das kyis rab 'byor mig ni bdag dang bdag gi ba dang/ rtag pa dang/ bstan pa dang/ ther zug pa dang/ rnam par 'gyur pa'i chos can ma yin pas stong pa ste zhes bya ba dang/ de bzhin du ther zug tu gnas pa ma yin pa dang/ 'jig pa ma yin nyid kyi phyir mig ni mig gis stong ste zhes bya ba la sogs pa gsungs so/ /de nyid kyi phyir ston pas gang 'dus byas yin pa de ni brdzun pa bslu ba'i chos can no zhes gsungs so/ /'di yang 'chad par 'gyur ba'i rig pa dang ldan par nges par mdzad nas bshad pa de'i phyir/ thub pa ma gtogs ji ltar dngos/ /de bzhin gshegs pa yong ma yin/ /mi slob pa'i sku dang gsung dang thugs thub pa dang ldan pas na thub pa ste/ sangs rgyas bcom ldan 'das so/ /de nyid mi rtag pa dang stong pa nyid nye bar ston pas na dngos po rnams kyi rang bzhin ji lta ba de bzhin du gshegs shing thugs su chud pas de bzhin gshegs pa zhes bya'i gzhan ni ma yin te/ de kho na nyid phyin ci ma log par ston pa'i sgo nas de kho na nyid kyi don ji ltar gnas pa bzhin ma rtogs pa'i phyir ro/ /ji skad du/ 'das dang ma 'ongs da ltar byung chos rnams thams cad de bzhin nyid/ /ji ltar de bzhin gzigs des na/ /de la de bzhin gshegs par bsnyad/ ces bya ba dang/ rab 'byor de bzhin gshegs pa de bzhin gshegs pa zhes bya ba ni gang du yang mi gshegs la gang nas kyang ma byon pa ste/ nges na de bzhin gsheT pa zhes bya'o/ /zhes bya ba dang/ de bzhin du de bzhin nyid ji lta bar thugs su chud pa des na de bzhin gshegs pa zhes bya'o zhes gsungs so/ /yang na bcom ldan 'das kyis gang kun 'byung ba'i chos can de ni gdon mi za bar 'gog pa'i chos can te/ skye

  324. 162b

    ba'i rkyen gyis rga shi zhes bstan pa'i phyir skyes pa gang yin pa de'i 'bras bu 'jig pa kho na zhig ste skyes pa ni de'i don du yin pa nyid kyi phyir ro/ /de'i phyir thams cad 'bras bu'i don du skye ba des na rtag pa yod pa ma yin te/ rang bzhin yod pa ma yin no/ /zhes bya ba'i don to gang gi phyir 'di de ltar yin pa de'i phyir/ thub pa ma gtogs ji lta'i dngos/ /de bzhin gshegs yong ma yin te/ /'di'i don ni de gong ma bzhin no/ /rnam pa gcig tu na tshor ba gsum myong bar 'gyur ba'i las yul dang dus dang lus kyi gnas skabs kyi khyad par gyi myong bar bya ba rnams la de dag med par las kyi 'bras bu yang dag par myong bar med bas de'i don du phyi dang nang gi dngos po dag skye ba'i phyir dngos po thams cad 'bras bu'i don du skye ba'i rang gi ngo bo nyid kyis rnam par gnas pa ni ma yin te/ nges na rtag pa yod pa ma yin no/ /rnam pa gzhan du na ni rang bzhin ldog pa med pa'i phyir rtag pa nyid du 'gyur na de ltar na yang ma yin no/ /des na rtag yod min te/ thams cad rang bzhin stong ngo/ /zhes bya ba'i don to/ /dngos pa thams cad stong pa nyid 'di yang ston pa gzhan gyi tshig gis ma bstan to/ /zhes bshad pa ni de'i phyir/ thub pa ma gtogs ji lta'i dngos/ /de bzhin gshegs pa yod ma yin/ /zhes bya ba'o/ /rtog ge ba dag ni gang zhig pha rol pos 'bras bu'i don du ma skyes pa nyid du khas blangs pa de ni skyes pa yin te/ 'bras bu'i don yin pa'i phyir 'bras bu'i don du skyes pa gzhan bzhin no/ zhes smras te/ 'dir re zhig pha rol pos kun brtags pa sa dang chu dang me dang rlung gi rdul phra rab skye ba dang 'jig pa dang ma ldan pa rnams la nam mkha' i me tog ltar rgyu med pa nyid kyi phyir yod pa nyid yod pa ma yin no/ /yod pa ma yin pa 'di rnams rgyu nyid du skyo btags tha skyo ba sgrub pas mi rtag pa nyid du sgrub par rigs pa yang ma yin te/ rang nyid la 'bras bu'i don ma grub pa'i phyir la gzhan la

  325. 163a

    grub pa gtan tshigs su khas len na ha cang thal bar gyur pa'i phyir ro/ /dngos po mi rig pa khas blangs pas pha rol po bzlog par bya ba yin pa'i phyir na rtag pa 'bras bu'i don nyid du khas blangs par rig pa yang ma yin no/ /'di gzhan gyi dam bca' la rjes su dpag pa dang 'gal ba brjod par rig pa yang ma yin te/ de ni gnyi ga la grub pa kho nas brjod pa'i phyir ro/ /gang gi ltar na gnyi ga la grub pa'i sgo nas rjes su dpag zla gnod mi srid pa'i phyir rang la grub pas kyang rjes su dpag bas gnod pa yod do/ /zhes 'dod pa de ltar na yang don ston pa la mi mkhas pa nyid du 'gyur te/ mkhas pa ni slabs bstan par bya ba'i don dka' bas sngon par mi phyed do/ /gzhan yang nam mkha' yang mig gi rnam par shes pa dang myu gu bskyed pa la rgyu nyid du brjod pa'i phyir dang/ khams drug 'don pas gang zag tu btags pa'i rgyu nyid kyi phyir 'bras bu'i don de nyid ni ma ngas ma nyid kho nar 'gyur ro/ /gal te rgyu ni rgyu ru 'gyur ba na gzhan gyi rgyu ru 'gyur ba ste zhes bya ba'i tshul las ni nam mkha' la rgyu nyid yod pa ma yin no/ /zhes de ni de ltar ma yin te/ der ni sa bon myu gu'i rgyu 'di du yin pa ltar gang gis byed pa de rgyu yin no/ /zhes skyed par byed pa kho na rgyur mngon par 'dod la/ rgyu mtshan gyi dngos po tsam gyis nam mkha' yang rgyu nyid du 'dod pa kho na ste/ de ltar mi 'dod na mdo dang bstan bcos gnyis mi 'gal bar brjod par mi 'gyur ro/ /slob dpon rnam pa thams cad du dngos po rang bzhin med par gsung ba yin pa'i phyir grub pa'i sgo nas mi rtag pa nyid sgrub par mdzad pa yang ma yin te/ de kho na nyid kyi skabs yin pa'i phyir dang/ rtag pa nyid de yang phyi nas 'gog par 'gyur ba'i phyir te/ skye dang gnas dang 'jig rnams la/ /cig car 'byung ba yod min zhing/ /rim gyis 'byung ba

  326. 163b

    yong min na/ /nam zhig 'byung ba yod par 'gyur ro/ /zhes 'chad par 'gyur ro/ /bstan bcos las kyang gal te mi rtag rtag ko zhes/ /de ltar 'dzin pa log yin na/ /stong la mi rtag pa'o zhes/ /'dzin pa'ang ji ltar log ma yin/ zhes gsungs so/ /gzhan yang dngos po ni 'jig rten la rab tu grub pa yin pa'i phyir de sgrub pa la rjes su ngang? ba kha? yongs su 'dzin pa dgos pa med pa nyid do/ /gang zhig blun pa nyid kyi dngos po ma yin pa ri rong gi rwa ltar yod pa ma yin par mi rtogs pa de yang skye ba skyil grags pas brjod par 'dod pa'i don 'dzin par byed du gzhug par nus pa kho na'o/ /dngos po yod pa nyid sgrub pa ni yan lag gsum yang bsgrub par bya ba ltar ma grub pa'i phyir don sgrub par byed pa mi srid pa nyid do/ /de'i phyir rtog ge pa rnams gyis rtog ge byed pa'i dal ba don med pa nyid du rtogs so/ /de ltar yin dang de'i phyir rtog ge'i mtshan nyid ma rtogs par gyur du zin kyang 'jig rten pa'i don rnam par gtan la 'phebs? pa la mkhas pa rnams kyis dngos po gang zhig ji ltar gnas pa de de kho na ltar rtogs la gzhan dag la ston par yang byed do/ /gzhan yang mi rtag pa nyid 'jig rten la grags pa'i phyir gang du 'jig rten gyis kyang de nges pa der de bzhin gshegs pa kho na don phyin ci ma log pa gsungs pa'o// zhes bya ba de brjod par mi nus pa nyid do/ /'jig rten pa gang zhig rang gi mtshan nyid du sgro btags nas mi rtag pa nyid du rtogs pa des ni dngos po brdzun pa dang/ slu ba'i chos can nyid du ma rtogs pa'i phyir thams cad du de bzhin gshegs pa kho na phyin ci ma log par gzigs pa yin no/ /zhes bya bar rigs so/ /'dir kha cig dag na re gang zhig 'bras bu'i don du skyes pa de ni rtag pa ma yin pa ni bden mod kyi/ dngos po gang dag yan lag gnyi ga ma tshang ba 'di lta ste

  327. 164a

    nam mkha' la sogs pa yid kyi mur thug pa dag dang/ gang dag yan lag gcig ma tshang ba sa la sogs pa'i rdul phra rab de dag rtag par 'gyur la/ de dag gi yod pa nyid dang rtag pa nyid thugs su mchud pas de bzhin gshegs pa phyin ci ma log pa gzigs pa yang ma yin no/ zhes 'dzer to/ /de dag gi lugs kyang ma rigs pa nyid du brjod pa'i phyir slob dpon gyis/ ma brten par ni yod nyid med/ ces bya ba smos so/ /'dis bde ba la sogs pa bdag nyid kyi rgyu dang rkyen ji lta bu la rag las pa rnams yod pa nyid du dmigs nas don gyis go bar rten cing 'brel bar 'byung ba ma yin pa dag yod pa ma yin pa nyid du ji ltar mi rtogs te 'di ni chos gsal bar 'di dag nam mkha' i utpal la sogs pa rnams stong? yod pa ma yin pa nyid du rtogs par 'os pa nyid do/ /gal te ma rtogs na ni rab rib can ltar nges par 'di la sgro btags pas byas pa'i lta ba'i rnam par 'gyur ba mngon par 'gyur ro/ /de'i phyir ma brten par ni yod nyid med do/ /tshul 'di yang yul dang dus dang dngos po tha dad pas tha dad pa'i dngos po thad la mi 'khrul lo zhes bshad pa ni/ gang zhig gang na nam gyi tshe'ang zhes bya ba'o/ /gang gi phyir 'di ltar yin pa/ des na nam yang gang zhig tuAng/ /rtag pa 'ga' yang yod ma yin/ /phyed gong mas grub pa nyid phyed phyi mas mjug bsdud pa'o/ /gang gi tshe de ltar gzhan gyis kun brtags pa'i dngos po rten cing 'brel bar ma byung ba dag la yod pa nyid dang rtag pa nyid dag yod pa ma yin pa de'i tshe de bzhin gshegs pa phyin ci ma log pa gzigs pa nyid du grub bo/ /'di ltar des ni yod pa yod par mkhyen te gang rten cing 'brel par 'byung ba'o/ /yod pa ma yin pa yang yod pa ma yin par te gzhan gyis kun brtags pa rten cing 'brel par

  328. 164b

    byung ba ma yin no/ /gang dag 'byung ba dang 'jig pa gnyis mngon par 'byung ba dang/ mi mngon par gyur pa tsam yin pas chen po la sogs pa la ma byung ba las byung ba bsal nas mngon par gsal ba tsam zhe la gzhag ste/ rtag pa nyid du rtogs shing 'ga' yang rten cing 'brel par 'byung ba mi 'dod pa de dag kyang bshad zin pa'i sun 'byin pa las mi 'da' o/ /ci ste re zhig bde ba la sogs pa rten cing 'brel par 'byung pa rnams ni yod la/ bdag ni de rnams kyi 'du ba can gyi rgyu yin no/ /med pa 'du ba can gyi rgyu nyid du rig pa yang ma yin no/ /de'i phyir de'i 'bras bu dmigs pa'i phyir re zhig bdag yod do/ /de yang rtag pa zhig ste/ yod la rgyu dang mi ldan pa nyid kyi phyir te/ gang zhig yod cing de'i rgyu ma dmigs pa de ni rtag pa'o/ /bdag yod ma ni de'i rigs can gyi dngos po rnams kyang yod par 'gyur ro snyam na 'di la bshad par bya ste/ gal te bdag nyid yod par 'gyur na ni de ltar 'gyur ba zhig go /ji ltar zhe na/ 'di ltar/ rgyu med par ni dngos po med/ dngos po dang rang bzhin dang bdag dang rtag pa dang brtan pa zhes bya ba rnam grangs dag go/ de ni rgyu med pa srid pa ma yin te/ 'di ltar pha rol nyid kyis 'di rgyu dang mi ldan pa nyid du khas len par byed na rgyu med pa can nyid du khas blangs la/ gang zhig rgyu med pa de ni bong bu'i rwa la sogs pa ltar yod pa ma yin no/ /zhes bya bar grub bo/ /nam mkha' la sogs pa rnams kyis ma nges pa nyid du zhe na/ ma yin te/ de rnams kyi yod pa nyid kyang de kho na ltar 'gog par 'gyur ba'i phyir ro/ /ci ste nyes pa 'di spang bar 'dod nas khas blangs pa dang 'gal bar rgyu dang ldan pa nyid khas len par byed na de ltar yang 'di'i rtag pa nyid nyams par 'gyur te/ gang gi phyir rgyu ldan rtag pa yod ma yin/ rgyu dang ldan pa nyid kyi phyir bde ba la sogs pa bzhin du mi rtag pa yin

  329. 165a

    no snyam du dgongs pa'o/ /gang gi phyir 'di de ltar yin pa/ /des na rgyu med las grub ni/ /de nyid mkhyen pas grub min gsungs/ /bcom ldan 'das kyis mkhas pa brten 'byung chos la lhag mos shing/ /mdza' lta ba la brten par byed pa min/ /rgyu bcas rkyen bcas chos ni shes 'gyur te/ /rgyu med rkyen med chos nyid yod ma yin zhes pa gsungs so/ /bstan pa 'di la ji skad bshad pa'i 'thad pa dang rjes su 'brel pas de bzhin gshegs pa kho na don phyin ci ma log par mkhyen pa'o/ /zhes bya bar grub po/ ci ste bum pa dang bde ba la sogs pa byas pa'i don la mi rtag pa nyid dmigs nas/ don gyis go bas bdag la sogs pa ma byas pa rtag pa nyid du 'gyur ro snyam na/ 'di yang mi rigs te/ gang gi phyir bum pa dang bde ba la sogs pa byas pa la yod pa nyid dmigs te/ bzlog pa'i sgo nas don gyis go bas bdag la sogs pa ma byas pa yang yod pa ma yin pa nyid du 'gyur ro/ /de nyid bstan pa'i phyir bshad pa/ mi rtag byas par mthong gyur nas/ /ma byas gal te rtag na ni/ /byas la yod pa nyid mthong nas/ /rtag pa yod nyid min par 'gyur/ /yod pa ma yin pa ni rtag pa nyid du rig pa ma yin pas dngos po rtag pa yod pa nyid ma yin pa nyid te/ nam mkha' i me tog bzhin no/ /ci ste chos mngon pa'i bstan bcos las 'don pa nam mkha' dang so sor brtags pa'i 'gog pa dang so sor brtags pa ma yin pa'i 'gog pa byas par ma gyur pa rnams rtag pa nyid dang yod pa nyid du khas blangs pa'i phyir ma byas pa yod pa ma yin pa nyid du ston pa las khas blangs pas gnod par 'gyur ro snyam na/ de yang yod pa ma yin te/ gang gi phyir nam mkha' la sogs rtag go zhes/ so so'i skye bo dag gis rtog/ mkhas pa rnams kyis de dag

  330. 165b

    la/ /'jig rten pas kyang don ma mthong/ /gzugs med pa tsam nyid la nam mkha' tha snyad btags kyi nam mkha' zhes bya ba dngos po'i ngo bo ni cung zad kyang yod pa ma yin no/ /gzugs gzhan med pas gzugs can rnam pa 'byung ba la gegs med pa'i phyir gzugs gzhan med pa nyid de la/ dngos po rnams la 'di'i nang du ches snang bas nam mkha' o/ zhes bya bar brjod do/ /de'i phyir dngos por ma gyur zhing ci yang ma yin pa de la ming tsam nye bar bstan pas rnam par rmongs pa rnams kyis dngos po yod pa nyid du sgro btags pa gang yin pa de ni tshad ma ma yin no/ /'di ltar dngos po'i rang bzhin la mkhas pa rnams kyis ni nam mkha' i ming sbyor ba na ji ltar sa la sogs pa'i brjod pa dag la swa ba la sogs pa ltar 'jig rten pa'i shes pas kyang rang gi ngo bos brjod par bya ba cung zad kyang mi dmigs na/ dngos po'i rang bzhin mkhyen pa la gnas shing phyi nang gi bdag nyid can gyi dngos po dmigs pa mi mnga' ba rnams kyis de'i rang gi ngo bo dmigs par 'gyur ba lta ci smos/ de bzhin du 'gog pa gzhan gnyis la yang brjod par bya'o/ /rtag pa nyid ni de rnams ci yang ma yin pa nyid kyis gzhan du 'gyur ba med pa tsam gsal bar byed pa yin gyi/ sgrub pa gtso bor gyur pa ni ma yin no// de'i phyir nam mkha' la sogs pa rnams la rtag pa nyid med do/ /'dir smras pa/ nam mkha' ni rtag pa kho na ste/ khyab pa nyid yin pa'i phyir ro/ /gang mi rtag pa de ni khyab pa ma yin te/ dper na bum pa bzhin no/ /'di la bshad par bya ste/ ma skyes pa 'di yod pa ma yin pa nyid du bstan pas don gyis de'i rten can brten pa thams cad mi srid pa de yang bstan pa yin mod kyi/ de ltar yang pha rol po'i lugs la grags pa'i dngos po rang gi ngo bo khyad par bsal ba'i sgo nas de'i lugs mi rigs

  331. 166a

    pa nyid du brjod par 'dod pas nam mkha' i khyab pa nyid bkag pas rtag pa nyed bsal bar 'dod nas bshad pa/ phyogs shes bya ba phyogs can ni/ /kun la gnas pa ma yin te/ /de phyir phyogs can la phyogs ni/ /gzhan la shin tu gsal bar yod/ /nam mkha' ni nam mkha' i cha shas gang dag yin pa de dag gis cha shas can du 'gyur la/ der bum pa la sbyor ba'i phyogs gang yin pa de ni de las gzhan pa'i dngos po la sbyor ba'i phyogs la ni gnas so/ /gal te gnas na ni de'i tshad dad yul tha mi dad pa'i phyir bum pa yang thams cad na yod pa nyid du 'gyur na/ de yang yod pa ma yin pas 'di ni mi rigs so/ /gzhan yang gal te phyogs thams cad kyang thams cad du gnas na ni/ de yang khyab pa yin ba'i phyogs can bzhin du phyogs kyi ming la brten par mi 'gyur la phyogs med pa'i phyir phyogs can yang med par 'gyur ro/ /ci ste nyes pa 'di spang bar 'dod nas phyogs shes bya ba phyogs can thams cad la gnas pa ma yin no/ /zhes bya ba 'dod na ni de'i tshe gdon mi za bar phyogs can la phyogs gzhan yang shin tu gsal bar yod ces bya bar khas blang bar bya'o/ /de'i phyir thams cad na yod pa ma yin pa'i phyogs dang ldan pa'i phyogs can nam mkha' la ni bum pa ltar khyab ba nyid nyams bar 'gyur ro/ /phan tshun tha dad pa'i phyogs tsam las tha dad par phyogs can zhes bya ba 'ga' zhig dmigs pa yang ma yin pas yod pa ma grub pa can 'di rtag pa nyid du ge la 'gyur te de'i phyir nam mkha' rtag pa ma yin no/ /ci ste yang cha shas med pa'i phyir 'di phyogs can nyid du khas mi len na ni de lta yin min des bum pa la sogs pa rnams la sbyar rim 'gyur ba yin nam/ /de rnams nye bar sbyar ba de ni bdag nyid thams cad kyis 'gyur ram phyogs gcig gis yin grang na/ de la re'i

  332. 166b

    zhig bdag nyid thams cad kyis ni ma yin te/ bum pa la sogs pa rnams kyang re re zhing thams cad na yod pa nyid du thal par 'gyur ba'i phyir ro/ /de'i phyir bum pa la sogs pa rnams phyogs dang sbyor bar gdon mi za phar khas blang bar bya de ltar lang len pa/ yang gdon mi za bar ji skad bshad pa'i nyes par 'gyur re/ /de'i phyir nam mkha' rtag pa ma yin no/ /ji skad du bcom ldan 'das kyis 'od srungs rtag ces bya ba 'di ni mdza' gcig go/ mi rtag ces bya ba 'di ni mdza' gnyis ba'o/ / gang mdza' 'di gnyis kyi bar de ni gzugs med pa bsdan du med pa/ mi gnas pa/ snang ba med pa/ rnam par rig pa ma yin pa gnas med pa ste/ 'od srung 'di ni dpu ma'i lam chos rnams kyi zhes bya ba dang/ de bzhin du 'phags pa gsang pa bsam gyis mi khyab pa bstan ba'i mdo las zhi ba'i blo gros 'di lta ste/ dper na nam mkha' ni sus kyang rtag pa'am mi rtag par brjod par bya ba ma yin te/ zhi ba'i blo gros de bzhin gshegs pa'i sku yang sus kyang rtag pa dad mi rtag par brjod par bya ba ma yin no/ /zhes gsungs so/ /dus smra ba ni 'gro ba 'jug pa dang bsdud pa dus kyis byas pa nyid dmigs nas dus srid par rjes su dpag ste/ 'di ltar sa bon la sogs rkyen rnams yod kyang thams cad kyi tshe myu gu la sogs skye ba ma dmigs la ci ste 'ga' zhig gi tshe dmigs shid de gnas pa dang 'gal pa'i dus nye na yang ldog par 'gyur ro/ /de'i phyir de ltar/ gang zhig yod na dngos po la/ /'jug dang ldog pa'ang dmigs par 'gyur/ /dus shes bya ba de ltar rjes su dpag pa de ri yod la/ de ni yod kyang rgyu ma dpe gsal pa'i phyir rtag pa nyid de sum du sems so/ /de lta yin na ni myu gu la sogs pa skye ba de la rag las pa rnams rtag tu skye bar 'gyur ro/ /ci ste de yod kyang

  333. 167a

    res 'ga' bya ba byed pa dag la bya ba log pa nyid du rtog na/ de lta na yang de nyid kyis de med pa nyid du dbog par byed par 'gyur ro/ /ci ste yod kyang sa bon la sogs pa bzhin du 'bras bu 'jug pa la rung ba'i bdag nyid kyi khyad par la mngon du ma phyogs pa'i ngo bo yin pa'i phyir thams cad kyi tshe 'bras bu yod pa ma yin no/ /zhe na/ de ltar na yang sa bon la sogs pa rnams ltar de'i rung ba'i bdag nyid kyi khyad par de re 'ga' ba nyid yin pa'i phyir mi rtag par 'gyur la/ de yang ci'i phyir thams cad kyi tshe mi 'dod/ ci ste rkyen gzhan la rag las pa de ni mi nyen thams cad kyi tshe yod pa ma yin no/ /snyam du sems na/ de lta na yang rkyen yod na yod pa'i phyir dang/ med na med pa'i phyir dang/ byung nas kyang slar med pa'i phyir des par/ de ni gzhan gyi dbang 'gyur te/ de'i 'jug pa dang ldog pa gang la rag las pa de la rag las pa'i phyir de gzhan la rag las par 'gyur ro/ /de'i phyir myu gu la sogs pa ltar 'bras bu nyid las mi 'da' o zhes bstan pa'i phyir/ des na 'bras bur yang 'gyur ro/ zhes bya bar smos te/ 'bras bur gyur pa ni myu gu la sogs pa bzhin du mi rtag pa kho nar 'gyur ro/ /de'i phyir dus de la rtag pa nyid bsal ba'i sgo nas dngos por yod pa sel ba yin gyi/ rnam pa thams cad du dus med par ston pa ma yin te/ de lhan cig byed pa'i rgyu nyid du 'dod pa'i phyir te/ lus can rnams kyi las rnams ni/ /bskal pa brgyar yang chung mi za/ /tshogs shing dus la bab pa na/ /'bras bu nyid du smin par 'gyur/ /zhes tshigs su bcad de 'byung ba'i phyir/ /dus la brten nas brtag pa'i don mngon par ma shes pa nyid kyis ming tsam la rnam par mongs shing/ dus kyis 'byang ba smin par byed/ /dus kyis skye dgu sdud par byed/ /dus kyis gnyid log sad pad byed/ dus la 'da' bar shin tu dka' / /zhes

  334. 167b

    smra ba kha cig dag gis dus rtag bar rtoD bde dag 'dir 'gog par byed do/ /dngos po rnams la brten nas dus su brtags na khyim ltar brtags par yod pa las mi 'da' o gzhan yang dus rgyur smra bas 'gro ba 'jug pa la dus rgya'i dngos por rtog pa mngon gyis 'bras bu nyid du khas blangs par 'gyur ro/ /ji ltar byas nas shes na/ gang gi phyir/ 'bras bu med par rgyu la ni/ /rgyu nyid yod pa ma yin te/ /de yi phyir na rgyu'o cog/ 'bras bu nyid du thal bar 'gyur/ /ci yang mi pyod?n pa rgyu nyin mi srid pa'i phyir 'dir rgyu zhes bya ba'i dngos po rang bzhin gyis ci yang yod pa ma yin pas don 'bras bu 'byung ba'i rgyu can gyi rgyu nyid du 'gyur ba na ji ltar rang gi 'bras bu 'bras bu'i nyid du mi 'gyur/ 'bras bu nyid yin na yang myu gu la sogs pa ltar 'di rtag pa nyid du lta ga la 'gyur/ de'i phyir de ltar na rgyu dang 'bras bu dngos po rnams par gnas pa med pa'i phyir gnyi ga yang rang gi ngo bos grub pas yod pa ma yin no/ /ci ste 'bras bu zhes bya ba ni rgyu byung nas 'byung ba yin te/ 'di ltar sa bon yod na myu gyu 'byung gi/ myu gu yang na sa bon ni ma yin te/ de'i phyir rgyu la 'bras bu nyid yod pa ma yin nam snyam na 'di yang yod pa ma yin te/ gang gi phyir sa bon gyi ming can gyi dngos po gang yin pa de myu gu skye ba'i snga rol tu yongs su rtog pa na rnam par rtog pa gzhan gsum pa med pa'i phyir rgyar gyur pa 'am rgyu ma yin par gyur pa zhig rtog grang/ de la re zhig me la sogs pa ltar rgyu ma yin par 'gyur ba las ni 'di skya bar ma rigs so/ /rgyu nyid kyang 'bras bu skyes pas mtshon pa zhig ste/ des na 'bras bu skye ba'i snga rol tu mi srid do/ /ci ste 'bras bu skye ba'i bya ba'i rjes su 'gro ba med par yang cung zhig 'bras bu nyid du rtogs na ni de'i tshe thams cad thams cad kyi 'bras bu nyid du gyur na 'di ni de

  335. 168a

    ltar yang ma yin te/ de'i phyir rgyu med pa can nyid du thal pa'i phyir rgyu ni 'bras bu skye ba la ma bltos bar rang las grub pa yod pa ma yin no/ /de'i phyir na rgyu'o cog/ 'bras bu nyid du thal bar 'gyur zhes bya ba kha na ma tho ba med do gal te dus smra ba rnams kyi ltar na dus 'di 'gro ba sna tshogs kyi rgyur 'gyur na ni de'i cho das nges par sngar gyi gnas skabs las tha dad pa'i ngo bo can gyi rnam par 'gyur ba 'bras bu skye ba la phan 'dogs pa nyid du 'gyur bar bya dgos te/ 'di ltar 'jig rton na/ rgyu ni rnam par 'gyur ba na/ /gzhan gyi rgyu ru 'gyur ba ste/ /gang gi byed pa de ni rgyu'o/ /zhes bya bas mthar don gang gis rjes su byed pa'i 'bras bu byung bar 'gyur ba sa bon gyi bo bor gyur ba'i skyed par byed pa kho na 'dir rgyur brjod par 'dod la/ sa la sogs pa rnams kyi rgya nyid gang yin pa de ni rtsa ba'i rgyu'i rang gi 'bras bu skye ba dang rjes su mthun pa'i gnas skabs sgrub pa la yan lag gi ngo bor nye bar 'gro ba las yin no/ /sa bon zhes bya ba rtsa ba'i rgyu gang yin pa de ni rang nyid rnam par 'gyur bar gyur pa na myu gu'i rgyu nyid du 'gyur te/ sngar gyi gnas skabs ma btang bar ni ma yin no/ /de ltar gal te 'gro ba sna tshogs dus kyis byas par 'gyur na ni de'i tshe dus kyang des par 'bra sa bu bskyed pa la thag ring bar gnas pa'i gnas skabs snga ma spang zhing rnam par 'gyur ba'i gnas skabs 'bras bu 'byung ba dang mthun par 'gyur bar bya dgos pa de'i phyir sa bon ltar mi rtag pa nyid do/ /zhes bshad pa ni gang la rnam par 'gyur yod pa/ de ni rtag ces byar yod min zhes bya ba'o/ /ci ste mi 'gyur na ni de'i tshe 'di'i rgyu'i dngos por yongs su rtog pa don med pa 'ba' zhig tu ma zad kyi/ de'i rgyu can du 'dod pa'i 'bras bu yang rgyu med pa can skye bar 'gyur ro/ /zhes

  336. 168b

    bshad pa/ rtag pa gang gi rgyu yin pa'i/ /dngos de ma byung ba las skye/ sa bon rnam par 'gyur ba las skyes pa'i myu gu ni sa bon las gzhan nyid du mi srid ba'i phyir dang/ sa bon gyi rjes su byed pa'i phyir dang/ lhan cig mi gnas pa'i phyir gzhan nyid skyes so snyam du bsam bar mi bya ste/ mi 'dra ba lhan cig gnas pa rnams la rgyu nyid mi srid pa'i phyir dang/ dus rtag pa'i phyir rgyu la 'bras bu las gzhan nyid yod do/ /de nyid kyi phyir mi 'dra ba dang lhan cig gnas pa yang yod de/ 'bras bu skyes kyang dus rnam par mi 'gyur ba'i phyir ro de'i phyir 'bras bu gang zhig dus las skyes pa de ni ma byung ba las byung ba zhig ste/ rgyu dang rkyen la bltos ba med par 'gyur zhing rang nyid 'byung ngo/ /zhes bya ba'i don to/ /rgyu dang rkyen la rag las te 'byung ba 'am 'bras bu ni ma byung ba las 'byung ngo/ /zhes bya bar mi rigs te/ de la bdag nyid thams cad kyi ma byung ba las byung ba med pa'i phyir ro/ /gang la bdag nyid thams cad kyis yod pa mi srid pa de ni bong bu'i rwa la sogs pa bzhin du rgyu dang rkyen dag gis bskyed par mi nus so/ /de'i phyir rgyu'i chos las 'das ba'i rtag pa dngos po gang gi rgyur 'dod pa'i dngos po de ma byung ba las skyes pa 'di ni rgyu med pa can kho nang skye ste rang nyid kho na 'byung ngo/ /zhes bya ba'i don to/ /de ltar yin dang/ yang 'di la rgyu yongs su rtog pa don med pas ci zhig bya zhes bshad pa/ rang nyid byung par gyur de la/ /rgyu ni log par 'gyur ba ste/ /rang nyid grub pa'i phyir 'gro ba 'di la rgyu dus shes bya ba dgos pa med par 'gyur te/ de'i phyir rgyu'i rgyu nyid mi rung ngo/ /'di las kyang mi rung ste/ 'di ltar dngos po rtag pa las skyes pa/ /ji lta bur na mi rtag 'gyur/ /'jig rten na ni sa bon mi rtag pa kho nal 'bras bu myu gu zhes bya ba mi rtag pa 'byung bar grags kyi/ rtag pa 'ga' zhig las mi rtag pa cung zad cig 'byung ngo/ zhes bya bar ci ma yin na/ dus ni rtag la de'i 'bras bu ni mi rtag pas

  337. 169a

    ji ltar de grub par 'gyur/ ji ltar 'jig rten du nam yang rgyu dang 'bras bu gnyis/ mtshan nyid mi mthun mthong ma yin/ /rgyu ni rtag la 'bras bu ni mi rtag go/ zhes de ltar mtshan nyid mi 'dra ba na 'jig rten na nam yang ma mthong bas dus la rgyu nyid med do/ /gal te yang ba lang gi sbu dang lug gi bal gnyis las rtswa du rba dang rwa las 'dam bu dang 'dam las pad+ma la sogs pa mthong ba ma yin nam zhe na/ de yang mi rtag pa rnams kho nar rang nyid rnam par 'gyur bar nye bar 'gro bas rgyu nyid du khas blangs pa'i phyir mtshan nyid mi 'thun pa med de/ de rgyu dang 'bras bu dag gnyi gar yang mi rtag pa nyid kyi phyir ro/ /gdon mi za bar thams cad la mdza' de dang 'dra ba'i 'bras bu mngon par grub pa srid pa yang ma yin te/ 'bras bu yang las sna tshogs kyi rjes su byed pa nyid kyi phyir ro/ /nor bu chu shel dang me shel dag las kyang sngar gyi gnas skabs las khyad par du 'phags pa'i bdag nyid kyi khyad par skyes par gyur na rnam pa de lta bu'i rnam par 'gyur ba srid pa'i phyir chu dang me 'byung ba las 'gal ba med do/ /de'i phyir de ltar dus smra ba bkag pa yin dang/ rdul phra rab smra ba ni sa la sogs pa'i rdul phra rab rtag cing ma mthong bas bskul ba yon tan dang ldan pa'i grogs can rdul phra rab gnyis pa la sogs pa'i rim gyis yan lag can byis rdzas rtsom par byed pa rnams kyis 'gro ba sna tshogs skyed par byed do snyam du sems so/ /de'i lugs kyang mi rigs pa nyid du brjod pa'i phyir bshad pa/ gang gi phyogs 'ga' rgyu yin zhing/ /phyogs 'ga' rgyu ma yin pa des na/ /des na sna tshogs 'gyur na go/ sna tshogs rtag par mi rigs so/ /yan lag can thams cad rdul phra rab tsam du thal ba spang par 'dod pas rgyu la yod pa'i zlum pa nyid gang yin pa de 'bras bu la

  338. 169b

    yod pa ma yin no/ /zhes bya bar gdon mi za bar khas blang bar bya'o/ /gang gi phyir 'di de ltar yin pa des na rdul phra rab rnams la bdag nyid thams cad kyi sbyor bar mi 'thad do/ /gang gi tshe rdul phra rab rnams la bdag nyid kyi thams cad kyi spyor? ba /yod pa ma yin pa de'i tshe de'i cha gang gis rdul phra rab rdul phra rab gzhan dang sbyor ba'i cha de rgyu yin zhing/ gang gis mi sbyor ba de rgyu ma yin no/ /de ltar na ni gang gis phyogs 'ga' rgyu yin zhing/ phyogs 'ga' rgyu ma yin pa de ni du ma'i ngo bo yin pa'i phyir sna tshogs pa zhig go/ de'i phyir ri mo bzhin rtag pa ma yin no/ /zhes bstan pa'i phyir bshad pa ni sna tshogs rtag par mi rigs so/ /zhes bya'o/ /ci ste rdul phra rab rnams la cha shas med pa'i phyir phyogs phyogs dang mi sbyor ba kho na yin gyi thams cad bdag nyid thams cad kyi sbyor bar ni 'gyur te/ de'i phyir phrad pa'i mtshan nyid can ldan pa yod la/ phyogs dang ldan pa nyid kyang ma yin no snyam na/ 'di la bshad par bya ste/ rgyu yi zlum bu gang yin pa/ /de ni 'bras bu la yod min/k /des na bdag nyid kun sbyer ba/ /rdul phran rnams la mi 'thad do/ /rgyu dang zlum po nyid dang phyags med pa zhes bya ba ni rdul phra rab rdzas kyi mtshin nyid do/ /gal te rdul phra rab bdag nyid thams cad kyis rdul phra rab gzhan dang sbyor zhing phyogs kyis ma yin na ni de'i tshe rgyu ste rdul phra rab la yod pa'i zlum po gang yin pa de 'bras bu rdul phran gnyis pa la sogs pa la yang thal bar 'gyur te/ de'i phyir yan lag can thams cad rdul phra rab tsam nyid yin pa'i phyir dbang po las 'das pa nyid du 'gyur na/ de dag ni rdul phra rab tsam nyid ma yin no/ /des na rdul phra rab rnams bdag nyid thams cad kyis sbyor bar mi 'thad do/ /yang gang gi tshe rdul phra rab rdul phra rab gzhan dang bdag nyid thams cad kyis mi sbyor ba de'i tshe/ rdul phran gcig gis gnas gang yin/ /de ni gzhan gyi 'ang mi 'dod/ /de

  339. 170a

    phyir rgyu dang 'bras bu gnyis/ bod chod mnyam par 'dod ma yin/ /de'i phyir de ltar rdul phra rab rdul phra rab gzhan dang bdag nyid thams cad kyi sbyar ba med pa'i yan lag ems shing/ rab rib can gyis mthong ba yan d du ma gyur mod/ / rdul phra rab phyogs dang ldan pa nyid ni g.yo ba med la/ phyogs dang ldan pa nyid kyi phyir yang 'di sna tshogs pa nyid yin te/ de'i phyir rtag pa nyid ma yin no/ zhes bya bar gnas so/ /dIr 'bras bu'i rdzas rtsam pa 'dus na nyes pa 'dir 'gyur gyi/ 'rbas bu rtsam pa'i snga rol gyi gnas skabs su rdul phra rab rnams la cha shas med pa'i phyir ji skad smras pa'i skyon du thal ba med do/ /zhes smra'o/ /gnas skabs der yang shar la sogs pa'i phyogs cha'i dbye ba yod de/ de'i tshe nges par gang la shar gyi phyogs yod pa/ de la shar kyi cha yang yod/ /de'i phyir 'di phyogs dang ldan pa'i phyir bum pa la sogs pa bzhin du rdul phra rab nyid du mi 'gyur ro/ /zhes bshad pa/ gang gi rdul la phyogs yod pa/ /des rdul rdul phran min par brnyad/ /gal te rdul phra rab cha shas med par gyur na ni de la 'gro ba med pas rdul phra rab gzhan dang sbyor ba med pa yin dang/ yan lag can gyi rdzas rtsom par byed pa nyid du mi 'gyur ro/ /'di ltar 'gro ba'i dus na lus dang ldan pa'i don gyis/ mdun gyis len cing rgyab kyis ni/ /gtong bar 'gyur na de dag gnyis/ /gang la yod pa ma yin la/ /de la 'gro bor 'ang mi 'gyur/ /lus dang ldan zhing 'gro ba mngon du phyogs pa'i don gyis phyogs kyi sngon phyogs gnon zhing/ rgyab kyi phyogs kyi rgyab phyogs gtong ba las 'gro ba po'i 'gro ba po nyid nye bar rtog pa zhig na cha med pa'i phyir rdul phra rab gang la mdun dang rgyab kyi yan lag gis len pa dang gtong ba nyid med pa de ni 'gro ba por mi 'gyur la/ de med pas 'bras bu rtsom par byed pra

  340. 170b

    nyid med pa'i phyir rdul phra rab dngos po yod par smra bar mi rigs so/ /'dir smras pa/ gal te rdul phra rab med na ni 'di rnal 'byor pa rnams kyis dmigs par mi 'gyur bzhig na/ 'di ni rnal 'byor pa rnams kyis lha'i mthong bas dmigs pa yang yin no/ /de'i phyir rdul phra rab rtag pa yod do/ /bshad par bya ste/ gang la dang po yod min zhing/ /gang zhig la dkyil yod min na/ /gang la tha ma yod ma yin/ /mngon med de ni gang gis mthong/ /cha shas med pa'i rdul phra rab la mdun dang bar dang rgyab kyi cha yod pa ma yin te/ de'i phyir mngon par med de/ /mngon pa ni gsal ba dang bzung bar bya ba nyid dang/ blta bar bya ba nyid ces ba'i don te de med pa'i phyir mngon pa med do/ /blta bar bya ba ma yin pa ni sus kyang blta bar bya bar nus pa yang ma yin pa 'di rnal 'byor ba rnams kyis dmigs par 'os pa ma yin no/ /de'i phyir rdul phra rab rtag pa med do/ /gang dag de ltar 'thad pas mthong bar mi 'thad bzhin du mthong ngo snyam du sems shing/ rab rib can gyis mthong ba yang dag pa ma yin pa las mthong ba khyad par du ma gyur pa de dag ni des par log par nye bar bstan pas 'jig rten phyin ci log tu byed pa de dag gi lung tshad ma nyid du byed pa las rdul phra rab yod pa nyid du mi rigs so/ /'dir smras pa/ /rdul bra rab rnams ni rtag pa kho na ste/ rags pa byung ba las sa bon gyi ngo /bor nye bar 'gro ba'i phyir ro/ /gal te de rnams med na ni rags pa rnams sa bon med par 'byung bar 'gyur ro/ /'di ltar gang las bskal ba dang por rags pa rnams 'byung bar 'gyur ba 'jig pa'i dus na yan lag can gyi rdzas thams cad 'thor zhing rdul phra rab tsam zhig lus la na rags pa rnams srid pa yod pa ma yin no/ /yang gang dag gal te gnas skabs der rags? rnams bzhin du Œrdul phra rab rnams kyang med par 'gyur na ni de'i tshe rags pa

  341. 171a

    rnams rgyu med par 'byung bar 'gyur ro/ /de'i phyir yan lag can gyi rdzas kyi rgyu rdul phra rab rnams yod pa kho na yin la/ de rnams kyang rtag pa zhig ste/ yod la rgyu dang mi ldan pa nyid kyi phyir ro/ /de yang mi rigs te/ gang gi phyir/ 'bras bu yis ni rgyu pa shig pa/ /des na rgyu ni rtag ma yin/ /gal te rdul phra rab rnams rgyu nyid du gyur na ni sa bon gyis myu gu bzhin du de rnams rdul phra rab gnyis la sogs pa yan lag can gyi rdzas kyis 'jig par 'gyur ro/ /de'i phyir 'bras bu dang lhan cig mi gnas pa'i phyir na rdul phra rab rnams sa bon ltar mi rtag par 'gyur ro/ /ci ste gang la 'di mi rtag pa nyid du 'gyur ba 'bras bus rgyu 'jig pa ni ma yin gyi/ 'on kyang rgyu'i rang bzhin mi gtong zhing 'bras bu don gzhan du gyur pa skyed par byed do snyam du sems na de ltar yin na ni 'bras bu rgyu'i yul las tha dad pa'i phyir rigs? mi mthun pa dag bzhin du yul bye ba'i rdul phra rab rnams rgyu'i dngos por mi 'gyur ro/ /de nyid kho na zol thabs gzhan gyi sgo nas bstan pa'i phyir ro/ /yang na gang na rgyu yod pa/ /de na 'bras bu yod ma yi/ /zhes bya ba smos so/ / gang gi tshe de ltar rgyu nyid mi srid pa de'i tshe/ rdul phra rab rtag par brtags pa don med pas ci zhig dgos te/ de'i phyir rdul phra rab rtag pa rnams med do/ /'di las gyid rdul phra rab rnams rtag pa ma yin te/ gang gi phyir/ thogs na? ldan dngos po rtag pa ni/ gang du snang pa mo yin te/ /'di na rdul phra rab la rdul phra rab gzhan gyis bdag nyid thams cad kyis 'jug pa med pa'i phyir rdul phra rab thogs pa dang bcas pa nyid yin la thogs pa'i bum pa nyid la sogs pa ltar rtag pa nyid du yang mi riT te/ de'i phyir rdul phra rab rtag pa nyid med do/ /gang gi phyir rtag pa nyid yod pa ma yin pa/ /des na nam yang sangs rgyas rnams/ /rdul phran rtag pa nyid mi gsung/ /gang zhig phyin ci ma log par gzigs pa des ni don gang zhig ji ltar

  342. 171b

    gnas pa bde kho na ltar nges par bya ba zhig go /rdzas brgyad kyi rdul phra rab mi rtag pa yod pa'i phyir/ de yod pa nyid yod la/ de yang brtags par yod pa zhig ste/ rdzas brgyad la brten nas bum pa ltar brtags pa'i phyir ro/ /de la rdul phra rab kyi rdzas brgyad gang dag yin pa de dag ni rang zhing rdul phra rab kyi sgras brjod par bya ba ma yin te/ de dag la sod? sor? rdul phra rab nyid mad pa'i phyir ro/ /de'i phyir ji ltar bye brag pa rnams kyi ltar bde bar gshegs pa rnams la rdzas kyi rdul phra rab ces bya ba yod pa ma yin no/ /de'i phyir de bzhin gshegs pa rnams nas yang rdul phra rab rtag pa nyid ston par mi mdzad do/ rang nyid kyis de ltar ma gzigs pa'i phyir ro/ /gang dag rigs pa bcug nas rdzas brgyad kyi rdul phra rab kyi yod pa nyid sal zhing rnam par shes pa tsam nyid du rtogs bde dang ni re zhig 'jig rten pa'i dngos po 'jig rten pa'i don la mkhas pas nye bar bstan pa sel ba 'jig rten dang lung gi gnod pa gnyis kyi sel bar byed pa de dag gis rdul phra rab yod pa nyid bsal bar mi nus shing rdul phra rab ltar rnam par shes pa'i yod pa nyid 'thad pa dang 'gal ba yang bzhag par mi nus so/ /'di ltar de'i skye ba dang gnas pa dang 'gag pa rnams rim gyis dang cig car med pa'i phyir mi 'jug la/ skye ba la sogs pa dang bral ba la ni yod pa nyid rigs pa yang ma yin no/ /de'i phyir 'jig rten pa'i dngos po rnams ni 'jig rten las 'das pa la yongs su mthong ba'i rnam par dpyad pa ma bcug par 'jig rten na ji ltar yin pa de ltar khas blangs par bya zhing/ ji ltar rnam par shes pa 'jig rten pa yin pa de ltar rdul phra rab kyang yin pas 'dis rigs pa bcug nas rdul phra rab bsal bar mi nus te/ de'i rig pa la 'jig rten dang lung gi gnod pas gnod pa'i phyir ro/ /de ltar rdul phra rab tu smra ba bkag pa dang/ yang rang gi sde ba 'dus ma byas ming tsam nyid du mi rtogs shing mya ngan las 'das pa rjes su yod pa rtag pa nyid

  343. 172a

    du rtog par 'gyur ba kha cig dag sangs rgyas rnams rdul phra rab dag rtag pa nyid du mi gsung ba 'di ni bden mod kyi/ gang zhig rtag pa nyid du gsungs pa de ni rtag par gyur cing yod pa yin te/ ji skad du bcom ldan 'das kyis dge slong dag ma skyes pa dang ma byung ba dang/ 'dus ma byas pa de ni yod do/ /zhes gsungs la/ chos 'dus ma byas pa rnams ni rtag go /zhes kyang gsungs so/ /de'i phyir mya ngan las 'das pa rtag cing lam gyi bden pas 'thob par bya ba rtag cing 'byung bar 'gyur ba'i nyon mongs pa dang skye pa gnyis skye ba la chu 'gog pa'i chu len ltar gtan du gegs su gyur pa zhig yod do/ /gal te de rtag par ma gyur na ni de'i tshe nyon mongs pa dang skye ba dag skye ba la gegs byed ba'i don med ba'i phyir de dag skye bar 'gyur ba zhig na/ de ltar yang ma yin no/ /de'i phyir mya ngan las 'das pa zhes bya ba rtag pa de yod do/ /gal te de yod par ma gyur na ni sdug bsngal dang kun 'byung gi bden pa'i mjug thogs su 'phags pa'i bden pa gsum pa zhes bya bar ston par yang mi 'gyur ba zhig na/ nye bar bstan pa yang yin te/ de'i phyir de yod do/ /'di la bshad par bya ste/ 'ching dang bcing dad thabs las gzhan/ /thar pa gal te yod na ni/ /de las ci yang mi skye ste/ /des na de thar zhes mi brjod/ /de la 'ching ba ni kun 'byung gi bden pa'o/ /'ching bar bya ba la rang dbang med par byed pas 'ching bar 'gyur ba nyid kyi phyir ro/ /bcing ba ni sdug bsngal gyi bden pa ste/ nyon mongs pa'i gzhan gyi dbang yin pa'i phyir ro/ /de ldog pa'i thabs ni lam gyi bden pa ste/ des nyon mongs pa ldog par byed pa'i phyir ro/ /'ching ba dang bcing bar bya ba med par ni 'ching ba'i bya ba mi srid pas 'ching ba dang bcing bar bya bdag gi yod pa hid ni de yod pa'i rgyu can yin no/ /de bzhin du bzlog par bya ba dang zlog par byed pa med par ni zlog pa yod par mi 'gyur zhing de yod pa las

  344. 172b

    bzlog par bya ba dang/ rlog par byed pa gnyis yod pa tid do/ /de la bzlog par bya ba ni kun nas nyon mongs pa yin la/ zlog par byed pa ni lam ste/ mun pa la sgron me bzhin no/ /ji ltar bden pa gsum po 'di kun nas nyon mongs ba dang de las log pa las dpags ba'i yod pa nyid yin pa de ltar nyon mongs pa zad pa'i mtshan nyid can gyi thar pa ni ma yin te/ gang gi phyir de las cung zad kyang 'byung ba med do/ /'ching ba dang thar pa gnyis char la yang yan lag gi ngo bor nye bar ma son pa'i phyir ro/ /gal te 'di 'ga' zhis tu nye bar sbyor ba nyid du 'gyur na ni de'i tshe 'di 'bras bu des dpags pa'i yod pa nyid du 'gyur na/ 'di ni de ltar yang ma yin te/ de'i phyir 'di la yod pa nyid med do/ /ci ste thar pa ni grol ba'o snyam na/ de ltar na yang 'di grol bar gyur pa las don gzhan ma yin te/ de ltar ma yin na de de dang 'brel ba med pa nyid dang/ ci yang mi byed pa nyid du 'gyur ro/ /de'i phyir 'di thar par brjod par mi rigs te/ des na de thar pa zhes mi brjod/ grol ba'i bya ba ni gang zhig 'ching ba bcad pas bcing bar bya ba las grol ba nyid 'dren pa dngos po grol bzhin pa bya ba dang ldan pa nyid yin la/ de yang de nyid dang gzhan nyid du brtag pa dang bral ban don gzhan du ma gyur pa yin na/ thar pa ni don gzhan du gyur ba zhig yin pa 'di yod pa nyid du mi rigs so/ /de'i phyir nyon mongs pa dang skye ba mi 'byung ba de byas so/ / zhes bya bar brtag par mi rigs so/ /dngos po rgyu dang rkyen gyi tshogs pa las 'byung ba rnams ni de med pa'i phyir sa bon tshig pa las myu gu la sogs pa ltar nam yang skye bar mi 'gyur te/ de'i phyir de'i don du don gzhan brtag pa ches mi legs so/ / bden pa gsum pa'i sgra brjod par bya ba nyid kyang mi 'gal te/ nyon mongs pa dang skye pa gnyis slar mi 'byung ba tsam zhig bden pa gsum pa'i sgra brjod par bya ba yin pa'i phyir ro/ /dngos po med par gyur pa la grangs kyis yongs su bgrang ba yod pa ma

  345. 173a

    yin pa yang ma yin te/ bcom ldan 'das kyis dge slong dge lnga po 'di dag ni ming tsam ste/ khas 'ches pa tsam tha snyad tsam kun rdzob tsam ste/ 'di lta ste/ 'das pa'i dus dang/ ma 'ongs ba'i dus dang/ nam mkha' dang mya ngan las 'das pa dang/ gang zag go zhes bya ba de lta bu la sogs pa gsungs pa'i phyir ro/ /gzhan dag ni 'ching dang bcing dang thabs las gzhan/ /thar pa gal te yod na ni/ /de las ci yang mi skye ste/ /des na de thang mi brjod/ zhes bya ba la gtan tshigs de las thar pa zhes bya ba cung zad kyang mi skye ste 'ching ba la sogs pa gsum las rnam par grol ba'i phyir brjod du med pa bzhin no/ /des na rang bzhin log pas de la 'ga' zhig gi yang thar pa zhes mi brjod de/ dam mi 'cha'o/ /zhes bya ba'i don to/ /zhes 'chad do/ /gzhan yang bcom ldan 'das kyis 'di skad du/ gang sdug bsngal 'di ma lus par rab tu spangs shing/ spangs pa bsal ba/ zad pa 'dod chags dang bral ba 'gag pa nye bar zhi ba/ nub pa sdug bsngal gzhan yang nyid mtshams mi sbyor ba dang/ nye bar mi len pa 'di ni zhi ba/ gya nom pa ste/ 'di lta ste/ phung po kun spangs pa/ sred pa zad pa 'dod chags dang bral ba/ 'gag pa mya ngan las 'das pa'o/ /zhes gsungs te/ lung 'di las na rnam pa thams cad du/ mya ngan 'das la phung po rnams/ / yong min gang zag srid ma yin/ /gal te mya ngan las 'das pa la phung po rnams yong cing gang zag kyang yod na ni de'i tshe de dag yod pa'i phyir? mya ngan las 'das par gyur par miT pa dang mdo dang 'gal ba dang mya ngan las 'das pa 'khor ba las mi 'da' par 'gyur ro/ / de'i phyir mya ngan las 'das pa de la mya ngan las 'das par gyur pa 'ga' yang ma dmigs so/ /de'i phyir/ gang du mya ngan 'das gyur pa/ /ma mthong der myang 'das gang zhig /mya ngan las 'das pa ni mya ngan las 'das pa ste de yang dngos po'i ngo bo yin pa'i

  346. 173b

    phyir rten la rag las so/ /'di'i rten yang mya ngan las 'das par gyur ba yin la/ de yang phung po rnams sam/ gang zag yin na/ de med pas rten med par 'gyur te/ phyogs de las mya ngan las 'das pa gang zhig yin par 'gyur/ rnam pa gcig tun mya ngan las 'das pa dngos po bden par smra ba'i mya ngan las 'das pa rtog pa na rten du gyur pa zhig gam/ brten par gyur pa zhig rtog grang/ de la re zhig rten du gyur ba ni mi rung ste/ 'di ltar/ mya ngan 'das la phung po rnams/ /yod min gang zag srid ma yin/ /de dag med pas gang du mya ngan las 'das par 'gyur ba 'ga' zhig kyang ma dmigs pa der mya ngan las 'das pa gang zhig tu 'gyur/ de ltar na re zhig mya ngan las 'das pa rten du gyur pa mi srid do/ /yang gang du ma rten par gyur pa yin pa der yang nyes pa de nyid yin te/ gang gi phyir mya ngan 'das la phung po rnams/ /yod min gang zag srid ma yin/ /gang du mya ngan 'das gyur pa/ /ma mthong der myang 'das gang zhig /rten med pa'i brten pa mi srid pa'i mya ngan las 'das pa gang zhig 'gyur/ yod pa ma yin pa la ni rtag pa nyid rig pa ma yin pas dngos po rtag pa rnams yod pa ma yin no/ /grangs can pa rnams ni yon tan dang skyes bu tha dad par shes pa las chen po la sogs pa'i 'jug pa'i rim pa log pas rnam par 'gyur ba'i tshogs rnam pa thams cad du zhi bas thar pa'i gnas skabs na skyes bu shes pa yod pa nyid gnas pa'i phyir bdag grol ba yod pa yin dang/? ji skad brjod pa'i nyes pa spangs pas thar par rtog bar byed do/ /de dag gi de yang/ sred dang bral la thar ba'i tshe/ /shes yod yon tan ci zhig yod/ /grol bar gyur pa'i skyes bu la ni thar ba'i gnas skabs na shes pa yod pa nyid yod par brtag par mi rigs so/ /de dag gi lta na blos lhag par zhen ba'i don la skyes bus shes par byed cing/ shes pa yod pa nyid kyang ma'i

  347. 174a

    tsha ba nyid ji lta ba bzhin du de'i rang gi ngo bo zhes bya bar mngon par 'dod la/ de yang yul ji ltar bstan pa yongs su gcod pa'i bdag nyid can yin no/ /rang bzhin yul nye bar longs spyod pa'i 'dod pa rig cing skyes bu dang tha mi dad par rtogs nas rim gyis dbang po'i tshogs 'byung ba na skyes bu'i yul nye bar longs spyod pa'i rgyu yin no/ /gang gi? tshe yul nye bar longs spyod pa'i skyes bu 'dod pa log pa de'i tshe de la sred pa ldog go/ sred pa ni 'dod pa yin la/ srid? pa dang bral ba de la ni shes pa yod pa nyid kyis yon tan 'ga' zhig yod pa yang ma yin no/ /des ni de'i tshe don 'ga' yang dag par mi myong ste/ rnam par 'gyur ba'i tshogs rgyu dang 'bras bu'i bdag nyid can mdza' dag rab tu zhi bar 'gyur ba'i phyir ro/ /de'i phyir grol ba'i bdag la thar pa shes pa yod pa nyid mi rigs so/ /'o na ni de'i tshe skyes bu shes pa yod pa ma yin par 'gyur la rag go zhe na/ de ltar na yang/ shes med pa yi yod pa yang/ /gsal bar yod pa min? dang mtshungs /pa ma yin nam/ shes pa yod pa las tha dang med pa'i rang gi ngo bo can gyi skyes bu la shes pa yod pa nyid med na shes pa med pa la gang zhig bden pa yod par brtags pa de ni ches gsal bar yod pa ma yin pa mo gsham gyi bu la sogs pa dang 'dra ba zhig go /ci ste grol ba'i gnas skabs can shes pa yod pa nyid kyi nus pa yod pa'i phyir bdag yod do snyam du sems na 'di yang snying po med pa zhig ste/ gang gi phyir/ thar pa bdag gcig yod na ne/ /shes yod sa bon srid pa yod/ /gal te grol ba'i gnas skabs su bdag brtag par nus na ni de'i tshe bdag yod dang de'i rten can shes pa yod pa nyid kyis nus pa yod par 'gyur ba zhig na/ de ni shes pa yod pa nyid kyi rang

  348. 174b

    gi ngo bo can yin pa nyid kyi phyir de med par yod pa ma yin pas rten med pa'i nus pa yang mi srid do/ /gzhan yang 'byung bar 'gyur ba'i don de lta mi nye pa'i phyir 'gar yang nus pa'i khyad par yod pa nyid brtag pa mdzes par mi 'gyur la grol ba'i bdag la gang shes pa yod pa nyid kyi 'jug pa'ang 'byung par 'gyur ba ni srid pa yang ma yin no/ /'di'i phyir yang sems pa can nyid kyi sa bon yod pa ma yin pas bdag med do/ /gal te thar par grol bar gyur pa 'ga' yang med pas thar pa med pa nyid du 'gyur ro/ / de'i phyir srid pa 'di mi 'jig bar 'gyur ro/ /zhes mi 'dod pa mang po zhig tu 'gyur pa ma yin nam zhe na/ de ni yod pa ma yin te/ shes pa yod pa'i 'jug pa dang/ de'i nus pa gnyis po bden par yod na ni ji srid 'jug pa yod pa zhig gam 'on te med pa zhig snyam du the tshom za bar 'gyur ba zhig na/ gang gi tshe rten med pas de dag rnam pa thams cad du yod pa ma yin pa de'i tshe/ de med na ni srid pa la/ /bsam pa'ang yod pa ma yin no/ /myu gu la sogs pa'i nus pa'i rten sa bon tshig bar gyur na myu gu la sogs pa'i rgyun mi 'jug pa bzhin du rnam pa thams cad du bdag gi rgyun tsam zhig kyang mi 'jug pas thar bar rigs so/ /gang gi phyir 'di de ltar yin pa de'i phyir/ sdug bsngal las thar mi rnams la/ /gzhan las yod pa min par nges/ / de phyir rnam pa kun tuAng bdag/ zad pa legs shes bya bar brjod/ /sdug bsngal las grel ba ni sdug bsngal yang mi 'byung ba yin no/ /sdug bsngal yang skye ba dang 'gag pa'i chos can gyi 'du byed las dang nyon mongs pas bskyed pa rnams yin la/ de rnams la brten nas kyang gang zag tu 'dogs te/ de ni bdag yin no/ /sdug bsngal 'gags na ni de dang grub pa dang bde ba gcig pa'i nya bar len pa pe bdag rnam pa thams cad phyis mi 'byung ba'i bdag nyid kyis zad pa gang yin pa de nyid legs

  349. 175a

    pa'o/ zhes bya'i grol ba'i bdag yod pa ni ma yin no/ /de ni re zhig rgyu med pa can nyid kyi phyir rang nyid kyis yod pa ma yin te/ mo gsham gyi bu bzhin no/ /de'i rang gi ngo bo yod na yang de rtag pa nyid kyis rnam par mi 'gyur ba'i phyir bcings pa dang/ thar pa gnyis la khyad par med pas snga ma bzhin du 'khor ba ldog par mi 'gyur ro/ /khyad par khas len na yang rnam par 'gyur ba yod pa'i phyir me rtog par 'gyur la/ /de'i phyir rgyu dang ldan pa nyid du 'gyur ro/ /de'i phyir sdug bsngal gyi rgyun dang 'dra ba nyid dang rang gi rtsod pa btang bar 'gyur ro/ /de'i phyir 'dis bdag khas blangs par mi rigs so/ /gang zhig gzhan la bstan par mi nus ba dang/ /bshad zin pa'i skyon gyis khas blangs nas kyang yongs su dor bar bya ba yin pa de ni khas blangs pa ci zhig dgon de'i phyir bdag tu smra ba dor bar bya'o/ /gal te de ltar grol ba'i gnas skabs na grol ba'i bdag kyang yod pa ma yin la/ /don dam pa'i med can mya ngan las 'das pan yod 'du byed rnams mi 'byung bas gtan yongs su chad pa'i ngo bor smran ni de'i phyir de dang 'dra ba'i dam pI don 'di don du gnyer ba ci zhig bya/ de'i phyir bdag legs so 'dod pa la/ 'jig rten pa 'di nyid bla yi/ /don dam rnams kun ma yin te/ /'jig rten pa la cung zad yod/ /dam pa'i don la yod ma yin/ /bdag legs su 'dod pa ni mig nad byung du dogs pas mig 'byin pa rjes su mi sgrub kyi/ /nad sel ba kho na byed ba de bzhin du 'khor ba'i sdug bsngal la yid byung bas kyang sdug bsngal ba tsam btang ba kho na mchog gi thams cad med pa ma yin no/ /thams cad med par gyur na ni bde ba yang rnam pa thams cad du bcad pas 'dis bdag la phan cung zad kyang btags par mi 'gyur ro/ /de'i phyir 'jig rten pa 'di nyid bla'i/ 'jig rten pa der ni khyod kyis cung zad cig khas len te

  350. 175b

    gang migs sogs pa dang/ myu gu la sogs pa'am brten nas btags pa bum pa dang/ snam bu dang/ re lde dang/ khyim dang/ nags dang/ dmag dang/ kun dga' ra ba dang/ bzhon ya dang/ gru la sogs pa rnams so/ /cung zad cig ni khas mi len te/ ?? gang mru? stegs can rnams kyis yang dag pa ma yin par sgro btags pa dang/ /dngos po rnams rang bzhin dang bcas pa'o/ /yang na gang dge ba dang mi dge ba la sogs pa'i las 'das pa 'bras bu ma phyung ba dang/ /bde ba'i 'bras bu ma yongs? pa 'am/ /'du byed da ltar byung ba rnams te/ de lta bu 'di khyod 'jig rten pa la yod la/ /de las lhag mar gyur pa ni yod pa ma yin pas gang du thams cad med pa ma yin pa 'jig rten pa 'di bla'o/ /don dam pa ni mchog ma yin te/ gtan du yang dag par yod pa ma yin pa'i phyir ro/ /slob dpon 'phags pa lta'i zhal snga nas kyi byang chub sems dpa' i rnal 'byor sbyod ba bzhi brgya ba las dngos po rtag pa dgag pa bsgom pa'i ting nge 'dzin bstan pa zhes bya ba ste/ rab tu byed pa dgu ba'i 'grel pa'o// //bshad par bya ste/ gal te bdag ces bya ba 'ga' zhig rang gi ngo bos yod na ni de mya ngan las 'das par thams cad du chad pa mthong ba'i phyir bdag med do/ /'byung bar yang mi 'gyur ro bdag gi ba med do/ /'byung bar mi 'gyur ro snyam du dogs pa la 'jig rten bya? nyid 'di bla'i zhes bya ba la sogs pa 'di de ltar 'gyur ba zhig na/ bdag ni rang gi ngo bos srid pa yang ma yin no/ /gal te yod na ni de nges bar bud med nyid dam/ skyes ba nyid dam/ ma ning zhig tu 'gyur te/ de las gzhan pa'i rtog pa med pa'i phyir ro/ /mu stegs can rnams ni bdag rnam pa gnyis smra bar byed de/ 'di ltar ste/ nad gi bdag dang/ phyi'i bdag go/ de la nang gi bdag ces bya ba ni gang zhig lus

  351. 176a

    kyi khong na rnam par gnas shing/ de'i dbang po'i tshogs de dang der rab tu 'jug par byed pa'o/ /nang gi byed pa'i skyes bu 'gro ba'i dar 'dzin pa'i rgyu dge ba dang mi dge ba dang lung du ma bstan pa'i las kyi 'bras bu'i za ba po rgyud re re zhing rnam par rtog pa du ma'i dbye bas phye ba'o/ /phyi'i bdag ni lus dang dbang po 'dus pa'i ngo bo can gyi bdag la phan 'dogs pa'o/ /de la re zhig nang gi bdag gang yin pa de/ gal te bud med nyid du rtog na ni de'i tshe rang gi ngo bo mi 'dor ba'i ngo bo can yin pa'i phyir tshe gzhan du rjes kyang rtags gzhan la mi brten pas rtag tu bud med nyid du 'gyur na/ de ltar yang ma yin te/ 'chol ba dmigs pa'i phyir dang/ bud med nyid la sogs pa rnams bdag gi yon tan nyid du med pa'i phyir ro/ /de nyid kyi phyir/ 'dod chags shin tu 'bar ba'i sems dang ni/ /lus dag dbang po'i blo dang las rnams kyis/ /bud med bzhin du 'khrig pa'i nang 'jug pa/ /mi mkhas de ni gzhan du bud med 'gyur/ /de ni skyes dngos phun tshogs phan bsams pas/ /de bzhin gshegs pa'i sku dang rnam pa brgyar/ /bud med nyid la yang dag smad byas nas/ /pha rol tu ni mi nyid mchog tu 'gyur zhes bshad do/ /de bzhin du/ skyes pa nyid dang ma ning nyid la yang brjod par bya'o/ /de'i phyir de ltar/ gang tshe nang bdag bud med min/ /skyes min ma ning ma yin pa/ /de tshe mi shes 'ba' zhig las/ /khyod bdag pho bo snyam du sems/ /pho bo zhes bya ba ni nye bar mtshon pa yin pa'i phyir bdag ni bud med do bdag ni ma ning do snyam pa 'di thams cad ni mi shes pa las 'gyur ro/ / rnam par dpyad pa na dngos po yod pa de ltar grub pa med pa'i phyir de ltar yongs su btags pa las mi shes pa las ma rtogs pa'i rgyu gzhan mi rigs te/ thag pa'i rang gi ngo bo yongs su mi shes na sprul du lhag par sgro 'dogs pa bzhin no snyam du dgongs

  352. 176b

    so/ /de nyid kyi phyir bcom ldan 'das kyis/ dper na dogs pa'i 'du shes kyis ni dug langs pa/ /dug de khong du song ba med kyang brgyal bar 'gyur/ /de bzhin byis pa bdag dang bdag gir khas len pa/ /bdag der 'du shes yang dag min rtog skye zhing 'chi zhes gsungs so/ /ci ste skyes pa dang bud med dang ma ning nyid 'di dag ni phyi'i bdag gi brtags te/ de dang 'bral ba las nang gi bdag kyang rtag go snyam du sems na/ 'di ni de ltar ma yin no/ /ji ltar zhe na/ 'dir nam mkha' la 'byung ba chen po nyid mi rigs pa'i phyir 'byung ba chen po dag ni bzhi kho na'o/ /yang gang gi ltar na 'byung ba chen po lnga yin pa de yang de'i nam mkha' las rtsom par byed pa nyid du mi rigs pa'i phyir 'byung ba chen po bzhi kho na rgyu'i dngos por 'gyur na/ /de dag la ni skyes pa dang bud med dang ma ning rnams rang gi ngo bos yod pa ma yin no/ /gal te yod na ni de'i tshe de dag gi rang bzhin gyis rjes su byed pa'i phyir lus thams cad rtags nges pa nyid du 'gyur la/ nur nur po la sogs par yang rtags dmigs par 'gyur na/ 'di ni de ltar yang ma yin no/ /de'i phyir gang tshe 'byung ba thams cad la/ /pho mo ma ning yod min pa/ /de tshe ci ste de dag nyid/ /brten nas pho mo ma ning yin/ /gang rang gi ngo bos rtags dang bral ba'i 'byung ba chen po dag la brten nas lus rnams la bud med nyid la sogs pa 'byung bar 'gyur ba 'di la rgyu ci zhig yod/ de'i phyir de ltar phyi'i bdag la yang bud med dang skyes pa dang ma ning nyid rnams mi rigs pa'i phyir khyod kyi bdag ni skyes pa'o/ /bdag ni bud med do/ /bdag ni ma ning ngo snyam pa'i bsam pa 'di ni mi shes pa las yin pa 'ba' zhig tu zad do/ /gang dag khri dang ljon shing dag la nu ma la sogs pa dang sbu mang ba nyid la sogs pa rgyu mtshan med pas rnam pa gzhan du bud med nyid la sogs pa rnams su rtogs

  353. 177a

    par byed pa de dag gi yang rtogs pa tsam bzlog par bya ba yin no/ /khyod la yang thal bar 'gyur ba mtshungs so zhe na/ de ni de ltar ma yin te/ kho bo ltar na ni rten cing 'brel par 'byung ba'i phyir dngos po rnams rang bzhin med pa yin la/ rab bzhin med pa la ni ri mo dang lder so dang/ 'khrul 'khor dang/ sgyu ma'i bud med la sogs pa'i gzugs ltar rkyen ji lta ba bzhin rnam pa gzhan du 'gyur bar mi rigs pa yang ma yin pas nyes pa med do/ /bcom ldan 'das kyis/ brtan pa mo zhes mi spyod cing/ /por yang rtog pa mi byed de/ /chos kun skye ba med pa'i phyir/ /btsal na mthong bar mi 'gyur ro/ /zhes gsungs so/ /rang bzhin dang bcas par smra ba'i ltar na ni rang bzhin la gzhan du 'gyur ba nyid mi srid pa'i phyir rang bzhin ji lta ba bzhin du rtag par nges par thal bar 'gyur ro/ /de'i phyir bdag ni skyes pa'o snyam pa de lta bu la sogs pa'i rtog pa rnams gti mug tsam las byung ba'i phyir rtags dang ldan pa'i bdag rang bzhin yod pa nyid mi rigs so/ /'di las kyang rang gi ngo bos yod pa ma yin te/ 'di ltar gal te bdag rang gi ngo bos yod na ni de ji ltar gcig gi ngar 'dzin pa'i rgyur dmigs pa yin pa de bzhin du thams cad kyi yang ngar 'dzin rgyu dmigs par 'gyur te/ 'jig rten na ni me'i rang bzhin tsha ba 'ga' zhig la mi tsha bar mi 'gyur ro/ /de bzhin du bdag gal te rang gi ngo bos yod par 'gyur na ni de thams cad kyi bdag dang dar 'dzin pa'i yul du 'gyur na 'di ni de ltar yang ma yin no/ /'di 'di ltar/ khyod kyi bdag gang bdag min/ /des de bdag min ma nges phyir/ /khyod kyi bdag dang khyod kyi ngar 'dzin pa'i yul dang bdag du chags pa'i yul gang yin pa de nyid mi ni kho bo'i bdag tu mi 'gyur te/ kho bo cag gi ngar 'dzin pa'i yul ma yin pa'i phyir dang/

  354. 177b

    bdag tu chags pa'i yul ma yin pa'i phyir ro/ /gang gi phyir 'di de ltar yin pa/ des de bdag min ma nges phyir/ /gang zhig nges par bdag gi bdag tu mi 'gyur ba de ni rang bzhin gyis yod pa ma yin pas yod pa ma yin pa'i don can bdag tu lhag par sgo btags pa 'di dar bar bya'o/ /gal te bdag med na ni 'o na dar 'dzin pa dang bdag la chags pa 'di gnyis gang zhig la 'gyur zhe na/ bshad pa'i dngos po mi rtag pa rnams la/ /rtag pa skyes par 'gyur min nam/ /ji skad bshad pa'i tshul gyis phung po las tha dad pa'i bdag rang gi ngo bos grub pa rnam pa thams cad du ma dmigs pa'i phyir dngos po mi rtag pa gzugs la sogs pa'i ming can rang bzhin med pa rnams la bdag dang/ sems can dang/ srog dang/ skye ba po dang/ shad las skyes dang/ byad pa po dang/ tshor ba po zhes bya ba la sogs pa bdag go snyam du log par rtog par byed do/ /ji ltar bud shing la brten nas me yin pa de bzhin du phung po rnams la brten nas bdag tu 'dogs la/ de yang phung po rnams las de nyid dang/ gzhan nyid du rnam pa lngar nges par dpyad pa na rang gi ngo bos yod pa ma yin pas brten nas yongs su brtags pa zhig ste/ de ltar na 'du byed mi rtag pa rnams la bdag tu rtog par 'gyur ro/ /zhes bya bar gnas so/ /'dir bdag ni rang bzhin gyi yod pa kho na ste 'jug pa dang ldog pa'i rgyu yin pa'i phyir ro/ /gal te bdag med na ni su zhig dge ba'am mi dge ba'am mi g.yo ba'i las byas nas de'i 'bras bu myong bar byed/ des ni dge ba'am mi dge ba'am mi g.yo ba'i las byas nas rigs rang 'gro ba dang skye gnas la sogs pa'i dbye bas phyi ba'i khams gsum du las dang rjes su mthun pa'i skye ba'i rgyun rab tu mdza' yas shing bde ba dang sdug bsngal ba'i 'bras bu nye bar longs spyod pa'i rgyud gyur pa 'thob la/ de ni mngon par

  355. 178a

    'du byed pa po dang/ so sor myong bar byed pa po yang yin zhing/ de ni gsod pa dang gnod pa dang/ reg pa dang bcing ba dang grol bar yang 'gyur ro/ /de'i phyir bdag rang gi ngo bos yod do zhes 'dzin? to/ /yang ci bdug 'di tshe rabs gzhan du lus kyi khyad par gyi rnam par 'gyur ba'i rjes su byed dam/ /'on te ma yin/ gal te rjes su mi byed na ni de'i tshe cung zad kyang mi byed pa'i bdag tu btags pa 'dis ci dgos ci ste rjes su byed na ni de'i tshe nges par khyod la/ skyes dang skye bar skyes bu ni/ /lus bzhin rnam par 'gyur par 'gyur/ /de'i phyir/ khyod kyi de la lus las gzhan/ /nyid dang rtag nyid mi rigs so/ /'di ni lus las gzhan ma yin te/ /lus kyi rnam par 'gyur ba'i rjes su byed pa'i phyir te/ lus kyi phyogs cig bzhin no/ /rtag pa yang ma yin te/ lus las gzhan ma yin pa'i phyir lus kyi rang gang gi bdag nyid bzhin no/ /de'i phyir bdag tu sgo 'dogs par mi rigs te/ des ni 'du byed skad cig re rer 'jig pa'i ngang can rnams la gnas pa med pas/ las kyi 'bras bu myong bar bya ba'i phyir bdag rtag par rtogs so/ /gang gi tshe bdag rtag pa de mi rigs pa de'i tshe des pa 'dis 'du byed kyi rgyun skad cig re rer 'jig pa kho na la las dang 'bras bu la sogs pa thams cad khas blang bar bya'o/ /'dir smras pa/ gal te bdag rang gi ngo bos grub par mi 'gyur na ni de'i tshe lus kyi g.yo ba bskum pa dang rkyong ba la sogs pa rnams kyi 'jug pa por gang zhig 'gyur/ skul ba po med pa'i shing rta ni rgyab yang ma yin te/ de'i phyir gdon mi za bar shing rta'i skul ba po lha sbyin ltar lus kyi g.yo ba'i rgyu nang gi byed pa'i skyes bu 'ga' zhig khas blangs par bya'o/ /'di yang mi rigs so/ /zhes bstan po'i phyir bshad pa/ reg dang mi ldan dngos po las?/ /

  356. 178b

    bskul ba zhes bya mi skye ste/ de phyir lus kyi dbye ba la/ /srog ni byed pa por mi 'gyur/ /shing rta ni reg pa dang mi ldan pa'i don 'gas kyang bskul bar mi nus te/ reg pa dang ldan pa kho nas de bskul ba'i phyir/ khyed cag gis yongs su brtags pa'i bdag kyang reg pa dang mi ldan pa zhig ste/ dus ltar lus med pa'i phyir ci la yang mi reg cing don 'ga' zhig gis reg pa yang ma yin no/ /gang gi tshe 'di de ltar yin pa de'i tshe/ gang las lus kyi g.yo ba'i rgyu nyid kyis 'di yod pa nyid du rjes su dpog par 'gyur ba reg pa dang mi ldan pa'i dngos po 'di las bskul ba ste/ sbod pa 'byung bar ji ltar 'gyur/ /gzhan yang bdag 'di ni phyogs med pa'i phyir reg pa dang mi ldan no/ /gang zhig phyogs mi ldan pa de la ni sbyor ba yod pa ma yin no/ /sbyor ba dang bral ba la ni bskul ba yod pa ma yin pas bya ba de dang ldan pa nyid kyis de yod pa nyid du khas blang bar mi rigs so/ /gal te de kho na ltar sems la yang lus kyi g.yo ba'i rgyu nyid mi rigs pa'i phyir khyod la yang nyes pa 'dir 'gyur ba ma yin ni/ sems ma gtogs par 'go sogs la/ /gang phyir bsod nams la sogs pa/ /ma mthong de phyir las kun la/ /yid ni ngon por brjod par bya/ /zhes gong du smras pa yang yin no/ /de'i phyir skyon mtshungs par thal bar 'gyur ba'i phyir sun 'byin pa 'di ni mi rigs so/ /zhe na bshad par bya ste/ kho bos ni sems reg pa dang mi ldan pa nyid du khas ma blangs so/ /'di ltar/ yul dang dbang po dang rnam par shes pa rnams phan tshun reg pa'i mtshan nyid can sems las byung ba'i chos reg pa yod pa'i phyir rnam par shes pa lus dang ldan pa kho na yin zhing lus kyi g.yo ba'i rgyu yin no/ /khyod kyis ni de ltar bdag reg pa dang ldan par khas blangs pas mi mtshungs so/ /yang na kho bos sems dngos po mdza' dag skye ba'i rgyu nyid du khas blangs

  357. 179a

    pa'i phyir nges kun nas bsad pa'i rlung gi khams reg pa dang ldan pa yin la/ des bskul ba na lus de lta de ltar skyes pas g.yo ba yin no/ zhes bya bar rigs so/ /'dir/ 'dun pa'i rtsol ba'i 'du byed las/ skyes pa'i rlung can yul gzhan du/ /rnam chad med par skye ba ni/ /'gro ba po yi mar me bzhin/ /zhes kyang bshad do/ /cis te khyad par 'di bdag la yang rtog na ni de'i tshe 'di skad cig ma nyid du khas blang bar bya ste/ rtag pa la rnam par 'gyur ba med pa nyid kyis khyad par rnam pa de lta bu mi srid pa'i phyir ro/ /de'i phyir sems kho na bdag ces bya bar 'gyur bas bdag rtag pa ma yin no/ /yang gal te bdag 'di rtag par 'gyur na ni/ de yongs su bsrung bar bya ba'i phyir mi 'tshe ba'i bdag nyid can gyi chos nye bar stan par mi 'gyur te nam mkha' bzhin no/ /mtshon rnon po dang me dang dug dang/ thog babs pa rnams kyis ni de'i spu yang 'gul par mi nus so/ /de nyid kyi phyir bshad pa/ mi 'tshe ba dang bdag rtag pa/ /'di la rgyu ni ci 'od snyam/ /rnam pa kun duAng shing srin? las so/ /rdo rje bsrung byar mi 'gyur ro/ /gnod par dogs pa med pa'i rdo rje ni shing gi srin bu las yongs su bsrung par mi rtsom mo/ /de bzhin du bdag rtag par yod na ni mi 'tshe ba'i bdag nyid can gyi chos mi rigs na mi 'tsho ba'i bdag nyid can gyi chos 'di ni yod pa yang yin te/ de'i phyir rtag pa'i bdag khas mi blang ba 'am/ yang na rgyu gzhan zhig brjod par bya dgos na/ de yang ma brjod pas 'di ni mi rigs so/ /'dir smras pa/ bdag ni rtag pa kho na ste/ skye ba dran pa yod pa'i phyir ro/ /'du byed skyes ma thag tu 'jig pa'i dang can rnams la ni tshe rabs gzhan dran par mi rigs so/ /skyo ba gzhan gyi 'du byed rnams ni gang du skyes pa nyid du 'jig la/ 'dir ni gzhan dag cig kho na skye ba yin no/ /de'i phyir/

  358. 179b

    bdag 'das pa'i dus na skye ba 'di lta bu dang 'di lta bu zhig tu gyur to snyam du skye ba dran par mi rigs so/ /bdag rtag pa yod na ni de nyid che rabs gzhan du rgyu ba'i phyir rjes su dran par rigs so/ /'di yang ma nges pa nyid du brjod pa'i phyir bshad pa/ skye pa dran pa yod pa'i phyir/ /gal te khyod kyi bdag rtag na/ /sngon byas pa yi rma mthong nas/ /khyod kyi lus ko cis mi rtag/ 'di na tshe rabs gzhan dag tu mtshon cha la sogs pas bsnun pa las byung ba'i rma'i srol rnams de lta bus nye bar mtshan pa'i lus can la la dag rnam par 'jig cing/ de ltar mngon par mtshon pa'i lus dang ldan pa kho nar 'gyur te skye ba dang rjes su dran pa na ji ltar nyams su myong ba ltar tshe rabs gzhan gyis byung mdza' ston par lhung byed pa dmigs so de'i phyir skye ba dran pa yod pas byas pa'i bdag rtag pa nyid du yongs su rtag pa ltar de dag gi lus rtag pa nyid du brtag par bya dgos na 'di ni de ltar yang ma yin pas de yod pa ma yin no/ /rgyu dang 'bras bu dag de nyid dang... gzhan nyid du rtog pa spangs shing/ rgyu'i khyad par gyis gsal bar gyur pa 'du byed kyi rgyun ni mi rtag pa kho nar yod na ni de'i nye bar len pa can btags par yod pa'i bdag gis skye ba rjes su dran no/ zhes bya bar rigs so/ /dngos po rnams na rang gi mtshan nyid kyis ma grub pa ste de rnams la rnam pa de lta bu'i rkyen nye bar lhags pa yod dang gzhan du 'gyur ba nyid mi rigs pa ma yin te/ de'i phyir dngos po rang gi mtshan nyid kyis ma grub pa'i rgyu can bya ba'i khyad par bsam gyis mi bya pa ba yongs su brtag par bya'o/ /'di ltar 'dam bzhin du zho'i snod khang pa'i nang na gnas pa dag la rtsa thog che mang pos g.yogs pa'i steng nas gnas pa'i phug ron skya po'i rkang rjes dmigs mod kyi/ de'i rkang pa zhugs pa ni ci nas kyang

  359. 180a

    srid pa ma yin no/ /de'i phyir bshad pa dang 'chad par 'gyur pa'i rigs pas mi 'thad pa'i 'dus byas rang bzhin med cing mig 'phrul dang 'dra ba 'di'i snying po dang mi ldan pa nyid kyis chog go /'di la snying po dang mi ldan pa nyid khas blangs pa ltar dngos po yod pa nyid du khas blang bar bya bar nus pa yang ma yin te/ de ni gdon mi za bar 'thad pa la bltos pa'i phyir ro/ /de ni ji lta'am de lta'ang rung ste khas blang bar bya bar nus pa ma yin te/ gzhan dag gis de mi bslu ba nyid du khas blangs pa'i phyir ro/ /de'i phyir skye ba dran pa ltar rma dang bcas pa'i lus gzhan gyi rgyu can gyi lus sngon byas pa'i rmas nye bar mtshon pa rnam pa de lta bu'i las kyi bye brag gi rkyen can nye bar skye'o/ /zhes bya ba mi srid pa ma yin no/ /de'i phyir skye ba dran pa yod pa 'di las bdag rtag pa nyid du mi rigs te/ lus kyang rtag pa nyid du thal bar 'gyur ba'i phyir ro/ /yang ji ltar bdag 'dis skye ba dran no/ zhes bya bar rtog gal te rang gi ngo bo kho nas yin na ni de mi rigs te/ de ni mi rtog pa'i rang gi ngo bo yin pa'i phyir ro/ /ci ste sems pa can dang ldan pa las yin no snyam du rtog pa na de yang mi rigs te/ rang gi ngo bo btang bar thal bar 'gyur ba'i phyir ro/ /de nyid bstan pa'i phyir bshad pa/ /sems pa can dang ldan bdag kyang/ /gal te shes pa nyid yin no/ /de yis sems pa can sems pa/ /min zhing skyes bu rtag mi 'gyur/ /gal te blo la sogs pa rnams ni bdag gi yon tan yin zhing de rnams dang ldan pas bdag yon tan gyi rjes su mthun par 'jug cing/ dngos po rnams kyang rang bzhin mi 'dor ba yin la/ de rnams don gzhan dang 'brel pa las bya ba'i khyad par dang ldan par gyur na ni 'o na

  360. 180b

    de rnams la khyad par sngar yod pa ma yin par rnam par 'gyur ro/ /rnam par 'gyur pa dang ldan pa rnams la ni rang gi ngo bo yod pa yang ma yin pas khyod kyi bdag rang bzhin med de/ ri mo la sogs pa bzhin du rnam yang 'gyur ba dang ldan pa'i phyir ro// gzhan yang ji ltar sems pa can nyid dang ldan pas bdag sems pa can du 'gyur ba de bzhin du sems pa can ma yin pa'i bdag dang ldan pa sems pa can yang sems pa can ma yin par ci'i phyir mi 'gyur/ de'i phyir 'di la skye ba dran pa nyid mi rigs pa 'ba' zhig tu ma zad kyi sems pa can nyid kyang mi rigs pa'i phyir rtag pa'am ma yin pas bdag la rtag pa nyid yod pa ma yin no/ /gzhan yang bdag 'di ji ltar sems dpa' can nyid dang ldan pas sems pa de bzhin du bde ba dang sdug bsngal la sogs pa dang ldan pas sngar gyi rang gi ngo bo nyams pa'i phyir khyad par de dang de 'thob par 'gyur te/ de'i phyir 'di mi rtag pa nyid du 'gyur zhes bstan pa'i phyir abshad pa/ bde ba la sogs dang ldan srog/ bde sogs bzhin du sna tshogs mthong/ /de phyir bde la sogs bzhin te/ /rtag pa nyid duAng mi rung ngo/ /gal te bde ba dang sdug bsngal gyi gnas skabs dag tu 'di la khyad par 'ga' yang med na ni de dag phan tshun tha dad par mi 'gyur te/ de'i phyir bdag gi yon tan 'di rnams tha dad par mi 'gyur ro/ de'i phyir gdon mi za bar bdag 'dis bde ba la sogs pa sna tshogs pa'i arjes su byed par bya dgos la/ de'i rjes su byed pa nyid kyang bde ba la sogs pa kho na ltar 'di rtag pa nyid du yang mi rigs so/ /'ang gi sgras ni byed pa po nyid dang za ba po nyid dang gcig pu nyid la sogs pa thams cad sel bar byed do/ /yang gzhan dag ni gang gi ltar na skyes bu sems pa can ma yin pa de la nyes pa 'dir 'gyur gyi kho bo cag gi ltar na ni skyes bu shes

  361. 181a

    pa yod pa'i rang bzhin yin pa'i phyir mi 'dod pa ci yang med do/ /zhes smra'o/ /de'i lug kyang mi rigs pa nyid du brjod pa'i phyir bshad pa/ gal te shes pa mod rtag na/ /byed pa log par 'gyur ba ste/ /gal te men rtag 'gyur na/ /bud shing gis don yod mi 'gyur/ /'di gang gi tshe mig la sogs pa byed par gyur pa rnams kyi 'jug pa dag gzugs la sogs pa'i don rnams la 'bab pa de'i tshe gzugs la sogs pa'i blo gzugs la sogs pa'i rnam pas rjes su bsgyur ba rnams nye bar skye zhing blos zhen par byas pa'i don de yang skyes bus sems par byed do/ /shes pa yod pa nyid kyang yul rtog pa'i rang ging bo yin la skyes bu de yang de las tha mi dad pa'i rang gi ngo bo dang/ rtag pa yin yin te/ rtag tu nye ba'i phyir ro/ /skyes bu'i rang gi ngo bo las tha mi dad par gnas pa'i phyir shes pa yod pa nyid kyang rtag tu nye ba yin no/ /da'i phyir 'di la mig la sogs pa'i byed pa dgos pa med pa'i phyir don med par 'gyur ro/ /gal te mig la sogs pa rnams med na de rnams kyi 'jug pa dag med par 'gyur la de med pas kyang blo med cing blo med pas kyang shes pa nyid med par 'gyur na ni de'i tshe dgos pa dang bcas pa'i phyir de las bzlog pa'i sgo nas mig la sogs pa byed par rigs par 'gyur na/ gang gi tshe ji skad smras pa'i tshul la bltos pa med pa kho nas shes pa yod pa nyid rtag pa yod pa de'i che ni byed pa la sogs par 'gyur ba ste/ gang gi ltar na bud shing med par me mi 'byung zhing yod na ni 'byung ba de'i ltar na ni bung? shing tshol bar rigs na gang gi ltar na me rtag pa yod do/ /zhes bya ba khas len pa de lta na bud shing nye bar sogs dgos pa med pa kho na ste 'di ni de dang 'dra'o/ /de'i phyir 'di'i chen po la sogs pa rnam par 'gyur ba'i tshogs kyis 'jug pa'i 'bras bu

  362. 181b

    med pa nyid kyis 'di'i bstan bcos su lo rgyus byed pa'i ngal bdon med pa kho nar rtogs so/ /ci ste skyes bu ni shes pa yod pa nyid kyi nus pa'i ngo bo yin la/ de mig la sogs pa byed pa'i bya ba'i rgyu can blo mngon par gsal ba las shes pa yod pa nyid 'jug pas mngon par gsal par 'gyur ro/ /skyes bu ni nye bar longs spyod pa po yin la/ de yul nye bar longs spyod pa'i bya ba mngon par grub pas yul la sems par byed do/ /de'i yul nye bar longs spyod pa'i bya ba de ni shes yod? nyid 'jug pa'i bdag nyid can gyi bya ba yin la de yang mig la sogs pa byed pa'i tshogs med par mi 'byung ba'i phyir rnam par 'gyur ba'i tshogs 'di don med pa nyid du ga la 'gyur snyam na bshad par bya ste/ gal te shes pa yod pa shes pa yod pa nyid kyi 'jug pa'i rang gi ngo bo yin la de yang bya ba'i rang bzhin can yin na ni de'i tshe 'di'i bya ba'i chos las mi 'da' bar 'gyur dgos so/ /bya ba rnams kyi chos kyang gang zhig ce na/ rdzas la brten pa nyid dang g.yo ba nyid do/ /'di ltar rdzas ni bya ba ji bzhin du/ /'jig pa'i bar du g.yo ba med/ /bya ba ni rdzas kyi byed pa'i rang bzhin yin te/ de ni skyes pa nas bzung ste 'jig pa'i bar du g.yo ba yin no/ /'di ltar shid la sogs pa rlung la sogs pa nye bar lhags pa med par bya ba mi rtsom pa rnams skyes nas 'jig pa'i bar ni rnam par mi g.yo bar sdong la/ 'di rnams kyi 'gul ba'i bya ba rlung la sogs pa'i rkyen las byung ba ni ma zhig bar du g.yo ba nyid las mi 'da' o/ /gang gi phyir 'di de ltar yin pa/ des na skyes bu yod ces pa/ /yod pa med ces bya bar mi rigs so/ /ji ltar shing la sogs pa rnams g.yo ba'i bya ba rtsom pa'i snga rol gyi gnas skabs na rdzas kyi rang bzhin shing la sogs pa'i/ /bdag nyid du dmigs pa de bzhin du skyes bu ni ma

  363. 182a

    yin no/ /de ni shes pa yod pa nyid kyang rang bzhin yin pa'i phyir dang/ de las tha dad pa'i rdzas kyi rang bzhin med pa'i phyir shes pa yod pa dang bral ba'i bdag nyid du yang yod pa yin no/ zhes bya bar rtag par mi nus so/ /de'i phyir skyes bu yod kyi shes pa yod pa nyid ni ma yin no/ /zhes bya ba mi rigs so/ /gang yang shes pa yod pa nyid kyi nus pa yod pa'i phyir de'i tshe skyes bu yod pa nyid du rtog pa de yang mi rigs te/ rten med pa'i nus pa yod pa ma yin pa'i phyir ro/ / ji ltar shes pa yod pa nyid 'jug pa'i gnas skabs na shes pa yod pa nyid las tha dad pa'i skyes bu ni mi srid pa de bzhin du nus pa'i gnas skabs na yang shes pa yod pa nyid kyi nus pa tsam las tha dang pa'i skyes bu yod pa ma yin no/ / de'i phyir rten med pa'i nus pa med la/ nus pa med pa las kyang nus pa gsal ba'i rang bzhin gyi dngos por 'gyur ba la nye bar mkho ba nyid kyis dmigs la sogs pa rnams nye bar mkho ba dang bcas pa nyid du brtags pa gang yin pa de mi rigs pa kho na ste/ de'i phyir gal te shes pa yod rtag na/ byed pa log par 'gyur ba ste/ zhes bya ba 'di mi 'chug go /gzhan yang gal te skyes bu 'di shes pa yod pa nyid kyi nus pa gsal ba las sngar shes pa 'di'i snga rol na shes pa yod pa'i nus pa ngo bor 'gyur na ni de'i tshe/ gzhan du shes pa yod pa'i khams/ /mthong zhing gzhan du shes yod de/ /shes pa yod pa la tshul gnyis rtog na khyod kyis shes pa yod pa las gzhan du ste tha dad pa nyid du shes pa yod pa'i khams te/ shes pa yod pa'i sa bon shes pa yod pa'i nus pa dang shes pa yod pa'i nus pa las kyang gzhan du ste tha dad par shes pa yod pa mthong ste de'i phyir shes pa yod pa'i khams las shes pa yod pa 'byung ba na khams

  364. 182b

    dang yul mtshungs par 'gyur ba zhig go /dpe bshad pa/ lcags kyi zhu nyid bzhin/ zhes bya ba'o/ /'dir dper na lcags zhu ba nyid du 'gyur ba na lcags kyi yul las tha mi dad pa'i yul can du 'gyur ba de dang 'dra'o/ /sa bon dang myu gu 'gan mngon par 'byung ba dang mngon par mi 'byung ba mthong ba'i phyir yul mtshungs pa nyid ma yin te/ skyes bu las ni mngon par 'byung ba dang mi mngon par gyur pa gnyis med pas yul mtshungs pa nyid yod do/ /de nyid kyi phyir lcags kyi zhu nyid? bzhin zhes lcags kyi zhu ba nyid dge gzhan smos so/ /shes pa yod pa'i nus pa'i ngo bo las tha dad par skyes bu'i nus pa gsal bar yod pa yang ma yin te/ de las gzhan ma yin pa'i phyir ro/ /de'i phyir nus pa'i ngo bor gyur pa 'di gsal ba'i ngo bor gyur pa na lcags kyi zhu nyid bzhin na/ de'i phyir/ skyes bu rnam par 'gyur bar 'gyur/ /rnam par 'gyur ba nyid las kyang lcags kho na bzhin du bdag la rtag pa nyid med do/ zhes bya bar grub bo/ /yang gzhan dag ni kho bo cag ni skyes bu shes pa yod pa'i ngo bor ma yin te/ 'o na ci zhe na/ shed yod yid tsam zhig la ste/ /skyes bu nam mkha' bzhin du che/ /srog chags thams cad la lus re re zhing yod pa'i bdag nyid nam mkha' ltar khyab pa yin la/ de'i yid tsam dang ldan pa shes pa yod pa ni thams cad la khyab pa ma yin no/ yod kyang bdag gi phyogs rdul phra rab tsam nyid la ldan pa zhig ste/ des na yid dang sbyar nas skyes bus de dang yul tha mi dad pa'i can gyi shes pa yod pa skyed par byed de de'i phyir kho bo cag gi phyogs la ji skad smras pa'i skyon gyi skabs med do/ /zhes smra'o/ /bshad par bya ste/ yang? gang gi phyir khyod kyi skyes bu nam mkha' ltar shin tu che ba 'di'i shes pa yod pa yid tsam la khas len pa/ de'i phyir de'i ngo bo ni/ /shes pa yod pa nyid min ltar mthong/

  365. 183a

    de ltar yin dang skyes bu shes pa yod pa ma yin pa kho nar 'gyur te/ rdul phra rab tsam gyi phyogs dang shes pa yod pa dang 'brel bas skyes bu shes pa yod pa dang bcas pa yin no/ /zhes brjod par mi nus so/ /rdul phra rab tsam dang lan tshwa dang 'brel pas gang+gA'i klung gi chu lan tshwa dang bcas so snyam du bsam par nus pa ni ma yin te/ 'di ni de dang 'dra'o/ /bdag ni rdzas yin zhing shes pa yod pa ni yon tan gyi ngo bo yin te/ de gnyis phan tshun tha dod pas skyes bu ni shes pa yod pa ma yin pa'i ngo bo kho na zhig go /shes pa yod pa ma yin pa de la ni bum pa ltar bdag nyid du rtag par rigs pa yang ma yin pas bdag mi 'thad do/ /yang gal te bdag 'di sems can re re zhing thams cad du yod par 'gyur na ni de'i tshe/ gal te bdag kun la yod na/ /gzhan gyis der rang cis mi rtogs/ /gal te khyod kyi lugs kyis na bdag nam mkha' ltar thams cad du 'gro zhing thams cad du khyab par 'gyur na ni de'i tshe sems can gzhan la yod bdag gi bdag yod pas bdag nyid kyi bzhin du der de la ngar 'dzin pa ci ste mi 'byung/ gal te bdag ltar gzhan yang bdag gi bdag la dar 'dzin par 'gyur na ni/ de ltar na de thams cad yod pa nyid du rigs pa zhig go /gzhan gyi lus de? gzhan gyi bdag gis tha dad gi bdag bsgribs par rig pa yang ma yin no/ /gzhan gyi bdag gi yul na bdag gi bdag med pa ni ma yin te/ bdag nyid thams cad kyi khyab pa nyid du khas blangs pa'i phyir ro/ / gang gi tshe yul mtshungs pa nyid yin pa de'i tshe nges de la sgrib par brjod par mi nus so/ /zhes bstan pa'i phyir bshad pa de nyid kyis ni de nyid la/ /sgrib ces bya bar mi 'thad do/ /yul mtshungs pa'i phyir rang gi bdag gi ngo bo ltar ba'i?

  366. 183b

    gi bdag gis gzhan gyi bdag la sgrib pa yod pa ma yin pas gzhan gyi bdag kyang ngar 'dzin pa'i yul nyid du thal bar 'gyur na/ de ltar yang ma yin pas bdag thams cad na yod pa ma yin no/ /de ltar re zhig lugs gnyi ga ltar yang bdag yod pa nyid du mi rigs so/ /zhes bstan nas yon tan rnams kyang 'gro ba mdza' dag gi byed pa po nyid du mi srid pas mi rigs pa nyid du brjod pa'i phyir bshad pa/ gang gi yon tan byed pa dang/ /rnam kun shes yod ma yin pa/ /de dag dang ni smyon pa la/ /khyad par ci yang yod ma yin/ /rdul dang mun pa dang snying stobs rnams ni yon tan gsum mo/ /de dag cha mnyam pa'i gnas skabs ni gtso bo yin la skye ba'i gnas skabs ni rang bzhin no/ /yon tan gsum gyi bdag nyid can gyi rang bzhin skyes bu yul ce bar longs spyod par 'dod par rig pa de ni de'i tshe sems bcan ma yin par gyur kyang skyes bu dang tha mi dad par rtogs par byas nas rnam par 'gyur ba'i tshogs mdza' dag skyed par byed do/ /de la tshul ni 'di yin te/ 'di lta ste/ rang bzhin las ni chen po'o/ /chen po zhes bya ba ni blo'i rnam grangs so/ /chen po las ni nga rgyal lo/ /de ni rnam pa gsum ste/ snying stobs can dang/ rdul can dang/ mun pa can zhes bya'o/ /de la snying stobs can gyi nga rgyal las ni mig dang/ rna pa dang/ sna dang/ lce dang/ pags pa zhes bya ba'i blo'i dbang po lnga dang/ ngag dang/ lag pa dang/ rkang pa dang/ rkub dang/ 'doms zhes bya ba las kyi dbang po lnga dang/ gnyi ga'i bdag nyid can gyi yid de de ltar na bcu gcig 'byung ngo/ /rdul can gyi nga rgyal las ni de tsam lnga ste/ gzugs dang/ sgra dang/ di dang/ ro dang/ reg pa dag go /de tsam lnga dag las ni 'byung ba rnams te/ sa dang/ chu dang/ me dang/ rlung dang/ nam mkha' zhes bya ba'o/ /mun pa can gyi nga rgyal ni/ /gnyi ga'i 'jug par byed pa'o/ /de

  367. 184a

    ltar na rang bzhin gyi rnam par 'gyur ba'i ngo bo yin pa'i phyir rnam par 'gyur ba mdza' dag gi 'jug par byed pa ni yon tan gsum yin no/ /de ltar yon tan rnams byed pa po nyid dang/ shes pa yod pa ma yin pa nyid do/ / zhes bya ba rgol ba gang gi bsam pa yin pa de dag dang smyon pa rnams khyad par cung zad kyang yod pa ma yin no/ zhes dngos po'i de nyid las mkhas pa rnams kyis mthong ngo/ /smyon pa ni rgyud las shas pa phyin ci log tu gyur pa'o/ /de ni phyin ci log gi rnam par shes pa de don ji lta ba bzhin mi rtogs shing phyin ci log tuAng nges par 'dzin par byed la/ yod pa ma yin pa'i don yang rdol bar byed de grangs can 'di yang de bzhin du yon tan shes pa yod pa ma yin pa rnams bstan bcos gyi sgo nas byed pa po nyid du ston pa na don ji ltar rnam par gnas pa de ltar rnam par gnas pa de ltar mi rtogs shing phyin ci log tuAng nges par 'dzin par byed la/ yod pa ma yin pa'i don gtam par yang byed pas smyon pa rnams dang mtshungs pa kho na zhig go snyam mo/ /gzhan yang 'di'i skyes bu 'di ni rnam par 'gyur ba'i tshogs kyi byed pa po ma yin zhing za ba po yin la yon tan rnams ni byed pa po yin gyi za ba po ma yin te/ de'i phyir 'di'i yon tan rnams rigs pa med pa'i byed pa po nyid dang za ba po ma yin pa nyid du ston pa na bdag nyid shin tu mi rigs pa smra ba nyid gsal bar byed pa yin no/ /zhes bstan pa'i phyir bshad pa/ yon tan rnams kyis rnam kun du/ /khyim la sogs dag byed shes kyi/ /za ba rnam par mi shes pa/ /'di las mi rigs gzhan ci yod/ /smra ba 'di ni rigs pa dang 'gal ba'i phyir dang/ 'jig rten gyis mi 'dod pa'i phyir 'di las mi rigs pa gzhan yod pa yang ma yin no/ zhes dgongs pa'o/ /de ltar na re zhig yon tan rnams byed pa po nyid du mi

  368. 184b

    rigs so/ /gang gi ltar na bdag kho na chos dang chos ma yin pa gnyis kyi byed pa po dang/ de dag gi 'bras bu'i za ba po yin no/ /zhes bya bar 'dod pa de'i bdag kyang rtag pa nyid du mi rigs te/ 'di ltar/ bya ba dang ldan rtags pa med/ /'di na byed pas na byed pa po sni? la de'i byed pa po nyid ni bya ba'i rgyu can yin no/ /cung zad kyang mi byed cing rgyu med pa na 'ga' yang byed pa po yin no/ /zhes bya bar mi rigs so/ /bya ba dang ldan pa nyid du yod na yang ngas par bya ba rtsom pa'i dus na 'di la bya ba de'i sngar gyi gnas skabs las khyad par khas blang bar bya'o/ /snga phyi'i gnas skabs dag tu khyad par med pa'i bdag ni sngar gyi gnas skabs bzhin du bya ba dang ldan pa nyid du mi 'gyur ro/ /rag pa me dang rlung la sogs pa bya ba dang ldan pa rnams la ni rtag pa nyid yod pa ma yin te/ de bzhin du 'di la yang yod par mi 'gyur ro/ /gzhan yang bdag 'di'i bya ba dang ldan pa nyid mi rigs te/ thams cad na yod pa nyid du khas blangs pa'i phyir ro/ /bya ba zhes bya ba ni byed pa po brten pa'am laM las la brten par 'gyur ba zhig go /de yang rnam pa gnyis te/ byed pa'i ngo bo dang/ dngos po'i ngo bo'o/ /de la byed pa po la brten pa byed pa'i ngo bo ni 'di lta ste 'gro ba'i bya ba'o/ /de ni 'gro ba po lhas sbyin la gnas te/ de dang 'brel pa las lhas sbyin 'gro zhes bya bar brjod do/ /de ni thams cad du song ba ma yin pa'i phyir rkang pa 'degs pa dang 'jog pa'i mtshan nyid can gyi bya bas yul snga phyi gnyis gtong ba dang len pa'i phyir bya ba dang bcas pa rigs so/ /gal te 'di thams cad du song ba nyid du rtog na de'i tshe gang du 'gro bar gyur pa 'di nye bar mi gnas pa gang zhig na yod/ /gang gi phyir 'di de ltar yin pa de'i phyir/ kun du song la bya ba med de/ lhas sbyin 'dugs so/ zhes bya ba la sogs pa byed pa po la gnas pa mi 'gul ba'i mtshan nyid can gyi bya ba dngos po'i bdag nyid

  369. 185a

    can gang yin pa de yang sngar gyi bya ba bcom nas rtsom pa na snga bdag nyid des lus bkod pa mi srid pa'i phyir sa phyogs dang ldan pa'i lhas sbyin la khyab bdag ma yin pa nyid yod dang rigs par 'gyur gyi thams cad du song ba la ni ma mnan pha'i phyogs 'ga' yang yod pa ma yin pa nyid pas bya ba dang ldan pa nyid mi rigs so/ /de bzhin du las la gnas pha'i bya ba 'gul ba'i bdag nyid can sbyang la sogs pa nas phye ba'i ngo bo gang yin pa dang 'tshed pa la sogs pa'i mi 'gul ba'i bdag nyid can gang yin pa de yang byed pa po la gnas pa'i byed pa dang dngos po gnyis dang mtshungs par rig par bya'o/ /de'i phyir de ltar na bya ba dang ldan brtag pa med/ kun du song la bya ba med/ /ces bya ba gnas pa yin no/ /'o na ni bdag bya ba dang bral bar 'gyur ro zhe na/ de ltar na yang/ bya ba med pa med dang mtshungs/ /ma yin nam dngos po bya ba med pa ni yod pa ma yin pa nam mkha' i me tog la sogs pa dang mtshungs par 'gyur ro/ /bdag nyid kyi rgyu dang rkyen ji lta ba la rag las te 'byung ba'i skye ba'i bya ba bskyed pa'i dngos po rnams ni re zhig ches thog mar bdag nyid yod par sgrub par byed la de nas bdag gi dngos po thob par 'gyur zhing rgyu dang 'bras bu gcig nas gcig tu rgyud pa rgyun rnam par ma chad par 'byung ba na bya ba'i khyad par de dang de'i skye ba'i rgyur 'gyur bar bya ba dang bcas pa'i don kho na yod pa nyid du bzhag par nus so/ /rang gi sde pa gang dag bya ba med pa'i chos tsam zhig rtog pa de dag gi lta na de lta yin dang chos tsam gyis yang nyams par 'gyur te/ bong bu'i rwa bzhin bya ba med pa'i phyir ro/ /ci ste yang chos bya ba med pa tsam zhig yod pa nyid du 'don pa las na 'di nyes pa med do snyam na/ de yang mi rigs te/ gsungs rab kyi don rnam pa gzhan

  370. 185b

    du nges pa'i phyir ro/ /de las ni byed pa po rang dbang ba rnam pa thams cad du med pas de'i byed pa po'i ngo bo'i bya ba bkag pas chos rnams bya ba med pa nyid du ston gyi/ dngos po byas pa'i rgyu can gyi bya ba bkag pas kyang ma yin no/ /de med na ni rten cing 'brel par 'byung ba 'gal ba nyid du 'gyur la/ rten cing 'brel par 'byung ba 'gal ba las kyang de la rten cing 'brel par 'byung ba brten par byed pa po dang las byed pa dang yang dag par sbyin pa la sogs pa byed pa'i tshogs de med pa'i phyir chos dang chos ma yin pa la sogs pa dang/ de dag gi 'bras bu med pa yin dang/ 'gro ba thams cad bong bu'i rwa dang 'dra bar 'gyur bas de sangs rgyas pa ma yin pa kho nar 'gyur ro/ /de'i phyir de ltar bya ba dang ldan pa la yod pa nyid mthong ba'i phyir na de zlog pa'i sgo nas bya ba med pa med dang mtshungs shing/ bdag kyang bya ba med pa'i phyir rnam pa thams cad du yod pa ma yin pas/ bdag med la khyod cis mi dga' / /gal te bdag rtag pa yod pa ma yin na rgyu gang gis khyod bdag med pa la mi dga' ste/ dam pa ma yin pa'i lta ba mdza' dag ldog pa'i rgyu yin pa'i phyir dga' ba kho nar 'gyur dgos so/ /yang gal te bdag ces bya ba 'di 'ga' zhig me'i tsha ba nyid ltar rang gi ngo bos yod na ni de'i tshe de rang gi ngo bo des yod pa'i phyir nges par dmigs pa zhig na de ltar yang ma yin no/ /'di ltar de ni rgol ba dag gis/ /la lar kun tu song bar mthong/ /la lar skyes bu lus tsam zhig/ la lar rdul tsam zhig mthong ste/ /shes rab can gyi med ces mthong/ /de la kha cig dag gis ni lus re re zhing tha mi dad pa'i bdag thams cad du song bar rtogs so/ /gzhan dag gis ni 'gro ba mdza' dag gi bdag zla ba ltar gcig kho nar rtogs so/ /de'i tha dad pa ni lus tha dad pa las

  371. 186a

    btags pa pa ste/ 'bru mar dang chu la sogs pa'i snod tha dad pas zla ba'i gzugs brnyan tha dad pa bzhin no/ /de yang thams cad du song ba zhig ste de ltar na la lar kun tu song bar mthong ngo/ /la las skyes bu lus tsam zhig ste/ 'di ltar la la dag gis ni sgrang bu mchu rings dang grog ma dang glang po che la sogs pa rnams la bdag lus tsam zhig yin pa'i phyir zhum pa dang rgyas pa nyid du rtogs so/ /gzhan dag gis ni 'di zhus pa dang rgyas pa'i chos nyid du mi bzod pa na bdag rdul phra rab tsam zhig tu rtogs so/ /de bzhin gshegs pa'i gsung la brten te yang dag pa'i shes pa skye zhing/ rten cing 'brel par 'byung ba'i chos nyid mngon par shes pa shes rab can dag gis ni yod pa ma yin pa kho nar dmigs so/ /gal te de rang gi ngo bos yod na ni de'i tshe nges par dngos po'i de kho na nyid phyin ci ma log par mthong ba'i sangs rgyas bdag gis bdag nyid nges dmigs par 'gyur zhing/ mu stegs can rnams la yang de ltar lta ba tha dad par mi 'gyur ba zhig na 'di thams cad yod pa yang yin pas bdag rang gi dngos po ngo bos yod pa ma yin no/ /yang gal te bdag rang gi ngo bos yod na ni de'i tshe de rnam par mi 'gyur ba nyid kyi phyir grol bar mi 'gyur ro/ /nye bar 'tshe ba dang bcas shing de la rgyab kyis phyogs pa'i skyes bul ni de ldog pa bde bar 'gyur srid kyi/ bdag rtag pa'i nye bar 'tshe ba med pa la ni ma yin no/ /rtag la gnod pa ga la zhig/ gnong? med thar pa ga la yod/ /nges na gang gi bdag rtag pa/ /de la thar pa mi rigs so/ /phan pa dang gnod pa dag las khyad par med pa'i phyir na gang zhig thar pa'i gnas skabs su yod par 'gyur ba/ 'di la da ltar

  372. 186b

    med pa ni ci zhig yod/ de'i phyir rnam pa thams cad du khyad par med pa'i phyir bdag rtag par smra ba la thar pa mi rigs so/ /thar par 'dod pas ni rten cing 'brel bar 'byung ba kho na khas blang bar bya ba'i bdag rtag pa ni ma yin no/ /dngos po rten cing 'brel bar 'byung ba rnams ni skad cig ma yin la/ de rnams ni rgyu dang rkyen dag rnam par chad pa med pas rgyun chags su 'byung ba na rgyu dang rkyen mtshang ba las mi 'byung bas thar bar rigs so/ /gzhan yang ya mtshan can thams cad kyis bdag tu 'dzin pa dang/ bdag gir 'dzin pa rnam pa thams cad zad par bya ba'i phyir grol ba khas blangs te/ de'i phyir de dag la grol ba'i gnas skabs na/ gal te bdag ces bya yod na/ /bdag med snyam ste mi rigs shing/ /de nyid rig pa nges pa las/ /mya ngan 'das 'gyur zhes bya'ang brdzun/ /gal te bdag rang gi ngo bos yod na ni de'i tshe rang gi ngo bo la ldog pa med pa'i phyir thar pa'i gnas skabs na yang yod pa nyid du 'gyur ro/ /de'i phyir thar pa'i gnas skabs na yang dag tu 'dzin pa'i rgyu bogs? dbyung du med pa'i bdag yod pa'i phyir bdag med do/ /zhes de ltar bdag tu 'dzin pa spangs ba mi rigs so/ /de'i phyir bdag gi de kho na nyid rig pa nges pas bdag tu 'dzin pa spangs pa las mya ngan las 'da' bar 'gyur ro/ /zhes bya ba yang brdzun te ngar yang ngar 'jin pa yod pa'i phyir ro/ /yang na grol bar 'dod bas bdag med pa kho na khas blang bar bya ste/ bdag med pa yod dang bdag tu 'dzin pa spong la bdag tu 'dzin pa spangs pa las thar pa grub par 'gyur ro/ /ci ste bdag yod na thar pa'i gnas skabs na bdag tu 'dzin pa 'jug par thal bas 'jigs nas grol ba'i gnas skabs na bdag yod pa nyid du khas mi len na/ de ltar yin dang/ gal te grol ba yod nyid na/ /de ni sngar yang med pa med/ /mi ldan pa la gang mthong ba/ /de ni rang bzhin zhes byar bshad/

  373. 187a

    ma yin nam/ 'brel pa can gyi chos dang mi ldan zhing rkyang bar rang gi ngo bo tsam la gnas pa'i dngos po tsam la cha ji tsam zhig dmigs pa de ni de'i rang bzhin no/ /zhes bya bar rnam par bzhag ste/ de las gzhan pa'i chos dang ma 'dres pa'i phyir ro/ /dper na zad mi shes pa'i gser gyi de las gzhan pa'i 'brel ba can lcags yongs su zad pa las rnam par byang ba'i gnas skabs gang yin pa de de'i rang bzhin du rnam par bzhag pa de bzhin du grol ba'i bdag gi shes pa rnam par byang ba'i gnas skabs su shes ba'i khyad par gyi ngo bo ci 'dra ba zhig snang ba de yang de'i rang bzhin yin no/ /zhes bya bar rigs na cung zad cig snang ba yang ma yin te/ bdag tu 'dzin pa 'jug par thal bar 'gyur ba'i phyir ro/ /de'i phyir thar ba'i snga rol gyi gnas skabs na yang de'i rang bzhin de kho na yin par rigs so/ /sngar gyi gnas skabs su phyin ci log gi dri ma can du gyur cing don ji lta ba bzhin dngos po'i rang gi ngo bo ma rtogs pa'i blo tshad ma nyid du khas blang bar nus pa ni ma yin no/ / de'i phyir don 'di mthong ba phyin ci log gi dmigs su zin kyang de ltar khas blang bar mi nus te/ rab rib can gyi mthong ba yod pa ma yin pa'i skra shad dang spang bu la sogs pa'i don sgro 'dogs pa yang de ltar khas blangs par thal par 'gyur ba'i phyir ro/ /de'i phyir bdag rang gi ngo bos grub pa yod pa ma yin no/ /zhes bya bar gnas so/ /'dir smras pa/ /gal te bdag med na de'i tshe skad cig re re la 'jig pa'i dang can gyi 'du byed rnams skyes ma thag tu 'jig pa'i phyir chad par lta bar 'gyur la/ dngos po skad cig ma'i rten bdag skad cig ma ma yin pa yod pas rnam pa thams cad du med par khas ma blangs pa las chad par lta ba yod pa ma yin no/ /bshad par bya ste/ gal te mi rtag chad yin na/ /da dung rtsa sogs

  374. 187b

    rnams cis yod/ /'di ni gal te bden gyur na/ /su la'ang gti mug kyang mi 'byung/ /'jig rten na ni mi rtag pa'i don chad pas rtog pa yod pa ma yin te/ 'di ltar bskal pa dang po nas zhugs pa rtsa dang lcugs ma dang/ ljon shing la sogs pa rnams rgya dang 'bras bu'i 'brel pa 'jug pa'i rim pa rnam par chad pa med par da dung du yang 'byung bar dmigs so/ /yang gal te mi rtag pa chad par 'gyur na ni de'i rgyun mi 'jug pa'i mtshan nyid can gyi 'jig par 'gyur te/ de'i phyir ji ltar rtsa la sogs pa 'di rnams da dung duAng dmigs par 'gyur/ dmigs pa las ni mi rtag pa la chad pa yod pa ma yin no/ /zhes bya bar rtogs so/ /'di ni gdon mi za bar de ltar khas blang bar bya'o/ /de lta ma yin te/ mi rtag pa chad do/ zhes bya ba'i lta ba 'digs? te ji lta ba'i don can du 'gyur na ni de'i tshe des par sems can gang la yang gti mug kyang mi 'byung ngo/ /kyang gis sgras ni bde ba la sogs pa dang 'dod chags la sogs pa rnams kyang mi 'gyur bzhig go /'di'i gti mug kyang mi rtag pa yin la/ mi rtag pa yang chad pa yin pas nges par chad pa nyid kyi phyir ma rig pas 'jug par mi bya ba zhig go /de'i phyir 'khor ba ldog pa'i sgrib pa med par bsgrub par bya bar 'gyur la/ 'jig rten thams cad kyi ma rig pa spangs pas 'gar yang de kho na nyid ma mthong ba nyid du mi 'gyur ba zhig na/ 'di ni de ltar yang ma yin pas mi rtag pa la chad pa med do/ /ci ste dngos po mdza' dag 'byung ba'i rgyu bdag rtag pa nyid yod pas rgyu nges 'jug pa rtsa la sogs pa rnams la chad par lta ba yod pa ma yin no snyam na/ de yang yod pa ma yin te/ dngos po rtag pa rgyu dang rkyen la rag ma las par 'byung ba 'ga' la yang yod pa nyid med do/ /zhes sngar bstan te/ /yod pa ma yin pa'i bong bu'i rwa ltar 'gro ba 'jug pa'i rgyu nyid

  375. 188a

    du mi rigs pas de yod pa'i rgyu can 'gro ba'i 'jug pa yod pa ma yin no/ /yang na bdag yod du chug mod 'di'i 'gro ba 'jug pa'i rgyu nyid ni mi rigs so/ /'di ltar/ bdag ni yod par 'gyur na'ang gzugs/ / gzhan las 'byung bar snang 'gyur la/ /gzhan las gnas par snang 'gyur zhing/ /gzhan las rnam par 'jig par snang/ /gal te dngos po rnams bdag gi rgyu can du 'gyur na ni de rnams bdag las gzhan du gyur pa'i dngos po gzhan las 'byung bar mi 'gyur ba zhig na/ nor bu dang bud shing dang nyi ma phrad pa las me 'byung pa dang/ zla ba dang phrad na nor bu chu shel las chu 'jig pa dang/ sa bon la sogs pa dag las myu gu la sogs pa rnams 'dzug pa dang nur nur po la sogs pa'i 'byung ba chen po dag las ji ltar gong du mer mer po dang/ gor gor po dang/ mkhrang? gyur dang/ rkang lag 'gyus pa dang/ nying lag 'gyus pa rnams dang/ de las mig la sogs pa rnams dmigs pa yang yin no/ /de ltar na gzugs ni gzhan las 'byung bar dmigs so/ /yang gal te 'di dag thams cad bdag gi byed pa po can nyid yin na ni/ gzugs 'di 'jug pa de kho na las yin par rag mod/ rgyu bzhan brtags pas ci zhig bya/ ci ste rgyu gzhan po de yang bdag kho na las 'byung ngo snyam du sems na/ ci ste de ltar ma mthong/ gal te nye bar bstan pa med pa'i phyir ro zhe na/ ci mig la sogs pa rnams rang gi yul la 'jug pa la nye bar bstan pa la bltos pa zhig gam? de ma yin no/ /'o na ni don de dmigs pa la nye bar bstan pa dgos pa yod pa ma yin no/ /gal te dang po 'jug pa bdag las yin no zhe na/ ci bdag de la dang po yod dam med de/ gal te de ltar na de'i 'bras bu

  376. 188b

    yang thog ma med par 'gyur dgos so/ /ci ste yod kyang da sngar rgyu nyid du ma yin na phyi de'i rgyu nyid dus bya/ gal te don gzhan la bltos so zhes na/ 'o na ni don de de'i rgyu nyid la rgyu yin pas de nyid rgyu brgyud par 'gyur te/ rgyu de'i rgyu nyid la gzhan rgyu yin la de'i yang gzhan yin pas rgyu thug pa med par 'gyur ro/ /de'i phyir rgyu kho na las 'gro ba 'jug par 'gyur bas bdag rgyu nyid du brtag pa don med pa 'dis ci bya/ ci ste rgyu de yang bdag la rag las te 'byung ba yongs su rtog na/ de ltar yin dang bdag dang dus mnyam pa'i rgyu 'jug la rag mod/ de'i phyir bdag bzhin du de'i 'bras bu yang thog ma med pa nyid du 'gyur ro/ /dus mnyam pa nyid yin min bdag dang de'i 'bras bu la rgyu dang 'bras bu'i dngos po mi 'thad do/ /yod pa ni mi skye ste/ gnyi ga yang de'i tshe yod pa'i phyir gang zhig gang gis skyed par byed/ de'i phyir gzugs 'jug pa bdag gi rgyu can du mi rigs so/ /de'i phyir de ltar gzugs gzhan las 'byung ba mthong nas phyin ci ma logs su zhig de bskyed par bya ba'i don du bdag yongs su rtog par byed/ yang na mo gsham gyi bu la sogs pa rnams kyang 'gro ba 'jug pa la byed pa po nyid du brtag par bya'o/ /ji ltar gzugs gzhan las 'byung ba mthong na de bzhin du gnas pa yang gzhan las yin par snang ste/ rgyu bud shing dang sbor pa la sogs pa las me la sogs pa'i don gnas par mthong ba'i phyir ro/ /gzhan las rnam par 'jig par snang ste/ bud shing ma tshang ba la sogs pa'i rgyu las so/ /mthong ba bor nas ma mthong ba'i bdag 'thad pas yod par 'gal zhing rgyu'i chos dang ma 'brel pa bltag par rig pa yang ma yin te/ de'i phyir bdag rang gi ngo bos yod pa ma yin no/ /gang gi tshe rtag pa las skye ba med pa de'i tshe 'jig rten na/ ji ltar sa bon byas pa las/ /myu gu byas pa skye 'gyur ba/ /de bzhin mi

  377. 189a

    rtag thams cad ni/ /mi rtag dag las 'byung bar 'gyur/ /ji ltar rgyu dang rkyen gzhan la rag las te 'byung ba'i sa bon byas pa rang bzhin gyis ma grub cing rten cing 'brel bar 'byung ba las myu gu byas pa ste/ rang nyid kyis rnam par gnas pa ma yin pa rang bzhin med cing rang bzhin gyis stong pa ste de bzhin du mkhas pas dpe 'di dngos po gzhan rgyu dang 'bras bu'i gnas skabs mi snang ba chod pa dang phra ba rnams dang/ tshor ba la sogs pa gzugs can ma yin pa rnams dang/ rgyu las dang nyon mongs pa las 'das pa 'du byed zag pa med pa rnams kyang rang bzhin med pa'i rgyu las rang bzhin med pa 'byung ba yin no/ /zhes bya bar nges par bya'o/ /de ltar yin dang gang du 'du byed rnams la rtag pa dang tshad pa'i rdo rje'i thog 'jig rten pa dang 'jig rten las 'das pa'i rgyu dang 'bras bu'i 'brel pa rab tu 'joms pa 'bab pa de yang mkhas pas rten cing 'brel bar 'byung ba'i rig sngags kyis ches rgyad ring por bzlog pa yin no/ /zhes bstan pa'i phyir bshad pa/ gang phyir dngos po 'jug 'gyur ba/ /de nas chad par mi 'gyur zhing/ /gang phyir dngos po ldog 'gyur ba/ /des na rtag par mi 'gyur ro/ /dngos po ni 'byung ba'i chos can te 'bras bu myu gu la sogs pa'o/ /gang gi phyir rgyu sa bon zhes bya ba las 'bras bu myu gu 'byung ba de'i phyir sa bon zhes bya ba chad par mi 'gyur ro/ /gal te myu gu la sogs pa'i rgyun ma skyed par me dang phrad pa las yin bltar sa bon 'gag par 'gyur na ni de'i tshe chad pa lta bar 'gyur na myu gu la sogs pa 'jug pa yod par mthong ba las ni sa bon chad par lta mi bring? ngo/ /tshig le'ur byas pa'i dngos po'i sgra gnyis pa ni rgyu rjod par byed pa ste/ 'di las 'bras bu 'byung ba zhes byas nas so/ /yang gal te

  378. 189b

    myu gu zhes bya ba'i 'bras bu zhugs kyang rang gi ngo bos gnas pas sa bon mi ldog na de'i tshe sa bon rnam par mi 'byung ba mthong ba'i phyir rtag par lta bar 'gyur na/ 'di ni da ltar yang yang ma yin te/ sa bon log par mthong ba'i phyir ro/ /gal? te ltog par mi 'gyur na ni/ de'i tshe las myu gu gzhan yang 'byung bar 'gyur ba zhig na 'di ni de yang ma yin pas/ gang phyir dngos po ldog 'gyur pa/ /des na rtag par mi 'gyur ro/ /de yang rang gi ngo bos ma grub pas sa bon dang myu gu gnyis de nyid rang gzhan nyid du rtog pa dag mi srid pa las 'grub pas dngos po rnams rang bzhin med bar ches gsal bar grub bo// //slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya g.yas? bdag dgag pa bsgom pa bstan pa zhes bya ste rab tu byed pa bcu ba'i 'grel pa'o// //'dir dus smra ba ni gzugs la sogs pa rnams gzhan las 'byung ba mthong ba'i phyir dang/ 'jig rten gyi mngon sum ma yin pa'i phyir dang/ 'bras bu 'ba' yang ma mthong ba rjes su dpag pas go bar bya ba ma yin pa nyid kyi phyir na bdag yod pa ma yin no/ zhes gang smras pa yin gyi/ rnam pa thams cad du dngos po rtag pa rnams med pa ni ma yin te/ dus yod pa'i phyir ro/ /'di nas dang chu dang me dang rlung dang nam mkha' dang sa bon la sogs pa rnams yod kyang res 'ga' myu gu dang me tog la sogs pa rnams kyi skye ba dang 'jig pa dag med pa'i phyir la/ ci ste res 'ga' yod pa'i phyir dus zhes bya ba 'bras bu de mthong ba las dpag pa yod do/ /de ni skad cig dang thang cig dang yud tsam la sogs pa gsal bar bya zhing/ /'das pa dang ma 'ongs pa dang/ da ltar byung ba ste dus gsum na rnam par gnas pa'i dngos po las tha dad pa rtag pa zhig go /zhes smra'o/ /'di la brjod par bya ste/ gal te dus shes

  379. 190a

    bya ba dngos po las tha dad cing bdag gis grub pa yod par 'gyur na ni de skye ba dang 'jig pa'i rgyu nyin du 'gyur na/ de ltar yang ma yin te/ dngos po las tha dad par 'dzin par thal bar 'gyur ba'i phyir ro/ /gang zhig yod na dngos po la/ /'jug dang ldog pa'ang dmigs 'gyur ba/ /de ni gzhan gyi dbang 'gyur te/ /des ni 'bras bur yang 'gyur ro/ /zhes bya ba la sogs pas bkag zin pa'i phyir yang rang gi mtshan nyid kyis grub pa'i dus la 'jug pa dang ldog pa'i rgyu nyid yod pa ma yin no/ /gzhan yang dus gsum pa gang dag dus kyi khyad par gyi ngo bor rnam par bzhag pa de dag kyang lus can ma yin pa nyid kyis rang bzhin las nges par mi nus pa'i phyir rang gi ngo bos rnam par bzhag par mi nus kyi de dag gi bsnyad par bya ba'i dngos po'i khyad par bum pa la sogs pa'i sgo nas ni rnam par bzhag par nus so/ /de dag ni dngos po las tha dad pa'i rang bzhin yin zhing tshor ba la sogs pa ltar nyams su myong ba'i rnam pa ma yin la/ gzugs dang sgra la sogs pa bzhin dbang po'i sgro nas yongs su gcad par bya ba yang ma yin no/ /de'i phyir bum pa la sogs pa'i sgo kho na nas de dag gi khyad par yongs su gcod pa'i phyir de'i sgo nas dus gsum bkag pas dus dgag par mdzad par bzhed pas bshad pa/ ma 'ongs bum pa da ltar ba'i/ /bum pa yod ma yin 'das pa med/ /gang phyir de gnyis ma 'ongs pas/ /de phyir ma 'ongs yod ma yin/ /ma 'ongs pa'i dus nye bar mtshon par bya ba'i don du ma 'ongs pa'i bum pa nye bar bkod la/ de bzhin du 'das pa dang da ltar byung ba'i dus nye bar mtshon pa'i don du 'das pa dang da ltar byung ba'i bum pa nye bar bkod do/ /de la ma 'ongs pa ni da ltar byung ba'i dus su ma phyin pa'o/ /'das pa ni de nyid las

  380. 190b

    bdag? pa'o/ /da ltar byung ba ni skyes la ma 'gags pa'o/ /da ltar ba ni da ltar dmigs pa'i phyir gtso bo yin gyi/ der ma 'ongs pa dang brgal ba dag gis ma 'ongs pa dang 'das pa'i dus gnyis rnam par 'jog pa ni gtso bo ma yin no/ /dus gsum po de dag kyang phan tshun bltos pa nyid du gnas te/ gnyis gnyis la ma bltos par re re med pa'i phyir ro/ /'das pa dang da ltar gnyis la ma bltos par ni ma 'ongs pa'i dus rnam par gzhag par mi nus te/ ma 'ongs pa ni ma 'ongs pa las yin la ma 'ongs pa'i dang gi ngo bos de gang du ma 'ongs pa 'das pa dang da ltar gyi dus gnyis po der gdon mi za bar 'gyur dgos so/ /de med na ni gang du ma 'ongs pa las 'di ma 'ongs pa nyid du 'gyur/ dus gzhan gnyis kyi rnam par bzhag pa yang de dang 'dra bar sbyar bar bya'o/ /de na 'ongs pa'i bum pa gang yin pa de la da ltar pa'i bum pa yod pa ma yin la 'das pa yang ma yin te/ mtshan nyid tha dad pa'i phyir dang/ gcig la gcig mi srid pa'i phyir ro/ /gang gi tshe de ltar ma 'ongs pa'i bum pa la da ltar ba dang 'das pa gnyis yod pa ma yin pa de'i tshe da ltar ba dang 'das pa gnyis kyang ma 'ongs par ma 'ongs pas de gnyis kyang ma 'ongs par 'gyur ro/ /ji ltar ma 'ongs pa da ltar du ma 'ongs pa la ma 'ongs pa yin pa de bzhin du da ltar dang 'das pa gnyis kyang ma 'ongs par ma 'ongs ma 'ongs par 'gyur ro/ /gal te da ltar du ma 'ongs pa las ma 'ongs pa yin gyi/ ma 'ongs par ma 'ongs pa las ni ma yin no/ /zhe na/ 'di ni de ltar ma yin te/ ma 'ongs pa grub pa yod na ni da ltar dang 'das pa gnyis 'grub na gang gyi tshe ma 'ongs pa nyid med pa de'i tshe ji ltar 'das pa 'am da ltar byung bar 'gyur/ 'di la dgongs nas slob dpon ma 'ongs pa med par bstan pa bzhid de/ de nyid kyi phyir/ gang phyir de gnyis ma 'ongs pa/ /de phyir ma 'ongs yod ma yin/ zhes bshad do/ /gang

  381. 191a

    gi phyir gnyi ga yang ma 'ings pa yin pa de'i tshe gsum car yang ma 'ongs pa nyid du 'gyur la/ gsum char ma 'ongs pa nyid yin na yang da ltar byung pa dang 'das ba gnyis mi srid pa'i phyir phang? du ma 'ongs pa las ma 'ongs par rnam par bzhag /de'i phyir ma 'ongs pa'i dus yod pa ma yin no/ /ci ste ma 'ongs pa'i bum pa rnam pa thams cad du med pa nyid ma yin gyi ma 'ongs pa'i ngo bor ma 'ongs pa'i bum pa la yod pa yin te/ de'i phyir ma 'ongs pa la yong pas 'das pa tha dad par grub pa yong na yang ma 'ongs pa yod pa kho na'o snyam du sems na/ de lta na yang/ gal te zhig ba ma 'ongs pa'i ngo bo ma 'ongs la yod na/ /ma 'ongs bdag nyid du yod gang/ /de ni ji ltar 'das par 'gyur/ gnyi gal te 'das pa ma 'ongs pa nyid du ma 'ongs pa'i bum pa la yod do snyam du sems na ni de'i tshe 'das pa nyid du mi rigs te/ khyod kyi lugs kyis ma 'ongs pa la yod pa'i phyir te/ ma 'ongs pa rang gi bdag nyid bzhin no/ /de'i phyir nyes pa de nyid du 'gyur ro/ /yang ma 'ongs pa'i dngos po gang yin pa de ci khyod la yod dam 'on te med/ smras pa ma 'ongs pa'i ngo bor yod pas ma 'ongs pa yod ces bya bar rnam par 'jog go /de ltar yin na ni 'di ma 'ongs pa nyid du mi 'gyur ro/ /gang las shes na/ gang gi phyir na ma 'ongs dngos/ /ma 'ongs bdag tu gnas 'gyur pa/ /de yi phyir na da ltar par/ /'gyur te ma 'ongs nyid mi srid/ /gang zhig la da ltar yod pa nyid yong pa de ni da ltar pa nyid du 'gyur te/ da ltar yod pa'i phyir da ltar pa'i rang gi bdag nyid bzhin no/ /ci ste de ni da ltar ba'i bdag nyid du yod pa ma yin gyi/ 'on kyang ma 'ongs pa'i bdag nyid du ste/ de'i phyir de ltar bar yod pa

  382. 191b

    med pa'i phyir 'di la ma 'ongs pa nyid yod pa kho na'o snyam du sems na brjod par bya ste/ gang zhig gi rang bzhin gang yin pa de ni bdag nyid der yod par gyur dang da ltar bar 'gyur ro/ /'di ltar sngon po sngon po'i bdag nyid kyi yong pa da ltar bar 'gyur kyi de ser po'i bdag nyid kyis ma yin pa de bzhin du ma 'ongs pa yang ma 'ongs pa'i bdag nyid du yod pa na da ltar ba nyid du 'gyur pas 'di la ma 'ongs pa nyid srid par bya bar mi nus so/ /grang gi tshe de ltar ma 'ongs pa mi srid pa de'i tshe gang zhig 'angs pa 'am da ltar par 'gyur bar bsaM par bya'o/ /de'i phyir dus gsum yong pa ma yin no/ /rang gi sde pa gang dag dngos po rnams la rang gi mtshan nyid khas blangs nas de dus gsum kar yod pa'i phyir rang bzhin mi 'dor ba'i dngos po kho na rgyu dang rkyen gyi tshogs pas gnas skabs de dang der 'gyur ro/ /zhes smra ba de dag la brjod par bya ste/ ma 'ongs pa yong 'das pa yod/ /da ltar ba yod ci zhig med/ /gang gi dus kun yong pa nyid/ /de yi mi rtag nyid ga las/ /gang gis dngos po da ltar bar 'gyur ba 'di'i rang gi ngo bo gang zhig blo la snang ba'i rang gi ngo bo de nyid ma 'ongs pa'i gnas skabs dang 'das pa'i gnas skabs su yang bas blangs pa'i rgol pa de la mi rtag pa lta ga la yod/ de'i phyir na dngos po rnams rang bzhin gyis rtag pa nyid kyis rtag pa kho nar 'gyur ro/ /de ltar yin dang de la lung dang 'gal bar yang 'gyur te/ bcom ldan 'das kyis kye ma 'du byed rnams mi rtag /skye zhing 'jig pa'i chos can yin skyes nas 'jig par 'gyur ba ste/ de dag nyi bar zhi ba bde/ /zhes gsungs so/ /ji ltar ma 'ongs pa la ma 'ongs pa nyid mi sring pas ma 'ongs pa nyid med pa de bzhin du 'das pa la yang 'das pa nyid mi srid pa nyid med par bstan pa'i

  383. 192a

    phyir bshad pa/ 'das pa la ni 'das gyur pa/ /ci'i phyir na 'das par gyur/ /'das pa las ni ma 'das pa/ /ci yi phyir na 'das par 'gyur/ /'das pa'i dus gang yin pa de ci 'das pa'i rang gi ngo bo las 'das sam/ 'on te ma 'das/ re zhig gal te 'das pa las 'das na ni de 'das pa zhes bya bar mi rigs so/ /'das pa zhes bya ba ni thal zin pa la bya ste/ gang zhig de lta de las 'das shing brgal pa de ji ltar 'das par 'gyur/ 'o ma'i dngos po las 'das pa'i zho la 'o ma zhes bya ba dang byis pa'i dngos po las 'das pa'i lang tsho la bab pa la byis pa zhes bya bar brjod pa ma yin no/ /de ltar na 'das pa las 'das pa ni 'das pa'o/ /zhes bya bar mi rung ngo/ /ci ste 'das pa ni 'das pa las ma 'das pa kho na'o snyam du sems na de ltar na yang 'das pa las ni ma 'das pa ste 'das pa las mi 'da' ba 'das pa'i bya bas mi stong pa ci'i phyir na 'das par 'gyur te/ de las 'das pa nyid mi srid pa kho na'o snyam du dgongs so/ /de'i phyir de ltar na 'das pa las ma 'das par yang 'das par mi rigs so/ /ci ste 'das pa ni 'das pa'i rang gi ngo bo la rnam par gnas pa'i phyir 'das pa las ma 'das pa'ang yin te/ de'i phyir 'das pa las ma 'das pa kho na 'das par 'gyur ro snyam du sems na/ bshad par bya ste/ 'das pa grub pa yod dang 'di de ltar 'gyur na/ 'das pa grub pa de nyid ni rnam par dpyad pa na yod pa ma yin no/ /de ni rtog ban 'das pa las 'das par ram/ ma 'das par rtog grang na/ gnyi ga ltar na yang de'i grub pa mi srid pas 'das pa rang gi ngo bo nyid rje ma grub par ji ltar de'i bdag nyid du rnam par gnas shing/ 'das pa las ma 'das pa'i 'das

  384. 192b

    pa'o/ /zhes bya bar brtag par nus/ de'i phyir 'das pa'i dus rang gi ngo bos yod pa ma yin no/ /'das pa med na yang de la mi bltos pa'i 'das pa ma yin pa yang mi srid pas dus gsum char yang ngo bo nyid kyis yong pa ma yin no/ /bya brag tu smra ba gang zhig dus thams cad yod pa nyid du smra ba'i phyir thams cad yod par smra ba nyid bsngags par byed pa de la slar yang brgal zhing brtag par bya ste/ gang ma 'ongs par don yod pa nyid du rtog pa de skyes pa 'am ma skyes pa zhig la rtog grang/ de la re zhig /gal te ma 'ongs skyes yong/ /ci ltar da lta par mi 'gyur/ /gal te ma 'ongs pa'i dngos po skyes par gyur te yod do/ /zhes bya ba yongs su rtog na ni de skyes pa nyid du gyur pas yod pa nyid kyi phyir da ltar bar 'gyur gyi ma 'ongs par mi 'gyur ro/ /ci ste ma skyes par gyur pa de la yod pa nyid du rtog na/ de ltar na yang/ ci ste de la skyes med na/ /mo 'das rtag bar 'gyur ram ci/ /gang zhig ma skyes par gyur dang yod pa de ni mya ngan las 'das pa bzhin du rtag pa kho nar 'gyur te/ de'i phyir mya ngan las 'das pa kho na lar de'i ma 'ongs pa nyid nyams par 'gyur ro/ /ci ste ma 'ongs pa ma skyes pa yin mo kyi/ de ltar na yang de ni 'dus ma byas ltar mi 'jig pa ma yin no/ /'di ltar rgyu dang rkye rnams kyis de'i ma 'ongs pa'i dngos po nyams pas da ltar ba nyid du 'gyur gyi/ 'dus ma byas ni de ltar rang gi ngo po las nyams pa yang ma yin pas 'di 'das ma byas bzhin du rtag pa nyid du mi 'gyur ro/ /de ltar brtags na yang/ skye pa med kyang 'jigs las/ /gal te ma 'ongs mi rtag na/ /de ltar na ni 'o na/ 'das la 'jig pa yod mi te/ de ni rtag par cis mi rtogs/ /gal te rang gi ngo bo nyams pa yod pa'i phyir ma 'ongs pa rtag pa nyid du mi 'dod na ni 'o na dngos po 'das pa la rang gi ngo bo

