Text

ff. 1a–429a · 857 folio sides

  1. 1a

    mdzod kyi 'grel bshad nye bar mkho ba zhes bya ba bal po zhi gnas lhas mdzad pa'i smad bzhugs so//

  2. 1b

    'di na kha cig 'dod pa'i 'dod chags kyi kun nas dkris pa zhes bya ba la/ gleng gzhi mnyan du yod pa na'o/ /de nas bcom ldan 'das kyis dge slong rnams la bos te/ dge slong dag ngas khyed la tha ma'i cha dang mthun pa'i kun tu spyod pa lnga bstan par bya yis de legs par zung zhig/ de'i tshe tshe dang ldan pa mchod byed kyi ma can 'khor 'dus shing tshogs par gyur pa de'i nang na 'dug par gyur te/ de nas tshe dang ldan pa mchod byed kyi ma can stan las langs

  3. 2a

    te/ bla gos phrag pa gcig tu byas nas bcom ldan 'das gang na ba der thal mo sbyar zhing phyag byas nas bcom ldan 'das la 'di skad ces gsol to/ /btsun pa bcom ldan 'das kyi bstan pa'i tha ma'i cha dang mthun pa'i kun tu sbyor ba lnga po bdag gis gzung lags so/ /mchod byed kyi ma can khyod kyis ji lta ji ltar ngas bstan pa'i tha ma'i cha dang 'thun pa'i kun tu sbyor ba lnga po dag gzung/ btsun pa 'dod pa la 'dun pa ni tha ma'i cha dang mthun pa'i kun tu sbyor ba'o/ /zhes bcom ldan 'das kyis bshad pa de

  4. 2b

    bdag gis bzung ngo/ /btsun pa gnod sems dang/ 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom ni tha ma'i cha dang mthun pa'o zhes bcom ldan 'das kyis bshad pa de bdag gis bzung ste/ btsun pa 'di ltar bcom ldan 'das kyis bshad pa'i tha ma'i cha dang mthun pa'i kun tu sbyor ba lnga rnams bdag gis bzung lags so/ /mchod byed kyi ma can gzhan mu stegs can kun tu rgyu 'di ltar byis pa'i dpes smod cing bshung bar sems te/ de ci'i phyir zhe na/ mchod byed kyi ma can byis pa gzhon nu nad pa mal stan la nyal ba bdag gis 'dod pa zhes bya ba yang mi sems na/ 'dod pa'i 'dod chags kyis sems kun nas dkris pa lta smos kyang ci dgos/ 'on kyang 'dod ba'i 'dod chags kyi bag la nyal dang ni rjes su 'brel pa yin no/ /byis pa gzhon nu nad pa mal bstan la

  5. 3a

    nyal ba rnams kyis sems can zhes bya ba yang mi shes na/ gnod sems kyis sems kun nas dkris te gnas pa lta smos kyang ci dgos/ 'on kyang gnod sems kyi bag la nyal dang ni rjes su 'brel pa yin no/ /byis pa gzhon nu mal stan la nyal ba rnams kyis lus shes bya ba yang mi shes na/ 'jig tshogs la lta bas sems kun nas dkris te gnas pa lta smos kyang ci dgos/ 'on kyang 'jig tshogs la lta ba bag la nyal dang ni rjes su 'brel pa yin no/ /byis pa gzhon nu nad pa mal stan la nyal ba rnams kyi tshul khrims zhes bya ba yang mi shes na/ tshul khrims dang brtul zhugs mchog tu 'dzin pas sems kun nas dkris te gnas pa lta smos kyang ci dgos / /'on kyang tshul khrims dang brtul zhugs mchog tu 'dzin pa'i bag la nyal dang ni rjes su 'brel pa yin no/ /byis

  6. 3b

    pa gzhon nu nad pa ma la stan la nyal ba rnams kyi the tshom zhes bya ba yang mi shes na the tshom gyi phra rgyas kyi sems kun nas dkris te gnas pa lta smos kyang ci dgos zhes gzhan mu stegs can gyi kun tu rgyu dag spong cing bshung bar byed na/ de la khyod ji snyam du sems/ de skad ces bka' stsal pa dang/ tshe dang ldan pa mchod byed kyi mtshan kha rog par 'dug cing zhum par gyur cing phrag bcu ma par gyur te 'og tu bltas te spobs pa med par gyur te/ sems bzhin du gnas par gyur to/ /de'i tshe tshe dang ldan ba kun dga' bo bcom ldan 'das kyi sku rgyab ni rlung yab thogs te bcom ldan 'das la g.yob cing 'dug par gyur te de nas tshe dang ldan pa kun dga' bos bcom ldan 'das la 'di skad ces gsol to/ /gang bcom ldan 'das kyis dge slong rnams la tha ma'i cha dang mthun pa'i kun tu sbyor ba lnga bstan pa'i dus ni bcom ldan 'das 'di lags te/ bde bar gshegs pa 'di lags so/ /bcom ldan 'das las thos nas dge slong rnams kyis 'dzin par 'gyur lags so/ /kun dga' bo de'i phyir legs par nyon la yid la zung zhig dang bshad par bya'o/ /kun dga' bo 'di na kha cig 'dod pa'i 'dod chags kyi kun nas dkris pa'i sems

  7. 4a

    kyis lan mang du gnas te/ 'dod pa'i 'dod chags kyis kun nas dkris pa skyes pa rnams la nges par 'byung ba yang dag pa ji lta ba bzhin mi shes te/ des 'dod pa'i 'dod chags kyis kun nas dkris pa tha ma'i cha dang mthun pa'i kun tu sbyor ba de dag la yang dag pa'i stobs kyis spong bar mi byed do/ /kun dga' bo 'di na kha cig gnod sems dang/ 'jig tshogs la lta ba dang/ tshul khrims dang/ brtul zhugs mchog tu 'dzin pa dang/ the tshom gyis kun nas dkris pa'i sems kyis lan mang du gnas te/ the tshom gyis kun nas dkris pa skyes pa rnams las phyis nges par 'byung ba yang dag pa ji lta ba bzhin mi shes te/ des the tshom gyis kun nas dkris pa tha ma'i cha dang mthun pa'i kun tu sbyor pa de dag yang dag pa'i stobs kyis spong bar byed do/ /kun dga' po lam gang zhig rtogs pas tha ma'i cha dang mthun pa'i kun tu sbyor ba lnga spong bar 'gyur ba'i lam de des ma rtogS par tha ma'i cha dang mthun pa'i kun tu sbyor ba lnga spong bar 'gyur ba gang yin pa 'di ni gnas ma yin zhing go skabs med do/ /'di lta ste/ kun dga' ba mig dang ldan pa'i skyes bu snying po 'tshol zhing don du gnyer bdag sta re rnon po thogs nas nags su zhugs te/ des de na shing chen po rtsa ba dang ldan pa/ lo ma dang ldan pa/ yal ga dang ldan pa/ 'dab ma dang/ me tog dang 'bras bu dang ldan pa zhig mthod nas

  8. 4b

    'di skad du ngas ? 'di'i rtsa ba ma bcad cing rtse mo ma bcad par yal ga dang 'dab ma dang/ me tog dang/ snying po dag khyer nas 'gro bar bya'o zhes zer na/ de skad du ma smra zhig ces brjod par bya'o/ /de ci'i phyir zhe na/ 'di ni gnas? ma yin zhing go skabs med do/ gang yang skyes bu 'dis shing gi rtsa ba ma bcad par yal ga dang 'dab ma dang/ me tog dang/ snying po khyer nas 'gro bar 'gyur ba 'di ni gnas ma yin zhing go skabs med do/ /kun dga' po de bzhin du lam gang ni rtogs pas tha ma'i cha dang mthun pa'i kun tu sbyor ba yod par 'gyur ba'i lam de nges ma rtogs par tha ma'i cha dang mthun pa'i kun tu sbyor ba lnga spong bar 'gyur ba 'di ni gnas su ma yin zhing go skabs med do/ /kun dga' bo lam yang zhag rtogs pa tha ma'i cha dang mthun pa'i kun tu sbyor ba lnga spong bar 'gyur ba'i lam de nges rtogs na/ tha ma'i cha dang mthun pa'i kun tu sbyor pa lnga spong bar 'gyur ba 'di ni gnas yin zhing go skabs yod de/ kun dga' po 'di lta ste/ mig dang ldan pa'i skyes bu snying po 'tshol zhing don du gnyer ba dag ltar rnon po thogs nas nags su zhugs su te nges de na shing chen po rtsa ba dang ldan dang/ sdong po dang ldan pa yal ga dang 'dab ma dang 'bras bu dang ldan pa zhig mthong nas de 'di skad du ngas shing 'di'i rtsa ba bcad de rtse mo bcang nas yal ga dang lo ma dang me tog dang/ snying po dag khyer nas 'gro bar bya'o zhes zer na/ de bzhin no zhes brjod par bya ste/ de ci'i phyir zhe na/ 'di ni gnas yin zhing skabs yod do/ /gang yang skyes bu nges shing gi rtsa ba bcad cing rtse mo dag bcang nas yal ga dang 'dab ma dang me tog dang snying po dag khyer nas 'gro ba 'di ni gnas yin zhing go skabs yod do/ /kun dga' bo de bzhin du 'ang si lam gang zhig rtogs pas tha ma'i cha dang mthun pa'i kun tu sbyor ba rnams spang bar 'gyur ba'i lam de nges rtogs nas tha ma'i cha dang mthun pa'i kun tu sbyor ba rnams spong bar 'gyur ba

  9. 5a

    'di ni gnas yin zhing go skabs yod do/ /kun dga' bo lam ni gang rtogs pas tha ma'i cha dang mthun pa'i kun tu sbyor ba rnams spong ba gang zhe na/ kun dga' bo 'di na kha cig 'dod pa'i 'dod chags kyis kun nas dkris ba'i sems kyis lan mang du mi gnas te/ 'dod pa'i 'dod chags kyis kun tu dkris pa skyes pa rnams las phyis nges par 'byung ba yang dag pa ji lta ba bzhin du rab tu shes te/ nges 'dod pa'i 'dod chags kyis phra rgyas de dag stobs kyis so sor legs par btul te phra rgyas dang bcas pa spong bar byed do/ /kun dga' bo 'di na kha cig gnod sems dang/ 'jig tshogs la lta ba dang/ tshul khrims dang brtul zhugs mchog tu 'dzin pa dang the tshom gyis kun nas dkris pa'i sems kyis lan mang du mi gnas te/ the tshom gyis kun nas dkris pa skyes pa rnams las phyis nges par 'byung ba yang dag pa ji lta ba bzhin shes te/ des the tshom gyis kun nas dkris pa de stobs kyis so sor btul te phra rgyas dang bcas pa spong bar byed do zhes bya ba'i mdo'i dum bus lung bar ma las/ gso sbyong can dang ta la can/ /dga' dang tha ma'i cha mthun bcas zhes bya ba'i tha ma'i cha dang mthun pa'i mdo las byung ngo/ /gang yang mdo las ni nyon mongs nyid phra rgyas su bshad de zhes bya ba la drug tshan drug pa'i skyemched drug bstan pa'i sgo gnyis pa las/ dga' dang kun dga' las gdams pa zhes bya ba'i sdom gyi tshigs su bcad pa bstan pa mdzod kyi gnas gsum par rten cing 'brel par 'byung ba'i skabs su reg drug 'dus te byung ba yin zhes bya bar bris pa bzhin blta bar bya ste/ de las 'di ltar 'don te/ dge slong dag mig dang gzugs la brten nas mig gi rnam par shes pa skyes par 'gyur zhing gsum 'dus ba'i reg pa dang reg pa la brten

  10. 5b

    nas tshor ba bde ba 'am/ sdug bsngal ba'am/ bde ba yang ma yin sdug bsngal ba ma yin pa skye bar 'gyur ro/ /dge slong dag de la bde ba'i tshor ba reg na mngon par dga' zhing mngon par brjod pa dang zhen pa dang lhag par zhen cing gnas par 'gyur te/ 'di'i bde ba'i tshor ba la 'dod chags rgyas par 'gyur ro/ /dge slong dag de la sdug bsngal gyi tshor ba la rag na mngon par mi dga' zhing khrol gnod sems dang yongs su gdug cing mi dga' zhing gnas par 'gyur te/ 'di'i sdug bsngal gyi chor ba la gnod sems rgyas par 'gyur ro zhes gang gis tshor ba gang gi kun 'byung ba dang mi snang ba dang ro myang ba dang nyes dmigs dang nges par 'byung ba yang dag pa ji lta ba bzhin mi shes te/ 'di'i bde ba yang ma yin sdug bsngal ba yang ma yin pa'i tshor ba lam rig pa rgyas par 'gyur ro/ /mdo las 'dod chags rnam pa gnyis su phye nas bshad de zhes bya ba la bdun tshan bdun pa las/ zag bdun yid bdun rnam shes gnas/ /sring dang phra rgyas bdun gcig byas zhes 'byung ba'i phra rgyas kyi mdo las/ ji ltar mngon par mdzod kyi gnas gsum brten cing 'brel bar 'byung ba'i skabs su/ kun sbyor sogs tshig phyir zhes bya bar bris pa blta bar bya'o/ /'di ltar las rnam par 'byed pa chen po'i mdo las 'dod chags dang bral ba rnams la 'og ma 'dod pa la dmigs pa'i blta ba kun tu 'byung bar gsungs zhes bya ba la/ 'di skad bdag gis thos pa dus gcig na bcom ldan 'das rgyal po'i/ bab kyi smyug ma'i tshal bya ka lan+ta ka gnas pa na bzhugs te/ de'i tshe tshe dang ldan pa dran pa rgyal po'i khab kyi dgon pa'i dbyar khang na 'dug par gyur te/ kun tu rgyu po ta la'i bu tshe dang ldan pa dran pa gang na ba der nye bar song ste/ nye bar song nas tshe dang ldan pa

  11. 6a

    dran pa dang lhan cig yang dag par dga' bar 'gyur ba dang/ yang dag par bde bar 'gyur ba'i gtang rnam pa sna tshogs byas te phyogs gcig tu 'dug go /phyogs gcig tu 'dug nas kun tu rgyu po ta la'i bus tshe dang ldan pa dran pa la 'di skad ces smras so/ /dren pa dris pa lung ston pa la skabs 'byed na bdag phyogs 'ga' zhig 'dri'o/ /po ta la'i bu dris shig dang/ thos nas rig par bya'o/ /dran pa gang las lus kyi las kyi 'bras bu med cing ngag gi las kyi 'bras bu med pa/ yid kyi las kyi 'bras bu med pa de lta bu'i ting nge 'dzin dang ting nge 'dzin la snyoms par zhugs pa'i dge slong cung zad cig yod do zhes da smra'o zhes bdag gis dge sbyong gau ga ta ma las mngon sum du thos nas mngon gsum du bzung ste/ dran pa 'di la khyod ji skad du smra/ po ta la'i bu gang yang lus kyi las kyi 'bras bu med cing ngag gi las kyi 'bras bu med la yid kyi las kyi 'bras bu med pa de lta bu'i ting nge 'dzin dang ting nge 'dzin la snyoms par zhugs pa'i dge slong cung zad cig yod do zhes smra'o zhes bcom ldan 'das kyis bshad pa'i don bdag gis mi shes mod kyi/ 'on kyang gang gi las byas shing bsags la nye bar bsags pa dag gi rnam par smin pa so sor mi myong ba ma yin no zhes da smra ste/ de yang mthong ba'i chos dang skyes nas dang lan grangs gzhan la'o/ /las ma byas shing ma bsags la nye bar ma bsags pa dag gi rnam par smin pa ni so sor myong bar mi 'gyur ro zhes bcom ldan 'das kyis bshad pa'i don bdag gis 'di ltar shes so/ / dran pa khyod dge sbyong gau go tam las dge spyod du khas blangs nas ji tsam lon/ po ta la'i bu bdag legs par gsungs pa'i chos 'dul ba la rab tu byung nas lo gsum lhag tsam lon no/ /ngan pa da ltar 'di na gnas brtan rgyal pos gang?

  12. 6b

    ba rab tu byung nas ring du lon pa/ dang po nyid nas tshangs par spyod pa spyad par stan bcos smra zhing rnam par 'byed shes pa/ tshangs par spyod pa dge slong rnams kyis ci zhig byed par 'gyur/ da ltar 'di na khyod gsang bu yang dge sbyong go tam la legs pa shin tu rjes su srungs par sem bsam/ dran pa las byas shing bsags pa nye bar bsags pa bdag gis ci zhig myong bar 'gyur/ po ta la'i bu las bsam bzhin byas shing bsags la nye bar bsags pas sdug bsngal myong bar 'gyur ro/ /de nas kun tu rgyu po ta la'i bu tshe dang ldan pa dran pas bshad pa la dga' bar yang mi byed khro bar yang mi byed par stan las langs te song ngo/ /de'i tshe na tshe dang ldan pa bskul byed chen po tshe dang ldan pa dran pa dang me? ring ba zhig na shing ljon pa gzhan zhig gi drung na nying? bar gnas pa'i phyir 'dug go /de nas tshe dang ldan pa bskul byed chen pos tshe dang ldan pa dran pa dang kun tu rgyu po ta la'i bu lhan cig gtam gzhan rgyas par brjod pa rnams thos so/ /tshe dang ldan pa bskul byed chen po tshe dang ldan pa dran pa kun tu rgyu po ta la'i bu dang lhan cig gtam gzhan brjod pa 'di ltar gyur ba thams cad bzung ste yid la byas nas/ tshe dang ldan ba kun dga' bo gdan bder nye bar song ste/ nye bar song nas tshe dang ldan pa kun dga' bo dang thabs gcig yang dag par dga' bar 'gyur ba dang/ yang dag par bde bar 'gyur ba'i gtam rnam pa sna tshogs byas te phyogs gcig tu 'dug go /phyogs gcig tu 'dug nas/ tshe dang ldan pa bskul byed chen pos tshe dang ldan pa dran pa kun tu rgyu po ta la'i bu dang lhan cig gtam gzhan brjod pa ji ltar gyur pa de thams cad rgyas par tshe dang ldan pa kun dga' bo la bsnyad do/ /de skad ces smras pa dang/ tshe dang ldan pa kun dga' bos tshe dang ldan pa bskul byed chen po la 'di skad ces smras so/ /tshe dang ldan pa bskul byed chen po gtam 'di dag dang

  13. 7a

    bcom ldan 'das gdan ba der 'gro bar gyis shig /bcom ldan 'das gal bder nye bar song nas bcom ldan 'das la chos zab mo zab par snang ba 'di lta bu'i don dran pa rnyed par 'gyur/ de nas tshe dang ldan pa bskul bde chen po dang tshe dang ldan pa kun dga' bo bcom ldan 'das gang na bder nye bar song zhing nye bar song nas/ bcom ldan 'das kyi zhabs la spyi bos phyag byas nas phyogs gcig tu 'dug go /phyogs gcig tu 'dug nas tshe dang ldan pa kun dga' bos tshe dang ldan pa bskul byed chen po la 'di skad ces smras so/ /dge slong kun dga' bo dang bskul byed kyi brjod par 'dod pa dag ni bcom ldan 'das las thos par 'gyur ro/ /de ltar bde bar gshegs pa las thos par 'gyur ro/ /de nas tshe dang ldan pa bskul byed chen pos tshe dang ldan pa dran pa kun tu rgyu bo ta la'i bur da gtam gzhan brjod pa de thams cad bcom ldan 'das la rgyas par gsol pa dang/ bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong dran pa las rnam par 'byed pa lung sngon pa la ltos/ 'dis ni dris pa phyogs gcig tu lung bstan to/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pa tshe dang ldan pa dran pas gang cung zad tshor ba de thams cad ni sdug bsngal ba'o zhes bya ba 'di ? bsam nas kun tu rgyu po ta la'i bu la bshad pa'i gnas yod cing skabs yod de/ bskul byed dge slong kun dga' bo'i bsam pa ltos/ kun tu rgyu po ta la'i bu ngas mthong ba yang dag par rjes su mi dran na de dang lhan cig bar skabs kyi gtam brjod pa 'di lta bu lta smos kyang ci dgos btsun pa ji ltar na tshe dang ldan pa dran pas kun tu rgyu po ta la'i bus dri ba dris pa'i lung bstan pa/ yang dag par lung bstan par byas par 'gyur lags/ kun dga' bo dge slong dran pas kun tu rgyu po ta la'i bu'i

  14. 7b

    dri ba dris pa la 'di ltar lung bstan na yang dag par lung bstan par 'gyur te/ po ta la'i bu bsam bzhin du las byas shing nye bar bsags na bde ba myong bar 'gyur ro/ /bsams bzhin du sdug bsngal myong bar 'gyur ba'i las byas shing nye bar bsags na sdug bsngal myong bar 'gyur ro/ /bsams bzhin du sdug bsngal yang ma yin bde ba yang ma yin pa'i las byas shing nye bar bsags na bde ba yang ma yin sdug bsngal ba yang ma yin pa myong bar 'gyur ro/ /kun dga' bo kun tu rgyu po ta la'i bus ni dge slong dran pa la tshor ba gsum las bsams te dris pa dge slong dran pas gang cung zad tshor ba de thams cad ni sdug bsngal ba'o zhes ni phyogs gcig lung bstan to/ /btsun pa bcom ldan 'das kyis tshe dang ldan pa dran pa'i sems la khyab ste mkhyen pa ni ngo mtshar lags so/ /kun dga' bo de bzhin gshegs pa de mkhyen pa la ngo mtshar ci zhig yod/ kun dga' po de bzhin gshegs la las las rnam par 'byed pa chen po zhes bya ba'i tshos kyi rnam grangs nyon cig dang bshad par bya'o/ /da la sems mngon par dad par gyis shig sems mngon par rang zhing rab rab tu dang nas bya ba mang du byed par 'gyur ba'i gnas yin zhing skabs yod do/ /bcom ldan 'das dus la bab cing bde bar gshegs pa dus la bab ste/ bcom ldan 'das kyis dge slong rnams la las rnam par 'byed pa chen po'i chos kyi rnam grangs bshad na bcom ldan 'das las thos nas dge slong rnams kyis legs par 'dzin par 'gyur ro/ /kun dga' bo de'i phyir legs par nyon la yid la zung zhig dang ngas bshad bar bya'o/ /kun dga' bo 'di na kha cig srog gcod pa dang ma bral bar gyur cing ma byin par len pa dang/ 'dod pas log par g.yem pa dang/ brdzun du smra ba dang/ phra ma dang/ tshig rtsub mo dang/ tshig la byam pa dang/ brnab sems dang/

  15. 8a

    gnod sems dang/ log par lta bas 'phags shing ma bral bar gyur ba dag lus zhig ste shi ba'i 'og tu bde 'gro mtho ris su skye bar 'gyur ba yang yod la/ gzhan yang kun dga' bo 'di na kha cig srog gcod pa dad bral bar gyur cing/ ma byin par len pa dang/ brdzun du smra ba dang/ phra ma dang/ tshig rtsub yo dang/ tshig 'khyal ba dang/ brnab sems dang/ gnod sems dang/ log par lta bsam 'phags shing bral bar gyur pa dag lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba yang yod la/ kun dga' bo gzhan yang 'di na kha cig srog gcod pa dang bral bar gyur pa nas log par lta bas ma 'gags shing bral ba'i bar du gyur la lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba yang yod de/ kun dga' bo de la srog gcod pa dang ma bral ba nas/ log par bas ? shing ma bral ba'i bar dag bde 'gro mtho ris kyi 'jig rten du skye bor dag phyi rol mu stegs kyi dge spyod dam/ bram ze lha'i mig dang gzhan gyi sems rig pa dag gis mthong nas/ de 'di snyam du lus kyi nyes par spyad pa med do/ /lus kyi nyes par spyad pa'i rnam par smin pa med do/ /dag dang yid kyi nyes par spyad pa med do/ /dag dang yid kyi nyes par spyad pa'i rnam par smin pa med do/ /'di lus kyi srog gcod pa dang ma bral ba nas log par lta bas bsags shing ma bral la lus zhig ste shi ba'i 'og tu bde 'gro mtho ris kyi 'jig rten du skyes pa de ma mthong la/ gzhan yang srog gcod pa dad ma bral bar gyur pa nas log par lta bas bsags shing ma bral bar gyur kyang bde 'gro mtho ris kyi 'jig rten du skye bar 'gyur ba dag 'byung bar 'gyur te/ gang 'di ltar lta ba ni yang dag pa'i lta ba ste/

  16. 8b

    gzhan ni log pa'o zhes dge spyod dam bram ze de dag ji ltar mthong ba dang ji ltar rig pa stobs kyis rnam par dpyad de 'di nyid bden gyi/ gzhan ni gti mug pa'o zhes rjes su tha snyad 'dogs par byed do/ /kun dga' bo de la srog gcod pa dang bral bar gyur/ pa nas log par lta bsam 'phags? shing bral bar gyur pa'i bar dag ngan song ngan 'gro log par ltung ba sems can dmyal ba dag tu skyes bar gyur pa dag phyi rol mu stegs byed kyi dge spyod dam/ bram ze lha'i mig dang gzhan gyi sems rig re? dag gis mthong /nas/ de 'di snyam pa lus kyi legs par spyad pa med do/ /lus kyi legs par spyad pa'i rnam par smin pa med do/ /ngag dang yid kyi legs par spyad pa med do/ /ngag dang yid kyi legs par spyad pa'i rnam par smin pa med do/ /sems can 'di srog gcod pa dang bral bar gyur ba nas log par lta bsam 'phags shing bral ba'i bar du gyur la lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ngas mthong ste/ gzhan dag kyang srog gcod pa dang ma bral ba nas log par lta ba'i bar gyis ma 'bags shing bral bar 'gyur kyang ngan song ngan 'gro log par gyur ba sems can dmyal ba rnams su skye bar 'gyur ba dag 'byung bar 'gyur te/ 'di ltar lta ba ni yang dag pa'i lta ba ste/ gzhan ni log pa'o zhes dge spyod dam bram ze de dag ji ltar mthong ba dang ji ltar rig pa stobs kyis rnam par spyad de 'di nyid bden gyi gzhan min gti mug pa'o zhes rjes su tha snyad 'dogs par byed do/ /de la kun dga' bo srog gcod pa dang ma bral bar gyur pa nas/ log par lta bas 'phags shing ma bral bar gyur pa'i bar dag lus shig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa dag phyi rol mu stegs byed kyi dge spyod dam bram ze lha'i mig dang/

  17. 9a

    gzhan gyi sems shes pa dag gis mthong nas de 'di snyam du lus kyi nyes par spyod pa yod do/ /lus kyi nyes par spyad pa'i rnam par smin pa yod do/ /ngag dang yid kyi nyes par spyad pa yod do/ /ngag dang yid kyi nyes par spyad pa'i rnam par smin pa yod do/ /sems can 'di srog gcod pa dang ma bral bar gyur ba nas log par lta bas 'bags shing ma bral ba'i bar du gyur la lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa das mthong ngo/ /gzhan dag kyang srog gcod pa dang ma bral ba nas/ log par lta bas 'bags shing ma bral ba'i bar du gyur na ngan song ngan 'gro log par ltung ba sems can dmyal ba rnams su skye bar 'byung bar 'gyur te/ 'di ltar lta ba ni yang dag pa'i lta ba ste/ gzhan ni log pa'o zhes dge sbyong ngam bram ze de dag ji ltar mthong ba dang ji ltar rig pa'i stobs kyis rnam par dpyad de 'di nyid bden gyi gzhan ni gti mug pa'o zhes rjes su tha snyad 'dogs par byed do/ /kun dga' bo de la srog gcod pa dang bral bar gyur ba nam log par lta bsam 'bags shing bral bar gyur ba dag lus zhig ste shi ba'i 'og tu bde 'gro mtho ris kyi 'jig rten du skyes par gyur ba dag phyi rol mu stegs byed kyi dge sbyong dam bram ze lha'i mig dang gzhan gyi sems rig pas mthong nas de 'di snyam du lus kyi legs par spyad pa yod do/ /lus kyi legs par spyad pa'i rnam par smin pa yod do/ /ngag dang yid kyi legs par spyad pa yod do/ /dge dang yid kyi legs par spyad pa'i rnam par smin pa yod do/ /sems can 'di srog gcod pa dang bral bar gyur ba nas log par lta bsam 'bags shing bral bar gyur pas lus zhig ste shi ba'i 'og tu bde 'gro mtho ris kyi 'jig rten du skyes

  18. 9b

    ba/ bdag gis mthong ste/ gzhan dag sreg gcod pa dang bral ba nas/ log par lta ba'i bar gyis ma 'bags shing bral ba'i bar du gyur na bde 'gro mtho ris kyi 'jig rten du skye bdag 'byung bar 'gyur te/ 'di ltar lta ba ni yang dag pa'i lta ba ste/ gzhan ni log pa'o zhes dge sbyong dam bram ze de dag ji ltar mthong ba dang/ ji ltar rig pa'i stobs kyi rnam par dpyad de 'di nyid bden gyi gzhan ni gti mug pa'o zhes rjes su tha snyad 'dogs par byed do/ /kun dga' bo de la dge sbyong dam bram ze gang zhig lus kyi nyes par spyad pa med/ /lus kyi nyes par spyad pa'i rnam par smin ba mdo/ /ngag dang yid kyi nyes par spyad pa'i rnam par smin pa med do zhes 'di ltar lha zhing 'di skad du smra ba de dag ngas rjes su ma gnang ngo/ /gang yang sems can 'di srog gcod pa dang ma bral ba nas log par lta ba'i bar gyis 'bags shing ma bral bar gyur la lus zhig ste shi ba'i 'og tu bde 'gro mtho ris kyi 'jig rten du skyes par gyur ba bdag gis mthong ngo zhes zer ba 'di yang ngas rjes su ma gnang ngo/ /gang yang 'di skad du gzhan yang srog gcod pa dang ma bral ba nas/ log par lta bas 'bags shing ma bral bar gyur kyang bde 'gro mtho ris kyi 'jig rten du skye bar 'gyur zhes zer ba 'di yang ngas rjes su ma gnang ngo/ /gang yang 'di skad du gang 'di ltar mthong ba ni yang dag pa ste/ gzhan ni log pa'i shes pa'o zhes zer ba de yang ngas rjes su mi gnang do/ /gang yang dge sbyong ngam bram ze de dag ji ltar mthong ba dang ji ltar rig pa'i stobs kyis rnam par dpyad nas 'di nyid bden gyi gzhan ni gti mug pa'o zhes rjes su tha snyad 'dogs par byed pa 'di yang? ngas rjes sum gnad do/ /kun dga' bo de ci'i phyir zhe na/ de bzhin gshegs pas skyes bu de'i dbang po dang shes pa rnam pa gzhan du mkhyen cing ma 'ongs pa'i chos kun 'byung bdag rnam pa gzhan

  19. 10a

    du mkhyen pa'i phyir ro/ /kun dga' bo de la des dge sbyong dam/ bram ze gzhan zhig lus kyi legs par spyad pa med do/ /lus kyi legs par spyad pa'i rnam par smin pa med do/ /ngag dang yid kyi legs par spyad pa med do/ / ngag dang yid kyi legs par spyod pa'i rnam par smin pa med do zhes 'di ltar lta zhing 'di skad du smra ba 'di yang ngas rjes su ma gnang ngo/ /gang yang 'di skad du sems can 'di ni srog gcod pa dang bral bar gyur pa nas/ log par lta ba'i bar gyis ma 'bags shing bral bar gyur ba la lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ngas? mthong ngo zhes zer ba 'di yang ngas rjes su ma gnang ngo/ /gang yang 'od skad du gzhan dag kyang srog gcod pa dang ma bral ba nas log par lta ba'i bar gyis ma 'bags shing bral bar gyur kyang ngan song ngan 'gro log par ltung ba sems can dmyal ba rnams su skyes bar 'gyur ro zhes zer ba 'di yang nges rjes su ma gnang ngo/ /gang yang 'di skad du gang 'di ltar mthong ba ni yang dag par mthong ba ste/ gzhan ni log pa'i shes pa'o zhes zer ba 'di yang ngas rjes su ma gnang ngo/ /gang yang dge sbyong ngam bram ze de dag ji ltar mthong ba dang ji ltar rig pa dang stobs kyis rnam par dpyad na 'di nyid bden gyi gzhan ni gti mug pa'o zhes rjes su tha snyad 'dogs par byed pa 'di yang ngas rjes su ma gnang ste/ kun dga' bo de ? phyir zhe na/ de bzhin gshegs pas skyes bu de'i dbang po dang rnam par shes pa rnam pa gzhan du mkhyen cing ma 'ongs ba'i chos kun 'byung ba dag rnam pa gzhan du mkhyen pa'i phyir ro/ /kun dga' bo de la dge sbyong dam bral ze de dag gis lus kyi nyes bar spyad pa med do/ /lus kyi nyes bar spyad pa'i rnam par smin pa med do/ /ngag dang yid kyi nyes par

  20. 10b

    spyad pa med do/ /ngag dang yid kyi nyes par spyad pa'i rnam par smin pa med do zhes 'di ltar lta zhing 'di skad smra ba de yang ngas rjes su ma gnang ngo/ /gang yang 'di skad du srog gcod pa dang ma bral ba nas/ log par lta ba'i bar gyis 'bags shig ma bral ba dag lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro zhes zer ba 'di ni ngas rjes su ma gnang ngo/ /gang yang 'di skad du gzhan yang srog gcod pa dang bral bar gyur ba nas log par lta bas ma 'bags shing bral bar gyur pa'i bar dag ngan song ngan 'gro log par ltung ba sems can dmyal ba rnams su skye bar 'gyur ba dag 'byung bar 'gyur ro zhes zer ba 'di yang ngas rjes su ma gnang ngo/ /gang yang 'di skad du 'di ltar mthong ba de ni yang dag par mthong ba ste/ gzhan ni log pa'i shes pa'o zhes zer ba 'di yang ngas rjes su ma gnang ngo/ /gang yang dge sbyong ngam bram ze de dag ji ltar rig pa'i stobs kyis rnam par spyad de/ 'di nyid bden gyi gzhan ni gti mug pa'o zhes rjes su tha snyad 'dogs par byed pa 'di yang ngas rjes su ma gnang ngo/ /kun dga' bo de ci'i phyir zhe na/ de bzhin gshegs pas skyes bu de'i dbang po dang rnam par shes pa gzhan du mkhyen cing ma 'ongs pa'i chos kun 'byung ba yang rnam pa gzhan du mkhyen pa'i phyir ro/ kun dga' bo de la dge sbyong ngam/ bram ze gang dag lus kyi legs par spyad pa yod do/ /lus kyi legs par spyod pa'i rnam par smin pa yod do/ /ngag dang yid kyi legs par spyad pa yod do/ /ngag dang yid kyi legs par spyad pa'i rnam par smin pa yod zhes 'di ltar lta zhing 'di skad smra ba de dag ngas rjes su gnang ngo/ /gang yang de 'di skad du sems can 'di srog gcod pa dang bral ba nas/ log par lta bas ma 'bags shing bral ba'i bar du gyur ba dag lus zhig ste shi ba'i 'og tu bde 'gro mtho ris

  21. 11a

    kyi 'jig rten du skye bar 'gyur ba dag ngas mthong ngo zhes zer ba 'di yang ngas rjes su gnang de/ /gang yang 'di skad du gzhan dag kyang srog gcod pa dang bral ba nas/ log par lta bas ma 'bags shing bral bar gyur na de thams cad lus zhig ste shi ba'i 'og tu bde 'gro mtho ris su skye bar 'gyur ro zhes zer ba de yang nges rjes su gnang ngo/ /gang yang 'di skad du 'di ltar mthong ba de ni yang dag par mthong ba ste/ gzhan ni log pa'i shes pa'o zhes zer ba de dag rjes su gnang ngo/ /gang yang dge sbyong ngam bram ze de dag ji ltar mthong ba dang ji ltar rig pa'i stobs kyis rnam par 'byed de/ 'di nyid bden gyi gzhan ni gti mug pa'o zhes zer ba de yang ngas rjes su gnang ste/ de ci'i phyir zhe na/ de bzhin gshegs pas skyes bu de'i dbang po dang/ rnam par shes pa gzhan du mkhyen cing ma 'ongs pa'i chos kun 'byung ba yang rnam pa gzhan du mkhyen pa'i phyir ro/ /kun dga' bo de la srog gcod pa dang ma bral bar gyur pa nas log par lta bas 'bags shing ma bral bar gyur pa dag lus zhig ste shi ba'i 'og tu bde 'gro mtho ris 'jig rten du skye bar 'gyur ba yin nam/ de'i rgyu dang de'i rkyen gyis bde 'gro mtho ris kyi 'jig rten du skyes pa ma yin gyi/ 'on kyang 'dis sngon dge ba'i las byas shing bsags la ldan pa de nyid rkyen te/ 'chi ba'i dus na yang dag pa'i lta ba dang lhan cig pa'i 'gyur pa'i dge ba'i chos sems dang sems las byung ba'i chos rnams rnyed par 'gyur te/ de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba yin no/ /gzhan yang gang zhig sdig pa mi dge ba'i las byas shing nye bar bsags pa de dag ni rnam grangs gang gis kyang so sor mi myong ba ma yin no zhes pa smra'o/ /de yang mthong ba'i chos

  22. 11b

    la lam/ skyes nas sam/ lan grangs gzhan la'o/ /kun dga' bo de bzhin gshegs pas skyes bu gang zag 'di'i dbang po dang shes pa 'di ltar mkhyen cing ma 'das pa'i chos kun 'byung ba dag 'di ltar mkhyen to/ /kun dga' bo de la srog gcod ba dang bral bar gyur pa nas/ log par lta bas ma 'bags shing bral bar gyur pa'i bar dag lus zhig ste shi ba'i 'og tu ngan song ngan 'gro log par ltungs sems can dmyal ba rnams su skye bar 'gyur ba yin no/ /'di de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes pa ma yin gyi/ 'on kyang 'dis sngon mi dge ba'i las byas shing bsags la ldan pa de nyid rkyen yin te/ 'chi ba'i dus na log pa'i lra ba dang lhan cig par gyur pa'i mi dge ba'i sems dang sems las byung ba'i chos rnams rnyed par 'gyur te/ de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes ba'o/ /gzhan yang gang sdig pa mi dge ba'i las byas shing nye bar bsags pa de dag ni rnam grangs gang gis kyang rnam par smin pa so sor mi myong ba ma yin no zhes nga smra'o/ /de yang mthong ba'i chos la 'am/ skyes nas sam/ lan grangs gzhan la ste/ kun dga' bo de bzhin gshegs pas skyes bu gang zag 'di'i dbang po dang rnam par shes pa 'di ltar mkhyen cing ma 'ongs ba'i chos kun 'byung ba 'di ltar mkhyen to/ /kun dga' bo de la srog gcod pa dang ma bral bar gyur cing ma byin par len pa dang/ bsdun? du smra ba dang/ phra ma dang/ tshig rtsub mo dang/ tshig 'khyal pa dang/ brnab sems dang/ gnod sems dang/ log par lta bas 'bags shing ma bral bar gyur ba dag ngan song ngan 'gro log par ltung ba sems can dmyal ba rnams su skye bar 'gyur ba

  23. 12a

    de dag ni de'i rgyu dang de'i rkyen gyis lus zhig ste shi ba'i 'og tu ngan song ngan 'gro log par ltung ba sems can dmyal ba rnams su skyes par gyur ba yin te/ de bzhin gshegs pas skyes bu gang zag 'di'i dbang po dang rnam par shes po 'di ltar mkhyen cing ma 'ongs pa'i chos kyi kun 'byung ba 'di ltar mkhyen to/ /kun dga' bo de la srog gcod pa dang bral bar gyur cing ma byin pa len pa dang/ brdzun du smra ba dang/ phra ma dang/ tshig rtsub mo dang/ tshigs la byal? ba dang/ brnab sems dang/ log par lta bas ma 'bags shing bral bar gyur ba dag lus zhig ste shi ba'i 'og tu bde 'gro mtho ris kyi 'jig rten du skye bar 'gyur ba de dag ni de'i rgyu dang de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skyes pa yin te/ kun dga' bo de bzhin gshegs pas skyes bu gang zag 'di'i dbang po dang rnam par shes pa 'di ltar mkhyen cing ma 'ongs pa'i chos kun 'byung ba 'di ltar mkhyen to/ /kun dga' bo gang zag ni bzhi po 'di dag ste/ bzhi gang zhe na/ gsor mi rung ba rung bar snang ba dang/ gser ? mi rung bar snang ba dang/ gsor mi rung ba la gsor mi rung bar snang ba dang/ gsor rung ba la gsor rung bar snang ba dang zhes gsungs so/ /ji skad du tshangs pa'i dra ba las sngon gyi mthar rtog pa'i rtag bar smra ba rnams dang/ phyogs gcig rtag par smra ba dang/ rgyu med pa las kun tu 'gyur bar smra ba las 'dod chags dang bral ba rnams la 'dod pa'i khams la dmigs pa'i lta ba kun tu 'byung bar gsungs zhes bya ba la/ tshul khrims kyi phung po'i mdo'i mdza' las 'byung ba mdzod kyi gnas gsum par lta ba drug cu rtsa gnyis ni ji ltar tshangs ba'i dra ba las 'byung ba bzhin te zhes bya ba der bris par zad do/ /'jig tshogs na nye bar len pa'i phung po lnga'o zhes bya

  24. 12b

    ba la gleng gzhi ni mnyan du yod pa na'o/ /dge slong dag 'jig tshogs la lta ba dang/ 'jig tshogs kun 'byung ba dang/ 'jig tshogs 'gog bdag 'di/ tshogs 'gog par 'gyur ba'i lam dag bstan par byas de legs par nyon la yid la zung zhig dang bshad par bya'o/ /'jig tshogs gang zhe na/ nye bar len pa'i phung po lnga rnams te/ lnga gang zhe na/ gzugs nye bar lan pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/ /'jig tshogs kun 'byung ba gang zhe na/ dga' ba'i 'dod chags dang/ lhan cig par gyur pa'i srid pa yang srid par kun 'byung bar byed pa de dang de la mngon par dga' ba'o/ /'jig tshogs 'gog pa gang zhe na/ gang gi tshe 'di'i dga' ba'i 'dod chags dang lhan cig par gyur ba'i sred pa yang srid bar kun 'byung bar byed pa de dang de la mngon par dga' ba dag ma lus par spa? gangs shing nges par spangs pa zad pa 'dod chags dang bral ba 'gog pa nye bar zhib nub par gyur pa'o/ / 'jig tshogs 'gog par 'gro ba'i lam gang zhe na/ 'phags pa'i lam yan lag brgyad de/ 'di lta ste/ yang dag ba'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag ba'i rtsol ba dang/ yang dag pa'i dran pa dang/ yang dag pa'i ting nge 'dzin no/ /dge slang dag 'jig tshogs dang/ 'jig tshogs kun 'byung ba dang/ 'jig tshogs 'gog pa dang/ 'jigs tshogs 'gog bar 'gro ba'i lam dag bstan par bya'o zhes ngas ji skad du bshad pa de rgyas bar rab tu bshad do zhes gsungs te/ chos sbyin gyi mdor don 'di nyid tshig dang/ yi ge dang/ nges ba'i tshig gzhan gyis bshad do/ /dge bslong dag dge sbyong ngam bram ze gang cung zad

  25. 13a

    bdag go zhes yang dag par rjes su lha zhing yang dag par rjes su mthong ba de thams cad ni nye bar len pa'i phung po lnga rnams la bdag go zhes yang dag par rjes su lta ste/ lnga gang zhe na/ dge sbyong ngam bram ze de dag gzugs bdag yin no/ / gzugs bdag dang ldan no/ /bdag la gzugs yod do/ /gzugs la bdag yod/ zhes yang dag par rjes su lta zhing yang dag par rjes su lta'o/ dge sbyong ngam bla ma ze de dag tshor ba dang/ 'du shes dang/ 'du byed dang/ rnam bar shes pa bdag yin no/ /rnam par shes pa bdag dang ldan no/ /bdag la rnam par shes pa yod do/ /rnam par shes pa la bdag yod do zhes yang dag par rjes su lta zhing yang dag par rjes su lta'o/ /dge slong dag byis pa so so'i skye bo thos pa dang/ mi ldan pa dag bdag go zhes yang dag par rjes su lta ste/ bdag gam/ bdag go zhes bya ba ni mi mkhas pa rnams yin no/ /da'i zhes bya ba dang/ nga'i ma yin no zhes yang dag par rjes su mthong ba dang ma bral na bdag ces mthong ba dang ma bral bas dbang po rnams 'pho zhing reg ste/ dge slong dag reg pa'i skye mched drug po 'di dag gang yang rung ba zhig gi reg pas reg pa'i byis pa so so skye bo thos pa dang mi ldan pa dag bde ba dang/ sdug bsngal myong zhing nye bar len te/ drug gang zhe na/ mig gi 'dus te reg pa'i skye mched dang/ rna ba dang/ sna dang/ lce dang/ lus dang/ yid kyi 'dus te reg pa'i skye mched de/ dge slong dag yid kyi khams dang/ chos dang ma rig pa'i khams yod de/ dge slong dag ma rig pa'i 'dus te reg pas reg nas byis pa so so'i skye bo thos pa dang mi ldan pa rnams la nga'i zhes bya ba dang/ nga'i ma yin zhes bya ba dang/ bdag 'di na zhes bya ba dang/ bdag bzang ngo zhes bya ba dang/ bdag ngan no zhes bya ba dang/ bdag dang 'dra'o zhes bya ba tshor bar 'gyur ro//

  26. 13b

    ma mthong ngo zhes bya ba dang/ ma shes so zhes bya ba myong bar 'gyur zhing dge slong dag reg ba'i skye mched drug la gnas bar 'gyur ro/ /gzhan yang 'phags pa nyan thos thos pa dang mi ldan zhing ma rig pa dang bral zhing rig pa skyes pa dag ma rig pa dang bral zhing rig bskyes pas nga'o zhes bya ba dang/ nga'i ma yin no zhes bya ba dang/ bdag 'di ni zhes bya ba dang/ bdag bzang ngo zhes bya ba dang/ bdag ngan no zhes bya ba dang/ bdag dang 'dra'o zhes bya bar tshor bar mi 'gyur zhing ma mthong ngo zhes bya ba dang/ ma shes so zhes bya bar tshor bar mi 'gyur zhing gnas so/ /de ltar shes shing de ltar mthong ba de mngon gyi ma rig pa'i 'dus te reg pa'i tshor ba dag 'gags pa dang nub par gyur cing rig pa'i reg pas/ tshor ba byi ma dag skye zhing 'byung bar 'gyur ro zhes gsungs so/ / phyin ci log ni rnam pa bzhi ste zhes bya ba la gleng gzhi ni mnyan du yod pa na'o/ /de nas bcom ldan 'das kyis dge slong rnams bos te/ dge slong dag bzhi po 'di dag ni sems can rnams kyi sems byin ci log gis phyin ci log tu byed ba ste/ sems can rnams kyi sems phyin ci log pa dang/ 'du shes phyin ci log pa dang/ lta ba phyin ci log tu byed ba drug bu 'dzings pa lta bu skye zhing 'jig pa rtswa mun+dza dang bal ba dza lta bu skye zhing 'jig pa 'jig rten 'di zhes 'jig rten pha rol tu nyid mtshams sbyor bar byed pa/ pha rol nas 'dir nyid mtshams sbyor zhing 'khor ba 'khor bar 'jug par byed pa dag go /bzhi gang zhe na/ mi rtag pa la rtag go zhes sems can rnams 'du shes phyin ci log dang/ sems phyin ci log dang/ lta ba phyin ci log ste/ phyin ci log 'dis sems can rnams kyi sems phyin ci log tu byed pa drug bu 'dzings pa lta bu/ thags 'dzings pa lta bu/ rtswa mun+dza dang bal ba dza? lta bu skye zhing 'jig pa 'jig rten 'di nas 'jig rten pha rol tu nyid mtshams

  27. 14a

    sbyor ba pha rol nas 'dir nying mtshams sbyor ba 'khor la 'khor bar 'jug par byed pa dag go /sdug bsngal ba la bde ba'o zhes bya ba dang mi gtsang ba lag gtsor? zheS bya ba dang/ bdag med pa la bdag go zhes bya ba sems can rnams kyi sems phyin ci log dag gis phyin ci log tu byed pa ste/ sems can rnams kyi sems phyin ci log dang lta ba phyin ci log tu byed pa dru bu 'dzings pa lta bu rtswa mun+dza dang bal bdza lta bu skye zhing 'jig pa 'jig rten 'di nas 'jig rten pha rol tu nyid mtshams sbyor bar byed pa pha rol nas 'dir nyid mtshams sbyor zhing 'khor la 'khor bar 'jug par byed pa dag go /gang gi tshe de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du byung bde'i tshe 'di ni sdug bsngal 'phags pa'i bden pa zhes chos ston par 'gyur zhing/ 'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes chos ston par 'gyur te/ dge slong ngag gang de bzhin gshegs pa dgra bcom pa yang dag par rdzogs pa'i sangs rgyas rnams 'di ni sdug bsngal 'phags pa'i bden pa'o zhes chos ston pa thos shing/ 'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes chos ston pa mthong bdag? mi rtag pa la rtog zhes 'du shes phyin ci log dang/ sems phyin ci log dang/ lta ba phyin cig log spong bar 'gyur zhing/ sdug bsngal ba la bde ba'o zhes bya ba dang/ mi gtsang ba la gtsang ngo zhes bya ba dang/ bdag med pa la bdag go zhes bya ba 'du shes phyin ci log dang/ sems phyin ci log dang/ lta ba phyin ci log dag spong

  28. 14b

    bar 'gyur ro/ /sems can mi rtag rtag 'du shes/ /sdug bsngal ba la bder 'du shes/ /bdag med pa la bdag dang ni/ /mi gtsang gtsang ba'i 'du shes can/ /phyin ci log gyur sems can rnams/ /sems g.yengs 'du shes bral bar gyur/ /de dang ldan pa'i skye bo rnams/ /yid mi bde ba nyid mi 'gyur/ /be'u dag ma'i phyir 'brang ba/ skye dang rga ba'i rjes su 'jug/ gang tshe 'jig rten rdzogs sangs rgyas/ /lha mi phan par bzhed pa po/ /spyan ldan nyon mongs las rgal ba/ /de bzhin gshegs rnams byung ba na/ /sdug bsngal sdug bsngal 'gog pa dang/ sdug bsngal kun tu 'byung ba dang/ sdug bsngal yang dag 'da' ba yi/ /zhi ba mya ngan 'das 'gro ba'i/ /'phags lam yan lag brgyad pa dag/ sdug bsngal thams cad 'gog pa'i chos/ /nye bar ston byed de yi tshe/ /mi rtag mi rtag nyid du mthong/ /sdug bsngal sdug bsngal nyid mthong ste/ /bdag med pa la bdag med dang/ /mi gtsang mi gtsang nyid du rtogs/ /de ni grub bde thob 'gyur zhing/ /mthong ba'i chos la mya ngan 'das/ /'jigs pa thams cad las rgal zhing/ /sred pa kun dang bral bar 'gyur zhes gsungs so/ /mdo las kyang ji skad du zhes bya ba la/ / gleng gzhi ni mnyan du yod pa na'o/ /dge slong dag bzhi po 'di dag ni 'phags pa'i bden pa rnams te/ /bzhi gang zhe na/ sdug bsngal 'phags pa'i bden pa dang/ sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam 'phags pa'i bden pa'o/ /gang yang 'phags pa nyan thos thos pa dang ldan pa sdug bsngal 'phags pa'i bden pa'o zhes yang dag pa ji lta ba bzhin rab tu shes shing 'di ni sdug bsngal 'di

  29. 15a

    ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam mo zhes yang dag par ji lta ba bzhin rab tu shes te/ des de'i tshe mi rtag pa la rtag go zhes 'du shes phyin ci log dang/ sems phyin ci log dang/ lta ba phyin ci log de dag spong bar byed do/ /sdug bsngal ba la bde ba'o zhes bya ba dang/ mi gtsang ba la gtsang ba'o zhes bya ba dang/ bdag med pa la bdag go zhes 'du shes phyin ci log dang/ sems phyin ci log dang/ lta ba phyin ci log pa dag spong bar byed do zhes gsungs so/ /gang yang mdo las gnas brtan kun dga' bos 'phags pa dag gi dbang phyug gi dbang du mdzad nas zhes bya ba glang gzhi ni mnyan du yod pa na'o/ /de nas tshe dang ldan pa kun dga' bo snga dro chos gos dang lhung bzed thogs nas phyi bzhin 'brang ba'i dge sbyong tshe dang ldan pa dag gi dbang phyug dang lhan cig mnyan yod du bsod snyoms kyi phyir zhugs so/ /de nas tshe dang ldan pa dag gi dbang phyug gis bud med kyi tshogs gzhon nu ma kha dog dang ldan pa dga' dga' lta bu gzhan dang gzhan dag mthong nas 'dod chags kyi sems skyes te/ de nas tshe dang ldan pa dag gi dbang phyug 'di snyam du bdag gis bud med kyi tshogs gzhon nu ma kha dog dang ldan pa dga' dga' lta bu gzhan dang gzhan dag mthong nas chags pa'i sems skyes pa ni bdag gis ma rnyed cing rnyed ba ma yin la ngan pa rnyed kyis bzang po ma rnyed do snyam du rig nas/ tshe dang ldan pa kun dga' bo la 'di skad ces smras so/ /'dod pa'i 'dod chags zil non pas/ /sems ni yongs su gdungs par gyur/ /gau tam bdag la thugs brtse bas/ /nye bar zhi ba'i thabs gsungs shig/ 'du shes phyin ci log pa yis/ /khyod kyi sems

  30. 15b

    ni yongs su gdungs/ /sdug pa'i mtshan ma 'dzin spangs nas/ /'dod chags nye bar spong bar 'gyur/ /mi sdug sgom la rtag tu khyod/ /rtse gcig legs par 'jog par gyis/ /mi sdug mi yis skams na ni/ /yang dang yang du sreg mi 'gyur/ /'du byed dman pa nyid dang ni/ /de bzhin sdug bsngal bdag med mthong/ /lus su btags pa dran byas nas/ /shin tu skyo ba mang bar 'gyur/ /mtshan ma med pa bsgom byas nas/ /nga rgyal phra rgyas zhi bar 'gyur/ /de nas nga rgyal mngon rtogs nas/ /sdug bsngal tha mar byed bar 'gyur zhes gsungs so/ /phyi rol pa'i lta bar gyur ba rnams kyi nang na 'di nyid mchog yin te zhes bya ba la gleng gzhi ni mnyan du yod pa'o/ /dge slong dag ngas mchog tu gdags pa bcu bshad par bya ste/ de legs par nyon la yid la zung zhig dang bshad par bya'o/ /mchog tu gdags pa bcu gang zhe na/ ko sa la'i rgyal po sde rab tu pham byed ji srid du rang gis las rnam par rgyal te/ ko sa la pa'i rgyal po sde rab tu pham byed ces gang du btags nas grags pa 'jug pa ste/ sems can de dag rnams las ko sa la'i rgyal po mchog ces bya ste/ ko sa la'i rgyal po sde rab tu pham byed de yang mi rtags yongs su 'gyur ba gzhan du srid pa ste/ 'phags pa nyan thos thos pa dang ldan pa dag 'di ltar rig nas de'i phyir skyo bar 'gyur zhing de la 'dod chags dang bral ba dang/ 'dod chags dang bral ba de las grol ba dang rnam par grol bar 'gyur te/ mchog la yang skyo bar 'gyur na dman pa la lta smos kyang ci zhig dgos te/ 'di ni mchog tu gnas pa dang po'o/ /ji srid du nyi ma mun pa 'phrog cing phyogs snang bar byed pa de srid du stong gi 'jig rten zhes bya ste/ nyi ma stong dang zla ba stong dang ri'i rgyal po ri rab stong dang shar gyi lus 'phags

  31. 16a

    stong dang/ nub kyi ba glang spyong stong dang/ byang gi sgra mi snyan stong dang/ lho'i 'dzam+bu gling stong dang/ rgyal po chen po bzhi'i nges? kyi lha stong dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed stong rnams dang/ tshangs pa'i 'jig rten stong rnams te/ 'di ni stong spyi phud kyi 'jig rten khams zhes bya ste/ stong spyi phung kyi 'jig rten gyi khams de dag las tshangs pa stong gi bdag po ni mchog ces brjod par bya'o/ /tshangs pa stong gi bdag po de yang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos te/ 'di ni mchog tu gdags pa gnyis pa'o zhes bya ba'i bar du'o/ /dge slong dag 'jig rten 'di 'jig par 'gyur ba'i dus yod de/ 'jig rten 'jig pa na sems can phal cher 'od gsal gyi lha'i ris su skye bar 'gyur te/ de dag de na gzugs can yid las byung ba dbang po mnyams shing tshang ba/ yan lag dang nyid lag thams cad dang ldan pa/ kha dog dang dbyibs legs pa/ rang gi 'od can/ nam mkha' la 'gro ba dag ? zhing dga' ba'i zas can/ tshe ring zhing yun ring du gnas te/ 'od gsal gyi lha'i ris su skyes nas ring du ma lon pa'i lha de dag las 'od gsal gyi lha'i ris su skyes pa de dag mchog ces brjod par bya'o/ /'od gsal gyi lha'i ris su sngar skyes pa de rnams kyang mi rtag pa yongs su 'gyur ba zhes bya ba nas snga ma bzhin du dman pa la lta smos kyang ci dgos te/ 'di ni mchog tu gdags pa gsum pa'o/ /lam ni rnam pa bzhi ste/ mngon par shes pa bul la dka' ba'i lam yang yod/ /mngon par shes pa myur la dka' ba'i lam yang yod/ /mngon par shes pa bul la sla ba'i

  32. 16b

    lam yang yod/ mngon par shes pa myur la sla ba'i lam yod/ /de dag las pa mngon par shes pa myur la sla ba'i lam 'di ni mchog ces brjod par bya ste/ de bzhin du sgrab ba'i sems can rnams kyang mi rtag pa yongs su 'gyur bas zhes bya ba nas/ snga ma bzhin du dman pa la lta smos kyang ci dgos te/ 'di ni mchog tu gdags pa bzhi pa'o/ /'du shes ni rnam pa bzhi ste/ chung du dang lhan cag skye ba dang/ rgya chen po dang/ tshig med pa dang/ cung zad med do zhes cung zad pa dang lhan cig skyes pa'i 'du shes so/ /de dag las gang 'du shes ni cung zad kyang med do zhes cung zad med pa dang lhan cig skyes pa'i 'du shes ni 'du shes 'di dag las mchog ces brjod par bya zhing/ de bzhin du 'du shes med pa'i sems can de yang mi rtag pa yongs su 'gyur ba zhes bya ba nas snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa lnga pa'o/ /zil gyis gnon pa'i skye mched ni rnam pa brgyad de/ brgyad gang zhe na/ nang gzugs su 'du shes pas phyi rol gyi gzugs chung du kha dog bzang po dang/ kha dog ngan pa rnams la lta ba na gzugs de dag zil gyis mnan te shes/ zil gyis mnan te mthong zhing 'di lta bu'i 'du shes can du gyur pa ste/ 'di ni zil gyis gnon pa'i skye mched dang po'i zhes sngar mdzod kyi gnas dang por bshad pa bzhin no/ /de dag las gang gzugs med par 'du shes par phyi rol gyi gzugs dkar po dkar po lta bur ston pa 'od dkar po 'byung ba 'di lta ste/ skar ma pa bsangs lta bu ste/ zil gyis gnon pa'i skye mched de dag las zil gyis gnon pa'i skye mched 'di ni mchog ces brjod do/ /de gbzhin du zil gyis gnon pa'i

  33. 17a

    sems can de yang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa drug pa'o/ /zad par gyi skye mched ni rnam pa bcu ste/ bcu gang zhe na/ zad par sa dang lhan cig skyes pa steng dang 'og dang logs su gnyis med cing tshad med pa zhes bya ba nas/ snga ma bzhin du zad par rnam par shes ba'i bar du ste/ zad par gyi skye mched de dag las rnam shes mdza' yas skye mched kyi zad par gyi/ steng dang 'og dang logs su gnyis med cing tshad med pa zhes bya ba'i bar gyi skye mched 'di ni mchog ces brjod par bya'o/ /de bzhin du zad par gyi skye mched de la snyoms par zhugs pa'i sems can rnams kyang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa bdun pa'o/ /phyi rol pa'i lta bar gyur ba rnams kyi nang na mchog ni bdag 'byung bar ma gyur cig /bdag gi 'byung bar ma gyur cig ces bya ba 'di nyid mchog yin te/ de bzhin du lta bar gyur ba'i sems can rnams kyang ma rtag pa yongs su 'gyur ba zhes bya ba nas/ snga ma bzhin du dman pa la lta smos kyang ni dgos zhes bya ba'i bar du ste/ 'di ni mchog tu gdags pa brgyad pa'o/ /phyi rol pa'i gtsang zhing dag par smra ba rnams kyi nad na mchog ni 'di yin te/ 'di lta ste/ mchog tu dag par smra bar btags pa srid ba'i rtse mo ste/ 'du shes med 'du shes med min skye mched kyi 'du byed lhag ma'o/ /de bzhin du yongs su dag pa'i sems can de yang mi rtag par yongs su 'gyur ba zhes bya ba nas/ snga ma bzhin du dman pa la lta smos kyang ci

  34. 17b

    dgos zhes bya ba'i bar du ste/ 'di ni mchog tu gdags pa dgu pa'o/ /mthong ba'i chos la mya ngan las 'das pa rnams kyi nang na mchog ni 'di lta ste/ mthong ba'i chos la mya ngan las 'das par btags pa reg pa'i skye mched drug ma lus par spangs pa/ nges par spangs pa/ byang bar gyur ba zad pa/ 'dod chags dang bral ba la 'gog pa/ nye bar zhi ba nub pa ste/ de bzhin du mya ngan las 'das pa'i sems can de yang mi rtag pa yongs su 'gyur ba zhes bya ba nas/ snga ma bzhin du dman pa la lta smos kyang ci dgos zhes bya ba'i bar du ste/ 'di ni mchog tu gdags pa bcu pa'o/ /bar sdom la/ sde rab pham byed tshangs pa dang/ /'od gsal lam du 'du shes dang/ /bril gnon zad par skye mched dang/ /lta ba rnam dag mya ngan 'das/ /gang yang mdo las lung du ma bstan pa'i dngos po bcu bzhi 'byung zhes bya ba la/ lung ring po'i mdo dgu pa las dge slong dag gzhan mu stegs can kun tu rgyu dag 'di skad du khyed cig? gi dge sbyong gtam 'jig rten rtag go zhes bya ba 'di nyid bden gyi gzhan ni gti mug pa'o zhes bya ba dang/ mi rtag go zhes bya ba dang/ rtag kyang rtag la mi rtag kyang mi rtag ces bya ba dang/ rtag pa yang ma yin mi rtag ba yang ma yin zhes bya ba dang/ mdza' dang bcas pa dang/ mdza' med pa dang/ mdza' dang bcas pa yang yin la mdza' med pa yang yin zhes bya ba dang/ mdza' dang bcas pa yang ma yin mdza' med pa yang ma yin zhes bya ba dang/ lus de nyid srog ces bya ba dang/ lus las srog de gzhan no zhes bya ba dang/ de bzhin gshegs pa grongs nas yod ces bya ba dang/ de bzhin gshegs pa grongs nas med ces bya ba dang/ de bzhin gshegs pa grongs nas yod

  35. 18a

    kyang yod la/ med kyang med ces byaba dang de bzhin gshegs pa gongs nas yod pa yang ma yin med pa yang ma yin/ zhes bya ba ji ltar lung ston par byed ces 'dri bar 'gyur ba'i gnas yod de/ de la ma yin no zhes brjod par bya'o/ /dge slong dag gang gi tshe gzhan mu stegs can kun tu rgyu dag 'di skad du ci'i phyir/ /byed cag gi dge sbyong to tams chos 'di dag phyogs gcig tu lung ma bstan ces 'drin 'di skad du brjod par bya ste/ 'di dag ni don la nye bar mi mkho ba/ chos la nye bar mi mkho ba/ tshangs bar spyod pa la nye bar mi mkhob/ mngon bar rtogs pa dang/ mya ngan las 'das ba mi sgrub pa ste/ /de'i phyir bcom ldan 'das kyis cha gcig tsam yang lung ma bstan to zhes brjod par bya'o/ /dge slong dag gzhan mu stegs can gyi kun tu rgyu dag 'di skad du khyed cag gi dge sbyong gau tams gzhan cha shas ci zhig lung bstan ces 'drin 'di skad du brjod bar bya ste/ bcom ldan 'das kyis 'di ni sdug bsngal 'phags pa'i bden pa'o zhes phyogs gcig tu lung bstan to/ 'di ni sdug bsngal kun 'byung/ 'di ni sdug bsngal 'gog pa/ 'di ni sdug bsngal 'gog par 'gro ba'i lam 'phags pa'i bden pa'o zhes bcom ldan 'das kyis phyogs gcig tu lung bstan to zhes brjod par bya'o/ /dge slong dag gzhan nu stegs kun tu rgyu dag 'di skad du ci'i phyir khyed cag gi dge sbyong gau tams chos 'di dag phyogs gcig tu lung bstan ces 'dri ba'i gnas yod pa/ de la 'di skad du brjod par bya ste/ chos 'di dag ni don la nye bar mkho ba/ chos la nyi bar mkho ba/ tshangs par sbyod pa la nye bar mkho ba/ mngon par shes pa

  36. 18b

    dang/ mngon par rtogs pa dang/ mya ngan las 'das pa sgrub par byed pa'o/ /de'i phyir chos 'di dag bcom ldan 'das kyis lung bstan to zhes brjod par bya'o zhes gsungs so/ /mgo gcig tu lung bstan pa dang zhes bya ba la/ gleng gzhi ni mnyan du yod pa na'o/ /dris pa lung bstan pa ni rnam pa bzhi ste/ bzhi gang zhe na/ mgo gcig tu dris pa lung bstan pa dang/ rnam par phye ste dris pa lung bstan pa dang/ dri ba dris te lung bstan pa dang/ rnam par bzhag pa lung bstan ba'o/ /mgo gcig lung bstan nyid dang ni/ /rnam par phye ba de bzhin gzhan/ /dris pa lung bstan gsum pa ste/ /rnam par bzhag pa bzhi ba'o/ /dris pa lung bstan bzhi po dag /de dang de la go rims bzhin/ /'di ltar shes shang smra pa dag/ dge slong de nyid rig pa yin/ /rtogs par dka' zhing bzod par dka' / /zab cing lta dka' i chos can yin/ /mkhas ba don dang don min dang/ /gnyi ga yang dag rig ps na/ /don min yongs su spong byed cing/ don du gyur pa yongs su 'dzin/ /don mngon rtogs pa'i bstan pa de/ /mkhas pa mya ngan 'da' bar 'gyur zhes gsungs so/ /dge slong dag gzugs 'das bzhag yod par ma gyur na zhes bya ba la/ gleng gzhi ni mnyan du yod pa na'o/ / dge slong dag gzugs 'das pa dang ma 'ongs pa yang mi rtag na/ da ldar byung ba lta smos kyang ci zhig dgos te/ dge slong dag 'phags pa nyan thos thos pa dang ldan pa 'di ltar mthong ba dag 'das pa'i gzugs la btang snyoms su bya ba thob cing ma 'ongs ba'i gzugs la mngon par mi dga' zhing da ltar byung ba'i gzugs la skyo ba dang 'dod chags dang bral ba dang/ 'gog pa thob par 'gyur ro/ /dge slong dag gzugs 'das pa zhig med na 'phags pa nyan thos thos pa dang

  37. 19a

    ldan pa 'das pa'i gzugs la btang snyoms su bya ba yang thob par mi 'gyur na/ gzugs 'das pa dag yod do/ /de'i phyir 'phags pa nyan thos thos pa dang ldan pa ma 'ongs ba'i gzugs la btang snyoms su bya ba thob par 'gyur ro/ /dge slong dag gal te gzugs ma 'ongs pa zhig med na 'phags pa nyan thos thos pa dang ldan pa dag ma 'ongs pa'i gzugs la mngon par mi dga' pa yid mi 'gyur ba zhig na/ gzugs ma 'ongs pa dag yod de/ de'i phyir 'phags pa nyan thos thos pa dang ldan pa ma 'ongs pa'i gzugs la mngon bar mi dga' bar 'gyur ro/ /dge slong dag gal te gzugs da ltar byung ba zhig med na 'phags pa nyan thos thos ba dang ldan pa dag da ltar byung ba'i gzugs pa skyo ba dang 'dod chags dang bral ba dang 'gog pa thob par yang ni 'gyur ba zhig na/ gzugs da ltar byung ba dag yod de/ de'i phyir 'phags pa nyan thos thos pa dang ldan pa ngag da ltar byung ba'i gzugs la skye ba dang 'dod chags dang bral ba dang 'gog pa thob par 'gyur ro/ /dge slong dag de bzhin du tshor ba dang 'du shes dang 'du byed dang rnam par shes pa 'ongs pa zhig med na zhes bya ba snga ma bzhin te/ dge slong dag 'phags pa nyan thos thos pa dang ldan pa dag 'das pa'i rnam par shes pa la btang snyoms su bya ba thob par yang mi 'gyur na zhes bya ba snga ma bzhin du'o zhes gsungs so/ /gnyis pa brten de rnam par shes pa skye'o zhes bya ba skye mched drug gi dbang po'i sdom gyi tshigs su bcad pa reg dang ming dang 'dod pa dang/ bag med pa ni gnyis dag dang zhes bya ba'i mdo gnyis par bstan pa dag mdzod kyi gnas gsum bar reg drug 'dus te 'byung ba yin zhes bya ba dang/ chos gsum po 'di dag 'bral

  38. 19b

    zhing 'dus la tshogs pa'i zhes bya ba der bres pa blta bar bya'o/ /gang yang kun tu rgyu thor tshugs can rnams kyi dbang du mdzad nas zhes bya ba la/ bcom ldan 'das rgyal po'i khab kyi smyug ma'i tshal bya ka landa ka gnas pa na bzhugs te/ de'i tshe tshe dang ldan pa shA ri'i bu rgyal po'i khab bya rgod phung po'i ri la brten cing gnas so/ /de nas bram ze kun tu rgyu thor tshugs can mang po tshe dang ldan pa shA ri'i bu gang na der nye bar 'ongs te nye bar 'ongs nas tshe dang ldan pa shA ri'i bu dang lhan cig yang dag par dga' bar gyur ba dang/ bde bar 'gyur ba'i gtam rnam pa sna tshogs byas te phyogs gcig tu 'dug go /phyogs gcig tu 'dug nas de nas kun tu/ rgyu thor tshugs can mang po de dag gis tshe dang ldan pa shA ri'i bu la 'di skad ces smras so// shA ri'i bu khyed cag gi ston pa ci zhig smra zhing/ ci zhig 'chad par byed/ nga'i ston pa 'di skad du smra zhing 'di skad du 'chad de/ kha cig gis byas shing nye bar bsags na de'i rgyu dang de'i rkyen gyis lus zhig ste shi ba'i de ma thag tu dmyal ba dag tu skye bar 'gyur ba'i mtshams med ba'i las ni lnga po 'di dag ste/ lnga gang zhe na/ pha gsod ba dang/ ma gsong ba dang dgra bcom pa gsong ba dang/ dge bdun gyi dbyen byed pa dang/ de bzhin gshegs ba'i sku la ngan sems kyi khrag 'byin pa rnams so// shA ri'i bu ci las 'das pa zad pa 'gags pa bral ba yongs su gyur pa dag med na bsam bzhin du pha dang ma dad dgra bcom pa srog dang bral ba dang/ dge 'dun g yi dbyen byed pa dang/ de bzhin gshegs pa'i sku la ngan sems kyis khrag 'byin pa dag de'i rgyu dang de'i rkyen gis lus zhig ste shi ma thag tu sems can dmyal bar skye ba'i gnas med do/ /de nas bram ze kun tu rgyu thor chugs can de dag tshe dang ldan pa shA ri'i bus bshad pa la mngon par dga' bar byang ni byed/ khro bar mi byed par

  39. 20a

    stan las langs te song nga/ /de nas tshe dang ldan pa shA ri'i bu kun tu rgyu thor tshugs can de dge song nas rang po ma lon par bcom ldan 'das gdan ba dang nye bar song ste/ nye bar song nas phyogs gcig tu 'dug ba'i bar du'o/ /de nas tshe dang ldan pa shAri'i bu bram ze kun tu rgyu thor tshugs can rnams dang lhan cig gtam gzhan brjod pa ci ltar gyur ba de thams cad rgyas par bcom ldan 'das la gsol to/ /de skad ces gsol ba dang/ bcom ldan 'das kyis tshe dang ldan ba shA ri'i bu la 'di skad ces bka' stsal to/ /shAri'i bu bram ze kun rgyu thor tshugs can de dag gis ma bsams shing rjes su mi mthun pa so sor brtags pa'i tshig smras te/ byis pa rmongs pa mi gsal ba mi ma/ bas bar 'di skad du las gang 'das pa zad pa 'gags pa bral ba yongs su gyur ba de dag ni med do/ /'di na kha cig gis pa dang ma dang dgra bcom pa bsams bzhin du srog dang bral ba dang/ dge 'dun gyis dbyen byas ba dang/ de bzhin gshegs pa'i sku la sku la ngan sems kyis khrag 'byin pa dag de'i rgyu dang de'i rkyen gyis lus zhig ma thag kho nar sems can dmyal bar skye bar 'gyur ba 'di ni gnas ma yin zhing skabs med do zhes nga ni smra'o/ /shA ri'i bu de ci'i phyir zhe na/ las gang 'das pa zad pa 'gags pa bral ba rnam par gyur pa de dag ni yod de/ med pa ma yin te/ 'di na kha cig gis pha dang ma dang dgra bcom pa bsams bzhin du srog dang bral ba dang/ dge 'dun gyi dbyen byed pa dang/ de bzhin gshegs pa'i sku la ngan sems gyi khrag 'byin pa dag de'i rgyu dang de'i rkyen gyis lus zhig ma thag kho nar sems can dmyal bar skye bar 'gyur ro/ /shA ri'i bu gang gi phyir las gang 'das pa zad pa 'gags pa bral ba yongs su gyur pa de dag ni yod cing med

  40. 20b

    pa ma yin te/ 'di ni kha cig gis pha dang ma dang dgra bcom pa bsam bzhin du srog dang bral ba dang/ dge 'dun gyi dbyen byed pa dang/ dge 'dun gyi dbyen byed pa dang/ de bzhin gshegs ba'i sku la ngan sems kyis khrag 'byin pa dag lus zhig ma thag kho nar sems can dmyal bar skye bar 'gyur ro/ /shA ri'i bu las gang 'das ba zad pa 'gags pa bral ba yongs su gyur ba de dag ni yod pa min te/ 'di na kha cig gis lus kyi log ba'i lam dang ngag dang yid kyis log pa'i lam thob par 'gyur te/ shA ri'i bu las gang 'das pa zad ba 'gag pa bral bar rnam par gyur ba de dag ni yod de/ de'i phyir 'di na lus kha cig lus kyi log ba'i lam dang dag dang yid kyi log pa'i lam dag thob par 'gyur ro/ /shA ri'i bu las gang zad pa 'gagsg pa bral ba rnam par gyur ba de dag ni yod la med pa ma yin te/ 'di na kha cig lus kyis nyes par spyod pa dang ? dang yid kyis nye bar sbyod pa dag lus zhig ste shi pa'i 'og tu ngan song ngan 'gro log par ltung ba sems can dmyal bar skye bar 'gyur te/ de'i phyir las 'das pa zad ba 'gags pa bral bar gyur ba de dag yod do/ /shA ri'i bu las 'das pa zad pa 'gags pa bral ba 'gags pa yongs su gyur pa de dag ni yod pa med pa ma yin te/ 'di na kha cig lus kyis legs par spyod pa dang/ ngag dang/ yid kyis legs par spyod pa dag lus zhig ste shi ba'i 'og tu bde 'gro mtho ris kyi 'jig rten du skye bar 'gyur te / de'i phyir las 'das pa zad ba 'gags pa bral bar gyur ba de dag yod do/ /don dam pa stong pa nyid kyi mdo las zhes bya ba la skye mched drug gi mdo las/ bsdus pa'i sdom gyi tshigs su bcad pa gnyis pa'i sdom gyi tshigs su bcad ba bdun pa las te/ 'di nyid kyi mdzod kyi gnas gsum par/ bdag med phung po

  41. 21a

    tsam nyid do zhes bya ba'i 'grel par ji skad du bcom ldan 'das kyis las ni yod/ rnam par smin pa yod de zhes bya ba bris par blta bar bya'o/ /gang yang byang chub sems dpa' ji skad du zhes bya ba la/ lung ring po ting nge 'dzin dang yang dag par ldan ba'i mdo dang po las 'don te/ de nas bcom ldan 'das kyis lan gnyis kyi bar du tshe dang ldan pa ma 'gags pa la bos te/ ma 'gags pa khyed cag lhan cig 'dus te tosgs nas gnas pa rnams ma'i chos bla ma cung zad cig shes pa yod cing/ 'phags pa'i khyad par rtogs la/ shes pa dang mthong ba la reg nas gnas sam/ btsun pa de bzhin te bdag cag 'dus te tshogs shing 'dug pa rnams mi'i chos bla ma cung zad shes pa yod cing 'phags pa'i khyad par rtogs li shes pa dang mthong ba la reg nas gnas pa na gzugs mthong ba'i snang ba gcig yang dag par shes la/ de la gzugs mthong ba'i snang ba de myur du nub par gyur te/ btsun pa bdag gis gzugs mthong zhing shes pa de'i rgyu mtshan legs par yid la byas te rtogs par nus pa ma yin la/ de'i rgyu mtshan yang legs bar yid la byas te gzung bar mi nus la/ gang las gzugs mthong ba'i snang ba nub pa'i rgyu mtshan yang mi shes so/ /ma 'gags pa de'i phyir gzugs mthong ba'i snang ba de rtogs par 'gyur ba'i rgyu mtshan legs par yid la gyis shing/ /de'i rgyu mtshan yang legs par yid la gyis shig /rgyu mtshan gang gis gzugs mthong ba'i snang ba de nub par gyur ba yang legs par yid la gyis shig /ma 'gags pa nga yang sngon rdzogs pa'i byang chub mngon bar ma rtogs pa na gzugs kyi snang ba gcig yang dag par shes shing mthong ste/ gzugs mthong

  42. 21b

    ba'i snang ba de myur du nub par gyur to/ /ma 'gags pa de yang? 'di snyam du gyur te ci bdag gis gzugs kyi snang ba yang dag par shes shing mthong ba nga yod pa zhig gam/ 'on te med pa zhig bdag gis gzugs mthong ba de yang yod pa ? gam 'on te med pa zhig de la bdag 'di snyam du gyur te/ gang yid 'jig rten na med pa gang yin pa de ni bdag gis shes pa 'am mthong ba'i gnas med do/ /yod pa gang yin pa de bdag la snang zhing yang dag par shes kyi/ med pa ni ma yin no/ /gzugs yod pa gang yin pa de ma thong gi med pa ni ma yin no/ /ma 'gags pa de la 'di snyam du gyur te/ ci bdag gi sems la nye ba'i nyon mongs byung bas gzugs mthong ba'i snang ba de nub par gyur to/ /de nas yang nga 'di snyam du bdag gi sems la the tshom gyi nye ba'i nyon mongs pa skyes te/ the tshom gyi nye ba'i nyon mongs pa de sgrib pa'i rgyu yin zhing ting nge 'dzin 'pho bar byed pa mi gnyams par byed pa gzugs mthong ba'i snang ba nub par byed pa'o zhes gsungs so/ /dge slong dag tshur shog ngas nang gdams na nub khyad par du 'gro zhes bya ba la/ gleng gzhi ni mnyan du yod pa na'o/ /dge slong dag chos gang dag lhag pa mos pa'i gnas mngon sum du byas pa de dang de dag mthong sum du bya ba'i phyir 'jug pa ni mi 'jigs pa dang ldan pa'i de bzhin gshegs pas mkhyen to/ /de'i nyan thos sgyu dang g.yo med cing drang la drang po'i rang bzhin can dag tshur shog ngas gdams pa dang/ ngas rjes su bstan pa dang/ ngas chos dag bstan par bya ste/ nang par gdams na rgongs ka khyad par du 'gro zhing rgongs ka gdams na nang par khyad par du 'gro ste/ /de ji ltar khyad par can gyi chos yang dag par rtogs pa na yod pa yang yod par shes/ med pa yang med

  43. 22a

    bar shes/ bla ma dang bcas pa la bla ma dang bcas par shes/ bla na med pa la bla na med par shes/ gang yang shes par bya ba dang/ mthong bar bya ba dang/ mngon par rtogs par bya ba dang/ mthong par bya ba de thams cad shes pa dang/ mthong bar 'gyur ba'i gnas yod do/ /dge slong dag slob pa'i stobs rnam pa lnga dang/ de bzhin gshegs pa'i stobs ni rnam pa bcu ste/ slob pa'i rnam pa lnga gang zhe na/ dad pa slob pa'i stobs dang/ brtson 'grus kyi stobs dang/ ngo tsha shes pa'i stobs dang/ khrel yod ba'i stobs dang/ shes rab slob pa'i stobs so/ /de bzhin gshegs pa'i stobs bcu gang zhe na/ dge slong dag 'di la de bzhin gshegs pas gnas la gnas dang gnas ma yin pa la gnas ma yin pa'o zhes yang dag par ji lta ba bzhin rab tu mkhyen te/ gang yang de bzhin gshegs pas gnas yin pa la gnas dang/ gnas ma yin pa la gnam ma yin pa'o zhes yang dag par ji lta ba bzhin rab tu mkhyen pa 'di ni gang dang yang dag par ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog rlabs po che'i gnas su dam 'cha' zhing tshangs ba'i 'khor lo skor ba la 'khor gyi nang du seng ge'i sgra sgrogs pa de bzhin gshegs pa'i stobs dang po'o/ /gzhan yang de bzhin gshegs pas 'das pa dang ma 'ongs pa dang/ /da ltar byung ba chos sgrub pa dang gnas pa dang/ rgyu dang dngos po dang rnam par smin pa yang dag pa ji lta ba bzhin rab tu mkhyen te/ gang yang de bzhin gshegs pas 'das pas dang ma 'ongs pa da ltar byung ba'i chos sgrub pa dang gnas pa dang rgyu dang dngos po dang rnam par smin pa yang dag par ji lta ba bzhin rab tu shes pa 'di ni gang dang yang dag par ldan pas zhes bya ba nas/ /

  44. 22b

    'khor gyi nang du seng ge'i sgra sgrogs pa zhes bya ba'i bar du ste/ 'di ni de bzhin gshegs pa'i stobs gnyis pa'o/ /gzhan yang de bzhin gshegs pas bsam gtan dang rnam par thar ba dang/ ting nge 'dzin dang/ snyoms par 'jug pa dang/ kun nas nyon mongs pa dang/ rnam par byang ba rnam par bzhag pa yongs su dag pa ji lta ba bzhin rab tu mkhyen te/ /gang yang de bzhin gshegs pas bsam gtan dang rnam par thar ba dang ting nge 'dzin dang snyoms par 'jug pa dang kun nas nyon mongs pa dang rnam par byang ba rnam par bzhag pa yongs su dag pa yang dag ba ji lta ba bzhin rab tu mkhyen pa 'di ni gang dang ldan pas zhes bya ba nas snga ma bzhin te/ 'di ni de bzhin gshegs pa'i stobs gsum pa'o/ /gzhan yang de bzhin gshegs pas sems can gzhan dang gang zag gzhan rnams kyi dbang po mchog dang mchog ma yin pa yang dag pa ji lta ba bzhin rab tu mkhyen te gang yang de bzhin gshegs pas sems can gzhan dang gang zag gzhan rnams kyi dbang po mchog dang mchog ma yin pa yang dag pa ji lta ba bzhin rab tu mkhyen pa 'di ni gang dang ldan pas zhes bya ba nas/ snga ma bzhin du ste/ 'di ni de bzhin gshegs pa'i stobs bzhi pa'o/ /gzhan yang de bzhin gshegs pas sems can gzhan dang gang zag gzhan rnams kyi mos pa sna tshogs yang dag pa ji lta ba bzhin rab tu mkhyen te/ gang yang de bzhin gshegs pas sems can gzhan dang gang zag gzhan rnams kyi mos pa sna tshogs yang dag pa ji lta ba bzhin rab tu mkhyen te/ gang dang ldan bas zhes bya ba nas snga ma bzhin du ste/ 'di ni de bzhin gshegs pa'i stobs lnga ba'o/ /gzhan yang de bzhin gshegs pas khams sna tshogs dang/ 'jig rten du ma dang 'jig rten sna tshogs mkhyen te/ gang yang de bzhin gshegs pas khams

  45. 23a

    sna tshogs dang/ 'jig rten du ma dang 'jig rten gyi khams sna tshogs yang dag pa ji lta ba bzhin rab tu mkhyen pa zhes bya ba nas/ gang dang ldan pas zhes bya ba nas/ snga ma bzhin te/ 'di ni de bzhin gshegs pa'i stobs drag pa'o/ /gzhan yang de bzhin gshegs pas thams cad du 'gro ba'i lam yang dag pa ji lta ba bzhin du rab tu mkhyen te/ gang yang de bzhin gshegs pas thams cad du 'gro ba'i lam yang dag pa ji lta ba bzhin rab tu mkhyen pa zhes bya ba nas/ gang dang yang dag par ldan pa zhes bya ba'i bar du snga ma bzhin te/ 'di ni de bzhin gshegs pa'i stobs bdun pa'o/ /gzhan yang de bzhin gshegs pas sngon gyi gnas rnam pa du ma yang dag par rjes su dgongs te/ 'di lta ste/ skye ba gcig dang/ gnyis dang/ gsum dang bzhi dang/ lnga dang/ drug dang/ bdun dang/ brgyad dang/ dgu dang/ bcu dang/ nyi shu dang/ sum cu dang/ bzhi bcu dang/ lnga bcu dang/ lnga bcu dang/ bdun cu dang/ brgyad cu dang/ dgu bcu dang/ brgya dang/ stong dang/ skye ba brgya stong dang/ skye ba stong phrag du ma dang/ skye ba brgya stong phrag du ma dang/ 'jig pa'i bskal pa dang/ chags pa'i bskal ba dang/ 'jig pa'i bskal pa du ma dang/ chags pa'i bskal pa du ma dang/ 'jig pa dang chags pa'i bskal pa du ma yang dag par rjes su dgongs te/ sems can 'di dag ming ni 'di lta bu/ dus ni 'di lta bu/ rigs ni 'di lta bu/ bde ba dang sdug bsngal 'di lta bu zhig myong/ dus ni ring po 'am thung du 'di lta bur gnas/ de'i tshe mdza' ni 'di tsam zhig du gyur/ de gnas de nas shi 'phos nas che ge mo zhig tu skyes so/ /de nas 'chi 'phos te yang che ge mo zhig tu skyes so/ /de nas 'chi 'phos nas 'dir skyes so zhes bya bar rnam pa dang

  46. 23b

    bcas/ ngan rtags dang bcas par sngon gyi gnas rnam pa du ma rjes su dran te/ dgongs te/ gang yang de bzhin gshegs pas sngon gyis gnas rnam pa du ma rjes su dgongs zhes bya ba nas/ gang dang ldan pas zhes bya ba snga ma bzhin du ste/ 'di ni de bzhin gshegs pa'i stobs brgyad pa'o/ /gzhan yang de bzhin gshegs pas sems can rnams kyi 'chi 'pho ba dang skye ba yang dag pa ji lta ba bzhin rab tu mkhyen te/ sems can 'di dag ni dus kyis nyes par spyod pa dang ldan/ dag gis nyes par spyod pa dang ldan/ yid kyis nyes par spyod pa dang ldan/ 'phags pa la skur ba 'debs pa log par lta ba can te/ lus zhig ste shi ba'i 'og tu de'i rgyu dang de'i rkyen gyis ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni lus kyi legs par sbyod pa dang ldan/ ngag gi legs par spyod pa dang ldan/ yid kyi legs bar spyod pa dang ldan pa 'phags pa la skur pa mi 'debs pa yang dag pa'i lta ba can te/ de'i rgyu de'i rkyen gyis lus zhig ste shi ba'i 'og tu bde 'gro mtho ris kyi 'jig rten du skye bar 'gyur ro zhes de bzhin gshegs pas sems can rnams kyi 'chi 'pho ba dang skye ba yang dag pa ji lta ba bzhin du rab tu mkhyen te/ gang dang ldan pa zhes bya ba nas snga ma bzhin du ste 'di ni de bzhin gshegs ba'i stobs dgu pa'o/ /gzhan yang de bzhin gshegs pas zag pa zad cing zag pa dag las sems rnams par grol zhing shes rab rnams par grol te/ mthong ba'i chos nyid la rang nyid kyis mngon par shes ba mngon sum du byas te/ bdag gi skye bzad do/ /tshangs par spyod pa bstan to/ /bya ba byas so/ /srid ba 'di las gzhan mi shes rab tu mkhyen te/ gang yang de bzhin gshegs

  47. 24a

    pas zag pa zad cing zag pa dag las sems rnam par grol zhing shes rab rnam par grol te/ mthong ba'i chos la rang nyid kyis mngon par shes pa mngon sum du byas te/ bdag gi skye bzang ngo/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya ba rab tu mkhyen pa 'di ni gang dang yang dag par ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog rlabs po che'i gnas su dam 'cha' zhing/ tshangs pa'i 'khor lo bskor te 'khor gyi nang du seng ge'i sgra sgrogs pa de bzhin gshegs pa'i stobs bcu pa'o/ /dge slong dag de bzhin gshegs pa'i gnas dang gnas ma yin pa mkhyen pa'i stobs 'di la dri ba dris pa na/ ji ltar yang de bzhin gshegs pas gnas dang gnas ma yin pa mkhyen pa'i stobs mkhyen cing gzigs te rnam pa mkhyen cing yang dag pa nyid du mngon par byang chub nas dris pa lung ston par mdzad do/ /de bzhin gshegs pa'i lam gyi rnam par smin pa mkhyen pa'i stobs dang/ de bzhin gshegs pa'i bsam gtan dang rnam par thar pa mkhyen pa'i stobs dang/ de bzhin gshegs pa'i dbang po mchog dang mchog ma yin pa mkhyen pa'i stobs dang/ de bzhin gshegs pa'i mos pa sna tshogs mkhyen pa'i stobs dang/ de bzhin gshegs ba'i khams sna tshogs mkhyen pa'i stobs dang/ de bzhin gshegs pa'i thams cad du 'gro ba'i lasm mkhyen pa'i stobs dang/ de bzhin gshegs pa'i sngon gyi gnas rnam pa du ma rjes su dran pa'i stobs dang/ de bzhin gshegs pa'i 'chi 'pho ba dang skye ba mkhyen pa'i stobs dang/ de bzhin gshegs pa'i zag pa zad pa mkhyen pa'i stobs zhes bya ba nas/ dris

  48. 24b

    pa lung ston par mdzad do zhes bya ba'i bar du'o/ /dge slong dag gnas dang gnas ma yin pa mkhyen pa'i stobs ni mnyam par bzhag pa yin gyi/ mnyam par ma bzhag pa ma yin no zhes nga smra'o zhes bya ba nas/ rgyal par dge slong dag zag bzad pa'i stobs ni mnyam par bzhag pa yin gyi mnyam par ma bzhag pa ni ma yin no zhes nga smra'o/ /zhes bya ba'i bar du'o/ /dge slong dag ting nge 'dzin ni lam ste ting nge 'dzin ma yin pa ni lam ngan pa'o zhes gsungs so/ /bram ze thams cad yod ces bya ba ni zhes bya ba la/ gleng gzhi ni mnyan du yod pa na'o/ /de nas bram ze rang bzhin mnyan bcom ldan 'das gdan ba der nye bar song ste/ nye bar song nas bcom ldan 'das dang lhan cig yang dag par dga' bar 'gyur ba dang/ yang dag par 'gyur ba'i gtam sna tshogs byas nas phyogs gcig tu 'dug go/ phyogs gcig tu 'dug nas bram ze rang bzhin mnyan gyis bcom ldan 'das la 'di skad ces gsol to/ /gau ta ma dris pa lung bstan pa'i phyir skabs 'byed na bdag phyogs cung zad cig 'dri'o/ /bram ze ji ltar 'dod pa bzhin du dris shig dang lung bstan par bya'o/ /gau ta ma thams cad yod ces bya ba na gau ta ma thams cad yod ces bya ba gang yin/ bram ze de'i phyir khyod la dri bar bya ste ji ltar bzod pa de bzhin du lan thob cig/ bram ze 'di ci snyam du sems/ mig yod dam/ go ta ma mchis lags so/ /gzugs yod dam gau ta ma mchis lags so/ /mig gi rnam par shes pa yod dam/ gau ta ma mchis lags so /mig gi 'dus te reg pa yod dam/ gau ta ma mchis lags so/ /mig gi 'dus te reg pa'i rkyen gyis byung ba'i tshor ba bde ba dang/ sdug bsngal ba dang/ bde ba yang ma yin sdug bsngal ba yang ma yin pa yod dam/ gau ta

  49. 25a

    ma mchis lags so/ /bram ze 'di ci snyams du sems/ rna ba dang/ sna dang/ lce dang/ lus dang/ yid yong dam/ gau ta ma mchis lags so/ /chos yod dam gau ta ma mchis lags so/ /yid kyi rnam par shes pa yod dam gau ta ma mchis lags so/ /yid kyi 'dus te reg pa yod dam/ gau ta ma mchis lags so/ /yid kyi 'dus te reg pa'i rkyen gyis byung ba'i tshor ba bde ba dang sdug bsngal ba dang bde ba yang ma yin sdug bsngal ba yang ma yin pa yod dam/ gau ta ma mchis lags so/ /bram ze 'di dag ni thams cad yod ces bya ba ste/ bram ze gang kha cig 'di skad du dge sbyong gau ta ma thams cad yod do zhes bstan pa de spangs te ngas rnam pa gzhan du thams cad yod pa'o zhes bstan par bya'o zhes smra ba'i tshig tsam dris pa'i lan la mgo rmongs pa skyed par byed pa ste/ de ci'i phyir zhe na/ ji ltar yang de'i yul ma yin pa'i phyir ro/ /de nas bram ze rang bzhin mnyan bcom ldan 'das kyis gsungs pa mngon par dga' zhing rjes su yi rang nas stan las langs te song ngo zhes gsungs so/ /'dod pa'i sbyor ba gang zhe na zhes bya ba la gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag bzhi po 'di dag ni sbyor ba ste/ 'dod pa'i sbyor ba dang/ srid pa'i sbyor ba dang/ lta ba'i sbyor ba dang/ ma rig pa'i sbyor ba'o/ /'dod pa'i sbyor ba gang zhe na/ byis pa so so'i skye bo thos pa dang mi ldan pa dag 'dod pa rnams kyi kun 'byung ba dang/ mi snang ba dang/ ro myang ba dang/ nyes dmigs nges par 'byung ba yang dag pa ji lta ba bzhin du rab tu mi shes te/ de 'dod pa rnams kyi kun 'byung ba dang/ mi snang ba dang ro myang ba dang/ nyes dmigs dang nges par 'byung ba yang dag pa ji lta ba bzhin rab tu mi shes

  50. 25b

    pa 'dod pa rnams la 'dod pa'i 'dun pa dang/ chags pa dang 'dod pa la dga' ba dang/ 'dod pa la nges pa dang/ 'dod pa la bdun pa dang/ 'dod pas rgyal ba dang 'dod pa la 'chums pa dang/ 'dod pa la lhag par 'chums pa dang/ 'dod par bying ba dang/ 'dod pa la lhag par zhe na pa ste/ de'i sems yongs su gtugs nas gnas te 'di ni 'dod pa'i sbyor ba zhes bya'o/ /de bzhin du srid ba'i sbyor ba dang lta ba'i sbyor ba la yang brjod par bya'o/ /ma rig pa'i sbyor ba gang zhe na/ dge slong dag byis pa so so'i skye ba thos pa dang mi ldan pa dag reg pa'i skye mched drug po 'di rnams kyi kun 'byung pa dang mi snang ba dang ro myang ba dang nyes dmigs dang nges par 'byung ba yang dag pa ji lta ba bzhin du rab tu mi shes te/ de reg pa'i skye mched drug pa rnams kyi kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba yang dag pa ji lta ba bzhin du rab tu mi shes pas de reg pa'i skye mched drug po rnams la mi shes shing ma rig ba rgyas par 'gyur te/ 'di ni ma rig pa'i sbyor ba zhes bya'o/ /sbyor ba ma yin pa yang bzhi ste/ bzhi gang zhe na/ 'dod par mi sbyor ba dang/ srid par mi sbyor ba dang/ lta bar mi sbyor ba dang/ ma rig par mi sbyor ba'o/ /'dod par mi sbyor ba gang zhe na/ 'phags pa nyan thos thos la dang ldan pa 'dod pa rnams kyi kun 'byung ba dang/ mi snang ba dang ro myang ba dang/ nyes dmigs dang/ nges par 'byung ba yang dag pa ji lta ba bzhin rab tu shes te/ de 'dod pa rnams kyi kun 'byung ba dang mi snang ba dang ro myang ba dang nyes dmigs dang nges par 'byung ba lang dag pa ji lta ba bzhin rab tu shes pas 'dod pa rnams la 'dod pa'i 'dun pa dang/ chags pa dang/ 'dod pa la dga' ba dang/ 'dod pa la nges pa dang/ 'dod pa la 'dun pa dang/ 'dod pas brgyal ba dang/ 'dod pa la 'chums pa dang/ 'dod

  51. 26a

    pa la lhag par 'chums pa dang/ 'dod bar bying ba dang/ 'dod pa la lhag par zhen par mi 'gyur ba ste/ de'i sems de la yongs su gtugs te mi gnas pa 'di ni 'dod par mi sbyor ba zhes bya'o/ /srid par mi sbyor ba dang lta bar mi sbyor ba yang de bzhin du brjod par bya'o/ /ma rig pa'i mi sbyor ba gang zhe na/ 'phags pa nyan thos thos pa dang ldan pa reg pa'i skye mched drug po 'di rnams kyi kun 'byung ba dang/ mi snang ba dang/ ro myang ba dang/ nyes dmigs dang/ nges bar 'byung ba yang dag pa ji lta ba bzhin du rab tu shes te/ de reg pa'i skye mched drug po 'di dag ni kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba yang dag pa ji lta ba bzhin du rab tu shes pas de reg pa'i skye mched drug po rnams la mi shes shing ma rig pa'i rgyas par mi 'gyur te/ 'di ni ma rig ba'i sbyor ba med ba zhes bya'o/ /gzhan yang ston pas 'di skad ces bka' stsal to/ /'dod pas sbyor bas yang dag ldan/ /gnyis pa srid pas sbyor ba ste/ /lta ba'i sbyor bas yang dag par/ /ma rig sbyor ba sngon 'gro bas/ /bral zhing 'da' bar dka' ba yi/ /sems can 'khor bar skye bar 'gyur/ /'dod pa'i sbyor ba rab spangs shing/ /de bzhin srid pa'i sbyor ba dang/ /lta ba'i sbyor ba rab spangs shing/ /ma rig sbyor la chags bral zhing/ /kun sbyor thams cad mi ldan na/ /yang srid dag tu 'gro mi 'gyur zhes gsungs so/ /'dun pa'i 'dod chags ni nye bar len pa zhes gsungs zhes bya ba la/ gleng gzhi ni mnyan du yod pa na'o/ /dge slong dag nye bar blang ba dang nye bar len pa'i chos dag bstan par bya ste/ de legs par nyon la yid la zung zhig bshad par bya'o/ /nye bar blang ba'i chos rnams gang zhe na/ mig dang gzugS

  52. 26b

    dang/ rna ba dang sgra dang/ sna dang dri dang/ lce dang ro dang/ lus dang reg bya dang/ yid dang chos te/ 'di ni nye bar blang ba'i chos rnams zhes bya'o/ /nye bar len pa'i chos rnams gang zhe na/ gang las 'dun pa'i 'dod chags te/ 'di ni /nye ba len pa'i tshos rnams zhes bya'o/ /dge slong dag nye bar blang ba dang/ nye bar len pa'i chos rnams bstan par bya'o zhes ngas? ji skad du bstan pa de rgyas par rab tu bshad do zhes gsungs te/ de bzhin du mdo gzhan mang po las bstan to// /'di lta ste/ gru rgyun las bzlog phyogs su mngon par 'du bya ba chen pos dkri bar bya zhes bya ba la/ bcom ldan 'das rgyal po'i khab kyi smyug ma'i tshal bya ka lan ta ka gnas pa na bzhugs te/ /de'i tshe tshe dpal? ldan pa shA ri'i bu rgyal po'i khab kyi bya rgod phung po'i ri la 'dug par gyur to/ /de nas tshe dang ldan pa shA ri'i bus dge slong rnams la bos te/ tshe dang ldan pa dag 'di na dge slong dgon pa'am shing drung dam/ khang pa stong par song nas 'di ltar so so yang dag par bslab ste/ ci nang gi bdag nyid kyi 'dod pa rnams la 'dun ba'i 'dod chags yod pa zhig so sor myong 'am/ 'on te med pa zhig ces dge slong des mdzes shing sdug pa'i mtshan ma cung zad cig yid la byed de dge slong nges mdzes shing sdug pa'i mtshan ma cung zad cig yid la byas ba na sems bsten pa la gzhol bar 'gyur zhing/ bstan pa la 'bab pa dang/ bsten pa la bab pa dang/ rjes su mthun par 'gyur te/ 'di lta ste/ gru mngon par 'du bya ba chen pos rgyun las bzlog phyogs su dkri bar bya ba de nyid mngon par 'du bya ba med cing 'bang rtsol chung dus rgyun phyogs su 'khyer ba de bzhin du dge slong nges bzang zhing sdug pa'i mtshan ma cung zad cig yid la bya? 'di dge slong des bzang zhing sdug pa'i mtshan ma cung zad cig yid la byas pa na/

  53. 27a

    sems bsten pa la gzhol bar 'gyur zhing/ bsten pa 'bab pa dang/ bsten pa la bab pa dang/ rjes su mthun par gyur na/ tshe dang ldan pa dag dge slong des 'di ltar nga'i sems rang gi 'du byed kyis nye bar bcom zhing chu bzhin du bstan pa dang/ chos rnams kyis nye bar bcom la/ ma zhi zhing ma dul ba nye bar zhing ba'i lam ma rnyed la rtse gcig tu ma gyur pa'o/ /'di ltar ngas mdzes shing sdug pa'i mtshan ma cung zad yid la byas pa nas sems bsten pa la gzhol bar gyur cing/ bsten pa la 'bab pa dang/ bsten pa la bab pa dang rjes su mthun par gyur to zhes rig par bya'o/ /tshe dang ldan pa dag dge slong nges 'di ltar 'dod pa'i yon tan lnga rnams la bdag gi sems 'dod chags dang bral zhing rnam par grol lo zhes lung bstan par mi bya'o/ /tshe dang ldan pa dag 'di na dge slong dgon pa 'am shing drung ma khang ba stong par song na 'di ltar so sor yang dag par rjes su slob ste/ ci bdag nang gi bdag nyid kyi 'dod pa rnams 'dun pa'i 'dod chags yod pa zhig so sor myong ba 'am/ 'on te med pa zhig ces dge slong nges mdzes shing sdug pa'i mtshan ma cung zad cig yid la byed de/ dge slong nges mdzes pa'i sdug pa'i mtshan ma cung zad cig yid la byas nas sems dben pa la gzhol bar 'gyur/ dben pa la 'bab pa dang/ dben pa la bab pa dang/ bstan pa'i rjes su mi mthun par gyur te/ 'di lta ste/ khyim bya 'am/ rtsa rgyus dag me'i nang du bcug na tshig cing 'khums te zhu bar 'gyur ba de bzhin du dge slong nges mdzes shing sdug pa'i mtshan ma cung zad yid la byas nas sems dben pa la gzhol bar gyur/ dben pa la 'bab pa dang/ dben pa la 'bab dang/

  54. 27b

    bsten pa'i rjes su mi mthun par gyur na/ tshe dang ldan pa dag dge slong des 'di ltar da'i sems rang gi 'du byed kyis nye bar ma bcom zhing/ chu bzhin du brten ba ma yin zhing/ chos kyis nye bar ma bcom la/ zhi zhing dul te nye bar zhi ba'i? lam rnyed cing rtse gcig tu gyur pa ste/ 'di ltar ngas mdzes shing sdug pa'i mtshan ma cung zad yid la byas gnas sems dben ba la gzhol bar gyur/ dben pa la 'bab pa dang/ dben pa la bab pa dang/ bsten pa'i rjes su mi mthun par gyur to zhes rig par bya zhing/ dge slong nges 'dod pa'i yon tan lnga rnams la nga'i sems 'dod chags dang bral zhing rnam par grol lo zhes lung bstan par bya'o zhes gsungs so/ /ci'i phyir lta ba gsum por zhes bya ba la sogs pa la/ gang yang 'di nyid du gnas mang po bshad de/ ji ltar re zhig phung po'i sdom gyi tshigs su bcad pa/ skye la mngon dga' mi bya dang/ /rnam par 'jig pa gsum dag dang/ /yongs su 'dod dang yang dag mthong/ sdom du gyur pa phyi ma yin zhes sdom gyi tshigs su bcad pa gsum po'i mdo las bstan pa mdzod kyi gnas dang por bcom ldan 'das kyis mdo las sems dpa' i tshogs drug ces gsungs pa ni/ gtso bo bstan pa yin zhes bya bar bris zin to/ /lam gyi tshogs dang mdo mang po dag las te/ de la re zhig dbang po'i sgo'i sdom gyi tshigs su bcad pa gnyis pa'i mdo bzhi pa las bstan pa/ mdzod kyi gnas drug par gang yang bde ba'i dbang po dang/ yid bde ba'i dbang po dag ni bde pa'i tshor ba'o zhes bya bar 'chad bar 'gyur bar blta bar bya'o/ /de dag kyang gzhi phran tshegs las 'byung ba gang yin ba zhes bya ba la/ gleng gzhi ni mnyan du yod pa na'o/ /dge slong dag chos gcig dang

  55. 28a

    yang dag par ldan na dran pa nye bar gzhag pa bzhi bsten pa'i skal ba med de/ 'di lta ste 'dod chags so/ /'dod chags dang yang dag par ldan na dran pa nye bar gzhag pa bzhi bstan pa'i skal ba med do/ /chos gcig dang yang dag par ldan na dran pa nyai bar gzhag pa bzhi bsten pa'i skal ba dang ldan te/ 'di lta ste 'dod chags med pa ste/ 'dod chags med pa dang ldan na dran pa nye bar gzhag pa bzhi bsten pa'i skal pa yod do/ /ji ltar bsten pa bzhin du bsgom pa yang/ lan mang du byed pa dang/ rjes su bsrung ba dang/ reg pa dang/ mngon sum du bya ba yang de bzhin no/ /yang dag par ldan pa ji lta ba bzhin du shes pa dang/ mthong ba dang ma mthong ba dang mngon par shes pa dang/ mngon par ma shes pa dang/ yongs su shes pa dang/ yongs su ma shes pa dang/ spangs pa dang/ ma spangs pa dang/ bsgribs pa dang/ ma bsgribs pa dang/ btang ba dang/ ma btang ba dang/ yongs su btang pa dang ma btang ba dang/ g.yogs pa dang/ ma g.yogs pa dang/ nub pa dang ma nub pa dang/ yongs su gtugs pa dang yongs su ma gtugs pa yang de bzhin no/ /'dod chags ji lta ba bzhin du zhe sdang dang/ gti mug dang/ khro ba dang/ khon du 'dzin pa dang/ 'chab pa dang/ 'tshig pa dang/ phra dog dang/ ser sna dang/ sgyu dang g.yo dang/ ngo tsha med pa dang/ /brel med pa dang/ nga rgyal dang /lhag pa'i nga rgyal dang/ nga rgyal las kyang nga rgyal dang/ mngon pa'i nga rgyal dang nga'o snyam pa'i nga rgyal dang/ log pa'i nga rgyal dang/ cung zad snyam pa'i nga rgyal dang/ bag med pa dang/ nges pa dang/ yang dag par rtsol ba dang/ tshul 'chos pa dang/ kha bsags dang/ gzhog slongs dang/ rnyed pa 'dod pa dang/ rnyed pa rnyed pas sgrub pa dang/ sdig pa 'dod pa dang

  56. 28b

    chen po 'dod ba dang/ 'dod pas gces sbras byed pa dang/ tshig ngan dang/ sdig ba'i grogs dang/ mi bzod pa dang/ 'dod pa dang/ yongs su 'dod pa dang/ 'dod chags dang/ chos ma yin pa la chags pa dang/ mi 'phrod pa'i ser sna dang/ 'jig tshogs la lta ba dang/ dngos por lta ba dang/ dngos po med par lta ba dang/ 'dod pa la 'dun pa dang/ gnod sems dang/ rmugs pa dang/ gnyid dang/ rgod pa dang/ 'gyod pa dang/ the tshom dang/ rmya ba dang/ mi dga' ba dang/ gal byed? la dang/ zas kyi tshod mi zin pa dang/ sems zhum pa dang/ 'du shes sna tshogs yid la byed ba dang/ lus kyi gnas ngan len dang/ yang yang 'dod pa dang/ mang du smra ba dang/ mi drang ba dang/ khro ba dang/ rang bzhin ma yin pa'i rdzas su 'jug pa dang/ 'dod pa'i rnam par rtog pa dang/ gnod sems kyi rnam par rtog pa dang/ rnam par 'tshe ba'i rnam par rtog pa dang/ gnyen 'dun gyi rnam par rtog pa dang/ ljongs kyi rnam par rtog pa dang/ mi 'chi ba'i rnam par rtog pa dang/ ngan sems kyi rnam par rtog pa dang/ rigs snyems pa dang yang dag par ldan pa'i rnam par rtog pa dang/ mya ngan dang smre sngags 'don pa dang/ sdug bsngal ba dang yid mi bde ba dang 'khrug pa'o zhes gsungs so/ /mdo'i tshig ji skad du zhes bya ba la/ lung bar ma'i bdun pa'i sdom gyi tshigs su bcad pa gnyis pa'i mdza' i mdo las tshig 'di skad du rgyu dang rkyen lnga po 'di dag ni the tshom gyi sgrib pa dang/ de las skyes pa sdug bsngal dang/ yid mi bde ba'i sems las byung ba'i chos skyes par byed pa ste/ lnga gang zhe na/ 'dod pa'i 'dod chags kyi kun nas dkris pa dang/ 'dod pa'i 'dod chags kyis kun nas dkris pa de las byung ba sdug bsngal dang yid mi bde ba dag so sor yang dag par myong bar byed do/ /gnod sems dang/

  57. 29a

    rmugs pa dang/ gnyid dang/ rgod pa dang/ 'gyod pa dang/ the tshom gyi kun nas dkris pas the tshom gyi kun nas dkris pa dang/ de'i rkyen gyis skyes pa sdug bsngal ba dang/ yid mi bde ba dag so sor yang dag par myong bar byed do/ /rgyu lnga dang rkyen lnga po 'di dag ni sdug bsngal dang yid mi bde ba'i sems las byung ba skyed par byed pa'o zhes gsungs so/ /gya gyu ci yin sdig can lta zhes bya ba la/ dge slong gzhan zhig dge ba can gyi ? nas 'ongs te/ nags kyi mdza' gzhan zhig la brten cing nye bar gnas so/ /de nas dge tshul ma zhig gis dge slong dang de'i lde mig mthong nas tshigs su bcad pa smras pa/ rtag pa ci zhig slongs mo'i zas/ mi rtag ci zhig dge 'dun bram? drang po ci zhig dbang po'i gzugs/ /gya gyu ci zhig lde mig go /de nas dge slong de 'di snyam du 'di dge tshul ma yin bzhin du tshigs su bcad pa brjod pa spobs na/ bdag ci'i phyir spobs par mi bya snyam du bsams nas/ tshigs su bcad pa smras pa/ rtag pa ci zhig mya ngan 'das/ /mi rtag ci zhig 'du byed chos/ /drang po ci zhig 'phags pa'i lam/ /gya gyu ci zhig sdig can lta zhes gsungs so/ /sgrib pa lnga po 'di dag ni mi dge ba'i phung po ma 'dres pa yongs su rdzogs pa zhes bya ba la/ gleng gzhi ni mnyan du yod pa na'o/ /dge slong dag mi dge ba'i phung po zhes bya ba ni sgrib pa rnam pa lnga'o zhes smra ba ni de'i yang dag par smra ba ste/ /de ci'i phyir zhe na/ dge slong dag sgrib pa la? po 'di dag ni mi dge ba'i phung po ma 'dres pa yongs su rdzogs pa ste/ lnga gang zhe na/ 'dod pa la 'dun pa'i sgrib pa dang/ gnod sems dang/ rmugs pa dang gnyid dang/ rgod pa dang/ 'gyod pa dang/ the tshom gyi sgrib ba'o/ /dge slong dag dag? gi ba'i phung po zhes bya ba ni dran pa nye bar gzhag

  58. 29b

    ba bzhi'o zhes smra ba ni de'i yang dag par smra ba ste/ de ci'i phyir zhe na/ dge slong dag dran pa nye bar gzhag pa bzhi po 'di dag ni dge ba'i phung po ma 'dres pa yongs su rdzogs pa ste/ bzhi gang zhe na/ lus dran pa nye bar gzhag pa dang/ tshor ba dang/ sems pa chos dran pa nye bar gzhag pa rnams so zhes gsungs so/ /rmugs pa dang gnyid dag ni zas gcig tu gsungs te zhes bya ba la/ gleng gzhi ni mnyan du yod pa na'o/ /dge slong dag sgrib pa lnga dang/ byang chub kyi yan lag bdun gyi zas dang zas? ma yin pa dag bshad bar bya ste/ de legs par nyon la yid la zung zhig dang bshad par bya'o/ /dge slong dag sgrib pa rnam pa lnga'i zas gang zhe na/ dge slong dag 'dod chags kyis kun nas dkris pa'i chos rnams la tshul bzhin ma yin pa'i yid la byed pa la na mang du byed na/ 'dod pa la 'dun pa'i sgrib pa ma skyes pa skye bar 'gyur zhing skyes pa phyir zhing 'phel ba dang yangs par 'gyur ro/ /gnod sems dang/ rmugs pa dang gnyid dang/ rgod pa dang/ 'gyod pa dang/ dge slong dag the tshom gyi kun nas dkris pa'i chos rnams la tshul bzhin ma yin pa yid la byed pa lan mang du byed na/ the tshom gyi sgrib pa ma skyes pa skye bar 'gyur zhing skyes pa phyir zhing 'phel ba dang/ yangs par 'gyur te/ 'di lta ste/ zas kyis lus gnas pa dang/ zas la lus brten gyi zas med par ma yin pa de bzhin du sgrib pa lnga po dag kyang zas kyis gnas la zas la brten nas gnas kyi/ zas med par ni ma yin no/ /dge slong dag 'dod pa la 'dun pa'i zas gang zhe na/ sdug par mtshan mar 'dzin pa ste/ de la tshul bzhin ma yin ba'i yid la byed pa lan mang du byed na/ 'dod pa la 'dun pa'i sgrib pa ma skyes ba skye bar 'gyur zhing skyes pa phyir zhing 'phel ba dang yangs par 'gyur ro/ /dge slong dag 'di ni 'dod pa la 'dun pa'i zas so/ /dge slong

  59. 30a

    ngag gnod sems kyi sgrib pa'i zas gang zhe na/ kun nas mnar sems dang/ kun nas mnar sems kyi rgyu mtshan te/ de la tshul bzhin ma yin pa'i yid la byed pa lan mang du byed na gnod sems kyi sgrib pa ma skyes pa skye bar 'gyur zhing 'phel ba dang rgyas par 'gyur ro/ /'di ni gnod sems kyi sgrib pa'i zas so/ /dge slong dag rmugs pa dang gnyid kyi zas gang zhe na/ chos lnga po mi dga' ba dang/ rmya ba dang/ gla la byed pa dang/ zas kyi tshod mi zin pa dang/ sems ? ba ste/ de la tshul bzhin ma yin pa'i yid la byed pa lan mang du byed na rmugs pa dang gnyid kyi sgrib pa ma skyes pa skye bar 'gyur zhing skyes pa phyir zhing 'phel ba dang yangs par 'gyur ro/ /'di dag ni rmugs pa dang gnyid kyi zas so/ /dge slong dag rgod pa dang 'gyod pa'i sgrib pa'i zas gang zhe na/ chos bzhi po gnyen 'dun gyi rnam par rtog pa dang/ ljongs kyi rnam par rtog pa dang/ mi 'chi ba'i rnam par rtog pa dang/ sngon rgod pa dang dga' ba dang rtse ba dang yongs su spyod pa rjes su dran pa ste/ de la tshul bzhin ma yin pa yid la byed pa la lan mang du byed na rgod pa dang 'gyod pa'i sgrib pa ma skyes pa skye bar 'gyur zhing/ /skyes pa phyir zhing 'phel ba dang yangs par 'gyur te/ 'di ni rgod pa dang 'gyod pa'i zas so/ /dge slong dag the tshom gyi sgrib pa'i zas gang zhe na/ rgyud ni rnam pa gsum yod de/ 'das pa'i dus dang/ ma 'ongs pa dang/ de ltar byung ba'i chos so/ /de la tshul bzhin ma yin pa'i yid la byed pa lan mang du byed na the tshom gyi sgrib pa ma skyes pa skye bar 'gyur zhing skyes pa phyir zhing 'phel ba dang yangs par 'gyur te/ dge slong dag 'di ni the tshom gyi sgrib pa'i zas so/ /'di lta ste/ zas kyi lus gnas shing zas la lus brten te/ lus gnas pa zas med par ma yin pa de bzhin du sgrib pa lnga po dag kyang zas kyi gnas shing zas la brten te gnas kyi/ zas med par ni ma

  60. 30b

    yin no/ /dge slong dag byang chub kyi yan lag bdun gyi zas ma yin pa gang zhe na/ dran pa yang dag byang chub kyi yan lag gi gnas kyi chos rnams la tshul bzhin ma yin pa yid la byed pa lan mang du byed na/ dran pa yang dag byang chub kyi yan lag ma skyes pa mi skye zhing skyes ba nyams par 'gyur ro/ /chos rab tu rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag gi gnas kyi chos rnams la tshul bzhin ma yin pa yid la byed pa lan mang du byed na btang snyoms yang dag byang chub kyi yan lag ma skyes pa mi skye zhing skyes pa nyams par gyur te/ 'di lta ste/ zas kyis lus gnas shing zas la brten te lus gnas kyi/ zas med par ma yin pa de bzhin du byang chub kyi yan lag bdun po dag kyang zas la brten te gnas kyi zas med par ni ma yin no/ /dge slong dag dran pa yang dag byang chub kyi yan lag gi zas ma yin pa gang zhe na/ dran pa nye bar gzhag ba bzhi rnams te/ de la tshul bzhin ma yin pa'i yid la byed pa lan mang du byed na dran pa yang dag byang chub kyi yan lag ma skyes ba mi skye zhing skyes pa dag nyams par 'gyur te/ dge slong dag 'di ni dran pa yang dag byang chub kyi yan lag gi zas ma yin pa'o/ /dge slong dag chos rab tu rnam par 'byed pa yang dag byang chub kyi yan lag gi zas ma yin pa gang zhe na/ dge ba'i chos rnams rab tu rnam par 'byed pa dang/ mi dge ba'i chos rnams rab tu rnam par 'byed pa ste/ de la tshul bzhin ma yin pa yid la byed pa lan mang du byed na chos rab tu rnam par 'byed pa yang dag byang chub kyi yan lag ma skyes pa mi skye zhing skyes ba nyams par 'gyur te/ dge slong dag 'di ni chos rab tu rnam par 'byed pa yang dag byang chub kyi yan lag gi zas ma yin pa'o/ /dge slong dag brtson 'grus yang dag byang chub kyi yan lag gi zas ma yin pa gang zhe na/ yang dag par spong ba bzhi po rnams

  61. 31a

    te/ de la tshul bzhin ma yin pa yid la byed pa lan mang du byed na brtson 'grus yang dag byang chub kyi yan lag ma skyes pa mi skye zhing skyes pa nyams par 'gyur te/ 'di ni brtson 'grus yang dag byang chub kyi yan lag zi zas ma yin pa zhes bya'o/ /dge slong dag dga' ba yang dag byang chub kyi yan lag gi zas ma yin pa gang zhe na/ dga' ba dang dga' ba'i gnas lta bu'i chos rnams te/ de la tshul bzhin ma yin ba yid la byed pa lan mang du byed na/ dga' ba yang ? byang chub kyi yan lag ma skyes pa mi skye zhing skyes pa nyams par 'gyur te /dge slong dag 'di ni dga' ba yang dag byang chub kyi yan lag gi zas ma yin pa zhes bya'o/ /dge slong dag shin tu sbyangs pa yang dag byang chub kyi yan lag gi zas ma yin pa gang zhe na/ lus shin tu sbyangs pa dang/ sems shin tu sbyangs pa ste/ de la tshul bzhin ma yin pa yid la byed pa lan mang du byed na shin tu sbyangs pa yang dag byang chub kyi yan lag ma skyes pa mi skye zhing skyes pa nyams par 'gyur ro/ /dge slong dag 'di ni shin tu sbyangs pa yang dag byang chub kyi yan lag gi zas ma yin pa zhes bya'o/ /dge slong dag ting nge 'dzin yang dag byang chub kyi yan lag gi zas ma yin pa gang zhe na/ ting nge 'dzin dang/ ting nge 'dzin gyi rgyu mtshan te/ de la tshul bzhin ma yin pa'i yid la byed pa lan mang du byed na ting nge 'dzin yang dag byang chub kyi yan lag ma skyes pa mi skye zhing skyes ba nyams bar 'gyur te/ dge slong dag 'di ni ting nge 'dzin yang dag byang chub kyi yan lag gi zas ma yin pa zhes bya'o/ /dge slong dag btang snyoms yang dag byang chub kyi yan lag gi zas ma yin pa gang zhe na/ khams rnam pa gsum po yongs pa'i khams dang/ 'dod chags dang bral ba'i khams dang/ 'gog pa'i khams rnams te/ de la tshul bzhin ma yin pa'i yid

  62. 31b

    la byed ba lan mang du yid la byed na/ btang snyoms yang dag byang chub kyi yan lag ma skyes pa mi skye zhing skyes pa nyams par 'gyur te/ dge slong dag 'di ni btang snyoms yang dag byang chub kyi yan lag gi zas ma yin pa zhes bya ste/ 'di lta ste/ zas kyis lus gnas shing zas la brten te lus gnas kyi/ zas med par ni ma yin pa de bzhin du byang chub kyi yan lag bdun po rnams kyang zas kyis gnas shing zas la brten te gnas kyi/ zas med par ni ma yin no/ /dge slong dag sgrib da lnga'i zas ma yin pa gang yin pa de gang zhe na/ 'dod pa'i 'dod chags kyi kun nas dkris pa'i chos rnams la tshul bzhin yid la byed pa len mang du byang na 'dod pa la 'dun pa'i sgrib pa ma skyes pa mi skye zhing skyes pa spong par 'gyur ro/ /gnod sems dang/ rmugs pa dang gnyid dang rgod pa dang 'gyod pa dang/ the tshom gyis kun nas dkris pa'i chos rnams la tshul bzhin yid la byed pa lan mang du byed na the tshom gyi sgrib pa ma skyes pa mi skye zhing skyes pa spong bar 'gyur te/ dge slong dag 'di lta ste zas kyi lus gnas shing zas la brten te lus gnas kyi zas med par ma yin pa de bzhin du sgrib pa lnga po rnams kyang zas kyis gnas shing zas la brten te gnas kyi/ zas med pa ni ma yin no/ /dge slong dag 'dod pa la bdun pI sgrib pa'i zaS ma yin pa gang zhe na/ mi sdug pa ste de la tshul bzhin du yid la byed pa lan mang du byed na 'dod pa la 'dun ba'i sgrib pa ma skyes pa mi skye zhing skyes pa spong bar 'gyur te/ dge slong dag 'di ni 'dod pa la 'dun pa'i sgrib pa'i zas ma yin pa zhes bya'o/ /dge slong dag gnod sems kyi sgrib pa'i zas ma yin pa gang zhe na/ byams pa ste/ de la tshul bzhin yid la byed pa lan mang du byed na gnod sems kyi sgrib pa ma skyes pa mi skye zhing skyes pa spong bar 'gyur te/ dge slong dag 'di dag ni gnod sems kyi sgrib pa'i

  63. 32a

    zas ma yin pa zhes bya'o/ /dge slong dag rmugs pa dang gnyid kyi sgrib pa'i zas ma yin pa gang zhe na/ snang ba'i 'du shes te/ de la tshul bzhin du yid la byed pa lan mang du byed na rmugs pa dang gnyid kyi sgrib pa ma skyes pa mi skye zhing skyes pa nyams par 'gyur te/ dge slong dag 'di ni rmugs pa dang gnyid kyi sgrib pa'i zas ma yin pa zhes bya'o/ /dge slong dgu? rgod pa dang 'gyod pa'i zas ma yin pa gang zhe na/ zhi gnas te/ de la tshul bzhin du yid la byed pa lan mang du byed na rgod pa dang 'gyod pa'i sgrib pa ma skyes pa mi skye zhing skyes pa spong par 'gyur te/ dge slong dag 'di ni rgod pa dang 'gyod pa'i sgrib pa'i zas ma yin pa zhes bya'o/ /dge slong dag the tshom gyi sgrib pa'i zas ma yin pa gang zhe na/ rkyen ni 'di lta bu zhes rten cing 'brel bar byung ba so sor rtog pa ste/ de la tshul bzhin du lan mang du yid la byed na the tsom gyi sgrib pa ma skyes pa mi skye zhing skyes pa spong bar 'gyur te/ 'di lta ste/ zas kyis lus gnas shing zas la brten te lus gnas kyi/ zas med par ni ma yin ba de bzhin sgrub pa lnga po rnams kyang zas kyis gnas shing zas la brten te gnas kyi/ zas med par ni ma yin no/ /dge slong dag byang chub kyi yan lag bdun gyi zas gang zhe na/ dran pa yang dag byang chub kyi yan lag gi gnas kyi chos rnams tshul bzhin du yid la byed pa lan mang du byed na dran pa yang dag byang chub kyi yin lag ma skyes pa dag skye zhing skyes pa dag phyir zhing 'phel ba dang yangs par 'gyur ro/ /chos rab tu rnam par 'byed pa dang/ brtson 'grus dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag gi gnas kyi chos rnams la tshul bzhin du yid la byed pa lan mang du byed na btang snyoms yang dag byang chub kyi yan lag ma skyes pa dag skye bar 'gyur zhing skyes pa dag phyir zhing 'phel ba dang yangs

  64. 32b

    par 'gyur te/ 'di lta ste/ zas kyis lus gnas shing zas la brten te lus gnas kyi/ zas med par ma yin pa de bzhin du byang chub kyi yan lag bdun po rnams kyang zas la brten te/ gnas kyi/ zas med par ni ma yin no/ /dge slong dag dran pa yang dag byang chub kyi yan lag gi zas gang zhe na/ dran pa nye bar gzhag pa bzhi rnams te/ de la tshul bzhin du yid la byed pa lan mang du byed na dran pa yang dag byang chub kyi yan lag ma skyes pa dag skye bar 'gyur zhing skyes pa dag 'phel zhing rgyas pa dang yangs par 'gyur ro/ /dge slong dag 'di ni dran pa yang dag byang chub kyi yan lag gi zas zhes bya'o/ /dge slong dag chos rab tu rnam par 'byed pa yang dag byang chub kyi yan lag gi zas gang zhe na/ dge ba'i chos rnams rab tu rnam par 'byed pa ? mi dge ba'i chos rnams rab tu rnam par 'byed pa ste/ de la tshul bzhin du yid la byed pa lan mang du byed na chos rab tu rnam par 'byed pa yang dag byang chub kyi yan lag ma skyes pa dag skye bar 'gyur zhing skyes pa dag phyir zhing 'phel zhing rgyas pa dang yangs par 'gyur ro/ /dge slong dag 'di ni chos rab tu rnam par 'byed pa yang dag byang chub kyi yan lag gi zas zhes bya'o/ /dge slong dag brtson 'grus yang dag byang chub kyi yan lag gi zas gang zhe na/ yang dag par spong ba bzhi rnams te/ de la tshul bzhin du yid la byed pa lan mang du byed na brtson 'grus yang dag byang chub kyi yan lag ma skyes ba skye zhing skyes pa phyi zhing 'phel zhing rgyas pa dang yangs par 'gyur te/ dge slong dag 'di ni brtson 'grus yang dag byang chub kyi yan lag gi zas zhes bya'o/ /dge slong dag dga' ba yang dag byang chub kyi yan lag gi zas gang zhe na/ dga' ba dang dga' ba'i gnas lta bu'i chos rnams te/ de la tshul bzhin du yid la byed pa lan

  65. 33a

    mang du byed na dga' ba yang dag byang chub kyi yan lag ma skyes pa skye bar 'gyur zhing skyes ba 'phel zhing rgyas pa dang yangs par 'gyur ro/ /dge slong ngag 'di ni dga' ba yang dag byang chub kyi yan lag gi nas zas zhes bya'o// dge slong dag shin tu sbyangs pa yang dag byang chub kyi yan lag gi zas gang zhe na/ lus shin tu sbyangs pa dang/ sems shin tu sbyangs ba ste/ de la tshul bzhin du yid la byed ba lan mang du byed na shin tu sbyangs ba yang dag byang chub kyi yan lag ma skyes pa skye bar 'gyur zhing skyes pa dag 'phel zhing rgyas pa dang yangs par 'gyur te/ dge slong dag 'di ni shin tu sbyangs pa yang dag byang chub kyi yan lag gi zas zhes bya'o/ /dge slong dag ting nge 'dzin yang dag byang chub kyi yan lag gi zas gang zhe na /ting nge 'dzin dang/ ting nge 'dzin gyi rgyu mtshan te/ de la tshul bzhin du yid la byed ba lan mang du byed na ting nge 'dzin yang dag byang chub kyi yan lag ma skyes ba dag skye bar 'gyur zhing skyes pa dag phyir zhing 'phel zhing rgyas ba dang yangs par 'gyur te/ dge slong dag 'di ni ting nge 'dzin yang dag byang chub kyi yan lag gi zas zhes bya'o/ /dge slong dag btang snyoms yang dag byang chub kyi yan lag gi zas gang zhe na/ khams gsum po spangs pa'i khams dang/ 'dod chags dang bral ba'i khams dang/ 'gog pa'i khams rnams te/ de la tshul bzhin du yid la byed pa lan mang du byed na btang snyoms yang dag byang chub kyi yan lag ma skyes pa dag skye bar 'gyur zhing skyes pa dag phyir zhing 'phel zhing rgyas pa dang yangs par 'gyur te/ dge slong dag 'di ni btang snyoms yang dag byang chub gyi yan lag gi zas zhes bya ste/ 'di lta ste/ zas kyis lus gnas shing zas la brten te lus gnas kyi zas mang bar ma yin ba de bzhin du byang chub kyi yan lag bdun po dag kyang zas kyis gnas shing zas la brten

  66. 33b

    nas gnas kyi/ zas med par ni ma yin no/ /dge slong dag sgrib pa rnam pa lnga dang/ byang chub kyi yan lag bdun gyi zas dang zas ma yin pa brtan par bya yis zhes ngas ji skad du bstan pa de rgyas par rab tu bshad do zhes gsungs so/ /chos mngon pa mdzod kyi rnam par bshad pa nye bar mkho ba las gnas lnga pa phal cher mdo dang sbyor ba rdzogs so// //sman pa'i rgyal po yan lag rnam pa bzhi dang ldan pa zhes bya ba la/ gleng gzhi ni mnyan du yod pa na'o/ /yan lag rnam ba bzhi dang ldan pa'i sman pa zug rngu 'byin pa ni rgyal po la 'os shing rgyal po la rigs pa rgyal po'i yan lag gi grangs su 'gro'o/ bzhi gang zhe na dge slong dag 'di la sman pa zug rngu 'byin pa nang la mkhas par gyur pa dang/ nang kun nas slong ba la mkhas pa dang/nang ba la mkhas pa dang/ nang bya ba dag phyir mi ldog par bya ba'i thabs la mkhas par gyur pa'o/ /dge slong dag ji ltar na sman pa zug rngu 'byin pa nang la mkhas par gyur pa yin zhe na/ /dge slong dag 'di la sman pa zug rngu 'byin pa nang 'di ni 'di dang 'di lta bu'o zheS nang? shes par gyur pa yin te/ dge slong dag 'di ltar na sman pa zug rngu 'byin pa nad la mkhas par gyur pa yin no/ /dge slong dag ji ltar na sman pa zug rngu 'byin pa/ nang kun nas slong pa la mkhas par gyur pa yin zhe na/ dge slong dag 'di la sman pa zug rngu 'byin ba nad 'di ni rlung gis kun nas bslad pa/ nang 'di ni mkhris pas kun nas bslang ba/ nang 'di ni 'dus pas kun nas bslang ba/ 'di ni glo bur ba/ 'di ni dus yongs su 'gyur ba zhes nang kun nas slong ba shes par gyur ba yin te/ dge slong dag 'di ltar na sman pa zug rngu 'byin pa nang kun nas slong ba la mkhas par gyur pa yin no/ /dge slong dag ji ltar na sman pa zug rngu 'byin pa nang byang ba'i thabs la mkhas pa yin zhe na/ dge slong ngag 'di la sman pa zug rngu 'byin pa nang 'di ni mi sman gyis /'di ni

  67. 34a

    mig sman so so 'di ni skyug pas/ 'di ni 'khru bas/ 'di ni stong sbyongs kyis 'di ni smad sbyongs kyis/ 'di ni sna sbyongs kyis/ 'di ni du ba btung bas/ /'di ni rdul gdon pas zhes de lta bu'i rang bzhin gyi bya ba rnams kyis nang skyes pa rnams spang ba'i bya ba shes par gyur ba yin te /dge slong dag 'di ltar na sman pa zug rngu 'byin pa nang spang ba la mkhas par gyur pa yin no/ /dge slong dag ji ltar na sman pa zug rngu 'byin ba nang byang ba phyir mi ldog par bya ba'i thabs la mkhas par gyur pa yin zhe na/ dge slong dag 'di la sman pa zug rngu 'byin pa nang 'di ni 'di dang 'di lta bu'o zhes phyir mi ldog par bya ba'i bya ba rnams kyis spong zhing phyir mi skye bar shes par gyur pa yin te/ dge slong dag 'di ltar na sman pa zug rngu 'byin pa nang byang ba phyir mi ldog par bya ba'i thabs la mkhas par gyur pa yin no/ /de bzhin du de bzhin gshegs pa dgra bcom pa yang dag par rdzogs pa'i sangs rgyas ni yan lag rnam pa bzhi dang ldan pa'i sman pa zug rngu 'byin pa bla na med pa zhes brjod de/ bzhi gang zhe na/ dge slong dag de bzhin gshegs pa 'di ni sdug bsngal 'phags pa'i bden pa'o zhes yang dag ba ji lta ba bzhin rab tu mkhyen cing /'di ni sdug bsngal kun 'byung ba/ 'di ni sdug bsngal 'gag pa/ 'di ni sdug bsngal 'gog bar 'gro ba'i lam mo zhes yang dag pa ji lta ba bzhin du rab tu mkhyen te/ dge slong dag sman pa zug rngu 'byin pa sdug sngal gyi rtsa ba spong ba'i sman ngag mi shes la/ skye ba rang rga ba dang na ba dang 'chi ba dang mya ngan dang smre sngags 'don pa dang/ sdug bsngal ba dang yid mi bde ba dang 'khrug pa'i sdug bsngal gyi rtsa ba spang ba'i sman ngag mi shes so/ /dge slong dag de bzhin gshegs pa dgra bcom pa yang dag par rdzogs pa'i sangs rgyas kyis sdug bsngal gyi rtsa ba spong ba'i sman mkhyen cing skye ba dang/ rga ba dang na ba dang 'chi

  68. 34b

    ba dang/ mya ngan dang smre sngags 'don pa dang/ sdug bsngal ba dang yid mi bde ba dang/ 'khrug pa'i sdug bsngal gyi rtsa ba spang ba'i sman dag mkhyen te/ de'i phyir de bzhin gshegs ba dgra bcom pa yang dag par rdzogs pa'i sangs rgyas ni sman pa zug rngu 'byin ba bla na med pa zhes brjod do zhes gsungs so/ /'di dag ni 'phags pa rnams la bden pa de'i phyir 'phags pa'i bden pa zhes bya'o zhes bya ba la/ gleng gzhi ni mnyan du yod pa na'o/ /dge slong dag khyed cag gis ngas 'phags pa'i bden pa bzhi bstan ba byed cag gis bzung dam/ de nas dge slong gzhan zhig stan las langs te/ bla gos phrag pa gcig tu byas nas bcos ldan 'das gdan bder thal mo sbyar te phyag byas nas/ bcom ldan 'das la 'di skad ces gsol to/ /btsun pa bcom ldan 'das kyis gsungs pa'i 'phags pa'i bden pa bzhi po dag bdag gis bzung lags so/ /dge slong khyod kyis ngas bstan pa'i 'phags pa'i bden pa bzhi bo dag ji lta ji lta bur bzung/ bcom ldan 'das kyis sdug bsngal 'phags ba'i bden pa'o zhes bstan pa de bdag gis bzung ste/ de bzhin dang gzhan du mi 'gyur ba dang/ de kho na nyid dang/ ji lta ba bzhin dang/ phyin ci ma log cing 'phags pa rnams la bden pa de'i phyir 'phags pa'i bden pa zhes brjod do/ /sdug bsngal kun 'byung dang/ sdug bsngal 'gog pa dang/ sdug bsngal 'gog par 'gro ba'i lam zhes bstan pa de bdag gis bzung ste/ de bzhin dang gzhan du mi 'gyur ba dang/ de kho na nyid dang/ ji lta ba bzhin dang/ phyin ci ma log cing 'phags pa rnams la bden pa de'i phyir 'phags pa'i bden pa zhes brjod do/ /btsun pa bcom ldan 'das kyis bstan pa'i 'phags pa'i bden pa bzhi rnams bdag gis de ltar bzung ngo/ /dge slong nges bstan pa'i 'phags pa'i bden pa bzhi bzung ba lags so legs so//

  69. 35a

    de ci'i phyir zhe na/ sdug bsngal 'phags pa'i bden pa'o zhes ngas bstan ba de dge slong 'dis rab tu bzung zhing de bzhin zhes bya ba nas/ snga ma bzhin du 'di dag 'phags pa rnams la bden ba de'i phyir 'phags pa'i bden ba zhes brjod do zhes bya ba'i bar du'?/ /sdug bsngal kun 'byung ba dang/ sdug bsngal 'gog pa dang/ sdug bsngal 'gog par 'gro ba'i lam 'phags pa'i bden pa zhes bstan pa de dge slong 'dis rab tu bzung zhing de bzhin dang zhes bya ba nas/ snga ma bzhin du 'di dag 'phags pa rnams la bden pa de'i phyir 'phags pa'i bden pa zhes bya'o zhes bya ba'i bar du'o/ /dge slong dag de'i phyir 'phags pa'i bden pa bzhi po mngon par ma rtogs ba rnams mngon par rtags par bya ba'i phyir dran pa dang shes bzhin gyis 'dun pa drag po dang/ brtson 'grus dang/ 'bad pa dang/ rtsol ba dang/ mi gtong ba dang/ rab tu 'bang pa chen po zhes bya'o des gsungs so/ /'phags pas bde bar gang gsungs pa/ /de ni gzhan gyis sdug bsngal rig ces bya ba la/ /glang gzhi ni mnyan du yod pa na'o/ /dge slong dag lha dang mi rnams gzugs la dga' zhing gnas te/ gzugs la kun tu dga' ba dang/ gzugs la rab tu dga' ba dang/ gzugs la mngon par dga' ba dang/ gzugs la 'dod chags dang bral ba dang/ 'gags na lha dang mi rnams su sdug bsngal bar gnas so/ /sgral dga' ba dang/ dri la dga' ba dang/ ro la dga' ba dang/ rag bya la dga' ba dang/ chos la dga' ba dang/ chos la kun tu dga' ba dang /chos la rab tu dga' ba dang/ chos la mngon par dga' ba dang/ chos la 'dod chags dang bral ba dang/ 'gags na lha dang mi rnams su sdug bsngal bar gnas so/ /dge slong dag de bzhin gshegs pa dgra bcom pa yang dag par rdzogs pa'i sangs

  70. 35b

    rgyas kyis ni gzugs kyi kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba yang dag ba ji lta ba bzhin rab tu mkhyen te/ gzugs kun 'byung ba dang mi snang ba dang/ ro myang ba dang/ nyes dmigs dang/ nges par 'byung ba dang yang dag pa ji lta ba bzhin rab tu mkhyen pas gzugs la dga' zhing mi gnas te/ gzugs la kun tu dga' ba dang/ gzugs la rab tu dga' ba dang/ gzugs la mngon bar dga' ba med cing gzugs la 'dod chags dang bral zhing 'gags ma de bzhin gshegs pa dgra bcom pa yang dag par rdzogs pa'i sangs rgyas sdug bsngal bar mi gnas so/ /dge slong dag de bzhin gshegs pa dgra bcom pa yang dag par rdzogs pa'i sangs rgyas rnams kyis sgra dang dri dang/ ro dang/ reg bya dang /chos rnams kyi kun 'byung ba dang/ mi snang ba dang/ ro myong ba dang/ nyes dmigs dang/ nges par 'byung ba yang dag pa ji lta ba bzhin rab tu mkhyen to/ /de chos rnams kyi kun 'byung ba dang mi snang ba dang/ ro myong ba dang/ nyes dmigs dang/ nges bar 'byung ba yang dag ba ji lta ba bzhin du rab tu mkhyen bas chos la mngon par dga' zhing mi gnas te chos la kun tu dga' ba dang/ chos la rab tu dga' ba dang/ chos la mngon par dga' ba med cing chos la 'dod chags dang bral zhing 'gags na de bzhin gshegs ba dgra bcom ba yang dag par rdzogs pa'i sangs rgyas sdug bsngal mi gnas so/ /de ci'i phyir zhe na/ mig dang gzugs la brten nas mig gi rnam par shes ba skye bar 'gyur zhing/ gsum 'dus pa las reg pa dang/ reg pa'i rkyon gyis tshor ba bde ba dang sdug bsngal ba dang bde ba yang ma yin sdug bsngal yang ma yin pa skye bar 'gyur ro zhes des tshor ba 'di rnams kyi kun 'byung ba dang mi smad ba dang/ ro myang ba dang/ nyes dmigs dang/ nges bar 'byung ba yang dag pa ji lta ba bzhin rab tu mkhyen te nges tshor ba 'di dag gi kun 'byung ba dang ?

  71. 36a

    ? ro myang ba dang nyes dmigs dang des bar 'byung ba yang dag pa ji lta ba bzhin rab tu mkhyen pas gzugs la kun tu sbyor ba de dag zad cing gzhan gyi sbyor ba'i sbyor bdag zad la mya ngan las 'das pa grub pa dang bde ba bla na med ba zhes brjod do/ /dge slong dag rna ba dang/ sna dang/ lce dang/ lus dang/ yid dang/ chos la brten nas yid kyi rnam par shes pa skye bar 'gyur zhing gsum 'dus pa las reg pa dang/ reg pa la brten te tshor ba bde ba dang sdug bsngal ba dang bde ba yang ma yin sdug bsngal ba yang ma yin bskye bar 'gyur te/ des tshor ba 'di dag gi kun 'byung ba dang zhes bya ba nas snga ma bzhin du nges par 'byung ba yang dag pa ji lta ba bzhin rab tu mkhyen pas chos la kun tu sbyor ba de dag zad cing gzhan gyi sbyor ba'i sbyor ba dag zad la mya ngan las 'das pa grub pa dang bde ba bla na med pa zhes brjod do zhes bya ba'i bar du'o/ /ston pas gzhan yang 'di skad bka' stsal to/ /gzugs dang sgra dang dri dang ro/ /reg dang chos rnams 'ba' zhig la/ /lha mir bcas pa'i 'jig rten rnams/ /'dod dang sdug dang yid 'ong dang/ /ji srid yod pa zhes brjod cing/ /de la bde ba nyid du rig/ gang phyir 'dod chags bral 'gags na/ /de dag sdug bsngal nyid du rig /'jig tshogs lta ba 'gags pa ni/ /gzhan gyis bde ba mthong ba yin/ /rkyen las 'di dag byung ba dang/ /'jig rten kun gyis mthong ma yin/ /'phags pas bde bar gang gsungs pa/ /de ni gzhan gyis sdug bsngal rig /gzhan gyi sdug bsngal gang smras pa/ /de ni 'phags pas bde bar mkhyen/ /gang las byis pa rmongs gyur ba/ /mun bas kun nas bskor ba dang/ /mun pa lta bur gyur pa yi/ /rtogs par dka' ba'i chos rnams ltos/ /sgron ma mthong ba ji lta bar/ /de dag sgrib pa med par 'gyur/ /kha cig rnam par mi shes mi/ /chos rnams ji ltar rig bar 'gyur/ /srid

  72. 36b

    ba'i 'dod chags mthar phyin pa/ /chos rnams yang dag rig par 'gyur/ /gang yang 'di dag 'phags pa las/ gzhan gyis rtogs bar rigs ma yin/ /go 'phangs gang zhig yongs shes na/ /yang sring dag tu 'gro mi 'gyur zhes gsungs so/ /bde ba'i tshor ba skye ba na bde ba zhes bya ba la/ lung bar ma'i sdom gyi tshigs su bcad ba gsum pa'i mthar dge slong ma chos sbyin gyi mdo las 'don pa sdug bsngal gyi tshor ba ni 'gags phan bde zhes mdo bris zin to// gang mi rtag pa ? sdug bsngal ba'o zhes bya ba la/ gleng gzhi ni mnyan du yang pa na'o/ /dge slong dag gzugs mi rtag pa ste gang mi rtag pa de ni sdug bsngal pa/ de ni bdag med pa ste/ gang bdag med pa'i thams cad ni pa'i zhes bya ba dang/ 'di bdag gi zhes bya ba dang// bdag ba'i? zhes bya ba med do zhes 'di ltar yang dag pa'i shes rab kyis blta bar bya'o/ /dge slong dag 'di ltar mthong ba'i 'phags pa nyan thos thos pa dang ldan pa dag gzugs la skyo bar 'gyur zhing tshor ba dang/ 'du shes dang/ 'du byed dang/ rnam par shes pa rnams la yang skyo bar 'gyur te/ skyon 'dod chags dang bral zhing 'dod chags dang bral na grol bar 'gyur zhing/ grol na rnam par grol ba ye shes mthong ba bdag gi skye bzang do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya bar 'gyur ro zhes gsungs so/ /skye mched drug gi tshogs kyi sdom gyi tshogs su bcad pa gnyis pa'i mdo lnga pa las gzugs la sogs pa'i gnas rnams dang/ mig la sogs pa nang gi bdag nyid kyi skye mched rnams su byas nas de ltar 'don to/ /gang cung zad sor ba de thams cad sdug bsngal ba'o zhes bya ba la/ gleng gzhi yang dag par ldan pa'i sgo gsum pa'i sdom gyi tshigs su bcad pa lnga par lnga ba dang yan lag lngar bzhag ba zhes bya'i mdo las gnas brtan 'char byed kyis bcom ldan 'das la yongs su dris ba ji skad du /btsun

  73. 37a

    pa bcom ldan 'das la bdag don 'di lta bu yongs su 'dri ste/ btsun pa tshor ba rnams du zhig mchis pa bcom ldan 'das kyis bshad du gsol/ 'char byed ngas tshor ba gcig tu bshad pa'i rnams grangs kyang ngo/ /ngas tshos ba gnyis su bshad pa'i rnam grangs kyang yod/ ngas tshor ba gsum du bshad pa'i rnams grangs kyang yod/ /ngas tshor ba bzhir bshad pa'i rnam grangs kyang yod/ ngas tshor ba lngar bshad pa'i rnam grangs kyang yod/ /ngas tshor ba drug du bshad pa'i rnam grangs kyang yod/ ngas tshor ba bco brgyad du bshad ba'i rnam grangs kyang yod/ ngas tshor ba sum cu rtsa drug tu bshad pa'i rnam grangs kyang yod/ ngas tshor ba brgya rtsa brgyad du bshad pa'i rnam grangs kyang yod/ ngas tshor ba tshad med par bshad pa'i rnam grangs kyang yod do/ /'char byed ngas tshor ba gcig tu bshad ba'i rnams grangs gang zhe na/ gang cung zad tshor ba de thams cad ni sdug bsngal ba ste/ 'char byed rnam grangs 'dis na ngas tshor ba gcig tu bshad do/ /'char byed ngas tshor ba gnyis su bshad ba'i rnam grangs gang zhe na/ /lus kyi dang/ sems kyi ste/ 'char byed rnam grangs 'dis na ngas tshor ba gnyis su bshad do/ /'char byed ngas tshor ba gsum du bshad pa'i rnam grangs gang zhe na/ bde ba dang/ sdug bsngal ba dang bde ba yang ma yin sdug bsngal ba yang ma yin pa ste/ 'char byed ngas rnam grangs 'dis na tshor ba gsum du bshad do/ /'char byed ngas tshor ba bzhir bshad pa'i rnam grangs gang zhe na/ 'dod pa dang yang dag par ldan pa dang/ gzugs dang yang dag par ldan pa dang gzugs med pa dang yang dag par ldan pa dang/ zag pa med pa dang yang dag par ldan pa ste/ 'char byed ngas rnam grangs 'dis na tshor ba bzhir bshad do/ /'char byed ngas tshor ba lngar bshad pa'i rnam grangs

  74. 37b

    gang zhe na/ bde ba'i dbang po dang/ sdug bsngal ba'i dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po ste/ 'char byed ngas rnam grangs 'dis na tshor ba lngar bshad do/ /'char byed pas tshor ba drug du bshad pa'i rnam grangs gang zhe na/ mig gi 'dus te reg pa las skyes pa'i tshor ba dang/ rna ba dang sna dang/ lce dang/ lus dang/ yid kyi 'dus te reg pa las skyes pa'i tshor ba ste/ 'char byed ngas rnam grangs 'dis na tshor ba drug tu bshad do/ /'char byed pas tshor ba bco brgyad du bshad pa'i rnam grangs gang zhe na/ yid bde ba'i nye bar rgyu ba drug dang/ yid mi bde ba'i nye bar rgyu ba drug dang/ btang snyoms kyi nye bar rgyu ba drug ste/ de dag gcig tu bsdoms na tshor ba bco brgyad du 'gyur te/ 'char byed ngas rnam grangs 'dis na tshor ba bco brgyad du bshad do/ /'char byed ngas tshor ba sum cu rtsa drug tu bshad pa'i rnam grangs gang zhe na/ yid bde ba zhen pa la brten pa drug dang/ yid bde ba mngon par 'byung ba la brten pa drug dang/ yid mi bde ba zhen pa la brten pa drug dang/ yid mi bde ba mngon par 'byung ba la brten pa drug dang/ btang snyoms zhen pa la brten pa drug dang/ btang snyoms mngon par 'byung ba la brten pa drug ste/ gcig tu bsdus nas nas sum cu rtsa drug tu 'gyur ro/ /'char byed ngas rnam grangs 'dis tshor ba sum cu rtsa drug tu bshad do/ /'char byed ngas rnam grangs gang gis tshor ba brgya rtsa brgyad du bshad ce na/ 'das pa'i dus su byung ba'i tshor ba sum cu rtsa drug dang/ ma 'ongs pa'i dus na 'byung bar 'gyur ba'i tshor ba sum cu rtsa drug dang/ da ltar byung ba'i dus na byung ba'i tshor ba sum cu rtsa drug ste/ de dag gcig tu bsdus na tshor ba brgya rtsa brgyad du 'gyur te/ 'char byed ngas rnam grangs 'dis na tshor ba brgya rtsa brgyad du bshad do/ /'char byed ngas tshor ba dpag tu med par bshad

  75. 38a

    pa'i rnam grangs gang zhe na/ ji ltar tshor yang tshor ba zhes bya ba'i grangs su 'gro ste/ 'char byed pas rnam grangs 'dis na tshor ba dpag tu med par bshad do/ /'char byed gang 'ga' zhig ngas rnam grangs kyis bshad pa'i chos rnams rnam pa thams cad kyi thams cad du thams cad kyis don thams cad mi shes na/ de dag 'thab ba dang mtshang 'grub dang/ rtsod pa dang/ rnam par smra ba dang/ rtsod par skye zhing byung ba dag ston pa'i chos 'dul bas nye bar ma zhi bar gnas so zhes re bar bya'o/ /'tshar byed gang 'ga' zhig ngas rnam grangs kyis bshad pa'i chos rnams rnam pa thams cad kyi thams cad du thams cad kyi don thams cad shes na/ de dag 'thab pa dang/ mtshang 'bru ba dang/ rtsod pa dang/ rnam par smra ba dang/ rtsod pa skyes shing byung ba dag ston pa'i chos 'dul ba la nye bar zhi zhing gnas par 'gyur ro zhes re bar bya'o zhes gsungs so/ /rab tu phyir mi rtag pa nyid la dgongs nas zhes bya ba la/ glang gzhi ni mnyan du yod pa na'o/ /de nas tshe dang ldan pa kun dga' bo gcig tu dbon pa nas nang du yang dag par 'jog la gnas pa na sems la sems kyis yongs su rtog pa 'di lta bu dag skyes te/ bcom ldan 'das kyis bde ba dang sdug bsngal ba dang/ bde ba yang ma yin sdug bsngal ba yang ma yin pa'i tshor ba gsum du yang gsungs la/ bcom ldan 'das kyis tshor ba gang ci yang rung ba de thams cad ni sdug bsngal ba'o zhes kyang gsungs/ bcom ldan 'das kyis ci la dgongs nas tshor ba gang ci yang rung ba de thams cad ni sdug bsngal ba'o zhes kyang gsungs/ bcom ldan 'das kyis ci la dgongs nas tshor ba gang ci yang rung bde thams cad ni sdug bsngal ba'o zhes gsungs snyam du sems nas/ de nas tshe dang ldan pa kun dga' bo rgongs ka? nang du yang dag

  76. 38b

    'jog las langs te/ bcom ldan 'das gang na bder nye bar song ste/ nye bar song nas bcom ldan 'das kyi zhabs la spyi bos phyag byas nas/ phyogs gcig tu 'dug go /phyogs gcig tu 'dug nas/ tshe dang ldan pa kun dga' bos bcom ldan 'das la 'di skad ces gsol to/ /btsun pa bcom ldan 'das 'di na bdag gcig bu dben par gyur pa nang du yang dag 'jog la gnas pa na sems la sems kyi rnam par rtog pa 'di lta bu dag skyes te/ bcom ldan 'das kyis tshor ba 'di gsum du yang gsungs pa zhes bya ba nas/ tshor ba gang ci yang rung ba de thams cad ni sdug bsngal ba'o zhes kyang gsungs zhes bya ba'i bar du'o/ /kun dga' bongs 'du byed ni mi rtag pa nyid dang yongs su 'gyur ba nyid la dgongs nas tshor ba gang ci yang rung bar thams cad ni sdug bsngal ba'o zhes gsungs so/ /kun dga' bo 'on kyang 'du byed rnams rim pa bzhin du nye bar zhi bar 'gyur zhing rim pa bzhin du 'du byed rnams nye bar zhi bar 'gyur te/ rim pa bzhin du 'du byed rnams so sor 'gags par 'gyur zhing rim ba bzhin du 'du byed rnams so sor rab tu 'gag par 'gyur ro/ /btsun pa ji lta ji ltar 'du byed rnams kyis nye bar zhi bar 'gyur zhing rim pa bzhin du 'du byed rnams nye bar zhi bar 'gyur zhe na/ kun dga' bo bsam gtan dang po la snyoms par zhugs nang nye bar zhi bar 'gyur ro/ /bsam gtan gnyis pa la snyoms par zhugs na rtog pa dang dpyod pa nye bar zhi bar 'gyur ro/ /bsam gtan gsum pa la snyoms par zhugs na dga' ba nye bar zhi bar 'gyur ro/ /bsam gtan bzhi pa la snyoms par zhugs na dbugS 'byung ba dang rdub pa nye bar zhi bar 'gyur ro/ /'du shes dang tshor ba 'gog pa ma snyoms par zhugs na 'du byed dang tshor ba nye bar zhi bar 'gyur te/ kun dga' bo 'di ltar 'du byed rnams rim pa bzhin du nyer zhing 'gyur zhing rim pa bzhin du nye bar

  77. 39a

    zhi bar 'gyur ro/ /btsun pa 'di ltar 'du byed rnams rim gyis nye bar zhi bar 'gyur zhing rim ba bzhin du 'du byed rnams nye bar zhi bar 'gyur na/ btsun pa ji lta ji ltar rim ba bzhin du 'du byed rnams so sor 'gag bar 'gyur zhing/ rim pa bzhin du 'du byed rnams rab tu so sor 'gag par 'gyur zhe na/ kun dga' bo bsam gtan dang po la snyoms bar zhugs na dag so sor 'gag par 'gyur zhes bya ba nas/ 'du shes dang tshor ba 'gog pa la snyoms par zhugs na 'du shes dang tshor ba so sor 'gag bar 'gyur zhes bya ba'i bar du ste/ kun dga' bo 'di ltar na rim pa bzhin du 'du byed rnams so sor 'gag par 'gyur zhing rim pa bzhin du 'du byed rnams so sor 'gag bar 'gyur ro/ /kun dga' bo so sor 'gag ba de dag las mchog tu gyur ba'i so sor 'gag pa/ khyad par du 'phags pa'i so sor 'gag pa/ bla na med pa'i so sor 'gag pa gong na med pa'i so sor 'gag pa/ so sor 'gag pa gzhan las so sor 'gag pa bla na med par 'jug pa/ 'das par 'jug pa/ gya nom bar 'jug pa drug pa yang yod de/ kun dga' bo so sor 'gag pa de dag las zhes bya ba nas/ so sor 'gag pa gzhan las so sor 'gag pa/ bla na med par 'jug pa/ 'das par 'jug pa/ gya nom par 'jug pa drug gang zhe na/ kun dga' po 'di na dge slong sems 'dod chags las 'dod chags dang bral zhing rnam par grol bar 'gyur/ zhe sdang dang gti mug las sems 'dod chags dang bral zhing rnam par grol bar gyur ba ste/ kun dga' bo 'di ni so sor 'gag pa de dag las zhes bya ba nas/ so sor 'gag pa gzhan las so sor 'gag pa bla na med par 'jug pa/ 'das par 'jug pa/ gya nom par 'jug pa drug pa'o/ /rdzogs pa'i sangs rgyas rab mkhyen pas/ /'du byed mi rtag nyid pa dang ni/ /yongs su

  78. 39b

    'gyur ba nyid mkhyen nas/ /tshor ba sdug bsngal zhes gsungs so/ /gang yang dge slong brtson ldan zhing/ /shes bzhin yongs su mi gtong ba/ /de yis tshor ba 'di dag kun/ /yongs su shes ba de mkhas pa'o/ /de yis tshor ba yongs shes nas/ /mthong ba'i chos la zag pa med/ /phung po zhig par gyur pa na/ /shes rab mya ngan 'das grangs 'thob ces gsungs so/ /bde ba'i tshor ba ni sdug bsngal ba nyid du blta bar bya'o zhes bya ba la/ gleng gzhi ni mnyan du yod pa na'o/ /dge slong dag tshor ba ni gsum po 'di dag ste/ gsum gang zhe na/ bde ba'i tshor ba dang/ sdug bsngal gyi tshor ba dang/ bde ba yang ma yin sdug bsngal ba yang ma yin ba'i tshor ba'o/ /dge slong ngag de la bde ba'i tshor ba ni sdug bsngal du blta bar bya'o/ /sdug bsngal gyi tshor ba ni zug rdur blta bar bya'o/ /bde ba yang ma yin sdug bsngal ba yang ma yin pa'i tshor ba ni mi rtag pa dang/ yongs su 'gyur ba'i chos can du blta bar bya'o/ /dge slong dag dge slong gang zhig bde ba'i tshor ba sdug bsngal du mthong bar gyur cing/ sdug bsngal gyi tshor ba 'bras dang/ bde ba yang ma yin sdug bsngal ba yang ma yin pa'i tshor ba ni rtag pa dang/ yongs su 'gyur pa'i chos can du mthong na/ dge slong 'dis yang dag pa legs par mthong ba zhes bya'o/ /ston pas gzhan yang 'di skad bka' stsal to/ gang gis bde ba sdug bsngal mthong/ /de bzhin sdug bsngal zug rdu dang/ /bde min sdug bsngal ma yin la/ /mi rtag nyid du mthong gyur pa/ /dge slong de yis yang dag mthong/ /zhi zhing zhi ba'i go 'phang reg /bdag tu 'dzin pa bcom nas ni/ /bdud kyi sde las rgyal bar 'gyur zhes gsungs so/ /gang yang ji skad du sdug bsngal la bde'o zhes 'du shes byin ci log ces bya ba la/ nu bzhi pa'i tshoms kyi sdom gyi tshigs su bcad pa bzhi pa'i mdo gnyis pa las 'byung

  79. 40a

    ba mdzod kyi gnas lnga ba 'di nyid du phyin ci log gi mdo la bris pa blta bar bya'o/ /gang yang bde ba'i dbang po dang zhes bya ba la/ gleng gzhi ni mnyan du yod ba na'o/ /dge slong ngag dbang po lnga po 'di dag ste /bde ba'i dbang po dang sdug bsngal gyi dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po'o/ /de la bde ba'i dbang po gang yin ba dang/ yid mi bde ba'i dbang bo gang yin ba ni bde ba'i tshor bar blta bar bya'o/ /sdug bsngal gyi dbang po gang yin pa dang/ yid mi bde ba'i dbang po gang yin pa ni sdug bsngal gyi tshor bar blta bar bya'o/ /btang snyoms kyi dbang po gang yin pa ni bde ba yang ma yin sdug bsngal ba yang ma yin par blta bar bya'o/ /gang gi dbang bo lnga po 'di dag yang dag pa'i shes rab kyis yang dag pa ji lta ba bzhin mthong na kun tu sbyor ba gsum yod zhing yongs su shes par 'gyur te/ gsum gang zhe na 'jig tshogs la lta ba dang/ tshul khrims dang brtul zhugs mchog tu 'dzin ba dang/ the tshom mo/ / rgyun tu zhugs pa mi ltung ba'i chos can rdzogs pa'i byang chub tu nges pa mchog tu thogs na srid pa lan bdun la?/ lha dang mi rnams kyi nang du lan bdun du nyid mtshams sbyar nas sdug bsngal mthar byed par gyur ba dag yin no zhes gsungs so/ /ming chen gzugs gcig tu sdug bsngal ba zhes bya ba la sogs ba la/ bcom ldan 'das yangs bcan na spre'u'i rdzing gi gtsug lag khang na bzhugs te /de'i tshan? li tsa byi? ming chen zhes bya ba nyi ma re re zhing bcom ldan 'das ba blta ba dang/ bsnyen bkur ba'i phyir brtson bar byed bar gyur to/ /da nas li tsa byi ming chen 'di snyam du bdag bcom ldan 'das la blta ba dang bsnyen bkur ba'i phyir 'gro na/ re zhig nam nangs kyi bar du bcom ldan 'das kyang nang du yang

  80. 40b

    dag 'jog las ma bzhengs shing dge slong rnams kyang nang du yang dag 'jog las ma langs pas bdag 'tsho ba pa'i a mra bdun pa dag gi nang du nye bar 'gro bar bya'o snyam nas/ de nas li tsa bI ming chen 'tsho ba pa'i a mra bdun pa'i kun dga' ra ba gang na bder sod do/ /de'i tshon 'cho ba pa'i amra bdun pa'i kun dga' ra ba na 'od srung rdzogs byed dge 'dun gyi grangs kyis bgrang zhing 'phags pa ltar bcos pa'i skye bo mang po dang chen por bgrang ba dag gis mdun du byas te/ 'tsho ba la lnga brgya tsam? gyis gtso bor byas te 'dug par gyur te/ de'i 'khor rnams ku co dang ca cod? dang sgrags chen po dad sgra gsang mthon po dag giS so sor nas smras te/ dud 'gro'i gtam brjod cing 'dus par gyur cing 'dug pas 'od srungs rdzogs byed kyis li tsa ming chen 'ong bar gyur pa dag thag ring po nas sngar mthar nas rang gi 'khor rnams la sgra chung dur byed du bcug ste/ khyed cag re zhig sgra chung ngur gyis shig/ khyed cag kha dog 'dug cig /dge sbyong gau ta ma'i nyan thos li tsi bI ming chen zhes bya ba 'ong zhing 'dug gis dge sbyor gtam? ma'i nyan thos yangs pa can na gnas pa khyim pa gos dkar po gyen ba de dag las li tsa bI ming chen ni mchog tu gyur ba ste/ sgra chung bar 'dod pa/ sgra chung ba dga' ba/ sgra chung bas 'dul ba/ sgra chung ba'i bsngags pa brjod pa/ 'khor sgra chung bar rig nas 'ong bar bya'o snyam du sems so/ /de skad ces smras pa dang/ 'khor rnams kha dog 'dug par gyur to/ /de nas li tsa bI ming chen 'od srungs rdzogs byed gang na bder nye bar 'ongs te/ nye bar 'ongs nas 'od srungs rdzogs byed dang lhan cig yang dag par dga' ba dang yang dag par bde bar gyur pa'i gtam rnam pa sna tshogs byas te/ phyogs gcig tu 'dug go phyogs gcig nas li

  81. 41a

    tsa bI ming chen gyis 'od srungs rdzogs byed la 'di skad ces smras so/ /'od srungs khyed 'od srungs pa dag 'di skad du sems can rnams kun nas nyon mongs pa ni rgyu med rkyen med de/ sems can rnams ni rgyu med rkyen med pa'i kun nas nyon mongs so/ /sems can rnams kyi rnam par byang ba ni rgyu med rkyen med de/ sems can rnams ni rgyu med rkyen med par rnam par byad do zhes nyan thos rnams la chos ston to zhes thos nas/ 'od srungs gang kha cig 'di skad smra zhing 'di skad du lung ston na khyed cig 'od srungs pa dag smod par byed dam/ mi bden par smra ba dang/ khyed cag 'od srungs pa'i chos smra ba dang /chos la chos kyi rjes su mthun par lung ston pa yin nam/ 'ga' zhig 'ongs? te 'khor gyi nang du chos smra ba dang rjes su smran chos smad pa'i gnas su mi byed dam/ ming chen de skad du smra ste/ de ltar lung ston pa bden te /smod par mi byed la/ mi bden bar smra ba yin la chos smra ba yin zhing/ chos la chos kyi rjes su mthun par lung ston pa yin zhing de dag las 'ga' zhig 'ongs te 'khor gyi nang du chos smra ba dang rjes su smra na chos de lta bu smad pa'i gnas su mi byed do/ /de ci'i phyir zhe na/ ming chen pa yang 'di ltar lta zhing 'di skad du smra ste/ sems can rnams kyi kun nas nyon mongs pa ni rgyu med rkyen med de/ /sems can rnams ni rgyu med rkyen med par kun nas nyon mongs so/ /sems can rnams ni rnam par byang ba ni rgyu med rkyen med de /sems can rnams ni rgyu med rkyen med par byed do/ /de nas li tsa bI ming chen 'od srungs rdzogs byed kyis bshad pa la khro bar yang mi byed/ rjes su yi rang bar yang mi byed par stan las langs te song ngo/ /de nas li tsa bI ming chen bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go /phyogs gcig tu

  82. 41b

    'dug nas li tsa bI ming chen 'od srungs rdzogs byed dang lhan cig gtam gzhan brjod pa de thams cad rgyas par bcom ldan 'das la gsol to/ /de skad ces gsol pa dang/ bcom ldan 'das kyis li tsa bI ming chen la 'di skad ces bka' stsal to/ /ming chen? 'od srungs rdzogs byed ni ma dpyad par de'i rang bzhin ma yin pa dang/ so sor ma brtags pa'i chos smra ba yin te/ ji ltar yang byis pa rmongs pa mi gsal ba mi mkhas pas 'di skad du sems can rnamS kyi kun nas nyon mongs pa ni rgyu med rkyen med de/ sems can rnams ni rgyu med rkyen med par kun nas nyon mongs so/ /sems can rnams kyi rnam par byang ba ni rgyu med rkyen med de/ sems can rnams ni rgyu med rkyen med par rnam par byang ngo zhes smra ste /de ci'i phyir zhe na /ming chen sems can rnams kyi kun nas nyon mongs ba ni rgyu dang bcas shing rkyen dang bcas te /sems can rnams ni rgyu dang bcas shing rkyen dang bcas par kun nas nyon mongs so/ /sems can rnams kyi rnam par byang ba ni rgyu dang bcas shing rkyen dang bcas pa ste /sems can rnams ni rgyu dang bcas shing rkyen dang bcas par rnam par byang ngo/ /ming chen sems can rnams kyi kun nas nyon mongs pa ni rgyu dang bcas rkyen dang bcas pa ste /sems can rnams rgyu dang bcas rkyen dang bcas par nyon mongs ba gang zhe na/ med chen gzugs gcig tu sdug bsngal bar gyur na/ sems can rnams gzugs la chags par yang mi 'gyur zhing/ bde bar yang mi 'gyur/ bde ba'i rjes su 'gro bar yang mi 'gyur /bde ba dang yid bde ba chung ngu las 'das te/ bde ba'i rgyu nyid du yang shes par mi 'gyur ba zhig na/ ma'i chen gang gi phyir gzugs gcig tu sdug bsngal ba ma yin zhing/ bde ba dang yid bde ba dang rjes su 'brel ba dang/ bde ba dang yid bde ba chung du las 'das te bde bar shes pa de'i phyir sems can rnams gzugs la yang dag par chags

  83. 42a

    shing chags nas yang dag par sbyor ba dang/ yang dag par sbyor bas kun nas nyon mongs par 'gyur te/ tshor ba dang /'du shes dang /'du byed dang /ming chen rnam par shes pa gcig tu sdug bsngal ba zhig tu gyur na sems can rnams rnam par shes pa chags par yang mi 'gyur zhing /bde bar yang mi 'gyur/ bde ba'i rjes su 'gro bar mi 'gyur bde ba dang yid bde ba chung du las 'das te/ bde ba'i rgyu nyid du shes par yang mi 'gyur ba zhig na/ ming chen gang gi phyir rnam par shes pa gcig tu sdug bsngal ma yin zhing bde ba dang yid bde ba dang rjes su 'brel ba dang/ bde ba dang yid bde ba chung du las 'das te/ bde bar shes pa de'i phyir/ sems can rnams rnam par shes pa la yang dag par chags shing yang dag bar chags pas yang dag par sbyor ba dang/ yang dag par sbyor bas kun nas nyon mongs par 'gyur ro/ /ming chen rgyu 'di dang rkyen 'dis sems can rnams kyi kun nas nyon mongs pa 'di dag gis rgyu dang bcas shing/ sems can rnams kyi kun nas nyon mongs pa 'di dag gis rgyu dang bcas shing rkyen dang bcas so/ /ming chen sems can rnams kyi rnam par byang ba ni rgyu dang bcas shing rkyen dang bcas pa ste/ sems can rnams rgyu dang bcas rkyen dang bcas rnam par byad ba gang zhe na/ ming chen gzugs gcig tu bde ba zhig tu gyur na sems can rnams gzugs la 'dod chags dang bral bar yang mi 'gyur zhing sdug bsngal bar yang mi 'gyur sdug bsngal gyi rjes su 'gro bar yang mi 'gyur/ sdug bsngal dang yid mi bde ba chung ngu las 'das te sdug bsngal gyi rgyu nyid du yang shes par mi 'gyur ba zhig na/ ming chen gang gir? phyir gzugs gcig tu bde ba ma yin zhing sdug bsngal dang/ sdug bsngal dang/ rjes su 'brel ba dang/ sdug bsngal yid mi bde ba chung du las 'das nas sdug bsngal gyi rgyu shes pa

  84. 42b

    de'i phyir sems can rnams gzugs la yang dag par chags pa dang bral zhing 'dod chags dang bral nas rnam par grol ba dang/ rnam bar grol nas yongs su dag par 'gyur ro/ /tshor ba dang/ 'du shes dang /'du byed dang/ ming chen rnam par shes pa gcig tu bde ba zhig tu gyur na sems can rnams rnam par shes pa las 'dod chags dang bral bar yang mi 'gyur zhing sdug bsngal bar yang mi 'gyur/ sdug bsngal ba'i rjes su 'gro bar yang mi 'gyur/ sdug bsngal ba dang yid mi bde ba chung du las 'das nas sdug bsngal gyi rgyu nyid du yang shes par mi 'gyur ba zhig na/ ming chen gang gi phyir rnam par shes pa gcig tu bde ba ma yin zhing sdug bsngal ba dang/ sdug bsngal gyi rjes su 'brel ba dang/ sdug bsngal ba dang yid mi bar ba chung du las 'das te sdug bsngal bar shes pa de'i phyir sems can rnams rnam par shes pa las 'dod chags dang bral zhing 'dod chags dang bral nas rnam par grol ba dang/ rnam par grol nas yongs su dag par 'gyur te/ ming chen rgyu 'di dang rkyen 'dis sems can rnams rnam par byang zhing/ sems can rnams kyi kun nas nyon mongs pa rgyu 'di dag gis rgyu dang bcas shing rkyen dang bcas so/ /de nas li tsa bI ming chen bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi pos phyag byas nas bcom ldan 'das kyi drung nas song ngo zhes gsungs so/ /mdo las srid pa gsungs zhes bya ba la gleng gzhi ni mnyan du yod pa na'o/ /dge slong dag bzhi po 'di dag ni 'phagS pa'i bden ba ste/ bzhi gang zhe na/ sdug bsngal 'phags pa'i bden pa dang sdug bsngal kun 'byung ba dang /sdug bsngal 'gog ba dang /sdug bsngal 'gog par 'gro ba'i lam 'phags pa'i bden pa'o/ /sdug bsngal 'phags pa'i bden pa gang zhe na/ skye ba'i sdug bsngal dang

  85. 43a

    rga ba'i sdug bsngal dang/ na ba'i sdug bsngal dang/ 'chi ba'i sdug bsngal dang/ mdza' ba dang bral ba'i sdug bsngal dang/ mi mdza' ba dang phrad pa'i sdug bsngal dang /gang 'dod ba btsal te ? pa de dag sdug bsngal ba ste/ mdor na nye bar len pa'i phung po lnga po dag ni sdug bsngal ba'o/ /sdug bsngal kun 'byung ba 'phags pa'i bden pa gang zhe na/ dga' ba'i 'dod chags dang lhan cig par gyur ba'i srid pa yang srid par kun 'byung ba ste/ /de dang de la mngon par dga' o/ /sdug bsngal 'gog pa 'phags pa'i bden pa gang zhe na /gang yang dga' ba'i 'dod chags dang/ lhan cig par gyur pa'i sred pa yang srid bar byung ba de dang de la mngon par dga' ba la ma lus bar spangs pa/ so sor 'gag pa/ zad pa 'dod chags dang bral ba 'gags par nye bar zhi bar nub pa'o/ /sdug bsngal 'gog par 'gro ba'i lam 'phags pa'i bden pa gang zhe na/ 'phags pa'i lam yan lag brgyad de/ 'di lta ste/ yang dag pa'i lta ba dang /yang dag pa'i rtog pa dang /yang dag pa'i dag dang/ yang dag pa'i lam kyi mdza' dang yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to zhes gsungs so/ /bcom ldan 'das kyis ji skad du /las dang srid pa dang ni ma rig pa/ /phyi ma'i tshe la 'du byed rnams kyi rgyu zhes bya ba la/ skye mched drug gi tshogs kyis bsdus pa'i sdom gyi tshigs su bcad pa gnyis pa'i sdom gyi tshigs su bcad pa gsum pa'i mdo bcu gcig pa ma'i mdo las bstan pa mdzod kyi gnyis ba 'di nyid du/ 'dus ma byas la de dag med ces bya ba'i skabs su mya ngan las 'das pa dngos po med pa tsam du bstan ba shes par byed bris pa blta bar bya'o/ /sa bon gyi rnam pa lnga zhes bya ba la gleng

  86. 43b

    gzhi ni mnyan du yod pa na'o/ /dge slong dag lnga po 'di dag ni sa bon gyi rnam pa lnga ste/ lnga gang zhe na/ 'di lta ste/ rtsa ba'i sa bon dang/ sdong bu'i sa bon dang/ mdo'i sa bon dang/ gshegs pa'i sa bon dang/ sa bon gyi sa bon rnams so// dge slong dag gal te sa bon de dag ma chags cing ma grugs la/ ma rul zhing rlung dang tshad pa dag gis mnyams la/ snying po dang ldan pa tshags byas pa dang ldan yang sa'i khams yod pa chu'i khams med na sa bon de 'phel zhing rgyas pa dang yangs par mi 'gyur ro/ /dge slong dag gal te sa bon de dag ma chags cing ma grugs la ma rul zhing rlung dang tshad pa dag gis mnyams la snying po dang ldan zhing chags byas pa dang ldan yang tshul khrims yod la sa'i khams med na sa bon de 'phel zhing rgyas pa dang yangs par mi 'gyur ro/ /dge slong dag gang yang sa bon de dag ma chags cing ma grugs la ma phul zhing rlung dang tshad pa dag gis ma nyams la snying po dang ldan zhing tshigs byas pa dang ldan yang sa'i khams dang chu'i khams kyang yod par gyur na sa bon de 'phel zhing rgyas pa dang yangs par 'gyur ro/ /dge slong dag 'di ni ji ltar don shes par bya ba'i phyir dper byas pa ste/ don gzhan du blta bar bya ste/ dge slong dag sa bon gyi rnam pa lnga zhes bya ba ni nye bar len pa dang bcas pa'i rnam par shes pa'i tshig bla dags so/ /sa'i khams zhes bya ba ni rnam par shes pa gnas pa bzhi'i tshig bla dags so/ /chu'i khams zhes bya ba ni dga' ba'i 'dod chags kyi tshig bla dags so/ /dge slong dag nye bar len pa dang bcas pa'i rnam par shes pa'i gnas ni bzhi ste/ bzhi gang zhe na/ dge slong dag rnam par shes pa gzugs la nye bar brten cing gnas te/ gzugs la gnas/ gzugs la rab tu gnas pa dang/ don du gnyer zhing bstan nas 'phel zhing

  87. 44a

    rgyas pa dang yangs par 'gyur ro/ /tshor bar nye bar 'gro ba dang /'du shes su nye bar 'gro ba dang /dge slong dag rnam par shes pa 'du byed du nye bar 'gro ba la brten cing gnas te/ 'du byed la brten /'du byed la gnas/ 'du byed la rab tu gnas pa dang /don du gnyer zhing brten nas 'phel zhing rgyas pa dang/ yangs par 'gyur ro/ /dge slong dag 'di tsam las gzhan du rnam par shes pa 'gro ba 'am/ 'ong ba 'am/ gnas pa 'am/ 'chi 'pho ba 'am/ skye ba 'am/ 'phel zhing rgyas pa 'am yangs bar mi 'gyur ba mi gdags so/ /dge slong dag gang zhig 'di skad du nges gzugs las gzhan dang tshor ba dang 'du shes dang 'du byed las gzhan du rnam par shes pa 'gro ba 'am 'ong ba 'am gnas pa 'am /'chi 'pho ba 'am skye ba 'am/ 'phel zhing rgyas pa dang/ yangs par 'gyur ba gdags par bya'o zhes smra na/ de ni de'i tshig tsam dang dris pa'i lan yongs su mi shes shing lan la mgo rmongs par byed pa ste/ ji ltar yang de'i yul ma yin pa'i phyir ro/ /de ci'i phyir zhe na/ dge slong dag gzugs kyi khams la 'dod chags dang bral bar gyur te/ 'dod chags dang bral na/ gzugs su nye bar 'gro ba'i yid kyi rang bzhin gyi 'ching ba spong bar 'gyur zhing/ gzugs su nye bar 'gro ba'i yid kyis rang bzhin 'ching ba spangs na dmigs pa chad par 'gyur zhing rnam par shes ba gnas pa 'phel zhing rgyas pa dang yangs par mi 'gyur ro/ /tshor ba'i khams dang /'du shes kyi khams dang/ dge slong dag 'du byed kyi khams la 'dod chagS dang bral bar 'gyur te/ 'du byed las 'dod chags dang bral bar gyur na 'du byed du nye bar 'gro ba'i yid kyi rang bzhin gyi 'ching ba spong bar 'gyur zhing/ 'du byed du nye bar 'gro ba'i yid kyi rang bzhin gyi 'tshor ba spangs na dmigs pa

  88. 44b

    'chad par 'gyur zhing/ rnam par shes pa gnas pa 'phel zhing rgyas pa dang/ yangs par mi 'gyur te/ rnam par shes pa'i gnas pa rgyas par mi 'gyur te/ mngon par ma rgyas na mngon par 'du mi byed la/ mngon par 'dus ma byas pa'i phyir der gnas so/ /der gnas pa'i phyir dga' bar 'gyur ro/ /dga' ba las rnam par grol bar 'gyur ro/ /rnam par grol ba las 'jig rten cung zad kyang nye bar mi len to/ /nye bar ma blangs na gdung ba med do/ /gang yongs su gdung ba med pa de nang gi bdag nyid kyi mya ngan las 'das pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes bya bar 'gyur te/ de'i rnam par shes pa shar phyogs kyi yul du song zhes nga? mi smra'o/ /lho phyogs dang /nub phyogs dang/ byang phyogs dang/ steng dang 'og gi phyogs dang/ phyogs mtshams su yang ma yin te/ gzhan du na mthong ba'i chos nyid la grib ma med par yongs su mya ngan las 'das shing/ zhi zhing bsil bar gyur pa tshangs par spyod ba'o zhes nga? smre'o? zhes gsungs so/ /mdo las kyang rgyur gsungs zhes bya ba la/ gleng gzhi ni mnyan du yod pa na'o/ /dge slong dag ma rig pa ni yang dag par chags pa'i rgyu dang yang dag par sngar ba'i rgyu dang yang dag par rmongs pa'i rgyu ste/ ma rig pa ni? yang dag par chags pa'i rgyu yang dag par sdang ba'i rgyu/ yang dag par rmongs pa'i rgyu'o/ /dge slong dag gang gi phyir las ni skye ba'i rgyu yin la/ sred pa ni mngon par grub pa'i rgyu yin te/ 'dir bsgom pa'i rang bzhin dge ba zag pa dang bcas pa'i las byas na/ der skyes nas rnam par smin par so sor myong bar 'gyur te/ de'i phyir sems can dag gis las gzhan du mi 'gro ba'o zhes smra'o zhes gsungs so/ /rgyu dang bcas rkyen dang bcas gzhi dang

  89. 45a

    bcas pa'i mdo las zhes bya ba la/ skye mched drug gi tshogs kyis bsdus pa'i sdom gyi tshigs su bcad pa gnyis par 'das pa dang zhes bya ba'i sdom gyi tshigs su bcad pa bsdus pa dang /sngar don dam pa stong /nyid kyi mdo las 'byung ba mdzod kyi gnas gsum pa 'di nyid du rten cing 'brel bar 'byung ba'i skabs su ma rig pa'i tshul bzhin ma yin pa yid la byed par bshad pa las/ mdo gzhan las zhes bya bar bris pa blta bar bya'o/ /'phags pa'i rigs zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag ni 'phags pa'i rigs mchog rgyal po'i rigs sngon nyon mongs pa ma yin zhing nyon mongs pa med pa dge slong dam/ bram ze 'am/ lha 'am bdud dam/ tshangs pa dang bcas pa'i 'jig rten gang gis kyang nyon mongs par bya bar mi nus pa dag ste/ bzhi gang zhe na/ 'di la dge slong chos gos gang yang rung bas dga' bar 'gyur zhing chos gos gang yang rung bas dga' ba'i bsngags pa brjod la de chos gos kyi rgyu rang bzhin ma yin pa mi tshol lo/ /de rnyed pa'i chos gos kyis mi snyoms shing chos gos rnyed pa dag la ma chags par longs spyod de chags pa dang zhen pa dang/ 'dun pa dang /brgyal ba dang /zhen pa dang lhag par zhen par mi 'gyur zhing nyes dmigs mthong zhing nges bar 'byung ba yang dag pa ji lta ba bzhin du shes nas nye bar longs spyod de/ gang gi phyir dge slong mkhas shing dran pa dang shes bzhin dang ldan par 'gyur te/ 'di ni dge slong sngon gyi 'phags pa'i rigs la gnyis pa zhes brjod do/ /chos gos ji lta ba bzhin du bsod snyoms dang/ mal cha dang stan yang de bzhin no/ /gzhan yang dge slong spong ba la dga' bar 'gyur zhing spong ba la dga' ba dang/ spong ba la dga' ba'i rjes su mthun pa gyur pa dang/ sgom pa la dga' bar

  90. 45b

    gyur cing sgom pa la dga' ba dang/ sgom pa la dga' ba'i rjes su mthun par gyur pa ste/ de spong ba dang sgom pa la dga' bas bsnyen par mi 'gyur zhing gang gi phyir dge slong dran pa dang shes bzhin dang ldan par 'gyur te/ 'di dge slong sngon gyi 'phags pa'i rigs la gnas pa zhes brjod do/ /'phags pa'i rigs bzhi po 'di dag dang yang dag par ldan pa'i 'phags pa nyan thos shar phyogs su nye bar brten cing gnas pa na mi dga' ba mi gnod de /de nyid kyis mi dga' ba la gnod do/ /de gal te lho dang nub dang byang phyogs su brten cing nye bar gnas pa na yang mi dga' bas mi gnod de/ des mi dga' ba la gnod par byed do/ /de ci'i phyir zhe na/ dge slong dag 'phags pa nyan thos thos pa dang ldan pa dag gnang ba bzod kyi/ mi dga' ba ni mi bzad do/ /brtan rnams mi dga' mi bzod de/ /brtan rnams dga' ba bzod pa yin/ /de yis 'dod pa'i 'dod chags kun/ /spong ba gang gis bzlog par nus/ /'dzam+bu chu bo'i gser 'od ltar/ /de la gang gis smrad par nus zhes gsungs so/ /sred pa skye ba ni rnam pa bzhi ste zhes bya ba la/ gleng gzhi ni mnyan du yod pa na'o/ /dge slong dag chos gos kyi rgyus srid pa skye bzhin pa na skye'o/ /gnas pa na gnas so/ /mngon par zhen pa na mngon par zhen to/ /bsod snyoms kyi rgyud dang/ mal cha dang stan gyi rgyu dang/ srid pa mi 'byung ba'i rgyus sred pa skye bzhin pa na skye'o zhes bya ba snga ma bzhin du'o zhes gsungs so/ /lus la lus kyi rjes su lta zhing dran pa nye bar gnas so zhes bya ba la/ gleng gzhi ni mnyan du yod pa na'o/ /dge slong dag dran pa nye bar gzhag pa ni bzhi po 'di dag ste/ bzhi gang zhe na /lus la lus kyi rjes su lta zhing dran pa nye bar gzhag pa dang/ tshor ba dang/ sems dang/ chos rnams la chos kyis rjes su lta zhing dran pa nye bar gnas so zhes gsungs so/ /nang gi lus la lus kyi

  91. 46a

    rjes su lta zhing gnas so zhes bya ba la/ gleng gzhi ni mnyan du yod pa na'o/ /dge slong dag dran pa nye bar gzhag pa bzhi sgom pa dag bstan par bya ste/ de legs par nyon la yid la zung zhig dang bshad par bya'o/ /dge slong dag dran pa nye bar gzhag pa bzhi bsgom pa gang zhe na/ 'di la dge slong dag nang gi lus la lus kyi rjes su blta zhing brtun pa shes bzhin dang dran pa can 'jig rten gyi brnab sems dang yid mi bde ba bsal cing gnas so/ /phyi'i lus dang/ phyi dang nang gi lus dang/ nang gi tshor ba dang/ phyi'i tshor ba dang/ phyi nang gi tshor ba dang nang gi sems dang/ phyi'i sems dang/ nang dang phyi'i sems dang/ nang gi chos rnams dang/ phyi'i chos rnams dang/ nang dang phyi'i chos rnams la chos kyi rjes su blta zhing brtun pa shes bzhin can dran pa dang ldan pa 'jig rten gyi brnab sems dang yid mi bde ba bsal te gnas so/ /dge slong dag 'di ltar dran pa nye bar gzhag pa bzhi bsgom pa goms bar bya'o/ /dge slong dag dran pa nye bar gzhag pa bzhi bsgom pa goms par bya'o zhes bstan bar bya'o zhes pas ji skad du bstan pa de rgyas par rab tu bshad do zhes gsungs so/ /de bzhin du tshe dang ldan pa ma 'gags pas ji skad du zhes bya ba la tshe dang ldan pa ma 'gagS pa gnas bcas na tsher ma gsum pa can gyi tshal na brten cing gnas so/ /de'i tshe na tshe dang ldan pa mong+gal gyi bu chen po brga na ri bong gsod pa zhes bya ba ri dags kyi nags 'jigs pa'i dgra can gyi nags na brten cing nye bar gnas so/ /de nas tshe dang ldan pa ma 'gags pa gcig du dben par gyur pa na nang du yang dag par 'jog pa las gnas pa na sems la sems kyi rnam par rtog pa 'di lta bu dag skyes te/ sems can rnams yongs su dag par byed cing

  92. 46b

    mya ngan dang yongs su 'tsho ba las 'da' zhing sdug bsngal ba dang yid mi bde ba rnams nub nas rigs pa'i chos rtogs pa'i theg pa ni gcig kho na ste/ 'di lta ste dran pa nye bar gzhag pa bzhi'o/ /bzhi gang zhe na/ lus dran pa nye bar gzhag pa dang /tshor ba dang sems dang chos dran pa nye bar gzhag pa'o/ /gang 'ga' zhig dran pa nye bar gzhag pa bzhi la mi dga' ba de dag ni 'phags pa'i tshul la mi dga' ba yin la/ gang 'phags pa'i tshul la mi dga' ba de dag ni 'phags pa'i lam la mi dga' ba yin la/ gang 'phags pa'i lam la mi dga' ba de dag ni thar pa la mi dga' la/ gang thar ba la mi dga' ba ni skye ba dang/ rga ba dang /na ba dang 'chi ba dang mya ngan dang/ smre sngags 'don pa dang/ ma 'ongs pa'i sdug bsngal ba dang/ yid mi bde ba dang/ 'khrug pa las ma grol zhing sdug bsngal ba'o zhes nga smra'o/ /gang 'ga' zhig dran ba nye bar gzhag pa bzhi la dga' ba de dag la sogs pa'i tshul la dga' la/ 'phags pa'i tshul la dga' ba de dag ni 'phags pa'i lam la dga' zhing/ 'phags pa'i lam la dga' ba de dag ni thar pa la dga' ba la/ thar pa la dga' ba de dag ni rnam bar grol byar 'gyur te/ skye ba dang/ rga ba dang /na ba dang/ 'chi ba dang/ mya ngan dang /smre sngags 'don pa dang/ ma 'ongs pa'i sdug bsngal ba dang /yid mi bde ba dang/ 'khrug pa las rnam par grol zhing sdug bsngal med pa'o zhes nga smra'o/ /de nas tshe dang ldan pa maung+gal gyi bu chen pos tshe dang ldan pa ma 'gags ba'i sems kyis rnam par shes nas/ de lta bu'i ting nge 'dzin la snyoms par zhugs te/ skyes bu stobs dang ldan pa'i lag pa brkyang ba las bsgom? pa'am/ bskum pa las brkyang pa tsam gyis tshe dang ldan pa maung+gal gyi mu chen po brga ri bong gsod pa zhes bya ba'i dags kyi dags 'jigs pa can nas mi snang bar gyur te/ tshor ma gsum

  93. 47a

    pa can gyi tshal du tshe dang ldan pa ma 'gags pa'i mdun du 'dug nas 'di skad ces smras so/ /tshe dang ldan pa ma 'gags pa khyod gcig pu dben par gyur pa na nang du yang dag bar 'jog la gnas pa na sems la sems kyi rnam par rtog pa 'di lta bu ma skyes sam/ sems can rnams yongs su dag par byed cing/ mya ngan dang yongs su 'tshe ba thams cad las 'da' la sdug bsngal dang yid mi bde ba rnams nub nas rigs pa'i chos rtogs pa'i theg pa ni gcig kho na ste zhes bya ba nas/ rgyas bar sdug bsngal ba med pa'o zhes bya ba'i bar du'o/ /tshe dang ldan pa maung+gal gyi bu chen po de bzhin no/ /tshe dang ldan pa ma 'gags pa ji tsam gyis na dran pa nye bar gzhag pa bzhi bsgom pa la dga' bar 'gyur zhing rab tu dga' bar 'gyur zhe na /tshe dang ldan pa maung+gal gyi bu chen po 'di la dge slong lus la lus kyi rjes su blta zhing gnas te/ de'i lus la lus kyi rjes su blta zhing dran pa nye bar gnas pa na lus la dmigs te dran ba gnas pa dang /rab tu gnas ba dang /legs bar gnas ba dang /zhi ba dang /dul ba dang/ nye bar zhi zhing ting nge 'dzin gcig tu gyur cing gnas so/ /tshor ba dang/ sems dang/ chos rnams la chos rnams kyi rjes su blta zhing gnas te/ de'i chos rnams la chos rnams kyi rjes su blta zhing dran pa nye bar gnas te/ chos rnams la dmigs nas dran pa gnas pa dang /rab tu gnas pa dang/ lags par gnas pa dang/ zhi ba dang dul ba dang/ nye bar zhi zhing ting nge 'dzin de gcig tu gyur cing gnas so/ /'phags pa mong+gol? gyi bu chen po 'di tsam gyis dran pa nye bar gzhag pa bzhi sgom pa la dga' zhing rab tu dga' bar 'gyur ro/ /de nas tshe dang ldan pa maung+gal gyi bu chen po tshe dang ldan pa ma 'gags pas bshad pa la mngon par dga' zhing rjes su yi rang nas 'di lta bu'i ting nge 'dzin

  94. 47b

    la snyoms par thugs te/ ji ltar sems ting nge 'dzin la mnyam par gzhag na tsher ma gsum pa can gyi tshal nas mi snang bar 'gyur zhing brga ba'i ri bong gsod pa zhes bya ba'i ri dags kyi dags 'jigs skrag nag nas par 'gyur ba de lta bu'i ting nge 'dzin la snyoms par zhugs so zhes gsungs so/ /ji skad du bcom ldan 'das kyis kyang zhes bya ba la gleng gzhi ni mnyan du yod pa na'o/ /de nas dge slong gzhan zhig rgongs ka nang du yang dag 'jog las langs te/ bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas te phyogs gcig tu 'dug go/ phyogs gcig tu 'dug nas dge slong des bcom ldan 'das la 'di skad ces gsol to/ /btsun pa byang chub kyi yan lag byang chub kyi yan lag ces bshad pa/ 'di lta ste/ byang chub kyi yan lag ces bya ba 'di gang gi tshig bla dags lags dge slong byang chub kyi yan lag byang chub kyi yan lag ces bshad pa 'di lta ste/ byang chub kyi lan lag ces bya ba 'di ni byang chub kyi phyogs kyi chos so bdun gyi tshig bla dags so/ /dge slong 'on kyang byang chub kyi yan lag rnams go rims bzhin du skye zhing byang chub kyi yan lag rnams go rims bzhin du 'thob pa dang bsgom la yongs su rdzogs par 'gyur ro/ / btsun pa ji lta ji ltar byang chub kyi yan lag rnams go rims bzhin du skye zhing byang chub kyi yan lag rnams go rims bzhin du 'thob pa dang bsgom ba yongs su rdzogs par 'gyur zhe na/ 'di na dge slong lus la lus kyi rjes su lta zhing gnas te/ lus la lus kyi rjes su lta zhing gnas pa de'i dran pa nye bar gnas bar 'gyur zhing kun tu mi rmongs pa yin te/ de'i tshe na dran pa yang dag byang chub kyi yan lag mgo rtsom pa yin zhing/ de'i tshe dran pa yang dag byang chub kyi yan lag sgom par 'gyur

  95. 48a

    la de'i tshon dran pa yang dag byang chub kyi yan lag bsgom pa yongs su rdzogs par 'gyur ro/ /de bzhin du dran pa dang chos de sems pa dang/ rab tu sems pa dang/ yongs su rtog pa dang /rnam par dpyod par byed cing chos rab tu rnam par 'byed pa yang dag byang chub kyi yan lag de'i tshe mgo rtsom pa yin zhing/ chos rab tu rnam par 'byang? pa yang dag byang chub kyi yan lag de'i tshe sgom par 'gyur ba/ chos rab tu rnam par 'byed pa yang dag byang chub kyi yan lag de'i tshe bsgom pa yongs su rdzogs par 'gyur ro/ /de chos de dag la sems pa dang /rab tu sems pa dang /yongs su rtog pa dang rnam par dpyod par byed na/ de lam zhum pa'i brtson 'grus rtsom par 'gyur te/ de'i tshe na brtson 'grus yang dag byang chub kyi yan lag mgo rtsom pa yin zhing/ de'i tshe brtson 'grus yang dag byang chub kyi yan lag bsgom pa yin la/ de'i tshe brtson 'grus yang dag byang chub kyi yan lag sgom pa yongs su rdzogs par 'gyur ro/ /brtson 'grus brtsamS pa la zang zing med pa'i dga' ba skye bar 'gyur te/ de'i tshe dga' ba yang dag byang chub kyi yan lag mgo rtsom pa yin zhing/ de'i tshe dga' ba yang dag byang chub kyi yan lag sgom pa yin la/ de'i tshe dga' ba yang dag byang chub kyi yan lag bsgom pa yongs su rdzogs par 'gyur ro/ /yid dga' ba na lus dang sems shin tu sbyangs par 'gyur te/ de'i tshe na? shin tu sbyangs pa yang dag byang chub kyi yan lag mgo rtsom pa yin zhing/ de'i tshe na shin tu sbyangs pa yang dag byang chub kyi yan lag bsgom pa yin la/ de'i tshe na shin tu sbyangs pa yang dag byang chub kyi yan lag bsgom pa yongs su rdzogs par 'gyur ro/ /lus shin tu sbyangs na bde ba myong zhing bde na de'i sems ting nge 'dzin la mnyam bar

  96. 48b

    'jog par 'gyur te/ de'i tshe ting nge 'dzin yang dag byang chub kyi yan lag mgo rtsom pa yin zhing /de'i tshe ting nge 'dzin yang dag byang chub kyi yan lag bsgom pa yin la/ de'i tshe ting nge 'dzin yang dag byang chub kyi yan lag bsgom pa yongs su rdzogs par 'gyur ro/ /de bzhin du mnyam par 'jog pa na 'jig rten gyi brnab sems dang yid mi bde ba rnam par bsal nas btang snyoms su 'gyur te/ de'i tshe btang snyoms yang dag byang chub kyi yan lag mgo rtsom pa yin zhing/ de'i tshe btang snyoms yang dag byang chub kyi yan lag bsgom pa yin la/ de'i tshe btang snyoms yang dag byang chub kyi yan lag bsgom pa yongs su rdzogs par 'gyur ro/ /'di na dge slong tshor ba dang sems dang chos rnams la chos kyi rjes su lta zhing gnas te /chos rnams la chos rnams kyi rjes su lta zhing gnas pa de'i dran pa nye bar gnas par 'gyur zhing kun tu mi rmongs pa yin te/ de'i tshe na dran pa yang dag byang chub kyi yan lag mgo rtsom pa yin zhing zhes bya ba nas/ rgyas par de'i tshe na btang snyoms yang dag byang chub kyi yan bsgom pa yongs su rdzogs par 'gyur ro zhes bya ba'i bar du'o/ /dge slong dag 'di ltar byang chub kyi yan lag rnams rjes su 'thob par 'gyur zhing go rim 'dis byang chub kyi yan lag rnams rab tu 'gyur bar 'gyur ro zhes gsungs so/ /dge slong dag ji ltar na zhes bya ba la /dge slong dag dran pa nye bar gzhag pa rnams kyi kun 'byung ba dang nub pa dag bshad bar bya ste/ de legs par nyon ? yin la zung cig dang bshad par bya'o/ /dge slong dag ji ltar na dran pa nye bar gzhag pa bzhi rnams kun 'byung ba dang nub pa yin zhe na/ dge slong dag zas kun 'byung bas lus kun 'byung ba yin la/ zas 'gags pas lus 'gags bar 'gyur ro/ /lus kun 'byung ba'i chos can rjes su mthong zhing gnas pa dang/ lus 'jigs pa'i chos can du

  97. 49a

    rjes su mthong zhing gnas pa dang/ lus kun 'byung ba'i chos can du rjes su mthong zhing gnas pa dang lus 'jig pa'i chos can du rjes su mthong zhing gnas pa dang/ mi rten cing gnas na 'jig rten cung zad kyang nye bar mi len to/ /dge slong dag deg? par kun 'byung bas tshor ba kun 'byung bas yin la/ reg pa 'gags pas tshor ba nub par 'gyur te/ tshor ba kun 'byung ba'i chos can du rjes su mthong zhing gnas pa dang/ tshor ba 'jig pa'i chos can du rjes su mthong zhing gnas pa dang/ tshor ba kun 'byung ba dang 'jig pa'i chos can du rjes su mthong zhing gnas pa dang/ mi rten cing gnas na 'jig rten cung zad kyang nye bar mi len to/ /dge slong dag ming dang gzugs kun 'byung bas sems kun 'byung ba yin la/ ming dang gzugs 'gags pas sems nub bar 'gyur ro/ /sems kun 'byung ba'i chos can du rjes su mthong zhing gnas pa dang/ sem ma 'jig pa'i chos can du rjes su lta zhing gnas pa dang/ sems kun 'byung ba dang 'jig pa'i chos can du rjes su mthong zhing gnas pa dang/ mi rten cing gnas na 'jig rten cung zad kyang nye bar mi len to/ /dge slong dag yid la byed pa kun 'byung bas chos kun 'byung ba yin zhing/ yid la byed pa 'gagS pas chos nub par 'gyur ro/ /chos kun 'byung ba'i chos can du rjes su mthong zhing gnas pa dang/ chos 'jig pa'i chos can du rjs su mthong zhing gnas pa dang/ chos kun 'byung ba dang 'jig pa'i chos can du rjes su mthong zhing gnas pa dang/ mi rten cing gnas na 'jig rten cung zad kyang nye bar mi len to/ /dge slong dag 'di ltar na dran pa nye bar gzhag pa rnams kun 'byung ba dang nub pa rnams te/ dge slong dag dran pa nye bar gzhag pa bzhi rnams kyi kun 'byung ba dang

  98. 49b

    nub par bshad par bya'o zhes ngas ji skad du bstan pa de rgyas par rab tu bshad do zhes gsungs so/ /mdo las ji skad du yang dag pa'i mya ngan las 'das pa zhes bya ba la lam gyi? tshogs dang lam gyi yan lag sgo las te/ log pa'i yan lag gi lam dmyal? ba la byed du 'jug pa dang/ de nyid kyis mtshams med pa la yang dag par sbyor ba zhes bya ba'i mdo las blta bar bya ste/ mdo 'di yang mdzod kyi gnas gsum par/ 'phags dang mtshams med byed pa dang /yang dag log pa nyid du nges zhes bya bar der bris zin to/ /kun 'byung la sogs pa ni bya ba'i mngon par rtogs pa yin te/ spong ba dang mngon du byed pa dang/ sgom pa'i phyir ro zhes bya ba la/ gleng gzhi ni mnyan du yod pa na'o/ /dge slong dag bzhi pa 'di dag ni 'phags pa'i bden pa bzhi ste/ bzhi gang zhe na/ sdug bsngal 'phags pa'i bden pa dang sdug bsngal kun 'byung pa 'phags pa'i bden pa dang/ sdug bsngal 'gog pa 'phags pa'i bden pa dang/ sdug bsngal 'gog par 'gro ba'i lam 'phags pa'i bden pa'o// de la sdug bsngal 'phags pa'i bden pa mngon par shes pas yongs shes par bya zhing/ kun 'byung 'phags pa'i bden pa mngon par shes nas yongs su spang bar bya/ 'gag pa 'phags pa'i bden pa mngon par shes nas mngon sum du bya/ lam 'phags pa'i bden pa mngon par shes nas bsgom par bya'o/ /dge slong dag gang yang dge slong sdug bsngal 'phags pa'i bden pa mngon par shes pas yongs su shes shing/ sdug bsngal kun 'byung ba 'phags pa'i bden pa mngon par shes nas spangs la/ 'gog pa 'phags pa'i bden pa mngon par shes nas mngon du byas te/ sdug bsngal 'gog par 'gro ba'i lam 'phags pa'i bden pa mngon par shes nas bsgoms pa ni dge slong srid pa chad pa kun

  99. 50a

    tu sbyor ba spangs pa yang dag pa'i lam mngon par rtogs nas sdug bsngal mthar byed pa zhes brjod do zhes gsungs so/ /'phags pa nyan thos sdug bsngal la sdug bsngal du yid la byed ces bya ba la/ lam gyi tshogs kyi las gyi yin lag gi sgo'i sdom gyi tshigs su bcad pa bdun pa las/ yang dag nyid ces bya ba la sogs pa'i mdo las byung ba/ mdzod kyi gnas bzhi par spong ba dag ni chu lon du gsungs zhes bya ba bris te/ de las 'di ltar 'don te/ yang dag pa'i lta ba 'phags pa 'jig rten las 'das pa zag pa med pa nye bar len pa med pa sdug bsngal yang dag par zad pa sdug bsngal mthar bya ba'i phyir 'jug pa bya ba gang zhe na/ 'di na 'phags pa nyon thos sdug bsngal la sdug bsngal du yid la byed pa 'am/ kun 'byung la kun 'byung du yid la byed pa'am/ 'gog pa la 'gog par yid la byed pa 'am/ lam la lam du yid la byed pa'i zag pa med pa'i yid la byed pa dang/ mtshungs par ldan pa chos rab tu rnam par 'byed pa gang yin pa dang/ rnam par 'byed pa dang/ rab tu rnam par 'byed bar mtshon pa dang/ yang dag par mtshon pa dang/ nye bar mtshon pa dang/ brten pa dang/ so sor rig pa'i shes pa dang/ mthong ba dang/ blo dang/ rig pa dang/ rtogs pa gang yin pa ste/ 'di ni 'phagS pa'i 'jig rten las 'das pa'i yang dag pa'i lta ba zag pa med par nye bar len pa med pa sdug bsngal yang dag par zad pa sdug bsngal mthar bya ba'i phyir 'jug pa'o/ /khyim bdag bden pa mngon par rtogs pa gcig pa nyid ni med pa nyid de zhes bya ba la/ gleng gzhi ni mnyan du yod pa na'o/ /de nas khyim bdag mgon med zas sbyin bcom ldan 'das gdan pa der nye bar song ste nye bar song nas bcom ldan 'das kyi zhabs la sbyi bos phyag byas te phyogs gcig tu 'dug go /phyogs

  100. 50b

    gcig tu 'dug nas khyim bdag mgon? med zas sbyin gyis bcom ldan 'das la 'di skad ces gsol to/ /btsun pa 'phags pa'i bden pa bzhi po rnams go rims bzhin du mngon par rtogs lags su sam/ 'on te cig car khyim bdag 'phagS pa'i bden pa bzhi po rnams ni go rims bzhin du mngon par rtogs kyi cig car mngon par rtogs pa ma yin no/ /khyim bdag gang zhig 'di skad du bdag gis sdug bsngal 'phags pa'i bden pa mngon par ma rtogs par/ kun 'byung 'phags pa'i bden pa mngon par rtogs par bya zhing/ kun 'byung 'phags pa'i bden pa mngon par ma rtogs par 'gog ba 'phags pa'i bden pa mngon par rtogs par bya/ 'gog pa 'phags pa'i bden pa mngon par ma rtogs par sdug bsngal 'gog par 'gro ba'i lam 'phags pa'i bden pa mngon par rtogs par bya'o zhes smras na/ de skad du ma smra shig ces brjod par bya'o/ /de ci'i phyir zhe na/ khyim bdag ? gnas ma yin zhing go skabs med de/ gang sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa mngon par rtogs pa dang/ kun 'byung 'phags pa'i bden pa mngon par ma rtogs par 'gog pa 'phags pa'i bden pa mngon par rtogS rmad ma brtsigs par rtsig pa dag ba rtsig bar bya zhing/ rtsig ba ma brtsigs par khang thog dang shing spra dag brtsig par bya'o zhes smra na/ re skad du ma smra zhig ces brjod par bya'o/ /de ci'i phyir zhe na/ de ni gnas ma yin zhing go

  101. 51a

    skabs med de/ shing rta 'am shing rta'i khang pa dag gi rmang ma brtsigs par rtsig pa brtsig pa dang/ rtsig pa ma brtsigs par khang thog dang/ shing sbra rtsig par byed pa 'di ni gnas med do/ /khyim bdag de bzhin du kha cig 'di skad du bdag gis sdug bsngal gyi bden pa mngon par ma rtogs par kun 'byung gi bden pa mngon par rtogs par bya zhes bya ba nas snga ma bzhin du sdug bsngal 'gog par 'gro ba'i lam 'phags pa'i bden pa mngon par rtogs par bya'o zhes smra na 'di ni gnas med do/ /khyim bdag gang zhig 'di skad du bdag gis sdug bsngal 'phags pa'i bden pa mngon par rtogs nas/ kun 'byung 'phags pa'i bden pa mngon par rtogs par bya zhing/ kun 'byung 'phags pa'i bden pa mngon par rtogs nas 'gog pa 'phags pa'i bden pa mngon par rtogs par bya zhing/ 'gog pa 'phags pa'i bden pa mngon par rtogs nas lam 'phags pa'i bden pa mngon par rtogs par bya'o zhes smra na/ de bzhin no zhes brjod bar bya'o/ /de ci'i phyir zhe na/ 'di ni gnas yin zhing go skabs yod de/ gang sdug bsngal 'phags pa'i bden pa mngon par rtogs nas su ca 'byung 'phags pa'i bden pa mngon par rtogs pa dang/ kun 'byung 'phags pa'i bden pa mngon par rtogs nas 'gog pa 'phags pa'i bden pa mngon par rtogs pa dang/ 'gog pa 'phags pa'i bden pa mngon par rtogs nas lam 'phags pa'i bden pa mngon par rtogs par 'gyur pa 'di ni gnas yod do/ /khyim bdag 'di lta ste kha cig 'di skad du bdag gis shing rta 'am shing rta'i khang pa dag gi rmad brtsigs te/ rtsig pa rtsig par bya'o// rtsig pa

  102. 51b

    brtsigs nas khang thog dang shing sgra dag brtsig par bya'o zhes smra na/ de bzhin no zhes brjod par bya'o/ /de ci'i phyir zhe na/ 'di ni gnas yin zhing go skabs yod de/ shing rta 'am shing rta'i khang pa dag gi rmad brtsigs te/ rtsig pa brtsig pa dang/ rtsig pa brtsigs nas khang thog dang shing sbya? dag brtsig pa 'di ni gnas yod do/ /khyim bdag de bzhin du sdug bsngal 'phags pa'i bden pa mngon par rtogs nas kun 'byung 'phags pa'i bden pa mngon par rtogs pa dang/ kun 'byung 'phags pa'i bden ba mngon par rtogs nas 'gag pa 'phags pa'i bden ba mngon par rtogs pa dang/ 'gog pa 'phags pa'i bden pa mngon par rtogs nas lam 'phags pa'i bden pa mngon par rtogs pa 'di ni gnas yod do/ /de bas na 'phags pa'i bden pa rnams mngon par ma rtogs pa mngon par rtogs par bya ba'i phyir 'dun pa drag po dang brtson 'grus rtsom pa dang spong ba dang rab tu spong ba dang mi btang bar bya zhing/ dran pa dang shes bzhin dang ldan par bya'o/ /de nas khyim bdag mgon med zas sbyin gyis bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi zhabs la sbyi bos phyag byas te/ bcom ldan 'das kyi drung nas song ngo zhes gsungs/ /da nas dge slong gzhan zhig gis khyim bdag mgon med zas sbyin gyis dris pa de nyid kyi dpe'i khyad par dris pa dang dge slong 'di lta ste/ gang zhig 'di skad du bdag gis bar rim rim pa bzhi pa'i bang rim dang po la ma 'jigs par gnyis pa dang gsum pa dang bzhi pa nas khang thog gi bar du 'dzeg par bya'o zhes smra na de skad ma smra zhig ces brjod bir bya'o/ /de ci'i phyir zhe na/ 'di ni gnas ma yin zhing go skabs med de/ gang zhig bar rim rim pa bzhi po'i rim pa dang po las

  103. 52a

    ma 'dzegs par gnyis pa dang gsum pa dang bzhi pa nas khang thog gi bar du 'dzeg par 'gyur ba 'di ni gnas med de/ /dge slong dag de bzhin du gang zhig 'di skad du ngas sdug bsngal 'phags pa'i bden pa mngon par ma rtogS par zhes bya ba nas snga ma bzhin du'o/ /dge slong dag gang zhig 'di skad du ngas sdug bsngal 'phags pa'i bden pa mngon par rtogs nas zhes bya ba nas snga ma bzhin du 'di ni gnas yod do zhes bya ba'i bar du'o/ /dge slong dag da bzhin du gang gis 'di skad du ngas bar rim rim pa bzhi pa'i them pa dang po la 'dzegs nas gnyis pa dang gsum pa dang bzhi pa nas/ khang thog gi bar du 'dzeg par bya'o zhes smra na de bzhin no zhes brjod par bya ste/ de ci'i phyir zhe na/ 'di ni gnas yin zhing go skabs yod de/ gang zhig bang rim rim pa bzhi pa'i them pa dang po la 'dzegs nas gnyis pa dang/ gsum pa dang bzhi pa nas khang thog gi bar du 'dzeg pa 'di ni gnas yod do/ /de bzhin du gang zhig 'di skad du ngas sdug bsngal 'phags pa'i bden pa mngon par rtogs nas zhes bya ba'i bar du snga ma bzhan no/ /ji ltar dge slong gzhan bzhin du che dang ldan pa kun dga' bos dpe'i khyad par dris pa dang/ kun dga' bo 'di lta ste gang zhig 'di skad du bdag gi the ma skas rim pa bzhi pa can gyi skas them dang po lam 'dzegs par gnyis pa dang gsum pa dang bzhi pa la 'dzegs pa bya'o zhes smra na/ de skad du ma smra zhig ces brjod par bya'o/ /de ci'i phyir zhe na/ 'di ni gnas ma yin zhing go skabs med do/ /them skas rim pa bzhi pa can gyi skabs them dang po la ma 'dzegs par gnyis pa dang gsum pa dang bzhi pa la 'dzeg pa 'di ni gnas med do/ /de bzhin du gang zhig 'di skad du ngas sdug