  385. 193a

    nyams pa yod pa ma yin pas nge yang rtag go zhas bya bar brtag par gyis shig /yang na dngos po gang zhig mi rtag par rtag nus par 'gyur/ gang gi tshe ni? nus pa de'i tshe dngos po thams cad la mi rtag pa nyid mi sring pas rtag pa nyid kho nar 'gyur ro/ /de la re zhig /'das pa dang ni da ltar ba/ /'di ni mi rtag 'gyur min la/ /re zhig dngos po da ltar pa gang yin pa de la ni je mi rtag pa nyid yod pa ma yin no/ /de ni da ltar yin pa nyid kyi phyir yong pas rang bzhin las mi nyams pa'i phyir da ltar ba zhes bya bar brjod na/ gang zhig mi rtag pa nyid yin pa de ni da ltar ba nyid du mi 'gyur te/ dngos po med pa dang mngon par 'brel pa'i phyir ro/ /dngos po dang dngos po med pa dag cig car mi sring pa'i phyir yang da ltar ba la mi rtag pa nyid mi srid do/ /de bzhin du 'das pa la yang mi rtag pa nyid mi srid de/ 'das pa ni zhig pa la bya na/ zhig zin pa ni smar yang 'jig par mi rigs te dgos pa med pa'i phyir dang/ rten med pa'i phyir dang thug pa med par thal bar 'gyur pa'i phyir ro/ /de ltar na re zhig /'das pa dang ni da ltar ba/ /'di ni mi rtag 'gyur min la/ /mi rtag pa nyid de las 'das pa dang da ltar ba gnyis las ma gtogs pa'i go skabs gsum pa zhig rigs pa yang ma yin no/ /zhes bshad pa/ /de dag las gzhan rnam pa ni/ /gsum pa 'ang de la yod ma yin/ /gang gi tshe skyes pa mi rtag pa'i rten la mi rtag pa nyid mi srid pa de'i tshe nam mkha' la sogs pa bzhin du de skye bas stong pa'i ma 'ongs pa la de yod par 'gyur ro/ /zhes bya ba ni gtan ma 'brel ba zhig go /mi rtag pa nyid dang bral ba nam mkha' la sogs pa la dus gsum rtog pa rig pa dang ldan pa yang ma yin te/ de bzhin du dngos po rang bzhin dang bcas par smra ba la dus gsum mi rigs so/ /'dir

  386. 193b

    smras pa/ ma 'ongs pa'i dngos po ni yod pa nyid de/ rkyen rnams yong na de skye bar mthong ba'i phyir ro/ /sngar med pa ni mo gsham gyi bu la sogs pa ltar phyis skye ba mi rigs te/ de'i phyir skye ba mthong ba las ni ma 'ongs pa'i dngos po yong ngo/ /de ltar rtags na yang dngos pa gang zhig phyis skye ba/ de ni gal te sngar yong na/ de yi phyir na phyug smra ba/ /rnams kyi phyogs ni log mi 'gyur/ /gal te gang zhig skye ba'i snga rol na dngos po med cing ngo bo med pa'i phyir rgyu dang rkyen rnams kyis bskyang pa de bskyed pa'i snga rol na rang gi ngo bos yod do/ zhes bya bar rtog na de lta yin dang/ phyug smra ba ste/ rang bzhin so sor nges pa'i 'gro ba rgyu med pa skyes bu'i byed pas stong zhing 'thang ba dang 'gal ba smra ba rnams kyi pas blangs pa log par mi 'gyur ba zhig na de dag gi smra ba ni log pa ma yin pa yang ma yin te/ de'i phyogs mthong ba dang ma mthong ba dang 'gal pa'i phyir ro/ /de rnams kyi ltar na 'gro ba skyes bu'i byed pa la mi bltos pa'i phyir rten cing 'brel par 'byung ba med par 'gyur la/ de med pa'i phyir 'gro ba thams cang bong bu'i rwa lngar bzung du med par 'gyur bas gnam gyis bskos par smra bar mi rigs so/ /gal te dngos po ma 'ongs pa yong par smra ba 'di rigs par 'gyur na ni de'i tshe phyug smra ba rnams kyi smra ba yang rigs par 'gyur bas ma 'ongs pa'i don yod par smra ba mi rigs so/ 'di las kyang mi rigs te/ gang gi phyir/ gang zhig 'byung par byed pa ni/ /sngar yod ces byar mi rigs te/ gal te yong pa skye 'gyur na/ skyes zin pa yang 'byung bar 'gyur/ /don gang zhig rgyu dang rkyen rnams kyis 'byung ba ste skyed par byed pa de ni skyes pa'i snga rol du yong do/ zhes bya bar mi rigs so/ /gal te yong pa nyid du 'gyur na ni de'i tshe yong cing bdog pa yang skye bar 'gyur na yang pa ni yang skye bar rigs pa yang ma yin te/

  387. 194a

    dgos pa med pa'i phyir ro/ /'khor pa'i bar du yang dang yang du skye bar skye ba yongs su ma rdzogs par gyur pa'i don gcig kho na thug pa med par thal pa'i phyir de la dngos po gzhan mi 'jug par rgyu dang 'bras bu'i dngos po 'gal bar gyur na dngos po rgyu dang 'bras bur gyur pa rnams la rgyun rjes su 'jug pa'i de yod pa yang ma yin pas dngos po ma 'ongs pa yod par smra bar mi rigs so/ /'dir smras pa/ ma 'ongs pa ni yod pa nyid de/ de la dmigs pa rnal 'byor pa'i smon nas shes pa yod pa'i phyir dang/ don ji lta ba bzhin du ma 'ongs pa lung bstan pa'i phyir dang/ de yang de kho na ltar yod pa'i phyir ro/ /mo gsham gyi bu la sogs pa la ni 'di srid pa ma yin no/ /bshad par bya ste/ khyod kyi rtog bas/ /ma 'ongs pa yi dngos mthong na/ /dngos po med pa chis mi mthong/ /skye ba'i snga rol gyi gnas skabs na ma 'ongs pa'i dngos po rang gi ngo bos yod pa ma yin no/ /zhes bstan zin to/ /gal te yod pa ma yin pa'i dngos po rnal 'byor pa rnams kyis mthong na ni mo gsham gyi bu la sogs pa dag kyang mthong par 'gyur ro/ /gnyis ka yang rang bzhin med pa nyid du mtshungs bzhin du des gcig mthong la cig shos ma yin no/ zhes bya bar mi rigs so/ /yang ci rnal 'byor pa rnams kyis ma 'ongs pa mi mthong dam zhe na/ ji ltar khyed cag yongs su rtog par byed pa de ltar mi mthong ngo/ /ji ltar ma 'ongs pa'i don de da ltar ba'i gnas skabs su 'gyur bar bya dgos pa de ltar/ de rnams la smon nas shes pa'i stobs kyis drangs pa'i ting nge 'dzin gyi khyad par las shes pa de skye ba na de ltar don gyi rnam par yongs su rtog cing skye'i/ shes pa de da ltar ba'i sngon po la dmigs pa'i shes pa ltar nye bar gyur pa'i rnam pa'i rjes su byed par

  388. 194b

    ni mi skye sde/ shes pa'i don de da ltar pa nyid du thal bar 'gyur ba'i phyir ro/ /dngos po dngos po yod par smra ba'i ltar na ni ji srid du dngos po de'i yod pa nyid yin pa de srid du de ltar rang gi ngo bo yang yin pa nyid la/ gang gi tshe rang gi ngo bo dang bral ba de'i tshe di la dngos po de rnam pa thams cad du med pa'i phyir bong bu'i rwa dang 'dra pas gnyis su smra pa las ma 'das pa'i phyir 'di'i mngon par 'dod pa thams cad 'grigs dka' par 'gyur ro/ /dngos po rang bzhin med pa smra ba'i ltar na ni dngos po'i rang gi ngo bo rnam pa thams cad du mi srid pa las dngos po'i rtog pa thag ring por spangs pa yin no/ /gang gis skye bar 'gyur bar bya dgos pa de ni med pa nyid ma yin no/ /gal te de med pa nyid du 'gyur na ni de'i tshe bong bu'i rwa la/ sogs pa ltar skye bar mi 'gyur ro/ /ci ste yod pa nyid du 'gyur na ni de'i tshe da lta ba nyid bzhin du skye bar mi 'gyur ba zhig na/ de la skye ba'ang yod de/ de'i phyir gnyis med par smra ba 'di grub bo/ /gang gi phyir de la med pa nyid med pa de nyid kyi phyir ma 'ongs pa mthong ba mi 'gal la/ gang gi phyir yod pa nyid yod pa ma yin pa de nyid kyi phyir ma 'ongs pa'i bsnyad pa yang grub po/ /'di yang 'jig rten pa'i tha snyad yin gyi don daM pa ni ma yin pas 'di la gcig tu nges par 'thang ba mi 'jug go /sangs rgyas bcom ldan 'das rnams kyi ma 'ongs pa'i ye shes gang yin pa de ni sngon gyi smon lam gyi byin gyis brlabs kyis 'phangs pa'i sgra don ji lta ba bzhin ston par byed pa'i stobs bskyed pa las de rnam pa de lta bu'i chos nyan par 'gyur ba'i las kyi mthus shes ba'i rgyud yongs su 'gyur zhing de lta bu'i rnam pa dang rjes su 'brel pa'i shes pa skyes pa rnams kyis de bzhin gshegs pa'i byin gyis brlabs kyis don de rtogs pa na don ji lta ba bzhin du rtogs par

  389. 195a

    'gyur zhing dus gzhan duAng don nga lta bar 'gyur ba de de lon ltar khong du chung par 'gyur ro/ /de ltar sangs rgyas bcom ldan 'das rnams kyi ma 'ongs pa'i ye shes rnam par bzhag gi/ chos kyi rang bzhin la bzhugs pa de rnams kyis cung zad cig gzigs pa 'am gsung pa ni ma yin te/ spos pas chog go/ de bzhin gshegs pa'i gsang ba'i mdo las/ 'khrul 'khor las byas sil snyan na/ /rlung gi bskul bas sga 'byin zhin/ /de la rdung pa 'ga' mang mod/ /de lta na par? sgra 'byin ltar/ /de bzhin sngon legs sbyangs pa'i phyir/ /sems can kun gyi bsam pa yis/ /bskul pa'i sangs rgyas gsung 'byung mod/ /de la 'dir rtog yang mi mda'/ /zhes bya ba la sogs pa gsungs so/ /de ltar na re zhig ma 'ongs pa'i dngos po yong par smra pa la ma 'ongs pa mthong ba mi srid ngo/ /gzhan yang gang gi ltar na ma 'ongs pa'i don rang gi ngo bos yod pa de'i ltar na de ring bar mi 'gyur ba zhig na/ 'di la ring ba nyid yod pa yang yin no/ /chos ring ba rnams gang dag cig can/ 'das pa dang ma 'ongs pa'o/ /chos nye ba rnams kyang gang ngag cig ce na/ da ltar byung ba'o/ zhes khas blangs pa'i phyir de'i ltar na ma 'ongs pa ring pa yin no/ /'di'i ring ba nyid de yang mi rigs so/ /zhes bstan pa'i phyir bshad pa/ gang la ma 'ongs yod 'gyur ba/ /de la ring pa yod ma yin/ /da ltar ba bzhin yod pa'i phyir ro snyam du dgongs pa'o/ /'dis dge ba'i bshes gnyen dang phrang pas chos mnyan pa'i sgo nas dbang po yongs su smin pa las byung ba'i rkyen gyis spyin pa dang tshul khrims la sogs pa'i bdag nyid can gyi chos bya dgos pa gang yin pa nga yang ma 'ongs pa'i don yong par smra ba'i phyir de la yod pa nyid do/ /de'i tsho/ gal te byas pa med kyang chos/ /yod na nges sdom don med 'gyur

  390. 195b

    gang gi don du 'di lus dang ngag dang yid rnams yang dag par sdom pa'i chos de 'di la ma byas pa kho nar yod pas de nye bar bsags par bya ba'i phyir nges par sdom pa'i ngal ba don med par 'gyur te med kyang de yod pa'i phyir ro/ /ci sde 'di'i nges par sdom pa des chos de la khyad par 'ga' zhig sgrub na ni/ byang par de nyid sngar med bzhin du phyis byed pas 'di'i ma 'ongs pa'i don yod par smra ba nyid nyams par 'gyur ro/ /zhes bstan pa'i phyir bshad pa ni/ ci ste cung zad byed na yang/ /'bras bu yod pa mi srid ngo/ /zhes bya ba'o/ /gzhan yang gang gi 'du byed rnams mi rtag go /zhes khas blangs pa de'i ltar na mi rtag pa nyid dus gsum char la yang mi 'khrul pa'i phyir gang mi rtag pa de snga phyi'i cha gnyis nges par yod pa ma yin par 'gyur par bya dgos te/ de lta yin ni 'di'i mi rtag pa nyid du 'grub par 'gyur ro/ /ci ste skye ba'i sngon dang phyis kyi gnas skabs gnyis na de yod pa nyid du 'gyur na ni de'i tshe de rtag pa nyid du 'gyur ro/ /ci ste 'dis mi rtag pa nyid khas len na ni/ de'i tshe de'i/ mi rtag yin na ji lta bur/ 'bras bu yod ces bya bar 'gyur/ /'di gnyis ni pan tshun 'gal ba'i phyir ro zhes bya bar dgongs so/ /'di las gang la thog ma mdza' yod pa/ /de la 'jig rten mi rtag bshad/ /gang gi snga rol du dngos po gzhan med ba de ni 'jig rten na thog ma zhes bya la/ gang gi 'og rol du dngos po gzhan med pa de ni mdza' zhes brjod la/ don gang la thog ma dang tha ma yod pa de ni mi rtag pa'o/ zhes 'jig rten mngon par 'dod do/ /dngos po yin gang zhig skye bas byed pa dang po yod cing/ gang zhig mi rtag pa nyid kyis byed pa tha ma yang yin te/ de'i phyir thog ma dang tha ma yang yod pas rtag par smra ba med dang/ de'i 'bras bu yod par smra ba mi rigs so/ /gang zhig 'bras bu yod par smra ba la skyon mthong pas

  391. 196a

    ma 'ongs pa med do/ /zhes bya bar rtogs pa de'i ltar na yang/ sgrim pa med par thar 'gyur te/ /grol la ma 'ongs yod ma yin/ /ma 'ongs pa'i nyon mongs pa dang skye ba dag med pas sgrim pa med par te 'phags pa'i lam bskyed ba med par yang 'di grol bar 'gyur ro/ /grol ba rnams la ni 'phags pa'i lam gyi stobs kyis ma 'ongs pa'i nyon mongs pa dang skye ba gnyis mi skye ba'i phyir ma 'ongs ba yod pa ma yin no/ /ji ltar grol ba rnams la ma 'ongs ba med par sgra med par sgrub par byed pa yin te/ de rnams bzhin du 'bras bu ma 'ongs pa med par smra ba 'di yang sgrim pa med par thar par 'gyur na/ /'di ni de ltar yang ma yin pas 'bras bu med par smra bar mi rigs so/ /thar par thal bar 'gyur pa 'ba' zhig tu ma zad kyi/ 'di'i phyir na rgyu med pa can du smra bar yang 'gyur ro/ zhes bstan pa'i phyir bshad pa/ chags med par yang 'dod chags ni/ /da lta yin na 'byung bar 'gyur/ /ma 'ongs pa med na rnam par shes pa skye'o/ /zhes bya bar mi 'gyur te/ rnam par shes pa ni ma 'ongs pa nyid kyi phyir yod pa ma yin no/ /de ltar yin dang rten med pa'i skye pa'i bya ba mi 'byung ngo/ /de bzhin du chags pa'i rten can 'dod chags kyang skye ba'i bya ba bzhin rten gyi gzhan gyi dbang yin te/ de chags pa med par 'dod na rgyu med pa can nyid du 'gyur na/ rgyu med pa can ni srid pa yang ma yin te/ dgra bcom pa la yang 'dod chags yod par thal bar 'gyur ba'i phyir ro/ /de'i phyir rgyu med pa can gyi skye ba med do/ /gang gi tshe skye ba rgyu med pa can mi srid pa de'i tshe ma 'ongs pa med pa nyid du mi rigs so/ /yang gi sgras ni chags pa med par yang 'dod chags su 'gyur ba'am/ yang na ma 'ongs pa med pa ma yin zhes bya ba

  392. 196b

    rnam par rtog pa'i don to/ /da ni 'bras bu yod pa dang med par smra ba gnyi ga'i ltar na yang rgyus 'bras bu sgrub par mi nus pa mngon par gsal par bya ba'i phyir bshad pa/ 'bras bu yod nyid gang 'dod dang/ 'bras bu med nyid gang 'dod la/ /khyim gyi don du ka ba las/ /sogs pa'i rgyun ni don med 'gyur/ /grangs can dang bye brag tu smra ba dag ni 'bras bu yod par smra ba nyid do/ /grangs can pa'i ltar na ni gang zhig yod pa de kho na yin la/ gang zhig yod pa ma yin pa de med pa kho na ste/ med pa la skye ba med cing yod pa la 'jig pa med do/ /zhes khas len te/ da ni med pa mi byed pa'i phyir dang nye bar len pa 'dzin pa'i phyir dang/ nus pas nus pa byed pa'i phyir dang zhes bya ba la sogs pas 'bras bu yod pa nyid skye ste/ 'bras bu med par smra ba yin na ni thams cad las 'byung bar 'gyur na/ 'di ni de lta yang ma yin no/ /de'i phyir yod pa kho na 'bras bur 'gyur ro snyam du sems so/ /bye brag tu smra ba pa yang rang bzhin ma byung ba las 'byung bar thal bas 'jigs pas dus gsum char du yang yod pa nyid du rtog cing tshogs pa yang gnas skabs kyi 'bras bu can yin gyi/ rdzas kyi 'bras bu can ma yin pas dus gsum gar/ rnam par gnas pa'i rang gi mtshan nyid kyi rdzas ni rgyu dang rkyen gyi tshogs pas da ltar ba'i gnas skabs tsam zhig 'du byed kyi/ sngan med pa'i rdzas bskyed pa ma yin no snyam du sems so/ /bye brag pa dang mdo sde pa dang rnam par shes par smra ba dag ni 'bras bu med par smra ba ste/ de dag gis ni 'bras bu yod pa skye ba don med par sems shing 'bras bu med pa kho na skye'o/ /zhes bya bar rtogs so/ /de la bye brag pa rnams kyi ni sa la sogs pa'i rdul phra rab rnams las don gzhan rdul gnyis 'dus pa la sogs pa yan lag can gyi rdzas skye par rtogs shing 'bras bu med pa kho na skye'o/ /zhes bya bar

  393. 197a

    rtogs so/ /de bzhin du mdo sde pa rnams kyang dge slong dag de ltar na mig ni ma byung ba las 'byung zhing byung nas kyang rnam par 'jig par 'gyur ro/ /zhes bya ba'i lung las ni gtan tshigs snga ma 'bras bu med pa skye'o snyam du sems so/ /rnam par shes par smra ba rnams kyang dngos po'i rnam pa mdza' dag skye ba'i rgyu bag chags kyi khyad par gzhag pas kun gzhi rnam par shes pa'i bag chags yongs su smin pa'i rkyen nye ba las 'jug pa'i rnam par shes pa la sogs pa gang dang gang skye ba de dang de ni med pa kho na skye'o zhe'o/ /de ltar na rgol ba de dag ni 'bras bu yod pa dang med par smra ba nyid las mi 'da' ste/ bdag nyid ji lta ba bzhin du dngos po'i rang gi mtshan nyid khas blangs pa'i phyir la/ de yang yod pa dang med par rtog pa gnyis las tha dad par rnam pa gzhan du brtag par mi nus pa'i phyir ro/ /de'i phyir rgol pa gnyis po 'di dag las re zhig 'bras bu yod par smra ba la khyim gyi don du ka ba dang sgo skyes la sogs pa rnams kyi rgyan pa tra dang bya la sogs pa bkod pa'i khyad par spras pa'i bdag nyid can gang yin pa de ni ma rung ste/ de'i 'bras bu khyim yod pa'i phyir dang/ rnam pa gzhan du bsgrub par bya ba nyid du khas len na yang 'bras bu med par smra bar thal bar 'gyur ba'i phyir ro/ /gang zhig 'bras bu med par smra bde'i ltar na yang ka ba la sogs pa'i rgyan ji skad bshad par dgos pa med pa nyid du 'gyur te/ de'i 'bras bu med pa'i phyir ro/ /mo gsham gyi bu yod pa ma yin pa ni sus kyang sgrub par nus pa ma yin te/ de bzhin du 'bras bu med pa smra ba la yang 'bras bu khyim 'grub par mi 'gyur ro/ /ci ste skyon 'di spang bar 'dod pas 'bras bu rnam pa thams cad du med par khas mi len na ni 'o na de'i 'bras bu med par smra ba

  394. 197b

    nyams par 'gyur ro/ /ji ltar yod pa dang med pa'i khyim bsgrub par bya ba'i phyir ka pa la sogs pa'i rgyan mi rig pa de bzhin du yod pa dang med pa brtags nas phyi dang nang gi dngos po myu gu dang 'du byed la sogs pa thams cad la yang rgya sa bon dang ma rig pa la sogs pa don med par sbyar bar bya'o/ /gang gi ltar na dngos po rnams rang bzhin med pa yin pa de'i ltar na ni rnam pa thams cad du dngos po yod pa nyid med pa'i phyir yod pa dang med pa la sogs pa'i rtog pa dang dngos po'i chos kyi rten can rnams mi srid pas bshad zin pa'i nyes pa'i go skabs med pa yin dang/ thams cad 'grub po/ gang skye ba de ni skye pa'i snga rol na yod pa ma yin te/ rang bzhin med pa'i phyir dang skye pa don med pa'i phyir ro/ /med pa yang ma yin te/ rang bzhin med pa'i phyir dang/ skye ba mi srid pa'i phyir ro/ /de'i phyir de ltar na mkhas pas mdza' gnyis spangs nas rten cing 'grel par 'byung ba khas blang par bya'o/ /de'i phyir dngos po rnams rang bzhin med par 'grub po/ /de ltar na re zhig 'das pa dang ma 'ongs pa gnyis rang gi ngo bos grub pa yod pa ma yin no/ /'dir smras pa khyod kyis 'das pa dang ma 'ongs pa'i dus dag bkag mod kyi/ de ltar na yang re zhig da lta ba ni yod pa yin te/ de yod pas ma 'ongs pa yang yod par 'gyur ro/ /ma 'ongs pa'i gnas skabs kyi dngos po ni yongs su 'gyur bas da ltar ba nyid du 'gyur ro/ /gal te mi 'gyur na ni gang zhig yongs su 'gyur bas da ltar bar 'gyur/ de'i phyir da ltar yod pas ma 'ongs pa yod do/ / bshad par bya ste/ gal te yongs su 'gyur ba nyid yod na ni de ltar 'gyur ba zhig na/ de ni srid pa ma yin te/ ci ste zhe na/ 'di na yongs su 'gyur ba 'di ma 'ongs pa'i don la rtog pa na rang gi ngo bo nyams pas rtag gam gnas

  395. 198a

    pas rtog grang na/ gal te re zhig rang gi ngo bo nyams pas yin na ni de'i tshe gcig 'jig cing gzhan skye ba yongs su 'gyur ba yin pas skye ba dang 'jig pa dag kho na la yongs su 'gyur ba zhes bya bar 'gyur gyi/ gnas pa'i rdzas kyi chos gzhan log nas chos gzhan 'byung ba ni yongs su 'gyur ba ma yin no/ /ci ste kho bo cag gi yongs su 'gyur ba ni 'di 'dra ba kho na yin te/ 'di ltar dper na ba lang gi khu bcud kyi rdzas gnas pa'i chos gzhan 'o ma'i dngos po log dang chos gzhan zho'i dngos po 'byung ba yongs su 'gyur ba yin pa de bzhin du yon tan gsum po/ rdul dang mun pa dang snying stobs rnams kyis ma 'ongs pa'i gnas skabs log dang da ltar ba'i gnas skabs 'byung ba yongs su 'gyur ba'o snyam du sems na/ yongs su 'gyur ba 'di yod pa nyid du bzhag par mi nus te/ 'jig rten gyis ni ma 'ongs pa'i yon tan gsum po 'di dag yod pa nyid du dmigs nas de dag gi yongs su 'gyur bar dmigs pa med pa nyid do/ /zho 'o ma'i rnam par 'gyur ba yin par rnam par bzhag par nus pa yang ma yin te 'o ma'i gnas skabs nyid du ni 'o ma la 'o ma zhes bya la/ 'o ma'i gnas skabs kho nar gnas pa'i 'o ma la zho'i dngos po yod par yang ma yin no/ /gal te yod par 'gyur na ni 'o ma kho na la zho zhes bya bar 'gyur na 'di ni rigs pa yang ma yin te/ de'i phyir 'o ma la ni zho'i dngos po yod pa ma yin no/ /gang gi tshe 'o ma la zho'i dngos po yod pa de'i tshe gzhan gang zhig la srid par 'gyur/ de'i phyir yongs su 'gyur ba med do/ 'o ma dang zho'i gnas skabs las tha dad par ba lang gi khu ba'i rdzas zhes ba cung zad cig dmigs pa yang ma yin no/ /de ltar na/ dngos

  396. 198b

    rnams yongs su 'gyur ba yang/ /yid kyis kyang ni 'don mi 'gyur/ /dngos po rnams kyi yongs su 'gyur ba ni mig la sogs pa'i dbang po rags pa mthong ba lngas mi 'dzin pa 'ba' zhig tu ma zad kyi/ chod pa dang phra ba dang gzugs can ma yin pa'i don yongs su gcod par nus pa'i yid kyis kyang mi 'dzin no/ /de ltar na yang da ltar ba/ /yod par mi mkhas rnams kyis rtogs/ /ji ltar bshad pa'i tshul gyis da ltar ba nyid kyi rgyu yongs su gyur pa ma dmigs med kyi de ltar na yang mi mkhas shing blun pa rang nyid kyi rang gi ngo bo des par mi zin pa rnams kyi da ltar ba de yod par rtog go/ de ltar skye bo blun po la bltos nas da ltar ba zhes bya bar rang gi ngo bos yongs su brtag par nus pa yang ma yin pas dus gsum med do/ /'dir smras pa/ dus rnams ni yod pa kho na ste/ de'i rgyu dngos po yod pa'i phyir ro/ /dus de ni rang nyid kyis lus can ma yin pa'i phyir dngos po kho na nye bar bzung nas yongs su gcad par nus kyi/ rang nyid kyis ni ma yin no/ /de'i phyir dus mngon par gsal ba'i rgyu mtshan yod pas dus yod do/ /bshad par bya ste/ gal te de'i rgyu dngos po nyid yod na ni dus 'di yod par 'gyur ba zhig na srid pa yang ma yin no/ /ji ltar mi srid pa de ltar bstan pa'i phyir bshad pa/ gnas med dngos po ga la yod/ 'di na dngos po skad cig re re la skye ba dang 'jig pa dang ldan pa rnams la gnas pa rnam pa thams cad du yod pa ma yin la/ gnas pa med pas dus kyi rgyu dngos po yod pa ma yin na/ gnas med pa nyid bstan pa'i phyir bshad pa/ mi rtag pas gnas ga la yod/ mi rtag pa nyid kyis zos pa'i dngos po la gnas pa mi srid do/ /gal te gnas pa yod na ni gnas pa dang ldan pa'i dngos po slar rga ba dang 'bral par mi 'gyur te/

  397. 199a

    rga ba ni gnas pa dang 'gal ba'i phyir ro/ /gzhan yang/ gal te dang por gnas 'gyur na/ /tha mar snyings par mi 'gyur ro/ /phyis rnyings pa med par thal bar 'gyur ba'i phyir sngar nyid nas pa med par rtogs par gyis shig/ 'di las kyang gnas pa med do/ /'di ltar/ rnam shes gcig gis ji lta bur/ /don gnyis rnam par mi shes pa/ /de bzhin rnam par shes gnyis kyis/ /don gcig rnam par mi shes so/ /gal te dngos po la gnas pa zhes bya ba zhig yod na ni de'i tshe rim gyis rnam par shes pa du ma'i shes byar 'gyur ro/ /don gang zhig rnam par shes pa gcig gis dmigs pa de gal te rnam par shes pa gzhan phyis 'byung ba zhig gis dmigs na ni de'i tshe sngar mthong ba'i don la rnam par shes pa gzhan phyi mas gcod pa'i bar du gnas pas gnas pa yod par rtogs par 'gyur na/ 'di ni srid pa yang ma yin te/ shes pa dang shes bya gnyi ga skad cig ma nyid yin pa'i phyir ro/ /gang gcig gis bzung ba de gzhan gyis bzung bar nus pa yang ma yin te/ de'i phyir gnas pa med do/ /'di na mig la sogs pa rnams ni bdag nyid ji lta ba bzhin de rnams kyang yul drug yin zhing/ dbang po dang don gyi dbang gis kyang rnam par shes pa'i tshogs drug tu 'gyur ro/ /de'i phyir 'dir rnam par shes pa zhes bya ba gang yin pa de thams cad ni rten cing 'brel par 'byung ba dang skad cig mar 'jig go /zhes bya ba rang gi sde pa rnams la grags pa yin no/ /de'i phyir rang gi sde pa rnams kyis skad cig gnyis par 'byung ba'i yul 'dzin pa'i dus kyi bar du gnas pa med par shes pa gcig gis don gnyis yongs su gcod par mi nus te/ mig gi rnam par shes pa ni yul lhan cig skyes pa yongs su bcad nas 'gag

  398. 199b

    par 'gyur la/ 'gags pas na yul gzhan dmigs par mi nus so/ /zhes bya ba 'di khas blangs pa yin no/ /ji ltar mig gi rnam par shes pa rten cing 'brel par 'byung ba yin zhing de ma thag tu 'jig pa'i phyir skad cig ma yin pa de bzhin du de'i yul yang de'i shes pa don gnyis pa yongs su gcod pa'i dus na ni mi gnas pa ltar skad cig ma yin pa'i phyir rnam par shes pa gzhan gnyis kyis bzung bar byang mi 'gyur ro/ /de ni rnam par shes pa dang lhan cig 'gags kyang rgyan 'dra ba rjes su 'jug pas na gang dngos po'i rang bzhin la mi mkhas pa rnams kyi shes pa gzhan la de nyid do snyam du snang ba yin no/ /de'i phyir gnas pa med do/ /tshul 'di ni gzhan dang ldan pa'i don can gyi rnam par shes pa rnams kyi don dag la yang 'du byed 'dra ba rgyu rnams la 'du byed kyi skad cig snga phyir byung ba rnams gcig nyid du rtog pa'i gnod pa byed par sbyar bar bya'o/ /gal te chos mngon pa las gzugs la sogs pa'i don lnga po rnams ni re re zhing rnam par shes pa gnyis kyis shes par bya ba 'don pa ma yin nam/ de ji ltar mi 'gal zhe na/ ci chos mngon pa bskad cig mar 'jig par khas mi len nam/ gal te khas mi len na ni de'i tshe bde bar gshegs pa ma yin pa nyid du 'gyur ro/ /ci ste khas len na ni de'i tshe gzugs de mig gi rnam par shes pa ltar zhig pa'i phyir ji ltar rnam par shes pa gzhan gyis shes par 'gyur/ 'o na chos mngon pa las 'don pa 'di ji ltar drang zhe na/ bshad par bya ste/ gang dbang po gzugs can las skyes pa'i rnam par shes pa de ni yul da ltar ba'i rnam pa yongs su gcod par byed pa skye la yul dang rnam par shes pa de gnyis skad cig mar 'jig pas 'gags pa yin dang/ phyi nas gang yid kyi rnam par shes pa 'byung ste/ ji ltar

  399. 200a

    'byung ba bzhin mig ge rnam par shes pa la sogs pa'i rgyu'i stobs kyis skye ba de ni dbang po las skyes pa'i rnam par shes pa'i rnam par rtog cing 'byung ba na de'i rnam pa can nyid du skye ste rgyu dang 'bras bu dag de nyid dang gzhan nyid du rtog pa dang bral ba'i phyir dang/ 'bras bu phal cher rgyu'i khyad par gyi rnam pa'i rjes su byed pa'i phyir ro/ /zhes de ltar yongs su brtags nas 'jig rten pa'i tha snyad du rnam par shes par bya bar bshad do/ /de'i phyir rnam par shes pa gnyis kyis don gcig rnam par shes pa ma yin te/ gcig ni yul gyi rnam pa dngos su gcod par byed pa ste/ gang dang por skyes pa'o/ /gnyis pa sa ni dngos su byed pa nyid du rnam par shes pa ma yin te/ dbang po'i rnam par shes pa'i stobs kyis de ltar rtog cing skye ba na des kyang don de rnam par shes so/ zhes nye bar 'dogs so/ /tshul 'di gnas pa la yang brtag par nus pa ni ma yin te/ gnas pa ni dngos po'i rang gi mtshan nyid kyis gnas pa yin te/ rang gi mtshan nyid de ni dngos su 'dzin pa ma yin pa'i rnam par shes pa yongs su gcad par mi nus so/ /de'i phyir yongs su gcad par bya ba ma yin pas gnas pa med pa/ gnas pa med pa las kyang dngos po med pa yin dang dus kyang med do/ /zhes bya bar grub bo/ 'dir smras pa/ gnas pa ni yod pa nyid de da ltar ba'i dus kyi mtshan nyid yin pa'i phyir ro/ /gnas pas ni da ltar ba'i dus mtshon par byed da gnas pa dang bral ba'i da ltar ba nyid mi srid pa'i phyir ro/ /'di la brjod par bya ste/ gal te dus la gnas yod na/ /gnas pa dus su mi 'gyur ro/ /ci ste gnas med na gnas pa/ med

  400. 200b

    par mdza' yang yod ma yin/ /de la gal te dus la gnas pa yod do snyam du sems na ni 'o na ni gnas pa dus su mi 'gyur ro/ /dper na rten dang rten pa dag tha dad pa'i phyir khyim na yod pa'i lha sbyin khyim nyid du mi 'gyur ba de bzhin du gnas pa dus su mi 'gyur te/ dus la yod pa'i phyir ro/ /de'i phyir dus kyi rang bzhin ma yin pas de dus kyi mtshan nyid ma yin no/ /ci ste gnas pa med na ni gnas pa dang bral ba'i dus la mdza' yang ste 'jig pa yang yod par mi 'gyur ro/ /de'i phyir da ltar byung ba'i dus yun du gnas par 'gyur la/ dus te rtag pa'i phyir da ltar byung ba'i dngos po yang rtag par 'gyur na/ 'di ni de ltar yang ma yin te de'i phyir gnas pa med do/ /'dir smras pa/ gnas pa de ni yod pa nyid de/ /de dang ldan pa'i dngos po la mi rtag pa nyid yod pa'i phyir ro/ /gnas pa dang bral ba'i dngos po yod pa ma yin pa'i phyir rten med pa'i mi rtag pa nyid mi srid pa zhig na/ dngos po la mi rtag pa nyid yod pa la yin te de'i phyir de yod pas gnas pa yang yod par 'gyur ro/ / 'di la bshad par bya ste/ gal te mi rtag pa nyid ces bya ba 'ga' zhig yod par 'gyur na ni de dngos po las gzhan nyid dam gcig nyid du 'gyur gang na/ gnyi ga ltar yang mi 'thad do/ /zhes bstan pa'i phyir bshad pa/ gal te mi rtag dngos gzhan na/ /dngos po mi rtag par mi 'gyur/ /gcig na mi rtag nyid ga yin/ /de nyid dngos de ga la gnas/ /gal te mi rtag pa nyid dngos po las gzhan nyid du 'gyur na ni de'i tshe mi rtag pa nyid mtshan nyid tha dang ba'i phyir dngos po rtag bar 'gyur na dngos po ni rtag pa yang ma yin pas mi rtag pa nyid la gzhan nyid yod pa ma yin no/ /ci ste gcig nyid 'dod na de lta na yang de las tha dad pa'i dngos po mi srid pa'i phyir mi rtag pa nyid gang yin pa de nyid dngos po yin pas dngos po mi rtag pa nyid

  401. 201a

    kyi bdag nyid can yin pa'i phyir gnas pa gtan mi srid pa kho na ste de'i phyir gnas pa med do/ /gnas pa med pas ni mi rtag pa nyid kyang yod pa mi yin zhing gnas pa dang mi rtag pa gnyis med pas kyang dngos po med la/ de med pa'i phyir na dus kyang yod pa ma yin no/ /zhes bya ba grub po/ gang sngar gnas med dngos po ga la zhig/ mi rtag pas gnas ga la yod ces brjod pa de la smras pa/ mi rtag pa nyid yod kyang gnas pa yod pa kho na'o/ /ji ltar byas nas she na/ gnas pa'i dus na ni gnas pa ches stobs dang ldan gyi mi rtag ba nyid ni ma yin la/ stobs chung bas stobs dang ldan pa 'joms par nus pa yang ma yin no/ 'di yang mi rigs so/ /zhes bstan ba'i phyir bshad pa/ mi rtag gnyi gar stobs chung der gnas pa stobs chung ma yin na/ /phyi nas de dag nges par go/ bzlog par ci yis mthong bar 'gyur/ /gal te gnas pa'i dus na mi rtag pa nyid stobs chung na gang gis na phyis chos mthun par gnas pa de 'joms par 'gyur ba phyi nas de stobs dang ldan pa nyid cis yin/ de'i phyir snga rol nyid du de ches stobs dang ldan pa ma yin pa nyid yin pa 'am/ yang na ye nas chos stobs dang ldan pa ma yin pa nyid du 'gyur ro/ /de'i phyir dngos po rtag pa 'am gnas pa med par 'gyur na 'di ni rigs pa yang ma yin no/ /de'i phyir de yod pa ma yin no/ /gzhan yang/ gal te mi rtag stobs chung min/ /dngos po kun la yod na ni/ /gal te mi rtag pa nyid stobs chung ba ma yin bas stobs dang ldan par 'gyur te/ dngos po kun la gnas shing gal te dngos po mdza' dag la khyab pas gnas na ni de'i tshe thams cad la yang gnas pa med do/ /ci ste kun la mi gnas na ni de'i tshe chos

  402. 201b

    thams cad mi rtag pa ma yin gyi/ de'i cha 'ga' zhig ni rtag par 'gyur te gang na gnas pa ches stobs dang ldan pa'o/ /cha 'ga' zhig ni mi rtag par 'gyur te gang na mi rtag pa nyid ches stobs dang ldan pa'o/ /de ltar thams cad mi rtag pa ma yin pa 'am/ yang na gnas pa med par 'gyur ro/ /gzhan yang mi rtag pa nyid 'di mtshan gzhi dang lhan cig 'byung ba 'am dus phyis 'byung ba zhig tu 'gyur grang na/ de la/ gal te rtag tu mi rtag nyid/ /yod na rtag tu gnas yod min/ /mtshan nyid mtshan gzhi la mi 'khrul ba'i phyir ro/ /gal te mi rtag pa nyid rtag tu rjes su 'brel na ni/ /de'i tshe gnas pa rtag tu yod pa ma yin te/ mi rtag pa dang rjes su 'bral ba'i phyir ro/ /yang na rtag par 'gyur zin nas/ /phyi nas mi rtag par 'gyur ro/ /gal te ji skad du bshad pa'i skyon spang bar 'dod nas phyi nas dngos po mi rtag par 'dod na ni de'i tshe dngos po de sngar gnas pa dang ldan pas lhag par 'gyur nas phyis mi rtag pa nyid dang ldan pas mi rtag par 'gyur ro/ zhes bya bar 'gyur na/ gang dngos po gcig rtag pa yang yin la mi rtag pa yang yin no/ /zhes bya ba de yang rigs pa yang ma yin no/ /yang 'dus byas kyi mtshan nyid rnams phan tshun mi 'khrul pa'i phyir/ gal te gnas pa mi rtag dang/ /lhan cig dngos po la yod na/ /de ltar na yang/ mi rtag log par 'gyur ba 'am/ yang na gnas pa brdzun par 'gyur/ /gal te dngos po de gnas ba de'i tshe de'i mi rtag pa nyid log par 'gyur ro/ / ci ste 'jig na ni de'i tshe gnas pa brdzun par 'gyur pas gnas pa mi rigs so/ /gnas pa de med pas kyang dngos po med pa la dngos po yod pa ma yin na yang de'i rten can gyi dus med pas dus rang bzhin med par grub po/ 'dir smras pa/

  403. 202a

    dngos po'i rgyu can gyi dus ni yod pa nyid do/ /'di ltar 'du byed 'das pa'i rten can 'das pa'i dus ni yod do/ /gal te dngos po 'das pa med na ni bdag 'das pa'i dus na 'di lta bu dang 'di lta bu zhig tu gyur to snyam du 'das pa la dmigs pa dran pa ci'i yul can zhig tu 'gyur/ de'i phyir de'i yul can gyi dran pa yod pas dngos po'i rgyu can gyi dus yod pa nyid do/ zhes brjod do/ /'dir dran pa 'di nyams su myong bar gyur pa'i yul kho na la 'jug ste/ de lta ba'i yul rnam par shes pas dngos su dmigs bzhin pa la ni dran pas dgos pa ci yang med do/ /ci ste lhan cig 'byung bar nges par da ltar ba'i yul can yang yod mod kyi de ltar na yang de gnas skabs der gtso bo la brten par mi byed de de 'jug pa shas che ba'i gnas skabs la bltos nas dngos po gang yang rung ba 'ga' zhig gis mtshan nyid byed pas dngos po 'das pa la dmigs pa'i rnam par shes pa kho na la dran pa'i mtshan nyid ches gsal gyi gzhan la ni ma yin no/ /de'i phyir gang la dmigs pa'i dran pa dmigs pa'i dngos po de yod pa yin no/ / de yang snying po med do/ /zhes bstan pa'i phyir bshad pa/ mthong zin dngos po mi snang zhing/ /slar yang sems skye min des na/ /dran pa zhes bya log pa yi/ /don la log pa kho na 'byung/ /da ltar ba'i gnas skabs kyi dngos po de'i rang gi ngo bo dngos su byed pa'i shes pa da ltar bas mthong bas gang yin pa de ni slar mi snang ngo/ /don gcig rnam par shes pa gnyis kyis yongs su bcad par bya ba nyid yin pa ni gong du bkag zin te/ tshul de nyid kyis na mthod zin pa'i dngos po mi snang ngo/ /gang gi tshe mi snang ba de'i tshe de'i? yul can gyi sems slar yang mi skye'o/ /gang gi tshe dngos po de bdag nyid des yod par gyur na da ltar bar thal ba'i phyir la/ yod pa ma yin na yang de'i rnam par can gyi rnam par shes pa 'jug pa mi srid pa'i phyir de'i rnam pa'i dmigs pa

  404. 202b

    can gyi rnam par shes ba slar mi skye ba de'i tshe dran pa de rnam par shes pa gang zhig dang tshungs pa dang ldan par 'gyur/ yang ci 'das pa'i yul can gyi dran pa med dam med do/ /zhes de skad du su smra/ kho bo bdag cag ni rten cing 'brel par 'byung se la pa ma yin na/ / de ji ltar yod pa de ltar ni/ /des na dran pa zhes bya log pa yi/ /don la log pa kho na 'byung/ /zhes slob dpon nyid rnam par 'jog par mdzad /de'i phyir dran pa'i dmigs pa'i 'das pa'i dngos po yin no/ /gal te de rang gi ngo des yang na ni de'i tshe dran pa de yod pa'i don la dmigs pa'i phyir rang gi ngo bos grub pa zhig na/ gang gi tshe 'das pa'i dngos po de rang bzhin med po de'i tshe de la dmigs pa'i dran pa yang rang bzhin med pa yin te/ de'i phyir log pa yin no/ /zhes bya bar grub po/ / log ba zhes bya ba ni rang bzhin med pa dang/ rten cing 'brel par 'byung ba zhes bya ba dang/ don gzhan ma yin pa ste/ dngos po med pa'i don ni log pa'i don ma yin no/ /'das pa'i dngos po rnam pa thams cad du med pa ni ma yin te/ dran par bya ba yin pa'i phyir dang/ de'i 'bras bu mtheng ba'i phyir ro/ /rang gi ngo bos yod pa yang ma yi te/ rtag pa nyid du thal ba'i phyir dang/ dngos su 'dzin par thal par 'gyur ba'i phyir ro/ /rnam pa de lta bu'i dngos po las skye ba na dran pa yang rnam pa de lta bu yin pas/ des na/ dran pa zhes bya log pa yi/ /don la log pa kho na 'byung zhes bya ba grub ste/ sad pa'i gnas skabs su rmi lam gyi gnas skabs kyi nyams su myongs pa'i yul dran pa bzhin no/ /slob dpon 'phags pa lha'i zhal snga nas kyi byang chub se nga'i rnal 'byor sbyod pa bzhi brgya ba las dus dgag ba bsgom pa bstan pa zhes bya ba ste rab tu byed ba bcug gcig pa'i 'grel pa'o/ //'dir smras pa/ khyod kyis bdag med pa 'di tshes bsal zhing rgyas par bstan la/ de bzhin

  405. 203a

    gshegs pa yang 'di thugs su chud pa po dang/ nye bar 'doms pa po yin na/ de ci'i phyir chos 'di la 'jig rten phal cher 'jug par mi 'gyur/ gang gi phyir chos 'di ni mdzad pa po dang rnam par 'chang ba po dang chos kyi che ba'i bdag nyid rnams kyis ches dkar ba zhig ste/ de'i phyir thar pa 'dod pa thams cad kyis 'di la 'jug par rigs na/ lugs kyi khyad par nye bar bshad pa gzhan rnams ci ste 'byung/ bshad par bya ste/ chos 'di la rab tu gsung pa po dang rnam par 'chad pa po dang/ chos kyi rang gi ngo bo'i bdag nyid chen po dag yod mod kyi/ de lta na yang nyan pa po'i che ba'i bdag nyid shin tu rnyed par dka' o/ /'di ltar gzur gnas blo ldan don gnyer ba'i nyan po snod ces bya bar bshad/ /de la gzu bor gnas pa ni gang phyogs su ma lhung ba'o/ /phyogs sum lhung ba yang gang zhig ce na/ gang zhig rang dang gzhan gyi phyogs dag la rjes su chags pa dang rgyab kyis phyogs pa dang bral ba'o/ /de ni de ltar sems kyi rgyud nyon ma mongs pa'i phyir legs par bshad pa rin po che'i khyad par tshol ba lhur byed pa kho na yin pas kun nas nyon mongs pa'i phyogs 'dor ba'i rtsa ba ni gzu bor gnas pa nyid yin no/ /de'i phyir de ltar na nyan pa po gzu bor gnas pa ni dam pa'i chos kyi bdud rtsi phul du byung ba'i snod yin no/ /gzu bor gnas bar gyur kyang gal te blo dang ldan par 'gyur na ste/ legs par bshad pa dang/ nyes par bshad pa dag gi snying po dang snying po med par rnam par dbye ba la mkhas na'o/ /de ni blo dang ldan pa nyid kyis snying po med pa btang nas snying po len no/ /de ltar gal te nyan pa po blo dang ldan par gyur na ni de de ltar snod du 'gyur ro/ /de ltar gzu bor

  406. 203b

    gnas shing blo dang ldan par gyur kyang legs par bshad pa nyan pa don du gnyer bar 'gyur zhing ri mo'i skyes bu'i rnam pa ltar mi brtson pa ma yin te/ de ltar na/ gzur gnas blo ldan don gnyer ba'i/ /nyan po snod ces bya bar bshad do/ /nyan pa po rnams de lta bu yin na ni nges par/ smra bo yon tan rnam pa gzhan du/ /mi 'gyur nyan pa po la'ang min/ /de la smra ba po'i yon tan dag ni zur dod pa dang phyin ci ma log pa dang/ gsal ba dang ma 'khrugs par brjod pa dang/ nyan pa po'i lhag pa'i bsam pa khong du chung pa dang/ sems la zang zing med pa nyid de/ de lta bu la sogs pa dag go/ nyan pa po yang chos dang chos smra ba bo gnyis la gus pa dang/ yid gtod pa nyid dang/ gzu bor gnas pa nyid dang/ blo dang ldan pa nyid dang/ don du gnyer ba nyid do/ /de'i don du gnyer ba nyid ni chos dang chos smra ba dag la gus par byed pa dang yid gtod pa nyid la sogs pa dag gis rtogs par byed do/ /de ltar yin dang smra ba po la yon tan rnam pa gzhan du mi 'gyur la/ nyan pa po la'ang yon tan rnam pa gzhan du mi 'gyur ro/ /nyan pa po rnam pa de lta bu yod na ni smra ba po la yon tan skyon gyi ngo bor mi 'gyur ro/ /nyan pa po'i skyon las ni yon tan yang skyon gyi ngo bor rnam par 'gyur la/ skyon yang yon tan gyi ngo bor rnam par 'gyur gyi/ /bshad zin pa'i mtshan nyid can gyi nyan pa po thos pa las byung ba la sogs pa'i yon tan phyin ci ma log pa'i tshogs kyi gzhir gyur pa yod na ni/ smra ba po la yon tan rnam ba gzhan du mi 'gyur la/ nyan pa po la yon tan skyon gyi ngo bor mi 'gyur ro/ /de'i phyir smra ba po ches yongs su dag pa yin yang nyan pa po rang gi nyas par mi brtsi ba rnams kyi skyon dang ldan pa nyid du 'dzud par byed de/ blun po bdag la bstod pa ni ci

  407. 204a

    bdag cag la shes rab med dam ci zhig bya/ rtog par byed pa po med do/ zhes de skad du gang smra ba kho na yin no/ /'di ni lhag pa'i bsam ba bskul ba'i mdo las rtogs par bya'o/ /de nyid kyi phyir bcom ldan 'das kyis/ srid dang srid thabs zhi ba yi/ /thabs dang de bzhin zhi gsungs te/ /'jig rten yongs su mi shes gang/ /de ni thub pa'i lta bur mngon/ /de la srid pa ni 'bras bur 'gyur ba'i nye bar len pa'i phung po lnga'o/ /srid pa'i thabs ni rgyur gyur pa'i 'du byed rnams so/ /zhi ba ni mya ngan las 'das ba ste nye bar 'tshe ba thams cad log pa'i rang bzhin yin pa'i phyir ro/ /zhi ba'i thabs ni 'phags pa'i lam yan lag brgyad do/ /de ltar bcom ldan 'das kyis thar pa 'dod pa rnams la 'phags pa'i bden pa bzhi nye bar bstan te/ blang bar bya ba dang dor bar bya ba'i 'bras bu dang bcas pa dag nye bar bstan pa'i phyir ro/ /de la thos pa dang bsam pa dang sgom pa dang ldan zhing yang dag pa ji lta ba so so rang gis khong du chud pa rnams kyi rgyud la ni bcom ldan 'das kyis nye bar bstan pa don ji lta ba bzhin kho na yin gyi/ thos pa dang bsam pa dang sgom pa la mngon par brtson pa la brjad ba rnams ni bdag nyid snod ma yin par ma 'phrigs pa na gang gi phyir kho bo cag gis don ji lta ba bzhin mi rtogs pas des par 'di yang dag par ma bshad ngo/ zhes 'khrul ba de thub pa'i yin pa ltar des par byed do/ /de tsam gyis ni sangs rgyas bcom ldan 'das nongs pa dang ldan pa yang ma yin no/ /'phags pa'i bden pa bzhi sen par mdzad pa nyid kyis skyes bu'i don ma lus pa nye bar ston pa'i mdzad pa po yin pa'i phyir smra ba po'i skyon ga la yod/ de'i phyir na thub pa'i lta bur zhes bshad de/ kha cig dag gis des nye bar bstan pa'i dngos po'i de kho na nyid ji ltar

  408. 204b

    pa bzhin des par ma zin pa'i phyir ro/ /dmus long gis ma mthong ba ni snang bzhin pa'i nyi ma'i skyon ma yin te ma long ba rnams kyis de mthang pa'i phyir ro/ /'dir smras pa/ de bzhin gshegs pa'i mngon par mtho ba'i gtam thams cad ni ches don gsal ba yin na/ nges par legs ba'i gtam ni dngos po thams cad med par ston pa lhar len pa nyid kyis kho ba cag lta bu rnams kyis rtags par mi nus te/ 'di ltar bcom ldan 'das dngos po thams cad kye rang gi ngo bo sun 'byin bar zhugs pa'i phyir kho bo cag gi yid mgu bar mi mdzad do/ /bshad par bya ste/ thams cad btang bas mya ngan las/ 'da' bar ya mtshan can kun 'dod/ /kun sun 'byin la de dag ni/ /mi dgar 'gyur ba'i rgyu ci zhig/ grangs can pa dang bye bar pa la sogs pa ya mtshan can thams cad kyis bde ba dang sdug bsngal ba la sogs pa dngos po kun nas nyon mongs pa mdza' dag log pas thar pa 'thob po/ zhes bya bar khas blangs so/ /gang gi tshe de ltar ya mtshan can thams cad kyis thams cad btang bas mya ngan las 'das par mngon par 'dod pa de'i tshe gang zhig rgyab kyis phyogs pa'i rgyur 'gyur ba sngan chad ma byung ba gsungs pa cung zad tsam yang med da/ /ya mtshan can rnams kyis dngos po gang dag mya ngan las 'das par slar mi 'byung bas mya ngan las 'das par 'dod pa de dag kho na bdag gi rang bzhin med par ston pa lhur byed cing dam pa ma yin pa'i lta ba'i tsher ma 'byin pa'i bdag nyid can gyi bstan bcos kyis mya ngan las 'das nga'i grong khyer du 'gre ba'i lam yongs su sbyod par bsgrubs pa yin te des na khyod yod pa ma yin pa'i 'jigs pa snying la brtags nas/ ci'i phyir 'jigs/ yid la yongs su dga' ba bskyed pa dang/ chos 'di bdag tu 'gyur bar

  409. 205a

    gyis shig/ bdag nyid la kun nas nyon mongs pa'i dngos po thams cad mya ngan las bzlo ba'i gtam yang khong cig/ ji skad du bcom ldas 'das kyis/ mya ngan 'das la chos rnams chos yod min/ /'di na gang med de dag gzhar yang med/ /yod dang med ces rtog pa dang ldan zhing/ /de ltar spyod rnams sdug bsngal zhing mi 'gyur zhes gsungs so/ /mya ngan las 'das pa ni mya ngan las rgal ba phung po lhag ma med pa'i mya ngan las 'das pa'i dbyings te sngod bu dang mar yongs su zad pas mar me shi ba bzhin no/ /rang nyid kyis yang dag pa ji lta ba bzhin rtogs pa rnams la de kho na nyid kyi ye shes kyi me'i stobs kyis bdag gi ba la chags pa log pas 'dod chags dang zhe sdang dang gti mug dang rgyags pa dang nga rgyal la sogs pa rnams kyi yod pa nyid rnam pa thams cad du med pa nyid yin no/ zhes bya bar khyed cag ya mtshan can thams cad kyis mngon par 'dod do/ zhes sangs rgyas bcom ldan 'das kyis bshad pa rnams kyis yid yongs su dgal 'khar 'gyur gyi/ mu stegs byed rnams kyis 'di de kho na ltar yin no/ zhes bya bar nges par ni ma zin to/ /'dir su ba rnams kyi su mi mdon par byas so/ zhes bya ba la sogs pa'i mdor byas pa bdun pa mi mdon par byas pa'o/ /'di la bcom ldan 'das kyis da ltar gang dag mya ngan las 'das pa 'di ni med pa ste/ rab rib med pa'i gnas skabs na rab rib can rnams kyis dmigs pa'i skra bshad dang sbrang pu la sogs pa lta bu 'am/ sgron ma'i gnas skabs na khyim na nam mkha' zir gyur pas thag pa la sbrul du mthong ba'i 'jigs pas mthong pa'i dug 'phos pa'i dogs pa log pa bzhin rnam pa thams cad du mi snang bar gyur cing yod pa ma yin pa de dag ni rab rib can gyi gnas skabs na rab rib can

  410. 205b

    rnams kyi skra shad dang sprad bu la sogs pa dag lta bu dang ji ltar snang ba'i gnas skabs na sbrul med pas thag pa la sbrul gyi blo med pa de bzhin du mun pa'i gnas skabs na yang de na bden par gyur pa'i sbrul med pas sbrul gyi blo gang yin pa de yang med pa bzhin gzhar yang ste/ 'khor ba'i gnas skabs 'gar yang yod pa ma yin no/ zhes gsungs par gyur to/ /'o na ji ltar 'khor ba kun nas nyon mongs pa dang las la byung zhe na/ bshad pa 'khor ba ni rab rib can gyis dmigs pa'i skra shad la sogs pa'i blo'i ngo bo'i tshogs dang 'dra sde mun pa'i gnas skabs na sbrul gyis 'jigs pa phyin ci log bzhin no/ /'di yang yod pa ma yin pa'i phyin ci log gi mun pas blo gos gyi mig ldongs par byas pa'i byis pa'i skye bo rnams kyi yin no/ zhes bshad pa ni yod dang med ces rtogs pa dang ldan zhing/ de ltar spyod rnams sdug bsngal zhi mi 'gyur zhes bya ba'o/ /legs pa bshad pa las ni rnam pa yod min zhes bya bar 'gyur mod kyi/ ting ngan ni ting ngor 'gyur ro/ zhes bya ba brjod par bya'o/ /zhes bya ba'i mtshan nyid las na chos yang min zhes gsungs so/ /d+harmANA am zhes bstan par bya la/ 'dir yi ge A dang ma mi mngon par byas so/ /de la yod ces rtog pa dang ldan pa ni khyed cag grangs can pa dang 'ug pa pa dang/ gzegs zan dang ser skya dang/ bye brag tu smra ba ba rnams yin la/ med ces rtog pa dang ldan pa ni bye brag pa dang mdo sde pa dang rnam par shes pa smra ba rnams te/ de ltar spyod pa yod pa dang med pa'i gdon gyis zin pa rab rib kyi gnas skabs rab rib can rnams lta bu dang mun khung du thag pa la sbrul gyi blo can rnams bzhin du lta ba phyin ci log tu gyur pa rnams kyi sdug bsngal te 'gro ba lnga'i 'khor bar skye ba dang/ rga ba dang na ba dang 'chi ba'i sdug bsngal dang mya ngan la sogs pa zhi bar mi 'gyur ro/ /de dag gi rnam par dpyad pa ni gnas dang gnas su 'di nyid las

  411. 206a

    bstan zin pa'i phyir ma bshad do/ /de nyid kyi phyir gang zag phung po smra ba yin/ /'jig rten grangs can 'ug phrug dang/ gos med bca' la gal te zhig/ yod med 'das pa smra na dris/ /de'i phyir sangs rgyas rnams kyi ni/ / bstan pa 'chi med yod med las/ /'das pa zab mo zhes bshad pa/ /chos kyi khud pa yin zhes kyis/ /zhes gsungs so/ /gal te gang 'di lta ste/ thams cad btang bas mya ngan las 'da' ba zhes bya ba 'di nyid ya mtshan can rnams kyi yang bsam pa yin na ni khyod dang mu stegs can rnams la khyad par ci yod ce na/ khyad par ni mu stegs can rnams la thams cad btang pa'i bsam pa tsam zhig tu zad kyi thams cad gtong ba'i thabs brjod pa med pa gang yin pa 'di yin no/ /thams cad gtong ba'i thabs ma bstan na yang/ gang zhig gtong thabs mi shes de/ /ci zhig gtong bar byed par 'gyur/ /thams cad gtong ba'i bsam pa la gnas kyang mu stegs can gyi lugs la brten zhing ba tang ba'i thabs mngon par mi shes pas ci zhig gtong bar byed par 'gyur te/ gang gi phyir thams cad gtong ba'i thabs don dam pa'i bden pa'i chos thams cad rang bzhin gyis stong pa nyid kyi mtshan nyid can mi shes pa'i phyir ro/ /de nyid kyi phyir/ des na nges par thub pa yi/ /gzhan du zhi ba med ces gsungs/ /'di nyid la dgongs nas thub pas dge spyod dang po ni 'di nyid du'o/ /gnyis pa dang gsum pa ni 'di nyid du'o/ /bzhi pa ni 'di nyid du'o/ /pha rol po'i smra ba ni dge sbyong dag gis stong pa'o/ zhes gsungs so/ /zhes bya bar des so/ /thams cad gtong ba'i thabs yang dag par bstan pa 'di las ni sangs rgyas bcom ldan 'das kyi ye shes kyi 'jug pa thams cad la thogs pa med pas don ji lta ba bzhin du ston pa po nyid du rtogs so/ /mu stegs

  412. 206b

    can rnams mi thams cad gtong pa'i thabs ston pa'i nus pa dang bral bas dngos po'i rnam pa gzhan du yang shes pa'i phyin ci log pa nyid du grub pa'i phyir sgrub par mi bya'o/ /gal te khyod kyi ltar na yang mngon sum ma yin pa'i phyir na shes bya mdza' yas pa dbang po las 'das pa'i don nye bar bstan pa dag la ci don 'di ji skad bstan pa de kho na ltar yin nam 'on te gzhan du yin zhes de rnams the tshom skye bar 'gyur ba nyid ma yin nam/ de'i yul can gyi nges pa'i rgyu ni yod pa ma yin no/ /de la yang bshad par bya ste/ sangs rgyas kyis gsungs lkeg gyur la/ gang zhig the tshom skye 'gyur pa/ /de yis stong pa nyid brten te/ /'di nyid kho nar yid ches bya/ /dngos po thams cad mngon sum du shes pas go bar bya ba ni ma yin gyi rjes su dpag pas rtogs par bya ba yang yod do/ /rjes su dpag par bya bar nus pa yang yin te/ dpe yod pa'i phyir ro/ /'dir thams cad gtong ba'i thabs ni chas thams cad rang bzhin gyis stong pa nyid yin te/ de ni gang gis kyang gzhan nyid du bsgyur bar mi nus so/ /don 'di ni rtag tu nye yang skye bo thams cad kyis mngon sum ma yin pa'i phyir phra ba yang yin la de ni 'thad pas chos thams cad la rang bzhin du 'dzin pa bzlog pa'i sgo nas ji lta ba bzhin duAng bstan to/ /re zhig 'di nyid la 'di des par gyis shig /ci ste 'di la ci 'di ni de kho na ltar yin nam 'on te rnam pa gzhan du yin snyam du mi nges pa'i rgyu cung zad cig yod cing gal te bshad zin pa dang 'chad pa'i rab tu byed pas bstan pa'i nges pas de ma bsal na ni de smros shig/ 'dis ma nges pa'i rgyu cung zad kyang brjod par nus pa ni ma yin te/ de'i phyir dpe 'di grub ba kho na'o/ /de'i phyir de las gzhan pa'i bcom ldan 'das kyi gsung mngon sum ma yin pa'i don ston par byed pa yang rang nyid kyi tshul gyis don ji lta ba bzhin no /zhes bya ba rtogs par bya ste/ de bzhin gshegs pa

  413. 207a

    bstan pa'i phyir rang bzhin gyis stong pa nyid kyi don rjod par byed pa'i gsung bzhin no/ /de'i phyir sangs rgyas kyis gsungs pa'i lkog tu gyur pa dag la the tshom ga la za/ bcom ldan 'das kyis/ 'jig rten khams ni stong rnams su/ /nga yis mdo rnams gang gsungs pa/ /yi ge tha dad don gcig ste/ /yongs su bsgrag ba nus pa yin/ /dngos po gcig ni bsams byas na/ /de dag thams cad bsgoms 'gyur te/ /sangs rgyas kun gyi chos mang po/ /ji snyed rab tu bstan pa rnams/ /chos rnams kun gyi bdag med yin/ /mi gang don la mkhas rnams kyis/ /gnas 'di la ni bslab byas nas/ /sangs rgyas chos rnams rnyed mi dka' / /zhes bya ba dang/ de bzhin du ji ltar bdag gi 'du shes shes gyur pa/ /de bzhin thams cad la ni blo sbyar bya/ /chos rnams thams cad de yi rang bzhin te/ /rnam par dag pa nam mkha' lta bu yin zhes/ ji skad du gsungs pa lta bu'o/ /de bzhin gshegs pa ltar mu stegs can rnams kyang phyin ci ma log pa nyid du brjod pa nyid du nges par ni mi nus te/ de rnams ni mthong ba'i chos nyid la phyin ci log tu gyur pa'i phyir ro/ /'di ltar de rnams kyis ni 'jig rten 'di'i 'jug pa rgyu rtag pa sngon du 'gro bar ston na mthong ba dang 'gal ba dang 'thad pa dang 'gal ba de ni bstan par mi nus so/ /de ltar na/ gang gis 'jig rten 'di mthong dka' / /de ni gzhan la blun pa nyid/ /zla ba nya ba la mthong ba yi/ /nus pa nyams pa 'ga' zhig gis/ /skar ma d+hu ba dang a run dan ti mthong ba ni ma yin no/ /de bzhin du mu stegs can 'dis kyang gang gi tshe re zhig sems can dang snod ces bya ba'i 'jig rten 'di'i rgyu dang 'bras bu la rmongs pas don rags pa yang dag par mi mthong ba de'i tshe don ji ltar don shin tu phra ba yul dang dus ring pos chod cing rab tu dbye ba

  414. 207b

    dang bcas pa shes par 'gyur/ de'i phyir 'khor ba'i lam gyi ral dub bsal bar bya ba'i phyir de kho na nyid mthong ba'i chu dri ma med pa btung bar 'dod pa/ gang dag mu stegs can rang nyid lta ba shin tu phyin ci log cing smig rgyu'i chu ltar bsten par bya ba ma yin pa/ de'i rjes 'gro de dag/ shin tu yun ring bslus par 'gyur/ /gang dag sangs rgyas bcom ldan 'das kyis don ji lta ba bzhin ston pa la mi bsnyen par thar pa 'dod pa nyid kyis mthong ba dang ma mthong ba'i dngos po'i rang bzhin la rnam par rmongs pa'i mu stegs can gyis rjes su 'gro ba de dag ni phyi ma'i mur gtugs pa med pa can gyi 'khor bar bslus par 'gyur ro/ /'dir ji ltar nor la mi mkhas tshod pa ngan pa rin chen gled du sod rnams rin po che/ 'dod pas rmongs las nor bu rin thang chen po btang nas nor bu 'ching bu len pa ltar/ /de bzhin gzhung lugs dag la mi mkhas blo gros ngan zhing dzam bu'i gling du son pa rnams/ /thar pa'i re ba bcas pas rmongs pas sangs rgyas gzhung lugs dor nas mu stegs gzhung lugs lan/ zhes bshad do/ /yang ci'i phyir/ thar pa 'dod pa de dag phyin ci log tu mthong ba mu stegs can gyi rjes su 'gro zhe na/ rang bzhin gyis stong pa nyid kyi chos bstan pa nyan pa la 'jigs pa'i phyir ro/ /'jigs pa de ni bdag yod ma yin 'byung mi 'gyur/ /bdag gi yong min 'byung mi 'gyur/ /zhes brtags nas skrag pa las so/ /skrag pa de yang shin du yun ring por bdag tu 'dzin pa dang bdag gir 'dzin pa goms las so/ de nyid kyi phyir shin tu yun ring por goms par byas kyang dge ba'i bshes gnyen gyis yongs su bzung bas dngos po'i rang bzhin la mngon par zhen pa'i dri ma dor nas/ mya ngan 'das par rang 'gro gang/ /de dag shin tu bya dka' byed/ /rang nyid sangs rgyas bcom ldan 'das su gyur nas rang nyid kho na mya ngan las 'das pa'i grong

  415. 208a

    khyer du nye bar gshegs te/ de ltar dka' ba mdzad pa thugs rje chen po mnga' ba/ 'dren slad bzhin duAng dam pa ni/ /ma yin yid 'gror spro ma yin/ /dam ba ma yin pa bdag tu 'dzin pa dang bdag gir 'dzin pa la rnam par gnas pa'i yid rang nyid mya ngan las 'das par mi sbro ba 'ba' zhig tu ma zad kyi/ 'on kyang dam pa ma yin pa'i yid ni mdzad dka' ba mdzad pa'i 'dren pa po'i slad bzhin du yang mya ngan las 'das par 'gro bar mi spro'o/ /yang ci'i phyir dam pa ma yin pa'i gang zag gi yid 'dren pa po'i de'i rjes bzhin du yang mya ngan las 'das par 'gro ba mi sbro zhi na/ stong pa nyid la skrag pa'i phyir ro/ /yang gang zhig 'di la skrag par 'gyur zhe na/ gang zhig 'gyur ba de bstan pa'i phyir bshad pa/ ma mthong skrag par mi rtsom ste/ /mthong na rnam kun de bzlog 'gyur/ /des na nges par cung zad cig /shes la skrag par brjod par bya/ /bstan bcos kyi brnga la ma byad pa ni ba lang rdzi la sogs pa dag ste de dag ni stong pa nyid lan brgyar bstan kyang rnam pa thams cad du rjes su zhugs pa med pas stong pa nyid kyis don ma mthong pa'i phyir de la skrag pa mi 'byung ste/ skad cig mar 'jig pa la der rmongs pa lta bu dang/ dmyal ba'i me la log par lta ba rgyud bzung ba yin no/ /mthong na rnam kun de ldog 'gyur/ /stong pa nyid ces bya ba'i chos mthong na ni de la mkhas pa rnams rnam pa thams cad du skrag par ldog par 'gyur te/ 'jigs pa'i rgyu bdag dang bdag gi tshe mngon par zhen pa dang bral ba'i phyir ro/ /thag bar mthong na thag pa sbrul du phyin ci log skyes pa'i sbrul gyis 'jigs pa dang bral ba bzhin no/ /gang zhig cung zad cig shes shing cung zad cig mi shes pa de la ni nges pa ste/ gdon mi za bar 'gyur bas skrag par bsgrub par bya'o/ /glang po che

  416. 208b

    myos pa'i rkyen bu legs par bslabs pa ni glang po ches spar ba na de la mi 'jigs la/ de la bzhon par 'dod pa'i grong pa shin tu rmongs pa yang ma yin no/ /de ni de las lhung ba la sogs pa'i skyon ma mthong bas zhon pa nyid rtog par sems pa na de la mi 'jigs so/ /cung zad cig shes pa ni bdag nyid de la zhon par bya bar rlom pa na ches shin tu 'jigs so/ /gzhan yang bya ba thams cad la 'jug pa na cung zad cig shes pa nges par skrag par 'gyur gyi/ de kho na nyid rigs pa ma yin te ma bsnyengs pa'i phyir ro/ / gtan mi shes pa yang ma yin te/ gti mug gis btsas pa'i phyir ro/ /cung zad cig shes pa ni skrag ste/ ci 'di nus sam mi nus zhig gu snyam du rnaM par dpyod pa'i phyir ro/ /yang ci'i phyir cung zad cig shes pa 'di dag de dag gis shes par bya ba yongs su rdzogs par ma gyur gyi bar du go 'phang go ma mi tshol zhe na/ bshad par bya ste/ skrag pa'i phyir ro/ /yang skrag pa'i rgyu ci zhig ce na/ bshad pa ma goms pa'o/ /yang de'i rgyu ci zhig ce na/ phyin ci log tu goms pa'o/ /de nyid bstan pa'i phyir bshad pa/ / byis rnams nges pa kho na rin/ /'jug byed ches la goms pa ste/ /de dag goms pa med pa yis/ /ldog byed chos la 'jigs par 'gyur/ /'jug par byed pa'i chos ni 'khor ba'i 'jug pa dang rjes su mthun pa ste/ sems can so so'i skye bor gtogs pa'i sa la gnas pa rnams ni 'jug par byed pa'i chos la goms so/ /ldog par byed pa'i chos ni de la goms pa'i gegs dngos po rnams kyi rang bzhin stong pa nyid de 'khor ba ldog pa'i rjes su mthun pa'i phyir ro/ /so so'i skye bo rnams ni sems kyi rgyud bdag la chags pa dang rjes su 'brel pa'i phyir de ldog par byed pa'i chos la chos shin du 'jigs la/ /dngos po thams cad rang bzhin gyis stong pa nyid la g.yang sa'i sul ltar sems pa na ji lta ba bzhin rtogs pa mi

  417. 209a

    bzod do/ /de'i phyir de ltar na gang zag ma rig pa'i mun pa 'thug pos dngos po'i de nyid g.yogs shid thog ma dang tha ma dang mi ldan pa'i 'khor ba'i 'brog dgon par lam bzang po chud zos pa 'ga' zhig gal te rang bzhin stong ba nyid kyi gtam la gus par 'gyur na de dang mthun pa'i rkyen nye bar bsgrubs pa'i sgo nas ji ltar stong pa nyid la dang ba 'phel bar 'gyur ba de ltar bya zhing snying rje che ba dang/ bcom ldan 'das de bzhin gshegs pa la byas pa bzo zhing bdag nyid kyi dam pa'i chos kyi bar chad kyi rgyu mtshan g.yang sa chen po'i rgyu yongs su spang bar 'dod pas yang ba la brten pa dang/ sbyin pa dka' ba yang sbyin pa dang/ bsdu ba'i dngos po bzhis kyang bsdu bar bya ste/ dam pa'i chos 'di 'bad pa thams cad kyis skye bo dam pa'i chos kyi snod du gyur ba la nye bar bstan par bya'o/ /gang zhig ji skad bstan pa la mi gus pa 'ba' zhig tu ma zad kyi/ gzhan yang/ gang zhig gti mug 'ga' zhig gis/ /bsgribs shid de nyid gegs byed pa/ /de la dge legs 'gro ba'ang/ /med na thar pa smos ci dgos/ /gti mug pa 'ga' zhig gis shes bya ba ni phrag dog dang ser sna dang le lo dang 'jigs pa dang nyan pa po la sdang ba la sogs pas so/ /gang zhig de kho na nyid nye bar bstan pa'i snod du gyur pa'i skye bo la de kho na nyid lta ba dang nyan pa la sogs pa'i ge byed pa de la ni des par ngan 'gror 'gro bas bde 'gro ste lta dang mi'i bdag nyid can yang sring pa med na/ de la thar pa'i gtam gyi go skabs su 'gyur ba lta smos kyang ci dgos 'dis rang dad gzhan gyi rgyud dag la gnod pa ci ma byas/ des na shes rab kyi sgro na ma phyogs kyi sgo ma lus pa khyab cing snang ba chos gsal ba dus gsum du mthu 'jug pa nyams pa med pa nyin re zhing ma rig pa'i mun pa gzhom pa'i

  418. 209b

    phyir snang ba'i tshogs 'phel bzhin par gyur pa/ 'gro ba'i bsam pa ma lus par snang bar nus pa rgyud la skye bzhin pa la gnod pa rjes su bsgrubs pa yin no/ /'di nyid kyang rang dang gzhan gnyis la gnod pa byed pa nyid du gzigs nas/ bcom ldan 'das kyis/ tshul khrims las ni nyams bla yi/ /lta las cis kyang ma yin no/ /zhes gsungs te/ tshul khrims nyams pa ni bla'i lta ba nyams pa ni ma yin no/ /zhes mdo las gsungs so/ /de'i phyir de bzhin gshegs pa'i gsung 'di 'thad pa dang bcas pa nyid du brjod pa'i phyir slob dpon gyis/ tshul khrims kyis ni bde 'gror 'gro/ /lta bas go 'phang mchog thob 'gyur/ /zhes bya ba smos so/ /tshul khrims nyams pa na/ gal te yang dag pa'i lta ba dang ldan pa 'phags pa rnams la bcom par mi 'gyur na/ chung du rang 'bring dang chen po'i rim pas skyes pa rnams la yi dags dang dud 'gro dang dmyal bar skye ba'i 'bras bu rnam par smin pa la 'di tsam zhig tu yongs su gcad pas 'jug la/ tshul khrims rnam par dag pa ni yang dag pa'i lta ba ma skyes pa so so'i skye bo rnams la mchog tu gyur par mtho ris 'bras bu can du 'gyur ro/ /lta pa nyams pa ni gal te ches chung bzhig yin no/ de yang rnam par smin pa che ba nyid du tshul khrims nyams pa grangs med pa brgya stong phrag dang mnyam par bya bar mi nus na/ pham par bya ba lta ci smos/ ci ste gang zag de la 'phags pa'i lam skyes bas rkyen las ci zhig ltar yang dag pa'i lta ba phun sum tshogs pa skyes nas ni de'i tshe 'di gdon mi za bar 'khor ba thog ma dang tha ma med par zhugs pa'i ma rig pa'i mun pa bsal nas sems can gyi khams ma lus pa mdun du bdor te mya ngan las 'da' bar 'gyur ro/ /da ltar na mkhas pas de kho na nyid la lta ba 'di ni shin tu

  419. 210a

    ngon che ba nyid du rig par byas te de mi nyams pa'i phyir 'bad par bya'o/ /de nyams pa'i 'jigs pa mthong ba 'dis ni thams cad la snod kyi khyad par nges par ma bzung bar snod ma yin pa rnams la bdag med par lta ba 'di bstan par bya ba yang ma yin te/ de la nye bar bstan pa ni don ma yin pa'i rgyu kho nar 'gyur ro/ /blun la nye bar bstan pa ni/ /'khrug par 'gyur gyi zhi phyir min/ /lag 'gro 'o ma 'thud ba ni/ /dug 'phel 'gyur ba 'ba' zhig bo/ /zhes kyang bshad do/ /bcom ldan 'das kyis kyang 'od srungs gang zag tu lta ba ri rab tsam ni bla'i/ /mngon pa'i nga rgyal can stong pa nyid du lta ba ni ma yin no/ /de ci'i phyir zhe na/ 'od srungs lta bar gyur pa thams cad la nges par 'byung ba ni stong pa nyid yin na gang stong pa nyid du lta ba de ni gsor mi rung ngo/ /zhes gsungs so/ /de nyid kyi phyir/ dam pa yin la bdag 'dzin mchog /bdag med ston pa ma yin te/ /bdag med pa'i chos la lhag par mos pa dang bral zhing bdag tu 'dzin par mngon par zhen pa dam pa'i chos ma yin pa la brten pas lta ba thibs pa'i rjes su 'brang ba'i mi la ni dam pa ma yin pa zhes bya ste/ dam pa ma yin pa de la ni des nyes par spyod pa ldog pa dang mthun pa'i phyir bdag bstan pa mchog yin no/ /'di ltar de ni bdag cag la chags pa dang rjes su 'bral pas bdag nyid la phan pa dang bde ba mngon par 'dod cing nyes pa sbyang pa las log pa la 'tshengs par sems la sdig pa las log pa des ni bde 'gror 'gro ba rnyed par sla bar yang 'gyur ro/ /bdag med pa'i chos ston pas ni spong ba dang phyin ci log tu rtogs pa dag gis 'di'i lus dang dag dang sems kyi rgyud 'joms par 'gyur ro/ /de'i phyir de

  420. 210b

    ltar na/ gcig ni ngan 'gror nyid 'gro la/ /tha mal ma yin zhi nyid du'o/ /bdag med par lta ba la log par zhugs pa'i mi mkhas pa ni ngan 'gro kho nar 'gro'i zhi bar ni ma yin no/ /gang zhig tha mal pa ma yin pa de ni zhi ba kho nar 'gro'i ngan 'gror ni ma yin no/ /tha mal gyi sgrin mchog ma yin pa'i tha tshig go/ mchog ma yin pa yang gang zhig ce na/ gang zhig stong pa nyid kyi don phyin ci log tu rtogs pa 'am spong ba'o/ /de bkag pas ni tha mal ma yin pa ste/ tha mal ma yin pa zhes bya pa ni mchog ces bya ba'i don to/ /stong pa nyid nye bar bstan pa gang zhig kho na las tha mal pa ngan 'gro'i mthar thug pa'i stong pa nyid bstan pa de nyid las tha ma la pa ma yin pa mya ngan las 'das pa'i mthar thug par 'gyur ro/ /stong pa nyid mthong pa'i rkyen gyis thams cad la chags pa spangs pa las las dang nyos mongs pa'i tshogs bcom pa ni nges par mya ngan las 'das pa'i go 'phang du nye bar 'gro'o/ /yang na dam pa ma yin gang zhig bdag med pa'i chos nyan pa de ni spings pa dang phyin ci log tu rtogs pas ngan 'gro kho nar 'gro la/ gang zhig mi nyan pa de ni bsod nams kyi las kyi rjen gyis bde 'gro nyid du'o/ /yang gang zhig dam pa ma yin pa dag la bstan par bya ba ma yin zhing/ dam pa dag la bstan par bya ba bdag med pa zhes bya ba 'di yang gang zhig ce na/ de bstan pa'i phyir bshad pa/ zhi sgo gnyis pa med pa dang/ /lta ba ngan rnams 'jig byed cing/ /sangs rgyas kun gyi yul gyur la/ /bdag med ces ni bya bar brjod/ /gang zhig zhi ba'i sgo gnyis pa med pa de ni/ /bdag med pa'o/ /gang zhig lta ba ngan pa rnams 'jig par byed pa de ni bdag med pa'o/ /gang zhig sangs rgyas thams cad kyi yul du gyur pa de ni bdag med pa zhes bya'o/ /de la bdag ces bya ba ni gang zhig dngos po rnams kyi gzhan

  421. 211a

    la rag ma las pa'i ngo bo rang bzhin te de med pa ni bdag med pa'o/ /de ni chos dang gang zag gi dbye bas gnyis su rtogs te chos kyi bdag med pa dang/ gang zag gi bdag med pa zhes bya'o/ /de la gang zag ces bya ba ni gang phung po la brten nas btags pa ste/ de ni phung po dag la rnam pa lngas brtsal ba ni mi srid do/ /chos ni phung po dang khams dang skye mched ces bya ba'i dngos po rnams so/ /de'i phyir chos de rnams dang gang zag la bdag nyid ji lta ba'i rgyu dang rkyen las rag las te/ skye ba'i phyir dang brten nas brtags pa'i phyir bdag gi rang gi ngo bor rang la rag las shing gzhan la rag ma las pa yong pa ma yin pas gang zag dang chos rnams rang bzhin med par rnam par bzhag go /don gang zhig la rang gi ngo bos grub pa ma yin pa de bdag nyid gzhan gang zhig gis 'grub par 'gyur/ de'i phyir dngos po rnam pa thams cad du rang gi mtshan nyid kyis ma grub pa brten nas sam nye bar blangs nas bslu ba'i bdag nyid du 'byung ba rnams ni blo blun pa'i chegs pa'i gzhir 'gyur la/ rang bzhin ji lta ba bzhin du yang dag par mthong ba rnams kyis bsgoms pa na chos dang gang zag gnyis la chags pa yongs su zad pa 'dren par 'gyur ro/ /chags pa yongs su zad pa ni mya ngan las 'das pa thob pa'i rgyu yin la/ rang bzhin med par lta ba las ma gtogs pa'i chos 'ga' zhig de ltar chags pa yongs su zad pa'i rgyu yod pa yang ma yin no/ /de nyid kyi phyir rang bzhin med pa'i mtshan nyid can gyi bdag med pa 'di ni zhi ba'i sgo gnyis pa med par 'gyur te/ mya ngan las 'das pa'i grong khyer du 'jug par bya ba la 'di gcig pu kho na zla med pa'i sgo yin no/ /gal te yang stong pa nyid dang mtshan ma med pa dang smon pa med pa zhes bya ba rnam par thar phyi?

  422. 211b

    sgo gsum yod mod kyi/ de lta na yang bdag med pa lta ba kho na gtso bo yin te/ chos ma lus pa bdag med par rig cing dngos po thams cad la chags pa ma lus bzad pa la 'gar yang 'ga' zhig /don du gnyer ba 'am mtshan mar dmigs pa ga la yod de'i phyir bdag med pa 'di ni zhi ba'i sgo gnyis pa med pa kho na zhig go /de nyid kyis phyir byang chub kyi tshogs las/ /rang bzhin med pas stong la stong pa ni/ /yin dang mtshan mas ci zhig byed par 'gyur/ /mtshan ma thams cad log par 'gyur ba'i phyir/ /mkhas pas ci ste smon lam 'debs par 'gyur/ zhes bshad do/ /'don? lta ba ngan pa rnams 'jig par byed pa ste/ lta ba ngan pa ni ngan par brtsis pa'i lta ba dag go /bdag med pa yin na ni dngos po rnams rnam pa thams cad du mi dmigs pas dngos po'i rang gi ngo bo yongs su brtags pa'i rten can lta ba ngan pa rnams gtan nas 'jig par mthod pa'i phyir bdag med pa 'di ni 'jig par byed pa'o/ /bdag med pa ni sangs rgyas kun gyi yul te sangs rgyas kun gyi zhes bya ba ni nyan thos dang rang sangs rgyas dang bla na med pa yang dag pa rdzogs pa'i sangs rgyas rnams kyi'o/ /ye shes kyi khyad par gyi yul nyid du gnas pa'i phyir na sangs rgyas kun gyi yul zhes bya'o/ /yang na yang dag par rdzogs pa'i sangs rgyas chos kyi sku? las tha ming dbar bzhugs ba thams cad kyi yin par bstan pa'i phyir sangs rgyas kun gyi zhes bshad do/ /khyad par gyi phreng gis ni slob dpon gyis chos thams cad da dag med par gsungs so/ /bdag med pa 'di ni dam pas skye bo blo zhan pa la bstan par bya ba ma yin te/ gang gi phyir/ chos 'di yi ni ming las kyang/ /dam pa min pa 'jigs pa skye/ /dam pa ma yin pa ni chos 'di gting thug par dka' zhing zab pa'i phyir bdag med pa'i sgra thos pa las kyang 'jigs pa skye'o/ /'di ltar/ gzhan la 'jigs pa mi skyed pa'i

  423. 212a

    stobs ldan zhes bya gang zhig mthong/ /bdag med par lta ba ni stobs dang ldan pa yin te/ dam pa ma yin pa'i lta ba thams cad drungs 'byin par nus pa'i phyir ro/ /dam pa ma yin pa'i lta ba ni stobs chung pa ste drungs dbyung bar bya ba yin pa'i phyir ro/ /gang stobs dang ldan pa la stobs chung ba 'jigs so/ /zhes bya ba 'di ni nges pa yang yin no/ /de'i phyir stobs chung zhing lta ba ngan pas sems kyi rgyud bdag gir byas pa la chos 'di bstan par mi bya ste/ 'jigs pa'i rgyu yin pa'i phyir ro/ /gal te lta ba ngan pa ril 'joms pa'i phyir chos 'di bstan par bya ba ma yin nam/ 'di ltar phas kyi rgol ba rnams ni gdon mi za bar chos dang mthun par tshar gcad par bya ba zhig ste/ de'i phyir rtsod pa don du gnyer zhing gzhan gyi lugs pham par bya bar 'dod par gyur pas chos 'di snod dag la nye bar bstan par bya'o zhe na/ bshad par bya ste 'di ni de ltar ma yin te/ 'di ltar chos 'di de bzhin gshegs rnams kyis/ /rtsod pa'i ched du ma gsungs so/ /gal te chos 'di rtsod pa'i ched du bstan par 'gyur na ni 'di de ltar 'gyur ba zhig dang/ 'di ni rtsod pa'i don du bstan pa ma yin te/ rnam par thar pa'i sgo nyid du bstan pa'i phyir ro/ /gal te yang de lta yin mod kyi/ /de lta'ang 'di ni gzhan smra rnams/ /bsreg ste me yis bud shing bzhin/ /rtsod pa'i don du ma bstan yang chos 'di ni pha rol po'i smra ba sel bar byed pa kho na'o/ /me nye bar len pa ni btso ba la sogs pa'i bya ba'i don du yin la bud shing bsregs pa'i don du ma yin mod kyi de lta na yang sreg par byed pa'i rang bzhin yin pas 'dod pa'i bya ba rjes su sgrub cing bung shing yang srog par byed do/ /me ji lta ba bzhin du chos thams cad rang bzhin gyis bdag med par shes pa yang dad ba can gyi rgyud la nye bar skye ba na de ltar shes par bya ste/ nyon

  424. 212b

    mongs pa'i 'chid pa thams cad sreg pa'i bdag nyid can yin pa'i phyir ro/ /yang ji ltar chos 'di dad pa can gyi rgyud la nye bar skye ba na pha rol po'i smra ba dag sreg par 'gyur zhe na bshad pa/ chos 'di gang gis shes gyur pa/ de ni gzhan la mi dga' ste ngaM? pa'i chos kyi de kho na nyid mthob pa'i bdud rtsi myangs pa ni de las gzhan pa'i lta ba'i rol mnog med par byed pa'i phyir de las gzhan pa'i lta ba thams cad la de mi dga' o/ /slob dpon dam pa'i chos kyi bdud rtsi'i ro myangs pa lta bur gyur pa skye bo blo dang ldan pa'i yid tshim par byed pa'i tshig? gsung ba/ des na bdag la chos 'di ni/ /'jig pa'i sgo dang 'dra bar snang/ /slar mi skye bas 'jig pa mthong ba'i phyir chos 'di ni bdag med pa'i chos rtogs pa'i rgyud la dam pa ma yin pa'i lta ba thams cad 'jig? pa'i rgyu yin no snyam du slob dpon la snang ngo/ /'di ni mi dmigs pa'i bdag nyid can yin pa'i phyir 'ga' zhig yang 'jig pa'i rgyu ma yin pas 'jig pa'i sgo dang 'dra bar zhes bshad do/ /yang na bstan pa'i chos la dgongs nas 'jig pa'i sgo dang 'dra bar zhes bshad do mya ngan las 'das pa ni gtan du ba'i 'jig pa yin la/ der rjes su 'jug pa'i sgo ni rnam par thar pa'i sgo stong pa nyid rtogs pa'i bdag nyid can yin la bstan pa'i chos kyang slob dpon la de dang 'dra bar snang ste/ ji ltar 'phags pa'i chos kyi rang bzhin thugs su chud par shes nas dad pa dang ldan pa lta ba gzhan mngon par mi 'dod pa de bzhin du lung gi chos rtogs pa yang gzhan la mi dga' o snyam du dgongs so/ /ci ste 'phags pa rnams la yang ci'i phyir 'di skrag pa'i rgyur mi 'gyur zhe na/ bdag la chags pa log pa'i phyir ro/ /gang la bdag la chags pa yod pa de ni de dang rjes su mthun pa'i dngos po'i lta ba 'dod kyi de dang mi mthun pas bdag med par lta ba ni ma yin no/ /de nyid du bdag med snyam du/ /da ltar gad la dgongs gnas pa/ /'phags pa

  425. 213a

    de ni yod pas kra la dga' / /med pas 'jigs par ga la 'gyur/ /gang zhig la phyi dang nang gi dngos po'i rang gi ngo bo yongs su mi rtog pa'i phyir zhes bya ba'i dngos po 'ga' yang rang bzhin gyis yod pa ma yin no snyam pa'i dgongs pa rnam par gnas pa de ni gang med par mthong ba las de bdag med pa las 'jigs par 'gyur ba yod par lta ba yod pas yongs su chim bar ga la 'gyur/ de nyid kyi phyir de dag gi rjes su chags pa dang khong khro ba dang bral ba'o zhes bya ste/ yod par ltar ba la rjes su chags pa med pa'i phyir la/ bdag med par lta ba la yang khong khro ba med pa'i phyir ro/ /de'i phyir gnyis la mi spyod cing rtsod pa med pa 'de ni mya ngan las 'das pa'i grong khyer du bde blag tu 'gro ste/ de'i phyir mya ngan las 'das pa dam pa'i gnas yin ba'i phyir na bdag med pa de de'i 'jigs pa'i rgyu ma yin no/ /dngos por lta ba la mngon par zhen pa'i mu stegs can mya ngan las 'das pa la g.yang sar 'du shes pa rnams ni mya ngan las 'das pa las 'jig rten gcod par byed cing skye bo sdug bsngal mdza' yas pa'i rgyu dngos por lte ba la sbyor ba na 'gro ba rnams kyi sdug bsngal mu mdza' med pa'i sa bon du gyur pa yin no/ /de'i phyir don min sa bon gyur pa yi/ /mu stegs can mdo mthong nas ni/ /chos 'dod pa yi skye bo la/ / su zhig snying mi brtse bar 'gyur/ /'jig rten 'di ni mu stegs byed kyi sprul dngos po dang dngos po med par lta ba dam pa ma yin pa'i tsher ma shin tu 'thibs pa'i tshed dang ldan pa rnams kyis lam bzang po nas bkug ste/ lta ba'i tsher ma'i tsha tshid? du bcu gnas thar pa'i cha dang mthun pa'i dge ba'i srog gi dbang po bcad pa'i sgo nas nyin re nyin re zhing gsod par byed do/ /gang zhig ci zhig ltar skyes bu'i byed pas bdag nyid de las yongs su grol bar byas nas lam bzang po la bten pa de ri

  426. 213b

    mdza' ? bshes chogs che zhing yang bar byin pa de las grol ba zhig sngar gyi rgud pa'i gtam thos pas snying zhu ba'i gnyan rnams kyis brtse bar bya ba yin pa de lta bu ste de dang 'dra par rnam bde lta bu'i skye bo rnams la byang chub sems da'i rigs can gang zhig snying brtse bar mi 'gyur/ snying brtse ba las kyang gus par byas te de la gang gis na 'dir slar yang mu stegs can gyi sbul dag gi phrogs bar mi 'gyur ba rang bzhin med pa'i lam nye bar bstan par bya'o/ /yang ci'i phyir sems can rnams dge ba'i bar bsam pa can yin yang phal cher mu stegs can rnams kyi lugs dang rjes su 'brel gyi bde bar gshegs pa ba'i dang ma yin zhe na/ de ni phra ba'i phyir ro/ /'di ltar rag pa mthong zhing bde bar gshegs pa pa rnams kyis gtsug lag khang dang kha zas dang chos gos la sogs pa mchog tu gyur pa dmigs nas lta ba phyin ci log pa rnams de bzhin gshegs pa'i gsung rab kyi don zab mo mkhas shing 'dzangs pas rig par bya ba'i gting mi dpogs shing mthong ba dang thos ba tsam gyis bslus pa na mu stegs can rnams kyi gzhung lugs dag la gus par byed do/ /ji ltar bde bar gshags pa pa rnams kyi chos 'di phra ba nyid dang/ de las gzhan ba rnams kyi rags pa nyid yin pa de ltar bstan pa'i phyir bshad pa/ shAkya gos med bram ze ste/ /gsum po rnams kyi'ang chos yid dang/ /mig dang rna ba yis 'dzin pa/ /de'i phyir thub pa'i gzhung lugs phra/ /bram ze rnams ni 'don pa snying por byed pa ste/ de rnams kyi de ni rna ba'i yul lo/ /gcer Tu ba dag ni gtsang sbrar spyod pa dang bral ba'i phyir lus dri nga ba'i 'dam 'phel bzhin pas gos shing khrus ras dang bral ba grang ba dang rlung dang nyi ma dang skra 'bal ba la sogs pa'i sdug bsngal gyi gzhir gyur pa rnams te/ de rnams kyi lugs de ni mthong bas go bar bya ba yin

  427. 214a

    te/ de'i phyir de rnams kyi chos ni mig gi rnam par shes par bya ba yin no/ /shAkya dngos po thams cad rang bzhin med par lta ba'i nyi mas sems kyi rgyud snang bar byas shing dam pa ma yin pa'i lta ba ma lus pas 'thibs shing tshang tshing du gyur pa'i ma rig pa'i mun pa bcom pa/ 'dus byas rmi lam dang mig 'phrul dang sgyu ma'i chung dang gzugs brlun dang sprul pa dang mtshungs par mthong ba/ nyon mongs pa'i dri ma ma lus pa bsal bas sems kyi rgyud de ma med par gyur pa rnams ni de ltar mnyam par gzhag pa dag kho nas nges par bya ba yin te/ de'i phyir de dag gi dge ba'i bsam pa ni yid kyi rnam par shes bas go bar bya ba yin pas thub pa'i gzhung lugs phra ba yin no/ /de'i phyir ma nges bas bsod nams 'dod kyang skye bo bde bar gshegs pa pa'i chos la mi 'jug go /'dir smras pa/ gal te blo rags pa'i phyir 'jig rten phyi rol pa la bsten nas 'jug na 'on 'dir yang de ltar rjes su sgrub bar gyis shig /phyi rol pa'i bya ba rjes su mi 'grub ste/ 'di ltar/ ji ltar bram ze rnams la chos/ /phal cher phyi 'chos brjod pa ltar/ /de bzhin gcer bu rnams la chos/ /phal cher blun po brjod pa yin/ /bram ze rnams ni bzlas brjod dang sbyin bsreg dang/ bkra shis dang 'gyod tshangs la sogs ba'i bya ba dag gis gzhan dag las rnyed pa dang bkur sti la sogs pa 'dod pas byi 'chos par 'dod do/ /de dag gi chos ni phal cher phyir 'chos pa zhig ste/ phyir 'chos gtso bo yin no/ /zhes bya ba'i don to/ chos 'di ni thar pa 'dod pa rnams la 'gal ba yin te/ 'khor ba'i rjes su mthun pa'i phyir la/ kha gsag gis rjes su rig pa'i bdag nyid can gyi nye ba'i nyon mongs pa mngon par 'phel ba'i rgyu yin pa'i phyir

  428. 214b

    shAkya rnams la ma bstan to/ /ji ltar thar pa'i bar du gcod par byed pa'i phyir bram ze rnams kyi chos phyi 'chos phal che ba thar pa 'dod pa rnams kyis spyad par bya ba ma yin pa de bzhin du gcer bu rnams kyi chos sems blun ba nyid du byed pa'i rgyu yang blun pa phal che ba'i phyir spyad par bya ba ma yin pas de ltar nye bar bstan pa rjes su mi sgrub po/ /gang gi phyir bram ze 'di rnams kyi chos phyi 'chos phal che ba de nyid kyi phyir 'jig rten phal cher/ ji ltar rigs ba blangs pa las/ /bram ze bus pa skye ba ltar/ /de bzhin nyon mongs blangs ba las/ /gcir bu pa la brtse bar 'gyur/ /ji ltar 'don par byed pa tsam gyis sems rangs par gyur ba'i 'jig rten ni rigs pa blangs ba las bram ze rnams la gus pa skye ba de bzhin du nyon mongs pa blangs ba las te mgo 'bal ba la sogs pa lus yongs su dub ba las gos med pa rnams la brtse ba skye'o/ /'dir rnams kyi lus yongs su nyon mongs ba'i sdug bsngal nyams su myang ba ni chos kyi ched du 'gyur ba 'di ni mi sred de nyes pa sbyar ba'i 'bras bu yin pa'i phyir ro/ zhes bstan pa'i phyir ro/ /sdug bsngal las kyi rnam smin phyir/ /ji ltar chos su mi 'gyur ba/ /zhes bya ba smos so/ /ji ltar sgren mos rgyu ba rnams kyi 'di ba'i sdug bsngal gyi nyams su myong ba yang dmyal ba'i sdug bsngal gyi nyams su myong ba bzhin chos kyi ched du mi 'gyur ba ltar bram ze rnams kyi yang/ de bzhin skye ba las kyi ni/ /rnams smin phyir na chos ma yin/ /gal te las kyi rnam par smin pa yin pa'i phyir mig la sogs pa ltar sdug bsngal dang skye ba chos su mi 'gyur na 'o na chos gang zhig yin zhe na/ bshad par bya ste/ chos ni mdor na mi 'tshe bar/ /de bzhin gshegs pa rnams kyis gsungs/ /'tshe ba ni gzhan la gnod par zhugs pa'i phyir sems can la gnod pa'i

  429. 215a

    bsam pa dang/ nges kun nas bslang ba'i lus dang ngag gi las yin la/ mi 'tshe ba ni de las bzlog pa'i sgo nas dge ba bcu'i las lam mo/ /gang yang cung zad gzhan la phan 'dogs pa de thams cad kyang mi 'tshe ba'i khongs su 'du ba yin no/ /de bzhin gshegs pa rnams kyis chos ni mdor bsdu na mi 'tshe ba de nyid yin no/ /zhes bstan to/ /stong nyid mya ngan 'das par te/ /'dir ni de gnyis 'ba' zhig go/ rang bzhin stong pa nyid du gang bshad pa de nyid sangs rgyas bcom ldan 'das rnams kyi mya ngan las 'das par gsungs so/ /sdug bsngal phung po lnga'i rang bzhin can gtan nye bar zhi ba gang yin pa de ni mya ngan las 'das pa yin la rang bzhin gyis ma skyes bar mthong ba'i dus su yang sdug bsngal rang bzhin gyis ma skyes par khong du chud pas phyin ci log zad pa yin dang de slar yang rnam pa gzhan du 'gyur bas yongs su brtags pa mi srid ba'i phyir sdug bsngal 'gag pa kho na'o snyam du dngos po rnams rang bzhin gyis stong pa nyid du mthong ba nyid mya ngan las 'das pa'o/ /zhes de bzhin gshegs pas gsungs kyi dngos po'i rang bzhin gyi ngo bor slar mi skye ba mya ngan las 'das pa yin no /zhes bya bar ni ma yin ta rang bzhin la ldog pa med pa'i phyir ro/ /de'i phyir rang bzhin gyis ma skyes pa mthong ba kho na mya ngan las 'das pa yin no/ /mi 'tshe ba dang stong pa nyid ces pa'i chos de gnyis ni mtho ris dang byang gror thob par byed pa ste de'i phyir 'dir ni de gnyis 'ba' zhig go / 'ba' zhig ces bya ba ni yongs su dag pa ste/ de bzhin gshegs pa'i bstan pa 'di kho nar 'di gnyis ches yongs su dag par dmigs kyi gzhan du ni ma yin no/ /zhes rang dang gzhan gyi bdag nyid la mtho ris dang byang grol gyi bde

  430. 215b

    ba yang dag par bskyed par 'dod pas rtog par bya'o/ yang ci'i phyir phyi rol pa 'di dag bde bar gshegs pa'i bstan pa 'di mthong bzhin du yang chos gnyis po 'di la mi gus she na/ rang gi phyogs la chags pa'i phyir ro/ /'di ltar/ rang phyogs 'jig rten thams cad la/ /skyes pa bzhin du sdug 'gyur na/ /de yi ldog par byed pa'i rgyu/ /khyod la gang gis sdug par 'gyur/ /rang gi phyogs la chags pa ni 'khor ba thog ma med pa nas goms pa zhig ste/ rang gi skye ba'i gnas ltar 'jig rten gyi de yongs su btang bar mi nus te/ de'i phyir rang gi lta ba la mngon par zhen pas byis pa rnams de bzhin gshegs pa'i chos 'di la mi 'jug go /mkhas pas rang skye ba'i sa yin yang rgud pa'i rgyur gyur ba la re ba spangs nas 'byor ba byang ba'i yul la brten par rigs la/ 'di ji ltar yin pa de ltar rang gi phyogs la chags pa spangs nas gzhan gyi phyogs yin yang yon tan dang ldan pa la yid gzhug par bya'o/ /de'i phyir de ltar phyogs su lhung ba med par gyur bas/ rigs pa'i don ni gzhan las kyang/ /blo ldan legs pa 'dod pas blangs/ /nyi mas sa stengs mig ldan la/ kun gyi spyi thun ma yin nam/ /blo gros dang ldan pa bdag nyid kyi yin pa lta bur sems pas gang la lar legs par bshad pa dmigs pa de de las blang bar bya'o/ /chos 'di 'ga' zhig tu phrag dog gis gnas pa ni ma yin te/ thams cad du ngo bo mtshungs pa'i phyir ro/ /dper na thams cad la rjes su chags pa dang khong khro ba dang bral ba'i phyir nyi ma snang ba'i bya ba la mig dang ldan pa thams cad la thun mongs pa yin pa de bzhin du chos 'di yang gal te bsgrubs pas rdzogs par 'gyur na/ rang gi sde pa dang gzhan gyi sde pa thams cad la phan 'dogs pa yin no/ /de'i phyir de ltar rig par byas nas gus pa dang ldan pas chos 'di bdag tu bya ba rigs so// //

  431. 216a

    slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya ba las blta bar byas pa dgag pa sgom pa bstan pa zhes bya ba ste rab tu byed pa bcu gnyis pa'i 'grel pa'o// // 'dir rigs pa'i don ni gzhan las kyang/ /blo ldan legs par 'dod pas blang/ /zhes gang smras na/ gang zhig blo dang ldan pas blang bar bya ba rigs pa'i don de yang gang zhig yin zhes 'dzer to/ /bshad par bya ba ste/ phyi dang nang gi dngos po thams cad rang bzhin gyis bdag med par mthong ba'o/ /gal te dngos po thams cad rang bzhin med pa zhes bya ba 'di nyid rtogs par mi nus te/ yod pa ma yin pa'i bong bu'i rwa la sogs pa la ni mngon sum nyid yod pa ma yin no/ /bum pa la sogs pa rnams dang sngon po la sogs pa rnams ni mngon sum yod pa nyid yin no/ /de'i phyir bum pa la sogs pa'i dngos po thams cad rang bzhin dang bcas par yod pa kho na'o zhe na/ 'di ni mi rigs te 'di ltar/ gzugs mthong chen bum pa ni/ /thams cad kho na mthong mi 'gyur/ /bum pa mngon sum zhes bya ba'ang/ /de nyid rig pa su zhig smra/ /'ang gi sgras ni de'i nye bar len pa sngon po la sogs pa dag kyang mngon sum yin no/ zhes de kho ni nyid shes pa su zhig smra bar 'gyur/ /de la kha cig gis ni bum pa yon tan gsum yongs su 'gyur ba'i ngo bor rtogs la/ yang gzhan dag gis ni bum pa zhes bya ba yan lag can gyi rdzas yan lag las tha dad pa mthong ba dang/ reg pa'i dbang pos bzung bar bya ba yin par rtogs te/ de dag gi yang dngos po rtag pa las skyes pa/ ji lta bur na mi rtag 'gyur/ /nam yang rgyu dang 'bras bu gnyis/ /mtshan nyid mi ldan mthong ma yin/ /zhes bkag pa'i phyir bum pa nyid yod pa ma yin pas de'i mngon sum nyid ga la yod/

  432. 216b

    gal te de ltar mi srid na 'o na ji ltar bum pa 'di rnam par bzhag par rig par bya zhe na/ de bshad par bya ste/ 'byung ba chen po bzhi dang rgyur byas pa'i gzugs bzhi ste/ rdzas brgyad po de dag la brten nas bum pa 'dogs te/ ji ltar bud shing la brten nas med dang/ rtsa dang shing la sogs pa la brten nas khyim dang phung po dag la brten nas bdag tu 'dogs la/ de yang rang gi rgyu las rnam pa lngas btsal na ma dmigs pa de bzhin du rang gi rgyu la brten nas sbrang rtsi dang chu dang 'o ma 'chu zhing 'dzin par nus pa mthong ba'i dbang pos go bar bya ba yin pas 'jig rten gyi mngon sum du gyur pa'i bum pa nye bar len pa po nyid du rnam par bzhag gis/ ji skad bshad pa'i brten nas btags pa 'di khas blangs par rtog pa gzhan gyis bum pa rnam par bzhag par nus pa ma yin no/ /gang zhig gzugs la sogs pa las ma gtogs par bum pa gzhan du ma dmigs pa'i phyir gnas skabs de lta bu'i gzugs la sogs pa dag kho na la bum pa'i blor 'gyur gyi bum pa zhes bya ba dngos po 'ga' zhig yod pa ni ma yin no/ snyam du sems dpa' de ltar rgol bde ltar na rtag tu 'bar ba nyid la sogs pa'i nyes par thal bar gyur pa'i phyir bud shing las ma gtogs par las med par gyur pa'i me'i yod pa nyid med pas de yang blos yongs su btags pa tsam du 'gyur la/ de bzhin du 'byung ba rnams dang sems dang sems las byung ba rnams phan tshun med par 'byung bar ma grub pa'i phyir bum pa bzhin du blos btags ba tsam nyid du 'gyur zhing rang gi ngo bos 'grub par mi 'gyur na/ 'di ni de ltar 'dis khas blangs pa yang ma yin no/ /de'i phyir bum pa la sogs pa rnams sems dang sems las byung ba lta bu dang/ 'byung ba chen po bzhin du rten cing 'brel par 'byung pa 'am brten nas brtags par cis te khas mi len te/ de'i phyir bum pa rdzas brgyad kyi nye bar len

  433. 217a

    bcan rang gi nye bar blangs pa'i nye bar len pa por gyur cing nye bar len ba'i bya ba byed pa po 'jig rten gyi mngon sum du gyur pa'i yan lag can de ltar rnam par gnas pa yin dang 'di rnam par byed de/ gzugs mthong tshe na bum pa ni/ thams cad kho na mthong mi 'gyur te/ bum pa rdzas brgyad kyi bdag nyid can yin pa'i phyir ro/ /mig gis ni gzugs gcig pu mthong gi dri la sogs pa par? ni? ma yin te yul tha dad pa'i phyir ro/ /de'i phyir bum pa thams cad mig gis mi mthong ba'i phyir na dngos po'i rang gi ngo bo rnam par ma phye bas 'jig rten ci rung rung ltar rang gi rtog pa tshad mar byas nas bum pa bdag gi mngon sum yin no zhes smra la rag mod gang zhig rnam par 'byed par byed cing dngos po'i rang gi ngo bo la mkhas pa gang phyogs gcig mthong bas ril mthong bar srid par mi byed pa de ni bum pa mngon sum mo zhes bya ba rnam pa de lta bur smra bar mi 'os so/ /'di la rtog ge ba rnams na re bum pa la mngon sum nyid yod pa ma yin pa kho na ste/ gzugs la sogs pa rnams kyi rang gi mtshan nyid ni bstan du med pa yin la/ mngon sum gyis bsnyad par bya ba'i mig la sogs pa'i rnam par shes pa'i yul yin pa'i phyir mngon sum zhes bya bar 'dogs so/ /bum pa ni blos yongs su brtags pa tsam yin pa'i phyir rang gi mtshan nyid du yod pa ma yin la/ gang la rang gi mtshan nyid yod pa ma yin pa de la ni dngos kyi gnas pas mngon sum nyid mi srid ba 'ba' zhig tu ma zad kyi de la brtags pa'i mngon sum nyid kyang mi rung ngo/ / de'i phyir mngon sum nyid 'gog pa dgos pa med pa'i phyir sgra la mig gis gzung bar bya ba 'gog pa ltar bum pa 'di la yang 'gog par rigs pa ma yin no zhes zer ro/ /rtog ge pa 'di ni 'jig rten pa'i don dag la gtan ma byang

  434. 217b

    pa'i phyir byis pa gzhon nu ltar je dang po kho na nas sbyang bar bya bar gyur pa yin pas de bstan par bya ba'i phyir khyod kyi mngon sum gang zhig yin zhes brgal zhing brtag par bya'o/ /smras ba shes pa mngon sum yin no/ /shes pa'i 'dra ba zhig /gang rtog pa dang bral ba'o/ /rtog pa yang ci zhig /gang don la ming dang rigs su lhag par sgro 'dogs par zhugs pa'i 'du shes g.yer po ste de dang bral ba'i phyir dbang po'i rnam par shes pa lnga ni yul gyi rang gi mtshan nyid brjod du med pa tsam zhig la 'jug pa'i phyir mngon? sum gyi sgra brjod par bya ba ste/ dbang po dang dbang po la gnas pa'i phyir ro/ /'o na dbang po'i rnam par shes pa'i skad cig ma gcig ji ltar mngon sum nyid yin/ de ni dbang po dang dbang po la brten nas 'jug pa ma yin te/ thun mongs ma yin pa'i phyir dang/ dbang sum gyi sgra brjod par bya ba ste/ dbang po dang dbang po la gnas pa'i phyir ro/ /'o na dbang po'i rnam par shes pa'i skad cig ma gcig ji ltar mngon sum nyid yin/ de ni dbang po dang dbang po la brten nas 'jug ba ma yin te/ thun mongs ma yin pa'i phyir dang/ dbang? bo dang rnam par shes pa'i skad cig dag skyes ma thag tu 'jig pa nyid kyi phyir ro/ /gal te rnam par shes pa'i tshogs lnga ni bsags pa'i rten dang dmigs pa can yin pas dbang po'i rdul phra rab dang yul gyi rdul phra rab re re zhing rten nyid dam dmigs pa nyid du rtogs pa ma yin te/ rab rib can gyi skra shang re re logs su ma mthong ba'i phyir ro/ /tshogs pa'i nang na gnas pa re re yang rgyu'i dngos po yin pa ltar mig la sogs pa'i rdul phra rab tshogs pa rnams ni re re zhig rgyu nyid yin no zhe na/ dpe mi mthun pa zhig ste/ rab rib med pas skra re re nas mthong ba'i phyir mig la gnod pa yong na mi mthong bar 'gyur na/ dbang po'i rdul phra rab rnams la ni tshogs pa'i gnas skabs las phyi rol du rdul phra rab re re rang gis rnam par shes pa'i rten nyid du ma mthong bas tshogs pa la gnas pa rnams la re re rten nyid du brtags pa 'di mi rigs so/ /bye ma la nus ba cung zad tsam zhig ma dmigs nas tshogs pa la gnas pa la yang de dang mthun par brtag par rigs par 'gyur ro/ /'di ltar rtsa gcig la sha sbrang

  435. 218a

    dang sbrang bu mchu rings la sogs pa'i rkang pa 'ching ba'i nus pa dmigs nas de dag gi tshogs pa la glang po che 'ching ba'i nus pa'i bar srid la/ de bzhin du til rnams la re re la 'bru mar nyung zad tsam 'byin pa'i nus pa yod dang tshogs pa rnams la 'bru mar bum pa gang 'byin pa yang srid na tshogs pa la ltos pa'i dbang po'i rdul phra rab rnams la ni de ltar re re rnam par shes pa'i rten nyid du yod pa ma yin pas rdul rab la ltos nas kyang gnod pa mi srid do/ /de'i phyir dbang po'i rdul phra rab la brten nas mig gi dbang po zhes bya brdul phra rab dag dang de nyid dang gzhan nyid rtog pas stong pa rang gi rnam par shes pa'i rten du gyur pa brten nas btags pas 'jig rten par gyur pa yul la lta ba'i bya ba can zhig yod pa ma yin la de yang skad cig ma nyid kyi phyir rang gi rnam par shes pa dang ldan/ cig 'gags pas gnod pa ga la srid/ de'i phyir shes pa gang zhig dbang po dang dbang po la gnas pa de ni mngon sum mo zhes bya ba mi rigs so/ /ci ste rnam par shes pa'i tshogs pa bdag nyid ji lta bu'i dbang po dag la gnas pa'i phyir de skad du bye brag tu bshad par 'gyur ro/ snyam na 'di yang yod pa ma yin no/ /gang las she na/ mig gi rnam par shes pa'i skad cig ma gcig la de ltar bye brag tu bshad pa mi srid pa'i phyir la/ tshogs pa rdzas su med pa la yang dbang po la brten pa nyid med pa'i phyir ro/ /brten nas btags pas rnam par shes pa'i brten du gyur pa mig gi dbang po'i rnam par bzhag pa ji ltar yin pa de bzhin du gzugs la sogs pa rnams kyi rnam par bzhag pa yang rig par bya ste/ de dag kyang brten nas btags pa na rnam par shes pa'i rten yin pa'i phyir ro/ /de ltar na rnam par shes pa la mngon sum du rtogs pa mi rigs so/ /yul la ni rigs te/ de la ni zla ba tshes pa la sogs pa cig char rgyud du ma

  436. 218b

    las skyes pa'i dbang po'i yul nyid mthong ngo/ /'jig rten pa'i don la 'jig rten pa'i mthong ba spangs nas don gzhan la brten par rig pa yang ma yin no/ /de'i phyir 'jig rten na yul kho na dngos kyi 'jug pas mngon sum yin la shes pa ni btags pa las so/ / gzhan gyi ltar na ni mngon sum gyi sgra shes pa la dngos su yin la yul la btags pa yin no/ /de ni 'jig rten pa ma yin te/ 'jig rten la de ltar kun tu tha snyad med pa'i phyir ro/ /de'i phyir de ltar 'jig rten pa'i tha snyad gnas pa yin dang 'jig rten kho na las bum pa mngon sum mo zhes bya bar brjod par rigs kyi/ rang bzhin tshol ba'i dus su de nyid rig pas de skad du smra bar 'os pa ma yin te/ bum pa'i rang gi ngo bo rnam pa thams cad du ma dmigs pa'i phyir ro/ /'jig rten pa'i rnam par shes pa la ni bum pa yang mngon sum yin zhing gzugs la sogs pa dag kyang mngon sum yin la de'i nye bar len pa rnams kyang mngon sum yin pas nyes pa med do/ /gang yang 'dis dbang po'i rnam par shes pa 'di mngon sum nyid du sko btags nas gzhan chod ma nyid du rtog par byed pa de yang ches shin tu ma 'brel ba zhig go /mi bslu ba'i shes pa ni 'jig rten na tshad ma nyid du mthong na rnam par shes pa yang bcom ldan 'das kyis 'dus byas yin pa'i phyir brdzun pa bslu ba'i chos can dang sgyu ma lta bur gsungs so/ /gang zhig brdzun pa bslu ba'i chos can dang sgyu ma lta bu yin pa de ni mi bslu ba ma yin te/ rnam pa gzhan du gzhan pa'i dngos la rnam pa gzhan du snang ba'i phyir ro/ /de lta bur gyur pa ni tshad ma nyid du brtag par rigs pa ma yin te/ rnam par shes pa thams cad kyang tshad ma nyid du thal bar 'gyur pa'i phyir ro/ /de'i phyir rtog ge ba 'di gal te rtog ge'i chang 'thungs pas myos pas smyos par ma gyur na ni rten cing 'brel par 'byung ba dang/ brten nas brtags pa zhes bya ba lam bzang po spangs nas mu stegs can

  437. 219a

    gyi gzhung las bstan pa'i dngos po rnams gsal bar byed pa dam pa ma yin pa'i tshig khyal gyi tshogs ches brtel par mi 'gyur ba zhig go /'jig rten yang phal cher ma'i bzhin ltar dpyod cing 'jig rten dang 'jig rten las 'das pa'i dngos po gnas pa la rnam par rmongs pa 'dis rang gi rtog pa tsam gyis sbyar zhing mtho ris dang thar pa'i lam la bar du gcod par byed pa shin tu don med par rtog ge ba'i lam la bkod pa yin no/ /de'i phyir 'dir smyo chu 'thungs pa ltar don med pa'i dag 'khyal las bzlog par mi nus so/ /spros pas chog go /bum pa mngon sum yin pa bsal ba 'dis ni mthong ba'i yul gyi dngos po thams cad mngon sum nyid yin pa bsal bar rig par bya'o/ /ji ltar ji skad bshad pa'i tshul gyi bum pa la sogs pa rnams mngon sum nyid yin par mi rigs pa de ltar de las gzhan pa'i dbang pos yongs su bcad par bya ba brten nas gdags pa bsnams par bya ba dang myang par bya ba dang reg par bya ba rnams mngon sum nyid yin pa bsal ba'i phyir bshad pa/ rnam par dpyad pa 'di nyid kyis/ blo mchog ldan pas dri zhim dang/ /mngar dang 'jam pa thams cad dag/ so sor dgag par bya ba yin/ /dri zhim zhes bya ba 'dis ni snas yongs su gcad par bya ba sna ma'i me tog dang pad+ma dang utpa la dang tsandan la sogs pa sna'i dbang po'i yul mdza' dag nye bar mtshon par byed do/ /gzugs la sogs pa mthong ba med par mun khung du yang dri tsam 'dzin pa'i phyir ro/ /de bzhin du mngar dang zhes bya ba 'dis kyang bu ram dang lan tshwa dang ni ma las so pa lce'i dbang po'i yul thams cad nye bar mtshon par byed do/ /'jam pa zhes bya ba 'dis ni shing bal dang bye ma dang rdo ba la sogs pa lus kyi dbang po'i yu thams cad nye bar mtshon par byed do/ /de dag

  438. 219b

    kyang rdzas brgyad kyi nye bar len pa can yin bas bdag nyid ji lta ba'i dbang po dag gis yul re re 'dzin pa yin dang rnam pa thams cad ma 'dzin pa'i phyir sna ma'i mtog dang raM dang shing ba la sogs pa dag bdag gi mngon sum yin no/ /zhes de kho na nyid shes pa su zheg smra/ sgra dgag pa ni phyis rgyas par 'chad do/ /ci ste bum pa gzugs las tha dang pa med mod kyi gzugs kyis de khyab par byas nas ni gnas pas gzugs mthong bas bum pa thams cad mthong bar 'gyur ro zhen/ 'di yang snying po med do zhes bstan pa'i phyir bshad pa/ gal te gzugs mthong ba yis de/ /thams cad mthong par 'gyur na ni/ /ma mthong pa yi gzugs mthong ba/ /mthong ba min par cis mi 'gyur/ /gal te gzugs tsam zhig mthong bsam mthong yang bum pa thams cad kho na mthong bar 'gyur na ni bum pa mthong pas mthong ba gzugs mthong ba ma yin par ci'i phyir mi 'gyur/ yang na 'di ni don gzhan yin te bum pa rdzas brgyad kyi nye bar len pa can yin yang gal te rdzas gcig gzugs mthong bas ril mthong bar rtogs na ni re zhig de dag dang so sor mi ngas pa'i gzugs de nyid de de las gzhan rdzas bdun ma mth+ng bas nam mthong ba yn no zhes ci'i phyir mi rtog rtog /'jig rten na yang pha che bas brjod pa ste mon sran sde'u la sogs pa yod kyang mon sran gre'u? gi phung pos bsnyad pa bzhin no/ /de'i phyir de ltar na ma mthong pa yis te dri la sogs pa yongs su ma bcad pas mthong ba'i gzugs kyang mthong pa ma yin pa nyid du 'gyur ro/ /de'i phyir gzugs nyid mngon sum ma yin pa'i phyir bum pa yang mngon suM nyid du mi rigs so/ /ci ste ji skad bshad pa'i rnam par dpyad pas bum pa la mngon sum nyid mi srid mod/ bum pa'i gzugs ni re zhig mngon sum yin te/ de'i phyir rgyud nas bum pa yang mngon sum nyid du 'gyur ro snyam du sems na 'di ni yod pa ma

  439. 220a

    yin no/ /gzugs la mngon sum nyid yod na ni 'di de skad du brjod par 'gyur pa zhig na/ gzugs la mngon sum nyid srid pa ni ma yin no zhes bstan pa'i phyir bshad pa/ gzugs ni 'ba' zhig kho na la/ /mngon sum nyid ni long ma yin/ /gang phyir de la dang pha rol gyi/ /cha dang tshu rol dbus yod phyir/ /dri la sogs pa dang 'brel pa brjod par mi 'dod pa'i gzuT 'ba' zhig la yang rnam thaM cad? tshu rol dad kyil dang pha rol gyi cha rnams mthong ba'i phyir mdzen suM nyid mi rigs so/ /tshu rol dang pha rol dang dbus kyi tsha de dag la yang slar tshu rol dang pha rol dang dbus kyi cha gzhan dag yin la de dag la yang gzhan yin zhing de dag la yang gzhan yin no/ /zhing de ltar rna bar phye ba nag gzuT te rdul phra rab kyi mthar thug nas gnas so/ /brtogs bzhin pa'i rdul je la yang mdun dang rgyab kyi phyogs kyi cha'i dbye pa dang/ tshu rol dang dbus dad pha rol gyi cha'i dbye ba las cha shes yod med ces/ dpyad pa der yang 'jug par 'gyur/ /gal te de la mdun dang rgyal kyi cha'i dbye ba dag yod na ni de'i tshe buM pa ltar de'i rdul phra ra rab nyi nyams par 'gyur ro/ /ci ste med na de ltar na yang gsal byed med cid ma bzung ba'i ngo bo can de la yod pa nyid med do/ /de'i phyir de la mngon sum nyid srid par ga la 'gyur/ /de'i phyir bsgrub par bya ba yis/ /bsgrub bya 'grub par mi 'thad do/ / de'i phyir de ltar na mngon sum nyid ma grub par mi 'thad do/ /de'i phyir de ltar na mngon sum nyid ma grub cing bsgrub par bya bar gyur pas bsgrub par bya ba ste dngos po rnams rang bzhin dang bcas pa nyid du gzhan gyi khas blangs grub pa/ mi 'thad do/ /gzhan yang dbang po gzugs can gyis bzung par bya ba'i don yongs su brtags pa na/ kun kyang yan lag tu gyur na/ slar yang yan lag can du 'gyur/ /bum pa ni yan lag gyo mo la bltos nas yan lag can yin la/ gyo mod

  440. 220b

    dag kyang rang gi yan lag la bltos nas yan lag can du 'gyur ro/ /de bzhin du rdul phra rab kyi bar du sbyang par bya'o/ /de yang rdzas brgyad la bltos nas sam mdun dang rgyab dang dbul kyi cha la bltos nas slar yang yan lag can yin pas 'ga' la yang rang gi ngo bos yan lag nyid dang yan lag can nyid yod pa ma yin te/ de'i phyir bum pa la sogs pa rnams la mngon sum nyid med do/ /ji ltar rdul phra dpal rnaM par dpyad pa de bzhin du ming gi mthar gnas pa'i yi ge la yang ste/ rdul phra rab ltar ma grub pa'i phyir ro/ /de'i phyir yi ge brjod pa yang/ /'di na yod pa ma yin no/ /yi ge brjod pa yang mi srid ngo snyam du dgongs so/ /rnam pa gcig tu na bum pa la sogs pa med na de'i brjod par byed pa yi ge yang mi srid de/ don med na shes pa dang brjod pa dag 'jug pa mi srid pa'i phyir yi ge brjod pa yang 'di na yod pa ma yin no/ /gang dag gzugs kyi skye mched kha dog dang dbyibs kyi bdag nyid rnam pa gnyis su rnam par bzhag ste de'i sgo nas bum pa mngon sum nyid du rtog par byed pa de dag la brjod par byed pa ste/ 'dir dbyibs 'di rtog pa na kha dog las gzhan nyid dam/ gzhan ma yin pa nyid du rtog grang na/ de la re zhig /gal te mdog las dbyibs gzhan na/ ji lta bur na dbyibs 'dzin 'gyur/ /sngon po la sogs pa'i kha dog ni mig gi dbang po'i yul yin na/ gal te de las dbyibs par gyur ina kha dog las tha dad pa'i phyir sgra la sogs pa ltar mig gi gzung byar mi 'gyur ba zhig na/ kha dog ltar mig gis 'dzin pa yang yin pas de las gzhan ma yin no/ /ji ltar sngon po dang ser po la sogs pa tha dad pa rnams las gang yang rung ba gcig bzung nas cig shos kyang 'dzin pa de ltar kha dog las gzhan pa'i gzugs ni mi 'dzin to/ /'on te gzhan min na lus kyis/ /mdog kyang cis te mi 'dzin 'gyur/ /gal

  441. 221a

    te ji skad bshad pa'i skyon spang bar 'dod pas dbyibs kha dog las gzhan ma yin par rtog na ni ji ltar mun khung du lus kyis ring po la sogs pa 'dzin pa de bzhin du de las tha mi dad pa'i phyir dbyibs ltar kha dog kyang ci ste mi brtsin te bzung/ dgos na 'dzin pa yang ma yin no/ /de'i phyir dbyibs 'dzin yang ma bzung ba'i phyir kha dog las dbyibs gzhan ma yin pa ma yin no/ /de nyid dang gzhan nyid du rtog pa las ma rtogs par rtog pa gzhan bzhag par nus par ma yin no/ /de'i phyir kha dog ltar dbyibs kyang mi rigs la/ de med pas kyang 'ga' la yang mngon sum nyid yod pa ma yin no zhes bya bar 'grub po/ /'dir smras pa/ gzugs kyi skye mched ni yod pa kho na te de'i rgyu yod pa'i phyir ro/ /'dir gzugs kyi rgyu ni 'byung ba chen po bzhi yin la/ de dag ni de zhig yod pa yin no/ /de dag yod pas de dag gi 'bras bus gzugs kyi skye mched kyang yod par 'gyur ro zhes smra'o/ /'di yang yang dag pa ma yin no/ /zhes bstan pa'i phyir bshad pa/ gzugs ni lta zhig ma rtogs par/ /gzugs kyi rgyu ni mi snang ngo/ /rdzas brgyad lhan cig 'byung ba nges pa 'byung ba chen po bzhi ma gtogs par gzugs mi dmigs la/ gzugs kyi skye mched ma gtogs par yang gzugs kyi rgyu mi dmigs so/ /gzugs kyi skye mched ni mig gi dbang pos bzung bar bya ba yin la/ gzugs kyi rgyu ni lus kyi dbang pos bzung bar bya ba yin no/ /de'i phyir gal te gzugs kyi rgyu zhes bya ba cung zad cig rang gi ngo bos 'grub par 'gyur na ni de'i tshe/ gzugs kyang rang gi ngo bos grub par 'gyur ba zhig na/ gzugs kyi rgyu gzugs las tha dad par grub pa gang yin pa 'di ni srid pa yang ma yin no/ /de'i phyir gzugs kyi rgyu med na rgyu med pa'i gzugs kyang yod pa ma yin no zhes bya bar grub bo/ /ci ste 'o na ni tha dad pa ma yin par gnas pa'i gzugs kyi rgyu las

  442. 221b

    gzugs yin par rag go snyam du sems na/ de yang srid pa ma yin no/ /gal te de ltar 'gyur na ni/ /gnyi ga yang ni mig nyid kyis/ /'dzin par ci yi phyir mi 'gyur/ /gzugs kyi rgyu yang gzugs las tha mi dad pa'i phyir mig gi dbang pos rgyu dang 'bras bu gnyis ka mang 'dzin par 'gyur na 'di ni srid pa ma yin te/ dbang po tha dad pa'i yul yin pa'i phyir dang/ mtshan nyid tha dad pa'i phyir ro/ /de nyid bstan pa'i phyir bshad pa/ sa ni bstan zhes bya bar mthong/ /de yang lus kyis 'dzin par 'gyur/ /'dzin pa'i las kyis rten gyi dngos por gnas pa'i phyir rten nyid yin pas brtan pa nyid kyis nas ni brtan pa zhes bya bar mthong la/ de yang lus kyis 'dzin te de'i sra ba lus kyi dbang po'i bzung bya yin pa'i phyir ro/ /gang gi phyir 'di de ltar yin pa/ nges na reg pa 'ba' zhig 'di/ /sa'o zhes ni bya bar brjod/ /gzugs kyi skye mched ni mig gi dbang po'i bzung bar bya'o/ /de'i phyir de ltar na rgyu dang 'bras bu gnyis tha mi dad pa med de/ mtshan nyid tha dad pa'i phyir dang/ 'dzin par byed pa tha dad pa'i phyir ro/ /tha dad pa yod na yang rgyu med pa'i smra bar 'gyur ro/ /de nyid dang gzhan nyid dang bral ba'i dngos po 'di 'ga' zhig la rang gi ngo bos yod pa nyid du rtag par rigs pa yang ma yin te/ de'i phyir gzugs kyi rgyu yod pa ma yin no/ /gzugs kyi rgyu med na yang gzugs rang gi ngo bos yod pa ma yin no zhes bya bar grub po/ /de nyid kyi phyir bcom ldan 'das kyis/ gang dag nga la gzugs su mthong/ /gang dag nga la sgrar shes pa/ /log par spong ba zhugs pa ste/ /skye bo de dag nga mi mthong/ /'o na ji ltar blta bar bya zhe na/ sangs rgyas rnams ni chos nyid lta/ /'dren pa rnams ni chos kyi sku/ /chos nyid shes bya ma yin te/ /di ni shes par nus ma yin zhes gsungs so/ /'dir kha cig dag na re bum pa ni rang gi ngo bos blta bar bya ba ma yin zhing/ blta bar bya ba ma yin pa'

  443. 222a

    ma yin mod kyi/ blta bar bya ba nyid dang 'brel ba las blta bar bya bar ni 'gyur na/ blta bar bya bar gyur pas kyang mngon sum du 'gyur ro zhes zer ro/ /'di yang mi rigs so zhes bstan pa'i phyir bshad pa/ blta bya skyes pas bum pa ni/ /'di la yon tan 'gar mi 'gyur/ /des na blta ba nyid skye ltar/ /yod pa'i ngo bo'ang yod ma yin/ /gal te blta bar bya ba nyid ni mngon par gsal ba 'am ces khyad par du gyur pa yin pa zhig na/ gnyi ga ltar 'di la blta bar bya ba nyid dgos pa med do/ /'dir blta bar bya ba nyid 'di yongs su brtags nas don blta bar bya ba'i rang gi ngo bo 'am/ blta bar bya ba ma yin pa'i rang gi ngo bo zhig la rtog re zhig gal te blta bar bya ba'i rang gi ngo bo la yin na de'i tshe de brtags pas ci zhig bya/ gang gi don yongs su rtog pa de ni med par yang yod pa nyid pas brtag par mi rigs so/ /ci ste blta bar bya ba ma yin par gyur pa la blta bar bya ba nyid rtog na de yang mi rigs te lus can ma yin pa rnams kyang blta bar bya ba nyid du thal ba'i phyir dang/ blta bar bya ba nyid skyes pa med pa la 'gal ba'i phyir ro/ /blta bar bya ba nyid skye ba med pa des na blta bya nyid skye ba ltar te ji ltar blta bar bya ba dang blta bar bya ba ma yin pa'i bum pa la rnam pa thams cad du blta bar bya ba nyid mi rigs pas skye ba mi srid pa de bzhin du blta bar bya bar ma gyur pa'i bum pa yod pa'i ngo bor yang yod pa ma yin la/ yod pa ma yin pa'i bum pa la ni blta bar bya ba nyid la rtag par rigs pa yang ma yin pas 'di ni mi rigs so/ /'dir smras pa/ yul gzugs la sogs pa mngon sum dag ni yod pa kho na ste de'i 'dzin par byed pa mig la sogs pa'i dbang po yod pa'i phyir ro/ /yod par gyur pa'i dbang po 'di rnams ni gdon mi za bar rang gi yul 'jug par 'gyur dgos la/ gang du de rnams 'jug pa srid pa gzugs la sogs

  444. 222b

    pa don de dag ni mngon sum yin no/ /bshad par bya ste/ gal te dbang po rnams kyi yongs su gcod par nus par 'gyur na ni gzugs la sogs pa'i don dag tu 'gyur bzhig na/ 'gyur ba nyid kyang ma yin no/ /ji ltar zhe na/ 'di na mig la sogs pa lnga po ni spyir 'byung ba las gyur pa nyid du nye bar ston la/ de rnams kyi bya ba ni yul tha dad pas tha dang ba zhig go /'di ltar mig gis gzugs kho na mthong gi sgra mi thos la/ rna bas kyang sgra thos kyis gzugs mi mthong ngo/ /gang gi tshe de ltar/ mig ni 'byung 'gyur na de bzhin/ /mig gis mthong gis gzhan gyis min/ /de'i tshe 'thad pa dang 'gal ba'i bya ba srid pa'i phyir mig la sogs pa rnams kyi rang gi ngo bo rtog pa ga la yod/ 'byung ba las gyur pa nyid du mtshungs bzhin du yul 'dzin pa tha dad pa brtag par ni mi rigs so/ / mig la sogs pa rnams kyis yod pa nyid ni yul 'dzin pa las rjes su dpag pa yin na de yang 'gal bas mi srid de de'i phyir dbang po yod pas yul rnams mngon sum nyid du mi rigs so/ /gal te de ltar mig la sogs pa rnams mi srid na/ de'i phyir ji ltar mig la sogs pa'i dbang po 'di rnams las kyi rnam par smin pa'i ngo bor rnam par bzhag ce na/ ci kho bo cag gis 'di rnams kyi rnam par smin pa'i ngo bo nyid bkag gam/ gal te mig la sogs pa rnams 'gog par sgrub pas de ji ltar ma bkag cen/ kho bo cag gi rnam par dpyod pa don rang bzhin tshol ba lhur byed pa nyid kyi phyir ro/ /kho bo cag ni 'dir dngos po rnams rang gi ngo bos grub pa 'gog gi mig la sogs pa byas shing rten cing 'brel par 'byung ba'i las kyi rnam par smin pa nyid ni mi 'gog pa'i de'i phyir de yod pas gang zhig rnam par smin pa nyid du bsnyed pas mig la sogs pa yod pa nyid do/ /gal te de ltar na yang mig ni 'byung 'gyur rna de bzhin/ /mig gis mthong gis gzhan gyis min zhes bya ba'i nyes pa nyid du 'gyur ba ma yin nam zhe na/

  445. 223a

    nyes pa 'di ni med de/ las kyi rnam par smin pa bsam gyis mi khyab pa'i phyir ro/ /las rnams kyi rnam par smin pa ni rigs pa bcug nas bsam par bya par mi nus te/ re shig las de nyid rang gi ngo bos grub pa'i phyir gal te de rang gi ngo bos grub par gyur na ni de'i tshe dus thams cad du rnam par mi 'chad par 'gyur zhing rnam par smin pa phyung pa ni pa las kyang smrar rnam par smin par 'gyur ba 'am yang na rnam par smin par mi 'gyur ba nyid de/ rang gzhan bzhin nyid du bsgyur bar mi nus pa'i phyir ro/ /las kyi 'bras bus mthong ba med pa yang ma yin no/ /de'i phyir mkhas pas 'jig rten pa'i don la? ji skad bshad pa'i rnam par dpyad pa de kho na nyid mthong ba dang rjes su mthun pa ma bcug par las rnams kyi rnam par smin pa bsam gyis mi khyab pa nyid du khas blangs te sprul pa 'sprul pa 'byung ba'i tshul du 'jig rten pa thams cad khas blang bar bya'o/ /mthong ba la ni bsnyom par mi nus la/ gang mig 'byung ba las gyur pa yin yang gzugs kho na mthong gi sgra mi thos so zhes bya ba la sogs pa 'di ni mthong ba yang yin no/ /gang gi phyir 'di da ltar yin pa/ des na nges par las rnam smin/ /thub pa bsam mi khyab par gsungs/ /dngos po rang bzhin med pa rnams kyang bya ba'i 'bras bu nges pa'i phyir bcom ldan 'das kyis/ sems can las kyi rnam smin bsam yas pas/ /rlung las 'jig rten 'di kun 'byung 'gyur te/ /mtsho dang ri dang lha yi gzhal med khang/ /rin po ches phye sa bon bkram rnams so/ /rlung las byung ba'i sprin gyi char 'phebs shing/ /slar yang rlung gi sprin ni rab tu 'jil/ /rlung las 'jig rten lo tog rgyas 'gyur te/ /rlung gis 'gro pa kun la bde ba 'dren/ zhes bya ba dang/ de bzhin du gang dag srid par rgyu yang srid pa'i skyon las grol ba rnams/ /stong par smra zhing las kyi 'bras bu 'ang 'dor mi 'gyur/ /gang dag

  446. 223b

    shes pas dri ma bsregs kyang brtses brlan pa/ /spyod pa rtag med dbang bsgyud de dag kyang dkris 'gyur/ zhes las rnams kyi 'bras bu rnam par smrin pa bsam gyis mi khyab par gsungs so/ /'dir smras pa/ mig la sogs pa ni rang bzhin gyis yod pa nyid de/ de'i 'bras bu rnam par shes pa mthong ba'i phyir ro/ /bshad par bya ste/ gal te de'i 'bras bu rnam par shes pa nyid yod na ni mig la sogs pa yod par 'gyur na srid pa ni ma yin no/ /ji ltar zhe na/ de la re zhig rkyen ma tshang phyir shes pa ni/ /lta ba'i snga rol yod ma yin/ 'on te phyis na shes don med/ /gsum par byed pa don med 'gyur/ /re zhig lta ba'i snga rol du ni mig gi rnam par shes pa yod pa ma yin no/ /mig gi lta ba bdag po'i rkyen ma tshang ba'i phyir ro/ /ci ste lta ba'i 'og rol du rtog na ni de'i tshe shes pa don med te/ gal te rnam par shes pa mde ba'i mig gis gzugs mthong na ni 'o na rnam par shes pa yongs su rtog pa don med do/ /gsum pa byed pa don med 'gyur te rtog pa gsum pa ni lta ba dang shes pa gnyis cig car 'byung ba ste/ de la rgyu don med do/ / 'di lta bas na lta ba ste byed pa don med par 'gyur ro/ /lta ba dang shes pa gnyis cig car yod na ni rnam par shes pa gang zhig lta ba dang dus mtshungs pa la de lta ba la rag las te 'byung bar mi rigs so/ /ba lang gi rwa g.yas g.yon lhan cig 'byung ba dag la ni cig shos cig shes la rag las te skye ba nyid mi srid de/ de bzhin du lta ba dang lhan cig 'byung ba'i rnam par shes pa lta ba las rag las te skye ba nyid du ma 'gyur bas lta ba don med pa kho nar 'gyur ro/ /ci ste sgron ma dang 'od bzhin du dus mnyam pa dag yin yang lta ba la rag las te gnas pa nyid du 'gyur ro snyam du sems na/ de yang yod ba ma yin te/ /de yang bskal zhing brtag pa mtshungs pa'i phyir ro/ /'jig rten pa'i mthong bas de kho na nyid mthong ba gsal bar rigs pa yang ma yin te/ de ni 'jig

  447. 224a

    rten pa kho na las tshad ma nyid yin pa'i phyir dang/ des dmigs pa'i don yang brdzun pa bslu ba'i chos can nyid du sgrub pa'i phyir ro/ /gang gi tshe de ltar rnam par shes pa mi srid pa de'i tshe de yod pas mig la sogs pa rnams yod pa nyid du brtag pa gang yin pa de mi rigs so/ /'dir smras pa/ mig ni byed pa'i ngo bo ma yin pa kho na ste/ 'o na ci zhen/ byed pa po nyid de de byed pa po'i dngos por khas blangs pa'i phyir/ gsum par byed pa don med 'gyur/ zhes kang smras pa de ni mi rigs so/ / de ltar brtags na yang mig lta ba'i bya ba dang bral ba nyid du 'gyur ro/ /ji ltar zhe na/ gal te mig gis lta ba na yul gyi yul du song nas sam ma sod par lta grang na/ gnyi ga ltar skyon du 'gyur ro/ /zhes bstan pa'i phyir bshad pa/ mig de 'gros dang ldan 'gyur na/ /thag rings yun ring gis mthong 'gyur/ /ha cang nye dang ches ring du/ /gzugs de gsal ba ci ste min/ /gal te mig phrad nas 'dzin pa'i phyir yul gyi yul du 'gro na ni de'i tshe phye ba tsam gyis zla ba dang skar ma la sogs pa'i don dag 'dzin par mi 'gyur ro 'gro ba'i dus tha dad pa'i phyir na 'gro ba dang ldan pa'i don gyis yul nye bar 'dzin pa dang/ dus mnyam par yul thag ring par 'dzin pa ni ma rigs na/ phye ba tsam gyis mig gis thag ring ba na gnas pa ltar mthong ba yang yin pas 'di ni mi rigs so/ /gal te yang mig phrad nas 'dzin par 'gyur na ni de'i tshe ha cang nye bar yang mig la gnas pa'i sman nam thun ma mthong bar 'gyur la/ thag ring por yang gsal bar mthong bar 'gyur na/ 'di ni srid pa yang ma yin pas 'di ni mi rigs so/ /gzhan yang gal te mig gis phyin nas gzugs mthong na/ ci ste mthong nas de'i yul du 'gro ba'am 'on te ma mthong ba yin/ de las cir 'gyur/ gnyi ga ltar yang skyon du 'gyur ro zhes

  448. 224b

    bshad pa/ gal te gzugs mthong mig 'gro na/ /song bas yon tan 'ga' yang med/ /yang na blta byar 'dod par ni/ /'dod ces bya ba brdzun par 'gyur/ /gal te gzugs mthong nas gzugs kyi yul du mig 'gro'i snyam du rtog na ni 'gro ba ste dong bas mig la dgos pa ci yang med do/ /mig 'gro ba ni yul blta bar bya ba'i phyir/ yin na de yul de snga nyid du 'di na gnas pa mthong bas 'gro ba la dgos pa ci yang med do/ /ci ste ma mthong bar 'gro na ni de'i tshe lta bar 'dod pa'i yul nges par mthong bar mi 'gyur ro/ /ma mthong bar mngon par ma rtogs pa'i yul du 'gro ba'i phyir long ba ltar blta bar bya ba'i yul des par mthong ba mi 'gyur ro/ /ci ste skyon 'di spang bar 'dod nas gal te/ mig ma song bar 'dzin na ni/ /'gro ba 'di kun mthong 'gyur te/ /gang la 'gro ba yod min pa/ /de la rang med sgrib pa'ang med/ /gang zhig mig dang yid dang rna ba ni/ /yul dang ma phrad pa yin no/ /zhes bya ba'i lung las ni mig gi yul dang ma phrad pa kho na'o snyam du sems pa de la brjod par bya ste/ re zhig lung dang 'gal ba ni med de phrad nas 'dzin pa nyid tsam zhig 'gog pa lhur byed pa'i phyir ro/ /'ga' zhig tu sgrub pa gtso bo nyid yin te gang du de mi 'gal ba'o/ /la lar ni dgag pa gtso bo nyid yin te gang du mi 'gal ba'o/ /de'i phyir 'di la rnam par dpyad pa srid pas phrad nas 'dzin pa nyid bkag pa tsam gyis yul dang ma phrad pa nyid du rnam par bzhag ste/ sgrub pa'i sgo nas yul dang ma phrad pa nyid du rtag na ni 'di na gnas pa'i mig kho nas 'gro ba thams cad mthong bar 'gyur ro/ /'di lta gang la 'gro ba yod pa ma yin pa de la thag ring pa ga la yod de 'dis ni nye ba na gnas pa'i don lang ma song bar blta bar bya ba yin la/ thag ring ba na gnas pa yang yin pas/ thag ring bar byas pa'i khyad par du mi 'gyur ro/ /gang gi tse ma song

  449. 225a

    bar mthong ba de'i tshe 'di na gnas pa bzhin thag ring po na gnas pa yang mthong bar 'gyur la/ de bzhin du bsgribs yang mthong bar 'gyur ro/ /'gro ba yod na ni bsgribs pas bcom pa'i phyir bsgribs pa mi mthong ngo/ /zhes bya bar rigs na/ gang gi tshe ma song bar blta bar bya ba yin pa de'i tshe ni bsgribs pa la yang 'gro ba'i gegs med pas ma bsgribs pa bzhin mthong bar 'gyur ro/ /yang gal te mig lta ba'i rang bzhin du 'gyur na ni de'i tshe thams cad du rang bzhin mi nyams pa'i phyir rang gi ngo bo la yang blta bar 'gyur ro/ /'di ltar 'jig rten na/ dngos po kun gyi rang bzhin ni/ /dang por bdag la snang 'gyur na/ /mig ni mig nyid kyis 'dzin par/ /gang zhig gis ni 'gyur ma yin/ /gal te ji ltar me tog tsam pa ka dang utpa la la sogs pa dag gi dri bsung dang por rang gi rten nyid la dmigs te/ phyis de dag phrad pa las til la sogs pa dag la yang yin pa dang/ yang ji ltar rang la gnas pa'i me'i tsha ba de dang 'brel ba las gzhan gyi bdag nyid la dmigs pa de bzhin mig blta ba'i rang bzhin du gyur na ni de'i tshe rang gi bdag nyid kho na la blta bar 'gyur te/ ci'i phyir mig mig nyid kyis 'dzin par mi 'gyur/ dngos po rnams kyi rang bzhin yang ches dang por rang nyid kyi bdag nyid la yod pa'i phyir mig kho nas mig 'dzin par rigs na mig ni rang gi bdag nyid la blta ba yang ma yin pas bod ba la sogs pa ltar gzhan la blta ba yang ma yin pas de la mi srid do/ /gang zhig mig 'ba' zhig la gzugs lta ba'i nus pa med kyi/ 'on kyang mi gis gzugs dang mig gi rnaM par shes pa gsum tshogs pa yod dang gzugs mthong bar 'gyur ro/ /snyam du sems pa de yang snying po med de/ gang gi phyir/ mig la rnam shes yod min zhing/ /rnam par shes pa lta med la/ /gnyi ga gzugs la yod

  450. 225b

    min na/ /de dag gis gzungs ji ltar mthong/ /de la re zhig mig la rnam par shes pa med do/ /mig gis ni yul rnam par shes pa ma yin te/ rnam par shes pa ma yin pa'i rang bzhin yin pa'i phyir ro/ /mig ni 'byung ba las gyur ba yin te/ bems po yin pas de la yul rtog pa mi srid do/ /de ltar ni mig la rnam par shes pa med do/ /rnam par shes pa la yang mig med do/ /de ni gzugs can ma yin pa zhig ste/ de la lta ba ga la yod de med pas na long ba lar mi mthong ngo/ /gzugs la ni gnyi ga yang yod pa ma yin no/ / rnam par shes pa ni ma yin te/ rtog pa'i rang bzhin ma yin pa'i phyir ro/ /lta ba yang ma yin te/ lta ba ma yin pa'i bdag nyid can yin pa'i phyir ro/ /gang gi tshe de ltar dbang po dang yul dang rnam par shes pa rnams don phan tshun ma tshang ba de dag tshogs par yod kyang de dag gis gzugs mthong ba ma yin pa nyid de/ gzugs la lta ba'i yan lag ma tshang ba'i phyir long ba'i tshogs bzhin no snyam du dgongs so/ /gang gi tshe de ltar gzugs la lta ba med pa de'i tshe de nyid rig pa su zhig gis gzugs mthong ngo zhes bya bar brjod pa 'am blta bar 'os/ ji ltar de kho na nyid rigs pas gzugs lta bar mi 'os pa de bzhin du sgra yang mnyan par mi 'os te/ gzugs lta ba bzhin sgra nyan pi yang med pa'i phyir ro/ /'di na gal te sgra thos na de nyan pI yul du phyin pa'am? byin pa zhig thos grang na/ gal te re zhig phyin te thos na de nyan pa'i yul du 'gro ba na sgra 'byin zhing 'gro ba 'am sgra med pa yin/ de la gal te rtog pa dang po yin na ni de'i tshe gal te smra zhing sgra 'gro na/ /gang gis smra ba por mi 'gyur/ /'on te mi smra bar 'gro na'ang/ /gang gis de la shes pa skye/ de'i phyir smra ba po yin pa'i phyir lhas byin ltar sgrar mi 'gyur ro/ /ci ste mi smra bar 'gro na ni de'i tshe sgra med par 'gro ba'i sgra de la 'di ni sgra'o snyam du nges par su zhig la 'gyur/ ma bzung ba de ni yod pa nyid kyang ma yin pas 'di ni mi rigs so/ /

  451. 226a

    gzhan yang gal te phrang te sgra 'dzin na/ /sgra yi dang po gang gis 'dzin/ /sgra ni rkyang pa'ang mi 'od na/ /reng bu ji ltar 'dzin par 'gyur/ /gal te rna ba'i dbang po'i gnas su phyin pa'i sgra 'dzin na ni 'o na ni de'i dang po gang gis 'dzin phrad nas 'dzin pa'i phyir rna ba la ni sgra'i dang por 'dzin pa med la/ de'i 'dzin par byed pa'i dbang po gzhan yang yod pa ma yin pas 'di dbang po gang gis kyang mi 'dzin no/ /de'i phyir ma bzung ba'i don de ni sgra nyid du mi 'gyur ro snyam du dgongs so/ /sgra'i rdul phra ba ni rdzas dgu'i bdag nyid yin pa'i phyir sgra ni rkyang bar mi 'od na/ khyod kyis ni sgra tsam zhig kho na rna bas 'dzin gyi/ dri la sogs pa dag ni ma yin no/ /zhes te mi rigs so/ /rnam pa gcig tu na sgra yang mi 'dzin par 'gyur ba'am/ yang na dri la sogs pa dag kyang zung zhig /'di na de ltar na yang ma yin pas sgra phrad pa'i yul nyid ma yin no/ /ci ste gal te phrad de sgra 'dzin na/ /sgra yi dang po gang gis 'dzin/ zhes gang smas na/ gal te de'i dbang po ma bzung na de'i tshe nyes pa ci zhig yod ce na/ gang zhig de'i sgra nyid nyams par 'gyur ba 'di ni nyes pa yin no/ /'di ltar/ ji srid sgra thos ma gyur ba/ de yi bar du sgrar mi 'gyur/ /sgra med pa yang mthar sgra nyid/ /'gyur na de ni mi rigs so/ / gang zhig mi thos pa de ni thos bzhin pa ma yin pa'i phyir dri la sogs pa ltar sgra nyid du mi 'gyur ro/ /ci ste gang zhig gi tshe thos pa de'i tshe sgrar 'gyur ro snyam du sems na/ 'di yang srid pa ma yin no/ /dri la sogs pa phyis sgra nyid du mthong ba ni ma yin te de bzhin du sgra med pa 'di yang phyis sgra nyid du mi rigs so/ /bcom ldan 'das kyis/ yid du 'ong ba'i sgra gang thos gyur ba/ /de ni nam yang nang du zhugs pa med/ /de yi 'pho brnyed par mi 'gyur mod/ /rtog pa'i

  452. 226b

    dbang gis sgra ni 'byung bar 'gyur zhes bya ba dang/ de bzhin du dper na shing dang rgyud la brten byas la/ lag pas rtsol ba byas pa gsum tshogs na/ /sgrogs byed pi wang gling bu la sogs pa/ /de dag las ni sgra yang 'byung bar 'gyur/ de nas mkhas pa la las brtag bya ste/ de ni gang nas 'ongs la gar song zhes/ /phyogs dang phyogs mtshams kun tu brtag byas na/ /sgra yi 'gro ba'am 'ongs pa mi dmigs so/ /zhes ji skad du gsungs pa lta bu'o/ /de ltar re zhig dbang po rnams la yul 'dzin pa'i nus pa med par brjod nas yid la yang yul de 'dzin pa'i nus pa med par brjod pa'i phyir bshad pa/ dbang po rnams dang bral sems kyis/ /sod ste 'ang ci zhig byed par 'gyur/ /gal te sems yul gyi yul du song nas yul yongs su gced par byed do snyam du rtog na de ni mi rigs so/ /'di nas sems 'di dbang po dang lhan cig pa zhig yul gyi yul du 'gro 'am/ reng bu zhig yin grang na/ de la re zhig dbang po dang bcas pa ni mi 'gro ste/ dbang po de rnams ni rtag tu lus kho na la nye bar gnas pa'i phyir la 'gro ba yin na lus dbang po med pa nyid du thal ba'i phyir ro/ /ci ste reng bu 'gro na de'i tshe yang/ dbang po rnams dang bral sems kyis/ /song ste 'ang ci zhig byed par 'gyur/ /mig la sogs pa dbang po'i sgo spangs pa de ni gzugs la sogs pa lta ba la sogs pa'i nus pa yod pa ma yin te/ long ba la sogs pa rnams la yang lta ba la sogs pa yod par thal bar 'gyur ba'i phyir ro/ /ci ste yang ci zhig ltar 'di la yang yul gyi yul du 'gro bas don de dmigs par rtog na de'i tshe na don rtogs pa mthar thug pa med pa'i phyir mi ldog par 'gyur ro/ /de ltar yin dang srog 'di ni/ /rtag tu yid med ci ste min/ /dus thams cad du bdag sems med pa kho nar 'gyur na/ sems med pa ni bdag nyid du srid par rigs pa yang ma yin te/ ka ba dang bum pa la sogs pa

  453. 227a

    rnams kyang bdag nyid du thal bar 'gyur ba'i phyir ro/ /de'i phyir de ltar rigs pas rnam par dpyad pa na dbang po dang yul dang rnam pa shes pa rnams la yod pa'i ngo bo med pas rang gi ngo bos grub pa med do /gal te 'di rnam rang gi ngo bos grub par 'gyur na ni de'i tshe 'thad pas rnam par dpyad pa rnams ches gsal ba ji ltar gnas pa'i ngo bos yod pa nyid du dmigs par 'gyur na dmigs pa yang ma yin te de'i phyir rang bzhin gyis stong ngo zhes bya bar grub bo/ /gal te de rnams la rang bzhin med na 'o na gang zhig bye brag rnam par bzhag pa'i rgyu nyid du ston pa de rnams kyi byed par yongs su gcod par byed pa'i bdag nyid can gyi 'du shes ko ji ltar zhe na/ brjod par bya ste/ dngos po rnams yod na ni de rnams kyi bye brag yongs su gcod pa'i bdag nyid can gyi 'du shes rigs na gang gi tshe dngos po de rnams yod pa ma yin pa nyid du bstan pa de'i tshe de rnams kyi sgo nas 'du shes de rang gi ngo bos grub par gal 'gyur/ gal te yul yongs su gcod pa 'di rnam pa thams cad du med dam zhe na/ med pa ma yin te/ rang bzhin med pa'i dngos po yod pa'i phyir ro/ /'di ltar sngar mzod pa yid no gang zhig /yid kyis smig rgyu ltar 'dzin pa/ de ni chos kun rnams bzhag la/ /'du shes phung po zhes bya'o/ /'di na mig dang gzud? la brten nas mig gi rnam par shes pa skyes nas 'gag pa na dbang po dang yul rnams dang lhan cig 'gag par 'gyur ro/ /de 'gag? na sdar mthong ba'i don gang yin pa de nyid phyis yid kyis 'dzin to/ /yang ji ltar nye pa ma yin pa la 'dzin pa srid ce na/ smig rgyu ltar zhes bya ba smros te/ smig rgyu la chu bag tsam kyang med mod kyi 'on kyang rgyu dang rkyen gyi dbang gis chu'i rnam pa can gyi 'du shes 'byung ba nyid yin pa de bzhin du smig rgyu la bya ba ltar yod pa ma yin pa'i rang bzhin can gyi dngos po bzung zin pa

  454. 227b

    la gang rnam par shes pa skye ba de ni chos thams cad rnam par 'jog pa'i rgyu yin no/ /chos thams cad rnam par 'jig pa'i rgyu nyid yin pa'i phyir na de nyid la 'du shes phung po zhes bsnyad de/ rnam pa de lta bu'i 'du shes kyi khyad par rang mtshungs par ldan pa'i phyir ro/ / chos thams cad rnam par bzhag pa yang 'du shes kyi dbang gis shes par bya ba'i dngos po rang gi ngo bo'i rgyu can ni ma yin te rang bzhin rnam pa thams cad du mi rung ba'i phyir ro/ /gal te de lta na ni 'o na 'du shes kyi phung po rang bzhin gyis yod pa yin te de med na ni chos thams cad rnam par bzhag par mi nus so zhe na/ brjod par bya ste/ 'du shes de yang rnam par shes dang mtshungs par ldan pa'i phyir rnam par shes pa de ma rtogs par med la/ rnam par shes pa de yang 'du shes de ma rtogs par ma grub pa'i phyir rang gi ngo bos med do/ /'di las kyang yin te/ gang gi phyir/ mig dang gzugs la brten nas yid/ sgyu ma bzhin du skye bar 'gyur/ /gang zhig skye ba'i bya ba'i rten nyid du 'byung bar 'gyur ba rnam par shes pa de skye ba'i snga rol na ni yod pa ma yin te mig la sogs pa'i rkyen rnams kyang rnam par shes pa'i rang gi ngo bo med par skye pa'i bya ba mi 'jug pa'i phyir skye ba mi rigs na/ rnam par shes pa 'di ni skye pa yin no/ /de'i phyir sgyu ma'i chos nyid las ma gtogs par ci zhig nges par bya bar nus/ bcom ldan 'das kyis/ dge slong dag dper na sgyu ma mkhan sgyu ma mkhan gyi mchan bu zhig gis lam po che'i bzhi mdor sgyu ma'i las rnam pa sna tshogs ston pa 'di lta ste glang po che'i tshogs dang rta'i 'tshogs dang/ shing rta'i tshogs dang/ dpung bu chung gi tshogs dang zhes brgya cher 'byung zhing/ de skyes bu mig dang ldan pa zhig lta bar byed pa sems par byed tshul bzhin du yongs su rtog par byed pa na lta zhing sems la tshul bzhin du yongs su rtog pa de la yod pa ma yin par yang snang gsog dang gsob dang snying po

  455. 228a

    med par yang snang ngo/ /de ci'i slad du zhe na/ ci sgyu ma byas pa de la snying po lta yod dam/ dge slong dag de bzhin du rnam par shes pa gang ci yang dud par 'das pha dang ma 'ongs pa dang da ltar byung ba 'am nang gi 'am phyi'i 'am/ rags pa'am phra ba 'am/ ngan pa'am gya nom pa'am thag ring po na yod pa gang yin pa'am/ nye ba na yod pa gang yin pa de dge slong zhig lta bar byed/ sems par byed tshul bzhin du yongs su rtog par byed pa na lta zhing sems la tshul bzhin du yongs su rtog par byed pa de la yod pa ma yin par yang snang/ gsog dang gsob dang snying po med pa dang nas dang 'bras dang/ zug rngu dang sdig pa dang mi rtag pa dang sdug bsngal ba dang stong pa dang bdag med par yang snang ngo/ /de ci'i slad du zhe na/ ci rnam par shes pa'i phung po 'di la snying po lta yod dam zhes rgya cher gsungs te/ ji ltar dmigs pa de ltar rnam par dpyad pa la rang gi ngo bo med pa'i phyir rnam par shes pa sgyu ma'i na chung dang 'gro'o zhes bya bar nges par nus so/ /de'i phyir mig dang gzugs la brten nas yid/ sgyu ma bzhin du skye bar 'gyur/ zhes bya ba 'di legs par gsungs pa yin no/ /yang gal te 'di'i rang gi ngo bo zhig tu 'gyur na ni de'i tshe dang gi ngo bos/ /gang la yod pa nyid yod de/ sgyu ma zhes byar mi rigs so/ /sngar bzhin gyis mi stong zhing yod par 'gyur ba'i bud med ni 'jig rten na sgyu ma zhes bya bar mi rigs te/ de bzhin du rnam par shes pa yang rang gi ngo bos yod pas sgyu ma lta bur mi 'gyur na/ rnam par shes pa sgyu ma lta bur bstan pa yang yin no/ /de'i phyir rnam par shes pa rang bzhin med do/ /gang gi tshe rnam par shes pa rang bzhin med pa de'i tshe rang bzhin med pa'i rnam par shes pa dang mtshungs par ldan pa'i 'du shes kyang rang bzhin med do zhes

  456. 228b

    bya bar gnas so/ /bcom ldan 'das kyis/ rab rdzogs shes pa don can gyi/ /'dzin la 'du shes des par bstan/ /'du shes de yang 'dzin med de/ /rnam par dben pa'i don gyis bstan/ /rnam dben gang de 'ang 'du shes te/ /rnam dben gang de bstan pa yin// de ltar don de bsam byas nas/ /des nas 'du shes 'byung mi 'gyur/ /'du shes 'di yang spang snyam du/ /gang la 'du shes 'byung ba ni/ /'du shes spros la spyod 'gyur gyi/ /'du shes las ni grol mi 'gyur/ / 'du shes 'di ko ga la 'byung/ /gang zhig gis ni 'du shes bkag /gang la 'du shes 'byung 'gyur ba'i/ /chos ni sangs rgyas kyis ma brnyed/ /de ltar don de bsam byas na/ /de nas 'du shes 'byung mi 'gyur/ zhes gsungs so/ /'dir smras pa/ ci nas kyang dbang po rnams yul 'dzin pa mi srid la/ mig dang gzugs la brten nas mig gi rnam par shes pa yang skye'o zhes bya ba 'di ni ngo mtshar ba zhig go /brjod par bya ste/ ci 'di kho na ngo mtshar gyi gang 'gags pa dang 'gag bzhin pa'i? sa bon las myu gu 'byung bar mi rigs la/ sa bon la brten nas myu gu skye ba yang yin pa dang/ de bzhin du byas shing bsags pa'i las 'gags nas yun shin tu ring por lon pa la 'gar yang gnas pa med mod kyi/ 'on kyang 'gags nas bskal pa du mas chod pa'i las las kyang 'bras bu dngos su 'byung ba dang bum pa la sogs pa rnams rang gi rgyu las de nyid dang gzhan du rnam pa lngar dpyad pa na yod pa ma yin mod/ de ltar na yang brten nas brtags pas sbrang rtsi dang chu dang 'o ma 'dzin pa dang 'chu ba la sogs pa'i bya ba la rung bar 'gyur ba 'di ci ngo mi mtshar ba zhig gaM/ /de'i phyir de ltar na/ gang tshe mkhas las steng na/ ngo mtshar can min cad med pa/ /de tshe dbang rtogs de 'dra la/ /ya mtshan zhes bya ci zhig yod/ /'bras bu ni rang gi

  457. 229a

    rgyu'i rjes su byed par mthong ste/ dper na ba lang las ba lang dang/ /rta las rta dang/ sA lu las sA lu zhes bya ba la sogs pa lta bu yin na/ 'byung ba rnams dang gzugs dang sgra la sogs pa rnams la ni tshul 'di mi rigs so/ /'di ltar 'byung ba chen po dag ni lus kyi dbang pos bzung bar bya ba yin zhing mnyan par bya ba ma yin la/ da dag las gzugs mig gi gzung bar bya ba dang/ mnyan par bya ba sgra 'byung ba zhes bya ba 'di ni mchog tu ngo mtshar ba zhig go /de bzhin du sna la sogs pa'i yul dang mig la sogs pa dag la yang sbyar bar bya'o/ /yang na dbang po rnams kyi don rtogs pa ni 'di ni ya mtshan gyi rgyu ma yin no/ /gal te ngo mtshar 'di dbang po rnams kyi don dam pa 'ba' zhig kho na la 'gyur na ni/ de'i tshe 'di ya mtshan pa'i gnas su 'gyur na/ gang gi tshe ji skad bshad pa'i tshul gyis mkhas pa rnams la grol ba thams cad mig 'phrul ltar ya mtshan gyi rgyu yin pa de'i tshe 'di ngo mtshar ba ma yin no/ /srid par mi 'os pa cung zad cig phyogs 'gar gnas par dmigs pa ni ya mtshan du byed par 'gyur gyi/ thams cad du mtshungs pa'i ngo bo ni ma yin te/ me'i tshe ba yang ya mtshan gyi rgyu ma yin pa'i phyir ro/ /gang gi phyir de ltar rang gi ngo bo ma nges pas rkyen ji lta ba de lta de ltar rnam par 'gyur ba'i phyir mkhas pa rnams la/ mgal me'i 'khor lo sprul pa dang/ /rmi lam sgyu ma chu zla dang/ /khu rna nang gi brag cha dang/ /smig rgyu sprin dang srid pa mtshungs/ /ji ltar me dang bcas pa'i yog pa myur du bskor ba'i 'gros de mthong ba phyin ci log gi rgyu yin pa'i phyir 'khor lo'i rnam par dmigs par 'gyur mod kyi/ de la 'khor lo rang gi ngo bo bag tsam yang yod pa ma yin pa dang/ ji ltar sprul pa'i ting nge 'dzin gyi rkyen las byung ba'i

  458. 229b

    bud med dag yod par 'gyur ba'i bud med rnams ltar 'dod chags can rnams la kun nas nyom mongs pa'i rgyur 'gyur zhing/ thub pa rnams kyis sprul pa'i ting nge 'dzin gyi stobs kyis sprul pa'i thub pa'i rang gi ngo bo mang cing yod par gyur ba'i thub pa'i rang bzhin dang bral pa rnams bden par gyur ba'i thub pa dag ltar skye bo ma lus pa'i yid kyi mun pa 'joms pa na sems can rnams kyi mtho ris dang byang grol gyi lam gyi rgyur 'gyur la/ de rnams sems dang sems las byung ba dang bral bas bden par gyur pa ma yin pa dang/ ji ltar sad pa'i bdag gi dngos po ltar gnyid dang mtshungs par ldan pa'i rnam par shes pa dang ldan pa'i bdag gi dngos po'i rkyen can rmi lam gyi bdag gis dngos po bdag la chags pa byin ci yog gi rgyu yin la/ sad pas de ltar mthong ba med pas de bden par gyur pa yang ma yin pa dang/ ji ltar sgyu ma mkhan gyi 'khrul 'khor gyi rgyu can sgyu mar byas pa'i na chung rnams bden par gyur pa'i na chung gis stong bzhin du de'i rang bzhin rnam par mi shes pa rnams kyis sems rmongs pa lhur byed par 'gyur pa dang/ ji ltar bden par gyur pa'i zla bas stong pa'i chu'i zla ba rten cing 'brel par 'byung ba'i stobs kyis de ltar 'byung ba na byis pa rnams la zla bar phyin ci log pa'i rgyur 'gyur ba dang/ ji ltar yul dang dus dang rgyu mtshan rnam pa de lta bu dag la brten cing 'brel par 'byung ba'i stobs nyid las khug rna byung ba na rgyang ring po na gnas pa rnams la bden par 'gyur ba'i du bar phyir ci log pa'i rgyur 'gyur pa dang/ ji ltar ri'i chang ching dang/ ri khrod kyi sul dang/ rlung gi zab rnams kyi nang gi brag chas skye bo rnams la yod par gyur pa'i sgrar mngon par rlom pa skyed par byed pa dang/ ji ltar yul dang dus kyi khyad par du nye bar ltags

  459. 230a

    pa'i nyi ma'i 'od zer gyi rten can gyi smig rgyu chu'i rang gi ngo bo dben bzhin du thag ring ba rnams la chur phyin ci log skyed par byed pa dang/ yang ji ltar sprin rnams thag ring po nas ri la sogs pa'i rnam par phyin ci log nye bar skyed par byed pa de bzhin du mkhas pa ji lta ba bzhin brten cing 'brel par 'byung ba'i rang bzhin la bzo ba rnams la ma rig pa'i phyin ci log gis 'phangs pa las kyi rkyen can gi 'khor ba rnam par shes pa la sogs pa'i skye ba phyi rol gyi snod dang bcas par skye bzhin pa mgal me'i 'khor lo la sogs pa ltar/ brdzun pa bslu ba'i chos can yin dang rang bzhin gyis stong par gyur du zin kyang byis pa'i skye bo 'drid par snang bar 'gyur te dngos po'i rang bzhin shes pa rnams thams cad du mags pa zad pas rnam par grol ba la brten par 'gyur bas 'khor ba mgal me'i 'khor lo la sogs pa ltar rang bzhin med do zhes bya ba 'di ma g.yo bar gnas so/ /ji skad du/ ji ltar mig ni 'khrul pa yis?/ /mgal me'i 'khor lo 'dzin byed pa/ /de bzhin dbang po rnams kyis ni/ /da lta'i yul dag 'dzin par byed/ ces bya ba dang/ bden pa'i dge slong dngos bral dge slong gnyis shig gis/ dkon mchog brtsegs pa las thub pa yongs su mya ngan ma 'das par/ /thub dbang zla ba'i dam pa'i chos kyi nyi ma'i 'od zer gyis/ /dge slong brgya phrag lnga de dag gi gti mug mun pa bsal/ /de bzhin du/ ji ltar bu mo gzhon nu'i rmi lam de/ /bu pho byung zhing shi ba des mthong nas/ /byung nas dga' zhing shi nas mi dga' ltar/ /chos rnams thams cad de bzhin shes par gyis/ /sgyu ma byed pa dag gis gzugs sprul te/ /rta dang glang po shing rta sna tshogs byas/ /de la ji ltar snang ba gang yang med/ /chos rnams thams cad de bzhin shes par gyis/ /ji ltar nam mkha' dang bar zla shar ba/ /de yi gzugs brnyan

  460. 230b

    sang ba'i tshor snang ste/ zla ba chu yi nang du 'phos pa med/ /chos kun mtshan nyid de 'drar shes par gyis/ /brag phug ri rdzong chu klung dogs dag tu/ /de dag la brten brag cha 'byung ji ltar/ /de bzhin 'dus byas 'di kun shes par gyis/ /'gro ba thams cad sgyu ma smig rgyu mtshungs/ /ji ltar sos ka'i nyi ma phyed dus na/ /skyes bu skom pas gdungs shing 'gro ba yis/ /smog rgyu dag la chu yi phung por mthong/ /chos rnams thams cad de bzhin shes par gyis/ /smig rgyu la yang chu ni yod med na/ sems can mos pa de la 'thung 'dod de/ mi bden chu ni btung bar yod mi nus/ /chos rnams thams cad de bzhin shes par gyis/ /ji ltar bar snang chung zad sprin med par/ /skad cig tu ni sprin gyi dkyil 'khor snang/ /thog mar gang nas byung bar shes par bya/ /de bzhin chos rnams thams cad shes par gyis/ /ji ltar smig rgyu dri za'i grong khyer dang/ /sgyu ma ji bzhin rmi lam ji lta bu/ /mtshan ma sgom pa ngo bo nyid kyis stod/ /chos rnams thams cad de bzhin shes par gyis/ /shes bya ba la sogs pa gsungs so// slob dpon 'phags pa lha'i zhal snga nas kyi byang chub sems dpa' rnal 'byor spyod pa bzhi brgya ba las/ dbang po dang don dgag pa sgom pa bstan pa zhes bya ba/ rang tu byed pa bcu gsum pa'i 'grel pa'o// //'dir smras pa gal te rten cing 'brel bar 'byung ba'i phyir srid pa mgal ma'i 'khor lo dang sprul pa dang rmi lam la sogs pa ltar rang bzhin med na 'o na de ögang zhig rang bzhin du 'gyur zhe na/ dngos po 'ga' la yang rang bzhin btag par mi nus te/ rnam par de lta bu'i dngos po rnam pa thams cad du mi dmigs pa'i phyir ro/ /'di ltar dngos po gang zhig gzhan 'ga' la'ang/ /rag las pa zhig mi 'gyur na/ /de yi bdag nyid 'grub 'gyur na/ /de ni gang la'ang yod ma yin/ /gal te dngos po 'ga' zhig 'grub pa

  461. 231a

    la 'ga' yang cung zad cig ngag las par gnas pa nyid du mi 'gyur na de'i tshe rang dbang pa gzhan la rag las pa de rang nyid kyis rnam par gnas pa'i phyir rang bzhin gyis yod pa nyid du brtags par rigs na gang zhig rgyu dang rkyen la rag las te skye pa'i dngos po gzhan la rag las pa nyid du mi 'gyur ba 'am/ rgyu med pa'i dngos po 'ga' zhig 'byung ba 'di ni srid pa yang ma yin no/ /gang gi phyir de ltar rgyu med par thal bar 'gyur bas 'ga' zhig tu dngos po 'ga' rin rang gi ngo bo med pa de'i phyir 'ga' la yang rang bzhin med la/ rang bzhin med pas kyang mgal me'i 'khor lo la sogs pa ltar rang bzhin gyis grub pa med do zhes bya bar gnas so/ /gal te dngos po 'di dag mgal me'i 'khor lo dang sprul pa la sogs pa ltar bslu bas dngos po med par mi 'gyur na ni de'i tshe ngas par 'thad pas rnam par dpyad pa nas le sbram la sogs pa ltar rang gi ngo bo ches gsal par dmigs par 'gyur na/ de dag na phyin ci log tsam gyi rgyu can yin pas rnam par dpyod pa'i sems bsegs pas na rang gi ngo bos med par ni mi 'gyur pa ma yin no/ /dngos po ni 'thad pa dang bral ba ma yin te/ de rnam pa thams cad du mi bslu ba nyid yin pa'i phyir ro/ /de nyid kyi phyir slob dpon gyis dngos po la mngon par zhen pa ltod par bya ba'i phyir 'di man ched du ji lta bum pa la sags pa rnams la rang gi ngo bo mi srid pa de ltar 'thad pa bshad pa/ gzugs nyid bum zhes gcig ma yin/ /gzugs ldan bum gzhan yod min la/ /bum pa la gzugs yod min zhing/ /gzugs la bum pa yod ma yin/ /'di ni bum pa zhes bya ba'i dngos po 'ga' zhig yod par 'gyur na ni/ de lta ba'i dbang po'i bzung bar bya ba yin pas tha dad pa 'am mi

  462. 231b

    dad pa zhig tu rtog gang na/ de la re zhig/ gzugs nyid bum zhes gcig ma yin/ /gzugs gang yin pa de nyid bum pa'o zhes gzugs dang bum ba gcig pa ni mi srid do/ /gal te gzugs dang bum pa gnyis gcig tu 'gyur na ni de'i tshe gang dang gang na gzugs yod pa de dang de na bum pa'o zhes gzugs thams cad la bum pa nyid du 'gyur zhing/ so btang ba las skyes pa'i yon tan 'byung bas gzugs 'jig pa'i tshe bum pa 'jig par 'gyur na/ 'di ni srid pa yang ma yin pas gzugs nyid bum pa'o zhes gcig pa yod pa ma yin no/ /ci ste nyes pa 'di spang par 'dod nas dper na lhas sbyin don gzhan du gyur ba'i ba lang dag dang ldan pa ltar gzugs las gzhan pa'i bum pa zhig gzugs dang ldan par yongs su rtog na/ 'di yang mi rigs te/ 'di ltar/ gzugs ldan bum gzhan yod min la/ /gal te bum pa gzugs las gzhan du 'gyur na ni de gzugs las mi rtog par gzung du yod par 'gyur ro/ /ba lang dag las tha dad pa'i lhas sbyin ni pa lang las tha dad par me 'dzin pa ma yin te/ de bzhin du bum ba yang gzugs la ma ltos par gzung du yod par 'gyur nas 'dzin pa yang ma yin no/ /de'i phyir gzugs las tha dad pa'i bum pa med do/ /gang gi tshe med pa de'i tshe yod pa ma yin pa ji ltar de dang ldan pa nyid du 'dzin/ mo gsham gyi bu yod pa ma yin pa ni ba lang dang ldan no zhes bya bar mi bsnyad do/ /de bzhin du bum pa gzugs dang ldan no zhes bya bar yang mi rung ngo/ /gzhan nyid mi srid pa nyid kyi phyir gzugs dang bum pa gnyis rten dang brten pa'i rtog pa nyid kyis grub pa yang med pas/ bum pa la gzugs yod min zhing/ gzugs la bum pa yod ma yin/ /gzugs dang bum pa gnyis gzhan nyid yin na ni 'khar gzhong dang zho ltar bum pa la gzugs zhes bya bar 'gyur zhing/ re lde

  463. 232a

    la lhas sbyin ltar gzugs la bum pa zhes bya bar yang 'gyur na/ 'di ni srid pa yang ma yin no/ de'i phyir bum pa rang bzhin gyis med do/ gang zhig rang bzhin gyis med la dmigs pa yang min pa de ni mgal me'i 'khor lo ltar rang bzhin gyis stong pa yin no/ /gzhan yang ji ltar bdag byed pa po dang nye bar len pa las gcig nyid du thal ba'i phyir dang/ phung po bzhin skye ba dang 'jig pa la brten pa nyid du thal bar 'gyur ba'i phyir phung po bdag ma yin pa de bzhin du gzugs kyang bum pa ma yin te/ nye bar lan pa dang nye bar len pa po dag gcig nyid du thal bar 'gyur ba'i phyir dang/ nye bar lan pa med bas bum pa med po nyid du thal ba'i phyir dang/ ji ltar so sor 'jin par thal ba'i phyir dang/ rgyu med pa nyid du thal bar 'gyur ba'i phyir bdag phung po dag las gzhan du mi 'gyur pa de bzhin du bum pa yang gzugs las tha dad par mi 'gyur te/ so sor 'dzin par thal ba'i phyir dang/ rgyu med pa nyid du thal bar 'gyur pa'i phyir ro/ /yang ji ltar phung po dag las de nyid dang gzhan nyid du rtog pa med pas bdag phung po dang ldan na zhes bya bar bsnyad pa ma yin par bzhin du bum pa gzugs dang ldan no zhes bya bar yang mi srid do/ /gzugs dang bum pa dag de nyid dang gzhan nyid du rtog pa med pa'i phyir ro/ /ji ltar phung po dag las de nyid dang gzhan nyid du rtog pa med pas bdag la phung po dag dang phung po dag la bdag go zhes bya ba rnam pa gnyi ga yang mi rigs pa de bzhin du bum pa la gzugs dang/ gzugs la bum pa zhes bya ba'i rtog pa gnyis kyang mi 'thad do/ /yang ji ltar gzugs la bltos nas bum pa la rtog pa gzhi mi srid pa de bzhin du brtags pa'i rgyu thams cad la bltos pa'i gzhi yang mi srid pas

  464. 232b

    bum pa rang gi ngo bos grub pa med do/ /ji ltar bum pa rang bzhin gyis yod pa ma yin pa de bzhin du dngos po thams cad kyang btsal ba na rang bzhin gyis yod pa ma yin pas srid pa mgal me'i 'khor lo dang sprul pa la sogs pa dang 'dra ba nyid du 'gyur ro/ / 'dir kha cig dag na re gzugs dang bum pa dag la gzhan nyid mi srid mod kyi/ de ltan yang dngos po dang bum pa gnyis la gzhan nyid yod do/ /gang gi phyir kho bo cag gi ltar na ni bum pa yang gzhan nyid yin la yod pa yang gzhan nyid yin no/ / yod pa zhes bya ba ni spyi chen po yin la bum ba ni khyad par gyi rdzas yin te/ de ni yod pa dang 'brel pa las yod de zhes bya bar bsnyad do zhes zer ro/ /de dag la brjod par bya ste/ /gnyis mtshan mi mthun mthong nas ni/ /gal te dngos las bum gzhan na/ /ma yin de ltar dngos po'ang/ /bum pa las gzhan cis mi 'gyur/ /gal te bum pa la sogs pa'i rdzas rnams la rjes su 'jug pa'i mtshan nyid can yin pa'i phyir dngos po ni spyi yin la/ bum pa ni ldog pa'i mtshan nyid can yin pa'i phyir khyad par gyi mtshan nyid ces dngos po dang bum pa de gnyis kyi mtshan nyid mi mthun pa mthong nas dngos po las bum pa gzhan du 'gyur na ni de kho na ltar mtshan nyid mi mthun pa las dngos po yang bum pa las gzhan du ci'i phyir mi 'gyur de'i phyir mtshan nyid mi mthun pa kho na las gzhan gyi blo dang sgra 'jug pa grub pas gzhan gyi blo dang sgra'i rgyu mtshan rjes su 'jug pa'i mtshan nyid can gzhan nyid gzhan brtags par mi bya ba zhig na/ gzhan nyid gzhan rtog pa yang yin pa dang/ 'o na dngos po dang bum pa dag la mtshan nyid mi mthun pa la bltos pa'i gzhan nyid yod pa ma yin no/ /de'i phyir gnyis mtshan mi mthun mthong na ni/ /dngos las bum gzhan zhes bya ba de ma yin no/ /ji ltar

  465. 233a

    dngos po rjes su 'jug pa'i mtshan nyid can yin pa'i phyir bum pa las gzhan yin pa de bzhin du gzhan nyid kyang rjes su 'jug pa'i mtshan nyid can yin pa'i phyir bum pa las gzhan du 'gyur la/ gzhan nyid la gzhan gyi blo dang sgra 'jug ba'i rgyu mtshan gzhan nyid gzhan yod par yang mi 'gyur ro gal te 'gyur na ni gzhan nyid rnams la mthar thug pa med pa'i skyon du 'gyur ro/ /ci ste gzhan nyid med pa kho nar gzhan nyid la gzhan gyi blor 'gyur na ni nge kho na ltar gzhan la yang srid par 'gyur bar gyis shig/ de'i phyir cung zang kyang mi byed pa'i gzhan nyid yongs su brtags pas ci zhig bya/ gzhan nyid med na yang 'ga' la yang gang las kyang gzhan nyid ngo bo zhes bya bar grub po/ /gzhan yang 'di bsam par bya ste/ yod pa ci 'dro ba zhig gzhan nyid dang ldan par 'gyur/ ci gzhan du gyur pa zhig gam 'o na te de bzhan ma yin par gyur pa zhig yin grang/ gal te gzhan du gyur pa zhig yin na ni/ de'i tshe gzhan nyid dang ldan pa'i don med do/ /'on te gzhan ma yin par gyur pa yin na de lta na yang 'gal ba gzhan ma yin ba nyid dang ldan pas gzhan nyid dang ldan par mi 'gyur ro/ /gzhan nyid med bas na bum pa las dngos po gzhan yin no zhes bya ba mi rung ngo/ /'jig rten na ni phyin ci log tshad mar byas te yod ba'i blo dang skra 'jug pa'i rgyu mtshan yin bas bum pa'i rang gi ngo bo kho na dngos po zhes bya ba 'jog gi/ gzugs las rnam pa bzhir dpyad pa na de la rang gi bzhin yod pa ma yin pa de kho na nyid rig pa la bltos nas bum pa mgal me'i 'khor lo la sogs pa bzhin rang bzhin gyis stong ngo/ /zhes bya bar grub po/ /'dir smras pa/ bum pa ni yod pa nyid de yon tan gyi rten yin pa'i phyir ro/ /yod pa ma yin pa ni yon tan gyi rten du ma mthong na/ bum pa gcig bum

  466. 233b

    pa gnyis shes bum pa yon tan gyi rten du 'gyur pa yang yin no/ /gcig nyid la sogs pa rnams ni yon tan gyi tshig gi don gyis bsdus la bum pa ni rdzes yin zhing/ yon tan rnams rdzas la brten ba nyid kyang srid pa yin no/ /de'i phyir yon tan gyi rten yin pa'i phyir bum pa yod pa kho na'o/ /'di la brjod par bya ste/ khyod kyi lugs kyis/ gal te gcig bum mi 'dod na/ bum pa'ang gcig tu mi 'gyur ro/ /gal te chig gi don tha dad pas gcig bum par mi 'gyur ro snyam du sems na/ 'o na ni bum pa yang gcig cu mi 'gyur ro/ /ji ltar gcig nyid de gcig gi grangs bum par mi 'gyur ba de bzhin du rdzas nyid kyis gcig gi grangs las gzhan du 'gyur ba'i phyir bum pa yang gcig tu mi 'gyur te/ gnyis nyid la sogs pa bzhin no snyam du dgongs so/ /gzhan yang bum pa'i rang bzhin gcig la gcig gis grangs rtog gam/ rang bzhin du ma la yin gang gal te rang bzhin gcig la yin na ni de'i tshe gcig rtog pa don med do/ /'o na te rang bzhin du ma la yin na ni de'i tshe yang 'gal ba'i phyir mi rigs pa nyid do/ / de'i phyir 'jig rten na don gzhan mi nye ba'i bum pa'i rang gi ngo bo kho na la gcig tu rtogs par shes par bya'o/ /ci ste yon tan rnams rdzas la brten pas bum pa kho na gcig tu 'gyur gyi gcig nyid ni bum par mi 'gyur zhe na/ 'di la brjod par bya ste/ ldan ni mtshungs pa'ang ma yin la/ /des kyang gcig tu mi 'gyur ro/ /ldan pa zhes bya ba ni mtshungs pa dag kho na la 'gyur gyi mi mtshungs pa dag la ni ma yin te/ dper na ldan pa gnyis la gnas pas spun gnyi ka la yang spun zla nyid dang 'brel pa yin gyi gang yang rung ba ni ma yin pa bzhin no/ /gcig dang bum pa gnyis ni mtshungs pa ma yin te/ bum pa kho na gcig nyid dang ldan pa'i byir la gcig nyid bum pa dang mi ldan pa'i phyir te/ yon tan rnams ni rdzas la brten pa'o zhes khas blangs pa'i phyir ro/ /de la gang gi

  467. 234a

    phyir gcig ni yon tan du mthong la bum pa ni rdzas yin zhir rdzas dang yon tan gnyis kyang mtshungs par mi 'gyur ba de'i phyir de gnyis ldan pa nyid du mi 'gyur ro/ /ldan pa med pas kyang gang gcig nyid dang ldan pa las bum ba kho na gcig tu 'gyur ro/ /zhes bya ba de yang ma yin no/ /gal te 'dir ldan pa mthong na ni de'i tsha bum pa yang gcig dang ldan par 'gyur la gcig kyang bum pa dang ldan par 'gyur ro/ de ni de ltar srid pa yang ma yin pas de gnyis kyi ldan pa nyid mi 'thad ? ldan pa med pas kyang gcig bum par mi 'gyur pas bum pa yang gcig ma yin no/ /de'i phyir 'dir phyed sngams ni ldan pa khas blangs nas sun 'byin pa bshad la/ phyed phyi mas ni ldan pa mi srid pa'i sgo nas sun 'byin par bshad do/ /kyang gi sgra ni sun 'byin pa'i rgyu bsdu ba'i don du blta bar bya'o/ /gzhan yang pha rol po'i gzhung lugs la/ gang yon tan rnams rdzas la brten par rnam par 'jog ? khyad par gyi yon tan rnams yon tan la brten par ni ma yin pa che mi rigs pa 'di snang na/ /yon tan rnams kyang yon tan la brten pa nyid du rigs pa yang yin no/ /'di na bum pa bong tshad ci tsam yin pa de tsam kho nar de'i rten can gyi gzugs kyang 'gyur dgos so/ /de'i phyir rdzas ltar gzugs kyang chen pa nyid du 'gyur ro/ /gang tshed rdzas ci tsam gzugs na/ /de tshe gzugs chen ci ste min/ /gang gi tshe rdzas ci tsam ste rdzas kyis zhing gi bdag nyid can gyi dbyibs ji tsam yin pa de tsam gzuD te gzuD kyi chu zheng gi bdag nyid can gyi dbyibs yin no zhes bzhan gyis khas blangs ba'i tshe des pa phra ba dang che ba'i rdzas de la gzugs kyang phra ba dang che ba nyid du 'gyur dgos so/ /de'i phyir gang rdzas bzhin du gzugs la phra ba dang chen po nyid dag mi 'dod pa 'di la rgyu ci zhig yod/ ci ste gzugs

  468. 234b

    ni yon tan yin zhing phra ba nyid dang chen po nyid kyang yon tan kho na yin la/ /yon tan yon tan gyi dbyibs su yang mi 'gyur ba zhes bya ba 'di ni kho bo cag gi gzhung lugs yin te de'i phyir rdzas ci cam yin pa do tsam kho nar gzugs kyang yin mod kyi de ltar na yang grub pa'i ma ba'i dang 'gal ba'i 'jigs pas gzugs la phra bzhing dang chen po nyid dag yod pa ma yin no snyam na/ brjod par bya ste/ gal te phyir rgol gzhan min na/ /gzhung lugs bsnyad par bya bar 'gyur ro/ /gal te phyir rgol khyod rang gi sde tshen nyid du 'gyur na ni de'i de la gnod par nus pas de bzlog par bya ba'i phyir de la grub pa'i mdza' dang 'gal bar brjod par rigs na/ gang gi tshe pha rol po phyir rgol ba yin na mi de la grub pa'i mdza' dang 'gal ba brjod pa ci yang mi byed pa zhig ste/ de grub pa'i btha' de sel bar zhugs pa'i phyir ro/ /de la rigs pa dang 'jig rten dang 'gal ba brjod pa ni rigs te/ de'i sgo nas de bzlog par nus pa'i phyir ro/ /de'i phyir lung dang 'gal pa brjod pa gang yin pa 'di ni lan ma yin pa nyid pas nyes pa de nyid ma g.yos pa yin no/ /de'i phyir dngos po dang bum pa gnyis la gzhan nyid med do/ /de'i phyir 'dir yod pa gzhan nyid bkag bas de las gzhan bum pa nyid la sogs pa spyi dang bye brag rnams dgag par yang shes par bya ste/ spyi'i yon tan rnams ni grangs dang 'dra 'khye brag gi yon tan rnams ni chen po nyid dang 'dra'o/ /'dir smras pa/ bum pa la sogs pa dag las dngos po gzhan nyid yin pa dgag pa ni bshad na/ bum pa'i rang bzhin ni ma bkag pas dngos po bum pa zhes bya ba rang gi ro bos yod pa kho na'o/ /brjod par bya te mtshan nyid kyis mtshan gzhi ni/ gang du grub pa yod min pa/ der ni grangs sogs tha dad por/ /dngos po yod pa ma yin no/ /'dir bum pa dang yod pa dag la ldog pa dang rjes su 'jug pa'i mtshan nyid smra ba na pha

  469. 235a

    rol pos bum pa la ldog pa'i mtshan nyid rnam par bzhag ste/ de'i phyir mtshan nyed 'dis kyang mtshan gzhi grub pa med do/ /gang zhig mtshan gzhi nyid du grub par 'gyur pa ldog pa tsam gyis ni dngos po nams kyi dngos po yi rang gi ngo bo nges par mi nus so/ /re zhig gcig ni yon tan yin pa'i phyir bum par me 'gyur la/ phra ba dang chen po zhes bya pa dang/ gzugs la sogs pa rnams kyang yon tan yin pa'i phyir bum pa zhes bya bar mi 'gyur ro/ /yod pa yang rdzas dang yon tan dang las rnams kyi sbyi yin pa'i phyir bum bar mi 'gyur ro/ /de'i phyir 'di grangs dang phra ba dang chen po dang gzugs la sogs pa rnams las ldog pa na rang bzhin 'di 'dra ba zhig go zhes bya bar rnam par bzhag par mi nus so/ /de'i phyir de ltar rgol ba gzhan gyi phyogs gang du mtshan nyid kyis kyang mtshan gzhi'i bum pa'i rang gi ngo bos grub pa yod pa ma yin pa'i phyogs der dngos po bum pa zhes bya ba'i grangs la sogs pa las tha dad par rang gi ngo bo yod pa ma yin no/ /de'i phyir bum pa rang bzhin gyis stong ngo zhes bya bar grub bo/ /rnam pa gcig tun grangs dang gzugs la sogs pa dag ni bum pa'i mtshan nyid yin la bum pa ni de dag gi mtshen par bya ba yin pas mtshan gzhi yin te/ de la ni mtshan nyid kyis kyang rang gi ngo bo logs su grub pa yod pa ma yin te/ grangs la sogs pa las tha dad par de'i rang gi ngo bo ma dmigs pa'i phyir ro/ /gal te mtshan gzhi de ngo bor rnyed na ni de'i tshe nges par 'di ni rang gi ngo bos grangs la sogs pa las tha dad pa de yin la/ yang 'di ni de'i mtshan nyid grangs la sogs pa las tha dad par gzung du yod par 'gyur na/ 'di ni de ltar yang ma yin no/ /de'i phyir mtshan nyid kyis kyang mtshan gzhi ni/ /

  470. 235b

    gang du grub pa yod min pa/ /der ni grangs sogs tha dad par/ /dngos po yod pa ma yin no/ /de'i phyir bum pa rang gi ngo bos med do/ /re zhig mtshan nyid dang mtshan gzhi ngag gzhan nyid yin dang dgag pa bshad zin to/ /gang dag gi bum pa bzugs ? pa rnams dang gcig pa grub pa'i mdza' yin pa de dgag pa'i phyir 'di brjod par bya ste/ mtshan nyid rnams dang so so ni/ /min phyir bum pa gcig ma yin/ re rer bum pa med na ni/ /mang nyid 'thang bar mi 'gyur ro/ /gang dag gzugs la sogs pa rnams ni mtshan nyid sna tsho? pa yin zhing de rnams dang bum pa so so ma yin pa nyid du 'dod pa de dag gi ltar na/ bum pa mtshan nyid gzugs la segs pa rnams dang so so ma yin pa'i phyir gcig tu mi 'thad de mang po rnams dang gzhan ma yin pa'i phyir ro/ /gal te bum pa gcig tu mi 'gyur na 'o na mang pa nyid du 'gyur ro snyam du 'dod na 'di la brjod par bya ste/ gang gi phyir gzugs la sogs pa rnams las re re la bum pa med pa mthong ba de'i phyir mang po nyid kyang yod pa ma yin no/ /'dir smras pa/ gal te gzugs la sogs pa mtshan nyid rnams dang so so ma yin pa'i phyir bum pa la gcig med na/ de rnams phan tshun sbyor pa las bum pa gcig tu 'gyur ro/ /'di la brjod par bya ste/ reg ldan rag dang mi ldan dang/ lhan cig sbyor ba zhes bya med/ /de phyir gzugs sogs rnams sbyor ba/ /rnam pa kun tu 'di rigs mi yin/ /de la reg pas na reg pa ste lus kyi dbang po'i gzugs bar bya ba nyid do/ /de 'di la yod pas na reg ldan no/ /lus kyi dbang po'i gzung bar bya ba yin pa'i phyir reg bya kho na reg ldan yin te/ reg bya reg pa dang ldan pa re gzugs dang dri dang rong reg pa dang ci ldan pa rnams dang sbyor ba ste/ phrang cing reg pa ni srid de dper na nam mkha' dang bum pa bzhin no/ /gang gi phyir 'di de ltar yin pa de'i phyir gzugs la sogs pa rnams kyi sbyor

  471. 236a

    ba rnam pa thams cad du mi srid do/ /gang gi tshe de ltar yin pa de'i tshe gzugs la sogs pa rnams kyi khyad par phan tshun prad pas byas pa las tshogs pa'i rgyu can bum pa yin no/ zhes bya ba gang smras ba de mi rigs so/ / ci ste phan tshun reg pa med par yang de rnams kyi tshogs pa nyid du bum pa zhes bya bar 'gyur ro zhe na/ de yang yod pa ma yin te/ 'di ltar/ gzugs ni bum pa'i yan lag ste/ /des na re zhig de bum min/ /gang phyir yan lag can med la des na yan lag kyang yod min gzugs la sogs pa'i tshoD pa'i ngo bo can bum pa'i gzugs la sogs pa rnams ni re re zhing yan lag tu gyur ba'i phyir bum pa'i brjod pa la brten par mi 'gyur ro/ /bum pa ni yan lag can yin la gzugs la sogs pa rnams ni yan lag yin no/ /re zhig gzugs ni yan lag yin pa'i phyir bum pa ma yin no/ /gzugs ji ltar yin pa de bzhin du dri la sogs pa dag la yang brjod par bya'o/ /gal te 'o na ni gzugs yan lag yin ba'i phyir yan lag can zhes bya ba de 'ga' zhig yod pa ma yin nam/ yan lag can la mi bltos pa'i yan la/ /dag ni mi rigs so zhe na/ bshad par bya ste/ 'dir gzugs la sogs pa re re la bum pa nyid de na yan lag can 'ga' zhig ltag la yod/ yan lag can zhes bya ba gzugs la sogs pa tha dad bar yongs su bcad par nus pa ma yin la/ rang gi ngo bo yongs su ma bcad pa ni yod pa nyid du bzhag bar nus pa yang ma yin bas yan lag can med do/ /gang gi phyir yan lag can med pa'i phyir gzugs yan lag tu yang mi srid bas yan lag dang yan lag can gnyis med pa nyid do/ /'di las kyang/ gzugs la sogs pa tshogs pa bum pa ma yin te/ gang gi phyir/ gzugs rnams kun

  472. 236b

    la'ang gzugs nyid ni/ /mtshan nyid mi mthun ma yin na/ /gcig la bum pa yod 'gyur zhing/ /gzhan dag la min rgyu ci zhig /gzugs rnams kun la'ang zhes bya ba ni gzugs kyi phung bos bsdus ba yin pa'i phyir gzugs dang dri la sogs pa rnams la gzuD zhes bya'o/ /gzugs de rnams bum pa ltar snam bu la sogs pa dag la yang yod la/ de rnams bum pa la sogs pa tha dad kyang rang gi mtshan nyid la 'khrul pa yang ma yin te/ thams cad du ngo bo mtshungs pa'i phyir ro/ /de la ji ltar gzugs gcig bum pa nyid du gnas pa de bzhin du snam bu la sogs pa dang 'brel ba'i gzugs bzhan yang bum pa nyid du gnas par ci'i phyir mi 'dod/ de yang bum pa nyid du gnas par ni rigs te/ mtshan nyid tha mi dad pa'i phyir bum pa nyid du gnas pa'i gzugs la sogs pa bzhin no/ /de ltar khas mi len pa la ni rgyu nyid yod pa ma yin te/ de'i phyir thams cad bum pa nyid kho nar 'gyur ba'am/ yang na bum pa yang bum la ma yin pa nyid du 'gyur ro/ /ji ltar bum pa la sogs pa rnams tha mi dad par thal bar 'gyur ba de bzhin du gzugs dang dri la sogs pa rnams kyang tha mi dad par thal bar 'gyur te/ bum pa gcig las gzhan ma yin pa'i phyir ro/ /ci ste de rnams bum ba las gzhan ma yin pa nyid yin mod kyi/ de ltar na yang gzugs la ro la sogs pa dag la tha dad pa yod de de'i phyir tha mi dad par thal ba med do snyam na/ 'di yang mi rigs so zhes bstan pa'i phyir bshad pa/ ro sogs dag las gzugs gzhan zhing/ /bum pa las min zhes 'dod na/ /de rnams ma rtogs rang med gang/ /gang de gzugs gzhan ji ltar min/ /gang te dbang po tha dad pa'i gzung bar bya ba yin pa'i phyir gzugs ro la sogs pa dag las gzhan du rnam par 'jog na ni gzugs de bum pa las kyang gzhan yin no zhes bya par ci ste mi gzhag /de gzugs las gzhan

  473. 237a

    ro la sogs pa dag las tha mi dad pa'i phyir rol sogs pa'i rang gi bdag nyid ltar gzugs las gzhan nyid du 'gyur na/ gzhan nyid du 'dod pa yang ma yin pa 'di mi rigs so/ /gang gi tshe de ltar gzugs la sogs pa rnams la bum pa'i rgyu nyid mi srid pa de'i tshe nges par/ bum pa la ni rgyu yod min/ /rgyu dang bral ba la ni rang nyid la rgyu med pa can gyis 'bras bu nyid med pas rang nyid 'bras bur mi 'gyur te/ gang gi phyir de ltar 'di rgyu med pa'i 'bras bu nyid mi srid pa/ de'i phyir gzugs sogs las gzhan du/ /bum pa 'ga' yang yod ma yin/ /gzugs la sogs pa las tha dad par bum pa 'bras bur gyur bar ma dmigs pa'i phyir ro/ /gzugs la sogs pa las tha dad pa'i bum pa med do zhes bya bar grub po/ /ci ste bum pa ni gzugs la sogs pa'i nye bar len pa can ma yin pa kho na'o/ /'o na ci zhe na/ rang gi yan lag tu 'gyur ba'i rgyu gyo mo rnams la bltos nas bum pa 'bras bu nyid yin la gyo mo rnams ni rgyu nyid yin na snyam du sems na 'di yang snying po med do zhes bshad pa/ bum ba rgyu las 'grub 'gyur zhing/ /rgyu ni gzhan las grub 'gyur na/ /gang la rang las grub med pa/ /de yis gzhan po ji ltar bskyed/ /gal te bum pa'i rgyu gyo mo la brten nas bum pa 'grub na de'i tshe gyo mo de rnams gang la bltos nas 'grub/ /re zhig de rnams ngo bo nyid kyis 'grub pa ni ma yin te rgyu med pa can nyid du thal bar 'gyur ba'i phyir ro/ /ci ste de rnams la yang rgyu gzhan zhig 'dod na/ 'o na ni gyo mo rnams la rang gi ngo bo grub pa med de de rnams kyang rgyu gzhan gseg ma la bltos pa'i phyir ro/ /gyo mo gang dag la rang nyid las grub pa yod pa ma yin pa de rnams kyis ni ji ltar gzhan rang gi ngo bos grub par

  474. 237b

    'gyur/ /de'i phyir yang bum pa med do/ /bum pa 'gog par byed pa'i tshul gang yin pa nyid ni 'bras bus thams cad mi 'grub pa la yang sbyor bar bya'o/ /'dir smras pa/ gzugs la sogs pa tshogs pa rnams la bum par brjod pa'i phyir gzugs la sogs pa mang po nyid yin yang bum pa mang po nyid du thal bar mi 'gyur ro/ /'di yang mi rigs te/ tshogs pa nyid med pa'i phyir ro/ /'di ltar/ 'phrod pa 'dus par gyur kyang gzugs/ /di nyid du ni mi 'thad de/ /des na bum pa bzhin tshogs pa/ gcig nyid du ni mi rigs so/ /gzugs la sogs pa rnams tshogs kyang tshogs pa la gnas pa rnams kyi rang rang gi mtshan nyid mi 'dor ro/ /de'i phyir ji ltar tshogs pa'i gnas skabs na gzugs la rang gi ngo bos yangs su btang ba las dri nyid mi srid pa de bzhin du du ma'i brten can gyi tshogs pa la gcig nyid mi srid do/ /tshogs pa de ni gzugs la sogs pa rnams las tha mi dang la gzugs la sogs pa de rnams kyang phan tshun du tha dad na gzugs la sogs pa rnams las tha mi dad pa'i tshogs pa gcig tu ji ltar 'gyur dpe bshad pa ni bum pa bzhin zhes bya ba ste/ ji ltar mtshan nyid rnams dang so so ni/ /min phyir bum pa gcig ma yin/ zhes bya ba la sogs pa bshad pa de bzhin du 'dir yang/ mtshan nyid rnams dang so so ni/ /min phyir tshogs la gcig med de/ /de ltar na/ des na bum pa bzhin tshogs pa/ /gcig nyid du ni mi rigs so/ /de'i tshogs pa mi srid pas gzugs la sogs pa tshogs pa la yang bum pa brtags par mi rigs so/ /ji skad bshad pa'i rnam par dpyad pas/ ji ltar gzugs sogs ma gtogs par/ /bum pa yod pa ma yin pa/ /de bzhin rlung la sogs pa ni/ /ma gtogs gzugs kyang yod ma yin/ /ji

  475. 238a

    ltar gzugs la sogs pa ma gtogs par bum pa ma grub pa de bzhin du bum pa btags pa'i nye bar len par gyur ba gzugs la sogs pa rnams kyang rlung la sogs pa 'byung ba chen po bzhi ma gdogs par ma 'grub ste/ rgyu med pa can nyid du thal bar 'gyur ba'i phyir ro/ /yang ji ltar rlung la sogs pa ma gtogs par gzugs dang dri la sogs pa mi srid pa de bzhin du 'byung ba chen po rnams kyang phan tshun ma gtogs par 'grub pa yang pas rang gi do bas ma grub pa rjod? pa'i phyir bshad pa che ba me nyid du 'gyur te/ tsha ba min pa ji ltar sreg /des na bud shing zhes bya ba/ /yod min de me yod min/ /'di na ma ni srag pa po yin la 'byung ba gsum ni pa sreg par bya ba'o/ /de'i phyir bud shing zhes bya ba 'byung ba chen por gsum po de me kho nas bsreg gi gzhan gyis ni ma yin la bung shing kho na tshig par 'gyur gyi gzhan ni mi yin no/ /de la gal te bud shing tsha ba ches srog na ni de'i tshe tsha ba de me kho nar 'gyur gyi bud shing ni ma yin no/ /cha ba ma yin ba la yang sreg pa mi srid pas tsha ba ma yin pa yang bud shing ma yin no/ /de'i phyir de ltar rnam ba thams cad du bsreg par bya ba mi srid pas gang zhig 'byung ba gsum gyi bdag nyid can du gyur pa bud shing zhes bya ba med do/ /gang gi tshe de ltar me ma gtogs par bud sheng shes bya ba gzhan mi srid bde'i ? shing me dang pa'i ma yang mi srid pas de med me yod ma yin 'di smras pa bud shing ni sra ba la sogs pa'i ngo bo yin pas tsha ba ma yin pa'i bdag nyid can zhig ste/ de tsha ba'i rang bzhin gyi mes zil gyis mnan pa las tsha bar 'gyur la/ cho ba yin dang bseg par bya bar 'gyur ro/ /zhe na de ltar yongs su brtags na yang bud shing zhes bya ba'o don de/ gal te zil mnan tsha na yang/ /de yang ci ste med

  476. 238b

    mi 'gyur/ /gal te bud shing zhes bya ba'i/ /don tsha ba ma yin pa'i rang bzhing yin yang/ mes zil gyis mnan te tsha bar 'gyur ro snyam du rtog na/ de'ang mi kho nar 'gyur te tsha ba'i rang bzhin yin pa'i phyir/ /de'i phyir bud shing med pa nyid du 'gyur ro/ /'on te mi tshan dngos gzhan/ /me la yong ces byar mi rung/ ci ste don de zil gyis mnar yang tsha pa ma yin pa nyid du 'dod na/ 'o na ni me las gzhan pa'i dngos po bud shing zhes bya ba 'byung ba gsum ba cha ba dang 'gal bas tsha ba ma yin pa'i rang bzhin can de me la yong ngo zhes bya bar mi rigs so/ /de'i phyir 'byung ba gsum dang bral ba'i me tsam zhig tu 'gyur na/ 'byung ba chen po 'di rnams la ni phan tshun med par 'byung ba yod pa ma yin pa de'i grub pa'i mdza' dang 'gal ba'i phyir ro/ /me la bung shing zhes bya ba'i dngos po gzhan med pas rgyu med pa can nyid du yang 'gyur bas 'di ni mi rigs so/ /ci ste me'i rdzas kyi rdul phra rab la 'byung ba gsum med pas bud shing med bar yang me yod pa nyid do/ /snyam du sems na bshad par bya ste/ gal te rdul la shing med na/ des na shing med me yod de/ /de'i phyir rgyu med pa can nyid kyi skyon du thal ba de nyid kyi don du 'gyur ro/ /rgyu med pa nyid du thal ba'i skyon de nyid kyi phyir bye brag pa dag ltar rang gi sde pa rnams kyis rdzas kyi rdul phra rab khas blang bar mi rigs so/ /bye brag pa'i rdul phra rab tu smra ba ni rab tu byed pa dgu pa nyid las bkag pa'i phyir yang mi dgag go /ci ste me rgyu med pa can nyid du thal bas 'jigs nas rdul phra rab la bud shing yod par rtog na/ de'i phyir/ gal te de la'ang shing yod na/ /gcig gi bdag can rdul yod min/ /gal te rdul la bud shing yod do zhes rtog na/ 'o na ni me'i rdzas kyi rdul phra rab gcig gi ngo bor yod do zhes khas blang bar mi bya'o/ /rdzas brgyad lhan cig 'byung bar des pa rdul phra rab gcig gi bdag nyid med

  477. 239a

    pa 'ba' zhig tu ma zad kyi 'on kyang de las gzhan pa'i dngos po yang ste/ dngos po gang yang yongs btags pa/ /de dang de la gcig nyid med/ /ji ltar de las gzhan yod pas 'byung ba chen po rnams la gcig gi bdag nyid can yod pa ma yin pa de bzhin du rgyu med pa can nyid du thal bar 'gyur bas 'byung ba las gyur ba yang 'byung ba rnams med par rkyang ba med do/ /de bzhin du sems med par sems las byung ba rnams mi srid pa/ sems las byung ba rnams med par sems ma yin no/ /de bzhin du skye ba la sogs pa mtshan nyid rnams med par mtshan gzhi gzugs la sogs pa yod pa ma yin la/ mtshan gzhi med par yang rten med pa'i mtshan nyid mi srid do/ /gang gi phyir de ltar dngos po gcig po 'ga' la yang grub pa yod pa ma yin pa de'i tshe gcig rnams kyi tshogs pa med na du ma grub pa rgyang ring du spangs pa nyid do/ /zhes bshad pa/ gang gis gcig kyang yod min pa/ /des na du ma dag kyang med/ /re re ma grub pa yin dang tshogs pa rnams kyang grub pa med do/ /ci ste lhan cig 'byung bar nges bar khas blangs pas sun dbyung ba 'di rang gi sde pa la 'thed kyi pha rol po la ni ma yin te/ sa la sogs pa'i rdul phra rab de las gzhan pa'i dngos po la yod pa dang bral ba rtag pa rnams yod pa nyid du khas blangs pa'i phyir ro snyam na/ de la yang mi rigs pa nyid du brjod pa'i phyir bshad pa/ gal te gang na dngos de rnams/ /med der gcig yod ces 'dod na/ /de yang yang dag pa ma yin no/ /ci'i phyir zhe na/ gang gis kun la gsum nyid yod/ /des na gcig nyid yod ma yin/ /pha rol po la yang gcig ces bya ba'i dngos po 'ga' yang yod pa ma yin te/ gang gi phyir de la yang sa'i rdul phra rab la rdzas nyid dang gcig nyid dang yod pa nyid

  478. 239b

    ces bya ba de gsum yod la/ de bzhin du yon tan la yon tan nyid dang yod pa nyid dang gcig nyid ces bya ba yod do/ /gang gi phyir du ma yin pa de'i phyir gcig ces bya ba dngos po 'ga' yang yod pa ma yin no/ /de bzhin du zangs can la yang thams cad yon tan gsum gyi bdag nyid can yin pa'i phyir gcig gi dngos po 'ga' yang med pas bshad zin pa'i sun 'byin pa las mi 'da' o/ /gzhan yang sun 'byin pa'i tshul 'di mkhas pas rgol ba thams cad kyi phyogs bsal bar bya ba'i phyir sbyar bar bya'o zhes bslab pa'i phyir slob dpon gyis bshad pa/ yod dang med dang yod med dang/ yod med min zhes bya ba'i tshul/ /'di ni mkhas pas gcig nyid sogs dag la rtag tu sbyar bar bya/ /gcig nyid la sogs pa dag nyid dang gcig nyid dang gzhan nyid dang gnyi ga dang gnyi ga ma yin pa zhes bya ba ste/ blo bzang pos rgol ba rnams kyi gcig nyid la sogs pa'i phyogs rnam par gnas pa de dag la go rim ji lta ba bzhin du yod pa dang med pa nyid la sogs pas mtshon sun 'byin pa'i tshul gzhig par bya'o/ /de la 'bras bu yod par smra ba'i phyogs ni rgyu dang 'bras bu gnyis gcig pa nyid ces bya ba ste/ de'i ltar na 'bras bu de rgyu'i bdag nyid du rnam par gnas pa nyid du gyur ba 'bras bu'i bdag nyid du yongs su 'gyur ba ste med pa ni bya bar mi nus so/ /gal te 'byung na ni de'i tshe thams cad las thams cad 'byung bar 'gyur na/ thams cad las thams cad 'byung bar mthong ba yang ma yin te/ 'o ma la soD pa kho na las no la soD pa so sor des mthong ba'i phyir ro/ /de'i phyir rgol ba de'i ltar na rgyu dang 'bras bu dag gcig nyid du khas blangs pas 'bras bu yod pa nyid du skye ste de ltar na gcig nyid kyi phyogs so/ /gcig nyid kyi phyogs de la 'bras bu yod par smra ba dpyad pa'i sgo nas sun byin

  479. 240a

    pa rtag tu brjod par bya ste/ de yang 'bras bu yod nyid gang 'dod la/ /khyim gyi don du ka ba la /sogs pa'i rgyan ni don med 'gyur/ zhes bya ba 'des bshad la/ de bzhin du gang zhig 'byung bar byed pa de lngar yod ces byar mi rigs te/ gal te yod pa skye 'gyur na/ /skyes zin pa'ang 'byung bar 'gyur/ /gal te byas pa med kyang chos/ /yod na des sngom don med 'gyur/ /ci ste cung zang byed na yang/ /'bras bu yod pa mi srid do/ /zhes bshad do/ /de ltar mkhas pa rnams kyis 'bras bu yod par smra pas nye bar mtshon pa'i sun 'byin pa gcig nyid kyi phyogs la sbyar bar bya'o/ /'bras bu med par smra ba ni rgyu dang 'bras bu dag gzhan nyid du smra ba dag go /de dag gis ni yod pa skye ba don med par sems shing 'bras bu med pa kho na skye'o zhes rtogs te/ de dag gi gzhan nyid kyi phyogs la yang 'bras bu med pas nye bar mtshon pa'i sun 'byon par brjod par bya'o/ /de yang 'bras bu med nyid gang 'dod la/ /khyim gyi don ka ba la sogs pa'i rgyan mi don med 'gyur/ zhes bshad do/ /gang dag rgyu dang 'bras bu gnyis gcig nyid du 'gyur la gzhan nyid du yang 'gyur ro snyam du rtog pa de dag ni 'bras bu yod pa dang med par smra'o/ /de dag ni lhas sbyin srog gi bdag nyid du rnam par gnas shing lhas sbyin gyi bdag nyid du rnam par mi gnas par skye bar 'dod la/ de bzhin du gdu bu dang dpung rgyan la sogs pa gser gyi bdag nyid du rnam par gnas shing gdu bu dang dpung rgyan la sogs pa'i bdag nyid du rnam par mi gnas pa rnams skye bar rtogs so/ /de dag gi gcig nyid dang gzhan nyid gnyi ga'i phyoD la 'bras bu yod pa dang med par smra ba dgag pas nye bar mtshon pa'i sun 'byin brjod par bya'o/ /

  480. 240b

    de yang 'bras bu yod nyid gang 'dod dang zhes pa la sogs pas bshad de/ rgol ba gnyis kyi phyogs kyi skyon phyogs gcig la sbyar bar bya ba 'di ni khyad par ro/ /gang dag gi ltar na bum pa la sogs pa'i dngos po med par rang gi rgyu dag las gcig nyid dang gzhan nyid du brjod du med pa dag dngos po rdzas su yod pa'i rgyu can yin pa de dag la yod pa dang med par smra ba bzlog pa'i sgo nas yod pa yang ma yin med pa yang ma yin pa zhes bya ba dpyad par sun 'byin pa brjod par bya'o/ /de yang gnyi ga srid na ni de dag bgag pa'i sgo nas gnyi ga ma yin pa zhes bya bar 'gyur na/ gang gi tshi 'di gnyi ga mi srid pa de'i tshe gang bkag pas gnyis ma yin pa'i rtog par 'gyur zhes don gyis bshad zin pa nyid do/ /de ltar na go rim ji lta ba bzhin du/ yod dang med dang yod med pa/ / yod med min zhes bya ba'i tshul/ /'di ni mkhas pas gcig nyid sogs/ /ga la rtag tu sbyar bar bya/ /gzhan dag ni gal te gcig nyid dang gzhan nyid la sogs pa'i tshul kho nas dngos po rnams bkag gam 'o na te tshul gzhan gyis kyang yin zhe na/ brjod par bya ste/ yod dang med dang yod med dang/ /yod med min zhes bya ba'i tshul/ /'di ni mkhas pas gcig nyid sogs/ /dag la rtag tu sbyar bar bya/ /yod pa dang med pa dang/ yod kyang yod la med kyang med pa dang yod pa yang ma yin med pa yang ma yin pa zhes bya ba'i tshul 'di ni mkhas pa rnams kyis gcig nyid la sogs pa phyogs bzhin la rtag tu kho na sbyar bar bya'o/ /de la yod pa zhes bya ba ni bdog pa zhes bya ba'i don to/ /med pa zhes bya ba ni bdag ba ma yin pa zhes bya ba'i don to/ /yod kyang yod la med kyang med ces bya ba ni bdog kyang bdog la mi bdog kyang mi bdog ces bya ba'i don to/ /yod pa yang ma yin med pa yang ma yin zhes bya ba ni bdog pa yang ma yin ma bdog pa

  481. 241a

    yang ma yin zhes bya ba'i don to/ /gcig nyid sogs dag la zhes bya ba ni/ gcig nyid dang gzhan nyid dang gnyi ga dang gnyi ga ma yin pa zhes bya'o/ /de la gnyis sam mang po rnams la gcig nyid dam gzhan nyid dang/ gnyi ga dang gnyig ma yin pa zhig tu 'gyur grang na/ de la gang dag gi snam bu dang dkar po gcig nyid ces bya ba phyogs yin pa de la yod pa zhes bya ba'i tshul 'di yul dang dus dang mtshan nyid las sbyar bar bya'o/ /de la re zhig yul las ni gal te snam bu dang dkar po dag gcig nyid yin na/ gang dang gang na dkar po yod pa de dang de na snaM bu yang yod par 'gyur bar bya dgos po/ /gang dang gang na snaM bu yod pa de dang de na dkar po 'ang yod par 'gyur bar bya dgos so/ /ci ste gang dang gang na dkar po yod pa de dang de na snam bu yod par mi 'gyur zhing/ gang dang gang na snam bu yod pa de dang de na dkar po yod par ma 'gyur na ni/ de na snam bu dang dkar po dag gcig nyid yin no zhes gang 'dod na de mi 'thad de/ yul tha dad pa'i phyir ro/ /dus las kyang ste/ de la dus ni rnam pa gsum ste/ 'das pa dang ma 'ongs pa dang da ltar ro/ /de la 'das pa la ni 'das pa'i gnas skabs kho nar sngar skyes pa'i dkar po mthong ngo/ /gal te snam bu dang dkar po dang gcig nyid yin na ni de'i tshe gal te dkar po sngar skyes na ni snam bu yang sngar skyes par 'gyur dgos so/ /ci ste snam bu phyis skyes na/ /dkar po yang phyis skye bar 'gyur dgos so/ /gal te dkar po sngar skyes na ni de lta na snam bu phyis skyes pa yin la/ gang zhig sngar skyes pa dang gang zhig phyis skyes pa de dag ni gcig nyid du mi 'gyur te/ skye ba'i rim pa tha dad pa'i phyir ro/ /gzhan yang gal te snam bu dang dkar po dag gcig nyid du 'gyur

  482. 241b

    na ni de'i tshe dkar po zhig na snam bu 'jig par 'gyur dgos la/ snaM bu zhig na yang dkar po 'jig par 'gyur dgos na/ gang gi tshe dkar po zhig na dkar po 'jig par 'gyur gyi snam bu 'jig par mi 'gyur la/ snam bu zhig na yang snam bu kho nar 'jig par 'gyur gyi/ dkar po 'jig pa ni ma yin te/ de la snam bu dang dkar po dag gcig nyid do zhes gar 'dod pa de ma yin te/ 'jig pa dang mi 'jig pa tha dad pa'i phyir ro/ /gzhan yang dkar po zhes smra na dkar po zhes bya ba kho na smras par 'gyur gyi snam bu zhes smras pa ni ma yin no/ /snam bu zhes smras na yang snam bu kho na smras par 'gyur gyi dkar po zhes smras pa ni ma yin no/ /gang gi phyir dkar po zhes smra na dkar po zhes bya ba kho na smras par 'gyur gyi snam bu zhes smras par mi 'gyur la/ /snam bu zhes smras na yang snam bu kho na smras par 'gyur gyi dkar po ma yin pa de'i phyir yang de dag gcig tu mi 'gyur gyi smras pa dang ma smras pa tha dad pa'i phyir ro/ /mtshan nyid las kyang ste/ 'di na mtshan nyid ni dkar po'i ngo bo yin la/ mtshan gzhi ni snam bu yin na gal te de gnyis gcig nyid du 'gyur na ni/ de'i tshe gal te dkar po mtshan nyid yin na snam bu yang mtshan nyid kho nar 'gyur ro/ /gal te snam bu mtshan nyid du mi 'gyur na ni dkar po yang mtshan nyid du ma gyur cig /gal te dkar po kho na mtshan nyid du 'gyur gyi snam bu ma yin la snam bu kho na mtshan gzhir 'gyur gyi dkar po ni ma yin na ni de la snam bu dang dkar po dag gcig nyid de zhes gang 'dod pa der mi 'gyur te/ mtshan nyid dang mtshan gzhi tha dad pa'i phyir ro/ /ji ltar snam bu dang dkar po dag gcig nyid bkag pa de bzhin du dngos po thams cad kyi gcig nyid dgag pa yang rgyas par brjod par bya'o/ /'dir smras

  483. 242a

    pa snam bu dang dkar po dag gcig nyid dgag pa ni smras na/ gzhan nyid la brjod par bya'o/ /brjod par bya ste/ gal te snam bu dang dkar po dag gzhan nyid yin zhing/ /gal te yon tan rdzas la brten pa'i phyir dkar po snam bur mi 'gyur na ni ji ltar gal te mchod sbyin lhas sbyin zhes bya ba'i spun zla ma yin na lha sbyin yang mchod sbyin gyi spun zlar mi 'gyur ba nyid yin pa ltar snam bu yang dkar por mi 'gyur ro/ /gal te dkar po dang ldan pa las snam bu dkar por 'gyur ro zhes 'dod na/ de la yang brjod par bya ste/ gal te dkar po dang ldan pas snam bu dkar por 'gyur na/ snam bu de ci dkar po dang ldan pas dkar po'i mtshan nyid thob pa zhig gam 'on te ma thob pa zhig yin grang na/ gal te re zhig dkar po'i mtshan nyid thob pas snam bu dkar po nyid du 'gyur na ni 'di'i snam bu nyid nyams par 'gyur ro/ /ci ste dkar po'i mtshan nyid ma thob pa yin na ni dkar po'i mtshan nyid ma thob pa'i phyir ldan pa yod kyang snam bu dkar por mi 'gyur te/ de la dkar po dang ldan pas snaM bu dkar po yin no zhes bya ba gang 'dod pa ma yin no/ /ji ltar snam bu dkar por ma 'gyur ba de bzhin du snam bu'i khyad par gang dag sngon po dang ser po dang dmar po dag dmar ser dang ser skya dang phug ron kha dang/ nag po dang/ ring po dang/ thung du dang/ 'jam pa dang rtsub pa la sogs pa de dag las snam bu gzhan nyid yin pa'i phyir thams cad du srid pa med par 'gyur ro/ /thams cad du srid pa med pas kyang snam bu nyid du mi 'gyur ro/ /ji ltar snam bu nyid du mi 'gyur ba de bzhin du dngos po thams cad kyang yon tan gyi khyad par de dang de dag la gzhan nyid yin pa'i phyir thams cad du srid pa med par 'gyur ro/ /'dir smras pa/

  484. 242b

    yod pa dang med pa dag gis gcig nyid dang gzhan nyid la ni dgag pa sman gnyi ga'i phyogs la yang dgag pa brjod par bya'o/ /brjod par bya ste/ gang gi snam bu dang dkar po dag gcig nyid du yang 'gyur la gzhan nyid du yang 'gyur ro zhes bya ba phyogs yin pa de la gcig nyid dang gzhan nyid dag la?? sngar bshad pa dag kho nas dgag pa rnam par bshad do/ /gnyi ga ma yin pa gang gi phyogs yin pa de la mdor bsdus nas dgag pa brjod par bya'o/ /gal te snam bu dang dkar po dag gcig nyid ma yin la/ gnyi ga nyid kyang ma yin na ni gnyi ga'i mtshan nyid ma thob pa'i phyir dkar po yang dkar po nyid ma yin zhing dkar po ma yin pa yang ma yin la snam bu yang snam bu nyid ma yin zhing snam bu ma yin pa yang ma yin no/ /de'i phyir mtshan nyid gnyi ga ma thob pa'i dkar po la ci'i phyir dkar po zhes brjod rkyi nag po zhes ma yin gang gi phyir dkar po de la dkar po zhes bya ba brjod kyi nag po zhes bya ba ma yin pa de'i phyir dkar po nyid du yod do/ /mtshan nyid gnyi ga ma thob pa'i snam bu de la yang ci'i phyir snam bu zhes brjod kyi bum pa zhes ma yin gang gi phyir ro sni bu di le snam bu zhes bya ba nyid brjod kyi bum pa zhes bya ba ma yin pa de'i phyir snam bu nyid du yod do/ /de ltar dkar po nyid dang snam bu nyid du grub dang/ gdon mi za bar de dag gcig nyid dam gzhan nyid du 'gyur dgos la gcig nyid yin na ni slar yang gcig nyid 'gog pa'i rim pa kho na brjod par bya'o/ /gzhan nyid yin na yang gzhan nyid 'gog pa'i tshul lo/ /de bzhin du dngos po thams cad la yang 'gog pa'i tshul rgyas par brjod par bya'o zhes rnam par 'chad do/ /'dir smras pa/ gal te de ltar ma grub pa'i phyir dngos po rnams kyi rang bzhin med na rgol ba de dag 'thad pa gang gis dngos po yod par rtog ce na/ de la 'thad pa 'ga' yang med kyi 'on kyang/ ji ltar rgyu la blta nyes na/ /rtag pa yod ces byar 'gyur ba/

  485. 243a

    de bzhin tshogs la blta nyes na/ dngos po yod ces bya bar 'gyur/ /ji ltar mar me'i me lce skad cig re re la 'jig cing snga ma dang phyi ma skad cig rgyu dang 'bras bu 'brel ba rnaM dang mchad par gnas pa la rgyu dang rkyen gyi tshogs pa yod na yod pa'i rgyun 'byung ba de bzhin du 'du byed skyes ma thag tu 'jig pa thams cad la bdag nyid ji lta bu'i rgyu dang rkyen gyi tshogs yod na yod pa'i rgyun rgyu dang 'bras bu'i 'brel pa rnam par ma chad par gnas pa thog ma med pa 'byung ngo/ ? de'i phyir ji ltar rgyun de'i rang gi ngo bo ji ltar gnas pa ltar nges par 'brigs shir phyin ci log tu nges pa'i phyi rol pa'i drang srong rnams la sngon gyi gnas rjes su dran zhing 'dir skad ?? mar 'jig pa mngon sum ma yin pas phung po gcig nas gcig tu brgyud pa'i rgyun la nges par mthong ba yin dang bdag gam gzhan yang rung ste/ dngos po rtag pa yod do snyam par 'byung ba de bzhin du tshogs pa de dang de la brten nas 'byung ba dang 'byung ba las gyur pa dang/ sems dang sems byung ba dang/ mtshan nyid gzhi dang mtshan nyid la sogs pa'i bdag nyid can dang de'i nye bar len pa can rtsa dang byam dang rdzas la sogs pa tshogs pa khyim la sogs pa dang dngos po tshogs pa bum pa la sogs pa dang dngos po tshogs pa bdag dang nam mkha' la sogs pa yod do/ /tshogs pa las logs shig tu mtshan nyid ma grub pa'i chos 'byung ba dang 'byung ba las gyur pa dang/ sems dang sems las byung ba dang/ bum pa la sogs pa gzugs brnyan dang brag cha la sogs pa dang 'dra ba de dang de las so so so sor 'jig rten pa'i phyin ci log tshad mar byas te 'jig rten gzhug par bya ba'i phyir nye bar blangs nas sam brten nas rang dang spyi'i mtshan nyid du 'jogs pa tsam zhig byed la/ de dag kyang skye ba na tshogs pa kho na skye zhing tshogs pa kho na 'gag par 'gyur ro/ /de'i phyir tshogs

  486. 243b

    pa de ji lta ba bzhin ma shes pa dang blta ba nyes bas rgol ba dag la sogs pas mo la rang gi ngo bos yongs su grub par rtog cing phyin ci log tsam las rig pa med pa'i dngos po kho na rtogs so/ /gal te de ltar dngos po med pas kho bo cag gi dngos por lta ba phyin ci log yin na/ khyod kyang dngos po khas mi len na dngos po med par blta bar 'gyur na da yang shin tu mi riT te/ mthong ba dang ma mthong ba dang 'gal ba'i phyir ro zhe na/ bshad par bya ste/ bdag ni dngos po med par smra ba ma yin te/ rten cing 'brel par 'byung smra ba yin pa'i phyir ro/ /ci khyod dngos por smra ba zhig gam zhe na ma yin te/ rten cing 'brel par 'byung ba smra ba yin pa nyid kyi phyir ro/ /khyod ci smra ba zhig ce na/ rten cing 'brel par 'byung bar smra ba'o/ /yang rten cing 'brel par 'byung ba'i don gang zhe na/ rang bzhin med pa'i don dang/ rang bzhin gyis ma skyes pa'i don dang/ sgyu ma dang smig rgyu dang gzugs brnyan dang dri za'i grong khyer dang sprul pa dang rmi lam dang mtshungs pa'i rang bzhin can gyi 'bras bu 'byung ba'i don dang/ stong pa nyid bdag med pa'i don to/ /'di ltar/ gang la brten nas 'byung yod pa/ /de na rang dbang mi 'gyur ro/ /'di kun rang dbang med pa ste/ des na bdag ni yod ma yin/ /'di na gang la rang gi ngo bo dang rang bzhin dang rang dbang dang gzhan la rag ma las pa nyid yin pa de la ni rang las grub pas rten cing 'brel par 'byung ba yod pa ma yin na 'dus byas thams cad rten cing 'brel par 'byung ba yang yin no/ /de ltar na dngos po gang la brten nas 'byung ba yod pa de ni rang dbang du mi 'gyur te/ rgyu dang rkyen la rag las skye ba'i phyir ro/ /'di kun rang dbang med pa ste/ /de'i phyir dngos po gang la yang bdag ste rang bzhin yod pa ma yin no/ /de'i phyir 'dir rten cing 'brel par 'byung ba rang dbang ba'i ri bo dang bral ba'i phyir rang dbang ba'i ngo bo dang bral

  487. 244a

    ba'i don stong pa nyid kyi don yin gyi thams cad dngos po med pa'i don ma yin no/ /de'i phyir 'di la rten cing 'brel par 'byung ba byas shing sgyu ma dang 'dra ba kun nas nyon mongs pa dang rnam par byang ba'i rgyu la skur ba btab pas de med par lta ba phyin ci log yin la rang bzhin yod pa ma yin pa'i phyir na dngos por lta ba yang phyin ci log yin no/ /de'i phyir de ltar na dngos po rang bzhin dang bcas par smra ba rnams la rten cing 'brel bar 'byung ba med pa dang rtag pa dang chad par lta ba'i skyon du 'gyur ro/ /ci ste gal te rang dbang med pa'i don rten cing 'brel par 'byung ba'i don yin na ni 'o na gang khyed kyis nges cag la gnod par 'gyur ba khyod dang ded cag la khyad par ci yod snyam du sems na bshad par bya ste/ /gang khyed kyis rten cing 'brel par 'byung ba'i don ji lta ba bzhin rtog pa dang brjod pa mi shes pa 'di ni khyad par ro/ /ji ltar byis pa gzhon nu tha snyad la ma byang bas gzugs brnyan la bden par gyur par lhag par sgro btags pas ji lta ba bzhin gnas pa'i rang bzhin stong pa nyid bsal nas rang bzhin dang bcas par rtogs na gzugs brnyan rtog mi shes pa de bzhin du khyod kyis kyang rten cing 'brel par 'byung ba khas blangs kyang gzugs brnyan dang mtshungs pa'i rten cing 'brel par 'byung ba rang bzhin gyis stong pa nyid du gyur kyang rang gi ngo bos ji ltar gnas pa bzhin khong bu chud par mi shes te/ rang bzhin med pa nyid du mi 'dzin pa'i phyir dang/ /yod pa ma yin pa'i rang gi ngo bo la yod pa'i rang gi ngo bo nyid du lhag par sgro btags na 'dzin pa'i phyir ro/ /brjod kyang mi shes te/ rang bzhin me dpa nyid du mi brjod pa'i phyir dang dngos po'i rang gi ngo bo nyid du brjod pa'i phyir ro/ /de'i phyir de ltar rtogs pa dang brjod mi shes pa na bdag nyid dang gzhan nyid bslu bar byed do/ /de'i phyir kho bo cag tshes

  488. 244b

    tshegs che ba 'dir gnas pas bstan bcos byed pa'i rtsom pa 'di 'bras bu med pa ma yin no/ /gang gi phyir 'gal la yang ngo bo nyid kyi skye ba yod pa ma yin pa de nyid kyi phyir/ 'bras bu med par dngos po ni/ /kun la 'du ba yod ma yin/ /'bras bu'i don du 'du ba gang/ /de ni 'phags la ma 'dus pa'o/ /gal te dngos po rnams kyi 'jug pa rang bzhin par 'gyur na ni de rtag pa dang 'bras bu la bltos par mi 'gyur te rang bzhin ni 'bras bu la mi bltos so/ /gcig gi dngos pos ni 'gags kyang 'bras bu cung zad kyi sgrub par mi nus pas tshogs pa'i 'bras bu bsgrub par bya ba la phan tshun 'du bar yang 'gyur la/ gang zhig 'bras bu'i ched du 'du ba de ni de'i rang bzhin gzhigs pa'i 'phags pa rnams la 'du ba med pa zhig ste bden par gyur pa nyid de mngon par mi bzhed do// /zhes bya ba'i don to/ /de nyid kyi phyir rnam par shes pa dngos po'i rang gi ngo bo lhag par sgro 'dogs par byed pa nyon mongs pa can gyi mi shes pa'i dbang gis dngos po rnams la chags pa dang ldan zhing 'khor pa 'jug pa'i sa bon du gyur pa rnam pa thams cad du 'gags pa las 'khor ba ldog par rnam par bzhag go zhes bstan pa'i phyir bshad pa/ srid pa'i sa bon rnams shes te/ /yul rnams de yi spyod yul lo/ /yul la bdag med mthong ba ni/ /srid pa'i sa bon 'gag par 'gyur/ /ji skad bshad pa'i tshul gyis yul rang bzhin med par mthong bas chags pa'i rgyu rnam par shes pa srid pa'i sa bon du gyur pa rnam pa thams cad du log pa las nyan thos dang rang sangs rgyas dang/ mi skye ba'i chos la bzod pa thob pa'i byang chub sems dpa' rnams la 'khor ba ldog pa rnam par bzhag go /de bzhin gshegs pa'i ye shes 'byung ba'i sa bon byang chub gyi sems de ni de rnams la mi ldog ste/ thams cad la de bzhin gshegs pa'i ye

  489. 245a

    shes rnyed pa gdon mi za bar 'byung ba'i phyir ro/ /gang dag gis byang chub kyi sems rnam pa de lta bu ma bskyed pa de dag gis kyang phyis gdon mi za bar bskyed nas byang chub sems dpa' i spyod pas bla na med pa'i ye shes thob? bar bya ba kho na ste/ 'di ni 'phags pa dam pa'i chos pad+ma dkar po'i mdo la sogs pa la btsal bar bya'o/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya pa las mthar 'dzin pa dgag pa bsgom pa bstan pa zhes bya ba ste rab tu byed pa bcu bzhi pa'i 'grel pa'o// //'dir smras pa/ 'dus byas rang bzhin gyis yod pa nyid de de'i mtshan nyid skye ba la sogs pa yod pa'i phyir ro/ /bong bu'i rwa la sogs pa yod pa ma yin pa la 'dus byas kyi mtshan nyid yod pa ma yin na 'dus byas la ni 'dus byas kyis mtshan nyid skye ba la sogs pa yod pa yang yin no/ /de'i phyir 'dus byas yod de zhe na/ bshad par bya ste/ gal te de'i mtshan nyid lha zhig tu 'gyur na ni 'dus byas yod par 'gyur na yod pa yang ma yin no/ /ji ltar byas te zhe na/ 'di na skye ba 'di 'dus byas kyi dngos po bskyed pa na 'dus byas med pa 'am yod pa zhig bskyed gang na/ de la re zhig gar 'bras bu med par smra bde'i ltar na sa bon gyi gnas skabs na myu gu med pa'i phyir rgyu dang rkyen gyi tshogs pas sa bon gyi mdza' i skad cig las myu gu skye'o/ /de'i phyir rgol ba de'i/ tha mar med pa skye bar 'gyur/ zhes bya ba phyogs yin no/ /yod pa ma yin pa ni 'byung bar rigs pa yang ma yin pa ste/ bong bu'i rwa la sogs pa yang skye bar thal ba'i phyir ro/ /de nyid kyi phyir/ des na med pa ga la skye zhes bya ba smos so/ /des na zhes bya ba ni yod pa ma yin pa nyid kyi rgyu so/ /ga la zhes bya ba ni mi srid pa la ste/ yod pa ma yin pa'i phyir med pa la skye ba med

  490. 245b

    do zhes bya ba'i don to/ /ci ste nyes pa 'dis 'jigs nas 'bras bu yod par smras pa yod pa kho na la skye ba 'dod na/ de lta na/ yod pa gdod mar skye 'gyur ba/ /des na yod pa ga la skye/ /gal te skye ba'i ches snga rol sa bon gyi gnas skabs kho nar myu gu skye bur rtog na de'i tshe skye bar mi 'gyur te yod pa'i phyir ci ste yod pa la skye bar yongs su rtog na de'i tshe skye ba thug pa med par 'gyur zhing/ de la slar skye bas byas pa'i bogs su yang 'gyur na de ni sred pa yang ma yin pas yod pa la yang skye ba yod pa ma yin gzhan yang/ 'bres bu yis ni rgyu bshig pa/ /des na med pa skye mi 'gyur/ /gang gi phyir myu gu skye bzhin pas rgyu sa bon zhes bya ba bshig pa de'i phyir myu gu med pa kho na sa bon las skye'o zhes bya ba yang mi rigs so/ /ji ltar nas dang gro la sogs pa dag la yod pa ma yin pa'i sa lu'i myu gu de dag rnam par 'gyur bas skye ba ma yin pa de bzhin du yod pa ma yin pas sa lu'i sa bon rnam par 'gyur bas kyang skye ba ma yin pa zhig na 'bru mar byung na til la sogs pa dag ltar myu gu skye pa na sa bon de 'jig pa yang yin no/ /de'i phyir med pa mi skye'o/ /grub la sgrub byed yod ma yin/ /de'i phyir yod pa mi skye yi/ /grub zin pa'i myu gu ni slar 'grub pa ma yin pas yod pa yang mi skye'o/ /skye ba'i dus mi srid pa'i phyir yang skye ba yod pa ma yin par brjod pa'i phyir bshad pa/ de'i tshe skye ba yod min zhid/ gzhan tshe skye ba yod ma yin/ /de tshe gzhan che mi skye na/ ni zhig skye ba yod par 'gyur/ /gang gi tshe myu gu 'di bdag gi dngos po rnyed pa yin pa de'i tshe ni grub pa'i ngo bo yin pa'i phyir 'di la skye ba mi srid do/ /gang gi tshe 'di ma grub pa'i ngo bo yin pa'i dus der yod 'di skye ba mi rigs te/ ma grub pa na med pa nyid kyis rten pa'i skye ba'i bya ba mi 'byung bas gzhan gyi tshe skye ba mi srid do/ /cung zad cig grub cing

  491. 246a

    cung zad cig ma grub pa grub bzhin pa la yang phyogs gnyis gar brjod pa'i skyon du thal ba'i phyir de'i cho dang gzhan gyi tshe skye ba mi srid do/ /gang gi tshe de ltar dus gsum chang du yang skye ba mi srid pa de'i tshe de las tha dad pa gzhan mi srid pas nam zhig skye ba yod par 'gyur te/ gang du 'di skye bar 'gyur ba'i dus de yod pa ma yin no snyam du dgongs so/ /'dir smras pa/ 'o ma zho'i dngos por 'byung bar skye ba yin no/ /'di yang mi rigs te/ lom? la zho'i dngos po mi srid pa'i phyir ro/ /re zhig 'o ma'i dngos por gnas pa'i 'o ma la na de'i bdag nyid du skye ba med de/ de'i 'o ma'i bdag nyid der yod pa'i phyir ro/ /de'i phyir de ltar na/ de la de yid dngos po ru/ /ji ltar skye ba yod de min ltar/ / de bzhin gzhan gyi dngos por yang/ de la skye ba yod ma yin/ ji ltar 'o ma'i ngo bor gnas pa'i 'o ma la skye ba mi srid pa de bzhin du 'o ma las gzhan zho'i dngos por skye ba yang mi srid do/ /gang las 'o ma zho yin na zhes bya bar 'gyur pa'o ma zho zhes bsnyad pa yang ma yin te/ gang gi tshe zho yin pa de'i tshe de 'o ma ma yin la/ yang gang gi tshe de 'o ma yin pa de'i tshe de zho ma yin pas 'o ma zhor 'gyur ro zhes bya bar mi rung ngo/ /'di las kyang 'dus byas la skye ba med de/ 'di ltar/ thogs bar dang tha ma rnams/ /skye ba'i snga rol srid ma yin/ /'dir thog ma dang bar dang tha ma dag ni dngos po'i skye ba dang gnas pa dang 'jig pa ste/ re zhig de dag skye ba'i snga rol gyi gnas skabs na/ yod pa'i ngo bor med pas skye ba'i snga rol na 'dus byas mi srid do/ /ci ste skye ba'i dus na skye ba yin la gnas pa'i dus na gnas pa yin zhing 'jig pa'i dus na 'jig pa'o snyam na/ 'di yang mi rigs te/ 'di ltar gnyis gnyis dag ni med pa ru/ /ji ltar re re rtsom par

  492. 246b

    'gyur/ /'dir skye ba'i dus na gnas pa dang mi rtag pa gnyis med pas gnas pa dang/ 'jig pa dang bral ba'i 'dus byas nyid med pa'i phyir skye bar yang mi 'gyur ro/ /de bzhin du gnas pa'i dus dang 'jig pa'i dus su yang gnyis gnyis dag med par re re 'dug pa mi srid la/ /de med pas 'dus byas ma yin no/ /'di las kyang 'dus byas kyi skye ba mi rigs te gang gi phyir/ gzhan gyi dngos po med par ni/ bdag gi dngos po 'byung ba med/ /de yi phyir na bdag gzhan ni/ /gnyis ka las 'byung yod ma yin/ 'dir bum pa la rang las grub pa'i ngo bo med de gyo mo la bltos pa'i phyir ro/ /gyo mo de dag la yang bdag gi dngos po med de gseg ma la bltos pa'i phyir ro/ /de'i phyir de ltar na gzhan gyi dngos po gyo mo med na bum yal? bdag gi dngos po yong pam yin no/ de bzhin du kyo mo dag la gyo mo'i bdag gi dngos po med na gyo mo dag bum pa la bltos nas gzhan pa nyid duAng mi 'gyur ro/ /gang gi phyir de ltar bdag gi dngos po med par 'ga' yang gzhan nyid du mi 'gyur ba de'i phyir gnyis ka la skye ba mi srid de/ bdag dang gzhan dag mi srid pa'i phyir ro/ /rang gi ngo bo med pas rang la skye ba mi srid do/ /gzhan yang rang gi ngo bos? ma grub pa'i phyir gzhan la yang mi srid pas skye ba med do/ /gzhan yang skye ba med pa 'di skye ba po'i snga rol lam phyis sam cig car rtog grang na de la gal te snga rol tu yin ni/ mi rigs te rten med pa'i phyir ro/ /ci ste gyis yin na de yang mi rigs te/ ma skyes pa ni yod pa ma yin pa'i phyir dang/ skye ba don med pa'i phyir ro/ /ci sde cig car yin na ni de'i tshe gnyi ga yang phan tshun bltos pa med pa nyid du 'gyur ro/ /de'i phyir de ltar na/ sngon dang phyis dang cig car zhes/ brjod pa nyid du mi nus pa/ /de'i phyir skye dang bum pa la/ /cig car 'byung ba yod ma yin/ /gang gi phyir skye ba po dang skye ba la rim pa 'di mi srid

  493. 247a

    pa de'i phyir skye ba dang bum pa la cig car 'byung ba yod pa ma yin no/ /gang gi tshe yod pa ma yin pa de'i tshe bum pa skye'o zhes bya bar mi rigs so/ /'dir smras pa/ bum pa'i skye ba yod pa nyid de/ gal te 'di skye bar mi 'gyur na ni de'i tshe 'di'i rnying pa'i ngo bor mi 'gyur ba zhig na/ 'di la gog po nyid kyi mtshan nyid can rnying pa'i ngo bo yod par mthong ba yang yin no/ /de'i phyir rnying pa'i ngo bo yod pas skye ba yod pa nyid do/ /bshad par bya ste/ gal te 'ga' zhig la rnying pa nyid yod na ni skye ba yod par 'gyur na srid pa yang ma yin no/ /ji ltar zhe na/ 'di ni gal te rnying pa zhes bya ba cung zad cig yod na ni sngar skyes pa nyid di phyis skye ba zhig yin grang na gnyi ga ltar yang mi skye'o zhes bstan pa'i phyir bshad pa/ sngar skyes pa'i phyir na ni/ /sngar skyes rnying par mi 'gyur zhing/ /phyi nas kun tu skyes pa yang/ /phyi nas skyes par mi 'gyur ro/ /rnying pa'i rnying pa nyid gang yin pa de ni 'jig rten gyi dngos po sngar skyes pa la rtog na/ bum pa'i sngar skyes pa'i gnas skabs ni rnying pa nyid du mi rigs te/ de'i tshe de la gsar pa zhes bsnyad pa'i phyir ro/ /phyis skye ba'i gnas skabs khe tshang ma la yang phyis skyes pa'i phyir sar pa yin pas rnying pa nyid du ga la 'gyur/ gal te sngar skyes pa de da ltar rnying pa yin no zhe na/ ci ste de nyid yin nam/ gzhan yin/ gal te de de nyid yin na ni de'i tshe sar pa'i gnas skabs ma nyams pa'i phyir de rnying pa ma yin no/ /ci ste gzhan yin na ni de yang de ltar skyes ba'i phyir sar pa kho nar 'gyur bas de rnying pa ma yin no/ /de'i phyir de ltar na rnying pa nyid med pas de yod pas mtshon pa'i skye ba mi srid do/ /de ltar rnam par dpyad pa grub pa yin dang dus ches yun ring bar ting nge 'dzin bskoms pas rga ba dang 'khor ba

  494. 247b

    rnying par byed cing pham par byed pa byang chub sems dpa' rnams kyi chos thams cad rang bzhin med pa bsgoms pas kyang 'chi ba'i mi dga' ba 'joms shid pham par byed do/ /ji skad du re'i tshe rga ba rgya chen ni/ /med cing sdug bsngal 'chi ba med/ /ces bya la gsogs pa dang/ de bzhin du/ gang zhig rtag tu skye ba skye med par/ /shes de 'chi bdag pha rol 'da' bar 'gyur zhes rgya cher gsungs so/ /'di las kyang skye ba mi srid do/ /dus gsum car du yang de mi rigs pa'i phyir ro/ /de nyid bstan pa'i phyir bshad pa/ da ltar ba'i dngos po ni/ de nyid las byung ma yin zhing/ /ma 'ongs las 'byung yod min la/ /'das pa las kyang yod ma yin/ /da ltar ba'i don 'di nyid las de nyid 'byung ba ni med de/ /rgyu dang 'bras bu dag cig car med pa'i phyir la/ cig car pa nyid du yong na yang rgyu dang 'bras bu'i dngos po mi 'thad pa'i phyir ro/ /ma 'ongs pa las byung ba yod min te/ ma 'ongs pa yod pa ma yin pa'i phyir bdag nyid can yin pa'i phyir ro/ /'das pa las kyang 'byung ba yod pa ma yin te/ 'das pa yang yod pa ma yin pa'i phyir ro/ /gang gi tshe dus gsum char du yang 'byung ba yod pa ma yin pa de'i tshe rang bzhin gyis skye ba med do zhes bya ba gnas so/ /gzhan yang gal te dngos po de dag la rang gi ngo bos yod na ni de'i tshe rang bzhin la ldog pa med pas dngos po skyes pa'i rang bzhin ma byung ba las byung ba med pa'i phyir gshed nas 'ongs par 'gyur ro/ /'gags pa'i rang bzhin la yang byung nas med pa med pa'i phyir gshed du 'gro bar 'gyur na/ 'di ni srid pa yang ma yin no/ /bcom ldan 'das kyis dge slong dag de ltar na mig ni skye ba gang nas 'ongs pa ma yin la/ 'gag pa na gar yang 'gro ba ma yin no zhes gsungs la/ de bzhin du 'phags pa glang po rtsal gyi mdo

  495. 248a

    las/ gal te ches rnams rang bzhin yod 'gyur na/ /rgyal ba nyan thos bcas pas de mkhyen 'gyur/ /ther thug chos ni mya ngan 'da' mi 'gyur/ /mkhas rnams nam yang spros dang bral mi 'gyur/ zhes gsungs so/ de'i phyir de ltar na don gang zhig /skyes pa la ni 'ong ba dang/ /de bzhin 'gags la 'gro ba med pa de las nges par rang bzhin med do/ /gal te de la rang bzhin med na/ ci zhig yod ce na/ brjod par bya ste/ gang kun nas nyon mongs pa dang rnam par byang ba'i rgyur byas pa'i ngo bo rten cing 'brel par 'byung ba de yod la/ sgyu mar byas pa'i glang po che dang rta la soT pa dang 'dra ba de yang byis pa phyin ci log pa dag gis rang bzhin dang bcas pa nyid du yongs su rtog go/ 'phags pa rnams kyis ni sgyu ma dang smig rgyu la sogs pa ltar rang bzhin med pa don ji lta ba bzhin du yongs su gcod do/ /ji skad du mdo las/ sems can mi dang shed skyes kyang rung ste/ 'dir skye shi ba 'ga' yang skye mi 'gyur/ /chos kun rang bzhin sgyu 'dra stong pa ste/ /mu stegs can gyis shes par nus ma yin zhes gsungs la/ de bzhin du chos kun sgyu ma 'dra zhing de bzhin du/ /rmi lam dang mtshungs sprin ltar blta byas nas/ /'di 'dra'i chos kyi tshul la rnam spyod pa/ /rdzogs par gnas shing chos la legs gnas sgom/ /gang zhig bdag dang bdag gi snyam sems shing/ /dngos po phra mo de bzhin du zhen pa/ 'dzin gnas mi mkhas de ni 'jigs 'gyur te/ /chags shing sdad la de bzhin rmongs par 'gyur/ /shAkya'i smras po rang bzhin med pa'i chos/ /rten cing 'brel par 'byung ba rtogs 'gyur te/ /nam mkha' lta bu'i sems dang ldan pa ni/ /legs par mthong nas mi 'khor grol mi

  496. 248b

    'gyur/ /zhes gsungs so/ /slob dpon yang 'phags pa'i ye shes la bltos nas rnam par dpyod pa'i 'bras bu brjod? pa'i phyir gsungs pa ni/ /de ltar yin na ji lta bur /srid pa sgyu ma 'dra ma yin/ zhes bya ba ste/ rten cing 'brel par 'byung ba ni ji lta ba bzhin mthong ba sgyu ma byas pa lta bur 'gyur gyi mo gsham gyi bu lta bu ni ma yin no/ /gal te rnam par spyod pa 'dis skye ba rnam pa thams cad du bkag pa las 'dus byas skye ba med par bstan par 'dod na ni da'i tshe de sgyu ma lta bu nyid du mi 'gyur gyi mo gsham gyi bu la sogs pa dag gis nye bar gzhal bar 'gyur ba zhig na/ rten cing 'brel par 'byung ba med par thal bar 'gyur ba'i 'jigs pas de dag dang bstun ?? mi byed kyi/ de dang mi 'gal bsgyu ma la sogs pa dag dang ni byed do/ /de'i phyir 'phags pa ni sgyu ma byas pa lta bu'i srid pa snying po med pa nyid du gzigs pa na snying po med pa'i 'khor ba la chags pa thams cad yongs su zad pas rnam par grol bar 'gyur bas 'di la mi rigs pa ci yang med de/ 'dir rten cing 'brel par 'byung ba la skur pa ma btab pas 'jig rten pa'i rnam par bzhag pa thams cad mi 'jig la yang dag pa ji lta ba bzhin khong du chud pas thar pa 'grub pa'i phyir ro/ /de ltar 'dus byas sgyu ma byas pa lta bur brjod nas de'i mtshan nyid rnams kyang yod pa'i ngo bo ma yin par bstan pa'i phyir bshad pa/ skye dang gnas dang 'jig pa rnams/ /cig car 'byung ba yod min zhing/ /rim gyis 'byung ba yod min na/ /nam zhig 'byung ba yod par 'gyur/ /re zhig phan tshun 'gal ba'i phyir skye ba dang gnas pa dang 'jig pa rnams skad cig ma gcig la 'byung ba ni med do/ /rim gyis kyang 'gyur ba yod pa ma yin te/ gnyis gnyis dag med par re re 'byung ba med pa'i phyir ro/ /rim dang cig car ma gtoT

  497. 249a

    par grub pa'i rgyu gzhan ma gzigs pa'i phyir/ nam zhig 'byung pa yod par 'gyur zhes bya ba smos so/ /gzhan yang skye ba la sogs pa 'di rnams 'du byed kyi phung po'i khongs su gtogs pa'i phyir 'dus byas nyid yin te/ de'i phyir des par de rnams pa yang 'dus byas kyi mtshan nyid gzhan dag gcig 'gyur par bya dgos so/ /zhes bstan pa'i phyir bshad pa/ skye ba la sogs thams cad la /slar yang thams cad 'byung ste/ /de las 'jig pa skye 'dra zhing/ /gnas pa 'jig dang 'dra bar snang/ /skye ba la sogs te skye ba dang gnas pa dang 'jig pa 'dus byas nyid du khas blangs pa rnams la slar yang thams cad 'byung ba ste/ yang thams cad 'byung bar 'gyur ro/ /yang 'byung ba yin na ni skye ba la skye ba gzhan du 'gyur ro/ /ji ltar skye ba la skye ba gzhan yin ba'i tshul de las 'jig pa skye 'dra zhing sde/ 'jig pa la yang 'dus byas yin pas mtshan nyid gsum dang ldan no/ /de'i phyir 'jig pa la yang 'jig pa gzhan yod pas 'jig pa'i 'jig par 'gyur ro/ /de bzhin du gnas pa la yang 'dus byas kyi mtshan nyid gsum yod dang/ gnas pa'i gnas par 'gyur bas gnas pa 'jig pa dang 'dra bar snang ngo/ /de dag la'ang 'dus byas yin pa'i phyir gzhan dag tu 'gyur bar bya dgos la/ de dag la yang gzhan dag yin zhing/ de la yang gzhan dag tu 'gyur bas thug pa med de/ /thug pa med pa yin na yang dngos po thams cad mi 'grub pas 'dus byas kyi mtshan nyid rtsam rang bzhin gyis med do/ /gzhan yang mtshan nyid 'di rtsams 'byung ba na mtshan gzhi las tha dad pa'i ngo bo can zhig gam tha mi dad pa zhig mtshan nyid kyi las la 'jug grang na/ de la re zhig/ mtshan las mtshan gzhi gzhan zhan/ /mtshan gzhi mi rtag nyid ga las/ /ji

  498. 249b

    ltar cho ba dang grang ba dang bde ba dang sdug bsngal ba la sogs pa dag gcig la gcig med par 'gyur bas gzhan nyid du gnas pa de bzhin du mtshan gzhi yang mtshan nyid las tha dad par 'jug pa na mi rtag pa nyid med par yang 'byung par 'gyur na/ 'dus byas ni mi rtag pa nyid med par 'byung ba ma yin pas 'di'i gzhan nyid mi rigs so/ /ci ste nyes pa 'di spang bar 'dod nas mtshan nyid dang mtshan gzhi gzhan ma yin pa nyid du rtog na ni de'i tshe skyon gzhan 'di yin te/ 'di ltar yang na bzhi ga yang yod pa'i/ /ngo bor gsal bar yod ma yin/ /gal te mtshan nyid gsum dang mtshan gzhi gcig nyid du khas len na/ de'i tshe mtshan nyid gsum dang mtshan gzhi ste ?? yang dngos po med par 'gyur ro/ /ji ltar zhe na/ 'dir gcig nyid du khas blangs pa yin ni mtshan gzhi nyid du/ mi rigs pa'i phyir la mtshan gzhi yang mtshan nyid du mi rigs pa'i phyir bzhi car yang med bar 'gyur ba'am/ yang na rang gi ngo bo ma grub pa'i phyir de nyid dang gzhan nyid du khas blang bar mi bya'o/ /'dir smras pa/ skye ba la sogs pa rnams ni yod pa nyid de/ de dag gi rgyu mtshan gyi rgyu yod pa'i phyir ro/ /'dir myu gu la sogs pa rnams rgyu'i tshogs pa de dang de la brten nas 'byung bar de la mkhas pa rnams 'chad do/ /gal te skye ba la sogs pa rnams med na ni rgyu'i tshogs pa don med pa nyid du 'gyur na/ don med pa yang ma yin no/ /de'i phyir skye ba la sogs pa rnams yod pa nyid do/ /bshad par bya ste/ gal te 'ga' zhig las 'ga' zhig skye bar 'gyur na ni skye ba la sogs pa dag tu 'gyur na/ srid pa yang ma yin no zhes bstan pa'i phyir bshad pa/ dngos po dngos las mi skye ste/ dngos po dngos med las mi skye/ /dngos po dngos med mi skye ste/ /dngos med dngos las mi skye'o/ /re zhig dngos po myu gu grub pa'i ngo bo ni dngos po

  499. 250a

    sa bon rnam par ma gyur pa las skye ba mi srid de rnam par 'gyur bzhin pa ma yin pa'i sa bon skyed bar byed pa nyid du mi rigs pa'i phyir la/ grub pa'i myu gu dngos po'i ngo bo slar yang skye bar mi rigs pa'i phyir dngos po dngos po med pa las kyang mi skye ste/ dngos po med pas mes tshig pa'i sa bon la ni 'bras bu bskyed pa'i nus pa med la skye ba'i ngo bo can gyi dngos po la yang slar skye ba med pas dngos po med pa las mi skye'o/ /dngos po med pa dngos po med pa las kyang mi skye ste/ dngos po med pa las cung zang kyad sbyi pa'i nus pa med pa'i phyir la/ dngos po med pa la mo gsham gyi bu la sogs pa ltar skye ba mi srid pa'i phyir dngos po med pa las kyang dngos po med pa mi skye'o/ /dngos po med pa ni dngos bo las kyang mi skye ste/ bshad zin pa'i nyes pa thag tu 'bab pa nyid kyi phyir ro/ /de ltar na dngos po las kyang dngos po med pa mi skye'o/ /gang gi tshe dngos po dang dngos po med pa las dngos po dang dngos po med pa skye ba yod pa ma yin pa de'i tshe skye ba mi srid pas rgyu dang rkyen gyi tshogs pas dngos po ci zhig yod de/ 'di ni gyi na'o/ /'di las kyang yod pa ma yin te/ skye pa dang 'jig pa dag mi rigs pa'i phyir ro/ /'dir skye ba dngos po'i rang bzhin gyi don nam dngos po med pa'i rang bzhin rtog grang na/ de bzhin du 'jig pa yang rtog pa na/ dngos po 'am dngos po med pa zhig la rtog grang na/ rnam pa thams cad du mi srid do zhes bstan pa'i phyir bshad gdongs? po dngos por mi 'gyur te/ /dngos med dngos por mi 'gyur ro/ / dngos med dngos med mi 'gyur te/ /dngos po dngos med mi 'gyur ro/ /de la dngos po zhes bya ba ni skyes shing bdag nyid kyi dngos po rnyed pa'i don te/ de slar yang dngos por mi 'gyur zhing/ slar yang skye bar mi 'gyur te/ /yod

  500. 250b

    ba skye ba don med pa'i phyir ro/ /de ltar na dngos po dngos por mi 'gyur ro/ /dngos po med pa yang dngos por mi 'gyur ro/ /dngos po med pa zhes bya ba yod pa ma yin pa ji ltar dngos po 'gyur te/ mo gsham gyi bu yang skye bar thal ba'i phyir ro/ /de ltar na dngos po med pa yang dngos por mi 'gyur ro/ /de ltar na re zhig dngos po'i dngos po med pa dang dngos por mi 'gyur bas skye ba mi srid do/ /da ni 'jig pa yang mi srid de/ ji ltar zhe na/ re zhig dngos po med pa ni dngos po med par mi 'gyur te/ yod pa ma yin pa la ni ri bong gi rwa ltar yang dngos po med pa med pa'i phyir ro/ /de'i phyir dngos po med pa dngos po med par mi 'gyur ro/ /dngos po yang dngos po med par kyi 'gyur te/ phan tshun 'gal ba'i phyir ro/ /dngos po med pa med na ni 'jig pa med la/ skye ba dang 'jig pa med na yang 'dus byas med do zhes bya bar grub po/ /ji skad du/ bcom ldan 'das kyis 'dus byas 'dus ma byas kun rnam pa' dben/ drang srong de dag rnam rtog mi mnga' ste/ /'gro ba kun la 'dus ma byas thob cing/ /rtag tu lta bar gyur bas rnam par dben zhes gsungs so/ /'dir smras pa/ skyes ba mi skye lam skyes pa yang mi skye ste/ dngos po dang dngos po med pa dag la skye ba bkak pa'i phyir ro/ /'o na ci zhe na/ skye bzhin pa'i don skye'o/ /'di yang mi rigs so zhes bstan pa'i phyir bshad pa skye bzhin pa ni phyed skyes phyir/ /skye bzhin pa na skye mi 'gyur/ /gal te gang cung zad cig skyes shing cung zad cig ma skyes pa de skye bzhin pa yin na/ de ltar na ni 'o na skye bzhin pa de yod pa ma yin te skyes pa dang ma skyes pa dag la rjes su zhugs pas gzhan gsum pa skye bzhin pa'i dus kyi rnam pa med do/ /de'i phyir med pa nyid kyis skye bzhin pa mi skye'o/ /gal te gnying gi? ngo bo skyes bzhin pa yin na ni de'i phyir de'i gang cung zad cig skyes pa de ni skyes pa'i khongs su gtogs pa'i

  501. 251a

    phyir mi skye ste/ dngos po ni mi skye'o zhes brjod pa'i phyir ro/ /de'i cung zad ma skyes pa gang yin pa de yang mi skye ste/ dngos po med pa mi skye'o zhes brjod pa'i phyir ro/ /ci ste skyes pa dang ma skyes pa dag la skye bzhin pa nyid rtog na/ de lta yin na/ 'das pa dang ma 'ongs pa gnyis kyang skye bzhin pa nyid du 'gyur ro/ /zhes bstan pa'i phyir bshad pa/ yang na thams cad skye bzhin pa/ /nyid ni yin par thal bar 'gyur/ zhes bya ba smos so/ /skye ba'i bya ba thob par gyur pa skyes zin pa ni mi gnas pa'i phyir 'das pa kho nar 'gyur la/ ma skyes pa ni ma 'ongs par 'gyur ro/ /de'i phyir 'dir skye bzhin la skye ba rtog na/ yang na dus gsum po thams cad skye bzhin pa'i khongs su gtogs pa 'am/ yang na skye bzhin pa zhes bya ba gang na yang med do zhes bya bar gnas so/ /gzhan yang skye bzhin pa'i dngos por gnas pa yongs su brtag pa gang yin pa de ci skye bzhin pa'i bdag nyid du bya ba 'am skye bzhin pa'i bdag nyid du bya ba ma yin pa zhig tu 'gyur grang na/ gnyi ga ltar yang skyon du 'gyur ro zhes bstan pa'i phyir bshad pa/ skye bzhin pa yi bdag nyid du/ bya ba skye bzhin par mi 'gyur/ /skye bzhin pa yi bdag nyid du/ /mi bya'ang skye bzhin par mi 'gyur/ /skye bzhin pa'i rang bzhin gang yin pa de ni de'i bdag nyid du rnam par gnas pa'i phyir bya ba ma yin la/ gang zhig skye bzhin pa'i bdag nyid du mi bya ba de yang skye bzhin par mi 'gyur te/ skye bzhin pa'i bdag nyid du ma gyur pa'i phyir ro/ /gang zhig skye bzhin pa'i bdag nyid du bya ba de yang skye bzhin pa ma yin pa ltar skye bzhin par mi 'gyur bas skye bzhin pa med do/ /skye bzhin pa med pas kyang skye bzhin pa mi skye'o/ /'dir smras pa/ skye bzhin pa'i don de ni yod pa nyid de 'das pa dang ma 'ongs pa'i bar na gnas pa'i phyir ro/ /

  502. 251b

    'dir 'das pa dang ma 'ongs pa'i bar na skye bzhin pa zhes bya ba yod te/ gal te med na ni ci la bltos nas 'das pa dang ma 'ongs pa rnam par 'jog par 'gyur/ de yod na ni ma 'ongs pa'i don de la ma 'ongs dang thal ba zhes bya ba de la 'das pa zhes brjod do/ /de'i phyir skye bzhin pa la bltos pa nyid kyis dus gnyis po de rigs so/ /bshad par bya ste/ gang gis gnyis po bar med par/ /srid pa yod pa ma yin pa/ /de la skye bzhin pa med do/ /gang phyir de la'ang bar yod phyir/ /rgol ba gang gi ltar na bar med par te/ dkyil med par 'das pa dang ma 'ongs pa gnyis srid pa yod pa ma yin pa de la skye bzhin pa med do/ /ji ltar zhe na/ gang phyir de la'ang par yod phyir te/ /ji ltar skye bzhin pa 'das pa dang ma 'ongs pa dag gi bar na gnas pa nyid yin pa de bzhin du/ skye bzhin pa skyes pa dang ma skyes pa'i rang bzhin can de la yang gang la bltos nas skyes pa dang ma skyes par rnam par 'jog par 'gyur ba bar zhig tu 'gyur bar bya dgos na/ skyes pa dang ma skyes pa'i bar du gzhan gsum pa skye bzhin pa zhes bya ba de rnam par bzhag par nus pa yang ma yin te/ thams cad du skyes pa dang ma skyes pa'i bar du skye bzhin par rtog pa thug pa med par thar par 'gyur ba'i phyir ro/ /'dir smras pa/ gang la ji skad bshad pa'i skyon du thal bar 'gyur pa phyed skyes pa ni skyes bzhin pa ma yin no/ /'o na ci zhe na/ gang zhig 'gags pas dngos po skye bar 'gyur ba skyes pa'i snga rol gyi gnas skabs kyi ngo bo'i don de la skye bzhin pa zhes bya'o/ /de nyid bstan pa'i phyir smras pa/ gang gi phyir na skye bzhin pa 'gaD pas skyes pa skye 'gyur ba/ de yi phyir na skye bzhin pa/ gzhan yang yod pa'i ngo bor snang/ /gang gi phyir skye bzhin pa 'gags pas dngos po skye bar 'gyur ba de'i phyir phyed skyes pa ma rtogs par skye bzhin pa'i dngos po yod do/ /'di la bshad par bya ste/ gang tshe skyes pa de yi tshe/ /

  503. 252a

    skye bzhin pa la srid pa med/ /re zhig gang gi tshe dngos po 'di skyes so zhes brjod pa de'i tshe skye bzhin pa med do/ /skye bzhin pa mi srid pas kyang gang las skyes pas gang gis skye bzhin rjes su dpag par 'gyur pa skyes pa zhes bya ba nyid med do/ /ci ste skyes pa yang skye bzhin par 'gyur na'o na ni de la skye ba mi srid de skyes pa'i phyir ro zhes bstan pa'i phyir bshad pa/ gang tshe skyes pa skye bzhin na/ /de tshe ci phyir skye bar 'gyur/ /gang gi tshe skyes pa'i don kho na la skye bzhin pa zhes brjod na ni de'i tshe skye bzhin pa'i don skye'o zhes bya bar ci'i phyir rtogs te/ grub pa'i phyir 'di la skye ba brtag pa mi rigs so snyam du dgongs so/ /de'i phyir skye bzhin pa skye'o zhes bya bar mi rung ngo/ /'dir smras pa/ skye bzhin pa'i don 'di ma skyes kyang skye ba la mngon du phyogs pas skyes so zhes brjod do/ /de'i phyir skyes pa kho na skye bzhin pa yin la/ 'di'i skye ba don med pa yang ma yin no zhe na/ de ltar na yang/ gal te/ skye bzhin pa ni ma skyes pa/ /kho na skyes shes byas par grag/ gal te gzhan gyis skye bzhin pa'i dngos po ma skyes pa kho na skye ba la mngon du phyogs pas skyes so zhes bya ba brtags te/ de ltar yin na skyes pa dang ma skyes pa dag la/ khyad par med phyir de yi tshe/ /bum pa med pa ci mi rtog/ skyes ba'i gnas skabs kyi dngos po kho na la bum pa zhes brjod la skyes pa dang ma skyes pa dag kyang gcig pa nyid kyi phyir bum pa skyes pa yang sngar med pas dngos po med par 'gyur na/ 'di ni srid pa yang ma yin pas 'di ni mi rigs so/ /ci ste yang skye bzhin pa dang ma skyes pa la khyad par med pa ma yin pa kho na ste skye bzhin pa ni skye ba'i bya ba dang 'brel pa'i dngos po yin no snyam na bshad par bya ste/ skye bzhin pa ni ma rdzogs kyang/ /ma skyes pa las phyi rol 'gyur/ /gal te yang skye bzhin pa'i

  504. 252b

    dngos po ni ma rdzogs pa'i ngo bo yin yang ma 'ongs pa las phyi rol du rnam par bzhag mod kyi/ de ltar gang phyir skyes pa las/ /phyi rol gyur phyir ma skyes skye/ /ji ltar bya ba dang 'brel pas skye bzhin pa ma skyes pa las phyi rol du 'gyur ba de bzhin du skyes pa las kyang phyi rol tu gyur pa nyid de ma rdzogs pa'i ngo bo yin pa'i phyir ro/ /de'i phyir ma skyes pa kho na skye'o zhes bya bar 'gyur bas skye bzhin pa zhes bya ba med do/ /skyes pa las phyi rol tu gyur pa'i phyir ma skyes pa nyid skye ba 'dza'? zhig tu ma zad kyi/ 'di las kyang ma skyes pa nyid skye'o/ /'di ltar gzhan gyi/ skye bzhin pa sngar ma byung yang/ /phyi nas yod pa min par brag /des kyang ma skyes pa skye'o/ /ma byung zhes bya ba byung ba ma yin pa zhes bya ba'i don to/ /gang zhig da ltar skye bzhin pa nyid du bsnyad pa de ni skye bzhin pa'i gnas skabs kyi sngar te gang du ma byung ngo/ /ma 'ongs pa'i dus na skye bzhin pa'i don de med kyang phyis skye bzhin par yang 'gyur bar grag go/ de'i phyir yang skye ba'i bya ba dang 'brel pa'i dus na ma skyes pa kho na skye bzhin par 'gyur ro/ /de'i phyir 'di ma skyes pa nyid kyis ma byung ba nyid yin la/ bdag gi dngos po ma thob pa'i ma byung ba la ni skye ba'i bya ba 'jug par mi bzod do zhes bshad pa ni/ ma byung zhes bya skye ma yin/ zhes bya ba'o/ /gzhan yang rdzogs pa yod ces byar 'gyur la/ /ma byas pa ni med ces brjod/ /yod do zhes bya ba 'dis ni rdzogs par brjod do/ /rdzogs pa'i dngos po kho na yod do zhes bya bar 'gyur ro/ /yod do zhes bya ba yin no zhes bya ba'i don to/ /med do zhes bya ba 'dis kyang ma byas shing ma rdzogs pa kho na brjod do/ /de'i phyir gnas skabs 'di gnyis dang bral nas/ gang gi tshe na skye bzhin pa/ /med pa de tshe gang der brjod/ /gang gi tshe dngos po 'di ni 'di ltar yin no/ zhes bya bar skye bzhin pa'i gnas skabs kyi dngos po bstan par mi nus pa de'i

  505. 253a

    tshe rang gi ngo bo nges par ma zin pa yin pa'i phyir yod pa ma yin pa nyid de'i phyir nges par mi nus so/ /de'i phyir de ltar ji skad bshad pa'i tshul gyis skye bzhin pa mi srid pa'i phyir/ gang tshe rgyu ni ma gtogs par/ 'bras bu yod pa ma yin pa/ de yi tshe na 'jug pa dang/ /ldog pa 'thad pa nyid mi 'gyur/ /gang gi tshe rnam par dpyad pa na rgyu las logs shig pa'i 'bras bur mi 'gyur ba de'i tshe rten med pa'i 'jug pa 'bras bu skya ba dang ldog pa rgyu 'jig pa med de/ ji skad du bcom ldan 'das kyis sems can mi dang shed skyes kyang rung ste/ 'dir skyes shi ba 'ga' yang skye mi 'gyur/ /chos kun rang bzhin rgyu 'dra stong pa ste/ /mu stegs can gyis shes par nus ma yin zhes rgya cher gsungs la/ de bzhin du skye ba dang ni 'chi 'pho'ang/ /skye ba med cing 'chi 'pho med/ /gang zhig 'di ni shes gyur pa/ /de'i ting nge 'dzin rnyed mi dka' zhes 'byung ngo/ /de'i phyir de ltar yongs su dpyad pa na dngos po rnams kyi rang bzhin 'grub par mi 'gyur pas so so nas dngos po rnams la sgyu ma lta bu de nyid lhag mar lus par 'gyur ro/ /de'i phyir de ltar rnam pa thams cad mkhyen pa'i ye shes skyes pas 'gro ba mdza' dag 'gyed par 'dod pas sgyu ma skye bo blun po rmongs par byed pa skye bo blun pa ma yin pa ya mtshan bskyed par rig cing/ 'dir bden par mngon par zhen pas bslang ba'i dngos po la sred pa bsal la/ 'gro ba yongs la phan gdags pa'i phyir bla na med pa'i ye shes kyi rgyur 'gyur ba'i snying rje chen po dang byang chub kyi sems dang/ gnyis su med pa'i ye shes zhes bya ba gsum mngon du byas te/ mkhas pa srid par skye ba la bzo zhing ji lta ba bzhin nges pa'i 'khor ba'i rang bzhin nyon mongs pa dang sdug bsngal gyi mi 'bar ba'i phreng ba'i tshogs kyis bskor ba'i srid pa gsum gyi khang pa'i

  506. 253b

    dbus su chud pa'i 'gro ba la skyob pa med par lta zhing 'gro bar 'gro ba'i sdug bsngal ma lus par bsdoms pa lhags pa/ 'khor ba'i bar du skad cig dang skad cig la rnam pa dang gzhan du lus dang sems dag la gnod pa dag gis kyang byed par mi 'gyur la/ 'gro ba'i sdug bsngal cig car lhags pa dag gis 'khor ba'i bar du spro bar byas pa'i brtson 'grus kyi skad cig re re ni 'gro ba mdza' dag gi rnam pa thams cad mkhyen pa nyid kyi nor gyi tshogs mdza' yas pa skya ba'i rgyur rig par byas nas slar yang srid pa brgya phrag blang bar rigs te/ ji skad du bcom ldan 'das kyis/ /de yi lhag bsam 'khor bar gtegs pa ste/ /sbyor ba mya ngan 'das par rtogs pa yin/ /sbyin pas sems can yongs su smin phyir dang/ /rnam par smin la re ba med pa nyid/ ces bya ba la sogs pa dang/ de bzhin du 'phags pa de bzhin gshegs pa gsang ba'i mdo las/ /rgyal po chen po yang de'i tshe de'i dus na 'khor der byang chub sems dpa' sems dpa' chen po dpa' ba' i stobs zhes bya ba zhig lhags par gyur nas 'khod de/ des bcom ldan 'das de la 'di skad ces gsol to/ /bcom ldan 'das de de ltar lags so/ /bde bar gshegs pa de de ltar lags so/ /byang chub sems dpa' rnams kyis brtson 'grus brtsams shing lus dang srog dor bar 'gyi'o/ /bdag gis bcom ldan 'das kyis ji skad gsungs pa'i don 'tshal te/ gang zhig 'di snyam du bla na med pa yang dag par rdzogs pa'i byang chub mngon por rdzogs par 'tshang rgya bar bya'o snyam du sems pa'i byang chub sems dpa' de ni le lor ltung ba lags par kho bo la snang ngo/ /de'i ci'i slad du zhe na/ bcom ldan 'das brtson 'grus brtsams pa'i byang chub sems dpa' rnams la 'khor ba yongs su skyo ba mi 'byung ngo/ /bcom ldan 'das byang chub sems dpa' rnams ni sems can yongs su smin

  507. 254a

    pa nyid nye bar bzung nas 'khor ba la phan yon du lta ba de ltar ni yongs su mya ngan las 'das pa chen po ni ma lags so/ /bcom ldan 'das byang chub sems dpa' rnams ni sems can gyi don la mngon par brtson pa lags so/ /de ci'i srad du zhe na/ bcom ldan 'das byang chub sems dpa' rnams la 'khor ba ches bde ba'i mya ngan las 'das pa chen po ni ma lags so/ /de ci'i slad du zhe na/ bcom ldan 'das byang chub sems dpa' rnams ni sems can thams cad kyi don la brtson pa ste/ de rnams ji ltar sems can gyi don byed pa de lta de ltar bde bar 'gyur lags so/ /bcom ldan 'das rnams yongs su mya ngan las 'das pa ni slar ci zhig bgyid par 'gyur/ bcom ldan 'das de'i slad du byang chub sems dpas ni 'khor ba'i bde ba'i ro mi myang bar 'khor ba'i spyod yul can du bgyi/ mya ngan las 'das pa'i spyod yul can du ni ma lags so/ /bcom ldan 'das byang chub sems dpa' 'khor ba'i spyod yul can 'khor ba'i bde ba'i ro mi myang bar sems sems gyi don la brtson ba ni sangs rgyas bcom ldan 'das dpag tu med pa khums shing chos dpag tu med pa khums la sems can dpag tu med pa yongs su smin par bgyid do/ /bcom ldan 'das 'khor ba'i spyod yul can gyi byang chub sems dpa' ni sems can gyi spyod yul gyi rjes su 'jug go/ bcom ldan 'das mya ngan las 'das pa'i spyod yul can gyi byang chub sems dpa' ni btang snyoms su ltung ngo/ /bcom ldan 'das gal te byang chub sems dpa' 'khor ba'i spyod yul la sgra ba/ na ni spyod yul ma lags par ltung ngo/ /spyod yul ma lags par ltung na phyis sems can gyi don mi bgyid do/ /des ni de bzhin gshegs pa'i spyod yul la dgod par mi nus shing/ sems can gyi nye bar 'tsho bar mi 'gyur lags so//

  508. 254b

    yang de'i spyod yul ma lags pa gang zhe na gang 'di nyan thos dang rang sangs rgyas kyi sa la dga' ba nyid dang/ sems can yongs su smin par bya ba la btang snyoms pa'o/ /de ci'i slad du zhe na/ bcom ldan 'das nyan thos rnams kyi spyod yul gang lags pa de ni byang chub sems dpa' i spyod yul ma lags so/ /bcom ldan 'das nyan thos rnams ni 'khor ba'i spyod yul la skrag par 'gyur lags kyi byang chub sems dpa' rnams ni slar 'khor ba dpag tu med pa yangs su 'dzin par byed par 'gyur ba lags so/ /de la bcom ldan 'das byang chub sems dpa' ni spyod yul la gnas par 'gyur bar bgyi 'tshal lo zhes rgya cher gsungs so/ /slob dpon 'phags pa lha'i zhal snga nas kyi byang chub sems dpa' i rnal 'byor spyod pa bzhi brgya pa'i 'brel pa las/ 'dus byas kyi don dgag pa sgom pa bstan pa zhes bya ba ste rab tu byed pa bco lnga pa'i 'grel pa'o// //da ni thal zin pa'i rab tu byed pa bco lngas bstan bcos kyi bya ba yongs su rdzogs par byas nas bstan bcos brtsom pa'i dgos pa dang/ rgol ba ngan pa'i lhag ma spangs par bstan pa'i phyir rab tu byed pa bcu drug pa rtsom mo/ /rgyu 'ga' zhig gis stong pa yang/ /stong pa min pa lta bur snang/ /rab tu byed pa thams cad kyis/ /de ni so so 'gog par byed/ stong pa nyid kyi don ji lta ba bzhin nges par ma byas par ni 'gas kyang 'khor ba la chags pa spangs nas mya ngan las 'das pa la dga' ba bskyed par mi nus so/ chos thams cad rang bzhin gyis stong pa nyid de yang 'gro ba bdag dang bdag gi ba la mngon par zhen pa'i zhags pas dbang du byas pa thos sa dang mi ldan pa rnams ha cang skrag par byed pa yin pas mkhas pas mi snyan pa gleng ba la mkhas

  509. 255a

    pa'i skyes bus rgyal po la btsun mo phangs pa shi ba'i tshul gsol bas thugs bde ba bskyed pa bzhin du rigs pa 'ga' zhig gis gzhug par bya'o/ /bdag tu 'dzin pa dang bdag gir 'dzin pa'i 'dzin pas phyin ci log pa'i 'jig rten gyis ni dngos po mi rtag pa nyid la skad cig mar 'jig pa ma mthong bas 'du byed tsam gyi rgyun gyi don yang dag par ma nges pa las stong pa nyid du lta ba'i gegs su 'gyur ba rtag pa nyid du nges par byas nas phyir 'jil bar byed pa na 'gro ba mi stong pa kho nar rtogs te de'i phyir de'i stong pa nyid ma yin pa nyid du lta ba dgag pa'i phyir rab tu byed pa dang po brtsams so zhes bya ba la sogs pa sbyar bar bya'o/ /'dir stong pa nyid kyi don rang bzhin dang bral ba'i don yin no zhes ni lan cig ma yin par bstan zin to/ / de'i phyir de ltar nang ngos po'i rnam pa rang bzhin dang bral ba yin yang rgyu 'ga' zhig gis stong pa ma yin par gang dag la snang ba de dag yod pa ma yin pa'i 'dzin pa'i rgyu de rab tu byed pa bco lnga po thams cad kyis 'gog par byed do/ /gal te de lta bu'i don du rab tu byed pa de rnams brtsams na/ de nyid kyi phyir dngos po rnams stong pa ma yin nam 'di ltar rab tu byed pa de rnams kyi smra ba po ni re zhig khyod yod la/ rab tu byed pa'i brjod par bya ba'i don stong pa ma yin pa'i rgyu zlog par byed pa'i rgyu yang yod cing don khyad par du 'phags pas mtshams byas pas sgra'i tshogs kyi ngo bo can gyi tshigs rab tu byed pa bco lnga'i bdag nyid can 'di yang yod pas smra ba po dang brjod par bya ba dang/ tshig rnams yod pa las dngos po rnams stong pa nyid ma yin par grub ste/ de'i phyir khyod kyi rab tu byed pa thams cad rtsom pa'i ngal ba'i tshegs don med pa nyid do zhes bstan pa'i phyir smras pa/ gang tshe smra bo brjod bya na'ang/ /de'i tshe stong pa zhes byar mi rung ngo/ /'ang gi sgra ni tshig bsdu ba'i don du'o/ /gang gi tshe khyod smra ba po yod

  510. 255b

    cing/ brjod par bya ba rab tu byed pa bco lngas bstan par bya ba'i don yod la khyod kyi tshig stong pa nyid kyi don rab tu sgrub par byed pa yang yod pa de'i tshe dngos po thams cad grub po/ /mo gsham gyi bu yod pa ma yin pa ni don gang gi yang smra ba por mi rigs shing/ de'i tshig kyang yod pa ma yin la de'i tshig gis bstan par bya ba'i don yang med na 'di gsum ni yod pa 'di yin pas dngos po rnams rang bzhin dang bcas pa nyid du grub po/ /bshad par bya ste/ 'di ni rigs pa ma yin no/ /gang las shin 'di ltar/ gang zhig brten nas kun 'byung ba/ de ni gsum la'ang yod ma yin/ rang bzhin bya ba ni tshig gi lhag ma'o/ /'di na smra ba po gang yin pa de yang kho bo cag gi ltar na rten cing 'brel par 'byung ba yin dang smra ba po nyid du rnam par bzhag ste/ tshig dang brjod par bya ba la brten nas smra ba phor 'dogs kyi mi smra ba ni ma yin no/ /gang gi tshe de ltar yin pa de'i tshe smra ba po'i rang bzhin med la tshig dang brjod par bya ba la yang smra ba po'i rang gi ngo bo yod pa ma yin no/ /gal te yod na ni skye ba don med pa nyid du 'gyur ro/ /de'i phyir smra ba po'i rang bzhin rang dam de la med de/ de'i phyir stong pa yin no/ /de bzhin du brjod par bya ba yang smra ba po dang tshig la brten nas gdags kyis/ rang bzhin nyid kyi ni ma yin zhes bya ba la sogs pa dang tshig la yang sbyar bar bya'o/ /de'i phyir gsum po de dag gi rang bzhin ni gsum char la yang yod pa ma yin pas smra ba po dang/ brjod par bya ba dang tshig rnams rang bzhin stong pa nyid du grub pa kho na ste de'i phyir skyon med do/ /'dir smras pa/ gal te thams cad stong pa yin na de'i tshe dbang po dang don dag rnam pa thams cad du med pas 'gro ba bong bu'i rwa dang 'dra bar 'gyur na/ dbang po dang don bden pa'i ngo bo 'di yod pa yang yin pas dngos po thams cad rang bzhin dang bcas pa kho na yin no/ /'di la brjod par bya ste/ gal te