  104. 52b

    bsngal gyi bden pa mngon par ma rtogs par zhes bya ba nas/ snga ma bzhin no/ /kun dga' bo kha cig 'di skad du ngas sdug bsngal gyi bden pa mngon par rtog nas zhes bya ba nas snga ma bzhin du kun dga' bo 'di lta ste/ gang zhig 'di skad 'dzeg nas gnyis pa dang gsum pa dang bzhi pa'i bar du 'dzeg 'dzeg nas gnyis pa dang gsum pa dang bzhi pa'i bar du 'dzeg par bya'o zhes smras na/ de bzhin no zhes brjod par bya'o/ /de ci'i phyir zhe na/ 'di ni gnas yin zhing go skabs yod de bang rim bzhi pa'i them skas dang po la 'dzeg nas gnyis pa dang gsum pa dang bzhi pa'i bar du 'dzeg par 'gyur ba 'di ni gnas yod do/ /de bzhin du gang zhig 'di skad du ngas sdug bsngal 'phags pa'i bden pa mngon par rtogs zhes bya ba snga ma bzhin du'o zhes gsungs so/ /gal te mdo las gang zhig sangs rgyas la nem nur med cig the tshom med pa de ni zhes bya ba la mdo de ni bdag gis ma rnyed do/ /gleng gzhi yang dag par ldan pa'i 'phagS pa'i bden pa'i sgo'i sdom gyi tshigs su bcad pa bdun pa'i mdo las 'di ltar 'don te/ gleng gzhi ni mnyan du yod pa na'o/ /gang 'ga' zhig sangs rgyas la nem nur dang bcas shing the tshom dang bcas pa de ni sdug bsngal la yang nem nur dang the tshom dang bcas pa yin zhing/ kun 'byung ba dang 'gog pa dang lam la yang nem nur dang bcas shing the tshom dang bcas pa yin no/ /gang 'ga' zhig chos dang dge 'dun la nem nur dang bcas shing the tshom dang bcas pa de ni sdug bsngal gyi bden pa la yang nem nur dang bcas shing the tshom dang bcas pa yin zhing/ kun 'byung dang 'gog pa dang lam la yang yid nem nur dang bcas shing the tshom dang bcas pa yin no/ /

  105. 53a

    gang 'ga' zhig sangs rgyas la nem nur med cing the tshom med pa de ni sdug bsngal la yang nem nur med cing the tshom med pa yin la/ kun 'byung dang 'gog pa dang lam la yang nem nur med cing the tshom med pa yin no/ /gang 'ga' zhig chos dang dge 'dun la nem nur med cing the tshom med pa de ni sdug bsngal la nem nur med cing the tshom med pa yin la/ kun 'byung dang 'gog pa dang lam la nem nur med cing the tshom med pa yin no/ /gang 'ga' zhig sdug bsngal la nem nur dang bcas shing the tshom dang bcas pa de ni sangs rgyas la yang nem nur dang bcas pa yin la/ chos dang dge 'dun la yang nem nur dang bcas shing the tshom dang bcas pa yin no/ /gang 'ga' zhig kun 'byung dang 'gog pa dang lam la nem nur dang bcas shing the tshom dang bcas pa de ni sangs rgyas la yang nem nur dang bcas shing the tshom dang bcas pa yin zhing chos dang dge 'dun la yang nem nur dang bcas shing the tshom dang bcas pa yin no/ /gang 'ga' zhig sdug bsngal la nem nur med cing the tshom med pa de ni sangs rgyas la yang nem nur med cing the tshom med pa yin zhing chos dang dge 'dun la yang nem nur med cing the tshom med pa yin no/ /yang 'ga' zhig kun 'byung dang 'gog pa dang lam la nem nur med cing the tshom med pa de ni sangs rgyas la yang nem nur med cing the tshom med pa yin zhing chos dang dge 'dun la yang nem nur med cing the tshom med pa yin no zhes gsungs so/ /gnas bdun la mkhas pa dang 'dab ma bdun pa bzhin no zhes bya ba la/ gleng gzhi ni mnyan du yod pa na'o/ /dge slong dag gnas bdun la mkhas shing don rnam pa gsum yongs su rtog pa'i dge slong ni chos 'dul ba 'di la myur du zag pa zad pa the tshom thob

  106. 53b

    par 'gyur ro/ /dge slong dag ji ltar na dge slong gnas bdun la mkhas par 'gyur ba yin zhe na/ dge slong dag 'di la dge slong gzugs yang dag pa ji lta ba bzhin du rab tu shes shing gzugs kun 'byung ba dang/ gzugs 'gog pa dang gzugs 'gog par 'gro ba'i lam yang dag pa ji lta ba bzhin du rab tu shes pa dang/ gzugs kyi ro myang pa dang/ nyes dmigs dang/ nges par 'byung ba yang dag pa ji lta ba bzhin du rab tu shes la/ tshor ba dang 'du shes dang 'du byed dang rnam par shes pa yang dag pa ji lta ba bzhin rab tu shes la/ rnam par shes pa'i kun 'byung ba dang/ rnam par shes pa 'gog pa dang/ rnam par shes pa 'gog par 'gro ba'i lam yang dag pa ji lta ba bzhin rab tu shes pa dang/ rnam par shes pa'i ro myang ba dang/ nyes dmigs dang/ nges par 'byung ba yang dag pa ji lta ba bzhin rab tu shes pa'o/ /ji ltar na gzugs yang dag pa ji lta ba bzhin rab tu shes pa yin zhe na/ gzugs gang ci yang rung ba de thams cad ni 'byung ba chen po bzhi dag dang 'byung ba chen po bzhi dag rgyur byas pa yin te/ gzugs ni 'di'o/ /gzugs ni 'di lta bu'o zhes yang dag pa ji lta ba bzhin rab tu shes pa'o/ /ji ltar gzugs kyi kun 'byung ba yang dag pa ji lta ba bzhin shes pa yin zhe na/ dga' ba kun 'byung bas gzugs kun 'byung ba ste/ 'di ltar na gzugs kun 'byung ba yang dag pa ji lta ba bzhin shes par gyur pa yin no/ /ji ltar na gzugs 'gog pa yang dag pa ji lta ba bzhin rab tu shes par gyur pa yin te/ dga' ba 'gags pas gzugs 'gag pa ste/ gzugs 'gog pa ni 'di dang/ gzugs 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na gzugs 'gog

  107. 54a

    par 'gro ba'i lam yang dag pa ji lta ba bzhin rab tu shes pa yin zhe na/ 'di ltar 'phags pa'i lam yan lag brgyad pa ste/ 'di lta ste/ yang dag pa'i lta ba dang/ yang dag pa'i rtog pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin te/ 'di ni gzugs 'gog par 'gro ba'i lam yang dag pa ji lta ba bzhin du rab tu shes pa'o/ /ji ltar na gzugs kyi ro myang ba yang dag pa ji lta ba bzhin rab tu shes pa yin zhe na/ gzugs la brten nas bde ba dang yid bde ba skyes te/ gzugs kyi ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na gzugs kyi nyes dmigs yang dag pa ji lta ba bzhin rab tu shes pa yin zhe na/ gang yang gzugs ni mi rtag pa sdug bsngal ba yongs su 'gyur ba'i chos can te/ gzugs kyi nyes dmigs ni 'di'o/ /gzugs kyi nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /ji ltar na gzugs kyi nges par 'byung ba yang dag pa ji lta ba bzhin du rab tu shes pa yin zhe na/ gang zhig gzugs la 'dun pa'i 'dod chags 'dul zhing 'dun pa'i 'dod chags spangs pa dang/ 'dun pa'i 'dod chags las yang dag par 'das ste/ gzugs kyi nges par 'byung ba ni 'di'o/ /gzugs kyi nges par 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na chos yang dag pa ji lta ba bzhin rab tu shes pa yin zhe na/ gang yang tshor ba'i tshogs drug ste/ mig gi 'dus te reg pa las 'byung ba dang/ rna ba dang sna dang lce dang

  108. 54b

    lus dang yid kyi 'dus te reg? pa las byung ba'i tshor ba ste/ tshor ba ni 'di'o/ /tshor ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na tshor ba'i kun 'byung ba yang dag pa ji lta ba bzhin rab tu shes pa yin zhe na/ reg pa kun 'byung bas tshor ba'i kun 'byung ba ste/ tshor ba'i kun 'byung ba ni 'di'o/ /tshor ba'i kun 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na tshor ba 'gog pa yang dag pa ji lta ba bzhin rab tu shes pa yin zhe na/ reg pa 'gag bas tshor ba 'gags pa ste/ tshor ba 'gog pa ni 'di'o/ /tshor ba 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na tshor ba 'gog par 'gro ba'i lam yang dag pa ji lta ba bzhin rab tu shes pa yin zhe na/ 'phags pa'i lam yan lag brgyad de/ snga ma bzhin du yang dag pa'i ting nge 'dzin gyi bar du'o/ /tshor ba 'gog par 'gro ba'i lam ni 'di'o/ /tshor ba 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o/ /ji ltar na tshor ba'i ro myang ba yang dag pa ji lta ba bzhin rab tu shes pa yin zhe na/ gang yang tshor ba la brten nas bde ba dang yid bde ba skyed de/ tshor ba'i ro myang ba ni 'di'o/ /tshor ba'i ro myang ba ni 'di lta bu'o zhes yang dag pa ji lta pa bzhin rab tu shes pa'o/ /ji ltar tshor pa'i nyes dmigs yang dag pa ji lta ba bzhin rab tu shes pa yin zhe na/ gang yang tshor ba ni mi rtag pa dang sdug bsngal pa dang yongs su 'gyur ba'i chos can te/ tshor pa'i nyes dmigs ni 'di'o/ /tshor ba'i nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /ji ltar na tshor ba'i nges par 'byung ba yang dag pa ji lta ba

  109. 55a

    bzhin shes pa yin zhe na/ gang zhig tshor ba la 'dun pa'i 'dod chags 'dul zhing/ 'dun pa'i 'dod chags spangs pa dang 'dun pa'i 'dod chags las yang dag par 'das pa ste/ tshor ba'i nges par 'byung ba ni 'di'o/ /tshor ba'i nges par 'byung ba ni 'di lta bu'o zhes yang dag pa'i lta ba bzhin rab tu shes pa'o/ /ji ltar na 'du shes yang dag pa ji lta ba bzhin rab tu shes pa yin zhe na/ 'du shes kyi tshogs drug ste/ mig gi 'dus te reg pa las skyes pa'i 'du shes dang/ rna ba dang sna dang lce dang lus dang yid kyi 'dus te reg pa las skyes pa'i 'du shes te 'du shes ni 'di'o/ /'du shes ni 'di lta bu'o zhes yang dag par ji lta ba bzhin du rab tu shes pa'o/ /ji ltar na 'du shes kun 'byung ba yang dag pa ji lta ba bzhin rab tu shes pa yin zhe na/ reg pa kun 'byung ba ste 'du shes kun 'byung ba ste/ 'du shes kun 'byung ba ni 'di'o/ /'du shes kyi kun 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar 'du shes 'gog pa yang dag pa ji lta ba bzhin rab tu shes pa yin zhe na/ reg pa 'gags pas 'du shes 'gag ste/ 'du shes 'gog pa ni 'di'o/ /'du shes kyi 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes 'gog par 'gro ba'i lam yang dag pa ji lta ba bzhin rab tu shes pa yin zhe na/ 'phags pa'i lam yan lag brgyad de snga ma bzhin du yang dag pa'i ting nge 'dzin gy i par du ste/ 'du shes 'gog par 'gro pa'i lam ni 'di'o/ /'du shes 'gog par 'gro ba'i lam ni 'di lta bu'o zhes yang dag pa ji lta ba zhin rab tu shes pa'o/ /ji ltar na 'du shes kyi ro myang ba yang dag pa ji lta ba bzhin rab tu shes pa yin zhe na/ 'du shes la brten nas bde ba dang yid bde ba skye ste/ 'du shes kyi ro myang ba ni 'di'o 'du

  110. 55b

    shes kyi ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes kyi nyes dmigs yang dag pa ji lta ba bzhin rab tu shes pa yin zhe na/ gang yang 'du shes kyi mi rtag pa dang sdug bsngal ba dang yongs su 'gyur pa'i chos can te/ 'du shes kyi nyes dmigs ni 'di'o/ /'du shes kyi nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /'du shes kyi nges par 'byung ba yang dag pa ji lta ba bzhin rab tu shes pa yin zhe na/ gang zhig 'du shes la 'dun pa'i 'dod chags 'dul zhing 'dun pa'i 'dod chags spangs pa dang/ 'dun pa'i 'dod chags las yang dag par 'das pa ste/ 'du shes kyi nges par 'byung ba ni 'di'o/ /'du shes kyi nges par 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du shes rnams yang dag par ji lta ba bzhin rab tu shes pa yin zhe na/ sems pa'i tshogs drug ste/ mig gi 'dus te reg pa las skyes pa'i sems pa dang/ rna ba dang sna dang lce dang lus dang yid kyi 'dus te reg pa las skyes pa'i sems pa rnams te 'du byed rnams ni 'di'o/ /'du byed rnams ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams kun 'byung ba yang dag pa ji lta ba bzhin rab tu shes pa yin zhe na/ reg pa kun 'byung bas 'du byed kun 'byung ba ste/ 'du byed rnams kun 'byung ba ni 'di'o/ /'du byed rnams kun 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams 'gog pa yang dag pa ji lta ba bzhin rab tu shes pa yin zhe na/ reg pa 'gags pas 'du byed rnams 'gog ste/ 'du byed rnams 'gog pa ni 'di'o 'du byed rnams 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams 'gog par 'gro ba'i lam yang dag

  111. 56a

    pa ji lta ba bzhin rab tu shes pa yin zhe na/ gang yang 'phags pa'i lam yan lag brgyad de snga ma bzhin du yang dag pa'i lta ba nas yang dag pa'i ting nge 'dzin gyi bar du ste/ 'du byed rnams 'gog par 'gro ba'i lam ni 'di'o/ /'du byed rnams 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams kyi ro myang ba yang dag pa ji lta ba bzhin rab tu shes pa yin zhe na/ gang yang 'du byed rnams la brten nas bde ba dang yid bde ba skyes te/ 'du byed rnams kyi ro myang ba ni 'di'o/ /'du byed rnams kyi ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams kyi nyes dmigs yang dag pa ji lta ba bzhin rab tu shes pa yin zhe na/ gang yang 'du byed rnams ni mi rtag pa dang/ sdug bsngal ba dang yongs su 'gyur ba'i chos can no zhes 'du byed rnams kyi nyes dmigs ni 'di'o/ /'du byed rnams kyi nyes dmigs ni 'di lta bu'o zhes yang dag pa ji lta ba bzhin rab tu shes pa'o/ /ji ltar na 'du byed rnams kun 'byung ba yang dag pa ji lta ba bzhin rab tu shes pa yin zhe na/ gang zhig 'du byed rnams la 'dun pa'i 'dod chags 'dul zhing/ 'dun pa'i 'dod chags spangs pa dang/ 'du byed rnams la 'dun pa'i 'dod chags las yang dag par 'das te/ 'du byed rnams kyi nges par 'byung ba ni 'di'o/ /'du byed rnams kyi nges par 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa yang dag pa ji lta ba bzhin rab tu shes pa yin zhe na/ rnam par shes pa'i tshogs drug ste/ mig gi rnam par shes pa dang rna ba dang sna dang lce dang lus dang yid kyi rnam par shes pa ste/ rnam

  112. 56b

    par shes pa ni 'di'o/ /rnam par shes pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa'i kun 'byung pa yang dag pa ji lta ba bzhin rab tu shes pa yin zhe na/ ming dang gzugs kun 'byung thas? rnam par shes pa'i kun 'byung ba ste/ rnam par shes pa'i kun 'byung ba ni 'di'o/ /rnam par shes pa kun 'byung ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa'i 'gog pa yang dag pa ji lta ba bzhin rab tu shes pa yin zhe na/ ming dang gzugs 'gags pas rnam par shes pa 'gag ste/ rnam par shes pa'i 'gog pa ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa 'gog par 'gro pa'i lam yang dag pa ji lta ba bzhin rab tu shes pa yin zhe na/ 'phags pa'i lam yan lag brgyad de snga ma bzhin du yang dag pa'i lta ba nas yang dag pa'i ting nge 'dzin gyi bar du ste/ rnam par shes pa 'gog par 'gro ba'i lam ni 'di'o/ /rnam par shes pa 'gog par 'gro ba'i lam ni 'di lta bu'o zhes yang dag pa ji lta ba bzhin rab tu shes pa'o/ /ji ltar rnam par shes pa'i ro myang ba yang dag pa ji lta ba bzhin rab tu shes pa yin zhe na/ gang yang rnam par shes pa la brten nas bde ba dang yid bde ba skye ste/ rnam par shes pa'i ro myang ba ni 'di'o/ /rnam par shes pa'i ro myang ba ni 'di lta bu'o zhes yang dag pa ji lta ba bzhin rab tu shes pa'o/ /ji ltar na rnam par shes pa'i nyes dmigs yang dag pa ji lta ba bzhin rab tu shes pa yin te/ gang yang rnam par shes pa ni mi rtag pa/ sdug bsngal pa yongs su 'gyur ba'i chos can te/ rnam par shes pa'i nyes dmigs ni 'di'o rnam par shes pa'i nyes dmigs ni 'di lta bu'o zhes yang dag pa ji lta ba bzhin rab

  113. 57a

    tu shes pa'o/ /ji ltar na rnam par shes pa'i nges par 'byung ba yang dag pa ji lta ba bzhin rab tu shes pa yin zhe na/ gang zhig rnam pa ye shes pa la 'dun pa'i 'dod chags 'dul zhing/ 'dun pa'i 'dod chags spangs pa dang/ 'dun pa'i 'dod chags las yang dag par 'das pa ste/ 'di ni rnam par shes pa'i nges par 'byung ba ni 'di'o/ /rnam par shes pa'i nges par 'byung ba 'di lta bu'o zhes yang dag pa ji lta ba bzhin rab tu shes pa'o/ /dge slong dag 'di ltar na dge slong gnas bdun la mkhas par 'gyur ro/ /dge slong ji ltar na dge slong don rnam pa gsum yongs su rtog pa yin zhe na/ 'di ni dge slong dgon pa'am/ shing drung dam/ khang pa stong par song nas phung po dang khams dang skye mched rnams la tshul bzhin du legs par rtog pa ste/ dge slong dag 'di ltar na dge slong don rnam pa gsum yongs su rtog par 'gyur ro/ /dge slong dag gnas bdun la mkhas pa dang/ don rnam pa gsum yongs su rtog pa'i dge slong ni chos 'dul ba 'di la myur du zag pa zad pa rjes su thob par 'gyur ro zhes ngas ji skad du bstan pa de rgyas par rab tu bshad do zhes gsungs so/ /gang yang 'di skad du mdo las gang zag lta ba phun sum tshogs pa zhes bya ba la/ khams mang po pa'i mdo'i rnam par bshad pa bstan pa las 'di ltar 'dod te/ gnas ma yin zhing go skabs med de/ gang zag lta ba phun sum tshogs pa ma dang pha dang dgra bcom pa srog dang 'bral bar byed pa dang/ dge 'dun gyi dbyen byed pa dang/ de bzhin gshegs pa'i sku la ngan sems kyis khrag 'byin pa 'di ni gnas med do/ /gang yang so so'i skye bo ni gnas yod do/ /gnas ma yin zhing go skabs med de/ gang zag lta ba phun sum tshogs pa bsams bzhin du dud 'gro'i skye gnas su gtogs pa'i srog chags dang 'bral bar

  114. 57b

    byed pa dang/ bsams bzhin du bslab pa la yang dag par 'da' ba dang/ bslab pa nyams par byed pa 'di ni gnas med do/ /'di las phyi rol tu gyur pa'i ston pa bsten pa dang /'di las phyi rol tu gyur pa'i gang zag yon gnas su byed pa dang/ dge spyod dam bral ze 'di dag ni shes par bya ba shes pa/ blta bar bya ba mthong ba'o zhes dge spyod dam bram ze dag gi dor lta zhing dor rtog pa dang/ dge mtshan dang bkra shis kyis dag par 'dzin pa dang/ srid pa brgyad pa mngon par 'brub par 'gyur ba 'di ni gnas med do/ /gang yang so so'i skye bo ni gnas yong ngo zhes gsungs so/ /'o na gang mdo las skyes bu dam pa'i 'gro ba bdun zhes bstan pa ji lta bu zhen zhes bya ba la/ lung bar ma'i bdun pa'i mdo lnga pa las 'byung ba mdzod kyi gnas gsum pa 'di nyid du srid pa bar ma'i skabs su 'gro ba yod do zhes bya bar bris zin to/ /'o na mdo las skyes bu dam pa gang yin zhe na zhes bya ba la/ gleng gzhi ni mnyan du yod pa na'o/ /dge slong dag skyes bu dam pa las skyes bu dam pa dag bsten par bya ste/ de legs par nyon mongs yid la zung zhig dang bshad par ba'o/ /skyes bu dam pa gang zhe na/ slob pa'i yang dag pa'i lta ba dang ldan pa dang/ slob pa'i yang dag pa'i rtog pa dang/ slob pa'i yang dag pa'i dag dang/ slob pa'i yang dag pa'i las kyi mdza' dang/ slob pa'i yang dag pa'i 'tsho ba dang/ slob pa'i yang dag pa'i rtsol ba dang/ slob pa'i yang dag pa'i dran pa dang/ slob pa'i yang dag pa'i ting nge 'dzin dang yang dag par ldan pa ste 'di ni skyes bu dam pa zhes bya'o/ /skyes bu dam pa las kyang skyes bu dam pa gang zhe na/ mi slob pa'i yang dag pa'i lta ba dang ldan pa nas/ mi slob pa'i yang dag pa'i ting nge 'dzin gyi bar dang ldan pa ste/ 'di ni skyes bu dam pa las kyang skyes bu dam pa zhes bya'o/ /

  115. 58a

    dge slong dag skyes bu dam pa dang /skyes bu dam pa las kyang skyes bu dam pa bstan par bya'o zhes ngas ji skad du bstan pa de rgyas par rab tu bshad do zhes gsungs so/ /'o na brgya byin gyis zhes bya ba la/ dbyangs dang bcas pa'i sdom gyi tshigs su bcad pa gsum pa'i brgya byin gyis dris pa'i mdo las te/ btsun pa de la bdag 'di snyams du kye ma bdag 'di nas shi 'phos te/ mi rnams dang skal pa mnyam par skye bar 'gyur zhing gang yang byed pa phyug cing nor mang la longs spyod che pa dang/ rdzas dang nye bar sbyar ba mang? dang/ rang dbang ba mang ba dang/ nor dang 'bru ngad? gser dang sa le sbram dang bang ba dang mdzod kyi tshogs rab tu mang po dang/ bran po dang bran mo dang las byed pa'i skyes bu mang po dang/ grogs po dang mdza' bo dang nye du ngang snag gi gnyen mtshams rab tu mang po de lta bu'i rigs dang skal ba mnyam par skye zhing/ der yang bdag cher skyes shing dbang po rnams yongs su smin pas sbyin pa bsod nams dag byas nas skra dang kha sbu bregs shing gos dur smrig bgosnas dad pas yang dag pa kho nar khyim med par rab tu byung ba dang/ btsun pa bdag rigs par gnas shing gal te kun shes par 'byung bar 'gyur ba dang/ kun shes pa byung nas sdug bsngal gyi mthar byed pa de ltar bdag rigs par gnas par gyur cig/ gal te kun shes par ma gyur cing bdag tha mar rnam par nyams na lha gzugs can yid las byung ba/ dbang po tshang zhing ma nyams pa/ yan lags dang nyid lag thams cad dang ldan pa/ kha dog dang dbyibs mdzes pa/ rang gi 'od can nam mkha' la thogs pa med par 'gro ba/ dga' ba za zhing dga' ba'i zas can/ tshe ring zhing yun ring du gnas pa der skye bar gyur cig /bdag ni rigs

  116. 58b

    nas gal te kun shes 'byung 'gyur zhing/ /kun shes 'byung ba de nyid bdag gi sdug bsngal mthar/ /bdag ni rigs gnas gal te kun shes ma gyur cing/ /bdag ni tha mar nyams na lha gang 'og min zhes/ /rnam par grags pa der ni skye bar 'gyur bar shog /bcom ldan bdag ni rgyun zhugs bde gshegs rgyun zhugs te/ /ma thob par gnas lan cig phyir 'ong ba dag 'dod do/ /legs so brgya byin bag yod par ni gnas par gyis/ /gang gis rgyun zhugs nges par rang bdag nyid kyis ni/ /rgyu mtshan gang las khyad par dang po rgya chen rtogs/ /bcom ldan nyid las gzhan min ston pa gzhan min zhes/ /gzhan dang mi mtshungs khyad par bdag gis mngon par shes/ /drang srong dag ni lhar gyur 'di na 'dug bzhin du/ /slar yang srog rnyed lta bur blo ldan bdag 'dzin to zhes gsungs so/ /'gog pa thob pa'i phyir mi 'ong/ /lus kyis mngon du byed par 'dod ces bya ba la/ /bcom ldan 'das ser skya'i gzhi n+ya gro d+ha'i kun dga' rab na bzhugs te/ de'i cho ser skye'i yul mi shAkya rab tu mang po rnams mdun ma 'dus shing tshogs nas 'dug par gyur pa de dag gtam gzhan brjod pa 'di lta bu gleng lags te/ ming chen da ltar 'di na gang gang gi gang gis na de? ltar 'di na shAkya mnga' lag 'chi ba'i dus na nyon mongs par gyur pa 'thungs shing bslab pa dral ba/ de bcom ldan 'das kyis rgyun tu zhugs pa mi ltung ba'i chos can rdzogs pa'i byang chub tu nges par tha mar 'gyur te/ srid pa lam bdun pa lha dang mi rnams kyi nang du lan bdun nyid mtshams sbyar nas sdug bsngal gyi mthar byed par 'gyur ro zhes lung bstan to/ /nges ming chen khyod bcom ldan 'das gang na ba der nye bar song nas/ bcom ldan 'das la don 'di lta bu

  117. 59a

    yongs su dris la/ bcom ldan 'das kyis ji ltar lung bstan pa de bzhin du zang zhig /de nas shAkya ming chen bcom ldan 'das gang na ba der nye bar song ste nye bar song nas/ bcom ldan 'das kyi zhabs la spyi bos phyag 'tshal nas phyogs gcig tu 'dug go /phyogs gcig tu 'dug nas shAkya ming chen gyis bcom ldan 'das la 'di skad ces gsol to/ /btsun pa bdag cag ser skya'i gzhi'i yul mi shAkya rab tu mang po rnams mdun ma 'dus shing tshogs te 'dus par gyur pa de dag gtam gzhan brjod pa 'di lta bu gleng lags te/ ming chen da ltar 'di na gang gang gi gang gis tha mar 'gyur te/ da lta 'di ni shAkya mnga' lag 'chi ba'i dus nyon mongs par 'gyur ba 'thungs shing bslab pa dral ba de yang bcom ldan 'das kyis rgyun du zhugs pha mi ltang ba'i chos can rdzogs pa'i byang chub tu nges par srid pa lan bdun pa/ lha dang mi rnams kyi nang du lan bdun nying mtshams sbyar nas sdug bsngal gyi mthar byed par 'gyur ro zhes lung bstan to/ /btsun pa 'di ji lta bu zhes bcom ldan 'das la bdag dgos pa 'di lta bu yongs su 'dri'o/ /ming chen 'phags pa nyan thos dag bde bar gshegs pa ni ston pa ste/ bde bar gshegs pa ni ston pa zhes smra pa yin zhing sems bskyed pa dang/ drang po'i lta ba can dang/ lta ba legs par 'gyur ro/ /ming chen 'phags pa nyan thos dag bcom ldan 'das kyi chos 'di legs par gsungs pa ste/ bcom ldan 'das kyis chos ni legs par gsungs pa'o zhes smra ba ni legs par smra ba yin zhing/ sems bskyed pa dang/ lta ba drang po can dang/ lta ba legs par 'gyur ro/ /ming chen 'phags pa nyan thos dag bcom ldan

  118. 59b

    'das kyi nyan thos kyi dge 'dun ni legs par zhugs pa ste/ bcom ldan 'das kyi nyan thos kyi dge 'dun ni le bas par zhugs pa'o zhes smra b ani legs par smra ba yin zhing sems bskyed pa dang/ lta ba drang po can dang lta ba legs par 'gyur ro/ /ming chen 'di na 'phags pa nyan thos sangs rgyas la dad pa mi phyed pa dang chos dang dge 'dun la dad pa mi phyed par 'gyur zhing/ shes rab che ba dang/ shes rab myur ba dang/ shes rab rno ba dang/ nges par 'byung ba'i shes rab dang/ skyo ba'i shes rab dang/ rnam par grol ba'i shes rab dang yang dag par ldan pa dang/ rnam par thar pa brgyad lus kyi mngon du byas nas gnas shing 'di'i shes rab zag par lta ba yongs su zad pa ste/ ming chen 'di ni 'phags pa nyan thos dmyal bar mi 'gro ba yi dags dang dud 'gror mi 'gro ba ngan song ngan 'gror log par ltung bar mi 'gro ba ste/ gang yang 'di skad du gnyi ga'i cha la rnam par grol ba'o zhes brjod pa'o/ /gzhan yang ming tshan 'phags pa nyan thos sangs rgyas la dad pa mi phyed pa dang zhes bya ba nas rnam par grol ba'i shes rab dang ldan pa zhes bya ba'i bar du ste/ rnam par thar pa brgyad lus kyis mngon sum du byas te gnas shing 'di'i shes rab dar par lta ba yongs su zad pa ste/ ming chen 'di ni 'phags pa nyan thos dmyal bar mi 'gro zhes bya ba nas/ ngan song ngan 'gro log par mi ltung ba zhes bya ba'i bar du'o/ gang yang ji skad du shes rab kyis rnam par grol ba zhes brjod pa'o/ /gzhan yang ming chen sangs rgyas la dang pa mi phyed pa dang zhes bya ba nas/ rnam par grol ba'i shes rab dang yang dag par ldan ba zhes bya ba'i bar du ste/ rnam par thar pa brgyad lus kyi mngon sum du byas te gnas shing 'di'i shes rab zag pa lta ba yongs su ma zad pa ste/ ming chen 'di ni 'phags pa nyan thos

  119. 60a

    dmyal bar mi 'gro zhes bya ba nas/ ngan song ngan 'gro log bar mi ltang ba'o zhes bya ba'i bar du'o/ /gang yang ji skad du lus kyis mngon sum du byed pa zhes brjod pa'o/ /gzhan yang ming chen 'phags pa nyan thos sangs rgyas la dad ba mi phyed pa dang zhes bya ba nad rnam par grol ba'i shes rab dang ldan ba zhes bya ba'i bar du ste/ tha ma'i cha dang mthun pa'i kun tu spyod ba lnga spangs shing yongs su shes pa ste/ 'di lta ste/ 'dod pa la 'dun pa dang/ gnod sems dang/ 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom ste/ ming chen 'di ni 'phags pa nyan thos dmyal bar mi 'gro bzhes bya ba nas/ ngan song ngan 'gro log bar mi ltung ba'o zhes bya ba'i bar du ste/ gang yang 'di skad du bar ma dor yongs su mya ngan las 'da' ba dang/ skyes nas yongs su myang ngan las 'da' ba dang/ mngon par 'du bya ba med bar yongs su mya ngan las 'da' ba dang/ mngon par 'du bya ba dang bcas par yongs su mya ngan las 'da' ba dang/ gong du 'pho ba zhes brjod pa'o/ /gzhan yang ming chen 'phags pa nyan thos sangs rgyas la dang pa mi phyed pa zhes bya ba nas/ rnam par grol ba'i shes rab dang yang dge par ldan pa zhes bya ba'i bar du ste/ kun tu sbyor ba gsum po spangs shing yongs su shes par gyur la/ 'dod chags dang zhe sdang gti mug bsrab pa ste/ ming chen 'di ni 'phags pa nyan thos dmyal bar mi ltung ba zhes bya ba nas/ ngan song ngan 'gro log par mi ltung ba zhes bya ba'i bar du ste/ gang yang ji skad du bar chad gcig pa can zhes brjod pa'o/ /gzhan yang ming chen 'phags pa nyan thos sangs rgyas la ngang pa mi phyed pa zhes bya ba nas/ chos dang dge 'dun la dad pa mi phyed pa dang ldan zhing/ mgyogs pa'i shes rab dang/ myur

  120. 60b

    ba'i shes rab dang/ rno ba'i shes rab dang/ nges par 'gyur ba'i shes rab dang/ skyo ba'i shes rab dang/ rnam par grol ba'i shes rab yang dag par ldan pa/ kun tu sbyor ba gsum spangs shing yongs su shes par gyur pa ste/ 'di lta ste 'jig tshogs la lta ba dang/ tshul khrims dang/ brtul zhugs mchog tu 'dzin pa dang/ the tshom mo/ /'di ni 'phags pa nyan thos dmyal bar mi 'gro zhing yi dags dad dung 'gror mi 'gro ba ngan song ngan 'gro log par mi ltung ba ste/ gang yang 'di skad du rigs nas rigs su skye ba dang srid pa lan bdun pa zhes brjod pa'o/ /gzhan yang ming chen 'phags pa nyan thos sangs rgyas la dad pa mi phyed pa dang/ chos dang/ dge 'dun la dad pa mi phyed pa dang/ chos lnga po rnams la shes rab chen pos rnam par dpyod par zod pa ste/ 'di lta ste/ dad pa dang brtson 'grus dang/ dran pa dang/ ting nge 'dzin dang/ shes rab po/ /'di ni 'phags pa nyan thos dmyal bar mi ltung zhes bya ba nas/ ngan song ngan 'gro log par mi ltung ba zhes bya ba'i bar du ste/ gang yang 'di skad du chos kyi rjes su 'brang ba zhes brjod pa'o/ /gzhan yang ming chen 'phags pa nyan thos sangs rgyas la dad pa mi phyed pa dang chos lnga po rnams la shes rab chung dus rnam par dpyod pas bzod pa ste/ 'di lta ste dang pa dang/ brtson 'grus dang/ dran pa dang/ ting nge 'dzin dang/ shes rab po/ /min chen 'di ni 'phags pa nyan thos dmyal bar mi 'gro zhing/ yi dags su mi 'gro ba/ dud 'gror mi 'gro ba /ngan song ngan 'gro log par yi ltung ba'o zhes bya ba'i bar du ste/ gang yang ji skad du dad pa'i rjes su 'brang ba zhes brjod pa'o/ /ming chen 'di ni gnas ma yin zhing go skabs med de/ shing sA las ngas bshad ba'i don 'di lta bu shes ba 'di ni gnas med

  121. 61a

    ba'o/ /'on kyang gnas nges par yongs su brtag par bzung ste bshad par bya'o/ /ming chen sA la 'das ngas bshad ba'i don ni mi shes pas de rgyun du zhugs par lung mi ston to/ /ci'i phyir ngas shAkya mnga' lag rgyun tu zhugs par lung bstan ce na/ ming chen shAkya mnga' lag 'tsho ba'i dus kyi tshe myos par 'gyur ba mthung ba spangs shing bslab pa yang dag par blangs te/ nges na ngas 'chi ba'i dus na rgyun tu zhugs pa mi ltung pa'i chos can rdzogs pa'i byang chub tu nges pa/ mchog tu thogs nas srid pa lan bdun pa/ lha dang mi rnams su lan bdun du nyid mtshams sbyar nas sdug bsngal mthar byed pa zhes ngas lung bstan to/ /de nas shAkya ming chen bcom ldan 'daS kyis gsungs pa la mngon par dga' zhing rjes su yi rang nas bcom ldan 'das kyi zhabs la spyi bos phyag byas te bcom ldan 'das kyi drung nas song ngo/ /rnam par thar pa brgyad lus kyis mngon sum du byas nas bsgrubs te gnas so zhes bya ba la/ brgyad pa ni 'du shes dang tshor ba 'gog pa'i rnam par shes pa ste 'gog pa'i snyoms par 'jug ba zhes bya ba dang/ ming gnyis pa la lus kyis mngon sum du byed pa zhes brjod do/ /mong gang las 'gog pa lus kyis mngon sum du byed pa thob pa zhes bya ba gsungs pa'i mdo de nyid las 'phags pa'i gang zag gi rnam par dbye pa gzhan yang nye bar bsdus so/ /mdo las slob pa bco brgyad ces gsungs pa zhes bya ba la/ bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs te/ de nas khyim bdag mgon med zas sbyi rna bcom ldan 'das gang na ba der nye bar song ste nye bar song nas bcom ldan

  122. 61b

    'das kyi zhabs la phyag byas te/ phyogs gcig tu 'dug go phyogs gcig tu 'dug dras/ /khyim bdag mgon med zas sbyin gyis bcom ldan 'das la 'di skad ces gsal to/ /btsun pa 'jig rten gyi yon gnas su du zhig mchis/ khyim bdag gnyis te slob ba ngang mi slob pa'o/ /khyim bdag de la slob ba bco brgyad dang mi slob pa dgu'o/ /slob pa bco brgyad gang zhe na/ rgyun tu zhugs pa'i 'bras bu mngon du bya ba'i phyir zhugs pa dang/ rgyun tu zhugs pa dang/ lan cig phyir 'ong ba'i 'bras bu mngon du bya ba'i phyir zhugs pa dang/ lan cig phyir 'ong ba dang/ /phyir mi 'ong ba'i 'bras bu mngon du bya ba'i phyir zhugs pa dang/ phyir mi 'ong ba dang/ dgra bcom pa'i 'bras bu mngon du bya ba'i phyir zhugs pa dang/ dad pa'i rjes su 'brang ba dang /chos kyi rjes su 'brang ba dang/ dad pas mos pa dang/ mthong bas thob pa dang/ rigs nas rigs su skye ba dang/ bar chad gcig ba can dang/ bar mdor yongs su mya ngan las 'da' ba dang/ skyes nas yongs su mya ngan las 'da' ba dang /mngon par 'du bya ba dang bcas par yongs su mya ngan las 'da' ba dang/ mngon par 'du bya ba med pa yongs su mya ngan las 'da' pa dang/ gong du 'pho ba ste/ 'di ni slob pa bco brgyad ces bya'o/ /mi slob pa dgu gang zhe na/ yongs su nyams pa'i chos can dang/ 'chi bar sems pa'i chos can dang/ rjes su bsrung ba'i chos can dang/ gnas pa las mi skyo ba dang/ rtogs pa'i skal ba can dang/ mi g.yo ba'i chos can dang/ shes rab kyis rnam bar grol ba dang/ phyogs gcig las rnam par grol ba dang/ gnyi ga'i cha las rnam par grol ba ste/ 'di ni mi slob ba'i gang zag dgu zhes bya'o/ slob pa dang mi slob pa 'di dag ni 'jig rten 'di na sbyin pa dang

  123. 62a

    mchod sbyin gyi 'os su gyur pa'o/ /lus dang dag dang de bzhin du yid kyi drang por gyur pa na/ gang la byin na 'bras che ba/ mchod sbyin bya ba'i zhing bzangs yin zhes gsungs so/ /de dag ni tshul khrims dang ting nge 'dzin dang shes rab kyi rang bzhin dag yin no zhes bya ba la/ gleng gzhi ni mnyam du yod pa na 'o/ /dge slong dag gsum po 'di dag ni bslab pa gsum ste/ gsum gang zhe na/ lhag pa'i tshul khrims kyi bslab pa dang/ lhag pa'i sems dang/ lhag pa'i shes rab kyi bslab pa'o/ /lhag pa'i tshul khrims kyi bslab pa gang zhe na/ 'di na dge slong tshul khrims dang ldan pad gnas shing so sor thar pas bsdams na cho ga spyod yul phun sum tshogs pa dang kha na ma tho ba phra rab tsam la yang 'jigs par lta zhing/ bslab pa yang dag par blangs pa la slob par byed pa ste/ 'di ni lhag pa'i tshul khrims kyi bslab pa zhes bya'o/ /lhag pa'i sems kyi bslab pa gang zhe na/ 'di na dge slong 'dod pa las dben pa zhes bya ba nas/ bsam gtan bzhi pa bsgrubs te nye bar gnas so zhes bya ba'i bar du ste/ 'di ni lhag pa'i ting nge 'dzin gyi bslab pa zhes bya'o/ /lhag pa'i shes rab kyi bslab pa gang zhe na/ 'di ni dge slong sdug bsngal 'phags pa'i bden pa'o zhes yang dag pa ji lta ba bzhin rab tu shes shing/ sdug bsngal kun 'byung pa dang/ sdug bsngal 'gog pa dang/ sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin rab tu shes pa ste/ 'di ni lhag pa'i shes rab kyi bslab pa zhes bya'o/ /bcom ldan 'das kyis de skad ces bka' stsal te /bde bar gshegs

  124. 62b

    pas de skad gsungs nas/ ston pas gzhan yang 'di skad ces bka' stsal to/ /bcom ldan lhag pa'i tshul khrims dang/ /sems dang lhag pa'i shes rab kyi/ /bslab pa gsum po phun tshogs pa'i/ /dge slong gang der spyod par byed/ /stobs ldan brtan ba'i brtson 'grus can/ /nyin mo ji ltar de bzhin mtshan/ /mtshan mo ji ltar de bzhin nyin/ /snga ma ji bzhin de bzhin phyis/ /phyi ma ji bzhin de bzhin sngar/ /ji ltar 'og tu de ltar steng/ /steng du ji ltar de bzhin 'og/ /rtag tu dbang po bsngams shing spyod/ /tshad med pa yi ting 'dzin gyis/ /phyogs kun zil gyis gzhon byed pa/ de ni bslong ba ma yang dag pa'i/ dad po'i slob pa zhes brjod do/ /de yis sems ni rnam grol zhing// rnam par shes na gtong byed pa/ /de ni bstan pa lam rjes 'gro/ /'jig rten rdzogs sangs rgyas zhes brjod/ /rmongs pa med par rab gnas shing/ /rigs dang zhabs su ldan pa dang/ /'tsho ba'i 'og tu sred zad cing/ /rnam par grol ba thob par 'gyur/ /mar me shi bar gyur pa ltar/ /de yis sems ni rnam par thar zhes gsungs so/ /mdo las zhi byed bslab bya la bslob cing bslab cing bslar? ba la? bslabs bas na de'i phyir zhes bya ba la/ bcom ldan 'das rgyal po'i khab kyi 'od ma'i tshal gyi bya ka lan ta ka gnas pa na bzhugs te/ des na kun tu rgyu zhi byed bcom ldan 'das gang na ba der nye bar song ste/ nye bar song nas bcom ldan 'das dang lhan cig ces bya ba nas phyogs gcig tu 'dug nas zhes bya pa'i bar du ste/ de nas kun tu rgyu zhi byed kyis bcom ldan 'das la 'di skad ces gsol to/ /gau ta ma slob pa slob pa zhes brjod pa/ ci'i phyir slob ba slob pa zhes brjod/ zhi byed bslab pa la slob cing bslab ba la slob bas de'i phyir

  125. 63a

    slob pa zhes brjod do/ /gau ta ma bslab pa gang la slob/ dus dang dus su lhag pa'i tshul khrims kyis bslab pa la slob pa dang /lhag pa'i sems dang/ lhag pa'i shes rab kyi bslab pa la slob par byed pa ste /zhi byed de'i phyir bslab pa la slob cing bslab pa la slob pas na de'i phyir slob pa zhes bya'o/ /gau ta ma gang yang dge slong dgra bcom pa zag pa zad pa bya ba byas pa/ byed pa byas pa khur bor ba/ rang gi don rjes su thob pa/ srid pa kun tu sbyor ba yongs su zad pa/ yang dag bar shes pas sems shin tu rnam par grol ba/ de'i tshe na bslab pa gang zhig slob par byed ce na/ zhi byed gang yang dge slong dgra bcom ba zag pa zad pa bya ba byas pa/ byed ba byas ba khur bor ba/ rang gi don rjes su thob pa/ srid pa kun tu sbyor ba yongs su zad pa/ yang dag pa'i shes pas sems shin tu rnam par grol ba de'i tshe 'dod chags ma lus par zad pa so sor myong ba dang/ zhe sdang zad pa dang/ gti mug zad pa so sor myong bar byed do/ /de 'dod chags yang dag par zad pa dang/ zhe sdang yang dag par zad pa dang/ gti mug yang dag par zad bas gang yang sdig par 'gyur ba de mi byed cing dge ba la brten par byed de/ zhi byed bslab pa la slob cing bslab pa slob pas na de'i phyir slob pa'i slob pa zhes ba'o/ /de nas kun tu rgyu zhi byed bcom ldan 'das kyis gsungs pa la zhes bya ba nas langs te song ngo zhes bya ba'i bar du'o/ /kun tu rgyu zhi byed ji lta ba bzhin du tshe dang ldan pa kun dga' bo dang/ gzhan yang dge slong rnams la bcom ldan 'das kyis bshad pa yang de bzhin no/ /'o na mdo las 'dis sdig pa mi dge ba'i chos zhes bya ba la/ lung bar ma'i mdo dang po'i mthar 'di skad ces gsungs te/ ji ltar dge sbyong du 'gyur zhe na/

  126. 63b

    'dis sdig pa mi dge ba'i chos yang srid par kun nas nyon mongs pa can/ nad dang bcas shing rnam par smin pa sdug bsngal ba/ ma 'ongs pa'i skye ba dang rga ba dang na ba dang 'chi ba rnams zhi bar byas pa ste 'di ltar na dge sbyong du 'gyur ro/ / ji ltar na bram zer 'gyur zhe na/ 'dis sdig pa mi dge ba'i chos yang srid bar kun nas nyon mongs pa can/ nad dang bcas shing rnam par smin pa sdug bsngal bam 'ongs pa'i skye ba dang rga ba dang na ba dang 'chi ba rnams la phyir phyogS bar byas pa ste/ 'di ltar na bram zer 'gyur ro/ /ji ltar na 'phags par 'gyur ba yin zhe na/ 'dis sdig pa mi dge ba'i chos yang srid par kun ni sa nyon mongs pa can nang dang bcas shing rnam par smin pa sdug bsngal ba ma 'ongs pa'i skye ba dang rga ba dang/ na ba dang 'chi ba rnams las ring du gyur pa ste/ 'di ltar na 'phags par 'gyur ro/ /ji ltar na khrus byed pa bar 'gyur zhe na/ 'dis sdig pa mi dge ba'i chos yang srid par kun nas nyon mongs pa can nang dang bcas shing rnam par smin pa sdug bsngal ba/ ma 'ongs pa'i skye ba dang rga ba dang/ na ba dang/ 'chi ba rnams dag par byas pa ste/ 'di ltar na khrus byed par 'gyur ro zhes gsungs so/ /de ltar na 'o na sangs rgyas kyis gsungs pa la kha brkang bya dgos so zhes bya ba la gleng gzhi ni mnyan du yod pa na'o/ /dge slong dag dge sbyong dang dge sbyong gi 'bras bu dag bstan par bya ste/ de legs par nyon la yid la zung zhig dang ngas bshad par bya'o/ /dge sbyong gang zhe na/ 'phags pa'i lam yan lag brgyad de/ 'di lta ste yang dag pa'i lta ba nas/ yang dag pa'i ting nge 'dzin gyi bar du'o/ /dge sbyong gi 'bras bu gang zhe na/ dge sbyong gi 'bras bu

  127. 64a

    bzhi ste/ bzhi gang zhe na/ rgyun tu zhugs pa'i 'bras bu dge sbyong gi 'bras bu dang/ lan cig phyir 'ong ba'i 'bras bu dge sbyong gi 'bras bu dang/ phyir mi 'ong ba'i 'dras bu dge sbyong gi 'bras bu dad /dag bcom pa'i 'bras bu dge sbyong gi 'bras bu'o/ /rgyun tu zhugs pa'i 'bras bu dge sbyong gi 'bras bu gang zhe na/ kun tu sbyor ba gsum spangs pa gang yin pa de yin no/ /lan cig phyir ro 'ong ba'i 'bras bu dge sbyong gi 'bras bu gang zhe na/ kun tu sbyor ba gsum spangs shing 'dod chags dang zhe sdang dang gti mug srab mor gyur pa gang yin pa de yin no/ /phyir mi 'ong ba'i 'bras bu dge sbyong gi 'bras bu gang zhe na/ tha ma'i cha dang mthun pa'i kun tu sbyor ba lnga spangs pa gang yin pa de yin no/ /'bras bu rnams kyi mchog dgra bcom pa nyid dge sbyong gi 'bras bu gang zhe na/ 'dod chags gtan spangs pa dang/ zhe sdang dang gti mug gtan spangs pa dang/ nyon mongs pa thams cad spangs pa gang yin pa de yin no/ /dge slong dag dge sbyong dang/ dge sbyong dag gi 'bras bu dag bstan par bya'o zhes ngas ji skad du bstan ba de rgyas par rab tu bshad do zhes gsungs so/ /mdo las bcom ldan 'das de ni tshangs pa zhes kyang bya zhes bya ba la/ brgya byin gyi mdo'i nye par bstan pa la bshad pa las te/ de nas lha'i dbang po brgya byin gyis sum cu rtsa gsum pa'i lha rnams la pos te/ grogs po dag gang yang bdag cag chos bzangs lha'i 'dun sa na 'dus shing tshogs te 'dug pa de dag tshangs pa la lan gsum du 'dud pa byas te/ bdag cag tshangs pa la lan gsum du 'dud pa byas pa de sdun du bcom ldan 'das la byas par 'gyur te/ de ci'i phyir zhe na/ bcom ldan 'das de ni tshangs pa zhes kyang bya/ zhi ba dang bsil bar

  128. 64b

    gyur pa zhes kyang bya'o zhes kyang gsungs so// //'phags pa kun shes kaN+Da n+yi la de skyes pa na zhes bya ba la bcom ldan 'das ba ra NA se na drang srong smra ba ri dags kyi nags na bzhugs te/ de nas bcom ldan 'das kyis dge slong lnga po rnams la bos te/ dge slong dag 'di ni sdug bsngal 'phags ba'i bden pa'o zhes dge slong dag ngas sngon ma thos pa'i chos rnams tshul bzhin du yid la byed pa na mig skyes so/ /shes pa dang rig pa dang blo skyes so/ /'di ni sdug bsngal kun 'byung ba/ 'di ni sdug bsngal 'gog pa/ 'di ni sdug bsngal 'gog par 'gro ba'i lam 'phags pa'i bden pa'o zhes ngas sngon mthos pa'i chos rnams la tshul bzhin du yid la byed pas na mig skyes so/ /shes pa dang/ rig pa dang/ blo skyes so/ /dge slong dag gang yang sdug bsngal 'phags pa'i bden pa mngon par shes nas yongs su shes par bya'o zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang rig pa dang/ blo skyes so/ /dge slong dag kun 'byung 'phags pa'i bden pa de mngon par shes nas yongs su spang bar bya'o zhes ngas sngon ma thos pa'i chos rnams la tshul bzhin du yid la byed pa na zhes bya ba nas/ snga ma bzhin du blo skyes so zhes bya ba'i bar du'o/ /dge slong dag sdug bsngal 'gog ba 'phags pa'i bden pa de mngon par shes nas mngon sum du bya'o zhes bya ba nas snga ma bzhin du blo skyes so zhes bya ba'i bar du'o/ /dge slong dag sdug bsngal 'gog par 'gro ba'i lam 'phags pa'i bden pa de mngon par shes nas bsgom par bya'o zhes bya ba nas/ snga ma bzhin du blo skyes so zhes bya ba'i bar du'o/ /dge slong dag sdug bsngal 'phags pa'i bden pa de mngon par shes par bya ba shes so

  129. 65a

    zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang/ rig pa dang/ blo skyes so/ /dge slong dag sdug bsngal kun 'byung ba 'phags pa'i bden pa de mngon par shes nas yongs su spangs so zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang rig pa dang blo skyes so/ /dge slong dag bsdug bsngal 'gog pa 'phags pa'i bden pa de mngon par shes nas mngon sum du byas so zhes bya ba nas/ snga ma bzhin du blo skyes so zhes bya ba'i bar du'o/ /dge slong dag sdug bsngal 'gog par 'gro ba'i lam 'phags pa'i bden pa de mngon par shes nas bsgom par bya'o zhes ngas sngon ma thos pa'i chos rnams la tshul bzhin du yid la byed pa na mig skyes so/ /shes pa dang rig pa dang blo skyes so/ /dge slong dag nga la ci srid du 'phags pa'i bden pa bzhi po 'di rnams la lan gsum du bzlas pa dang rnam pa bcu gnyis su ma bskor bar mig ma skyes shing/ shes pa dang rig pa dang blo ma skyes la/ de srid du lha dang bcas pa'i 'jig rten dang/ bdud dang bcas pa dang/ tshangs pa dang bcas pa dang/ dge sbyong dang bram zer bcas ba'i skye dgu'i lha dang mi las ma grol zhing ldan pa dang/ rab tu ldan pa dang/ sems phyin cing log dang ma bral bar lan mang du gnas de srid du bdag bla na med pa yang dag par rdzogs pa'i byang chub tu mngon par rdzogs par sangs rgyas pa'o zhes ngas mngon par mkhyen to/ /dge slong dag nga la 'phags pa'i bden pa bzhi po 'di rnams la lan gsum du bzlas pa dang/ rnam pa bcu gnyis su bskor ba na mig skyes shing shes pa dang rig pa dang blo skyes te de nas bdag lha dang

  130. 65b

    bcas pa'i 'jig rten dang/ bdud dang bcas pa dang/ tshangs pa dang bcas pa dang/ dge sbyong dang bram zer bcas pa'i skye dgu'i lha dang mi las rnam par grol zhing mi ldan pa dang/ rab tu mi ldan pa dang/ sems phyin ci log dang/ bral zhing lan mang du gnas so/ /de nas bdag bla na med pa yang dag par rdzogs pa'i byang chub tu mngon par rdzogs par sangs rgyas so zhes ngas mngon par mkhyen to/ /chos kyi rnam grangs 'di bshad pa na kauN+Di n+ya dang lha brgyad khri bzhi stong dag la chos rnams la chos kyi mig rdul med cing dri ma dang bral ba rnam par dag pa skyes so/ /de nas bcom ldan 'das kyis tshe dang ldan pa kauN+Di n+ya chos kun shes sam/ bcom ldan 'das 'tshal lags Fso/ /kauN+Di n+ya chos kun shes sam/ bde bar gshegs pa 'tshal lags so/ /tshe dang sngon pa koN+Di n+yas chos kun rnam par shes te/ de'i phyir kun shes kauN+Di n+ya zhes btags te/ tshe dang ldan pa kauN+Di n+yas chos kun shes so zhes sa bla ba'i gnod sbyin rnams sgra brjod cing dang dbyangs sgrog bar byed de/ grogs po dag bar na se drang srong smra ba ri dags kyi nags su bcom ldan 'das kyis skye bo mang po la phan pa dang/ skye bo mang po la bde ba dang/ lha dang mi rnams la thugs brtse bas phan pa dang/ bde ba'i phyir dge sbyong dam/ bram ze 'am/ lha 'am/ bdud dam/ tshangs pa dang gcas pa'i 'jig rten gang gis kyang chos dang mthun par ma bskor ba lan gsum du bzlas te rnam pa bcu gnyis su bskor ba'i chos kyi 'khor lo chos dang mthun par bskor ro zhes dbyangs sgrog go /sa bla ba'i gnod sbyin rnams las bar snang la gnas pa'i gnod sbyin rnams dang/ rgyal chen rigs bzhi dang/ sum

  131. 66a

    cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed kyi lha rnams kyis thos nas skad cig dang thang cig dang yud tsam gyis tshangs pa'i 'jig rten gyi bar du sgra grags par gyur to/ /tshangs ris kyi lha rnams sgra brjod cing dbyangs sgrog par byed de/ grogs po dag ba ra NA se drang srong smra ba ri dags kyi nags su zhes bya ba nas/ snga ma bzhin du bskor to zhes bya ba'i bar du'o/ /drang srong smra ba ri dags kyi nags su bcom ldan 'das kyis lan gsum du bzlas te rnam pa bcu gnyis su chos dang mthun par chos kyi 'khor lo bskor ba de'i phyir chos kyi rnam grangs 'di la chos kyi 'khor lo bskor ba zhes btags so zhes gsungs so/ /gnyis pa gnas bdun la mkhas pa bzhin no zhes bya ba la/ gnyis bstan pa ni skye mched drug gi tshogs kyi mdo las byung ba mdzod kyi gnas lnga par gnyis phyir zhes bya bar bstan la/ mdzod kyi gnas gsum par reg drug 'dus te byung ba yin zhes bya bar yang bris zin to/ /gnas bdun pa la mkhas pa ni mdzod kyi gnas 'di nyid du shing 'dab ma bdun pa bzhin no zhes bya bar bshad zin pas yang mi 'chad do// //lung yang bar mdor yongs su mya ngan las 'das pas na gong du 'pho ba'i bar gang zag lnga po 'di dag ni zhes bya ba la/ bcu tshan bcu pa'i las rgyal gnyis zhes bya ba'i sdom las te/ gleng gzhi ni mnyan du yod pa na'o/ /gang zag ni bcu ste/ bcu gang zhe na/ rigs nas rigs su skye ba dang/ mchog tu thogs na lan bdun pa dang/ bar chad gcig pa can dang/ lan cig phyir 'ong ba dang/ bar mdor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du bya ba med par

  132. 66b

    yongs su mya ngan las 'da' ba dang/ mngon par 'du bya ba dang bcas par yongs su mya ngan las 'da' ba dang/ gong du 'pho ba dang dgra bcom pa ste/ gang zag bcu po 'di dag las gang zag lnga ni 'dir rtsom zhing 'dir mthar 'byin par 'gyur la/ gang zag lnga ni 'dir rtsom zhing der mthar 'byin par 'gyur ro/ /gang zag lnga po 'di rnams las 'dir rtsom zhing 'dir thar 'byin pa gang zhe na/ rigs nas rigs su skye ba nas/ dgra bcom pa'i bar du ste/ gang zag lnga po 'di dag ni 'dir rtsom zhing 'dir mthar 'byin par 'gyur ro/ /gang zag lnga po 'di rnams las 'dir rtsom zhing der mthar 'byin pa gang zhe na/ bar mdor yongs su mya ngan las 'da' ba nas gong du 'pho ba'i bar du ste/ gang zag lnga po 'di dag ni 'dir rtsom zhing der mthar 'byin par 'gyur zhes gsungs so/ /dgra bcom pa drug 'dod ces bya ba la gleng gzhi ni mnyan du yod pa na'o/ /dge slong dag drug po 'di dag ni dgra bcom pa ste/ drug gang zhe na/ yongs su nyams pa'i chos can dang/ 'chi ba sems pa'i chos can dang rjes su srung ba'i chos can dang/ gnas pa las mi bskyod pa dang/ rtogs pa'i skal ba can dang/ mi g.yo ba'i chos can no zhes gsungs so/ /dge slong dag 'phaD pa'i shes rab kyi spangs pa gang yin pa de ni spangs pa yin no zhes bya ba la/ gleng gzhi ni mnyan du yod pa na'o// dge slong dag ji srid du dge ba'i chos rnams la dad pa yod pa de srid du sdig pa mi dge ba'i chos rnams kun tu mi 'byung ngo zhes pa smra'o/ /dad pa nub par gyur cing ma dang pas sems gtugs pa ni sdig pa mi dge ba'i chos rnams skye bar 'gyur ro zhes nga smra'o/ /ji srid du brtson 'grus dang/ ngo tsha shes pa dang/ khrel yod pa dang/ shes rab yod pa de srid du sdig pa mi dge ba'i chos rnams kun tu mi 'byung ngo zhes nga smra'o/ /shes rab nub par gyur cing 'chal ba'i shes

  133. 67a

    rab kyis sems gtugs pa na sdig pa mi dge ba'i chos rnams skye bar 'gyur ro zhes nga smra'o/ /dge slong dag dang pa la brten nas mi dge ba'i chos rnams spong bar 'gyur zhing dge ba'i chos rnams bsgom par 'gyur te/ spangs pa na de nyid 'di'i dge ba'o zhes brjod par bya'o/ /brtson 'grus dang ngo tsha shes pa dang khrel yod pa la brten nas mi dge ba'i chos rnams spong bar 'gyur zhing dge ba'i chos rnams bsgom par 'gyur te/ spang ba de nyid 'di'i dge ba zhes brjod par bya'o/ /de ci'i phyir zhe na/ dge slong dag gang 'phags pa'i shes rab kyis spangs pa gang yin pa de ni spangs pa yin no zhes gsungs so/ /slob pa la bag yod pa la bag yod par bya'o zhes bya ba la/ gleng gzhi ni mnyan du yod pa na lo dge slong dag dge slong thams cad ni bag yod pa la bag yod par bya'o zhes pa mi smra zhing/ dge slong thams cad la bag yod pa la bag yod par bya'o zhes nga mi smra'o/ /dge slong dag ji lta bu'i dge slong la bag yod pa la bag yod par bya'o zhes nga smra zhe na/ gang dge slong dgra bcom pa zag pa zad pa/ bya ba byas pa/ byed pa byas pa/ khur bor ba/ rang gi ngon rjes su thob pa/ srid pa kun tu sbyor ba yongs su zad pa/ yang dag pa'i shes pas sems shin tu rnam par grol ba 'di lta bu'i rang bzhin gyi dge slong la bag yod pa la bag yod par bya'o zhes nga mi smra'o/ /de ci'i phyir zhe na/ tshe dang ldan pa de dag gis ni bag yod pa la bag yod par byas zin to/ /tshe dang ldan pa de dag ni yang bag med pa'i skal pa can du mi 'gyur ro/ /tshe dang ldan pa de dag gi bag yod pa la bag yod pa'i 'bras bu 'di yang dag par rjes su gzigs nas bag yod pa la bag yod par bya'o zhes nga ni smra'o/ /dge slong ji lta bu'i rang bzhin gyi dge

  134. 67b

    slong la bag yod pa la bag yod par bya'o zhes pa smra zhe na/ dge slong dag dge slong slob pa yang dag par thob cing/ phyis mya ngan las 'das pa grub pa dang bde ba bla na med pa don du gnyer zhing lan mang du gnas pa ste/ dge slong dag 'di lta bu'i rang bzhin gyi dge slong la bag yod pa la bag yod par bya'o zhes nga smra ste/ de ci'i phyir zhe na/ tshe dang ldan pa 'di dbang po rno 'di? rjes su mthun ba'i mal cha dang stan brten pa dang/ dge ba'i bshes gnyen nye bar bsten cing bsnyen bkur ba dang/ rim gror byed pas ring po mi thogs par zag bzang cing sems rnams par grol ba dang/ shes rab rnam par grol bas bdag gi skye ba zang ngo/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes mthong ba'i chos nyid la rang nyid kyis mngon par shes pa phun sum tshogs pa mngon sum du byas nas gnas so/ /de ci'i phyir zhe na/ dge slong dag mig gi rnam par shes par bya ba'i gzugs 'dod pa sdug pa dga' ba yid la 'ong ba 'dod pa sdud par byed pa/ dga' bar byed pa de dag mthong nas mngon par mi dga' zhing mngon par mi brjod la mi zhe na cing lhag par mi zhen cing gnas te/ de de la mi dga' mngon par mi dga' zhing mngon par mi brjod pa la mi zhen cing lhag par mi zhen cing gnas pa na ma zhums pa'i brtson 'grus rtsom par 'gyur zhing lus las su rung zhing shin tu sbyangs pa dang/ ma rmongs pa'i dran pa nye bar gnas par 'gyur zhing sems mnyam par bzhag pa rtse gcig par 'gyur la/ dag pa dang lhan cig par gyur pa'i tshad med pa legs par bsgom pa rgyas par 'gyur te/ 'di ltar na 'dis ting nge 'dzin dang po mig gi rnam par shes par bya ba'i gzugs rnams la spangs pa thob par 'gyur ro/ /dge slong dag rna ba dang sna

  135. 68a

    dang lce dang lus dang yid kyi rnam par shes par bya ba'i chos 'dod pa sdug pa dga' ba yid du 'ong pa sdud par byed pa dga' bar byed pa de dag rnam par shes nas mngon par mi dga' zhing mngon par mi brjod pa mi zhen cing lhag par mi zhen cing gnas te/ de de la mngon par mi dga' zhing mngon par mi brjod la mi zhen cing lhag par mi zhen par gnas pa na ma zhum pa'i brtson 'grus rtsom par 'gyur zhing lus las su rung zhing shin tu sbyangs pa dang/ ma rmongs pa'i dran pa nye bar gnas par 'gyur zhing sems mnyam par bzhag pa rtse gcig par 'gyur la/ dga' ba dang lhan cig par gyur pa'i tshad med pa legs par bsgom pa rgyas par 'gyur te/ de ltar 'dir ting nge 'dzin drug pa yid kyis rnam par shes par bya ba'i chos rnams la spangs pa thob par 'gyur ro zhes gsungs so/ /kun dga' bo dgra bcom pa la yang rnyed pa dang bkur stis bar chad byed pa yin par nga smra'o zhes bya ba la/ gleng gzhi ni mnyan du yod pa na'o/ /de nas bcom ldan 'das kyis tshe dang ldan pa kun dga' bo la bos te/ kun dga' bo dgra bcom pa la yang rnyed pa dang bkur stis bar chad byed pa yin par nga smra'o/ /bcom ldan 'das ci'i slad du 'di skad gsungs/ kun dga' po dgra bcom pa la yang rnyed pa dang bkur stis bar chad byed pa yin par nga smra'o/ /ma thob pa thob pa dang ma rtogs pa rtogs pa dang/ mngon sum du ma byas pa mngon sum du bya ba la ni ma yin te/ 'on kyang 'di ni mthong ba'i chos la bde bar gnas pa lhag pa'i sems las byung ba bzhi po gang yang rung bzhig rtogs pa las yongs su nyams par nga smra'o/ /gang yang 'dis gcig su dben par bdag nyid la phan pa'i bag yod pa dang/ brtson 'grus kyi gnas te

  136. 68b

    sems rnam par grol ba mi g.yo ba lus kyis mngon sum du byas pa gang yin pa de las ni rnam grangs gang gis kyang yongs su nyams par 'gyur ba nga mi smra'o/ /kun dga' bo de lta bas na 'di ltar bslab par bya ste/ gang rnyed pa rang bkur sti 'byung bar 'gyur ba dang/ rnyed pa dang bkur sti 'byung ba dag la sems yongs su gtugs te mi gnas pa de ltar bslab par bya'o zhes gsungs so/ /'di nas tshe dang ldan pa gnag tshogs can zhes bya ba la/ bcom ldan 'das rgyal po'i khab kyi ri bo cha can gyi ngos shing 'dab ma bdun pa can gyi phug na bzhugs so/ /de'i tshe tshe dang ldan pa gnag tshogs can rgyal po'i khab kyi drang srong gi ri'i ngos rngo nag po can gyi ri la brten cing gnas so/ /de nas tshe dang ldan pa gnag tshogs can gcig pu dben pas bdag la phan pa'i bag yod pa dang/ brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so/ /de de las yongs su nyams te/ lan gnyis pan gsum dang bzhi dang lnga dang lan drug tu dus kyi sems rnam par grol pa lus kyis mngon sum du byas so/ /de de las yongs su nyams so/ /de nas tshe dang ldan pa gnag tshogs can 'di snyam du bdag gcig bu dben pas bdag nyid la phan pa'i bag yod pa dang brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so/ /bdag de las yongs su nyams te/ lan gnyis dang gsum dang bzhi dang lnga dang drug tu dus kyis sems rnam par grol ba yid du 'od ba lus kyis mngon sum du byas so/ /de las kyang bdag yongs su nyams te/ gang bdag gis lan bdun pa la dus kyis sems rnam par grol ba yid du 'ong ba lus kyis mngon sum du byas pa las

  137. 69a

    yongs su nyams par ma gyur cig ces mtshon cha dag 'chang bar byed do/ /de nas bdud sdig can 'di snyam du dge sbyong gau ta ma ni rgyal po'i khab kyi ri bo cha can gyi ngos shing 'dab ma bdun pa can gyi phug na gnas la de'i nyan thos dge slong gnag tshogs can rgyal po'i khas kyi drang srong gi ri'i ngos rngo nag po can gyi ri la brtan cing gnas te/ de gcig pu dben pas bdag nyid la phan pa'i bag yod pa ? brtson 'grus kyis gnas phan dus kyis sems rnam par grol ba yid du 'ong ba lus kyis mngon sum du byas so/ /de las yongs su nyams te/ lan gnyis lan gsum dang bzhi dang lnga dang drug dus kyis sems rnam par grol ba yid du 'ong ba lus kyis mngon sum du byas so/ /de de las kyang yongs su nyams pa dang/ de 'di snyam du bdag gcig pu dben pas bdag nyid la phan pa'i bag yod pa dang brtson 'grus kyis gnas pa na dus kyis sems rnam par grol ba yid du 'ong ba lus kyis mngon sum du byas so/ /bdag de las yongs su nyams te lan gnyis dang lan gsum dang bzhi dang lnga dang drug tu dus kyis sems rnam par grol ba yid du 'ong ba lus kyis mngon sum du byas te/ de las kyang bdag yongs su nyams te/ gang bdag gis lan bdun pa la dus kyis sems rnam par grol ba yid du 'ong ba lus kyis mngon sum du byas pa las yongs su nyams par ma gyur cig ces mtshon cha dag 'chad bar byed do/ /dge slong gnag tshogs de mtshon cha 'chang zhing dus kyis sems rnam par grol ba lus kyis mngon sum du byas te nga'i yul las 'da' bar 'gyur ba 'di ni gnas yin zhing go skabs yod do/ /gang yang bdag song ste ston pa la

  138. 69b

    smra bar bya'o snyam nas/ de nas bdud sdig can bai DUrya'i dbyug pa can gyi rgyud mangs shig mchan khung du thogs bcom ldan 'das gang na ba der nye bar song ste/ nye bar song nas bcom ldan 'das kyis mdun du 'dug ste/ bai' bUrya'i? dbyug pa can gyi rgyud mangs brdung shing tshigs su bcad pa smras pa/ dpa' chen shes rab chen po pa/ /mthu chen dbang dang gzi brjid 'bar/ /khon dang 'jigs pa kun las 'das/ /bcom ldan khyod la bdag phyag 'tshal/ /dpa' chen 'chi zil gyis gnon pa// nyan thos 'chi bar 'dod pa dag/ thub pa chen pos mkhyen nas ni/ /de dag bzlog par mdzad du gsol/ /bcom ldan nam zhig nyan thos dag/ sta na la rab tu dga' bar 'gyur/ /slob pa thob par gyur pa na/ /mi mchog dus ni byed par 'gyur/ /bdud kyis de ltar smras pa dang/ /ston pas ma grol bdud las gsungs/ /bag med ldan pa'i sdig can khyod/ /rang gi don phyir 'ongs pa ste/ /brtan zhing brtan pa phun tshogs shing/ bsam gtan sgom par byed pa la/ /nyin mtshan rtag tu rjes sbyor ba/ /'tsho bdag la bltos pa med/ /srid pa 'jigs bcas shes nas ni/ /srid pa zad par 'gro bar 'gyur/ /ma grol ba las rgyal nas ni/ /mya ngan 'das pa 'grol bar 'gyur/ /de yi mya ngan rab gdung bas/ /mchan na phyi mar ltung bar 'gyur/ /de nas de yid mi bde bas/ /de nyid du ni mi snang gyur/ /de nas tshe dang ldan pa gnag tshogs can drang srong gi ri'i ngos rngo nag po can gyi ri la mtshon cha 'chang zhing dus kyis sems rnam par grol ba lus kyis mngon sum du byas te/ 'chi ba'i dus na dbang po rnams yongs su dang zhing/ bzhin gyi mdog yongs su dag nas/ pags pa'i mdog kun tu dkar por gyur to/ /de nas bcom ldan 'das kyis dge slong rnams la bos te/ dge slong dag bdag cag gang na

  139. 70a

    rigs kyi bu gnag tshogs can mtshon gyis btab pa drang srong gi ri'i ngos rnge nag po can gyi ri gang na ba der 'gro bar bya'o/ /dge slong de dag bcom ldan 'das kyis gsungs pa thos nas/ btsun pa de bzhin no zhes de nas bcom ldan 'das dge slong rab tu mang po de dag dang thabs gcig tu drang srong gi ri bo ngos rngo nag po can gyi ri gang na ba der nye bar gshegs so/ /de'i tshe tshe dang ldan pa gnag tshogs can lus phung pos rnams par dben pa sa la lhung ste 'dug go// bcom ldan 'das kyis tshe dang ldan pa gnag tshogs can lus phung pos rnam par dben pa sa la lhung ste 'dug pa gzigs nas dge slong rnams la bos te/ dge slong dag khyed cag gis rigs kyi bu gnag tshogs can phung po rnam par dben pa'i lus sa la bskyur te 'dug 'dug pa dag mthong ? btsun pa de bzhin no/ /dge slong dag khyed cag gis rigs kyi bu gnag tshogs can gyi lus la du ba 'thul zhing rab rib dang mun pa lta bur shar phyogs dang/ lho dang nub dang byang phyogs su khyab cing 'phros pa dag mthong dam? btsun pa de bzhin no/ /dge slong dag 'di ni bdud sdig can te/ rigs kyi bu gnag tshogs can gyi lus la rnam par shes pa yang dag par 'tshal ba'o/ /dge slong dag rigs kyi bu gnag tshogs can mtsho na chas btab ste 'chi ba'i tshe dbang po rnams yongs su dang zhing bzhin gyi mdog yongs su dag pa las pags pa'i mdog kun tu dkar por gyur te/ rnam par shes pa gnas med par gyur to/ /de nas bcom ldan 'das kyis tshe dang ldan pa gnag tshogs can lung bstan pa dang/ de nas de'i tshe bdud sdig can gyis tshigs su bcad pa 'od skad ces smras so/ /steng dang 'og dang logs dang ni/ /phyogs dang phyogs mtshams rnams su yang/ /gnag tshogs

  140. 70b

    gang du song ba dag/ bdag gi btsal yang ma rnyed do/ /bcom ldan 'das kyis bka' stsal pa/ /gang phyir bstan rnams cung zad tsam/ /'dod pa nyid du mi byed pa/ /sred pa rtsad nas bton nas ni/ /yongs su mya ngan 'das par 'gyur/ /de nas sdig can yid mi bde zhing sdug bsngal gyis yid la gcag bzhin du de nyid du mi snang bar gyur to zhes gsungs so/ /bcu las 'phros pa las kyang zhes bya ba la/ mdo drug gi tshogs kyi bcu las 'phros pa'i mdo dang po las 'di skad du tshe dang ldan pa dag mang du byed pa'i tshes ni gcig ste/ 'di ltar dge ba'i chos rnams la bag yod pa'o/ /bsgom par bya ba'i chos ni gcig ste/ lus su gtogS pa'i dran pa'o/ /yongs su shes par bya ba'i chos ni gcig ste/ zag pa dang bcas pa'i rigs 'o?// spang par bya ba'i chos ni gcig ste/ bdag tu nga rgyal ba'o/ /nyams pa'i cha dang mthun pa'i chos ni gcig ste/ tshul bzhin ma yin pa yid la byed pa'o/ /khyad par du 'gro ba'i cha dang mthun pa'i chos ni gcig ste/ tshul bzhin yid la byed pa'o/ /rtogs par dka' ba'i chos ni gcig ste/ bar chad med pa'i ting nge 'dzin to/ /bskyed par bya ba'i chos na gcig ste/ sems rnaM par grol ba dus dang sbyor ba yid du 'ong ba'o/ /mngon par shes par bya ba'i chos ni gcig ste/ sems can thams cad ni zas kyis gnas pa zhes bya'o/ /mngon sum du bya ba'i chos ni gcig ste/ sems rnam par grol ? mi g.yo ba yin no/ /tshe dang ldan pa dag chos bcu po 'di dag ni de bzhin no/ /mi 'gyur ba'i de bzhin nyid gzhan ma yin pa'i de bzhin nyid/ bden pa kho na nyid ji lta ba bzhin phyin ci ma log pa'o zhes/ 'di ltar yang dag pa ji lta ba bzhin yang dag pa'i shes rab kyis blta bar bya'o zhes gsungs so/ /

  141. 71a

    'on ni gang las 'di skad du 'phags pa nyan thos thos pa dang ldan pa zhes bya ba la/ gleng gzhin mnyan du yod pa na'o/ /dge slong dag 'phags pa nyan thos thos pa dang ldan pa dang thams cad sdug bsngal ba'i chos can par/ kun 'byung ba dang mi snang ba dang/ ro myang ba dang nyes dmigs dang/ nges par 'byung ba yang dag pa ji lta ba bzhin yang dag pa'i shes rab kyis mthong bar gyur cing 'dis 'dod pa rnams sol ba'i phung po lta bur mthong bar gyur cing 'dis 'dod pa rnams de ltar mthong bar 'gyur ro/ /'dod pa rnams ji lta ba bzhin mthong ba dang/ 'dod pa rnams mthong ba na 'dod pa rnams la 'dun pa dang/ 'dod pa la zhen pa dang/ 'dod pa la dga' ba dang/ 'dod par bying ba dang/ 'dod par des pa dang 'dod pa la zhe na pa dang/ de la sems yongs su gtugs shing mi gnas te/ spyod lam dang gnas pa la mkhas shing rab tu mkhas par 'gyur ro/ /'di de ltar rgyu spyod pa dang gnas pa la mkhas shing rab tu mkhas par gyur na ji ltar ngan sbyong pa dang gnas pa na 'jig rten gyis rna ba sems drang yid mi bde ba sdig pa mi dge ba'i chos rnams las sems zag pa dang bral bar 'gyur ro/ /dge slong dag ji ltar na 'phags pa nyan thos thos pa dang ldan pas thams cad sdug bsngal ba'i chos can dang/ kun 'byung ba dang/ mi snang ba dang/ ro myang ba dang nyes dmigs dang/ nges par 'byung ba yang dag pa ji lta ba bzhin yang dag pa'i shes rab kyis mthong bar 'gyur zhe na/ dge slong dag 'di la 'phags pa nyon thos thos pa dang ldan pa 'di ni sdug bsngal 'phags pa'i bden pa'o zhes yang dag pa ji lta ba bzhin rab tu shes shing 'di ni kun 'byung ba dang/ 'gog pa dang/ sdug bsngal 'gog par 'gro ba'i lam 'phags pa'i bden pa'o zhes

  142. 71b

    yang dag pa ji lta ba bzhin rab tu shes te/ dge slong dag 'di ltar na 'phags pa nyan thos thos pa dang ldan pas thams cad sdug bsngal ba'i chos can dang/ kun 'byung ba dang/ mi snang ba dang/ ? myang ba dang/ nyes dmigs dang/ nges par 'byung bo ji lta ba bzhin yang dag pa'i shes rab kyis mthong bar 'gyur ro/ /dge slong dag ji ltar na 'phags pa nyan thos thos pa dang ldan pa 'dod pa rnams la sel ba'i phung po lta bur mthong bar 'gyur zhing 'dis 'dod pa rnams de ltar mthong bar 'gyur ba dang/ 'dod pa rnams ji lta ba bzhin shes shing 'dod pa rnams mthong bar 'gyur ba dang/ 'dod pa rnams la 'dun pa dang/ 'dod pa la zhen pa dang/ 'dod pa la dga' ba dang/ 'dod par bying ba dang/ 'dod par nges pa dang/ 'dod pa la zhen pa dang/ de la sems yongs su gtugs shing mi gnas par 'gyur zhe na/ 'di lta ste/ grong dam grong khyer dang thag mi ring ba na sol ba'i phung po du ba dang me lce dang bral ba'i sel ba'i phung pos gang bar gyur la/ de nas skyes bu phyis? pa'i rang bzhin ma yin te/ rmongs pa'i rang bzhin ma yin pa/ shes rab dang bcas pa/ rang dbang thob ba/ bde ba 'dod pa/ sdug bsngal mi 'dod pa/ gson par 'dod pa/ 'chi bar mi 'dod pa/ 'chi ba rjes su mi mthun pa 'ga' zhig 'ongs te 'di snyam du/ du ba dad me lce dang bral ba'i sol ba'i phung po 'di'i nang du bdag ltung bar gyur na/ gzhi de las 'chi ba 'am 'chi ba la thug pa'i sdug bsngal myong bar 'gyur ro snyam nas/ de de las thag ring du byed cing dom du gnyer ba dang/ smon pa dag thag ring du byed do/ /dge slong dag de bzhin du 'phags pa nyan thos thos pa dang ldan pa 'dod pa rnams sol ba'i phung po lta bur mthong bar 'gyur zhing 'dis 'dod pa rnams de ltar mthong ba na 'dod

  143. 72a

    pa rnams ji lta ba bzhin shes shing 'dod pa rnams mthong ba'o// 'dod pa rnams la 'dun pa dang/ 'dod pa la zhen pa dang/ 'dod pa la dga' ba dang/ 'dod par bying ba dang/ 'dod par nges pa dang/ 'dod pa la zhen pa dang/ de la sems yongs su gtugs shing mi gnas par 'gyur ro/ /dge slong dag ji ltar na 'phags pa nyan thos thos pa dang ldan pa spyod pa dang gnas pa la mkhas shing rab tu mkhas ba yin zhe na/ ji ltar spyod pa dang/ gnas lan? 'jig rten gyi brnab sems dang yid mi bde ba sdig pa mi dge ba'i chos rnams la sems zag pa dang bral bar 'gyur te/ de bzhin du 'dis spyod pa dang gnas pa la mkhas shing rab tu mkhas par 'gyur te/ dge slong dag 'di lta ste/ grong dam grong khyer dang thag mi ring bzhig na tshor ma mang pos gang bar gyur la/ skyes bu 'ga' zhig bya ba cung zad cig gi phyir der zhugs pa dang/ mdun na yang tsher ma/ rgyab na yang cher ma/ logs dang/ steng dang/ 'og dang/ phyogs dang phyogs mtshams tshor mas gang bar byung? na de mdun? pa dang ldan bzhin du 'gro ba dang/ dran pa dang ldan bzhin du 'ong ba dang/ rnam par lta zhing dran pa dang ldan bzhin du bskum pa rang rkyong bar byed de/ de ci'i phyir zhe na/ bdag la tsher ma zug par ma gyur cig snyam pa'i phyir ro/ /dge slong ? de bzhin du 'phags pa nyan thos thos pa dang ldan pa dag grong dam grong khyer dag na brten cing nye bar gnas pa/ snga dro chos gos dang lhung bzed thogs te/ grong dam grong khyer du bsod snyoms kyi phyir 'jug pa na lus kyis legs par bsrungs pa dang/ dbang pos legs par bsdams pa dang/ dran pa nye bar gzhag nas bsod snyoms la 'jug par byed cing/ de de na dran bzhin du 'ong ba dang/ dran bzhin du 'gro ba dang/ dran bzhin du rnam par lta bas dran bzhin du

  144. 72b

    rnam par lta ba dang/ dran bzhin du bskum pa dang/ dram bzhin du skyong bar byed de/ de ci'i phyir zhe na/ bdag la tsher ma ma zug cig snyam pa'i phyir ro/ /dge slong dag chos 'dul ba 'di la tshor ma zhes gang la tsher ma zhes gang la brjod ce na/ gang 'jig rten na dga' ba'i rang bzhin dang chags pa'i rang bzhin de ni chos 'dul ba 'di la tshor ma zhes brjod do/ /'jig brten na dga' ba'i rang bzhin dang/ chags pa'i rang bzhin chos 'dul ba 'di la tsher ma zhes brjod pa de gang zhe na/ 'di ltar 'dod pa'i yon tan lnga po mig gi shes par bya ba'i gzugs 'dod pa dang/ dga' ba dang/ yid du 'ong ba dang/ 'dod pa nye bar sdud pa dang/ dga' bar byed pa dang/ rna bas rnam par shes bar bya ba'i sgra dang/ snas rnam par shes par bya ba'i dri dang/ lces rnam par shes par bya ba'i ro dang/ lus kyis rnam par shes bar bya ba'i reg bya 'dod pa dang/ sdug pa dang/ dga' ba dang/ yid du 'ong ba dang/ 'dod pa nye bar sdud pa dang/ dga' bar byad pa rnams te/ dge slong dag 'di ni 'jig rten la dga' ba'i rang bzhin dang chags pa'i rang bzhin chos 'dul ba 'di la tsher ma zhes brjod do/ /dge slong dag de ltar na 'phags pa nyan thos thos pa dang ldan pa dag spyod pa dang gnas pa la mkhas shing rab tu mkhas par gyur la de bzhin du sbyod pa dang gnas pa la mkhas shing rab tu mkhas bar 'gyur ro/ /ji ltar spyod pa dang gnas pa na 'jig rten gyi brnab sems dang yid mi bde ba sdig pa mi dge ba'i chos rnams las sems zag pa dang bral bar 'gyur te/ dge slong dag 'phags pa nyan thos de ltar spyod cing de ltar gnas pa de la brgya la res 'ga' zhig dran pa nyams pa las sdig pa mi dge ba'i rnam par rtog pa 'dod chags nye bar sdud pa 'am/ zhe sdang nye bar sdud pa 'am/ gti mug

  145. 73a

    nye bar sdud pa dag skye bar 'gyur ro/ /dge slong dag 'phags pa nyan thos thos pa dang ldan pa de la dran pa nyams pa chung du byung yang de yang myur du zad pa dang yongs su gtugs par 'gyur te/ dper na lcags kyi gong bu 'am lcags kyi tsha tsha 'bar zhing me rab tu 'bar ba dag la 'ga' zhig gis chu'i thigs pa chung du gnyis gsum gtor na/ dge slong dag chu'i thigs pa chung du lhung ma thag tu yang myur du yongs su ?? gtugs par 'gyur ro/ /dge slong dag de bzhin du 'phags pa nyan thos thos pa dang ldan pa de la dran pa nyams pa chung du byung yang de yang myur du yongs su zad cing gtugs par 'gyur ro/ /dge slong dag 'phags pa nyan thos thos pa dang ldan pa de ltar spyod cing de ltar gnas pa de la rgyal po 'am gnyen rnams 'ongs te/ kye skyes bu dag khyed ci'i phyir mgo bregs shing lag na lhung bzed thogs naS khyim nas khyim su rgyud zhing gos ngur smrig grang mo 'dis lus yongs su gdud bar byed/ kye skyes bu khyod 'dod pa rnams la longs spyod bzhin du 'dug la sbyin pa dag byin/ bsod nams dag gyis shig ces 'dod pa rnams la 'bod par byed na/ dge slong dag 'di snyam du sems/ ci 'phags pa nyan thos thos pa dang ldan pa de la rgyal po 'am gnyen rnams kyis 'dod pa spyad pa'i phyir bos pa na de bslab pa gtong zhing nyams par byed dam/ btsun pa ma lags so/ /'phags pa nyan thos thos pa dang ldan pa thams cad la sdug bsngal pa'i chos can dang/ kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba ji lta ba bzhin yang dag pa'i shes rab kyis mthong bar 'gyur te/ 'dis 'dod pa rnams la sol pa'i phung po lta bur ma thong bar gyur

  146. 73b

    cing 'dis 'dod pa rnams de ltar mthong ba dang/ 'dod pa rnams ji lta ba bzhin shes pa dang/ 'dod pa rnams mthong ba na/ 'dod pa rnams la 'dun pa dang/ 'dod pa la zhen pa dang/ 'dod pa la dga' ba dang/ 'dod par bying ba dang/ 'dod pa la des pa dang/ 'dod pa la zhen pa dang/ de sems yongs su gtugs shing ming gnas pa ste/ spyod lam dang gnas pa la mkhas shing rab tu mkhas par gyur la/ 'di de ltar spyod pa dang gnas pa la mkhas shing rab tu mkhas par gyur na/ ji ltar spyod pa dang gnas pa na 'jigs rten gyi brnab sems dang yid mi bde ba sdig pa mi dge ba'i chos rnams las sems zag pa dang bral bar gyur pa dag rgyal po 'am gnyen rnam kyis 'dod pa spyod pa'i phyir pos ba na bslab pa so sor btang zhing nyams par byed pa 'di ni gnas ma mchis so/ /dge slong dag legs so legs so/ /dge slong dag 'phags pa nyen thos thos pa dad ldan pa de'i sems yun ring po nas dpen pa la gzhol ba dang/ dben pa la bab pa /dben pa la 'bab pa/ thar pa la gzhol ba/ thar pa la bab pa/ thar pa la 'bab pa/ mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la 'bab pa/ zhi ba thag bsrings pa thar pa/ zag pa'i gnas lta bu'i chos rnams las zhi bar gyur pa/ bsil bar gyur pa/ tshangs par gyur pa de rgyal po 'am gnyen rnams kyis 'dod pa spyad pa'i phyir bos pa na bslab pa so sor btang nas nyams par byed pa 'di ni gnas med de/ gzhan du na rgyal po 'am gnyen rnams dus phyis 'phongs shing dub pa'i skal pa can du 'gyur ro/ /dge slong dag dper na chu bo gang+gA'i chu yun ring por shar phyogs su gzhol ba/ shar du 'bab pa/ shar du 'bab par gyur pa la/ de nas lag tu 'jor dang rtsel

  147. 74a

    po thogs pa'i skye bo'i tshogs mang po 'ongs nas 'di skad du chu bo gang+gA'i chu yun ring por shar du gzhol ba/ shar du 'bab pa/ shar du bab pa 'di bdag cag gis nub tu gzhol zhing nub tu 'bab pa dang/ nub tu bab par bya'o zhes smra na/ dge slong dag chu bo gang+gA'i chu yun ring po nas shar du gzhol gshar du 'bab pa/ shar du bab par gyur pa la 'di stobs dang ldan pa skye po'i tshogs mang po de dag gis nub tu gzhol ba dang/ nub tu bab pa dang/ nub tu 'bab par bya bar nus sam/ btsun pa ma lags te/ de cing slad du zhe na/ btsun pa 'di ltar chu bo gang+gA'i chu yun ring po nas shar du gzhol ba/ shar du bab pa/ shar du 'bab pa 'di skye po'i tshogs mang po de dag gis nub tu gzhol ba dang/ nub tu bab pa dang/ nub tu 'bab par bya ba sla ba la lags kyi/ gzhan du na skye bo'i tshogs med pa de dag 'phongs shing dub pa'i skal ba can du 'gyur ro/ /dge slong dag de bzhin du 'phags pa nyan thos thos pa dang ldan pa de'i semS yun ring po nas dben pa la gzhol ba dang/ dben pa la bab pa/ dben pa la 'bab pa/ thar pa la gzhol ba/ thar pa la bab pa/ thar pa la 'bab pa /mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la 'bab pa/ zhi ba/ thab bsrings pa/ thar pa la mngon par dga' ba zag pa'i gnas lta bu'i chos rnams las zhi zhing bsil bar gyur pa tshangs par gyur pa de la rgyal po 'am gnyen rnams kyis 'dod pa spyad pa'i phyir bos pa na/ bslab pa btang nas nyams par byed pa 'di ni gnas med do/ gzhan du na rgyal po 'am gnyen de dag 'phongs shing dub pa'i skal ba can du 'gyur ro zhes gsungs so/ /mdo gzhan las de ni 'gra bcom pa'i

  148. 74b

    stobs yin par yang gsungs zhes bya ba la/ gleng gzhi ni mnyan du yod pa na'o/ /de nas tshe dad ldan pa shA ri'i bu dgongs ka nang? du yang dag 'jog lam langs te/ bcom ldan 'das gang na ba der nye bar song ste/ nye bar song nas bcom ldan 'das kyis zhabs la sbyi bos phyag byas nas phyogs gcig tu 'dug go/ phyogs gcig tu 'dug nas tshe dang ldan ba shA ri'i bus bcom ldan 'das la 'di skad ces gsol to/ /btsun pa dge slong dgra bcom pa zag ba zad pa la stobs du zhig mchis/ shA ri'i bu rnam pa brgyad de/ brgyad gang zhe na/ shA ri'i bu dge slong dgra bcom pa zag pa zad pa de'i sems yun ring po nas dbyen pa la gzhol ba ? pa la bab ba dbyen pa la 'bab pa yin/ thar pa la gzhol ba/ thar pa la bab pa/ thar pa la 'gob? pa yin/ mya ngan las 'das pa la gzhol ba/ mya ngan las 'das pa la bab pa/ mya ngan las 'das pa la 'bab pa yin no/ /'dod pa rnams sol ba'i phung po lta bur mthong ba yin te/ 'dis 'dod pa rnams kyi de bzhin nyid mthong ste/ ji ltar 'dod pa rnams ji lta ba bzhin shes shing 'dod pa rnams ji lta ba bzhin du mthong nas/ 'dod pa la 'dun pa dang/ 'dod pa la zhen pa dang/ 'dod pa la 'ga' ba dang/ 'dod pa la nges pa dang/ 'dod pa la zhen pa dang/ de la sems yongs su gtugs te mi gnas pa yin/ 'dis dran pa nye bar gzhag pa bzhi legs par bsgom ba pa yin/ yang dag par spong pa bzhi legs par bsgoms pa yin/ rdzu 'phrul gyi rkang pa bzhi dang/ dbang po lnga po la zhen pa dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad bsgoms pa legs par bsgoms pa yin no/ /de nas tshe dang ldan pa shA ri'i bu bcom ldan 'das kyis gsungs pa la zhes bya ba nas/ langs te song ngo zhes bya ba'i

  149. 75a

    bar du'o zhes gsungs so/ /mdo laS 'di skad du zhes bya ba la/ 'di nas go rims las bzlog ste brtsis pa'i lnga pa dang/ dge slong dag 'phags pa nyan thos thos pa dang ldan pa zhes bya ba la sol ba'i phung po lta bu'i mdo las go rims las bzlog ste bgrangs pa'i gsum pa las 'byung ba bstan zin to/ /bcom ldan 'das kyis kyang 'di la gang zhig nyon mongs lnga spangs te zhes bya ba la gleng gzhi ni mnyan du yong pa na'o/ /de nas bcom ldan 'das kyis dge slong rnams la bos te/ dge slong dag gang zag ni rnam pa bzhi ste/ rgyun phyogs su 'gro ba'i gang zag dang/ rgyun las bzlog phyogs su 'gro ba'i gang zag dang/ bdag nyid du gnas pa'i gang zag dang/ rgal cing pha rol tu phyin pa'i gang zag go /rgyun phyogs su 'gro ba'i gang zag gang zhe na/ 'di na 'dod pa la sten cing sdig pa'i las byed pa'i gang zag rnams te/ 'di ni rgyun phyogs su 'gro ba'i gang zag ces bya'o/ /rgyun las bzlog phyogs su 'gro ba'i gang zag gang zhe na/ 'di ni 'dod pa la bsten kyang sdig pa'i las mi byed pa'i gang zag rnams te/ 'di ni rgyun las bzlog phyogs su 'gro ba'i gang zag ces bya'o/ /bdag nyid du gnas pa'i gang zag gang zhe na/ gang zag 'ga' zhig 'di na dgon pa 'am/ shing drung dam/ khang pa stong par song nas 'bad pa dang/ spangS pa dang/ bsgoms pa dang/ lan mang du byas pa'i rgyu dang/ yang dag pa'i yid la byed pa'i rgyas ji ltar sems mnyam par bzhag pa na tha ma'i cha dang mthun pa'i kun tu sbyor ba lnga spangs shing mi skye ba de lta bu'i ting nge 'dzin zhe ba la reg par gyur te/ de yongs su mya ngan las 'da' zhing 'jig rten 'dir yang phyir mi ldog cing mi 'ong ba 'di ni bdag nyid du gnas pa'i gang zag ces bya'o/ /rgal cing pha rol tu phyin ba'i gang zag gang zhe na/ 'di la gang zag dgon pa'am/ shing drung dam/ khang

  150. 75b

    pa stong par song nas 'bad pa dang/ spangs pa dang/ lan mang du byas pa dang/ yang dag pa'i yid la byas pa'i rgyus ji ltar sems mnyam par bzhag pa na zag pa zang cing zag pa las sems rnam par grol ba dang/ shes rab rnam par grol ba ste/ bdag gi skye ba zad do/ /tshangs par spyod pa bsten to/ /bya ba byas so/ /byed pa byas so/ /srid pa 'di las gzhan mi shes so zhes mthong ba'i chos nyid la rang nyid kyis mngon par shes pa phun sum tshogs pa bsgrubs te gnas pa lta bu'i ting nge 'dzin zhi ba la reg par gyur pa ste/ 'di ni 'gro zhing pha rol tu 'gro ba'i gang zag ces bya'o/ /ston pas gzhan yang 'di skad ces bka' stsal to/ /'dod khams 'di na gang dag 'ga' zhig ni/ 'dod pas g.yengs shing 'dod la chags ma dral/ /srid par bya zhing yang yang skye ba dang/ /dga' bar 'gyur ba rgyun phyogs 'gro ba yin/ /de nyid 'dod dang sdug bsngal spangs pa ni/ /rgyun las bzlog phyogs 'gro ba'i gang zag brjod/ /'di na gang zhig nyon mongs lnga spangs te/ /ni 'phrogs chos ldan slob pa yongS su rdzogs/ /sems la dbang thob dbang po mnyam bzhag pa/ thams cad bdag nyid gnas pa zhes brjod do/ /mchog dang mchog min mnyam pa'i chos rnams kun/ /med dang mi snang skyon bcas rig gyur cing/ /thabs dang kun las de dag rnam par grol/ /'jig rten mthar byas pha rol 'gro zhes brjod/ /de phyir dge slong dran pa legs bzhag ste/ /'dod dang sdug bsngal bsten pa spong bar gyis zhes gsungs so/ /lam ni bzhi ste zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag lam ni rnam pa bzhi ste/ mngon par shes pa bul la dka' ba'i lam yang yod/ /mngon par shes pa myur la dka' ba'i lam yang yod/ mngon par shes pa bul la sla pa'i

  151. 76a

    lam yang yod/ mngon par shes pa myur la sla ba'i lam yod/ mngon par shes pa bul la dka' ba'i lam gang zhe na/ 'di na kha cig nye bar len pa'i phung po lngas 'dzem zhing gnod la/ ring du byed cing smod phar byed de/ lnga gang zhe na/ gzugs nye bar len pa'i phung po dang/ tshor ba dang 'du shes dang/ 'du byed dang/ rnam par shes pa nye bar len pa'i phung pos 'dzem zhing gnod la/ ring du byed cing smod par byed de/ dper na skyes bu gzhon nu legs par khrus byas shing legs par byugs shing bskus pa skra dang kha pu bcos shing gos dkar po gon pa dang/ sbrul gyi ro 'am/ khyim bya'i ro 'am/ mi'i ro'i kha 'am mgo la reg na shin tu 'dzem shing gnod la thag ring du byed cing smod par byed de/ /de bzhin du de nye bar len pa'i phung po ldas 'dzom shing gnod pa dng/ ring du byed cing smod par byed de/ de nye bar len pa'i phung po ldas bdag nyid n yon mongs shing nyon mongs par byas pa dang/ khur lci bas mnan no snyam zhing/ da ltar bdag 'chi ba la thug gi bar du byas so zhes rig nas/ de nye bar len pa'i phung po lnga rnams la 'dzem zhing smod pa dang/ rjes su mthun te de nye bar len pa'i phung po lnga rnams la 'dzem zhing gnas pa dang/ smod pa rjes su mi thun pa 'di ni 'di'i dka' ba zhes bya'o/ /de'i dbang po lnga bul ba'i rang bzhin du gyur la/ chung du dang bul bar 'jug pa ste/ 'di lta ste dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po bul ba'i rang bzhin du gyur cing chung du dang bul bar 'jug pa'i phyir 'di ltar zag pa zad pa'i bar chad med pa'i lam ches bul bar thob par 'gyur te/ 'di ni mngon par shes pa bul la dka' ba'i lam zhes bya'o/ /mngon par

  152. 76b

    shes pa myur la dka' ba'i lam gang zhe na/ 'di na kha cig nye bar len pa'i phung po ldas 'dzem zhing gnod la ring du byed cing smod par byed de/ de nye bar len pa'i phung po lngas bdag nyid nyon mongs shing nyon mongs par byas pa dang/ /bur lci bas mnan pa dang/ bdag da ltar 'chi ba la thug gi bar du byas so snyam du rig nas/ de nye bar len pa'i phung po lnga rnams la 'dzem zhing sprod pa dang rjes su mi mthun te/ de nye bar len pa'i phung po lnga rnams la 'dzem zhing smod pa dang rjes su mi mthun pa 'di ni de'i dka' ba zhes bya'o/ /de'i dbang po lnga rnon por gyur cing mgyogs par 'jug ste/ 'di lta ste dang pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyis dbang po dang/ shes rab kyi dbang po rnon por gyur cing myur du 'jug pa de'i phyir 'di ltar zag pa za pa'i bar chad med pa'i lam ches myur ba thob par 'gyur te/ 'di ni mngon par shes pa myur la dka' ba'i lam zhes bya'o/ /mngon par shes pa bul la gla ba'i lam gang zhe na/ 'di na dge slong 'dod pa las dben pa sdig pa mi dge ba'i chos rnams las dben pa zhes bya ba nas/ bsam gtan bzhi pa nye bar bsgrubs te gnas so zhes bya ba'i bar du ste/ de de'i tshe? na rang la gnod par bya bar mi sems/ gzhan la gnod pa dang/ /gnyi ga la gnod par bya bar mi sems kyi/ bdag la phan par sems pa dang/ gzhan la phan pa dang/ skye bo mang po la bde ba dang/ lha dang mi'i 'jig rten la snying rtse ba dang/ phan ba dang bde ba'i phyir sems te/ gang gi phyir gnod pa med pa 'di ni 'dir sla ba zhes bya'o/ /de'i dbang po lnga po bu la bar gyur cing chung du dad bul bar 'jug ste/ 'di lta ste/ dad pa'i dbang po dang/ brtson 'grus kyi dran pa'i dbang po dang /ting nge 'dzin gyi dbang po dang/ shes rab kyi dbang po

  153. 77a

    bul bar gyur cing chung ba dang bul bar 'jug pa'i phyir 'di ltar zag pa zad pa'i bar chad med pa'i lam ches bul ba 'thob par 'gyur te/ 'di ni mngon par shes pa bul sla ba'i lam zhes bya'o/ /mngon par shes pa myur la sla ba'i lam gang zhe na/ 'di na dge slong 'dod pa las dben pa zhes bya ba nas/ snga ma bzhin du lha dang mi'i 'jig rten la snying brtse zhing phan pa dang bde ba'i phyir sems te zhes bya ba'i bar ? ste/ gang gi phyir gnod pa med pa 'di ni 'di ltar sla ba zhes bya'o/ /de'i dbang po lnga po rnon por gyur cing myur du 'jug ste/ 'di lta ste/ dad pa'i dbang po dang/ brtson 'grus kyi dbang po dang/ dran ba'i dbang po dang/ ting nge 'dzin gyi dbang po dang/ shes rab kyi dbang po rno zhing myur? du 'jug ba'i phyir 'di ltar zag ba zod pa'i bar chad med pa'i lam ches myur bar thob par 'gyur te/ 'di ni mngon par shes pa myur la sla ba'i lam zhes bya'o/ /nye bar len pa'i phung po lnga ji lta ba bzhin du 'dod pa dang/ lus dang/ 'du byed dang nyon mongs pas kyang de bzhin no zhes gsungs so/ /byang chub kyi phyogs dang mthun pa'i chos sum cu rtsa bdun ni zhes bya ba la/ gleng gzhi ni mnyan du yod pa na'o/ /dge slong dag dran pa nye bar gzhag pa ni bzhi ste/ bzhi gang zhe na/ lus dran pa nye bar gzhag pa dang/ tshor ba dang/ sems dang/ chos dran pa nye bar gzhag pa'o/ /gleng gzhi ni mnyan du yod pa na'o/ /dge slong dag yang dag par spong ba ni bzhi ste/ bzhi gang zhe na/ 'di ni dge slong sdig ba mi dge ba'i chos skyes pa rnams spong ba'i phyir 'dun ba skyed cing 'bad pa dang/ brtson 'grus rtsom pa dang/ sems rab tu 'dzin to/ /sdig pa mi dge ba'i chos ma skyes pa rnams mi skye bar bya ba'i phyir 'dun pa skyed cing 'bad pa dang/

  154. 77b

    brtson 'grus rtsom pa dang sems rab tu 'dzin to/ /dge ba'i chos ma skyes pa rnams bskyed par bya ba'i phyir 'dun pa skyed cing 'bad pa dang/ brtson 'grus rtsom pa dang/ sems rab tu 'dzin to/ /dge ba'i chos skyes pa rnams gnas pa dang/ mi brjod cing bsgom pa yongs su rdzogs pa dang/ 'phel zhing rgyas pa dang/ yongs par bya ba'i phyir 'dun pa skyed cing 'bad pa dang/ brtson 'grus rtsom pa dang sems rab tu 'dzin par byed do zhes gsungs so/ /gleng gzhi ni mnyan du yod pa na'o/ /dge slong dag rdzu 'phrul gyi rkang pa ni bzhi ste/ bzhi gang zhe na/ 'dun pa'i ting nge 'dzin spong ba'i 'du byed pa dang ldan pa'i rdzu 'phrul gyi rkang pa dang/ brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o zhes gsungs so/ /gleng gzhi ni mnyan du yod pa na'o/ /dbang po ni lnga ste/ lnga gang zhe na/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po'o zhes gsungs so/ /gleng gzhi ni mnyan du yod pa na'o/ /stobs ni rnam pa lnga ste/ lnga gang zhe na/ dad pa'i stobs dang/ brtson 'grus kyi stobs dang/ dran pa'i stobs dang/ ting nge 'dzin gyi stobs dang/ /shes rab kyi stobs so zhes gsungs so/ /gleng gzhi ni mnyan du yod pa na'o/ /dge slong dag byang chub kyi yan lag ni bdun te/ bdun gang zhe na/ dran pa yang dag byang chub kyi yan lag dang/ chos rab tu 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms yang dag byang chub kyi yan lag go zhes gsungs so/ /gleng gzhi ni mnyan du yod pa na'o/ /dge slong dag 'phags pa'i lam yan

  155. 78a

    lag brgyad gang zhe na/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to zhes gsungs so/ /dge slong dag ngas khyed la rdu 'phrul yang bshad ces bya ba la sogs pa la/ gleng gzhi ni mnyan du yod pa na'o/ /dge slong dag ngas khyed la rdzu 'phrul yang bshad/ rdzu 'phrul gyi rkang pa dang/ rdzu 'phrul gyi rkang pa bsgom pa dang/ rdzu 'phrul gyi rkang pa bsgom pa'i lam yang bshad par bya ste/ de legs pa nyon la yid la zung zhig dang bshad par bya'o/ /rdzu 'phrul gang zhe na/ 'di na dge slong rdzu 'phrul gyi rnam pa du ma nyams su myong bar byed pa ste/ 'di lta ste/ gcig tu gyur nas mang por 'gyur ba dang/ mang por gyur nas gcig tu 'gyur ba dang/ snang ba dang mi snang ba shes shing mthong ba nyams su myong ba dang/ rtsig pa la mi thogs pa dang/ rdo ba dang ra ba la lus kyis thogs pa med par 'gro bar 'gyur te/ dper na nam mkha' la bya ba bzhin no/ /sa la yang byi'u zul du byed de/ dper na chu la bya ba bzhin no/ /chu las yang yang mi 'bying bar 'gro ste/ dper nas la bya ba bzhin no/ /nam mkha' la yang skyil mo krung bcas shing 'gro ste/ dper na med pa chags bya bzhin no/ /nyi ma dang zla ba 'di ltar rdzu 'phrul che mthu che ba 'di dag la lag pas nom zhing nyug par byed pa dang/ tshangs pa'i 'jig rten gyi bar du lus kyis dbang bsgyur ba'o/ /rdzu 'phrul gyi rkang pa gang zhe na/ rdzu 'phrul gyi rkang pa bzhi ste/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ brtson 'grus kyi ting nge 'dzin dang/ sems kyi ting nge 'dzin dang/ dpyod pa'i

  156. 78b

    ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rdzu 'phrul gyi rkang pa bsgom pa gang zhe na/ 'di na dge slong 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba dag sgom par byed do/ /brtson 'grus kyi ting nge 'dzin dang/ sems kyi ting nge 'dzin dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkanbg pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom par byed/ rdzu 'phrul gyi rkang pa bsgoms pa'i lam gang zhe na/ 'di lta ste/ 'phags pa'i lam yan lag brgyad po yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i de 'dzin to/ /dge slong dag ngas khyed la rdzu 'phrul yang bshad la/ rdzu 'phrul gyi rkang pa dang/ rdzu 'phrul gyi rkang pa bsgom pa dang/ rdzu 'phrul gyi rkang pa bsgom pa'i lam bshad par bya'o zhes ngas ji skad du bshad pa de rgyas par rab tu bshad do zhes gsungs so/ /dran pa nye bar gzhag pa bzhi po 'di dag ni zhes bya ba la/ lung bar ma'i gong bu zhes bya ba la sogs pa sdom? gyi tshigs su bcad pa gnyis pa'i dul dang zhes bya ba'i mdo las 'don te/ gang yang gnas 'di na 'dul byar gyur pa'i dge slong 'ga' zhig yod par 'gyur la/ de dag dus phyis de bzhin gshegs pas 'dul bar 'gyur te/ dge slong dag tshur shog mal cha dang stan la ma zhen cing rnam par dben pa dang/ dgon pa 'am/ shing drung dam/ khang pa stong

  157. 79a

    par song la/ khyod dgon pa'am/ shing drung ngam/ khang pa stong par 'dug ste/ skyil mo krung bcas te lus drang bor bsrangs nas dran pa mngon du phyogs te gzhag par gyis shig /khyod 'jig rten gyi brnab sems spangs shing bral bar gyis shig/ brnab sems kyis sems lan mang du mi gnas pa dang/ brnab sems yongs su dag par gyis shig/ gnod sems dang/ rmugs pa dang/ gnyid dang/ rgod pa dang/ 'gyod pa dang/ 'jig rten gyi the tsom dang/ yid gnyis dang/ som nyi spang ba dang/ dge ba'i chos rnams la the tsom las sems dag par gyis shig/ sgrib pa lnga po sems nye bar nyon mongs par byed pa/ shes rab nyams chung bar byed pa gegs kyi phyogs mya ngan las 'das pa mngon par mi sgrub pa spangs shing/ rtun pa shes bzhin can dran pa dang ldan pa 'jig rten gyi brnab sems dang yid mi bde ba bsal te/ nang gi lus la lus kyi rjes su lta ba dang/ rtun pa shes bzhin can dran pa dang ldan pa 'jig rten gyi brnab sems dang yid mi bde ba rnam par bsal te/ phyi'i lus la lus kyi rjes su lta zhing gnas pa dang/ nang gi tshor ba dang/ phyi'i tshor ba dang/ nang dang phyi'i tshor ba dang/ nang gi sems dang/ phyi'i sems dang/ nang dang phyi'i sems dang/ rtun pa shes bzhin can dran pa dang ldan pa 'jig rten gyi brnab sems dang yid mi bde ba rnam par spangs te/ nang gi chos dang/ phyi'i chos dang/ phyi dang nang gi chos rnams la chos kyi rjes su lta zhing dran pa nye bar gzhag pa bzhi po 'di dag de'i sems kyis nye bar 'dogs pa yin te/ zhen pa la brten pa'i tshul khrims mngon par bsal ba'i phyir dang/ zhe na pa la brten pa'i kun tu rtog pa rnams bsal bar bya ba'i phyir dang/ zhen pa la brten pa'i rims nad

  158. 79b

    dang/ ngal ba dang 'bad pa rnams so sor dgag par bya ba'i phyir dang/ dam pa'i chos la mngon par dga' zhing 'phags pa dgyes pa'i tshul khrims la yang dag par bskul ba'i phyir srung bar 'gyur te/ dper na glang po ma dul ba 'dul mkhan gyis shing sdong po chen po rtsa ba sa la bsgrubs te/ dgon pa'i glang po che dgon pa'i rang bzhin bsal bar bya ba'i phyir dang/ dgon pa'i nang dang ngal ba dang 'khrug pa bsal bar bya ba'i phyir dang/ grong la mngon par dga' ba dang mi la dga' ba'i dang tshul la yang dag par bskul par bya ba'i phyir gre ba legs par 'chi bar byed do/ /de bzhin du dran pa nye bar gzhag pa bzhi po 'di dag ni de'i sems kyi nye bar 'dogs pa ste/ ji srid du zhen pa la brten pa'i tshul khrims mngon par bsal bar bya ba'i phyir dang/ zhen pa la brten pa'i dran pa'i kun tu rtog pa rnams bsal bar bya ba'i phyir dang/ zhen pa la brten pa'i rims nad dang ngal ba dang 'khrug pa rnams bsal bar bya ba'i phyir dang/ dam pa'i chos la mngon par dga' ba dang/ 'phags pa dgyes pa'i tshul khrims la yang dag par bskul bar bya ba'i phyir dran pa nye bar gzhag pa bzhi po 'di dag ni de'i sems kyi nye bar 'dogs par 'gyur ro zhes gsungs so/ /'di ltar 'phags pa'i lam yan lag brgyad bsgom pa yongs su rdzogs par gyur na zhes bya ba la/ skye mched drug gi tshogs chen po'i mdo las skye mched drug gi sdom gyi tshigs su bcad pa gnyis pa las 'don te/ dga' dang dga' bo la gdams dang// sdom dang yongs su nyams pa can/ /dbang po mdza' dang thogs pa dang/ /maung+gal yan phyi ma ste/ /drug tshan drug dang skye mched drug /mi nyid dga' ba tha ma yin zhes bya ba'i sdom du bstan pa mdzod kyi gnas bzhi pa 'di nyid du/ rnam

  159. 80a

    gsum dri med gzugs gsungs dang/ /'phel dang ma byas lam sogs phyir zhes bya bar bstan te/ 'o na 'di skad du 'di ltar shes shing 'di ltar mthong ba zhes bya bar bris bar blta bar bya'o/ /yang dge slong yang dag pa ji lta ba bzhin gyi tshig brjod par zhes bya ba 'di ni zhes bya ba la/ gleng gzhi ni mnyan du yod pa na'o/ /de nas dge slong gzhan zhig gcig bu dben par gyur pa na/ nang du yang dag 'jog la gnas pa na sems la sems kyis rnam par rtog pa 'di lta bu dag skyes te/ ji ltar shes shing ji ltar mthong na dge slong mthong ba rnam par dag par 'gyur/ de nas dge slong de dgongs ka nang du yang dag 'jog las langs te/ dge slong gzhan zhig gi drung du nye bar song ste/ nye bar song nas des dge slong de la 'di skad ces smras so/ /tshe dang ldan pa ji ltar shes shing mthong na dge slong mthong ba shin tu rnam par dag par 'gyur/ /tshe dang ldan pa dge slong reg pa'i skye mched drug rnams kyi kun 'byung ba dang/ mi snang ba dang/ ro myang ba dang/ nges par 'byung ba yang dag pa'i shes rab kyis yan dag pa /ji lta ba bzhin mthong bar 'gyur na/ tshe dang ldan pa 'di ltar shes shing 'di ltar mthong na dge slong mthong ba shin tu rnam par dag pa 'gyur ro/ /de nas dge slong de dge slong de'i dri ba lung bstan pas ma mgu nas dge slong gzhan zhig gi drung du nye bar song ste/ nye bar song nas des dge slong gzhan de la 'di skad ces smras so/ /tshe dang ldan pa dge slong ji ltar shes shing ji ltar mthong na dge slong mthong ba shin tu rnam par dag par 'gyur/ tshe dang ldan pa gang khams drug po rnams kyi kun 'byung ba dang/ mi snang ba dang/ ro myang ba dang/ nyes dmigs dang/ nges par 'byung ba yang dag pa'i shes rab kyis yang dag pa ji

  160. 80b

    lta ba bzhin du rab tu shes par gyur pa ste/ 'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dris pa lung bstan pas ma mgu nas zhes bya ba nas/ snga ma bzhin du tshe dang ldan pa ji ltar shes shing ji ltar mthong na dge slong mthong ba shin tu rnam par dag par 'gyur/ tshe dang ldan pa zas rnam pa bzhan rnams kyi kun 'byung ba dang/ mi snang ba dang/ ro myang ba dang/ nyes dmigs dang/ nges bar 'byung ba yang dag pa'i shes rab kyis yang dag pa ji lta ba bzhin mthong bar 'gyur ba ste/ 'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dri ba lung bstan pas kyang ma mgu nas zhes bya ba nas/ tshe dang ldan pa ji ltar shes shing ji ltar mthong na dge slong mthong ba shin tu rnam par dag par 'gyur zhes bya ba'i bar du ste/ cho dang ldan pa nye bar len pa'i phung po lnga rnams la nang du mthong bar gyur cing/ 'bras dang/ zug rdu dang/ gnod pa dang/ mi rtag pa dang/ sdug bsngal ba dang/ stong pa dang/ bdag med par mthong bar gyur pa ste/ 'di ltar mthong na dge slong mthong ba shin tu rnam par dag par 'gyur ro/ /de nas dge slong de dge slong de'i dri ba lung bstan pas kyang ma mgu nas bcom ldan 'das gang na ba der nye bar song ste zhes bya ba nas/ phyogs gcig tu 'dug go zhes bya ba'i bar du ste/ dge slong des bcom ldan 'das la 'di skad ces gsol las? to/ /btsun pa 'di na gcig pu dben par gyur pa na nang du yang dag par 'jog la gnas pa ni sems la sems kyi rnam par rtog pa 'di lta bu dag skyes te zhes bya ba nas/ snga ma bzhin du ji ltar shes shing ji ltar mthong na dge slong mthong ba shin tu rnam par dag par 'gyur zhes

  161. 81a

    bya ba'i bar du ste/ bdag dgongs ka nang du yang dag 'jog las lo des nas dge slong gzhan zhig gi drung du nye bar song ste nye bar song nas bdag gis dge slong de la 'di skad ces smras so/ /tshe dang ldan pa ji ltar shes shing ji ltar mthong na dge slong mthong ba shin tu rnam par dag par 'gyur/ des smras pa tshe dang ldan pa gang yang reg pa'i skye mched drug po rnams kyi kun 'byung ba dang zhes bya ba nas/ snga ma bzhin du rgyas par dge slong de'i dri ba lung bstan pas bdag ma mgu nas zhes bya ba'i bar du ste/ bcom ldan 'das gang na ba der nye bar 'ongs shing nye bar 'ongs nas/ btsun pa bcom ldan 'das la bdag don 'di nyid yongs su 'dri ste/ btsun pa ji ltar shes shing ji ltar mthong na dge slong mthong ba shin tu rnam par dag bar 'gyur/ dge slong sngon byung ba shing mya ngan tshang sngon ma mthong zhing thos par gyur ba'i skyes bu zhig yod par gyur la/ /de nas skyes bu de shing mya ngan tshad mthong ba'i skyes bu gzhan zhig gi drung du nye bar song ste/ nye bar song nas mya ngan tshang mthong ba'i skyes bu de la 'di skad ces smras so/ /kye skyes bu khyod kyis mya ngan tshang shes sam/ kye skyes bu bdag gis mya ngan tshang shes so/ /kye skyes bu mya don tshad ji lta bu zhig/ kye skyes bu shing mya ngan tshang ni sol ba ltar kha dog nag pa ste/ dper na ka ba tshig pa lta bu'o/ /dge slong de'i tshe na shing mya ngan tshang sol ba ltar kha dog nag cing ka pa tshig pa lta bu yin no/ /de nas skyes bu de skyes bu de'i mya ngan tshad dri ba lung bstan pa ma mgu nas/ shing mya ngan tshad mthong ba'i skyes bu gzhan zhig gi drung du nye bar song ste/ nye bar song nas zhes bya ba nas snga ma bzhin du kye skyes bu

  162. 81b

    shing mya ngan tshang ji lta bu zhig /kye skyes bu shing mya ngan tshad ni dmar zhing kha dog dmar ba'i yal ga 'phyang ba ste/ dper na sha'i gong bu lta bu'o/ /de nas skyes bu de'i dri ba lung bstan pas ma mgu nas zhes bya ba nas snga ma zhin du/ kye skyes bu shing mya ngan tshad ci lta bu zhig /kye skyes bu shing mya ngan tshang ni ser zhing ser ba'i? 'dab ma mngon par grub pa ste/ dper na shi ri sha lta bu'o/ /de'i tshe ma shing mya ngan tshang ser zhing ser ba'i 'dab ma mngon par grub pa ste/ dper na shir sha lta bu yin no/ /de nas skyes bu de skyes bu de'i dri ba lung bstan pas kyang ma mgu nas zhes bya ba nas snga ma bzhin du/ kye skyes bu mya ngan tshang ji lta bu zhig/ kye skyes bu shing mya ngan tshang ni 'dab ma skyes pa dag 'dab ma dkar po dang/ mdab ma mnyen cing rgya che ba yin te/ dper na n+ya gro d+ha lta bu yin no/ /dge slong de'i tshe na shing mya ngan tshang mdab ma skyes pa dag mdab ma dkar po dang 'dab ma mnyen cing rgyu che shing n+ya gro d+ha lta bu yin no/ /de nas skyes bu de skyes bu de'i shing mya ngan tshang dri ba lung bstan pas kyang ma mgu nas gang na shing mya ngan tshad mthong ba'i skyes bu yod pa de dang der dri ba lung ston pa'i phyir 'grol bar byed do/ /dge slong de bzhin du rigs kyi bu de dag gis gcig pu dben pa bag yod pas gtugs pas bdag la phan pa'i bdag nyid du gnas te/ ji lta ji ltar nye bar len pa med par zag pa las sems rnam par grol bar gyur pa de lta de ltar lung bstan par byas so/ /des na dge slong dpe nyon cig dang skyes bu mkhas pa rnams la dpes rnam par bshad na don shes par 'gyur ro/ /dge slong dper na 'di nas phyogs gcig na grong khyer rtsig pa dang/ rab brtan pas bskor ba/ shin tu rnam par phye ba'i srang

  163. 82a

    bzhi dang ldan pa/ sgo bzhir sgo srungs kyi skyes bu mkhas shing gsal ba der 'gro ba dang 'ong ba dpyod pa'i shes rab dang ldan pa/ do shes pa gtong zhing ngo mi shes pa 'gegs par byed pa dag gnas bar gyur cing/ srang gi ? kyi dbus na gong khyer gyi bdag po gnas par gyur la/ shar phyogs nas pho nya gnyis zhig 'ongs te shar phyogs kyi sgo srungs gang na bde song ste nye bar song nas shar phyogs kyi sgo srungs kyi skyes bu la 'di skad du/ kye skyes bu grong khyer gyi bdag bo gang na 'dug/ kye skyes bu grong khyer gyi bdag po srang gi dbus 'di na 'dug go/ de nas pho nya gnyis bo de dag grong khyer gyi bdag po gdan ba der nye bar song ste/ nye bar song nas grong khyer gyi bdag po la yang dag pa ji lta ba bzhin gyi tshig brjod cing/ ji ltar rtogs pa'i lam gyis 'jug go/ de bzhin du lho dang nub dang byang phyogs nas pho nya gnyis shig 'ongs te/ byang phyogs kyi sgo srungs kyi skyes bu gang na ba der nye bar song ste/ nye bar song nas byang phyogs kyi sgo srungs kyi skyes bu la 'di skad du kye skyes bu grong khyer gyi bdag po gang na 'dug/ kye skyes bu grong khyer gyi bdag bo srang gi dbus 'di ni 'dug go /de nas pho nya gnyis po de dag grong khyer gyi bdag po gang na ba der nye bar song ste/ nye bar song nas grong khyer gyi bdag po la yang dag pa ji lta ba bzhin gyi tshig brjod cing ji ltar rtogs pa'i lam gyis 'jug go /dge slong 'di ni dper byas pa ste ji srid du don shes par bya ba'i phyir dper byas ba yin la don 'di ltar blta bar bya ste/ grong khyer zhes bya ba 'di ni gzugs tsan rags pa 'byung ba chen bo bzhi'i rgyu las byung ba pha dang ma'i mi gtsang ba las skyes shing 'bras can dang zan dron gyis gsos pa'i lus de'i tshig bla dags te/ rtag tu

  164. 82b

    bkru ba dang phyis dang yongs su 'jig pa'i chos kyi tshig bla dags so/ /rtsig pa dang rab? zhes bya ba 'di ni yang dag pa'i lta ba'i tshig bla dags so/ /shin tu rnam par phye ba'i srang bzhi dang ldan zhes bya ba 'di ni nang dang phyi'i skye mched drug rnams kyi tshig bla dags so/ /sgo bzhi zhes bya ba 'di ni rnam par shes pa gnas pa bzhi'i tshig bla dags so/ /sgo srungs kyi skyes bu zhes bya ba na lus su gtogs pa'i dran ba'i tshig bla dags so/ /grong khyer gyi bdag po zhes bya ba 'di ni nye bar len pa dang bcas pa'i rnam par shes ba'i tshig bla dags so/ /pho nya gnyis zhes bya ba 'di ni zhi gnas dang lhag mthong gi tshig bla dags so/ /yang dag pa ji lta ba bzhin gyi tshig brjod pa zhes bya ba 'di ni 'phags pa'i bden pa bzhi'i tshig bla dags so/ /ji ltar rtogs pa'i lam gyis 'jug ces bya ba 'di ni 'phags ba'i lam yan lag brgyad ba'i tshig bla dags so/ /dge slong gang yang ston pas nyan thos rnams la bya ba rjes su brtse ba dang/ snying brtse ba dang/ don du 'dod pa dang/ phan bar 'dod pa dang/ ston pas nyan thos rnams la zhes bya ba de ngas byas zin gyis/ da ni khyed cag gis bya ba dgon pa dang/ shing drung dang/ khang pa stong ba dang/ ri'i rje? tshid dang/ ri'i bug dang/ rtswa dang/ lo ma'i spyil bu dang/ brag ba med pa dang/ dur khrod du bas mdza' i gnas mal la brten nas bsgom bar bya ste/ dge slong bag med par ma gyur cig/ phyis 'gyod par gyur ta re/ 'di ni nga'i rjes su bstan pa yin no zhes gsungs so/ /slob pa ni yan lag brgyad dang ldan no zhes bya ba la/ bcom ldan 'das ko ru ba 'dul ba zhes bya ba'i grong khyer na bzhugs te/ de nas bcom ldan 'das kyis dge slong rnams bos te/ dge slong dag sems can rnams yongs su dag par byed cing mya ngan dang 'tshe ba thams cad la yang dag par 'da' ba dang/

  165. 83a

    sdug bsngal dang yid mi bde ba nub par byed pa'i theg pa ni gcig kho na ste/ 'di ltar yang dag ba'i ting nge 'dzin to/ /dge slong dag 'phags pa'i lam yan lag bdun pa 'di dag ni yang dag ba'i ting nge 'dzin gyi rgyu dang yan lag tu gyur ba ste/ bdun gang zhe na/ 'di lta ste/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag ba'i 'tsho ba dang/ yang dag pa'i rtsol ba dang/ yang dag ba'i dran pa ste/ dge slong dag 'phags pa'i lam yan lag bdun pa 'di rnams kyis yongs su sbyangs shing yongs su sbyang ba byas pas sems rtse gcig par gyur ba 'di ni yang dag pa'i ting nge 'dzin ces bya'o/ /rgyu dang bcas yan lag dang bcas pa'i yang dag pa'i lta ba sngon du 'gro ba las dge ba'i chos rnams skye bar 'gyur te/ log par lta ba la log par lta ba zhes yang dag par rjes su mthong bar gyur ba 'di yang dag pa'i lta ba'o/ /yang dag pa'i lta ba la yang dag ba'i lta ba'o zhes yang dag par lta ba'o/ /log par lta ba gang zhe na/ gang zhig med par lta ba ste/ sbyin pa po med do/ /len pa po med do/ /mchod sbyin med do/ /legs par spyad pa med do/ /nyes par spyod pa med do/ /legs par spyad pa dang/ nyes par spyad pa'i las rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can brdzus te byung ba rnams med do/ /'jig rten na dgra bcom pa yang dag par rtogs shing yang dag par zhugs pa/ 'jig rten 'di na stobs mchog dang ldan pa bdag gi skye ba zad do/ /tshangs par spyod pa bsten to/ /bya

  166. 83b

    ba byas so/ /byed ba byas so/ /srid ba 'di las gzhan mi shes so zhes mthong ba'i chos 'di nyid la rang nyid kyis mngon par shes pa phun sum tshogs pa mngon sum du byas nas gnas pa de dag med do zhes smra bs ste/ 'di ni log pa'i lta ba zhes bya'o/ /yang dag pa'i lta ba gang zhe na/ gang yang sbyin pa yod do/ /len pa yod do/ /mchod sbyin yod do/ /legs par spyad pa yod do/ /nyes par spyad ba yod do/ /legs par spyad ba dang nyes par spyad pa'i las kyi 'bras bu rnam par smin pa yod do/ /'jig rten 'di yod do/ /'jig rten pha rol tu yod do/ /pha yod do/ /ma yod do/ /sems can brdzus te byang ba rnams yod do/ /'jgi rten na dgra bcom pa yang dag par rtogs shing yang dag par zhugs pa/ 'jig rten 'di na stobs mchog dang ldan pa/ bdag gi skye ba zad do/ /tshangs par spyod pa bsten to/ /bya ba byas so/ /byed ba byas so/ /srid pa 'di las gzhan mi shes so zhes mthong ba'i chos 'di la rang nyid kyis mngon par shes pa phun sum tshogs pa mngon sum byas nas gnas pa yod do zhes bya bar lta ba ste/ 'di ni yang dag ba'i lta ba zhes bya ste/ log par lta ba la log bar lta ba'o zhes yang dag bar rjes su mthong bar gyur ba 'di ni yang dag ba'i lta ba yin la/ yang dag ba'i lta ba la yang dag pa'i lta ba'o zhes yang dag bar rjes su mthong ba 'di ni yang dag pa'i lta ba yin no zhes sems can rnams kyi log ba'i lta ba spang ba'i phyir 'bad par bya zhing/ yang dag ba'i lta ba bskyed ba'i phyir yang dag par rtsol bar bya'o/ /log par lta ba spang ba dang/ yang dag pa'i lta ba bsgom pa la dran pa 'di ni yang dag pa'i dran pa zhes bya ste/ lam gyi yan lag gsum po 'di dag ni lta ba nyid kyi rjes su 'jug pa ste/ 'di lta ste/ lta ba dang/ rtsol ba dang/ dran ba'o/ /dge slong dag de la yang dag ba'i lta ba sngon du

  167. 84a

    'gro ba las dge ba'i chos rnams skye bar 'gyur ro/ /log pa'i rtog pa la log pa'i lta ba'o zhes yang dag bar rjes su mthong bar gyur ba 'di ni yang dag pa'i lta ba yin la/ yang dag pa'i rtog pa la yang dag pa'i rtog ba'o zhes yang dag par rjes su mthong ba 'di ni yang dag pa'i lta ba yin no/ /log pa'i rtog pa gang zhe na 'di lta ste/ 'dod pa'i rnam par rtog pa dang/ gnod sems kyi rnam par rtog pa dang/ rnam par 'tshe ba'i rnam par rtog pa ste/ 'di ni log pa'i rtog pa zhes bya'o/ /yang dag pa'i rtog pa gang zhe na/ thar ba'i rnam par rtog pa dang/ brnab sems med pa'i rnam par rtog pa dang/ rnam par mi 'tshe ba'i rnam par rtog pa ste/ 'di ni yang dag pa'i rtog pa zhes bya'o/ /log par rtog pa la log par rtog pa'o zhes yang dag par rjes su mthong ba 'di ni yang dag pa'i lta ba yin la/ yang dag ba'i rtog pa la yang dag pa'i rtog pa'o zhes mthong bar gyur pa 'di ni yang dag pa'i lta ba yin no zhes sems can rnams kyi log ba'i lta ba spang ba'i phyir 'bad bar bya zhing/ yang dag ba'i lta ba bskyed pa'i phyir yang dag pa'i rtsol ba bya'o/ /log par lta ba spang ba dad yang dag pa'i lta ba bsgom pa la dran pa dang ldan ba 'di ni yang dag pa'i dran pa zhes bya ste/ lam gyi yan lag gsum po 'di dag ni yang dag pa'i rtog pa nyid kyi rjes su 'jug ste 'di lta ste/ lta ba dang/ rtsol ba dang/ dran ba'o/ /dge slong dge de'i yang dag pa'i lta ba sngon du 'gro ba las dge ba'i chos rnams skye bar 'gyur ro/ /log pa'i ngag la log pa'i dag go zhes yang dag bar rjes su mthong bar gyur ba 'di ni yang dag ba'i lta ba yin la/ yang dag pa'i dag la yang dag pa'i dag go zhes mthong bar gyur ba gang yin pa

  168. 84b

    'di ni yang dag pa'i lta ba yin no/ /log pa'i dag gang zhe na/ brdzun du smra ba dang/ phra ma dang/ tshig tsub mo dang/ tshig 'khyal ba ste/ 'di dag ni log pa'i dag ces bya'o/ /yang dag ba'i dag gang zhe na/ brdzun du smra ba spong ba dang/ phra ma dang/ tshig rtsub mo spong ba dang/ tshig 'khyal pa spong ba'o/ /'di ni yang dag ba'i dag ces bya ste/ log pa'i dag la log pa'i dag go zhes yang dag par rjes su mthong ba 'di ni 'di'i yang dag ba'i lta par 'gyur la/ yang dag pa'i dag la dag yang dag pa'i dag go zhes yang dag par rjes su mthong ba 'di ni 'di'i yang dag pa'i lta bar 'gyur ro/ /de de ltar shes nas log pa'i lta ba spang ba'i phyir 'bad par byed cing/ yang dag pa'i dag nye bar bsgrub pa'i phyir yang dag pa'i rtsol ba byed de/ de dran pa dang ldan bzhin du log ba'i ngag spong zhing yang dag pa'i ngag sgom par byed pa ni yang dag ba'i dran pa ste/ lam gyi yan lag gsum pa 'di dag ni yang dag pa'i ngag gi rjes su 'jug pa ste/ 'di lta ste/ lta ba dang/ rtsol ba dang/ dran pa'o/ /dge slong dag de la yang dag pa'i lta ba sngon du 'gro ba las dge ba'i chos rnams skye bar 'gyur ro/ /log pa'i las kyi mdza' la log pa'i las kyi mdza' zhes yang dag par rjes su mthong ba 'di ni 'di'i yang dag pa'i lta bar 'gyur la/ yang dag pa'i las kyi mdza' la yang dag pa'i las kyi mdza' o zhes yang dag par rjes su mthong ba 'di ni yang dag pa'i lta bar 'gyur te/ log pa'i las kyi mdza' gang zhe na/ srog gcod pa dang/ ma byin par len par dang/ 'dod pa la log par g.yem pa ste/ 'di ni log pa'i las kyi mdza' zhes bya'o/ /yang dag pa'i las kyi mdza' gang zhe na/ srog gcod pa spong ba dang/ ma byin bar len pa spong ba dang/ 'dod pas log par g.yem pa spong ba ste/ 'di ni yang dag pa'i

  169. 85a

    las kyi mdza' zhes bya'o zhes log ba'i las kyi mdza' la log pa'i las kyi mdza' o zhes yang dag par rjes su mthong ba 'di ni 'di'i yang dag ba'i lta bar 'gyur la yang dag pa'i las kyi mdza' la yang dag pa'i las kyi mdza' o zhes mthong ba 'di ni 'di'i yang dag pa'i lta bar 'gyur ro/ /de ltar shes nas log pa'i las kyi mdza' spang ba'i phyir 'bad par byed cing /yang dag pa'i las kyi mdza' nye bar bsgrub ba'i phyir yang dag pa'i rtsol ba byed la de dran pa dang? ldan bzhin du log ba'i las kyi mdza' spong zhing yang dag pa'i las kyi mdza' sgom bar byed ba 'di ni 'di'i yang dag pa'i dran pa ste/ lam gyi yan lag gsum pa 'di dag ni yang dag pa'i las kyi mdza' rjes su 'jug ste/ 'di lta ste/ lta ba dang/ rtsol ba dang/ dran pa'o/ /dge slong dag de la yang dag ba'i lta ba sngon du 'gro ba las dge ba'i chos rnams skye bar 'gyur te/ log pa'i 'tsho ba la log pa'i 'tsho ba'o zhes yang dag par rjes su mthong ba 'di ni 'di'i yang dag pa'i lta bar 'gyur la/ yang dag pa'i 'tsho ba la yang dag pa'i 'tsho ba'o zhes yang dag par rjes su mthong ba 'di ni 'di'i yang dag pa'i lta bar 'gyur te/ log pa'i 'tsho ba gang zhe na/ gang 'di na mi rigs pa chos ma yin pas chos gos la sogs pa 'tshol bar byed kyi/ chos kyis ma yin pa dang /chos ma yin pas bsod snyoms dang /mal cha dang/ stan dang/ na ba'i rkyen sman dang/ 'tsho ba'i yo byad dag 'tshol bar byed kyi/ chos kyis ma yin pa ste/ 'di ni log pa'i 'tsho ba zhes bya'o/ /yang dag ba'i 'tsho ba gang zhe na/ gang 'di ni rigs shing chos kyis chos gos 'tshol byed kyi/ chos ma yin pas ma yin pa dang /chos kyis bsod snyoms dang/ mal cha dang/ stan dang/ na ba'i rkyen sman dang/ 'tsho ba'i yo byad dag 'tshol bar byed kyi/ chos ma yin pas ma yin

  170. 85b

    te/ 'di ni yang dag pa'i 'tsho ba zhes bya'o zhes log pa'i 'tsho ba la log pa'i 'tsho ba zhes yang dag par rjes su mthong ba 'di ni 'di'i yang dag pa'i lta bar 'gyur la/ yang dag ba'i 'tsho ba la yang dag pa'i 'tsho ba'o zhes mthong ba 'di ni 'di'i yang dag pa'i lta bar 'gyur ro/ /de de ltar shes nas log pa'i 'tsho ba spang ba'i phyir 'bad bar byed cing/ yang dag pa'i 'tsho ba nye bar bsgrub pa'i phyir yang dag ba'i rtsol ba byed cing/ de dran ba dang ldan bzhin du log pa'i 'tsho ba spong zhing yang dag pa'i 'tsho ba bsgom pa 'di ni 'di'i yang dag ba'i dran pa ste/ lam gyi yan lag gsum pa 'di dag ni yang dag pa'i 'tsho ba'i rjes su 'jug pa ste/ 'di lta ste/ lta ba dang/ rtsol ba dang/ dran pa'o/ /dge slong dag de la yang dag ba'i lta ba sngon du 'gro ba las dge ba'i chos rnams skye bar 'gyur te/ yang dag pa'i rtsol ba gang zhe na/ 'dun pa'i brtson 'grus dang/ mi 'da' ba dang/ pha rol gnon ba dang/ spong ba dang/ rtsol ba dang/ mi 'gong ba dang/ chog par mi 'dzin pa 'di ni yang dag pa'i rtsol ba zhes bya'o/ /yang dag pa'i dran pa gang zhe na/ gang yang dran ba dang rjes su dran pa dang/ so sor dran pa dang/ mi brjed pa'i dran ba dang/ /mi brjed pa dang/ mi rmongs ba dang rab tu ma rmongs pa dang/ ma rmongs pa'i chos can dang/ sems kyi mngon par brjod pa ste/ 'di ni yang dag pa'i dran pa zhes bya'o/ /yang dag pa'i ting nge 'dzin gang zhe na/ gang yang sems can gnas pa dang/ rab tu gnas pa dang/ mngon par gnaS ba dang /rang bzhin du gnas pa dang/ mi g.yeng ba dang/ yang dag bar sdud pa dang/ zhi gnas dang ting nge 'dzin dang/ sems rtse gcig pa ste/ 'di ni yang dag pa'i ting nge 'dzin zhes bya'o/ /de la yang dag pa'i lta ba las yang dag pa'i

  171. 86a

    rtog pa skye bar 'gyur zhing /yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang /yang dag pa'i rtsol ba dang /yang dag pa'i dran pa dang/ yang dag pa'i ting nge 'dzin 'byung bar 'gyur ro/ / dge slong dag sems yang dag par mnyam par bzhag pa'i 'phags pa nyan thos thos pa dang ldan pa 'di ltar 'dod chags dang/ zhe sdang dang/ gti mug las sems yang dag par grol par 'gyur ro/ /de ltar sems rnam par grol pa'i 'phags pa nyan thos dag gi skye ba zad do/ /tshangs par spyod pa bsten to/ /bya ba byas so/ /byed pa byas so/ /srid pa 'di las gzhan mi shes so zhes yang dag ba'i shes par 'gyur ro/ /dge slong dag de la slob pa'i lam ni yan lag rnam pa brgyad dang ldan la/ dgra bcom pa zag pa zad pa kun shes pa la brten pa'i mi slob pa ni yan lag bcu dang yang dag par ldan no/ /yan lag rnam pa brgyad dang ldan pa'i slob pa'i lam gang zhe na/ slob pa yang dag pa'i lta ba dang ldan pa dang/ slob pa'i yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin pa? dang/ yang dag par ldan pa ste/ slob pa'i lam ni yan lag brgyad po 'di dag dang yang dag par ldan no/ /dgra bcom pa zag pa zad pa kun shes pa la brten pa'i mi slob pa'i yan lag bcu dang yang dag par ldan pa gang zhe na/ mi slob pa'i yang dag pa'i lta ba dang yang dag bar ldan pa dang/ mi slob pa'i yang dag pa'i rtog pa dang/ yang dag pa'i dag dang/ yang dag ba'i las kyi mdza' dang/ yang dag pa'i 'tsho ba dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran

  172. 86b

    pa dang/ yang dag pa'i ting nge 'dzin dang/ yang dag ba'i rnam par grol ba dang/ mi slob pa'i yang dag pa'i shes pa dang yang dag par ldan pa ste/ dgra bcom pa zag pa zad pa kun shes pa la brten pa'i mi slob pa'i lam ni yan lag bcu po 'di dag dang yang dag par ldan no/ /dge slong dag de la yang dag pa'i lta bas log pa'i lta ba spong bar 'gyur te/ log pa'i lta ba la brten nas sdig pa mi dge ba'i chos rnam pa du ma 'byung bar 'gyur ro/ /yang dag pa'i lta bas spangs nas yang dag pa'i lta ba la brten nas dge ba'i chos rnam pa du ma bsgom pa yongs su rdzogs par 'gyur ro/ /yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag ba'i ting nge 'dzin dang/ yang dag pa'i rnam par grol ba dang/ yang dag pa'i shes pas log pa'i lta ba spong bar 'gyur te/ log pa'i lta ba la brten nas sdig pa mi dge ba'i chos rnam pa du ma 'byung bar 'gyur te/ yang dag pa'i shes pas spangs nas yang dag ba'i shes pa la brten nas dge ba'i chos rnam pa du ma bsgom pa yongs su rdzogs par 'gyur ro/ /dge slong dag de la gang yang mi dge ba'i phyogs kyi chos nyi shu dang/ gang yang dge ba'i phyogs kyi chos nyi shu po de dag gcig du sdoms nas bzhi bcu pa zhes bya ba'i chos kyi rnam grangs chen po dge sbyong dam/ bram ze 'am/ lha 'am/ bdud dang tshangs pa dang bcas pa'i 'jig rten gang gis kyang ma bskor ba'i tshangs pa'i 'khor lo bskor to/ /dge slong dag gang kha cig 'di ltar ngas bzhi bcu pa chen po'i chos kyi rnam grangs chen po bstan pa la phyir bzlog cing khro bar bya'o snyam du sems na de la gzhan gyis chos

  173. 87a

    kyis smra zhing rjes su smra ba'i gnas kyis chos bcu 'byung bar 'gyur te/ bcu gang zhe na/ yang dag pa'i lta ba smad cing log pa'i lta ba rjes su bsngags la gang yang dge sbyong dang bram ze log par lta zhing log pa'i lam du zhugs pa de dag de khyed kyis mchod cing khyed kyis bsngags so zhes gzhan gyis chos kyis smra zhing rjes su smra ba'i smad pa'i gnas kyi chos 'di lta bu dang po 'ong bar 'gyur ro/ /yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag ba'i dran pa dang/ yang dag pa'i ting nge 'dzin dang/ yang dag pa'i rnam par grol ba dang/ yang dag ba'i shes pa smad cing log pa'i shes pa rjes su bsngags la gang yang dge sbyong dang bram ze log par shes shing log bar zhuD pa de dag khyed kyis mchod cing khyed kyis rab tu bsngags so zhes gzhan gyis chos kyis smra zhing rjes su smra ba'i smad pa'i gnas kyi chos di lta bu bcu pa 'od bar 'gyur te/ gang yang re zhig dge sbyong dang bram ze dus dang lo 'grang ba med par smra zhing rtog pa mi dge ba'i chos byas shing byas ba de dang de dag chad pa dang/ 'jig pa dang nyams par dogs pa de dag kyang bzhi bcu ba'i chos kyi rnam grangs chen bo bstan pa la zhe sdang dang 'jigs pa la gtogs bar bya ba'i phyir bzlog pa dang khro bar bya ba mnyam du mi sems so zhes gsungs so/ /rnam grol gnyis zhes bya ba la/ /sa dang byis pa thog dang ni/ /ri dang tshul khrims sdug bsngal dang/ /pha la brten nas 'joms pa dang/ /log pa nyid ni brgyad pa yin zhes bya ba sdom gyi tshigs su bcad ba'i pha la brten nas zhes bya ba'i mdo las 'byung ba mdzod kyi gnas gsum pa 'di nyid du rten cing

  174. 87b

    'brel bar 'byung ba'i skabs su shes rab nyon mongs brtan phyir zhes bya bar bris zin to/ /'o na mdo las stag gi byang chub kyi bu dag ces bya ba la/ tshe dang ldan ba kun dga' bo kauN+Di rgyas ljongs rgyu zhing ro can bar phyin to/ /ro can gyi grong gi byang phyogs kyi shing sha pa'i tshal na gnas so/ /de nas ro can pa dang kauN+Di ba rnams kyis thub pa chen po 'phags pa kun dga' bo kauN+Di rgyas ljongs rgyu zhing ro can du phyin to/ /ro can gyi grong gi byang phyogs kyi shing sha ba'i tshal na gnas so zhes thos te/ thos nas 'dus shing nye bar 'dus tshogs shing rab tu tshogs te rab tu chogs na tshe dang ldan pa kun dga' bo gang na ba der nye bar song ste/ nye bar song nas 'phags pa kun dga' bo'i zhabs la phyag byas te phyogS gcig tu 'dug go/ phyogs gcig tu 'dug nas ro can pa dang kauN+Di pa rnams la tshe dang ldan pa kun dga' bos 'di skad ces smras so/ /stag gi byang chub kyi bu dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yongs su dag pa'i gtso bzhi gsungs te/ bzhi gang zhe na/ tshul khrims yongs su dag ba'i gtso bo dang sems yongs su dag pa'i gtso bo dang/ lta ba yongs su dag pa'i gtso bo dang/ rnam par grol ba yongs su dag pa'i gtso bo'o/ /stag gi byang chub kyi bu dag yongs su dag pa'i gtso bo gang zhe na/ 'di na 'phags pa nyan thos tshul khrims dang ldan pa/ so sor thar ba'i sdoms pas bsdams pa/ cho ga dang spyod yul phun sum tshogs pa/ kha na ma tho ba phra rab tsam la yang 'jigs par lta ba/ bslab pa yang dag par blangs pa dag la slob cing gnas te/ tshul khrims kyi phung po ma rdzogs pa yongs su rdzogs par bya ba dang/

  175. 88a

    yongs su rdzogs pa rjes su gzung bar bya ba'i phyir brtson 'grus dang/ 'bad pa dang/ spro ba dang/ rtsom pa dang/ mi gtong bar sems rab tu 'dzin te/ 'di ni tshul khrims yongs su dag pa'i gtso bo zhes bya'o/ /stag gi byang chub kyi bu dag sems yongs su dag ba'i gtso bo gang zhe na/ 'di na 'phags ba nyan thos thos pa dang ldan pa 'dod pa las dben pa/ sdig pa mi dge ba'i chos las dben pa zhes bya ba nas bsam gtan bzhi ba nye bar bsgrubs te gnas zhes bya ba'i bar du ste/ ting nge 'dzin gyi phung po yongs su ma rdzogs pa yongs su rdzogs pa dang/ yongs su rdzogs pa rjes su bzung bar bya ba'i phyir zhes bya ba nas/ 'di ni sems yongs su dag ba'i gtso bo yin no/ / zhes bya ba'i bar du'o/ /stag gi byang chub kyi bu dag lta ba yongs su dag pa'i gtso bo gang zhe na/ 'di na 'phags pa nyan thos ston pa 'am tshangs bar spyod pa bla ma'i gnas lta bu gang yang rung ba chos ston par byed pa na/ ji lta ji ltar ston pa 'am tshangs par spyod pa bla ma'i gnas lta bu gang yang rung ba chos ston bar byed pa de lta de ltar chos rnams las lhag par rig cing lhag par rig pa dang/ yang dag pa'i shes rab kyis ji lta ba bzhin mthong bar 'gyur ro/ /ji lta ji ltar chos rnams lhag par rig cing lhag par rig pa dang/ yang dag pa'i shes rab kyis ji lta ba bzhin du mthong ba de lta de ltar de ltar de chos rnams la don gyi shags rnyed ba dang/ chos kyi shugs rnyed pa dang/ ston pa la rab tu dad par 'gyur ro/ /gzhan yang 'di ni 'phags pa nyan thos ston pa 'am tshangs par spyod pa bla ma'i gnas lta bu gang yang rung ba dag chos ston par mi byed mod kyi ji ltar thos pa dang/ ji ltar bstan pa dang/

  176. 88b

    ji ltar khong du chung pa'i chos rnams la rgyas par dbyangs gyis kha ton du byed de/ ji lta ji ltar thos pa dang/ ji ltar nye bar bstan pa dang/ ji ltar khong du chud pa'i chos rnams la rgyas par dbyangs kyi kha ton du byed pa de lta de ltar chos rnams lhag par rig cing lhag par rig pa dang/ yang dag pa'i shes rab kyis ji lta ba bzhin mthong bar 'gyur ro/ /ji lta ji ltar chos rnams lhag par rig cing lhag par rig pa dang/ yang dag pa'i shes rab kyis ji lta ba bzhin mthong ba de lta de ltar chos rnams la don gyi shugs rnyed pa dang/ chos kyi shugs rnyed pa dang/ ston pa la rab tu dad par 'gyur ro/ /gzhan yang 'di ni 'phags pa nyan thos ston pa 'am tshangs par spyod pa bla ma'i gnas lta bu gang yang rung ba chos ston par yang mi byed la/ ji ltar thos pa dang/ ji ltar nye bar bstan pa dang/ ji ltar khong du chud pa'i chos rnams rgyas par kha ton du yang byed kyi/ 'on kyang ji ltar thos pa dang/ ji ltar nye bar bstan pa dang/ ji ltar khong du chung pa'i chos rnams rgyas par gzhan dag la yang dag par gsal bar byed de/ ji lta ji ltar thos pa dang/ ji ltar nye bar bstan pa dang/ ji ltar khong du chud pa'i chos rnams rgyas par gzhan dag la rab tu gsal bar byed pa de lta de ltar chos rnams lhag par rig cing lhag par rig pa dang/ yang dag pa'i shes rab kyis ji lta ba bzhin du mthong bar 'gyur ro/ /ji lta ji ltar chos rnams lhag par rig cing lhag par rig pa dang/ yang dag pa'i shes rab kyis ji lta ba bzhin mthong ba de lta de ltar chos rnams la don gyi shugs rnyed pa dang/ chos kyi shugs rnyed pa dang/ ston pa la rab tu dad par 'gyur ro/ /gzhan yang 'di na 'phags pa nyan thos ston pa 'am/ changs par

  177. 89a

    spyod pa bla ma'i gnas lta bu gang yang rung ba dag chos ston par yang mi byed la/ ji ltar thos pa dang/ ji ltar nye bar bstan pa dang/ ji ltar khong du chud pa'i chos rnams rgyas par kha ton du yang mi byed la/ ji ltar thos pa dang ji ltar nye bar bstan pa dang/ ji ltar khong du chud pa'i chos rnams rgyas par gzhan dag la rab tu gsal bar yang mi byed kyi/ 'on kyang ji ltar thos pa dang/ ji ltar nye bar bstan pa dang/ ji ltar khong du chud pa'i chos rnams gcig pu dben par song ste/ don sems shing 'jal ba dang nye bar rtog par byed do/ /ji lta ji ltar thos pa dang/ ji ltar nyes pa bstan pa dang/ ji ltar khong du chud pa'i chos rnams gcig pu dben par song ste/ don sems shing 'jal ba dang nye ba brtog par byed pa de lta de ltar chos rnams lhag par rig cing lhag par rig pa dang/ yang dag pa'i shes rab kyis ji lta ba bzhin mthong bar 'gyur ro/ /ji lta ji ltar chos rnams lhag par rig cing lhag par rig pa dang/ yang dag pa'i shes rab kyis mthong ba de de ltar chos rnams la don gyi shugs rnyed pa dang/ chos kyi shugs rnyed pa dang/ chos rnams la tshul bzhin yid la byed par 'gyur te/ gzhan gyi sgra dang nang gi bdag nyid kyi tshul bzhin yid la byed pa las yang dag pa'i lta ba ma skyes pa skye bar 'gyur zhing skyes pa 'phel zhing rgyas pa dang yangs par 'gyur zhing/ lta ba'i phung po yongs su ma rdzogs pa yongs su rdzogs par bya ba dang/ yongs su rdzogs ba rjes su gzung bar bya ba'i phyir 'dun pa skyed cing rtsol ba dang/ brtson 'grus dang/ spro ba dang/ rtsom pa dang/ mi gtong ba dang/ sems yongs su 'dzin te/ 'di ni lta ba yongs su dag pa'i gtso bo zhes bya'o/ /stag gi byang chub kyi bu dag rnam par grol ba yongs su dag pa'i gtso bo gang zhe na/ 'di na 'phags pa nyan thos 'dod chags

  178. 89b

    las sems 'dod chags dang rnam par bral zhing rnam par grol ba yin/ zhe sdang las sems 'dod chags dang rnam par bral zhing rnam par grol ba yin/ gti mug las sems 'dod chags dang rnam par bral zhing rnam par grol ba yin/ 'di ni rnam par grol ba yongs su dag pa'i gtso bo zhes bya'o/ /de nas ro can pa kau N+Di bdag tshe dang ldan pa kun dga' bos bshad pa la rjes su yid rangs te/ tshe dang ldan pa kun dga' bo'i rkang pa la mgo bos phyag byas nas song ngo zhes gsungs so/ /chos mngon pa mdzod kyi rnam par bshad pa nye bar mkho ba las gnas drug pa phal cher mdo dang? sbyar ba rdzogs so// //'o na bcom ldan 'das kyis 'dod chags dang bcas pa'i sems la 'dod chags dang bcas pa'i sems so zhes bya ba la sogs pa gsungs pa zhes bya ba la/ gnas mang po las bshad de/ ji ltar re zhig dran pa nye bar gzhag pa la sgom pa las 'di na dge slong 'dod chags dang bcas pa'i sems la 'dod chags dang bcas pa'i sems so zhes yang dag pa ji lta ba bzhin rab tu shes so/ /'dod chags dang bral ba'i sems la 'dod chags dang bral ba'i sems zhes yang dag pa ji lta ba bzhin rab tu shes so/ /zhes sdang dang bcas pa dang/ zhe sdang dang bral ba dang/ gti mug dang bcas pa dang/ gti mug dang bral ba dang/ rnam par g.yengs pa dang/ kun tu bsdus pa dang/ zhum pa dang/ rab tu bzung ba dang/ rgod pa dang/ rgod pa ma yin pa dang/ rnam par ma zhib dang/ rnam par zhi ba dang /mnyam par ma bzhag pa dang/ mnyam par bzhag pa dang/ ma bsgoms pa dang/ bsgoms pa dang/ rnam par ma grol ba dang/ rnam par grol ba'i sems la rnam par grol ba'i sems so zhes yang dag par ji lta ba bzhin rab tu shes so/ /shin tu rnam par

  179. 90a

    grol ba'i sems la shin tu rnam par grol ba'i sems so zhes yang dag pa ji lta ba bzhin rab tu shes so zhes gsungs so/ /mdo las ji ltar sems nang du bsdus pa yin zhe na zhes bya ba la/ gleng gzhi ni mnyan du yod pa na'o/ / dge slong dag rdzu 'phrul gyi rkang pa bzhi bsgom pa bshad par bya ste/ de legs bar nyon la yid la zung zhig dang bshad par bya'o/ /dge slong dag ji ltar na rdzu 'phrul gyi rkang pa bzhi sgom pa yin zhe na/ 'di na dge slong bdag gi 'dun pa zhum pa dang rab tu bzung ba dang/ nang du bsdus pa dang/ phyi rol tu rnam par g.yengs par ma gyur cig/ snga ma dang phyi ma'i 'du shes dang/ 'og mas steng 'og gi 'du shes su gyur cig 'dyan? pa ma bsgribs shing ma g.yogs la 'dun ba snang ba dang bcas shing lhan cig par gyur pa dang/ 'di ltar bdag gi 'dun pa mun pa'i rang bzhin du ma gyur cig ces 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur ba sgom par byed do/ /ji ltar na 'dun pa zhum pa yin zhe na/ le lo dang lhan cig par gyur pa ste/ de ltar na 'dun pa zhum pa yin no/ /ji ltar na 'dun pa rab tu gzung ba yin zhe na/ 'dun pa gang rgod pa dang lha cig par gyur pa ste/ de ltar na 'dun pa rab tu bzung ba yin no/ /ji ltar na 'dun pa nang du bsdus pa yin zhe na/ 'dun pa gang rmugs pa dang gnyid dang lhan cig par gyur cing nang du kun 'gog pa dang lhan cig par gyur pa lhag mthong dang mtshungs par mi ldan pa yin no/ /ji ltar na phyi rol tu rnam par g.yengs pa yin zhe na/ 'dun pa gang? 'dod pa'i yon tan lnga rnams la g.yengs shing rnam par 'phros pa yin no/ /de ltar na 'dun

  180. 90b

    pa phyi rol tu rnam par g.yengs pa yin no/ /ji ltar na sngon ma dang phyi ma'i 'du shes su 'gyur zhe na/ 'di na dge slong so sor rtog pa'i rgyu mtshan nyid legs par rab tu bzung zhing yid la byed pa bsten cing so sor rig pa ste /'di lta ste 'dug cing gnas pa la nye bar rtog pa dang/ 'dug cing gnyid log pa dang/ mdun du 'gro ba dang phyi nas 'gro ba la nye bar rtog pa de bzhin du dge slong so sor rtog pa'i rgyu mtshan nyid legs par rab tu bzung ste/ yid la byed pa bsten cing so sor rig pa ste/ 'di ltar na sngon dang phyi ma'i 'du shes su 'gyur ro/ /'di na dge glong lus 'di la sbyi po nas rkang mthil gyi bar du skra dang klang pa dang pags pa'i mthar thug par ji ltar gnas pa dang/ ji ltar smon pa mi gtsang ba'i rdzas rnam pa du mas yongs su gang bar so sor rtog par byed de/ lus 'di la skra yang yod/ ba sbu dang/ kho dang/ so dang/ rdul dang/ dri ma dang/ pags pa dang/ sha dang/ rus pa dang/ chu ba dang/ rtsa dang/ mchin pa dang/ glo ba dang/ rgyu ma dang/ gnye ma dang/ pho ba dang/ long ka dang/ lto ba dang/ mcher pa dang/ rdul dang/ mchi ma dang/ mchil ma dang/ snabs dang/ mkhris pa dang/ bad kan pa dang/ rnag dang/ khu ba dang/ klang pa dang/ klang rgyas dag 'dzag pa'o zhes 'di ltar na steng dang 'og gi 'du shes su 'gyur ro/ /ji ltar na bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang/ ji ltar bdag gi sems mun pa'i rang bzhin du ma gyur cig ces bya bar 'gyur zhe na/ 'di na dge slong snang ba'i 'du shes legs par rab tu bzung ste/ yid la byed de ston cing so sor rig pa ste/ nyin mo ji lta bar mtshan mo de bzhin/ mtshan mo ji lta bar nyin mo de bzhin/ sngon ji lta bar phyis de bzhin/ phyis ji lta bar sngon de

  181. 91a

    bzhin/ steng du ji lta bar 'og tu de bzhin/ 'og tu ji lta bar steng du de bzhin no/ /zhes bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang/ 'di ltar bdag gi sems mun pa'i rang bzhin du ma gyur cig ces bya ba ste/ 'di ltar na bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang/ 'di ltar bdag gi sems mun pa'i rang bzhin du ma gyur cig ces bya bar 'gyur ro/ /'di na dge slong bdag gi dpyod pa zhum pa dang/ rab tu bzung ba dang/ nang du bsdus pa dang/ phyi rol tu rnam par g.yengs par ma gyur cig/ snga ma dang phyi ma'i 'du shes dang/ steng dang 'og gi 'du shes su gyur cing/ bdag gi sems ma bsgribs shing ma g.yogs la sems snang ba dang bcas shing lhan cig par gyur pa dang/ 'di ltar bdag gi sems mun pa'i rang bzhin du ma gyur cig ces brtson 'grus kyi ting nge 'dzin dang/ sams kyi ting nge 'dzin dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong pa yongs su bsgyur ba dag sgom par byed do/ /ji ltar dpyod pa zhum pa yin zhe na/ dpyod pa gang le lo dang lhan cig par gyur pa ste/ de ltar na dpyod pa zhum pa yin no/ /ji ltar na dpyod pa rab tu bzung ba yin zhe na/ dpyod pa gang rgod pa dang lha gcig par gyur pa'o/ /ji ltar na dpyod pa nang du bsdus pa yin zhe na/ dpyod pa gang rmugs pa dang gnyid dang lhan cig par gyur cing nang du kun tu 'gog pa dang lhan cig par gyur la lhag mthong dang mtshungs

  182. 91b

    par mi ldan pa yin te/ 'di ltar na dpyod pa nang du bsdus pa yin no/ /ji ltar dpyod pa phyi rol tu rnam par g.yengs pa yin zhe na/ dpyod pa gang 'dod pa'i yon tan lnga rnams la rjes su g.yengs shing rnam par 'phros pa yin te/ 'di ltar na dpyod pa phyi rol tu rnam par g.yengs pa yin no/ /ji ltar na sngon dang phyi ma'i 'du shes shes bya ba nas/ snga ma bzhin du 'di ltar bdag sems mun pa'i rang bzhin du ma gyur cig ces bya ba'i bar du'o/ /dge slong dag de ltar rdzu 'phrul gyi rkang pa bzhi sgom par 'gyur ro/ /dge slong dag rdzul 'phrul gyi rkang pa bzhi sgom pa dag bstan par bya'o zhes ngas ji skad bshad pa de rgyas par rab tu bshad do zhes gsungs so/ /zhum pa dang/ rab tu bzung ba dang/ nang du bsdus pa dang/ phyi rol tu rnam par g.yengs pa la sogs pa ji ltar 'dun pa'i ting nge 'dzin la rgyas par bshad pa de bzhin du brtson 'grus kyi ting nge 'dzin dang/ sems kyi ting nge 'dzin la yang thams cad rgyas par go bar bya ste/ de ltar na shes bar byed par 'gyur ro/ /mdo las ji ltar na sems nang du bsdus pa yin zhe na/ gang gi tshe sems zhum par gyur pa'o zhes bya ba la/ gleng gzhi ni mnyan du yod pa na'o/ /de nas dge slong rab tu mang po dag snga dra chos gos dang ltung bzed thogs te/ bsod snyoms kyi phyir mnyan yod du bzhugs so/ /de nas dge slong rab tu mang po de dag 'di snyam du bdag cag mnyan yod du bsod snyoms kyi phyir re zhig nam ma nangs kyi/ bya dag cag gzhan mu stegS can gyi kun tu rgyu dag gi kun dga' ra bar 'gro bar bya'o snyam mo/ /de nas gzhan mu stegs can gyi kun tu rgyu de dag gis dge slong rab tu mang po de dag la 'di skad ces smras so/ /khyed cag gi dge spyod/ gau ta ma nyan thos rnams

  183. 92a

    la 'di ltar dge slong dag tshur shog/ sgrib pa lnga po sems nye bar nyon mongs par byed pa/ shes rab nyam chung bar byed pa/ gnod pa'i phyogs mya ngan las 'das par mi 'jug pa dag spongs la/ dran po nye bar gzhag pa bzhi rnams las sems legs par bzhag cing gnas te/ byang chub kyi yan lag bdun bsgom par gyis shig ces nyan thos rnams la chos ston pa thos na bdag cag 'di ltar khyed cag tshul shog/ sgrib pa lnga po sems nye bar nyon mongs par byed pa/ shes rab nyam chung bar byed pa/ gnod pa'i phyogs mya ngan las 'das par mi 'jug pa dag spongs la/ dran pa nye bar gzhag pa bzhi po rnams la sems legs par bzhag cing gnas te/ byang chub kyi yan lag bdun bsgoms shig ces nyan thos rnams la chos ston na/ 'di ltar dge spyod gau ta mas chos bstan pa dang bdag cag gis chos bstan pa la khyad par dang/ bsam pa dang/ tha dad du bya ba ci zhig yod/ de skad ces smras pa dang/ dge slong rab tu mang po de dag cang mi smra bar gyur to/ /de nas dge slong rab tu mang po de dag gzhan mu stegs can gyi kun tu rgyu de dag gis bshad pa la mngon par dga' bar yang mi byed khro bar yang mi byed par stan las langs te song ngo/ /de nas dge slong rab tu mang po de dag mnyan yong du bsod snyoms spyad cing zas kyi bya ba byas nas zos pa'i 'og tu lhung bzed bkrus te/ chos gos dang lhud bzed mdza' cig tu gzhag ste rkang pa bkrus nas bcom ldan 'das gang na ba der nye bar song ste/ nye bar song nas bcom ldan 'das kyis zhabs la spyi bos phyag byas te phyogs gcig tu 'dug go/ phyogs gcig tu 'dug nas dge slong rab tu mang po de dag gis gzhan mu stegs can gyi kun tu rgyu de dag

  184. 92b

    dang lhan cig ji srid du gtam gzhan brjod pa de thams cad rgyas par bcom ldan 'das la gsol to/ /de skad ces gsol pa dang/ dge slong rab tu mang po de dag la bcom ldan 'das kyis 'di skad ces bka' stsal to/ /dge slong dag gzhan mu stogs can gyi kun tu rgyu de skad smra ba de dag la 'di skad brjod par bya ste/ gang gi che sems bying ba dang bying bar dogs pa de'i tshe byang chub kyi yan lag gang zhig bsgom pa'i dus yin/ gang zhig bsgom pa'i dus ma yin/ gang gi tshe rgod pa dang rgod par dogs pa de'i tshe byang chub kyi yan lag gang zhig bsgom pa'i dus yin/ gang zhig bsgom pa'i dus ma yin zhes dge slong dag gzhan mu stegs can gyi kun tu rgyu de dag la 'di skad du dris pa na/ phan tshun rig? bar 'gyur/ gtam gzhan nye bar 'god par 'gyur/ khro ba dang/ zhe sdang ba dang/ nga rgyal dang/ 'tshig? pa dang/ gnod pa dang mi bzod pa byed par 'gyur ro/ /kha rog par gnas par 'gyur/ yi mug par 'gyur/ phrag bcum pa dang/ kha 'og tu bltas pa dang/ spobs pa med par 'gyur ro/ /sems shin gnas bar 'gyur te/ de ci'i phyir zhe na/ dge slong dag ngas lha dang bcas pa'i 'jig rten dang/ bdud dang bcas pa dang/ tshangs pa dang dge spyod dang bram zer bcas pa'i skye dgu lha dang mir bcas pa'i 'jig rten na de bzhin gshegs pa'am/ de bzhin gshegs pa'i nyan thos kyi dge 'dun rnams ma gtogs pa dris pa lung ston par sems pa yang dag pa rjes su ma gzigs so/ /dge slong dag nyon cig/ gang gi sems zhum pa dang/ zhum par dogs pa de'i tshe shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag bsgom pa'i dus ma yin te/ de ci'i phyir zhe na/ dge slong

  185. 93a

    dag sems zhum pa dang zhum par dogs pa nas chos 'di dag gis zhum pa nyid mngon par sgrub par byed do/ /dge slong dag dper na me chung du cher 'bar zhing 'bar bar 'dod pa 'ga' shing rlon pa dang/ rtswa rlon pa dang/ lci ba rlon ba dag bcug na dge slong dag de ji snyam du sems/ de dag gis me de phal cher gsod par 'gyur ram/ btsun pa de bzhin no/ /de bzhin du gang gi tshe bas zhum pa dang zhum par dogs pa de'i tsho shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag dag bsgom pa'i dus ma yin te/ de ci'i phyir zhe na/ gang gi che zhum pa dang zhum par dogs pa de'i tshe chos 'di dag gis zhum pa nyid mngon bar 'grub par byed pa'i phyir ro/ /gang gi tshe rgod pa dang rgod par dogs pa de'i tshe chos rab tu rnam par 'byed pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag rnams bsgom pa'i dus ma yin te/ de ci'i phyir zhe na/ dge slong dag rgod pa dang rgod par dogs pa na chos 'di dag gis phal cher rgod pa nyid mngon par 'grub par byed pa'i phyir te/ dge slong dag dper na 'ga' zhig me 'bar bar gyur pa dag bsad par 'dod nas shing skam po dang/ rtswa skam po dang/ lce ba skam po dag 'jug par byed na/ dge slong dag ji snyam du sems/ de'i rgyus me de ches 'bar bar 'gyur ram/ btsun pa de gzhin no/ /de bzhin du gang gi tshe rgod pa dang rgod par dogs pa de'i tshe chos rab tu rnam par 'byed pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi

  186. 93b

    yan lag bsgom pa'i dus ma yin te/ de ci'i phyir zhe na/ dge slong dag sems rgod pa dang rgod par dogs pa na chos 'di dag gis rgod pa nyid mang du mngon par 'grub par byed pa'i phyir ro/ /dge slong dag gang gi tshe sems zhum pa dang zhum par dogs ? de'i tshe chos rab tu rnam par 'byed pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag rnams bsgoms pa'i dus yin te/ de ci'i phyir zhe na/ dge slong dag sems zhum pa dang zhum par dogs pa na 'di dag gis mthong ba dang/ yang dag par bskul ba dang/ snang pa dang/ yang dag par dga' bar byed pa'i phyir ro/ /dge slong dag dper na/ 'ga' zhig me chung du cher 'phel zhing 'bar bar 'dod na shing skam po dang/ rtswa skam po dang/ lci pa skam po dag 'jug par byed na/ dge slong dag ji snyam du sems/ rgyu de la me 'bar bar 'gyur ram/ bcun pa de bzhin no/ /de bzhin du gang gi tshe zhum pa zhum bar dogs pa'i de'i tshe chos rab tu rnam par? 'byed pa yang dag byang chub kyi yan lag dang/ brtson 'grus yang dag byang chub kyi yan lag dang/ dga' ba yang dag byang chub kyi yan lag rnams bsgom pa'i dus yin te/ de ci'i phyir she na/ dge slong dag zhum ba dang zhum par dogs pa nu chos 'di dag gis mthong ba dang/ yang dag par skul ba dang/ snang ba dang/ yang dag par dga' ? bar byed pa'i phyir ro/ /gang gi tshe rgod pa dang rgod par dogs pa de'i tshe shin tu sbyongs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag rnams bsgoms pa'i dus yin te/ de ci'i phyir zhe na/ dge slong dag rgod pa dang rgod par dogs pa na chos 'di dag gis nang du yang dag 'jog bar

  187. 94a

    byed cing nye bar gnas pa dang gcig tu byed cing ting nge 'dzin du sgrub par byed pa'i phyir te/ dge slong dag dper na me 'bar ba bsad par 'dod pa 'ga' zhig gis shing rlon pa dang/ rtswa rlon pa dang/ lci ba rlon pa dag 'jug par byed na/ dge slong dag 'di ji snyam du sems/ rgyu de las med? 'chi bar 'gyur ram/ btsun pa de bzhin no/ /de bzhin du gang gi tshe rgod pa dang rgod par dogs pa na de'i tshe shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang/ btang snyoms yang dag byang chub kyi yan lag rnams bsgom pa'i dus yin te/ de ci'i phyir zhe na/ dge slong dag rgod pa dang rgod par dogs pa na chos 'di dag gis nang du 'jog par byed cing/ nye bar gnas pa dang/ rtse gcig tu byed cing ting nge 'dzin sgrub par byed do/ /dge slong dag dran pa ni thams cad du 'gro ba'o zhes nga smra'o zhes gsungs so/ /gang las 'di'i sems 'dod chags dang bral ba yin zhes bya ba la/ bcom ldan 'das rgyal po'i khab kyi 'od ma'i tshal bya ka lan+ta ka gnas pa na bzhugs te/ de nas lha sbyin gyi phyogs pa'i dge slong zla ba ma'i bu tshe dang ldan pa shA ri'i bu gang na ba der nye bar song ste/ nye bar song nas tshe dang ldan pa shA ri'i bu dang lhan cig ces bya ba nas/ phyogs gcig tu 'dug nas zhes bya ba'i gar du ste/ de nas lhas byin gyi phyogs pa dge slong zla ba ma'i bu la/ tshe dang ldan pa shA ri'i bus 'di skad ces smras so/ /zla ba'i bu lhas byin dge slong rnams la chos kyi gtam dag ston par byed dam/ ston par byed do/ /zla ba ma'i bu lhas byin ji lta ji ltar dge slong rnams la chos kyi gtam ston par byed/ dge slong dag gang gi phyir dge slong sems kyis sems rnams par gyur na/ 'di

  188. 94b

    lta ste lnga po dag las bdag gi sems 'dod chags dang bral lo zhes lung bstan par bya'o zhes tshe dang ldan pa shA ri'i bus 'di ltar lhas byin dge slong rnams la chos kyi gtam ston par byed do/ /zla ba ma'i bu gang gi phyir dge slong sems kyi sems rnams par rgyal bar gyur te/ sems 'dod chags dang bral bar gyur cing zhe sdang dang bral pa dang/ rmongs pa dang bral zhing ma chags pa'i chos can dang/ mi sdang ba'i chos can dang/ ma rmongs pa'i chos can dang/ 'dod pa'i srid pa dang/ gzugS kyi srid pa dang/ gzugs med pa'i srid par phyir mi ldog pa'i chos can gyi dge slong des bdag gi skye ba zad do/ /tshangs par spyod pa bsten to/ /bya ba byas so/ /byed pa byas so/ /srid pa 'di la gzhan mi shes so zhes lung ston na mdzes bar 'gyur ro zhes lhas byin 'di ltar dge slong rnams la chos kyi gtam ston par mi byed dam/ tshe dang ldan pa shA ri'i bu ma yin no/ /de nas tshe dang ldan pa shA ri'i bus dge slong rnams la bos te/ tshe dang ldan pa dag gang gi phyir dge slong sems kyi sems rnam par rgyal zhing sems 'dod chags dang bral ba yin/ zhe sdang dang bral ba dang/ rmongs pa dang bral zhing ma chags pa'i chos can dang/ mi sdang ba'i chos can dang/ ma rmongs pa'i chos can dang/ 'dod pa'i srid pa dang/ gzugs kyi srid pa dang/ gzugs med pa'i srid par phyir mi ldog pa'i chos can dge slong des bdag gi skye ba zad do/ /changs par spyod pa bsten to/ /byang ba byas so/ /byed pa byas so/ /srid pa 'di las gzhan mi shes so zhes lung ston na mdzes par 'gyur ro zhes gsungs so/ /gzhan yod ces pa bstan bcos las zhes bya ba la/ rnam par shes pa'i tshogs kyi bstan bcos las te/ de las mi ldan pa'i sems kyis zhes bya ba la sogs pa dang/ mthong bas spang bar bya

  189. 95a

    ba'i sems kyis zhes bya ba la sogs pa gnyis dmigs pa zhes bya ba'i dbugs 'byung ba drug pa las rab tu dbye ba rgyas par 'don to/ /mdo las nye bar len pa'i phung po lnga po 'di dag ni 'dun pa'i rtsa ba can zhes bya ba la/ bcom ldan 'das mnyan yod kyi shar gyi kun dga' ra? bar rigs? kyi ma'i gnas na bzhugs te/ de nas bcom ldan 'das dgongs ka nang du yang dag 'jog las bzhengs te bsil khang nas babs te/ bsil khang gi grib ma la dge slong gi dge 'dun gyis mdun du byas te gdan bshams pa la bzhugs so/ /bzhugs nas bcom ldan 'das kyis ched du brjod pa 'di brjod do/ /dge slong dag nye bar len pa'i phung po ni lnga ste/ lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/ /de nas dge slong gzhan zhig stan las langs te/ bla gos phrag pa gcig tu byas te/ bcom ldan 'das gang na ba der thal mo sbyar zhing phyag byas nas bcom ldan 'das la 'di skad ces gsol to/ /bcom ldan 'das de de bzhin no/ /bde bar gshegs pa de de bzhin te/ btsun pa nye bar len pa'i phung po ni snga ste/ lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung pa'o/ /des na dge slong 'dug cig dang/ 'dug nas ji ltar 'dod pa bzhin du yongs su dris shig /de nas dge slong de bcom ldan 'das kyi zhabs la spyi pos phyags 'tshal nas phyogs gcig tu 'dug ste/ bcom ldan 'das la 'di skad ces gsol to/ /btsun pa nye bar len pa'i phung po ni lnga ste/ lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/

  190. 95b

    dge slong de de bzhin no/ /de de bzhin te/ dge slong nye bar len pa'i phung po ste/ gzugs nye bar len pa'i phung po dang/ tshor ba dang/ 'du shes dang/ 'du byed dang/ rnam par shes pa nye bar len pa'i phung po'o/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs? te/ slar yang bcom ldan 'das la dri ba dris pa /btsun pa nye bar len pa'i phung po 'di dag gi rtsa ba ni gang/ kun 'byung ba ni gang/ rab tu skye ba ni gang/ rkyen gyi rnam pa ni gang zhig lags/ dge slong nye bar len pa'i phung po lnga po 'di dag ni 'dun ba'i rtsa ba can/ 'dun pa las kun 'byung ba/ 'dun ba dang 'dra ba/ 'dun pa las rab tu skye ba dag yin no/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs te/ spar? yang bcom ldan 'das la yongs su dri ba dris pa/ btsun pa phung po gang yin pa de nyid nye bar len pa yin nam/ 'on te phung po dag las gzhan zhig nye bar len pa yin zhe na/ dge slong phung po gang yin pa de nyid kyi nye bar len pa ma yin la/ phung po las gzhan yang nye bar len pa ma yin mod kyi/ 'on kyang 'dun pa'i 'dod chags te/ 'di tsam ni nye bar len pa zhes bya'o/ /btsun pa legs so zhes dge slong de bcom ldan 'dag kyis gsungs pa la mngon par dga' zhing rjes su yi rangs te/ slar yang bcom ldan 'das la yongs su dri ba dris pa/ btsun pa phung po dag las phung po rab tu dbye bar gdags pa rnyed lags sam/ bcom ldan 'das kyis bka' stsal pa/ dge slong rnyed de/ ji ltar kha cig ma 'ongs pa'i dus na bdag gzugs 'di lta bu dang ldan par gyur kyang ci ma rung/ bdag ma 'ongs pa'i dus na tshor ba 'di lta bu dang ldan pa dang/ 'du shes

  191. 96a

    'di lta bu dang ldan pa dang/ 'du byed 'di lta bu dang ldan pa dang/ rnam par shes pa 'di lta bu dang ldan par gyur kyang ci ma rung snyam pa ste/ dge slong 'di ltar na phung po rab tu dbye bar gdags par 'gyur ro/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs nas/ slar yang bcom ldan 'das la yongs su dri ba dris pa/ btsun pa ji tsam gyis na phung po phung po zhes tshig bla dags su gyur zhe na/ dge slong 'di na gzugs gang ci yang rung ba 'das pa 'am/ ma 'ongs pa'am/ da ltar byung ba'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa 'am/ gang thag ring ba 'am/ thag nye ba de dag gcig tu bsdus nas phung po zhes bya ba'i grangs su 'gro ste/ tshor ba dang/ 'du shes dang/ 'du byed dang/ rnam par shes pa gang ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa'am/ thag ring ba 'am/ thag nye ba de thams cad gcig tu bsdus nas rnam par shes pa'i phung po zhes bya ba'i grangs su 'gro ste/ dge slong 'di tsam gyis na phung po zhes bya ba'i tshig bla dag su 'gyur ro/ /btsun pa legs so zhes dge slong de bcom ldan 'das kyis gsungs pa la mngon par dga' zhing rjes su yi rangs te/ slar yang bcom ldan 'das la yongs su dri ba dris pa/ btsun pa rgyu gang dag dang rkyen gang dag gis gzugS kyi phung po zhes gdags/ btsun pa rgyu gang dag dang rkyen gang dag gis tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes pa'i phung po zhes gdags/ dge slong 'byung ba chen po bzhi'i rgyu dag dang/

  192. 96b

    'byung ba chen po bzhi'i rkyen gyis gzugs kyi phung po zhes gdags te/ de ci'i phyir zhe na/ gzugs gang ci yang rung ba de thams cad ni 'byung ba chen po bzhi'i rkyen can yin no/ /reg pa'i rgyu dang reg pa'i rkyen gyis tshor ba'i phung po dang/ 'du shes kyis phung po dang/ 'du byed kyi phung po zhes gdags/ de ci'i phyir zhe na/ tshor ba'i phung po gang ci yang rung ba dang/ 'du shes kyi phung po dang/ 'du byed kyi phung po gang ci yang rung ba de thams cad ni reg pa'i rkyen can no/ /dge slong ming dang gzugs kyi rgyu dang rkyen gyis/ rnam par shes pa'i phung po zhes gdags te/ de ci'i phyir zhe na/ rnam par shes pa'i phung po gang ci yang rung ba de thams cad ni ming dang gzugs kyi rkyen can no/ /btsun pa legs so zhes snga ma bzhin du'o/ /btsun pa gzugs kyi ro myang ba ni gang/ nyes dmigs ni gang/ nges par 'byung pa ni gang/ tshor ba dang/ 'du shes dang/ 'du byed dang/ rnam par shes pa'i ro myang ba ni gang/ nyes dmigs ni gang/ nges par 'byung ba ni gang/ dge slong gang gzugs la brten nas bde? ba dang yid bde ba skye ba 'di ni gzugs kyi ro myang bzhes bya'o/ /gang yang gzugs ni mi rtag pa sdug bsngal ba/ yongs su 'gyur ba'i chos can te/ 'di ni gzugs kyi nyes dmigs so/ /gang yang gzug la bdun pa'i 'dod chagS 'dul zhing 'dun pa'i 'dod chag spangs pa dang/ 'dun pa'i 'dod chags las yang dag par 'das pa ste/ 'di ni gzugs kyi nges par 'byung pa'o/ /gang yang tshor ba dang/ 'du shes dang/ 'du byed dang/ gang yang rnam par shes pa la brten te/ bde ba dang yid bde ba skye ba 'di ni rnam par shes pa'i ro myang ba zhes bya'o/ /gang yang rnam par shes pa ni mi rtag pa/ sdug bsngal ba yongs su 'gyur ba'i chos can te/ 'di ni rnam par shes pa'i nyes dmigs so/ /gang yang rnam par shes pa la 'dun pa'i 'dod chags 'dul

  193. 97a

    zhing 'dun pa'i 'dod chags spangs pa dang/ 'dun pa'i 'dod chags las yang dag par 'das pa ste/ 'di ni rnam par shes pa'i nges par 'byung ba'o/ /btsun pa legs so zhes dge slong de bcom ldan 'das kyis gsungs pa la zhes bya ba ni snga ma bzhin no/ /btsun pa ci tsam gyis na bdag ces bya bar 'gyur/ dge slong byis pa so so skye bo thos pa dang mi ldan pa gzugs la/ bdag go ces yang dag par rjes su mthong zhing bdag gzugs dang ldan pa dang/ bdag la gzugs yod gzugs la bdag yod de zhes yang dag par rjes su mthong ngo/ /tshor ba dang/ 'du shes dang/ 'du byed dang/ rnam par shes pa bdag yin no/ /bdag rnam par shes pa dang ldan pa dang/ bdag la rnam par shes pa yod/ rnam par shes pa la bdag yod do zhes yang dag par rjes su mthong ste/ dge slong 'di tsam gyis na bdag ces bya bar 'gyur ro/ /btsun pa legs so zhes bya ba snga ma bzhin no/ /btsun pa ji tsam gyis na bdag ces bya bar mi 'gyur zhe na/ dge slong 'phags pa nyan thos thos pa dang ldan pa gzugs bdag yin no zhes yang dag par rjes su mthong zhing bdag gzugs dang ldan pa dang/ bdag la gzugs yod gzugs la bdag yod do zhes yang dag par rjes su mi thong zhing/ tshor ba dang/ 'du shes dang 'du byed dang/ rnam par shes pa bdag yin no/ /bdag rnam par shes pa dang ldan pa dang/ bdag la rnam par shes pa yod rnam par shes pa la bdag yod do zhes yang dag par rjes su mi mthong ba ste/ dge slong 'di tsam gyis na bdag ces bya bar mi 'gyur ro/ /btsun pa legs so zhes snga ma bzhin no/ /btsun pa ji ltar shes shing ji ltar mthong na de ma thag tu zag pa zad par 'gyur/ dge slong 'di na gzugs gang ci yang rung pa 'das pa 'am/ ma 'ongs pa 'am/ da ltar

  194. 97b

    byung ba 'am/ nang gi 'am/ phyi'i 'am/ rags pa 'am/ phra ba'am/ dman pa 'am/ gya nom pa 'am/ gang thag ring pa 'am/ tha ga nye ba de thams cad bdag gi ma yin la/ bdag kyang de dag gi ma yin la de dag kyang bdag gi ma yin no zhes yang dag pa'i shes rab kyis ji lta ba bzhin mthong zhing rab tu shes pa dang/ dge slong 'di na tshor ba gang ci yang rung ba dang/ 'du shes dang/ 'du byed dang/ rnam par shes pa gang ci yang rung ba 'das pa 'am/ ma 'ongs pa'am/ de ltar byung pa 'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa 'am/ gang thag nye ba 'am/ thag ring ba de thams cad bdag gi ma yin la/ bdag kyang de dag gi ma yin la/ de dag kyang bdag gi ma yin no zhes yang dag pa'i shes rab kyis ji lta ba bzhin mthong zhing rab tu shes pa ste/ dag slong 'di ltar shes shing 'di ltar mthong na de ma thag tu zag pa zad par 'gyur ro/ /de nas dge slong gzhan mi mkhas pa ma rig pa'i sgo nga'i sbubs su nub pa/ mig nyams pa ston pa'i bstan pa spangs pa zhig 'khor de na 'dus par gyur cing tshogs te 'dug pa de la 'di lta bu'i sdig pa can gyi lta bar gyur ba skyes te/ gzugs bdag ma yin/ tshor ba bdag ma yin/ 'du shes bdag ma yin/ 'du byed bdag ma yin/ rnam par shes pa bdag ma yin na/ bdag med pas byas pa bdag gis ji ltar myong bar 'gyur/ de nas bcom ldan 'das kyis dge slong de'i sems thugs gyis mkhyen nas dge slong rnams 'bos? te/ dge slong dag gal te skyes bu rmongs par ma rig pa'i sgo nga'i sbubs su nub cing mig nyams pa ston pa'i bstan pa spangs pas 'khor 'dir 'dus shing tshogs te 'dug pa 'ga' zhig la gzugs bdag ma yin/ tshor ba bdag ma yin/

  195. 98a

    'du shes bdag ma yin/ 'du byed bdag ma yin/ rnam par shes pa bdag ma yin na/ bdag med pas byas ba'i las bdag gis ji ltar myong bar 'gyur zhing sdig ba can gyi lta ba'i rnam pa 'di lta bu skyes nas yongs su 'dri ba'i gnas yod kyis/ dge slong dag ngas khyed cag 'dul bar byas te/ dge slong dag 'di lta ste/ 'di ji snyam du sems/ gzugs rtag pa zhig gam/ /mi rtag pa zhig/ btsun pa mi rtag pa'o/ /gang mi rtag pa de sdug bsngal pa 'am/ sdug bsngal ba ma yin btsun pa sdug bsngal ba'o/ /gang mi rtag cing sdug bsngal ba de yongs su 'gyur ba'i chos can la 'phags ba nyan thos thos pa de yongs su 'gyur ba'i chos can la 'phags ba nyan thos thos pa 'di dag gi /de dag kyang bdag gi bdag yin no zhes nye bar 'gro 'am/ btsun pa ma lags so/ /dge slong dag 'di ji snyam du sems tshor ba dang/ 'du shes dang/ 'du byed dang/ rnam par shes pa rtag pa zhig gam mi rtag pa zhig/ btsun pa mi rtag pa'o zhes bya ba nas snga ma bzhin du nye bar 'gro 'am zhes bya ba'i rab tu ste/ btsun pa ma lags so/ /dge slong dag de lta bas na gzugs gang ci yang rung pa 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am dman pa 'am/ gya nom pa 'am/ thag ring ba 'am/ thag nye bde thams cad bdag gi ma yin la/ bdag kyang de dag gi ma yin la/ de dag kyang bdag gi bdag ma yin no zhes bya ba nas snga ma bzhin du yang dag pa'i shes rab kyis ji lta ba bzhin blta bar bya'o/ /tshor ba gang ci yang rung ba dang/ 'du shes dang/ 'du byed dang/ rnam par shes pa gang ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am zhes bya ba nas/ snga ma bzhin

  196. 98b

    du yang dag pa'i shes rab kyis ji lta ba bzhin blta bar bya ba'o zheS bya ba'i bar du ste/ dge slong dag 'di ltar mthong ba'i 'phags pa nyan thos thos pa dang ldan pa gzugs las grol zhing/ tshor ba dang/ 'du shes dang/ 'du byed dang/ rnam par shes pa dag las grol zhing/ skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrugs pa rnams las rnam par grol lo/ /sdug bsngal las rnam par grol ba'o zhes pa smra'o/ /chos kyi rnam grangs 'di bshad ba na dge slong rab tu mang po dag nye bar len pa med pa zag pa dag las sems rnam par grol bar gyur to zhes gsungs so/ /sred par rnam par spyod ba zhes bya ba la/ sangs rgyas kyi rnam par bshad pa'i sdom gyi tshigs su bcad pa dgu ba'i mdo snga ba las 'byung ba 'di nyid kyi mdzod kyi gnas gnyis par 'dus ma byas la de dag med ces bya ba'i skabs su ji ltar sred pa rnam par spyod pa zhes bya bar bris zin to/ /dge slong dag 'du byed ni sdug bsngal ba'o zhes bya ba la/ rgyal po dang yang dag par ldan pa'i tshogs las drug pa ral ba can gyi mdo las 'di ltar 'don te/ dge slong dag 'du byed ni sdug bsngal ba ste/ mya ngan las 'das pa ni zhi ba'o/ /rgyu las kun tu byung ba rnams ni sdug bsngal ba ste/ rgyu las byung ba'i chos rnams 'gags pa dang/ chad pa dang/ mi 'jug pa dang/ sdug bsngal gzhan dang nyid mtshams sbyor ba med pa 'di lta bu ni sdug bsngal gyi mdza' zhes bya'o/ /dge slong dag de la mya ngan las 'das pa gang yin zhe na/ sdug bsngal 'gags pa pa dag zhi ba dang/ nye bar zhi ba dang/ bsil bar gyur pa dang/ nub pa 'di ni dge slong dag 'di ni zhi ba'i gnas zhes brjod do/ /'di lta ste/ thams cad so sor spangs pa sred pa zad pa nad med pa 'gog pa mya ngan las 'das pa zhes bya'o zhes gsungs so//

  197. 99a

    ji skad du mthong ba rnam par dag par bya ba'i phyir 'di lam yin gyi/ gzhan ni med do zhes bya ba la/ 'du byed thams cad mi rtag par/ /gang tshe shes rab kyis mthong ba/ /de nas yid 'byung 'gyur ba ste/ /lam 'di sdug bsngal dag phyir yin/ /'du byed thams cad sdug bsngal bar/ /gang tshe shes rab kyis mthong ba/ /de nas yid 'byung 'gyur ba ste/ /lam 'di sdug bsngal dag phyir yin/ /'du byed thams cad stong par ni/ gang tshe shes rab kyis mthong ba// de nas yid 'gyur 'byung ba ste/ /lam 'di sdug bsngal dag phyir yin/ /'du byed thams cad bdag med par/ /gang tshe shes rab kyis mthong ba/ /de nas yid 'byung 'gyur ba ste/ /lam ni sdug bsngal dag phyir yin/ /sred pa'i zug rngu dbyung ba'i phyir/ /da'i khyed la lam bshad de/ /de bzhin gshegs pa 'chad pa po/ /khyed cag nyid kyis bsgrub par bya/ /sred pa'i zug rngu dbyung ba'i phyir/ /da'i khye la lam bstan te/ /de bzhin gshegs pa ston pa po// khyed cag nyid kyis bsgrubs par bya/ /mthong ba rnam par dag bya'i phyir/ /'di nyid lam yin gzhan med de/ sgrub par byed pa bsam gtan can/ /bdud kyi 'ching ba spong bar 'gyur zhes gsungs so/ /dbang po drug po 'di dag shin tu 'dul ba dang zhes bya ba la/ gleng gzhi ni mnyan du yod pa na'o/ /dge slong dag dbang po drug po 'di dag shin tu ma dul ba dang/ ma sbas pa dang/ ma bsrungs pa dang/ ma bsdams pa dang/ ma bsgom na ma 'ongs pa na sdug bsngal dag 'byung bar 'gyur te/ drug gang zhe na/ mig gi dbang po ma dul ba dang/ ma sbas pa dang/ ma bsrungs pa dang/ ma bsdams pa dang/ ma bsgoms na ma 'ongs pa na sdug bsngal 'byung bar 'gyur ro/ /rna ba'i dbang po dang/ sna'i

  198. 99b

    dbang po dang/ lce'i dbang po dang/ lus kyi dbang po dang/ dge slong dag yid kyi dbang po ma dul ba dang/ ma sbas pa dang/ ma bsungs pa dang/ ma bsdams pa dang/ ma bsgoms na ma 'ongs pa na sdug bsngal 'byung bar 'gyur ro/ /dge slong ngag dbang po drug po 'di dag ma dul ba nas ma 'ongs pa'i sdug bsngal 'byung ba'i bar du 'gyur zhe na/ dge slong dag byis pa so so skye bo ? ba dang mi ldan pa mig gis gzugs dag mthong nas mtshan mar 'dzin cing mngon rtags su 'dzin la/ de'i rgyus sems la 'jig rten gyi brnab sems dang yid mi bde ba sdig pa mi dge ba'i chos rnams rjes su 'dzin cing de dag ma bsdams la mig gi dbang po ma bsrungs na mig gi dbang po'i sdom pa thob par mi 'gyur ro/ /rna bas sgra dang/ snas dri dang/ lces ro dang/ lus kyis reg bya dang/ yid kyis chos rnam par shes ? mtshan mar 'dzin cing mngon rtags su 'dzin par 'gyur te zhes bya ba nas/ yid kyi dbang po'i sdom pa thob par mi 'gyur zhes bya ba'i bar dug go /dge slong dag 'di ltar na dbang po drug po 'di dag ma du la zhes bya ba nas ma 'ongs pa'i sdug bsngal 'byung bar 'gyur ro zhes bya ba'i bar du'o/ /dge slong ngag dbang po drug po 'di dag shin tu dul ba dang/ shin tu sbas pa dang/ shin tu bsrungs pa dang/ shin tu bsdams pa dang/ shin tu bsgoms na ma 'ongs pa'i sdug bsngal 'byung bar mi 'gyur te/ drug gang zhe na/ dge slong dag mi gi dbang po shin tu dul ba dang/ shin tu sbas pa dang/ shin tu bsrungS ba dang/ shin tu bsdams pa dang/ shin tu bsgomS na ma 'ongs pa'i sdug bsngal 'byung bar mi 'gyur ro/ /dge slong dag ji ltar na dbang po drug po 'di dag shin tu dul ba zhes bya ba nas ma 'ongs pa'i sdug bsngal 'byung bar mi 'gyur ba'i bar du 'gyur zhe na/ dge slong dag 'phags pa nyan

  199. 100a

    thos thos pa dang ldan pa mig gi gzugs mthong nas mtshan mar mi 'dzin cing mngon rtags su mi 'dzin la/ de'i rgyus sems la 'jig rten gyi brnab sems dang yid mi bde ba sdig pa mi dge ba'i chos rjes su mi 'dzin cing zhes bya ba nas/ rgyas par yid kyi dbang po sdom pa thob par mi 'gyur zhes bya ba'i bar du'o/ /dge slong dag 'di ltar na dbang po drug po 'di dag legs par dul ba dang/ shin tu bsrungs pa zhes bya ba nas ma 'ongs pa'i sdug bsngal 'byung bar mi 'gyur zhes bya ba'i bar du gsungs so/ /de bzhin du lus 'di la skra yod ces bya ba la sogs pa la ji ltar re zhig mdzod kyi gnas 'di nyid du rdzu 'phrul gyi rkang pa gnyis pa bsgom pa'i mdo las ji ltar na steng dang 'og gi 'du shes su 'gyur zhes de dad de las 'don pa blta bar bya'o/ /stobs bcu zhes bya ba la/ bcu las 'phros pa dang/ lam gyis tshogs dang/ stobs kyi sgo'i mdza' i mdo las 'don pa mdzod kyi gnas lnga pa 'di nyid du 'das pa dang ma 'ongs pa bsam par dge slong dag pa'i nyan thos rnams la nang bsdams na nub khyad par du 'gro ste zhes bya ba'i mdor bris pa blta bar bya'o/ /mi 'jigs pa bzhi zhes bya ba la/ gleng gzhi ni mnyan du yod pa na'o/ /de nas bcom ldan 'das kyis dge slong rnams la bos te/ dge slong dag bzhi po 'di dag ni de bzhin gshegs pa'i mi 'jigs pa ste/ gang dang yang dag par ldan na de bzhin gshegs pa dgra bcom pa yang dag par rdzogs pa'i sangs rgyas khyu mchog rlabs po che'i gnas su dam 'cha' zhing/ tshangs pa'i 'khor lo rab tu bskor ba dang/ 'khor gyi nang du seng ge'i sgra sgrog pa dag ste/ bzhi gang zhe na/ kye ma bdag mngon par rdzogs par sangs rgyas pa la chos 'di mngon par sangs rgyas so zhes dge sbyong dam bram

  200. 100b

    ze'am/ lha 'am/ bdud dam/ tshangs pa 'am/ gang su yang rung ba chos dang mthun par rgol ba'i rgyu yang dag par rjes su ma gzigs te/ 'di ltar rgyu yang dag par rjes su ma gzigs pas bdag !bde ba thob cing mi 'jigs pa thob la 'jigs pa med par gnas te/ khyu mchog rlabs po che'i gnas su dam 'cha' zhing 'khor lo rab tu bskor zhing 'khor gyi nang du seng ge'i sgra sgrogs so/ /kye ma bdag zag pa zad pa la zag pa 'di yongs su ma zad med do zhes dge sbyong ngam/ bram ze 'am/ lha 'am/ bdud dam/ tshangs pa gang su yang rung ba chos dang mthun par rgol ba'i rgyu yang dag par rjes su ma gzigs te/ 'di ltar rgyu yang dag par rjes su ma gzigs pas bdag bde ba thob cing mi 'jigs pa thob la 'jigs pa med par gnas te/ khyu mchog rlabs po che'i gnas su dam 'cha'o/ /tshangs pa'i 'khor lo rab tu bskor zhing 'khor gyi nang du seng ge'i sgra sgrogs so/ /gang ngas nyan thos rnams la bar du gcod pa'i chos gsungs pa de dag bsten kyang bar du gcod par mi 'gyur ro zhes dge sbyong dam/ bram ze 'am/ lha 'am/ bdud dam/ tshangs pa 'am/ /gang su yang rung ba chos dang mthun par rgol ba'i rgyu yang dag par rjes su ma gzigs te/ 'di rgyu ltar yang dag par rjes su ma gzigs pas bdag bde ba thob cing mi 'digs pa thob pa 'jigs pa med par gnas te/ khyu mchog rlabs po che'i gnas su dam 'cha' zhing tshangs pa'i 'khor lo rab tu bskor zhing 'khor gyi nang du seng ge'i sgra sgrogs so/ /gang ngas nyan thos rnams la 'phags pa'i nges par 'byung pa'i lam ni nges shing nges par 'byin pa dang/ gang yang sdug bsngal yang dag par zad par byed pa dang/ sdug bsngal mthar byed pa yin no zhes gsungs pa a nges par 'byung ba'i lam ma yin no zhes dge spyod dam/ bram ze 'am/ lha 'am/ bdud dam/

  201. 101a

    tshangs pa 'am/ gang su yang rung ba chos dang mthun par rgol ba'i rgyu yang dag par rjes su ma mthong ba gzigs te/ rgyu yang dag par rjes su ma gzigs pas bdag bde ba thob cing mi 'jigs pa thob la 'jigs pa med bar gnas te/ khyu mchog rlabs po che'i gnas su dam 'cha' zhing tshangs ba'i 'khor lo rab tu bskor ba dang/ 'khor gyi nang du seng ge'i sgra sgrogs so zhes gsungs so/ /dran pa nye bar gzhag pa gsum po 'di dag ni zhes bya ba la/ rnam par 'byed ba'i tshogs kyi mdo gnyis pa skye mched drug rnam par 'byed pa las 'di ltar 'don te/ dge slong dag dran pa nye bar gzhags pa gsum po 'di dag ni gang 'phags pas bsten cing 'phags pas bsten par rigs la tshogs yongs su bsdus pa ste zhes ngas ji skad du bshad pa de cung zad bshad par bya'o/ /dge slong dag 'di na ston pa nyan thos rnams la rjes su brtse ba dang/ thugs brtse ba dang/ don du bzhed pa dang/ phan par bzhed pa dang brtse bas 'di ni phan pa 'di ni phan pa dang bde ba'o zhes ston par byed pa na/ nyan thos kha cig nyan par mi byed/ rna blags te nyan par mi byed/ kun shes pa'i sems nye bar 'jog par mi byed/ /chos rnams la chos kyis rjes mthun pa rtogs par mi byed/ ston pa'i bstan pa las 'das te 'dug kyang des de bzhin gshegs pa la gnod par mi 'gyur/ mi bzod par mi 'gyur/ 'khrug par mi 'gyur/ thugs mngon par mi dgyes par mi 'gyur/ de la de bzhin gshegs pa dran pa dang shes bzhin dang ldan bar btang snyoms su bzhugs te/ 'di ni dran pa gang 'phags pas bsten cing 'phags pas bsten par rigs shing tshogs yongs su sdud pa dran pa nye bar gzhag pa dang po yin no/ /gzhan yang ston pa nyan thos rnams la rjes su brtse ba

  202. 101b

    dang/ thugs brtse ba dang/ don du bzhed pa dang/ phan par bzhed ba dang/ brtse bas 'di ni phan pa/ 'di ni bde ba 'di ni phan pa dang bde ba'o zhes chos ston par byed pa na nyan thos kha cig nyan par byed/ rna blags te nyan par byed/ kun shes ba'i sems nye bar 'jog par byed/ chos rnams la chos kyi rjes su mthun pa rtogs par byed/ ston pa'i bstan pa las yang dag par mi 'da' bar 'jug kyang des de bzhin gshegs pa dgyes par mi 'gyur ro/ /thugs yed yeng por mi 'gyur te/ de la de bzhin gshegs pa dran pa dang shes bzhin dang ldan par btang snyoms su bzhugs te/ 'di ni gang 'phags bas bsten cing 'phags pas bsten par rigs shing tshogs yongs su sdud pa dran pa nye bar gzhag pa gnyis pa'o/ /gzhan yang ston pa nyan thos rnams la rjes su brtse ba dang/ thugs brtse ba dang/ don du bzhed pa dang/ phan par bzhed pa dang/ brtse bas 'di ni phan pa/ 'di ni bde ba/ 'di ni phan pa dang bde ba'o zhes chos ston par byed pa na nyan thos kha cig nyan par yang mi byed/ rna blags te nyan par mi byed kun shes pa'i sems nye bar 'jog par mi byed/ chos rnams la chos kyi rjes su mthun par rtogs par mi byed/ ston pa'i bstan pa la 'da' bar byed pa dang/ nyan thos kha cig nyan par byed/ rna blags te nyan par byed/ kun shes pa'i sems nye bar 'jog par byed chos rnams la chos kyis rjes su mthun par rtogs par byed/ ston pa'i bstan pa las mi 'da' bar byed kyang nges de bzhin gshegs pa la gnod par mi 'gyur mi bzod par mi 'gyur/ 'khrug par mi 'gyur/ thugs mngon par mi dgyes par mi 'gyur pa/ thugs dgyes par mi 'gyur/ thugs yeng yeng por mi 'gyur zhing de la de bzhin gshegs pa dran pa dang shes bzhin dang

  203. 102a

    ldan par btang snyoms su bzhugs te/ 'di ni 'phags pas bstan cing 'phags pas bsten par rigs shing tshogs su sdud pa dran pa nye bar gzhags pa gsum pa'o/ /dge slong dag dran pa nye bar ba zhag pa gsum bo 'di dag ni gang 'phags pas bsten cing 'phags pas bsten par rigs pa tshogs yongs su sdud pa'o zhes ngas ji skad bstan pa de rgyas par rab tu bshad do/ /sku tshe rigs dang sku bong tshad kyis min zhes bya ba la/ mdo drug gi tshogs kyi lnga pa rtogs pa brjod pa chen po'i mdo las 'di ltar 'don te/ dge slong dag 'di nas bskal pa dgu bcu rtsa gcig gi gong du gang yang de bzhin gshegs pa rnam par gzigs 'jig rten du byung ba dang/ dge slong dag gang yang 'di nas bskal pa sum cu rtsa gcig gi gong du yang dag par rdzogs pa'i sangs rgyas rin chen gtsug tor can dang/ thams cad skyob 'jig rten du byung la/ dge slong dag bskal ba bzang po 'di la yang dag par rdzogs pa'i sangs rgyas bzhi 'jig rten du byung ste/ 'khor ba 'jig dang/ gser thub dang/ 'od srungs dang/ da ltar shAkya thub pa da dag go/ dge slong dag yang dag par rdzogs pa'i sangs rgyas rnam par gzigs kyi tshe'i tshad ni lo stong phrag brgyad cu thub par gyur to/ /dge slong dag yang dag par rdzogs pa'i sangs rgyas rin chen gtsug tor can gyi tshe'i tshad ni lo stong phrag bdun cu thub par gyur to/ /dge slong dag yang dag par rdzogs pa'i sangs rgyas thams cad skyob gyi tshe'i tshad ni lo stong phrag drug cu thub par gyur to/ /dge slong dag yang dag par rdzogs pa'i sangs rgyas 'khor ba 'jig gi tshe'i tshad ni lo stong phrag lnga bcu thub par gyur

  204. 102b

    to/ /dge slong dag yang dag par rdzogs pa'i sangs rgyas gser thub kyi tshe'i tshad ni lo stong phrag bzhi bcu thub par gyur to/ /dge slong dag yang dag par rdzogs pa'i sangs rgyas 'od srung gi tshe'i tshad ni lo stong phrag sum cu thub par gyur to// da ltar ba'i tshe'i tshad ni lo brgya ste/ yang dag par bde ba dang bcas na cung zad lhag pa yang yod do/ /dge slong dag yang dag par rdzogs pa'i sangs rgyas rnam par gzigs ni rgyal rigs su 'khrungs par gyur la/ dge slong dag yang dag par rdzogs ba'i sangs rgyas rin chen gtsug tor can dang/ thams cad skyob dang/ 'khor ba 'jig dang/ gser thub dang/ 'od srungs ni bram ze'i rigs su 'khrungs par gyur cing/ da ltar da ni rgyal rigs su 'khrungs par gyur te/ /dge slong dag yang dag par rdzogs pa'i sangs rgyas rnam par gzigs kyi bdud? ni ko ti byir gyur la/ dge slong dag yang dag par rdzogs pa'i sangs rgyas rin chen gtsug tor can dang/ thams cad skyob pa dang/ 'khor ba 'jig dang/ 'od srungs dang/ gser thub rnams kyi gdud ni 'od srungs su gyur to/ /da ltar ba'i gdung ni gau ta mar gyur to zhes bya ba 'di lta bu la sogs par bshad do/ /gang dag rgyal ba rnams 'dren la/ bya ba chung du byed gyur pa zhes bya ba la sogs pa la/ sangs rgyas rab tu mang po'i byed pa las 'don to/ /gang zhig 'jig rten sangs rgyas la/ /skyabs song skyes bu de mchog ste/ /sangs rgyas bya ba byas skyes po/ /mya ngan 'das par 'gro bar 'gyur /gang zhig rgyal ba rnams 'dren la/ /bya ba cung zad byed gyur pa/ /de dag mtho? res sna tshogs dag/ bgrong nas bdud rtsi go 'phang thob/ /'di ltar ji bzhin thos na ni/ /da ni mya ngan 'das 'og tu/ /srid pa'i rgya mtshor 'khyam 'gyur zhes/ /dge ba mang po rab tu bya zhes gsungs so/ /nyon mongs pa med pa zhes bya ba

  205. 103a

    la sogs pa la/ bcom ldan 'das mnyan yod kyi lho phyogs na bzhugs pa na bram ze sbas pa la shin tu khro ba'i rang bzhin gyi bu zhig skyes par gyur to/ /ji tsam na pha'i srid srung gi rig byed kyi las kyi mdza' dag bor te rab tu byung ngo/ /de de nas yang khro ba'i rang bzhin du gyur te/ bya dang ri dags dag la gnod pa byed pa na/ nags tshal la gnas pa'i lha rnams kyis de de na gnas su mi ster te/ ji tsam na bcom ldan 'das lha dang bcas pa'i 'jig rten mngon par dang bar byed ba'i cho 'phrul chen po ston pa de'i tshe cho 'phrul chen po de la nags tshal la gnas ba'i lha de dag mngon par dang ste/ snying rjes smras pa/ 'jig rten gyi rgyan du gyur pa'i sangs rgyas byung gi chos/ bcom ldan 'das lta ba'i phyir ? cig ces ji srid du rgyal byed kyi tshal du khrid pa'i bar du'o/ /bcom ldan 'das kyis de dad par byed pa'i 'od kyi dkyil 'khor bskye ste/ ji tsam na rab tu byung ba'i bar du ste/ byams pa goms par byas nas dgra bcom pa nyid thob par gyur to/ /rab 'byor zhes ming grags par gyur pa'o/ /de grong dang yul dang ljongs gang du bsod snyoms kyi phyir 'gro ba na bdag las su yang sems nyon mongs par ma gyur cig ces rnam par bltas te/ gyis sbyor yul du 'gro bar byed de/ gang gi phyir sems nye bar nyon mongs par byed na spyod yul du mi 'gro zhing za na gcod pa'i bar du yang byed do/ /ji tsam na des bsams pa na bdag nyid klu las shi 'phos pa dang/ gnyen rnams 'dul byar gyur ba mthong ste/ ji tsam na klu'i khang par phyin te/ klu'i rigs lnga brgya 'ongs pa dag btul te/ de dag byams pa'i ting nge 'dzin la bkod de shing shal ma la'i nam mkha' lding gi gnod pa med par byas so/ /ji tsam na gnas brtan gyis nam mkha' ldid rnams gdul

  206. 103b

    ba'i phyir klu'i rigs lnga brgya shing shal ma la'i steng du bteg ste/ nam mkha' lding lnga brgya btul ba'i bar du'o/ /de nas bcom ldan 'das kyis dge slong rnams la bos te/ dge slong dag nga'i nyan thos nyon mongs ba med pa la gnas pa rnams kyi nang du mchog ni dge slong rab 'byor 'di yin te/ las gang gis klur skyes shes na/ bcom ldan 'das 'od srungs kyi gsung rab la rigs kyi bu 'di rab tu byung ste/ de'i mkhan po nyon mongs pa med pa la gnas te/ des kyang nyon mongs pa med pa la dad pa thob po/ /des gzhon du rnams kyi rgod ba dang bzlog pa dang/ de rnams kyis smras pa/ 'di ni byams pa la smras pa dang/ de khros nas smras pa/ tshe dang ldan pa khyed cag ni sprul dang 'dra'o zhes bya ba la sogs pa rgyas par 'byung ngo/ /so so yang dag par rig pa bzhi zhes bya ba la/ gleng gzhi ni mnyan du yod pa na'o/ /dge slong dag bzhi po 'di dag ni so so yang dag par rig pa bzhi ste/ bzhi gang zhe na/ don so so yang dag par rig pa dang/ chos so so yang dag par rig pa dang/ des pa'i tshig so so yang dag bar rig pa dang/ spobs pa so so yang dag par rig pa'o zhes gsungs so/ /btags pa'i ming dang gzugs brtags pa las so so yang dag par rig ba 'di dag bshad do/ /mngon shes rnam drug ces bya ba la/ gleng gzhin mnyan du yong ba na'o/ /dge slong dag mngon par shes pa ni drug ste/ drug gang zhe na/ rdzu 'phrul gyi yul shes pa dang/ lha'i mig dang/ rna ba dang/ sems kyi rnam grangs dang/ sngon gyi gnas rnam pa du ma rjes su dran pa dang/ zag pa zad pa'o zhes gsungs so// 'o na rab tu byed pa las zhes bya ba la/ rab tu byed pa'i rkang pa'i yang dag par sdud pa'i rab tu byed pa las/ mngon bar shes pa'i chos rnams gang zhe na/ shes rab dge ba ni mngon par shes pa zhes brjod de/ chos thams cad kyi

  207. 104a

    dngos po ji lta ba bzhin mngon par shes pa'i phyir ro zhes gsungs so/ /gsum ni rigs pa zhes bya ba la/ gleng gzhi ni mnyan du yod pa na'o/ /mi slob pa'i rig pa ni gsum ste/ mi slob ba'i sngon gyi gnas su rjes su dran pa shes ba mngon sum du bya ba'i rig pa dang/ mi slob pa'i 'chi 'pho ba dang/ skye ba shes pa mngon sum du bya ba'i rig pa dang/ mi slob pa'i zag pa zad pa'i shes pa mngon sum du bya ba'i rig pa'o/ /sngon gyi gnas rnams rig pa yis/ /mtho ris ngan song gzigs nas ni/ de nas mngon shes nges pa yis/ /thub pa skye ba zad par 'gyur/ /kun las 'dod chags las grol zhing/ /sems ni 'dod chags grol zhes 'gyur/ /rigs pa gsum po phun tshogs pas/ /de phyir gsum rig ces bya'o zhes gsungs so/ /cho 'phrul rnam pa gsum ni/ mdo drug gi tshogs kyi bzhi pa reg pa'i mdo las 'byung ste/ de nas bcom ldan 'das kyis ral pa can stong rab tu phyung zhing bsnyen pa rdzogs par byas te/ ji ltar 'dod par nye bar gnas par bya ste/ ga ya go gdan pa der ljongs rgyu zing gshegs te/ rim gyi ga ya gor gshegs te/ ga ya go'i a shi rSha'i mchod rten na dge slong stong tham pa dang thabs cig tu bzhugs so/ /de nas bcom ldan 'das kyis dge slong rnams la chos rnam pa gsum po rdzu 'phrul gyi cho 'phrul dang/ kun brjod pa'i cho 'phrul dang/ rjes su bstan pa'i cho 'phrul rnams kyis gdams phar mdzad de/ de la bcom ldan 'das gyis rdzu 'phrul gyi cho 'phrul ni 'di yin te/ bcom ldan 'das ji ltar thugs mnyam par bzhag pa na rang gi gdan las mi snang ba de lta bu'i ting nge 'dzin la snyoms par zhugs te/ shar phyogs su 'phros te spyod la ma bzhi ston par mdzad de/ 'di lta ste gshegs pa dang/ bzhugs ba dang/ gnas pa dang/ gzims pa dang/ ston bar mdzad