  511. 256a

    stong pa'i nyes pa yis/ /stong pa ma yin 'grub 'gyur na/ /de lta yin dang de las bzlog pa'i sgo nas khyod la/ mi stong nyes pas stong pa ni/ /ci ste 'grub par 'gyur ma yin/ /gal te 'gro ba stong pa ma yin par 'gyur na ni de'i tshe? 'gro ba ldog pa med pa'i rang bzhin gyis gnas pa'i phyir rtag par 'gyur zhing ma skyes pa dang ma 'gags par 'gyur na de ltar yang ma yin te brten nas dmigs pa'i phyir ro/ /de ltar na stong pa ma yin pa'i nyes pas khyod la stod pa nyid kyi don 'grub par ci ste mi 'gyur stong pa nyid du smra ba bsal brtsams gyis rang gi phyogs 'grub par rigs pa yang ma yin no/ /phyogs gzhan khas blangs pa'i rgol bas ni gdon mi za bar/ gzhan gyi phyogs ni bzlog pa dang/ /rang gi phyogs ni sgrub pa ste/ /gnyis bya ba zhig na khyod ni stong pa nyid du smra ba bsal brtsam la zhugs pa'i phyir/ gal te sun 'byin byed phyogs gcig /dga' na sgrub byed la cis min/ /khyod sun 'byin par byed pa'i phyogs ltar sgrub par byed pa'i phyogs la yang dga' la rag go /de'i phyir gal te ril bsgrub par bya ba dang mtshungs par mi 'gyur na/ rang gi phyogs sgrub pa'i phyir re zhig 'thad pa cung zad cig brjod dgos na/ stong pa nyid du smra ba la ni thams cad bsgrub par bya ba dang mtshungs par yang 'gyur ro/ /de'i phyir rang gi phyogs sgrub pa'i nus ba dang bral ba'i phyogs su 'dzin pa thong zhing/ phyogs su ma lhung zhing dbu ma lam nas zhugs pa khyod la mthong ba dang ma mthong ba dang 'gal ba med pas 'gal la yang 'jig pa mi srid do/ /ci ste re zhig khyod kyis stong pa nyid du smra ba'i/ phyogs 'di yongs su brtag pa na/ mi rigs pas yod pa ma yin no/ /de'i phyir 'di med pa nyid du grub na phyogs gzhan med pas sel bar byed pa kho bo cag gi phyogs su grub par 'gyur ro snyam na/ 'di yang yod pa ma yin te/ gal te yongs su btags

  512. 256b

    pas na/ /med gang de phyogs mi 'gyur na/ /des na gcig nyid la sogs gsum/ /kun kyang phyogs ma yin par 'gyur/ /ji ltar kho bo cag gi phyogs yongs su brtags pa na med pas yod pa ma yin pa de bzhin du rgol ba rnams kyi gcig nyid dang gzhan nyid dang brjod du med pa'i phyogs rnams kyang rnam par dpyad pa na yod pa ma yin pas de rnams kyang phyogs ma yin pa nyid du 'gyur ro/ /de'i phyir yongs su brtags pa na phyogs thams cad yod pa ma yin pas khyod kyi phyogs yongs su 'dzin pa mi rigs so/ /'dir smras pa/ khyod kyis stong pa nyid kyis gcig nyid la sogs pa'i phyogs thams cad mi rigs par brjod do/ /gang du mngon sum gyis bum der/ /stong pa'i gtan tshigs don med 'gyur/ /bod du bum pa mngon sum gyis dmigs pa'i phyogs de la stong pa'i gtan tshigs don med do/ /mo gsham gyi bu yod pa ma yin pa ni 'ga' zhig gi yang mngon sum ma yin na bum pa 'di ni mngon sum yin te/ de'i phyir mngon sum nyid kyi gtan tshigs kyis bsal ba'i phyir stong pa nyid kyi gtan tshigs mi rigs pa nyid do zhe na/ sngar bum pa'i mngon sum nyid bsal zin pa'i phyir des kho bo cag la gnod pa ma yin nam/ gal te bum pa mngon sum nyid khyod kyis bsal kyi bdag gis ni ma yin de de'i phyir khyod la bum pa mngon sum ma yin gyi/ kho bo cag ltar na ni bum pa mngon sum nyid yin pa'i phyir 'di mi rigs so zhe na/ 'di ni yod pa ma yin te/ gang gi phyir/ 'di na gzhung lugs las 'byung ba'i/ /gtan tshigs yod min gzhan du yod/ /'di na ste stong pa nyid rigs par smra ba ni gzhung lugs gzhan du grags pa'i gtan tshigs khas len pa med de/ gzhan gyi gzhung lugs de nyid mi rigs pa nyid du bstan par 'dod pa'i phyir ro/ /gang du

  513. 257a

    rgol ba rnams la lta ba mtshungs pa yod pa der ni gnyi gas kyang don der khas blangs pas tshad ma nyid du rigs pa kho na yin gyi/ rigs pa smra na ni 'thad pa dang bcas pa'i don nam grub pa'i mdza' kho na yongs su 'dzin te/ de'i phyir 'di la gzhan gyi gzhung lugs su grags pa'i gtan tshigs kyis gnod pa mi srid pas stong pa nyid kyis gtan tshigs la don med pa nyid med do/ /ci ste stong pa nyid smras pa nyid smra ba khyod kyis stong pa nyid kyi dngos po smra la/ stong pa ma yin pa la ma bltos pa'i stong pa yod pa yang ma yin pas dngos po thams cad rang bzhin dang bcas pa nyid du sgrub po snyam na bshad par bya ste/ gal te stong pa nyid ces bya ba rang gi ngo bos grub pa 'ga' zhig yod na ni dngos po rnams rang bzhin dang bcas par 'gyur na yod pa ni ma yin no zhes bstan pa'i phyir bshad pa/ stong min med par stong par ...stong pa ni/ gang las 'byung ba nyid du 'gyur/ /ji lta bur na cig shos ni/ /med par gnyen po 'byung bar 'gyur/ /gal te steng pa ma yin pa zhes pa'i dngos po 'ga' zhig yod na ni de'i tshe de'i gnyen par gyur pa stong pa'i dngos po cung zad cig tu 'gyur na/ stong pa ma yin pa ni srid pa yang ma yin te/ rgyu med par 'ga' la yang nam mkha' i me tog ltar yod pa nyid mi srid pa'i phyir ro/ /gang gi tshe stong pa ma yin pa mi srid pa de'i tshe de'i gnyen po stong pa yang cig shos stong pa ma yin pa med par mi srid do/ /'di ltar yod pa ma yin pa'i khyi ni spre'u'i gnyen por mi 'gyur te/ thams cad du 'gal ba'i don gzhan med par 'gal ba'i don gzhan mi srid pa'i phyir ro/ /de'i phyir stong pa ma yin pa med par stong pa yod pa ma yin la de med pa yin dang stong pa nyid ces bya ba cung zad kyang med do zhes bya bar grub po/ /ji skad du stong nyid lta ba thams cad ni/ /nges par 'byin par

  514. 257b

    thub pas gsungs/ /gang dag stong pa nyid lta ba/ /de dag sgrub tu med par gsungs zhes gsungs la/ bcom ldan 'das kyis kyang/ 'od srungs 'di lta ste/ mi nad pa zhig yod la sman pas de la sman btang nas sman des de'i nad thams cad bskyod de sman lto na 'dug pa nyid mi 'byung na 'od srungs de ji snyam du sems/ mi de nad de las thar bar 'gyur ram/ gsol ba bcom ldan 'das de ni mi 'gyur lags te/ gang sman des nad thams cad bskyod nas sman ltor mchis pa nyid ma byung na ni mi de'i gro nad shin du tshabs che bar 'gyur lags so/ /bcom ldan 'das kyis bka' stsal pa/ 'od srungs de bzhin du lta bar gyur ba thams cad las byung ba ni stong pa nyid yin na/ 'od srungs stong pa nyid kho nar lta ba de ni gsor mi rung ngo/ zhes ngas bshad do zhes gsungs so/ /'dir smras pa/ stong pa zhes bya ba cung zad kyang med pas stong pa nyid kyi phyogs su mi 'gyur mod kyi/ de ltan yang phyogs med pa yang phyogs nyid du yongs su gzung bas phyogs nyid du 'gyur la/ mi mthun pa'i phyogs la ma bltos par phyogs srid pa yang ma yin pas mi mthun pa'i phyogs su yang 'gyur ro/ /phyogs dang mi mthun pa'i phyogs yod pa las kyang dngos po thams cad 'grub po/ /'di yang mi rigs so zhes bstan pa'i phyir bshad pa/ /gsal te phyogs nyid du 'gyur na/ /phyogs med phyogs kyi ngo bor 'gyur/ /gal te phyogs med pa nyid yod na ni de de ltar 'gyur na srid pa yang ma yin te/ mi mthun pa'i phyogs med pa'i phyir ro/ /mi mthun pa'i phyogs med pa de ni rgol pa thams cad bsal bas bstan zin to/ /yang gang gi tshe de ltar phyogs med nyid med na/ gang zhig mi mthun phyogs su 'gyur/ /phyogs med pa'i phyir mi mthun pa'i phyogs kyang med pas yongs su zin pa thong zhig /'dir smras pa/ dngos po rnams

  515. 258a

    kyi rang bzhin ni yod pa kho na ste/ khyad par gyi ngo bo dmigs pa'i phyir ro/ /'di ltar/ gal te dngos po yod min na/ /me ni ji ltar tsha bar 'gyur/ /de'i phyir khyad par dmigs pa 'di las dngos po rnams kyi rang bzhin yod pa nyid do/ /brjod par bya ste/ 'di ni ma rigs so/ /gang gi phyir tsha ba me yang yod min zhes/ /gong nyid du ni bzlog par byas/ /me tsha ba'i rang bzhin nyid ni sngar tsha ba me nyid du 'gyur te/ tsha ba min pa ji ltar sreg /des na bud shing zhes bya ba/ /yod min de med ma yod min zhes bya ba der bzlog zin to/ /de'i phyir khyad par med pas dngos po rnams kyi rang gi ngo bo med do/ /gzhan yang gal te/ dngos po mthong nas dngos po ni/ /med pa zhes bya ba zlog 'gyur na/ /gal te dngos po med dmigs nas de'i dngos po med pa bzlog na ni rigs par bstan pa zhig ste/ dngos po'i dngos po med pa dmigs nas dngos po yang bzlog par ci'i phyir mi 'gyur/ /tshul 'di nyid kyis/ de ltar phyogs ni bzhi char la/ /nyes pa spangs pa gang zhig mthong/ 'di yang na yod dang med dang yod med dang/ /yod med min zhes bya ba'i tshul/ /'di ni mkhas pas gcig nyid sogs/ /dag la rtag tu sbyar bar bya/ zhes bya ba der bshad zin te/ /de'i phyir de ltar na phyogs bzhi ga la yang skyon mthong ba'i phyir phyogs 'ga' yang yongs su gzung bar mi rigs so/ /'di las kyang phyogs yongs su 'dzin par mi rigs te/ rdul la cha shas yod med ces/ /dpyad pa der yang 'jug par 'gyur/ /de'i phyir bsgrub par bya ba yis/ /bsgrub bya 'grub par mi mthad do zhes sngar bshad pa'i phyir ro/ /de'i phyir tshul 'dis rnam par dpyad pa na dngos po shin tu zhib pa/ rdul phran la yang yod pa'i dngos/ /gang du med der ji ltar 'byung/ /gang du rdul phra rab tsam la yang bden pa'i ngo bo yod pa ma yin pa der ji ltar

  516. 258b

    'byung zhing skye ste/ dngos po skye ba po rnam pa thams cad du med pas der skye ba kho na'o/ /snang ba med pa'i spyod yul mnga' ba/ dngos po thams cad kyi de kho na nyid ji lta ba bzhin thugs su chud pa'i nyi ma'i 'od zer gyi tshogs kyis ma rig pa'i mun pa mdza' dag bsal ba/ mi shes pa'i mun pa mthug po'i mtshan mo'i gnyid kyis log pa'i 'gro ba rangs pa sad par mdzad pa lhur bzhes pa byang chub tu yang dag par mngon par rdzogs par sangs rgyas pa'i/ sangs rgyas rnams la med nyid kyang/ /de nyid phyir na ma 'brel pa'o/ /de nyid kyi phyir de nyid kyi ye shes la bltos nas dngos po 'ga' yang ma dmigs pas yod pa 'di ltar med pa nyid kyang mngon par mi bzhed do/ /yang na rang bzhin ma skyes pa'i phyir de med pa yang mi srid pas sangs rgyas rnams la med pa nyid kyang ste/ nyan thos dang rang sangs rgyas dang bla na med pa yang dag par rdzogs pa'i sangs rgyas rnams la mi bzhed de/ /yongs su rtog par byed pas ni gdon mi za bar gnyis med par ...smra ba 'di thams cad du son pa yin no zhes bya bar nges par bya'o/ /'dir ltar/ gal te kun la gnyis min na/ /rnam par spyad bzhin pa yi don/ /gzhan gang zhig la yod dngos yod/ /gal te khyod la'ang de rigs na/ /brgal ba gzhan po ci ste byed/ /gang du gnyis ma yin pa gnyis su med par smra ba 'dir mi 'gyur ba dngos po gang zhig la dngos po'i ngo bo yod/ /re zhig dngos po rtag pa gang dag yin pa de dag la ni rang gi ngo bos yod pa ma yin pas yod pa dang med pa nyid kyi rtog pa dag brtag par mi nus te/ yod pa dang med par rtog pa 'jug pa'i rgyu dngos po rtag pa yod pa ma yin pa'i phyir ro/ /dngos po gang dag skye ba dang ldan pa de dag kyang rtag pa'i ngo bor med pas rang bzhin gyi mtshan nyid dang mtshan nyid mi mthun pa yod pa yin dang rang bzhin yod pa dang med pa'i rtog pa dag rnam par gzhag par

  517. 259a

    mi nus so/ /'dus byas dang 'dus ma byas las ma gtogs pa'i dngos po gzhan yod pa nyid du bzhag par nus pa yang ma yin no/ /de'i phyir rigs pas thob par bya ba'i phyir drangs shing gsal ba'i don ni tshol ba dag gis gnyis smra ba rang gi blos phyin ci log tu brtags pa spangs te gnyis med par smra ba 'di rang gi blo la bzhag par 'os pa nyid do/ /ci ste 'thad pa gang zhig gi don 'di mi 'grub pa srid na ni 'on gang gis kho bo cag kyang yid ches par 'gyur ba de brjod par gyis shig /'on te ji skad bshad pa'i don dang 'gal ba'i 'thad pa gang zhig kyang brjed par mi nus na ni de'i tshe gal te kho bo cag gis bshad pa'i 'thad pa kho nas khyod la yang mdza' gnyis spangs pa de rigs na ci'i phyir rtsod pa gzhan pa byed/ gang gi phyir 'jig rten pa dang 'jig rten las 'das pa'i dngos po rang dang gzhan gyi gzhung lugs kyis yongs su brtags pa rnams la gnyis su med pa'i ngo bo 'dir dbyer med pa de nyid kyi phyir/ dngos po kun gyi dngos med la/ /rnam par dbye ba mi rigs te/ /rdzas rnams kun la gang mthong ba/ / de ni rnams dbyer mi 'gyur ro/ /rgyu dang rkyen las skyes pa'i phyir rang bzhin byas pa can nyid du thal ba'i phyir dngos po rnams kyi rang bzhin gang yin pa de ni rgyu med pa can kho na yin la rgyu med pa la yang yod pa nyid mi srid pas med par dgag pa la brten nas dngos po med pa kho na rang bzhin yin te dngos po ma yin pa'i phyir ro/ /de'i phyir rang bzhin 'di thams cad la dbyer med pa'i ngo bo yin pa'i phyir dngos po thams cad rang bzhin gyis ma skyes par rang gi ngo bo gcig pa ste/ 'di lta ste dngos po med pa'i rang bzhin gyi ngo bo'o/ /dper na bum pa dang 'khar zhong la sogs pa tha dad kyang thams cad sgrib pa med pa nyid mtshungs pa'i phyir gzugs med pa tsam gyis ngo bo nam mkha' rang gi ngo bo tha dad pa yod pa ma yin pa dang/ yang dper na dngos po rnams bdag nyid ji lta

  518. 259b

    ba bzhin du 'dus byas thams cad mi rtag pa nyid dang/ zag pa dang bcas pa thams cad sdug bsngal pa nyid do zhes bya ba la sogs pa tha mi dad pa de bzhin du rdzas thams cad la gang zhig mthong ba yang rdzas? tha dad par rnam par bzhag par mi nus so/ /me nyid kyi phyir/ dngos po gcig gi lta bo gang/ de ni kun gyi lta bor bshad/ gcig gi stong nyid gang yin pa/ /de ni kun gyi stong pa nyid/ ces sngar bshad do/ /de nyid kyi phyir bcom ldan 'das kyis/ /gang gis dngos rnams dngos po med ces shes gyur pa/ /de ni dngos po kun la gzhar yang chags pa med/ gang zhig dngos po kun la gzhar yang chags med pa/ 'di ni mtshan ma med pa'i ting nge 'dzin la reg ces gsungs so/ /gzhan yang/ gzhan rtog pa sngon du gtong bar gyur pas kyang/ ji skad bshad pa'i don 'di khas blang bar bya ba 'am yang na brgal zhing brtags pas lan gdab par bya'o/ /ci ste gang la cung zad cig srid pa de la lan gdab par rigs kyi/ gang gi ltar na thams cad dngos po med pa de la brjod par bya ba dang/ tshig dang smra ba po rnams dang rtog pa dang rtogs par byed pa dang rtogs pa po rnams rnam pa thams cad du med pas ji ltar lan gdab par bya/ de'i phyir de la lan ma smras pa nyid do snyam na/ gal te de ltar/ med phyir gzhan gyi phyogs la lan/ /brjod pa min par grags na ni/ /gtan tshigs kyis bzlog rang phyogs kyang/ /ci yi phyir na sgrub mi 'gyur/ /gal te gzhan la thams cad med pas lan mi 'debs na khyod kyi 'thad pa 'ga' zhig gis khyod kyi rang gi phyogs stong pa nyid kyi gtan tshigs kyis bzlog pa ci ste mi sgrub/ /ma grub pa ni khas blang bar rigs pa yang ma yin pas 'di ni yod pa ma yin no/ /gang yang sun 'byin byed pa'i gtan tshigs rnyed/ /sla zhes 'jig rten na brjod na/ de yang mi rigs so/ /gal te sun 'byin pa byed pa'i

  519. 260a

    gtan tshigs yod par 'gyur na ni de'i tshe rnyed sla ba'i phyir de khyod la yang yod pas khyod kyis kyang/ gzhan gyi phyogs la skyon brjod pa'i nyid du ci'i phyir mi nus khyod kyis gzhan gyi byor? la sun 'byin pa brjod par mi nus pas sun 'byan par byed pa'i gtan tshigs rnyed par mi sla'o/ /bcom ldan 'das kyis/ ji ltar mi g.yo ri rab chen po ni/ /grog ma kun gyis bskyod par mi nus ltar/ /de bzhin yang dag tshul la legs bslabs pa'i/ /mkhas te lha yi gzugs kyis kyang mi bskyod/ /nam mkha' tshon rtsis bkra bar bya nus shing/ /nam mkha' lag pa yis ni gzungs nus kyis/ /de ni bskyod par 'dod chags zhe sdang dang/ /bdud rnams bye bas nus pa nyid ma yin/ /'ga' yis brag cha bzung bar bya nus shing/ /phrag ni chu yi nang du 'ang 'phyo 'gyur gyi/ /gang zhig 'di 'dra'i lus sdom la slob pa/ /de yi bsam pa 'dir ni brdar mi nus/ /zhes rgyas par gsungs so/ /ci ste 'thad pa med par yang/ /yod ces bya ba tsam zhig gis/ /gal te de nyid dngos yod na/ /med ces bya ba tsam zhig gis/ /med par yang ni cis mi 'gyur/ /ji ltar khyod kyis yod do zhes bya ba'i tshig tsam gyis dngos po'i de kho na nyid yod do zhes bya ba 'jog pa de bzhin du nga'i med do zhes bya ba'i tshig tsam gyis kyang don dam par dngos po yod pa ma yin no zhes bya bar ci ste rnam par mi 'jog /de'i phyir yu bu cag gnyis kyi gnyis su smra ba bsal bas gnyis med par smra ba spros pa thams cad bcos pa 'di gzhung btsugs par 'gyur ro/ /'dir smras pa/ don dam par dngos po med na ni de'i tshe med pa la yod do zhes bya ba'i ming 'dir mi 'gyur ro/ /yod pa ma yin pa'i mo gsham gyi bu la ni yod do zhes bya ba'i ming 'di mi rung ngo/ /bshad par bya ste/ gang phyir yod bdog ces ming btags/ /de phyir med par mi 'gyur na/ /gal te de ltar na gang phyir med ces ming byas pa de

  520. 260b

    phyir yod par mi 'gyur ro/ /ming ni ming can gyi rang gi ngo bo'i rjes su mi byed do/ /de rnams ni ming can gyi dngos po'i rang gi ngo bo dang dus mtshungs pa yang ma yin te/ de rnams snga rol dang phyis 'dod pas byed pa'i phyir ro/ /'di ltar mig legs pa la zhar ba zhes bya ba dang/ tshe thung ba la tshe ring po zhes bya ba dang/ choms pa la lhas btsas pa zhes bya ba la sogs pas don dang mi mthun pa'i ming rnams kyang dmigs pa yin no/ /de'i phyir/ gang phyir yod ces ming byas pa/ /de'i phyir yod par mi 'gyur ro/ /rnaM pa gcig tu na 'don pa gzhan yin te/ gang phyir med mi bdog ces ming/ /btags pa de phyir yod 'gyur min/ /gal te yod pa la yod do zhes ming byas pa las dngos po rang gi ...ngo bo yod pa nyid du rtog na ni/ rigs pas rnam par dpyad pa na yod pa ma yin pa nyid kyis yod pa ma yin pa la med do zhes ming btags pa las yod pa nyid dgag pa ci'i phyir mi nges te/ 'di yod pa nyid du rtog pa ltar med pa nyid du yang btags par rigs so/ /'dir kha cig na re sgra rnams ni don gyi rang gi ngo bo ston par byed pa ma yin te/ gal te ston na ni de'i tshe me zhes smras na kha 'tshig par 'gyur la/ bum pa zhes smras na kha khengs par 'gyur ro/ /de'i phyir kho bo cag gi don gyi rang gi ngo bo la mi reg pa'i sgra rnams kyis brjod par bya ba dang/ brjod par byed pa'i brda 'jig rten pas thams cad yod do zhes brjod do zhes zer ro/ /de la brjod par bya ba ste/ gal te thams cad 'jig rten pas/ /brjod pas 'jig rten pa yod na/ /dngos gang de nyid du yod pa/ /de ni 'jig rten par cis 'gyur/ /gal te dngos po yod pa'i rang bzhin can nyid rang gi ngo bo la mi rig pa'i sgra rnams kyis 'jig rten pa brjod cing/ de'i rang gi ngo bo yod na ni de'i phyir rang gi ngo bos yod pa'i phyir de don dam pa kho nar 'gyur

  521. 261a

    gyi/ 'jig rten pa ni ma yin no/ /ci ste de 'jig rten pa nyid du yod pa nyid yin gyi/ /rang bzhin gyis ma yin na ni de'i tshe 'jig rten pa de don dam pa nyid du 'grub cing/ don daM ba mthong ba las rnal 'byor pa rnams 'khor ba las grol bar yang 'grub do zhes bya bar gis so/ 'dir smras pa/ khyod kyis thun mong du smra mod kyi/ /de lta na yang dngos po bsal bas khyod la dngos po rnams med pa nyid du 'gyur ro/ /bshad par bya ste/ tshig 'di ni kho bo'i bsam pa las ma 'das par gnas so/ /gal te bdag dngos po bkag pa las yod pa nyid dang 'gal ba med pa nyid khas len par 'gyur na ni de'i tshe bgag gas smra ba thams cad sel ba bsgrubs par mi 'gyur te med pa nyid du smra ba shin tu tha chad pa khas blangs pa'i phyir ro zhes bstan pa'i phyir bshad pa/ gal te dngos kun med pa'i phyir/ /med pa nyid du 'gyur na ni/ /de ltar yin na phyogs rnams kun/ /dngos po med par mi rigs so/ /dngos po yod na ni de de bkag pas dngos po med par smra bar 'gyur na gang gi tshe ji skad bshad pa'i tshul gyis dngos po nyid mi srid pa de'i tshe/ dngos po med phyir dngos med la/ /srid pa yod par mi 'gyur ro/ /ci'i phyir dngos po med ce na/ dngos po med pa med pa'i phyir ro/ /gang las dngos po med pa med ce na/ /'dir ltar/ dngos po med par dngos po ni/ / med pa ga la 'grub par 'gyur/ /dngos po 'jig pa gzhan du 'gyur ba'i mtshan nyid can ni dngos po med pa'o zhes 'jig rten smra ba la dngos po de yang nges par dpyad pa na yod pa ma yin bas gang zhig med pas dngos po med par srid par 'gyur/ gang gi tshe dngos po med pa yod pa mi srid pa de'i tshe dngos por rtogs pa dngos po med pa la bltos pas de med pa yin dang dngos po med pa med par brub po/ /'dir smras pa/ rgyu med pa'i don la grub pa med pa'i phyir khyod kyis

  522. 261b

    gdon mi za bar stong pa nyid du bsgrub pa la gtan tshigs bstan par bya dgos la/ gtan tshigs yod pas kyang/ dngos po thams cad stong pa nyid ma yin te/ gtan tshigs ltar gzhan yang yod pa'i phyir ro/ /bshad par bya ste/ gal te stong pa gtan tshigs las gyur pa/ de phyir stong par mi 'gyur na/ dam bca' gtan tshigs las gzhon ni/ /ma yin des na gtan tshigs med/ /rgyu'i snga rol du stong pa nyid yod pa ma yin pa'i phyir la/ phyis yod pa'i phyir stong pa nyid byas par 'gyur la/ byas pa ma yin na yang sgyu mas sbrul pa'i ban glang mo ltar bslu bar 'gyur na/ stong pa nyid ni ye mtshungs pa'i ngo bo yin pa'i phyir bslu ba yang ma yin pas stong pa nyid rgyus bsgrub par bya ba ma yin no/ /ci ste shes par byed pa'i rgyu la bsams nas brjod na yang gtan tshigs mi srid pa nyid do/ /ji ltar zhe na/ 'dir gtan tshigs 'di dam bca' 'ga' zhig bsgrub pa'i phyir brjod pa zhig na/ gal te dam bcas pa de las gtan tshigs de gzhan yin na ni/ de ltar yin na phyogs kyi chos ma yin pa'i phyir dam bca' ba'i don go bar mi byed pas gtan tshigs la dam bca' ba las gzhan nyid yod pa ma yin no/ /gang gi tshe gzhan du mi 'gyur ba de'i tshe gzhan nyid med pa'i phyir dam bca' ba'i rang gi ngo bo bzhin du 'di gtan tshigs ma yin pas gtan tshigs med pa ste de'i phyir dngos po rnams rang bzhin med par grub po/ /'dir smras pa/ gal te gtan tshigs med pas gtan tshigs dang bsgrub par bya ba stong pa nyid ma yin par mi 'gyur na/ 'o na re zhig stong pa nyid kyi dpe yod pa/ de yod pas de dang 'dra bar dngos po gzhan yang 'byung bar 'gyur ro/ /bshad par bya ste/ dpe de yang rtog pa na gtan tshigs kyi don dang ma 'brel ba kho na zhig gam/ 'brel pa bzhin rtog grang/ re zhig gal te 'brel na ni gtan tshigs

  523. 262a

    kyi sun 'byin pa nyid kyis bsal to/ /ci ste ma 'brel na ni de'i tshe de gnyis la dam bca' ba'i don sgrub pa'i nus pa nyid med pas cung zad kyang mi byed la de brtags pas ci dgos zhes brtan pa'i phyir bshad pa/ gang phyir stod pa'i dpe yod pa/ /de na stong par mi 'gyur na/ /bya rog ji ltar de bzhin du/ /bdag kyang nas shes brjod nus sam/ /gal te gtan tshigs kyi don dang ma 'brel ba'i dpe las don grub par sems na ni de'i tshe bya rog gi nag pa'i dpe? bdag kyang nag por 'gyur na 'di ni srid pa yang ma yin pas dpe mi riT te dngos po med pa'i phyir ro/ /ga lte gtan tshiT kyang ma de la dpe yang med cing dngos po thaM cad? kyar mid na byon gyi bstan bcos byed pa'i tshegs 'di don gang du bsgrub par bya ba'i phyir yin/ brjod par bya ste/ gal te nges par brtags pa na dngos po 'ga' zhig gi rang bzhin dmigs na ni de'i tshe khas len par byed bde lta yin dang stong pa nyid du lta ba yang phyin ci log nyid du 'gyur ro zhes bstan pa'i phyir bshad pa/ gal te rang bzhin gyis dngos yong/ /stong mthong yon tan ci zhig yod/ /stong pa nyid nye bar bstan pa ni de kho na nyid bstan par bya ba'i phyir yin la/ de kho na nyid kyang rang bzhin dang ngo bo yin no/ /gal te dngos po 'ga' zhig la yod na ni de'i tshe de nyid don dam pa yin pas grol ba don du gnyer ba la de mthong ba kho na mdzes kyi stong pa nyid mthong ba ni ma yin no/ /de ni de'i tshe yon tan du mi 'gyur ba 'ba' zhig tu ma zad kyi skur pa 'debs pa la zhugs pa'i phyir skyon nyid du 'gyur ro/ /gang gi tshe dngos po rang bzhin med pa ? rnams phyin ci log las rang bzhin dang bcas pa nyid du snang ba na 'jig rten gyi mngon par zhen pa'i rgyur 'gyur zhing/ dngos por lhag par zhen pa'i rgyu can las dang nyon mongs pa las skye ba'i rgyun skye ba'i phyir de las 'khor bar 'jug par 'gyur ba de'i

  524. 262b

    tshe dngos po rang bzhin med pa rnams rang bzhin med pa nyid du mngon par gsal bar byed pa'i bstan bcos 'dis sgro 'dogs pa dang skur pa 'debs pa spangs pa'i sgo nas rang bzhin med pa nyid ston zhing/ 'jig rten yang dngos po rnams kyi rang bzhin med pa nyid bton nas gzugs brnyan dang sprul pa dang sgyu ma la sogs pa ltar dngos po rnams la mngon par zhen pa na dngos po la mngon par zhen pa'i rgyu can las dang nyon mongs pa zad pas 'dod chags la sogs pa'i 'ching pa mdza' dag chad pa las nges par grol bar 'gyur ro/ / de'i phyir bstan bcos 'dis dngos po rnams rang bzhin gzhi med pa tsam zhig ston to/ /bcom ldan 'das kyis chos thams cad ni stong pas te rang bzhin med pa'i tshul gyis so/ /chos thams cad ? mtshan ma med pa ste/ mtshan ma med pa nye bar bzung nas so/ /chos thams cad smon pa med pa ste/ /mi smon pa yin tshul gyis so/ /chos thams cad ni rang bzhin gyis 'od gsal ba ste/ shes rab kyi pha rol tu phyin pa yongs su dag pas so zhes bya ba dang/ de bzhin du/ gang zhig rkyen las skyes pa de ma skyes/ / de la skye ba rang bzhin yod ma yin/ /rkyen la rag las gang de stong par bshad/ /gang zhig stong nyid shes de bag yod yin/ /zhes ji skad gsungs pa lta bu'o/ /yang 'dir rten cing 'brel par 'byung ba la bsnyon pa ni ma yin no/ /zhes bshad pa/ rtog pas mthong ba 'ching ba ste/ /de ni 'di ru dgag par bya/ /rtog pa na yang dag pa ma yin pa'i rang bzhin gyi don sgro 'dogs pa ste/ de'i sgo nas sems can rnams bcings par dmigs nas/ 'khor ba'i sdug bsngal bcad par bya ba'i phyir don de bzlog par bya ba'i phyir thugs rje chen po mnga' zhing sems can gyi sdug bsngal gyis sdug bsngal ba'i de bzhin gsheT pa rnams dang/ byang chub sems dpa' rnams rten cing 'brel bar 'byung ba dang mi 'gal ba dngos po rnams rang bzhin med pa tsam zhig ston par mdzad de/

  525. 263a

    de ltar na 'di ni mdor bsdus na sangs rgyas kyi gsung gi don yin no zhes slob dpon gyi bstan bcos 'dis rnam par bshad do/ /bcom ldan 'das kyis/ 'di na gang gis rang bzhin gyis stong zhing/ /rang bzhin rnam des bdag med chos shes pa/ /de la nam yang sdom min mi 'byung ste/ 'di ltar yang dag nges la des bslabs phyir/ /gang zhig phung po lnga po stong pa rnams/ /dben pa bdag med rang bzhin stong zhes shing/ /las gang zhig la lus kyi kun spyod pa/ /de la gzhan yang sdom pa min mi 'byung zhes rgya cher gsungs so/ /gang dag ji ltar gnas pa'i gsung rab kyi don ji lta ba bzhin ma rtogs pas na dngos po kha cig dngos po yod bdag kha cig dngos po med par yongs su gsal bar byed pa de dag gi rtog pa dang phyin ci log pa nyid du bstan pa'i phyir bshad pa/ gcig yod gcig med ces bya ba/ /de nyid min 'jig rten pa'ang mi/ /gang gi tshe 'jig rten pa'i dngos po bshad par 'dod pa de'i tshe phyi nang gi don gyi dbye bas phung po lnga char yang 'jig rten pa'i rtog pa tshang mar byas te khas blang bar bya la/ gang gi tshe 'jig rten las 'das pa'i de kho na nyid rnam par bshad par 'dod pa de'i tshe ni 'phags pa'i ye shes la bltos nas phung po lnga char yang rang bzhin gyis stong par bshad par bya'o/ /de las gzhan du gang rung gcig 'dod cing gang rung mi 'dod pa'i rgol bas ni de kho na nyid dang 'jig rten pa yang bshad par mi 'gyur ro/ /gang gis 'di de ltar yin pa/ des na 'di yod 'di ces med/ /brjod pa nyid du nus ma yin/ /gal te sems dang sems las byung ba rnams yod na ni de'i tshe bum pa dang snam bu la sogs rnams kyang yod de 'jig rten mdza' dag la grags pa'i phyir ro/ /ci ste bum pa dang snam bu la sogs pa de rnams rnam par

  526. 263b

    dbyang pa na med na ni de'i tshe sems dang sems las byung ba rnams kyang med par 'gyur te/ gnyi ga yang rigs pa dang bral ba'i phyir ro/ /de ltar na 'di yod la 'di ni med do zhes bya bar brjod pa nyid du mi nus so/ /'dir smras pa/ bdag gis khyod la lan gdab par mi nus mod kyi/ de ltar na yang gang dag khyod la lan 'debs par 'gyur pa/ de bzhin gshegs pa'i bstan pa la mngon par brtson pa dag 'byung bar 'gyur ro/ /bshad bar bya ste/ khyod kyi re ba 'di ni brdzun pa zhig ste/ 'di ltar/ yod dang med dang yod med zhes/ gang la phyogs ni yod min pa/ de la yun ni ring bo na 'ang/ klan ka brjod pa nus ma yin/ /phyogs yongs su 'dzin pa yod na ni rnam pa gzhan du bsgrubs pa las de lta'ang dus tshes yung ring ba zhig gis de la sun 'byin pa srid na/ gang la yod pa dang med pa dang gnyi ga'i phyogs spangs pas/ gang la phyogs yongs su 'dzin pa nyid yod pa ma yin pa de la ni yod pa dang med pa gnyi ga'i phyogs spangs pas dus yun ring pos kyang sun 'byin pa brjod par mi nus pa nyid do/ /nam mkha' i gzugs can nyid da lta mi srid pas dus yun ring pos kyang srid par bya bar mi nus pa de bzhin du rgol ba dag gis kyang de'i rten phyogs gsum ga yang mi srid pas/ stong pa nyid du smra ba'i sun 'byin pa yun rang pos kyang brjod par mi nus te/ mkhas pas stong pa nyid du smra ba la sun 'byin pa nam mkha' i ri mo dang lcags kyis gzhus pa'i gzir ba dang 'dra bar khong du chud par bya'o/ /yang ji ltar nam mkha' i nyi ma'i 'od zer gyi tshigs kyis bsal zhing zhig par gyur pa'i mun pa rnams kyis dus yun ring pos kyang nyi ma'i 'od zer gyi tshogs gsal ba mog mog por bya par mi nus pa de bzhin du zab cing rgya che la bsam gyis mi khyab pa'i rten cing 'brel bar 'byung ba bsgoms pas rtogs pa'i nyi ma'i 'od zer gyis rgol ba mdza' dag gi gzhung lugs kyi mun pa rnams bsal ba yang yin no zhes bya bar khong

  527. 264a

    du chud par ba'o/ /yang bshad pa/ ji ltar 'di ni nyi ma'i 'od zer mtshungs pa med pa yis/ /dus yun ring bar mun pa'i tshogs chen 'joms shing 'joms 'gyur ltar/ /de bzhin 'gro ba'i don byed gnyis su med pa'i nyi ma yang/ /yod dang med pa la sogs gzhung lugs mun pa 'joms byed yin/ /rtog ge'i gzhung lugs mun pas bkab pa yi/ /blo yi mig 'di da ltar phya byas nas/ /bsod nams gang thob de yis skye po 'di/ /yengs kyis de nyid blo mig gis mthong shog /slob dpon 'phags pa lha'i zhal snga nas kyi byang chub sems dpa' i rnam 'byor spyod pa bzhi brgya ba las/ slob dpon dang slob ma rnam par gtan la dbab pa sgom pa bstan pa zhes bya ba ste rab tu byed pa bcu drug pa'i 'grel pa'o// // bzhi brgya ba'i 'grel pa slob dpon zla ba grags pa'i zhal snga nas kyis mdzad pa rdzogs so// /dpal grol khyer dpe med kyi dbus rin chen sbas pa'i kun dga' ra bar/ rgya gar gyi mkhan po su k+Sha ma dzA na zhes bya ba gdung rabs grangs med par paN+Ti ta brgyud ma'i rigs su sku 'khrungs pa bram ze chen po rin chen rdo rje'i dpon po bram ze chen po sangjA na'i sras gcig tu bde bar gshegs pa'i bstan pa la gces spras su mdzad pa bdag dang gzhan gyi gzhung lugs rgya mtsho'i pha rol tu son pa'i zhal snga nas dang/ bong kyi sgra bsgyur gyi lo tsA ba dge slong pa tsha ba nyi ma grags kyis bsgyur ring zhus te gtan la phab pa rdzogs so// //phung po lnga'i rab byed zla ba grags pas mdzad pa bzhugs/ / rgya gar skad du/ bany+tsa skan+d+ra pra kA ra Na/ bod skad du/ phung po lnga'i rab tu byed pa/ sangs rgyas la phyag 'tshal lo/ /'phags pa 'jam dpal gzhon nor gyur pa la phyag 'tshal lo/ /blo gros sbyangs pa med rnams kyi/ /blo yi kha ni dbye

  528. 264b

    ba'i phyir/ /phung po skye mched khams rnams kyi/ mdor bsdus yang dag mtshan nyid brjod/ /de la phung po lnga ni gzugs kyi phung po dang/ tshor ba'i phung po dang/ 'du shes kyi phung po'i 'du byed kyi phung po dang/ rnam par shes pa'i phung po'o/ /skye mched bcu gnyis ni/ 'di lta ste/ mig gi skye mched dang/ rna ba'i skye mched dang/ sna'i skye mched dang/ lce'i skye mched dang/ lus kyi skye mched dang/ yid kyi skye mched dang/ gzugs kyi skye mched dang/ sgra'i skye mched dang/ dri'i skye mched dang/ ro'i skye mched dang/ reg bya'i skye mched dang/ chos kyi skye mched ces bya'o/ /khams bco brgyad ni/ 'di lta ste/ mig gi khams dang/ gzugs kyi khams dang/ mig gi rnam par shes pa'i khams dang/ rna ba'i khams dang/ sgra'i khams dang/ rna ba'i rnam par shes pa'i khams dang/ sna'i khams dang/ dri'i khams dang/ sna'i rnam par shes pa'i khams dang/ lce'i khams dang/ ro'i khams dang/ lce'i rnam par shes pa'i khams dang/ lus kyi khams dang/ reg bya'i khams dang/ lus kyi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams zhes bya ba'o/ /de la gzugs kyi phung po'i dbang du byas nas brjod pa/ de ni mig dang/ rna ba dang/ sna dang/ lce dang/ lus te dbang po lnga dang/ gzugs dang sgra dang dri dang ro dang reg bya ste yul lnga dang/ rnam par rig byed ma yin pa zhes bya ba ste rdzas bcu gcig gi bdag nyid ni gzuT kyi phung po'o/ /de yang rnam pa gnyis su 'gyur te/ 'byung ba dang/ 'byung ba las gyur pa'o/ /de la 'byung ba ni chen po bzhi ste/ sa'i khams dang chu'i khams dang/ me'i khams dang/ rlung gi khams zhes bya ba'o/ nye bar bzung/

  529. 265a

    ba'i gzugs thams cad 'dzin pa 'am/ rang gi mtshan nyid 'dzin pas ni khams te/ de dag ni reg bya'i skye mched kyi khongs su 'dus so/ /reg bya'i skye mched lhag ma ni 'jam pa nyid la sogs pa'o/ /mig la sogs pa bcu po rnams ni 'byung ba las gyur pa ste/ 'byung ba las byung ba'i phyir ro/ /ji ltar rtsig pa la brten nas ri mo dang/ rtsa dang shing la brten nas khyim dang/ me long la brten nas gzugs brnyan dang/ shing mgal la brten nas mi ltar 'byung ba chen po la brten nas mig la sogs ba kun du 'byung ba'i phyir nye bar gzung ba'i gzugs zhes brjod do/ /sa'i khams ni 'thas pa nyid dang/ mkhrad pa nyid dang/ sra ba nyid de de'i las ni 'dzin pa'o/ /chu'i khams ni gsher ba nyid dang/ snum pa nyid dang/ zhu ba nyid de/ /de'i las ni sdung ba'o/ /me'i khams ni dro ba nyid de/ de yi las mi chos pa dang skems pa'o/ /rlung gi khams ni yang zhing g.yo ba ste/ de'i las ni bskyed pa dang 'phel pa'o/ /de la bskyed pa ni rang gi yul dang mngon par 'brel ba lhag par de'i steng du 'byung bar byed pa'o/ /'phel ba ni yul gzhan du bar ma chad par 'byung bas yul gzhan 'thob par byed pa'o/ /'phel bar byed pa 'di nyid la rgyas pa zhes gsungs so/ /'byung ba chen po 'di rnams ni gang na gcig yod pa na lhag ma yang yod la/ gang na lhag ma yod pa na gcig kyang yod de phan tshun dbyer med do/ /de lta bas na de dag ni phan tshun ma bltos par med pas rang gi ngo bor grub pa med do/ /de dag las gzugs kha cig ni dngos su yod pa nyid du rang gi dbang po'i rnam par shes pas rtogs so/ /kha cig ni 'bras bu mthong ba rjes su dpag go /de dag ni 'byung ba yang yin pas 'byung ba chen po ste/ rgya che ba'i nam mkha' khyab par gnas pa na 'di dag nyid chen po'o/ /thun mong

  530. 265b

    dang thun mong ma yin pa'i las kyi khyad par las 'byung ba nyid kyis 'byung ba'o/ /de lta bas nam mkha' ni gzugs thams cad 'byung ba'i skabs 'byed pas chen po yin yang 'byung ba ni ma yin te/ 'dus ma byas pa nyid kyi phyir ro/ /de bas na nam mkha' ni 'byung ba chen po ma yin no/ /de ltar 'byung ba chen po rnams bshad zin to/ /yang ji ltar 'byung ba chen po 'di dag rag bya'i skye mched kyis bsdus pa nyid kyis 'jig rten pa'i dbang po dang dbang pos so sor rtogs pas mngon sum nyid yin pa ltar mig la sogs pa ni ma yin te/ dbang po'i yul las 'das pa nyid kyis na rang gi 'bras bu rnam par shes pa las rjes su dpag par bya ba yin pa'i phyir rjes su dpag pas rtogs so/ /'di ltar ma dang pha la brten nas bu 'byung bar 'gyur ba de bzhin du mig dang gzugs la brten nas mig gi rnam par shes pa 'byung ba na de'i me'i gnas lta bu ni mig ste/ de'i yongs su 'gyur bas rnam par shes pa'i 'gyur ba 'byung bar 'gyur te/ phan btags pa dang gnod pa byas pa dag gi gsal bad? dmi gsal ba dag tu rjes su sgrub pas so/ /de lta bas na mig gi dbang po ni 'di'i rten du 'byung bas na mig gi rnam par shes pa zhes de yid bstan to/ /mig gi dbang po 'di ni mig gi rten gyi mig gi 'bras bu'i nang na rkun 'bru'i 'bras bu'i ched tsam zi ra'i me tog lta bu ltar med pa lpags pa dang bas g.yogs pa dang bar gnas pa rang gi 'bras bu rnam par shes pa las rtogs pa ste/ de yang 'di ltar cer re long rnams kyi mig gi brten 'dra bar gnas kyang rnam par shes pa mi 'byung bas dbang bo med par rab tu shes so/ /mig la brten pa'i rnam par shes pa yang mig dang/ gzugs dang/ snang ba dang/ yid la byed pa'i rkyen rab tu rnyed nas 'byung bar 'gyur mod kyi/ thun mong ma yin pa'i rgyus nye bar bstan te ji ltar rnga bo che'i sgra

  531. 266a

    dang/ nas kyi myu gu zhes bya ba bzhin du rten de'i rnam par shes pa zhes bstan to/ /rab tu byed pa'i gzhung dang yang rjes su mthun par 'gyur te/ mig gi dbang po gang zhe na/ mig gi rnam par shes pa'i rten gzugs dang ba'o zhes 'byung ngo/ /mig gi rnam par shes pa 'di yi rten ni rnam pa gnyis te/ /lhan cig skyes pa'i mig dang/ 'das pa'i yid do/ /de la mig la mig gi rnam par shes pa'i rten du brjod na yid kyis kyang mig ces bya ba 'thob par 'gyur pas/ de bas na gzugs dang ba zhes smos so/ /de bzhin du rna ba la sogs pa la yang shes par bya'o/ /khyad par ni 'di yin te/ rna ba'i dbang po'i rdul phra rab ni gro ba'i mdud ba lta bur gnas so/ /rna'i dbang po'i rdul phra rab ni mtshul ba'i nang ltag khung gi thad ka na mig sman gyi thur ma gshibs pa ltar gnas te/ dbang po dang po gsum ni phreng ba ltar gnas so/ /rtse'i dbang po'i rdul phra rab ni zla ba kham pa ltar gnas so/ /lus kyi dbang po'i rdul phra rab ni lus bzhin du gnas so/ /lus kyi dbang po'i khyad par nyid mo dang pho'i dbang po'o/ /de la mo'i dbang po'i rdul phra rab ni rnga po che ma g.yos pa'i sbubs ltar gnas so/ /pho'i dbang po'i rdul phra rab ni mthe bo'i rnam pa lta bur gnas so/ /mig la sogs pa lnga po 'di rnams ni rang gi yul la nye bar dmigs pa'i bdag po yin pas dbang po zhes bya'o/ /de lta bas na mig ni gzugs la nye bar dmigs pa la lhag par dbang byed kyi gzugs ni ma yin no/ /de bzhin du rna ba la sogs pa rnams la yang rig par bya'o/ /mo nyid dang pho nyid la dbang byed pas mo dang pho'i dbang po ste/ de la mo'i ngo bo ni mo'i rang bzhin dang skad dang byed pa dang bsam pa'o/ /pho'i ngo bo na pho'i rang bzhin dang skad dang phyed pa dang bsam pa ste/ de dag la dbang byed pas

  532. 266b

    mo dang pho'i dbang po'o/ /de ltar dbang po rnams bstan nas/ da ni don rnams bshad par bya ste/ de la mig gi rnam par shes pas rnam par shes par bya ba nyid ni gzugs kyi skye mched kyi rang gi mtshan nyid do/ /de bzhin du sgra la sogs ba ni rang gi dbang po'i rnam par shes pas shes par byed pa nyid ni sgra la sogs pa'i skye mched kyi rang gi mtshan nyid do/ /so so'i dbye bas phye ba na gzugs kyi skye mched ni rnam pa gnyis su 'gyur te/ kha dog dang dbyibs so/ /de la kha dog ni bzhi ste/ sngon po la sogs pa'o/ /gzhan ni de'i bye brag go/ dbyibs ni rnam pa brgyad de/ ring po la sogs pa nas mi mnyam pa'i bar du'o/ /gzugs kyi skye mched de nyid yang rnam pa nyi shur brjod par bya ste/ 'di lta ste sngon po dang/ ser po dang/ dmar po dang/ dkar po dang/ ring po dang/ thung du dang/ zlum po dang /lham pa dang/ mtho ba dang/ dma' ba dang/ mnyam pa dang/ mi mnyam pa dang/ sbrin dang/ du ba dang/ rdul dang/ khug rna dang/ grib ma dang/ nyi ma dang/ snang ba dang/ mun pa zhes bya ba'o/ /de la mnyam pa ni mi mnyaM pa med pa'o/ / mi mnyaM pa ni mthon dman du gnas pa'o/ /khug rna ni lho bu'o nyi ma ni nyi ma'i 'od do/ /snang ba ni zla ba dang/ skar ma dang/ me dang sman dang/ nor bu rnams kyi 'od do/ /grib ma ni gang na gzugs rnams snang ba'o/ /bzlog pa ni mun pa'o/ /lhag ma ni go sla'o/ /gzugs kyi skye mched bshad zin to/ /sgra ni rnam pa brgyad do/ /zin pa dang ma zin pa'i 'byung ba chen po'i rgyu las byung ba dag so sor sems can dang sems can ma yin par ston pas rnam pa bzhi'o/ /yang de nyid re re zhing yid du 'ong ba dang/ yid du mi 'ong ba'i bya brag gis rnam pa brgyad do/ /de la sems dang sems las byung ba skye ba'i rten nyid du bzung bas zin pa'o/ /de ni sems dang bcas pa zhes bya ba'i don te/ dbang po las tha dad du gyur pa ma yin pa'o/ /gang la rgyu zin pa'i 'byung ba chen pa yod

  533. 267a

    pa de ni zin pa'i 'byung ba chen po'i rgyu can te lag ba dang dag gi sgra lta bu'o/ /gzhan ni ma zin pa'i 'byung ba chen po rgyu can te/ ji ltar rlung dang nags tshal dang chu klung gi sgra lta bu'o/ /sems can du ston ba'i sgra ni sems can du nges pa byed ba'i sgra ste/ sgra gang gis sems can te srog chags so zhes nges par 'gyur ba de ni sems can du ston pa'o/ /bzlog pa ni sems can ma yin par ston pa'o/ /de la zin pa'i 'byung ba chen po'i rgyu can sems can du ston pa'o sgra ni dag gi sgra'o/ /sems can du ston pa ma yin pa ni de las gzhan pa'o/ /ma yin pa'i 'byung ba chen po'i rgyu can sems can du ston pa ni sbrul ba'i dag gi'o/ /sems can du ston pa ma yin pa ni rlung dang nags tshal dang chu klung gi sgra'o/ /yid du 'ong pa ni yid dga' bar byed pa'o/ /yid du mi 'od ba ni de las bzlog ba'o/ /gzhan dag ni re zin pa dang ma zin pa'i 'byung ba chen po'i rgyu can gyi sgra yang yod do/ /'di lta ste/ lag pa dang rnga'i sbyor ba las byung ba lta bu'o/ /zhes zer ro/ /de ni mi rung ste/ kha dog gi rdul phra rab gcig la 'byung ba chen po bzhi tshan gnyis kyis bskyed par mi 'dod ba de bzhin du 'di yang mi 'dod do/ /drin rnaM par zhi ste/ dri zhim pa dang/ mi zhiM pa dag mnyaM pa dang/ mi mnyaM po bstan bcas las ni dri zhim pa dang/ dri mi zhim pa dang/ dri mnyam pa zhes rnam ba gsum 'byung ngo/ /ro ni drug ste/ mngar ba dang/ skyur ba dang/ lan tshwa dang/ tsha ba dang/ kha ba dang/ bska ba'i bye brag gis so/ /rtse ba'i ro 'di rnams kyi yang dag par sbyor ba las ro'i bye brag mdza' yas pang 'gyur ro/ /reg bya ni bcu gcig gi bdag nyid de 'byung ba chen po bzhi dang/ 'jam pa nyid dang/ rtsub pa nyid dang/ lci ba nyid dang/ yang ba nyid dang/ grang ba dang/ bkras pa dang/ skom bzhes bya ba'o/ /de la 'byung ba chen po ni bshad zin to/ /'jaM

  534. 267b

    pa ni reg pa na bde ba'o/ /rtsub ba nyid ni rag par mi 'dod pa'o/ /lci ba nyid ni gang gis dngos po rnams 'jal bar byed pa'o/ /yang ba nyid mi de las bzlog pa'o/ /grang ba ni dro ba 'dod par byed pa'o/ /bkres pa ni zas 'dod par byed pa'o/ /skom pa ni btung ba 'dod par byed pa ste/ rgyu la 'bras bu nye bar btags ba'o/ /de yang 'di ltar sangs rgyas 'byung ba bde ba ste/ chos bstan pa yang bde ba yin/ /dge 'dun mthun pa bde ba ste/ /mthun pa rnams kyi dka' thub bde zhes bya ba lta bu'o/ / dngos po gang la 'byung ba me dang chu'i khams shas che ba de ni 'jam pa nyid do/ /sa dang rlung shas che ba de ni rtsub pa nyid do/ /sa dang chu shas che ba de ni/ lci ba nyid do/ /me dang rlung shas che ba de ni yang ba nyid do/ /chu dang rlung shas che ba de ni grang pa'o/ /rlung shas che ba de ni bkres pa'o/ /me dang rlung shas che ba de ni skom pa'o/ /dbang po lnga dang don lnga ni bshad zin to/ /de la mig la sogs pa dbang po lnga ni rang rang gi 'bras bu las rjes su dpag par bya ba nyid kyis yid kyi rnam par shes ba 'ba' zhig gis shes par bya ba'o/ /gzugs la sogs pa lnga ni so sor rnam par shes pa gnyis kyis rnam par shes par bya ste/ de la gzugs kyi skye mched ni mig gi rnam par shes pas rnam par shes pas nyams su myong nas yid kyi rnam par shes pas rnam par shes so/ /de bzhin du reg bya'i skye mched kyi bar du rang rang gi rnam par shes pa dang/ yid kyi rnam par shes pa dag gis rnam par shes zhes sbyar ro/ /rnam par rig byed ma yin pa gang zhe na/ gzugs gang chos kyi skye mched du gyur pa bstan du med cing thogs pa med pa yid kyi rnam par shes pa tsam gyis shes par bya ba ste/ sdom pa dang/ sdom pa ma yin pa dang/ bar ma 'dus ba dge ba dang mi dge ba'i rgyun gyi ngo bo gang yin pa de ni rnam par

  535. 268a

    rig byed ma yin pa'o/ /de la kha cig ni sems kyi rjes su 'jug pa ste/ 'di lta ste/ bsam gtan gyi sdom pa dang/ zag pa med pa'i sdom pa'i ngo bo'o/ /kha cig ni yang dag par blangs pa las byung ba ste/ sems g.yengs pa dang ma g.yengs pa dang/ sems med pa'i gnas skabs gsum char na'ang chu bo'i rgyun bzhin du 'jug pa dang/ nyin dang mtshan du ji srid 'phags par rjes su 'jug pa ji srid 'tsho'i bar ram/ nyin zhag gcig pa ni 'di lta ste/ so sor thar pa'i sdom pa'i ngo bo'o/ /kha cig g.yengs pa dang ma g.yengs pa'i gnas skabs na rjes su 'jug pa ni 'di lta ste/ sdom pa ma yin pa'i ngo bo'o/ /sdom pa yang ma yin sdom pa ma yin pa yang ma yin pa'i ngo bo ni kha cig 'ga' la zhing khyad par can gyis sbyin pa'i dngos po longs spyad pa las byung ba ste rdzas las byung ba'i bsod nams bya ba'i dngos po lta bu'o/ /kha cig ni sangs rgyas la mchod pa dang/ dkyil 'khor la sogs pa yi dam du blangs nas byed pa'o/ /kha cig ni gus pa dang bcas pas mchod rten la phyag 'tshal ba la sogs pa'i bya ba byed pa'o/ /mi dge ba ni lha mo du rga la sogs pa'i rten byed cing longs spyod pa dang/ nyon mongs pa'i shugs drag pos bya ba rtsom pa la soD par sbyar ro/ /de la zag pa dang bcas pa'i bsam gtan gyi sems thob pa las ni bsam gtan gyi sdom pa 'thob bo/ /zag pa med pa'i bsam gtan gyi sems thob pa las ni zag pa med pa'i sdom pa 'thob bo/ /de dag btad bas ni de dag gtong ngo/ /so sor thar pa'i sdom pa ni gzhan la gsol ba 'debs pa'i rnam par rig byed la sogs pa las 'thob ste/ yang dag par blangs pa btang ba dang/ shi ba dang/ mtshan gnyis byung ba dang/ nyin zhag 'das pas gtong bar 'gyur ro/ /de la dge slong dang/ dge slong ma dang/ dge tshul dang/

  536. 268b

    dge tshul ma dang/ dge slob ma dang/ dge bsnyen dang/ dge bsnyen ma'i sdom pa rnams ni nyin zhag zad pa las gzhan pas gtong pa'o/ /dge slong dang dge slong ma'i sdom pa dag ni phas pham pa'i ltung bas kyang ngo/ /bsnyen gnas kyi sdom pa ni nyin mtshan bzad pas kyang ngo/ /sdom pa ma yin pa ni nya ba la sogs pa'i ste/ de rnams kyis rgya dang mtshon cha la sogs pa'i sbyor bas sdom pa ma yin pa 'thob la/ de las gzhan pa'i rigs kyis ni de dag gi las yang dag par blangs pas 'thob po/ /gtong pa ni shi ba dang/ mtshan gnyis byung ba dang/ sdom pa thob pa las gtong ngo/ /sdom pa yang ma yin sngom pa ma yin pa yang ma yin pa'i ngo bo ni nyon mongs pa drag po dang/ rab tu dar ba'i shugs dang/ yang dag par blangs pa chad pas 'chad do/ /de la dmigs pa'i sems kyis bskyed pa'i lus kyi de dang de lta bu'i dbyibs kyi khyad par ni lus kyi rnam par rig byed do/ /ngag gi rnam par rig byed ni de la dmigs pa'i sems kyis bskyed pa'i brjod par bya ba brjod pa'i tshig ste/ de lta bu de gnyis na kun nas slong ba'i sems rnam par rig par byed pas na rnam par rig byed do/ /rnam par rig byed dang 'dra ba'i chos gang 'phen pa yang dag par 'dzin pa'i 'byung ba chen po la brten pa dang gnas pa ni rnam par rig byed dang 'dra bar gzhan la rnam par rig byed pa ma yin pas rnam par rig byed ma yin pa ste/ man dag 'ba' zhig tsam gyis shes par bya zhing dge slong la sogs par 'jog pa'i rgyu'o/ /de dang 'dra ba las dgag pa'i rkyen gyis te/ bram ze ma yin pa lta bu'o/ /gzugs kyi phung po ni bshad zin to/ / tshor ba'i phung po'i dbang du byas nas brjod pa de la sim pa dang/ gdung ba dang/ de gnyi ga las grol ba'i yul gyi ngo bo mngon du byed pa gang yul nyams su myong ba'i ngo bo rnam par shes pa'i myong ba ni tshor ba zhes brjod do/ /de la gtso bo sems

  537. 269a

    ni sems las byung ba ma yin no/ /der ni gtso bo sems sems las byung ba ma yin par ji ltar shes/ gang sems kyi bya ba'o ngo bo logs shig tu rang rgyud du grub par sems pa yid kyi las dang/ dang ba sems kyi dang ba dang/ rtog pa ni sems rtsing ba zhes bya ba la sogs par brjod pas sems las byung ba'i sems kyi gnas skabs ni ma yin no/ /ji lta zhe na/ don tha dad du gyur pas so/ /de la kha cig sems kyi bya ba'i ngo bo nyid du bstan pas sems kyi gnas skabs kyi bye brag ni sems las byung ba'o zhes 'dod do/ /de ni rigs pa ma yin te/ lhan cig 'byung ba zhes bya ba'i nges pa nyams par 'gyur ro/ /des na 'dir ni rnam par shes pa'i yul nye bar spyad par bya ba nyams su myong bas nyams su myong ba de ni tshor ba zhes brjod do/ /rig pa ni tshor ba zhes bya bas so/ /yang na myong bar byed pas myong ba gang yin pa de tshor ba nyams su myong bar byed pa nyid do/ /de ni yang na sems su shes par bya ste tshor ba nyid ni rnam par shes pas myang bar bya zhing/ nyams su myong bar bya ba nyams su myong pa'i phyir ro/ /bza' ba dang btung ba la sogs pa dang 'dra bar nye bar spyad par bya ba nyid do/ /des na 'di ltar 'di ni sems kyi zas so zhes rnam par bzhag go/ yang de lta bu'i tshor ba de ni rnam pa gnyis su 'gyur te/ lus kyi dang sems kyi'o/ /de la dbang po'i gzugs can lnga ni rdul phra rab 'dus pa'i ngo bo nyid kyis lus kyi sgrar brjod la/ de la brten nas byung ba'i tshor ba ni lus las byung bas lus kyi zhes brjod do/ /yid kyi dbang po la brten pa'i tshor ba ni sems kyi zhes brjod do/ /yang tshor ba de nyid rnam pa gsum du 'gyur te/ bde ba dang/ sdug bsngal dang/ bde ba yang ma yin sdug bsngal ba yang ma yin pa'o/ /de la tshor ba bde ba ni gang yongs su bzung bas dbang po'i 'byung ba chen po 'phel bar byed cing gang bzung ba de dang 'bral

  538. 269b

    bar mi 'dod pa de ni bde ba zhes brjod do/ /sdug bsngal ni de las bzlog pa ste/ nye bar gnod pas 'bral bar 'dod pa de sdug bsngal zhes brjod do/ /gang phrad pa dang bral ba'i srid pa'i rten du ma gyur pa yongs su 'dzin pa yang ma yin/ rjes su gtong pa yang ma yin pa ste/ de la brten nas gti mug 'byung ba ni btang snyoms te/ bde ba yang ma yin sdug bsngal ba yang ma yin pa ni tshor ba zhes brjod do/ /yang tshor ba de nyid rnam pa lngar 'gyur te/ bde ba'i dbang po dang/ sdug bsngal gyi dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po'o/ /de la dbang po gzugs can la brten pa'i rnam par shes pa dang mtshungs par ldan pa tshor ba bde ba dang/ bsam gtan gsum pa'i sems kyi tshor ba bde ba ste/ de gnyis gang yang bde ba'i dbang po zhes brjod do/ /dbang po gzugs can la brten pa'i rnam par shes pa dang mtshungs par ldan pa'i tshor ba bde ba ma yin pa ni sdug bsngal gyi dbang po'o/ /yid kyi rnam par shes pa dang mtshungs par ldan po'i tshor ba bde ba ni yid bde ba'i dbang po'o/ /yid kyi de nyid mi bde ba ni yid mi bde ba'i dbang po'o/ /de dag thams cad kyi bde ba yang ma yin sdug bsngal yang ma yin pa ni btang snyoms kyi dbang po'o/ /rgyu cis shes na/ gang gi phyir sems kyi bde ba dang sdug bsngal phal cher rnam par rtogs pa las 'byung gis lus kyi ni ma yin no/ /lus kyi dbang gis dgra bcom pa rnams la yang 'byung ngo/ /gzhan yang lus kyi bde ba dang sdug bsngal bzung ba dang btang bar bya ba ni mi brtan par 'byung la/ gzhan pa sems kyi ni brtan par 'byung ngo/ /btang snyoms kyi la ni rnam par bzhag pa de dag med do/ mdor bsdus nas rnam par shes pa drug gi rig ni btang snyoms zhes brjod do/ /tshor ba de nyid yang rten drug gi bye brag gis

  539. 270a

    drug tu 'gyur te/ mig gi 'dus te reg pa las byung ba dang/ rna ba dang/ sna dang/ lce dang/ lus dang/ yid kyi 'dus te reg pa las byung ba'o/ /tshor ba'i phung po bshad zin to/ /'du shes kyi phung po'i dbang du byas nas brjod pa/ 'di la bum pa dang/ ras yug dang/ shing rta'i ngo bo la sogs pa'i gzugs rnams 'dus pa nyid du mtshungs na yang so sor nges ba'i rgyu dang rkyen gyi bye brag yod par rgyu dang rkyen gyi bye brag las bltos nas yangs pa la sogs pa'i bye brag yod do/ /bye brag de nyid rgyu mtshan zhes brjod de/ des don rnams kyi khyad par 'jal bar byed pa'i phyir ro/ /bum pa dang/ ras yug la sogs pa'i mtshan ma de sems las byung ba'i chos gang gis 'dzin pa de 'du shes te yengs su gcod par byed pa dang mtshan mar 'dzin pa'i bdag nyid ni 'du shes zhes brjod do/ /'du shes don gyi mtshan ma la 'jug pa yin la/ rnam par shes pa ni don tsam gyi 'jin phar zhugs pa ste/ don gyi khyad par 'jin pa'i bdag nyid can gyi tshes sems las byung ba dang mtshungs par ldan pas ni don gyi khyad par 'jin pa'i nus pa dang ldan par yang 'gyur ro/ /de bas na rnam par shes pa dang mtshungs par ldan pa'i sems las byung ba'i chos gang gis bum pa dang ras yug dang/ shing rta la sogs pa'i ngo bo'i don gyi khyad par yongs su gcod par 'gyur pa ni 'du shes zhes brjod do/ /de lta bu'i 'du shes ni mi ldan pa'i mid dang don gcig la 'jug ste/ ming gis ni don gsal bar byed la/ 'du shes kyis ni yang dag par shes par byed de/ des ni ming dang ngon gyi mtshan ma'i brnga shes pa ni gsal ba ste/ de ni tshig ming la 'jug la/ ming ni don la ste/ de'i phyir dge ming la 'jug la/ ming

  540. 270b

    gis ni don rjod par byed ces bya'o/ /tha snyad la ma byang ba'i 'du shes ni mi gsal ba'i phyir ming gis don la mi 'jug ste/ ming gis don sgrub par yang mi nus so/ /de nyid ni ming don dang bcas pa la 'dzin pas 'du shes so/ /rten gyi bye brag gis ni drug tu 'gyur te/ mig gi rnam par shes pa dang mtshungs par ldan pa nas yid kyi rnam par shes pa dang mtshungs par ldan pa'i bar du'o/ /yang rnam pa gsum du 'gyur te/ chung du dang/ chen por gyur pa dang/ tshang med pa'o/ /'du shes kyi phung po bshad zin to/ /'du byed kyi phung po'i dbang du byas nas brjod pa/ 'du byad kyi phung po ni rnam pa gnyis te/ sems dang mtshung par ldan pa dang/ sems dang mi ldan pa'o/ /de la rten dang/ dmigs pa dang/ rnam pa dang/ dus dang/ rdzas mtshungs pas sems dang mnyam du rab tu 'jug pas sems dang mtshungs par ldan pa ste/ sems pa la sogs pa nas tha ma bzod pa'i bar du'o/ /de dag gi nang nas rtsod pa'i rtsa bar gyur ba dang/ 'khor ba'i rgyur gyur pas tshor ba dang/ 'du shes phyung nas logs shig tu phung por bzhag go/ de las gzhan pa'i sems las byung ba sems pa la sogs pa dang/ thob pa la sogs pa sems dang mi ldan pa'i 'du byed 'di dag nyid 'du byed kyi phung po'o de la sems dang mtshungs par ldan pas ni sems pa dang/ reg pa dang yid la byed pa dang/ 'dun pa dang/ mos pa dang/ dad pa dang/ brtson 'grus dang/ dran pa dang/ ting nge 'dzin dang/ shes rab dang/ rnam par rtog pa dang/ dpyod pa dang/ bag med pa dang/ bag yod pa dang/ skye ba dang/ rab tu dga' ba dang/ shin tu sbyangs pa dang/ shin tu ma sbyangs pa dang/ rnaM par 'tshe ba dang/ rnaM par mi 'tshe bo dang/ ngo tshe shes pa dang/ khrel yod pa dang/ btang snyoms dang

  541. 271a

    rnam par grol ba dang/ dge ba'i rtsa ba dang/ mi dge ba'i rtsa ba dang/ lung du ma bstan pa'i rtsa ba dang/ kun tu sbyor ba dang/ nges par 'ching ba dang/ phra rgyas dang/ nye ba'i nyon mongs pa dang/ kun nas dkris pa dang/ zag pa dang/ chung po dang/ sbyor ba dang/ nye bar len pa dang/ mdud pa dang/ sgrib pa dang/ shes pa dang/ bzod pa zhes bya ba'o/ /sems dang mtshungs par ldan pa'i ming bstan zin to/ /yang 'du byed kyi chos gzhan gang dag gzugs can ma yin pa nyid du mtshungs pas sems dang rigs gcig pa de dag ni sems dang mi ldan pa'i 'du byed de/ 'di lta ste/ thob pa dang/ ma thob pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa dang/ srog gi dbang po dang/ skal pa mnyam pa dang/ gnas so sor thong ba dang/ dngos po so sor thob pa dang/ skye mched so sor thob pa dang/ skye ba dang/ rga ba dang/ gnas pa dang/ mi rtag pa dang/ ming gi tshogs dang/ tshig gi tshogs dang/ yi ge'i tshogs dang/ rkyen tshogs pa med pa dang/ rkyen tshogs pa ste/ 'di rnams ni/ sems dang mi ldan pa'i 'du byed do/ /de la sems pa ni mngon par 'du byed pa yid kyi las te/ ji ltar rgyal po rnams blon pos bya ba de dang/ de la 'jug par byed pa de bzhin du sems kyang sems pas bya ba dang bcas pa'i ngo bor de dang der ston par byed do/ /de ni 'du byed rnams 'byung ba las bon gyi ngo bor gnas te/ 'gro ba sna tshogs las las skyes la de ni las kyi ngo bo nyid kyi phyir ro/ /yang de ni rnam pa gsum te/ dge ba dang/ mi dge ba dang/ lung du ma bstan pa'o/ /yang dbye na sems pa'i tshogs drug tu 'gyur te/ mig gi rnam par shes pa dang mtshungs par ldan pa nas yid kyi rnam par shes pa dang mtshungs par ldan pa'i bar du'o/ /de

  542. 271b

    la reg pa gang zhe na/ ji lar chu la char bab par gyur pa las/ chu'i chu bur 'byung bar 'gyur ba de bzhin du dbang po rnams rang rang gi yul la 'jug pa las mig la sogs pa ji lta ba bzhin du gzugs mthong ba la sogs pa'i rang rang gi rnam par shes pa nye bar 'byung ba 'am/ yang na pha dang ma la brten nas bu la sogs pa 'byung ba de bzhin du dbang po dang yul la brten nas rnam par shes pa 'byung ba na de la bu'i gnas lta bu 'am/ chu'i chu bur gyi gnas lta bu'i rnam par shes pa dang/ yul dang dbang po gsum nye bar 'dus pa las skyes pa ni reg pa'o/ /yang na reg pa'i rgyur dbang po dang yul dang rnam par shes pa rnams nye bar 'dus pa na ste/ nye bar 'dus pa zhes bya ba ni gsum po rgyu dang 'bras bu'i ngo bor gnas pa rnams kyi gang phan tshun bltos pa'o/ /yang de ni rnam pa gsum ste/ bde ba myong bar 'gyur ba dang/ sdug bsngal myong bar 'gyur ba dang/ bde ba yang ma yin sdug bsngal ba yang ma yin pa myong bar 'gyur ba'o/ /yang rnam pa drug ste/ mig gi rnam par shes pa'i 'dus te reg pa nas yid kyi rnam par shes pa'i 'dus te reg pa'i bar du'o/ /yid la byed pa ni sems yul la 'jug pa ste yul la gtod pa zhes bya ba'i don to/ /sems ni rang bzhin gyis g.yo ba ste spre'u lta bu yin pas de ni chos gzhan dang ma 'brel bar yul la mi gnas pa nyid de/ yul gzhan gyi bya ba la mi 'jug par yul la gnas par ni chos gzhan dang 'brel pa med par mi srid do/ /de bas na gang dang ldan pas rnam par shes pa mngon par 'dod pa'i yul la gtod pa dang bcas par 'gyur ba ni sems 'jug pa zhes bya ste/ sems kyi bya ba'i ngo bor nye bar mtshon pa'i sems las byung ba'i chos la yid la byed pa zhes bya ba la brjod do/ /yid la byed pas na yid la byed pa ste/ yul 'ga' zhig la sems gnas par byed

  543. 272a

    pa zhes bya ba'i don nam/ yul yid la byed pa na yid la byed pa ste/ gang gi stobs kyis rnam par shes pa yul yid la byed pa'i ngo bo nyid do/ /ting nge 'dzin ni rnam par g.yeng ba'i gnyen po'i chos te/ sems kyi rgyun dmigs pa gcig pa'i rgyu'o/ /yid la byed pa ni yul la sems de'i dus su mi gtong ba'o/ /yang de ni rnam pa gsum du 'gyur te/ slob pa dang /mi slob pa dang/ slob pa yang ma yin mi slob pa yang ma yin no/ /de la gang zag bdun ni slob pa ste/ nyon mongs pa lhag ma spang par bya ba ni phyir bslab par bya ba yod pas so/ /bdun po gang dag yin zhe na/ rgyun tu zhugs pa'i 'bras bu mngon du bya ba'i phyir zhugs pa dang/ rgyun tu zhugs pa dang/ lan cig phyir 'ong pa'i 'bras bu mngon du bya ba'i phyir zhugs pa dang/ lan cig phyir 'ong ba dang/ phyir mi 'ong ba'i 'bras bu mngon du bya ba'i phyir zhugs pa dang/ phyir mi 'ong ba dang/ dgra bcom pa'i 'bras bu mngon du bya ba'i phyir zhugs pa zhes bya pa 'di rnams so/ /gang zag bdun po rnams kyi rgyud la zag pa med pa'i ting nge 'dzin dang mtshungs par ldan pa de ni mi slob pa yang ma yin slob pa'i yid la byed pa'o/ /dgra bcom pa ni mi slob pa ste/ de'i zag pa med pa'i ting nge 'dzin dang mtshungs par ldan pa ni mi slob pa'i yid la byed pa'o/ /zag pa dang bcas pa'i sems dang mtshungs par ldan pa'i slob pa yang ma yin mi slob pa yang ma yin pa zhes bya ste/ de ltar yid la byed pa rnam pa gsum mo/ /bdun pa ni rnam par shes pa'i byed pa 'dod pa nyid de/ sems las byung ba'i chos gang dang 'brel pas bza' ba dang/ 'gro ba dang/ brtso ba dang /bum pa dang/ snam bu dang/ dge ba dang/ mi dge ba la bdag gis 'di bya'o/ snyam du byed 'dod pa'i mtshan nyid kyi sems

  544. 272b

    las byung ba'i chos ni 'dun ba zhes brjod do/ /'di la byed 'dod pa yod pas byed 'dod pa ste de'i ngo bo ni byed 'dod pa nyid do/ /de'i ngo bo gang yin zhe na/ de'i 'dun pa nyid do gang gis de byed 'dod par 'gyur ro/ /de la ji ltar za ma tog gi nang du bcug nas kha bcad pa'i sbrul ni 'byung zhing 'gro ba'i bya ba la rtsol ba glod de gnas la/ sbrul 'dzin par byed pas bskul zhing bslad na ni 'byung ba'i bya ba la rtsol ba dang bcas par 'gyur ro/ /de bzhin du sems kyang sems las byung ba dang mtshungs par ldan pas nye bar gyur pa'i yul la rtsol ba med pa bor nas rtsol ba dang bcas pa 'byung ngo zhes bya ba'o/ /de lta bu ni sems las byung ba'i las so/ /ji ltar yul gang la bya ba dang bcas pa'i sprul de nyid yul de la gtod pa dang bcas pas gtod par gyur pa de bzhin du yul gang la sems las byung ba gang dang mtshungs par ldan pa sems bya ba dang bcas par 'gyur ba'i yul de nyid la byed pas ni gtod pa dang bcas par 'gyur bas 'di ni yid la byed pa'i las kyi khyad par ro/ /de ltar brjod pa'i la zag pa med pa'i ting nge 'dzin dang mtshungs par ldan pa de ni slob pa'i yid la byed pa dang yid la byed pa'i sngon du 'dun pa 'gro ba ste/ gang du 'dun pa zhugs pa der sems pa dang yid la byed ba dag 'byung na yang rta'i bya ba'i khyad par ltar sngon du nye bar mtshon te sems pa dang yid la byed pa dag rang gi yul la 'jug par skur par byed pa nyid kyis so/ /gal te byed par 'dod pa'i mtshan nyid can gyi 'dun pa kha cig tu 'byung bar ma gyur na ni yul nges par ma mthong bas rang bzhin gyi bem po ltar gang yang 'jug par mi 'gyur bas/ de bas na 'di ltar nye bar len pa'i phung po lnga po 'di ni 'dun pa'i rtsa ba can/ 'dun pa'i rgyu can/ 'dun pa las kun du 'byung zhing

  545. 273a

    'dun pa'i mthus 'byung par 'gyur zhes bya'o/ /'di dang sred pa las khyad par ci yod ce na/ ji ltar la cas shing tsha ba gnyis 'jal bar byed pa ltar sred pa ni sems yul la mngon par zhen zhing chags pa'i rgyu yin la/ 'dun pa ni de lta ma yin te/ de ni bya ba'i bsam pa tsam nyid kyis 'jug pas sred pa las 'dun pa de ltar tha dad do/ /de yang 'di ltar 'di na gnas pa'i gang zag 'ga' khams gong ma 'dod pas gsol pa 'debs te/ /e ma'o bsam gtan nam gzugs med pa bdag gis ji ltar 'thob ces bya ba dang/ /de bzhin du ji ltar bdag gis zag pa zad pa mngon du bya ba dang/ lam rtog par 'gyur zhes bya ba lta bu ste/ de lta smon pa de ni srid ba zhes brjod par mi bya'i 'on kyang de ni dge ba'i chos la 'dun pa yin te/ sred pa dang 'gal ba'i yul la skyes pas so/ /sems yul la lhag par 'dod pa ni mos pa ste/ lhag pa'i sgra ni dbang du bya ba ste/ rang gi yul la mos pa'i shes pa'i rang gi ngo po gang me la phye ma leb ltar lhag par mos pa ni mos pa'o/ /sems las byung ba'i chos gang dang ldan pas rnam par shes pa yul la so so ma yin par bsdus par gyur ba de ni sems las byung ba'i chos mos pa'o/ /yid la byed pa dang khyad par ni yul yid la byed pa ni yid la lhag par byed pa'i ngo bo'o/ /'di ni yul la lhag bar byed pa'i ngo bo zhes bya ba ni khyad par ro/ /dad ba ni bden pa dang/ dkon mchog dang/ las dang 'bras bu la mngon par yid ches ba'o/ /de la bden pa ni bzhi ste/ sdug bsngal dang/ kun 'byung dang/ 'gog pa dang/ lam zhes bya ba'o/ /yang na rnam pa gnyis te/ kun rdzob dang don dam ba zhes bya ba'o/ /dkon mchog ni gsum ste/ sangs rgyas dang/ chos dang/ dge 'dun no/ /

  546. 273b

    lam ni bsod nams dang/ bsod nams ma yin pa dang/ mi g.ya? ba'o/ /'bras bu ni rnam par smin ba dang bral bzhes bya ba'o/ /de dag nyid las skur ba 'debs ba ni log par lta ba ste/ med pa'i rnam par zhugs pa'o/ /'jig rten pa'i yang dag pa'i lta ba ni yod pa'i rnam par zhugs pa ste/ de lta bu'i yang dag pa'i lta bas rtogs pa'i yod pa la mngon par yid ches pa'i rnam pa no dad pa'o/ /dad ba'i stobs kyis yod pa de dag des par 'dzin pa de ni ma dad pa'i gnyen por gyur pa'o/ /de yang ji ltar rnyog pa dang bcas pa'i chu la nor bu chu ldad byed kyis chu'i rnyog pa rnams bsal nas chu rab tu dang bar byed pa de bzhin du dad pa'i nor bur yang sems kyi rdzing bur byung nas ma dad pa'i rnyog pa bsal te yid dang bar byed do/ /yid dang bar byas pas ji ltar yongs su dag pa'i me long la gzugs brnyan gyi tshul gyis bden pa dang dkon mchog la sogs pa snang bar 'gyur ro/ /brtson 'grus ni dge ba'i chos la sbro ba ste/ sems las byung ba'i chos gang dang ldan pas sems dge ba'i chos bsdu ba la spro bar 'gyur ba le lo'i gnyen por gyur ba'i chos ni brtson 'grus so/ /gang byas pa dang byed pa'i las las sems kyi brjod pa med pa ste/ sems kyi mngon par brjod pa ni dran pa'o/ /ting nge 'dzin ni sems rtse gcig pa ste/ rtse ni dmigs ba'o/ /sems las byung ba'i chos gang dang ldan pas sems kyi rgyun dmigs pa gcig la nges par gnas pa ste/ de ni sems las byung ba'i chos ting nge 'dzin zhes bya'o/ /shes rab ni chos rab tu rnam par 'byed pa'o/ / rnam par 'byed ba ni dngos po'i ngo bo mang po ril po gcig lta bur gyur ba'i don la 'dis so sor rtogs pas rnam par 'byed pa'o/ /khyad par can du rnam par 'byed pa ni rab tu rnam par 'byed pa ste/ blo yis dngos po'i cha rnam par phye nas 'di'i

  547. 274a

    rang gi ngo bo ci zhes te/ nye bar dmigs pa'i don la nges par snying po ci zhig yod ces de lta bu'i rnam par zhugs pa'o/ /dper na chu shing gi sdong po la snying po 'dod pas rnam par phye ba lta bu ste/ ji ltar 'ga' zhig snying po 'dod pas chu shing gi sdong po shun pa dang shun pa tha dad du legs par rnam par phye nas bcol ba na snying po cung zad kyang mi rnyed pa ltar blo gros dang ldan pas gang zag dang chos rnams kyi rang gi ngo bo yongs su btsal ba na snying po cung zad kyang mi dmigs so/ /de la gang zag ces bya ba ni bdag dang/ sems can dang/ srog dang/ gso ba'o/ /de yang 'di ltar khyim dang/ phreng ba dang/ shing rta dang/ nags tshal la sogs pa ltar nye bar brten nas rnam par gdags te/ ji ltar khyim ni rtsa dang 'od ma dang sa la sogs pa'i rgyu la nye bar brten nas sgrub ste/ de yongs su rdzogs par gyur ba dang/ char dang rlung dang nyi ma yongs su skyob pa la mkho bar gyur na yang rang gi ngo bor grub pa ni ma yin no/ /gal te de'i ngo bor yod na rtsa la sogs pa la ma bltos par yang bzung bar 'gyur te/ 'di dag ni rgyur gyur pa rtsa la sogs pa'o/ /'di ni de'i 'bras bur gyur pa khyim mo zhes bya bar gyur na/ de ltar ni mi 'dzin te/ de bas na 'di rang gi ngo bor ni med do/ /gal te 'di rang gi ngo bor yod na ni des na gzhan la brten par mi 'gyur te/ rang gi ngo bor grub pa'i phyir ro/ /gang rang gi ngo bor grub pa ni gzhan la bltos pa ma yin te/ gzhan la bltos pa ma yin pa ni ma byas pa'o/ /gang la ma byas pa ni rtag pa yin la/ rtag pa rgyu med pa yin pas rgyu dang rkyen la bltos pa'i rtag pa ni mo gsham gyi pu ltar yod pa ma yin na yang 'jig rten na khyim zhes bya ba yang yod de/ des na de rang

  548. 274b

    gi ngo bor grub pa ni med la/ rang gi ngo bor grub pa med pas med pa nyid du ltung bar 'gyur ba'ang ma yin no/ /gal te mo gsham gyi bu ltar gyur na rtsa la sogs pa la nye bar brten nas/ rnam par gdags par yang mi 'gyur la/ char dang nyi ma la sogs pa skyob par yang mi 'gyur ro/ /de lta bas na rang gi ngo bor med pas ni de med la/ rten cing 'brel par 'byung bas byas pa'i yod pa nyid kyis de med pa yang ma yin no/ /rdzas su yod par gyur na bden par yod pa nyid kyis zhen par yang 'gyur na/ rdzas su med de gzugs brnyan lta bu'o/ /zhan pa las ni 'khor bar 'gyur ro/ /dngos po med pas ye med pa nyid ces bya bar yang mi 'gyur te/ rten cing 'brel par 'byung ba la nye bar brten pa'i rnam par bzhag pa nyams par thal bar 'gyur ba'i phyir ro/ /des na 'di ltar rdzas su med pa'i dngos po'i don rnam par gnas pa ni kun rdzob tsam du gnas pa ngo bo nyid kyis stong pa 'phags pa rnams kyis mngon par zhen par bya ba'i gnas su ma gyur pa gang la bden pa'i don du sgro btags pa ni phyin ci log nyid de/ gzhan dag tu gnas la gzhan dag tu bzung ba nyid kyis thag pa bsdogs pa la sbrul du bzung ba lta bu'o/ /khyim gyi bshad pa 'di nyid kyis phreng ba dang/ nags tshal dang/ shing rta'i bshad pa yang rig par bya'o/ /ji skad bshad pa'i khyim la sogs pa ltar bdag dang chos kyang bshad par bya'o/ /ji ltar byas nas she na/ de la rtswa la sogs pa la nye bar brten nas khyim rnam par bzhag pa de bzhin du gzugs dang/ tshor ba dang/ 'du shes dang/ 'du byed rnams dang/ rnam par shes pa zhes bya ba nye bar len pa'i phung po lnga la rjes su brten nas bdag ces nye bar 'dogs pa 'am/ khams drug po sa dang/ chu dang/ me dang/ rlung dang/ nam mkha' dang/ rnam par shes pa zhes bya ba 'am/

  549. 275a

    reg pa'i skye mched drug po'i mig dang/ rna ba dang/ sna dang/ lce dang/ lus dang/ yid ces bya ba la nye bar brten nas 'dogs so/ /de lta bu'i bdag ni bdag tu rnam par 'jog pa'i rgyu la ma bltos par grub pa med pa nyid de khyim la sogs pa rang gi ngo bor med pa lta bu'o/ /gal te yod na ni rang gi rgyu la ma bltos par nye bar dmigs par 'gyur ba zhig na de ltar migs pa yang med do/ /des na rang gi ngo bor ni med pa nyid do/ /gal te rang gi ngo bor yod na ni rang gi ngo bor de ltar gnas pa nyid kyis gzhan la bltos par mi 'gyur la/ gzhan la mi bltos pa ni byas pa ma yin pas rtag par 'gyur ro/ /rtag pa ni rgyu med pa yin la/ rgyu med pa nyid ni bong bu'i rwa bzhin du dmigs par mi 'gyur na/ bdag 'di ni rang gi rgyu'i tshogs bal nye bar brten nas dmigs te khyim bzhin no/ /de lta bas na rtag pa ma yin no/ /gang mi rtag pa nyid ni dngos po med pa'o/ /gang dngos po med pa ni yod pa yang ma yin med pa yang ma yin te/ rang gi rgyu rkyen las byung ba nyid dang/ rang gi ngo bor ma grub pa nyid kyis te/ rang gi nye bar len pa la brten nas bzhag pa'i phyir dang/ de la 'phags pa rnams kyis zhen pa'i gnas su ma gyur pas gzugs brnyan la tha snyad byed pa ltar rnam par gnas so/ /phyin ci log tu zhugs pas ji ltar gnas pa'i rang gi ngo bo la rmongs pa'i dbang gis 'di ltar rang gi ngo bor sgro btags nas bdag ni yod do zhes 'dod de/ de ni nges par rtag pa'i mthar ltung ngo/ /gang yang bdag ni med de zhes 'dod pa de yang chad pa'i mthar ltung ste/ sngar khas blangs pa'i dngos po de med par dmigs pa'i phyir ro/ /de yang bcom ldan 'das kyis kun dga' bo bdag yod do zhes 'dod na de ni rtag par lta ba'o/ /kun dga' bo bdag med do/ /zhes 'dod na chad par lta ba'o zhes gsungs pas

  550. 275b

    thams cad du yang bdag rdzas su med pa la bden par rdzas su sgro btags te/ yod pa nyid dam med pa nyid du brtags pa ni brtag pa dang chad pa'i mdza' gnyis su ltung bar zhugs par 'gyur ro/ /gang gis nye bar len pa las rnam par gnas pa phyin ci ma log pa la ji lta ba bzhin du mthong ba de ni rtag pa dang chad pa'i mdza' gnyis su ltung bar mi 'gyur te/ de'i rten gyur pa'i dngos po nye bar mi dmigs pa'i phyir ro/ /de yang rdzas su ma dmigs pas ni rtag par lta bar mi ltung la/ nye bar len pa las rnam par bzhag pa cam byis bdag khas blangs pas ni chad par lta bar mi ltung ngo/ /de lta bu'i mdza' gnyis ga spangs nas dbu ma ba'i sgrub pas brten nas 'byung bar nye bar len pa las rnam par gnas pa'i bdag 'phags pas ji lta ba bzhin du rtogs pas bdag tu 'dzin pa rnam pa thams cad du spangs te 'khor ba las rnam par grol lo/ /de ltar re zhig 'di ni gang zag la bdag med pa'o/ /chos la bdag med pa ni chos rnams kyi ngo bo nyid med pa'o/ /de la mdor bsdu na chos ni rnam pa gnyis te/ gzugs can dang gzugs can ma yin pa'o/ /de la gzugs can la yang rnam pa gnyis te/ 'byung ba dang 'byung ba las gyur ba'o/ /gang gzugs can ma yin pa la yang rnam pa gnyis te/ 'dus byas dang 'dus ma byas pa'o/ /de la gzugs can ma yin pa 'dus byas la yang rnam ba gsum ste/ sems dang se? las byung ba dang/ sems dang mi ldan pa go gang yang gzugs can ma yin pa 'dus ma byas pa ni rnam pa bzhi ste/ nam mkha' dang/ so sor brtags pa'i 'gog pa dang/ so sor brtags pa ma yin pa'i 'gog pa dang/ chos rnams kyi chos nyid do/ /de la re zhig 'dus ma byas rnams ni rten cing 'brel par 'byung ba ma yin pa nyid kyis kyang rang gi ngo bor med la/ byas pa ma yin pas kyang rang gi ngo bor med de/ 'dus ma byas ni tshig tsam yin pas rnam par dpyad pa gzhug par mi bya'o/ /gang 'byung ba dang 'byung ba las gyur

  551. 276a

    pha'i bye brag gis gzugs rnam pa lnga po de la 'byung ba chen po bzhi ni phan tshun mi 'dor bas phan tshun gyi stobs kyis 'byung ste/ 'byung ba chen po gsum la brten nas sa'i khams 'grub par 'gyur la/ sa'i khams la brten nas kyang 'byung ba chen po gsum 'grub po/ /de bzhin du lhag ma rnams la yang sbyar ro/ /de bas na 'di dag ni phan tshun du brten na 'grub par gnas te/ sa la ma bltos par yang 'byung ba gsum po sa la brten pa'i ngo bo 'thob bar ga la 'gyur gang du 'byung bu gsum po med pa der yangs sa 'byung ba gsum la brten pa'i ngo bo gang las 'thob par 'gyur/ de bzhin du lhag ma rnams la yang rang gi ngo bo ma grub par sbyar ro/ /gal te 'di dag rang gi ngo bor grub par gyur na de dag rang gi ngo bor grub pa nyid kyi phan tshun bltos par mi 'gyur ro/ /'di snyam du sems te/ gang skye ba'i sngon rol tu 'byung ba'i rang gi ngo bo ma grub pa de lta na yang phan tshun bltos nas grub pa yong pas rang gi ngo bor 'gyur ro snyam na/ de ni ma yin te/ ma skyes pa'i sngon rol nas de dag gi rang gi ngo bor med pas de la ni re zhig bltas pa yod pa ma yin pas grub pa med do/ /grub pa med par gyur pas rang gi ngo bor grub pa gang las 'byung bar 'gyur/ gang du de dag gi rang gi ngo bo grub pa med pa der bdag dang nag tshal la sogs pa ltar sa la sogs pa rnams kyi ngo bo nyid ma grub pa'i zhes bya ba 'di gnas so/ /yang ngo bo nyid du ma grub pas sa la sogs pa btags pa tsam du med do zhes ni brjod par mi bya ste/ 'di ltar lus kyi dbang pos dmigs pas so/ /de bas na 'di dag nye bar dmigs pa nyid kyis mo gsham gyi bu la sogs pa ltar med pa ni ma yin pa nyid do/ /rnam par brtags na ni rang gi ngo bo ma grub pa nyid kyis rang gi ngo bo grub pa

  552. 276b

    ni med de/ de lta bas na nges pa kho nar brten nas yang dag par 'byung ba 'di rnams ni gzugs brnyan bzhin du ngo bo nyid med par rtogs par bya'o/ /de ltar byas na 'jig rten pa dang yang 'gal bar mi 'gyur te/ rten cing 'brel bar 'byung ba la nye bar brten pa'i rnam par zhag pa khas blangs pas so/ /de kho na nyid dang yang 'gal bar mi 'gyur te/ med pa'i ngo bo nyid kyis sgro ma btags pas mngon par zhen pa yang bzlog par gyur pa nyid de/ rten cing 'brel par 'byung ba brdzun pa bslu ba'i chos can nyid du rab tu rtogs pas so/ /m+bon par zhen pa med par gyur na mngon par zhen pa'i rgyu can gyi 'khor ba las ldog pa yang bde bar 'grub po/ /de ltar gzugs brnyan bzhin du 'byung ba chen po rnams dngos po med pa des na de'i rgyu can gyi 'byung ba las gyur ba mig la sogs pa ngo bo nyid med pa nyid ni rtoT par sla'o/ /gzhan yang thams cad las phra ba'i gzugs gyi ngo bo ni rdul phra rab ces brjod do/ /de 'dod pa'i khams na dbang po las phyi rol tu gyur pa ni rdzas brgyad dang ldan par 'byung ste/ de la rdzas brgyad ni 'di lta ste/ 'byung ba chen po bzhi dang/ gzugs dang/ dri dang/ ro dang/ reg bya'o/ /nang gi bdag nyid can lus kyi dbang po dang ldan pa ni rdzas dgu'o/ /de las gzhan pa'i mig la sogs pa'i dbang po dang ldan pa ni rdzas bcu'o/ /yang de dag gi rdul phra rab rnams dang ldan pa la ni rdzas dgu dang/ bcu dang/ bcu gcig dang ldan par 'byung ngo/ /de la rdzas brgyad dang ldan pa'i rdul phra rab kyi rdzas brgyad ni se'u 'bru'i 'bras bu ltar rang gi ngo bo so sor gnas pa ni med kyi 'on kyang sman gyi tshod ma la ko la'i 'bras bu dang/ sran ma la sogs pa dang/ btung ba la bu ram dang/ tin di li'i 'bras bu la sogs pa'i ro ltar 'dres par gyur nas gnas so/ /de la yang

  553. 277a

    rdul phra rab kyi rdzas bdun bdun la bltos pa med par re re mi 'grub pa nyid kyis rang gi ngo bor grub ba ni med do/ /gal te yod na ni re re zhing rdzas bdun bdun la bltos pa nyams bar 'gyur la/ des na rgyu med pa yin no/ /rgyu med par ni la lar 'ga' yang grub pa med do/ /rdzas bdun bdun la bltos pa dang bcas par dmigs pas sa la sogs pa dang/ khyim la sogs ba ltar rang gi ngo bor ni mi dmigs so/ /thams cad du med pa yang ma yin te/ re re zhing rdzas bdun bdun la brten nas nye bar brtags pa dmigs pa'i phyir ro/ /gang rdzas brgyad dang ldan pa'i rdul phra rab kyi rigs pa de nyid rdzas dgu dang/ bcu dang bcu gcig gi dang ldan pa'i rdul phra rab kyi rigs bde nyid rdzas dgu dang/ bcu dang bcu gcig dang ldan pa'i rdul phra rab la yang sbyar bar bya'o/ /des na 'di ltar mig la sogs pa dbang po lnga gzugs la sogs pa don lnga dang bcas pa ni gzugs brnyan lta bu nyid do/ /gang yang sems dang sems las byung ba gang dag mig la sogs pa la brten cing/ gzugs la sogs pa la dmigs nas nye bar 'byung ba de dag kyang gzugs brnyan lta bu nyid las mi 'da' ba nyid de/ gzugs brnyan lta bu'i rten dang dmigs pa las byung ba'i phyir ro/ /gzhan yang ji ltar 'byung ba chen po rnams phan tshun bltos nas 'byung ba nyid kyis rang gi ngo bor grub pa ni med pa de bzhin du sems las byung ba rnams kyang phan tshun gyi stobs la brten rngas sgrub pa nyid kyis rang gi nga bor grub pa med pa nyid de gzuT brnyan lta bu nyid las me 'nga'o/ /de bzhin du de dag gi mtshan nyid rnams la yang spyar bar bya'o/ /de lta bas na chos thams cad dngos po med pa yin la/ gang gis dngos po bden par sgro 'dogs pa de ni

  554. 277b

    phyin ci log yin te/ dngos po ni gzhan du gnas la/ chos ni gzhan du gzung ba nyid kyis smig rgyu la chur 'dzin pa lta bu'o/ /gang gis mi rtag pa nyid du khas blangs nas yang dngos po bden par 'dod pa des ni dngos po'i ngo bo ji lta ba bzhin du ma shes te/ phyin ci? log la yang dag par 'du shes pas re zhig dang por bdag nyid bslus pa yin la/ de nas ni gzhan dag yin no/ /de dag ni rje'i grub pa'i mdza' la zhen pa yin te/ de dag gis rdzas bdon pa'i ngo bo nyid du rab tu sgrub pan lung gis sam/ rigs pas sgrub par byed do/ /da la re zhig lung ni 'di yin te/ de lta bas na kun dag 'po gang na gang med pa de ni nges stong pa nyid yin la/ lhag ma gang yin pa de ni yod pa nyid do/ /zhes shes pa ni yang dag pa ji lta ba bzhin du shes pa'o/ /zhes de skad brjod pa ni phyin ci ma log pa stong pa nyid ltoT ba'o/ zhes bya ba dang/ de bzhin du dge spyod dang bram ze kha cig gang stong pa de yang mi 'dod la/ gang gis stong pa de yang mi 'dod pa de lta bu'i rnam pa ni stong pa nyid nyes bar bzung ba yin no/ /de ci'i phyir zhe na/ gang gis stong par ni med pa nyid yin la/ gang stong pa de ni yod pa nyid yin pas steng pa nyid ces rigs so/ /thams cad med na gang gang gis stong par 'gyur/ de nyid des stong par ni rigs pa ma yin no/ /de lta bas na nyes par bzung bar 'gyur ro/ /ji ltar na stong pa nyid legs par bzung ba yin zhe na/ gang na gang med pa de ni des stong pa nyid do zhes yang dag par mthong la/ lhag ma ni yod pa nyid de zhes yang dag pa ji lta ba bzhin du rtogs pa'o/ /zhes de ltar brjod pa ni stong pa nyid yang dag ba ji lta ba bzhin rtogs pa'o zhes gsungs pa dang/ de bzhin du brtags pa'i dngos po med pa ste/ gzhan gyi dbang ni yod pa nyid/ /sgro 'dogs pa dang skur 'debs pa'i/ mthar rtog pa ni brlag par 'gyur zhes

  555. 278a

    kyang gsungs so zhes bya'o/ /de dag gi rigs pa yang rdzas tsam yang med na gdags pa'i mtshan ma med pas btags pa yang yod par 'gyur/ la de med na las kyi 'bras bu la sogs pa yang nyams par 'gyur ro zhes brjod do/ /de la khyed kyis dngos po yod par bsgrubs? na ni de skad brjod par rigs na/ bsgrubs pa yang ma yin te/ 'jigs pas dal bus smras pa lta bur shes so/ /ji skad smras pa'i rigs pas dngos po bden par yod pa gsal bas dngos po med pa'i don la yang dngos po'i don du mtshon nas las dang 'bras bu la sogs pa thams cad rigs par rtogs so/ /khung dang 'gal ba'i don yang sngar nye bar brjod de/ /de lta mos kyi lung gis ni mngon par 'dod pa'i dngos po'i ngo bo yod par sgrub par mi nus so/ /yod pa nyid tsam nye bar brjod pas ni bden par yod pa nyid du mi 'grub ste/ btags pa tsam la tsam la yod do zhes nye bar brjod do/ /de yang bcom ldan 'das kyis/ /dge slong dag lnga po 'di rnams ni 'du shes tsam dang/ dam bca' bcam dang/ kun rdzob tsam dang/ tha snyad tsam ste/ 'di lta ste 'das pa'i dus dang/ ma 'ongs pa'i dus dang/ nam mkha' dang/ mya ngan las 'das pa dang/ gang zag ces bya ba'o/ /zhes de ltar 'du shes tsam du mngon par bsgrubs nas yang bcom ldan 'das kyis/ dge slong dag 'das pa'i gzugs byung bar ma gyur na thos pa dang ldan pa'i 'phags pa nyan thos dag 'das pa'i gzugs la mi lta bar mi 'gyur ba zhig gang gi phyir 'das pa'i gzugs yod pas de'i phyir thos pa dang ldan pa'i 'phags pa nyan thos 'das pa'i gzugs la mi lu'o/ /dge slong dag gal te ma 'ongs pa'i gzugs 'byung bar mi 'gyur na thos pa dang ldan pa'i 'phags pa nyan thos ma 'ongs pa'i gzugs la mngon par mi dga' bar mi 'gyur ba zhig na/ gang gi phyir

  556. 278b

    ma 'ongs pa'i gzugs 'byung bar 'gyur ba yod pas de'i phyir thos pa dang ldan pa'i 'phags pa nyan thos ma 'ongs pa'i gzugs la mngon par mi dga' o zhes gsungs so/ /de lta bas na btags par yod pa la yang yod par nye bar brjod pas yod par nye bar gsungs pa tsam gyis bden pa nyid kyi dngos po 'grub par mi nus so/ /de lta bas na rten cing 'brel bar 'byung ba'i ngo bo nyid ni dngos po med pa'o/ /dngos po med pa yin na rten cing 'brel bar 'byung ba nyid dang ni mi 'gal te/ gang gi phyir byas pa can gyi dngos po rten cing 'brel bar 'byung ba brdzun pa slu ba'i chos can 'di ni 'dir ngo bo dang/ rdzas dang dngos por med do/ /de lta yang byas pa can gyi dngos po bcos ma'i rang bzhin du ni yod de/ ngo bo nyid du med pa nyid kyis stong pa'o/ /de lta bas na bcom ldan 'das kyis kyang/ 'di ltar mthong ba'i rgyun 'di yang/ /sgyu ma lta bur byis pa 'drid/ /gnod par byed dang zug rdu ste/ /'di la snying po yod ma yin/ /ji ltar gang la rnam dpyad pas/ /gsog dang gsob tu bzod pa ni/ /de la tshul bzhin rtog pa ste/ /de yis snying po med par mthong/ /gzugs ni dbu ba'i gong bu 'dra/ /tshor ba chu bur lta bu ste/ /'du byed smig rgyu lta bu yin/ /'du shes rnams ni chu shing 'dra/ /rnam shes sgyu ma lta bu zhes/ /nyi ma'i gnyen gyis gsungs pa yin/ /de ltar phung po la rtog pas/ / nyin mo dang ni mtshan rnams su/ /brtson 'grus brtsams pa'i dge slong gis/ /shes bzhin so sor dran pa yis/ /'du byed nyer zhi zhi ba yi/ /zhi ba'i go 'phang rab tu 'thob/ /bde ba bla med dang ldan pa'i/ /mya ngan 'das pa 'gro bar 'gyur zhes bya ba dang/ /yang 'di ltar mdo sde las/ rigs kyi bu ji ltar na byang chub sems dpa' chos la bdag med pa shes pa dang ldan par 'gyur zhe na/ 'di la byang chub sems dpas chos la sgro btags pa dang/ chos la skur pa btab pa yang dag pa ji lta ba bzhin du rab tu

  557. 279a

    shes so/ /des na 'di ltar 'gyur te/ chos rnams glo bur ba kun tu btags pa zhes bya bar rab tu gnas kyi chos de de'i ngo bor yod pa ni ma yin la/ yi ge de'i ngo bo yang yod pa ma yin no/ /'on kyang 'di dag ni ming tsam pa 'di dag ni tha snyad tsam pa zhes byas nas de la mngon par zhen par ni mi byed do/ /blo bur pa'i chos de thams cad kyi thams cad du med pa yang ma yin te/ chos rnams rkyen gzhan dang gzhan la bltos pa'i phyir rkyen gzhan dang gzhan la bltos na ni yod do/ /rkyen dang bral na ni 'gag ste/ 'di ltar de thams cad byang chub sems dpas yang dag pa ji lta ba bzhin du rab tu shes so zhes gsungs so/ /des na 'dir rten cing 'brel par 'byung ba'i ngo bo yang dag pa ma yin pa glo bur ba nyid kyis des byas pas dngos por ni med kyi thams cad kyi thams cad du med pa ni ma yin no/ /gal te de'i ngo bo yod na ni de rtag pa nyid yin pa'i phyir mi bden pa'i ngo bo ma yin pas rang bzhin du gnas pa nyid du 'gyur na/ de yang med de/ de lta bas na glo bur ba nyid yin gyi rang bzhin du gnas pa ni ma yin no/ /des na 'di ltar chos de de'i ngo bor ni yod pa ma yin la/ yi ge'i ngo bor yang yod pa ma yin no zhes gsungs so/ /gzhan las kyang/ phung po lnga po dngos med pa/ /des na mi bden pa las byung/ /skye ba po yang yod ma yin/ /gang zhig skye ba'i phung po'ang med ces gsungs so/ /gal te 'di dag rdzas bden pa nyid du yod par gyur na/ de lta na rdzas su yod pa ni rtag tu gnas pa nyid kyis mi bden pa'i dngos po nyams bar 'gyur ro/ /de bas na 'di ltar/ mi zad pa'i chos bzhi ni/ /'jig rten mgon gyis bstan pa ste/ /sems can nam mkha' byang chub sems/ /sangs rgyas chos kyang de bzhin no/ /gal te de dag rdzas gyur na/ zad pa nyid du 'gyur ba yin/ /med pa de ni mi zad de/ /de lta bas na mi

  558. 279b

    zad bstan zhes gsungs pa dang/ de bzhin du/ srid ba gsum ni btags pa tsam/ /dngos po'i ngo bo nyid du med/ /brtags pa yi ni dngos po rnams/ /rtog ge ngan pas kun du btags zhes bya ba dang/ de bzhin du rigs kyi bu byang chub sems dpa' chos bcu dang ldan na rten cing 'brel par 'byung ba la mkhas pa yin te/ bcu gang zhe na/ 'di lta ste/ chos rnams gsog nyid du rab tu shes pa dang/ gso ba nyid dang/ snying po med pa nyid dang/ mig yor lta bu nyid dang/ gzugs brnyan lta bu nyid dang/ sgra brnyan lta bu nyid dang/ sgyu ma lta bu nyid dang/ mi gnas pa nyid dang/ g.yo ba nyid dang/ rten cing 'brel par 'byung ba nyid du de ltar de dag gis rab tu shes par 'gyur te/ 'di ltar chos 'di dag ni 'di ltar gsog nyid dang/ 'di ltar gso ba dang/ 'di ltar snying ngo med pa nas 'di ltar rten cing 'brel par 'byung ba'i bar du'o/ /de lta mod kyi yang 'di ltar skye'o zhes bya bar yang rab tu shes la/ gnas so zhes bya ba dang/ 'jig go zhes bya bar yang rab tu shes so/ /de dag 'di snyam du yang 'gyur te/ chos 'di dag ni ma rig pa'i rkyen gyis byung ba/ ma rig pa sngon du 'gro ba/ ma rig pas rab tu byung ba ste/ ma rig pa la kun du brten nas 'du byed rnams rab tu 'byung bar 'gyur ro/ /'du byed rnams la kun tu brten nas rnam par shes pa rab tu skye'o/ rnam par shes pa las ni ming dang gzugs su gdags par 'gyur ro/ /ming dang gzugs su btags pa las ni skye mched drug tu gdags pa 'byung bar 'gyur ro/ /skye mched drug las ni reg pa 'byung ngo/ /reg pa las ni tshor ba 'byung ngo/ /tshor ba'i rgyu las ni byis pa rnams/ sred pas gnod par 'gyur ro/ /sred pas ni nye bar len pa rnams nye bar len te nye bar len pa nye bar blangs pas ni srid pa'i rgyun 'byung ngo/ /srid pa las ni skye ba 'byung ngo/ /skye ba las

  559. 280a

    ni rgas pa 'byung ngo/ /rgas pa'i chos las ni skyes bu gang zag 'chi bar 'gyur la/ 'chi ba la brten nas mya ngan dang/ sme sngags 'don pa dang/ sdug bsngal ba dang yid mi bde ba dang/ 'khrug pa rnams 'byung ba 'gyur te/ de ltar na sdug bsngal gyi phung po chen po 'di 'ba' zhig kun du 'byung bar 'gyur ro/ /de lta bas na/ skyes bu mkhas pa rtog pa dang ldan pas ma rig pa spang ba la 'bad par bya'o/ /ma rig pa rnam par bsal ba'i phyir dang/ ma rig pa rtsa pa nas dbyung ba'i phyir dang/ ma rig pa 'gog pa'i phyir 'bad par bya'o/ /ma rig pa 'gags na mi shes pa la brten pa'i chos 'di dag kyang 'gags par 'gyur te/ 'di lta ste rigs kyi bu dper na srog gi dbang po 'gags na dbang po lhag ma rnams kyang 'gags par 'gyur ro/ /de bzhin du ma rig pa 'gags pas mi shes pa la brten pa'i chos 'di rnams 'gags par 'gyur ro/ /mi shes pa med na nyon mongs pa kun tu mi spyod do/ /nyon mongs pa kun tu mi spyod na 'khor bar 'jug par mi 'gyur la/ 'khor ba'i rgyu yang 'gag par 'gyur zhing/ mya ngan las 'das pa la nye bar yang 'gyur ro/ /rigs kyi bu chos bcu po 'di dag dang ldan pa'i byang chub sems dpas ni rten cing 'brel par 'byung ba la mkhas par 'gyur ro/ /zhes gsungs pas 'di lta bu ni phyin ci ma log pa'i stong pa nyid kyi don te/ 'di lta ste dngos po med pa'i don 'di yin gyi thams cad du med pa'i don ni ma yin no/ /de yang bcom ldan 'das kyis gang zhig rkyen las skyes pa de ma skyes/ de la skye ba'i rang bzhin yod ma yin/ /rkyen la rag las gang de stong par bshad/ /gang zhig stong nyid shes de bag yod yin shes gsungs so/ /slob dpon gyi zhal snga nas kyis kyang/ brten te 'byung ba'i ngo bo gang/ /de nyid stong pa nyid du brjod/ /

  560. 280b

    dngos po rten cing 'byung bas na/ /de phyir dngos po med pa nyid/ /ces gsungs so/ /gang de lta bu ni dngos po med pa'i ngon yin te/ de lta bu ni bdag med pa'i don yin la/ dngos po ni bdag go/ gal te de dngos por yong na ni bdag dang bcas par 'gyur ro/ / bdag dang bcas par gyur na rang dbang can du 'gyur la rang dbang can du gyur na ni rtag par 'gyur la/ dngos po rtag pa ni med de 'du byed thams cad mi rtag pa zhes gsungs so/ /des na slob dpon gyi zhal snga nas kyis kyang/ rten cing 'brel par 'byung ba gang/ / de nyid khyod ni stong par bzhed/ /dngos po rang dbang can med ces/ /mnyam med khyod kyi seng ge'i sgra zhes gsungs so/ /phags pa lha'i zhal snga nas kyis kyang/ rten cing 'brel par 'byung ba gang/ /rang dbang can du de ma skyes/ /'di dag thams cad rang dbang med/ /des na bdag ni yod ma yin zhes bshad do/ /slob dpon ma ti ci tras kyang/ rang dbang yod na byed por 'gyur/ /byed pa 'ga' yang mi rigs pas/ /chos kun byed pa med pa yi/ /tshul du khyod kyis gsungs pa yin/ /chos kyi rnga chen brdungs pa yi/ /stong nyid seng ge'i sgra 'di yis/ /lta rang bcas pa'i 'jig rten las/ /sa mtshams bcad par rnam par gnas zhes bshad do/ /'di ni re zhig chos dang gang zag dag rab tu 'byed pa'i 'jig rten las 'das pa'o/ / 'jig rten pa'i ni mdza' med pas de ni gzhung mang ba nyid kyis 'dir brjod par mi nus pas bzhag go/ /de ltar shes rab bshad zin to/ /sems las byung ba'i chos gang dang mtshungs par ldan na rnams par shes pa 'bang? pa chung dur dmigs pa yongs su gcod pa nyid de/ dmid par gtoT pa la brtags pas phra mo mi byed pa de ni kun du rtog pa zhes bya ba ste rnam par rtog pa zhes brjod do/ /'di lta ste/ 'ga' zhig gis thag ring po nas 'di ltar bum pa dang kham phor la sogs pa mthong ba

  561. 281a

    nyid na/ der gtogs pa la dpyad pa ma byas par bzung ba tsam du dpyod pas des 'di ltar rnam par shes pa dmigs pa la yongs su dpyad pa rtsing bar 'jug go/ de dang mtshungs par mi ldan na ni de ltar 'jug pa med do/ /de lta bas sems rtsing ba'i mtshan nyid ni rnaM par? rtog pa zhes brjod kyi rnaM par shes pa ni gzugs can ma yin pa nyid kyis bdag nyid ni rtsing pa'i rnam par 'gyur ba ma yin no/ /chos mngon pa las ni/ /rnam par rtog pa gsum 'byung ste/ /ngo bo nyid kyi rnam par rtog pa dang/ kun du ngas pa'i rnam par rtog pa dang/ rjes su dran pa ni rnam par rtog pa'o/ /de la rnam par rtog pa de rnams las gang ngo bo nyid kyi rnam par rtog pa ni bshad pa de nyid do/ /mnyam par ma gzhag pa'i yid kyi shes rab ni kun du nges par rtog pa'i rnam par rtog pa'o/ /mnyam par gzhag pa dang ma gzhag pa'i yid kyi dran pa thams cad ni rjes su dran pa'i rnam par rtog pa'o/ /nge yang ji skad du/ skyes bu mig gi rnam par shes pa dang ldan pas sngon po shes kyi sngon po'i snyam du ni ma yin no zhes gsungs pa la rnam par rtog pa dang rnam par dpyod pa zhes bya ba dag dang mtshungs par ldan pas rten cing 'brel par 'byung ba'i bye brag brjod pa'i khyad par yongs su gcod pa na de'i rnam par byung ba ni sngon po shes pa zhes bya'o/ / de nyid la yang kun du nges par rtog pa gsal ba dang/ mi gsal zhes bya ba dag gis yid kyi rnam par shes pas yongs su gcod pa ni sngon po'o zhes shes pa'o/ /sems las byung ba'i chos gang dang mtshungs par ldan na rnam par shes pas dmigs pal zhib par yongs su dpyod pa de ni sems las byung ba'i chos dpyod pa zhes bya ste/ sems phra ba'i mtshan nyid de/ 'di lta ste/ bum pa dang/ kham phor la sogs pa de dag nyid la gos pa dang/ ma gos pa yongs su

  562. 281b

    dpyad cing yongs su dpyang nas 'di gas pa'o/ /'di ni sra ba'o zhes de lta bu'i rnam pa la dmigs shing phra bar dpyod pa la 'jug pa ni sems las byung ba'i chos spyod pa zhes brjod do/ /gang rnam par dpyod pa dang/ gang yang bshad ma thag pa'i rnam par rtog pa gnyis kyis ni dag 'du byed par brjod de/ dag kun nas bslong bar byed pa'i phyir ro/ /bcom ldan 'das kyis kyang/ rnam par brtag rnam par dpyad nas tshig tu brjod kyi ma brtags ma dpyad par ni ma yin no zhes gsungs pa'i phyir ro/ /bag med pa ni dge ba'i chos rnams mi sgoms zhing gces su mi 'dzin pa ste/ 'chang par 'gyur ba'i bag yod pa las bzlog ste sbyar ro/ /bag yod pa ni dge ba'i chos rnams sgom pa la gces su byed pa dang bcas pa nyid de/ sems kyi rgyun dge ba'i chos la gzhol bar byed ces bya ba'i don to/ /de la dge ba'i don ni bde ba'i don te/ 'tshe ba thaM cad lag pa nyid kyis mya ngan las 'das pa ni thaM cad du bde ba ste na med pa lta bu'o/ /lam gyi bden pa yang de thob par byed pa'i rgyu nyid kyis bde bas so/ /de las gzhan pa dge ba zag pa dang bcas pa ni rang dang rjes su mthun pa'i rnam par smin pa'i dngos po 'dod pa thob par byed pas so/ /de la dge ba'i rtsa ba gsum dang/ ngo tsha shes pa dang/ khrel yod pa zhes bya ba 'di dag ni ngo bo nyid kyis dge ba ste/ gzhan dang ldan pa dang/ kun nas slong ba la mi bltos pa'i phyir phan pa'i sman lta bu'o/ /dge ba'i rtsa ba gsum dang/ ngo tsha shes pa dang/ khrel yod pa'i chos de dag dang mtshungs par ldan na mtshungs par ldan pas dge ba'o/ /sman dang sbyar ba'i btung ba lta bu ste/ de dag dang mtshungs par mi ldan pa rnams ni dge ba ma yin pa'i phyir ro/ /lus dang dag gis las dang/ sems dang ldan pa ma yin pa'i 'du byed thob pa dang/ skye ba la sogs pa dge ba'i rtsa ba la sogs pa'i chos

  563. 282a

    de dag dang mtshungs par ldan pas kun nas bslang ba ni kun nas bslang bas dge ba ste/ sman dang sbyar ba'i chu las byung ba'i 'o ma lta bu'o/ /kun nas slong bar byed pas na kun nas slong ba'o/ /de yang rnam pa gnyis te/ rgyu'i kun nas slong ba dang/ de'i dus kyi kun nas slong ba'o/ /de la lus dang ngag gi las la sogs pa kun tu 'byung ba'i dus su gang gis kun nas slong ba de ni de'i dus kyi kun nas slong ba'o/ /rgyu'i kun nas slong ba ni de la sbyor ba'i dus kyi ste/ de las 'dir sgoM pas spang par bya ba'i yid rnam par shes pa rab tu 'jug par byed pa'i dbang gis dge ba dang/ mi dge ba dang/ lung du ma bstan par rjod par byed kyi de'i dus kyi kun nas slong ba lta bu ni ma yin no/ /sems las byung ba'i chos gang dag mtshungs par ldan pas 'khor ba'i skyon mthong ba nyid kyis sems 'khor ba las skye ba nyid de/ de ni nyon mongs pa spong ba la rjes su 'thun pas nges par skyo ba zhes brjod do/ /sems kyi rab tu dga' ba ni sems kyi mgu ba ste yid bde ba las tha dad tu gyur pa ni rab tu dga' ba'o/ /shin tu sbyangs pa ni lus dang sems dag las su rung ba nyid do/ /shin tu sbyangs pa'i lus dang sems lci pa nyid de/ lci na ni mi gsal ba'i phyir de ni bying ba dang rmugs pa'i bdag nyid do/ /sems las byung ba'i chos gang de dang bral ba ting nge 'dzin 'byung bar byed pa de ni shin tu sbyangs pa'o/ /ji ltar lus shin tu sbyangs pas bde bar 'gyur la/ bde ba las ni sems rtse gcig par 'gyur ro/ /zhes gsungs pa de lta bu'o/ /sems las byung ba'i chos gang dang mchungs par ldan na khro ba'i rkyen gyis khu tshur dang thal lcags la sogs pas gzhan la rnam par 'tho 'tshams par byed pa de ni rnam par 'tshe ba'o/ /de dang 'gal pa'i chos ni rnam par mi 'tshe ba ste/ gang

  564. 282b

    gi dbang gis gzhan la rnam par 'tho mi 'tsham pa'o/ /bdag nyid kyi rigs dam pa las skyes pa dang/ thos pa dang/ tshul khrims la sogs pa'i chos sdig pa la zhugs par gyur na nyams par 'gyur bar dmigs te/ 'di dag ni rigs pa ma yin no/ / snyam nas gang gi dbang gis bdag gam chos kyi dbang du byas nas sdig pa la mi 'jug pa de ni ngo tsha dang ldan pas sdig pa las ldog pa'i rgyu'i chos 'dzem pa zhes bshad pa ste/ ngo tsha shes pa zhes brjod do/ /gzhan las bltos nas nyes pa las 'dzem pa de ni khrel yod pa'o/ /des nas 'di ltar bcom ldan 'das kyis kyang chos gnyis ni 'jig rten skyong pa yin te/ ngo tsha shes pa dang/ khrel yod pa'o/ zhes gsungs so/ /yang sems las byung ba'i chos gang dang ldan pas sems dmigs pa'i yul la 'bad pa med par mnyam du 'jug pa de ni sems mnyam pa nyid de btang snyoms zhes brjod do/ /de ni 'di ltar yul la rjes su chags pa yang ma yin/ khong khro ba yang ma yin no/ /de yang de ni rnam pa gnyis te/ so sor brtags pa'i btang snyoms dang/ so sor ma brtags pa'i btang snyoms so/ /dgra bcom pa'i shes par gtogs nga ni so sor brtags pa'i btang snyoms so/ /so so'i skye bo'i mi shes pa'i rjes su song ba ni so sor ma brtags pa'i btang snyoms so/ /rnam par grol ba ni sems kyi dri ma dang bral ba ste/ nyon mongs pa rab tu spangs pas rnam par grol ba zhes bya ba'i sems las byung ba'i chos 'byung ba gang gis sems dri ma dang bral bar gyur pa de rnam par grol ba'o/ /dge ba'i rtsa ba ni gsum ste/ ma chags pa dang/ zhe sdang med pa dang/ gti mus med pa'o/ /de la ma chags pa ni srid pa'i gnyen por gyur pa'i chos dngos po'i don la zhen pa'i mtshan nyid do/ /zhe sdang med pa ni khong khro ba'i gnyen po'i chos sems can rnams la sems

  565. 283a

    rtsub pa med pa'i mtshan nyid do/ /gti mug med pa ni ma rig pa'i gnyen po'i chos shes rab kyi ngo bo'o/ /'di dag ni rang gi bdag nyid kyang dge ba yin la/ dge ba gzhan rnams kyi yang rtsa bar gyur par dge ba'i rtsa ba ste/ 'di ltar shing rnams kyi rtsa ba 'dab ma la sogs pa skye ba dang gnas pa dang 'phel ba'i rgyur gyur pa ltar/ de bzhin du dge ba'i chos thams cad kyi rtsa bar dge ba'i gsum po 'di dag nyid shes par bya'o/ /dge ba'i rtsa ba gsum po 'di dag las bzlog pa gsum ni mi dge ba'i rtsa ba ste/ chags pa dang/ zhe sdang dang/ gti mug go /de la 'dod par gtogs pa'i 'dod chags thams cad ni chags pa mi dge ba'i rtsa ba ste/ de ni gcig tu mi dge ba'i rtsa pa nyid kyi phyir ro/ /zhe sdang thams cad ni zhe sdang ste mi dge ba'i rtsa pa'o/ /'jig tshogs la lta ba dang/ mthar 'dzin par lta ba dang/ mtshungs par ldan pa'i gti mug ma gtogs pa 'dod pa na spyod pa'i ma rig pa thams cad ni gti mug ste mi dge ba'i rtsa ba'o/ /lung du ma bstan pa'i rtsa ba ni gsum ste/ sred pa dang/ ma rig pa dang/ blo gros so/ /de la 'dod pa na spyod pa'i 'jig tshogs la lta ba dang/ mthar 'dzin par lta pa dang/ lta ba de dag dang mtshungs par ldan pa'i gti mug ma gtogs pa'i nyon mongs pa dang/ nye ba'i nyon mongs pa thams cad ni mi dge ba ste/ rnam par smin pa mi 'dod pa nyid kyis so/ /gzugs dang gzugs med pa na spyod pa'i nyon mongs pa dang/ nye ba'i nyon mongs pa thams cad dang/ 'dod pa'i khams kyi 'jig tshogs dang/ mthar 'dzin par lta ba la sogs pa gsum po ste/ de dag thams cad na lung du ma bstan pa'o/ /de la la la ni sred pa lung du ma bstan pa las/ la

  566. 283b

    la ni ma rig pa lung ma bstan pa las/ la la ni shes rab lung du ma bstan pa las te/ des na thams cad lung du ma bstan pa'i rtsa ba zhes brjod do/ /rang nyid kyang lung du ma bstan pa nyid yin la/ de las gzhan pa'i lung du ma bstan pa'i yang rtsa bar gyur pa'i phyir ro/ /gzhan dag ni mi brtan pa nyid dang/ mthon por 'jug pa'i phyir rtsa ba dang chos mi mthun pas lung du ma bstan pa'i rtsa ba ma yin no/ /kun tu sbyor ba ni kun du sbyon ba dgu ste/ 'di lta ste/ rjes su chags pa'i kun tu sbyor ba dang/ khong khro pa'i kun tu sbyor ba dang/ nga rgyal gyi kun tu sbyor ba dang/ ma rig pa'i kun tu sbyor ba dang/ lta ba'i kun tu sbyor ba dang/ mchog tu 'dzin pa'i kun tu sbyor ba dang/ the tshom gyi kun tu sbyor pa dang/ phrag dog gi kun tu sbyar pa dang/ ser sna'i kun tu sbyor ba zhes bya ba'o/ /de la rjes su chaT pa ni srid pa nang kun tu zhes pa dang/ chags pa dang/ 'dod chags te/ de dag nyid kyis srid pa'i sdug bsngal la rab tu sbyor bas na kun tu sbyor ba zhes brjod do/ /khong khro ni gnod sems dang zhe sdang ste/ sems can gyi yul la mnar sems pa ni khong khro'i kun tu sbyor ba'o/ /nga rgyal bdun ni nga rgyal gyi kun tu sbyol? bar brjod do/ /nga rgyal dang/ lhag pa'i nga rgyal dang/ nga rgyal las kyang nga rgyal dang/ nga'o snyam pa'i nga rgyal dang/ mngan pa'i nga rgyal dang/ log pa'i nga rgyal dang/ cung zad snyam pa'i nga rgyal lo/ /de ni bdag nyid gzhan ? dag pas bden pa mi bden pa'i rnam pa'i khyad par 'ga' zhig yongs su brtags nas khengs par byed pa ste/ sems kyi rang bzhin 'gyur ba 'byung ba'i rgyu sems las byung ba'i chos nyon mongs pa can te/ 'di ni re zhig nga rgyal spyi'o/ /de ni 'jug pa'i bye brag gis rnam pa bdun no/ /de la 'jig rten ni dman pa dang/ bar ma dang/ mchog gi bye brag tu phan tshun

  567. 284a

    bltos nas rnam par gnas so/ /de la gang dman pa la bltos nas rnam pa gsum du rdog pa de la thos pa dang/ tshul khrims dang/ rigs dang/ gzugs dang/ dbang phyug la sogs pas dman pa las bdag nyid dman no snyam du khangs pa gang sems kyi rang bzhin 'gyur bar byed pa'i mtshan nyid can de yang re zhig nga rgyal zhes bstan to/ /gang yang dman pa dang bdag mtshungs bar dmiT pas ji ltar yongs su brtags pa'i khyad bar skyed par byed pa 'di yang nga rgyal zhes bya'o/ /gang yang dman pa las bdag lhag par nye bar dmigs nas kun tu rtog pa'i khyad par 'byung ba de yang nga rgyal lo/ /gang yang mtshungs pa dang bdag nyid mtshungs par nye bar dmigs pa'i yongs su rtog pa'i khyad par 'byung de yang nga rgyal te/ srid pa'i dbang du byas nas mu bzhir rnam par bzhag go/ gang bdag shin tu dman pa yin pa las 'di dang bdag mtshungs so snyam nas lhag par nga rgyal byed pa de ni lhag pa'i nga rgyal te/ nga rgyal gyi mtshan nyid las shin tu 'das nas 'jug pas lhag pa'i nga rgyal lo/ /gang khyad par du 'phags pa las kyang/ bdag khyad par can du rnam par brtags nas khengs par byed pa de ni nga rgyal las kyang nga rgyal te/ nga rgyal las kyang nga rgyal gyi sgra 'jug pa'o rgyu ni sngar gyi de dag las kyang sdig pa la 'jug pa nyid du shes pa'i phyir ro/ /nye bar len pa'i phung po lnga po stong pa nyid la gang bdag go zhes yongs su rtog pa ni nga'o snyam pa'i nga rgyal te bdag tu nga rgyal byed cing bya ba'i nga? tshig go /bdag tu rnam par brtag pa'i rgyur gyur pas zag pa dang bcas pa'i phung po ni nye bar len pa'i phung po'i/ /yang na nye bar len pa ste/ nyon mongs pa dag las rab tu byung ba'i phyir nye bar len pa'i phung po ste rtswa dang phub

  568. 284b

    ma'i me zhes bya ba bzhin no/ /nye bar len ba la rag lus pa nyid kyis kyang nye bar len pa'i phung po ste rgyal po'i skyes bu bzhin no/ /nye bar len pa rnams de dag las byung ba nyid kyis kyang nye bar len pa'i phung po ste me tog dang 'bras bu'i shing bzhin no/ /de ni stong pa ste nye bar brten nas brtags pas/ bdag gi rdzas dang bral ba nyid kyis ngo bo med pa nyid de/ de dag de lta bu'i tshul la rmongs pas bdag go zhis 'dzin pa ni nga'o snyam pa'i nga rgyal lo/ /gong ma'i khyad par rtogs par bya ba ma thob par de bdag gis thob po snyam du gang la mngon du phyogs nas khengs par byed pa de ni mngon pa'i nga rgyal lo/ /de la gong ma'i khyad par rtogs bar bya ba ni mi'i chos tha ma la ba 'dod pa'i 'dod chags la sogs pa las shin du 'das nas gang rnam par gams? pa ste/ 'di lta ste bsam gtan dang/ bsam gtan gyi 'bras bu dang/ ting nge 'dzin dang/ ting nge 'dzin gyi 'bras bu la sogs pa shes pa'o/ /log pa'i las la zhugs pas gang log pa'i las mi 'dod pa'i 'bras bu can gyi chos bsod pa la sogs pa'i las byed pa la nga rgyal te/ gang spro bar byed cing 'jug pa'i nga rgyal ni log pa'i nga rgyal zhes brjod do/ /bya ba thams cad sgrub pa la bdag la nus pa med do/ /zhes brtags te bdag la dmigs nas brnyas pa ste/ gang bdag la dam pha ma yin par yongs su rtog pa de ni cung zad snyam pa'i nga rgyal lo/ /nga rgyal bdun bshad zin to/ /ma rig pa'i kun tu sbyor ba gang zhe na/ sems las byung ba'i chos gang dang ldan pas de log pa'i yid kyis bden pa'i don man thong ba dang/ dngos po'i ngo bo nyid du spro 'dogs pa de ni ma rig pa zhes brjod do/ /de la rig pa ni chos kyi ngo bo nyid kyi yul la zag pa med pa'i shes pa'o/ /de'i mi mthun pa'i phyogs kyi ngo bor gnas pa dkon mchog gsum dang/ bden pa la sogs pa mi shes pa tsam mo/ /lta ba'i kun tu sbyor ba gang zhe na/ lta ba gsum po dag la lta ba'i

  569. 285a

    kun tu sbyor ba zhes brjod do/ /'di lta ste/ 'jig tshogs la lta ba dang/ mthar 'dzin par lta ba dang/ log par lta ba'o/ /de la 'jig tshogs la lta ba ni gzugs dang/ tshor ba dang/ 'du shes dang/ 'du byed dang/ rnam par shes pa zhes bya ba nye bar len pa'i phung po lnga po la gang zag la sogs pa'i ngo bo nyid med pa la phyin ci log tu sgro btags to bden pa'i ngo bo nyid du zhen zhing rnam pa nyi shur 'jug pa ste/ 'di lta ste/ gzugs bdag yin par lta ba dang/ bdag gzugs dang ldan pa dang/ gzugs bdag gi yin pa dang/ gzugs la bdag gnas par lta ba ste/ 'di ltar 'di dag ni gzugs kyi phung po gtsong gzugs nas 'jig tshogs la lta ba'i cha ba zhi'o/ /de bzhin du rnam par shes pa'i par du gtsong gzung nas 'jig tshogs la lta ba'i cha bzhi bzhi 'byung bar 'gyur ro/ /rnam par nyams par 'gyur bas na 'jig pa ste khyad par du 'jig cing nyams par 'gyur zhes bya ba'i don to/ /ci nyin bsags pa ste bsags par yod pa dang/ gnas dang tshoT pa dang/ lus dang/ nye bar zhi bar byed pa rnams la 'jug pa las 'dir kA ya zhes bya ba bsags pa la bya ste/ mang po dang tshogs pa zhes bya ba'i don to/ /'jig pa yang yin la tshogs kyang yin pas 'jig tshogs te/ 'jig pa'i bdag ? nyid can tshogs pa ni 'jig tshor zhes brjod do/ /de lta bu la bdag dang bdag gir 'dzin par zhugs pa'i shes rab nyon mongs pa can ni 'jig tshogs la lta ba zhes brjod do/ /mdza' gnyis su 'dzin pa ni mthar 'dzin pa ste/ /'dzin pa ni mngon par zhen ba'o/ /'di lta bu'i mthar lta ba ni mthar 'dzin par lta ba ster 'jig tshogs la lta bas nye par len pa'i phung po lnga la bdag gi ngo bo nyid du yod par sgro btags pa nas bdag nyid du bzung ba dang/ gang bdag dang

  570. 285b

    'jig rten rtag go zhes bya ba'am/ gang bdag dang 'jig rten chad do zhes bya ba 'am/ de bzhin du yod pa dang med pa zhes bya ba la sogs pa'i mdza' gnyis su brtags nas 'jug pa'i shes rab nyon mongs pa can ni mthar 'dzin pa'i lta ba'o/ /rgyu dang 'bras bu dang/ bden pa dang/ dkon mchog gsum dang/ rten cing 'brel par 'byung ba la sogs pa la skur ba 'debs shing med pa'i rnam par zhugs pa'i shes rab nyon mongs pa can ni log par lta ba zhes bya ste/ de lta bu'i lta ba gsum po dag ni lta ba'i kun sbyor ba zhes brjod do/ /mchog tu 'dzin pa'i kun tu sbyor ba du zhe na/ mchog tu 'dzin pa rnam pa gnyis ni mtshog tu 'dzin pa'i kun tu sbyor ba zhes bstan te/ 'di lta ste/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /de la dman pa la dam par 'dzin pa'i lta ba ni mchog tu 'dzin pa'o/ /dman bde gang yin zhe na/ zag pa dang bcas pa'i dngos po thams cad de/ 'phags pas spangs pa'i phyir ro/ /de la mchog tu 'dzin pa ni gzhan de la yin pa'i don la 'di dag ni dam pa'o zhe de ltar gang mngon par zhen pa ni lta ba mchog tu 'dzin pa'i/ /zag pa dang bcas pa'i dngos po thams cad la dam pa nyid du mchog tu 'dzin pas na zag pa dang bcas pa mchog ?? tu 'dzin pa zhes brjod par bya ba yin na ci'i phyir lta ba mchog tu 'dzin pa zhes brjod/ de lta pa kho na la mchog nyid du 'dzin pa ni ma yin no zhe na/ des na 'dir ba sogs pa'i sgra byis par lta bar bya ste/ lta ba la sogs pa rnams la mchog tu 'dzin pa ni lta ba mchog tu 'dzin pa zhes bya'o/ /rgyu ma yin pa la rgyur lta ba dang/ lam ma yin la lam du lta ba ni tshul khrims dang brtul zhugs mchog tu 'dzin pa'o/ /'dir yang sogs pa'i sgras phyis par

  571. 286a

    blta'e/ /de lta bas na dman pa'i tshul khrims dang brtul zhugs tsam la mchog tu 'dzin pa ma yin gyi zag pa dang bcas pa'i dngos po thams cad la dag pa dang/ grol ba la/ nges par 'byin pa'i bdag nyid kyi lam gyi ngo bo nyid du 'dzin pa yin no/ /mchog tu 'dzin pa 'di gnyis ni mchog tu 'dzin pa'i kun tu sbyor pa zhes brjod do/ /bden pa dang/ dkon mchog gsum la sogs pa la yod pa dang med pa'i rnam pa gnyis su rab tu zhugs pa'i shes rab nyon mongs pa can gyis kun tu sbyor ba'i bdag nyid ni the tshom ste/ de ni the tshom gyi kun tu sbyor ba zhes bya'o/ /phrag dog ni gzhan gyi yon tan gyis gdung ba ste/ chos gang dang ldan na gang dang gang du pha rol la thos pa dang/ tshul khrims dang gtong pa dang/ gzugs la sogs pa'i yon tan tshogs pa nye bar dmigs pa de dang der gang zag de la nang du shin tu gdung ba 'byung te/ chos de ni phrag dog ces bya bar brjod de/ de ni phrag dog gi kun tu sbyor ba'o/ /chos dang mkhas pa'i bdag nyid la sogs pa sbyin pa dang rab tu 'gal ba sems kyi kun tu 'dzin pa ni ser sna ste/ de ni ser sna'i kun tu sbyor ba zhes bya'o/ /kun tu sbyor ba dgu bshad zin to/ /nges par 'ching ba zhes bya ba la nges par 'ching ba ni rnam pa gsum ste/ 'dod chags kyi nges par 'ching pa dang/ zhe sdang gi nges par 'ching ba dang/ gti mug gi des par 'chang ba'o/ /'ching ba 'di dag gis khams gsum pa rnams rab tu bcings pas na 'di dag ni nges par 'ching phra rgyus zhes bya ba 'dir drug ni phra rgyas kyi rtsa ba ste/ 'dod chags kyi phra rgyas dang/ khong khro'i phra rgyas dang/ nga rgyal gyi phra rgyas dang/ ma rig pa'i phra rgyas dang/ lta ba'i phra rgyas dang/ the tshom gyi phra rgyas dang zhes bya ba ste/ phra rgyas drug po 'di

  572. 286b

    dag las 'dod pa'i 'dod chags dang/ srid pa'i 'dod chags zhes bya bas 'dod chags rnam pa gnyis su dbye bas yang rnam pa bdun du 'gyur ro/ /phra rgyas drug po 'di dag las yang lta ba'i phra rgyas la 'jig tshogs la lta ba la sogs pa rnam pa lnga'i dbye bas phra rgyas bcur 'gyur te/ phra rgyas bcu po 'di dag gi rang gi ngo bo yang khams kyi dbye ba dang/ bye brag gi dbye bas dgu bcu rtsa brgyad du 'gyur ro/ /de la khams ni gsum ste/ 'dod pa'i khams dang/ gzugs kyi khams dang/ gzugs med pa'i khams so/ /de la 'dod pa'i khams ni gnas nyi shu 'di lta ste/ dmyal ba chen po brgyad la yang sos dang/ thig nag dang/ bsdus 'joms dang/ ngu 'bod dang/ du 'bod chen po dang/ tsha ba dang/ rab tu tsha ba dang/ mnar med pa zhes bya ba'o/ / byol song dang yi dags gnyis dang/ gling bzhi la dzam bu'i gling dang/ shar gyi lus 'phags dang/ nub kyi ba lang spyod dang/ byang gi sgra mi snyan zhes bya ba'o/ /'dod pa na spyod pa'i lha ris drug ni 'di lta ste/ rgyal chen bzhi'i ris dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed ces bya ba ni 'dod pa'i khams so/ /gzugs kyi khams kyi skye ba'i bsam gtan bzhi la spyir ni gnas gzhan bcu bdun te/ tshangs ris dang/ tshangs pa 'dun na 'don nang/ tshangs pa chen po ste bsam gtan dang por skye ba'i gnas gzhan gsum mo/ /'od chung dang/ tshad med 'od dang/ 'od gsal zhes bya ba ni bsam gtan gnyis pa'i skye ba'i gnas gzhan gsum mo/ /dge chung dang/ tshad med dge dang/ dge rgyas zhes bya ba 'di ni bsam gtan gsum par skye ba'i gnas gzhan gsum mo/ /sprin med dang/ bsod nams skyes dang/ 'bras bu che zhes bya ba skye ba'i gnas gzhan 'di gsum dang/ mi che ba dang/ mi gdung ba dang

  573. 287a

    shin tu mthong ba dang/ gya nom snang dang/ 'og min zhes bya ba gnas gtsang ma'i ris gnas lnga dang brgyad po 'di dag ni bsam gtan bzhi pa ste/ 'di dag ni gzugs kyi khams so/ /gzugs med pa'i khams ni gzugs can ma yin pas gnas med do/ /de ni skye ba las rnam pa bzhi ste/ 'di lta ste/ nam mkha' mdza' yas skye mched dang/ rnam shes mdza' yas skye mched dang/ cung zad med pa'i skye mched dang/ 'du shes med 'du shes med min skye mched ces bya ba ste/ 'di dag ni gzugs med pa'i khams rnams so/ /'di dag ni re zhig khams kyi dbye ba'o/ /pyo brag gi dbye ba ni khams gsum po de rnams la re re zhing lnga lnga ste/ sdug bsngal mthong bas spang bar bya ba'i ris dang/ kun 'byung dang 'gog pa dang/ lam mthong bas spang bar bya ba dag dang/ sgom pas spang par bya ba zhes bya'o/ /de la sdug bsngal gyi bden pa ni nyi bar len pa'i phung po lnga po 'bras bur gyur pa'o/ /de dag gi rgyur gyur pa ni kun 'byung ba'i bden pa'o/ /sred pa dang las yangs su zad pas sdug bsngal gyi bden pa shin tu ma skyes pa snum dang snying po yongs su thad pa'i mar me lta bu'i mya ngan las 'das pa ni 'gog pa'i bden pa'o/ /de 'thob pa'i thabs 'phags pa'i lam yan lag brgyad pa ni lam gyi bden pa'o/ /de dag 'dod pa na spyod bya'i sdug bsngal gyi bden pa la mi rtag pa nyid dang/ sdug bsngal ba nyid dang/ stong pa nyid dang/ bdag med pa nyid du yid la byed pa na sdug bsngal la chos shes pa'i bzod pa dang/ chos shes pa zhes bya ba skye ste/ de dag gis 'dod pa na spyod pa'i nyon mongs pa bcu po 'di rnams rab tu spong ngo/ gzugs dang gzugs med pa na spyod pa'i sdug bsngal gyi bden pa yang de bzhin du yid la byas pas sdug bsngal la rjes su shes pa'i

  574. 287b

    bzod pa dang/ sdug bsngal la rjes su shes pa skye'o/ /de dag gis khong khye? ma gtogs pa'i gzugs na spyod pa'i ton mongs pa dgu dang/ gzugs med pa na spyod pa'i nyon mongs pa dgu ste/ de ltar bco brgyad spong ste/ de ltar khams gsum pa'i sdug bsngal gyi bden pa mngon par rtogs pa chos dang rjes su shes pa'i bzod pa dang/ shes pa'i rnam pa'i skad cig ma bzhis sdug bsngal mthong pa la spang bar bya pa'i phra rgyas nyi shu rtsa brgyad rab tu spong ngo/ /phra rgyas nyi shu rtsa? brgyad po de rnams las 'jig tshogs la lta ba dang/ mthar 'dzin par lta ba dang/ tshul khrims dang brtul zhugs mchog tu 'dzin pa ma gtogs par phra rgyas gzhan bdun po ni 'dod pa'i khams kyi 'dod pa na sbyong pa'i kun 'byung gi bden pa la rgyu nyid dang/ kun tu 'byung ba nyid dang/ rab tu skye ba nyid dang/ rkyen nyid ces bya bar yid la byed pa na de ltar kun 'byung ba chos shes pa'i bzod pa dang/ chos shes pa skyes te/ de dag gis spong ngo/ de dag nyid las khong khro bor ba khams gnyis po gzugs dang gzugs med pa na spyod pa'i phra rgyas bcu gnyis kun 'byung ba'i bden pa mthong ba kun 'byung la rjes su shes pa'i bzod pa dang/ /shes pa dag gis rab tu spong ste/ de ltar phra rgyas bcu dgu ni kun 'byung mthong bas spong ngo/ /de bzhin du 'dod pa na spyod pa ni sdug bsngal 'gog pa'i bden pa'i 'gog pa dang/ zhi ba dang/ gya nom pa dang/ nges par 'byung ba'i rnam pa bzhi yid la byed pas kun 'byung la bstan pa'i phra rgyas bdun po de dag 'gog pa la chos shes pa'i bzod pa dang/ 'gog pa la chos shes pa dag gis rab spong ngo/ /'gog pa las rjes su shes pa'i bzod la dang/ shes pa dag gis gzugs dang gzugs med pa na spyod pa'i phra rgyas bcu gnyis rab tu spong ste/ de ltar na phra rgyas bcu dgu ni khams gsum pa'i

  575. 288a

    sdug bsngal 'gog pa'i bden pa mthong bas rab tu spong ngo/ /de bzhin du 'dod pa na spyod pa'i sdug bsngal 'gog par 'gro ba'i lam gyi bden pa la lam dang/ rig pa dang/ sgrub pa dang/ nges par 'phra 'byin pa'i rnam pa bzhi yid la byed pa lam la chos shes pa'i bzod pa dang chos shes ba dag gis sngar bstan pa'i bdun po la tshul khrims dang brtul zhugs mchog tu 'dzin pa snga ma la med pa bsnan pa'i brgyad ni lam gyi bden pa mthong bas spong ngo/ /lam la rjes su shes pa'i bzod pa dang rjes su shes pa dag gis ni gzugs dang gzugs med pa na spyod pa'i phras rgyas bcu bzhi lam gyi bden pa mthong pas rab tu spong bar byed de/ de ltar na phra rgyas nyi shu rtsa gnyis ni lam mthong pas spong bar bya'o/ /sdug bsngal la sogs pa'i bden pa bsgoms pas ji ltar mthong ba'i rjes la spang bar bya ba gang yin pa de ni sgom pas spang bar bya'o/ /de la 'dod chags dang/ khong khro ba dang/ nga rgyal dang/ ma rig pa rnams ni 'dod pa'i khams kyi sgom pas spang par bya ba'o/ /khong khro ma gtogs pa rnams ni gzugs dang gzugs med ba'i khams na sgom pas spang bar bya ba ste/ kun sdoms na phra rgyas dgu bcu rtsa brgyad do/ /de rnams las 'dod pa na spyod pa ni sum cu rtsa drug go /gzugs na spyod pa ni sum cu rtsa gcig /gzugs med pa na spyod pa yang sum cu rtsa gcig go /de dag las mthong bas spang bar bya ba ni brgyad cu rtsa brgyad do/ /'dir ji skad bshad pa'i phra rgyas spong ba'i ye shes dang ldan pas 'phags pa'i gang zag brgyad du 'gyur ro/ /ji ltar byas nas shes/ de brjod par bya ste/ go rim bzhin du 'jug pa la/ /mthong lam skad cig bcu drug gis/ /gang zhig spangs pa'i 'bras bu de/ /rgyun

  576. 288b

    du zhugs pa zhes brjod do/ /'dod na chags sdang nga rgyal rmongs/ /gong ma'i sa brgyad so so la/ /zhe sdang ma gtogs sgom spang bya/ /bsdus nas che sogs rnams gsum la/ /chen po'i che sogs bye brag gis/ /rnam pa yang ni gsum du 'dod/ /nyon mongs pa ni rnam dgu la/ /gnyen po'i phyogs ni bzlog pas so/ /'dod pa'i rnam pa drug pa dang/ /dgu pa dag ni zad pa las/ /lan cig phyir ni 'ong ba dang/ /phyir mi 'ong ba'i gang zag 'gyur/ /dgra bcom srid rtse'i mdza' zad pas/ /lam la gnas pa bzhi po dag /de la sbyor ba zhugs pa'i phyir/ /de dag zhugs pa zhes brjod do/ /dgra bcom mi slob slob pa ni/ /zad phyir slob pas gzhan bdun no/ /skyes bu gang zag brgyad po 'di/ /dge 'dun zhes ni bya bar brjod/ /bdud rnams kun gyis mi phyed pas/ /'di ltar dge 'dun zhes brjod do/ /mi phyed dad pas rig par ni/ /sangs rgyas bden par rtogs phyir spang/ gnas pa dang rjes su mthun pa'i dngos po ji ltar 'byung ba'i dmigs pa la rab tu sbyor ba dang/ rjes su sbyor bas phra rgyas zhes bya ba 'am/ phra ba 'am bdag gi rgyud kyi rjes su 'brel pas phra rgyas so/ /phra rgyas bshad zin to/ /'byung ba'i rim pa ni yang 'di dag las dngos po ji ltar gnas pa gzhan du ma rtogs pa dang/ mi bden pa'i ngo bor sgro 'dogs pas thog mar ni ma rig pa'o/ /de las ni yang dag pa dang yang dag pa ma yin pa'i phyogs gnyis thos nas 'di bden nam mi bden zhes the tshom 'byung ngo/ /de nas ni mi bden pa'i phyogs la gom pas bden pa'i dngos por yod pa nyid du sgro btags te/ phyin ci log tu lta ba ni log par zhugs pa'i lta ba ste/ gang log pa nyid du nges par byed pa de lta bu'i bdag nyed can ni log par lta ba zhes bya bar gzung gi rgyu dang 'bras bu la skur ba 'debs pa'i bdag nyid can ni ma yin no/ /

  577. 289a

    log par lta ba de las ni/ 'jig tshogs la lta ba 'byung ste/ des ni nye bar len pa'i phung po la bdag gi ngo bo nyid du sgo btags nas mngon par zhen to/ /de las ni mthar 'dzin par lta ba 'byung ste/ de las rtag pa dang chad pa'i mthar rtog pa nyid kyis so/ /mthar 'dzin par lta ba las ni tshul khrims dang brtul zhugs mchog tu 'dzin pa'i lta ba ste/ de ltar mthar bzung ba gang yin pa de nyid kyis dag pa dang grol bar rtogs pas so/ /tshul khrims dang brtul zhugs mchog tu 'dzin pa las lta ba mchog tu 'dzin pa ste/ gang gis dag par 'dzin pa de nyid la dam pa 'dzin pas so/ /de las ni 'dod chags te/ rang gi lta ba la'o/ de las ni lta pa la nga rgyal lo/ /gzhan gyi la ni zhe sdang ste/ go rim ni de ltar ro/ /de re re yang rgyu gsum gsum gyis 'byung ste/ phra rgyas spangs par ma 'gyur ba dang/ tshul bzhin ma yin pa yid la byed par gyur pa dang/ yul nye bar gnas par gyur pa ste/ rgyu dang/ yul dang/ sbyor ba'i stobs te 'di dag las 'byung po/ /nye ba'i nyon mongs pa'i dbang du byas nas brjod pa/ de la phra rgyas drug tu brjod pa de dag nyid lus dang dag dang yid kyi rgyud nyon mongs par byed pas 'di dag la nyon mongs pa zhes bya'o/ /de la re zhig nyon mongs pa can gang yin pa de dag ni nye ba'i nyon mongs pa yin no/ /gzhan gang sems las byung ba'i chos nyon mongs pa can 'du byed kyi phung pos bsdus pa ni nye ba'i nyon mongs pa nyid de/ de dag gis sems nye bar nyon mongs par byed pa'i phyir ro/ /de dag kyang gang zhe na/ sgyu dang rgyags pa dang/ rnam par 'tshe ba dang/ 'tshig pa dang/ 'khon du 'dzin pa dang/ g.yo la sogs pa rnam pa du ma chos mngon pa las 'byung ngo/ /de la sgyu ni gzhan bsdu ba ste chi?