  208. 104b

    do/ /me'i khams la snyoms par zhugs shing me'i khams la snyoms par zhugs nas sangs rgyas bcom ldan 'das ki sku las rnam pa du ma'i 'od dag 'phro ste/ 'di lta ste/ sngon po dang/ ser po dang/ dmar po dang/ dkar po dang/ ljang khu dang/ shel gyi kha dog lta bu dag 'byung ba'i cho 'phrul dag ston cing/ lus kyi stod nas chu grang mo'i rgyun 'byung zhing lus kyi smad nas 'bar ba dang/ lus kyi smad nas chu grang mo'i rgyun 'byung zhing lus kyi stod nas 'bar bar byed de/ shar phyogs ji lta ba bzhin du lho dang/ de bzhin du nub dang/ de bzhin du byang phyogs su yang ston par byed de/ phyogs bzhi steng dang 'og tu rdzu 'phrul bstan par mdzad nas/ de nas rdzu 'phrul mngon par 'du bya ba de dag slar brtul te/ dge slong gi dge 'dun gyi mdun du gdan bsham pa nyid la bzhugs te/ 'di ni bcom ldan 'das kyi rdzu 'phrul gyi cho 'phrul lo/ /de la bcom ldan 'das kyi kun brjod pa'i cho 'phrul ni 'di yin te/ dge slong dag khyed kyi sems ni 'di lta bu/ yid ni 'di lta bu/ rnam bar shes pa ni 'di lta bu ste/ 'di lta bur rtog par byed do/ /'di lta bur rtog par mi byed do/ /'di ltar yid la byed do/ /'di ltar yid la mi byed do/ /'di ni spangs pa'o/ /'di ni lus kyis mngon sum du byas nas bsgrubs te gnas so zhes bya ba ste/ 'di ni bcom ldan 'das kyis kun brjod pa'i cho 'phrul yin no/ /de la bcom ldan 'das kyi rjes su bstan pa'i chos phrul ni 'di yin te/ dge slong dag 'di thams cad ni kun tu 'bar ba'o/ /dge slong dag 'di thams cad 'bar ba gang zhe na/ dge slong dag mig ni kun tu 'bar ba'o/ /gzugs dang/ mig gi rnam par shes pa dang/ mig gi 'dus te reg pa dang/ mig gi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin

  209. 105a

    sdug bsngal ba yang ma yin pa de yang kun tu 'bar ba'o/ /gang gis kun tu 'bar zhe na/ 'dod chags kyi me 'bar ba dang/ zhe sdang gi me dang/ gti mug gi me kun tu 'bar ba dang/ skye ba dang/ rga ba dang/ na ba dang/ 'chi 'pho ba dang/ mya ngan dang smre sngags 'don pa dang/ sdug bsngal ba dang/ yid mi bde ba dang/ 'khrug pa dang/ sdug bsngal kun tu 'bar ba'o zhes nga smra'o/ /dge slong dag rna ba dang/ sna dang/ lce dang/ lus dang/ yid ni kun tu 'bar ba ste/ chos dang yid kyi rnam par shes pa dang/ yid kyi 'dus te reg ba dang/ yid kyi 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin sdug bsngal ba yang ma yin pa de yang kun tu 'bar ba ste/ gang gi kun tu 'bar zhe na/ 'dod chags kyi me 'bar ba dang/ zhe sdang gi me dang/ gti mug gi me kun tu 'bar ba dang/ skye ba dang/ rka ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug ba dang/ sdug bsngal kun tu 'bar ba'o zhes nga? smra ste/ 'di ni bcom ldan 'das kyi rjes su bstan pa'i tsho 'phrul yin no/ /chos kyi rnam grangs 'di bshad pa na sngon bral pa can du gyur ba'i dge slong stong nye bar len pa med par zag pa las sems rnam par grol lo zhes gsungs so// bstan pa mchog/ mi 'khrul phyir phan pa dang zhes bya ba la/ bcom ldan 'das nA len+d+ra a mras kun tu bskor ba'i kun dga' rab na bzhugs te/ de nas khyim bdag nya ba'i bu bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byes te/ phyogs gcig tu 'dug go phyogs gcig tu 'dug nas khyim bdag nya ba'i bus bcom ldan 'das la 'di skad ces gsol to/ /btsun pa nA len+d+ra 'byor ba rgyas pa bde ba lo legs pa skye bo dang

  210. 105b

    mi mang pos gang ba 'di na bcom ldan 'das la mngon par dad pa mang du 'chis lags te/ bcom ldan 'das kyis dge slong rnam pa 'ga' zhig mi'i chos las bla mar gyur ba'i rdzu 'phrul dag bstan du bcug na legs te/ bram ze dang khyim bdag 'gro ba dang 'ong ba dag gis mthong nas 'di lta bu'i nA len+d+ra phal cher bcom ldan 'das la dad par 'gyur ro/ /khyim bdag gi bu nga 'di ltar dge slong dag khyed cag bram ze dang khyim bdag 'ong ba rnams la mi'i chos las bla mar gyur pa'i rdzu 'phrul dag ston cig ces nyan thos rnams la chos mi ston gyi/ 'on kyang 'di ltar dge slong dag dge ba ni gsang bar bya zhing sdig pa ni mthol bar bya'o zhes nyan thos rnams la chos ston to/ /bcom ldan 'das kyis mi'i chos bla mar gyur ba'i rdzu 'phrul la nyes dmigs ci zhig yang dag par rjes su gzigs na 'di ltar dge slong de dag dge ba ni gsang bar bya zhing sdig pa ni mthol bar bya'o zhes nyan thos rnams la chos ston to/ /khyim bdag gi bu cho 'phrul ni rnam pa gsum ste/ gsum nga zhe na/ rdzu 'phrul gyi cho 'phrul dang/ kun brjod pa'i cho 'phrul dang/ rjes su bstan pa'i cho 'phrul lo/ /khyim bdag gi bu rdzu 'phrul gyi cho 'phrul gang zhe na/ khyim bdag gi bu 'di ni dge sbyong dam bram ze kha cig rdzu 'phrul gyi rnam pa du ma ? mong bar byed pa ste/ 'di lta ste gcig tu gyur nas mang por 'gyur ba dang/ mang por gyur nas gcig tu 'gyur ba dang/ snang ba dang mi snang bar shes pa dang mthong ba nyams su myong bar byed pa dang/ rtsig pa dang/ rab dang/ rdo ba dang/ ril ? thogs pa med par 'gro ste/ 'di lta ste nam mkha' la bya ba bzhin no/ /sa la yang byi'u zul du byed de/ /'di lta ste chu la bya ba bzhin no/ /chu la yang bying ba med par 'gro ste/ 'di lta ste/ sa la bya ba bzhin no/ /nam mkha' la yang skyil? mo

  211. 106a

    krung gis 'gro ste/ dper na 'dab chags bya bzhin no/ /nyi ma dang zla ba 'di ltar rdzu 'phrul che zhing mthu che ba 'di dag lag pas nom zhing nyug pa dang/ tshangs pa'i 'jig rten gyi bar du lus kyis dbang sgyur bar byed de/ dge sbyod dam bram ze dag rdzu 'phrul rnam pa du ma nyi ma dang zla ba lag pas nom zhing nyug pa'i bar du byed pa dag dad pa'i khyim bdag gam khyim bdag gi bu 'ga' zhig gis mthong ste/ mthong nas ma dang pa'i khyim bdag gam khyim bdag gi bu dag la 'di skad du/ kye skyes bu shes par gyis shig 'dir? dge sbyong dam bram ze rdzu 'phrul gyi yul rnam pa du ma gcig tu gyur nas mang por 'gyur ba dang/ nyi ma dang zla ba lag pas nom zhing nyug pa'i bar du byed pa dag bas mthong ngo zhes smra'o/ /de 'di skad du kye skyes bu khyod kyis 'di na dge sbyong dam bram ze rdzu 'phrul gyi yul rnam pa du ma nyi ma dang zla ba la nom zhing nyug pa'i bar du byed pa mthong ba de la ngo mtshar ba ci zhig yod/ kyi skyes bu gand+har pa zhes bya ba'i rig sngags yod de/ de 'ga' zhig gis bzung zhing bcangs na rdzu 'phrul gyi yul rnam pa du ma nyi ma dang zla ba la nom zhing nyug pa'i bar du byed pa yod do zhes smra na/ khyim bdag gi bu 'di ji snyam du sems/ gnas dang po 'di la dad pa'i khyim bdag gam khyim bdag gi bu dag ma dad pa'i khyim bdag gam khya mi bdag gi bu'i nye bar brjod pa nyan snyam sems sam/ btsun pa de bzhin no/ /khyim bdag gi bu mi'i chos las bla mar gyur pa'i rdzu 'phrul la nyes dmigs 'di lta bu ngas yang dag par rjes su gzigs nas 'di ltar nyan thos rnams la/ dge slong dag dge ba ni gsang bar bya zhing sdig pa ni mthol bar bya'o zhes chos ston par mdzad do/ /khyim bdag gi bu kun brjod pa'i tshe 'phrul gang

  212. 106b

    zhe na/ khyim bdag gi bu 'di ni dge sbyong dam bram ze kha cig ni rgyu mtshan na ma/ yongs su brjod pa la kun brjod bar bya ste/ yid ni 'di lta bu'o/ /yid ni gzhan du'o/ /snga par byas pa dang/ snga bar brjod pa yang kun brjod la/ gsang bar byas pa dang/ gsang bar brjod pa kun yang rjod par byed la/ 'das pa dang/ ma 'ongs pa dang/ da ltar byung ba kun yang rjod par byed cing/ thag ring po yang kun brjod la/ thag nye bar yang kun brjod cing/ sems kyang kun brjod la sems las byung ba yang kun rjod par byed de/ gang cung zad brjod pa de thams cad de bzhin du 'gyur gyi/ gzhan du yang ma yin pa dang/ rgyu mtshan rnam yongs su brjod pa las kun brjod pa mi byed mod kyi/ 'on kyang lha dang mi rnams las thos nas yid ni 'di lta bu'o zhes kun rjod par byed de zhes bya ba nas thams cad de bzhin du gyur pa ma yin zhes bya ba'i bar dang/ rgyu mtshan dang yongs su brjod pa las kun rjod par yang mi byed la/ lha dang mi rnams las thos nas kun rjod par yang mi byed mod kyi/ 'on kyang yongs su rtog pa dang/ yongs su dpyod pas sems can gzhan dang gang zag gzhan rnams kyi yid yid gyis rnam par shes nas yid ni 'di lta bu'o zhes bya ba nas/ snga ma bzhin du thams cad de bzhin du 'gyur gyi/ gzhan du ma yin zhes bya ba'i bar du'o/ /dge spyod dam bram ze rgyu mtshan maM? yongs su brjod pa las yid ni 'di lta bu'o zhes kun rjod par byed pa zhes bya ba nas/ snga ma bzhin du thams cad de bzhin du 'gyur gyi/ gzhan du ma yin zhes bya ba'i bar du ste/ dad pa'i khyim bdag gam/ bu dag gis mthong ste/ mthong nas ma dad pa'i khyim bdag gam khyim bdag gi bu de dag gis bu de dag la 'di skad du kye skyes bu dag shes par gyis shig /de nas dge sbyong dam bram ze rgyu mtshan nam yongs su brjod pa las yid ni

  213. 107a

    'di lta bu'o zhes kun brjod ces bya ba nas/ thams cad de bzhin du 'gyur gyi/ gzhan du yang ma yin pa ngas mthong ngo zhes smras pa dang/ kye skyes bu khyod kyis dge sbyong dam bram ze rgyu mtshan nam yongs su brjod pa las yid ni 'di lta bu'o zhes kun brjod ces bya ba nas/ thams cad de bzhin du 'gyur gyi/ gzhan du ma yin pa mthong ba la ngo mtshar ba ci zhig yod/ kye skyes bu rtog byed ces bya ba'i rig sngags yod de gang zhig gis bzung zhing bcangs nas rgyu mtshan nam yongs su brjod pa las yid ni 'di lta bu'o zhes kun rjod par byed ces bya ba nas thams cad de bzhin du 'gyur gyi gzhan du ma yin no zhes smra na/ khyim bdag gi bu 'di ji snyam du sems/ gnas gnyis pa 'di la dad pa'i khyim bdag gam khyims bdag gi bu de dag ma dang ba'i khyim bdag gam khyim bdag gi bu de dag gi nye bar brjod pa nyan snyam sems sam/ btsun pa de bzhin no/ /khyim bdag gi bu mi'i chos las bla mar gyur pa'i kun brjod pa'i tsho 'phrul la nyes dmigs 'di lta bu ngas yang dag par rjes su gzigs nas/ dge slong dag dge ba ni gsang bar bya zhing sdig pa ni mthol bar bya'o zhes nyon thos rnams la chos ston par mdzad do/ /khyim bdag gi bu rjes su bstan pa'i cho 'phrul gang zhe na/ khyim bdag gi bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung zhes bya ba nas rgyas par gnas rnam pa gsum rnams la ston pa'i yongs su dag pa btsal bar bya'o zhes de'i dpe tshul khrims kyi phung po'i bsam gtan dang mngon par shes pa zhes bya ba'i tshul khrims kyi phung po'i mdo lnga po'i stod kyi cha las 'byung la/ smad kyi cha ni mdzod kyi gnas gnyis par tshangs pa'i bar du g.yo sgyu 'byung ngo zhes

  214. 107b

    bya ba der bris zin to/ /ston pa la/ yid mgyogs 'gro ba zhes bya ba la/ bcom ldan 'das shar sha pa'i grong khyer gyi tsan dan gyi khang pa na bzhugs te/ de'i tshe rgya mtsho chen po'i nad na klu'i rgyal po nag po dang/ gau ta ma zhes bya ba gnyis gnas te/ bcom ldan 'das shar sha pa'i grong khyer na chos ston gyis nyan pa'i phyir 'gro'i zhes gnas te/ de nas klu lnga brgya'i 'khor dang/ chu bo lnga brgya nas byung ste/ shar sha pa'i grong khyer du 'ong ba sangs rgyas bcom ldan 'das kyi chos rnams la mi brjed ba'i dran pas klu'i rgyal po nag po dang/ gau ta ma gnyis shar sha ba'i grong khyer du rongs na grong khyer gzhig cing mi snang bar 'gyur ba gzigs te/ de nas bcom ldan 'das kyis tshe dang ldan pa mong+gal gyi bu chen po la bos te/ mong+gol gyi bu chen po de bzhin gshegs pa'i blo bur ba'i bsod snyoms dag zung zhig/ de ci'i phyir zhe na/ mong+gol gyi bu chen po blo bur gyi bsod snyoms ni rnam pa lnga ste/ lnga gang zhe na/ blo bur du lhags pa dang/ 'gon po dang/ nang ba nang/ nang g.yog dang/ las byed pa rnams kyi'o/ /don 'di la bcom ldan 'das nyid las byed pa yin no/ /de nas bcom ldan 'das dang mong+gal gyi bu thabs gcig tu klu'i rgyal po nag po dang gau ta ma gnyis gang na ba der gshegs shing nye bar gshegs te bka' stsal ba/ klu'i dbang po dag shur ba ri'i grong khyer mi snang bar 'gyur ba de ltar bsam par gyis shig/ de gnyis kyis smras pa/ btsun pa dad pa'i shugs de 'dra bas bdag cag der 'ongs na gang yang bdag srogs chags grog spar yan chad la yang gnod par mi nus na/ shung sha pa na gnas pa'i skye bo'i tshogs la lta smos kyang ci 'tshal/ de nas bcom ldan 'das gdugs tshong gsol bar rtsom pa na/ klu de dag so so nas 'di snyam du kye ma bcom

  215. 108a

    ldan 'das bdag gi chu gsol bar gyur kyang ci ma rung snyam du sems so/ /bcom ldan 'das kyis dgongs pa/ gal te gcig gi chu 'thungs nas gzhan dag mi dga' bar 'gyur gyis thabs kyi rnam pa zhig bya'o zhes dgongs te/ de nas bcom ldan 'das kyis tshe dang ldan pa maung+gal gyi bu chen po la bos te/ mong+gal gyi bu chu lnga brgya gang du 'dus pa de las chu lhung bzed gang khyer la shog cig/ btsun pa de bzhin no zhes tshe dang ldan pa mong+gal gyi bu chen pos bcom ldan 'das las mnyan te/ chu bo lnga brgya gang du 'dus pa de las chu lhung bzed gang blangs te/ bcom ldan 'das gang na ba der nye bar song ste/ nye bar song nas bcom ldan 'das la chu lhung bzed bkang nas phul ba dang/ bcom ldan 'das kyis blangs te gsol lo/ /de nas tshe dang ldan pa maung+gal gyi bu chen po 'di snyam du sems te/ sngon bcom ldan 'das kyis dge slong dag pha dang ma dag ni bu la dka' ba byed pa ste/ gsos skyed par byed cing 'dzam+bu'i gling sna tshogs ston pa ste/ phrag pa gcig la pha phrag pa gcig lam khyer te/ lo 'khor ba brgyar gnas pa dang/ gang yeng sa chen po 'di'i nor bu dang/ mu tig dang/ bai DUrya dang/ dung dang/ shel dang/ gser dang/ dngul dang/ sa la sbram dang/ asma garba dang/ mu sa la garba dang/ lo ha ta ra ga dang/ dung g.yas su 'khyil ba la sogs pa 'di lta bu rnams kyis phyug par byas kyang bus pha dang ma la phan pa byas pa ma yin no/ /gang gis pha dang ma ma dang pa dang pa phun sum tshogs par byed cing 'dul ba dang/ rab tu 'gong ba dang/ rab tu 'jog par byed cing tshul khrims 'chal pa tshul khrims phun? sum tshogs pa dang/ ser sna can gtong pa phun sum tshogs pa dang/ shes rab 'chal ba shes rab phun sum tshogs par byed cing

  216. 108b

    'dul ba la rab tu 'god pa dang rab tu 'jog par byed na/ 'di tsam gyis bus pha dang ma la phan pa byas pa yin no zhes gsungs na/ bdag gi ma la phan pa cung zad kyang ma byas kyis de bdag gis ma gang du skyes ba bsam par bya'o zhes des bsam pa dang 'jig rten gyi khams 'od zer can du skyes par na thod zhing/ gang gis 'dul zhe na/ bcom ldan 'das kyis 'dul bar mthong nas/ de 'di snyam du bdag thag ring po nas 'ongs par gyur la bdag gis don 'di bcom ldan 'das kyis dgongs par bya'o zhes/ de bcom ldan 'das la 'di skad ces gsol to/ /btsun pa bcom ldan 'das kyis sngon dge slong dag pha dang ma bul da kA ba byed pa ste zhes gsungs na/ bdag gi ma 'jig rten gyi khams 'od zer can du skyes pa de bcom ldan 'das gyis gdul bar 'os te/ bcom ldan 'das thugs brtse bar nye bar bzung ste de gdul bar mdzad du gsol/ bcom ldan 'das kyis bka' stsal ba/ maung+gal gyi bu gang gi rdzu 'phrul gyis 'gro bar bya/ bcom ldan 'das ? da dag gi'o/ /de nas bcom ldan 'das dang tshe dang ldan pa maung+gal gyi bu chen po ri rab kyi steng du zhabs 'jog cing gshegs te/ zhag bdun gyis 'od zer can gyi 'jig rten gyi khams su phyin to/ /maung+gal gyi bu chen po thag ring po nas 'ong ba bu mo bzang mos mthong ste/ mthong nas rings bar de'i drung du 'ongs te r smras pa/ yun ring mo zhig na bu mthong ngo yun ring mo zhig na bu mthong ngo zhes smras so/ /de na skye bo mang po'i tshogs dag 'di skad du gzhon nu ma 'di rab tu byung ba rgan po 'di'i mar ji ltar 'gyur zhes smras pa dang/ de dag la 'phags pa maung+gal gyi bu chen pos bdag gi phung po 'di gsos shing bskyod pa des na 'di ma zhes bya'o zhes smras so/ /de nas bcom ldan 'das kyis gzhon nu ma bzang mo'i bsam pa dang bag la nyal dang khams dang rang bzhin mkhyen par mdzad

  217. 109a

    nas/ 'phags pa'i bden pa bzhi mthong ba de lta bu'i chos bstan par mdzad de/ gzhon nu ma bzang mos thos nas 'jig tshogs la lta ba'i de'i rtse mo mthe ba nyi shu ye shes kyi rdo rjes bcom nas rgyun du bzhugs pa'i 'bras bu mngon sum du bya ste/ de bden pa mthong nas chang du brjod pa lan gsum du ched du brjod pa snga ma bzhin du lha dang mi la bkod do zhes bya ba'i bar du'o/ /yang smras pa shin tu rkyen mang ldan ba'i ngan song lam/ /'jigs su rung las khyed kyi mthu yis bsgral/ /mtho ris 'gro ba'i bsod nams sgo phye zhing/ /mya ngan 'das pa'i lam ni bdag gis thob/ /khyed la brten nas bdag skyon rnam dag cing/ /bdag gi mig ni shin tu rnam dag gyur/ /sdug bsngal rgya mtsho'i pha rol phyin gyur cing/ /'phags pa dgyes pa'i zhi ba'i gnas thob po/ /skye rga 'chi ba'i 'khrug dang bral gyur cing/ /lha dang lha min mi yi 'gro bas mchod/ /skye pa stong du mthong brnyed dka' ba/ /thub pa mthong ba 'bras bu bcas par gyur// btsun pa bdag ni mngon par 'phags so/ /mngon par 'phags so/ /deng nas bzung ste bcom ldan 'das dang chos dang dge 'dun la skyabs su mchi'o/ /bdag dge bsnyen du bzung du gsol/ /dus 'di nas bzung ste ji srid 'tsho'i bar du srog dang bsngo zhing skyabs su 'gro zhing mngon par dang do/ /bcom ldan 'das tshe dang ldan pa maung+gal gyi bu chen po dang thabs gcig tu bsod snyoms pa zhes par gnang bar mdzod cig /bcom ldan 'das kyis gnang ste/ gzhon nu ma bzang mos bcom ldan 'das dang tshe dang ldan pa maung+gal gyi bu chen po bde bar bzhugs par rig nas/ gtsang zhing bsod pa'i bza' ba dang bca' bdag gis rang gi lag nas 'dri ma par byed/ stobs par byed de/ lan du mar bsod

  218. 109b

    pa'i bza' ba dang bca' ba bdag gis sgrims shing bltabs nas bcom ldan 'das gsol bar rig nas lag pa gnyis kyis lhung bzed gyur te/ stan dma' ba gcig blangs te bcom ldan 'das kyi mdun du chos nyan pa'i phyir 'dug par gyur to/ /bcom ldan 'das kyis de la chos bstan te/ tshe dang ldan pa maung+gal gyi bu chen pos bcom ldan 'das kyi lhung bzed blangs nas bkrus te/ bcom ldan 'das kyis bka' stsal ba/ maung+gal gyi bu 'gro bar bya'o/ /bcom ldan 'das gshegs shig /gang gi rdzu 'phrul gyis/ bcom ldan 'das kyi'o/ /gang yang rgyal byed kyi tshal du phyin pa de lta bu'i dgongs pa mdzad de/ bcom ldan 'das phyin tam/ maung+gal gyi bu phyin to/ /de nas tshe dang ldan pa maung+gal gyi bu chen po ngo mtshar skyes te smras pa/ bcom ldan 'das rdzu 'phrul 'di'i ming ci lags/ maung+gal gyi bu yid mgyogs pa'o/ /btsun pa sangs rgyas kyi chos 'di ltar zab pa bdag gis rnam par mi shes te/ gal te rnam par shes par ma gyur na yang bdag gi lus til gyi phye ma tsam du gyur kyang bla na med pa yang dag par rdzogs pa'i byang chub tu sems bskyed pa bzlog par mi bya'o/ /da bdag gis ci bya ste bud shing tshig pa bzhin du gyur to zhes gsungs so/ /sangs rgyas rnams kyi sangs rgyas kyi yul ni bsam gyis mi khyab bo zhes bya ba la/ bzhi las 'phros ba las 'byung ba mdzad kyi gnas gnyis pa 'di nyid du sems can gyi gnas dgu'i skabs su bris shing/ mdzod kyi gnas gsum par srid pa bar ma bsam par sems can rnams kyi las kyi rnam par smin pa ni bsam gyis mi khyab bo zhes yang dag par bshad do/ /ston min sprul pa po dang bcas zhes bya ba la/ phran tshegs kyi sde snod las don gyi sde tshan bcu pa las mdo 'di ltar 'don te/ de nas mnyan yod na gnas pa'i bram ze dang khyim bdag de dag 'di snyam du

  219. 110a

    rgyu gang dang rkyen gang gis rab tu byung ba rnams dang rab tu byung ba rnams su rtsod cing 'thab pa dang mtshad 'bru ba dang chad pas gcod pa dag byung bar gyur/ bcom ldan 'das la gus pas 'dri ba'i nus pa med do snyam mo/ /de nas bcom ldan 'das kyis mnyan yod kyi bram ze dang khyim bdag de dag gi sems thugs kyis rnam par mkhyen nas/ mgo brags shing chos gos bgos pa skyes bu chen po'i mtshan sum cu rtsa gnyis dang dpe byad bzang po brgyad cu dang yang dag par ldan pa'i sprul pa zhig sbrul par mdzad do/ /chos nyid kyis nyan thos rnams kyis sprul pa sprul na/ nyan thos rnams smra na sprul pa yang smra bar byed la/ nyan thas rnams mi smra na sprul ba yang mi smra bar 'gyur zhing/ sprul pa gcig smra na/ thams cad smra zhing/ gcig mi smra na thams cad kyang mi smra bar 'gyur ro/ /sangs rgyas bcom ldan 'das rnams kyis sprul ba sprul par mdzad pa na/ sangs rgyas bcom ldan 'das dri bar mdzad pa na sprul pa lung ston par byed la/ sprul pa ? bar mdzad na bcom ldan 'das lung ston par mdzad do/ /de nas sprul pa de stan las langs te bla gos phrag pa gcig tu byas nas bcom ldan 'das gang na ba der thal mo sbyar zhing phyag byas nas/ de'i tshe don gyi sde tshan 'di las brtsams te tshigs su bcad pa'i dbyangs kyis zhu ba zhus pa/ brag dog lhan cig mya ngan smre sngags 'don/ /'thab rtsod 'di dag gang gis rab tu bskyed/ pha ma dang bcas nga rgyal lhag nga rgyal ? dag gang gis bskyed ba bdag 'dri'o/ /phrag dog lhan cig mya ngan smre sngags 'ong? na/ /'thab dang rtsod pa 'di dag dga' bas bskyed/ phra ma dang bcas nga rgyal lhag nga rgyal/ /'di dag dga' / bas rab tu bskyed ba yin zhes bya ba la sogs pa byung ngo/ /gcig cig smra bar gyur

  220. 110b

    ba na zhes bya ba'i tshigs su bcad ba'i dpe ni lung ring bo'i mang las tshangs ba'i sprul ba de dag lha'i dbang po'i bang par 'dug ste so so nas gtam smras so zhes bya ba la sogs pa 'byung ngo/ /'phags pa 'od srungs chen po'i byin gyis brlabs kyis zhes bya ba'i/ gang gi phyir de la bcom ldan 'das kyis bstan pa gtang de/ bcom ldan 'das yongs su mya ngan las 'das pa'i 'og tu gsung rab bsdu ba byas so/ /dgra bcom pa lnga brgya po de dag yongs su mya ngan las 'das pa dang/ 'phags pa 'od srungs chen po la bstan pa yongs su gtang do/ /de ltar bya ba ma lus bar bya ste/ ri bya rkang mo'i steng du 'dzegs nas bcom ldan 'das kyis phyag dang khrod ba'i na bzas lus dang bsil byang dang lhur bzed gtums te/ ri gsum gyi bsgribs te/ bcom ldan 'das byams pa'i gsung rab kyi bar? du nyams par ma gyur cing das rang gis 'khor rnams la rig par byed par 'gyur ro zhes byin gyis brlabs nas yongs su mya ngan las 'das so/ /gang gi tshe bcom ldan 'das byams pa 'jig rten du byung ba de'i tshe nyan thos kyi dge 'dun dang lhan cigs phyogs der gshegs te/ ri gsum po dag rnam par bsal te/ bcom ldan 'das byams pa'i phyag gi rus pa'i tshogs ba snams te chos ston par 'gyur te/ chos ston pa thos nas nyan thos bye ba phrag dgu bcu rtsa drug dgra bcom pa nyid mngon sum du byed bar 'gyur ro zhi phran tshags las/ dbyangs dang zhes bya ba la sogs pa'i sman gyi gzhi'i sdom gyis tshigs su bcad pa gsum pa las rgyas bar 'don to/ /chos mngon pa mthong kyi rnam par bshad pa nye bar mkho ba zhes bya ba las mdzad kyi gnas bdun pa phal char mdo dang sbyar ba rdzogs so// //'di ltar mdo las lhag pa'i sems kyi bslab pa dang zhes bya ba la/ lam gyi tshogs kyi bslab pa'i sgo'i mdo gsum pa dang bzhi pa las 'byung ba

  221. 111a

    mdzod kyi gnas drug pa 'di nyid du de'i tshe de mi slob dgra bcom zhes bya ba'i chog le'ur byas pa dang/ yang tshul khrims dang/ ting nge 'dzin dang/ shes rab kyi rang bzhin yin zhes bris zin to/ /sems yongs su dag pa'i gtso bo zhes bya ba la/ stag gi byang chub kyi bu dang/ nyan thos kyi rnam par bshad pa sdom gyi tshigs su bcad pa bcu gcig pa'i tha ma las 'byung ba mdzod kyi gnas drug par bshad zin to/ /bcom ldan 'das kyis kyang bsam gtan mi dge ba dag kyang gsungs so zhes bya ba la/ tshangs pa'i tshogs kyi sdom gyi tshigs su bcad pa dang po'i maung+gal gyi bu dang bslab pa'i mdo las 'di ltar 'don te/ de'i tshe na sde dpon nye dga' 'khor der 'dus par gyur cing tshogs te 'dug par gyur te/ de nas sde dpon nye dags chen por grags pa'i bram ze 'char byed la 'di skad ces smras so/ /'char byed khyed cag 'od ma'i tshal bya ka lan ta ka gnas pa na de ltar bsam gtan dang bsam gtan gyi tshul gyis mngon par dga' ba bden nam/ sde dpon de de bzhin te/ /de de bzhin no/ /bsam gtan dang bsam gtan gyi tshul gyis sdom par byed do/ /dus gcig gi tshe bcom ldan 'das gau ta ma chu bo can byi kun rdza ka'i spyi la bu na bzhugs te/ de'i tshe bcom ldan 'das gau ta ma des bdag la bsam gtan thams cad ni bsngags shing bsam gtan thams cad kyi rab tu bsngags pa gsungs so/ /de nas tshe dang ldan pa kun dga' bos chen por grags pa de'i bram ze 'char byed la 'di skad ces smras so/ /'char byed khyod 'di skad du bcom ldan 'das gau ta ma des bdag la bsam gtan thams cad bsdags shing bsam gtan thams cad kyis rab tu bsngags par gsung ngo zhes ma smra zhig/ 'on kyang bcom ldan 'das ni bsngags par mi 'os? pa de dag gi bsdag

  222. 111b

    ba mi gsung gi/ bsngags bar 'os ba dag gi bsngags pa gsung ngo/ /ji ltar bcom ldan 'das gau tam gang bsngags par mi 'os pa dag gi bsngags pa mi gsung zhe na/ 'chad byed 'di na kha cig 'dod pa'i 'dod chags kyis kun nas dkris ba'i sems la lan mang du gnas shing 'dod pa'i 'dod chags kyi kun nas dkris pa skyes pa rnams la phyis des pa 'byung ba yang dag pa ji lta ba bzhin du rab tu mi shes te/ de 'dod pa'i 'dod chags kyi kun nas dkris pas bar du bcad cing sgom par byed/ /rab tu bsgom zhing bsgom ste/ gnod sems dang/ rmugs ba dang/ gnyid dang/ rgod pa dang/ 'gyod pa dang/ the tshom gyi kun nas dkris pas sems la lan mang du gnas shing the tshom gyi kun nas dkris pa skyed pa rnams las/ phyis nges par 'byung ba yang dag pa ji lta ba bzhin mi shes te/ de the tshom gyi kun nas dkris pas bar du bcad cing sgom par byed/ rab tu bsgom zhing bsgom ste/ 'di ltar na bsngags par mi 'os pa'i bsam gtan gyi bsngags pa mi gsung ngo/ /ji ltar na bsngags par 'os pa'i bsngags pa gsung zhe na/ 'char byed 'di na dge slong 'dod pa las dben pa sdig pa mi dge ba las dben zhes bya ba nas/ bsam gtan bzhi pa bsgrubs te gnas so zhes bya ba'i bar du ste/ 'di ltar na bsngags par 'os pa bsngags so/ /kun dga' bo bcom ldan 'das gau ta mas bsngags par mi 'os ba'i bsam gtan gyi bsngags pa mi gsung zhing/ bsngags par 'os pa'i bsngags pa gsung dam/ kun dga' bo bdag la yang bya ba mang po dang bya ba mang du mchis kyis 'gro bar bya'o/ /'char byed de ltar de'i dus la bab par shes na song zhig/ de nas chen por grags pa'i ma ga d+ha'i bram ze 'char byed/ tshe dang ldan pa kun dga' bos bshad pa la mngon par dga' zhing rjes su yi rang ste/ stan las langs te song

  223. 112a

    ngo zhes gsungs so/ /gal te tshe dang drod gnyis 'dres par gsungs pa'i phyir dang zhes bya ba la/ lung bar ma'i sdom gyi tshigs su bcad pa gsum pa'i mthar gsum bo che'i mdo las byung ba mdzod kyi gnas gsum pa 'di nyid du de las byung ba'i tshor ba drug /lnga ni lus kyi'o sems kyi gzhan zhes bya bar tshe dang drod gnyis lhan cig cing 'dres par gsungs pa'i phyir skad cig ma nges par grub bo zhes par bris zin to/ /'dam bu'i shog gnyis bzhin zhes bya ba la/ gleng gzhi ni rgyal po'i khab na'o/ /de'i tshe na tshe dang ldan pa shA ri'i bu dang/ tshe dang ldan pa gsus po che gnyis rgyal po'i khab kyi bya rgod phung po'i ri la brten te gnas so/ /de nas tshe dang ldan pa shA ri'i bu dgongs ka nang du yang dag 'jog las langs te/ tshe dang ldan pa gsus po che gang na bder nye bar song ste/ nye bar song nas tshe dang ldan pa gsus po tshe dng lhan cig yang dag par dga' ba dang yang dag par bde pa'i gtam rnam pa sna tshogs byas te phyogs gcig tu 'dug go /phyogs gcig tu 'dug nas cho dang ldan pa shA ri'i bus tshe dang ldan pa gsus po che la 'di skad ces smas so/ /tshe dang ldan pa gsus po che dris pa lung bstan pa'i phyir skabs 'byed na bdag phyogs cung zad cing yongs su 'dri'o/ /tshe dang ldan pa shA ri'i bu dris shig dang thos nas rig par bya'o/ /tshe dang ldan pa gsus po che rga ba yod dam/ tshe dang ldan ba shA ri'i bu yod do/ /'chi ba yod dam/ tshe dang ldan pa shA ri'i bu yod do/ /tshe dang ldan pa gsus po che ci rga ba dang 'chi ba dag rang gis byas sam/ gzhan gyis byas sam/ 'on te rang gis kyang byas shing gzhan gyis kyang byas sam/ 'on te rga ba dang 'chi ba dag rang gis kyang ma byas gzhan gyis kyang ma byas par rgyu med par byung/ tshe dang ldan pa shA ri'i bu rga ba dang 'chi ba ni rang gis ma byas gzhan

  224. 112b

    gyis ma byas la/ rang gis byas pa dang gzhan gyis byas pa yang ma yin la/ rga dang 'chi ba dag ni rang gis kyang ma byas gzhan gyis ma byas par rgyu med pa las kyang ma byung gi/ 'on kyang skyes pa'i rkyen gyis rga ba dang 'chi ba byung ngo/ /tshe dang ldan pa gsus po che ci skye ba rang gis byas sam/ /'on te gzhan gyis byas sam/ 'on te rang gyis kyang byas gzhan gyis yang byas sam/ skye ba dang rga ba dag rang gis ma byas gzhan gyis ma byas par rgyu med pa las byung/ tshe dang ldan pa shA ri'i bu skye ba ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ skye ba ni rang gis ma byas pa gzhan gyis ma byas par rgyu med pa las byung ba yang ma yin no/ /'on kyang srid pa'i rkyen gyis skye ba byung ngo/ /tshe dang ldan pa gsum po che ci srid pa rang gis byas sam/ 'on te gzhan gyis sam/ 'on te rang gis kyang byas shing gzhan gyis kyang byas sam/ 'on te srid pa rang gis kyang ma byas gzhan gyis kyang ma byas par rgyu med pa las byung/ tshe dang ldan pa shA ri'i bu srid pa rang gis kyang ma byas shing gzhan gyis gzhan gyis yang ma byas la/ rang gis byas pa dang gzhan gyis byas pa rang ma yin la/ srid pa ni rang gis ma byas gzhan gyis ma byas par rgyu med pa las byung ba yang ma yin te/ 'on kyang len pa'i rkyen gyis srid pa'o/ / tshe dang ldan pa gsus po che ci len pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te len pa rang gis kyang ma byas gzhan gyis kyang ma byas par rgyu med pa las byung/ tshe dang ldan ba shA ri'i bu len pa ni rang gis ma byas shing gzhan gyis yang ma byas la/ rang gis byas ba dang gzhan gyis byas pa yang ma yin la/ len pa ni rang gis ma byas gzhan gyis ma byas par rgyu med pa las byung ba yang ma yin te/ 'on kyang srid pa'i

  225. 113a

    rkyen gyis len pa byung ngo/ /tshe dang ldan pa gsus po che sred pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te sred pa rang gis kyang ma byas gzhan gyis kyang ma byas par las byung/ tshe dang ldan pa shA ri'i bu srid pa ni rang gis kyang ma byas shing gzhan gyis kyang ma byas la/ rang gis byas pa dad gzhan gyis byas pa yang ma yin la/ sred pa rang gis ma byas gzhan gyis ma byas par rgyu med pa las byung ba yang ma yin te/ 'on kyang tshor ba'i rkyen gyis srid pa byung ngo/ /tshe dang ldan pa gsus po che tshor ba rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te tshor ba rang gis ma byas gzhan gyis ma byas par rgyu med pa las byung/ che dang ldan ba shA ri'i bu tshor ba ni rang gis kyang ma byas shing gzhan gyis kyang ma byas pa/ rang gis byas pa yang ma yin gzhan gyis byas pa yang ma yin la/ tshor ba rang gis ma byas gzhan gyis ma byas par rgyu med pa las byung ba yang ma yin te/ 'on kyang reg pa'i rkyen gyis tshor ba byung ngo/ /tshe dang ldan pa gsus po che reg pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te reg pa rang gis ma byas gzhan gyis ma byas par rgyu med pa las byung/ tsho dang ldan ba shA ri'i bu reg pa ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ dag pa rang gis ma byas gzhan gyis ma byas bar rgyu med pa las byung ba yang ma yin te/ 'on kyang skye mched drug gi rkyen gyis reg pa byung ngo/ /tshe dang ldan pa gsus po che skye mched drug rang gis byas sam/ 'on te gzhan gyis byas sam

  226. 113b

    'on te rang gis kyang byas shing gzhan gyis kyang byas sam/ 'on te skye mched drug rang gis ma byas gzhan gyis ma byas par rgyu med pa las byung/ tshe dang ldan pa shA ri'i bu skye mched drug ni rang gis ma byas shing gzhan gyis kyang ma byas la/ rang gis byas pa dang gzhan gyis byas pa yang ma yin la/ skye mched drug ni rang gis ma byas gzhan gyis ma byas par rgyu med pa las byung ba yang ma yin te/ 'on kyang ming dang gzugs kyi rkyen gyis skye mched drug byung ngo/ /tshe dang ldan pa gsus po che ming dang gzugs rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ ming dang gzugs rang gis ma byas gzhan gyis ma byas par rgyu med pa las byung/ tshe dang ldan pa shA ri'i bu ming dang gzugs ni rang gis ma byas shing gzhan gyis kyang ma byas la/ rang gis byas pa dang gzhan gyis byas pa yang ma yin la ming dang gzugs ni rang gis ma byas gzhan gyis kyang ma byas par rgyu med pa las byung ba yang ma yin te/ 'on kyang rnam par shes pa'i rkyen gyis ming dang gzugs byung ngo/ /tshe dang ldan pa gsus po che rnam par shes pa rang gis byas sam/ 'on te gzhan gyis byas sam/ 'on te rang gis kyang byas shing gzhan gyis kyang byas sam/ 'on te rnam par shes pa rang gis kyang ma byas gzhan gyis kyang ma byas par rgyu med pa las byung/ tshe dang ldan pa shA ri'i bu rnam par shes pa ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ rnam par sheS pa rang gis ma byas gzhan gyiS ma byas par rgyu med pa las byung ba yang ma yin te/ 'on kyang ming dang gzugs kyi rkyen gyis rnam par shes pa byung ngo/ /tshe dang ldan pa gsus po che snga mas phyi ma dang/ phyi mas snga ma

  227. 114a

    'di ji ltar rigs par 'gyur te/ de lta tshe dang ldan pa gsus po che 'di skad du/ tshe dang ldan pa shA ri'i bu ming dang gzugs ni rang gis ma byas shing gzhan gyis ma byas la/ rang gis byas pa dang gzhan gyis byas pa yang ma yin la/ ming dang gzugs rang gis ma byas gzhan gyis ma byas par rgyu med pa las byung ba yang ma yin no/ /'on kyang rnam par shes pa'i rkyen gyis ming dang gzugs byung ngo zhes bshad pa la/ da ltar na ming dang gzugs kyis rkyen gyis rnam par zhes pa byung ngo/ /zhes tshe dang ldan pa gsus po ches bshad pa'i don mi shes te/ tshe dang ldan pa gsus po ches bshad pa'i don 'di ji ltar blta bar bya/ de'i phyir tshe dang ldan ba shA ri'i bus skyes bu mkhas pa rnams ni 'phes rnam par bshad pa'i don shes par 'gyur bas re zhig dpe nyon cig/ dper na 'dam bu'i shog gnyis blang ba dag phan tshun rten cing phan tshun 'brel pa dang/ phan tshun rten cing gnas te/ de las 'ga' zhig gis gcig blangs nas gnyis pa lhung bar gyur pa de bzhin du/ tshe dang ldan pa shA ri'i bu chos gnyis po 'di dag ni phan tshun brten pa phan tshun 'brel pa/ /phan tshun rten cing gnas pa ste/ rnam par shes pa'i rkyen gyis ming dang gzugs yin zhing/ ming dang gzugs kyi rkyen gyis rnam par shes pa yin no/ /tshe dang ldan pa gsus po che ji ltar ston pa'i nyan thos mkhas pa gsal ba dul ba 'jigs pa med pa 'chi ba med pa dang/ 'chi ba med pa'i khams lus kyis mngon sum byas shing bsgrubs te gnas pa dag gis 'di lta bu'i rang bzhin gyi zab cing zab pa'i dris pa dag yang dag pa'i shes rab kyis rnam par dpyad nas lung bstan pa legs so legs so/ /tshe dang ldan pa gsus po che ni tshangs par spyod pa mkhas pa dag gis sbyi bo la thod bzhin du thogs te/

  228. 114b

    blta ba'i phyir 'gro ba rnyed pa dang/ bsnyen bkur ba de dag ni rnyed pa legs par rnyed pa'o/ /bdag cag kyang rnyed pa legs par rnyed de/ bdag cag tshe dang ldan pa gsus po che blta ba'i phyir 'gro ba dang/ bsnyen bkur ba rnyed pa 'ba' zhig tu ma zad kyi tshe dang? ldan pa gsus po che bdag cag sum cu pa'i chos kyi rnam grangs bstan pa la bdag mngon par spro zhing bstod la rjes su yi rang ste/ tshe dang ldan pa gsus po che dge slong na ba dang 'chi ba la yid 'byung ba dang/ 'dod chags dang bral ba dang/ 'gog pa'i chos ston par byed na dge slong chos kyi gtam smra ba zhes bya'o/ /skye ba dang/ srid pa dang/ len pa dang/ sred pa dang/ tshor ba dang/ reg pa dang/ skyed mched drug dang/ ming dang gzugs dang/ rnam par shes pa la skye ba dang/ 'dod chags dang bral ba dang/ 'gog pa'i chos ston par byed na dge slong chos kyi gtam smra ba zhes bya ba brjod par bya'o/ /tshe dang ldan pa gsus po che na ba dang 'chi ba la yid 'byung ba dang/ 'dod chags dang bral ba dang 'gog pa rtogs na dge slong chos kyi gtam smra ba zhes bya'o zhes bya ba nas snga ma bzhin du rnam par shes pa la yid 'byung ba dang/ 'dod chags dang bral ba dang 'gog bdag rtogs par gyur na dge slong chos kyi gtam smra ba zhes bya'o/ /tshe dang ldan pa gsus po che dge slong na ba dang 'chi ba la yid 'byung ba dang/ 'dod chags dang bral ba dang 'gog pa dang nye bar len pa med par zag pa la sems rnam par grol bar 'gyur na dge slong chos kyi gtam smra ba zhes brjod par bya pa'o/ /tshe dang ldan pa gsus po che skye ba dang/ srid pa dang/ len pa dang/ sred pa dang/ tshor ba dang/ reg pa dang/ skye mched drug dang/ ming dad gzugs dang/ rnam par shes pa la yid 'byung ba dang/ 'dod chags dang bral ba dang/ 'gog pa dang nye bar len pa med par zag pa rnams khas sems rnam par grol

  229. 115a

    bar gyur na dge slong chos kyi gtam smra ba zhes brjod par bya'o/ /tshe dang ldan pa shA ri'i bu ston pa'i nyan thos mkhas pa gsal ba dul ba 'jigs pa med pa zhes bya ba nas/ snga ma bzhin du blta ba'i phyir 'gro ba dang bsnyen bkur rnyed pa zhes bya ba nas/ legs so legs so zhes bya ba'i bar du ste/ skyes bu dam pa de gnyis phan tshun du mngon par dga' zhing rjes su yi rang sa nas stan las langs te song ngo zhes gsungs so/ /gang yang rnam par shes pa'i rkyen gyis ming dang gzugs zhes bya ba la/ rten cing 'brel par 'byung ba'i mdo de dad/ de las 'don te/ gang yang gzugs la sogs pa las gzhan du rnam par shes pa 'gro ba dang 'ong ba bkag pa'i phyir zhes bya ba la/ phung po'i sdom gyis tshigs su bcad pa bdun pa'i mngon par mi byed ces bya ba'i mdo'i mdza' las 'byung ba dang/ bdag med bya ba'i sdom gyi tshigs su bcad pa'i mdo gsum par sa bon gyi rnam pa lnga zhes bya ba'i mdo gsum pa las byung ba mdzod kyi gnas drug ba 'di nyid du 'phags pa'i bden pa bsam par sa bon gyi rnam ba lnga zhes bya ba ni nye bar len pa dang bcas pa'i rnam par shes pa'i tshig bla dags so zhes bya ba der bshad zin to/ /zas bzhi gsungs pa'i phyir zhes bya pa la/ gleng gzhi yang dag par ldan pa'i sgo dang po las bu'i shi'? dpes bstan pa mdzod kyi gnas gsum ba 'di nyid du/ 'gro ba zas kyis gnas pa yin zhes bya bar zas kyi dbang du byas te/ bshad pa blta bar bya'o/ /gal te khams du byed ba'i zas za ba'i lha rnams las 'das te zhes bya ba la/ lung bar ma'i bdun pa las sdom gyi tshigs su bcad pa tham ma las 'char byed kyi mdo las 'don te/ de'i mdo'i dum bu yang mdzod kyi gnas gnyis pa'i 'gog pa dang po

  230. 115b

    mi nang du zhes byas bar bstan te/ gzhan du na 'char byed kyi mdo las 'gal lo zhes bya bar bris pa blta bar bya'o/ /dga' ba'i zas zhes gsungs pa'i phyir zhes bya ba la/ ji ltar re zhig brgya byin gyis dris pa'i mdo las mjod kyi gnas drug pa 'di nyid du/ 'dod par tshe yongs su gyur pa'i 'phags/ /khams gzhan du ni 'gro mi byed /ces bshad zin to/ /gzugs med pa rnams ni gzugs las nges par byung ba yin no bya ba la/ gleng gzhi ni mnyan du yod pa na'o/ /nges par 'byung ba'i khams ni rnam pa gsum ste 'dod pa rnams las nges par 'byung ba ni gzugs can rnams so/ /gzugs med pa rnams ni gzugs las nges bar 'byung ba yin no/ /gang cung zad mngon par sems shing mngon par 'dus byas pa de dag 'gags pa ni nges par 'byung ba'o zhes gsungS so/ /gzugs med pa'i rnam par thar pa zhi ba gang dag ces bya ba la/ lung bar ma'i sdom gyi tshigs su bcad pa bdun pa'i phyi ma las ba lang skyong gi mdo las byung ba dang/ ting nge 'dzin yang dag par ldan pa'i lus su gtogs pa'i dran pa nye bar bzhag pa dang/ rnam grangs rnam par bshad pa'i sdom gyi tshigs su bcang ba gnyis pa'i mdo dgu pa las 'byung ba mdzod kyi gnas gnyis pa 'di nyid du dbang po'i rnam pa bshad par/ gzugs na drug go zhes bshad zin to/ /gzugs can ma yin pa'i sems can dag kyang yod ces bya ba la/ mdzod kyi gnas gsum pa 'di nyid du rnam par shes pa'i gnas bdun dang/ /sems can gyi gnas dgu bstan pa'i mdo sems can lus tha dad cing 'du shes tha dad pa zhes bya ba nas /sems can gyi gnas dgur 'dod ces bya bar bshad zin to// //bcom ldan 'das kyis kyang bsam gtan dag la ni zhes bya ba la/ nyan thos kyi rnam par bshad pa'i sdom gyi tshigs su bcad pa nyi shu pa las byung ba mdzod kyi

  231. 116a

    gnas gsum pa 'di nyid du srid pa bar ma'i rnam pa yod pa nyid bsgrub par byed pa bkod par mdo rgyas par bris zin to/ /gal te de la yang 'di ltar 'du shes ni nad do/ /'du shes ni 'bras so zhes bya ba la/ bcom ldan 'das rgyal ba'i khab kyi 'od ma'i tshal bya ka lan+ta ka gnas pa na bzhugs te/ de nas bcom ldan 'das kyis dge slong rnams la bos te/ dge slong dag rang byed kyi bu lhag spyod 'bras dang 'bras kyi rtsa ba yongs su gsal ba'o zhes rnam par shes pa 'dis shes par gyur na 'di ni thams cad rig pa'i shes pa 'di ni thams cad tshor ba'i shes pa'o zhes 'di ltar lta zhing 'di skad du smra ste/ dge slong dag rangs byed kyi bu lhag spyod ni thams cad ma rig pa la thams cad rig pa'i nga rgyal can/ thams cad mtshor ba la thams cad tshor ba'i nga rgyal can/ 'bras dang 'bras kyi rtsa ba yongs su ma bsal ba la 'bras dang 'bras kyi rtsa ba yongs su bsal ba'i nga rgyal can te/ dge slong dag rangs byed kyi bu ltag spyod ni 'di ltar lta zhing 'di skad du smra ste/ 'du shes ni nang ngo/ /'du shes ni 'bras bo/ /'du shes ni zug rngu'o/ /'du shes med pa ni kun tu rmongs pa'o/ /'di lta ste 'du shes med du 'shes med min skye mched 'di ni zhi ba/ 'di ni gya nom pa'o zhes 'du shes med 'du shes med min skye mched kyi lam bsgoms nas 'du shes med 'du shes med min skye mched kyi lha rnams dang bskal pa mnyam par skyes so/ /dge slong dag rangs byed kyi bu lhag spyod ni 'jigs tshogs la lta ba can/ 'jigs tshogs la lta bas bcings shing yongs su ma grol ba/ 'jigs tshogs can te/ de gnas de nas 'chi 'phos nas 'di lta bur 'ong bar 'gyur te/

  232. 116b

    skye gnas dman pa byi la'i skye gnas su skye bar 'gyur ro/ /dge slong dag gang zhig 'bras dang 'bras kyi rtsa ba yongs su bsal ba'o zhes rnam par shes pa 'dis yongs su shes par gyur na/ 'di ni thams cad rig pa'i shes pa/ 'di ni thams cad tshor ba'i shes pa'o zhes smra ba 'di ni yang dag par smra ba ste/ ci'i phyir de'i yang dag par smras pa/ smra ba yin zhe na/ 'bras dang 'bras kyi rtsa ba yongs su bsal ba'o zhes rnam par shes pa 'dis shes par gyur na 'di ni thams cad rigs pa'i shes pa 'di ni thams cad tshor ba'i shes ba ste/ dge slong dag ji ltar thams cad rig pa yin zhe na/ 'di ni dge slong reg pa'i skye mched drug rnams kyi kun 'byung ba dang /mi snang ba dang/ ro myong ba dang/ nyes dmigs dang/ nges par 'byung ba yang dag pa ji lta ba bzhin rab tu shes pa ste/ 'di ltar na dge slong thams cad rig par 'gyur ro/ /dge slong ji ltar na dge slong thams cad tshor ba yin zhe na/ 'di na dge slong tshor ba rnams kyi kun 'byung ba dang/ mi snang ba dang/ ro myong ba dang/ nyes dmigs dang/ nges par 'byung ba yang dag pa ji lta ba bzhin rab tu shes te 'di ltar na dge slong thams cad tshor bar 'gyur ro/ /dge slong dag 'bras zhes bya ba 'di ni lus gzugs can rags pa 'byung ba chen po bzhis bskyed cing pha dang ma'i mi gtsang ba las yang dag par byung ba zan dron dang 'bras chan gyis gsol shing/ rtag tu khrus dang byug pa byas kyang 'jig cing gyes pa'i chos can gyi de'i tshig bla dags so// dge slong dag 'bras kyi rtsa ba zhes bya ba 'di ni mig ni yid du 'ong ba dang mi 'ong ba'i gzugs la 'dzag cing/ rna ba ni sgra/ sna ni dri/ lce ni ro/ lus ni reg bya dang

  233. 117a

    yid ni yid du 'ong ba dang mi 'ong ba'i chos la 'dzag pa'i phyir ro/ /'bras kyi rtsa ba zhes bya ba 'di ni ma rig pa dang srid pa'i sred pa'i tshigs bla? dags so/ /gang gi phyir dge slong ma rig pa dang srid pa'i sred pa yongs su spangs shing yongs su shes par gyur pa ste/ shing rta la mgo bcad pa ltar drungs phyungs zhing mi snang zhing phyis mi skye ba'i chos can du byas pa 'di ni 'bras dang 'bras kyi rtsa ba yongs su bsal bar yongs su shes pa zhes bya'o zhes gsungs so/ /gang sems gnas pa dang yang dag par gnas pa zhes bya ba la/ de dang de las 'don te/ ji ltar re zhig lam gyi tshoms kyi lam gyi yan lag gi sgo'i log pa nyid ces bya ba'i sdom gyi tshigs su bcad pa bdun pa'i mdo gsum pa las 'byung ba mdzod kyi gnas bzhi par/ rnam gsum dri med gzugs gsungs dang/ /'phel dang ma byas lam rdzogs phyir/ /zhes bya ba'i skabs su/ spong pa dag ni chu lon du gsungs zhes bya bar blta bar bya'o/ /'o na mdo las bde ba'i dbang po gang zhe na/ zhes bya pa la/ lam gyi tshogs kyi dbang po'i sgo'i sdom gyi tshigs su bcad pa gnyis pa'i mdza' cha las 'byung ba blta bar bya ste/ 'di nyid kyi mdzod kyi gnas gnyis par /lus tshor sim pa ma yin gang/ /sdug bsngal dbang po zhes bya bar bshad zin to/ /bde ba lus kyis myong zhes bya ba la bsam gtan gyi rnam par byed pa de dang de las 'di ltar 'don te/ de dga' ba las 'dod chags dang bral te/ dran pa shes rab dang ldan zhing btang snyoms su gnas te/ bde ba lus kyis myang ba gang 'phags pa rnams kyis dran pa dang ldan zhing btang snyoms pa'o zhes

  234. 117b

    brjod pa ste/ dga' ba med pa'i bsam gtan gsum pa bsgrubs te gnas so zhes gsungs so/ /gang gi tshe 'phags pa nyan thos rab tu dben pa zhes bya ba la sogs pa la/ bcom ldan 'das mnyan yod na rgyal byed kyi tshal ? mgon med zas sbyin gyi kun dga' ra bar dbyar gnas pa'i phyir gshegs so/ /de nas khyim bdag mgon med zas sbyin bcom ldan 'das gang na ba der nye bar song ste/ nye bar song nas bcom ldan 'das kyi zhabs la sbyi? bas phyag byas te phyogs gcig tu 'dug go/ phyogs gcig tu 'dug nas khyim bdag mgon med zas sbyin la chos kyi gtam gyis yang dag par bstan par mdzad/ yang dag par skul/ yang dag par gzengs stong/ yang dag par dga' bar mdzad de/ chos dang ldan pa'i gtam gyis rnam grangs du mar yang dag par bstan/ yang dag par skul/ yang dag par gzengs steng/ yang dag par dga' bar mdzad nas/ cad mi gsungs bar bzhugs so/ /de nas khyim bdag mgon med zas sbyin stan las 'das te bla gos phrag ba gcig tu byas nas /bcom ldan 'das gang na der thal mo sbyar te phyag byas nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu zla ba gsum du chos gos dang bsod snyoms dang/ mal cha dang/ stan dang/ na pa'i skyen rma na dang/ 'tsho ba'i yo byad bzhes par gnang bar mdzad du gsol/ bcom ldan 'das kyis khyim bdag mgon med zas sbyin la cang mi gsung bar gnang bar mdzad do/ /de nas khyim bdag mgon med zas sbyin gyis bcom ldan 'das kyis cang mi gsung bar gnang bar rig nas/ bcom ldan 'das kyi zhabs la spyi bos phyag byas nas song ngo// bcom ldan 'das dag

  235. 118a

    slong gi dge 'dun dang thabs gcig tu dbyar zla ba gsum du khyim bdag mgon med zas sbyin gyi chos gos dang/ bsod snyoms dang/ mal cha dang/ stan dang/ na ba'i rkyen rman dang/ 'tsho ba'i yo byang kyis? nye bar gnas par bya ste/ de nas khyim bdag mgon med do zas sbyin dbyar zla ba gsum 'das pa'i 'og tu bcom ldan 'das gang na ba der nye bar song nas bcom ldan 'das kyi zhabs la spyi pos phyag byas te phyogs gcig tu 'dug go/ phyogs gcig tu 'dug pa dang/ bcom ldan 'das kyis khyim bdag mgon med zas sbyin la 'di skad ces bka' stsal to// khyim bdag legs so legs so de bzhin gshegs pa dge slong gi dge 'dun dang thabs gcig tu dbyar zla ba gsum du chos gos dang/ bsod snyoms dang/ mal cha dang/ stan dang/ na ba'i rkyen sman dang/ 'tsho ba'i yo byad kyis nye bar gnas pa byas kyis/ khyim bdag ma 'ongs pa na mtho ris 'grub par byed pa skal pa khyad par/ can gyi rnam par smin pa bde ba can gong mar 'gro bar 'gyur ro/ /khyim bdag 'di tsam gyis dga' bar mi bya ste/ 'on kyang dus dang dus su rab tu dben pa'i bde ba lus kyis mngon sum du byas nas bsgrubs te/ gnas pa de ltar bslab par bya'o/ /de nas khyim bdag mgon med zas sbyin bcom ldan 'das kyis gsungs pa la mngon par dga' zhing rjes su yi rangs te bcom ldan 'das kyi drung nas song ngo/ /de'i tshe tshe dang ldan pa shA ri'i bu 'khor 'dus ba de na tshogS shing 'dug par gyur te/ de nas tshe dang ldan pa shA ri'i bu khyim bdag mgon med zas sbyin bcom ldan 'das kyis drung nas song nas ring du lon par rigs nas bcom ldan 'das la 'di skad ces gsol to// btsun pa ngo mtshar ro zhes

  236. 118b

    bya ba nas 'di ltar bcom ldan 'das kyis khyim bdag mgon med zas sbyin las brtsams te/ khyim bdag legs so legs so zhes bya ba nas/ snga ma bzhin du de ltar bslab par bya'o zhes bya ba'i bar du ste/ gang gi tshe 'phags pa nyan thos rab tu dben pa'i bde ba lus kyis mngon sum du byas shing bsgrubs te gnas pa de'i tshe chos lnga yongs su spong zhing chos lnga bsgom pa yongs su rdzogs par 'gyur te/ chos lnga yongs su spong bar 'gyur ba gang zhe na/ gang yang 'dod pa nye bar sdud pa'i yid bde ba yongs su spong ba dang/ gang 'dod pa nye bar sdud pa'i yid mi bde ba spong ba dang/ gang mi dge ba nye bar sdud pa'i yid mi bde ba yongs su spong ba dang/ gang mi dge ba nye bar sdud ba'i yid mi bde ba yongs su spong ba dang/ gang mi dge ba nye bar sdud pa'i btang snyoms yongs su spong bar 'gyur ba ste/ chos lnga po 'di yongs su spong bar 'gyur ro/ /chos lnga po yongs su rdzogs par gyur pa gang zhe na/ dga' ba dang/ rangs pa dang/ shin tu sbyangs pa dang/ bde ba dang/ ting nge 'dzin no/ /shA ri'i bu de de bzhin te/ gang gi che 'phags pa nyan thos rab tu dben pa'i dga' ba lus kyis mngon sum du byas shing bsgrubs te gnas zhes bya ba nas /snga ma bzhin du ting nge 'dzin to zhes bya ba'i bar du'o zhes gsungs so/ /mdo las kyang lus shin tu sbyangs pa dang zhes bya ba la/ lam gyi tshams kyi byang chub kyi yan lag gi sgo'i sdom gyi tshigs su bcad pa gnyis pa'i mdo dang po las 'byung ba mdzod kyi gnas gn yis par/ dad dang bag yod shin tu sbyangs/ /zhes bya ba'i tshigs le'u byas pa dang/ mdo las lus shin tu sbyangs pa zhes kyang 'byung ba ma yin nam zhes bya bar bris pa blta bar bya'o/ /zag pa dang bcas pa'i chos rnams gang zhe na zhes bya ba la/ skye

  237. 119a

    mched drug gi tshogs kyis bsdus pa'i sdom dang po'i lam zhes bya ba'i sdom gyi tshigs su bcad pa'i tha ma las 'byung ba mdzod kyis gnas dang por zag bcas zag pa med chos rnams zhes bya bar bris zin to/ /bcom ldan 'das kyis rnam par sgyur ba'i mdo las zhes bya ba la/ lam gyi tshogs kyi dbang po'i sgo'i sdom gyi tshigs su bcad pa gnyis pa las 'byung ba mdzod kyis gnas gsum par nang gi skyon dang tshogs mtshungs phyir zhes bya bar bstan cing/ 'dir sdug bsngal gyi dbang po 'gags so zhes bya bar bshad zin to/ /rnam par sgyur ba'i mdo las bsam gtan bzhi pa na bde ba'i dbang po 'gag par 'gyur ro zhes bya ba la sogs pa 'byung ngo/ bde ba yang spangs te zhes bya ba la/ bsam gtan bzhi pa'i dbang du byas nas mdo de dang de las 'don pa ste de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang ma yin sdug bsngal ba yang ma yin par btang snyoms yongs su dag par bsam gtan bzhi pa bsgrubs te gnas so zhes 'byung/ bcom ldan 'das kyis bsam gtan gsum ni skyon dad bcas pa'i bying g.yo pa dang bcas par gsungs zhes bya ba lung bar ma'i sdom gyi tshigs su bcang ba gnyis ba'i dang po'i mdo las te/ mdo dum bu mdzod kyi gnas gsum bar bzhi pa g.yo ba med pa yin zhes bya bar bshad pa blta bar bya'o/ /mdo las rlung med pa'i mar me dper mdzad pa'i phyir ro zhes bya ba la/ phung po laS/ dbyug gu gsum dang gong bu gsum/ lu te ta'i rnam bshad gnyis zhes bya ba'i lu he ta'i mdo dang po la rlung med pa'i mar me'i dpe 'di ltar 'don te/ lu he ta gang gi tsho 'phagS

  238. 119b

    pa nyan thos bde ba yang spangs shing sdug bsngal ba yang spangs te zhes bya ba nas /bsam gtan bzhi pa bsgrubs te gnas pa de'i cho sems mtho bar mi 'gyur zhing dma' bar mi 'gyur bar mngon par gnas shing mi g.yo ba thob ste/ dper na khang pa 'am khang pa'i 'khyims su mar me bzhag pa dud 'gro 'am bya 'am mis mi bsgul zhing ma bskyod pa de srid du mi mtho mi dma' bar mi 'gyur bar mngon par gnas shing mi g.yo ba thob po/ /lu he ta gang gi tsho 'phags ba nyan thos bsam gtan can bde ba yang spangs shing zhes bya ba nas bsam gtan bzhi pa bsgrubs te gnas pa de'i sems kyang de'i cho mtho bar mi 'gyur zhing dma' bar mi 'gyur bar mngon par gnas shing mi g.yo ba spob po zhes gsungs so/ /yang ting nge 'dzin thams cad mdor bsdus te zhes bya ba la/ gleng gzhi ni mnyan du yang pa na'o/ /ting nge 'dzin ni rnam pa gsum ste/ rtogs pa dang bcas shing dpyod pa dad bcas pa'i ting nge 'dzin dang/ rtog pa med la dpyod pa tsam phyi ting nge 'dzin dang/ rtog pa yang med la dpyod pa yang med pa'i ting nge 'dzin to zhes gsungs so/ /yang stong pa nyid kyi ting nge 'dzin dang zhes bya ba la/ gleng gzhi ni mnyan du yod pa na'o/ /ting nge 'dzin ni rnam pa gsum ste /stong pa nyid kyi ting nge 'dzin dang/ mtshan ma med pa'i ting nge 'dzin dang/ smon pa med pa'i ting nge 'dzin to zhes gsungs so/ /lam yang gzings lta bur gdon mi za bar dor bar bya ba'i phyir zhes bya ba la/ 'di lta ste chu po gang+ga chus yongs su gang zhing rgyas te bya rog tung du rung ba tsam du gyur la gru 'am gzings med par rgyun phyogs dad bzlog phyogs dang pha rol dang tshu rol gyi 'gram du rgal bar mi nus pas/ gang gi rtswa dang/ shing dang/ 'dab ma dang/ lo ma mang po dag

  239. 120a

    bsdus te/ gzings byas pa/ gzings la brten cing gzings la gnas te lag pa gnyis kyi rtsol bas pha rol tu 'gro bar bya'o zhes de de ltar rnam par dpyad nas rtswa dang/ shing dang/ 'dab ma dang/ lo ma mang po dag bsdus te gzings byas nas/ gzings la brten cing gzings la gnas te /rgyun las bzlog phyogs su lag pa gnyis kyis rtsol bas bde bar pha rol tu phyin te/ de nas skyes bu de 'di snyam du gzings 'di ni bdag la phan pa mang po byed pa ste/ bdag gzings 'di la brten cing gzings la gnas nas rgyun las bzlog phyogs su lag pa gnyis kyi rtsol bas bde bar pha rol tu brtal te/ gang bdag gis gzings 'di ni mgo bo'aM? phrag pa la khur te gang du 'dod pa ded 'gro bar bya'o zhes/ dge slong dag 'di ji snyam du sems/ skyes bu nges phan pa mang po byed pa skyes bu de de lta de ltar rtogs bzhin du gzings de mgo bo 'am phrag pa la khur te/ gang du 'dod pa der 'gro 'am/ btsun pa ma lags so/ /de nas skyes bu de 'di snyam du gzings 'dis cung zad phan pa mang po byed pa yin te/ bdag gzings 'od la brten cing gzings 'di la gnas te rgyun las bzlog phyogs su lag pa gnyis kyi rtsol ba bde bar pha rol gyi ngos su brgal bar byas kyang bdag gis gzings 'di thang las bskyur ba 'am chu'i rgyun la bskyur bar bya'o zhes nges gzings de thad la bskyur ba 'am chu'i rgyun du bsgyur te ji ltar 'dod pa bzhin du 'gro na/ dge slong dag 'di ji snyam du sems/ skyes bu de gzings de la de lta de ltar rtog pa na bya ba byas pa yin nam/ btsun pa de bzhin no/ /dge slong dag de bzhin du ngas bstan pa'i chos rnams kyang nges

  240. 120b

    par 'byung ba'i phyir yin gyi/ yongs su gzung ba'i phyir ni ma yin no/ /dge slong dag de lta bas na ngas gzings lta bu'i chos kyi rnas grangs bstan pa dag shes nas spang chos ma yin pa bzhin du chos kyang spong bar bya'o zhes lung bar ma'i sdom gyi tshigs su bcad pa gnyis pa bkra mi shis pa'i mdo las 'byung ngo/ /dri med rnam thar sgo gsum mo zhes bya ba la/ gleng gzhi ni mnyan du yod pa na'o/ /rnam par thar pa'i sgo ni rnam pa gsum ste/ gsum gang zhe na/ rnam par thar ba'i sgo stong pa nyid dang/ mtshan ma med pa dang/ smon pa med pa'o/ /zhes gsungs so/ /gzhan yang ting nge 'dzin gsum mo zhes bya ba la/ gleng gzhi ni mnyan du yod ba na'o/ /gzhan yang ting nge 'dzin gsum ste/ gsum gang zhe na/ stong pa nyid stong pa nyid kyi ting nge 'dzin dang/ mtshan ma med pa mtshan ma med pa'i ting nge 'dzin dang/ smon pa med pa smon pa med pa'i ting nge 'dzin no zhes gsungs so/ /yang ting nge 'dzin bsgom pa rnam pa bzhi ste zhes bya ba la/ gleng gzhi ni mnyan du yong pa na'o/ /ting nge 'dzin bsgom pa ni rnam pa bzhi ste/ bzhi gang zhe na/ ting nge 'dzin bsgom pa kun tu bsten goms par byas lan mang du byas na mthong ba'i chos la bde bar gnas par 'gyur ba yang yod/ ting nge 'dzin bsgom pa kun tu bsten goms par byas lan mang du byas na shes par 'gyur ba dang mthong bar 'gyur ba yang yod/ ting nge 'dzin bsgom par kun nas goms ba byas lan mang du byas na shes rab rab tu 'byed par 'gyur ba yang yod/ ting nge 'dzin bsgom pa kun tu bsten goms par byas lan mang du byas na zag pa zad par 'gyur ba yang yod do/ /ting nge 'dzin bsgom pa kun tu bsten goms par byas lan mang du byas na mthong ba'i chos la bde bar gnas par

  241. 121a

    'gyur ba gang zhe na/ 'di na dge slong lus 'di rab tu dben pa las skyes pa'i dga' ba dang/ bde bas mngon par gang zhing rgyas la khyab ste/ 'di lta ste rab tu dben pa las skyes pa'i dga' ba dang/ bde ba lus 'di la ma khyab pa'i cha cung zad kyang med par khyab par gnas pa ste/ dper na khrus mkhan nam khrus mkhan gyi slob ma mkhas pas bdag chal gyi sa ma zhib mo dag zangs gzhod dam mkhar gzhod dam nya phyis kyi nang du chu dang bcug nas spangs na de gong du de rlan pa dang rlan pa'i rjes su 'gro ba dang/ phyi dang nang dag rlan pas khyab cing sla ba dang/ 'thong bar mi 'gyur ba de bzhin du 'di na dge slong lus 'di zhes bya ba snga ma bzhin te/ 'di ni ting nge 'dzin bsgom pa kun tu bsten goms par byas lan mang du byas na mthong ba'i chos la bde bar gnas par 'gyur ba zhes bya'o/ /ting nge 'dzin bsgom pa yongs su bsten goms par byas lan mang du byas na shes par 'gyur ba dang/ mthong bar 'gyur ba gang zhe na/ 'di ni dge slong snang ba'i 'du shes legs par rab tu bzung zhing legs par yid la byas legs par mngon sum du byed cing bsgom pa ste/ nyin mo ji lta bar mtshan mo de bzhin/ mtshan mo ji lta bar nyin mo de bzhin/ snga ma ji lta bar phyis de bzhin/ phyis ji lta bar sngar de bzhin/ steng du ji lta bar 'og tu de bzhin/ 'og tu ji lta bar steng du de bzhin no// zhes 'di ltar bdag gis sems mun pa'i rnam par gyur cig ces semS ma bsgrubs shing snang ba dang lhan cig par gyur pa'i sems sgrib pa med bsgom byed/ 'di ni ting nge 'dzin sgom pa kun tu bsten goms par byas lan mang du byas na shes par 'gyur ba dang mthong bar 'gyur ba zhes bya ba'o/ /

  242. 121b

    ting nge 'dzin bsgom pa kun tu bsten goms par byas lan mang du byas na shes rab rab tu rnam par 'byed pa gang zhe na/ 'di na dge slong tshor ba'i skye ba rig cing tshor bar skye bar rnam par rig la/ tshor ba'i gnas pa rig cing tshor ba'i gnas pa rnam par rig la/ mi snang ba dang yongs su zad pa dang yongs su gtugs pa rnam par rig go/ /de dran pa dang nyan? bzhin du 'du shes rnam par rig cing rtog par rtog pa skye ba rnam par rig cing gnas pa rnam par rig la/ mi snang ba dad yongs su zad pa dang yongs su gtugs pa rnam par rig ste/ de yang dran pa dang ldan bzhin du ste dran pa dang mi ldan par na mi yin te/ 'di ni ting nge 'dzin bsgom pa kun tu bsten goms bar byas lan mang du byas na shes rab rab tu rnam par 'byed pa zhes bya ba'o// ting nge 'dzin bsgom pa kun tu brten lan mang du byas na zag pa zad par 'gyur ba gang zhe na/ 'di ni dge slong nye bar len pa'i phung po lnga rnams kyi skye ba dang 'jig pa rjes su lta zhing gnas te/ 'di ni gzugs so/ /'di ni ting nge 'dzin kun 'byung ba/ 'di ni gzugs kyi mi snang ba/ 'di ni tshor dang/ 'du shes dang/ 'du byed dang/ rnam par shes pa'o/ /'di ni rnam par shes pa'i kun 'byung ba/ 'di ni rnam par shes pa'i mi snang ba'o/ /zhes nye bar len pa'i phung po lnga rnams kyi skye ba dang 'jig ba yang dag par rjes su mthong ba ste/ 'di ni ting nge 'dzin bsgom pa kun tu bstan goms bar byas lan mang du byas na zag pa zad par 'gyur ba zhes bya ba'o/ / ngas 'di la dgongs na pha rol tu 'gro ba dag gis dris pa la rnam par bshad do// 'dod pa'i 'du shes yid mi bde/ /gnyi ga rab tu spang bar bya/ /rmugs dang gnyid dag spang bya ste// rgod dang 'gyod pa spang bar bya/ /chos la rtog pa sngon

  243. 122a

    'gro bas/ /btang snyoms yongs dag dran pa can/ /kun shes pa rig rab spangs shing/ /rnam thar brtul zhugs can zhes bya zhes gsungs so/ /tshad med pa ni rnam pa bzhi zhes bya ba la/ gleng gzhi ni mnyan du yod pa na'o/ /tshad med pa ni rnam pa bzhi ste/ bzhi gang zhe na/ byams pa dang/ snying rje dang/ dga' ba dang/ btang snyoms so zhes gsungs so/ /gnod sems la sogs pa gnyen po'i phyir zhes bya ba la/ gleng gzhi ni mnyan du yod pa na'o/ /dge slong dag byams pa bsgoms shing byams pa kun tu bsten byams pa lan mang du byas na gnod sems rab tu spong bar 'gyur ro zhes gsungs so/ /gleng gzhi mnyan du yod pa na'o/ /dge slong dag snying rje bsgoms snying rje kun tu bstan snying rje lan mang du byas na rnam par 'tshe ba rab tu spong bar 'gyur ro zhes gsungs so/ /gleng gzhi ni mnyan du yod pa na'o/ /dge slong dag dga' ba bsgoms shing dga' ba kun tu bstan dga' ba lan mang du byas na mi dga' ba rab tu spong bar 'gyur ro zhes gsungs so/ /gleng gzhi mnyan du yod pa na'o/ /dge slong dag btang snyoms bsgom shing btang snyoms kun tu bsten btang snyoms lan mang du byas na 'dod pa'i 'dod chags dang gnod sems rab tu spong bar 'gyur ro zhes gsungs so/ /phyogs gcig na 'jig rten thams cad kyi rab tu rgyas par byed do zhes bya ba la/ gsum tshan gsum pa'i mdo bsod nams bya ba'i dngos po gsum gyi mdo de dang de las gdon pa mdzod kyi gnas bzhi par bsod nams bya ba'i dngos po'i skabs su bris te/ de las 'di ltar 'don te/ 'di na kha cig byams pa dang lhan cig par gyur pa'i sems kho na med pa 'gran zla med pa gnod pa med pa rgya

  244. 122b

    chen por gyur pa tshad med pa legs par bsgom pa/ phyogs gcig tu mos shing khyab par byas te bsgrubs nas gnas so/ /de bzhin du gnyis pa dang/ de bzhin du gsum pa dang/ de bzhin du bzhi pa dang/ steng dang 'og dang logS kyi 'jig rten thams cad byams pa lhan cig par byung? pa'i sems kho na med pa 'dran zla med pa gnod pa mde pa rgya chen por gyur pa tshad med pa legs par bsgoms pa/ phyogs gcig tu mos shing khyab par byas te bsgrubs nas gnas so zhes gsungs so/ /rnam par thar pa brgyad ces bya ba la/ gleng gzhi ni mnyan du yod pa na'o/ /rnam par thar pa ni rnam pa brgyad de/? brgyad gang zhe na/ gzugs can gyi gzugs can rnams la lta ba 'di ni rnam par thar pa dang po'i nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa'i rnam par thar pa lus kyi mngon sum du byas nas gnas pa 'di ni rnam par thar pa gsum pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes nub par gyur cing sna tshogs kyi 'du shes yid la mi byed pas nam mkha' mdza' yas so zhes nam mkha' mdza' yas skye mched nye bar bsgrubs shing nye bar gnas te/ 'di lta ste/ nam mkha' mdza' yas skye mched du nye bar 'gro ba'i lha rnams te 'di ni rnam par thar pa bzhi pa'o/ /de rnam pa thams cad du nam mkha' mdza' yas skye mched las yang dag par 'das te/ rnam par shes pa mdza' yas so zhes rnam shes mdza' yas skye mched nye bar bsgrubs shing nye bar gnas te/ 'di lta ste/ rnam shes mdza' yas skye mched du nye bar 'gro ba'i lha rnams te/ 'di ni rnam par thar pa lnga pa'o/ /de rnam pa

  245. 123a

    thams cad du rnam shes mdza' yas skye mched las yang dag par 'das te ci yang med do zhes ci yang med ba'i skye mched nye bar bsgrubs shing nye bar gnas te/ 'di lta snye/ ci yang med pa'i skye mched du nye bar 'gro ba'i lha rnams te/ 'di ni rnam par thar pa drug pa'o/ /de rnam pa thams cad du ci yang med ba'i skye mched las yang dag par 'das te/ 'du shes med 'du shes med min skye mched bsgrubs shing nye bar gnas te/ 'di lta ste/ 'du shes med 'du shes med min skye mched du nye bar 'gro ba'i lha rnams te/ 'di ni rnam par thar ba bdun pa'o/ /rnam pa thams cad du 'du shes med min skye mched las yang dag par 'das te/ 'du shes dang/ tshor ba 'gog pa lus kyiS mngon sum du byas shing nye bar bsgrubs shing gnas te/ 'di ni rnam par thar pa brgyad pa'o zhes gsungs so// //zil gyis gnon pa'i skye mched brgyad ces bya ba la/ brgyad las 'phros pa'i sdom gyi tshigs su bcad pa bdun pa'i mdo bzhi pa las 'byung ba mdzod kyi gnas dang po 'di nyid du de bzhin gzhan yang ci rigs pa zhes bya ba'i tshig le'ur byas pa dang/ de bzhin du zil gyis gnon pa'i skye mched ces bya bar bris par blta bar bya'o// //zad par gyi skyes par ni bcu ste zhes bya ba la/ bcu las 'phros pa'i sdom gyi tshigs su bcad pa gsum pa dang/ yang dag par 'gro ba'i rnam grangs kyi mdo bcu pa'i tha ma las 'byung ba 'di nyid kyi mdzod kyi gnas dang por bsdus pa'i skabs su de bzhin du zad par gyi skye mched rnams zhes bya bar bris par lta bar bya'o// //chos mngon pa mdzod kyi rnam par bshad pa nye bar

  246. 123b

    mkho ba zhes bya ba laS/ gnas brgyad pa phal cher mdo dang sbyar ba rdzogs so// //de lta mod kyi ci bcom ldan 'das kyis gzugs bdag ma yin no zhes bya ba la/ gleng gzhi di? mnyan du yod pa na'o/ /dge slang dag gzugs 'das pa dang ma 'ongs pa dag bdag ma yin na da ltar byung ba lta smos kyang ci dgos te/ dge slong dag 'di ltar mthong ba'i 'phags pa nyan thos thos pa dang ldan pa 'das pa'i gzugs la btang snyoms su 'gyur zhing ma 'ongs pa'i gzugs la mngon pa dga' la da ltar byung ba'i gzugs la yid 'byung ba dang/ 'dod chags dang bral bar 'gyur ro/ /dge slong dag tshor ba dang/ 'du shes dang/ 'du byed dang/ rnam par shes pa 'das pa dang ma 'ongs ba dag bdag ma yin na da ltar byung ba lta smos kyang ci dgos te/ dge slong dag 'di ltar mthong ba'i 'phags pa nyan thos thos pa dang ldan pa 'das pa'i gzugs la btang snyoms su 'gyur zhing/ ma 'ongs pa'i gzugs la mngon par mi dga' la da ltar byung ba'i gzugs la yid 'byung ba dang/ 'dod chags dang bral bar 'gyur ro zhes gsungs so/ / //gnyis la brten nas rnam par shes pa skye bar 'gyur zhes bya ba la/ skye mched drug gi tshogs las 'don te/ de yang mdzod kyi gnas lnga par 'das pa dang ma 'ongs pa bsam par bya'o zhes bya bar rnam par bshad pa bstan la/ mdzod kyi gnas gsum par brten cing 'brel par 'byung ba'i skabS su reg pa'i yan lag rnam par dbye bar bris par blta bar bya'o// //de bzhin du dge slong dag mig gi rgyu dang gzugs kyi rkyen la brten te zhes bya ba la/ gleng gzhi ni mnyan du yod pa na'o/ /de nas dge slong

  247. 124a

    gzhan zhig bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi boS bya ba byas te/ phyogs gcig tu 'dug go/ phyogs gcig tu 'du gnas dge sled des bcom ldan 'das la 'di skad ces gsol to/ /btsun pa rgyu gang dang rkyen gang gis mig gi rnam par shes pa skye ste/ btsun pa rgyu gang dang rkyen gang gis rna ba dang sna dang lce dang lus dang yid kyi rnam par shes pa skye bar 'gyur/ dge slong mig gi rgyu dang gzugs kyi rkyen la brten nas mig gi rnam par shes pa skye bar 'gyur te/ de ci'i phyir zhe na/ mig gi rnam par shes pa gang ci yang rung ba de thams cad ni mig dang gzugs la brten te byung ba'o/ /rna ba'i rgyu dang sgra'i rkyen la brten nas rna ba'i rnam par shes pa skye bar 'gyur te/ de ci'i phyir zhe na/ rna ba'i rnam par shes pa gang ci yang rung ba de thams cad ni rna ba dang sgra la brten nas byung ba'o/ /dge slong dag sna'i rgyu dang dri'i rkyen la brtan nas sna'i rnam par shes pa skye bar 'gyur te/ de ci'i phyir zhe na/ sna'i rnam par shes pa gang ci yang rung ba de thams cad ni sna dang dri la brten nas byung ba'o// lce'i rgyu dang do'i rkyen la brten nas lce'i rnam par shes pa skye bar 'gyur te de ci'i phyir zhe na/ lce'i rnam par shes pa gang ci yang rung ba de thams cad ni lce dang ro la brten nas byung ba'o/ /lus kyi rgyu dang reg bya'i rkyen la brten nas lus kyi rnam par shes pa skye bar 'gyur te de ci'i phyir zhe na/ lus kyi rnam par shes pa gang ci yang dud ba de thams cad ni lus dad reg bya la brten nas byung ba'o/ /yid kyi rgyu dang chos kyi rkyen la brten nas yid kyi rnam par shes pa skye bar 'gyur te/ de ci'i phyir zhe na/ yid kyi rnam par shes pa gang ci yang rung ba de thams cad ni yid

  248. 124b

    dang chos la brten nas byung ba'o zhes gsungs so// //gang rgyu dang rkyen la brten nas skyes pa'i nom bar shes pa zhes bya ba de? yang phung bo las 'don te/ 'das pa yis ni gzhi dag dang/ skye dang yongs su grol ba dang/ rgyu yis rnam pa gnyis byed cing/ /gnyis po gzhan ni ro myong bas zhes bya ba'i sdom gyi tshigs su bcad pa gnyis pa'i mdo bdun pa rang brgyad pa las 'byung ba 'di nyid kyi mdzod kyi gnas gnyis par 'dus ma byas la de dag ces bya bar bris pa blta bar bya'o// //mda'i tshig 'di skad du bram ze zhes bya ba la/ bcom ldan 'das dpa' po'i sde nas ljongs rgyu zhing gshegs te ta lar gshegs nas/ ta la'i nags khrod na bzhugs so/ /ta lA bram ze shing sA la chen pos dge sbyong gau ta ma dpa' bo'i sde nas ljongs rgyu zhing gshegs te/ ta lar gshegs na/ /ta la'i nags khrod na bzhugs so zhes thos te/ thos nas thams cad rab tu dkar ba'i rkod ma'i shing rta la zhon te gser gyi dbyug pa dang ril ba spyi blags dag thogs nas/ gzhon nu'i tshogs kyis yongs su bskor cing/ gzhon nu'i tshogs kyis mdun du byas nas/ bcom ldan 'das kyi drung du bcom ldan 'das la blta ba dang/ bsnyen bkur ba'i phyir ta la'i nags nas byung ste/ /ji srid du shing rtas bgrod par bya bar de srid du shing rtas song zhing shing rtas bgrod par bya ba ma yin pa ni rkang gis kun dga' ? bar zhugs nas/ bcom ldan 'das gdan pa der nye bar song ste/ nye bar song nas bcom ldan 'das dang lhan cig yang dag par dga' ba dang/ yang dag par bde bar 'gyur ba'i gtam rnam pa sna tshogs byas te phyogs gcig tu 'dug go/ phyogs gcig tu 'dug nas /ta la ba'i bram zes? sa la chen pos bcom ldan

  249. 125a

    'das la 'di skad ces gsol to/ /gau ta ma dris pa lung bstan pa'i phyir skabs 'byed na bdag phyogs cung zad cig dri'o/ /bram ze ji ltar 'dod bzhin du dris shig/ gau tam dbang po lnga po 'di dag ni spyod yul tha dad pa/ yul tha dad pa/ rang rang gi spyod yul dang yul nyams su myong zhing/ gzhan yang gzhan gyi spyod yul dang yul/ nyams su mi myong ba ste/ mig gi dbang po dang/ rna ba'i dbang po dang/ sna'i dbang po dang/ lca'i dbang po dang/ lus kyi dbang pa'o/ /'di dag spyod yul dad yul ci zhig nyams su myong zhing 'di dag ci zhig la brten pa lags/ bram ze dbang po lnga po 'di dag ni spyod yul tha dad pa/ yul tha dad pa/ rang rang gi spyod yul dang yul nyams su myong zhing/ gzhan dang gzhan gyi spyod yul dang yul nyams su myong ba ste/ 'di ltar mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang bo'o/ /'di dag ni yid la brten ba'o/ /gau ta ma yid gang la brten/ bram ze yid ni dran pa la brten pa'o/ /gau ta ma dran pa gang la brten/ bram ze dran pa ni dran pa nye bar gzhag pa la brten to/ /gau tam dran pa nye bar gzhag pa bzhi gang la brten/ bram ze dran pa nye bar gzhag pa bzhi ni byang chub kyi yan lag bdun la brten to/ /gau tam byang chub kyi yan lag bdun gang la brten/ bram ze byang chub kyi yan lag bdun ni reg ba dang rnam par grol ba la brten to/ /gau tam rig pa dang rnam par grol ba gang la brten/ bram ze rig pa dang rnam par grol ba ni mya ngan 'das pa la brten to/ /gau ta ma mya ngan 'das pa gang la brten/ bram ze ha cang thal ches te/ dris pa'i mdza' bsdu bar mi nus so/ /nga'i drung du tshangs par spyod pa brten pa rnams ni sdug bsngal yang dag par

  250. 125b

    zad cing sdug bsngal mthar byas nas mya ngan las 'das par 'gro zhing mthar mya ngan las 'das bar 'gyur ro/ /de nas ta la'i bram zes la chen po bcom ldan 'das kyis gsungs pa la mngon par dga' zhing rjes su yi rang nas bcom ldan 'das kyi drung nas song ngo// //srog chags drug pa lta bu'i mdo las zhes bya ba la/ de nas bcom ldan 'das kyis dge slong rnams la bos te/ dge slong dag 'di lta ste/ skyes bu mdza? can lus nyams pa lus smin pa dbang po sdug bsngal gyis nye bar bcom pa dag smyig ma'i nags su zhugs na/ smyig ma'i lo ma dang tshor ma dag lus la zug cing/ rtswa dang shing dag rkang pa la zug cing/ de rgyus sdug bsngal so sor myong bar 'gyur ro/ /drag pa tsha ba rtsub pa yid du mi 'ong ba nyid so sor nyams su myong bar 'gyur ro/ /de bzhin du 'di na kha cig reg pa'i skye mched drug gi sdug bsngal nyams su myong bar 'gyur te/ drag ba tsha ba rtsub pa yid du mi 'ong ba so sor nyams su myong bar 'gyur ro// drug gang zhe na/ mig gi reg pa'i skye mched kyis sdug bsngal so sor myong bar 'gyur zhing/ drag pa tsha ba rtsub pa yid du mi 'ong ba nyid nyams su myong bar 'gyur ro/ /rna ba dang/ sna dang/ lce dang/ lus dang/ yid kyi 'dus te reg pa sdug bsngal so sor myong bar 'gyur zhing/ drag pa tsha ba rtsub pa yid du mi 'ong ba nyid so sor nyams su myong bar 'gyur ro/ /dge slong dag 'di lta ste/ bdug bcan la shing dam shing gi sdong po dag gis snang na sdug bsngal bar 'gyur zhing/ nad dang bcas pa dang/ chu ser dang/ rnag 'dzag par 'gyud ba de bzhin du 'di na skyes bu kha gcig gtum shing sor smra ba'i rang bzhin du gyur na/ de chud du dang mi dga' bar chung dus kyang khro ba dang gnod sems skyed cing yi mug cing gnas te/

  251. 126a

    khro bar yang dag par byed de/ de ci'i phyir zhe na/ dge slong dag skyes bu de'i sems ni mdze tsan lta bu'o/ /dge slong dag sdom pa ma yin pa dang sdom pa dag bshad par bya ste/ de legs par nyon la yid la zung zhig dang/ bshad par bya'o/ /sdom pa ma yin pa gang zhe na/ dge slong dag byis pa so so'i skye bo thos pa dang mi ldan pa dag mig gi gzugs dag mthong nas mtshan mar 'dzin cing mngon rtags su 'dzin la phyis chos rnams la lan mang du rjes su rtog pa dang/ rjes su dpyod par byed de/ nyes dmigs ma mthong zhing nyes dmigs ma mthong bas lus kyi thag sring bar mi byed do/ /dge slong dag byis pa so so'i skye bo thos pa dang mi ldan pa dag rna bas sgra dang/ snas dri dang/ lces ro dang/ lus kyi reg bya dang/ yid kyi chos rnam par shes nas mtshan mar 'dzin cing mngon rtags su 'dzin la phyis chos rnams la lan mang du rjes su rtog pa dang/ rjes su dpyod par byed de/ nyes dmigs pa mthong zhing nyes dmigs ma mthong bas lus kyis thag sring na mi byed de/ 'di ni sdom pa ma yin pa zhes bya'o/ /sdom pa gang zhe na/ dge slong dag 'phags pa nyan thos thos pa dang ldan pa mig gi gzugs mthong nas mtshan mar mi 'dzin cing mngon rtags su mi 'dzin la zhes bya ba nas lus kyis thag sring sa nas gnas so zhes bya ba'i bar du ste/ 'di ni sdom pa zhes bya ba'o/ /sdom pa ma yin pa dang sdom pa dag bshad par bya'o zhes ngas ji skad du bstan pa de rgyas par rab tu bshad do// dge slong ngag dper na skyes bu zhig dgon pa'i a mra'i na gsu song ba na srog chags drug rnyed de/ khyi rnyed de khyi bzung nas skra'i thag pa'i 'ching bas legs par brtan par bcings shing/ bya rnyed

  252. 126b

    ba dang bya bzung nas skra'i thag pa'i 'ching bas legs par bcings shing /ce spyad rnyed pa dang ce spyad bzung nas skra'i thag pa'i 'ching bas legs par brtan par bcings shing chu srin byis pa gsod rnyed pa dang chu srin byos? pa gsod bzung nas skra'i thag pa'i 'ching bas legs par brtan par bcings shing/ sprul rnyed pa dang sprul bzung nas skra'i thag ba'i 'ching bas legs par brtan par bcings shing/ spre'u rnyed pa dang spre'u bzung nas skra'i thag pa'i 'ching? bas legs bar brtan par bcings te/ de dag par du thag pa gcig gis bcings te btang na spyod yul tha dang pa de dag rang rang gi spyod yul dang yul 'dod cing gzhan dang gzhan gyi spyod yul dang yul mi 'dod de/ byi ni grong gi mdza' 'jug bar 'dod cing/ bya ni nam mkha' la 'phung bar 'dod la/ ce spyad ni dur khrod du 'jug par 'dod la/ chu srin phyis pa gsod ni chu'i nang du 'jug par 'dod cing/ sprul ni khung du 'jug par 'dod la/ spre'u ni rigs su 'jug par 'dod de dge slong dag 'on kyang spyod yul tha dad cing yul tha dad ba'i srog chags drug pa rnams rang rang gi spyod yul dang yul 'dod cing gzhan dang gzhan gyi spyod yul dang yul mi 'dod med kyi 'on kyang gang spungs che zhing stobs che bar 'gyur ba de'i rjes su 'gro zhing de'i dbang du 'gyur ro/ /de bzhin du spyod yul dang yul tha dad pa'i dbang po drug po 'di dag rang rang gi yul 'dod cing gzhan dang gzhan gyi yul mi 'dod de/ mig gis yid du 'ong ba'i gzugs blta bar 'dod cing yid du mi 'ong ba'i gzugs rjes su mi mthun par 'gyur/ /rna ba ni yid du 'ong ba'i sgra mnyan par 'dod cing yid du mi 'ong ba'i sgra rjes su mi mthun par 'gyur ngo/ /sna ni yid du 'ong ba'i dri ma nam par 'dod cing yid du mi 'ong ba'i dri rjes su

  253. 127a

    mi mthun par 'gyur ro/ /lce ni yid du 'ong ba'i ro myong bar 'dod cing yid du mi 'ong ba'i ro dang rjes su mi mthun par 'gyur ro/ /lus ni yid du 'ong ba'i reg bya reg par 'dod cing yid du mi 'ong ba'i reg bya rjes su mi mthun par 'gyur ro/ /yid ni yid du 'ong ba'i chos rnam par shes pa 'dod cing yid du mi 'ong ba'i chos dang rjes su mi mthun par 'gyur te/ dge slong dag spyod yul tha dad pa dang yul tha dad pa'i dbang po drug po 'di dag ni rang rang gi spyod yul dang yul 'dod cing gzhan dang gzhan gyi spyod yul dang yul mi 'dod mod kyi/ 'on kyang gang stobs che zhing stobs dang ldan pa de'i rjes su 'gro zhing de'i dbang du 'gyur do/ /de nas skyes bu des srog chags drug po de dag ka ba 'am phur pa la legs par bcings te bzhag na pha rol ring du song yang lus ngal ba dang/ lus dub pa dang/ lus lci bas ka ba 'am phur ba de nyid kyi drung du 'khor zhing 'dug la mngon par gnas par 'gyur ro/ /dge slong dag 'di ni ngas don shes par bya ba'i phyir dper byas pa yin te/ 'di ni gzhan du blta bar bya'o/ /dge slong dag srog chags drug po zhes bya ba 'di ni dbang po drug po rnams kyi tshig bla dags so/ /ka ba 'am phur pa la legs par bcings te zhes bya ba 'di ni lus su gtogs pa'i dran pa'i tshig bla dags so/ /dge slong dag lus su gtogs pa'i dran pa kun tu bstan goms par byas lan mang du byas na mig gis yid du 'ong ba'i gzugs blta bar 'dod pa dad/ yid du mi 'ong ba'i gzugs rjes su mi mthun par mi 'gyur ro/ /rna ba yid du 'ong ba'i sgra mnyan par 'dod cing yid du mi 'ong ba'i sgra mi mthun par mi 'gyur ro/ /snas yid du 'ong ba'i dri snam par 'dod cing yid du mi 'ong ba'i dri rjes su mi

  254. 127b

    mthun bar mi 'gyur ro/ /lces yid du 'ong ba'i ro myang bar 'dod cing yid du mi 'ong ba'i ro rjes su mi mthun par mi 'gyur ro/ /lus kyis yid du 'ong ba'i reg bya reg par 'dod cing yid du mi 'ong ba'i reg bya rjes su mi mthun par mi 'gyur ro/ /yid kyis yid du 'ong ba'i chos rnam par shes par 'dod cing yid du mi 'ong ba'i chos rjes su mi mthun par mi 'gyur te/ dge slong dag de lta bas na 'di ltar bslab par bya ste/ gang lus su gtogs pa'i dran pa kun tu bstan pa dang/ goms par byed pa dang ldan mang du byed pa de ltar dge slong dag bslb par bya'o zhes gsungs so// //bcom ldan 'das kyis thams cad mngon par shes par bya ba dang/ yongs su shes par bya ba zhes bya ba la/ skye mched drug gi tshogs kyis bsdus pa'i sdom gyi tshigs su bcad pa dang po'i sdom gyi tshigs su bcad pa brgyad pa'i mdo lnga pa las 'byung ba mdzod kyi gnas dang por/ 'du byed phung po bzhi las gzhan zhes bya bar chos gcig mngon par shes shing yongs su ma shes na zhes bris zin to// //shes rab dang rnam par shes pa dag ni yul mtshungs pa'i phyir zhes bya ba la/ lung bar ma las 'byung bas sngar gnas par bshad cing bstan la/ gsus po che'i mdo las 'di ltar 'don te/ tshe dang ldan pa sha ri'i du shes rab shes rab ces brjod pa/ tshe dang ldan pa shA ri'i bu shes rab gang zhe na/ tshe dang ldan pa gsus po che rab tu shes shing rab tu shes pa de'i phyir shes rab ces bya'o/ /ci zhig rab tu shes zhe na/ dge ba dang mi dge ba'i chos rnams ji lta ba bzhin rab tu shis shing/ kha na ma tho ba dang bcas pa dang/ kha na ma tho ba med pa dang/ dma' ba dang/ gya nom pa dang/ dkar po dang/ nag po dang/ rten cing 'brel bar 'byung ba

  255. 128a

    rab tu dbye ba dang bcas pa ji lta ba bzhin rab tu shes te/ tshe dang ldan pa gsungs po che rab tu shes shing de'i phyir shes rab ces bya'o/ /tshe dang ldan pa shA ri'i bu rnam par shes rnam par shes pa zhes brjod pa rnam par shes pa gang yin zhe na/ tshe dang ldan pa gsus po che rnam par shes shing rnam par shes te/ de'i phyir rnam par shes pa zhes bya'o/ /ci zhig rnam par shes zhe na/ gzugs rnam par shes shing/ sgra dang/ dri dang/ ro dang/ reg bya dang/ chos rnam par shes te/ tshe dang ldan pa gsus bo che rnam par shes shing rnam par shes pa zhes bya'o/ /tshe dang ldan pa shA ri'i bu shes rab gang yin pa dang/ rnam par shes pa gang yin pa'i chos 'di dag nyis 'dres pa zhig gam ma 'dres ba zhig/ gang yang chos 'di gnyis so so so sor khyad par ram rnam pa tha dad par gdags pa rnyed dam/ tshe dang ldan pa gsus po che shes rab gang yin pa dang rnam par shes pa gang yin pa'i chos 'di gnyis ni 'dres pa ste/ ma 'dres pa ma yin zhing gang yang chos 'di gnyis so so so sor khyad par ram rnam pa tha dad par gdags pa mi rnyed de/ tshe dang ldan pa gsus po che gang yang shes rab ces bya ba dang rnam par shes pa zhes bya ba'i chos 'di gnyis ni yang dag bar 'dres pa ste/ chos 'di gnyis ni so so so sor khyad par ram rnam pa tha dad par gdags pa mi rnyed pa de ci'i phyir zhe na/ gang rab tu shes pa de rnam par shes shing gang rnam par shes pa de rab tu shes pa de'i phyir chos 'di gnyis ni yang dag par 'dres pa ste ma 'dres pa ma yin zhing gang yang chos 'di gnyis so so so sor khyad par ram rnam pa tha dad par gdags pa mi rnyed do zhes gsungs so// //mi'i

  256. 128b

    mdo las zhes bya ba las skye mched drug gi tshegs las 'byung ba gnas drug pa 'di nyid du kun 'byung gi bden pa'i dbang du mdzad nas/ bcom ldan 'das kyis las dang sred pa zhes bya bar bshad bstan cing/ mdzad kyis gnas gnyis par/ 'dus ma byas la de dag med ces bya ba'i skabs su bris pa blta bar bya'o/ /bram ze thams cad yod do zhes bya ba ni skye mched bcu gnyis kyis bar gyi chos rnams yin no zhes bya ba la/ skye mched drug gi tshogs kyis bsdus pa'i sdom gyi tshigs su bcad pa gnyis pa las/ thams cad thams cad yod do zhes/ bram zes chos rnams thams cad dris zhes bya ba'i sdom gyi tshigs su bcad pa'i mdo gnyis pa las 'byung ba gnas lnga pa 'di nyid du 'das pa dang ma 'ongs pa bsam par ji ltar mdo las thams cad yod do zhes bshad pa da ltar legs te zhes bya ba bris zin to// //gzugs can snying po'i mdo las zhes bya ba la/ rgyal po dang yang dag bar ldan pa'i tshogs las 'byung ba drug ba dang/ mdzod kyi gnas gsum par rten cing 'brel bar 'byung ba'i skabs su dge slong dag bdag bdag ces bya ba 'di ni zhes bya bar bris zin to/ /dgra bcom ma brag giS bdud las brtsams te zhes bya ba la/ gleng gzhi ni mnyan du yod pa na'o/ /de'i tshe dge slong ma brag mnyan du yod kyi rgyal po'i dge slong ma'i dbyar khang na gnas te/ de nas dge slong ma brag snga dro chos gos dang lhung bzang thogs te mnyan yod du bsod snyoms kyi phyir bzhugs te/ bsod snyoms spyad nas zas kyi bya ba byas te zos pa'i 'og tu lhung bzed bkrus te/ chos gos dang lhung bzang phyogs gcig tu bzhag nas 'dug pa'i stan khyer nas/ long ba can gyi nags tshal gang na

  257. 129a

    pa der nye bar song ste/ nye bar song nas long ba can gyi nags tshal du zhugs te/ shing ljon pa gzhan zhig gi drung du nyin par gnas pa'i phyir rten cing 'dug go/ de nas bdud sdig to tsam? 'di snyam du gang dge sbyong gau ta ma ni mnyan yod kyi rgyal byed kyi tshal mgon med zas sbyin gyi kun dga' ra ba na bzhugs la/ de'i nyan thos dge slong mo brag ni mnyan yod kyi rgyal po'i dge slong ma'i dbyar khang na 'dug ste/ snga dro chos gos dang lhung bzed thogs nas zhes bya ba nas/ snga ma bzhin du shing ljon pa gzhan zhig gi drung du nyin par gnas pa'i phyir 'dug go zhes bya ba'i bar du ste/ gang yang bdag rnam par g.yeng pa'i las kyi phyir nye bar 'gro bar bya'o snyam nas gzhon nu lang tsho la bab pa'i gzugs su bdag nyid mngon par sprul nas/ dge slong ma brag gang na ba der nye bar song ste/ nye par song nas dge slong ma brag gi mdun du 'dug ste tshigs su bcad pa smras pa/ sems can 'di dag gang gis byas/ /sems can rnams kyi byed pa gang/ /sems can gang las rab tu byed/ /sems can gang du 'gro bar 'gyur// bdud ci sems can snyam sems nas/ /'di ni lta bar gyur pa ste// 'du byed phung po 'di stong ste// 'di la sems can rnyed ma yin// ji ltar yan lag tshogs la ni// shing rta'i 'du shes dran pa 'byung/ /de bzhin phung po'i nye len las/ /kun rdzob tu ni sems can brjod/ /'di dag skye ba sdug bsngal te// gnas pa nyid kyi sdug bsngal te/ /sdug bsngal nyid ni 'gag 'gyur zhing/ /sdug bsngal tshogs las gzhan du min/ /de nas bdud sdig can 'di snyam du dge slong ma brag gis sems kyis bdag

  258. 129b

    gi sems shes so snyam na/ sdug bsngal zhing yid mi bde ste/ yid la gcag bzhin du de nyid du mi snang bar gyur to zhes gsungs so// //lung phran tshogs las bram ze rgya shug gri? dbang du mdzad nas zhes bya ba la/ de bzhin gshegs pas ba da ra'i/ /sems ni thugs kyis mkhyen mdzad nas/ /rdzogs sangs steng du rdzu 'phrul gyis/ /gshegs nas skyil mo krung bcas bzhugs/ /de nas mtshan gyis yongs brgyan to// skyo bcas rgya shug gis mthong nas/ stan las rab tu langs nas ni// zhabs la sbyi bos phyag byas te /grogs po 'di ni ston pa ni/ /gzhon nu rnams kyis thos nas ni/ /pha rol rab tu rgal gyur cing/ /skams sar gnas pa'i chos ston byed de nas ping go stan las langs/ /bla gos phrag pa gcig byas shing/ /thal mo sbyar ba byas nas ni/ /tshigs su bcad pa 'di skad smras/ /'di ni bram ze rdzogs sangs rgyas/ /'gro ba sems can rab tu 'dzin/ /'di yis 'dod pa rab 'dul zhing/ /the tshom gcod par mdzad pa 'di/ /'di yis 'dod pa rab 'dul ba/ /mkhan po khyed ni dgyes par mdzod// 'di ni 'jig rten nyi ma ste/ 'di ni 'jig rten sgrol ma yin// 'di yis nyon mongs dang spong pa'i/ thub pas chos ni bstan par mdzad/ /'di ni 'jig rten mchog gyur te/ /'jig rten snang ba 'di yin no// sems can sgrol mdzad 'di yin te/ /sems can gso bar mdzad pa 'di/ /'di yis las rab gsal mdzad nas/ sdug bsngal kun las grol bar mdzad// 'di yi rigs ni mchog yin te/ /'di ni nyi ma'i rigs su 'khrungs/ /mtshan mchog sum cu rtsa gnyis kyis/ /'di yi mtshan rnams phun sum tshogs/ /'di dang mnyam

  259. 130a

    ba gzhan med cing/ /bla ma dag kyang yod ma yin/ /'di yis ye shes skyes pa'i phyir/ /ji ltar rgya mtsho bzhi mi g.yo/ /gzi brjid drag cing mthu che ba/ /dge slong chen po 'di lta bu/ /'di ni 'jig rten thugs brtse can// 'di ni 'jig rten sman pa yin// 'di yis rgol rab rab 'joms shing/ /mu stegs can rnams chos ldan byed/ /'di ni 'jig rten bla med de/ /'di ni rkang gnyis rnams kyi mchog?/ 'di ni 'jig rten rnam 'dren te/ /sems can 'khor ba'i rgya mtsho yi //chu bo 'jigs chen las grol 'di/ /ston pa pha rol phyin cing brgal/ /'di ni pha rol skam sar gnas// khyed ni nyer song dri byas na/ dogs ba de yis sel bar 'gyur/ /rkang gnyis mchog gyur mthong nas ni// rgya shugs gzi brjid ldan gyur nas/ /thal mo rab tu sbyar byas nas// de la 'di skad tshig gsol to/ /'khor ba'i rgya mtsho chen po yi/ /nang na gnas pa bdag la ni/ / thugs brtse bskyed pa mdzad nas ni/ /mi mchog bdag cag rgal bar mdzod/ /de nas ston pa thugs brtse ba// thub pa 'jig rten kun phan mdzad/ /rkang gnyis gtso bo sems can mchog/ rgya shug la ni bka' stsal pa// ji ltar sems ni kun nyon mongs// de bzhin sems ni rnam par byang/ /mdung pa thams cad grol byed pa'i/ /chos ni rgya shug khyod nyon cig/ 'di ni bdag la bdag med de// phyin ci log gi kun tu brtags/ /bdag gam sems can med pa ste// chos 'di dag ni rgyu dang bcas// sring pa'i yan lag bcu gnyis dang// phung po dang ni skye mched khams// thams cad rab tu bsam byas na// gang zag rab tu mi dmigs so/ /nang stong nyid du mthong

  260. 130b

    gyur cing/ /phyi stong nyid du mthong gyur na/ /de yis cung zad kyang mi rnyed// sgom pa po yang stong pa ste/ /'jig rten thams cad nyid 'tsho ba/ /stong pa nyid du blta bar gyis/ /mya ngan 'das pa gnas par skyabs/ /'di yi lam ni nyer rten phye? rgya shug sems can bsam byas te/ /stan de nyid la gnas bzhin du/ /'dod khams yongs su dag gyur pa'i/ /phyir mi 'ong ba'i 'bras bu thob/ /bden pa mthong bar gyur pa ni/ /rgya shug yid rab dga' ba yis/ /thal mo rab tu sbyar byas nas/ /'di skad ces bya'i tshig gsol to/ /gang tshe ma las bdag skyes nas/ /bdag gis lo brgya nyi shu lon/ /bram ze blon po rnams las bdag/ kun gyis pha rol phyin par gyur// lo 'di rnams su khyad par 'phags/ /bdag gis cung zad kyang ma rtogs/ /chos can legs par bshad pa yis/ /bdag gis grol ba'i go 'phang thob/ /bdag gis mthong ba'i dri med cing/ /bdag gi blo mig yongs dag gyur/ /phrol? ba sbyi bos bkur bya zhes/ /bden bar smra ba'i lha rnams gsungs zhes gsungs so// //ji skad du bdag tu lta ba la nyes dmigs lnga yod de zhes bya ba la/ mdo lnga par yongs su rdzogs par bris zin paS yang mi 'bri'o/ /ci de dag la chos thams cad la bdag med do zhes bya ba'i mdo 'di yang med dam zhes bya ba la/ dge slong dag 'du byed thams cad ni mi rtag ba/ chos thams cad bdag med pa/ mya ngan las 'das pa ni zhi ba'o zhes bya ba'i dbang du mdzad nas/ slob dpon sna tshogs blo gros kyis bcom ldan 'das la bstod pa bzhi rgya pa las/ chos rnams thams cad bdag med cing/ /'dus byas thams cad skad cig ma/ /mya ngan 'das ba zhi ba zhes/ /khyod kyi chos kyi phyag rgya gsum/ /rgol ba kun gyis mi rtogs shing/ /

  261. 131a

    gzhig par mi nus rnam par gnas/ /'jig rten mang du smra byed kyang/ /gang gis rang bzhin bzlog par nus zhes gsungs la/ chos kun de bzhin bdag med ces/ /gang tshe shes rab kyis mthong ba// de nas yid 'byung 'gyur ba ste// 'di ni sdug bsngal dag pa'i lam zhes 'byung ba dang/ bdag ni med pa ste gzhan ni phyin ci log go zhes bya ba'i mdo 'di yang ji ltar rtog par byed de/ de yang gzhi las 'phros pa'i sdom gyi tshigs su bcad pa bzhi pa las 'byung ba gnyis pa dang mdzod kyi gnas lnga pa 'di nyid du phyin ci log gi mdor bris zin to// //dge slong dag dge spyod dam bram ze gang su zhig bdag go zhes yang dag par rjes su blta ba zhes bya ba la/ phung po las/ bdag med cha med sa bon dang/ /nye bar 'gro dang bdun dang lnga/ /yongs su skyo bas gnyis byed cing/ /zas kyi dpe yid gnyis yin no// zhes bya ba nas go rims las bzlog ste bgrang ba'i sdom gyi tshigs su bcad pa gsum pa'i mdo dgu pa las 'byung ba mdzod kyi gnas lnga pa 'di nyid du/ bdag dang bdag gi chad rtag dang/ /med dang dman la mchog lta dang/ /zhes 'jig tshogs la lta ba'i sgrib par bris zin to//// gang cung zad sngon gyi gnas rnam pa du ma yang dag bar rjes su dran pa zhes bya ba la/ 'di nyid kyi sdom gyi tshigs su bcad ba bcu pa las 'byung ba mdzod kyi gnas dang bor rnam par rig byed ma yin pa la thug pa'i gzugs 'di dag ci gzugs zhes brjod ce na/ gzugs su rung zhing gzugs su rung bas so zhes bya bar bris zin to// //'das pa la sogs pa dang ma gsungs pa'i phyir zhes bya ba la/ gling gzhi ni mnyan du yod pa na'o/ /de

  262. 131b

    nas bcom ldan 'das kyis dge slong rnams la bos te/ dge slong dag dus gcig gi tshe da mngon par rdzogs par sangs rgyas nas ring por ma lon pa na chu bo ne rany+dza na'i 'gram byang chub kyi shing? drub? na gcig yu dben ba na nang du yang dag par 'jog la bzhugs pa na/ 'di lta bu'i sems la sems kyi yongs su rtog pa skyes te/ gus pa med pa ni sdug bsngal ba ste/ bdag po med cing 'jigs par dbang bsgyur ba med pa ni don chen po las yongs su nyams bar 'gyur ro/ /gus pa dang bcas pa ni bde ba ste/ bdag po dang bcas shing 'jig pa dbang bsgyur ba dang bcas pa'i don chen po yongs su rdzogs par 'gyur te/ gang dag las tshul khrims phun sum tshogs pa khyad par du 'phags pa 'am ting nge 'dzin phun sum tshogs pa khyad par du 'phags pa 'am/ shes rab phun sum tshogs pa khyad par du 'phags pa 'am/ rnam par grol ba phun sum tshogs pa khyad par du 'phags pa 'am/ rnam par grol ba'i ye shes mthong ba phun sum tshogs pa khyad par du 'phags pa lha dang bcas pa dang bdud dang bcas pa dang tshangs pa dang bcas pa dang dge slong dang bram ze'i skye dgu'i lha dang mi'i 'jig rten na 'ga' zhig yod na bkur sti bya ba dang/ bla mar bya ba dang/ rjed par bya ba dang/ mchod par bya ba dag gis bkur sti byas bla mar byas/ rjes par byas/ mchod bar byas te yongs su bsten cing gnas par bya'o zhes dgongs so/ /yang 'di snyam du/ gang yang bkur sti bya ba dang/ bla mar bya ba dang/ rjed par bya ba dang/ mchod par bya ba dag bdag gis bkur sti byas/ bla mar byas/ rjed par byas/ mchod par byas te yongs su bsten cing gnas par bya ba gang bdag las tshul khrims phun sum

  263. 132a

    tshogs pa khyad par du 'phags pa 'am/ shes rab phun sum tshogs pa khyad par du 'phags pa 'am/ rnam par grol ba phun sum tshogs pa khyad par du 'phags pa'am/ rnam par grol ba'i ye shes mthong pa phun sum tshogs pa khyad par du 'phags pa lha dang bcas pa dang bdud dang bcas pa dang/ tshangs pa dang bcas pa dang/ dge sbyong dang bram ze'i skye dgu'i lha dang mi'i 'jig rten na 'ga' yang med de/ gzhan du na ngas rang gnyid kyis chos mngon par mkhyen nas mngon par rdzogs par sangs rgyas te gang yang bdag gis chos la bkur sti bya ba dang/ bla mar bya ba dang/ rjed par bya ba dang/ mchod par bya bdag bdag gis bkur steng byas/ bla mar byas rjed par byas/ mchod par byas nas bsten cing lan mang du gnas par bya'o zhes dgongs so/ /de nas tshangs pa stong gis bdag po'i sems kyis da'i thugs rnam par shes nas skyes bu stobs dang ldan pa'i lag pa brkyed ba las bskum pa 'am/ bskum pa las brkyang ba tsam gyis tshangs pa'i 'jig rten nas mi snang bar gyur te da'i mdun du 'dug nas 'di skad ces smras so/ /bcom ldan 'das de de bzhin no/ /bde bar gshegs pa de de bzhin te/ gus pa med pa ni sdug bsngal ba ste/ bdag po med cing 'jigs par dbang bsgyur ba med pa ni don chen po las yongs su nyams par 'gyur ro/ /gus pa dang bcas pa ni bde ba ste bdag po dang bcas shing 'jigs par dbang sgyur ba dang bcas pa'i don chen po yongs su rdzogs par 'gyur te/ gang yang bcom ldan 'das kyis bkur sti bya ba dang/ bla mar bya ba dang/ rjed par bya ba dang/ mchod par bya ba dag

  264. 132b

    bcom ldan 'das kyis bkur sti byas/ bla mar byas/ rjed par byas/ mchod par byas te yongs su bsten cing lan mang du gnas par bya ba bcom ldan 'das la tshul khrims phun sum tshogs pa khyad par du 'phags pa 'am/ ting nge 'dzin phun sum tshogs pa khyad par du 'phags pa'am/ shes rab phun sum tshogs pa khyad par du 'phags pa 'am/ rnam par grol ba phun sum tshogs pa khyad par du 'phags pa 'am/ rnam par grol ba'i ye shes mthong ba phun sum tshogs pa khyad par du 'phags pa lha dang bcas pa dang bdud dang bcas pa dang tshangs pa dang dge sbyod dang bram ze'i skye dgu'i lha dang mi'i 'jig rten na 'ga' yang med do/ /gzhan du na bcom ldan 'das rang nyid kyis chos mngon par mkhyen nas mngon par rdzogs par sangs rgyas te/ gang yang bcom ldan 'das kyis chos la bkur sti bya ba dang/ bla mar bya ba dang/ rjed par bya ba dang/ mchod par bya ba bdag gis bcom ldan 'das kyis chos la bkur stir mdzad cing bla mar bya ba dang/ rjed par bya ba dang/ mchod par mdzad cing brten cing lan mang du gnas par mdzod cig/ btsun pa de ci'i phyir zhe na/ gang yang 'das pa'i dus na byung bar gyur pa'i sangs rgyas bcom ldan 'das de bzhin gsheD pa dgra bcom pa yang dag par rdzogs pa'i sangs rgyas de dag kyang chos nyid la bkur bsti bya ba dang/ bla mar bya ba dang/ rjed par bya ba dang/ mchod par bya ba bdag gis chos nyid la bkur ster byas/ bla ma byas/ rjed par byas/ mchod bar byas nas nye bar bsten cing bzhugs so/ /gang yang ma 'ongs pa'i dus na 'byung bar 'gyur ba'i sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag kyang chos nyid la

  265. 133a

    bkur stir bya ba dang/ bla mar bya ba dang/ rjed par bya ba dang/ mchod par bya ba dag gis bkur stir mdzad pa dad/ bla mar mdzad pa dang/ rjed par mdzad pa dang/ mchod par mdzad cing bsten cing gnas par 'gyur ro/ /da ltar byung ba'i dus kyi bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyang chos nyid la bkur stir bya ba dang/ bla mar bya ba dang/ rjed par bya ba dang/ mchod par bya ba dag gis bkur stir mdzad cing bla mar mdzad pa dang/ rjed par mdzad pa dang/ mchod par mdzad nas bsten cing lan mang du bzhugs par mdzod cig/ de nas tshangs pa stong gi bdag pos de'i tshe tshogs su bcad pa 'di skad ces smras so/ /gang yang 'das pa'i rdzogs sangs rgyas/ /gang yang ma byon sangs rgyas dang/ /mya ngan mang po 'jig byed pa'i/ /gang yang da ltar rdzogs sangs rgyas/ /de dag thams cad dam chos la/ /bkur stir mdzad cing nye bar bzhugs// gzhan yang gnas par 'gyur ba ste/ /'di ni rdzogs sangs chos nyid yin/ /de phyir 'dod khams 'di na ni/ /che ba'i bdag nyid 'dod pa rnams/ /sangs rgyas bstan pa rjes dran nas/ /dam pa'i chos la bkur sti bya/ /de nas tshangs pa stong gi bdag po mngon par dga' zhing rjes su yi rang nas de da'i zhabs la spyi bos phyag byas nas mi snang bar gyur to zhes gsungs so// //dge slong dag khung dang khur len pa dag ces bya ba la/ gleng gzhi ni mnyan du yod pa na'o/ /dge slong dag khur dang khur len pa dang/ khur spong ba dang/ khur khyer ba dad/ bstan par bya ste/ de legs par nyon la yid la zung zhig dang bshad par bya'o/ /khur

  266. 133b

    gang zhe na/ nye bar len pa'i phung po lnga rnams so/ /lnga gang zhe na/ gzugs nye bar len pa'i phung po dang/ tshor ba dang/ 'du shes dang/ 'dus byed dang/ rnam par shes pa nye bar len pa'i phung po'o/ /khur len pa gang zhe na / dga' ba'i 'dod chags dang lhan cig par gyur pa'i sred pa yang srid par kun 'byung ba de dang de las mngon par dga' ba'o/ /khur spong ba gang zhe na/ gang gi tshe dga' ba'i 'dod chags dang lhan cig par gyur pa'i sred pa yang srid par kun 'byung ba de dang de las mngon par dga' ba 'di nyid ma lus par spangs shing so sor 'gags pa dang/ nub? pa dang/ zad pa dang/ 'dod chags dang bral ba dang/ 'gags pa dang/ nye bar zhi ba dang mi snang ba'o/ /khur khyer ba gang zhe na/ gang zag ces brjod par bya ste/ tshe dang ldan pa ming ni 'di lta bu/ rus ni 'di lta bu/ rigS ni 'di lta bu/ kha zas ni 'di lta bu/ bde ba dang sdug bsngal ni 'di lta bu dag myong zhing tshe ring po 'am thung du 'di tsam zhig/ tu gnas te/ tshe'i mdza' 'di tsam du gyur zhes bya'o/ /dge slong dag khur dang khur len pa dang khur spong ba dang khur khyer ba dag bstan par bya'o/ /zhes ngas ji skad du bstan pa de rgyas par rab tu bshad do// bcom ldan 'das kyis da skad ces bka' stsal cing/ bde bar gshegs pas de skad gsungs nas/ ston pas gzhan yang 'di skad ces bka' stsal to// shin tu lci ba'i khung spangs nas// slar yang khur dag len mi 'gyur/ /khur len pa ni sdug bsngal te/ /khur spangS pa ni bde ba yin/ /sred pa thams cad rab spangs shing/ /kun sbyor thams cad zad pa yi// blang bya yongs su shes ba ni/ /yang srid dag tu 'gro mi 'gyur zhes gsungs so// //sems can brdzus te byung ba rnams

  267. 134a

    med do zhes bya ba la/ re zhig lung bar ma'i sdom gyi tshigs su bcad pa de dang de las bzhi bcu pa'i chos kyi rnam grangs chen po mdzod kyi gnas drug pa 'di nyid du slob pa'i lam ni yan lag brgyad dang ldan zhes bya bar bris te/ de las 'di ltar 'don to/ /log pa'i lta ba gang zhe na/ lta ba gang zhig med par lta ba ste/ /sbyin pa med do/ /len pa med do// mchod sbyin med do/ /legs par spyad pa med do/ /nyes par spyad pa med do// legs par spyad pa dang nyes par spyad pa'i las kyi 'bras bu rnam par smin pa med do// 'jig rten 'di med do/ /'jig rten pha rol med do/ /pha med do/ /ma med do/ /sems can brdzus te 'byung ba rnams med do/ /'jig rten na dgra bcom pa yang dag par rtogs shing yang dag par zhugs pa skye ba zad pa tshangs par spyod pa bsten to// bya ba byas so/ /srid pa 'di las gzhan mi shes so zhes 'jig rten 'di dang 'jig rten pha rol phyin na mthong ba'i chos nyid la rang nyid kyi mngon par shes pa phun sum tshogs pa rab tu rtogs pa rnams med do zhes bya ba ste/ 'di ni log par lta ba zhes bya'o zhes gsungs so// //'jig rten du gang zag gcig skye ba na skye'o zhes bya ba la/ gleng gzhi ni mnyan du yod pa na'o/ /dge slong dag skye bo mang po ni la phan ba dang/ skye bo mang po la bde ba dang/ 'jig rten la thugs rtse ba'i phyir dang/ lha dang mi rnams la phan pa dang bde ba'i phyir 'jig rten du gang zag gcig skye ba na skye ste/ dge slong dag skye bo mang po la phan pa dang/ skye bo mang po la bde ba dang/ 'jig rten la thugs brtse ba'i phyir dang/ lha dang mi rnams la phan pa dang bde ba'i phyir

  268. 134b

    'jig rten du gang zag gcig skye ba na skye ba gang zhe na/ 'di lta ste de bzhin gshegs pa dgra bcom pa yang dag par rdzogs pa'i sangs rgyas te/ dge slong dag ba ra ? se drang srong smra ba ri dags kyi nags su de bzhin gshegs pa dgra bcom pa yang dag par rdzogs pa'i sangs rgyas kyis lan gsum du bzlas shing rnam pa bcu gnyis su chos dang mthun par chos kyi 'khor lo bskor zhing/ dge slong shA ri'i bus de'i rjes su bskor te/ dge slong dag des lha dang gcas pa dang bdud dang bcas pa dang/ tshangs pa dang bcas pa dang/ dge sbyod dang bram zer bcas pa'i lha dang mi'i 'jig rten chos dang mthun pa'i chos kyi 'khor lo bskor ba'i rjes su bskor ba gzhan su yang yang dag par rjes su ma mthong ste/ gzhan du na dge slong shA ri'i bu ni ma gtogs so/ /dge slong dag ngas chos kyi 'khor lo bskor bas dge slong shA ri'i bu nye bar len pa med par zag pa rnams las sems rnam par grol bar gyur to zhes gsungs so/ / don dam pa stong pa nyid las zhes bya ba las/ skye mched drug gi tshogs kyis bsdus pa'i sdom gnyis pa las 'das pa yis ni zhes bya ba'i sdom gyi tshigs su bcad pa'i mdza' las 'byung ba mdzod kyi gnas lnga pa 'di nyid du 'dra pa dang ma 'ongs pa bsam par bshad pa bstan cing/ gsum pa las kyang bdag med phung po tsam nyid do zhes bya bar bris zin to// //ji skad du dbo las skyes kyis mdo las zhes bya ba la/ gleng gzhin ni mnyan du yod pa na'o/ /dge slong dag zas bzhi po 'di dag ni sems can byung ba rnams gnas par byed pa dang srid pa 'tshol ba rnams la phan 'dogs pa ste/ bzhi gang zhe na/ rags ba dang phra ba'i khams kyi zas dang/ gnyis pa reg pa'i

  269. 135a

    zas dang/ gsum pa yid la sems pa'i zas dang/ bzhi pa rnam par shes pa'i zas so/ /de'i tshe tshe dang ldan pa dbo las skyes bcom ldan 'das kyi rgyab na bcom ldan 'das la bsil yab g.yob cing 'dug ste/ de nas tshe dang ldan pa dbo las skyes kyis bcom ldan 'das la 'di skad ces gsol to/ /btsun pa ni rnam par shes pa zas su za 'am/ dbo las skyes rnam par shes pa zas su za'o zhes ba smra na/ dri ba de legS par 'gyur pa zhig na/ dbo las skyes rnam par shes pa zas su za'o zhes pa mi smra'o// bcun pa ci rnam par shes pa zas su za'o zhes ma gsungS ngam/ dpo las skyes de bzhin te/ bde skad mi smra'o/ /gal te da'i drung du 'ga' zhig nye bar 'ongs ste/ gang gi rkyen gyis rnam par shes pa byung zhes 'di ltar dri ba de la ngas 'di skad du lung bstan par bya ste/ rnam par shes pa ni ma 'ongs pa'i yang srid ba mngon par 'grub cing rab tu 'byung ba'i bar du ste/ byung bar gyur cing yod pa ni skye mched drug go/ skye mched drug gi rkyen gyis ni reg pa'o/ /btsun pa reg go reg go zhes bya ba ci zhig/ dbo las skyes reg go reg go zhes ngas 'di skad du smra na dri ba de legs bar 'gyur ba zhig na bde skad du mi smra'o/ /btsun pa reg pa zhes mi gsung dam/ dbo las skyes da de skad du mi smra'o/ /gal te da'i drung du 'ga' zhig nye bar 'ongs te/ gang gi rkyen gyis reg par byung zhes 'di skad du 'dri na dri ba de la ngas 'di skad du lung bstan par bya ste/ skye mched drug gi rkyen gyis ni reg pa yin la reg pa'i rkyen gyis tshor ba'o/ /btsun pa tshor ba bo zhes bya ba ci zhig /dbo las skyes tshor ba po tshor ba po zhes smra na de skad du dri ba

  270. 135b

    legs par 'gyur ba zhig na de skad du mi smra'o/ /bcun pa ci tshor ba po zhes mi gsung dam/ dpo las skyes de bzhin te/ bde skad du mi smra'o/ /gal te da'i drung du 'ga' zhig nye bar 'ongs te/ gang gi rkyen gyis tshor ba byung zhes 'di ltar 'dri na de la ngas 'di skad du lung bstan par bya ste/ reg pa'i rkyen gyis tshor ba byung zhing tshor ba'i rkyen gyis sred pa'o/ /btsun pa sred pa po srad pa po zhes bya ba ci zhig/ dpo las skyes srad pa po srid pa po zhes smra na dri dang? legs par 'gyur ba zhig nang de skad du mi smra'o// btsun pa sred pa po zhes mi gsung ngam/ dbo las skyes de bzhin te/ bde skad du mi smra'o// gal te da'i drung du 'ga' zhig nye bar 'ongs te/ gang gi rkyen gyis dpe? byung zhig? 'di ltar 'dri na 'dri ba de la ngas 'di skad du lung bstan par bya ste/ tshor ba'i rkyen gyis sped pa byung zhig sred pa'i rkyen gyis len pa'o// btsun pa len pa po zhes bya ba ci zhig/ len pa po len pa po zhes pa sman 'dri ba de legs par 'gyur ba de zhig nang de skad du mi smra'o// btsun pa len pa po zhes mi gsung ngam/ dbo las skyes de de bzhin te ba de skad du mi smra'o/ /gal te da'i drung du 'ga' zhig nye bar 'ongs te gang gi rkyen kyis len pa byung zhes 'di ltar 'dri na de la ngas 'di skad du lung bstan par bya ste/ sred pa'i rkyen gyis len pa byung zhing len pa'i rkyen gyis srid pa'o// btsun pa srid pa srid pa zhes bya ba ci zhig/ dbo las skyes srid pa srid pa zhes da smra na dri ba de legS par 'gyur ba zhig na da de skad du mi smra'o/ /btsun pa srid pa srid pa zhes mi gsung ngam/ dbo las skyes de bzhin te/ da de skad du mi smra'o/ /gal te da'i drung du 'ga' zhig nye bar 'ongs te/ gang gi rkyen gyis sred pa byung zhes 'di ltar

  271. 136a

    'dri na de la ngas 'di ltar lung bstan par bya ste/ tshe dang ldan pa sred pa 'di ni ma 'ongs pa'i yang sring ba mngon bar 'grub cing rab tu byung ba'i bar du ste/ byung bar gyur cing yong ba ni skye mched drug go/ skye mched drug gi rkyen gyis reg ba/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len ba/ len pa'i rkyen gyis srid pa/ srid pa'i rkyen gyis skye ba/ skye ba'i rkyen kyis rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams yang dag par 'byung zhing sdug bsngal gyi phung po chen po 'di 'ba' zhig yang dag par 'byung bar 'gyur ro zhes gsungs so// //bcom ldan 'das kyis ci'i phyir lus las srog de nyid dang gzhan du lung ma bstan zhes bya ba la/ bco ldan 'das rgyal po'i khab kyi 'ong ma'i tshal bya ka lan ta ka gnas ba na bzhugs so/ /de'i tshe kun tu rgyu be'u'i rigs bcom ldan 'das gang na ba der nye bar song ste nye par song nas bcom ldan 'das dang lhan cig ces bya ba nas kun tu rgyu be'u'i rigs kyis bcom ldan 'das la 'di skad ces gsol to/ /gau ta ma ci lus de nyid srog yin nam/ be'u lus de nyid srog yin no zhes da lung mi ston to// gau ta ma ci lus las gzhan zhig yin/ be'u lus las srog gzhan yin no zhes kyang lung mi ston to/ /gau ta ma lus de nyid srog yin nam/ zhes dris pa na lung bstan par bya ba ma yin no/ /zhes smra zhing/ ci lus las gzhan zhig srog yin zhes dris pa na yang lung bstan par bya ba ma yin no zhes smra ste /

  272. 136b

    bcom ldan 'das kyis nyan thos 'das pa'i dus na dus las 'das pa dag gnas che ge mo zhig tu skyes so/ /gzhan che ge mo zhig tu skyes so zhes skye ba lung bston pa ni ngo mtshar ba ma yin no/ /de'i? de de bzhin te/ de bzhin gshegS pa'i nyan thos dus las 'das pa dag gnas che ge mo zhig tu skyes so gnas che ge mo zhig tu skyes so zhes skye ba lung bstan pa ngo mtshar ba ma yin no/ /gau ta ma gang gi tshe lus 'di yongs su btang bar gyur cing yid kyi rang bzhin gyi lus gyi sems can gzhan du skyes par gyur ba de'i tshe lus dang srog gzhan du gyur to// be'u skye ba yang nye bar len ba dang bcas pa da smra'i/ nye bar len pa med bar ni ma yin no// gau ta ma ji lte ji ltar na skye ba nye bar len pa dang bcas par smra'i/ nye bar len po med par ma yin pa smra zhe na/ be'u dper na me ni nye bar len pa dang bcas na 'bar gyi nye bar len pa med pa ni ma yin no// gau ta ma me ni nye bar len pa med par yang 'bar ba mthong ngo/ /be'u ji ltar na nye bar len pa med par me 'bar/ gau ta ma dper na me'i phung po chen po 'ba' zhig kun tu 'bar ba kun tu rab tu 'bar ba 'bar ba gcig tu gyur cing/ 'bar ba gcig tu gyur pa de las rlung gi me lce thag ring bor? 'phags pa de'i tshe nye bar len pa med par 'bar zhing me lce 'bar ba nye bar len pa med par khyab cing 'bar ro// be'u yang nye bar len pa dang bcas par nga smra'i/ nye bar len pa med pa ni ma yin no/ /gau ta ma nye bar len pa gong zhig yin bar gdags/ be'u nye bar len ba rlung yin par gdags te/ rlung ni nye bar len bas me 'bar zhing rlung gi nye bar len bas me lce khyab par gyur to// gau ta ma gang gi tshe lus 'di yongs su btang bar gyur cing yid kyis rang

  273. 137a

    bzhin gyi lus sems can gzhan du skye bar gyur ba de'i tshe/ nye bar len ba ci zhig yin par nye bar gdags be'u de'i tshe sred pa nye bar len pa yin na zhes nga smra ste/ srid pa'i nye bar len pas sems can gnas shing sreng ba'i nye bar len pas sems can zhes brjod do/ /gau ta ma len pa la dga' ba dang len pa las kun tu byung ba dang nye bar len pa don du gnyer ba'i skye dgu las de bzhin gshegs pa dgra bcom pa yang dag par rdzogs pa'i sangs rgyas kyis chos rnams mngon bar rdzogs par sangs rgyas so/ /gau ta ma bdag cag la bya ba dang bgyi ba mang du mchis kyis mchi'o/ /be'u de'i dus la bab pa shes na/ song cig de nas kun tu rgyu be'u'i rigs kyis bcom ldan 'das kyis gsungs pa la mngon par dga' zhing rjes su yi rangs te bcom ldan 'das kyi drung nas song ngo zhes gsungs so// //kun dga' bo kun tu rgyu be'u'i rigs la bdag yod ces lung bstan na zhes bya ba la/ gleng gzhi ni rgyal po'i khab na'o/ /de nas kun tu rgyu be'u'i rigs bcom ldan 'das gang na ba der nye bar song ste/ nye bar song nas bcom ldan 'das dang lhan cig yang dag par dga' ba dang yang dag par byed bar 'gyur ba'i gtam rnam ba sna tshogs byas te zhes bya ba nas / bcom ldan 'das la 'di skad ces gsol to// gau ta ma ci bdag yod dam/ de skad ces gsol ba dang/ bcom ldan 'das cang mi gsung bar bzhugS so/ /gau ta ma ci bdag med dam/ de skad ces gsol ba dang/ bcom ldan 'das cang mi gsung bar bzhugs so/ /kun tu rgyu be'u'i rigs kyis bcom ldan 'das la lan gnyis lan gsum du 'di skad ces gsol to/ /gau ta ma

  274. 137b

    ci bdag yod dam /de skad ces gsol pa dang/ bcom ldan 'das cad mi gsung bar bzhugs so// gau ta ma ci bdag med dam/ de skad ces gsol pa dang/ bcom ldan 'das cang mi gsung bar bzhugs so/ /de nas kun tu rgyu be'u'i rigs 'di snyam du sems te/ dge sbyong gau ta ma la lan gnyis lan gsum du dris kyang lung ma bstan to zhes rigs nas stan las langs te song ngo/ /de'i tshe na che dang ldan pa kun dga' bo rlung yab thogs te bcom ldan 'das kyi rgyab na bcom ldan 'das la rlung yab g.yob cing 'dug go/ de nas tshe dang ldan pa kun dga' bo kun tu rgyu be'u'i rigs song nas ring zhig lon par rig nas bcom ldan 'das la 'di skad ces gsol to/ /kun tu rgyu be'u'i rigs kyis lan gnyis lan gsum du dris kyang bcom ldan 'das kyis ci'i phyir lung ma bstan/ kun tu rgyu be'u'i rigs la sdig pa can gyi lta ba mang du rnyed par 'gyur bas nga la lan gsum gyi bar du dris kyang lung ma bstan to/ /kun dga' bo kun tu rgyu be'u'i rigs kyis dris pa la bdag yong ngo zhes lung bstan na chos thams cad bdag med do zhes bya ba'i tshig mi rigs par 'gyur ro/ /kun tu rgyu be'u'i rigs kyis dris pa la bdag med do zhes lung bstan pa kun tu rgyu be'u'i riD sngar bdag med ba las da ltar bdag dang bcas par 'gyur ro zhes sngar yang kun tu rmongs pa la kun tu rmongs pa ches mang du 'byung bar 'gyur ro/ /kun dga' bo bdag yod ces bya ba 'di ni rtag par 'gyur ro/ /bdag med ces bya ba 'di ni 'chad par 'gyur te/ de bzhin gshegs pas mdza' gnyis po de dag spangs nas dbu ma'i lam gyi chos ston te/ 'di lta ste 'di yod pa'i phyir 'di 'byung 'di skyes pa'i phyir 'di skye ste/ 'di lta ste ma rig pa'i rkyen gyi 'du byed rnams

  275. 138a

    zhes bya ba nas/ rgyas par kun tu 'gag par 'gyur ro zhes bya ba'i bar du'o zhes gsungs so// //'jig rten rtag ba zhes bya ba la/ 'jig rten rtag ba dang mi rtag pa dang/ rtag pa yang ma yin mi rtag pa yang ma yin zhes bya ba la sogs pa lung du ma bstan pa'i dngos po bcu bzhi lung ring po'i mdo dgu pa las 'byung ba mdzod kyi gnas lnga pa 'di nyid du/ mgo cig dang ni rnam phye dang zhes bya ba'i tshig le'ur byas par bris zin to/ /de bzhin du kun tu smra ba zhes bya ba la/ bcom ldan 'das rgyal po'i khab kyi 'od ma'i tshal bya ka lan+ta ka gnas pa na bzhugs te// de nas kun tu rgyu smra pa bcom ldan 'das gang na ba der nye bar song ste/ nye bar song nas bcom ldan 'das dang lhan cig ces bya ba nas/ bcom ldan 'das la 'di skad ces gsol to// gau ta ma ci 'jig rten mdza' dang bcas sam/ smras pa 'jig rten mdza' dang bcas so zhes bya ba 'di ni ngas lung mi ston to// gau ta ma 'jig rten mdza' med dam/ mdza' dang bcas pa yang ma yin mdza' med pa yang ma yin nam/ mdza' dang bcas pa yang ma yin mdza' med pa yang ma yin pa zhig /smra ba 'jig rten mdza' med pa dang/ mdza' dang bcas pa yang yin mdza' med pa yang yin pa dang/ mdza' dang bcas pa yang ma yin/ mdza' med pa yang ma yin zhes bya ba 'di ni nges lung mi ston to// gau ta ma 'jig rten mdza' dang bcas pas zhes dris pas na lung mi ston to zhes smra zhing 'jig rten mdza' med pa dang/ mdza' dang bcas pa yang ma yin mdza' med pa yin pa dang/ mdza' dang bcas pa yang ma yin /mdza' med pa yang ma yin pa zhig ces dris pa na lung mi ston to zhes smra na/ gzhan ci zhig lung ston/ smra pa

  276. 138b

    das mngon bar mkhyen cing mngon par mkhyen nas sdug bsngal yang dag par zad cing sdug bsngal mthar bya ba'i phyir nyan thos rnams la lam chad par mdzad do/ /gau ta ma nyid kyis mngon par mkhyen cing mngon nas mkhyen nas sdug bsngal yang dag par zad cing sdug bsngal mthar bya ba'i phyir nyan thos rnams la lam chad par mdzad na/ ci lam 'dis 'jig rten thams cad nges par 'byin tam/ 'on te 'jig rten phyogs gcig de skad ces gsol ba dang/ bcom ldan 'das cang mi gsung bar bzhugs so/ /kun tu rgyu smra bas bcom ldan 'das la lan gnyis lan gsum du 'di skad ces gsol to/ /gau ta ma nyid kyis mngon par mkhyen cing mngon par mkhyen nas sdug bsngal yang dag par zad cing sdug bsngal mthar bya ba'i phyir nyan thos rnams la lam 'chad par mdzad na /ci lam 'dis 'jig rten thams cad nges par 'byin tam/ 'on te 'jig rten phyogs gcig/ de skad ces gsol ba dang/ lan gnyis lan gsum gyi bar du yang bcom ldan 'das cad mi gsung par bzhugs so/ /de'i tshon tshe dang ldan pa kun dga' bo bcom ldan 'das kyi rgyab na rlung yab thogs te bcom ldan 'das la g.yob cing 'dug pas smras pa/ smra ba khyod kyis bcom ldan 'das la dang por dri ba dris pa de nyid da ltar rnam grangs gzhan gyis dris te/ de nas bcom ldan 'das kyis dris pa lung bstan to/ /smra ba de'i phyir skyes bu mkhas pa rnams la dpes rnam par bshad na don shes par 'gyur bas dpe nyon cig/ smra ba 'di lta ste 'di ni rgyal po'i mdza' i grong khyer rtsig pa dang ra ba brtan pos yongs su bskor ba sgo gcig pa sgo srung ba'i skyes bu mkhas pa gsal ba blo dang ldan pa der 'ong ba dag dpyod pa'i shes rab dang yang dag

  277. 139a

    par ldan pa dag bzhag par gyur te/ des grong khyer de'i mdza' kun tu bskor zhing btsal kyang des grong khyer de la sgo gnyis pa cung zad kyang mi rnyed do/ /de nas grong khyer de kun tu bskor zhing btsal kyang byi la 'jug pa btsam gyi sgo gnyis pa cung zad kyang mi rnyed de/ smra ba gzhan yang sgo srung ba'i skyes bu de la shes rab 'di lta bu srog chags 'di tsam zhig ni da'i grong khyer du bzhugs so// 'di tsam zhig ni byung nog zhes mthong ba ni ma skyes mod kyi 'on kyang sgo srung ba'i skyes bu de la yang dag pa'i shes rab 'di lta bu gang cung zad srog chags rags pa rags pa grong khyer du 'jug pa dang 'byung ba de thams cad ni sgo 'di kho na te/ gzhan ni med do zhes shes pa skye'o/ / smra ba de bzhin du de bzhin gshegs pa la ci lam 'dis 'jig rten thams cad nges par 'byin par byed dam 'on te 'jig rten phyogs gcig zhes 'di ltar thugs pa rtog pa ma mnga' mod kyi 'on kyang de bzhin gshegs pa la yang dag pa'i ye shes 'di lta bu gang cung zad sdug bsngal mthar byas pa dang/ byed pa dang byed par 'gyur ba de thams cad lam 'di byed de/ gzhan ni med do zhes yang dag pa'i ye shes skye'o/ /de nas kun tu rgyu smra ba tshe dang ldan pa kun dga' bos bshad pa la mngon par dga' zhing rjes su yi rangs te song ba'i bar du'o zhes gsungs so/ /ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'byung bar 'gyur ro zhes bya ba la/ rgyal po dang yang dag par ldan pa'i tshoms kyi bcu pa sngon gyi mdza' dad phyi ma'i mdza' i mdo las 'byung ba gnas brtan ma 'gags bas sngon gyis tha' las brtsams te/ bshad pa mdzod kyi gnas bzhi pa 'di

  278. 139b

    nyid du 'phen par byed pa gcig yin te zhes bya bar bris zin pa/ phyi ma'i mdza' las brtsams pa ni bcom ldan 'das kyis lung bstan te/ dge slong dag mi rnams kyi tshe lo stong phrag brgyad cu thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ bla na med pa/ skyes bu 'dul ba/ kha lo sgyur ba lha dang mi rnams kyi ston pa/ sangs rgyas bcom ldan 'das byams pa zhes bya ba'i ston pa 'jig rten du 'byung bar 'gyur te/ 'di lta ste da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ skyes bu 'dul zhing kha lo sgyur ba lha dang mi rnams kyi ston pa/ sangs rgyas bcom ldan 'das da 'jig rten du byung ba bzhin no/ /de lha dang bcas pa dang/ bdud dang bcas pa dang/ tshangs pa dang bcas pa dang/ dge sbyong dang bram ze la skye dgu'i lha dang mi'i 'jig rten 'di las mthong ba'i chos nyid la rang nyid kyis mngon par shes pa phun sum tshogs pa bdag gi skye ba zad do/ /tshangs par spyod pa bsten te/ bya ba byas so/ /srid pa 'di las gzhan mi shes so zhes rab tu mkhyen par 'gyur te/ 'di lta ste/ de ltar da lha dang bcas pa dang/ bdud dang bcas pa dang/ tshangs pa dad bcas pa'i /dge sbyong dang bram ze'i skye dgu'i lha dang mi'i 'jig rten 'jig rten 'di las mthong ba'i chos nyid las rang nyid kyis mngon par shes pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so /zhes mngon sum du byas shing mkhyen par gyur pa bzhin no/ /de thog mar dge ba/ bar du dge ba

  279. 140a

    tha mar dge pa/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa tshangs par spyod pa yongs su rdzogs pa yang dag par gsal bar byed pa'i chos ston te/ 'di lta ste da ltar da thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal bar byed pa'i chos ston pa bzhin no/ /de'i nyan thos rnams la byams pa'i rigs zhes bya ba'i ming 'byung bar 'gyur ro/ /'di lta ste/ da ltar da'i nyan thos rnams la shAkya'i bu zhes brjod pa bzhin no/ /nges tshogs stong phrag du ma sdud par 'gyur te/ da ltar da'i tshogs brgya phrag du ma bzhin no/ /de'i tshe tshe dang ldan pa byams pa 'khor 'dus pa de'i nang na 'dus shing 'dug par 'gyur te/ de nas tshe dang ldan pa byams pa stan las langs te bla gos phrag pha gcig tu byas nas bcom ldan 'das gdan ba der thal mo sbyar zhing phyag byas nas bcom ldan 'das la 'di skad ces gsol to// btsun pa bdag mi rnams kyi tshe lo stong phrag brgyad cu thub pa na de bzhin gshegs ba dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa bla na med pa skyes bu 'dul ba'i kha lo sgyur ba lha dang mi rnams kyi ston pa sangs rgyas bcom ldan 'das byams pa zhes bya ba'i ston pa 'jig rten du 'byung bar 'gyur te/ 'di lta ste/ de ltar bcom ldan 'das 'jig rten du byung ba bzhin no/ /bdag lha dang bcas pa dang/ bdud dang bcas pa dang/ tshangs pa dang bcas pa'i dge spyod dang bram ze'i skye dgu'i lha dang mi ris 'jig rten

  280. 140b

    'di las mthong ba'i chos nyid la rang nyid kyis mngon par shes pa phun sum tshogs pa bdag gi skye bzang do/ /tshangs par spyod pa bsten to/ /bya ba byas so/ /srid pa 'di las gzhan ni mi shes so zhes mngon sum du byas shing mkhyen par 'gyur te/ 'di lta ste/ da ltar bcom ltan 'das lha dang bcas pa dang/ bdud dang bcas pa dang/ tshangs pa dang bcas pa'i dge sbyong dang bram ze'i skye dgu'i lha dang mi'i 'jig rten 'di las mthong ba'i chos nyid la rang nyid kyi mngon par shes pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes mngon sum du byas shing mkhyen par 'gyur ba bzhin no/ /bdag thog mar dge ba/ bar du dag ba / tha mar dge gdon bzang po/ tshig 'bru bzang bo/ ma 'dres pa/ yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal bar byed pa'i chos ston te/ 'di lta ste/ da ltar bcom ldan 'das thog mar dge ba/ par du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ tshangs par spyod pa yongs su rdzogs pa yang dag par gsal bar byed pa'i chos ston pa bzhin no// bdag gi nyan thos rnams la byams pa'i rigs zhes bya ba'i ming 'byung bar 'gyur te/ 'di lta ste/ da ltar bcom ldan 'das kyis nyan thos rnams la shAkya'i sras zhes brjod pa bzhin no/ /bdag tshogs stong phrag du ma sdud phar 'gyur te/ da ltar bcom ldan 'das kyi tshogs brgya phrag du ma bzhin du 'gyur ba ni bcom ldan 'das ngo mtshar lags so/ /de skad ces gsol pa dang/ bcom ldan 'das kyis tshe dang ldan pa byams pa la 'di skad ces bka'

  281. 141a

    stsal pa/ byams pa ma 'ongs pa'i dus na tshogs yongs su bsdu bar bya'o zhes sems kyi smon lam rgya chen po dang bcas pa rab tu legs te/ byams pa 'di kho na ltar 'byung bar 'gyur te/ ma 'ongs pa'i dus na mi rnams kyi tshe la stong phrag brgyad cu thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ bla na med pa skyes bu 'dul zhing kha lo sgyur ba/ lha dang mi rnams kyi ston pa/ sangs rgyas bcom ldan 'das byams pa zhes bya ba'i ston pa 'jig rten du 'byung bar 'gyur te/ 'di lta ste/ da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dad zhabs su ldan pa/ bde bar gshegs pa/ bla na med pa skyes bu 'dul zhing kha lo sgyur ba/ lha dang mi rnams kyi ston pa da 'jig rten du byung ba bzhin no/ /de lta dang bcas pa dang/ bdud dang bcas ba dang/ tshangs pa dang bcas pa'i dge sbyong dang bram ze'i skye dgu'i lha dang mi'i 'jig rten 'di las mthong ba'i chos nyid la rang nyid kyis mngon par shes pa phun sum tshogs pa bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan ni mi shes so zhes mngon sum du rab tu mkhyen par gyur te/ 'di lta ste/ da ltar da lta dad bcas pa dang/ bdud dang bcas pa dang/ tshangs pa dang bcas pa'i dge sbyong dang bram ze'i skye dgu'i 'jig rten 'di las mthong ba'i chos de nyid la rang nyid kyis mngon par shes pa phun sum tshogs pa ba gang gi skye ba zad do// tshangs par spyod pa bsten to/ /bya ba byas so/ /srid pa 'di las gzhan mi shes so zhes mngon sum

  282. 141b

    du byas shing mkhyen pa bzhin no/ /de thog mar dge pa/ bar du dge ba tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ tshangs par spyod pa/ yongs su rdzogs pa/ yang dag par gsal bar byed pa'i chos ston par 'gyur te/ 'di lta ste da ltar da thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ tshangs bar spyod pa yongs su rdzogs pa/ yang dag par gsol bar byed pa'i chos ston pa bzhin no/ /de'i nyan thos rnams la byams pa'i rigs zhes bya ba'i ming 'byung bar 'gyur te/ 'di lta ste/ da ltar da'i nyan thos rnams shAkya'i bu zhes brjod pa bzhin no/ / nges tshogs stong phrag du ma sdud par 'gyur te/ 'di ltar da ltar da'i tshogs brgya phrag du ma bzhin no zhes gsungs so/ /nyan thos 'das pa'i dus na dus las 'das pa rnams kyi skye ba lung bstan zhes bya ba la bcom ldan 'das chu bo can na mu dzo ka'i sbyil bu na bzhugs te/ de'i tsho chu bo can du skye bo mang po dus las 'das par gyur te/ dge bsnyen ka Ta ka dus las 'das shing/ ka Ta ma ka dang/ ka ka sha dang/ spyod ba dang/ nyer spyod dang/ ltas can dang/ nyes ltas can drang na bzang po dang/ rab tu bzang po dang/ grags pa dang/ /nye bar grags pa dang/ grags sbyin dang/ dge bsnyen grags pa'i lta dag dus las 'das par gyur to// de nas dge slong rab tu mang po snga dro chos gos dang lhung bzed thogs te chu bo can du bsod snyoms kyi phyir zhugs te/ dge slong rab tu mang po de dag chu bo can na bsod? snyoms spyod pa na/ chu bo can na skye bo mang po dus las 'das bar gyur te/ dge snyan ka Ta ka dus yas 'das shing/

  283. 142a

    ka Ta ka ma ka Ta dang/ kad ka sha dang/ spyod pa dang/ nyer spyod dang/ ltas can dang nyer ltas can dang/ bzang po dang/ rab tu bzang po dang/ grags pa dang/ nye bar grags pa dang/ grags sbyin dang/ dge bsnyen grags pa'i bla ma dag dus las 'das par gyur to zhes thos te/ thos nas bsod snyoms spyad de zas kyi bya ba byas shing zos pa'i 'og tu lhung bzed bkrus te/ chos gos dang lhung bzed mdza' gcig tu bzhag ste/ rkang pa bskrus nas bcom ldan 'das gang na ba der nye bar song ste/ nye bar song nas bcom ldan 'das kyi zhabs la spyi bos phyag byas nas phyogs gcig tu 'dug go/ phyogs gcig tu 'dug nas/ dge bsnyan rab tu mang po de dag gis bcom ldan 'das la 'di skad ces gsol to/ /btsun pa bdag cag dge slong rab tu mang po chos gos dang lhung bzed thogs te chu bo can du bsod snyoms kyi phyir zhugs te/ btsun pa bdag cag dge slong rab tu mang po chu bo can du bsod snyoms spong ba na chu po can du dge slong mang po dus las 'das par gyur te/ dge bsnyen ka Ta ka Ta dus las 'das shing/ ka Ta ma ka Ta dang/ kad Ta sha dang/ nyer spyod dang/ ltas can dang/ nyer ltas can dang? bzang po dang/ rab tu bzang po dang/ grags pa dang/ nye bar grags pa dang/ grags sbyin dang/ dge bsnyan grags pa'i bla ma dag dus las 'das par gyur to zhes thos nas/ btsun pa de dag gi 'gro ba ni gang/ skye ba ni gang 'jig rten pha rol ni gang zhig yin/ dge slong dge bsnyen kad ka Ta ni tha ma'i cha dang/ mthun pa'i kun tu sbyor ba lnga spangs shing/ 'jig rten 'dir phyir mi 'ongs pa'i chos can skyes nas yongs su mya ngan las 'da' ba' i phyir mi 'ong ba'o da dge slong dag dge bsnyen ka

  284. 142b

    Ta ma ka Ta dang/ kang ka sha dang/ spyod pa dang/ nye bar spyod dang/ bzang po dang/ rab tu bzang po dang/ grags pa dang/ nye bar grags pa dang/ grags sbyin dang/ dge bsnyen grags pa'i bla ma dag kyang tha ma'i cha dang/ mthun pa'i kun tu sbyor ba lnga spangs shing 'jig rten 'dir phyir mi ldog pa'i chos can skyes nas yongs su mya ngan las 'da' ba' i phyir mi 'ong ba'o/ /dge slong dag chu bo can du dge slong phyed dang sum brgya lhan cig dus las langs pa de dag tha ma'i cha dang mthun pa'i kun tu sbyor ba lnga spangs shing 'jig rten 'dir mi ldog pa'i chos can skyes nas yongs su mya ngan las 'da' ba' i phyir mi 'ong bar gyur to/ /dge slong bag chu bo can du dge slong su mang rgya lhan cig dus las 'das par gyur pa de dag ni kun tu sbyor ba gsum spangs shing/ 'dod chags dang/ zhe sdang dang/ gti mug gsum bsrabs bar gyur pa 'jig rten 'di lhan cig 'ongs nas sdug bsngal mthar byed par 'gyur ba'i lan cig phyir 'ong bar gyur to/ /dge slong dag chu bo can du dge bsnyen lnga brgya lhan cig dus las 'das par gyur pa de dag ni kun tu sbyor ba gsum spangs shing rdzogs pa'i byang chub tu ngas shing mi ltung ba'i chos can mchog tu thogs na srid pa lan bdun ba/ lha dang mi rnams su lan bdun tu nying mtshams sbyar nas sdug bsngal mthar byed par 'gyur ba'i rgyun tu zhugs par gyur te/ dge slong dag khyed cag de bzhin gshegs pa la dus las 'das shing/ dus las 'das pa dag gi dri ba 'dri 'am/ btsun pa de bzhin no/ /'dis de bzhin gshegs pa reg par mi gnas shing/ de bzhin gshegs pa la gnod pa byas par gyur te/ 'on kyang skyes pa dag 'chi zhing dus byed par 'gyur te/ 'di

  285. 143a

    la ngo mtshar ba ci zhig yod de/ de bzhin gshegs pa rnams byung yang rung/ de bzhin gshegs pa rnams ma byung yang rung/ chos rnams kyi chos nyid 'di ni gnas pa ste/ chos nyid gnas pa de nyid de bzhin gshegs pa rang nyid kyis mngon par mkhyen nas mngon par rdzogs par sangs rgyas te rab tu 'dogs par mdzad cing rab tu 'jog par mdzad pa dang/ rab tu 'byed pa dang/ rab tu 'grel ba dang/ rab tu ston pa dab/ rab tu gsal bar mdzad de/ 'di ltar 'di yod pa'i phyir 'di 'byung/ 'di skyes pa'i phyir 'di skye ste/ 'di ltar ma rig ba'i rkyen gyis 'du byed rnams dang/ 'du byed kyi rkyen gyis rnam par shes pa dang/ rnam par shes pa'i rkyen gyis ming dang gzugs dang/ ming dang gzugs kyi rkyen gyis skye mched drug dang/ skye mched drug gi rkyen gyis reg pa dang/ reg pa'i rkyen gyis tshor ba dang/ tshor ba'i rkyen gyis sred pa dang/ sred pa'i rkyen gyis len pa dang /len pa'i rkyen gyis srid pa dang/ srid pa'i rkyen gyis skye ba dang/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams kun tu 'byung ste/ de ltar na sdug bsngal gyi phung po chen po 'di 'ba' zhig yang dag par 'byung bar 'gyur ro/ /'di med pas 'di mi 'byung 'di 'gags pas 'di 'gag ste/ 'di lta ste/ ma rig pa 'gagS pas 'du byed 'gag par 'gyur zhing/ 'du byed 'gags pas rnam par shes pa 'gag/ rnam par shes pa 'gagS pas ming dang gzugs 'gags/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ rig

  286. 143b

    pa 'gagS pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga ba dang/ na ba dang 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams kun tu 'gag cing/ de ltar na sdug bsngal gyi phung po chen po 'di 'ba' zhig yang dag par 'gag par 'gyur ro// dge slong dag gzhan yang chos kyi me long zhes bya ba'i chos kyi rnam grangs bstan par bya ste/ de legs par rab tu nyon la yid la zung zhig dang bshad par bya'o/ /chos kyi me long zhes bya ba'i chos kyi rnam grangs gang zhe na / sangs rgyas la shes nas dang pa chos kyi me long gi chos kyi rnam grangs dang/ chos dang dge 'dun la shes nas dang pa chos kyi me long gi chos kyi rnam grangs dang/ 'phags pa dgyes pa'i tshul khrims chos kyi ma long gi chos kyi rnam grangs so/ /'di ni chos kyi me long gi chos kyi rnam grangs zhes bya'o/ /dge slong dag chos kyi me long zhes bya ba'i chos kyi rnam grangs bstan par bya'o zhes ngas ji skad du bstan pa de rgyas par rab tu bshad do zhes gsungs so// // bden par gnas pa'i bdag med do zhes bya ba ni lta ba'i gnas su te zhes bya ba la/ lung bar ma bdun pa'i sdom gyi tshigs su bcad pa dang po las zag pa bstan cing bshad pa'i mdo las 'byung /mdzod kyi gnas gnyis pa 'di nyid du rgyu dang 'bras bu bsam par byed rgyu zhes bya ba bdag por bshad ces bya bar mi shes na zhes bya bar bris zin te/ de las 'di ltar 'don te/ de tshul bzhin na yin pa yid la byed pa na lta ba'i gnas drug po rnams las gang yang rung ba

  287. 144a

    zhig yang dag par skye zhing skye bar 'gyur te/ bden par gnas pa'i bdag med do zhes 'di lta bu'i lta ba'i gnas dang po yang dag par skye zhing skye bar 'gyur ro/ /bden par gnas pa'i bdag med do zhes 'di lta bu'i lta ba'i gnas gnyis pa yang dag bar skye zhing skye bar 'gyur ba dang/ bdag gi bdag mthong ngo zhes 'di lta bu'i lta ba'i gnas gsum pa yang dag par skye zhing skye bar 'gyur ba dang/ bdag gi bdag med pa mthong ngo zhes 'di lta bu'i lta ba'i gnas bzhi pa yang dag par skye zhing skye bar 'gyur ba dang/ bdag med pas bdag mthong ngo zhes 'di lta bu'i lta ba'i gnas lnga pa yang dag par skye zhing skye bar 'gyur ba dang/ 'di ni bdag gam/ sems can nam/ srog gam/ gso ba 'am/ gang zag gam/ shed las skye ba 'am/ shed bu 'am/ byed pa po 'am/ byed du 'jug pa po 'am/ skyes pa po 'am yang dag par skyed pa po 'am/ slong ba po 'am/ kun nas slong ba po 'am/ tshor ba po 'am/ rab tu tshor ba po 'am/ skyed pa dge ba dang mi dge ba'i las de dang de dag byas shing byas nas 'bras bu rnam par smin pa so sor nyams su myong bar byed cing gang yang phung po 'di rab tu spong zhing ma 'ongs pa'i phung po gzhan len par byed pa/ da ltar med cing ma byung 'byung bar mi 'gyur/ da ltar med do zhes 'di lta bu'i lta ba'i gnas drug pa skye zhing yang dag par skye bar 'gyur ro zhes gsungs so/ /bcom ldan 'das kyis sems can ma rig pas bsgribs shing zhes bya ba la phung po las sangs rgyas rnam par bshad pa'i thog ma dang tha ma med pa'i mdo las 'di ltar 'don te/ dge slong dag sems can ma rig pas kun tu

  288. 144b

    bsgribs shing srid pa'i kun tu sbyor ba dang/ sred pa'i srad bus bcings shing 'khor bar nyid mtshams sbyor ba rnams kyi sdug bsngal sngon gyi mthong? gdags pa med cing 'khor ba la thog ma med de zhes gsungs so/ /bcom ldan 'das kyis de'i tshe de'i dus na mig bzangs zhes bya ba'i ston par 'gyur te zhes gsungs zhes bya ba la/ lung bar ma bdun pa'i sdom gyi tshigs su bcad pa dang po'i mdo brgyad pa nyi ma bdun ba zhes bya ba las 'byung ba mdzod kyi gnas gsum par 'jig pa'i bskal pa dmyal ba yi/ /srid pa med nas snang zad par zhes bya ba'i skabs su bris zin to// //mdo las bdag yod na bdag gir lta ba 'byung bar 'gyur ro zhes gsungs la/ bar ma yang dag par ldan pa'i mdo nyi shu pa las 'di ltar 'don te/ dge slong dag khyed cag gis mthong dam/ gang gi tshe bdag tu smra ba nye bar len pas bdag tu smra ba nye bar len pa de'i tshe rtag pa dang rtan pa dang g.yu drung dang mi 'gyur pa'i chos can dag yang dag par gnas sam/ bcun pa ma lags so/ /dge slong dag 'di snyam du sems/ bdag yod na bdag gi 'byung bar 'gyur zhing/ bdag gi yod na bdag 'byung bar 'gyur ram/ btsun pa de bzhin no/ /dge slong dag 'di ji snyam du sems/ bdag yod na bdag gi zhes bya ba na lta ba'i gnas te/ mchog tu 'dzin pa'i phra rgyas so/ /bdag dang 'jig rten rtag pa dang/ brtan pa dang/ g.yung drung dang/ mi 'gyur ba'i chos can yang dag par gnas pa 'di ni mi srid do/ /btsun pa de bzhin no/ /dge slong dag de'i phyir gzugs 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ dman pa 'am/ gya nom pa 'am/ gang thag ring ba 'am/ gang thag nye ba 'am/

  289. 145a

    de thams cad bdag ma yin bdag kyang de dag ma yin zhing de dag bdag gi ma yin no zhes yang dag pa'i shes rab kyis blta bar bya'o/ /tshor ba gang ci yang rung ba dang/ 'du shes gang ci yang rung ba dang gang yang mthong ba dang thos pa dang rnam par shes pa dang thob pa dang yongs su 'tshol ba yid la yid kyi rjes su rnam par rtogs pa dang rjes su dpyod pa de thams cad bdag ma yin la bdag kyang de dag ma yin zhing 'di dag bdag gi bdag ma yin no zhes yang dag pa'i shes rab kyis ji lta ba bzhin blta bar bya'o zhes gsungs so// //'o na mdo las rnam par shes pa de yongs su shes so zhes bya ba la/ ji ltar re zhig mdzod kyi gnas dgu pa 'di nyid du shes rab dang rnam par shes pa dag ni yul mtshungs pa'i phyir ro zhes de dang der bris pa las rtogs par bya'o// //chos mngon par mdzod kyi TIka nye bar mkho ba zhes bya ba las gnas dgu pa phal cher mdo dang sbyar ba'o// //mdo sogs lung dang bral zhing rgyan med gyur pa'i mdzod kyi rnam par bshad ba ni// gang phyir dri med gyur kyang zla bas stong pa'i mtshan bzhin yid 'phrog byed pa min// de phyir rin chen rang bzhin lung gis rnam par bshad pa rab tu brgyan byas las/ /dge ba gang yod de yis 'jig rten dri med blo yis rab tu rgyan gyur cig/ bal po'i yul du skye ba rab tu thob par gyur pa'i dge slong zhi gnas lha yis ni/ /ji ltar dran pa bzhin du mdzod la mkho ba yongs su rdzogs par yang dag bsdus/ /mdo gzhan gang yang bdag gis yongs su ma dran 'di ni yang dag ma bsdus ba/ /de dag gang zhig dran pas yang dag bsdu bar mdzod ces gsol ba bdag 'debS

  290. 145b

    so// //chos mngon bar mdzod kyi TIka nye bar mkho ba zhes bya ba dge slong zhi gnas lhas yang dag bar sbyar ba rdzogs so// //gsung rab mdo sde stong gi mdo khungs kyis/ /chos mngon mdzod kyi bstan bcos brgyan ba 'di/ /khams pa ston pas dad pas rab bsgyur las// 'gro kun mngon pa'i chos kyi don rtogs shog/ kha che'i grong khyer chen po dpe med kyi dbus dza ra me'i gtsug lag khang gi byang phyogs kyi bsil khang du / rgya gar gyi mkhan po dzA ya sh+rI dang/ bod kyi lo tsa ba khams pa dge slong shes rab 'od zer gyis yang dag par bsgyur ba// //chos mngon pa'i 'grel pa gnad kyi sgron ma phyogs glang gis mdzad pa'o// // rgya gar skad du/ a b+hi d+harma marma pra dI ba na ma bri t+tI/ bod skad du /chos mngon ba'i 'grel pa gnang gyi sgron ma zhes bya ba/ sangs rgyas la phyag 'tshal lo// gang zhig kun la mun pa gtan bcom zhing/ /'khor ba'i 'dam las 'gro ba drangs mdzad pa/ /don bzhin ston pa de la phyag 'tshal nas// chos mngon mdzod kyi bstan bcos rab bshad bya// bstan bcos byed bar 'dod pas rang gi ston pa'i che ba'i bdag nyid shes par bya ba'i phyir/ de la yon tan brjod pa sngon du 'gro bas phyag 'tshal ba rtsom ste/ gang zhig ces bya ba ni sangs rgyas bcom ldan 'das kyi dbang du byas nas smras pa'o/ /'di'i 'am 'dis mun pa bcom bas mun pa bcom pa'o// thams cad la mun pa rnam pa thams cad du bcom pas kun la mun pa gtan bcom pa'o// mi shes pa ni yang dag pa'i don mthong ba la bgegs su gyur pa'i phyir mun pa ste/ de yang sangs rgyas bcom ldan 'das kyi gnyen po brnyes nas shes bya thams cad

  291. 146a

    la phyis mi skye ba'i chos can du gyur pa'i phyir gtan nas ye bcom pa ste/ de'i phyir kun la mun pa gtan bcom pa'o// rang sangs rgyas dang nyan thos rnams kyang nyon mongs pa can gyi rmongs ba dang bral ba'i phyir kun la mun pa bcom par ni 'dod mod kyi gtan nas ni ma yin te// 'di ltar de dag la nyon mongs pa can ma yin pa'i mi shes pa yod pa nyid do// 'khor ba'i 'dam las 'gro ba drangs mdzad pa zhes bya ba ni gzhan la phan pa sgrub pas stong pa'o// 'khor ba ni 'gro ba kun tu chags pa'i gnas yin pa'i phyir dang/ brgal bar dka' ba yin pa'i phyir 'dam lta bu yin te/ 'gro ba der bying ba drangs so// don bzhin ston pa zhes bya ba ni 'dis 'di'i gzhan la phan pa sgrub pa'i thabs ston te/ de ni ston pa na yang dag pa ji lta ba bzhin du ston pas 'khor ba'i 'dam las 'gro ba drangs kyi /rdzu 'phrul dang dam pa sbyin pa'i mthus ni ma yin no/ /de la phyag 'tshal nas zhes bya ba ni dang por bya ba brjod nas bstan bcos rab bshad bya zhes smras te/ bstan bcos gang zhe na/ chos mngon par mdzod ces bya'o/ /chos mngon par zhes bya ba 'di gang zhe na/ chos mngon shes rab dri med rjes 'brang bcas// shes rab ni chos rab tu rnam par 'byed pa'o// dri med ces bya ba ni zag pa med pa'o// rjes 'brang bcas zhes bya ba ni 'khor dang bcas pa'o/ /de ltar na zag pa med pa'i phung po lnga ni chos mngon ba zhes brjod par 'gyur ro// re zhig 'di ni don dam pa'i chos mngon pa'o/ /brdar brtags pa yang/ de thob bya phyir gang dang bstan bcos gang/ gang dang ni thos pa dang bsams pa dang/ bsgom pa las byung ba'i shes rab

  292. 146b

    zag pa dang bcas pa dang/ skyes nas thob pa rjes su 'brang ba dang bcas pa'o// bstan bcos gang ces bya ba ni shes rab de thob par bya ba'i phyir de yang de'i tshogs su gyur pas chos mngon pa zhes brjod do// nges pa'i tshig tu rang gi mtshan nyid 'dzin pa'i phyir chos te/ de lta bas na 'di ni don dam pa'i chos mya ngan las 'das pa 'am/ chos kyis mtshan nyid la mngon du phyogs pa'i phyir chos mngon pa'o// bstan bcos 'di ji ltar na chos mngon pa'i mdzod yin zhe na/ 'dir de don du yang dag chung phyir ram// 'di'i gnas de yin pas chos mngon mdzod ces bya ba chos mngon pa'i bstan bcos 'di ni de'i mdzod lta bu yin no// yang na de las 'di phyung bas chos mngon pa de bstan bcos 'di'i gnas lta bu yin no// de'i phyir chos mngon pa de nyid 'di'i mdzod yin te/ de lta bas na bstan bcos 'di ni chos mngon pa'i mdzod yin no// yang ci'i phyir chos mngon pa bstan pa 'am 'di dang po nyid du sus bstan ce na/ gsungs ba chos rnams rab tu rnam 'byed med par nyon mongs rnams// gang phyir nye bar zhi bar bya ba'i thabs med le// nyon mongs pas kyang 'jig rten srid mtsho 'dir 'khyams te/ /de bas des phyir 'di ni ston pas gsungs so lo/ /gang gi phyir chos rab tu rnam par 'byed pa med par nyon mongs pa nye bar zhi bar bya ba'i thabs med la/ nyon mongs pa rnams kyis kyang 'jig rten 'khor bar 'khyams par byed pa ste/ de'i phyir ni chos rab tu rnam par 'byed pa de'i don du ston bas ni sangs rgyas kyis chos mngon pa gsungs so lo/ /chos mngon par bstan pa med par ni slob mas chos rab tu dbye bar mi nus pa'i phyir ro/ /chos de dag kyang gang zhe na/ zag bcas zag pa med chos rnams// zhes bya ba smos so/ /

  293. 147a

    'di ni chos thams cad mdor bsdus te bstan pa'o/ /de la zag pa dang bcas pa'i chos rnams gang zhe na/ lam ma gtogs pa'i 'dus byas rnams// zag bcas zhes smos so/ /lam gyi bden pa ma gtogs pa 'dus byas kyi chos gzhan rnams ni zag pa dang bcas pa dag go /ci'i phyir zhe na/ gang gi phyir de dag la zag rnams kun tu rgyas par 'gyur/ zhes bya ste/ 'di rnams la zag pa rnams rgyas par 'gyur te/ 'gog pa dang lam gyi bden pa dag la dmigs pa yin du zin kyang rgyas par ni mi 'gyur ro/ /zag pa dang bcas pa rnams bshad zin to/ /zag med lam gyi bden pa dang// 'dus ma byas rnams gsum yang ste/ /rnam pa gsum gang zhe na/ nam mkha' dang ni 'gog pa gnyis/ /gnyis gang zhe na/ so sor brtags pas 'gog pa dang/ /so sor brtags pa ma yin pas 'gog ba ste/ de ltar na nam mkha' la sogs pa 'dus ma byas gsum po de dag dang lam gyi bden pa ni zag pa med pa'i chos rnams te/ de dag la zag pa rgyas par 'gyur ba med pa'i phyir ro/ /'dus ma byas ba bstan pa rnam pa gsum bo gang yin ba /de la nam mkha' mi sgrib pa// nam mkha' ni sgrib pa med pa'i rang bzhin te/ gang na gzugs kyi go yod pa'o/ /so sor brtags pas 'gog pa gang/ /bral ba'o so so so so yin/ gang zag pa dang bcas pa'i chos rnams dang bral ba de ni so sor brtags pas 'gog ba'o/ /sdug bsngal la sogs pa 'phags pa'i bden ba rnams so sor rtogs pa ni so so brtags pa ste/ dge ba'i blo'i bye brag go/ des thob par bya ba'i 'gog ba ni so sor brtags pas 'gog pa'o/ /de yang 'di zag pa dang bcas ba'i chos rnamS

  294. 147b

    kyi so so so sor te/ ldan pa'i rdzas rnams ji snyed pa bral ba'i rdzas kyang de snyed do/ /'gog pa gcig nyid yin nyon mongs pa'i phyogs gcig spangs na de mngon sum du byas par 'gyur bas lhag ma'i gnyen po bsgom pa don med par 'gyur ro zhes so sor brtag pas 'gog pa bshad zin to// skye la gtan du gegs byed pa// 'gog gzhan so sor brtags min pas/ /chos ma 'ongs pa skye ba la gtan du gegs su gyur pa bral ba las gzhan ba'i 'gog pa gang yin pa de ni so sor brtags ba ma yin pas 'gog pa ste/ 'di so sor brtags pas thob pa ma yin no// 'o na ci zhe na/ rkyen ma cher ba la thob ba'o/ /yang lam ma gtogs ba'i 'dus byas rnams/ zag bcas zhes gang smras pa'i yul 'dus byas de dag gang zhe na/ 'dus byas chos rnams de dag kyang// gzugs la sogs pa phung po lnga/ /gzugs kyi phung po dang ni tshor ba'i phung po dang /'du shes kyi phung po dang/ 'du byed kyi phung po dang/ rnam par shes pa'i phung po zhes bya ba de dag ni 'dus byas kyi chos rnams so// rkyen rnams 'dus shing phrad nas byas pa dag gi phyir 'dus byas rnams so/ /de dag nyid dus gtam gzhi dang/ /nges par 'byung bcas gzhi dang bcas/ /de la song ba dang 'gro ba dang 'gro bar 'gyur ba'i phyir ram/ mi rtag pa nyid kyis za ba'i phyir dus rnams so// gtam ni dag go/ de'i gzhi ni ming ste/ don dang bcas pa'i gzhi bzung bas na 'dus byas ni gtam gyi gzhi zhes bya'o/ /nges par 'byung ba nyid ni nges par 'byung ba ste/ 'dus byas thams cad kyi mya ngan las 'das pa'o/ /de 'di dag la yod bas nges par 'byung bcas dag go/ rgyu dang bcas pa'i phyir gzhi dang bcas pa dag go /yang 'dus byas de dag nyid gang dag

  295. 148a

    zag bcas nyer len pa'i /phung po 'ang de dang de dag nye bar len pa dag ni nyon mongs pa rnams te/ dper na rtswa dang spun pa'i me bzhin nam /de dag la rag lus pa'i phyir rgyal po'i mi bzhin no/ /yang na de dag las nye bar len ba rnams 'byung bas nye bar len pa'i phung po rnams te/ me tog dang 'bras bu'i shing ljon pa bzhin no/ /zag pa dang bcas pa'i chos de dag nyid/ 'thabs bcas kyang zhes brjod do/ /'thab ba ni nyon mongS ba rnams te/ bdag dang gzhan la gnod ba'i phyir ro/ /de dag gis rgyas par byas pa nyid kyi phyir 'thab bcas dag ste/ zag pa dang bcas pa bzhin no// sdug bsngal kun 'byung 'jig rten dang// lha gnas srid pa'ang de dag yin// 'phags pa rnams dang mi mthun pa'i phyir sdug bsngal lo/ /'di las sdug bsngal kun 'byung bas na kun 'byung ngo/ /skad cig re rer 'jig pas na 'jig rten no// 'di la lta ba rgyas par 'gyur ba'i sgo nas gnas pa na lta ba'i gnas so/ /sdug bsngal ni kun 'byung las 'byung ba'i phyir srid pa'o/ /de ltar na 'di dag ni zag pa dang bcas pa'i chos rnams kyi rnam grangs don dang mthun pa dag go /gzugs la sogs pa phung po lnga zhes gsungs te/ de la gzugs ni dbang bo lnga dang don/ /lnga dang rnam rig byed min nyid// dbang po lnga ni mig dang/ rna ba dang/ sna dang /lce dang /lus kyi dbang po rnams dang/ don lnga ni mig la sogs pa dbang po de dag nyid kyi yul gang dag yin pa gzugs dang/ sgra dang/ dri dang /ro dang/ reg bya rnams dang /rnam par rig byed ma yin pa ste/ de snyed cig ni gzugs kyi phung po'o/ /de la gzugs la sogs pa'i don gang 'di dag smos pa /de dag rnams kyi rnam shes rten/ /mig

  296. 148b

    la sogs pa gzugs dang rnams/ /la? thugs dang/ sgra dang/ dri dang /ro dang/ reg bya'i rnam par shes pa rnams kyi rten du gyur pa'i gzugs dang ba'i bdag nyid lnga po gang dag yin pa de dag ni rim pa bzhin du mig dang /rna ba dang/ sna dang/ lce dang/ lus dag yin bar reg par bya'o/ /dbang po lnga bshad zin to/ /don lnga bshad par bya ste /gzugs rnams gnyis dang/ kha dog dang dbyibs so// yang de nyid rnam nyi shu/ /zhes bya ste/ 'di lta ste/ sngon po dang /ser po dang/ dmar po dang/ dkar po dang/ ring po dang/ thung ngu dang /lham pa dang/ zlum po dang/ mthon po dang/ dma' ba dang/ phya le dang/ phya le ba ma yin pa dang /sprin dang /du ba dang /rdul dang /khug rna dang/ grib ma dang /nyi ma dang/ snang ba dang /mun pa'o/ /de la phya le ba ni dbyibs mnyam pa'o/ phya le ba ma yin pa ni dbyibs mi mnyam pa'o/ /khug rna ni lho bur ro/ /nyi ma ni nyi ma'i 'od do/ /snang ba ni zla ba dang skarma dang/ me dang sman dang nor bu rnams kyi 'od dag go /grib ma ni gang na gzugs rnams snang ba'o// bzlog pa ni mun pa'o// lhag ma ni brda phrad par sla bas rnam par ma phye'o/ /sgra ni rnam pa brgyad yod do/ /zin pa dang ma zin pa'i 'byung ba chen po'i rgyu las byung ba sems can dang sems can ma yin par te rnam pa bzhi'o/ /de yang yid du 'ong ba dang yid du mi 'od ba'i bye brag gis rnam pa brgyad du 'gyur ro/ /? zin pa'i 'byung ba chen po'i rgyu las byung ba ni lag pa dang dag gi sgra'o// ma zin pa'i 'byung ba chen po'i rgyu las byung ba ni rlung dang nags tshal dang chu bo'i sgra'o/ /sems can du ston pa ni dag gi rnam par rig byed kyi sgra'o// gzhan ni sems can du ston pa ma yin pa'o/ /gzhan du yang sgra thams cad gnyis gnyis su bsdus pa'i phyir

  297. 149a

    sgra ni rnam pa bzhi du brjod/ sgra ni bshad zin to/ /ro ni rnam drug/ mngar ba dang /skyur ba dang/ lan tshwa dang /tsha ba dang /kha ba dang/ ska ba'i bye brag gis so/ /dri nas bzhi/ dri zhim pa dang /dri nga ba gnyis la/ mnyam pa dang/ mi mnyam pa'i phyir ro/ /reg bya bcu gcig bdag nyid do/ /'byung ba bzhi dag dang/ 'jam pa nyid dang/ rtsub pa nyid dang/ lci ba nyid dang/ lci ba nyid dang/ yang ba nyid dang /grang ba dang/ bkres pa dang/ skom pa'o/ /de la 'byung ba rnamS ni 'og nas bshad par bya'o/ /'jam pa nyid ni mnyen ba'o// rtsub pa nyid ni h+rung h+rung pa'o// lci ba nyid ni gang gis na dngos po rnams 'jal bar byed pa'o// bzlog ba ni yang ba nyid do// grang ba ni dro ba 'dod par byed pa'o/ /bkres ba ni zas 'dod par byed pa'o/ /skom pa ni btung ba 'dod bar byed pa'o// rgyu las 'bras bu brtags ba'i phyir te/ dper na sangs rgyas rnams ni 'byung ba bde /zhes bya ba la sogs pa bzhin no// rnam par rig byed ma yin pa gang zhe na/ g.yengs dang sems med pa yi yang/ /dge dang mi dge rjes 'brel gang/ /'byung ba che rnams rgyur byas pa/ /de ni rnam rig byed min brjod/ /sems g.yengs pa pa zhes bya ba ni de las gzhan pa'i sems pa'i yang yin no// sems med pa'i yang/ zhes bya ba ni 'du shes med pa dang/ 'gog pa'i snyoms par 'jug pa'i yang yin pa'o// yang zhes bya ba'i sgras ni ma g.yengs pa dang sems dang bcas pa'i yang yin no zhes bya bar yang mngon no/ /dge ba dang mi dge ba zhes bya ba ni dge legs dang dge legs ma yin pa'o/ /rjes 'brel gang zhes bya ba ni rgyun to// thob pa'i rgyun yang 'di lta bu yod pas bye brag tu bya ba'i phyir 'byung ba che rnams rgyur byas pa

  298. 149b

    zhes bya ba brjod do/ /rgyur byas pa'i don ni rgyu'i don te/ skyed pa la sogs pa'i rgyu'i ngo bo nyid yin pa'i phyir ro/ /de ni rnam rig byed min ces bya ba la de ni zhes bya ba'i sgra ni de'i ming shes par bya ba'i phyin te/ gzugs dang byed pa'i rang bzhin yin yang rnam par rig byed bzhin du gzhan la rnam par rig byed ma yin pa'o// brjod ces bya ba ni slob dpon gyi tshig yin par ston pa'o/ /mdor na rnam par rig byed dang ting nge 'dzin las byung ba'i gzugs dge ba dang mi dge ba ni rnam bar rig byed ma yin pa'o// 'byung ba che rnams rgyun byas ba zhes gsungs pa de dag gang zhe na/ 'byung ba dag ni sa khams dang/ chu dang me dang rlung khams rnams de dag ni rang gi mtshan nyid 'dzin pa dang/ rgyur byas pa'i gzugs dang 'dzin pa'i phyir khams dag go/ 'di dag gzugs gzhan thams cad kyi rten nyid du reg pa'i phyir chen po nyid do/ /yang na de las byung ba'i rang bzhin sa dang chu dang me dang rlung gi phung po de dag bya ba la shas che bdag la de rnams chen por gnas pa'i phyir ro/ /yang khams de dag gi las gang yang dag par 'grub/ rang bzhin dag ni ci zhe na/ 'dzin ba la sogs las su 'grub ces bya ba smos te/ 'di dag ni go rims bzhin du 'dzin pa dang/ bsdud pa dang/ smin par byed pa dang/ rgyas par byed pa'i las yang dag par sgrub po/ rgyas par byed pa yang 'phel ba dang rgyas par byed pa'o// rang bzhin ni go rims bzhin du/ sra gsher dro nyid g.yo rnams te/ sra ba ni sa'i khams so/ /gsher pa ni chu'i khams so/ /dro ba ni me'i khams so// g.yo ba ni rlung gi khams/ /'dis 'byung ba'i yul gzhan du skyed pa'i phyir g.yo byed de /sgron ma g.yo ba bzhin du g.yo ba yin no// yang sa la sogS

  299. 150a

    pa dang sa'i khams la sogs pa la bye brag ci yod ce na/ 'jig rten gyi ni tha snyad du/ /kha dog dbyibs las zhes brjod// 'di ltar sa ston pa ni kha dog dang dbyibs ston par byed do/ /sa la ji lta bde bzhin du/ chu me yang ngo/ /'jig rten gyi tha snyad du kha dog dang dbyibs nyid la brjod do/ /rlung tshogs khams nyid yin/ rlung gi khams gang yin pa de nyid la 'jig rten na rlung zhes 'dogs so// de dang 'dra ba 'ang yin/ kha dog dang dbyibs kyang ngo/ /ji ltar rlung tshogs sngon po rlung tshogs zlum po zhes zer ba bzhin no/ /'di yang gzugs su rung bas gzugs kyi phung po zhes bya bar brjod do/ /gzugs su rung ba ni gnod pa'o/ /thogs pa'o zhes kha cig gi'o// gzugs kyi phung po'i ngo bo nyid bstan pa gang dag yin pa /dbang don de dag kho na la/ skye mched dang ni khams bcur 'dod// skye mched rnam par gzhag ba ni skye mched bcu ste/ mig gi skye mched dang/ gzugs kyi skye mched nas/ lus kyi skye mched dang/ reg bya'i skye mched kyi bar yin no/ /khams rnam par bzhag pa ni de dag nyid bcu ste/ mig gi khams dang gzugs kyi khams nas lus kyi dad reg bya'i khams kyi bar yin no/ /gzuD kyi phung po bshad zin to/ /de la tshor ba myong ba myong ba rnam pa gsum ni tshor ba'i phung bo ste/ bde ba dang /sdug bsngal dang/ sdug bsngal yang ma yin bde ba yang ma yin pa'o/ /de yang dbye na tshor ba'i tshogs drug ste /mig gi 'dus te reg ba las byung ba'i tshor ba nas yid kyi 'dus te reg ba las byung ba'i bar ro //'du shes ni mtshon mar 'dzin pa'i bdag nyid do/ /gang sngon po dang /ser po dang /ring bo dang thung ngu dang /pho dang mo dang mdza' bshes dang/

  300. 150b

    mdza' bshes ma yin pa dang/ byed ba dang sdug bsngal ba la sogs pa'i rang bzhin gyi khyad par la mtshan mang? 'dzin pa de ni 'du shes kyi phung po'o/ /de yang dbye na 'du shes kyi tshogs drug ste tshor ba bzhin no/ /'du byed phung po bzhi las gzhan/ gzugs dang tshor ba dang/ 'du shes dang/ rnam par shes pa las gzhan pa'i 'du byed rnams ni 'du byed kyi phung po'o// de gsum tshor ba dang/ 'du shes dang/ 'du byed kyi phung po dag ste/ skye mched dang/ /khamS rnam par bzhag pa ni/ rnam rig byed min dang/ 'dus ma byas rnams bcas pa ni chos kyi skye mched khams zhes bya// de ltar rdzas bdun po 'di dag ni chos kyi skye mchod dang chos kyi khams zhes bya'o/ /rnam shes so sor rnam rig pa// yul dang yul la so sor rnam par rig cing dmigs pa ni rnam par shes pa'i phung po zhes bya'o/ /de yang rnam par shes pa'i tshogs drug ste/ mig gi rnam par shes pa nas yid kyi rnam par shes pa'i bar ro/ /skye mched rnam par bzhag pa la/ yid kyi skye mched kyang de yin/ khams rnam par bzhag pa ni/ khams bdun dag tu 'ang 'dod pa ste/ bdun gang zhe na/ rnam par shes pa drug dang yid/ /mig gi rnam par shes pa'i khams nas yid kyi rnam par shes pa'i khams dang /yid kyi khams kyi bar ro/ /de ltar na phung po lnga dang/ skye mched bcu gnyis dang/ khams bco brgyad bstan par 'gyur te/ rnam par rig byed ma yin pa ma gtogs pa gzugs kyi phung po ni skye mched bcu dang/ khams bcu dag go/ tshor ba la sogs pa phung po gsum dang/ rnam par rig byed ma yin pa dang/ 'dus ma byas dag ni chos kyi skye mched dang/ chos kyi khams so/ /rnam par shes pa'i phung po ni yid kyi skye mched

  301. 151a

    dang /rnam par shes pa'i khams drug dang /yid kyi khams so/ /rnam par shes pa'i tshogs drug ni rnam par shes pa'i phung por bshad pa ma yin nam/ yang de dag las gzhan pa'i yid kyi khams de dag gang zhe na/ gzhan ni gang yang ma yin te/ de dag nyid/ drug po 'das ma thag pa yi// rnam shes gang yin de yid do/ /rnam par shes pa gang 'gags ma thag pa de nyid ni yid kyi khams zhes bya ste/ dper na bu nyid phar 'gyur ba dang/ 'bras bu de nyid gzhan gyi sa bon yin pa lta bu'o// da lta na 'on ni rnam par shes pa'i khams drug dang/ yid kyi rnam shes gcig gi nang du gcig 'dus pa'i phyir rdzas su na khams bcu bdun nam bcu gnyis su 'gyur ro// de lta 'ang yin mod kyi 'on kyang drug pa'i rten ni rab bsgrub phyir/ /khams ni bco brgyad dag tu 'dod// rnam par shes pa'i khams lnga po dag gi rten lnga ni mig gi khams la sogs pa yin drug pa yid kyi rnam par shes pa'i khams kyi rten ni gzhan med do/ /de'i phyir ren rab tu bsgrub pa'i ched du yid kyi khams bstan to/ /de ltar na brten dang brten pa dang dmigs pa drug mtshan rnam par gzhag pas khams bco brgyad du 'gyur ro/ /de la phung po dag gis ni 'dus byas thams cad 'dus so/ /nye bar len pa'i phung po dag gis ni zag pa dang bcas pa thams cad bsdus so/ /skye mched dang khams dag gis ni chos thams cad bsdus so/ mdor bsdu na/ phung po dang ni skye mched dang/ /khams gcig gis ni thams cad bsdus par shes par bya ste/ gzugs kyi phung po dang/ yid kyi skye mched dang /chos kyi khams kyis chos thams cad bsdus par rig par bya'o/

  302. 151b

    bsdu ba de dag ni gang dang gang nas byung yang rung/ rang gi ngo bo nyid kyis te/ /gzhan gyis dngos pos ni ma yin par rig par bya'o/ /ci'i phyir zhe na/ gzhan gyi dngos dang mi ldan phyir// chos ni gzhan gyi dngos po dang mi ldan ba'i phyir ro// de lta bas na gang dang mi ldan pa de nyid kyis bsdus par yang mi rung ngo/ /mig dang rna ba dang sna dag gnyis gnyis yong ba'i pa'i phyir khams nyi shu rtsa gcig tu 'gyur ba ma yin nam/ mi 'gyur te /gang gi phyir/ mig la sogs pa gnyis mod kyi/ /rigs dang spyod yul rnam par shes/ /'dra ba'i phyir na khams gcig nyid// de la rigs 'dra ba ni gnyis ka mig gi rang bzhin yin pa'i phyir ro// spyod yul 'dra ba ni gnyis ka'i yul gzugs yin pa'i phyir ro// rnam par shes pa 'dra ba ni gnyis ka mig gi rnam par shes pa gcig gi rten yin pa'i phyir te/ de lta bas na mig gi khams ni gcig pa nyid do// de bzhin du rna ba dang sna dag la yang sbyar bar bya'o/ /mdzes bya'i phyir na gnyis byung ngo/ /mig la sogs pa'i khams gcig pa nyid yang rten mdzes par bya ba'i phyir gnyis byung ngo/ /phung po dang khams dang skye mched dag bshad zin to/ /phung po dang khams dang skye mched kyi don gang yin pa 'dir brjod par bya ste/ spungs dang skye sgo rigs kyi don// phung po skye mched khams rnams yin// spungs pa'i don ni phung po'i don to// sems dang sems las byung ba rnams skye ba'i sgo'i don ni skye mched kyi don to// rigs kyi don ni khams kyi don to/ /rigs kyang 'byung gnas so// yang ci'i phyir bcom ldan 'das kyis phung po la sogs ba'i sgo nas bstan pa rnam pa gsum rtsom par mdzad ce na/ smras pa gdul bya rnams kyi/ rmongs dbang 'dod rnams gsum gyi phyir//

  303. 152a

    phung po la sogs gsum bstan to// sems can rnams kyi rmongs pa ni rnam pa gsum ste/ kha cig sems las byung ba rnams la ring po'i bdag tu 'dzin pas rmongs so// kha cig ni gzugs kho na la'o// kha cig ni gzugs dang sems dag la'o// dbang bo dag kyang rnam ba gsum ste/ dbang po rnon po dang /'bring po dang/ brtul po'i phyir ro// 'dod pa yang rnam gsum ste/ bsdus pa dang/ bar ma dang/ rgya chen po 'dod ba'i phyir te/ de dag la go rims bzhin du phung po dang/ skye mched dang khams gsum bstan to// zhes grag go/ yang ci'i phyir na sems las byung ba gzhan rnams ni 'du byed kyi phung po gcig tu bsdus la 'du shes dang tshor ba dag ni logs shig tu phung por byas zhe na/ smras pa rtsod pa'i rtsa bar gyur pa dang/ 'khor ba'i rgyu phyir rim rgyu'i phyir/ sems byung rnams laS tshor ba dang/ /'du shes logs shig phung por bzhag/ rtsod ba'i rtsa bdag ni gnyis te/ 'dod pa la lhag par zhen pa dang/ lta ba la lhag par zhen ba'o/ /de gnyis kyi rgyu'i gtso bo ni go rims bzhin du tshor ba dang/ 'du shes dag ste/ tshor ba'i ro myangs pa'i dbang gis ni 'dod pa rnams la mngon bar zhen la/ 'du shes phyin ci log gis dbang gis na lta ba rnams la ste/ de gnyis ni 'khor ba'i rgyu'i gtso bo yin te/ tshor ba la zhen cing 'du shes phyin ci log tu gyur pa ni 'khor ro// gang yang phung po'i go rims kyi rgyu ston par 'gyur ba'i go rims kyi rgyu de'i phyir yang 'di gnyis logs shig tu phung por byas par rig par bya'o// 'o na ci'i phyir skye mched dang/ khams dag tu ni 'dus ma byas bshad la/ phung po dag tu 'dus ma byas//

  304. 152b

    don du mi rung phyir ma bshad/ /de ni phung po dag gi nang du brjod pa na de ni gzugs ma yin zhing /rnam par shes pa'i bar du yang ma yin pas don du mi rung ba'i phyir re zhig de dag gnyid kyi nang du bsdu bar ni mi nus so/ /phung po drug par brjod par yang mi nus so/ /ci'i phyir zhe na/ don du mi rung ba'i phyir te/ spungs pa'i don ni phung po'i don to/ /zhes bshad na /'dus ma byas ni gzugs bzhin du 'di ltar de dag thams cad gcig tu bsdus nas 'dus ma byas kyi phung po zhes bya ba'i grangs su 'gro bar 'gyur ba 'das pa la sogs pa'i bye brag gis tha dad pa ma yin no// rims ni rags dang kun nyon mongs// snod sogs don khams ji bzhin no //gzugs ni thogs pa dang bcas pa'i rags so// gzugs can ma yin pa rnams kyi nang na yang tshor ba'i rgyu ba rags pa'i phyir te/ 'di ltar da'i lag pa la tshor ro// nga'i rkang pa la tshor ro zhes tha snyad 'dogs so// 'du shes ni gnyis pas ches rags so// rnam par shes pa bas ni 'du byed de/ de'i phyir gang ches ragS pa de sngar bshad do// yang na thog ma med pa can 'khor ba na pho dang mo dag phan tshun gzugs la mngon par dga' ste/ de dag kyang tshor ba'i ro myang ba la chagS pa'i phyir ro// de la chags pa yang 'du shes phyin ci log tu gyur pa'i phyir ro// phyin ci log de yang kun nas nyon mongs pa dag gis so/ /sems kyang de dag gis kun nas nyon mongs pa can du byas pas de'i phyir kun nas nyon mongs pa'i go rims ji lta ba bzhin no// yang na snod la sogs pa'i don gyis te/ gzugs la sogs pa'i phung po ni snod dang/ zas dang/ tshod ma dang/ byan pa dang/ zab po lta bu'o// yang na khams kyis te/ 'dod pa'i

  305. 153a

    yon tan gzugs kyis rab tu phye ba ni 'dod pa'i khams so/ /tshor bas rab tu phye ba ni bsam gtan rnams so/ /'du shes kyis rab tu phye ba ni gzugs med pa gsum mo/ /'du byed tsam gyis rab tu phye ba ni srid pa'i rtse mo ste/ 'di dag ni rnam par shes pa'i gnas pa yin la/ de dag la rnam par shes pa gnas so zhes phung po'i go rims zhing dang sa bon gyi go rims lta bur bstan pa'i phyir ro/ /de nyid kyi phyir phung po rnams ni lnga ste/ mi nyung mi mang ngo/ /rim pa'i rgyu de nyid kyi phyir tshor ba dang/ 'du shes dag ni 'du byed rnams las logS shig tu phung por byas so/ /gang gi phyir 'di dag ni chos rags pa'o/ /mig la sogs pa'i khamS dang skye mched drug gi go rims brjod par bya ste/ de'i dbang nyid kyis na de'i yul dang rnam par shes pa rnams kyi rims pa'o/ /drug po de dag las kyang/ da lta'i don phyir dang po lnga/ /mig la sogs pa lnga'i yul ni da ltar ba yin pa'i phyir sngar smos so// 'byung ba las gyur don phyir bzhi// dang por zhes bya bar snyegs so/ /lnga po rnams las kyang bzhi sngar smos pa ni yul 'byung ba las gyur pa yin pa'i phyir ro/ /lus kyi yul ni ma nges te// res 'ga' ni 'byung ba dag yin la/ res 'ga' ni 'byung ba las gyur pa dag yin no/ /res 'ga' ni gnyi ka yin no/ /gzhan ni ches ring myur 'jug phyir/ /lhag ma ni ci rigs par ches rgyad ring ba dang/ myur bar 'jug par gzhan pas sngar smos te/ mig dang rna ba ni yul rgyang ring ba'i phyir gnyis pas de dag sngar smos so/ /de gnyis las kyang mig ni ches rgyud ring po la 'jug pa de'i phyir de sngar smos so/ /sna dang lce ni rgyang ring po la 'jug pa de'i phyir de sngar smos so/ /sna dang lce ni rgyang ring po la

  306. 153b

    'jug pa med mod kyi de gnyis las kyang sna ni ches myur bar 'jug pa'i phyir sngar smos so/ /yang na ji ltar gnas bzhin rim/ /yang na lus 'di la ni mig gi rten ni steng na gnas so/ /de'i 'og na ni rna ba'i'o/ /de'i 'og na ni sna'i 'o// de nas ni lci'i 'o/ /lus kyi ni phal cher de'i 'og na'o/ /yid ni de dag la brten pa dang yul na mi gnas pa'i phyir te/ de dag gi go rim ni ji ltar na gnas pa bzhin yin no/ /yang ci'i phyir gzugs kyi phung pos bsdus pa'i sgye mched bcu po dag las gcig gzugs kyi skye mched du brjod la/ thams cad kyang chos kyi rang bzhin yin na/ gcig chos kyi skye mched ces bya zhe na/ smras pa/ bye brag don dang gtso bo'i phyir/ /chos mang ba dang mchog bsdus ci/ /gcig ni gzugs kyi skye mched dang/ gcig ni chos zhes bya bar brjod/ bye brag gi don ci lta bu zhe na/ ci nas kyang yul dang yul can nyid du rnam par bzhag pa'i sgo nas bcu pa 'di dag so sor skye mched nyid yin gyi sbyir ni ma yin no zhes rtogs par bya ba yin mig la sogs pa bye brag ba byas pa dag gis ni gang mig la sogs par ni ming ma btags la/ gzugs ni yin pa de gzugs kyi skye mched du shes par rung bas 'di'i ming gzhan ma brjod do/ yang gzugs kyi skye mchod ni gtso bo yin pa'i phyir te/ de ni thogs pa dang bcas pa'i phyir lag pa la sogs pa'i 'dus te reg pa dag gis reg na gzugs su rung ba dang/ bstan du rung pa'i phyir te/ 'di ni 'di na'o/ /che ge mo zhig na'o/ /zhes rtag tu rung ba'i phyir ro/ /bye brag gi don nyid kyis gcig ni chos kyi skye mched du bshad kyi thams cad ni ma yin no/ /gzhan yang 'dir tshor ba la sogs pa chos mang po rnams bsdus te/ de'i phyir chos kyi sgra

  307. 154a

    spyir brjod bar byed do/ /chos kyi mchog mya ngan las 'das pa yang 'dir bsdus te gzhan dag tu ma yin no/ /mdo dag las/ phung po dang /skye mched dang/ khams shes par bya ba gzhan dag kyang dmigs na/ ci de rnams 'di dag nyid kyis bsdus sam/ 'on te tha dad pa zhig yin zhe na/ 'di dag nyid kyis bsdus kyis tha dad pa ni med de/ de la re zhig chos kyi phung po brgyad khri dag/ gang rnams thub pas gsungs de dag/ tshig gam ming yin de dag ni// gzugs dang 'du byed dag tu 'dus/ /gang dag gis ltar na sangs rgyas kyi gsung tshig gi rang bzhin yin pa de dag gi ltar na de dag gi gzugs kyi phung pos bsdus so/ /gang dag gi ltar na ming gi rang bzhin yin pa de dag gi ltar na ni 'du byed kyi phung pos bsdus so/ /yang chos kyi phung po'i tshad ni ji tsam zhe na/ kha cig bstan bcos tshad ces zer/ /kha cig na re de ni chos kyi phung po zhes bya ba'i chos mngon pa'i tshad tsam mo zhes zer te/ de ni sho lo ka drug stong ngo/ /yang gzhan dag na re/ phung po la sogs pa gtam re yin zhes zer te/ phung po dang/ skye mched dang/ khams dang/ rten cing 'brel par 'byung ba la sogs pa'i gtam rgyud re re ni chos kyi phung po'i zhes zer ro// spyod pa rnams kyi gnyen por ni/ /chos kyi phung po mthun par gsungs// 'di skad du sems can rnams kyi spyod pa 'dod chags dang /zhe sdang dang /gti mug dang/ nga rgyal la sogs pa spyod pa tha dad pa brgyad khri yod de/ de dag gis gnyan por chos kyi phung po brgyad khri gsungs so zhes brjod do/ /de ltar chos kyi phung po brgyad khri phung po 'di dag nyid du bsdus pa/ de bzhin gzhan yang ci rigs par/ /phung po

  308. 154b

    skye mched khams dang ni/ /rang gi mtshan nyid legs dbyad de/ /ji skad bshad pa bsdu bar bya/ /mdo gzhan dag las phung po dang/ skye mched dang/ khams gang dag gsungs pa de dag kyang bstan bcos 'di las ji skad bshad pa bzhin de dag gi rang rang gi mtshan nyid legs par dbyad nas phung po la sogs pa 'di skad bshad pa 'di dag nyid du bsdu bar bya ste/ de la re zhig tshul khrims dang/ ting nge 'dzin dang/ shes rab dang/ rnam par grol ba dang / rnam par grol ba'i ye shes mthong ba'i phung po dag las tshul khrims kyi phung po ni gzugs kyi phung pos bsdus so// lhag ma rnams ni 'du byed kyi phung pos bsdus so/ /zad par gyi skye mched bcu po dag las brgyad ni ma chags pa'i rang bzhin yin pa'i phyir chos kyi mched kyis bsdus so// 'khor rnams dang bcas na ni phung po lnga'i rang bzhin yin pa'i phyir yid dang chos kyi skye mched dag gis bsdus te/ zil gyis gnon pa'i skye mched dag kyang de dang 'dra'o zad par nam mkha' dang/ rnam shes mdza' yas skye mched dag dang/ nam mkha' mdza' yas skye mched la sogs pa bzhi po dag ni phung po bzhi'i rang bzhin yin pa'i phyir yid dang chos kyi skye mched dag gis bsdus so/ /rnam par grol ba'i skye mched lnga po dag ni shes rab kyi rang bzhin yin pa'i phyir chos kyi skye mched kyis bsdus so/ /'khor rnams dang bcas na ni sgra dang yid dang chos kyi skye mched rnams kyi bsdus so// skye mched gnyis las 'du shes med pa'i sems can ni dri dad ro'i skye mched med pa'i phyir skye mched bcu po rnams kyis bsdus so// 'du shes med 'du shes med min skye mched du nye bar 'gro ba ni yid dang chos kyi skye mched dag gis bsdus so// khams mang po pa laS

  309. 155a

    gang dag sa'i khams dang/ chu'i khams dang /me'i khams dang/ rlung gi khams dang /nam mkha' i khams dang/ rnam par shes pa'i khams drug bstan pa la/ de dag las gnyis kyi mtshan nyid ma bshad na/ de ci nam mkha' nyid nam mkha' i khams yin pa 'am/ rnam par shes pa thams cad cad kyang rnam par shes pa'i khams yin par rig par bya 'am zhe na/ smras pa ma yin no/ /'o na ci zhe na/ sgo dang skar khung dang/ kha dang sna la sogs pa'i bu ga nam mkha' i khams zhes bya/ bu ga zhes bya ba ci zhig yin par rig par bya zhe na/ snang dang mun pa dag yin lo //bu ga ni snang ba dang mun pa dag las gzhan gzung du med do/ /de lta bas na nam mkha' i khams ni snang ba dang mun pa'i rang bzhin te/ mtshan mo dang nyin mo'i rang bzhin yin par rig par bya'o zhes grag go/ zag dang bcas pa'i rnam shes ni/ rnam shes khams yin/ ci'i phyir zag pa med pa la mi bya zhe na/ 'di ltar khamS drug po 'di dag ni skye ba'i rten yin par 'dod de/ de dag ni nyid mtshams sbyor ba'i sems nas 'chi ba'i sems kyi bar du skye ba'i gzhir gyur pa ste/ zag pa med pa'i chos rnams ni de lta ma yin no/ /de'i phyir de ltar na de dag las khams bzhi ni reg bya'i khams kyi nang du 'dus so/ /lnga pa ni gzugs kyi khams kyi nang du 'dus so/ /drug pa ni rnam par shes pa'i khams bdun po dag tu 'dus so// gang dag khams bco brgyad bstan pa de dag las bstan du yod pa rnams ni du bstan du med pa rnams ni du zhe na/ bstan yod 'dir ni gzugs cig pu/ /de ni 'di ni 'di na'o/ /che ge mo zhig go zhes bstan par nus so// lhag ma rnams ni bstan du med pa'o zhes

  310. 155b

    bshad par 'gyur ro/ /thogs pa dang bcas pa rnams ni du/ thogs pa med pa rnams ni du zhe na/ thogs dang bcas pa gzugs can bcu/ /gzugs kyi phung pos bsdus pa'i khams bcu gang dag bshad pa de dag ni sgrib pa la thogs pas thogs pa dang bcas pa rnams so// lung ma bstan brgyad de dag nyid/ gzugs sgra ma gtogs/ dbang po lnga po rnams dang/ dri dang/ ro dang/ reg bya'i khams rnams te brgyad po de dag ni dge ba dang mi dge ba'i ngo bor lung bstan du med pa'i phyir lung ma bstan dag go gzhan rnam gsum sems kyi khams bdun ma chags pa la sogs pa dang mtshungs par ldan par ldan pa dag ni dge ba yin no/ /chags pa la sogs pa dang mtshungs par ldan pa dag ni mi dge ba yin no/ /gzhan dag lung du ma bstan pa yin no/ /chos kyi khams ni ma chags pa la sogs pa'i ngo bo nyid dang mtshungs par ldan pa dang/ kun nas slang pa dang/ so sor brtags pas 'gog pa ni dge ba'o// chags pa la sogs pa'i ngo bo dang mtshungs par ldan pa dang/ kun nas bslad ba ni mi dge pa'o/ /gzhan ni lung du ma bstan pa yin no// gzugs dang /sgra'i khams ni lus dang ngag gi rnam par rig byed kyis bsdus pa dge ba dang mi dge ba dang lung du ma bstan pa'i sems kyis kun nas bslang ba dag ni dge ba dang mi dge ba dang lung du ma bstan pa dag go/ 'dod pa'i khams su gtogs pa dag ni du zhe na/ 'dod khams gtogs pa thams cad do/ /gtogs pa ni ma bral ba zhes bya ba'i don to// gzugs kyi khams na bcu bzhi ste// dri dang ro dang sna dang ni// lce yi rnam shes khams ma gtogs// de na dri dang ro dag med// gnyis ni khams gyi zas? yin pa'i phyir yin la/ de la 'dod chagS

  311. 156a

    dang bral ba rnams kyang der skye ba'i phyir ro/ /de lta bas na dmigs pa med pa'i phyir sna dang lce'i rnam par shes pa dag kyang med do/ /gzugs med gtogs pa yid dang ni/ /chos dang yid kyi rnam shes khams/ /gzugs kyi 'dod chags dang bral ba rnams der skyes te /de'i phyir gzugs kyi rang bzhin gyi khams bcu dang/ de dag la brtan pa dang/ dmigs pa rnam par shes pa'i khams lnga yang med do// zag pa dang bcas pa rnams ni du/ zag pa med pa rnams ni du zhe na/ yid dang chos dang yid kyi rnam par shes pa'i chos gang dag bshad pa/ de gsum zag bcas zag pa med// gang dag lam gyi bden pa dang 'dus ma byas kyis bsdus pa de dag ni zag pa med pa yin no/ /lhag ma dag ni zag bcas so// rtog pa dang bcas dpyod pa dang bcas pa rnams ni du /rtog pa med la dpyod pa tsam dag ni du /rtogs pa yang med pa rnams ni du zhe na/ rtog dang dpyod dang bcas pa ni/ /rnam par shes pa'i khams lnga yin// 'di dag ni khams rtag tu rtog pa dang dpyod pa dag dang mtshungs par ldan pa yin te/ tha ma gsum ni rnam gsum mo/ /de la yid kyi khams dang/ yid kyi rnam par shes pa'i khams dang/ rtog pa dang dpyod pa dag las gzhan pa chos kyi khams mtshungs par ldan pa dag 'dod pa'i khams dang bsam gtan dang po na ni rtog pa dang bcas dpyod pa dang bcas pa dag yin no/ /bsam gtan khyad par can na ni rtog pa med cing dpyod pa tsam dag yin no/ /bsam gtan gnyis pa nas bzung ste srid pa'i rtse mo'i par gyi dang/ chos kyi khams mtshungs par ldan pa ma yin pa thams cad dang/ bsam gtan khyed