  578. 289b

    ltar sgyu ni rang gi ngo bo sbas nas brdzun pa'i rnam pa'i bdag nyid du zhugs te 'jig rten bslu bar byed pa de bzhin du sems las byung ba'i chos gang dang ldan pas rang la ji ltar gnas pa'i chos sbas nas mi bden pa'i bdag nyid du zhugs te/ gzhan la ba slu ba'i chos de ni rgyu zhes brjod ngo/ /rgyags pa'i khengs pa ste dregs pa'o/ /gang gi stobs kyis gzhan la brnyas pa dang bcas pa'i lus dang sems kyi rgyun 'byung ba'o/ khro ba'o rkyen gyis khu tshur dang thal lcags la sogs pas rab tu brdeg pa'i rgyu'i chos ni rnam par 'tshe bas na rnam par 'tshe ba'o/ /'tshig pa ni sdig pa la rab tu gnas pa'o/ /chos gang dang ldan pas sdig pa las mi ldog pa ste/ mche ba 'am sems mos bzung ba ltar sdig pa rab tu bzung nas gnas pa ni 'chig pa'o/ /'khon du 'dzin pa ni 'khon du 'dzin pa ste/ khros par gyur par khros pa'i dngos po la so sor rtog pa ma yin par med bar yang dang yang du 'jug pas gang 'khon du 'dzin pa ni 'khon du 'dzin pa ste khros pa'i yul sems la mang du byed ces bya ba'i don to/ /g.yon sems kyi mi dran pa ste/ g.yo'i ngo bo ni g.yo nyid do/ /de la g.yo zhes bya ba ni chos gang dang ldan pas sems kyi rgyun gya gyu pa ste/ ji ltar gnas pa'i tshul dang tshul ma yin pa mi ston pa mi dran zhing mi gsal pa zhugs pa ni g.yo zhes bya'o/ /de dag las rgyu dang/ rgyags pa ni 'dod chags kyi rgyu mthun pa'i dri ma'o/ /'khon du 'dzin pa dang/ rnam par 'tshe pa ni khong khro'i rgyu 'thun pa'i 'o/ /lta ba mchag tu 'dzin pa'i rgyu mthun pa ni 'tshig pa'o/ /g.yo ni log par lta ba'i rgyu mthun pa'o/ /kun nas dkris pa ni kun nas dkris pa bcu ste/ rmugs pa dang/ gnyid dang/ rkang pa dang/ 'gyod pa dang/ phrag dog dang/ ser sna dang/ ngo tsha med pa deng

  579. 290a

    khrel med pa dang/ khro ba dang/ 'chab pa'o/ /rmugs pa ni lus dang sems mi gsal bas lci ba nyid du gyur pa'i phyir las su mi rung bar sbyor ba de ni rmugs pa'o/ /gnyid ni gang rnam par shes pa'i tshogs lnga 'jug pa dang 'gal pa'i chos yid kyi rnam par shes pa sdud par byed pa'i rgyu de ni gnyid ces brjod do/ /rgod pa ni lus dang sems rab tu ma zhi ba nyid dang/ ji ltar rlung dang 'brel pas chu steng du bskyo ngan chu klung gi chu'i cha steng du 'byung ba ni rgod pa'o/ /de bzhin du sems las byung ba gang lus dang sems ma zhi bar 'jug pa'i rgyu mtshan ni rgod pa'o/ /'gyod pa ni ngan par byas pa'i dngos po la phyis gdung zhing mya ngan byed pa ste/ phyi nas gdung pa las byung ba'i yid la gcags pa ni 'gyod pa'o/ /phrag dog dang/ ser sna ni kun tu sbyor bar bshad zin to/ /ngo tsha med pa ni chos gang dang ldan pas bdag gi yon tan nyams par byed cing bdag nyid la bltos nas sdig pa la 'jug pa la mi 'dzem pa ste/ nyes pa mi sdom pa'i rgyu rang bzhin phyis smad pa'i chos gang yin pa de la ngo tsha med pa zhes brjod do/ /khrel med pa zhes bya ba 'di yang 'dzem pa med pa nyid do/ /'on kyang khyad par ni 'di yin te/ 'di ni gzhan la bltos nas nyes pa rnams la mi 'dzem pa'o/ /khro ba ni sems rab tu 'khrug pa'o/ /de la gnod sems ni sems gyi yul la kun nas mnar sems pa yin la/ khro ba ni sems can dang sems can ma yin pa'i yul la yang kun nas mnar sems pa tsam mo/ /rnam par 'tsho ba ni khros par gyur pas so sor ma btags par gzhan dag la khu tshur dang thal lcag la sogs pas rab tu rdeg par byed pa'i rgyu yin no/ /des na gnod sems

  580. 290b

    dang rnam par 'khrug pa tsam ni khro ba'o/ /'chab pa ni kha na ma tho ba rab tu 'khyud pa ste/ 'phags pa rnams kyis smad pa ni kha na ma tho ba'o/ /de rab tu 'khyud pa ni gzhan la rab tu mi ston pa'o/ /de ni 'chab pa ste/ gang gis gang zag de kha na ma tho bas bdag nyid shin tu spags shing mi gtsang bar byed pa'o/ /kun nas 'khri shing sems la thams cang du dkris nas gnas pa kun nas dkris pa ste/ dge ba'i phyogs la 'jug pa'i bar /chad byed pa nyid do/ /'di dag las rmugs pa dang gnyid dang khrel med pa ni ma rig pa'i rgyu mthun pa'o/ /'gyod pa ni the tshom gyi rgyu mthun pa'o/ /ngo tsha med pa dang rgod pa dang ser sna ni 'dod chags kyi rgyu mthun pa'o/ /khro ba dang phrag dog gi khong khros kun nas bslad pa'o/ /'chab pa ni 'dod chags dang ma rig pa'i rgyu mthun pa ste/ dri ma rnams dang bcu po 'di dag ni nye bar nyon mongs pa zhes bya'o/ /zag pa ni 'di ltar zag pa gsum ste/ 'dod pa'i gzag pa dang srid pa'i zag pa dang/ ma rig pa'i zag pa'o/ /de la ma rig pa ma gtags pa 'dod pa na spyod pa'i nyon mongs pa gzhan kun nas dkris pa bcu dang bcas pa ni 'dod pa'i zag par rig par bya ste/ rdzas bzhi bcu rtsa gcig go /gzugs dang gzugs med pa na spyod pa'i phra rgyas ma rig pa ma gtogs pa rdzas lnga bcu rtsa gnyis ni srid pa'i zag pa'o/ /yang rgyu gang gis gzugs med pa na spyod pa'i phra rgyas rnams bsdoms nas srid pa'i zag par byas she na/ de gnyi ga yang lung du ma bltan pa dang/ kha nang du bltam pa? dang/ mnyam par bzhag pa'i sa pa yin pa'i tshes mchungs pa nyid gsum gyis gcig tu byas so/ /khams gsum pa'i ma rig pa bco lnga ni ma rig pa'i zag pa'o/ /rgyu gang gis logs

  581. 291a

    shig tu bzhag cen 'di ltar de nyon mongs pa thams cad kyi rtsa bar gyur pa des na zag pa nyid du logs shig tu bzhag go chu bo zhes bya ba la/ chu bo ni bzhi ste/ 'dod pa'i chu bo dang/ srid pa'i chu bo dang/ lta ba'i chu bo dang ma rig pa'i chu bo zhes bya ba'o/ /de la lta ba las gzhan pa'i 'dod pa'i zag pa nyid ni 'dod pa'i chu bo ste rdzas nyi shu rtsa dgu'o/ /lta ba bor ba'i srid pa'i zag pa nyid srid pa'i chu bo ste/ rdzas nyi shu rtsa brgyad do/ / khams gsum pa'i lta ba ni lta ba'i chu bo ste/ rdzas sum cu rtsa drug go /ma rig pa'i zag pa nyid ni ma rig pa'i chu bo ste rdzas bco lnga'o/ /bzhi po 'di bdag nyid sbyor ba bzhir rig par bya'o/ /nye bar len pa ni nye bar len pa bzhi ste/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ bdag tu smra ba nye bar len pa'o/ /de la 'dod pa'i sbyor ba ma rig pa dang bcas pa ni 'dod pa nye bar len pa ste rdzas sum cu rtsa bzhi'o/ /lta ba'i sbyor ba nyid la tshul khrims dang brtul zhugs mchog tu 'dzin pa ma gtogs pa ni lta ba nye bar len pa ste rdzas suM cu'o/ /tshul khrims dang brtul zhugs nye bar len pa ni rdzas drug go /srid pa'i sbyor ba nyid la ma rig pa bsnan pa ni bdag tu smra ba nye bar len pa ste/ rmugs pa dang/ rgod pa dang bcas pa la rdzas bzhi bcu'o/ /ci'i phyir tshul khrims dang brtul zhugs nye bar len pa lta ba las logs shig tu bzhag ce na/ lam gyi dgrar gyur ba dang / phyogs gnyi ga grwa? bslu bar byed pa'i phyir te/ 'dis khyim pa yang zas mi za bar mtho ris su skye bar 'du shes pas rab tu bslus la/ rab tu byung ba rnams kyang 'dod pa'i yul yongs su spangs pa nyid kyis 'dag par lta bas

  582. 291b

    rab tu bslus so/ /yang rgyu gang gang gis nye bar len pa'i skabs su ma rig pa bsres nas brjod kyi logs shig tu ni ma yin zhe na/ gang gi phyir srid pa 'dzin pas nye bar len pa zhes bya na/ ma rig pa ni mi gsal ba'i ngo bo nyid kyis 'dzin par byed pa ma yin pa'i phyir ro/ /zag pa dang chu bo dang/ sbyor ba dang/ nye bar len pa rnams ni bshad zin to/ /de la zag pa ni bshad zin te/ /de la zag pa ni 'khor bar zag pa nyid de/ srid pa'i rtse mo nas mnar med pa'i bar du skye mched drug gi rma nas 'dzag pa'i phyir ra ma/ rgyud yul rnams la 'dzag par byed pas zag pa'o/ /khyer bar byed pas na chu bo ste/ de'i rjes su mthun par byed pa'i phyir de dag gis de dang ldan par khyer bar 'gyur ro/ /sdug bsngal sna tshogs la kun tu sbyor ba'i phyir ram/ yang dang yang du rjes su 'brel bar 'jug par bye ba'i phyir ram/ yul la sbyor ba'i phyir sbyor ba'o/ /'dod pa la sogs pa nye bar len par byed/ 'dzin par byed pa'i phyir nye bar len pa'o/ /mdud pa zhes bya ba la mdud pa ni bzhi ste/ brnab sems lus kyi mdud pa dang/ gnod sems lus kyi mdud pa dang/ tshul khrims dang brtul zhugs mchog tu 'dzin pa lus kyi mdud pa dang/ 'di bden pa'o zhes mngon par zhen pa lus kyi mdud pa'o/ /de la brnab sems lus kyi mdud pa ni 'dod par gtogs pa'i rnam pa sna tshogs la rgyun mi 'chad par 'jug pa nyid do/ /de bzhin du lhag ma lhag ma rnams la yang sbyar ro/ /de la sdug bsngal la sogs pa mthong ba dang/ sbom pas spang bar bya ba'i ma rig pa 'dod par gtogs pa ni dad pa'o/ /khong khro ba lnga ni gnyis pa'o/ /tshul khrims dang brtul zhugs mchog tu 'dzin pa drug ni gsum pa'o/ /lta ba mchog tu 'dzin pa bcu gnyis ni bzhi ba'o/ /sgrib

  583. 292a

    pa zhes bya ba la sgrib pa lnga ste/ 'dod pa la 'dun pa dang/ gnod sems dang/ mugs sa dang/ gnyid dang/ rgod pa dang/ 'gyod pa dang/ the tshom mo/ /sgrib pa ni 'dod par gtogs pa nyid kyis shin tu mi dge ba nyid kyi phyir dge ba'i phyogs la sgrib pas sgrib pa'o/ /shes pa ni shes pa bcu ste/ chos shes pa dang/ rjes su shes pa dang/ gzhan gyi sems shes pa dang/ kun rdzob pa dang/ sdug bsngal shes pa dang/ kun 'byung ba shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa'o/ /chos shes pa gang zhe na/ 'dod pa dang ldan pa'i 'du byed rnams la gang dmigs pa'i zag pa med pa'i shes pa dang/ 'dod pa dang ldan pa'i 'du byed rnams kyi rgyu la gang dmigs pa'i zag pa med pa'i shes pa dang/ 'dod pa dang ldan pa'i 'du byed rnams kyi 'gog pa la gang dmigs pa'i zag pa med pa'i shes pa dang/ 'dod pa dang ldan pa'i 'du byed slong bar byed pa'i lam la gang dmigs pa'i zag pa med pa'i shes pa'o/ / yang chos shes pa dang chos zhes pa'i sa shes pa'i zag pa med pa'i shes pa gang min pa de ni chos shes pa'o/ /rjes su shes pa gang zhe na/ gzugs dang gzugs med pa dang ldan pa'i 'du byed rnams la gang dmigs pa'i zag pa med pa'i shes pa dang/ gzugs dang bzugs med pa dang ldan pa'i 'du byed rnams kyi rgyu la gang dmigs pa'i zag pa med pa'i shes pa dang/ gzugs dang gzugs med pa dang ldan pa'i 'du byed rnams kyi 'gog pa la gang dmigs pa'i zag pa med pa'i shes pa dang/ gzugs dang gzugs med pa dang ldan pa'i 'du byed spong bar byed pa'i lam lag da dmigs pa'i zag pa med pa'i shes gang yin pa'o/ yang rjes su shes pa dang rjes su shes pa'i sa shes pa'i zab

  584. 292b

    med pa'i shes pa gang yin pa de ni rjes su shes pa zhes brjod do/ /gzhan gyi sems shes pa gang zhe na/ shes pa gang bsgoms pa'i 'bras bu bsgoms pas rtogs pa 'thob lam bral ba'i shes pa gang gis 'dod pa na spyod pa dang/ gzugs na spyod pa'i gzhan gyi sems las byung ba'i chos la gtad de mnyam par gzhag pas mngon sum du shes pa dang/ bzhan yang zag pa med pa'i sems dang sems las shes pa'i chos shes pa la pha rol gyis sems shes pa zhes brjod do/ /kun rdzob shes pa gang zhe na/ zag pa dang bcas pa'i shes rab bo/ /sdug bsngal shes pa gang zhe na/ nye bar len pa'i phung po rnams la mi rtag pa nyid dang/ sdug bsngal ba nyid dang/ stong pa nyid dang/ bdag med pa nyid du yid la byed pa'i zag pa med pa'i shes pa gang yin pa de ni 'di ltar sdug bsngal shes pa shes brjod do/ /kun 'byung ba shes pa gang zhe na/ zag pa dang bcas pa'i rgyu la rgyu nyid dang/ kun 'byung ba nyid dang/ rab tu skye ba nyid dang/ rkyen nyid du yid la byed pa'i gang zag pa med pa'i shes pa gang yin pa de ni kun 'byung ba shes pa zhes brjod do/ /'gog pa shes pa gang zhe na/ 'gog pa la 'gog pa nyid dang/ zhi ba nyid dang/ gya no ma pa nyid dang/ nges par 'byung ba nyid du yid la byed pa'i zag pa med pa'i shes pa gang yin pa de ni 'gog pa shes pa zhes brjod do/ /lam shes pa gang zhe na/ lam la lam nyid dang/ rig pa nyid dang/ sgrub pa nyid dang/ nges par 'byin pa nyid du yid la byed pa'i zag pa med par? shes pa gang yin pa de ni lam shes pa zhes brjod do/ /zad pa shes pa gang zhe na bdag gi sdug bsngal ni yongs su shes so/ /kun 'byung ba ni spangs so/ /'gog pa ni mngon du byas so laM ni sgoms zhes rab tu shes pa'i nye bar brtan pa'i shes pa dang/ mthong ba dang/ rig pa dang/ blo dang/ rtogs pa dang/ shes rab dang/

  585. 293a

    snang ba dang/ mngon par rtog pa gang yin pa de ni zad pa shes pa zhes brjod do/ /mi skye ba shes pa gang zhe na/ bdag gis sdug bsngal yongs su shes te yang yongs su shes par byar med do zhes bya ba dang/ kun 'byung ba rab tu spangs te yang spang bar byar med do/ /zhes bya ba dang/ 'gog pa mngon du byas te yang mngon du byar med do zhes bya ba dang/ lam bsgoms te yang bsgom par byar med do zhes bya bar shes pa la brten pa'i shes pa dang/ mthong ba dang/ rig pa dang/ blo dang/ rtogs pa dang/ shes rab dang/ snang ba dang/ mngon par rtog pa gang yin pa de ni mi skye ba shes pa zhes brjod do/ /bzod pa gang zhe na/ mngon par rtog pa'i bzod pa brgyad do/ /sdug bsngal la chos shes pa'i bzod pa dang/ sdug bsngal la rjes su shes pa'i bzod pa dang/ kun 'byung la chos shes pa'i bzod pa dang/ kun 'byung la rjes su shes pa'i bzod pa dang/ 'gog pa la chos shes pa'i bzod pa dang/ 'gog pa la rjes su shes pa'i bzod pa dang/ 'gog lam la chos shes pa'i bzod pa dang/ lam la rjes su shes pa'i bzod pa'o/ /mtshungs par ldan pa rnams bshad zin to/ /sems dang ldan pa ma yin pa bshad par bya ste/ de la thob pa gang zhe na/ rnyed pa dang ldan pa gnyis te/ ma thob pa dang/ rnam par nyams pa las so sor rnyed pa dang/ thob nas kun tu ldan pa'o/ /de yang rnam pa gsum du 'gyur te/ grib ma ltar rjes su 'brang ba dang/ /byu mchog ltar rjes su 'brang ba dang/ be'u ltar rjes su 'brang ba'o/ /de la dang por ni 'di lta ste lung du ma bstan pa'i lta ba'o/ /gnyis pa ni 'di lta ste gong ma nas/ shi 'phos nas 'dod pa'i khams su skye ba'i nyid mtshams sbyor ba'i dus kyi dge/

  586. 293b

    ba dang mi dge ba'i las kyi lta bu'o/ /gsum pa ni 'di lta ste lhan cig skyes pa ma yin pa thob pa dang/ bsam pa dang/ bsgoms pa las byung ba'i lta bu'o/ /ma thob pa ni de las bzlog pa'o/ /thob pa dang ma thob pa 'di dag ni rang gi rgyud du gtogs pa rnams dang/ so sor brtags pa'i 'gog pa dang/ sor sor brtags pa ma yin pa'i 'gog pa yin no/ /'du shes med pa'i snyoms par 'jug pa gang zhe na/ dge rgyas kyi 'dod chags dang bral ba gong ma'i ma yin pa nges par 'byung ba'i 'du shes sngon du btang ba'i yid la byed pas sems dang sems las byung ba'i chos 'gog pa gang yin pa'o/ /'gog pa'i snyoms par 'jug pa gang zhe na/ ci yang med pa'i skye mched las 'dod chags dang bral ba gnas pa'i 'du shes sngon du btang ba'i yid la byed pas sems dang sems las byung ba'i chos 'gog pa gang yin pa'o/ /'du shes med pa gang zhe na/ 'du shes med pa'i sems can lha rnams kyi nang du skyes pa'i sems dang sems las byung ba'i chos rnams 'gog pa gang yin pa'o/ /srog gi dbang po gang zhe na/ khams gsum pa'i tshe'o/ /skal pa mnyam pa gang zhe na/ sems can rnams mtshungs pa'o/ /de ni sems can rnams kyi 'dra ba ste/ sems can rnams la gcig tu 'dod pa'i rgyu'o/ /gnas so sor thob pa gang zhe na/ yul so sor thob pa'o/ /dngos po so sor thob pa gang zhe na/ phung po so sor thob pa'o/ /skye mched so sor thob pa gang zhe na/ nad dang phyi'i bdag nyid can gyi skye mched so sor rnyed pa'o/ /skye ba gang zhe na/ phung po mngon par 'grub pa'o/ /rgab gang zhe na/ phung po yongs su smin pa'o/ /gnas pa gang zhe na/ skyes pa'i chos rnams rnam par mi nyams pa'o/ /mi rtag pa gang zhe na/ 'dus byas skyes pa rnams rnam par 'jig pa'o/ /ming gi tshigs gang zhe na/ ming 'dogs pa nyid ni mi ngo

  587. 294a

    tshig gi tshogs gang zhe na/ don dag gi yi ge yongs su rdzogs pa'o/ /yi ge'i tshegs gang zhe na/ yi ge rnams nyid yi ge'i tshogs zhes brjod do/ /rkyen ma tshogs pa gang zhe na/ rgyu dang rkyen ma tshangs ba'o/ /rkyen tshogs pa gang zhe na/ rgyu dang rkyen rnams mtshang ba nyid med do/ /sems dang mi ldan pa rnams bshad zin to/ /rnam par shes pa gang zha na/ 'di ltar don yongs su 'dzin pa dang/ /don yongs su gcod pa dang/ don rnam par shes pa dang/ don kun tu rtogs pa ste/ ji ltar nor bu nye bar gyur pa'i tshon gyi rnam pa rten par 'gyur ba de bzhin du rnam par shes pa yang yul gyi rnam pa yongs su gcod pa ste/ yul nye ba'i rnam par byung bas yul nye bar gcod pa yin gyi/ yul gyi rnam pa tsam nyid ni rnam par shes pa ma yin te/ yul de yang rnam par shes pa yin par thal bar 'gyur ba'i phyir ro/ /rnam par shes pa las don gyi rnam pa gzhan pa yang ma yin te/ rnam par shes pa don gyi rnam pa stong par thal bar 'gyur ba'i phyir ro/ / de ltar na rnam par shes pa la yod pa'i rnam pas phyi rol gyi don du rnam par bzhag la/ phyi rol gyi don gyi rnam par shes par bzhag ste/ 'di ltar phan tshun bltos nas rnam par shes pa dang rnam par shes par bya bar 'grub bo/ /yang rnam par shes pa de dbye na rnam par shes pa'i tshogs drug ste/ mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa zhes bya'o/ /mig gi rnam par shes pa gang zhe na/ mig gi dbang po la brten nas gzugs so sor rnam par rig pa'o/ /rna ba'i rnam par shes pa gang zhe na/ rna ba'i dbang po la brten nas sgra so sor rnam par rig pa'o/ /sna'i rnam par shes pa gang zhe na/

  588. 294b

    sna'i dbang po la brten nas dri so sor rnam par rig pa'o/ /lce'i rnam par shes pa gang zhe na/ lce'i dbang po la brten nas ro so sor rnam par rig pa'o/ /lus kyi rnam par shes pa gang zhe na/ lus kyi dbang po la brten nas reg bya so sor rnam par rig pa'o/ /yid kyi rnam par shes pa gang zhe na/ yid kyi dbang po la brten nas chos so sor rnam par rig pa'o/ /phung po lnga ni bshad zin to/ /skye mched bcu gnyis brjod par bya ste/ de la khams bcu dang/ skye mched bcu ni bshad zin to/ /yid kyi skye mched dang/ chos kyi skye mched bshad par bya ste/ rnam par shes pa'i tshogs de dag gi nang nas rnam par shes pa gang dang gang 'gags ma thag pa de dang de ni 'dra ba'i 'bras bu rnam par shes pa phyi ma phyi ma mngon par 'grub pa'i rten gyi ngo bor gnas pas yid ces brjod do/ /tshor ba'i phung po dang/ 'du shes kyi phung po dang/ rnam par rig byed ma yin pa dang/ nam mkha' dang/ so sor brtags pa'i 'gog pa dang/ so sor brtags pa ma yin pa'i 'gog pa dang/ bdun po 'di dag ni chos kyi skye mched ces brjod do/ /de la tshor ba la sogs pa gsum dang/ rnam par rig byed ma yin pa ni bshad zin to/ /'dus ma byas gsum bshad par bya ste/ de la nam mkha' gang zhe na/ gang gzugs rnams kyi go 'byed cing gzugs med pa ni nam mkha' o/ /so sor ma brtags pa'i 'gog pa gang zhe na/ gang 'gog pa la 'bral ba ma yin pa'o/ /so sor brtags pa'i 'gog pa gang zhe na/ gang 'gog pa de ni 'bral ba'o/ /skye mched bcu gnyis ni bshad zin to/ /mig la sogs pa'i skye mched de dag nyid rten la sogs pa'i bye brag gis dbye na khams bco brgyad du 'gyur te/ rten drug dang/ dmigs pa drug dang/ rnam par shes pa dug gi dbye bas so/ /phung po dang skye mched dang/ khams rnams kyi mdor bsdus pa ni

  589. 295a

    bshad zin to/ /rgyas par dbye ba ni chos mngon pa dang bsres/ pa las shes par bya'o/ /phung po lnga yi yang dag don/ /mdor bsdus rab ba shad bstan bcos 'di/ /'bang pa med pa'i 'jig rten 'di'i/ /don du zla ba'i gregs pas byas/ /phung po lnga pa zhes bya ba'i rab tu byed pa slob dpon zla ba grags pas mdzad pa rdzogs so// //dpal lha btsun pa bo d+hi rA dza'i bka' lung dang/ dge 'dun gyi bka' stsal gyis tshangs pa'i 'byung gnas gtsug lag khang du rgya gar gyi mkhan po 'di paM kar sh+rI dz+nyA na dang/ zhu chen gyi lo tsA ba dge slo tshul khrims rgyal bas phag gi lo la bsgyur cing zhus te gtan la phab pa'o// //stong nyid bdun cu pa'i rgya cher 'grel pa slo dpon zla ba grags pas mdzad pa bzhugs/ /rgya gar skad du/ shU n+ya tA sa bta ti TI ka brit+ti/ bod skad du/ stong nyid bdun cu pa'i 'grel pa/ sangs rgyas la phyag 'tshal lo/ /mdor bsdus de nyid nges pa'i phyir/ /stong nyid bdun cu gsung ba gang/ /de la phyag 'tshal bdun cu pa/ /bstan don bdag gis yang dag dbye/ 'dir slob dpon bdag nyid kyis zab pa dang shin tu rgya che ba'i dngos po rnams kyi don rnam par nges pa'i dbu ma'i pa stan bcos rnams brtsams pa yod mod kyi/ gzhung dang don dag shin tu mang pa'i phyir dang/ shes rab chung ba rnams bya bar nges pa 'di la kun nas chags pa dang ldan pa stong pa nyid bstan pa'i snod du gyur kyang/ de thos pa dang/ 'dzin pa dang/ nye bar sems pas 'jig pa rnams la/ slob dpon gyi thugs kyi rgyud shes rab dang thabs dang brtse ba'i rjes su zhugs pa'i phyir tshigs su bcad pa bdun cus kyang khyad du 'phags pa'i don grub par gzigs nas/ mdor bsdus pas de kho na nyid nges pa'i don du stong pa nyid bdun

  590. 295b

    cu ba zhes bya ba 'di brtsams so/ /de yang mdor bsdus pas de kho na nyid des pa 'di ni shin tu don chen po yang gnas pa dang skye ba la sogs pa'i sgo nas 'jig rten pas bde blag tu shes par 'gyur ro/ /gang zhig thog ma med pa nas lag pa'i lta ba la goms pa'i byis pa log par rtog pa'i dngos po'i rang gi mtshan nyid kyis gnas pa'i mtshan nyad la gnas pa la chaT pa'i rten la dngos por nye bar brtags la/ de'i dbang las byung ba'i 'dod chags la sogs pa'i nyon mongs pa'i dbang phyug gzhan la rag las nas 'jug pa dag las mi byed par gnas pa ni skad cig kyang mi rnyed la/ gal te yang las mi byed par 'gyur grang na/ 'di ltar las can rnams kyi las de'i rgyu las byung ba'i 'bras bu med par 'gyur ba'i phyir des par skye ba ldog par 'gyur na/ gang zhig dar drag cing rgyun ring ba'i mchog tu 'dzin pa dang/ 'khon du 'dzin pa dang 'dod chags la sogs pa nyon mongs pa'i dbang phyug gis byin gyis brlabs pa'i skye bo rnams las mi byad par 'gyur zhing/ las kyi 'bras bu yang srid 'byung bar mi 'gyur ba 'di lta bu yod pa yang mi srid de/ /de'i phyir gnas pa la sogs pa la mngon par zhen pa ni byis pa rnams kyi don ma yin pa thams cad kyi rgyu'i gtso bo'o/ /gnas pa 'di yang rten cing 'brel par 'byung ba'i chos nyid dang rjes su 'bral pa dang ldan pas des bar skye ba dang 'jig pa la bltos la/ skye ba dang 'jig pa dang mi ldan pa'i nam mkha' la sogs pa ni gnas pa ma yin pa'i phyir ro zhes bya'o/ /de na gnas pa'i sgo nas 'dus byas rnams 'chad par 'gyur ba'i mtshan nyid dang mtshan bzhi la sogs pa la dpyad pa stong pa nyid la mos pa rnams kyi yid 'gu pa'i phyir brjod do/ /gzhan yang gnas pa la sogs pa'i don 'di rnams 'dus byas kyi mtshan nyid nye bar bstan bzhin pa 'am bzung bzhin pa dag mtshan gzhi la bltos pa kho

  591. 296a

    nas gnas la mtshan bzhi de yang mtshan 'di med na mtshan nyid la bltos pas mtshan gzhi med pa'i phyir ro/ /de bzhin du phan tshun brten pas bsdus pa'i bdag nyid kyi dngos po mtshan gzhi dang mtshan nyid dag mtshan nyid la ma bltos par mtshan gzhir gyur ba gang du gnas pa la sogs pa'i mtshan nyid can gyi rten 'grub par ga la 'gyur/ /gnas pa la sogs pa ma grub pas rnam par shes pa la sogs pa yod pa ma yin la/ rnam par shes pa la sogs ba'i dngos po med na de la bltos nas de las log pa'i dngos po med pa'i rang bzhin ga la yod/ /dngos po med par gyur pa la ci rnam par shes pa'i dmigs pa yod dam/ dmigs pas bskyed pa'i rnam par shes pa dmigs pa med par skye bar nus pa ma yin no/ /rnam par shes pa skye ba med na 'dod chags la sogs pa rten med pas na med la/ phyin ci log rtsad nas phyung nas yod pa ma yin pas las skyed pa'i rgyu ma yin no/ /las med na de'i 'bras bu ma 'ongs pa'i skye ba mi 'byung ba dang/ sngar skyes pa'i nye bar len pa zad pas nyer lan med de/ des par gnas pa la sogs pa la dpyod pa rnams mya ngan las 'das pa'i snod du 'gyur ro/ /ji skad du 'phags pa lhas/ /gang gis rnam shes de nyid dang/ gnas pa la sogs rnam shes pa /de tshe blo ldan nyon mongs la/ /nam yang gnas pa ma yin no/ /zhes gsungs so/ /gal te de ltar gnas pa la sogs pa med na/ de lta na gang zhig 'di ltar phyin ci log gi ma rig pa ma lus pa dang bral bas mngon par rtogs pa'i sangs rgyas kyis gsungs pa/ dge slong dag 'dus byas ni skye bar yang rab tu shes so/ /'gag par yang rab tu shes so/ /gnas pa las gzhan du 'gyur bar yang rab tu shes so zhes so/ /de ji ltar de bzhin

  592. 296b

    gshegs pa'i gsung don med par 'gyur ba ni rigs pa ma yin no/ /'di dag bcom ldan 'das kyis gsungs pa ni bden la/ 'di dag don med par 'gyur par rig pa ma yin te/ rgyu mtshan ci yis na gang gi phyir/ gnas pa 'am skye 'jig yod med dam/ / dman pa 'am mnyam pa 'am khyad par can/ /sangs rgyas 'jig rten snyad dbang gis/ /gsung gi yang dag dbang gis min/ /'dir dngos po rnams phyin ci log dang phyin ci ma log pa'i shes pa'i dbang gis bden pa gnyis te/ kun rdzob kyi bden pa dang don dam pa'i bden pa zhes bya bar 'phags pas tha snyad mdzad la/ 'phags pa 'ba' zhig kho na bden pa gnyis rnam par 'jog par mdzad pa ma yin te/ 'jig rten pa 'jig rten gyi tha snyad la mkhas pa rnams kyang bden pa gnyis tha snyad kyi byed do/ /'di ltar bden ba'i don ni mi snang la sgro btags pa'i don rig par tha snyad byed pa la 'di ni kun rdzob ba'o zhes tha snyad byed do/ /gang du bden pa'i don mi snang ba ma yin la sgro ma btags pa'i don rig pa'i tha snyad la/ de la 'di ni don dam pa kho na'i zhes rnam par 'jog go/ re zhig gang la 'di kun rdzob ces tha snyad byed pa de la mi bden pa'i don 'jig rten bas khong du chung ba nyid kyis de'i yul la bsam pa gtang bar mi bya'o/ /gang yang 'jig rten gyi tha snyad la bden par 'dod pa de yang 'phags pa rnams 'jig rten kun rdzob gyi bden par bzhed de/ med ba'i don la tha snyad 'dogs pa ltar don med pa nyid du brjod do/ /de yang brdzun pa nyid du rtogs par byed pa/ 'phags pa nyid kyis 'chad par 'gyur ba'i 'jig rten pa la rab tu grags pa'i rigs pa nyid kyi nye bar ston par mdzad de/ de ni rab tu grags pa'i dpes ma grags pa'i don rtogs pa'i phyir ro/ /de ni 'dir 'jig rten gyi tha snyad la rnam par dpyad na/ yang dag pa'i don ma grub pa'i phyir 'phags pas 'jig

  593. 297a

    rten gyi tha snyad la kun rdzob ces gsungs so/ /kun rdzob kyi sgra ni 'jig rten pa'i tha snyad kyi rnam grangs ma yin te/ kun rdzob dang don dam pa'i dbye bas de ni rnam pa gnyis su gnas pa'i phyir dang tha snyad kyi phyogs gcig la kun rdzob kyi sgras brjod pa'i phyir ro/ /rig pa'i stobs kyi 'di'i don ni gang zhig 'jig rten gyi tha snyad la kun rdzob kyi sgras brjod la/ de ni 'di ltar gang 'jig rten gyi tha snyad 'di ni 'jig rten kun rdzob ste/ de ni de kho na nyid ma yin no zhes 'phags ba kho na gsung bar rigs la/ tha snyad dang kun rdzob kyi sgra dag kyang rnam grangs nyid de/ de la skyon med de/ /de skad du mdo las/ kun rdzob kyi bden pa gang zhe na/ ji srid du 'jig rten kyi tha snyad yi ge dang skad kyis ston pa'o zhes so/ /yang na ci zhig la 'dir 'jig rten gyi tha snyad ches bya zhe na/ de la re zhig bud med la brten nas me bzhin du phung po la brten nas btags pa'i gang zag la 'jig rten ces brjod do/ /de yang phyin ci log dang phyin ci ma log pa nyid kyi rnam pa gnyis so/ /de la dbang po nyams pa'i rab rib can la sogs pa phyin ci log yin la/ phyin ci ma log pa ni dbang po ma nyams par rab rib can la sogs pa las gzhan pa'o/ /'di nyid kho na yang 'dir 'jig rten pa'i sgras brjod kyi/ cig shos ni ma yin te/ 'jig rten/ pa kho na la rnam pa tshad ma ma yin pa'i phyir ro/ /'jig rten gyi tha snyad du gsungs pa yang gzhan gyi khong du chung par 'dod pa'i dngos po kun nas rtogs pa'i dngos po sna tshogs pa gzhan gyi rgyud la rtogs pa 'jug par byed pa la tha snyad ces brjod do/ /'jig rten pa'i tha snyad ni 'jig rten tha snyad de/ ji ltar 'jig rten pa rtogs par 'dod pa'i don phan tshun du rtogs par byed pa 'am/ shes pad 'dod pa'i don khong du chud pa'i/ /de bzhin du don de la ba rjod byed

  594. 297b

    kyis 'brel pa dang/ shes bya shes byed du rnam par 'jog par byed cing/ dus gzhan du yang tha snyad kyi gdams pa mi chad pa'i don du de la 'dir rjod byed dang brjod bya dang/ shes pa dang shes bya'i mchad nyid can gyi don phyin ci log tsam gyis nye bar bskyed pa'i bdag nyid kyi dngos po la tha snyad ces brjod kyi/ byed pa po'i tshogs pa gcig dang 'brel pa ni ma yin no/ /de nyid kyang 'jig rten pa bden par 'dod pa'i phyir 'jig rten pa'i tha snyad kyi bden pa zhes bya ste gcig go/ re zhig 'di dag 'jig pa phyin ci log gi shes pa'i dbang las bden pa la/ phyin ci ma log pa'i dbang las don dam pa'i bden pa rnam par bzhag go/ slar yang ci de phyin ci ma log pa'i shes pa yin/ gang du yang dag pa ma yin pas sgo 'dogs par mi byed pa'o/ /yang ci yang dag pa ma yin pa sgro 'dogs par mi byed pa yin/ de ni ji ltar gnas pa'i chos kyi rang bzhin la dmigs pa'o/ /slar yang ci 'di ni chos rnams kyi yang dag pa ji lta bar gnas ba'i rang bzhin yin/ ma byas pa'o/ /yang ci ma byas pa yin/ rgyu dang rkyen gyis ma bskyed pa'o/ / 'di ni brdar btags pa'i ming yin nam ci/ ma yin te/ 'jig rten pa yang ma byas ba nyid la rang bzhin ces brjod pa'i phyir ro/ /'di ltar 'jig rten pa 'ga' zhig tu bslu ba'i tha snyad dmigs pa na 'di'i tha snyad 'di ni byas bste/ rang bzhin ma yin pa'o zhes smra ba'o/ /de bzhin du sgyu ma'i skyes bu dmigs pa na skyes bu 'di ni byas pa'o zhes brjod de/ rang bzhin ma yin pa zhes bya'o/ /de bzhin du 'jig rten du rang bzhin zhes bya ba ma byas pa la rjod do/ /rten cing 'brel bar 'byung ba'i phyir byas pa nyid du yod pa'i gzugs dang tshor ba la sogs pa'i don kyang bslu bar so sor snang ba'o zhes bya ste/ gang zhig gzugs dang tshor ba la sogs pa 'di dag nye bar dmigs pa'i rang bzhin de ni byas pa ste/ byas pa'i phyir rang bzhin du mi 'gyur ro/ /de lta na yang byas pa'i

  595. 298a

    rang bzhin du zhog cig ce na/ de ni de ltar ma yin te/ dngos po byas pa ma yin ba med la gang zhig gi rang bzhin no zhes pa'i ming yin par 'gyur na/ ji ltar gnas pa'i rang bzhin du phyin ci ma log pa'i shes pas dmigs par 'gyur grang na/ de yang med la/ de med na yul med pas shes pa skye ba med do zhes bya ste/ ci'i phyir yang dag ba'i don du sgro 'dogs/ gang yang 'di ni bden pa yang dag pa'i don sgro ma btags pa ni kun rdzob kyi bden pa la bltos te/ 'jig rten gyi tha snyang la brten nas don dam pa'i bden pa zhes brjod la/ de yang mtshan ma med ba'i phyir brjod bya brjod byed dang shes bya shes byed kyi tha snyad med do/ /ji skad du mdo las/ don dam pa'i bden pa gang zhe na/ gang la sems kyi rgyu ba yang med ni yin rnams lta ci smos zhes so/ /de ltar bden ba gnyis rnam par bzhag pa la/ gal te don dam pa'i bden pa bstan pa'i dbang du byas nas gnas pa la sogs par brtags nas brjod na de'i tshe/ de bzhin gshegs pa'i gsung don med bar 'gyur bas mi rigs so zhes 'di brtsad pa rigs par 'gyur la/ gnas pa la sogs pas bstan pa'i yul ni 'di ma yin no/ /'on kyang 'jig rten gyi tha snyad du'o/ /de'i phyir sangs rgyas bcom ldan 'das 'jig rten gyi tha snyad gyis thus gnas pa la sogs ba nye bar bstan gyi/ gzhan gyi rkyen la mi bltos ba'i ye shes la bltos nas ma yin/ /de'i ye shes ni rang bzhin yul yin pa'i phyir na chos thams cad mya ngan las 'das pa dang khyad par med pas de gnas pa la sogs pa nye bar dmigs shing/ khe bo cag gnas pa la sogs pa 'gegs par byed pa la lung gis gnod pa go skabs ga la yod ces bya ste/ lung gi brtsad pa rigs pa ma yin la/ ji ltar gnas pa dang skye ba dang 'jig pa sel ba yang 'jig rten gyi tha snyad

  596. 298b

    kyi dbang gis brjod pa la lung gis gnod par mi nus so/ /de bzhin du yod pa dang med pa dang dam nab dang mnyam da?/ khyad par can sel ba la yang gnod par mi nus so/ /de la yod ces brjod pa ni/ gang yod pa 'di lta ste/ da ltar ba'i phung po dang/ /khams dang/ skye mched rnams sam 'dus byas rnams so/ /med pa zhes brjod pa ni gang med pa ste/ 'di ltar gang 'das ba dang/ ma 'ongs pa'i phung po dang/ khams dang/ skye mched rnams sam 'dus ma byas so/ /yang ji ltar na gnas pa la sogs pa bkag pa nyid kyis de rnams sel bar 'gyur/ /de skad du yang/ rtsa ba'i rab byed bdun bar/ skye dang gnas dang 'jig pa yi/ /'dus byas grub pa yod ma yin/ /'dus byas rab tu ma grub na/ /'dus ma byas de ji ltar 'dod/ /ces bya ste/ 'dus byas rnams ni dus gsum gyis rnam bar gnas la 'dus byas med na dus gsum ga la zhig/ de la da ltar ba'i dus med pas dngos po med la/ 'das pa dang ma 'ongs pa med pas dngos po med pa yang med do/ /de'i phyir dngos po 'di gnyis kyang gnas la sogs pa med bzhin du 'jig rten gyi tha snyad kyi dbang gis gsungs so/ /ji ltar dngos po dang dngos po med bdag gnas pa la sogs pa ma grub bsam grub la/ /de bzhin du man pa dang mnyam pa dang khyad par can rnams kyang ngo/ /de la dman ba ni khyad par can ma yin pa ste/ 'di lta ste nyon mongs pa'o/ /khyad par can ni dge ba ste/ 'di lta ste dge ba la sogs pa'o/ /mnyam pa ni bar ma ste lung ma bstan pa 'di lta ste/ mig la sogs pa rnams so zhes bya ba'o/ /'di dag ni nye bar bstan pa tsam ste/ 'di ltar khyad par thams cad 'dir gnas pa la sogs pa ma grub pas ma grub par khong du chud par bya ba tha snyad kyi dbang gis brjod pas lung gi gnod pa spang bar bya'o/ /dang gi sgra'i don la 'am gyi sgra'o/ /de yang ma smos pa rnams sdud pa'o zhes bya ste/ rnam

  597. 299a

    bar brtags pa thams cad dgag pa gnas pa la sogs pa dgag pa'i sgo nas gsungs pa la/ lung gis gnod pa 'jig rten gyi tha snyad kyi dbang gis gsungs pas spang bar byos shig/ slar yang 'di dag 'jig rten gyi tha snyad kyi dor 'jug bas ston par mdzad pa'i dgos pa ci zhe na/ 'di la dgos pa che ste/ 'jig rten pa'i tha snyad khas ma blangs na 'jig rten pa dang mi mthun pas rtag tu 'jig rten pa'i log rtog las bzlog par nus pa ma yin te/ kla klo bzhin no/ /kla klo 'phags pa'i skad mi shes pa la 'phags pa'i skad 'ga' zhig gis 'ga' zhig las bzlog par mi nus la/ kla klo'i skad dang rjes su mthun pas bde blag tu bzlog par 'gyur ro/ /yang na sangs rgyas bcom ldan 'das zhes bya ba ji ltar rtogs pa'i chos nyid la gnas par gyur na/ de'i tshe sangs rgyas pa de rnams la dgos pa med par 'gyur te/ chos nyid la gnas pa rnams gzhan gyi don mi mdzad pa'i phyir ro/ /chos nyid la gnas pa de rnams ni/ /brjod par bya ba ldog pas na/ sams kyi spyod yul ldog pa ste/ ma skyes pa dang ma 'gags pa'i/ /chos nyid mya ngan 'das dang mtshungs/ /lung las kyang gsungs pa/ /sangs rgyas 'ga' yang mi shes shing/ /yang na sangs rgyas chos nyid min/ /'jig rten rnam 'dren 'jig rten du/ / gal te 'jig rten rjes 'jug min/ zhes so/ /yang na rang gis rtogs pa'i chos nyid kho na sgro btags nas rjod byed dang brjod bya'i tha snyad la gnas te nyed bar ston bar ma gyur na/ de yang 'jig rten pa'i don bsgrub par mi nus la/ ji skad du lung gzhi bam po gya drug pa las/ de nas bcom ldan 'das sangs rgyas nas ring po ma lon pan 'di skad gsungs te/ bdag gis chos nyid zab mo zab mor snang ba mthod dka' ba rtogs dka' ba brtag dka' ba/ brtag pa'i sbyod yul ma yin pa da/ /

  598. 299b

    ba 'jings pa mkhas pa sgrin pos shes par bya ba khong du chung de/ de bdag gis gal te gzhan la bstan par gyur kyang gzhan gyis shes bar mi 'gyur gyi/ de'i tshe bdag ni nyams par 'gyur/ ngal bar 'gyur/ sems mi spro bar 'gyur/ /gang du bdag nyid gcig pu zhig/ dgon pa dben par mthong ba'i chos la bde bas gnas pa'i rnal 'byol dang ldan pas bde bar gnas par 'gyur ro/ /de nas mi mjed kyi bdag po tshangs pa tshangs pa'i 'jig rten na gnas pas 'di skad smras so/ /rkye ma 'jig rten 'di dag ni brlag go/ nga ni gang du nam zhig na 'ga' zhig du/ /de bzhin gshegs pa dag bcom pa yang dag par rdzogs pa'i sangs rgyas 'ga' zhig 'jig rten du 'byung ba ni 'di lta ste/ u dum pa ra'i me tog bzhin la/ de ni de sang na bcom ldan 'das chog shes pa la gnas pa la thuD spro bar 'gyur gyi/ /chos 'chad pa la ni ma yin pas bdag ni gang du bcom ldan 'das kyi thad du dong la gsol ba gdeb par bya'o/ /de nas mi mdze kyi bdag po tshangs pas 'di lta ste/ skyes bu stobs dang ldan pa'i lag ba bskum pa las brkyang pa 'am brkyang pa las bskum pa bzhin mi mjed kyi bdag po tshangs pa'i 'jig rten du mi snang bar gyur nas/ bcom ldan 'das kyi mdun du 'khod bar gyur to/ /de nas mi mjed kyi bdag po tshangs pas de'i tshan tshigs su bcad pa 'di dag smras so/ /ma ga d+har ni sngon chad ma byung chos/ /brjod bral dri mar bcas pa rjes su rigs/ /nyon mongs med cing rdul dang bral ba'i chos /bdud rtsi'i sge mo gsal bang mdzad du gsol/ /de nas bcom ldan 'das kyis de'i tshe tshigs su bcad pa 'di dag bka' stsal te/ /tshangs pa bdag gis tshegs chen pos/ /srid ba'i 'dod chags yongs bsra pas shing/ tha ba bcom bas rtogs pa yi/ /cho

  599. 300a

    'di 'di rtogs par sla ma yin/ /rgyun las bzlog pa lta bu'i lam/ /zab? mo shin tu mthong bar dka' / /'dod chags kyis chags mun pa yi/ /phung pos bsgribs pas mthong pa min/ zhes gsungs so/ de'i phyir na des par 'di rnam kyis ji ltar gnas pa'i 'jig rten gyi tha snyad ni 'jig rten pa'i don byed pa'i thabs kyi phyir thog ma nyid du khas blang bar bya ste/ 'jig rted pas rtogs pa'i thabs su gyur pa 'jig rten gyi tha snyad khas ma blangs par 'jig rten pas rtogs par byed ba nus pa ma yin no yang ji ltar sangs rgyas bcom ldan 'das rang nyid kyes dngos por gyur pa cung zad ma dmigs kyang 'jig rten gyi tha snyad kyi rjes su mthun pa 'ba' zhig gis nye bar ston par mdzad ce na/ 'di ni rab tu grags pa'i dpe gcig tsam slob dpon gyi brjod par 'dod pa'i don bsgrub pa'i phyir nye bar bsdu bar bya'o/ /dang 'dzin pa med pa'i bde bar gshegs pas 'jig rten pa'i dor 'jug tu nga dang da'i zhes pas skad gzhan ji lta ba de ltar gsung ste/ de la nga'o zhes pas bdag tu mngon par zhe na pa ni dar 'dzin pa'o/ /bdag gi lo de'o zhes mngon par zhen pa ni nga yir 'dzin pa'o/ /de dang nga yid 'dzin pa 'di gnyis kyang 'jig tshogs la lta ba'i yan lag ste/ de las bdag dang bdag gir 'jug pa'i phyir ro/ /de la 'jig tshogs su lta ba 'di ni sangs rgyas bcom ldan 'das kyis rab tu spangs pa'i phyir/ spangs pas na bde bar gshegs pa la par 'dzin pa dang nga yir 'jin pa med pa'i phyir/ /de la bsod nams kyi tshogs kyi stobs kyis mngon par 'dod pa'i 'bras bu phun sum tshogs pa nye bar langs sbyong par dgongs pa'i dus su nye bar btung pa gang zhig la nye bar longs spyod pa dang ldan zhing/ ye shes kyi tshogs kyi stobs kyis nyes pa ma lus pa dang phral zhing/ yon tan dang ldan pa'i lam gyis thos pa mdza' yas pa'i sems can la phan 'dogs pa'i phyir

  600. 300b

    mdzes par gshegs pas na bde bar gshegs pa 'am/ sangs rgyas ni chos thams cad la sgrib pa med par rnam pa thams cad pa'i ye shes kyis yang dag par rtogs pa'i phyir mdzes par gshegs pas bde bar gshegs pa'o/ /phyir mi ldog pa'i phyir mthar thug par gshegs pas te rims nad legs par byang ba bzhin nam/ thog ma dang bar dang tha mar gcig tu dge ba'i chos ston pa la mdzos par gshegs pa'i phyir bde bar gshegs pa'o/ /des pa'i tshig gi tshul gyis bde par gshegs pa ngar 'dzin pa dang nga yir 'dzin pa shin tu spangs pas gnas kyang nga dang nga'i zhes gsungs te/ ji skad du lung las dge slong dag nga'i lha'i mig rnam par dag pa mi las 'as pas mthong ngo zhes bya ba la sogs pa bcom ldan 'das kyis gsungs pa dang/ de bzhin gshegs bas dge slong dag nga ni gcig pu zhig dben pan gnas pan ces pas 'dir nga yi ba gsungs so/ /bdag nyid lang dang nga yir 'jin pa med kyang nga dang nga yi zhas pa gsungs pas 'jig rten pas rtogs pa'i thabs su 'gyur ba'i phyir 'jig rten pa la bltos nas dang nga yi zhes gsungs la/ 'di ltar gtsug na nor bu'i rtogs pa brjod pa la sogs par bya dga' ba brgya phrag gsungs pa de gang zhig de'i tshe long ba chen por gyur pa dang gang du 'di ltar bya dka' ba brgya phrag gsungs she na/ de dag go par 'dod pa'i 'jig rten pa la gal te nga nyid de'i tshen zhes ma gsungs na 'jig rten bas ? 'dod ba'i dod mi rtag par 'gyur li de bzhin gshegs pa'i sbyod pa la do mched bar yang mi 'gyur ro/ /de bzhin du nga yin 'dzin pa la yang sbyad par bya'o/ /gang yang 'di ltar nga dang nga yir 'dzin pa med kyang 'jig rten pa'i ngor 'jug tu nga dang nga yig gsur ba na nga dang nga yir 'dzin pa yod pa lta bur mtshon no/ /de bzhin du dngos por gyur pa gzhan gsung ba na yang

  601. 301a

    dngos po de'i rang bzhin lta bur mtshon par khas blang bar bya'o/ /de'i phyir sangs rgyas bcom ldan 'das rnams kyis gsungs pas dngos po yod pa ma yin pa nyid de 'jig rten gyi tha snyad kyi rjes su 'jug pas gsungs pa'i zhes shes par bya'o/ /nga dang nga yir 'dzin pa bzhin brjod byas stong pa'i phyir na/ brjod bya med par rab tu byed pa rdzogs kyi bar gyis ston par 'gyur ro/ /de'i phyir gnas pa la sogs pa 'di dag gi rjod byed ni brjod bya med pa ste/ tha snyad kyi dbang gis brjod pa 'ba' zhig tu grub kyi don dam pa'i dbang gis ni ma yin no zhes bya'o/ /gal te gsungs pa thams cad dngos po med pa tshig tsam kho na yin na/ gang du bcom ldan 'das kyis 'di skad du/ bdag nyid la ni bdag nyid mgon/ /rjes su mgon byed gzhan su zhig/ bdag nyid legs par dul gyur na/ /mkhas pas mtho ris thob par 'gyur/ zhes gsungs pa de la bdag la soD pa yod pa min na mgon la sogs pa ji ltar reg par 'gyur/ de'i phyir bdag yed de zhe na/ gal te yang khyod ni nga nyid kyis yongs su spangs nas rtsod pa'i skabs tshol bar byed la de lta na yang smras pa/ bdag min bdag med min bdag dang/ /bdag med min pas rjod 'ga' ang med/ /brjod bya mya ngan 'das dang mtshungs/ /dngos po kun gyi rang bzhin stong/ de la bdag med pa nyid do zhes bya ba ni tshig gi lhag ma'o/ /'dir bsgom pa las byung ba'i ngar rlom sems pa ni bdag ces bya'o/ /de nyid sred pa'i dngos por gyur pas srid pa'am snying stobs kyi phyir sems can no/ /srog gi dbang po dang 'brel pas 'tshe bas na srog go /las dang nyon mongs pas skye ba gzhan du skye bar byed pas skye ba po'o/ /yid gtso bor gyur pa las skyes pas shed las skyes so/ /yid shas che bar gyur pa'i phyir shed can no/ /dge ba dang mi

  602. 301b

    dge ba dang lung du ma bstan pa'i las byed du 'jug pa'i phyir byed pa po'o/ /de'i 'bras bu myong bar byed pa'i phyir rigs pa po'o/ /yul yongs su gcod pa'i phyir shes pa po'o/ /dpyod par byed pa'i phyir mthong ba po'o zhe bya ba la sogs pa rnams de'i ming gi khyed par/ bdag de yang rtsa ba'i rab byed bcu par re zhig shing la me men zhing/ /shing las gzhan du me ma yin/ /me ni shing dang ldan min la/ /me la shing med der de med/ /me dang bud shing bshad pa yis/ /bdag dang nyer len rim pa bzhin/ /zhes pa'i tshig gis nye bar len pa las de nyid dang gzhan pa rnam pa lngas dpyad na mi srid pas bdag med do zhes bya'o/ /yang na 'dir phyogs snga ma gzhan te/ gal te yang sangs rgyas rnams ngar 'dzin pa dang/ nga yir 'dzin pa spangs pa'i phyir/ nga dang nga yir 'dzin pa'i gsung dngos po med la/ ngar 'dzin pa dang nga yir 'dzin pa ma spangs pa'i 'jig rten pa'i nga dang nga yir 'dzin pa'i brjod pa don dang bcas par 'gyur ro zhe na/ smras pa/ 'jig rten pa'i nga dang nga yir 'dzin pa'i tshig don dang bcas pa ma yin te/ ci'i phyir zhe na/ gang gi phyir bdag min ces bdag dgag pa sngar bzhin no/ /bdag ma grub pas kyang 'jig rten gyi nga dang nga yir 'dzin pa'i rjod byed kyang brjod byas stongs pa'o/ /'dir smras pa/ gal te bdag med na yang de lta na yang ngar 'dzin pa sems las byung ba'i chos rang rig par yod pas de'i rjod byed tshig tsam ma yin no zhes/ slar yang ngar 'dzin pa de'i dmigs pa ci zhe na/ bdag go/ gal te da lta na bdag med na dmigs pa las gzhan du ngar 'dzin ji ltar 'byung bar 'gyur/ dmigs pa med par sems dang sems las byung ba skye ba ni med do/ /bcig ni phyi rol gyi dmigs pa la bltos pa med par sems dang sems las byung ba skye ste/ dper na rmi lam la sogs pa'o zhe na/ dpe 'di ni gnyi ga lam grub pas rnam par rig par smra ba'i 'dod pa'i don

  603. 302a

    grub par byed pa ma yin no/ /khyod la yang dpe med pas 'dod pa'i don mi grub bo zhen/ slar yang kho bo'i 'dod pa ci zhe na/ rnam par shes pa phyi rol la dmigs par byed pa nyid do/ /slar yang de ji ltar ma grub ce na/ kho bos sun phyung ba'i phyir ro/ / gal te khyod kyis skyon brjod pa nus pa dang ldan par gyur na/ de ltar 'gyur la rag na gnyi ga la grags pa'i dpe brjod pa med pas nus pa med do/ /khyod la yang kho bo la bltos nas gnyi ga la grub pa'i dpe nas pa med pas 'dod pa'i don mi grub po/ /slar yang ci kho bo'i 'dod pa rnams par shes pa phyi rol la dmigs pa yin la/ rnam par shes pa nyid kho bo mi 'dod na/ ci'i phyir phyi rol la dmigs par byed pa po nyid kho bo'i 'dod pa yin/ 'jig rten pa'i tha snyad kho bos khas blangs la de'i yul dang rnam par shes pa yang 'jig rten pas shes kyi kho bos ni ma yin no/ /khyod kyis kyang kho bo cag dang 'brel ba'i 'jig rten pa'i don 'di sel bar mi nus so/ /de la ci 'jig rten pa la sems dang sems las byung ba dmigs pa dang bcas pa ma grub pas/ de las dmigs pas skyed pa'i sems dang sems las byung ba dmigs pa med na de med pas bdag med na ngar 'dzin pa med par grub bo/ /kho bos de ltar khas ma blangs so zhe na/ slar yang ci dngos po 'di dag 'jig rten pa la ma grub pas gang zhig khyod kyang khas mi lan nam /'di dag ni 'jig rten pa la grub la/ 'on kyang 'jig rten rmongs pas phyin ci log ji lta ba de lta bar 'jug par 'gyur ro/ /zhes kho bo smra'o/ /de'i phyir 'jig rten pa'i 'di dag kyang kho bo khas mi len no zhe na/ smras pa/ 'dir don rtogs pa po rnams kyi don rtogs pa 'jig rten pa las sam bstan bcos las 'gyur grang/ de la re zhig 'jig rten pa khyod le tshad ma ma yin la/ bstan bcos la khas blangs pa'i don kyang gzhan la bsgrub par nus pa med la/ de'i phyir khyod dang

  604. 302b

    mtshungs pa'i skye bo'i sgra'i rjes su khyod 'jug par rigs kyi mkhas pa ni ma yin no/ /mkhas pa ni 'thad pa dang bcas pa'i bstan bcos kyi tshad ma brjod pas sam/ 'jig rten pa las so/ /'thad pa med par tshig tsam gyi bstan bcos tshad mar byed na bstan bcos thams cad tshad mar 'gyur ro/ /de'i phyir phyi rol gyi dmigs pa la mi bltos pa'i sems dang sems las byung ba ni med do/ / rigs pas dpyad na phyi rol gyi dmigs pa mi srid la/ de'i phyir phyi rol gyi don la mi bltos par sems dang sems las byung ba kho na khas blang bar bya'o zhe na/ ji ltar khyod kyi dpyad pas phyi rol gyi dmigs pa mi srid la/ de bzhin du kho bos dpyad na sems dang sems las byung ba mi srid pa'i phyir/ /phyi rol gyi dmigs pa bzhin du sems dang sems las byung ba yod pa nyid rnam pa thams cad du btang bar byos shig /slar yang gzhan zhig gis smras pa/ rnam par shes pa thams cad dmigs pa dang bcas pa ma yin la/ gal te yang rnam par shes pa thams cad dmigs pa dang bcas par 'gyur na mo gsham gyi bu la dmigs pa'i rnam par shes pa mi 'byung ste/ dmigs pa med pa'i phyir ro/ /'o na mo bsham gyi bu zhes pa'i ming 'di nyid 'di'i rnam par shes pa'i dmigs par yod pa ma yin nam/ de ci 'di'i dmigs pa med do zhes smra 'di ni yod pa ma yin te mo gsham gyi bu'i sgra thos pa na gal te 'di'i ming nyid mo gsham gyi bu la dmigs pa'i rnam par shes pa'i dmigs par 'gyur na/ de'i tshe mo bsham gyi bu mo de zhes pa na de nyid kyi ming yang med par 'gyur na/ de lta bu ni ma yin no/ /de'i phyir 'di'i ming nyid la dmigs pas

  605. 303a

    ma yin no/ /des par rnam par shes pa 'di'i dmigs pa ci zhig/ rnam par shes pa 'di ni dngos po med pa la dmigs pa'o/ /mo gsham gyi bu ni dngos po med pa ste/ de la dmigs pa'i rnam par shes pa 'di ni dngos po med pa la dmigs par 'gyur ro/ /slar khyod kyi dmigs pa'i don ci zhig yin/ smras pa rnam par shes pa la rang gi rnam pa gtod pa'i don ni dmigs pa'i don to zhe na/ gal te de ltar na mo gsham gyi bu mo gsham gyi bu la dmigs pa'i rnam par shes pa la rnam pa gtod dam ci/ gal te gtod na de'i tshe dngos po med pa'i rnam pa dang rjes su 'brel pa'i rnam par shes pa dngos po'i rang bzhin du mi 'thad pas de 'di dag ni 'gal la/ 'gal ba'i dngos po dang dngos po med pa dag dus gcig la gcig tu med pa'i phyir ro/ /dngos po dang dngos po med par 'gyur na yang/ rnam par shes pa gnyis su ji ltar mi 'gyur/ de dag mun pa dang snang ba dag cig pa med pa bzhin no/ /sngon po'i rnam par rtogs pa'i rnam par shes pa'i dmigs pa sngon po yin pa lta/ dngos po med pa rtogs pa'i rnam par shes pa'i dmigs pa dngos po med pa rigs so/ /de lta na dngos po med pa dang rnam pa dag 'gal bas 'di ni mo gsham gyi bu bzhin dngos po nyid du mi 'gyur te/ sngon pa'i rnam pa'i rnam par shes pa sngon po'i rnam par 'gal ba'i dkar po bzhin no/ /dmigs pa dang rnam pas dben pa'i rnam par shes pa med na gang zhig ngo bo tha dad pa'i rnam par 'jog par byed cings par dmigs pa'i rnam pa tsam zhig kho na rnam par shes pa'am/ gal te de ltar gyur na de'i tshe dmigs pa nyid rnam shes par 'gyur ro/ /de ni dmigs pa kho na rnam par shes pa ma yin la/ /no

  606. 303b

    kyang dmigs pa'i rnam pa yongs su gcod pa'i rang bzhin no/ /de nyid kyis na rnam par shes pa dang dmigs pa dag rnam pa mtshungs mod kyi/ /dmigs pa ni rnam par shes pa ma yin te/ yongs su bcad par bya ba'i rang bzhin yin pa dang/ yongs su gcod pa po ma yin pa'i phyir/ /dmigs par byed pa po yang dmigs pa ma yin te/ yongs su bcad par bya ba'i rang bzhin ma yin pa'i phyir dang/ yongs su gcod pa'i rang bzhin gyi phyir ro/ /de'i phyir dmigs pa'i rnam pa tsam ni rnam par shes pa ma yin no/ /grigs pa'i rnam pa las tha dang pa yang ma yin te/ gang gi phyir dmigs pa'i rnam pa las tha dad pa'i rnam par shes pa'i ngo bo med do/ /de'i phyir dngos po med pa rjes su byed pas bskyed pa'i rnam par shes pa ni dngos po med pa dang rnam pa dag 'gal bas dngos po las log nas rnam par shes pa dngos po med par 'gyur ro/ /rnam par shes pa dngos po med na yang mo gsham gyi bu ni dngos po med pa'o zhes ji ltar brjod/ /gzhan yang rnam par shes pa 'di ni skye ba las sngon rol du ci'i ngo bo yang ma yin la/ de yang yul gyi rnam pa ma gzung bas skye ba thob par mi byed do/ /de'i tshe ci'i ngo bo yang ma yin pa 'dis yul la 'dzin pas skye ba bsgrub par byos shig/ dngos po med pa la dmigs pas dngos po med pa'i rnam pa thob pa ni skye ba dang shin tu 'gal ba'i gnas skabs thob par 'gyur la/ ma skyes pas dngos po med pa la 'dzin par rtog pa yang rig pa ma yin no/ /yang na nges pa 'dis dngos po med pa la dmigs pa nyid du rtog par byed na/ de'i skye ba las snga rol gyi gnas skabs nyid la brtag par bya na/ ma skyes pa'i gnas skabs su dngos po med pa dang rnam pa 'gal ba'i phyir ro/ /yang na gnas skabs de na dmigs pa la 'dzin par byed pa ngo bo nyid med pa'i phyir dngos po med pa la dmigs pa po

  607. 304a

    nyid ni mi 'dod la/ smos pa'i skyon yod pa'i phyir na gnas skabs gzhan yang thob pa ma yin no/ /gal te yang mo gsham gyi bu la dmigs pa'i rnam par shes pas dngos po med pa la dmigs par 'gyur na/ de lta na sngon po'i sgra la ma bltos par sngon po'i rnam pa'i rnam par shes pa bzhin mo gsham gyi bu'i sgra la ma bltos par don rtogs la rag na rtogs pa ni med do/ /rgyu mtshan gyi sgo can gyi rnam par shes pa de ni rgyu mtshan med par 'jug par mi nus so/ /gal te rgyu mtshan las gzhan du yang rnam par shes pa 'jug na/ phung po lhag ma med pa'i mya ngan las 'das pa la yang 'jug par 'gyur ro/ /skye ba log pas mi 'jug go zhe na/ mtshan ma med pa la dmigs pa'i rnam par shes pa skye ba ldog par mi 'gyur ro/ /nyon mongs pa log na las ldog par 'gyur bas skye ba mi len zhe na/ gal te las dang nyon mongs pa'i rgyu can gyi rnam par shes pa de ltar ma gyur kyang/ zag pa med pa'i rnam par shes pa mya ngan las 'das pa'i dmigs pa la rtag tu 'jug par 'gyur ro/ /rigs pas ni gang zhig chos thams cad skye ba med pa la mchen ma 'ga' yang mi dmigs la mtshan ma med pas rnam par shes pa mi 'jug go zhes bya'o/ /de nyid kyis na 'dir stong pa nyid du smra bas chos thams cad sel ba la rjes su sgrub par byed la/ chos thams cad dngos po med pa'i ngo bo nyid la mtshan ma mi dmigs pas rnam par shes pa ldog go zhes bya ba'i don to/ /de skad du yang 'phags pas brten pa 'di lta bu/ /dngos pos rtogs pa ma yin zhing/ /rgyu mtshan med pa rnam shes ni/ /nam yang 'byung bar mi 'gyur ro/ /'phags pa lhas kyang gsungs pa/ /srid pa'i sa bon rnam par shes/ yul

  608. 304b

    ni de yi spyod yul la/ mthong pa'i yul rnams bdag med phyir/ /srid pa'i sa bon 'gag par 'gyur/ zhes so/ /de'i phyir rgyu mtshan gyi sgo can gyi rnam par shes pa ni rgyu mtshan med pa'i phyir mo gsham gyi bu 'ba' zhig pa dmigs pa ma yin no zhes rigs so/ /gal te de ltar na mo gsham gyi bu la ji ltar gtan med ces brjod/ /gal te gang gi dngos po med pa rnam par shes pas dmigs pa na'o/ /su zhig 'di skad smra/ dngos po med pa 'di ni rnam par shes pas dmigs par bya ba'o zhes pa 'di skad du brjod par bya ste/ dngos po'i sgo la mi bltos par dngos po med pa 'ba' zhig rnam par shes pas mi dmigs so zhes bya ste/ dper na sngon po'i rnam par shes pa ser po la sogs pa la mi bltos pa bzhin/ ji ltar na dngos po'i sgo can yin/ slar yang 'di'i gtan med kyi rnam par shes pa mo gsham gyi bu'i sgra la bltos pa bzhin no/ /'dir sgra 'ga' zhig ni don dang bcas pa'o/ /'ga' zhig don med pa'o/ /don dang bcas pa ni lhas sbyin la sogs pa'i sgra'o/ /lhas sbyin ni 'jig rten na za ba'i bya ba rdzogs pa'i rgyur dmigs pa'i don des na lhas sbyin gyi sgra don dang ldan pa'o/ /mo gsham gyi bu bstan kyang 'jig rten pa la mi dmigs la/ dmigs pa ma yin pa ni dngos po zhes rnam par mi 'jog go /de'i phyir mo gsham gyi bu'i sgre 'di yang bsgrub bya'i don gyis stod pa'o/ /rnam par shes pa yang sgra'i don mngon par shes pa rnam sa la don gyis stong pa'i sgra mi dmigs pa'o/ /don dngos po med pa'i sgo nas don med pa nyid du nges par 'gyur la/ de la 'di'i sgra'i don yul 'ga' zhig na med cing dus nam zhig na med la rtogs pa po 'ga' zhig la sna ba ma yin no zhes bya so/

  609. 305a

    thams cad du ma dmigs pas gtan med ces 'jig rten du rnam par 'jog go /de yang 'di'i gtan med ni sgra'i dngos po la brten te/ sgra'i don mi dmigs pa'i sgo nas yongs su brtags la/ de bzhin du dngos po la brten nas snga na med pa dang zhig nas med pa dang gcig la gcig med pa rnams 'jig rten pas rnam par brtogs so/ /de la da ltar pa'o dngos po la bltos nas de'i skye pa'i sngon rol gyi gnas skabs la snga na med pa zhes rnam par 'jog la/ nam yang dngos po mi srid pa de ni sngan med pa ma yin te/ 'di lta ste mo gsham gyi bu lta bu'o/ /da ltar pa'i dngos po'i rang bzhin ni mi rtag pa'i phyir gang zhig 'jig pa'i gnas skabs sam mi rtag pa nyid la zhig nas med pa zhes bya'o/ /gcig la gcig med pa yang gsal bar dngos po la brten pa nyid do zhes bya ste/ dngos po med pa zhes bya ba dngos po la ma bltos par 'ba' zhig pa rnam par shes pas 'jin pa ni med do/ /de nyid kyis na 'phags pa lhas gsungs pa/ dngos po med na dngos med ni/ /shes pa srid pa ma yin la/ /dngos po med pa dngos med ni/ /grub par 'gyur ba ga la zhig /zhes gsungs so/ /de nyid kyis na gang du mya ngan las 'das pa 'am/ mya ngan las 'das pa dang mtshungs pa'i chos kyi rang bzhin khong du chud pa na/ de la dngos po med pa yang nye bar len pa med pas med do zhes bya ste/ rnam pa thams cad du dngos po dang dngos po med pa la kun tu 'dzin pa zad pas rnam par shes pa skye ba med pa dang mya ngan las 'das pa 'gog pa rtsal 'byor pa rnams kyis thob par 'gyur ro/ /de'i phyir 'dir dngos po med pa 'ba' zhig la dmigs pa'i rnam par shes pa med la/ de las kyang bdag ma grub pas ngar 'dzin pa'i brjod pa dngos po med

  610. 305b

    pa'o zhes 'dis grub po/ /'o na chos 'di dag ni rang rig pas myong ba 'di lta ste ngar 'dzin pa dang nga yir 'dzin pa'o/ gal te de dag dmigs par bya bar med kyang de lta na yang nyams su myong ba'i ngo bo yin pa'i phyir ngar 'dzin pa dang nga yir 'dzin pa 'di dag ni med pa'o zhes brjod par mi nus so zhe na/ ci byang phyogs su kha bltas sam/ 'on te gzhan du kha bltas pa yin/ 'di ni shar gyi phyogs so zhes nyams su myong ba ma yin nam/ byang la sogs pa'i phyogs 'di rnams shar phyogs su 'gyur bar mi rigs la/ rab rib can gyis skra dang sbrang bu la sogs pa'i don med kyang rang gis ci'i phyir nyams su ma myong/ /'di dag sems can gzhan las byung ba ma yin no zhes bya ste/ nyams su myong ba tsam gyis yang dag pa'i don gyi dngos por rnam par bzhag par mi nus so/ /de'i phyir gal te rang nyid kyis ngar 'dzin pa dang nga yir 'dzin pa nyams su myong yang de lta na yang yod par lung dang rig pa dang 'gal bas med do zhes bya'o/ /de'i phyir 'jig rten pa'i nga dang nga yir 'dzin pa yang de bzhin gshegs pa'i nga dang nga yir 'dzin pa dang mtshung so zhes bya ste/ chos thams cad ming tsam du grub po/ /'dir smras pa/ gal te de ltar bdag med kyang/ re zhig de dang 'gal ba'i bdag med pa yod la/ de bzhin du bdag gi rang bzhin dang 'gal bas chos thams cad ni bdag med par khas blangs so/ /ji skad du bcom ldan 'das kyis chos thams cad bdag med pa'o zhes gsungs pas bdag ni rtag pa ma skyes pa ngar 'dzin pa'i yul te/ chos thams cad ni de lta ma yin no zhes so// de'i phyir na bdag gi rang bzhin dang 'gal ba'i bdag med pa'i rang bzhin gyi phyir ram/ bdag dang bral ba'i phyir chos thams cad ni bdag med pa'o/ /de yang yod la de'i phyir bdag gi chos med pas chos thams cad ming tsam ma yin no zhe na/ smras

  611. 306a

    pa/ ci khyod ni bdag med pa la phyin ci log tu sgro 'dogs par byed/ mu stegs byed kyis yongs su brtags pa'i bdag gis dngos po med pa dang/ de'i rang bzhin ma yin pa nyid kyis chos thams cad bdag med pa nyid du rnam pa ma bzhag pa ma yin no/ /de ltan ji ltar 'dir bdag med pa yin/ nye bar len pa la btags nas sam/ rang bzhin gyi rnam grangs la bdag med pa nyid du bstan pa na don chen po skye bar 'gyur ro/ /de la phung po la brten nas btags pa'i gang zag la bdag ces brjod de/ 'jig rten pa'i dar 'dzin pa'i yul yin pa'i phyir ro/ /mu stegs byed kyis yongs su brtags pa ni ma yin te/ de yang mun nag gi nang du gyur pa'i skyes bu'i rnam pa la yongs su brtags pa bzhin du nyung zad kyis shin tu phyin ci log pas yongs su brtags kyi/ 'di ni ma lus pa'i 'gro bas yongs su brtags pa ma yin no/ /gang du phung po la brten nas 'gro ba ma lus pa nga yir 'dzin pa'i gzhi yin la/ de ni mngon par zhen pa'i gnas su gyur pa'i phyir 'dir bsal bar bya'o/ /bdag rtag pa ni 'jig rten pa'i tha snyad kyis rnam par bzhag pa nyid las shin tu bsal ba'i phyir de ni de kho na nyid la dpyod pa'i dbang du byas kyi/ de sel ba'i dbang du byas pa ma yin no/ /gal te mu stegs byed kyis yongs su brtags pa'i bdag 'dir 'gegs par mi byed na/ de lta na bcom ldan 'das kyis ci zhig dgag pa'i don du 'di skad gsung/ mig ni bdag dang bdag gi ba brtag pa brtan pa ther zug pa yongs su 'gyur ba'i chos can ma yin pas stong par grub po zhes so/ /mig la brten nas btags pa'i bdag gis stong pa dang rang bzhin gyi stong pa nyid du lung 'dis gsal bar mdzad kyi/ nang gi byed pa'i skyes bu dang bral

  612. 306b

    pa ni ma yin no/ /de la mig ni bdag gis stong ngo zhes pa phung po dang khams dang skye mched la brten nas gang zhig la btags la bdag de ni phung po dang khams dang skye mched la rnam pa lngas med kyang phung po dang khams dang skye mched la brten nas 'dogs la/ de yang med pa nyid de/ mig la sogs pa so so la rnam pa lnga yis kyang med pa nyid du khong du chud par bya'o zhes thar pa 'dod pa rnams la/ bcom ldan 'das gdams pa ston par bzhed pa nyid kyis mig ni bdag gis stong par grub bo zhes gsungs so/ / gang gi phyir mig la dpyad pa na bdag mi sri pa de'i phyir mig ni bdag gis stong pa ste/ bdag dang bral ba'o zhes pa'i don to/ /shwa'i sgra ni ga ba la sogs par dpyad pa ste/ des na de'i phyir bshad pa zhes pas 'di'i don ni ga ba la sogs pa la ya dang ti byas pas shu no ste stong pa'am dben pa'o/ /'phros pa las ring po nyid do zhes pa'am ga ba la sogs pa'i bshad pa las skye ba dang bral ba'i dben pa la stong pa'i sgrar sgra pa rnams 'chad par byed do/ /des na gang zhig gang dang bral ba de de yis sdong pa'o zhes bya ba ste/ 'di ni bshad pa'i don to/ /med pa la yang stong pa'i sgra mthong ste/ 'di lta ste lha sbyin gyis stong pa'i zhes so/ /'dir ni snga ma nyid gzung bar bya ste/ mig ni bdag dang bral ba'i phyir stong pa'o zhes/ bdag med pas bdag gi cung zad kyang yod pa ma yin no zhes bya ste/ bdag gir bya ba dang bral bas stong la bdag gir bya ba'i rang bzhin las tha dad pa'i mig gzhan yod pa ma yin no/ /mig la brten nas bdag tu btags pa dang ldan pa bzhin bdag gis bdag tu byas pas 'di ni bdag gi ba zhes bya la/ bdag med na nye bar blangs pa 'ga' yang med pas nye bar len pa nyid mi 'thad pa'i phyir dang/ nye bar len pa las gzhan pa'i mig med la/ bdag gi bas stong pa nyid du bsgrubs pas mig gi rang

  613. 307a

    bzhin ma grub pa nyid bshad pa'o/ /yang na bdag gi sgra ni rang bzhin gyi rnam grangs te/ mig bdag gis stong ngo zhes bya ba ni rang bzhin gyis zhes bya ba'i don to/ /bdag gi bas zhes pa rang bzhin dang 'brel pa'i gang su yang rung bas zhes pa'i don to/ /'o na de lta na mig nyid med do zhes smras par 'gyur bas/ de ltar smra bar bya ste/ mig med do zhes de nyid gsal por smra bar byos shig /smras pa/ kho bo ni mig nyid med do zhes mi smra ste/ ci'i phyir mig med par 'jig rten pa smra'am/ bstan bcos las bshad/ de la res zhig 'jig rten pa la mig med do zhes smra pa med de/ bdag tu brtags pa la nye bar brten pa nyid kyi mig yod bzhin pa'i phyir te/ ming dang gzugs kyi rkyen gyis skye mched drug go zhes pas ming dang gzugs la brten nas byung ba'i phyir/ des na gzugs mthong ba dang reg pa'i rgyu yin pa'i phyir ro/ /gang gi tshe 'di ltar 'jig rten pa la mig med do zhes med na de'i tshe kho bo 'jig rten pa mig med par khas len no zhes ji ltar smra/ de'i phyir re zhig 'jig rten pa mig med do zhes mi smra'o/ /da ni bstan bcos las kyang mig med do zhes bstan pa bstan bcos zhes bya ba phyin ci ma log pa'i lam des nyon mongs pa 'jig par byed pas so/ /'gog pa ni 'jig pa ste/ 'di ltar 'jig rten na gsod pa na chad pa chen pos 'jig par byed do zhes zer la/ phyin ci ma log pa'i lam yang phyin ci log nye bar bstan pa las nye bar thob pa yod pa mi srid ces bya ste ma dmigs pa'i phyir de'i tshe 'jig rten pa'i mig med do zhes med pa nyid do/ /dngos po rnams kyi rang bzhin mchog tu rjes su tshal ba nyid ni de'i phyin ci ma log pa'i lam de yang rang bzhin med pa skye ba med pa'i rang bzhin gyi phyir snang ba med pa'o zhes

  614. 307b

    bya ste/ dmigs pa med pa rnal 'byor pa su zhig gis khong du chud par 'gyur zhig go/ khong du chud pa med pas med pa nyid nye bar ston par mi 'gyur zhes bya ste/ de ltar bstan bcos las kyang mig med do zhes kho bo mi smra'o/ /'di ltar kun rdzob dang don dam pa'i bden pa gnyis su rnam par bzhag pa la kun rdzob du mig rang gi mtshan nyid sgyu ma dang smig rgyu dang dri za'i grong khyer gyi rnam pa khas blang zhing don dam par med do zhes rtog pa de rnams ni dbu ma'i bstan bcos yang dag par rtogs pa mi brjod do/ / mig ni rang gi mtshan nyid ma grub pa nyid rang gi mtshan nyid grub pa lta bur byis pa rnams kyis rtogs pas/ de'i phyir kun rdzob tu mig gi rang gi mtshan nyid med do/ /gang zhig kho na kun rdzob tu yang med la de kho na nyid kyi shes pa la yang de nyid med pa'i phyin ci log tu brtags pa ma yin te/ rnal 'byor pa rnams de khong du chud pa la mngon par 'dod pa med pa'i phyir ro/ /yang na kun rdzob tu mig yod la don dam par med do zhes pa'i tshig gi rig pa yang gdon mi za bar nus par rung na yang/ de lta na yang rang gi mtshan nyid khas len pa dang spong ba dag nus pa dang ldan pa ma yin no/ /de bzhin du kun rdzob tu phyin ci log med la don dam par rang bzhin med pa nus pa dang ldan no zhes pa yang/ dngos po rnams kyi rang gi mtshan nyid khas blangs pa de ni sgyu ma la sogs pa'i dpe rung ba ma yin te/ rang gi mtshan nyid khas blangs pa la sgyu ma la sogs pa'i dpe dang 'brel pa med pa'i phyir dang/ bslu ba med par khas blangs pa'i phyir ro zhes bya'o/ /gal te de ltar mig stong pa nyid du khyod la ma grub na/ ji skad smos pa'i rig pas mig bdag dang bdag gi bas stong par bshad pas mig rang bzhin gyis stong par ci zhig 'grub/ ci nges par mig gi rang bzhin yod pa gang zhig dang bral ba las mig rang bzhin

  615. 308a

    gyis stong pa ni ma yin te/ gal te yin na de'i tshe de ni rang bzhin gyis stong pa nyid ma yin no/ /gal te 'di ltar rang bzhin med na de ni sel pa mi rung la/ gang zhig gang na med pa de ni sel bar mi rung zhing gang zhig gang na med pa de ni sel bar mi byed de/ 'di lta ste chu'i dro ba'o/ /rang bzhin du skyes pa sel bar byed na skyon 'dir 'gyur gyi/ 'on kyang mig rang bzhin med par gnas pa nyid la 'jig rten pa phyin ci log tu rmongs pa'i rnam par shes pa la mig rang bzhin med par gnas kyang logs su bzhag nas rang bzhin dang bcas par rtogs la/ de la mngon par zhen pas 'di dag kho na bden par yod la gzhan ni rmongs pa'o zhes 'di dag la bden par mngon par zhen pas mchog tu 'dzin pa lus kyi mdud pa skyed pas 'khor bar 'khor ro/ /'di dag bden par mngon par zhen pa mchog tu 'dzin pa lus kyi mdud pa de'i gnyen por kho bos mig rang bzhin med par rnam par gnas pa nyid mig rang bzhin med pa'o zhes pa'i tshig gis shes par byed kyi/ kho bos rang bzhin sel bar byed pa ni ma yin no zhes bya ste/ ji skad smos pa'i skyon du thal bar mi 'gyur ro/ /gal te de ltar mig gi rang bzhin stong par bsgrubs na/ de lta na mig de ni rang bzhin gang zhig gis stong par rnam par bzhag par yod pa ste/ 'di ltar khang pa lha sbyin gyis stong ngo zhes brjod pa na/ ltas sbyin med pa nyid la khyim yod pa nyid du rtogs pas gang du gnyis ka yang stong par mi 'dod na/ de ni stong pa nyid du mi rung ngo zhes/ 'dir rnam par rig par smra bas smras pa/ gzhan dbang ni yod pa kun brtags ni med pa'i phyir kho bo cag kho na la stong pa 'thad kyi/ gang zhig stong pa nyid gang zhig gis stong par khas mi len pa'i phyir dbu ma pa rnams la ni ma yin te/ /stong pa des ci zhig bya

  616. 308b

    ste/ des stong pa dang de nyid kyi stong par mi rung ngo zhes bya'o/ /'dir gzhan dbang gi rang bzhin rten cing 'brel par 'byung ba brjod du med pa dngos po tsam la de ni rnam pa gnyis te rnam par dag pa dang ma dag pa'o/ /de la yongs su ma dag pa ni 'khor ba thog ma med pa nas goms pa'i gzung ba dang 'dzin par yongs su brtags pa'i dri mas bsgos pa'o/ /yongs su dag pa ni gzung ba dang 'dzin pa spros pa'i bag chags kyi gnas ngan len spangs nas/ gnas yongs su gyur pa yongs su dag pa'i rang bzhin sangs rgyas kyi so so rang gis rig par bya ba/ de yang gzhan dbang gi rang bzhin 'di ni rang nyid kho na mi 'byung ba dang rang bzhin la gzhan gyi rkyen gyi stobs kyis skye bas na gzhan dbang ngo/ /de yang rang bzhin ni dngos po'i ngo bo'i phyir dang/ gzhan gyi rkyen las mthong ba'i phyir gzhan dbang du brjod la gzhan gyi rang bzhin las tha dad pa'i phyir dbang gi sgra ni gtso bo la 'jug ste/ 'di ltar 'jig rten 'dir ni bdag rang dbang pa'o zhes smra ba nas rang nyid gtso bor smra ba'o zhes bya la/ 'di ni gzhan gyi dbang las zhes pas gzhan dbang ste/ gzhan las skye ba'o/ /yang na brgyud cing bskyed pas dbang la gzhan dbang ni gzhan gyis bskyed pa'o zhes pa'i don to/ /gzhan dbang de ni kun rdzob kyi dngos po rang yod pa'i phyir dang brtags pa'i gzung ba dang 'dzin pa med pa'i phyir stong pa nyid kyi mtshan nyid kho ni ma tho ba med par 'gyur ro/ /ji skad du mdo las gsungs pa/ gang zhig gang na med pa de ni des stod la gang yang 'dir lhag ma de ni yod pa la 'dir yod do zhes yang dag par ji lta ba bzhin du shes so/ /zhes 'di skad smra na stong pa nyid la phyin ci log par zhugs pa'o/ /gang du dge slong dam bram ze dag de yang gang zhig gis stong pa mi 'dod na de ni stong pa las phyin ci log tu zhugs pa'o zhes so/ /'o na

  617. 309a

    gal te gzhan dbang gi rang bzhin ni ngo bo nyid kyis yod na ngo bo nyid du yod pa'i phyir rten cing 'brel bar 'gyur bar mi 'gyur ro/ /su zhig 'di skad smra/ skye ba las snga rol tu gzhan dbang gi rang bzhin yod do zhes so/ /skyes nas 'di'i rang bzhin yod do zhes brjod do/ /smras pa/ gang zhig skye ba las snga rol tu 'di'i rang bzhin med na cir gyur ba'i 'di'i skye ba yod pa yin/ skyes nas yod pa la 'di ni yod pa'o zhes rung gi ma skyes pa la ni ma yin no/ /skyes pa nyid kyang nges par gzung bar mi nus na khyad par brtags par nus pa ma yin no/ /pha rol pos 'di zhes pa de las skye bzhin pa'i zhes pa'i khyad par nges par gzung bar mi nus la/ de'i phyir 'di'i skye ba med la ma skyes pa la ci yod pa nyid ni gal zhig ces bya ste/ 'di ni yod pa ma yin no/ /gal te 'di yod pa ma yin na rgyu mtshan med pas 'khor ba dang mya ngan las 'das pa med par 'gyur ro/ /gal te re zhig 'di yod par gyur na/ mu stegs byed kyis brtags pa'i bdag kyang yod par 'gyur la/ de ni tshig tsam gyis smras pa'o/ /gal te kho bo cag gi bdag med par gyur na/ bcings pa dang grol ba la sogs pa mi 'grub bo zhe na/ 'di ni re zhig bdag yod par yang mi 'thad de/ 'di gnyis ni rig pa dang 'gal ba'i phyir ro/ /'di ltar gzhan dbang dngos por yod na nang gi byed pa'i skyes bu yang yod la/ 'di ni ma dpyad pa'i yod pa'o zhes bya ste/ 'jig rten pa la yod pa ma yin no/ /de'i phyir gal te rig pa dang 'gal pa gcig po yod cing 'khor ba dang mya ngan las 'das pa'i rgyur rtog na gnyis pa yang brtag par bya'o/ /de'i phyir 'khor ba dang mya ngan las 'das pa'i rgyu dngos po'i rang bzhin ma yin no/ /de lta na gang zhig bcom ldan 'das kyis gsungs pa/ gang yang 'dir lhag ma yod pa

  618. 309b

    de ni yod do zhes yang dag pa ji lta ba bzhin du rab tu shes so/ /zhes thos pa de ji ltar gsungs/ rten cing 'brel par 'byung ba ni dngos por gyur pa byas pa ste/ rten cing 'brel par 'byung ba'i phyir gzugs brnyan bzhin rang bzhin med la/ gang zhig byis pa rnams dngos por mngon par zhen pa'i gnas su gyur pa de yang byis pa'i skye bo'i blo'i spyod yul la rnam pa de lta bu'i dngos por gyur pa brdzun pa bslu ba'i chos can ni yod la de'i rang bzhin ni med do/ /de'i phyir gang gang na med pa de ni des stong ngo zhes bya'o/ /bstun? pa bslu ba'i chos can dngos por gyur pa la rang bzhin med pas de'i phyir dngos por gyur pa de de'i rang bzhin gyis stong ngo/ /gang yang 'dir lhag ma zhes pa ni brdzun pa bslu ba'i chos can rang gi mtshan nyid ma grub pa/ byis pa'i skye bo'i blo'i spyod yul phyin ci log las ma grol ba ni yod do/ ji skad du bcom ldan 'das kyis gsungs pa/ sgyu ma'i rnam pa de ni yod do/ /byis pa rnams kyi brjod pa de ni yod do/ /rmongs pa chags pa de ni yod do/ /de ltar gang cung zad tsam de ni yod do zhes so/ /de'i phyir de ltar brtags pas dpyod pa pos brdzun pa bslu ba'i chos can dngos por gyur pa mngon du shes pas/ 'jig rten pa'i las kyi 'bras bu 'khor ba dang mya ngan las 'das pa la sogs pa rnam ma brdzun pa'i dngos po'i rgyu mtshan can la gnod pa ma yin no/ /de la mi gnod pas chad par smra ba 'am med pa nyid du mi ltung la/ rang bzhin la sgro ma btags pas phyin ci ma log pa la gnas te phyin ci log gis bskyed pa'i 'khor ba des par spong zhing rtag par smra bar mi ltung ngo/ /'dir yang thog ma nyid du 'thad pa dang bcas pas don chen por yang 'gyur la/ gzhan du rang bzhin yod pa nyid ni 'thad pa dang bral ba'i phyir ro/ /ci slar rang bzhin med pa dngos por gyur pa la brten nas skye bar 'gyur ram/ phyin ci log bdag nyid ngan pa la

  619. 310a

    rnam par rol pa'i go 'phang la zhugs pas da gdod smos pa nyid la rgyas pa gsal bar rten cing 'brel par 'byung ba rang bzhin med pa sgrub byed kyi ming thos par lta bur rlom sems nas 'dri ba la 'jug pa kye ma ngo mtshar te/ /ji skad du smos pa'i dpyad pa rnams sems la gyis shig /lung 'di las kyang 'di gsal bar byed pas sems la zhog cig /ji skad du/ brag phug ri rang rdzong dang chu klung la/ gang zhig brjod pa la brten brag cha bzhin/ /'dus byas 'di kun sgyu ma lta bu dang/ /smig rgyu dang mtshungs 'gro kun shes par gyis/ /ces so/ /de'i phyir gang zhig gang na med pa de ni de stong pa'o zhes stong pa nyid du smra ba rnams kyis de lar yang don rnam par bye pa'i phyir de rnams stong pa nyid la phyin ci log tu khong du chud pa ma yin no/ /gang yang tshigs su bcad pa 'di skad du/ kun brtags dngos po yod min zhing/ /gzhan gyi dbang ni yod pa na/ /sgro 'dogs pa dang skur 'debs pa'i/ /mthar rtog pa ni phung bar 'gyur/ /zhes pa de yang ji skad du smos pa'i bshad pas legs par bshad par 'gyur te/ rang bzhin du brtags pa med la/ gzhan dbang yang brdzun pa bslu ba'i chos can byas pa rang bzhin med pa yod pa la/ gang zhig de'i tshe rang bzhin med pa la sgro 'dogs par byed pa dang/ sgyu ma dang mtshungs pa byas pa ni med do zhes smra ba de ni nges par phung bar 'gyur ro/ /rtag pa dang tshang ba'i mdza' i tshogs na gnas pas nges par ngan 'gror ltung bas/ 'di ltar rnam rig du smra ba de rnams la stong pa nyid phyin ci ma log par rtogs pa med do zhes bya ste/ de rnams ni mkhas pa rnams kyis tshad mar brjod par mi rigs so/ /de ltar yang bdag dang bdag gi bas stong par bsgrubs pas mig rang bzhin med par bsgrubs nas/ slar yang mig gi rang bzhin stong par bsgrubs

  620. 310b

    pa'i phyir gsungs pa/ rtag pa brtan pa ther zug pa yongs su 'gyur ba'i chos can ma yin pas mig stong ngo zhes par 'brel to/ /de bzhin du yang bdag gi sgras ni rang bzhin gyi rnam grangs kyi phyir skyon med do/ /de la mi rtag pa dang bral bas rtag pa'o/ /mi g.yo ba'i phyir brtan pa'o/ gnas skabs thams cad du gnas pa'i phyir ther zug pa'o/ /gzhan du mi 'gyur bas yongs su 'gyur ba'i chos can ma yin pa'o zhes bya ste/ 'di rnams ni rang bzhin gyi ming gi bye brag yin gyi nang gi byed pa'i skyes bu'i ni ma yin te/ rten cing 'brel par 'byung ba rkyen 'di pa tsam la rnam par gnas pas na sngar nyid du de dag bkag pa'i phyir ro/ /ji skad du stong pa nyid don dam pa'i mdo las/ mig skyes bzhin pa gang du yang 'byung bar mi 'gyur ro/ /'gags bzhin pa nam yang dmyal bar 'gro ba yod pa ma yin no/ /las yod cing las kyi rnam par smin pa yod la/ byed pa po ni ma dmigs so/ /gang phung po 'di ni 'jig la phung po gzhan du nyid mtshams sbyor te/ chos kyi brnga' gzhan las so/ /de la chos kyi brnga' ni 'ji'o/ /'di ltar ma rig pa'i rkyen gyis 'du byed zhes bya ba la sogs pa'o/ /mdo 'dir ni thog mar byed pa po bkag la/ phyis rten cing 'brel par 'byung ba rnam par bzhag pa ni/ gang las rten cing 'brel par 'byung ba rnam par bzhag pa las mig yod pa thob pa la/ thar pa 'dod pa rnams mig tu mngon par zhen pa'i gnyen por chos thams cad bdag med par nye bar bstan pas stong pa nyid rnam par thar pa'i sgo la 'jug pa'i phyir ro/ /de'i tshe rtag pa'i bdag bkag pas cung zad kyang nye bar mkho ba med cing/ mig ji lta bar gnas pa la mngon par zhen pa ma bkag na rtag pa'i bdag bkag kyang mig la sogs par mngon par zhen pa'i ba spu yang 'gul bar nus pa ma yin no/ /ri dags dang bya la sogs pa bdag rtag pa mi rdmigs kyang der zhen pas da'i phyir 'dir rtag

  621. 311a

    pa'i bdag bkag pa'i sgo nas mig bdag med par 'jog pa ni ma yin no/ /'jog na yang nye bar len pa la brtags pa'i bdag bkag pas sam rang bzhin dang bcas pa bkag pas so/ /gang yang de ltar ci skad gsungs pa'i rig pas bdag med pas de'i tshe/ gnyen po med pa'i phyir bdag med pa nyid kyang yod pa ma yin no zhes gsungs pa/ bdag med min zhes pa la/ bdag dang 'gal ba'i chos 'ga' yang med do zhes bya ba'i don to/ /yang na ji ltar dngos po dang dngos po med pa ltar bdag dang bdag med la/ ji ltar yang dngos po med na dngos po med pa med la/ de bzhin du bdag med na bdag med pa yang srid pa med do zhes dgongs pa'o/ /yang gang du bdag yod pa yin na de ni bdag med pa'i gzugs la sogs pa'i dngos por yang de med de/ nye bar len pa po med na nye bar blangs pa med pas gzugs la sogs pa ma grub pa'i phyir zhes gsungs pa/ bdag med min pa ste bdag med pa yang ma grub pas chos thams cad ming tsam du grub po/ /'dir smras pa/ gal te yang bdag 'ba' zhig pa med na bdag med pa 'ba' zhig pa yang med la/ de ltan yang me dang bud shing dag bzhin du bdag dang bdag med dag phan tshun bltos nas grub pa yong pas des bdag dang bdag med pa gnyis ka yang 'byung bar 'gyur zhe na/ gsungs pa/ de ltar yang bdag dang bdag med ces pa la yod pa ma yin no zhes pa tshig gi lhag ma'o/ /gal te yang dpyad bzhin pas bdag gam bdag med pa 'ga' zhig yod na/ de'i tshe phan tshun bltos pa 'grub par 'gyur la/ gang du de gnyis med na bdag dang bdag med pa ga la 'byung zhes bya ste/ des na bdag dang bdag med pa yod pa ma yin no/ /yang na 'di ni don gzhan

  622. 311b

    te/ /kha cig gis smras pa/ gal te yang bdag dang bdag med pa med la de lta na yang bdag dang bdag med pa bkag pa'i bdag dang bdag med pa ma yin pa yod la/ de yod pas dgag bya bdag dang bdag med pa yang 'byung bar 'gyur ro/ /gal te yang bdag dang bdag med pa gnyis su brtags pa dang bral ba chos rnams kyi rang bzhin bdag dang bdag med pa ma yin pa 'byung bar 'gyur ro/ /zhes pa 'di yang mi rigs so zhes khong du chud par bya ba'i phyir gsungs pa/ mdag dang bdag med 'ga' yang med/ ces bya'o/ /'ga' yang med ces pa'i 'gag pa 'di ji ltar phyis de ma thag pa'i brjod pa 'ga' dang mngon par 'brel la/ de bzhin du sngar gyi de ma thag pa'i bdag dang bdag med pa dang yang 'brel to/ /de la 'dir re zhig sngar gyi rtig pa brjod de/ ji skad bshad pa'i rig pas bdag dang bdag med pa gnyis ka yang ma grub pa'i phyir/ de bkag na bdag dang bdag med pa ga la 'byung zhes sgrub byed gsungs pa/ bdag min zhes pa la sogs pa'o/ /phyi ma'i rtog pa yang bdag dang bdag med pa logs su bzhag pa'i dngos po rnams kyi rang bzhin yang med la/ bdag dang bdag med pa las tha dad pa'i rang bzhin ma grub pa'i phyir bdag dang bdag med pa ma yin pa 'ga' yang med do zhes gsungs pa/ bdag dang bdag med min 'ga' med/ /ces so/ /yang 'di'i don gzhan te/ chos thams cad ni ming tsam mo zhes rnam par bzhag pa na mu stegs pas smras pa/ chos thams cad ming tsam ma yin te/ kho bo cag gi grub mthas bshad pa rtag pa ma byas pa la sogs pas khyad par du byas pa'i bdag gi don yod pa'i phyir ro zhe na/ 'dir smras pa/ bdag med de/ gang gi phyir pha rol po'i bdag gi sgra la brjod bya'i don bdag yod pa ma yin te/ rang nyid las ma skyes pa'i phyir bong bu'i rwa bzhin la/

  623. 312a

    rtag pa ma byas pa kun du 'gro ba yang ma yin te/ nam mkha' i me tog bzhin ma skyes pa'i phyir bdag med do/ /'byung ba'i sems pa can yang 'di snyam sems te/ bdag med pa ni bden la/ 'on kyang bdag med pa 'byung ba tsam yod do zhes so/ /rang gi sde pa dag kyang smra ste/ nang gi byed pa'i skyes bu dang bral ba'i bdag med pa phung po tsam yod la/ bdag ni rnam pa thams cad du med do zhes so/ /de dag la ltos nas gsungs pa bdag med min no/ /bdag med pa ni med pa nyid de/ ji ltar med pa de ltar yang sngar nyid du rgyas par bsgrubs so/ /yang rang gi sde pa kha cig ni 'di skad smra ste/ nye bar len pa la btags pa'i rdzas su yod cing gang zag tu yod pa'i dngos po ni yod la/ chos thams cad bdag med pa 'di la 'ga' zhig gis dbang du byas pa med pa'i phyir/ de yang yod pas de'i phyir bdag med pa yang yod do zhes so/ smras pa/ bdag dang bdag med 'ga' yang med/ ji skad du smos pa'i rig pas chos dang gang zag ga bkag pa'i phyir/ gang gi tshe yang 'di ltar bdag dang bdag med pa ste/ bdag dang bdag med pa yang mi 'thad la/ de'i tshe thams cad tshig tsam ste don gyis stong par grub po/ /'dir smras pa/ gal te yang khyod kyis brjod bya'i don bkag la/ de ltan yang gang zhig don gyis stong pa'i tshig de de bzhin du yod la/ de las tshig dmigs pa'i phyir dngos po gzhan yang 'byung bar 'gyur ro zhes so/ /yang na brjod bya las gzhan du rjod byed mi 'thad la/ tshig 'di dag ma bkag par yod pas de'i phyir brjod bya yang 'byung bar 'gyur ro zhe na/ smras pa/ gal te rjod byed yod pa nyid na brjod bya 'byung bar 'gyur la/ yod pa ma yin no zhes sgrub par byed pa gsungs pa/ brjod 'ga'

  624. 312b

    med zhes so/ /brjod bya las gzhan du rjod byed kyang mi 'jug pas rjod pa yang med do/ /'o na mo gsham gyi bu'i brjod pa brjod bya'i ngon gyis stong yang brjod bya las gzhan pa yod pas rjod pa yod do zhe na/ smras pa/ rjod pas ni ji lta bar dngos po dang dngos po med pa'i brjod bya la brdar byed la/ dngos po dngos po med pa de dag kyang med do zhes bsgrubs la/ de dag med na gzhan brjod bya ci zhig yod/ brjod bya med na rjod byed med pas rjod pa yang med do/ /yang na gnas pa la sogs pa med par bsgrubs pas/ gnas pa la sogs pa med na sgra mi 'grub pa thugs la bzhag nas rjod 'ga' med ces so/ /yang na tshig ni don gyis stong par bsgrubs la/ sgra yang sgra gzhan gyi brjod bya yin pas don nyid la don de yang med do zhes bya la/ don med pa'i phyir sgra yang med par gzigs nas gsungs pa rjod 'ga' med zhes so/ /rjod pa med par gyur na yang brjod bya'i don grub pa med do zhes gnas so/ /'dir smras pa/ gal te rjod byed kyis brjod pa'i don kyang med na/ de'i tshe ci zhig yod/ smras pa/ kho bos sgyu ma'i nod gyis phyug por byed pa 'am smig rgyu'i chu yis khyod kyi chu'i gdung ba sel bar byed pa'am/ rgyu ma'i ri dags kyi sha yis bkres pa nye bar zhe bar byed par mi nus so/ /'o na 'dir de kho na nyid gang yin pa de nyid gzung bar bya bar 'gyur la/ slar yang 'dir de kho na nyid de ci zhe na/ smras pa/ gal te khyod de kho na nyid la phyin ci log tu go ba dang spong bdag gis log par sgrub par mi byed cing chos nyid zab mo la gus pa yang skyed na de'i tshe khyod kyi/ brjod bya mya ngan 'das dang mtshungs/ /dngos po kun gyi rang bzhin stong/ rang bzhin dang ngo bo nyid dang de kho na nyid zhes pa rnam grangs so/ /rang bzhin gyis stong pa ni rang bzhin dang bral ba zhes bya ba'i don to/ mya ngan 'das pa ni brtags pa ma lus pa skye ba med pa'i rang bzhin rang gi mtshan nyid cung

  625. 313a

    zang kyang med pa ste/ ji skad du bcom ldan 'das kyis gang nges par 'di ni sdug bsngal ma lus pa spangs pa/ bor ba byed bar gyur pa zad pa 'dod chags dang bral ba 'gog pa nye bar zhi ba nus par 'gyur ba sdug bsngal gzhan du nyid mtshams mi sbyor ba/ 'di ni nye bar len pa med pa'o/ /'di ni zhi ba gya nom pa'o/ /'di ltar phung po thams cad spangs pa sred pa zad pa 'dod chags dang bral ba 'gog pa ni mya ngan las 'das pa 'o zhes so/ /ji ltar mya ngan las 'das pa'i rang bzhin ci yang med pa de ltar chos thams cad kyi rang bzhin ci yang med pas de'i phyir chos rnams kyi de kho na nyid phyin ci ma log par bstan pa/ gang zhig chos thams cad kyi rang bzhin mya ngan las 'das pa dang mtshungs par brjod par bya'o/ /de ltar na chos rnams kyi de kho na nyid phyin ci ma log par bstan par 'gyur gyi gzhan du ma yin no/ /'dir smras pa/ re zhig mya ngan las 'das pa sdug bsngal dang bral ba tsam la rang bzhin med pa ni rung gi/ phyi dang nang gi chos 'du byed dang myu gu la sogs pa dang/ ma rig pa dang sa bon la sogs pa rgyu dang rkyen gyis nye bar bskyod pa'i bdag nyid du yod pa rnams ji lta bar rang dang spyi dang thun mong du nyams su myong ba'i rang gi mtshan nyid mya ngan las 'das pa las shin tu bskal ba'i mtshan nyid rnams ji ltar rang bzhin gyis stong pa nyid du bsgrub par nus/ de'i phyir gang chos thams cad mya ngan las 'das pa'i rang bzhin ma yin no zhe na/ smras pa/ gal te ma rig pas phyin ci log pa'i rnam par shes pa la nyams su myong ba rnams tshad mar 'gyur na/ de'i tshe 'phags pa dang 'phags pa'i lam

  626. 313b

    gyis ci dgos par 'gyur/ byis pa'i skye bos nyams su myong ba nyid tshad ma la/ tshad mas yang dag par mtheng ba'i phyir ma btsal bar de rnams grol bar 'gyur te/ de lta bu yang med pas de rnams kyi nyams su myong ba ni tshad ma ma yin no/ /ji ltar 'phags pa'i lam gyis mngon du byas pa'i 'phags pas chos rnams kyis chos nyid gzigs par gyur pa de la rang bzhin no zhes rigs te/ zhig ma mthong ba las byis pa rnams nyon mongs la/ gang zhig mthong ba las 'phags pa rnams rnam par grol lo/ / ji ltar na 'di rnams mya ngan las 'das pa dang mtshungs na rang bzhin gyis stong pa'o/ /'o na de kho ba la mngon sum ma yin na/ de ji ltar kho bo cag gis 'di rtogs par nus zhe na/ smras pa/ mos pa med pa dad pa med pa sdig pa'i grogs po dang 'brel pa thos pa chung ba le lo can rmongs pa la sogs pa dang ldan pas de rtogs par 'gal bas des 'di mi mthong ste/ nyon mongs pa'i go skabs su 'gyur bas/ sbyin pa dang spro ba dang thos pa mang ba dge ba'i bshes gnyen bsten pa dang pa dang mos pa la sogs pa so sor bsten par bya'o zhes bya ste/ 'di dag dang ldan pas 'phags pas bstan pa'i rig pa dang dpe yang 'dir khas blang bar bya'o/ /de ltar thabs dang bcas shed rig pas nges pa yod na chos rnams kyi rang bzhin mngon sum nyid du 'gyur ro/ /slar yang ci zhig 'dir 'phags pas bstan pa'i rig pa gang gis chos rnams kyi chos nyid mya ngan las 'das pa dang mtshungs pa rig pas mngon sum du 'gyur zhe na/ 'phags pas nye bar bstan pa'i phyir gsungs pa/ gang zhig dngos kun rang bzhin ni/ /rgyu rkyen tshogs pa 'am so so'i dngos/ /kun la yong min de phyir stong/ /zhes pal de la rgyu ni 'bras bu rdzogs par byed pa la/ 'dra ba'i 'bras bu rdzogs par byed pas thun mong ma yin pa'o/ /'di lta ste sa lu'i myu gu'i sa lu'i sa bon/ /rkyen ni thun mong ba ste/ 'di

  627. 314a

    lta ste sa lu'i myu gu de nyid kyis la sogs pa'o/ /de yang ji ltar sa lu'i myu gu skyed pa'i yan lag gi dngos po gyur pa de bzhin nas kyi myu gu la sogs pa'i yang ngo/ /myu gu la sogs pa'i rgyu las skyes pa'i 'bras bus la sog pa'i rnam pa dang rjes su 'brel pa ma yin las lu'i sa bon gyi rnam pa dang rjes su 'brel to zhes bya'o/ /rgyu'i dngos po 'ba' zhig tsam du nye bar 'gro bas 'di la rkyen nyid du rnam par 'jog go/ re zhig gang 'di'i rgyu dang rkyen du 'gyur na rdzogs par byed pa ni rgyu'i dngos por gnas la/ gang du rkyen ni 'di'i nges pa'i rgyu ma yin te/ 'di lta ste rnam par shes pa'i dmigs pa'i rkyen no/ de nyid kyis na rgyu gnyis dang rkyen gnyis so/ /yul gcig la rgyu rkyen gyi sgra'i sbyor ba bcom ldan 'das kyis mdzod/ tshogs pa ni dngos po de dag ma tshang ba med par nye bar gnas pa las skye'i gzhan de ma thag pa nye bar gnas pa las ma yin pas rgyu rkyen tshogs par 'dir rtogs par bya'o/ /so so'i dngos ni de rnams tha dad pa skye/ rgyu dang rkyen tshogs pa ma yin pa'i so so'i dngos po'o/ /rgyu dang rkyen tshogs pa ma yin pas so so'i dngos po de thams cad la 'bras bu'i dngos po thams cad kyi rang bzhin med do/ /de'i phyir des stong pas rang bzhin dang bral ba zhes bya ba'i don to/ /gal te 'dir dngos po rnams kyi rang bzhin 'ga' zhig yod na de nges par 'dus byas sam 'dus ma byas su yod par 'gyur/ de la re zhig 'dus ma byas ni rgyu med pa bdag nyid kyi dngos po ma skyes pa la rang bzhin gyis brjod pa'i skal ba dang ldan pa mi rigs so/ /'dus byas la yang rang bzhin mi 'thad de/ ci'i phyir na gal te 'dus byas kyi rang bzhin du gyur la/ 'dus byas rnams ni rgyu dang rkyen las skye ba'i phyir na skye ba rgyu dang rkyen la rag las bar 'gyur

  628. 314b

    la/ rgyu dang rkyen 'dag las nas skye ba ni byas pa ste/ rang bzhin du mi 'thad do/ /yang 'di snyam du sems te/ rgyu dang rkyen gyis bskyed pa'i dngos po rnams kho na rang bzhin no zhe na/ des par 'di skad brjod par bya ste rgyu dang rkyen ga las rang bzhin gang zhig skyen de ci de rnams la gang zhig yod pa las de skye bar 'gyur gyi/ gang zhig gang la med par de de las mi skye te/ 'di lta ste 'jim pa las snam bum 'am skud pa las bum pa zhes so/ /'di ni rgyu la sogs pa las skye bar 'dod na des par rgyu la sogs pa la rang bzhin yod pa nyid du khas blang bar bya na/ 'di ni khas blang ba mi nus te/ yod bzhin pan dmigs par thal ba dang/ skye ba don med pa dang/ thug pa med pa'i skyon dang/ rgyu med pa yod par thal bar 'gyur ro/ /gal te yang rgyul sogs pal 'bras bu'i rang bzhin yod na/ de dag la thams cad kyi bdag nyid kyis yod dam cha shas kyis so/ /de la re zhig gal te thams cad kyi bdag tu rtog na rgyu dang rkyen rnams mang po'i phyir 'bras bu du mas 'jug la/ de'i phyir rgyu la sogs pa so so la 'bras bu med la rgyu du mas 'bras bu gcig sgrub pa ma yin zhing/ rgyu gcig gis bsgrub par bya ba nyid du 'gyur ro/ /de'i phyir gang la gnas pa de nyid las 'jug pa'i phyir de ltar re zhig thams cad kyi bdag nyid kyi rgyu la sogs pa la 'bras bu mi gnas so/ /da ni cha shas kyis kyang mi gnas te/ 'bras bu gcig dum bur skye bar thal bar 'gyur la/ rgyu tha dad pa yang rgyu du mas 'bras bu skyed par thal lo/ /gang yang rgyu la sogs pa la mi gnas na/ de rgyu la sogs pa las mi skye la/ rtsa ba'i rab byed dang por yang na de rkyen la sogs pa la med kyang de rnams las 'byung na/ rkyen min las kyang 'bras bu ni/ /ci phyir mngon par 'byung

  629. 315a

    mi 'gyur/ /zhes pa'i tshig las so/ /gang gi tshe 'bras bu rgyu la sogs pa la mi gnas pa'i phyir de de rnams las mi skye la/ de'i tshe ma skyes pa la yod pa nyid mi rung ngo/ /gang yang de ni de lta na nges na dngos po rnams kyi rang bzhin med pas dngos po thams cad mya ngan las 'das pa dang mtshungs pa rang bzhin gyis stong par grub po/ /'dir kha cig gis smras pa/ rgyu dang rkyen gyi grangs bzhin du 'bras bu rnams yod par kho bo cag khas mi len la/ de'i phyir 'bras bu yong pa nyid kyi skyon kho bo la med cing med pa nyid kyang brjod par mi nus te/ shin tu mi 'dra ba med pa'i phyir/ bum pa dang thags mkhan lta bu sa lu'i sa bon sa lu'i myu gu la med la/ de skyed pa'i nus pa yod pa'i phyir de ltar de ni rgyu la sogs pa la 'bras bu yod pa dang med pa nyid kyi bsam pa spangs te rgyu las 'bras bu skye'i zhes pa 'dis re zhig skye ba grub par rnam par 'jog go/ skye ba grub par gnas pas 'gag par grub par 'gyur te/ gnas pa la sogs ni ming tsam ma yin pa kho na'o/ / skye ba dang gnas pa dang 'jig pa dang ldan pas dngos po rnams rang bzhin med pa ma yin te/ rang gi mtshan nyid du yod pa'i phyir ro zhes na/ smras pa/ de ltar smras pa de ni gang cung zad tsam ste/ ci'i phyir na/ gang zhig dngos po rnams kyi rang gi mtshan nyid grub par 'dod na/ de'i rang gi mtshan nyid de/ rgyu la sogs pa la yod pa 'am med pa zhig /brtag pa gsum pa ni med la/ gal te yang rgyu ni 'bras bu skyed pa'i nus pa can du yod na/ de lta na yang rgyu la 'bru'i rang gi mtshan nyid yod pa ma yin te/ dngos po rnams ma byung ba 'byung bar khas blangs pa'i phyir ro/ /de lta na yang skyon de nyid las log pa ma yin no/ /gzhan yang/ yod pa yod phyir skye ba min/ /med pa med phyir mi skye la/ /chos mi

  630. 315b

    mthun phyir yod med min/ /skye ba med pas gnas 'gag med/ /gang zhig 'di skad du smra ste/ yod pa dang med pa'i bsam pa spangs nas rgyu las 'bras bu skye'o zhes bya ste/ 'dir skye ba grub po zhe na/ de ni ma yin te/ ci'i phyir nar ngos por smra ba'i dngos po rgyu mtshan ni yod pa deng med pa'o/ /ci'i phyir de gnyis su smra pa spangs nas rten cing 'brel par 'byung bstong par smra ba bzhin no/ /des na gang zhig rgyu las skye'o zhes brjod na/ ci de? yod pa skye 'am 'on te med pa skye/ gal te re zhig yong na/ de'i tshe 'bras bu de yod pa'i dngos po'i phyir rtag tu yod bzhin pa la ste/ yod bzhin pa'i phyir da ltar ba'i rnam par shes pa bzhin skye ba ma yin no zhes bya ste/ de ltar re zhig yod pa skye bar mi 'gyur te yod pa'i phyir ro/ /yang na med na med bzhin pa'i rang bzhin gyi 'bras bu na de lta na yang med pa'i phyir 'bras bu rtag tu yod bzhin pa min la/ yod bzhin pa ma yin pa'i phyir ri bong gi rwa bzhin skye ba med do/ /de ltan yang gnyis kyi tshul gyis skye bar 'gyur ro zhe na/ smras pa/ chos mi mthun phyir yod med min/ gang zhig 'gal ba'i chos nge ni mi mthun pa ste/ 'gal ba'i chos kyi dngos po ni chos mi mthun pa'o/ /yod pa dang med pa dag phan chun 'gal ba gang la de yod de phan tshun 'gal ba'i chos mi mthun pa'i dngos po la gang zhig skye ba yod pa ma yin no/ /skye ba yod na yod par 'gyur gyi skye ba med pa la gnas pa dang 'gag la mi 'thad do zhes bya ste/ gnas pa dang skye ba dang 'jig pa med cing/ de las gnas pa la sogs pa'i tshig don gyis stong par grub la/ gnas pa dang skye ba dang 'jig pa dang bral ba'i dngos po rnams rang gi mtshan nyid yod bar ga la 'gyur zhes bya ste/ dngos po rnams mya ngan las 'das pa dang mtshungs par rang bzhin med par grub po/ 'dir smras pa/

  631. 316a

    gal te yang de ltar yod pa las skye ba 'am med pa las skye zhes smra bar mi nus kyang de lta na yang skye'i zhes bya ba 'di ni re zhig skye bo ba lang rdzi mo'i bar la grags par yod la/ de'i phyir skye ba la sogs pa yod pa'o zhes bya la de yod pas dngos po rnams kyi rang bzhin yod do zhe na/ smras pa/ gal te bskyed pa zhes bya ba gzugs la sogs pa'i dngos po rnams kyi rang bzhin yod nang ltar 'gyur la/ 'on kyang med de/ ci'i phyir na 'dir bskyed bya cung zad yod na/ de bskyed pa yong par 'gyur gyi/ bskyed bya cung zad kyang med la/ skyes pa dang ma skyes pa dang bskye bzhin pa'i bskyed bya mngon par 'dod pa rnams kyi skyes pa dang ma skyes pa dang skye bzhin pa'i bskyed bya nyid mi srid do zhes bstan pa'i phyir gsungs pa/ skyes pa gang zhig bskyed bya min/ /ma skyes de yang bskyed bya min/ /skyes pa dang ni ma skyed pa'i/ /skye bzhin pa yang bskyed bya min/ /de la re zhig skyes pa ni de yod bzhin pa'i phyir/ da ltar ba bzhin bskyed bya min te/ skye bar mi rung bas so/ /yang na bskyed byed de ltar na skyes pa ma yin pa de skye ba la bltos pa'i phyir ro/ /yang na skyes pa yang bskyed byar 'gyur na/ de'i tshe grub pa la sgrub pa 'gyur la nam yang bskyed bya ma yin par mi 'gyur ro/ /zhes bya ste/ de ltar re zhig skyes pa bskyes bya min no/ /gang ma skyes bde dngos po ma thob pa'i phyir ci'i/ ngo bo yang ma yin la gang zhig ci'i ngo bo yang ma yin pa de ni nges par gzung ba'i ngo bor med pa'i phyir 'di zhes bya ba de las skye'o zhes pa'i bye brag bstan du med pas ma skyes pa yang bskyed bya min no/ /gzhan yang gang ma skyes pa de la rten med pas skye ba'i bya ba 'jug pa nyid mi srid do zhes bya ste/ ma skyes pa bskyed bya

  632. 316b

    men no/ /'dir smras pa ma skyes pa nyid bskyed bya min la skyes pa thams cad kyang ma yin no/ /'on kyang gang gi rgyu rkyen gyi tshogs pa nye ba las ma skyes pa de nyid bskyed par bya ba'o zhe na/ smras pa/ de su zhig gi/ rgyu dang rkyen gang gis bskyed par bya ba'i 'o/ /slar yang su zhig gis bskyed par bya na/ gang de'i rgyu dang rkyen gyis so zhes brjod pa na phan tshun rten pa thob par 'gyur la phan tshun rten par gyur na phan chun dag ma grub pas gnyig yang med pa'i phyir ma skyes pa bskyed bya min/ de ni skye bzhin pa yang bskyed bya min te/ ci'i phyir na skye bzhin pa ni skyes pa dang ma skyes pa'i phyir 'dir skye bzhin pa zhes bya ba gang zhig cung zad skyes la gang cung zad ma skyes pa'o/ /gang de'i cung zad skyes pa de de bzhin du bskyed bya ma yin te/ bshad pa'i skyon yod pa'i phyir ro/ /gang 'di'i ma skyes pa yang bskyed bya ma yin te/ smos pa'i skyon yod pa'i phyir ro/ /skyes pa dang ma skyes pa zhes pa skyes pa dang ma skyes pa'i phyir ro/ /zhes pa'i don te/ dang po'i mdza' can gyis gtan tshigs su bstan pa'i phyir/ dngos po gcig la skyes pa dang ma skyes pa dus gcig pa mi srid do zhes bya ste/ de ltar gyur pa'i dngos po mi srid pas bskyed bya ma yin pa nyid do/ /gang gi tshe de ltar skyes ba bskyed bya ma yin la ma skyes pa yang bskyed bya ma yin zhing skyes pa dang ma skyes pa'i skye bzhin pa yang bskyed bya ma yin pas/ de'i tshe bskyed bya med pas 'di dag bskyed par ga la 'gyur zhes pa de ltar 'gyur ro/ /gang gi tshe bskyed pa zhes bya ba de la mi srid pa de'i tshe skye ba med do zhes bya ba grub po/ 'dir smras pa/ gal te bskyed bya mi srid kyang de lta na yang 'bras bu skyed byed kyi rgyu re zhig yong la/ bskyed bya med na skyed byed kyang mi rung ngo zhes bya ste/ des na bskyed bya yang 'byung bar

  633. 317a

    'gyur ro zhe na/ smras pa/ gal te skyed byed kyi rgyu nyid yod na bskyed bya yod par 'gyur la/ yod pa ma yin no zhes bstan pa'i phyir gsungs pa/ 'bras bu yod na 'bras ldan la/ /der med gyur na rgyu med mtshungs/ /yod dang med pan yang 'gal/ /dus gsum du yang 'thad ma yin/ /'dir yod bzhin pa'i mnyam pa'i sa bon dang lcags bsregs kyi gong bu la sogs pa la/ myu gu'i rgyur rnam par mi 'jog ste/ mi rung ba'i phyir/ sa bon la rnam par 'jog ste myu gu zhes bya ba'i 'bras bu dang ldan pa'i phyir ro/ /de ni 'di ltar 'bras bu dang 'brel pa med pa'i phyir rgyu ma yin la/ ldan pa'i sgra 'di ni rgyu'i rjod byed du 'chad na/ gyur na zhes kha bskang ngo/ /des na 'bras bu yod na 'bras bu dang ldan par 'gyur ro/ /zhes bya ste/ 'bras bu yod na rgyur 'gyur ro zhes pa'i don to/ /gzhan du na gal te 'bras ldan gyi sgra yis khyad par du byas par ma gyur na/ de'i tshe 'di su'i khyad par yin pa gzung bar ma gyur pas su zhig 'bras bu dang ldan zhes bya'o/ /de las kyang don mtshang bar 'gyur te/ rgyu'i rjod byed la 'bras ldan gyi sgra'i don mtshang bar 'gyur ro/ /yang na 'di ni rgyu med mtshungs zhes brjod pa'i shugs las don gyis thob na/ de lta na yang 'gro ba po ma yin pa mi 'gro'o zhes pa 'di'i rgyu'i sgras brjod pa'i shugs gang zhig las don gyis thob par rigs kyi gzhan du ma yin la/ rgyu'i sgra'i rnam grangs nye bar len par brjod kyi shugs kyis thob par ma bshad do zhes bya'o/ /de ltar yin na yang de lta na/ yang skyon ci yang med bshad pa las bye brag bsgrub par bya'o/ /de la lnga po da ltar ba'i 'bras bu 'dzin cing/ /gnyis ni da ltar ba skyed par byed la de ltar ba dang 'das pa la ni gnyis kyis so/ /gcig ni

  634. 317b

    'das pas bskyed do zhes chos mngon pa las rnam par bzhag pa'i phyir/ lhan cig 'byung pa dang skal ba mnyam pa dang mtshungs par ldan pa dang kun tu 'gro ba dang rnam par smin pa zhes bya ba'i rgyu lnga da ltang ba'i gnas skabs nyid na 'bras bu 'dzin te/ 'bras bu ma bzung na skyed mi nus pa'i phyir na rgyu'i dngos po la gnas so/ /'bras bu yang 'ga' zhig da ltar ba nyid du skyed de 'di lta ste/ lhan cig 'byung ba'i rgyu dang skal ba mnyam pa'i rgyu dag gi skyes bu byed pa'i 'bras bu bzhin no/ /'ga' zhig da ltar ba dang 'das pa ste/ 'di lta ste skal ba mnyam pa'i rgyu dang kun tu 'gro ba'i rgyu dag gi rgyu mthun pa'i 'bras bu'o/ /'das pa'i dngos pos bskyed do zhes pa ni gsal lo/ /da lta ba ni dam thag tu rdzogs pa'i phyir 'bras bu skyed pa'o/ /'bras bu skyes pa na de dag kyang 'das na 'bras bu bskyed pa'i phyir slar yang 'bras bu skyed pa ma yin la/ da ltar bskyed pa'i 'bras bu slar bskyed par mi nus so/ /rnam par smin pa'i rgyu ni 'das pa nyid kyis 'bras bu 'byin no/ /gang gi tshe de ltar rgyu rnams 'bras bu 'dzin pa dang skyed pa'i 'brel pa byas pas rgyu nyid la de'i tshe 'bras bu yod na de dang 'brel pa'i rgyu ni rgyu nyid du 'thad kyi med pa la ni ma yin no/ /gang yang rgyu rnams rgyu nyid du grub pa'i don du 'bras bu yod par khas len pa de'i cho 'bras bu yod bzhin pa la rgyu yis ci zhig bya/ gang gi don du rgyu yongs su tshol ba de'i 'bras bu yod pa nyid na rgyu yis dgos pa cung zad kyang med do zhes bya'o/ /yang na 'bras bu 'di'i rgyu 'di'o zhes pa rnam par bzhag pa'i don du 'bras bu yod bzhin pa'i rgyu 'dod pa de yang mi 'thad de/ ci'i phyir na 'dir 'bras bu yod par khas blangs pa la rgyu dgos pa med pas rgyu med pa nyid du grub par 'dod pa dang/ rgyu med na 'bras bu yod pa nyid sel ba dang phan tshun rten pas bsal bar 'gyur bas

  635. 318a

    rgyu dang 'bras bu 'di'i rgyu ? 'di'o zhes mi 'thad do/ /des na yang 'bras bu 'di'i rgyu 'di'o zhes rnam par bzhag pa'i don du 'bras bu yod bzhin pa'i rgyu 'dod pa de ni mi rigs te/ ji srid de'i 'bras bum rdzogs pa de srid du dngos po 'ga' zhig rgyu'i rnam par bzhag pa med par 'gyur bas 'bras bu don du gnyer ba'i 'jig rten pa su zhig nye bar len pa dang spong pa la 'jug par 'gyur/ 'bras bu don du gnyer pa rnams kyis sngar rgyu nye bar len cing rgyu ma yin pa yongs su spangs nas 'jug par 'gyur ro zhe na/ 'di dag ni cung zad tsam ste/ de ni 'bras bu yod na rgyu yis dgos pa cung zad kyang med do/ /yang ni de'i rgyu yis dgos pa yod do zhe na/ de lta na yang de ni yong pa ma yin te/ skyes pa slar yang mi skye bas thug pa med pa'i skyon dang/ skye ba don med pa'i phyir ro zhes bya ste/ de ltar de bzhin du 'bras bu yod pa ni rgyu 'thad pa ma yin no/ /yang na ji skad smos pa'i skyon bsal ba'i don du med pa 'bras bu 'dod na/ de lta na yang/ der med na yang rgyu med mtshungs/ zho zhes bya ba 'bras bu yod na/ 'o ma ni de'i rgyu la chu ni ma yin no zhes rigs par 'gyur te/ 'bras bu ldan pa dang mi ldan pa'i phyir ro/ /gang du de'i 'bras bu zho zhes bya ba med na de'i tshe zho zhes bya ba 'o ma'i 'bras bu la tshul sogs pa ni rgyu ma yin pa dang 'o ma rgyu yin pa dag khyad par med pa'i phyir 'o ma la sogs pa la zho mi skye par 'gyur te/ rgyu med pa dang mtshungs pa'i phyir ro/ /de ltar 'bras bu med na de la rgyu yang med do/ yang na 'di snyam du yod pa dang med pa'i 'bras bu'i rgyu yod do zhe na/ smras pa/ yod dang med pa na yang 'gal te/ 'bras bu gcig la yod pa dang med pa phan tshun 'gal ba'i phyir mi srid ngo zhes bya ste/ de lta bu'i 'bras bu yod pa ma?

  636. 318b

    yin pa nyid do/ /de med na 'bras bu yod bzhin pa ma yin la/ 'bras bu la bltos pa med pa'i rgyu nam yang ga la zhig ces pas ji skad du smos pa'i rig pas dus gsum du 'bras bu'i rgyu 'thad pa ma yin no zhes bya ste rgyu med do/ /ngo nyid kyis ni gsungs ba dus gsum du yang 'thad ma yin/ zhes bya'o/ /de la 'bras bu yong pa'i rgyu 'dod na sngar 'bras bu la phyis ni rgyu'o zhes thob par 'gyur te/ slob ma dang slob dpon bzhin no/ /'bras bu med na sngar ni 'bras bu'o zhes thob par 'gyur te zho dang 'o ma bzhin no/ /yong pa dang med pa'o zhe na/ da lta ba la rgyu dang 'bras bu dag 'thob par 'gyur te skye bzhin pa ni yong pa dang med pa'i ngo bo'i phyir ro/ /de ni 'di ltar rnam pa thams cad du rgyu mi 'thang bar gzigs nas gsungs pa/ /dus gsum du yang 'thang ma yin/ zhes so/ /yang na/ dus gsum du yang 'thad ma yin/ zhes pa'i yang gi sgra ni phyi bar blta'o/ /de la rgyu ni 'das pa dang nga ltar dang ma 'ongs pa nyid kyis na dus gsum la 'bras bu yang dus gsum mo/ / 'bras bu re re la yang dus gsum du yang rgyu mi srid de/ ji ltar bstan pa'i rig pas zhes gsungs pa/ dus gsum rnams su 'thad ma yin/ zhes bya'o/ /de skad du yang/ rtsa ba'i rab byed nyi shu par 'das pa'i 'bras bu 'das pa yi/ /rgyu dang lhan cig ma yin la/ /ma skyes pa dang me skyes pa/ /nam yang lhan cig yod ma min/ /ma skyes pa yi 'bras bu dang/ /ma skyes rgyu ngag ltan cig min/ /'das pa dang ni ma skyes pa/ /nam yang lhan cig yod ma yin/ /ma skyes pa'i 'bras bu dang skyes pa'i rgyu dag lhan cig min/ /ma skyes pa dang ma 'gags pa/ /lhan cig nam yang ma yin no/ zhes gang gi tshe 'di ltar dbyang na rgyu mi srid pa de'i tshe rgyu med na/ nges bskyed bya 'bras bu med la/ bskyed bya 'bras bu med pa grub po zhes bya'o

  637. 319a

    'dir smras pa/ rgyu'i grangs nye bar bstan pa yod pa'i phyir yod pa nyid de/ yod pa ma yin pa'i rus spal gyi spu la grangs nye par ston pa ma yin la rgyu'i grangs nye bar bstan pa'i phyir/ /byed rgyu lhan cig 'byung pa dang/ skal mnyam mtshungs par ldan pa dang/ /kun tu 'gro dang rnam smin rgyu/ /rgyu ni rnam pa drug du 'dod/ /ces chos mngon pa las so/ /mdo las kyang gsungs pa/ chos gcig ni khyad par gyi skal pa can te/ gang tshul bzhin yid la byed pa'o/ /rgyu dang rkyen gnyis kyis yang dag pa'i lta ba bskyed pa ste/ nang gi bdag nyid kyi tshul bzhin yid la byed pa dang/ gzhan las rjes su mthun pa'i sgra'o/ /chos gsum ni mang po byed pa ste/ skyes bu dam pa bsten pa dang/ dam pa'i chos nyan pa dang/ tshul bzhin yid la byed pa'o zhes so/ /smras pa/ gal te rgyu yod na/ de'i grangs yod pa nyid la/ yod pa ma yin te/ ji ltar med pa de ltar bsnyan pa'i phyir gsungs pa/ gcig med par ni mang po dang/ mang po med par gcig mi 'jug / de phyir rten cing 'brel 'byung ba'i/ /dngos po mtshan ma med pa yin/ /'dir tha dad pa rnams su bgrang ba'i brda la 'jig rten du grangs zhes rnam par 'jog ste/ tha dad pa 'di rnams bgrang bar byed brtsi bar byed do zhes byas nas grangs de yang gcig dang gnyis dang mang po la sogs pa'o/ /de la gang 'di'i gcig gi grangs las bgrang bya gcig tu rnam par 'jog la/ de bzhin du gnyis kyi grangs kyis gnyis kyi dngos po la/ mang po'i grangs kyis mang po'i dngos po'o/ /de la gang zhig gcig mang po'i dngos po la mi bltos par 'ga' zhig grub par 'gyur na gcig gi grangs su 'gyur la/ mang po la ma bltos par gcig gi dngos po'i rang gi ngo bo grub pa med do/ /de la gang re zhig bdag nyid dang bco lnga'i chos skye ba de rnams

  638. 319b

    chos bco lnga lam bltos pa'i gcig gi chos ni med do/ /gzhan yang gal te 'di'i gzugs can gyi dngos po gcig 'dod na/ de 'dod pa'i khams su rdzas brgyad kyi bdag nyid la/ dbang po las 'das pa'i phyir zhes pa'i nges pa las sgra'i dul phra rab ni ma yin no/ /rdzas bdun la ma bltos par rang gi ngo bo grub pa med do/ /yang na gal te gzugs khams su sems dang sems las byung ba'i rang bzhin la/ mdzong du sems dang sems byung nges lhan cig /zhes pa'i nges pa las thams cad bsdus na rdzas bcu gcig gi bdag nyid la bltos so/ /yang na ldan pa ma yin pa rnams kyi ste/ de la yang/ mdzod du de dag skye ba'i skye la sogs/ /de chos brgyad dang gcig la 'jug /zhes pa'i nges pa las de de ltar mang po la ma bltos par dngos po gcig med la/ gang gi tshe 'di ltar mang po la ma bltos par dngos po gcig med pa de'i tshe/ dngos po gcig pu 'grub par mi 'gyur na/ gcig bsags pa ga la zhig /gcig bsags pa med na mang po yod pa ma yin no zhes bya ste/ mang po yang med do/ /ji skad du 'phags pa lhas/ dngos po gang gang rnam brtags na/ /de dang di la gcig med la/ /gang du gcig kyang med pa na/ de la du ma'ang yod ma yin/ /zhes so/ gang gi tshe de ltar dngos po mang po la ma bltos par dngos po gcig med pa de'i tshe/ dngos po gcig med pa la mang po 'thad pa ma yin no/ /gang gi tshe yang dngos po gcig med par gyur na mang po mi 'thad pa de'i tshe mang po med pas de dang 'brel pa las byung ba'i gcig kyang med do zhes gsungs pa/ mang po med par gcig mi 'jug /ces bya ba la/ mang po med na gcig mi srid ngo zhes bya ba'i don to/ /gang du gcig la gcig gam mang po'i dngos po med pa de la gcig gi

  639. 320a

    grangs sam mang po nyid kyi grangs ga la 'jug bya ba ste/ des na grangs med la/ grangs med na yang grangs srid pa'i rgyu mtshan gyis grub pa'i rgyu mi 'grub po/ /'dir smras pa/ gal te gcig med na de la gcig gi tha snyad mi 'byung na/ bum pa gcig ces pa dang/ gal te mang po med na de'i tshe mang po'i tha snyad med par 'gyur na/ bum pa mang po zhes so/ /smras pa/ su zhig de skad smra/ gcig med cing mang po med do zhes bya ba/ kho bos gcig dang mang po'i dngos po'i ngo bo grub pa bkag la/ gang las de rnams kyi rang gi ngo bo grub pa med pa/ de phyir rten cing 'brel 'byung ba'i/ /dngos po mtshan ma med pa yin/ /gang kho na de rnams kyi ngo bo ma grub pa de nyid kyis na dngos po rnams rten cing 'brel bar 'byung bar 'gyur ro/ /rang bzhin yod pa rnams skye pa don med pa'i phyir/ rang bzhin ma grub pa'i gzugs brnyan la sogs pa ni rten cing 'brel par 'byung ba nye bar thob la/ de nyid kyis na chos thams cad mtshan ma med pa dang chos thams cad rang bzhin gyis stong par grub pa rnam/ rang bzhin med pas phan tshun du bye brag yongs su ma brtags pas mtshan ma med pa ste dngos po thams cad bye brag med pa gcig gi rang bzhin no zhes bya ba'i don to/ /rnam par shes pa'i yul ma yin pa'i phyir yang mtshan ma med pa ste/ rnam par shes pa ni mtshan ma la dmigs pa'i phyir na/ rnam par shes pa'i dmigs pa gzhan las khyad par 'ga' zhig gis khyad par du gyur ba'i rang gi dmigs pa las jug bzhin pas 'jug par gyur grang na/ de yang khyad par gyi dmigs pa'i rang bzhin med pas med do/ /zhes bya ste/ 'di nyid kyis na rnam par shes pa'i yul ma yin pas dngos po mtshan ma med pa'o zhes bya'o/ /

  640. 320b

    gzhan dag ni gzhan duAng smra ste/ 'dir des par tha snyad kyi don du don la mi dag 'jug la/ de rnams kyang phan tshun du rang las gzhan pa'i mi rnam par bcad pa'i sgo nas rang gi don rtogs par byed la/ /mang po yod kyang de dag rnam par bcad pa'i don du gcig ces bya ba'i tshig 'thad la/ de yang gzhan med na 'dis ci zhig rnam par bcad par bya zhes bya ste/ sbyor ba mi byed par thal lo/ /ming gi rang bzhin las gzhan pa'i gcig gi grangs 'ga' zhig yod pa ma yin te/ dgra de las ma grol lo zhes bya ba lta bu la sogs pa yul gzhan du brdang pa'i tha snyad las de dag 'di ltar mang po 'brel pa dang mang po rgyu mtshan gyis mang po las gzhan gcig yod pa ma yin no/ /zhes bya la/ gzhan la rag las pas rang rgyud pa ma yin la/ rang rgyud pa ma yin pa'i phyir yongs su ma grub pa'o/ /de bzhin du grangs cig shos kyang shes par bya'o/ /gal te de ltar grangs mi 'thad na gcig dang gnyis dang mang po la sogs pa'i tha snyad ji ltar 'dogs she na/ de phyir rten cing 'brel bar? byung gi /dngos po mtshan ma med pa yin/ 'di skad ces smras par 'gyur te/ gang gi phyir de ltar phan tshun bltos pa'i phyir na gcig gam mang po la rang gi mtshan nyid mi gnas pa de'i phyir rten cing 'brel par 'byung ba'i rnam pa thams cad la de ltar dngos po'i mtshan nyid med pa'o/ /ji ltar thags kyi yon tan gyi mtshan nyid pas thags nyid la ma grub kyang/ nye bar brten nas snam bu nyid du btags la/ de bzhin du don dam par gcig med kyang de la brten nas mang po'i tha snyad byed la/ mang po ma grub na yang de la brten nas gcig gi tha snyad 'dogs pa/ don dam par ni mtshan ma med pas dngos po'i mtshan ma med pa zhes bya'o mtshan ma med pa nyid pas mtshan ma med la/ dngos po nyid du tha snyad pa'i blo yas mtshan mar

  641. 321a

    byas pas mtshan ma zhes bya ste/ de yang yongs su ma grub pa nyid pas mtshan ma med pa zhes bya'o/ /'dir smras pa/ gal te khyod kyis de ltar grangs bkag pas rgyu med par bsgrubs na/ 'o na de ltar gyur na khyod kyis rten cing 'brel par 'byung ba thob par mi 'gyur te/ ji ltar zhe na/ 'dir rgyu la brten nas 'bras bu gang zhig skye ba ni rten cing 'brel bar 'byung ba'o/ /de yang rgyu med par bsgrubs pas gnod par 'gyur la/ /de la gnod pa yang rung ba ma yin te/ de mthong bas chos mthong bar bcom ldan 'das kyis gsungs te/ gang rten cing 'brel par 'byung ba mthong ba des chos mthong la/ gang gis chos mthong ba des de bzhin gshegs pa mthong ngo zhes mdo las gsungs pa'i phyir ro/ /des na rten cing 'brel par 'byung ba yod pa'i phyir skyed byed kyi rgyu yod ngo zhe na/ smras pa/ rgyu la brten nas 'byung bar brtags pa ni rung gi rgyu med pa la ni ma yin no/ /'di ltar yang rten cing 'brel par 'byung bar brtags pa mi 'thad de/ gang gi phyir/ rten 'byung yan lag bcu gnyis gang/ /sdug bsngal 'bras can de ma skyes/ /sems gcig la yang ma yin zhing/ du ma la yang de ma yin/ /de la ma rig pa'i rkyen gyis 'du byed zhes bya ba la sogs pa nas rga shi'i mthar thug pa la rten cing 'brel par 'byung ba yan lag bcu gnyis su gsungs la/ de yang rten cing 'brel par 'byung ba 'di'i 'bras bu sdug bsngal te/ sdug bsngal ni 'di'i 'bras bu zhes bya bas sdug bsngal 'bras can la/ gang mi rtag pa de sdug bsngal lo zhes rnam par bzhag pa'i phyir/ yan lag bcu gnyis po 'di rnams ni mi rtag pa'o/ /mi rtag pa'i phyir gnod pa'i bdag nyid can la/

  642. 321b

    gnod pa'i bdag nyid yin pa'i phyir sdug bsngal lo/ /de nyid kyis na gsungs pa/ 'di ltar 'di ni sdug bsngal gyi phung po chen po 'ba' zhig 'byung bar 'gyur ro zhes so/ /gang zhig byas pa de mi rtag la/ gang mi rtag pa de ngo bo nyid kyis ma skyes pa'o// gang zhig ngo bo nyid kyis ma skyes pa de skye ba med pa'o/ /zhes gsungs pa/ sdug bsngal 'bras can de ma skyes/ /zhes so/ /sdug bsngal 'bras bu'i phyir ma skyes pa zhes bya ba'i don to/ /su zhig skye ba med ce na/ gsungs pa/ rten 'byung yan lag bcu gnyis gang/ zhes pa la rgyu'i yan lag kyang sdug bsngal yin pa'i phyir skye ba med pas yongs su gzung bas stong nyid du so sor gnas par 'thad do/ /gang gi phyir 'di dag gang zhig sdug bsngal 'bras can yan lag bcu gnyis kyis rten cing 'brel par 'byung ba gsungs pa de yang skye ba med de/ ci'i phyir zhe na/ gang gi phyir rnam par dpyad na/ /sems gcig la yang ma yin zhing/ /du ma la yang de ma yin de la ma rig pa dang 'du byed dag /'das pa'i srid pas bsdug pa'i phyir dang/ rnam par shes pa dang/ ming dang gzugs dang/ skye mtshad drug dang/ reg pa dang tshor ba dang/ sred pa dang/ len pa dang/ srid pa'i yan lag rnams da ltar gyi srid pas bsdus pa'i phyir dang/ skye ba dang rga shi'i yan lag rnams ma 'ongs pa'i srid par bsdus pa'i phyir sems gcig la mi skye la/ du ma'i sems kyang dus gcig du nye ba ma yin pa'i phyir mi skye'o/ /sems gcig la yang 'das pa dang ma 'ongs pa dang/ da ltar byung ba'i srid pa rnams gcig car du yang pa ma yin te/ sngar dang phyi ma'i yan lag dag sa bon dang myu gu bzhin du sems gcig la rten pa rig pa dang 'gal ba'i phyir ro zhes bya la/ du ma la yang mi srid do/ /yang na 'di ltar sems te/ 'das pa dang ma 'ongs pa'i sems

  643. 322a

    blo yis gzung zhing/ da ltar ba ni yod bzhin pa'i phyir du ma'i sems la brten nas yan lag bcu gnyis kyi rten cing 'brel par 'byung ba rnam par 'jog go zhe na/ smras pa/ gal te yang khyod kyis 'das pa dang ma 'ongs pa'i sems blo yis sgro btags nas byas na/ de lta na yang de dag gi rang gi ngo bo med pas rten cing 'brel par 'byung ba'i rten nyid du mi rung ngo/ /sems la ma brten par yang rten cing 'brel par 'byung ba'i rnam pa bzhag pa mi 'thad do/ /de'i phyir sems du ma cig car du nye ba ma yin pas du ma'i sems la yang mi rung ngo/ /gang zhig 'di snyam du yang sems na/ sems gcig la yang yan lag bcu gnyis rnam par 'jog ste/ 'di lta ste rnyed pa'i dbang gis srog chags rnams srog gcod par byed pa na gang rmongs pa de ma rig pa'o/ /gang sems pa de 'du byed/ dngos po so sor rig pas rnam par shes pa/ lhan cig 'byung ba'i dbang las phung po rnams ni ming dang gzugs ming dang gzugs la rnam par gnas pa'i dbang po rnams ni skye mched drug /sgye mched drug las mngon par grub pa ni reg pa/ reg pa nyam su myong ba ni tshor ba/ /gang chags pa de ni srid pa/ de dang mtshungs par ldan pa'i kun nas dkris pa ni len pa/ des kun nas slang ba'i lus dang ngag gi las ni srid pa/ chos de rnams kyi gsal bar snang ba ni skye ba/ yongs su smin pa ni rgas pa/ 'jig pa ni 'chi ba zhes bya'o/ /'di dag gi ming bsgrags pa tsam gsungs pa ni bden te/ ma rig pa la sogs pa skad cig ma gcig la byas kyi rgyu dang 'bras bu'i dngos po nye bar bstan pa ni ma yin la/ rgyu dang 'bras bu'i dngos po'i don ni rten cing 'brel par 'byung ba'i don te/ de rnams lhan cig tu 'byung ba

  644. 322b

    ma grub bo/ /mar me dang 'od bzhin du grub po zhe na/ ma yin te/ de la yang mtshungs par 'gyur ba'i phyir ro/ /gang gi tshe sems gcig la yang rten cing 'brel par 'byung ba du ma mi srid pa de'i phyir rten cing 'brel par 'byung ba skye ba med do zhes grub po/ 'dir smras pa/ gal te yang sems gcig gam du ma la rten cing 'brel par 'byung ba 'di rnams mi srid na/ de lta na yang bcom ldan 'das kyis rten cing 'brel par 'byung ba yan lag brgyud ma rnams kyis rgyu brgyud mnye bar gsungs la/ yod bzhin pa ma yin pa'i mo gsham gyi bu la rgyu brgyud mar nye bar ma bstan pas/ de'i phyir rten cing 'brel par 'byung ba yod do zhes bya ste/ 'di ltar rga shi'i rgyu skye bar gsungs la/ skye ba'i srid pa la ji srid du byed rnams kyi ma rig pa'o// ma rig pa de yang glo bur ba nyid dgag pa'i phyir bcom ldan 'das kyis gsungs pa/ dge slong dag ma rig pa yang rgyu dang bcas rkyen dang bcas 'byung khungs dang bcas pa ste/ ma rig pa'i rgyu ni tshul bzhin ma yin par yid la byed pa'o zhes brjod par bya bar 'gyur ro zhes bya'o/ /de la gal te ma rig pa med na 'di'i rgyu nye bar son par mi 'gyur te/ med pa'ang nam mkha' i me tog gi phreng ba'i rgyu nye bar mi ston la/ ma rig pa'i rgyu tshul bzhin ma yin pa nye bar bstan pas so/ /de yang phyin ci log bzhi'i rang bzhin rtag pa bdag sdug pa bde ba'i dbye bas ma rig pa'i rgyu'i dngos por khong du chud par bya'o/ /de'i phyir phyin ci log bzhi las byung ba'i ma rig pa yod la/ ji ltar ma rig pa phyin ci log bzhi las byung ba yod pa bzhin du 'di ltar ma rig pa las byung ba'i 'du byed kyang 'byung bar 'gyur zhing/ ji srid du skye ba las byung ba'i rga shi'i bar du 'byung bar 'gyur ro/ /des na brten cing 'brel par 'byung ba'i yan lag srid pas rten cing 'brel par 'byung

  645. 323a

    pa yod do zhe na/ de la ma rig pa'i dbang du byas nas smos pa/ gal te rten cing 'brel par 'byung ba yod na/ de las byung ba ma rig pa yod la/ gang gi tshe rten cing 'brel par 'byung ba nyid ma grub na de'i tshe rten cing 'brel par 'byung ba'i yan lag tu gyur pa ma rig pa 'byung bar ga la 'gyur/ gzhan yang 'dir ma rig pa tshul bzhin ma yin pa yid la byed pa las byung na/ phyin ci log las 'byung bar brjod par bya la/ de las gal te phyin ci log yod na de'i tshe de las byung ba'i ma rig pa yang yod na/ yod pa ni ma yin no zhes bsgrub pa'i phyir gsungs pa/ mi rtag rtag min bdag med dang/ bdag min sdug dang mi sdug ma ni/ /sdug bsngal bde ba ma yin zhing/ /de phyir phyin ci log rnams med/ /de la mi rtag pa la rtag par 'dzin pas phyin ci log go /ci slar yang de mi rtag pa'i dngos po las phyin ci log pa rtag pa khong du chud pa med na/ yang ji ltar mi rtag pa las phyin ci log rtag pa yin/ phyin ci log pas na phyin ci log ste log rtogs so/ /gang gi tshe mi rtag pa de rtag par mi 'gyur zhing mi rtag pa yang phyin ci log ma yin no/ /mi rtag pa'i dngos po ni mi rtag pa las phyin ci log rtag pa nyid du thob nas phyin ci log tu gyur pa ma yin te/ 'on kyang mi rtag pa nyid kyi dngos po de gang gi tshe ji ltar gnas pa'i mi rtag pa nyid du logs su bzhag nas rtag pa nyid du 'dzin pa de'i tshe/ phyin ci log tu 'dzin pas phyin ci log ces bya'o/ /slar yang ci zhig phyin ci log 'dis phyin ci log tu 'dzin/ smras pa/ rtag par ro/ /slar yang de'i tshe ji ltar 'dis rtag par 'dzin/ rnam par shes pa de'i rnam par bskyed pa'i phyir ro/ /gal te de lta na 'di ltar de'i tshe/ de'i rnam par shes

  646. 323b

    bde mi rtag pa'i dngos po la ma yin te/ nge de'i rnam par ma skyes pa'i phyir ro/ /des na rnam par shes pa de yang mi rtag pa la ma yin te/ yod pa la rtag pa'i rnam par 'dzin pas/ rtag par 'dzin pa ji ltar phyin ci log/ smras pa/ dngos po mi rtag par gnas pa la rtog pa'i rnam par 'dzin pas phyin ci log pa zhes bya'o/ /slar yang dngos po mi rtag pa'i rnam par gnas pa zhes de ji ltar de ltar rtogs/ gang la gang las gang gi rnam par shes pa bskyed pa des na/ rnam par shes pa la grags pa'i rnam pa de las dngos po rnam par 'jog ste/ sngon po dang ser po zhes bya ba lta bu'o/ /rtag pa'i rnam par shes pa ni gzhan gyi rnam par ma yin pa'i phyir/ de'i tshe mi rtag pa'i rnam pa na de'i rnam par shes pas dngos po gang zhig gzhan du 'dzin par ga la 'gyur/ /gzhan zhig la de'i mi rtag pa byas nas dngos po mi rtog go zhe na/ 'di ni de ltar ma yin te/ de nyid de'i tshe de'i mi rtag pa'o/ /gzhan zhig na de'i rnam par rnam par shes pa ma skyes pa'i phyir mi snang ba nyid la/ de ni de'i rnam pa'o zhes 'thad pa ma yin la phyin ci log la 'dzin pa yang ma yi no zhes bya'o/ /de'i phyir rtag pa'i rnam pa phyin ci log ma yin zhing/ rtag pa dang mi rtag pa zhes byas nas phyin ci log nyid med do/ /de ltar nam yang bdag med dang bdag la min zhing/ sdug pa dang mi sdug pa la yang ma yin la/ bde ba dang sdug bsngal la yang min no zhes rgyas par bshad par bya'o/ /des na de ltar phyin ci log med la gang gi tshe phyin ci log mi srid pa de'i tshe/ de med phyin ci log bzhi las/ / skyes pa'i ma rig mi srid la/ /de med 'du byed mi 'byung zhing/ /lhag ma rnams kyang de bzhin no/ /de la gang zhig smos pa'i yan lag brgyud ma rnams kyis rgyu brgyud mar bstan pa yod pas rten cing 'brel par 'byung ba yod do zhes pa tshul

  647. 324a

    'dis 'thad pa ma yin no/ /gang zhig phyin ci log bzhi las byung ba ma rig pa nyid la phyin ci log med na med do/ /zhes bstan la/ de nyid kyis 'du byed la sogs pa'i yan lag dgag pa grub bo/ /gang du ma rig pa med pas 'du byed rnams mi 'byung la de bzhin du rnam par shes pa med pas ming dang gzugs bkag pa ste/ ji srid du skye ba med pas rga shi med do zhes bya ba'i bar du'o/ /de ltar rten cing 'brel par 'byung ba med na/ de dag gi rgyu brgyud mar bstan pa las/ de'i yan lag brgyud mgal zhig /des na rten cing 'brel par 'byung ba skye ba med do zhes grub bo/ /'dir smras pa/ gal te na yang phyin ci log las byung ba'i ma rig pa phyin ci log med pas med do zhes smra na/ de lta na yang 'dir re zhig kho nar 'di dag med do zhes rnam par bzhag par mi nus te/ 'du byed skyed pas na de'i rgyu'i dngos por bstan pa'i phyir dang/ 'du byed rnams kyang ma rig pa'i 'bras bur bstan pa'i phyir ro/ /de skad du yang bcom ldan 'das kyis gsungs pa/ ma rig pa'i rjes su 'gro ba'i gang zag 'di dag ni bsod nams kyi 'du byed kyang mngon par 'du byed do/ /bsod nams ma yin pa'i 'du byed kyang mngon par 'du byed do/ /lung du ma bstan pa'i 'du byed kyang mngon par 'du byed do zhes so /de'i phyir ma rig pa dang 'du byed dag yod la/ de yod na gzhan rten cing 'brel par 'byung ba'i yan lag rnams grub pas rten cing 'brel par 'byung ba yan lag bcu gnyis grub bo zhes brjod do/ /gal te ma rig pa dang 'du byed dag gi rang bzhin grub par gyur na/ rten cing 'brel par 'byung ba yan lag bcu gnyis yod la/ yod pa ma yin te/ ji ltar med pa de ltar bsgrub pa'i phyir gsungs pa/ ma rig 'du byed

  648. 324b

    med mi 'byung/ /de med 'du byed mi 'byung zhing/ /de dag phan tshun rgyu can te/ /rang bzhin gyis kyang ma grub po/ /gal te ma rig pa 'du byed rnams kyi rgyur rnam par bzhag pa ni 'di ltar 'du byed med pa'i phyir de med la rgyu gang zhig rgyu nyid du 'bras bu dang 'brel pa byas pa las yin gyi 'brel pa med na rgyu nyid nam yang ma yin pa'i phyir ro/ /yang na 'bras bu nye bar ma gzung bar 'ga' zhig rgyu nyid du 'gyur na/ de lta na 'ga' zhig 'ga' zhig gi rgyur mi 'gyur la/ de'i phyir rgyu'i rnam par bzhag pa 'bras bu med na ma yin la rgyu yang ma rig pa ni 'du byed rnams kyi'o zhes bya ste/ ma rig pa ni 'du byed med na rgyur mi 'gyur la/ rgyu 'bras kyi dngos po'i skabs yin pa'i phyir/ rgyu'i sgra med kyang rgyu nyid du rtogs pa nyid kyis 'bras bu rgyu'i sgras ma gsungs so/ /ji ltar 'bras bu la ma bltos par 'ga' zhig rgyu nyid ma yin pa'i phyir ma rig pa 'du byed med na mi 'byung ba bzhin 'bras bu yang rgyu la mi bltos na/ rgyu med pa las mi srid do zhes bya ba ni/ de med 'du byed mi 'byung zhing/ ma rig pa med na 'du byed mi 'thad de/ rgyu med par thal ba'i phyir ro/ /gang yang 'di ltar rgyu dang 'bras bu dag phan tshun ma bltos par grub pa med la/ de'i phyir de dag phan tshun rgyu can dang/ ngo bo nyid kyis kyang ma grub ste/ pha rol dang tshu rol bzhin nam ring po dang thung du bzhin rgyu dang 'bras bu dag phan tshun bltos pa dang bcas pa'i phyir ngo bo nyid kyis grub pa med do/ /gal te rgyu dang 'bras bu dag ngo bo nyid kyis grub par gyur na/ de ni 'bras bu la mi bltos par rgyur 'gyur na/ de las kyang rgyu med pa nyid du 'gyur te/ rgyu ni gang las 'bras bu'i 'jug pa'i rgyu nyid pas rgyu'o/ /de med na rgyu med pa nyid rgyur 'gyur te/ rgyu med pa nyid rgyur 'thad pa yang ma yin no zhes bya bas/

  649. 325a

    des na nges par 'bras bu la bltos la/ 'bras bu la bltos pa'i phyir rang nyid ma grub po/ /de bzhin du gal te 'bras bu ngo bos grub par gyur na/ de ni rgyu la mi bltos par 'gyur la/ de yang rgyu la mi bltos na/ de ni nam mkha' i me tog bzhin du 'gyur bas de'i phyir rgyu la bltos so/ /rgyu la bltos pa'i phyir de po nyid ma grub bo zhes gnas so/ /de ni 'di ltar ji skad du gsungs pa'i rigs pas/ gang zhig rang nyid rang bzhin gyis/ ma grub des gzhan ji ltar bskyed/ /de phyir gzhan las grub pa yi/ /rkyen gzhan dag ni skyed byed ma ni/ /gang yang de'i tshe 'bras bu la ma bltos par rang gi ngo bo mi 'grub la/ de ji ltar rang nyid grub pa med par 'bras bu skyed par byed/ gal te skyed na mo gsham gyi bu mo yang bu skyed par 'gyur la/ de phyir gzhan las grub pa yi/ /rkyen gzhan dag ni skyed byed min/ te rang las tha dad pa gzhan du gyur pa ni 'bras bu la de la bltos nas grub pa'i ma rig pa la sogs pa'i rkyen gyis rang las tha dad pa'i 'bras bu 'du byed la sogs pa'i skyed byed ma yin no/ /phan tshun mi bltos par grub par yod par gyur na/ rgyu las gzhan pa 'bras bu 'bras bu las gzhan pa rgyu'o zhes 'thad par 'gyur la/ rgyu dang 'bras bu dag phan tshun ma bltos par grub pa yod pa ma yin no zhes bsgrubs zin to/ /des na ma rig pa las 'du byed rnams gzhan nyid du ma grub pas/ 'du byed rnams la ma bltos par ma rig pa gzhan nyid du grub par 'gyur ro zhes brjod par mi nus so/ /de ltar 'du byed /la sogs pa las ma rig pa la sogs pa gzhan nyid du ma grub na/ ma rig pa la brten nas byung ba'i 'du byed rnams

  650. 325b

    gzhan nyid du grub po zhes rnam par bzhag par mi nus so/ /gang zhig de ltar/ de phyir gzhan las grub pa yi/ /rkyen gzhan dag ni skyed byed min/ /des na 'dir ma rig pa la brten nas 'du byed la bltos nas ma rig pa'o zhes rnam par gzhag pas re zhig rgyu dang 'bras bu dag gcig nyid ma yin no zhes smos par 'gyur ro/ /de nyid kyis de nyid skyed pa med do zhes byas nas/ phan tshun bltos pas rgyu dang 'bras bu dag grub par gyur la/ phan tshun bltos pas rang gi ngo bo grub pa med pas rgyu dang 'bras bu dag gzhan pa yang ma yin no zhes brjod par 'gyur ro/ /de nyid kyis na gcig pa dang gzhan pa dag med pas rtag pa dang chad pa'i mthar smra ba dang bral ba'i rten cing 'brel par 'byung ba grub pa yongs su skye'o/ /ji skad du/ brten nas byung ba gang dang gang/ /re zhig de nyid des mi bskyed/ /gzhan las kyang min de yi phyir/ /rtag min chad pa yang ma yin/ zhes bya ste/ rten cing 'brel par 'byung ba rang bzhin med par yang shin tu gsal bar khong du chud par byas par 'gyur ro/ /ji skad du/ gcig nyid gzhan nyid dang bral ba/ /'gro ba sgra brnyan lta bu ste/ 'pho dang 'jig pa bral ba yi/ /rtogs ldan khyod la mi smod do/ /zhes gsungs so/ /gal te yang de ltar rgyu dang 'bras bu dag phan tshun bltos pa can du grub par rnaM par bzhag la/ de lta na yang phan tshun bltos pa can du grub pas de dag kyang bu dang ba bzhin du grub par 'gyur ro zhe na/ gsungs pa/ pha ni bu min bu pha min/ / /de dag phan tshun med min zhing/ /de gnyis cig car yang med ltar/ /de ltar yan lag bcu gnyis so/ /pha nyid bu ma yin te/ pha zhes bya ba skyed byed la/ /de ji ltar bskyed byar 'gyur/ bu yang pha

  651. 326a

    min te/ bu ni bskyed bya la/ de ji ltar skyed byed du 'gyur/ de ltar re zhig pha nyid bu ma yin la bu nyid pha ma yin no/ /tha mi dang pa ma yin pa'i phyir de gnyis phan tshun med pa yin te/ bu med na 'thad pa ma yin te/ skyed par byed pa'i las kyis pha nyid du 'thad pa'i phyir/ bu med na ci zhig skyed par byed pas pha nyid du 'gyur/ /pha yang bu med na mi 'grub pas/ pha med na bu yang mi 'thad do zhes bya bas/ de gnyis phan tshun med min zhing /de gnyis gcig car yang med ltar te/ de gnyis gcig car na ba lang gi rwa g.yas pa dang g.yon pa bzhin pas bskyed bya skyed byed med pa nyid du 'gyur ro/ /ji ltar pha dang bu dag ma grub pa de bzhin du/ yan lag bcu gnyis kyi rten cing 'brel par 'byung ba yang ma grub ste/ ma rig pa nyid 'du byed ma yin la/ 'du byed nyid ma rig pa ma yin zhing/ de gnyis phan tshun med min zhing/ de gnyis cig car yang ma yin/ zhes bya bas thams cad la mtshungs par sbyar bar bya'o zhes gsungs so/ /gal te ma rig pa dang 'du byed dag rang gi ngo bo ma grub na/ de ni ma rig pa la brten nas 'du byed rnams skye ba mi 'thad de/ med bzhin pa'i mo gsham gyi bul brten nas/ de'i bu 'byung ba ma yin no zhes brjod do/ /gal te ma rig pa dang 'du byed dag rang gi ngo bo grub par gyur na/ de ni 'di dag da ltar ba bzhin pas rten cing 'brel par 'byung bar mi 'gyur ro/ /mo gsham gyi bu la yang brten nas 'byung ba ma yin zhing/ ma rig pa la brten nas 'du byed 'byung ngo zhes bya ste/ des na mo gsham gyi bu lta bu ni rten cing 'brel bar 'byung ba'i don ma yin no/ /'o na gnyi g.yang rang bzhin gyis ma skyes par

  652. 326b

    mnyam la/ de lta na yang phyin ci log la bltos nas ma rig pa la sogs pa la brten nas skye ba yod la/ mo gsham gyi bu la phyin ci log la yang de la brten nas skye bar mi brtog pa'i phyir ro/ /yang ci'i phyir gnyi ga yang mtshungs par rang bzhin gyis ma skyes pa la gcig ni rten cing 'brel bar 'byung bar ma thong la gcig shos ni ma yin/ 'di ni 'jig rten pa kho na la dri bar bya'i/ /kho bo la ni ma yin no/ /de nyid kyis na rten cing 'brel par 'byung ba 'jig rten gyi phyin ci log las so/ /gang dag rang bzhin gyis ma skyes par mnyam pa kha cig ni rten cing 'brel par 'byung bar mthong la gcig shos ni ma yin no/ /rig pas ni mo gsham gyi bu bzhin du chos thams cad yongs su ma brtags la cung zad rtog par byed pas na/ phyin ci log tu rnam par bzhag ste/ 'di ltar rab rib can gyi yang dag pa ma yin pa'i sgra la yongs su rtog pa mi 'thad pas/ ji ltar rab rib med pa rnams kyis brtags pa las phyin ci log tu mthong ba zhes brjod do/ /de nyid kyis na sangs rgyas bcom ldan 'das sman pa chen po ltar rang bzhin med pa skye bo rnams la ston par mdzad de/ gang zhig de'i rgyu yod pa ma yin pA? don du rtog ba'i rnam par rtog ba phyin ci log gi mtshan nyid las bzlog par mdzad do/ /rnam par rtog pa las yongs su bzlog nas yang chos rnams kyi chos nyid ji lta ba de lta bu la gnas so/ /de la gnas nas yang dag pa ma yin par sgro mi 'dogs pas mya ngan las 'das pa thob pa la rnaM par grol ba zhes brjod do/ /'di ltar de phyin ci log tu zhugs pa'i phyir/ ma rig pa dang 'du byed dag gi rang bzhin med la gal te de ltar 'di gnyis rang bzhin med la rang bzhin med pa dag yod na ji ltar rten cing 'brel par 'byung/ ji ltar 'di dag rang bzhi/

  653. 327a

    med pe dag rten cing 'brel par 'byung ba de ltar slob dpon gyis dpes gsal bar mdzad pas gsungs pa/ ji ltar rmi lam yul brten pa'i/ /bde sdug med bzhin de yul yang/ /brten nas gang skyes med de bzhin/ /brten pa nyid kyis de yod mi ji ltar gang kho na las rmi lam du nyams su myong bzhin pa bde pa dang sdug bsngal dag rmi lam du dngos po nye bar thob pa'i gzugs dang sgra la sogs pa de skyed pa'i rjes su mthun ba las brten nas byung ngo zhes rmi lam nyid du rnam par 'jog la/ de las skyes pa la rang bzhin yang med la rmi lam yang sad pa na de bzhin du nyams su myong ba bden pa nyid du mi rtog pa'i phyir ro/ /bde ba dang sdug bsngal 'ba' zhig ngo bo nyid med pa ma yin te/ rmi lam gyi yul yang rten cing 'brel par 'byung la/ yul de yang rten cing 'brel par 'byung ba'i phyir rang bzhin med pa'o/ /ji ltar rmi lam gyi yul dang de la brten nas gang zhig bde ba dang sdug bsngal nye bar skye ba de dang de ni gnyis ga brdzun la/ de bzhin du sad pa na yang ma rig pa zhes bya ba'i rgyu gang las 'du byed ces bya ba'i 'bras bu skye ba rag med de/ rmi lam na nye par thob ba'i yul bzhin du de'i rgyu ma rig pa zhes bya ba med pas zhes bya ba'i don to/ /gang dang de gnyis rtag tu mngon par 'brel ba'i phyir/ /gang gi sgra yis de'i sgra nye bar 'jog par byed de/ de ltar yang rmi lam du nye bar thob pa'i dpes rgyu ma rig pa zhes bya ba med la/ de bzhin rmi lam du nyams su myong ba'i bde ba dang sdug bsngal gyi dpes gang de'i 'bras bu 'du byed ces bya ba de nyid kyang ma rig pa zhes bya ba rgyu yod pa ma yin pa las brten nas skye bas de yang de bzhin du yod pa ma yin no zhes ba 'di dang 'brel to/ /de 'di ltar rmi lam du nyams su myong ba'i bde ba dang sdug bsngal gyi rten cing 'brel par 'byung ba bzhin/ bde

  654. 327b

    ba dang sdug bsngal gyi rgyu yul yang rten cing 'brel bar 'byung ba bzhin pas ma rig pa dang 'du byed dag phyin ci ma log par grub pa ni med do zhes gnas so/ /'dir kha cig gis smras pa/ rmi lam gyi gzugs dang sgra la sogs pa'i yul rnam shes las/ phyi rol gyi rang bzhin stobs can du yod bzhin pa ma yin pas rten cing 'brel par 'byung ba med la/ bde ba dang sdug bsngal ba dag nyams su myong bzhin pa'i rang gi mtshan nyid rten cing 'brel par 'byung ba dag gi mtshan nyid du yod ba'i phyir/ ji skad du gsungs pa'i rig pas rten cing 'brel par 'byung ba rang bzhin med pa mi 'thad do/ /rgyu dang 'bras bu'i rang gi mtshan nyid ma grub pa la/ rten cing 'brel bar 'byung ba med pa'i phyir dang/ rten cing 'brel par 'byung ba ni rang gi mtshan nyid du grub pa las so zhes bya ste/ rnam par shes pa tsam du sgrub pa na rmi lam gyi dbe 'thad de/ rmi lam na rnam par shes pa las tha dad pa'i yul med la/ rnam par rig pa tsam yang yod pa'i phyir ro zhe na/ 'dir smras pa/ gang 'di skad du smra ste/ rnam par shes pa las phyi rol gyi rang bzhin stobs can du yod bzhin pa ma yin pas rten cing 'brel par 'byung ba med do zhes bya ba de ni re zhig mi rigs te/ gal te rmi lam yul dang bcas pa'i rten cing 'brel bar 'byung ba ma yin na/ rten cing 'brel bar 'byung ba med pa'i phyir mo gsham gyi bu bzhin rang gi rnam par shes pa la rnam pa skyed par mi byed la/ 'dir sad pa'i gnas skabs bzhin du skyed par byed pas mig la sogs pa'i dbang po la brten nas/ rnam par shes pa las tha dad pa'i rten cing 'brel par 'byung ba'i yul la rnam par shes pa dmigs so zhes nges so/ /sad pa'i gnas skabs na yang phyi rol gyi yul la rnam par shes pas dmigs pa ma grub pas de ni mi mthong/

  655. 328a

    zhe na/ mi 'thad pa ma yin te/ 'jig rten pa phyi rol gyi yul la dmigs pa'i phyir dang/ bcom ldan 'das kyis kyang phyi rol nyid du nye bar bstan pa'i phyir ro/ /bcom ldan 'das kyis gsungs pa dge slong dag gzuT ni phyi rol gyi skye mched de/ 'byung ba chen po bzhi dag rgyur byas pa zhes pa la sogs pa'o/ /'jig rten pa ni rmongs pa'i phyir dang/ bcom ldan 'das kyi gsung yang dgongs pa can nyid pas drang don yin pa'i phyir skyon med do zhe na/ smras pa/ ji ltar na yang sngon po dang ser po la sogs pa mig la sogs pa'i rnam shes kyis yongs su bcad par bya ba mngon sum du dmigs bzhin pa la med do zhes brjod par mi nus so/ /sngon po la sogs pa rnams dpyad na/ rang gi ngo bo ma dmigs pa'i phyir sngon po la sogs pa'i rnam par shes pa yang sngon po la sogs pa'i rdul phra rab bzhin nam/ 'dus pa la dmigs pa po nyid du mi rung bas rnam par shes pa'i rnam pa las tha dad pa'i sngon po la sogs pa yod par mi 'grub po zhe na/ smras pa/ gal te 'jig rten pa la dmigs bzhin pa yang rigs pas dpyad na med zhes byas nas med do zhes brjod na de lta na 'di ltar rnam par shes pa la sogs pa'i rang gi mtshan nyid kyang med do zhes nges par byos shig /rnam par shes pa de yang rnam par shes pa'i rnam pa las tha dad pa yul gzhan du/ yod pa yod phyir skye ba min/ /med pa med phyir mi skye la/ /chos mi mthun phyir yod med min/ /skye ba med pas gnas 'gag med/ /zhes bya ba la sogs pa ji skad gsungs pa'i brtag pas dang/ dngos po med pas dngos med min/ /bdag las ma yin gzhan las min/ /de phyir dngos dang dngos med dang/ /dngos dang dngos med

  656. 328b

    min pas kyang/ /zhes bya ba la sogs pa 'chad par 'gyur ba'i dpyad pa las kyang ma grub po/ /gang zhig rigs pas dpyad na mi 'thad pa de la 'jig rten pa rmongs pa'i phyir med pa la sgro btags la/ sangs rgyas rnams kyang de yod do zhes ston pa drang ba'i don du'o zhes bya'o/ /phung po lnga rnams kyang phyi rol gyi dmigs pa bzhin du de kho nar ma grub par khas blang bar byos shig /des na rnam par shes pa ni yod ba nyid dang/ phyi rol gyi dmigs pa ni med pa nyid gtang bar bya'o/ /thams cad kyi rang bzhin ma grub par gyur pas/ rnam par shes pa ngo bo nyid kyis ma grub par khas blangs pa bzhin yul yang ma grub par khas blang bar byos shig dang skyon ci yang med do/ /rnam par shes pa dang yul dag mtshungs par rang gi ngo bo ma grub la/ rnam par shes pa'i rang gi ngo bo ma grub kyang yod la yul gyi rang gi ngo bo ma grub pas med do zhes bya ba 'di de kho na nyid du ma yin zhing 'jig rten pa la yang ma yin pas/ 'di skad du smra ba ni rig pa smra par rung pa ma yin no/ /de'i phyir ji ltar 'jig rten pas mthong ba de ltar zhog cig /mthong ba yang phyi rol gyi sngon po la sogs pa'i dmigs pa la rnam par shes pa yang nye bar dmigs pa'o/ /de'i phyir rnam par shes pa yang zhog la phyi rol gyi don yang zhog cig dang/ 'jig rten gyi kun rdzob las tha dad pas ci zhig bya/ de'i phyir rnam par shes pa las gzhan pa'i phyi rol la dmigs pa dgag pa'i don du rmi lam gyi dpe ma yin la/ 'o na kyang gzugs la sogs pa'i phung po lnga char yang rang bzhin med par bsgrub pa'i don du'o/ /ji ltar sad pa'i bdag nyid kyi dngos po 'di nyid phyin ci log gi rgyu can gyi ma rig pa'i rkyen las/ mig gi dbang po la sogs pa'i tshogs pa dang/ de'i rnam par

  657. 329a

    shes pa yod pa can sna tshogs pa'i gzugs dang sgra la sogs pa'i yul nyams su myong ba la 'jug pas byis pa rnams 'di ni bden pa'o zhes mngon par zhen pa'i rgyu mtshan la/ 'phags pas brdzun pa bslu ba'i chos can du yongs su chod la/ de bzhin du rmi lam gnyid kyis kun nas dkrugs pa'i sems sad ba'i bdag nyid kyi dngos po rkyen gyis mig la sogs pa'i tshogs pa dang/ de'i rnam par shes pa yod pa can sna tshogs pa'i gzuT dang sgra la sogs ba'i yul nyams su myong ba la 'jug pas/ rmi lam gyi nang na gnas pa rnams 'di ni bden ba'o zhes mngon par zhen ba'i rgyu mtshan la/ sad pa rnams kyis brdzun ba bslu ba'i chos can nyid du yongs su chod la/ sang ba'i skye ba tha snyad pa rnams la snang ngo/ /ji srid 'dir rmi lam mthong ba las sad par ma gyur pa de srid du de'i bdag nyid kyi dngos po'i mig gis gzugs mthong ste/ ji srid mig ma ched ba dang bsgribs par ma gyur gyi bar du'o/ /de bzhin du rna bas sgra thos pa nas/ ji srid yid kyis chos rnams shes pa dang dge ba dang mi dge ba'i las kyang byed la/ gang dag rmi lam nyid du 'bras bu la nye bar longs sbyod pa ji lta bar/ ma rig pa'i gnyid kyi nang na gnas pas bsdus pa'i nye bar spyod ba'i las kyi 'bras bu nyid la/ ma rig pa'i gnyid log pa las langs pa phung po lhag ma med pa la gnas ba'i/ /lhag ma med pa'i mya ngan las 'das pa la gnas pa'i 'phags pa rnams nye bar longs mi spyod de/ phyin ci log gis bskyed ba'i bdag nyid kyi dngos po shin tu zhi ba'i phyir ro/ /de bzhin du sad pa la yang ste/ gnyid log log pa'i bdag nyid las langs pa rnams/ rmi lam gyi bdag nyid kyi dngos po las

  658. 329b

    shin tu 'das pas/ nges byas pa'i las kyi 'bras bu myong bar mi byed do/ /dge slong dag ltung bar byed pa'i chos kun tu spyod pa skyes kyang rmi lam gyi cha shas sang pas ltung ba chung du tsam du yang bcom ldan 'das kyis ma gsungs la ltung ba med par rnam par bzhag pas/ de'i bdag nyid kyi dngos pos byas pa'i las gyi 'di'i bdag nyid kyi dngos po la rnam pa thams cad du mi myong pa'i phyir dang/ de de bzhin du sad pa'i bdag nyid kyi dngos po dang 'brel ba'i rnam par shes pa rmi lam du rnam pa thams cad du mi srid do/ /gzhan du na der byas pa'i las kyis sad pa na yang 'bras bu nyams su myong ba su yis bzlog par byed/ de ni 'di ltar rnam par shes pa'i tshogs drug ni dbang po drug dang yul drug las te/ dbang po dang yul dag med da med pa lta bur de la mig la sogs pa'i dbang po'i rnaM par shes pa 'thad pa ma yin no/ /yid kyi rnam par shes pa nyid rnam par shes pa la bag chags sna tshogs pa yongs su smin pas sngon po dang ser po la sogs pa'i rnam par mi rung ste/ gnyis dang mtshungs par ldan pas de shin tu blun pa'i phyir te/ gnyid dang bral na sad par thal lo/ /dam pa'i chos klog pa dang/ kha ton dang/ shin tu phra ba'i don la sems pa la sogs pa yang sang ba'i bdag nyid kyi dngo spos bsgrub par nus pas de la nye bar dmigs la/ gnyid kyis slad pa'i rnam par shes pa la ji skad du smos pa mi 'thad do/ /'o na de ltar gyur na bdag nyid kyi dngos po gnyis pa thob par 'gyur ro/ /su yis 'di la gnyis pa'o zhes yongs su brtag par nus/ gal te sad pa'i bdag nyid kyi dngos po la de mi ldan te/ sad pa'i bdag nyid kyi dnges po'i gnas skabs na/ de mi dmigs pa'i phyir ro/ /yang na rmi lam gyi gnas skabs su yang de ltar de'i bdag nyid kyi dngos po mi

  659. 330a

    dmigs pa'i phyir de'i tshe su zhig de la bdag nyid kyi dngos po gnyis pa zhes 'jog/ 'di re zhig bdag nyid la chags pa'i rgyu mtshan gyis brdzun pa'i rang bzhin du brjod par nus kyi/ 'di la gnyis pa dang gsum pa zhes rnam par bzhag par mi nus so/ /'o na de lta na yang lhag ma med pa'i mya ngan las 'das ba lta bu na/ rmi lam rmi ba las sad pa na dran pa 'byung bar mi 'gyur ro/ /gal te rmi lam las sad pa mya ngan las 'das pa lta bur rnam pa thams cad du rnam par shes pa ldog par 'gyur na de ni de ltar 'gyur gyi/ 'dir sad ba na rnam par shes pa'i kun tu spyod pa yod pas zhes bya ste/ rmi lam du nyams su myong ba sad pa'i rnam par shes pa la mi dran pa ma yin no/ / rmi lam du nyams su ma myong ba'i phyir dran pa mi 'thad do zhe na/ de ltar na sngar gyi rnam par shes pas nyams su myong ba phyi ma'i dran pa'i rnam par shes pas nyams su ma myong bas dran par mi 'gyur ro/ /rgyu dang 'bras bu rgyun gcig tu rnams par bzhag pa'i phyir/ des na dran pa yod do zhe na/ 'dir yang sang pa dang rmi lam gyi shes pa dag rgyun gzhan ma yin par rgyu dang 'bras bus 'jug pa'i phyir ro/ /slar yang bden pa 'khrul pa'i rgyu nyid du 'am 'khrul pa bden pa'i rgyu nyid du ji ltar shes/ ji ltar sgra ni sgra brnyan gyi la sgra brnyan yang rang gi rnam par shes pa'i ste/ khyod la 'khrul pa la 'bad pa 'dis don ci zhig/ gal te 'di dag rigs pas dpyad pas bdag nyid yod pa mi spong na/ su zhig 'dir rang bzhin med par khong du chud par 'gyur/ gang kho na la de dag rigs bas mi 'thad pa de nyid kyis na de la brdzun par 'thad do/ /de'i phyir 'jig rten bas mthong ba kho na 'di dag rnam par bzhag pa gyis shig/ 'jig rten pas rmi lam

  660. 330b

    du yul dang dus dang gnas skabs khyad par mi bden pa'i bdag nyid kyang nye bar dmigs la/ mi bden pa nye bar dmigs pas des bden par 'dod pa'i sad pa'i bdag nyid kyi dngos po la chags pa 'phags pas sel bar mdzad do/ /ji ltar gang zhig bdag nyid kyi dngos po de dmigs so zhes gang zhig 'dir dpyad pa na de sad pa'i bdag nyid kyi dngos po dang mtshungs la/ bdag nyid kyi dngos po 'di yang smos pa'i brtags pas mi 'thad na/ ji ltar 'jig rten pas dmigs/ phyin ci log las so/ /'o na phyin ci log kyang skye ba med na de ji ltar 'jig rten pas nye bar dmigs/ smras pa/ 'jig rten pas mthong ba tshad mar byas nas bdag nyid kyi dngos po 'di yod do/ /'jig rten pas mthong ba de yang dpyad na ma grub po zhes bya ste/ ji ltar de tshad mar byed/ smras pa/ ji skad smos pa'i brtag pa ma byas pa'i 'jig rten pa'i mthod ba tshad mang byas pa'o/ /gal te de ltar na 'di thams cad la de bzhin kho nar rdzes su gnas par byos shig/ des na 'jig rten pas ji ltar mthong ba'i dngos por yod pa 'ga' zhig la bden par mngon par 'dod la/ 'ga' zhig la brdzun par mngon par 'dod pa 'phrul pa bsal ba la dgos pa ci zhig yod/ 'jig rten pa'i rmi lam sad pa'i bdag nyid lta bu'i mig la sogs pa'i bdag nyid ji lta bde ltar nye bar dmigs la/ brdzun pa nyid du rnam par gnas la dran pas na bdag nyid kyi dngos po las gzhan pa yang ma yin zhing tha mi dang ba yang ma yin te/ phyin ci log las nye bar dmigs ba'o/ /des na 'jig rten las ji lta ba de lta bur grags pa'i dpes sad pa'i dngos po nye bar dmigs pa rnams la de la chags pa mi skye ba'i don du 'phags pas brdzun pa nyid du gsal bar mdzad do/ /dngos po la chags pa sngon du 'gro ba las 'khor ba la nges

  661. 331a

    par dngos po la chags pa zad pa las mya ngan las 'da' o zhes bya'o/ /de'i phyir rmi lam du rmis pa'i bde ba dag sdug bsngal bzhin dang rgyu yul bzhin du ma rig pa dang 'du byed dag rang gzhin med par grub po/ /'di smras pa/ gal te dngos rnams rang bzhin gyis/ med na dman mnyam khyad 'phags dang/ /sna tshogs nyid ni ming grub cing/ /rgyu las kyang ni mngon grub min ji skad du smos pa'i rigs pa dang/ rmi lam gyi dpes kyang dngos po rnams rang bzhin med bar bsgrubs pa'i phyir/ gal te dngos po rnams kyi rang bzhin med na/ de'i tshe dngos po med par smra ba khyod la dman pa dang mnyam pa dang khyad par 'phags pa nyid mi 'thob po/ /yod bzhin pa ma yin pa na mkha' i me tog la dman pa dang mnyam pa dang khyad par can la dmigs la/ dngos po rnams kyis 'gro ba dang skye gnas dang rigs dang skye rgyud dang/ rus dang na tshod dang gzugs la sogs pa nye bar dmigs pa rnams khyad par can dang khyad par can ma yin pa dang bar ma'i dbye bas gnas pa rnams so sor dman pa dag mnyam pa dang khyad par can yin la/ phyi rol gyi yang khang bzangs dang gos dang rgyan dang ma la stan dang bza' ba dang btung pa la sogs pa'i nye bar mkho ba rnams la bltos nas dman pa dang mnyam pa dang khyad par can nyid la de yang 'di dag thams cad rang rang gi dngos por dngos po rnams grub par 'gyur pa 'thad la/ ma skyes pa ro gcig pa la sna tshogs pa nyid du 'grub pa thob par mi 'gyur ro/ /ji skad smos pa'i 'gro ba la sogs pa phan tshun sna tshogs pa yang 'jig rten du yod la/ rang gi mtshan nyid med bzhin pa la sna tshogs pa nyid ni mi 'thad la/ dngos po rang bzhin med par smra pa rnams dngos po rgyu las skye

  662. 331b

    ba yang mi 'thob ste/ rang bzhin med par smra bas dngos po ri bong gi rwa dang mtshungs so/ /de la gal te 'du byed la sogs pa'i dngos po rang bzhin med par gyur na/ ri bong gi ra bzhin rgyu las skye bar mi 'gyur la/ 'di dag kyang rgyu las skye ba yod pas de'i phyir dngos po rnams rang bzhin dang bcas pa'o zhes bya'o/ /'dir gsungs pa/ rang bzhin grub na rten 'byung gi dngos po med 'gyur ma brten na/ /gang la rang bzhin med par 'gyur/ /dngos po yod dang dngos med kyang/ /gal te dngos po rnams rang bzhin med par smra ba'i phyogs la dman pa la sogs pa med par thal ba'i skyon gyis 'jigs pas/ dngos po rnams kyi rang bzhin grub par khas blangs so zhe na/ 'o na khyod kyis dngos po khas blangs kyang dngos po rnams 'ba' zhig du ma zad kyi/ ji ltar mngon par 'dod pa'i khyad par grub pa yang khyod kyis thob par mi 'gyur la/ rnam par bzhag ba thams cad med pa yang thob par 'gyur ro/ /ji ltar byas na/ gal te nges par dngos po rnams kyi rang bzhin grub par gyur na de ni rang bzhin gyis grub par gyur ba de dag rgyu dang rkyen la brten nas skye bar mi 'gyur te/ yod bzhin pa'i dngos po nyid la dngos por rnam par bzhag par rung gi med pa la ni ma yin no/ /yod bzhin pa slar yang brten nas skye bar yang mi rigs la de las dngos po thams cad brten nas ma byung ba thob par 'gyur ro/ /brten nas 'byung ba med par gyur na/ dngos po rnams kyi dman pa la sogs pa'i khyad par mi 'byung ngo zhes bya ste/ dngos por smra ba rigs pa ma yin no/ /'dir kha cig gis smras pa/ dngos po rnams kyi rang gi mtshan nyid rgyu dang rkyen gyis mi skyed de/ dus gsum du rang gi mtshan nyid gnas pa'i phyir dang/ gnas skabs kyi 'bras bu'i phyir yang dngos po rnams kyi rgyu dang rkyen gyi

  663. 332a

    tshogs pas gnas skabs nyid skyed do zhe na/ de la bltos nas smras pa/ ma brten par yang gang la ste gal te dngos po rnams rang gi mtshan nyid kyis dus gsum du yang gnas par 'gyur na de ni ma brten par byung ba la rang gi mtshan nyid mi 'thad de/ mo gsham gyi bu la yang rang gi mtshan nyid yod par 'gyur la/ de'i phyir ma brten par yang ma yin te/ ma brten par yang dngos po rnams kyi rang bzhin med do/ /gzhan yang dngos po rnams kyi rang bzhin khas blangs na ji ltar khas blangs pa'i rang bzhin med par yang mi 'gyur te/ 'du byed rnams skad cig ma so sor 'jig ba gnas pa med pa'i rang gi mtshan nyid la de yang gzhan du 'gyur ba mthong bas gnas pa med pa'i rang gi mtshan nyid kyi phyir rang bzhin med par rnam par bzhag go/ de la gal te de dag rang bzhin yod na gnas pa med pa'i rang gi mtshan nyid du mi 'gyur zhing/ 'du byed rnams 'jig pa med pa thob par 'gyur la/ ngo bo nyid grub pa'i phyir rang bzhin yod bzhin pa'o/ /yod bzhin pa ma yin pa la gzhan du 'gyur pa yang mi srid do/ /'o ma'i gnas skabs nyid du gnas bzhin pa'i 'o ma gzhan du gyur pa yi zho'i dngos po'i mtshan nyid du mi srid pa 'am/ gzhon nu yang gzhon nu'i gnas skabs nyid du gnas bzhin pa rgas pa'i gnas skabs gzhan thob nas/ 'di las gzhan du gyur pa rnam par 'jog par byed la/ de yang mi rigs te/ 'di gnas skabs gzhan thob pa ci zhig yod/ gal te 'o ma la ni de mi rung ste/ 'o ma'i gnas skabs dang 'gal ba'i zho'i gnas skabs su de ji ltar 'o ma 'byung bar 'gyur/ 'o ma ni'o ma'i gnas skabs nyid du gnas la/ de med na 'o ma'i rnam par bzhag pa med pa nyid du 'gyur/ de las

  664. 332b

    kyang 'o ma dang zho'i gnas skabs dag gcig tu gyur pa med pa'i phyir 'o ma la zho'i dngos po med la dngos po med na 'di la zho'i dngos po ga la zhig zhes bya'o de ltar rang gi mtshan nyid khas blangs par gyur na 'dis dngos po rnaMs yongs su 'gyur pa mi srid pa'i phyir la/ gzhan du 'gyur ba med par gyur na rang bzhin med par mi 'gyur ro/ /'o ma rang gi mtshan nyid las yongs su mi 'gyur pa'i dngos por gyur na/ ji skad du bsgrubs pa'i rigs pas rtag par yod par thal lo/ /dngos po 'ba' zhig tsam khas blangs par gyur na rang bzhin med pa med cing 'jig pa yang thob par mi 'gyur ba yang ma yin te/ rang gi mtshan nyid yod bzhin pa la rang bzhin du rnam par bzhag ga/ med pa la ni ma yin te/ dngos po nyid du rnam par bzhag pa'i de dag 'gal ba dngos po med pa mi 'thad pas so/ /dngos po las bzlog pas na dngos po med pa ste 'jig pa zhes bya ba'i don to/ /rnam par 'jig pas med par 'gyur gyi rang bzhin ni ma yin la/ zhig pa yang rang gi mtshan nyid yod bzhin ba ma yin pa'i phyir ro/ /de la 'di ltar ji skad du smos pa'i skyon yod pa'i phyir dngos por smra bar mi rigs so/ /'dir smras pa/ gal te yang khyod kyi dngos por smra ba bkag kyang de lta na yang dngos po ma bkag go zhes bya ste/ de ni re zhig yod la/ /gang de'i rang bzhin la de las gcig shos ma mthong ba'i phyir rang bzhin gyi rnam par bzhag pa thob pa/ /'di lta ste me'i dngos po de'i gang zhig dro ba la/ de la de las gzhan pad+ma? mthong ba'i phyir rang bzhin zhes rnam par 'jog la/ dngos po 'ba' zhig pa grub pas rang bzhin grub pa dang gzhan gyi dngos po grub pa dang dngos po med pa grub par mi rung ba ma yin te/ 'di ltar gsher ba'i rang bzhin can gyi chu rang bzhin gzhan la

  665. 333a

    bltos nas gzhan gyi dngos po zhes rnam par 'jog la/ de yang dngos po zhig pa la dngos po med pa zhes rnam par 'jog ste/ de'i phyir dngos po yod pa las rang gi dngos po dang gzhan gyi dngos po dang dngos po med pa yod do zhe na/ smras pa/ gal te dngos po nyid yod na rang gi dngos po dang gzhan gyi dngos po dang dngos po med pa yod par 'gyur gyi/ rang bzhin dang 'bral ba la dngos po 'thad pa ma yin te/ ri bong gi rwa la sogs pa yang dngos por thal par 'gyur ro/ /de'i phyir med la gang gi tshe med pa de'i tshe de la/ med la rang dngos gzhan dngos sam dngos med 'gyur ba ga la zhig/ des na rang dngos gzhan dngos dang/ dngos med phyin ci log pa yin/ /med pa ni yod bzhin pa ma yin pa'i ri bong gi rwa bzhin du rang bzhin med la/ rang gi dngos po nyid kyang dngos po gzhan 'ga' zhig la bltos nas gzhan gyi dngos po zhes rnam par 'jog la/ rang gi dngos po med na gzhan gyi dngos po yang med do/ /rang gi dngos po dang gzhan gyi dngos po dag med na yang su zhig dang bral nas dngos po med par 'gyur/ 'o na rang gi dngos po la sogs pa dag med na/ 'di ltar khams gsum pa'i tha snyad rnams ji ltar zhe na/ smras pa/ ci mi bden pas 'jig rten gyi tha snyad 'gegs sam/ /kho bo 'di skad du yang smra te/ gang de ltar dngos po la sogs pa dpyad na mi srid la/ 'jig rten pa yang des tha snyad byed la/ gzhan gyi dngos po dang/ rang gi dngos po dang/ dngos po med pa yang des na phyin ci log pa ste/ 'jig rten pa'i phyin ci log tsam la bltos nas gang yang de dag grub pa'i phyir ro zhes dgongs pa'o/ /'dir smras pa/ gal te dngos po stong gyur na/ /'gag pa med cing skye mi 'gyur/ /gal te dngos po

  666. 333b

    stong pa ste/ yod bzhin pa ma yin par 'gyur na/ yod bzhin pa ma yin pa'i phyir ri bong gi rwa bzhin mi skye bar 'gyur zhing/ 'gag par yang mi 'gyur ro/ /bcom ldan 'das kyis kyang dngos po'i skye ba dang 'gag pa gsungs te/ de'i phyir skye ba dang 'gag pa dang ldan pa'i phyir dngos po stong pa ma yin no/ /yang na 'di snyam du sems te/ de grub na rang bzhin yod pa nyid la/ rang bzhin de yang med pa las stong pa nyid do zhe na/ 'o na de lta bu yang/ ngo bo nyid kyis stong na yang/ / gang la 'gag cing gang la skye/ /gang gi ngo bo med na de na ri pong gi rwa ltar 'gag pa dang skye ba yang mi 'byung ngo/ /dngos po rnams skye ba dang 'gag pa yang yod pas 'di dag gi rang bzhin yod do zhes bya la/ de grub na rang gi dngos po dang gzhan gyi dngos po yang 'byung bar 'gyur ro zhe na/ /'dir smras pa/ gal te skye ba dang 'gag par 'gyur na de ni de dang ldan pa'i dngos po rnams kyi rang bzhin grub par 'gyur la de dag kyang med de/ /ji ltar byas na/ 'dir skye ba dang 'gag pa gnyis su brtag pa 'di ni/ dngos po la brten nas brtag par nus kyi gzhan du ma yin la/ de dag de'i tshe skye ba dang 'jig pa'i dngos por 'jug par gyur na/ cig car ram tha dad par 'jug par 'gyur na/ gnyi gar yang 'jug pa mi srid do zhes bstan pa'i phyir gsungs pa/ dngos dang dngos med cig car med/ dngos po med na dngos med ma ni/ /rtag par dngos po dngos med kyang/ /dngos med las gzhan dngos mi srid/ /srid pas na dngos po ste skye ba'o/ / dngos po med pa ste 'jig pa'o/ /dngos po dang dngos po med pa ni dngos po dang dngos po med pa'o/ /dngos po dang dngos po med pa dag med pas dngos po dang dngos po med pa med pa'o/ /re zhig dngos po dang dngos po med pa dag cig

  667. 334a

    car te dus gcig nyid du med de/ phan tshun 'ga' ba' i phyir med pas dngos po gcig la dus gcig tu skye ba dang 'chi ba mi 'thad do zhes bya ste/ de ltar re zhig dngos po dang dngos po med pa dag cig car med pa'o/ / da ni rim gyis kyang yang dag pa ji lta bar dngos po dang dngos po med pa dag med pas de bzhin du bsgrub pa'i phyir gsungs pa/ dngos po med na dngos med min/ /rtag tu dngos po dngos med kyang/ /zhes bya ba la/ gal te dngos po las gzhan du dngos po med pa 'jug na de'i tshe 'jig pa dang bral ba'i nam mkha' la sogs pa la yang skye ba 'jug par 'gyur te/ de ni mi 'jug go/ de'i phyir dngos po med na dngos po med pa ma yin no/ /gzhan yang 'dus byas kyi mtshan nyid mi rtag pa'i phyir dngos po'i mtshan nyid la de yang nam yang dngos po las 'khrul nas gang la 'di med pa yang ma yin la/ de ni dngos po'i mtshan nyid las grol pa'i phyir yod pa yang ma yin no zhes bya'o/ /dngos po'i mtshan nyid las phyin ci log tu gyur pa 'di la skye ba yang bzod pa ma yin te/ de ni dngos po'i mtshan nyid las bzlog pa'i phyir ro/ /de ltar re zhig dngos po med na dngos po med pa yang ma yin te/ ji ltar yang dngos po med na dngos po med pa yang mi 'thad na de ltar rtag par dngos po dang dngos po med pa yang med na med do zhes bya ba 'di dang 'brel to/ /dngos po med pa ni dngos po yod pa dang dngos po med pa zhes bya ste/ mi rtag pa la brjod do/ /dngos po med pa de yang rtag tu dngos po med na med la/ gal te yod na skye ba med par yang rnam par 'jig par 'gyur ro/ /de las kyang 'dus ma byas kyang 'gyur la/ ma skyes pa yang 'chi bar 'gyur ro/ de ni 'di ltar dngos po med na dngos po med pa yang

  668. 334b

    med la/ gang gi tshe dngos po med pa dag de ltar dpyad bzhin pas cig car ram tha dang par grub pa med pas de'i tshe de dag gi rang bzhin ma grub na dngos po 'jug pa med do/ /yang na gal te dngos po dang dngos po med pa dag tu 'jug par mi 'gyur yang/ de ltar na yang re zhig de'i rten dngos po yod la/ de yod pas rten pa'i dngos po dang dngos po med pa yang 'byung bar 'gyur ro zhe na/ smras pa/ gang gi tshe dngos po yang skye ba med na med do zhes brjod pa/ de'i tshe dngos po med pa las dngos po mi srid do zhes gsungs pa yin te/ dngos po med pa'i mtshan nyid kyi mi rtag pa las gzhan du ste/ de med par dngos po srid dngos po yod pa nyid la de yang med do zhes gsungs par 'gyur ro/ /gang gi tshe dngos po med na de'i tshe de la brten pa'i skye ba dang 'jig pa ga la 'byung/ de dag med na dngos po'i mtshan nyid las grol bas dngos po med do zhes grub bo/ /'dir smras pa/ gal te dngos po'i mtshan nyid med na dngos po med la/ 'di ltar dngos po'i mtshan nyid dang 'gal ba'i dngos po med pa re zhig yod la/ de yod na dngos po yang 'byung bar 'gyur ro zhe na smras pa/ gal te de dang 'gal ba'i dngos po med pa yod na dngos po yod bar 'gyur la/ de yang med do zhes bstan pa'i phyir gsungs pa/ dngos po med na dngos med min/ /rang las min zhing gzhan las min/ /de phyir dngos po dngos med cing/ /dngos med med pas de dag med/ /gang gi tshe mi rtag pa dang bral ba'i dngos po med do zhes brjod la/ de'i tshe dngos po med na de las bzlog pa'i dngos med ji ltar 'byung bar 'gyur/ de'i phyir dngos med kyang med de/ ji skad du smos pa'i rigs pas dngos po med pa 'ba' zhig tu ma zad kyi dngos med kyang med do/ /gzhan yang rigs pa 'dis

  669. 335a

    dngos po dngos po med pas dngos po med pa yang med do zhes bstan pa'i phyir gsungs pa/ rang las min zhing gzhan las min/ de phyir dngos po dngos med cig zhes so/ /gal te dngos po 'ga' zhig yong na rang las skye ba 'am gzhan las skye bar 'gyur/ de la rang gi bdag nyid ni re zhig skyes bzhin pa'i dngos po'i rang bzhin la skye ba med de/ rang zhes bya ba byung ba'i rnam par byed pa'i mdza' can so so'i rang bzhin gyis bsdus pa yod pa thob pa 'bras? bu skyed par rung ba'i dngos po la brjod do/ /skyed ba zhes bya ba yang yod pa ma thob pa'o/ /gang kho na'i dngos po 'di rang ngo zhes grub pa'i ngo bo nyid la brjod la/ de nyid 'di ni skyed pa'i zhes skyed pa'i bya ba dang ldan pa 'gal te/ 'di'i dngos po gcig nyid la de gal te rdzogs pa'i rang bzhin du grub na 'di de dang 'gal ba'i skye bzhin pa'i rang bzhin du brjod par ji ltar 'thad/ yang na skyed bzhin pa'i rang bzhin du brjod na da ji ltar grub pa'i rang bzhin du brjod par nus/ de'i phyir gal te de la rang bzhin zhes brjod na skyed zhes brjod par mi bya la/ yang na skyed pa zhes brjod na de la rang zhes rnam par mi bzhag go/ dngos por gyur pa gcig ni rang las bltos nas gcig la rgyu dang 'bras bu'i dngos por yang mi 'thad do zhes bya ste des na rang las ma yin no/ /gzhan du rnam par bzhag pa ni dngos po gzhan nye ba la bltos pa'i phyir la de'i 'bras bu zhes bya ba'i dngos po ma rdzogs pa'i phyir di la bltos nas 'ga' yang gzhan nyid du yod pa ma yin zhes bya ste/ rgyu'i gzhan nyid med pa nyid kyis na gzhan las kyang skye ba med do/ /skye ba med par 'gyur bas dngos po yang med do zhes gsungs pa/ de phyir dngos po

  670. 335b

    po dngos med cing/ zhes so/ /gang gi tshe rigs pa 'dis dngos po med pas de'i tshe de med na dngos po med pa'i dngos med kyang med do zhes gsungs pa dngos med med pas de dag med/ zhes so/ de las gang zhig smos pa ni gal te dngos po med na yang re zhig dngos po med pa yod pas dngos po yang 'byung bar 'gyur ro zhes bya ba de ni ma yin te/ gang gi tshe de ltar dngos po yang dngos po med par gyur pas dngos po med pa yang med la/ de'i tshe yod pa dang med pa nyid du smra bar khas mi len pa'i phyir dngos po rnams kyi yod pa dang med pa dag yongs su spangs nas/ dbu ma'i rtogs pa phyin ci ma log par bshad par 'gyur ro/ /gang yang rten cing 'brel par 'byung ba dngos po tsam zhig la/ gzung ba dang 'dzin par khas blangs pas sgro 'dogs la/ gzung ba dang 'dzin pa med pas dbu ma'i rtogs par brjod la/ gzhan dbang dngos po tsam du yod pa'i phyir med pa nyid du lta ba yang dag pa ma yin par 'dzin pa'o/ /kun brtags gzung ba dang 'dzin pa nyid med pas yod pa nyid du lta ba yang yang dag pa ma yin par 'dzin pa'o zhes bya'o/ /dngos po med pa khas blangs pa de dag gis yod pa nyid dang med pa nyid yongs su spong par mi nus pa'o/ /gzhan dbang dngos po tsam khas blangs par gyur pa de dag gi yong par lta ba kha na ma tho ba med pa'o/ /kun tu brtags pa gzung ba dang 'jig pa mi srid par khas blangs par gyur na/ de dag kyang med par lta ba kha na ma tho ba med pa'o zhes bya pa de rnams kyis yong pa nyid dang med pa nyid du lta ba ga la spangs zhes bya ste/ nges par 'di rnams 'khor ba nyid las mi ldog go/ dngos po 'ba' zhig khas blangs na yod ba dang med pa nyid du smra ba las ma 'das la rtag pa

  671. 336a

    dang chad par smra pa yang thob par 'byur ro/ /gang gi phyir/ dngos po yod na rtag pa nyid/ /med na'ang nges par chad pa la/ dngos por gyur na'ang de gnyis te/ /des na dngos po khas mi blang/ dngos po khas blangs par gyur na de'i rang bzhin yod bzhin pas slar yang gzhan du gyur pa mi srid pas dus thams cad du yod par 'gyur bas/ dngos po de rtag par khas blang bar bya'o/ /gal te rtag par khas blangs na de'i tshe ther zug thob par 'gyur te/ dus thams cad du gnas pa'i phyir ro/ /yang na gal te 'jig par gyur na de'i tshe dngos po med par khas blangs par gyur pas 'di ni med pa thob par 'gyur ro/ /de las kyang sngar byung la da ni med do zhes pa'i don khas blangs par gyur pas chad par lta ba thob ste/ zhig pa ni slar yang mi 'jug pas so/ /rtag pa dang chad pa'i mthar 'dzin pa las mthar 'dzin pa'i lta ba rigs pas 'ongs pas thob la/ rigs pa'i stobs las 'ongs pas spang byar mi 'gyur te/ yang dag pa'i lta ba yin pa'i phyir ro/ /de las mdza' gnyis spangs nas zhugs pa'i lam 'di yang phyin ci log nyid du 'gyur la/ gang gi tshe rigs pas dpyad na dngos po rnam pa thams cad du med na de'i tshe de'i yul rtag pa dang chad par yongs su brtags pa yang dag pa'i lta ba ma yin no zhes 'thad do/ /gang yang yang dag pa'i lta ba ma yin pa de ni ngas par spang par bya la de spong ba'i thabs kyang rang bzhin khas ma blangs pa yin no zhes bya ste/ dngos po bkag pas mya ngan las 'das par 'gro ba ma yin no zhes bya ba 'dir thar pa 'dod pa rnams kyis khas blang bar mi bya'o zhes bya bar 'gyur ro/ /'dir smras pa/ bdag dang bdag gi pa'i rnam pa ni 'jig

  672. 336b

    tshogs su lta ba la/ gang gi tshe bdag gi ba nyid du dmigs pa de nyid rtag pa dang chad pa'i mthar yongs su brtags pa las mthar 'dzin pa'i lta ba skyed la/ de yang spang bya la chos tsam ni rtag pa dang chad pa'i lta bar mi dmigs so zhes bya ste/ des na gal te yang phung po rnams mya ngan las 'das nas slar mi 'jug na/ de lta na yang lta ba de ni chad par lta ba ma yin no zhes bya'o/ /'o na 'jig tshogs su lta ba nye bar len pa'i phung po lnga la bdag dang bdag gi pa'i rnam par dmigs pa la/ de lta na yang mu stegs byed kyis brtags pa'i bdag gi rnam par dmigs bzhin ba na de'i dbang gis 'du byed rnams la yang bdag gi pa'i rnam par dmigs pas 'jug go /'o na 'di yang nye bar len pa'i phung po lnga la dmigs par 'gyur gyi/ khyad par ni 'di dag ste/ gang du de dag la bdag dang bdag gi ba'i rnam par dmigs nas yongs su 'dzin cing de las kyang mthar 'dzin par lta bas nye bar len pa'i phung po lnga po de nyid la rtag pa dang chad pa'i rnam pas dmigs so zhes bya'o/ /gal te yang 'jig tshogs su lta ba nye bar len pa'i phung po lnga la dmigs so zhes bya ba/ de ltar na yang 'di de'i rang bzhin la mi dmigs la/ 'on kyang de dag la bdag la bdag tu sgro btags nas dmigs te/ 'di ni nye bar len pa'i phung po lnga la sgro btags pa'o zhes bya'o/ /dge sbyong dam bram ze gang cung zad bdag go zhes yang dag par rjes su lta las yang dag par rjes su mthong ba ni nye bar len pa'i phung po lnga po 'di nyid mthong ngo zhes bcom ldan 'das kyis gsungs pa/ de las tha dad pa'i nang gi byed pa'i skyes bu nyid ma grub po zhes bya ba'i don du'o/ /de'i phyir 'jig tshogs su lta bas bdag kho na la dmigs so/ /gang yang bdag gi dbang du gyur

  673. 337a

    pa'i phyir/ 'du byed rnams la bdag gi ba'i rnam par dmigs la/ de'i phyir mthar 'dzin par lta ba yang rtag pa dang chad pa'i rnam pas 'jug bzhin pa na/ bdag dang bdag gi ba la dmigs kyi gzhan du ma yin no/ /de nyid kyis na bcom ldan 'das kyis gsungs pa/ kun dga' bo bdag yod do zhe na pha rol po'i rtag pa zhes bya la/ bdag med do zhe na pha rol po'i chad par ro zhes so/ /'dir smras pa/ gal te 'ga' zhig chos tsam la rtag pa zhes rtogs na/ ci de ni rtag par lta bar 'gyur ram/ 'on te ma yin/ gal te re zhig rtag par lta bar de 'dod na/ de mi rung ste/ 'jig tshogs su lta ba chos tsam la dmigs shing gang la mthar 'dzin par lta ba 'jug pa ni med la/ mthar 'dzin par lta ba spangs nas gzhan rtag pa'i rnam par 'jug pa yod pa ma yin no/ /lta ba nyid med na yang rtag pas chos tsam mthong ba kha na ma tho ba med par 'gyur ro/ /'dus byas thams cad mi rtag ces bya ba'i tshig las rtag pa nyid du lta ba phyin ci log pa'o zhe na/ gal te der 'dzin pa phyin ci log na/ ji ltar 'di nyon mongs pa'i dmigs par 'gyur ji srid du 'dod chags pa de srid du sdug pa'i rnam par dmigs par byed la/ zhe sdang mi sdug pa'i rnam par ro/ /nga rgyal khengs pa'i rnam par ro/ /mi shes pa'i rnam par ni ma rig pa'o/ /yid gnyis kyi rnam par ni the tshom mo/ /'jig tshogs su lta ba ni bdag dang bdag gi bar 'jug pa'o/ /lta ba mchog tu 'dzin pa ni dman pa la mchog gi rnam par ro/ /tshul khrims dang brtul zhugs mchog tu 'dzin pa ni rgyu med pa dang lam ma yin pa la rgyu dang lam gyi rnam par 'jug pa'o zhes bya bas so/ /re zhig de dag

  674. 337b

    rtag pa'i rnam par mi dmigs so zhes bya ste/ su zhig de'i rnam par dmigs par yod/ yang na mthar 'dzin pa'i lta ba'i zhes yongs su rtog na de lta na 'di ltar bdag gi ba'i rnam pa ma yin pa'i chos tsam la dmigs pa yang mthar 'dzin par lta ba'o zhes yongs su shes so/ /gal te yang de ni de lta na de'i tshe mya ngan las 'das pa'i chos tsam yang chad pa'i phyir chad par lta ba lta ci ltar mthar 'dzin par lta bar mi 'gyur/ gzhan yang de'i rnam pa ma yin pa'i chos tsam la de'i rnam par sgo 'dogs pas log par rtogs pa las nyon mongs pa rnams 'jug par 'gyur ro/ /de la rten cing 'brel par 'byung ba'i dngos po rang bzhin med pa ste ngo bo nyid kyis ma skyes pa'i phyir ro/ /de dag la rang bzhin du gang zhig khor du chud pa de ni gtso bo phyin ci log gi bdag po ma rig pa zhes brjod do/ /gzhan du na gal te dngos po rnams kyi rang bzhin pa'i ngo bor gyur na/ de nges par de kho na nyid la dag gis pa'i 'phags pa'i lam gyis dmigs par 'gyur la/ dngos po'i rang gi mtshan nyid la dmigs pa'i rnam pa 'phags pa'i lam la mi srid la/ bcu drug las gzhan dri med rnam pa med zhes bstan bcos mdzod las so/ /de'i phyir ma rig pas kun tu brtags pa'i dngos po rnams yod pa nyid de kho na nyid ma yin no zhes so/ /de ltar dngos po'i rnam par 'jug pas de kho na nyid ma rtogs pa'i phyir de kho na nyid ma shes par 'jug go/ zhes rnam par bzhag go /ma rig pas kun tu brtags pa'i dngos po la 'dod chags kyis sdug pa'i rnam par dmigs la/ zhe sdang gis mi sdug pa'i rnam par ro/ /nga rgyal gyis khangs pa'i rnam par ro/ /the tshom gyis yid gnyis su'o/ /'jig tshogs kyis bdag dang bdag gi ba'i rnam par ro/ /

  675. 338a

    mthar 'dzin gyis rtag pa dang chad pa'i rnam par ro/ /log par lta bas med pa'i rnam par ro/ /lta ba mchog tu 'dzin pas dman pa la mchog gi rnam par ro/ /lam gyi rnam pas tshul khrims dang brtul zhugs mchog tu 'dzin pa'o zhes de ltar nyon mongs pa thams cad ma rig pas yongs su brtags pa'i phyin ci log gi dngos po nyid la de dag zhen pas sgro btags nas 'jug la/ de nyid kyis na rmongs med cig shos skye ba med /ce bya bas ma rig pa'i rgyu can du nyon mongs pa thams cad rnam par bzhag go/ rmongs pa spangs pa las thams cad ma lus par spong gi gzhan du ma yin te/ de dag ma rig pa dang lhan cig 'brel ba'i phyir/ ji skad du 'phags pa ltas/ /ma rig kun tu gnas pa ni/ ji ltar lus la lus dbang gis/ /de phyir kun kyang rmongs pa yi/ /nyon mongs pas de 'dir bsnun no/ /zhes bshad do/ /gang yang bcom ldan 'das kyis 'di skad du gsungs pa/ nye par len pa'i phung po lnga po 'di nyid la bdag ces yang dag par rjes su mthong ngo zhes bya ba'i mdo de yang mthar 'dzin par lta ba dang/ 'jig tshogs su lta ba lhan cig du gzhi gcig la dmigs par 'thad do zhes shin tu sems par sgrub pa'o/ /de las kyang 'di shin tu 'thad pas dngos por yod na yang des na gnyi ka khas blang ngo zhes bya bar 'gyur ro zhes so/ /'dir smras pa/ gal te dngos po yod kyang de lta na yang de'i rtag pa dang mi rtag pa dag med pas ther zug pa dang rgyun chad par lta bar thal pa ma yin pa ji ltar zhe na/ gsungs pa/ rgyun gyi phyir na 'di yod de/ rgyu byin nas ni dngos po 'gag /sngar bzhin 'di yang ma grub cing/ /rgya chad par

  676. 338b

    yang thal bar 'gyur/ de la rgyu dang 'bras bu'i 'brel pa 'jug pa las dus gsum du 'dus byas rnams kyi skad cig ma'i nye len rab tu 'byung ba las rgyun zhes brjod do/ /'di ltar sa lu'i sa bon gyi myu gu dang sdong bu dang ldum bu rnams brgyud mar rab tu 'byung ba ni sa bon gyi rgyun no/ /de bzhin du gzhan la yang shes par bya'o/ /myu gu la sogs pa'i rgyun de yang sa bon gyi rgyus 'jug la/ sa bon gyi rgyu can gyi myu gu la sogs pa'i rgyun de las kyang sa bon dang 'dra ba'i 'bras bu mthar 'jug go /'bras bu de yang sa bon gyi rgyu can du rnam par bzhag ste/ ji ltar byas na 'dir sa bon 'gags la/ 'di'i bdag nyid kyi rgyun las 'dra ba'i 'bras bu skyed pa'i phyir dngos kyi 'bras bu'i rgyu myu gu byin nas 'gag par 'gyur ro/ /'bras bu skyed pa'i nus pas khyad par du byas pa'i myu gu skyed pa'i rgyu'i dngos por yongs su bsgrub pas/ rgyu bya ni nas 'gags zhes brjod do/ /de bzhin du myu gu la sogs pa nas me tog gi mthar thug pa rnams rang gi rgyu las thob pa'i rgyu yis sa bon dang mthun pa'i 'bras bu rim gyis rdzogs par byed do/ /'bras bu de yang sa bon rgyur byas pa nyid las nye bar skye'o/ /gal te sa bon dang myu gu la sogs pa'i rgyun 'bras bu skyed pa'i nus pas mi 'jug na mdza' yang de'i rigs can gyi 'bras bu mi 'byung ngo zhes bya la/ nges na mthar yang 'byung bzhin pa'i 'bras bu sa bon gyi rgyu can nyid do zhes rnam par 'jog la/ 'di skad du rtsa ba'i rab byed bcu bdun par/ gang phyir sa bon las rgyun dang/ /rgyun las kyang ni 'bras bu 'byung/ /de phyir sa bon sngon 'gro'i 'bras/ /rtag min chad pa yang ma yin/ /zhes bstan to/ /de la sa bon ni 'bras bu skyed par nus pa'i myu gu la sogs pa'i rgyun gyi rgyur khong du ma chud par 'gag

  677. 339a

    par 'gyur grang la/ myu gu la sogs pa'i rgyun kyang mi 'jug par 'gyur na/ de'i tshe chad par lta bar 'gyur ro/ /yang na myu gu la sogs pa 'jug kyang sa bon rang gi ngo bos gnas na de ni rtag par lta ba ste de ltar yang ma yin no zhes bya bas/ des na rgyun yod la rgyun can gyi rgyu'i skad cig ma rnams kyang 'bras bu'i don du rgyu byin pa'i phyir dang/ rang gi ngo bos mi gnas pa'i phyir yang rtag pa dang chad par lta bar thal ba med do zhes bya'o/ /'dir yang slob dpon gyis skyon brjod gsungs pa/ sngar bzhin 'di yang mi 'grub cing/ rgyun chad par yang thal bar 'gyur/ zhes bya ba la/ 'dir 'di skad du rtag pa dang chad pa'i skyon spang ba'i phyir/ de ni sngar bzhin du ma grub ste/ ji ltar byas na yod pa nyid la rgyu dang 'bras bu'i 'jug pa 'byung bar 'gyur ro zhes 'dir rtogs na/ rgyu dang 'bras bu 'jug pa mi srid pa yang sngar bstan te/ 'bras bu yin na 'bras ldan la/ /der med gyur na rgyu med mtshungs/ /yod dang med pa na yang 'gal/ /dus gsum du yang 'thad ma yin/ /ma rig 'du byed med mi 'byung/ /de med 'du byed mi 'byung zhing/ de dag phan tshun rgyu can de/ /rang bzhin gyis kyang ma grub bo/ /gang yang/ gang zhig rang nyid rang bzhin gyis/ ma grub des gzhan ji ltar skyed/ de phyir gzhan las grub pa yi/ /rkyen gzhan dag ni skyed byed min/ /des na rgyu dang 'bras bu dag ma grub na/ /rgyun ga la zhig gam/ rgyu byin pa ga la zhig ces pa dang/ rgyu 'gags nas slar mi skye bas/ rgyu rgyun chad par thal bar brtags pa yang mi rigs la 'di dag spang bar mi rigs te/ de ltar yang dngos po khas blangs na rtag pa dang chad pa'i lta bar thal lo zhes gnas so/ /'dir smras pa/ gal te rtag pa dang chad par lta bar thal bas

  678. 339b

    brtag pa dang chad par khas mi len na/ 'di ltar dngos po las skye ba dang 'gags pa yang med par thal la/ de med na yang dag 'di dag skye ba dang 'jig par bstan pas bcom ldan 'das kyis mya ngan las 'das pa'i lam bstan pa gsungs pa/ mi rtag dang ldan 'dus byas rnams/ /skye dang 'jig pa'i chos can te/ /skye zhing gang la 'jig 'gyur ba/ /de dag nyer zhi bde ba'o/ /zhes pas/ de 'gag pa dang/ skye ba dang/ 'jig pa dag med pa'i stong pa dag nye bar bstan pa mya ngan las 'das pa'i lam du mi 'thad do zhes bstan pa'i phyir gsungs pa/ skye 'jig bstan phyir myang 'das kyi/ /lam bstan ma yin stong nyid phyir/ ces pa'o/ /yang na 'di'i don ni gzhan te/ gal te 'di snyam du sems na/ dngos po yod bzhin pa ma yin pa'i phyir/ skye 'jig med par 'gyur na mya ngan las 'das pa'i lam bstan pa med par thal lo zhes pa'i skyon 'di med de/ skye ba dang 'jig pa yod bzhin pa ma yin pa la bstan pa 'thad cib gang las skye 'jig bstan pa las mya ngan las 'das pa thob par bya'o zhes bcom ldan 'das kyis gsungs pa mya ngan las 'das pa'i lam bstan pa rnam par bzhag pa ma yin no zhes bstan pa'i phyir gsungs pa/ skye 'jig bstan phyir mya ngan 'das kyi/ /lam bstan ma yin zhes so/ /slar yang ci'i phyir na skye 'jig bstan pa las thar pa med ces nye bar bstan pa'i mya ngan las 'das pa'i lam bstan par yang mi 'thad do zhes bstan pa'i phyir gsungs pa/ stong nyid phyir zhes pa'o/ /skye ba dang 'jig pa dag stong na ji ltar de dag bstan pas mya ngan las 'das pa'i lam bstan par 'byur/ slar yang nye bar dmigs bzhin pa skye bo thams cad la grags pa'i skye ba dang 'jig pa dag ji ltar stong pa nyid/ ji ltar nye bar dmigs pa de dag kyang stong pa nyid la de ltar bstan

  679. 340a

    pa'i phyir gsungs pa/ 'di dag phan tshun bzlog pas su/ /mthong ba phyin ci log las yin/ /bden te/ skye ba dang 'jig pa dag stong pa nyid kyi phyir/ /de dag stong pa nyid yin kyang gang 'jig rten pas mthong ba phyin ci log pas 'jug pa'o/ /de dag 'di ltar ji ltar rtogs she na/ phan tshun bzlog pa las te/ phyin ci bzlog pas na phan tshun bzlog pa ste/ gzhan du 'gyur ba 'thob pa'o/ /gal te skye ba dang 'jig pa dag rang gi ngo bos yod ca 'di dag phan tshun byas pas gzhan du 'gyur bar mi 'gyur te/ skye ba las gzhan pa ma skyes pa la 'jig pa med la/ skye ba'i dus na yang skye ba'i dus dang 'gal ba'i 'jig pa mi rigs pa'i phyir dang/ 'jig pa dang bral pa yang skye ba med pa'i phyir dang/ 'jig pa'i dus su yang de dang 'gal ba'i skye ba mi rung ba'i phyir dang/ phan tshun las dus gcig tu skye ba thob la 'gal ba dang/ phan tshun med pas 'di dag bsal ba'i phyir phan tshun bzlog par 'gyur ro/ /skye ba ni skye ba'i rang gi ngo bo dang bral ba'i phyir phyin ci log go /yang na 'gag pa la ma bltos par skye bar mi 'gyur ro zhes bya'o/ /skye ba'i phyin ci log ni rang gi ngo bos ma grub pa dang 'gag pa la bltos pa'i phyir dang/ 'di ltar 'gag pa yang brjod de/ gang yang 'di dag phan tshun bzlog pa phan tshun byas pas 'grub la/ de 'di ltar rang gi ngo bos ma grub pa dag gang mthong ba de 'jig rten pa'i phyin ci log ces shes par bya'o/ /gang yang de dag de lta bas na des na skye ba dang 'jig pa dang stong pa'o/ /gang gi tshe de dag stong pa nyid na de'i skye ba dang 'jig pa bstan pa las mya ngan las 'das par 'gyur ro zhes nye bar bstan pa'i mya ngan las

  680. 340b

    'das pa'i lam bstan par mi 'thad do/ /byis pa'i skye bos rtogs pa'i don du des mthong ba'i rjes su 'jug pas bcom ldan 'das kyis skye ba dang 'jig pa gsungs par shes par bya'o/ /ji skad du/ rig pa drug cu par skye ba shes pas 'jig pa shes/ /'jig pa shes pas mi rtag shes/ /mi rtag nyid la 'jug shes pas/ /des ni chos kyang rtogs par 'gyur/ /zhes so/ /'dir smras pa/ skye med 'gag pa med ce na/ /ci zhig 'gags pas mya ngan 'da' / / gang zhig skye ba dang 'jig pa med na de'i tshe sdug bsngal med la/ nye bar len pa'i phung po lnga dag skyes pa mi rtag pas sdug bsngal la/ de 'gags pa las mya ngan las 'das pa'o/ /gang gi tshe skye ba dang 'gag pa gang yang med pas sdug bsngal med pa de'i tshe ci zhig 'gags pa las mya ngan las 'das par 'gyur/ 'di ltar sdug bsngal 'gags pa las mya ngan las 'das pa yang yod la/ de'i phyir skye ba dang 'jig pa dag yod do zhe na/ smras pa/ 'di la skyon med de gang gi phyir 'gags pa las mya ngan las 'das par rnam par bzhag pa ma yin la/ de ni sdug bsngal med pa nyid de/ skye ba med cing 'gag med pa'i/ /ngo bo gang zhig thar min nam/ /nges par yang 'di ltar de khas blangs par bya'o/ /gzhan dun gal te 'gags las myang 'das chad/ /gal te gcig shos ltar na rtag /de phyir dngos po dngos med dag /mya ngan 'das par rung ma yin/ /gal te sdug bsngal rang bzhin gyis mi skyes pa dang ma 'gags par mi 'dod pa/ sdug bsngal gyi ngo bo'i rgyun las log pa la mya ngan 'das par yongs su rtog gna/ de ni sdug bsngal rgyun chad pa'i rang bzhin gyi phyir mya ngan las 'das pa chad par

  681. 341a

    'gyur ro zhes bya la/ mya ngan las 'das pa chad par 'gyur ba mi 'thad de/ mthar 'dzin par lta bar thal ba dang/ ngo bo nyid kyis ma grub pa las rgyun chad pa'i mya ngan las 'das pa de phyin ci log tu 'gyur la mya ngan las 'das pa phyin ci log ma yin pa'i phyir/ sdug bsngal rgyun chad pa'i rang bzhin mya ngan las 'das par mi 'thad do/ /yang na skyon 'di dag yongs su spang bar 'dod nas/ de la cig shos khas len na/ de'i tshe sdug bsngal ma 'gags pa'i rang bzhin nyid kyi phyir/ ther zug pas mya ngan las 'das pa'i de rang bzhin du 'gyur la/ sdug bsngal rtag pa'i rang bzhin mya ngan las 'das par 'gyur bar mi rung ste/ de ni sdug bsngal zad pa'i mtshan nyid du nye bar bstan pa'i phyir ro/ /gang gi tshe 'di ltar dngos po de dngos po med pa dag mi rung bas/ de'i phyir sdug bsngal rang bzhin gyis gang ma skyes shing ma 'gags pa de nyid thar pa zhes rigs so/ /'dir smras pa/ sdug bsngal las log pa'i rang bzhin mya ngan mya ngan las 'das pa ma yin te/ gal te 'di ltar 'gyur na de'i tshe sdug bsngal las log pa'i rang bzhin ni ci yang ma yin pa'i phyir/ mya ngan 'das pa zhes bya ba ci yang ma yin par 'gyur la/ ci yang ma yin pa mya ngan las 'das par 'gyur par mi rigs te/ lam gyi bden pas thob bya/ skye ba 'gags par gyur pa'i chu skyegs pa'i skyegs kyi gnas lta bu sdug bsngal las don gzhan du gyur pa la 'gog pa zhes brjod do/ /gal te don gzhan du gyur pa ma yin na/ bden pa bzhi rnam par bzhag pa mi 'byung la/ des na 'gog pa

  682. 341b

    sdug bsngal rtag pa'i rang bzhin ma yin la/ sdug bsngal log pa'i rang bzhin yang ma yin te/ sdug bsngal las don gzhan du gyur pa'i phyir zhes pa'o/ /'dir gsungs pa/ gal te 'gog par 'ga' gnas na/ dngos po las gzhan de yod 'gyur/ /dngos po med phyir 'di med la/ /dngos po med phyir de yang med/ /gal te sdug bsngal gyi dngos po las gzhan du ste/ de las tha dad pa'i 'gog par gyur na/ rtag par gnas par gyur te/ de dngos po las kyang gzhan du 'gyur la/ de ni dngos po las gzhan du yod pa nyid 'thad pa ma yin te/ sdug bsngal las gzhan du de 'gags pa rnam par bzhag par mi nus so/ /gal te yang sdug bsngal las tha dad no 'gog pa rtag par 'gyur la/ de gyur na 'jig rten pa thams cad la sdug bsngal log par 'gyur ro/ /sdug bsngal las log pa des ma thob bo zhe na/ thob par gyur na gang gis sdug bsngal skyes pa 'gag par byas nas rang 'di'i khyad par ci zhig skyed par byed/ de thob pa'i rgyud la skye'o zhe na/ phyis ci zhig 'di'i khyad par skye ba gang gis de thob pa'i rgyud la skye na/ dus thams cad du de thob pa'i rgyud la skye bar 'gyur ba 'am/ nam yang ma yin par 'gyur ro/ /de las lam ma bsgom pa 'jig rten pa thams cad kyis ma tsal bar yang mya ngan las 'da' bar 'gyur ro/ de'i phyir nges par sdug bsngal la bltos pa dang bcas pa'i rang bzhin gyis de 'byung bar 'gyur la/ de la yang sdug bsngal mi srid pa'o/ /des na/ dngos po med phyir 'di med de/ sdug bsngal med pas de med do zhes pa'i don te/ yang gzhan zhig gis smras pa/ gal te sdug bsngal 'gags pa ste/ sdug

  683. 342a

    bsngal med pa'i rang bzhin dngos por gyur pa mya ngan las 'das par 'gyur na skyon 'dir 'gyur na/ rnam pa de lta bu ni med do/ /'on kyang 'dir de ni sdug bsngal las log pa tsam mo zhe na/ smras pa/ 'di ltar brtags pas kyang mya ngan las 'das pa thob par mi 'gyur te/ sdug bsngal gyi dngos por yod na sdug bsngal dang ldan par 'gyur la/ sdug bsngal ba yang mi srid na de la med pa gal zhig ces bya'o/ /dngos po med pa'i rang bzhin yang mya ngan las 'das pa'o zhe na/ des na dngos po med pas ni dngos po med pa'i phyir la/ de yang med de/ dngos med med par gyur pas med pa'i phyir mya ngan las 'das pa med do zhes pa'i don to/ /yang na 'di'i don gzhan te/ gal te 'gog pa zhes bya ba dngos po'i rang gi ngo bo grub par gyur na/ de sdug bsngal la mi bltos pas kyang 'byung ste/ rang gi mtshan nyid kyis grub pa'i phyir la/ 'byung ba yang ma yin te/ des na 'gog pa'i rang gi ngo bo grub pa med do/ /yang na gal te 'dod na yang nges par de ni dngos po'i rang bzhin gyis sam/ dngos po med pa'i rang bzhin gyis 'byung bar 'gyur/ gal te dngos po'i rang bzhin du 'dod na/ de ni dngos po bkag pa'i phyir/ dngos po med phyir de yang med/ yang na dngos po med pa'i rang bzhin yin na/ 'di ltar dngos med kyang bkag pa'i phyir te/ 'gog pa nyid dngos po med pa'i phyir te/ dngos po med pas yod pa nyid ma yin no zhes gsungs ba/ dngos po med phyir de yang med/ ces so/ /'dir smras pa/ mya ngan las 'das pa yod pa nyid de/ de'i mtshan nyid yod pa'i phyir ro/ /yod bzhin pa ma yin pa'i mo gsham gyi bu la mtshan nyid yod

  684. 342b

    pa ma yin la/ mya ngan las 'das pa la mtshan nyid yod de/ so sor brtags pa'i 'gog pa gang/ bral pa'o zhes pa'i chig las so/ /smras pa/ mya ngan las 'das pa de'i mtshan nyid yod na yod par 'gyur na/ yod pa ma yin no zhes bstan pa'i phyir gsungs pa/ mtshan gzhi las gzhan mtshan nyid las/ mtshan gzhi grub pas rang ma grub/ phan tshun las kyang ma grub cing/ ma grub ma grub sgrub byed min/ /'dir gal te mtshan nyid ces bya ba'i ngo bo cung zad grub par gyur na/ de mtshan gzhi la mi bltos par 'gyur la/ mtshan gzhi la ma bltos pa'i mtshan nyid rgyu med pa thob par 'gyur la/ rgyu med par yang mi rigs so zhes bya ste/ des na nges par mtshan gzhi las mtshan nyid grub pas/ mtshan gzhi'i rgyu can gyi mtshan nyid ma grub po zhes bya ba'i don to/ /yang na 'di snyam du sems te/ mtshan gzhi la bltos nas mtshan nyid grub par yod do zhe na/ smras pa/ gal te mtshan gzhi mtshan nyid la bltos par yod na/ de la bltos nas mtshan nyid yod la/ bltos pa med pa'i mtshan gzhi mi srid la/ mtshan nyid dang bral ba'i mtshan gzhi rgyu med par thal bas/ des na mtshan gzhi yang de'i mtshan nyid las grub pas/ rang las ma grub ste/ mtshan nyid dang mtshan gzhi ngo bo nyid kyis ma grub po zhes pa'i don to/ /yang na 'di snyam du sems te/ gal te yang mtshan gzhi dang mtshan nyid dag rang las ma grub kyang/ de lta na yang phan tshun bltos nas grub pas yod do zhe na/ smras pa/ phan tshun las kyang ma grub cing/ phan tshun bltos pas kyang grub pa med do zhes pa'i don te/ /yang ci'i phyir phan tshun bltos pas grub pa med ce na/ gsungs pa/ ma grub ma grub sgrub byed min/ /

  685. 343a

    zhes pa'o/ /'dir mtshan nyid mtshan gzhi la brten pa'i phyir mtshan gzhi rten du grub par 'dod la/ mtshan gzhi las gzhan du mtshan gzhi'i mtshan nyid mi 'thad pas/ mtshan nyid kyis brten pas mtshan gzhi grub bo zhes bya la/ de ltar phan tshun bltos pas mtshan gzhi dang mtshan nyid grub pa rnam par bzhag par gyur pa 'di dag dpyad par bya ste/ gal te mtshan gzhi la bltos nas mtshan nyid rnam par 'jog pas de nyid kyis na? re zhig mtshan gzhi mtshan nyid la ma ltos par ngo bo nyid kyis med la/ de ni rang nyid ma grub pas med pas ji ltar gzhan mtshan nyid 'grub par byed/ de bzhin du mtshan gzhi la yang sbyor/ /de ni 'di ltar mtshan gzhi 'am mtshan nyid dag ma grub pa/ ma grub pa'i mtshan gzhi 'am mtshan nyid grub par byed pa ma yin no zhes bya ste/ des na mtshan gzhi dang mtshan nyid dag med do/ /gang gi tshe mtshan gzhi dang mtshan nyid dag med pa de'i tshe/ mtshan nyid yod pa'i mya ngan las 'das pa ga la 'grub ces bya ste/ 'di na mi rigs so/ /mtshan gzhi dang mtshan nyid la dpyad pa'i rim pas phan tshun bltos pas grub pa'i dngos po lhag ma rnams kyang ma grub par bde blag tu khong du chud par gzigs nas/ de legs par bstan pa'i phyir gsungs pa/ 'dis ni rgyu dang 'bras bu dang/ tshor dang tshor ba po sogs dang/ blta bya lta ba po la sogs/ /des gang cung zad ma lus bshad/ /mtshan gzhi dang mtshan nyid dag ma grub pa'i rim pa 'dis/ /rgyu dang 'bras bu la sogs pa yang ma grur bar khong du chud par bya'o/ /byas pa ni 'bras bus byed pa ni rgyu'o/ /myong bar gyur pas tshor ba ste/ las la? lugs byas na tshor

  686. 343b

    ba la tshor bar gsungs so/ /tshor ba po ni nyams su myong ba yang tshor ba dang tshor ba po ste/ tshor ba dang tshor po'o/ /de ni tshor ba dang tshor pa po dag lhan cig 'jug pas tshor dang tshor ba po zhes bya'o/ /sogs pa'i sgras 'du shes dang 'du shes par bya ba la sogs pa gzung ngo/ /blta bya dang lta ba po la sogs pa gang cung zad kyang zhes pa la/ sogs pa'i sgras thos pa dang thos pa po la sogs pa lnga po rnams kyi gnyis gnyis pa gzung la/ gang cung zad ces pa 'dis/ phan tshun bltos nas grub pa'i gnyis gnyis pa'i dngos po rnams gzungs so/ /dngos po 'di dag thams cad kyang mtshan gzhi dang mtshan nyid dag ma grub pa'i rim pas ma grub par sbyar ro/ /rab tu byed pa 'dir yang re re'i dngos po'i grangs 'jug pa la dpyad pa'i rim pa'i skabs yin pa'i phyir/ re zhig thog mar dngos po gcig rnam par dpyad de/ 'di ltar rang bzhin no/ /de'i rjes la rgyu gcig pu nyid de/ 'bras bu yod na 'bras ldan la/ zhes pa la sogs pa'o/ /de yang ma rig pa la soD pa'i rim pas rnam pa mang po rnam par dpyad la/ de'i rjes la/ ma rig 'du byed med ni 'byung/ /zhes pa de nas brtsams nas 'di'i bar du gnyis gnyis pa'i dngos po phan tshun bltos pas gnas pa rnams dpyad la/ 'di las gzhan pas bltos pa dang bcas pa'i gsum gyi grangs kyis yongs su bcad pa'i dngos po rnams rnam par dpyad pa brtsam par bya'o/ /gang 'di skad du/ dngos po yod na rtag pa nyid/ /med na nges par chad pa nyid/ dngos por gyur na de gnyis la/ /de phyir dngos po khas mi blang/ /zhes pa de ni mi 'thad de/ gal te dngos po khas mi len na de'i tshe dus gsum med la/ dus gsum yod pas de'i phyir dngos po yod de/ dus gsum gyi rgyu mtshan yin pa'i

  687. 344a

    phyir ro/ /'dir skyes lam 'gags pa'i dngos po ngo bo nyid kyis gnas bzhin pa'i phyir dang/ yod bzhin pa'i phyir da ltar ba'i sgras brjod par bya bar 'gyur ro/ /da ltar ba'i gnas skabs ma thob pa la ma 'ongs pa zhes brjod la/ da ltar ba'i gnas skabs las 'das pa nyid la 'das pa zhes brjod do/ /gal te dngos po med na ci'i rgyu mtshan gyis dus gsum 'byung bar 'gyur de'i phyir dus gsum yod pas dngos po yod do zhe na/ smras pa/ gal te dus gsum yod na dngos po yod par 'gyur la/ yod pa ma yin no/ /ji ltar med pa de ltar bstan pa'i phyir gsungs pa/ gnas med phan tshun las grub pa/ /'tshal phyir rang nyid ma grub phyir/ /dngos po med phyir yod min te/ /dus gsum po ni btags pa tsam/ /gal te dus shes bya ba 'ga' zhig yod na de la 'dzin la rag na mi 'dzin la/ de'i phyir 'dzin pa med pas dus med do/ /yang ci'i phyir mi 'dzin zhe na/ gnas med phyir te/ dus shes bya bcung zad yod pa ma yin no/ /ther zug pa'i dngos po yod na gang zhig 'dzin la rag na/ de las ma gzung ba'i phyir dus med do/ /yang na gal te yang ther zug pa'i dus gang cung zad mi 'dzin la/ de lta na yang dus yod pa nyid du 'gyur te/ skad cig la sogs pas mngon par gsal bar byas pa'i phyir ro/ /'dir skad cig dang thang cig dang/ yud tsam dang/ zla ba phyed dang/ zla ba dang/ lo phyed dang/ lo la sogs pa'i dus kyi ched kyi khyad par rnams te/ khyad par de rnams kyis 'dzin bzhin pa'i phyir/ dus yod pa nyid do zhe na/ smras pa/ gal te lo la sogs pa nyid yod na/ le la sogs pa'i tshad dad ldan pa'i dus 'dzin la rag na/ de ni skad cig la sogs pa

  688. 344b

    las tha dad pa'i ther zug pa'i lo la sogs pa mi 'dzin no/ /yang na 'di snyams du sems na/ re zhig skad cig ma yod na de la 'dzin pas des na de 'dus pa'i rang bzhin thang cig la sogs pa 'byung bar 'gyur ro zhe na/ smras pa/ gang du gnas pa med pa'i skad cig ma rnams la 'dus pa ga la zhig /gang du thang cig la sogs pa 'dzin par gyur cing skad cig ma yang yod na thang cig la sogs pa rnam par 'jog gang na/ skad cig de la yang thog ma dang bar dang tha ma yod la/ thog ma dang bar dang tha ma de rnams la yang thog ma dang bar dang tha ma yod pa'i phyir/ gnas pa med pas skad cig ma yang med na/ skad cig ma 'dus pa'i thang cig la sogs pa ga la 'grub/ blo'i rang bzhin gyi 'dus par btags pas kyang skad cig ma grub pa mi srid de/ blo'i skad cig de yang yongs su brtags pa'i phyir dang/ de nyid gnas pa med pa'i phyir dus med do/ /dus med na dus gsum ni ga la zhig /gnas pa med pa 'ba' zhig gis dus gsum med par ma zad kyi/ phan tshun las grub pas kyang dus gsum med de/ 'di ltar da ltar pa las 'das pa las 'das pa'o/ /da lta bar ma 'ongs pa las ma 'ongs pa la/ gnas bzhin pa'i phyir da ltar ba'o zhes de ltar phan tshun bltos nas grub la/ dus gsum phan tshun bltos nas grub pas de ma grub nyid do zhes bsgrub pas so zhes bya'o/ /des na yang dus gsum med do/ /'di ltar yang dus gsum med de/ 'chol pa'i phyir te/ ma 'ongs pa'i dus de nyid da ltar bar 'ongs pa la da ltar ba zhes brjod la/ da ltar ba las 'das par zhugs pas 'das pa zhes bya'o/ /gcig nyid la dus gsum du rnam par bzhag pa'i phyir 'chol ba'o/ /yang na phan tshun bltos nas grub pa'i phyir dus gsum po med de/ 'das pa ni da ltar ba dang ma 'ongs pa la ma

  689. 345a

    bltos par med la/ gal te yang 'das par da ltar ba dang ma 'ongs pa yod na de'i tshe de la bltos pa 'thad kyi/ 'das pa ni mo gsham gyi bu bzhin du med la/ yod bzhin pa ma yin pa'i mo gsham gyi bu mi ltos pa bzhin no/ /gang gi tshe yang 'das par da ltar ba dang ma 'ongs pa dag yod na de'i tshe/ 'das par da ltar ba yod pa'i phyir/ 'das pa'i rang gi bdag nyid bzhin 'das par 'gyur la/ de ltar 'das pa dang ma 'ongs pa dag 'das pa dang da ltar ba la yang bsam par bya'o/ /'di ltar de ni 'das pa dang ma 'ongs pa dang da ltar pa rnams la so sor dus gsum du thal bas 'chol bas/ 'chol ba'i phyir yang dus gsum med do/ /'di ltar yang dus gsum med de/ rang nyid ma grub phyir/ 'dir skad cig ma la sogs pas dus mngon par gsal bar pha rol po 'dod do/ /skad cig ma la sogs pa las tha dad pa'i dus gang cung zad yod cing/ gang zhig des mngon par gsal bar byed pa yang ma yin te/ ri bong gi rwa rang gi ngo bor ma grub pas sus kyang mngon par gsal bar byed pa ma yin no/ /des na ngo bo nyid kyis dus ma grub bo/ /dus kyang med na de'i gsum nyid ga la zhig ces bya ste/ dus gsum med do/ /gzhan yang khyod kyis dngos po bsgrub pa'i phyir dus gsum nye bar bzhag la/ dus de yang dngos po la ma bltos par ma grub la/ dngos po nyid la brten nas de rnam par gzhag pa'i phyir ro/ /dngos po de yang sngar nyid du med do zhes bsgrubs la/ dus gsum po/ /dngos po med phyir yod min te/ gal te de ltar dus gsum po med na/ de'i tshe ji ltar dus gsum du tha snyad byed cen/ smras pa/ dus gsum po brtags pa tsam yang dag pa

  690. 345b

    ma yin pas sgro btags pa tsam zhes bya ba'i don to/ /dus gsum med la/ de'i rgyu mtshan gyi dngos po yang med do zhes grub bo/ /'dir smras pa/ dngos po yod pa nyid de/ de yang 'dus byas kyi rang bzhin te de'i mtshan nyid med pa'i phyir ro/ / yod bzhin pa ma yin pa la mtshan nyid med de/ 'di lta ste mo gsham gyi lta bu'o/ /dngos po ni 'dus byas kyi mtshan nyid skye ba dang 'jig pa dang gnas pa zhes bya ba yod la/ de'i phyir mtshan nyid yod pas 'dus byas kyi rang bzhin gyi dngos po yod do zhe na/ smras pa/ gal te de'i 'dus byas kyi mtshan nyid nyid yod na/ 'dus byas kyi rang bzhin yod la/ yod pa ma yin no zhes bstan pa'i phyir gsungs pa/ 'dus byas mtshan nyid skye ba dang/ /gnas 'jig gsum po 'di yang med/ /gang phyir 'dus byas med 'di las/ /'dus ma byas pa cung zad med/ /de la 'dis na mtshon par byed pas na mtshan nyid de/ rgya dang rkyen 'dus pas shes pa/ 'dus pa las 'byung bar byed pa 'dus byas la/ 'dus byas dang mtshan nyid pas 'dus byas kyi mtshan nyid de/ de ci zhe na/ skye dang gnas dang 'jig pa'o/ /skye gnas 'jig pa zhes bya ba gsum po de nyid kyang med na/ gang gi phyir gsum pos 'dus byas 'jug pa med par de ni sngar nyid du bsgrubs te/ yod pa yod phyir skye ba min/ med pa med phyir mi skye ba/ zhes pas 'dir gang gi tshe gang las 'dus byas 'jug pa de'i gsum po ma grub na de'i tshe 'dus byas ma grub pa don gyis bsgrubs par 'gyur ro/ / gang gi phyir 'dus byas med na 'di las 'dus ma byas yin pa yang cung zad kyang med do/ /de la gzugs med pas nam mkhar tha snyad byas la/ 'dus byas rnams rkyen ma tshang pas mi skye ba la so sor brtags pa ma yin pa'i 'gog pa'o/

  691. 346a

    zag pa dang bcas pa'i 'dus byas rnam nyid shes rab kyis stobs kyis bral ba'i mtshan nyid kyi thob bya'i 'gog pa ni so sor brtags pa'i 'gog ba'o/ /'dus byas med na de la ma bltos par 'dus ma byas kyang med pa'i phyir 'dus ma byas med do zhes bya'o/ /smras ba/ slar yang skye ba la sogs pa gsum po 'di dag ci ltar med ces brjod/ 'di ni skyes pa bskyed bya min/ /zhes pa la sogs pa bstan pas bsgrubs pa yang ma yin nam /de ni rgyu brtag pa dang 'brel pas 'dus byas brtag pa dang 'brel par brjod la/ ji ltar de ltar smos pas kyang 'di dag gsungs bar 'gyur la/ gal te de ltar yang 'dus byas dang 'dus ma byas dag med par bstan na/ slar yang de sgrub pa brtsam pa'i phyir/ /'dir gsungs pa/ 'jig pa med pa mi 'jig cing/ /gnas pa gnas par mi 'gyur la/ /gnas pa med pa'ang mi gnas te/ /skyes pa skye min ma skyes pa'ang/ /'dir gal te 'jig pa zhes bya ba cung zad yod na/ de zhig pa'i dngos po 'am/ mi 'jig par 'gyur la/ de la re zhig 'jig pa med pa la mi 'thad de/ ci'i phyir zhe na/ gang las 'jig pa med pa mi 'jig ste/ 'jig pa med pa zhes bya ba 'jig pa dang bral ba de 'jig pa med pa la 'jig par 'gyur ro zhes brjod par ji ltar nus/ de'i phyir 'jig pa med pa mi 'jig cing/ da ni zhig pa yang 'jig par mi 'gyur te/ zhig pa zhes bya ba yod bzhin pa ma yin pa'o/ /de yang 'jig ces brjod bar ji ltar rung /zhig pa dang ma zhig pa dag las gzhan du rnam par bzhag pa med do/ /gang zhig 'jig par 'gyur zhes pa yang gang gi tshe 'jig pa med pa mi 'jig cing zhig pa yang mi 'jig pa de'i phyir/

  692. 346b

    'jig pa med do zhes grub po/ /da ni ji ltar gnas pa yang med do zhes bsgrub par bya ste/ 'dir 'di dag gnas par yongs su rtog pa na/ gnas pa'i dngos po 'am mi gnas pa'i dngos por yongs su rtog/ gnyi ga yang mi 'thad do zhes bsgrub pa'i phyir gsungs pa/ gnas pa gnas par mi 'gyur la/ /gnas pa med pa'ang mi gnas te/ zhes pa la/ re zhig gnas pa'i dngos po la gnas pa med de/ gnas par bya ba dang bral pa'i dngos ba la gnas pa zhes brjod la/ gnas pa la gnas pa'i bya ba dang bral ba mi srid pas de'i phyir gnas pa gnas par mi 'gyur ro/ /gnas pa med pa'ang/ gnas pa'i bya ba dang bral ba'o/ /gang yang gnas pa'i bya ba dang bral ba de ji ltar gnas par 'gyur/ de'i phyir gnas ba yang med do/ /da ni skye ba mi srid par bsgrub pa'i phyir gsungs pa/ skyes pa skye min ma skyes pa'ang zhes pa la/ skyes pa re zhig mi skye ste/ skye ba'i bya ba dang bral ba'i phyir ro/ /ma skyes pa mi skye ste/ skye pa'i bya ba'i yul ma yin pa'i phyir ro/ /des na 'dus byas med la/ de ma grub na/ 'dus ma byas kyang med do zhes grub po/ /gal te na yang 'dus byas sam 'dus ma byas gang cung zad yod na/ de nges par tha dad pa 'am tha mi dad pa zhig grang/ gnyi ga yang mi 'thad do zhes bsgrub pa'i phyir gsungs pa/ 'dus byas 'dus ma byas pa dag/ du ma ma yin gcig ma yin/ /med min yod min yod med min/ /mtshams 'dir sna tshogs thams cad 'dus/ /re zhig 'dus byas dang 'dus ma byas dag tha dad par grub pa med la/ gal te yod na 'dus byas 'am? bltos par 'dus ma byas yod de/ bum pa las gzhan pa snam bu'i rang gi ngo bo grub pas bum pa la mi bltos ba bzhin no/ /'dus byas la ma

  693. 347a

    bltos par 'dus ma byas kyi rang gi ngo bo grub pa mi srid la/ ji ltar mi srid pa de ltar yang sngar bsgrubs so/ /gzhan yang 'dus ma byas kyi sgras/ 'dus byas rnam par bcad nas rang gi don rtogs par byed de/ 'di ni 'dus byas ma yin la 'on kyang 'dus ma byas so zhes pa'o/ /gang gi tshe yang de de ltar na de'i tshe 'dus byas kho na la bltos nas 'dus ma byas rnam par bzhag la/ 'du ma grub par mi 'thad do/ /'dus byas ? dang 'dus ma byas dag 'gal bas kyang 'gal zla'i dngos po gzhan la ma bltos par rang nyid dang 'gal ba mi rigs so zhes bya ste/ des na yang 'dus byas la ma bltos par 'dus ma byas mi srid do/ /de bzhin du 'dus byas la yang brjod do zhes bya ste/ de ltar na re zhig du ma 'dus byas dang 'dus ma byas ma yin no/ /ngan gcig nyid la yang 'dus byas dang 'dus ma byas dag med de/ snang ba dang mun pa bzhin phan tshun 'gal bar khas blangs pa'i phyir dang/ mtshan nyid tha dad par khas blangs pa'i phyir dang/ gnyis nyid du khas blangs pa'i phyir ro/ /gzhan yang 'dus byas zhes bya bcung zad yod na/ de yang pa 'am/ med pa 'am/ yang med skye/ de la re zhig yod pa mi skye ste/ yod bzhin pa'i phyir ro/ /med pa yang mi skye ste/ med bzhin pa'i phyir ro/ /yod med kyang mi skye ste/ phan tshun 'gal ba dag gcig pa mi srid do/ /yang na gal te 'dus byas shes bya ba cung zad yod na/ de yod pa 'am/ med pa 'am/ yod med du yod par 'gyur la/ de la re zhig yod pa ma yin te/ yod pa rgyu la mi bltos pa'i phyir dang/ rgyu med pa la yod bzhin pa med pa'i phyir ro/ /ji skad

  694. 347b

    du/ 'phags pa lhas ma brten yod pa nam yang ni/ 'ga' zhig gang na'ang yod pa ma yin/ /nam yang 'ga' zhig gang na yang/ /med pa des na rtag ma yin no/ /zhes so/ /med pa yang ma yin te/ ngo bo nyid ma grub pa kho nas dngos po med pa yang med pa'i phyir ro/ /dngos po rab tu ma grub na/ dngos med 'grub par ga la 'gyur/ zhes pa'i tshig las so/ /yod med kyang ma yin te/ gcig la 'gal ba'i chos gnyis kyi bdag nyid can med pa'i phyir ro/ /de bzhin du 'dus ma byas la yang brjod par bya'o/ /'dus byas 'ba' zhig kho na la gcig dang/ gzhan dang/ yod pa dang med pa dang/ gnyi ga yang mi srid pa 'thad par ma zad kyi/ gzhan yang nges par zag pa dang bcas pa dang zag pa med pa dang/ gzugs can dang gzugs med pa dang/ bstan tu yod pa dang bstan du med pa dang/ thogs bcas dang thogs med dang/ rgyu dang 'bras bu dang/ mtshan gzhi dang mtshan nyid dang/ nye bar len pa dang nye bar len pa po dang/ 'byung ba dang 'byung ba las gyur pa la sogs pa dngos po thams cad la yang 'di ltar brtag pa'i rnam par bzhag pa las shin tu mi rtogs te/ ji skad du smos pa'i de nyid dang gzhan nyid la sogs pa'i rnam pa las bsams pa'i sgo nas dgag pa'i ngag gi go skabs thob par byas pas so/ /der 'dus pa'i phyir yang des par 'dus byas dang 'dus ma byas ltar de dag dgag par rig par bya'o zhes gsungs pa/ mtshams 'dir sna tshogs thams cad 'dus shes pa la/ mtshams dang khrims dang de'i bar du zhes pa don gzhan ma yin no/ /thams cad kyi sgra ni zad par gyi don to/ /sna tshogs kyi sgra ni rnam pa'i don to zhes

  695. 348a

    rig par bya'o/ /'dir smras pa/ ji skad du smos pa'i 'dus byas la sogs pa rang bzhin med par bsgrub par mi nus te/ lung dang 'gal ba'i phyir/ 'di ltar/ bla ma bcom ldan las gnas dang/ las kyi bdag nyid 'bras bu gsungs/ /sems can rang gi las dang ni/ /las ni rnam par 'jig med gsungs/ /mdo las gsungs pa/ nor dad 'bru dang sa le sbram/ /nor bu'i rna rgyan ba lang rta/ /bran dang las byed mdag gzhug ba/ /gang yang gzhan pa'i nor rnams dang/ /cung zad khyer nas 'gro min zhing/ /thams cad por nas 'gro bar 'gyur/ /tha ma'i gnas skabs mngon gyur pa/ /mi yi srid pa spong bar 'gyur/ ci de rang gi cung zad tsam/ /blangs na de ni 'gro bar 'gyur/ /'di yis ci zhig mi spong na/ /ji ltar grib ma rjes 'gro bzhin/ /gang zhig skyes bus 'dir byas pa'i/ /sdig pa dang ni bsod nams gnyis/ /de ni de yis rang gir 'gyur/ /de yang blangs nas 'gro bas na/ /'di dag de yis mi spong ste/ /ji ltar grib ma rjes 'gro bzhin/ /ji ltar lam ngan nas 'gro ba/ /'gro ba po 'dir sdug bsngal 'gyur/ /de bzhin bsod nams ma byas pa'i/ /sems can ngan 'gror 'gro bar 'gyur/ /ji ltar lam bzangs nas 'gro ba/ /'gro ba po 'dir bde bas 'gro/ de bzhin 'dir byas bsod nams kyis/ /sems can bde 'gror 'gro bar 'gyur/ /skyes bu yun ring 'gron byas nas/ /ring nas dge bar 'ongs pan/ /gnyen 'dun snying dga' 'grog bshes rnams/ /'dir 'ongs pa la mngon par bstong/ /de bzhin bsod nams

  696. 348b

    byas pa yi/ /'jig rten 'di nas pha rol 'gro/ bsod nams kho na mngon bstod de/ /mdza' sdug bshes gnyen lta bur 'od/ de phyir gsod nams phung po ni/ pha rol 'gro ba rnams kyis byos/ /bsod nams 'jig rten pha rol tu/ /srog chags rnams kyis rab gnas brjod/ /bsod nams lha rnams bsngags par byed/ /zhi ba'i sprod pa'ang gang spyod pa/ /'dir yang smod par mi 'gyur zhing/ mtho ris 'gro la rjes yi rang/ /zhes pa mdo 'dir/ /nor dang 'bru la sogs pa chud zos kyang/ las gnas par bcom ldan 'das kyis gsungs so/ /slar yang gsungs pa/ bsod nams me yis mi 'tshig cing/ rlung gis 'jig pa'ang ma yin te/ /chu yis gsher ba ma yin la/ /sa la nub par mi 'gyur ro/ /zhes pa 'dis kyang gnas par gsungs la/ /yod bzhin pa ma yin pa'i nam mkha' i me tog la gnas pa nye bar bstan pa mi 'thad do zhes bya'o/ /des na 'dus byas dang 'dus ma byas bzhin chos thams cad med par gnas par mi nus so/ /las kyi bdag nyid kyang bcom ldan 'das kyis gsungs te/ dge slong dag mdza' gcig tu gnag pa rnams kyi las kyi rnam par smin pa yang mdza' gcig tu gnag pa'o/ /mdza' gcig tu dkar pa'i las kyi rnam par smin pa yang mdza' gcig tu dkar pa'o/ /'dren ma rnams kyi 'dren ma'o zhes pa'i tshig las/ gang gi las kyi bdag nyid rang gi ngo bo de/ las kyi bdag nyid kyi 'bras bu'o/ /las med na yang de'i rgyu dang 'bras bu'i nges par mi brjod pas/ des na las yong bar rigs la/ de las dngos po thams cad grub po zhes bya'o/ /sems can rang gi las kyang bcom ldan 'das kyis gsungs te/

  697. 349a

    sems can mi rnams kyi rang gi las la las ni sbyin pa sbyin par byed ba'o/ /zhes bya ba'i tshig las lus zhig na nor dang 'bru la sogs pa 'jog par byed la/ las ni 'jig rten pha rol tu rjes su 'brang ba'i phyir las kyang gang gi rang gi bde ni rang gi las so/ /des na yang de'i las yod la/ sems can de'ang yod pas dngos po rnams rang bzhin med pa ma yin no zhes bya'o/ /las rnam par 'jig pa med par yang de bzhin gshegs pas gsungs te/ lus can rnams kyi las rnams ni/ /skal pa brgyar yang chud mi za/ /tshogs pa rnyed nas dus su ni/ /'bras bu gdon mi za bar smin/ zhes bya ba la sogs pas kyang las med na chud mi za ba'i tshig rung ba ma yin no/ /de'i phyir las yod la/ las yod pa'i phyir dngos po rnams rang bzhin dang bcas pa'o/ /zhes bya'o/ /'dir smras pa/ dngos po rnams kyi rang bzhin med pa la lung 'des gnod par nus pa ma yin te/ ci'i phyir zhe na/ gang gi phyir sngar nyid du de lta bu la sogs pa'i lung 'jig rten gyi tha snyad kyi dbang gis gsungs so zhes bsgrubs pa rjes su gnas so/ /'di dag kyang gdon mi za bar khas blang bar bya ste/ ci'i phyir zhe na/ gang gi phyir bcom ldan 'das kyis/ las rnams rang bzhin med gsungs te/ /ma skyes gang de chud mi za/ /de las kyang ni bdag 'dzin med/ /des bskyed 'dzin pa'ang rnam rtog las/ /de la/ mi rtag ngang ldan 'dus byas rnams/ zhes gsungs pas na/ las kyang mi rtag go zhes bcom ldan 'das kyis gsungs pa/ gang mi rtag de yang rang bzhin med pa'o zhes gsungs par 'gyur te/ ngo

  698. 349b

    bo nyid ni gzhan du mi 'gyur ba'i phyir ro/ /de yang gal te rang bzhin yod pa la dgongs nas las yod do zhes bcom ldan 'das kyis gsungs par gyur na/ slar yang las mi rtag par gsung bar mi 'gyur te/ de ni mi rtag pa dang rang bzhin yod pa 'gal pa'i phyir ro/ /bcom ldan 'das kyis kyang/ ma rig pa'i rkyen gyis 'du byed du gsungs la/ rang bzhin yod bzhin pa la brten nas skye ba 'thad pa ma yin no/ /de'i phyir bcom ldan 'das kyi bka' ni las rang bzhin med pa gsal bar byed pa nyid do zhes pa sgrub par bya ba'i phyir gsungs pa las rnams rang bzhin med gsungs pa zhes bya ba la/ gang kho nas rang bzhin med pa de nyid kyis na ma skyes la/ gang yang ma skyes pa de nyid kyis na de ni 'jig pa med par bcom ldan 'das kyis gsungs so/ las rnams chud mi za zhes bya ba la sogs pas gang yang 'di ltar mi 'dod na/ des las 'dus byas su yang khas blang bar mi bya ste/ 'di dag phan tshun 'gal ba'i phyir ro/ /gang yang 'di ltar las rang bzhin gyis ma skyes la nges na rang bzhin med pa'i phyir ro/ /gang zhig las ni 'di dag ste/ rnam par shes pa dang mid dang gzugs dang skye mched drug dang reg pa dang tshor ba zhes bya ba yan lag lngas rab tu 'jug pa ni/ 'jig rten pas bdag tu mngon par rlom? pa'i rgyu mtshan te/ de la bdag go zhes 'dir 'dzin pa'i zhes bya'o/ /bdag tu 'dzin pa'i mid can de yang rang bzhin med pa'i las kyis bskyed pa'i phya'i rang bzhin med pa'o zhes gsal bar khong du chud par bya'o/ /yang na 'di snyam du sems na/ rnam par shes pa la sogs pa yan lag lnga po rang bzhin med de/ rang bzhin med pa'i las kyis bskyed

  699. 350a

    pa'i phyir ro/ /zhes yin du chug na yang gang yang bdag tu 'dzin pa ngar 'dzin pa'i mtshan nyid can 'di yang rang bzhin med pa'i las kyis bskyed pa'i phyir rang bzhin dang bcas par 'gyur ro zhe na 'di dag kyang med de/ ci'i phyir na gang gi phyir/ des bskyed 'dzin pa'ang rnam rtog las/ gang yang 'di bdag tu bsgro btags pas bskyed pa'i ngar 'dzin pa de yang rang bzhin med pa'i tshul bzhin ma yin pa yid la byed pa'i mtshan nyid can gyi rnam par rtog pas bskyed pa'i phyir rang bzhin med pa kho na'o zhes bya ba grub po/ /gdon mi za bar 'di ni 'di ltar khas blang par bya ste/ 'di lta ste las ni rang bzhin med pa'o zhes gsungs so/ /gzhan du na/ gal te las la rang bzhin yod/ de skyes ther zug bdag dngos 'gyur/ /las kyang sdug bsngal rnam smin du/ /mi 'gyur de phyir bdag tu 'gyur/ /bdag zhes bya ba'i dngos po 'di'o zhes bya ba rnam par shes pa la sogs pa'i yan lag lnga po bdag gi dngos po zhes brjod do/ /gal te las la rang bzhin yod na de mi rtag par mi 'gyur te/ rang bzhin ni mi 'gyur ba'i phyir dang/ rtag pa'i las kyis bskyed pa yang rgyu dang 'dra bar 'bras bu 'jug pas/ rtag pa'i bdag gi dngos por 'gyur la rtag pa nyid du gyur na rnam par shes pa la sogs pa de dag gi las kyis sdug bsngal gyi rnam par smin pa 'byung bar mi 'gyur ro/ /las ni mi rtag pas rnam par smin par 'byung ste/ gang mi rtag pa de sdug pa po zhes sdug bsngal gyi rnam par smin par 'gyur la/ rtag par gyur na/ rtag par gyur na las las sdug bsngal gyi rnam par smin par mi 'gyur ro/ /gang mi rtag pa de yang bdag med pa'o zhes gsungs so/ /gang gi tshe yang las

  700. 350b

    kyi 'bras bu dang las ther zug pa yin na/ de'i phyir bdag tu 'gyur la/ de las kyang chos thams cad bdag med ba'o zhes ston par mi rigs so/ /des na gdon mi za bar las rang bzhin med par rig par bya'o/ /yang las rang bzhin med pa'i 'thad pa ci zhig tu rig par bya zhe na/ gsungs pa/ las ni rkyen skyes yod min zhing/ /rkyen min las skyes cung zad med/ 'du byed rnams ni dri za yi/ /grong khyer sgyu ma smig rgyur mtshungs/ /gal te las zhes bya ba cung zad yod na/ /nges par de ni rkyen las skyes pa 'am rkyen med pa las skye bar 'gyur/ re zhig gal te rkyen las skye bar 'dod na/ nges par 'bras bu rkyen la yod par 'gyur la/ ma skyes pa rkyen la yod par nus pa ma yin te/ 'bras bu ma skyes na yang sa'i rgyu dang rkyen la de'i 'bras bu yod par 'gyur ro/ /yang na 'bras bu rkyen la med pa zhig rkyen las skye na/ de'i tshe rkyen ma yin pa las kyang skye bar 'gyur la de dag kyang med do zhes bya bas des na rkyen las skye ba'i las cung zad med do/ /rkyen med pa yang rgyu med pas 'bras bu cung zad kyang mi srid do zhes bya'o/ /des na las med do/ gang gi tshe las med pa de'i tshe rnam par shes pa la sogs pa med par 'gyur pas nye bar len pa med pas nye bar len pa po yang med do zhas bya ste/ 'dus byas thams cad mi rtag pa chos thams bdag med pa'i zhes bya bar 'gyur te/ rang bzhin khas ma blangs na thams cad legs par gnas par 'gyur ro/ /gal te dngos po rnams rang bzhin med pa'o zhes 'chad na/ 'o na de ltar gyur na dngos po thams cad med do zhes bya ba thob par 'gyur ro/ /smras pa/ rang bzhin med pa'i don ni med pa'i don ma yin te/ 'on kyang 'khrul pa'i don te/ brdzun zhing bslu

  701. 351a

    pa'i chos can nyid kyi don to/ /rten cing 'brel par 'byung ba'i don 'di dag rang bzhin med pa'i don to zhes bya ba du mar bsgrubs pas mang bos ci zhig bya/ don 'di yang dpes yangs su gsal bar byed pas gsungs pa/ 'du byed rnams ni dri za yi/ /grong khyer sgyu ma smig rgyur mtshungs/ zhes bya ba la/ 'di ltar yul dang dus su rnam par lta ba'i dbang po phyin ci log gi rkyen las skyes pa khang ba dang/ skyed mos tshal dang shing dang ldum ra dang khang bzangs dang ba gam dang phyugs ltas la sogs pas nye bar mjos pa 'khrul bas grong khyer rang bzhin du dmigs la/ yang dag pa'i grong grong gyi rnam pa byis pa'i skye bo grong khyer du mngon par rlom pa 'byung ba'i rgyu mtshan can brdzun pa bslu ba'i chos can no/ /ji ltar yang sgyu ma'i rnam pa ston pa'i nus pa dang ldan pa'i sgya ma'i mkhan po'i sngags kyi sbyor bas/ glang po dang/ stag dang/ ma he dang skyes pa dang/ bud med la sogs pa'i dngos po yang dag pa'i bud med la sogs pa'i rang bzhin dang bral par gnas kyang byis pa rnams bud med la sogs pa'i mngon par rlom pa 'byung ba'i rgyu mtshan brdzun pa bslu ba'i chos can la rmongs pa'i skye pos chags pa'o/ /ji ltar yul dang dus dang gnas skabs khyad par can gzhan thob pa'i nyi ma la brten pa'i tsha ba sa phyogs su shin tu phog ba las/ 'bab par mthong bas phyin ci log thob bas yang dag pa'i chu'i rnam pa can/ chu'i rang bzhin gyis stong ba yang smig rgyu nye bar dmigs pa'o/ /de bzhin du rnam par shes pa la sogs pa'i dngos po rnams rang rang gi rgyu rkyen gyi chogs pa la brten nas nye bar dmigs pa

  702. 351b

    rnams rang bzhin dang bral ba nyid nye bar dmigs pa ste/ dri za'i grong khyer la sogs pa bzhin du brten nas 'byung ba'i phyir ro zhes bya'o/ /'dir kha cig brtsad pa/ dri za'i grong khyer ni rtswa dang shing la sogs pa'i rten cing 'brel par 'byung ba'i khang pa dang bskyed mos tshal la sogs pa'i tshul gyis snad la/ de na khang ba dang bskyed mos tshal la sogs pa'i rten cing 'brel bar 'byung ba yang med do zhes bya'o/ /de'i phyir dpe 'di ni stong pa nyid bsgrub par nus pa ma yin te/ / rtsa dang shing la sogs pa de la yod pa'i phyir zhes bya'o/ /de la bltos nas smras pa/ gang nye bar dmigs pa'i khang pa dang bskyed pos tshal la sogs pa rten cing 'brel par 'byung ba ma yin na/ /bang pa dang bskyed mos tshal la sogs pa bzhin du/ rtswa dang shing la sogs pa yang rten cing 'brel par 'byung bar mi 'gyur/ de'i phyir khang pa la sogs pa yang nye bar dmigs pa'i phyir/ rtswa dang shing la sogs pa bzhin rten cing 'brel par 'byung bar 'thad do/ / gzhan yang gang gi tshe de bzhin gshegs pa nam mkha' i phyogs nyid du sbrul ba stong ston par mdzad la/ de'i tshe rtswa dang shing la sogs pa yod bar ga la rtog/ de'i phyir gang nye bar dmigs pa de rten cing 'brel par 'byung ba nyid nye bar dmigs pa'o/ /de la rten cing 'brel bar 'byung ba'i dngos po yang 'jig rten pas kha cig ni bden pa'i rang bzhin du rtog la/ kha cig ni mi bden pa'i rang bzhin du'o/ /de la dri za'i grong khyer khyer dang sgyu ma dang smig rgyu dang sbrul pa dang chu zla dang 'gal me'i 'khor lo dang/ gzugs brnyan dang snang brnyan la sogs pa rten cang 'brel par 'byung ba mi bden par mngon par 'dod pas/ bden par mngon par 'dod pa'i bden par mngon par zhen

  703. 352a

    pa bzlog pa'o zhes rigs so/ /gang yang pha rol pos smos pa'i skyon sel bar 'dod pas/ ji ltar rtswa dang shing la sogs pa glang po che la sogs pa'i rang bzhin dang bral ba glang po che la sogs pa'i tshul du snang la/ de bzhin du rnam par shes pa la sogs pa yang rnam par shes pa la sogs pa'i rang bzhin dang bral ba rnam par shes pa la sogs pa'i tshul du snang ngo zhes smra ba ni/ glang po la sogs pa rtog pa dang bral ba la/ rtswa dang shing la sogs pa ji lta bar yod pa ltar glang po la sogs pa yang med do/ /de bzhin du rnam par shes pa la sogs pa la yang de'i cha shas gang zhig rten cing 'brel par 'byung bas de ni rtswa dang shing la sogs pa bzhin du yod pa'i phyir dang/ rten cing 'brel bar 'byung ba'i rnam par shes pa'i ngo bo la sgro btags pa'i rang bzhin yang bsal bzhin pa'i phyir dngos po rnams kyi rang bzhin grub po zhes bya ba thob par 'gyur ro/ /des na rnam par rig par smra pa'i rjes su mthun par brjod par 'di 'gyur la/ dbu mar smra pa'i rjes su mthun par brjod pa ni ma yin no/ /yang na rmi lam mthong ba'i rjes su 'jug pas khas blang par mi bya ste/ de'i tshe rten cing 'brel par 'byung ba'i gtan tshigs nyid rnam par rig par smra ba la bltos nas rjes su mi mthun pa med pa'i phyir dang/ 'gal ba'i phyir yang dngos po rnams rang bzhin med par sgrub pa la bltos nas/ nus pa med pa nyid du khong du chud par byas pa gzhan gyis smras pa'i skyon spangs so zhe na/ de ltar bshad pa 'di mi rung ste/ de ni 'di ltar smos pa'i rigs pas dri za'i grong khyer la sogs pa bzhin du rten cing 'brel par 'byung ba'i phyir/ dngos po rnams rang bzhin med pa'o zhes gnas

  704. 352b

    pas yang gdon mi za bar 'di dag khas blang bar bya ste/ 'du byed dri za'i grong khyer dang mtshungs zhes gsungs so/ /ci'i phyir na/ gang gi phyir rang bzhin dang bcas par gyur na/ 'di dag rten cing 'brel par 'byung bar mi 'gyur la rten cing 'brel par 'byung ba yang yod pas/ gang gi phyir/ las ni nyon mongs rgyu mtshan can/ nyin mongs 'du byed las bdag las/ /lus ni las kyi rgyu mtshan can/ /gsum ka ngo bo nyid kyis stong/ de la ma rig pa'i rkyen gyis 'du byed do zhes bya bas las ni nyon mongs rgyu mtshan can te nyon mongs pa 'di'i rgyur byas pas/ nyon mongs las bdag las ni 'du byed rnams te/ las dang nyon mongs pa las gang zhig rnam par shes pa la sogs pa'i bdag nyid pas/ rnam par shes pa la sogs pa de rnams 'du byed kyi las dang nyon mongs pa'i bdag nyid de/ ma rig pa dang 'du byed kyis bskyed pa'i phyir/ de rnams kyang 'dir 'du byed yongs su rdzogs pa'i skye mched drug gi gnas skabs kyi lus thob pa'i rgyu mtshan du 'gyur ro zhes bya ste/ tha dad pa'i lus 'dzin pa'o/ /lus de yang 'du byed bzhin du las dang nyon mongs pa'i rgyu can kho na'o zhes byas nas/ gcig gis kyang nye bar mtshon nas/ las kyi rgyu mtshan can gyi lus zhes bya'o/ /de las kyang de dag gi las dang de'i 'bras bu lus po ste/ gsum po rnams kyang rten cing 'brel bar 'gyur ba nyid la/ des na dri za'i grong khyer la sogs pa bzhin du 'di dag gsum yang ngo bo nyid kyis stong pa'o/ /'dir smras pa/ las yod pa nyid de/ de'i byed pa po yod pa'i phyir ro/ /'dir las kyi byed pa po nye bar bstan pa/ ma rig pa'i rjes su 'gro ba'i gang zag 'di ni bsod nams kyi mngon par 'du byed

  705. 353a

    pa mngon par 'du byed de zhes bya ba la sogs pas des na byed pa po yod pa'i phyir/ las yed la 'bras bu yang 'byung bar 'gyur ro/ /'bras bu yod na gdon mi za bar de la longs spyod pa po yod la/ de'i phyir las dang byed pa po dang de'i 'bras bu dang de la longs spyod pa po rnams yod pa'i phyir/ dngos po thams cad kyi rang bzhin yod pa nyid ngo zhe na/ smras pa/ gal te las yod na de'i tshe byed pa po la sogs pa yod la/ gang gi tshe yang ji skad du smos pa'i rigs pas las med par bsgrubs pas de'i tshe na/ las med gyur na byed po med/ /de gnyis med pas 'bras bu min/ /de med nye bar sbyod po med/ /des na dngos pos dben pa yin/ /gang gi tshe rkyen las skyes pas las cung zad kyang med do zhes bya ba 'dis las med pa nyid du bsgrubs la/ de'i tshe las med bar gyur na su'i byed ba por yongs su rtog par byed byed pa po dang las med na/ rgyu med pa'i 'bras bu ga la zhig/ 'bras bu med na yang su'i longs spyod pa por yongs su rtog par byed ces bya bas/ des na las la sogs pa med pas rnam par dben bste thams cad stong ngo zhes bya ba grub po /'dir smras ba/ slar yang de ltar 'bad pa tshan pos stong pa nyid du bsgrubs par gyur pas/ khyod la 'bras bu ci zhig/ ji srid du las dang 'bras bu la skur ba 'debs pa na/ log lta'i gang zag spyod pa bzang po yang mi 'dod pa'i 'bras bu ster bar bcom ldan 'das kyis gsungs la/ shi nas kyang dmyal bar skye bar gsungs so/ /des na 'dir shin tu 'bad pa chen pros