  312. 156b

    par can gyi dpyod pa ni rtog pa yang med dpyod pa yang med pa dag yin no/ /rtog pa ni rtog pa gnyis pa yang med pa'i phyir dang/ dpyod pa dang mtshungs par ldan pa'i phyir rtag tu rtog pa med cing dpyod pa tsam yin no/ /lhag ma rnams ni gnyis ka spangs/ lhag ma ni gzugs can gyi khams bcu po dag ste/ de dag ni mtshungs par ldan pa ma yin pa'i phyir rtag tu rtog pa yang med la dpyod pa yang med pa dag yin no// gal te rnam par shes pa'i tshogs lnga po rnams rtog pa dang dpyod pa dang bcas pa dag yin na/ ji ltar na rnam par rtog ba med pa dag ces bya zhe na/ nges par rtog dang rjes dran pa'i/ /rnam par rtog pas rnam mi rtog/ rnam par rtog pa ni rnam pa gsum mo zhes grag ste/ ngo bo nyid dang nges par rtog pa dang rjes su dran pa'i rnam par rtog pa'o// de bas na de dag la ngo bo nyid kyis rtog pa ni yod kyi gzhan dag ni ma yin te/ de bas na rnam par rtog pa med pa dag ces bya ste/ dper na rta rka dang gcig pa la rkang med ces bya ba bzhin no// yang sems kyi rang bzhin ngo bo nyid dang/ rjes su dran pa'i rtog pa dag/ de dag yid kyi shes rab g.yeng// yid kyi dran pa thams cad nyid/ /yid kyi rnam par shes pa dang mtshungs par ldan pa'i shes rab ni yid kyi zhes bya'o// mnyam par bzhag pa ma yin pa ni g.yeng ba zhes bya ste/ de ni nges par rtog pa'i rnam par rtog pa'o/ /yid kyi dran pa nyid mnyam par bzhag pa dang mnyam par bzhag pa ma yin pa'i dran pa thams cad ni rjes su dran pa'i rnam par rtog pa yin no// dmigs pa dad bcas pa rnams ni du/ dmigs pa med pa rnams ni du zhe na/ dmigs bcas sems kyi khams bdun no// sems kyi khams bdun po de dag ni

  313. 157a

    yul 'dzin pa'i phyir dmigs pa dang bcas pa dag go/ chos kyi phyed kyang gang sems las byung ba'i rang bzhin chos kyi khams de ni dmigs pa dang bcas pa'o/ /lhag ma gzugs can gyi khamS bcu po dag dang chos kyi khams kyi phyogs gcig ldan pa ma yin pa ni dmigs pa med pa zhes bya bar grub po/ /zin pa rnams ni du/ /ma zin pa rnams ni du zhe na/ ma zin dgu/ brgyad po de dag rnams dang sgra// sems kyi khamS bdun dang chos kyi khams dang/ sgra'i khams rnams ni ma zin pa'o/ /dgu po gzhan ni rnam pa gnyis// zin pa dag kyang yin ma zin pa dag kyang yin/ te/ de la mig dang/ rna ba dang/ sna dang/ lce dang/ lus da ltar byung ba rnams ni zin pa yin no/ /'das pa dang ma 'ongs pa rnams ni ma zin pa yin no// gzugs dang dri dang ro dang/ reg bya'i khams da ltar byung ba dbang po dang tha mi dad pa rnams ni zin pa yin no// gzhan dag ni ma zin pa rnams so/ /zin pa zhes bya ba'i don ci zhe na/ phan pa dang gnod pa dag gis phan tshun mthun par byed pa'i phyir sems dang sems las byung ba rnams kyi rten gyi dngos por nye bar bzung ba ste/ 'jig rten na sems pa dang bcas pa zhes brjod pa gang yin pa'o/ 'byung ba'i rang bzhin du/ 'byung ba las gyur pa du yin zhe na/ reg bya rnam pa gnyis yin te/ 'byung ba dang 'byung ba las gyur pa'o/ /de las 'byung ba dag ni bzhi'o/ /'byung ba las gyur pa ni 'jam pa nyid la sogs pa 'byung ba dag las byung ba'i phyir ro// lhag ma gzugs can dgu po ni 'byung 'gyur te/ dbang po lnga'i khams dag dang yul bzhi 'o/ /chos khams phyogs gcig kyang/ 'byung ba las gyur pa ste/ rnam par rig

  314. 157b

    byed ma yin pa zhes bya ba'o/ /lhag ma rnams ni gnyis ka ma yin pa'o// bsags pa rnams ni du/ bsags pa ma yin pa rnams ni du zhe na/ gzugs can bcu ni bsags pa'o/ /dbang po'i khams lnga dang yul lnga dag ni rdul phra rab 'dus pa yin pa'i phyir bsags pa dag go/ khams bco brgyad po 'di dag las gcad par byed pa ni gang bcad par bya ba ni gang/ sreg par byed pa ni gang/ bsreg par bya ba ni gang/ 'jal bar byed pa ni gang/ gzhal bar bya ba ni gang zhe na/ gcod byed bcad par bya ba nyid// phyi rol gyi ni khams bzhi yin/ /gzugs dang/ dri dang ro dang reg bya zhes bya ba ste/ dgra sta dang/ shing zhes bya ba la sogs pa'o// gcod pa yang 'dus pa'i rgyun 'brel bar 'byung ba can rnam par 'byed pa skyed pa'o/ /dbang po rnams ni bcad par bya ba ma yin te/ gnyis su byar med pa'i phyir ro// gcod par byed pa yang ma yin te/ nor bu'i 'od bzhin du dang ba nyid kyi phyir ro// ji ltar gcod byed bcad par bya ba nyid kyi phyi rol gyi khams bzhi yin pa ltar/ de bzhin bsreg bya 'jal byed pa'o// de dag nyid bsreg par bya ba yin la/ de dag nyid 'jal bar byed pa yin no/ /dbang po rnams ni ma yin te/ dang ba'i phyir ro// sgra yang ma yin te/ chad pa'i phyir ro// sreg dang gzhal byed mi mthun smra// kha cig na re khams bzhi po sreg par byed pa yang yin la gzhal bar byed pa yang yin no zhes brjod do/ /rnam par smin pa las skyes ba'i khams ni du/ rgyas pa las byung ba rnams ni du/ rgyu mthun pa las byung ba rnams ni du/ rdzas dang ldan pa rnams ni du /skad cig ma rnams ni du zhe na/ smras pa rnam par smin las skyes pa dang/ rgyas las byung ba nang gi lnga/ mig la sogs pa

  315. 158a

    lnga po dag ni rnam par smin pa las skyes pa yang yin la/ rgyas pa las byung ba yang yin no// rgyu mthun pa las byung ba ni med de/ de dag las ma gtogs pa'i rgyu mthun pa med pa'i phyir ro// de la rnam par smin pa'i rgyu las skyes pa ni rnam par smin pa las skyes pa'o/ /zas dang legs par bya ba dang/ ting nge 'dzin gyi khyad par dag gis rgyas par byas pa rnams ni rgyas pa las byung ba dag go/ sgra ni rgyas pa la byung ba dang/ rgyu mthun pa las byung ba yod/ sgra ni rnam smin las skyes min// rang gi 'dod dgur 'byung ba'i phyir ro/ /rgyu mthun pa laS byung rnam smin skyes// thogs pa med brgyad sems kyi khams bdun po dag dang chos kyi khams te skral pa mnyam pa dang/ kun tu 'gro ba'i rgyus bskyed pa rnams ni rgyu mthun pa las byung ba dag go/ rnam par smin pa'i rgyus bskyed pa rnams ni rnam par smin pa las skyes pa dag go/ gzhan rnam gsum/ lhag ma gzugs dang/ dri dang ro dang reg bya'i khams dag ste/ de dag ni rnam par smin pa las skyes pa dang/ rgyas pa las byung ba dang/ rgyu mthun pa las byung ba dag kyang yin no/ /rdzas dang ldan cig/ 'dus ma byas ni brtan pa'i phyir rdzas so/ /de yang chos kyi khams la yod pas chos kyi khams gcig pu rdzas dang ldan pa yin no/ /tha ma gsum/ /skad cig ma ste/ tha ma de dag yid kyi khams la sogs pa sdug bsngal la chos shes pa'i bzod pa'i tshogs la skad cig ma gcig rgyu mthun pa las byung ba ma yin par 'gyur te/ de'i phyir skad cig ma zhes bya'o/ /de la sdug bsngal la chos shes pa'i bzod pa dang mtshungs par ldan pa'i sems

  316. 158b

    ni yid kyi khams dang yid kyi rnam par shes pa'i khams yin no// lhag ma de dag dang lhan cig 'byung ba rnams ni chos kyi khams so// 'di dpyad par bya ste gang mig gi khams dang mi ldan pa las ldan pa thob pa de mig gi rnam par shes pa dang yang yin nam/ gang mig gi rnam par shes pa dang yin pa de mig gi khams dang yang yin nam zhe na/ smras pa/ mig dang ni/ rnam shes khams dag so so dang// lhan cig tu yang thob pa yod/ re zhig so so ni mig gi khams dang yin la mig gi rnam par shes pa'i khams dang ma yin pa yang yod de/ 'dod pa'i khams na rims kyis mig gi dbang po thob pa'o/ /mig gi rnam par shes pa'i khams dang yin la/ mig gi khamS dang ma yin pa yod de/ bsam gtan gnyis pa la sogs par skyes pas gzugs lta zhing mig gi rnam par shes pa mngon du byed pa na'o/ /lhan cig tu yang ni gnyis ka dang ldan pa 'thob pa yang yod de/ gzugs med pa'i khams nas shi 'phos nas 'dod pa'i khams dang tshangs pa'i 'jig rten du skyes pa na'o// gnyis ka dang ma yin pa ni rnam pa de dag ma gtogs pa'o/ /nang gi khams dag ni du/ phyi'i dag ni du zhe na/ nang gi bcu gnyis gzugs la sogs// ma gtogs rnam par shes pa drug dang rten drug go/ mig la sogs pa ni sems kyi rten nyid du nye ba nyid kyi phyir nang gi'o// sems ni ngar 'dzin pa'i rten yin pa'i phyir bdag tu nye bar 'dogs pa'o// gzugs la sogs yul gyi khams drug po dag ni phyi'i yin no// rten pa dang bcas pa'i khams rnams ni du/ de dag dang mtshungs pa rnams ni du zhe na/ re zhig mdza' gcig tu chos zhes bya ba ni/ brten pa dang bcas

  317. 159a

    rten dang brten par dmigs pa gang rang gi las byed pa de ni brten pa dang bcas pa'o// gang la yid kyi rnam par shes pa mdza' yas pa ma skyes pa 'am/ skye bar mi 'gyur ba'i chos kyi khams gang yin pa de dag ni 'ga' yang med de/ de lta bas na chos kyi khams ni rtag tu brten pa dang bcas pa yin no// lhag ma ni/ de dang mtshungs pa dag kyang yin/ kyang zhes bya ba'i sgra brten pa dang bcas pa dag kyang yin pa'o/ / de dag mtshungs pa zhes bya ba 'di ci zhig ce na/ gang zhig rang gi las mi byed/ gang rang gi las byed pa de dag ni brten pa dang bcas pa'o zhes bshad par 'gyur ro/ /de la mig la sogs pa dag ni gang gcig gi brten pa dang bcas pa de ni thams cad kyi yin la/ gzugs la sogs pa dag ni gang kho na'i dmigs par gyur ba de kho na'i brten pa dang bcas pa dag go/ brten pa dang bcas pa ni dngos po'i byed pa las brten pa ste /de 'di dag la yod pas brten pa dang bcas pa rnams sam/ 'bras bu la reg pa'i phyir brten pa dang bcas pa dag go/ yang gang dag brten pa dang bcas pa ma yin pa de dag ni rigs mthun par 'dra ba'i phyir de dang mtshungs bdag go/ mthong bas spang bar bya ba'i khams rnams ni du/ bsgom pas spang bar bya ba'i khams rnams ni du/ spang bar bya ba ma yin pa rnams ni du zhe na/ re zhig gzugs can bcu ni bsgom pas spang bya yin/ lnga yang yin te/ rnam par shes pa'i khams lnga po dag go/ tha ma gsum rnam gsum phra rgyas brgyad cu rtsa brgyad dang/ de dag dang lhan cig 'byung ba dang /de dag gi thob pa rjes su 'brang ba dang bcas pa ni mthong bas

  318. 159b

    spang bar bya ba dag yin no// zag pa dang bcas pa lhag ma dag ni bsgom pas spang bar bya ba dag yin no// zag pa med pa ni spang bya ma yin pa'o/ /so so'i skye po nyid dang/ ngan song ba'i lus dang/ dag gi las dag kyang 'phags pa'i lam dang 'gal ba'i phyir mthong bas spang bar bya ba gzhan yang yod pa ma yin nam zhe na/ de dag ni mthong bas spang bar bya ba ma yin te/ mdor bsdu ba ni 'di yin no// nyon mongs can min mthong spang min// gzugs min drug pa skyes min te// nyon mongs can ma yin pa ni mthong bas spang bar bya ba cung zad kyang med la/ gzugs kyang ma yin no// so so'i skye bo nyid ni nyon mongs pa can ma yin pa'i lung du ma bstan pa yin te/ dge ba'i rtsa ba kun tu chad pa dang/ 'dod chags dang bral ba rnams kyang de dang ldan pa'i phyir ro/ /lus dang ngag gi las ni gzugs yin no// da lta bas na de dag ni mthong bas spang bar bya ba ma yin te/ bden pa dag la log par mi rtog pa'i phyir ro// drug pa ma yin pa las skyes pa ni dbang po lnga las skyes pa gang yin pa ste/ de yang mthong bas spang bar bya ba ni med do// lta ba ni du/ lnga ba ma yin pa ni du zhe na/ mig dang chos kyi khams phyogs ni lta ba yin te/ de dag gang zhe na/ smras pa rnam pa brgyad/ 'jig tshogs la lta ba la sogs pa lta ba lnga po dag dang/ 'jig rten pa'i yang dag pa'i lta ba dang/ slob pa'i lta ba dang/ mi slob pa'i lta ba dang /chos kyi khams rnam pa brgyad po 'di dag ni lta ba yin no// lhag ma ni lta ba ma yin no// de la 'jig rten pa'i yang dag pa'i lta ba ni yid kyi rnam par shes pa dang mtshungs par ldan pa'i shes rab dge ba zag pa dang bcas pa'o/ /slob pa'i zag pa med pa'i lta ba ni slob pa'i 'o/ /mi

  319. 160a

    slob pa'i ni mi slob pa'i 'o/ /yang ci'i phyir yid kyi rnam par shes pa dang mtshungs par ldan pa kho na la 'jig rten pa'i yang dag pa'i lta ba zhes bya zhe na/ 'di ltar rnam shes lnga dang mtshungs skyes blo /ngas rtog med phyir lta ma yin/ /rtog par byed pa ni lta ba yin te/ nges par sems pa la zhugs pa dag yin na/ rnam par shes pa lnga dang lhan cig skyes pa'i shes rab ni de lta ma yin te/ de lta bas na 'di ni lta ba ma yin no// de nyid kyi phyir shes rab nyon mongs pa can nam/ nyon mongs pa can gzhan yang lta ba ma yin no// 'o na mig kyang rtog par byed pa nyid med na ji ltar lta ba yin zhe na/ gzugs la lta ba'i don gyis te/ gang gi phyir mig gi gzugs rnams mthong/ gal te mig gis gzugs rnams mthong bar gyur na/ rnam par shes pa gzhan dang ldan pas kyang mthong bar 'gyur ro zhe na/ mig thams cad kyis mthong ba ni ma yin pa nyid do/ /'o na ci zhe na/ rten bcas rnam par shes pa dang bcas pa zhes bya ba'i don to// gang gi tshe rnam par shes pa dang bcas par gyur pa de'i tshe mthong ngo/ /de lta bas na 'o na ni mig la brten pa'i rnam par shes pa de kho nas mthong bar 'gyur ro zhe na/ de la brten pa'i rnam shes min/ mthong ngo zhes nges par bya ba'i nus pa ni med do// ci'i phyir zhe na/ gang phyir bar du chod pa yi// gzugs ni mthong ba min phyir lo// gang gi phyir rtig pa la sogs pas bar du chod pa'i gzuD mi mthong zhes grag go/ gal te rnam par shes pas mthong bar gyur na de ni thogs pa med pa'o phyir rtsig pa la sogs pa la yang thogs pa med pas gzugs bsgribs pa yang mthong bar 'gyur ro/ /mthong ba yang ma yin te/ de bas na

  320. 160b

    rnam par shes pas mi mthong ngo/ /ji ltar yang mig gis mthong ba de bzhin du rna bas thos so// snas tshor ro// lces myong ngo/ /lus kyis reg go/ yid kyis rnam par shes so/ /ci mig gcig gis gzugs rnams mthong dam/ 'on te gnyis kas zhe na/ 'di la nges pa med de/ mig ni gnyis ka dag gis kyang/ /mthong ste gsal bar mthong phyir ro/ /mig ni gnyis kas kyang mthong ste/ gnyis ka phye na gsal ba rab tu mthong bar 'gyur ro/ /rten rnam par chad pas rnam par chad pa mthong ba yang med de/ rnam par shes pa'i yul na mi gnas pa'i phyir ro// ci mig la sogs pa rnams yul dang phrad pa zhig gam/ 'on te ma phrad pa zhig yin zhe na/ mig dang yid dang rna ba ni/ yul dang ma phrad 'di ltar gzugs rgyang ring po mthong zhing mig dang phrad pa'i mig sman mi mthong ngo// sgra rgyang ring po nas thos so// yid ni gzugs can ma yin pa'i phyir phrad pa nyid du mi nus so/ /lhag ma sna dang/ lce dang/ lus zhes bya ba/ gsum gzhan du yul dang phrad pa zhes bya ba'i tha tshig go/ yang ci mig la sogs pa dag gis bdag nyid kyi tshad dang mnyam pa'i don la 'dzin tam/ 'on te mnyam pa 'am mi mnam pa zhig la 'dzin ce na/ re zhig gang dag yul dang phrad par bshad pa/ sna la sogs pa gsum po de rnams kyis ni/ yul ni mnyam pa 'dzin par 'dod/ dbang po'i rdul phra rab rnams ji snyed pa de snyed kyi yul gyi rdul phra rab rnams dang phrad nas rnam par shes pa bskyed do// mig dang rna ba dag gis ni ma nges so/ /yid ni lus can ma yin pas tshad yongs su ma chad pas mi dpyod do// da ni gang 'di dag rnam par shes pa'i khams drug bshad pa ji ltar de dag gi yul da ltar ba dang dus

  321. 161a

    gsum yin pa ltar rten kyang de lta bu yin nam/ zhe na/ smras pa ma yin te/ tha ma'i rten 'das/ yid kyi rnam par shes pa'i rten ni 'gag ma thag pa'i yid do// lnga rnams ni de dag lhan cig skyes pa 'ang yin/ de la mig gi rnam par shes pa'i lhan cig skyes pa'i rten ni mig nas lus kyi rnam par shes pa'i bar du yang lus yin na/ de dag gis 'das pa'i rten yid yin no/ /yang rnam par shes pa ni gnyis ka la rag lus te rkyen ci'i phyir mig la sogs pa kho na la brten ces bya ba'i gzugs la sogs pa ni ma yin no zhe na/ de dag gyur pas 'gyur nyid phyir/ /rten ni mig la sogs pa yin/ /mig la sogs pa rnams gyur pas rnam par shes pa rnams 'gyur ba yin te/ phan pa dang gnod pa dang gsal ba dang mi gsal ba nyid kyi rjes su byed pa'i phyir ro// gzugs la sogs pa rnams gyur pas de dag 'gyur ba ma yin te/ de'i phyir de kho na rten yin no/ / yang de dag gis ni gzugs la sogs pa rnam par shes na/ ci'i phyir mig la sogs pa rnam par shes pa zhes bya la/ gzugs la sogs pa'i rnam par shes pa ma yin zhe na/ gang gi phyir de dag gi rten ni mig la sogs pa yin pa/ de phyir thun mong ma yin phyir/ /de dag gis ni rnam shes bstan// mig ni rnam par shes pa gzhan gyi rten du 'gyur bar mi nus la/ gzugs ni yid kyi rnam par shes pa'i dmigs par yang 'gyur la/ mig gi rnam par shes pa'i dmigs par yang 'gyur te/ lus kyi bar du yang de dang 'dra bar rig par bya'o// de lta bas na rten du gyur ba'i phyir dang/ thun mong ma yin pa'i phyir de dag kho nas rnam par shes pa bstan kyi/ gzugS

  322. 161b

    la sogs pa ni ma yin te/ dper na rnga bo che'i sgra dang/ nas kyi myu gu bzhin no/ /yang lus gang la gnas te mig gi gzugs rnams la lta ba na ci lus dang mig dang gzugs dang rnam par shes pa de rnams gcig kho na zhig yin nam/ 'on te gzhan gyis pa yang yin zhe na/ smras pa thams cad la bye brag yod de/ de la nges pa 'di yin te/ lus la 'og gi mig ma yin/ lus dang mig dang gzugs rnams ni 'dod pa na dpyod pas na bsam gtan bzhi ba'i bar su lnga pa yin no/ /mig gi rnam par shes pa ni 'dod pa na spyod pa dang/ bsam gtan dang po'i sa pa dang sa gnyis pa yin no/ /de las gang ba'i lus yin pa'i sa de pa 'am/ sa gong ma'i yin gyi sa 'og ma'i ma yin no/ /'di'i mig gi yul ni de'i sa pa 'am sa 'og ma'i gzugs yin gyi/ mig gis gong ma'i gzugs ma yin/ sa gong ma'i gzugs sa 'og ma'i mig gis mthong bar ni nam yang mi nus so/ /rnam par shes pa 'ang/ sa gong ma'i ma yin te/ gzugs bzhin no/ /de'i gzugs/ lus kyi 'ang gnyis ka thams cad du/ de'i zhes bya ba bshad ma thag pa'i mig gi rnam par shes pa'i yul ni gong ma dang 'og ma dang rang gi sa pI gzugs thams cad du yin la/ lus kyi 'ang gzugs dad rnam par shes pa thams cad du yin no// ji ltar mig 'di rgyas par bshad pa ltar// rna ba'ang de bzhin lus la gong ma'i rna ba min/ /rna bas gong ma'i sgram yin/ /rnam par shes pa'ang sgra ni 'di'i/ /lus kyi 'ang gnyis ka thams cad du/ gsum dag ni thams cad rang gi sa pa nyid/ sna dang/ lce dang/ lus kyi khams rnams kyi ni lus dang yul dang rnam par shes pa rnams rang gi

  323. 162a

    sa pa kho na yin no/ /spyir bstan nas de dmigs kyis bsal ba gsungs pa ni/ lus kyi rnam shes 'og dang ni// rang gi sa pa lus dang lus kyi khams dang reg bya ni rtag tu rang gi sa pa kho na yin no/ lus kyi rnam par shes pa ni kha cig gi rang gi sa pa yin te/ 'di lta ste/ 'dod pa'i khams bsam gtan dang por skyes pa rnams kyi lta bu'o/ /kha cig ni sa 'og ma yin te/ 'di lta ste/ bsam gtan gnyis pa la sogS par skyes pa rnams kyi lta bu'o// yid ma des te/ res 'ga' ni lus dang/ yid kyi rnam par shes pa dang/ chos dag dang mtshungs pa'i sa pa'i yid yin la/ res 'ga' ni sa gong ma dang 'og ma pa yin te/ de nyid kyi phyir sa lnga pa'i lus la yang snyoms bar 'jug pa dang/ skye ba'i tshe lus la sogs pa'i sa thams cad pa dag yin no/ /'di dpyad par bya ste/ khams bco brgyad po rnam par shes pa drug po rnams las gang gis shes par bya ba yin zhe na/ smras pa/ gnyis kyi rnam shes phyi yis lnga/ gzugs la sogs pa'i yul rnams ni mig la sogs pa la brten pa'i rnam par shes pa dang/ yid kyi rnam par shes pas shes par bya ba'o/ /lhag ma khams bcu gsum dag ni yid kyi rnam par shes pa nyid kyis shes par bya ba'o zhes brjod par 'gyur ro// khams bco brgyad po de dag las rtag pa rnams ni du/ mi rtag pa rnams ni du zhe na/ 'dus ma byas chos rtag pa'o/ /des na chos kyi khams kyi phyogs gcig rtag la lhag ma rnams ni mi rtag pa yin no// dbang po rnams ni du/ dbang po ma yin pa rnams ni du zhe na/ chos kyi phyed dang gang dag ni// bcu gnyis nang gir bshad dbang po// de la chos

  324. 162b

    shes bya ba'i phyed ni srog gi dbang po la sogs pa dbang po bcu gcig dang/ mi shes pa kun shes par byed pa la sogs pa dbang po'i cha ste/ chos kyi khams kyi phyogs gcig yin pa'i phyir ro/ /nang gi bcu gnyis ni la sogs pa rang gi ming gis smos pa lnga dang/ yid kyi dbang po ni sems kyi khams bdun no// pho dang mo'i dbang po dag ni lus kyi phyogs gcig go/ lhag ma khams lnga po de dag dang chos kyi khams kyi phyogs ni dbang po ma yin pa zhes bya bar grub bo// phung po dang khams dang skye mched bstan pa zhes bya ste/ mdzod kyi gnas dang po'o// //dbang po rnams bshad pa la/ dbang po'i don ni dbang phyug dam pa'o// 'di dag las gang zhig gang la dbang byed ce na/ lnga pa rnams ni don bzhi la dbang byed/ re zhig mig dang rna ba dag re re zhing don bzhi bzhi la dbang byed pa ni long ba dang 'on pa dag ni mi mdzes pa'i ngo bo yin pa'i phyir lus mdzes par bya ba dang/ mthong ba dang thos nas ya nga ba yongs su spong ba'i phyir lus yongs su srung ba dang/ mig dang rna ba'i rnam par shes pa mtshungs par ldan pa dang bcas pa dag skyed ba dang/ gzugs la lta ba dang sgra nyan pa dag gi thun mong ma yin pa'i rgyu nyid la dbang byed pa'o/ /sna dang/ lce dang/ lus ni snga ma bzhin du lus mdzes par bya ba la dbang byed pa dang/ de dag giS khams gyi zas la yongs su longs spyod pa'i phyir lus yongs su srung ba la dbang byed ba dang/ rang la brten pa'i rnam par shes pa skyed pa dang/ rang gi yul nyams su myong ba la sngar bzhin du dbang byed pa'o/ /gzhi rnams gnyis la lo// re zhig pho dang mo'i dbang po dag ni sems can gyi bye brag dang/ khyad par dag

  325. 163a

    la dbang byed de/ de la sems can gyi bye brag ni mo dang pho zhes bya'o/ /sems can gyi khyad par ni nu ma la sogs pa'i dbyibs dang nga ro dang spyod pa gzhan pa nyid do/ /gzhan dag na re ni kun nas nyon mongs pa dang rnam par byang ba dag la dbang byed de/ de dang mi ldan pa sdom pa ma yin pa la sogs pa med pa'i phyir ro// srog gi dbang po ni ris mthun par mtshams sbyor ba dang/ yang dag par 'dzin pa dag la dbang byed do// yid kyi dbang po ni yang srid par mtshams sbyor ba dang/ rang gi ngo bo dang/ mthun par byed pa dag la dbang byed do// bde ba la sogs pa'i dbang po lnga gang yin pa/ lnga dang brgyad po de rnams ni/ /kun nas nyon mongs rnam byang dang/ /go rims bzhin du dbang byed de/ /bde ba la sogs pa lnga po dag ni kun nas nyon mongs pa la dbang byed de/ de dag la 'dod chags la sogs pa rgyas par 'gyur ba'i phyir ro/ /dad pa la sogs pa rnams ni rnam par byang ba la dbang byed de/ de dag ni rnam par byed ba'i phyir ro/ /gzhan dag na re/ rang gi don dang thams cad la// dmigs par dbang byed phyir dbang drug/ /mig la sogs pa lnga po dag ni rang rang gi don la dmigs par bya ba la dbang byed do// sgra thos pa yang med pa de'i thun mong gi rgyu yin pa'i phyir yid ni don thams cad la dmigs pa dbang byed de/ de'i phyir de dag ni so sor dbang po'o/ /mo nyid pho nyid la dbang phyir/ lus las mo dang pho dbang dag/ rnam par bzhag ste/ don tha dad pa dag ni ma yin no// mo'i ngo bo ni mo nyid do// pho'i ngo bo ni pho nyid do// de la pho dang mo dag gi nga ro la sogs pa gzhan pa'o/ /ris gnas kun

  326. 163b

    nas nyon mongs dang/ /rnam par byad la dbang byed phyir/ /srog dang tshor ba rnams dang ni// dad sogs lnga yang dbang po 'dod/ /srog gi dbang po ni ris mthun par gnas par bya ba dang/ tshor ba rnams mi kun nas nyon mongs la dang/ dad pa la sogs pa lnga po dag ni rnam par byang ba la dbang byed de/ 'di ltar de dag ni nyon mongs pa rnams kyang rnam par gnon pa la lam yang 'dren par byed do/ /mya ngan 'das sogs gong nas gong/ /thob pa la ni dbang byed phyir/ /kun shes byed dang kun shes dang/ /de bzhin kun shes ldan dbang po/ /de la kun shes byed pa'i dbang po ni kun shes pa'i dbang po thob par bya ba la dang/ kun shes pa'i dbang po ni kun shes ba dang ldan pa'i thob par bya ba la dang/ kun shes pa dang ldan pa'i dbang po ni yongs su mya ngan las 'da' bar bya ba la dbang byed do/ /sogs pa'i sgra ni rnam grangs gzhan du bstan par bya ba'i phyir te/ mthong ba dang bsgom baS spang bar bya ba'i nyon mongs pa spong ba dang/ mthong ba'i chos la bde bar gnas pa la dbang byed ba'i phyir dbang po gsum dag go/ dbang byed pa'i phyir dbang po nyid yin na go/ ma rig pa la sogs pa kha bskang dgos pa ni ma yin te/ gang gi phyir 'di ltar 'di ni sems kyi rten dang de'i bye brag/ gnas dang kun nas nyon mongs nyid/ /chags dang rnam byang ji snyed pa/ /dbang po rnams kyang de snyed du/ /'dod de/ de la sems kyi rten ni dbang po drug dag yin te/ skye mched drug po yang sems can gyi rdzas kyi gzhi yin no/ /mo dang pho'i dbang po dag gis ni de mo dang phor bye brag tu 'byed do/ /srog gi dbang pos ni gnas par byed do/ /tshor ba rnams kyis ni kun nas

  327. 164a

    nyon mongs par byed do/ /dad pa la sogs pa lngas ni rnam par byang ba la sogs pa'i tshogs sogs par byed do/ /gsum gyis ni rnam par byad bar byed de/ de'i phyir ma rig pa la sogs pa ni dbang po nyid du mi 'dod do// yang na 'jug pa'i rten dang ni// skye dang gnas dang nyer spyod las/ /bcu bzhi de bzhin ldog pa la/ /dbang po rnams ni gzhan yin no/ /'jug pa'i rten ni dbang po drug yin no/ /skye ba ni mo dang pho'i dbang po dag las? /de las skye ba'i phyir ro/ /gnas pa ni srog gi dbang po ste/ des gnas bar byed pa'i phyir ro/ /tshor ba rnams kyis ni nye bar spyod par byed de/ de'i phyir de dag ni dbang po bcu bzhi yin no/ /rnam pa de nyid kyis gzhan dag ni ldog pa yin no/ /gang gi phyir ldog pa'i rten ni dad pa la sogs pa yin no/ /skye ba ni kun shes par byed pa'i dbang po yin no/ /gnas pa ni kun shes pa'i dbang po yin na/ /kun shes pa dang ldan pa'i dbang pos ni nye bar spyod par byed do/ /de'i phyir dbang po dag ni de snyed cig yin la/ de snyed kyi phyir de dag gi go rims kyang de yin no/ /de la dbang po gang dag gzhan du ma bstan pa de dag bstan te/ lus tshor sim pa ma yin gang// sdug bsngal dbang po'o/ /sim pa ma yin pa zhes bya ba ni gnod par byed pa'o/ /sim pa ni bde ba'o/ /lus kyi tshor ba sim pa ni bde ba'i dbang po'o/ /sim pa zhes bya ba ni phan 'dogs pa ste/ bsam gtan gsum pa na/ sems kyi de ni bde dbang po// bsam gtan gsum bzhin sems kyi tshor ba sim pa de nyid bde ba'i dbang po'o/ /gzhan na de yid bde ba yin/ /bsam gtan gsum pa las gzhan pa 'dod pa'i khams dang bsam gtan dang po gnyis pa na ni sems kyi tshor ba sim pa gang yin pa de ni yid bde

  328. 164b

    ba'i dbang po yin no/ /sems kyi sim pa ma yin pa/ /yid mi bde ba'o btang snyoms ni/ /bar ma'o/ /sim pa yang ma yin sim pa ma yin pa yang ma yin pa ni bar ma zhes brjod de btang snyoms kyi dbang po'o/ /ci lus kyi 'am sems kyi zhes bya zhe na/ smras pa gnyis ka'i yin no/ /ci'i phyir 'di bsdus nas dbang po gcig tu byas zhe na/ mi rtog phyir/ sems kyi bde ba dang sdug bsngal ba ni phal cher rnam par rtog pa las skye'i lus kyi ni ma yin no/ /yul gyi dbang gis ni dgra bcom pa rnams la yang skye bas de'i phyir de dag dbang po nyid du tha dad kyi lus kyi dang sems kyi btang snyoms ni rnam par mi rtog pa kho nar rang gi dang gis skye pas lus kyi dang sems kyi zhes bya ba dbang po gcig tu byas so/ /mthong bsgom mi slob lam la dgu/ gsum yin/ yid dang bde ba dang/ yid bde ba dang/ btang snyoms rnams dang/ dad pa la sogs pa lnga dang/ dbang po de dag ni mthong ba dang/ bsgom pa dang mi slob pa'i lam dag la dbang po gsum du brjod do/ /mthong ba'i lam la ni mi shes pa kun shes par byed pa zhes bya'o/ /bsgom pa'i lam la ni kun shes pa yin te/ phra rgyas pa lhag ma spang pa'i phyir ro/ /mi slob pa'i lam la ni kun shes pa dang ldan pa'i dbang po yin te/ de'i dang tshul nyid kyi phyir ro/ /dbang po de dag la zag pa dang bcas pa ni du/ zag pa med pa rnams ni du zhe na/ gsum na dri mi med/ kun shes byed pa'i dbang po la sogs pa gsum bshad ma thag pa de ni zag pa med pa yin te/ dri ma rnams ni zag pa'i rnam grangs yin pa'i phyir ro/ /gzugs can srog dang sdug bsngal dag/ zag pa dang bcas/ dbang po gzugs can bdun dang/ srog gi dbang po dang/

  329. 165a

    sdug bsngal dang yid mi bde ba'i dbang po dag ni gcig tu zag pa dang bcas pa yin no/ /dgu rnam gnyis yid dang bde ba dang/ yid bde ba dang/ btang snyoms dag dang/ dad pa la sogs pa lnga dang/ dbang po dgu po de dag ni zag pa dang bcas pa dang zag pa med pa dag go/ rnam par smin pa rnams ni du/ ma yin pa rnams ni du zhe na/ re zhig gcig tu srog ni rnam smin bcu gnyis gnyis/ bcu gnyis gang zhe na/ tha ma brgyad dang yid mi bde/ /ma gtogs pa ste/ dad pa la sogs pa tha ma brgyad dang/ yid mi bde ma gtogs pa srog gi dbang po las gzhan bcu gnyis ni rnam pa gnyis te/ rnam par smin pa dang/ rnam par smin pa ma yin pa'o/ /de la mig la sogs pa bdun rgyas pa las byung ba rnams ni rnam par smin pa ma yin no/ /lhag ma rnams ni rnam par smin pa'o/ /yid dang sdug bsngal ba dang/ bde ba dang/ yid bde ba dang/ btang snyoms kyi dbang po rnams ni dge ba dang/ nyon mongs pa can rnams dang/ spyod lam pa dang/ bzi'i gnas pa dang/ sprul pa rnams ni ci rigs par rnam par smin pa ma yin no/ /lhag ma rnams ni rnam par smin pa yin pa'o/ /dbang po rnams la rnam par smin pa dang bcas pa ni du/ rnam par smin pa med pa rnams ni du zhe na/ gang 'di yid mi bde bar bshad ma thag pa/ de gcig ni/ rnam par smin bcas/ de gcig pu ni rnam par smin pa dang bcas pa dag kho na yin no/ /ni zhes bya ba'i sgra ni kho na zhes bya ba'i don dang/ rim pa gzhan du sbyar bar rig par bya'o/ /bcu rnam gnyis/ rnam par smin pa dang bcas pa dag kyang yin/ rnam par smin pa med pa dag

  330. 165b

    kyang yin/ bcu gang zhe na/ yid dang tshor gzhan dang la sogs/ /tshor gzhan zhes smos pas ni yid mi bde ba las gzhan pa'i gzung ngo/ /de la yid dang bde ba dang/ yid bde ba dang/ btang snyoms mi dge ba dang dge ba zag pa dang bcas pa rnams ni rnam par smin pa dang bcas pa dag yin no// zag pa med pa rnams dang lung du ma bstan pa rnams na rnam par smin pa med pa dag yin no// sdug bsngal gyi dbang po ni dge ba dang mi dge ba ni rnam par smin pa dang bcas pa yin no/ /lung du ma bstan pa ni rnam par smin pa med pa yin no/ /dad pa la sogs pa zag pa dang bcas pa rnams ni rnam par smin pa dang bcas pa dag yin no/ /zag pa med pa rnams ni rnam par smin pa med pa dag yin no/ /gzhan ni rnam par smin pa med pa dag yin zhes bya bar grub bo/ /dge ba la sogs pa'i dri ba la/ dge ba brgyad/ dad pa la sogs pa gcig tu dge ba rnams so/ yid mi bde ba/ rnam gnyis/ dge ba yang yin/ mi dge ba yang ngo/ /yid dang/ tshor gzhan ni/ rnam gsum/ dag ba dang/ mi dge ba dang/ lung du ma bstan pa dag go/ gzhan ni rnam pa gcig/ brgyad po dag ni lung du ma bstan pa kho na'o/ /khams kyi dri ba la/ dri med ma gtogs 'dod par gtogs// gcig tu zag pa med pa ma gtogs pa'i lhag ma ni srid pas 'dod bar gtogs pa'o/ /pho mo'i dbang dang sdug bsngal dag/ ma gtogs gzugs gtogs/ dri ma med pa yang ma gtogs zhes bya bar sbyar te/ sdug bsngal dag ces bya ba ni sdug bsngal dang/ yid mi bde ba dag go/ gzugs can dang/ bde ba 'ang ma gtogs gzugs

  331. 166a

    med gtogs/ /ji skad bshad pa ma gtogs pa'i lhag ma ci zhe na/ yid dang srog dang/ btang snyoms kyi dbang po dag dang/ dad pa la sogs pa snga po yang ngo/ /spong ba'i dri ba la/ yid dang tshor ba gsum rnam gsum/ tshor ba gsum ni bde ba dang/ yid bde ba dang/ btang snyoms rnams so// gnyis kyis spang bya yid mi bde// yid mi bde ba ni mthong ba dang/ bsgom pa gnyis kyis spang bar bya ba yin no/ /dgu ni bsgom pas spang bar bya zhes pa'i dbang du byas te/ mig la sogs pa dang brgyad pa srog dang sdug bsngal gyi dbang po ni bsgom pas spang bar bya ba dag kho na yin no/ /lnga po ni spang bar bya min yang/ dad pa la sogs pa lnga ni zag pa dang bcas pa dang/ zag pa med pa'i phyir bsgom pas spang bar bya ba dag ma yin pa yang ngo/ /gsum min gzhan gsum ni spang bya ma yin pa nyid de/ zag pa med pa'i phyir ro/ /rnam pa'i bye brag bshad zin nas rnyed pa brjod par bya ste/ 'dod par dang po rnam smin gnyis/ rnyed de lus kyi dbang po dang/ srog gi dbang po'o/ /de dag kyang brdzus te skye bas min/ brdzus te skye ba bkag pas sgo nga las skye ba dang/ mngal nas skye ba dang/ drod gsher las skyes pa dag gis rnyed par rig par bya'o/ /yid dang btang snyoms dag kyang nyid mtshams sbyor ba'i tshe nyon mongs pa can yin pa'i phyir rnam par smin pa las byung ba dag ma yin no/ /yang brdzus te skye ba dag gis du zhig thob ce na/ de'i drug gam gal te mtshan ma med pa zhig yin na ste/ 'di ltar bskal ba dang po pa rnams lta bu'o/ /de dag gis mig dang/ rna ba dang/ sna dang/ lce dang/ lus dang/ srog gi dbang po rnams

  332. 166b

    'thob bo/ /bdun rnams ni/ gal te mtshan gcig pa zhig yin na ste/ 'di ltar lha la sogs pa dag na'o/ /brgyad ni gal te mtshan gnyis pa zhig yin na'o/ /ji ltar ngan song dag na'o/ /re zhig 'dod ba'i khams na mi de lta bu yin no/ /gzugs na drug go/ 'dod pa'i khams na mtshan ma med pa dag gis rnyed pa gang dag yin pa nyid do/ /gang mar gcig gzugs med pa'i khams su dang po nyid du srog gi dbang po gcig kho na rnam par smin pa 'thob bo/ /rnyed pa bshad zin nas gtong ba brjod pa/ gzugs med dag tu 'chi ba ni/ /srog dang yid dang btang snyoms nyid/ /'gag par 'gyur ro/ /gzugs na brgyad/ gzugs kyi khams su 'chi ba na gsum po de dag dang/ mig la sogs pa lnga dang dbang po brgyad 'gag go/ 'dod par bcu 'am dgu 'am brgyad/ /mtshan gnyis pa'i ni brgyad po de dag dang pho dang mo'i dbang po dang bcu 'gog go/ mtshan gcig pa zhig yin na dgu'o/ /mtshan med pa zhig yin na brgyad do// rim gyi 'chi ba dag la bzhi/ /rim gyi 'chi na lus dang srog dang yid dang/ btang snyoms kyi dbang po dag 'gag go/ nyon mongs pa can dang/ lung du ma bstan pa'i sems kyis 'chi ba la ni tshul de'o// dge ba'i sems kyis kyang/ dge la thams cad dag tu lnga// thams cad du ji skad bshad pa'i dbang po rnams dang lhag par dad pa la sogs pa'i dbang po lnga ni dge ba'i sems kyis 'chi ba la rig par bya'o/ /dbang po'i skabs su dbang po'i chos thams cad dpyad par bya ste/ dge sbyong gi tshul gyi 'bras bu gang zhig dbang po du dag gis 'thob ce na/ 'bras bu tha ma gnyis dgus 'thob/ /rgyun tu zhugs pa dang dgra bcom

  333. 167a

    pa nyid kyi 'bras bu dag ni dbang po dgus 'thob po/ /de la rgyun tu zhugs pa'i 'bras bu ni dad pa la sogs pa dang/ kun shes pa dang ldan pa'i dbang po ma gtogs pa dang/ yid dang btang snyomS kyi dbang po dag dang dgus 'thob bo/ /zag pa med pa gnyis kyang bral bas 'thob pa 'dren pa dang/ gnas par byed pa nyid kyi phyir rim pa bzhin du rig par bya'o/ /dgra bcom pa nyid ni dad pa la sogs pa dang/ kun shes byed pa'i dbang po ma gtogs pa dag dang/ yid kyi dbang po dang/ bde ba dang/ btang snyoms kyi dbang po rnam las gang yang rung ba zhig dang/ dgus 'thob bo/ /gnyis ni bdun dang brgyad dang dgus/ /de la re zhig gal te/ lan cig phyir 'od ba'i 'bras bu mthar gyi 'thob la/ de yang 'jig rten pa'i lam gyis 'thob na ni dang pa la sogs pa lnga dang/ btang snyoms dang/ yid kyi dbang po dang dbang po bdun dag gis 'thob bo// 'on te 'jig rten las 'das pa ni kun shes pa'i dbang po brgyad pa yin no/ /ci ste phal cher la 'dod chags dang bral ba zhig gis 'thob na ni de dgus 'thob ste/ de gang dag kho nas rgyun tu zhugs pa'i 'bras bu 'thob pa kho na bzhin no/ /gal te phyir mi 'od ba'i 'bras bu mthar gyis 'thob la/ de 'jig rten dang 'jig rten las 'das pa dag gis 'thob na lan cig phyir 'od ba'i 'bras bu bzhin du bdun dang brgyad kyis 'thob bo/ /ci ste 'dod chags dang bral ba zhig gis 'thob na ni de dgus 'thob ste/ rgyun tu zhugs pa'i 'bras bu ji lta ba bzhin no/ /yang 'dir rten gyi bye brag las bde ba dang/ yid bde ba dang/ btang snyoms kyi dbang po rnams las gang yang

  334. 167b

    rung ba zhig yin no/ /'o na chos mngon pa las dbang po du zhig gis dgra bcom pa 'thob ce na/ smras pa/ bcu gcig gis zhes bshad pa ji ltar dgu dag gis zhe na/ de ni dgu kho nas 'thob ste/ bcu gcig dag gis dgra bcom nyid// 'ga' zhig srid phyir bshad pa yin/ /gang zag 'ga' zhig gis yongs su nyams shing yongs su nyams nas bde ba dang/ yid bde ba dang/ btang snyoms kyi dbang po dag gis dgra bcom pa nyid 'thob pa srid pa yod pas de'i phyir bcu gcig dag gis zhes gsungs so/ /dbang po gang zhig dang ldan na gdon mi za bar dbang po du dag dang ldan pa zhes bya ba 'di dpyad par bya ste/ de la btang snyoms ni srog dang ni/ yin dang ldan la nges gsum ldan// de ni gdon mi za bar gsum kho na ste/ 'di dag ni phan tshun med na mi ldan pa yin gyis lhag ma rnams dang ni ma nges te/ ldan pa yang yod/ mi ldan pa yang yod do/ /bde lus ldan pa bzhi dag dang/ gang bde pa dang lus dag dang ldan pa de ni dbang po bzhi ste/ de gsum dang 'di dag gis gcig lhag pas so/ /mig sogs ldan pa lnga dang ldan/ /gang zhig mig gi dbang po dang ldan pa de ni gdon mi za bar btang snyoms dang/ srog dang yid dang/ lus kyi dbang po dag dang de dang dbang po lnga dang ldan te/ rna ba dang/ sna dang/ lce'i dbang po dag dang ldan pa yang de dang 'dra bar rig par bya'o// yid bde ldan yang/ gang zhig yid bde ba'i dbang po dang ldan pa de yang gdon mi za bar btang snyoms dang/ srog dang/ yid dang/ bde ba dang/ yid bde ba dang dbang po lnga dang ldan no// sdug bsngal ldan/ bdun dang/ gang zhig sdug bsngal gyi dbang po dang ldan pa de ni gdon mi za bar lus dang/

  335. 168a

    srog dang/ yid dag dang/ tshor ba'i dbang po bzhi dang bdun dang ldan no/ /mo'i dbang sogs ldan/ brgyad dang/ gang zhig mo'i dbang po dang ldan pa de ni gdon mi za bar bdun po de dag dang mo'i dang brkyang dang ldan no/ /sogs zhes bya ba'i sgra ni dbang po dang/ yid mi bde ba dang/ dad pa la sogs pa bzung ste/ de dag dang ldan pa ni re re zhing yang brgyad dang ldan pa yin te/ bdun pa de dag dang/ pho'i dbang po dang ldan yid mi bde ba'i dbang po yang de dang 'dra'o/ /dad pa la sogs pa dang ldan pa ni lnga po dag dang/ btang snyoms dang/ srog dang/ yid dang ldan no/ /kun shes ldan pa yi/ dbang po ldan pa bcu gcig ldan?// gang zhig kun shes pa'i dbang po dang ldan pa de ni gdon mi za bar bde ba dang/ yid bde ba dang/ btang snyoms dang/ srog dang/ yid dang/ dad pa la sogs pa dag dang/ kun shes pa'i dbang po dang/ bcu gcig dang ldan no/ /zhe? bzhin du kun shes pa dang ldan pa'i dbang po dang ldan pa yang bcu po de dag nyid dang kun shes pa dang ldan pa'i dbang po dang ldan no/ /kun shes byed pa'i dbang ldan la/ /bcu gsum dag dang ldan pa yin/ /yid dang/ grog dang/ lus kyi dbang po dag dang/ tshor ba'i dbang po bzhi dag dang/ dad pa la sogs pa dang/ kun shes par byed pa'i dbang po dang ldan no/ /gang zhig nang na nyung ba dang ldan pa de dbang po ji snyed cig dang ldan zhe na/ dge med nang na nyung ldan pa/ lus tshor srog yid brgyad dang ldan// dge ba'i rtsa ba kun tu chad pa ste/ de nang na nyung ba dag dang ldan na tshor ba lnga dag dang/ lus dang yid dang/ srog dang/ dbang po brgyad dang ldan no/ /ji ltar dge ba med pa

  336. 168b

    ltar/ gzugs med byis pa'ang de bzhin te/ /btang snyoms srog yid dge rnams dang/ /so so'i skye bo btang snyoms dang/ /srog dang/ yid dang/ dad pa la sogs pa lnga dang ldan no// yang gang shig nang na dbang po mang po dang ldan pa de ji snyed cig dang ldan zhe na/ mang por ldan na bcu dgu ste/ /dri ma med rnams ma gtogs so/ /mtshan gnyis/ zag pa med pa gsum ma gtogs pa mtshan gnyis pa ni bcu dgu dang ldan no/ /gzhan yang gang zhag ce na/ 'phags pa chags bcas te/ mtshan gcig dri med gnyis ma gtogs/ /slob pa 'dod chags dang ma bral ba mtshan gcig pa kun shes pa dang ldan pa'i dbang po dang gnyis po las gang yang rung ba cig dang ldan pa ma gtogs pa bcu dgu dang ldan pa'o// dbang po rnams kyi rab tu dbye ba rgyas par bshad zin nas/ 'di dpyad par bya ste/ ci 'dus byas kyi chos 'di dag ji ltar mtshan nyid tha dad pa de bzhin du/ tha dad par skye ba zhig yin nam/ 'on te kha cig nges par lhan cig skye ba yang yod ce na/ smras pa/ yod de/ chos 'di dag thams cad ni gzugs dang/ sems dang/ sems las byung ba dag dang/ sems dang ldan pa ma yin pa dag dang/ 'dus ma byas pa sngar 'gyur ro/ /de la 'dus ma byas la ni skye ba med pa nyid do/ /chos gzugs can rnams kyi des pa ni 'ong yin te/ 'dod na dbang po med pa dang/ sgra med phra rab rdul rdzas brgyad/ /thams cad las phra ba'i gzugs ni bsags pa'i rdul phra rab ces bya ste/ da 'dod pa'i khams na sgra yang med dbang po yang med pa zhig yin na ni rdzas brgyad dang ldan par skye ste/ 'byung ba chen po bzhi dang/ gzugs dang/ dri dang/ ro dang/ reg bya rnams so/ /lus dbang ldan la rdzas

  337. 169a

    dgu'o/ /gang rdzas brgyad dang/ lus kyi dbang po yod pa de ni de nyid dang dgu'o/ /dbang po gzhan ldan rdzas bcu'o// gang la mig la sogs pa gang yang rung ba zhig yod pa de kho na dang bcu pa'o/ /de dag sgra dang bcas pa zhig tu skye na yang rdzas dgu dang/ bcu gcig dang ldan no/ /rdzas kyi yang 'dir 'byung ba'i rigs kyi don to/ /de bzhin du gzugs la sogs pa so sor 'byung ba bzhi la brten par 'dod do/ /gzugs la sogs pa rdzas kyi sgra ni skye mched kyi don can no// de lta na yang dbyibs la sogs pa grub bo// gzugs can rnams kyi des par ldan cig 'byung ba bshad zin nas/ lhag ma rnams kyi brjod par bya ste/ sems dang sems byung ngas lhan cig thams cad 'dus byas mtshan nyid dang/ /thob pa 'am/ thob pa dang ni sems can du ston pa kho na dang lhan cig skye'i gzhan dang ni ma yin no zhes bye brag tu bya ba'i phyir ram zhes bya ba'i sgra smos so/ /sems las byung ba rnams zhes brjod pa sems las byung ba de dag gang zhe na/ sems byung rnam lnga ste/ sa mang la sogs tha dad phyir/ /'di lta ste/ sa mang po ba dag dang/ dge ba'i sa mang po pa rnams dang/ nyon mongs pa'i sa mang po pa rnams dang/ mi dge ba'i sa mang po ba rnams dang/ nyon mongs pa chung du'i sa pa rnams so/ /tshor dang sems pa 'du shes dang/ /bdun dang reg dang blo gros dran/ /yid la byed dang mos pa dang/ /ting nge 'dzin sems thams cad la/ /de la tshor ba ni bshad zin to/ /sems pa ni sems mngon par 'du byed pa'o/ /'du shes ni brjod zin to// 'dun pa ni byed 'dod pa'o/ /reg pa ni yul dang dbang po dang rnam par shes pa 'dus pa las skyes pa'i reg pa'o/ /blo gros ni shes

  338. 169b

    rab ste/ chos rab tu rnam par 'byed pa'o// dran pa ni dmigs pa ma rjed pa'o// yid la byed pa ni sems kyi 'jug pa'o/ /mos pa ni 'dod pa'o// ting nge 'dzin ni sems rtse gcig pa nyid do/ /'di dag ni sa thams cad la 'byung ngo// dang dang bag yod shin tu sbyangs/ /btang snyoms ngo tsha shes khrel yod// rtsa ba gnyis rnam mi 'tshe dang/ /brtson 'grus rtag tu dge la 'byung/ /de la dad pa ni sems dang ba'o/ /bag yod pa ni dge ba'i chos rnams bsgom pa ste de dag la gces su 'dzin pas kun tu srung ba zhes bya ba'i don to// shin tu sbyangs pa ni sems las su rung ba nyid do// btang snyoms ni sems mnyam pa nyid dang sems mi mnyam pa nyid dang sems lhun gyis grub pa nyid do/ /ngo tsha shes pa dang khrel yod pa ni 'og nas 'chad par 'gyur ro/ /rtsa ba gnyis ni chags pa med pa dang/ zhe sdang med pa dag go/ gti mug med pa yang yod mod kyi de yang shes rab ste/ sa mang po bar bshad do/ /rnam par mi 'tshe ba ni rnam par tho mi 'tsham pa'o// brtson 'grus ni dge ba la sems mngon par spro ba'o/ /'di dag ni dge ba'i sems thams cad la 'byung ba'o/ /rmongs dang bag med le lo dang /ma dad pa dang rmugs dang rgod/ /nyon mongs can la rtag tu 'byung/ /de la rmongs pa ni mi shes pa dang/ mi gsal ba'o/ /bag med pa ni bag yod pa'i mi mthun pa'o/ /le lo ni brtson 'grus kyi mi mthun pa'i phyogs so/ /ma dad pa ni dad pa'i mi mthun pa'o/ /rmugs pa ni sems las su mi rung ba'o/ /rgod pa ni sems rnam par ma zhi ba ste// 'di dag ni nyon mongs pa can gyi sems thams cad las 'byung ngo/ /mi dge la ni khrel med dang ngo tsha med pa'o/ /de dag gi mtshan nyid ni 'og nas 'chad do/ /khro ba dang/ kho na du

  339. 170a

    'dzin dang g.yo dang ni/ /phrag dog 'tshig 'chab ser sna dang/ /rgyu dang rgyags dang rnams 'tshe ni/ /nyon mongs chung du'i sa pa rnams/ /'di dag ni ma rig pa tsam dang/ bsgom pas spang par bya ba dang/ yid kyi sa pa kho na dang mtshungs par ldan pa'i phyir nyon mongs pa chung du'i sa par brjod do/ /'di dag gi rgyas par bshad pa ni phyis 'chad do/ /sems gang zhig la sems las byung ba du zhig gdon mi za bar 'byung ba brjod par bya ste/ re zhig 'dod pa na spyod pa'i sems ni rnam pa lnga ste/ dge ba la sogs pa'o/ /de la/ 'dod pa'i dge ba'i sems la ni/ /rtog dang dpyod dang bcas pa'i phyir/ /sems las byung ba nyi shu gnyis/ /sa mang po ba bcu dang/ dge ba'i sa mang po pa bcu dang/ rtog pa dang/ dpyod pa dag go/ la la dag tu 'gyod pa bsnan/ /de la gang dge ba ma byas pa dang/ mi dge ba byas nas gdung ba gang yin pa ste/ de ni mi dge ba byas pa la dmigs pa'i yid la gcags pa dge ba la 'gyod pa'o/ /de ni gang la yod pa de la sems las byung ba nyi shu rtsa gsum 'byung ngo/ /mi dge la na mi 'dres dang// lta dang ldan pa'ang nyi shu 'byung/ /ma 'dres pa zhes bya ba ni sems gang la ma rig pa 'ba' zhig pa /de la sa mang po ba bcu dang/ nyon mongs pa'i sa mang po? drug dang/ mi dge ba'i sa mang po pa gnyis dang/ rtog pa dang/ dpyod pa'o/ /mi dge ba'i lta ba dang ldan pa yang nyi shu 'byung ste/ gang kho na ma 'dres pa la'o/ /lta ba yang mi dge ba 'jig tshogs dang/ mthar 'dzin pa ma gtogs pa shes rab kyi rang bzhin yin pas bsnan pa ma yin no// nyon mongs bzhi dang khro sogs dang/ /'gyod pa dang ni nyi shu gcig/ de la nyon mongs pa bzhi ni 'dod chags dang/ khong khro dang/ nga rgyal dang/ the tshom mo/

  340. 170b

    khro ba la sogs pa ni bshad zin to// 'gyod pa ni mi dge ba ste dge ba las bzlog pas so/ /'di dag gang la yod pa de ni nyi shu rtsa gcig yin te/ 'di dag kho na las gang yang rung ba cig lhag par byas nas so/ /bsgribs la bco brgyad/ 'dod pai khams na 'jig tshogs la lta ba dang/ mthar 'dzin par lta ba dang mtshungs par ldan pa'i sems ni bsgribs pa ste/ de la sems las byung ba bco brgyad 'byung ste/ sa mang po pa bcu dang/ nyon mongs pa'i sa mang po pa drug dang/ rtog pa dang/ dpyod pa'o/ /lung ma bstan/ gzhan la bcu gnyis dag tu 'dod/ /ma bsgribs la lung du ma bstan pa'i sems las mang po pa bcu dang/ rtog pa dang/ dpyod pa zhes bya ba bcu gnyis so// gnyid ni kun la mi 'gal phyir/ /gang la yod pa des bsnan to// gnyer ni ji skad bshad pa thams cad dang mi 'gal te/ de'i phyir gang la yod pa de la de bstan par rig par bya'o/ /gang de ltar 'dod pa'i khams la sems byung des par bshad pa/ de las 'gyod gnyid mi dge rnams/ /bsam gtan dang po dag na med/ /bsam gtan dang po na ni ji skad bshad pa de las 'gyod pa dang gnyid dang/ gang yang cung zad mi dge ba g.yo ba la sogs pa thams cad du med de/ gzhan thams cad ni de dang 'dra'o// bsam gtan dang po na med pa gang dag yin pa de dag kho na dang/ rtog pa'ang bsam gtan khyad par can/ de yi gong na dpyod pa'ang med de// lhag ma ni de dang 'dra'o/ /da ni gzhung las byung ba kha cig gi tha dad du bya ba 'byung ba brjod par bya ste/ ngo tsha med pa dang/ khrel med pa la tha dad du bya ba ci zhig yod ce na/ ma gus ngo tshe med/ yon tan rnams dang yon tan can rnams la ma gus pa nyid ni bkur ba

  341. 171a

    med pa nyid de ngo tsha med pa'o/ /khrel med/ kha na ma tho 'jigs med lta/ /kha na ma tho ba zhes bya ba ni dam pa rnams kyis smad pa ste/ de la 'jigs par mi lta pa ni khrel med pa'o/ /'dir 'jigs pa ni mi 'dod ba'i 'bras bu ste/ 'di las 'jigs par 'gyur ba'i phyir ro/ /bzlog pa ni ngo tsha shes pa dang khrel yod pa yin par rig par bya'o/ /dga' ba dang gus pa la tha d+d du bya ba ci zhig yod ce na/ dga' dang dga' ba ni rnam pa gnyis dang/ nyon mongs pa can ni srid pa ste/ dper na bu dang chud ma la sogs pa lta bu'o/ /nyon mongs pa can ma yin pa ni dad pa ste/ dper na ston pa dang bla ma dang yon tan can rnams la bya ba bzhin no/ /gus nyid do tshe shes gus pa ni ngo tsha shes pa ji skad bshad pa bzhin no/ /de gnyis 'dod dang gzugs dag na// gzugs med pa'i khams na ni// gang zag la dmigs pa'i dga' ba dang gus pa dag med do/ /rnam par rtog pa dang/ dpyod pa dag la tha dad du bya ba ci yod ce na/ rtog dang dpyod pa rtsing zhib nyid/ /sems kyi'o zhes 'og nas 'chad de/ rtog pa ni sems rtsing ba'o/ /dpyod pa ni sems zhib pa'o// nga rgyal dang rgyags pa dag la tha dad du bya ba ci zhig yod ce na/ nga rgyal khengs pa rgyags pa ni// rang gi chos la chags pa yi/ /sems ni yongs su gtugs pa'o// pha rol po las gang yang rung ba'i khyad par zhig yongs su btags nas sems khengs pa ni nga rgyal lo/ /rgyags pa ni rang gi chos kho na la chags pa'i sems yongs su gtugs pa gang yin ba'o/ /sems las byung ba rnams dang bcas te bshad zin to/ /gsung rab las 'di dag gis tha snyad du 'dogs pa'i phyir

  342. 171b

    de dag gi ming 'di dag brjod de sems dang yid dang rnam shes ni/ /don gcig 'byed pas na sems so/ /go bas na yid do/ /rnam par shes pas na rnam par shes pa'o/ /sems dang sems byung dang/ rten dang dmigs dang rnam bcas dang/ /mtshungs par ldan pa 'ang don gcig ste/ /sems dang sems las byung ba de dag nyid dbang po la rten pa'i phyir rten dang bcas pa dag ces bya'o/ /yul la 'dzin pa'i phyir dmigs pa dang bcas pa dag go/ dmigs pa de nyid la sems rnam pa re re nas bye brag tu gcod ba'i phyir rnam pa dang bcas pa dag go/ mnyam bar ldan pa'i phyir mtshungs par ldan pa dag go/ rnam pa gang dag gis mtshungs par ldan zhe na/ gsungs pa rnam pa lnga/ mtshungs pa rnam pa lnga po rten dang dmigs pa dang/ rnam pa dang dus dang/ rdzas mtshungs pa dag gis mtshungs par ldan no// rdzas mtshungs pa yang ji ltar sems gcig kho na yin pa de kho na bzhin du sems las byung rnams kyang? re re yin pa'o/ /sems dang sems las byung ba dag bshad zin to/ /mi ldan pa yi 'du byed rnams/ /thob dang ma thob skal mnyam dang/ /'du shes med snyoms 'jug dag dang/ /srog dang mtshan nyid rnams dang ni/ /ming gi tshogs la sogs pa yang/ /'du byed 'di dag ni sems dang mtshungs par ldan pa yang ma yin la/ gzugs kyi rang bzhin yang ma yin pas sems dang ldan pa ma yin pa dag ces bya'o/ /de la re zhig thob brnyad dang ldan ba'o/ /thob pa ni rnam pa gnyis te/ ma thob pa dang/ rnam par nyams pa la rnyed pa dang/ thob nas ldan ba'o/ /bzlog pa ni ma thob pa'o/ /zhes bya bar grub bo// 'di dag kyang gang gi yin zhe na/ thob dang ma thob rang rgyud du//

  343. 172a

    gtogs pa rnams kyi'o/ /gzhan gyi rgyud du gtogs pa rnams kyi ma yin te/ gzhan dag dang ni dga' yang ldan pa med do/ /rgyud du ma gtogs pa rnams kyi ni yang ma yin te/ sems can du mi bgrang bdag ni dga' yang ldan pa med do/ /slar yang thob pa dad ma thob pa dag gi 'gog pa gnyis kyi/ so sor brtags pa ma yin pas 'gog pa ni sems can thams cad dang ldan no// so sor brtags pa dang ni 'ga' zhig go / thob pa de yang ni/ dus gsum pa yi rnam pa gsum// chos 'das pa rnams kyi thob pa 'das pa yod/ ma 'ongs pa dang/ da ltar byung ba yang yod la/ de bzhin du ma 'ongs pa dang/ da ltar byung ba rnams kyi yang so sor rnam pa gsum mo// dge la sogs kyi dge la sogs/ dge ba dang/ mi dge ba dang/ lung du ma bstan pa rnams kyi thob pa ni rim pa bzhin du dge ba dang/ mi dge ba dang/ lung du ma bstan pa kho na yin no/ /der gtogS rnams kyi rang khams pa/ 'dod pa dang/ gzugs dang/ gzugs med pa na sbyod pa rnams kyi thob pa ni rang gi khams pa kho na'o/ /ma gtogs rnams kyi rnam pa bzhi/ /zag pa med pa rnams kyi thob pa ni rnam pa bzhi ste/ so sor brtags pas 'gog pa'i ni gzugs dang/ gzugs med pa na spyod pa'ang yin la/ zag pa med pa'ang yin te/ lam gyi dbang gis so// lam gyi bden pa'i ni zag pa med pa nyid do// so sor brtags pa ma yin pas 'gog pa'i ni khams gsum pa yin te skye ba'i dbang gis so// de ni bsdus na rnam pa bzhir 'gyur ro/ /slob pa rnams kyi thob pa ni thob pa'i slob pa kho na yin no// mi slob pa rnams kyi thob pa ni mi

  344. 172b

    slob pa nyid do/ /slob dang mi slob min gyi gsum// de dag kyang zag pa dang bcas pa dang/ 'dus ma byas pa'o/ /de la zag pa dang bcas pa rnams kyi dang so sor brtags pa ma yin pas 'gog pa'i dang/ 'phags pa ma yin pas thob pa so sor brtags pas 'gog pa'i thob pa ni slob pa yang ma yin mi slob pa yang ma yin no/ /de nyid kyi slob pas thob pa ni slob pa'o/ /mi slob pas thob pa ni mi slob pa'o/ /mthong ba dang bsgom pas spang bar bya ba rnams kyi thob pa ni de'i rigs dag kho nas so// spang bya min pa'i rnam gnyis 'dod// zag pa med pa rnams la so sor brtags pa ma yin pa'i 'gog pa dang/ 'phags pa ma yin pas thob pa so sor brtags pas 'gog pa'i thob pa ni bsgom pas spang par bya ba'o/ /de nyid 'phags pa'i lam gyis thob pa dang/ lam gyi bden pa'i ni zag pa med pa ste/ spang bar bya ba ma yin pa'o/ /dus gsum pa yi rnam pa gsum zhes sbyir bstan pa gang yin pa de'i dmigs kyis bsal ba ni 'di yin te/ lung bstan min thob lhan cig skyes// ma bsgribs la lung du ma bstan pa rnams kyi thob pa ni lhan cig skyes pa kho na'o/ /mngon shes sprul pa ma gtogs pa/ mngon par shes pa dang lung du ma bstan pa gnyis dang/ sprul pa'i sems ma gtogs pa'o// de dag ni sbyor ba'i khyad par gyis 'grub pas stobs dang ldan pa'i phyir sngar dang phyis dang lhan cig skyes pa yang yod do/ /ci ma bsgribs la lung du ma bstan pa kho na'i thob pa dang lhan cig skyes pa yin nam zhe na/ smras pa bsgribs pa'i gzugs kyi thob pa ni lhan cig skyes pa kho na'o/ /chen pos kyang rnam par rig byed ma yin pa mi slob pas stobs chung bar grub pa'i

  345. 173a

    phyir ro/ /dus gsum pa yi rnam pa gsum zhes bya ba'i dmigs bsal ni/ 'dod pa na gzugs kyi sngar ni skye ba med/ lhan cig skye ba dang/ dus phyis skye ba ni yod do/ /thob pa'i rnam pa'i bye brag ni bshad zin to/ /ma thob ma bsgribs lung ma bstan/ /ma thob pa thams cad ni ma bsgribs la lung du ma bstan pa kho na yin no// 'das ma skyes kyi de rnam gsum/ da ltar byung ba ma thob pa ni med de/ 'das pa dang/ ma 'ongs pa dag ni dus gsum pa yin no// 'dod sogs gtogs dang dri med kyi 'ang rnam pa gsum zhes bya bar sbyar te/ 'dod bar gtogs pa rnams kyis ni 'dod pa dang/ gzugs dang gzugs med pa na spyod pa'i yin te/ rigs pa'i dbang gis so/ /gzugs dang gzugs med par gtogs pa rnams dang/ zag pa rnams kyi yang de dang 'dra'o/ /ma thob pa zag pa med pa ni med de/ 'di ltar lam ma thob pa so so'i skye bor 'dod do/ /gang gi phyir so so'i skye bo nyid ni zag pa med pa yin par mi 'os so// yang ma thob pa ni ji ltar nyams zhe na/ chos gang gi ma thob pa gang yin pa de ni/ de thob pa dang/ sa 'phos nas ni rnam nyams 'gyur/ /re zhig 'di lta ste/ 'phagS pa'i lam gyi ma rnyed pa ni so so'i skye bo nyid de/ de ni rnyed pa dang/ sa 'phos pa las rnam par nyams par 'gyur te/ gzhan dag gi yang de bzhin du sbyar bar bya'o/ /yang skal ba mnyam pa 'di ci zhen/ skal mnyam sems can 'dra ba'o/ /bskal pa mnyam pa nyid ni sems can rnams kyi 'dra ba yin te/ de yang tha dad pa ma yin pa dang/ tha dad pa ste/ de dag kho na'i sa dang khams dang/ 'gro ba dang skye gnas la sogs pa'i dbye bas so// yang 'du shes

  346. 173b

    med pa pa zhes bya ba 'di ci zhe na/ 'du shes med pa ba 'du shes/ med par sems dang sems byung rnams/ /'gog pa'o/ /gang gis ma 'ongs pa'i sems dang sems las byung ba rnams 'gog pa de ni 'du shes med ba bzhes bya ba'i rdzas so/ /de yang gcig tu rnam par smin/ 'du shes med pa'i snyoms par 'jug pa'i'o/ /gang dag na 'du shes med pa'i sems can rnams 'khod pa'i sems can de dag gang zhe na/ de 'bras che lha de dag ni 'bras bu che ba zhes bya ba yin te/ de dag gi phyogs gcig ni 'du shes med pa pa yin te/ bsam gtan khyad par can bzhin no// 'du shes med pa pa bshad zin to/ /ji ltar sems dang sems las byung ba rnams 'gog pa la 'du shes med par bshad pa/ de bzhin 'du shes med snyoms 'jug/ sems dang sems las byung ba rnams kyi 'gog pa zhes bya ba tsam ste/ de bzhin zhes bya ba'i sgras 'dren to/ /snyoms par 'jug pa de ni/ bsam gtan tha mar 'di bsam gtan bzhi pa la snyoms par zhugs pa yin no/ /de la yang snyoms par 'jug pa ni/ 'byung 'dod pas/ 'di la nges par 'byung 'dod cing snyoms par 'jug go/ 'du shes med pa pa ni rnam par smin pa yin pa'i phyir lung ma bstan pa zhes bya bar grub bo/ /'di ni dge ba'o/ /dge ba yin yang/ skyes nas myong gyur nyid/ mthong ba'i chos dang lan grangs gzhan la myong bar 'gyur ba yang ma yin la/ ma nges pa yang ma yin no/ /de yang so so'i skye bo kho na'i yin par 'dod kyis/ /'phags pa'i ma yin/ 'phags pa rnams ni 'di la ltung ba'i gnas lta bur gzigs pas snyoms par mi 'jug go/ 'di ni sems med pa yin yang mngon par 'du bya ba chen pos bsgrub par bya ba

  347. 174a

    yin pa'i phyir/ dus gcig thob/ da ltar gyi dus kho na thob bo/ /skad cig ma gnyis pa la sogs par ni ji srid du thob pa 'das pa dang ldan pa yin no// 'du shes med pa'i snyoms par 'jug pa ji lta bar 'gog pa zhes bya ba'ang de bzhin nyid/ sems dang sems las byung ba rnams 'gog pa'o/ /zhes bya ba tsam dang 'brel par bya'o/ /khyad par du 'di nas don du/ zhi bar gnas pa'i 'du shes sngon du btang ba'i yid la byed pas 'di la snyoms par 'jug go/ yang de ni bsam gtan bzhi pa'i sa pa yin gyi/ 'di ni srid rtser skyes/ 'di ni dge ba'o// dge ba kho na yin gyi nyon mongs pa can yang ma yin la lung du ma bstan pa yang ma yin no// dge ba yin yang/ gnyis su myong 'gyur dang/ ma nges skyes nas myong bar 'gyur ba dang/ lan grangs gzhan las myong bar 'gyur ba'i phyir dung gnyis su 'gyur ba dang /rnam par smin pa'i phyir ma nges pa yang ma yin no/ /de yang mdza' gcig tu 'phags pa'i/ 'phags pa'i yang 'di ni 'dod chags dang bral bas 'thob par bya ba ma yin te/ 'on kyang 'di ni sbyor bas 'thob par bya ba kho na yin pas 'das pa yang mi 'thob la ma 'ongs pa yang mi 'thob ste/ 'di ni sems kyi stobs kyis 'thob pa'i phyir ro/ /ci bcom ldan 'das kyi yang sbyor ba las byung ba yin nam zhe na/ smras pa ma yin no/ /'on kyang thub pa'i byang chub kyis thob bya/ sangs rgyas bcom ldan 'das rnams kyis ni 'di zad pa mkhyen pa dang dus mnyam du brnyes so// nub phyogs pa dag na re de ni dang po kho nar byang chub sems dpa' slob pa'i gnas skabs na bskyed par byed do zhes zer ro/ /kha che ba rnamS na re

  348. 174b

    dang por ma yin ci'i phyir zhe na/ skad cig ma sum cu rtsa bzhis thob phyir ro/ /byang chub sems dpa' ni sems kyi skad cig ma sum cu rtsa bzhis byang chub rjes su 'thob ste/ bden pa mngon par rtogs pa na bcu drug dang/ srid pa'i rtse mo'i 'dod chags dang bral ba na nyon mongs pa'i rnam pa dgu spong bar byed pa'i bar chad med pa dang rnam par grol ba'i lam du dgu dgu skye ba'i phyir bco brgyad de/ de'i phyir bar skabs 'jir? mi 'dra ba'i sems mi srid pas 'gog pa'i snyoms par 'jug pa mi rung ngo/ /snyoms par 'jug pa 'di gnyis kyi rnam pa'i bye brag mang po zhig yod mod kyi/ gnyis ka 'dod dang gzugs rten can/ /snyoms par 'jug pa 'di gnyis ka yang 'dod pa'i khams dang gzugs kyi khams su skyed ngo/ /yang 'gog pa dang por mi'i nang du/ 'gog pa'i snyoms par 'jug pa ni dang por mi dag gi nang du skyed do/ /phyis ni sngar yongs su nyams pa de dag gis gzugs kyi khams su yang skyed do/ /snyoms par 'jug pa dag bshad zin no/ /srog ni cho yin/ tshe zhes bya ba'i chos de gang yin pa de yang mi shes pas/ drong dang ni rnam shes rten gang yin pa'o/ /gang drod dang rnam par shes pa'i rten du gyur pa'i chos gnas pa'i rgyu gang yin pa de ni tshe yin no/ /srog bshad zin to/ /mtshan nyid dag ni skye ba dang/ /rga dang/ gnas dang mi rtag nyid/ /bzhi po 'di rnams ni 'dus byas kyi mtshan nyid dag yin te/ gang la 'di dag yod pa'i chos de ni 'dus byas su mngon no/ /bzlog pa ni 'dus ma byas pa'o// skye ba la sogs pa de dag 'dus byas yin pa'i phyir skye ba la sogs pa gzhan yod par 'gyur ro zhe na/ yod pa kho na ste/ de dag skye ba'i skyel sogs

  349. 175a

    de dag la yang skye ba'i skye ba dang/ rga ba'i rga ba dang/ gnas pa'i gnas pa dang/ mi rtag pa nyid kyi mi rtag pa nyid do ces bya ba rjes su mthun pa'i mtshan nyid bzhi yod do/ /re re la yang mtshan nyid bzhi ba dang mthar thug pa med par 'gyur ro zhe na/ mi 'gyur te/ 'di ltar de chos brgyad dang gcig la 'jug chos bdag nyid gtogs par mtshan nyid dang rjes su mthun pa'i mtshan nyid brgyad dang lhan cig tu dgu skye la/ de la skye baS ni bdag nyid ma gtogs ba chos gzhan brgyang skyed par byed do// skye ba'i skye bas ni de kho na skyed par byed do/ /de bzhin du gnas pa la sogs pas gnas pa dang/ skyed pa dang nyams par byed pa zhes brjod par bya'o/ /gal te ma 'ongs ba'i skye ba bskyed par bya ba skyed pa yin na/ ma 'ongs pa thams cad cig car ci'i phyir mi skyed ce na/ 'di ltar rgyu dang rkyen dag med par ni/ skye ba bskyed bya skyed byed min/ rgyu dang rkyen tshogs pa med par ni skye ba skyed pa ma yin pa'i phyir ro/ /mtshan nyid dag ni bshad zin to/ /ming gi tshogs la sogs pa ni/ ming dang ngag dang yi ge tshogs/ /sogs pa smos pa ni tshig dang yi ge'i tshogs gzung ngo/ /de la ming byed pas ni ming ste/ dper na gzugs sgra zhes bya ba la sogs pa lta bu'o/ /dag ni tshig ste ji tsam gyis don yongs su rdzogs ba'o/ /yi ge ni yi ge ste/ ming la sogs pa de dag gi tshogs ni ming la sogs pa'i tshogs dag yin te/ mang ba'i don gang yin pa'o/ /yang ming gi tshogs la sogs pa 'di dag ldan pa 'am/ sems can du ston pa 'am/ sems can ma yin par ston pa 'am/ rnam par smin pa las skyes pa 'am/ rgyas pa las byung ba 'am/ rgyu mthun pa laS

  350. 175b

    byung ba 'am/ dge ba 'am mi dge ba 'am/ lung du ma bstan pa cig ces brjod par bya zhe na/ smras pa/ 'dod dang gzugs gtogs sems can ston// rgyu mthun lung bstan min/ 'dod par gtogs pa dang/ gzugs su gtogs pa 'di dag ni ston pa'o/ /gang zhig brjod par byed pa de dag dang ldan gyi brjod par bya ba gang yin pa dang ni ma yin no/ /rgyu mthun pa las byung ba dang/ ma sgrib la lung du ma bstan pa dag yin no/ /ji ltar 'di dag sems can du ston pa dang rgyu mthun pa las byung ba dang/ ma bsgribs lung du ma bstan pa dag yin pa de bzhin du/ skal ba mnyam pa de ni rgyu mthun pa las byung ba 'ba' zhig ma yin gyi/ rnam par smin pa'ang yin/ khams gsum pa ste/ 'dod pa dang/ gzugs dang/ gzugs med pa na spyod pa yin no/ /thob rnam gnyis rgyu mthun pa las byung ba dang/ rnam par smin pa las skyes pa dag yin no/ /mtshan nyid rnams kyang rnam pa gnyis te/ thob pa bzhin no/ /snyoms 'jug dang mi ldan pa dag rgyu mthun pa/ sems med pa'i snyoms par 'jug pa gnyis dang mi ldan pa rnamS ni rgyu mthun pa las byung ba dag kho na yin no// 'di dag ni lhag ma brjod par bya ba bshad zin to// rgyu dang rkyen dag med par ni/ /skye ba bskyed bya skyed byed min/ zhes gang bshad pa de dag gi rgyu rkyen rnams gang zhe na/ byed rgyu lhan cig 'byung ba dang/ skal mnyam mtshungs par ldan pa dang/ /kun tu 'gro dang rnam smin dang/ rgyu ni rnam pa drug tu 'dod/ /de la rang las gzhan pa byed rgyu'i rgyu/ /rang gi ngo bo ma gtogs pa chos thams cad ni chos 'dus byas kyi byed rgyu ste/ skye ba la gegs mi byed ba'i ngo bor gnas pa'i phyir ro// lhan cig 'byung gang phan tshun 'bras/ chos gang

  351. 176a

    dag phan tshun gyi 'bras bu yin pa de dag ni phan tshun lhan cig 'byung ba'i rgyu'o/ /dpe ji lta bu zhe na/ 'byung bzhin sems kyi rjes 'jug dang/ sems dang mtshan nyid mtshan gzhi bzhin/ /'byung ba chen po bzhi dag ni phan tshun lhan cig 'byung ba'i rgyu yin no/ /sems ni sems kyi rjes su 'jug pa'i chos rnams kyi yin la/ de dag kyang de'i 'o/ /'dus byas kyi mtshan nyid rnams ni mtshan gzhi'i yin la de yang de dag gi yin no// sems kyi rjes su 'jug pa'i chos dag kyang gang zhe na/ sems las byung dang/ sdom gnyis dang/ sems dang de dag gi mtshan nyid/ sems kyi rjes 'jug/ sems las byung ba thams cad dang/ bsam gtan gyi sdom pa dang/ zag pa med pa'i sdom pa dang/ de dag dang sems kyi skye ba la sogs pa gang yin pa'i chos de dag ni sems kyi rjes su 'jug pa zhes bya'o/ /de dag ji ltar sems kyi rjes su 'jug ce na/ mdor bsdu na/ dus dang ni 'bras sogs dge la sogs pas so/ /re zhig dus las ni/ sems dang lhan cig skye ba dang gnas pa dang 'gag pa gcig pa nyid dang/ dus gcig tu gtogs pa nyid kyis so/ /'bras bu la sogs pas ni 'bras bu dang/ rnam par smin pa dang/ rgyu mthun pa gcig pa nyid kyis te/ dge ba la sogs pas ni dge ba la sogs pa'i sems la dge ba la sogs pa nyid kyis so/ /lhan cig 'byung ba'i rgyu bshad zin to/ /skal mnyam rgyu ni 'dra ba'o// chos 'dra ba rnams ni chos 'dra ba rnams kyi skal ba mnyam pa'i rgyu ste/ 'di lta ste/ dge ba'i phung po lnga po dag ni dge ba rnams kyi yin no/ /de bzhin du nyon mongs can dang lung du ma bstan pa dag go /ci thams cad yin nam zhe na

  352. 176b

    ma yin te rang ris sa pa'o/ /ris ni lnga ste/ sdug bsngal mthong bas spang bar bya ba nas bsgom pas spang bar bya bar ro/ /sa ni dgu ste/ 'dod pa'i khams dang bsam gtan dang/ gzugs med pa brgyad do/ /'di dag ni rang gi ris dag dang rang gi sa pa yin te/ rang gi ris rnams kyi skal ba mnyam pa'i rgyu ste/ de dag kyang thams cad ma yin no// 'on kyang sngar skyes rnams/ sngar skyes pa rnams ni phyi ma skyes pa dang ma skyes pa rnams kyi skal ba mnyam pa'i rgyu yin no/ /ma 'ongs pa kho na skal ba mnyam pa'i rgyu yin no/ /skal ba mnyam pa'i rgyu ni rang gi sa pa yin no zhes bshad pa gang yin pa de ji ltar nges sam zhe na/ de zag pa dang bcas pa ni nges so/ /sa dgu'i lam ni phan tshun du skal ba mnyam pa'i rgyu yin no zhes bya bar skabs dang sbyar te/ mi lcogs pa med pa dang/ bsam gtan khyad par can dang/ bsam gtan bzhi dang/ gzugs med pa gsum dag gi lam gyi bden pa ni phan tshun skal ba mnyam pa'i rgyu yin no// 'di ni sa de dag tu glo bur du 'ongs pa yin la khams de dag tu gtogs pa ma yin te/ de yang mnyam dang khyad par can gyi yin/ /chung du'i rgyu ni ma yin no/ /ci lam kho na mnyam pa dang khyad par can dag gi skal pa mnyam pa'i rgyu yin nam zhe na/ smras pa/ ma yin te/ 'jig rten pa dag kyang/ sbyor byung de gnyis kho na'i yin/ /thos dang bsam byung la sogs pa/ /thos pa dang bsam pa dang / bsgoms pa las byung ba sbyor ba las byung ba'i yon tan de dag kyang mnyam pa dang khyad par can dag kho na'i rgyu yin gyi dman pa rnams kyi ni ma yin no/ /skal ba mnyam pa'i rgyu bshad zin to/ /mtshungs ldan rgyu ni semS dag

  353. 177a

    dang/ /sems byung rten mtshungs can rnams so/ /gang dag la rten mtshungs pa tha mi dad par yod pa'i sems dang sems las byung ba de dag ni phan tshun mtshungs par ldan pa'i rgyu yin no/ / kun 'gro zhes bya nyon mongs can/ /rnams kyi rang sar kun 'gro lnga/ /kun tu 'gro ba'i chos sngar skyes pa ni nyon mongs pa'i chos phyi ma rnams kyi kun tu 'gro ba'i rgyu yin no/ /da dag kyang 'og tu bshad par bya'o/ / 'di ni nyon mongs pa can gyi chos thun mong gi rgyu yin pas na/ skal pa mnyam pa'i rgyu logs shig tu rnam par bzhag ste/ ris gzhan dag gi yang rgyu yin pa'i phyir ro/ /kun tu 'gro ba'i rgyu bshad zin to/ /rnam smin rgyu ni mi dag dang/ /dge ba zag bcas rnams kho na/ /lung ma bstan pa ma yin te/ /stobs chung ba'i phyir sa bon rul pa bzhin no/ /zag pa med pa ma yin te/ sred pas mngon bar ma brlan pa'i phyir mngon par ma brlan pa'i sa bon drug po bzhin no/ /rgyu rnams bshad zin to/ /dus nges pa ma bshad pas de ba rjod ba/ kun 'gro bskal mnyam dus gnyis pa/ /'das pa dang da ltar byung pa kho na'o// gsum po dag ni dus gsum pa// lhan cig 'byung ba dang mtshungs par ldan pa rnams dang/ rnam par smin pa'i rgyu dag ni dus gsum pa yin no/ /rgyu de dag gang yin pa'i 'bras bu de dag gang zhe na/ 'dus byas bral bcas 'bras bu yin/ de lta na 'o na ni 'dus ma byas 'bras bu yin pa'i phyir de dag gi 'bras bu yin pa'i rgyur yang 'gyur la/ rgyu yin pa'i phyir de dag gi rgyu yin pa'i 'bras bur yang 'gyur ro/ /'dus byas kho na la rgyu dang 'bras bu yod kyi/ 'dus ma byas la

  354. 177b

    de dag med/ rgyu rnam pa drug mi srid ba'i phyir dang/ 'bras bu rnam pa lnga mi srid pa'i phyir ro/ /yang 'bras bu 'di dag las 'bras bu gang zhig rgyu gang gi yin zhe na/ rnam smin 'bras bu tha ma'i yin/ /rnam par smin pa'i rgyu ni rnam par smin ba'i 'bras bu'o/ /bdag pa'i 'bras bu dang po'i yin/ /byed rgyu'i rgyu ni bdag po'i 'bras bu'o/ /rgyu mthun skal mnyam kun 'gro ba'o/ /'di gnyis dang 'dra ba'i 'bras bu yin pa'i phyir rgyu mthun pa'i 'bras bu yin no/ / skyes bu pa ni gnyis kyi yin /skyes bu byed pa'i 'bras bu ni lhan cig 'byung ba dang mchungs par ldan pa'i rgyu ngag yin no/ /yang rnam par smin pa'i 'bras bu 'di ci yin/ bdag pa'i 'bras bu'i bar du yang ci zhig yin zhe na/ rnam smin lung du ma bstan chos/ /sems can brjod lung bstan phyis 'byung/ /ci'i phyir sems can du ston pa ma yin pa'i don las las skyes pa ma yin nam zhe na/ thun mong pa'i phyir ro/ /lung bstan phyis 'byung ba ni dge ba dang mi dge ba las 'byung ba'o/ /rgyu mthun rgyu dang 'dra ba'o/ /rgyu dang 'dra ba'i chos gang yin pa de ni rgyu mthun pa'i 'bras bu'o/ /bral ba blo yiS zad pa'o// so sor brtags pas 'gog pa ni bral pa'i 'bras bu'o// gang gi stobs kyis gang skye pa'o/ /'bras de skye bu'i byed las skyes/ /dper na sa 'og ma'i sbyor ba'i sems kyis sa gong ma'i ting nge 'dzin dang/ zag pa dang bcas pa'i zag pa med pa zhes bya ba la sogs pa'o// sngon byung ma yin 'dus byas ni// 'dus byas kho na'i bdag po'i 'bras// sngar byung ba las gzhan pa'i 'dus byas kyi chos ni 'dus byas thams cad kyi bdag po'i 'bras bu yin no/ /yang rgyu

  355. 178a

    'di dag las gang zhig dus gang du 'bras bu 'dzin tam 'byin ce na/ lnga po da lta 'bras bu 'dzin/ /yongs su bzung zin pa'i phyir 'das pa rnams kyang ma yin la/ /skyes bu byed pa med pa'i phyir ma 'ongs pa rnams kyang ma yin no/ /gnyis ni rab tu 'byin par byed/ lhan cig 'byung ba dang/ mtshungs par ldan pa'i rgyu dag ni da ltar 'bras bu 'byin bar byed do/ /da ltar gyi dang 'das pa dag/ gnyis kho na skal ba mnyam pa dang/ kun tu 'gro ba'i rgyu dag go/ da ltar ba dag kyang mjug thogs su sgrub pa'i phyir te/ de yang phyis 'das pa dag go/ gcig ni 'das pas 'byin par 'gyur/ 'di ltar lhan cig gam de ma thag tu rnam par smin pa'i 'bras bu ni med do/ /de la chos gang zhig rgyun du dag gcig gis skyed par byed ce na smras pa/ mdor bsdu na chos rnams ni rnam pa bzhi po dag yin te/ chos nyon mongs pa can rnams dang/ rnam par smin pa las skyes pa rnams dang/ zag pa med pa'i dang po rnams dang/ de dag gi lhag ma rnams ni rnam par smin pa las ma gtogs pa'i lung du ma bstan pa rnams dang/ zag pa med pa'i skad cig ma dang po ma gtogs pa'i dge ba rnams so/ /de dag ni nyon mongs can dang rnam smin skyes// lhag dang dang po 'phags rim bzhin/ /rnam smin kun 'gro de gnyis dang/ /skal mnyam ma gtogs lhag las skyes/ /chos nyon mongs pa rnams ni rnam par smin pa'i rgyu ma gtogs pa lhag ma rnams las skye'o/ /rnam par smin pa las skyes pa rnams ni kun 'gro'i rgyu ma gtogs

  356. 178b

    pa lhag rnams las so/ /chos lhag ma rnams ni rnam par smin pa dang /kun tu 'gro ba'i rgyu de dag ma gtogs pa lhag ma rnams las so/ /zag pa med pa'i dang po rnams ni de dag dang skal ba mnyam pa'i rgyu ma gtogs pa lhag ma rnams las skye'o/ /chos bstan pa gang dag gang yin snyam pa la/ sems dang sems las byung ba yin no/ /'o na gang dag sems dang ldan pa ma yin pa dang/ gzugs can gyi chos de dag ji lta bu zhe na/ mtshungs ldan ma? gtogs gzhan de bzhin/ mtshungs par ldan pa'i rgyu gcig pu ma gtogs pa chos nyon mongs pa can la sogs pa sems dang sems las byung ba rnams ji lta ba de kho na bzhin du ste/ rgyu rgya tshor bshad pa rdzogs so// // rkyen rnams gang zhe na/ rkyen ni bzhi po dag tu gsungs/ gang nas gsungs zhe na/ mdo las rkyen nyid ni bzhi ste zhes bya ba la sogs pa'o/ /de la rgyu zhes bya ba rgyu lnga yin/ byed rgyu'i rgya ma gtogs ba rgyu lnga ni rgyu'i rkyen yin no/ /sems dang sems byung skyes pa rnams// tha ma min mtshungs de ma thag/ dgra bcom pa'i tha ma ma gtogs pa sems dang sems las byung ba skyes pa rnams ni mtshungs pa de ma thag pa'i rkyen yin no/ /dmigs pa chos rnams thams cad do/ /ci rigs par mig gi rnam par shes pa la sogs pa rnams kyi ni gzugs la sogs pa'o/ /yid kyi rnam par shes ba'i ni chos thams cad do// byed rgyu zhes bya ba bdag por bshad/ byed pa'i rgyu gang yin pa de ni bdag po'i rkyen yin no// yang rkyen 'di dag bya ba byed pas na gnas skabs gang gi chos la byed ce na/ re zhig rgyu'i rkyen rnam pa sngar bshad pa de las/ rgyu gnyis po dag 'gag pa las/ bya ba byed do//

  357. 179a

    'gag pa zhes bya ba ni da ltar yin te/ 'gag pa la mngon du phyogs pa'i phyir ro// de la lhan cig 'byung ba dang mtshungs par ldan pa'i rgyu dag? byo? ba byed de/ de gnyis ni lhan cig 'byung ba'i bas? bu la bya ba byed ba'i phyir ro/ /gsum po ni skye la'o/ /zhes bya ba ni ma 'ongs pa ste/ skye pa la mngon du phyogs pa'i phyir ro/ /de la ni skal pa mnyam pa dang/ kun tu 'gro ba dang/ rnam par smin pa'i rgyu rnams bya ba byed de/ rgyu'i rkyen ni de tsam zhig yin no/ /de las gzhan pa yi/ rkyen dag de las bzlog pa yin no/ /mtshungs pa de ma thag pa'i rkyen ni skabs 'byed pa'i phyir skye ba la bya ba byed do/ /dmigs pa'i rkyen ni da ltar gyi sems dang sems las byung ba rnams kyis 'dzin pa'i phyir 'gag ba la bya ba byed do// bdag po'i rkyen ni gnas skabs thams cad du mi sgrib pa'i ngo bor gnas pas 'di'i bya ba ni de nyid yin no/ /rkyen rnam byed pa dang bcas pa bshad zin to yang chos gang zhig rkyen du zhig gis bskyed ce na/ bzhi yis sems dang sems byung rnams// sems dang sems las byung ba rnams ni ci rigS par rkyen bzhi pos bskyed do/ /gsum gyis snyoms par 'jug pa gnyis/ dmigs pa'i rkyen ma gtogs pa snyoms par 'jug pa 'di dag ni sems kyi mngon par 'du byed pa las skye ba'i phyir sems kyi de ma thag pa can dag yin no// gzhan ni gnyis po dag las skyes/ /chos gzhan ldan pa ma yin pa rnams dang/ gzugs can rnams ni rgyu dang/ bdag po'i rkyen dag las skye'o/ /rgyu dang rkyen dag kho na las chos thams cad kyang skye'i/ dbang phyug sogs min rim sogs phyir/ dbang phyug la sogs pa gcig kho na rgyu yin

  358. 179b

    na 'gro ba thams cad cig car 'byung ba zhig na dngos po rnams rim gyis 'byung bar yang snang ngo/ /dbang phyug dag kyang thog ma med pas kyang gzhan la ma bltos pas 'byin pa thog ma med par 'gyur ba dang/ 'byin pa la dgos pa med pa'i phyir dbang phyug la sogs pa ni rgyu ma yin no/ /yang gzhan ni gnyis po dag las skyes zhes gang bshad pa de ji ltar 'byung ba rnams 'byung ba rnams kyi rgyu'i rkyen yin zhe na/ de'i rgyu 'byung ba rnam pa gnyis/ 'byung pa'i rgyu zhes bya ba'i tha tshig go/ skal ba mnyam pa dang/ lhan cig 'byung pa'i rgyu dag gis so/ /'byung las gyur pa'i rnam pa lnga/ 'byung ba rnams 'byung ba las gyur pa'i rgyu rnam pa lnga yin te/ bskyed pa'i rgyu yin te/ de laS skye ba'i phyir ro/ /brten pa'i rgyu yin te/ skyes pa 'byung ba'i rjes su mthun par byed pa'i phyir ro/ /gnas pa'i rgyu yin te/ rten du gyur pa'i phyir ro/ /rton pa'i rgyu yin te/ rgyun mi 'chad pa'i rgyu yin pa'i phyir ro/ /nye bar 'phel ba'i rgyu yin te/ de ni byed rgyu kho na rnam pa lnga ru phye ba'o/ /'byung 'gyur rnam gsum phan tshun du/ /lhan cig 'byung ba dang/ skal pa mnyam pa dang/ rnam par smin pa'i rgyu dag gis so/ /de la lhan cig 'byung ba'i rgyu ni lus dang ngag giS las sems kyi rjes su 'jug pa phan tshun du yin gyi gzhan ni ma yin no/ /skal pa mnyam pa'i rgyu ni sngar gyur pa thams cad skal pa mnyam pa'i 'o/ /rnam par smin pa'i rgyu ni lus dang ngag gi las gang gi rnam par smin pa mig la sogs pa gang yin pa'o// 'byung pa rnams kyi de rnams gcig/ 'byung ba las gyur pa'i gzugs 'byung ba rnams kyi ni rnam par smin pa'i rgyu kho na yin te/ lus dang ngag gi las gang gis

  359. 180a

    'byung ba rnams rnam par smin pa'o/ /sems dang sems las byung ba rnams bye brag med par mtshungs pa de ma thag pa'i rkyen du bshad kyi sems gang gi mjug thogs su bshad? de 'byung ba ma bshad bas de brjod pa/ mdor bsdu na sems bcu gnyis po 'di lta ste/ 'dod yid dge dang mi dge dang/ /bsgribs pa de ni ma bsgribs pa/ /'dod pa'i khams na sems bzhi ste/ dge pa dang mi dge ba dang/ bsgribS la lung du ma bstan pa dang/ ma bsgribs la lung du ma bstan pa'o/ /gzugs dang gzugs med pa dag na/ /mi dag las gzhan/ bcu po de dag ni zag pa dang bcas pa'i sems yin no/ /zag med gnyis slob pa dang mi slob pa ste/ de ltar ni de dag ni sems bcu gnyis yin no/ /de la 'dod sems dge ba las sems dgu/ mjug thogs su zhes 'og nas 'chad par 'gyur ro/ /'di lta ste/ rang gi sa pa bzhi dang/ gzugs na spyod pa gnyis dang/ snyoms par 'jug pa'i tshe dge ba dang/ nying mtshams sbyor bI tshe bsgribs pa'o/ /gzugs med pa na spyod pa ni bsgribs pa kho na'o/ /slob ba dang mi slob pa zhes so/ /de ni brgyad po kho na las / 'dod pa na spyod pa'i dge ba'i sems de yang ni brgyad kyi mjug thogs su 'byung ste/ rang gi sa pa bzhi dang/ gzugs na spyod pa gnyis las te/ ldang ba'i tshe dge ba dang/ nyon mongs pa can gyi snyoms par 'jug pas gzir ba'i tshe sa 'og ma'i dge ba la brten pa'i phyir bsgribs pa dang/ ldang ba'i tshe slob pa dang mi slob pa dag las so/ /mi dge ba ni bcu dag las/ slob pa dang mi slob pa ma gtogs pa'o/ /de las bzhi ste/

  360. 180b

    rang gi sa pa dag kho na'o/ /ji ltar 'dod pa'i khams kyi mi dge? ba'i sems kyi bshad pa/ bsgribs de bzhin/ mi dge ba ji lta ba bzhin no/ /ma bsgribs pa ni lnga dag las/ ma bsgribs la lung du ma bstan pa'i sems ni lnga laS te/ rang gi sa pa bzhi dang/ gzugs na spyod pa'i dge ba las sprul pa'i sems so/ /de las mjug thogs sems bdun no/ /rang gi bzhi dang/ gzugS na spyod pa gnyis ste/ sprul pa'i sems kyi mjug thogs su dge ba dang/ nyid mtshams sbyor ba'i tshe nyon mongs pa can dang/ de bzhin du gzugs med pa na spyod pa'i nyon mongs pa can no/ /gzugs na dge las bcu gcig go/ gzugs med pa na spyod pa ma bsgribs la lung du ma bstan pa ma gtoD pa'o/ /de ni dgu yi mjug thogs su// 'dod pa na spyod pa'i nyon mongs pa can gnyis dang/ gzugs med pa na spyod pa'i ma bsgribs la lung du ma bstan pa ma gtogs so/ /bsgribs pa brgyad las/ 'dod pa na spyod pa'i nyon mongs pa can gnyis dang/ slob pa dang mi slob pa gnyis ma gtogs so// de la drug/ bsgribs pa las rang gi sa pa gsum dang/ 'dod pa na spyod ma bsgribs la lung du ma bstan pa ma gtogs so/ /ma bsgribs pa ni gsum las so/ /ma bsgribs pa ni rang gi sa pa dag kho na las so/ /de las drug ste/ rang gi sa pa gsum pa dang/ 'dod pa na spyod pa'i nyon mongs pa can dag dang/ gzugs med pa na spyod pa yang ngo/ /gzugs kyi khams kyi ma bsgribs la lung du ma bstan pa ji skad bshad pa ltar/ gzugs med pa'ang/ de'i tshul lo/ /de na yod pa'i yang rang gi sa pa gsum kho na las 'byung la/ de las kyang rang gi sa pa gsum po dang/ sa 'og ma pa'i nyon mongs pa can

  361. 181a

    rnams dang drug 'byung ngo/ /dge ba las sems dgu dag go/ gzugs med pa na spyod pa'i dge ba'i sems las ni dgu 'byung ste/ 'dod pa na spyod pa'i dge ba dang/ 'dod pa dang gzugs ni spyod pa'i ma bsgribs la lung du ma bstan pa dag ma gtogs so/ /de drug gi rang gi sa pa gsum dang/ gzugs na spyod pa'i dge ba dang/ slob pa dang mi slob bdag las so/ /bsgribs pa la bdun/ rang gis pa gsum dang/ gzugs na spyod pa'i dge ba dang/ bsgribs pa dang/ 'dod pa na spyod pa'i nyon mongs pa can gnyis so/ /de de bzhin de yang bdun kho na las 'byung ste/ 'dod pa dang gzugs na spyod pa'i nyon mongs pa can rnams dang/ slob pa dang mi slob pa dag ma gtogs so/ /slob pa bzhi las khams gsum pa'i dge ba dang slob pa las so/ /de las lnga bzhi po de dag nyid dang/ mi slob pa'o/ /mi slob pa ni lnga las so/ /bshad ma thag pa'i lnga po de nyid las/ /de las sems ni bzhi dag ge/ khams gsum pa'i dge ba dang/ mi slob pa'o// sems bcu gnyis so// yang bcu gnyis de dag nyi shur yang bshad de/ gsum du skyes nas thob pa dang/ sbyor byung de rnams gnyis phye nas/ khams gsum pa dag tu skyes nas thob pa dang/ sbyor ba las byung ba'i dge ba'i sems rnam pa gnyis su dbye'o// rnam smin skyes dang spyod lam pa// bzo'i gnas dang sprul pa dang/ 'dod na lung bstan min rnam bzhi/ /gzung na bzo ma gtogs pa'o/ /gzugs kyi khams na bzo'i gnas ma gtogs te/ de na bzo med pa'i phyir ro/ /de ltar bcu gnyis pa de dag nyi shur 'gyur ro/ /yang sems nyi shu po 'di dag las gang gi mjug thogs su gang

  362. 181b

    zhig 'byung ba de brjod de/ 'dod na sbyor ba'i sems las bcu/ /mngon par shes pa'i 'bras bu ma gtogs pa rang gi sa pa bdun dang/ gzugs na spyod pa'i sbyor ba las byung ba dang/ slob pa dang/ mi slob pa'o/ /de yang brgyad kyi mjug thogs su rang gi dge ba dang/ nyon mongs pa can dag dang/ gzugs na spyod pa'i sbyor ba las 'byung ba dang/ nyon mongs pa can dag dang/ slob pa dang mi slob pa dag las so/ /skyes nas thob pa'i mjug thogs dgu /mngon par shes pa'i 'bras bu ma gtogs pa rang gi sa pa bdun dang/ gzugs dang gzugs med pa na spyod pa'i nyon mongs pa can dag go/ de yang bcu gcig mjug thogs su/ /bcu gcig gi mjug thogs su 'byung/ zhes bya pa'i don to/ /snga ma bzhin du rang gi sa pa bdun dang/ gzugs na spyod pa'i sbyor ba las byung ba dang/ nyon mongs pa can dag dang/ slob pa dang mi slob pa dag las so/ /nyon mongs pa can sems gnyis las bdun/ snga ma bzhin du rang gi dag kho na'o/ /de dag bcu bzhi'i sems mjug thogs// rang gi sa pa bdun dang/ sbyod ba las byung ba dang/ mngon par shes pa'i 'bras bu ma gtogs pa gzugs na spyod pa bzhi dang/ sbyor ba las byung ba ma gtoD pa gzugs med pa na spyod pa gsum las so/ /spyod lam rnam smin skyes kyis brgyad/ /sbyor ba las byung ba dang/ mngon par shes pa'i 'bras bu dag ma gtogs pa rang gis drug dang/ gzugs dang/ gzugs med pa na spyod pa'i nyon mongs pa can dag go/ de dag bdun po nyid las so/ /sngar bzhin du rang gi sa bdun kho na las so/ /bzo'i gnas las drug/ sbyor ba las byung ba dang/ mngon par shes pa'i 'bras bu dag ma gtogs pa rang gi rnams kho na'o//

  363. 182a

    de yang bdun las mngon par shes pa'i 'bras bu ma gtogs pa rang gi dag kho na las so/ /sbrul sems phyi nas gnyis/ mngon par shes pa'i 'bras bu rang nyid dang/ /gzugs na spyod pa'i sbyor ba las byung ba'o/ /de yang gnyis las byung/ de kho na las so/ /'dod pa las skyes pa brgyad po dag go/ /gzugs gtogs brjod/ sbyor ba las byung ba bcu gnyis/ 'dod pa na spyod pa'i dge ba dag dang/ mngon par shes ba'i 'bras bu dang/ rang gi drug dang/ gzugs med pa'i sbyor ba las byung ba dang/ slob pa dang mi slob pa'o/ /de yang sems bcu 'jug thogs su/ 'dod pa na spyod pa'i sbyor ba las byung ba dang/ mngon par shes pa'i 'bras bu dag dang/ spyod lam pa dang/ rnam par smin pa las skyes pa dag ma gtogs pa rang gi bzhi dang/ gzugs med pa na spyod pa'i sbyor ba las byung ba dang/ nyon mongs pa can dag dang/ slob pa dang mi slob pa dag las so/ /skyes nas thob pa'i mjug thogs brgyad/ /'dod pa na spyod pa'i nyon mongs pa can dag dang/ mngon par shes pa'i 'bras bu ma gtogs pa rang gi lnga dang/ gzugs med pa na spyod pa'i nyon mongs pa can no// de ni lnga las mjug thogs su mngon par shes pa'i 'bras bu ma gtogs pa rang gi ngag kho na las so// bsgribs las dgu/ 'dod pa na spyod pa'i dge ba dang/ nyon mongs pa can dag ste/ bzhi dang mngon par shes pa'i 'bras bu ma gtogs pa rang gi lnga'o/ /de yang sems ni bcu gcig las/ /'dod pa na spyod pa'i skyes nas thob pa dang/ spyod lam pa dang/ rnam par smin pa skyes pa dag dang/ mngon par shes pa'i 'bras bu ma

  364. 182b

    gtogs pa rang gi lnga dang/ sbyor ba las byung ba ma gtogs pa gzugs med pa na spyod pa gsum las so/ /rnam smin skyes dang spyod lam las bdun no/ /'dod pa na spyod pa'i nyon mongs pa can dag dang/ sbyor ba las byung ba dang/ mngon par shes pa'i 'bras bu ma gtogs pa rang gi bzhi dang/ gzugs med pa na spyod pa'i nyon mongs pa can no/ /de dag lnga nyid las/ mngon par shes pa'i 'bras bu ma gtogs pa rang gi ngag kho na las so/ /sprul sems las gnyis/ rang gi sbyor ba las byung ba dang/ mngon par shes pa'i 'bras bu dag kho na'o// de gnyis las de kho na las so// gzugs su gtogs pa bshad nas/ gzugs med par gtogs pa brjod/ gzugs med gtogs pa'i mjug thogs su/ /sbyor ba las gyur sems bdun no/ /gzugs na spyod pa'i sbyor ba las byung ba dang/ rang gi bzhi dang/ slob pa dang/ mi slob pa'o// de drug las gzugs na spyod pa'i sbyor ba las byung ba dang/ rnam par smin pa las skyes ba ma gtogs pa rang gi gsum dang/ slob pa dang mi slob pa dag las so// skyes nas thob pa'i/ mjug thogs su ni sems bdun te/ rang gi bzhi dang sa 'og ma'i nyon mongs pa can dag go/ de yang bzhi las rang gi dag kho na las so// bsgribs las brgyad/ rang gi bzhi dang/ gzugs na spyod pa'i sbyor ba laS byung ba dang/ nyon mongs pa can dag dang/ 'dod pa na spyod pa'i nyon mongs pa can dag go/ de yang bcu'i mjug thogs su / rang gi bzhi dang/ 'dod pa dang gzugs na spyod pa'i skyes nas thob pa dang/ spyod lam pa dang/ rnam par smin pa las skyes pa dag las so// rnam smin skyes las drug/ sbyor ba las byung ba ma gtogs pa rang gi gsum dang/

  365. 183a

    'og ma'i nyon mongs pa can gsum mo/ /bzhi las de yang rang gi dag kho na las so/ /slob pa'i mjug thogs drug khams gsum pa'i sbyor ba las byung ba rnams dang/ 'dod pa na spyod pa'i skyes nas thob pa dang/ slob pa dang mi slob pa'o/ /de yang bzhi las/ sbyor ba las byung ba gsum dang/ slob pa las so/ /mi slob pa las ni lnga ste/ slob pa'i gcig pu ma gtogs pa slob pa'i mjug thogs su lnga po ji lta ba bzhin no/ /de yang de nyid las mi slob pa'i lnga kho na las te/ sbyor ba las byung ba gsum dang/ slob pa dang mi slob pa dag las so/ /ci'i phyir sbyor ba las byung ba'i sems kyi mjug thogs su ni rnam par smin pa las skyes pa dang/ spyod lam pa dang/ bzo'i gnas pa'i sems dag 'byung la/ sbyor ba las byung ba ni de dag las ma yin zhe na/ mngon par 'du byed zhugs pa'i phyir/ /stobs chung phyir dang 'bad med phyir/ /sbyor ba las byung rjes mthun min/ /de'i phyir de yi mjug thogs min/ /de la gsum ste/ 'byung ba'i sems kyang mngon par 'du bya ba med pas sbyor ba las byung ba'i mjug thogs su dngos po'i don du rab tu skye'o/ /de lta na 'o na ni nyon mongs pa can dag las kyang sbyor ba laS 'byung bar mi 'gyur te/ mi mthun pa'i phyir ro// nyon mongs pa can las mi mthun kyang/ nyon mongs kun 'byung yongs shes phyir// sbyor ba las byung kun tu 'byung// mngon par sbyor pa la rigs so// de la'ang slob dang mi slob sbyor byung dang/ gzugs gtogs las ni 'dod spyod pa// de las de ni 'bad med min// gzugs med spyod pa'i nyon mongs las// gzugs spyod skyes nas

  366. 183b

    thob mi 'gyur/ /gzugs spyod nyon mongs can las ni/ /'dod gtogs mi gsal gsal phyir ro/ /tshig le'ur byas pa 'di dag kyang 'grel pa kho na bsdus pa yin pas rnam par phye'o?/ /gang dag sems bcu gnyis bshad pa de dag las/ sems gang la du zhig rnyed ce na/ khams gsum pa yi nyon mongs can/ drug dang drug dang gnyis rnyed do/ /'dod pa na spyod pa'i nyon mongs pa can gyi sems mngon du gyur na sems drug rnyed do/ /the tshom gyis dge ba'i rtsa ba'i nyid mtshams sbyor ba dang/ khams su slar ldog pa'i phyir ro/ /khams su slar ldog pa dang/ dngos su nyams pa las mi dge ba dang/ bsgribs la lung du ma bstan pa dag dang/ gzugs na spyod pa'i nyon mongs pa can dang/ yongs su nyams na gzugs med na spyod pa'i nyon mongs can dang/ slob pa'o/ /gzugs na spyod pa'i nyon mongs pa can la yang drug rnyed de/ khams su slar ldog pa las gzugs na spyod pa gsum dang/ 'dod pa na spyod pa'i ma bsgribs la lung du ma bstan pa dang/ yongs su nyams pa las gzugs med pa'i nyon mongs pa can dang/ slob pa'o/ /gzugs med pa na spyod pa'i nyon mongs pa can la ni gnyis rnyed de/ yongs su nyams pa las nyon mongs pa can de nyid dang/ slob pa'o/ /gzugs skyes dge la gsum dag go/ dge ba de nyid dang/ 'dod pa dang/ gzugs na spyod pa'i ma bsgribs la lung du ma bstan pa dag go/ slob pa la bzhi slob pa de nyid dang/ 'dod pa dang gzugs na spyod pa'i ma bsgribs la lung du ma bstan pa dag dang/ gzugs med pa'i dge ba'o// 'phags pa'i lam gyis 'dod pa dang gzugs kyi khams las 'dod

  367. 184a

    chags dang bral bar byed pa na'o/ /lhag la de/ sems gang la rnyed pa ma bshad pa de la ni de nyid rnyed par blta bar bya'o/ /bsdu ba'i tshigs su bcad pa ni/ skye dang snyoms par 'jug pa dang/ /'dod chags bral dang yongs nyams dang/ /dge pa'i nyid mtshams sbyor pa'i tshe/ /sems de ldan pa min las snyed ces bya'o/ /dbang po bstan pa zhes bya ba mdzod kyi gnas gnyis pa'o// // khams gsum gyi dbye bas sems la sogs pa rnams kyi dbye ba bshad nas de nyid ma bshad pas de brjod bar bya ste/ dmyal ba yi dags dud 'gro dang/ /mi rnams dang ni lha drug dag/ 'dod pa'i khamS yin/ 'gro ba bzhi dang/ lha'i ris drug po 'di lta ste/ rgyal chen bzhi pa rnams dang/ sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams te/ 'di rnams ni 'dod pa'i khams yin no/ /dmyal ba dang/ gling dbye ba las de nyi shu/ gnas rnams zhes bya ba tshig lhag ma'o/ /dmyal ba chen po brgyad de/ yang sos dang/ thig nag dang/ bsdus 'joms dang/ du 'bod dang/ du 'bod chen po dang/ tsha ba dang/ rab tu tsha ba dang/ mnar med pa dang/ gling bzhi dang/ yi dags dang/ dud 'gro zhes bya ba gnas nyi shu pa 'di dag 'dod pa'i khams so/ /'dod pa'i khams 'di'i/ gong ma'i gnas dag bcu bdun ni/ /gzugs khams yin ji ltar yin gya nom snang rnams dang/ shin tu mthong rnams dang/ 'og min

  368. 184b

    ni brgyad pa yin/ zhes bya ba smos te/ de la bsam gtan dang po na ni tshangs ris rnams dang/ tshangs pa'i 'dun na 'don rnams dang/ tshangs chen rnams so/ /gnyis pa na ni 'od chung rnams dang/ tshad med 'od rnams dang/ 'od gsal rnamS so/ gsum pa na ni dge chung rnams dang/ tshad med dge rnams dang/ dge rgyas rnams so/ /bzhi pa na ni sprin med 'od rnams dang/ bsod nams skyes rnams dang/ 'bras bu che rnams dang/ mi che ba rnams dang/ mi gdung ba rnamS dang/ gya nom snang rnams dang/ shin tu mthong rnams dang/ 'og min rnams zhes bya ba gnas bcu bdun bo 'di dag ni gzugs kyi khams so/ /gzugs med khams na gnas med do/ /skye ba las ni rnam pa bzhi/ /'di lta ste nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched do/ /der ni ris dang srog la yang/ /sems kyi rgyud ni rten pa yin/ /khams gsum bshad pa gang yin pa/ der ni dmyal sogs 'gro ba lnga/ /rang gi ming gis bstan de dag/ gang gis na de khams gsum dag tu zhes bya ba la/ ci 'gro ba la ma gtogs pa'i khams dag cig yod dam zhe na/ yod de khams rnamS ni dge ba dang/ nyon mongs pa can dang/ snod dang srid pa bar ma pa'i rang bzhin dag kyang yin no/ /yang 'gro ba lnga po dag gang yin pa de dag nyon mong pa can min lung bstan min/ sems can shes bya bar srid min/ 'gro ba lnga ni ma bsgribs la lung du mi bstan pa nyid do// de lta ma yin na 'gro ba 'tshol bar 'gyur ro/ /sems can zhes bya ba yin yang srid pa bar ma'i rang bzhin ma yin no// 'gro ba lnga pa'i khams gsum 'di nyid du/ /lus dang 'du shes

  369. 185a

    tha dad dang /lus tha dad cing 'du shes gcig/ bzlog dang lus dang 'du shes gcig/ gzugs can ma yin gsum po dag/ rnam shes gnas pa bdun/ rim pa bzhin du rig par bya'o/ /mdo las sems can lus tha dad cing 'du shes tha dad pa dag kyang yod de /'di lta ste mi rnams dang lha kha cig go/ de yang 'dod pa na spyod pa rnams dang /bsam gtan dang po pa dang por byung ba ma gtogs pa rnams so/ /sems can gzugS can lus tha cad cing 'du shes gcig pa dag kyang yod de/ tshangs ris kyi lha gang dag dang por byung ba de dag go/ de dag thams cad ni 'di snyam du bdag cag ni tshangs pa 'dis phyung ngo snyam du shes par 'gyur la/ tshangs pa yang 'di dag ni bdag gis phyung ngo snyam du'o/ /sems can gzugs can lus gcig cing 'du shes tha dad pa dag kyang yod de /'di lta ste/ 'od gsal gyi lha rnams so/ /'dir ni mdza' smos pas bsam gtan gnyis pa tha dag smos par rig par bya'o// sems can gzugs can lus gcig cing 'du shes gcig pa dag kyang yod de/ 'di lta ste/ dge rgyas kyi lha rnams so// 'du shes gcig pa dag ces bya ba ni bde bar 'du shes pa dag go / de la bsam gtan dang po ni nyon mongs pa can kyi 'du shes su 'du shes gcig pa dag yin no// gnyis pa na ni dge bas 'du shes tha dad pa dag yin no/ /gsum pa ni rnam par smin ba las byung bas 'du shes gcig pa dag yin no// gzugs med pa gsum po ni mdo las ji skad du 'byung ba ste/ de ltar na de dag ni rnam shes gnas pa bdun yin no/ /ci'i phyir lhag ma rnam par shes pa ma yin zhe na /'di ltar lhag ma de 'joms byed

  370. 185b

    ldan/ lhag ma gang zhig ce na/ ngan 'gro rnams dang/ bsam gtan bzhi pa dang /srid pa'i rtse mo'o// 'di dag na rnam par shes pa 'joms par byed pa dag yod pa'i phyir ro// de la ngan song na ni 'joms par byed pa sdug bsngal gyi tshor? ba'o// bsam gtan bzhi pa na ni 'du shes med pa pa'o/ /srid pa'i rtse mo na ni 'gog pa'i snyoms par 'jug pa'o/ /rnam par shes pa gnas pa bdun po ji skad bshad pa de dag dang/ srid rtse dang /'du shes med pa'i sems can rnams// sems can gyi ni gnas dgur bshad/ /'di dag tu sems can rnams rang dga' bas kun tu gnas so// mi 'dod bzhin gnas phyir gzhan min no/ /ngan song dag tu ni sems can rnams mi 'dod bzhin du las kyi srin pos kun tu gnas su 'jug go/ mdo gzhan las ni rnam par shes pa gnas pa bdun zhes gsungs so/ gzhan las ni gnas pa dag ni yang bzhi ste/ rnam par shes pa gzugs su nye bar 'gro ba dang /tshor bar nye bar 'gro ba dang? 'du shes su nye bar 'gro ba dang /'du byed du nye bar 'gro ba'o/ /de dag gi rang bzhin ci zhe na/ zag dang bcas pa'i phung po bzhi/ /de dag kyang rang gi sa pa nyid/ sa gzhan du ni ma yin no/ /ci'i phyir zhe na /gnas pa ni brten pa yin na skal ba mi mnyam pa'i sa phung po dag ni rnam par shes pa sred pa'i dbang gis mi rten pa'i phyir ro/ /ci'i phyir rnam par shes pa la rnam par shes pa zhes mi bya zhe na /dper na rnam par shes pa gnas pa bdun bzhin no/ /bdun la rigs te/ de la bye brag med par ni skye ba'i skye mched kyis bsdus pa'i phung po dag la mngon par dga' ba dang bcas pa'i rnam par shes pa 'jug rnam par shes pa la rnam par shes pa gnas pa zhes bya'o// so sor dbye na ni ji ltar gzugs

  371. 186a

    la sogs pa kun nas nyon mongs par byed pa yin pa ltar/ rnam par shes pa 'ba' zhig ni de lta ma yin te/ de lta bas na rnam par shes pa gnas pa bzhi dag tu /rnam shes 'ba' zhig gnas par ma bshad do/ /yang ci rnam par shes pa gnas pa bdun gyi bzhi bsdus sam/ 'on te bzhis bdun bsdus zhe na/ bdun gyis bzhi yang ma yin la/ bzhi sa kyang bdun ma yin no/ /bsdu na mu ni bzhi yin no// bdun gyis bsdus la bzhis ma yin pa yang yod do zhes bya ba de lta bu la sogs pa ste/ mu dang po ni bdun dag tu rnam par shes pa gang yin pa'o// gnyis pa ni ngan song rnams dang/ bsam gtan bzhi pa rnams dang/ srid pa'i rtse mo na rnam par shes pa ma gtogs pa'i phung po rnams so// gsum pa ni bdun dag tu phung po bzhi rnams so// bzhi pa ni ngan song dag gi rnam par shes pa'o/ 'gro ba la sogs pa'i bye brag gis tha dad pa'i khams gsum bshad ba gang yin pa/ der ni sgo nga las skyes sogs/ /sems can skye gnas bzhi dag tu// rig par bya ste/ sgo nga las skyes pa'i dang/ mngal las skyes pa'i dang /drod gsher las skyes pa'i dang /brdzus te skyes pa'i skye gnas so/ /'dir sems can rnams 'tshol bar 'gyur zhing skye ba thun mong ba'i phyir 'dri bar 'gyur bas skye gnas so// yang 'gro ba gang na skye gnas du zhig yod ce na/ smras pa mi dang dud 'gro rnam pa bzhi// dmyal ba rnams dang lha rnams dang/ /srid pa bar ma brdzus te skye// mi dang dud 'gro dag rnam pa bzhi ci rigs par brjod par bya'o/ /dmyal ba dang/ srid pa bar ma dang/ lha thams cad brdzus te skye'o/ /yi dags

  372. 186b

    mngal nas skyes pa'ang yin no/ brdzus te skye ba dag yang yin no/ /srid pa bar ma zhes bya ba de ci zhe na/ 'dir gang skye dang 'chi ba yi/ /srid pa'i bar du 'byung ba'o/ /'gro ba'i bar ma yin pa'i phyir srid pa'i bar ma'o/ /ji ltar ma 'di skyes pa yang yin la/ byung ba yang ma yin zhe na/ bgrod pa'i yul du ma phyin phyir/ /srid pa bar ma byung ba min/ son pa ni byung ba yin na 'di bgrod bar bya ba'i yul du son pa ma yin te/ de lta bas na byung ba ma yin no/ /'chi ba'i srid ba chad pa kho na las skye ba'i srid pa 'byung ngo zhes kha cig go/ de yang 'bru yi rgyun dang chos mthun phyir/ /srid pa chad las 'byung ba min rgyun gyi 'jug pa'i chos rnams ni rgyun mi 'chad par yul gzhan dag tu 'byung bar mthong ste/ dper na 'byung ba'i rgyun lta bu'o/ /chad nas 'byung ba yang mthong ste/ dper na me long la sogs pa dag gi nang du gzugs las gzugs brnyan lta bu'o zhes zer ro/ /gzugs brnyan grub phyir ba dang/ /mi 'dra'i phyir na dpe ma yin// gzugs brnyan zhes bya ba gzhan kho na zhig 'byung ngo zhes bya ba de ni ma grub ste/ grub tu zin yang mi 'dra ba'i phyir dpe ma yin no// 'o na ji ltar ma grub ce na/ gcig na lhan cig gnyis med phyir/ /yul de nyid na me long gi gzugs kyang snang /gzugs brnyan kyang snang ste/ rten gyi 'byung ba tha dad pa'i phyir/ yul gcig tu gzugs gnyis lhan cig 'byung ba ni med do/ /re zhig ma grub pa'i phyir te de lta bu yin no/ /ji ltar mi 'dra zhe na/ rgyun min phyir /ji lta 'chi ba'i srid pa'i skye pa'i srid pa lta bur gzugs brnyan ni gzugs kyi rgyun du gyur pa ma yin te/ me long gi rgyu dang 'brel pa'i phyir dang/ lan cig 'byung ba'i phyir ro/ /rgyun la rgyun mi 'chad par 'byung bar brjod pa'i phyir dang? mi

  373. 187a

    'dra ba yin no/ /gzugs brnyan ni gnyis las 'byung phyir/ gzugs brnyan gyi gzugs dang me long gnyis las 'byung bar 'gyur te/ skye ba'i srid pa yang 'chi ba'i srid pa dang gzhan la ni mi 'byung bas mi 'dra'o// de bas na srid pa bar ma ni yod do// mgur nas gsungs phyir yod/ /mdo las srid ba ni bdun te/ dmyal ba'i srid pa dang/ dud 'gro'i srid pa dang/ yi dags kyi srid pa dang/ lha'i srid pa dang /mi'i srid pa dang /las kyi srid pa dang/ srid pa bar ma'o zhes gsungs so// dri za gnas gsum mngon du gyur pas ma'i mngal du bu 'chags par 'gyur te/ ma rung zhing zla mtshan dang ldan pa dang/ pha ma la chags par gyur cing phrad pa dang/ dri za yang nye bar gnas par gyur na'o/ /srid pa bar ma ma gtags pa dri za gang zhig yin/ de'i phyir par me'i srid ba ni yod do/ /lngar gsungs pa bar mdor yongs su mya ngan las 'da' ba la sogs pa phyir mi 'ong ba sngar gsungs la/ srid pa bar ma med na ji ltar bar ma dor yongs su mya ngan las 'das pa 'byung ba de'i phyir yang yod do// 'di las kyang 'gro ba'i mdo sde las/ skyes bu dam pa'i 'gro ba bdun zhes bya ba'i mdo las dus dang yul gyi khyad par gyi bye brag bar mdor yongs su mya ngan las 'da' ba gsum du bshad de/ dper na lcags kyi tsha tsha bzhin no zhes bya ba de'i phyir yang yod do/ /yang 'gro ba gang du 'gro bar 'gyur ba'i srid pa bar ma'i sha? tshugs ji lta bu zhig mngon par 'grub ce na/ de ni 'phen pa gcig pa'i phyir// sngon dus srid 'byung sha tshugs can las gang gis 'gro ba 'phen pa de nyid kyis der phyin par bya ba'i phyir srid pa bar ma yang 'phen te /de'i

  374. 187b

    phyir de ni 'gro ba gang du 'gro ba 'gyur ba der dus snga ma'i srid pa 'byung bar 'gyur ba de'i sha tshugs lta bur 'gyur ro/ /yang srid pa snga ma zhes bya ba 'di gang yin zhe na/ de ni 'chi ba'i snga rol te/ /skye ba'i skad cig phan? chad do/ / skye ba'i skad cig phan chad nas 'chi ba'i skad cig ma gtogs pa ni snga ma'i srid pa yin no// srid pa bar ma de yang/ ris mthun lha mig dag pas mthong// srid pa bar ma ris mthun pa dag kho nas mthong ngo/ /gang dag la lha'i mig rnam par dag pa mngon par shes pa las byung ba de dag gis kyang 'di mthong ngo/ /las kyi rdzu 'phrul shugs dang ldan// rdzu 'phrul ni nam mkha' la 'gro'o/ /las kyi rdzu 'phrul byed pas na las kyi rdzu 'phrul lo/ /de'i shugs ni las kyi rdzu 'phrul gyi shugs te mgyogs pa nyid do// de 'di las yod pas na las kyi rdzu 'phrul gyi shugs dang ldan pa'o// dbang po kun tshang/ dbang po lnga char tshang ba'o// thogs med ldan/ 'di la gang du yang thogs pa med pa'o/ /mi zlogS/ srid pa bar mdor? nas lha'i srid pa bar ma 'am/ gzhan du 'gyur ba ni mi srid do// khams kyi zas kyis gnas pa yin yang rags pa ni mi za ste/ 'on kyang de ni dri za'o// de ni dri za ba zhes bya ba'i don to/ /yang 'gro ba'i yul du phyin par bya ba'i phyir 'byung ba'i srid pa bar ma de ni blo ni phyin ci log gyur pas// rtse dags 'gro ba'i yul du 'gro/ de ni las kyi mthu las byung ba'i mig gis rang gi skye ba'i yul thag ring po na 'dug kyang mthong ngo/ /nges de na pha ma nyal po byed pa de mthong nas pho zhig yin na ni ma la po'i 'dod chags skye'o// mo zhig yin na ni pha la mo'i 'dod chags skye'o// bzlog pa la ni khong khro ba ste/ de de gnyis

  375. 188a

    kyis phyin ci log tu gyur pas yul der phyin pa dang/ dga' ba 'dod nas gnas skabs der bdag nyid mos so// re zhig sgo nga las skye ba dang /mngal nas skye ba'i skye gnas su 'jug pa ni de lta bu'o/ /dri dang gnas la mngon 'dod gzhan// drod gsher las skye ba'i skye gnas su skye ba ni las ji lta ba bzhin du skye ba'i gnas gtsang ma 'am mi gtsang ba'i dri 'dod pas 'gro'o/ /rdzus te skye ba'i skye gnas su skye ba ni gnas 'dod pas so/ de la lha'i srid pa bar ma ni stan las ldang ba bzhin du gyen du 'gro'o/ /mi dang dud 'gro dang yi dags rnams kyi ni mi la sogs pa bzhin no/ /dmyal ba yi ni spyi'i tshugs yin/ /yang dag sdom dang dka' thub can dang/ /drang srong rnams la skur 'debs pa// rkang pa gyen bstan spyir chugs su// de dag dmyal ba rnams su ltung zhes tshigs su bcad pa de mngon par brjod pa'i phyir ro// mdo las mngal du 'jug pa ni bzhi gsungs te /de la gcig ni shes bzhin du 'jug go/ gnas pa dang 'byung pa ni shes bzhin du ma yin no// gzhan ni gnas pa yang/ yang zhes bya ba'i sgras ni 'jug pa yod do// gzhan ni 'byung ba'ang shes bzhin du 'jug pa dang /gnas pa yod do// gzhan ni thams cad rmongs/ la la ni shes bzhin ma yin par byed do/ /de yang ni sgo nga las skyes rtag tu'o// sems can sgo nga las skyes pa ni rtag tu rmongs byed do/ /yang 'dir bstan pa /mngal du 'jug pa gsum dag ste// 'khor los sgyur dang rang byung gnyis/ /'khor los sgyur ba dang/ rang byung sangs rgyas dang/ rdzogs pa'i sangs rgyas dag ste/ 'og nas go rims bzhin/ zhes 'chad par 'gyur ro/ /las sam ye shes sam gnyi ga rgya che'i

  376. 188b

    phyir na go rims bzhin/ /las rgya chen po bsod nams rgya chen po byed pa rnams ni dang po yin no/ /ye shes rgya chen po thos pa mang po dang/ rab tu 'byed pa byed pa rnams ni gnyis pa yin no/ /bsod nams kyi las dang ye shes rgya che pa rnams ni gsum pa yin no/ /gal te sems can thams cad la mngal du 'jug pa yod na bdag yod par 'gyur ro zhe na bdag med/ bdag ci lta bu zhig ce na /gang phung po 'di bdag 'dor zhing phung po gzhan du nyid mtshams sbyor ro zhes bya bar rtog pa'o/ /'o na bdag ji lta bu zhig mi dgag zhe na/ phung po tsam nyid do/ /gal te phung po tsam kho na la bdag ces 'dogs na de la dgag pa mdo// de lta na 'o na phung po bdag nyid 'jig rten gzhan du 'pho'o zhes bya bar 'gyur ro zhe na/ de dag ni mi 'pho ste/ nyon mongs las kyis mngon du byas// srid pa bar ma'i rgyun gyis ni/ /mar me bzhin du mang la du 'gro/ phung po rnams ni skad cig ma ste/ de dag la ni 'pho ba'i mthu med kyi nyon mongs pa rnams dang las rnams kyi yongs su bsgom pa'i phung po tsam gyi srid pa bar ma zhes bya ba'i rgyun gyis ma'i mngal du 'gro ste/ dper na mar me bzhin no// de yang ji ltar 'phangs bzhin rim gyis rgyun// skyes nas las dang nyon mongs kyis// 'jig rten pha rol dag tu 'gro/ tshe'i las tha dad pa'i phyir phung po'i rgyun thams cad kyis 'phen par 'dra ba ni ma yin pas/ de'i phyir gang zhig ji srid du 'phangs pa de srid nur nur po la sogs pa'i rim gyis skye bar 'gyur te/ dbang po rnams yongs su smin nas ni yang nyon mongs pa rnams kun tu spyod cing las rnams kyang nye bar sogs par 'gyur ro/ /de dag lus zhig nas yang snga ma bzhin du srid pa bar ma'i rgyun gyis 'jig rten pha rol du 'gro ste/ de ltar srid pa'i

  377. 189a

    'khor lo thog ma med /rnam pa des na las dang nyon mongs pa'i rgyu las byung ba'i skye ba dang/ yang de las byung ba'i las dang nyon mongs pa rnams dang/ yang de dag las skye ba yin pas na srid ba'i 'khor lo thog ma med pa yin par rig par bya'o// de ltar phung po'i rgyun skye ba'i gnas skabs gsum bstan pa gang yin pa/ de ni rten cing 'brel ? 'byung ba'i// yan lag bcu gnyis cha gsum mo/ /de la yan lag bcu gnyis po ni ma rig pa nas rga shi'i ba'o/ /cha gsum ni sngon gyi dang/ phyi ma'i mdza' dang/ bar ma'i skye ba dag go/ de yang sngon dang phyi mdza' gnyis gnyis dang/ bar du brgyad /ma rig pa dang 'du byed rnams ni sngon gyi mthar ro// skye ba dang rga shi ni phyi ma'i mthar ro/ /lhag ma brgyad ni bar du'o// de dag kyang yongs rdzogs ldan la 'byung ste/ gang zhig gnas skabs 'di thams cad la reg pa gang bar ma do kho nar 'chi ba yang ma yin la/ gzugs dang gzugs med pa na spyod pa yang ma yin no// de la ma rig nyon mongs sngon gnas skabs// tshe snga ma la nyon mongs pa'i gnas skabs gang yin pa de ni 'di la ma rig pa zhes bya'o/ / 'du byed dag na sngon las kyis/ /gnas skabs zhes bya bar sbyar te/ tshe snga ma'i bsod nams la sogs pa'i las kyi gnas skabs gang yin pa de ni 'du byed rnams zhes bya ste/ las gang gis 'dir rnam par smin pa'o// rnam shes mtshams sbyor ba'i phung po yin/ /ma'i mngal du nyid mtshams sbyor ba'i skad cig ma la phung po lnga ni rnam par shes pa yin no/ /ming dang gzugs ni de phan

  378. 189b

    chad// skye mched drug dod tshun chad do/ /mtshams sbyor ba'i sems phan chad ji srid du skye mched drug ma dong kyi bar skabs de ni ming dang gzugs zhes bya'o/ /de ni gsum 'dus tshun chad do/ /skye mched drug dod nas ji srid du dbang po dang yul dang rnam par shes pa gsum ma 'dus pa de srid kyi gnas skabs ni skye mched drug ces bya'o// reg pa bde sdug la sogs kyi// rgyu shes nus pa tshun chad do// reg pa ni de srid du 'byung ste/ ji srid du tshor ba gsum gyi rgyu ba yongs su gcod par mi nus pa'i bar ro/ /yongs su gcod nus nas ni/ tshor 'khrig tshun chad tshor ba'i gnas skabs ni ji srid du 'khrig pa'i 'dod chags kun tu mi spyod pa'i bar ro/ /sred ba ni longs spyod 'khril ba'i chags can gyi/ 'dod pa'i yon tan dang/ 'khrig pa'i 'dod chags kun tu spyod pa'i gnas skabs ji srid du yul yongs su tshol ba lam zhugs pa ni sred pa'o// nye bar len pa longs spyod rnams// thob par bya phyir yongs rgyug pa'i/ /gnas skabs gang du yul thob par bya ba'i phyir yongs su 'tshol ba zhugs pa thams cad du rgyug pa de ni len pa'o/ /de ltar yongs su rgyug pa na/ /de srid 'bras bu 'byung ba yi/ las byed de ni srid pa yin/ /de yul rnams thob par bya ba'i phyir yongs su rgyug pa na yang srid pa'i las la sogs pa de ni de'i srid pa yin no/ /las des kyang 'di nas tshe phyi mar nying mtshams sbyor bar 'gyur te/ nyid mtshams sbyor ba de ni skye ba yin/ 'dir rnam par shes pa'i yan lag gang yin pa de ni tshe gzhan du skye ba yin no/ /de phan chad tshor ba'i bar ni rga shi yin skye ba phan chad tshor ba'i gnas skabs kyi bar ni rga shi yin te/

  379. 190a

    de la yan lag bzhi po ming dang gzugs dang/ skye mched drug dang/ reg pa dang tshor ba gang yin pa de dag nyid gzhan dag tu rga shi yin no/ /rten cing 'brel par 'byung ba mang po yod kyang 'di ni gnas skabs par 'dod lo// gtso po'i phyir na yan lag bsgrags// ma rig pa la sogs pa gtso bo yin pa'i gnas skabs su ni ma rig pa la sogs pa dag kho nar gsungs so// sems can du ston pa kho na'i rten cing 'brel pa cha gsum gsungs pa yang /sngon dang phyi mdza' bar dag la// rmongs su rnam par bzlog phyir ro/ /ji ltar sngon gyi mdza' las bar ma 'byung ba dang/ par ma las phyi ma'i mdza' zhes bya ba rmongs pa 'di rnam par bzlog pa'i phyir cha gsum pa dang sems can du ston pa gsungs so// rten cing 'brel par 'byung ba de yang 'dir nyon mongs pa dang/ las dang gzhi'i rang bzhin te/ de la nyon mongs gsum mo// ma rig pa dang/ sred pa dang nye bar len pa rnams so// las gnyis so// 'du byed dag dang/ srid pa'o gzhi bdun/ lhag ma rnam par shes pa la sogs pa yan lag ni gzhi'i rang bzhin yin te/ las dang nyon mongs pa'i rten yin pa'i phyir ro/ /ji ltar gzhi yin pa/ de bzhin 'bras bu yin/ yan lag bdun po nyid 'bras bu'o// lhag ma lnga ni rgyu'o/ /bar ma kho na rgyu dang 'bras bu rgyas par bshad de/ gnyis kyi rgyu 'bras mdor bsdus pa// bar ma'i rjes su dpag pa las// bar ma kho na las sngon gyi mdza' dang/ phyi ma'i mdza' dag gis rgyu dang 'bras bu rgyas par rjes su dpag par nus pas sa

  380. 190b

    bshad do/ /gal te yang rten cing 'brel par 'byung ba yan lag bcu gnyis kho na yin na/ de ltar gong na rig pa'i rgyu ma bstan pa'i phyir 'khor ba thog ma can du yang 'gyur la/ rga shi'i 'bras bu ma bstan pa'i phyir mdza' dang ldan par 'gyur ba 'am/ yang na ni yan lag gzhan gyis kha skabs dgos so// de las gzhan zhig yod na ni thug pa med par 'gyur ro zhe na/ kha bskang bar bya mi dgos te/ 'di ltar bcom ldan 'das kyis/ nyon mongs pa las nyon mongs dang /bya ba nyid do de las gzhi/ de las gzhi dang nyon mongs skye// 'dir ni srid ba'i yan lag lugs zhes bstan zin to// nyon mongs pa las nyon mongs pa skye ste/ srid pa las len pa'o// nyon mongs pa las las te/ /len pa las srid pa dang/ ma rig pa las 'du byed rnams so/ /las las gzhi se/ 'du byed rnams las rnam par shes pa dang/ srid pa las skye ba'o// gzhi las gzhi ste/ rnam par shes pa las ming dang gzugs nas/ reg pa nas tshor ba'i bar dang/ skye ba las rga shi'o// gzhi las nyon mongs pa ste/ tshor ba las sred pa'o// gang gi phyir srid pa'i yan lag rnams kyi lugs de ltar rnam par bzhag pa de'i phyir ma rig pa nyon mongs pa'i rang bzhin yang gzhi 'am/ nyon mongs pa las skye bar 'gyur ro zhes bstan pa yin la/ rga shi dang tshor ba ya thug pa'i gzhi las kyang nyon mongs par 'byung ngo// zhes bstan pa yin pas yang 'di la kha bskang par bya ba cung zad kyang med do// yang rten cing 'brel par 'byung ba dang/ rten cing 'brel par 'byung ba'i chos dag la khyad par ci zhe na/ re zhig bstan bcos las ni khyad par cung zad kyang med do// gnyis ka

  381. 191a

    yang 'dus byas kyi chos thams cad yin par gsungs so/ mdo'i dgongs pa ni/ 'dir ni 'byung ba rgyu yin te/ byung ba 'bras bu yin par 'dod/ /ces gsungs te/ rgyur gyur ba'i yan lag ni rten cing 'brel par 'byung ba yin te/ 'di las 'byung ba'i phyir ro/ /'bras bur gyur pa'i yan lag ci rten cing 'brel par byung ba ste/ de ltar na yan lag thams cad kyang gnyis kar grub bo/ /yang ma rig pa zhes bya ba'i don gang zhe na/ rig pa mi mthun phyogs chos gzhan// ma rig mi mdza' brdzun sogs bzhin/ /ji ltar mdza' bo las bzlog ni de'i mi mthun pa'i phyogs su gyur pa'i mi mdza' ba 'ga' zhig yod kyi/ mdza' bo las gzhan pa gang yin pa yang ma yin la/ mdza' bo med pa yang ma yin pa dang/ bden pa zhes bya ba ni mi bslu ba ste/ de'i mi mthun pa'i phyogs su gyur pa dag ni mi bden pa yin pa dang/ chos ma yin pa dang don ma yin pa dang/ bya ba ma yin pa la sogs pa yang chos la sogs pa'i mi mthun par gyur pa de bzhin du ma rig pa yang rig pa'i mi mthun par gyur pa chos gzhan zhig tu blta bar bya'o/ /'di la gang zhe na/ kun sbyor sogs tshigs phyir/ mdo dag las ma rig pa ni kun tu sbyor ba dang/ 'chi ba dang /phra rgyas la sogs pa nyid du gsungs te/ med pa tsam ni de lta bur yin par 'ongS pa yang ma yin no// 'o na ni dper? na chung ma ngan ma la chung mi? gcig ma yin zhes bya ba dang/ bu ngan ma la bu ma yin zhes bya ba ltar ma rig pa yang de dang 'dra'o// gal te shes rab ngan pa'o min lta phyir/ smad? pa'i shes rab ni nyon mongS

  382. 191b

    ba can yin na de lta na yang lta ba'i rang bzhin yin pas ma rig par mi rung ngo// 'o na ni gang lta ba'i rang bzhin ma yin pa de de yin par 'gyur ro/ /de yang yin par mi 'os so/ /de ci'i phyir zhe na/ lta pa de dang mtshungs ldan phyir /gal te ma rig pa shes rab yin par 'gyur na/ shes rab kyi rdzas gnyis mtshungs par mi ldan pa'i phyir lta ba de dang mtshungs par ldan par mi 'gyur ro// shes rab nyon mongs bstan phyir ro zhes bya ba 'di las kyang 'grub ste / 'dod chags kyis nye bar nyon mongs can du gyur pa'i sems ni rnam par mi 'grol lo// ma rig pas nye bar nyon mongs pa can du gyur pa'i shes rab ni rnam par mi 'dag go ces gsungs te/ shes rab de nyid shes rab de'i nye bar nyon mongs pa can du yang mi rigs so// yang ming dang gzugs zhes bya ba'i don ci zhe na/ gzugs ni rgya cher bshad pa ji lta ba bzhin du'o// mig ni gzugs can min phung po/ /tshor ba la sogs pa bzhi'o/ skye mched drug ni bshad zin nas/ da ni rig pa brjod par bya ste/ re drug mig gi 'dus te reg pa nas yid kyi 'dus te reg pa'i bar ro/ /de dag kyang 'dus te 'byung ba yin/ dbang po dang yul dang rnam par shes pa rnams 'dus pa las skye'o// drug po de dag las/ lnga ni thogs pa'i reg pa yin/ /drug pa bla dags tshig ces bya/ /mig la sogs ba'i reg pa rnams ni thogs pa dang bcas pa'i dbang po la brten pa'i phyir thogs pa'i reg pa rnams so// yid kyi 'dus te reg pa ni tshig bla dags kyi reg pa zhes bya ste/ ming bla dags la dmigs pa'i phyir ro// yang de nyid gsum du 'gyur te/ rig dang ma rig dang gzhan rig/ de dag kyang dri med nyon mongs can lhag ma/ rig pa'i reg pa ni zag pa med pa'i reg

  383. 192a

    pa'o/ /ma rig pa'i reg pa ni nyon mongs pa can gyi reg pa ste/ rig pa dang ma rig pa dang mtshungs par ldan pa'i phyir ro/ /lhag ma ni gnyis ka dang mtshungs par mi ldan pa'i phyir rig pa yang ma yin ma rig pa yang ma yin pa'i reg pa'o// de yang ni dge pa zag pa dang bcas pa dang/ /ma bsgribs la lung du ma bstan pa'o// yang ma rig pa'i reg pa'i phyogs gcig smos pas gnod sems rjes su chags pa'i reg/ gnod sems dang rjes su chags pa dang mtshungs par ldan pa'i phyir ro/ /yang thams cad bsdu na/ bde bar myong 'gyur la sogs gsum// bde ba myong bar 'gyur ba'i reg pa dang /sdug bsngal myong bar 'gyur ba dang /bde ba yang ma yin sdug bsngal ma yin pa yang myong bar 'gyur ba ste reg pa bshad zin to/ /tshor ba bshad par bya ste/ de la reg pa rnam pa drug sngar bshad zin pa/ de las byung ba'i tshor ba drug/ mig gi 'dus te reg pa las byung ba'i tshor ba nas yid kyi 'dus te reg pa las byung ba'i bor// de dag las lnga ni lus kyi'o sems kyi gzhan/ lus kyi lnga ste/ dbang po gzugs can la brten pa'i phyir ro// sems kyi ni drug pa ste/ de sems tsam la brten pa'i phyir ro// de yid nye bar rgyu ba las// rnam pa dag ni yang bco brgyad// yang sems las byung ba'i tshor ba de nyid yid kyi nye bar rgyu ba bco brgyad rnam par bzhag pa las rnam pa bco brgyad du dbye 'o/ /de la yid bde ba'i nye bar rgyu ba drug dang/ yid mi bde ba'i nye bar rgyu ba drug dang/ btang snyoms kyi nye bar rgyu ba drug go ces bye ba rnam pa bco brgyad du 'gyur ro/ /de dag las bco lnga ni gzugs la sogs pa la nye bar rgyu ba yin te /gzugs

  384. 192b

    la sogs ba so sor nges pa la dmigs pa'i phyir ma 'dres pa la dmigs pa yin no/ /chos la nye bar rgyu ba gsum ni rnam pa gnyis ka yin no// yid nye bar rgyu ba zhes bya ba'i don ci zhe na/ yid la brten nas yid mi bde ba la sogs pa de dag yul la nye bar rgyu ba'i phyir ro zhes grag go/ gzhan dag na re/ yul dag la nye bar rgyu bar byed pa'i phyir te /tshor ba'i dbang gis yid yul dag la yang dang yang du rnam par rgyu ba'i phyir ro/ /yang yid kyi nye bar rgyu ba 'di dag las du zhig 'dod pa'i khams dang ldan pa yin/ de dag las kyang du zhig gi dmigs pa ci zhig yin/ de bzhin du gzugs dang gzugs med pa dang ldan pa'i bar du brjod par bya'o zhe na 'dod na thams cad rang dmigs can/ 'dod pa'i khams na ni bco brgyad po thams cad yod la/ de dag thams cad kyi dmigs pa yang de yin no/ /de dag nyid kyi spyod yul gzugs can bcu gnyis so// gzugs kyi khams ni bcu gnyis kyi dmigs pa yin no/ /dri dang ro la nye bar rgyu ba drug ma gtogs pa'o/ /gong ma gsum gyi/ spyod yul zhes bya bar sbyar te/ gzugs med pa ni chos la nye bar rgyu ba gsum gyi dmigs pa yin no// 'dod pa dang ldan pa bshad zin to// bsam gtan ni/ gnyis ni bcu gnyis/ yid mi bde ba'i nye bar rgyu ba rnams ma gtogs so/ bcu gnyis po de dag kyang/ 'dod 'gro rnams/ 'dod pa'i khams ni de dag gi dmigs pa'o/ /rang la dmigs brgyad/ gzugs kyi khams de nyid ni de dag gi rang bzhin yin te/ de ni yid kyi nye bar rgyu ba brgyad kyi dmigs pa yin te/ dri dang ro la nye bar rgyu ba bzhi ma gtogs so// gzugs med pa gnyis kyi'o/ /chos la nye bar rgyu ba

  385. 193a

    dag gi dmigs pa yin no/ /bsam gtan gnyis na drug/ bsam gtan gsum pa dang/ bzhi pa dag na ni btang snyoms kyi nye bar rgyu ba drug kho na yod kyi/ gzhan dag ni med do/ /de dag drug gi dmigs pa ni 'dod pa'o// 'dod pa'i khams ni drug car gyi yang dmigs pa yin no// rang ni bzhi'o/ /gzugs kyi khams ni bzhi'i dmigs pa yin te/ de ni dri dang ro med pa'i phyir ro// gong ma gcig gi dmigs pa yin/ gzugs med pa'i khams na ni chos la nye bar rgyu ba gcig kho na dmigs pa yin no/ /gzugs dang ldan pa dag bshad zin to/ /gzugs med nye bar bsdog na bzhi/ /gzugs med pa'i nyer bsdogs ni/ 'dir nam mkha' mdza' yas skye mched kyi nyer bsdogs yin te/ de na ni gzugs dang/ sgra dang reg bya dang/ chos la nye bar rgyu ba bzhi'o/ /de dag kyang gzugs 'gro/ de dag gi dmigs pa ni bsam gtan bzhi pa yin te/ gang dag gi ltar na de rnam par 'chad pa la dmigs pa yod pa yin no/ /gong mar 'gro ba gcig/ de na gzugs med pa la dmigs pa ni gcig kho na ste/ chos la nye bar rgyu ba'o// dngos gzhi gcig/ gzugs med pa'i dngos gzhin ni chos la nye bar rgyu ba gcig kho na yid kyi gzhan ni med do/ /de yang yul can gzugs med pa'i khams kho na la dmigs pa yin no// de dag kyang bco brgyad thams cad zag dang bcas/ de ltar na tshor ba'i yan lag 'di'i dbye ba ni du ma yod par shes par bya'o/ /yan lag lhag ma rnams ni mi brjod do/ 'di ltar bshad dang 'chad par 'gyur ba gzhan/ 'dir yan lag kha cig ni bshad zin la/ kha cig ni 'og

  386. 193b

    nas 'chad do/ /rten cing 'brel par 'byung ba de yang nyon mongs pa dang las dang gzhi rnams so zhes bstan pa/ 'dir ni nyon mongs sa bon bzhin/ /klu bzhin rtsa bzhin ljon shing bzhin/ /de bzhin shun pa bzhin du 'dod// dper na sa bon las myu gu dang sdong bu dang lo ma la sogs pa skye bar 'gyur ba de bzhin du nyon mongs pa las kyang nyon mongs pa dang las dang gzhi rnams skye bar 'gyur ro/ /dper na klu gnas pa'i mtsho ni skam par mi 'gyur ba dang ltar/ nyon mongs pa'i klu gnas pa'i mtsho yang ngo/ /dper na nags tshol rtsa ba rnams ma phung ba rnams ni bcad cing bcad kyang skye bar 'gyur ba ltar/ nyon mongs pa rtsa ba nas ma bton pa'i 'gro ba rnams kyang ngo/ /dper na shing ljon pa rnams dus dus su me tog dang 'bras bu rnams skyed par byed pa de bzhin du nyon mongs pa rnams kyang lan cig ma yin bar nyon mongs pa dang las dang gzhi rnams kyi rgyu yin no/ /dper na shun pa dang bcas pa'i 'bras thugs po che rnams skye bar nus pa de bzhin du nyon mongs pa'i shun pa dang bcas ba la skye ba gzhan du skye bar nus so/ /de ltar re zhig nyon mongs pa sa bon dang 'dra bar rig par bya'o// las ni shun bcas 'bras dang 'dra// de bzhin sman dang me tog bzhin// shun pa lta bu'i nyon mongs pa bshad zin to// da ni shun pa dang bcas pa'i 'bras bu'i las brjod par bya'o// dper na 'bru dang sman dag 'bras bu smin na mthar phyin pa de bzhin du las kyang ngo/ /dper na me tog 'bras bu skyed par bya ba la nye ba'i rgyu yin pa ltar las rnams kyang rnam par smin pa bskyed par bya ba la de bzhin du rig par bya'o// gzhi ni bza' btung grub pa bzhin/ /dper na bza' btung du grub pa

  387. 194a

    yongs su longs spyod par bya ba/ 'ba' zhig yin gyis yang bskyed par bya ba ma yin pa ltar rnam par smin pa zhes bya ba'i gzhi yang de bzhin no/ /yang phung po skye ba'i rgyun de srid pa bzhi las mi 'da' o/ srid pa bzhi po de dag las// skye ba'i srid po nyon mongs can// nyon mongs pa gang gis zhe na/ /rang gis pa'i nyon mongs kun// nyon mongs pa rnams kho nas yin gyi kun nas dkris pa tshig skya thub pa rnams kyi ni ma yin no/ gzhan rnam gsum mo// srid pa bar ma la sogs pa ni dge ba dang nyon mongs pa can dang lung du ma bstan pa rnams so/ /de las kyang/ gzugs med gsum/ srid pa bar ma ma gtogs so// 'dod pa dang gzugs kyi khams na srid pa bzhi po yang yod ces bya bar snang bar 'gyur ro// sems can gyi skye pa ji lta ba bzhin du bshad zin nas/ /gnas pa brjod pa/ 'gro ba zas kyi gnas pa yin/ de dag kyang khams kyi zas la sogs pa ste/ da la kham gyi zas ni 'dod pa na/ gzugs dang gzugs med pa'i khams dag na ni yang med do/ /de yang skye mched gsum gyi bdag nyid do/ /dri dang ro dang reg bya'i skye mched rnams ni kham gyi zas kho na yin te/ kham du byas nas med pa'i phyir ro/ /gzugs kyi skye mched ma yin nges/ /rang dbang grol la mi phan phyir/ /gzugs kyi skye mched ni kham du byas nas ming pa yin yang/ kham gyi zas ma yin te/ ming pa'i tshe rang gi dbang po dang 'byung ba chen po rnams la/ phan mi 'dogs pa'i phyir ro// gang gi tshe mthong ba na bde ba dang yid bde bar byed pa de'i/ tshe yang de la dmigs pa bde ba myong bar 'gyur ba'i reg pa zas yin gyi gzugs ma yin no// grol ba phyir mi 'ong ba dang/ dkra

  388. 194b

    bcom pa zas shin tu yid du 'ong ba mthong ba rnams la yang 'phan 'dogs pa med pa'i phyir ro/ /reg dang sems pa rnam shes ni/ /zag bcas zas yin gsum dag na// reg pa dang sems pa dang/ rnam par shes pa zag pa dang bcas pa dag kho na zas te/ khams gsum chad na yod do/ /ci'i phyir zag pa med pa rnams ma yin zhe na/ 'di ltar srid pa gso bar byed pa'i don ni zas kyi don yin na/ de dag ni srid pa zad par bya ba'i phyir skyes bdag yin no/ gzhan yang mdo las/ sems can byung ba rnams gnas par byed pa dang/ 'tsho bar byed pa dang/ srid pa tshol bar byed pa rnams la phan par byed pa yin no zhes gsungs na zag pa med pa'i sems rnams ni de lta ma yin pas zas ma yin no/ /re zhig byung ba ni sems can skyes pa rnams la bya bar she na/ srid pa 'tshol ba rnams gang zhe na/ yid la byung dang srid 'tshol dang/ /dri za srid pa bar ma dang/ 'grub pa'o// bcom ldan 'das kyis srid pa bar ma ni brjod pa 'di dag gis gsungs so// yid las byung ba ni yid tsam las skyes pa'i phyir ro/ /srid pa 'tshol ba'i ngang tshul can yin pa'i phyir srid pa 'tshol ba'o/ /dri za ba'i phyir na dri za'o/ /skye ba la mngon du phyogs pa'i phyir mngon par 'grub pa'o/ /yang ci'i phyir zas bzhi kho na yin/ zag pa dang bcas pa'i chos thams cad srid pa rnams gso bar byed pa dag ma yin nam zhe na/ de ni de lta yin mod kyi/ 'on kyang gtso bor bshad de/ 'di la gnas dang ni/ brten nga rgyas pa'i don tu gnyis// srid gzhan 'phen dang 'grub pa yi// don du gnyis te go rims bzhin// gnas ni dbang po dang bcas pa'i lus so/ /de rgyas par byed pa ni kham gyi zas so/ /brten pa ni sems

  389. 195a

    dang sems las byung ba rnams so/ /de rgyas par byed pa ni reg pa ste/ re zhig 'di gnyis ni 'dir skyes pa'i srid pa gso bar bya ba la gtso bo yin no// yid la sems pas ni yang srid pa 'phen par byed do// 'phangs zin pa las kyis yongs su bsgom pa'i rnam par shes pa'i sa bon las mngon par 'grub pas 'di gnyis ni ma skyes pa'i srid pa skyed pa la gtso bo yin te/ de'i bzhir gsungs so/ /da ni rnam par shes pa gang la gnas te/ 'chi 'pho ba dang/ skye bar 'gyur ba 'di brjod par bya ste/ chad dang mtshams sbyor 'dod chags bral// nyams dang 'chi 'pho skye ba rnams/ /yid kyi rnam shes kho nar 'dod ces bya ba smos te/ dge pa'i rtsa ba yang dag par chad pa dang/ de'i nyid mtshams sbyor ba dang/ khams dang sa la 'dod chags dang bral ba dang/ yongs su nyams pa dang/ 'chi la pho ba dang/ skye ba dang chos drug po 'di dag ni yid kyi rnam par shes pa kho na yin par 'dod do/ /tshor ba las kyang/ 'chi 'pho skye ba btang snyoms la/ /'chi 'pho ba dang skye ba ni gtang snyoms las 'byung ngo/ /yid kyi rnam par shes pa de la yang/ rtse gcig sems med de la med/ /skal pa mi mnyam pa'i sa pa yin pa'i phyir dang/ mngon par 'du byed pa las byung ba nyid yin pa'i phyir sems rtse gcig pa la 'chi 'pho ba 'am skye ba med do/ /sems med pa la yang med de/ sems med pa la gnod par mi nus pa'i phyir ro /'chi ba'i srid pa rnam pa gsum du bshad pa dgra bcom pa ni/ mya ngan 'das lung bstan min gnyiS/ /spyod lam pa 'am/ rnam par smin pa'i sems las te/ sems 'chad pa'i rjes su mthun pa'i phyir ro/ /yang 'chi ba na lus kyi phyogS

  390. 195b

    gang du rnam par shes pa 'gag ce na/ cig cang chi na ne yid dang bcas pa'i lus kyi dbang po mong la 'gag par 'gyur ro/ /gal te rim gyi 'chi 'pho na ni de'i tshe/ 'og mi lhar 'gro mi skye rnams/ ril gyis 'chi na rkang pa dang// lte ba snying khar yid 'chi 'pho// ngan song dud 'gro ba rnams kyi yod ni rkang pa dag nas 'chi 'pho'o/ /mir 'gro ba dag ni lte ba nas so/ /lhar 'gro ba rnams ni snying khar ro/ /mi skye ba ni dgra bcom pa dag ste/ de dag gi yang thug khar ro// kha cig ni dbu nas zhes so/ /gnad gcod pa'i tshor bas nyen pa'i srog chags rnams ni de ltar rim gyis 'chi bar 'gyur ro/ /gnang gcod pa na chu sogs kyis/ /de ltar 'chi ba na chu dang /me dang rlung gi khams rnams bad kan dang/ mkhris pa dang/ rlung gi rang bzhin dag gi tshor ba mi zad pa dag gis gnad gcod par 'gyur ro/ /sems can gyi 'jig rten gyi tshogs pa gsum rnam par bzhag ste/ de la 'phags dang mtshams med byed pa dag/ yang dag log pa nyid du nges/ /gang dag la zag pa med pa'i lam skyes pa de dag 'phags pa rnams te/ de dag mya ngan las 'das par nges pa'i phyir yang dag par nges pa'i tshogs pa la'o/ /gang mtshams med pa byed pa de dag ngan song du nges pa'i phyir log par ngas pa'i tshogs pa la'o/ /gzhan dag ni ma nges pa'i tshogs pa la'o zhes bya bar grub bo/ /sems can gyi 'jig rten bshad zin nas/ snod kyi 'jig rten bshad pa ste/ de la snod kyi 'jig rten gyi /gnas par 'dod pa'i 'og dag gi/ rlung gi dkyil 'khor rngams su ni/ /sa ya drug 'bum grangs med de/ /'og nas nam mkha' la brtan pa'i rlung gi dkyil 'khor te/ de'i rngams su dpag tshad sa ya drug 'bum mo//

  391. 196a

    rgyar ni grangs med do/ /de'i steng na chu rngams 'bum phrag bcu gcig dang/ stong phrag dag ni nyi shu'o/ /rlung gi dkyil 'khor de/ sems can rnams kyi las dag gis sprin rnams 'dus nas char gyi rgyun gnya' shing tsam bab pa de'i chu'i dkyil 'khor du 'gyur te/ de'i rnams ni dpag tshar 'bum phrag bcu gcig dang nyi khri'o/ /chu de dag kyang sems can rnams kyi las kyi mthu las byung ba'i rlung dag gis mngon par dkrugs pa na steng ma gser du 'gyur ro/ /chu'i dkyil 'khor de'i phyis ni rngams su 'bum phrag brgyad/ /lhag ma dag ni gser du 'gyur/ /lhag ma gang zhig ce na/ 'bum phrag gsum dang nye khri'o/ /chu dang gser gyi dkyil 'khor gyi rnams bshad zin to// chu dang gser gyi dkyil 'khor gyi /thad kar bum phrag bcu gnyis dang/ stong phrag gsum dang brgya phrag ni/ phyed dang lnga rnams kho na'o// 'di gnyis ka rgyad mnyam mo/ /khor yug tu ni gsum 'gyur ro// khor khor yug du brtsin ni sum 'gyur ro/ /de la lhun po gna' shing 'dzin/ /gshol mnga' 'dzin dang seng ldeng can/ /de bzhin blta na sdug ri dang/ /rta rna dang ni rnam 'dud dang/ /mu khyud 'dzin ri'o// 'di ltar ri chen po brgyad po 'di dag ni gser gyi dkyil 'khor la brten pa yin te/ ri rab ni dbus na'o/ /lhag ma rnams kyis ni ri rab la bskor te gnas so/ /gang phyir ri mu khyud 'dzin/ de nas ni gling rnams yin no/ /de'i phyi rol na ni gling bzhi'o/ /de dag gi yang phyi na ni khor yug ste/ des ni gling bzhi 'khor yug tu bskor ba'o/ /de dag las bdun ni gser yin de lcags so/ /gnya' shing 'dzin la sogs pa'i ri bdun ni gser gyi'o/ /khor yug ni lcags so/ /lhun po

  392. 196b

    rin chen bzhi yis rang bzhin/ gser dang/ dngul dang/ bai DUrya dang/ shel gyi rang bzhin no/ /ri de dag kyang chu yi nang du brgyad khri dag/ nub po gser gyi sa gzhi'i steng du chu dpag tshad brgyad khri yod pa der nub po/ /chu'i steng du yang/ dpag tshad dag ni brgyad khri'o/ /de ltar na ri rab ni/ 'phang du dpag chad 'bum drug khri'o/ /brgyad po'i 'phang du phyed phyed dpri/ /ri rab chu'i steng du ji tsam 'phags pa de'i phyed ni gnya' shing 'dzin yin te/ de bzhin du lhag ma rnams so/ /de dag rnams suAng 'phang dang mnyam/ de dag chu las gyen du 'phags pa rngams su yang de tsam ste/ rgya? char zhes bya ba'i tha tshig go/ de dag bar bdun rol mtsho yin/ /mu 'khyud 'dzin la thug pa'i ri de dag gi bar ni bdun ni rol mtsho bdun zhes bya'o/ /yang de dag las dang po stong phrag brgyad cu'o/ /rgyar re de ni nang gi rgya mtsho yin/ /de yi ngos la sum 'gyur ro/ /gnya' shing 'dzin gyi 'gram gcig nas brtsis nas dpag tshad nyis 'bum bzhi khri'o/ /rol mtsho gzhan ni phyed phyed dbri/ /dpag tshad stong nyid brgya lnga bcu'zhes bya ba'i bar du rol mtsho bdun no/ /de dag gi srid du ni ha cang 'byam klas pa'i phyir ma bgrangs so/ /lhag ma phyi yi mtsho chen yin/ /mu 'khyud 'dzin nas 'khor yug gi bar lhag ma de ni phyi'i rgya mtsho chen po'o// kha tshon du dpag tshad/ 'bum phrag gsum dang stong phrag ni// nyi shu gnyis so/ /de la ri rab kyi ngos bzhir/ gling bzhi ste/ de la ni 'dzam bu'i gling ste ngos gsum la/ /stong phrag gnyis so shing rta'i dbyibs/ /de'i ngos gsum ni dpag tshad nyis stong nyis stong yod la dbyibs ni shing rta dang 'dra'o// gcig la dpag tshad phyed dang bzhi/ /de'i ngos gcig la

  393. 197a

    dpag tshad phyed dang bzhi'o/ /shar gyi lus 'phags zla gam 'dra/ shar gyi lus 'phags kyi gling ni zla kham gyi dbyibs so/ /rgyar ni ngos gsum 'di dang 'dra/ /ji ltar 'dzam bu'i gling la dpag tshad stong phrag gnyis gnyis bzhin no/ /gcig la dpag tshad sum brgya lnga bcu'o/ /ngos bzhi pa la ni dpag tshad sum brgya lnga bcu'o/ /ba lang spyod gling zlum po ste/ stong phrag phyed dang brgyad yin no/ /de dbus stong phrag phyed dang gsum mo// sgra mi snyan brgyad gru bzhir mnyam/ /yang de dag gi bar bar ni gling rnams mngon par grub pa de dag gi gang/ du zhig ni yod ce na/ de yi par gyi gling brgyad ni/ /lus dang lus 'phags sgra mi snyan/ /sgra mi snyan gyi zla dang ni/ /rnga? yab dang ni rnga yab gzhan/ /g.yo ldan dang ni lam mchog 'gro/ de la lus dang lus 'phags ni// shar gyi lus 'phags kyi 'khor in no/ /sgra mi snyan dang sgra mi snyan gyi zla ni byang sgra mi snyan gyi'o// g.yo ldan dang lam mchog 'gro ni nub kyi ba lang spyod kyi'o/ /rnga yab dang rnga yab gzhan ni 'dzam bu'i gling gi'o// 'di nas byang du ni nag po/ dgu 'das gangs ri'o/ /'dzam bu'i gling 'di nas byang phyogs su ri nag po gsum yod do/ /de dag 'das nas gzhan gsum yod do/ /yang gsum yod do/ /de'i pha rol na gangs ri'o// de nas ni spos dang ldan pa'i tshu rol na/ /chu zheng lnga bcu yod pa'i mtsho/ /gangs ri de'i pha rol ri spos kyi dang ldan pa'i tshu rol na mtshom dros pa zhes bya ba zhang du dpag tshad lnga bcu yod pa/ chur yang dpag tshad lnga bcu yod do/ /yang dmyal ba rnams phyogs ni gang rol na tshad ji tsam zhe na/ 'di 'og stong phrag nyi shu na/ /mnar med pa'o de

  394. 197b

    tsam mo/ /'dzam+bu'i gling 'di nyid kyi 'og dpag chad nyi khri rngams dang rgyar ni de tsam mo// sdug bsngal la bar chad med pas na mnar med pa'o/ /de yi steng na dmyal ba bdun/ /rab tu cha ba dang/ tsha ba dang/ du 'bad chan po dang/ du 'bod dang/ bsdus 'joms dang/ thig nag dang/ yang sos dag go/ de dag kyang brgyad po kun la lhag bcu drug/ lhag pa bcu drug gang zhe na/ de dag gi ni ngos bzhin/ me mar mur dang ro myagS dang/ spu grol ma sogs chu bo yin/ /de dag gi sgo re re na lhag pa bzhi bzhi yod do/ /me mar mur spus mo nub tsam gang du sems can de dag gi rkang pa bzhag na ni pags pa dang sha dang khrag zhig par 'gyur la/ rang pa bteg na ni de dag slar skye ba dang/ ro myags mi gtsang ba'i 'dam rdzab gang du 'bum chu rnon zhes bya ba lus thams cad dkar zhir mgo dag pa rus pa'i bar du 'bigs par byed pa dang/ spu gri lam sogs ni spu gri gtams pa'i lam chen po dang/ ral gri lo ma'i nags tshal dang / khyi sre bo dang/ lcags kyi shal ma la'i nags tshal dang/ khwa lcags kyi mchu can rnams so// spu gri'i lam la sogs pa de dag ni mtshon char mngon par 'dra ba'i phyir gcig tu dril nas gsungs so// lhag pa bzhi pa ni chu bor ba med thal chu khol mas gang ba ste/ gnod pa lhag pa'i gnas yin pa'i phyir bzhi po de dag lhag pa ste/ sgo'i dbye bas bcu drug tu 'gyur ro// re zhig de dag ni tsha ba'i dmyal ba brgyad yin no/ chu bur can sogs grang brgyad gzhan// 'di lta ste/ chu bur can dang/ chu bur rdol ba dang/ so tham tham pa dang/ a chu dang/ kye hud dang/ utpa la ltar gas pa dang/ pad+ma ltar gas pa dang/ pad+ma ltar cher gas pa'o/ /ming 'di rnams ci sems can grang ba

  395. 198a

    mi bzang pas nyen pa de dag gi lus dang sgra 'gyur ba dang mthun pa dag yin no/ /nyi ma dang zla ba 'di nas thag ji srid ce na/ nyin zla lhan po'i phyed na'o/ /ri gnya' shing 'dzin gyi rtse mo dang mnyam par rgyu'o/ tshang kyang dpag tshad lnga bcu gcig dang bcas/ /rim pa bzhin du'o/ /gling bzhi po dag tu nyi mas cig char bya ba byed dam zhe na/ ma yin te/ 'on kyang nam phyed nyi ma nub pa dang/ nyi ma phyed dang 'char dus gcig?// gang gi tshe sgra mi snyan du nam phyed pa de'i tshe shar lus 'phags su n i ma nub bo// 'dzam+bu'i gling du nyi ma byed do/ /ba lang spyod du nyi ma shar te/ de bzhin du gzhan dag la yang sbyar bar bya'o// n i ma 'gro ba'i bye brag las nyin mo dang mtshan mo rnams rang thung du 'gyur te/ de la yang dbyar gyi zla ba gnyis pa yi/ tha ma'i chos dgu nas mtshan ring/ dbyar zla tha chungs yang gyi de'i tshes dgu nas mtshan mo ring ngo/ /dgun rnams kyi ni bzhi pa la/ /thung du 'gyur ro// dgun zla ba tha chung sa kyi phyogs gnyis pa'i chos dgu nas so// nyin mo bzlog //gang gi tshe nyin mo ring ba de yi tshe mtshan mo thung bar 'gyur ro/ /ji tsam zhig gis ring bar 'gyur zhe na/ nyin mchan ring ba thang gcig go/ de dag kyang go rims bzhin du nyi ma lho byang 'gro tsha'o/ /dkar po phyogS kyi dang po zla ba'i dkyil 'khor ma rangs par snang ba de la rgyu mi zhe na/ nyi ma dang ni nye ba las/ /rang gi grib mas 'grib par snang/ /gang gi tshe zla ba'i gzhal med khang nyi ma'i gzhal med khang dang nye bar rgyu ba de'i tshe nyi ma'i 'od de gzhal med khang la 'bab ste/ des na de'i pha rol gyi ngos su gri ma 'bab pas zla ba'i dkyil 'khor ma rangs par snang ngo lo/ /yang nyi ma dang zla ba dang

  396. 198b

    skar ma dag gi lha rnams lha'i ris gang du zhe na/ rgyal po chen po rnams su'o/ /ci de dag gi gnas 'di tsam kho na 'am zhe na/ ma yin te/ 'on kyang lhun po'i bar rim dag kyang ngo/ /'dir la bang? rim ni du zhig thag ji srid ce na/ 'di la bar rim bzhi yod do/ bar gyi thag ni stong phrag bcu/ /dpag tshad khri'i ltag na gcig yod do/ /zhi po'i bar du yang de dad 'dra'o/ /de dag kyang da las grangs bzhin du ste/ stong phrag dag ni bcu drug dang/ /brgyad dang bzhi dang gnyis 'phags so/ /dang po ni ri rab las dpag tshad stong phrag bcu drug 'phags so/ /gnyis pa ni brgyad do/ /gsum pa ni bzhi'o/ /bzhi pa ni gnyis so/ /de la lag na gzhod thogs dang/ /phrang thogs dang ni rtag myos dang// rgyal chen bzhi'i lha rnams gnas// 'di dag la grangs bzhin du gzhong thogs la sogs pa rnams gnas te/ ri ni bdun po dag la yang// gnya' shing 'dzin la sogs par yang de dag gi grong dang grong rdal dag go/ lhun po'i rtsa na sum cu gsum// yang lhun po'i rtse mo ji tsam zhe na/ de yi ngos la brgyad khri'o// ngos ra re la brgyad khri brgyad khri'o/ /phyogs mtshams brtsegs pa gzhi la ni/ lag na rdo rje gnas/ ri rab kyi rtse mo'i mtshamS ni grwa bzhi ste/ de dag las dpag tshad lnga brgya'i tshad tsam gyis brtsegs pa bzhi la gyen du 'phags te/ de dag la gnang sbyin lag na rdo rje zhes bya ba gnas so/ /ri rab de'i steng gi dbus na/ grong khyer blta na sdug ces pa/ ngos la nyes stong la brgya pa/ /dpag tshad phyed dang gnyis gser ni/ /rang bzhin gzhi bkra gnyen pa yod/ /ngos re re zhing dpag tshad nyis stong lnga brgya pa/ 'phang du dpag tshad phyed dang gn is pa de ni rgyal po'i pho brang ngo//

  397. 199a

    de ni rnam par rgyal byed de/ /ngos la nyis brgya lnga bcu'o/ /grong khyer gyi dbus na rnam par rgyal byed ces bya ba'i khang bzangs ngos dang ngos kyi srid du dpag tshad nyis brgya lnga bcu pa bzhi yod de// re zhig 'di ni grong gi mngon par dga' ba yin no/ /phyi rol shing rta sna tshogs dang/ /rtsub 'gyur 'dres tshal dga' bas brgyan/ /des bzhi'i tshal bzhi ni lha rnams kyi'o/ /de dag gi ni phyogs bzhin/ /nyi shu bcang nas gzhi bzang/ /bskyed mos tshal de dag gi phyogs bzhi'i dpag tshad nyi shu bcad pa nas sa gzhi bzang po'o/ /grong khyer gyi phyi rol gyi ngos nyid du/ byang shar mtshams na yongs 'du ste/ /lho nub mtshams na chos bzod do/ /shing sa brdol yongs 'du zhes bya ba rnams kyi 'dod pa'i dga' ba mchog gi gnas gcig yod do/ /gang du lha rnams 'khod nas bya ba dang/ bya ba ma yin pa 'gro bar byed pa lha'i 'dun sa chos bzang zhes bya ba yod do/ /re zhig de ni sa dang 'brel pa'i lha rnams kyi snod kyi gnas pa yin no/ /de steng lha rnams gzhal med khang/ /gang dag gi snod mngon pa ni mdor bsdu na/ 'dod ba spyod pa drug yin no/ /drug po ko na 'dod pa dag la spyod kyi lhag ma rnams ni ma yin no// de dag kyang/ gnyis gn yis 'khyud dang lag bcangs dang/ /rgod dang blta bas 'khrig pa yin/ /sa dang 'brel par gnas pa rgyal chen bzhi dang/ sum cu rtsa gsum pa rnams ni mi rnams ji lta ba bzhin du gnyis kyis 'khrig go/ de dag la yang rlung btang bas yongs su gdung ba dang 'bral lo// lhag ma rnams ni 'khyud pa la sogs pa grangs bzhin du'o/ /lha 'am lha mo gang gi pang du lha gzhon nuAm lha'i bu mo

  398. 199b

    skye bar 'gyur ba de ni gnyis kyi bu yang yin la/ bu mo yang yin/ bong tshong? ji tsam du skye zhe na/ byis pa la lnga lon pa nas/ /lo bcu lon pa lta bu'i bar/ /de dag du skye lha'i ris de dag du grangs bzhin du'o/ /gzugs can nam kun rdzogs gos dang bcas pa 'di/ /de la 'dod pa skye ba gsum pa ni/ 'dod pa'i lha dang mir bcas rnams/ /'dod pa'i khams su rig par bya ste/ de la 'dod pa nye bar gnas pa rnams ni mi dang lha'i ris bzhi rnams so// 'dod pa rang gis sprul pa ni 'phrul ba dag go/ 'dod pa gzhan gyi sprul pa ni gzhan 'phrul dbang byed pa dag go/ gzugs kyi khams na ni bde ba skye pa gsum po ni bsam gtan gsum las sa dgu yin// lha de dag ni dben pa las skyes pa'i bde ba dang/ ting nge 'dzin las skyes pa'i dga' ba'i bde ba dang/ dga' ba med pa'i bde bar gnas zhes bya ba ni rim pa bzhin du bde ba skye ba dag go/ lnga'i ris 'di dag gi gnas ni/ gnas nas gnas 'og ji srid par/ /de nas de yi grong de srid/ /'di lta ste/ 'di nas dpag tshad bzhi khri na rgyal po chen po bzhi'i gnas so// ji srid de dag gi bar de srid du de nas steng du ni sum cu rtsa gsum mo/ /de bzhin du sum cu rtsa gsum nas 'og tu 'dzam+bu'i gling ji srid par gong ma 'thab bral pa rnams kyi gnas su yang de srid do ces rgyas par drang bar bya'o/ /yang ci gnas 'og mar skyes pa rnams gong ma'i gzhal med khang du dong nas mthong bar 'gyur rab zhe na/ rdzu 'phrul gzhan brten ma gtogs par/ /de dag gong ma mthong ba med/ /rdzu 'phrul gyis sam/ gzhan la brten nas te/ rdzu 'phrul dang ldan pha 'am de na gnas pa'i lhas khrid par gyur na/ sum cu rtsa rtsa gsum pa rnams 'thab

  399. 200a

    bral ba'i nang du 'gro bar 'gyur te/ lhag ma rnams kyang de dang 'dra'o/ /yang 'thab bral la sogs pa'i gzhal med khang bzhi'i tshad ni ri rab kyi rtse mo ji tsam yod pa de tsam mo/ /gzhan dag na dgong ma nyis 'gyur ro zhes zer ro/ /bsam gtan dang po ni gling bzhi pa tsam mo/ /bsam gtan gnyis pa dang gsum pa dang/ bzhi pa ni stong chung du'i dang/ stong gnyis pa dang/ stong gsum pa'i 'jig rten gyi khams tsam mo/ /yang stong chung du la sogs pa'i 'jig rten gy i khams de dag gang zhe na/ gling bzhi pa dang n yi zla dang/ /ri rab dang ni 'dod lha dang/ /tshangs pa'i 'jig rten stong la ni// stong ni spyi phung yin par 'dod// 'dzam+bu'i gling nas tshangs pa'i 'jig rten gyi bar stong ni stong sby i phung kyi 'jig rten gyi khams zhes bya'o/ /de stong la ni stong gnyis pa/ /bar ma'i 'jig rten khams yin no/ /de stong la ni stong gsum mo/ /'di thams cad kyang mnyam du 'jig cing 'byung ba yin/ /mnyam du 'byung ba zhes bya ba ni 'og tu bshad par bya'o/ /de la yang de na sems can rnams kyi yang snod bzhin du tshad kyi bye brag yod pas brjod de/ 'dzam+bu'i gling pa rnams kyi tshad/ / khru bzhi pa dang phyed dang bzhi// shar dang ba lang spyod dang ni// byar zhes bya ba gnyis 'gyur bskyed/ /de dag kyang khru brgyad dang/ bcu drug dang/ sum cu rtsa gnyis pa dag rim pa bzhin du'o// 'dod dang ldan pa lha'i lus// bzhi cha nas ni rgyang grags dag/ phyed dang gnyis kyi bar du bskyed/ /rgyad grags bzhi cha gcig gi ni dang po'i yin te/ phyi ma rnams kyi na phyed dang gnyis kyi bar ro/ /gzugs can dang po dpag tshad phyed/ /bsas gtan dang po'i

  400. 200b

    lus ni dpag tshad phyed tsam mo/ /de yi gong ma phyed phyed bskyed/ /gnas gsum dag nas 'ong chung rnams kyi ni dpag tshad gnyis kyi bar ro/ /'od chung rnams kyi lha yan chad// lus ni nyis 'gyur nyis 'gyur bskyed/ /sprin med dpag tshad gsum dor ro/ /dag rgyas pa rnams kyi ni drug cu rtsa bzhi yin pa'i bar du'o/ /sprin med rnams kyi ni nyis 'gyur du bsgyur te/ de nas dpag tshad sum khrin dpag tshad brgya nyi shu rtsa lnga pa'o/ /de yan chad kyang nyis 'gyur nyis 'gyur ro/ /lus dag gi bshad nas tsha'i brjod de/ sgra mi snyan na tshe stong ste/ /gnyis na phyed phyed spangs pa'o/ /ba glang spyod pa rnams kyi ni lo lnga brgya'o/ /shar gyi lus 'phags rnams kyi ni nyis brgya lnga bcu'o// 'di nas ma nges tha mar ni/ /lo bcu dang po dpag tu med/ /bskal pa dang po pa rnams kyi stong la sogs par bgrang par mi nus pa'i phyir dpag tu med pa'o/ /mi rnams kyi bshad nas lha rnams kyi brjod par bya ste/ mi rnams kyi lo lnga bcu la/ /'dod pa dag gi lha rnams las// 'og ma dag gi nyin zhag gcig/ des na tsho lo lha brgya'o/ /gong ma gnyis ka nyis 'gyur ro/ /sum cu rtsa gsum pa rnams las brtsams te/ nyin zhag kyang nyis 'gyur yin la tshe yang nyes 'gyur ro/ /'dod pa dang ldan pa rnams kyi tshe'i tshad bshad zin to/ /gzugs can nyin mtshan mer che ni/ /rang lus gzhal ba'i bskal pa yis/ /gang dag gis lus dpag chad ji snyed pa de dag gi tshe yang bskal pa de snyed do/ /gzugs med bskal pa stong phrag ni/ /nyi shu lhag pas lhag pa yin/ /gzugs med pa rnams gyi ni dang po bskal pa nyi khri nas srid pa'i rtse mon brgyad khri'i bar ro/ /yang 'dir bskal pa chen po gang ste/ 'od chung nas bzung bskal chen te/ /

  401. 201a

    de yi 'og ma phyed yin no// bsam gtan dang po'i sa pa rnams/ kyi ni bar gyi bskal pa bzhi bcu la bskal par byas nas brjod par bya'o/ /bde 'gro'i tshe tshad bshad zin to/ /ngan 'gro'i brjod pa/ yang sos la sogs drug rim bzhin/ /'dod lha'i tshe dang nyin zhag mnyam// 'dod pa na spyod pa'i lha'i ris drug po de dag gi tshe ji tsam bshad pa de dang go rims bzhin du yang sos la sogs pa drug gi nyin zhag dang mnyam pa'o de nas de dag rnams kyi tshe/ /'dod pa'i lha dang 'dra ba yin/ /rang gi nyin zhag gi lo lnga brgya yang sos kyi nas tsha ba tshe 'o/ khri drug stong yin pa'i bar du'o// rab tu tsha phyed/ rab tu tsha ba na ni tshe chad bar gyi bskal pa phyir ro/ /mnar med ni/ bar gyi bskal pa'o// dud 'gro rnams kyi ni nges pa med de/ dud 'gro rnams/ mchog ring bskal pa'o// klu rnams kyi tshe mchog tu ring ba ni bar gyi bskal ba'o// yi dags rnams/ zla ba nyin zhag giS lnga brgyu'o/ /mi rnams kyi zla ba ni yi dags kyi nyin zhag gcig ste/ des na tshe lo lnga brgya'o// yang grang ba'i dmyal ba la/ til sbyangs nad nas lo brgya zhing// til gcig phyang bas zad gyur pa// chu bur can gyi tshe yin te// gzhan gyi tshe ni nyi shur bsgyur/ /de dag gi tshe'i tshad ni dpe tsam gyis gsungs te /ma ga d+ha'i til gyi sbyangs ba khal brgyad cu pa nas lo brgya 'das zhing til re re bor na/ de zed pa dang mnyam pa ni chu bur gyi tshe'o// de'i 'og ma gzhan dag gi ni nyi shur bsgyur ro// de ltar tshe dang ldan pa'i sems can de dag tshe yongs su ma rdzogs par bar ma dor 'chi ba yod dam/ 'on te med ce na/ thams cad la yod de/ sgra mi snyan ma gtogs par 'chi/ sgra mi snyan pa kho na'i semS

  402. 201b

    can rnams tshe nges pa yin te /gzhan dag ni ma yin no// dpag chad dang lo la sogs pa 'di grangs kyis lus dang tshe la sogs pa bshad zin nas/ yang thams cad kyi rnam par bzhag pa yang ming yin pas de rab tu ston pa'i don tu dad po'i rim ba tsam mo/ /gzugs ming dus mdza' rdul yig dang/ skad cig gzugs gyi mdza' ni rdul phra rab yin no/ /ming gi ni yi ge'o/ /dus kyi ni skad cig go/ de la phra rab rdul dang ni/ /rdul phran dang ni de bzhin du// lcags chu ri bong lug dang glang/ /nyi zer rdul dang sro ma dang //de las byung dang de bzhin du/ /sar chags zhes pa gong bdun bsgyur/ /rdul phra rab la sogS pa 'di dag ni rdul phran la sogs pa bdun 'gyur du rig par bas /'di lta ste rdul phra rab bdun la rdul phran nas/ nas bdun la sor tshigs kyi bar ro/ /ngos su byas nas ni/ sor ni nyi shu bzhi la khru/ /khru bzhi la ni gzhu gang ngo/ /'dom gang do zhes bya ba'i tha tshig go/ de dag lnga brgya rnams la ni// rgyad grags de la dgon par 'dod/ /de brgyad dpag tshad ces bya'o zhes bya bar gsungs so/ /dpag tshad kyi tshad bshad zin to// nga ni lo'i brjod par bya ste/ skad cig ma brgya nyi shu la/ de yi skad cig de dag kyang/ /drug cu la ni thar gcig go/ yud tsam nyin zhag zla gsum ni// gong nas gong du sum cur bsgyur/ /zhag mi thub ba dang bcas pa'i// zla ba bcu gnyis la lo gcig/ lo la zhag gi shol drug 'dor ste/ 'di lta ste/ dgun dang dbyar dang dpyid rnamS phyir/ zla ba phyed dang gnyis 'das nas/ /zla ba phyed ni lus pa na/ /mkhas bas zhag mi thub pa dor/ /lo'i tshad bshad zin to// bskal ba rnam ba mang bshad pa// 'di lta ste/ 'jig pa'i skal ba dang/ 'chags pa'i bskal pa

  403. 202a

    dang/ bar gyi bskal ba dang/ bskal pa chen po'o/ /de la 'jig pa'i bskal pa dmyal ba yi// srid pa med nas snod zad pa'o/ /dmyal ba dag na sems can mi srid pa nas bzung ste/ snod zad pa'i bar 'di ni 'jig pa'i skal pa'o// 'chags pa dang po'i rlung nas ni/ /dmyal ba srid pa'i bar du'o// dang po ni rlung nas bzung ste/ dmyal ba dag na sems can srid pa'i bar gyi dus 'di ni 'chags pa'i bskal pa'o/ /bar gyi bskal pa dpag med nas// tshe lo bcu pa'i bar du'o// 'jig rten pa 'chags pa na ma rnams kyi tshe dpag tu med pa la bar gyi bskal pa bcu dgu 'da' bar 'gyur ro/ /tshe dpag tu med pa nas 'grib pa nas tshe lo bcu pa'i bar du 'gyur te/ 'di ni dang po'i skal ba bar ma'o// de nas yar skye mar 'bri ba'i/ /bskal pa gzhan ni bco brgyad dang// tshe lo bcu pa de dag las yar skye bar 'gyur ba ni rim gyis tshe lo brgyad khri par 'gyur ba la yang mar 'bri ba'i tshe lo bcu par 'gyur ba 'di ni bar gyi bskal pa gnyis pa yin te/ /de lta bu bco brgyad kyi bar dang/ yar skye ba ni gcig yin te/ /bar gyi bskal pa gcig ni nyi shu pa'o// yang yang skye ba de dag ji tsam du yar skye bar 'gyur zhe na/ de dag tshe ni brgyad khri'i bar// de las yar ni mi skye'o/ /de ltar 'jig rten 'chags pa 'di/ /bar gyi skal pa nyi shur gnas// de ltar bar gyi bskal pa'i tshul 'dis 'jig rten 'di bar gyi bskal pa nyi shur chags nas gnas so/ /dus de srid kho nar 'chags pa dang ni 'jig pa dang/ zhig nas 'dug pa dag mnyam mo// bar gyi bskal pa nyi shu kho nar 'chags so// nyi shu kho nar 'chags so// nyi shur 'jig go/ nyi shur zhig nas 'dug go/

  404. 202b

    bar gyi bskal pa nyi shu phrag bzhi po de dag ni brgyad cur 'gyur te/ de dag brgyad cu la bskal chen/ /bskal pa grangs med pa gsum gyis sangs rgyas nyid thob par 'gyur ro// zhes gang gsungs pa'i bskal pa de dag gang zhe na // bskal pa chen por bshad pa gang yin pa/ de grangs med gsum la sangs rgyas 'byung ngo// bskal pa grangs med pa gsum gyis sangs rgyas 'thob kyang ci sangs rgyas yar skye ba'i tshe 'byung dam/ 'on te mar 'bri ba'i tshe 'byung zhe na/ mar ni 'grib pa yi// brgya yi bar la de dag 'byung// yar skye ba'i tshe sems can rnams skyo bar dka' ba'i phyir ro// brgya bas mar 'grib pa'i tshe yang snyigs ma ltar shin tu lhag pas so// yang rang sangs rgyas rnams dus gang du 'byung zhe na/ rang rgyal rnams gnyis ka la/ yang yar skye ba dang mar 'grib pa na'o/ /de la yang bse ru bskal pa brgya yi rgyas// rang sangs rgyas ni rnam pa gnyis te /tshogs shing spyod pa rnams dang /bse ru lta bu rnams so/ /de dag gi phyi ma ni bskal pa brgyar byang chub kyi tshogs dag la spyad pas rang sangs rgyas kyi byang chub thob pa'o// yang 'khor los sgyur ba rnams nam 'byung zhe na /'khor los bsgyur pa 'byung ba ni /stong phrag brgyad cu las mi 'phyi/ /mi rnams kyi tshe dpag tu med pa nas brgyad khri'i bar du 'khor los sgyur ba rnams 'byung ste/ 'og tu ni ma yin no// de dag ni rgyal srid 'khor los sgyur ba'i ngang tshul can yin pas 'khor los sgyur ba rnamS so/ /de dag kyang rnam pa bzhi ste/ gser dngul zangs lcags 'khor lo can// de dag gling gcig gling gnyis dang// gsum dang bzhi la mas rim bzhin// gang la lcags kyi 'khor lo yod pa de ni gling gcig la dbang

  405. 203a

    byed ba nas/ gang la gser gyi 'khor lo yod pa de ni gling gzhi la dbang byed ba'i bar ro// 'khor los sgyur ba de dag ni 'di ltar 'byung ste/ lhan cig gnyis min sangs rgyas bzhin /de la 'ga' zhig na re 'jig rten gyi khams su sangs rgyas gnyis mi 'byung ste/ 'khor los sgyur ba'i rgyal po bzhin no zhes zer ro// kha cig na re thams cad du mi 'byung zhes 'dzer to// yang 'khor los sgyur ba dag sa las rgyal bar byed ba na ji ltar rgyal bar byed ce na/ go rims bzhin du/ phas bsu rang 'gro g.yul bshams dang/ /mtshon brtsams pas rgyal/ gang la gser gyi 'khor lo yod pa de la ni khams kyi rgyal phran rnams rang res bsu bar byed do// gang la dngul gyi 'khor lo yod ba de ni bdag nyid de dag gi thad du 'gro ste phyis 'dud do// gang la zas kyi 'khor lo yod ba de ni der sod nas g.yul shom bar byed do// gang la lcags kyi 'khor lo yod pa de ni de dag gi tha dad du song nas phan tshun mtshon brtsams pas so// 'khor los sgyur ba thams cad kyang/ gnod pa med/ mtshon chas rgyal yang gsod du mi 'ju go/ rgyal bo gzhan dag las 'di dag skyes bu chen po'i mtshan dag ni khyad par ro// de la yang thub mtshan yul na gnas pa dang /gsol la rdzogs pas 'phags pa yin// rang sangs rgyas rnams kyi mtshan ni shin tu yul na gnas ba dang/ shin tu gsal ba dang/ shin tu kun rdzogs pa dag yin pas de dag gi khyad par ni de yin no/ yang ci bskal ba dang po'i mi rnams kyang rgyal po dang bcas bar gyur tam/ 'on kyang sngar byung sems can gzugs can bzhin/ /de nas rim gyis

  406. 203b

    ro la chags// le los bsog 'jog byas nas ni// 'dzin bcas rnams kyis zhing dbon bstabs// bskal pa dang po'i mi rnams ni mang la nas skyes pa ma yin/ dga' ba'i zas can dang /rang gi 'od can dang /bdag gi ba med ba yongs su bzung ba med bar gyur to// de bzhin du byung ba de dag sa'i ro dang zhag la sogs pa'i ro la bskam par gyur pas de yang nub nas/ sa lu la sogs pa yongs su 'dzin te/ de la yang brku ba la sogs pa la rab tu 'jug pa na de srung ba'i phyir rgyal bo bstabs te/ rgyal po gcig nas gcig tu brgyud pa'i rtsom pa ni de yin no// de nas las kyi lam lhag bas// tshe thung lo ni bcu yin no// de nas de ltar las kyi lam rnams 'phel ba dang mi rnams kyi tshe khang kyis thung ngur 'gyur te/ tshe lo bcu bar 'gyur ro// bskal pa mtshon dang nang dang ni// mu ge dag gi tshar phyin to// bar gyi bskal ba ni mtshon dang nad dang mu ge gsum gyi tshar phyin to/ /yang mtshon gyi gnod ba dang /nad dang mu ge dag dus ji srid gcig 'byung zhe na/ zhag rnams dang ni zla ba dang/ /lo bdun dag tu go rims bzhin/ /mtshon cha'i bskal ba brten ba ni zhag bdun 'byung ngo/ /nad ni zla ba dang zhag bdun 'byung ngo/ /mu ge ni lo bdun dang zla ba bdun dang zhag bdun du'o/ /yang 'jig pa dag ni du zhe na/ me dang chu dang rlung dag gis// 'jig pa dag ni yang gsum yin// 'di'i sems can rnams bsam gtan gcig tu la bas na 'jig pa yin no// nyi ma bdun du ni mes 'jig pa yin no/ /bar gyi chus ni chus 'jig pa yin no// rlung rab tu 'khrugs pas na rlung gis 'jig pa yin te/ de dag gis ni snod rnams kyi cha shas phra mo yang ma lus ?