  706. 353b

    don ma yin ba sgrub par byed pas zhog cig/ smras pa/ gang zhig la stong pa'i don ni las med pa'i don du sgrub na/ de la ji skad du smos pa'i nyes pang 'gyur la/ gang yang rang bzhin dang bral ba'i phyir las stong ba'o zhes khong du chung ba de ni/ las ni stong pa yang dag par/ /shes na de nyid mthong ba'i phyir/ /las mi 'byung ste de med na/ las las 'byung gang mi 'byung ngo/ /gang zhig las rang bzhin med pa'o zhes khong du chung na/ des ni las phyin ci ma log pa'i stong pa nyid du yongs su shes par 'gyur ro/ /las de yang ma rig pa'i rkyen gyis 'di ni bden pa'o zhes mngon par zhen pa ste/ las rang bzhin med pa'i phyir rang bzhin med pa la 'bras bu mi 'dod do/ /des na de yis skur ba btab nas log lta 'thob ba ma yin la/ las kyang rang bzhin med par rtogs pas 'di dag bden par mngon par zhen pa spong la/ las la ma chags pas slar yang las mi rtsom mo/ /las ma brtsams par gyur na las gyi rgyu can gyi 'bras bu log go/ las kyi 'bras bu 'khor ba las log na nges bar 'di ni mya ngan las 'das pa la gzhol bar 'gyur ro/ /zhes bya ste/ de ltar de kho na nyid mthong bas las yang dag par shes pa ste rang bzhin gyis stong par rtogs pa'o/ /de kho na nyid mthong bas ma rig pa spong la/ ma rigs pa spangs na rgyu med pas las mi 'byunb ngo/ /der las med na gang zhig las las 'byung ba rnam par shes ba la sogs pa de la mi 'byung ngo/ /rnam par shes pa la sogs pa rnams kyang skye ba med par gyur na mya ngan las 'das pa grub po zhes bya ste/ rigs pa des skyes bu mngon par rlom pas gnas pa la/ rang

  707. 354a

    dang gzhan gyi don sgrub pa lam khas pas/ las rang bzhin med par sgrub pa'i phyir ro/ /'dir smras pa/ gal te ji ltar bsgrubs pa'i rigs pas las rang bzhin med pa nyid du rnam par 'jog na/ gang zhig 'di dag las las skyes pa'i sems can dang snod kyi 'jig rten sna tshogs pa de yang mi 'thad la/ gang yang las dang byed pa po nye bar bstan pa 'di yang thob par mi 'gyur ro/ /rang bzhin med pa'i dri za'i grong khyer la sogs pas/ 'di ltar rnam pa sna tshogs pa'i 'bras bu sgrub pa dang byed pa po yod bzhin pa yang mi 'thad do zhes so/ /'o na dri za'i grong khyer la sogs pa'i don kyang rnam par shes pa rang gi dmigs pa la dmigs pa'i dngos por sgrubs bzhin pas na/ sems dang sems las byung ba rnams sgrub par byed pa por 'gyur te/ rang rang gi rgyu dang rkyen la brten nas skye bzhin pas byed pa po yod bzhin par 'gyur/ /smras pa/ gal te yang rnam par shes pa'i dmigs pa nyid du bsgrubs na/ de lta na yang 'khrul pa 'khrul pa'i rgyu nyid du bsgrubs pa ma yin te/ rnam par shes pa ma 'khrul pas de'i phyir mi bden pa bden pa'i rgyur mi 'gyur ba nyid la/ mi bden pa yang mi bden pa'i ma yin no zhes bya'o/ /de la rnam par shes pa yang mi bden pa nyid du 'dod la/ de lta na yang rang bzhin med pa yang rang bzhin med pa'i 'bras bu rdzogs par byed pa po nyid du gsal bar byed pa/ shin tu gsal bar dper nye bar bstan pas gsungs pa/ ji ltar bcom ldan de bzhin gshegs/ rdzu 'phrul gyis ni sprul pa sprul/ /sprul ba de

  708. 354b

    yi slar yang ni/ /sbrul pa gzhan zhig spul par 'gyur/ /bsod nams dang ye shes kyi tshogs yongs su rdzogs pa'i sems can gyi bye brag 'ga' zhig ni chos rnams kyi rang bzhin ji lta ba de ltar rtog pa'i phyir ram/ ji ltar 'das pa'i sangs rgyas thams cad gshegs pa/ de ltar gshegs pa'i phyir de bzhin gshegs pa zhes brjod do/ /de bzhin du sde pa gzhan gyi gzhung las/ 'og min kho nar de kho na nyid rnam pa thams cad du mngon par rtog pa'o/ / de yang gtso bo de bzhin gshegs pa'i rdzu 'phrul gyi sprul pa sprul nas 'dzam bu'i gling du mngon par byang chub pa ston par byed do/ /sprul pa'i mngon par byang chub pa de yang yang dag pa'i de bzhig gshegs pa dang mthu mnyaM pas/ dgos pa'i dbang gis sprul pa gzhan ston par mdzad de/ de nyid kyi na 'jig rten mthun 'jug gi mdor gsungs pa/ ma skyes gnas pa med pa yi/ /'di ni chos kyi dbyings dang mtshungs/ mngal du 'jug pa ston pa yang/ 'di dag 'jig rten rjes 'jug phyir/ /zhes gsungs so/ /'dzam bu'i gling du mngon par rdzogs par sangs rgyas pa nyid yang dag pa'i de bzhin gshegs pa yin du chug na yang/ de ltan yang de bzhin gshegs pa ni bsam gyis mi khyab pa'i mthu mnga' bas/ /sprul pa sprul nus pa'i nus pa can nyid de/ bsams bzhin du rnam pa de lta bu'i sbrul pa sprul la/ gang zhig sprul pa las sprul pa gzhan yang 'jug par mdzad do/ /de la de bzhin gshegs stong sprul/ /sprul pas sprul pa smos ci dgos/ /gnyis po ming tsam yod pa yang/ /gang ci rung ste rtog pa tsam/ /gang 'dir yang dag pa'i de bzhin gshegs pas sprul pa'i sprul pa de nyid re zhig stong pa ste/ de bzhin gshegs pa'i rang bzhin dang bral pa'o/ /

  709. 355a

    ci 'on te gang sdul pa'i sprul pa the tshom med par 'di ni de bzhin gshegs pa'i rang bzhin dang bral pa yin gyis/ sprul pa 'di la rnam pa thams cad kyis med do zhes brjod par mi nus te/ de dag nye bar dmigs bzhin pa'i phyir ro/ /zhes gsungs pa/ gnyis po'i ming tsam yod pa yang/ /gang cung zad de rtog pa tsam/ /zhes bya ba la gang cung zad ces bya ba snying po dang bral ba ste rang bzhin dang bral ba zhes bya ba'i don to/ /slar yang ji ltar de yod ce na/ gsungs pa rtog pa tsam zhes bya ba la/ yongs su brtags pa tsam yang dag pa ma yin par sgro btags pa tsam brdzun pa bslu ba'i chos can tsam zhes bya ba'i don to/ /re zhig de dag gi rang bzhin med la/ gal te yang 'khrul pa tsam du yang dmigs pa med do zhes bya bar gyur na de ni kun rdzob kyi bdon pa la gnod par yang 'gyur te/ ri bod gi rwa bzhin nye bar dmigs par yang mi 'gyur la/ 'bras bu gzhan sgrub par byed par yang mi 'gyur te/ 'di thams cad kyang yod pas de'i phyir rtog pa tsam ste/ kun rdzob tsam du de dag yod do zhes rnam par bzhag go/ de yang gang rang bzhin med pa mthong ba de ni don dam pa mthong la ngo bo mi dmigs pas kyang de la mi bden pa las skyes pa la/ sred pa zad ba rnam par grol par 'gyur ro/ /de ni 'di ltar brdzun par mthong ba ni nyon mongs pa'i rang bzhin mthong bas rnam par grol lo zhes gnas so/ /ji ltar yang de bzhin gshegs pa'i sprul pa rang bzhin med pa las gzhan rang bzhin med pa'i de bzhin gsheD pa'i rnaM pa can gyi sprul pa mdza' yas pas rnaM pa sna tshogs pa'i bya ba sgrub par rung ba rab tu 'jug pas/ de bzhin byed po sprul par mtshungs/ /las ni sprul

  710. 355b

    pas sprul dang mtshungs/ /rang bzhin gyis stong gang cung zad/ /yod pa de dag rtog pa tsam/ /ji ltar de bzhin gshegs pas sprul pa lta bu'i las kyi byed pa po ma rig pa'i rjes su 'brang ba'i gang zag ni/ de bzhin gshegs pas sprul pa bzhin du rang bzhin med pa 'di la yang rtog pa tsam ste/ kun rdzob tsam brdzun pa bslu ba'i chos can byis pa'i skye bo bslu ba tsam rmongs pa'i skye bo chags pa tsam du yod do zhes bya ba'i don to/ /gal te yang las de rang bzhin med pa'i byed pa pos bskyed la/ de yang rang bzhin med pa nyid du yod pas/ 'gro ba sna tshogs pa bskyed par nus par 'gyur ro/ /'dir smras pa/ 'di ni mi rings te/ dpe dang don dag mi 'dra ba'i phyir ro/ /dpe ni yang dag pa'i de bzhin gshegs pa yod la/ de'i phyir yang dag pa la yang dag pa ma yin pa 'am/ yang dag pa'i sprul pa 'byung bar 'gyur ro zhes rigs so/ /'dir yang dag pa'i dngos po med na/ gang zhig sprul nus pa'i byed pa po 'jug pa'i rgyu mtshan nyid du rtog par byed de/ de'i phyir dpe dang mi 'dra'o/ /smras pa/ gang 'dir yang dag pa'i de bzhin gshegs pa yod do zhes mngon par 'dod na/ de byed pa por 'gyur pa 'am las su gyur pa'i yang dag pa nyid du yongs su rtog/ gal te re zhig byed pa por gyur par yongs su rtog na/ de yang yang dag pa'i de bzhin gshegs pa'i rang bzhin ma yin te/ byed pa po'i phyir sprul pa'i byed pa po /de bzhin gshegs pa'i de bzhin gshegs? pa'i sprul pa bzhin/ yang na las su gyur pas yang dag par yongs su rtog na/ de lta na yang sprul pa ni sprul pas sprul pa bzhin 'di la yang dag par brjod par rigs pa ma yin no/ /nges par de bzhin gshegs pa yang

  711. 356a

    med dam ci zhe na/ su zhig 'di skad du yod pa 'am med do zhes smra/ gang zhig de bzhin gshegs pa zhes bya ba rang bzhin du rtog na de ni de la yod pa 'am med par yongs su rtog par byed na/ gang yang rang bzhin med pa ste de bzhin gshegs pa'i sprul pa bzhin du rtog pa med pa/ sprul pa bzhin du rang bzhin gyis zhi ba ngo bo nyid kyis ma skyes pas/ de la yod pa 'am med par brtag par mi bya'o/ /des na de bzhin gshegs pa'i rang bzhin grub pa med pas dpe dang mi 'dra bar rtog par ga la byed/ /'dir smras pa/ gang 'di skad du smras pa'i stong pa nyid kyi rang bzhin pas/ /gang cung zad yod pa rtog pa tsam zhes pas/ slar yang ci'i phyir na/ 'di dag kyang rang bzhin med pa dang rtog pa tsam du yod pa gnyis khas len par byed/ gal te slar yang rang bzhin yod pa nyid pas/ rtog pa tsam gyi dngos por khas mi len na/ de'i tshe skyon cir 'gyur zhe na/ smras pa/ gal te rang bzhin yod par gyur na/ de'i tshe mya ngan las 'das pa med par 'gyur la/ yod bzhin pa la byed pa po don med pa'i phyir dang/ byed pa po yang med par 'gyur ro/ /gal te de rtog pa tsam yang med par 'gyur na/ de'i tshe las kyi 'bras bu med pas log ltar 'gyur la/ des na rang bzhin khas blang bar mi bya zhing/ rtog pa tsam khas mi blang bar yang mi bya'o zhes bsgrub pa'i phyir gsungs pa/ las kyi rang bzhin yod ce na/ /myang 'das byed po las kyang med/ /gal te med na las bskyed pa'i/ /'bras bu sdug dang mi sdug med/ /gal te las kyi rang bzhin yod na/ de'i tshe de rang bzhin gyis yod bzhin pa'i phyir slar yang

  712. 356b

    gzhan du 'gyur ba med do zhes bya'o/ /gang 'di ltar mya ngan las 'das pa las dang nyon mongs pa zad pa las rnam par bzhag la/ de mi 'byung bar 'gyur ba dang/ las de yang byed pa po la mi bltos par 'gyur la/ de lta na yang rgyu med pa'i phyir 'di ni yod pa nyid du mi 'gyur ro/ /re zhig las la rang bzhin yod par gyur na/ skyon 'di dag ste/ de'i phyir las la rang bzhin med pa'o/ /gal te gang ci yang rung brtog pa tsam du mi 'gyur na/ de'i tshe las kyis bskyed pa'i sdug pa 'am mi sdug par mi 'gyur la/ dge ba dang mi dge ba dag gi las kyi sdug pa dang mi sdug pa dag kyang yod pas/ de'i phyir 'di dag gang ci yang rung rtog pa tsam du yod do zhes gnas so/ gang yang 'di las kyi rang bzhin ni med la gang cung zad rtog pa tsam yod pas/ de nyid kyis na shin tu tha dad pa'i spyod pa'i gdul bye'i skye bo'i rjes su 'brang? pa'i bcom ldan 'das de bzhin gshegs pas/ nyon mongs pa dang rjes su mthun pa'i gnyen po'i dngos por 'jug pa phan tshun du 'gal bas/ brjod pa'i tshig kyang chos nyid dang mi 'gal bar gnas so/ /'di ltar las yod do zhes bya ba'i tshig med do zhes bya ba'i tshig dang 'gal la med do zhes bya ba'i tshig yod do shes bya ba'i tshig dang 'gal ba dang/ de bzhin du gnyi gar brjod pa yang gnyi ga dang 'gal lo/ /tshig 'di dag thams cad kyang las stong pa nyid 'jug pa'i thabs kyi phyir/ chos nyid dang mi 'gal lo zhes bsgrub pa'i phyir gsungs pa/ yod ces pa yod med ces yod/ /med dang yod ces de yang yod/ /sangs rgyas rnams kyis dgongs pa yis/ /gsungs pa rtog par bla ma yin/ /de la gcig tu nges par gzung par

  713. 357a

    mi nus pas las ngo bo nyid kyis yod par 'jig rten pas yang dag par mthed nas mngon par zhen pa'i yod pa yang gang ci yang rung brtag pa tsam ste/ dri za'i grong khyer la sogs pa'i rnam pa la med do zhes bya bar rtags pa khong du chud pas log par lta bas/ gang zhig dmyal ba chen por ltung ba la mngon par phyogs pas sdig pa chen po dang ldan par gyur pas/ de dag med par lta ba las bzlog pa'i don du las yod do/ / las kyi rnam par smin pa yod do zhes bcom ldan 'das kyis gsungs la/ gang zhig de gang ci yang rung ba rtog pa tsam byis pa'i skye bos yongs su brtags pa dri za'i grong khyer la sogs par yod pa de thugs la bzhag pa'o/ /gang yang las dang de'i 'bras bu la 'di dag bden no zhes mngon par zhen la/ mngon par zhen pa nges de dag 'khor ba las mi grol bas/ rang bzhin gyis ma skyes pa thugs la bzhag nas gsungs pa/ gang la las med cing las kyi rnam par smin pa med pa de ni 'phags pa rnams kyi rigs so/ /zhes bya ba la sogs pa'o/ /gnyi ga yang thugs la bzhag nas 'ga' zhig tu yod pa dang med pa gnyi ga'o zhes so/ /de ltar ji skad smos pas rigs pas bden pa gnyis su rnam par bzhag pa ma byas na/ sangs rgyas rnams kyis dgongs pa yis/ /gsungs pa rtogs par sla ma yin/ /'dir tshig kha cig ni ngon gyi rjes su 'brang nas 'jug la/ 'ga' zhig dgongs pa'i rjes su 'brangs nas 'jug go /de re zhig gang don gyi rjes su 'brangs nas 'jug pa de ni nges pa'i don te dgongs pa ma yin pas na/ ji skad gsungs pa'i don yod bzhin pa'i phyir na/ 'di lta ste chos rnams

  714. 357b

    rang bzhin med pa'o/ /de yang de skad du smos pa'i rigs pa dang lung gis dbyed pan de bzhin kho nar 'gyur gyis gzhan du ma yin no/ /gang du dgongs pa'i rjes su 'brangs nas 'jug pa de ni dra ba'i don te/ dgongs pa dang bcas pa'o/ /'di lta ste gzugs yod do tshor ba yod do zhes bya ba la sogs pa'i tshig 'di dag kyang don gyi khyad par cung zad tsam thugs la bzhag nas gsungs so zhes nges te/ ji skad du thos pa'i don dang mi ldan pa'i phyir ro/ /dngos po rnams kyi rang bzhin ni/ /rgyu rkyen tshogs pa 'am so so yi/ /dngos la rnam kun yod min pa'i/ /rang bzhin gang zhig des na stong/ /yod pa yod phyir mi skye la/ /med pa med phyir mi skye zhing/ chos mi mthun phyir yod med min/ /skye ba med pas gnas 'gag med/ /ces bya ba la sogs pa'i rigs pa dang/ dge slong dag 'di dag ni don dam pa'i bden pa gcig bu ste/ 'di ltar zhi ba'i chos can mya ngan las 'das pa'o/ /'du byed thams cad ni brdzun zhing? bslu ba'i chos can te/ gzugs ni dbu ba sngos pa lta bu tshor ba ni chu'i chu bur lta bu zhes bya ba la sogs pa'i lung gis kyang/ gzugs dang tshor ba la sogs pa yod pa nyid du gnas par mi nus te/ de'i phyir de lta bu la sogs pa'i tshig gis ji ltar thos bzhin pa'i don dang mi ldan pa'i phyir dgongs pa nyid du nges te/ rang bzhin med pa gsal bar byed pa'i tshig bzhin du 'di dag ni don dang rjes su mthun pa'i tshig ma yin no/ /'on kyang blon? gyi bdag nyid cung zad tsam thugs la bzhag nas gsungs so zhes bya'o/ /de ltar gnyis nyid du rnam par gnas pa 'di dag 'dir bsam par bya ste/ ci yod pa nyid kyi tshig 'di dag sgra ji bzhin pa yin nam/ 'on te

  715. 358a

    dgongs pa dang bcas pa yin/ de la re zhig yod pa nyid kyi tshig? 'di dag sgra ji bzhin pa yin na/ de'i tshe shin tu don ma yin pa skye ba thob par 'gyur la/ med pa mthong ba tsam las ther zug pa dang rgyun chad pa'i mdza' o/ /yang na drang don na de'i tshe ji skad smos pa'i don dang mi ldan pas 'di ni don dang rjes su mthun pa'i tshig ma yin no/ /de lta na yang don gyi bdag nyid cung zad tsam thugs la bzhag nas gsungs pas zhes bya ste/ re zhig 'di tsam yongs su gcod pa'o/ /gang yang don 'di ni bden pa gnyis rnam par bzhag pa la mi mkhas pa rnams kyis 'dir legs par mi shes pa'i phyir/ des na ji skad smos pa'i bden pa gnyis kyi blo dang ldan pas mngon par sbyor bar byed par rung ngo zhes bya'o/ /'dir smras pa/ gal te yang las dang byed pa po bkag la/ de lta na yang re zhig las kyi 'bras bu gzugs la sogs pa yod pas/ gzugs la sogs med do zhes kyang brjod par mi nus so/ /zhes bya ste/ skye bo thams cad kyi mngon sum du regs pa dang nye bar dmigs bzhin pa'i gzugs yod pa nyid la su zhig med do zhes smras/ gang du bcom ldan 'das kyis kyang gsungs te/ dge slong dag gzugs ni phyi rol gyi skye mched de 'byung ba chen po bzhi dag rgyur byas pa'i gzugs bstan du yod la/ thogs pa dang bcas pa'o/ /de bzhin du dge slong dag reg bya ni phyi rol gyi skye mched de 'byung ba chen po bzhi rgyur byas pa'i gzugs can bstan du yod la thogs pa dang bcas pa'o/ /gal te de med na 'byung ba chen po bzhi dag rgyur byas so zhes 'byung ba'i rgyu can du ston par mi 'gyur te/ yod bzhin pa ma yin

  716. 358b

    pa'i nam mkha' i me tog la 'byung ba rgyur byas pa nye bar ma bstan la/ de'i phyir 'jig rten pa dang/ lung las grags pa'i phyir gzugs yod do/ /gzugs yod par gyur na de la 'dzin pa'i dbang po'i shes pa 'byung bar 'gyur la/ de yod na yang de bzhin kho nar dngos po thams cad grub po zhe na/ smras pa/ gal te gzugs nyid yod na gzugs la brten pa dngos po thams cad 'grub par 'gyur na/ yod pa ma yin la/ ji ltar med pa yang de ltar sngar nyid du rgyus par bsgrubs la/ gzhan yang gal te las med pas gzugs med par grub kyang/ de lta na yang shin tu rags pa dang nye ba 'di dag mngon sum du dmigs bzhin pa shin tu chags pa'i gnas su gyur pa'i phyir/ des na de sel ba'i sgo nas skye mched thams cad dgag pa'i don du slar yang brtag pa brtsam pa'i phyir gsungs pa/ gal te 'byung ba'i rang bzhin gzugs/ /'byung las gzugs ni 'byung ba min/ /rang las 'byung min gzhan las kyang/ /'byung min de phyir med min nam/ gal te 'di snyam du sems na/ gang las 'byung ba chen po bzhi la brten nas gzugs nye bar bstan pas/ de'i phyir gzugs yod do zhe na/ smras pa/ de nyid kyis na gzugs rang bzhin med pa'o zhes gsal bar bcom ldan 'das kyis bstan pa ma yin nam/ ji ltar byas na gang las 'jig rten 'dir rgyu dang 'dra ba'i 'bras bu 'jug bzhin pa nye bar dmigs te/ 'di lta ste/ sA lu las sA lu dang/ gro las gro dang/ ba lang las pa lang dang/ ba men las ba men no zhes de bzhin du gzugs kyang 'byung ba las gyur pas na 'byung ba'i rang bzhin kho nar 'jug par 'gyur la rag na/ gzugs kyang 'byung ba'i rang bzhin ma yin te/ sra ba la sogs pa ma yin pa'i ngo bo'i phyir dang/

  717. 359a

    'byung ba rnams lus kyi dbang po'i gzung bya'i phyir dang/ gzugs ni mig gi dbang po'i gzung bya yin pa'i phyir ro/ /bcom ldan 'das kyis 'byung brgyar byas nas gzugs 'byung bar 'gyur ro zhes gsungs pa yang gzugs la rigs pa dang 'gal bar gsungs pa'o/ /zhes mtshon pas 'jig rten pa rnams kyis de mi bden par khong du chud par bya ba'i don du'o/ /de'i phyir lung ni gzugs yod pa nyid kyi sgrub byed ma yin la/ 'on kyang gzugs med pa'i sgrub byed do zhes bstan pa'i phyir gsungs pa/ gal te 'byung ba'i rang bzhin gzugs/ /'byung las gzug pa ni 'byung ba min/ /'byung ba'i rang bzhin zhes pa 'di ni rgyu la rang bzhin du'o/ /kha zas kyi rang bzhin srog la/ rtswe'i? rang bzhin ba lang zhes pa'o/ /ji ltar gal te 'byung ba'i rang bzhin te/ 'byung ba'i rgyu can gyi gzugs su skyes pa de ni 'byung ba las mi 'byung ste/ 'byung ba'i rang bzhin gyis yod pa ma yin pas de ltar gyur na rgyu dang mi 'dra ba'i 'bras bu skye ba mi srid pas de ni gzugs kyi rang bzhin ma yin pa ma yin zhes bya ste go sla'o/ /gal te de ltar rgyu dang 'bras bu dag mtshan nyid tha dang ba'i phyir gzugs kyi rang bzhin las ma yin yang/ de sta na yang gzhan dngos las byung ngo zhe na/ smras pa/ gal te gzugs ni rang dngos las 'byung min zhes gnas la/ de'i tshe de med pa ste/ rang gi dngos las gzhan las ma yin no zhes gsal bar nges so/ /rang bzhin ni rang bzhin gzhan la bltos nas gzhan nyid du 'gyur la/ rang bzhin de yang med pas rang bzhin gzhan las kyang skye ba med do/ /gzhan yang gal te 'byung ba chen po bzhi la brten nas

  718. 359b

    gzugs kye skye mched 'byung ngo zhes pa de ltar gyur na gzugs kyi skye mched gcig bu la rnam pa bzhir thob par 'gyur te/ gcig la phan tshun mtshan nyid tha dad pa'i bdag nyid bzhi brten par mi 'thad de/ de'i phyir gzugs ni rnam pa bzhir khas blang bar bya ba 'am/ gal te skye mched gcig gi rten gyi dngos por rtog na yang 'byung ba rnams gcig nyid du khas blang bar bya'o/ /'di dag kyang de ltar med do zhes bsgrub pa'i phyir gsungs pa/ gcig la bzhi ni yod ma yin/ /bzhi yang gcig tu ma yin pas/ /gzugs ni 'byung ba chen po bzhi/ /rgyur byas nas grub ji ltar yod/ /gal to 'byung ba chen po bzhi yod bzhin? pa pa la gzugs brten par gyur na/ de'i tshe gzugs gcig kyang bzhir 'gyur te/ /brten pa ni rten gyi dbye ba'i rjes su 'brel pa'i phyir ro/ /de ltar yod pa yang ma yin pas gzugs ni 'byung ba chen po bzhi rgyur byas nas grub par ji ltar yod/ yang na rten tha dad kyi rjes su mthun pa rten pa'i gzugs ma yin na/ de ltar na rten du gyur pa rnams brten pa gcig gi rjes su 'jug par byos shig /de dag kyang mi srid la/ de'i phyir gar gyi skyes bu bzhin du phan tshun mi bden pa rnams nges par 'di dag gi yod pa nyid nyams so zhes bya ste/ gzugs ni 'byung ba chen po bzhi rgyur byas nas grub pa ji ltar yod/ /'dir smras pa/ gzugs ni yod pa nyid de/ 'dzin bzhin pa'i phyir/ 'dir rmig gi rnam par shes pa de'i sngon po'i rnam par skyes pas 'dzin la/ de la gal te sngon po med na de'i 'dzin pa mi 'byung la/ 'dzin pa yang yod pas de'i phyir gzugs yod do zhe na/ smras pa/ gal te de'i 'dzin pa yod na

  719. 360a

    gzugs yod la/ 'di la 'dzin pa mi srid do/ /de'i phyir shin tu yang 'dzin pa med pas/ /gzugs ni ji ltar zhes pa 'dir 'brel to/ /'di dag gi shin tu mi 'dzin pa yang rgyas par bsgrub par bya ste/ 'dir smras pa/ gzugs la 'dzin pa ni yod pa nyid de/ /rtags ci las she na/ gal te gzugs 'dzin par mi 'gyur na 'di ni gzugs so zhes pa'i blo mi 'byung la/ 'di'i blo yang yod pas shes bya ste/ rtags des na 'dzin pa yod do zhes bya'o/ /smras pa/ rtags las zhe na de'i rtags kyang med de/ rgyu dang rkyen las sbyes? pa'i phyir med pa nyid do/ /gzhan yang gzugs yod na gzugs kyi blo 'thad kyi med pa la ma yin no/ /gang gi tshe 'di dag de lta na de'i tshe yod pa'i gzugs kyis gzugs kyi blo skyed par byed na gzugs yod par rung na/ gzugs kyi blo med na ji ltar gzugs yod pa'i rtags su 'gyur zhes pa gsungs pa/ yod na yang rtags med na mi 'thad pas shes par bya ste/ de nyid shin tu mi 'dzin pa'i phyir ro/ /rtags las she na/ rtags de yang med de/ rgyu dang rkyen las skyes pa'i phyir/ /yod na'ang rtags de med mi rigs/ /zhes pa 'dis/ pha rol gyi rtags las gzugs yod pa nyid du khas blangs pa de sel to/ /'dir smras pa/ gang 'di skad du shin tu mi 'dzin pa'i phyir zhes smos pa de ni mi rigs te/ gzugs 'dzin bzhin pa'i phyir ro zhes bya'o/ /'dir smras pa/ slar yang ci'i gzugs 'dzin na/ /blo yis so/ /smras pa/ blo yis gzugs la ji ltar 'dzin/ de yi rnam par skye bas so/ /smras pa/ 'di dag mi 'thad de/ rgyu me tshan cis shes

  720. 360b

    na/ gang gi phyir/ gal te blo des gzugs 'dzin na/ /rang gi rang bzhin la 'dzin 'gyur/ /rkyen las skyes pas yod min la/ /yang dag gzugs med ji ltar 'dzin/ /'dir dngos po rnams kyi rang bzhin 'dzin na sngon du rang gi bdag nyid mthong ste/ 'di lta ste/ me'i dro ba nyid lta bu de dang ldan pa las pha rol gyi bdag nyid kyang nye bar dmigs par byed de/ chu lta bu'o/ /de ltar gal te blo ni 'dzin pa'i rang bzhin du 'gyur na/ de ni 'dzin pa'i rang gi bdag nyid kho na la re zhig nye bar dmigs par 'gyur la/ dmigs pa yang ma yin te/ bdag nyid la 'jug pa dang 'gal ba'i phyir dang/ las dang byed pa po dag gcig nyid du thal ba dang/ dmigs pa med par dmigs pa po mi 'thad pa'i phyir ro/ /gang gi tshe 'di ltar blo rang gi bdag nyid la 'dzin par mi nus pa de'i tshe 'dir gzugs ji ltar 'dzin par byed/ rigs pas ni rang gi bdag nyid mi 'dzin pa'i phyir gzugs kyang mi 'dzin te/ bong ba la sogs pa bzhin no zhes bya'o/ /gzhan yang 'di'i blo ni rten cing 'brel par 'byung ba'i phyir ngo bo nyid yod pa ma yin pa'o/ /rten cing 'brel par 'byung ba'i phyir yang rang bzhin gyis yod pa ma yin pa'i gzugs ji ltar 'dzin par 'gyur/ des nas gzugs 'dzin pa med do/ /'di ltar yang 'dzi pa med de/ gang gi phyir/ ji skad smos gzugs skyes pa blos/ /skad cig skad cig gis mi 'dzin/ 'das dang ma 'ongs pa gzugs kyang/ /de yis ji ltar rtogs par 'gyur/ /ji skad smos pa'i gzugs zhes pa la/ 'di skad du bshad pa'i gzugs la smos pa zhes brjod/ 'dir mig gi yul ni ji skad smos pa'i gzugs su shes par bya la/ blo yang mig gi blo yi 'dzin

  721. 361a

    gyis gzhan ma yin no/ /skyes pa'i sgra ni 'dir da ltar ba'i brjod byed du shes par bya'o/ /'dir gal te blo yis gzugs la 'dzin par byed na/ des da ltar ba'i gzugs la 'dzin nam/ 'das pa dang ma 'ongs pa la'o/ /de la re zhig ji skad smos pa'i skyes pa ni/ da ltar ba'i gzugs da ltar ba'i blo yis mi 'dzin te/ gnyi ga yang skad cig ma'i phyir skyes ma thag tu rnam par 'jig pa'i blo ni de la skad cig tsam yang gnas pa med na/ gang las 'dis yul la 'dzin pa srid par 'gyur/ bskyed par bya ba la 'dzin no zhe na/ de ni de lta ma yin te/ bskyed par bya ba ni ma 'ongs pa yin la/ de yang ma skyes par gyur pa'i gzugs ji ltar 'dzin par 'gyur/ gzugs kyang skyes ma thag tu rnam par 'jig pas skad cig tsam yang gnas pa med na/ gang la 'dzin par byed/ de ni 'di ltar skad cig ma'i blo la ji skad smos pa'i gzugs skyes pa'i skad cig ma la mi 'dzin no/ /yang na 'di snyad du sems na/ skad cig ma'i phyir da ltar ba'i gzugs mi 'dzin la/ de lta na yang 'das pa dang ma 'ongs pa la ji ltar 'dzin par mi 'gyur zhe na/ smras pa/ gang gi tshe da ltar ba'i dngos po nyid skad cig ma'i phyir 'dzin par mi nus na/ de'i tshe ji ltar rnam pa thams cad du yod bzhin pa ma yin pa'i zhig pa dang ma skyes pa blo yis 'dzin par nus/ /de ltar re zhig 'dzin pa mi srid pa des na yang gzugs med de zhes bsgrub pa'i phyir gsungs pa/ gang tshe nam yang kha dog dang/ dbyibs dag tha dad nyid med pas/ /de dag tha dad 'dzin yod min/ /gcig tu 'ang ma yin grags pa'i gzugs/ /gal te mig gi yul gzugs kyi skyed mched ces bya ba cung

  722. 361b

    zad yod na de 'dzin par 'gyur grang na/ yod pa yang ma yin la/ des na yod bzhin pa ma yin pa ni gang gi phyir mi 'dzin no/ /ji ltar yang gzugs kyi skye mched yod bzhin pa ma yin zhe na/ smras pa/ 'dir kha dog dang dbyibs dag la gzugs kyi skye mched ces bya ba la/ kha dog dang dbyibs 'di dag ni gcig nyid du gyur pas sam/ tha dad pa nyid du'o/ /re shig kha dog dang dbyibs dag tha dad pa nyid du med la/ gal te yod na phan tshun ma ltos par 'dzin par 'gyur la/ 'di dag kyang kha dog las tha dad pa'i dbyibs 'dzin par mi nus te/ bum pa las snam bu lta bu ma yin la/ de bzhin du dbyibs las tha dad pa'i kha dog 'dzin par mi nus so/ /gdon mi za bar dbyibs gang yang rung ba la de'i kha dog 'byung bar 'gyur la/ gang yang 'di'i gnas lugs la de'i dbyibs zhes bya ste/ dbyibs las tha dad pa'i kha dog logs su grub par mi srid do/ /zhes bya'o/ /de 'di ltar tha dad pa nyid na/ gang gi tshe kha dog nam yang dbyibs la mi srid la/ des na de dag tha dad par 'dzin pa yod pa ma yin no/ /yang na 'di snyam du sems na/ gal te tha dad du ma grub pa'i phyir kha dog dang dbyibs dag tha dad du mi 'dzin la/ de lta na yang gcig tu gyur pa 'dren ma'i dngos por de dag 'dzin par 'gyur ro zhe na/ smras pa/ so so so sor ma grub pa dag 'dren ma'i dngos por med pas 'di dag gcig tu ga la zhig /de'i phyir de dag gang gcig tu 'dzin pa mi srid do/ /kha dog dang dbyibs las gzhan du gzugs mi dmigs la/ gang gi phyir de yang pha rol pos gzugs ni kha dog dang dbyibs kyi bdag nyid do zhes grags pa de dag kyang mi 'dzin no zhes bsgrubs so zhes bya ste/ des na mi 'dzin pa'i phyir gzugs med do/ /yang na gal te yang 'dzin pa med

  723. 362a

    pas gzugs med par 'gyur la/ de lta na yang mig gi blo re zhig yod de/ de ma bkag pa'i phyir la/ de yang gzugs med na mi 'byung ngo zhes bya ste/ de'i phyir gzugs kyang 'byung bar 'gyur ro zhe na/ smras pa/ gal te mig gi blo yod na gzugs yod par 'gyur na/ yod pa ma yin no zhes bsgrub pa'i phyir gsungs pa/ mig blo mig la yod ma yin/ gzugs la yod min par na med/ /gzugs dang mig la brten nas su/ /legs so log par yongs brtags pa/ 'dir mig gi blo mig dang gzugs la brten nas skye bo zhes rnam par 'jog pa nyid rnam par dpyad par bya ste/ ci mig gi blo 'di mig la yod dam/ de ni gzugs can ma yin pa'i phyir yul na gnas pa ma yin pas de'i phyir de mig la yod pa ma yin no/ /ji ltar mig la med pa de bzhin du gzugs la yang med la/ mig dang gzugs de dag gi bar du yang mi srid de/ yul na mi gnas pa nyid kyi phyir ro/ / gang yang de'i tshe mig gi blo mig la ma yin/ gzugs la yang ma yin/ bar na yang ma yin pas de'i tshe rnam pa thams cad du yod pa ma yin pa nyid de ji ltar yod do zhes smra bar rung ste/ 'di ni med pa nyid do zhes bya'o/ /smras pa/ gal te yang de mig la med la med cing gzugs dang bar na yang med kyang/ de lta na yang mig dang gzugs la brten nas skye ba yod pas/ de'i phyir mig gi blo yang yod do zhe na/ smras pa/ gang gang ni ma gnas pa ji ltar de las skye/ yang na de ltar 'gyur na thams cad las thams cad skye bar 'gyur na de dag ni med la/ mig dang gzugs la brten nas mig gi blo skye'o zhes smra na yang/ des na 'di ni yang

  724. 362b

    dag par mi skye ste/ skye ba rigs pa dang mi ldan pa'i phyir ro zhes bsgrub pa'i phyir gsungs pa/ mig dang gzugs la brten nas su/ /legs so log par yongs brtags pa/ zhes pa la/ gang gis bdag nyid kyis so sor snang ba de'i bdag nyid la brtags na mi srid pas na de nyid kyis na/ rnam shes sgyu ma lta bu yang/ /nyi ma'i gnyen gyis gsungs pa'o/ /zhes mdo las gsungs so zhes bya'o/ /de ni de ltar mig gi blo mi srid pa'i phyir ma gzung bas gzugs med do/ /'dir smras pa/ gzugs 'dzin pa nyid de /de la 'dzin pa po mig gi dbang po yod pa'i phyir na bcom ldan 'das kyis gsungs te/ mig gis gzugs mthong bas yid bde ba'i gnas la mngon par zhen no zhes pa la sogs pa'o/ /smras pa/ gal te mig rang gi bdag nyid mthong na gzugs 'dzin par 'gyur la/ mthong ba ni ma yin te/ gal te mig gi bdag mthong min/ /des gzugs mthong bar ji ltar 'gyur/ de phyir mig dang gzugs bdag med/ de bzhin skye mched lhag ma rnams/ /gal te mig gis bdag nyid mi mthong la/ de'i tshe rang gis bdag nyid ma mthong bas bod? ba la sogs pa bzhin du gzugs kyang mi mthong la/ de ni bod ba la sogs pa bzhin pas/ mig nyid du mi 'gyur ro zhes sgrub par byed na/ de phyir mig bdag med ces pa la/ gang gi phyir mig gis gzugs mi mthong ba de'i phyir rang bzhin med do/ /mig med na mig dang de la brten pa'i mig gi blo yang med do/ /mig dang mig gi blo med pas gzung ba med pa'i phyir/ gzugs ni shin tu yang rang bzhin med do/ /ji ltar mig dang gzugs kyi skye mched dag rang bzhin med pa nyid ltar/ de bzhin skye mched

  725. 363a

    lhag ma rnams ni/ skye mched thams cad mig dang gzugs bzhin du rang bzhin med par khong du chud par bya'o zhes bya ba'i don to/ /'dir smras pa/ reg gi skye mched nye bar bstan pa'i phyir/ mig yod pa nyid de/ 'dir reg gi skye mched drug bstan pa 'di lta ste/ mig gi reg pa'i skye mched nas ji srid yid kyi reg pa'i skye mched kyi bar du zhes so/ /de la reg pa zhes brjod pa ni dbang po dang yul dang shes pa rnams gsum 'dus pa'i mtshan nyid can tshor ba'i rgyu sems las byung ba'i chos la/ de la reg pa'i skye mched ni reg pa'i skye ba'i sgo'i dngos por rnam par gnas pas skye mched de/ mig gi reg pa'i skye mched nas ji srid yid kyi reg pa'i skye mched kyi bar du rig par bya'o/ /gal te mig med na de'i reg pa'i skye mched nye bar mi ston la/ de yang nye bar bstan pa de'i phyir reg gi skye mched nye bar bstan pas na mig yod pa nyid do zhe na/ smras pa/ skye mched rnams yod na reg gi skye mched ces bya bar 'gyur na/ de lta na yang skye mched rnams ma grub ste/ ji ltar byas na gang gi phyir zhes gsungs pa/ gang tshe gcig dang rig ltan cig / de tshe cig shos stong pa nyid/ /stong pa'ang mi stong mi brtan la/ /mi stong pa yang stong pa min/ /sems can rnams kyi rnam par shes pa rgyud gcig gi phyir rnam par shes pa gcig gi rgyud nyid la nye bar 'byung la/ de yang mig gi rnam par shes pa la nye ba na/ mig gcig nyid reg pa dang lhan cig gyur par 'byung bas reg lhan cig ste/ reg dang 'brel pas zhes bya ba'i don to/ /gang gi tshe gcig reg dang lhan cig gnas pa na

  726. 363b

    de'i tshe cig shos rna ba la sogs pa'i reg gi skye mched rnams stong pa reg gi skye mched kyi rang bzhin dang bral ba zhes bya ba'i don to/ /yang 'di snyam du sems na/ gal te yang de'i gnas skabs na rang gi rnam shes kyi phyir stong pa'i phyir/ rna ba la sogs pa reg gi skye mched kyi rang bzhin dang bral ba yod pa'i rna ba la sogs pa de dag kyang rang gi rnam shes mngon du gyur pa na reg gi skye mched kyi rang bzhin gyis mi stong par 'gyur ro zhe na/ smras pa/ stong pa'ang mi stong mi brten la/ gang las gang gis rang bzhin dang bral ba slar yang de'i rang bzhin dang bcas par mi rung ste/ 'di lta ste gang sra ba'i rang bzhin dang bral ba nam yang sra ba'i rang bzhin dang ldan pa ma yin la/ de bzhin du rna ba la sogs pa yang nam yang reg gi skye mched mi 'byung la/ mig kyang rtag pa nyid du reg gi skye mched can nyid du 'gyur te/ gang gi phyir mi stong pa yang stong pa ma yin te/ gang mi stong pa'i rang bzhin de ni stong pa nyid mi brten la/ da ltar ba me dro ba'i mtshan nyid dang ldan pa de nyid des stong pa mi brten no/ /yang na rang bzhin gyis mi 'gyur ba'i phyir stong pa yang mi stong pa mi brten la/ mi stong pa yang stong pa min/ de'i phyir gang zhig reg gi skye mched kyi rang bzhin yin na/ de ni reg gi skye mched kyi rang bzhin nyid thob pa 'am/ gang zhig reg gi skye mched kyi rang bzhin ma yin pa nyid thob pa de yang mi 'thad do zhes bya'o/ /de'i phyir reg gi skye mched med do/ /'dir smras pa/ gal te reg gi skye ched med kyang de lta na yang re zhig reg pa yod de/ gsum 'dus pa'i mtshan nyid las/ de yod na reg gi skye mched kyang 'byung bar 'gyur ro zhe na/ smras pa/ gal te reg pa nyid yod

  727. 364a

    na reg pa'i skye mched yod na/ de yod pa ma yin la/ ji ltar yang med pa de ltar sgrub par byed pa gsungs pa/ ngo bos mi gnas yod min pas/ gsum 'dus pa yang yod ma yin/ /de yi bdag nyid reg med pas/ / de tshe tshor ba yong ma yin/ gnas pa'i rang bzhin can gyis dngos po rnams las phan tshun 'dus pa 'byung srid la/ mi gnas pa'i rang bzhin can gyi dbang po dang yul dang rnam par shes pa rnams la ma yin te/ skyes ma thag tu 'jig pa'i phyir mi gnas pa'i ngo bo la/ mi gnas pa'i ngo bo'i phyir yang skyes ma thag tu 'jig pa nyid kyis na 'du ba'i dus kyi bar du med pa'i phyir/ 'di dag 'phrad pa ga la zhig ces bsgrubs pas/ ngo bos mi gnas pa'i ngo bo la gsum 'dus pa yod pa ma yin no zhes bya'o/ /gang gi tshe med pa de'i tshe 'du ba med pas/ de'i bdag nyid kyi reg pa med de/ gsum 'dus pa'i rang bzhin gyis reg pa med do zhes pa'i don to/ /'dir smras pa/ reg pa yod pa nyid de/ de'i 'bras bu tshor ba yod pa'i phyir ro/ /'dir reg pa'i rkyen gyis tshor ba nye bar dmigs la/ de yod pas de'i rgyu reg pa 'byung bar 'gyur ro zhe na/ smras pa/ gal te tshor ba nyid yod na reg pa yod la/ yod pa ma yin no zhes bsgrub pa'i phyir gsungs pa/ de tshe tshor ba yod ma yin/ zhes pa la/ gal te reg pa yod na de'i tshe reg pa'i rgyu can gyi tshor ba yod la/ gang gi tshe reg pa nyid med na de'i tshe rgyu med pa'i tshor ba ga la 'byung/ tshor ba med pa'i phyir yang reg pa med do zhes grub bo// 'dir smras pa/ gal te yang khyod kyis/ de phyir mig dang gzugs bdag med/ /de bzhin skye mched lhag ma rnams/ /shes pas skye mched dgag pa de ltar smras la/ de lta na yang rnam par shes pa'i khams drug ma

  728. 364b

    bkag pa'i phyir yod la/ de yod pas de'i brten dang dmigs pa'i skye mched kyang 'byung bar 'gyur ro zhe na/ smras pa/ gal te rnam par shes pa nyid yod na skye mched rnams yod la/ yod pa ma yin no zhes bstan pa'i phyir gsungs pa/ nang dang phyi yi skye mched la/ /brten nas rnam par shes pa 'byung/ /de phyir rnam par shes pa med/ /smig rgyu sgyu ma lta bur stong/ /gal te rnam par shes pa rang bzhin gyis yod na/ de ni nang dang phyi'i skye mched la brten nas 'byung bar mi 'gyur te/ da ltar ba bzhin du rnam par shes pa yod pa nyid du gnas pas rten nas 'byung bar yang mi 'gyur ro/ /rgyu dang rkyen las skyes par gyur ba'i phyir/ nges par rnam par shes pa de med de/ rang bzhin gyis yod pa ma yin pa'i phyir ro/ /gal te de ltar rnam par shes pa med na/ de bzhin du de lta na yod pa ma yin pa'i phyir/ 'di ni dmigs par mi 'gyur ro zhes gsungs pa/ smig rgyu sgyu ma lta bur stong/ /zhes pa la/ sgyu ma dang smig rgyu bzhin du rang bzhin gyis stong pa'i rnam par shes pa yang 'jig rten pas nye bar dmigs la/ de tsam zhig kyang 'di'i rang bzhin ma yin pa nyid do/ /'dir smras pa/ yul yongs su gcod pa yod pas rnam par shes pa yod pa nyid do/ /gal te rnam par shes pa yul yongs su gcod pa po yong na de ltar yod la/ yod pa yang ma yin no zhes bsgrub pa'i phyir gsungs pa/ rnam shes zhes bya la brten nas/ /'byung ba shes bya yod ma yin/ /shes bya shes pa med pa'i phyir/ /de phyir shes pa po nyid med/ /'dir 'di'i rnam par shes pa dmigs pa med par ? mi 'byung bas shes bya la bltos la/ rnam shes de yang yongs su ma shes

  729. 365a

    par mi 'byung bas shes pa la bltos la/ gang gi phyir de ltar rnam par shes pa dang shes bya dag brten nas 'byung bas ngo bo nyid kyis ma grub pas/ de'i phyir shes bya med la/ shes bya med par gyur na dmigs pa med pa rnam par shes pa ga la 'byung zhes bya ste/ rnam par shes pa med pas rnam shes ni/ smig rgyu sgyu ma bzhin du stong/ /zhes gnas so/ /'dir smras pa/ rnam par shes pa ni yod pa nyid de/ shes bya dang shes pha po yod pa'i phyir ro/ /'dir re zhig rnam par shes so zhes pas rnam par shes pa po yod de/ phung po la brten nas brtags pa'i gang zag byed pa por gyur pa'o/ /de gang gi rnam par shes so zhes de ni 'di'i byed pa yin la/ gang zhig rnam pa shes so zhes de ni 'di'i las so/ /byed pa dang las med par byed pa po yod par rigs pa ma yin no zhes bya ste/ des na byed pa po yod pas na/ de bzhin du shes bya dang shes pa po yod do zhes bya'o/ /smras pa/ gal te shes pa po nyid yod na/ rnam par shes pa dang shes bya yod par 'gyur na/ gang ji srid du rnam par shes pa dang shes bya dag med pas las dang byed pa dang bral ba'i phyir/ byed pa po nyid 'ga' yang ga la zhig ces bsgrub pa'i phyir gsungs pa/ shes bya shes pa med pa'i phyir/ de phyir shes pa po nyid med/ ces pas/ shes pa po med pas shes pa dang shes bya med do zhes grub bo/ /'dir smras pa/ phyi rol dang nang gi skye mched dag yod pa nyid de/ de dag mi rtag par nye bar bstan pa'i phyir bcom ldan 'das kyis gsungs pa/ 'dus byas thams cad mi rtag pa'o zhes so/ /gal te na yang nang dang phyi rol gyi bdag nyid kyi skye mched med

  730. 365b

    na/ de'i tshe ci gal te thams cad mi rtag par 'gyur zhes bya ba de'i phyir mi rtag pa nyid bstan pas dngos po thams cad grub bo zhe na/ smras pa/ bcom ldan 'das kyis gsungs te/ thams cad mi rtag cung zad kyang/ /mi rtag med la yang na rtag /dngos po yod na rtag pa dang/ /mi rtag par 'gyur de gal/ /de la bcom ldan 'das kyis gang 'di skad du thams cad mi rtag go zhes gsungs zhes bya'o/ /de rnam par 'jig pa'i dngos po'i rang gi mtshan nyid mthong ba min la/ 'on kyang dngos po rnams kyi rang bzhin ma gzigs la/ dngos po thams cad kyi rang bzhin ma gzigs pas snying po med pa nyid gsal byed pa la bltos nas/ bcom ldan 'das kyi gsung 'di ni rang bzhin la log par rtog pa dgag pa'i don du'o/ /don dam par ni rnam par dpyad na mi rtag pa cung zad kyang med do/ /yang na rtag pa'o/ /'di dag gnyi ga yang don dam par ma grub bo zhes dgongs so/ /ci'i phyir slar yang 'di dag gnyi ga ma grub ce na/ smras pa/ gang gi phyir dngos por yong na rtag pa 'am mi rtag par 'gyur na/ dngos po de gal zhig go ste/ ji skad du smos pa'i rigs pas dngos po med par bsgrub pa'i phyir dngos po de ga la zhig pa'o/ /dngos po rde med do zhes bya ba'i don to/ /dngos po med par gyur pa la rtag pa nyid dam/ mi rtag pa nyid ga la zhig /de'i phyir dngos po rnams snying po med pa nyid du gsal bar byed pa la bltos nas 'di dag gsungs pa nyid la rang bzhin med pa gsal bar byed pa min no zhes bya ste/ rnam pa thams cad du tshig 'di dag gis rang bzhin gsal bar bsgrub par byed pa ma yin no/ /ji ltar yang dngos po med pas rtag pa dang mi rtag pa'i log par rtogs pa 'byung ba mi srid

  731. 366a

    pas/ de bzhin nu sdug pa dang mi sdug bdag gi phyin ci log kyang dngos po rnams kyi rang bzhin med par gyur pas 'byung mi srid la/ de med pas sdug pa dang mi sdug pa'i phyin ci log gi rgyu can gyi 'dod chags dang zhe sdang dang gti mug kyang mi rigs so zhes bsgrub pa'i phyir gsungs pa/ sdug dang mi sdug phyin ci log/ rkyen skyes chags sdang gti mug ste/ /de phyir ngo bos 'dod chags dang/ zhe sdang gti mug yod ma yin/ / de la sdug pa zhes brjod pa yid dang mthun pa'i phyin ci log pas mi sdug pa'o/ /phyin ci log kyang rtag pa bdag med pa gtsang ba'o zhes so/ /de la sdug pa la brten nas 'dod chags 'byung/ mi sdug pa la brten nas zhe sdang 'byung zhing/ phyin ci log la brten nas gti mug 'byung ngo/ /dngos po'i rang bzhin yod na de la sdug pa la sogs par ram/ rtag pa la sogs pa nyid du rtog pa las 'dod chags la sogs par 'gyur na/ dngos po rnams kyi rang bzhin med pa sdug pa la sogs pa med pa'i phyir/ de'i rgyu can gyi 'dod chags dang zhe sdang gti mug kyang yod pa ma yin la/ dngos po'i rang bzhin med pa 'ba' zhig tu ma zad kyi sdug pa la sogs pa mi srid pas 'dod chags la sogs pa mi rigs so/ /'di ltar yang sdug pa la sogs pa mi srid pas mi rung ngo zhes bsgrub pa'i phyir gsungs pa/ gang phyir de nyid la chags shing/ /de la zhe sdang de la rmongs/ /de phyir rnam par rtog pas bskyed/ /rnam rtog de yang de nyid med/ /'dir sdug pa zhes bya ba ngo bo nyid kyis med de/ rgyu mtshan ci'i phyir na/ gang gi phyir gang zhig kho na kha dog dang dbyibs gzhon

  732. 366b

    sha can la sogs pa dang ldan pa'i dngos por gyur pa gang ci yang rung ba la 'dod chags can 'ga' zhig shin tu yid du 'od bar gyur pa la sdug pa'i rnam par brjod la/ de nyid la zhe sdang can 'ga' zhig gis mi sdug par brjod de/ 'di lta ste chung ma gnyis kyi gzugs la/ chung ma dag zhe sdang ba lta bu ste/ gang kho na la khyod shin tu chags pa de nyid la chung ma dag zhe sdang bar 'gyur la/ de'i rang bzhin yongs su ma shes pas de la 'ga' zhig rmongs par 'gyur ro/ /dngos po gcig nyid skad cig gcig la phan tshun du 'gal pa'i don de dag mi srid do/ /des na dngos po gcig la rang bzhin gsum mi srid la/ rnam par rtog pas de'i phan tshun tha dad par rung ngo/ /yang na 'di snyam du sems na/ gal te yang dngos po rnam pa gsum gcig nyid du mi 'gyur la/ de lta na yang de'i rnam par rtog pa re zhig yod la/ des na de yod pas de las skyes pa'i 'dod chags la sogs pa 'byung bar 'gyur ro zhe na/ smras pa/ rnam rtog de yang de kho na nyid du ma yin te/ log pa'i rnam par bskyed pa rnams la bden pa'i rang bzhin mi srid pa dang/ rten cing 'brel par 'byung ba'i phyir yang rnam par rtog pa yang de kho na nyid du med do/ /de med na de las skyes pa'i 'dod chags la sogs pa yang med do zhes grub po/ /'di ltar yang rnam par rtog pa de kho na nyid du med pa ste/ gang gi phyir/ rtog bya med na rnam rtog gang/ de med rnam rtog ga la zhig /de phyir rtog bya rkyen skye phyir/ stong yin rnam par rtog pa yang/ /gal te rnam par rtog par bya ba'i dngos po cung zad yod na de la rtog par byed pa rnam par rtog pa skye la/ de yang dngos po rten cing 'brel bar 'byung ba'i phyir ngo bo nyid kyis stong la/ des na de la rnam bar rtog bya med na rnam rtog med do/ /zhes bya ste/ des na rnam par rtog bya dang rtog pa'i rang

  733. 367a

    bzhin stong pa'o/ /de las dngos po gang yang rung ba'i rang bzhin mi dmigs pas/ rnam par rtog bya dang rtog pa dag tu yongs su mi rtog pa'i phyir de kho na nyid rtog par 'gyur ro/ /de las kyang/ de nyid rtog pas phyin ci log/ bzhi las byung ba'i ma rig med/ /de med 'du byed 'byung ba ni/ /srid min de bzhin lhag ma rnams/ de kho na nyid mthong ba ni phyin ci ma log pa ste/ de kho na nyid mthong ba de dag 'gal ba'i phyir phyin ci log rnams nges par spong la/ de spangs pas phyin ci log las byung ba'i ma rig pa spong ngo/ /ma rig pa spangs pas skye pa'i rkyen gyis rgas pa dang shi ba la sogs pa'i bar du thams cad ldog go/ /slar ji ltar ma rig pa 'gag pas 'du byed la sogs pa 'gag ce na/ bsgrub pa'i phyir gsungs pa/ gang la gang rten skye ba'i dngos/ /de de med pa de mi skye/ /dngos dang dngos med 'dus ma byas/ /'dus byas zhi bas mya ngan 'das/ /gang zhig ma rig pa zhes bya ba'i rgyu la brten nas 'du byed ces bya ba'i 'bras bu gang zhig skye la/ 'du byed ces bya ba'i 'bras bu de'i rgyu ma rig pa zhes bya ba med na mi 'byung ngo zhes bya ste/ de ltar ma rig pa la sogs pa med na 'du byed la sogs pa srid pa ma yin no/ /gang gi tshe 'di ltar ma rig pa la sogs pa 'jug pa med na de'i tshe dngos po med la/ dngos po med na/ de yang log pa'i rang bzhin dngos po med pa yang med do zhes bya ste/ gang yang dngos po dang dngos po med pa dag med na yang/ dngos po'i tshul gyi 'dus byas dang dngos po med pa'i tshul gyi 'dus ma byas med do zhes bya ste/ dngos dang dngos med dang 'dus byas dang 'dus ma byas dag zhi ba'o/ /zhi ba ni mi 'jug pa la/ de nyid mya ngan 'das pa'o/ /slar yang 'dus ma byas kyi

  734. 367b

    tshul gyi mya ngan las 'das pa yang ma yin te/ 'dus ma byas su rtog pa 'jug par thal bas so/ /'dir smras pa/ gang smos pa'i de kho na nyid rtogs pas phyin ci log bzhi las byung ba'i ma rig pa mi 'byung ngo zhes pas/ slar yang ci ma rig pa'i mtshan nyid dang/ dmigs pa ni ci zhig /gang las de kho na nyid mthong ba na mi 'byung zhe na/ mtshan nyid dang dmigs pa dag bsgrub par 'dod pas gsungs ba/ rgyu rkyen las skyes dngos po rnams/ /dngos por khong du chud pa gang/ / ston pas ma rig par gsungs la/ /de las yan lag bcu gnyis 'jug/ rgyu dang rkyen las skyes pa'i dngos po ngo bo nyid kyi ma skyes pa la/ de dag la gang zhig rang bzhin du rtog pa de la ma rig par bcom ldan 'das kyis gsungs la yang dag pa ji lta bar gnas pa'i rang bzhin med pa ma rtogs pa'i phyir/ ma rtogs pa las ma rig pa zhes brjod do/ /de yang rang bzhin du sgro 'dogs pa la zhugs pa'i phyir dang/ rang bzhin la dmigs pas de kho na nyid yongs su ma shes pa'i ngo bo'i phyir mi shes pa'i rang bzhin la/ ma rig pa de las 'du byed la sogs pa'i rten cing 'brel bar 'byung ba'i yan lag bcu gnyis 'jug go/ /yang 'di'i ma rig pa sgro btags nas 'jug pa ji ltar bzlog par bya zhe na/ gsungs pa/ dngos po stong par yang dag par/ /shes na rmongs pa mi 'jug la/ /ma rig legs par 'gags pa yis/ /de nas yan lag bcu gnyis 'gag /gang la rten cing 'brel par 'byung ba yang dag par shes pa ste/ yang dag pa ji lta ba mthong ba de nam yang chos rnams kyi rang bzhin du sgro mi 'dogs la/ gang gi tshe rang bzhin du sgro mi 'dogs pa de'i tshe 'di'i ma rig pa spong la/ ma rig pa spangs

  735. 368a

    pas 'du byed kyang mi skye la/ ji srid du skye ba med pas rgas pa dang 'chi ba mi 'byung ba'i bar du'o/ /de las dngos po dang dngos po med pa dang 'dus byas dang 'dus ma byas zhi bas mya ngan las 'das bar 'gyur ro/ / slar yang thar pa 'dod pa ma rig pa spong bar 'dod pas dngos po 'di dag ji ltar blta bar bya/ smras pa/ thar pa 'dod pa rnams kyis de kho na nyid la blta bar bya la/ de kho na nyid kyang dngos po rnams kyi rang bzhin la/ de yang ma skyes skyes pa'o/ /des nas thar pa 'dod pas 'di dag la dngos por blta bar mi bya'o/ /'dir smras pa/ 'o na de ltar na 'di ltar dngos po thams cad ma mthong ngo zhes mi nus te/ mig ma nyams shing mig bye ba dang yul phun sum tshogs pa snang ba dang bcas pa'i sngon po la sogs pa mi mthong bar mi nus so/ /de bzhin du rna ba la sogs pa'i dbang pos kyang rang gi yul ji lta bar mi 'dzin par mi nus so/ /smras pa/ gal te yang dbang po la bltos nas sngon po la sogs pa mngon sum la/ de lta na yang rigs pas nye bar dpyad pa las skyes pa'i blo'i mngon sum gang zhig de nyid 'jig rten pa'i dbang po'i mngon sum pas brling ba'i phyir ro/ /'di ltar rab rib can la mi bden pa'i skra dang sbrang bu la sogs pa mngon sum du so sor snang la/ de dag kyang rigs pa dang bcas pa'i blo yi mngon sum du med la/ de ni rang gi dbang po'i mngon sum du yang de dag gnas pa ma yin te/ rigs pa'i rjes su 'brang ba'i blo yis yang dag pa'i mngon sum nyid du mngon par rlom pa gsal ba'i phyir ro/ /gal te de lta na yang dngos po 'di dag phyin

  736. 368b

    ci log gi las las byung bas yang dag pa ma yin pa'i don yongs su gcod pa dbang po dang yul gyis gnas par yod pas mngon sum du 'gyur ro/ /de lta na yang rigs pas nye bar dpyod pa la zhugs pa'i blos de dag gi mngon sum nyid ldog ste/ de ni stobs can yin pa'i phyir ro zhes bya ste/ des na dngos po rnams su mngon par zhen nas 'dzin pa'i phyir dang/ de kho na nyid la 'jug pa'i sgo'i phyir dpa' i phreng ba gsungs pa/ dri za'i grong khyer sgyu ma dang/ smig rgyu dbu ba chu bur dang/ / gzugs brnyan sprul pa rmi lam dang/ mgal me dang mtshungs 'du byed rnams/ /ji ltar dri za'i grong khyer la sogs pa'i don 'di dag nyid rang gi rgyu dang rkyen ji lta ba las 'byung na yang/ grong khyer la sogs pa'i rang bzhin gyis stong pa grong khyer la sogs pa nyid du snang la/ de bzhin du 'di ltar gzugs dang tshor ba la sogs pa'i dngos po yang gzugs dang tshor pa la sogs pa'i rang bzhin gyis stong pa nyid snang ba la/ gzugs dang tshor ba la sogs pa nyid du shes par bya'o/ /yang dpe gcig nyid kyis rang bzhin med pa nyid rtogs par 'gyur na/ dpe mang po nyid nye bar bsdus pa la don med do zhe na/ 'di dag de ltar ma yin te/ rang bzhin med pa'i don la 'khor ba theg ma med pa nas ma goms pa'i 'jig rten pa de dag dpe du mas 'jig rten pa'i sems la phebs pas/ de kho na nyid la nges pa bskyed par 'gyur ro/ /ji skad du rin chen phreng ba las/ re zhig phung po mi gtsang ba/ /rags pa mngon sum spyod yul te/ /rtag tu mthong bar gyur na yang/ /gang tshe sems ni mi gnas pa/ /de tshe shin tu phra zhing za ba/ /dam chos 'di ni gnas med pa/ /mngon sum min pa ji ltar du/ sems la bde blag rtog par 'gyur/ /

  737. 369a

    zhes so/ /de'i sems la bde blag tu 'jug pa'i phyir dpe mang po bstan pa ni rigs pa nyid do zhes bya'o/ /gzhan yang dpe mang po nye bar bkod pas 'ga' zhig 'ga' zhig la shin tu nges par 'gyur ro/ / zhes bya ste/ de la dpe de'i de'i don bde blag tu bdag nyid kyis khong du chud pas des na dpe mang po nye bar bsdu pa rigs pa nyid do/ /yang na dngos por 'dzin pa tha dad pas dpe tha dang pa'o/ /yul dang dus nges par 'dzin pa la/ med pa la yul dang dus nges par 'dzin pa mi rung zhes bya ste/ de la bltos nas dri za'i grong khyer dper brjod do/ /gzhan dbang du 'dzin pa la/ med pa la rgyu gzhan gyi dbang las ma yin ne zhes bya ste/ de la bltos nas sgyu ma dper brjod do/ /ldog par 'dzin pa la/ med pa la ldog pa med do zhes bya ste/ de la bltos nas smig rgyu dper brjod do/ /de yang bye brag med par ldog pa'o/ /snying po med par 'dzin pa la/ snying po med pas de med do zhes bya ste/ de la bltos nas dbu ba dper brjod do/ /gzhan dang gzhan du 'dzin pa la/ med pa la gzhan dang gzhan 'byung ba ma yin no zhes bya ste/ de la bltos nas chu'i chu bur dper brjod do/ /kun nas snang bar 'dzin pa la/ med pa la kun nas snang ba med do zhes bya ste/ de la bltos nas sprul pa dper brjod do/ /rnam pa sna tshogs par 'dzin pa la/ med pa la rnam pa sna tshogs pa med do zhes bya ste/ de la bltos nas rmi lam dper brjod do/ /'jug par 'dzin pa la/ med pa'i myu gu la sogs pa la 'jug pa la mi bltos so zhes bya ste/ de la bltos nas mgal me'i 'khor lo dper brjod do/ /de'i 'jug pa'i sa bon mgal me yin pa'i

  738. 369b

    phyir ro zhes bya'o/ /de ltar de dag 'das ma thag pa'i tshigs su bcad pa drug cu rtsa bzhis rten cing 'brel par 'byung ba ji lta bar gnas pa'i rang bzhin bsgrubs nas/ de las gzhan pa'i tshigs su bcad pa gnyis kyis don 'di nyid de bzhin gshegs pas gsungs pa'i rten cing 'brel par 'byung ba phyin ci ma log par bshad pas/ des na shin tu yang de dang 'brel par bsgrub par bya'o/ /de ltar gyur na legs par nyan pa rnams don 'di la shin tu nges pa skye bar 'gyur te/ dngos kun rang bzhin stong pas na/ /rten cing 'brel par 'byung ba 'di/ de bzhin gshegs pa mtshungs med kyis/ /dngos po rnams ni nye bar bstan/ /dri za'i grong khyer la sogs pa dang 'dra bar 'du byed rnams ngo bo nyid kyis ma grub bo zhes nye bar bstan pa'i don du 'di dag ni rten cing 'brel par 'byung ba'o zhes gsungs so/ /mtshungs med kyi shes pa/ 'jig rten gyi khams gcig nas brtsams nas 'jig rten gyi khams gzhan na yang de bzhin gshegs pa 'dra ba'i de bzhin gshegs pa yod ma yin no/ /yang na shA kya thub pa gau ta ma'o zhes smra na brtsad pa 'di dag tu 'gyur te/ de bzhin gshegs pa'i sgra 'di ni yang dag pa ji lta bar ston pa'i yon tan la brten nas 'jug la/ de yang sangs rgyas thams cad la thun mong du grub bo zhes bya ste/ de bzhin gshegs pa thams cad ni mtshungs med ces bya'o/ /lhag ma bshad zin to/ / da ni dri za'i grong khyer la sogs pa 'di dag gi rang bzhin med pa'i don dang/ rten cing 'brel par 'byung ba'i don ni don dam pa nyid du nye bar mtshon par gsungs pa/ 'di tsam re zhig don dam ste zhes pa la/ dngos

  739. 370a

    por rtog pa thams cad ji lta ba'i don ma yin pa'i phyir/ 'di ni re zhig ces pa nges par gzung ba ste/ nye bar bsgrub pa'i chos thams cad rang bzhin med pa nyid do/ /stong pa nyid de la ji srid du dngos por zhen pa thams cad 'dir phyin ci log pas 'khrul pa ste/ 'khrul pa yang don dam pa yin par rung ba ni mi rigs so/ /'di nyid yod pa dang med pas ma bsdus pas skyon gyis rnam par dben pa/ rten cing 'brel par 'byung ba gsungs pa las dbu ma khong du chud pa ni don dam pa nyid do zhes gsungs pa/ 'di tsam re zhig don dam ste/ 'jig rten tha snyad la brten nas/ sna tshogs thams cad bcom ldan 'das/ sangs rgyas bden par gdags pa mdzad/ /ces pa la ji ltar rmi lam mthong ba 'ga' zhig gis rmi lam rmis pa'i sems 'ga' zhig rnam par shes nas/ de ni bden par smra'o zhes brjod cing/ de ring rmi lam du ma yi mgo la'o byas shing pha yi so sor bsngags pa brjod/ bskyed mos tshal btsongs nas stong phrag gcig bram ze la byin pa dang/ bskor ba byed pa mthong zhes so/ /de bzhin du bcom ldan 'das kyis byis pas mngon par zhen pa ltar skye ba dang gnas pa dang 'jig pa la sogs pa'i dbye ba tha dad pa dngos po thams cad med par tha snyad kyis gsungs par 'gyur ro/ /de la rmi lam du mthong ba'i ma la sogs pa nyid la bden par mngon par 'dod pa de'i ngo bo rigs pa ma yin no/ /de bzhin du bya la phyin ci log pa rnams kyis skye ba dang gnas pa dang 'jig pa la sogs pa mngon par brjod kyi sangs rgyas rnams la ni ma yin no/ /lhag ma bshad zin to/ /mya ngan las 'das pa dang mtshungs par chos thams cad rang

  740. 370b

    bzhin med pa la gnas pa'i sangs rgyas bcom ldan 'das so zhes bya ste/ spros pa ga la zhig/ ji skad du mdo las/ tshe dang ldan pa kun dga' bo reg pa'i skye mched drug po zad pa dang/ 'dod chags dang bral ba dang/ 'gags pa dang/ nye bar zhi ba dang/ nub par gang pa 'di las gzhan pa'i spros pas spros par byed pa yod dam zhes pa dang/ yod pa dang med pa zhes pa'i spros pas spros par byed dam zhes pa nas/ tshe dang ldan pa kun dga' bo skye mched drug ni spros pa'o/ / bskyed mched drug 'gag pa las spros pa med pa'o/ /zhes pa'i bar du mya ngan las 'das pa bcom ldan 'das kyis gsungs so/ /de bzhin gshegs pa'i ye shes kyi dbang gis na don dam pa'o/ /'jig rten pa'i shes pa'i dbang gis kyang kun rdzob bo zhes gnas so/ /de nyid kyis na/ 'jig rten pa yi ches bstan mi nyams shing/ yang dag nyid du nam yang chos bstan med/ /de bzhin gshegs pas gsungs pa ma rigs pas/ /des na dri med brjod pa 'di la skrag/ des na skrag ces pa la/ des na'i sgra ni ji skad bu smos pa'i rigs pa dang lung gis dpyad pa rnams te/ 'jig rten pa'i thag mar blta bar bya ste/ des na 'jig pa'i zhes bya ste/ 'dir tshigs su bcad pa sdeb pa'i ngor 'jug pas rim pa 'chol par blta bar bya'o/ /des na 'di'i don kyang/ gang gi phyir ji skad du smos pa'i rten cing 'brel par 'byung ba bshad par brdzun pa bslu ba'i chos can tsam byas pa'i skye ba'i blo'i spyod yul/ rmi lam dang sgyu ma dang dri za'i grong khyer gyi rnam pa can de'i rang bzhin gyi las kyi 'bras bu kun nas nyon mongs pa can dang rnam par byang ba 'ching ba dang grol ba'i rgyu mtshan 'jig rten pa'i tha snyad du yod pa

  741. 371a

    nyid du 'dod pa des na de'i phyir/ 'jig rten pa yi chos bstan mi nyams shing/ /tha snyad pa nyid la ji lta ba'i don yin pa'i phyir ji ltar gnas pa phyin ci log par 'jig rten pa'i dngos po rnams kyi de kho na nyid brjod la/ /de nyid brjod pa las rim gyis de kho na nyid la 'jug pa'i rgyu'i phyir yang 'jig rten pa yi chos bstan mi nyams shing ngo/ /'jig rten pa'i chos bstan pa yang dngos po gang cung zad kyi rang bzhin khas ma blangs pas/ ston pa dang bstan bya dang ston pa po rnams rang bzhin gyis ma grub pa'i phyir/ yang dag nyid du nam yang chos bstan med/ de bzhin gshegs pas chos 'ga' zhig yang dag par dmigs nas nye bar ston par mi 'gyur la/ des na chos thams cad kyi rang bzhin yongs su mi rtogs pas 'di ni bden no zhes par mngon par zhen pa yongs su btad nas gnas pa'i rnal 'byor pa nges par mya ngan las 'das pa la gzhol bar 'gyur ro/ /de ltar na 'di ni bden pa gnyis la brten nas las yod pa'i phyir dang/ rtog pa med pa'i phyir rnal 'byor pa rnams kyi mya ngan las 'das pa grub pa yang cung zad kyang mi nyams la/ grol ba yang bde blag kho nar myur du skye bar 'gyur ro/ /gal te yang rang bzhin med pa la phyin ci log pa rnams kyis de yongs su ma shes pas/ rang bzhin med pa la dngos po'i rgyu mtshan gyis kun nas nyon mongs pa'i phyogs su 'jug la/ phyin ci ma log pa rnams rang bzhin med pa mthong ba las kun nas nyon mongs pa'i phyogs las log nas rnam par byang ba yang bskyed do/ /de ci slar yang 'dir brjod pa la de skrag pas 'jig rten pa rang bzhin dang bcas par

  742. 371b

    smra ba la brten/ skyon? dang ldan na brjod pa ni spang bar rigs la/ brjod pa 'di ni skyon dang ldan pa ma yin no/ /yon tan dang ldan na yang brjod pa la brten par rigs na/ rang bzhin dang bcas par smra ba ni yon tan dang ldan pa ma yin no zhes bya ste/ de la 'jig rten pa 'di dang rang bzhin smra ba spangs nas rang bzhin dang bcas par smra ba la ji ltar brten zhe na/ smras pa/ dngos po ji ltar smras pa rnams mi srid pa nyid kyis/ ji skad smos pa'i brjod pa spangs nas gnas pas 'jig rten pa dngos po'i ji lta ba la mi gnas shing phyin ci log ji lta bar gnas so/ /'o na de bzhin gshegs pa nyi ma'i gsung gi 'od zer gsal bar snang bas na 'jig rten pa rnams phyin ci log par mi rigs so/ /bden te/ gal te 'jig rten pa la shes rab kyi mig yod na rigs kyi/ ma rig pas ldongs pa'i 'jig rten pas ji lta ba'i de bzhin gshegs pa'i gsung las khong du chud par ji ltar 'gyur/ de ma rtogs pas gdon mi za bar 'jigs pa ma yin pa'i gnas la skrag par 'gyur ro zhes bsgrub pa'i phyir gsungs pa/ de bzhin gshegs pas gsungs pa ma rigs pas/ des na dri med brjod pa 'di la skrag /ces pa la/ ji ltar bud shing la brten nas me 'byung la/ sprin la brten nas char pa'o zhes pa ni 'dir rgyu'i don to/ /de bzhin du gsungs pa ma rig pas shes pa 'dir yang k+ta'i rkyen gyis rgyu'i don to/ /ji skad du gsungs pa'i kun rdzob dang don dam pa'i bden pa la mi mkhas pa'i skye bos de bzhin gshegs pas gsungs pa mi shes la/ mi shes pas gdod ma nas zhi ba skye ba med pa'i chos bstan pa la des par bskrag par 'gyur ro/ /de yang gdod ma nas zhi ba ma skyes

  743. 372a

    pa'i chos bstan pa'i rnam par dbye ba mi mthong zhing/ ji ltar nye bar dmigs bzhin pa'i bdag dang bdag gi ba'i chos kyi dngos po sems la bzhag nas/ bdag ni med par gyur ta re zhes byis pa dag dri med kyi brjod bya la skrag par 'gyur ro/ /brjod par bya ba'i phyir brjod pa ste bshad pa'i don la brjod pa zhes brjod de/ bstan bzhin pa'i phyir ro/ /brjod pa de yang mtshan ma med pa'i phyir dri ma med pa'o/ /mi gsal ba mngon sum ma yin pa zhes bya'o/ /'o na dri med brjod bya 'di la skrag /ces pa 'dir/ 'jig pa'i rgyu ni 'byung khungs so zhes pas 'dir 'byung khungs la brten nas lnga par 'gyur ro/ /ma yin te k+ta'i rkyen gyis rgyu'i don gsungs pas zhe na/ ma yin te don gzhan yin pa'i phyir te/ dri ma med pa'i brjod bya nyid la srog chags rnams skrag pas so/ /brjod bya ci'i phyir na rgyur 'gyur/ de las skrag pas so/ /de la 'jigs pa'i rgyu ci zhe na/ ma rtogs pa rgyur lta'i rkyen gyis brjod la/ de'i phyir 'jigs pa'i rgyu nyid ni ma rtogs pa rgyu mtshan no/ /dri med pa'i brjod bya 'jigs pa'i rgyu'o zhes pa yang/ gal te dri ma med pa'i brjod pa 'jigs pa'i rgyur 'gyur na lnga par 'gyur la/ 'di ni 'jigs pa'i rgyu ma yin te/ 'jigs pa ma lus pa las ldog pa'i rgyu'i phyir ro/ /de nyid kyi na gsungs pa/ rin po che phreng ba las/ sdug bsngal thams cad zad byed chos/ thos pas rtogs pa mi ldan pa/ /skrag 'gyur yongs su ma shes pas/ /'jigs min gnas la 'jigs par 'gyur/ /'di dag thams cad mi 'byung ba'i/ /mya ngan 'das pas de mi 'jigs/ /'dir smos

  744. 372b

    ba yi dngos med la/ /ci yis de la de 'jigs byed/ /thar pa bdag med phung po med/ /'di 'dra'i thar pa la yang dga' / /phung po khams dang skye mched rnams/ /'di lta bu de cis mi dga' / /zhes so/ /de nyid kyis na 'jigs pa'i rgyu nyid du ma yin par shes par bya ba'i phyir/ /dri ma med pa'i brjod pa yul ma yin par bstan to zhes shes par bya'o/ /gang yang 'di snyam du sems te/ sgra'i mtshan nyid la mngon par zhen pa spang ba'i don du slob dpon gyi bsam bzhin du zur chag pa'i sgra'i sbyor ba byas so zhes pa de mi 'thad de/ gal te sgra'i mtshan nyid por nas brjod pas de mngon par zhen pa dang bral nas sgra'i mtshan nyid logs su por ba'i brjod pa la bden bar mngon par zhen pa 'byung bar 'gyur la/ de ltar yang ma yin no/ /yang ji lta de ltar sgra'i sbyor ba byed na/ de'i tshe cig lhug pa la yang mngon par zhen pa spang pa'i phyir sbyor ba mdzad pas 'gyur na/ de yang ma mdzad la/ de'i phyir mtshan nyid mi dran pa nyid srid kyi mtshan nyid la mngon par zhen pa spong bas ni yin no/ /thabs gzhan gyis de'i mngon par zhen pa spong bar byed pa med pa ma yin la/ de'i phyir slob dpon ni nam yang zur chag pa'i sgra'i sbyor ba mi mdzad do/ /'o na re zhig 'gro po mi 'gro zhing/ /zhes pa la sogs pa zur chag pa'i sgra'i sbyor ba mthong ba ma yin nam zhe na/ 'di ni zur chag pa'i sgra ma yin te/ gang gi phyir bzlog pa ni mang po'o zhes pas 'di ni/ sa mdza' ra mdza' nye bar gzung ba rtags dang skyes bu dang/ ka la ha la dbyangs yig byed po yang nya/ bstan bcos byed pas 'di dag bzlog pa ste/ des kyang mang po 'grub par 'gyur zhes bya/ /zhes pa ma nges par brjod pa las te/ bzlog par smra ba la/ smra bas bdag gi tshig tu 'gyur ro/ /'o na rig byed kyi'o zhes pa'i

  745. 373a

    gzhi las 'di ni rig byed kyi brjod pa'o/ /gzhan yang bzlog pa ni sdeb sbyor gyi kho na'o zhe na/ de dag ni ma yin te/ der ni tshigs su bcad pa'i sde ba sbyor 'jig rten pas rig byed kyi sgras yongs su gzung ba ma yin no/ /'on kyang sngags dang bram ze rtog pa pa rnams kyi'o/ /de'i phyir 'di dag mtshan nyid rjes su 'gro ba ma yin no zhe na/ smras pa/ de ltar 'gyur du chug na yang/ de lta na yang rig byed bzhin du snyan dag mkhan gyis sbyor te/ de skad du yang/ rig byed 'jig rten par mthong la/ /'jig rten pa yang rig byed la/ /sgra ni khyad 'phags sbyor ba'i phyir/ /nam yang tha dad ma yin no/ /zhes so/ /khyad par 'phags pa yang slob dpon 'di'o zhes bya ste/ des na 'dir zur chag pa'i sgra'i sbyor ba mi srid la/ mtshan nyid byed pas mtshan nyid ma tshang ba yang srid de/ mtshan nyid ni mtshon bya ma lus pa la khyab par 'gyur bas so/ /mtshon cha yang khyad par 'phags pas sbyar ba byas pa'i sgra'o/ /de rnams mtshan nyid kyis ma sdus pa'i phyir 'di ni mtshan nyid byed pa'i skyon yin gyi slob dpon gyi ni ma yin no/ /de'i dus na rab tu grags pa'i sgra mang po slob dpon gyis gzigs pa rnams kyang/ deng sang gi pA Ni ni la mtshan nyid la yod pa ma yin no/ /deng sang dus na des mtshan nyid byas pa yang ma lus pa'i sgra'i rjes su 'brangs nas mtshan nyid rjod kyang/ /gal te yang de bsam pa dang dran pa nyams pa dag gis mtshon bya ma lus pa la khyab pa'i mtshan nyid brjod par ma nus pas na/ de'i tshe de su'i skyon yin/ 'di ltar kA tyA ya nas 'dir yang shin tu ches ma tshang pa'i mtshan nyid smos pa na/ ji ltar pA Ni ni dran pa dang bsam pa nyams pas mtshan nyid ma tshang ba ltar de bzhin du dus des na skyes pa'i kA tyA ya na la sogs pa/

  746. 373b

    la srid la/ gal te na yang rig pa'i sgras sngags dang bram ze dang rtog pa gzung yang rung/ tshigs su bcad pa'i sde ba sbyor gyi mdo ru gzung yang rung ste/ de ltar bA Ni na'i sgra yang skyon can du mi 'gyur la/ sde ba sbyor gyi mtshan nyid ston pa po rnams la yang 'di dag 'thad par 'gyur ro/ /gzhan yang mon sran gre'ur bya ba'i sdeb sbyor nyams par mi bya'o zhes so/ /de bzhin du yang khyad par 'phags pa'i sbyor ba'i rjes su 'brangs nas/ yangs shing che ba la sogs pa dang/ rma bya rol ba la sogs pa dang/ sbyor ba rnam par phye ba la sogs pa yang don chen por 'thod de/ mtshan nyid byed pas ma tshangs pa ma yin la/ khyad par 'phags pas sbyor ba'i sgra rnams kyang zur chag pa'i sgra ni ma yin no zhes bya ste/ spros pa de tsam gyis chog go/ skabs su bab pa nyid bshad par bya ste/ yang ni ji skad smos pa de las/ 'jig rten pa yi chos bstan mi nyams shing/ /yang dag nyid du nam yang chos bstan med/ /ces pa la/ slar yang 'dir ji ltar na 'jig rten pa la chos bstan cing/ ji ltar yang 'dir mi 'jig la/ gzhan yang nam yang de kho na nyid la gang du yang chos bstan pa med ces pa de dag 'dir bstan par 'dod pas gsungs pa/ 'di la brten nas 'di 'byung zhes/ 'jig rten tshul 'di mi 'gog cing/ gang rten rang bzhin med pas de/ ji ltar yod 'gyur de nyid des/ /'dir sems can dang snod kyi 'jig rten bdar btags pa 'di dag /ma rig pa dang rlung gi dkyil 'khor la sogs pa'i rig bas 'jug pa nang gi bdag nyid dang phyi'i dbye bas tha dad pa rnams/ rang dang bzhan dang gnyi ga'i rgyu dang/ yod pa dang med pa dang gnyi ga dang gnyi ga ma yin pa las skye bar brtags pa rnams rkyen 'di pa tsam las skye bar skye ba nye bar brtan ba ni 'jig rten ba'i chos bstan

  747. 374a

    pa zhes brjod do/ /de yang rkyen 'di pa tsam du khas blangs par gyur pas mi nyams la/ de las gzhan du na brtags na khas blangs par 'gyur na/ rten cing 'brel par 'byung ba mi srid par 'gyur la/ gzhan du brtags pa yang 'jig rten pa'i ma yin te/ de ni 'jig rten las de bzhin du khas ma blangs pa'i phyir/ 'jig rten pa ma yin pa thar pa 'dod pa kha cig gi phyin ci log gi 'dir brtags pa'i phyir ro/ /ji skad du/ bstan bcos las/ rtsa ba'i rab byed brgyad par byed po las kyi rten 'byung ni/ de la brten nas byed po dang/ las 'jug gzhan pa 'grub pa yi/ rgyu mtshan ci yang ma mthong ngo/ /zhes so/ /de 'di ltar 'di la brten nas 'di 'byung ngo zhes pa'i 'jig rten pa'i tshul 'di ni mi 'gog pas/ 'jig rten pa'i chos bstan mi nyams so zhes gnas so/ /gang la rten cing 'brel par 'byung ba de ni ngo bo nyid kyis med pa ste/ yod bzhin pa la brten nas 'byung ba med pa'i phyir ro/ /gang yang de ltar rang bzhin gyi yod bzhin pa ma yin pas/ de ji ltar rten cing 'brel par 'byung ba yod bzhin par 'gyur/ de'i rang bzhin yod bzhin pa ma yin pa nyid do zhes dgongs pa'o/ /des na 'di ltar dpyad na rnal 'byor pa de kho na nyid nges par 'gyur te/ rang bzhin gyis ma skyes pa'i dngos po'i de kho na nyid yongs su shes par 'gyur ro/ /de kho na nyid mthong bar gyur na chos thams cad kyi rang bzhin mi dmigs pa'i phyir/ nam yang chos rnams kyi rang bzhin yongs su gsal bar mi byed de/ rang nyid kyis ma dmigs par gzhan la bshad pa mi srid do/ /des na yang dag nyid du nam yang chos bstan pa ma yin no zhes grub bo/ /de ltar tshigs su bcas pa nyid kyis rab tu byed pa ma lus par bsgrubs

  748. 374b

    pa'i don bsdus pa'i tshul gyis nye bar bstan nas/ de las gzhan la ji ltar bstan pa'i chos rnams kyi rang bzhin rnam par 'byed pa? par bla na med pa'i 'bras bu'i dngos grub ma thob pa rnams/ slar yang thos pa dang bsam pa dang bsgom pa las yang dag par brtson pa bskyed pa'i phyir dang/ ma zhugs pa rnams dang/ zhugs pa dang ldan pa yang spro ba bskyed pa'i don du yang tshigs su bcad pa gnyis gsungs pa/ tshul 'di yang dag rjes dpog gang/ /dang ldan de nyid tshol la brtson/ /rten med chos 'ga' brten pa yis/ /srid dang srid min spangs nas zhi/ /tshul 'di ni de ltar ji skad du smos pa'i rten cing 'brel par 'byung bar gnas so zhes pa'i don to/ /yang dag rjes dpog gang ni/ rang gi rang bzhin yongs su gcod pa'o zhes bya ba'i don to/ /khong du chud pa yang gal te na skyon rjes su tshol ba la brtson pas khong du chud pa'o/ /zhes na/ gsungs pa/ dad pa dang ldan yang gal te brtsod pa'i bsam pas kyang 'byung ngo zhe na/ gsungs pa/ de nyid tshol la brtson zhes pa la/ dad pa dang ldan na yang don dam pa khong du chud par 'dod pas de kho na nyid tshol pa'o/ /de yang rang bzhin gyis mi dmigs pa'i phyir mi rten pa'o/ /chos 'ga' bsten pas ni/ chos 'ga' zhig gsal bar byed pa'o zhes bya ba'i don to/ /de ltar rten med chos 'ga' bsten med chos 'ga' bsten pa des ci zhig byed zhe na/ gsungs pa/ srid dang srid min spangs nas zhi/ zhes pa la/ srid pa ni nyi bar len pa'i phung po lnga'o/ /srid min ni de med pa'o/ /de gnyis 'dir spangs na des par dngos dang dngos po med pa zhi par 'gyur te/ srid dang srid dag gi 'jug pa 'gags pas zhi bar gyur pa'o zhes pa'i don to/ /slar yang ji ltar/ srid dang srid min rtag spong zhing/ /ji ltar de zhi zhes brjod na/ /gang las de'i

  749. 375a

    rnal 'byor pa ni/ /'di dag rkyen 'di las rig na/ /lta ngan dra bas zin pa ldog /des ni chags smos khro ba rnams/ /spangs phyir mya ngan 'das pa thob/ /'di ni 'di'i rkyen la'o zhes pas/ rkyen 'di pa la/ de'i dngos po ni rkyen 'di pa'o/ /'dis ji skad du bstan pa'i rkyen 'di pa gsungs so/ /rnal 'byor pa gang zhig gis ji skad du smos pa'i rkyen 'di pa khong du chud pas chos kyi rang bzhin 'ga' yang mi dmigs pa'i phyir/ dngos po dang dngos po med pa dag tu yongs su mi rtog par gyur pas/ 'jig rten pa'i lta ba ngan pa'i dra ba'i nang nas ldog la/ de las log nas kyang/ dngos po dang dngos med kyi lta bas bslang ba 'di'i srid dang srid min gyi rang bzhin du nye bar dmigs pa spangs pas spongs la/ de spangs nas kyang lta ba'i rtsa ba 'dod chags la sogs pa 'di'i nyon mongs pa las ldog go/ /yang dag pa ma yin pa'i lta bas kun nas bslang ba'i dngos po dang dngos po med pa'i yul nyid 'jig rten pas rtogs la/ de spangs par gyur na yang/ dngos po dang dngos po med pa dag de la mi snang ba'i phyir/ rgyu mtshan med pas 'dod chags la sogs pa 'di la mi ldan la/ des na rnal 'byor pa de 'dod chags dang/ khong khro dang/ gti mug spangs pa'i phyir/ dri ma med pa ste/ nyon mongs pa med par 'gyur ro/ /nyon mongs pa med na yang/ sngar 'phangs pa'i dngos po 'di yongs su zad pa dang/ sngon med pa'i dngos po pen pa spangs pas nges par mya ngan las 'das par 'gro ba ma yin nam/ de 'di ltar bla na med pa'i mya ngan las 'das pa'i 'bras bu don du gnyer ba'i thugs rje chen po dang ldan pa/ shes rab can dang/ dang pa can dang ldan pas kyang/ ji skad du smos pa'i rkyen 'di pa'i mtshan nyid/ rang bzhin gyis stong pa la/ de bzhin du bsgom par bya zhing /

  750. 375b

    tshul bzhin du nyan pa dang/ bsam par bya ba yin la/ gzhan yang rnal 'byor pas rtag tu bsgom pa la shin tu brtson pa dang ldan par 'gyur bar rigs pas so zhes bya'o/ /bsil ba'i ngag gi 'od kyi kun mu da can ni/ /bdun cu pa ni kun nas rab tu gsal byed pa'i/ /zla ba rnam par 'phro bas gsal byas lam rig pa/ /ci yang min zhing ci yang min min chags pas bsten/ /gang zhig dbu mar 'jug par ma smos pa dag dang/ /gang zhig dbu ma'i tshigs su bcad pa mi gsal ba/ / dngos po'i de nyid ma lus de dag bdag gis ni/ /bdun cu pa yi rnam par byed pa 'dir gsal byas/ /gang zhig thugs rje'i bdag nyid thub pa'i dbang po yis/ /yun rings dus nas 'bad pa chen pos mdzad pa yis/ /de yang ngo bo nyid kyis stong pa zhes bya 'di/ lam chen rgyal ba thams cad rjes su gshegs pa ste/ /de las 'jug phyir stong nyid bdun cu zhes bya ba'i/ /bstan bcas gang zhig 'phags pa klu sgrub ces bya bas/ /gsungs pa de ni bdag gis rnam par phye pa yis/ /dge ba gang gis skye bo sangs rgyas nyid gyur cig /stong nyid bdun cu pa'i rgya cher 'brel pa/ slob dpon zla ba grags pas mdzad pa rdzogs so// //stong nyid bdun cu'i 'grel pa ni/ /dge slong d+h+rma grags kyis bsgyur/ /gzhung grang stong phrag gnyis dang ni/ /brgya phrag gcig gis lhag pa yin/ /dpal nA len+d+ra'i gtsug lag khang du paN+Di ta a b+ha ya ka ra dang/ snur lots+tsha ba d+harma grags kyis bsgyur ba'o// //stong nyid bdun cu pa'i 'grel pa gzhan la phan pas mdzad pa bzhugs so// //*/ /rgya gar skad du/ shU n+ya tA sab+ha ti bi bri thi/ bod skad du/ stong pa nyid bdun cu pa'i rnam par bshad pa/ sangs rgyas la phyag 'tshal lo/ /gang gis rten cing 'brel

  751. 376a

    par 'byung/ skye ba med par mkhyen nas bstan/ /thugs rje che mnga' i rdzogs sangs rgyas/ /'gro ba'i bla ma de la 'dud/ /yid kyi mun la nyi ma lta'i/ /'phags pa klu sgrub la btud nas/ /de yi stong nyid bdun cu pa'i/ /don ni rnam par dbye par bya/ /rgyu ma ji bzhin rmi lam bzhin/ /dri za'i grong khyer ji bzhin du/ /de bzhin skyed dang de zhin gnas/ /de bzhin du ni 'jig pa gsungs/ /zhes bya ba la sogs pa'i dbu ma'i ltag mar gyur pa nyid kyis de'i bsgal ba'i lan btab pa gtso bo nyid du brtsam par 'dod pa'i phyir rab tu byed pa 'di rang rgyud pa nyid spangs pa'i phyir/ bstod pa dang phyag 'tshal ba ma brjod par thog mar 'phags pa klu sgrub kyi/ gnas pa 'am skye 'jig ces bya ba la sogs pa gsungs so/ /'di ni ltar 'jug par bya ba yin te/ bskal par mi nyung bar goms pas brnyes pa'i de kho na nyid mngon sum du mdzad pas rnam par 'khrul pa mdza' dag bsal zhing thugs rje chen pos khyab pa'i thugs mnga' bas bslu bar mi mdzad ba'i bcom ldan 'das chos kyi 'khor lo bskor ba na/ sgrib pa thams cad sbyangs pa'i phyir/ /chos thams cad bdag med par bstan pa'i yan lag nyid du sgyu ma la sogs pa'i dpe dag gis skye ba la sogs pa mi bden par gyur pa gang bstan pa de nyid gzhan gyi tshe rnam pa gzhan du ji ltar yin snyam du dogs pa sel ba lhur len pa nyid du 'di bstan to/ /skyob pa'i bstan pa ni drang ba dang nges pa'i don gyi dbye ba las rnam pa gnyis so/ /de la dang po ni rab tu 'bar ba'i khyim na gnas pa'i byis pa 'don pa'i thabs su chad pa stong pa bstan pa'i tshul gyis/ mi bden du zin kyang bden pa nyid du bstan pas don bya ba can ni dgongs pa can yin te/ /je

  752. 376b

    skad du/ mi bden na yang thugs rje yis/ /bdag yod ces ni gsungs pa ltar/ /nyan thos rnams ni 'jug bya'i phyir/ /sdug bsngal la sogs bden pa gsungs/ /zhes bshad do/ /dman pa'i byang chub kyi rigs can dag la ni de kho na nyid zab mo bstan par rung ba ma yin te/ de dag ni des don ma byas par slar skrag pa rnams des spangs pa'i las chos kyis 'phongs par 'gyur ba'i las nye bar sog cing/ ngan song gi sdug bsngal yang so sor nyams su myong bar 'gyur ro/ gnyis pa ni de kho na can te/ de kho na nyid ji lta ba bzhin du 'jug pa'i phyir ro/ /'dir yang 'jig rten bsnyad pa'i sgra ni/ dang po yongs su bzung ba'i phyir 'gal ba cung zad kyang med do zhes bstan pa yin no/ /kha cig na re skye ba las dus phyis nyid du gnas pa yin yang dang por brjod pa'i tshigs su bcad pa sde ba pa'i ngor yin no zhe'o/ /gzhan dag ni rten cing 'brel par 'byung ba'i rim pa yang dag par bstan pa'i don du 'ang zhe'o/ /'di ltar skye ba ni 'dod rgyal mi srid la/ dbang phyug gi rgyu can yang ma yin gyi 'on kyang nyon mongs pa dang las kyi rgyu mtshan can yin no/ /de yang byed pa po gnas ni de'i 'bras bu longs sbyod par rigs kyi mi gnas na ni yin te/ byas pa chud zos shing ma byas pa dang 'phrad pa'i nyes par thal ba'i phyir ro/ /gnas pa yang mu stegs bye brag pa rnams ni snga ma'i ngo bo ma dor ba'i ngo bo nyid do zhes smra'o/ /bde bar gshegs pa dag ni de yang byed pa po'i gnas skabs bzhin du za ba po'i gnas skabs su yang za ba po ma yin par thal bas mi 'thad pas na de ni rgyud gcig tu gtogs pa'i 'dra ba gzhan dang gzhan 'byung ba nyid do zhe'o/ /de lta bu'i ngo bo gnas pa de yang/ ma rig nyon mongs sngon gnas skabs/ /'du byed dag ni sngon las kyi/ /

  753. 377a

    zhes 'byung ba'i mtshan nyid can gyis yan lag dag gis/ rnam shes mtshams sbyor phung po yin zhes bya ba la sogs pa'i yan lag rnams kyis mtshon pa'i skye ba'i rgyu mtshan nyid du bstan to/ /rgyu mtshan yang rgyu mtshan can las snga ma kho na yin no/ /skye ba yang 'jig pa'i mdza' can yin no zhes mtshon pa'i don du tsher ba'i bar ni rga shi yin zhes phyi ma'i mdza' i skye ba'i kun nas nyon mongs pa rga shi'i sgras bstan to/ /de lta ba yin pa des na/ gnas pa 'am skye 'jig ces bya ba'i tshig gis 'dir rten cing 'brel par 'byung ba'i yan lag bcu gnyis go rim bzhin du bstan to/ /yod med dam zhes bya ba la kye'i bram ze 'di lta ste/ thams cad thams cad ces bya ba ni phung po lnga skye mtshad bcu gnyis dang khams bco brgyad dag go/ zhes 'byung ba'i phyir phung po dang skye mched dang khams/ zhes bya ba'i dngos po ni yod pa ste/ 'jig rten pa'i tshed mas rtogs pa'i phyir ro/ /rdzas dang yon tan dang las la sogs pa ni med pa ste tshad ma med pa de'i phyir dang tshad mas gnod pa'i phyir ro/ /yang na yod pa ni myong ba yin la/ med pa ni de las cig shos te/ kye rgyal ba'i sras dag 'di lta ste/ khams gsum po 'di dag ni rnam par rig pa tsam mo zhes 'byung ba'i phyir ro/ /yang na yod med kyi sgras ni gang zag ces bya ba'i dngos po brjod do/ /gang phung po 'di dag 'dor zhing/ phung po gzhan nye bar len pa khur khyer ba'i gang zag ni yod do zhes 'byung ba'i phyir de ni yod pa'o/ / de nyid dang gzhan du brjod du med pa'i phyir med pa ste/ de dag brjod du med pa ni med pa nyid kyi phyir ro/ /ji skad du med phyir bcom ldan 'das kyis srog/ de nyid gzhan du ma gsungs so zhes bya ba dang/ dngos po yod pa ni de nyid dam gzhan nyid las mi

  754. 377b

    'da' o zhes bshad do/ /da 'o na ni ji ltar yod pa yin zhe na/ phung po rgyun nyid la de ltar tha snyad btags pa'i phyir ro/ /'di ltar nyon mongs pa dang las kyi bag chags dag gis gang zhing khams dang 'gro ba dang skye gnas dag tu skye ba dang rga ba ba dang na ba dang/ 'chi ba dang mya ngan dang smre sdags 'den pa dang/ sdug bsngal ba dang/ yid mi bde ba dag gis zag cing 'grib pa 'am/ zo chun gyi 'khrul 'khor gyi chu bzhin du zag cing rgyun du 'byung ba ni gang zag go /don 'di yang phung po'i rgyun las gzhan ni rigs pa ma yin te/ de skad du yang/ btags pa'ang med du 'gyur 'ong bas/ /med do zhes kyang ma gsungs so/ /phung po'i rgyun ni gang la dge/ mi dge'i 'bras bu yod pa nyid/ /de la srog ces bya ste de/ /srog med bstan pas med par 'gyur/ zhes bshad do/ /dman pa 'am zhes bya ba ni zag pa dang bcas pa'i dngos po'o/ /khyad par can ni zag pa med pa'o/ /mnyam pa nyid ni gnyi ga ltar yang/ /rigs mthun pa la bltos nas so/ /bstan pa 'di kho na nyid du ci ltar mi rigs pa yin zhe na/ bdag min zhes bya ba la sogs pa smos te/ gang gi phyir de kho nyid du yod pa min zhes bya ba ni lhag ma'o/ /de lta bas na dag gi don ni 'di yin te/ gal te bdag de kho de nyid du gyur ba yin na de'i tshe gnas pa yang de'i ngo bor rtag par brjod par 'gyur ba zhig na 'di ni de lta bu yang ma yin te/ /tshad ma med pa can nyid yin pa'i phyir dang/ tshad mas gnod pa'i phyir ro/ /'dra ba gzhan dang gzhan du 'byung ba'i ngo bo yin yang nye bar btags pa nyid do/ /de bzhin du bdag med pI ngo phung po dang khams dang skye mchad rnams dang/ rnam par rig pa tsam gyi bdag med pa dang/ bdag dang bdag med kyi ngo po gang zag de kho na nyid can yin na ni skye

  755. 378a

    pa dang 'jig pa dang yod pa la sogs pa'i sgra'i tha snyad kyang dngos po pa kho nar 'gyur na/ gang gi tshe gzugs ni dbu ba ltar shes shing/ /tshor ba chu yi chu bur bzhin/ /'du shes smig rgyu 'dra ba ste/ /'du byed dag ni chu shing bzhin/ /rnam shes sgyu ma lta bu zhes/ /de ltar phung po bstan pa yin/ /zhes gzhan du 'phags pa'i zhal snga nas kyis gsungs pa'i phyir dang/ 'chad par 'gyur ba'i rigs pas 'di dag de kho na nyid can ma yin pa de'i tshe der skye ba la sogs pa'i chos kyi tha snyad ji ltar na de kho na nyid can du 'gyur/ de lta bas na pha rol pos kun brtags pa'i bdag dang nyan thos la sogs pa'i lhag par zhen pa'i bdag med pa'i phung po la sogs pa dang/ de nyid kyi gang zag tu zhen pa'i bdag dang bdag med pa ni gang gi phyir de kho na nyid du yod pa ma yin pa de'i phyir gnas pa la sogs pa'i brjod pa'i tha snyad de kho na nyid du cung zad kyang rigs pa ma yin no zhes gnas so/ /'o na ni chos 'di dag de kho na nyid du ji ltar brjod par bya ba yin zhe na/ chos kun mya ngan 'das pa dang/ /mtshungs par brjod bya dang zhes bya ba smos ste/ de kho na nyid du zhes bya ba 'brel to/ /spos pa thams cad nye bar zhi ba'i bdag nyid kyi mya ngan las 'das pa dang/ spros pa'i bdag nyid can gyi chos rnams thams cad ci ltar mtshungs te 'gal ba'i phyir ro zhe na/ rang bzhin stong zhes bya ba 'di yang khyad par gyi sgo nas gtan tshigs su bkod pa'o/ / des na don ni 'di yin te/ ci ltar rab rib can gyis skra shad dang sbrang bu mchu ring dang/ sprad bu la sogs pa mi bden pa nyid kyis spros pa'i bdag nyid can yin du zin kyang ji ltar snang ba bzhin de kho na nyid du yod pa ma yin pas rang

  756. 378b

    bzhin gyis stong pa'i phyir/ de ltar rtogs pa med kyang de med pa dang mtshungs pa de bzhin du 'khor ba thog ma med pa nas bden pa nyid du 'dzin pa'i mngon par zhen pa'i bag chags las yang dag par 'byung bar snang ba can gyi gzugs la sogs pa chos rnams kyi tshogs kyang yin pa'i phyir 'di mya ngan las 'das pa dang mtshungs pa la 'gal ba cung zad kyang med do/ /de nyid kyi phyir dman pa dang mnyam pa dang khyad par can zhes bya ba'i tha snyad kyang de kho na nyid du mi rigs so zhes bstan pa yin no/ /de ltar yang/ ji ltar gos bzhin dngos po rnams/ du ma'i rnam pa tha dad kyang/ /stong nyid me yis bsreg rnams kyi/ /thal ba tha dad cung zad med/ /ces bshad do/ /'dir 'bras bu yod par smra ba'i grangs can pa dang/ de las gzhan 'bras bu med par smra ba dag/ gtan tshigs 'di ma grub po zhes rjod par byed do/ /de dag 'di skad du/ gang zhig gang las skye ba de la ni de'i rang bzhin yin pa'i phyir rgyu ni rang bzhin gyi sgras brjod par bya ba yin te/ gser gyi rang bzhin gyi gzugs can no/ /der yang dngos po 'bras bu'i bdag nyid du yod pa yin te med pa ni ri bong gi rwa bzhin du de las skye bar mi rigs pa'i phyir ro/ /de lta bas na 'bras bu'i bdag nyid rnams ni rgyu'i bdag nyid la yod pa'i phyir/ ji ltar na rang bzhin stong pa nyid yin/ yang na rang gi ngo bo rang bzhin gyi sgras brjod par bya ba yin te/ /dper na sa'i khams sa ba'i rang bzhin no zhes bya ba lta bu'o/ /rgyu las skye bzhin ba'i dngos po de'i bdag nyid du yod pa ma yin pa rnams rang gi bdag nyid du yang de lta ma yin te/ de dag ni rang rang gi ngo bo dang mi ldan pa ma yin pa dag kho na skye ba'i phyir/ /dper na lus kyi dbang pos gzung bar bya ba'i 'byung ba bzhi

  757. 379a

    las 'byung ba dbang po tha dad pas gzung bar bya ba'i gzugs dang dri dang ro lta bu'o/ /de'i phyir de dag ni rgyu las rang bzhin stong pa nyid ma yin no zhes zer ro/ /'dir lan ni/ gang phyir dngos po thams cad kyi zhes bya ba la sogs so/ /gang gi phyir rgyu'i bdag nyid yod pa'am med par khas blangs pa rnams ni/ /skye dgu 'am de las gzhan pa thams cad la de ma thag tu 'chad par 'gyur ba'i rigs pas yod pa ma yin pa de'i phyir rang bzhin stong pa nyid du grub pa/ /rgyu rkyen tshogs pa 'am/ so so'i dngos po rnams zhes bya ba 'dis ni/ /thams cad la zhes bya ba'i tshig 'di bshad pa yin no/ /rgyu dang rkyen tshogs pa dang/ so so'i dngos po nyid ces bya bar tshig rnam par sbyar ro/ /rgyu ni nye bar len pa'o/ /rkyen ni lhan cig byed pa rnams so/ /tshogs pa ni rgyu dang rkyen chedg ba'o/ /rgyu dang rkyen las phyi rol du gyur pa ni/ so so'i dngos po nyid do/ /de la rgyu'i bdag nyid la 'bras bu rang gi ngo bo yod pa nyid du sems pa gang yin pa de dag la rgyu dang rkyen tshogs pa'i dbye bas rgyu las rnam pa gsum du brtags nas de dang bral par bstan to/ /'bras bu med par smra ba la yang rgyu las gzhan du 'bras bu'i rang bzhin yod pa nyid du khas len pa de bsal ba'i phyir so so'i dngos po snyad do/ /gang yang gang las skye ba dang gnas pa dang 'jig par mngon pa de ji ltar rang bzhin stong pa pa yin snyam du sems pa de la skye ba bkag pa'i sgo nas gnas pa dang 'gag pa yang bsal bar bya ba'i phyir/ yod pa yod phyir zhes bya ba la sogs pa smos so/ /'di ltar dgongs pa yin te/ re zhig skye ba 'di ni rgyu med pa can yin te/ res 'ga' ba nyid kyis de ni

  758. 379b

    khyed nyid kyi rgyu dang bcas ba nyid du khas blangs ba'i phyir ro/ /'di rgyu las byung na yang rang dam gzhan nam de gnyi ga las 'gyur zhes brtag ste/ phyogs gzhan med pa'i phyir ro/ /de la re zhig rang las ni ma yin te/ 'di ni skye ba'i snga rol ru rgyu'i bdag nyid la 'bras bu'i rang bzhin yod par khas blangs na 'gyur te/ med la 'byung ba yod ma yin/ zhes bya gang smras pa yin no/ /yod pa ni skye bar yang rigs pa ma yin te/ yod pa'i phyir gsal ba'i bum pa de dang skyes bu bzhin no/ ji ste nus pa'i bdag nyid du yod pa gsal ba'i bdag nyid du skye bar 'dod do zhe na/ de ltar na ni'o na bdag nyid gang gis yod pa des ni mi skye zhing/ gang gis skye ba des ni yod pa ma yin pa'i phyir 'bras bu mang bar smra bar gsal bar khas blangs par 'gyur ro/ /de bas na rang las skye bar rigs ba ma yin no/ /gzhan la skyed ma yin te/ /gang gi phyir 'di gzhan las 'dod pa na 'bras bu med par 'dod pa yin na/ med par yang skye bar rigs pa ma yin te/ med pa'i phyir ro/ /'di ltar sems pa yin te/ /skye ba ni bya ba yin la de la yang byed pa po med par yang mi rigs la/ tha dad pa'i byed pa ma yin te/ las tha dad pa med pa'i phyir ro/ /las tha dad pa dang bcas pa nyid las byed pa po tha dad pa srid pa yin te/ byed do zhes bya ba la sogs pa bzhin no/ /tha mi dad ba skye ba'i snga rol du med pa ni nus pa'i byed pa po'i phyogs sam/ rdzas gyi byed pa po'i phyogs yin yang sla ste/ byed pa po nyid du mi rigs pa'i phyir gang zhig skye ba yin/ ci ste 'di brda sprod par rnams kyi gzhung lugs kyis rigs pa yin gyo/ /kho bo cag rkyen nyid 'di pha tsam du smra ba rnams kyis bstan par bya ba ma yin te/ de skad du yang 'dus byas

  759. 380a

    thams cad skad cig ma/ /mi gnas bya ba ga la yod/ /de dag 'byung gang de nyid ni/ /bya ba de nyid byed par brjod/ /ces kho bo cag ni de skad du sma'o/ /de'i phyir na skye ba ni rgyu yod na 'byung ba zhes bya ste/ 'bras bu med du zin kyang rgyu'i de ma thag tu 'byung ba'i dang tshul can du 'byung ba de nyid la de skad du bstan pa'i phyir nyes ba cung zad kyang med do zhes na/ 'dir yang bshad pa/ 'bras bu med ba la rgyu gang yin bde 'byung yin pa dang mtshungs pa po zhes 'chad par 'gyur ba'i rigs pas gzhan las de'i med par skye bar rigs pa ma yin no/ /zhes bya ba'i dgongs pas 'dir med pa nyid sgrub par byed ba gsungs so/ /'o na ni de gnyis ka las 'gyur ro/ /zhe na/ chos mi mthun phyir zhes bya ba la sogs pa smos so/ /dgongs pa ni 'di yin te/ gal te rgyu'i bdag nyid la skye ba'i snga rol du 'bras bu yod pa dang med pa cig car 'gyur pa/ de'i tshe gnyi ga las shes bya ba'i phyogs kyi skabs yod par 'gyur na/ dngos po dang dngos po med par nye bar phan tshun 'gal ba dag gcig la cig car rigs pa yang ma yin pa'i phyir yod pa dang med pa skye ba ma yin no zhes bstan to/ /'gal ba'i chos gang la yod pa de ri chos mi mthun pa ste/ 'di'i dngos po ni chos mi mthun pa nyid do/ /des na 'gal ba'i chos dang 'de ba'i phyir zhes bya ba'i don to/ /de ltar skye ba spangs ba na gnas pa dang dgag pa dag kyang spangs par rigs par bya ste/ de dag ni de'i rtsa ba can yin pa'i phyir ro/ /zhes bshad pa ni skye ba med phyir/ gnas 'gag med ces bya'o/ /gzhan yang skye bar 'os pa la skye bar brtag na skye bar 'os ba ni cung zad kyang yod pa ma yin no/ 'di ltar skyes ba'am/ ma skyes pa 'am/ skye bzhin ba zhig skye bar rung ro

  760. 380b

    'gyur zhes rnam par brtag na de dag la yang cung zad kyang rigs pa ma yin no zhes bshad pa ni/ skyes pa zhes bya ba la sogs pa'i/ /dgongs pa ni 'di yin te/ gang gi phyir gang las skye ba'i bya ba grub pa de ni skyes pa zhes bya bar brjod la de lta bu gang yin pa de ni skye bar 'os pa nyid ma yin te/ byas zin pa la byed pa mi rigs pa'i phyir ro gang zhig ri bong gi rwa ltar skye ba'i bya ba dang bral bar grub pa de ni/ /ma skyes pa yin na gang zhig de ltar nye bar brjod pa med par de ji ltar na skye bar rung par 'gyur/ skyes pa dang ma skyes pa dag phan tshun spangs te gnas pa nyid kyis de las tha dad pa'i rnam pa gzhan med pa na de gnyi ga'i ngo bo kho nang skye bzhin par 'dus par 'gyur te/ de ltar yang brtsams la yongs su ma rdzogs par bya ba'i kho na la da ltar bzhes smra'o/ /de las yang sngar bstan pa'i nyes pa dang rjes su 'brel ba'i phyir/ skye bar rung ba nyid ni med do/ /de lta bas na skye bar 'os pa nyid cung zad kyang med do zhes bya ba 'di gnas pa yin no/ /nga ni dus gsum du 'jug pa nyid du rnam par brtags pa'i 'bras bu'i rgyu nyid du mi 'thad do zhes bstan pa ni yod pa'i 'bras bu la'ang zhes bya ba la sogs pa'o/ /'di ni gang gi phyir rgyur gyur pa na yod pa 'byung bzhin pa dang da ltar ba'i 'bras bu las yin nam/ med pa ma byung ba ma 'ongs pa 'am/ yod min med pa'ang sngar yod la phyis med pa 'das pa yin zhes rnam par rtog grang na/ de la re zhig phyogs dang po ni ma yin te/ ba lang gi rwa g.yas g.yon bzhin du rgyu dang 'bras bu gnyi ga yang dus mtshungs ba nyid kyis 'bras bu dang bcas pa'i rgyu yin pa'i phyir phan gdags par bya ba dang/ phan 'dogs par byed pa'i dngos po med pas/ 'di rgyu ma yin pa nyid dang/ khyad par med pa'i

  761. 381a

    phyir ro/ /gnyis pa las yang sun dbyung ba ni rgyu ma yin pa dang mtshungs pa nyid do/ /de nyid kyi phyir yang gi sgras gnyis nye bar gzung ba ni 'bras bu dang bcas pa nyid du 'gro ba yin no/ /'dir ji ltar rgyu ma yin pa dang mtshungs pa yin zhe na/ yi ge a dang 'brel bar byas pas 'bras bu dang mi ldan pa nyid ni 'dir gtan tshigs nyid pa'i phyir re/ /des na don ni 'di yin te/ ji ltar rgyur mngon par 'dod pa ma yin pa la med pa ma 'ongs pa'i 'bras bu dang mi ldan pa de bzhin du rgyur mngon par 'dod pa la yang yin no/ /'on te de dang rgyu mngon par 'dod pa la/ rgyu dang 'bras bu'i dngos po zhes bya ba'i ldan pa yod pa ma yin no zhe na/ de nyid ji ltar yin zhes kho bo cag gis mi shes so/ /de yod na yod pa'i phyir ro zhe na/ gnyis ka la yang mtshungs so/ /ldog pa na mtshungs pa ma yin no zhe na /ma yin ste/ rgyu dang dus mtshungs pa'i rgyu ma yin par mngon par 'dod pa ni skad cig ma nyid du khyad par med pas rgyu bzhin du nges par ldog pa'i phyir te/ de ldog pa na yang 'bras bu yang nges par ldog pa'i phyir ro/ /gang gi phyir 'bras bu gang kho na rgyur mngon par 'dod pa'i dngos po ldog pa na ldog pa de nyid de'i dus su rgyu ma yin pa mngon par 'dod pa'i dngos po ldog pa na sdong pa ni ma yin no/ /ci ste rgyur mngon par 'dod pa'i dngos po skad cig gzhan nye bar len pa can skye ba med pa na de las gzhan skye ba yin na yang 'bras bur mngon par 'dod pa'i rigs 'dra'i skad cig gzhan mi skye ba'i ngo bo nyid ldog pa yin no zhe na/ 'o na ni gzhi gcig pa can gyi gzhi rjes su 'gro ba dang/ ldog pa dag ma yin te/ de'i phyir gcig la yang de dag gi rgyu mtshan can

  762. 381b

    gyi rgyu nyid dam 'bras bu nyid du rtogs pa ma yin no/ /rtog pa po'i zhen pa'i dbang gis rgyun la gcig nyid du nye bar bzung nas nyes pa de dang rjes su 'brel ba med na rgyu dang 'bras bu'i dngos po kun rdzob pa kho nar khas blangs par 'gyur ro/ /der ni theg pa 'dir yang ma spangs pa'i phyir dngos po 'jug pa la bltos nas rgyu ni rgyu ma yin pa dang mtshungs par sgrub pa la 'bras bu dang 'brel bar med pa sgrub par byed pa nyid du bstan pa yin no/ /yod med kyi bdag nyid 'bras bu nyid du khas blangs pa la/ rgyur brtag pa ni 'gal ba ste 'gal bar bya ba zhes bya ba'i don te/ rigs pa dang khas blangs pa dag gis zhes bya ba'i lhag ma'o/ /gang gi phyir da ltar pa ni 'das ba skyes shing 'gag pa nyid du khas blangs par skyed par byed pa nyid du rigs pa 'am/ 'ga' zhig gis khas blangs pa ni med do/ /de'i phyir khong nas phyung nas dus gsum rnams su zhes bya ba la sogs pa des na ngon 'di yin te/ gang gi phyir de ltar na 'das dang ma 'ongs pa dang/ da ltar ba'i dbye bas rnam pa gsum du rnam par brtags pa'i 'bras bu la da ltar ba'i rgyu ni rgyu nyid du rigs pa ma yin pa de'i phyir/ dus gsum rnams su 'ang 'thad pa ma yin no/ /de dag nyid dus zhes 'byung bas dus kyi sgras ni 'dir 'bras bu'i bdag nyid bstan par rigs par bya'o/ /de'i phyir de ltar 'bras bu'i bdag nyid kyis dngos po rnams rang bzhin stong pa nyid du bstan nas rgyu'i bdag nyid rnams der nye bar bstan pa'i phyir bshad pa na/ gcig med pa ni mang po dang/ zhes bya ba la sogs pa'o/ /'di ltar nye bar len pa'i rgyu sa bon la sogs pa gcig med par ni/ lhan cig byed pa'i kyen? sa la sogs pa lhan

  763. 382a

    cig byed pa'i rkyen mang po de dag nyid med par sa bon la sogs pa'i nye bar len pa'i rgyu gcig pu myu gu la sogs pa'i 'bras bu skyed par byed pa nyid du mi 'jug go /de'i phyir dngos po rnams ni gang dag yod na 'bras bu 'byung ba de'i phyir dngos po ste rgyur mngon par 'dod pa de dag skyed par byed pa nyid du 'byung pa la brten nas yin gyi ma brten par ni ma yin te/ phan tshun yod pa la bltos nas yin gyis/ /rang gi ngo bo nyid las 'byung ba ni ma yin no zhes bya ba'i don te/ /de'i phyir mtshan ma med pa ni rgyu mtshan med pa ste/ rgyu rang bzhin stong pa nyid du grub po zhes bya ba'i tha tshig go /'di skad bstan pa yin te/ 'bras bu skyed par byed pa'i rang bzhin gang yin pa de ni rgyu zhes bya bar brjod la/ de yang de'i rang bzhin du rang nyid las grub par rigs pa ma yin te/ bltos pa med par 'byung ba ni res 'ga' 'byung bar mi 'gyur zhing/ rtag tu yod par thal ba'i phyir dang /rgyu'i rgyu snga ma rnams nyid med par thal bas de rjes su tshol ba'i 'bad pa don med par thal ba'i yang phyir ro/ /de'i phyir de ni de ltas bltos pa med par yod pa yin pas sgyu ma la sogs pa bzhin du brten nas skyes pa'i phyir de kho na nyid du skye ba med pas na rang bzhin stong pa nyid du grub po/ /gal te rgyu dang 'bras bu'i bdag nyid kyi dngos po rnams bshad zin pa'i rigs pas rang bzhin stong pa nyid yin na/ 'o na ni ji ltar bcom ldan 'das kyis de dang der rten cing 'brel bar 'byung ba sdug bsngal gyi 'bras bu can nyid du bstan/ /rgyu dang 'bras bu'i bdag nyid du rang bzhin med pa de ni sdug bsngal gyi 'bras bu can du rigs pa ma yin no zhe na/ de yang de kho na nyid du ma yin par

  764. 382b

    bshad pa ni/ rten 'brel yan lag bcu gnyis gang zhes bya ba la sogs pa'o/ /ma rig pa'i rkyen gyi 'du byed dang/ skye ba'i rkyen gyis rga shi zhes bya ba'i bar rten cing 'brel par 'byung ba yan lag bcu gnyis gang sdug bsngal gyi 'bras bu can te/ sdug bsngal gsum dang ldan pa'i phyir sdug bsngal yan lag bdun 'bras bu gang la yod pa'i zhes bcom ldan 'das kyis sdug bsngal gyi 'bras bu can nyid du gsungs pa de ma skyes pa ste de kho na nyid du zhes bya ba lhag ma'o/ /'di nyid la 'thad pa bstan pa ni sems gcig la yang zhes bya ba la sogs pa'o/ 'di ltar rtogs pa yin te/ bdag med phung po tsam nyid do/ /nyon mongs las kyis mngon 'dus byas/ srid pa bar ma'i rgyun gyis ni/ /mar me bzhin du mngal du 'jug ces 'byung ba'i phyir ro/ /rten cing 'brel par 'byung ba'i rten nyid du phung po tsam brjod pas ni nyon mongs pa dang las kyis mngon par 'dus byas pa nyid kyis khyad par gzhan du mi 'thad pa gzugs can ma yin pa'i phung po bzhi'i bdag nyid sems dang sems las byung ba'i rgyun la mngon par 'dod pa yin no/ /rgyun zhes bya ba ni sems dang sems las byung ba'i skad cig ma brgyud pa las tha dad pa'i dngos por yod pa ma yin pas skad cig ma nyid dngos po ma yin te/ de'i phyir rten cing 'brel par 'byung pa de sems kyi skad cig ma gcig gi rten can yin nam/ sems kyi skad cig ma du ma'i rten can yin zhes bya ba 'di dpyad pa na/ gnyi ga ltar yang 'thad pa la ni ma yin no/ /'di ltar sems gcig la 'thad pa nyid yin na ni/ cig car 'byung par thal bar rgyu dang 'bras bu'i dngos por mi rung ste/ ba lang gi rwa g.yas g.yon bzhin no/ /sems du ma la brten pa nyid

  765. 383a

    yin na yang nyes pa 'di nyid yin te/ yod pa'i 'bras bu la la'ang 'bras ldan rgyu zhes bya ba la sogs pa bshad zin pa'i rigs pa dus gsum pa'i 'bras bu la bltos pa nyid kyis rgyu ni rgyu nyid du 'thad pa ma yin pa'i phyir ro/ /'di tsam gyis skye pa'i rim pa la bltos nas de sun dbyung ba'i dgos pa gsol bar byas pa yin no/ /yang na rten cing 'brel bar 'byung ba sgrub par byed pa'i tshad ma med par bstan pa lhur len pa nyid du sems gcig la yang? zhes bya ba la sogs pa 'di gsungs so/ /dgongs pa ni 'di yin te/ rgyu dang 'bras bu'i dngos po tshad mas rtogs na ni/ de brgyud pa'i bdag nyid can gyi rten cing 'brel par 'byung ba 'di/ yang 'thad pa zhig na/ de sgrub par byed pa'i tshad ma ni cung zad kyang rigs pa ma yin no/ /'di ltar rjes su 'gro ba dang ldog pa rtogs pa na/ de rtogs par 'dod pa yin na/ rjes su 'gro ba sgrub par byed pa yang shes pa gcig la 'dra ba'i dngos po gzhan dmigs par byed pa po'i mngon sum nyid yin no/ /de yod pa nyid na yod pa dang/ de med na med pa nyid du ces bya ba'i rjes su 'gro ba dang ldog pa dag gi ngo bo yin de lta bu'i ngo bo can gyi rjes su 'gro ba dang ldog pa'i ngo bo la yongs su gcad par bya ba'i phyir/ mngon sum gcig gam du ma 'jug pa yang ma yin no/ /de ltar re zhig gcig ni ma yin te/ rgyu dang 'bras bu nyid du mngon par 'dod pa'i dngos po dag gcig gi bar ma yin pas de 'dzin par byed pa'i shes pa dag kyang de yin pas sgyur mngon par 'dod pa'i dngos po 'dzin par byed pa 'am/ 'bras bur mngon par 'dod pa'i dngos po 'dzin par byed pa de gcig gis 'bras bur

  766. 383b

    mngon par 'dod pa dang/ rgyur mngon par 'dod pa'i dngos po'i ngo bo yang mi 'dzin na/ de'i khyad par gyi ngo be 'bras bu nyid dam/ rgyu nyid kyi rtogs pa lta smos kyang ci dgos/ shes pa ni rang gi ngo bo dang/ rang gi yul yongs su gcod pa tsam gyi mthar thug pa'i bya ba can yin pa'i phyir ro/ /de nyid kyi phyir gcig gis ni ma yin te/ bum pa dang snam bu la sogs pa dag la yang der thar par 'gyur pa'i phyir ro/ /'di dang 'di zhes rtogs pa ni rjes su 'gro ba rtogs pa ma yin gyi/ 'on kyang 'di yod na 'di'o zhes bya ba'o/ /'dir ni gcig gam gnyi gas kyang rtogs pa ma yin pa'i phyir/ rjes su 'gro ba khong du chud pa med do/ /gal te nyams su myong ba gnyis kyi 'og tu snga rol gyi dus su 'byung ba'i lhag par zhen pas rjes su 'gro ba rtogs par 'gyur ro zhe na/ ma yin te nyams su myong ba ji lta ba bzhin yin pa 'jug pa'i phyir dang/ nyams su myong ba de ltar 'jug pa yang dag zod nyid gsal pa yin no/ /'dis ni ldog pa khongs su chud pa med pa yang des par rtogs par bya'o/ /de bas na sems gcig la yang mi 'thad la/ du ma la yang mi 'thad do/ /zhes gsungs pa ni rig pa ma yin no/ /'di'i phyir yang rten cing 'brel bar 'byung ba skye ba med pa yin no/ /zhes 'thad pa gzhan bstan pa'i phyir/ mi rtag rtag min zhes bya ba la sogs pa 'phags pa'i tshigs su bcad pa gnyis su smros so/ /'di ltar dgongs pa yin te/ ma rig pa la sogs pa'i yan lag nyid thob pa rnams 'bras bu phyi ma phyi ma skyed par byed pa la rkyen nyid du 'dod pa/ de dag gi bdag nyid thob pa de yang rgyu snga ma snga ma la ga las pa'i phyir/ ma rig pa la rgyur 'gyur pa'i yan lag gzhan snga ma nyid 'dod par bya dgos shing/ de'i yang gzhan

  767. 384a

    yin zhing de la yang gzhan yin pa'i phyir/ thug pa med pa'i phyir du thal bar 'gyur ba spangs par bzhed pas chos mngon pa la sogs pa de'i rgyu rigs mthun pa snga ma snga ma'i rgyu can gyi phyin ci log par bstan to/ /de yang yan lag gzhan ni ma yin te/ de yang rigs mthun pa nyid kyis de kho na'i khongs su gtogs pa'i phyir de las gzhan pa'i nyon mongs pa bzhin no/ /dgongs pa 'di nyid kyis/ ma rig nyon mongs sngon gnas skabs zhes bya ba ma rig pa'i mtshan nyid kyi dag la nyon mongs pa'i sgras spyi'i tshig tu nye bar bzung ba yin no/ de yang mi rtag pa dang bdag med pa dang/ mi gtsang ba dang sdug bsngal ba'i bdag nyid can gyi 'du byed thams cad la/ rtag pa dang/ bdag dang/ gtsang ba dang/ bde ba'i rnam par 'jug pa'i dbye bas rnam pa bzhir 'dod do/ /de ltar ni 'thad pa ma yin te/ gal te mi rtag pa la sogs pa'i chos rnams dngos po'i chos nyid du grub pa yin na/ de'i tshe de las phyin ci log gi rnam par zhen pa'i shes pa phyin ci log gi ngo bo nyid du 'gyur ba zhig na/ de nyid 'grub pa ma yin te/ sngar bstan pa'i rim pas dngos po thams cad rang bzhin stong pa nyid kyis gdod ma nas zhi ba nyid du bsgrubs pas na dngos po cung zad kyang ma grub pa'i phyir ro/ /chos can yin na chos dpyad par rigs te/ chos can yod na 'jig rten na/ chos rnams dpyad pa 'jug pa yin zhes bshad pa yin no/ /de lta bsan mi rtag pa nyid la sogs pa rnams ni rtag pa nyid la sogs pa dag dang med pa nyid du khyad par med pa de'i phyir gnyi ga spangs pa'i sgo nas phyin ci log spangs pa bstan pa yin no/ /des na de ltar ma rig pa'i rgyu mtshan phyin ci log tu ma

  768. 384b

    grub pas ma rig pa ma grub la/ de ma grub na 'du byed rnams so/ /zhes bya ba'i rim pa 'di yan lag snga ma snga ma sgyur mngon par 'dod pa ma grub pa na/ 'bras bu mngon par 'dod pa'i yan lag phyi ma phyi ma rnams mi grub par bstan pas rten cing 'brel par 'byung ba mdza' dag skye ba med par bstan pa yin no/ /gzhan yang ma rig pa dang 'du byed dag ni sems las byung ba nyid du 'dod pa yin te/ 'di ltar rmongs dang bag med le lo dang/ /ma dad pa dang rmugs dang rgod/ /nyon mongs can la rtag tu 'byung/ /zhes bya ba'i tshig gis nyon mongs pa'i sa mang po ba yin pa'i phyir/ rmongs pa'i sgras ma cig pa sems las byung ba nyid du bstan to/ /'du byed rnams kyang las kyi bdag nyid rnams te/ de ni sems pa dang des byas zhes 'byung bas las byang mdor bsdus na rnam pa gnyis kho na'o/ /der yang thar pa/ dam pa'i don du dge rtsa ba/ ngo tshe khrel yod bdag nyid kyis/ /bya ba la sogs kun slong bas/ zhes 'byung bas sems pa'i dbang gis des byas pa'i lus dang dag gi las dge ba la sogs par 'gyur ba'i phyir ro/ /sems pa'i ngo bo'i las ni gtso bo yin la/ sems pa yang sems las byung ba'i phyir yin no/ /de yang dge ba dang nyon mongs pa can la sogs pa'i sems can thams cad dang mtshungs par ldan pa nyid kyis sa mang po thams cad pa nyid du bstan te/ ji skad du tshor dang sems pa 'du shes dang/ 'dun dang rag dang blo gros dran/ /yid la byed dang mos pa dang/ /ting nge 'dzin sems thams cad la zhes bshad do/ /de ltar na gnyi ga dag ni sems las byung ba nyid du rnam par gnas pa na/ lhan cig 'byung gang phan tshun 'bras/ 'byung ba bzhin sems kyi

  769. 385a

    rjes 'jug dang/ /sems dang mtshan nyid mtshan gzhi bzhin/ /sems las byung dang sdom gnyis dang/ /sems dang de dag gi mtshan nyid/ /sems kyi rjes 'jug dus dang ni/ /'bras sogs dge la sogs pas so/ /zhes 'byung bas lhan cig 'byung ba'i rgyu nyid kyis phan tshun 'bras bu nyid bstan pas phan tshun brten pa nyid yin pa de'i phyir gcig kyang grub pa yin pa ma yin pas ma rig pa grub pa na 'du byed rnams kyi ma grub pa la/ gzhan las ma grub pa de dag las kyang rnam par shes pa grub pa ma yin te/ de ltar na brgyud nas rten cing 'brel par 'byung ba mdza' dag skye ba med pa yin no zhes bstan pa'i phyir/ ma rig 'du byed med pa mi 'byung/ zhes bya ba la sogs pa 'phags pa'i tshigs su bcad pa gnyis smos so/ /'du byed mi 'byung ba zhes bya ba'i de ma thag tu gang gi phyir lhan cig 'byung ba'i rgyu nyid yin pa de'i phyir zhes khong nas byung ba sbyin par bya'o des na don ni 'di yin te/ gang gi phyir lhan cig 'byung ba'i rgyu nyid yin na/ 'du byed med na ma rig pa dang/ de med na 'du byed mi 'byung ba de bas phan tshun rgyu nyid de phan tshun brten pa nyid yin pa de'i phyir ma rig pa dang/ 'du byed ces bya ba'i yan lag de gnyis kyang rang bzhin gyis ma grub pa ste rang gi ngo bo bas kyang ma grub po zhes bya ba'i tha tshig go/ kyang gi sgra ni sun 'byin pa gzhan sdud pa la smos so/ /ma rig pa'i rang gi ngo bo ma grub pa na yang nyes pa gang yin pa de bstan pa'i phyir/ gang zhig ces bya ba la sogs pa smos so/ /spyir brjod pa yin du zin kyang skabs su bab pas khyad par can gyi don rtogs pa yin pa de'i phyir gang zhig gi sgras ma rig pa

  770. 385b

    zhes bya ba'i yan lag brjod pa yin par shes par bya'o/ /des na don ni 'di yin te ma rig pa zhes bya ba la sogs pa yan lag gang zhig yang nyid kyis te/ 'du byed la mi bltos pa'i bdag nyid kyi rang bzhin gyis ma grub cing rang gi ngo bos ma grub pa de 'du byed ces bya ba'i yan lag gzhan rnams la 'ga' zhig gis dang ji ltar bskyed de/ ji ltar yang ma yin pa kho na'i zhes bya ba'i don to/ /gang gi phyir de ltar yin bde lta bas na ma rig pa zhes bya ba'i yan lag gi pha rol las rang gi ngo bo ma skyes shing ma grub pa 'du byed rnams zhes bya ba'i rkyen gzhan rnam par shes pa la sogs pa skyed par byed pa ma yin te/ dngos dang brgyud pas zhes bya bar dgongs pa'o/ /don 'di nyid 'jig rten pa'i 'thad pa bstan pa'i phyir pha bu ma yin zhes bya ba la sogs pa smos so/ /'jig rten na gang la bltos nas pha yin pa gang yin pa de ni/ de nyid la bltos pa kho nas bu ma yin zhing/ gang la bltos nas bu yin pa de ni de nyid la bltos pa kho nas pha ma yin no/ / gal te de ltar yin na de'i tshe nyes par cir 'gyur zhes dogs par byas nas nyes pa gang yin pa de bstan pa ni/ de gnyis phan tshun med min la/ zhes bya ba la/ 'byung ba zhes bya ba ni lhag ma ste de gnyis phan tshun brten pa nyid yin no/ /zhes bya ba'i tha tshig go/ de yin na skyon gang zhig yin pa de bstan pa ni/ /de gnyis cig car yang min zhes bya ste/ gcig kyang 'ga' zhig gi tshe yang grub pa ma yin no/ /zhes bya ba'i don to/ /don 'di yang gnyis dper bya ba'i phyir ltar zhes par nye bar bkod do/ /yan lag bcu gnyis zhes bya ba la sogs pas dkyus ma nyid ces nye bar bsdu ba'o/ /'dir yang mthar thug pa'i dgongs pa bstan te/ rnam pa gzhan du

  771. 386a

    na yan lag bcu gnyis phan tshun brten pa nyid kyis rang gi ngo bo ma grub pa sun 'byin pa'i skabs su rten cing 'brel bar 'byung ba'i mdza' dag yongs su bzung nas 'di nye bar bsdu bar ji ltar rigs/ 'di dag tsam gyis ni gnas pa dang skye ba dang 'jig pa 'jig rten gyi tha snyad kyi dbang gis sangs rgyas kyis gsungs kyi yang dag pa'i dbang gis ni ma yin no/ zhes bya ba'i bstan la phab yin no/ /da ni yod pa dang med pa zhes gsungs pa bsdus pa'i phyogs la brten nas/ bdag dang bdag med min zhes bya ba'i tshig gis gang zag gnyi ga'i ngo bo nyid du khas blangs pa mi srid pa bstan pa na/ sngar drang ba'i don nyid du gtan la phab tu zin kyang/ yang so so'i phyogs su bzung nas gtan la phab pa'i phyir/ /ji ltar rmi lam yul brten nas zhes bya ba la sogs pa smos so/ /gang yang 'di snyam du gang la brten nas gang zhig 'byung bzhin bar mngon sum gyis nyams su myong ba dang/ gang zhig dmigs pa'i rig byar kyur ba yod pa na nyams su ma myong ba de dag rim pa ji lta ba bzhin du yong pa dang med pa nyid tshad mas khong du chud pa nye bar bstan pa de kho na nyid du ji ltar spang bar bya ba yin/ nyams su myong bas grub pa'i dngos po ni sus kyang bston par nus pa ni ma yin no snyam du sems na de ni 'di skad brjod par bya ste/ de kho na nyid du zhes bya ba'i ltag ma'o/ /de bzhin du don gyis sad

  772. 386b

    pa'i gnas skabs na rgyur mngon par 'dod pa'i dngos po gang zhig la brten nas de bltos pa'o/ /'bras bur mngon par 'dod ba gang zhig rten cing 'brel bar 'byung pa de 'di gnyi ga yang kun rdzob pa'i tshang mas nyams su myong du zin kyang med pa de kho na nyid du yong pa ma yin pa nyid do/ /ji skad ston pa yin te/ rmi lam gyi snang ba las sang pa'i shes pa la ni khyad par cung zad kyang mi mngon pa'i phyir ji ltar na gcig ni mi bden pa'i don can nyid yin la/ / de las gzhan sang ba'i shes pa ni bden pa'i don can nyid yin no zhes bya ba 'di ni shin tu rgyas par gzhan du dpyad zin to/ de lta bas na rang bzhin stong pa nyid kyis thams cad dngos po ba nyid du med pa nyid yin pas na/ yong pa dang med pa'i rnam par dbye pa bstan pa ni dgongs pas 'jug pa yin no/ /zhes bya ba 'di yang gnas pa ma yin no/ /'di'i 'og rol du dag dang por kun rdzo ba nyid du 'dor bstan pa'i dman pa dang/ mnyam pa dang khyad par can du bstan pa'i gzhung gzugs pa'i phyir gal te dngos po rnams rang bzhin gyis zhes bya ba la sogs pa smos so/ /'di'i phyir snga mas ni phyogs snga ma rjes su brjod pa yin la/ phyed phyi mas ni lan sgrub pa'o/ /'dir phyogs snga ma smra ba'i bsam pa 'di yin te/ gal te dngos po rnams rang bzhin med ni ni dman pa dang mnyam pa dang khyad 'phags nyid du mi 'gyur bzhig na 'di dag ni de'i tshe zhes bya ba lhag ma'o/ /de ni yod pa yang yin te de'i phyir/ de rnam pa gzhan du mi 'thad pas dngos po rnams ni rang bzhin dang ldan pa yin no zhes bya ba'o/ /lan smras pa'i sems pa na dmin pa dang/

  773. 387a

    khyad par can gyis dbye ba sna tshogs pa nyid dngos po rang bzhin dang ldan pa nyid bsgrub par bya ba la sgrub par byed pa nyid du bstan pa gang yin pa de nga la ma grub pa yin te stong pa nyid du smra ba ni de lta bu'i rnam par dbye ba yang dag pa nyid du khas len par ni mi byed do/ sgrub par byed pa gang yang rung ba la ma grub pa yang sgrub par byed pa ma yin pa kho na'o/ /yang na gnyi ga la yang ma grub pa yin no zhes bya ba rgyu las kyang ni mngon grub med/ /ces bya ba gang yin smos te/ gal te rgyu las dang kyang gi sgras rgyu med par rang kho na las dngos po rnams mngon par grub cing/ rang gi ngo bo grub pa yin na ni rnam par dbye ba 'di de la brten pa nyid kyis de kho na nyid can du 'gyur la/ gang gi phyir gi nyi ga ltar yang sdar bstan pa'i rigs pa brgyud pa des rigs pa ma yin pa'i phyir ji ltar na 'di khyed la yang grub pa yin te de bas na gnyi ga la ma grung pa yin pa de'i phyir/ ji ltar 'di las bsgrub bya grub byed bstan par 'gyur/ /gnyi ga'i rnam pas mngon par ma grub pa 'di nyid sngar nye bar bstan pa la 'jug bsdu ba'i phyir de lta bas na zhes bya ba la sogs pa smos so/ /gang gi phyir ji ltar rmi lam yul brten nas zhes bya ba la sogs pa'i dag gis brten nas skyes pa de kho na nyid du ma skyes ba nyid yin no/ /zhes bstan pa de lta bas na rten 'byung la/ rang bzhin grub pa ga la yod te rnam pa ji ltar yang med pa nyid do zhes bya ba'i don to/ /'on te rang bzhin grub pa'i gzhung gzugs pa'i phyir mi brten par 'byung ba ste/ /rang kho na las skye ba'i bdag nyid du khas blangs pa der yang rang bzhin med mi 'byung ste nam yang zhes

  774. 387b

    bya ba lhag ma'o/ /grub pa'i snga rol lam phyis kyi dus su rang bzhin dang bral ba nyid du mi 'gyur zhing rtag tu kho nar yod pa'i dngos por 'gyur ro/ /'dir yang yod pa yod phyir skye ba yin zhes bya ba 'dir yod phyir zhes bya ba'i gtan tshigs smos pas ston par byed do/ /'di nyid la 'thad pa bstan pa ni rang bzhin gyi yang med pa gang la zhes bya ba'o/ /yang ni gang gi phyir gyi don la ste/ gang gi phyir rang nyid las 'byung ba gang yod pa de'i rgyu gzhan la mi bltos ba med pa ni dngos po dang bral zhing log pa'i rnam pa la ste/ gang yang med pa nyid do zhes bya ba'i don to/ /gang zhig bltos pa med pa de ni rtag tu kho na yod pa yin te/ bltos pa dang bcas pa nyid res 'gar 'byung ba'i phyir ro/ /de ni rgyu med gzhan la bltos med phyir/ /rtag tu yod pa 'am med par 'gyur/ /dngos po rnams ni res 'ga' zhig /'byung ba bltos pa las yin no zhes bstan to/ /gang yang 'di snyam du gal te ma grub pa'i rang bzhin kun gyi dngos po yin na/ 'o na ni 'dir ri bong gi rwa bzhin du yod pa ma yin la/ yod pa ma yin pa'ang dngos po zhes bya ba 'am/ /gzhan dngos zhes bya ba 'am/ /dngos med ces bya ba'i tha snyad du 'jug pa gzhan du mi 'thad pas de grub pa'i ngo bo nyid do snyam du sems na de la gtan tshigs ma grub bar bstan pa'i phyir/ med la rang gi dngos po 'am zhes bya ba la sogs pa smos te/ gang zhig sngar bstan pa'i rigs pas skye ba med pa de'i med pa la rang gi dngos po la sogs pa gang la yin te de dag gi tha snyad ni rmi lam bzhin du brdzun pa yin no/ /zhes phyed phyi mas ston par byed te/ de'i phyir zhes bya ba la sogs pa la de'i phyir zhes bya ba ni rang gi dngos po la sogs pa rnams de kho na nyid du mi srid pa'i phyir de de dag gi tha snyad brdzun