  407. 204a

    byed do// yang 'jig pa gang gi rtse mo gang yin zhe na/ bsam gtan gnyis sogs gsum po ni// de dag gi rtse mo go rims bzhin/ mes 'jig pa'i rtse mo ni bsam gtan gnyis pa yin te /man chad sred par byed do/ /chus 'jig pa'i rtse mo ni gsum pa yin te/ man chad srul bar byed do// rlung gi 'jig pa'i rtse mo ni bzhi pa yin te/ man chad 'ther bar byed do// yang ci'i phyir bsam gtan dang po dang / gnyis pa dang/ gsum pa dag /me dang chu dang rlung dag gis 'jig ce na/ de yi skyon dang chos mthun phyir// bsam gtan dang po na ni rtog pa dang dpyod pa dag skyon yin te/ de dag kyang yid yongs su gdung bar byed pa dag yin pa'i phyir me lta bu dag yin no// gnyis pa na ni dga' ba skyon yin te/ de yang shin tu spyangs pa dang ldan pas lus mnyen par byed pa yin pa'i phyir/ chu lta bu yin no// bsam gtan gsum pa na ni dbugs rdub pa dang dbugs 'byung ba ste/ de dag kyang rlung kho na yin pas snyoms par 'jug pa'i bsam gtan gang na nang gi skyon ji lta bar skye ba'i bsam gtan de na phyi rol gyi yang de lta bu yin no// 'di kho na'i phyir / bzhi pa na med mi g.yo'i phyir// bsam gtan bzhi pa ni nang gi skyon dang bral ba'i phyir mi g.yo ba zhes gsungs te/ de'i phyir 'dir phyi'i skyon yang mi 'jug go/ 'o na bsam gtan bzhi pa'i snod rtag par 'gyur ro zhe na/ mi rtag de yi gzhal med khang/ /sems can bcas te 'byung 'jig phyir/ bsam gtan bzhi pa na ni sems can skye ba 'am 'chi 'pho ba'ang rung ste/ de ni gzhal med khang dang bcas te yin pas

  408. 204b

    de la rtag pa med do// yang 'jig pa de dag go rims gang gis 'byung zhe na/ re zhig bar chad med par ni/ me yis bdun no// mes 'jig pa bdun 'byung ngo/ /de'i 'og tu ni chu yis gcig/ mes 'jig pa bdun gyi mjug thogs su chu yis gcig 'byung ngo/ /de ltar chu bdun thal nas kyang/ /ma yis bdun no// rim pa des na chus 'jig pa bdun thal nas yang mes 'jig pa bdun 'byung ngo// de nas ni mjug tu rlung gis 'jig pa yin/ de nas rlung gis 'jig pa gcig 'byung ngo// de ltar 'jig pa ni de dag gi rim pa yin no// 'jig rten bstan pa zhes bya ba mdzod kyi gnas gsum pa'o// yang sems can dang snod kyi 'jig rten rnam pa sna tshogs pa bshad ba gang yin pa de dag gsus byas zhe na/ sus kyang blo sngon du btang nas byas pa ni med do //'on kyang sems can rnams kyi las las 'jig rten sna tshogs skyes/ las las de ci zhig ce na/ de ni sems pa dang des byas/ sems pa dang bsams pa'i las so zhes gsungs la/ bsams pa gang yin pa de ni sems pas byas pa yin no// las gnyis po de dag ni gsum yin te/ lus dang/ dag dang yid kyi las so// de la yang sems pa yid kyi las yin no// des bskyed lus dang ngag gi las/ /sems pas bskyes ba gang yin pa bsams pa'i las zhes gsungs pa gang yin pa de dag ni lus dang ngag gi las su rig par bya'o //de dag rnams rig rnams rig? min/ /de dag kyang rnam par rig byed dang /rnam par rig byed ma yin pa'i rang bzhin no// de la lus rnams rig byed dbyibs su 'dod// sems kyi dbang gi lus de ltar gnas pa ni lus kyi rnam par rig byed yin no//

  409. 205a

    'gro ba zhes bya kha cig gi ste/ de brjod ba/ 'gro min gang phyir 'dus byas ni// skad cig pa yin/ 'dus byas ba thams cad ni skad cig las phan chad du med ba'i phyir de ni yul gzhan du 'pho ba ni mi rigs te/ de lta bas na 'gro ba ma yin no// skad cig mar shes par bya ste/ 'dus byas ni gdon mi za bar 'jig phyir ro// dngos bo rnams 'jig pa ni rgyu med pa las 'byung ba yin no/ yang gal te skyes pa tsam la ma yin na phyis kyang mi 'byung bar 'gyur ro// de yang mthong ste gal te 'jig pa rgyu dang ldan pa zhig tu gyur na/ blo rang sgra dang me lce dag 'jig pa med pa las 'byung ba yang mthong bas 'di rgyu la bltos pa ma yin no/ /yang gang zhig gzugs la sogs pa me dang 'brel pas 'jig par 'dod ba de dag gi lan yang 'di yin te/ rgyu med pa las 'ga' mi 'byung/ gzhan yang rgyu yang 'jig pa bor 'gyur ro/ /me dang 'brel ba gang las chos byed las skye ba 'byung ba de nyid de dang 'dra bar tshos pa dang/ ches tshos pa dang /ches cher chas pa byung na de dag 'jig pas rgyu de dag gi 'jig pa por 'gyur ba 'am /yang na bye brag med par 'gyur ro/ /de yang rigs pa ma yin te/ de'i phyir 'gro ba med na lus kyi rnam par rig byed dbyibs yin no zhes bya bar grub bo// mdo sde pa rnams na re dbyibs na rjes su med de/ gal te yod na ni gnyis gzung 'gyur mig gis mthong na yang ring po'o snyam du shes par 'gyur la/ lus kyis reg na'ang shes bar 'gyur bas gzugs kyi skye mched la ni gnyis kyis 'dzin pa med do// gang yang thogs pa dang bcas pa'i gzugs

  410. 205b

    cung zad yod pa de ni gdon mi za bar rdul phra rab la yod pa yin na/ de rdul la med/ ring po la sogs ba'i dbyings ni rdul phra rab la med do// de lta bas na mang po gnas pa kho na la ring po la sogs bar 'dogs par zad do// bye brag tu smra ba rnams na re/ dbyibs kyang rdzas kho na yin la/ lus kyi rnam par rig byed kyang dbyibs kyi bdag nyid yin no zhes zer ro// ngag rnams rig byed ni ngag sgra/ /ngag gi rang bzhin gyi sdu gang yin pa de ni nyid dang ngag gi rnam bar rig byed yin no/ /rnam par rig byed ma yin pa ni sngar bshad pa kho na yin no //mdo sde pa rnams na de/ de yang rdzas su med de /khas blangs nas mi byed pa tsam gyi phyir ro/ /bye brag tu smra ba rnams na re yod ches zer ro// ji ltar shes zhe na/ rnam gsum dri med gzugs gsungs dang// 'phel dang ma byas lam sogs phyir// bcom ldan 'das kyis gzugs ni rnam pa gsum du gsungs to/ bstan du yod la thogs pa dang / bstan du med la thogs ba dang bcas ba dang/ bstan du yang med la thogs pa yang med ba'o zhes so// zag pa med pa'i gzugs kyang gsungs te/ gzugs gang la rjes su 'chags ba 'am/ khong khro ba ni mi skye ba zhes bya ba dang dpag tu med pa'o// rnam par rig byed ma yin pa ma gtogs pa ni bstan du yang med la/ thogs pa yang med pa'i gzugs kyang med la/ zag pa med pa yang med do/ /'phel bar yang gsungs te/ rdzas las byung ba'i dngos po de 'di dag dang ldan pa ni rtag tu rgyun mi 'chad bar bsod nams mngon bar 'phel bar kho nar 'gyur ro/ /rnam par rig byed ma yin pa ma gtogs pa ni yid gzhan dang ldan pa'i bsod nams kyang mngon par 'phel bar mi rung //rnam par

  411. 206a

    rig byed ma yin ba med na bdag nyid kyis ma byas la gzhan byed du bcug ba'i las kyi lam dag kyang 'grub par mi 'gyur ro// rnam par rig byed ma yin pa'i gzugs med na lam yan lag brgyad bar mi 'gyur la/ so sor thar ba'i sdom pa yang med par 'gyur te/ yang dag par blangs pa'i 'og tu gang gis na yid gzhan dang ldan pa 'di yang dge slong du 'gyur ba de ni med do/ /de bas na rnam par rig byed ma yin pa de ni yod pa kho na'o// yang ci rnam par rig byed ma yin pa yod bar de'i tshe yod pa'i 'byung ba chen po dag kho na rgyur byas nas 'byung dam zhe na/ ma yin te /rtag tu 'di lta ste/ 'dod rtogs rnamS rig yin skad cig/ phyin chad 'das pa'i 'byung las skyes// 'dod pa na spyod pa'i rnam par rig byed ma yin pa ni skad cig ma dad po'i phyin chad 'dus ba'i 'byung ba rgyur byas nas skye'o// de dag ni 'di'i gzhi'i don du 'gyur la/ lus kyi 'byung ba chen po da ltar byung ba rnams ni rten du 'gyur te/ 'khor lo sa la 'dril ba lag bas 'phul ba dang /sa'i phyogs bzhin no// yang gdan yod pa'i lus dang ngag gi las gdan yod pa'i 'byung pa chen po dag rgyur byas pa yin zhe na/ zag bcas lus dad ngag gi las// rang gi 'byung ba dag rgyur byas// 'dod pa na spyod pa nas bsam gtan bzhi pa'i bar gyi lus dang ngag gi las de'i sa ba'i 'byung ba dag kho nar rgyur byas pa yin no// zag med gang du skyes ba'i yin// sa gang du skyes ba de bskyed bar byed pa de'i sa pa'i 'byung ba chen po dag rgyur byas ma rig par byed ste/ rnam par rig byed ma yin pa'i las de las kyang /rnam rig byed min ma zin

  412. 206b

    dang// rgyu mthun las byung sems can ston// gzhan yang rgyu mthun zin pa'i 'byung las skyes/ /rnam bar rig byed ma yin pa ni rgyu mthun pa dang zin ba'i 'byung ba dag kho na dag rgyur byas nas skye ste/ 'di ni mnyam bar bzhag ba ma yin ba'i sa pa'i rnam pa yin no// ting nge 'dzin skyes 'byung ma zin dang/ /rgyas byung tha dad min las skyes// ting nge 'dzin las skyes pa rgyas pa las 'byung ba dang/ ma zin pa'i 'byung ba dag kho na rgyur byas nas skye'o// tha mi dad pa dag kyang yin te/ 'byung ba chen bo dag rgyur byas nas srog gcod ba spong ba skye ba de dag kho na las tshig 'khyal ba spo ba'i bar du skye'o/ /yang las de rnam pa gnyis dang /rnam pa gsum dang/ rnam par lngar bshad pa de la/ rnam rig min lung bstan min med// dge ba dang mi dge ba yod ces gsungs par 'gyur ro/ /gzhan ni rnam gsum rnam bar rig byed dang /sems pa ni rnam gsum mo/ /mi dge ni 'dod na'o/ /mi dge ba ni 'dod pa'i khams kho na ni spyod kyi gzhan ni ma yin no// dge ba dang lung du ma bstan pa ni ma bkag ba'i phyir thams cad na yod do// de la gzugs na'ang rnam rig min/ /'ang gi sgras ni 'dod ba na yang yod do/ /gzugs med pa dag na ni 'byung ba med pa'i phyir med do/ /rnam rig dpyod dang bcas dag na// 'dod pa'i khams na/ bsam gtan dang po kho na yod kyi dman chad na med do/ /'dod pa na yang sgribS ba med// ci'i phyir tshangs pa'i 'jig rten man chad na rnam par rig byed med la/ 'dod pa'i khams na bsgribs pa med ce na/ gang phyir kun slong med pa dang/ rtog pa dang /dpyod pa dang bcas pa'i sems kyis rnam par rig byed kun nas slong bar byed na/ da yang bsam gtan gnyis pa la sogs

  413. 207a

    pa dag na med de/ bsgom pas spang bar bya bas skyed kyi/ bsgribs la lung du ma bstan pa'i yang 'dod pa'i khams na med do// yang ci kun nas slong ba'i dbang kho na las chos rnams kyi dge ba la sogs par rig par bya 'am zhe na/ smras pa ma yin te/ 'on kyang rnam pa bzhi ste/ don dam pa dang /ngo bo nyid dang/ mtshungs par ldan pa dang/ kun nas slong bas so// de las re zhig thar pa dam pa'i don du dge/ mya ngan las 'das pa ni sdug bsngal thams cad nye bar zhi ba yin te/ de baS na mchog tu bde ba'i phyir don dam par dge ba ste/ nad med pa bzhin no// rtsa ba ngo tsha khrel yod bdag nyid kyis/ /dge ba'i rtsa ba gsum dang/ ngo tsha shes pa dang/ khrel yod pa ni ngo bo nyid kyis dge ba dag ste/ gzhan mtshungs par ldan pa dang kun nas slong ba la mi ltos pa'i phyir te /'phrod pa'i sman bzhin no// de dag dang ldan mtshungs ldan gyis// dge ba'i rtsa ba dang/ ngo tsha shes pa dang/ khrel yod pa de dag nyid dang mtshungs par ldan pa'i chos rnams ni mtshungs par ldan pa'i dge ba dag yin te/ sman dang sbyar ba'i btung ba bzhin no// bya ba la sogs kun slong bas// dge ba'i rtsa ba la sogs pa dang mtshungs par ldan pa'i chos de dag kho nas kun nas bslang ba'i lus dang ngag gi las sems kyis ma zin pa dag kun nas slong bas dge ba yin te/ sman dang sbyar ba'i btung ba la byung ba'i 'og ma bzhin no/ /dge ba ji skad du bshad ba de laS/ bzlog pa mi dge ba ni sdug bsngal thams cad 'jug pa'i bdag nyid kyis mchog tu mi bde ba'i phyir don dam par mi dge ba yin no/ /mi dge ba'i rtsa ba dang ngo tsha med pa dang khrol med pa rnams ni ngo bo nyid kyis so/ /de dag dang

  414. 207b

    mtshungs par ldan pa'i chos rnams ni mtshungs par ldan pas so// de dag gis kun nas slang ba'i lus dang ngag gi las dang/ skye ba la sogs pa dang thob pa rnams ni kun nas bslang pa las te /nad dang mi 'phrod pa'i sman la sogs pa dper bya'o/ /de lta na 'o na ni 'khor ba'i khongs su gtogs pa'i phyir zag pa dang bcas pa cung zad kyang lung du ma bstan pa 'am/ dge bar mi 'gyur ro zhe na/ don dam par de skad du bshad kyi zag pa dang bcas pa gang zhig rnam par smin pa'i phyir lung du ma bstan pa de ni lung du ma bstan pa zhes bya la/ rnam par smin pa yid du 'ong ba can ni dge ba zhes bya'o// gal te don dam par lung ma bstan pa 'tshol ba na ni de la /don dam par/ lung ma bstan pa brtag pa dag/ 'dus ma byas nam mkha' dang/ so sor brtags pas 'gog pa ni grangs med par lung du ma bstan pa yin no// mthong bas spang bar bya ba'i sems ni rnam par rig byed kun nas slong ba ma yin no zhes gang bshad pa/ 'o na ci'i phyir bcom ldan 'das kyis log par lta ba de las ni log par rtog pa dang log pa'i ngag log pa'i las kyi mdza' 'byung bar 'gyur ro zhes bya ba la sogs pa gsungs she na/ 'di ni 'gal ba med de/ 'di ltar kun slong rnam gnyis rgyu dang ni// de yi dus kyi slong zhes bya/ /kun nas slong ba ni rnam pa gnyis te/ rgyu'i kun slong dang /de'i dus kyi kun nas slong ba ste /de'i dus kho na na de yod pa'i phyir ro// gnyis las dang po rab 'jug byed// gnyis pa rjes su 'jug byed yin// rgyu'i kun nas slong ba ni 'phen par byed pa yin pa'i phyir rab tu 'jug par byed ba yin no// de'i dus kyi kun nas slong ba ni bya ba'i

  415. 208a

    dus su mthun bar 'jug ba'i phyir rjes su 'jug par byed pa yin no/ /de la yang mthong bas spang bya'i rnam shes ni/ rab tu 'jug byed yin mthong bas spang bar bya ba'i sems ni de kun nas slong bar byed ba dpyod pa dang rtog pa dag gi gzhir gyur ba'i phyir rnam par rig byed rab tu 'jug par byed pa yin gyi sems kha phyir bltas ba'i phyir rjes su 'jug par byed ba ni ma yin no //de lta bas na mdo las rgyu'i kun nas slong ba'i dbang du mdzad nas gsungs pa'i phyir mi 'gal lo// yid ni bsgom pas spang bya gnyis ka yin/ /yid kyi rnam par shes pa bsgom bas spang bar bya ba ni gnyis ka yin te/ rab tu 'jug par byed pa yang yin la rjes su 'jug par byed pa yang yin no// lnga ni rjes su 'jug byed yin/ /rnam bar shes pa'i tshogs lnga ni rjes su 'jug par byed ba kho na yin no// yang ci rab tu 'jug par byed ba ji lta bar rjes su 'jug par byed pa yang de dang 'dra 'am zhe na/ 'di ni nges ba med de/ rab tu 'jug byed dge sogs las// rjes 'jug byed kyang rnam gsum 'gyur// rab tu 'jug par byed ba dge ba las kyang rjes su 'jug par byed pa dge ba dang mi dge ba dang lung du ma bstan par yang 'gyur la/ mi dge ba dang lung du ma bstan pa la yang de dang 'dra'o// thub pa'i 'dra ba 'am de dge ba/ rab tu 'jug par byed ba dge ba las kyang rjes su 'jug bar byed ba 'dra ba dang/ lung du ma bstan pa las rjes su 'jug pa dge ba yin no// bsgom pas spang bar bya ba'i yid ni rab tu 'jug par byed ba yang yin la rjes su 'jug par byed

  416. 208b

    pa yang yin no zhes bshad pa/ rnam smin las skyes gnyis ka min/ /rnam par smin pa las skyes pa'i sems ni mngon par 'du bya ba med par 'jug pa nyid kyi phyir rab tu 'jug par byed pa yang ma yin la/ rjes su 'jug par byed pa yang ma yin no// zhar la 'ongs pa rdzogs so// //sngar bshad pa de ni rnam rig min rnam gsum zhes bya sdom dang sdom pa min dang gzhan// 'chal pa'i tshul khrims kyi rgyun sdom zhing 'gog pas na sdom pa'o// de la sdom pa so sor thar ces bya// de bzhin zag med bsam gtan skyes// de la so sor thar ces bya rnams brgyad/ /dge slong dang dge slong ma dang /dge slong ma dang dge tshul dang /dge tshul ma dang /dge bsnyen dang/ dge bsnyen ma dang / bsnyen gnas pa'i sdom pa ste/ sdom pa 'di ni ming du rnam pa brgyad yin no// rdzas su rnam pa bzhi yin no// dge slong dang /dge tshul dang /dge bsnyen dang/ bsnyen gnas kyi sdom pa'o/ /ji ltar shes zhe na/ mtshan las ming ni 'pho ba'i phyir //mtshan gyur na dge slong ni dge slong ma zhes bya la/ dge slong ma yang dge slong zhes bya ste/ de bzhin du dge bsnyen ni dge bsnyen ma zhes bya ba'i bar du'o/ /mtshan gyur pa la sngon gyi sdom pa gtong ba'i rgyu yang yod pa ma yin la sngon med pa'i sdom pa 'thob pa'i rgyu yang yod pa ma yin no/ /sdom pa 'di skye ba na yang /tha dang skyes te ma 'dres pa nyid do/ /dge bsnyen gyis dge tshul dang dge slong gis sdom pa blangs bas sngar gyi rnams las sdom pa gzhan la bsnan pas lhag par ni mi byed do// de bzhin gzhan yang ngo// de dag 'gal ba med/ sdom pa phyi ma yang dag par blangs pas sngon thob pa gtad ba ni ma yin te/ de lta ma yin na dge slong gi sdom

  417. 209a

    pa yongs su btad bas dge bsnyen yang ma yin pa kho nar 'gyur du 'ong ngo //ji ltar na dge bsnyen yin pa naS/ dge slong gi bar du yin zhe na/ spang bya lnga brgyad cu dang ni// thams cad spong ba mnos pa las// dge bsnyen dang ni bsnyen gnas dang// dge tshul phyed dang dge slong nyid// spang bar bya ba lnga po las slar ldog pa yang dag par blangs pas ni dge bsnyen gyi sdom pa dang brgyad po las bsnyen gnas la gnas pa dang/ gser dang dngul 'dzin pa las slar ldog pa brgyad po la bsnan nas bcu po las dge tshul yin no// 'dir yang gang dang glu dang rol mo dang/ dri dang/ 'phreng ba dang/ byug pa gnyis su byas na ni bcur 'gyur ro// spang bar bya ba thams cad las slar ldog pa yang dag par blangs bas ni dge slong yin no// so sor thar pa'i sdom pa nyid ni /tshul khrims dang ni legs spyad dang/ /las dang sdom pa zhes bya'o// las mi mnyam pa las log pa yang dag par blangs pas na tshul khrims so/ /mkhas pas bsngags pas na legs spyad do// bya ba'i rang bzhin yin pas na las so// de ltar na re zhig bye brag med par so sor thar pa'i sdom pa yang dag par bstan to// yang dang po'i rnam rig min// so sor thar dang bya ba'i lam sdom pa yang dag par blangs pa'i rnam par rig byed dang rnam par rig byed ma yin pa dang po dag ni so sor thar pa zhes bya ste/ des sdig pa las so sor thar pa'i phyir ro// dngos gzhi'i las kyi lam zhes bya'o// skad cig ma gnyis la sogs pa ni so sor thar pa'i? sdom pa kho na yin gyi/ so sor thar pa ni ma yin no/ /mjug yin gyi lam dngos gzhi ni ma yin no/

  418. 209b

    yang sdom pa 'di rnams las gang zhig gang dang ldan zhe na/ so sor thar dang ldan pa brgyad/ /dge slong dang dge slong ma la sogs pa'o// bsam gtan skyes dang de ldan pa //bsam gtan las bsam gtan gyis bskyes pas na bsam gtan skyes te/ gang bsam gtan dang ldan pa de ni gdon mi za bar bsam gtan gyi sdom pa dang ldan no// 'dir ni nyer bsdogs kyang bsam gtan du brjod nas bstan to// zag med 'phags pa'i sems can dang/ /zag pa med pa'i sdom pa ni 'phags pa'i gang zag rnams ldan no// sems kyi rjes su 'brang ba sngar bshad pa de las/ tha ma gnyis ni sems kyi rjes 'brang/ bsam gtan gyi sdom pa dang/ zag pa med pa'i sdom pa'o //yang smras pa / bar chad med lam skyes /de gnyis// mi lcogs med la spong zhes bya// de dag kho na bar chad med pa'i lam dgu dag tu spong ba'i sdom pa zhes brjod do/ /de gnyis kyis 'chal pa'i tshul khrims dang /de kun nas slong bar byed pa'i nyon mongs pa rnams spong ba'i phyir ro// 'o na bcom ldan 'das kyis/ yid kyi sdom pa legs pa ste zhes gsungs pa dang/ de bzhin du mig gi dbang po sdom pas bsdams te gnas so zhes gsungs pa/ yid dang dbang po'i sdom pa 'di gnyis kyi rang bzhin ci zhe na/ 'di gnyis rnam par rig byed ma yin pa'i tshul khrims kyi rang bzhin ma yin te/ 'on kyang shes bzhin dang ni dran dag gnyis// yid dang dbang po'i sdom pa yin //yid kyi sdom ba yang dran pa dang shes bzhin gyi rang bzhin yin la /dbang po'i sdom pa yang ngo// yang gang zhig rnam par rig byed dang rnam par rig byed ma yin pa dang/ dus ji srid du ldan zhe na/ so sor thar gnas ji srid du //ma btang bar rtag da ltar

  419. 210a

    gyi/ /rnam rig mi ldan/ so sor thar pa'i sdom pa la gnas pa gang de ni ji srid du rnam par rig byed ma yin pa mi gtong ba de srid du da ltar gyi dang ldan no// skad cig ma dang po phyin chad 'das pa dang/ ma gtang bar zhes sbyar bar bya'o// so sor thar pa'i sdom pa la gnas pa ji skad bshad pa/ sdom min gnas pa'ang de dang 'dra// de yang rtag tu da ltar ba dang /skad cig ma gcig phyin chad 'das pa yang ldan no// bsam gtan sdom dang ldan pa ni// rtag tu 'das dang ma 'ongs dang/ /skad cig ma dang po'i la yang tshe rabs gzhan dag tu gtang ba'i bsam gtan gyi sdom ba 'das pa 'thob bo// 'phags dang ni dang 'das dang min/ / 'phags pa yang skad cig ma dang po la ma 'ongs pa'i gang zag pa med pa'i rnam par rig byed ma yin pa dang ldan la/ 'das pa dang mi ldan te/ lam de sngon skyed pa'i phyir ro/ /mnyam gzhag 'phags lam gnas de gnyis// da ltar dang ldan/ bsam gtan dang zag pa med pa'i sdom pa la gnas pa la gnas pa de dag ni ji srid ma langs ba de srid du da ltar gyi rnam par rig byed ma yin pa dang ldan no// sdom pa dang sdom ba ma yin pa la gnas pa dag bshad zin no// bar gnas la/ yod na dang po bar gyi dang// gang sdom pa yang ma yin sdom pa ma yin pa yang ma yin pa de la gdon mi za bar rnam par rig byed ma yin pa yod pa ma yin gyi /gang la yod pa de ni skad cig dang po la da ltar ba dang ldan no// skad cig dang po nas/ phyin chad dus ni gnyis dang do/ /'das pa dang da ltar ba dang yang ngo// sdom pa dang sdom ba ma yin par gnas pa dag kyang gdon mi za bar rtag tu

  420. 210b

    dge ba dang mi dge ba'i rnam par rig byed ma yin pa dang ldan pa kho na ma yin te/ 'on kyang/ sdom min gnas pa dge ba dang/ /sdom la gnas pa mi dge ba'i/ /rnam rig mi ldan ji srid du// rab dang nyon mongs shugs ldan par sdom pa ma yin la gnas pa ni rab tu dang ba'i shugs kyis mchod rten la phyag 'tshal ba la sogs pa'i bya ba byed pa na dge ba'i rnam par rig byed ma yin pa skye la/ sdom la gnas pa ni nyon mongs pa'i shugs gang gis gsod pa dang 'chi ba la sogs pa'i bya ba byed pa na de dag ji srid du rjes su 'brang ba de srid du rnam par rig byed ma yin pa yang ngo/ /rnam par rig byed ma yin pa'i skabs bshad zin to// rnam rig byed ni thams cad la// byed pa dag la de ltar ldan// sdom pa dang sdom pa ma yin pa dang bar ma la gnas pa thams cad ji srid du rnam par rig byed byed pa de srid du ltar gyi dang ldan no// ma btang bar du skad cig ma// phyin chad 'das ldan ma 'ong med// ma 'ongs pa'i rnam dang rig byed ni su dang yang mi ldan no// bsgribs pa dang ni ma bsgribs pa// 'das pa dag dang ldan pa'ang med// chos nyams chung ba'i thob pa yang nyams chung ba yin pas rjes su 'brel ba can ma yin no// sdom pa'i rnam grangs sngar bshad nas/ /sdom pa ma yin pa brjod sdom pa min dang nyes spyad dang/ /'chal ba'i tshul khrims las de'i lam// sdom pa min pa'i rnam grangs ni sdom pa'i las bzlog ste shes par bya'o/ /rnam par rig byed dang ldan pa la rnam par rig byed ma yin pa dang mi ldan pa zhes bya ba mu bzhi ste/ de la ro zhig bar ma dor gnas sems zhan pas/ byed na rnam rig nyid dang ldan// 'di ni re zhig mu dang po yin no// rnam rig btang dang ma skyes pa'i/ /

  421. 211a

    'phags pa'i gang zag rnam rig min// 'phags pa'i gang zag gang zhig tshe gzhan du yongs su gyur nas da dung rnam par rig byed ma byung ba 'am/ rnam par rig byed rnam par nyams na rnam bar rig byed ma yin pa kho na dang ldan no zhes bya ba mu gnyis pa'o// gsum pa dang bzhi pa ni go sla'o// yang sdom pa 'di dag ji ltar 'thob ce na/ bsam gtan las skyes bsam gtan gyi //sa nyid kyis 'thob/ gang gi tshe bsam gtan gyi sems zag pa dang bcas pa dngos gzhi 'am/ nyer bsdogs pa 'thob pa de'i tshe bsam gtan gyi sdom ba yang 'thob ste/ lhan cig 'byung ba yin pa'i phyir ro// zag med ni 'phags nges/ de la bsam gtan bzhi dang/ mi lcogs pa med pa dang/ bsam gtan khyad bar can dag zag pa med pa'i sa yin te/ de thob pas zag pa med pa'i sdom pa 'thob bo// so sor thar ces pa/ gzhan gyi rnam rig byed sogs kyis/ /gal te 'di la gzhan gyis rnam par rig par byed la 'di yang gzhan las te/ de yang dge 'dun nam gang zag las 'thob pa'o// sogs pa'i sgras rang byung gis ni sangs rgyas rnams kyis zhes bya ba la sogs pa bsnyen bar rdzogs pa rnams bsdu'o// de la yang ji srid 'tsho dang nyin zhag tu// sdom pa yang dag blang bar bya// bsnyen gnas kyi sdom pa ni nyin zhag tu'o// gzhan ni ji srid 'tsho'i bar du'o// nyin zhag pa yi sdom min med// de de ltar snod med ces grag/ ji srid 'tsho'i bar du sdig pa'i khas blangs pa las sdom pa ma yin pa mi skye la/ nyin zhag pa ni med do// bsnyen gnas nyin zhag tu nod? na ji ltar du nod par bya zhe na/ dma' bar 'dug smras bzlas pa

  422. 211b

    yis/ /mi brgyan nam ni nangs bar du/ /bsnyen gnas yan lag tshang bar ni// nang par gzhan las nod par bya/ /dma' bar 'dug smras bzlas pa ni// bsnyen gnas kyi sdom pa skye ba'i don du'o// 'bogS pa po'i tshig gi rjes su bzlas par bya ba'i snga ba 'am /mnyam du ma yin no// de ltar na 'di gzhan las mnos ba yin no// mi brgyan ba ni rgyan nar ma ma gtogs so// nang par nod par bya ste/ nyin zhag pa yi sdom pa yin pa'i phyir ro/ / gang gis chos brgyad la rtag tu bsnyen gnas la gnas par bya'o zhes sngon yang dag par blangs bar bya sa pa des ni zan zas kyang nod bar bya'o// gzhan las nod par bya ste/ rkyen yod kyang mi 'da' bar bya ba'i phyir ro/ / de las gzhan du nos pas ni legs par spyad pa tsam du 'gyur gyi/ bsnyen gnas kyi sdom pa ni ma yin no// ci'i phyir yan lag brgyad nod ce na/ tshul khrims yan lag bag yod pa'i/ /yan lag brtul zhugs yan lag ste// bzhi gcig de bzhin gsum rim bzhin// yang bag yod pa'i yan lag dang/ brtul zhugs kyi yan lag 'di dag mnos pas cing 'gyur zhe na/ de yis dran nyams dregs par 'gyur/ /myos par 'gyur ba 'thungs pas ni bya ba dang bya ba ma yin pa'i dran pa nyams pa nyid du 'gyur ro// khri stan mthon po la sogs pa bsten nas dreg par 'gyur ro// dus su za zhing zas nar ma'i dus su za ba yongs su spangs pa las bsnyen gnas kyi dran pa dang skyo ba'i dran pa nye bar gnas par 'gyur te/ de med na gnyis ka yang med do// yang ci bsnyen gnas 'di dag dge bsnyen kho na la yod dam/ 'on te gzhan la'ang yod ce na/ gzhan la'ang bsnyen gnas kyi sdom pa yod mod kyi/ skyabs su ma

  423. 212a

    song ba la med/ /dge bsnyen ma yin pa yang gang zhig nyin zhag de la /sangs rgyas dang chos dang dge 'dun la skyabs su song ste/ bsnyen gnas nod pa de la bsnyen gnas kyi sdom ba skye bar 'gyur te/ gzhan du ni ma yin no// mdo las skyabs su 'gro ba tsam gyis dge bsnyen du bshad pa/ ci skyabs su 'gro ba kho nas dge bsnyen du 'gyur ram zhe na/ kha che ba rnams na re sdom ba med par mi 'gyur ro zhes zer ro// 'on gang mngon gsungs pa ji lta bu zhe na/ /'di la 'gal ba med de/ 'di ltar dge bsnyan nyid du khas blangs pa de kho na las sdom pa skye bar 'gyur ba// dge bsnyen du khas blangs pa kho nas 'di'i dge bsnyen gyi sdom pa skye bar 'gyur ro/ /sdom ba thob? kyang bslab ba'i gzhi rnams shes par bya ba'i phyir /bstan pa dge slong bzhin ji ltar dge slong dang dge tshul gyi sdom pa thob zin ba shes bar bya ba'i phyir khyod kyis 'di dang 'di sdom mo zhes slab pa'i gzhi rnamS 'dzin du 'jug pa ltar dge bsnyen yang de dang 'dra bas sdom pa med pa'i dge bsnyen ni med do// gal te thams cad sdoms yin no// sna gcig spyod sogs ji lta bu// gal te dge bsnyen thams cad dge bsnyen gyi sdom pa la gnas pa yin na/ bcom ldan 'das kyis sna gcig spyod pa dang/ phyogs gcig spyod pa dang/ phal cher spyod pa dang/ yongs su rdzogs par spyod pa'i dge bsnyen zhes gsungs pa ji lta bu yin /de srung ba las gsungs zhes grag/ gang zhig bslab pa'i gzhi gang srung bar byed pa de ni spyod pa zhes gsungs par zad kyi thams cad sdom pa la gnas ba ni 'dra'o/ /sdom pa thams cad kyang /chung ngu la sogs yid ji bzhin/

  424. 212b

    chung du dang 'bring dang chen po nyid ni yang dag par len pa'i sems kyis dbang gis so// gang zhig sangs rgyas dang/ chos dang dge 'dun la skyabs su 'gro ba de ci la skyabs su 'gro ce na /gang zhig gsum la skyabs su 'gro ste/ sangs rgyas dge 'dun byed ba'i chos// mi slob pa dang gnyis ka dang// mya ngan 'das la skyabs su 'gro/ gang zhig sangs rgyas la skyabs su 'gro ba de ni sangs rgyas su byed pa'i chos mi slob pa la skyabs su 'gro ba yin no/ /de dag kyang zad pa shes pa la sogs pa 'khor dang bcas pa yin no// gzugs kyi sku ni snga ma dang phyi mar yang khyad bar med pa'i phyir ro// gang zhig dge 'dun ? skyabs su 'gro ba de ni dge 'dun byed pa'i chos slob pa dang mi slob pa la skyabs su 'gro ba yin te/ gang dag thob pas gang zag brgyad po mi phyed pa'i phyir dge 'dun du 'gyur ba'o// gang zhig chos la skyabs su 'gro ba de ni mya ngan las 'das pa'i chos so sor brtags pas 'gog pa la skyabs su 'gro ba yin te /bdag gzhan gyi rgyun kyi nyon mongs pa rnams sdug bsngal zhi bar mtshan nyid gcig pa nyid kyi phyir ro// de lta na'ang mtshan nyid tha mi dad pa'i phyir sangs rgyas dang chos dang dge 'dun thams cad la skyabs su 'gro'o/ zhes gsungs par 'gyur ro// skyabs kyi don kyang skyob pa'i don yin te/ de la brtan nas sdug bsngal thams cad las gtan du nges par thar pa'i phyir ro/ /yang ci'i phyir sdom pa gzhan dag la ni mi tshangs par spyod ba spong ba'i gzhi rnam par gzhag la/ dge bsnyen la ni 'dod pas ? par g.yem pa spong ba slab pa'i gzhir rnam par gzhag ce na/ log g.yam shin tu smad phyir dang //sla phyir mi byed thob phyir ro// 'dod bas

  425. 213a

    log bas log par g.yem pa ni 'jig rten na shin tu smad pa yin no// khyim ba dag giS 'dod pas log par g.yem pa las sdom pa sla'i 'phags pas kyang 'dod pa log par g.yem pa mi byed ba'i sdom pa 'thob bo// de bas na bslab pa'i gzhi 'di nyid rnam par bzhag go/ gang dag dge bsnyen yin bzhin du yang chung ma lan par byed na/ ci de dag gi de dag las kyang/ sdom pa thob pa 'am/ 'on te min zhe na/ /nyi tshe ba'i sdom pa thob par 'gyur du 'ong bas 'thob bo// ji ltar sdom pa nyams par mi 'gyur zhe na/ 'di ltar /sdom pa ji ltar khas blangs bzhin// 'thob kyi rgyud las ma yin no/ /'di dag gi sdom pa ni ji ltar 'dod pas log bar g.yem pa spong ngo zhes khas len pa de bzhin 'thob bo// de la 'dod log med pas sdom pa nyams pa yang med do/ /yang ci'i phyir brdzun tu smra ba spong ba kho na bslab ba'i gzhir bzhag la phra ma la sogs pa las ni ma yin zhe na/ rgyu gsum po de dag nyid kyi phyir te/ brdzun smra shin tu smad phyir dang// sla phyir mi byed 'thob phyir ro// bslab pa thams cad 'das gyur na// brdzun du thal bar 'gyur ba'i phyir/ /bslab pa thams cad 'das na dri bar bya ba la bdag gis de lta bu ma byas so zhes bya ba 'di nye bar gnas par 'gyur te/ brdzun du smra bar thal bar 'gyur bas de'i phyir ji ltar 'das par byas kyang bdag nyid 'chags par 'gyur snyam bdag nyid 'chags par 'gyur snyam nas brdzun du smra ba las ldog par bshad do// yang ci'i phyir bcad pa'i kha na ma tho ba las myos par 'gyur ba 'thung ba las gzhan 'di'i bslab ba'i gzhi rnam par ma bzhag ce na/ bcad ba'i kha na ma tho ba/ myos 'gyur

  426. 213b

    nyid las /ci'i phyir zhe na/ gzhan bsrung phyir ro/ /myos par 'gyur ba 'thungs na yan lag gzhan dang gzhan dag kyang mi bsrung bar 'gyur ro/ /ci sdom pa gsum po 'di dag las gcig 'thob de las lhag ma dag kyang 'thob bam zhe na/ ma yin no// 'on kyang 'dod gtogs thams cad gnyis ka dang /de ltar dag las 'thob par 'gyur/ /'dod gtogs zhes bya ba ni so sor thar pa'i sdom pa yin no// thams cad las zhes bya ba ni sbyor ba dang dngos dang mjug las so// gnyis ka las zhes bya ba ni sems can dang sems can ma yin par ston pa dang /rang bzhin dang bcas pa'i kha na ma tho ba las so// sems can gyi rten la 'jug pa'i phyir dus da ltar gyi phung po dang / khams dang/ skye mched kho na las 'thob kyi 'das pa dang ma 'ongs pa dag las ma yin de dag ni sems can du mi bgrang ba'i phyir ro// bsam gtan zag med sdom pa ni/ /dngos dang dus ni thams cad las/ /bsam gtan dang zag pa med pa'i sdom pa ni las kyi lam dngos kho na las 'thob kyi sbyor ba dang mjug las kyang ma yin na bcad pa'i kha na ma tho ba las lta smos kyang ci dgos /dus thams cad kyi phung po dang khams dang skye mched las 'thob bo// yang ci sdom pa dang sdom pa ma yin pa dag sems can thams cad dang/ yan lag thams cad dang/ rgyu thams cad kyis 'thob bam/ 'on te bye brag ci yod ce na/ re zhig nges par /sdom pa sems can thams cad las 'thob la/ yan lag rgyu la dbye ba yod/ /de la dge slong gi sdom pa ni thams cad la thob bo// de las gzhan ni bzhi las so// las kyi lam rnams kyi sdom pa'i yan lag las yin no// rgyu las kyang rnam

  427. 214a

    grangs la las ni thams cad kyis te/ gal te ma chags pa dang /zhe sdang med pa dang/ gti mug med pa rgyu yin no/ /la la las ni gcig gis ste/ sems chung ngu dang 'bring dang chen po dag rgyur 'dod pa yin na'o// sdom pa min pa thams cad dang/ /yan lag kun las rgyus yin no/ /mtshang ba'i sdom pa ma yin pa can ni med do/ /rgyu thams cad kyis ni ma yin te/ sems chung du la sogs pa cig car du mi 'byung ba'i phyir ro// gang dag las 'thob pa bshad nas ji ltar 'thob ba de brjod par bya ste/ sdom pa min pa bya ba 'am/ /mkhas len pa las 'thob par 'gyur/ /de'i rigs su skyes pa rnams kyis ni gcod sbyor ba bya ba las sdom pa ma yin pa 'thob bo// gzhan gyi rigs su skyes pa rnams ni las de khas len pa las so// lhag ma'i rnam rig min zhing dang// len dang gus par byed pas 'thob/ /gang kun dga' ra ba la sogs pa phul ba tsam gyis rnam par rig byed ma yin pa skye bar 'gyur ba de lta bu'i zhing yang yod do// yang na sangs rgyas la phyag ma? 'tshal gyi bar du zas mi za'o zhes bya ba la sogs pa'i yid dam bcas pa 'am// dge ba 'am mi dge ba gang las 'di'i rnam par rig byed ma yin pa skye bab 'gyur ba de lta bu'i gus pas las byed pa las so// thob pa bshad nas gtong ba brjod par bya ste/ bslab pa phul dang shi 'phos dang// mtshan gnyis dag ni 'byung ba dang/ /rtsa ba chad dang mtshan 'das las/ /so sor thar pa'i 'dul ba gtong// bslab pa'i gzhi rnams ni mi brda prad pa'i drung du bsam pa thag ba nas slar phul ba dang/ ris mthun btang ba

  428. 214b

    dang /mtshan gnyis cig char byung ba dang/ dge ba'i rtsa ba kun du chang ba las so// bsnyen gnas kyi sdom pa ni mtshan mo 'das pa las kyang ngo// kha cig ltung bar 'gyur las smra// gzhan dag na re ltung bar 'gyur ba bzhi las gang yang rung ba zhig gis dge slong dang dge sbyong gi sdom pa gtong ngo zhes zer ro// gzhan dag dam chos nub ba las/ /'di ltar dam ba'i chos nub na bslab pa'i mtshams thams cad dang las kyi mdza' rnams med par 'gyur ro/ /kha che rnams ni byung ba la/ bu lon nor bzhin gnyis su 'dod/ /kha che ba rnams na re rtsa ba'i ltung ba la yang dge slong gi sdom ba gtong ba med do/ /ci'i phyir zhe na/ phyogs gcig nyams pas sdom bzang bar gtong ba ni mi rig pa'i phyir ro/ /'on kyang 'di la tshul khrims dang 'tshal ba'i tshul khrims gnyis ka yang yod de/ dper na 'ga' zhig la nor yang bdog la bu lon yang chags pa bzhin no// ltung de bshags na tshul khrimS? dang ldan pa kho nar 'gyur ro// yang bsam gtan dang zag pa med pa'i sdom pa dag ji ltar gtong zhe na/ bsam gtan gtogs pa'i dge ba ni/ sa 'phos nyams pa dag gis gtang //gsam? gtan du gtogs pa'i dge pa thams cad gtong ba ni gong ma 'am 'og tu skye ba ste sa 'phos pa las sam/ snyoms par 'jug pa las yongs su nyams pa las so/ ji ltar gzugs su gtogs pa ltar/ /de bzhin gzugs med gtogs 'phags pa// 'bras bu thob sbyangs nyams pa las// dge ba zag pa med ba ni 'bras bu thob pa las lam snga ma gtong bar 'gyur ro// dbang bo spyangs pa las dbang po rtul po'i lam mo// yongs su nyams ba las lam gong ma'i

  429. 215a

    re zhig sdom pa rnams ni de ltar gtong ngo// sdom min sdom pa 'thob pa dang// shi dang mchan gnyis byung ba las// sdom pa thob pa las ni gal te sdom pa yang dag par blangs pas sam /bsam gtan gyi sdom pa thob pa na'o// lus 'khor ba'i phyir shi ba dang/ rten nyams pa'i phyir mtshan gnyis byung ba las so// bar ma shugs blangs bya ba dang //don tshe rtsa ba chad pa las// rab tu dang ba dang nyon mongs ba'i ? gang gis rnam par rig byed ma yin pa 'phags pa de 'chad pa de yang rnam par chad par 'gyur ro/ /gal te yang dag par gtong na blangs pa gtong ba las so/ /ji ltar blangs ba mi byed na bya ba rnam par chad pa las so/ / mchod rten dang /kun dga' ra ba dang /gtsug lag khang dang /mal cha dang /stan dang /gos dang/ rgyan la sog spa'i dngos po'i don chad pa las so/ /tshe chad ba las kyang de/ /gang gi tshe dge ba'i rtsa ba kun tu gcod par byed pa brtsom pa nas yod do/ /de ltar na bar ma'i rnam par rig byed ma yin pa gtong bar 'gyur ro// 'dod gtogs dag pa gzugs min no// rtsa chad? gong du skyes pa las// dge ba'i rtsa ba kun tu chad pa lam// gzugS dang gzugs med pa'i khams su skye ba las so// nyon mongS pa can gzugs min ni// gnyen po skyes pas rnam nyams 'gyur// nye ba'i nyon mongs pa'i rnam pa gang gi spyod ba'i lam gang yin pa des 'di 'khor dang bcas pa yongs su spong bar byed kyi gzhan du ni ma yin no// yang sdom pa ma yin pa dang/ sdom pa ni sems can gang la yod ce na/ za ma ma ning sgra mi snyan// mtshan gnyis ma gtogs mi rnams la// sdom min

  430. 215b

    sdom pa'ang de bzhin la// lha dang byang sgra mi snyan pa rnams la ni yang dag bar len pa dang /ting nge 'dzin med ba'i phyir dang /sdig pa byang ba'i bsam pa med pa'i phyir sdom pa dang sdom ba ma yin pa med do/ /ngan song rnams la yang gang dang ldan ba dang gang med pas sdom pa dang sdom pa ma yin pa dag tu 'gyur ba ngo tsha shes pa dang khrel yod pa shas che bo med do/ /za ma la sogs pa de dag gis lus de lta bu gang la sdom pa ma yin pa mi skye la/ sdom ba yang ngo/ /de la yang mi rnams la gsum mo/ /mi rnams la ni so sor thar pa'i sdom pa la sogs pa thams cad yod do// 'dod dang gzugs skyes lha rnams la/ /bsam gtan skyes yod/ bsam gtan gyi sdom pa ni 'dod pa dang gzugs kyi khams su skyes pa'i lha rnams kho na la yod do/ /zag med ni/ bsam gtan khyad par 'du shes med// sems can ma gtogs gzugs med na'ang //'dod ba dang gzugs kyi khams su skyes pa rnams yang yod de/ bsam gtan khyad bar can dang/ 'du shes med pa'i sems can du skyes pa ma gtogs so// gzugs med bar skyes pa rnams la yang ldan pa kho na'i sgo nas yod do// 'di man chad ni mdo las bstan pa'i las rnam par bshad pa brtsam mo// las ni dge ba la sogs pa gsum ste/ de la/ las bde mi bong rang gzhan ni// dge dang mi dge dang gzhan yin// dge ba'i las ni dge ba ste/ 'bras bu yid du 'ong ba dang //mya ngan las 'das ba thob bar byed pa gang yin pa'o/ /mi dge ba'i las ni mi dge ba ste de las bzlog pa'o// de dag las gzhan pa bde ba yang ma yin pa la mi bde ba yang ma yin ba ni lung du ma bstan pa zhes bya ba'i tha tshig go// bsod nams bsod nams min mi

  431. 216a

    g.yo// bde ba myong 'gyur la sogs gsum/ /de la bsod nams 'dod khams dge ba'i las// mi g.yo gong ma las skyes pa'i// dge ba zhes bya bar sbyar te/ gzugs dang gzugs med ba na spyod pa'i las dge ba ni mi g.yo ba yin no// ci'i hyir zhe na/ gang phyir sa ni de dag tu/ /las rnams smin phyir mi g.yo'i phyir// 'dod pa na spyod pa'i las ni rnam par smin pa'i phyir g.yo ste/ 'gro ba gzhan gyi las 'gro ba gzhan du rnam par smin par 'gyur la/ lha'i ris gzhan gyi yang lha'i ris gzhan la'o/ /bsod nams ma yin pa'i las ni mi dge ba'i zhes 'jig rten nyid du grags so/ bsod nams la sogs pa'i lam bstan zin to bsam gtan gsum ba'i bar dge ba dang /bde ba myong 'gyur/ sa 'di ni tshor ba'i yin te/ 'di lta ste /'dod pa'i khams dang bsam gtan gsum mo// de yan chad sdug min bde min myong 'gyur ba// dge ba zhes bya bar sbyar te/ bsam gtan gsum pa yan chad kyi las dge ba ni bde ba yang ma yin/ sdug bsngal yang ma yin pa myong ba yin no// sdug bsngal myong 'gyur 'di'i mi dge/ 'dod pa'i khams kho na'i mi dge ba'i las ni sdug bsngal gyi tshor ba myong ba'o// 'og na'ang bar ma yod do zhes// kha cig zer te/ ci'i phyir zhe na/ gang gi phyir bsam gtan khyad par rnam smin las// de lta ma yin na bsam gtan khyad par can gyi las kyi rnam par smin pa med ba 'am/ las gang gis kyang bsam gtan khyad par can du smin par mi 'gyur ro// snga phyi med gsum smin 'dod phyir// 'dod pa'i khams las gzhan ni las gsum gyi rnam par smon pa dag cig car du ldan pa med

  432. 216b

    de/ bde ba myong bar 'gyur ba ni gzugs so/ /sdug bsngal myong bar 'gyur ba ni sems dang sems las byung ba rnams so// bde ba yang ma yin/ sdug bsngal ba yang ma yin ba myong ba ni mi ldan pa'i 'du byed rnams te /de'i phyir yang 'og na bar ma yod do/ /ji ltar na tshor ba'i rang bzhin ma yin ba'i las bde ba myong bar 'gyur zhes bya zhe na/ 'di la 'gal ba med de/ gang gi phyir/ ngo bo nyid dang mtshungs ldan dang //dmigs pa dang ni rnam smin dang/ mngon sum du ni gyur pa las/ /myong 'gyur rnam pa lnga yin no/ /de la ngo bo nyid kyis myong bar 'gyur ba ni tshor ba rnams so/ /mtshungs par ldan pas myong bar 'gyur ba ni reg pa nyi/ bde ba myong bar 'gyur ba'i reg ba zhes bya'o/ /dmigs pa myong bar 'gyur ba ni yul rnams te/ ji skad du mig gis gzugs mthong rnams nas so sor yang dag bar myong ba zhes bya'o// rnam par smin ba myong bar 'gyur ba ni las yin te/ mthong ba'i chos la myong bar 'gyur ba'i las zhes bya'o/ /mngon sum du gyur ba myong bar 'gyur ba ni ji skad du/ gang gi tshe bde ba'i tshor ba nyams su myong ba'o //de bas na rnam bar smin pa nyams su myong bar 'gyur ba yin pa'i phyir las kyang bde ba myong ba 'gyur ba zhes bya ba la sogs par brjod do/ /de yang nges rang ma nges pa/ /mthong ba'i chos la sogs pa la// myong 'gyur phyir na des rnam gsum// de ni mi nges pa dang bcas pa rnam pa bzhi yin no// kha cig las rnam lnga zhes zer// myong bar 'gyur ba ma nges pa la rnam par smin p+par nges pa dang ma nges pa rnam ba gnyis su phye nas so// gzhan dag mu ni bzhi zhes zer// gnas skabs nges la rnam par smin par ma nges pa yang yod do/ /mthong ba'i

  433. 217a

    chos la sogs pa la myong bar 'gyur la/ rnam par smin pa ni ma nges ba'i las gang yin pa'o/ /rnam par smin par nges la gnas skabs dag tu ma yin pa yang yod de/ de las bzlog ba'o/ /gnyis ka yod pa dang/ gnyis ka med pa zhes bya ba bshad pa'o rjes su 'brangs nas shes par bya'o// las bzhi po de dag las/ gsum gyis ris ni 'phen par byed// mthong ba'i chos la myong bar 'gyur ba'i las kyis ni ris mthun pa 'phen par mi byed ba'i phyir ro/ /khams gang mi 'gro ba gang na las kyi 'phen pa du zhig yod ce na/ thams cad na ni 'phel ba bzhi// thams cad du las bzhi 'phan te/ dge ba 'am/ mi dge ba ci rigS bar?/ sbyir bstan pa 'di'i dmigs kyis bsal ba ni 'di yin te/ /dmyal ba na ni dge ba'i gsum/ /mthong ba'i chos la myong bar 'gyur ba ni med de/ de na dge ba'i rnam par smin pa'i skabs med pa'i phyir ro/ /gang las 'dod chags bral brtan pa'i// byis pa der skyes myong mi byed// so so'i skye bo yongs su mi nyams pa'i chos can zhig na/ de ni sa gang las 'dod chags dang bral ba der skyes nas myong bar 'gyur ba'i las ni mi byed do// 'phags pa gzhan du 'ang myong mi byed// bstan pa zhes bya bar sbyar te/ de ni der lan grangs gzhan du myong bar 'gyur ba'i las kyang mi byed do/ /'dod rtse'i mi bstan pa yang min// 'dod ba'i khams sam srid pa'i rtse mo las 'dod chags dang bral ba'i 'phags pa ni der skyes nas myong bar 'gyur ba dang/ lan gzhan la myong bar 'gyur ba'i las byed par ni rung ba ma yin no/ /de ni de'i tshe 'bras bu las yongs su nyams pa yin la /'bras

  434. 217b

    bu las yongs su nyams pa la yang 'chi ba med do/ /ci srid pa bar ma la las kyi 'phen pa yod dam zhe na/ smras pa yod de/ srid pa bar ma 'dod khams su/ /'phen pa rnam pa nyi shu gnyis// ji ltar byas pas zhe na/ nur nur po dang/ mer mer po dang/ nang nang po dang/ gor gor po dang/ rkang lag 'gyus pa'i gnas skabs lnga dang/ phyis pa dang gzhon nu dang/ dar la bab pa dang/ dang yol ba dang/ rgan pa'i gnas skabs lnga dang/ gnas skabs bcu po 'di dag nyams su myong ba dang/ srid pa bar mar nyams su myong bar ngos pa dang ma nges pa rnam pa nyi shu rtsa gnyis 'phan par byed do/ /de ni mthong chos 'bras bu yin/ /de ni ris gcig kho na yin/ /de ni ris mthun pa gcig kho na yin te/ srid pa bar ma gang yin pa dang/ de'i rgyu las byung ba gnas skabs bcu po gang dag yin pa de ni las gcig gis 'phangs pa yin no/ /de'i phyir mthong ba'i chos kyi myong ba kho na yin no/ /yang nges pa'i las ci 'dra bar rig par bya zhe na/ nyon mongs rab dang drag po dang/ /yon tan zhing dang rgyun chags su/ /byas pa gang zhig yin pa dang/ pha ma gsang gang de nges so/ /nyon mongs pa drag pos byas pa'i las gang yin pa dang/ rab tu dang ba drag pos byas pa dang/ gang rgyun tu byed pa dang/ yon tan gyi zhing la byed pa de ni nges pa yin par rig par bya ste/ yon tan gyi zhing ni dkon mchog gsum dang/ 'bras bu dang snyoms par 'jug ba khyad par can thob pa'i gang zag go/ de la nyon mongs pa dang rab tu dang ba drag po dang/ rgyun tu byed pa med par yang dge ba 'am mi dge ba dang/ pha ma gsod pa yang nges par 'gyur ro/ /mthong ba'i chos la myong ba'i las ci 'dra ba zhe na/ mthong chos 'bras ba can gyi las//

  435. 218a

    zhing dang bsam pa'i khyad par las/ /mthong ba'i chos la myed? par 'gyur ba'i las zhing gi khyad par las 'gyur ro/ /bsam ba'i khyad par las kyang ngo/ /yang sa de'i 'dod chags gtan bral phyir/ /yang dge ba 'am mi dge ba'i las sa gang yin pa de las gtan du 'dod chags dang bral ba yin pa'i phyir de mthong ba'i chos la myong bar 'gyur ro/ /las ji lta bu zhe na/ rnam smin des pa gang yin pa'o/ /de'i nges pa 'di yin te/ gnas skabs nges pa'i yang ma yin la ma nges ba'i yang ma yin no/ gang nges par myong ba'i zhing de kho na ci mthong ba'i chos la myong ba yin zhe na/ yin te/ de dang gang zag khyad par can gzhan yang 'di lta ste/ gang dag 'gog byams nyon mongs med/ /mthong dang dgra bcom 'bras yangs pa/ /de la phan gnod byas pa yi// 'bras bu 'phral du myong bar 'gyur/ /'gog pa'i snyoms par 'jug pa las langs pa ni snyoms bar 'jug ba mya ngan las 'das pa dang 'dra ba'i phyir sems mchog tu zhi ba 'thob bo/ /nyon mongs pa med pa las langs pa'i rgya ni sems can tshad med pa la nyon mongs pa med pa dang ldan pa'i lhag pa'i bsam ba dang rjes su 'brel ba dang/ shin tu gsal ba'i bsod nams tshad med pas yongs su bsgos pa dang/ rjes su 'brel pa yin no/ /byams pa las langs pa yang de dang 'dra'o/ /mthong ba'i lam las langs pa'i rgyud ni mthong bas spang bar bya ba ma lus pa spangs pa'i phyir gnas yongs su gyur ba sar pa yin pas dri ma med pa yin no// de bzhin du dgra bcom pa'i 'bras bu las langs ba'i rgyud ni bsgom pa sbang bar

  436. 218b

    bya ba ma lus par spangS ba so/ /rnam par smin pa'i gtso bo ni tshor ba yin pas de'i phyir 'di dpyad bar bya ste/ rnam par rtog pa med pa yi/ /dge pa'i las kyi rnam smin no/ /sems kyi tshor ba kho nar 'dod/ /rnam par rtog pa med pa'i las ni bsam gtan khyad par can nas srid pa'i rtse mo bar dag na yod de/ dge ba'i las rnam par rtog ba med pa de'i rnam par smin pa ni sems kyi tshor ba kho na yin no/ /mi dge ba'i ni lus kyi yin/ /sems kyi sdug bsngal gyi tshor ba ni yid mi bde ba yin te/ de yang rnam par smin pa ma yin no/ /de'i phyir rnam par smin pa ni lus kyi yin no/ /'o na sems can rnams kyi sems g.yengs par gyur pa gang yin pa de ni sems gang la zhe na/ rnam par rtog pa'i phyir lnga dag las ma yin te/ g.yangs pa'i sems ni yid sems la/ /de ni las kyi rnam smin skyes/ /gang zhig gsang sngags kyi sbyor ba la sogs pas pha rol po'i sems g.yangs par byed pa'i las de'i rnam par smin bas tshe phyi ma sems g.yes bar 'gyur ro/ /skrag gnod ma nyams mya ngan gyis/ /mi ma yin pa la sogs pas sam/ khams mi nyams pas sam/ nye du shi ba la sogs pa'i mya ngan gyi sems g.yengs par 'gyur ro/ / gal te yid kyi rnam par shes pa g.yengs par 'gyur ba sems g.yengs pa yang las kyi rnam par smin pa las skyes pa yin na go/ ji ltar sems kyi tshor ba rnam par smin pa ma yin par 'gyur zhe na/ sems de nyid rnam par smin pa yin na zhes ma zer ro/ /de lta mod kyi 'byung ba chen po rnams 'khrugs pa gang yin pa de rnam par smin pa yin la/ de las skyes pas de'i phyir rnam par smin pa yin no/ /sems g.yengs ba de yang/ sgra mi snyan min 'dod ldan rnamS

  437. 219a

    sgra mi snyan pa min pa 'dod pa dang ldan pa rnams ni lha dag gi nang du yang lha smyon pa yeng na mi dad ngan song rnams lta smos kyang ci dgos/ yang gsum ste yon po dang skyon dang/ snyig ma dag kyang gsungs te/ de la yon skyon snyigs mar gsungs pa ni/ g.yo dang zhe sdang 'dod chags skyes/ /lus ngag yid kyi las g.yo las skyes pa ni lus la sogs pa yon por bshad de/ gya gyu'i rgyu las byung ba yin pa'i phyir ro/ /lus la sogs pa'i las zhe sdang las skyes pa skyon du bshad de/ /sdang ba'i rgyu las byung ba'i phyir ro/ /lus la sogs pa'i las 'dod chags las skyes pa snyigs bar bshad de/ chags pa'i rgyu las byung ba yin pa'i phyir ro/ /dkar gnag la sogs bye brag gis// las ni rnam pa bzhi yin no/ /de la mi dge gzugs dang 'dod gtogs pa'i/ /dge ba nyid ni rim bzhin du/ /gnag dang dkar dang gnyis ka'i las/ /de zad byed pa zag med yin/ /mi dge ba ni gcig tu gnag pa yin la/ yid du mi 'ong ba'i phyir rnam par smin pa yang yin na// gzugs su gtogs pa'i dge ba ni mi dge ba dang ma 'dres pa'i phyir gcig tu dkar ba yin la/ yid du 'ong ba'i phyir rnam par smin pa dkar ba yin no// 'dod par gtogs pa'i dge ba ni/ mi dge ba dang 'dres pa'i phyir dkar gnag yin la/ rnam par smin pa 'dres pa'i phyir rnam par smin pa yang dkar gnag? yin no/ /'di ni rgyud kyi sgo nas rnam par gzhag gi ngo bo nyid kyi sgo nas ni ma yin na// zag pa med pa'i las ni las gsum po da dag zad bar byed pa yin no/ /de ni nyon mongs pa can ma yin pa'i phyir mi gnag pa'o/ /rnam par smin pa dkar po nyid med pa'i phyir mi dkar ba'o/ /'jug

  438. 219b

    pa dang dgal bas khams su ma gtogs pa'i phyir rnam par smin pa med pa yin no/ /zag pa med pa'i las thams cad las gsum po 'di thams cad zad par byed pa yang ma yin te/ 'on kyang chos bzod 'dod chags 'du bral ba yin/ bar chad med lam brgyad kyi gang/ /sems pa rnam pa bcu gnyis te/ /nag pa zad par byed pa'i las/ /mthong pa'i lam la chos shes pa'i bzod pa bzhi dang/ 'dod pa las 'dod chags dang bral ba la bar chad med ba'i lam brgyad kyi sems dpa' gang yin pa ste/ rnam pa bcu gnyis po de dag ni nag po'i las zad par byed pa'i las yin no/ /dgu pa'i sems pa gang yin pa/ /de ni dkar nag zad byed yin/ /'dod pa las 'dod chags dang bral ba la bar chad med pa'i lam dgu pa'i sems pa gang yin pa de ni dkar gnag gi las de gnag pa dkar ba ma yin pa'i rnam ga dgu pa spong bar byed do/ /dkar po bsam gtan chags bral ba'i/ /bar chad med lam skyes thams/ /bsam gtan las bsam gtan las 'dod chags dang bral bar byed pa'i bar chad med pa'i lam tha ma dgu pa de'i sems pa 'di ni dkar pa'i las slong bar byed pa'o/ /gzhan ni dmyal ba myong 'gyur dang/ 'dod gzhan myong 'gyur gnyis rig/ dmyal ba myong bar 'gyur ba dang/ dmyal ba las gzhan 'dod pa'i khams su myong bar 'gyur pa rim pa bzhin du nag po dang dkar gnag yin no/ /gzhan ni mthong bas spang bya gnag/ ngag ba dang ma 'dres pa'i phyir ro/ /'dod pa las skyes gzhan dkar gnag/ 'dod pa'i khams la dkar gnag ni bsgom pas spong ba yin no/ /mdo las thub pa'i ni gsum ste zhes gsungs pa de la/ mi slob lus dag las yid nyid/ /thub pa'i gsum

  439. 220a

    ste go rims bzhin/ /mi slob pa'i lus dang ngag gi las ni thub pa'i lus dang ngag gi las yin no/ /mi slob pa'i yid kho na yid kyi thub pa yin te/ yid kyi las ni ma yin no/ /ci'i phyir zhe na/ thub ba'i yang spong ba'i don gyis yin te/ de'i phyir yid nyid spong ba la thub pa zhes bya'o/ /gtsang byed gsum gsungs pa de la/ logs spyad gsum po thams cad ni/ gtsang byed rnam pa gsum yin no/ /lus kyi lags bar spyad ba thams cad ni lus gtsang byed yin no/ /de bzhin du dag dang yid kyi las gcad ba yin te/ dus re zhig dang gtan du nyes par spyad pa'i nyon mongs pa'i dri ma spong ba'i phyir ro/ /nyes par spyad ba gsum du 'dod/ /lus dang ngag dang yid kyi las mi dge ba ni lus dang ngag dang yid kyi nyes par spyad pa yin no/ /brnab sems la sogs las min yang/ /yid kyi nyes spyod rnam gsum mo/ /las kyi rang bzhin ma yin yang/ yid kyi nyes par spyad pa rnam pa gsum yod do/ brnab sems dang/ gnod sems dang log par lta ba'o/ /bzlog pa legs par spyad pa yin/ /nyes par spyad pa las bzlog pa ni legs bar spyad pa rig par bya'o nyes bar spyad pa dang legs par spyad pa bshad pa gang dag yin pa/ de las che long bsdus nas ni/ rig dang mi dge ci rigs par/ /la 'os kyi lan ni bcir gsungs so/ /dge ba rnams ni legs par spyad pa dag las so// mi dge ba rnams ni nyes par spyad pa dag las so// 'di dag nyes par spyad pa ci zhig dang/ legs bar spyad pa ci zhig ma bsdus zhe na/ re zhig mi dge ba rnams las lus kyi nyes bar spyad pa'i phyogs sbyor ba dang /

  440. 220b

    mjug dang/ nyon mongs pa can rtog pa la sogs pa dang/ yid kyi nyes par sbyad pa'i phyogs sems pa ma bsdus so/ /dge la lus kyi legs par spyad pa'i phyogs sbyor ba dang/ mjug dang/ myos par 'gyur ba la sogs pa spong ba dang/ sbyin pa dang mchod sbyin la sogs pa dang/ dag gi nyes par spyod pa yang snyen par smra ba la sogs pa dang/ yid kyi legs par spyang pa'i sems pa ma bsdus so/ /las kyi lam de rnams blas mi dge drug ni rnam rig min// 'dod pas log par g.ye ma pa las gzhan drug po ni rnam par rig byed ma yin pa'i rang bzhin no/ gzhan byed du bcug pa na'o/ /gcig rnam pa? nyis so/ /'dod pas log par g.yem pa na rtag tu rnam par rig byed dang rnam par rig byed ma yin pa'i rang bzhin yin te/ rang nyid kyi de mthar thug par byas pa'i phyir ro/ /de dag kyang byed na/ las kyi lam drug po 'di dag kyang bdag nyid byed pa na rnam pa gnyis te/ rnam par rig byed dang /rnam par rig byed ma yin pa'o/ /dge ba bdun rnam gnyis/ yang dag par blangs pa'i tshul khrims ni rnam par rig byed la rag lus pa'i phyir ro/ /ting 'dzin laS skyes rnam rig min/ /bsam gtan dang zag pa med pa'i sdom pas bsdus ba ni sems can? la rag lus pa'i phyir rnam par rig byed ma yin pa'o/ /nyer bsdogs rnams ni rnam rig byed/ /rnam rig byed min 'gyur ba'am/ /ma yin gal te kun nas dkris pa drag po 'am/ rab tu dang blhur len pa chen bos sbyor ba rtsom na rnam par rig byed ma yin par 'gyur gyi gzhan du ni ma yin no/ /bzlog ba 'jug yin no/ /de dag ni gdon mi za bar rnam par rig byed ma yin pa'i rang bzhin ni yin no/ /rnam

  441. 221a

    par rig byed du ni 'gyur ba 'am/ yang na ma yin te/ gal te las kyi lam byas nas yang de'i rjes su mthun pa'i chos spyod na ni rnam par rig byed du 'gyur gyi/ gzhan du ni ma yin no/ /mde las srog gcod pa ni chags pa las skyes pa dang/ zhe sdang las skyes pa dang/ gti mug las skyes pa'o/ /zhes bya ba nos? log par lta ba'i bar du gsungs pa de ni/ de ni dngos gzhi'i dbang du byas nas de ltar gsungs te/ sbyor ba rtsa ba gsum las skyes/ /de la srog gcod pa chags pa las skyes pa'i sbyor ba ni 'di lta ste/ de'i las kyi yan lag gi phyir ram/ nor gyi phyir ram rtsad mor ba sogs pa'i phyir spyod na'o/ /zhe sdang las skyes pa ni 'di lta ste/ kho na las nges par 'byung ba'i phyir gcod par byed pa'o/ /gti mug las skyes pa ni 'di lta ste/ mchod sbyin byed pa la sogs pa'i don du'o/ /ma byin par len pa chags pa las skyes pa'i spyod ba ni gang zhig gang don du gnyer ba des de 'phrag pa 'am/ gzhan gyi rnyed pa 'am/ bkur sti 'am grags pa'i phyir ram/ bdag gam 'dza'o yongs su bskyab pa'i phyir 'phrog pa'o/ /zhe sdang las skyes ba ni kho na nges par 'byung ba'i phyir ro/ /gti mug las skyes pa ni 'di lta ste/ rgyal pos chos 'don pa bo tshad mar byas nas sam/ mi bgrungs pa chad pas bcad pa'i phyir chos kyi blos 'phrog pa'o// 'dod pas log bar g.yem pa chags pa las skyes pa'i sbyor ba ni/ gzhan gyi chud ma la sogs pa la chags pas sam/ snyed pa dang bkur sti la sogs pa phyir mi tshangs par spyod pa'o/ /zhe sdang las skyes pa ni kho na las nges par 'byung bar

  442. 221b

    bya ba'i phyir ro/ /gti mug las skyes pa ni 'di lta ste/ /par sig pa rnams ma la sogs pa la bgrod pa'o/ /brdzun du smra ba la sogs pa chags pa las skyes ba dang zhe sdang las skyes pa snga ma bzhin no/ /gti mug las skyes pa rnams ni phal cher log par lta bas rab tu bcug pa'o/ /de yi mjug thogs las byung phyir/ /brnab sems sogs rtsa gsum las skyes/ /chags pa'i mjug thogs su byung ba ni chags pa las skyes pa rnams so/ /mi dge ba rnams bshad zin to/ /dge ba sbyor dang mjug bcas rnams/ /chags sdad gti mug med las skyes/ /dge ba'i sems kyis kun nas bslang ba'i phyir dang/ de yang gdon mi za bar ma chags pa la sogs pa dang mtshungs par ldan pa'i phyir dge ba thams cad rtsa ba gsum las skyes pa yin no/ /de mi dge ba'i las kyi lam gyi sbyor ba spong na ni dge ba'i las kyi lam gyi sbyor ba yin no/ /dngos spong ba ni dngos yin no/ /mjug spong ba ni mjug yin no/ /sdom pa len pa na yang sbyor ba dang dngos dang? mjug rnams sbyor bar bya'o/ /sbyor ba rtsam gsum las skyes zhes bya ba bshad nas/ gang gis gang la mthar thug pa de brjod par bya ste/ gsod dang gnod sems tshig rtsub po/ /zhe sdang gis ni mthar phyin byed// yongs su 'dod ba dang rtsub pa'i sems mngon du 'gyur ba'i phyir ro/ /log g.yem brnab sems ma byin len/ /chags pa yis ni rdzogs par byed/ /log par lta ba gti mug gis/ /ched rmongs par 'gyur bas de mthar phyin par byed po/ /lhag ma gsum gyis rdzogs par 'dod/ /brdzun du smra ba dang/ tshig kyal pa rnams ni srid pa bzhin du gsum gyis mthar phyin to// gang las kyi lam cha bzhir bshad pa de dag ni gsum dang/

  443. 222a

    gsum dang gcig dang gsum ste go rims bzhin du/ gzhi ni sems can longs spyod dang/ ming dang gzugs dang ming yin no/ srog gcod pa la sogs pa'i gzhi ni sems can yin no/ /gzhan gyi dud med kyi gan du 'gro ba la sogs pa'i gzhi ni longs spyod pa yin no/ log par lta ba'i gzhi ni ming dad gzugs so/ /brdzun du smra ba la sogs pa'i gzhi ni ming gi tshogs yin no/ /gang zhig gis pha rol po 'chi bar nges par byas nas de dang mgo mnyam du 'am sngar shi bar gyur ba de la las kyi lam dngos yod dam/ 'on te med ce na/ snga dang mnyam du shi ba la// dngos med lus gzhan skyes phyir ro/ /lus gang gis de la sbyor byas pa de ni chad la lus gzhan kho na zhig byung ste/ de ni sbyod ba po ma yin pa'i phyir las kyi lam dang ldan par rig pa ma yin no/ /gang dmag gis gdab pa dang/ lings 'debs pa dang/ ma 'khrigs par gdabs pa dag tu pha rol po bsad par bya ba'i phyir mang po tshogs pas btab la/ gcig cig gis srog gcod na de dang su zhig ldan par 'gyur zhe na/ dmag la sogs pa don gcig phyir/ /thams cad byad ba po bzhin ldan// don gcig pa'i phyir thams cad byed pa po ji lta ba bzhin du ldan par 'gyur te/ de dag ni don gyis na phan tshun du ldan par byed pa yin no/ /yang srog gtsang pa'i mtshan nyid nas log par lta ba'i bar gyi mtshan nyid ci zhe na/ srog gcod ba ni bsams bzhin du/ /ma nor bar ni gzhan gsang pa'o/ /gal te 'di bsad do snyam du bsams nas gsod par byed la/ gzhan dang ma nor bar de nyid gsod par byed na de tsam gyis srog gcod ba yin no

  444. 222b

    ma byin len pa gzhan phyi nor/ /mthu dang 'jab bus bdag gir byed/ /gal te gzhan gyi bdag gir byas pa la mthu dang 'jab bus bdag gir byed cing gang mthu dang 'jab bus bdag gir bya bar bsams pa de las gzhan du 'du shes kyang ma 'khrul na de tsam gyis ma byin par len pa yin no/ /bgrod min bgrod par 'dod pa yis/ /log par g.yem pa rnam pa bzhi/ /bgrong par bya ba ma yin pa la 'gro ba bgrod par bya ba ma yin pa gzhan gyis yongs su bzung ba 'am/ ma 'am bu mo la sogs pa'o/ /yan lag ma yin par 'gro ba skye gnas ma yin par ro// yul ma yin par 'gro ba snang ba 'am mchod rten la sogs pa'o/ /dus ma yin par 'gro ba sgrum ma 'am byis pa gso ba dang/ nges pa dang/ ces pa'i gan du 'gro ba la sogs pa'o/ /brdzun tshig 'du shes gzhan bsgyur ba'i/ /tshig don mngon par go ba'o/ /don smra ba gang yin pa de las 'du shes gzhan du bsgyur la/ des gang gi dbang du byas nas smras pa'i tshig de'i don yang gon chig de'i brdzun du smra ba yin no/ /mdo las tha snyad bcu drug gsungs pa de ni ma mthong ba la mthong zhes smra ba nas mi shes par shes zhes pa'i bar la sogs ba'o/ mthong ba dang thos pa dang/ rtogs pa dang/ rnam par shes pa dag gi mtshan nyid ci zhe na/ mig rna yid kyi rnam shes dang/ gsum gyi nyams su myong gang de/ /mthong thos rnam par shes pa dang/ rtogs pa yin te rim bzhin bshad/ mig gi rnam par shes pas myong ba de ni mthong ba dang/ rna ba'i rnam par shes pas myong ba de ni thos ba dang/ yid kyi rnam par shes pas myong ba de ni rnam par shes pa dang/ sna dang lce dang lus kyi rnam par shes pas

  445. 223a

    myong ba ni rtogs pa zhes bshad do// phra ma pha rol dbye ba'i phyir/ /nyon mongs can gyi sems gyi tshig /pha rol dbye zhing mi 'ja' bar bya ba'i phyir sems nyon mongs pa can gyi tshig ni phra ma ste/ /don mngon par go ba dang/ ma nor ba zhes bya bar sbyar ro/ /tshig rtsub pa ni snyan? pa/ sems nyon mongs pa can gyi tshig ces pa dang yang sbyar te/ sems nyon mongs pa can gyi tshig mi snyan pa pha rol po la smra shing don mngon par go la/ gang la smra bar 'dod pa de nyid la smras pa gang yin pa de ni tshig rtsub po yin no/ /nyon mongs can kun kyal ba nyid/ /nyon mongs pa can gyi tshig thams cad ni tshig kyal pa yin no/ /gzhan ni de las gzhan nyon mongs/ /gzhan dag na de dag gi las brdzun gyi tshig smra ba la sogs pa de dag las gzhan pa nyon mongs can gyi tshig gang yin pa de ni tshig bkyal pa yin no zhes zer ro// kha gsag glu dang zlos gang bzhin// bstan bcos ngan bzhin/ dper na dge slong log pas 'cho? ba kha gsag byed pa dang/ chags pas kha gcig glu len pa dang/ zlos gar mkhas rnams zlos gar gyi tsha gzhan dag mgu bar bya ba'i phyir 'khyal pa dang/ de'i lta bar gyur nas bstan bcos ngan pa dag 'don pa dang/ de bzhin du brdzun du smra ba las gzhan ba nyon mongs pa can gyi dag gi las gang yin pa de yang tshig kyal? pa yin no/ /brnab sems ni/ log pas gzhan gyi nor la chags/ pha rol po dag gi gang yin pa dag gi yin par gyur kyang ci ma rung snyam nas gzhan gyi nod dag la mthu 'am 'jug yang dud? leg pa mi rigs pas bdag gir byed par 'dod pa gang yin pa de ni brnab sems so/

  446. 223b

    gnod sems sems can ldang ba/ pha rol la gnod pa'i rnam bar zhugs pa'o /dge dang mi dge med lta ba/ /log par lta ba yin/ las dge ba dang mi dge ba med do zhes lta ba de ni log par lta ba'o/ /las kyi lam bcung bshad pa'i las kyi lam zhes bya ba'i don ci yin zhe na/ 'di la gsum lam bdun ni las kyang yin/ /brnab sems la sogs par 'jug pa'i las kyi lam yin pas las kyi lam mo/ /srog gcod pa la sogs pa bdun ni las kyang yin las kyi lam yang yin pa las kyi lam lo/ /mi dge ba'i las kye lam bcu po gang dag yin pa de dag thams cad dge ba'i chos rnams kun tu spyod pa dang 'gal ba yin la/ med par lta bas rtsa ba gcod/ /dge ba'i rtsa ba gcod ba ni log par lta ba chen po yongs su rdzogs pas so/ /dge ba'i rtsa ba gang zhig gcod ce na/ 'dod gtogs skyes nas thob pa rnams// 'dod pa na spyod pa rnams kyi gcod de/ gzugs dang gzugs med pa dag dang mi ldan pa'i phyir ro/ /skyes nas 'thob pa dag kho na kun tu 'chad par 'gyur te/ sbyor ba las byung ba dag ni sngar yongs su nyams zin pa'i phyir ro/ /ci la dmigs pa'i log par lta bas kun tu gcod par byed ce na/ rgyu dang 'bras la skur 'debs pas/ /legs par spyad pa med do/ /nyes par spyad pa med do zhes rgyu la skur pa 'debs pa gang dag yin pa dang/ legs par spyad pa dang nyes bar spyad pa rnams kyi 'bras bu rnam par smin pa med do zhes 'bras bu la skur ba 'debs pa gang dag yin pa'o/ /de la yang zag pa dang bcas pa kho nas zhes kha cig zer ro/ /'di skad du brjod de/ kun gyis gtan nas gcig car gcod pa ni ma yin no/ /rim gyis bsgom pas

  447. 224a

    spang bar bya ba'i nyon mongs pa bzhin du chen po'i chen pos chung du'i chung du gcod par byed pa'i bar du log par lta ba dgus dge ba'i rtsa ba rnam pa dgu gcod par byed do/ /gang du dge ba'i rtsa ba rnams kun tu gcod ce na/ mi'i nang du ngan song dag na ni ma yin te/ shes rab nyon mongs pa can dang/ nyon mongs pa can ma yin pa dag mi bstan pa'i phyir ro/ /lha dag gi nang na yang med de/ las kyi 'bras bu mngon sum du gyur pa'i phyir ro/ /gling gsum dag na yod kyi byang gi sgra mi snyan na med de/ sdig pa'i bsam pa med pa'i phyir ro/ /de dag kyang skyes pa bud med kyi gcod do// de dag las kyang/ lta spyad sdig pa'i bsam pa brtan pa dang/ mkhyud pa can yin pa'i phyir ro/ /dge ba'i rtsa ba kun tu chad pa'i rang bzhin ji lta bu zhig yin zhe na/ de ni mi ldan pa'o/ /gang gi tshe dge ba'i rtsa ba rnams kyi thob pa chad de yang mi skye la mi ldan pa de skyes na dge ba'i rtsa ba rnams kun tu 'chad pa zhes bya 'o/ /kun tu chad ba de dag kyang/ /mtshams ni the tshom yong lta bas/ /nam zhig la rgyu dang 'bras bu la the tshom skyes pa'am y od par lta ba de'i tshe yang de'i thos pa kun tu skyes pa'i phyir dge ba'i rtsa ba rnams nyid mtshams sbyor bar 'gyur ro/ /yang de dag gi nyid mtshams sbyor ba ni/ /mtshams med byed pa'i 'di la min/ /gzhan gyi 'di nyid la 'gyur gyi mtshams med pa byed pa'i ni dmyal bar skye ba 'am 'chi 'pho bar nyid mtshams sbyor ro/ /'di ni las kyi lam gyi skabs yin phas de la las kyi lam du zhig dang sems pa lhan gcig car du 'byung bar 'gyur ba brjod par bya ste/ mi dge brgyad kyi bar dag dang/ sems pa cig car

  448. 224b

    lhan cig 'byung ba dang/ re zhig sems pa gcig dang lhan cig 'byung ba ni brnab sems la sogs pa mngon du gyur pa'i phyir sems pa nyon mongs pa min pa de'i sbyor bas gzugs can rnams las gang yang rung ba zhig mthar phyin par byed na'o/ /gnyis dang lhan cig 'byung ba ni gnod sems su gyur pas srog gcod na'o/ /gsum dang lhan cig 'byung ba ni gnod sems su gyur pas gzhan gyi srog chags bsad pas 'phrog na'o/ /bzhi dang lhan cig 'byung ba ni dbyen bya ba'i bsam pa dang ldan pas brdzun gyi tshig gam tshig rtsub po smran te/ de la yid kyi gcig yin dag gi sum yin no/ /yang na brnab sems la sogs par gyur pa de'i sbyod bas gzhan gsum mthar phyin par byed na ste/ lnga dang drug dang bdun dang yang de bzhin du sbyar bar bya'o/ /brgyad dang lhan cig 'byung ba ni drug la sbyor ba byas nas/ 'dod pas log par g.yem pa bdag nyid kyis byed la mnyam du mthar phyin par gyur na'o/ /re zhig mi dge ba dang ni de lta bu yin no/ /dbe? pha? bcu yi bar dag dang/ /gcig dang brgyad dang lnga? dang min/ /de la gnyis dang lha cig 'byung ba ni dge ba'i rnam par shes pa lnga la gnas pa dang ngo/ /gsum dang ni yang dag pa'i lta ba dang mtshungs bar ldan pa'i yid kyi rnam par shes pa na'o/ /bzhi dang ni dge ba dang lung du ma bstan pa'i sems dang ldan pa dge bsnyen dang dge tshul gyi sdom pa yang dag par len pa na'o/ /drug dang ni dge ba'i rnam par shes pa lnga la gnas pas de yang dag par len na'o/ /bdun dang ni dge ba'i yid kyi rnam par shes pa yod pas de kho na yang dag par len na'o/ /dgu dang ni dge ba'i rnam par shes pa lnga la gnas pas dge slong gis sdom pa yang dag par len na'o/ /bcu dang

  449. 225a

    ni dge ba'i yid kyi rnam par shes pa la gnas pas de kho na yang dag par len na'o/ /'gro ba gang na dge ba 'am mi dge ba'i las kyis lam du zhig mngon sum du gyur ba 'am ldan pa'i sgo nas yod ce na dmyal ba ni bkyal ba dang/ /tshig rtsub gnod sems rnam gnyis so/ /smra sdegs 'don pa'i phyir tshig kyal ba yin no/ /phan tshun brgyad bkag byed pa'i phyir tshig rtsub po yin no/ /gcig la gcig sems kyi rgyud rtsub pos zhe sdang ba'i phyir gnod sems yin no// brnab sems log lta ldan pas so/ /chags par bya ba'i dngos po med pa'i phyir dang/ las kyi 'bras bu mngon sum du gyur ba'i phyir mngon sum du gyur ba ni med do/ /las kyi lam gzhan dag ni gnyis ka yang med do// sgra mi snyan na gsum yod de// yid kyi gsum ni ldan pa'i sgo nas sbyar gyi nga yir 'dzin pa dang/ kun nas mnar sems ba'i dngos po med pa dang/ sdig pa can gyi bsam pa ma yin pa'o phyir ro/ /de na bdun pa dngos su yang/ de ni tshig kyal pa ni mngon sum du gyur pa'i sgo nas kyang yod de/ gzhan dag rnam pa gnyis ka yang med do/ /'dod pa gzhan na mi dge bcu/ /dmyal ba dang/ byang gi sgra mi snyan dag las gzhan pa'i 'dod pa'i khams na ni mi dge ba'i las kyi lam bcu rnam pa gnyis ka yod do/ /mi dge ba rnams bshad zin to// dge ba gsum ni thams cad na// rnyed dang mngon du gyur sgo nas// khams gsum thams cad la yid kyi gsum rnam pa gnyis ka yang yod do// gzugs med 'du shes med sems can// rnyed pas bdun yod gzugs med pa dang 'du shes med pa'i sems can dag ni lus dang dag gi dge ba'i las kyi lam bdun

  450. 225b

    ldan pa'i sgo kho na nas yod do/ /gzugs med par skyes ba'i 'phags pa rnams la zag pa med pa'i sdom pa 'das pa dang ma 'ongs pa dang ldan pa'i phyir dang/ 'du shes med pa'i sems can rnams kyang bsam gtan gyi sdom pa dang ldan pa'i phyir ro// lhag byas na mngon du gyur ba'i sgo nas kyang/ dmyal bcas sgra mi snyan ma gtogs so/ /lhag mar byas pa'i khams sam 'gro ba gzhan gang yin pa de la dmyal ba dang byang gi sgra mi snyan pa dag ma gtogs ba dge ba bdun pa dag mngon du gyur pa'i sgo nas kyang yod do// dge ba dang mi dge ba'i las kyi lam bcu po 'di dag ni/ thams cad bdag po rgyu mthun dang/ rnam smin 'bras bu 'byin par 'dod/ /re zhig mi dge ba thams cad kyi rnam par smin pa'i 'bras bu ni dmyal bar skye ba'o// mi rnams su srog gcod pa'i rgyu mthun pa'i 'bras bu ni tshe thung ba'o/ /ma byin bar len pa'i ni longs spyod kyis 'phongs pa'o// 'dod pas log pa dag g.yam pas ni dgra dang bcas pa'i chung ma can du'o// brdzun du smra bas ni skur pa mang ba'o// phra mas ni sa? bye'o/ /tshig rtsub pos ni yid du mi 'ong ba'i sgra mas so/ /tshig kyal bas ni tshig gzung bar mi 'os pa'o //brnab sems kyis ni 'dod chagS che bar ro// gnod sems kyis ni zhe sdang che bar do// log bar lha bas ni gti mug tshe bar 'gyur ro/ srog gcod ba'i bdag po'i 'bras bu ni phyi'i dngos po rnams gzi chung bar 'gyur ro/ /ma byin pa'i len paS ni ser ba dang char pa ? bar 'gyur ro// 'dod pas log par g.yem pas ni rdul gyis 'khregs pa'o// brdzun du smra bas ni dri nga bar bya'o// phra mas ni mthong dman can du'o// tshig rtsub pos ni tsha sgo can dang/ dgon dang can du'o //tshig

  451. 226a

    kyal pas ni dus log pa can du'o/ /brnab sems kyis ni 'bras bu phra mar ro// gnod sems kyis ni 'bras bu kha bar ro// log par lta bas ni 'bras bu chung ngu 'am med par ro/ /'di yang sdug bsngal phyir dang bsad phyir dang //gzi byin med phyir 'bras rnams gsum/ srog gcod par byed pas ni bsad bar bya ba sdug bsngal bskyed ba dang/ srog dang bral bas bsad pa dang/ gzi byin med par byas pa yin te/ de'i de la dmyal bar skye ba la sogs pa'i 'bras bu rnam pa gsum gsungs so// ma byin bar len pa la sogs pa dang/ dge ba rnams la yang de bzhin du sbyar bar bya'o/ /log pa'i lus ngag gi las kyi mdza' dag gis log par 'tshe ba gang gsungs pa de ni gzhan med kyi de nyid yin te/ lus ngag dang dag la chags las skyes/ log 'tsho lus ngag gi las kyi mdza' ni zhe sdang dang gti mug las skyes pa yin te/ de ni de dag las skyes pa yin te/ de ni de dag las sbang dka' i phyir logs shig bstan to/ /chags pa'i chos ni 'phrog par byed pa yin pas des kun nas bslang ba'i las sems bsrung bar sla ba ma yin te/ de'i phyir 'tsho ba sbang dka' bas sgrim par bya ba'i phyir logs shig tu bstan to/ /gal te yo byad la/ chags bslang gang zhig 'tsho bas yo byad la chags pas bslang ba'i lus dang ngag gi las kho na log pa'i 'tsho ba yin la/ gzhan ni ma yin te/ zhes 'dod pa de ni mdo dang 'gal phyir min/ tshul khrims kyi phung po'i mdo las/ glang po che 'thab pa la lta ba la sogs pa yang log pa'i 'tsho bar bzhag ste/ log

  452. 226b

    ba'i yul la yongs su longs spyod pa'i phyir ro// 'di ni rdzogs so// gong du 'bras bu lnga bshad pa gang dag yin pa de dag las las gang zhig 'bras bu du zhig gi 'bras bu dang bcas pa yin zhe na/ drir bcas spong ba'i lam dag gi /las ni lnga yis 'bras bur bcas/ /las de ni 'bras bu dang bcas pa yin no// dri med bzhi yis bar chad med pa'i lam zag pa med pa'i las ni rnam par smin pa'i 'bras bu ma gtogs pa 'bras bu bzhis 'bras bu dang bcas pa yin no// zag bcas gzhan dag dang mi dge ba gang yang yin pa 'di spong ba'i lam las gzhan pa'i las dge ba zag pa dang bcas pa gang yin ba dang/ mi dge ba gang yin pa de yang 'bras bu dang bcas pa yin te/ bral ba'i 'bras bu ma gtogs so// zag pa med ba lhag ma dang/ lung bstan min gang gsum gyis so// spong ba'i lam las gzhan pa'i lam zag pa med ba dang lung du ma bstan pa'i las gang yin pa ni 'bras bu gsum gyis te/ rnam par smin pa dang bral ba'i 'bras bu ma gtogs so// dge ba'i dge ba la sogs pa ni/ bzhi dang gnyis dang de bzhin gsum/ /las dge ba'i 'bras bu chos dge ba bzhi ste/ rnam par smin ba'i 'bras bu ma gtogs pa'o/ /mi dge ba ni gnyis te/ skyes bu byed pa dang/ bdag bo'i 'bras bu'o// lung du ma bstan pa'i gsum ste/ rgyu mthun pa dang bral ba'i 'bras bu ma gtogs pa'o// mi dge'i dge sogs gnyis dang ni// gsum dad bzhi ste rim pa bzhin// las mi dge ba'i 'bras bu chos dge ba dang ni gnyis te/ skyes bu byed ba dang/ bdag bo'i 'bras bu dag go/ mi dge ba ni

  453. 227a

    gsum ste/ rnam par smin pa dang/ bral ba'i 'bras bu ma gtogs so// lung du ma bstan pa ni bzhi ste/ bral ba ma gtogs so// lung bstan min gyi dge la sogs/ /de dag gnyis dang gsum dang gsum// las lung du ma bstan pa'i 'bras bu chos dge ba gnyis te/ skyes bu byed pa dang/ bdag po'i 'bras bu'o// mi dge ba gsum ste/ bral ba dang rnam par smin bya ma gtogs pa'o/ /lung du ma bstan ba'i chos gsum ni de dag kho na yin no// 'das pa'i thams cad bzhi yin no// 'das pa'i las kyi 'bras bu dus gsum pa'i chos ni bzhi ste /bral ba'i 'bras bu ma gtogs so// bar ma yin ni ma 'ongs ba'ang/ da ltar byung ba'i 'bras bu chos ma 'ongs pa'ang bzhi ste/ de dag nyid do/ /bar ma gnyis so// da ltar byung ba'i chos ni gnyis te/ skyes bu byed pa dang/ bdag po'i 'bras bu dag go/ ma skyes pa'i 'bras bu ma 'ongs gsuM yin no// rgyu mthun pa dang bral ba'i 'bras bu dag ma gtogs so/ /rang gi sa pa bzhin yin no// bral ba'i 'bras bu ma gtogs so// gzhan gyi sa pa gsum dang gnyis/ /gal te gzhan gyi sa pa'i chos zag pa med pa zhig yin na ni 'bras bu gsum ste/ rnam par smin pa dang/ bral ba'i 'bras bu dag ma gtogs so// gal te zag pa dang bcas pa zhig yin na ni gnyis te/ skyes bu byed pa dang bdag bo'i 'bras bu dag go/ slob pa'i slob la sogs pa gsum slob ba'i las kyi 'bras bu slob ba'i chos gsum ste/ rnam bar smin pa dang bral ba'i 'bras bu dag ma gtogs so// mi slob pa yang de dang 'dra'o// slob pa yang ma yin mi slob pa yang

  454. 227b

    ma yin pa yang ma yin pa yang gsum ste/ rnam par smin pa dang/ rgyu mthun pa'i 'bras bu dag ma gtogs so// mi slob las kyi 'bras bu ni/ slob pa ni chos la sogs/ gcig dang gsum dang gnyis yin no// mi slob pa'i las kyi 'bras bu slob pa'i chos ni gcig ste/ bdag po'i 'bras bu'o/ /mi slob pa ni gsum ste/ rnam bar smin pa dang bral ba'i 'bras bu dag ma gtogs so// slog pa yang ma yin mi slob pa yang ma yin pa ni gnyis te/ skyes bu byed pa dang / bdag po'i 'bras bu dag go/ de las gzhan pa'i 'bras bu ni// slob sogs gnyis dang gnyis dang lnga/ slob pa yang ma yin mi slob pa yang ma yin pa'i las kyi 'bras bu slob ba'i chos ni gnyis te/ skyes bu byed ba dang bdag po'i 'bras bu dag go/ mi slob ba yang de dang 'dra'o// slob ba yang ma yin ma slob pa yang ma yin pa ni 'bras bu lnga char yin no// mthong bas spang bya'i de la sogs// gsum dang bzhi dang gcig yin no// mthong bas spang bar bya ba'i las kyi 'bras bu mthong bas spang bar bya ba'i chos ni gsum ste/ rnam par smin ba dang bral ba'i 'bras bu ma gtogs so// bsgom pas spang bar bya ba ni bzhi ste/ bral ba'i 'bras bu ma gtogs so// snang bar bya ba ma yin pa ni gcig ste/ bdag po'i 'bras bu'o// bsgom pas spang bar bya ba las kyi de dag gnyis dang bzhi dang gsum dang/ bsgom pas spang bar bya ba'i las kyi 'bras bu mthong bas spang bar bya ba ni gnyis te/ skyes bu byed pa dang/ bdag po'i 'bras bu dag go/ bsgom pas spang bar bya ba'i bzhi ste/ bral ba'i 'bras bu ma gtogs pa'o// spang bar bya ba ma yin ba ni gsum ste/ rnam par smin pa dang rgyu mthun pa'i 'bras bu dag ma gtogs so? spang bya min ba'i de dag gcig/ gnyis

  455. 228a

    dang bzhi ste go rims bzhin/ /spang bar bya ba ma yin pa'i mthong pas spang bar bya ba ni gcig ste/ bdag po'i 'bras bu'o// bsgom pas spang bar bya ba ni gnyis te/ skyes bu byed par du/ bdag ? 'bras bu'o/ /spang bar bya ba ma yin pa ni bzhi ste/ nyes bar smin pa'i 'bras bu ma gtogs pa'o/ /yang rigs pa ma yin pas bskyed ba la sogs pa'i las gsum gsungs pa de brjod par bya ste/ rigs min bskyed pa nyon mongs can/ /kha cig chog nyams pa'ang zhe'o/ /nyon mongs pa can ma yin pa yang rigs pa ma yin pa byed ba'i phyir chog nyams pa ni rigs pa ma yin bas bskyed pa'o// bzlog pa mi rigs pas bskyed pa'o/ / de gnyis ma yin pa ni rigs pa yang la rigs pa ma yin pa yang ma yin pas bskyed ba'o/ /ci las gcig gis skye ba gcig kho na 'phen nas 'on te du ma yang 'phrin de bzhin du las du mas kyang skye ba gcig kho na 'phen nam/ 'on te du ma kho na zhig 'phen ce na/ 'di ni grub pa'i mdza' yin te/ gcig gis skye ba gcig 'phen no// las gcig kho nas skye ba gcig kho na 'phen no// las gcig gis 'phangs pa'i las ni/ yongs rdzogs byed ba du ma yin par 'dod de/ dper na ri mo mkhan gyi ri lu gcig gis gzugs kyis bcad nas mang pos yongs rdzogs par byed pa dang 'dra'o// las 'ba' zhig skye ba 'phen par byed pa yang ma yin te/ 'on kyang rnam par smin pa dang bcas pa gzhan yang do// rnam pa thams cad du sems med snyoms par 'jug pa dang/ 'phen byed ma yin 'thob pa'ang min rnam par smin pa dang bcas pa'i sems med ba'i snyoms par 'jug pa dag gis kyang

  456. 228b

    ris mthun ba 'phen par byed de/ las dang lhan cig mi 'byung ba'i phyir ro// thob pa rnams kyis kyang ma yin te/ las dang 'bras bu mi gcig pa'i phyir ro// sgrib pa gsum gsungs pa de dag gi rang bzhin ci zhe na/ mtshams med ba yi las rnams dang/ /nyon mongs shas che ngan 'gro dang// /'du shes med pa'i sems can dang// sgra mi snyan sgrib gsum du 'dod/ /mtshams med pa lnga ni las kyi sgrib pa yin no// nyon mongs pa shas che ba rgyun du 'byung ba ni nyon mongs pa'i sgrib pa'o// ngan song rnam pa gsum dang mi dang lha'i phyogs gcig ni rnam par smin pa'i sgrib pa'o// yang sgrib pa 'di dag las gang zhig 'gro ba gang dag na yod par rig par bya zhe na/ re zhig gcig tu mtshamS med gling gsum dag na yod/ sgra mi snyan ma gtogs pa'o// de dag na yang skyes pa dang bud med rnams kho na la ste/ za ma sogs la mi 'dod do// phan dang ngo tsha chung ba'i phyir/ /de dag gi pha ma phan chung ba ste/ lus ma tshang ba'i bdag por gyur ba'i phyir ro// de dag kyang pha ma la ngo tsha shes pa dang khrel yod pa shas chen pos nye bar mi gnas bas so/ /las kyi sgrib pa bshad zin to// lhag ma 'gro ba lnga dag na// nyon mongs pa'i dang/ rnam bar smin pa'i sgrib pa ni lhag ma dag go/ mi dag gi nang na ni sgra mi snyan pa rnams rnam par smin pa'i sgrib pa yin no// lha dag gi nang ni 'du shes med pa'i sems can rnams som mtshams med pa rnams kyi nang nas gsum ni srog gcod pa'o/ /gcig ni brdzun du smra ba'i rang bzhin yin no// gcig ni srog gcod pa'i sbyor ba'o/ /dge 'dun dbye na ni mi 'phrod pa'o// rang bzhin ldan pa ma yin chos// nyon mongs can min lung bstan min// de dang dge 'dun

  457. 229a

    yang dag ldan// de yi kha na ma tho brdzun// de dad 'byed po yang dag ldan// dge 'dun gyi dbyen zhis bya ba ni mi 'phrod pa ste/ ldan pa ma yin pa'i chos nyon mongs pa can ma yin pa ste/ ji ltar mtshams med par 'gyur/ gang gis de 'byed bar byed pa'i brdzun du smra ba de ni mtshams med pa'i rang bzhin yin no// de dang yang 'byed pa po yang dag bar ldan no// bskal par mnar med bar smin 'gyur/ /gzhan dag giS ni bar? gyi bskal par ni ma nges so/ /yang gang zhig gis mtshamS med pa mang po byas ba yin la/ de dag bar chad med pa kho nar smin bar gyur na de la de dag ci zhig tu 'gyur zhe na/ lhag pas gnod ba lhag par 'gyur// de mtshams med pa mang bos mnar med pa der gang gis na gnyis dang gsum dang bzhi dang lnga 'gyur gyis tshor ba myong bar 'gyur ba'i lus chen po gzhon sha can gyi lus thob cing// gnod pa yang rab tu mang ba dang shin tu mi bzang par 'gyur ro/ /dge 'dun 'byed bar byed pa de su zhig yin zhe na/ dge slong lta spyad tshul ldan pas 'byed do// dge slong gis 'byed kyi khyim pa dang/ dge slong ma la sogs pas kyang ma yin no// de yang lta ba spyad pa kho nas 'byed kyi sred pa spyad pas ni ma yin no/ /tshul khrimS dang ldan pas 'byed de/ de'i tshig bzung bar 'os pa'i phyir ro// nyams pa ni ma yin te/ bcom ldan 'das kyi drung las gzhan du'o// ston pa mngon sum du bzhugs pa nyid du dbye bar mi nus pa'i phyir ro// su dag gcig 'byed ce na/ byis pa rnams so so'i skye bo rnams kho na yin gyi 'phags pa rnams ni ma yin te/ chos mngon sum du gyur pa'i phyir ro// de yang ston dang lam gzhan la bzod pa bye ba'o// gang gi tshe de dag gis

  458. 229b

    de bzhin gshegs pa las gzhan pa'i ston pa dang /des bstan pa'i lam las gzhan ba'i lam la bzod na de tsam gyis dge 'dun bye ba zhes brjod do// bye nas kyang de nyid kyi nub? gcig tu de ni mi gnas so/ /dge 'dun dbye na gdon mi za bar nam ma langs pa nyid du dge 'dun 'dums bar 'gyur ro// dge 'dun gyi dbyen du bshad pa gang yin pa de ni 'khor lo'i dbyen du 'dod/ de'i tshe lam 'jug ba'i gogs su gyur pa'i phyir de'i tshe bcom ldan 'das kyi chos 'khor yang phye ba yin no// yang 'khor lo'i dbye na gang du 'am ji tsam gyis zhe na/ 'dzam bu'i gling na'o dgu sogs kyis// brgyad ni gdon mi za bar phyogs gnyis na gnas ba dang/ dgu ba ni dbyen byed pa po yin te/ lhag ma ni nges pa med do/ /gzhan ni las kyi dbyen las 'gyur te/ gal te mtshams gcig gi nang du mi mthun pas las dag byed na'o/ /de yang ni las dbyen ni gling gsum na'o/ /sgra mi snyan ma gtogs so/ /de ni brgyad dag yan chad kyis/ /'khor lo'i dbyen dus drug tu mi 'byung ngo// 'di lta ste/ dang po mdza' skyon zung gcig gi/ snga rol thub pa nongs pa dang/ /mtshams ma bcad pa dag tu yang 'khor lo'i dbye na ni mi 'byung ngo// dang po chos kyi 'khor lo bskor nas ring po ma lon pa dang/ tha ma bcom ldan 'das mya ngan las 'da' ba' i tshe dang/ chu bur gyi sngon rol te /ji srid du tshul khrims kyi skyon dang/ lta ba'i skyon ma byung gi bar dang/ zungs gcig gi sngon rol te/ ji srid du nyan thos kyi mchog zung gcig ma byung gi bar te/ des phyir sdum bar byed pa'i phyir ro// thub pa nongs ba ni sngon pa yongs su mya ngan las 'das na mi 'byung ste/ 'gran zla med pa'i phyir ro// mtshams ma bcad na yang mtshams

  459. 230a

    gcig gi nang du phyogs gnyis su gnas pas bye ba yin pa'i phyir ro// ci'i phyir pha ma bsad pa la sogs pa mtshams med pa yin la/ gzhan ni ma yin zhe na/ phan 'dogs pa dang yan? tan zhing/ spangs dang med par byas phyir ro// re zhig pha ma bsad pa ni phan 'dogs pa med par byas pa'i phyir dang/ yon tan gyi zhing yin pa'i phyir dgra bcom pa bsang pa la sogs pa yang mtshams med pa yin no// gal te pha ma 'am mtshan gyur pa yang lus gcig pa de las ni/ mtshan ni gzhan du gyur kyang 'gyur/ /de la yang mtshams med par 'gyur ro// gang gi tshe bud med gzhan las nur nur po zag nas bud med gzhan gyi mngal du blugs na de'i tshe gang zhig bsad na mtshams med par 'gyur ba de'i ma gang yin zhe na/ gang gi zla mtshan las byung dam/ gang gi zla mtshan las byung ba ni de'i ma yin na/ /ci de bzhin gshegs pa la ngan sems kyi khrag phyung bas gdon mi za bar mtshams med par 'gyur ram zhe na/ bkrongs bar sems ba la ni 'gyur gyi/ sangs rgyas brdeg par sems la min// gal te brdeg pa'i bsam pas 'byin par byed na mtshams med par mi 'gyur ro/ /gal te dgram choms pa'i tshe bsnun la bsnun pa'i 'og tu dgra bcom par gyur na/ bsnun 'og dgra bcom pa la min/ des ni dgra bcom pa la sbyor ba ma byas pa'i phyir ro/ /ci mtshams med pa'i sbyor ba byas te/ de yang ma log par 'dod chags dang bral ba 'am 'bras bu thob par 'gyur ram zhe na/ mtshams med sbyor ba byas pa la/ /'dod chags bral 'bras mi srid do// gzhan gyi las kyi lam gyi sbyor ba byas nas 'phags pa'i lam bskyed pa la

  460. 230b

    'gag pa med do// mtshams med pa 'di dag gi nang nas kha na ma tho ba dang bcas pa chen po gang yin zhe na/ dge 'dun dbye phyir brdzun smra ba// kha na ma tho rab cher 'dod/ /de'i ni rnam par smin pa bskal pa gcig tu mnar med par skye ba yin la/ lhag ma rnams la ni ma nges so// legs par spyad pa gang zhig 'bras bu che zhe na/ 'jig rten pa yi dge ba la// srid rtse'i sems pa 'bras rab che// de'i rnam par smin pa ni bskal ba brgyad khri'i bar du zhi ba yin no/ /ci mtshams med pa rnams kho nas dmyal bar gdon mi za bar skye 'am zhe na/ mtshams med pa dang cha 'dra bas kyang gdon mi za bar skye bar 'gyur ro/ /de dag gang yin zhe na /smras pa ma dgra bcom ma sun byas dang/ /byang chub sems dpa' des gnas dang/ /slob pa gsod dang dge 'dun gyi// 'du ba'i sgo ni 'phrog pa dag/ mtshams med pa dang cha 'dra ste// lnga pa mchod rten 'jig pa yin/ gal te mi tshangs par spyad pas ma dgra bcom ma sun par byed pa dang/ nges par gtogs pa'i byang chub sems dpa' gsod pa dang/ slob pa gsod pa dang /dge 'dun gyi zhal du 'du ba'i sgo 'phrog pa dang/ mchod rten 'jig par byed pa dang lnga po 'di dag ni mtshams med pa lnga dang cha 'dra ba yin no// rnam par smin pa dang bcas pa'i las gzhan yang dus gsum po dag tu shin tu gegs byed de /gsum po gang dag tu zhe na /bzod dang phyir mi 'ong dgra bcom/ /'thob la las gegs shin tu byed// rtse mo las bzod pa 'thob pa la ni de'i rnam par smin pa'i ? 'da' ba' i phyir ngan song ba'i las rnams gegs bya ba'i phyir nye bar gnas so/ /phyir mi 'ong ba'i 'bras bu 'thob pa la ni 'dod pa na spyod pa'i

  461. 231a

    mthong ba'i chos la myong bar 'gyur ba ma yin pa'i las rnams gegs bya ba'i phyir nye bar gnas so/ /dgra bcom pa 'thob pa la ni gzugs dang gzugs med pa na spyod pa'i las dag go / byang chub sems dpa' bsang pa zhes bshad pa gang yin pa/ gdam byang chub sems dpa' yin/ /gang nas bzung ste nges par gtogs pa'i byang chub sems dpa' zhes brjod bar bya/ gang nas mtshan gyi las byed pa gang phan chad nas mtshan rnam par smin par 'gyur ba'i las rnams byed bar rtsom pa'o// de ni dus de phan chad rtag tu bde 'gror rigs mthor skye dbang ched// phor gyur tshe rabs dran mi ldog pa yin no// de'i 'gro ba rab tu bsdag pa ni lha dang mi yin no/ /rigs mtho bar skye ba ni rgyal rigs dang /bram ze la sogs pa'i rigs su skye ba'o// dbang po tshad ba ni dbang po mtshang ba med pa'o// pho kho na yin gyi mo la sogs pa ma yin no// skye ba thams cad du yang tshe rabS dran par 'gyur ro// byang chub las mi ldog par yang 'gyur ro/ /mtshan ma rnam par smin pa can gyi las su bshad pa gang yin pa de ni gling gang zhig tu zhe na/ de ni 'dzam gling phor gyur te/ /mngon sum sangs rgyas la sems pa/ bsam pa las byung bskal pa brgya// lus pa dag tu 'phen bar byed// 'dzam bu'i gling kho nar 'phen gyi de dag blo rno pa'i phyir ro// pho kho nas yin gyis mos ni ma yin no// ston pa mngon sum du gyur ba dang sangs rgyas la dmigs pa'i sems kho nas bskal pa brgya lus pa'i tshe 'phen gyi bskal pa med po lus pa'i tshe ni ma yin no// las de yang bsams pa las byung ba'o/ /mtshan de dag kyang re re 'di bsod nams

  462. 231b

    brgya las skyes// bsod nams kyi tshad ni byang chub sems dpa' byang chub la nye ba ma gtogs pa sems can gyi longs spyod 'bras bu can ji snyed pa tsam mo// yang bcom ldan 'das byang chub sems dpar gyur pa na sangs rgyas ji snyed gcig la bsnyen bkur byas zhe na/ bskal pa grangs med pa dang po la bdun khri lnga stong la/ gnyis pa la bdun khri drug stong la/ gsum pa la bdun khri bdun stong la'o// bskal pa grangs med pa gang gi tha mar sangs rgyas gang zhig byung bar gyur ce na /rnam gzigs mar me rin chen gtsug/ grangs med gsum gyi tha mar byung/ /rin chen gtsug tor can gyi tshe na grangs med pa dang po rdzogs so/ /mar me mdzad kyi tshe gnyis ba'o/ /rnam par gzigs kyi tshe gsum pa'o/ /de dag thams cad kyi dang po shAkya thub pa yin/ de la bcom ldan 'das kyis bdag kyang 'di 'dra ba'i rnam pa kho nar shog cig ces dang por smon lam btab bo// yang byang chub sems dpa' gnas skabs gang du pha rol phyin pa gang rdzogs par byed ce na/ kun la thams cad snying rje yis// sbyin par byed pas sbyin pa rdzogs// gang gi kun la mig gi bar dang rkang pa'i bar thams cad mngon par mtho ba'i khyad par can lam re bar snying rjes sbyin par byed na de tsam gyis sbyin ba'i pha rol tu phyin pa yongs su rdzogs pa yin no// chags bcas yan lag bcad kyang ni// mi 'khrug bzod dang tshul khrims kyi// gang tshe 'dod chags dang ma bral ba bzhin du yan lag bcad kyang cung zad kyang mi 'khrug pa de'i tshe 'di'i tshul khrims dang bzod pa'i pha rol tu phyin pa yang yongs su rdzogs pa yin no/ /skar rgyal bstong pas brtson 'grus kyi/ bcom

  463. 232a

    ldan 'das de bzhin gshegs ba skar rgyal la rkang pa gcig gis 'grang ste/ zhag bdun gyi bar du tshigs su bcad pa gcig gis bstong pa de'i tshe brtson 'grus kyi pha rol tu phyin pa yang yongs su rdzogs la bskal pa dgu yang bsdums so/ /de ma thag pa'i ting 'dzin blo'i/ /byang chub pa'i sngon rol gyi de ma thag rdo rje lta bu'i ting nge 'dzin gyi tshe bsam gtan dang shes rab kyi pha rol tu phyin pa dag yongs su rdzogs so mdo las bsod nams bya ba'i gzhi gsum gsungs pa de ni ji ltar bsod nams bya ba'i gzhi gsum yin zhe na/ gsum po bsod nams bya ba dang /de bzhin dper na las lam bzhin/ /de la sbyin pa las byung ba'i bsod nams bya ba'i gzhi la lus dang ngag gi las ni rnam pa gsum char yin no/ /de kun nas slong bar byed pa'i sems pa ni bsod nams yang yin la bya ba yang yin no// de dang lhan cig 'byung ba'i chos rnams ni bsod nams kho na yin no// tshul khrims las byung ba'i lus dang ngag gi las kho na yin pas gsum char yin no// bsgoms pa las byung ba la byams pa ni bsod nams kyang yin la bsod nams bya ba'i gzhi yang yin no/ /de dang lhan cig 'byung ba'i sems dpa' ? ngang tshul khrims ni bsod nams kyang yin la bya ba yang yin no// de dang mtshungs par ldan pa gzhan dag ni bsod nams kho na yin no// sbyin pa zhes bya ba 'di ci zhe na/ gang gis sbyi byed de sbyin pa/ /mchod dang phan 'dogs 'dod pa yis// gang gis gzhan dag la mchod pa dang phan gdags par 'dod pa dag gis sbyin pa sbyin par byed pa de sbyin pa'o/ /gang gis sbyin par byed pa de yang gang zhig ce na/ lus dang ngag la slong dad bcas/ /slong ba yang gang zhig ce na /tshogs pa

  464. 232b

    gang gis de slong bar byed pa'o/ /de 'bres longs spyod chen bo can/ /sbyin pa gang yin pa de ni 'bras bu longs spyod chen po can yin no// sbyin pa na yang bdag gzhan don phyir gnyis don phyir// gnyis ka'i don du min phyir sbyin/ /de la gang 'dod chags dang ma bral bas mchod rten la sbyin pa de ni bdag kho na'i don du'o// gang 'dod chags dang bral bas pha rol la sbyin pa mthong ba'i chos la myong ba ma gtogs pa de ni gzhan kho na'i don du'o// 'dod chags dang ma bral bas pha rol po la sbyin pa gang yin pa de ni gnyis ka'i don gyi phyir ro/ /'phags pa 'dod chags dang bral bas gang mchod rten la 'bul ba de ni gnyis ka'i don du ma yin no/ /de ni bkur sti dang byas pa bzo ba 'ba' zhig gis 'bul bar zad do/ /sbyin pa'i 'bras bu longs spyod chen po can zhes spyir la/ de yi khyad par sbyin bdag dang/ /dngos dang zhing gi khyad par las/ /de la re zhig sbyin bdag khyad 'phags dang sogs kyis/ /dad pa dang tshul khrims dang thos pa la sogs pa'i yon tan dang ldan pa'i sbyin bdag ni khyad par du 'phagS pa'o/ /de'i sbyin pa de ni sbyin bdag gi khyad par las 'bras bu 'byin pa la khyad par du 'phags par 'gyur te/ sbyin bdag de lta bu de ni gus la sogs pas sbyin par byed/ /gus pa dang rang gi lag dang dus su dang gzhan la mi gnod par sbyin par byed de /de phyir bkur sti rgya chen dang/ /dus dang bar chad med par rnyed/ /de'i phyir sbyin bdag de'i sbyin ba de ni byin pas go rims bzhin du khyad par de bzhi 'byung ngo/ /yang ji ltar dngos po khyad par du 'phags zhe? na/ kha dog la sogs phun tshogs dngos khyad par du 'phags pa zhes bya bar sbyar ro/ /dngos po de lta bu byin pas rim pa bzhin du de las gzugs bzang grags ldan pa/ /dga' dang shin tu gzhon sha can/ /dus su reg na bde lus 'gyur// kha dog phun sum tshogs pa byin pas

  465. 233a

    gzugs bzang ba dang/ dri phun sum tshogs pa byin pas grags pa phun sum tshogs pa dang/ ro phun sum tshogs pa byin pas dga' ba dang/ reg bya phun sum tshogs pa byin bas lus shin tu gzhon sha can dang/ 'di' lus dus su reg na bde ba'i lus su 'gyur ro/ /yang ji ltar na zhing khyad par can du 'phags zhe na/ 'gro dang sdug bsngal phan 'dogs dang/ /yon tan rnams kyi zhing khyad 'phags/ /re zhig 'gro ba ni ji ltar dud 'gro'i skye gnas su skyes pa la sbyin pa byin na rnam par smin pa brgya 'gyur du'o/ /tshul khrims 'chal bar gyur pa'i mi la sbyin pa byin na stong 'gyur du'o/ /sdug bsngal gyi khyad par du 'phags te/ ji ltar nad pa la byin na rnam par smin pa tshad med par gsungs pa lta bu'o/ phan 'dogs pa'i khyad par las ni 'di lta ste pha ma'o/ /yon tan gyi khyad par las ni ji ltar tshul khrims dang ldan pa la byin na rnam par smin pa 'bum 'gyur ro/ /zhes bya ba la sogs pa'o/ /sbyin pa thams cad kyi nang na mchog ni grol bas grol ba la 'am/ 'dod chags dang bral bas/ 'dod chags dang bral ba la byin pa gang yin pa'o/ /byang chub sems dpa' yis/ gang byang chub sems dpa' sems can thams cad la phan par bya ba'i phyir sbyin pa de yang mchog yin no/ /de ma gtogS pa bcom ldan 'das kyis sbyin pa brgyad gsungs pa de dag gi nad na ni brgyad pa/ mchog yin no zhes sbyar ro// brgyad gang zhe na/ nye ba la sbyin pa dang/ 'jigs pas sbyin pa dang/ bdag la byin pas sbyin pa dang/ bdag la sbyin par 'gyur bas sbyin pa dang/ sngon bdag gi ba dang mes? po dag gis byin pas sbyin pa dang/ mtho ris kyi don du sbyin pa dang/ grags pa'i don du sbyin pa dang/ sems kyi brgyan dang/ sems kyi yo byad dang/ rnal 'byor gyi tshogs dang don gyi mchog gi don du

  466. 233b

    sbyin pa byin pa'o/ /de dag las tha ma ni mchog yin no/ /bcom ldan 'das kyis rgyun tu zhugs pa'i 'bras bu la zhugs pa dang/ rgyun tu zhugs pa'i 'bras bu la gnas pa la byin pa'i rnam par smin pa gzhal du med par gsungs mod kyi/ gzhan yang 'phags pa min yang pha ma dang/ nang pa dang ni chos smra dang/ /skye mdza' i byang chub sems dpa' la/ /yon ni gzhal du med pa yin/ /lnga po 'di dag pa ni so so'i skye bor gyur pa yin yang 'bras bu'i sgo nas yon gnas gzhal du med pa yin no/ /las rnams kyi lci ba dang yang ba nyid shes par 'dod pas rgyu drug shes par bya ste/ 'di lta ste/ 'jug dang zhing dang gzhi dang ni// sbyor dang sems pa bsam pa ste/ /de dag chung dang tsha ba las/ /las kyang chung dang che ba nyid// 'jug ces bya ba ni byas pa'i rjes la yang byed pa gang yin pa'o/ /zhing zhes bya ba ni phan pa dang gnod pa dag byed pa'o/ /gzhi ni las kyi lam mo/ /sbyor ba ni de'i don du lus dang dag gi las so// sems pa ni dag gi las kyi lan/ thar byin par byed pa'o/ /bsam pa ni de dag las de dang 'di dag zhig ni bya'o/ /de dang 'di lta bu zhig ni phyis bya'o snyam du sems pa'o/ /las byas pa dang bsags pa ni ji lta bu zhe na/ bsams bzhin pa dang rdzogs pa dang/ mi 'gyod gnyen po med pa dang 'khor dang rnam par smin pa las/ /bsags pa'i las zhes bya ba yin/ /ched du bsams nas byas pa yin gyi blo sngon du ma btang ba yang ma yin pa bab col du byas pa yang ma yin no/ /rdzogs pa ni kha cig ni nyes par sbyad pa gcig gis ngan song du 'gro la/ kha cig ni gsum gyi bar gyis 'gro ba'o/ /de gang zhig gis ji cam gyis 'gro ba de rdzogs na bsags pa yin no/ /mi 'gyod pa dang gnyen po med pa ni yid la bcags pa med ba dang/ gnyen po med pa yin no/ /'khor laS

  467. 234a

    ni mi dge ba la 'khor ba yang mi dge ba yin no/ /rnam par smin pa las ni rnam par smin pa 'byin par nges pa yin no/ /de bzhin du dge ba la yang sbyar par bya'o/ /de las gzhan du byas pa'i las rim bsags pa yin no/ /'dod chags dang bcas pas mchod rten la sbyin pa byin pa ni bdag gi don du'o zhes bshad pa de la longs spyod pa dang len pa po na bsod nams ji ltar 'byung zhe na/ mchod rten la btang rgyus byung ba'i/ /bsod nams len med byams sogs bzhin/ /ji ltar byams pa la sogs pa len par mthus bsod nams su gyur pa de bzhin du/ yon tan dang ldan pa mthus bsod nams su gyur pa de bzhin du/ yon tan dang ldan pa 'das kyang de la dad par byas pas rang gi sems la bsod nams su 'gyur ro/ /gal te zhing bzang po la sbyin par bya ba'i 'bras bu sa bon yid du 'ong ba can yin na/ 'o na ni zhing ngan pa la byin na 'bras bu yid du mi 'ong bar 'gyur zhe na/ rgyu las 'bras bu mi 'khrul phyir// ngan pa'i zhing la'ang 'bras yid 'ong/ /zhing ngan pa las sa bon las 'bras bu mi 'khrul ba mthong ste/ rgyun gyi sa bon las ni rgyun gyi 'bras bu mngar ba skye ba de bzhin du zhing ngan pa la yang gzhan la phan pa'i lhag pa'i bsam pa la zhugs pa'i sbyin pa'i sa bon gyi 'bras bu yang yid du 'ong ba kho na 'grub kyi yid du mi 'ong ba ni ma yin no/ /sbyin pa las byung ba bshad nas/ tshul khrims las byung ba brjod par bya ste/ 'chal pa'i tshul khrims mi dge'i gzugs// de spong tshul khrims rnam gnyis so/ /rnam par rig byed gang spong bar byed pa dang/ rnam par rig byed ma yin pas spong ba gang yin pa'o/ /tshul khrims ni 'chal pa'i tshul khrims kho na spong ba 'ba' zhig ma yin gyi/ 'on kyang sangs

  468. 234b

    rgyas kyis ni spyad pa yang/ /rang bzhin gyis ni 'chal pa'i tshul khrims ma yin pa yang bcom ldan 'das kyis bcad pa dus ma yin pa'i zas la sogs pa gang dag yin pa de dag spong ba rnam pa gnyis kyang tshul khrims yin no/ /tshul khrims mdor bshad zin to/ /rnam dag yon tan bzhi ldan no/ /'chal khrims de'i rgyus 'phan ma phyung/ /de'i gnyen po dang bzhi la brten/ /'chal pa'i tshul khrims kyis ji skad bshad pa'i 'phan ma byung ba'o/ /'chal pa'i tshul khrimS kyis rgyus 'phan ma byung ba ni chags pa la sogs pas nyon mongs pa dang nye ba'i nyon mongs pas 'phan ma phyung bas so/ /'chal pa'i tshul khrims kyi gnyen po la brten pa ni dran pa nye bar gzhag pa la brten pa'i phyir ro/ /zhi ba la brten pa ni mya ngan las 'das par yongs su bsngo ba'i phyir ro/ /tshul khrims rdzogs so// //mnyam par bzhag pa'i dge ba ni bsgom pa'o/ /mnyam par bzhag pa zhes bya ba ni ting nge 'dzin g yi rang bzhin dang lhan cig 'byung ba'o/ /'di ci phyir bsgom pa zhes bya zhe na/ sems la bsgom phyir ro/ /mnyam par bzhag pa'i dge ba de ni rgyud yon tan rnams kyis de'i bdag nyid du byed pa'i phyir sems la shin tu bsgom par byed pa yin no/ /de zhig sbyin pas ni longs spyod chen por 'gyur ro zhes bshad na tshul khrims dang bsgom pas cing 'gyur zhe na/ mtho ris don du tshul khrims dang/ /'bral pa'i don du bsgom gtso'i phyir/ /sbyin pa yang mtho ris kyi don du 'gyur mod kyi/ tshul khrims ni gtso bo yin pa'i phyir ro/ tshul khrims kyis kyang 'bral bar 'gyur mod kyi bsgom pa ni gtso bo yin pa'i phyir ro/ /mdo? las gang zag bzhi ni tshangs pa'i bsod nams 'byung bar gsungs pa gang zhe na/ bskal par mtho ris dga' gnas phyir/ /bzhi yis tshangs pa'i

  469. 235a

    bsod nams yin/ /bsod nams ji tsam gyis na bskal par mtho ris su dga' bar gnas par 'gyur pa 'di ni tshangs pa'i bsod nams yin no/ /zad zing gi sbyin pa bshad zin to/ /chos sbyin nyon mongs can min pas/ /mdo sogs yang dag ji bzhin ston/ /chos kyi sbyin pa ni mdo la sogs pa nyon mongs pa can ma yin pa ji lta ba bzhin ston pa'o/ /bsod nams bya ba'i gzhi rnam pa gsum bshad nas/ yang bsod? nams mya ngan 'das ba dang/ /nges 'byed cha 'thun dge rnam gsum/ /bsod nams kyi chad mthun? pa ni rnam par smin pa nyid du 'ong ba can gang yin pa'o/ /thar pa'i cha dang mthun pa ni gang skyes na nges par mya ngan las 'da' ba' i chos su 'gyur ro// nges par 'byed pa'i cha dang mthun pa ni 'og nas bshad par bya'o/ /'jig rten na yig 'bru dang/ brgya dang bgrang ba dang snyan dag dang/ grangs zhes bya ba gang yin pa 'di dag go? rang bzhin ci zhe na/ rigs pas rab tu bcug pa'i laS// rnam gsum kun slong bcas pa ni// yig 'bru brgya dang bgrangs bcas pa'i/ /snyan ngag grangs te go rims bzhin/ /rigs pas bcug pa zhes bya ba ni thabs kyi bye brag gis bcug pa'o/ /las rnam gsum zhes bya ba ni lus dang dag dang yid kyi las so/ /de la re zhig yig 'bru dang/ rgya ni lus kyi las rigs pas rab tu bcug pa kun nas slong ba dang bcas pa yin no// bgrang ba dang snyan ngag ni dag gi las te/ de lta na de dag ni phung po lnga'i rang bzhin yin no// grangs ni yid? kyi las te/ yid kyis chos rnams sdom par byed pa gang yin pa'o/ /da ni chos kyi rnam grangs kha cig brjod par bya ste/ bsgribs ngan kha na ma tho bcas/ /nyon mongs can chos nyon mongs pa can gyi chos rnams kyi rnam

  470. 235b

    grangs dag go/ dri med dge gya nom gya nom pa zhes bya ba ni dge ba zag pa med pa'i rnam grangs yin no/ /ngan pa dang gya nom pa las gzhan pa'i bar ma zhes bya bar grub bo/ /'dus byas dge bstan bya bsten par bya ba zhes bya ba ni 'dus byas kyi chos dge ba rnams kyi rnam grangs yin no/ /lhag ma rnams ni brten par bya ba ma yin par grub po/ /chos gzhan thams cad ni bla ma dang bcas pa yin gyi/ thar pa bla na med pa yin// mya ngan las 'das pa las ches khyad par du 'phags pa ni med kyi/ de ni dge pa dang rtag pa yin pa'i phyir thams cad las khyad par du 'phags pa yin no// las bstan pa zhes bya ba mdzod kyi gnas bzhi pa'o// //las las 'jig rten sna tshogs skyes zhes bshad pa de dag kyang phra rgyas kyi dbang gis bsags par 'gyur gyi/ phra rgyas med par ni srid pa mngon par 'grub par mi nus pas de'i phyir/ srid pa'i rtsa ba phra rgyas su rig par bya'o/ /de yang drug/ 'dod chags de bzhin khong khro dang/ /nga rgyal ma rig lta ba dang// the tshom yin te/ de bzhin zhes smos pa ni 'dod chags kyi dbang gis gzhan dag dmigs pa la rgyas par 'gyur ba nyid shes par bya ba'i don du'o/ /de drug kyang 'dod chags dbye bas bdun du bshad/ gang gi phyir/ khams gnyis las skyes srid 'dod chags/ /gzugs dang gzugs med pa'i khams nas skyes pa'i 'dod chags ni srid pa'i 'dod chags so/ /'dod par gtogs pa'i ni 'dod pa'i 'dod chags so/ /yang ci'i phyir gzugs dang gzugs med pa'i 'dod chags ni srid pa'i 'dod chags zhes bya zhe na/ kha ni nang du bltas phyir ro/ /thar pa'i 'du shes bzlog phyir bshad/ /de dag ni phel cher snyoms par 'jug pa la 'dod chags pa yin la/ de yang kha nang du bltas pa yin te/ de lta bas na gcig tu byas so//

  471. 236a

    khams de gnyis? la thar pa yin no snyam pa'i 'du shes bzlog pa'i phyir srid pa'i 'dod chags zhes kyang gsungs so/ /yang bra rgyas drug po de dag bcur yang 'chad de/ ji ltar byas nas zhe na/ lta ba lnga ste 'jig tshogs dang/ /log dang mthar 'dzin lta ba dang/ /lta ba dang ni tshul khrims dang/ /brtul zhugs mchog tu 'dzin dang bcu /phra rgyas drug las lta ba rnam pa lngar byas nas bcur 'gyur ro/ /yang 'di dag bcu po las dgu cu rtsa brgyad du 'chad de/ 'di lta ste/ de dag bcu dang bdun bdun brgyad/ /lta ba gsum gnyis ma gtogs pa/ /'dod na sdug bsngal la sogs pa// mthong bas rim bzhin spong bar byed/ /phra rgyas bcur bshad pa gang yin pa de dag 'dod pa'i khams na sdug bsngal mthong bas spang bar bya ba ni bcu yod do/ /de dag nyid las kun 'byung ba mthong bas spang bar bya ba bdun dang/ 'gog pa mthong bas spang bar bya ba bdun te/ 'jig tshogs la lnga ba dang mthar 'dzin par lta ba dang/ tshul khrims dang brtul zhugs mchog tu 'dzin pa ma gtogs so/ /lam mthong bas spang bar bya ba ni brgyad de/ 'jig tshogs la lta ba dang/ mthar 'dzin par lta ba ma gtogs so// de ltar 'dod pa na spyod pa'i phra rgyas sum bcu rtsa gnyis yin no/ /de bzhin du gzugs kyi khams na nyi shu rtsa brgyad gzugs med pa'i khams na nyi shu rtsa brgyad yin no/ /'dod pa'i khams na mthong bas spang bar bya ba so gnyis yin la/ bzhi ni bsgom pas spang bya yin 'di lta ste/ 'dod chags rang? khong khro ba dang/ ma rig pa dang nga rgyal te/ de dag ni 'dod pa na spyod pa'i sum cu rtsa drug tu 'gyur ro/ /khong khro ba ma gtogs de dag nyid gzugs khams khong khro ba rnam

  472. 236b

    pa lnga bor nas gzugs su gtogs pa'i phra rgyas sum cu rtsa gcig yin no/ /gzugs med de dang 'dra/ sum cu rtsa gcig kho na'o/ /de ltar dgu bcu brgyad du 'dod/ /de ltar na de dag rnam pa dang bye brag dang khams kyi dbye bas dgu bcu rtsa brgyad du 'dod do/ /de bas na srid rtse las skyes bzod pa yis/ /gzhom bya mthong bas spang bya nyid/ /bsgom pas spang bar bya ba dag ni ma yin no/ /lhag skyes mthong dang bsgom gnyis kyis/ /bzod pas gzhom par bya ba zhes bya bar sbyar te/ sa lhag mngag gi chos dang rjes su mthun pa'i bzod pas spang bar bya ba rnams ni ci rigs par 'phags pa rnams kyis ni mthong bas spang bar bya ba yin la/ so so'i skye bo rnams kyis ni bsgom pas spang bar bya ba dag go/ bzod pas gzhom min bsgom kho nas/ sa gang dag phra rgyas gang dag shes pas gzhom par bya ba yod pas de dag ni gnyis ka'i yang rtag tu bsgom pas spang bar bya ba yin no/ /lta ba lnga ming gi sgo nas bstan gyi rang gi ngo bo'i sgo nas ma bstan pas de'i phyir de'i ngo bo brjod par bya ste/ bdag dang bdag gi rtag chad dang/ /med dang dman la mchog lta dang/ /rgyu min lam min der lta ba dang/ de dag lta ba lnga yin no// bdag dang bdag gir lta ba ni 'jig tshogs la lta ba'o/ /bdag tu mngon par 'dod pa'i dngos po de nyid la rtag par lta ba 'am chad par lta ba ni mthar 'dzin pa'i lta ba'o/ /sdug bsngal la sogs pa'i bden pa yod na med do ces bya ba'i lta ba ni log par lta ba'o/ /dman pa zag pa dang bcas pa la mchog tu lta ba ni lta ba mchog tu 'dzin pa'o/ /rgyu ma yin pa la rgyud lta ba dang/ lam ma yin pa la lam du lta ba ni tshul khrims dang brtul zhugs mchog tu 'dzin pa'o/ /gnyis ka la yang la sogs pa'i sgra mi mngon par byas so/ /gal te rgyu ma yin

  473. 237a

    ba rgyur lta ba dang tshul khrims dang brtul zhugs mchog tu 'dzin pa yin na/ ci'i phyir kun 'byung mthong bas spang bar bya ba ma yin zhe na/ gang las dbang phyug gam skye dgu'i bdag po la rgyud lta ba de ni de la rtag pa dang gcig pu dang bdag byed pa por mngon par zhen nas lta ste/ de lta bas na 'di ltar dbang phyug sogs rgyur mngon zhen pa// de ni rtag bdag phyin ci log pa yis/ /rab tu 'jug pas de'i phyir de/ /sdug bsngal mthong bas spang bya nyid/ /de la rtag pa dang bdag tu 'dzin pa de gnyis ni sdug bsngal mthong ba kho nas spong bar 'gyur te/ de lta bas na de byas pa rgyud mngon par zhen pa yang de nyid kyis spong bar 'gyur ro/ /rtag bdag phyin ci log pa yis zhes gang bshad pa phyin ci log de gnyis kho nar zad dam zhe na/ ma yin te/ 'on kyang phyin ci log ni bzhi ste/ de ni lta ba gsum la phyin ci log bzhi mtshan/ mthar 'dzin par lta pa las rtag par lta ba ni rtag par phyin ci log go/ lta ba mchog tu 'dzin pa las ni bde ba dang gtsang bar phyin ci log go/ 'jig tshogs na lta ba las ni bdag tu lta bar phyin ci log go/ ci'i phyir nyon mongs pa gzhan dag phyin ci ma log ma yin zhe na/ 'di ltar rgyu gsum gyis phyin ci log rnam par gzhag pa 'di lta ste/ phyin ci log phyir dang/ nges rtog phyir dang sgro 'dogs phyir/ /chad par lta ba dang/ log par lta ba ni sgro 'dogs pa dag ma yin no/ /tshul khrims dang brtul zhugs mchog tu 'dzin pa ni gcig tu phyin ci log ma yin no/ /nyon mongs pa gzhan dag ni nges par rtog par byed pa ma yin pas phyin ci log ma yin no/ /mdo las 'du shes dad sems dang/ lta ba phyin ci log tu gsungs pa de la

  474. 237b

    lta ba kho na phyin ci log yin la/ sems dang 'du shes de'i dbang gis/ /lta ba phyin ci log gi dbang gis 'du shes dang sems phyin ci log tu bshad do/ /yang lta ba'i phra rgyas kho na la dbye ba yod kyi gzhan la med dam zhe na/ yod pa F'di lta ste/ nga rgyal bdun nga rgyal dang lhag pa'i nga rgyal dang/ nga rgyal las kyang nga rgyal dang/ nga'o snyam pa'i nga rgyal dang/ mngon pa'i nga rgyal dang/ cung zad snyam pa'i nga rgyal dang/ log pa'i nga rgyal lo/ /de la chung du las bdag khyad par du 'phags pa'am mnyam dang mnyam mo snyam du sems khengs pa ni nga rgyal lo/ /mnyam pa bas bdag khyad par du 'phags so snyam pa ni lhag pa'i nga rgyal lo/ /khyad par du 'phags pa bas kyang bdag khyad par du 'phags so snyam pa ni nga rgyal las kyang nga rgyal lo/ /'jig tshogs la lta ba mngon du 'gro bas nga'o snyam pa ni nga'o snyam pa'i nga rgyal lo/ /rtogs pa'i khyad par ma thob pa la bdag gis thob bo snyam pa ni mngon pa'i nga rgyal lo/ /chos khyad par du 'phags pa bas bdag cung zad gcig gis dman no snyam pa ni cung zad snyam pa'i nga rgyal lo/ /yon tan ma yin pa dang ldan pa la bdag ni yon tan dang ldan no snyam pa ni log pa'i nga rgyal lo/ /bstan bcos las nga rgyal rnam pa dgu gang dag bshad pa de dag ni/ rnam dgu gsum po/ /de la dang po gsum ni bdag mchog dang mnyam pa dang/ dman pa yin no zhes bya ba lta pa la rten pa gsum ni lhag pa'i nga rgyal dang/ nga rgyal dang cung zad snyam pa'i nga rgyal dag go/ gnyis pa'i gsum ni bdag pas mchog dang mnyam pa dang/ dman pa yod do zhes bya ba ni cung zad snyam pa'i nga rgyal dang/ nga rgyal dang/ lhag pa'i nga rgyal rnams so/ /gsum pa'i gsum ni bdag bas mchog dang/ mnyam pa dang dman pa

  475. 238a

    med do ces bya ba ni nga rgyal dang lhag pa'i nga rgyal dang/ cung zad mnyam pa'i nga rgyal dag go/ yang nga rgyal bdun po 'di dag ci zhig gis spang bar bya ba yin zhe na/ mthong dang bsgom pas zad bya ba/ /ci 'phags pa rnamS la bsgom pas spang bar bya ba ma spangs pa gang yin pa de kun tu spyod dam zhe na/ nges pa med de 'di ltar sgom pas spang bar bya ba ni/ gsod sogs kun nas dkris pa'o/ /nyon mongs pa kun dkris pa gang gis ched du bsams te srog gcod par byed pa nas brdzun du smra bar byed pa'i bar de ni bsgom pas spang bar bya ba yin no/ /de bzhin 'jig sred/ 'jig pa'i sred pa yang bsgom pas spang bar bya ba yin no/ /bsgom pas spang bar bya ba ni/ nga rgyal gyi rnam pa rnams kyang yod do ces bshad pa la nga'o snyam pa'i nga rgyal yang yod mod kyi 'phags pa la/ rnam sogs da'o snyam mi 'byung/ /sogs pa smos pas ni 'jig pa'i sred pa'i bar du gzung ngo/ /ci'i phyir de dag ma spangs kyang mi 'byung zhe na/ lta bas rgyas bar 'gyur phyir ro/ /nga rgyal gyi rnam pa rnams dang/ da'o snyam pa'i nga rgyal ni 'jig tshogs la lta bas /rgyas bar 'gyur ro/ /de bas na 'jug pa chad pa'i phyir yang ldang bar mi nus so/ /gsod pa la sogs pa'i kun nas dkris pa ni log par lta bas rgyas par 'gyur ba'i phyir ro/ /'jig pa'i sred pa ni chad par lta bas rgyas par 'gyur ba'i phyir ro// skye ba'i sred pa'i phyogs ni rtag par lta bar rgyas par 'gyur ba'i phyir ro/ /mi dge'i 'gyod pa 'ang? ma yin no/ /'gyod pa ni mi dge ba yang bsgom pas spang bar bya ba yin na 'phags pa la de mi 'byung ste/ the tshom gyis kun nas slang ba yin pa'i phyir ro/ /yang phra rgyas de dag las/ du kun tu 'gro ba dang/ kun tu 'gro ba ma yin

  476. 238b

    pa ni du zhe na/ sdug bsngal rgyu mthong spang bya ba/ lta dang de bzhin the tshom dang/ gang de lhan cig ma 'dres pa'i/ /ma rig gang yin kun tu 'gro/ de ltar na lta ba bdun dang/ the tshom gnyis dang/ ma rig pa gnyis dang/ phra rgyas bcu gcig po dag ni rang gi khams mdza' dag la dmigs pa'i phyir bskal pa mnyam pa'i khams kun tu 'gro ba yin no/ /de dag las dgu gong du dmigs/ /lta ba gnyis po ma gtogs so/ /'jig tshogs la lta ba dang/ mthar 'dzin par lta ba ma gtogS pa phra rgyas gzhan dgu ni bskal pa mi mnyam pa'i khams kun tu 'gro ba dag yin no/ /phra rgyas kun 'gro ba ma yin te/ 'on kyang de dag dang ni lhan cig dang/ /'byung de 'ang kun thob ma gtogs// thob pa rnams ni 'bras bu du ma'i phyir 'di dag tu ma gtogs so// phra rgyas 'di dag las zag pa dad bcas pa la dmigs pa dang/ zag pa med pa la dmigs pa du zhe na/ 'gog dang lam mthong spang bya ba// log lta the tshom de dag dang/ /ldan dang 'ba' zhig ma rig dang/ /drug ni zag med spyod yul can/ /lhag ma rnams ni zag pa dang bcas pa la dmigs pa zhes bya bar grub bo/ /de la yang rang gis pa'i 'gog pa dang/ lam ni phan tshun rgyu yin pas/ /sa drug sa dgu'i lam ni de'i spyod yul can gyi yul yin no/ /'gog pa la dmigs pa log par lta ba la sogs pa'i dmigs pa ni rang gi sa pa'i 'gog pa kho na yin no// lam la dmigs pa 'dod pa na spyod pa rnams kyi dmigs pa ni sa drug gi chos shes pa'i phyogs dang mthun pa'i lam thams cad yin te/ gang yang gzugs dang gzugs med pa'i gnyen po yang yin no/ /gzugs dang gzugs med pa na spyod pa'i sa brkyang po rnams kyi dmigs pa yang sa dgu'i rjes su shes pa'i phyogs dang mthun

  477. 239a

    pa'i lam thams cad yin te/ lam ni phan tshun rgyu yin pa'i phyir ro/ /yang ci'i phyir 'dod chags la sogs pa 'di dag zag med pa la dmigs pa ma yin zhe na/ 'dod chags min te spang bya'i phyir// 'dod chags ni spang bar bya ba yin na gal te zag pa med pa la dmigs pa yin na gong mas spang bar bya ba ma yin par 'gyur te/ dge ba'i chos la 'dun pa bzhin no/ /gnod mi byed phyir zhe sdang min/ /gnod par byed pa'i dngos po la mi khong khro ba skye na/ 'gog pa dang lam dag ni de lta bu ma yin no/ /zhi dang dag dang mchog gyur phyir/ /nga rgyal ma yin mchog 'dzin min/ /'gog pa dad lam dag ni zhi ba yin pa'i phyir de dag gis khengs par 'gyur bar yang 'os pa ma yin la/ yang dag pa'i don du dag pa yin pa'i phyir de gnyis la dag bar 'dzin pa ni tshul khrims dang brtul zhugs mchog tu 'dzin pa yang ma yin no// dman pa la mchog tu 'dzin pa ni lta ba mchog tu 'dzin pa yin na de gnyis ni mchog kyang yin te/ de lta bas na de dag gi dmigs pa zag pa med pa yin par rig pa ma yin no// phra rgyas de dag las du ni dmigs pa'i sgo nas rgyas par 'gyur// du ni mtshungs par ldan pa'i sgo nas rgyas par 'gyur zhe na/ phra rgyas kun tu 'gro rnams ni dmigs pa'i sgo nas rang gis/ /thams cad du ni rgyas par 'gyur// kun 'gro ma yin rang ris su// gang dag kun tu 'gro ba de dag ni dmigs pa'i sgo nas rang gi sa pa'i rnam pa lnga po rnams la yang rgyas par 'gyur ro/ /kun tu 'gro ba ma yin pa rnams ni rang gi sar rang gi ris kho na la ste/ gzhan du ni ma yin no// zag pa med pa la dmigs pa yod du zin kyang/ zag med gong ma'i yul can min// zag pa

  478. 239b

    med pa la dmigs pa dang/ sa gong ma la dmigs pa rnams ni dmigs pa'i sgo nas rgyas par mi 'gyur ba kho na'o// ci'i phyir zhe na/ de dag gi dmigs pa'i dngos po ni bdag gi ma byas gnyen po'i phyir// dngos po gang zhig bdag tu lta ba dang/ sred pa dag gis bdag gir byas pa de la phra rgyas gzhan dag kyang rgyas par nus kyi zag pa med par yang de lta ma yin la/ sa gong ma yang de lta ma yin no/ /mya ngan las 'das pa dang lam ni de dag la dmigs pa rnams kyi gnyen por gyur pa yin la/ sa gong ma yang sa 'og ma rnams kyi gnyen po yin pas de'i phyir yang de dag tu gnas mi thod do/ /ji ltar dmigs pa'i sgo nas rgyas par 'gyur ba ni bshad zin to/ /gang zhig gang dang mchungs ldan pa/ de ni 'dir? mtshungs? ldan sgo nas phra rgyas gang zhig chos gang dang mtshungs par ldan pas rgyas par 'gyur ro/ /de dag las du ni mi dge ba yin/ du mi lung du ma bstan pa yin zhe na/ gong ma thams cad lung ma bstan/ /gzugs dang gzugs med pa na spyod pa thams cad ni lung du ma bstan pa kho na yin no// 'dod na 'jig tshogs lta ba dang// mthar 'dzin lhan cig ma rig pa// 'dod pa'i khams na 'jig tshogs la lnga ba dang/ mthar 'dzin par lta ba dang/ de dag dang mtshungs par ldan pa'i ma rig pa lung du ma bstan pa dag yin no// lhag ma rnams 'dir mi dge pa'o// lhag ma rnams ni 'dod pa'i khams na mi dge ba dag yin no/ /du ni mi dge pa'i rtsa ba dag yin/ du ni ma yin zhe na/ 'dod na 'dod chags khong khro dang rmongs rnams mi dge'i rtsa ba yin/ /'dod pa'i khams na 'jigs tshogs dang/ /mthar 'dzin pa'i lta ba dang mtshungs par ldan pa'i rmongs pa ma gtogs pa rmongs pa dang/ de dang mchungs par ldan pa'i 'dod chags dang zhe

  479. 240a

    sdang ni mi dge ba'i rtsa ba gsum mo/ /lung ma bstan pa'i rtsa ba gsum// de ni sred dang ma rig blo/ sred pa dang/ ma rig pa dang// shes rab tha na rnam par smin pa las skyes pa yang rung ste/ gang cung zad de thaMs cad ni lung du ma bstan pa'i rtsa ba'o/ /rnam gnyis mthor 'jug phyir de las/ /gzhan min the tshom ni rnam pa gnyis nyid du 'jug pa'i phyir rtsa bar 'os pa ma yin te/ g.yo ba med pa'i phyir ro/ /nga rgyal ni khengs pa'i mchan nyid kyis mthon por 'jug pa'i phyir rtsa ba ma yin te/ chos mi mthun pa'i phyir ro/ /'jig rten na rtsa ba rnams ni brtan pa dang/ 'og nas gnas pa dag yin par mthong ba'i phyir ro/ /bzhi zhes nyi 'og pa/ de dag sred lta ba rgyal rmongs/ /lung du ma bstan pa'i sred pa dang lta ba dang/ nga rgyal dang ma rig pa ni lung du ma bstan pa'i rtsa ba dag go/ ci'i phyir zhe na/ bsam gtan pa gsum ma rig las/ /'di bsam gtan pa ni gsum ste/ sred pa dang lta ba dang/ nga rgyal shas che ba'i bsam gtan ngag yin no lo/ /de bas kyang ma rig pa'i dbang gis 'gyur ro/ /mdo las lung du ma bstan pa'i dngos po bcu bzhi gang gsungs pa de dag lung du ma bstan pa ni ma yin te/ bzhag par bya ba'i dri ba lung du ma bstan pa yin no// ci de kho na lung du ma bstan pa dag yin nam ma yin te/ 'on kyang rnam pa bzhi 'di lta ste /mgo gcig pa dang rnam phye dang/ dri dang bzhag par lung bstan pa// 'chi dang skye dang khyad par 'phags// bdag gzhan la sogs lta bu yin/ ci sems can thams cad 'chi bar 'gyur ram zhes 'dri na 'chi bar 'gyur ro zhes mgo gcig tu lung bstan par bya'o //ci sems can thams cad skye

  480. 240b

    bar 'gyur ram zhes 'dri na/ nyon mongs pa can rnams ni skye bar 'gyur kyi nyon mongs pa med pa rnams ni ma yin no zhes rnam par phye ste lung bstan par bya'o/ /ci mi 'di khyad par du 'phags pa yin nam dman pa yin zhes 'dri na lha 'am ngan song gang la ltos te 'dri zhes dris nas lung bstan par bya'o/ /ci phung po rnams las sems can gzhan nam gzhan ma yin zhes 'dri na/ sems can gyi rdzas med pa'i? phyir bzhag par bya'o/ /gang zag gang gi phra rgyas gang zhig dmigs pa gang la rgyas par 'gyur ba de ni des na de dang ldan pa yin no zhes brjod par bya'o/ /'das pa ni gang dang ldan pa zhes bya ba nas/ da ltar ba ni gang dang ldan pa zhes bya ba'i bar 'di dag gang zhe na/ smras pa 'das dang nyer gnas 'dod chags dang/ khong khro nga rgyal dag gis ni// gang la de skyes ma spangs pa'i dngos po de dang ldan pa yin/ dngos po la 'das pa dang da ltar byung ba'i 'dod chags dang/ khong khro dang nga rgyal rnamS skyes pa ma spangs pa'i de dag gis dngos po de dang ldan te/ de dag ni rang gi mtshan nyid pa'i nyon mongs pa yin pa'i phyir gdon mi za bar thams cad la thams cad du 'byung ba ma yin no/ /yid kyi de dag ma 'ongs pas/ kun dang gang la de skyes ma spangs zhes bya bar sbyar te/ yid kyi 'dod chags dang khong khro ba dang/ /nga rgyal ma 'ongs pa de dag nyid kyis dus gsum pa'i dngos po thams cad dang ldan no// gzhan gyis rang dus pa/ 'dod chags dang/ khong khro ba gzhan dag gis ni rnam par shes pa'i tshogs lnga ma 'ongs pa'i dngos po kho na dang/ ldan no// skye ba'i chos rnams kyis ni de lta bu yin no/ /de dag nyid mi skye rnams kyis thams cad dang/ mi skye ba'i chos rnams kyis dus gsum pa'i

  481. 241a

    dngos po thams cad dang ldan no/ /lhag ma kun gyis kun dang ldan/ /lta ba dang the tshom dang ma rig pa rnams kyis dngos po thams cad dang ldan te/ nyon mongs pa spyi la dmigs pa yin pa'i phyir ro// ci 'das pa dang ma 'ongs pa'i dngos po rdzas su yod dam/ 'on te med/ gal te yod na ni dus thams cad du yod pa'i phyir rtag pa nyid du 'gyur ro/ /'o na te med na ji ltar de dang dam/ nges ldan pa 'am/ bral ba yin zhe na/ bye brag tu smra ba rnams ni 'dus byas kyi mtshan 'di dang ldan pa'i phyir 'dus byas rnams rtag pa nyid du dam mi 'cha'i/ dus rnams kun tu yod par ni gsal bar dam 'cha'o/ /ci'i phyir zhe na/ gsungs phyir bcom ldan 'das kyis gal te 'das pa'i gzugs zhig yod par ma gyur na/ 'phags pa nyan thos thos pa dang ldan pa 'das pa'i gzugs la mi lta bar yang mi 'gyur zhig na/ gang gi phyir 'das pa'i gzugs yod ces rgyas par gsungs so /gnyis phyir rnam par shes pa ni gnyis la brten nas skye bo zhes gsungs pa gang zhe na/ mig dang gzugs rnams nas yid dang chos kyi bar yin no/ /yul yod phyir 'dod pa dang ma 'ongs pa med na de la dmigs pa'i rnam par shes pa ni yul med par 'gyur gyi yul dang mi ldan no/ /'bras phyir gal te 'das pa zhig med na tshe phyi ma la 'das pa'i las kyi 'bras bu med par 'gyur ro/ /de'i phyir 'das pa dang ma 'ongs pa yod do/ /yang 'di ltar de yod smra ba'i phyir thams cad yod par smra bar 'dod/ gang dag 'das pa dang ma 'das ba dang da ltar byung ba thams cad yod par smra ba de dag thams cad yod par smra ba yin no/ /gzhan ni rnam par phye ste smra ba yin no/ /thams cad yod par smra

  482. 241b

    ba de dag kyang du zhig ce na/ smras pa de dag rnam bzhi dngos dad mtshan nyid dang/ gnas skabs gzhan gzhan 'gyur zhes bya/ /dngos po gzhan du 'gyur ba ni btsun pa chos skyob yin te/ de na re chos dus rnams su 'jug ba na dngos po gzhan du 'gyur gyi rdzas gzhan du 'gyur ba ni ma yin te/ dper na gser gyi snod bcom nas gzhan du byed ba ni dbyibs gzhan du 'gyur ba bzhin no/ /mtshan nyid gzhan du 'gyur ba ni btsun pa dbyangs sgrogs yin te/ de na re chos dus rnams su 'jug pa na 'das pa'i mtshan nyid dang ldan la gnyis dang ni mi ldan pa ma yin no/ /de bzhin du gzhan yang do/ /gnas skabs gzhan du 'gyur ba ni btsun pa dbyig shes yin te/ de na re chos dus rnams su 'jug pa na 'das pa la sogs pa'i gnas skabs su phyin nas gzhan dang gzhan zhes ston to/ /gzhan dang gzhan du 'gyur ba ni bcun pa sangs rgyas lha yin te/ chos dus rnams su 'jug pa na snga ma dang phyi ma la bltos nas gzhan zhes brjod do// de dag pas gsum pa bzang ste/ gnas skabs gzhan du 'gyur ba gang yin pa'o/ /de'i ni bya ba yis/ dus rnams rnam gzhag gang gi tshe chos de bya ba mi byed pa de'i tshe ni ma 'ongs ma yin la/ gang gi che bya pa byed pa de'i tshe ni da ltar byung ba yin zhing/ gang gis byas nas 'gags pa de'i tshe 'das pa yin no/ /de'i yang chos de'i bdag nyid de kho nar yod la rtag tu bya ba byed pa la/ gegs su byed gang gis na res 'gag ni ma yin bya ba 'das pa dang/ ma 'ongs pa dang/ da ltar byung ba zhes bya ba gang yin pa de yang ji ltar ci bya ba la yang bya ba gzhan zhig yod dam/ gal te chos las bya ba gzhan zhig yin na skyon der yang 'gyur ba zhig yin na de ni gzhan ma yin/ de'i phyir skyon der

  483. 242a

    mi 'gyur ro/ /de ltar na 'o na ni de nyid dus su mi dung gang gi tshe chos yod pa de'i tshe kho nar bya ba yang yod par 'gyur ro/ /gal te ji ltar da ltar rdzas su yod pa de bzhin du 'das ba dang ma 'ongs pa yang yod na/ de bzhin du yod na ci phyir ma skyes zhig chos de'i rang gi ngo bo kho nar yod na ji ltar na ma skyes pa zhes bya ba'am zhig pa zhes bya ba 'di 'grub par 'gyur ro/ /bye brag tu smra ba na re 'das pa dang ma 'ongs pa rdzas su yod pa kho na'o/ /gang zhig drang bar mi nus pa de la ni bdag la phan par 'dod pas 'di ltar rig par bya ste/ chos nyid dag ni zab pa yin/ de gdon mi za bar rtog pas bsgrub pa ma yin no/ /dngos po gang zhig spangs na dngos po de dang bral ba yin pa 'di spyad par bya ste/ spangs la dngos po de dang bral ba yang ma yin no/ /'di lta ste/ sdug bsngal mthong spang bya spangs kyang/ /kun 'gro lhag ma rnams kyis ldan/ /dang po'i rnam pa spangs kyang de'i/ /yul can dri ma lhag rnams kyis/ /sdug bsngal sheS pa ni ma skyes pa'i tshe sdug bsngal mthong bas spang bar bya ba'i ris spangs pa yin no/ /de spangs kyang de la dmigs pa kun tu 'gro ba kun 'byung mthong bas spang bar bya ba rnams kyis ldan no/ /bsgom pas spang bar bya ba'i ris la yang rnam pa dgu las dang po'i rnam pa spangs nas de spangs kyang de la dmigs pa'i nyon mongs pa lhag ma rnams kyis ldan par rig par bya'o/ /dngos po gang la phra rgyas du zhig rgyas par 'gyur zhes bya ba'i tshig 'di re re nas bshad na ni brjod par bya ba mang por 'gyur te/ de lta bas na mdor bsdu na chos ni bcu drug tu rnam par bzhag pa dang/ sems bcu drug tu rnam par bzhag nas yul can gyi nges pa rab tu bstan par bya ste/ sdug bsngal rgyu mthong

  484. 242b

    goms pa yis/ /spang bya 'dod khams las skyes pa/ /rang gi gsum dang gzugs gtogs gcig/ dri med rnam shes spyod yul lo/ /re zhig sdug bsngal dang/ kun 'byung ba mthong bas spang bar bya ba dang/ bsgom pas spang bar bya ba'i chos 'dod pa na spyod pa rnams kyi ni sems lnga'i dmigs pa yin te/ rang gi khams pa gsum ste/ de dag nyid dang gzugs na spyod pa ste/ bsgom pas spang bar bya ba kho na dang/ zag pa med pa'i dmigs pa yin no/ /gzugs khams las skyes rang gi dang/ /'og gsum gong gcig dri med kyi'ang/ /chos rnam pa gsum po de dag nyid gzugs na spyod pa na sems brgyad kyi dmigs pa yin te/ rang gi sa pa gsum ste/ de dag nyid dang/ khams 'og ma pa gsum ste/ de dag nyid dang/ khams gong ma pa gcig ste/ bsgom pas spang bar bya ba kho na dang/ zag pa med pa'i dmigs pa yin no/ /gzugs med las skyes kham gsum gtogs/ /gsum dang zag med spyod yul lo/ /chos rnam pa gsum po de dag nyid gzugs med pa na spyod pa ni sems bcu'i dmigs pa yin te/ khams gsum pa rnam pa gsum ste/ de dag nyid dang zag pa med pa'i dmigs pa yin no/ /'gog dang lam mthong spang bya kun/ /rang gi rlabs pa'i spyod yul lo/ /'gog pa dang lam mthong bas spang bar bya'i chos rnams kyi rang gi sems ni 'gog pa dad lam mthong bas spang bar bya ba kho na yin te/ chos de dag ni des glags pa'i dmigs pa yin no/ /zag med khams gsum mdza' gsum dang/ /zag pa med pa'i spyod yul lo/ /chos zag pa med pa rnams ni sems bcu'i dmigs pa yin te/ khams gsum gyi rnam pa gsum ste/ 'gog pa dang lam mthong ba dang/ bsgom pas spang bar bya ba dang/ zag ba

  485. 243a

    med pa'i dmigs pa yin no/ /de ltar sems bcu drug po de dag gi dmigs pa yin te/ khams gsum gyi rnam pa gsum ste/ 'gog pa dang lam mthong ba dang/ bsgom pas spang bar bya ba dang/ zag pa med pa'i dmigs pa yin no/ /de ltar sems bcu drug po de dag gi dmigs pa chos bcu drug rnam par bzhag par rig nas/ gang la ji tsam du phra rgyas dag rgyas par 'gyur ba de dag mngon par rig par bya'o/ /de la yang nyon mongs phra rgyas bcas rnam gnyis/ /nyon mongs can min rgyas 'gyur gyis/ /sems nyon mongs pa can ni de dang mtshungs par ldan pa dang/ de la dmigs pa ma spangs pa'i phra rgyas rgyas par 'gyur ba rnams dang/ mtshungs par ldan pa spangs pa rgyas par mi 'gyur ba rnams kyi phra rgyas dang bcas pa yin te/ de dang lhan cig pa'i phyir ro/ /sems nyon mongs pa can ma yin pa ni de la dmigs pa ma spangs pa rgyas par 'gyur ba dag kho nas phra rgyas dang bcas pa yin no/ /phra rgyas bcu po'i 'jug pa'i rim pa bstan par bya ste/ re zhig dang po kho nar ma rig pa dang ldan pa las bden pa rnams la kun tu rmongs par 'gyur te/ de'i phyir rmongs la the tshom rmongs par gyur pa phyogs gnyis thos nas the tshom skye bar 'gyur ro/ /de nas ni log lta rab tu 'jug ste/ sdug bsngal med do zhes bya ba la sogs pa'o/ /de nas 'jig tshogs lha/ sdug bsngal las phung po bsal nas bdag tu mngon par zhen pa'i phyir ro/ /de nas mthar 'dzin bdag rtag pa dang chad pa'i mthar 'dzin pa'i phyir ro/ /de nas ni tshul khrims mchog 'dzin/ gang kho na la mthar 'dzin pa des dag par yid ches pa'i phyir ro//

  486. 243b

    de nas lta mchog tu 'dzin zhes sbyar te/ gang gis dag par yid ches pa de la mchog tu 'dzin pa'i phyir ro/ /des ni rang gi lta la nga rgyal chags/ /de la chags pa'i phyir dang/ des khengs par 'gyur ba'i phyir ro/ /gzhan la zhe sdang rang gi lta ba la lhag bar zhen par gyur pa gzhan gyi lta ba la zhe sdang 'jug go/ gzhan dag ni rang gi lta ba blungs nas bor ba gzhan la zhe sdang bar 'dod do/ /de ltar rim/ de dag gi 'jug pa'i rim pa ni de yin no// nyon mongs skye na rgyu gsum gyis skye ste/ phra rgyas spangs pa ma yin dang/ yul ni nye bar gnas pa dang/ tshul bzhin ma yin yid byed las/ /rgyu dang yul dang sbyor ba'i stobs kyis nyon mongs skye ste/ gang rgyu ni tshang ba yin/ des 'ga' ni yul gyi stobs kho nas skye ste/ dper na dgra bcom pa yongs su nyams pa'i chos can gyi lta bu'o/ /yang phra rgyas de dag nyid zag pa dang chu bo dang/ sbyor ba dang nye bar len pa'i dbye bas gsungs so/ /de la re zhig 'dod na gti mug ma gtogs pa'i /nyon mongs kun nas/ dkris bcas zag/ ma rig pa ma gtogs pa 'dod pa na spyod pa'i nyon mongs pa rnams kun nas dkris pa dang bcas pa 'dod pa'i zag pa yin no/ /gzugs dang gzugs ni med pa na/ phra rgyas kho na srid pa'i zag/ ma rig pa ma gtogs pa gzugs dang gzugs med pa na spyod pa'i zag pa rnams ni srid pa'i zag pa yin no/ /ci'i phyir gcig tu byas zhe na/ de lung ma bstan kha nang bltas// mnyam gzhag sa ba'i phyir gcig byas/ /'di dag rgyu gsum gyi phyir gcig tu byas so/ /khams gsum gyi ma rig pa ni ma rig pa'i zag pa zhes bya bar grub bo/ /zag pa de dag gi yang rtsa ba ma rig yod pas na/ legs

  487. 244a

    shig tu ni zag par bstan/ zag pa de dag ji skad du bshad pa ltar/ chu bo sbyor ba'ang de bzhin du/ /lta rnams gsal phyir logs shig bstan/ /'dod pa'i zag pa nyid du 'dod pa'i chu bo dang/ 'dod ba'i sbyor ba'o/ /de bzhin du srid pa'i zag pa ni srid pa'i chu bo dang/ srid pa'i sbyor ba yin no/ /lta ba rnams ni ma gtogs te/ de dag ni chu po dang/ sbyor ba rnams las lob shig tu bzhag ste/ gsal ba'i phyir ro/ /zag par ma yin grogs med rnams/ /'jog pa'i rjes su mi mthun lo/ /zag pa rnams kyi nges pa'i tshig ni 'jog par byed bsan zhes 'og nas 'chad na/ lta ba 'ba' zhig ni gsal ba'i phyir 'jog pa'i rjes su mthun pa ma yin pas bsres nas gzhag go/ ji skad bshad nyid ma rig bcas// nyer len rnams te lta rnams gnyis/ /che ba'i phyir ro/ /'dod pa'i sbyor ba nyid ma rig pa dang bcas pa ni 'dod pa'i nye bar len pa'o/ /srid pa'i nye bar len pa'o/ /srid pa'i sbyor ba nyid ma rig pa dang bcas pa ni bdag tu smra ba'i nye bar len pa'o/ /lta ba'i sbyor ba dag las tshul khrims dang brtsal zhugs phyung ste/ lta ba'i nye bar len pa'o/ /tshul khrims dang brtul zhugs ni tshul khrims dang brtul zhugs kyi nye bar len pa'o/ /ci'i phyir ma rig pa bsres te nye bar len par bshad ce na/ srid pa 'dzin pa'i phyir nye bar len pa dag yin na/ ma rig pa 'dzin par byed pa min phyir bsres/ /ma rig pa ni mi shes pa'i mtshan nyid kyis mi gsal ba'i phyir 'dzin par byed pa ma yin te/ de'i phyir bsres so/ /yang de dag gi nang nas phra rgyas kyi don ci yin nye bar len pa'i bar gyi don ci yin zhe na/ gang phyir de dag phra ba dang//

  488. 244b

    rjes 'brel rnam gnyis rgyas 'gyur dang/ /rjes su 'brel pa de yi phyir/ /phra rgyas dag tu bshad pa yin/ /de la phra ba ni rtogs par dka' bas rgyu ba phra ba'i phyir ro/ /rjes su 'brel pa ni thob pa dang rjes su 'brel pas so/ /rgyas par 'gyur ba ni dmigs pa dang mtshungs par ldan pa'i sgo nas so/ /rjes su 'brang ba ni sbyor ba med pa ste/ bzlog bzhin du yang yang du mngon du 'gyur ba'i phyir ro/ /de dag 'jog byed zag byed dang/ /'khyer bar byed dad 'byung byed dang/ /nye bar 'dzin phyir zag la sogs/ /de dag gi ni nges tshig yin/ /'khor bar 'jog par byed pa dang/ /srid pa'i rtse mo nas mnar med pa'i bar du skye mched drug gi rma nas 'dzag pas na zag pa dag yin no/ /'khyer bar byed pas na chu bo dag yin no// 'byar bar byed pas na sbyor ba dag go/ nye bar 'dzin par byed pas na nye bar len pa rnams so/ /de dag kun tu sbyor sogs kyis/ /dbye bas yid rnams lngar bshad do/ /phra rgyas de dag nyid kun tu sbyor ba dang/ 'chi ba dang phra rgyas dang ne ba'i nyon mongs pa dang/ kun nas dkris pa'i dbye bas yang rnam pa lngar phye nas bshad do/ /de la kun tu sbyor ba ni dgu ste/ rjes su 'chags pa dang/ khong khro ba dang nga rgyal dang ma rig pa dad lta ba dang mchog tu 'dzin pa dang/ the tshom dang phrag dog dang/ ser sna'i kun tu sbyor ba rnams so/ /yang ci'i phyir lta ba gsum ni logs? shig tu lta ba'i kun tu sbyor bar bshad la gnyis ni logs shig tu mchog tu 'dzin pa'i kun tu sbyor bar bshad ce na/ rdzas dang mchog 'dzin 'dra ba'i phyir/ /lta ? gnyis kun tu sbyor gzhan no/ /lta ba gsum yang rdzas bco brgyad yin la/ mchog tu 'dzin pa'i lta ba gnyis kyang rdzas bco brgyad kho na yin te/ de'i phyir rdzas mnyam pas 'di gnyis kun tu sbyor ba

  489. 245a

    gzhan du byas so// 'di gnyis ni mchog tu 'dzin pa'i rang bzhin yin la/ lhag ma rnams ni ma yin pas mchog tu 'dzin par 'dra ba'i phyir yang 'di gnyis logs shig tu bshad de/ gzung ba dang 'dzin pa tha dad pa'i phyir ro/ /yang ci'i phyir kun tu sbyor ba dag phra dog? dang/ ser sna ni logs shig tu kun tu sbyor ba gnyis su bshad la/ kun nas dkris pa gzhan ni ma yin zhe na/ gang phyir gnyis ka'ang gcig tu ni/ mi dge rang dbang de yi phyir/ /phrag dog ser sna de dag las/ /logs shig kun sbyor gnyis su bshad/ /gang la gcig tu mi dge ba dang/ rang dbang can 'di gnyis ka yin pa de lta bu'i kun nas dkris pa gzhan ni med do// yang bcom ldan 'das kyis kun tu skor? pa tha ma'i cha dang mthun rnam lnga gsungs te ci'i phyir rnam pa lnga kho na yin zhe na/ 'di ltar gnyis kyis 'dod las mi 'da' la/ /gsum po yis ni phyir zlog byed// 'dod pa la 'dun pa dang/ gnod sems dag gis ni 'dod pa'i khams las mi 'da' o/ /'jig tshogs la lta ba la sogs pa dag gis ni 'das kyang phyir zlog par byed do/ /'dir yang gsungs pa/ sgo dang rtsa bas bsdus phyir gsum kho nar gsungs so/ /sngar? mthong bas spang bar bya ba spangs na yang sgo dang rtsa ba bsdus pas nyon mongs pa rnams ni rnam pa gsum du gsungs te/ rnam pa gcig pa dang/ rnam pa gnyis pa dang/ rnam pa bzhi pa dag go/ de dag gi sgo ni 'di gsum gyis bsdus so/ /gzhan yang mthar 'dzin par lta ba ni 'jig tshogs la lta bas rab tu bcug la/ lta ba mchog tu 'dzin pa ni tshul khrims dang/ brtul zhugs mchog tu 'dzin pas rab tu bcug/ log par lta ba ni the

  490. 245b

    tshom kyis rab tu bcug ste/ de'i phyir rtsa ba bsdus so zhe'o/ /gzhan dag na re/ 'gro mi 'dod dang/ lam nor dang/ lam la the tshom de rnyed cig/ thar pa bgrod la 'gags byed yin/ /de yi phyir na gsum bstan to/ /'jig tshogs la lta bas ni thar pa la skrag par 'gyur bas 'gro mi 'dod bar 'gyur ro/ /tshul khrims dang brtul zhugs mchog tu 'dzin pas ni lam gzhan la yang dag par brten pa'i phyir lam nor bar 'gyur ro/ /the tshom gyi lam la som nyi za bar 'gyur te/ de'i phyir 'di gsuM kho na spang bar bstan to/ /ji ltar kun tu sbyor ba tha ma'i cha dang mthun pa lnga bshad pa de bzhin du yang/ gong ma'i cha dang mthun lnga nyid/ /gzugs dang gzugs med las skyes pa'i/ /'dod chags gnyis rgod nga rgyal rmongs/ /'di dag ma spangs par khams gong ma las mi 'da' ba' i phyir ro/ /kun tu spyod pa bshad zin to/ /'ching ba ni gsum ste/ 'dod chags dang zhe sdang dang gti mug rnams so/ /'di yang tsho ba'i dbang gis 'ching ba gsum/ 'di lta ste bde ba'i tshor ba la ni 'dod chags dmigs pa dang/ mtshungs par ldan pa'i sgo nas rgyas par 'gyur ro/ /sdug bsngal ba las ni zhe sdang ngo/ /bde ba yang ma yin sdug bsngal pa yang ma yin pa la gti mug ste/ 'dod chags dang zhe sdang ni de lta ma yin no/ /yang na rang gi rgyud la yong pa'i dmigs pa'i sgo nas nges pa yin no/ /phra rgyas rnams ni lngar bshad ba kho nar zad do/ /nye ba'i nyon mongs pa rnams brjod par bya ste/ de la re zhig gang dag nyon mongs pa yin pa de dag ni nye ba'i nyon mongs pa yang yin te/ sems nye bar nyon mongs pa'i phyir ro/ /nyon mongs las gzhan nyon mongs can/ /sems byung 'du byed phung zhes pa/ /gang de 'ang nye ba'i nyon mongs te/ /de dag nyon mongs zhes mi bya/ /de dag kyang gzhi phran tshogs las gdon pa gang yin pa'o/ /'dir ni kun nas dkris pa dang nyon mongs

  491. 246a

    pa'i dri mas bsdus pa kho na bstan par bya ste/ de la re zhig ngo tsha med dang khrel med dang/ phrag dog ser sna rgod pa dang/ /'gyod dang rmugs dang gnyid dang ni/ /kun nas bkris pa rnam pa brgyad/ /yang kha cig gis brgyad po dang/ khro dang 'chab pa'o/ /de dag gis bcu ste/ de la phrag dog ni gzhan gyi phun sum tshogs pa la sems khong nas 'khrug pa'o// sor sna ni chos dang zang zing dang mkhas pa rab tu sbyin po dang 'gal ba can sems kyi kun tu 'dzin pa'o/ /rgod pa ni sems rnam par ma zhi ba'o// gnyid ni lus yang dag par 'dzin mi nus pa sems mngon par sdud pa'o/ /de dang 'gyod pa ni nyon mongs pa can kho na kun nas dkris pa yin no/ /khro ba gnod sems dang rnam par 'tsho ba ma gtogs pa sems can dang sems can ma yin pa la kun nas mnar sems pa gang yin pa'o/ /'chab pa ni kha na ma tho ba mkhyud ba'o/ /nye ba'i nyon mongs pa kha cig sngar bshad pas 'dir rnam par ma phye'o/ /kun nas dkris pa de rnams las/ /'dod chags kyis/ ngo tsha med rgod ser sna bslang/ /gsum po 'di 'dod chags kyi rgyu mthun pa yin no/ /'chab brtsod do/ /kha cig na re sred pa'i rgyu mthun pa'o zhe'o/ /gzhan na re ma rig pa'i rgyu mthun pa'o zhe'o/ /gzhan dag na de gnyis ka yin te shes pa dang mi shes pa rnams kyi yin no zhes so/ /ma rig las rmugs dang gnyis dang khrel med do/ /gsum po di ni ma rig pa'i rgyu mthun pa'o/ /the tshom las 'gyod khro ba dang/ grag dog khong khro'i rgyu las byung// khong khro ba kun nas bslang ba dag yin te/ de ltar na nye ba'i nyon mongs pa bcu po de dag ni nyon mongs pa'i rgyu mthun pa dag yin no/ /gzhan yang nyon mongs dri ma drug rgyu dang g.yo dang rgyags pa dang

  492. 246b

    de bzhin tshig dang kho na 'dzin dang/ /rnam 'tshe rgyu ni gzhan 'dred pa'o/ /g.yo ni sems gya gyu? ba'o/ /rgyags pa ni sngar bshad zin to/ /'tshig pa ni kha na ma tho ba dang bcas pa'i dngos po la dam du 'dzin pa'o/ /kho na du 'dzin pa ni kun nas mnar sems kyi dngos po lan mang du byed pa'o/ /rnam par 'tshe ba ni rnam par mtho 'tsham pa'o/ /nyon mongs pa'i dri ma drug po de dag las/ sgyu dang rgyags pa ni/ 'dod chags las skyes kho na 'dzin dang/ rnam 'tshe khong khro las skyes so/ /'tshig pa lta ba mchog 'dzin las/ /g.yo ni lta bas kun nas bslang/ /rgyu mthun bshad nas ci zhig gis spang bar bya ba bshad par bya ste/ de las ngo tsha med pa dang/ khrel med rmugs gnyid rgod rnam gnyis/ /chos lnga po 'di dag ni mthong ba dang sgom pas spang bar bya ba dag yin no/ /de las gzhan ni bsgom spang bya/ /phrag dog dang/ ser sna dang/ 'gyod pa dang/ khro ba dang 'chab pa ni bsgom pas spang bar bya ba dag yin no/ /rang dbang ma rig pa tsam dang mtshungs par ldan pa'i phyir nye ba'i nyon mongs pa lnga po rang dbang can dag kyang ngo/ /de bzhin dri ma rnams/ nyon mongs pa'i dri ma drug kyang de dang 'dra'o/ /nye ba'i nyon mongs pa ji skad bshad pa de dag ni/ 'dod na mi dge gsum rnam gnyis rmugs pa dang rgod pa dang gnyid ni mi dge dang/ lung du ma bstan pa dag yin no/ /de yan chad ni lung ma bstan/ 'dod pa'i khams yan chad na ci rigs par rnam pa gcig go/ de dag las du zhig gang na yod ce na/ 'dod dang bsam gtan dang po na g.yo rgyu 'dis nyid ni 'dod pa'i khams dang bsam gtan dang po na'o/ /tshangs pa'i 'jig rten na rgyu ji ltar yod ce na/ tshangs pas 'drid phyir ro/ /tshangs pa chen po ni de na bdag nyid log par kun tu ston pas tshe dang ldan pa rta thul la 'drid par zhugs so/ /rmugs rgong rgyags

  493. 247a

    pa khams gsum na/ /gsum po 'di dag ni khams gsum po dag yin no/ /gzhan dag 'dod khams las skyes pa/ /nye ba'i nyon mongs pa bcu gcig ni 'dod pa na spyod pa kho na yin no/ /nyon mongs pa dang nye ba'i nyon mongs pa rnams bshad zin te/ /de dag las kyang mthong spang bya nyid nga rgyal bcas/ /yid kyi rnam shes sa pa yin/ /mthong bar bya ba thams cad ni yid kyi rnam par shes pa'i sa pa dag yin te/ gnyid dang nga rgyal bsam? pas spang bar bya ba dag dang bcas pa yang ngo/ /nye ba'i nyon mongs pa rang dbang yang/ nye ba'i nyon mongs pa rang dbang can gang dag yin pa de dag ni yid kyi sa pa kho na yin par blta bar bya'o/ /gzhan ni rnam shes drug rten can/ /nyon mongs pa dang nye ba'i nyon mongs pa gzhan dag ni rnam par shes pa drug gi sa ba dag go/ yang de dag las bde ba la sogs pa'i dbang po dang mtshungs par ldan pa brjod par bya ste/ bde ba dag dang 'dod chags su/ /mtshungs ldan 'dod chags ni bde ba dang yid bde ba dang mtshungs par ldan no/ /zhe sdang bzlog pa'o/ /zhe sdang ni sdug bsngal dang yid mi bde ba dang mtshungs par ldan no/ /ma rig pa dag thams cad dang/ dbang po lnga char dang mtshungs par ldan no/ /med lta sdug bsngal yid bde dang/ /log dang lta ba ni yid bde ba dang/ yid mi bde ba dag dang mtshungs par ldan te/ bsod nams dang sdig pa'i las can dag dang go rims bzhin no/ /yid mi bde ba dang the tshom mo/ /gzhan yang bde dang/ lta ba bzhi dang/ nga rgyal dang/ yid bde ba dang mtshungs par ldan no/ /'di dag 'dod las skyes par bstan nas gzhan bshad par bya ste/ btang snyoms dang kun nyon mongs pa rnams ni rgyun chad pa'i dus

  494. 247b

    na gdon mi za bar btang snyoms kun tu gnas pa'i phyir ro/ /yang sa gong ma rnams ji lta bu zhe na/ smras pa sa gong ma/ sa ji bzhin du rang rang gang sa gong ma'i phra rgyas rnams ni sa gang na dbang po ji snyed pa rang rang gi dbang po dang ldan no// 'gyod dang phrag dog khra ba dang/ /rnam 'tshe kho na du 'dzin pa dang/ /'tshig pa yid mi bde ba dang mtshungs par ldan pa zhes bya bar sbyar te/ skye ba'i rnam par 'jug pa'i phyir dang/ yid kyis pa yin pa'i phyir ro/ /ser sna dag ni bzlog pa yin// yid bde ba dang mtshungs par ldan pa zhes bya ba'i don te/ /g.yo dang rgyu dang 'chab dang gnyid/ /gnyis ka dang ldan/ yid bde pa dang yid mi bde ba dag dang mtshungs par ldan pa rnams so/ /de dag dang rgyags pa bsam gtan gsum ba na ni bde ba dang mtshungs par ldan no/ /man chad na ni yid bde ba dang mtshungs par ldan no/ /yan chad na ni btang snyoms dang mtshungs par ldan te/ 'di ltar btang snyoms kun tu 'gro/ thams cad dang btang snyoms dang mtshungs par ldan te / de ni ma rig pa bzhin du gang la yang dgag pa med do/ /bzhi po gzhan ni lnga dag dang/ ngo tsha med pa dang/ khrel med pa dang/ rmugs ba dang rgod pa dang/ kun nas dkris pa bzhi po 'di dag ni dbang po lnga char dang mtshungs par ldan no/ /mdo las 'dod pa la bdun pa dang/ gnod sems dang rmugs pa dang/ gnyid dang 'god pa dang 'gyod pa dang the tshom dang/ sgrib pa lnga po gsungs pa dag yin pa de la/ rmugs pa dang rgod pa dang the tshom khams gsum pa yin yang gcig tu mi dge ba yin pa'i phyir ro/ /'dod na sgrib rnams/ 'dod pa'i kho nar sgrib pa'i ming 'thob bo/ /de la yang mi mthun dang zas dang bya ba gcig pa'i phyir/ gnyis gcig rmugs gnyid dag dang /rgod pa dang 'gyod pa dag gcig yin te/ mi mthun

  495. 248a

    pa dang zas dang bya ba gcig yin pa'i phyir ro/ gnyid dang rmugs pa dag gi mi mthun pa gcig ste/ snang ba'i 'du shes so/ /zas gcig pa ni chos lnga ste/ rmyal ba dang mi dga' ba dang bya rmyangs dang/ kha zas kyi drod mi zin pa dang/ sems zhum pa nyid do// 'di dag gi bya ba yang gcig ste/ 'di gnyis kas kyang sems zhum par byed/ /rgod pa 'gyod pa dag gi yang mi mthun pa gcig ste/ zhi gnas so/ /zas gzig pa ni chos bzhi ste/ nye du'i rnam par rtog pa dang/ yul gyi rnam par rtog pa dang/ mi 'chi ba'i rnam par rtog pa dang/ sngon rgod pa dang rtses pa dang/ dga' ba dang/ dga' mgur yongs su spyod pa rnams rjes su dran pa yin no// 'di gnyis kyi bya ba gcig ste/ 'di gnyis kyang sems rnam par ma zhi bar byed? do/ /gang gi tshe nyon mongs pa thams cad kyang sgrib pa yin na/ ci'i phyir lnga kho nar bshad ce na/ phung po gnod byed dang/ the tshom phyir na lnga nyid do// 'dod pa la 'dun pa dang/ gnod sems dag gis ni tshul khrims kyi phung po la dang/ rmugs pa dang/ gnyid dag gis ni shes rab kyi phung po la dang/ rgod pa dang 'gyod pas ni ting nge 'dzin gyi phung po la gnod par byed pa'o// ting nge 'dzin dang shes rab dag med na bden pa dag la the tshom za bar 'gyur te/ de'i phyir sngar bshad zin to/ /'di dpyad par bya ste/ skal pa mi mnyam pa'i khams kun tu 'gro ba rnams dang/ 'gog pa dang lam mthong bas spang bar bya ba zag pa dang bcas pa la dmigs pa rnams gang gi tshe dmigs pa yongs su shes pa de'i tshe spong bar mi 'gyur la/ gang gi tshe spong bar 'gyur ba de'i tshe ni dmigs pa yongs su mi shes na ji ltar de dag spong zhe na/ nyon mongs pa rnams ni dmigs pa yongs su shes pas zad par nges pa ma yin no//

  496. 248b

    'on kyang dmigs pa yongs su shes pa dang/ de la dmigs pa yang dag par/ /zad dang dmigs pa spangs pas so/ /de la dmigs pa yongs su shes pas ni sdug bsngal dang kun 'byung mthong bas spang bar bya ba rang gi sa la dmigs pa rnams dang /zag pa med pa la dmigs pa'o/ /de la dmigs pa rnams yang dag par zas par ni skal ba mi mnyam pa'i khams kun tu 'gro ba rnams so/ /de la yang dmigs pa ni skal pa mnyam pa'i khams kun tu 'gro ba dag yin pas de spangs na de dag kyang spangs pa yin no/ /dmigs pa spangs pas ni 'gog pa dang lam mthong bas spang bar bya ba zag pa dang bcas pa la dmigs pa rnams zad par 'gyur ro/ /zag pa med pa la dmigs pa de dag ni de dag gis dmigs pa yin pas de dag spangs na de dag kyang spangs par 'gyur ro/ /de ltar re zhig mthong bas spang bar bya ba dag yin no/ /bsgom pas spang bar bya ba rnams ni/ gnyen po skyes pa zad par 'gyur/ /nyon mongs pa'i rnam pa gang gi gnyen po la gang yin pa de skyes pas spong bar byed do/ /de yang ni chan po'i chen po'i ni chung du'i chung dus zhes bya ba la sogs pas 'chad par 'gyur ro/ /gnyen po yang rnam pa du zhig ce na/ smras pa gnyen po rnams bzhi spong pa dang/ gzhi dang srid nyid rnam par mi/ /sun 'byin zhes bya/ spong ba'i gnyen po ni bar chad med pa'i lam mo/ /gzhi'i gnyan po ni de yan chad kyi gnyen po gang yin pa'o/ /thag bsrid pa'i ngo bo'i gnyen po ni rnam par grol ba'i lam man chad kyi gnyen po gang yin pa'o/ /sun 'byin pa'i gnyen po na lam gang gis khams de la skyon du mthong nas rnam par sun 'byin par byed pa'o/ /nyon mongs pa spong ba na gang las spang bar bya zhe na/ dmigs pa las nyon mongs pa ni spang byar 'dod/ /mtshungs par ldan pa las nyon

  497. 249a

    mongs pa rnam par dbye bar mi nus la/ dmigs pa las ni nus so/ /thag bsrid ba'i ngo bo zhes bya bar sngar bshad pa de bstan par bya ste/ mtshan nyid dang ni mi mthun phyogs/ /yul rnams chad dang dus kyis te/ /'byung dang tshul khrims phyogs dang ni/ /dus gnyis ring ba nyid lta bu'o/ /mtshan nyid kyis ring ba ni dper na 'byung ba rna chen po rnams lhan cig skyes ba yin yang mchan nyid mi mthun pas ring pa lta bu'o/ /gnyen bos ring ba ni dper na 'chal pa'i tshul khrims las tshul khrims lta bu'o/ /yul gyis ring ba ni bskal ba'i yul rnams rnam par chad pas so/ /dus kyi ring ba ni dper na 'das pa dang ma 'ongs pa lta bu'o/ /ci lam khyad par du 'gro ba'i phyir nyon mongs pa rnams kyi spangs pa yang dang yang du khyad par du 'gyur ram zhe na/ de ni med de nyon mongs pa thams cad ni lan cig tu zad/ gang gis spong ba'i lam gang yin pa de kho nas zad pa yin no// de dag gi bral ba'i thob pa yang dang yang/ dus du zhig tu zhe na/ smras pa drug tu ste/ gnyen po skyes dang 'bral thob dang/ /dbang po rnam par 'phel rnams su/ /gnyen po ni rnam par grol ba'i lam mo/ /'bras bu dag ni dge sbyong gi 'bras bu dag go/ dbang po rnam par 'phel ba ni dbang po 'pho ba'o/ /dus de dag tu nyon mongs pa bral ba thob bo/ /bral ba de yang ni gnas skabs de dang de dag tu yongs su shes pa zhes bya ba'i ming 'thob bo/ /de dag kyang yongs su shes dgu/ de la re zhig 'dod pa na dang po rnam gnyis zas la gcig/ 'dod pa'i khams na dang po'i rnam pa gnyis sdug bsngal dang kun 'byung mthong pas spang bar bya ba spangs pa ni yongs su shes par bya ba gcig go/ gnyis zad ba ni de gnyis so/

  498. 249b

    'dod pa'i khams kho na 'gog pa dang lam mthong bas spang ba la bya ba'i rnam pa spangs pa ni yongs su shes pa gnyis so/ /ji ltar 'dod pa na spyod pa ji lta ba bzhin du/ de bzhin gong ma de gsum nyid/ /de ltar na khams gsum pa'i mthong bas spang bar bya ba spangs pa ni yongs su shes pa drug yin no/ /yongs su shes gzhan gsum ste/ tha ma'i cha dang mthun gzugs dang// zag pa kun zad 'dod pa'i zag pa spong ba'i yongs su shes pa dang/ gzugs kyi zag pa spong ba'i yongs su shes pa dang/ zag pa thams cad spyod ba'i yongs su shes pa 'di dag bsgom pas spang bar bya ba spangs ba'i yongs su shes pa gsum te/ sngar gyi drug dang dgur 'gyur ro/ /de dag las kyang/ drug bzod 'bras snga ma dag go/ lhag ma dag ni shes pa yin/ phyi ma gsum mo/ /mi lcogS med 'bras thams cad do/ /bsam gtan rnams kyi snga 'am brgyad/ /bye brag tu smra ba'i lugs kyis ni bsam gtan gyi 'bras bu yongs su shes pa lnga ste/ gzugs dang gzugs med pa na spyod pa'i nyon mongs pa spangs pa'i rang bzhin no/ /btsun pa dbyangs sgrogs kyi lugs kyis brgyad de/ da ni 'dod chags dang bral bas 'dod pa na sbyod pa'i mthong bas spang bar bya ba rnams spangs pa yang bral ba'i thob pa zag pa med pa rnyed pa'i phyir/ mthong ba'i lam gyi 'bras bur 'dod do// tha ma'i cha dang mthun pa spangs pa'i yongs su shes ba ni mi lcogs pa med pa'i 'bras bu kho na yin no// bsam gtan khyad par can yang bsam gtan bzhin du blta bar bya'o/ /gzugs med pa rnams kyi ni/ nye bar bsdogs pa'i gcig yin te/ gzugs kyi 'dod chags zad pa'i yongs su shes pa'o// gzugs med dngos gzhi gsum gyi yang/ /gcig kho na ste/ kun tu sbyor ba

  499. 250a

    thams cad yongs su gtugs pa'i yongs su shes pa'ang 'bras bu'o/ /thams cad 'phags pa'i lam gyi yin/ /'jig rten pa'i 'bras bu ni tha ma'i cha dang mthun pa dang/ gzugs kyi 'dod chags zad ba'i yongs su shes pa dag go/ gnyis rjes kyi/ rjes su shes pa'i 'bras bu yang yongs su shes pa gnyis te/ tha ma dag go/ chos shes pa'i ni gsum yin no// tha ma dag kho na'o// de'i phyogs mthun gyi drug dang lnga// chos shes pa'i phyogs dang mthun pa'i 'bras bu ni yongs su shes pa drug ste/ chos kyi bzod pa dang shes pa rnams kyi 'bras bu gang dag yin pa kho na'o/ /rjes su shes pa'i phyogs dang mthun pa ni lnga ste /rjes kyi bzod pa dang shes pa rnams kyi 'bras bu gang dag yin pa kho na'o/ /ci'i phyir spangs pa re re yongs su shes par rnam par mi bzhag ce na/ 'di ltar re zhig bzod pa'i 'bras bu bral ba ni bral ba'i thob pa zag med dang/ srid rtse nyams par byed pa dang/ rgyu gnyis kun tu bcom pa'i phyir// yongs shes su rnam par bzhag go/ re zhig so so'i skye bo la ni bral ba'i thob pa zag pa med pa dang srid pa'i rtse mo nyams par byed pa med do/ /'phags pa la yang ji srid du sdug bsngal rjes su shes pa'i bzod pa lar gnas pa de srid du bral ba'i thob pa zag pa med pa yod la srid pa'i rtse mo nyams par byas pa med do// sdug bsngal la rjes su shes pa la gnyis ka yod do// rgyu gnyis kun tu bcom pa ni ma yin te/ chos dang rjes su shes pa gzhan la gsum po thams cad yod pas de'i phyir gnas skabs de dang de dag tu spangs pa'i yongs su shes pa'i ming 'thob shes pa'i 'bras bu ni spangs pa ste/ rgyu gsum po de dang bzhi

  500. 250b

    pa ? khams las 'das pa las/ gang gi tshe khams las yang dag par 'das pa de'i tshe yongs su shes pa'i ming 'thob bo// gang zhig yongs su shes pa du dang ldan zhe na/ gcig min mthong la gnas pa ni/ lnga yi bar dang yang dag ldan// re zhig so so'i skye bo ni mi ldan pa kho na'o// 'phags pa yang kun 'byung ba chos shes ba'i bzod pa la gnas pa'i bar ro// kun 'byung la chos shes pa ni gcig dang ldan no/ /kun 'byung la rjes su shes pa ni gnyis dang ldan no// 'gog pa la chos shes pa ni gsum ldan no// 'gog pa la rjes su shes pa ni bzhi dang ldan no// lam la chos shes pa ni lnga dang ldan no// bsgom la gnas pa drug pa ni/ /gcig gam yang na gnyis dang ngo/ /drug gis ni ji srid du 'dod pa las 'dod chags dang bral ba ma thob pa 'am/ de las yongs su nyams pa'o/ /sngon nam phyis 'dod pa la 'dod chags dang bral ba thob pa ni gcig gis so// dgra bcom pa nyid thob pa ni yang gcig kho na dang do/ /gzugS na sbyod pa'i kun nas dkris pas yongs su nyams na de yang gcig go/ gzugs kyi 'dod chags dang bral ba thob pa na gnyis dang ngo// gzugs med pa na spyod pa'i kun nas dkris pas yongs su nyams pa yang gnyis kho na dang de/ /yang ci'i phyir phyir mi 'ong ba dang dgra bcom pa dag gi yongs su shes pa gcig kho nar rnam par bzhag ce na/ 'di ltar khams las 'dod chags bral ba dang/ /'bras bu thob phyir de dag bsdoms/ /yongs su shes pa rnams sdom zhing gcig tu rnam par 'jog pa ni rgyu gnyis kyis yin la/ phyir mi 'ong ba dang dgra bcom pa dag la 'di gnyis ka yod pas de'i phyir yongs su shes pa ni gcig ces bya'o// yang gang zhig gis yongs su shes pa du zhig

  501. 251a

    gis gtong dam 'thob ce na/ la la gcig gnyis lnga dang drug/ gtong ste 'thob pa lnga min no/ /dgra bcom pa nyid dam 'dod pa las 'dod chags dang bral ba las yongs su nyams pas ni gcig gtong ngo/ phyir mi 'ong ba'i gzugs kyi 'dod chags dang bral ba zhig 'dod ba las 'dod chags dang bral ba las yongs su nyams na yongs su shes pa gnyis gtong ngo/ /'dod chags dang bral ba sngon du 'gro ba lam la rjes su shes pa ni lnga gtong ngo/ /mthar gyis pa 'dod pa las 'dod chags dang bral bar byed pas ni yongs su shes pa drug gtong ngo/ /de bzhin du thob pa yang la la ni yongs su shes pa gcig kho na thob ste/ gang la la zhig gis sngon med pa thob pa'o/ /la la ni gnyis te/ gang zhig gzugs med pa'i khams las 'dod chags dang bral ba 'ba' zhig las yongs su nyams pa'o// kha cig gis ni drug ste/ gang zhig phyir mi 'ong ba'i 'bras bu las yongs su nyams pa'o/ /lnga thob pa ni 'ga' yang med pa nyid do/ /phra rgyas bstan pa zhes bya ba mdzod kyi gnas lnga pa'o// //ji skad du spangs pa ni yongs su shes pa'i ming 'thob bo zhes bshad pa de yang bden pa mthong ba bsgoms pa las/ nyon mongs spangs pa zhes bshad pa// de la yang bsgom pa'i lam ni rnam gnyis te/ mthong ba zhes bya zag pa med/ /bsgom pa'i lam ni 'jig rten dang 'jig rten las 'das pa'o// mthong ba'i lam ni 'jig rten las 'das pa kho na'o/ /bden pa mthong ba las zhes brjod de/ de dag kyang bden pa dag ni bzhir bshad do/ /gang du bshad ce na/ chos zag pa dang bcas pa dang/ zag pa med par bstan par ro/ /der gang bshad pa'i rim

  502. 251b

    ba ci de kho na yin nam zhe na/ ma yin te 'on kyang sdug bsngal kun 'byung de bzhin du/ 'gog dang lam ste de ltar na/ de dag gi rim pa ni 'di yin te/ rang gi ngo bo ni sngar ji skad bshad pa kho na bzhin no// 'di yang de dag ji ltar mngon rtogs rim/ /bden pa gang zhig sngar mngon par rtogs pa de sngar bstan to// gang gi tshe tshor ba'i phyogs gcig sdug bsngal gyi rang bzhin yin pa de'i tshe ji ltar na 'du byed zag pa dang bcas pa thams cad sdug bsngal zhes brjod ce na/ yid 'ong yid du mi 'ong dang// de las gzhan zag bcas rnams nyid/ /sdug bsngal nyid gsum ldan pa'i phyir/ / ci rigs sam lus sdug bsngal lo/ /de la yid du 'ong ba dag ni 'gyur ba'i sdug bsngal gyis sdug bsngal lo/ yid du mi 'ong ba dag ni sdug bsngal gyi sdug bsngal gyis so/ /de dag las gzhan rnams ni 'du byed kyi sdug bsngal gyis sdug bsngal lo/ /bcom ldan 'das kyis bden pa bzhir gsungs pa las/ bden pa gnyis kyang ste/ kun rdzob dang don dam pa'i bden pa ste/ de dag gi mtshan nyid ci zhe na/ gang bcom pa dang blo yis gzhan/ /bsal na de blo mi 'jug pa/ /bum chu bzhin du kun rdzob tu/ /yod de don dam yod gzhan no/ /gang la cha shas su bcom na de'i blo mi 'jug pa de ni kun rdzob tu yod ba ste/ dper na bum pa lta bu'o// gang la blos chos gzhan bsal na de'i blo mi 'jug pa de yang kun rdzob tu yod de/ dper na chu lta bu'o/ /de las gzhan ni don dam par yod de/ gang la bcom pa 'am blos chos gzhan bsal yang de'i blo 'jug pa nyid ni dper na gzugs lta bu'o/ /de la ni rdul phra rab tu bcom yang rung/ blos ro la sogs pa'i chos bsal yang rung/ gzugs kyi rang bzhin gyi blo 'jug pa nyid do/ /bden pa dag

  503. 252a

    bshad nas ji ltar na de dag mthong bar 'gyur ba dang po 'jug pa las brtsams te brjod par bya'o/ /tshul gnas thos dang bsam ldan bas/ /bsgom pa la ni rab tu sbyor/ /bden pa rnams mthong bar 'dod pas dang po kho nar tshul khrims srung bar byed do// de'i 'og tu bde ba mthong ba dang mthun pa'i chos thos pa 'dzin pa 'am don nyan par byed do// thos nas phyin ci ma log par sems par byed do// bsams nas ting nge 'dzin bsgom pa la rab tu sbyor bar byed do// de dag kyang thos sogs las byung blo rnams ni/ /ming dang gnyis ka don yul can/ /thos pa las byung ba'i shes rab ni ming la dmigs pa yin la/ bsams pa las byung ba ni ming dang don la dmigs pa yin te/ res 'ga' ni yi ges don 'dres par byed do/ /res 'ga' ni don gyi yi ge 'dren par byed do/ /bsgoms pa las byung ba'i shes rab ni don la dmigs pa kho na yin te/ de ni yi ge la mi bltos bar don la 'jug go/ de ltar bsgom pa la rab tu brtson pa de ji ltar na bsgom pa rdzogs par 'gyur zhe na/ bsrings gnyis ldan/ gal te 'du 'ji dang mi dge ba'i rnam par rtog pa thag bsrings pa'i phyir lus dang sems dag gis bsrings pa yin na rdzogs bar 'gyur ro/ /'on bsrings pa de nyid su la sla zhe na/ 'dod pa chung ba dang/ chog shes pa la sla'i/ chog mi shes pa dang/ 'dod chen can la ma yin no/ /chog mi shes pa ni gang zhig yin/ 'dod chen can ni gang zhig yin zhe na/ rnyed pa la sred chog mi shes/ /ma rnyed la 'dod 'dod chen can/ /chos gos la sogs pa rnyed pa la yang dang yang du 'dod pa ni chog mi shes pa yin la/ ma rnyed pa dag la de 'dod pa ni 'dod chen can

  504. 252b

    yin no/ /bzlog pa de yi gnyen po dag / chog shes pa dang 'dod pa chung ba dag go/ de gnyis khams gsum gtogs dri med/ /de'i gnyen po zhes bya bar sbyar te/ chog mi shes ba dang/ 'dod chen can ni 'dod pa na spyod pa kho na 'dod chen chung ba dang? chog shes pa 'di gnyis kyi rang bzhin ci zhe na/ ma chags pa zhes bya ba smos te/ 'di dag ni ma chags pa'i rang bzhin dag yin no/ /'phags rigs ma chags pa zhes bya bar sbyar te/ 'di dag laS 'phags pa rnams skye bas na 'phags pa'i rigs bzhi'o/ /de dag las gsum ni chog shes bdag nyid do// dang po gsum po chos gos dang/ bsod snyoms dang/ mal stan gyis chog shes pa'o// 'phags pa'i rigs bzhi pa ni spong ba dang bsgom pa dag la dga' ba nyid yin no// bcom ldan 'das kyi ? 'phags pa'i rigs bzhis ci zhig bstan ce na/ gsum gyis tshul bstan tha mas las/ rang gi tshul dang las kyi mdza' yongs su spangs pa dag la gnyis bcas te/ gsum gyis ni tshul dang/ bzhi pas ni las so// bcas pa de yang sred pa skye ba'i gnyen bo'i phyir/ sred pa skye ba bzhi ste/ chos gos la sogs pa gsum dang/ srid pa med pa la bzhi pa'o/ /de dag gi gnyen por 'phags pa'i rigs bzhi bstan te/ bdag gir? bdag 'dzin dngos 'dod pa// de yi dus dang gtan bzhi'i phyir/ /bdag gir 'dzin pa'i dngos po ni chos gos la sogs pa'o/ /bdag tu 'dzin pa'i dngos po ni lus so/ /de dag la 'dod pa ni sred pa'o/ /de la bdag gir 'dzin pa'i dngos po la 'dod pa de yi dus su zhi bar byed pa gsum/ /gnyis ka la 'dod pa bstan du zhi bar byed pa ni bzhi pa'o/ /de ltar snod du gyur ba de ji ltar na bsgom pa de la 'jug pa

  505. 253a

    yin zhe na/ de la 'jug pa mi sdug dang/ /dbugS rdub 'byung ba dran pa yis/ /'dod chags rnam rtog lhag rnams so/ /gang zhig 'dod chags nye ba dang shin tu spyad pa de ni mi sdug bas 'jug go /gang zhig rnam par rtog pa sbyad pa de ni dbugs rdub pa dang 'byung ba dran pas 'jug go/ de la 'dod chags ni rnam pa bzhi ste/ kha dog gi 'dod chags dang/ dbyibs kyi 'dod chags dang/ reg pa'i 'dod chags dang/ bsnyen bkur gyi 'dod chags so/ /de dag la bye brag med par shes pa ni/ /keng rus chags bcas thams cad la/ /rus pa keng rus la ni chags pa'i gzhi rnam pa bzhi po 'di dag thams cad med do/ ? yang mi sdug pa bsgom pa'i rnal 'byor spyod pa de ni rnam pa gsum du brjod de/ las dang po pa dang yongs su sbyad ba byas pa dang/ yid la byed pa rdzogs ba'o// de la rus pa rgya mtsho'i bar du ni/ spro zhing sdud pas las dang po mi sdug pa bsgom par 'dod pas ni rang gi yan lag la sems gtong de/ de der sha myags shing zags par mos pa ni rim gyis rus pa rnam par sbyong bar byed pa thams cad rus pa'i keng rus su lta zhing de bzhin du yang gnyis pa la mos pa byed pa nas/ gtsug lag khang dang/ kun dga' ra ba dang/ grong dang zhing gi bar nas rim gyis rgya mtsho'i mthas klas ba'i bar gyi sa gzhi rus ba'i keng rus kyis gang bar mos par byed do// yang mos pa 'phel bar bya ba'i don du yang sdud na sems bsdu ba'i phyir keng rus gcig pu kho na la mos pa'i bar du bsdud de/ 'di tsam gyis na las dang po ba'i rnal 'byor spyod pa yongs su rdzogs pa yin no/ /rkang rus nas ni thong phyed bar btang bas sbyar bar byas par bshad/ de yang sems bsdus pa khyad

  506. 253b

    bar du bya ba'i phyir rus pa'i keng rus de las rkang ba'i rus pa rnams bor nas lhag ma yid la byed cing/ de bzhin du rim gyis thong ba'i phyed kyi bar bor nas yid la byed de ba 'di ni yongs su sbyang ba byas pa yin no// smin ma'i bar du sems 'dzin pas/ /yid la byed pa rdzogs pa yin// de thod ba'i phyed kyang bor nas smin ma gnyis kyi bar du sems 'dzin pa 'di ni yid la byed pa rdzogs pa'o/ /yang mi sdug pa 'di yi rang bzhin ci zhig yin/ sa ni du ba zhig yin/ dmigs pa ni ci zhig yin/ gang du ni skyed bar byed ce na/ go rim bzhin du/ mi sdug ma chags sa bcu dang// dmigs pa 'dod snang mi skyed do/ /mi sdug pa 'di'i rang bzhin ni ma chags pa'o/ /sa ni bcu pa ste/ bsam gtan bzhi yi nyer bsdogs dang/ bsam gtan khyad bar can dang bcas pa dang/ 'dod pa'i khams na yod do// dmigs ba ni 'dod pa ni spyod pa'i kha dog dang dbyibs so// mi kho na las skye'i gzhan du ma yin no/ /mi sdug pa'i rnam pa zhes bya ba ni ming kho nas grub bo/ /mi sdug pa'i mtshan nyid rab tu dbye ba dang bcas pa bshad zin to// dbugs rdub dbugs 'byung dran pa ni// shes rab sa lnga spyod yul rlung/ /'dod rten dbugs rdub pa ni dbugs rdub pa ste rlung 'jug pa gang yin pa'o// dbugs 'byung ba ni dbugs 'byung ba gang yin pa'o// de gnyis dran pa ni dbugs rdub pa dang 'byung ba dran pa ste/ de ni shes rab kyi rang bzhin yin no// dran pa zhes smos pa ni de'i stobs bskyed pas 'jug pa'i phyir ro// sa lnga ni nyer bsdogs gsum dang/ bsam gtan khyad par can dang/ 'dod ba'i khams na yod de/ btang snyoms dang/ mtshungs bar ldan pa'i phyir ro/ /de'i dmigs pa ni rlung yin no/ /'dod pa'i khams kyi rten can yin te/ lha dang mi dag gi nang du bskyed do/ /chos 'di pa rnamS

  507. 254a

    kho na'i yin gyi/ phyi ba'i ma yin na/ /lung med pa'i phyir dang/ bdag nyid kyis Dos za? mo mngon par mi rtogs pa'i phyir ro/ /yang/ bgrang la sogs pa rnam pa drug/ dbugs rdub dbugs 'byung dran pa 'di// bgrang dang rjes 'gro 'jog pa dang/ /rtog pa dang ni sgyur ba dang/ /yongs dag rnam pa drug tu 'dod/ /de la bgrang ba ni dbugs rdub pa dang dbugs 'byung ba gang la sems gtang nas mngon par 'du bya ba med par lus dang semS tsam gyis gcig dang gnyis dang gnyis nas bcu'i bar du bgrang bar byed pa'o/ /sems mngon par sdud pa dang rnam par g.yeng bar dogs pas ha cang mang ba dang/ nyung dur ni ma yin no/ /bar skabs su sems rnam par g.yengs na yang mgo nas ji srid du ting nge 'dzin ma thob kyi bar du bkrad bar bya'o/ /rjes su 'gro ba ni 'di dag thag ji srid gcig tu 'byung dam 'jug ces dbugs 'byung ba'i 'gros kyi rjes su 'gro ba'o/ /'jog pa na nor bu'i thag pa bzhin du sna'i rtse mo nas rkang ba'i mthe bong gi bar du gnas par lta zhing/ ci 'di dag phan 'dogs par byed pa zhig gam gnod par byed pa zhig ces rtog pa'o// nye bar rtog pa ni 'di d+dag rlung 'ba' zhig ma yin gyi 'byung ba chen po dag dang 'byung ba las mngon par grub pa rgyur byas ba'i gzugs dang/ de dag la brten ba'i sems las byung ba rnams kyang yod do ces phung po lnga la nye bar rtog par byed ba'o/ /sgyur ba ni phyi rol du dmigs pa'i blo bsgyur te/ chos kyi mchog gi bar du gong nas gong du dge ba'i rtsa ba rnams la yang dag bar spyad par bya'o/ /yongs su dag pa na mthong ba'i lam la sogs par 'jug pa'o/ /de la yang dbugs rdub? dbugs 'byung gang las lus/ /lus gang gis sa ba yin pa de'i

  508. 254b

    sa ba dag yin par rig par bya'o/ /sems can zhes bya ma zin pa'o/ /dbang po dang tha dad pa'i phyir ro/ /rgyu mthun las byung/ lus rgyas pas 'grib bar 'gyur ba'i phyir dang/ chad nas yang nyid mtshams sbyor ba'i phyir rgyas pa las byung ba dang/ rnam par smin pa las skyes pa ni ma yin no/ /'og ma yi/ yid kyis de gnyis mi rtogs so/ /de gnyis ni rang gi sa pa dang sa gong ma'i sems kyis rtogs kyi/ 'og ma sbyong lam pa dang/ sprul ba'i sems kyis mi rtogs so// 'jug pa'i sgro gnyis bshad zin to/ /de gnyis kyis ting nge 'dzin thob nas lhag mthong bsgrub par bya ba'i phyir/ zhe gnas grub par gyur pa yis dran pa nyer gzhag bsgom par bya/ ji ltar bya zhe na/ lus tshor sems dang chos rnams la/ mtshan nyid gnyis su yongs brtags pas lus dang tshor ba dang sems dang chos rnams la rang dang spyi'i mtshan nyid dag tu yongs su rtag pa ste/ de dag gi rang nyid ni rang gi ngo bo'o/ spyi'i mtshan nyid ni 'dus byas rnams ni mi rtag pa nyid dang/ zag pa dang bcas pa rnams sdug bsngal nyid dang/ chos thams cad stong ba dang bdag med pa nyid dag go/ lus kyi ngo bo 'byung ba dang 'byung ba las gyur ba nyid do// gsum las gzhan pa dag ni chos so/ /yang dran pa nye bar gzhag pa rnams kyi rang bzhin ni ci zhe na/ dran pa nye bar gzhag pa ni gsum ste/ rang bzhin dang 'brel ba dang/ dmigs pa'i dran pa nye bar gzhag pa'o// shes rab thos sogs las byung ba'o// gzhan ni 'brel dang dmigs pa las rang bzhin gyi dran pa nye bar gzhag ba ni shes rab ste/ gzhan de dang lhan cig 'byung ba'i chos rnams 'brel ba'i dran pa nye bar gzhag pa'o// de dag gi dmigs pa ni dmigs pa'i dran pa nya bar gzhag pa'o/ /rim ni ji ltar skye ba bzhin ci'i phyir

  509. 255a

    de ltar skye zhe na/ sngar rag pa mthong ba'i phyir ro/ /phyin ci log gi gnyen por bzhi/ /gtsang ba dang bde ba dang/ rtag pa dang/ bdag tu phyin ci log pa rnam pa bzhi'i gnyen por dran pa nye bar gzhag pa bzhi go rims bzhin du bstan to/ /de ltar lus la sogs pa la dran pa nye bar gzhag pa rnams goms par byas nas/ de ni chos dran nyer gzhag pa/ /sbyi la dmigs pa la gnas te/ de dag la ni mi rtag dang/ sdug bsngal stong bdag med bar lta'o/ /dran pa nye bar gzhag pa 'dres pa la dmigs pa la gnas te/ lus la sogs pa de dag thams cad spyir bsdus te rnam bzhir lta'o/ /de las dra bar gyur ba byung/ /dran pa nye bar gzhag ba de ltar goms pa las rim gyis dge ba'i rtsa ba dro bar gyur ba zhes bya ba skye'o// de ni bden bzhi'i spyod yul can/ dro bar gyur ba de ni rgyun chags pa yin pa'i phyir bden pa bzhi la dmigs pa yin no/ /rnam pa bcu drug sdug bsngal la sogs pa re re la yang rnam pa bzhi bzhi dang ldan ba'i phyir ro/ /dro ba la rtse mo/ dro ba chur du dang 'bring dang chen po'i rim gyis mngon par 'phel ba la rtse mo dag skye ste/ de yang de dad 'dra/ ji ltar dro bar gyur ba rnams bden pa bzhi la dmigs pa dang/ rnam pa bcu drug yin pa bzhin te/ chos mchog tu gyur ba'i phyir na ming gzhan du btags so// gnyis ka chos kyi rnam pa gtod/ /blo par gyur pa dang/ rtse mo dang/ 'di gnyis ka ches dran pa nye bar gzhag pas nye bar gtong bar byed pa ni/ dang po nyid du bden pa rnams la rnam pa dag 'god ba'o/ /gzhan dag gis kyang 'phel bar byed do/ /dran pa nye bar gzhag pa bzhi char gyis kyang de dag 'phel bar byed do/ /rnam par 'phel bar byed ba na sngon thob pa

  510. 255b

    rnams mngon sum du mi byed de/ dga' ba chen po med pa'i phyir ro/ /chung du dang 'bring dang chen po'i rim gyis 'phel bar dag las/ de las bzod pa yang skye ste/ yongs su mi nyams pa'i sgo nas cher bzod pa'i phyir ro/ /de yang rnam pa gsum ste/ chung du dang 'bring dang chen po'o/ /de la rnam pa gnyis de bzhin/ rtse mo rnams ji skad bshad pa ltar bzod pa chung du dang/ 'bring dag kyang de dang 'dra ste/ de kho na bzhin du rnam pa gtong ba'i phyir ro/ /rnam par 'phel ba la ni khyad par 'di yod de/ bzod pa ni thams cad chos kyis 'phel bar byed/ chos dran pa nye bar gzhag pa kho nas 'phel bar byed kyis gzhan gyis ni ma yin no/ /chen po 'dod gtogs sdug bsngal yul/ de ni chos kyi mchog dang nye ba'i phyir 'dod pa na spyod pa'i sdug bsngal la dmigs pa kho na'o// de nyid kyi phyir dro bar gyur pa la sogs pa'i nges pa ma smos pa'i phyir khams gsum pa'i sdug bsngal la sogs pa'i nges pa ma smos pa'i phyir khams gsum po'i sdug bsngal la sogs pa la dmigs pa nyid du grub bo// gang gi tshe gzugs dang gzugs med pa'i gnyen bo la sogs pa bden pa'i rnam pa dmigs pa re re nas phri nas 'dod pa na sbyod ba'i sdug bsngal kho na la skad cig ma gnyis su yid la byed ba'i bar de thams cad ni bzod pa 'bring yin la/ gang gi che skad cig ma gcig pa na gang yin pa de'i tshe ni chen po yin no/ /de ni skad cig bcig/ de ni skad cig ma gcig yin gyi rgyun chags pa ni ma yin no/ /de bzhin chos mchog/ de dag kyang bzod ba chen po ji lta ba bzhin du 'dod pa na spyod pa'i sdug bsngal la dmigs pa dang/ skad cig ma gcig pa dag yin no dra bar gyur ba la sogs pa de dag ni dran pa nye bar

  511. 256a

    gzhag pa'i rang bzhin yin pa'i phyir shes rab kyi bdag nyid ces bya'o/ /thams cad phung po lnga 'khor dang bcas pa smos pa'i phyir ro/ /thob pa ma ?rtogs/ thob pa rnams ni dro bar gyur pa la sogs pa ma bsdus te/ 'phags pa la mngon sum du gyur bas dro bar gyur pa la sogs pa yang mngon sum du 'gyur du 'ong bso/ /de ltar na des 'byad cha mthun rnam pa bzhi/ bsgoms byung thos pa dang/ bsams pa las byung ba ni ma yin no/ /mi lcogs med pa dang/ khyad par bsam btan sa ba'o// 'di'i sa ni mi lcogs ba med pa dang/ bsam gtan khyad par can dang/ bsam gtan bzhi yin te/ de dag gis bsdus ba'i phyir ro/ /gnyis ni 'og na'ang yong ba 'am/ btsun pa dbyangs sgrogs kyi ltar na/ dang po gnyis ni sa bdun pa yin te/ 'dod pa na spyod pa yang yod do/ /de dag thams cad kyang 'dod rten/ mi kho na las skyed bar byed de/ /gsum ni skyes pa dang bud med kyis gnyis ka'i rten can dag 'thob bo// chos mchog bud med kyis/ gnyis ka'i rten can thob par 'gyur/ chos kyi mchog ni bud med kyis gnyis ka'i rten can 'thob la/ skyes pas ni skyes pa'i rten 'ba' zhig 'thob ste/ bud med nyid med ba'i phyir ro// nges par 'byed pa'i cha dang mthun pa rnams ji ltar gtong zhe na/ 'phags pas de dag sa bor nas gtong ngo// 'phags pa ni sa gang thob par gyur pa'i sa de dag 'dod ba na/ de dag kyang gtong ngo/ /sa 'dor ba ni sa 'phos pa las so 'phags min 'chi 'pho bas so/ /so so'i skye bo ni 'chi ba kho nas gtong ngo// dang po yongs nyams pas kyang/ 'chi bas kyang gtong ste/ so so'i skye bo kho na'o/ /dngos gzhi de nyid la bden mthong/ gang zhig bsam gtan dngos

  512. 256b

    gzhi'i sa pa'i nges par 'byed pa'i cha dang mthun pa rnams skyed par byed pa des ni tshe de nyid la gdon mi za bar bden pa rnams mthong bar 'gyur te/ yid 'byung shas che ba'i phyir ro// rnam par nyams na mngon? med 'thob/ /gang gi tshe rnam par nyams pa dag gis yang thob pa de'i tshe sngon med pa dag kho na 'thob kyi sngon btang ba dag ni ma yin no// rnam par nyams pa dang/ yongs su nyams pa 'di dag gi rang bzhin ci zhe na/ nyamS pa gnyis ni mi ldan pa/ nyams pa de gnyis ka yang mi ldan pa'i rang bzhin yin no// rtse mo 'thor ba rtsa mi 'chad/ /rtse mo thob pa ni yongs su nyams kyang dge ba'i rtsa ba kun du mi 'chad do// bzod pa thob nas ngan song mi 'gro/ bzod pa las ni rnam par nyams kyang/ ngan song du mi 'gro ste/ der 'gro ba'i las dang nyon mongs pa thag bsrings pa'i phyir ro// nges par 'byed pa'i cha dang mthun pa de dag kyang rigs gsum yin te/ de la gnyis slob rigs las bzlog nas ni/ sangs rgyas su 'gyur dro bar gyur ba dang/ rtse mo skyes pa nyan thos kyi rigs las bzlog nas yang sangs rgyas su 'gyur ba ni srid do// gzhan gsum yang/ nyan thos kyi rigs las bzlog nas sangs rgyas las gzhan du 'gyur ro/ /rang sangs rgyas kyi rigs rnams ni bzlog par mi nus te/ 'di ltar ston dang bse ru byang chub bar/ /bsam gtan mdza' rten gcig la kun// sangs rgyas dang/ rang sangs rgyas dag ni bsam gtan bzhi pa kho na la nges par 'byed ba'i cha dang mthun pa rnams nas bzung ste/ byang chub kyi bar du skyed par byed do/ /gzhan dag na re mi sdug pa nas bzung ste/ byang chub kyi bar du'o zhe'o// ci tshe dang po kho na la sbyor ba byas te/ nges par 'byed pa'i cha dang mthun pa skyed par byed dam zhe na/ de lta bu ni med kyi nges par de yi sngon du thar cha mthun

  513. 257a

    skyed par byed do// thams cad las shin tu myur par sred par gsum gyis mthar sa bon 'debs pa dang 'bru skye ba dang/ 'bras bu chags pa bzhin du cha gcig la ni thar pa'i cha dang mthun pa dang/ gnyis pa la ni nges par 'byed pa'i cha dang mthun pa dang /gsum pa la ni 'phags pa'i lam skyed par byed do// thar pa'i cha dang mthun pa de yang/ thos bsam las byung yin par brjod de/ bsgom pa las byung ba ni ma yin no/ /las gsum mo// gtso bor ni yid kyi las so// de'i smon lam gyis yongs su bzung ba'i phyir lus dang ngag gi las kyang thar pa'i cha dang mthun pa yin no// de yang 'di mi yi nang nas 'phen par byed/ mi kho na'i nang du ste/ gzhan du ma yin te/ ci rigs par shes rab dang skyo ba med pa'i phyir ro// thar pa'i cha dang mthun pa zhar las 'ongs pa bshad nas/ /gnas skabs kyi 'bad par bya ste/ 'jig rten pa yi chos mchog las// chos kyi bzod pa zag pa med// 'jig rten pa'i chos mchog gi 'jug thobs su chos shes pa'i bzod pa zag pa med pa skye'o// dmigs pa gang la zhe na/ 'dod sdug bsngal la/ de'i dmigs pa ni 'dod pa na spyod pa'i sdug bsngal lo// de nas ni de nyid la chos shes/ 'dod pa na spyod pa'i sdug bsngal de kho na la shes pa skye'o/ /de bzhin sdug bsngal lhag la rjes bzod shes// gzugs dang gzugs med pa na spyod pa'i sdug bsngal la rjes su shes pa'i bzod pa spyi la dmigs pa skye'o// de nas ni rjes su shes pa'o/ /ji ltar sdug bsngal gyi bden pa la bzod pa dang shes pa bzhi po de dag skye ba ltar/ bden pa gsum la'ang /de bzhin no// ? 'byung ba dang/ 'gog ba dang/ lam dag la 'dod pa'i khams dang/ gong mar chos dang chos

  514. 257b

    su shes pa'i bzod pa dang /shes pa rnams so// de ltar bden pa mngon rtogs 'di sems bcu drug go /rim ba des na bden ba mngon bar rtogs pa 'di ni sems bcu drug yin no/ /de ni rnam gsum ste/ mthong dmigs bya ba zhes bya'o// mthong ba'i mngon bar rtogs pa ni shes rab kyi bden pa rnams so/ /dmigs pa'i mngon par rtogs pa ni de dang mtshungs par ldan pa rnams kyis kyang ngo// bya ba'i mngon par rtogs pa ni ldan pa ma yin pa'i tshul khrims dang skye ba la sogs bas kyang ngo// sdug bsngal mthong na de'i mngon par rtags pa ni gsum mo// kun 'byung ba la sogs pa'i ni bya ba'i mngon bar rtogs pa yin te/ spong ba dang mngon sum du byed pa dang/ bsgom pa'i phyir ro //mngon bar rtags pa semS bcu drug ? bshad pa gang yin ba/ de ni chos mchog dang sa gcig/ chos kyi mchog gang yin pa sems bcu drug po 'di dag kyang de ba'i /pha dag go/ ci'i phyir gdon mi za bar bzod pa dag dang shes pa dag yin zhe na/ bzod dang sheS pa go rims bzhin// bar chad med dang rnam grol lam/ bzod pa rnams ni nyon mongs pa'i thob pa rnam par gcod pa la bar chad bya bar mi nus pa'i phyir bar chad med pa'i lam dag yin no// shes pa rnams ni nyon mongs pa'i thob ba las rnam par grol ba'i thob pa dang lhan cig skyes pa'i phyir rnam par grol ba'i lam dag yin no// ci sems bcu drug po thams cad bden pa mthong ba'i lam yin nam zhe na/ ma yin te/ 'on kyang /de las skad cig bco lnga ni/ /ma mthong mthong phyir mthong ba'i lam// sems bcu drug pa la ni mngon ma mthong ba blta bar bya ba mod kyi/ ji ltar mthong ba goms par byed pa'i phyir bsgom pa'i lam kho na'o// mthong ba'i lam dang bsgom lam ji ltar skye ba

  515. 258a

    bshad zin to// ji ltar na 'phags pa'i lam skyes pa'i gang zag rnam par bzhag pa de bzhin du brjod par bya ste/ mthong ba'i lam gyi rang bzhin gyi skad cig ma bco lngar bshad ba gang dag yin pa dbang po rno rtul de dag tu// dad dang chos kyi rjes 'brang ba/ yin par rig bar bya ste/ dbang po rtul po ni dang ba'i rjes su 'brang ba'o// dbang po rnon po ni chos kyi rjes su 'brang ba'o// de dag kyang sgom pas spang bya ma spangs na/ / 'bras bu dang po la zhugs pa// dang pa dang chos kyi rjes su 'brang ba de dag kho na 'ching ba mdza' dag dang ldan pa zhig yin na de gnyis rgyun tu zhug pa'i 'bras bu la zhugs pa zhes bya'o// rnam lnga'i bar bcom/ 'jig rten pa'i lam gyis bsgoms te spang bar bya ba 'dod pa na spyod pa rnams las rnam pa lnga'i bar du spangs na'o// gnyis ba la/ dgu pa tshun chad zad ba yin// gang gi tshe de gnyis kyi de yan chad rnam pa drug gam bdun nam brkyang? cig sngon spangs pa de'i tshe lan cig phyir 'ong ba'i 'bras bu la zhugs pa dag tu brjod do// 'dod pa 'am yang na gong ma las /chags bral gsum pa la zhugs pa/ gal te 'dod pa'i khams sam gong ma ci yang med pa'i skye mched par las 'dod chags dang bral ba zhig yin na phyir mi 'ong ba'i 'bras bu la zhugs pa dag yin no// gang zhig gang la zhugs pa ni// bcu drug pa skyes na 'bras bu gang la zhugs par gyur pa de ni de'i tshe 'bras bu de la gnas pa yin no// de tshe dbang po rno rtul dag/ dad pas mos dang mthong bas thob// de'i dbang po rtul po ni dang pas mos pa'o/ /dbang po rnon po gang yin pa de ni mthong bas thob ba'o/ /ci'i phyir rnam ba snga spangs

  516. 258b

    kyang sems bcu drug ba la rgyun tu zhugs ba kho na zhes bya la/ lan cig phyir 'ong ba'i 'bras bu la zhugs pa zhes mi bya zhe na /gang gi phyir /'bras thos 'bras bu khyad par gyi// lam thob med pa de yi phyir// 'bras gnas khyad par bya ba'i phyir// mi brtson ba ni zhugs ma yin// 'bras bu thob na 'bras bu khyad par can gyi lam mi 'thob ste/ de lta bas na 'bras bu la gnas pa ji srid du khyad par du bya ba'i phyir mi brtson pa de srid du zhugs pa zhes mi bya'o/ /de zhig phal chad? las dang/ 'dod ba las 'dod chags dang bral ba rnams gyi nges par 'jug ba'i gang zag rnam par bzhag ba ni de lta bu yin no// mthar gyis 'jug pa brjod par bya ste/ de'i phyir re zhig 'di ltar rnam par bzhag par bya'o// ji ltar 'dod pa'i khams kyi nyon mongs pa rnam pa dgu bstan pa de bzhin du/ sa dang sa mnyes rnam dgu/ srid pa'i rtse mo'i par du'o// nyes pa rnams ji ltar/ de bzhin du ni yon tan rnams// sa dang sa na de'i gnyen po bar chad med pa dang// rnam par grol ba'i lam zhes bya ba yon tan yang rnam pa dgu dgu kho na yod do// ji ltar byas nas zhe na /chung dang 'bring dang che rnams kyi// chung ngu la sogs tha dad phyir// 'di lta ste chung ngu'i chung ngu dang /chung ngu'i 'bring dang /chung ngu'i chen po ste/ de bzhin du 'bring dang/ chen po dag gi dbye ba yang gsum gsum mo// de la lam chung du'i chung dus ni nyon mongs ba chen po'i chen po spong la/ de bzhin du chen po'i chen pos ni chung ngu'i chung ngu'i bar ro/ /de ltar nyon mongs pa rnam pa dgu po de dag thams cad du /'bras gnas bsgom spang bya ma zad/ /de ltar thogs na lan bdun pa// gang zhig bsgom bas spang bar bya ba'i nyon mongs pa gcig kyang ma spangs pa de ni rgyun du bzhugs ba yin la tshe bdun

  517. 259a

    gyi bar du skye ba na lan bdun pa'o/ /de ltar thogs na lan bdun zhes bya ba ni thams cad kyi tha shal ba'o/ /de ni de las gzhan par skye ba'i srid pa bdun dang /srid ba bar ma bdun du mi rnams kyi nang du nyid mtshams sbyor bar byed la/ de bzhin du lha rnams kyi nang du yang ste bdun mchan su 'dra ba'i phyir mchog tu thogs na lan bdun pa zhes gsungs so// re zhig bsgom pas spang par bya ba ma zad pa ni de lta bu yin no/ /rnam gsum rnam bzhi las grol ba/ /tshe gnyis gsum du rigs nas rigs/ rgyun du zhugs pa de nyid nyon mongs pa'i rnam pa gsum mam bzhi spangs pa'i phyir dang/ tshe gcig gam? gnyis su lus pa'i phyir rigs nas rigs su skye ba zhes bya'o// rnam pa lnga yi bar bcom ba// gnyis pa la ni zhugs pa'ang yin// 'bras bu la gnas pa gang gis rnam pa gcig nas lnga'i bar du spangs pa yin na de ni 'bras bu gnyis pa la zhugs pa yin no// rnam pa drug pa zad gyur pa/ don lan cig phyir 'ong ba dang/ de ni 'bras bu gnyis pa thob pa yin te/ lha dag gi nang du song nas mi'i 'jig rten du lan cig phyir 'ong ba'i phyir ro //'bras bu la gnas pa de nyid/ nyes tshe bdun dang brgyad zad pa/ /tshe gcig bar chad gcig pa dang// gsum pa la ni zhugs pa'ang yin/ /rnam pa bdun nam brgyad pa spangs pa'i phyir dang /tshe gcig lus ba'i phyir bar chad gcig pa zhes bya'o// de dgu zad pas phyir mi 'ong /'dod pa'i 'dod changs dang bral ba 'dod pa'i khams su phyir mi 'ong ba'i phyir phyir mi 'ong ba zhes bya'o/ /de ni bar skyes 'du byed dang //'du byed med yongs mya ngan las 'da' // gong du 'pho ba rnams /bar mdor yongs su ngan las 'da' ba ni gang bar mdor yongs su mya ngan las 'da' ba' o

  518. 259b

    skyes nas yongs su mya ngan las 'da' ba ni skyes pa tsam las mi 'chi bar phung po lhag ma dang bcas pa'i yongs su mya ngan las 'da' bas yongs su mya ngan las 'da' ba ste/ mngon par brtson pa dang /lam dang gis 'byung ba nyid kyi phyir ro/ /mngon par 'du byed ba dang bcas pas yongs su mya ngan las 'da' ba ni skyes nas sbyor ba ma btang zhing mngon par 'du byed pa dang bcas pas yongs su mya ngan las 'da' ba gang yin pa ste /mngon par brtson pa dang/ lam dang gis 'byung ba ma yin pa'i phyir ro/ /mngon par 'du bya ba med par yongs su mya ngan las 'da' ba ni mngon par 'du byed ba med par ste/ mngon par brtson pa med par lam dang gis 'byung ba'i phyir ro// gong du 'pho ba ni gang du skyes pa de nyid du yongs su mya ngan las mi 'da' bar gong du 'gro ba'o// de ni bsam gtan spel nas 'og min 'gro/ de la gang gis bsam gtan spel ba de ni 'og min du yongs su mya ngan las 'da' ba' o// de 'phang byed 'phar thams cad du /'chi 'pho gong du 'pho ba 'og min gyi mthar thug pa de yang 'phar ba la sogs pa'i bye brag gis rnam pa gsum ste/ de la 'phar ba zhes bya ba ni 'dir bsam gtan rnam spel nas/ bsam gtan dang po'i ro myangs te bsam gtan gsum pa las yongs su nyams pa changs ris pa dag gi nang du skyes nas sngon gyi goms pa'i dbang gis bsam gtan bzhi pa spel te/ de nas shi 'phos nas 'og min pa dag gi nang du skyes pa gang yin pa ste/ de ni bar du mi 'gro bas na 'phang ba zhes bya'o/ /phyed du 'phang ba zhes bya ba ni de nas gnas gtsang ma rnams su skye la/ bar nas gnas gzhan 'ga' tsam yang brgal te 'og min du 'jug pa gang yin pa'o/ /gnas thams cad du 'chi? 'pho bo ba ni gnas gzhan thams cad du 'phos

  519. 260a

    nas 'og min du 'jug pa gang yin pa'o/ /de las gzhan srid rtse mor 'gro/ gong du 'pho ba bsam gtan ma spel ba ni srid pa'i rtse mor mthar thug ba yin no// de ni snyoms bar 'jug pa rnams ro myang par byed cing gnas gzhan thams cad du skyel/ gnas gtsang ma rnams su mi 'jug pa kho nar gzugs med par skye ba'i rim gyis srid pa'i rtse mor song ste yongs su mya ngan las 'da' ba' o// re zhig de dag ni gzugs nye bar 'gro ba'i phyir mi 'ong ba lnga yin no/ /gzhan ni gzugs med 'gro rnam bzhi/ bar mdor yongs su mya ngan las 'da' ba ma gtogs pa gzugs med par 'gro ba'i phyir mi 'ong ba rnam pa bzhi yin no// gzhan ni 'di la mya ngan 'da' / /mya ngan laS 'da' ba' o// gsum la yang rnam gsum phye nas/ /gzugs su nyer 'gro dgur bshad do// bar ma ngo dang skyes nas yongs su mya ngan las 'da' ba dag dang/ gong du 'pho ba gsum rnam pa gsumdu byas pa 'di lta ste re zhig bar mdong mya ngan las 'da' ba rnams ni dpe gsum gyis myur ba dang/ myur ba ma yin pa dang/ yun ring mo zhig nas yongs su mya ngan las 'da' ba' i phyir ro/ /skyes nas yongs su mya ngan las 'da' ba ni skyes nas dang /mngon bar 'du byed pa dang/ mngon bar 'du byed ba med bar yongs su mya ngan las 'da' ba' i phyir ro// gong du 'pho ba ni 'phar ba la sog spa'i bye brag gis so// de dag gi ni khyad par rnams// las dbang nyon mongs bye brag las// gsum dang dgu po de dag gi khyad par ni las dang /nyon mongs pa dang dbang po'i bye brag las te/ re zhig gsum po ni mngon par 'grub ba dang/ skyes pa dang/ lan grangs gzhan la myong bar 'gyur ba'i las bsags

  520. 260b

    pa'i phyir dang/ nyon mongs pa kun tu spyod ba chung ba dang/ 'bring dang /chen po'i phyir dang/ dbang po chen po dang/ 'bring dang chung ngu'i phyir ro //dgu po de dag so sor khyad bar de nyid kyi phyir ci rigs par gsum mtshan dang po gnyis ni gong ma bzhin du nyon mongs ? dang dbang po'i bye brag las so// gsum mtshan tha ma ni lan grangs gzhan las myong bar 'gyur ba'i las kyi bye brag las kyang ngo// 'o na mdo las skyes bu dam pa'i 'gro ba bdun bstan ba ji lta bu zhe na /gong du 'pho ba ma phye bar/ /dam pa'i 'gro ba bdun du 'dod/ /dgu pa de dag kho na la gong du 'gro ba ma phye bas bdun du 'gyur ro/ /ci'i phyir 'di dag kho na skyes bu dam pa'i 'gro ba yin la/ slob pa'i 'gro ba gzhan dag ni ma yin zhe na /dam ba dam min 'jug mi 'jug/ son ba phyir mi 'ong phyir ro// 'di dag ni las dge ba kho na la 'jug gi mi dge ba la ni mi 'jug go /'di dag tu son ba rnams la yang/ phyir mi 'ong ba med pa de'i phyir 'di dag kho na skyes bu dam pa'i 'gro ba yin no/ /ci'i phyir phyir mi 'ong ba tshe yongs su gyur ba la yang dbye ba 'di yod dam zho na med de/ 'di ltar 'dod par tshe yongs su gyur ba'i 'phags/ khams gzhan du ni 'gro ba med/ /'dod pa'i khams su tshe yongs su gyur pa'i 'phags pa ni khams gzhan du mi 'gro ste/ de nyid la phyir mi 'ong ba'i 'bras bu thob nas yongs su mya ngan las 'da' ba' i phyir ro// de dang gong mar skyes pa ni// yongs nyams dbang po 'pho mi sten// 'dod pa'i khams su tshe yongs su gyur pa'i 'phags pa de dang/ khams gong mar skyes ba'i 'phags pa ni dbang po rnams kyang mi 'phel?// ji ltar yang yongs su nyams par mi 'gyur ro/ /bsam gtan spel nas 'og min 'gro zhes gang bshad pa de yang dang po nyid du bsam gtan gang spel bar byed ce na/ dang por bzhi pa spel bar byed

  521. 261a

    ting nge 'dzin de ni thams cad bas las su rung ba ste/ de dag gi phun sum tshogs pa la sim pa'i phyir ro// de'i yang skad cig ma ni bsres pas 'grub /gang gi tshe zag pa med pa'i skad cig ma'i 'jug thogS su zag pa dang bcas pa dang /zag ba dang bcas pa'i mjug thogs su yang zag pa med pa mngon sum du byed la/ de ltar zag pa dang bcas pa'i skad cig ma dang /zag pa med pa dag tu bsres pas spel ma 'grub ba yin no/ /rgyun chags dang ldan ba la ji srid du skad cig gnyis sbyor ba de ltar bsam gtan bzhi pa spel nas de'i stobs kyis gzhan dang gzhan dag kyang spel bar byed do// ci'i phyir bsam gtan spel bar byed ce na /skye dang gnas bar bya phyir dang/ nyon mongS pas ni 'jigS phyir yang/ /phyir mi 'ong ba dbang po rnon bo rnams ni gnas gtsang mar skye bar bya ba'i phyir dang /mthong ba'i chos la bde bar gnas par bya ba'i phyir ro// dbang po rtul po rnams ni nyon mongs pas 'jigs ba'i yang phyir te/ de bzhin du dgra bcom pa rnams skye ba ma yin pas gnas gtsang mar skye ba spangs nas so// yang ci'i phyir gnas gtsang mar skye ba lnga kho na yin zhe na /bsam gtan bzhi pa spel mar bsgom par bshad pa gang yin pa/ de ni rnam pa lnga yi phyir/ /gnas gtsang skye ba lnga kho na/ /spel mar bsgom pa de ni chung ngu dang 'bring dang chen po dang/ shin tu che ba dang/ shin tu ches che'i bye brag gis rnam pa lnga yin te/ phyi ma re re la gsum gsum du spel bar byas nas so// bar ma zag pa dang bcas pa las skye'o/ /'gog pa thob ba'i phyir mi 'ong/ lus kyis mngon sum byed bar 'dod phyir mi 'ong ba gang la la 'gog pa thob pa de ni sems med par mya ngan

  522. 261b

    las 'das pa dang 'dra ba lus kyis mngon sum du byed pa'i phyir lus kyis mngon sum du byed pa zhes bya'o/ /srid rtse'i bar cha brgyad zad pa// dgra bcom nyid la zhugs pa yin// phyir mi 'ong ba zhes bya ba'i dbang du byas pa ste/ yang phyir mi 'ong ba de bsam gtan dang po'i rnam pa gcig las 'dod chags dang bral ba nas bzung ste/ srid pa'i rtse mo'i bar du brgyad kyi bar spangs pas dgra bcom pa nyid la zhugs ba yin no// dgu pa'i bar chad med lam yang //dgra bcom pa nyid la zhugs pa kho na yin no/ /de ni rje rje lta bu yin/ bar chad med pa'i lam de ni phra rgyas thams cad 'joms par byed pa yin pa'i phyir rdo rje lta bu'i ting nge 'dzin zhes bya'o// yang srid pa'i rtse mo pa'i rnam pa dgu par bshad ba gang yin pa/ de zad thob dang zag pa shes// dang po nyid du zag pa thams cad zad pa'i thob pa dang lhan cig skyes pa'i phyir zad pa shes pa yin no// de tshe de mi slob dgra bcom// dgra bcom pa nyid la zhugs pa de zad shes pa skyes na mi slob pa dang/ dgra bcom pa'i 'bras bu thob pa nyid kyi phyir dgra bcom pa'o// 'bras bu gzhan gyi phyir bslob par bya ba med pa'i phyir mi bslob pa'o// bsgom pa'i lam 'jig rten pa dang 'jig rten las 'das pa dang rnam pa gnyis su bshad pa la slob pa 'di gang gis gang la 'dod chags dang bral ba thob ce na/ 'jig rten 'das kyis srid rtse las// chags bral 'jig rten pas ni ma yin no/ /ci'i phyir zhe na /de'i gong na 'jig rten pa med pa'i phyir rang gi sa pa'i gnyen po ma yin pa'i phyir ro// gnyen po ma yin pa yang nyon mongs pa rgyas par 'gyur ba'i phyir ro// nyon mongs pa gang zhig dngos po gang la rgyas par 'gyur ba de ni dngos po des spong bar byed pa ma yin

  523. 262a

    la gang gi gnyen po gang yin pa de la ni nyon mongs pa de rgyas par mi 'gyur pa'i phyir ro// gzhan las rnam pa gnyis/ srid pa'i rtse mo las gzhan pa'i sa la ni 'jig rten pa dang 'jig rten las 'das paS kyang 'dod chags dang bral lo/ /de la yang 'jig rten pa yis chags bral ba'i// 'phags la bral ba'i thob rnam gnyis// 'phags pa 'jig rten pa'i lam gyis 'dod chags dang bral bar gyur ba la bral ba'i thob pa 'jig rten pa dang/ 'jig rten las 'das pa rnam pa gnyis skye'o// kha cig 'jig rten 'das kyis kyang //btang la nyon mongs mi ldan phyir// gal te 'phags pa'i lam gyis 'dod chags dang bral ba thob pa la 'jig rten pa'i bral ba'i thob pa mi skye na de lta na 'phags pa'i lam gyis ci yang med pa'i skye mched las 'dod chags dang bral ba bsam gtan la brten te dbang bo rnams 'pho bar byed pa gang yin pa de la snga ma zad par btang ba'i phyir dang /'bras bu'i lam 'ba' zhig thob pa'i phyir sa gong ma ba'i nyon mongs pa bral ba dang mi ldan par yang 'gyur la/ de btang na yang nyon mongs pa de dag dang ldan par yang 'gyur ro// srid rtse'i phyed las rnam grol dang// gong du skyes ba gzhin mi ldan// 'jig rten pa'i bral ba'i thob pa med du zin kyang de dag dang ldan par mi 'gyur te/ dper na srid pa'i rtse mo'i rnam pa phyed las rnam par grol ba la de'i bral ba'i 'thob pa 'jig rten pa yang med la/ dbang po'i 'pho bas 'jig rten las 'das pa la yang btang bzhin du yang nyon mongs pa de dag dang ldan par mi 'gyur ba dang/ yang dper na so so'i skye bo la bsam gtan dang po yan chad du skyes pa 'dod pa na spyod pa'i nyon mongs pa'i bral ba'i thob

  524. 262b

    pa btang bas yang de dag dang ldan par mi 'gyur ba bzhin pas 'di ni shes par byed pa ma yin no// sa gang zhig gis gang las 'dod chags dang bral bar 'gyur zhe na/ zag med mi lcogs med pa yis? /thams cad las ni 'dod chagS bral/ /srid pa'i rtse mo'i bar las so/ /yang gang zhig nyer bsdogs la brten te sa 'og ma las 'dod chags dang bral ba thob na/ ci 'di'i rnam par grol ba'i lam thams cad bar chad med pa'i lam bzhin du nyer bsdogs las skye 'am zhe na/ smras pa ma yin no// 'on na ji lta bu zhe na/ sa gsum rgyal la bsam gtan nam// nyer bsdogs las mdza' i rnam grol lam// 'dod pa'i khams dang /bsam gtan gnyis kyi 'dod chags dang bral ba la rnam par grol ba'i lam tha ma nyer bsdogs sam dngos gzhi las skye'o //gong ma'i nyer bsdogs las min/ sa gsum las rgyal ba yon chad ni btang snyoms kyi dbang po thun mong yin pa'i phyir dngos gzhi kho na las skyo'i nyer bsdogs las ni ma yin no/ /zag med mi lcogs med pa yis// thams cad las ni 'dod chag 'bral ? zhes bshad kyi/ gzhan dag ni ma bshad pas de'i phyir 'phags/ brgyad kyis rang gang sa las rgyal zhes bya ba smos te/ zag pa mang pa'i bsam gtan dang/ bsam gtan khyad par can dang/ gzugs med pa gsum dang brgyad kyis ni rang gi sa dang gong ma las 'dod chags dang bral bar 'gyur ro/ /'og ma las ni ma yin te/ 'dod chag ya? dang bral zin pa'i phyir ro// de la 'jig rten las 'das pa'i lam bar tshad med pa dang /rnam par grol ba'i lam rnams ni bden pa la dmigs pa'i phyir bden pa'i rnam par zhugs pa dag yin no// zhes bya bar grub bo// 'jig rten pa yi rnam grol dang/ /bar chad med lam

  525. 263a

    go rim bzhin/ /zhi sogs rags sogs rnam pa can/ /gong dang 'og ma'i spyod yul can/ /rnam par grol ba'i lam rnams na ci rigs par gong ma la zhi ba dang /gya nom pa dang /nges par 'byung ba'i rnam par lta'o// bar chad med pa'i lam rnams ni zhi ba la sogs pa'i rnam pa las bzlog pas 'og ma la rag las pa dang /tha ba ngan pa dang /rtsig pa stug po lta bur lta'o //zhar la 'ong ba rdzogs so// //yang zad pa shes pa'i mjug thogs su ci zhig skye zhe na/ gal te mi g.yo'i zad shes laS// mi skye'i blo gros/ /gal te dgra bcom pa mi gal ba'i chos can zhig yin na/ de la zad pa shes pa'i de ma thag tu mi skye ba'i shes pa skye'o/ /gal te min/ zad pa shes sam mi slob lta// gal te mi g.yo ba'i chos can ma yin na ni/ zad pa shes pa las zad pa shes pa kho na 'am mi slob pa'i yang dag pa'i lta ba skye'o// yongs su nyams pa srid pa'i phyir mi skye ba shes pa ni ma yin no// ci mi g.yo ba'i chos can la de mi skye ba kho na yin nam zhe na/ de ni dgra bcom thams cad la/ mi g.yo ba'i chos can la yang res 'ga' mi skye ba shes pa las mi skye ba shes pa kho na skye la/ res 'ga' mi skye ba'i yang dag pa'i lta ba skye'o// gang dag 'bras bu bzhir bshad pa de dag gang gi 'bras bu yin zhe na/ dge sbyong gi tshul gyi 'bras bu yin no/ /dge sbyong gi tshul zhes bya ba 'di ci zhig ce na/ dge sbyong tshul ni dri med las/ /dge sbyong gi tshul ni zag pa med pa'i lam yin no// nges nyon mongs pa zhi bar byed pa'i sgo nas dge sbyong du 'gyur ro/ /dge sgyong gi tshul gi tshul de'i 'bras bu 'di dag kho na ma yin gyi de ci zhe na/ 'bras bu 'dus byas 'dus ma byas/ /de dag brgyad cu rtsa dgu'o// grol lam

  526. 263b

    zad pa rnams dang bcas/ /mthong bas spang bar bya ba spong bar byed pa'i rnam par grol ba'i lam brgyad dang/ bsgom bas spang par bya ba spong ba re re zhing yang nyon mongs pa rnam pa dgu dgu spong bar byed ba'i de snyed kho na'i rnam par grol ba'i lam dag ni dge sbyong gi tshul gyi 'bras bu 'dus byas pa dag yin no// nyon mongs pa dang/ de dag gi spangs pa ni 'bras bu 'dus ma byas pa dag yin no// 'o na sngar gyi dge sbyong gi 'tshul? gyi 'bras bu bzhi bshad ba ji ltar zhe na/ de la ni 'gal ba med de/ gang gi phyir 'bras bu bzhi rnam gzhag pa ni/ rgyu lnga dag ni srid phyir ro/ /'di lta ste/ 'bras la sngon lam btang ba dang/ gzhan thob pa dang zad bsdoms dang// shes pa brgyad mtshan thob pa dang rnam pa bcu drug thob pa'o// lam snga ma btang ba dang sngon med pa'i lam thob pa ni zhugs pa dang 'bras bu'i lam btang ba dang thob pa'i phyir ro/ /spangs pa sdoms pa dang/ thams cad kyi bral ba gcig gi thob ba rnyed ba'i phyir ro// shes pa brgyad cig car du thob pa ni chos dang rjes su shes pa rnam pa bzhi'o// rnam pa bcu drug thob ba ni mi brtag pa la sogs pa'i rnam ba dag go/ rgyu lnga po de dag yin te/ gang dag gis 'bras bu bzhir rnam par bzhag pa ? gsungs pa'o/ /gal te zag pa med ba'i lam kho na dge sbyong gi tshul yin na 'jig rten pa'i lam gyis thob pa'i 'bras bu gnyis ji ltar dge sbyong gi tshul gyi 'bras bur rung zhe na/ 'jig rten pa yis thob 'bras ni/ / bsras dang zag med thob 'dzin phyir/ /de la mthong ba'i lam gyis 'bras bu spangs pa yang der bsre bar bya ste/ thams cad kyi thob pa de'i 'bras bu bsdus pa gcig rnyed pa'i phyir ro// gang lan cig phyir 'ong ba'i 'bras bu gang

  527. 264a

    zhe na/ kun tu sbyor ba gsum spangs pa dang/ 'dod chags dang/ zhe sdang dang/ gti mug rnams bsrabs pa gang yin pa de yin no// phyir mi 'ong ba'i 'bras bu gang zhe na/ kun tu sbyor ba tha ma'i cha dang mthun ba'i lnga spangs pa gang yin pa de yin no/ /zhes gsungs so// zag pa med pa'i 'bras bu thob pas kyang/ spangs pa nge 'dzin par yang byed de /de'i stobs kyis yongs su nyams pa mi 'chi ba'i phyir ro/ /'di'i phyir yang 'di dge sbyong gi 'bras bu nyid du rigs so// dge sbyong gi tshul du bshad pa gang yin pa/ de nyid tshangs tshul tshangs pa yi// 'khor lo ? nges pas bskor phyir ro// bcom ldan 'das ni tshangs pa'i tshul bla na med pa dang ldan ba'i phyir tshangs ba yin te/ 'khor lo 'di ni de'i yin pas na tshangs pa'i ste/ des bskor ba'i phyir ro/ /chos kyi 'khor lo mthong ba'i lam// rgyu bas na 'khor lo'o// de dang chos mthun ba'i phyir mthong ba'i lam ni chos kyi 'khor lo yin no/ /'di'i chos mthun pa ji lta bu zhe na /myur bar 'gro sogs rtsibs sogs phyir/ /myur du 'gro ba'i phyir dang/ ma rgyal pa las rgyal bar byed pa'i phyir dang /rgyal ba rnal du dgod pa'i phyir dang /'phar ba dang 'bab pa'i phyir te /myur bar 'gro ba la sogs ba ni de lta bu yin no// rtsibs la sogs pa dang chos mthun pa'i phyir 'khor lo zhes bya ste/ yang dag pa'i lta ba dang/ rtog pa dang rtsol ba dang dran pa ni rtsibs lta bu yin no/ /yang dag pa'i ngag dang/ las kyi mdza' dang /'tsho ba rnams ni lte ba lta bu yin no/ /ting nge 'dzin ni mu khyung lta bu yin no/ /yang khams gang du dge sbyong gi tshul gyi 'bras bu thob ce na/ 'dod par gsum thob/ gsum po ni 'dod pa kho nar 'thob bo/?

  528. 264b

    tha ma ni gsum du'o// dgra bcom pa nyid ni khams gsum du 'thob bo// re zhig 'bras bu gnyis ni 'dod chags dang ma bral bas 'bras bu thob par bya ba yin pa'i phyir /gong mar mi thob par yang rig na gsum pa gong ? ci'i phyir mi thob ce na/ gang na mthong lam med/ 'dod pa'i khams las gdon ni mthong ba'i lam med la /de med par yang 'dod chags dang bral ba'i phyir phyir mi 'ong ba'i 'bras bu thob pa med pas zhes bya ba 'di re zhig rigs pa yin no/ /mi skyo lung las 'dir rtsom zhing// der mthar phyin zhes 'byung phyir ro// gzugs na spyod pa'i so so'i skye bo rnams ni snyoms par 'jug pa'i bde ba la chags pa'i phyir dang/ kun tu mi skyo ba'i phyir ro// phyir mi 'ong ba ni lnga ni 'dir rtsom pa ni lam rtsom pa ste der mthar phyin par 'gyur ro// de bas na de la phyir mi 'ong ba'i 'bras bu med do// 'di skad du gal te mi g.yo'i zad shes las/ /mi skye'i blo gros zhes bshad de /ci dgra bcom pa la yang dbye ba yod dam zhe na/ smras pa yod de/ dgra bcom drug 'dod/ yongs su nyams pa'i chos can dang/ 'chi bar sems pa'i chos can dang /rjes su bsrung ba'i chos can dang/ gnas pa las mi bskyod pa dang /rtogs pa'i skal ba can dang/ mi g.yo ba'i chos can no// de dag las lnga ni/ dad pa'i mos las skyes/ mi g.yo ba'i chos can ma gtogs pa'o/ /de dag rnam grol dus dang sbyor// lnga bo de dag gi rnam par grol ba ni dus dang sbyor bas phangs pa yin par rig par bya ste/ rtag tu rjes su srung ba'i phyir ro// mi g.yo'i chos can mi g.yo pa// yongs su nyams pa'i sgo nas g.yo bar mi nus pa'i phyir ro/ /de phyir de dus mi sbyong grol/ /de nyid kyi phyir de ni dus dang mi sbyor bar rnam par grol ba zhes bya ste

  529. 265a

    yongs su nyams pa mi sring pa'i phyir ro/ /de ni mthong thob rgyu las byung/ /mi g.yo ba'i chos can de ni mthong bas thob pa sgo nang du 'gro ba yin par rig par bya ste/ ci dgra bcom pa 'di dag dang po kho na nas de dag gi rigs can yin nam/ 'on te phyis yin zhe na/ kha cig dang po nas de'i rigs/ /kha cig sbyangs pa las gyur to// kha cig ni dang po nyid nas yongs su nyams pa'i chos can gyi rigs can yin la/ kha cig ni yongs su nyams pa'i chos can du gyur pa las dbang po rnams sbyangs pas 'chi bar sems pa'i chos can du gyur pa yin te/ mi g.yo ba'i chos can gyi bar du yang de dang 'gro'o/ /de la yongs su nyams pa'i chos can ni yongs su nyams par 'gyur ba'i skal ba dang ldan gyi 'chi bar sems pa'i chos can la sogs pa ni ma yin pa gang yin pa'o// 'chi bar sems pa'i chos can ni 'chi bar sems bar gyur ba'i skal ba can gang yin pa'o/ /rjes su srung ba'i chos can ni rjes su srung ba'i skal ba can gang yin pa'o// gnas pa las mi skyod pa ni yongs su nyams par 'gyur ba'i rkyen stobs dang ldan pa med na rjes su ma bsrungs kyang gnas par 'gyur ba'i skal ba can yin zhing nyams par mi 'gyur ba dang/ mngon par brtson pa med na 'phel bar yang mi 'gyur ba'i skal ba can gang yin pa'o/ /rtogs pa'i skal ba can ni mi g.yo ba rtogs par 'gyur ba'i skal ba can gang yin pa'o/ /mi g.yo ba'i chos can ni yongs su nyams par mi 'gyur ba'i skal ba can gang yin pa'o// 'di dag gang zhig gang las yongs su nyams zhe na/ bzhi ni rigs las lnga 'bras las// nyams 'gyur 'chi bar sems pa'i chos can la sogs pa bzhi ni rigs las yongs su

  530. 265b

    nyams bar 'gyur ro// lnga ni 'bras bu las so/ /de dag kyang dang po las ma yin/ gang gi rigs dang po gang yin pa dang/ gang gi 'bras bu dang po gang yin pa de las yongs su nyams par mi 'gyur ro/ /ci dgra bcom pa de dag kho na rigs drug dang ldan nam/ 'on te gzhan dag kyang zhe na/ slob dang 'phags min rigs drug ldan/ /slob pa dang so so'i skye bo rnams kyang rigs drug dang ldan no// gzhan yang mthong ba la ni 'pho ba med/ mthong ba'i lam las gzhan pa la dbang po 'pho ba yod do// de yang thob dang ma thob nyer spyad las/ /yongs nyams rnam pa gsum shes bya/ /gal te yon tan thob pa laS yongs su nyamS na thob pa las yongs su nyamS pa yin no/ /gal te yon tan thob par bya ba ma thob pa ma thob pa las yongs su nyams ba'o// gal te yon tan thob pa mngon sum du mi byed na nye bar spyad pa las yongs su nyams pa'o/ /yongs su nyams pa 'di rnams las ni/ ston la tha ma mi g.yo la/ /bar ma gzhan la rnam gsum mo// bcom ldan 'das la ni nye bar spyad pa las yongs su nyams pa kho na mnga' i gzhan ni mi mnga' o/ mi g.yo ba'i chos can la ni de dang ma thob pa la yongs su nyams pa yang yod do// gang zag khyad par can gyi chos ma thob pa'i phyir ro/ /dgra bcom pa gzhan la ni thob pa laS yongs su nyams pa yod do// yang gang zhig dgra bcom pa'i 'bras bu las yongs su nyams na/ ci de yang skye 'am zhe na/ de lta bu ni med de/ 'di ltar 'bras las nyams pa'i 'chi ba med// 'bras las yongs su nyams pa ni 'ga' yang 'chi ba med de/ 'bras bu gang zhig las yongs su nyams pa ni 'bras bu de la gnas pas/ bya ba ma yin de mi byed// yongs su nyams kyang 'bras bu de dang 'gal ba'i bya ba mi byed do/ /yang dbang po rnams 'pho ba la bar chad med pa dang/

  531. 266a

    rnam par grol ba'i lam du dag skye zhe na mi g.yo rnam grol bar chad med/ /lam dgu'o shin tu bsten phyir ro// rtogs pa'i skal ba can zhig mi g.yo ba'i rigs can rtogs par byed pa na bar chad med pa'i lam dgu dang/ rnam par grol ba'i lam dgu skye ste/ dgra bcom pa nyid thob pa bzhin no/ /de la dbang po rtul po'i rigs de shin tu goms par byas pa'i yin pas 'bad pa chung dus bzlog par mi nus te/ slob pa dang mi slob pa'i lam dag gis brtan por byas pa'i phyir ro// mthong bas thob la re re'o/ /mthong bas thob pa rtogs par byed na bar chad med pa dang rnam par grol ba'i lam re re skye'o/ /bar chad med pa dang rnam par grol ba'i lam de dag ni/ zag med 'phags pa rnams kyi dbang po zag pa dang bcas pa'i lam gyis 'pho ba med do/ /dbang po rnams gang du 'phel zhe na/ mi'i nang du 'phel/ mi rnams kyi nang du dbang po 'pho'o/ /yang gang zhig sa gang la brtan na dbang po rnams 'pho bar byed ce na/ mi slob sa dgu la brten te/ mi lcogs pa med pa dang/ bsam gtan khyad par can dang/ bsam gtan bzhi dang/ gzugs med pa gsum la'o/ /slob pa drug la/ gzugs med pa gsum ma gtogs so/ /ci'i phyir zhe na/ gang gi phyir 'phel ba 'bras bu khyad par can btang ste 'bras bu thob par 'gyur/ dbang po rnams 'pho ba na dbang po rtul po'i lam gyi 'bras bu dang 'bras bu khyad par can btang ste/ dbang po rnon pa'i lam gyi rigs kyi 'bras bu thob par 'gyur na phyir mi 'ong ba'i 'bras bu gzugs med pas bsdus pa ni mdo ces bya ba 'di ni gtan tshigs yin no/ /dgra bcom pa 'di dag thams cad la dbang po'i bye brag gis dgu kho na yin te/

  532. 266b

    ji ltar byas nas zhe na/ sangs rgyas gnyis dang nyan thos bdun/ /de dgu dbang po rnam dgu can/ /de la nyan thos bdun ni yongs su nyams pa'i chos can la sogs pa lnga dang/ mi g.yo ba'i chos can rnam pa gnyis te/ sbyangs pa las gyur ba dang/ dang so? nas de'i rigs can yin no/ /mi g.yo ba'i bye brag kho na rang sangs rgyas dang/ sangs rgyas so/ /da lta na de dag ni chung du'i chung phul sogs pa dbang po rnam pa dgu'i bye brag gis gang zag dgu yin no/ /slob pa dang mi slob pa bsdas ba'i phyir yang 'phags pa'i gang zag rnams ni thams cad du bdun yin te/ dad pas rjes su 'brang ba dang/ chos kyi rjes su 'brang ba dang/ dad pas mos pa dang/ mthong bas thob pa dang/ lus kyis mngon sum du byed pa dang/ shes rab gyiS rnam par grol ba dang/ gnyis ka'i cha las rnam par grol ba'o/ /gang zag bdun po de dag kyang/ sbyor ba dang/ dbang po snyoms 'jug rnam grol dang/ gnyis ka byas pa'o/ /sbyor ba las ni dad pa dang/ chos kyi rjes su 'brang ba dag ste/ dang po nyid nas gzhan gyi dring 'jog pa dang/ chos kyi rjes su 'brang ba dag gis don rnams la sbyor ba'i phyir ro/ /dbang po las ni dad pas mos pa dang/ mthong bas thob pa dag ste/ dbang po rtul po dang rnon pa yin pa'i phyir ro/ /snyoms par 'jug pa las ni lus kyis mngon du byed pa ste/ 'gog pa'i snyoms par 'jug pa mngon du byed pa'i phyir ro// rnam par grol ba las ni shes rab kyis rnam par grol ba'o/ /snyoms par 'jug par rnam par grol ba las ni gnyis ka'i cha las rnam par grol ba'o/ /ming gis sgo nas ni gang zag de bdun yin no// de dag drug rjes su ni de dag drug yin no// 'di ltar lam gsum la gnyis gnyis/ /mthong ba dang bsgom pa'i lam gyi sngar bshad pa bzhi'o/ /mi slob

  533. 267a

    pa'i lam la ni dus dang sbyor ba dang/ dus dang mi sbyor bas rnam par grol ba'o/ /gnyis ka'i cha las rnam par grol ba zhes bya ba ni gang shes rab kyis rnam par grol ba ni gang zhe na/ 'gog thob gnyis ka las rnam grol/ /gang 'gog pa'i snyoms par 'jug pa thob pa de ni gnyis ka'i cha las rnam par grol ba yin te/ nyon mongs pa dang/ rnam par thar ba'i sgrib pa las rnam par grol ba'i phyir ro// shes rab kyis ni gcig shes so/ /shes rab kyi stobs kyis nyon mongs pa'i sgrib pa 'ba' zhig las rnam par grol ba'i phyir ro/ /ji tsam gyis slob pa dang mi slob pa yongs su rdzogs zhe na/ snyoms 'jug dbang po 'bras rnams kyi/ / slob pa yongs rdzogs zhes bya'o/ /snyoms par 'jug pa las ni 'gog pa la snyoms par zhugs pa thob pa gang yin pa'o/ /dbang po las ni mthong bas thob pa'o/ /'bras bu las ni phyir mi 'ong ba'o/ /de ltar na slob pa yongs su rdzogs pa yin no/ /gnyis kyis mi slob yongs su rdzogs/ /dbang po dang snyoms par 'jug pa dag las so// lam de yang rnam pa mang po zhig yin te/ mdor na lam ni rnam bzhi ste/ khyad par can dang rnam grol dang // bar chad med dang sbyor zhes bya/ /sbyor ba'i lam ni gang gi mjug thogs su bar chad med pa'i lam skye ba'o/ /bar chad med pa'i lam ni gang gis sgrib pa rab tu spong ba'o/ /rnam par grol ba'i lam ni nges spang bar bya ba'i sgrib pa las nges par bgral ba dang po nyid du skye ba gang yin pa'o// khyad par can gyi lam ni de las gzhan pa'i lam mo/ /yang lam nyid mya ngan las 'das pa sgrub par byed pa'i phyir sgrub pa zhes gsungs so/ /sgrub pa bzhi zhes

  534. 267b

    gsungs pa de la/ bsam gtan dag gi lam rnams sla/ /yan lag gis yongs su zin pa dang/ zhi gnas pa dang lhag mthong mnyam pa dag gis 'bad mi dgos par rang gi ngang gis 'byung ba'i phyir ro/ /sa gzhan dag gi dka' ba yin/ mi lcogs pa med pa la sogs pa rnams la bsgrub par dga' ba ni de las bzlag pa'o/ /sgrub pa po de yang rnam pa gnyis te/ blo rtul mngon shes bul ba ste/ cig shos kyis ni mngon shes myur/ /dbang po rtul po ni sgrub par sla ba 'am dka' yang rung ste/ mngon par shes pa bul ba yin no/ /dbang po rnon po ni mngon par shes pa myur ba yin no/ /de ltar ni sgrub pa'i gzhi yin no/ /yang lam de nyid byang chub kyi phyogs dang mthun pa sum cu rtsa bdun du gsungs te /de la grang dang mi skye shes pa ni byang chub zad pa dang mi skye ba shes pa ni gang zag gis bye brag gis rnam pa gsum mo// de dang mthun nyid phyir/ sum cu rtsa bdun de'i phyogs mthun// byang chub dang mthun pa'i phyir/ ming gis sgo nas byang chub kyi phyogs dang mthun pa sum cu rtsa bdun zhes bya'o/ /rdzas sum cu/ byang chub kyi phyogs dang mthun pa thams cad ni rdzas bcu po 'di lta ste/ ded dang brtson 'grus dran pa dang/ / shes rab ting 'dzin btang snyoms dga' / /rtog dang tshul khrims shin tu sbyang sa/ /de ltar da dag ni rdzas bcu'o/ /ji ltar byas nas zhe na/ dran pa nyer gzhag shes rab ste/ brtson 'grus yang dag 'jog ces bya// rdzu 'phrul rkang pa ting 'dzin to/ /dran pa nye bar gzhag pa dang/ yang dag par rab tu spong ba dang/ rdzu 'phrul gyi rkang pa rnams ni shes rab dang/ brtson 'grus dang/ ting nge 'dzin gyi rang bzhin dag yin no/ /de'i phyir de zhig dbang po dang stobs ni ming

  535. 268a

    gis smos la/ dad pa dang brtson 'grus dang dran pa dang/ ting nge 'dzin dang/ shes rab kyis rdzas lnga yin te/ dran pa nye bar gzhag pa rnams dang/ chos rnam par 'byed pa yang dag byang chub kyi yan lag dang yang dag pa'i lta ba ni shes rab kho na yin no// yang dag par rab tu spong ba rnams dang/ brtson 'grus yang dag byang chub kyi yan lag dang/ yang dag pa'i rtsol ba ni brtson 'grus kho na yin no/ /rdzu 'phrul gyi rkang pa rnams dang/ ting nge 'dzin yang dag byang chub kyi yan lag dang/ yang dag pa'i ting nge 'dzin ni ting nge 'dzin kho na yin no// dran pa yang dag byang chub kyi yan lag dang/ yang dag pa'i dran pa ni dran pa kho na yin no/ /ci zhig lus zhe na/ dga' ba dang shin tu sbyangs pa dang/ btang snyoms yang dag byang chub kyi yan lag dang yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba rnams ni tshul khrims kyi yan lag ste/ de ltar na bcu yin no/ /'di skad du dran pa nye bar gzhag pa la sogs pa ni shes rab dang brtson 'grus dang ting nge 'dzin gyi rang bzhin dag yin no zhes gang bshad pa der ni/ gtso bo smos pas yin par rig par bya'i/ /de dag ni sbyor byung yon tan kun kyang yin// gtso bo smos pas de skad bshad kyi dran pa nye bar gzhag pa la sogs pa ni sbyor ba las byung ba'i yon tan thams cad kyang yin no/ /gnas skabs gang du byang chub kyi phyogs dang mthun pa gang zhig rab tu 'byed ce na/ sde mtshan bdun ni go rims bzhin/ las ni dang po pa dag dang/ /des 'byed cha mthun rnamS

  536. 268b

    dang ni/ bsgom dang mthong la rab tu phye// las dang po pa'i gnas skabs su ni lus la sogs pa nye bar brtags pa'i phyir dran pa nye bar gzhag pa rnams so/ /khyad par thob pas brtson 'grus yang dag par spal ba'i phyir dro bar gyur ba dag la ni yang dag par rab tu 'jog pa rnams so/ /yongs su nyams par mi 'gyur ba'i dge ba'i rtsa ba la 'jug pa'i phyir rtse mo dag la ni rdzu 'phrul gyi rkang pa rnams so// yang yongs su nyams par mi 'gyur ba'i sgo nas dbang po thob pa'i phyir bzod pa dag la ni dbang po rnams so/ /nyon mongs pa rnams kyis mi rdzi ba'i phyir chos mchog dag la ni stobs rnams so// byang chub dang nye ba'i phyir bsgom pa'i lam la ni byang chub kyi yan lag rnams so/ /'gro bas rab tu phye ba'i phyir mthong ba'i lam la ni lam gyi yan lag rnams te/ de ni myur bar 'gro ba yin pa'i phyir ro// byang chub kyi phyogs dang mthun pa du zhig ni zag pa dang bcas pa yin/ du zhig ni zag pa med pa yin zhes bya ba 'di brjod par bya ste/ byang chub yan lag lam yan lag zag pa med/ de gnyis ni bsgom pa dang mthong ba'i lam la rnam par gzhag pa yin pa'i phyir ro// gzhan rnam gnyis so// byang chub kyi phyogs dang mthun pa gzhan dag ni zag pa dang bcas pa dang/ zag pa med pa dag yin no/ /sa gang na byang chub kyi phyogs dang mthun pa du zhig yod ce na/ bsam gtan dang po na thams cad/ /mi lcogs med na dga' ba ma gtogs// nyer bsdogs rnams ni stobs kyis drang dgos pa'i phyir dang/ sa 'og ma'i dgos pa dang gcas pa'i phyir dga' ba med do// gnyis pa na ni rtog ma rtogs// gnyis pa na yang yang dag pa'i rtog pa med de/ de na rtog pa med pa'i phyir ro// gnyis na de gnyis ma gtogs pa// bsam gtan gsum pa dang bzhi pa na ni dga'

  537. 269a

    ba dang rtog pa dag ma gtogs ba'o// bsam gtan bar na'ang/ de gnyis nyid ma gtogs pa/ sum cu rtsa lnga kho na'o// gzugs med pa gsum na'ang de dang tshul yan lag/ ma gtogs zhes bya bar sbyar te/ gzugs med pa gsum na ni yang dag pa'i dag dang/ las kyi mdza' dang/ 'tsho ba rnams dang/ dga' ba dang/ rtog pa dag ma gtogs pa'o// byang chub dang ni lam yan lag/ ma gtogs 'dod khams srid rtse na// 'dod pa'i khams dang srid pa'i rtse mo la byang chub kyi yan lag dang/ lam gyi yan lag ma gtogs te/ de dag la zag pa med pa'i lam med pa'i phyir ro// byang chub kyi phyogs dang mthun pa la gnas skabs gang du shes nas dad? pa thob par rig bar bya zhe na// bden gsum mthong na tshul khrims dang/ /chos la shes nas dad pa thob/ /lam mngon rtogs ni sangs rgyas dang/ de yi dge 'dun dag la yang// sdug bsngal dang kun 'byung ba dang/ 'gog pa'i bden pa rnams mngon par rtogs na chos la shes nas dad pa dang/ 'phags pa dgyes pa'i tshul khrims rnams 'thob bo// lam gyi bden pa mngon par rtogs na sangs rgyas dang de'i nyan thos kyi dge 'dun la shes nas dad pa thob ste/ gang zhig de gnyis la dad pa de ni sangs rgyas su byed pa'i chos mi slob pa dang/ dge 'dun byed ba'i chos slob ba dang/ mi slob pa rnams la'o// yang zhes bya ba'i sgras ni tshul khrims dang/ chos la shes nas dad bdag kyang thob par ston to// 'dir gang la chos su dgongs pa yin zhe na/ chos bden gsum dang rang sangs rgyas// byang chub sems dpa' i lam yin no/ /de dag ni dad pa'i gzhi'i bye brag las ming gi sgo nas shes nas dad pa bzhi zhes bya'o// rdzas su gnyis te dang

  538. 269b

    pa dang/ tshul khrims dang/ sangs rgyas dang/ chos dang dge 'dun la shes nas dad pa rnams ni dad pa'i rang bzhin dag go/ 'phags pa dgyes ba'i tshul khrims rnams ni tshul khrims kho na'o// shes nas ngad ba rnams ni gcig tu/ dri ma med pa yin/ zag pa med pa zhes bya ba'i tha tshig go/ mdo las slob pa rnams ni lam yan lag brgyad dang ldan no/ /mi slob ba rnams ni bcu dang ldan no zhes gsungs pa/ ci'i phyir slob ba la yang dag pa'i rnam par grol ba dang/ yang dag ba'i shes pa ma bshad ce na/ bcings phyir slob ba'i yan lag tu// rnam grol ma bshad slob pa ni nyon mongs pa'i 'ching ba'i phyogs gcig gis bcings pa yin pas 'di la rnam bar grol ba zhes ma gsungs so/ /rnam par grol ba med pa'i phyir rnam par grol ba'i shes pa yang med do// de rnam gnyis 'dus byas dang 'dus ma byas ba'o// de la nyon mongs bcom pa 'dus ma byas/ mos pa 'dus ma byas nyon mongs pa spangs pa ni rnam grol 'dus ma byas ma yin no// mi slob pa'i mos ba ni 'dus byas so// yan lag ni de yin/ 'dus byas ba'i mos pa de nyid mi slob pa'i yan lag tu bshad de/ yan lag rnams 'dus byas ba'i phyir ro// de nyid rnam grol gnyis/ sems rnam par grol ba dang/ shes rab rnam par grol ba'o// byang chub ji skad bshad shes ba/ sngar byang chub bshad ba gang zad pa dang mi skye ba shes pa de nyid 'dir yang dag ba'i shes pa'o// sems ji ltar rnam par grol zhe na/ mi slob sems ni skye 'gyur ba/ /sgrib pa las ni rnam grol 'gyur/ /mi slob pa'i sems ma 'ongs pa sgrib pa rnams las grol lo/ /gnas skabs gang ba'i lam gyis de'i sgrub pa spong zhe na/ 'gag par 'gyur ba'i lam gyis ni/ /de yi sgrib ba rab tu spong/ /da ltar gyi zhes bya ba'i tha tshig

  539. 270a

    go/ rnam par grol ba 'dus ma byas bshad pa gang yin pa dang/ khams gsum po spangs pa'i khams dang/ 'dod chags dang bral ba'i khams dang/ 'gog pa'i khams zhes 'byung ba gang yin pa de dag la khyad par ci yod ce na/ 'dus ma byas nyid khams zhes bya/ rnam par grol ba 'dus ma byas pa de nyid khams gsum yin no/ de la yang/ 'dod chags kun zad 'dod chags bral/ /'dod chags spangs pa ni 'dod chags dang bral ba'i khams yin no// spangs pa'i khams ni gzhan dag go/ 'dod chags las gzhan nyon mongs pa spangs pa ni spangs pa'i khams yin no// 'gag pa'i khams zhes bya ba gzhi/ /yang dag par zad pa zhes bya ba kho nar sbyar te/ nyon mongs pa la ma gtags pa'i gzhi spong ba ni 'gog pa'i khams yin no/ /dngos po gang gis yid 'byung bar 'gyur ba'i dngos po des 'dod chags dang bral bar 'gyur ram zhe na/ mu bzhi'o/ /ji ltar byas pas shes na/ sdug bsngal rgyu bzod shes rnams kyis// yid 'byung sdug bsngal dang kun 'byung gi bzod pa dang/ shes pa rnams kho nas yid 'byung ngo/ /gang gis yongs 'gyur ba/ kun gyis 'dod chags dang bral bar 'gyur/ sdug bsngal la sogs pa la bzed pa dang shes pa dag gis nyon mongs pa spyod par 'gyur ba thams cad kyis kyang 'dod chags dang bral bar 'gyur ro// de lta na ni mu bzhi srid// de la sdug bsngal dang/ kun 'byung la bzod pa dang/ shes pa rnams kyis nyon mongs pa mi spong na yid 'byung ba kho na yin no// 'gog pa dang lam la bzod pa dang shes pa rnams kyis nyon mongs pa dag spong na 'dod chags dang bral ba kho na yin no/ /snga ma rnams kyis nyon mongs pa dag spong na gnyis ka yin no/ /

  540. 270b

    phyi ma rnams kyis nyon mongs pa dag mi spong na gnyis ka ma yin no// de la 'jig rten gyi lam gyis 'dod chags dang bral ba zhig bden pa rnams la lta na chos shes pa'i bzod pa rnams kyis nyon mongs pa dag mi spong ngo// shes pa rnams kyis sbyor ba dang/ rnam par grol ba dang/ khyad par can gyi lam gyis bsdus pa rnams kyang mi spong ngo// lam dang gang zag bstan pa zhes bya ba mdzod kyi gnas drug pa'o// //bzod pa rnams dang/ shes pa rnams dang/ yang dag ba'i lta ba rnams dang/ yang dag pa'i shes pa zhes kyang 'byung na/ ci bzod pa dag yin la/ shes pa ma yin nam/ yang dag pa'i shes pa yin la yang dag pa'i lta ba ma yin nam zhe na/ dri med bzod rnam shes pa min// des spang bar bya ba'i phra rgyas the tshom ma spangS pa'i phyir ro// de dag yang dag par rtog pa dang/ yongs su tshol ba'i phyir lta ba dag yin no/ /ji ltar bzod pa rnams lta ba yin gyi shes pa rnams ma yin pa de bzhin du/ zad dang mi skye'i blo lta min/ /yang dag par rtog pa med pa dang/ yongs su 'tshol ba'i bsam pa can ma yin pa'i phyir ro// de las gzhan 'phags blo gnyis ka/ bzod pa dang/ zad pa dang mi skye ba shes pa dag las gzhan pa zag pa med pa'i shes rab ni lta ba dang shes pa yang yin no/ /gzhan shes 'jig rten gyi shes rab bo/ /drug ni lta ba 'ang yin lta ba lnga dang/ 'jig rten pa'i yang dag pa'i lta ba dang/ 'jig rten pa'i shes rab rnam pa de drug lta ba yin gyi gzhan ni lta ba ma yin no// 'di dag dang gzhan dag kyang shes pa ni yin no/ /ji snyed cig gis shes pa thams cad bsdus zhe na/ shes pa bcu bsdus so/ /mdor bsdu na/ shes pa zag bcas zag pa med/ /de gnyis las kyang dang po kun rdzob ces bya'o/ /zag pa dang bcas gang yin pa de ni kun rdzob shes

  541. 271a

    pa yin no/ /zag med rnam gnyis chos dang ni/ /rjes su shes pa kho na yin/ shes pa gnyis po de dag ni gsum yin no/ /de la kun rdzob yul ni thams cad do// kun rdzob shes pa'i dmigs ba ni chos thams cad do/ /chos zhes bya ba'i spyod yul ni/ 'dod sdug bsngal sogs/ chos shes pa'i dmigs pa ni 'dod pa na spyod pa'i sdug bsngal dang/ de'i kun 'byung ba dang/ 'gog pa dang/ lam rnams yin no/ /rjes shes pa'i spyod yul gong ma'i sdug bsngal sogs/ rjes su shes pa'i dmigs pa ni gzugs dang gzugs med pa na spyod pa rnams kyi sdug bsngal la sogs pa'o// de dag nyid bye brag gis bzhi ste/ sdug bsngal la sogs pa'i shes pa rnams yin te de la dmigs pa'i phyir ro// rnam bzhi de dag ni mi skye ba dang zad pa shes de dag chos dang rjes su shes pa bzhi ste/ zad pa shes pa dang/ mi skye ba shes pa zhes bya'o// de gnyis dang po skyes pa ni sdug bsngal rgyu rjes su shes pa yin sdug bsngal dang kun 'byung gi rnam pa rnams kyis srid pa'i rtse mo'i phung po la dmigs pa'i phyir ro// bzhi las pha rol sems rig pa/ pha rol gyi sems kyi rig pa ni chos dang rjes su shes pa dang/ lam dang kun rdzob shes pa rnams su blta bar bya'o// de'i des pa ni 'di yin te/ des ni sa dbang gang zag 'das/ /zhig dang ma skyes mi rig go/ sa 'das pa mi rig pa ni bsam gtan 'og ma'i sa pas bsam gtan gong ma'i sa ba'o/ /dbang po 'das ba ma shes ba ni dad pas mos pa dang/ bu kyis rnam par grol ba'i lam gyis mthong bas thob pa dang dus dang mi sbyor bar rnam par grol ba'i lam mo// gang zag 'das pa mi shes pa ni phyir mi 'ong ba dang dgra bcom pa dang nyan thos dang/ rang sangs rgyas dang

  542. 271b

    sangs rgyas kyi lam 'og mas gong ma'o// zhig pa dang ma skyes pa mi shes pa ni 'das pa dang ma 'ongs pa'o// gzhan yang chos rjes blo ma phyogs phan tshun min// pha rol gyi sems shes pa chos shes pa'i phyogs mthun pas rjes su shes pa'i phyogs dang mthun pa'i sems mi shes so// de bzhin du gzhan gyis gzhan yang ngo/ /mthong ba'i lam la pha rol gyi sems shes pa med do/ /de'i dmigs pa ni yod de/ de la pha rol gyi sems shes pas mthong ba'i lam shes par 'dod pas sbyor ba byas na/ nyan thos mthong ba'i skad cig gnyis// rig ste bse ru lta bus gsum// sangs rgyas sbyor ba med par kun// pha rol gyi sems shes pas skad cig ma gnyis shes pa ste/ sdug bsngal la chos shes pa'i bzod pa dang chos shes pa'o/ /rjes su shes pa'i phyogs dang mthun pa la dmigs pa ni sbyor ba gzhan gyis bsgrub par bya ba yin pa'i phyir ro// rang sangs rgyas kyis ni dang po gnyis dang/ brgyad pa kun 'byung ba la rjes su shes pa dang gsum zhes te sbyor ba chung ba'i phyir ro// gzhan dag na re dang po gnyis pa dang/ bco lnga pa rnams shes so zhes zer ro// sangs rgyas kyis ni sbyor ba med par mthong ba'i lam gyi skad cig ma thams cad mkhyen te// yang zad pa shes pa dang mi skye ba shes pa dag la khyad par ni yod ce na/ zad pa shes pa bden rnams la// yongs shes la sogs nges pa'o/ /yongs shes byar med ces la sogs/ /mi skye ba yi blor 'dod do/ /sdug bsngal la sogs pa rnams la yongs shes/ spangs mngon sum du byas bsgoms pa nyid kyi nges pa ni zad pa shes pa'o// de bzhin du yongs su shes par bya ba med pa nas bsgom par bya ba med do zhes bya ba'i bar gyis des pa ni mi skye ba'i shes pa'o/ /de ltar de dag ni shes pa bcu ste/

  543. 272a

    chos shes pa dang rjes su shes pa dang/ kun rdzob shes pa dang/ pha rol gyi sems shes pa dang/ kun 'byung shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa'o/ /ci'i phyir de dag gsum yod la bcur rnam par bzhag ce na/ rang bzhin dang ni gnyen po dang/ /rnam pa rnam pa spyod yul dang/ /sbyor dang bya ba byas nyid dang/ /rgyu rgyas pa las bcu yin no/ /rang bzhin las ni kun rdzob shes pa ste/ don dam par ni mi shes pa'i phyir ro// gnyen po las ni chos dang rjes su shes pa dag ste/ 'dod pa'i khams dang/ khams gong ma'i gnyen po yin pa'i phyir ro// rnam las ni sdug bsngal dang/ kun 'byung ba shes pa dag ste/ rdzas la dmigs pa tha mi dad pa'i phyir ro/ /rnam pa dad dmigs pa las ni 'gog pa dang lam shes pa dag ste/ rnam pa dang dmigs pa tha dad pa'i phyir ro/ /sbyor ba las ni pha rol gyi sems shes pa ste/ sems shes par bya ba'i don du sbyor ba byas pa las grub pa'i phyir sems las byung ba yang shes so// bya ba byas pa las ni zad pa zhes pa ste/ bya ba byas pa'i rgyud la dngos po nyid du skye ba'i phyir ro/ /rgyu rgyas pa las ni mi skye ba shes pa ste/ zad pa med pa'i shes pa thams cad kyi rgyu can yin pa'i phyir ro// thams cad kyi gnyen po thams cad yin pa'i phyir chos shes pa 'dod pa'i khams kyi gnyen po zhes bshad par zad kyi/ bsgom pa'i lam la 'gog ba'i lam// lam la chos shes gang yin de// khams gsum gyi ni gnyen po yin// 'gog pa dang lam la chos shes pa'i bsgom pa'i lam gyis bsdus pa dag ni khams gsum char gyi gnyen po yin no// 'dod pa'i khams kyi rjes ma yin// shes pa bcu po de dag las//

  544. 272b

    chos shes pa dang rjes su shes/ /rnam pa bcu drug de dag ni 'og nas bshad par bya'o// kun rdzob ni de bzhin gzhan duAng/ rnam pa bcu drug dang ldan pa yang yin la/ gzhan gyi rnam pa can yang yin te/ chos thams cad kyi rang dang spyi'i mtshan nyid la sogs pa 'dzin pa'i phyir ro/ /rang rang gi bden pa'i rnam pas bzhi yin no// sdug bsngal gyi bden pa la sogs pa rnams ni rang rang gi bden pa'i rnam pa dag tu 'jug pa re re zhing rnam pa bzhi bzhi yin no// pha rol yid shes dri med kyang/ /de bzhin rnam pa bzhi dang ldan pa yin te/ lam shes pa yin pa'i phyir ro/ /dri ma dang bcas ni shes bya'i rang gi mtshan nyid rnam thag pa dang bcas pa ni shes bya sems dang sems las byung ba rnams kyi rang gi mtshan nyid gang yin pa de ni rnam pa 'dzin pa'o// gnyis ka yang/ rdzas re re zhig sbyod yul lo// gang gi tshe sems 'dzin pa de'i tshe sems las byung ba rnams mi 'dzin la/ gang gi tshe tshor ba 'dzin pa de'i tshe 'du shes mi 'dzin ces bya ba de lta bu la sogs pa'o/ /lhag ma rnam pa bcu bzhi can// stong dang bdag med ma gtogs so// zad pa dang mi skye ba'i shes pa dag ste/ de gnyis ni stong ba dang bdag med pa'i rnam pa dag ma gtogs pa rnam ba bcu bzhi yin no/ /don dam pa pa dag yin kyang kun rdzob la brten pa'i phyir ro/ /ci zag pa med pa la rang gi mtshan nyid kyi rnam pa yod dam/ 'on te med ce na/ dri med bcu drug gzhan rnam med/ /rnam pa bcu drug ma gtogs pa// zag pa med pa'i rnam pa med do// gzhan yod ces pa bstan bcos las// gzhan nyi 'og pa rnams na re yod ces zer ro// bstan bcos las 'di skad du/ mi ldan pa'i sems kyis 'dod pa dang ldan pa'i chos rnams shes pa na

  545. 273a

    'di ni gnas yod do/ /'di ni gzhi yin no ces bya bar shes par 'gyur bar zhes bya ba sbyor bar byed pas rnam par shes pa zhes bya ba'i bar ro/ /yang ci rnam pa bcu drug po 'di ming du 'am rdzas su yod ce na/ rdzas su rnam pa bcu drug go/ de la rkyen la rag lus pa'i phyir mi rtag pa'o/ /gnod pa'i bdag nyid yin pa'i phyir sdug bsngal ba'o/ /bdag gir lta ba'i mi mthun pa'i phyogs kyis stong pa'o/ /bdag tu lta ba'i mi mthun pa'i phyogs kyis bdag med pa'o/ /sa bon gyi chos kyi tshul gyis rgyu'o/ /'byung ba'i tshul gyis kun 'byung ba'o/ /'brel pa'i tshul gyis rab tu skye ba'o/ /mngon par 'grub pa'i don gyis rkyen no// phung po zhig pa'i phyir 'gog pa'o/ /me gsum zhi ba'i phyir zhi ba'o/ /'tshe ba med pa'i phyir gya nom pa'o/ /skyon thams cad dang bral ba'i phyir nges par 'byung ba'o/ /bgrod par bya ba'i don gyis na lam mo/ /rigs pa dang ldan pa'i phyir rig pa'o/ /yang dag par bsgrub pa'i don gyis sgrub pa'o// shin tu yang dag par 'da' bar byed pa'i phyir nges par 'byin pa'o/ /rnam pa zhes bya bar chos 'di ci zhe na/ rnam par shes rab yang ci shes rab kho nas 'dzin par byed dam zhe na/ smras pa ma yin no/ /'o na ji lta bu zhe na/ dang bcas pa'i dmigs pa dang bcas par 'dzin par byed/ shes rab dang gzhan yang dmigs pa dang bcas pa'i chos rnams kyis 'dzin bar byed do/ /yod pa thams cad gzung bya yin/ /gang ci yod kyang rung thams cad gzung bar bya ba yin no/ /shes pa bcu po rnams kyis dge ba la sogs pa'i dbye ba brjod de/ dang po rnam gsum dge ba dang mi dge ba dang lu du?

  546. 273b

    ma bstan no?/ /gzhan rnams dge/ shes pa dgu po ni dge ba kho na yin no/ /dang po sa rnams thams cad na/ /'dod pa'i khams nas srid pa'i rtse mo'i bar ro/ /drug ni chos shes bya/ bsam gtan bzhi dang/ mi lcogs pa med pa dang/ bsam gtan khyad par can na'o// dgu na rjes zhes bya ba drug la gzugs med pa gsum bsnan nas so/ /de bzhin drug sdug bsngal dang/ kun 'byung dang 'gog pa dang lam dang zad pa dang mi skye bshes pa rnams kyang sa dgu po de dag nyid na'o/ /gzhan yid shes pa bsam gtan bzhi/ /pha rol gyi sems shes pa ni bsam gtan bzhi na'o// de ni 'dod dang gzugs bsten can/ /'dod pa dang gzugs kyi khams su de mngon sum du byed do/ /chos zhes bya ba 'dod rten can// khams gsum pa yi rten can gzhan/ /pha rol gyi sems dang chos shes pa ma gtogs pa khams gsum du mngon sum du byed do/ /sa dang rten bshad zin to/ /dran pa nye bar gzhag pa'i bsdus pa brjod par bya ste/ 'gog blo dran pa nyer gzhag pa/ /gcig ste 'gog pa shes pa gcig ni chos dran pa nye bar gzhag pa'o/ /pha rol sems blo ni gsum mo/ /pha rol gyi sems shes pa ni gsum ste/ tshor ba dang/ sems dang/ chos dran pa nye bar gzhag pa yin no/ /lhag ma bzhi yin no/ /'gog pa dang pha rol gyi sems shes pa dag las gzhan rnams ni dran pa nye bar gzhag pa bzhi car ro/ /shes pa gang gi dmigs pa shes pa du yin zhe na/ chos blo'i spyod yul dgu yin no/ /rjes su shes pa ma gtogs pa'o/ /lam rjes blo yi dgu yin no/ /go rims bzhin du kun rdzob dang/ chos shes pa las gzhan pa'o/ /sdug bsngal rgyu blo'i gnyis yin no/ /kun rdzob dang/

  547. 274a

    gzhan gyi sems shes pa dag go/ bzhi yi bcu yin/ kun rdzob dang gzhan gyi sems shes pa dang/ zad pa dang mi skye ba shes pa rnams gyi dmigs pa bcu ka'o/ /gcig gi min 'gog pa shes pa'i dmigs pa ni shes pa ma yin pa nyid do/ /chos bcu dag ni sbyar bar bya/ /bcu gang zhe na/ khams gsum pa dang dri med chos/ /'dus ma byas rnams gnyis gnyis so/ /chos 'dus ma byas rnams la 'dod pa dang/ gzugs dang/ gzugs med pa na spyod pa dang/ zag pa med pa rnams mtshungs par ldan pa dang/ ldan pa ma yin pa'i bye brag gis rnam pa brgyad du bya'o/ /'dus ma byas rnams la dge ba dad/ lung du ma bstan pa'i bye brag gis rnam par? gnyis su bya'o/ /chos bcu po'i dag ji ltar sbyar bar bya zhe na/ /shes pa gang gi dmigs pa du zhig yin zhes sbyar bar bya zhe na/ de la kun rdzob shes pa'i dmigs pa ni chos bcu po thams cad yin no/ /chos shes pa'i ni lnga ste 'dod pa na spyod pa dang/ zag pa med pa bzhi dang/ /'dus ma byas dge ba yin no/ /rjes su shes pa ni bdun te gzugs dang gzugs med pa spyod pa dang/ zag pa med pa drug dang/ 'dus ma byas dge ba yin no// sdug bsngal dad /kun 'byung shes pa dag gi ni drug ste/ 'dod pa dang gzugs dang gzugs med pa na spyod pa rnams so/ /'gog pa shes pa ni gcig ste 'dus ma byas dge ba kho na'o/ /lam shes pa ni gnyis te/ zag pa med pa dag go/ gzhan gyi sems shes pa ni gsum ste/ 'dod pa na spyod pa dang/ gzugs ni spyod pa dang/ zag pa med par mtshungs par ldan pa rnams so/ /zad pa dang mi skye ba shes pa dag gi dmigs pa ni chos dgu ste/

  548. 274b

    'dus ma byas lung du ma bstan pa ma gtogs so/ /shes pa gcig gis thams cad shes par 'gyur ba yod dam zhe na/ med do 'on kyang kun rdzob gcig pus rang tshogs las/ /gzhan ni bdag med nyid rigs 'gyur/ /kun rdzob shes pas ni rang gi tshogs las gzhan pa'i chos thams cad ni bdag med pa'o zhes bdag med pa nyid du shes par 'gyur ro/ /de ni rdzogs so/ /gang zhig shes pa du dang ldan pa zhes bya ba 'di brjod par bya ste/ re zhig so so'i skye bo ni kun rdzob shes pa gcig pu dang ldan no/ /'dod chags dang bral ba zhig yin na ni pha rol gyi sems shes pa dang yang ngo/ /'phags pa ni zag med skad cig dang po la/ chags bcas shes pa gcig dang ldan/ /'dod pa las 'dod chags dang ma bral ba zhig yin na sdug bsngal la chos shes pa'i bzod pa la kun rdzob shes pa gcig kho na dang ldan no /gnyis pa la gsum/ sdug bsngal la chos shes pa la ni kun rdzob shes pa dang/ chos shes pa dang/ sdug bsngal shes pa ste/ /gsum dang ngo// yan chad ni bzhi la re re 'phel dang ldan/ /sdug bsngal la rjes su shes pa la ni rjes su shes pa 'phel la/ kun 'byung ba dang 'gog pa dang lam la chos shes pa rnams la ni de dag kho na 'phel lo// 'dod chags dang bral ba zhig yin na ni thams cad du gzhan gyi sems shes pa lhag par ldan par rig par bya'o/ /yang gnas skabs gang du shes pa du zhig 'thob ce na/ mthong ba'i lam la bzod pa dang shes pa ji ltar skyes ba rnams/ /ma 'ongs pa 'thob/ mthong ba'i lam la bzod ba 'am/ shes pa gang dang gang skyes pa de dang 'dra ba ma 'ongs pa de'i rnam pa bzhi kho na thob par 'gyur ro/ /de nyid la rjes gsum la ni kun

  549. 275a

    rdzob kyang/ mthong ba'i lam de nyid la sdug bsngal dang/ kun 'byung ba dang/ 'gog pa la rjes su shes pa gsum la kun rdzob shes pa yang 'thob bo/ /chos shes pa la ni ma yin te/ bden pa zad bar mngon bar ma gtogs pa'i phyir ro/ /de phyir mngon rtogs mdza' zhes bya/ /de nyid kyi phyir kun rdzob shes pa de ni mngon par rtogs pa'i mdza' las byung ba'o/ /de res dga' mngon sum du byed dam zhe na/ nam yang mi byed de/ mdza' gcig tu de ni mi skye'i chos can yin/ /sa du pa'i kun rdzob shes pa de 'thob ce na/ mthong ba'i lam gyis ni rang dang 'og sa mthong ba'i lam sa gang yin pa'i su de pa dang/ 'og ma'i kun rdzob shes pa 'thob ste/ gal te mi lcogs med pa'i sa pa zhig yin na ni/ de nyid kyis pa dang/ 'dod pa na spyod pa 'thob bo/ /gzhan la yang de bzhin no// de yang dran pa nye bar gzhag pa du dag yin zhe na/ 'gog pa'i mdza' 'gog par mngon par rtogs pa las chos dran pa nye bar gzhag pa'o/ /lhag ma dran pa nye bar gzhag pa bzhi char ro/ /de yang 'di mngon par rtogs pa'i mdza' las byung ba ni/ rang bden rnams can 'bad las byung /bden pa gang zhig mngon par rtogs pas thob pa de ni bden pa'i rnam ba can kho na'o mthong lam gyis thob par bya ba yin pa'i phyir sbyor ba las byung ba yin no zhes bya ba'i tha tshig go/ chags bcas bcu drug pa la drug/ 'dod chags dang ma bral ba la ni lam la rjes su shes pa'i skad cig ma la shes pa gnyis da ltar byung ba yin te/ lam shes pa dang/ lam la rjes su shes pa'o/ /ma 'ongs pa drug 'thob ste/ chos shes pa dang/ rjes su shes pa dang/ sdug bsngal dang/ kun 'byung dang/ 'gog pa dang/ lam shes ba rnams so// 'dod la chagS

  550. 275b

    dang bral ba bdun/ bdun pa ni pha rol gyi sems shes pa'o/ de'i gong ma chags bcas kyi/ /bsgom pa'i lam la bdun thob bo/ /skad cig ma bcu drug gi gong ma ji srid du 'dod pa las 'dod chags dang bral ba ma yin pa de srid du sbyor ba dad bar chad med pa dang rnam par grol ba dang/ khyad par gyi lam thams cad la shes pa bdun 'thob ste/ drug po dang/ kun rdzob kyi shes pa bdun pa yin no/ /sa bdun las rgyal mngon shes dang/ mi g.yo thob dang sprel bsgom pa'i/ /bar chad med pa'i lam dag dang/ gong ma'i grol ba'i lam brgyad la'ang/ sa bdun ni bsam gtan bzhi dang/ gzugs med pa gsum mo/ /de dag las 'dod chags dang bral ba dad/ mngon par shes pa lnga dang mi g.yo rtogs par byed pa dang/ bsam gtan sprel mar bsgom ba slob pa bar chad med pa'i lam ji snyed pa de thams cad la shes pa bdun 'thob ste de dag nyid do/ /mi g.yo ba rtogS par byed pa la ni kun rdzob shes pa ni mi 'thob ste/ der ni zad pa shes pa bdun pa yin no/ /srid pa'i rtse mo'i 'dod chags dang bral ba'i rnam par grol ba'i lam brgyad la yang shes pa bdun po kho na 'thob ste/ gzhan gyi sems shes pa ni bdun pa yin la kun rdzob shes pa ni ma yin te/ srid pa'i rtse mo'i gnyen po yin pa'i phyir ro/ /slob pa sbyong pa'i grol ba la/ shes pa drug dang bdun 'thob bam/ /slob pa spyod pa'i rnam par grol ba'i lam la 'dod chags dang bcas pas ni drug 'thob bo/ /'dod chags dang bral pa la pha rol gyi sems shes pa ni bdun pa yin no/ /bar chad med pa'i lam la drug/ slob pa spyod pa'i bar chad med lam la drug 'thob bo/ /de bzhin srid rtse'i rnam rgyal la'ang/ /srid pa'i rtse mo las

  551. 276a

    'dod chags dang bral ba'i bar chad med pa'i lam la yang de bzhin drug 'thob po/ /zad pa shes pa la dgu'o/ /mi skye ba shes pa las gzhan rnams so/ /mi g.yo bas ni bcu 'thob bo/ /mi g.yo ba'i chos can gang yin pa nges ni bcu cher 'thob bo/ /der 'pho grol ba'i tha ma'ang gang zhig mi g.yo ba nyid du 'pho ba de'i rnam par grol ba'i lam tha ma yang bcu 'thob bo/ /bshad pa'i lhag ma la brgyad 'thob bo/ /lhag ma yang gang zhig can/ 'dod pa'i 'dod chags dang bral ba'i rnam par grol ba'i lam dgu pa dang/ sa bdun pa las 'dod chags dang bral ba dang/ mngon par shes pa dang sbel mar bsgom pa dag gi rnam par grol ba'i lam rnams dang/ mi g.yo ba rtogs par byed pa'i rnam par grol ba'i lam brgyad dang/ 'dod chags dang bral ba'i sbyor ba dang/ khyad par can gyi lam thams cad de/ de dag thams cad la ni zad pa dang mi skye ba shes pa ma gtogs pa shes pa brgyad ma 'ongs pa 'thob bo/ /yang lam gang las du ba'i shes pa 'thob ce na/ re zhig kun rdzob shes pa ni lams gang yin pa dang/ dang po nyid du sa gang ba sa de pa'i ma 'ongs pa 'thob bo/ /zag pa med pa ni lam sa gang yin pa 'ba' zhig tu yang ma zad de/ 'o na ji lta bu zhe na/ gang las chags bral bya phyir gang/ /thob pa der yang 'og gang 'thob/ /sa gang las 'dod chags dang bral bar bya ba la yang sbyor ba'i lam la sogs pa rnam pa gnyis yin la/ 'dod chags dang bral bas sa gang zhig 'thob pa de'i sa pa dang sa 'og ma'i zag pa med pa'i shes pa rnams thob par 'gyur ro/ /zad pa shes la zag bcas kyang/ /zad pa shes pa la ni zag pa dang bcas pa'i yon tan

  552. 276b

    mi sdug pa dang/ dbugs 'byung ba dang/ rdub pa dran pa dang/ dran pa nye bar gzhag pa dang/ tshad med pa dang/ rnam par thar pa la sogs pa gang gi rnyed pa de thams cad 'thob bam zhe na/ gang sngon med pa de rnyed kyi/ sa kun sngon rnyed mi 'thab// gang rnam par nyams pa las gang rnyed pa de yang mi 'thob ste/ thob pa btang ba'i phyir ro/ /ci thob pa rnyed pa kho na yin zhe na/ smras pa ma yin no// thob pa ni rnam pa bzhi ste/ de la rnyed dang bsten ces bya ba ni/ /dge ba 'dus byas thob pa'o/ /gnyis po dang ni thag bsring ba'i/ /thob pa thag dang bcas pa yin/ /rnyed pa dang bsten pas thob pa dag ni dge ba dang 'dus byas rnams kyi yin te/ ma 'ongs pa rnams kyi gcig go/ da ltar byung ba rnams kyi gnyis ka'o// gnyen po dang thag bsring pa'i thob pa dag ni zag pa dad bcas pa'i chos rnams kyi yin no/ /gang zag thams cad kyi zad pa shes pa'i yon tan thob pa sbyir bshad kyi/ sangs rgyas chos ni ma 'dres ba/ /stobs la sogs pa bco brgyad do/ /stobs bcu dang/ mi 'jigs pa bzhi dang/ dran pa nye bar gzhag pa gsum dang/ thugs rje chen po ste/ 'di rnams bcom ldan 'das kyi zad pa mkhyen pa kho nas rnyed par 'gyur ro/ /de la gnas dang gnas min shes pa bcu/ /las 'bras la brgyad/ las dang rnam par smin pa'i stobs ni shes pa brgyad de/ 'gog pa dang lam shes pa dag ma gtogs so/ /bsam gtan sogs/ dbang po sros dang khams dad ni/ /dgu'o bsam gtan dang rnam par thar pa dang/ ting nge 'dzin dang snyoms par 'jug pa mkhyen pa'i stobs ni shes pa dgu ste/ 'gog pa shes pa ma gtogs pa'o/ /dbang po mchog dad mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ khams sna tshogs mkhyen pa'i stobs kyang de bzhin du rig

  553. 277a

    par bya'o/ /lam dag la bcu 'am/ 'am gyi sgra las dgu zhes pa yang ngo/ /gal te lam de 'bras bu dang bcas par gzung na ni shes pa bcu'o/ /gal te ma yin na ni dgu ste/ de dag kho na'o/ /gnyis ni kun rdzob shes pa yin // sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dag ni kun rdzob shes pa'o/ /zad pa drug gam bcu yin no/ /zag pa zad pa 'am mkhyen pa'i stobs ni shes pa drug ste chos shes pa dang/ rjes su shes pa dang/ 'gog pa shes pa dang/ zad pa shes pa dang/ mi skye ba shes pa dang/ kun rdzob shes pa rnams te/ gal te zag pa zad pa 'gog pa shes pa kho na zhig yin no/ /'on te zad pa shes pa zag pa zad pa'i rgyud la yod pa yin na ni nges na shes pa bcu yin no/ /rang bzhin bcu yin no/ /rang bzhin bshad nas brjod pa/ sngon gnas 'chi 'pho skye ba'i stobs/ /bsam gtan dag na/ sngon gyi gnas dang/ 'chi 'pho ba dang skye ba mkhyen pa'i stobS ni bsam gtan bzhi'i sa pa'o/ /lhag ma ni sa rnams kun na de dag kyang 'dod pa'i khams dang mi lcogs pa med pa dang/ bsam gtan khyad par can dang bsam gtan dang/ gzugs med pa dag ste bcu gcig go/ sheS pa rnaM? pa bcu po de nyid gzhan gyi stobs zhes mi bya'i/ /sangs rgyas kho na'i stobs zhes bya ste ci'i phyir 'di stobs gang phyir thogs mi mnga' / /gang gi phyir 'di'i mkhyen pa shes bya thams cad la thogs pa mi mnga' bar 'jug pa'i phyir ro// re zhig de ltar na mkhyen pa thogs pa mi mnga' ba'i phyir sangs rgyas rnams kyi yid kyi stobs ni shes bya bzhin du mdza' yaS pa yin no/ /sku la srid med bu yi stobs// gzhan dag tshigs na/ gzhan dag na re tshig dang tshigs na sred med kyi bu'i stobs mnga' o

  554. 277b

    zhes zer ro/ /sred med kyi bu'i stobs kyi tshad ji tsam zhes na/ glang chen sogs bdun cus lhag pa'i stobs yin no/ /glang po che phal pa dang/ stobs kyi glang po che dang/ chen po che dang/ rab gnon dang/ yan lag mchog dang/ stobs mchog dang/ sred med kyi bu rnams gong nas gong du bcu 'gyur du bskyed de brjod par bya'o/ /de ni reg bya'i skye mched do/ /lus kyi stobs de ni thams cad kyang reg bya'i skye mched kyi rang bzhin 'byung ba chen po'i khyad par kho nar rig par bya'o/ /stobs rnams bshad zin to/ /mi 'jigs pa ni rnam pa bzhi/ /mod las ji skad du 'byung ba bzhin no/ /de dag kyang ji ltar stobs ni skad du 'byung ba bzhin no/ /de dag kyang ji ltar stobs ni dad lta bar kye mang? mdon par rdzogs par sangs rgyas par gyur pa la zhes bya ba'i mi 'jigs pa 'di yang de dang 'dra'o/ /zag pa zad ba mkhyen pa'i stobs ji lta bar kye ma nga zag pa zad par gyur pa la zhes bya ba'i mi 'jigs pa 'di yang de dang 'dra'o// las bdag gir bya ba mkhyen pa'i stobs ji lta bar ngas gang dag bar du gcod par 'gyur ba'i chos gsungs pa la zhes mi 'jigs pa 'di yang de dang 'dra'o/ /kun tu 'gro ba'i lam mkhyen pa'i stobs ji lta bar ngas gar mnyan thos rnams kyi nges par 'byung ba'i lam du gsungs pa la zhes bya ba'i mi 'jigs pa 'di yang de dang 'dra'o/ /dran pa nye bar gzhag pa ni 'khor gyi bye brag las gsum yin te/ mdo ji lta bar de yang dran dang shes bzhin bdag nyid gsum/ /dran pa nye bar gzhag pa gsum po 'di dag ni dran pa dang shes bzhin gyi bdag nyid yin no/ /thugs rje chen po kun rdzob blo/ /thugs rje chen po na kun rdzob shes pa'i bdag nyid do/ /ci'i phyir thugs rje chen po zhes bya zhe na/ tshogs dang rnam pa spyod yul dang/ /mnyam pa'i phyir dang ches che'i

  555. 278a

    phyir/ /tshogs ni bsod nams dang ye shes kyi tshogs chen pos yang dag par grub pa'i phyir ro/ /rnam pa ni sdug bsngal gsum la rtog pa'i phyir ro/ /dmigs pa ni khams gsum la dmigs pa'i phyir ro// mnyam pa nyid ni sems can thams cad la 'dra bar 'jug pa'i phyir ro/ /ches che ba nyid ni de las che ba med pa'i phyir ro/ /snyi rje dang thugs rje chen po gnyis la tha dad du bya ba ci yod ce na/ tha dad bya ba rnam pa brgyad/ ngo bo nyid las ni zhe sdang med pa dang/ gti mug med pa'i ngo bo'i phyir ro/ /rnam pa las ni sdug bsngal gcig dang/ gsum gyi rnam pa can gyis so/ /dmigs pa las ni khams gcig dang/ gsum gyi sems can la dmigs pas so/ /sa las ni bsam gtan bzhi dang bsam gtan bzhi ba'i sa pas so// rgyud las ni nyan thos la sogs pa dang/ sangs rgyas kyi rgyud la skyes pas so/ /thob pa las ni 'dod pa'i khams dang/ srid pa'i rtse mo'i 'dod chags dang bral bas thob pa'i phyir ro/ /yongs su mi skyob pa dang/ yongs su skyob pa dang/ mi 'dra ba dang/ 'dra bar thugs rje chen po mdzad pa'i phyir ro/ /ci sangs rgyas thams cad kyis mnyam pa yin zhe na/ sangs rgyas thams cad tshogs dang ni/ /chos sku 'gro ba'i don spyod paS/ /mnyam pa nyid de sku tshe dang/ /rigs dang sku bong tshod kyis min/ /sangs rgyas thams cad ni rgyu gsum po sngon gyi bsod nams dang ye shes kyi tshogs kyis yang dag par 'grub pa dang/ chos kyi sku yongs su 'grub pa dang/ 'jig rten gyi don spyod bas mnyam pa nyid yin no/ /sku tshe dang rigs dang gdung dang/ sku bod? tshod du mdzad pa la ni bye brag yod do/ /re zhig de dag ni sangs rgyas kyi chos ma 'dres pa bco brgyad ces bya'o/ /chos gzhan slob dang thun mong yin/ /kha cig so so'i skye ba dang/ de dag

  556. 278b

    kyang gang zhe na/ nyon mongs med dang smon nas shes/ /so so yang dag rig mngon sogs/ /de la nyon mongs med pa kun rdzo bshes/ /de'i rang bzhin 'di yin te/ bsam gtan mdza' na/ bsam gtan bzhi pa'i sa pa yin te/ lam sla ba rnams kyi mchog yin pa'i phyir ro/ /mi g.yo'i chos dgra bcom pa gzhan gyi ni ma yin no/ mis bskyed gling gsum du bskyed do/ /nyon mongs 'dod gtogs pa/ ma skyes gzhir bcas spyod yul can/ /de'i dmigs pa ni nyon mongs pa 'dod pa na spyod pa ma 'ongs pa gzhi dang bcas pa rnams yin te/ pha rol po dag nyon mongs pa skye bar ma gyur cig ces zhugs pa'i phyir ro/ /nyon mongs pa med pa ji skad du bshad pa smon nas/ shes pa'ang de bzhin no/ /de yang kun rdzob shes pa dang/ bsam gtan kyi mdza' na yod pa dang/ mi g.yo pa'i chos can yin pa dang/ mi'i rten can yin no/ /de'i dmigs pa thams cad do// smon nas shes pa'i dmigs pa ni chos thams cad dang ldan no/ /de bzhin chos don nges tshig dang/ / spobs pa so so yang dag rig/ de bzhin zhes bya ba ni nyon mongs pa med pa mi g.yo ba'i chos can dang/ mi'i rten can bzhin no/ /'di dag ni dmigs pa dang/ sa dang rang gi ngo bo'i bye brag ni tha dad par brjod de/ gsum ni go rims bzhin ming dang/ don dang dag la thogs med shes/ /ming dang tshig dang yi ge'i tshogs rnams dang/ don dang dag la thogs pa med par shes pa ni chos dang/ don dang nges pa'i tshig so so yang dag par rig pa rnams so// bzhi pa rig pa thags thogs med/ mngon spyod lam la dbang nyid la/ /thags thogs med? par mngon par brjod pa nyid dang/ ting nge 'dzin la dbang bar gsal bar bya ba la thogs pa med par shes pa yin no/ /de yi dmigs pa dag dang lam/ de'i

  557. 279a

    dmigs pa ni dag kyang yin la lam yang yin no/ /shes pa dgu'o/ /de'i rang bzhin ni 'gog pa shes pa ma gtogs pa dgu'o/ /sa thams cad 'dod pa nas srid pa'i rtse mo'i bar sa thams cad pa yin no/ /yang dag don rig bcu 'am drug/ gal te chos thams cad yin na ni shes pa bcu'o/ /'on te mya ngan las 'das pa yin na drug ste/ chos dang rjes su shes pa dang/ 'gog pa dang/ zad pa dang mi skye ba dang kun rdzob shes pa rnams so/ /de ni kun na don so so yang dag par rig pa ni thams cad pa'o// gzhan kun rdzob chos dad nges pa'i tshig so so yang dag par rig pa dag ni kun rdzob shes pa'i ? bzhin no/ /chos rig 'dod dang bsam gtan na/ /dag ni 'dod dang dang po na/ /nges pa'i tshig so so yang dag par rig pa ni 'dod pa'i khams dang/ bsam gtan dang po'i sa pa'o/ /mtshang bar ni de thob med/ /gang la gcig yod pa de la so so yang dag par rig pa bzhi char gdon mi za bar yang ngo/ /nyon mongs pa med pa la sogs pa'i yon tan bstan pa gang yin pa/ drug po de dag bar mdza' bas/ /bsam gtan bzhi pa'i stobs kyis 'di dag 'thob bo/ /de ni rnam drug nyon mongs pa med pa dang/ smon nas shes pa dang/ so so yang dag par rig pa gsum dang/ rab kyi mdza' de nyid dad/ drug gi bdag nyid do/ /rab kyi mdza' zhes bya ba ci ni zhe na/ bsam gtan mdza' / bsam gtan bzhi pa'o/ /de nas kun gyis mthun byas/ /'phel ba'i rab tu phyin pa yin/ /'dod pa na spyod pa'i sems las bsam gtan dang po la snyoms par zhugs pa nas rim gyis bsam gtan bzhi pa'i bar dang/ de bzhin du gong ma la yang ste/ de ltar nas thams cad kyis

  558. 279b

    mthun par byas pa yin no/ /de ltar bsgom pa chung du las 'bring dang/ 'bring las chen po la snyoms par 'ju phe? ste/ 'phel ba'i rab yin no/ /yon tan drug po de yang/ sangs rgyas las gzhan sbyor las skyes/ /'dod chags dang bral baS thob pa ni ma yin no/ /re zhig de dag nyan thos thun mng pa'o/ /mngon par shes pa la sogs pa so so'i skye bo dang yang ngo/ /mngon par shes pa gang zhe na/ rdu 'phrul rna ba yid dang ni/ /sngon tshe 'chi 'pho skye ba dang/ /zad shes mngon du bya ba yi/ /mngon shes rnam drug/ de dag las lnga ni so so'i skye bo dang thun mong pa'o/ /de dag thams cad ni rnam sgrol blo/ rnam par grol ba'i lam gyi shes rab kyi rang bzhin yin no/ /bzhi ni kun rdzob shes pa ste/ /sems kyi rnam grangS dang/ zag pa zad pa'i mngon par shes pa ma gtogs pa'o/ /sems la shes pa lnga yin no/ /sems kyi rnam gangs mngon par shes pa ni lnga ste/ chos shes pa dang/ rjes su shes pa dang/ lam dang kun rdzob dang/ pha rol gyi sems shes pa rnams so// zad pa'i mngon shes stobs bzhin no/ /'di ni zag pa zad pa'i mkhyen pa'i stobs ji lta ba bzhin no/ /lnga ni bsam gtan bzhi dag dang/ /mngon par shes pa lnga ni bsam gtan bzhi'i sa pa'o/ /lnga po de dag ni rang dang 'og sa'i yul can yin/ /gong ma'i ni ma yin no/ /'di dag ji ltar 'thob ce na/ ma 'dres pa rnams ni sbyor bas/ thob bya 'dris pa chags bral baS/ /mngon par shes pa ni tsher ba gzhan na goms pa rnams ni 'dod chags dang bral baS 'thob bo/ /gsum pa dran pa nyer gzhag gsum/ /tshor ba dang sems dang chos dran pa nye bar gzhag pa gsum mo/ /dang po rdzu 'phrul rna ba mig/ rdzu 'phrul dang/ lha'i rna ba dang mig gi mngon par shes pa ni lus dran pa nye bar gzhag pa'i 'o/ /lhag

  559. 280a

    ma dag ni dmigs kyis ma phye ba'i phyir dran pa nye bar gzhag pa bzhi char gyi rang bzhin yin no/ /zhes bya bar grub bo/ /mig dang rna ba'i mngon shes ni/ /lung du ma bstan lhag rnams dge/ mig dang rna ba'i mngon par shes pa dag ni de dag dang mtshungs par ldan pa'i shes rab dag yin no/ /de dag ni gtso bo 'am phal che ba bstan pa yin no/ /mngon par shes pa 'di rnams las gsum ni rig pa/ mngon gyi gnas dang/ 'chi 'pho ba dang/ skye ba shes pa dang/ zag pa zad pa'i mngon par shes pa rnams ni mi slob pa'i rig pa gsum po/ /ci'i phyir de dag kho na yin gyi gzhan ma yin zhe na/ sngon mdza' sogs ma rig pa ni bzlog phyir ro/ /'di dag ni sngon dang/ phyi ma'i mdza' dang/ bar la kun du/ rmongs pa bzlog par byed do/ /de dag las kyang don dam par mi slob tha ma/ zag pa zad pa'i mngon par shes pa nyid ni mi slob pa ste/ gnyis ni de'i rgyud la skyes phyir de'i zhes bya/ mi slob pa'i rgyud las skyes pa'i phyir mi slob pa zhes brjod do/ /mngon par shes pa de dag slob pa'i yin par mi 'dod dam zhe na/ slob la 'dod de ma rig dang/ /bcas rgyud phyir na rig ma bshad/ /rgyud la ma rig pa dang bcas ba la rig pa bzhag tu ma rung ste/ yang de zil gyis gnon pa'i phyir ro/ mngon par shes pa de dag las dang po gsum pa drug pa ni cho 'phrul rnams yin/ rdzu 'phrul dang kun brjod pa dang/ rjes su bstan pa'i cho 'phrul rnams yin no/ /'di dag gi nang na bstan pa mchog/ rjes su bstan pa'i cho 'phrul ni mchog ste/ mi 'phrul phyir dang phan pa dang/ yid 'ongs 'bras la sbyor byed phyir/ /rdzu 'phrul ci zhe na/ rdzu 'phrul ting nge 'dzin des ci zhig yang dag par 'byor bar 'gyur zhe na/

  560. 280b

    de las ni sprul la 'gro ba/ de la 'gro ba ni gsum ste/ ston pa la yid mgyogs 'gro ba/ yul thag ring po yang thugs bskyed ba'i dus su byon pa'i phyir ro/ /gzhan dag la phyin byed mos pa las byung yang nyan thos dang /rang sangs rgyas rnams ni dus phyin byed kyi 'gro ba yang yod de/ bya ba bzhin du rim gyis lus phyin par byed pa'i phyir ro/ /mos pa las byung ba yang yod de/ thag ring po la nye bar mos nas myur du 'gro ba'i phyir ro/ /'gro ba 'di dag ni sangs rgyas la ma bshad kyang 'grub bo/ /sprul pa ni rnam pa gnyis te/ de la 'dod par gtogs pa'i sprul pa ni// phyi yi skye mched bzhi rnams gnyis/ /bdag dang gzhan gyi lus dang 'brel pa'i gzugs dang dri dang do dang reg bya'i skye mchad kyi rang bzhin no/ /gzugs gtogs gnyis/ de na dri dang ro med pa'i phyir ro/ /de yang rnam pa gnyis te/ 'dod pa'i khams ji ltar bar 'di ni sprul pa rnam pa bzhi yin no/ /gzugs kyi khams na yang de dang 'dra ba de mdor bsdu na sbrul pa ni rnam pa brgyang yin no/ /de yang sprul ba ni sprul sems dag gis/ de dag kyang ni bcu bzhi'o/ /bsam gtan 'bras gnyis lnga yi bar/ /rim bzhin bsam gtan dang po'i 'bras bu ni gnyis te/ 'dod ba'i khamS dang/ bsam gtan dang po'i sa pa dag ste/ de bzhin du bsam gtan bzhi pa'i bar dag kyang bzhi dang lngar sbyar bar bya'o/ /bsam gtan gyi 'bras bu sbrul pa'i sems ni rang gi sa dang sa 'og ma pa yin par rig par bya'o/ /gong mi las skyes min/ sa gong ma'i sprul pa'i sems ni/ bsam gtan 'og ma'i 'bras bur med do/ /de rnyed bsam gtan bzhin/ yang ci sprul pa'i sems kho na las ldang par 'gyur ram zhe na/ de lta bu ni med de/ de ni dag dang rang sa laS

  561. 281a

    sgye? bar 'gyur te/ sprul ba'i sems ni bsam gtan dag pa pa'i mjug thogs su skye ba 'am/ sprul pa'i sems kyi mjug thogs su skye'o/ /de las gnyis/ bsam gtan dag ba pa dang sprul ba'i semS dag skye'o/ /sprul pa'i sems thams cad kyang/ rang gis bas sprul bar byed/ sa gzhan pa yis na mi yin no// smrar 'jug pa ni 'og mas kyang// kyang gi sgras ni rang gis pas yang ngo/ /'dod pa'i khams dang bsam gtan dang po'i sa pa'i sprul pa ni rang gi rang gis pa'i sems kho nas smrar 'jug go/ sa gong ma pa ni bsam gtan dang po'i sa pas so/ sprul pa mang po rnams smra ba ni/ ston min sprul pa po dang bcas/ /sangs rgyas las gzhan pa ni sprul pa po dang bcas te smra'o/ /gang gi tshe smra ba'i sems pa de'i tshe sprul ba'i sems med pas sprul pa rnams kyang med de/ ji ltar de smra 'jug ce na/ byin gyis brlabs nas gzhan 'jug phyir/ /gnas par 'dod pas sprul ba byin gyis brlabs nas yid gzhan rnam par rig byed kun nas yid gzhan kun nas slong bar byed pas dag 'jug par byed do/ /ci gson po kho na la byin gyis brlabs yod dam zhe na/ sha ba la yang byin brlabs yod/ /mi brten la med sha dang khrag la sogs ba byin gyis brlabs ba med pa'i phyir ro/ /gzhan dag min gzhan dag na re shi ba la byin gyis brlabs pa pa med do ces zer ro/ /ci sems gcig gis sprul pa gcig kho na sprul par byed dam zhe na/ dang bor du mas gcig yin te/ dang po nyid du ni sprul pa'i sems du mas sprul pa gcig sprul bar byed do/ /byad par gyur nas bzlog pa'o/ /mngon par shes pa byang nas ni sems gcig gis sprul pa pa po dza? snyad 'dod pa du mas

  562. 281b

    sprul bar byed do/ /yang gi sprul pa'i sems thams cad lung du ma bstan pa yin nam zhe na/ bsgoms las skyes pa lung ma bstan// skye ba las skyes rnam gsum mo/ /lha dang sha za la sogs pa'i skye bas thob pa'i sprul pa'i sems ni dge ba dang/ mi dge ba dang/ lud du ma bstan pa yin no// ci bsgoms pa las byung ba dang/ skye bas thob pa'i rdzu 'phrul rnam pa 'di gnyis kho nar zad dam zhe na/ rdzu 'phrul rnam pa gnyis po de dag dang/ gsang sngagS sman dag dang/ las las skyes dang rnam pa lnga// rdzu 'phrul bshad zin to// lha yi mig dang rna ba yin// bsam gtan sa pa'i gzugs dang ba// bsam gtan la snyoms par zhugs pas sgra dang snang ba la gtod pa bsam gtan gyi sa pa'i rgyur byas pa'i gzugs dang ba dag mngon par 'grub bo/ /yang de dag ni rtag tu sten bcas ma tshad med/ /thag ring phra sogs sbyod yul can/ /lha'i mig dang rna ba ni de dang mtshungs pa med do/ /zhar ba dang 'on pa med pa'i phyir ma tshang ba yang ma yin no// de gnyis kyi yul ni gzugs dang sgra thag ring ba dang phra ba dang/ bsgribs pa dag kyang yin no// de la yang dgra bcom bse ru? ston rnams kyis// stong gnyis gsum dang grangs med mthong/ /nyan thos kyi lta'i mig gis stong gnyis pa'i 'jig rten gyi khams mthong ngo/ /rang sangs rgyas kyis stong gsum mo// sangs rgyas bcom ldan 'das kyis ni 'jig rten gyi khams grangs med pa gzigs so/ /ci rdzu 'phrul 'ba' zhig skye bas thob pa yin nam/ 'on te gzhan yang yin zhe na/ gzhan yang skye thob/ lha'i rna ba la sogs pa skye bas thob pa yang mod kyi/ mngon par shes pa'i ming mi 'thob la/ des ni srid pa bar ma mi mthong ngo/ /de ni mngon par shes pa

  563. 282a

    kho nas mthong ba'i phyir ro/ /sems shes de ni rnam gsum/ pha rol gyi sems shes pa skye bas thob pa ni dge ba dang/ mi dge ba dang/ lung du ma bstan pa rnam pa gsum mo// gang rtogs dang rig sngags kyi byas pa'ang/ gang yang mtshan ma rnams kyiS pha rol gyi sems shes pa dang/ gang yang rig sngags kyis byas pa de yang rnam pa gsum mo// gzhan gyi sems shes pa dang/ sngon gyi gnas rjes su dran pa skye bas thob pa dag ni/ dmyal ba bas ni dang po shes/ /sdug bsngal gyi tshor bas mnyen pa'i bar du'o/ /'gro ba gzhan na gnas pas ni rtag tu shes so/ /mi la skye bas thob pa med/ mi rnams la ni rdzu 'phrul la sogs pa skye bas thob pa med do/ /ye shes bstan pa zhes bya ba mdzod kyi gnas bdun pa'o// //shes pa'i gnas skabs kyi shes pa'i rang bzhin gyi yon tan rnams bshad nas/ rang bzhin gzhan rnams brjod pa/ de lta bas na yon tan thams cad kyi rten yin pa'i phyir dang po kho nar bsam gtan las brtsams te/ bsam gtan dag ni rnam pa gnyis/ /mdor bsdu na skye ba dang/ snyoms par 'jug pa'i bye brag gis so// de dag kyang bzhi bsam gtan dang po nas bzhi ba'i bar ro/ /de la der skye ba dag rab tu bshad/ der so so'i bsam gtan zhes bya ba la sogs ba'o// snyoms par zhugs pa'i bsam gtan brjod par bya ste/ snyoms 'jug dge ba rtse gcig pa/ /dge ba'i sems rtse gcig pa ni bsam gtan no/ /rjes 'brang bcas na phung po lnga// 'khor dang bcas na ni phung po lnga'i rang bzhin yin no// yang dge ba rtse gcig pa'i bsam gtan dang po ji lta bu bzhi pa'i bar ni ji lta bu zhe na/ dpyod dang dga' dang bde dang ldan// bsam gtan dang po ni dpyod

  564. 282b

    pa dang/ dga' ba dang/ bde ba dang ldan pa yin no// lhan cig spyod pa'i phyir rtog pa dang yang ldan no// bsam gtan lhag ma gsum na ni yan lag lnga lnga spangs pa yin// gnyis pa ni dga' ba dang bde ba dang ldan pa'o// gsum pa ni dpyod ba dang dga' ba spangs pa'o/ /bzhi pa ni dpyod ba dang/ dga' ba dang bde ba spangs pa yin no// bsam gtan rnams ji lta bar/ de bzhin gzugs med phung po bzhi/ /rjes su 'brang ba'i gzugs med pa'i phyir ro// 'og ma'i sa las dben las skyes/ /bsam gtan bzhi pa las skyes pa ni nam mkha' mdza' yas skye mched nas 'du shes yod min med min skye mched kyi bar rang rang gi 'og ma las dben pa las skyes ba rnams so// gzugs med ba de dag kyang/ nyer bsdogs gsum dang bcas par ni// gzugs kyi 'du shes bshig ces bya// nam mkha' mdza' yas skye mched kyi nyer bsdogs ni bsam gtan bzhi pa la dmigs pa'i phyir gzugs kyi 'du shes bshig pa zhes bya ba'i ming? mi 'thob bo// gzugs med pa na gzugs med do// de ni ji ltar na de nas 'chi 'pho ba rnams kyi gzugs bskal pa mi nyung ba zhig tu rgyun 'chad pa las yang skye bar 'gyur zhe na/ gzugs ni de'i rnam par smin pa'i rgyus yongS su bsgos pa'i sems 'jug pa rnyed pa las skye bar 'gyur ro// ci nam mkha' mdza' yas skye mched la sogs pa de dag nam mkha' la sogs pa kho na la dmigs pa yin pas de skad ces bya 'am zhe na/ ma yin te/ 'on kyang rnam shes mdza' yas nam mkha' mdza' yas/ /ci yang med ces bya de ltar/ /sbyor phyir grangs bzhin du nam mkha' mdza' yas so/ /rnam par shes pa mdza' yas so/ /ci yang med ces yid la byed cing sbyor ba'i phyir de dag gi ming de skad ces bya'o/ /dman

  565. 283a

    phyir 'du shes med/ 'du shes med pa'ang ma yin no// 'du shes chung ba'i phyir 'du shes med min zhes bya'o// de ltar snyoms bzhug dngos bzhi'i rdzas// rnam pa brgyad bsam gtan bzhi dang/ gzugs med pa bzhi'o// de dag las bdun pa rnam pa gsum/ srid pa'i rtse mo las gzhan pa bdun ni rnam pa gsum yin te /ro myang ldan dang dag pa dang/ zag med ro myang ba dang mtshungs par ldan ba dang/ dag pa ba dang zag pa med pa rnams so// brgyad pa rnam pa gnyis/ zag pa med pa ma gtogs so// de la ro myang mtshungs ldan sred bcas so// ro myang ba ni sred pa yin no/ 'jig rten pa yi dge ba ni dag pa/ 'jig rten pa'i dge ba snyoms par 'jug pa'i rdzas ni dag ba pa zhes bya ste/ ma chags pa la sogs pa chos dkar po dang mtshungs par ldan pa'i phyir ro/ /ro myong ba dang mtshungs par ldan pa des ci zhig ro myang bar byed ce na/ de ni des myang bya/ snyoms par 'jug pa'i rdzas dag pa pa 'das ma thag pa de ni des ro myang bar byed do// zad med 'jig rten 'das pa'o// 'jig rten las 'das pa'i snyoms par 'jug pa'i rdzas gang yin pa de ni zag pa med pa yin no// snyoms par 'jug pa'i rdzas de dag bsam gtan rnams kho na yan lag dang ldan pa yin gyi gzugs med pa ni ma yin no/ /de la dang po la lnga rtog dpyod dang/ dga' dang bde dang ting 'dzin rnams/ /de dag ni bsam gtan dang po'i yan lag lnga yin no/ /gnyis pa la ni yan lag bzhi// rab dang dang ni dga' la sogs// rab tu dang po dpe dga' ba dad bde ba dang/ sems rtse gcig pa nyid do// gnyis pa ni yan lag bzhi dang ldan no// gsum pa la lnga btang snyoms dang/ /dran dang shes bzhin

  566. 283b

    bde dang gnas/ /gsum pa ni btang snyoms dang/ dran pa dang shes bzhin dang bde ba dang ting nge 'dzin te yan lag lnga dang ldan no// mdza' na bzhi dran btang snyoms dang/ /bde min sdug min ting 'dzin rnams/ /bzhi pa ni bde ba yang ma yin/ sdug bsngal ba yang ma yin pa'i tshor ba dang btang snyoms yongs su dag pa dang/ dran pa yongs su dag pa dang/ ting nge 'dzin yan lag bzhi dang ldan no/ /de dag ni bzhi po la ming gi sgo nas yan lag bco brgyad yin no/ /rdzas su bcu gcig/ de la bsam gtan dang po pa'i lnga dang gnyis pa na ni rab tu dang ba lhag go/ gsum pa na ni btang snyoms dang/ dran pa dang shes bzhin dang bde ba rnams so// bzhi pa na ni bde ba yang ma yin sdug bsngal ba yang ma yin pa'i tshor ba'o// ci'i phyir bsam gtan gsum pa na yod ba'i bde ba rdzas gzhan du brjod ce na/ 'di ltar de'i bde ba ni tshor ba yin la/ bsam gtan dang po na/ shin tu sbyangs pa bde ba yin// bsam gtan dang po na gnyis pa dag na shin tu sbyangs pa la bde bar gsungs ba'i phyir ro// nad rab tu dang ba gang zhe na/ rab tu dad ba dad pa yin/ /de ni bsam gtan gnyis pa thob pa'i phyir mnyam par bzhag ba'i sa las des bar 'byung bar yid ches par byas te/ de ni 'dir nang rab tu dad ba zhes bya'o// dga' ba ni yid bde ba yin no zhes gang bshad ba 'di ji ltar khong du chung/ gzhan ji ltar 'gyur/ dga' ba ni sems las byung ba'i chos gzhan kho na yin la/ yid bde ba ni bsam gtan gsum char gyi bden pa yin no// bsam gtan dag gi bden pa ni yid bde ba yin par mi rung ba nyid kyis/ lung rnam gnyis phyir dga' yang bde// bcom ldan 'das kyis rnam par 'gyur ba'i mdo las bsam gtan

  567. 284a

    gsum pa bka' stsal nas 'di 'di'i yid bde ba'i dbang po skyes pa ma lus par 'gag par 'gyur ro zhes bka' stsal la/ bsam gtan bzhi pa na ni bde ba'i dbang po 'gag par 'gyur ro zhes bka' stsal to// yang bde ba yang spangs te snga nas sdug bsngal yang spangs shing yid bde ba yang nub ces kyang gsungs pas de'i phyir bsam gtan gsum pa na yid bde ba'i dbang po med do/ /de lta bas na dga' ba kho na yid bde ba yin gyi bde ba ni ma yin no// ci nyon mongs pa can gyi bsam gtan dag na yang ji skad du bshad pa'i yan lag de dag yod dam zhe na/ med do de dag na ci zhig med ce na/ nyon mongs can la dga' bde dang/ /rab dang shes bzhin dran pa dang/ /btang snyoms dran pa dag pa med// bsam gtan dang po na ni dben pa las skyes pa'i dga' ba dang bde ba med de/ nyon mongs pa las dben ba ma yin pa'i phyir ro// gnyis pa na ni rab tu dad ba med do/ nyon mongs baS rnyogs pa'i phyir ro/ /gsum pa na ni dran pa dang shes bzhin med de/ nyon mongs pa can gyi bde bas gun? tu rmongs par byed do/ /bzhi pa la ni btang snyoms dang dran pa yongs su dag pa med de/ nyon mongs pas dri ma can du byas pa'i phyir ro/ /kha cig shin tu sbyangs btang snyoms/ /kha cig na re dang po dang gnyis pa dag ni ni shin tu sbyangs pa med la/ gsum pa dang bzhi pa dag na ni btang snyoms med de/ de gnyis ni dge ba'i sa mang po pa yin pa'i phyir ro zhes zer ro// bcom ldan 'das kyis bsam gtan gsum ni skyon dang bcas pa'i phyir g.yo ba dang bcas pa dag yin no zhes bka' stsal to/ /skyon brgyad las ni grol ba'i phyir/ /bzhi pa g.yo ba med pa yin/ /skyon de dag kyang gang

  568. 284b

    zhe na/ rtog dang dbyod dang dbugs dag dang/ /bde ba la sogs bzhi yin no/ /bsam gtan bzhi pa la skyon brgyad po de dag kyang med pas de'i phyir de ni mi g.yo ba zhes bshad do/ /ci snyoms par 'jug pa'i bsam gtan dag na yod pa'i tshor ba gang dag yin pa de dag nyid skye ba'i bsam gtan dag na yang yod dam zhe na/ ma yin te 'on kyang skye ba'i bsam gtan dag na ni/ yid bde bde dang btang snyoms dang/ /btang snyoms yid bde bde ba dang/ /btang snyoms btang snyoms tshor ba yod/ /'di ni bsam gtan rnams kyi rnam par shes pa gsum mam pa bzhi'i tshogs ci rigs pa dang yid kyis pa'i tshor ba dag yin no/ /rnam par shes pa'i tshogs gsum rtog pa dang dpyod pa dang rnams med kyang/ gnyis pa sogs na lus mig dang/ rna ba'i rnam shes rnam rig slong/ /gang yin de ni dang por gtogs// bsam gtan gnyis pa la sogs pa dag na ni/ bsam gtan dang po'i sa ba'i mig dang rna ba dang lus kyi rnam par shes pa dang/ rnam par rig byed kun nas slong bar byed ba mngon sum du byed do// de lung ma bstan nyon mongs min/ /nyon mongs pa can ni ma yin te/ 'dod chags dang bral ba'i phyir ro/ /dman pa'i phyir dge ba yang ma yin no/ /yang dag pa la sogs pa'i bsam gtan dang gzugs med pa rnams ji ltar 'thob ce na/ de dang mi ldan 'dod chags bral// skye ba las ni dag pa thob/ /sa 'og ma las 'dod chags dang bral ba 'am/ sa 'og mar skye ba las dag pa 'thob bo// zag med 'dod chags bral ba yiS/ de dang mi ldan pa las 'thob ces bya bar sbyar ro/ /nyon mongs can nyams skye ba yis// gal te de las 'dod chags dang bral ba kho na las yongs su nyams pa las 'thob bo// gal te sa 'og mar skye ba las 'thob bo/ /snyoms par

  569. 285a

    'jug pa'i rdzas gang zhig las ci zhig skye zhe na/ zag pa med pa'i mjug thogs su/ /lhag 'og gsum pa'i bar dge ba/ /skye'o// dge ba smos pas ni dag pa pa dang zag pa med pa gzung ste/ zag pa med pa'i snyoms par 'jug pa'i rdzas kyi mjug thogs su rang gi sa pa'i dag pa dang zag pa med pa dang/ sa gong ma dang 'og ma'i sa pa gnyis gnyis skye'o// ji ltar zag pa med pa'i mjug thogs su bshad pa ltar/ dag pa las de bzhin/ rang gi sa ba'i nyon mongs kyang/ dag pa'i mjug thogs su lhag par rang gi sa ba'i nyon mongs pa can skye'o// lhag ma ni zag pa med pa las ji lta ba bzhin no// nyon mongs can las rang dag dang/ nyon mongs nyon mongs pa can gyi mjug thogs su ni rang gi sa pa'i dag pa ba dang nyon mongs pa can dag skye'o// 'og ma'i dag gcig kyang/ nyon mongs pas gzir ba'i sa 'og ma pa'i dag pa la yang dga' bar 'gyur ro// snyoms par zhugs pa'i dus la bltos nas dag pa ba dang/ nyon mongs pa can las rang gi sa ba'i nyon mongs pa can kho na skye'i/ 'chi 'pho'i dag las nyon mongs kun/ /'chi 'pho ba'i skye bas thob pa'i dag pa pa'i mjug thogs su sa thams cad pa'i nyon mongs pa can skye'o/ /nyon mongs can las gong ma min/ /'chi 'pho ba'i tshe nyon mongs pa can gyi bsam gtan dang gzugs med pa'i mjug thogs su rang gi sa ba dang sa 'og ma'i nyon mongs pa can skye'i sa gong ma pa ni ma yin no/ /dag pa pa thams cad las zag pa med pa'i snyoms par 'jug pa'i rdzas skye ba yang ma yin no// 'di ltar dag pa nyams pa'i cha mthun sogs/ /rnam bzhi de ni go rim bzhin/ /nyon mongs skye dang rang sa dang// gong dang zag med

  570. 285b

    rjes mthun pa'o/ /nyams pa'i cha dang mthun pa ni nyon mongs pa skye ba dang rjes su mthun pa'o/ /gnas pa'i cha dang mthun pa ni rang gi sa dang rjes su mthun pa'o// khyad par gyi cha dang mthun pa ni sa gong ma dang rjes su mthun pa'o/ /nges par 'byed ba'i tshe dang mthun pa ni zag pa med ba'i rjes su mthun pa ste/ zag pa med pa ni de las skye'o/ /yang bzhi po de dag las gang gi mjug thogs su du zhig skye zhe na/ nyams cha mthun sogs mjug thogs su// gnyis dang gsum dang gsum dang gcig/ nyams pa'i cha dang mthun pa'i mjug thogs su gnyis skye ste/ nyams pa dang gnas pa'i cha dang mthun pa dag go/ gnas pa'i cha dang mthun pa'i ni gsum ste/ des par 'byed pa'i cha dang mthun pa ma gtags so// khyad par gyi cha dang mthun pa'i ni gsum ste/ nyams pa'i cha dang mthun pa ma gtogs so// nges par 'byed pa'i gcig ste/ de gcig pu skye'o// thod rgal gyi snyoms par 'jug pa ji lta bar skyed ce na/ sa brgyad rnam gnyis 'brel ba dang/ /gcig rgal song zhing 'dos nas ni/ /ris mi mthun pa gsum par 'gro/ thod rgal gyi ni snyoms 'jug yin/ /sa brgyad ni bsam gtan dang gzugs med pa'i snyoms par 'jug pa dag go/ rnam gnyis ni zag pa dad bcas pa dang/ zag pa med pa'o 'brel ba dang zhes pa ni go rims bzhin du'o/ /gcig rgal ni re re rgal nas so/ /song zhing zhes bya ba ni lugs dang mthun par 'gyur ro// 'ongs nas zhes bya ba ni lugs dang mi mthun par 'gyur ro/ /zag pa dang bcas pa'i sa brgyad dang/ zag pa med pa'i lam bdun lugs dang mthun pa dang lugs dang mi mthun pa'i sgo nas byang bar byas nas phyis zag pa dang bcas pa'i bsam gtan dang po nas zag pa dang bcas pa gsum pa la snyoms par 'jug cing/ de nas ni nam mkha' mdza'

  571. 286a

    yas skye mched la de nas ci yang med pa'i skye mched la snyoms bar 'jug go/ de bzhin du lugs dang mi mthun pa yang byang bar byas nas zag pa rnams kyang re re rgal zhing lugs dang 'thun pa dang lugs dang mi mthun bar snyoms bar 'jug ba'i sbyor ba yin no/ /gang gi tshe zag pa dang bcas pa dang po nas zag pa med pa'i bsam gtan gsum pa la snyoms par 'jug cing/ de bzhin du lugs dang mi mthun par yang snyoms par 'jug pa de'i tshe rigs mi mthun pa'i rdzas gsum bar 'gro ba'i phyir mngon par grub pa yin no// rten gang gi bsam gtan dang gzugs med ba du zhig mngon sum du byed ce na/ bsam gtan gzugs med rang dang ni// 'og sa'i rten can srid pa'i rtse mo ni srid ba'i rtse mor yang mngon sum du byed la/ 'og ma 'dod pa'i khams kyi bar du yang ngo/ /de bzhin du gzhan yang ngo/ /ci'i phyir gong du skyes pa snyoms par 'jug pa 'og mngon du mi byed ce na/ 'di ltar de la/ 'og dgos med spyir bstan par byas nas dmigs gyis ston par byed de/ srid rtser 'phags pa'i ci yang med/ /mngon sum byas nas zag pa zad// srid pa'i rtse mor skyes pa ni zag pa med pa'i ci yang med pa'i skye mched mngon sum du byas nas zag pa zad par 'gyur ro/ /bsam gtan dang gzugs med pa'i dmigs pa ci zhe na/ sred bcas rang gi sred la dmigs// zag pa dang bcas pa rang gi sa pa la dmigs so/ / bsam gtan dge yul yod dgu min// dge ba'i bsam gtan dag ba pa dang zag pa med pa'i dmigs pa ni thams cad yin no// gzugs med dngos gzhi dge rnams kyi/ /spyod yul zag bcas 'og ma min//

  572. 286b

    gzugs med pa'i dngos gzhi dge ba rnams kyi dmigs pa ni sa 'og ma'i zag pa dang bcas pa ma yin te/ rang gi sa par gong ma la dmigs pa'i phyir ro// bsam gtan dang/ gzugs med pa rnam pa gsum po 'di dag las/ zag pa med pas nyon mongs rnams spong ngo/ /dag pa pas kyang mi spyod na nyon mongs pa can gyis lha smos kyang ci dgos te/ nyer bsdogs dag pas kyang gzugs dang gzugs med pa'i nyer bsdogs dag pa pas kyang nyon mongs pa rnamS spong ste/ sa 'og ma'i gnyen po yin pa'i phyir ro/ /nyer bsdogs du zhig yod ce na/ de dag la ni nyer bsdogs brgyad/ /re re la gang gis de la 'jug pa re re yod do/ /ci de dag kyang rnam pa gsum yin la/ de dag la tshong ba yang de dang 'dra bar yod dam zhe na/ ma yin te dag pa bde min sdug bsngal min/ /de dag ni dag pa pa yin la btang snyoms kyi dbang po dang mtshungs par ldan pa dag kyang yin te/ 'bad dang drang bar bya ba yin pa'i phyir ro/ /dang po 'phags pa'ang? nyer bsdogs kyi dang po mi lcogs pa med pa ste/ de ni dag pa pa yang yin la zag pa med pa yang ma yin no// kha cig gsum/ ro myang pa dang mtshungs bar ldan pa yang zhes zer ro/ /ci 'di don cig gam tha dad ce na/ tha dad de nyer bsdogs ni 'dod chags dang bral ba'i lam yin la/ rtog med bsam gtan khyad par can// bsam gtan dang po kho na rtog pa dang mtshungs par mi ldan pa ni bsam gtan khyad par can yin te/ bsam gtan gyi khyad par can yin pa'i phyir ro// rnam gsum bde yin sdug bsngal min// de ni tshangs chen 'bras du can// bsam gtan khyad par can de bsgoms na tshangs pa chen por 'gyur ro/ /yang ting nge 'dzin thams cad mdor bsdus nas mdo las gsum gsung

  573. 287a

    te/ de la re zhig bsam gtan khyad par can ni rtog pa med pa dpyod pa tsam gyi ting nge 'dzin to// zhes shes par byas zin to/ /de man chad rtog dpyod bcas pa yi/ /ting 'dzin bsam gtan khyad par can de man chad ni bsam gtan dang po dang mi lcogs pa med pa'o// yan chad gnyis ka med/ bsam gtan khyad par yan chad rtog pa dang dpyod pa med ces bya ba'i tha tshig go/ yang ting 'dzin gsum gsungs te/ de la mtshan med zhi ba'i rnam pa can// 'gog pa'i bden pa'i rnam pa dag dang mtshungs par ldan pa'i ting nge 'dzin ni mtshan ma med pa'o// stong nyid bdag med stong nyid du 'jug pa'o// stong pa nyid kyi ting nge 'dzin ni rnam pa gnyis dang mtshungs par ldan no/ /smon ba med pa ni de las gzhan bden rnam pa dang/ smon pa med pa'i ting nge 'dzin ni rnam pa bcu dang ldan par 'jug go/ ting 'dzin gsum po 'di dag ni rnam pa gnyis te/ dag dang dri ma med/ dag pa pa dang dri ma med pa dag go/ de dag dri med rnam thar sgo gsum mo// gsum po de dag las/ zag pa med pa ni rnam par thar pa'i sgo gsum yin no// yang steng nyid stong nyid ces la sogs// gzhan yang ting nge 'dzin gsum mo zhes pa'o// de dag las gnyis ni stong dang mi rtag par mi slob pa'i la dmigs pa yin/ stong pa nyid stong ba nyid ni mi slob pa'i stong pa nyid kyi rnam pas dmigs so/ /smon pa med pa smon pa med pa yang mi slob pa'i smon pa med pa la mi rtag pa'i rnam pas dmigs so/ /mtshan ma med pa mtshan med ni/ /zhi bar ma brtags zad pa la/ /mtshan ma med pa mtshan ma med pa'i ting nge 'dzin ni mi slob pa'i mtshan ma med pa so so ma brtags pas 'gog pa la zhi ba'i rnam pas dmigs so// ting nge 'dzin 'di dag ni gcig tu zag bcas 'phags pa'i lam

  574. 287b

    la ldang ba'i phyir ro// gang du skyed par byed ce na/ mi nang lta dag gi nang du ni ma yin no/ /su la skye zhe na/ mi g.yo ba dgra bcom pa gzhan la ni ma yin no/ /sa du pa zhig yin zhe na/ nyer bsdogs bdun ni ma gtogs so// 'dod pa'i khams dang/ mi lcogs pa med pa dang/ bsam gtan khyad par can dang/ bsam gtan dang/ gzugs med pa rnams dang/ bcu gcig na yod do/ /yang ting nge 'dzin bsgom pa rnam pa bzhi gsungs te/ de la dge ba'i bsam gtan dang po ni/ bde 'gyur ting 'dzin bsgom pa yin// dge ba'i bsam gtan dang po dag pa pa 'am/ zag pa med pa ni mthong ba'i chos la bde bar gnas par 'gyur ba'i ting 'dzin bsgom pa yin no/ /ming gi mngon shes mthong 'gyur 'dod/ lha'i mi gi mngon par shes pa ni mthong bar 'gyur ba'i ting nge 'dzin bsgom pa yin no// sbyor ba las byung blo dbyer 'gyur/ /sbyor ba'i yon tan khams gsum pa dang/ zag pa med pa thams cad ni shes rab rab tu rnam par 'byed par byed pa'i ting nge 'dzin bsgom pa yin no// rdo rje lta bu'i bsam gtan mdza' i// gang yin de zag zad 'gyur bsgom/ /bsam gtan bzhi pa'i rdo rje lta bu'i ting nge 'dzin gang yin pa de ni zag pa zad par 'gyur ba'i ting nge 'dzin bsgom pa yin no// ting nge 'dzin rnams bshad nas/ de la brten ba'i yon tan rnams bstan par bya ste/ tshang med pa ni bzhi yin no/ /byams pa dang snying rje dang dga' ba dang/ btang snyoms te/ sems can tshad med pa la dmigs pa'i phyir ro// ci'i phyir bzhi kho na zhe na/ gnod sems la sogs gnyen bo'i phyir// gnod sems dang rnam par 'tshe ba dang/ mi dga' ba dang/ 'dod pa'i 'dod chags rnams kyi grangs bzhin no/ /de la zhe

  575. 288a

    sdad med byams snying rje yang// zhe sdang med ba'i rang bzhin no/ /yid bde ba ni dga' ba yin// btang snyoms ma chags ma chags pa'i rang bzhin no/ /'di dag gi rnam pa ni kye ma bder gyur sdug bsngal dang/ /dga' 'gyur sems can rnams mnyam pa/ /kye ma sems can rnams bde bar gyur cig snyam pa yid la byed pa nas sems can rnams mnyam mo snyam du yid la byed cing snyoms par 'jug pa'i bar ro// 'di dag gi rnam pa bshad zin to// spyod yul 'dod pa'i sems can rnams/ de la dmigs pa'i gnod sems la sogs pa'i gnyen po yin pa'i phyir ro// de dag sa du ba zhig yin zhe na/ dga' ba bsam gtan gnyis na yod/ /dang po dang gnyis pa na ste/ yid bde ba yin pa'i phyir ro// gzhan ni drug na gzhan gsum ni mi lcogs pa med pa dang/ bsam gtan khyad par can dang/ bsam gtan rnams dang drug na yod do// kha cig lnga mi lcogs ba med pa ma gtogs pa zhe'o/ /gnod sems la sogs gnyen po'i phyir zhes gang bshad pa/ ci tshad med pa rnams kyis kyang spong dam zhe na/ de yis mi spong de dag gi sbyor bas gnod sems la sogs pa rnam par gnon pa'i phyir gnyen por bshad do/ /tshad med pa bzhi po 'di dag ni mi dag gi nang du bskyed do/ /gzhan du ni ma yin no/ /ci tshad med pa gcig dang ldan pa de gdon mi za bar thams cad dang ldan nam zhe na/ des pa med/ 'on kyang des gsum ldan/ bsam gtan gsum pa dang bzhi par skyes pa dga' ba dang mi ldan no// gsum po dang ni rtag tu ldan no// rnam par thar brgyad gzugs can gzugs la lta ba zhes bya ba ni dang po'o/ /nang gzugs med

  576. 288b

    par 'du shes pas phyi rol gyi gzugs rnams lta ba ni gnyis pa'o/ sdug pa'i rnam par thar pa lus kyis mngon sum du byas te rdzogs par byas nas gnas pa zhes bya ba ni gsum pa'o/ gzugs med pa bzhi dang/ brgyad pa 'du shes dang/ tshor ba 'gog pa'o/ /de rnams las dang po gnyis/ mi sdug dang po gnyis ni rnam par bsdos pa la sogs pa'i rnam pa can yin pa'i phyir mi sdug pa'i rang bzhin dag yin no/ /de dag bsam gtan gnyis na yod/ /sa dang po dang gnyis pa na'o// gsum pa mdza' na de ma chags// bsam gtan bzhi pa na ma chags pa'i rang bzhin yin no/ /de dag 'khor dang bcas na ni phung po lnga'i bdag nyid do// gzugs med mnyam gzhag dge rnams so// gzugs med pa bzhi'i ni mnyam par gzhag pa dge ba kho na rnam par thar ba zhes bya'o/ /'gog pa'i snyoms par 'jug pa'o/ /rnam par thar pa brgyad pa 'du shes dad tshor ba 'gog pa'i snyoms par 'jug pa ste/ de ni sngar bshad zin to/ /de la ni phra ba phra ba'i mjug thogs su/ /srid pa'i rtse mo'i 'du shes ni phra ba ste/ de bas kyang ches phra bar byas nas 'gog pa la snyoms par 'jug go/ snyoms par 'jug pa rnams ni rang gi sa dang 'og ma yi/ /'phags pa'i sems kyis de las ldang/ /srid pa'i rtse mo'i sems dag pa 'am/ ci yang med pa'i skye mched kyi sa pa'i sems zag pa de las ldad? do/ /rnam par thar pa 'di d+dag las/ /dang po 'dod rtogs snang yul can// 'di dag gi dmigs pa ni ci rigs par 'dod pa na spyod pa'i gzugs kyi skye mched yid du mi 'ong ba dang yid du 'ong ba yin no// gang dag gzugs can min de dag/ spyod yul gong dang rang gi sa'i/ /sdug bsngal sogs dang rjes shes phyogs// gzugs med ba'i

  577. 289a

    rnam par thar pa rnams kyi dmigs pa ni rang gi sa pa dang gong ma'i sdug bsngal dang de'i rgyu dang 'gog pa dang rjes su shes pa'i phyogs dang mthun pa'i lam thams cad yin no// zil gyis gnon pa'i skye mched brgyad/ nad gzugs su 'du shes pas phyi rol gyi gzugs chung du kha dog bzang po la sogs pa rnams la lta zhing/ gzugs de dag zil gyis mnan nas shes zil gyis mnan nas mthong ste/ de lta bur 'du shes par gyur ba 'di ni dang po'o/ /de bzhin du chen po rnams kyang shes pa'o/ de kho na bzhin du nang gzugs med par 'du shes pa ste/ de ltar na bzhi po de dag dang/ nang la gzugs med par 'du shes pa dag kho na sngon po dang/ ser po dang dmar po dang/ dkar po rnams la lta ba ste/ de ltar na brgyad yin no// de dag las gnyis ni rnam thar dang po bzhin/ dang po dang gnyis pa'o/ /gnyis ni gnyis pa bzhin no/ /gsum pa dang bzhi pa ni rnam par thar pa gnyis pa bzhin no// gzhan sdug pa'i rnam par thar pa bzhin/ sdug pa'i rnam par thar pa ji lta bar gzhan bzhi yang de dag 'dra ste/ khyad par ni de dag gis ni rgyab kyis phyogs tsam du zad la/ 'di dag gis dmigs pa zil gyis gnon te/ ji ltar 'dod pa bzhin du mos pa'i phyir dang/ nyon mongs pa mi skye ba'i phyir ro/ /zad par bcu'o/ /bar chad med par zad par rgyas par byed pa'i phyir/ zad par gyi skye mtshad ni bcu ste/ zad par sa dang chu dang me dang rlung dang sngon po dang ser po dang dmar po dang dkar po dang/ zad par nam mkha' dang /rnam shes mdza' yas skye mched do// de rnams las brgyad ma chags/ dang po brgyad ni mchags pa'i rang bzhin dag yin no// bsam gtan mdza' ni bzhi pa

  578. 289b

    na'o// spyod yul ni 'dod pa 'di dag gi dmigs pa ni 'dod pa na spyod pa'i gzugs kyi skye mched do/ /gnyis ni gzugs med dag/ zad par gyi skye mched tha ma gnyis ni gzugs med pa dag pa pa'i rang bzhin dag yin no/ /spyod yul rang gi phung po bzhi/ /'gog pa'i rnam par thad pa ma gtogs pa rnam par thar pa la sogs pa de dag thams cad ni so so'i skye bo dad 'phags pa'i rgyud la yod pa dag pha pa yin no/ /'di dag las 'gog pa bshad zin/ 'gog pa'i rnam par thar pa 'di ni sngar bshad zin to// lhag ma ni 'dod chags bral dang sbyor bas 'thob// 'gog pa las gzhan pa'i rnam par thar pa la sogs pa ni 'dod chags dang bral bas 'thob pa yang yin la/ sbyor ba las byung ba dag kyang yin te/ 'dris pa dang ma 'dris pa'i phyir ro// gzugs med ces bya khams gsum gyi/ rten can lhag ma mi las skye/ /gzugs med pa'i rnam par thar pa dang/ gzugs med pa'i zad par dag ni khams gsum pa'i rten can dag go/ lhag ma mi'i rten can kho na'o// ji ltar na gzugs dang gzugs med pa'i khams dag tu gzugs med pa dang/ bsam gtan gyi khyad par skye zhe na/ khams gnyis dag tu gzugs med pa// rgyu dang las kyi stobs kyis skye// rgyu'i stobs kyis ni nye ba dang yang dad yang du goms pa la sogs pa las so/ /las kyi stobs kyis na sa gong ma pa'i lan grangs gzhan la myong bar 'gyur ba'i las kyi rnam par smin pa nye bar gnas pa'i phyir ro// gzugs kyi khams su bsam gtan rnams// de dag dang chos nyid kyis kyang /gzugs kyi khams su ni bsam gtan rgyu dang/ las kyi stobs de dag dang /chos nyid kyis kyang skye/ 'jig par tshe lta bu'o/ /dam pa'i chos 'di ji srid gcig tu gnas

  579. 290a

    zhe na/ ston pa'i dam chos rnam gnyis te/ /lung dang rtogs pa'i bdag nyid do// lung ni mdo sde la sogs pa gsum mo// rtogs pa ni byang chub kyi phyogs dang mthun ba rnams so// de 'dzin byed ba smra byed dang/ / sgrub par byed pa kho na yin// lung ni 'dzin par byed pa smra bar byed pa dag go/ rtogs par byed pa ni sgrub par byed pa'o// de bas na 'di dag gnas pa'i bar du dam pa'i chos kyang gnas so/ mngon pa 'di nyid ston bas bshad dam zhe na/ bdag gis mngon pa'i chos 'di phal cher ni/ kha che bye brag smra ba'i tshul grub bshad// nyes par zin gang de 'dir bdag gis nyes// dam chos tshul la tshad ma thub rnams yin// sangs rgyas dang ni de'i sras rnams kyang/ ston pa 'jig rten mig ni thum? gyur cing// dbang gyur skye bo phal cher zad pa na// de nyid ma mthong rang dgar gyur ba yi/ /ngan rtog rnams kyis bstan pa 'di dkrugs so// rang byung rang byung bstan pa ces 'dzin rnams/ /mchog tu zhing gshegS 'gro mgon med pa na/ /'doms med yon tan 'joms par byed pa yi// dri mas dga' mgur? de spang 'di na spyod// de ltar thub pa dag gi bstan pa ni// lkog mar srog phyin 'dra dang dri ma rnams/ stobs dang ldan pa'i dus su rig nas ni/ thar pa 'dod pa dag gis bag yod kyis// snyoms par 'jug pa bstan pa zhes bya ba mdzod kyi gnas brgyad pa rdzogs so// /yang ci 'di las gzhan la thar ba yod dam zhe na/ med do /ci'i phyir zhe na/ bdag tu lta ba phyin ci log la zhon pa'i phyir te/ phung po'i rgyud kho na la bdag tu 'dogs par ni nges par mi 'dzin to// 'on ci zhe na /rdzas gzhan kho na la bdag tu yongs su rtogs bar byed la/ nyon mongs pa rnams ni bdag tu 'dzin ba las rab tu skye ba yin no/

  580. 290b

    bdag tu mngon par brjod pa 'di phung po'i rgyud kho na la 'jug gi mngon par brjod par bya ba gzhan la ni ma yin no// zhes bya ba 'di ji ltar khong du chung ce na /mngon sum dang rjes su dpag pa med pa'i phyir ro/ /gal te de lta na ? sangs rgyas thams cad mkhyen ba ma yin par 'gyur te/ thams cad shes par 'gyur ba'i sems sam sems las byung ba gang yin pa de ni cung zad kyang med/ skad cig ma yin pa'i phyir ro// gang zag gis ni shes par 'gyur ro/ /smras pa rgyun gyis spyod pa'i phyir na dper// me yis thams cad sreg 'dod ltar// de bzhin thams cad mkhyen 'dod bya'i// cig car thams cad mkhyen phyir min// kho bo cag ni thams cad la cig car mkhyen pa mngon sum du gyur pa'i phyir sangs rgyas thams cad mkhyen pa yin par ni mi smra'i// 'o na ji ltar zhe na/ mthu yod pa'i phyir de sangs rgyas zhes bya ba'i rgyud gang yin pa de la gang du bzhed pa gtang ba tsam gyis phyin ci ma log par mkhyen pa skye ba gang yin pa de'i mthu yod do// 'on phung po lnga kho na yod la bdag med na/ ci'i phyir bcom ldan 'das kyis kyang med pa kho na'o zhes ma gsungs zhe na/ 'dri ba po'i bsam pa la bltos pa'i phyir te/ nges srog ces bya ba'i phung po'i rgyun gang yin pa de yang med bdag por gyur na log par lta bar ltung par 'gyur te/ rten cing 'brel par 'byung ba mi shes pa'i phyir ro// 'dir gsungs pa/ lta ba'i mche pas smras pa dang/ /las rnams 'jig pa la bltos nas/ /stag mos phrug gu khyer ba ltar/ /rgyal bas chos ni ston par mdzod// ngag yod nyid du khas blangs na/ lta ba'i mche bas smras par 'gyur// kun rdzob rtogs par ma gyur nas// dge ba'i phrug gu nyams byed 'gyur// yang gsungs pa/ mang phyir bcom ldan 'das kyis srog de nyid gzhan

  581. 291a

    du ma gsungs so// btags pa'ang med du 'gyur 'ong bas/ /med do zhes kyang ma gsungs so// phung po'i rgyun ni gang la dge/ mi dge'i 'bras bu yod pa nyid// de la srog ces bya ste de// srog med bstan paS med par 'gyur/ /srog ces bya ba phung po la// btags tsam zhes kyang ma gsungs so// de'i tshe skye bo de 'dra ste/ /stong nyid rtogs pa'i skal ldan min/ /'di ltar gnas pas bdag yod dam// med ces dris pa 'dris ?/ /bsam pa la bltas ma gsungs te// yod na ci phyir yod mi gsungs// 'jig rten rtag ces bya ba yang 'dri ba pho'i bsam pa la bltos nas lung ma bstan te/ re shig gal te 'jig rten bdag nyid yin par 'dod na ni/ de med pa'i phyir lung ma bstan bzhi char mi rigs so// 'on te 'jig rten 'khor ba thams cad yin no zhe na/ de yang rigs pa ma yin te/ 'jig rten rtag na 'ga' yang yongs su mya ngan las 'da' bar mi 'gyur ro// mi rtag na ni thams cad chad par 'gyur ro// gnyis ka yin na ni kha cig yongs su mya ngan las 'da' bar 'gyur la/ kha cig ni mi 'gyur ro// gnyis ka ma yin na ni kha cig ni yongs su mya ngan las 'da' ba yang ma yin la/ yongs su mya ngan las mi 'da' ba yang ma yin pa kho nar 'gyur ro// de bas na yongs su mya ngan 'da' ba ni/ lam la dag? lus pa'i phyir rnam pa bzhi chad yang nges par lung mi ston te/ gcer pu pa'i nyan thos kyi bye'u bzung ba bzhin no/ /de bzhin du gzhan rnams kyang ngo// gal te rnam par shes pa las rnam par shes pa skye'i/ gdag las ma yin na ci'i phyir rtag tu de der 'dra ba kho na skye bar mi 'gyur zhing myu gu dang sdong po dang/ 'dab ma la sogs pa bzhin du rim pa nges par skye bar mi

  582. 291b

    'gyur zhe na/ gnas pa gzhan du 'gyur ba ni 'dus byas kyi mtshan nyid yin pa'i phyir te/ rgyun gdon mi za bar gzhan du 'gyur ba 'di ni/ 'dus byas kyi rang bzhin no/ de lta ma yin na bsam gtan rdzogs bas mnyam par bzhag pa rnams las lus dang sems 'dra ba skyon skad cig ma dang po dang khyad bar med pa'i phyir/ phyis kyang bdag ldang bar mi 'gyur ro// gang las gang zhig skye bar 'gyur ba de kho na las de skye ba'i phyir sems rnams gyi rig? pa yang nges pa kho na yin no// de ma thag pa'i rgyu shes pa ni sangs rgyas rnams la mnga' ba yin te/ 'di skad du /rma bya'i mdongs ni gcig la yang/ /rgyu yi rnam ba thams cad ni/ /kun mkhyen min bas shes bya min// de shes kun mkhyen stobs yin no zhes bshad nas gzugs can ma yin pa'i sems kyi bye brag rnams lta smos kyang ci dgos/ ci'i phyir de dang 'dra ba kho nar skye bar mi 'gyur zhing/ myu gu dang sdong bu dang 'dab ma la sogs pa bzhin du rim la nges par skye bar mi 'gyur zhes bya ba 'di ni mu stegs can gang la la sems ni bdag las skye'o snyam du sems pa de kho na la gsal bar klan kar 'gyur ro// bdag med na ji ltar las zhig zin pa las/ tshe phyi ma la 'bras? bu 'byung/ bdag yod na yang ji ltar na las zhig zin pa las tshe phyi ma las 'bras bu 'byung/ kho bo cag kyang las zhig zin pa las tshe phyi ma la 'bras ba 'byung bar mi skye'o// 'on ci yin zhe na/ de'i rgyud yongs 'gyur ba'i khyad par las te/ sa po dang 'bras bu bzhin no// dper na sa bon las 'bras bu 'byung ba zhes bya ba de ni zhig pa las 'byung ba yang ma yin la/ mjug thogs kho nar 'byung ba yang ma yin no// 'on ci zhe na rgyud yongs su 'gyur ba'i khyad par

  583. 292a

    las te/ myu gu dang sdong bu dang 'dab ma la sogs ba me tog la thug par rim pa rdzogs pa las bzhin no// yang rgyud ni ci yin/ yongs su 'gyur ba ni ci yin/ /khyad par ni ci yin zhe na /las sngon du 'gro ba'i phyir sems phyir zhing 'byung ba gang yin pa de ni rgyud do/ /de gzhan dang gzhan du skye ba ni yongs su 'gyur pa'o// de mjug thogs su 'bras bu skyed nus pa gang yin pa de ni yongs su 'gyur ba las /khyad par du 'phags pa'i phyir yongs su 'gyur ba'i khyad par yin te /dper na yang srid pa'i nye bar len ba dang bcas pa'i sems lta bu'o// las rnam pa sna tshogs pa sngon du 'gro ba nyid yin yang/ las gang lci ba 'am/ nye ba pa dang/ goms pa gang yin pa des byas pa'i nus ba gsal bar byed kyi/ gzhan gyis ma yin te ji skad du /las ni 'khor bar lci gang dang// nye ba gang dang goms pa gang// sngon byas gang yin de las ni// snga ma snga ma rnam smin 'gyur// de la rnam par smin pa'i rgyus skyed pa rnam par smin pa'i 'bras bu bskyed pa'i nus pa ni rnam par smin pa bskyed nas ldog go/ skal ba mnyam pa'i rgyus bskyed pa rgyu mthun pa'i 'bras bu bskyed pa'i nus pa ni nyon mongs pa can rnams kyi sa gnyen po skyes nas ldog go/ nyon mongs pa can ma yin pa rnams ni rgyun gtan tu log pa na ste/ gong gi tshe yongs su mya ngan las 'das pa na'o// mthu rnam pa sna tshogs pa'i tha dad pa'i las rnams kyis bsgos pa'i rgyud rnams gnas skabs 'dor? phyin na 'bras bu mngon par 'grub par 'gyur ro zhes bya ba ni sangs rgyas rnams kho na'i yul yin no // yang gsungs pa /las nges bsgos pa de'i mjug rnyed// de las 'bras bu sangs rgyas las// gzhan gyi rnam ba

  584. 292b

    thams cad ni// nges par rab tu mi shes so// de ltar sangs rgyas rnams kyi gsung rab rigs pa'i lam/ /legs par gsungs pas dag pa chos nyid 'di mthong nas/ /mu stegs long ba lta ngan sna tshogs g.yo rnams kyis /gzung lugs spangs te long ba ma yin rnams 'gro'o/ /de bzhin gshegs ba nyi ma'i gsung 'od kyi/ /snang ldan mya ngan 'das grong lam gcig pa// bdag med 'phags pa stong gis bgrod pa 'di// phye yang dman pa'i mig gis mi mthong ngo// de ltar 'di ni phyogs tsam zhig/ rang gi mthu yis rnam 'phel ba'i// dug la rma yi phyogs bzhin du// shin tu mkhas pa rnams la bstan// gang zag bstan pa zhes bya ba mdzod kyi gnas dgu pa'o// chos mngon pa mdzod kyi 'grel pa gnang kyis sgron ma zhes bya ba/ slob dpon phyogs kyi glang pos mdzad pa rdzogs so// //gzhung gi tshad ni shlo ka bzhi stong ngo// blo gros phun tshogs sangs rgyas gnyis pa ltar gyur dbyigs gnyen des mdzad chos mngon mdzod// tshig le'ur byas pa'i 'grel pa gnad kyi sgron ma zhes bya 'jam dbyangs phyogs kyi glang pos sbyar// de nyid 'dzam gling nyi ma shAkya'i mtshan can chos rdzing sras thu bor gyur pa yi/ /paN chen rnal 'byor zla ba ltar gags mkhas mchog gang yin de dang 'jam dpal gzhon nus bsgyur/ /chos mngon pa mdzod kyi 'grel bshad mtshan nyid kyi rjes su 'breng ba gang ba spel// // rgya gar skad du/ a b+hi d+harma ko Sha TI ka lak+Sha ny+ya? nu sa ri Ni nA ma/ bod skad du/ chos mngon pa mdzod kyi 'grel bshad mtshan nyid kyi rjes su 'brang ba zhes bya ba/ 'phags pa 'jam dpal gzhon nur gyur pa la phyag 'tshal lo/ /gang zhig

  585. 293a

    rang nyid thugs kyi mun pa shes bya ma lus yul can rgyud kun zhi// nyon mongs can dang nyon mongs can min mdza' yas mkhyen rab zer thos mthar bskyal zhing/ /thugs rje yongs su khyab pa'i thugs na dang chos 'chad pa yi phyag brkyang tshul dag gis/ /'khor ba'i 'dam las 'gro ba grangs mdzad de la dad por rab tu phyag 'tshal te// nyid kyis don legs thugs chud cing/ /grol ba'i thugs mda' thub pa yis// chos mngon gang zhig bshad gyur dang/ /de nyid rab tu spro bar bya// bstan bcos mdzad par bzhed pas bstan bcos rtsom pa'i dgos pa'i dbang du byas nas bshad de/ de yang ston pa dang bstan bcos la dus pa bskyed pa'o// rang dang gzhan gyi don phun sum tshogs pa brjod pas bcom ldan 'das kyi che ba'i bdag nyid shes pa las ni ma gus pa skye ste/ spangs pa dang ye shes phun sum tshogs pa dang ldan pa'i phyir dang/ 'khor ba'i 'dam du byed pa'i sems can dag drangs pas 'bras bu mthar thug pa la rab tu sbyor bar mdzad pa nyid kyi phyir ro// gus pa skyes nas yang 'khor pa'i 'dam du bying ba rnams klog pa dang kha ton dang thos pa dang bsam pa la sogs pa'i bya ba dag la 'bad pas 'jug pas na de las brgal bar 'gyur ro/ /de nas nyan pa po dran pa dang shes rab zhan pa rnams mi rmongs par bya ba'i phyir slob dpon dbyig gnyen gyi sbyar ba chos mngon pa mdzod kyi bshad pa'i don rnam par dbye bar bya'o// byed na yang re zhig gnas brgyad pa kho na'i go rims kyi dgos pa brjod par bya ste/ 'di na chos rnams bsdu ba bstan pa 'dus byas dang 'dus ma byas la sogs pa gzhan yod du zin kyang/ zag bcas zag pa med chos rnams zhes bya ba'i tshul 'di

  586. 293b

    las mi 'tshol bar bstan pa dang/ kun nas nyon mongs pa rnams dang rnam par byed ba'i phyogs las brtsams te bstan bcos 'di mdzad do zhes bya bar nges te/ de'i phyir kun nas nyon mongs pa dang rnam par bya ba'i phyogs dag ci rigs par phung po dang khams dang skye mched kyis bsdus pa'i phyir dang per phung po la sogs pa'i rnam par bzhag par mdzad de/ khams bstan pa ni phal che ba'i khams kyi mdzod kyi gnas zhes sgrogs so// kun nas nyon mongs pa pa rnam par byed bdag 'jug pa dang dmigs pa ni dbang po'i sgo nas yin te/ de'i phyir de'i mjug thogs su dbang po nye bar bkod do// de nas khams dang 'gro ba dang skye gnas la sogs pa'i dbye bas/ khams dang dbang po'i bdag nyid can gyi kun nas nyon mongs pa sems can zhes bya ba dang/ song ces bya ba 'di ma rig pa la sogs pa dang/ rlung gi dkyil 'khor la sogs pa'i rim pas rten dang rten pa'i khyad par du ji ltar skye ba de bsnyad do// de ltar khyad par mdza' yas pa byung ba de yang dbang phyug la sogs pa dag las ni ma yin gyi yon kyang las dag las yin pas de'i mjug thogs su las rnams bshad do// las de dag kyang nyon mongs pa dang lhan cig tu gyur pa rnams yang skye ba la nus pa dang ldan pa yin gyi 'dod chags dang bral ba la skye ba ma mthong ba'i phyir 'ba' zhig bdag na ma yin te/ de'i phyir de'i mjug thogs su nyon mongs pa bstan to/ /de ltar rab tu zhugs pa'i kun nas nyon mongs pa dang rnam par byed pa'i go rims ni de la 'jug pa mi sdug dang zhes pa 'di yin la gnas der de'i sgrub pa po gang zag rnam par bzhag pa yang bstan to/ /rnam par byang ba yang nyon mongs pa dag ni ye shes kyis gzhom par bya ba yin no zhes 'byung ba las na shes ba las yin te/ de'i mjug thogs su shes ba rnams dang des thob

  587. 294a

    par bya ba'i yon tan rnams bshad do// sems can mnyam pa la ni yang dag pa ji lta ba bzhin du rab tu shes so zhes bya ba'i mdo las ni shes pa rnams kyang bsam gtan dag med par ma yin te/ de'i phyir bsam gtan dag dang bsam gtan gyi rang bzhin gyi yon tan rnams bstan to// gang zag rnam par gtan la dbab pa ni mdzod kyi gnas brgyad pa'i zhar la 'ongs par 'brel pa kho na'o// gal te de dag yod bzhin du bye brag tu bshad pa la sogs pa dang dgos pa mtshungs pas 'di brtsams pa dgos pa med par ji ltar mi 'gyur zhe na/ bye brag tu bshad pa la sogs pa la rgyas pa dang bsdus pa dang sil bu la sogs pa'i nyes pa mthong bas yongs su dga' ba ma skyes pas bya ba mang po'i spros pas blo dkrugs pa rnams la phan gdogs? par bya ba'i phyir chos mngon pa mdzod ces bya ba'i bstan bcos rgyas pa dang bsdus pa spangs pa/ don ma dkrugs pa nye bar ston pa chos mngon pa bsdus pa gzhan zhig brtsams pa yin te/ de'i phyir 'di brtsams pa dgos pa med pa ma yin no zhes tshigs su bcad pa nye bar bkod do/ /'brel pa ni gang zhig dgos pa ni ci brjod bya ni gang zhe na/ bstan bcos byed par 'dod pas zhes bya ba 'di ni 'brel pa'o// rang gi ston pa'i che ba'i bdag nyid shes par bya ba'i phyir zhes bya ba 'di ni dgos pa'o// de la yon tan brjod pa sngon du 'gro ba'i phyag 'tshal ba rtsom pa zhes bya ba 'di ni brjod par bya'o// 'dris par bya bas na yon tan te/ legs pa don tu gnyer ba rnams kyis goms par bya'o zhes bya ba'i don to/ /kun la zhes bya ba ni spangs pa phun sum tshogs pa'o// gtan zhes bya ba ni ye shes phun sum tshogs

  588. 294b

    pas 'khor ba'i 'dam las 'gro ba grangs mdzad pa zhes bya ba ni gzhan la phan pa phun sum tshogs pa'o/ /don bzhin ston pa de la phyag 'tshal nas zhes bya ba 'di ni khams gsum gyi ston pa gcig pu nyid phun sum tshogs pa'o chos mngon pa smos pas rtog gi la sogs pa'i bstan bcos gcod pa'o/ /mdzod smros pas mngon pa gzhan las khyad par du byas pa'o// rang gi ston pa'i zhes bya ba de ni skyabs su 'gro bar khas blangs pa'i phyir dang/ de'i bstan la rjes su sgrub ba'i phyir rang gi ston par 'gyur ro// yang na de dag bdag gis lam dang lam gyi 'bras bu la rjes su bstan pa yin zhes byang chub tu sems bskyed pa'i dus nyid nas sems can thams cad slob ma'i dngos por khas blangs pa'i phyir dang/ de'i don kho nar tshogs dag la rab tu zhugs pa dang mngon par rdzogs par byang chub par bya ba'i phyir 'di nyid sems can thams cad kyi rang nyid kyi ston ba yin gyi gzhan ni ma yin no// 'on ci'i phyir sangs rgyas bcom ldan 'das zhes gnyi ga brjod pa ni sangs rgyas kyi sgra nye ba'i tshig dang bral ba ni nyan thos dang rang sangs rgyas dang yang dag par rdzogs pa'i sangs rgyas gsum char la 'jug ste/ de'i phyir sangs rgyas bcom ldan 'das kyi dbang du byas nas smras la/ bcom ldan 'das kyi sgra yang bdag nyid ma sbyangs pas kha cig gzhan du yang thal byas pas sangs rgyas bcom ldan 'das zhes smras so/ yang ni nye ba'i tshig med ba mi rig pas gnyis smras so// gal te 'dod chags la sogs pa dag kyang shes bya thams cad la phyis mi skye ba'i chos can du 'gyur ba'i phyir gton bcom pa yin na /ci'i phyir mi shes pa kho na'i sgo nas bstod pa brjod ce na/ mi shes pa ni gtso bo yin pa'i phyir ro/ /gzhan yang ston pa nyid phun sum

  589. 295a

    tshogs par bstan par bya ba'i phyir ro/ /stan pa nyid phun sum tshogs pa yang thams cad la thogs pa med pa'i ye shes dang/ 'gro ba 'khor ba las 'dren par mdzad pa'i sbyor ba ste/ gzhan gyi don la rab tu mi sbyor ba 'am/ phyin ci log tu sbyor ba ni ston pa ma yin no// gal te nyan thos la sogs pa yang nyon mongs pa can gyi rmongs pa dang gtan bral mi 'gyur na ni nyan mongs pa dang las dang skye ba'i kun nas nyon mongS pa dang bral bar mi 'gyur te/ de gsum ni nyon mongs pa can gyi rmongs pa'i rgyu can yin pa'i phyir ro/ yang ji ltar na nyon mongs pa can ma yin pa'i mi shes pa yod pas nyan thoS dang rang sangs rgyas la kun nas nyon mongs pa gsum ldog par 'gyur zhe na/ nyon mongs pa can nyid kun nas nyon mongs pa'i rgyu yin pa'i phyir te/ nyon mongs pa can ma yin pa ni ma yin no// yang ci shes rab dri ma med pa kho na chos mngon pa yin nam/ smras pa ma yin no// 'on ci zhe na rjes 'brang bcas te/ shes rab kyi 'khor dus dang 'bras bu la sogs pa dag dang dge ba nyid kyi shes rab kyi rjes su 'jug pa'i gzugs la sogs pa'o// de la mi lcogs pa med pa dang bsam gtan dang bsam gtan khyad par can la brten pa'i shes rab la ni gang gis gang de skad du bshad pa'i yang dag pa'i dag dang las kyi mdza' yang 'tshe bas bstabs pa rnam par rig byed ma yin pa'i gzugs dang rjes su 'jug par 'dod do/ /gal te sems las byung ba thams cad kyi rten yin pas sems gtso bo yin pa'i phyir dri ma med pa rjes su 'brang ba dang bcas pa chos mngon pa rig mod ce na/ bya ba dang mthong ba dang dmigs pa mngon par rtogS pa la nus pa ? ldan

  590. 295b

    pas shes rab kho na gtso bo yin no/ /rjes su 'brang ba dang bcas zhes kho nar bstan pa ni thos pa las byung ba la sogs pa yang sbyar te/ skye nas thob ba phung po bzhi'i rang bzhin yin pa ltar thos pa dang bsam pa las byung ba ? yin no// bsgom byung ni phung po lnga pa ste/ nyer bsdogs dang/ bsam gtan dang/ bsam gtan khyad par can dag nas bsam gtan gyi sdom pa yod pa'i phyir ro/ /nye bar bsdogs pa rnams dang gzugs med pa bzhi ni phung po bzhi pa'o// de lta na 'on mdo sde la sogs pa de bzhin gshegs pa'i gsung gi rnam pa thams cad zag pa med pa'i shes rab kyi tshogs su gyur pas chos mngon pa nyid du 'gyur ro zhe na/ de ni de lta yin mod kyi 'on kyang mdo sde ni phal cher gdul bya'i bsam pa la mngon du phyogs pa yin zhing/ 'dul ba ni byung bas rab tu phye ba yin la/ mngon pa ni chos kyi mtshan nyid la mngon du phyogs pa kho na yin pas de kho na la chos mngon pa zhes ming du grags so// de'i phyir gzhan la thob par 'gyur pa med do// yang dag par 'gro ba'i rnam grangs ni gnas brtan shA ri'i bu'i 'o/ /ston pa yongs su mya ngan las 'das nas gsung rab tu gyur pa na gnas brtan kA tya'i bu la sogs pa mngon par shes pa dang ldan pa rnams kyis chos kyi rje'i dgongs pa dang chos nyid la bltos te bsdus shing tshoms su byas so// grangs dang mtshan nyid bstan pa dang/ /de bzhin rab dbye bsdu ba dang// sgrub byed mtshungs par ldan pa ste// chos ni dang du rab tu bsgrags// yang na grub bzhin du rtsom pa ni nges pa'i phyir yin te/ lam gyi bden pa 'dus byas dag las bkol bas zag pa med pa nyid du grub bzhin slar yang zag pa med pa dag gi nang du smos pa ni nges par bya ba'i don du'o// kha cig dgra

  591. 296a

    bcom pa'i gzugs dang ma zin pa'i gzugs zag pa med par 'dod de/ de'i phyir 'dus byas dag las lam gyi bden pa dag kho na zag pa med pa yin gyi gzhan gyi ma yin no zhes nges pa yin no/ / de bzhin du kha cig brtag pa'i 'gro ba 'gog pa kho na 'dus ma byas dang zag pa med par khas len gyi nam mkha' ni ma yin no// de ni 'dus byas yin te/ sgra de tsam las byung ba'i phyir ro// brtags pa ma yin pa na khas mi len pa nyid da?// gzhan dag ni 'dus ma byas gsum char? btags par khas len gyi rjes su ma yin no// de'i phyir 'dus ma byas zag pa dang bcas pa nyid yin pa bsal du zin kyang 'dus byas nyid dang zag pa med pa nyid dang /dngos po nyid du khas blangs bar shes par bya ba'i phyir 'dus ma byas rnam gsum yang ste/ zhes bya ba smos so/ /yang gi sgra ni nges par gzung pa ste/ lugs gzhan dgag par bya ba /phyir rnam pa gsum kho na'o zhes ston bar byed de/ ji ltar 'ga' rten pa'i lam gyis thob pa so sor brtags pa'i 'gog par mi 'gyur ro// de lam zin pa'i 'byung ba chen po'i bzhi'i rgyu las grub pa ni 'di lta ste/ lag pa dang lag 'chings lta bu zhes bya ba la gal te dag gi sgra ma zin pa'i 'byung ba chen po'i rgyu las byung ba yang yod pa ma yin nam/ dper na tshangs par 'dod par gtogs pa'i sprul pas smra ba dang /bsam gtan gnyis pa skyes pa rnams kyi dag gi rnam bar rig byed lta bu ste/ rnam rig dpyod dang

  592. 296b

    bcas dag na zhes 'byung ba'i phyir ro zhe na/ yod mod kyi 'di ni nges pa med /dpe nyid du nye bar blangs pa'i phyir te/ 'di ltar lag pa dang dag gi sgra ni zin pa'i 'byung ba chen po'i rgyu kho na las 'byung ba yin zhes nges par gzung ba'i phyir ma yin pa'i phyir ro/ /gnod par byed pa'i grang ba med kyi phan par byed pa ni yod do lo zhes bya ba la kha cig na ro lo'i sgra ni ting nge 'dzin las tha dad pa'i phan 'dogs par byed pa khas ma blangs par gsal bar bya ba'i don du'o zhe'o/ /kha cig ni de dag gi ltar na bsam gtan dang po na rnam par shes pa tshogs gsum gyi bde bas phan 'dogs bar byed par mi 'gyur ro zhe'o/ /bzhan dag na re don shin tu sbyangs pa zhes bya ba'i khyad par las gzhan pa'i rig pa phan 'dogs par byed pa med do zhes zer ro// yul mnyam shing za par 'dod ba med na rten gang g.yer ba de sngar skye'o// g.yeng dang sems med kyis dag gi rnam par rig byed las khyad par du byas la/ rjes kyi ni lus kyi rig las khyad par du byas so// gnyid dang rgyal ba sems med par khas ma blangs pa'i phyir dang/ 'du shes med la pa la rnam par rig byed ma yin pa med pa'i phyir mig 'du shes med pa dang 'gog pa'i snyoms par 'jug pa la snyoms par zhugs pa'i yang yin no// zhes bya ba smos te/ sems med pa ni snyoms par 'jug pa gnyis kho na yin no zhes ston par byed do// slob dpon gyi tshig yin par ston pa'o zhes bya ba ni ston pa'i gsung rnams yin no snyam du dgongs pa'o 'di skad bstan par 'gyur te/ gal te rten gzugs su yod pa'i phyir mig la sogs pa'i rnam par shes pa dag kyang rnam par rig byed ma yin pa ltar gzugs nyid yin na ni de lta na de'i rten gzugs su yod pa ma yin pa'i phyir 'ga'

  593. 297a

    zhig gzugs nyid ma yin par 'gyur na/ gcig la chos can phan tshun 'gal ba 'du ba yang ma yin te/ rtag pa dang mi rtag pa bzhin no/ /rnam par rig byed ma yin pa de lta rten tha dad du 'gyur pa ma yin te 'o na ci zhe na thams cad gzugs su yod pa yin no/ /de lta bas na 'ang bar thal ba med do/ /sha dang lha dang 'phags pa'i shes rab kyi mig gsum kyi spyod yul yin pa'i phyir/ zhes bya ba la sha'i mig ni bdag cag lta bu rnams kyi'o lha'i ni lha rnams kyi'o/ /'phags pa'i shes rab kyi mig ni 'phags pa rnams kyi ste zag pa med pa'i shes pa'o/ /sha'i mig ni chos thams cad la dmigs pa'o/ /lha'i mig ni gzugs kyi yul can kho na'o/ /gzhan dag na re phung po la sogs gtam de yin zhes bya ba 'di n id spyod pa rnams kyi gnyen por ni zhes rnam grangs gzhan gyis bstan te/ gang zhig nyon mongs pa'i gnyen por mi 'gyur ba'i phung po bstan pa de ni 'ga' yang med pa'i phyir zhes zer ro/ /lo'i sgra ni rdul phra rab rnams phan tshun reg pa med pa'i phyir bsags pa la mngon mi za bar phug yod par 'gyur bas ma rangs pa'i don to/ /gzhan dag na re bye brag tu smra ba'i tshig yin no zhes zer ro/ /'o na khams brgyad po thams cad bdag med pa'i shes pa'i yul yin pa'i phyir chos kyi khams bzhin du ston pa dang bcas par 'gyur ro zhe na/ mi 'gyur te de dag ni rang gi byed pa la bltos na sra ston pa dang bcas pa dang de dang mtshungs pa nyid du 'jog pa'i phyir ro/ /dri la sogs pa de dag ni gang dag gcig gis 'dzin pa de dag gzhan gyis mi 'dzin to/ /ji ltar zhe na phrad nas 'dzin pa'i phyir ro zhes bya ba smaus te/ de'i phyir mig la sogs pa bzhin du de dag kyang thun mong ma yin no/ /

  594. 297b

    'di dag smra ba kha cig gi sa la sogs pa'i rnam par shes pa bskyed par 'gyur pa'i dri la sogs pa gang dag yin pa zhes bya ba la res 'ga' zhig rkyen nyon de dag nyid thun mong ma yin pa'i phyir gzhan gyi sna la sogs pa'i yul du skyes pa ni de dag gi rnam par shes pa bskyed par 'gyur ba de ni yod kyi/ gzhan gyi mig gis gzhan lta ba ni nam yang yod pa ma yin te/ yul thun mong ba nyid kyi phyir ro/ /mu stegs byed kha cig na re sgra rgyun chags par 'jug pa'i rim pas rtsa bar 'ongs par rtogs bar byed pa'i phyir rna ba'i yul dang phrad pa kho na yin no zhes zer ro/ /de ni de lta ma yin te lag par bcangs pas dril bu'i sgra 'gag ma thag tu sgra mi thos pa'i phyir ro/ /re zhig kyang 'ga' zhig par nas chu rlabs kyi tshul du 'ong pa'i sgra de 'dzin pa su bzlog/ de'i phyir dril bu'i yul na gnas pa'i sgra kho na 'dzin gyi chu rlabs kyi tshul du sna 'brug gi bu gang phyn pa ni ma yin no/ /skad cig mar 'dzin pa dang 'gal ba la rgyu smras pa ni skad cig ma phyi mar gnas par 'gyur ro zhes bya ba ste/ reg pa'i skad cig ma ni skyes pa'i skad cig pas 'phyi ba yin te/ bdag nyid thob ma thag tu phan tshun reg pa'i phyir ro/ /skad cig mar gnas pa yang ma yin te de'i phyir reg pa'i dus su 'gag pa'i phyir mi rig go/ res 'ga' ni mnyam zhes ni mi brjod /de tsha de? nges par ma gzung ba'i phyir ro/ /yang na ni brjod par bya ste/ gang gi tshe rna ba'i nang du thos pa de'i tshe mnyam pa yin pa'i phyir ro/ /rnam par shes pa'ang gong ma ni mig gi ma yin te zhes bya ba 'dir yang rang gis pa dang sa 'og ma khas blangs par 'gyur te/ ji ltar sa 'og ma'i gzugs sa gong ma'i mig gi yul ma yin pa de bzhin dus gong ma'i rnam par shes pa yang sa 'og ma'i mig gis rten

  595. 298a

    par mi 'gyur te /rang gi rten dang lhan cig yul cig la 'jug pa'i phyir ro/ /'di na lha tshangs pa la sogs pa mthong ba'i phyir dang/ de'i dbang gis rnam par shes pa skye ba'i phyir 'di ni dpyad par bya dgos so zhes bya ba 'di ni rgol ba'i gzhi yin no zhe na/ sprul pa'i gzugs mthong pa'i phyir na 'di ni spyad zin to/ /gnas dang po'i 'grel bshad do// //pho dang mo'i dbang po dag dang bral ba ni za ma rnams te 'byin pa med pa'i phyir ro/ /de nyams pa ni ma ning rnams te gnod pas nyams pa'i phyir ro/ /mtshan gnyis pa ni gnyis ka nyams pa ste gnas nyams pa'i phyir dang bde ba chung du'i rgyu yin pa'i phyir ro/ /mtshan gnyis pa ni dbang po gnyis bde 'gro na dge ba'i rnam par smin pa ji ltar yin zhe na/ de'i phyir bde 'grod zhes bya ba rgyas par smos so/ /bde 'gro ste mi dag gi nas mi dge ba'i las kyis dbang po gnyis po de mi 'tsham pa'i gnas su skyes pa yin te/ de ni sems dang ldan pa ma yin pa'i 'du byed do// dbang po ni lus kyi dbang po'i phyogs yin pa'i phyir dge ba kho na'i yin te/ lus kyi dbang po bzhin du bde 'gron gcig tu dge ba kho na'i rnam par smin pa yin no/ /nyi 'og ni yid mi bde ba yang dge ming ge lung ma bstan gsum chad du 'dod do/ /yongs su nyams pa med pa'i rgyu ni de'i 'dod chags dang bral ba ni zhes bya ba la sogs pa ste/ 'jig rten pa dang 'jig rten las 'das pa'i lam gnyis kyis thob par byas pas de'i 'dod chags dang bral ba ni brtan pa yin te/ 'bras las nyams 'gyur /dang po las yin zhes 'chad par 'gyur ro/ /mthong ba'i lam ni 'dod pa'i khams kho nar yin te de'i phyir gdon mi za bar lus kyi dbang

  596. 298b

    po dang ldan no/ /'dod chags dang bral ba la nges pa la 'jug pa'i tshe yid mi bde ba srid do zhe na/ de'i phyir tshor ba bzhi dag dang zhes smos so/ /lhag ma rnams dang ni ldan pa yang yod mi ldan pa yang yod do/ /de dag dang 'brel pa'i? 'dir pho dang mo'i dbang po dag kyang gang rung zhig brjod par bya'o zhes bya ba'i rgol ba'i tshig ni brjod par mi bya ste/ 'khrul pa'i phyir ro/ /res 'ga' ni rim gyis 'chi ba'i gnas skabs su dbang po 'gag kyang de'i cho skye ba skye zhing nges pa la 'jug par 'gyur te/ de nyid kyi phyir mo yin phal mo'i dbang po dang mi ldan pa yod dam zhe na/ yod do zhes brjod de mo'i dbang po 'gag kyang de'i ris mthun mi 'gag pa'i phyir ro/ /pho'i dbang po yang de 'dra'o/ /de ltar na sems gcig la rtsing pa dang zhib ba gnyis mi 'thang de phan tshun 'gal ba'i phyir ro/ /slob dpon 'dul bzangs na de sems gcig la dmigs shing rdzas mnyam yang mthu dus gzhan yin pa'i phyir 'gal ba med de/ tshogs la rtogs pa'i mthus bla lhag na ni dpyod pa'i mthu nyams pa'i phyir sems rtsi dbang 'gyur la/ dpyod pa'i mthu bla lhag na ni rtog pa'i mthu nyams pa'i phyir zhib par 'gyur te/ tshwa dang chu grang reg bzhin no/ /'dir gang zhig mthu shas che ba de ni tshwa dang mtshungs la gang zhig shes chung ba de ni chu dang mtshungs pas dpal mi mthun pa med do/ /de ltar ma rtog pa dpyod pa cig car ba yin la/ sems pa rtsing ba de nyid zhib pa ma yin no zhes zer ro/ /sa'i bye brag gis ni 'dod pa'i khams na rtog pa kho na yod la/ srid pa'i rtse mo na dpyod pa kho na yod cing bar na gnyis ka yod par 'gyur ro/ /rnam pa'i bye brag gis ni thams cad na gnyis ka yang yod mod kyi 'dod pa'i khams dang bsam gtan dang po gnyis kho na na yod pa yang ma yin no/ /slob dpon

  597. 299a

    'dul bzangs ni slar yang sems rtsing ba dang zhib pa nyid ni ma rtsing ba dang zhib pa nyid do zhes ni mi smra'o/ /'o na ji ltar zhe na/ sems rtsing ba ni sems la yod pa'i rtsid pa'o/ /de'i dngos po ni sems rtsing ba nyid do/ /sems zhib pa yang de dang 'dra'o zhes zer ro/ /nam mkha' dang ni dga' yang ldan pa med do/ /ci'i phyir zhe na/ 'brel pa med pa'i phyir ro/ /nam mkha' dad ni gang yang 'brel pa med de dgag par bya ba ding 'gog pa med pa'i phyir ro/ /de'i 'di la thob pa med do/ /yan lag lnga rnam par spangs pa zhes bya ba la/ tha ma'i cha dang mthun pa'i kun tu sbyor ba lnga dag spangs par 'gyur zhing yongs su shes par 'gyur zhing/ 'di lta ste/ 'jig tshogs la lta ba dang/ tshul khrims dang rtul zhugs mchog tu 'dzin pa dang/ the tshom dang/ 'dod pa la 'dun pa dang gnod sems so/ /gzhan dag na re tha ma'i cha dang mthun pa rnams ni sngar slob pa'i gnas skabs kho nar spangs zin pa'i phyir 'di ni gong ma'i cha dang mthun pa rnams kho na gzung ste/ gzugs kyi 'dod chags dang/ gzugs med pa'i 'dod chags dang rgod pa dang nga rgyal dang rmongs pa'o zhes zer ro/ /gzhan dag na re lnga par mtshungs pa'i phyir gong ma'i cha dang mthun pa dang tha ma'i cha dang mthun pa rnams gnyis ka gzung ste/ gnas brgyad la mkhas pa ston pa bzhin zer ro/ /thob pa ni gang zhig yod na mngon du ma gyur pa gang chud mi za bar 'gyur ba'i chos zhig go/ da 'dir khungs ni so sor thob la kun tu ldan pas na zhes bya ba 'di yin no/ /'dod pa na spyod pa'i gzugs dge pa dang mi dge ba sbyor ba las byung ba yin gyi skyes nas thob pa ni ma yin no/ /mnyam par ma bzhag pa'i sa pa yin pa'i phyir ma 'ong pa'i rnyed pa ni ma yin te/ de'i phyir de'i thob pa sngar

  598. 299b

    skye ba med do/ /ma thob pa ni skye ba'i rten gyi dbang gis rnam par bzhag gi chos kyis dbang gis ma yin no chos dang 'gal ba'i phyir ro/ /slob dpon 'dul bzangs na re skal ba mnyam pa zhes bya ba ni sems can 'gro ba gcig tu skyes pa rnams kyi lus dang dbang po dang dbyibs dang g.yo ba dang/ zas la sogs pa'i rgyur gyur cing phan tshun dga' bar 'brel pa'i rgyu mtshan yin no/ /sems can ma yin pa'i skal ba mnyam pa nyid kyang ci'i phyir mi 'dod ces gang smras na khyed cag gis 'gro ba dang skye gnas rnams khas blangs pas rtswa dang a mra la sogs pa'i 'gro ba dang/ la phug dang mon sran rje'u skye gnas dag kyang ci ste khams mi len/ bcom ldan 'das kyis ma gsungs pa'i phyir yin na ni sems can ma yin pa'i skal pa mnyam pa yang khas mi len te/ bcom ldan 'das kyis ma gsungs pa'i phyir ro zhes zer ro/ /'dod pa'i khams su skyes bar gyur te zhes bya ba 'di la rgyu ci yod ce na/ de'i phyir gang zhig der skyes par gyur la zhes rgyas par smos te/ byang gi sgra mi snyan pa rnams kyi lha ltar skye ba'i las bzhin du 'du shes med pa'i sems can rnams kyi 'dod pa'i khams su skye ba myong bar 'gyur ba'i las nges pa yin pa'i phyir ro/ /'phags pa'i ma yin nges pa la zhugs pa nyid kyis ngan song dang 'du shes med pa pa dang/ tshangs pa chen por skye ba rnams kyis brtags pa ma yin pa'i 'gog pa thob ste/ lta ba'i gnas yin pa'i phyir dang/ 'phags pa'i lam dang 'gal ba'i phyir ro// de'i phyir 'dres kyang ma brtsal bar mi 'thob bo/ /'o na ci zhe na dus gcig pa 'thob bo/ /'di ni gnas skabs thams cad du so sor thar pa'i sdom pa bzhin du sngon med pa 'thob pa'i phyir 'das pa mi 'thob bo/ /de'i phyir ji dang po

  599. 300a

    dus de ltar kho na 'thob bo/ /skad cig ma gnyis pa la sogs pa dag tu ni 'das pa dang yang ldan la/ ma langs pa ni da ltar dag kyang yang ngo/ /langs pa ni 'das pa kho na dang ngo// ji srid mi gtong ba ni de srid du zhes bya ba ni yongs su mnyam gyi bar du zhes bya ba'i don to/ /sems med pa yin pa'i phyir ma 'ongs pa mi 'thob ste lha'i mig dang rna ba bzhin no/ /slob dpon 'dul ba zangs na re de'i sa pa'i 'ching ba ma spangs pa'i de bskyed par mi nus te mthong bas spang bar bya ba las ni ma 'das par ni srid pa'i rtse mor 'gog pa'i snyoms par 'jug pa bskyed par mi nus la/ so so'i skye ba ni de las 'das pa yang yod pa ma yin no zhes zer ro/ /ci'i phyir srid pa'i rtse mo'i 'og gi sa dag la 'gog pa la snyoms par mi 'jug ce na/ rgyab kyis phyogs ba dang mthar thug par gcod pa dag gi rnam par thar pa der 'gyur ba'i phyir ro/ /rnam par thar pa de ni rgyu gnyis kyis rnam par bzhag ste/ rgyab kyis phyogs ba dang sems mthar thug pa gcod pas so/ /sa 'og ma dag na de yod na ni dmigs pa dang bcas thams cad pa la rgyab kyis phyogs par mi 'gyur la/ mthar thug pa gcod par yang mi 'gyur gyi sa de'i god na sems yod pas bar du sems gcod par 'gyur ro/ /gnyis ka'i cha ni nyon mongs pa'i sgrib pa dang/ snyoms par 'jug pa'i sgrib pa'o /de lta rdo rje lta bu'i ni nyon mongs pa'i sgrib pa las grol bar byed la/ zad pa shes pa'i dus na rnam par grol ba yin no/ /'gog pa'i snyoms pa bskyed pa na snyoms par 'jug pa'i sgrib pa sogs grol bar byed la/ bskyed pa'i tshe ni rnam par grol ba yin na bcom ldan 'das ni gang las zad pa mkhyen pa'i dus na

  600. 300b

    gnyis ka'i cha las rnam par grol bar zhes bya ba 'gog pa'i snyoms par 'jug pa ma bskyed pa'i che ji ltar snyoms par 'jug pa'i sgrib pa las rnam par grol bar 'gyur zhe na/ de'i sgrib pa dang bral ba'i phyir dang/ de'i mi ldan pa rnam par nyams pa'i phyir bcom ldan 'das kyis zad pa mkhyen pa'i dus na de skyes zin pa bzhin du mnga' brnyed zin pa'i phyir te/ de mngon sum du skyed pa'i gegs dang bral ba'i phyir ro zhes bya ba'i don to/ /de'i phyir ma bskyed pa na gnyis ka'i cha las rnam par grol bar grub bo/ /slob dpon 'dul bzang na re ji ltar na byang chub sams dpa' 'khor ba thog ma med pa dang/ mi ldan pa nas lo ka pa'i snyoms par 'jug pa'i khyad par gyis bslus pa zag pa zad pa'i bsam pas skyil krung bcos te/ srid pa'i rtse mo'i mthong bas spang bar bya ba'i sngon rtsa ba nas ma bton pa rtsa ba dang bcas te drungs phyud nas nyon mongs pa'i dgra drungs phyung ba'i lhag ma spang ba'i phyir yid gtad pa ni de'i gnyen po btang nas 'bad pa thun mong bas thob par bya ba lo ka pa'i snyoms par 'jug pa thob par bya ba'i phyir gus par byed par 'gyur te/ de'i phyir bye brag tu smra ba rnams snga ma kho na yin no zhes brjod par byed pa 'di ni rigs pa ma yin no zhes zer ro/ /kha cig na re rgyu dang 'bras bu dag ha cad de na mi rung bas gzugs kyi khams na ni bsam gtan gsum dag na 'du shes med par snyoms par 'jug gi bzhi pa na ni ma yin no zhes zer ro/ /gzhan dag na re skye ba de ni 'bras bu yin pa'i phyir 'du shes med pa'i sems can ma gtogs pa bzhi par snyoms par 'jug go zhes zer ro/ /chog shes pa sni lha rnams dga' ba yin gyi zhes bya ba la sogs pa la/ tshig shes pa ni gang dag rig byed kyi tshig tshad mar byed pa de dag yin te/ sangs rgyas kyi gsung ni don gyis rab tu phye

  601. 301a

    ba yin pa'i phyir ro/ /rgyu rnams ni gang rkyen rnams ni gang zhes bye brag tu 'dri na/ rgyu rnams las rkyen rnams la khyad par ci yod ce na/ kha cig na de ci yang med bcom ldan 'das kyis yang dag pa'i lta ba skyed ba la rgyu gnyis dang rkyen gnyis te/ gzhan gyi sgra dang tshul bzhin yid la byed pa'o zhes gsungs so/ /de'i phyir rgyu dang rkyen dag dang byed rgyu dang rgyu mtshan zhes bya ba ni rnam grangs dag go zhes zer ro/ /gal te khyad par med na ci'i phyir bye brag tu bstan ce na/ gdul ba la bltos nas de khams dang skye mched bzhin no/ /'di ltar rkyen khyad par med par bstan la/ rgyu ni khyad par du bstan to/ /gzhan dag na re nye ba ni rgyu yin la ring ba ni rkyen yin no zhes zer ro// ma gtogs pa gang yin pa'o zhes bya ba 'dir kho bo cag gis skye ba la sogs pa kho na bshad de/ de dag gi don du 'dir nye bar bkod pa'i phyir ro/ /ma gtogs pa gzhan gang yin pa de yang 'jig tshogs la lta ba'i rgyu can yang yin la rgyu yang yin par brjod par bya'o/ /gang dag de dang mtshungs par ldan pa'i chos rnams kyi zhes mi 'don pa de dag gi ltar na rab tu byed pa'i gzhung ji ltar 'gal bar 'gyur zhes khong nas dbyung bar bya'o/ /'o na ji ltar ce na/ 'jig tshogs la lta ba'i skye ba dang rga ba dang gnas pa dag ma gtogs zhes de skad du 'don te/ 'di ltar 'di dag gi skye ba la sogs pa'i stobs kyis ni sems mi skyed de/ de rang gi mthun pa'i mtshan nyid bzhin no/ /de'i phyir de dang mtshungs par ldan pa'i chos rnams kyis zhes de skad mi 'dod do/ thob pa dang de dag gi skye ba la sogs pa na rnams ni 'du byed kyi phung pos bsdus pa'i phyir na phung po gcig go/ thob pa rnams kyi 'bras bu gang yin pa de nyid de dag

  602. 301b

    gi skye ba la sogs pa rnams kyi yang yin pas 'bras bu gcig go/ thob pa rnams kyi thob pa dang ldan 'bras bu tha dad pa de mtshan nyid rnams ni ma yin te/ mchag gzhi dang gnyis lhan cig 'byung ba'i rgyu yin pa'i phyir ro/ /phung po gnyis la zhes bya ba ni lus dang dag las dga' ba dang mi dga' ba ni gzugs kyi phung po yin la/ de dag gi skye ba la sogs pa rnams ni 'du byed kyi phung po yin no/ /lhan cig 'byung ba'i rgyu yin pa'i phyir lus dang ngag gi las dang/ de dag gi skye ba la sogs pa rnams kyi rnam par smin pa'i 'bras bu gcig kho na yin te/ 'bras bu tha dad pa na ni lhan cig 'byung ba'i rgyu yin pa nyid du 'gal ba'i phyir ro/ /'du shes med pa pa yang sems kyi mtshungs de ma thag pa can yin pa'i phyir gsum gyis yin par dmigs pa ma yin nam zhe na/ 'di brjod par bya ba yin mod kyi rnam par smin pa las skyes pa yin pa'i phyir rang gi ngang gis 'jug pas sems kyi 'du byed las skyes pa ma yin pa des na ma brjod do/ /snyoms par 'ju pa'i tshe dge ba dang zhes bya ba 'byung ba la dge ba gang mjug thogs su gang dang gang gis bsdus pa 'byung zhe na/ 'dod pa na spyod pa'i dge ba sbyor ba las byung ba'i mjug thogs su sbyor ba las byung ba kho na yin gyi skyes nas thob pa ni ma yin no te/ 'dir skyes pas mngon du byed mi nus pa'i phyir ro/ /kha cig na re mi lcogs? pa med pa kho nas bsdus pa 'byung ngo zhes zer ro/ /gzhan dag na de bsam gtan dang po'i yang ngo zhes zer ro/ /gzhan dag na re bsam gtan khyad par can gyi yang ngo// zhes zer ro/ /btsun pa dbyangs sgrogs na re ni bsam gtan gnyis pa'i bar du yin no zhes zer ro/ /gzhan dag na re ni mnyam par bzhag pas thod rgal gyi snyoms par 'jug pa ltar sas bar du chod pa 'dren par mi nus so zhes zer ro/ /gze'i

  603. 302a

    gnas pa'i mjug thogs su ni drug ste zhes bya ba la 'di ltar de la gnas pa la 'chi ba med de/ de lta ma yin na gzugs dang gzugs med pa na spyod pa'i nyon mongs pa can dag sus bzlog tu dmo? pa gal te mi slob pa las slob pa mi 'byung na 'o na ji ltar na mi slob pa las yongs su nyams pa slob pa yin zhe na/ 'di ltar longs pa mi slob pa'i ting nge 'dzin las nyams par 'gyur te/ ting nge 'dzin la gnas pa la yongs su nyams pa med pa'i phyir ro/ /gnas gnyis pa'i 'grel bshad do/ /chu bur can la sogs pa grang ba'i sems can dmyal ba brgyad ni yang sos pa rnams kyi ngos bzhi de dag gi 'khor lhag pa lta bur gnas te/ de na gtso bo ma yin ba'i phyir grang ba'i dmyal ba rnams logs shig tu ma bstan la/ nyi tshe ba'i dmyal ba rnams kyang yul dad grangs dang tshad ma nges pa logs shig tu ma smos so/ /thos pa dang yongs su nyams nas de la chags pa'i phyir ro zhes bya ba la/ rnal 'byor pa rnams ni de ltar 'dod pa na spyod pa'i sprul sems kyis 'dod pa na spyod pa'i sprul pa sprul par byed do zhes nas de la dmigs pa'i 'dod chags skye la/ 'dod pa'i 'dod chags dang bral ba las yongs su nyams te rjes su dran nas sprul ba'i sems la chags phyir byed do/ /yang sprul pa'i dbang gis zhes bya ba rgyas par 'byung ba la/ 'dod pa na spyod pa'i sprul pa mthong nas kye ma kye hud bdag la yang 'di 'dra ba'i sems yod par gyur cig snyam du sprul pa'i sems la yang 'dod pa nyon mongs pa can 'byung ngo/ /gal te bdag cag ni nges so snyam pa dang/ 'di dag bdag gis snyam du 'du shes tha dad pa'i phyir 'du shes du ma pa yin no snyam na rgyu'i 'du shes tha mi dad pa'i

  604. 302b

    phyir 'du shes tha dad pa med de/ de dag thams cad tshul khrims dang brtul zhug mchog tu 'dzin pa'i lta ba la zhen pa'i phyir ro/ /gzhan dag na re 'od gsal na gnas pa dag kho nas bsam gtan dang po'i sa pa'i sprul pa sprul nas tshangs pa dang lhan cig bsdad la/ sprul pa'i gnas skabs dang yang bsam gtan dang por skyes pa dag gi de'i sa pa'i mngon par shes pa'i sprul pa yin pas de dag gi sprul pa'i gnas skabs dran pas de dag 'di snyam du bdag cag ni zhes bya ba rgyas par shes par 'gyur ro zhes zer ro// gzhan dag ni bsam gtan gnyis par skyes pa la sogs pa rnams kyi mig gi rnam par shes pa ni tshangs pa'i lo ka pa kho na yin pas de dag nyams su myong ba dran pa mi srid pa ma yin te/ de'i phyir sngar mthong ba kho na rjes su dran pa yin no zhes zer ro/ /kha cig na re sems can 'di yang 'di nyams su smon lam bdag kyang 'dir skyes so snyam du bsgoms pa las byung ba'i sngon gyi gnas rjes su dran pa'i shes pa 'am gzhan gyi sems shes pas 'dzin pa ni ma yin te/ 'o na ci zhe na skyes nas thob pa kho nas snyam du shes pas 'gal ba med do zhes zer ro// gzhan dag na re rjes su dpag pa'i shes pa gzhan gyi bsam pa rnam pa dang bcas pa rtog pas gnod par byed pa ma yin no zhes zer ro/ /'od ba dang med par 'du shes pa'i phyir dang zhes bya ba rgyas par 'byung ba la/ skye gnas yun ring du ma lon pa rnams ni 'ong? bar 'du shes pa'i phyir ro/ /skyes nas yun ring du lon pa rnams ni med par 'du shes pa'i phyir ro skrag pa dad mi skrag par 'du shes pa'i phyir zhes bya ba ni de dag nyid dang go rims bzhin no/ /skrag pa ni skyo ba'i 'chi bar 'pho bar dogs pa'i phyir mtshan nyid can te/ bdag tu 'dzin pa ma spangs pa'i phyir de dag la de yod do/ /

  605. 303a

    sa gzhan du ma yin no zhes bya ba las gzhan gyi phung po rnams ni mngon du gyur pa yin yang rnam par shes pa gnas pa'i bya ba mi byed de/ sred pa kun spyod pa'i dbang gis na de la rnam par shes ba rab tu gnas pa yin na de dag la sred pa kun tu spyod pa med pa'i phyir ro/ /rgyud gzhan dag dang sems can du bgrang ba ma yin pa dag ni rang gi sa pa yin yang rnam par shes pa gnas pa ma yin no/ /gzhan dag na re de dag kyang rnam par shes pa gnas pa yin te/ de la yang rnam par shes pa nye bar brlan pa 'phel bar 'gyur ba yin no zhes zer ro/ /kha cig na re yi dag ba rnams ni brdzus te skyes pa kho na yin no zhes zer ro/ /de'i phyir yi dags mngal nas skye ba sgrub pa'i phyir cho dang ldan pa maung+gal gyi bu chen po la zhes rgyas par 'byung ngo/ /skye gnas thams cad du skyes pa rnams la 'phags pa'i chos thob pa'i go skabs yod mod kyi/ 'phags pa'i chos thob zin pa rnams ni sgo nga dang drod gsher las skyes pa'i skye gnas su mi skye'o/ /sngon dus kyi srid pa'i sha tshugs can yin yang rnam par smin pa'i snying po dang po yin pa'i phyir dang/ srid pa tshol ba yin pa'i phyir dbang po ma tshang ba med pa yin te/ de lta ma yin na sna med pa dang/ mig med pa skye ba nyid du mi 'gyur ro/ /sngon gyi slob dpon dag ces bya ba ni sngon gyi mdo sde pa dag go/ gnas skabs gang gis zhes bya ba ni shan pa la sogs pa 'am lings pa la sogs pa dag gi tshe ste/ ji srid du ji ltar 'gyur bas de myong las/ sngar byas pa ni rmi lam ltar/ /sems can de 'dra mthong gyur nas/ /dmyal bar rab tu rgyug par 'gyur zhes bshad do/ /gzhan dag na re rgyal po lnga len gyi dud lnga brgya sgo? nga las skyes pa 'am

  606. 303b

    'di sa pa yin pa de dag gis kyang rang sangs rgyas kyi byang chub rtogs so zhes bya bar grags te/ de'i phyir sgo nga las skyes pa ni rtag tu thams cad du rmongs par 'gyur ro zhes bya ba 'di ni ma nges so zhe na/ rang sangs rgyas bse ru lta bu la dgongs nas gsungs pas nyes pa med do/ /gal te rtse dags 'gro pa'i yul du 'gro zhes sngar stan zin pa ma yin nam/ rlung langs pa 'am char 'bab pa 'am zhes bya ba rgyas par yang ci'i phyir smos zhe na/ nges pa med par shes par bya ba'i phyir te/ 'dod chags dang zhe sdang gnyis kho nas blo phyin ci log tu 'gyur bas skye ba'i yul du 'gro ba ma yin gyi/ 'o na ci zhe na/ rnam pa gzhan du rtsi thabs po'am na bas? thibs po'i zhes rgyas par 'byung ba yin te/ de ltar bshad na skye ba'i srid pa nyon mongs can/ /rang gi sa pa'i nyon mongs kun/ /zhes bya ba 'di yang tshad mar 'gyur ro/ /gzhan dag na re ni rang dang nye ba'i gnas skabs su yin no zhes zer ro/ /gzugs dang gzugs med pa na gzugs dad skye mched drug gi gnas skabs yod pa ma yin te gzugs med pas de dag med do/ /spyod pa yang ma yin te zhes bya ba la gzugs na spyod pa la ni rnam par shes pa dang skye mched drug gi gnas skabs las tha dad pa'i ming dang gzugs kyi gnas skabs med de/ 'di ltar ming dang gzugs ni de phan chad/ /skye mched drug dod tshun chad do zhes chad par 'gyur ro/ /de'i phyir gzugs kyi khams na yan lag gcig gnyis yod do/ /gzugs med pa na ming dang gzugs dang skye mched drug gi gnas skabs yod pa ma yin te/ gzugs med pas de dag med do/ /de'i phyir yan lag bcu yod do/ /yang ci'i phyir nyon mongs pa thams cad ma rig pa'i sgras brjod ce na/ yang srid pa 'phen

  607. 304a

    pa'i 'du byed rnams kyi rgyu'i ngo bor nges pa'i phyir ro/ /'dod chags la sogs pa rnams ni de lta ma yin te 'di ltar 'dod chags ni zhe sdang gis mngon par 'du byas pa'i 'du byed rnams kyi rgyu ma yin no// de bzhin du gzhan la yang brjod par bya'o/ /ma rig pa ni gdon mi za ste de ni nyon mongs pa thams cad dang lhan cig spyod pa'i phyir ro/ /des bzhag pa'i nus pa'i shugs dang ldan pa'i phyir yang ma rig pa'i phyogs la rten te de'i phyir de'i nyon mongs pa thams cad bsnyad do/ /'di ga las zhe na ma rig pa gtso bo yin pa'i phyir dang/ de dang lhan cig gi spyod pa'i phyir ro/ /'dir rnam par shes pa dang skye ba'i yan lag gnyis ni skad cig ma yin la/ gzhan dag ni rgyun chags pa'i phyir skad cig ma mang po dag yin no// rnam par shes pa dang lhan cig 'byung ba'i phung po gzhi ni zhes bya ba la sogs pa 'byung ste/ 'di la kha cig na re rig byed dang rig byed ma yin pa'i gzugs ni gzugs kyi phung po'o zhes zer ro/ /rnam par bshad pa 'di la ni srid ba dang khyad par med par 'gyur te/ gang gi phyir las byed de ni srid pa yin zhes bya ba'i mtshan nyid kyi phyir ro/ /de'i phyir nges par dbang po dang lhan cig skyes pa kho na ba gzugs su gzung ngo zhes bya bar rtog so/ /las kyi 'phen pa'i dbang gis zhes bya ba la ji skad bstan pa'i las dag gis ni 'phangs pa'i las kyi 'phen pa'o/ /de'i dbang gis ni de'i rgyu mtshan gyis te/ rgyu des rnam par smin pa'i rgyun srid pa bar ma 'brel pas shin tu thag ring 'gro ba de dang ded 'gro bar 'gyur ro/ /srid pa bar ma yang rnam par shes pa drug dad ldan pa'i phyir de ltar bshad na rnam par shes pa gang zhe na rnam par shes pa'i tshogs drug

  608. 304b

    go zhes bshad ba de 'thad pa yin no zhes smos so/ /gzhan dag na re bsam gtan gsum pa'i bde ba ni brtan pa yin la nye bar rgyu ba ni mi brtan pa yin no/ /de nyid kyi phyir yid kyi nye bar rgyu ba zhes bya ste/ yid ni mi brtan pa yin pa'i phyir ro zhes zer ro/ /bsam gtan dang po'i sa pa bcu dang ldan pa bshad nas gal te bsam gtan gyi dngos gzhi'i sa pa'i btang snyoms kyi nye bar rgyu ba nyon mongs pa can bzhi dang/ mi lcogs pa med pa'i sa ba sa 'og ma la dmigs pa dge ba bzhi dang ldan pa ma yin nam zhe na/ ldan pa ni bden mdo kyi de dag la logs su ma brtsis te/ btang snyoms kyi bdag nyid yin pa'i phyir dang/ sa tha mi dang ba'i phyir ro/ /bsam gtan dang por skyes pa gnyis pa'i dge ba sems nyer bsdogs kyi bsdus pa thob pa ni bsam gtan dang po'i sa pa thams cad dang ldan te 'dod chags dang ma bral ba'i phyir ro/ /kha cig na re bsam gtan gnyis pa'i sa ba ni gcig gnyis dang ldan te ji ltar zhe na/ dri dang ro la dmigs pa dag med pas yid bde pa dang btang snyoms kyi nye bar rgyu ba nyon mongs pa can gnyis dang/ btang snyoms kyi nye bar rgyu ba bsam gtan gnyis pa'i nyer bsngogs kyis bsdus pa bzhi dang ldan no zhes zer ro/ /gzhan dag na re brgyad dang ldan te btang snyoms kyi nye bar rgyu ba bzhi po de dag ni btang snyoms gyi bdag nyid yin pa'i phyir dang/ sa tha mi dad pa'i phyir tha dad par mi bzhag ste/ bsam gtan dang po'i nyer bsdogs bzhin no zhes zer ro/ /chos mngon pa'i bstan bcos ni drug ste/ ye shes la 'jug pa dang/ rab tu byed pa'i rkang pa dang/ rnam par shes pa'i tshogs dang/ yang dag par 'gro ba'i rnam grangs dang/ gdags pa'i bstan bcos dang/ chos kyi phud po'o/ /kha cig na re

  609. 305a

    dge ba'i rnam par smin pa dang bcas pa yin pa'i phyir dang/ dgra bcom pa rnams kyang ma 'ongs pa'i rnam par smin pa la rgyab kyi phyogs pa yin pa'i phyir dge ba'i sems la yongs su mya ngan las 'da' ba yod pa ma yin zhe'o/ /gzhan dag na re mthar gyis 'khor ba spong ba yin te/ 'dod pa dang srid rtse las 'dod chags dang bral bas rim par mi dge ba dang bsgribs la lung ma bstan spong la/ yongs su mya ngan las 'das pa'i tshe ni lung ma bstan ba'i sems mngon du gyur pas dge ba'o// lhag med kyi dbyings su zhugs baS ni lung du ma bstan pa spongs so// zhes zer ro// 'chi ltas las ni mi 'di'i ste zhes bya ba ni bzlog par mi nus pa'i phyir ro// 'di dag gi ni thams cad la 'byung la/ thams cad kyang mi 'byung mod kyi lha'i 'chi ltas bsdoms na lnga zhes de ltar brjod do// snga ltas de dag ni lha'i zhag lnga 'byung ngo// btang snyoms la skye zhing 'chi ba na bsam gtan gsum pa na ni nyer bsdoD kyi sems la gnas te skye zhing 'chi'i dngos gzhi la ma yin te/ btang snyoms dang mi ldan pas so/ /chu'i dkyil 'khor ni khor yug tu rlung gi dkyil 'khor 'dra'o// thad kang 'bum phrag bcu gnyis zhes bya ba ni chu dang gser gyi dkyil 'khor bye ba phrag brgyad gnas pa'o/ /de'i bar gyi gling brgyad ni zhes bya ba de dag thams cad las ngan pa'i dbang gis grub pa zhig ste/ de nyid gyi phyir de na gnas pa'i mi rnams ni lus chung ba yin no// gcig na srin po gnas po ni rnga yab po/ /thad ka na yod do zhes bya ba smos te nyid kyi phyir de dag na grang ba yod do// kha cig na re rgya mtsho chen po dang nye ba'i phyir zhes zer ro/ /gzhan dag na re las kyis byas pa yin te de lta ma yin na nya rnams la

  610. 305b

    yang grang bas ches gnod par 'gyur ro zhes zer// gzhan dag na re las kya byas pa yin te de lta ma yin na nya rnams la yang grang bas ches gnod par 'gyur ro zhes zer ro/ /gzhan dag na? grang ba'i dmyal ba rnams kyi gnas ni khor yug gis gling gzhi yongs su bskor ba'i ngos na gcig tu mun nag tu gyur pa yin no zhes zer ro// gang rim ni nam mkha' la 'phags pa la brjod do/ gzhan dag na re thams cad gnyis kyis gnyis yin te/ lnga po yul so sor nges pas dbang po gzhan gyi yul ni dbang po gzhan gyis longs spyod pa ma yin no zhes zer ro/ /de'i 'dod pas 'di ni 'khong pa bzhin du mthong zhes pa ni ji ltar 'dod pa na sbyod bas 'dod pa mthong ba de bzhin du de'i sa bas gzugs na spyod pa dang sa gong mar skyes pa 'ongs pa gong ma'i lus su ma sprul pa yang mthong bar 'gyur ro// gong du skyes pa 'ongs pa mthong ste/ 'dod pa na spyod pa 'am sa mchungs pas mthong ngo// de nas sems can gang yang rung ba gcig ces bya ba 'di ni tshangs pa chen po yin te/ de nyid kyi phyir na tshangs pa chen po thams cad ni so so skyo bo yin te/ 'phags pa la 'og tu 'gro ba mi srid ba'i phyir dang/ gong na mthong lam med ces 'byung bas gzugs kyi khams na skyon med par zhugs pa ni srid pa'i phyir ro/ /de nyid kyi phyir gcig gis bar chad med par skye ba gnyis su tshangs pa chen po nyid byed ba ma yin no// gal te tshangs pa chen po ni nangs kyis phyir na 'chi 'pho zhes bshad la/ 'od gsal ba rnams kyi tshe yang bskal pa chen po'i bskal pa brgyad yin zhing/ bar gyi bskal ba nyi shu na yang slar 'chags pas de'i phyir 'od gsal ba'i tshe ma zad par de nas 'chi 'pho bar 'gyur zhe na/ de la bar du 'chi ba yod de/ bsod nams rlabs chen po

  611. 306a

    las skyes pa dag ni tshe lo bskal ba chen po brgyad pa yin no/ /gang bar gyi bskal pa nyi shu zhes bya 'di ni ches nyungs pa yin no// kha cig na re der skyes pa de na gzhan zhig kho na yin zhes zer ro// gzhan na re las sna tshogs las 'di la nges pa med do zhes zer ro// yang ji ltar yar skye ba'i rang bzhin dang 'bri ga'i rang bzhin ni yar skye ba dang 'bri ba'i rang bzhin can gyi bskal pa rnams dang dus mnyam par 'gyur zhe na/ mgyogs? pa dang mgyogs pa ma yin par 'gro ba'i khyad par las te 'di ltar mdza' i bskal ba gnyis ni dal gyis 'gro la/ bar ma gcig gnyis ni mgyogs par 'gro bas thams cad dus mnyam par 'gyur ro/ /gnas gsum pa'i 'grel bshad do// /glo bur du 'ongs pa la sbyin pa dang/ 'dron pa la sbyin pa dang/ nad pa la sbyin pa dang/ nad g.yog la sbyin pa dang/ kun dga' ra ba 'bul ba dang gcig tu slong ba 'cha' ba dang/ rlung mo che la sogs pa byung na zan dang skyon ma la sogs pa sbyin pa ste 'di ni rdzas las byung ba'i bsod nams bya ba'i dngos po bdun no/ /'dod pa khams ni rnam par rig byed la mi bltos ba'i rig byed ma yin pa med do// phyi rol pa rnams la sdom pa yod kyi so sor thar ba'i sdom pa ni ma yin no srid pa la brten pa'i phyir ro/ /sdom pa med na ni don ma yin pa'i tshogs chen por 'gyur te zhar la 'ongs pas chog go 'dod gtogs zhes bya ba smos pa ni bsam gtan dang zag pa med pa'i sdom pa bcad par bya ba'i phyir te/ de dag gi rten 'byung ba chen po rnams ni sems dang 'dra bar dus mnyam pa'i phyir ro/ /'o na sems med pa'i bya ba la gal te de'i dus kyi kun nas slong pa med na shi ba bzhin de yod par 'gyur na ni

  612. 306b

    bsnyen par rdzogs pa'i dus su dge 'dun la dge slong dngos por gsol ba btab nas 'gog pa'i snyoms par 'jug pa'i dus kyi rnam par rig byed dang dag gi rnam par rig byed par 'phags pa ni las brjod pa'i mjug gi dus su sdom pa skye ba'i tshe da'i dus kyi kun nas slong ba med par ji ltar 'gyur zhe na/ 'o na ni sems dang bcas pa la ches gsal ba yin pa zhes bya ba smos te/ de ltar byas na dgra bcom pa la yang so sor thar pa'i sdom pa chu? yod par 'gyur ro/ /de dag gi so so'i sdom pa gdon mi za bar rnam par rig byed la rag lus pa ma yin te zhes bya ba ni rten lnga po dang grags pa la sogs pa gang gi ste/ sngon gyi smon lam gyi dbang ste bsam pa phun sum tshogs pa'am/ sangs rgyas kyis? mthus rnam par rig byed med par so sor thar pa'i sdom pa 'thob bo// slob dpon 'dul bzangs na re ni 'dul ba dang ldan pa'i don dag ni thams cad mkhyen pa ma yin pa rtog gis de kho na nyid khong du chud par mi nus te/ gang sdom pa de dag las kha cig ni tshogs kyi nang du gsol ba dang bzhi'i las kyis 'thob la/ kha cig ni gang zag gcig la gsol ba tsam gyis 'thob pa 'di la rgyu ci yod/ de'i phyir gang de ltar 'thob kyi gzhan du ni ma yin no zhes ston pas gzigs shing de kho na ltar bstan pa 'di ni sdom pa'i rigs de kho na ltar gnas pa yin pas 'di la rgyu mtshan btsal bar mi bya'o zhes zer ro// ci bcom ldan 'das kyis ni nyin zhag gi 'og tu sdom pa mi skye bar gzigs nas nyin zhag ba'i bsnyen gnas bstan tan/ /'on te dbang po gdul dka' ba rnams zhes 'byung ste/ slob dpon 'dul bzang na re ni gal te dbang po gdul dka' ba la bltos? nas

  613. 307a

    nyin zhag pa bstan na ni dbang po chos gdul dka' ba la ltos nas yud tsam 'am nyin mo 'am mtshan mo tsam ci'i phyir mi bstan ces smra'o/ /mi shes pa ni ma gtogs zhes bya ba ni 'phogs par byed pa dang gnod par byed pa brjod pa dang ma byang ba ste/ dkon mchog gsum la the tshom za ba dang log par zhugs pa'i bsam pa can la ni sdom pa mi skye ste/ gang zhig mi shes pas skyabs su 'gro ba yin gyi log par zhugs pa 'am the tshom za bas skyabs su mi 'gro ba ma yin ba de ni skyab su ma song yang bsnyen gnas kyi sdom pa skye'o/ /mi shes pa ni ma gtogs so zhes bya ba ni 'begs pa be dang gnod pa pos te the tshom za nas skyabs su mi 'gro ba la ni dge bsnyen kyi sdom pa med do/ /de dag gi mngon sum zhes bya ba ni ga gon bzang po zhes gnyis kyi'o/ /dge 'dun dkon mchog ces bya ba ni dge 'dun gang chos kyi 'khor lo bskor ba'i mjug thogs su 'byung bar 'gyur ba'o/ /gang zhig 'phags pa rnams kyis tshe rabs gzhan du mi byed pa'i sdom pa thob pa de ni rang bzhin gyi kha na ma tho ba yin te/ srog gcod pa dang ma byin par len pa la sogs pa bzhin no/ /rten gnyis ka'i nyon mongs pa shas che ba'i phyir zhes bya ba ni de dag skyes ba dang sbyor bar 'dod la/ bud med dang yang sbyong bar 'dod pas nyon mongs pa shas che ba'i phyir so sor brtag mi bzong ngo/ /mtshan gnyis pa la ni gnyis ka'i nyon mongs pa shas che ba dang ngo tsha dang khrel yod shas chen po med pa'i sdom pa med la/ za ma dang ma ning la ni ngo tsha shes pa dang khrel yod pa shas chen po med pa'i phyi'o// snga phyi med gsum smin ces bya ba de la bde ba myong bar 'gyur ba'i gzugs ni mig la sogs pa'o//

  614. 307b

    sdug bsngal myong bar 'gyur pa'i sems dang sems phyir las byung ba'i mig la sogs pa'i rnam par shes pa rnams dang/ de dag dang mtshungs par ldan pa'i sems dang sems las byung ba rnams te/ yid mi bde ba ni rnam par smin pa ma yin pa'i phyir ro// bde ba yang ma yin sdug bsngal yang ma yin pa ni ldan pa ma yin pa'i srog gi dbang po la sogs pa'o// dpe ston pa rnams zhes bya ba ni/ gang dag dpe de rtog gis tha snyad byed pa de dag ni dpe ston pa rnams so// 'phags pa gzhan duAng myong mi byed ces bya ba la'ang zhes bya ba'i sgras ni skyes nas myong ba yang byed ba ma yin par rtog ste/ de la ni yongs su nyams pa 'am slar 'ong ba yod pa ma yin te/ brtan pa'i phyir dang khyad par du 'gro ba'i phyir ro// brtan pa zhes bya ba ni mi brtan pa bcad pa'i phyir te mi brtan pa ni skyes nas myong bar 'gyur ba dang/ lan grangs gzhan la myong bar 'gyur bar byed pa ma yin te/ yongs su nyams pa la yang skye ba srid pa'i phyir ro/ / 'dir kyi hud? sems can smra sngags 'don pa'i dmyal ba dper bya'o zhes bya ba ni kun po'i sde dpon zhig gis rang sangs rgyas lnga brgya gsong du bcug ba'o// bdag po med pa'i zhes bya ba ni bu med pa'i gter te yul gyi bdag po las ma byin bar blangs so/ /gnyis ga yang mi byad na zhes bya ba rgyas par 'byung ste/ de ltar na bsam gtan dang zag pa med pa'i sdom pa bzhin du las kyi lam sems tsam la rag las ba nyid du thal bar 'gyur na/ 'dod pa na spyod ba'i rnam par rig byed ma yin pa rnam par rig med pa can ni yod pa yang ma yin no// 'dod pa na sbyong ba zhes bya ba ni bsam gtan dang zag pa med pa'i rig byed ma yin pa las khyad bar du byed pa'o/ /ji ltar na de

  615. 308a

    gnyis las kyi lam du 'grub ces bya ba ni drang srong dang dge slong gnyis kyi'o// slob dpon 'dul bzang ni drang srong dag ni don gyis na rnam par rig byed byed pa yin te/ mi ma yin pa dag gis de dag gi bsam pa 'dod bar zhugs pa rtogs nas de dag la dad pa rnams gang gis na drang srong de dag la las kyi lam skye ba lus kyis byed do/ /gzhan yang khro ba las ni de'i tshe gdon mi za bar lus dang ngag gi las g.yo bar 'gyur bas 'gal ba med do// gso sbyong la yang ji ltar tshig gis go bar bya ba'i don la lus kyis g.ye ba la yang las kyi lam skye ba de bzhin du bdag gis tshe dang ldan pa yongs su dag go snyam du rig par bya'o snyam du cad mi smra bas mi g.yo ba la yang yin pas/ tshig gi go bar bya ba'i don la cad mi smra ba la yang dag gi las kyi lam skye bar 'gyur te/ de ni yongs su ma dag bzhin du cad mi smra bas bdag nyid dag bar go bar byed do zhes zer ro/ /gzhan ni 'dod pa'i khams kyi rnam par rig byed ma yin pa ni thams cad rnam par rig byed la rag par nges pa yang ma yin te/ sde lnga po la sogs pa 'bras bu thob pa'i mdo las so sor thar pa'i sdom pa skye ba srid pa'i phyir ro// de lta bas na mi dge ba yang de lta bu 'ga' zhig rnam par rig byed med par yang 'gyur ro zhes zer ro// gang zhig lta ba dang tshul khrims nyams pas gcod par byed pa de yang lus zhig gnas so// gzi byin med phyir zhes bya ba la gzi byin ni snying kha'i phyogs na yod do/ /ma skyes pa rnams ni bskal pa mnyam pa dang kun tu 'gro ba'i rgyu nyid ma yin pa rgyu mthun pa'i 'bras bu ma 'ongs pa med do// gal te mtshangs pa'i rgyu yin pa'i phyir phan pa chud ba nyid

  616. 308b

    yin na dmus longs la sogs pa dag la yang chos med par 'gyur ro zhe na/ za ma la sogs pa'i lus ni rtog pa dang 'gal ba'i phyir mtshang bar 'dod do gzhan du ma yin no/ /bzod pa thob pa rnams ni ma yin no zhes bya ba ni bzod pa chen po thob ba rnams te/ mthong ba'i lam nye zhing nges pa la mngon sum du phyogs pa'i phyir ro// 'dir sems pa brgyas bsod nams brgya zhes bya ba'i ming 'thob ste dang po sems pa lnga bcus 'phen cing mngon du gyur la/ de'i mjug tu yang rdzogs par byed pa lnga bcus mngon du 'gyur ro// gal te de bzhin gshegs pa rnam par gzigs kyi tshe bskal pa grangs med pa gsum pa yongs su rdzogs na ci'i phyir gtsug tor can dang/ thams cad skyo ba dang 'khor ba 'jig dang/ gser thub dang/ 'od srungs rnams kyis bar du bcad kyi de ma thag kho nar mngon par rdzogs par sangs ma rgyas zhes bya ba ni brjod par bya'o/ /tshogs yongs su rdzogs pa ni bzhes par mi rigs so zhe na/ yongs su rdzogs mod kyi rnam pa thams cad du yongs su rdzogs pa ni ma yin no// grangs med pa rdzogs kyi rnam pa thams cad du yongs su rdzogs pa ni ma yin te/ de ltar na 'od srungs mngon par sangs rgyas pa'i tshe tshangs par spyod pa shin tu spyad nas dga' ldan gyi lta'i ris su slar 'khrungs so/ /zhes bya ba'i mdo 'di yang tshad mar gyur ba yin no/ /skyes bu khyu mchog ni skyes bu gtso bo'o/ /da lta ba'i ni sangs rgyas gnyis pa med pas khyod 'dra'i dge spyod chen po gzhan dag go/ nyan thos la sogs pa dag kyang dge sbyong yin pas de dgag pa'i phyir dge sbyod chen po zhes smos so/ /'jig rten gyi khams gzhan dag na yang khyod 'dra ba med par shes par bya ba'i phyir phyogs dang phyog

  617. 309a

    mtshams dag na med ces smos so/ /gal te yid mi ches na yul gcig ste bdag nyid tshol cig ces bya ba'o/ /sems kyi rgyan can ni dad pa la sogs pa'i nor 'dren pa'i phyir ro/ /sems kyi yo byad kyi don can ni ser sna'i dri ma dang bral ba'i phyir ro// rnal 'byor gyi tshogs can gyi don ni snyoms par 'jug pa'i bde ba 'dod pa rnams kyi yin te/ de'i rgyu phan tshun mtshams sbyor ba yin pa'i phyir ro// don gyi mchog thob par byed pa ni mya ngan las 'das pa 'dren par byed pa'i phyir ro// 'khor dang rnam par smin pa las zhes bya ba'i rnam par smin pa ni/ gnas skabs ma des kyang rnam par smin pa nges par 'gyur ba'i phyir ro// bskal par mtho ris dga' / gnas phyir zhes bya ba ni 'dod pa na spyod pa'i lha'i bskye gnas dag tu zhes bya bar dgongs te/ las de 'dod pa na spyod pa yin pa'i phyir ro/ /tshangs pa 'dun na 'don pa rnams kyi tshin tshangs pa'i bsod nams kyi rnam par smin pas bskal pa gcig yin te/ de dang chos mthun par tshangs pa'i bsod nams bskyed do zhes gsungs so/ /gnas bzhi ba'i 'grel bshad do/ //dgra bcom pa la las yod du zin kyang phra rgyas med pas yang srid mi 'grub ste/ skye ba'i shing rta skye bo byis pa yi// zhon cing nyon mongs las kyi 'phang lo can// 'di ni nyon mongs 'phang lo gcig nyams pas// las kyi 'phang lo gcig po 'khor ma yin// gang dag gang zhig mthong bas spang bar bya ba'i dmigs pa can zhes bya ba rgyas par 'byung ste/ gdod chags pa gang dag sdug bsngal mthong bas spang bar bya ba'i lta ba la dmigs pa de dag ni sdug bsngal mthong bas spang bar bya ba yin pas na lam gyi bar du yang

  618. 309b

    de 'dra'o/ /'di skad bstan par 'gyur te 'jig tshogs la lta ba la sogs pa rnams ni sdug bsngal la sogs pa dag la dmigs pa'o// 'jig tshogs la lta ba la sogs pa de rnams la ni 'dod chags la sogs pa dag gis dmigs shing 'jig tshogs la lta ba la sogs pa de rnams kyang mthong bas spang bar bya ba yin/ de'i phyir de rnams pa dmigs pa 'dod chags la sogs pa dang mthong bas spang bar bya bar 'gyur te/ dmigs pa yongs su shes pa dang/ de la dmigs pa yang dag par zad dang zhes 'byung ba'i phyir ro// mngon pa'i nga rgyal dang log pa'i nga rgyal gnyis la khyad par ci yod ce na/ khyad par ltar spyod pa'i yon tan gyis bsdus pa'i gzhi dang bcas pa ni mngon pa'i nga rgyal yin la/ log pa'i nga rgyal ni yon tan med bzhin pa'i bdag yon tan dang ldan no snyam pa'i gzhi med pa ste/ mngon pa'i nga rgyal ni sa bon dang bcas pa'o// log pa'i nga rgyal ni sa bon med pa'o// 'di ni nges pa yin te 'dod pa'i khams dang bsam gtan bzhi pa ni skal ba mnyam pa'i khams kun tu 'gro ba yod do// bsam gtan gsum na ni gnyis ka yod do// srid pa'i rtse mo ma gtogs pa'i sa lhag ma rnams na ni skal pa mi mnyam pa'i khams kun tu 'gro ba rnams yod do// srid pa'i rtse mo na ni gnyis ka yang med de khams dang sa gzhan med pa'i phyir ro// 'dod chags ni spang bar bya ba yin na zhes rgyas par 'byung ste/ 'dod chags ni thar pa 'dod pa rnams kyis gcig tu spang bar bya ba yin na de gal te zag pa med pa la dmigs pa yin na ni thad pa 'dod par zhugs pa'i phyir dge ba'i chos la 'dun pa ltar rnal 'byor pa rnams kyis spang bar bya ba ma yin par 'gyur ro/ /'dun

  619. 310a

    pa'i 'dod chags kyi gzhi ni spang bar bya ba yin pa'i phyir zag pa med pa yang spang bar bya bar 'gyur te 'dod chags kyi dmigs pa yin pa'i phyir ro// bcom ldan 'das kyis kyang 'dun pa'i 'dod chags spangs na de lta na khyed kyi gzugs de spong bar 'gyur ro zhes gsungs so/ /de'i phyir zag pa med pa la dmigs pa'i 'dod chags med do// gzhan yang gal te mchog tu 'dzin pa gnyis zag pa med pa la dmigs pa yin na ni yang dag pa'i lta ba'i mtshan nyid can du 'gyur te/ zag pa med pa rnams ni dag pa yin pa'i phyir dang/ mchog yin pa'i phyir ro/ /de'i phyir mthong bas spang par bya ba dag tu yang mi 'gyur te nyon mongs pa can ma yin pa'i phyir ro/ /du ni dmigs pa'i sgo nas/ du ni mtshungs par ldan pa'i sgo nas rgyas par 'gyur zhes bya ba la/ du ni dmigs pa'i kho na'i sgo nas nges par gzungs nas 'dri bar mi byed ba ni 'di ltar gang dag dmigs pa'i sgo nas rgyas par 'gyur ba de dag ni gdon mi za bar mtshungs par ldan par sgo nas kyang rgyas par 'gyur ro/ /rgyu cis dug gsum kho na mi dge ba'i rtsa ba yin gyi lta ba log pa la sogs pa gzhan dag ni ma yin zhe na/ brjod par bya ste nyon mongs pa gang zhig phra rgyas rnam pa lnga'i rang bzhin yin la/ nye ba'i nyon mongs pa ma yin pa/ lus dang ngag gi las kun nas slong ba/ rnam par shes pa tshogs drug dang mtshungs par ldan pa dge ba'i rtsa ba gcod pa la stobs dang ldan pa'i rgyu yin pa de kho na mi dge ba'i rtsa ba yin gyi gzhan ni ma yin no// smras pa/ phra rgyas rnam pa lnga'i rang bzhin/ /lus ngag bya ba kun slong byed/ rnam shes ltar sten dkar po'i rtsa/ /kun sdod 'dren pa