  775. 388a

    pa yin no zhes bya ba'i don to/ /yang gang gis skye ba dang 'gag pa bzhin du 'thad pas dngos po'i rang bzhin nyid du rab tu ston pa de'i yang gtan tshigs phyed snga mas ldog pa'i sgo nas rjes su brjod nas phyed phyi mas gtan tshigs go bar bya ba la ma grub pa nyid du bstan pa'i phyir/ gal te dngos po stong yin na zhes bya ba la sogs pa smos te/ 'phags pa 'di ni rtogs pa'i don can nyid du zad do/ /dngos dang dngos med cig car med ces bya ba la sogs pa 'phags pa gnyis kyis de lta ba'i ral ga la rjes su 'jug pa'i sgo nas gtan tshigs 'di nyid go bar byed pa la ma grub pa nyid du bstan pa ni/ gang gi phyir 'di ni 'di ltar bstan par bya ba yin te/ skye ba dang 'gag pa dag ni dngos po dang dngos po med pa dag tu bshad la/ de dag kyang khyod kyis 'dus byas su 'dod pa yin gyi/ 'dus ma byas su ni ma yin no/ /de la yang de dag rim pa ma yin pa'i rim gyis yin/ re zhig rim pa lam yin pa la ma yin te/ gang gi phyir dngos dang dngos med cig car med ces bya ba ste/ 'gal ba'i phyir ro snyam du bsam pa'o/ /de'i phyir don ni 'di yin te/ dngos po dang dngos po med pa ni cig car te/ dus gcig du yod par mi rigs te/ phan tshun spangs pas gnas pa'i ngo bo nyid yin pa'i phyir ro/ /gang gi phyir sngon po'i med pa ma spangs sngon po gnas pa ni med do/ /rim gyis kyang ma yin te gang gi phyir/ dngos med med na dngos po med ces bya ba ste/ khyod kyi 'dod pas zhes bya bar dgongs pa'o/ /khyod kyis ni 'di 'dus byas nyid du 'dod pa yin te/ 'dus byas nyid kyang ji srid du de'i mtshan nyid dang mi ldan pa de srid du 'dus byas nyid ma yin no/ /skye ba dang gnas pa

  776. 388b

    dang mi rtag pa nyid ni so so'i mtshan nyid du gnas pa ni ma yin te/ nam mkha' la sogs pa rnams la yang gnas pa nyid khas blangs pa'i phyir 'dus byas nyid du thal ba'i phyir ro/ /bsdus pa rnams de'i mtshan nyid yin na yang mi rtag pa dang ldan pa gzhan 'jig pa'i rnam grangs can dngos po med pa na ste skye ba dang ldan pa'i skye ba'i dngos po med pa 'gyur te de dag 'dus byas la lhan cig pa kho nar 'gyur ro/ /zhes bya ba'i don to/ /de las cir 'gyur zhe na/ rtog tu dngos po yang dngos med 'gyur zhes bya ba smos te/ dngos po 'ang ste 'dus byas nyid rtag tu skye ste skye ba dang gnas pa'i dus dag tu yang dngos po med te yod pa ma yin par thal bar 'gyur ro zhes bya ba'i don to/ /'on te skye ba'i dus nyid na rang gi byed pa med par mi rtag pa nyid dngos po la gnas pa yin la gnas pa las phyis kyi dus kho nar de'i 'jig pa sgrub par byed pas de'i phyir skyon 'di med do zhe na/ skyon med pa yin no zhes/ dngos med med na med ma 'byung/ /zhes bya ba smos te dngos po med pa ni dngas po med pa ste/ de las med na ste/ mi rtag pas sgrub pa'i 'jig pa med na'o/ /'di yang na dngos po mi 'gyur bas dngos po med pa ste mi rtag pa nyid yin la de yod na dngos por mi 'gyur ba'i phyir/ de mi 'byung zhing mi srid do zhes bya ba'i don to/ /'di skad bstan pa yin te/ gang gi tsha gang zhig rang gi bya ba byed pa de'i se de yod pa yin no zhes smra bar rigs pa yin te/ yod pa ni don bya ba byed pa'i mtshan nyid can yin pa'i phyir dang/ med pa ni de las bzlog pa'i mtshan nyid can yin pa'i phyir te/ ji skad du nus pa ni dngos po'i mtshan nyid yin la nus pa thams ca dang bral ba ni dngos po med pa'i mtshan nyid yin no zhes bstan pa lta bu'o/ /gal te mi rtag pa nyid ni dngos po'i bdag nyid grub pa'i dus na rang gi 'bras bur mngon par 'dod pa 'jig pa sgrub

  777. 389a

    par mi byed pa de'i phyir rgyu mtshan du yod pa 'di la de'i tshe yod do zhes rjed par ji ltar nus/ de'i phyir rtag tu dngos po'ang dngos med 'gyur zhes bya ba 'dis brjod pa'i thal bar 'gyur ba 'jug pa las mi 'da' ba 'di do/ /'on te dang po dngos po med pa nyid yod do zhe na/ de yang rigs pa ma yin zhes bya bar/ dngos po mang par dngos med med/ ces bya ba la sogs pa smos te/ 'dir dngos med ni zhig nas med pa la mngon par 'dod kyi snga na med pa la sogs pa la ni ma yin te/ de nyid kyi skabs su bab pa nyid yin pa'i phyir ro/ /de yang sngar byung ba'i dngos po'i ngo bo med par med pa ste/ 'jig pa ni dngos po'i gzhan dbang nyid yin pa'i phyir ro/ /med ces bya ba'i de ma thag tu de yang zhes bya ba'i lhags kho nas dbyung la bdag nyid ni zhes bya ba la sogs pa gngon par bya'o/ /des na don ni 'di yin te/ dngos po gang zhig med na dngos po med par mi rigs par 'gyur ba de yang sngar bstan pa'i rigs pas rang las ma yin/ /gzhan las grub pa ma yin no/ /gang gi phyir de ltar na de lta bas na de med na/ dngos po med cing dngos med med/ 'dis ni rig pa'i phyogs la brten pa'i phyogs gnyis 'jug sdung par byed de 'di ltar dang pho ni skye ba'i bdag nyid kyi dngos po yin la/ phyi nas ni 'jig pa'i bdag nyid kyi dngos po med pa yin no/ /zhes bya ba'i phyogs gcig po de yang gal te khyod kyis khas blangs kyis dngos po skye pa dang 'bral pa'i dus na mi rtag pa zhes bya ba'i 'dus byas kyi mtshan nyid dang 'brel pa ma yin pa de'i tshe rnam par gnas par 'gyur na 'di yang yod pa ma yin no/ /de lta bas na de med na skye ba'i dus kho nas dngos po de'i mi rtag

  778. 389b

    pas byas pa'i 'jig pa 'byung ba na dngos po med pa ste/ dngos po ni 'byung ba las byung ba'i mtshan nyid kyi skye ba yin la/ med pa ni mi srid pa yin no/ /zhes bya ba'i don to/ /de bzhin du dang po ni 'jag pa'i bdag nyid kyi/ dngos po med pa yin la phyi nas ne skye ba'i bdag nyid kyi dngos po yin no zhes bya ba'i phyogs gnyis pa de yang gang gi tshe dngos po la mi bltas par 'jig par 'gyur ba de'i tshe rigs pa yin gyis 'jig par bya ba med par ni 'jig par rigs pa ma yin no/ /gang gi phyir 'jig bya mngon par 'dod pa'i dngos po de yang rang las sam gzhan las mi 'grub pa ste/ de lta bas na de med na te 'jig byar mngon par 'dod pa'i dngos po de ma grub na dngos med med de/ /'jig pa 'ba' zhig mi srid do zhes bya ba don to/ /de lta bas na 'di ltar skye ba dang 'jig pa dag rim pa ma yin pa 'am rim pa yin par mi 'gyur bar bstan pas dngos po rnams kyi ngo bo nyid bsgrub par bya ba la skye ba dang 'jig pa gzhan du mi 'thad pa zhes bya ba nyi gtan tshigs go bar byed pa la ma grub pa nyid du bsgrubs pa yin no/ /'jig rten mdza' dag gis khas blangs pa'i dngos po med? khyod kyis kyang skyed mthong ba med par khas blangs par 'os pa ma yin nam/ de'i phyir de'i stong pa nyid bstan pa la 'bad pas ci dgos/ /'on te de khas blangs pa la skyon cung zad yod na/ /'o na ni de brjod par bya dgos so/ /snyam du dgongs pa las/ yod pa nyid dam rtag pa nyid ces bya ba la sogs pa smos so/ /dgongs pa ni 'di yin te/ yang dag pa dngos po khos lan pa na byas pa 'am/ ma byas pa khas len pa yin grang na/ de la re zhig

  779. 390a

    byas pa ni khas blang par rigs pa ma yin te/ de ni khyod 'dod pa nyid kyis skye ba'i dus kyi tshe mi rtag pa zhes bya ba 'dus byas kyi mtshan nyid dang 'brel pa'i dbang gis skad cig tu yang yod par ma grub pa dag gzod nyid bstan pa'i phyir ro/ /'on te ma byas pa yin na de yang rigs pa ma yin te/ de ni yong pa nyid na de khas len pa na rtag pa nyid de rtag pa'i tha snyad 'jug pa'i rgyu mtshan 'ded chags la sogs pa'i nyes pa mdza' dag gi gling gzhi bstan pa'i dngos por mngon par zhen pa'i mtshan nyid can rtag par lta ba'i nyes pa'i rgyu dngos por thal bar 'gyur zhes bya ba lhag ma'o/ /'on te gang gi tshe skyon 'di spong bar 'dod nas de yang yod do zhes khas mi len pa de'i tshe de yang med na des par te gdon mi a bar 'chad pa yin te shin tu med par chad par lta bar rgyur thal bar 'gyur te zhes sbyar bar bya'o/ /gang gi phyir de ltar yod pa dang med pa nyid du khas len pa na dngos po yin pa de gnyis yin te/ skyon gnyis su thal bar 'gyur ba de'i phyir dngos po ni ngo bo cig gis khas blang bar bya ba ma yin no/ /'di gal te ji skad bstan pa'i nyes par thal bar 'gyur ba'i 'jigs pas bye brag tu sma ba'i lta ba 'am/ mu stags pa'i lta bas yang dag pa'i dngos po khas mi len na/ /'o na ni med sde pa'i lta bas de khas len par gyis shig/ gang gi phyir de dag ni gang gis skye ba'i dus kho nar 'jig pa dang 'bral ba'i dbang gis rtag tu dngos po dngos med du thal bar 'gyur ba 'dus byas kyi mtshan nyid dang ldan pas 'dus byas su 'dod pa ma yin

  780. 390b

    gyi/ 'on kyang skad cig snga mas bsdus pa'i rgyu dang rkyen dag las snga ma byung ba las skye ba de ni 'dus byas zhes byas te/ de ltar yang rgyu dang rkyen dag yang dag par 'tshogs shing 'dus pa las byung ba rnams ni 'dus byas rnams zhes bya ba dang/ rang gi ngo bo grub par bya ba'i phyir gzhan gyi byed pa las bltos pa'i dngos po ni byas pa zhes bshad pa lta bu'o/ /de yang de ltar skyes pa ni skad cig gnyis pa na nye bar len pa can skye ba na rang gi rang gis ldag par 'gyur la/ de bzhin du de'i nye bar len la can yang skad cig gsum pa la zhes bya ba rgyu dang 'bras bur gyur pa skad cig gzhan dang gzhan gyi bdag nyid rgyun gyi ngo bo yang dag pa'i dngos po khas len na sngar bstan pa'i nyes pa gang yin pa de rgyu na 'di la dngos po'i ngo bo khas len pan med pa ste/ de khas len pa po nyes pa dang ldan par mi 'gyur ro/ /zhes bya ba'i don te/ /gang gi phyir skad cig gnyis pa la skad cig gsum pa la 'byung ba'i 'bras bu'i rgyu phyin nas ni dngos po 'gag ste rang gi dang gis 'jig pa yin no zhes bya ba'i don to/ /'dir yang skad cig gcig la bya ba gnyis yod pa'i phyir snga phyi dngos po med kyang kha grangs nas nyal lo zhes bya ba bzhin du ka'i rkyen mi 'gal lo/ /snga ma bzhin du zhes bya ba la sogs ba phyad phyi mas lan 'debs par byed do/ /ji ltar gong du med de la yang rgyu min mtshungs zhes smos pas bshad pa'i tshul gyis 'bras bu ma 'ongs pa la bltos nas rgyur mngon par 'dod pa'i rgyu nyid ma grub pa de bzhin du 'dir de'i sgo nas bstan par bya ba rgyun du mngon par 'dod pa'i rgyun nyid 'di ma grub pa yin no/ /slar rgyu ma yin pa dang mtshungs par gyur pas 'ga'

  781. 391a

    dang 'ga' i rgyur med pa nyid do zhes rgyun chad par thal pa bzlog par dka' o/ /de lta bas na rnam pa ji ltar yang dngos por khas par rigs pa ma yin no/ /gal te de ltar skye pa dang 'jig pa med na de ma mthong ba la bcom ldan 'das kyis mya ngan las 'das pa'i lam bstan pa 'bras bu dang ldan par ci ltar rigs zhes phyogs snga mar bya ba'i phyir/ skye 'jig mtheng phyir zhes bya ba la sogs pa smos so/ /gang gi phyir gang dag lam gyi bden pas bsdus pa rnam par byang ba'i chos skye ba rnams skye ba dang/ sdug bsngal dang kun 'byung gi bden pas bsdus pa rnams ni de'i dbang gis 'jig par mthong na/ de la sangs rgyas bcom ldan 'das kyis lhag ma dang bcas pa dang/ lhag ma med pa'i bdag nyid kyi mya ngan las 'das pa'i lam gyi tshogs dang/ sbyor ba dang/ mthong ba dang/ sgom pa dang/ mi slob pa'i dbye bas tha dad pa de bstan pa ni rigs zhes bya ba lhag ma'o/ / yang gang zhig rang bzhin gyis kun nas nyon mongs pa ma yin zhing rnam par byang ba ma yin pa rig pa de la ni ma yin te/ stong pa nyid yin pa'i phyir ro/ /'dir lan bstan pa ni 'di dag ces bya ba la sogs pa ste/ 'di dag ni skye ba dang 'jig pa'o/ /phan tshun ni gzhan dang gzhan dag go /gang bzlog ba ni gzhan mi mthun pa'i mtshan nyid kyi rnam grangs can phyin ci log pa rung ste/ de las des mthong ba ste/ shes pa gang yin pa de ni phyin ci log las yin te/ med pa snang bar nus pa'i ngo bo ma rig pa'i dbang gis de kho na mthong ba las ma yin no zhes bya ba'i don to/ /'di skad bstan pa yin te/ ji skad bstan pa'i rigs pas rang bzhin stong pa yin pa'i phyir gzod ma nas zhi ba'i

  782. 391b

    chos thams cad kyi skye ba dang 'jig pa dag gis sna tshogs pa nyid yod pa ma yin zhing/ gang zhig de rig pa de ni gzhan ma yin pa'i rnam grangs can phyin ci log las gzhan las ma yin pa de'i phyir/ /ji ltar de'i ched du bstan pa 'bras bu dang bcas pa yin/ 'dir gzhan smra ba ni/ gal te skye 'gag med yin na zhes bya ba la sogs pa'o/ /'di snyam du gang zhig lam skyed par byed pa dang/ kun 'byung 'gog par byed pa de la de'i dbang gis ma 'ongs pa'i sdug bsngal mi skye ba'i ngo bo mya ngan las 'das par rig na/ stong pa nyid du smre ba khyod kyis chos thams cad rang bzhin stong pa nyid yin pa'i phyir gal te skye pa dang 'gag pa yod pa ma yin pa de'i tshe gang zhig 'gags pas gang zhig mya ngan las 'das par 'gyur to/ 'ga' zhig kyang ma yin pa nyid do/ /de'i phyir thar pa med par thal par 'gyur ro snyam du sems na/ ma yin te/ gang gi phyir rang bzhin nyid kyis zhes bya ba rgyas par te rang gi ngo bo dang/ sgro ma btags pa'i ngo bo dang de kho na nyid ces bya ba don gcig pa de nyid kyi gzod ma nyid nas chos thams cad skye ba med pa dang de nyid kyi phyir 'gag pa med pa gang yin pa de nyid thar min nam zhes bya ba'o/ /'di nyid khyod kyis kyang gdon mi za bar khas blang bar bya ste/ gzhan du na gal te 'gog las zhes bya ba rgyas par te/ 'ga' zhig ces bya ba lhag ma'o/ /gal te chos 'ga' zhig 'gog las te/ dngos po med par gyur pa las mya ngan las 'das par thal bar 'gyur zhes bya ba lhag ma'o/ /'on te mi 'gog pa las zhes bya ba ni cig shos ltar gyi sgra'i don yin te/ de'i tshe rtag pa ni dngos po'i rang gi ngo bo brtan pa kho na ste/ mya ngan las 'das par thal bar 'gyur ro zhes sbyar ro/ /mya ngan las 'das pa de lta

  783. 392a

    bu yang mi rigs shing khyod kyis kyang khas ma blangs te/ nyon mongs pa 'gog pa yin na yang de'i bag chags ni mi 'gog pas skye ba rnam par chad pa ma grub pa'i phyir te/ mar me bzhin mya ngan las 'das pa bstan pa yang dgongs pa can yin pa'i phyir dang 'dus byas thams cad skad cig ma nyid du khas blangs pa'i phyir ro/ /de phyir dngos dang dngos med min zhes bya ba ste/ thar pa zhes bya bar 'brel te/ 'o na ci zhe na/ skye ba med dang 'gag med yin zhes bya ba ste/ gzod ma nas zhi ba nyid thar pa yin no zhes bya ba'i don to/ /'on te so sor brtags pa'i 'gog pa ni thar pa yin te/ de yang 'dus ma byas pa nyid du 'dod pas rtag tu yod pa nyid du gnas pa yin no/ /de ltar yang 'dus ma byas rnams gsum yang ste/ nam mkha' dang ni 'gog pa gnyis zhes bya ba bstan to/ /de'i phyir 'di 'gog par bya ba ma yin pas ji ltar de yang bgag pa la thar par bya zhes bya snyam du dgos pa la gal te 'gog pa 'ga' zhes bya ba la sogs pa'o/ /dgongs pa ni 'di yin te/ gnyis pa nyid du 'dod pa'i 'gog pa 'di ni re zhig gang gis kyang mi rtogs pa nyid kyi ngo bo de lta bu yin yang gal te yod do zhes kha cig sems pa de'i tshe/ lam gang zhig yod pa na 'am/ 'dod chags la sogs pa'i nge bo'i ldan pa'i rdzas gang yin pa 'di ni 'di yod na 'byung bar 'gyur bas sam/ 'byung bar byed pa yin pas dngos po zhes sgrub pa'i dbye bas tha dang pa de gnyi ga'i ngo bo de med par yang der 'gyur te/ gang gi phyir rang gi ngo bo 'grub pa la gzhan la bltos pa dang bcas pa ni/ 'dus ma byas su rig pa ma yin no/ /ma bltos par khas blangs pa yang ma yin te/ so sor brtags

  784. 392b

    pa ni de'i lam nyid du khas len pa'i phyir dang/ 'dod chags la sogs pa bral bar bya ba nyid khas blangs pa'i phyir ro/ /de ltar yang so sor brtags pas 'gog pa gang/ bral ba so so so so yin zhes bstan to/ /gal te gzhan yang de dag so sor brtags pa ni 'gog pa thob pa'i yan lag nyid du 'dod na de lta yang thob pa ni skye ba las tha dad par rig pa ma yin no zhes mi ldan pa'i 'du byed dpyad pa'i zhar la gzhan du gtan la phab zin to/ /de'i phyir gnas pa'i bdag nyid kyi 'gog pa de med de/ de yod pa nyid du khas len pa na bye brag tu sgrub pa'i dbye bas sngar brjod pa'i dngos po so sor brtags pa'i mtshan nyid kyi lam ni bltos par bya ba ma yin pa'i phyir dang/ 'dod chags la sogs pa kun nas nyon mongs pa ni des thob par bya ba'i bral ba'i rten nyid du mi rig pa yod kyang ni/ med pa dang khyad par med pa'i phyir dngos po med par thal pa'i phyir ro/ /'on te gal te de'i lam dang de'i byed pa'i rten du gyur pa kun nas nyon mongs pa bltos par bya ba yin pa nyid du khas blangs pa de'i tshe de dag la mi bltos pa'i bral ba'i mtshan nyid kyi dngos po med pa med pa'i phyir yang gnas pa'i 'geg pa de med do/ /de'i phyir sngar brjod pa kho na thar pa'i mchog yin no/ /gang yang ji ltar dngos po rnams kyi skye ba med pa nyid thar pa yin te/ mtshan gzhi dang mtshan nyid yod pa nyid kyis de nyid ma grub pa'i phyir ro/ /gang gis gzugs la sogs pa rnams skye ba med pa yin na gzugs su rung ba dang/ nyams su myong ba dang/ mtshan mar 'dzin pa la sogs pa'i mtshan nyid de kho na nyid du rig pa ma yin no zhes zer ba de la/ mtshan gzhi dang mtshan nyid ma grub par bstan par 'dod nas mtshan gzhi las mtshan nyid grub ces bya ba la sogs pa

  785. 393a

    smos so/ /dgongs pa ni 'di yin te/ gang gi phyir sgrub par byed pa gang zhig rang nyid grub pa'i khang bzangs kyi steng du 'dzegs nas de nyid gzhan ma grub pa sgrub par byed par nus pa yin gyi 'di dngos po rnams skye ba dang ldan pa nyid du bsgrub par bya ba la sgrub byed nyid du bstan pa na chan gzhin? dang? mchod nyid 'ong griub? pa ni ma yin te/ 'di ltar re zhig mtshan gzhi dang mtshan nyid las 'das pa'i de'i dngos po gzhan srid pa ni ma yin te/ de gzhan yin na ji ltar 'di dag de dag gi zhes bya ba'i 'brel pa gzhan 'dod pa gzhan yin la de la yang 'di'i don gzhan nyid du khas len na/ ji ltar de dang de dag 'brel pa yin zhes de la yang de ltar kho na yod pa nyid du rtog pa na thug pa med pa nyid kyis rtogs pa med par thal pa'i phyir ro/ /de dag kyang rang las grub pa ma yin te/ gang gi phyir mtshan gzhi las mtshan grub mtshan las mtshan gzhi grub ste/ zhes bya bar sbrel bar bya'o/ /gang gi phyir gang gis mtshan gzhi mtshon par byed pa de ni mtshan nyid ces bya ba yin gyis mtshan gzhi la mtshan gzhi nyid du mtshon par mi byed pa'i mtshan nyid du mtshan par mi byed pa'i mtshan nyid de mtshan gzhi nyid du mtshon pa ni ma yin no/ /de ltar re zhig mtshan gzhi la rag las nas mtshan nyid grub pa yin no/ /mtshan gzhi yang mtshan nyid la bltos nas grub pa yin te/ 'di ltar gang zhig mtshan nyid kyis mtshon par bya ba de ni mtshan gzhi zhes bya ba yin gyi/ mtshan nyid de lta bus nye bar mtshon pa ni mtshan gzhi de'i mtshan gzhi nyid du nye bar mtshon pa ni ma yin na/ /de lta bas na de dag rang nyid las grub pa ma yin no/ /'on te de dag rang las grub pa ma gyur mod/ 'on kyang phan tshun bltos pa nyid las grub pa yin no zhe na/ gcig las gcig kyang ma grub ste zhes bya ba

  786. 393b

    smos te/ gang gi phyir/ ma grub ma grub grub byed min te/ gang gi phyir phan tshun bltos pa na gnyis pa dag grub par 'dod na gcig kyang grub pa ma yin te/ de'i phyir mtshan gzhi ma grub pa ni mtshan nyid ma grub pa'i sgrub byed ma yin pa la mtshan nyid ma grub pa yang mtshan gzhi ma grub pa'i ma yin no/ /de lta bas na ces las kyang mtshan gzhi dang mtshan nyid grub pa ma yin no/ /de las cir 'gyur zhes dgos pa la ma grub ces bya ba la sogs pa skabs kyi don la sbyar ba'i phyir yang gdon par bya'o/ /des na don ni 'di yin te/ ma grub pa'i mtshan gzhi dang mtshan nyid gang yin pa de yang ma grub pa'i skye ba dang/ ldan pa'i grub byed nges pa skyed par byed pa ni ma yin no zhes bya ba'o/ /rig pa 'di nyid rgyu dang 'bras bu nyid la sogs pa gzhan dag kyang dngos po rnams skye ba dang ldan pa nyid du bsgrub par bya ba la sgrub byed nyid du gzhan dag gis nyes par sbyar ba dag ma grub pa nyid du brjod pa'i phyir/ gzhan la bsgre ba bstan pa'i phyir/ 'dis ni rgyu dang 'bras bu dang/ zhes bya ba la sogs pa smos so/ /de la re zhig rgyu dang 'bras bu nyid ni rgyu dang 'bras bur mngon par 'dod pa'i dngos po las phyi rol tu gyur pa ma yin te/ snga ma bzhin du thug pa med par thal bar 'gyur ba bzlog dka' ba'i phyir ro/ /dngos po de dag kyang de nyid du rang las grub pa ma yin te/ gang gi phyir rgyur grub pa ni 'bras bu las yin la/ 'bras bu'i yang rgyu las yin no/ / gang gi 'bras bu byed pa de ni rgyu zhes bya ba yin gyi 'bras bu nyid du ma rtogs na rgyu de nyid du rtogs par 'gyur pa yang ma yin no/ /de bzhin du rgyus bskyed par bya ba 'bras bu yin gyi rgyu la rgyu nyid du nye bar ma mtshon

  787. 394a

    pa na 'bras bu la 'bras bu nyid du yongs su gcod par 'gyur pa yang ma yin no/ /gal te rjes su 'gro ba dang ldog pa rtogs pa gnyis pa dag gi rgyu 'bras nyid rtogs par bya ba yin gyis phan tshun bltos pa ma yin no/ /zhe na ma yin te/ rjes su 'gro ba sgrub par byed pa dang ldog pa sgrub par byed pa'i tshad ma ni gcig gam du ma mi srid pa'i phyir ro/ /ji ltar yang de mi srid pa de ltar sems gcig las yang mi 'thad la/ du ma la yang mi 'thad do zhes bya ba'i nang 'dir bshad pa yin no/ /de'i phyir de dag grub pa la phan tshun bltos pa srid pa'i phyir rang las grub pa ma yin no/ /'o na ni phan tshun bltos pa nyid du 'gyur ro zhe na de? yang rigs pa za yin te de nyid du gcig kyang ma grub pa ma yin na/ de las gzhan gyi sgrub par byed pa nyid du mi srid pa'i phyir ro/ /de lta bas na rang dang phan tshun las ma grub pa'i rgyu dang 'bras bu nyid 'di ni gzhan skye ba dang ldan pa nyid ma grub pa'i sgrub byed ma yin no/ /zhes bya ba 'di gnas pa yin no/ /de ltar bya ba dang byed pa po nyid dang byed pa po dang las nyid kyang 'di la sgrub par byed pa ma yin no zhes bstan pa'i phyir/ tshor ba tshor ba po sogs dang zhes bya ba la sogs pa sems so/ /gal te yang tshor ba las tha ngad par bdag la sogs pa gzhan gyis yongs su brtags pa'i tshor ba po ni shin tu med pa de lta na yang nag pa la sogs pa kun rdzob tu der khas blangs nas gtan tshigs su bstan pa 'di la bsgre bar rnam par bzhag par bya ba yin no/ /'di dag rang rig pa dang dbang po'i mngon sum dag gis/ yang dag par khong du chud pa'i ngo bo dag yin yang bya ba dang byed pa po nyid du tshad med pa de dag gis rtogs par bya ba yang ma yin te/

  788. 394b

    de ni phan tshun bltos pa kho nas ltogs par bya ba yin pa'i phyir ro/ /byed pa pos bsgrub par bya ba'i ngo bo bya ba yin te/ de yang byed pa por mngon par 'dod pa la byed pa po nyid du ma rtogs na rtogs par nus pa ma yin no/ /de yang bya ba sgrub par byed pa nyid kyis byed pa po yin pa'i phyir bya ba rtags pa la bltos pa kho nas byed pa po nyid du rtogs pa yin no/ /de'i phyir de dag ni de'i ngo bor rang las rtogs par bya ba yin no/ /phan tshun las kyang ma yin te/ de lta na gcig ma grub pa la yang gzhan du sgrub par byed pa nyid du mi rigs pa'i phyir ro/ /de lta bas na tshor ba dang tshor ba po zhes bya ba rang dad phan tshun las ma grub pa'i gtan tshags 'di yang skabs kyis skye ba dang ldan pa nyid kyis gtan tshigs ma yin no/ zhes bya bar gnas pa yin no/ /de ltar byed pa po dang las nyid kyi bdag nyid lta ba po dang lta bar bya ba nyid kyang sgrub par byed pa nyid kyang sgrub par byed pa nyid ma yin par sbyar bar bya'o/ /sgra gnyis po dag gis 'di 'tshed pa po dang 'tshed pa dang nyan pa po dang/ mnyan bya nyid la sogs pa'i gtan tshigs gzhan dag kyang rigs pa thun mongs pa nyid kyis ma grub pa'i phyir/ /skabs kyis bsgrub bya sgrub par byed pa'i nus pa dang bral ba nyid du nye bar brjod par bya'o/ /gal te gang yang dngos po rnams rang bzhin gyis skye ba dang 'gag pa med pa dag yin na/ 'o na ni de dag yid pa ma yin zhing gang dag yod pa ma yin pa de dag kyang dus gsum du 'jug pa nyid du tha snyad bya

  789. 395a

    bar mi nus par 'gyur na/ tha snyad kyang byed pa yin no/ /de'i phyir de'i tha snyad gzhan du mi 'thad pas skye ba dang 'gag pa dang ldan pa'i dngos po rnams yin pa'i de'i phyir ji ltar na rang bzhin nyid kyis skye med cing/ 'gag med gang de thar min nam/ zhes rjod par byed snyam du sems na/ de la dus gsum nyid med do zhes bstan pa'i phyir bdag nyid ma grub mi gnas shes pa la sogs pa smos so/ /gang gi phyir dus shes bya ba dngos po las don gzhan du gyur pa zhig yin nam/ don gzhan du ma gyur pa zhig yin grangs/ don gzhan du gyur pa de yang ci gcig yin nam/ du ma yin de la re zhig don gzhan du gyur pa ni ma yin te/ bdag nyid de rang nyid dngos po'i bdag nyid ma yin par gyur pa rang gi ngo bo nyid du ma grub phyir te tshad mas khong du ma chud pa'i phyir ro/ /de ltar khas blangs pa na yang gcig ma yin te/ mi gnas phyir te de gcig tu zhes bya ba ni lhag ma'o/ / gang gi phyir rnam pa gsum du tha snyad bya ba de ni gcig nyid du rnam par gnas pa ma yin no/ /'o na ni du mar 'gyur ro zhe na/ de yang rigs pa ma yin te/ phan tshun grub phyir dang/ 'tshol phyir zhes bya ba'i gtan tshigs gnyis po dag gis so/ /gang gi phyir 'das pa dang/ da ltar ba dang ma 'ongs pa dang/ de ltar rtogs par bya ba rnams re re zhing de las gzhan grub pa la rag las na grub pa dag yin te/ de ltar yang/ ma 'ongs pa dag de ltar nyid du rtogs pa med par ni 'das pa'i dus de ltar rtogs par nus pa ma yin na 'das pa'i ngo bo rtogs pa med na da ltar dang ma 'ongs pa dag rang gi bdag nyid du yang ma yin no/ /de ltar gzhan la

  790. 395b

    yang brjod par bya'o/ /de phyir gcig la gcig brten pa nyid kyis gcig kyang ma grub pa de'i phyir ji ltar 'di du ma'i bdag nyid du yang grub pa yin/ 'di dag ni 'tshol pa yang yin te/ 'di ltar da lta nyid la bltos nas gang da ltar ba de nyid 'das pa la bltos nas ma 'ongs pa nyid yin te/ de la bltos pas 'di 'byung ba 'gyur ba yin/ /ma 'ongs pa la bltos nas 'das pa yin te/ de la bltos nas 'das pa'i ngo bo yin phyir ro/ /de ltar gzhan du yang bltos pa'i dbye bas gsum nyid yin/ /de ltar 'tshol pa'i phyir yang 'di du ma nyid yang dag par ma gyur pa nyid do/ /de'i phyir 'di ltar dngos po las don gzhan du gyur pa'i dus gcig gam du mar ma grub pa yin no zhes bya par rnam par gnas pa yin na/ gang zhig dngos pho nyid skyes la 'gag pa dang/ skyes la ma 'gag pa dang/ ma skyes pa las 'das pa dang/ da ltar dang ma 'ongs pa'i bdag nyid dus kyi dbye ba yin pas sems pa de las yang 'di dngos po pa nyid du ma grub po zhes bstan pa'i phyir gtan tshigs bstan pa ni dngos po med phyir yod min te zhes bya ba'o/ /gang gi phyir gal te dngos po nyid 'ga' zhig dngos po pa nyid yin pa de'i tshe 'di gnas skabs kyi dbye pa la brten nas dus gsum gyi bdag nyid du rnam par bzhag par bya ba yin na 'di yod pa yang ma yin/ de ni sngar kho na 'thad pa mang po'i sgo nas rang bzhin stong pa nyid du nye bar bstan pa'i phyir ro/ /gal te dngos po las don gzhan du gyur pa'am/ don gzhan ma yin par gyur pa'i dus kyi dbye ba dngos po pa nyid du yod pa ma yin na/ de'i tshe 'jig rten na thog ma med pa'i brgyud pa nas grags pa de la brten pa'i tha snyad 'di ji ltar yin snyam du dogs pa

  791. 396a

    bsal ba'i phyir/ dus gsum nyid ni rtogs pa tsam zhes bya ba smos so/ /thog ma med pa'i brdzun pa'i rnam par rtogs pa/ goms pa'i bag chags las byung ba can dus gsum mo snyam pa de lta bu'i rnam par rtog pa nyid 'ba' zhig ma yin kyi dngos po'i nye bar lan pa can ni/ ma yin no zhes brjod pa yin no/ /gang yang skye ba dang 'gag par bya ba'i ngo po dag spong ba yin na 'dus byas spangs par 'gyur la/ de spangs nu yang 'dus byas kyi mtshan nyid gsum po rnams spongs bar 'gyur na de dag ni spang bar nus pa yang ma yin zhes zar ba de la/ gang phyir skye dang gnas dang 'jig ces bya ba la sogs pa smos so/ /'dus byas mtshan nyid ces bya bar rigs la gcig gis tshig yin la/ rigs kyang gsal ba mdza' dag 'phen par 'jug pa yin no/ /de'i phyir 'dus byas kyi mtshan nyid rnams zhes bya ba'i don du gnas yin no/ /de ltar 'dus byas kyi mtshan nyid rjes su brjod nas spang pa'i phyir/ /'di gsum med ces bya ba la sogs pa smos so/ /gang gi phyir 'chad par 'gyur ba'i rigs pas 'di gsum yod pa ma yin zhing de'i sgo nas 'dus byas nyid kyang yod pa ma yin no/ /'dus byas dang 'dus ma byas dag phan tshun spangs pas gnas pa'i phyir gcig dgag pa ni gzhan sgrub par byed na med pa'i phyir zhes bya ba'i rigs pas 'dus ma byas nyid yod pa nyid du lus pa yin na de yang ci yang yod pa ma yin te gzhan gyis khas blangs pa'i don byed nus pa'i mtshan nyid kyi yod pa ni de la mi rigs pa'i phyir snyam du sems pa'o/ /'di skad bstan pa yin te/ gal te 'dus byas kyi mtshan nyid

  792. 396b

    gsum gdon mi za par khas blangs par bya bar yod par gyur pa de'i tshe de'i byed pa'i gnas 'dus byas kyang yod pa nyid du khas blang par bya bar 'os par gyur na 'di gsum ni gdon mi za par khas blang par bya bar yod pa can yang ma yin te/ de'i byed pa ni ji ltar yang 'thad ba ma yin pa nyid yin pa'i phyir ro/ /'di nyid bstan pa'i phyir/ ma zhig ces bya ba la sogs pa smos/ /'dis ni 'di skad bstan pa? gal te 'dus byas skye ba dang/ gnas pa dang/ 'jig pa rang yin la de'i tshe de'i mtshan nyid kyang de dag rab tu sbyor du 'jug pa nyid kyis byed pa dang ldan pa nyid du gdon mi za bar khas blang bar bya bar yod par 'gyur na/ de'i tshe skye ba dang gnas pa dang/ 'jig pa yang ma yin no/ /gang gis skyes pa ni skye ba ma yin te/ skye ba'i bya ba rdzogs pa nyid yin pa'i phyir ro/ /ma skyes pa yang ma yin te/ gang zhig ri bong gi rwa bzhin du skye ba'i bya ba'i dgag pa grub pa yin no/ /gal te gang la skye ba la rgyu med pa mi skye pa'i chos can gyi ma skyes pa de ni skye bar mi 'gyur du chug na/ gang la skye ba la rgyu yod pa skye ba'i chos can gyi ma skyes pa de ni ci'i phyir skye bar mi 'gyur zhe na/ de yang skye ba ma yin te/ /de'i rgyur mngon par 'dod pa ni rgyu ma yin pa dang mtshungs pa'i phyir ro/ /'dir yang rigs pa ni/ yod pa'i 'bras la'ang 'bras ldan rgyu zhes bya ba la sogs pa lan mang du bstan zin te/ /de ltar gnas pa dang mi gnas pa dang/ zhig pa dang ma zhig pa'i yul gyi dbye bas gnas pa dang 'jig pa mi rigs par bshad par bya ba yin no/ /de'i phyir skye ba la sogs pa 'dus byas kyi mtshan nyid gsum ni byed pas stong pa'i phyir rang bzhin stong pa nyid yin te de'i nyuM? phyir

  793. 397a

    rjes su 'brangs nas kyang 'dus byas dngos po pa nyid du khas blang par 'os pa ma yin no/ /gang gi phyir de ltar 'dus byas dang 'dus ma byas sna tshogs nyid rang bzhin nyid med pa nyid de/ de'i phyir du ma dang gcig nyid la sogs pa'i rnam par rig pa rnams kyang de la brten pa nye bar len pa med pa rnams nyid yin no/ /'dus byas dang 'dus ma byas nyid kyi mtshams las phyi rol du gyur pa nyid du dngos po srid du yang ma yin zhing thams cad 'di kho na 'dus pa yin pa'i gzod ma nas zhi ba nyid kho na rigs pa dang ldan pa'i thar pa yin no zhes bstan pa'i phyir/ 'dus byas ni 'dus ma byas zhes bya ba la sogs pa smos te/ 'phags pa'i 'di'i don rtogs par zod do/ /'dir thams cad gang zhig 'dus par 'dod pa de ni phyogs snga ma bkod pa sdon du 'gro ba can gyi grub pa'i mdza' bstan pa'i sgo nas bsal bar bya ba'i phyir/ bla ma bcom ldan 'das zhes bya ba la sogs pa smos/ /gal te 'dus byas dang/ 'dus ma byas thams cad rang bzhin stong pa nyid yin pa de'i tshe las kyang 'dus byas kyi nang du gtogs pa'i phyir de ltar gyur na yang ma yin te/ 'di ltar bla ma ste 'jig rten gsum gyi ston pa gcig bu'o/ /bcom ldan 'das zhes bya ba ni/ dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs pa las drug po de la ldan zhes brjod/ /cas bya ba bcom ldan 'das kyis sgra'i brjod par bya ba yon tan ma lus pa 'phen par byed pa'i yon tan drug dang ldan pa'i sangs rgyas so/ /des par rnam par smin par byed pa yin pI phyir las gnas shing nye bar bstan pa'o/ /de yang rnam pa gsum ste/ mthong ba'i chos la myong par 'gyur ba dang/ skyes

  794. 397b

    gnas myong bar 'gyur ba dang/ lan grangs gzhan la myong bar 'gyur ba'i dbye ba ste/ ji skad du/ nges pa dang ni ma nges las/ /nges pa yang ni rnam gsum ste/ /mthong ches la sogs myong phyir ro zhes bstan pa lta bu'o/ /de bzhin du/ las bdag dang ni 'bras bu dang zhes bya ba ste/ gnas pa dang gsung zhes bya ba dang sbrel par bya'o/ /'dir bdag nyid kyi sgra ni rang bzhin brjod do/ /des na 'di skad bstan pa yin te/ gang yang las rnams kyi bdag nyid gnas pa ste/ mtshan nyid nges pa ni 'di lta ste/ yid kyi ni sems pa'o/ /lus dang ngag gi ni sems pas kun nas bslang ba nyid de/ sems pa yid kyi las yin te/ des bskyod lus dang dag gi las zhes gang bstan pa'o/ /rang gi don la bka' sgrub pa'i phyir de ni las kyi bdag nyid do/ /de'i 'bres bu ste/ las gcig tu gnag pa rnams kyi bdag nyid smin pa ni gcig tu gnag pa'o/ /gcig tu dkar ba rnams kyi rnam par smin pa ni gcig tu dkar ba'o/ /'dren ma rnams kyi rnam par smin pa ni 'dren ma'o zhes bya ba'i dbye bas gnas pas nye bar gnas pa yin no/ /'jig rten ni las bdag gir bya ba yin no zhes gsungs pas las nyid rang gi bdag nyid du bya ba rtag tu dbang sgyur pa yin te/ 'jig rten gzhan du rjes su 'brang ba'i be'u lta bu gang dag yin pa de dag ste/ de dag ni sems can dag bya ba gsung zhes bya ba sbrel bar bya'o/ /de bzhin du/ las rnams bskal ba brgyar yang ni/ /chud mi za ba nyid yin te/ tshogs shing dus la babs pa na/ lus can rnams la 'bras bu smin/ zhes gsung pa las rnams chud mi za bar gsungs pa'o dang po na tha ma dag tu gsungs zhes bya ba'i tshig gnyis nye bar bzung ba ni dbus su yang de sbyar ba'i don du'o/ /de lta bas na gal te las kyang stong pa nyid yin na 'di de ltar bcom

  795. 398a

    ldan 'das gsung bar mi 'gyur ba zhig na zhes bstan pa yin no/ /grub pa'i mdza' smra ba ni/ las gsungs te gang phyir ma skyes zhes bya ba la sogs pa smos te/ gang las gnas pa zhes bya ba 'di lta bu'i rang bzhin can zhes bya pa'i/ sems can rnams kyi las bdag gir zhes bya ba 'bras bu ma byin par chung mi za zhes bya bar gsungs pa ni 'jig rten gyi tha snyad kyi dbang gis te/ de ni gang gi phyir ma skyes/ mi 'jigs pa de'i phyir/ de kho na nyid du rang bzhin med ces tshig sbrel te sbyar bar bya'o/ /sgyu ma la sogs pa bzhin du brten nas skyes pa'i phyir/ gang zhig de kho na nyid du skye ba dang 'gag pa mi rigs pa de ni ji ltar rang bzhin dang ldan pa nyid ces gsungs par 'gyur te/ de la 'di snyam du sems te/ gal te rang bzhin med pa'i las de'i dbang gis ji ltar bdag nyid kyi dngos po yongs su 'dzin pa yin zhes na/ 'dir lan bstan pa ni/ /de skyes bdag 'dzin de 'dzin med ces bya ba'i las las skyes pa nyid du mngon par 'dod pa dag nyid kyi dngos po yongs su 'dzin pa gang yin pa de yang de kho na nyid du de yongs su 'dzin pa med pa de kho na'o/ /gang las shes na/ de yang rnam par rtog pa las yin zhes bya ba smos so/ /yang ni gang gis phyir gyi don te/ gang gi phyir las las skyes par mngon par 'dod pa bdag nyid kyi dngos por snang ba gang yin pa de ni thog ma med pa'i ma rig pa'i bdag nyid kyi rnam par rtog pa kho na las yin gyi dngos po nyid ngon yin te/ rab rib kyi rgyu mchen skra shad 'dzings pa dang zla ba gnyis pa la sogs pa lta bu'o/ /'di nyid kyang khyod kyis kyang gdon mi za bar khas blang bar bya ba yin te/ gzhan du gal te las ni rang bzhin du gyur zhes bya ba rgyas par ro/ /dgongs pa

  796. 398b

    ni 'di yin te/ gang zhig rten 'brel ma yin pa de ni rang bzhin gyis yin zhes bya bar rigs pa yin te/ rgyu dang rkyen las skyes pa ni sgyu ma la sogs pa bzhin du yang dag par ma skyes pa nyid kyis rang bzhin med pa'i phyir ro/ /gal te las kyang 'brel pa ma yin te/ der 'gyur ba na gzhan la bltas pa med pa'i phyir rtag tu ba nyid du 'gyur ba de'i phyir des skyed par bya ba mngon par 'dod pa lus kyi dngos po yang rgyu ma tshang pa med pa nyid kyis rtag pa nyid du 'gyur ro zhes bya ba ni nyes pa gcig ste/ gang gi phyir khyod kyis rtag pa nyid dngos po'i chos nyid du mi 'dod do/ /las dang las kyi 'bras bu rtag pa nyid yin na ni/ las kyang sdug bsngal rnam smin can mi 'gyur zhes bya ba nyes pa gnyis pa dang/ de'i phyir bdag tu 'gyur te bdag med pa ma yin zhes bya ba'i nyes pa gsum pa yin te/ mi rtag kho na las sdug bsngal ba nyid dang/ bdag med pa nyid du 'dod pa'i phyir ro/ /gang gi phyir rtag pa ni 'du byed dang/ 'gyur ba'i sdug bsngal dag dang/ bdag med par 'brel pa 'am/ khyod kyis khas blangs pa yang ma yin te/ gang mi rtag pa de ni sdug bsngal ba yin la/ gang sdug bsngal pa de ni bdag med pa yin no zhes bya bar grub pa'i mdza' yin pa'i phyir ro/ /gal te de yang sgyu ma la sogs pa bzhin du brten nas skyes pa'i phyir de kho na nyid du rang bzhin med par khyod kyis khas len na de'i phyir ji skad bshad pa'i nyes par thal pa ma yin te/ gang gi phyir/ gang brten nas skyes pa de ni mi rtag pa nyid yin la/ gang mi rtag pa de ni sdug bsngal ba yin la/ gang sdug bsngal pa de ni bdag med pa yin zhes stong pa nyid du smra bas kyang kun rdzob kyi bden pa la mi bsnyon pa'i phyir khas len pa nyid do/ /de'i phyir las ni rkyen skyes ci yang med ces rgyas par ro/ /gang gi

  797. 399a

    phyir las brten nas skyes par khas len na/ sgyu ma la sogs pa bzhin du de kho na nyid du skye ba med cing 'gag pa med pa'i phyir dang/ brten nas ma skyes pa la ji skad gshad pa'i skyon gsum du thal pa'i go rim bzhin du/ 'phags pa gnyis po dag gis de ma thag tu rang bzhin med pa nyid du brtan pa de'i phyir/ las ni rkyen skyes ci yang med/ /rkyen las skyes min yod min te/ /de kho na nyid du zhes bya ba lhag ma'o/ /'on te de las rab tu spangs na rigs pa thun mong pa nyid kyis de'i rgyu nyid du 'dod pa'i nyon mongs pa dang/ de gnyis ka'i rgyu mtshan can gyi skye ba yang rab tu spangs par 'gyur ba ma yin nam/ de'i phyir 'du byed 'di gang dag gis 'du byed pa dang/ gang dag 'du byed pa bye brag tu sgrub pa'i dbye bas dngos po rgyu dang 'bras bu'i bdag nyed rnams so sor snang ba'i spyod yul du 'gro ba ji ltar 'gyur snyam du dogs pa bsal ba'i phyir/ 'du byed rnams ni sgyu ma dang zhes bya ba la sogs pa smos so/ /ji ltar dri za'i grong khyer la sogs pa yang dag par yod pa ma yin pa rnams kyang brten nas byung ba'i ngo bo nyid du log par snang ba'i bdag nyid kyis snang ba de bzhin du 'du byed thams cad kyang yin te/ gang gis na de dag nyid yang dag par yod pa nyid du rnam par bzhag pa las rgyu mtshan lhag ma mthong ngo zhes dgongs pa yin no/ /'di dag nyid gsal bar byed pa'i phyir/ las ni nyon mongs rgyu mtshan can/ / zhes bya ba rgyas par smos so/ /gang gi phyir dri ba'i grong khyer la sogs pa bzhin du 'du byed thams cad rten cing 'brel par 'byung ba yin pa'i phyir dngos po nyid du med kyang brdzun pa'i rnam pa nyid du snang ba de nyid kyi phyir

  798. 399b

    las 'ba' zhig stong pa'i nyid du dpyon pa'i skabs su bang pa yin yang rigs pa thun mong nyid kyis/ gsum ga yang ngo bo nyid kyis stong par dpyod pa yin no snyam du dog pa yin/ /gsum ga zhes bya ba gang yin zhe na/ nyon mongs pa dang/ las dang/ lus zhes bya ba yin no/ /sngar 'du byin ces brjod pas gtso bo yin pa'i phyir 'di dag nyid tsam sngar bstan pa'i bye brag tu dbye bas bsdus pa yin pa'i phyir ro/ /de la byed pa sgrub pa bstan pas nyon mongs pa dang las dag ni rgyu nyid du bstan te/ nyon mongs pa ni las kyi rgyu yin la/ las kyang lus kyi yin pa'i phyir ro/ /de nyid kyi phyir/ las ni nyon mongs la rgyu mtshan can zhes bya ba dang/ lus ni las kyi rgyu mtshan can zhes bya ba smos so/ /'di ji ltar rtogs par yin zhe na/ 'du byed nyon mongs pa las bdag nyid ces bya bar smos so/ /'di ni gang gi phyir gyi don te/ gang gi phyir las dang nyon mongs pa'i bdag nyid kyi 'du byed kyi rnams te/ rgyu rnams ni grub pa'i mdza' las bstan to zhes bya ba dgongs pa'o/ /da ltar yang/ srid pa'i rtsa ba phra rgyas yin/ las las 'jig rten sna tshogs skyes zhes bya ba bstan to/ /'dir rtsa ba'i rgyu las kyi rgyu yin par rtogs par bya'o/ /las sgrub pa bstan pa ni lus gtso bar las kyi 'bras bu nyid yin la de las gzhan longs spyod dang gnas kyi dngos po la sogs pa ni de'i yan lag nyid kyis yin no/ /de nyid kyi phyir yang de nyid kyis de 'phen par grub pa'i phyir logs shig tu ma smos te/ rgyal po 'ongs zhes ston pa na de'i 'khor logs shig tu ston par mi byed pa lta bu'o/ /de bas na 'di ltar rang bzhin stong pa nyid du rnam par dpyod pa'i skabs su bab na de dang rjes su 'brel pa'i dbang gis

  799. 400a

    'du byed thams cad rang bzhin stong pa nyid du nye bar bstan pa yin la/ skabs su bab pa'i las rang bzhin med par mthar phyin pas/ rang bzhin nyid kyis skye med cing/ 'gag med gang tshe mthar min nam zhes bya ba skabs kyi rang gzod ma nas zhi ba'i mtshan nyid mya ngan las 'das pa'i gzhung gzugs la ches shig tu grub po zhes bstan pa'i phyir/ las mod na ni byed po med ces bya ba la sogs pa smos so/ / las ni bya ba dra yin la de yang byed pa por med par mi rigs pa'i phyir de bdag nyid yod na byed pa po yang yod par 'phen par byed do/ /de byed pa dang ldan pa 'di de ni 'bras bu med pa ma yin la/ 'bras bu yang longs spyod pa po rnams kyang de nyid thob pa med pa'i phyir las dang byed pa po yod pa ni 'bras bu dang longs spyod pa po'i yod pa 'phen par byed do/ /yang gang gi tshe bstan zin pa'i rigs pas rang bzhin stong pa nyid kyi las nyid yod pa ma yin pa de'i tshe der med bas der 'brel par 'jug par byed pa po dang 'bras bu dang longs spyod pa po rnams kyang med pa yin pa de bas na dpen pa yin te/ rnam par dpan pa nyid yin zhing rang bzhin stong pa nyid de/ gzod ma nas zhi ba nyid kho na mthar phyin pa nyid do/ /de nyid kyang sngar thar par rnam par bzhag pa yin pas stong pa nyid smra ba la 'gal pa cung zad kyang yod pa ma yin no/ /gal te gzod ma nas zhi ba nyid kho na thar pa yin no/ /'o na ni de bsgrub par bya ba ma yin pa de'i phyir stong pa nyid smra ba la lam goms pa'i 'bad pa don med pa nyid do zhe na/ ma yin te/ gang gi phyir las stong par ni yang dag par zhes rgyas par ro/ /'di ltar rtogs pa yin te/ gal te don dam par rten

  800. 400b

    cing 'brel par 'byung ba skye ba med pa de ltar na/ yang de kun rdzob tu yang de ltar ma yin te/ gang gi phyir ma rig pa ni kun rdzob yin te/ de kho na nyid la sgrib par byed pa'i phyir ro/ /'di na yang dag min dngos kyang/ /yang dag nyid du snang gang nga/ ma rig de nyid kun rdzob yin/ /de yi skye bar yang dag 'dod/ /de ltar yang/ rgyu dang rkyen las skyes dngos rnams/ /yang dag par ni rtogs pa gang/ /de ni ston pas ma rigs gsungs/ /de las yan lag bcu gnyis 'byung zhes 'chad par 'gyur ro/ /de bas na 'di ltar skye ba'i rim pa mi 'gal ba yin na/ 'gog pa'i rim pa yang mi 'gal ba nyid yin te/ dngos stong shes nas yang dag pa/ /mthong phyir ma rig mi 'byung ba/ /de ni ma rig 'gog pa yin/ /de'i phyir yan lag bcu gnyis 'gag ces 'chad par 'gyur ro/ /de'i phyir stong pa nyid du lta ba la kun rdzob kyi bden pa skye ba dang 'gag pa dag mi 'gal ba'i phyir ro/ /pha rol pos lam goms pa'i 'bad pas 'bras bu med pa'i nyes pas thal par 'gyur ba smra ba la lan 'debs par 'dod pas/ las stong par ni yang dag par zhes bya ba la sogs pa'i lan bstan pa gang yin pa de ni rigs pa nyid yin te/ 'di ltar tshogs dang sbyor ba'i lam rnams med par las yang dag par stong par rnam par shes par mi 'gyur te/ de la chos mchog gi gnas skabs su nem nur med par stong par rnam par shes na de ma thag tu de nyid mthong ba'i phyir dang lam mi 'byung ste/ ma rig pa 'gag pas 'gog par 'gyur te mi 'jug go zhes bya bar dgongs pa'o/ /de las de med na/ las las rnam par shes pa la sogs pa 'byung ba ste skye ba'o/ /mi 'byung ba ni mi skye ba'o/ /de zhes bya ba lhag ma'o/ /rgyu med pa'i phyir ro snyam du dgongs

  801. 401a

    pa'o/ /de bas na 'di ltar rten cing 'brel par 'byung ba yan lag bcu gnyis lugs las bzlog pa'i rim pa bstan pas kun rdzob tu lam 'bras bu dang bcas par di sgrubs pa yin no/ /'on te don dam par rnam par dpyad na med pa gang yin pa de nyid ma brtags na nyams dga' bar grags pa'i mtshan nyid kun rdzob tu rgyu'i ngo bo nyid dam 'bras bu'i ngo bo nyid du yod do zhes bya bar dngos po gcig la bltos pa'i dbye bas yod pa dang med pa'i bdag nyid du khas blangs pa yin na/ /de yang dpe med par bstan pa'i med par 'ga' zhig gis kyang rtogs par nus pa ma yin zhing 'di la dpe 'ga' zhig kyang yod pa yang ma yin pa de'i phyir 'di ma bstan pa dang 'dra ba kho na ma yin nam/ zhes bya bar phyir rgol ba de la shin tu grags pa'i dpe rab tu bstan pas don 'di nyid bstan par bya ba'i phyir ro/ /ji ltar bcom ldan de bzhin gshegs pa zhes bya ba la sogs pa smos so/ /ji ltar khyod dang kho bo cag la rtsod pa med par grub pa bcom ldan 'das ni chos rnams thams cad kyi ji lta ba de kho na bzhin gnas pa de ni de kho na bzhin du rtogs shing khong du chud pa'am/ yang na thabs dang shes rab gnyis su med pa'i ting nge 'dzin mthar thug pa'i bdag nyid du gyur pa thob pa dang 'brel pas 'khor ba kho na 'am/ mya ngan las 'das pa kho nar ji ltar gnas par mi 'gyur ba de bzhin du mya ngan las 'das pa'i dbyings su gshegs shing thob pa zhes bya ba'i de bzhin gshegs pa sangs rgyas gang yin pa de ni rdzu 'phrul gyis zhes bya ba'i cho 'phrul gyi khyad par gyis gdul bya'i skye ba rjes su bzung nas rjes su mthun pa'i rnam pa'i khyad par sprul pa sprul par mdzad la ste skyed par byed pa'o/ /sprul pa des kyang

  802. 401b

    sprul pa gzhan la yang ste slar yang sprul par byed do/ /de la ste sprul pa de dag gi nang nas de bzhin gshegs pas dngos su sprul pa gang yin pa de dag tu stong pa rang bzhin dang bral ba der sprul pas sprul pa la gtam du brjed pa lta smos kyang ci dgos zhes bya bar bstan pa ni/ sprul pas sprul smos ci dgos zhes bya ba ste/ dpe 'dis de kho na nyid du rang bzhin med la bstan nas de nyid la kun rdzob tu yod pa yin yang mi 'gal zhes bstan pa'i phyir smos pa ni/ de ni gnyi ga yod min te/ sprul pa gnyi ga zhes bya ba'i don to/ /ci yang dag pa nyid du yin nam zhe na/ gang ci yang rung ste zhes bya ba smos te/ dpyad par 'os pa ma yin pa'i ngo bo ni dpyad mi bzod pa'i phyir te kun rdzob bo zhes bya bar dgongs pa'o// // de nyid kyi phyir bstan pa rtogs pa tsam ste 'khrul btsam zhes bya ba'i don to/ /de ltar na rgyu dang 'bras bu'i ngo bor gyur pa nyid kyis dpe la bltos pa'i dbye bas gcig la yang dag par med pa'i ngo bo dang/ kun rdzob tu yod pa'i ngo bo nyid du bstan nas gnyis ka'i ngo bo de nyid don la sbyar bar bya ba'i phyir/ de bzhin zhes bya ba la sogs pa smos te/ byed pa po 'dir de bzhin gshegs pas dngos su sprul pa gang yin pa de dang mtshungs par rtogs par byas te/ skyed par byed pa nyid du mtshungs pa'i phyir/ /las ni de'i sprul pa dang mtshungs pa yin te/ bskyed par bya ba mtshungs pa'i phyir ro/ /byed pa po dang las kyi ngo bo de lta bu gnyis ka de ni de bzhin te rgyu dang 'bras bu'i dngos por gyur pa'i sprul pa gnyis bzhin du/ don dam par rang bzhin gyis ni zhes bya ba rang gi ngo bos stong pa yin par rtogs par bya ba zhes bya ba ltag ma'o/ /de tsam gyis rnam pa thams cad du med pa ni ma yin te/ de ni kun rdzob tu yin no zhes bstan pa'i phyir/ rtogs tsam gang

  803. 402a

    ci zhes bya ba la sogs pa smos te// //de 'dir yang de bzhin zhes bya bar sbyar ro// //don ni snga ma bzhin no/ /'on te las la sogs pa gcig kho nar yod pa nyid med pa nyid du khas blangs nas skyong ba?? ci zhig tu 'gyur/ gang gis ni de spang ba'i phyir bltos pa'i dbye bas gnyi ga'i ngo bor 'dod pa yin zhe na/ gal te rang bzhin gyi las yod ces bya ba la sogs pa smos so/ /gal te gcig kho nar rang bzhin gyis las dang nges nye bar mtshon pa gzhan byed pa po la sogs pa yod par khas blangs pa de'i tshe de'i 'bras bur skye ba'i yang rgyu ma tshang pa med pa nyid kyis rtag pa nyid du 'jug pas de nye bar zhi ba'i bdag nyid kyi mya ngan las 'das pa med pa de'i phyir thar pa la skur ba nyid yin no/ /zhes bya ba dgongs so/ /'on te las dang byed pa po rang bzhin gyis gzhan du gal te med na de'i tshe rgyu med pa'i phyir 'bras bu med pa yin no zhes bya ba'i rigs pas de'i 'bras bu sdug pa dang mi sdug pa yang med pa de'i phyir 'khor bar 'jug pa'i rim pa nyams su myong bas grub pa 'di la bsnyon pa nyid du 'gyur/ /yang sngar bstan pa'i rigs pas skyon 'di gnyis kyi go skabs med pa de'i phyir thams cad legs par gnas pa yin no/ /gang phyir de ltar kun rdzob dang don dam pI bden pI dbye ba la bltos nas yod pa gang yin pa de nyid med pa yin par mi 'gal ba yin pa de'i phyir theg pa gsum gyis bsdus pa'i bstan pa ni gdul bya'i skye bo'i bsam pa'i bye brag gi ngo bor 'jug pa don snga phyi 'gal ba nyid lta bur mngon du snang yang don mi 'gal ba don can kho na'o zhes bstan pI phyir/ yod ces pa yod ces rgyas par smos so/ /yod ces pa 'am ni ji ltar phyi rol gyi

  804. 402b

    tshul la gzugs kyi phung po lta bu'o/ /med ces pa 'am ni ji ltar de nyid rnam par shes pa'i tshul lta bu'o/ /yod med 'am zhes bya ba ni ji ltar rnam par shes pa'i tshul lta bu ste/ bcom ldan 'das kyis bstan par bya ba gang yin pa de kun rdzob dang don dam pa la bltos nas ci rigs par mi 'gal pa'i phyir yod pa nyid do zhes shes par bya'o/ /phyogs gnyis pa dag la yod par zhes bya ba byed pa'i tshig dang 'brel te brjod pa na phyogs gsum pa la yang gi sgras 'phangs pa de dang 'brel par shes par bya'o/ /mchog gi don dam pa la bltos nas ni/ yang med pa zhes bya ba smos te/ med pa yang zhes yang gi sgra rim pa bzhin du sbyar ro/ /ci zhig ces sdig pa la/ yod ces bya ba 'am med ces bya ba 'am/ yod med ces bya ba rnam pa gsum bstan pa ma brjod pa sdus pa'i don can gyi yang gi sgras 'phangs pa rnam pa gsum pa 'gog pa'i bdag nyid rnam pa bzhi par bstan par bya ba dgag pa nyid du 'di sbyar bar bya ste/ gang gi phyir mchog gi dam pa ni rnam pa bzhi po 'di dag gis kyang bstan par 'os pa ma yin te/ de ni mdza' bzhi dag las rnam par grol ba nyid yin pa'i phyir ro/ /de ltar yang/ yod min med min yod med min/ /gnyi ga min pa'i bdag nyid min/ /mdza' bzhi dag las grol ba la/ /dbu ma pa yi dam par rtogs zhes bstan to/ /'phags pa'i zhal snga nas kyis kyang/ /gang blo yod dang med pa las/ /rnam par 'das shing mi gnas pa/ /de dag zab mo dmigs med par/ /rkyen gyi don la rnam par sgom/ /zhes gsungs so/ /'dir yang mdza' gnyis smos pa ni cig car sgrub pa dang dgag pas de las gzhan pa'i mdza' gnyis yod pa yin te/ de'i phyir don gyis

  805. 403a

    'phangs pa nyid kyi mthar phyi ma gnyis ma bstan pa ni mdor bsdus pa brjod par 'dod pa'i phyir ro/ /de kho na nyid ni mdza' bzhi dag las rnam par 'das pa nyid yin te/ gnyis su med cing brjod du med pa nyid kyis tha snyad thams cad las 'das pa nyid yin pa'i phyir ro/ /gal te mcog gi don dam pa ni dag dang rnam par rtog pa las 'das pa'i nyid kyis sangs rgyas rnams kyis kyang bstan par mi spyod pa yin na/ 'o na ni de las gzhan du de dag gi bstan pa rnams 'jug par byed ce na/ sangs rgyas rnams kyis zhes bya ba la sogs pa smros so/ /mchog gi don dam pa gzigs pa'i skyob pa sangs rgyas rnams kyis dgongs nas te/ rigs kyi khyad par la bltos nas dgongs pa'i khyad par gdul bya'i skye bo rjes su bzung ba dang rjes su mthun pa'i dgongs pa la rgyu nyid du brten nas sngon gyi smon lam gyi shugs kyis dbang gis gang gsungs pa bstan pa'i ngo bo'i gsung 'jug pa de ni rtogs par sla ba ma yin pa ste/ rgan po nye bar bsten pa ma byas pa rnams kyis ni rtogs par sla ba ma yin no zhes bya ba'i don to/ /'di skad bstan pa yin te/ gang dag bla ma dam pa nye bar bsten pa de'i dbang gis bsgrubs pa bde bar gshegs pa'i bka' la mkhas pa'i blo gros can yin pa de dag gi de dag rtogs par sla pa yin no/ /de ltar yang bstan bcos mdzad pa po nyid kyis 'dir gnas pa 'am skye 'jigs ces bya ba la sogs pas bstan bcos rtsom pa ni theg pa gsum dang 'brel pa'i sangs rgyas kyi bstan pa'i rgyu bstan pa yin no/ /'di nyid kyi phyir yang de dag gi ni rtogs par sla ba ma yin te/ gang gis phyir de ltar kun rdzob dang don dam pa'i bden pa gnyis la bsten pas mi

  806. 403b

    'ga' bar 'jug pa bde bar gshegs pa'i bka' ma lus pa'i bstan pa 'bras bu dang bcas par nye bar bstan pa yin na yang/ kha cig thog ma med pa'i srid pa brgyud pa nas go mas pa'i bden pa'i dngos por 'dzin pa'i zhen pas mi mkhas pa'i blo can gzugs la segs pa rnams la kun rdzob nyid bzod par mi byed do/ /de nyid kyi phyir bstan bcos mdzad pas kyang de dag la don dam pa nyid du rang gi lugs kyis sngar bsal pa yin yang/ mi 'gyur ba'i nges pa bskyed par bya ba'i phyir de nyid kyi lugs kyis bsal bar bzhed pa na/ gal te gzugs ni 'byung rang bzhin zhes bya ba la sogs pa smos so/ /'byung ba rnams rang bzhin tha mi dad pa'i rgyu gang la yod pa de ni gal te gzugs ni 'byung rang bzhin te/ de kho na nyid du zhes rjes su brjod nas gzugs de zhes bya ba la sogs pa sun 'byin par byed do/ /gzugs de 'byung las shes bya ba ni bdag nyid du gyur ba'i 'byung ba las byung ba ste/ grub pa ma yin no/ 'dir a'i tshig phrad ni dgag pa bsal bar byed pa yin te/ a dang ma dang na dang nA dag ni dgag par byed pa yin no zhes 'byung ba'i phyir ro/ /gang yang sems pa rang bzhin las min ma yin ma ste/ rang gi ngo bor grub pa'i 'byung ba las shes bya ba'i don to/ /des ni gdon mi za bar gzhan du gyur ba'i 'byung ba las byung ngo/ /zhes khas len pa nyid yin zhe na/ 'di la bstan pa ni/ gzhan las kyang min te don gzhan du gyur pa'i 'byung ba las zhes bya ba'i don to/ /gang las shes na/ de med phyir zhes smos te gzhan du gyur pa'i 'byung ba de dag med pa'i phyir ro/ /dgongs pa ni 'di yin te/ dbang po dang yul gyi dbye bas gzugs rnam pa bcu 'byung ba las gyur pa dang/ reg byas

  807. 404a

    bsdus pa 'byung ba rnam pa bzhi'i bdag nyid dngos po bar khas len gang yin pa de ni 'di lta bur brjod par bya ba yin te/ gang zhig 'byung ba'i rgyu can de ni 'byung ba las gyur pa zhes bya ste/ 'di ltar 'byung ba las grub pa ni 'byung ba las gyur pa zhes rjod par byed do/ /'byung ba de dag kyang ci de las don gzhan ma yin par gyur pa 'am 'on te/ don gzhan du gyur pa zhig yin/ de la re zhig don gzhan ma yin par gyur pa dag mi ma yin te/ de dag ni skyed par byed pa nyid du mi rigs pa'i phyir ro/ /de mi rigs pa ni 'bras bu las sngar 'bras bu bzhin du de dag kyang med pa'i phyir ro/ /yang na yod pa nyid de las tha mi dad pa'i phyir 'bras bu yang yod pa nyid yin pa'i phyir ro/ de ni 'bras bu nyid ma yin te/ des phan gdags par bya ba ma yin pa'i phyir ro/ /de ni de'i 'bras bu nyid du 'dod rgyal ba nyid yin na yang de dag kyang de la bltos nas 'bras bu nyid du gur na/ de ltar yang ma yin no/ /de lta bas na don gzhan ma yin par gyur pa'i 'byung ba la bltos nas 'byung ba las gyur pa la mngon par 'dod pa'i gzugs de'i 'bras bu nyid du rig pa ma yin no/ /'on te yang skyon 'di spang ba'i phyir don gzhan du gyur ba'i 'byung ba rnams de'i rgyu nyid du rtogs par byed na/ de yang rigs pa ma yin te/ don gzhan du gyur pa nyid ma grub pa'i phyir ro/ /de ma grub pa'i gzugs las rnam par dbye ba med par gnas pa nyid kyi de dag khyed kyis de'i rgyu nyid du khas len par byed pa'i phyir ro// de ltar yang rnam 'grel mdzad pas brten pa'i gzugs rnam par bshad pa na/ de brten sgra yang rgyu don dam/ yang na rang gi rten dang ni/ dbyer med par ni gnas pa'i phyir/ rten yin gzhan du 'thad ma yin zhes bya ba'i tshig gis

  808. 404b

    'byung ba rnams ni 'byung ba las gyur ba las tha mi dad pa nyid du de'i rgyur bshad pa yin no/ /don gzhan nyid yin na rnam par dbye ba med par rigs pa yang ma yin te/ bum pa las snam bu'i lta bu'o/ /de lta bas na khyed cag gis khas blangs pa kho nas gzhan nyid du ma grub pa'i phyir gzhan du gyur pa'i 'byung ba las kyang 'byung ba las gyur pa byung ba ma yin no/ /zhes bya ba 'di gnas pa yin no/ /gzhan yang gal te yang byung ba las gyur pa la bltos nas 'byung ba rnams kyi rnam par dbye ba med par gnas pa nyid de'i rten nyid du rnam par bzhag pa'i rgyu mtshan nyid du 'dod pa de yang phan tshun bdag nyid du grub pa yin na rigs na de nyid kyang ma grub bo zhes bstan pa ni/ gcig las bzhi nyid yod min zhing zhes bya ba la sogs pa'o/ /dgongs pa ni 'di yin te/ gal te gang gi phyir 'byung ba las gyur pa rnam pa bcur khas blangs pa so sor 'byung ba bzhi'i rang bzhin yin na de'i tshe de'i so sor gcig ni de las tha mi dad pa'i phyir gcig nyid nyams shing 'byung ba bzhin du bzhi nyid du 'gyur na de yang yod pa ma yin no/ /de yod na ni 'byung ba bzhin du mig la sogs pa dang/ gzugs la sogs pa rnams kyang lus kyi dbang po'i bzung ba nyid du thal ba'i phyir dbang po las 'das pa nyid dang dbang po tha dad pa'i bzung ba nyid med par thal bar bzlog par dka' o/ /de lta bas na gcig la bzhi nyid yod pa ma yin no/ /de la 'di snyam du ji skad bshad pa'i skyon du thal ba'i phyir 'byung ba las gyur pa 'byung ba bzhi'i rang bzhin du ma gyur mdo/ /'byung ba bzhi po dag ni 'byung ba las gyur ba'i rang bzhin nyid yin na skyon ci yang med do sems na/ 'di yang yang dag pa ma yin te/ gang gi phyir bzhi la'ang gcig nyid yod min te zhes bya ba'o/ /dgongs pa ni 'di yin te/ gang gi tshe bzhi po dag gis

  809. 405a

    'byung ba las gyur pa gcig gi rang bzhin yin pa de'i tshe de dag de las tha mi dad pa'i ngo bo nyid kyis bzhi nyid nyams shing/ 'byung ba las gyur pa bzhin du gcig nyid kho nar 'gyur na bzhi po dag las gcig nyid yod pa yang ma yin no/ /de dag la de yod pa yin na 'byung ba las gyur pa bzhin du dbang po las 'das pa nyid dang/ dbang po tha dad pa'i bzung ba nyid dag tu ci rigs par thal ba'i phyir lus kyi dbang pos bzung ba nyid med par thal ba la ni gang ba gdab par mi nus pa can du 'gyur ro/ /de lta bas na bzhi po dag ni gcig nyid ma yin no/ /de bas na 'di ltar 'byung ba dang 'byung ba las gyur pa dag phan tshun de'i bdag nyid du ma grub pa'i phyir 'byung ba chen po bzhi po rnams ni 'byung ba las gyur pa'i gzugs las rnam par dbye ba me dpar gnas pa med pa nyid du me dpa yin la/ de dag kyang de lta bur med pa dag la brten nas de rgyu nyid du brten nas 'byung ba las gyur pa'i gzugs ni ji ltar gyur par 'gyur te ji ltar yang ma yin pa nyid do zhes bya ba'i don to/ /de bas na 'di ltar skye ba'i sgo nas 'byung ba las gyur pa dang/ de'i zhar las 'byung ba'i bdag nyid kyi ngo bor dngos po pa nyid du bsal bar mdzad nas shes pa'i sgo nas de nyid sel bar byed pa'i phyir/ shin tu mi 'dzin phyir byar mi rung ba nyid la gtan tshigs bstan pa ni/ shin tu mi 'dzin phyir zhes bya ba la sogs pa smos so/ /gang 'byung ba dang 'byung ba las gyur pa'i dbye bas dngos po pa'i ngo bor khas blangs pa de med ces bya ba yod pa'i tha snyad du byar rung bar mi nus so zhes bya ba'i don to/ /de la re zhig 'byung ba las gyur ba dang dbang po'i bdag nyid kyi gzugs yod pa'i tha snyad byar mi rung ba nyid la gtan tshigs bstan pa

  810. 405b

    ni/ shin tu mi 'dzin phyir zhes bya ba smos te/ rtag tu lkog tu gyur ba'i phyir ro zhes bya ba'i don to/ /'dis ni 'di la mi dmigs pa mngon sum gyi tshad ma mi 'jug pa'i ngo bo gtan tshigs nyid du bstan pa yin no/ /ci ste de la rjes su dpag pa 'jug pa yin no zhes khas len pa gang yin pa de'i 'dod pa'i dngos pa bsu ba'i phyir/ rtags las she na zhes bya ba smos so/ /rtags can gyi don go bar byed pa 'am/ 'dis lkog tu gyur pa'i don go bar byed cing khong du chud par byed pa'i phyir rtags yin la de las yod ces gal te sems so zhe na/ lan bstan pa ni/ rtags de yang med ces bya ste/ de med ces bya ba'i tshig sngar don byas zin pa yang grub pa'i mdza' i gzhung 'dir yang blangs te sbyar bar bya'o/ /gang gi phyir dbang po'i gzugs na ni rtag tu lkog tu gyur pa nyid kyis 'bras bu ldog pa'i sgo nas go bar bya ba nyid du 'dod pas dbang po'i blo rtags nyid du khas blangs pa yin la/ rtags de yang dbang po yod pa'i dus su ni med la gang gi tshe yang yod pa de'i tshe ni dbang po gzugs med pa yin no/ /'di nyid ga las she na/ rgyu dang rkye las skyes phyir te zhes bya ba smos so/ /'di skad bstan pa yin te/ dbang po yod pa'i go byed nyid du 'dod pa'i dbang po'i blo rang dbang can yin nam/ gzhan dbang can yin grang na/ re zhig rang dbang can ni ma yin te/ res 'ga' ba yin pa'i phyir te/ de dang 'brel pa me dpas rtags nyid du mi rigs pa'i phyir dang/ mi 'dod pa'i phyir ro/ /'on te rgyu dang rkyen la rag las te skye ba nyid yi pa'i phyir gzhan dbang yin na de'i tshe dbang po la yang bdag po'i rkyen nyid kyis de la rgyu nyid du khas blangs par 'gyur na/ dus mnyam pa nyid ni de dag bskyed bya dang skyed byed nyid kyi kyang ma yin no/ /de'i phyir rgyur mngon par 'dod pa'i dbang po yod pa'i dus su blo

  811. 406a

    zhes bya ba'i rtags de med pa yin no/ /de las skyon cir 'gyur zhe na/ yod la'ang zhes bya ba la sogs pa smos so/ /dbang po'i gzugs yod cing bdog pa la med cing mi bdog pa ni rtags su yang rigs pa ma yin te/ gang zhig ma grub pas bsgrubs par bya ba de ni mi grub po zhes bya ba'i rigs pas so/ /de lta bas na dbang po'i gzugs rjes su dpag bas go bar bya ba yang ma yin la tshad ma gzhan yang med pa'i phyir ji ltar na yong ba'i tha snyad du byar rung ba yin/ 'dis ni 'byung ba las gyur ba'i dbang po'i gzugs la sgrub par byed pa'i tshad ma mi srid bar bstan pas yod pa'i tha snyad du byar mi rung bar bstan nas 'byung ba dang 'byung ba las gyur pa'i bdag nyid kyi yul gyi gzugs la'ang gong du med ces bya bas dam bcad pa de bstan pa'i phyir/ gal te blo gzugs 'dzin gyur na zhes bya ba la sogs pa smos so/ /gal te dbang po las skyes pa'i blo yul du gyur pa'i gzugs 'dzin par gyur na ste/ mngon sum du gyur na zhes bya ba 'dis ni gzhan dag la grags pa'i mngon sum gyis gzugs 'dzin pa nyid rjes su brjod nas sun dbyung ba'i phyir bstan pa ni/ bdag gis zhes bya ba la sogs pa'o/ /bdag gi rang bzhin nyid rang gi ngo bo kho na blos 'dzin par 'gyur te mngon sum du byed kyi yul gyi ngo bo ni ma yin no zhes bya ba'i don to/ /'di ltar dgongs pa yin te/ gang gi phyir yul kho na mngon sum du bzung bar bya ba nyid du dam bca' bar byed pa gang yin ba de ni gdon mi za bar don dang shes ba dag la dus mnyam pa nyid du bzung ba dang 'dzin pa'i dngos por mngon par 'dod pa yin la 'di ni phan gdags par bya ba dang phan 'dogs par byed pa nyid kyis rgyu mtshan can yang

  812. 406b

    ma yin te/ dus gcig dag la de mi srid pa'i phyir ro/ /de'i phyir de dag gis 'di ma nges pa kho nar 'gyur ro/ /gal te rang gi rigs su skyes pa'i phyir de lta ma yin no zhe na/ ma yin te/ de ltar rnam par gnas pa yin na rang gi rigs su skyes pa nyid du brjod par rigs na/ rnam par gnas pa nyid kyang ma yin te rgyu mtshan med pa'i phyir ro/ /gal te so sor snang ba nyid kyis phyir yul gzugs kho na bzung ba nyid yin no zhe na ma yin te/ de'i tshe shes pa yang so sor snang ba nyid yin pas de yang bzung ba nyid du thal ba'i phyir ro/ /nang dang phyi'i ngo bo nyid du rgyu mtshan gyi khyad par de dag la yod pa bzhin no zhe na/ de ni ma bstan pa dang mtshungs pa'i yin te/ gzugs brnyan snang bas 'khyul pa srid pa'i phyir ro/ /'on te shes pa ni lkog tu gyur pa yin pa'i phyir de'i tshe so sor snang ba nyid ma yin te/ ngon gsal bas rjes su dpag par bya ba yin pa'i phyir ro zhe na/ 'o na ni gsal ba de shes pas bskyed pa yul gyi rang gi chos yin te/ 'di ni ma rtogs par grub pa 'am shes pa yod pa'i sgrab par byed pa yang ma yin no/ /rtogs pa yang shes pa de nyid kyis ni ma yin te/ khyad par ma bzung bar khyad par can du rtogs par mi 'byung ngo/ /zhes bya ba'i rigs pas rang nyid ma rtogs pa'i ngo bo de ni 'di la rtogs par byed pa po nyid du mi rigs pa'i phyir ro/ /de nyid las de rtogs na phan tshun brten pa yin pa'i phyir ro/ /shes pa gzhan la rag las nas grub pa nyid yin na yang thug pa med par 'gyur ba'i phyir ro/ /des na 'dir rig pa kho nar khas blangs par bya'o/ /de ltar na yang shes pa ni de mi 'dzin pa nyid du thal bar 'gyur ro/ /'on te 'di ni shes pa nyid kyi chos yin no zhe na/ 'o na ni 'di shes pa bzhin du nyams su myong bya ba ma gyur la/ de nyams su ma myong yang don kyang nyams su myong bar mi 'gyur

  813. 407a

    pas 'gro ba ma lus pa long ba nyid du 'ongs pa yin no/ /de lta bas na shes pa ni lkog tu gyur par khas blang par mi bya'o/ /lkog gyur ma yin pa nyid na de yang so sor snang ba nyid yin pas de ni bzung ba nyid du thal ba bzlog par bya ba ma yin no/ /'on te de yang shes pa la so sor snang ba yod na yang bzung bar bya ba nyid med pa ni yul la yang de med par 'gyur te/ khyad par med pa'i phyir ro/ /gzung bar bya ba nyid med na yang gang zhig so sor snang ba de ni shes pa nyid yin te/ bde ba la sogs pa lta bu'o/ /de'i phyir yang sngon po la sogs pa rnams ni shes pa'i bdag nyid rnams kho na yin pas shes pa'i bdag nyid las gzhan ni nam yang mi 'dzin pa'i phyir/ blo bdag rang bzhin nyid 'dzin 'gyur zhes bya bar bstan par ni rigs pa yin no/ /de bas na 'di ltar yul gzugs kyi yod pa dgag pa sgrub par byed pa la mi dmigs pa mngon sum mi 'jug pa'i ngo bo bstan nas/ de rjes su dpag pa mi 'jug pa'i ngo bor yang bstan pa'i phyir/ med pa zhes bya ba la sogs pa smos so/ /mdo sde pa dag ni ji skad du bshad pa'i skyon du thal ba'i phyir shes pa dang dus mnyam pa'i don so sor snang ba nyid gzung bar bya ba nyid ni ma yin no/ /'o na ci yin zhe na/ 'dra ba'i shes pa skyed par byed pa yin te/ 'di ltar shes pa nye bar skye ba na rnam par skye ba ni ma yin te/ sngon po la sogs pa rnams la de'i rnam pa nyid du med pa yin na nyams su myong ba med par thal ba'i phyir ro/ /nyams su myong ba ni shes pa chos yin la/ shes pa yang don las don gzhan nyid yin no/ /gzhan gyi chos ni gzhan gyi yin pa yang mi rigs te/ sgron ma gsal ba'i mun pa lta bu'o/ /de lta bas na shes pa nyid rnam pa nyid rnam pa dang bcas pa yin no/ /

  814. 407b

    de yang res 'ga' pa yin pa'i phyir rjes su mthun pa'i rgyu mtshan la bltos pa yin la dbang po la sogs pa rnams ni de la rjes su mthun pa nyid kyang ma yin te/ thun mongs pa nyid yin pa'i phyir ro/ /de bas na shes pa'i rnam pa gdod par byed pa de lta bu'i rnam pa'i rgyu gang yin pa de ni phyi rol te rtag tu lkog tu gyur pa yin yang rgyu nyid yin pa nyid kyis shes pa'i bzung bar kho bo cag gis 'dod pa yin zhes zer ro/ /de ltar smra ba de dag gis don 'di blo'i mtshan nyid kyi 'bras bu ldog pas khong du chud pa nyid kyis de kho na nyid du rjes su dpag pas gzung bar bya bar khas blangs par 'gyur na de de yang rigs pa ma yin no zhes pa bstan pa ni/ med pa la sogs pa ste/ rgyu dang 'bras bu nyid du gyur pa don dang blo'i skad cig dag ni dus tha dad pa yin pa'i phyir/ gang gi tshe don yod pa de'i tshe blo med pa yin la med pa de yang gzugs ni ji ltar 'dzin par 'gyur la zhes spyar te/ ma yin pa nyid do zhes bya ba'i don to/ /yang gang gi tshe dmigs pa la sogs pa'i rkyen las skyes pa ste grub pa'i blo de'i tshe shugs kyis de yod pa yin yang 'gags pa yin pa'i phyir gzugs med ji ltar 'dzin par 'gyur te/ ji ltar yang mi 'gyur ba zhes bya ba'i don to/ / de bas na 'di ltar yul gzugs yod pa dgag pa sgrub par byed pa mi dmigs pa rjes su dpag pa mi 'jug pa'i ngo bo bsgrubs pa yin no/ /de lta bas na shes pa'i sgo nas kyang 'byung ba dang 'byung ba las gyur ba'i ngo bo'i gzugs ma grub pa yin no/ /de gzugs mdor bsdus pa'i bdag nyid kyi phung po'i ni gtam tsam nyid du lta ga la 'gyur te/ 'di ltar gzugs kyi phung po rnam par 'jog par byed pa dag na gzugs gang ci yang rud 'das pa dang

  815. 408a

    ma 'ongs pa dang nga ltar byung ba 'am/ nang phyi'i bdag nyid dam/ rags pa 'am/ phra ba 'am/ dman pa 'am/ gya nom pa 'am/ rgyang ring po gang yin pa 'am/ thag nye ba gang yin pa de thams cad gcig tu bsdus nas gzugs kyi phung po zhes bya ba'i grangs su 'gro'o zhes de ltar gdon par bya'o/ /de la 'das pa la sogs pa gzugs kyi dbye ba rnams tshad mas rtogs pa yin na ni de mdor bsdus pa la phung po rnam par bzhag pa rig na de nyid kyang med do zhes bstan pa'i phyir gang tshe skad cig ces bya bar sogs pa smos so/ /yang gang gi tshe de ltar lta ba gnyis kyi skad cig pa blo ni gzugs skyes te da ltar ba skad cig ma mi 'dzin to zhes bshad pa ste/ rab tu bstan pa de'i che skad cig pa'i blo de ni 'das pa dang ma 'ongs pa'i gzugs rtogs par ni ji ltar 'gyur te ma yin pa nyid do zhes bya ba'i ngon to/ /'di skad bstan pa yin te/ gang gi phyir gang la gzugs da ltar ba blo la nye ba nyid du khyed kyis khas blangs kyang yul du 'gro ba ma yin na/ de la 'das pa dang/ ma 'ongs pa bskal pa dag gi gtam du ba rjod pa lta ga la yod/ 'di yang 'di las gzhan pa'i dbye ba ma grub pa'i phyir nye bar mtshon pa gtsor bstan pa yin no/ /de lta bas na dbye ba rnams a rtogs pa nyid kyis gzugs kyi phung po ma grub pa yin no/ /de ni gzugs kyi phung po'i nang du ma gtogs ba nang gi bdag nyid kyi mig la sogs ba dang phyi rol gyi gzugs la sogs pa rnams gdul bya'i skye bo'i bye brag gis ngor skye mched nyid du bstan pa dag la gang dag de kho na nyid du zhen par byed pa de spang bar bya ba'i phyir de dag la mig dang gzugs kyi skye mched gnyis rnam par dpyad pa'i sgo nas skye mched thams cad rang bzhin stong pa nyid

  816. 408b

    du bstan pa'i phyir/ gang tshe nam yang zhes bya ba la sogs pa smos so/ /'dis ni gzugs kyi skye mched la kha dog dang dbyibs kyi dbye bas gzugs rnam gnyis te zhes bya ba'i tshig gis dbye ba bstan pa gang yin pa de ni grub pa dang shes pa'i rim pa dag gis ma grub pa dang shes pa'i rim pa dag gis ma grub par bstan pa yin no/ /nam yang kha dog dbyibs de dag dang sngon po dang ser po la sogs pa bzhin du tha dad pa'i dbye bas yod cing bdog pa ni ma yin no/ / kha dog dang dbyibs de gnyis tha dad 'dzin pa ste shes pa gzung ba yang med pa yin no/ /gang la yang tha dad par yod pa 'am sgrub par byed pa'i tshang ma yod pa ma yin pa de dag ji ltar dngos po pa nyid du khas blang bar 'os pa dag yin/ 'o na ni gzugs de rnam pa gcig pur yod pa yin no zhes na/ gzugs de'ang zhes bya ba la sogs pa smos so/ /'dir grag ces bya ba ni lung mtshon par byed pa'i don to/ /des na don 'di yin te gzugs de gcig bu ste/ rnam pa gcig nyid du grub pa'i mdza' las grags pa yod pa yang ma yin no/ /de bas na ji ltar khas blangs pa bzhin ma grub pa'i phyir gzugs kyi skye mched med pa yin no/ /'o na ni mig dang gzugs la brten nas mig gi nam thar shes pa skye'o/ /zhes bya ba'i grub pa'i mdza' ji ltar drang bar bya/ gang gi phyir med pa 'ga' zhig 'ga' zhig gi rten yin par brjod par rigs pa ni ma yin no zhe na/ 'di yang snying po med pa yin no/ /zhes bstan pa ni/ mig blo mig la zhes bya ba la sogs pa'o/ /gang gi phyir skye mtshad ces bya ba ni skye ba'i gnas te/ skye pa mched bar byed pa zhes bya bas so/ /de yang 'bras bu skyed par byed pa las lhag ni ma yin no/ /skyed par byed pa yang yul mtshungs pa 'am/

  817. 409a

    yul mi mtshungs pa'i 'bras bu la yin gyi rnam pa gzhan ni mi srid do/ /gnyi ga ltar yang mig dang gzugs dag la skye mched nyid du mi rigs te 'di ltar/ mig blo mig la 'byung min te/ gzugs la 'byung min zhes bya ba 'dis ni yul mtshungs pa'i 'bras bu byed pa nyid du de med par bstan to/ /bar na med ces bya ba 'dis ni yul mi mtshungs ba'i 'bras bu byed pa nyid du'o/ /de'i yul nyid dang de ma yin pa'i yul nyid du de mi dmigs pa'i phyir ro zhes bya bar dgongs pa'o/ /des na yang blo skye mched gnyi ga las skye ba nyid du yongs su brtags pa ni 'khrul pa nyid yin no zhes bstan pa ni/ de ni mig dang gzugs zhes bya ba la sogs pa'o/ /de bas na 'di ltar mig dang gzugs dag la skye mched nyid yin bsal nas mtshan nyid las kyang gsal bar bstan pa ni/ gal te mig ces bya ba la sogs pa'o/ /lta ba po dang blta bar bya ba 'di ni mig dang gzugs dag gi mtshan nyid du 'dod de/ de ltar yang/ mig gis gzugs rnams mthong rtan bcas/ de la brten ba'i rnam shes min/ /gang phyi bar du mchod pa yi/ /gzugs ni mthong ba min phyir lo zhes smras pa yin no/ /'dir yang 'thad pa ma yin te/ 'di ltar dngos nyid du khas blangs par bya ba mig bdag kyang mthong ngam ma mthong/ gal te des bdag nyid mi mthong na gzugs de mthong bar ni ji ltar 'gyur te des zhes bya ba lhag ma'o/ /'di skad bstan pa yin te/ blta ba'i bya ba de ni mig gi chos ma yin te/ de'i chos nyid yin na ni de bdag nyid gdon mi za bar mthong bar 'gyur ro/ /gang gi phyir chos de dag gi ma yin pa de yang gang gi dbang gis gang la mthong du rung ba de la 'di dngos su gang gis chos yin pa do'i ma mthong ba la gtam du brjod pa ltag la yod/ de ni de'i chos nyid du ma yin

  818. 409b

    yang mthong du rung ba ma yin pa'i chos nyid du khas blangs par 'gyur ro/ /de na nyan pa po la sogs pa bzhin du mig ni blta ba'i byas? dang bral ba'i phyir lta ba po med pa nyid yin pas mig mtshan nyid stong pa nyid yin na/ de'i mtshan nyid la rag las pa'i mtshan nyid can gyi gzugs kyang mtshan nyid med pa nyid do zhes don gyis bstan par 'gyur ro/ /'di nyid nye bar sdud par byed pa ni/ de phyir mig dang gzugs bdag med ces bya ba ste/ bdag med ces bya ba ni rang bzhin dang bcas pa ma yin te/ dngos po med pa yin no zhes bya ba'i don to/ /rigs pa 'di nyid gzhan la bsgre bar bstan pa'i phyir/ /skye mched lhag ma la'ang de dang 'dra zhes bya ba smos so/ /rigs pa gang kho nas mig gi skye mched dang/ gzugs kyi skye mched dang bzhin med par bstan pa de nyid kyi skye mched lhag ma rna ba dang sgra la sogs pa rang bzhin med par rtog bang bya'o/ /de bas na 'di ltar mig la sogs pa'i skye mched thams cad dag ni rang bzhin du stong pa nyid du zin kyang brgyal gzhan 'ga' zhig de dag la gzhan gyi bdag nyid kyis rang bzhin dang ldan pa nyid du dogs par 'gyur ba de dag de'i dogs pa rnam par bcad pa'i phyir bstan pa ni/ mig ni rang bzhin nyid kyis stong zhes bya ba la sogs pa'o/ /dgongs pa ni 'di yin te/ de dag la gzhan gang gis bdag nyid kyis rang bzhin dang ldan pa nyid du dogs par 'gyur ba des mtshan nyid dang ldan par yang bya dgos la mtshan nyid de yang sngar bstam pa'i rigs pas de la yang mi 'thad pa'i phyir de'i bdag nyid kyang stong pa nyid do/ /de bas na 'di ltar gzugs kyi phung po dang de'i nang du gtogs pa'i nang dang phyi'i skye mched dag la rang bzhin stong pa nyid du yongs su dpyad pa dag na de'i bdag nyid kyi las rtag par phyin ci log par 'jug pa'i rgyu mtshan yang yongs su dpyod pa

  819. 410a

    yir sngar bsta /da ni bde ba'i phyin ci log pa 'jug pa'i rgyu mtshan tshor ba'i phung po rang bzhin med pa nyid du de'i rgyu reg pa med par bstan pa'i sgo nas nye bar bstan pa'i phyir/ 'phags pa gnyis bstan pa ni/ gang tshe gcig reg lhan cig gyur zhes bya ba la sogs pa'o/ /gang nyan thos dag gis tshor ba dngos po la rang bzhin yod pa nyid du las len bar byed do/ /de yang rkyen med na mi rigs pas reg pa yang de'i rgyu nyid du de dag gis khas blangs pa yin te/ reg pa'i rkyen gyis tshor ba'o zhes 'gyur ba'i phyir ro/ /de yang rigs pa ma yin te/ 'di ltar 'di 'dis reg bar byed pas reg pa zhes bya ba byed pa'i ngo bo yin nam reg pas reg pa zhes bya ba'i ngo bo grang/ de las re zhig 'di byed pa bo'i ngo bor rigs pa ni ma yin te/ gang gi phyir dbang bo dang yul dang/ rnam par shes pa zhes bya ba gsum pa 'di ni 'di la byed pa po dag yin te/ de dag kyang thun mong ma yin pa'i ngo bo dag yin no/ /de'i phyir gang gi tshe byed pa po gcig dper na mig reg pa gang reg pa'i bya ba sgrub par byed pa nyid du gyur pa'i bdag la nye bar gyur ba'i ngo bo dang lhan cig bar gyur cing 'brel pa'i tshe yang gzugs la sogs pa gzhan rnams stong pa yin te/ de zhes bya ba lhag ma'o/ /gzhan yang gal te skabs su babs pa gsum po 'di la sngar gcig bstan pa ni lhag mar gyur pa gzhan dag stong pa yin zhes bstan bar rigs pa de lta na yang de las gzhan gsum po rnams rigs pa mtshungs pa nyid yin bar bstan pa'i phyir/ de las bltos nas gsal ba mang po nyid kyi gzhan rnams stong pa yin te/ de'i phyir mang po'i tu bstan pa ni 'thad ba ma yin no/ /gang yang gzhan dag la reg pa des stong zhing bral ba'i ngo bo de ni nam yang mi stong pa nyid de ldan pa nyid mi bsten pa

  820. 410b

    yin no/ /gang zhig nges mi stong pa de yang stong pa ni stong pa nyid de bstan pa ni dngos po nyid gtso bo yin pa'i phyir te/ bsten pa yin? zhes sbyar ro/ /dgongs pa ni 'di yin te/ reg pa'i bya ba sgrub par byed pa nyid du gyur pa'i ngo bo ni gsal bas so so tha dad pa nyid yin pa'i phyir du ma nyid yin la/ tshor ba'i rkyen reg pa ni du ma'i bdag nyid du 'dod pa yang ma yin no/ /de lta bas na reg pa'i bya ba sgrub par byed pa'i ngo bo'i reg ba ni mang ba yin no/ /'di bya ba'i ngo bor yang rigs pa ma yin no/ /zhes bstan pa ni/ rang gi ngo bo gnas med pas zhes bya ba la sogs pa'o/ /'du ba ni 'dus shing reg pa ste/ de yang dbang po la sogs pa yod pa rnams nyid la rigs kyis med pa dag la ni ma yin no/ /'dir dag yang pa yang ma yin te/ rang gi ngo bo gnas pa med pa'i phyir ro/ /gang gi phyir sngar bstan pa'i rigs pas rnam par dpyad pa bzhin 'di dag la 'byung ba dang 'byung ba las gyur pa nyid du nges par gnas pa'i ngo bo yod pa ma yin no/ /gang gi phyir de ltar dbang po pa sogs pa gsum po rnams la bya ba'i ngo bo'i reg pa yod pa ma yin no/ /de'i phyir rgya med bas tshor ba yang yod pa ma yin na sde'i phung po yod par 'gyur ba lta ga la yin/ da ni bdag tu phyin ci log 'jug pa'i rgyu mtshan rnam lar shes pa'i phung po gzhan bsal bar 'dod pa bstan pa ni/ nang dang zhes bya ba la sogs pa smos pa'o/ /gang gi phyir nang mig la sogs pa dang/ phyi gzugs la sogs pa'i skye mched la brten nas rnam par shes pa 'byung ba ste skye ba'o/ /de lta bas rnam shes med/ rang bzhin yod pa ma yin no/ / de'i rgyu nyid khas blangs pa'i skye mched gnyis po 'di nyid sngar bstan pa'i rigs pas rang bzhin yod pa ma yin pa'i phyir ro snyam du dgongs pa'o/ /'o na ji

  821. 411a

    ltar de med kyang snang zhing/ smig rgyu zhes bya ba la sogs pa smos/ ji ltar smig rgyu bye ma dang 'brel ba nyid kyis nyi ma'i 'od zer rnams dang/ nor bu dang sngags dang sman la sogs pa rnams kyis yongs su bzung pa shing bu dang 'jim dum la sogs pa sgyu ma'i bdag nyid rnams ni brdzun pa'i rnam pa chu dang glang po la sogs pa'i rnam pa nyid du snang ste/ 'on kyang ji ltar snang ba'i rang bzhin stong pa yin pa de bzhin du rnam par shes pa yang ma rig pas yongs su bzung ba dang gang dang gang gi bdag nyid du snang ba de yang des ni de kho na nyid du stong pa yin pa'i phyir de med pa yin yang snang ba mi 'gal lo/ /de la gal te 'di snyam du sems te rnam par shes pa don dam par ma gyur mod bdag ni rnam par shes pa po nyid du 'ga' zhig gis khas blangs pa de yang yang dag par 'gyur ro zhes na/ 'di yang snying por gyur pa ma yin te/ gang gi phyir rnam shes zhes bya ba rgyas par ro/ /rnam par shes pa po zhes bya ba ni rnam par shes pa'i bya ba'i byed pa po ste/ de yang las dang bcas pa'i bya ba yin pa de'i phyir/ des gdon mi za bar las shes bya ba'i ngo bo la bltos par bya ba yin la gzugs la sogs pa rnam par shes par bya ba de yang sngar bstan par rig pas yod pa ma yin la de med pa'i phyir shes pa yang yod pa ma yin no/ /des na shes dang shes bya med pa'i phyir de gnyi ga la bltos nas 'jug pa'i rnam par shes par byed pa po yang med pa yin no/ /shes pa dang shes bya dag la skur ba btab na 'dus byas thams cad la skur ba btab par gyur pa ma yin nam/ de ni de las phyi rol du gyur pa yang cung zad kyang yod pa ma yin no/ /de'i phyir chos kyi mdo bzhi

  822. 411b

    ston pa'i bcom ldan 'das de bzhin gshegs pa nyid kyis mgur nas gsungs pa 'dus byas thams cad mi rtag pa zhes bya ba 'di ji ltar yin zhes bya ba'i dogs pa bsal bar mdzad par bzhed nas/ thams cad mi rtag ces bya ba la sogs pa smos so/ /dgongs pa ni 'di yin te/ gal te kun rdzob kyi bden pa la bltos nas 'dri bar byed na/ de'i tshe thams cad mi rtag pa nyid yin te/ des ni cung zad kyang 'dus byas rang gi chos nyid dang lhan cig tu gyur pa la skur pa ma btab po zhes bya ba'i don to/ /'on te don dam pa'i bden pa la bltos nas yin na ni 'o na de ni de la bltos nas nyid kyis mgur nas gsungs pa ma yin pa'i phyir/ de la bsnyon yang 'gal ba cung zad kyang med do zhes bstan pa ni/ yang na ni zhes bya ba la sogs pa'o/ /'dis ni 'di skad bstan te/ ji ltar chos can bdag dang nam mkha' la sogs pa dngos po la tshad ma med pa nyid dang/ tshad mas gnod pa nyid kyis med pa'i phyir/ de la brten pa rtag pa nyid du khas blangs pa de bzhin du mi rtag pa nyid kyang de'i rtan du gyur pa 'dus byas kyi dngos po la sngar rgyas par brjod pa'i rigs pas dngos po nyid yin pa bsal ba'i phyir khyer kyis mid do zhes khas blangs par bya dgos pa yin no/ /gal te nang dang phyi'i skye mched med pa'i phyir shes pa med pa'o na ni 'du byed kyi phung bos bsdus pa 'dod chags la sogs pa rnam par shes pa dang mtshungs par ldan par grub pa ma yin te/ gang gi phyir sems dang ltan cig de dag brten dang dmigs pa dang/ rnam pa dang/ dus dang/ rdzas mtshungs pa rnams kyis mtshungs par ldan pa nyid du de ltar 'dod pa'i phyir dbang po dang yul dang

  823. 412a

    rnam par shes pa rnams med par brjod par bya ba yin nam zhes phyir rgol bar gnas pa gang yin pa de la phyin ci log tsam las byung ba nyid kyis 'dod chags la sogs pa de dag gi ngo bo nyid kyis yang dag par yod pa ma yin no zhes bstan pa'i phyir mi sdug ces bya ba la sogs pa smos so/ /mi sdug pa dman pa'i dngos po la sdug par mchog gi rnam par zhen pa'i bdag nyid kyi phyin ci log gang yin pa de nyid rgyu yin pa'i phyir rkyen te de las gang gi phyir 'dod chags dang zhe sdang dang gti mug rnams dngos dang brgyud pas dngos po 'byung ste/ skye ba 'grub par byed do/ /de'i phyir 'dod chags dang zhe sdang dang gti mug 'di rang bzhin gyis te rang gi ngo bos yang dag par med pa yin no/ /mtshungs par ldan pa gzhan dag kyang yod na 'dir 'dod chags pa dag kho na nye bar smos pa ni de dag gsal bar yang dag par yod pa'i phyir ro/ /gang yang ji skad du 'di la 'dod pa dang dgra bo dang bar ma la sogs pa'i gzugs kyi yul la yang rgyud nyid du yod pa yin pa de'i phyir ji ltar na 'khrul pa tsam gyis bskyed pa nyid kyis 'di dag la yang dag par med pa nyid ston par byed/ de ltar yang/ phra rgyas spangs pa ma yin dang/ yul ni nye bar gyur pa dang/ tshul bzhin ma yin yid byed las/ nyon mongs rgyu ni tshungs pa yin zhes bstan to zhes zer ba de la/ yul ni de'i rgyu nyid kho nar ma grub ces bstan pa'i phyir/ gang phyir der chags shes bya ba la sogs pa smos so/ /'dis ni 'di skad bstan te/ gang gi phyir gal te yul gyis kyang 'dod chags la sogs pa rnams skyed bar byed pa de'i tshe yul

  824. 412b

    gang zhig gang skyed par byed pa'i rang bzhin des de nyid bskyed dgos na/ bskyed pa ni ma yin te/ de nyid la rtogs pa po gzhan nam de nyid dus bzhan gyi tshe de las gzhan pa'i nyon mongs pa bskyed pa mthong ba'i phyir ro/ /'di ltar 'dod pa gang la snang ba'i spyod yul du spyod pa na 'dod pa dang ldan pas 'dod chags skyed par byed la/ de nyid gzhan gyi tshe de nyid dam de'i tshe kun tu/ rgyus zhe sdang skyed par byed de/ de las gzhan bas ni gti mug skyed par byed pa yin no/ /de ltar rtogs pa po tha dad pa rnams kyis yul gcig la mthar thug pa nyid kyis gang gi phyir 'dod chags dang zhe sdang dang gti mug skye bar nyams su myong bar byed pa de'i phyir 'di lta ste/ 'di rnam par rtog pa ji ltar goms pa bzhin du tshul bzhin ma yin pa yid la byed pa dag kho nas skye bar khong du chud par bya ste/ rmi lam du nyams su myong bar gyur pa 'dod pa la sogs pa'i yul la ji lta ba bzhin du phyi rol gyi dngos po'i rgyu mtshan can ma yin no zhes bya ba'i don to/ / gdang de gnyis ni rtag tu mngon par 'brel ba yin pa'i phyir 'dir gcig la gang gi sgra ma smos pa ni bdun pa'i mdza' can gyis der gyi sgra 'ba' zhig lan gsum brjod pa ma 'brel ba lta bur mdzad pa ni lan gsum brjod pa'i der gyi sgra'i don gyi shugs kyis 'phangs pa'i gang gi sgras der gyi sgras sgrub pa'i don la rim pa ji lta ba bzhin du 'brel par shes par bya ba yin par de'i phyir ro/ /de ltar na gang kho na la 'dod chags pa de nyid la zhe sdang ba yin la/ de nyid la rmongs pa yin no/ /gang kho na la zhe sdang ba de nyid la 'dod chags yin pa de nyid la rmongs pa yin no/ /gang kho na la rmongs pa de nyid la 'dod chags pa yin nam/ de nyid la zhe sdang ba yin no zhes dag gi don tha dad pa 'thad pa yin na

  825. 413a

    thams cad la 'bras bu ma nges par bstan par 'gyur ro/ /gzhan du na yul gcig la gang gi sgra 'brel bar byas nas de nyid la 'bras bu ma nges par dogs pa yin la/ de lta bas na 'dod chags la sogs pa rnams mtshungs par ldan pa'i 'du byed kyi phung po'i bdag nyid yul la bltos pa med pa rnams kho na phyin ci log tsam gyi rgyu mtshan can dang rang nyid kyang phyin ci log gi bdag nyid yin pa des na yang dag rang bzhin med do/ /zhes bya bar bsgrubs pa yin no/ /'di nyid kyis ni sdug par phyin ci log pa'i 'jug pa'i rgyu mtshan yang dag par med pa nyid du bshad pa yin no/ /gang gi phyir 'du byed kyi phung po bsdus pa'i chos rnams las gzhan ni sdug par phyin ci log pa'i rgyu med de/ rgyun la bltas nas de dag lan cig phan tshun 'bras bu nyid yin pa la 'gal ba med pa'i phyir ro/ /da ni 'du shes kyi phung po la brtags pa'i phyir/ bskyed de rnam par rtog de yang/ yang dag nyid du yod ma yin zhes smos so/ /'dir 'di mngon par 'brel ba ci yod ce na/ gang gi phyir gang dag 'di snyam du gal te de'i yul de'i skyed par byed pa nyid du mi 'thad pa'i phyir 'dod chags la sogs pa 'di dag yul gyis bskyed pa ma yin na/ 'o na ni gang dag gis 'di dag bskyed pa nyid mtshan mar 'dzin pa'i mtshan nyid kyis 'du shes kyi sngon po rnam par rtog pa yang yang dag par yod pa yin te/ yang dag pa ma yin pa la rgyu mtshan nyid du mi rigs pa'i phyir ro zhes sems pa de yang yang dag par ma yin no zhes bstan pa'i phyir gang phyir gang dag gis 'dod chags la sogs pa bskyed pa de ltar kun rdzob du 'dod pa rnam par rtog pa de dag kyang yang dag pa ma yin pa nyid kyis don dam par ma grub po zhes bya ba'i don to/

  826. 413b

    'di nyid la/ brtag bya gang de zhes bya ba la sogs pa 'thad pa bstan pa ni/ 'di ltar dgongs pa yin te/ gang phyir rnam par rtog pa zhes bya ba bskyed pa na gdon mi za bar cung zad rnam par rtog par byed do/ /de la rnam par rtog pa med na rnam par rtog pa nyid du mi rigs pa'i phyir ro/ /de la ci 'di rnam par brtag par bya ba bdag nyid ma yin pa la yang/ ci kun rdzob tu rang gi mtshan nyid kyi bdag nyid dam/ de'i ngo bor gzhen pa gzhan sel ba'i ngo bo yin grang na/ de la re zhig bdag nyid la ni ma yin te/ rnam par rtog pa'i rang gi bdag nyid la rnam par mi rtog go zhes khyed cag nyid kyis bkag pa'i phyir ro/ /bdag nyid ma yin pa rang gi mtshan nyid kyi rang bzhin la ni ma yin te/ de ni thams cad la log pa nyid kyis shin tu khyad par du 'gyur ba'i ngo bo yin pa'i phyir/ 'di ni spyi'i rnam par 'jug pa yin pa'i phyir te/ ji skad du/ de yi ngo bo kun las log/ de ltar de ni rtog byed pa/ /sgra dang rnam rtog yod min te/ /spyi nyid la ni 'jug phyir ro zhes bstan to/ gzhan sel ba'i ngo bor zhen pa ni rnam par rtag par bya ba yin na yang/ yang dag pa kun rdzob pa'i dngos po'i ngo bor med pa'i phyir rnam par brtag par bya ba dngos por 'gyur ba med pas rnam par rtog pa yang yang dag pa ma yin no/ /'di nyid ston par byed pa ni brtag bya gang rnam par rtog pa skyed par byed pa nyid kyis de'i yul du gyur pa de dngos por yod pa ma yin pa'o/ /brtag bya dngos por gyur pa med na gal te rnam par rtog pa dngos po'i bdag nyid du gyur pa gang na yang med pa nyid do/ /gang phyir de ltar/ de phyir brtag bye rtog pa yang zhes bya ba gnyis ka yang stod pa yin te/ ji ltar zhen pa de'i ngo bo ma yin no zhes bya ba'i don to/ /'di nyid la gtan tshigs

  827. 414a

    gzhan bstan pa ni rkyen las skyes phyir ro/ /zhes bya ba la sogs pa smos so/ /'di ltar dgongs pa ni 'di yin te/ gang yang dngos po dang 'brel pa med pa'i phyir rnam par rtog pa thams cad dngos po'i bdag nyid du ma gyur mod/ rjes su dpag pa la sogs pa'i rnam par rtog pa gang zhig la brgyud pas dngos po la rag las par 'jug pa nyid du yod pa de'am de'i rnam par brtag par bya ba ji ltar dngos por ma gyur pa yin snyam du sems pa de la gtan tshigs 'di nye bar bstan pa yin no/ /'dis ni 'di skad bstan te/ gang yang rgyud pas rjes su dpag pa la sogs pa'i rnam par rtog pa skyed par byed pa nyid kyis rnam par btag par bya ba nyid du 'dod pa'i dngos po dang/ rjes su dpag pa la sogs pa'i rnam par rtog pa de gnyi ga yin pa 'di yang rkyen las skyes phyir te/ ji ltar lan gyi rgyu la rig las nas skye ba'i phyir skgyu ma la sogs pa bzhin du yang dag par rang bzhin med pa nyid kyis stong pa yin no/ /'di ltar rtog pa'i sgras rang dga' i rnam par rtog pa yang bzung ba des na de yang phyi rol gyi dngos po la rag las pa nyid med kyang ma tshungs pa de ma thag pa'i rkyen la rag las nas skye pa'i phyir rang bzhin stong pa nyid khong du chud par bya'o/ /'dir khyad par ni 'di tsam yin te/ sngar ni rnam par brtag par bya ba dang/ rnam par rtog pa dag pha rol gyi 'dod pa kho nas yang dag pa'i ngo bo bsal ba yin la/ de ltar ni rang gi 'dod pas yin no/ /de lta bas na gang dag gis gzugs la sogs pa 'di dag yang dag par yod pa nyid du khas blangs pa de dag nyid kyi gzhung gis de dag rnam par dpyad pa na mi 'thad pa'i rang bzhin

  828. 414b

    rnams dbu ma pa'i lugs kyis lta smos kyang ci dgos zhes bya ba 'di gnas pa yin no/ /da ni bden pa'i dngos por zhen pa'i gdon gyi gzung ba de dag kho na la stong pa nyid kyis tshul 'di rang gi mngon par 'dod pa'i rnam par grol ba dang rjes su mthun pa bstan pas gdon mi za bar khas blangs par bya ba nyid du bstan pa'i phyir/ yang dag rtogs phyir zhes bya ba la sogs pa'o/ /gang gi tshe yang de ltar gzugs la sogs pa rnams la de kho na nyid du so sor brtag pa la goms pa mthar phyin pa las skyes pa 'jig rten las 'das pa rnam par mi rtog pa'i ye shes kyis de kho na nyid rang bzhin med pa'i mtshan nyid rtogs shing mngon du byed de khong du chud par gyur pa de'i tshe yang dag rtogs phyir te/ des na ma rig pa med cing 'jug par mi 'gyur te/ gang gi phyir de ni phyin ci log bzhi las skyes pa yin no/ /phyin ci log bzhi po de dag kyang de kho na nyid mthong ba na nyi ma shar ba la mun pa bzhin du med par 'gyur ba'i phyir ro/ /snyam du dgongs pa'o/ /gang gi phyir lus dang tshor ba dang/ sems dang chos dag la brten pa de dag rtag pa dang bde ba dang/ bdag dang/ sdug pa'i rnam par zhen pa'i ngo bor go rim 'jug pa rnams ni ma rig pa'i rgyu mtshan nyid du 'dod de/ lus la sogs pa de dag kyang ji skad bstan pa'i rigs pas rang bzhin stong pa yin la/ gang dag rang bzhin stong pa de dag ni rtag pa zhes bya ba mi rtag pa zhes bya bar rigs pa ma yin te/ dngos yod rtag dang mi rtag nyid/ yin na de lta ga la yod/ ces bstan to/ /de lta bas na gzhi med pa'i phyir phyin ci log rnams mi 'jug na ma rig pa mi 'jug go zhes bstan pa yin no/ /de med phyir te ma rig pa de mi 'jug na 'du byed rnams te bsod nams dang bsod nams ma yin

  829. 415a

    pa dang mi g.yo ba'i las kyi dbye ba rnams mi 'byung ste mi skye ba yin no/ /de bzhin du de ma thag tu bstan pas rgyu mi 'jug pas na 'bras bu mi 'jug pa'i rim pas lhag ma ste/ lus la ten cing 'brel bar 'byung ba'i yan lag rnam par shes pa la sogs pa rga shi'i mthar thug pa mi 'jug pa'i chos can yin par shes par bya'o/ /'di nyid la 'phags pa'i phyed kyi pha rol la shin tu grags pa bstan pa ni/ gang gang zhes bya ba la sogs pa gang yin te/ 'bras bur mngon par 'dod pa'i dngos po gang rgyur 'dod pa'i dngos po la brten pa ste rten nas skyes pa ste 'byung ba'i 'bras bur mngon par 'dod pa'i de las skyes pa ste/ rgyur mngon par 'dod pa'i dngos po de la dngos su skyes pa nyid des pa na rgyur mngon bar 'dod pa'i dngos po de med na 'brel pa min na mi 'byung ba ste mi skye ba'o/ /gang gi phyir zhes bya ba ni lhag ma'o/ /de lta bas na yan lag snga ma snga ma ma tshang ba'i phyir yan lag phyi ma phyi ma mi 'jug par bstan pas rten cing 'brel par 'byung ba'i yan lag bcu gnyis nye bar zhi ba'i mtshan nyid kyi thar pa thob pa dang rjes su mthun pa tshul 'di bstan pa gang yin pa de rigs pa dang mi ldan pa ma yin pa de'i phyir/ pha rol po dag gis kyang gdon mi za bar tshul 'di kho na khas blang bar bya ba yin no zhes bstan pa yin no/ /'di tsam gyis mya ngan las 'das pa mtshungs pa nyid du dgongs par bya ba yang ma yin te/ 'di la khyad par chen po srid pa'i phyir ro/ /khyad par de nyid bstan pa'i phyir/ dngos dang dngos med ces bya ba la sogs pa smos so/ /skye bar byed pa'i phyir dngos po ste/ sdug bsngal

  830. 415b

    gsum gyis zin pa'i 'bras bur gyur pa nye bar len pa'i phung po lnga'i mtshan nyid ni 'khor ba'o/ /de bzhin du gang yod na 'byung ba'i phyir dngos po ste las nyon mongs pa'i mtshan nyid de'i rgyu'o/ /dngos po med pa ni dngos po med pa ste/ 'khor ba ldog pa'i mtshan nyid thar pa'o/ /de bzhin gang yod na mi 'byung bas dngos po med pa ste las dang nyon mongs pa dag gi gnyen por gyur pa lam mo/ /dngos po dag dang dngos po med pa dag gi dngos po dang dngos po med pa rnams te sdug bsngal dang kun 'byung dang 'gog pa dang lam dang rnams shes bya ba'o/ /'dus byas rnams te sdug bsngal dang kun 'byung dang lam rnams so/ /'dus ma byas ni so sor brtags pa'i 'gog pa'o/ /'dus byas rnams dang 'dus ma byas ni 'dus byas dang 'dus ma byas rnams te/ mdo sde pa dag gis ni dngos po dang dngos po med pa'i chig gis sdug bsngal la sogs pa rnams tha snyad btags pa yin la/ bye brag tu smra ba dag gis ni 'dus byas dang 'dus ma byas pa'i ming gis yin no zhes rtogs pa po rnams kyis dbye bas bsdus pas ming gis dbye ba smos pa na zlos par dogs par bya ba ma yin no/ /dngos po dang dngos po med pa yang yin la/ 'dus byas dang 'dus ma byas kyang yin no zhes bya ba ni dngos po dang dngos po med pa dang 'dus byas dang 'dus ma byas dag go/ de dag ni zhi ba ni rang bzhin gyis nye bar zhi ba'i mya ngan las 'das par tshul 'di la rigs par bya ba yin no zhes dgongs pa yin no/ /'di ltar sdug bsngal ni gzod ma nas de kho na nyid du ma skyes pa yin la/ gang ma skyes pa de ni rang bzhin stong ba'o/ /gang rang bzhin stong pa ni rgyu ma yin la/ rang bzhin dang rgyu ma yin pa de ni 'gog pa ma yin pa

  831. 416a

    de ni 'gog pa'i rgyu mtshon rgyu'i gnyen po lam rigs pa ma yin no/ /de'i phyir chos rnams kyi rang bzhin gyis mya ngan las 'das pa kho na thar pa yin no/ /gzhan dag gi theg pa la ni sdug bsngal dngos por gyur pa nyid kyang/ de la bu nyid kyi rgyu las skye ba dang/ rgyu'i gnyen po'i lam skye ba na de 'gog pa yin pa'i phyir sdug bsngal la sogs pa rnams kyi gzod ma nas nyi bar zhi ba'i mtshan nyid mya ngan las 'das pa yin no zhes khas blangs pa ma yin no/ /theg pa de'i phyir theg pa 'di la na khyad par che ba yin/ de la 'di snyam du sems par 'gyur te/ gal te chos rnams kyi rang bzhin gyis myang 'das nyid thar pa dam pa yin na/ kun nas nyon mongs pa gsum gyi rgyu mtshan can gyi rten cing 'brel bar 'byung ba yan lag bcu gnyis kyis 'jug pa'i rim pa'am ldog pa'i rim pa yod pa ma yin no/ /de'i phyir spang bar bya ba dang blang bar bya ba 'khor ba dang mya ngan las 'das pa dag gis rnam par dbye ba med pas ma rig pa'i rkyen gyis 'du byed/ skye ba'i rkyen gyis rga shi'i bar dang/ de bzhin du ma rig pa 'gag pas 'du byed 'gog /skye ba 'gog bas rga shi 'gog ces bya ba'i bar du rten cing 'bre par 'byung ba'i rim pa gnyis bcom ldan 'das kyis de dang der bstan pa ji ltar na 'bras bu med pa nyid du thal bar mi 'gyur zhe na/ thal bar mi 'gyur te/ dang po 'jug pa la bltos nas chos rnams thams cad rang bzhin gyis mya ngan las 'das pa nyid yin na yang thog ma med pa nas phyin ci log gi rnam rtog goms pa'i bag chags kyi rang bzhin gyi rmongs pa'i rab rib

  832. 416b

    nyams pa'i blo'i mig can gyi rtogs pa po rnams kyi rtogs pa'i 'jug pa la ba ltos nas/ rten cing 'brel par 'byung ba'i rim pa gnyis su de nyid kyis yod par zhal gyis pa zhes par mdzad pa'i phyir ro/ /'di nyid bstan pa'i phyir/ rgyu dang rkyen las skyes dngos rnams zhes bya ba la sogs pa 'phags pa gnyis smos so/ /rgyu nye bar len pa'i rgyu rkyen de lhan cig byed pa'i rkyen rnams las skyes pa'i dngos po rnams la yang dag pa nyid du ste/ de kho na nyid kyi ngo bor rtogs pa gang brten nas skyes pa nyid kyis sgyu ma la sogs pa bzhin du brdzun pa'i rnam pa rnams la yang brdzun pa ma yin pa'i rnam pa nyid du/ khong du chud pa gang yin pa de ni sems tsam thams cad la ston par byed pa'i phyir ston pas ma rig pa gsungs te/ sdug bsngal gyi phung po chen po kun rdzob 'di'i rkyen nyid du bstan pa na zhes bya ba'i don to/ /gang gi phyir ma rig pa de nyid la yan lag bcu gnyis kyi cha gang la yong ba de ni yan lag bcu gnyis yin te/ 'byung zhing rgyun du skye ba ni srid pa'i 'khor lo zhes bya ba lhag ma'o/ /gang gi tshe yang chos thams cad rang bzhin med pa mngon par gsal bar byed pa'i theg pa chen po 'di thos pa dang bsams pa dang bsgoms pa'i rang bzhin gyi shes pa tshogs dang sbyor ba'i lam gyis bsdus bas dngos po de dag nying stong pa ste rang bzhin gyis dpen par des pa ste som nya med par rtogs par 'gyur pa de'i tshe de dag de ltar rtogs pa dag yin na/ de ma thag tu rab tu dga' ba'i sa rnyed pa'i yang dag pa'i mthong ba'i skye ba de gang las sngar bshad pa'i mtshan nyid can gyi rmongs par mi 'gyur ro/ /de mi 'byung ba gang yin pa de ni ma rig pa 'gog pa yin la/ ma rig pa 'gog pa de nyid las kyang yan lag bcu gnyis kyi srid pa'i 'khor lo 'gag pa ste/ kun rdzob tu yang mi

  833. 417a

    'byung ngo zhes bya ba'i don to/ /mdo las/ dngos po zhes rigs la gcig gis tshig tu khong du chud par bya'o/ /gzhan du sngar dngos po nyid du bstan pa gang dag la mdor gsal ba gcig yongs su bzung na skang su bab pa'i nyams pa'i nyes par 'gyur ro/ /de bas na 'di ltar dngos po'i 'jug pas chos rnams thams cad gzod ma nas zhi ba nyid du yin na yang rtogs pa po'i khyad par gyi rtogs pa la bltos nas rten cing 'brel par 'byung ba la skye ba dang 'gog pa'i rim pa yin pa nyid du bstan pas kun rdzob tu spang ba dang blang par bya ba dang/ 'khor ba dang mya ngan las 'das pa'i rnam par dbye ba yod pas de dag spang ba dang/ blang ba rgyu mtshan du gyur pa'i lam yang kun rdzob la mi 'gal ba'i phyir bcom ldan 'das kyis bstan pa 'bras bu dang ldan pa nyid do zhes bya ba 'di gnas pa yin no/ /'di ni rig pa yang yin te/ gang gi phyir dngos po rnams yang dag par skye ba dang 'gag pa dang bral ba yin yang kun rdzob tu skye ba dang 'gag pa dang ldan pa yin no/ /zhes bya bar bstan pa'i phyir 'du byed dri za'i grong khyer dang/ zhes bya ba la sogs pa smos so/ /gang gi phyir dri za'i grong khyer la sogs pa yang dag par skye ba 'am/ 'gag pa ma yin pa de ltar na yang tshogs pa de dang de yang dag par thob pa'i dbang gis 'jig rten las skye ba dang 'gag pa dang ldan pa nyid du ma dmigs pa ma yin pa ji lta ba de bzhin du 'dus byas thams cad yin no/ /'dra ba'i rgyu mtshan de nyid bsal par bya ba'i phyir/ 'di la dngos po 'ga' yod min zhing zhes bya ba la sogs pa smos so/ /gang gi phyir dri za'i gong khyer la sogs pa 'di la dngos po ste skye ba dang/ dngos po med de 'gog pa rang bzhin gyis te/

  834. 417b

    don dam par 'ga' yang yod pa ma yin pa nyid de/ 'di dag ni brten nas skyes pa'i phyir ro/ /zhes bya bar dgongs pa'o/ /de'i phyir gang yang dngos po 'dus byas rnams kyi rang bzhin de yang brten nas skyes pa yin pa'i phyir stong pa ste yang dag par skye ba dang 'gag pa dang bral pa yin no/ /zhes khong du chud par bya'o/ /don 'di nyid mjug bsdu bar bya ba'i phyir dang/ theg pa gzhan du 'gal ba spang bar bya ba'i phyir/ 'phags pa gnyis smos pa ni/ dngos kun rang bzhin stong yin no zhes bya ba la sogs pa'o/ /dngos po 'di la de'i phyir zhes khong nas dbyung bar bya ste/ gang gi phyir 'dus byas thams cad dri za'i grong khyed la sogs pa dang 'dra ba de'i phyir dngos po kun rang bzhin gyis stong pa rang bzhin gyis mya ngan las 'das par gnas pa yin na yang dag par rdzogs pa'i sangs rgyas bcom ldan 'das de bzhin gshegs pa mtshungs pa med pa ste/ ston pa thams cad las khyad par du 'phags pas dngos po rnams kyi brten 'byung ste rgyu dang rkyen la sogs pas brten nas skye pa 'di 'dra ba ni zhes bya ba ste/ de lta bu'i jo bor nye bar bstan pa ste/ dri za'i grong khyed la sogs pa rnams kyi skye pa bzhin du brdzun pa kun rdzob pa zhes bya ba'i don to/ /'o na ji ltar theg pa gzhan du 'di nyid yang dag pa nyid bstan zhe na/ bstan pa ni bden mod kyi/ de tsam gyis 'gal ba cung zad kyang yod pa ma yin no/ /gang gi phyir da pa 'jig rten las 'das pa rnam par mi rtog pa'i rjes la thob pa dag pa 'jig rten pa'i rnal 'byor pa'i ye shes kyi don de yul skye ba 'dir zad pa ni 'di tsam gyi chad de sgyu ma la sogs pa bzhin du brdzun pa'i rna pa yongs su chad pa zhes bya ba'i don to/ /'jig rten tha snyad ces bya ba la 'jig rten so so'i skye bo 'phags pa'i lam la ma zhugs pa'i sems can gyi khas de la grags

  835. 418a

    pa'i tha snyad ni sems dang dag dang lus kyi dbye bas rnam pa gsum te/ shes pa dad brjod pa dang/ 'jug pa'i ngo bo la brten nas te de rjes su bzung bar 'dod nas de nyid don dam pa la 'jug par bya ba'i phyir khas blangs nas ma chags shing ma thogs pa'i rnam par dag pa'i ye shes kyis chos thams cad rnam pa thams cad du thugs su chud pa zhes bya ba'i sangs rgyas thams cad mkhyen pa'i bcom ldan 'das kyi ni sna tshogs thams cad de don gyi tshogs ma lus par yang dag par phyin ci log pa btags pa snga/ tshig gis bsnyad cig nye bar bstan pa zhes bya ba'i don te/ /de lta bas na 'phags pa dang 'phags pa ma yin pa'i skye bo'i tha snyad kyi dbyi ba la bltos nas bde bar gshegs pa'i bstan pa 'di thams cad kho na don mi 'gal pa yin no zhes bya ba 'di gnas pa yin no/ /de lta bas na 'di ltar bcom ldan 'das kyis chos thams cad bstan pa kho na ma thob med pa la yang gang dag la skrag pa 'byung ba de dag la de'i dgongs pa mjogs pa nyid skrag pI rgyu yin par bstan pa'i phyir/ 'jig rten chos can mi 'jig cing zhes bya ba la sogs pa smos so/ /gang gi phyir de ltar kun rdzob dang don dam pa'i bden pa gnyis la bltos nas bstan pa 'jug pa na/ 'jig rten pa'i chos bstan pa'i mi 'jig pa ste/ kun rdzob dag gi skye ba dang 'gag pa la sogs pa dag ma spungs pa'i phyir ro/ /de bzhin du yang dag pa ste don dam par chos bstan pa ci yang mdzad bar 'gyur ba med de/ chos kyi dngos po yong pa cung zad kyang bzhag pa med pa'i phyir te sgro btags pa med pa'i phyir ro zhes bya ba'i don to/ /de'i phyir dri ma med pa 'di ni sgro 'dogs pa dang/ skur ba 'debs pa'i skyon gyis stong

  836. 418b

    pa'i phyir shin tu rnam par dag pa yin la chos kyi kho na nyid mchog tu zab pa mi shes pa shes par byed pa'i phyir tshul de stong pa nyid kyis theg pa gang yin pa de la dri ma med pa'i tshul 'di gang dag skrag pa de dag ni chos kyi de kho na nyid ji lta ba bzhin du gnas pa de bzhin du ston par byed pa zhes bya ba'i nges pa'i tshig gis tshul gyis phyi na ci mi log pa'i chos kyi de kho na nyid gsal bar byed pa'i sangs rgyas de bzhin gshegs pa rnams kyis bshad cing bstan pa ma rtogs nas te dgongs pa ji lta ba bzhin gyi de kho na nyid ma nges na zhes bya ba'i don to /'dir de kho na nyid nges pa ci 'dra ba gang yod na skrag pa mi skye ba de gsal par bya bar bzhed pa ni/ 'di brten 'di 'byung zhes bya ba la sogs pa smos so/ /rgyur mngon par 'dod pa'i dong po 'di la brten pa ste/ rten nas 'bras bur mngon par 'dod pa 'di 'byung ba ste skye ba zhes 'jig rten rten mdza' dag la grags pa'i phyir 'jig rten pa'i tshul 'di rten cing 'brel par 'byung ba'i tshul 'gog par mi mdzad pa ste mi spong ba nyid du zhes kun rdzob kyi bden pa la brten pa'i bstan pa la de kho na nyid du nges pa yin no/ /don dam pa'i bden pa la brten pa de la ni/ rten 'byung gang de rang bzhin med pa ste/ de kho na nyid du sgra ma la sogs pa bzhin du yod pa ma yin ba nyid do/ /gang de kho na nyid du yod pa ma yin pa de yang 'ga' zhig yod pa nyid khas len par byed pa na yang ji ltar de snang ba de gang gis na yod de/ ji ltar yang de yod par yang mi 'gyur pa nyid zhes de khyon nyid du nges pa'o/ /de ni gang dag yang dag par rdzogs pa'i byang chub kyi rigs can rnams dang/ gang yang nga man pa'i byang chub kyi rigs can de dag thams cad 'di nyid la rab tu 'jug par bya ba'i phyir tshul 'di ni mngon par 'dod pa'i 'bras bu grub

  837. 419a

    pa sgrub par byed pa nyid du nye bar bstan pa'i sgo nas don chen po nyid du bstan pa'i phyir tshigs su bcad pa gnyis/ tshul 'di rigs pas rjes dpog gang/ zhes bya ba la sogs pa smos so/ /de la tshigs su bcad pa dang pos byang chub dam pa'i rigs can rnams yang dag par rtogs par byed do/ /byang chub kyi sems bskyed pa'i sgrub pa po gang thog mar lung las thos pa'i rang bzhin gyis shes pas stong pa nyid bdun cu pas bstan pa'i theg par dman pa'i tshul 'di khong du chud nas rigs pas te 'thad pas/ rkyen las skyes pa nyid la sogs pa'i rtags las rjes su 'phog pa ste/ rigs pa las skyes pa bsam pa'i rang bzhin shes pas nges par byed pa'o/ /de'i 'og tu dang ldan te mngon par yid ches pa'i mtshan nyid kyi dad pa dang yang dag par ldan pa'o/ /yang dag tshor lhur len pa ste/ chos thams cad rang bzhin med pa'i yang dag tshol ba rjes su tshol ba sbyor ba dang/ mthong ba dang/ sgom pa dag gis goms pa'i rim pas rtogs pa'o/ /de lhur len pa ni yid gzhan du mi gtod pa'o/ /de'i bar du yang sangs rgyas dang byang chub sems dpa' dag las gdams ngag thob pa na yang chos bstan 'ga' yang mi brten pa ste/ chos ni shes bya dang/ spang bya dang/ rnam par dag pa la sogs pa gang bstan pa sangs rgyas dang byang chub sems dpa' rnams kyis gdams ngag gis ston pa 'ga' zhig la yang mi brten pa chos ston pa 'ga' zhig la yang mngon par zhen pa med pa ste/ ji lar sgyu ma'i glang po ni/ sgyu ma'i seng ges nyams byed pa/ bden min de bzhin log rtog ni/ de nyid nges par nyams par byed/ ces pa'i tshul gyis mi mthun pa'i phyogs dang gnyen po'i phyogs

  838. 419b

    thams cad la sgyu ma lta bu nyid du lhag par mos pa rnyed pa'i phyir ro/ /gang yang de ltar goms pa khyad par can gyi gnas skabs la lag par 'ugs par gyur bde ni dngos po dang dngos po med pa dad 'khor ba dang mya ngan las 'das pa dag spangs nas zhi ba ste/ de dag la mngon par zhen pa med cing rnam pa thams cad yongs su dag par thob par byed pa ste/ mi gnas pa'i mya ngan las 'das pa theb pa yin zhes bya ba'i don to/ /gang yang bdag nyid 'khor ba'i sdug bsngal ldog par 'dod bas rkyen nyid 'di pa ste/ rkyen 'di skye ba gang la yod pa de ni rkyen 'di pa yin bde nyid rkyen 'di pa bdag med pa nyid kyis rten cing 'brel par 'gyur pa 'ba' zhig la de ni rkyen nyid 'di pa'o/ /'di na da lta bu'i ngo bo ste sgyu ma la sogs pa bzhin du brdzun pa'i rang bzhin du tshogs dang/ sbyor pa dang/ mthong ba la sogs pa'i rigs pas rig cing khong du chud la/ de shes nas kyang lta ngan dra ba kun te/ 'jig tshogs dang mthar 'dzin dang log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa zhes bya ba'i lta ba gang bden pa mthong ba dang/ mi mthun pa'i phyir dang/ 'khor ba'i rtsa ba yin pa'i phyir/ dan pa ste de nyid dang des nye bar mtshon pa'i mthong bas spang bar bya ba 'dod chags la sogs pa'i phra rgyas ni dra ba dang 'dra ba'i phyir dra ba ste/ 'ching ba'i gnas yin pa'i phyir ro /de kun ma lus pa ldog pa ste mthong pa'i lam gyis mi ldan par byas pa des 'jig rten las 'das pa'i sgom pas spang par bya ba 'dod chags dang/ rmongs pa dang/ khong khro dang des nye bar mtshon pa'i nga rgyal spang pa'i phyir te/ 'jig rten las 'das pa'i sgom pa'i lam gyis spangs pa thob pa'i

  839. 420a

    phyir ro/ /nyon mongs pa mdza' dag gi dri ma'i gdon dang bra ba nyid kyis ma gos pa yin la mya ngan 'das te zhes bya ba la/ de zhes bya ba ni 'phags pa'i skye bos so sor rang gis rig par bya'o/ /mya ngan las 'das pa de thob pa ste/ 'khor ba'i sdug bsngal las rnam par grol ba thob pa zhes bya ba'i don to/ /'dis ni 'di skad bstan pa yin te/ gang gi phyir gang la dngos po la nyid du yang brten cing 'bre par 'byung ba mi rtags dang/ sdug bsngal ba la sogs pa'i rnam par mthong ba sdug bsngal zad par nus pa yin na/ dri za'i grong khyer dang sgyu ma la sogs pa dang chos mthun par lta smos kyang ci dgos/ dgongs pa 'di nyid kyis kyang rgyal pa bskyed ma las nyan thos kyi byang chub la slob par 'dod pas kyang shes rab kyi pha rol tu phyin pa 'di nyid la bslab par bya'o zhes bya ba la sogs pa gsungs so/ /de lta bas na theg pa chen po 'di don chen po can yin no zhes bya ba 'di gnas pa yin no/ /skal pa mi nyung rab goms pa'i/ bsod nams ye shes blo che ba'i/ 'phags pa klu sgrub che mchog gi /gzhung gang la ni bdag blo gang/ /de lta na yang gang gi phyir/ /bdun cu pa 'dir mkhas gang gis/ /da lta yang ni don byed tshul/ /'bad byas med pa de yi phyir/ /slob dpon dam pa zla dpal zhabs/ /brten nas brgyud pa'i man ngag 'di/ /bdag blo'i nus pa thob pa yis/ /bdag gis rmongs pa 'dir 'khrul gang/ /cung zad byang ba gang yin pa/ /khyed rnams kyis ni bzod byas te/ /gang phyir

  840. 220b

    bdag 'dra kun mkhyen min/ /de las kun ta kha ba mu tig dang/ /zla 'dra'i bsod nams rgya chen gang byung des/ /'jig rten gyis ni spros kun nyer zhi bas/ /rnam dag rang gi chos nyid rtogs par shog/ //kha che'i yul gyi mkhas pa chen po slob dpon so ma shI'i zhal snga nas kyi zhabs kyi rdul la nye bar bsten par mdzad pa'i slob dpon mkhas pa chen po dpa' gzhan la han pa'i zhal snga nas kyis mdzad pa stong pa nyid bdun cu pa'i 'grel pa rdzogs so// //thugs dam sa'i snying po tho ling du/ kha che'i mkhan po pa ra hi ta'i zhal snga nas nyid dang/ lots+tsha pa shAkya'i dge slong bzhon nu mchog gis bsgyur cing zhus te gtan la phab pa'o// // rtog ge tho ba zhugs/ /*/ /rgya gar skad du/ ta rka mung+ga ra kA ri ka nA ma/ bod skad du/ rtog ge'i tho ba'i tshig le'ur byas pa/ phags pa 'jam dpal gzhon nur gyur ba la phyag 'tshal lo/ /yul dngos stobs kyis zhugs pa yi/ /tshad ma de nyid rtogs so zhes /chos kyi grags pa'i rjes 'brang ba'i/ / rtog ge pa rnams smra bar byed/ /blo gang bcad don thob byed pa/ /tshad ma yin zhes kha cig smra/ /la la ma rtogs don gsal 'dod/ /gzhan dag bden pa'i don rtogs

  841. 421a

    smra/ /ha cang thal phyir ma 'brel ba/ /gzhan dang 'jam byed nyid ma yin/ /de phyir tshad ma'i gzhal bya ni/ /rdzas yod yin par smra bar byos/ /rdzas kyang skad cig ma nyid phyir/ /bcad don thob pa ga la srid/ /rgyun bltos zhe na rgyun can las/ /gzhan min de min phyir rdzas min/ /bcad zhugs thob rgyun gsum phyir yang/ / rgyud bltos bcad do thob pa med/ /ldog pa gcig bcad rgyun zhe na/ /rdzas ldog rdzas las gzhan min phyir/ /ldog pa gcig pa ga la yod/ /gal te rdzas gzhen ldog gcig na/ /gsal ba gzhen la spyi gcig pa/ /ci yi phyir na khas mi len/ /gnyis ka rdzas yod 'gal zhe na/ /rdzas ldog rdzas las gzhan mi pa/ /ci yi phyir na rdzas ma yin/ /gal te de nyid gzhan yin na/ /smig rgyu la ni chu bzhin du/ /rdzas ldog rdzas su 'thad ma yin/ /de lta yin na tshad ma ni/ /dngos po'i yul can ma yin cing/ /ma 'dre la phyir na dngos pa/ /tshad mas ji ltar 'jal bar byed/ /sngo mdog yul can sngo rdzas la/ /chad min thal 'gyur de mi 'gyur/ /de phyir ldog pa gcig bcad kyi/ /rgyun bltos tshad ma mi 'thad do/ /rdzas rgyun yun ring mi gnas dang/ /'gal dang bden don 'gog pa yis/ /ma rtogs

  842. 421b

    don gyi gsal byed kyang/ tshad ma'i mtshan nyid mi 'thad do/ /bden don rtogs pa tshad ma yin/ /mtshan nyid min te gang gi phyir/ bden nyid grub pa med phyir dang/ /tshad min tshad mar 'gyur phyir/ /'dir ltar snang tsam bden snang dang/ /bden nges ldog pa gnyis ldan pas/ /yul bden yin par 'gyur zhing/ log shes tshad mar 'gyur pa'i phyir/ /bstan ldog rnams kyis bden mi'i grub/ /ma bstan ldog pa gang zhig gis/ /bden pa 'grub pa'i thabs de smos/ /kha cig don du snang tsam gyis/ /bden mi 'grub kyang don byed par snang bas bden pa nyid du 'dod/ /'di mi rigs te gnyis kar yang/ /snang bar khyad par med phyir ro/ /rtog brel 'jug yul mi ston phyir/ /mngon sum tshad ma nyid ma yin/ /khyab dang phyogs chos mi 'grub phyir/ /rjes su dpag pa yod ma yin/ /rang gi mtshan nyid yul can phyir/ /khyab pa mngon sum gyis mi 'grub/ /mtshan ma yin phyir rjes dpag ni/ /yul dus spyi la 'jal mi byed/ /gang zhig spyi yi yul can min/ /de yis khyab pa ji ltar 'grub/ /shugs rtogs she na si 'thad do/ /so sor nges pa'i yul can yang/ /spyi la dmigs pa'i blo skye bas/ /de ni spyod pa yin par 'dod/ /ltog pa gcig dang tha dad dang/ /

  843. 422a

    mtshungs pa gtan tshigs yin gyur grang/ /dang po med phyir phyogs chos med/ /gnyis gsum pa la khyab pa med/ /tshad ma med kyang khas blangs dang/ /'gal phyir rang gzhan log rtogs sel/ /log rtogs log pa tsam zhig la/ /de nyid nges shes tha snyad brtags/ / rtog ge tho ba'i tshig le'ur byas pa nyi shu pa/ /kha che'i paN+Di ta dza ya A nandas mdzad pa rdzogs so// //zhus chen gyi lo tsA ba khu mdo sde 'bar dang/ paN+Di ta de nyid kyis bsgyur cing gtan la phab pa'o// dge'o sarba mang+ga laM/ /