  620. 310b

    mi dge' rtsa ba'o// gzugs med pa na spyod pa gnyis te zhes bya ba 'byung ste/ de la lam mthong bas spong bar bya ba'i dmigs pa ni yin na ni gang gi tshe log par lta ba la sogs pa dag gis bsam gtan gsum pa'i sa pa'i rjes su mthun pa'i phyogs dang mthun pa'i lam la dmigs pa na'o// bsgom pas spang bar bya ba'i nyon mongs pa can ma yin pa'i dmigs pa yang bde ba'i dbang po zag pa med pa de nyid yin gyi gzhan ni ma yin no/ /gzugs med dngos gzhi dge rnams kyi/ spyod yul zag bcas 'og ma min/ /zhes 'byung ba'i phyir ro// gzugs med pa'i khams su skyes pa'i 'phags pa rnams ni goms pa'i dbang gis dge ba zag pa dang bcas pa'i rnam par shes pas bsam gtan gsum pa'i zag pa med pa la dmigs pa yin te/ de ni de la ? dbang po la dmigs pa yin par rig par bya'o// tha ma'i cha ni gnyis te/ khams las ni 'dod pa'i khams so/ /sems can rnams las ni so so'i skye bo'o/ /de la 'phags pa'i chos thob kyang 'dod pa las mi 'da' ba ni 'dod pa la 'dun pa dad gnod sems gnyis so// 'dod pa dang gzugs las 'dod chags dang bral yang so so'i skye bo nyid las mi 'da' zhing 'dod pa'i khams dang sems can gyi tha ma la brten pa ni lhag ma gsum mo// gsum ? kho na gsungs zhes bya ba ni 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom mo// ci 'dod chags la sogs pa dag ber nas zhes 'dir yang ci sta ma brtsad ce na/ yongs su gtugs te zhes gsungs la/ yongs su gtugs pa yang ma lus par zad pa yin na de'i 'dod chags la sogs pa bsgoms pas spang bar bya ba ni zad pa ma yin pas ma brtsad do/ /thag

  621. 311a

    bsring ba'i gnyen po ni khyad par gyi lam mo zhes gsum las gzhan pa'i lam thams cad khyad par gyi lam mo// 'di'i yongs su shes pa rnam par bzhag pa ni don gzugs kyi yul can kun tu sbyor ba gong ma'i cha dang mthun pa'i 'dod chags gtso bo yin pa'i phyir gzugs kyi 'dod chags zad pa'i yongs shes zhes bshad do/ /bzod pa rnams ni shes pa'i 'khor yin pa'i phyir te zhes bya ba ni bzod pa rnams shes pa 'di? 'khor yin pas don 'di dag shes pa'i 'khor yin te phal pa la 'khor gyi sgrar bstan pa'i phyir dang/ spangs pa yang bzod pa'i 'bras bu yin pa'i phyir ro// gnas lnga ba'i 'grel bshad do// //khams gsum pa'i gnyen po yin pa'i phyir dang mthong ba'i lam 'jig rten pa nyid yin na ni srid pa'i rtse mo'i gnyen por mi 'gyur ro// 'o na ni bsgom pa'i lam 'jig rten las 'das kyang de'i spang bar bya ba dgu cig car spong bar thal bar 'gyur ro zhe na 'jig rten las 'das pa kho nas cig car spong zhes nges par gzung gi/ 'jig rten las 'das pa cig cad du spong pa kho na yin no zhes bya bar ni ma yin pas der thal bar ni mi 'gyur ro/ /rang gi yan lag la sems gtong par byed ces bya ba ni yul du byed ces bya ba'i tha tshig go/ rkang pa'i mthe bong gcig pu la sems gtang nas mthe bong myags shing sha dang bral bar lta ba nas de bzhin du lus thams cad rus pa'i rus gong du mos te rgya mtsho'i mdza' klas pa'i bar gyis gzhi keng rus kyis gang bar mos par byed do// yongs su spyad pa byas pa ni de khon ltar thod pa phyed kyi bar du'o/ /yang la byed pa rdzogs pa ni de kho na ltar thod pa byed kyi bar du'o/ /yid la byed la rdzogs pa ni de

  622. 311b

    kho na ltar smin ma'i bar du sems 'dzin par byed pa'i bar du yin no/ /nyer bsdogs gsum zhes bya ba ni bsam gtan bzhi pa'i nyer bsdogs dang dbugs 'byung ba dang rdub? ba yod pa ma yin pa nyid de/ 'god pa zhes bya ba 'di ci zhe na/ bden pa rnams la rnam par 'jog par byed pa ste/ de dag la dmigs pa rnams 'jug par byed pa'o zhes bya ba'i don to// 'phel bar byed ba ni bya bar byed pa'o/ /rnam gnyis de bzhin zhes bya ba ni bzod pa chung du dang/ 'bring ste/ rtse mo rnams ji skad bshad pa bzhin no// de kho na bzhin du rnam par gtod pa'i phyir ro zhes bya ba ni chos dran pa nye bar gzhag pas bden pa rnams la rnam par btang pa'i phyir te de kho na bzhin du rnam par 'gong pa'i phyir ro zhes bya ba'i tha tshig go/ bzod pa ni thams cad chos kyis 'phel bar byed ces bya ba ni rang bzhin gyis dran pa nye bar gzhag ba mchog tu gyur pa'i phyir ro// de dag bden pa'i rnam pa re re dad dmigs pa re re phri nas so/ /ji ltar zhen rjes su shes ba'i phyogs dang mthun pa'i lam de la ni rnam pa bzhir rnam pa gtod par byed do// zhes de nas gsum du'o/ /de nas gnyis su'o// de nas gcig tu ste re zhig bden pa'i rnam pa re re phri na ni de lta'o/ /de nas gcig tu yang rnam pa gtod par mi byed de dmigs pa phri ba ni de lta bu'o// rim pa 'dis 'dod pa na spyod pa'i sdug bsngal kho na la mi rtag pa dad sdug bsngal pa'i rnam pa can skad cig ma gnyis kho nar yid la byed pa'i bar de thams cad ni bzod pa 'bring yin no zhes rnam pa 'bring tshul phyogs de bshad nas gang zag bzhir phye ba la sogs pa ni rgyal po'i sras kyis gsungs pa bzhin du snang ngo// rtse mo thob pa rtsa mi 'chang ces bya ba ni dge ba'i rten lhag pa'i phyir te

  623. 312a

    dkon mchog gsum gyi yon tan rnam par phye ba'i sgo nas de la dad pa thob ba'i phyir ro// 'o na ji ltar lhas byin las brtsams nas yongs su nyams pa bshad ce na/ de la dge ba'i rtsa ba de skye ba nye bar gyur bas ma thob pa la yongs su nyams ba la dgongs nas gsungs ba'i phyir ro// bzod pa chud du'i tshe ni ngan 'gro'i 'gro ba rnams kyis mi skye ba'i chos nyid tho bo/ /chen po sgo nga dang/ drod gsher las skye ba'o// chung du'i tshe 'du shes med pa'i sems can dang/ sgra mi snyan dang/ tshangs pa chen po'o/ /chen bo'i tshe ni za ma dang ma ning dad mtshan gnyis pa'o/ /chen po nyid kyi tshe ni srid ba brgyang la sogs ba dang/ mthong bas skad bar bya ba rnams kyi mi skye ba'i chos nyid 'thob bo/ /mi'i nang nas 'phen bar byed de/ sangs rgyas 'byung ba yod dam med kyang ngo/ /sde ba gzhan dag ces bya ba ni 'phags pa chos srung ba'i snga ba la sogs pa dag bden pa mngon par rtogs pa gcig tu brjod do/ /ji ltar zhe na kha cig gi ltar na sdug bsngal shes pa kho nas 'phags pa bden pa bzhi rtogs pas mngon par rtogs pa gcig pa ni skad cig ma gcig mngon par rtogs pa yin no/ /kha cig ni skad cig ma bzhi ste/ de dag la mnyam par bzhag pa dang ma bzhag pa'i dbye ba ma byas par bden pa bzhi la shes ba'i skad cig bzhin no// kha cig gi brgyad de/ 'dod pa dang/ gzugs dang gzugs med ba'i bden pa'i dbye ba dang/ chos dang rjes su shes pa'i dbye ba brgyad yin no// kha cig gi skad cig ma gcig gnyis yin te skad cig ma brgyad bo de dag kho na la gzhan 'jig rten pa'i shes pa bzhi 'byung ngo/ /de

  624. 312b

    ltar sde ba dag gi blo tha dad par 'gyur ro// bar skabs su ldang ba yod dam med ces dpyod bar bya ba yin no zhes bya ba la// 'di ltar mdo las gang zhig rgyun du zhugs pa'i 'bras bu mngon sum bya ba'i phyir zhugs pa gcig la zas ster na zhes bya ba la sogs pa gsungs te ma langs pa de ni zas za ba srid ba ma yin no// kha cig na re rkyen ma tshad bas bar skabs su ltung ba yod ces zer ro/ /bye brag tu smra ba rnams na re bla na med de/ srid pa'i dbang du mdzad nas shing sa la rang gso sbyor? bstan pa ltar yongs su brtag pa nye bar brtag pa bzung ste gsungs so zhes zer ro/ /gang zhig bsam gtan gsum pa las 'dod chags dang bral ba la sa 'og ma la brten te zhes bya ba ni mi lcogs pa med pa la sogs pa rnams nas bsam gtan gnyis pa la thug pa ste gang yang rung ba zhig ste de'i yan lag la bde ba'i dbang po med pa'i phyir ro/ /de ni 'dod pa'i khams su skyes pa kho na zhig ste/ gong na mthong lam med pa'i phyir ro/ /de ni gdon mi za bar 'bras bu khyad par can gyi lam bsam gtan gsum pa'i zad pa med pa mngon du byed do/ /de lta ma yin na de'i gong du skyes pa bya ba ni bsam gtan gsum pa de'i gong ma bsam gtan bzhi pa 'am/ gzugs med pa dag tu skyes pa'i 'phags pa de bde ba'i dbang po dang mi ldan par 'gyur ro/ /des ni sa 'phros pas bsam gtan gsum pa zag pa dang bcas pa btang la des zag pa yang mngon du ma byas pas bde ba'i dbang po zag pa dang bcas pa dang zag pa med ba gnyis ka dang mi ldan par 'gyur na/ 'phags pa gong du skyes pa ni gdon mi za bar bde ba'i dbang po dang ldan par gsungs te/ bde ba'i dbang po ni bsam gtan bzhi pa dad gzugs med par skyes pa'i so so'i skye bo mi ldan gyi 'phags

  625. 313a

    pa ni ldan no zhes 'byung ba'i phyir ro/ /gzhan dag na re 'di ni rnam par bshad pa'i nang du bris pa yod mod kyi de ni gzhan pa'i phyogs yin par mngon te/ gzhan dag na re ni zhes 'byung ba'i phyir ro/ /'phags pa bde ba'i dbang po dang ldan no zhes bya ba ni srid pa'i dbang du byas nas bshad par zad do zhes zer ro// gzhan dag las ni gnas gzhan gyis mtshan mas so zhes zer ro zhes bya ba la/ de ni mi 'dod do de dag ni log par rtog pa'i dbang gis dam pa ma yin pa'i las dag la 'jug pa'i phyir ro// dam pa mi dge ba la mi 'jug pa ni mi tshangs par spyod pa la sogs pa me byed pa de/ mi tshangs par spyod pa la sogs pa ni mi dge ba'i sems kyis byed na 'dod chags dang bral ba de dag ni mi dge ba spangs pa'i phyir dam pa kho na la 'jug gi dam pa ma yin pa la ni mi 'jug go/ mnyam par rtsi ba'i phyir zhes bya ba ni ci nas kyang bsam gtan bzhin dgu dgur 'gyur par bya ba'i phyir ro/ /gal te nyon mongs pa rnam pa dgu ba spangs pa'i bye brag gis dgur rtsi na ni lta na mi 'dra bar brtsis par 'gyur te/ bsam gtan bzhi pa na dgu pa med pa'i phyir ro// de'i rnam pa dgu pa las 'dod? chags dang bral ba de ni gzugs med par nye bar 'gro ba yin no// 'dir gong du 'pho ba yang gzugs su nye bar 'gro ba gzung gi/ gzugs med par nye bar 'gro ba ni ma yin te/ de nyid kyi phyir 'di bsam gtan sa ni rnam pa dgu pa las 'dod chags dang bral ba ma bgrangs te de ni gzugs med par nye bar 'gro ba yin no// rdo rje lta bu'i rnam pa lnga la gzugs med pa gsum na rnam pa gnyis gcig dang/ gnyis bzhi dang nyi shu yod pa'i gzhan 'dor lugs bshad nas/ yang ci'i phyir sa gzhan gyi

  626. 313b

    'gog pa kho na la dmigs kyi srid pa'i rtse mo'i sdug bsngal dang kun 'byung ba ltar sa gzhan pa'i sdug bsngal dang kun 'byung pa la ni ma yin zhe na/ sa 'og ma las 'dod chags dang bral ba'i phyir te de'i phyir srid pa'i rtsi? mo'i rnam pa brgyad ni lus so/ /yang ci'i phyir rang gis pa dang sa gong ma kho na'i 'gog pa la dmigs kyi bsam gtan bzhin du sa 'og ma la ni ma yin zhe na/ sa 'og ma'i sdug bsngal la ma dmigs par de'i 'gog pa la dmigs par mi nus so/ /sdug bsngal yang zad pa dang bcas pa thams cad yin la/ gzugs med dngos gzhi dge ba yi/ /spyod yul zag bcas 'og ma min/ /zhes bya ba 'di yang rgyu yin no/ /bsam gtan rnams ni kun tu lta ba'i phyir mi 'gag ste/ bsam gtan dge yul yod dgu min zhes 'chad par 'gyur ro/ /rdo rje lta bu gnyis gnyis la bzhi gnyis kyi bsnan nas bcu bzhir 'gyur ro/ /de bzhin du sngar bshad pa dag la gnyis dang bzhi bsnan nas gsum gnyis dad gnyis bzhir 'gyur ro/ /yang ci'i phyir gzugs med dag rang dad gong ma'i sa pa'i gnyen po kho na la dmigs par bshad kyi/ sa 'og ma pa'i gnyen po la dmigs pa ma yin no zhe na/ rnam pa thams cad du gzugs kyi 'du shes la sogs pa dag par 'das par gsungs pa'i phyir la/ sa 'og ma'i gnyen po'i sgo nas ni de'i mi mthun pa'i phyogs la dmigs pa'i phyir ro// 'o na sa 'og ma'i gnyen po la dmigs pa'i ni yod do/ /de ni phan tshun rgyu yin pa'i phyir ro zhes bshad pa/ de ji ltar zhe na de na khyad par du ma byas pas rjes su zhes pa'i phyogs dang mthun pa'i lam dgu po ni sa 'og ma'i gnyen po la dmigs pa yin no zhes bshad kyi/ nam mkha' mdza' yas skye mched la sogs pas

  627. 314a

    bsdus pas sa 'og ma'i gnyen po la dmigs so zhes khyad par du byas nas ni ma bstan la/ sa 'og ma pa'i gnyen po la dmigs pa yin zhes pa'i tshul bstan pa 'di bsam gtan gyi sa ba dag kho na la yin no/ /thob pa de'i 'bras bur bsdus pa gcig rnyed pa'i phyir ro zhes bya ba ni/ thob pa lan cig phyir 'ong ba dang phyir mi 'ong bas bsdus pa gcig rnyed pa'i phyir ro/ /de nyid kyi phyir mdo las zhes bya bar rgyas par 'byung ste/ gang gi phyir mthor pa'i lam bsgom pa'i lam gyi 'bras bu thams cad kyi thob pa de'i 'bras bur bsdus pa gcig rnyed pa'i phyir ro// bral ba'i thob pa zag pa med pas zhes bya ba ni/ 'jig rten pa yis phyag bral ba'i// 'phags la bral ba'i thob rnam gnyis zhes bshad de/ de'i phyir 'jig rten pa'i lam gyi 'bras bu spangs pa de la bral ba'i thob pa zag pa med pa brgyad dad 'dra ba dag skye la/ de dag gi spangs pa 'dzin bar byed do// 'di ltar pho brang 'khor ba'i rdzas yin yang rgyal po'i phyag rgyas btab pa gang yin pa de ni yang gang gis 'phags pa de'i yin par brjod par ma yin pa de dang 'dra'o// de'i stobs kyis zhes bya ba ni bral ba'i thob pa zag pa med pa'i stobs kyis so/ /yongs su nyams pa mi 'chi ba'i phyir zhes bya ba la 'dir yongs su 'dzin pa ni 'di yin par 'dod de 'bras las nyams pa 'chi ba med ces bya ba la sogs pa 'byung ngo/ /de lta ma yin na 'jig rten pa'i 'dod chags dang bral ba ltar 'chi ba zhig na yongs su nyams pa de ni 'chi ba med do/ /rigs zhes bya ba 'di ci zhig zhe na/ bye brag tu smra ba rnams na re dge ba'i rtsa ba yin te/ de'i bye brag gis 'di bye brag tu 'gyur ro zhes zer ro/ /mdo sde ba rnams

  628. 314b

    ni sems kyi sa bon gyi dngos po'i nus pa yin te yongs su nyams pa'i chos can ni so so'i skye bo'i gnas skabs na yang sa bon yod pas yongs su nyams pa'i chos can gyi rigs can zhes bya ba la/ mi slob pa'i gnas skabs su sa bon de'i 'jug pa rnyed pas yongs su nyams pa'i chos can zhes bya'o// 'chi bar sems pa'i chos can la sogs pa dag la yang de bzhin du rig par bya'o/ /gang zag gzhan dag kyang ci rigs par de bzhin du brtsi par bya'o/ / zhes bya ba ni chos kyi rjes su 'brang ba ste/ ji ltar dad pas rjes su 'brang ba dbang po dang rigs dang/ lam dang 'dod chags dang bral ba dang rten gyi sgo nas brtsis pa bzhin du brtsi bar bya'o/ /ci rigs par zhes bya ba ni chos kyi rjes su 'brang ba dang mthong bas thob pa dus dang sbyor ba'i rnam par grol ba rnams la ni dbang po rnon po yin pa'i phyir rigs kyi khyad par med la/ dang mos mthong thob ni rtul po yin pas yod do// srid pa'i rtse mo'i 'dod chags dang bral ba ni 'dir mi brtsi ste/ mthong ba'i lam gyi snga rol du 'jig rten pa'i lam gyis srid pa'i rtse mo las 'dod chags dang bral ba med pa'i phyir ro/ /yang na phyogs gcig la 'dod chags dang bral ba yin no/ /lam la rjes su shes pa ni rgyun chags pa yin te/ de'i skad cig ma dang po ma gtogs pa lhag ma ni khyad par gyi lam mo// bsgom pa'i lam gyi rnam par grol ba'i shes pa rgyun chags pa gzhan yang de dang 'dra bar brjod par bya ste/ dper na zad pa shes pa la sogs pa dang/ de bzhin du dgra bcom pa'i mthong ba'i chos la bde bar gnas pa dang yon tan khyad par can mngon par sgrub par byed pa'i lam gsum ma gtogs pa gang yin pa lta bu'o/ /gnas drug pa'i 'grel bshad do//

  629. 315a

    'dod pa'i khams kyi rjes ma yin zhes bya ba la gal te 'gog pa dang lam la chos shes pa mi ldan pa la dmigs pa'i phyir gzugs dang gzugs med pa'i gnyen po yin na de lta na rjes su shes pa yang 'dod pa'i khams kyi gnyen por 'dod par bya dgos so zhe na/ da ni de lta ma yin te shes pa rnams ni rno ba yin pa'i phyir rang gi yul la bya ba byas te gzhan gyi yul la bya ba byed pa dag yin la/ gong na bsgoms pas spang bar bya ba lhag ma dang bcas pa'i phyir gnyen por rigs na /rjes su shes pa la ni 'dod pa'i khams na bya ba cung zad kyang yod pa ma yin te/ chos shes pas bya ba thams cad yongs su rdzogs par byas zin pa'i phyir ro/ /bskal pa mi? mnyam pa'i khams kun tu 'gro ba rnams gong ma'i yul can yin pa'i phyir chos shes pa la ni yul gzhom par bya ba la bya ba yod de/ dgra pham par bya ba'i de mngon par 'dod pa'i gnas 'joms pa bzhin no/ /bstan bcos las zhes bya ba ni gal te kun bsdus pa gnyid dang mchungs par ldan pa yin na ni bstan bcos dang 'gal bar 'gyur ro zhes bya'o// ji ltar zhe na/ sems kun bsdus pa yang dag pa ji lta ba bzhin du rab tu shes so zhes bya ba 'byung ste/ rgyas par ni 'grel pa ji lta ba bzhin no// ji ltar rjes su shes pa kun bsdus pa la dmigs par 'gyur te/ 'dod pa'i khams las gong na gnyid med pa'i phyir la rjes su shes pa yang gzugs dang gzugs med pa la dmigs pa'i phyir ro// lam shes pa yang kun bsdus pa'i sems la dmigs par mi 'gyur ro/ ci'i phyir zhe na lam shes pa ni lam la dmigs pa ma yin// gnyis ni gcig tu zag pa dang bcas pa

  630. 315b

    yin pa'i phyir ro/ /lam gyis bsdus pa'i sems ni gnyis dang mtshungs par ldan pa yang ma yin no// kun 'dus pa ni dmigs pa la mngon par zhen pa'i phyir sngar ji ltar bshad par ltar ni ji skad smras pa'i skyon med de/ de na nyon mongs pa can gyi gnyid dang mtshungs par mi ldan pas bsdus pa yang yin la rnam par g.yengs pa yin par mi 'gyur ro/ /bstan bcos dang yang 'gal ba med de/ kun bsdus pa'i sems dge ba ni khams gsum gyis bsdus pa yin pa'i kun bsdus pa'i semS la shes pa de ni shes bzhin yin no zhes bya bar grub ste/ gzugs dang gzugs med pa'i kun bsdus pa'i sems dge ba la dmigs pa ni rjes su shes pa yin la zag pa med pa'i shes pa'i dge ba'i sems la dmigs pa lam gyi bden pas bsdus pa ni lam shes pa yin no/ /nyon mongs pa can ni de dad 'dra ba ma 'ongs pa thob pa med pa'i phyir ro zhes bya ba ni de dang 'dra ba ma 'ongs pa thob pa med pa'i phyir te/ lugs las chos dge ba 'dus byas thob pa yin zhes 'byung ba'i phyir ro// phung po gsum gyi rjes su 'brang ba dang bcas pa yin no zhes bya ba ni tshor ba dad 'du shes dang 'du byed kyi phung po dag gis so/ /rnam par shes pa'i jug? po dag gis rjes su 'brang ba dang bcas pa ni ma yin te/ rnam par shes pa de nyid rnam par shes pa'i 'khor yin pa ni mi rigs so// dge ba ni 'khor mang ba yin la zhes bya ba ni de dad 'dra ba ma 'ongs pa thob pa dang mngon par shes pa 'brel pa'i phyir ro/ /bar chad med pa'i lam ni nyon mongs pa'i gnyen po yin pa'i phyir spong ba'i lam yin la/ gzhan gyi sems shes pa ni rnam par grol ba'i lam yin te/ rnam dgu rnam grol blo zhes 'byung ba'i phyir ro/ /gzhan dag

  631. 316a

    na re khyad par gyi lam yang yin no zhes zer ro/ /nus pa ni bsil ba dang dro ba nyid do/ /rnam par smin pa ni mngar ba dang skyur pa nyid do/ /mig dang rna ba'i mngon par shes pa dag ni lung du ma bstan pa yin pas de'i phyir de dag gi rnam par grol ba'i lam lung du ma bstan pa yin la chos lung du ma bstan pa la ni ma 'ongs pa'i thob pa med la de lung bstan min 'thob lhan cig skyes zhes 'byung ba'i phyir ro// mngon par shes pa gsum gyi rnam par grol ba'i lam la yang shes pa gsum kho na 'thob ste/ gsum gang zhe na/ rdzu 'phrul gyi yul shes pa dang/ sngon gyi gnas rjes su dran pa'i shes pa dang/ sems kyi rnam grangs shes pa'o/ /sogs pa zhes smos pa ci'i phyir zhe na/ rnam par thar pa dang/ zil gyis gnon pa dang/ zad par la sogs pa'i yon tan mngon par sgrub pa dag gi bsam gtan gyi sa pa'i rnam par grol ba'i lam gang dag yin pa de la yang kun rdzob shes pa ma 'ongS pa dang gzhan gyi sems shes 'thob ste/ gzhan gyi sems shes pa ni bsam gtan gyi dngos gzhis bsdus pa'i phyir ro zhes bstan pa'i phyir ro/ /so so'i skye ba 'dod pa dang bsam gtan las 'dod chags dang bral ba'i rnam par grol ba'i lam tha ma la kun rdzob shes pa dang sems shes pa gnyis 'thob bo// yang bsam gtan bzhi pa la 'dod chags dang bral ba ci'i phyir mi smo pa? zhe na/ de ni nam mkha' mdza' yas skye mched kyis bsdus pa yin la gzhan gyi sems shes pa gzugs med pa'i khams kyis bsdus pa med de/ sems shes pa gzugs la brten nas bsgrub par bya ba'i phyir dang/ bsam gtan gyi sa pa yin pa'i phyir ro// sred mod kyi bu'i stobs zhes bya ba'i stobs

  632. 316b

    kyi ming gi khyad par ro// dus ji lta ba bzhin du zhes bya ba ni thams cad dang sbyar ro// ji ltar zhe na/ yun shin tu ring ba dang thung ngur 'tsho ba'i phyir zhes bya ba ni skye dgu'i tshe lo brgyad khri pa yin na sku tshe lo brgyad khri pa yin pa/ tshol brgya pa yin na che lo brgya par 'gyur pa'o// bcom ldan 'das kyi rgyud la sor mo'i phred ba can la sogs pa rnams kyi nyon mongs pa skye ba'i phyir ji ltar bcom ldan 'das nyon mongs pa med pa la gnas pa yin zhe na/ skyon 'di ni med de thugs rje mnga' ba gzhan dag ni nyon mongs pa gtan dbyung bar 'dod pa rnams ni res 'ga' dgos pa ches brling ba'i phyir nyon mongs pa btang snyoms su mdzad de/ mngon par rtogs pa'i skabs dang ldan pa'i phyir ro// nyan thos rnams ni bsam pa dang bag la nyal shes pa dang bral ba'i phyir nyon mongs pa rnam pa thams cad du dbyung bar mi nus te/ de'i phyir dus re shing spong par byed do// 'dir mthong bas spong bar bya ba bsrung bar mi nus pas 'dod chags la sogs pa smos so// bsam gtan mdza' na zhes bya ba ni sdug bsngal gyi rgyu dad 'gal ba'i phyir dang lam gyi sla ba'i mchog yin pa'i phyir// smon nas shes pas gzugs med pa rnams mngon sum du mi shes so/ /zhes bya ba ni smon nas shes pa bsam gtan bzhi pa'i sa pa yin pa'i phyir te/ mngon par shes pa rang dang 'og ma'i yul can yin la/ smon nas shes pa yang mngon par shes pa dang 'dra'o zhes shes par bya'o// gal te gzugs med pa dag mi dran na ni 'o na mdo las bcom ldan 'das kyis gzugs dag gam gzugs med pa dag tu sngon gnas pa thams cad rnam pa dang bcas par rjes su don? mdo las gsungs pa ji lta zhe na/ kha cig na re de'i rjes su dpag pa

  633. 317a

    'khrul pa med pas shes so zhes zer ro/ /gzhan dag na re bzhed pa tsam gyis thams cad mkhyen te/ sangs rgyas rnams kyi mkhyen pa'i yul ni bsam gyis mi khyab bo 'byung ba'i phyir ro zhes zer ro/ /tshul gnas zhes bya ba la sogs pa mdzod kyi gnas drug par nyon mongs pa spong ba'i thabs rgyas par bshad pa'i phyir zag pa zad pa'i mngon par shes pa skyes pa'i sbyor ba ni mi brjod do// zag pa zad pa'i mngon par shes pa ni ji ltar dran pa nye bar gzhag pa yin te 'gog pa la dmigs pa'i phyir ro zhe na/ 'gog pa la dmigs pa'i phyogs yin na ni chos dran pa nye bar gzhag pa kho na yin la/ zag pa zad pa'i rgyud kyi phyogs kho na yin na ni dran pa nye bar gzhag pa bzhi pas 'gal ba med do/ /slob dpon 'dul bgrad? na re ni 'chi 'pho ba dang skye ba shes pas ni phyi ma'i mdza' la kun tu rmongs pa bzlog par byed do// zag pa zad pa'i mngon par shes pas ni bar la kun tu rmongs pa bzlog par byed do zhes zer ro// sgra ni rgyun chad med pa'i phyir sbrul par mi byed la/ sprul pa sems med pa yin pa'i phyir yid dang chos kyi skye mched dag kyang med do// sprul pa sems med pa yin no zhes bya ba 'di gang las zhe na/ bstan bcos la sprul pa sems dang bcas pa zhes brjod par bya 'am sems med pa zhes brjod par bya/ smras pa sems med pa zhes brjod par bya'o// lha'i mig gam rna ba ni de dang mtshungs pa med do zhes bya ba ni de dag lta ba dang nyan pa'i sgo nas mngon par bsgrubs te de'i phyir rtag tu rnam par shes pa dang bcas pa yin no// gnas bdun pa'i 'grel bshad do// //bsam gtan khyad par can na rtog pa med par spyod pa yod pas lhan

  634. 317b

    cig dpyod pa med par dogs pa bsu nas rtog pa med par ni zhes bya ba rgyas par 'byung ste/ bsam gtan khyad par can na ni dga' ba dang bde ba dang ldan pa'i phyir dpyod pa med pas rtog ba med do// de'i phyir dga' ba dang dpyod pa ni rtog ba la mi 'khrul te me la du ba bzhin no// bsam gtan rnams kho na yan lag dang ldan pa yin gyi gzugs med pa rnams ni ma yin no zhes bya ba la/ kha cig na re zhi gnas su ro gcig pa'i phyir te/ gang dag na rgyu ba rags pa yin pa de dag ni der yan lag nyid du gzhag nang gzugs med pa ni nye bar zhi ba lhag pa'i phyir sems dang sems las byung ba de dag thams cad nye bar rgyu ba gzhan pas de dag la yan lag rnam par bzhag pa mi srid do// sa gang ting nge 'dzin shes che ba de dag ni sems las byung ba gzhan yang gtso bo ma yin no// gcig la na yin lag gi sgrar yang mi rung ngo// de'i phyir gzugs med pa dag tu ni yan lag rnam par bzhag mi go zhes zer ro// gzhan dag na re sa gang su semS las byung ba tshar phyin pa ni nyan par gyur pa ma yin gyi med par gyur pa la 'dod pa 'dra'i 'gag pa de dag kho nar yan lag rnam par gzhag ste bsam gtan dang por ni sdug bsngal dang yid mi bde ba 'gag go/ gnyis par ni rtog ba dang dpyod pa 'gag go/ gsum par ni dga' ba'o// bzhi par ni bde ba'i dbang po 'gag go/ de yan chad ni sems las byung ba gang yang tshar phyin pas ldog ba med do zhes zer ro/ /de lta bas na bsam gtan dang po la yod pa'i yan lag lnga la rtog pa dang dpyod pa dang dga' ba dang bde ba dang ting nge 'dzin zhes bya ba gang yin pa de dag kho na las yan lag gnyis dang gsum dang bzhi bor nas yin te/ de la yan gnyis bor nas bsam gtan gnyis pa

  635. 318a

    bzhag ste/ de la rtog pa dang dpyod pa dag med pa'i phyir ro/ /yan lag gsum bor nas bsam gtan gsum pa rnam par bzhag ste de na dga' ba yang med pas so/ /yan lag bzhi bor nas bsam gtan bzhi pa rnam par bzhag ste don bde ba yang med pas so/ /de nyid kyi phyir de dag bor nas bsam gtan lhag ma rnam par bzhag pa'i phyir bsam gtan dang po la sems las byung ba gzhan yod kyang lnga kho na yan lag tu bshad kyi 'du shes la sogs pa rnams ni ma yin no// 'du shes la sogs pa rnams bor nas bsam gtan gong ma rnam par bzhag pa ni ma yin te de rnams thams cad na yod pa'i phyir ro/ /de'i phyir bsam gtan dang po ba de rnams yan lag tu ma gsungs so// dang po 'phags pa'ang zhes bya ba la nges ni rang gi sa las kyang yid 'byung ba dang ldan pas sa 'og ma'i gnyen po yin pa'i phyir zag pa med pa yin no/ /'o na bye brag tu bshad pa las nyer bsdogs kyi mtshams sbyor ba'i sems dang 'chi 'pho ba'i sems su 'gyur ro zhes bshad pa de ji ltar grangs/ nyon mongs ba can ma yin pa'i sems la mtshams sbyor ba med pas nyer bsdogs rnams ro myang ba dang mtshungs par ldan par thal bar 'gyur ro zhe na/ de ni de lta ma yin te de rnams la ni mnyam par bzhag pa la nyon mongs pa bkag gi/ skye ba la nyon mongs pa ni ma yin no/ /de nyid bstan pa'i phyir nyer bsdogs rnams kyi sems kyis zhes bya ba rgyas par smras? so// ji ltar 'di so sor ma brtags pa'i 'gog pa yin zhe na/ mi slob pa'i mtshan ma med pa'i ting 'dzin las langs pa de'i rjes la zag pa dang bcas pa'i

  636. 318b

    skad cig ma 'da' ba gang dag yin pa ste/ gal te de dag byung bad ma gyur na mi slob pa'i mtshan ma med pa'i skad cig ma rnams 'byung bar 'gyur ro/ /mi slob pa'i mtshan ma med pa'i skad cig ma de dag rkyen ma tshang bar so sor ma brtags pas 'gog pas 'gog par 'gyur te so sor ma brtags pas 'gog pa la zhi ba'i rnam par dmigs so/ /'jug pa chad pa'i rnam pa can yin pa'i phyir zhi ba'i rnam pa kho na yin no/ /zag pa med pa la so sor brtags so pas 'gog pa med pa'i phyir so sor ma brtags pas 'gog pa la dmigs so// 'phags pa'i lam la sdang ba'i phyir zhes bya ba la ji ltar sngar zhe na/ stong pa la sogs pa'i rnam pa de dag tu de la rgyab kyis phyogs pa'i phyir ror? ro zhig ting nge 'dzin gzhan gnyis ni stong pa dang mi rtag pa'i rnam pa dag tu de la dmigs pa'i phyir 'phags pa'i lam la sdang bar rigs na/ gsum pa ni zhi ba 'dus ma byas kyi dngos po la dmigs pa'i phyir ji ltar 'phags pa'i lam la sdang ba nyid du rung zhe na/ mi slob pa'i ting nge 'dzin 'jug pa'i rgyu'i chos la bsngags pa'i phyir ro/ /nyer bsdogs gnyis ni ma gtogs so zhes bya ba ni bsam gtan gnyis pa la sogs pa'i nyer bsdogs dag ma gtogs pa ste/ de dag ni zhi ba dang rags pa la sogs pa'i rnam par zhugs pas spyod yul gong ma dang 'og ma la nges pa'i phyir 'phags pa'i lam bdun mi 'byin no// gzhan dag na re byams pa ni bsam pa thag pa nas 'byung po thams cad la bdag dang 'dra bar gnas pa'o// snying rje ni gzhan gyi sdug bsngal la mngon par mi dga' ba'o/ /dga' ba ni gzhan kyi phun sum tshogs pa dag gis dga' ba'o/ /btang snyoms ni phan pa dang

  637. 319a

    gnod pa dag la de'i rgyu mtshan dag la mi gtod pa'o// grangs bzhin zhes bya ba ni 'dod pa na spyod pa'i kha dog gi gnyen po ni bsam gtan dang po'i rnam par thar pa yin la/ bsam gtan dang po'i sa pa'i kha dog gi 'dod chags kyi gnyen por ni bsam gtan gnyis pa'i sa pa'i rnam par thar pa yin te/ rnam par thar pa 'di gnyis kyang bsring pa'i gnyen po yin par bya'o// smras pa bsam gtan gnyis pa la sogs pa na kha dog gi 'dod chags med do zhes bya bar ji ltar shes she na/ mig gi rnam par shes pa'i med pa'i phyir ro// gang zhig yul gang las 'dod chags dang bral ba de ni nges par 'dzin par byed pa'i rnam par shes pa las kyang 'dod chags dang bral ba yin la/ bsam gtan gnyis pa la sogs pa na mig gi rnam par shes pa la sogs pa med pas de'i phyir de dag ni kha dog gi 'dod chags dang bral ba'o zhes bya bar grub bo// kha cig na re kha dog bzang po rnams la chags pa mi skye la/ kha dog ngan pa rnams la khong khro ba mi skye ba ste 'dir zil gyis gnon pa'i ni 'di yin no zhes zer ro// gzhan dag na re de lta yin na zil gyis gnon pa rnams ma chags pa dang zhe sdang med pa'i rang bzhin du 'thal bar 'gyur te/ de'i phyir 'dir don ni kha dog bzang po dad nga pa rnams zil gyis mnan nas kha dog ngan pa ji lta bar kha dog bzang po rnams kyang de 'dra bar mi sdug pa'i rnam par ro gcig par byas nas mthong ste/ 'di'i sems la dbang ba ni 'di yin no zhes zer ro/ zil gyis mnan nas shes pa ni shes bya'o// zil gyis mnan nas mthong zhes bya ba ni de'i rgyu mtshan can gyi rnal 'byor rdzogs pa dag go/ brgyad kyi spyod yul ni

  638. 319b

    'dod pa na spyod pa'i gzugs kyi skye mched yin no/ /ji ltar zad par 'byung ba'i skye mched rnams kyi dmigs pa gzugs kyi skye mched yin zhe na/ sa la sogs pa rnams dang/ sa'i khams la sogs pa rnams la khyad par yod pas 'di dag zad par sa la sogs pa skye mched ces bya ba'i zad par sa'i khams la sogs pa ni ma yin no/ /sa la sogs pa rnams kyang kha dog dang dbyibs kyi bdag nyid yin pas de rnams kyi skye mched kyi yul can nyid du mi 'gal lo/ /kha cig na re rlung ni reg bya'i skye mched yin no zhes bya ba ni gang dag rlung gzugs su 'ong ba'o/ de nyid kyi phyir mdzod kyi gnas dang por rlung tshogs khams nyid yin zhes bshad de de'i lugs kyis so// yang gang dag de dang 'dra ba'ang yin zhes bya ba de'i lugs kyis ni sa la sogs pa ltar rlung gzugs kyi skye mched kho na yin te/ kha dog dang dbyibs kyi bdag nyid yin pa'i phyir ro// ji ltar gong du khyad par du 'phags she na /rgyab kyi phyogs pa tsam dang zil gyis gnon pa dang zad? par byed pa'i phyir de ltar gong nas gong du khyad par du 'phags pa yin no// de nyid kyi phyir zad par gyi skye mched thob pa des gdon mi za bar gzhag dag kyang thob ste/ yon tan rim gyis 'dzeg pa'i phyir ro/ /gzhan dag na re chung du dang 'bring dang chen po tha dad pa'i rnam par thar pa la sogs phye ste/ de lta yin yang rnam par thar pa rnams ni rgyu kho na yin la zad par gyi skye mched rnams ni 'bras bu kho na yin zhing/ zil gyis gnon pa rnams ni gnyis ka yin no zhes zer ro/ /rgyu dang las kyi stobs kyis gzugs dang gzugs med pa'i khams su gzugs med pa skye'i chos nyid kyi ma yin no// 'jig pa'i dbang gis gzugs med pa dag tu mi skye ba'i phyir ro// chos nyid kyi zhes

  639. 320a

    bshad pa chos nyid ces bya ba 'di gang zhes ce na/ re zhig mdo sde pa kha cig na re chos 'jug pa shas che ba de dag nyid sngon gyi bsam gtan gyi bag chags kyi dbang gis lung med par bsam gtan skye ba dang mthun pa ni chos nyid de/ rang bzhin dang dngos po nyid yin no zhes bya ba'i tha tshig go zhes zer ro// bye brag tu smra ba rnams na re sngon gyi bsam gtan bsgoms pa'i dge ba'i chos kyi dbang gis thos pa rgyas pa la de dag mthun pa'i chos nyid yin te/ tshe rabs snga ma'i bskal ba mnyam pa'i rgyu las rgyu mthun pa'i 'bras bu 'byin pa la mngon du phyogs pa ni chos nyid yin zhes bya'o zer ro/ /gzhan dag na re lung 'dzin par byed pa ni smra bar byed pa sgrub par byed pa ste rten yin te/ lung phyin ci log pa'i rten ni sgrub pa po rnams yin pa'i phyir ro/ /rtogs par smra bar byed pa ni sgrub par byang pa kho na yin te/ de'i phyir ji srid du sgrub par byed pa yod pa de srid du rtogs pa zhes bya ba'i dam pa'i rjes su chos gnas so zhes zer ro// rtogs pa ni de lta bu yin gyi zhes bya ba ni lo stong du gnas pa'o/ /lung ni yun ring du gnas so zhes bya ba ni stong gi phye nas kyang bya ba'i tha tshig ste/ phyogs 'di nyid rig par mthong ngo// da lta lung gi chos med pa ma yin gyi nyon mongs pa rnams 'jug pa rnyed pas rtogs pa'i chos ni med do// dbang gyur skye ba ni 'dir sangs rgyas kyi slob ma mngon sum du mthong ba po lung dang rtogs pa dang ldan pa rnams dang/ rigs pa dang mi 'gal ba'i lung gi rjes su 'brang ba rnams so// lung 'bogs? pa med par bsod nams dang ye shes kyi tshogs yongs su sman pa la rang nyid kyis

  640. 320b

    thams cad mkhyen pa'i go 'phang rnyed pa na rang byung ngo/ /rang byung go bstan pa ni lung dang/ de ston pa mdo dang 'dul ba dang chos mngon pa rnams so/ /lung dang rtogs pa dang dang de'i sras rnams so// yon tan ni tshul khrimS phyir rab tu zhugs pa gang yin pa de dag ni bstan pa gces 'dzin rnams te de dag kyang mchog tu zhi bar gshegs pas na zhes bya bar rjes su bsnyeg go/ 'gro mgon ni sangs rgys dang de'i sras rnams so// yon tan ni tshul khrimS dang ting nge 'dzin dang shes rab kyi bdag nyid de 'dod chags rdo rje da dang gti mug gi bdag nyid dri ma rab tu 'jug pa dag gis de dag de ltar byung ba ni sal bar byed la/ ma 'ongs pa rnams la ni gegs byed pas dri ma rnams yon tan 'joms par byed pa'o// 'doms med ces bya ba ni 'gal zla med pa'i phyir ro// de ltar lkog mar srog phyin 'dra ste thub pa'i bstan pa lkog mar srog phyin pa lta bu'o/ /ci'i phyir zhe na sangs rgyas kyi sras po ston pa'i bstan pa bsrung bar zhugs pa rnams med pa'i phyir dang rtog ga ngan pa rnams kyi ma tshig dang don sgro btags pa la dkrug pa'i phyir ro/ /slob dpon gang ba sbel bas mdzad pa chos mngon pa mdzod kyi 'grel bshad mtshan nyid kyi rjes su 'brangs pa zhes bya ba las snyoms par 'jug pa bstan pa zhes bya ba gnas brgyad pa'i 'grel bshad do// //nye ba gang dang goms pa gang zhes bya ba rgyas par 'byung ba las rgyud gcig la las bzhi po lci? ba dang nye ba dang goms pa dang sngon du byas pa de dag yod pa de dag gi nang nas las lci ba snga ma yin pas sngar smin no /nye ba dang goms pa dang sngar byas ba rnams kyi yang nye ba osnga ma yin pas de gnyis pas

  641. 321a

    sngar smin no/ /goms pas sngar byas pa dag las goms pa snga ma yin pas sngar smin so/ /de dag mngon tshis ma la byas pa lan grangs gzhan la myong ba smyin par 'gyud do/ /? ba ma yin pa de dag gang zhe na/ 'phags pa nyan thos shes rab kyi mig rnams so/ /yang na gsung rab kyi chos nyid de kho na la sgrib bo zhes bya ba'i tha tshig go/ chos zab mo rab tu ston pa'i phyir nyi ma yin no/ /yin zhe? na gnyen po'i khyad par dang sku gzugs kyi khyad par dang 'od zer gyi khyad par dang yul gyi khyad par gyis so/ /gnyen po'i khyad par gyis ji ltar zhe na nyi mas phyi rol gyi nam mkha' la mun pa rnam par 'joms pa yin yang bcom ldan 'das ni nang gi mun pa/ yid la yun ring por zhugs pa 'joms byed do/ /nyi ma shel gyi rang bzhin gi gzugs ngo bo nyid kyis 'bar bas lhang de ba yin la/ bcom ldan 'das kyang gzugs sku stobs bcu'i dri ma med pas lhan na ba yin pa sku gzugs kyi khyad par gyis ni de lta bu'o/ /nyi ma'i 'od zer stong gis khyab pa yin pa bcom ldan 'das kyang dam pa'i chos kyi gsung gi 'od zer stong gis khyab ste 'od zer gyis ni de lta bu'o/ /nyi ma'i yul ni gling bzhi ma yin la de bzhin gshegs pa'i khams gsum yin te/ de'i phyir cha chung zad tsam gyi chos mtshungs pas de bzhin gshegs pa ni nyi ma lta bu yin no/ /de ltar 'di ni phyogs tsam zhig gis zhes rgyas par 'byung ba la de ltar ji skad du zhes ji skad bshad pa ston te/ phyogs 'di phyogs tsam ste/ chos mngon pa'i bstan

  642. 321b

    bcos chen po las nyung du 'di dag gis bstan to zhes bya ba ni tshig gi lhag ma yin no/ /gzhan dag na re de ltar 'di ni phyogs tsam zhig ces bya ba ni bdag med dgag pa 'di kho na'i dbang du byas nas bshad pa yin te/ bdag gis mngon pa'i chos 'di phal cher ni/ /kha phye bye brag smra ba'i tshul grub bshad ces bya ba 'di 'di nyid kyis bshad zin pa'i phyir ro/ /zhes zer ro/ /mdzad kyi gnas brgyad pa'i zhar las byung bar 'brel pa gang zag gtan la 'bebs pa rdzogs so// //bdag gis mdzod kyi 'grel 'di dka' ba'i phyir/ /slob dpon gyi ni lugs su rnam par phye/ /log par gyur gang de 'dir bdag gis nyes/ /don bzang grub la blo de tshad ma yin/ /de ltar bdag gis sngon gyi 'grel bshad gzhan/ /dpyad nas de dag ste na sngon bstod dngos/ /mdzod kyi 'grel bshad mtshan nyid rjes 'brang zhes bya 'di de grwa sar sbyar ba yin/ /bdag gis mdzod bshad las byung dge ba dri med mi dge 'joms byed thob par gyur ba gang yin pa/ /de yis sems can srid pa gsum gtogs sdug bsngal med gdungs ma lus mya ngan pa zla bya ste// phyi nas bdag nyid kyang ni nyin mongs dgra ? ma lus pa 'joms sangs rgyas nyid thob nas/ slang skye'i 'chi ba med phyir mya ngan 'das pa'i go 'phang dam pa rgya chen 'gro bar shog/ /slob dpon gang ba spel ba zhes bya ba chos mngon pa'i gzhud lugs rgya mtsho'i pha rol tu sen pas mdzad pa chos mngon pa'i 'grel bshad mtshan nyid kyi rjes su 'brang ba zhes bya ba rdzogs so// //'di gangs chen po ti si dang yid bzhin gyi mtsho'i lha ngos ri bo chen po sbos kyi dad ldang ba'i 'dab/ yul pu rangs su dge 'dun gtso bor gyur pa

  643. 322a

    rgya phrag gcig dang/ dge 'dun spyir gyis g.yu 'phag skur la sogs pa phul te bkas gnyer nas rgya gar gyi mkhan po ka na ka pad+ma dang/ zhu chen gyi lo tsA ba pa tsha ba nyi ma grags kyis bsgyur ba zhig go/ /chos mngon pa la 'jug pa rgya cher 'grel pa snying po kun las btus bzhugs so// //rgya gar skad du/ sA ra sa muts+tshanA mA b+ha d+hirma ba tA ra TI ka/ bod skad du/ chos mngon po la 'jug pa rgya cher 'grel pa snying po kun las btus pa zhes bya ba la/ bam po dang po/ 'jam dpal gzhon nur gyur pa la phyag 'tshal lo/ /chos mngon pa'i 'grel ba dang/ /dgos pa brjod par bya'o/ /'grel ba gang gis rab tu byed pa 'di brtsams/ rtsom pa 'di'i dgos pa ni gang zhe na/ de brjod par bya ste/ 'di'i 'grel pa ni rab tu byed pa nyid las bstan te/ ji skad du shes rab can dag ni 'phral gyi bya ba la thogs pas ma thob pa'i nyams pas kyang skrag par 'gyur zhes 'byung ba'i 'grel pa 'dis rab tu byed pa 'di brtsams so/ /'grel pa bshad zin to/ /dgos pa ni shes rab zhan pa dang/ yid mi gzhungs pa'i sems can rnams ci nas tshig gi tshogs nyungs zhing gsal bas chos mngon pa la 'jug par bya ba'i phyir ro/ /phyag bya ba yang dgos pa yin te/ bgegs zhi bar bya ba'i rgyur 'gyur ba dang/ gus pa bskyed pa'i phyir ro/ /gang du gnas pa dang 'byung ba dang/ 'jig pa dpyad pa de ni bstan bcos so/ /de'i phyogs gcig tu gyur pa ni rab tu byed pa de gang zhe na smras pa/ snying gi mun pa zhes bya ba la sogs pa'o/ /de la sems dang sems las byung ba rnams ni sbyir snying zhes

  644. 322b

    brjod du zin kyang sems las byung ba'i chos mdza' dag sems la gnas pas gnas pa rnams ni gtso bo ma yin gyi gnas gtso bo yin pa'i phyir sems nyid la snying zhes bya bar 'dogs so/ /de la yod pas snying gi ste/ de gang zhe na/ de'i phyir smas pa/ mun pa zhes bya'o/ /de la mun pa zhes bya ba ni mi shes pa la bya'o/ /ji ltar mun pa zhes bya ba mi shes pa la bya zhe na/ chos mthun pa'i phyir te/ dper na mun pa ni ma nor bar mthong ba la phyir 'jil ba mi shes pa yang de bzhin te/ de dang chos mthun pa'i phyir de skad ces bya'o/ /mun pa ci 'dra ba la bya zhe na/ de'i phyir smras pa/ ngan song rtsa zhes bya ba'o/ /ngan par 'gro bas ngan song ste/ ngan song ni sems can dmyal ba dang/ dud 'gro dang yid dags la sogs ba'o/ /mi 'dod pa'i las skyes ba dang/ 'phags pa'i lam gyi bar chad byed ba'i phyir sdug bsngal ba'o/ /de dag gi rtsa ba ni byed rgyu ste rgyur gyur ces bya ba'i tha tshig go/ de dag tu gang 'gro ba de ni ngan par 'gro ba ste/ dge ba'i chos rnams las ngan par 'gro zhes bya ba'i tha tshig go/ dge ba zhes bya ba ni 'dir 'phags pa'i lam dang so sor brtags pas 'gog pa la bya'o/ /de dag ni dge ba yang yin la chos kyang yin pas dge ba'i chos rnams so/ /de la sems can dmyal ba la sogs pa ngan 'gro log par ltung ba'i sdug bsngal gyi rgyur gyur pa'i phyir 'di ni ngan song gi rtsa ba'o/ /'dis de'i phyi rol gyi mun pa dang mtshungs bar ston te/ de ni tsher ma la sogs par rteg 'cha' ba la sogs pa ngan bar song ba'i rtsa ba yin no/ /gsung nyid 'od zer yin pas gsung gi 'od zer te/ mi shes pa'i mun pa drung nas 'byin pa'i mthu'i khyad par gyis 'od zer dang 'dra bas

  645. 323a

    'od zer dag go/ gsung zhes bya ba ni gang gis bya ba dang yon tan dang dus dang 'brel pa can gyi khyad par rnams khong du chud par byed pa'o/ /de ni sgra las don gzhan du gyur ba ste/ ji skad du tshig ni yan lag med pa don go bar byed nus pa'o/ /sgra ni rdul phra rab bsags pa yin pas yan lag med par mi 'thad do zhes smras pa lta ba'o/ /gsung gi 'od zer dag gis shes bya ba ni byed ba'o/ /gang gis zhes bya ba ni mdzad pa po'i mtshan nyid de/ mdzad pa po gang gis gsung gi 'od zer byed par gyur de rnams kyis mun pa bcom ste bcad pa'o/ /su dag gi zhe na/ lha mi rnams kyi'o/ /lha zhes bya ba ni mi 'chi ba la bya ste/ de dag phal cher gzhan gyi gnod ba'i rgyus 'chi ba med pas mi 'chi ba zhes bya'i mi 'chi ba nyid ma yin te/ 'du byed thams cad mi rtag go zhes gsungs ba'i phyir ro/ /'dis ni lha dang mi rnams 'phags pa'i bdan pa bzhi la 'jug nus bar ston to// tshogs su bcad pa phyed po 'dis ni bcom ldan 'das kyi gzhan gyi don sgrub pa phun sum tshogs par brjod do/ /phyed 'og mas rang gi don phun sum tshogs pa bstan pa'i phyir/ thams cad mkhyen nyid dkyil 'khor dri med ba bya ba smras so/ /shes par bya ba dngos po thams cad kyi rnam pa thams cad yongs su mkhyen pa'i phyir bcom ldan 'das ni thams cad mkhyen pa'o/ /thams cad mkhyen pa'i dngos po ni thams cad mkhyen pa nyid do/ /de yang bag chags dang bcas pa'i nyon mongs pa'i dri ma dang bral ba'i phyir dri ma ste/ gang gis thams cad mkhyen pa nyid dri ma med pa'i dkyil 'khor du gyur pa de thams cad mkhyen pa nyid kyi dkyil 'khor dri ma med pa'o//

  646. 323b

    de bas na thams cad mkhyen pa nyid kyi dkyil 'khor dri ma med pa de la phyag 'tshal lo/ /'di ni gzhan gyi don bsgrub pa'i thabs su yang ston te/ thams cad mkhyen pa ma yin pas ni gzhan gyi mi shes pa'i mun pa mang po thog ma med pa'i dus nas bsags pa dbral bar dka' ba sel bar mi nus so/ /mi shes pa'i gnyid dang bral pa'i phyir skyes bu sad pa dang 'dra bas sangs rgyas so/ /yang na 'das pa dang nga ltar ba dang da ltar byung ba dang dus las rnam par grol ba shes bya rnam pa bzhi ji lta ba bzhin du phyin ci ma log par thugs su chud pa'i phyir sangs rgyas so/ /mun pa sel ba la sogs pa dang 'dra ba'i phyir nyi ma dang 'dra bas nyi ma'o/ /sangs rgyas nyid nyi ma yin pas sangs rgyas nyi ma ste/ nad dang phyi'i mun pa sel ba'i phyir ro/ /tshigs su bcad pa 'di las bdag dang gzhan la phan bar bsgrub pas phun sum tshogs pa la phyag bya bar khong du chud par bya'o/ /phyag 'tshal lo zhes bya ba ni lus dang ngag dang sems btud ba'i mtshan nyid do/ /bcom ldan 'das la phyag 'tshal bas bsod nams kyi tshogs bskyed kyi 'og tu nges gsungs pa'i gsung gi lam gyi rjes su 'gro ba slob ma dam pa rnams la gus pa dang/ dga' ba skyes nas ri mo byed par 'dod pas tshigs su bcad pa gzhan/ gang dag chos mngon tshul gyis/ zhes bya ba la sogs pa 'di nye bar bkod do/ /de la don dam pa'i chos mya ngan las 'das pa mngon du gyur pas shes rab 'khor dang bcas pa ni chos mngon pa'o/ /de'i tshul ni la mo// chos ni gzugs la sogs pa'o/ /mtshan nyid ni rang dang spyi la sogs pa'o/ /chos mngon pa nyid tshul yin pas chos mngon pa'i tshul te chos mngon ba'i lugs so/ /tshul dang lugs dang rigs pa/ zhes bya ba ni rnam grangs su gtogs

  647. 324a

    pa'o/ /rmongs pa ni mgo myos pa ste/ rang dang spyi'i mtshan nyid khong du ma chud ces bya ba'i tha tshig go/ chos kyi mtshan nyid la rmongs pa de gang dag gis dang gang gi yin pa chos mngon pa'i chul gyis drung nas phyung zhing bton pa de dag chos mngon pa'i tshul gyis chos kyi mtshan nyid la rmongs pa drungs nas phyung ba yin te/ rnam pa de lta bu de dag la bdag phyag 'tshal te/ rab tu phyag 'tshal ba'o/ /mgo bos zhes bya ba ni spyi bos so// ci'i phyir zhe na/ de dag lung dang rtogs pa'i bdag nyid kyi chos de'i gzhir gyur pa'i phyir te/ thams cad mkhyen pa'i bka' i gnas gyur pa/ zhes bya ba de nyid gnas kyi dngos por ston to/ /thams cad mkhyen pa ni bde bar gshegs pa ste/ de'i bka' ni thams cad mkhyen pa'i bka' o/ /gnas ni gzhi'o/ /thams cad mkhyen pa'i bka' i gnas ni thams cad mkhyen pa'i bka' i rten du gyur ces bya ba'i tha tshig go/ chos mngon pa'i rgya mtsho'i pha// rol tu phyin pa mdza' dag la bye brag med par phyag bya ba sngar bya ste yon tan rnams brjod nas rang gi bla ma la phyag bya ba spyod pa bzang po bya bar 'dod pas/ blo zhe na rnams kyis/ zhes bya ba la sogs pa 'di rtsom mo// blo zhen pa gang yin pa de dag blo zhan pa rnams te shes rab zhan pa'i tha tshig go/ shes rab zhan pa de dag gis bshad ma legs pa ni ma legs bshad pa'o/ /ma legs pad? bshad pa nyid mun pa yin pas ma legs bshad pa'i mun pa'o/ /sku dang gsungs dang thugs thub pa dang ldan pas thub pa ste/ sangs rgyas bcom ldan 'das kyi gsung ngo/ /ma legs par bshad pa'i mun pas khebs pa ni phyin ci log tu bshad ba'i mun pas khebs pa

  648. 324b

    ste/ bsgribs pa'o/ /gang gis legs par bshad pa sgron mas snang par mdzad pa ni gsal bar mdzad pa kun tu bstan pa'o// bstan bcos gang gis mi shes pa bsal ba dang/ bden yang dag pa'i dngos po brjod pa'i phyir bstan bcos la sgron ma zhes bya'o/ /yang na chos mngon ba'i sgron ma mdzad pa zhes bya'o/ /sgron ma mdzad pas sgron ma mdzad de/ de'i phyir sgron ma mdzad pa de la phyag 'tshal lo// des leg par bshad pa'i mun pa bsal bas sgron ma dang 'dra ba'i phyir sgon ma zhes bya ste/ chos kyi ngo bo nyid ma nor bar bstan pa bstan bcos mdzad pa de la shin tu gus par gyur nas bstod do/ /de ltar tshigs su bcad pa gsum gyis ji ltar 'dod pa rnams la phyag 'tshal nas/ la la dag ni zhes bya ba la sogs pa'i rab tu byed pa rtsom mo/ /blo chung ba dang 'bring dang chen po tha dad pa'i phyir ming ma smos som/ /ni zhes bya ba ni gang gi phyir zhes bya ba'i don to/ /thub pa'i dbang po ni thub pa rnams kyi dbang po yin pas thub pa'i dbang bo'o/ /zag pa med pa'i lus dang ngag dang yid thub pa yod pa'i phyir nyan thos rnams dang/ rang sangs rgyas rnams ni thub pa zhes bya bar rnam bar bzhag go/ bcom ldan 'das ni chos thams cad la mnga' brnyes pa'i phyir de dag gi rje dang rgyal po yin no/ /ji ste thub pa dag gi rnam par bzhag pa gang yin pa bstan kyang gang gis thub pa de dag rnam par bzhag pa de mi shes so zhe na/ chos nyid kyis so/ /'dir ni chos nyid ces bya ba 'phagS pa'i lam la bya'o/ /'di ni thub pa'i dbang po'i yin pas thub pa'i dbang po'o/ /de gang zhe na/ gsung rab ste gsung rab tu gtogs pa yan lag bcu gnyis so/ /mdza' dag ni ma lus pa'o/ /don dang tshig ces bya ba la god mas

  649. 325a

    ni bshad pa gzungs ston to/ /'og mas ni yi ge'o// yang na don gyis ni nges par legs pa bsgrub pa'o/ /tshig gis ni rang dang spyi'i mtshan nyid khong du chud ba'o/ /skal pa yod ba'i dang tshul can/ zhes bya ba ni nus par ston to/ /skal pa nyid skal pa yod pa'i dang tshul can te/ len pa dang 'dzin pa dang khong du chud par byed nus zhes bya ba'i tha tshig go/ dge ba dag ces bya ba ni skyes bu dam pa snye tshul bzang po la mngon par dga' ba so so'i skye bo dge ba dag go/ yin zhes bya ba ni de ltar gyur ba'o/ /zin kyang zhes bya ba ni sred pa ste phyi rol gyi rkyen gyi spyod ba ston to/ /ji skad du 'jig rten gyi mgon pos/ yang dag pa'i lta ba skye ba'i rgyu gnyis rkyen gnyis te/ gzhan gyi sgra dang nad du tshul bzhin yin la byed ba'o zhes gsungs pa lta bu'o/ /de'i phyir bskal ba yod ces bya ba ni nang gi rgyu'o/ /yin zhes bya ba ni gzhan gyi man ngag go// gang la zhen thub pa'i dbang po'i gsung rab mdza' dag la'o/ /de ltar nus pa thob pa dag ci'i phyir yongs su nyams bar 'gyur zhe na/ smras pa phral gyi bya ba la thogs pas zhes bya ba smos te/ bya bas bral ba'i tha tshig go/ ma grob pa'i nyams pa'i ni mthob pa yongs su nyams ba'o/ /de la yongs su nyams pa rnam pa gsum ste/ thob pa yongs su nyams pa dang/ ma thob pa yongs su nyams pa dang/ longs spyod pa yongs su nyams ba'o/ /de la bsam gtan la sogs pa thob ba'i yon tan dag laS nyams pa ni thob pa yongs su nyams pa'o/ /nus pa la ma thob pa ni ma thob pa yongs su nyams pa'o/ /thob pa mngon du mi byed pa ni longs spyod pa yongs su nyams pa'o/ /ci'i phyir ma thob pa yongs su nyams pa des yongs su

  650. 325b

    nyams par gyur ba dag ste/ len pa dang 'dzin pa la sogs pa'i skal pa med par 'gyur zhes bya ba'i tha tshig go/ shes rab zhan pa la la dag ni blo zhan pa la dag go/ tshig dang don dka' ste thibS bo dang 'dra ba glag glag pa ste/ chos mngon pa nyid ? glag pa yin pas chos mngon ba glag glag ba'o/ /glag glag pa dang stug po zhes bya ba ni rnam grangs su gtogs pa'o/ /chos mngon pa glag glag pa ming thos pa tsam gyis kyang skrag par 'gyur zhes bya ba la/ skrag pa ni sgyid lug pa dang khod dang? zhes bya ba'i tha tshig ste/ khong du chud par mi nus pas rgya mtsho skams pa dang 'dra'o/ /khong du chud par 'dod pa yang yod de/ zhes bya ba ni shes par 'dod pa'o/ /de bas na de dag dga' bar bya ba'i phyir zhes bya ba la/ de bas na zhes bya ba ni de'i phyir ro/ /de dag ces bya ba ni 'dir gnyis ga dang sbyar te skal ba yod pa'i dang tshul can dang/ skal ba med ba'i dang tshul can rnams so/ /de dag dga' bar byed pa'i don ni/ de dag dga' bar bya ba'i phyir ro/ /bdag gis zhes bya ba ni bdag gi bya ba ston to/ /chos mngon pa'i mtshan nyid kyi rgyu mtsho ni chos mngon ba'i mtshan nyid rgya mtsho'o/ /'jug pa ni 'jug par byed pa'o/ /tsam ni de tsam mo/ /gong du bshad pa'i slob ma phan gdags par bya ba gnyis la phan gdags pa'i phyir chos mngon ba'i mtshan nyid de la 'jug pa tsam 'di'o/ /'di zhes bya ba ni brjod par bya ba rab tu byed pa blo la bzhag pas mngon sum dang 'dra bar ston to/ /brtsam mo zhes bya ba ni bya'o zhes bya ba'i tha tshig go/ 'di zhes bya ba ni nang gi de kho na'o/ /brtsam mo zhes bya ba ni phyi'i de kho na'o/ /de gang zhen smras pa 'di lta ste bde bar gshegs pa rnams kyi zhes bya ba la sogs pa'o/ /'di lta ste zhes bya ba ni nye bar bstan pa'i don to/ /'di dag bde bar

  651. 326a

    gshegs pa'i yin pas bde bar gshegs pa ba ste/ de dag gi bde bar gshegs pa pa rnams kyi'o/ /'di la slob dpon gyis grangs dang ming dang rab tu dbye ba dang mtshan nyid dang rnam pa 'di bzhis rnam pa brgyad bkod de/ de la grangs ni dngos po brgyad ces bya'o/ /ming ni gzugs zhes bya ba la sogs pa'o/ /rab tu dbye ba ni de la gzugs ni rnam pa gnyis te zhes bya ba'o// mtshan nyid ni sra ba zhes bya ba la sogs pa'o/ /de la tshig ha cang 'dor bsdus pa dang rgyas pa la mi dga' ba rnams kyi ched du bde bar gshegs pa pa'i dngos po bsdu ba'i phyir ha cang mdor bsdus pa dang rgyas pa yang ma yin pa'i rnam pa brgyad ces grangs bstan to// grangs bstan pa rnams kyi bgrang bar bya ba rnams yongs su shes par bya ba'i phyir gzugs dang tshor ba dang zhes bya ba la sogs pa smras so/ /ming smos pa rnams kyi ming can dag gi tshad yongs su shes par bya ba'i phyir gzuD ni rnam pa gnyis te zhes bya ba smras so/ /de la zhes bya ba ni ma phye ba'i phyogs la tshig nye bar dgod pa'i don to/ /phye ba'i phyogs la dgar ba'i don to/ /rnam pa gnyis te zhes bya ba ni rnam pa gnyis so/ /rnam pa gnyis po de nyid gsal bar bya ba'i phyir 'byung ba dang 'byung ba las gyur pa'i gzugs so zhes bya ba smos so/ /de la 'byung ba rnams kyis ni rgyu'i gzugs te gnas kyi gzugs ston to/ /'byung ba las gyur ba zhes bya ba 'dis ni 'bras bu'i gzugs te gnas pa'i gzugs ston to/ /'byung ba dag ni bzhi ste/ zhes bya ba ni grangs des pa ste/ nam mkha' ni 'gyur ba chen pos yin no zhes dgag pa'i don to/ /rang gi mtshan nyid ni de rang yang

  652. 326b

    yin la mtshan nyid kyang yin pas rang gi mtshan nyid do/ /dngos po gzhan thams cad las bzlog pa'i ngo bo ste/ dper na sa ni sra ba'o zhes bya ba lta bu'o/ /gang mang po dag la bla ma dang par yod pa'i ngo bo de ni spyir mtshan nyid de dper na mi rtag pa zhes bya ba la sogs pa lta bu'o// rgyur byas pa'i gzugs zhes bya ba smos pa la rgyur byas pa'i gzugs kyi don gang yin zhe na/ rgyu'i don ni rgyur byas pa'i don to/ /'byung ba chen po bzhi'i rgyu las byung ba'i gzugs ni rgyur byas pa'i gzugs te/ 'byung ba las gyur pa'i gzugs zhes bya ba'i tha tshig go/ sra ba dang gsher ba dad tsha ba dang g.yo ba nyid dag go/ zhes bya ba la/ nyid ni de'i dngos po'o/ /de gla sra ba nyid ni brtan pa dang/ mkhrad ba zhes bya ba dang don gcig go/ gsher ba nyid ni 'dzag pa'i bdag nyid ces bya ba'i tha tshig go/ tsha ba nyid ni bsreg pa tshig par byed ces bya ba'i tha tshig go/ g.yo ba nyid ni 'gro bar byed ces bya ba'i tha tshig go/ las ni brten pa dang/ zhes bya ba la sogs pa ste/ de la 'dzin pa ni sa'i las so/ /sbyor ba ni chu'i las so sbyin par byed pa ni me'i las so/ /bskyod pa ni rlung gi las so/ / de la bskyod pa ni 'phel ba dad 'gro bar byed pa'o/ /'di ni 'dir grangs ji lta ba bzhin no zhes bya ba'i don to/ /skyed pa dang brten pa dang gnas pa dang brten pa dang 'phel bar byed pa'i don gyis rgyur byas pa'i gzugs thams cad 'dzin pa'i phyir byed pa'i rgyu 'di ni rnam pa lngar dbye'o/ /de dag ni chen po yang yin la/ 'byung bar yang 'gyur bas na zhes bya ba la sogs pas nam mkha' la chen po yod kyang 'byung ba med pa sngon to/ /ci'i phyir zhe na/ nam mkha' ni ma byas pa'i phyir//

  653. 327a

    gang dag gi lta ba las gang khong stong de ni nam mkha' o zhes zer ba ni nam mkha' i khams mi shes par smras pa yin no/ /nam mkha' ni yul la gnas pa yin te/ ji skad du 'das pa dang ma 'ongs pa dang nam mkha' dang rnam par rig byed ma yin pa dang gzugs med pa'i chos rnams ni yul la mi gnas pa'o zhes gsungs pa'i phyir ro/ /de bas na nam mkha' ni 'byung ba chen po ma yin no/ /'di dag ni che ba ni rgyur byas pa'i gzugs thams cad la khyab ba'i phyir ro/ /khyab pa ni gnas kyi dngos po yin gyi gzhan gyi dngos po ma yin te/ gzugs med pa'i khams su yang 'phags pa'i gang zag gis 'das pa dang ma 'ongs pa'i zag pa med pa'i sdom pa thob pa'i phyir ro/ /yang na 'byung ba rnams kyi gnas pa'i khyad par che ba'i phyir shas che ba ste/ ji skad du bcom ldan 'das kyis bka' stsal ba/ kun dga' bo sa chen po 'di ni chu la brten to/ /chu ni rlung la'o zhes gsungs pa lta bu'o/ /'di ltar yang me'i khams kyi shas che na tshangs pa'i 'jig rten man chad tshig pa'i phyir ro// chu'i khams kyi shas chen 'od gsal man chad la gnod pa'i phyir ro/ /rlung gi khams kyi shas chen dge rgyas man chad rnam par 'jig pa'i phyir ro// yang gsungs pa/ sa'i khams rab tu 'khrugs na rgyun rnamS 'gog/ rgyun rnams 'gag na rlung mi rgyu'o/ /rlung de dag mi rgyu na gnad rnams skam mo skams pa dang chus rul bar byed do/ /mes tshig par byed do zhe'o/ /de ltar khyab par khong du chud par bya'o/ /mi dgos pa dang mi nus pa'i phyir bzhi kho na te khri'i rkang pa bzhin no/ /zhes bya ba ni sngar ni mi dgos so/ gsum

  654. 327b

    gyis ni mi nus so/ /khri'i rkang pa spos pa ni go sla bar bya ba'i phyir ro/ /'byung ba chen po bzhi po dag rgyur byas pa zhes bya ba la 'byung ba chen po bzhi po dag dang de dag rgyur byas pa zhes bya ba rigs so zhe na/ 'byung ba chen po bzhi smos pa ni tshogs nas bya ba 'byung bar bstan pa dang/ rgyu dang 'bras bu gzhan yin par shes par bya ba'i phyir ro// 'byung ba chen po bzhi po dag 'dus na rgyur byas pa'i gzugs mngon par 'grub bo/ /'byung ba chen po bzhi po dag ni 'byung ba chen po dag 'dus nas mngon par 'grub pa ma yin gyi/ re re yang 'byung ba chen po gzhan gsum po dag la bltos pa ste/ gcig gis rgyu gcig ces gsungs pa'i phyir ro/ /mngal du 'jug pa'i mdo las rang bzhin la bltos pa ma yin pa dang/ cha 'dra ba'i rdzas la bltos pa ma yin pa'i phyir rang bzhin dang cha 'dra ba'i rdzas la mi bltos pa'i zhe'o/ /'byung ba chen po dag ni tshogs pa mi 'bral ba dag go/ ci mngon zhe na/ mdo las mngon te/ mngal du 'jug pa'i mdo las gsungs pa/ dga' bo de la pha ma'i mi gtsang ba la mer mer por gyur ba'i lus la sra ba nyid ni sa'i khams nye bar gnas pa yin no/ /gsher ba nyid ni chu'i khamS so/ /tsha ba nyid ni me'i khams so/ /yang zhing g.yo ba nyid ni rlung gi khams so/ /dga' bo gal te de la sa'i khams yod la chu'i khams med par gyur na skam pa 'am 'gyes par 'gyur te/ dga' bo dper na phye 'am thab? bcangs pa lta bu'o/ /dga' bo de ni chu'i khams kyis gzung bas mi 'gyas so/ /dga' bo gal te de la chu'i khams yod la sa'i khams med par gyur na sla bas zag par 'gyur te/ dga' bo dper na 'bru mar ram chu lta bu'o//

  655. 328a

    dga' bo de ltar na chu'i khams kyis sa'i khams bzung na mi 'dzag go/ dga' bo gal te de la sa'i khams dang chu'i khams yod la me'i khams med par gyur na 'drul zhing 'jig la 'dags bar 'gyur te/ dga' bo dper na dbyar gyi dus na sha rnag tu 'drul zhing 'jig la 'dags par 'gyur ba de bzhin du/ dga' bo gal te de la sa'i khams dang chu'i khams yod la me'i khams med na 'drul zhing 'jig la 'dag bar 'gyur ro// dga' bo gal te de la sa'i khams dang chu'i khams dang me'i khams yod la rlung gi khams med par gyur na de tsam du 'dug ste/ skye ba dang 'phel ba dang rgyas par mi 'gyur ro/ /nang gi 'byung ba chen po sngon gyi las kyi rnam par smin pa las byung ba gcig gi rgyu gcig yin pa ldan ba zin pa 'di dag sa'i khams kyis brtan/ chu'i khams kyis bsdus/ me'i khams kyis rnam par smin par byas/ rlung gi khams kyis bskyod na skye ba dang rgyas par 'gyur ro zhe'o/ /de'i phyir 'byung ba chen po dag ni 'dus pa tshogs pa mi 'bral ba'o zhes bya'o/ /de ltar re zhig 'byung ba'i gzugs je bshad nas 'byung ba las gyur pa brjod do/ /reg bya'i phyogs gcig dang rnam par rig byed ma yin pa zhes bya ba la/ reg bya'i phyogs gcig tu gyur ba ni reg bya'i phyogs gcig go/ reg par bya ba yin pas reg bya'o/ /rdzas su bcu gcig gi rang bzhin no zhes bya ba'i tha tshig ste/ 'byung ba chen po bzhi dang/ 'jam pa la sogs pa bdun no/ /de la 'byung ba las gyur ba'i gzugs bshad pas na 'byung ba chen po bton te/ reg bya'i phyogs gcig smos so/ /'byung ba las gyur ba ni mig la sogs pa nas rnam par rig byed ma

  656. 328b

    yin pa la thugS pa'i bar? dag go/ 'byung ba dag las byung bas na 'byung ba las gyur ba ste zhes bya ba ni gnas pa'i dngos por ston to/ /de la mig ni zhes bya ba la sogs pa la de la zhes bya ba ni dkar ba'i don to/ /mig ni 'dir rna ba la sogs pa gzhan dag las bzlog pa ste mngon sum nyid do/ /sngon ma byung ba dang lha dang mtho ris la sogs pa'i yul yongs su gcod pa'i phyir de rna ba'i dbang po la sogs babs sngar smos so/ /de ltar de rgyang ring du 'jug pa'i phyir ro zhes bya ba de ni yang dag pa'i sha dang lha'i dang 'phags pa'i shes rab kyi mig dang gsum gyi spyod yul yin pa'i phyir ro/ /mig gi rnam par shes pa'i rten lta bu zhes bya ba ni rten 'dra bas rten lta bu'o/ don gyi dngos po yang dag pa ji lta ba bzhin du khong du chud pa'i rten byed pas nang gi yan lag ni rtogS pa nyid do/ /rnam par shes pa'i gnas kyi dngos po ni 'dir mig gi 'gyur ba gsal ba dang mi gsal ba la sogs pas rjes su 'gyur ba'i phyir te/ shing 'gyur bas grib ma 'gyur ba bzhin no/ /dngos po gang dag dbang po las 'das pa de dag mi rgyu dang 'bras bu'i dngos pos yod par rjes su dpag tu rung ste dbang po las 'das pa dag ni mig la sogs pa ste/ de dag ni mig gi rnam par shes pa la sogs pa 'bras bu'i dmigs pa'i phyir yod do zhes brjod do/ /mig la sogs pa'i rnam par shes pa 'byung ba gnyis la rag las su zin kyang mig gi rnam par shes pa la sogs pa mig la sogs pas bstan gyi gzugs la sogs pas ma yin pa ni thun mong ma yin pa'i phyir rnga'i sgra bzhin no/ /dper na lag pa la sogs pa ni rnga pa Ta ha la sogs pa'i sgra'i thun mong gi rgyu yin gyi rnga ni de lta

  657. 329a

    yin te/ rnga nyid kyi sgra'i rgyu yin no// de lta bas rnga'i sgra'o zhes de nyid kyis bstan to/ /de bzhin du gzugs la sogs pa ni mig gi rnam par shes pa la sogs pa'i thun mong gi rgyu yin gyi mig la sogs pa ni thun mong gi rgyu ma yin no/ /de bas na de dag nyid kyis bstan to/ /mig gi rnam par shes pa'i rten lta bu gzugs la lta ba'i bya ba can gzugs dang pa'o zhes bya ba ni 'bras bus rgyu gsal bar byed pa'o/ /gzugs la lta ba'i bya ba can zhes bya ba ni 'di ltar mig gis gzugs rnams mthong gi rnam par shes pas ma yin te/ de yod na yod pas mig dang ldan pas mthong ba dang/ long bas mi mthong ba'i phyir ro// gzugs la lta ba ni gzugs snang bar 'gyur zhes bya ba'i tha tshig go/ bya ba ni las so// gzugs la lta ba'i bya ba ste /las gang gi yin pa de gzugs la lta ba'i bya ba can no// gzugs dang zhes bya ba la gzugs kyi bdag nyid dang ba ni gzugs dang ba ste rdul phra rab rnams pa sags pa'o// mig ni smra bas na mig ste yul brjod ces bya ba'i tha tshig go/ mig gi dbang po'i rdul phra rab rnams ni gnag bkra dang nye bar gnas pa yul mngon du phyogs pa shel ltar dang ba gzugs la 'dzin par nus pa ste snod chus gang ba'i nang du phye gtor ba lta bu'o zhes kha cig 'dzer to// kha cig na re go snyod kyi me tog ltar gnas pa ste/ 'byung ba chen po mdog gsal bas khebs pa'i phyir mi 'gyes zhe'o/ /kha cig na re dgongs pa ltar gnas la dad pa'i phyir gcig la gcig gis mi sgrib ste ston ka'i chu dang ba 'dus pa bzhin no/ /zhe'o/ /'dis sgra rnam pa mang po nyan pas rna ba'o/ /rna ba'i dbang po rdul phra rab rnams ni shel ltar dang ba

  658. 329b

    sgra la 'dzin par nus pa 'gro ba'i 'dzer bu ltar gnas pa dag go/ 'dis dri bsrung rnam pa mang po snyom pas sna ste snom pa zhes bya ba'i tha tshig go/ sna'i dbang po'i rdul phra rab rnams ni shel ltar dang pa'o/ /ro la 'dzin par nus pa 'tsho byed 'bod pas lce'o// lce'i dbang po'i rdul phra rab rnams ni shel ltar dang ba'o myang bar nus pa zla ba kham pa ltar gnas pa dag ste/ lce'i dbus skra'i rtse mo'i khyon tsam zhig la lce'i dbang bo'i rdul phra rab dag gis ma khyab ste mdza' lhag ma rnams ni khyab po// de lta ma yin na glang pa 'dzag pa'i ro myong bar 'gyur ro// bsags pa dang sogs par 'gyur ba dang sogs pas lus te/ bcos ma dang bya ba dang byed du gzhug pa'o zhes nges pa'i tshig go/ bstan bcos las ni de'i rgyu smad pa yin pas na lus so zhes byung ste/ sa bon dang gnas dang ston pa dang 'dzag pa dang 'chi ba'i yid du mi 'ong ba'i ngo bo nyid kyi phyir ro/ /mi gtsang ba'i rdzas rnam pa sna tshogs 'dus pa'i mchan nyid kyi phyir rak+ta? gi tshogs bzhin no zhes kha cig 'dzer to// lus kyi dbang po'i rdul phra rab rnams ni rim gyis mngon par grub pas lus bzhin du gnas pa dag go/ mo'i dbang po'i rdul phra rab rnams ni rnga'i khog pa'i sbubs ltar gnas pa dag go/ pho'i dbang po'i rdul phra rab rnams ni mthe bo'o ngos kyi tshul ltar gnas pa dag go/ yul reg bya thun mong ba'i phyir de dag ni lus kyi dbang po la gnas pas logs shig tu ma smos so/ /dbang po gong ma gsum ni phreng ba'i rgyud bzhin du gnas pa dag go/ mig gi rnam par shes pa'i rten yin la gzugs dang ba ma yin pa yang yod de/ 'gogS ma thag pa'i yid do/ /gzugs dang ba yin la mig gi rnam par shes pa'i rten ma yin pa yang yod de/ rna ba la sogs pa'i

  659. 330a

    dbang po bzhi'o/ /de la mig gi rnam par shes pa'i rten ces bya ba 'di rna ba la sogs pa'i dbang po dgag par byed do// gzugs dang ba zhes bya ba 'dis ni 'gag ma thag pa'i yid dgag par byed do/ /yang na gzugs smos pas dad pa'i dbang po la sogs pa sel to// dad ba smos pas ni 'byung ba chen po'i gzugs sel to// de ni 'di skad du gang mig gi rnam par shes pa'i rten lta bu gzugs la lta ba'i bya ba can gzugs dang ba de ni mig gi dbang po'o zhes bya ba'i tha tshig go zhes bstan par 'gyur ro// dbang po'i don gang zhe na/ dbang byed pa'i don ni dbang po'i don to// yul so sor nges pa'i dbang po rnams ni rang gi don la lhag par dbang byed pa ste/ thun mong ma yin pa'i rnam par shes pa bskyed pa'i rgyur gyur pa'i phyir ro// de ltar dbang po dag bstan nas rgyur byas pa'i gzugs yul du gyur pa rnams brjod do// de la gzugs ni rnam pa gnyis te zhes bya ba ni rnam gnyis so// kha dog gi bdag nyid ni kha dog gi rang bzhin no// dbyibs kyi bdag nyid ni dbyibs kyi rang bzhin no// 'di la kha cig kha dog dang dbyibs gnyis tha mi dad do zhes rtog pa de dag gi log par rtogs pa bsal ba'i phyir tshad mar gyur ba'i lung gis tha dad par rab tu bsgrub ste/ kha dog ngan pa dang dbyibs ngan par 'gyur ro zhes gang smos pa'o// gzugs kyi skye mched bstan pa rnam pa nyi shu po 'di yang mig gi rnam par shes pas ni rang gi mtshan nyid rig go/ yid kyi rnam par sheS pas ni rang dang spyi'i mtshan nyid rig go/ nges grangs pa zhes bya ba ni mig gi rnam par shes pas drangs pa ste/ drangs pa ni 'dir de ma thag pa'i rkyen gyi dngos por gnas pa'o// sgra ni zin pa dang ma zin pa'i 'byung pa chen po'i bye

  660. 330b

    brag gis rnam pa gnyis so zhes bya ba ni rnam pa gnyis so// sgrar 'byin cing 'dis dngos po 'bod pas na sgra'o// zin pa dang ma zin pa'i 'byung ba chen po'i sku'i bye brag 'dis rgyu rnam pa gnyis bstan to// zin pa'i zhes bya ba'i don ce zhe na/ gang sha dang khrag dang tshil dang ldan pa'o// de lta na ni gzugs kyi khams kyi zin pa ma yin pa'i skyon du 'gyur ro// sems dang sems las byung ba bdag gis phan pa dang gnod pa ? gnyis kyis bzung ba'o zhe na/ de ltar na yang 'gog pa dang 'du shes med pa la snyoms par zhugs pa rnams kyi zin pa ma yin par 'gyur ro// de'i phyir gang dbang po dang ma bral par gyur pa de zin pa'o/ /de la ma gtogs pa ni ma zin pa'o// de ltar byas nas lus su gtogS pa zhes bya ba smos so// bdag gi lus la lus zhes bya ste/ bdag nyid ces bya ba'i tha tshig go/ de la 'dir ni nye bar len pa'i phung po lnga po dag la bdag ces bya bar gdags so// lus su gtogs pa zhes bya ba ni lus su gyur pa'i tha tshig go/ de dag kyang da ltar byung ba'i lus kyi dbang po dang ma bral ba rnamS la zin pa dag ces bya ste/ de dag ni phyis pa rnams kyis bde ba'i don du bzung bas zin pa zhes bya ba'i tha tshig go/ gang snga maS la skyed pa zhes bya ba ni bsgrubs pa'o/ de ni zin pa'i 'byung pa chen po'i rgyu las byung ba ste/ 'di lta ste lag pa dang dag gi sgra'o// phyi ma ste ma zin pas gang bskyed pa ni/ 'di lta ste rlung dang nags tshal dang 'bab chu'i sgra'o/ /sems can du ston pa dang sems can du ston pa ma yin pa rnam pa bzhi'o// sems can du ni bum pa dang snam bu la sogs pa'i rdzas te/ de ston pa la sems can du ston pa zhes bya'o// ci sems can du ston pa zhes bya'o/ /ci gang sems can du ston pa de sems can du ston pa yin te/ ji ltar gang

  661. 331a

    la a zhes bya ba la sogs pa'i yi ge'i 'bru gsal ba yod pa sems can du ston pa yin nam/ 'on te gang sems can gyi blo skyed par byed pa yin/ des cir 'gyur zhe na/ gal te de sems can du ston pa yin na ni/ de lta na rta la sogs pa sgra 'byin pa'i sgra sems can du ston pa ma yin pa'i skyon du 'gyur ro/ /ci ste gang sems can gyi blo bskyed pa yin na ni/ log pa'i sgra yang sems can du ston par 'gyur ro/ /de ltar dri ba byas naS smras pa/ gang sems can gyi blo bskyed pa de sems can du ston pa ste/ ji ltar smra pa'i sgras mngon sum du rtog par byed pa de ltar lag pa'i sgras ni ma yin no// gzhan ni ma zin pa'i 'byung ba chen po'i rgyu las 'byung ba'o/ /bar du chog kyang thams cad kyi ming gi tshul gyis mngon te/ khyod kyi kha bzhin de ni utpal mdab? 'dra yi/ /mig dang de yi rdul dang 'dra ba'i gsung dang ldan zhes brjod pa'i phyir ro/ /sprul pa ni 'dod pa na spyod pa bsam gtan bzhi pa'i bar gyis 'bras bu'o/ /de la 'dod pa na spyod pa ni skye mched bzhi'i bdag nyid de/ gzugs dang dri dang ro dang reg bya'i rang bzhin no/ /gzugs na spyod pa ni skye mched gnyis kyi bdag nyid gzugs dang reg bya'i rang bzhin no/ /de ni dri dang ro gnyis med de kham gyi za ba'i zas kyi 'dod chags dang bral pa'i phyir ro// de ni dngos gzhi bsam gtan gyi 'bras bu yin gyi nyer bsdogs kyis thob par bya ba ma yin te/ mchog tu dga' ba'i dngos po yin pa'i phyir ro/ /de la sangs rgyas kyi sprul pa dag ni de bzhin gshegs pa cang mi gsung bar yang chos ston par nus so/ /nyan thos dang rang sangs rgyas rnams kyi de dag ni lhan cig tu smra ba ste/ ji skad du gcig po smra na sbrul pa thams cad smra bar 'gyur/ de bzhin gshegS pa mi

  662. 331b

    gsung sprul pa thams cad smra zhes gsung pa lta bu'o// yid du 'ong ba dang yid du mi 'ong ba'i bye brag gis zhes bya ba la yid dang mthun pa ni yid du 'ong ba'o// yid dang mi mthun pa ni yid du mi 'ong ba ste/ dper na pa yid du 'od pa ni phar 'dzin pa zhes brjod pa lta bu'o// de ltar na rgyu'i bye brag dang rdzas kyi bye brag dang yon tan gyi bye brag gis sgra ni rnam pa brgyad du 'gyur ro// rnam pa brgyad po de yang rna ba'i rnam par shes pas ni rang gi mtshan nyid rig go/ yid kyi rnam par shes pas ni rang dang spyi'i mtshan nyid rig go/ sgra'i skye mched bshad zin to// dri ni rnam pa gsum ste/ dri zhim pa dang/ dri nga ba dang/ dri mnyam pa'o zhes bya ba la bsung zhim pa ni dri zhim pa'o/ /smad pa'i dri ni dring ba'o// ngan pa ni sdig pa ste/ dper na bram ze ngan pa zhes bya ba lta bu'o// gnyi ga las bzlog pa ni dri mnyam pa ste/ dri zhim pa dang dri nga ba la ma gtogs pa ni dri mnyam pa'o/ /don de nyid gzhung gis ston te/ dri zhim pa na dbang po'i 'byung ba chen po rgyas par byed pa'o zhes bya ba ste/ dbang po rnams kyi 'byung ba chen po dag ni dbang po'i 'byung ba chen po'o// de dag rgyas par byed pa ni rtas par byed pa'i tha tshig go/ de dang mi mthun pa ni dring pa'o// phan par byed pa dang gnod par byed ba'i rgyu las rnam par grol ba ni dri mnyam pa'o/ /rnam pa gsum po 'di yang sna'i rnam par shes pas ni rang gi mtshan nyid rig go/ yid kyi rnam par shes pas ni rang dang spyi'i mtshan nyid rig go/ ro ni mngar ba dang/ skyur ba dang/ lan tshwa ba dang/ kha ba dang/ bska ba'i bye brag gis rnam pa drug ste/ zhes bya ba la ro ni myang bar bya ba zhes bya ba'i don gang yin pa'o/ /de la mngar ba ni bu ram la sogs pa'o/ /tsha ba ni bca' lga la sogs pa'o// skyur ba ni bi tsa pur+Na ka la sogs pa'o/ /kha ba ni ni ma pa la

  663. 332a

    sogs pa'o// lan tshwa pa ni lce tshwa la sogs pa'o// bska ba ni a ru ra la sogs pa'o// de thams cad ni lce'i rnam par shes pa dang dis drangs pa'i zhes bya pa ni snga ma bzhin no// reg bya'i phyogs gcig na rnam pa bdun ste zhes bya ba ni rnam pa bdun te/ 'jam pa nyid cas bya ba la sogs pa'o// 'jam pa'i dngos po ni 'jam pa nyid de tha mi dad pa'i dngos po'i rkyen te/ ji skad du dngos po thams cad ni rang gi dngos por 'byung ba zhes bya ba'i phyir ro/ /rtsub pa zhes bya ba la/ rtsub ces bya ba dag ni 'byung ba chen po dag la bya'o/ /de la gnas pa'i rtsub pa ste/ dper na ri la nyal ba la ri nyal bzhes bya ba lta bu'o/ /de lta yin na ni rgyur byas pa'i gzugs thams cad rtsub par 'gyur ro/ /'di la nyes med de rang gi yan lag gi chos ston du zin kyang rnam pa gzhan la brjod de/ dper na lo ma bdun pa dang/ gom pa brgyad pa zhes bya ba lta bu'o// de'i dngos ba ni rtsub pa nyid do/ /lci ba nyid dang/ yang ba nyid dang phrang ba rnams ni 'byung las ji skad du 'gyung bar z d do// 'byung ba 'dus pa la chu dad me'i shas che ba ni 'jam pa'o// shas che ba ni lhag pa la bya'o// lhag ma rnams ni 'byung las ji skad du 'byung bar zad do/ /de la 'dod pa'i khaMs na ni thams cad yod do/ /gzugs kyi khams na ni bkros pa dang skom pa med do/ /grang ba yang gnod par 'gyur ba ni med kyi phan par 'gyur ba ni yod do/ /'dir kha cig 'di skad du ting nge 'dzin ma gtogs par phan par 'gyur pa'i dngos po gzhan med pa'i phyir ro zhes rgol lo/ /de lta na ni ting nge 'dzin ma gtogs par phan par 'gyur ba'i dngos po med pa'i phyir gzhal med khang dgos par mi 'gyur ro/ /rgyas par byed pa zhes bya ba'i rlung gi rgyun des lus thams cad rgyas par byed

  664. 332b

    ces kyang 'byung ngo/ /de bas na ting nge 'dzin las byung ba'i reg bya'i khyad par gyis las la phan 'dogs par zad de/ rgyur byas pa'i gzugs de las gzhan yod dam ci'i phyir bkres pa dang skom pa med ce na/ kham gyi za ba'i thas kyi 'dod chags dang bral ba'i phyir ro// zas 'dod pa'i rgyu'i chos ni bkres pa'o/ /rgyu'i sgra ni mi mngon par byas te/ dper na tshod ma btso bar byed pa'i rgyal po la tshod ma'i rgyal po zhes bya ba lta ba'o/ /yang na rgyu la 'bras bu gdags pa'i phyir te/ brjog par bya ba'i gtso bo yin pas des na bkres pa dang skom pa gzugs kyi rang bzhin ma yin no/ /de la lto kun tu rlung gi rdul phra rab rnams kyis reg na bkres par 'gyur ro/ /ma reg na skom par 'gyur ro/ /de'i phyir rgyu la 'bras bu sgro gtags nas bkres pa dang skom pa'i sgrar brjod do// ji skad du sangs rgyas rnams ni 'byung ba bde zhes bya ba lta bu'o// dbang po rnams kyi yul so sor nges pa'i phyir skye mched kyi rang gi mtshan nyid yul yin gyi rdzas kyi rang gi mtshan nyid ni yul ma yin no// de bas na reg bya yang nges par sngar 'byung ste/ 'byung pa chen po bzhi dang/ 'jam pa la sogs pa'i nang nas gang yang rung ba'o/ /de bzhin du dmag la sogs pa'i tshogs dang/ nor bu'i kha dog dang rtag dbyibs du mar snang ba rnams kyi gzugs la sogs pa'i rnam pa yang yongs su gcod par sbyar bar bya'o// de yang lus kyi rnam par shes pas ni rang gi mtshan nyid rig go /nges drangs pa'i yid kyi rnam par shes pas ni rang dang spyi'i mtshan nyid rig go/ reg bya'i skye mched bshad zin to/ /da ni rnam par rig byed ma yin pa brjod par bya'o/ /sems dang sems las byung ba'i 'byung ba rnam pa tha dad pa dag gis zhes bya ba ni rnam pa du ma dag ste/ dge

  665. 333a

    ba dad mi dge ba dang/ lung du ma bstan pa'i sems des sems las byung ba'i skyes pa rnams kyi zhes pa'i tha tshig go/ gzhan la rig par byed pa ni khong du chud par byed shes par byed yongs su gcod bar byed pa'o/ /ji ltar na 'dir sems dang sems las byung ba 'byung ba rnams rgyur 'gyur zhe na/ de dag 'byung ba med par rig byed mi skye pa'i phyir ro/ /de ni 'di skad du sems dang sems las byung ba'i 'byung pa rnam pa mang pos bslad pa'i lus dang ngag gi rnam par rig byed rnams kyis gzhan la shes par byed de/ de'i phyir rnam par rig byed do/ /zhes bstan par 'gyur te/ 'di lta ste/ dper na khu tshur dad thal lcag la sogs pa dmigs pa'i phyir nang du sbas pa'i sems kyang 'khrug pa dang ldan no snyam du gzhan dag gi rjes su dpag pa lta bu'o// de bzhin du zhes bya ba ni rnam par rig byed bzhin du gzhan la rig par mi byed pas rnam par rig byed ma yin pa'o// ji ltar rnam par rig byed gzugs kyi rang bzhin dang byed pa'i rang bzhin yin pa de bzhin du rnam par rig byed ma yin pa yang gzugs kyi rang bzhin dang byed pa'i rang bzhin yin mod kyi/ 'on kyang 'di la rig par bya ba med pas rnam par rig byed ma yin pa'o// ma yin pa 'di ni med pa la sogs pa don lnga la 'jug par snang ste/ med pa ni phyogs dad mthun pa med pa dang brjod par bya ba med pa'o// 'gal ba ni phyogs ma yin pa dang don med pa'o// smad pa ni bram zer mi rung ba ste/ gang 'greng zhing gcin gcil 'gro zhing za ba'o/ /gzhan la ni bram ze ma yin pa bod pa'o/ /'dra ba ni 'dir ji lta ba bzhin no/ /rnam par rig byed ma yin pa zhes

  666. 333b

    bya ba 'dis ni rnam par rig byed dang 'gal ba'i chos dang rnam par rig byed med pa dang/ rnam par rig byed las gzhan pa dang smad pa ni yongs su mi gzung gi rnam par rig byed dang 'dra ba nyid do/ /rnam par rig byed ma yin pa dang 'dra ba gang zhe na/ gzugs nyid de/ des na sems dang sems las byung ba gzugs can ma yin pa ni rnam par rig byed ma yin pa nyid las bkag pa yin no// 'di'i mtshan nyid brjod par bya ste/ rnam par rig byed kyi bye brag dang/ sems kyi bye brag dang/ 'byung ba chen po'i bye brag gis so// de la nyon mongs pa dang dad pa drag po'i shugs kyis kun nas bslang ba'i rnam par rig byed ni rnam par rig byed kyi bye brag go/ rnam par rig byed kun nas slong ba'i sems ni sems kyi bye brag go/ yang na bsam gtan dad zag pa med pa'i sems so// rgyu mthun pa'i zin pa'i 'byung ba rnams dang rgyas par 'gyur ba ma zin pa'i 'byung ba rnams ni 'byung pa'i bye brag go/ de la 'dra bar 'byung ba ni rgyu mthun pa ste/ rnam par smin pa las byung ba'i 'byung ba las gzhan pa snga ma'i dngos po'i rgyun gyi rgyud du 'breng ba dang ni rgyu mthun pa'o// de dag ni zin pa dag go/ de dag kyang so sor thar pa'i sdom pa dang sdom pa ma yin mi sdom pa yang ma yin pa skyed pa dag go/ zas dang nyal ba dang ting nge 'dzin gyi khyad par rnams kyis rgyas par gyur pa dag ni rgyas par 'gyur bdag go/ de dag gi rgyas par 'gyur ba yang yin la ma zin pa yang yin bas rgyas par 'gyur ba ma zin pa dag ste/ 'dis ni kha zas dang nyal ba'i rgyas par 'gyur ba sel to// 'phangs pa dang rnam par ma g.yengs pa zhes bya ba la sogs pa de la 'phangs pa ni 'phang pa byas pa ste/ rgyu mthun pa'i

  667. 334a

    'byung ba chen po las 'byung ba'o/ /rnam par rig byed de yang lus kyi dbyibs kyi rang bzhin no// dag gi ni sgra'i rang bzhin no// rnam par ma g.yengs pa zhes bya ba ni dge ba'i sems zhes bya ba'i tha tshig go/ de ma yin pas sems zhes bya ba ni mi dge ba dang lung du ma bstan pa'i sems te/ de las gzhan pa'i sems gang yin pa ni rnam par rig byed kun tu slong ba las gang gzhan du gyur pa'o/ /sems med pa zhes bya ni 'gog pa dang 'du shes med pa'i snyoms par 'jug pa la gnas pa'o/ /dge ba dang mi dge pa zhes bya ba 'dis ni lung du ma bstan pa bkag go/ dge ba ni so sor thar pa'i sdom pa la sogs pa'o/ /mi dge ba ni sdom pa ma yin pa la sogs pa'o/ /rgyun ni rgyun tu 'byung ba'o// gzugs smos pa ni thob pa'i rgyun bsal pa'i phyir ro// dge slong la sogs pa'i rnam par bzhag pa'i rgyu zhes bya ba ni dge slong la sogs par bstan pa'i rgyu mtshan no// de bas na 'bras bus rnam par rig byed ma yin pa yod par bsgrub bo// de skad du 'og nas kyang de med du zin kyang dge slong la sogs par bzhag pa med par 'gyur te zhes 'byung ngo/ /bsags pa ma yin pa zhes bya ba ni rdul phra rab kyi bdag nyid ma yin pa zhes bya ba'i tha tshig go/ rnam par rig byed ma yin pa rigs pas yod par bstan nas lung gis bstan pa'i phyir/ bcom ldan 'das kyis kyang rdzas las byung ba'i zhes bya ba la sogs pa gsungs so zhes bya ba smos so// rdzas las byung ba zhes bya ba ni rdzas btang ba'i rgyu las byung ba'i bsod nams la rdzas las byung ba zhes bya ste/ rdzas las byung ba gtsug lag khang la sogs

  668. 334b

    ba phul ba la sogs pa de dag las so// bsod nams zhes bya ba ni dge ba la bya'o/ /bsod nams nyid kyi bya ba ni bsod nams bya ba ste/ de'i gnas ni bsod nams bya ba'i gzhi'o/ /de dag la rtag par rgyun tu zhes bya ba la/ rtag pa ni nyi ma re re'o/ /rgyun tu ni rgyun mi 'chad pa'o/ /de la sems la sogs pa rtag par rgyun tu dge ba'i rdzas su 'brang ba med pa'i phyir bsod nams kyi sgra ni rnam par rig byed ma yin pa nyid gzung par khong du chud par bya'o// sdom pa dang sdom pa ma yin pa dang gnyis ka las bzlog pas bsdus pa'i phyir zhes bya ba ni sdom pa la sogs pa'i rang bzhin gyi phyir ro zhes bya ba'i tha tshig go/ dge tshul pa ni dge sbyod gi phyogs so/ /dge slob ma ni gang dge tshul ma'i sdom pa las chos drug dang rjes su mthun pa'i chos drug spong ba'i ngo bos lhag pa'i sdom pa de ni dge slob ma zhes bya'o/ /chos drug gang zhe na/ gcig pu lam du 'gro bar mi bya ba dang/ 'bab chu rgal bar mi bya ba dang/ skyes pa la reg par mi bya ba dang/ skyes pa dang lhan cig 'dug par mi bya ba dang/ smyan mi bya ba dang/ sdig pa bcab? par mi bya'o// rjes su mthun pa'i chos drug gang zhe na/ gser mi bzung ba dang / gsang ba'i slu breg par mi bya ba dang/ sa rko bar mi bya ba dang/ sngon po ma rungs par mi bya ba dang/ byin len ma byas par mi za ba dang/ bzhag pa'i zas mi za ba'o// de ni 'dod par rtogs pa kho na'o zhes bya ba ni 'dod pa'i khams su gtogs pa'o/ /gtogs pa ni mi ldan pa ma yin pa ste/ 'dod pa na spyod pa'i sred pas bdag gir byas zhes bya ba'i tha tshig go/ ting nge 'dzin gyi rjes su 'brang ba zhes bya ba la ting nge 'dzin ni mi lcogs pa med pa dang/ bsam gtan

  669. 335a

    khyad par can dang/ bsam gtan bzhi po dag go/ rjes su 'brang ba ni gnas pa dang 'gog pa gcig pas rjes su 'brang ba'o/ /gzugs te zhes bya ba ni rnam par rig byed ma yin par gzugS te/ rnam pa bdun spangs pa'i mtshan nyid 'byung ba chen po tha mi dad pa'i rgyu las byung ba dang/ sbyor ba dang mjug spangs ba/ dngos kyi las kyi lam gyis bsdus pa'o// de yang gzugs su gtogs pa kho na'o zhes bya ba ni gzugs kyi khams su gtogs pa nyid do zhes bya ba'i tha tshig go/ zag pa med pa'i ting nge 'dzin gyi rjes su 'brang ba zhes bya ba ni mi lcogs pa med pa la sogs ba sa drug bo de dag tu 'phags pa rnams kyi zag pa med pa'i ting nge 'dzin dang lhan cig byung ba'i gzugs so// de yang sdug bsngal la chos shes pa'i bzod pa'i skad cig nas bzung ste mi skye pa shes pa'i bar du'o/ /'di ni khams su ltung ba ma yin pa'i phyir btang bas btang ba ma yin te/ khams ni sred pas yongs su bcang pa'o/ /mi ldan pa nyid do zhes bya ba ni 'dod chags la sogs pas bdag gir ma byas zhes bya ba'i tha tshig go/ dge ba dang mi dge ba'i gzugs kyi rgyun la rnam par rig byed ma ma yin pa skad cig ma yin na gzugs kyi rgyun la rnam par rig byed ma yin pa zhes ji skad du bshad snyam pa la/ de'i phyir rigs smos pa na de skad du brjod do zhes smos so/ /rnam par rig byed ma yin pa'i rigs gang yin pa

  670. 335b

    de skad cig dang po dang bye brag med pas rgyun la rnam par rig byed ma yin pa zhes bshad do/ /rnam par rig byed ma yin pa ji ltar 'thob ce na smras ba/ so sor thar pa'i sdom pa 'thob pa ni yang dag par blangs pas so zhes bya ba la sogs ba ste/ gang gi tshe 'di skad du bdag dge bsnyan du zud du gsol cig ces bya ba dang/ bdag la bsnyen gnas bar zung zhig ces khas blangs pa na'o// 'di ni dper smras pa tsam du zad do/ dper na gzugs can 'gro'i rgyal mtshan can 'gro'i zhes bya ba lta bu'o// 'di lta ste 'char ba bzang po'i ni zhu bas mnyes par byas pas so/ /chos sbyin ma yis ni pho nyas so// 'phags pa 'od srungs chen po ni ston par khas blangs pas so/ /srid pa tham pa rnams kyi ni dge slong tshur shog ces byas bso/ /lnga sde dag ni nges pa la zhugs pas so// dbu ma kyi yul ni bcu 'dus pas so// mdza' 'khob du ni 'dul ba 'dzin pa dang lngas so// sangs rgyas bcom ldan 'das rnams kyi ni rang byung bas so// thar pa'i bsam pas sems kyi rgyud yongs su bsgos na 'gyur ro// bdun gyi ni ji srid 'tsho'i bar du'o/ /brgyad ba'i ni nyin zhag gcig pa'o// skyabs su 'gro ba med par ni ma yin no// 'o na skyabs kyi don gang zhe na/ yongs su bskyang ba'i don ni skyabs kyi don te/ /yongs su bskyang ba ni mtshams las mi 'da' bar bya pa'o/ /mtshams ni bslab pa bcas pa'o// de la sangs rgyas la skyabs su 'gro ba gang yin pa de ni zad pa dang mi skye ba shes pa la skyabs su 'gro ba'o/ /chos la skyabs su 'gro ba gang yin pa de ni mya ngan las 'das pa la skyabs su 'gro ba'o/ /dge 'dun la skyabs su 'gro ba gang yin pa de ni slob pa dang mi slob pa'i lam la skyabS

  671. 336a

    su 'gro ba'o// gzugs kyi sku ni snga phyi bye brag med pa'i phyir ro// ci da ltar byung ba'i sangs rgyas gcig pu la skyabs su 'gro ba 'am/ 'on te 'das pa dang ma byin pa'i sangs rgyas thams cad la skyabs su 'gro zhe na/ sangs rgyas thams cad la skyabs su 'gro bar bya ste/ chos kyi sku sbyor 'dra ba'i phyir ro// rigs dang tshe dang tshad kyi bye brag gis na bcom ldan 'das tha dad do// bdun po'i btang ba ni bslab pa phul pa zhes bya ba ni rig pa'i ming la sangs rgyas 'bul lo zhes bya ba la sogs pa ste/ tha na tshangs pa mtshungs po 'di lta bu dag dang 'grogs pas chog go zhes bya ba'o// shi 'phos pa ni shi ba'o/ /dge ba'i rtsa ba chad pa ni/ da la skyes nas thob pa ni sbyor ba can gyi dge ba'i chos rnams kyi rgyur gyur pa ste/ de dag gi thob pa chad na sdom pa btang bar 'gyur ro// kha cig na re sngar sdom pa btang bas de'i 'og tu skye nas thob pa rnams kyi 'thob pa 'chad ces zer ro// mtshan gnyis kyi skyes ba ni pho'i dbang po dang mo'i dbang po cig car byung ba ste/ ba tshwa can gyi sa ltar zhing du mi rung ba'i phyir ro// brgyad pa'i ni de rnams nyin dang mtshan mo 'das pas so// zhes bya ba ni nyin zhag gcig tu nges pa'i phyir/ /gzugs na spyod pa'i dge ba'i sems thob pas bsam gtan gyi sdom pa 'thob ste zhes bya ba la/ dge pa'i sems ni dngos gzhi 'am nyer bsdogs so// da nyid btang bas da gtong ngo zhes bya ba ni ting nge 'dzin las langs na 'das pa dang ma 'ongs pa dang ldan no/ /snyoms par zhugs na da ltar gyi dang ldan no// yongs su nyams pa dang gong mar skyas pa'o/ /zag pa med pa'i sdom pa yang de bzhin no/ /de btang ba'i

  672. 336b

    rgyu brjod par bya ste/ 'bras bu thob pa dang/ yongs su nyams pa dang/ dbang po shin tu sbyangs pas so// dge ba'i rtsa ba chad pa ni zhes bya ba ni log par lta ba spyod pa'i phyir ro zhes bya ba'i tha tshig go/ byed pa dang khas blangs pas sdom pa ma yin pa 'thob zhes bya ba de la byed pas 'thob pa mi de'i rigs su skyes pa rnams kyis so// khas blangs pas 'thob pa ni de'i rigs su skyes pa ma yin pa rnams kyi'o// chos nyid 'thob pa gzugs na spyod pa'i dge ba'i sems thob pas so zhes bya ba la/ chos nyid ni 'phags pa'i lam ste/ chos nyid de thob par byed rnyed par byed ba'i tha tshig go/ de gang zhe na/ gzugs na spyod pa'i dge ba'i sems thob pa'o// 'di la tshe ka'i rtogs ? brjod ba'i dpe yod de/ dper na shAkya rnams kyi bsgo ba bzhin du byed pa tshe ga zhes bya ba de dag? ri dags shor zhing 'tsho byed pa'o// re zhig cig na de dag rgyud yongs su smin par bcom ldan 'das kyis gzigs nas bden pa rnams la bkod par gyur pa dang/ de dag gzugs na spyod pa'i dge pa'i sems thob pas sdom pa ma yin pa'i rgyud? 'chad pa lta bu'o// rgyun chad pa ni sdom pa yang nges par blangs pas so/ 'di lta ste/ dper na seng ge gnas pa'i phug tu srog chags ri dags phra mo bcas bar mi nus pa bzhin no //mtshan gnyis skyes pa ni zhing gi dngos por mi rung pa'i phyir ro// shi ba ni ris mthun pa yongs su btang ba'o/ /chos nyid thob pa gzugs na spyod pa dge ba'i sems thob pas zhes bya ba ni 'jig pa'i dus na sems can thams cad man ngag med par bsam gtan bskyed/ de'i dus na sgom pa ma yin pa gtong ngo// rnam par rig byed ma yin par ma thob pa ni nyon mongs pa dad dang pa drag pa zhes bya

  673. 337a

    ba la drag po'i sgra ni so so na sbyar te nyon mongs pa drag po'i shugs dang dad pa drag po'i shugs kyis khu tshur dang tha la lcags la sogs pa dang/ mtshon rten la phyag bya ba la sogs ba ci rigS pa rig par bya'o/ /yi dam 'dzin pa zhes bya bas ni drag po med par yang 'gyur ro zhes bya ba de ston to/ /gtsug lag khang la sogs pa phul bas so zhes bya bas ni rdzas las byung ba nyid ston to/ /rgyun chad pa ni slob par byed de de dag nyid btang bas so zhes bya ba ni nyon mongs ba dang dad pa drag po'i shugs btang ste bsal ba'i phyir ro/ /rang dang mthun pa ni rang gi spyi'o/ /phyogs gcig dang mthun pa ni phyogs kyi sbyi'o/ /zad bar dang mthun pa ni zad par gyi sbyi'o/ /phyogs kyi sbyi ni mi rtag pa nyid dang sdug bsngal ba nyid do zhes bya ba de la 'dus byas rnams ni mi rtag pa nyid do/ /zag pa dang bcas pa rnams ni sdug bsngal ba nyid do/ /zad par gyi sbyi ni stong pa dang bdag med pa nyid de zhes bya ba de la /bdag med la nyid na chos thams cad bdag med pa'i tha stong pa nyid ni mu stegs byed kyis yongs su brtags pa'i bdag gis stong zhes bya ba la sogs pa'o/ /ci'i phyir sa la sogs pa nas tha ma rnam par rigs byed ma yin pa la thug pa'i dngos po de dag gzugs zhes brjod ce na/ gzugs su rung ba'i phyir te/ 'di ltar bcom ldan 'das kyis dge slong dag gzugs pas gzugs pa ma yin pas de'i phyir gzugs nye bar len pa'i phung po zhes bya'o/ /ces gzugs par 'gyur zhe na/ lag pa'i kun tu reg pas reg na gzugs so/ /bod pa'i kun tu reg pa dang/ dbyig pa'i kun tu reg pa dang/ mtshon cha'i kun tu reg pa dang/ grang ba dang/ tsha ba dang /bkres pa

  674. 337b

    dad bsgom pa dang/ sbrang bu dang/ sha sbrang dang/ rlung dang/ nyi ma dang/ gdug pa'i kun tu reg pa rnams kyis reg na gzugs pas gzugs par 'gyur ro/ /gnod par 'gyur/ snang bar 'gyur te/ lag pa la sogs pas rnam par 'gyur zhes gsungs pa yin no/ /de'i gnod pa ni gang rnam bar 'gyur ba ni gang zhe na/ gang rkyen rnams kyis de bzhin du 'gyur ba de lta bu de ni gnod pa dang rnam par 'gyur ba zhes bya'o/ /de lta gzugs med pa la ni skyon 'di 'byung ba ma yin te/ de dag las rnam par 'gyur ba'i tshad mi dmigs pa'i phyir ro/ /des na de'i rnam par 'gyur ba rjes su dpag tu rung ba'i phyir ro/ /'das pa dang ma 'ongs pa dang rdul phra rab tsam dang rnam par rig byed ma yin pa ni dbyug pa la sogs pas gzugs su med na ji ltar gzugs zhes bya/ de yang gzugs yin te/ de'i mtshan nyid thob pa'i phyir ro/ /'das pa ni da ltar gzugs su med kyang de gzugs yin no/ /ma 'ongs pa 'byung ba'i chos can ni gzugs su 'gyur pa'o// mi 'byung ba'i chos can yang de'i rigs yin pas gzugs te/ bsreg par bya ba bzhin no/ /dper na ma tshig pa yang bsreg par bya ba zhes bya ste/ shing la sogs pa bsreg par bya ba'i rigs yin pa'i phyir ro/ /rdul phra rab kyi gzugs ni gcig pu so so nas mi 'bung gi sngon gyi las kyis 'phangs ba rgyu dad 'bras bur gyur pa'i 'byung ba dang/ 'byung ba las gyur pa'i rdul phra rab rnams phan tshun bltos nas skye ba'i phyir te/ de'i phyir so so nas skye ba med pas bsags par gnas pa la gzugs par 'gyur/ thogs par 'gyur pa'i phyir/ rdul phra rab bsags par gnas pa'i gzugs so/ /thogs so/ /rnam par rig par byed pa ma yin pa ni thogs pa med pa'i phyir dbyug pa la sogs

  675. 338a

    pas gzugs su med du zin kyang de skyed pa'i gnas su gyur pa 'byung ba chen po rnams la gzugs so/ /de la gtsugs pas de la yang gtsugs pa yin te/ shing 'gul na grib ma 'gul ba bzhin no// mig gi rnam par shes pa la sogs pa'i gnas mig la sogs pa la gtsugs pas gtsugs par 'gyur pa'i skyon du mi 'gyur te/ rnam par rig byed ma yin pa'i gnas ni 'byung ba rnams te/ de dang rtag tu lhan cig skyes ba dang/ rnam par rig byed ma yin pa la gnas gzhan med pa'i phyir ro/ /mig la sogs pa'i cha mtshungs pa dang/ de dang cha mtshungs ba'i bye brag gis rtag tu rnam par shes pa dang lhan cig skye ba ma yin la/ mig la sogs pa'i rnam par shes pa rnams kyi gnas mig la sogs pa 'ba' zhig ma yin gyi/ lhan cig skyes pa mig la sogs pa dang 'gags ma thag pa'i yid kyang de dag gi gnas yin te/ de'i phyir gzugs can dang gzugS ma yin pa'i dbang po gnyis ka gnas su gyur pas de dag gzugs su 'gyur ba'i skyon du mi 'gyur ro/ /gzugs mdor bsdus te rnam par dbye ba byas pa'o// //chos mngon pa la 'jug pa rgyu tshor 'grel pa'i snying po kun las btus pa zhes bya ba/ bam po gnyis pa/ 'dod pa dang mi 'dod pa dang gnyi ga la sogs pa bzlog pa ste/ reg pa'i skye gnas can zhes bya ba de la/ reg pa ni semS yul la reg pa'o/ /'dod pa zhes bya ba ni bde ba myong bar 'gur ba'i reg ba'o/ /bde bar tshor ba dang mthun pa ni bde ba myong bar 'gyur ba ste dod? pa? tshor ba skyed pa zhes bya ba'i tha tshig go/ de bzhin du mi 'dod pa dang gnyis ka las bzlog pa yang shes par bya'o/ /skye gnas de ni rgyu ste/ tshor ba gang gi yin pa de reg pa'i skye

  676. 338b

    gnas can zhes bya'o/ /lus dang sems kyi gnas skabs kyi bye brag ces bya ba ni gnas skabs snga ma las gzhan du gyur pa'o// don de ni sim pa dang/ gdung pa dang/ gnyi ga las bzlog pa ste zhes bya bas ston to/ /nyi? ma pa ni bde ba'o/ /gdung ba ni sdug bsngal ba'o/ /gnyi ga las bzlog pa ni btang snyoms so/ /tshor ba'i rkyen gyis sred pa zhes bya ba ni tshor ba'i rgyu las 'byung ba'i mngon par tshags pa ste/ chags pa zhes bya ba'i tha tshig go/ de yang rnam par shes pa'i bye brag gis rnam pa drug ste zhes bya ba ni rnam par shes pa thams cad dang ldan pa'i phyir ro/ /rnam par shes pa'i bye brag ni rnam par shes pa'i rgyud kyi mtshan nyid gcig mod kyi gnas dang dmigs pa'i bye brag gis rnam pa drug tu 'gyur ro/ /mig gi 'dus te reg pa las skyes pa zhes bya ba ni mig dang yul dang rnam par shes pa gsum du 'dus nas reg pa gang yin pa de las skyes pa ni mig gi 'dus te reg pa las skyes pa'o// rnam par shes pa lnga dang lhan cig skyes pa zhes bya ba ni rnam par shes pa lnga dang lhan cig byung ba ste/ de ni lus kyi'o/ /tshor ba thams cad ni sems kyi yin na ci'i phyir lus kyi zhes bya zhe na/ smras pa lus la gnas pa'i phyir lus kyi'o/ /lus ni bsags pa ste 'dus pa'o/ /des mig la sogs pa sbyir yongs su bsdus so/ /cig shos ni sems kyi'o zhes bya ba ni yid kyi rnam par shes pa lnga dang lhan cig skyes pa'o/ /de la lus kyi sems pa zhes bya ba de ni bde ba'o/ /de yang 'dod pa'i khams na rnam par shes pa'i tshogs lnga dang lhan cig skye pa dang/ bsam gtan dang bor mig dang rna ba dang lus kyi rnam par shes pa dang lhan cig skyes pa'o/ /bsam gtan

  677. 339a

    gsum la ni yid kyi nges nyid nyid do/ /lus kyi sim pa ma yin pa ni 'dod pa'i khams nyid na'o/ /bsam gtan gsum pa la ma gtogs pa zhes bya ba 'dis ni bsam gtan dang po dang/ gnyis pa dang/ 'dod pa'i khams gzung ngo/ /de las bzlog pa ni yid mi bde ba'i dbang po'o zhes bya ba de la/ sim pa ni yid bde ba'i dbang po'o zhes bshad pas/ de las bzlog pa ste/ gang yid kyi sim pa ma yin pa de yid mi bde ba'i dbang po'o/ /de yang 'dod pa'i khams nyid na'o/ /lus kyi zhes bya ba ni rnam par shes pa lnga la lus kyi zhes bya'o/ /sems kyi zhes bya ba ni yid kyi ste/ de ni btang snyoms kyi dbang po'o/ /de ni khams gsum pa'o/ /de la rab tu ni zhing yongs su mi skyo ba'i phyir bsam gtan gsum pa las skyes pa'i yid kyis ni bde ba zhes bstan to/ /g.yeng bar byed de yongs su skyo ba'i phyir sa gsum las skyes pa'i yid kyi ni bde ba'i dbang po'o/ /lus kyi bde ba'i tshor ba ni/ /dpyod pa dang rjes su dran pa'i rnam par rtog pa med pa'i phyir ro/ /tshor ba bshad zin to/ /mtshan ma dang ming dang don gyi brda shes pa zhes bya ba de la/ mtshan ma dang mngon brtags dang mtshan nyid ni rnam gangs su gtogs pa'o/ /ming ni 'du shes so/ /don ni skye mched bcu gnyis so/ /brda' ni gcig tu bsdus pa'i gnas so/ /kun tu shes pa ni 'du shes so/ /'di'i yul bstan pa'i phyir/ sngon po dang ser po dang /ring po thung du zhes bya ba smras te/ mig gi rnam par shes pa dang ldan pa ni kha dog dang dbyibs la dmigs par ston to/ /dud zhes bya ba 'dis ni sgra la dmigs pa'o/ /pad+ma'i dri zhes

  678. 339b

    bya ba ni dri la dmigs pa'o/ /kha ba dang lan tsha zhes bya ba ni ro la dmigs pa'o/ /'jam pa dang rtsub pa zhes bya ba ni reg bya la dmigs pa'o/ /bud med dang skyes pa la sogs pa zhes bya ba 'dis ni yid kyi rnam par shes pa'i yul dag tu ston to/ /rnam par rtog pa'i rgyu zhes bya ba ni rnam par rtog pa'i rgyu'o/ /rnam par shes pa kun la yang 'du shes yod de/ de'i yul ni spyi'i mtshan nyid do/ /'o na chos mngon pa las mig gi rnam par shes pa dang ldan pas ni sngon por shes kyis sngon po'o zhes bya ba ni ma yin no/ /yid kyis rnam par shes pa dang ldan pas ni sngon por shes la/ sngon po'o zhes bya bar yang shes so zhes 'byung ba zhe ji lta bu zhe na/ rnam par shes pa lnga ni rnam par rtog pa gnyis med pas mi gsal ba'i phyir de skad ces bya'o/ /rnam pa gsum ste/ chung du ni rdul phra rab la sogs pa la dmigs pa'o/ /chen por gyur pa ni ri rab la sogs pa la dmigs pa'o/ /sogs pa smos paS ni rgya mtsho la sogs pa bstan to/ /tshad med pa ni nam mkha' mdza' yas skye mched la sogs pa la'o/ /sogs pas smos pas ni rnam shes mdza' yas skye mched la sogs pa bstan to/ /'du shes bshad zin to/ /de la gnas dang dmigs pa dang rnam pa dang/ dus dang rdzas mtshungs pa nyid de/ mtshungs pa la dag gis sems mtshungs par ldan pas zhes bya ba la sogs pa de la mtshungs pa zhes bya ba'i sgra ni so sor sbyang te gnas mtshungs pa nas rdzas mtshungs pa'i bar du'o/ de la gnas mtshungs pa ni 'di lta ste/ mig gi rnam par shes pa dang/ tshor ba la sogs pa'i gnas ni mig go/ gzugs ni dmigs pa ste/ 'di ni gnas par dmigs pa mtshungs pa'o/ /yul gyi rnam pa gang

  679. 340a

    yin pa de'i rnam par rnam par shes pa 'byung ngo/ /'das pa la sogs pa dus thams cad du sems dang lhan cig ste/ de dad 'grogs pa'i phyir ro/ /rdzas mtshungs pa ni sems gcig la tshor ba la sogs pa la rdzas gnyis lhan cig mi 'byung ba'i phyir ro/ /rnam pa lnga po de dag gis mnyam du mtshungs par ldan pa ste/ zhugs zhes bya ba'i tha tshig go/ sems smos pa ni gnas mtshungs par bstan pa'i phyir ro/ /de bas na zhes bya ba ni gang gi phyir mtshungs par ldan pa dang mi ldan pa mang po bsdus te/ 'du byed kyi phung po zhes bstan pa'o/ /'du byed mos pa ni 'dus byas bsal ba'i phyir ro/ de bas na mang zhing snying po med par bstan pa'i phyir/ chu shing gi phung po'i dpes chos mang po du mar ston to/ /ji skad smos pa'i go rims bzhin du sems pa bsnyad do/ /sems pa zhes bya ba ni rang bzhin bstan pa'o/ /sems mngon par 'du byed pa zhes bya ba ni byed par bstan pa ste/ mngon du byed pas mngon par 'du byed pa'o/ sems byed pa med pa las sems pa'i dbang gis byed pa dang bcas par 'gyur te/ de'i phyir sems kun tu g.yo'o zhes bya ba'i don gang yin pa'o zhes bya ba smos so/ /de ni 'di skad du gang sems mngon par 'du byed cing las su rung bar byed pa ste/ sems pa'i dbang gis dmigs pa la sems g.yo bar 'gyur bas khab long gi dbang gis lcags g.yo ba bzhin no zhes bstan par 'gyur ro/ /yid kyi las zhes bya ba ni sems kyi 'jug ba zhes bya ba'i tha tshig ste/ dper na lus kyi 'jug pa la lus kyi las zhes bya ba de bzhin du yid dang ldan pa'i las la yid kyi las zhes bya'o/ /de yang dge ba zhes bya ba ni ma chags pa la sogs pa dang ldan pa ste/ de la rnam

  680. 340b

    par shes pa lnga dang lhan cig skyes pa'i ma chags pa dang/ zhe sdang med pa dang mtshungs par ldan pa dang/ yid kyi rnam par shes pa dang lhan cig skyes pa'i ma chags pa dang zhe sdang med pa dang mtshungs par ldan pa dang/ yid kyi rnam par shes pa dang lhan cig skyes pa zag pa dang bcas pa dang/ zag pa med pa'i ma chags pa dang/ zhe sdang med ba dang/ gti mug med ba dang ldan pa'o/ /'jig rten gsum la dbang byed pa yin mod kyi 'di dbang po zhes ni mi bya ste/ 'bras bu mngon sum ma yin pa dang/ rtsod pa'i gnas su gyur pa'i phyir ro/ /gnyis yod na ldan pa zhes bya ba na/ ci'i phyir ma chags pa la sogs pa'i chos can ni sems yin la/ sems ni ma chags pa la sogs pa'i chos ma yin zhe na/ dper na nye bar gnas pa'i dbang gis she la gzhan du 'gyur gyi/ shes gyi nye bar gnas pa bsgyur ba ni ma yin par mthong ba lta bu'o/ /de gnyis ni rigs te/ nye bar gnas pa logs shig tu dmigs pa'i phyir ro// sems pa la sogs pa'i chos bsal na ma chags pa la sogs pa logs shig na med do/ /de bas na grub pa'i mdza' las tshogs gzhan dag 'byung ngo zhe'o/ /gal te de lta na don dam pa dang/ rang bzhin dang ldan pa dang/ kun nas bslad pa'i dge ba ste/ dge ba rnam pa bzhi la sogs pa nyams bar 'gyur ro/ /de la don dam par dge ba ni mya ngan las 'das pa'o/ /de bzhin du don dam par mi dge ba ni 'khor ba'o/ /mig la sogs pa lung du ma bstan pa gang yin pa de ni rnam par smin pa mngon par mi 'grub pa'i phyir ro/ /rang bzhin gyis dge ba ni ma chags pa la sogs pa'o// de dang mi mthun pa ni mi dge ba'o/ ldan pa ni tshor ba la sogs pa'o/ /kun

  681. 341a

    nas bslang ba ni lus dang dag gi las so/ /'dis ni mi dge ba yang bshad do/ /don dam par lung du ma bstan pa gnyis te/ nam mkha' dang so sor brtags pa ma yin pas 'gog pa'o/ /de ltar na tshar ba la sogs pa ni gsum du dmigs kyi/ ma chags pa la sogs pa de lta ma yin te/ des na ldan pa zhes bstan to/ /spyod lam dang/ bzo'i gnas dang/ sprul par byed pa'i rnam par smin pa'i sems dang mtshungs par ldan pa ni lung du ma bstan pa rnams so/ /reg pa ni yul dang dbang po dang rnam par shes pa las byung ba zhes bya ba ni yul dang dbang po dang rnam par shes pa de las byung ba ste/ yul dang dbang po dang rnam par shes pa las byung ba'i rig pa'o/ /gang gi sems de yul la reg pa dang 'dra ba'i sems las 'byung ba'i chos te/ sems las don gzhan du gyur pa'o/ /tshor ba'i mtshan nyid ces bya ba ni 'dis tshor ba la sogs pa'i rgyu'i dngos por ston to// 'di la 'dus pa'i don gang yin zhe na/ 'bras bu gcig pa'i don ni 'dus pa'i don to/ /gsum pa de dag ni reg pa las 'byung ba dang mthun par gnas pa'i phyir ro/ /ji lta zhe na/ 'di ltar reg pa ni sems las byung ba'i tshor ba zhes bshad pas reg pa'i rgyu las byung bar shes so/ /de skad du bcom ldan 'das kyis reg pa'i rkyen gyis tshor ba'o/ /sems pa'o/ /'du shes so zhes bya ba la sogs pa gsungs so/ /bde ba la sogs pa myong bar 'gyur ba zhes bya ba ni bde bar tshor ba dang mtshungs par ldan pa zhes bya ba'i tha tshig go/ sdug bsngal myong bar 'gyur ba dang/ sdug bsngal yang ma yin bde ba yang ma yin pa myong bar 'gyur pa yang de bzhin no/ /yang na bde

  682. 341b

    bar tshor ba dang mthun pa ni bde ba myong bar 'gyur ba ste/ bde ba'i tshor ba skye ba dang rjes su mthun pa zhes bya ba'i tha tshig go/ yid la byed pa ni sems kyi 'jug pa zhes bya ba la 'jug pa zhes bya ba ni rnam par shes pa yul la gtod pa ste/ don de ni gang sems yul rnams la gtong pa zhes bya bas ston te/ gang sems yul la 'jug ces bya ba'i tha tshig go/ sngon myong ba la sogs pa zhes bya ba la /sngon gyi myong ba zhes bya ba 'dis ni 'das pa'i dus yongs su 'dzin to/ /sogs pa smos pa ni myong ba dang myong bar 'gyur ba la sogs pa bsdu pa'o/ /sems par byed pas sems pa ste/ sngon byed? pa la sogs pa'i yul la 'jug ces bya ba'i tha tshig go/ yul gzhan la zhugs pa'i rnam par shes pa'i rgyun yul la gtong pa ni yid la byed pa'i las so/ /gtad nas yul 'dzin par gzhol ba ni sems pa'i las so/ /gzhol nas nye bar 'dre bar byed pa ni rnam par rtog pa'i las so/ /nye bar 'dres? nas mi 'phyar bar byed ba ni ting nge 'dzin gyi lam so/ /dbang po ni ma yin te/ sems gtod pa'i phyir ro/ /yan lag tu gyur pa zhes bya ba la/ yan lag tu gyur pa ni rgyur gyur ces bya ba'i tha tshig go/ de'i phyir 'di zhes bya ba bya'o snyam pa gang las 'byung zhes bya ba'o/ /'dod pa ni sems thams cad du 'jug tu zin kyang dge ba spyad pa la 'di gtso bor gyur pas de'i phyir brtson 'grus kyi yan lag tu gyur pa ste zhes smos so/ /yul lam zhugs pa zhes bya ba ni gang yul la sems rgyas par byed pa'o/ /de ni mos pa ste/ lhag par mos shing yul la rnam par shes pa zhugs pa'o/ /don de ni yul la ma zhum pa zhes bya bas ston to/ mos pa 'dus byas kyi rnam par

  683. 342a

    grol bar ston pa ste/ rnam par grol ba 'dus byas dang/ 'dus ma byas rnam pa gnyis so/ /de la 'dus ma byas ni 'dod chags dang bral bas mya ngan las 'das pa'o/ /'dus byas kyi rnam par grol ba ni mos pa ste/ gang dang ldan pas rta srab phung pa bzhin du sems yul la ma zhum par rgyug pa de lta bu de mos pa'o/ /dad pa ni sems dad pa ste/ zhes bya ba de la dad pa ni yon tan la yid ches pa dang/ de sngon du song pa'i dga' ba ste/ de bas na bon gzhan du gyur pa'o/ /dang ba ni sems dad pa'o/ /dkon mchog gsum ni sangs rgyas dang/ chos dang dge 'dun no/ /rgyu dang 'bras bur 'brel ba zhes bya ba ni rgyu dang 'bras bu gnyis la 'brel pa'o// sems kyi rnyog pa de sel ba'i dang? tshul can yin pas dpe de bstan to/ /sangs rgyas rnams kyi byang chub ni zad pa shes pa dang mi skye ba shes pa dang/ sangs rgyas kyi chos ma 'dres pa bco brgyad dang/ stobs bcu dang mi 'jig pa bzhi dang/ dran pa nye bar gzhag pa gsum dang/ thugs rje chen po'o/ /chos kyi legs par sgrub pa nyid ces bya ba ni nyon mongs pa spong bar bslu ba med pa ste/ 'gro ba'i bla mas ji skad du/ ngas khyod la gang nyan thos rnams kyi lam bshad pa de ni nges par 'byung ba ma yin pa snyam zhes bya ba'i gnas med do/ /zhes gsungs pa lta bu'o/ /yang dag par sbrul pa ni 'phags par dgyes pa'i tshul khrims yod pa'o/ /'di las phyi rol tu gyur pa thams cad 'khrul par byed pa rten cing 'brel par 'byung ba'i chos nyid la zhes bya ba dang/ dkon mchog gsum la sogs pa de dag yod pa nyid la de yod pa nyid du mngon par yid ches pa ni nges pa ste/ mngon par yid

  684. 342b

    ches pa'i rnam pa de la mngon par dad cing nges so zhes bya ba'i tha tshig go/ 'o na rgyal po ma skyes dgra rtsa ba med pa'i dad pa dang ldan zhes gang yang gsungs pa la/ rtsa ba med pa'i dad pa gang zhe na/ 'phags pa'i bden pa dang bral ba'o// 'o na so so'i skye bo thams cad kyi rgyud kyi yang rtsa ba med par 'gyur ro zhe na/ de la nyes pa med de/ khyad zhugs pa dang ldan pa la de skad ces brjod pa'i phyir ro/ /de bas na gang bden pa mthong ba dang mthun par sen pa nyid rtsa ba med pa'o// dad pa bshad zin to/ /brtson 'grus ni zhes bya ba la sogs pa la/ dge ba'i chos la mngon par spro ba ni de la mngon du phyogs shing mthor 'gro bar rtse la ba ni spro pa'o/ /'dir dge ba rnams bskyed pa dang gnas par byed pa dang mi dge ba rnams mi bskyed pa dang 'gog par byed pa dang/ go rims bzhin du lta'o/ /'khor ba'i 'dam zhes bya ni 'khor bar byed pas 'khor pa ste/ nye bar len pa'i phung po lnga'i mtshan nyid 'byung zhes bya ba'i tha tshig go/ 'khor ba'i 'dam yin pas 'khor ba'i 'dam mo/ /'khor ba'i 'dam ni 'khor ba las 'byung bar dka' ba'i phyir 'dam mo/ /der byed pa'i sems mngon par 'byung pa'i zhes bya ba ni 'byin pa'o/ /de ni brtson 'grus te mngon par 'byung ba la sogs pa'i rnam par rtog pa'i rgyun gnas par byed pa'i phyir ro/ /brtson 'grus bshad zin to/ /dran pa zhes bya ba ni dran par byed pas dran pa'o/ /de ni sems gsal ba nyid de? gsal ba'i dngos po ni gsal ba nyid do/ /gzugs la sogs pa ni shes par mi bya ba yin pas don de gsal ba nyid do/ /de yang byas pa la sogs pa ma brjod pa'o/ /ci'i phyir ma brjod pas gsal ba nyid ces bya zhe na/ 'di ltar myong ba'i don dran pas gsal bar byed de/

  685. 343a

    sal sal por byed ces bya ba'i tha tshig go/ myong ba'i yul ran pa dran pa gzhan gyi dbang gis sems dang sems las byung ba rnams kyis yul gyi dngos por 'gyur zhes bya bar dgongs pa'o/ /byas pa dang bya ba dang byed pa'i yul de dag kyang dran mo'i kyi phal cher 'das pa'i yul la 'jug pas 'das pa yul nyid du bstan to/ /ting nge 'dzin sems rtse gcig pa ste zhes bya ba ni sems spre'u dang 'dra bas na spre'u smos te/ grong bar grags pa'i phyir dper smos kyi/ 'dra ba tsam gyi phyir ni ma yin no/ /gzhan nas kyang dge slong dag 'di ltar myur du 'gyur ba ni chos gcig las ngas ma mthong ste/ de ni sems so zhes gsungs so/ /dmigs pa gcig ces bya ba ni yul la 'dzin bar nus pa ste de nyid yul gcig la 'dzin pa nyid du ston to/ /dper na sbrul rang bzhin gyis gya gyur 'gro ba 'ong ma'i spubs su bcug pa de bzhin du sems kyang rang bzhin gyis gya gyu pa ste/ ting nge 'dzin gyi dbang giS de dmigs pa gcig la gnas so/ /gang dag gi lta ba las dge slong dag rnam par shes pa ni rang bzhin gyis dang ba yin na/ de glo bur gyi nyon mongs pa rnams kyis nye bar nyon mongs par gyur to zhes 'byung ba de skad du brjod pa ni thog ma yod pa can gyi skyon du 'gyur ro/ /'dis sems dang sems las byung ba rnams snyoms par byed pas ting nge 'dzin te/ dmigs pa gcig la 'jog ces bya'i tha tshig go/ de bas na sems spre'u lta bu dmigs pa gcig la 'jug ces bya ba smras so/ /'dir ni sems dang sems las byung ba mdza' dag la sems shes bya'o/ /sems rtse gcig pa zhes bya ba ni sems kyi rtse gcig pa la sems rtse gcig pa zhes bya'o/ /rtse zhes bya ba

  686. 343b

    ni dmigs pa la bya ste/ dmigs pa gcig la 'jug pa zhes gang smras pa'o/ /shes rab ni chos rab tu rnam par 'byed pa ste/ zhes bya ba ni mchog tu shes pas na shes rab bo/ /yang na rab tu shes pas shes rab ste/ khong du chud pa'o/ /rab kyi sgra ni 'du shes las gzhan du bstan pa'i phyir ro/ /rab tu rnam par 'byed pa zhes bya ba la chung du rtogs pa ni 'byed pa'o/ /'bring ni rnam par 'byed pa'o/ /cher rtogs pa ni rab tu rnam par 'byed pa'o/ /de bas na thams cad khong du chud par bsdu pa'i phyir nye bar bsgyur pa gnyi ga smos so/ /rab tu rnam par 'byed pa de yang shin tu rnam par 'byed pas rab tu rnam par 'byed pa'o/ /rab de ji lta bu yin pa bstan pa'i phyir/ chos rnam pa brgyad po de dag gi zhes bya ba smos te/ gzugs la sogs pa'i chos rnams nas so sor brtag pas 'gog pa la thug pa dag go/ ji ltar mthun mthun du zhes bya ba ni gang la gang 'thad pa'o/ /de gang zhe na/ sdug pa la sogs pa'o/ /de la sdud par byed pas sdud pa ste/ rang bzhin zhes bya ba'i tha tshig go/ 'di lta ste sa ni sra bas bsdus pa ste/ sra ba'i rang bzhin zhes bya bar shes so/ /'jig rten na dngos po gzhan gyi sar mthong ba med dam/ dper na skud pas gos kyi gzugs byas pa dang gdung rten gyis gdung gi gzungs byas pa lta bu'o/ /de ni res 'ga' tsam dang rgyu la rag las te 'byung ba'i phyir sdud pa ste brda can no/ /gang rang bzhin gyis sdud pa de ni ji srid du rdzas med par ma gyur gyi bar du yod pa dang/ rgyu gzhan la mi bltos pa'i phyir don dam pa'i sdud pa ste/ slob dpon gyi nye gnas bzhin du dngos pos rang bzhin gyis bzung nas mkhyud pa bzhin du gnas pa ste/ sa ni rdzas gzhan du 'gro ba bkag pa'i ngo bos sra ba bzung nas gnas pa'o/

  687. 344a

    mtshungs par ldan pa ni mtshungs par 'jug pa ste/ de ni sems dang sems las byung ba rnams kyi'o/ ldan pa ni thob pa la bya'o/ /rgyu ni drug ste/ mtshungs par ldan ba dang/ lhan cig 'byung ba dang/ skal pa mnyam pa dang/ kun tu 'gro ba dang rnam par smin pa dang/ byed rgyu zhes bya'o/ /rkyen ni rgyu dang/ de ma thag pa dang/ dmigs pa dang/ bdag po'i rkyen gyi bye brag gis bzhi'o/ /'bras bu ni lnga ste/ skyes bu'i byed pa dang/ rgyu mthun pa dang/ rnam par smin pa dang/ bdag po dang/ bral ba zhes bya ba'o/ /mtshungs par ldan pa la sogs pa de dag ni 'og tu rgyas par bshad par bya'o/ /rang dang spyi ni rab dang spyi ste/ de gnyis kyi mtshan nyid ni rang dang spyi'i mtshan nyid do/ /de la chos rnams kyi rang gi mtshan nyid chos gzhan thams cad las bzlog pa'i ngo bo ste/ dper na ma'i ngo bo tsha ba lta bu'o/ /spyi'i mtshan nyid ni chos thams cad kyi thun med gi ngo bo ste/ 'di lta ste stong pa nyid la sogs pa'o/ /'dis rtog par byed pas na rtog pa ste shes rab bo/ /rtog pa zhes bya ba'i sgra ni so sor sbyar te/ sdud pa la rtog pa dang/ mtshungs par ldan pa la rtog pa la sogs pa zhes bya bar sbyar ro/ /de dag rang gi ngo bo ji lta ba bzhin dpyod de rtog pa zhes bya ba'i tha tshig go/ rtog pa ni sems rtsing ba'i mtshan nyid do zhes bya ba la sems kyi rtsing ba ni sems rtsing ba'o/ /de nyid mtshan nyid do/ sems rtsing pa'i mtshan nyid de gang yin pa'o/ /gang gi dbang gis sems rtsing bar gyur pa yin gyi/ sems dang sems las byung ba gzhan dag gi rtsing ba ma yin te/ rang bzhin gzhan pa'i phyir ro/ /de la rtsing ba ni gsal bar

  688. 344b

    gyu nyid de lus kyi tshang tsam ni ma yin no/ /'di ltar yang 'jig rten na yang gzugs med pa la blo rtsing ngo/ /blo zhim po zhes tha snyad 'dogs pa snang ngo/ /bstan bcos las kyang rnam par shes pa rtsing ngo/ /zhib bo zhes 'byung ngo/ gnyis su na kun tu rtog pa zhes kyang bya ste/ zhes bya ba ni gnyis su na kun tu rtog pa gang yin pa de'o/ /'du shes nyid rlung yin pas 'du shes kyi rlung ste/ 'du shes kyi rlung gis bskyod nas 'jug pa gang yin pa de 'du shes kyi? rlung gis bskyod nas 'jug pa ste/ 'du shes kyi btang zhes bya ba'i tha tshig go/ 'du shes kyi yul gyi mtshan ma yongs su bcad nas rnam par rtog pa sems yul la gtong bar nus so/ /tshogs ni 'dus pa ste/ rnam par shes pa lnga po dag gi tshogs ni rnam par shes pa'i tshogs lnga ste/ de dag ni rtsing ba yang yin la rnam par shes pa'i tshogs lnga yang yin pas rnam par shes pa rtsing ba'i tshogs lnga ste/ de dag gi rgyu'o/ /de yang ldan na de dag rtsing ngo zhes bya ba brjod do/ /sems zhib pa nyid kyi mtshan nyid de zhes bya ba la/ zhib pa'i dngos po ni zhib pa nyid de/ sems kyi zhib pa nyid ni zhib pa nyid do/ /de'i mtshan nyid ni sems zhib pa nyid kyi mtshan nyid gang yin de'o/ /de la zhib pa nyid ni mi gsal ba mi rno ba'o/ /yid kyi rnam par shes pa'i 'jug pa dang mthun pa ni yid kyi rnam par shes pa'i 'jug pa dang mthun pa'o/ /mthun pa ni mi 'gal ba ste/ 'gags byed pa ma yin zhes bya ba'i tha tshig go/ 'dis rnam par dpyod pa'i yul la yang dpyod do/ /bag med pa ni dge ba'i chos mi bsgom pa ste/ zhes bya ba ni bag yod pa ma yin pas bag med pa ste/ gang dang ldan pas dge ba'i chos la kun tu bsten pa zad par byed pa'o/ don de nyid mi 'jug pa zhes

  689. 345a

    bya ba'i don gang yin pa'o zhes bya bas ston to/ /de la bdag la phan pa la mngon par mi brtson zhing yal bar 'dor ba ni bag med pa ste/ rang la phan pa ni dge ba'i chos goms par byed pa'o// de la mngon par mi brtson pa ni de la mi gzhol pa ste yal bar 'dor ba'o/ /gang yod na de 'byung ba de ni bag med pa'o/ /bag yod pa ni dge ba'i chos rnams bsgom pa ste zhes bya ba de la 'di yod na bag med par mi byed pas bag yod pa ste/ dge ba'i nor? bsrung ba'i phyir gang gis 'jug par 'gyur ba de bag yod pa'o/ /bag med pa'i phyir 'jil ba zhes bya ba ni gnyen po'o zhes bya ba'i tha tshig go/ skye ba ni 'khor ba'i nyes pa la rtogs pas zhes bya ba la sogs pa la 'khor ba'i nyes pa ni 'dod chags la sogs pa dang/ rga shi dang mya ngan la sogs pa ste/ de dag la rtog pa ni 'byed pa'o// de bas na gang skyo ba de 'dod chags dang bral ba dad mthun te/ 'dod chags dang bral ba'i rgyur gyur ces bya ba'i tha tshig go/ yid byung na mi chags so zhes gsungs pa'i phyir ro// de nyid rnam par dgrol ba'i phyir sems las byung ba'i chos gang byung na zhes bya ba la sogs pa smras so/ /gang dang ldan pas zhes bya ba ni gang dang 'brel bas so/ /yid 'byung ba yid la byed pa zhes bya'o zhes bya ba ni yid 'byung ba dang ldan pa'i yid la byed pa'o/ /rab tu dga' ba ni mgu ba dang mchog tu dga' ba ste/ dge ba'i sems la gnod pa las byung bar gnyen po 'tshol ba can no// de rnyed nas de la yid tshim pa gang yin pa de ni mchog tu dga' ba'o zhes bya ba de la/ 'dod pa'i khams ni sdug bsngal thams cad kyi gnas su gyur pa'i phyir gnod pa ste/ de las byung ba

  690. 345b

    ni 'dod pa'o/ /'byung ba'i gnyen po ni gnod par byed pa'i phyogs te/ 'dor pa'i rgyu zhes bya ba'i tha tshig go/ de ni lam mo// gnyen po 'tshol ba can gyi dang tshul can gang yin pa de ni gnyen po 'tshol pa can no/ /gnyen po 'tshol ba can des de rnyed nas zhes bya ba ni rnyed pa ni thob pa ste/ lam de rnyed ces bya ba'i tha tshig go/ de la lam de rnyed nas yid yongs su tshim pa skye ba gang yin pa de mchog tu dga' ba ste de dang bral ba mi lcogs pa med pa la sogs pa la mchog tu dga' ba yid la byed pa zhes bya'o// de la rab tu dga' ba ni mgu ba zhes bya ba la rab tu dga' ba ni yid bde ba ste/ de dang lhan cig skyes pa ni mgu ba dang rengs pa'o/ /yang de ni rnam grangs su brjod pa'o shin tu sbyangs pa ni sems las su rung ba nyid do zhes bya ba la las dang mthun pa ni las su rung ba'o// las su rung ba'i dngos po ni las su rung ba nyid do// sems kyi las su rung ba nyid ni sems las su rung ba nyid de/ sems 'os su gyur ces bya ba'i tha tshig ste/ gser dul ma bzhin no// dper na gser dul ma ni ci dang cir brdung ba de dang der las su rung ba yin no/ /de bzhin du shin tu sbyangs pa'i dbang gis mtho ris dang thar pa la sogs pa gang dang gang du sems/ sbyor ba de dang der dgos pa sgrub bar nus pa'i phyir las su rung ba zhes bya'o// rnam par mi 'tshe ba ni gzhan la gnod par byed pa la mngon par dga' ba dang mi mthun pa semS bzang po nyid de zhes bya ba la/ gzhan dag la gnod par byed pa ni gzhan la gnod par byed pa'o// gzhan la gnod par byed pa dag la mngon par dga' ba ni gzhan la gnod par byed pa la mngon par dga' ba ste/ de dang mi mthun pa'o// gang gi dbang gis

  691. 346a

    gzhan la rnam par tho? mi 'tsham pa'o zhes bya ba ni gnod par mi byed mi mthun par mi byed ces bya ba'i tha tshig go/ de las 'byung par gnyen po 'tshol ba can ni de dang mi mthun pa'i sems bzang po nyid ces bya ba'o/ /rigs pa la gzhol pa ni rigs pa dang mthun pa'o// rigs pa ni 'phags pa'i lam mo// de la gzhol ba ni der gzhol ba ste/ der phyogs zhes bya ba'i tha tshig go/ de ni bdag gi dbang du byas pa dang/ chos kyi dbang du byas pa las byung bas bdag dang chos kyi dbang du byas pa las byung ba'o/ /de la bdag ces bya ba ni rang gi rgyud yongs su bzung ba'o// bdag gi chos rnams ni bdag gi yon tan rnams te tshul khrims la sogs ba'o?/ de dag gi dbang du byas pa ni bdag gi chos kyi dbang du byas pa ste/ dbang du byas pa ni nus zhes bya pa'i tha tshig go/ de las byung ba ni bdag dang chos kyi dbang du byas pa las byung ba ste/ mdo sde las ji skad du bstan pa lta bu ste/ bdag nyid kyi dbang du byas nas mi dge ba spong zhing dge ba bsgom pa'i zhes 'byung ba'i phyir ro// yang na bdag gi chos na rigs kyi bu la sogs pa'o// ji ltar bdag gi chos las byung smras pa/ gang gi phyir bdag ni rigs kyi bur 'gyur te/ 'phags pa'i ches shes kyis de sgrub pa la mi phyogs pa ni bdag gi cha ma yin no snyam mo// sred pa ni mngon par chags pa'o// sred pa'i rgyu las byung ba ni rgyu mthun pa ste/ sred pa'i rgyu mthun pa'o// sred pa'i rgyu mthun pa de ni ngo tsha mi shes pa zhes bya/ de dang mi mthun pa ni de kun du 'byung ba dang 'gal ba'i phyir ro/ /sems kyi dbang ste zhes bya ba ni sems la dbang byed pa'o/ /de'i byed pa'i/ rang gi ngo bo bstan pa'i phyir/

  692. 346b

    gang gi dbang gis yon tan rnams dang yon tan can rnams la gus pa dang bcas par gnas pa'o zhes bya ba smras te/ /yon tan can rnams ni rang gi rgyu dang 'brel pa tshul khrims la sogs pa la'o// yon tan can rnam /ni slob dpon dang mkhan po la sogs pa la'o/ /khrel yod pa ni yon tan la goms par byed pa sngon du gtong pa zhes bya ba la sogs pa la goms par byed pas goms par byed pa'o/ /yon tan rnams goms par gang byed pa ni yon tan goms pa byed pa sngon du gtong ba'o// gti mug ni mi shes pa'o/ /de'i rgyun mthun pa ni khrel med pa ste/ rmongs par gyur na srog gcod pa la sogs pa'i bya ba la 'jug pas 'khrel med par 'gyur ro/ / de'i dgrar gyur pas chos ngan pa la smos te/ chos ngan pa ni srog gcod pa la sogs pa'o/ /de dag la smos pa ni bshud pa'o/ /gang yang na zhes bya ba ni chos gang skyes na kha na ma tho ba ste sdig pa las 'jig par lta ba yin no gtang snyoms ni mi rigs pa yang mi sel bas zhes bya ba la sogs pa la mi rigs pa la sogs pa la 'jug pa'i phyir de mi rigs pa sel ba ni brtson 'grus kyi byed pa'o/ /rigS pa la 'jug pa yang brtson 'grus kyi byed pa nyid do/ /de la btang snyoms su byed pa ni btang snyoms so// btang snyoms zhes bya ba'i chos de yod pas sems de btang snyoms dang ldan pa zhes bya'o// btang snyoms ni rnam pa gsum ste tshang med pa'i btsang snyomS ni 'di lta ste/ byams pa dang/ snying rje dang dga' ba dang btang snyoms so// de la byams pa ni bde ba nye bar sgrub pa'i mtshan nyid do/ /snying rje ni sdug bsngal ba'i rnam pa'o// dga' ba ni dga' par gyur cig pa'o// btang snyomS

  693. 347a

    ni sems can gyi rnam pa'o// tshor ba'i btang snyoms ni sdug bsngal yang ma yin bde ba yang ma yin pa'i tshor ba'o/ /'di ni 'du byed kyi btang snyoms te/ de nyid 'du byed kyi btang snyoms nyid du ston to/ /de yod pas mi rigs pa yang mi sel rigs pa la yang mi 'jug ces bya ba 'dis ni/ btang snyoms kyi las ston to srang 'dzin pa'i rigs pas mnyam pa nyid du gnas pa'o zhes bya ba la srang 'dzin pas srang 'dzin pa'i skyes bu ste/ srang drang por gyur pa na rdzas snon pa dang 'bring pa mi byed kyi/ btang snyoms 'ba' zhig tu byed pa de bzhin du btang snyoms su byed ces bya ba'i tha tshig go/ dper na ba lang rdzis ba lang sa nar mi bde pa las blan te sa na ra bde bar rgyu zhing stong pa la yal bar 'jog pa ltar btang snyoms kyang de bzhin to/ brtson 'grus kyis sdig pa las sems bla na nas rigs pa la rgyu ba na btang snyoms su 'jog ste/ mthun pa la gnas so zhes bya pa'i tha tshig go/ dge ba'i rtsa ba gsum ste zhes bya ba la ku sha zhes bya ba ni shes rab po// la ni de 'dzin pa ste shes rab 'dzin pa ni dge ba'o// de la ma chags pa na yo byad dang lus dang skye ba la mngon par mchags pa'o/ /ma rig pa dang mi 'dza' ba la sogs pa lta bu'i dngos po yin gyi chags pa med pa tsam ni ma chags pa ma yin no// dge ba gzhan rnams te dad pa la sogs pa 'byung ba'i rgyu'i dngos po yin pas rtsa bar gyur ces bya ba'o/ /bde ba'i don ni dge ba'i don te/ dper na dge bar 'ongs pa la bde bar 'ongs par shes pa lta bu'o// bde bar yang srid pa'i yid du 'ong ba dang/ thar pa'i myu gu mngon par 'grub

  694. 347b

    par byed pas zhes bya bar ston to// srid pa yid du 'ong pa ni lha dang mir skye pa'o/ /thar pa'i myu gu zhes bya ba ni thar pa'i cha dang mthun pa 'phangs pa gang yin pa'o/ /'phangs pa de'i rtags brjod par bya ste/ gang dam pa'i chos thos nas mchi ma 'byung ba dang spru zings zhes byed pa'o// yang na byang ba la dge ba zhes bya'o/ /'grub pas zhes bya ba la/ gzugs bzang po ni mdzes pa ste/ ji skad du bzod pas mdzes bar 'gyur zhes bya ba lta bu'o// de la 'dod par gtogs pa'i sred pa rnam pa lnga ni sdug bsngal dang kun 'byung ba dang 'gog pa dang/ lam mthong ba dang/ bsgom pas spang bar bya ba rnams so/ /'dod par gtogs pa ni 'dod pa'i khams dang ldan pa'o// khong khro ba ni lnga ni sdug bsngal la sogs pa mthong ba dang bsgom pas spang bar bya ba'i zhe spang ngo// 'dod pa na spyod pa'i nyon mongs pa sum cu rtsa drug 'og nas 'byung ba de dag dang ldan pa'i ma rig pa las 'jig tshogs dang mthar 'dzin par lta ba'i gti mug ma gtogs pa gzhan ma rig pa sum cu rtsa bzhi po gang yin pa de ni gti mug go/ gzugs dang gzugs med par gtogs pa'i sred pa rnam pa bcu ni sdug bsngal la sogs pa mthong ba'i bye brag gis so// de na 'byung ba ni de na yod pa ste/ gzugs dang gzugs med par gtogs zhes bya ba'i tha tshig go/ de dag ni 'og nas 'chang ba'o// der gtogs pa zhes bya ba ni gzugs dang gzugs med par gtogs nyid de/ sdug bsngal la sogs pa mthong ba'i bye brag gis nga rgyal rnam pa bcu'o?/ /'dir 'byung ni 'di ni yod pa ste/ 'dod par gtogs zhes bya ba'i tha tshig go/ de la kha cig na re khengs pa'i mtshan nyid kyi phyir mtho bar 'gro ba ni nga rgyal yin la/ rtsa ba ni

  695. 348a

    brtan pa dang thur du zug pa yin na rtsa ba dang mi mthun pa'i chos kyi phyir nga rgyal ni lung du ma bstan pa'i rtsa ba yin no/ zhes zer ba de'i phyir nga rgyal yang lung du ma bstan pa'i rtsa ba nyid du bsgrub par 'dod nas/ bsam gtan pa gsum gyi phyir te/ 'di ltar bsam gtan pa gsum ni/ sred pa dang/ lta ba dang/ nga rgyal gyi shas che ba'i bsam gtan pa ste zhes bya ba smos so// sred pa'i shas che ba'i bsam gtan du byed pa'i dang tshul can de dag ni sred pa shas che ba'i bsam gtan pa ste/ sred pa la gnas zhes bya ba'i tha tshig go/ lta ba dang nga rgyal gyi shas che ba'i bsam gtan pa yang de bzhin du brjod par bya'o/ /kun tu sbyor ba ni rnam pa dgu ste/ zhes bya ba ni de dag gis sems can rnams khams dang 'gro ba dang skye gnas rnams su kun tu sbyor bas kun tu sbyor pa rnams so// yang na de dag yod na sdug bsngal gyi bye brag de dang de dag dang kun tu sbyor bas kun tu sbyor ba rnams te/ de dag sdug bsngal thams cad kyi gnas su gyur pa'i phyir ro// rjes su tshags? pa'i kun tu sbyor ba zhes bya ba ni 'dis yul de la rjes su chags par byed pas rjes su chags pa ste kun tu sbyar kun tu chags zhes bya ba'i tha tshig go/ khams gsum pa'i 'dod chags te/ gnas dang dmigs pas so/ /rgya skyegs zhu ba ltar 'byar zhing kun tu sbyor zhes bya ba'i tha tshig go/ sems can rnams la kun nas mnar sems pa zhes bya ba ni sems can rnams dang mi mthun pa'i 'du shes can te/ de dag dang bral bar 'dod pa dang ldan pa sems mi tshogS pa ni khong khro ba'o// de ni 'dod pa na spyod pa nyid de rnam pa lnga'o// 'dis gnod

  696. 348b

    par byed pa'am 'di yod pas 'dis gnod par byed pa 'am 'di yod pas na kun nas mnar sems pa'o/ /tsha ba'i sa bon la bu zhes bya ba ni de tsha ba yang yin la sa bon yang yin pas tsha ba'i sa bon te/ gnod pa'i bdag nyid yin pas de dang 'dra'o/ /bdag dang gzhan la dmigs nas zhes bya ba ni kun tu gti mug las yod pa dang med pa la gnas pa sngon las btang ste/ bdag dad gzhan gyi khyad par la bltos zhes sems khengs pa ni nga rgyal lo// skyes bu rengs pa lta bu zhes bya ba ni dper na rlung la sogs pas rengs par 'gyur ba'i skyes bus rgyu mi nus pa de bzhin du nga rgyal gyi dbang gis bla ma rnams la mi 'dud pa'o/ /de yang phye na rnam pa du yod ce na/ de'i grangs bstan pa'i phyir rnam pa bdun te zhes bya ba smos so// bdag tu 'dzin pa'i rjes las byung ba zhes bya ba ni 'jig tshogs las lta ba sngon du btang ba ste/ bdag yod pa nyid? du sdug pa la sogs pa'i rnam par sems khengS pa'o/ /nga'o snyam pa'i nga rgyal de yang 'jig tshogs la lta ba dang yul gcig ste/ gnyi ga'i yang bdag yin no zhes bya ba'i tha tshig go/ rgyun tu zhugs pa'i 'bras bu la sogs pa zhes bya ba la sogs pa smos pa ni lan cig phyir 'ong ba dang/ phyir mi 'ong ba dang/ dgra bcom pa nyid dang/ bsam gtan dang/ tshang med pa dang/ gzugs med pa dang/ 'phags pa'i lam dang/ mya nganlas 'das pa bsdu ba'o/ /rgyun tu zhugs pa'i 'bras bu la sogs pa de nyid gong ma'i bye brag ste/ de 'thob pa ni rnyed pa'o /rigs la sogs pa ni zhes bya ba la/ rigs ni khyim pa dang rab tu byung ba'o/ /sogs pa smos pas ni 'dir bzo dang tshul khrims la sogs pa bsdu pa'o/ /khyad

  697. 349a

    par ches 'phags pa bas bdag cung zad gcig gis chud bar zhes bya bar yang rigs la sogs pa de bzhin du bstan to// bye brag cher zhugs kyang bye brag cung zad gcig gis chung bar lta'i ji ltar chung ba de ltar bdag la mi lta ste de bas cung zad gcig gis chung bar lta'o/ /chud ba zhes bya ba 'dir ji ltar khengs pa'i gnas yin zhe na/ sems can gyi phung po 'dod pa che ga rnams pas rnam par chung yang chos mang du rlom sems byed pa ste 'di ni cung zad snyam pa'i nga rgyal lo/ /yon tan ma yin pa dang ldan yang zhes bya ba de la/ yon tan gyi dgrar gyur pa ni lus dang ngag dang yid kyi nyes par spyod pa rnams te/ yon tan ma yin pa'o// de dag su la yod pa de ni yon tan ma yin pa dang ldan pa ste/ de ltar gyur kyang bdag yon tan dang ldan no snyam na rlom sems su byed pa'o// nyes par spyod pa des khengs pa ni log pa'i nga rgyal lo/ /bdag la yon tan med bzhin du sems khengs pa mngon pa'i nga rgyal dang/ log pa'i nga rgyal gnyis la khyad par ci yod ce na/ yon tan 'dra ba'i bag gas khengs pa na mngon pa'i nga rgyal lo// yon tan med par yon tan du yongs su brtags nas des khengs pa ni log pa'i nga rgyal lo// khams gsum pa'i mi shes pa zhes bya ba ni/ khams gsum la gnas pa yin gyi/ khams gsum la dmigs pa ni ma yin no// gzhan du na zag pa med pa'i 'gog pa dang/ lam la sogs pa khams su ma ltung ba yin na/ yul de mi shes pa ni 'dir bzung bar mi 'gyur ba'i skyon du 'gyur ro/ /mi rtag pa'i mtshan nyid ces bya ba ni dngos po'i rang gi ngo bo mi rtogs pa'i mtshan

  698. 349b

    nyid de/ de kho na'i mtshan nyid khong du chud pa la ma phyogs pa yang dag pa'i don mthong ba'i gegs byed pa'i chos so/ /long ba lta bu ste zhes bya ba la lta bu zhes bya ba ni 'dra ba la bya ste/ dper na long ba las nar bde ba dang mi bde pa la? sogs pa mthong ba'i mthu med pa ltar ma rig pa yang de bzhin no/ /dgag pa'i gnyen po la bzhag pa'i phyir zhes bya ba la sogs pa la/ rig pa med pa lam rig ces bya na ni rdzas med par 'gyur ro/ /smad pa'i rig pa la ma rig ces bya/ ni lta ba'i ngo bo nyid du 'gyur te/ de bas na lta ba dang mtshungs par ldan par mi 'gyur ro/ /rig pa ma yin pa la bya na ni mig la sogs pa yang thal bar 'gyur ro// de bas na mi mthun pa nyid du ston te/ rig pa la phyir 'jal ba ste/ chos ma yin pa dang/ don ma yin pa dang/ mi 'dza' pa dang dogs pa ma yin pa lta bu'o// de bas na dgag pa 'di ni mi mthun pa la rnyegs so// nye bar len pa'i phung po lnga po zhes bya ba de la/ nye bar len pa ni nyon mongs pa rnams so/ /de las byung ba'i phung po rnams ni nye bar len pa'i phung po rnams te de dag kyang gzugs la sogs pa'o// 'dis ni zag pa med pa'i phung po sel to// bdag med pa zhes bya ba ni bdag gi rang bzhin yin pa'o// bdag gi med pa zhes bya ba ni bdag gzhan gyi yo byang du ma gyur pa'o// 'jig tshogs la lta ba zhes bya ba ni 'jig pa'i tshogs la lta bas 'jig pa'i tshogs la lta ba ste nye bar len pa'i phung po lnga yul yin pa'i tha tshig go/ bdag yod pa nyid du zhugs su zin kyang de med pa'i phyir bdag tu lta ba zhes ni mi bya'o/ /yul med pa ma yin par bstan pa'i phyir 'jig tshogs la lta ba zhes bya bar smras so/ /de ni 'jig pa yang yin la tshogs kyang yin pas 'jig tshogs te

  699. 350a

    'jig pa ni 'gyur ba'i bdag nyid do/ /chogs ni 'dus pa zhes bya pa'i tha tshig go/ yang na spyod pa ste du ma yod ces bya ba'i tha tshig go/ de ni bdag yod pa nyid du zhugs la de ni med pas de'i dmigs pa med par 'gyur du 'ong zhes te de'i don du yod pa smos so// de yul yod par gyur na bdag yod par grub po snyam pa de bsal ba'i phyir tshogs zhes bya ba smos so// bdag tu smra ba rnams kyis lus so so la bdag re re yod par brtags pa dang/ lus thams cad la gcig yod par rtogs pas de ni tshogs ma yin no// chad pa ma yin zhes bya ba ni phung po ma lus pa'i mya ngan las 'das pa ma thob kyi bar du rgyud kyi rgyun rnam par 'jig pas chad ba ma yin no zhes bshad do// rtag ba ma yin pa zhes bya ba ni zer zug ma yin pa ste/ skad cig so so la rnam par 'jig pa'i phyir ro/ /de dag nyid la zhes bya ba ni nye bar len pa'i phung po lnga po bdag ces bya bar 'dod pa rnams so// chad pa zhes bya ba ni shi phan chad bdag 'byung bar mi 'gyur ro zhes mngon par zhen pa de chad pa'i mdza' o// rtag pa zhes bya ba ni ther zug ste/ bdag de 'chi ba med kyi de'i phung po rnams sbrul gyi pags pa dang 'dra bas des yongs su 'dod ro snyam du sems pas mthar 'dzin pa'o// de ltar gyur pa la chad pa dang rtag pa'i rnam pa'i blo'i khyad par gang yin pa ni shes rab kyi khyad par ro// 'di ni thar pa dad mthun pa'i phyir lung du ma bstan pa ste/ bcom ldan 'das kyis kyang 'di lta ste/ 'byung bar ma gyur cig/ 'byung bar mi 'gyur ro snyam pa 'di ni phyi rol pa'i lta bar gyur pa rnams kyi nang na mchog go zhes gsungs so/ /mdza' gnyis ni chad pa dang rtag pa'i

  700. 350b

    mdza' o// las med do zhes bya ba ni kun 'byung bden pa la skur pa 'debs pa'o// las kyi 'bras bu med do zhes bya ba ni sdug bsngal gyi bden pa la skur pa 'debs pa'o// thar pa med do zhes bya ba ni 'gog pa'i bden pa la skur pa 'dabs pa'o// de thob par byed pa'i lam yang med do zhes bya ba ni lam gyi bden pa la skur pa 'debs pa'o// dngos po yod pa yang dag ba chud bzon pa zhes bya ba ni don dam par yod pa'i bden pa bzhi po yod yang dag pa'i dngos po zhes brjod pa de la skur pa 'debs pa yod yang dag par chud gzon pa'o/ /lta ba lnga po de dag thams cad kyang log pa nyid yin med kyi 'di yod yang dag pa'i dngos po la skur ba 'debs pa'o// gzhan ni sgro 'dogs pa'o// de bas na 'di nyid la log par lta ba zhes brjod de shin tu log par zhugs pas gdol pa sdig can bzhin no/ /de la 'jig tshogs la sogs pa la lta ba de dag don dam par na mchog ma yin te/ zag pa dang bcas pa'i phyir ro// zag pa dang bcas pa ni dngos po ngan pa ste/ spang par bya ba'i phyir ro// nye bar len pa'i phung po lnga ni lta ba'i gnas so// lta ba mchog tu 'dzin pa zhes bya ba ni sogs pa zhes bya ba'i sgra zhig mi mngon par byas pa'i phyir te/ lta ba la sogs pa mchog tu 'dzin pa bsdu bar blta'o// de bas na lta ba mchog ma yin pa de dag dang nye bar len pa'i phung po lnga po mchog ma yin pa de dag la mchog tu 'dzin pa zhes bya ba smos so// 'di rnams ji ltar mchog ma yin zhe na/ 'phags pa rnams kyis spang bar bya ba'i phyir ro// ci'i phyir spang bar bya zhe na/ sdug bsngal gsum yod pa'i phyir ro// blo'i bye brag gang yin pa ni/ shes rab

  701. 351a

    kyi bye brag gang yin pa ste/ de ni lta ba mchog tu 'dzin pa'o/ /rtog pa zhes bya ba ni dpyod pa'o/ /tshul khrims ni rgyu'o/ /brtul zhugs ni lam mo/ /des na rgyu ma yin pa la rgyur lta/ lam ma yin la lam du lta ba ni tshul khrims dang rtul zhugs mchog tu 'dzin pa'o// 'di lta ste dper na dbang phyug dang skyes bu dang/ gtso bo dang dus la sogs pa 'gro ba'i rgyu ma yin pa de dag la yang rgyu nyid du mthong bas rgyu ma yin pa la rgyur lta ba'o// lam ni rnam pa gnyis te/ mngon par mtho ba'i dang/ nges par legs pa'o// de la me dang chu'i nang du 'jug pa la sogs pa mtho ris kyi lam ma yin pa de dag la yang lam du mthong ba ste/ tshul khrims dang brtul zhugs tsam du zad do// rang bzhin dang skyes bu'i bye brag shes pa la sogs pa'i thar ba'i rgyu yin pa de dag la yang lam du mthong bas lam ma yin pa la lam du lta'o/ /tshul khrims dang rtul zhugs mchog tu 'dzin pa bram ze chog can gtsang sbra 'dod pa lta bu zhes bya ba ni dper na bram ze chog can gtsang sbra 'dod pa la sogs pas gtsang sbra byed pa dag ma yin pa'i bdag nyid kyis dag par sems pa ltar chos de yang Fde dang 'dra bar shes par bya'o/ /gzung ba dang 'dzin pa'i bye brag gis lta ba gsum gcig tu 'dzin pa gnyis ni mchog tu 'dzin pa'i kun tu sbyor ba zhes bshad do// de la gzung ba ni lta ba gsum mo// 'dzin pa ni mchog tu 'dzin pa gnyis te/ gcig ni mchog tu 'dzin pa'o// cig shos ni dag par 'dzin pa'o// 'bras bu rnam pa de gsum spang na nges par legs par rtogs par 'gyur gyi/ shes rab med par ni thar pa med de/ de

  702. 351b

    ni mdo las kyang/ dge slong dang/ de ltar na sems ni glog lta bu'o/ /ting nge 'dzin ni rdo rje lta bu'o/ /ye shes ni nyon mongs pa rnams 'bigs pa'o zhes gsungs so/ /sdug bsngal dang/ kun 'byung ba dang 'gog pa dang/ lam zhes bya ba bden pa rnams la zhes bya ba'i sgra ni re re dang sbyar ro// yid gnyis za ba ni blo gros rnam pa gnyis 'byung bas yid gnyis za ba'o// bden pa rnams la zhes bya ba ni 'di bden pa'i yul la ni yin gyi yul gzhan la ni ma yin no/ /de bas na sdong dum la mi la sogs par som nyi za bas the tshom zhes bya'o// nyon mongs pa'i nang gso ba ni shes rab nyid do/ gso ba zhes bya ba de'i mi mthun pa'i phyogs chos ni the tshom mo// lam kha brag dang rtsa mi 'dra ba zhes bya ba ni dper na lam kha brag tu byin pa'i mi lam 'dir 'gro 'am/ 'on te lam 'dir 'gro snyam du som nyi za ba ltar the tshom yang de bzhin du shes par bya'o// rtsa mi rgyang ring ba dang mun pa'i nang na mthong ba la gzhag ste/ 'di ni the tshom mo// khong nas 'khrugs pa zhes bya ba'i khro ba las chos gzhin du ston to// gzhan la mi gtong ngo snyam du zhes bya ba ni nges pa'i tshig gi rigS pa'o// sems kyi kun tu 'dzin pa zhes bya ba ni kun tu 'dzin pas kun tu 'dzin pa ste/ chos dang zang zing dang mkhas pa la mngon par chags pas mngon du 'gro ba chos la sogs pa dang mi 'bral bar 'dod la/ sbyin pa dang mi mthun pa sred pa'i rgyu mthun pa'i gros ni ser sna'o// kun tu sbyor ba'i don ni 'ching ba'i don te/ zhes bya ba ni kun tu 'dre bar byed pas kun tu sbyor ba rnams so// mig gzugs rnams la kun tu mi sbyor la/ zhes bya ba ni 'ching zhes bya ba'i tha tshig go/ 'dun pa'i 'dod chags zhes bya ba la

  703. 352a

    'dun pa ni mngon par 'dod pa'o// 'dod chags ni mngon par chags pa'o// mngon par 'dod pa ngon du song ba'i mngon par chags pa ni 'dun pa'i 'dod chags so/ /dkar po yang nag po la ma yin mod kyi gang de na 'breng pa la sogs pa yod pa de kun tu sbyor ba zhes bya'o// bcom ldan 'das kyis kyang 'dul ba'i dbang gi phyir mdo las 'ching ba rnam gsum gsungs so/ /de la 'di dag gis srid pa'i btson rar bcings pas 'ching ba rnams te/ 'dod chags dang bral ba'i rgyud kyi gags zhes bya ba'i tha tshig go/ de la 'ching ba gsum bstan pas ni dga' ba dang dma' ba' i rnam pa dang/ gnyi ga las bzlog par zhugs pa nyon mongs pa thams cad rab tu bstan to// de la dga' ba'i rnam par zhugs pa ni nga rgyal la sogs pa ste/ 'dod chags kyis ston to// dma' ba' i rnam par zhugS pa ni the tshom la sogs pa ste/ zhe sdang gis ston to// gnyi ga las bzlog ba ni rmugs pa la sogs pa ste/ gti mug gis ston to// 'dod pa rnams la zhes bya ba ni gzugs la sogs pa la 'dod chags pas 'dod pa la 'dod chags pa'o// sdug bsngal mthong ba zhes bya ba ni sdug bsngal gyi yul lam sdug bsngal gyi rnam par mthong bas sdug bsngal mthong ba'o// de dag ni sdug bsngal mchos shes pa dang/ rjes su rtogs pa'i shes pa'i bzod pa'o// de gnyis kyi spong ba ni sdug bsngal mthong bas spang bar bya'o// spong ba zhes bya ba ni de'i rgyud las sel ba ste/ brnyed pa'i rgyun gcod pa dang/ de la bral ba'i rnyed pa bskyed pa'o// sdug bsngal mthong bas spang bar bya ba ni lta bar

  704. 352b

    lam mthong bas spang bar bya ba'i bar yang de bzhin no// bsgom pa ni dmigs pa ma nges shing 'bras bu khyad par can la bltos nas shes pa goms par byed pa ste/ des spang bar bya ba'i 'dod chags ni bsgom pas spang bar bya ba'o// nang du ltas par gyur pa zhes bya ba ni 'dod pa'i khams kyi 'dod chags ni phal cher yul la mngon par phyogs par gyur bas phyir ltas par gyur ba'o/ /gzugs dang gzugs med pa'i khams kyi snyoms par 'jug pa yul yin pas nang du bltas pa zhes bya'o/ /'jig tshogs la lta ba dang mthar 'dzin par lta ba gnyis la sdug bsngal mthong ba ma smos pa ni bden pa gzhan mthong bas spang bar bya ba ma yin pa'i phyir ro// thar par 'du shes pa bzlog pa'i phyir zhes bya ba ni rnam par thar par 'du shes pa dor ba'i phyir khams gnyis nas skyes pa'i 'dod chags ni srid pa'i 'dod chags zhes bya'o/ /rnam pas tha dad pa nyid zhes bya ba ni sdug bsngal la sogs pa mthong bas spang bar bya ba'i phyir rnam pa so// khams dang rnam pa ste zhes bya ba ni gzugs dang gzugs med pa'i khams tha dad pa'i phyir ro// tshul gyis ni ma yin no zhes bya ba la 'dod chags ni chags par tshul gcig pa'i phyir ro// phra rgyas kyi don gang zhe na/ phra ba'i don yin na tshor ba la sogs pa la yang thal bar 'gyur ro// de la nyes pa med de yod pa dang/ 'khrul pa yod pas bye brag dang bye brag gi gzhi'i dngos po yin no// de dag ni 'bras bu che bar mngon par byang yod de/ dben na mi zhig chags par gyur na mig rgod pa dang/ skad kyis gdangs? shwa shwa por 'gyur ba dang/ mi zhig khros par gyur na/ mi tshugs med pa dang/ sra grag pa lta bu'o// de skad du 'phags pa kun dga' bos kyang//

  705. 353a

    tshe dang ldan pa dag bdag gis ni rab tu byung nas lo nyi shu lhag cig lon gyi bar du sngon 'dod pa'i 'du shes byung bar ma dran no zhes gsungs so/ /de ltar sems can 'dod chags kyi bsam ba can la zhe sdang la sbyor ba dag kyang yod do// de bzhin du gcig la sbyar bas nyon mongs pa drug car la sbyar bar bya'o/ /'dod chags bcos ma can la tshar bcad pa zhe sdang yin pa dag kyang de bzhin no// rnam pa 'dis nyon mongs ba drug car la sbyar bar bya'o/ /des na phra ba'i don zhes bshad do// yang na lus dang sems kyi rgyun rjes su snyegs pa ste zhes bya ba lus kyi kun tu 'byung ba ni dbang po gzhan rnam par bzlog pa'o/ /sems kyi rgyun gyi rjes su snyegs pa ni 'di lta ste 'dod chags shas che ba'o// zhe sdang gis ni lus rnam par sgyur ro/ /sems kyi rgyud ni 'di lta ste/ zhe sdang shas che ba'o/ /de ni bcom ldan 'das kyis nyon mongs pa'i sgrib par gsungs so/ / chu na rgyu bas nam mkha' la rgyu ba'i grib ma la snyegs pa lta bu'i phyir bag la nyal lo zhes bya bas ni don de nyid dpes ston to/ /mkha' la rgyu bas nam mkha' la rgyu ba ste 'dab chags so/ /ji ltar de dag zas la chags pas chu ? rgyu zhing grib ma la snyegs te 'di lhung ma thag tu bza' o snyam nas rtag tu rjes su 'brang ba ltar bag la nyal ba 'di rnams kyang de bzhin te/ thog ma med pa'i 'khor ba na rnyed pa'i rgyun mi 'chad par rjes su snyegs pa ste mi gtong zhes bya ba'i tha tshig go/ sems can gyi rgyud la khyab pa'i phyir til rnams la til mar lta bu gnas te de'i phyir bag la nyal lo/ /dmigs pa dang ldan pa gnyis kyis zhes bya ba de la/ bag la nyal rnams kyi

  706. 353b

    dmigs pa ni yul bud med la sogs pa'o/ /ldan pa ni sems gang dang lhan cig skye ba'o/ /'dod pa na sdug bsngal mthong bas spang bar bya ba bcu ste/ zhes bya ba de la 'jig tshogs dang mthar 'dzin par lta ba ni sdu bsngal mthong bas spang bar bya ba nyid de/ sdug bsngal? nyid la bdag tu log par rtogs pa'i phyir ro/ /sdug bsngal la gzhan dag gis bdag tu brtagS pa de nyid la chad pa dang rtag pa'i rnam par 'dzin pa'i phyir ro/ /tshul khrims dang brtul zhugs mchog tu 'dzin pa ni sdug bsngal mthong bas spang bar bya ba dang/ lam mthong bas spang bar bya'o/ /tshul khrims dang brtul zhugs mchog tu 'dzin pa ni rgyu ma yin pa la rgyur lta bar bshad pa snyam na/ ci'i phyir kun 'byung ba mthong bas spang bar bya ba ma yin 'dir smras pa/ gang rgyur mngon par zhen pa de ni rang bzhin dang skyes bu la sogs pa rtag pa dang bdag tu 'dzin pa las 'byung ngo/ /rang bzhin la sogs pa de dag la rtag pa dang bdag tu 'dzin pa ni sdug bsngal mthong bas spang bar bya ba nyid do// de bas na des byas pa rgyur mngon par zhen pa yang de nyid kyi spong bar 'gyur ro/ /de'i phyir bden pa gzhan mthong bas spang bar bya ba ma yin no/ /lam la log par rtogs pa'i phyir lam mthong bas spang bar bya'o// bsgom pas spang bar bya ba bzhi ste zhes bya ba ni sdug bsngal mthong bas spang bar bya ba bcu bstan pa dag las lta ba rnams dang the tshom bton na bzhir 'gyur ro/ / brgyad cu rtsa brgyad ni mthong bas spang bar bya'o zhes bya ba ni mthong ba'i tha tshig go/ bcu ni bsgom pas spang bar bya ba'o zhes bya ba ni bsgom pa'i lam gyis spang bar bya'o/ /khams khams kyi zhes bya ba ni so so'i 'o//

  707. 354a

    sdug bsngal dang rgyu mthong bas spang bar bya ba ni sdug bsngal dang kun 'byung bas mthong bas spang bar bya ba'o// de la sdug bsngal mthong bas spang bar bya ba ni lta ba lnga dang the tshom mo/ /kun 'byung ba mthong bas spang bar bya ba ni lta ba gnyis dang the tshom mo/ /de dag nyid dang ldan pa'i ma rig pa gang yin pa dang ma 'dres pa ni sdug bsngal dang kun 'byung ba mthong bas spang bar bya ba'o/ /ma 'dres pa zhes bya ba ni 'ba' zhig ste/ nyon mongs pa gzhan dang mi ldan pa zhes bya ba'i tha tshig go/ kun tu 'gro ba zhes bya ba ni sdug bsngal dang/ kun 'byung ba dang/ 'gog pa dang/ lam mthong ba dang bsgom pas spang bar bya ba'i dngos po rnam pa lnga la dmigs nas 'gro zhing 'byung bas kun tu 'gro ba'o/ /de bzhin du zhes bya ba ni khams khams zhes bya ba'i tha tshig go/ de la gang dag zag pa dang bcas pa la dmigs pa zhes bya ba la zag pa ni nyon mongs pa rnams so// de 'byung ba dang mthun pa'i dngos po ni zag pa dang bcas pa'o/ /de la dmigs pa ni 'dod chags la sogs pa'o// dmigs pa dang ldan pa gnyis kis zhes bya ba de la dmigs pa ni yul gzugs la sogS pa'o/ /tshor ba la sogs pa gang dag dang lhan cig 'byung ba de ldan pas 'phel bar byed do// de dag ni ldan pa ste/ zhes bya ba ni dmigs pas ma yin pa'o/ ci'i phyir zhe na 'dod chags la sogs pa'i gnyen po yin pa'i phyir ro// zag pa med pa'i dngos po la ni nyon mongs pa pa dag gnas par mi 'gyur te/ rdo bsregS pa la rkang thil bzhag pa bzhin no// de rnams sdug bsngal nas lam gyi bar dag mi 'dod do zhes bya ba ni dper

  708. 354b

    mi kha zas ngan pas spos na kha zas zhim po la yang mi 'dod pa de bzhin byis pa ma rig pas spos pa yang bden pa bzhi po dag yod bzhin du mi rtag pa la sogs pa'i rnam pa mi 'dod de/ sdug bsngal la sogs pa'i rnam par? mi 'dzin ces bya ba'i tha tshig go/ gal te bag la nyal ma spangs pa dang/ zhes bya ba ni de'i rnyed pa dang bral ba'i phyir ro/ /tshul bzhin ma yin pa yid la byed pa ni yid la byed pa nyon mongs pa can mngon du byed pa'o/ /rgyu dang yul dang sbyor ba'i bstobs zhes bya ba la/ rgyu'i stobs ni bag la nyal ma spangs pa'i phyir ro// yul gyi stobs ni yul mngon du gyur pa'o// sbyor ba'i stobs ni tshul bzhin ma yin pa yid la byed pa'o// de la tshor ba gang nyon mongs pa gang dang ldan pa de dpyad par bya ste/ de la 'dod pa la 'dod chags ni bde ba dang yid bde ba gnyis dang ldan no/ /zhe sdang ni sdug bsngal ba dang yid mi bde ba gnyis dang ldan no/ /nga rgyal ni 'dod pa'i khams dang? bsam gtan gnyis dad sa gsum po dag ni yid bde ba'i dbang po dang ldan no// bsam gtan gsum par ni bde ba'i dbang po dang ldan no// gong ma rnams su ni btang snyoms kyi dbang po dang ldan no/ /'jig tshogs la lta ba'i sa gsum po? dag na ni yid bde ba'i dbang po dang ldan no/ /bsam gtan gsum par ni bde ba'i dbang po dang ldan no// gong ma rnams su ni btang snyoms kyi dbang po dang ldan no/ /log par lta ba ni yid bde ba dang/ yid mi bde ba gnyis dang ldan no// bsod nams byed pa rnams kyi ni yid mi bde ba'i dbang po dang ldan no// bsod nams ma yin pa byed pa rnams kyi ni yid bde ba'i dbang po dang ldan no// mthar 'dzin bar lta ba'i

  709. 355a

    ni yid bde ba'i dbang po dang ldan no// sa lhag ma rnams na ni tshor ba'i rdzas gang yong? pa dang ldan par khong du chung bar bya'o/ /thams cad kyang rgyun chad pa'i che btang snyoms dang ldan te/ rgyun chad pa na btang snyoms yong pa'i phyir ro/ /nyon mongs pa gang rnams yin pa zhes bya ba ni bag la nyal rnams so/ /nye ba'i nyon mongs pa rnams kyang de rnams yin mong kyi zhes bya ba ni nye ba'i nyon mongs pa zhes kyang bya'o zhes bya ba'i tha tshig go/ gang dag de rnams las gzhan pa zhes bya ba ni bag la nyal ba rnams las so// nyon mongs pa can kun nas nyon mongs pa'i bdag nyid du gyur pa'i phyir ro// 'du byed rnams kyi pung por bsdus pa zhes bya ba ni 'du byed kyi phung po'i bdag nyid do/ /nye ba'i nyon mongs pa nyid de zhes bya ba ni nyon mongs pa 'byung ba dang mthun par 'jug pa'o// nye ba'i nyon mongs pa rnams ni nyon mongs pa'i mtshan nyid ma rdzogs pa'i phyir ro// pha rol la bas? pa'o zhes bya ba ni 'thob pa dang bkur sti la chags pas gzhan la 'drid pa ste sgyu'o/ /gzhan la mi ltos pa zhes bya ba 'ongs ni nga rgyal las khyad par du ston to// sems yongs su 'dzin pa'o zhes bya ba ni sems/ khengs par byed ces bya ba'i tha tshig ste/ de'i dbang gis sems khengs pa bzhin du dge ba'i bya ba thams cad dang mi mthun pa yin no/ /pha rol la rnam par mtho 'tsham pa'o zhes bya ba ni pha rol la gnod pa ste yongs su btang ba'i bsam pa med pa ni rnam par 'tsho ba'o/ kha na ma tho ba dang bcas pa ni log par lta ba la sogs pas 'di nyid bden gyi gzhan ni brdzun pa'o zhes bya bar rnam par dam? du 'dzin pa'o/ /bsgro ba ni snyed pa ste rigs pa brjod ces bya ba'i tha tshig go/ khon du 'dzin pa ni kun

  710. 355b

    nas mnar sems kyi dngos po mang du byed pa'o zhes bya ba de la/ kun nas mnar sems ni khong khro pa ste de'i dngos po ni mi mdza' ba la sogs pa'o/ /'di bdag la gdod pa byed pa'o zhes rkyen gyis gnod pa byed pa'i gsam pa mi 'dor ba ni mang du byed pa ste/ 'dis mdud bar 'dzin pas khon du 'dzin pa ste/ nges de dkris pa lta bur snang ngo/ /sems gya gyu ba zhes bya ba ni sems ma drang ba ste/ rang gi rgyud sbas zhes bya ba'i tha tshig go/ des yang dag par ji lta ba bzhin du mi brjod do// gya gyu ba ji lta bu zhe na zhes bya ba la sogs pa ni/ rtag pa gang yin mya ngan 'das pa'o/ /mi rtag gang yin 'dus byas chos kun /drang po gang yin 'phags pa'i lam yin no/ /gya byu gang yin sdig nan lta ba'o// zhes tshigs su bcad pa las 'byung ba'o/ /chos mngon pa la 'jug pa rgya cher 'grel pa snying po kun las btus pa zhes bya ba// //bam po gsum pa// //kun nas dkris te 'dug pa zhes bya ba ni 'di dag gis kun nas dkris te/ sems can rnams srid pa'i btson ran 'dug pas kun nas dkris te 'dug pa rnams so/ /rmugs pa zhes bya ba 'dis dge ba'i bya ba rnams la rmugs? par byed pas rmugs pa ste/ zhul? zhes bya ba'i tha tshig go yur ba dang mi dga' pa la sogs pa las byung ba lus dang sems lci bar gyur bar rmugs pa ste/ nges non na lus dang sems zhum zhing blun po'i dngos po'i tshul gyis las su mi rung bar 'gyur ro// gnyid ni lus dang sems 'dzin par mi nus pa dang sdud pa ste zhes bya ba la lus 'dzin mi nus pa ni rang bzhin du mi gnas pa'i phyir ro/ /sems 'dzin ma nus pa mi brtson 'grus nyams par byed pa'i phyir ro/ sems sdud ba ni rnam par shes pa'i tshogs lnga sdud pa'o/ /de ni dge ba dang nyon mongs pa can

  711. 356a

    dang lung du ma bstan pa'i bye brag gis rnam pa gsum mo/ /de la nyon mongs pa can gang yin pa de ni kun nas dkris te 'dug pa'o/ /sems ma zhi ba'o/ /zhes bya ba ni gzugs dang stobs dang rigs dang lang tsho dang phyug pa la sogs pa'i rgyags pas bskyed pa ni sems ma zhi ba'i rgyu ste/ gang dang ldan na sems zhi ba dang mi mthun par gyur ba'i chos de ni rgod pa'o// ngan pa byas pa'i dngos po ni 'gyod pa'o zhes bya ba la/ smad ba byas pa ni ngan pa byas pa ste zhes bya ba ngan pa zhes bya ba'i tha tshig go/ 'dir ni de la dmigs pa sems las byung ba'i chos la 'gyod pa zhes bya ste zhes bya ba ni srog gcod pa la sogs pa nyes par spyod pa byas la/ sbyin pa la sogs pa legs par spyod pa ma byas pas gang yid la bcags pa de ni 'gyod pa dge ba'o// gang sbyin pa la sogs pa legs par spyod pa byas la/ dgra bsad pa la sogs pa nyes par spyod pa ma byas pas yid la bcags pa gang yin pa de ni 'gyod pa nyon mongs sgrar brjod pa ni de'i phyir rgyu la 'bras bu btags te zhes sgrar brjod pa ni de'i phyir rgyu la 'bras bu btags te zhes bya ba smras te/ 'bras bu ni yid la bcags pa'o// rgyu ni 'gyod pa'o/ /'jig rten na yod gnas kyis gnas pa ston te/ zhes bya ba la yid la bcags pa'i gnas lta bu ni 'gyod pa'o/ /kha na ma thob la 'jig par mi lta ba'o zhes bya ba ni nyes par spyod pa kun tu 'byung ba la yid 'phrig med ces bya ba'i tha tshig go/ zhe sdang dang rnam par 'tsho ba ma gtogs te zhes bya ba de la/ zhe sdang ni khong khro ba'o/ /rnam par 'tshe ba ni pha rol la gnod par byed pa'o/ /de dag las gzhan du

  712. 356b

    gyur pa sems can dang sems can ma yin pa'i yul la kun nas mnar sems pa ste/ 'dis bdag la 'di byas so// mi phan ba byas so zhes rtog cing yongs su gtod pa dang ldan pa can ma yin pa'i sems 'khrug pa de ni khro ba'o// kha na ma tho ba mkhyud pa'o zhes bya ba ni kha na ma tho ba brjod par bya ba dge ba ste/ brjod par bya ba'i phyir ro/ /brjod par bya ba ma yin pa ni kha na ma tho ba ste/ tshul khrims dang cho ga dang 'tsho ba dang lta ba log par zhugs pa'o/ /de speng cing mkhyung pa'i rgyu ni 'chab pa ste/ sdig pa nang du sbed cing phyi rol la gtsang ba ltar ston ces bya ba'i tha tshig go/ sems las byung ba rnams kyi rgyu ba phra ste zhes bya ba la phra ba ji lta bu zhe na/ bye brag phyed par dka' ste rang gi ngo bo nges par byed mi nus zhes bya ba'i tha tshig go/ rgyu ba ni rgyun tu 'bab pa ste rab tu 'gro ba'o/ /rgyun tu 'bab pa rgyun bye brag phyed bar mi nus te rtogs par mi nus na skud cig rnams lta smos kyang ci dgos zhes bya ba de la/ skad cig gi chod brjod bar bya ste/ pad+ma'i rtsa bran drug cu rtsa lnga ba shibs pa rnams kyi dang po chad pa la skad cig ces bya'o/ /de bas na skyes bu stobs dang ldan pas so gol gtogs pa tsam la skad cig drug cu rtsa lnga 'da' o/ /bcom ldan 'das kyis gsungs pa'i chos kyi mtshan nyid la ni mkhas pa'i blo can dag gis ni zhes bya ba la sogs pa la/ bcom ldan 'das zhes bya ba'i sgra ni don drug la snyegs te/ dbang dang rab tu ldan pa dang/ gzugs bzang ba dang grags pa dang/ dang la dang ye shes nan tan dang/ drug po rnams la legs zhes bya ba de la mnga' bas bcom ldan 'das so/ /bcom ldan 'das kyis gsungs pa de ci zhig ce na/ chos kyi mtshan nyid do/ /chos kyi mtshan nyid la mkhas pa'i

  713. 357a

    blo can gang yin pa de dag bcom ldan 'das kyis gsungs pa'i chos kyi mtshan nyid la mkhas pa'i blo can dag go/ ni zhes bya ba'i sgra ni nyid ces bya ba'i don to/ /chos kyi mchan nyid la mkhas pa'i blo can nyid do// sems dang sems las byung ba de dag gi 'bras bu ni de'i 'bras bu'o// de'i 'bras bu'i khyad par ni bye brag go/ de'i 'bras bu'i khyad par mthong ba ni de'i 'bras bu'i khyad par mthong ba ste/ de'i bye brag mthong ces bya ba'i tha tshig go/ dper na g.yengs pa ni glu len/ khros pa ni tshig rtsub po smra/ rgyu dang ldan pa ni gzhan la 'drid pa lta bu'o/ /rnam pa 'das na rigs gzhan zhes bya ba ni sems dang sems las byung ba de rdzas gzhan yod pa nyid do// skyon med pa zhes bya ba ni nyes pa med pa ste/ the tshom med ces bya ba'i tha tshig go/ rtogs zhes bya ba ni khong du chud do shes so// bde bar gshegs pa'i gsung rab? ces bya ba la sogs pa la/ legs par gshegs pas ni bde bar gshegs pa ste/ bde bar gshegs pa'i gsung rab 'chad pa'i slob dpon de dag la gang dag gis bsnyen bkur ma byas pa de dag 'khrul ba'i blo gros can dag ste/ rigs gzhan khong du mi chud mi rtogs zhes bya ba'i tha tshig go/ zag pa ni gsum ste zhes bya ba ni 'dul ba'i bsam pa tha dad pa'i phyir nyon mongs pa 'di dag zag pa la sogs pas ming tha dad par mdo las gsungs pa de yongS su bstan pa'i phyir /zag pa ni gsum ste/ zhes bya ba 'di brjod do// rdzas lnga bcu rtsa bzhi ni srid pa'i zag pa zhes bya ba 'di la gzugs med pa na spyod pa'i rmugs pa dang rgod ba ci'i phyir ma smos zhe na/ 'dir smras pa

  714. 357b

    rang dbang ni rang gtso bo'o// de gnyis ni der nyon mongs pa gzhan dag gis zil gyis non pa'i phyir rang dbang med pa zhes bya'o// zag pa thams cad kyi rtsa ba ma rig pa yin pas/ ma rig pa'i zag pa logs shig tu smos so// 'jog ces bya ba ni gzhog pa'o// zag pa ni de'i sgo nas 'byung bar byed pa'o// de dag ma yin pa nyon mongs pa gzhan dang ldan pa rnams zhes bya ba la/ de zhes bya ba 'dis ni lta ba dang ldan pa'i ma rig pa gzung ngo// nyon mongs pa gzhan zhes bya ba 'dis ni 'dod chags la sogs pa dang ldan pa rnams so// rdzas brgya rtsa brgyad po de ni ma 'dres pa'i ma rig pa bco lnga dang bral ba bag la nyal ba brgyad cu rtsa gsum dang/ kun nas dkris te 'dug pa bcu po de dag dang ldan pa'i ma rig pa dang ma 'dres pa gang yin pa de gnyi ga ni rdzas brgya rtsa brgyad yin no// sbyor ba rnams kyang tshul 'di dang 'dra ste zhes bya ba ni 'dod pa'i sbyor ba dang/ srid pa'i sbyor ba dang/ lta ba'i sbyor ba dang/ ma rig pa'i sbyor ba rnams so// yang ni 'khri ba'i dzin? te/ zhes bya ba ni dper na dar gyis srin bus bdag gis bdag dkris nas 'chi bar gtod pa de bzhin du sems can 'di dag kyang rang gis las dang nyon mongs pa rnams kyis bdag dkris nas don song rnams su gtod par byed do// tshul khrims dang brtul zhugs mchog tu 'dzin pa rdzas drug ni zhes bya ba ni khams kyi bye brag go/ lta ba mchog tu 'dzin pa rdzas bcu gnyis kyang de bzhin no// sgrib pa ni lnga ste zhes bya pa la 'dod pa la 'dun pa'i sgrib pa dang/ gnod sems kyi sgrib pa dang/ rmugs pa pa dang gnyid kyi sgrib pa dang/ rgod pa dang 'gyod pa'i sgrib pa dang/ the tshom gyi sgrib pa'o// de la kha cig khams gsum pa'i rmugs pa dang rgod pa dang/ the tshom rnams

  715. 358a

    gzung ngam/ 'on te 'dod pa dang ldan pa nyid ce na/ smras pa dge slong dag 'di lta ste/ sgrib pa lnga po 'di 'ba' zhig gis mi dge ba'i phung po yongs su rdzogs so/ /zhes mdo las 'byung ngo/ /mi dge pa'i sgra bstan pa ni 'dod pa na spyod pa nyid gzung ngo/ /ci'i phyir rmugs pa dang gnyid ces gcig tu bsdus/ rgod pa dang 'gyod pa gnyis la sgrib pa gcig tu bshad/ smras pa bya ba gcig pa'i phyir te/ rmugs pa dang gnyid de gnyis kyis ni sems zhum par byed do// rgod pa dang 'gyod pas ni sems ma zhi bar byed do// 'dod pa na spyod pa'i the tshom rnam pa bzhi ste/ sdug bsngal dang kun 'byung ba dang/ 'gog pa dang/ lam mthong pas spang bar bya ba ngag go/ 'phags pa'i lam dang gnas zhes bya ba ni 'phags pa'i lam yan lag brgyad dang/ de'i gnas bsam gtan la sogs pa'o// 'dod chags dang bral ba zhes bya ba ni nyon mongs pa spong ba ste/ mi rtag pa la sogs pa'i rnam pa rnams kyi bden pa bzhi rtogs pa'o// de dag gang zhe na/ bzong? pa rnams so/ /de la sbyor ba zhes bya ba ni 'phags pa'i lam la sbyor ba rnams kyi'o// de dag gang zhe na/ dge ba'i chos rnams te/ dro bar gyur pa dang/ rtse mo dang/ bzod pa rnams dang/ 'jig rten pa'i chos kyi mchog rnams so// de la dro bar gyur pa'i dge ba'i rtsa ba ni bden pa bzhi la dmigs pa ste/ rnam pa drug go/ dro bar gyur ba dang/ 'dra pas dro bar gyur pa ste/ 'phags pa'i lam gyi me'i snga ltas so// de dag che ba'i dus na ni rtse mo'o// yang na thog pa dang bsams pa dang bsgoms pa las byung ba skyes nas thob pa'i

  716. 358b

    dge ba'i rtsa ba rnams kyi'o/ /de dang de nas khams dang/ 'gro pa dang skye gnas dang/ sa'i bye brag bshad pa'i khams de gang zhe na/ 'dod pa la sogs pa khams gsum mo// gnas gzhan dag bstan pa la 'dod pa dang gzugs dang gzugs med pa'i 'dod chags rgyas par 'gyur bas de dag go rims bzhin du khams gsum mo// de la 'dod pa gtso bor byed pa'i rnams ni 'dod pa'i khams so// 'dod pa ni 'dod pa'i yon tan lnga po dag ste/ gzugs dang sgra dang dri dang ro dang reg bya rnams so// de bzhin du gzugs gtso bor byed pa'o/ /gzugs med pa dag ni gzugs yod pa ma yin pas gzugs med pa'o// de la 'dod pa'i khams na gnas rnam pa nyi shu la sems can dmyal ba chen po brgyad ces bya ba la/ de dag na chags su rung ba cung zad kyang med pas sems can dmyal ba dag go/ de dag kyang gang zhe na/ yang mtsho la sogs pa'o/ /sems can gang dag der skyes pa de dag phan tshun du gnod pa byos nas brgyal te/ 'khong pa dang de dag la bsil ba'i rlung langs shing kra'i sems can dag yang sos shig ces sgra 'byung ste/ de dag der bsang cing bsad cing der yang 'tsho bas yang 'tsho'o/ /thig nag ces bya ba ni thig skud nag pos btab ste/ shing bzhin du gshegs pas thig nag go/ bsdus 'joms zhes bya ba ni sems can mang du bsdus nas khang pa la sogs par 'joms pas bsdus 'joms so// du 'bod ni sems can dag las kyi 'bras bu ma rung pas gtsos pa'i sdug bsngal gyi nyam thag nas ku co 'don pas du 'bod do// du 'bod chen po ni gang na de 'dra ba'i shas che ba'i phyir du 'bong chen po'o/ /tsha ba ni mi lce mang pos bskor te lus kun tu gdungs pa'i phyir tsha ba'o//

  717. 359a

    rab tu tsha ba ni lus chen por mngon par grub la sdug bsngal chen pos lus dang sems kun tu gdung ba chen po myong bas rab tu tsha ba'o/ /rab ces bya ba'i sgra ni yun ring ba dang mi bzang pa'i phyir ro/ bdun po de dag ni rnam par smin pa'i bde ba ni med mod kyi bsil ba'i rlung la sogs pas reg pa'i phyir rgyu mthun pa'i bde ba ni yod do/ /gang na de'i skabs kyang med pa de bde ba'i skabs med pa'i phyir mnar med pa'o/ /yang na de na sdug bsngal la bar skabs med pas mnar med pa ste/ bar chad med cing skabs med par de na sdug bsngal myong zhes bya ba'i tha tshig go/ 'di ltar de na phyogs bcu nas me lce byung ste/ sems can gyi lus la rgyun mi chad par rab tu 'bar zhing shi bar mi 'gyur ro// bkres pa dang skom pa'i me yang rtag par yod do// de'i ngos re re la ni dpag tshad nyi khri nyi khri yod do// 'di'i 'og na yod de de 'dzam+bu'i gling nas 'og tu dpag tshad nyi khri na de'i steng gi ngos la thug go/ 'dzam+bu'i gling ni 'og yangs te 'bru'i phung po ltar gnas so// de bas na rgya mtsho chen po ni bags kyis gzhol lo// dung 'gro ni dud de 'gro ba ste/ 'dod zhes bya ba'i don gang yin pa'o// de dag gi nang nas klu rnamS ni bskal bar gnas shing kha cig sa la brten to// yi dags ni skoms pa dang ldan pas yi dags te kha cig ni mthu che'o// kha cig ni mthu chung ngo// 'dzam bu'i gling ni sog kha ste byang phyogs kha tshon che'o/ /de'i ngos ring po gsum gyi ngos re re la ni dpag tshad nyis stong nyes stong yod do// ngos thung du la ni dpag tshad phye dang bzhi yod do// de bas na bye brag tu bsh+d pa las rdzu 'phrul dang mi ldan pas nyi ma gcig gcig gis 'os gcig tu 'gro ba yod dam

  718. 359b

    zhes dris pa de la de'i tshad kyis lan btab bo// shar gyi lus 'phags ni zla ba kham pa 'dra'o/ /su? kyi ba lang spyod ni zla ba nya ba 'dra'o// byang sgra mi snyan ni rdzing bu 'dra'o// de la gling gi dbyibs ci 'dra bar mi rnams kyi bzhin gyi dbyibs kyang de dang 'dra'o// de la 'dzam+bu'i gling na ni tshe la nges pa med de dpag tu med pa nas lo bcu la thug pa'i bar du 'gyur ro// shar gyi lus 'phags na ni lo nyis brgya lnga bcu'o// nub kyi pa lang spyod na ni lnga brgya'o// byang gi sgra mi snyan na ni lo stong ste/ bar ma dor 'chi ba med do/ /gzhan na ni par ma dor 'chi ba yod do zhes bshad pa yin te/ de dag kyang nga yi ba med cing yongs su 'dzin ba med do/ /'dod pa spyod pa'i lha drug ste/ rgyal chen bzhi'i ris zhes bya ba ni de dag rgyal chen bzhi'i gnas su skyes pa'i phyir rgyal chen bzhi'i ris so// yang na rgyal chen bzhi po ste rgyal po chen po bzhi po dag de dag gi dbang po yin pa'i phyir ro/ sum cu rtsa gsum zhes bya ba ni nye ba'i dbang po sum cu rtsa gnyis dang sum cu rtsa gsum po brgya byin yod pas sum cu rtsa gsum mo// 'thab bral zhes bya ba ni lha ma yin dang 'thab pa'i sdug bsngal las 'das te med pa'i phyir 'thab bral lo/ / dga' ldan zhes bya ba ni dga' ba thob pa dang ldan par gnas pas dga' ldan no// 'phrul dga' zhes bya ba ni 'dod pa dag rang gis sprul te spyod pas 'phrul dga' o// gzhan 'phrul dbang byed ces bya ba ni gzhan gyis sbrul pa'i 'dod pa rnams la dbang byed cing dbang sgyur bas gzhan 'phrul dbang byed do// de la grang ba'i sems can dmyal ba ma smos pa ni tsha ba'i sems can dmyal ba dag gi phyogs gcig tu gyur pa'i phyir ro/ /tsha ba'i

  719. 360a

    sems can dmyal pa la shas che ba bcu drug ste/ me ma mur dang/ stug sa dang/ spu gri'i sos gang ba'i lam po che dang/ ral gri'i so'i lo ma can gyi nags tshal dang/ lcags kyi shal ma la'i nags tshal rnams ni spyir na mtshon char 'dra bas gcig tu bsdus pa dang/ chu klung rgal dka' ba ste rjes su ni bzhi sgo'i bye brag gis ni bcu drug go/ gnod pa lhag par che ba'i gnas su gyur pa'i phyir shas che ba zhes bya'o// gling de dag gling phran la g.yag rnga dang g.yag rnga gzhan ni 'dzam bu'i gling gi 'khor to// lus dang lus 'phags ni shar gyi lus 'phags kyi 'khor to// g.yo dan dang lam mchog 'gro ni nub gyi pa lang spyod kyi 'khor to// sgra ngan dang sgra ngan can ni byang gi sgra mi snyan gyi 'khor to// g.yag rnga dang g.yag rnga can de gcig na srin po dag gnas so// de la ri rab ni rin po che sna bzhi'i rang bzhin te/ gser dang dngul dang bai DUrya dang shel gyi rang bzhin te/ nges gang rin po che gang gi rang bzhin yin pa de'i nam mkha' yang de'i rnam par snang ngo// de ni rim pas mtho ste/ gru bzhi ? lam pa ni ma yin no/ /de skad bshad pa'i 'thad pa ni 'dul pa'i gzhung las 'byung ste/ nye sbyor gyis zhus pa las btsun pa mchod rten ji ltar bgyi zhes gsol na/ ri rab kyi tshul du bya'o zhes bka' stsal to// de'i 'khor ri bo bdun ste/ gnya' shing 'dzin dang/ gshol mda''dzin dang/ seng ldeng can dang/ lta na sdug dang lta rna dang/ rnam par 'dud dang/ mu 'khyud 'dzin to/ de dag ni gser gyi re ste phyed phyed kyi dma' bar rig par bya'o/ /de la 'dzam bu'i gling gi mi gang lus che ba

  720. 360b

    de'i lus kyi tshad ni khru bzhi ste/ shing n+ya gro d+ha ltar chu zhed gab pa'o// shar gyi lus 'phags po dag ni de las nyis 'gyur nyis 'gyur gyis che'o/ /nub ki ba lang spyad ba dag kyang de las nyis 'gyur ro/ /byang gi sgra mi snyan pa dag kyang de las nyis 'gyur ro// rgyal chen bzhi'i ris kyi lha rnams ni khru lnga brgya'o// khru'i tshul gyi lo grangs kyang rig par bya ste/ rgyal chen bzhi'i ris kyi lha rnams kyi tshe tshad mI lo lnga cu la zhag tu brtsis pa'i lo lnga brgya thub bo// sum cu rtsa gsum pa rnams kyi lus kyi tshad ni khru stong ngo// tshe'i tshad ni mi'i lo brgya la zhag gcig tu rtsis pa'i lo stong thub bo/ /de bzhin du nyis 'gyur nyis 'gyur gyis zhag gcig tu brtsis te tshe'i tshad ni lo drug stong gi bar du sbyar ro// lus kyi tshad brjod par bya ste/ lus kyi tshad ni rgyang grags phyed dang gnyis so// 'di dag ni 'dod pa'i khams kyi gnas nyi shu ste/ gzhan 'phrul dbang byed nas mnar med pa la thug gi bar du snod dang bcas pa smos pas rlung gi dkyil 'khor la thug gi bar du'o// 'dod pa'i khams bshad zin to// 'di yan chad gnas bcu bdun ni gzugs kyi khams te/ ji lta bu zhe na smras pa de la bsam gtan dang po dang/ gnyis pa dang gsum pa ni so sor sa gsum gsum pa dag go/ bzhi pa sa ni brgyad pa'o// de la tshangs ris zhes bya ba ni tshangs pa'i ris na yod pas tshangs ris so// gzhan ni tshangs 'khor te tshangs pa'i yongs su spyod pa byed ces bya ba'i tha tshig go/ dge ba'i rtsa ba chen po las nges par 'byung ba'i phyir tshangs chen no/ /'di ni chen po yang yin la tshangs pa yang yin pas tshangs chen no/ /de'i che ba nyid ni bsam gtan khyad par can thob pa dang/

  721. 361a

    sngar skyes la phyis 'chi 'pho bi dang/ mthu'i khyad par la sogs pas kyang ngo/ /de nyid kyi ris bshad pa de dag gi gnas kyang yin pas tshangs ris rnams so// ris zhes bya ba ni 'dir gnas nyid du 'dod do/ tshangs ba'i mdun na 'dug ces bya ba ni tshangs pa'i mdun na gnas pas tshangs pa'i mdun na 'dug pa ste/ bsam gtan khyad par can las langs ba na de nyid kyi mdun na 'dug pa'o// yang na tshangs ba chen po lnga la de'i 'og tu smos zhes bya ba'i tha tshig go/ 'od chung zhes bya ba ni sa gong ma dag la bltos na de dag 'od chung bas 'od chung ngo/ /tshad med 'od ces bya ba ni de dag gi 'od tshad gzung bar mi nus pas tshad med 'od do// 'od gsal zhes bya ba ni gnas ma lus bar snang ba'i phyir 'od gsal lo// dge chung zhes bya ba ni yid kyis pa'i dge ba la bde ba zhes bya ste/ de dag gi des gong ma la bltos na chung bas dge chung ngo// tshad med dge zhes bya ba ni de dag gi dge ba tshad med bas tshad med dge'o/ /dge rgyas zhes bya ba ni de dag gi dge ba rgyas bas dge rgyas te/ de bas gzhan bde ba mchog tu gyur ba med de zhes bya bar dgongs so// sprin med ces bya ba ni de dag gi gong nas gzhan gyis mchod pa med pas sprin med de/ sa gong ma gong ma dang 'brel ba'i ni sprin lta bu zhes zer te/ de nas de dang 'brel ba'i bar med pa'i phyir ro// bsod nams 'phel ba zhes bya ba ni de dag las so so'i bsod nams bye brag can gyi 'gro ba'i gnas yod pas bsod nams 'phel te/ de dag la bsod nams 'phel bas kun 'byung ba bzhin no// 'bras bu che zhes bya ba ni de dag gi 'bras bu gnas gzhan dang 'brel ba'i so so'i skye bo thams cad bas mchog tu gyur ba 'byung bas

  722. 361b

    'bras bu che'o/ /gnas gtsang ma zhes bya ba ni lam gyi chus nyon mongs pa'i dri ma bkrus pa'i phyir rgyud dag pa rnams gnas pas gnas gtsang ma'o// yang na de dag gi 'khor ba na gnas pa dag pas chu lon khor ba bzhin no/ yang na dag pa sha dag gnas pas gnas gtsang ma ste/ de nas so so'i skye bo med pa'i phyir ro/ /mi che ba zhes bya ba ni gnas gcod? ma bas mchog tu ma gyur pa'i phyir mi che bas mi cha ba'o// yang na gzugs med par 'jug ba la 'dod pa med ba'i phyir mi 'dod ba'o// mi gdud ba zhes bya ba ni bsam pa dge ba'i phyir 'og mar skyes pa rnams kyis mthu'i khyad par dag gis zil gyis mi non pas me gdung ba'o/ /yang na bsam gtan mchog gi 'bras bu'i che ma thob kyang gdung ba med pas mi gdud ba'o// gya non snang zhes bya ba ni rab tu zhi ba'i khyad par dang ldan te bde bar snang bas gya nom snang ngo// shin tu mthong zhes bya ba spel mar sgom ba la sgrig pa'i lhag ma cung zad tsig las su zad de/ de dag shin tu rnam par dag pa mthong bas shin tu mthong ngo// 'og min zhes bya ba ni de dag gi gong na rang gi khams las mchog tu gyur ba'i gnas gzhan med pas 'og min no/ /gzhan dag na re bsags par gnas pa ni gzugs te phung po'o zhes bya'o/ /de'i mthar phyin pas phung po'i mdza' zhes bya'o zhe'o// yang na a g+ha zhes bya ba ni sdig pa ste de'i mthar phyin bas sdig med mdza' o// gnas bcu bdun po de na gnas pa'i sems can dang bcas pa de dag ni gzugs kyi khams so/ /gzhan dag ni bsam gtan dang po la ni gnyis/ bsam gtan bzhi pa la ni 'du shes med pa'i sems can lhag bar byas te gnas bcu bdun po gzhan du smra'o?//

  723. 362a

    de gnyi ga yang mi rigs te/ tshangs ba chen po ni gcig yin nga'i phyir ro/ /de la che la sogs pa'i bye brag yod du zin kyang de lha'i ris su mi thad de/ gcig bu ni ris su mi rung ngo/ /tshangs pa'i mdun 'don gyi sems can rnams dang de skal ba mnyam pa'i phyir gnas tha dad pa ma yin no/ /'du shes med pa'i sems can rnams kyang 'bras bu che ba dag dang tshe la sogs pa khyad par med pas de'i rgyu'i khyad par med ba'i phyir de dag bzhi ba'i gsum pa las gnas gzhan du mi 'thad pas gzugs kyi khams ni rnam pa bcu drug go zhes kha che ba'i bye brag tu smra ba rnams so// de bas na tshangs pa chen po yang 'du shes med pa'i sems can bzhin du sa gzhan med do zhes brjod do/ /skye gnas rnam pa bzhi ste zhes bya ba ni sems can rnams 'dren par gyur te 'byung ba thun mong du gyur pa'i phyir ro// de la skye gnas mngal nas skye ba ni mi dang/ ba lang dang/ rta dang/ rnga mo rnams phal cher ro/ ma rnams kyi nang na sgo nga las skye ba yang yod de/ dper na dud 'gro dag gi nang nas khrung khrung mo las byung ba/ ri 'di nyid lta bu dang/ lnga len gyi rgyal po'i bu lnga brgya lta bu'o// drod gsher las skyes pa ni nga la nu la sogs pa'o// rdzus te byung ba ni bskal ba dang po rnams so// klu rnams la yang skye ba rnam pa bzhi yod do// 'jig rten gdags pa las ji skad du/ sgo nga las skyes ba'i nam mkha' lding gis sgo nga las skyes pa'i klu bza' ba'i phyir 'byin te/ /de bzhin du rdzus te byung ba'i nam mkha' lding gos rdzus te byung ba'i klu 'byin ces bya ba'i bar du gsungs pa lta bu'o// rdzus te byung ba rnams lus shin tu mi snang bar 'gyur te/ ti la mang gyi mar me zad ba lta bu ma yin

  724. 362b

    nam mi shes pa'i phyir na 'byin gyi bzar ni med do// yi dags rnams ni mngal nas skyes pa dang rdzus te byung ba dag ste/ ji skad du yi dags nyid kyis bdag cag ni las kyi skyes pa yin gyi/ skye gnas las skyes pa ni ma yin no zhes brjod pa lta bu'o// 'o na ci'i phyir byang chub sems dpa' dbang brnyes pa mngal nas skyes pa'i skye gnas la brten ce na/ shAkya'i rigs chen po gnyen gyi 'brel pas chos la rab tu dgod ba'i phyir ro// mir gyur kyang phun sum tshogs pa thob bo zhes gdul ba spro ba bskyed pa'i phyir ro/ /sa ni bcu gcig ste zhes bya ba ni de dag kyang snyoms par 'jug pa rnams kyis ston to// 'dod pa'i khams ni sa bon thams cad yin pa'i phyir sa zhes bya bar bshad de/ dbang po sbyangs pa la sogs pa'i yon tan rnams de dad 'brel ba'i phyir ro/ /mi lcogs pa med pa zhes bya ba la 'od par bya ba ni 'od par bya'o// 'od par bya ba med pa ni 'od bar bya ba med pa ste/ skye bas thob par bya ba ma yin zhes bya ba'i tha chig ste/ bsam gtan dang bor 'jug pa'i sems so// de ni rnam pa gsum ste/ nyon mongs pa can dang/ zag pa pa dang bcas pa dang/ zag pa med pa'o// bsam gtan dang po la yan lag ldang rig par bya ste/ rnam par rtog pa dang rnam par dpyod pa dang/ dga' ba dang bde ba dang sems rtse gcig pa ste/ dper na yan lag lnga ba'i phyi ma ltar yan lag lnga pa'i bsam gtan yang de bzhin no/ bsam gtan gnyis pa la ni rab tu dad pa'o/ /de yang dad pa'i ngo bo nyid kyi chos te/ chos de mnyam bar bzhag pa dag las kyang 'byung ba yod do// zhes lhag par shes che ba'i phyir yan lag tu rnam par bzhag pa dang/ dga' ba dang bde ba dang sems rtse gcig pa'o/ /de ni shin tu sbyangS

  725. 363a

    ba'i bde bar rig par bya'o// bsam gtan gsum pa las yan lag lnga ste/ btang snyoms dang/ dran pa dang/ shes bzhin dang/ bde ba dang/ ting nge 'dzin to/ /bsam gtan bzhi pa la yan lag bzhi ste/ sdug bsngal yang ma yin/ bde ba yang ma yin pa'i tshor ba dang/ btang snyoms yongs su dag pa ste/ de ni 'du byed kyi btang snyoms dang/ dran pa yongs su dag pa dang/ ting nge 'dzin to/ /bsam gtan bzhi pa ni nyes pa brgyad las rnam par grol ba ste/ nyes pa dag gang zhe na/ rnam par rtog pa dang/ rnam par dpyod pa dang/ dbugS rdub pa dang/ 'byin pa dang/ bde ba dang/ sdug bsngal ba dang/ yid bde ba dang/ yid mi bde ba'o// bsam gtan de dag kyang nyon mongs pa can dang/ zag pa dang bcas pa dang/ zag pa med pa dang/ phung po lnga dang ldan par rig par bya'o// de la rnam par rtog pa dang rnam par dpyod pa'i nyes pas ni mes 'jig pa'o/ /dga' ba'i nyes pas ni chus 'jig pa'o/ /dbugs rdub pa dang 'byin pa'i nyes pas ni rlung gi 'jig pa'o// de la mes 'jig pa lan bdun 'das pa dang chus 'jig go/ de ltar byas na 'od gsal gyi lha rnams kyi tshe bskal ba brgyad thub bo zhes bya ba de 'thad par 'gyur ro// de ltar mes 'jig pa ni lan bzhi cu rtsa dgu'o/ /chus 'jig pa ni lan bdun te 'jig pa de dag ni lan lnga cu rtsa rtsa drug yin no// de'i 'og tu mes lan bdun 'jig go/ de'i 'og tu rlung gis 'jig bar 'gyur ro/ /de ltar byas na gdags par bshad pa las dge rgyas kyi lha rnams kyi tshe bskal pa drug cu rtsa bzhi thub bo zhes bya ba legs par bshad pa yin no/ /gzugs pa med pa gsum ni nyon mongs pa can dang/

  726. 363b

    dge ba zag pa dang bcas pa dang/ zag pa med pa dang/ phung po bzhi'i ngo bo nyid dang/ sa 'og ma'i gnyen po yin no// de la 'dod pa'i khams dang srid ba'i rtse mo ni gcig tu zag pa dang bcas pa'o zhes bya ba la/ 'dod pa'i khams ni ming ? ba'i rtsa bas dri ma can du byas pa dang/ mnyam par ma bzhag pa'i sa pa yin pa'i phyir zag pa dang bcas par rung na/ srid pa'i rtse mo ji ltar zag pa dang bcas pa kho nar 'gyur zhe na/ 'du shes zhan pa'i phyir ro/ /lhag ma ni zag pa dang bsam? pa dang/ zag pa med pa zhes bya bar grub bo// gal te srid pa'i rtse mo gcig tu zag pa dang bcas pa'i yin na ji ltar 'phags pa'i gang zag der sgyes pa nyon mongs pa spong zhe na/ de yang med pa'i skye mched kyi sa'i lam mngon du byas te nyon mongs pa spang ngo/ /sde ba gzhan gang dag na re/ mgo mnyam zhes bya ba'i dgra bcom pa ni/ las kyi mdza' la me zhen yin nas tshig pa bzhin no zhes zer ba de dag ni/ dge slong dag ji tsam du 'du shes la snyoms pa de tsam du kun shes par rab tu rtogs so/ /gang yang 'di 'du byed kyi lhag ma srid pa'i rtse mo de la ni dge slong bsam gtan pa rnams kyis snyoms par zhugs shing langs nas rab tu rtog par 'gyur bar smra'o zhes bya ba 'di dang 'gal lo// skabs su bsh+d pa rdzogs zhes bya ba ni skabs nas byung ba la skabs su bshad ba zhes bya'o/ /rdzogs zhes bya ba ni mthar phyin ces bya ba'i tha tshig go/ 'khor du nye bar bsdogs gtogs pa thams cad la ni btang snyoms so/ /dngos gzhi bsam gtan dang po dang/ gnyis pa la ni yid bde ba'i dbang po'o// gsum pa la ni bde ba'o// bzhi pa la ni btang snyoms so// ci'i phyir bzod pa rnam pas shes pa rnams sngar bstan ce na/ nyon mongs pa thams cad kyi gnyen po yin

  727. 364a

    pa'i phyir ro// bzod pa rnams ni mthong bas spang bar bya ba'i nyon mongs pa'i gnyen po nyid do// de la rdzas su na shes pa gnyis te/ zag pa dang bcas pa dang/ zag pa med pa'o/ /rnam pa bdun kyis na bcur rnam par bzhag ste/ rang bzhin gyis ni kun rdzob shes pa'o/ /gnyen pos ni chos dang rdzas su rtogs pa'i shes pa'i/ /tshos shes pa ni 'dod pa'i khams mdza' dag gi gnyen pa'o/ /rjes su rtogs pa'i shes pa ni gzugs dang gzugs med pa'i khams kyi gnyen po'o/ /sdug bsngal dang kun 'byung ba shes pa ni rnam pa'i bye brag gis so/ /'gog pa dang lam shes pa ni rnam pa dang dmigs pa'i bye brag gis so// gzhan gyi sems la sbyor bas pha rol gyi sems shes pa'o/ /nyon mongs pa spangs pa'i rgyud la skye bas bya ba byas pa'i phyir zad pa shes pa'o/ /skal ba mnyam pa'i rgyus shes pa thams cad kyis bsags pa'i phyir mi skye ba shes pa'o/ /ci'i phyir chos shes pa sngar bshad ce na/ 'dod pa'i khams kyi gnyen po yin pa'i phyir ro// ci'i phyir 'dod pa'i khams kyi sngar spong zhe na/ de ni mngon sum du gyur pa'i phyir te/ zin pa mngon sum dang rdzas mngon sum gyis so/ /khams gzhan kyi ni rdzas mngon sum nyid kyis so/ / yang 'gog pa dang lam la chos shes pa ni khams gsum char gyi gnyen po yin no// ci'i phyir sdug bsngal dang kun 'byung ba la chos shes pa khams gsum char gyi gnyen po ma yin zhe na/ gzhan du yid 'byung la gzhan du 'dod chags dang bral bar 'gyur du 'ong ba'i phyir ro// 'dod par gtogs pa'i 'du byed rnams zhes bya ba ni 'di skad du 'bras bur gyur pa nye bar len pa'i phung po lnga rnams zhes bstan par 'gyur te/ de la mi rtag pa dang/ sdug

  728. 364b

    bsngal ba dang/ stong pa dang/ bdag med pa'i rnam par shes pa ma yin pa'o/ /de'i rgyud zhes bya ba ni kun 'byung ba'i bden pa'o/ /de 'gog pa zhes bya ba ni 'gog pa'i bden pa'o/ /de spong ba zhes bya ba ni las gyi bden ba'o/ /de ltar rnam pa bcu drug tu shes pa gang yin pa de chos shes pa gang yin pa de chos shes pa'o/ /de ltar chos shes pa ni phung po lnga zhes bstan par 'gyur ro/ /chos shes pa zhes bya ba 'dis ni bzod pa rnams yongs su bsdud de/ gtso bor bstan pa'i phyir rgyal? po gshegs so zhes bya ba bzhin no/ /sa zhes bya ba ni bden pa rnams so/ /sngar ni bye brag tu phye ste bshad pa'o// da ni bye brag tu ma phye ba'o/ /yang na chos zhes bya ba ni don gzhan du bshad/ sbyor ba dang rnam par grol ba dang khyad par gyi lam rnams yongs su sdud ba'o/ /de la sbyor ba'i lam ni gang gi 'og tu spong ba'i lam mngon du byed pa'o/ /rnam par grol ba'i lam ni gang gis bral ba'i rnyed pa skyed pa'o/ /khyad par gyi lam ni khyad par thob par bya ba'i lam yin pas khyad par gyi lam mo// de ni dran pa nye bar gzhag pa la sogs pa ste/ gang gis dbang po sbyor ba la sogs pa'i yon tan mngon par sgrub par byed pa'o/ /chos shes pa'i sa zhes bya ba la/ sa zhes bya ba ni sa drug tu ston te/ da ni chos shes pa'o/ /gang dag 'du byed smos pa ni 'dus ma byas brtsal bar 'dod pa de dag gi ltar na don 'di gnyen por 'gyur te/ zag pa med pa ni nyes pa med pa'i phyir spang bar 'os pa ma yin no/ /ci'i phyir de chos shes pa zhes bya zhe na/ de'i phyir don dang mthun pa'i ming du ston to/ /thog ma med pa dang ldan pa'i 'khor ba zhes bya ba ji ltar thog ma med pa dang ldan zhe na/ dge slong dag 'khor ba ni thog ma med do zhes smra'o zhes 'byung ba'i phyir ro/ /rtag tu zhes bya ba ni dus thams cad du'o/

  729. 365a

    bdag gi chu srin gyi chu srin 'dzin khri zhes bya ba ni bdag dang bdag gir mngon par zhe na pa ste/ bdag dang bdag gir mngon par zhen pa'i chu srin 'dzin khri des zin pa ni bzung ba'o// de thog ma kho nar zhes bya ba ni dang po nyid du'o// chos tsam du mthong ba'i phyir zhes bya ba la/ tsam gyi sgra ni bdag dang bdag gi dgag par ston to// chos shes pa bshad zin to// rjes su rtogs pa'i shes pa gang zhe na/ gzugs dang gzugs med par rtogs pa'i 'du byed rnams zhes bya ba ni snga ma bzhin no/ rjes su zhes bya ba ni phyi nas zhes bya ba'i don ston to/ rjes las rtogs pa ni rjes su rtogs pa ste phyi shes zhes bya ba'i don gang yin pa'o// ci'i phyir rjes su rtogs pa'i shes pa sa 'og ma'i gnyen po ma yin zhe na/ 'di lta ste dper na skyes bu gong du yang lta ba thur du mi lta ba bzhin no// pha rol gyi sems shes pa gang zhe na/ shes pa gang sgoms pa las byung ba ni sgom ba'i rang bzhin te/ dper na sa'i snod lta bu'o// bsgoms pa'i 'bras bu ni rnam par grol ba'i lam gyis bsdus pa'o/ /bsgom pa la brten nas thob pa ni sngon thob kyang de bsgom pa sngon du byed pa las 'byung ngo/ /yang na bsgom pa la brten nas zhes bya ba ni skye bas 'thob pa dang/ rtog ge'i rigs pas bskyed pa dgag pa ste/ de'i phyir ting nge 'dzin las skyes pa zhes bya ba smos so// ting nge 'dzin las byung bas ting nge 'dzin las skyes pa ste/ bsam gtan la skyes zhes bya ba'i tha tshig go/ shes pa zag pa dang bcas pa dang/ zag pa med pa gnyis kyi bar du smos pa ni gnyi ga'i rang bzhin du bstan pa'i phyir ro// gzhan dag gis kun rdzob shes ba'i 'og tu smos pa de dag gis ni gsum po dag gis

  730. 365b

    skabs kyis sbyor/ /de ltar rang bzhin bsnyad nas las ston to/ /gang gis gzhan zhes bya ba la/ gzhan smos pas ni rang gi sems ma gtogs par ston te/ bdag nyid la byed pa 'gal ba'i phyir ro/ /'dod pa dang gzugs su gtogs pa zhes bya bas ni khams gnyis kyis ston to// zag pa med pa kha cig ces bya ba smos pas ni gzugs med pa na spyod pa'i zag pa med pa rnams mi shes pa'o/ /mi ldan pa nyid yin bzhin du yang ci'i phyir mig shes gzugs kyi 'bab? stegs kyi sgo nas skye ba'i phyir ro// zag pa dang bcas pa ni shin tu yang mi shes so zhes bstan par 'gyur te/ sa las shin tu 'das pa'i phyir ro// da ltar byung ba smos pas ni 'das pa dang ma 'ongs pa sel to/ /yang na ma sgom pa las byung ba ni pa sgams? pa'i rgyu las byung ba ste/ dper na zas las byung ba'i srog dang rtswa? las gyur ba'i ba lang zhes bya ba lta bu'o/ /nye bar bsdogs kyis dngos gzhi bsam gtan gyi 'bras bu thob pa ste/ ji skad du bsam gtan las sam nyer bsdogs las rnam par grol ba dgu ba'i lam skye'o zhes gsungs ba lta bu yin du zan gyang dbang po 'pho ba shin tu dka' ba'i phyir te/ pha rol gyi sems shes pa ni dngos gzhi bsam gtan gyi 'bras bu nyid do// shes pa dang 'dra ba zhes bya ba ni rang gi mtshan nyid dang 'dra ba ste/ zag ba dang bcas bas zag pa dang bcas pa shes la/ zag pa med pas zag pa med pa'i sems dang sems las byung ba shes pa'o// de lta mod kyi sems la sbyor ba'i phyir sems kyi sgo nas de skad ston to// gang gi tshe sems shes pa de'i tshe sems las gyung ba'i chos rnams ma yin te/ rdzas re re spyod yul yin pa'i phyir ro// ji ltar na 'dod chags dang bcas pa'i sems su shes zhe na/

  731. 366a

    'dod chags dang bcas pa rnam pa gnyis te/ ldan pa'i 'dod chags dang bcas pa dang/ 'dres pa'i 'dod chags dang bcas pa'o/ de la 'dus pa'i 'dod chags dang bcas pa ni mngon du gyur pa'o/ /ldan pa'i 'dod chags dang bcas pa ni rnyed pa'i 'brel pa'o/ /'di ni 'dres pa'i 'dod chags dang bcas pa gzung bar rig par bya ste/ gos dang dri ma cig car mi 'dzin pa bzhin no// 'di ni dmigs pa la lta ba ma yin te/ bstan bcos las kyang chags bar? shes kyi che ge mo zhes bya ba'i dmigs pa la chags par ni ma yin no zhes 'byung ngo/ /zag pa med pa la ni lam gyi bden pa'i rnam par ro/ /bar chad med pa'i lam thams cad ni ma gtogs te/ mchog tu dga' ba yid la byed pa dang ldan pa'i phyir ro/ /de byas na mthong ba'i lam la bsgom pa ma yin te/ mthong ba'i lam ni yid 'byung ba dang ldan pa'i phyir ro// de la bsam gtan dang po'i sa pas ni sa gnyis kyi shes so// de bzhin du bsam gtan bzhi ba'i sa bas ni sa lda'i shes pa'i bar du'o// zag pa med pa yang rnam pa gnyis te zhes bya ba ni rnam pa gnyis te/ chos shes pa'i phyogs dang/ rjes su rtogs pa'i shes pa'i phyogs so// de la chos shes pa'i phyogs kyis ni chos shes pa'i phyogs kyi rjes su rtogs pa'i phyogs kyi ma yin te/ chos shes pas 'og ma la gnas ba'i phyir ro// rjes su rtogs pa'i shes pa ni sa gong ma la dmigs pa'i phyir ro// chos shes pa ni sa gong ma la dmigs pa'i phyir ro/ /chos shes pa'i phyogs kyi ma yin no// zag pa med pa ni mchog tu gyur pas zag pa dang bcas pas mi shes pa ni rigs na/ zag pa med pas ci'i phyir zag pa dang bcas pa ma shes zhe na/ zag pa med pa mchog tu dga' ba yid la byed pa dang ldan pa'i phyir ro/ /

  732. 366b

    zag pa dang bcas pa ni yid 'byung ba'i dngos po'o// gzugs dang mi ldan pa rnams dang 'dus ma byas mi shes te/ gzhan gyi sems shes pa'i phyir ro// sa mchog tu gyur ba mi shes te/ bsam gtan dang po'i sa pas bsam gtan gnyis pa'i mi shes so// dbang po mchog tu gyur pa ni sa mtshungs kyang dbang po rtul pos dbang po rnon pa'i rgyud las byung ba mi shes so// gang zag mchog gi mi shes te/ ji ltar nyan thos kyis rang sangs rgyas kyi rgyud mi shes pa dang/ rang sangs rgyas kyis de bzhin gshegs pa'i rgyud mi shes pa lta bu'o// de'i don ni dbang po mchog nyid kyis go bar 'gyur ro zhe na/ 'di la nyes pa med de dbang po ni rang gi sar gtogs pa rnams dang slob pa rnams kyi'o/ /gang zag smos pa ni sa ma gtogs pa dang/ 'das pa dang ma 'ongs pa yang ston to// nyan thos kyis ni mthong ba'i lam las skad cig gnyis shes te/ sdug bsngal la chos shes pa'i bzod pa dang/ lam la rjes su rtogs par shes pa'i bzod pa'o ci'i phyir zhe na/ mthong ba'i lam shin tu mgyogs par 'gro ba'i phyir te/ ji tsam du gzhan du sbyor ba rtsom pa de tsam du de'i skad cig de snyed 'da' o/ rang sangs rgyas kyis ni skad cig gsum shes te/ gsum pa ni kun 'byung ba la rjes su rtogs pa'i shes pa'i skad cig go/ bcom ldan 'das kyis ni sbyor ba ma mdzad par yang skad cig thams cad mkhyen to// mthong ba'i lam la gnas pa 'di ni bstan bcas las mtshan ma med par gnas pa zhes bya ba bstan to/ /yang na gang zag smos pa nyid kyi dbang po tha dad pa sros te bstan to// gal te de lta na lha rnams kyis dge slong 'di ni rgyun tu zhugs pa'i 'bras bu mngon sum du zhugs pa'i 'bras bu mngon sum du bya ba'i phyir zhugs so zhes smras pa'i mdo'i

  733. 367a

    tshig 'di ji ltar sbyar/ bye brag tu smra ba rnams na re dga' bar bya ba'i phyir byas so zhe'o/ /'o na gang rgyun tu zhugs pa'i 'bras bu mngon sum du bya ba'i phyir zhugs pa la zas sbyin zhes bya ba'i lta zhe na/ de'i phyir kha zas byin pa la zas gyi sgrar bstan to/ /kun rdzob shes ba gang zhe na/ lan btab pa/ shes rab zag pa dang bcas pa ste zhes bya ba ste/ rang bzhin bstan pa'o/ /kun rdzob ni sgrib pa ste shes pa sgrib pa'o/ /ma rig ba ma spangs ba'i phyir te rang bzhin dang rgyud rnam par grol ba gnyis kyis rnam par ma grol ba'i phyir ro// yang na kun rdzob ni tha snyad de der ltung ba'i shes pa ni kun rdzob shes ba'o// gzhan na re rgyun gyi shes pa'o zhe'o/ /kun rdzob ni phal cher bum pa dang/ snam bu la sogs pa zhes bya ba la/ phal cher zhes bya ba smos pas lhag par bstan pa'i phyir ro// shes pa 'di res 'ga' ni don dam pa la'ang 'jug ste/ ji ltar chos thams cad bdag med pa lta bu'o/ /shes pa 'di ni zag pa rang bcas pa ste/ 'jig rten las 'das pa ni gnyan por gyur pa'i phyir dmigs pa yongs su gcod pa nyid do// rang bzhin dang lhan cig 'byung ba ma gtags par chos thams cad ni rang bzhin gyi dmigS pa yin no// sems kyi skad cig de ni gzhan gyi'o/ /de la rang bzhin ni mi shes te bdag nyid la byed pa 'gal ba'i phyir ro// gang dag mar me'i dpes rang myong ba brjod pa de dag gi ltar na me ni snang bar bya ba yin gyi snang bar byed pa ma yin par 'gyur ro// ras dang mar me ma gtogs par snang bar bya ba rdzas gzhan ni med do// tshor ba la sogs pa la yang shes te ha cang nye ba'i phyir ro/ /yang dmigs ba mtshungs pa nyid nyams par 'gyur ro/

  734. 367b

    bdag med pa'i rnam par zhugs pa yin na ci'i phyir don dam pa shes par mi 'gyur/ gar mkhan gyis shin tu bslabs kyang rgyal po'i rol pa dang 'dra bar mi nus pa ltar do ltar gyur ba la yang shin tu gnas pa ma yin pa'i phyir ro// kun rdzob shes pa de yang nyon mongs ba can dang nyon mongs pa can ma yin pa'o/ /nyon mongs pa can yang rnam pa gnyis te zhes bya ba ni rnam pa gnyis te/ lta ba'i bdag nyid ni lta ba'i rang bzhin no// lta ba lnga po rnams ni ji skad du bstan pa rnams so// lta ba'i bdag nyid ma yin pa ni lta ba'i rang bzhin ma yin pa ste/ the tshom la sogs pa'i tshigs dang ldan pa'o// de ni shes rab nyid yin zhes bya ba ni grub pa'i mdza' las so// nyon mongs pa can yang yin pa yang rnam pa gnyis te/ dge ba dang ma bsgribs la lung du ma bstan pa'o/ /rnam par smin pa las skyes pa la sogs pa rnam pa bzhi ste/ de ni yongs su tshol ba'i bsam pa ma yin pa dang/ phyi rol tu ltas pa'i rnam pa'i phyir lta ba ma yin no// dge ba ni gang rnam par shes pa lnga dang lhan cig rgyu ba ste/ de ni shes rab nyid yin te/ rnam par mi rtog pa'i phyir/ /ma chags pa dang zhe sdang med pa dang ldan pa'i phyir ro/ /yid kyis gang yin pa de ni 'jig rten pa'i yang dag pa'i lta ba'o/ de yang mnyam par bzhag pa dang/ mnyam par ma bzhag pa'o/ /mnyam par ma bzhag pa ni rnam pa gsum ste/ skye bas 'thob pa dang/ thos pa dang/ bsam pa las byung ba'o/ /de la thos pa las byung ba'i shes pa ni ming la dmigs ba'o// bsamS pa las byung ba ni ming dang don la dmigs pa ste/ dper na rgyal ma bslab pa dang/ cung zad bslabS pa lta bu ste/ go rim bzhin no// de la skyes pas thob pa ni khams

  735. 368a

    gsum char na'o/ /thos pa las byung ba ni bsam gtan dang po dang/ 'dod pa'i khams na'o// gong ma na rnam par rtog pa dang/ rnam par dpyod pa med ba'i phyir mi dge ba med do/ /ma bsgribs la lung du ma bstan pa ni mi dag go/ bsam pa las byung ba ni 'dod pa'i khams nyid na'o/ /de dag ni gang gi tshe bsam par rtsom pa de'i tshe de dag gi bsgom pa 'grub bo/ /mnyam par ma bzhag pa'i shes pa ni don la dmigs ba nyid do// de ni rnam pa bzhi ste/ nyam par 'gyur ba'i cha dang mthun pa ni nyon mongs pa 'byung ba dang mthun pa'o// gnas pa'i cha dang mthun pa ni nges par 'byed pa'i cha dang mthun pa'o// nges par 'byed pa'i cha dang mthun pa ni zag pa med pa dang mthun pa'o// gzugs na spyod pa'i phung po lnga'i rang bzhin te/ rjes su 'brang ba'i gzugs yod pa'i phyir ro// gzugs med pa na sbyod pa'i phung po bzhi'i rang bzhin te gzugs kyi 'du shes dang bral ba'i phyir ro// ci'i kun rdzob shes pa gnas 'dir brjod ce na/ 'phags pa'i lam gyi sgo rnam par dpyad pa dang/ 'phags pa'i lam gyi 'khor yin pa'i phyir te/ ji skad du mngon par rtogs pa'i mdza' las byung ba'i kun rdzob shes pa rnams ni bden pa gsum gyi mdza' las rnyed pa ste mi skye ba'i chos can no zhes 'byung ba lta bu'o// lam gyi bden pa la ni med de mdza' dag mngon par rtogs pa med pa'i phyir ro// sdug bsngal shes pa ni nye bar len pa'i phung po 'bras bur gyur ba de ltar byung ba rnams la'o/ /nye bar len pa'i kha na las pa'i phung po rnams ni nye bar len pa'i phung po rnams te/ dper na rgyal po la brten pa'i mi la rgyal po'i skyes bu

  736. 368b

    zhes bya ba lta bu'o/ /gal te de lta na dgra bcom pa mnyam par me bzhag pa'i phung po rnams nye bar len pa'i khams las pa ma yin bar 'gyur ro// 'di la nyes pa med do/ /de dag kyang nye bar len ba'i kha na las pa yin te/ nyon mongs pa'i dbang gis 'phangs pa'i las de'i kha na las pa'i phyir ro// dper na dag bcom pa la sngon gyi las kyis 'phangs pa yod pas bsad pa lta bu'o/ /rnam pa des na de las byung bar brjod par nus te/ ji skad du/ ji ltar sreng ba dang ma rig pa gnyis kyis byis pa'i lus yang dag par 'thob pa ltar khas ba'i yang de bzhin no zhes bstan pa lta bu'o// yang na de dag yod pas nye bar len pa 'byung bar 'gyur te/ me tog dang 'bras bu'i shing lta bu'o/ /gzhan gyi rgyud kyi nye bar len pa bskyed pa'i phyir ro/ /mi rtag pa ni 'byung ba dang 'jig pa'i chos can gyi phyir mi rtag par mthong ngo// gnod pa'i bdag nyid kyi phyir sdug bsngal du mthong ngo/ /sdug bsngal gyi bdag nyid ji lta bu zhe na/ sdug bsngal gsum yod pa'i phyir te/ sdug bsngal gyi sdug bsngal ni 'dod pa'i khams na'o// 'gyur ba'i sdug bsngal ni gzugs kyi khams na'o// 'du byed kyi sdug bsngal ni gzugs med pa'i khams na'o// de bzhin du yid du 'od ba la sogs pa yang ci rigs su rang ga khams su brjod bar bya'o// nang na byed ba'i skyes bu med ba'i phyir bdag med par mthong ngo/ /kha cig na re bdag med pa rnam pa gnyis te/ gang zag la bdag med pa dang/ chos la bdag med pa'o zhes 'dzer te/ chos la bdag med pa de ni mdo sde dang 'gal lo/ /kun dga' bo? rigs? 'dzin gyi ma'i khang bzangs 'di ni glang po dang rta dang ba lang dang lug dang phag giS stong ngo/ /'di ni mi stong ba yang yod de/ 'di ltar dge slong ge dge 'dun gyis so/ /kun dga' bo de bzhin du 'du byed thams cad ni bdag dang bdag gis stong ngo/ /'di na lhag ma yod pa de ni 'dir yod

  737. 369a

    pa'o zhes gsungs ba'i phyir ro/ /ji ste stong pa nyid rnam pa bcu drug ce na/ de ni stong pa nyid ces bya ba dang rnam ba zhes bya ba de snga phyi 'gal lo/ /mi rtag pa la sogs par bshad bzhin du ci'i phyir sdug bsngal nyid du brjod ce na/ skye ba bskyed ba'i phyir ro/ /dpal 'dzin gyis bde bar tshor ba med de/ gang ci tshor yang de ni 'dir sdug bsngal ba'o zhes bshad pa'i phyir ro/ /de'i don ni gtan la dbab pa'i phyir/ rang bzhin sdug bsngal bar khas blang bar mi bya ste/ kun dga' bo de ni ngas 'du byed mi rtag pa dang/ 'gyur la mi rtog pa la dgongs te bstan to zhes 'gyur ba'i phyir ro/ /'du byed rnams dang 'gyur ba dag /mi rtag par ni mkhyen nas su/ /rab mkhyen rdzogs pa'i sangs rgyas kyis/ /tshong ba sdug bsngal rab tu gsungs/ zhes 'byung ngo/ /kun 'byung ba shes pa ni/ nye bar len pa'i phung po lnga bo rgyur gyur pa las dang nyon mongs ba dad lhan cig rgyu ba de dag nyid 'dres pa rnams la ste/ 'di ltar las dang nyon mongs pa gnyis las srid pa 'byung ba'i phyir ro/ /'di ltar nyon mongs pa ni shun pa lta bu'o/ /las ni 'bras bu lta bu ste/ dper na 'bras shun pa dang ldan na myu gu 'byin pa de bzhin du nyon mongs pa dang ldan pa'i las sring pa'i myu gu 'byin no/ /rgyu med par smra ba rnam pa gnyis te/ kha cig ni thams cad rgyu med par khong du chud de/ 'di lta ste med pa pa rnams so/ /kha cig ni la la rgyu yod la/ la la med par te/ 'di lta ste tshangs pa chen po ni rgyu med pa'o/ /gang des sprul pa de dag ni rgyu dang bcas pa'o/ /de bzhin du byed pa med par smra ba pa 'ang rnam pa gnyis te/ kha cig na re la la ni byed pa dang bcas pa/ la la ni byed pa med pa ste/ 'di lta ste/ dbang phyug ni sdig pa gang gis kyang mi gos so/ gzhan dag ni sdig pa dang ldan no zhe'o/ /de'i phyir de dag gi gnyen por rgyu dang/ kun 'byung ba dang rab tu skye ba dang rkyen gyi rnam pa'o/ /yang na gang 'phen par byed pa las dang nyon mongs pa lhan cig rgyu ba de ni rgyu dang kun 'byung ba zhes bya'o/ /gang skyed pa de ni rab tu skye ba dang rkyen ces bya'o/ /de bzhin du sangs rgyas

  738. 369b

    pa rnams la 'gag pa med do zhes snyam pa de'i gnyen por 'gog pa la 'gog pa'o/ /dbang po gcig 'gag ni sdug bsngal dbang po thams cad 'gog pa lta ci smos snyam pa de'i gnyen por zhi ba ste/ me gsum shi ba'i phyir ro/ /rtag tu dge ba'i phyir gyi nom pa'o/ /sdug bsngal thams cad med pa'i phyir nges par 'byung ba ste/ de dang ldan na 'dus byas kyi dngos po thams cad stong pa'i phyir ro/ /yongs su mya ngan las 'das pa'i dus na lam yang gzengs dang 'dra bar 'dod do/ /shes pa rnam pa de lta bu ni 'gog pa zhes bya'o/ /sangs rgyas pa rnams la la med do snyam pa de'i gnyen por lam la lam mo/ /lam ni rigs pa ma yin te/ 'di ltar mi gtsang ba nyon mongs pa de dag lam gyis gzhig pa'i phyir te/ dper na sbyang gang gis rma dral ba de yang mi gtsang ba sngags pa bzhin snyam pa'i gnyen bong rigs pa'o/ /'di ltar lam skye bar mngon du gyur ba na nyon mongs pa gal te mun pa dang mer ma gnyis skad cig gcig gi bar du lhan cig gnas par gyur na ni skad cig brgyar yod gnas par 'gyur ro/ /sgrub pa ni yang dag par bsgrub pa'i phyir ro/ /ji ltar na yang dag par sgrub pa 'phags pa'i lam yin zhe na/ gnas ma yin te go skabs med do/ /gang lta ba phun sum tshogs pa'i gang zag ched du bsams te/ bslab pa las 'da' ba dang/ ngan song du 'gro ba dang/ ma ning du 'gyur ba nas srid brgyad pa mngon par 'grub pa'i bar du gnas med de zhes 'byung ba lta bu'o/ /'dis sangs rgyas rnams dang sangs rgyas kyi nyan thos rnams nges par 'byung bar 'gyur bas nges par 'byin pa ste/ shes pa rnam pa de lta bu zag pa med pa de ni lam shes pa'o/ /de la shes rab ni rtog pa dang/ brtag par bya ba dang rnam pa dang bcas pa'o/ de ltar shes rab rnam pa dang bcas par 'gyur te/ shes rab gzhan dang ldan par 'gyur ba'i phyir ro zhe na/ yul la 'dzin par zhugs pa'i phyir ro/ /sems dang sems las byung ba ni rnam pa dang bcas pa dang/ brtag par bya ba yin gyi rtog pa ni ma yin te/ tshor ba la

  739. 370a

    sogs pa mun pa dang mtshungs pa'i phyir ro/ /gzugs dang sems dang mi ldan pa'i 'du byed rnams ni brtag par bya ba nyid do/ /de bas na shes rab ni mngon par rtogs pa rnam pa gsum ste/ mthong bas mngon par rtogs pa dang/ dmigs pa mngon par rtogs pa dang/ byed pa mngon par rtags pa'o/ /de dang ldan pa rnams ni dmigs pa mngon par rtogs pa dang/ byed pa mngon par rtogs pa ste/ de dang mi ldan pa rnams ni byed pa mngon bar rtogs pa nyid do/ /bdag gis sdug bsngal yongs su shes so zhes bya ba ni mi rtag pa dang sdug bsngal ba'i rnam par ro/ /bdag gis zhes bya ba ni rjes su tha snyad btags pa'i phyir/ stong pa dang bdag med pa'i rnam pa ma yin no/ /kun 'byung ba spangs so zhes bya ba ni de bzhin du rnam pa bzhi po dag gis so// /'gog pa dang lam la yang de bzhin no/ /de ltar rnam pa bcu bzhi ni zad pa shes pa yin te/ zad pa la zad pa shes pas zad pa shes pa'o// mi skye ba shes pa yang de bzhin no/ /bdag gis sdug bsngal yongs su shes te/ yang yongs su shes par bya ba me ngo/ /de bzhin du bsgom par bya ba med do zhes bya ba'i bar du'o/ /shes pa 'di dag nyid ni lta ba'i rang bzhin ma yin te/ yongs su 'tshol ba'i gsam pa ma yin pa'i phyir ro/ /shes pa lhag ma brgyad ni lta ba'i rang bzhin yin no/ /shes pa yin la lta ba ma yin pa yang yod de/ zad pa shes pa dang/ mi skye ba shes pa dang/ the tshom la sogs dang ldan pa'i shes rab bo/ /lta ba yin la shes pa ma yin pa yod de/ mngon par rtogs pa'i mdza' las byung ba'i bzod pa rnams so/ /lta ba yang yin la shes pa yin pa yang yod de/ de shes rab bdun dang kun rdzob shes pa'i phyogs te/ lta ba lnga'i rang bzhin no/ /lnga ba yang ma yin shes pa yang ma yin pa yang yod de/ gzugs dang tshor ba dang/ 'du shes dang mi ldan pa'i 'du byed rnams so/ /zad pa med pa'i shes pa 'di dag ni mi lcogs pa med pa dang/ bsam gtan khyad par can

  740. 370b

    dang/ gzugs med pa gsum pa dag na dbang po rtul po ni dka' la mngon par shes pa bul ba'i lam lo/ /dbang po rnon po ni dka' la mngon par shes pa myur ba'i lam lo/ /ci'i phyir zhe na/ mi lcogs pa med pa dang/ bsam gtan khyad par can ni shes rab kyi shas che ba zhi gnas chung ngo/ /gzugs med pa gsum ni zhi gnas kyi shas che la shes rang chung ngo/ /dngos gzhi bsam gtan bzhi po dag la dbang po rtul po ni sla la mngon par shes pa bul ba'i lam mo/ /dbang po rnon po sla la mngon par shes pa myur ba'i lam ste/ zhi gnas dang lhag mthong zung du 'bral bar 'jug pa'i phyir ro/ /dngos gzhi bsam gtan gyis bsdus pa'i lam ni sla ba'i sgrar bstan to/ /dbang po byed brag gis ni bul ba dang mgyogs pa'i sgra smos so/ /kun rdzob shes pa la 'khor ba'i sgyur ltung ba'i phyir cig tu zag pa dang bcas pha rol gyi sems shes pa ni zag pa dang bcas pa dang zag pa med pa ste/ kun rdzob shes pa'i rang bzhin gang yin pa de ni zag pa dang bcas pa'o/ /chos dang rjes su rtogs pa'i shes pa'i rang bzhin gang yin pa de ni zag pa med pa'o/ /lha chos shes pa dang/ rjes su rtogs pa'i shes pa dang/ sdug bsngal shes ba dang/ kun 'byung ba shes pa dang/ 'gog pa shes pa dag/ lam shes pa dang/ zad pa shes pa dang/ mi skye ba shes pa rnams ni zag pa med pa nyid do/ /pha rol gyi sems dang/ sdug bsngal dang/ kun 'byung ba dang/ lam shes pa rnams ni 'dus byas la dmigs pa'o/ /'gog pa shes pa ni 'dus ma byas la dmigs pa ste/ 'gog pa 'dus ma byas yin pa'i phyir ro/ /lhag ma ni gnyis la dmigs pa'o/ /sdug bsngal dang/ kun 'byung ba'i shes pa'i spyod yul ni zag pa dang bcas pa'o/ /sbyod yul ni dmigs pa la bya'o/ /'gog pa dang lam shes pa'i spyod yul ni zag pa med pa'o/ /lhag ma rnams kyi spyod yul ni gnyi ga'o/ /so so bye brag tu 'gyur ba ni gzhung las 'byung

  741. 371a

    ba bzhin no// //chos mngon pa la 'jug pa rgya cher 'grel pa snying po kun las btus pa zhes bya ba/ /bam po bzhi pa/ /bzod pa ni brgyad de/ bzod pa zhes bya ba'i sgra'i don ci zhe na/ bden pa bzhil cher bzod pa'i phyir bzod pa'o/ /shes pa'i bye brag nyid du de zag pa med pa bstan pa'i phyir ro// de ni zhes bya ba bzod pa dang sbyar ro/ /des pa'i shes pa rnams ni shes pa brgyad do/ /chos shes pa bzhi dang/ rjes su rtogs pa'i shes pa bzhi po de dag go/ /skal pa 'dra ba'i rgyur gnas pa dang/ gnas yin pa dang/ de ma thag pa'i rkyen gyis drangs pa'i phyir/ de'i skyed pa ste 'byung bar byed pao/ /rnam pa brgyad po de dag ni lta ba nyid de shes pa ni ma yin no/ /nges pa'i don ni shes pa'i don to/ /yongs su zhes bya ba ni kun nas te/ kun tshol zhes bya ba'i tha tshig go /shes pa ni nges par gnas pa nyid do/ /de la sdug bsngal chos shes pa'i bzod pa'i las ni gsum du brjod de/ khams gsum pa'i rnyed pa rgyun 'chad pa'i phyir ma 'ongs pa'i so so'i skye ba nyid spang ngo/ /log pa nyid spong ste log pa nyid kyang rnam pa gsum ste/ 'gro ba log pa nyid dang/ las log pa nyid dang/ lta ba log pa nyid do/ /mi 'gro ba dang/ mi byed pa dang/ kun 'byung ba med pa'i phyir de gsum 'jig rten pa'i bzod pa nyid kyis rgyang ba srings ma zin tam de lta yin yang gnas gsal bas shin tu rgyang rin du byed pa'i phyir de'i tshe spong zhes bstan to/ /da lta byung ba ni mi skye ba shes pa'i bar ngag dang/ skal pa 'dra ba'i rgyu nyid du gnas so/ /'gag pa na sdug bsngal mthong bas spang bar bya ba'i nyon mongs pa bcu'i rnyed pa nas gzung ste 'gag go/ mi rtag pa'i rnam par mthong bas skye'o/ /rnal 'byor pa de dag ni rnam pa gnyis te/ 'dod chags spyod pa dang/ lta

  742. 371b

    ba sbyong ba'o/ /'dod chags spyod pa yang rnam pa gnyis te/ nga'o snyam pa'i nga rgyal gyi non pa dang/ le lo mngon par zhen pa'i/ /lta nga la spyod pa yang rnam pa gnyis te/ bdag dang bdag gir 'dzin pa la mngon par zhen pa'o/ /de la nga'o snyam pa'i de rgyal gyis rnon pa no mi rtag pa nyid kyis sdug bsngal gyi bden pa mthong ngo/ /la lo la mngon pa zhen pa ni sdug bsngal gyis sdug bsngal gyi bden pa mthong ngo/ /bdag tu 'dzin pa la mngon par zhen pa ni bdag med bsam/ /bdag gir 'dzin pa la mngon par zhen pa ni stong pas so/ /byang chub sems dpa' ni 'dod chags sbyor de/ /de lta yod kyi stong pa nyid ste/ dbang po rnam pa'i phyir ro/ /de la de ltar gyur ba'i rnam pa ni bsgom pa rnam pa gnyis te/ thos par de nges par brten pa'i bsgoms pas so/ /ma 'ongs pa'i bzhin thob pa bsgom pa dag nyid kyis so/ /rnam pa thams cad ni skal pa 'dra ste/ rigs rnams ma thob pa'i phyir ro/ /chos shes pa yang de dag gzhes bya ba ni sdug bsngal mthong bas spang bar bya ba de dag nyid kyi mya ngan las 'das pa'i rnyed pa ste/ mya ngan las 'das pa ni bral ba'i mtshan nyid do/ /bzod pa ni 'dir bar chad med pa'i lam mo zhes bya ba la/ 'dir zhes bya ba ni mthong ba'i lam dang sbyar te/ 'di ltar mthong bas spang bar bya ba'i nyon mongs pa rnams bzed pa dag gi spong ngo/ /bstan bcos las kun tu sbyor ba'i ris dgu te/ kun tu sbyor ba'i ris ni sdug bsngal chos shes pas spang bar bya ba dang/ sdug bsngal rjes su rtags pa'i shes pas spang bar bya ba'o/ /de bzhin du kun 'byung ba mang 'gog pa dang/ lam shes pa gnyis gnyis dang/ bsgom par spong bar bya ba'i zhes 'byung ni bstan pa chos dang mi 'gal lam/ 'di la nyes pa med de/ bzod pa rnams ni shes pa'i 'khor yin pa'i phyi te/ dper na dmag mi si

  743. 372a

    rgyal na rgyal po rgyal po zhes rgyal po la 'dogs pa dang 'dra'o/ /don de dper na mi gcig gis rkun po bzung nas phyung ba de bzhin du sdug bsngal la chos shes pa'i bzod pa yang nyon mongs pa'i rkun po rnyed pa nas bzung ste 'gog go/ /dper na mi cig shes kyis sgo bcang pa de bzhin du/ /chos shes pa la yang bral ba'i rnyed pa thob pas spangs pa rnams de'i rgyud la yang shin tu mi 'byung ba'i phyir gtan pa bzhin du gnas so/ /de bzhin du rjes su rtogs pa'i shes pa'i bzod pa skyes nas gzugs dang gzugs med pa dang ldan pa'i nyon mongs pa sdug bsngal mthong pas spang bar bya ba bco brgyan kyis rnyed pa nas bzung ste 'gag go/ /mnyam par bzhag pa'i sa yin pa dang/ /yis pa yin pa'i phyir ro// sa go ma'i nyon mongs pa dag rjes su rtogs pa'i shes pa'i bzod pa gcig pus sel ba ltar rjes su rtogs pa'i shes pas kyang de bzhin te/ ji ltar chos shes pa bzhin no/ /bzhi po re re ngag gis zhes bya ba ba ni skad cig gnyis kyi 'dod pa na spyod pa'i sdug bsngal gyi bden pa mngon par rtogs pa dang/ gnyis kyi khams gong ma mngon par rtogs pa'o/ /mngon pa mngon du'o/ /rtogs pa'i don thams ca de ni shes pa'i don du grags so/ /des ni 'di'i spyi'i de ni ni sdug bsngal gyi bden pa ma don du khong du chud pa'o/ /de bzhin du kun 'byung ba la yang chos she pa'i bzod pa yang kun 'byung ba mthong bas spang bar bya ba'i nyon mongs pa bdun gyi rnyed pa nas bzung ste 'gag go/ /kun 'byung ba la chos shes pa ni de dag nyid kyi bral ba'i rnyed pa nas gzung ste skye'o/ /de bzhin du gzugs dang gzugs med pa na spyod pa la yang kun 'byung ba la rjes su rtogs par shes pa'i bzod pa ni gzugs dang gzugs med pa ni spyod pa'i nyon mongs pa kun 'byung ba mthong bas spang

  744. 372b

    bar bya ba bcu gnyis kyi rnyed pa nas gzung ste 'gag go/ kun 'byung ba la rjes su rtegs pa'i shes pa ni de dag gi bral ba'i rnyed pa nas gzung ste skye'o/ /de bzhin du 'gog pa la chos shes pa'i bzod pa skyes na 'gog pa mthong bas spang bar bya ba'i nyon mongs pa 'dun gyi rnyed pa nas gzung ste 'gag go / 'gog pa la chos shes pa ni de dag nyid kyi bral ba na rnyed pa nas bzung ste skye'o/ /de bzhin du 'gog pa la rjes su rtogs par shes pa'i bzod pa ni gzugs dang gzugs med pa na spyod pa'i nyon mongs pa 'gog pa mthong ba spang bar bya ba bcu gnyis kyi rnyed pa nas gzung ste 'gag go/ /'gog pa la rjes su rtogs pa'i shes pa ni de dag nyid kyi bral ba'i rnyed pa nas gzung skye'o/ /de bzhin du lam la chos shes pa'i bzod pa ni lam mthong bas spang bar bya ba'i nyon mongs pa brgyad gyi rnyed pa nas gzung ste 'gag go /chos shes pa ni de dag nyid kyi bral ba'i rnyed pa nas gzung ste skye'o/ /de bzhin du gzugs dang gzugs med pa na spyod pa rnams la yang lam mthong bas spang bar bya ba bcu bzhi ni lam la rjes su rtogs par shes pa'i bzod pa'i rnyed pa nas gzung ste 'gag go /lam la rjes su rtogs pa'i shes pa ni de dag nyid kyi bral ba'i rnyed pa nas bzung ste skye'o/ /de la skad cig bco lnga ni mthong ba'i lam mo/ /lam la rjes su rtogs pa'i shes pa'i skad cig ni bsgom pa'i lam gyis bsdus pa'o/ /de la rim gyis bsgres pa'i skad cig ma bcu drug pa ni rgyun tu zhugs pa ste/ de ltar thogs na sring pa bdun te/ lho'i nang du lan bdun/ mi'i nang du lan bdun no/ /sangs rgyas 'byung ba med na rang byang chub 'thob par 'gyur ro/ /de nyid 'jig rten pa'i lam gyis rnam pa bdun nam brgyad spangs na bden pa mngon par rtogs ma thag tu lan cig phyir 'ong bar 'gyur ro/ /'jig rten pa'i lam gyis 'dod ba'i 'dod chags dang bral lam/ gzugs kyi 'dod sogs? dang bral lam/ ci yang med

  745. 373a

    pa'i skye mched kyi bar gyi 'dod chags dang bral na bden pa mngon par rtogs ma thag tu phyir mi 'ong ba'o/ /gang dag mngon par rtogs pa gcig pur smra bde dag gi bsam pa btsal bar bya ste/ gal te 'bras bu mngon par rtogs pa las bsams nas smras na ni rigs par bsam par bya ste/ gang sdug bsngal mthong nas rnyed pa rgyun 'chad pa ni kun 'byung spangs pa'o/ /bral ba'i rnyed pa thob pa ni 'gog pa mngon du byed pa'o/ /lam mngon du gyur ba ni lam bsgom pa'o/ /mi rtag pa la sogs par mthong bas sdug bsngal gyi bden pa yongs su shes so/ /ji ste mthong ba'i mngon par rtogs pa la bya na ni mi rigs pas bsam par bya ste/ 'di ltar bcom ldan 'das kyis rnam par phye ba khyim bdag bden pa rnams ni rim gyis mngon par rtogs par 'gyur ro zhes gsungs te/ them skas kyi them pa'i dpe bstan pa'i phyir ro/ /mthong ba'i lam 'di ni kyi rtog pa dang/ yang dag pa'i rtsol ba dang/ yang dag dang/ las kyi mdza' dang/ 'tsho ba ni lte ba lta bu ste/ tshul khrims kyi yan lag yin pa'i phyir ro/ /ting nge 'dzin ni mu khyud lta bu'o/ /yang dag pa'i lta ba dang/ yang dag pa'i rtog pa dang/ yang dag pa'i rtsol ba dang/ yang dag pa'i dran pa ni rtsibs lta bu'o/ /ci'i phyir 'khor lo rin po che 'di'i chos mthun zhe na/ dper na da ni yul gzhan 'dor zhing gzhan gnon to/ /de bzhin du 'di yang bar chad med pa'i lam gzhan 'dor zhing rnam par grol ba'i lam mngon sum du byed pas gnon to/ /bdon pa la dmigs pa gzhan 'dor zhing gnon pa'i phyir ro ? ma rgyal ba las rgyal bar byed cing rgyal ba las gnas pa'i phyir 'khor lo rin po che dang 'dra'o/ /dper na de ni grong dang grong rdal ma rgyal ba las rgyal bar byed cing rgyal

  746. 373b

    bral? gnas so/ /de bzhin du 'di yang 'jig tshogs la lta ba la sogs ba nyon mongs pa dag las ma rgyal ba las ni bar chad med pa'i lam gyis rgyal bar byed de/ de'i rnyed pa rgyun 'chad pa'i phyir ro/ /rgyal ba la ni gnas te/ rnam par grol ba'i lam nyon mongs pa dang bral ba'i rnyed pa dang lhan cig skyes pa'i phyir ro/ /'phar ba dang 'bab pa'i phyir yang yin de dper na 'khor lo rin po che kha cig tu na 'phar kha cig tu ni 'bab po/ de bzhin du 'di yang rnam par grol ba'i lam gyi 'og tu bar chad med pa'i lam mngon sum du gyur pa dang/ bar chad med pa'i lam gyi 'og tu yang rnam par grol ba'i lam mngon sum du 'gyur ba'i phyir ro/ /ci rigs su sbyar gyi go rim bzhin du ma yin te/ rnam par grol ba'i lam mngon sum du 'gyur bas 'phar ba'o/ /bar chad med pa'i lam mngon sum du 'gyur bas 'bab pa'o/ /yang na 'dod pa la sogs par bden pa la dmigs pa'i phyir ro/ /de 'di ltar rjes su rtogs pa'i bzod pa dag shes pa rnams kyis ni 'phar ba ste/ gzugs dang gzugs med pa'i khams la dmigs pa'i phyir ro/ /de'i 'og tu chos shes pa'i bzod pa dang shes pa rnams kyis ni 'bab pa ste/ 'dod pa'i khams la dmigs pa'i phyir ro/ /mthong ba'i lam 'di la yid 'byung ba yid la byed pa dang/ shes rab kyi shas che ba dang ldan pa'i phyir rdo gshag pa'i tshul gyis nyon mongs pa spang ngo/ /rab tu byed pa 'dir ni nye bar mtshon pa'i phyir gcig gis rims bzhin du bstan te/ dper na gzugs can dag dang nga/ /rgyal mtshan can dag dong ngo zhes bya ba lta bu'o/ /de ltar rgyun tu zhugs pa'i 'bras bu thob na bsgom pas spang bar bya ba bcu ste/ gzhung las bshad pa bzhin no/ /de la 'dod pa na spyod pa'i nyon mongs pa 'dod chags dang khong khro ba dang/ nga rgyal dang ma rig pa bzhi 'dam du spags pa'i tshul du bsdus nas chung du'i chung du la sogs pa'i bye brag gis tha dad par 'gyur ro/ /de dag gi gnyen po ni shes

  747. 374a

    pa bzhi po sdug bsngal dang/ kun 'byung ba dang 'gog pa dang lam shes pa dang/ 'gog pa dang lam la chos shes pa dang/ kun rdzob shes pa gang yang rung bas nyon mongs pa spong ngo/ /gang gi spong ba de nyid bar chad med pa'i lam dang/ rnam par grol ba'i lam yin par khong du chud par bya'o/ /rnam pa gsum 'am bzhi spangs pa ni rigs nas rigs su skye ba ste/ che'i lhag ma gnyis sam gsum lus pa'i phyir ro/ /nyon mongs pa'i rnam pa drug pa spangs pa ni zhes bya ba ni 'bring po'i chung ngu'o zhes bya ba ni 'jig rten 'dir lan cig phyir 'ong ba'i phyir ro/ /nyon mongs pa rnam pa bdun nam bryad spangs pa na bar chad gcig pa'o/ /rnam pa dgu pa ste chung ngu'i chung spangs pa ni phyir mi 'ong ba ste/ yang 'jig rten 'dir mi 'ong bar de nyid du yongs su mya ngan las 'das pa'i phyir ro/ /de ltar sa dang sar bar chad med pa dang/ rnam par grol pa'i lam dgu rim gyis srid pa'i rtse mo'i sa'i bar gyi nyon mongs pa'i rnam pa la bar ched med pa'i lam dgu pa skyes par gyur pa de nyid rjo? rje lta bu zhes bya ste 'di ni nyon mongs pa thams cad kyi gnyen por gyur pa'i phyir rdo rje dang mtshungs shing 'dra'o/ /de la rnam par rtog pa mang ste/ de la sdug bsngal la rjes su rtogs pa'i shes pa'i rnam pa bzhi dang/ de bzhin du kun 'byung ba la rjes su rtogs pa'i rnam pa bzhi dang/ 'gog pa la rjes su rtogs pa'i shes pa'i rnam pa bsam gtan dang/ gzugs med pa dag nas bye brag gis sum cu rtsa gnyis dang/ 'gog pa dang lam la chos shes pa'i rnam pa brgyad dang/ lam la rjes su rtogs pa'i shes pa'i rnam pa bzhi po dag ni rdo rje lta bu lnga bcu rtsa gnyis yin no/ /gang dag sa'i bye brag gis la tha dad pa de dag gi ltar nas bdun

  748. 374b

    gyi lam la nyi shu rtsa brgyad kyis lhag par bsnan na rdo rje lta bu'i ting nge 'dzin brgyad cur 'gyur ro/ /de dag thams cad 'dir rig par bya ste/ 'phags pa'i lam chung ngu'i chung dus nyon mongs pa'i rnam pa chen po'i chen po sprod ngo/ /de la rdo rje lta bu'o ting 'dzin ni 'phags pa'i lam de ni che ba'i phyir srid pa'i rtse mo'i nyon mongs pa chung du'i chung du'i gnyen po ste/ de spangs na dgra bcom par 'gyur ro/ /'dod chags dang bcas pa thams cad kyis mchad par 'os pa'i phyir 'ongs pa'o/ /yang na dgra zhes bya ba ni 'dod chags la sogs pa'i nyon mongs pa dag ste/ da dag 'dis bcom pa'i phyir dgra bcom pa zhes bya'o /'bras bu bzhi ba rnams zhes bya ba la ci phyir 'bras bu bzhi pa dge sbyong gi 'bras bu 'gyur/ /'di lta ste dge sbyong zhes bya ba ni 'phags pa'i lam yan lag brgyad pa bar chad med pa'i lam gyis bsdus pa'o/ /de'i 'bras bu dag ni dge sbyong gi 'bras bu dag ste/ de dag ni brgyad cu rtsa dgu'o/ /de lta yin du zin kyang rnam par bzhir bzhag ste/ zhugs pa'i lam bar ba dang/ 'bras bu'i lam thob pa dang/ nyon mongs pa spangs zin pa rnams kyis bral ba'i thob pa ro gcig tu yang thob pa dang/ chos shes pa bzhi dang rjes su rtogs pa'i shes pa bzhi ste/ shes pa brgyad thob pa dang/ mi rtag pa la sogs pa rnam pa bcu drug yang bsgom pa la la ni mngon du byed la/ kha cig ni 'thob pa yod pas rnam pa 'dis na rnam pa bzhir rnam par bzhir rnam par bzhag /'bras bu de dag gi lam la gnas pa rnams zhes bya ba de la mthong ba'i lam la gnas pa nyon mongs pa ma bcom pa ni rgyun tu zhugs pa'i 'bras bu mngon sum du bya ba'i phyir zhugs pa'o/ /bsgom pa'i las la bsgom pas spang bar bya ba 'dod pa na spyod pa dag las rnam pa lnga'i bar dag spangs pa ni lan cig phyir 'ong ba'i 'bras bu

  749. 375a

    mngon sum du bya ba'i phyir zhugs pa'o/ /rnam pa bdun nam brgyad spangs pa ni phyir mi 'ong pa'i 'bras bu mngon sum du bya ba'i phyir zhugs pa'o/ /bsam gtan dang po nas bzung ste/ /rdo rje lta bu'i ting nge 'dzin gyi bar dag ni dag bcom pa mngon du bya ba'i phyir zhugs pa'o/ /de ltar de dag ni 'phags pa'i gang zag brgyad yin te/ bzhi ni zhugs pa'o/ /bzhi ni 'bras bu la gnas pa'o/ /rigs kyi rig bye brag gis drug tu 'gyur te/ dbang po rtul po dang rnon po'i rigs can gyi so so'i skye ba gang yin pa de gnyis mthong ba'i lam la sems kyi skad cig bco lnga rnams la tha dad pas rjes su 'brang ba can ni de dad pas rjes su 'brang ba'i dang tshul can yin pa'i phyir ro/ /yang na rjes su 'brang ba'i ni rjes su 'brang ba ste/ dad pas rjes su 'brang ba ni rjes su 'gro ba'o/ /de de la yod pas dad pas rjes su 'brang ba can no/ /gzhan gyi man ngag gis bden pa rnams kyi rjes su 'brang ba'i phyir ro/ /chos kyi rjes su 'dra dang can ni de chos kyi rjes su 'brang ba'i phyir chos kyi rjes su 'brang ba can te/ rang gi rkyen gyi stobs kyis chos rnams la rnam par 'byed pa'i phyir ro/ /de nyid bsgom pa'i lam la ni gzhung las 'byung ba bzhin te/ mthong bas spang bar bya ba'i nyon mongs pa spong ba ni dad pas smos pa'o/ /nyon mongs pa spong bar shes rab kyis mos pa ni lta bas thob pa'o/ /de la bsgom pa'i lam gyis bsdus pa'i gang zag de dag ni phal che ste rgyun tu zhugs pa la sogs pa'o/ /'dod chags dang ma bral ba ni lnga'o/ /'dod chags bral ba ni dgu ste/ skye nas yongs su mya ngan las 'da' ba rnam pa gsum la nyon mongs pa chung zhing lam che ba la la ni skyes ma thag tu yongs su mya ngan las 'da' ba dang/ mngon par 'du byed pa dang bcas

  750. 375b

    pas yongs su mya ngan las 'da' ba ni rab tu sgrims te/ nyon mongs pa rnams spong ngo/ /mngon par 'du byed pa med par yongs su mya ngan las 'da' ba ni gang sgrim mi dgos par nyon mongs pa spong ngo/ /g.yen du 'pho ba ni 'phar ba dang/ phyed du 'phar ba dang thams cad dang bral ba'o/ /de la 'phar ba ni gang bsam gtan gsum las yongs su nyams nas bsam gtan dang por skyes pa las sngon goms pa'i dbang gis bsam gtan rnams 'dran par byed te 'og min du skye'o// phyed du 'phar ba ni gang gnas gtsang ma rnams su skyes nad gnas gzhan bar du bor te 'og min du skye ba'o/ /thams cad dang bral ba ni rnam pa gnyis te/ srid pa'i rtse mor 'gro ba dang/ 'og min du 'gro ba'o/ /de la lag mthong la sbyong pa ni 'og min du song nas yongs su mya ngan las 'da' o/ /zhi gnas la spyod pa ni srid pa'i rtse mor song nas yongs su mya ngan las 'da' o/ /bar mdor yongs su mya ngan las 'da' ba ni la la ni 'grub pa dang/ mngon par 'grub pa dang/ skye ba'i yul thob pa na ste/ mdo las me stag la sogs pa dpe gsum brjod pa bzhin no/ /gzugs med pa rnams su bar ma dor yongs su mya ngan las 'da' ba ma gtogs par gang zag bdun du 'gyur ro/ /mi slob pa'i lam la thad pa shes pa nas skad cig tha ma mya ngan las 'da' ba' i bar du ste/ dbang po rtul po ni dus kyis rnam par grol ba ste/ yul dang dus dang rkyen la bltos nas gang dgra bcom pa nyid du 'gyur ba'o/ /de las bzlog pa ni dus dang mi sbyor bar rnam par grol ba'o/ /de nyid rnam pa drug tu 'gyur te/ yongs su nyams pa'i chos can dang/ 'chi bar sems pa'i chos can dang/ rjes su bsrung ba'i chos can dang/ gnas pa la mi g.yo ba dang/ rab tu rtogs

  751. 376a

    par byed pa'i skal pa can dang/ mi g.yo ba'i chos can mo/ /de la yongs su nyams pa'i chos can ni/ gus par byid pa dang rtag tu mi ldan pa dang/ dbang po rtul po'o/ /'chi bar sems pa'i chos can gus par byed pa dang mi ldan pa'o/ /rjes su bsrung ba'i chos can ni rtag tu byed pa dang mi ldan pa'o/ /bzhi pa ni gnyis dang ldan la dbang po rtul ba'o/ /rtag par byed pa'i skal pa can ni dbang po rnol gnyis ka dang bral ba'o/ /mi g.yo ba'i chos can ni thams cad dang ldan pa'o/ /de la gang zag lnga'i sems rnam par grol ba ni dus dang sbyor ba dang 'dod pa'o/ /drug pa'i sems rnam par grol ba ni mi g.yo ba'o/ /de la phra rgyas brgyad cu rtsa brgyad spangs na rgyun tu zhugs pa'o/ /de dag las rnam pa drug pa spangs pa ni lan cig phyir 'ong ba'o/ /dam pa ma yin pa'i cha dang mthun pa'i kun tu sbyor ba lnga spangs pa ni phyir mi 'ong ba'o/ /dam pa ma yin pa'i cha dang mthun pa'i kun tu sbyor ba gang zhe na/ 'dod pa la 'dun pa dang/ gnod sems dang/ 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom mo/ /gal te rim gyis ltar na sngar gsum spangs la phyis ni kun tu sbyor ba gnyis so/ /ji ste 'dod chags dang bral la sngar mthong ba'i lam du zhugs na ni/ sngar kun tu sbyor ba gnyis spangs te/ phyis gsum mo/ /de la kun tu sbyor ba gnyis ni lcags sgrogs lta bu ste phyir 'ong ba'i phyir ro/ /dam pa zhes bya ba ni che go/ /dam ba ma yin pa ni dam pa ma yin pa ste ngan pa'o/ /de gang zhe na 'dod pa'i khams so/ /de nyid cha ste khams gsum du bgrangs nas che'i sgrar bstan te/ de dang mthun pa ni dam pa ma yin pa'i cha dang mthun pa'o/ /de'i dam pa ma

  752. 376b

    yin pa ji lta bu zhe na/ mdo sde tshad mar yod pa'i phyir te/ sems pa ngan pa la rnam par shes pa gnas pa ste/ 'di ltar 'dod pa'i srid pa la'o zhe'o/ /ci'i phyir gcig tu bgrang zhe na/ spong pa'i grangs kyi phyir te/ khams gsum gyi nyon mongs pa spangs na dgra bcom pa nyid du 'gyur ba bzhin no/ /mtshungs par ldan pa'i 'du byed kyi phung po bshad zin to/ /gal te phra rgyas brgyad cu rtsa brgyad spangs pa rgyan tu zhugs pa yin na bcom ldan 'das kyis kun tu sbyor ba gsum spangs par bstan pa de ji lta bu zhe na/ 'di la nyes pa med de/ 'di sgo gcig dang/ sgo gnyis dang/ sgo bzhi ba'i nyon mongs pa zhes bya ba bstan te/ nye bar mtshan pa'i phyir ro/ / yang na rtsa ba'i phyir te/ 'jig tshogs la lta ba'i rgyu las byung ba ni mthar 'dzin par lta ba'o/ /tshul khrims dang brtul zhugs mchog tu 'dzin pa'i rgyu las byung ba ni lta ba mchog tu 'dzin pa'o/ /the tshom gyi rgyu las byung ba ni log par lta ba'o/ /yang na de dag nyid thar pa la rab tu bar chad byed pa ste/ bcom ldan 'das kyis kyang de la 'jig tshogs la lta bas ni 'gro mi 'dod par 'gyur te/ bdag bar chad kyis 'jigs pa'i phyir ro/ /tshul khrims dang brtul zhugs mchog tu 'dzin pa ni grangs can la sogs pa'i lam mthong ba'i phyir te/ de dag par 'gyur du re bas lam nor bar 'gyur ro/ /the som gyis ni yid gnyis za bar 'gyur ro/ /dper na mi zhig lam du zhugs te 'gro ba la bar chad gsum yod de/ le lo dang nor pa dang yid gnyis za ba'o/ /de bzhin du 'dir yang rig par bya'o zhes gsungs so/ /gong ma'i cha dang mthun pa lnga gang yin pa de dag ni phyir mi 'ong ba'i rgyun la yod de/ gzugs kyi 'dod chags dang/

  753. 377a

    gzugs med pa'i 'dod chags dang/ rgod pa dang nga rgyal dang/ ma rig pa'o/ /mi ldan pa rnams kyis skabs su bab go?/ /de dag kyang 'thob pa la sogs pa ste/ bstan bcos las 'byung ba rnams so// chos 'di dang ldan pa nyid do zhes bya ba 'di dag ni de dag kyang yin la chos kyang yin pas ? da'o/ /'di zhes bya ba thams cad kyi ming 'dis ni de'i yongs su grub pa nyid dang/ byed pa'i rgyu nyid du ston to/ /gang la zhe na/ de nges par bsnyang ba la'o/ /rnyed par nges ba ni nges bar rnyed ba ste/ 'dis rnyed par 'gyur bas bsnyed pa ste/ rnyed ba gang yin pa de ni 'thob pa yod pa'i phyir te 'byung ste de ni 'grel ba las ston to/ /'di na ni zhes bya ba ni 'khor ba na'o/ /gdon mi za zhes bya ba'i sgra ni gsum las 'khrul pa med pa ste/ 'di ltar gdon mi za ba zhes bya ba'i sgra ni gor ma chag ces bya bar snyegs so/ /gsum po dag gang la gor ma chags par srid ce na/ sems can du bsgrang ba'i chos rnams la'o/ /so sor brtags pas 'gog pa dang/ so sor brtags pa ma yin pas 'gog ba yang sems can du bgrang ba nyid la de/ 'di ltar sems can rnams kyis nyon mongs pa spong ba ni so sor brtags pas 'gog pa'o/ /de ma thag pa'i rkyen med pa ni so sor brtags pas ma yin pas 'gog ba'o/ /des na rang gi rgyud dang 'brel ba rnams dang so sor brtag ba dang/ so sor brtags pa ma yin pas 'gog pa'i 'thob ba dang 'thob ba med pa'o/ /nam mkha' dang sems can du bgrang ba ma yin pa'i dngos po la ni gnyi ga med par dam bcas pa yin no/ /de la dge ba ni dad pa la sogs pa'o zhes bya ba la sogs pa skos pas ni brtson 'grus la sogs pa ston te/ /mi dge ba ni 'dod chags pa'o

  754. 377b

    zhes bya ba smos pas ni zhe sdang dang gti mug la sogs ston to/ /lung du ma bstan pa ni sbrul pa'i sems la sogs pa'o zhes bya ba la sogs pas ni rnam par smin pa las byung ba la sogs pa ston to/ /de rnams zhes bya ba'i sgra 'dis ni sngar bstan pa dang sbyar ro/ /gang dag la zhes bya ba 'di ni gang zag rnams dang sbyar te dge ba smos bas zag pa rnams las 'phangs pa'i phyir ro/ /de dag ni gang zag rnams so/ /chos 'di dang ldan pa ni dad pa la sogs pa'i yon tan dang ldan pa zhes bya ba'i tha tshig go/ de dag gi dngos po ni chos nyid dang ldan pa nyid do/ /chos 'di dang ldan pa'i nges par brnyed pa'i rgyu'i chos gang yin pa de ni 'thob pa ste/ rnyed pa dang ldan zhes kyang bya'o zhes bya ba de la skad cig dang po la ni thob ba dang 'thob ba dang rnyed ba'o/ /skad cig gnyis la sogs pa'i rjes su 'brang ba ni ldan pa dang rnyed pa'o/ /de bas na bye brag tu smra ba las kyang ldan pa gang yin pa de thob pa yang yin pa de thob ba 'di yon/ /thob pa nyid yin la ldan pa ma yin pa yang yod de thog ma'i thob byed do zhes bshad do/ /de med du zin na zhes bya ba la/ de zhes bya ba'i sgra ni thob pa dang sbyar ro/ /thob pa med ma 'di ltar sa bon med par 'gyur ro/ /'dod chags la sogs pas kun nas dkris te 'dug ba'i 'phags pa rnams ni gang dag 'dod chags dang ma bral ba'i 'phags pa'i gang zag rnams so/ /kun nas dkris te 'dug pa ni 'dod chags la sogs pa mngon du gyur pa'o/ /zag pa med pa'i sems med pas zhes bya ba ni nyon mongs pa mngon du gyur na zag pa med pa'i sems mngon du 'gyur ba med de/ phan tshun 'gal ba'i phyir ro/ /dge slong dag sems can rnams kyi sems kyi rgyud ni re 'byung ngo zhes gsungs pa'i phyir ro/ /'phags pa nyid pa yin par 'gyur re zhes bya ba ni reng pa'o/ /byis ba

  755. 378a

    zhes bya ba la/ byis pa rnams ni so so'i skye'o rnams te/ dge ba'i sems dang/ lung du ma bstan pa'i sems dang ldan pa de dag la 'dod chags la sogs pa mngon du 'gyur ba med pa dang/ de'i rjes su 'brel ba'i ngo bo yang khas mi len pa'i phyir 'phags pa nyid du thal bar 'gyur ro/ /'dran ni zhes bya ba ni mtshungs pa ste/ 'dra ba smos pa ni 'phags pa dang so so'i skye bo dang sbyar ro/ /so so'i skye bo rnams la ni mya ngan las 'das pa'i thob pa med do// nyon mongs pa ma spangs pa'i phyir 'phags pa rnams la med de/ khyod kyis khas blangs pa'i ro/ /de la ni 'dir 'gyur te/ nyon mongs spangs dang ma spangs pa'i khyad par gyis dar 'gyur ro zhe na/ nyon mongs pa spangs pa dang ma spangS pa de'i mngon brtags su gyur pa'i chos gzhan dgos so/ /sa bon ni sngar bkag pa'i phyir ro/ /ma 'dres pa zhes bya ba ni thar pa'o/ /thar par 'gyur ro zhes bya ba ni de dag kyang grol bar 'gyur ro/ /rigs pas 'thob pa bstan nas da ni lung gzhan gyis ston te/ chos kyi rjes kyang zhes bya ba ni thams cad la mnga' brnyes pa'i phyir bcom ldan 'das ni chos ki rje'o/ /mi slob pa'i chos bcu po 'di dag ces bya ba la mi slob pa'i chos bcu po gang zhe na/ mi slob pa'i yang dag pa'i lta ba dang/ yang dag pa'i rtog pa dang/ yang dag pa'i ngag dang/ yang dag pa'i las kyi mdza' de la zhe sdang dang gti mug las byung ba'i dag dang/ las kyi mdza' spangs pa ni yang dag pa'i dag dang/ las kyi mdza' i sgrar bstan to/ /chags pa las byung ba rnam pa bdun spangs pa ni yang dag pa'i 'tsho? ba'i sgrar bstan to/ /ci'i phyir de lta na/ chags pa'i chos spyad bar dka' ba'i phyir ro/ /rtag tu sna tshogs ldan gyi/ khyim pas lta ba spyad par dka' / /gzhan la rab laS

  756. 378b

    'tsho ba yi/ /dge slong gis ni 'tsho sbyad dka' zhes tshigs su bcad pa las 'byung ba'i phyir ro/ /yang dag pa'i rtsol ba dang yang dag pa'i dran pa dang/ yang dag pa'i ting nge 'dzin dang/ yang dag pa'i rnam par grol ba la rnam par grol ba ni rnam pa gnyis te/ 'dus byas dang/ 'dus ma byas so/ /'du byas ni mos pa'i rang bzhin no/ /'dus ma byas ni mya ngan las 'das pa'o/ /'dir ni 'dus byas yan lag nyid du bstan to/ /slob pa la rnam par grol ba yod du zin kyang de ni ngo bo nyid kyis rnam par grol ba yin gyi/ rgyud rnam par grol ba ni ma yin te/ rgyud ni bsgom pas spang bar bya ba'i nyon mongs pa bcings pa'i phyir ro/ /mi slob pa ni ngo bo nyid dang rgyud rnam par grol ba'i phyir yan lag nyid du bstan to/ /yang dag pa'i shes pa ni zad pa shes pa dang mi skye ba shes pa'o/ /de gnyis kyi mtshan nyid ni bshad zin to/ /rnyed pa dang 'thob pa dang ldan pa zhes bya ba'i sgra de dag gis brjod do zhes bye brag tu smra ba rnams so/ /yan lag lnga spangs pa'o zhes bya ba ni dam pa ma yin pa'i cha dang mthun pa'i kun tu sbyor ba rnams te/ 'dod pa'i khams kyi 'dod chags dang bral ba'i phyir ro/ /gong ma'i cha dang mthun pa'i kun tu sbyor ba lnga ni khams gong ma'i 'dod chags dang bral ba'i phyir ro/ /yan lag drug dang ldan te mngon par shes pa drug go zhes rgya cher bshad do/ /yang gang zag 'di ni chos dge ba rnams dang mi dge ba rnams dang yang ldan no zhes kyang gsungs te zhes bya ba ni thob pa nyid do/ /sems can gyi sems kyi rgyun la dge ba'i thob pa bsags pa dpag tu med pa dag gzigs nas zhes bya ba la/ dpag tu med pa ji lta bu zhe na/ skad cig gcig la thob pa dang/ chos dang thob pa'i thob pa'o/ /de la thob pa skyes nas chos dang thob pa'i thob pa dang ldan pa yin

  757. 379a

    no/ /thob pa'i thob pa skyes nas thob pa nyid dang ldan pa yin no/ /skad cig gnyis pa la ni thob pa gsum dang rjes su thob pa gsum mo/ /de bzhin du skad cig phyi ma phyi ma la rnam par 'phel bas rdzas tha dang mdza' yas pa dang skye'o/ /de yang rnam pa gnyis zhes bya ba ni rnam pa gnyis so/ /thob pa med pa ni ma rnyed pa ste/ dper na thob pa las byung ba la sogs pa'i yon tan lta bu'o/ /rnam par nyams pa ni sngon btang ba ste/ dper na 'dod pa'i 'dod chags dang bral ba las yongs su nyams nas yang 'dod pa na spyod pa'i nyon mongs pa rnams kyi thob pa dag skye ba lta bu'o/ /de nyid rnyed nas skad cig gnyis pa la sogs pa'i rjes su 'brang ba ni ldan pa zhes bya'o/ /de las bzlog ba ni thob pa med pa ste snga nas med pa'i rnyed pa med cing nyams pa'i rnyed pa yang med par khong du chud par bya'o/ /thob pa dang thob pa med pa de gnyis kyang rang gi rgyud la gnas pa'i chos rnams nyid kyi'o zhes bya ba ni gzhan gyi rgyud la gnas pa ma yin pa dang/ sems can du bgrang ba ma yin pa rnams kyi yang ma yin pa'o/ /ci thams cad kyi nges pa 'di yin nam/ de'i phyir sbyir btang ba byas nas dmigs rtsom ste/ so sor dngos sor brtags pa ma yin bas 'gog pa zhes bya ba la brtags pa dang 'gog pa zhes bya ba'i sgra ni re re dang sbyar te/ so sor brtags pas 'gog pa dang/ so sor brtags pa ma yin pas 'gog par shes bar bya'o/ /de gnyis kyang rgyu la mi gnas pa'i phyir logs shig tu smos so/ /sems can du bgrang ba ma yin ba ni sa la sogs pa ste/ de dang ldan pa zhes bya ba'i chos de dag dang ldan pa su yang med do/ /nam mkha' dang yang ma yin no zhes bya ba ni ldan pa'o/ /gang gi phyir de

  758. 379b

    dag dang mi ldan pa de'i phyir de rnams kyi thob pa dang thob pa med pa med do/ /de'i phyir chos mngon pa las zag pa med pa'i chos rnams dang ldan pa su zhe na/ sems can thams cad do/ /gang dang zhen ba so sor brtags pa ma yin pas dgong pa dang ngo/ /so sor brtags pas 'gog pa dang ldan su zhe na/ 'phags pa thams cad dang/ so so'i skye bo kha cig go zhes 'byung ngo/ /gang yang glang po che dang rta la sogs pa dang ldan par tha snyad btags pa de dang der ldan pa'i sgra ni dbang la bya'o/ /de la thob pa ni rnam pa gsum ste zhes bya ba ni rnam pa gsum mo/ /grib ma rjes su 'brang ba lta bu dang/ khyu mchog gi rjes su 'brang ba lta bu dang/ be'u rjes su 'brang ba lta bu'o/ /de ni grib ma lta bur rjes su 'brang ba'i ngang tshul can no// gzhan yang de bzhin du brjod par bya'o/ /dang po grib ma rjes su 'brang ba lta bu ni 'di lta ste lung du ma bstan pa'i chos rnams kyi nyid de de dag dang lhan cig 'byung pa'i phyir ro/ /lung du ma bstan pa'i chos rnams ni nyams chung ba'i phyir sngar dang phyis skye ba med do/ /gnyis pa ni 'di lta ste gong nas zhes bya ba la gong ma'i sgra ni gzugs kyi khams dang sbyar ro// ci'i phyir de ltar zhe na/ gang nas shi 'phogs pa de nyid du bar na/ de'i phyir pa mngon par 'grub ste/ phyi rol gyi sa bon dang chos mthun pa'i phyir ro/ /gang? du sa bon ? pa de nyid du myu gu skye'o/ /mtshams sbyor ba'i dus na 'dod par gtogs pa'i dge ba la sogs pa dad pa la sogs pa dang/ mi dge ba la sogs pa 'dod chags la sogs pa skyes nas thob pa rnam kyi'o/ /dper na khyu mchog ni ba'i tshogs kyi mdun du 'gro'o/ /de bzhin du thob pa rnams sngar skye'o/ /gsum pa ni 'di lta ste thos pa dang bsams pa las byung ba la tshogs pa rnams kyi ste zhes bya ba la sogS pa smos pa na bsgoms pa las

  759. 380a

    byung ba rnams dang sbyar ro/ /de la skyes nas thob pa'i shes rab la brten nas thos pa las byung ba skye'o/ /thos pa las byung ba la brten nas bsams pa las byung ba skye'o/ /bsams pa las byung ba las brten nas bsgoms pa las byung ba skye'o/ /ming la brten nas don go ba na thos pa las byung ba'o/ /ming dang don la dmigs pa ni bsams pa las byung ba ste/ ched 'ga' ni yi ges don 'bran gtogs so zhes bya ba ni thos pa las byung ba la sogs pa'i chos to/ /don la dmigs pa kho na ni bsgoms pa las byung ba ste/ de ni yi ge la ni bltos par don la 'jug go/ lhan cig skyes pa ma gtogs so zhes bya ba ni thos pa las byung ba la sogs pa'i chos rnams dang lhan cig skyes pa gang yin pa dang/ da ltar byung ba gang yin pa de bkol te/ de ma yin pa gzhan ni ma 'ongs pa ste/ dper na be'u ma'i phyi bzhin 'brang ba bzhin du shes par bya'o/ /de la zhes bya ba ni thob pa rnams la'o/ /mdor bstan na zhes bya ba ni mdor bshad pa'o/ /'dod pa smos pas ni gzugs na spyod pa bsal bar 'gyur ro/ /dge ba dang mi dge ba smos pas ni 'byung ba chen po'i gzugs bsal bar 'gyur ro/ /sdom pa dang sdom pa ma yin pa dang gnyi ga las bzlog pa'i rnam par rig byed kyi ni lhan cig skyes pa ste de ltar byung ba'o/ /phyi nas skyes pa ni 'das pa'i ste/ ma 'ongs pa ni ma yin no/ /cho phyi mas yang tshe phyi ma pa ma yin par 'gyur la/ tshe phyi ma pa ma yin pa yang tshe phyi ma par 'gyur ro/ /de ltar bye brag tu byas na rnam par smin pa las byung ba la sogs pa'i gzugs gzhan gyi lhan cig skyes pa'i thob par 'grub par 'gyur ro/ /ci lung du ma bstan pa'i chos thams cad kyi nges pa 'di yin nam/ smras pa ma yin te/ mngon

  760. 380b

    par shes pa'i sems dang sprul pa'i sems ma gtogs so/ /de la mngon par shes pa gnyis ni lung du ma bstan pa ste/ lha'i mig dang lha'i rna ba'o/ /sprul pa'i sems kyang yin no/ /sprul pa'i sems de dag kyang bcu bzhi ste/ bsam gtan dang po'i sa pa la sprul pa'i sems gnyis te/ bsam gtan dang po'sa pa dang/ 'dod pa na spyod pa'o/ /bsam gtan gnyis pa'i sa pa la gsum mo/ /bsam gtan gsum po'i? sa pa la bzhi'o/ /bsam gtan bzhi pa'i sa pa la lnga'o/ /ci'i phyir de dag gi thob pa 'ongs pa dang ma 'ongs pa yin zhe na/ stobs dang ldan pa'i sbyor ba'i khyad par las grub pa'i phyir ro/ /bzo'i gnas las kyang cung zad yin te shin tu goms pa'o/ /'di lta ste/ lha'i bu las sna tshogs pa dang/ lha ma yin zhes ldan no/ /spyod lam pa yang yin te/ sangs rgyas bcom ldan 'das rnams dang/ 'di lta ste tshe dang ldan pa rta thul lo/ /de'i thob pa ni 'das pa dang da ltar byung ba dang ma 'ongs pa'o/ /sangs rgyas bcom ldan 'das rnams kyi thob pa ni dus gsum ste/ dbang po rno ba'i phyir ro/ /rnam par smin pa las byung ba dang/ sbyor lam dang/ bzo'i gnas gzhan thams cad kyi ni lhan cig skyes pa'o/ /bsgribs pa'i rnam par rig byed kyi gzugs kyi ni bsgrib ba'i rnam par rig byed kyi gzugs te/ tshangs pa'i 'jig rten na'o/ /tshe dang ldan pa rta thul gyis dris na ma shes la/ de 'khor rang 'brel pa'i phyir g.yo byas te lag pa gnyis nas gzung nas byung bar gyur te/ de'i g.yo las byung ba'i rnam par rig byong gyi gzugs so/ /ci'i phyir de lhan cig skyes ba yin zhe na/ mthu chung ba'i phyir ro/ /ci'i phyir mthu chung ba nyid yin zhe na sbyor pa chung ba'i phyir ro/ /ci'i phyir 'dod pa'i khams na bsgribs pa'i rnam par rig byed

  761. 381a

    kyi gzugs med ce na/ kun nas slong ba po med pa'i phyir ro/ /'di na 'jig tshogs dang 'dzin par lta ba ni bsgribs pa yin no/ /de gnyis ni rnam par rig byed kun nas slong ba por mi 'gyur te/ de gnyis nang du ltas te 'jug pa'i phyir ro/ /phyi rol tu bltas pa'i sems kyis ni rnam par rig byed skyed do/ /gal te da lta na log pang? lta ba las log bar rtog pa 'byung ngo/ /log bar rtogs pas log pa'i tshig smra'o/ /log ba'i tshig las log pa'i las kyi mdza' o/ /log pa'i las kyi mdza' las log ba'i 'tsho ba 'byung ngo zhes bya ba mdo'i tshig 'di ji ltar sbyar/ 'di la nyes pa med de rgyu 'byung ba ni rnam pa gnyis te/ rgyu 'byung ba dang de'i skad cig la 'byung ba'o/ /de la mthong bas spang bar bya ba'i sems ni rgyu kun nas slong ba ste/ bsgom pas spang bar bya ba slong ba'i phyir ro/ /bsgom pas spang bar bya ba ni rgyu kun nas slong ba dang/ de'i skad cig la kun nas slong ba'o/ de ltar gcig nas gcig tu rgyud de brjod pa'i phyir de la nyes pa med do/ /lhag ma gang zhe na/ sems las byung ba dge ba dang mi dge ba ste/ 'das pa dang ma 'ongs pa dang da ltar byung ba rnams kyi ni so sor dus gsum pa'o// dge ba dang mi dge ba dang lung du ma bstan pa rnams kyi yang go rims bzhin no zhes bya ba ni ji ltar mthun mthun du'o/ /de la dge ba rnams kyi rnyed pa ni dge ba'o/ /mi dge ba rnams kyi ni mi dge ba'o/ /lung du ma bstan pa rnams kyi ni lung du ma bstan pa'o/ /'dod pa na spyod pa'i chos rnams kyi thob pa ni 'dod pa na spyod pa'o/ /gzugs na spyod pa rnams kyi ni gzugs na spyod pa'o/ /gzugs med pa na spyod pa rnams kyi ni gzugs med

  762. 381b

    pa na spyod pa'o/ /dri ma med pa ni khams gsum pa dang zag pa med pa ste lam gyi bden pa dang/ 'dus ma byas ni dri ma med pa'i chos rnams so/ /de la so sor brtags pa ma yin pas 'gog pa'i thob pa ni khams gsum pa'o/ /'di'i ni 'di ltar rkyen med pa'i phyir thob bo/ /rkyen med pas de yang khams gsum char na srid do/ /so sor brtags pas 'gog pa gzugs dang gzugs med pa'i lam gyis thob pa'i ni der gtogs pa nyid do zhes bya ba ni gzugs dang gtsugs? med par gtogs pa nyid do/ /zag pa med pa'i lam gyi thob pa dang lam gyi bden pa'i zag pa med pa'o/ /gong ma rnam pa lnga ni mdor bsdu na khams gsum pa'o/ /rnam pa 'di gnyis mdor bsdu? na zag pa med pa'o/ /de yang zhes bya pa ni thob pa'o/ /bsdu na zhes bya ba ni mdor bsdu pa'o/ /rnam pa bzhi zhes bya ba ni rnam pa bzhi ste/ khams gsum pa dang zag pa med pa'o/ /slob pa dang mi slob pa rnams kyi ni zhes bya ba de la slob pa rnams kyi ni slob pa'o/ /mi slob pa rnams kyi ni ma slob pa'o/ /slob pa yang ma yin mi slob pa yang ma yin pa rnams kyi ni rnam pa gsum ste/ slob pa yang ma yin mi slob pa yang ma yin pa'i chos de dag gang zhe na/ zag pa dang bcas pa rnams te bslab ba gsum la mi slob pa'i phyir ro/ /mya ngan las 'das pa slob pa zhes bya 'am/ mi slob pa zhes bya 'am/ slob pa yang ma yin mi slob pa yang ma yin zhes bya ba smras pa/ slob pa yang ma yin mi slob pa yang ma yin pa'o zhes bstan bcos las 'byung ngo/ /ci'i phyir de lta zhe na/ bral ba'i 'bras bu yin pa'i phyir ro/ /de la zag pa dang bcas pa rnams ngar/ so sor brtags pa ma yin pas 'gog pa rnams dang/ so sor brtags pas

  763. 382a

    'gog pa dang/ 'jig rten pa'i lam gyis thob pa de thams cad ni slob pa yang ma yin mi slob pa yang ma yin pa'i slob pa'o/ /slob pa dang mi slob pa'i lam gyis thob pa'i ni slob pa dang mi slob pa dang mi slob pa'o/ /slob pa'i lam gyis so sor bar brtags pas 'gog pa 'thob pa ni rigs na/ mi slob pas go so sor brtags pas 'gog pa ji ltar 'thob/ /des kyang so sor brtags pas 'thob ste/ dus bzhi po dag na bral ba'i thob pa'i rnyed pa thob ba rnyed do/ /de la mthong bas spang bye ba rnams kyi bral ba'i thob pa'i rnyed pa ni dus bzhi po dag na'o/ /'dod pa na spyod pa bsgom pas spang bar bya ba rnams kyi ni dus gsum po dag na'o/ /gzugs na spyod pa dang gzugs med pa na spyod pa bsgom pas spang bar bya ba rnams kyi dgra bcom pa'i dus na'o/ /gang bar mdo'i spong bde ni 'bras bu'i lam gyis bsdus par rig par bya'o// mthong bas spang bar bya ba'i phra rgyas brgyad cu rtsa brgyad dang de/ dang ldan pa la sogs pa ni mthong bas spang bar bya ba'i thob pa'o/ /bsgom pas spang bar bya ba nyon mongs pa bcu po ngag dang de dag dang ldan pa'i tshor ba la sogs pa dang/ rnam par smin pa las byung ba dang/ spyod lam pa dang/ bzo'i gnas dang/ sprul pa'i sems dang/ gang dge ba zag pa dang bcas pa de dag thams cad kyi ni bsgom pas spang bar bya ba'i thob pa'o/ /spang bar bya ba ma yin pa yang rnam pa gnyis te/ de la so sor brtags pa ma yin pas 'gog pa dang 'jig rten pa'i lam gyis thob pa so sor brtags pas 'gog pa'i ni bsdus te bsgom pas spang bar bya ba'o/ /dri ma med pa'i lam gyis thob pa'i so sor brtags

  764. 382b

    pas 'gog pa'i ni spang bar bya ba ma yin pa kho na'o/ /de ni 'thob pa med pa brjod par bya ste/ de'i mtshan nyid bshad par bya'o/ /thob pa med pa ni thams cad kyang nyon mongs pa can ma yin la lung du ma bstan pa'o/ /dge ba ma yin te dge ba'i rtsa ba chad pa'i dge ba'i rtsa ba yang chad par mi 'gyur te/ dge ba'i thob pa med pa yod pa'i phyir ro/ /mi dge pa yang ma yin te/ 'dod pa'i 'dod chags dang bral ba la thob pa med pa'i phyir ro/ /mi dge ba'i chos dang ldan par 'gyur ro/ /de'i phyir thob pa med pa de ni thob pa bzhin du bye brag mang du med rnam pa'i khyad par du ma med do/ /'on kyang zhig pa zhes bya ba ni 'das pa'i chos rnams te/ da ltar gyi dus las rab tu zhig pa'i phyir ro/ /ma skyes pa zhes bya ba ni ma 'ongs pa rnams te/ da ltar gyi dus su ma phyin pa'i phyir ro/ /'di ltar tshogs na gnas skabs kyi 'bras bu 'byin gyi rdzas kyi 'bras bu ni ma yin no/ /de la 'das pa spangs pa rnams kyi thob pa med pa ni dus gsum pa'o/ /de bzhin du ma 'ongs pa ma phyin pa rnams kyi yong dus gsum pa'o/ /da ltar byung ba rnams kyi ni dus gnyis pa ste 'das pa dang ma 'ongs pa'o/ /de dang lung du ma bstan par shes par bya'o/ /'dod pa dang gzugs dang gzugs med par rtogs pa rnams kyi ni so sor khams gsum pa'o/ /'dod par gtogs pa rnams kyi khams gsum pa ni de la thos pa dang bsams pa las byung ba'i yon tan ma thob pa rnams kyis dang/ 'dod chags dang ma bral bas ma thob ba gzugs na/ spyod pa'i skye bas 'thob pa rnams kyi dang/ thos pa las byung ba rnams kyis dang/ bsgom pa las byung ba rnams kyi dang/ gzugs med pa na spyod pa'i skye bas 'thob pa rnams kyi dang/ bsgoms pa las byung ba rnams kyi'o/ /'dod

  765. 383a

    pa na spyod pa'i gang zag ni khams gsum pa'i nyon mongs pa can gyi chos rnams dang yang ldan? no/ /de bzhin du gzugs ki khams su skyes pa'i gang zag ni 'dod pa na spyod pa'i nyon mongs pa rnams dang ldan pa ma yin no/ /dbang po rtul po yang dbang po rnon pos bsdus pa'i dge ba rnams dang ldan pa ma yin no/ /gzugs med pa na spyod pa'i skye bas 'thob pa rnams kyang bsgom pa las byung ba rnams dang ldan pa ma yin no/ /de bzhin du gzugs med pa na spyod par yang ji ltar mthun mthun du brjod par bya'o/ /khams gsum pa'i de ni ngo bo nyid du na gang du skyes pa de nyid yin par rig par ba'o/ /chos kyi gnas kyi dbang gis ni khams gsum par rnam par bzhag go/ thob pa med pa la ni dri ma med pa gang yang med do/ /gal te yod pa lta na zag pa med pa'i chos dang ldan pa'i phyir 'phags pa nyid du 'gyur ro/ /so so'i skye bo nyid ces bya ba la/ so so'i skye bo nyid gang zhe na/ 'phags pa'i cho ga rnams ma thob pa'o zhes bya ba de la 'phags pa'i chos ni sdug bsngal la chos shes pa'i bzod pa nas bzung nas mi skye ba shes pa'i bar dag ste/ de dag ma thob pa'o/ /de dag kyang rigs gsum gyi phyir 'phags pa nyan thos ni rang sangs rgyas dang de bzhin gshegs pa'i rgyun dang mi ldan pas de so so'i skye bor 'gyur ba de bzhin du rang sangs rgyas dang de bzhin gshegs pa yang so so'i skye bo yin par 'gyur ram/ de ni thob pa med pas gang ma thob pa'o/ /nyid ces bya ba'i sgra brjod dgos so/ /mi dgos te tshig gis bsnan pa yang yod de/ dper na chu za rlung za zhes bya ba lta bu'o/ /gang dag rgyun la 'phags pa'i chos ma skyes pa ni so so'i skye bo nyid du 'dod pa de

  766. 383b

    dag gi ltar na rgyun la 'phags pa'i chos kyi rgyun gzhan med de/ bdag nyid la byed pa 'gal ba'i phyir de dag nyid so so'i skye bo nyid du 'gyur ro/ /ji ste ma skyes pa tsam rdzas med pa yin na ni/ de lta na go mdo las dge slong dag byis dang so so'i skye bo thos pa dang mi ldan pa ni sdig pa'i las mi byed pa ci yang med do/ /zhes nga? smra'o zhes 'byung ba dang 'gal lo/ /so so'i skye bo nyid ni ma bsgrib la lung du ma bstan pa'o zhes ma yin ma yin nam/ 'di la nyes pa med de dper na seng ge ma bsgribs shing lung du ma bstan pa'i phug tu gnas te/ srog chags rnams la gnod par byed pa de bzhin du so so'i skye po nyid la gnas te sdig pa dag rtsom mo/ /thob pa med pa de ni chos gang gis thob pa med pa de 'di rnyed nas rnam par nyams so/ so so'i skye ba nyid khams gsum pa ni 'phags pa'i chos thob nas rnam par nyams so/ /phyi rol gyi lam gyis ni gong du skyes nas 'dod pa na spyod pa'i so so'i skye bo nyid rnam par nyams te 'dod pa'i 'dod chags dang bral bas spong ngo/ /de bas na bye brag tu smra ba las kyang 'phags pa ni sngar so so'i skye bo nyid rnam par nyams la phyis spong ngo/ /so so'i skye bo ni sngar so so'i skye bo nyid spangs la phyis rnam par nyams so zhes 'byung ngo/ /de la thob pa bcad pa ni rnam par nyams pa'o chos bcas pa ni spangs pa'o/ /'du shes med pa'i snyoms par 'jug la brjod par bya ste/ snyoms par 'jug pa 'di la 'du shes med pas na 'di ni 'du shes med pas snyoms par 'jug pa'o/ /yang na 'du shes med par snyoms par 'jug pas 'du shes med pa'i snyoms par 'jug pa'o/ /bsam gtan gsum pa'i 'dod chags dang bral ba ni bsam gtan gsum pa las 'dod chags dang bral ba bsam gtan gsum pa'i 'dod chags dang bral ba'o/ /bsam gtan

  767. 384a

    bzhi pa ni 'bras bu ches pas bsdus pa ste/ sems dang sems las byung ba'i chos dge ba rnams so/ /de dag ni 'jug thogs su sems dang sems las byung pa 'jug pa dang mi mthun pa'i chos te de dang mi ldan pa'o/ /ci'i phyir zhe na/ gang gi phyir sems dang mi mthun pa'i cha sems 'byung ba ni ma yin te/ 'di lta rgyu zad pas 'jig pa 'am mi mthun pa'i rkyen yod pa'i phyir grang na/ rgyu zad ba ni mi rigs te/ snyoms par 'jug pa zag pa dang bcas pa'i phyir ro/ /sems dang mi mthun pa'i rkyen yod pa yang mi 'thad de/ de chung ba'am khyad par can zhig tu 'byung grang na chung ba ni nyam chung ba'i phyir mi mthun pa mi skyed do/ /khyad par can ni rigs 'dra ba'i phyir dngos po mi bskyed do/ /dper na me lce bdag nyid 'gag par mi byed de bdag nyid la byed pa 'gal ba'i phyir ro/ /de bas na 'gal ba'i chos gzhan gang gis dus gzhan na mi skye ba thob pa ste/ de snyoms par 'jug pa ste/ sems dang sems las byung ba'i chos thams cad 'gag go/ ci'i phyir 'du shes kyi sgo nas bstan ce na/ 'du shes gzhig pa'i phyir de bskyed pa'i phyir ro/ /mdo sde las kyang 'du shes ni nang lta bu'o/ /'du shes ni 'bras lta bu'o/ /'du shes ni gsal shing lta bu'o/ /de ltar 'du shes med pa de ni zhi ba'o/ /de ni gya nom pa'o zhes gsungs so/ /dpes ston te/ pha rol gyi sems shes pa bzhin no/ /de yang dge ba zag pa dang bcas pa ste/ yid du 'ong ba'i srid pa mngon par 'grub pa'i phyir ro/ /rdzas med pa ni dge ba nyid du mi rung ngo/ /bsam gtan bzhi pas bsdus pa ni bsam gtan bzhi pa'i ngo bo nyid de/ sa de'i rnam par smin pa'i 'bras bu yin pa'i phyir ro/ /'phags pa'i rgyud ma

  768. 384b

    yin no/ /ci'i phyir de 'phags pa'i rgyud la med ce na/ de'i phyir 'thad pa gzhan brjod de/ byis pa thar pa'i 'du shes can dag de skyed de/ 'phags pa dag ni srid pa las 'byung pa'i 'du shes can du mi 'gyur te/ srid pas srid pa las mi 'byung ba dang thar pa dang thar pa'i lam mngon sum du gyur pa'i phyir ro// 'phags pa'i lam gyi bar du gcod pa'i phyir ro/ /'phags pa rnams kyis ni de ngan song gi gnas lta bur dgongs pa'o/ /de'i phyir de thob pa ni nges par gyur pa la mi 'jug go/ de'i rnam par smin pa myong bar nges pas 'di ni myong bar 'gyur bas nges pa ste/ gdon mi za bar 'bras bu 'byin pa'i phyir ro/ /'dis ni 'di'i myong bar 'gyur ba ma nges pa nyid spong ngo/ /skyes nas myong bar 'gyur ba nyid de dus gzhan ma yin no/ /'di yi yongs su rdzogs par byed pa yin gyi 'phen pa ma yin te/ sems med pa'i phyir ro/ /sems dang sems las byung ba 'gog pa'i bdag nyid du 'du shes med pa'i 'bras bu gang yin pa myong ba de skyes nas myong bar 'gyur pa ste/ 'dis ni 'di'i lan grangs gzhan la myong bar 'gyur ba spong ngo/ /'di ni 'bang pas 'thob kyi zhes bya ba ni sbyor ba'i stobs kyis bsgrubs pa'i phyir ro/ /'dod chags dang bral bsam ni ma yin no zhes bya ba ni 'di bsam gtan gsum pa'i 'dod chags dang bral ba tsam gyis 'thob pa ma yin te ma goms pa'i phyir ro/ /'gog pa'i snyoms par 'jug pa zhes bya ba ni 'gog pa nas 'gog pa'o/ /sems dang sems las byung ba'i chos rnams ni dgag par bya'o/ /'gog pa'i snyoms par 'jug pa ni rdzas yin te snyoms par 'jug pa'i rdzas nges ma 'ongs pa'i dus gzhan na sems dang sems las byung ba rnams yang dag par 'gag ste/ 'byung

  769. 385a

    ba mi rnyed ces bya ba'i tha tshig go/ ci yang med pa'i skye mched kyi 'dod chags dang bral ba zhes bya ba ni gzugs med pa gsum pa'i 'dod chags dang bral ba'o/ /srid pa'i rtse mo'i zhes bya ba ni 'du sheS med 'du shes med min skye mched kyis pa'o// ji ltar na sems med pa'i snyoms par 'jug par 'gyur/ smras pa 'byung ba chen po'i mnyam pa nyid du byed pas so/ /'byung ba chen po mnyam pa nyid ni gcig tu mkhregs par gyur pa ste/ de'i phyir rdo rjes kyang shigs par mi nus so/ /je phra je phra nas srid pa'i rtse mo'i sems kyi 'og tu rnyed pa yin te/ de'i phyir srid pa'i rtse mo pa ste/ dge ba dang skyes gnas pa dang lan grangs gzhan la myong bar 'gyur ba dang/ myong bar 'gyur bar ma nges pa ste zhes bya ba smos te/ /dge ba dang dge ba zag pa dang bcas pa'o// skyes nas myong ba ni phyir mi 'ong ba yongs su mi nyams pa'i chos can no/ /lan grangs gzhan la myong bar 'gyur ba ni phyir mi 'ong ba yongs su nyams pa'i chos can gyi'o/ /tshe 'di la bde bar gnas par bya ba'i phyir zhes bya ba ni sems dang sems las byung ba 'byung bas skyo nas tshe 'di la bde bar gnas par bya ba'i phyir de la 'jug ste/ bde ba 'thob par bya ba'i phyir rnal 'byor pa snyoms par 'jug go/ de med pa zhes bya ba ni 'phags pa'i lam med pa'i phyir ro/ /chad kyis 'jigs pa'i phyir zhes bya ba ni de la thar pa'i 'du shes med pas sems dang sems las byung ba'i 'gog pa la byis pa dag chad par sems te skrag go/ chos gzhan zhes bya ba 'dis ni sems dang sems las byung ba 'gog pa tsam la 'du shes med pa par mi 'dod do/ /rnam par smin pa las byung pa zhes bya ba ni rgyu la 'bras bus

  770. 385b

    btags pa'i phyir te/ 'dir rnam par smin pa'i rgyu la rnam par smin pa'i sgrar brjod do/ /de las byung ba ni rnam par smin pa las byung ba'o/ /de nyid dpyad pa'i phyir 'du shes med pa'i snyoms par 'jug pa'i rnam par smin pa'i 'bras bu zhes bya ba smos so/ /bsam gtan dang po'i phyogs gcig ces bya ba ni bsam gtan thog ma'i phyogs gcig ste/ bsam gtan dang po'i phyogs gcig nyid la bsam gtan khyad par can zhes bya'o/ /'du shes pa yang de dang 'dra'o// gzhan kyi tshe zhes bya ba ni 'chi 'pho dang skye ba'i dus las gzhan gyi dus na'o/ /yun ring du gnyid kyis log pa las langs pa bzhin du zhes bya ba 'dis ni snyoms par 'jug pa 'di las langs pa rnams kyi bya ba mi gsal bar ston to// 'dod pa'i khams rnams su skye pa'i rgyu bstan pa'i phyir der skyes pa rnams la zhes bya ba smos te/ 'bras bu che ba rnaMs su skyes pa rnam pa la lan grangs gzhan la myong bar 'gyur ba'i las yong ba'i phyir te zhes bya ba ni de lan grangs kyang yin la gzhan yang yin pas lan grangs gzhan no/ /de 'dod pa yang yin la lan grangs gzhan na myong bar 'gyur ba yang yin pas 'dod par gtogs pa lan grangs gzhan la myong bar 'gyur ba ste/ tshe gnyis la sogs pa na spyod par 'gyur zhes bya ba'i tha tshig go/ de ni 'di skad du 'dod pa'i khams su rnam par smin pa 'phen pa'i las yod pa'i phyir ro zhes bya bar bstan par 'gyur ro/ /srog gi dbang po gang zhe na/ khams gsum pa'i tshe yin no zhes bya ba la? khamS rnam pa gsum ni khams gsum pa'o/ /'gro ba'i phyir tshe zhes bya ste/ shin tu myur 'gro zhes bya ba'i tha tshig go/ ji skad du tshe'i 'du byed ni lha'i bu 'gro ba'i snying po can rnams kyi shugs bas kyang ches myur du 'gag zhes/

  771. 386a

    mdo las 'byung ba'i phyir ro/ /sngon gyi las zhes bya ba la sogs pa ni tshe rabs snga ma dag na las gang byas pa nges 'phags pa ni skyed de btang ba'o/ /de gang zhe na/ skye mched drug mig la sogs pa'o// skye mched drug gi rgyun ces bya ba 'dis ston to// rgyun ni rab tu 'bab pa ste rgyud do/ /ris mthun pas bsdus pa 'dra ba'i phung po 'byung ngo/ /de'i 'brel pa ni rgyun mi 'chad pa'o/ /de'i gnas pa ni 'brel pas ? bsdus pa rab tu 'bad pa gnas pa'o// de'i rgyur gyur pa ni byed rgyur gyur pa'o/ /'gro bar gdags pa'i rgyu zhes bya ba la/ 'gro ba ni sems can dmyal ba la sogs pa'o/ /de gdags pa ni 'gro bar gdags pa'o// 'dogs pa'i phyir 'dogs pa dang/ /gdags par bya ba'i phyir de gdags pa ste 'gro ba bstan pa'o/ /gang dang ldan na 'byung ba dang 'jig pa skad cig la gnas pa'i 'du byed rnams la yang sems can dmyal ba la sogs par bstan pa 'thob pa de ni srog gi dbang po zhes bya'o// 'dir chos mngon pa las kyang zhes bya bas ni lung gis bstan to/ /skye mched drug gi rgyun 'brel pa gnas pa'i rgyud ni/ tshe dang drod dang rnam par shes zhes bya ba 'dis bstan to/ /'gro bar gdags pa'i rgyu nyid bstan pa'i phyir ro/ rnam par smin pa mngon par grub na zhes bya ba smos te/ 'dir rnam par smin pa'i sgra ni srog gi dbang por bstan to/ /rigs pas srog gi dbang pa rjes su yod par bstan par 'dod nas srog gi dbang po ma gtogs par zhes bya ba la sogs pa smos so/ /dbang po gzhan zhes bya ba ni mig la sogs pa ste/ de dag ni gzugs med pa'i khams na med pa'i

  772. 386b

    phyir khams gsum pa la khyab pa ma yin no/ /dad pa la sogs pa'i dbang po khams gsum pa la khyab pa yin du zin kyang nyon mongs pa can la sogs pa'i sems kun tu 'gyur ba na de dag med pa'i phyir tshe'i rgyan ni 'chad par 'jug pa ma yin no/ /tshe ni khams gsum pa la khyab pa la skye brgyun mi 'chad par yang 'jug pa ste/ de'i phyir de'i dbang po gzhan dag las don gzhan rjes su yod pa nyid do /gzugs med par skyes pa rnam shes bya ba la sogs la dge pa'i sems mngon du byed pa ni dad pa la sogs pa'o// bsgribs pa'i sems mngon du byed pa ni 'dod chags la sogs pa'i sems mngon du byed pa'o/ /sa 'og ma pa'i zag pa med pa'i sems mngon du byed pa ni srid pa'i rtse mor skyes pa ci yang med pa'i skye mched kyi sa pa'i zag pa med pa'i sems mngon du byed pa'o/ 'gro bar gdags pa'i rgyu'i chos nyid 'gro bar gdags pa'i rgyu'i chos nyid te srog gi dbang po'i/ /med du zin na zhes bya ba ni gal te srog gi dbang po med par gyur na de'i tshe gzugs med pa'i khams kyi dge ba la sogs pa'i gnas skabs na 'jig pa dang skye bar thal bar 'gyur ro/ /'dod pa dad gzugs kyi khams su lus kyi dbang po la sogs pa 'thob pa dang/ de'i rgyun 'chad pa'i gnyis kyis skye ba dang 'chi 'pho ba brtag par nus la/ gzugs med pa na ma yin pas de'i phyir gzugs med pa brjod do// // chos mngon pa la 'jug pa rgya cher 'grel ba snying po kun las btus pa zhes bya ba/ bam pa lnga pa ste tha ma/ skal pa mnyam pa nyid ni sems can rnams kyi don gcig la 'dod pa'i rgyu'o zhes bya ba la semS

  773. 387a

    rnams zhes bya ba 'dis ni seMs can zhes brjod pa ma yin pa rtsa la sogs pa sel to/ /de ni don kyang yin la gcig kyang yin pas don gcig ste/ de ni bdag la chags pa la sogs pa'o/ /de la 'dod pa ni mngon par 'dod pa'o// 'dod pa'i rgyu gang yin pa nyid ni bskal pa mnyam pa nyid do/ /de la sten pa mthun pa ni skal ba mnyam pa ste spyod pa mthun pa'i rang bzhin no/ /de'i dbang po ni skal ba mnyam pa nyid de 'gro ba gcig tu skyes pa'i sems can rnamS kyi lus dang dbang po dang dbyibs dang spyod pa dang kha zas la sogs pa 'dra ba'i rgyu ste/ phan tshun mngon par dga' ba 'bral pa zhes bya ba'i tha tshig go/ bdag la chags pa zhes bya ba ni bdag la sred pa'o/ /kha zas ni rnam pa bzhi ste kham gyis za ba de rags pa dang phra ba'o/ /rags pa ni kham du byas nas za ba'o// phra ba ni bkru ba dang bsku ba dang gtor ba la sogs pa ste/ de ni dri dang ro dang reg bya'i ngo bo nyid do/ /reg pa ni yul dang dbang po dang rnam par shes pa las skyes pa'i reg pa'o/ /yid kyis kun tu sems pa ni yid kyi las ste/ gdags pa las ji skad du sgo dgang dag ma la dran pa brjed pa med pa de dag rul bar mi 'gyur ro/ /rnam par shes pa ni gang srid pa mngon par 'grub par byed pa'o/ /de la kham gyis za ba ni dbang po rnams rgyas bar byed pa'o/ /rig pa ni rten pa'i rnam par shes pa rgyas bar byed pa'o/ /de gnyis kyis btsas par 'gyur ba la phan par byed pa'i phyir ma ma lta bu'o/ /yid kyis kun tu sems pa ni yang srid pa 'phen pa'o/ /de ltar 'phangs par zad la thob pa ni ma yin te/ rgyun la yongs su bsgos pa'i phyir

  774. 387b

    yang srid par skye bar rnam par shes pa'i nus pa ste/ de gnyis ni skyed pa'i ma lta bu ste ji ltar mthun mthun du sbyar ro/ /kha zas 'dod par sems can so sor mthun pa zhes bya ba 'dis ni sems can skal pa mnyam ba nyid tha dad pa ma yin par sdud do/ /so sor zhes bya ba'i sgra ni khyab par 'dod pa'i tshig ste/ sems can sems can zhes so sor gnas pa'o/ /gal te gcig par gyur du zin na ni sems can rnams kyi 'gro ba 'dren par 'gyur ro/ /tha dad pa ni zhes bya ba ni seMs can kham la sogs pa tha dad pa rnams kyi so so ba ste rnam par smin pa las byung ba'i spyod pa ston pa'o/ /dge slong la sogs pa'i bye brag gi tha dad pa de rnams kyi/ zhes bya ba ni rgyu mthun pa ston to/ /don gcig la 'dod pa'i nges pa'i rgyu'o zhes bya ba ni thaMs cad ? thaMs cad 'dod ba ma yin te/ dper na bram ze rnams ni mchod sbyin la sogs pa'i cho ga 'dod kyi/ gzhan dag ni ma yin pa lta bu'o/ /rnam par dbye ba'i rgyu ni skal ba mnyam pa'i nyid do/ / de med du zin na ni 'phags ba dang 'phags ba ma yin pa bye brag med par 'gyur ro/ /'phags pa'i skal ba mnyam pa nyid ni 'phags pa ma yin pa rnaMs la med de/ de'i phyir 'phaD ba ma yin pa 'phags pa'i grangs su mi chud do/ /so so'i skye bo nyid ni skye bo rnams kyi yin gyi 'phags pa rnams kyi ni ma yin no/ /so so'i skye bo'i skal ba mnyam pa nyid kyang so so'i skye bo rnams nyid kyi yin gyi 'phags pa rnams kyi ma yin te/ de'i phyir so so'i skye bo nyid do/ /so so'i skye bo rnams kyi skal bar mnyam par 'gyur ro/ /de'i phyir skal ba mnyam pa nyid bstan pa'i phyir/ don gcig la 'dod pa'i nges pa'i rgyu'i zhes bya ba smos te/ mthun pa'i byed pa'o/ /de zhes bya ba ni skal ba mnyam pa nyid do//

  775. 388a

    med du zin na zhes bya ba ni yod par ma gyur na'o/ /'phags pa zhes bya ba la 'phags pa ni sangs rgyas dang/ sangs rgyas kyi nyan thos rnams te/ sdig pa mi dge ba'i chos rnams las ring du song bas 'phags pa zhes bya'o/ /'phags pa ma yin pa ni so so'i skye bo rnams so/ /'jig rten gyi tha snyad la gnas pa zag pa dang bcas pa'i sems yod pa rnams 'dres pa'i skyon du 'gyur ro/ /de bas na 'chi 'pho zhing skye la/ de skal pa mnyam pa nyid mi 'dor yang yod de/ gang du shi ba de nyid du skye ba'o/ /'chi 'pho ba yang med cing skye ba yang med la/ de skal ba mnyam pa nyid ma'i 'dor ba yang yod de nges par gyur pa la zhugs pa'o ? de ni so so'i skye bo'i skal ba mnyam pa nyid bor te/ 'phags pa'i skal ba mnyam pa nyid thob pa'o/ /'chi 'pho zhing skye la skal ba mnyam pa nyid 'dor ba ni mi'i nang nas shi 'phos nas lha'i nang du skye ba'o/ /'chi 'pho yang med cing skye ba yang med la skal pa mnyam pa nyid kyang mi 'dor zhing/ 'thob pa yang med pa ni rnam pa de dag ma gtogs pa'o zhes gsungs so/ /bstan bcos las nges bar gyur pa la zhugs pa ni so so'i skye bo'i skal ba mnyam pa nyid 'dor zhing 'phags pa'i skal ba mnyam pa nyid 'thob bo zhes 'byung bas de'i phyir/ so so'i skye bo nyid dang/ so so'i skye bo'i skal ba mnyam pa nyid la tha dad du byed pa ci yod ces dris so/ /'dod pa mthun pa ni 'dod pa 'dra ba ste/ skal ba mnyam ba nyid ces bshad do/ /so so'i skye bo nyid ni gnod pa thams cad kyi 'byung gnas su gyur pa'o zhes bya ba ni rigs su gyur pa'o/ /don de nyid bstan pa'i phyir/ dge slong dag byis pa zhes bya ba la soD

  776. 388b

    pa smos so/ /gzhan nas kyang gal te 'dir 'ong na ni zhes 'byung ba ni 'jig rten 'dir 'ong ba ste/ lha'i skal ba mnyam pa nyid bor nas lha'i nang nas shi 'phos nas mi'i skal ba mnyam pa nyid 'thob bo/ /de ltar skal ba mnyam pas? nyid ni thob cing 'dor ro/ /so so'i skye bo nyid ni skal ba mnyam pa nyid gzhan thob pa 'am/ thob par 'dor ba 'am/ ma thob pa 'thob pa med de/ so so'i skye bo nyid 'dus byas thams cad la khyab pa'i phyir ro/ /de ni rigs mthun pa nyid btang bas gtong ba med de/ de'i phyir skal ba mnyam pa nyid dang/ so so'i skye bo nyid bye brag cher yod par shes par bya'o/ /mtshan nyid kyi skabs su bab ste/ chos skye ba'i nang gi yan lag ste/ zhes bya ba la/ skye ba ni ma 'ongs ba skye bar mngon du phyogs pa'o/ /de ni skye ba 'ang yin la chos kyang yin pas chos skye ba'o/ /chos kyi sgras ni gzugs la sogs pa yongs su 'dzin to/ /de ni rang gi yin la nus pa yang yin la rang gi nus pa ste/ ma 'ongs ba'i chos skyed nus pa'o/ /rang gi nus pa 'thob ba ni rang rang gi nus pa rnyed pa'o/ /de'i rgyu ni nus pa 'thob pa'i rgyu ste/ ma 'ongs pa'i chos da ltar byung ba'i gnas su 'byin pa'i rgyu zhes bya ba'i tha tshig go/ de ni nang gi yan lag kyang yin la rang gi nus pa 'thob pa'i rgyu yin pas nang gi? yan lag ste/ rang gi nus pa 'thob pa'i rgyu'o/ /thun mong gi rgyu ma yin pas nang gi yan lag ste/ chos skye ba'i nang gi yan lag gi nus pa 'thob pa'i rgyu'o/ /chos skye ba'i nang gi yan lag rang gi nus pa 'thob pa'i rgyu gang yin pa de ni skye ba'o/ /phyi'i yan lag ni rgyu dang rkyen rnams te 'og nas 'byung ngo/ /rgyu dang rkyen rnams ni phyi'i yan lag rgyu'i dngos po ste/ de dag gzugs la sogs pa'i skye ba'i thun mong gi rgyu yin pas gtso bo ma yin no/ /rigs pas yod pa nyid du bstan pa'i phyir

  777. 389a

    de med du zin na bya ba la sogs pa smos so/ /skye ba med du zin na rgyu dang rkyen rnams yod kyang nam mkha' bzhin du chos skye bar mi 'gyur ba dang/ nam mkha' la sogs pa yang zhes bya ba ni ji ltar skye ba med na/ gzugs la sogs pa 'dus byas nyid yin pa de bzhin du nam mkha' la sogs pa yang 'dus byas nyid du 'gyur ro/ /skye ba med du 'dra na ci'i phyir gzugs la sogs pa ni 'dus byas yin la/ nam mkha' la sogs pa ni ma yin pa de bas skye ba nyid du grub bo/ /gnas pa'i mtshan nyid dbyad pa'i phyir/ /'bras bu gzhan 'phen pa zhes bya ba la sogs pa smos te/ 'bras bu 'di las 'bras bu gzhan ni 'bras bu gzhan no// 'bras bu gzhan gyi 'phen pa ni 'bras bu gzhan 'phen pa'o// 'phen par byed pas 'phen pa ste/ chos skye ba yongs su 'dzin pa'o/ /de'i dbang gis ches skye ba'i skye ba la bgegs su ma gyur pa'o/ /'bras bu gzhan 'phen pa'i dus de'i gnas ni 'bras bu gzhan 'phen pa'i dus kyi gnas te dus ji srid du 'bras bu gzhan 'phen nus par gyur pa'o// gnas par ma gyur na 'bras bu 'phen mi nus so// gnas par 'gyur ba de'i rgyu gang yin pa de ni gnas pa zhes bya'o/ /gang gi dbang gis zhes bya ba ni gang gis mthus so/ /rga ba'i mtshan nyid brjod par bya ba de brjod de 'bras bu gnyis pa 'phen zhes bya ba la sogs pa la/ 'bras bu gnyis pa 'phen nus pa la gnod pa'i rgyu ni nyam chud bar byed pa ste rga ba'o/ /de lta na ni skad cig par mi 'gyur ro zhes bya ba ni chos de skad cig du mar yang 'dug pa'o/ /rga ba'i dbang gis 'bras bu gcig 'phen pa'i nus pa yongs su nyams na 'bras bu gzhan 'phen pa'i dus su gnas pa mi thob bo/ /mi rtag

  778. 389b

    ba'i mchan nyid kyi skabs su bab nas/ /gnod ba byed nus pa zhes bya ba la sogs pa 'di smos te/ rga bas 'bras bu gnyis pa la sogs pa 'phen pa la gnod bar phyed nus/ chos 'das pa'i dus su 'phen ba'i rgyu ni mi rtag pa nyid do/ / 'dus byas zhes bya ba ni rgyu dang rkyen rnams 'dus te tshogs nas byas pa 'dus byas so/ /de ni gzugs la sogs pa'i dngos po ste gang dag gis gzugs la sogs par rtogs pa yongs su gcad pa de dag ni 'dus byas kyi mtshan nyid rnams zhes bya'o/ /'dus byas kyi mtshan nyid rnams zhes bya ba'i don 'di la khongs su mdo sde 'byin te/ gsum po 'di dag ni zhes bya ba la sogs pa'o/ /gnas pa dang gzhan du 'gyur ba ni gnas pa dang gzhan du 'gyur ba ste rga ba'o gnas pa dang gzhan du 'gyur ba de ni mtshan nyid gcig bstan to/ /ci'i phyir zhe na/ gnas pa ni kun tu chags pa'i gnas yin pa'i phyir ro/ /rga bas gnas pa zin na de la kun tu chags pa log par 'gyur ro/ /dpal can ma dang zhes bya ba la sogs pa la sna nag ma zhes bya ba'i sgras ni rgyud pa bstan to/ /de skad du 'byor pa thams cad kyi mdza' ni rgud pa zhes kyang gsungs so/ /chos ni gzugs la sogs pa'o/ /bdag nyid du gyur pa ma yin pa ni don gzhan du gyur ba dag go/ de ni 'di skad du gzugs la sogs pa nyid skye ba la sogs pa ma yin no zhes bstan par 'gyur ro/ /gal te bdag nyid du gyur na ni gzhan yin par 'gyur te/ 'dis ni gzhan ma yin par smra ba'i nyes pa brjod do/ /mtshan nyid kyi gzhi ni gzugs la sogs ba'o/ mtshan nyid rnams ni skye ba la sogs pa'o/ /tha dad pa ma yin pa ni gcig pa'o/ /de ltar na ni rga ba dang gnas pa yang gcig tu 'gyur te/ tha dad pa ma yin pa nyid do/ /de ni ma mthong ste 'gal ba'i

  779. 390a

    phyir ro/ /mi skye ba kho nar 'gyur ro zhes bya ba ni gal te yod par ma gyur mchos skye bar ji ltar 'gyur te rgyu med par 'bras bu 'byung ba ma mthong ngo/ de la skye bas ni chos skyes gnas pas ni gnas par byed/ rga bas ni rga bar byed/ mi rtag pas ni rnam par 'jig par byed na mtshan nyid kyi gzhi dang lhan cig skyes pa'i mtshan nyid rnams ji ltar bya ba byed/ de'i tshe 'di skye 'am/ gnas sam/ rga 'am rnam par 'jig gam/ ji lta bu zhig smras pa ma 'ongs pa'i skye bas bya ba byed de/ bya ba zhes bya ba ni nus ba la bya'o/ /de la chos gsum ni ma 'ongs pa'i bya bar 'dod do// sdug bsngal la chos shes pa'i bzod pa dang mar me dang skye ba'o// sdug bsngal la chos shes pa'i bzod pa skye ba'i tshen? so so'i skye bo nyid rnam par spong ngo/ /skyes pa'i tshe ni rnam par spangs so/ /mar me skye pa'i tshe ni mun pa sel to/ /skyes pa'i tshe ni bsal to/ /skye ba skye ba'i tshe ni lhan cig 'byung ba rnams la skye ba dang mthun pa'i dngos pos bskyed par bya ba skyed do/ /skye ba skyes pa'i tshe ni skyes so/ /skyes par gyur pa ni skye bas bskyed do/ /gnas pa'i dbang gis ni gnas so/ /gnas pa'i dbang gis gnas pa na rga bas ni rga bar byed/ mi rtag pas ni rnam par 'jig gi/ rgas nas ma yin rnam par zhig nas ma yin te rga 'o/ /'jig go de'i phyir da ltar gnas pa la sogs pa dus gcig tu bya bar 'gal ba med de/ gnas pa'i rga bas rga bar byed/ /mi rtag pas rnam par 'jig go/ mtshan nyid rnams kyi zhes bya ba la sogs pa la skye ba la sogs pa mtshan nyid rnams kyi skye ba'i skye ba ni skye pa'o/ /sogs pa gang dag gi yin pa de dag skye ba'i

  780. 390b

    skye ba la sogs pa dag go/ sogs pas smos pas ni gnas pa'i gnas pa dang/ rga ba'i rga ba dang/ mi rtag pa nyid kyi mi rtag pa yongs su sdud do/ /bzhi po de dag ni mtshan nyid rnams kyi rjes su 'gro bas rdzas su mthun pa'i mtshan nyid rnams so gal te rga ba la yang na pa 'dod na de lta na ni de'i yang gzhan te thug pa med par 'gyur ro/ /de lta bas na 'di las thug pa med par yang mi 'gyur te/ zhes bya ba smos so/ /ci'i phyir zhe na smras pa/ 'di ltar rtsa ba'i mtshan nyid dag ni zhes bya ba ni chos kyi mtshan nyid rnams so/ /chos brgyad po dag la 'jug go zhes bya ba ni rkyen gyi dngos por gnas so/ /rtsa ba'i chos bar mtshan nyid gsum pa rnams dang rjes su mthun pa'i mtshan nyid bzhi pa rnams la'o/ /zhes bya ba lta bu brgyad po dag la 'jug go/ rjes su mthun pa'i mtshan nyid rnams ni re re la'o/ /zhes bya ba ni 'jug go zhes bya bar snyegs so/ /ji ltar zhe na/ skye ba'i skye ba ni skye ba nyid kyi yin zhes bya ba la sogs pa smos so// mtshan nyid rnams ni rtsa ba'i chos la gnas so/ /rjes su mthun pa'i mtshan nyid dag ni mtshan nyid rnams la gnas so/ /'di ltar de'i phyir zhes bya ba 'dis thug pa med pa'i skyon med pas ji skad du smras pa rigs pa nyid du ston to/ /ming gi tshogS la sogs pa brjod par bya ba de brjod do/ ming gi tshogs la sogs pas zhes bya ba la sogs pa smos bas ni tshig gi tshogs dang/ yi ge'i tshogs yongs su sdud do/ /mi ldan pa de dag kyang don go bar byed pa'o/ /ci'i phyir sgra don go bar byed pa ma yin zhe na/ mi nus pa'i phyir ro/ /yi ge'i 'bru 'am tshig yongs su bcad pa'i sgra don go bar byed par 'gyur grang na/ dper na go zhes bya ba nyid kyi sgra ni don dgu la 'jug ste/ tshig dang/ phyogs dang/ sa dang

  781. 391a

    'od zer dang/ rdo rje dang/ rig dang/ phyug dang/ mtho ris dang/ chu rnams don dag la 'jug ste/ go zhes bya ba'i sgra? ni mkhas pa gzung ngo/ /de la yi ge'i 'bru ni don go bar byed pa ma yin te/ yi ge'i 'bru so so la don med pa dang/ cig car du 'byung ba med pa'i phyir ro/ /tshig yongs su bcad pa'i sgra yang ma yin te/ de la yang tshigs kyi sgra gzhan brjod pa 'byung ste/ de la yang sgra gzhan gyi brjod pa 'byung bas thug pa med par 'gyur ro// ji ltar tshig gis ming brjod nus pa de bzhin du don kyang brjod par 'gyur ro zhes bya ba dang/ sgra rnams ni tshogs pa med do zhes bya ba de'i phyir sus yi ge 'bru gcig po de thos pa nges don de nyid rtogs par 'gyur ro/ /'di ni skyon du mi 'gyur te chos rnams kyi nus pa so sor nges par snang ngo/ /dper na ro las mnga' rgyu skye'i de las tsan dan mi skye ba lta bu'o// gang tshogs pa med pas sus gcig po de thos pa nges don de nyid rtogs par 'gyur ro zhes smras pa de dang sgras don rtogs par 'gyur ro zhes bya ba de ni mtshungs pa nyid de/ de'i phyir go bar byed pa ni don du gyur pas byed do/ /de la gang dag ces bya ba ni ming dang tshig dang yi ge rnams so// dag rnams la rag las te skye ba zhes bya ba la/ dag gi bdag nyid kyi sgra ni dag go/ dag dag ngag la rag las te skye ba de dag ni dag la rag las te skye ba dag go/ rag las pa ni kha na? las pa'o/ /de ni 'di skad du dag yod na 'di dag 'byung ngo zhes bstan par 'gyur ro/ /shes pa bzhin du don gyi tshul gyi gnas lta bu'i zhes bya ba la don ni gzugs la sogs pa ste yul lo/ /tshul ni rang bzhin te ngo bo nyid ces bya ba'i tha tshig go/ don gyi tshul gyi

  782. 391b

    gnas ni ngag las don gyi tshul 'byung ba'o/ /don gyi tshul gyi gnas dang 'dra bas don gyi tshul gyi gnas lta bu'o/ /des na 'di ltar don gyi tshul gnas lta bu'i rnam pa gang dag yin pa de dag don gyi tshul gyi gnas lta bu'i rnam pa dag ste/ don lta bur snang zhes bya ba'i tha tshig go/ shes pa dang mtshungs pas shes pa bzhin no/ /dper na sngon po la sogs pa phyi rol gyi yul gyis bsgyur ba'i rnam par shes pa skye pa ltar de dag kyang de bzhin te/ bum pa la sogs pa'i ming la sogs pa ni mgul gyen du 'dug pa la sogs pa'i rnam pa'i gzugs brnyan nyid do// de bas na shes bya rnams kyang shes pa bzhin no// rang gi don khong du chud par byed pa zhes bya ba la/ de ni rang yang yin la don yang yin pas rang gi don te/ phyi rol gyi yul lo// khong du chud pa ni rtogs pa ste nges zhes bya ba'i tha tshig go/ rang gi don khong du chud pa nyid byed pa gang yin pa de dag go/ de ni 'di skad du ming la sogs pa ni skad cig de'i phyir med pa dag kyang de las gung na med de/ de dag gi skye ba tsam ni byed pa'o zhes bstan par 'gyur ro/ /de skad du 'du byed thams cad skad cig pa/ /mi brtan byed pa ga la yong/ /gang dag 'byung ba de byed de/ byed pa'o zhes de la bya/ /zhes gsungs so/ /'du shes dang ngag dang yi ge'i 'bru zhes rnam grangs gzhan gyis brjod par bya ba zhes bya ba la/ 'du shes dang ngag dang yi ge'i 'bru rnams ni 'du shes dang dag dang yi ge'i 'bru rnams so/ /de ni rnam grangs kyang yin la gzhan kyang yin pas rnam grangs gzhan te/ ming gzhan zhes bya ba'i tha tshig go/ 'du shes dad dag dang yi ge'i 'bru rnams nyid rnam grangs gzhan yin pas 'du shes dang dag dang yi ge'i

  783. 392a

    'bru'i rnam grangs gzhan no/ /'du shes dang dag dang yi ge'i 'bru'i rnam grangs gzhan dag gis brjod par bya ba dag ni shes dang ngag dang yi ge'i 'bru'i rnam grangs gzhan gyis brjod pa dag go/ gang dag ce na/ de dag ces bya ba rnams te ming dang tshig dang ye ge'i 'bru rnams so/ /de dag kyang rnam grangs 'dri bzhin du khong du chud par bya'o/ /nges na ming dang 'du shes ni gcig tu brjod do// tshig ni dgra go/ yi ge ni yi ge'i 'bru rnams so/ /sngar smos pa'i don de nyid dpes brtan por bya ba'i phyir/ dper na mig la sogs pa la rag las te/ zhes bya ba la sogs pa smos te/ mig la sogs pa la rag las te rnam par shes pa de dag skye ba ni gnyi ga'i kha na las te rnam par shes pa 'byung mod kyi thun mong ma yin pa'i rgyu yin pas dbang po rnams kyi brjod do/ /gzugs la sogs pa'i don ces bya ba la sogs pa'i sgras ni sgra la sogs pa sdud do/ /tshul gyi gnas lta bu'i rnam pa zhes bya ba gang dag ce na/ rnam par shes pa rnams so/ /rang gi don khong du chud par byed pa ni gzugs la sogs pa khong du chud par byed pa dag go/ dag gi sgras ni don brjod par mi 'gyur te/ zhes bya ba la/ ngag nyid sgra yin pas dag gi sgra ste dag gi sgra nges don brjod par mi 'gyur te bsnyad par mi 'gyur ro/ /ci'i phyir zhe na me zhes brjod pas tshig par gyur ta? re 'di la ngag gi sgra ni mngon par brjod pa'o/ /brjed par bya ba ni ming ngo/ /don ni brong par bya ba yang ma yin par brjod pa yang ma yin no/ /gal te ngag gi sgra brjod par bya ba don du gyur na ni de'i phyir tshig par 'gyur ro/ /ji lta zhe na 'di la sgras don phrad nas 'dzin tam ma phrad par

  784. 392b

    'dzin/ de la ma phrad par don 'dzin par mi rung ste/ sgra ni thogs pa dang bcas pa'i phyir lag pa la sogs pa bzhin no/ /lag phal? sogs ba ni ma phrad par reg pa 'dzin pa'i mthu med do/ /ci ste sna la sogs pa bzhin du phrad nas don 'dzin par 'dod na/ de lta na ni mi dang phrad pas sgra tshig pa'i skyon du 'gyur te/ sgra ni rdul phra rab 'dus pa'i bdag nyid yin pa'i phyir ro/ /de bas na ngag gis don brjod par mi 'gyur bar grub bo/ /gal te don brjod par bya ba ma yin na gang yin snyam pa la de'i phyir dag ces bya ba smos te/ dag gi sgras ni mi brjod do/ /ming gis ni don go bar byed do/ /de'i blo bskyed pa'i phyir ro/ /ming ni brjod bar byed pa ma yin par brjod pa ma yin no/? ming gis rnam par shes pa la sogs pa bzhin du thogs pa med pa'i phyir ming gis don khong du chud par byed pa ni rigs kyi sgras ni ma yin te/ mig la sogs pa ltar thogs pa dang bcas pa'i phyir ro/ /de las gzhan du zhes bya ba ni sgra las gzhan du ste/ sangs rgyas pa la rtag par ma grub pa'i phyir ro/ /chos bzhi po 'di dag ni zhes bya ba ni bum pa'i sgra dang/ bum pa'i ming dang/ bum pa'i don dang/ bum pa shes pa'o/ /tha snyad 'dogs pa'i dus na ni ngo bo du ma yang ngo bo gcig pa dang 'dra bar tha dad pa med pa nyid du rtogs so/ /rnam par phye na ni tha dad par rtogs so/ /mde gi dpe bstan pa'i phyir/ de la ming ni zhes bya ba la sogs pa smos so/ /don rnams la tshig gis gzhol bar byed pas ming lte/ don gyi yul la gzhol bar byed ces bya ba'i tha tshig go/ 'di lta ste gzugs sgra zhes bya pa'o/ /tshig ces bya ba ni 'dis brjod par 'dod pa'i don rtogs par byed pas tshig

  785. 393a

    ste/ khong du chud par byed ces bya ba'i tha tshig go/ 'dod pa'i don ni brjod par 'dod pa'i don to/ /yongs su rdzogs par 'gyur pa ni yongs su chud par 'gyur zhes bya ba'i tha tshig go/ 'dir sdig pa thams cad mi bya'o zhes bya ba ni rang gi grub pa'i mdza' las dpe bstan pa'o/ /gnyis pa lha byin pa dkar mo zhes bya ba la sogs pa ni 'jig rten pa las dper bkod pa'o/ /yi ge zhes bya ba ni de yod na don gsal bar 'gyur ba dang/ 'des 'byed par byed pas na yi ge'o/ /'di lta ste mang? zhes bya ba'o/ /so so na zhes bya ba gcig gcig ming so so na 'dug pas so so'i/ /chags zhes bya ba'i sgra ni mang po'i don te/ des na ming gi tshogS dang/ tshog? gi tshags dang/ yi ge'i tshogs rnams zhes bya'o/ /'dir drang srong tshan pos kyang zhes bya ba la sogs pas na lung las 'byung ba ston to/ /de bzhin gshegs pa rnams byung yang dud ma byung yang rung ste/ ming dang tshig dang yi ge'i tshogs rnams shes pa nyid yin na de dag ni de bzhin gshegs pa byung nas shes so zhes bya ba de la dgongs pa ni 'di yin te/ phung po dang skye mched la sogs pa'i ming dang tshig gi tshogs la sogs pa gang dag yin pa de dag ni de bzhin gshegs pa byung nas shes so zhes dgos pa'o/ /rgyun tu zhugs pa'i 'bras bu la sogs pa bzhi ni dge sbyong gi 'bras bu zhes bya'o/ /rten cing 'brel par 'byung ba ni 'di lta ste ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug skye

  786. 393b

    mched drug gi rkyen gyis reg pa/ reg pa'i rkyen gyis tshor ba/ tshor ba'i rkyan gyis sred pa/ sred pa'i rkyen gyis len pa/ len pa'i rkyen gyis sred pa/ srid pa'i rkyen gyis skye ba/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung ste/ de ltar sdug bsngal gyi phung po chen? po 'di 'ba' zhig 'byung bar 'gyur ro zhes bya ba'o/ /'du byed kyi dngos po ni 'di snyed de zhes bya ba ni 'du byed kyi phung po yongs su rdzogs par brjod pa'o// ji ltar bstan pa de ltar bshad par bya ste/ de'i phyir de ni rnam par shes pa brjod par bya'o zhes bya ba smos so/ /gzugs la sogs pa yul gyi dngos po zhes bya ba la/ dngos po smos pas ni rnam par shes pa dmigs pa med pa ma yin no/ zhes de skad ston to/ /gang zla ba gnyis mthong ba yang yin nam/ da ni bla ba'i gzugs la sogs pa de nyid la dmigs nas 'khrul pa'i rnam par shes pa 'byung ngo/ /gal te dmigs pa la me bltos par rnam par shes pa 'byung na de ltar gyur na ni gnas la mi bltos pa yang 'byung bar 'gyur te/ de lta na ni rnam par shes pa drug rnam par bzhag pa med par 'gyur ro/ /mdo las gnyis la brten nas rnam par shes pa 'byung bar 'gyur ro/ /de la 'byung ba dang yang 'gal bar 'gyur ro/ /tsam zhes bya ba smos pa ni spyi'i mtshan nyid bsal ba'i don to/ /nges na rnam par shes pa thams cad kyi yul ni rang gi mtshan nyid yin no zhes bya bar don der 'gyur ro/ /so sor zhes bya ba'i tshig ni khyab par 'dod pa'i tha tshig go/ don dang do ni so so rang migs ba ni? so sor rnam

  787. 394a

    bang rig pa'o zhes gal te rnam par shes pa thams cad kyi yul rang gi mtshan nyid yin na/ chos mngon pa las yid kyi rnam par shes pa dang ldan pas sngon po'o zhes rnam par shes so zhes 'byung ba de ji lta bu 'du shes dang ldan pas de skad du ston to/ /mig gi rnam par shes pa la sogs pa yang skyon 'di ji ltar mi 'byung zhe na/ 'du shes gzhan pa'i phyir ro/ /de nyid kyi don ni 'grel pa las ston te/ mig la sogs pa lhan cig byed pa zhes bya ba ni tshor ba la sogs pa dang/ snang ba la sogs pa gang du byung ba'o/ /de yongs su zin na 'byung ba ni dper na gzugs brnyan 'byung nus pa lta bu'o/ /gzugs dang/ sgra dang dri dang/ ro dang reg bya dang/ chos rnams la dngos po tsam khong du chud pa'i chos gang yin pa ni/ rang gi sems nyid tsam khong du chud pa'o/ /de bye brag khong du chud pa ni ma yin no/ /bye brag khong du chud par byed ba ni tshor ba la sogs pa chos rnams kyi gnas su gyur pa ste/ de ltar gyi dus kyi skad cig tsam la dmigs pa zhes bya ba la/ 'du byed thams cad kyang da ltar gyi dus kyi skad cig tsam la dmigs pa yin na/ ci'i phyir rnam par shes pa bye brag tu smos/ 'di ni da ltar gyi skad cig skal pa mnyam pa ma yin pa yod de/ sdug bsngal la chos shes pa'i bzod pa'i dus na ste gzugs ni da lta ma yin na/ /zag pa med pa'i sdom pas bsdus pa'i rnam par rig byed ma yin pa'i gzugs la yang skal pa mnyam pa ma yin pa'i skad cig yod pa ma yin nam/ de lta yin du zin kyang de yong na ni yod par rnam par shes pa gtso bo yin no/ /yang na yongs su mya ngan las 'das pa'i dus na rnam

  788. 394b

    par shes pa'i skad cig pa gcig ste/ gzugs ni rgyu mthun pa ma yin pas 'gal ba med do/ /dge ba dang mi dge ba'i khams rnams kyis rgyas par sems so/ /shes pas na yod do/ /sna tshogs shes pas rnam par shes pa ste/ dper na lag ba dang 'thor byed dang/ 'thu byed ces bya ba lta bu'o/ /yang na gang 'das pa de ni yod do/ /gang da ltar byung ba de ni rnam par shes pa'o/ /gang ma 'ongs pa de ni sems so/ dang po'i sems kyi rdzas gdags pa'i rgyu zhes bya ba ni sems can gyi gdags pa zhes bya bar sbyar ro/ /dang po'i sems can gyi rdzas gang yin pa ni thog ma'i sems can gyi rdzas te/ kun dga' po gal te rnam par shes pa ma'i mngal du ma zhugs na/ /bu chu dang khrag mer mer bor chags par 'gyur ram/ zhes gsungs pa'i phyir ro/ /yang na sems can nyid rdzas yin pas sems can gyi rdzas so/ /'dogs pas na gdags pa ste/ 'jig rten gyi tha snyad ces bya ba'i tha tshig go/ sems can gyi rdzas gdags pa de'i rgyu ni byed rgyu'o/ /dang po ni gtso bo zhes bya ba'i tha tshig go/ de ni sems can gyi rdzas gdags pa'i rgyu yang yin la dang po yang yin pas sems can gyi rdzas gdags pa'i dang po'i rgyu'o/ /de ni 'di skad du mig la sogs pa yang sems can du gdags pa'i rgyur gyur pa yin mod kyi/ 'o na kyang dngos su na rnam par sheS pa nyid de gdags pa'i rgyu yin gyi mig la sogs pa ni ma yin te/ de dang mi ldan yang sems can du gdags pa'i tha snyad 'dogs te/ rnam par shes par shes pa med na sems can du gdags pa'i tha snyad 'dogs pa med do/ /gzugs ? yul so sor rnam par rig pa ni gzugs la sogs pa so sor

  789. 395a

    yongs su gcod ces bya ba'i tha tshig go/ so sor rnam par rig par byed pa nyid gang yin pa de so sor rnam par rig par byed pa ste/ 'di ltar mig giS bltas nas rnam par shes pas rnam par shes so// rnam par shes pa de yang yul gyi bye brag gis rnam pa drug tu 'gyur te/ dper na thud shing gi bye brag gis tha dad te/ rtswa dang sogs ma'i me zhes bya ba lta bu'o/ /de'i mtshan nyid ni bcom ldan 'daS nyid kyi ste/ zhes bya ba ni bcom ldan 'das kyis gsungs pa zhes bya ba'i tha tshig go/ de gang zhe na/ sna tshogs shes pas rnam par shes pa'o zhes smos pa'o/ /mtshan nyid bsam pa'i skabs su smos pa/ zhes bya ba ni skye ba la sogs pa mtshan nyid bsam pa'i skabs su'o/ /ci smos zhe na/ nang gi yan lag ni skye pa'o/ /phyi'i yan lag ni rgyu dang rkyen rnams so zhes smos so/ /de la rgyu de dag ni gang/ rkyen rnams ni gang zhe na/ de dag brjod pa rgyu ni drug ste/ zhes bya'o/ /mdo las rkyen bzhi ste/ rgyu'i rkyen dang/ de ma thag pa'i rkyen dang/ dmigs pa'i rkyan dang/ bdag po'i rkyen te/ rkyen bzhi ni gsungs kyi /rgyu rnams ni ma gsungs pa ma yin nam/ 'di ni nyes pa ma yin te/ drug pa'i skabs su rgyu'i mdo gsungs pa las de ni nub par 'gyur te/ lha rnams kyis bsnyad do/ /yang na mdo gzhan dag las rgyu rnams gsungs te/ mtshungs par ldan pa'i rgyu gsungs pa ni mthong ba'i rtsa ba las byung ba'i dang pa ni rtogs nas shes pa dang mtshungs par ldan no zhes 'byung ba'i dad pa ni rtogs nas shes pa dang mtshungs par ldan no zhes 'byung ba'o/ /de bzhin du lhan cig 'byung ba'i rgyu bstan te/ gzugs gang ci yang rung de thams cad 'byung ba chen po bzhi dag ces 'byung ba'o/ /skal ba mnyam pa'i rgyu yang gsungs te/ de dge ba'i

  790. 395b

    rtsa ba chung rab tsam dang ldan pa yod de/ de'i dge ba'i rtsa ba de las dge ba'i rtsa ba gzhan 'byung zhes bya ba'o/ /kun tu 'gro ba'i rgyu yang gsungs te/ log par lta ba la sogs pa log par rtog pa 'byung ngo zhes bya ba'o/ /rnam par smin pa'i rgyu yang gsungS te/ dge slong dag khyed kyis sog gcod pa'i sems can mthong na de la khyed kyis kye ma'o/ /sems can dmyal ba 'am sems can dmyal ba gang yang rung ba zhig mthong ngo stsam? du nges par shes par bya'o/ /dge slong dag khyed kyis srog gcod pa spangs pa'i sems can mthong na/ de la khyed kyis lha 'am lha gang yang rung bzhig mthong do snyam du sems par shes bar bya'o zhes 'byung ba'o/ /phreng pa'i rgyu yang gsungs te/ ming dang gzugs la rten nas mig gi rnam par shes pa 'byung ste/ dge slong dag de ltar na mig ni bdag po'o/ /gzugs rnams ni dmigs pa'o zhes 'byung ba'o/ /de la sems dang sems las byung ba rnams ni zhes bya ba ni sems dang sems las byung ba rnams yin pas sems dang sems las byung ba rnams so/ /phan tshun zhes bya ba ni gcig la gcig go /mtshungs par ldan pa'i yul 'dzin pa'i phyir mnyam du 'jug pas de'i phyir mtshungs par ldan pa dag go/ mtshungs par ldan pa nyid mtshungs par ldan pa ste de ni mtshungs par ldan pa yang yin la/ rgyu yang yin pas mtshungs par ldan pa'i rgyu'o/ /dpe bstan pa'i phyir/ 'di lta ste sems ni tshor ba nas shes rab kyi bar dag gi'o/ /zhes bya ba smos te mtshungs par ldan pa'i rgyu'o/ / par dag gi zhes bya ba'i sgras ni sems la sogs pa yongs su sdud do/ /tshor ba la sogs pa de dag kyang sems kyi mtshungs par ldan pa'i rgyu'o/ /dper na nyi ma'i dkyil 'khor ni 'od zer dang bral bar mi 'byung ngo/ /de bzhin

  791. 396a

    du sems kyang tshor ba la sogs pa dang bral bar mi 'byung ngo/ /phan tshun 'bras bu zhes bya ba la sogs pa la/ gang dag phan tshun du 'bras bu yin pa de dag ni phan tshun 'bras bu ste/ gcig gi 'bras bu gcig go zhes bstan par 'gyur ro/ /lhan cig 'byung bas lhan cig 'byung ba ste lhan cig skye zhes bya ba'i tha tshig go/ lhan cig 'byung ba nyid rgyu yin pas lhan cig 'byung ba'i rgyu'o/ /'dir dpe bstan pa' phyir/ 'di lta ste 'byung ba rnams gcig? gi rgyu gcig yin pa zhes bya ba smos te/ de la sa'i khams ni chu la sogs pa gsum la bltos te 'byung ngo/ /chul sogs pa yang sa la bltos nas 'byung ste/ de dag gi 'di ni rgyu dang 'bras bu'i dngos po'o/ /mtshan gyi gzhi ni gzugs la sogs pa'o/ /mtshan nyid rnams ni skye ba la sogs pa'o/ /sems kyang sems kyi rjes su 'brang ba rnams kyi'o zhes byaba la sems kyi rjes su 'brang ba'i ngang tshul can de dag ni sems kyi rjes su 'brang ba'o/ /lhan cig 'byung ba dang mtshungs bar ldan pa'i rgyu 'dra mong kyi 'on kyang khyad par bstan pa'i phyir phan tshun gyi stobs kyis zhes bya ba smos te/ gcig gi stobs kyis gcig go/ dper na 'gron po mang po dag gcig la gcig mi bltos par lam gyi dgos pa las 'da' bar mi nus pa de bzhin du chos 'di dag kyang skad cig pa'i phyir gcig la gcig ma bltos par skye mi nus te/ de ni lhan cig 'byung ba'i rgyu'o/ /'gron po mang po ni lam gyi dgon pa las 'byung bar zhugs pa de dag nyid gcig la gcig lam rgyags kyis 'thud pa'i tshul du'o zhes bya ba ni gcig la gcig lam rgyagS kyis 'thud pa dang/ gzhan dang gzhan la'o/ /de ltar gcig la gcig nye bar sgrub par byed pa lta bus 'byung ba ste/ de ltar na de dag ni lam

  792. 396b

    rgyags kyis 'thung pa'i chos dang mthun pa'o/ /da ni 'di skad du sems dang sems las byung pa rnams ni phan tshun nye bar gnas pa'i phyir yid bcugs pas lus gcig gi lta bur gyur pa'i phyir rgyud de 'bras bu'i dngos po las khong du chung ngo zhes ston par 'gyur ro/ /de bas na de dag ni mtshungs par ldan pa'i zhes brjod kyi skye ba la sogs pa ni ma yin no/ /de dag ni mi ldan pa'i phyir yid bcugs pa ma yin pa ltar gcig la gcig nye bar sgrub cing phan 'dogs pa la mi bltos pa'o/ /'dir ni lhan cig 'byung ba tsam 'ba' zhig gis rgyur khong du chud do/ /sems kyi rjes su 'brang ba rnams zhes smos pa de dag gang zhe na/ de'i phyir sems las byung ba thams cad ces bya ba la sogs pa smos te tshor ba la sogs pa'o/ /'dus byas kyi mtshan nyid ces bya ba ni skye ba la sogs pa'o/ /'dus byas kyi mtshan nyid sems kyi rjes su 'brang ba gang dag yin snyam pa la/ de'i phyir gang dag sems de'i yin pa dag go zhes bya ba smos te/ gong bu brjod ma thag pa'i sems las byung ba rnams dang/ bsam gtan dang zag pa med pa'i sdom pa rnams dang/ sems de'i skye ba la sogs pa'o// gang gi phyir de dag sems kyi rjes su 'brang ba zhes bya snyam pa la/ de dag gi sems dang lhan cig tu zhes bya ba la sogs pa smos te/ dus gcig pa dang/ skye ba gcig pa dang gnas pa gcig pa dang/ 'gag pa gcig pa'o/ /de la dus gcig ces bya ba la sogs pa la/ 'das pa'i sems ni 'das pa rnams dang/ da ltar byung ba rnams ni de ltar byung ba rnams dang/ ma 'ongs pa rnams ni ma 'ongs pa rnams dang ste/ de dag ni dus gzhan na 'jug pa ma yin no/ /dus gcig tu skye bas skye ba gcig pa dang/ dus gcig tu gnas pa dang/ dus gcig

  793. 397a

    tu 'gag pa ni dus dang skye ba dang gnas pa dang 'gag pa gcig ste/ de dag gang dag la yod pa de dag dus ngang skye ba dang gnas pa dang 'gag pa gcig pa'o/ /'bras bu gcig pa rnams dang/ rgyu mthun pa gcig pa rnams dang/ rnam par smin pa gcig pa rnams te/ de la 'bras bu gcig pa ni sems kyi 'bras bu gang yin pa de nyid de dag gi'o/ /de dag gi gang yin pa de nyid sems kyi'o/ /'di lta ste sems kyi 'bras bu tshor ba la sogs pa gang yin pa de nyid de'i rjes su 'brang ba rnams kyi'o/ /rgyu mthun pa gcig pa gang dag yin pa de dag ni rgyu mthun pa gcig pa ste/ 'bras bu 'dra ba zhes bya ba'i tha tshig go/ de ni 'di skad du sems kyi rgyu mthun pa dge ba la sogs pa gang yin pa de nyid de'i rjes su 'brang ba rnams kyi'o zhes bstan par 'gyur ro/ /rnam par smin pa gcig pa gang dag yin pa de dag rnam par smin pa gcig pa dag ste/ rnam par smin pa ni mi nyid la sogs pa'o/ /sems kyi rnam par smin pa gang yin pa de nyid de'i rjes su 'brang ba rnams kyi'o/ /skal pa mnyam pa gang zhe na/ rang gi sa pa zhes bya ba la sogs pa smos te/ rang gi sa pa rnams ni rang gi sa pa rnams nyid kyi'o/ /de la gang dag 'dod par gtogs pa'i chos de dag ni 'dod par gtogs ba rnams kyi rgyu'o/ /de bzhin du gzugs dang gzugs med par gtogs pa'i chos rnams ni gzugs dang gzugs med par gtogs pa rnams kyi'o// ris smos pa ni ris lnga yongs su bsdud de/ sdug bsngal mthong bas spang bar bya ba'i ris nas bsgom pas spang bar bya ba'i bar du'o/ /de la sdug bsngal mthong nges spang bar bya ba ni/ sdug bsngal

  794. 397b

    mthong bas spang par bya ba'i chos rnams kyi ste/ de dag sngar skyes pa rnams kyis skye ba rnams kyi'o/ /chos 'dra ba ni dge ba yang dge ba rnams kyi yin pa la sogs pa'o/ /sa bon gyi chos kyi tshul gyis zhes bya ba ni dper na 'bras sA lu'i sa bon las 'bras bu'i/ myu gu nyid 'byung ba lta bu ste/ sa bon gyi chos kyi tshul 'dis 'dra bar khong du chud par bya'o/ /skal pa mnyam pa ni skal pa mtshungs pa ste 'dra zhes bya ba'i tha tshig go/ de ni skal pa mnyam pa yang yin la rgyu yang yin pas skal pa mnyam pa'i rgyu'o/ /rang gis ba zhes bya ba la/ sa ni dgu ste 'dod pa'i khams dang/ bsam gtan dang/ gzugs med pa rnams so/ /kun tu 'gro ba zhes bya ba ni thams cad du 'gro bas kun tu 'gro ba'o// de dag kyang sngar bshad pa yin te/ thams cad la dmigs pa'i dngos por 'gro ba'i phyir ro/ /nyon mongs pa can zhes bya ba ni 'dod chags la sogs pa rnams nyid kyi'o/ /kun tu 'gro ba rnams nyid rgyu yin pas kun tu 'gro ba'i rgyu'o/ /skal pa mnyam pa'i rgyu ni rang gi ris pa rnams nyid kyi'o/ /'di ni ris tha dad pa rnams kyi yang yin te/ 'di ni de gnyis kyi bye brag go /mi 'dra bar smin pa ni rnam par smin pa ste mi nyid la sogs pa'o/ /de'i rgyu ni rnam par smin pa'i rgyu'o/ /de yang mi dge ba rnams ni 'dod chags la sogs pa'o/ /dge ba ni dang pa la sogs pa'o/ /de dag ni dge ba yang yin la zag pa dang bcas pa yang yin pas dge ba zag pa dang bcas pa rnams te/ 'dod chags la sogs pa rgas par 'gyur bas zag pa dang bcas pa rnams so/ /ci'i phyir lung du mi ston par rnam par smin pa'i rgyu ma yin zhe na/ mthu chung ba'i phyir te sa bon rul ba bzhin no/ /zag pa med pa ci'i phyir ma yin zhe na/ sred pas ma bslon pa'i

  795. 398a

    phyir te/ sa bon drung po bzhin no/ /de dag ces bya ba mi dge la sogs pa'o/ /rnam par smin par 'gyur ba'i chos de dag gi rnam par smin par 'gyur ba'i chos la rnam par smin par zhes brjod pas rnam par smin par 'gyur ba'i chos can no/ /chos ni mig gi rnam par shes pa la sogs pa ste/ de dag skye ba na'o/ /rang bzhin ma gtogs pa zhes bya ba ni bdag la bdag nyid byed pa 'gal ba'i phyir ngo bo nyid ma gtogs te/ de nyid de'i skyed pa por ma mthong ngo/ /chos thams cad chos thams cad ces bya ba ni 'dus byas dang 'dus ma byas rnams so/ /ci'i phyir rgyu zhes bya snyam pa la/ de'i phyir skye ba la bgegs mi byed cing mi sgrib pa'i dngos pos zhes bya ba smos te/ bgegs ni bar du gcod pa'o// bgegs byed pa ma yin pa ni bgegs mi byed pa'o// sgrib pa ni chod pa ste 'gag pa'o// sgrib par mi byed pa ni mi sgrib pa'o// skye ba la sgrib par mi byed pas skye ba la mi sgrib pa'o/ /bgegs med par skye zhing sgrib pa med pa ni skye ba la bgegs med cing mi sgrib pa ste/ skye ba la bgegs mi byed cing mi sgrib pa'i gnas skabs nges so/ /de ni 'di skad du/ ji snyed chos skye ba'i bgegs mi byed pa de dag thams cad byed pa'i rgyu zhes bya'o zhes bstan par 'gyur/ /gang gi tshe byed pa nyid rgyu yin pa'i phyir rgyu thams cad kyang byed pa'i rgyu'i sgrar brjod par 'gyur na ci'i phyir 'di kho na la byed pa'i rgyu zhes bya/ smras pa de dag ni ming gzhan gyis brjod do/ /gang la ming gzhan med ba de ni sgra nyid kyis brjod de/ /gzugs kyi skye mched bzhin no/ /rgyu rnams ni bshad zin to/ /'bras bu de dag bshad par bya'o/ /gang gi yin

  796. 398b

    gang yin snyam pa //de'i phyir de la lhan cig 'byung ba dang mnyam du ldan pa'i rgyu'i ni skyes bu byed pa'i 'bras bu ste zhes bya ba smos te/ rnam par bzhag pa'o/ /ji ltar zhe na/ na zhes bya ba smos te/ na'i sgra ni gang gi phyir zhes bya ba'i don te/ gang gi phyir gang gi stobs kyi nus pas gang skye ba de de'i ste/ 'jig rten na skyes bu byed pa'i 'bras bu zhes ston to/ /dper na 'bras bu la sogs pa ni zhing pa rnams kyi skyes bu'i byed pa'i 'bras bu yin pa de bzhin du sems la sogs pa'i stobs kyis byung ba rnams skyes bu byed pa'i 'bras bur rnam par bzhag go/ mi 'dra ba smin pa ni rnam par smin pa ste/ mi 'dra ba ji lta bu zhe na/ dge ba dang/ mi dge ba'i rgyu las lung du ma bstan ces bya ba'i tha tshig go/ sems can mi la sogs pa ste/ gang la sems can zhes brjod pa de sems can zhes bya'o/ /ma bsgribs la lung du ston to zhes bya ba ni nyon mongs pas ma non zhes bya ba'i tha tshig ste/ de ni ngo bo nyid do// skyes bu'i byed pa dang/ bdag po'i 'bras bu gnyis la bye brag ci yod ce na/ smras pa skyes bu'i byed pa'i 'bras bu ni byed pa'i'o/ /bdag po'i 'bras bu ni byed pa ma yin pa'i yang yin no// dper na bzo bo rnams kyi bzo ni skyes bu byed pa'i 'bras bu dang/ bdag po'i 'bras bu yang yin pa dang/ de ma yin pa gzhan ni bdag po'i 'bras bu nyid yin pa lta bu'o/ /de ltar bskyed par bya ba dang/ skyed pa'i dngos pos rgyu dang 'bras bu rnam par bzhag pa bshad zin to/ /da ni thob par bya ba dang/ thob par byed pa'i rgyu dang 'bras bu'i dngos pos 'bras bu gzhan brjod par bya ba'i phyir/ mya ngan las 'das pa ni bral ba'i 'bras bu zhes bya ste/ zhes bya ba smos so/ /'bral bas na bral ba ste/ nyon mongs pa gtan du mi 'byung pa zhes bya ba'i

  797. 399a

    tha tshig go/ bral ba'i 'bras bu nyid bral ba'i 'bras bu'o/ /de ni thob par bya ba yin gyi/ zhes bya ba ni lam gyis thob par bya ba yin pa'i phyir ro/ /skyed bas bam?/ yin pa ni dag pa'i phyir ro/ /rkyen? brjod par bya ste/ de'i phyir rkyen ni bzhi ste/ rgyu'i rkyen dang de ma thag pa'i rkyen dang/ dmigs pa'i rkyen dang/ bdag po'i rkyen to? zhes bya ba smos so/ /rtogs par byed pas rkyen te/ rang gis dgos ba skye ba gsal bar byed pa'i phyir ro// 'das pa dang da ltar byung ba'i sems dang sems las byung ba'i rnams so/ /ma 'ongs pa rnams ni ma yin te/ ma 'ongs pa ni 'khrug pa'i phyir snga phyi med do/ /de ma thag pa'i rkyen ces bya ba la/ de ni de ma thag pa yin paS de ma thag pa ste/ de ni 'di skad du sems la sogs pa'i rdzas gcig las sems la sogs pa'i rdzas gcig 'byung gi du ma ni ma yin no zhes bstan par 'gyur/ /de ma thag pa zhes bya ba ni rigs gcig pa'i rdzas kyis bar du gcod ces bya ba'i tha tshig go/ dmigs pa'i rkyen ces bya ba ni de dmigs par bya ba yin pas dmigs pa'o/ /dmigs pa nyid rkyen yin pas dmigs pa'i rkyen te/ de la dmigs nas sems dang sems las byung ba dag 'byung ba'i phyir ro/ /chos thams cad do zhes bya ba ni 'dus byas dang 'dus ma byas rnams so/ /byed pa'i rgyur ba bzhin no zhes bya ba de ni 'di skad du rgyu'i rkyen gang yin pa de nyid bdag po'i rkyen ces bya ba'i tha tshig go zhes bstan par 'gyur ro/ /nam mkha' ni bsags pa'i rdzas kyi go 'byed pa'i mtshan nyid de/ zhes bya ba la bsags? pa'i rdul phra mo 'dus pa'i bdag nyid/ /de ni bsags pa yang yin la rdzas kyang yin pas bsagS

  798. 399b

    pa'i rdzas so/ /bsags pa'i rdzas kyi go 'byed pas bsags pa'i rdzas kyi go 'byed pa'o/ /de nyid de'i mtshan nyid de/ de ni nam mkha' zhes bya'o/ /de'i nang du dngos po shin tu bsal bsan mkha' o/ /bskram? ba ni sal sal po ste/ mngon no rab tu gsal lo zhes bya ba'i tha tshig go/ gang gi dbang gis zhes bya ba ni gang gis mthus dngos po thams cad nam mkha' la gnas pa'o/ /thogs pa dang bcas pa rnams ni yul gnon pas gnas so/ /thogs pa med pa rnams ni nye bar gnas pas gnas so/ /gal te nam mkha' sgrib pa'i bdag nyid du gyur na ni de la thogs pa dang bcas pa rnams dang thogs pa med pa rnams 'byung ba dang gnas ba med par 'gyur ro/ /'dir bde bar gshegs pas kyang gsungs zhes bya ba la sogs pas ni lung las 'byung bas ston to/ /bram ze rlung gi nam mkha' la brten to/ /zhes bya bas ni nam mkha' yod par brjod de/ 'di ltar dngos pa med pa ni dngos po med pa'i rten du mi rung ngo/ snang ba'i rtags kyis kyang yin te/ smang ba yod pas na nam mkha' shes so zhes gsungs pa'i phyir ro/ /de'i don ni 'di lta ste/ rlung gi nam mkha' la brtan par gsum so// nam mkha' ni gnas med par gsungs so/ /de'i phyir bram ze gang rlung rten par brtags pa'i nam mkha' de yod par ci mngon snyam du gyur du 'ong zhes de'i phyir bcom ldan 'das kyis snang ba yod pas na nam mkha' shes so zhes gsungs te de ni yod do/ /smad ba ni gzugs can te bstan du yang ba thogs pa dang bcas pa'o/ /gal te nam mkha' de med du zin na de go skabs 'byed pa yang med par 'gyur te/ de'i phyir snang ba ni de yod pa'i rtags yin no/ /so sor rtags pas 'gog par sdug bsngal spong ba'o zhes

  799. 400a

    bya ba ni ji ltar bstan pa de bzhin bshad pas de'i phyir so sor brtags pa ma yin bas 'gog pa'i rim pa la bab pa las go bsnor te/ so sor brtags pas 'gog pa'i rang gi ngo bos yongs su shes pa'i 'og tu de dgag pa rnam par spo ba bla bar 'gyur bas de'i phyir so sor brtags pas 'gog pa sngar bshad do/ /sdug bsngal 'dor ba ni sdug bsngal spong ba'o/ /mdor bsdu na zhes bya ba ni na ba la sogS ba sdug bsngal rnam pa mang du yod mod kyi thams so cad kyang skye ba las byung ba'i phyir mdor na skye ba nyid sdug bsngal zhes smos so/ /srid pa mngon par 'grub bo zhes bya ba dang/ 'jug pa zhes bya ba la/ srid pa ni skye ba'o/ /de mngon par 'grub pa ni mngon par 'grub pa ste/ srid pa 'byung ba'o/ /de'i 'jug pa ni 'jug pa ste yang dang yang 'byung ba zhes bya ba'i tha tshig go/ de'i 'jug pa med ba ni skye ba dang 'bral ba'o/ /spong ba zhes bya ste zhes bya pa ni spong ba zhes ming du gdags pa'o/ /chu 'bab pa bcad pa lta bu ni 'dra ba'o/ /rlung rgyu ba la thogs par byed pa ni rlung rgyu ba la thogs par byad pa ste/ 'dis thogs par byed pas thogs par byed pa'o// de ni rlung rgyu ba thogs par byed pa yang yin la brag kyang yin pas rlung rgyu ba thogs par byed pa'i brag go/ dper na brag ni rlung rgyu ba thogs par byed pa'o/ /de bzhin du skye ba'i rgyud gcod par byed pa gang yin pa de ni so sor brtags pas 'gog pa zhes bya'o/ /'dis ni rdzas su yod pa nyid rab tu ston to/ /brtags 'gog pa ni shes rab ste 'dis rtogs pas brtags pa'o/ /tha dad du yongs su bgrang pas brtags pa'o// dper na gcig la sogs

  800. 400b

    pa'i grangs kyis dngos po yongs su gcod par 'gyur ba de bzhin du shes rab 'dis kyang dngos po yongs su gcod do// /ji ltar dngos po yongs su gcod ce na/ so sor zhes bya ba'i sgrar khyab par 'dod pa'i tshig gi bden pa bzhi la mi rtag pa la sogs pa'i rnam par dmigs pa ste/ de'i phyir so sor brtags pa'o/ /blo'i bye brag dge ba'o zhes bya ba 'dis ni lam rjod par byed de/ lam gyis 'di 'thob bo/ /des zhes bya ba ni blos so/ /'thob pa zhes bya ba ni rnyed? pa'o/ /de gang yin snyam pa la/ 'gog pa zhes bya ba smos te/ zho'i bum pa bzhin du tshig bar ma mi mngon par byas pa'o/ /rtag pa'i phyir bskyed par bya ba ni ma yin no// spang bar bya ba mdza' yas pa bzhin du zhes bya ba ni ji ltar 'dod chags la sogs pa spang bar bya ba dag mdza' yas pa de bzhin du spong ba'i rdzas de yang mdza' yas par blta bar bya'o/ /gal te gcig pa zhig yin te/ spang bar bya ba bzhin du mdza' yas par ma gyur na nyes pa ci zhig yod ce na/ 'phags pa'i lam gyi skad cig snga ma nyid kyis zhes bya ba smos te/ sdug bsngal la chos shes pa'i bzod pa nyid kyis so/ /de zhes bya ba ni 'gog pa'o/ /mngon sum du byas zhes bya ba ni thob pa mngon sum du byas pa'i phyir ro/ /phyi ma zhes bya ba 'dis na kun 'byung ba la sogs pa sdud do/ /'gog pa gcig pu zhig yod na ni de snga ma nyid kyis mngon sum du byas pas ni de spang? bar bya ba'i phyir lam bsgom par no med par 'gyur te/ de bas na du ma nyid du grub bo/ cung zad zhes bya ba ni mya ngan las 'das pa ste/ rdzas gcig pu kho na yin mod kyi/ 'on kyang 'phags pa'i lam gyi skad cig snga mas ma lus ba mngon sum du byed ba ma yin gyi lam bsgom pa phyi ma dag gis ma lus bar mdo ni sum

  801. 401a

    du byed par 'dod na de lta na ni cung zad mngon sum du byed pas mya ngan las 'das pa ste yan lag dang bcas par 'gyur te/ rtag pa bstan du med pa thogs pa med pa yin pas yan lag med du? par 'dod do/ /'bras bu'i bye brag gis zhes bya ba rgyun tu zhugs bya la sogs pa'i 'bras bu'i bye brag gis so/ /spong ba'i khams dang/ 'dod chags dang bral ba'i khams dang/ 'gog pa'i khams gyi bye brag gi rnam pa gsum mo/ /de la 'dod chaD ma gtogs pa'i nyon mongs pa rnams spong ba ni spong ba'i khams so/ /'dod chagS spong ba ni 'dod chags dang bral ba'i khams so/ /sngar bshad pa ma gtogs pa nye bar len pa'i phung po lnga po dag spong ba ni 'gog pa'i khams so/ /bden pa gnyis po spong// ba'i bye brag ces bya ba ni sdug bsngal dang kun 'byung ba spong ba'i bye brag gis so/ /phung po dang bcas pa dang phung po lhag ma med pa'i dbyings kyi bye brags gis yang rnaM pa gnyis so zhes bya ba la/ phung po zhes bya ba ni phung po rnams so/ /phung po rnams dang ldan te lhag ma lus ba/ ni phung po'i lhag ma dang bcas pa'o/ /de ni 'di skad du nyon mongs pa thaMs cad spangs bas phung po tsam zhig lus zhes bya ba'i tha tshig go zhes bstan par 'gyur ro/ /gang dang phung po rnams bral ba de ni phung bo'i lhag ma med ba'i mya ngan las 'das pa'i dbyings so// de ni phung po med pa yang yin la lhag ma yang yin pas phung po med pa'i lhag ma ste/ phung po dang ni bral la/ de tsam zhig lus so zhes bya ba'i tha tshig go/ mtsham sbyor ba med pa zhes bya ba la/ so sor mtshams sbyor ba ni mtsham sbyor ba ste/ skye ba yongs su 'dzin ces bya ba'i tha tshig go/ 'di la ni mtshams sbyor ba med pa mtshams? mi sbyor ba ste/ mtshams mi sbyor ba nyid mtsham sbyor ba med pa'o/ /skye ba 'gag ba ni skye ba 'gog pa'o/ /de ni mtshams sbyor ba med ba yang yin la/ skye ba 'gog pa yin paS mtsham sbyor ba

  802. 401b

    med ba ste skye ba 'gog ba'o/ de rnam par gzhag bas na gcig go/ zhes bya ba ni rnam pa gcig go zhes bya ba'i tha tshig go/ de ni 'di skad du/ du ma yin yang spyir na mtshams sbyor ba med ba skye ba 'gog pa yin pas gcig kho na zhes bya 'o/ /de la zad ba ni skye ba mi 'byung ba'o/ /'dod chags dang bral ba ni rga ba mi 'byung ba'o/ /'gog pa ni nang rnams bcom pa'o/ /rnam par zhi ba ni 'chi ba med pa'o/ /nub pa ni sdug bsngal dang bral ba la sogs pa med pa'o/ /yang na 'dul ba'i bye brag gis tshig phyi ma ni snga ma'i bshad pa'o/ /de'i rnam grangs kyi sgra ni zad pa dang 'dod chags dang bral ba zhes bya ba la sogs ba 'di dag gi tshe rnam grangs su gtogs ba ma yin gyi/ ming ngo gzhan las ji snyed bstan pa'o/ /de bstan pa'i phyir de slad du/ zhes bya ba smos so/ /phung po gzugs can ma yin pa bzhi po ni tshor ba la sogs pa'o/ /mig gi dbang po gzugs kyi phung po zhes bya ba'i tha tshig go/ 'di la 'di ni dam bca' ba'o zhes bya ba ni phung po lnga bo de dag la bdag gis mthong ngo zhes brjod pa'o/ /tshe dang ldan pa de'i zhes bya ba ni phung po lnga yongs su 'dzin te/ /dge slong dag de ltar na 'di ni ming tsam mo/ /zhes bya ba la sogs pas ni bdag bsal ston to/ /dge slong dag chos thams cad ni mi rtag pa zhes bya ba ni skye ba dang ldan pa'i phyir ro/ /sems pas 'phangs pa'i las kyi 'bras bu yin pa'i phyir ro/ /'dus byas ni mtshan nyid dang ldan pa'i phyir ro/ /rten cing 'brel par 'byung ba ni rgyu dang/ rkyen las 'byung ba'i phyir ro/ /mi rtag pa nas zhes bya ba dang/ sdug bsngal skye ba yang sdug bsngal zhes bya ba ni sngon gyi dus na rgyu las byung ba'i phyir ro/ /gnas ba ni skye ba la sogs pa la gnas pa'i phyir ro/ /mngon par grub pa ni mtshams sbyor ba'i skad cig gi rgyu las byung ba'i

  803. 402a

    phyir ro/ /'byung ba yang sdug bsngal zhes bya ba ni rgyun tu gnas pa'i phyir ro/ /'di yod na phung po thams cad so sor 'dor te gtong zhes bya ba'i tha tshig go/ mya ngan las 'das pa dngos po med pa yin na/ ci'i phyir rtag pa zhes bstan la/ dngos bo med pa gzhan ni ma yin/ tshigs su bcad pa las/ rtag pa gang yin mya ngan 'das pa'o/ /mi rtag gang yin 'dus byas chos kun no/ /drang bo gang yin 'phags pa'i lam yin no/ /gya gyu gang yin sdig can lto ba'o/ /zhes gsungs te/ de bas na mya ngan las byungs pa brtag par grub bo/ /so sor brtags bas 'gog pa bshad zin to/ /da ni so sor brtags pa ma yin bas 'gog pa brjod par bya'o/ /de las gzhan pa zhes bya ba gang las zhe na/ so sor brtags pas 'gog pa las so/ /gzhan pa zhes bya ba ni 'gog pa'o/ /ma 'ongs pa'i chos ni gzugs la sogs pa'o/ /skye ba la shin tu ba shegs su gyur pa ni gcod par gyur ba'o/ /ma 'ongs pa smos pa ni mi rtag pa nyid kyi 'gog pa bsal ba ston to/ /gtan du zhes bya ba smos pas ni 'gog pa dang/ 'du shes med pa'i snyoms par 'jug pa dang/ skye ba'i 'gog pa bsal ba ston to/ de ni ma 'ongs ba mi skye ba'i chos can du nges pa rnams la 'thag/ so so brtags pas 'gog pa ni dus gsum char las 'thob bo/ /so sor brtags pas 'gog pa med par zhes bya ba ni blo sngon du btang pa med ces bya ba'i tha tshig go/ rkyen ma tshang bas zhes bya ba ni/ de ma thag pa'i rkyen med pa'o/ /de ni dper byas te bstan pa ste/ dper na mig dang yid gzugs zhig la yeng sa na zhes bya ba la sogs pa la/ mig dang yid ces bya ba ni/ mig gi rnam par shes pa zhes bya ba'i tha tshig bo/ /de ma yin pa zhes bya ba la/ gzugs de las gzhan du gyur pa ni de ma

  804. 402b

    thag ba ni de ma yin pa gzhan no/ /chos rnams zhes bya ba ni tshor ba la sogs pa'o/ /gzugs la sogs pa de dag la dmigs pa gang yin pa de dag ni de la dmigs pa'o/ /dmigs pa'i sems dang sems las byung ba de dag bskyed par bya ba zheS bya ni yul nges par gzung bar bya'o/ /de dag gis de thob na zhes bya ba ni so sor brtags pa ma yin pas 'gog pa thob na'o/ /mi skye ste nges dag 'gag par 'gyur ba'o? zhes bya ba ni bgegs su gyur ces bya ba'i tha tshig go/ de'i tshor ba gnyis 'gag go zhes bya ba ni 'di la 'di ba la sogs la tshor ba gsum po de dag mi mthun pas cig car mngon du gyur par mi 'byung ngo/ /de la gang gi tshe bde ba'i tshor ba da ltar byung bar gyur pa de'i tshes so sor brtags pa ma yin pas 'gog pa thob bas tshor ba gnyis 'gag par 'gyur ro/ /ci mngon zhe na/ dgongs pa ni 'di yin no// 'gog pa ni gsum ste/ mi rtag pa nyid kyi 'gog pa dang/ so sor brtags pa ma yin pas 'gog pa dang/ so sor brtags pas 'gog pa'o/ /de la mi rtag pa nyid kyis 'gog pa ni byung ba'i chos rnams kyi ste/ byung nas mi rtag pas rnam par 'jig gi/ ma byung ba rnams kyi ma yin no/ /so sor brtags pas 'gog pa ni dus gsum char gyi zag pa dang bcas pa rnams kyi 'gog pa'o// de bas na de lta bu gnyis med pa'i so sor brtags pa ma yin pas 'gog pa nyid 'dir gzung bar rigs so/ /rnam par shes pa'i tshogs lnga nyi cha so sor brtags pa ma yin pas 'gog pa ma yin gyi/ phung po lnga po de dag kyang so sor brtags ba ma yin pas 'gog pa 'thob bo// ji skad du dge slong 'di'i sems can dmyal ba rnams zad do/ /dud 'gro rnams zad do/ /yi dags rnams zang? de zhes gsungs pa ste/ bzod pa thob pas rgyun tu zhugs par gyur pa'i dbang

  805. 403a

    du byas te gsungs kyi/ 'dod pa la 'dod chags dang ma bral ba'i phyir de sems can dmyal ba la sogs pa ma spangs pa ni ma yin te/ de'i 'dod chags dang bral nas ngan song rnams spong ngo/ / de la ma skyes pa'i phyir yin gyi mi rtag pa nyid kyi 'gog pas zad pa ni ma yin no/ /de bas na chos gang la la thob pas ngan song rnams spong ngo/ /de la ma skyes pa'i phyir mi rtag pa nyid kyi 'gog pas zad pa ni ma yin no/ /de bas na chos gang la la thob pas ngan song rnams mi skye ba'i chos nyid du chos de yod de/ de ni so sor brtags pa ma yin pas 'gog pa'o/ /ci'i phyir der ngan song dang/ ngan 'gro dang/ log par ltung ba zlos bu bstan ce na/ ngan song zhes bya ba'i sgras ni mtshams med pa lnga mi byed pa'o/ /ngan 'gro zhes bya ba'i sgras ni lta ba lnga kun tu mi 'byung ba'o/ /log par ltung ba'i sgras ni zam dang/ ma ning dang/ mtshan gnyis pa dang/ bud med dang/ srid pa brgyad pa mngon par 'grub pa yongs su spangs pa yin no/ /'dir mdza' bzhi par 'gyur te/ chos gang so sor brtags pas 'gog pa nyid thob pa de dag kyang yod de/ 'di lta ste 'das pa dang da ltar byung ba dang/ 'byung ba'i chos zag pa dang bcas pa rnams so/ /gang dag so sor brtags pa ma yin pas 'gog pa nyid kyang yod de/ 'di lta ste mi 'byung ba'i chos zag pa med pa'i 'dus byas rnams so/ /gang dag gnyi gar 'gyur ba yang yod de/ 'di lta ste zag pa dang bcas pa la skye ba'i chos rnams so/ /gang dag gnyi ga ma yin pa yang yod de/ 'di lta ste 'das pa dang da ltar byung ba dang/ /'byung ba'i chos zad pa med pa rnams so/ /chos mngon pa la 'jug pa rgya cher 'brel

  806. 403b

    ba/ snying po kun las btus pa zhes bya ba rdzogs so// //rgya gar gyi mkhan po dzin? mi tra dang/ dA na shI la dang/ zhu chen gyi lo tsA ba bande ye shes sde la sogs pas bsgyur cing zhus te gtan la phab pa'o// // * / /rab tu byed pa chos mngon pa la 'jug pa bzhugs so/ //rgya gar skad du/ pra ka ra NA b+hi d+harmA ba ta ra nA ma/ bod skad du/ rab tu byed ba chos mngon pa la 'jug pa zhes bya ba/ 'jam dpal gzhon nur gyur pa la phyag 'tshal lo/ /lha mi snying po mun pa ngan song rtsa/ /gsung gi 'od zer dag gis gang gis bcom/ /thams cad mkhyen nyid kil 'khor dri med pa/ sangs rgyas nyi ma de la phyag 'tshal lo/ /gang dag chos mngon tshul gyis chos rnams kyis/ /mtshan nyid rnams la rmongs pa drungs byung zhing/ /thams cad mkhyen pa'i bka' yi gnas gyur pa/ /de dag la ni mgo bos bdag phyag 'tshal/ /blo zhan rnams kyis ma legs bshad pa yis/ /mun pa thub pa'i gsung gis khebs pa la/ /gang gi sgron maS gsal bar mdzad pa yi/ /sgron ma mdzad pa de la phyag 'tshal lo/ /la la dag ni thub pa'i gsung rab mdza' dag gi don dang/ tshig gzung ba'i skal ba yod pa'i dang tshul can dge ba dag yin du zin kyang/ 'phral gyi bya ba la thogs pas ma thob pa'i nyams pas yongs su nyams par 'gyur ba dang/ shes rab zhan pa la dag chos mngon pa klags pa'i thos pa tsam kyis skrag par 'gyur la/ de dag rtag tu khong du chud par 'dod pa yang yod de/ de bas na de dga' bar bya ba'i phyir/ bdag gis chos mngon pa'i mtshan nyid kyi rgya mtsho la 'jug pa 'di brtsam mo/ /'di ltar bde bar

  807. 404a

    gshegs pa rnams kyi dngos po brgyad de/ gzugs dang tshor ba dang 'du shes dang/ 'du byed rnams dang/ rnam par shes pa dang/ nam mkha' dang/ so sor brtags pa ma yin pas 'gog pa dang/ so sor brtags pas 'gog pa'o/ /de la gzugs ni rnam pa gnyis te 'byung ba dang/ 'byung ba las gyur pa'i gzugs so/ /'byung ba dag ni bzhi ste sa dang chu dang me dang rlung gi khams rnams so/ /khams dag ni rang dang spyi'i mtshan 'dzin ba dang/ rgyur byas pa'i gzugs thams cad 'dzin pa'i phyir ro/ /de dag gi rang bzhin ni sra ba dang gsher ba dang tsha ba dang g.yo ba nyid dag go/ las ni brten pa dang sbyor ba dang smin par byed pa dang skyod pa dag ste/ grangs ji lta ba bzhin no// de dag ni chen po yang yin la 'byung bar 'gyur bas na 'byung ba chen po dag ste/ nam mkha' ni 'byung ba chen po ma yin no/ /de dag ni rgyur byas pa'i gzugs la khyab pa'i phyir ro/ /mi dgos pa dang mi nus pa'i phyir bzhi kho na ste khri'i rkang pa bzhin no/ /'byung ba las gyur pa ni mig dang rna ba dang sna dang lce dang lus dang/ gzugs dang sgra dang dri dang ro dang reg bya'i phyogs gcig dang rnam par rig byed ma yin pa'o/ /'byung ba dag las 'byung bas na 'byung ba las gyur pa ste 'byung ba la brten pa'i don gang yin pa'o/ /de la mig ni mig gi rnam par shes pa'i rten lta bu gzugs la lta ba'i bya ba can gzugs dang ba'o/ /'dis ni rna ba dang sna dang lce dang lus kyi dbang po rnams kyang so sor bstan to/ /gzugs ni rnam pa gnyis te kha dog gi bdag nyid dang dbyibs kyi bdag nyid de/ ji skad du bcom ldan 'das kyi kha dog ngan pa dang dbyibs ngan par 'gyur ro zhes gsungs pa lta bu'o/ /de la kha

  808. 404b

    dog gi gzugs ni rnam ba bcu gnyis te/ sngon po dang ser po dang/ dmar po dang/ dkar po dang/ sprin dang du ba dang/ rdul dang khug rna dang/ grib ma dang nyi ma dang snang ba dang mun pa'o/ /dbyibs ni rnam pa brgyad de ring po dang/ thung du dang ba lham pa dang dkyil 'khor dang/ phya le ba dang phya le ba ma yin pa dang/ sgang dang gshong ngo/ /de la khug rna ni lho bur ro/ /snang ba ni zla ba dang skar ma dang me dang sman dang nor bu rnams kyi 'od do/ /grib ma ni gang na gzugs dag snang ba'o de las bzlog pa ni mun pa'o// lham pa ni gru bzhi'o/ /dkyil 'khor ni zlum po'o/ /phya leb ni dbyibs mnyam pa'o// phya le ba ma yin pa ni dbyibs mi mnyam par/ /lhag ma ni brda phrad par bla bas ma bshad do/ /rnam pa nyi shu po 'di dag mig gi rnam par shes pa dang/ des grangs pa'i yid kyi rnam par shes pas rnam par rig go/ sgra ni zin pa dang ma zin pa'i 'byung ba chen po'i bye brag gis rnam pa gnyis so/ /de la lus su gtogs pa rnams ni zin pa dag sems pa dang bcas pa'i don gang yin pa'o/ /bzlog pa ni ma zin pa dag go/ gang snga mas bskyed pa de ni zin pa'i 'byung ba chen po'i rgyu las byung ba ste/ 'di lta ste lag pa dang smra ba'i sgra'o/ /gang phyi ma sa bskyed pa de ni ma zin pa'i 'byung ba chen po'i rgyu las byung ba ste/ 'di lta ste rlung dang nags tshal dang 'bab chu'i sgra ste/ sems can du ston pa dang/ sems can du ston pa ma yin pa rnam pa bzhi'o/ /'di lta ste smra ba'i sgra ni sems can du ston pa'o/ /lhag ma ni sems can du ston pa ma yin pa'o/ /gzhan yang sprul pa'i smra ba'i sgra ni sems can du ston pa'o/ /lhag ma ni sems can du ston pa ma yin pa'o/ /de yang yid du 'ong ba dang yid du mi 'ong ba'i bye brag gis rnam pa

  809. 405a

    brgyad du 'gyur ro/ /rnam ba brgyad po de yang rna ba'i rnam par shes pa dang nges brangs pa'i yid kyi rnam par shes pas rnam par rig go/ dri ni rnam pa gsum ste dri zhim pa dang drengs ba dang dri mnyam pa'o dri zhim pa ni dbang po'i 'byung ba chen po rgyas par byed pa'o/ /de las bzlog pa ni dring ba'o// gnyi ga las bzlog pa ni dri mnyam pa ste rnam pa gsum po 'di yang sma'i rnam par shes pa dang nges drengs? ba'i yid kyi rnam par shes pas rnam par rig go/ ro ni mngar ba dang sgyur ba dang lan tshwa dang kha ba dang bska ba'i bye brag gis rnam pa drug ste/ drug bo de dag kyang lce'i rnam par shes pa dang nges grangs pa'i yid kyi rnam par shes pas rnam par rig go/ reg bya'i phyogs gcig ni rnam bdun te/ 'jam pa nyid dang/ rtsub ba nyid dang lci ba nyid dang yang ba nyid dang/ grang ba dang bkres pa dang skom pa'o/ /de la 'jam pa ni mnyen pa ste reg tu mi bzod pa'i don gang yin pa'o/ /rtsub pa ni rung rung po'o lci ba ni gang gis srang gi mgo dma' bar 'gyur ro/ /yang ba ni de las bzlog pa'o/ /grang ba ni gang gis nyen pas tsha ba 'dod ba'o/ /bkres pa ni zas 'dod pa'i rgyu'o/ /skom pa ni 'thung ba 'dod pa'i rgyu'o/ /rgyu la 'bras bu bdags bar bya ste/ ji skad du sangs rgyas rnams ni 'byung ba zhes bya ba la sogs pa lta bu'o/ /'byung ba chen po 'dus pa me dang chu'i shas chen 'jam ba'o/ /sa dang rlung gi shas chen rtsab pa'o/ /sa dang chu'i shas chen lci ba'o/ /me dang rlung gi shas chen yang ba'o/ /chu dang rlung gi shas chen grang ba'o/ /rlung gi shas chen bkres pa'o/ /me'i khams kyi shas chen skom ba'o/ /bdun po de dag dang 'byung ba chen po bzhi rnams ni lus kyi

  810. 405b

    rnam par shes pa dang des grangs pa'i yid kyi rnam par shes pas rnam par rig go/ sems dang sems las byung ba'i 'byung ba rnam pa tha dad pa dag gis gzhan la rig par byed pas na rnam par rig byed do/ /de bzhin du gzhan la rig par mi byed pas rnam par rig byed ma yin pa ste bram ze ma yin no zhes bya ba bzhin du de dang 'dra ba la ma yin par brjod do/ /de'i mtshan nyid ni rnam par rig byed dang sems dang 'byung ba chen po'i bye brag gis 'phangs pa rnam par ma g.yengs pa dang/ de ma yin pa'i sems dang sems med ba yang rung ste/ gang dge ba dang mi dge ba'i gzugs kyi rgyun dge slong la sogs pa rnam par bzhag pa'i rgyu ba sogs pa ma yin pa de ni rnam par rig byed ma yin pa'o/ /de med du zin na dge slong la sogs par bzhag pa med par 'gyur te/ bcom ldan 'das kyis kyang rdzas las byung ba'i bsod nams bya ba'i gzhi dag las bsod nams rtag par rgyun du mngon par 'phel lo zhes gsungs so/ /de yang sdom ba dang sdom pa ma yin pa dang/ gnyi ga las bzlog bas bsdus pa'i phyir rnam pa gsum mo/ /sdom pa yang so sor thar pa dang bsam gtan dang/ zag pa med pa'i sdom pa'i bye brag gis rnam pa gsum mo// so sor thar pa'i sdom pa ni dge slong dang dge slong ma dang dge tshul ma dang dge tshul ma dang dge bsnyan dang dge bsnyen ma dang/ tshul khrims pa'i sdom pa'i bye brag gis rnam pa brgyad de/ de ni 'dod par gtogs pa kho na'o/ /bsam gtan gyi sdom pa ni ting nge 'dzin gyi rjes su 'brang ba'i gzugs te gzugs su gtogs pa kho na'o/ /zag pa med pa'i sdom pa yang zag pa med ba'i ting nge 'dzin gyi rjes su 'brang ba'i gzugs te mi ldan pa nyid do/ /sdom pa ma yin pa ni ri dags kyi sngon pa dang bya pa dang

  811. 406a

    nya ba dang btson srungs dang/ ba glang 'dzin pa dang gsong ba'i gshed ma la sogs se ba'i rgyud la gang mi dge ba'i gzugs kyi rgyun pa'o/ /sdom pa ma yin mi sdom pa yang ma yin pa ni gtsug lag khang dang mchod rten dang dge bdun gyi kun dga' ra ba byed pa dang mchod rten la phyag bya ba dang bdug pa gsol pa la sogs pa yi dam du 'dzin pa dang/ khu tshur dang thal lcag la sogs pa las byung ba/ dge ba dang mi dge ba'i gzugs kyi rgyun gang yin pa'o/ /rnam par rig byed ma yin pa skad cig pa yin yang rigs smos pas na de skad du brjod do/ /so sor thar ba'i sdom pa 'thob pa ni yang dag par blangs pas so/ /bdun pa ni ji srid 'tsho'i bar du'o/ /brgyad pa ni zhag gcig pa'o/ /bdun po'i btong ba ni bslab pa phul ba dang/ shi 'phos pa dang/ dge ba'i rtsi ba chad pa dang mtshan gnyis skyes pas so/ /brgyad pa'i ni de rnams nyid dang/ mtshan mo 'das pas so/ / gzugs na spyod ba'i sems thos bas bsam gtan gyi sdom pa 'thob ste sems dang 'brel pas na de nyid btang bas de gtong ngo/ /zag pa med pa'i sdom pa yang de bzhin no/ /byed ba dang khas blangs pas rngon pa yin pa 'thob bo/ /rgyun chad pa ni sdom pa yang dag par gzung ba dang/ mtshan gnyis skyes pa dang shing dang/ chos nyid 'thob pa gzugs na sbyong pa'i dge pa'i sems 'thob pas so/ /rnam par rig byed ma yin ba sar ma 'thob pa ni/ nyon mongs pa dang dad pa drag bo'i shugs khu tshur dang thal lcag la sogs pa'i bya ba byed pa dang/ gang yang bcom ldan 'das la dkyil 'khor ma byas par zan mi bza' zhes bya ba la sogs pa'i yid mi 'dzin pa dang

  812. 406b

    gtsug lag khang la sogs pa phul bo rgyun chad ba ni slong bar byed ba de dag nyid btang bas so/ /rnam par rig byed ma yin pa rnam pa du ma po 'di dang/ mig la sogs pa'i dbang po lnga rnams ni rnam par shes pa'i spyod yul nyid de gzugs kyi dngos po 'di snyod? do/ /'di'i mtshan nyid ni rnam pa gsum ste/ rang gi spyi dang phyogs kyi sbyi dang zad par gyi spyi'o/ /de la rang gi sbyi ni gzugs pa'o/ /de la gzugs su rung bas na gzugs zhes bya ste gzhig par 'gyur ba zhes bya ba'i don gang yin pa'o/ /ji skad du chos kyi rjes kyang dge slong dag gzugs pa gzugs su rung bas de'i phyir gzugs nye bar len pa'i phung po zhes gsungs pa lta bu'o/ /cis gzugs par 'gyur zhe na/ lag pa dang bong ba dang dbyug bas reg pa dag gis so/ /dper na mgyogs par 'gro bas rta'o/ /'gro bas na ba lang ngo zhes bya ba lta bu la sogs pa'o/ /phyogs kyi sbyi ni mi rtag pa nyid dang sdug bsngal ba nyid do/ /zad par gyi spyi ni stong pa dang bdag med pa nyid de phyogs 'dis chos thams cad kyi mtshan nyid gsum ci rigs su mngon par brtag go/ gzugs kyi dngos po'o/ /tshor ba ni myong ba rnam ba gsum ste bde ba dang sdug bsngal ba dang bde ba yang ma yin sdug bsngal ba ? yang ma yin pa ste/ gsum tshor bar gyur ba'i don gang yin pa'o/ /'dod pa dang mi 'dod pa dang gnyi ga las bzlog pa ste reg pa'i skye gnas can lus dang sems kyi gnas skabs kyi bye brag sim pa dang gdung ba dang gnyi ga las bzlog pa ste/ sred pa'i rgya ni tshor ba zhes bya'o/ /ji skad du bcom ldan 'das kyis kyang rig ba'i rkyen gyis tshor ba/ tshor ba'i rkyen gyis sred pa zhes gsungs ba lta bu'o/ /de yang rnam par shes pa'i bye brag gis rnam

  813. 407a

    pa drug ste/ mig gi' dus te reg pa las skyes ba dang/ rna ba dang sna dang lce dang lus dang yid kyi 'das te reg pa las skyes pa'o/ /de yang rnam pa gnyis te lus kyi dang sems kyi'o/ /de la rnam par shes pa lnga dang lhan cig skyes pa ni lus kyi'o// cig shos ni sems gyi'o/ /dbang po'i bye brag gis rnam pa lnga ste/ bde ba'i dbang po dang sdug bsngal gyi dbang po dang/ yid bde ba'i dbang po dang yid mi bde ba'i dbang po dang btang snyoms kyi dbang bo'o/ /de la lus kyi sim pa gang yin pa dang/ bsam gtan gsum pa las skyes pa'i yid kyi sim pa gang yin pa de ni bde ba'i dbang po ste pham par byed pa'i don gang yin pa'o/ /gang lus kyi sim ba ma yin pa de ni sdug bsngal gyi dbang po ste gnod par byed pa'i don gang yin pa'o/ /bsam gtan gsum pa ma gtogs pa 'og ma'i yid kyi sim pa gang yin pa de ni yid bde ba'i dbang po'o/ /de las bzlog pa ni yid mi bde ba'i dbang po'i gang lus dang sems kyi sim pa yang ma yin mi sim pa yang ma yin pa de ni btang snyoms kyi dbang po'o/ /tshor ba'i dbang po'o/ /mtshan ma dang ming dang don dang brda zhes pa'i 'du shes te/ sngon po dang ser po dang/ ring po dang zung du dang/ dud dang rdzu dang/ pad+ma dang sna ma'i me tog dang/ utpa la'i dri dang/ kha ba dang lan tshwa dang/ 'jam pa dang rtsub ba dang/ bud med dang skyes pa la sogs pa'i mtshan ma dang/ ming dang don gcig tu shes pa'i chos gang yin pa de ni rnam par rtog ba'i rgyu ste 'du shes zhes bya'o/ /de yang rnam par shes pa'i bye brag gis tshor ba bzhin du rnam pa drug go/ yang chung du dang chen por gyur ba dang tshad med pa dang rnam pa gsum ste/ de la yul

  814. 407b

    chung du la dmigs pa ni chung du'o/ /ri rab la sogs pa la dmigs pa ni chen por gyur pa'o/ /nam mkha' mdza' yas skye mched la sogs pa dag la ni tshang med pa'o// 'du shes kyi dngos po'o/ /'du byed kyi phung po ni rnam pa gnyis te mtshungs par ldan pa yin pa'o/ /de la mtshungs par ldan pa ni sems pa dang reg pa dang yid la byed pa dang/ 'dun pa dang mos ba dang dang pa dang brtson 'grus dang/ dran pa dang ting nge 'dzin dang/ shes rab dang rtogs pa dang dpyod pa dang bag yod pa dang bag med pa dang skyo ba dang/ shin tu sbyangs pa dang rnam par mi 'tshe ba dang/ ngo tsha shes pa dang khrel yod pa btang snyoms dang dge ba'i rtsa ba rnams dang/ mi dge ba'i rtsa ba rnams dang/ kun tu sbyor ba rnams dang/ 'chi ba rnams dang/ phra rgyas rnams dang/ nye ba'i nyon mongs pa rnams dang/ kun nas bkris te 'dug pa rnams dang/ zag pa rnams dang/ chu bo rnams dang/ sbyor ba rnams dang/ len pa rnams dang/ sgrib pa rnams dang/ shes pa rnamS dang/ bzod pa rnams so/ /de la gnas dang/ dmigs ba dang/ rnam pa dang dus dang/ rdzas dang mtshungs pa nyid /mtshungs pa lnga dag giS sems dang mtshungs bar ldan bas de bas na mtshungs par ldan pa dag ces bya'o/ /sdud ? bzlog da rtsiS? pa bzlog ba ni ldan pa ma yin pa dag ste/ 'di lta ste 'thob pa dang 'thob ba med pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa dang srag gi dbang po dang/ skal ba 'dra pa dang/ skye ba dang rga ba dang / gnas pa dang ma rtag pa nyid dang/ ming gi tshogs rnams dang/ tshig gi tshogs rnams dang/ yi ge'i tshogs rnams te/ de gnyis bsdus nas 'du byed kyi phung po zhes bya'o/ /de bas na drang sdong chen pas kyang 'du byed kyi

  815. 408a

    phung po ni chu shing gi phung po lta bu'o zhes gsungs so/ /de la sems pa ni sems mngon par 'du byed pa yid kyi las sems kun tu g.yo'o zhes bya ba'i don gang yin pa'o/ /de yang dge ba dang mi dge ? dang/ lung du mi ston pa'i bye brag gis rnam pa gsum mo/ /reg pa ni yul dang dbang po dang rnam par shes ba las byung ba'i sems yul la reg bar byed pa ste sems las byung ba'i chos 'tsho bar byed ba'i mtshan nyid do/ /de yang bde ba la sogs ba myong bar 'gyur ba'i bye brag gis rnam pa gsum mo/ /yid la byed pa ni sems kyi 'jug pa gang sems yul rnams la gtong pa ste/ sngon myong ba la sogs pa sems pa zhes bya ba'i don gang? min pa'o/ /de yang rmam pa gsum ste/ slob ba'i dang mi slob pa'i dang slob pa yang ma yin mi slob pa yang ma yin pa'o/ /de la 'phaD pa'i gang zag bdun gyi rgyud las byung ba dri ma med pa ni slob pa'o// dgra bcom pa'i rgyud las byung ba ni mi slob pa'o/ /ga pa dang ? ni slob par? ma yin ? slob pa yang ma yin pa'o// bdun pa ni byed 'dod pa'i brtson 'grus kyi yan lag tu gyur pa ste/ 'di zhes bya ba bya'o snyam pa gang las byung ba'o/ /mos pa ni sems yul rnams la smon pa ste yul ma zhum pa zhes bya ba'i don gang yin pa'o/ /dang pa ni sems dang pa ste dkon mchog gsum dang rgyu dang 'bras bur 'brel ba la mngon par yid ches pa'i rnam pa sems kyi rnyog pa sel bar byed pa'i chos ston to/ dper na chu dang bar byed pa'i nor bu mtsho'i nang du bcug na/ rdzab? kyi rnyog pa thams cad bsal nas chu gsal bar byed pa de bzhin du/ dang pa'i nor bu sems kyi mtsho las byung bas kyang sems kyi rnyog pa thams cad bsal nas sangs rgyas rnams kyi byang chub dang/ chos kyi legs bar

  816. 408b

    gsungs ba nyid dang/ dge 'dun gyi legs par bsgrub pa nyid dang/ 'di las phyi rol tu gyur pa thams cad 'khrul bar byed de/ rten cing 'brel par 'byung ba'i chos nyid la mngon par dad pa'o/ /brtson 'grus ni dge ba dang mi dge ba dang mi /dge ba'i chos skyed pa dang 'gog par spro ba ste/ 'khor ba'i 'dam du bying ba'i sems mngon par 'byung ba'i don gang yin pa'o/ /dran pa ni sems kyi mngon par brjod pa nyid de/ byas ba dang/ bya ba dang/ byed ba'i las ma brjed ces bya ba'i tha tshig go/ /ting nge 'dzin ni sems rtse gcig ba ste/ sems spre'u lta bu dmigs ba gcig la 'jug ces bya ba'i don gang yin pa ste/ dper na sprul 'od ma'i sbubs su bcug na gya gyur mi 'gyur ba de bzhin du/ sems ting nge 'dzin gyi sbrubs su bcug nas drang srong 'gro'o zhes bye brag tu smra ba rnams so/ /shes rab ni chos rab tu rnam par 'byed ba ste/ chos rnam pa brgyad po de dag gi sdud pa dang mtshungs par ldan pa dang/ rgyu dang rkyen dang 'bras bu dang rang dang spyi'i mtshan nyid la ji ltar mthun mthun du rtog pa'i don gang yin pa'o/ /rtog pa ni sems rtsing ba'i mtshan nyid do/ /gnyis su na rtog pa zhes kyang bya ste/ 'du shes kyi rlung gis bskyed na/ 'jug pa rnam par shes pa brtsing ba'i tshogS lnga 'jug pa'i rgyu'i chos so/ /dpyod ba ni sems zhib pa nyid kyi mtshan nyid de/ yid kyi rnam par shes pa'i 'jug pa dang mthun pa'i chos so/ /bag med ba ni dge ba'i chos rnams mi bsgom pa ste mi 'jug pa zhes bya ba'i don glang yin pa'o/ /bag yod ba ni dge ba'i chos rnams bsgom pa ste/ bag med pa las phyir 'jil ba'i chos so/ /skye ba ni 'khor ba'i nyes pa la rtogs pas 'dod chags dang bral ba dang/ mthun pa'i chos yod 'byung ba'i

  817. 409a

    mtshan nyid de/ sems las byung ba'i chos gang byung na 'khor ba la sems skyo bar 'gyur ba dang/ gang dang ldan pas yid 'byung ba yid la byed ba zhes bya'o/ /mchog tu dga' ba ni mgu ba dang rab tu dga' ba ste/ dge ba'i sems la gnod pa las 'byung bar gnyen po 'tshol ba can no/ /de rnyed nas de la yid tshim pa de gang yin pa de ni mchog tu dga' ba'o/ /shin tu sbyangs pa ni sems las su rung ba nyid do/ /rnam par mi 'tshe ba ni gzhan la gnod pa byed ba la mngon par dga' ba dang mi mthun ba'i sems bzang po nyid de/ gang gi dbang gis gzhan la rnam par tho mi 'tsham pa'o/ /ngo tsha shes pa ni rigs ba la gzhol ba/ bdag dang chos kyi dbang du byas pa las byung ba/ srad ba'i rgyu mthun pa dang mi mthun pa'i sems kyi dbang ste/ gang gi dbang gis yon tan rnams dang/ yon tan can rnams la gus pa dang bcas bar gnas ba'o/ /khrel yod pa ni yon tan la goms par byed pa sngon du gtong ba/ /gti mug gi rgyu mthun pa'i dgrar gyur pas chos ngan pa la smos pa ste/ gang yong mkhan ma tho ba la 'jig par lta ba yin no/ /btang snyoms ni ma rig pa sel ba dang rigs pa las 'jug par byed pa la btang snyomS su byed ba ste/ da yod pas sems de ma rig pa yang mi sel/ rigs pa la yang mi 'jug par srang 'dzin ba'i rigs pas mnyam pa nyid du gnas ba'o/ /dge ba'i rtsa ba ni gsum ste/ ma chags pa dang zhe sdang med ba dang gti mug med pa'o/ /de la ma chags pa ni chags par gyur pa'i gnyen po'i chos so/ /zhe sdang med pa ni khong khro ba dang mi mthun pa'i chos so/ /gti mug med pa ni shes rab kyi rang bzhin te mi shes pa dang mi mthun pa'i chos so/

  818. 409b

    de dag ni bdag nyid kyis kyang dge la/ dge ba gzhan rnams kyi rtsa bar yang gyur pas na/ de'i phyir dge ba'i rtsa ba rnams te/ srid pa yid du 'ong ba dang thar ba'i myu gu mngon bar sgrub par byed pas bde ba'i don ni dge ba'i don to yang na gzugs bzang po mngon par grub par byed pas legs par lobs pa'i don te/ ri mo mkhan legs par lobs pa bzhin no/ /mi dge ba'i rtsa ba ni gsum ste/ de dag nyid kyi mi mthun pa'i phyogs su gyur pa/ chags ba dang zhe sdang dang gti mug go/ de la 'dod par gtogs ba'i sred pa rnam pa lnga ni chags pa'o/ /khong khro ba lnga ni zhe sdang ngo/ /'jig tshogs dang mthar 'dzin pa dang ldan pa'i gti mug ma gtogs pa gzhan 'dod par gtogs ba ma rig pa'i rnam pa sum cu rtsa bzhi po gang yin pa de ni gti mug go/ de dag ni bdag nyid kyis kyang mi dge la/ mi dge ba gzhan rnams kyi rtsa bar yang gyur bas na de'i phyir mi dge ba'i rtsa ba rnams te/ srid pa yid du mi 'ong ba'i myu gu mngon par 'grub par byed pas mi bde ba'i don ni mi dge ba'i don to/ /yang gzugs bzang po ma yin pa mngon par 'grub par byed pas/ /ma lobs pa'i don de snga ma las bzlog pa'o/ /lung du mi ston pa'i rtsa ba ni bzhi ste/ sred ba dang lta ba dang nga rgyal dang ma rig pa zhes bya ba rnams so/ /da la dang po ni gzugs dang gzugs med par gtogs pa'i sred pa rnam pa bcu'o/ /gnyis pa ni de na yod pa nyid kyi lta ba nyi shu rtsa bzhi dang 'dod par gtogs pa'i 'jig tshogs la lta ba dang/ mthar 'dzin par lta ba gnyis so/ /gsum pa ni der gtogs pa nyid kyi nga rgyal rnam pa bcu'o/ /bzhi pa ni de na yod pa'i ma rig pa nyid dang 'di na yod pa'i 'jig tshogs dang/ /

  819. 410a

    mthar 'dzin par lta ba dang ldan ba'i ma rig pa gnyis so/ /bzhi po de dag ni lung du mi ston pa'i rtsa ba rnams su 'dod do/ /bsam gtan gsum gyi phyir te/ 'di ltar bsam gtan gsum ni sred pa dang lta ba dang nga rgyal gyi shas che ba'i bsam gtan pa ste/ de dag ni ma rig pa'i dbang gis 'byung ngo/ /dge ba dang mi rig pa'i don du lung bstan du med pa dang/ yid du 'ong ba dang yid du mi 'ong ba'i 'bras bu mngon par 'grub par mi byed ba ste/ de dag ni rtsa ba yang yin la lung du mi ston pa gzhan rnams kyi rtsa bar yang gyur pas lung du mi ston pa rnams so/ /kun tu sbyor ba ni rnam pa dgu ste/ rjes su chags pa dang khong khro ba dang nga rgyal dang ma rig pa dang/ lta ba dang mchog tu 'dzin ba dang/ the tshom dang phrag dog dang/ ser sna zhes bya ba rnams so/ /de la khams gsum pa'i 'dod chags chags pa'i mtshan nyid rgya skyegs zhu ba 'byar ba lta bu'i chos kyis rjes su ma chags pa ste/ rjes su chags ba nyid kun tu sbyor bas rjes su chags pa'i kun tu sbyor ba'o/ /sems can rnams la kun nas mnar sems gnod sems kyi mtshan nyid tsha ba'i sa bon lta bu'i chos ni khong khro ba ste/ khro ba nyid kun tu sbyor bas khong khro ba'i kun tu sbyor ba'o/ /bdag dang gzhan la dmigs nas sems khengs pa'i mtshan nyid skyes bu rengs pa lta bu'i chos ni nga rgyal lo/ /de yang rnam pa bdun te/ nga rgyal dang che ba'i nga rgyal dang nga rgyal las kyang nga rgyal dang/ nga'o snyam pa'i nga rgyal dang/ mngon ba'i nga rgyal dang/ cung zad snyam ba'i nga rgyal dang/ log ba'i nga rgyal lo/ /de la nga rgyal ni chung du bas bdag rus dang rigs dang gzugs dang/ nor dang thos ba dang/ tshul khrims dang/ bzo la sogs pa dag gis bye brag tu 'phags pa 'am/

  820. 410b

    rus la sogs pa 'dra ba dang/ mtshungs so snyam pa de'i rgyu las byung ba'i sems de ni nga rgyal zhes bya'o/ /che ba'i nga rgyal ni mtshungs pa bas bdag rus la sogs ba dag gis bye brag tu 'phags pa 'am/ che ba dang mtshungs so snyam pa nges drag? go? po'i sems khengs ba ni che ba'i nga rgyal lo/ /nga rgyal las kyang nga rgyal ni che ba bas kyang bdag ches che ba'o/ /snyam pa nges drangs pa'i sems khengs pa'o/ /da'o snyam ba'i nga rgyal ni bdag tu lta ba'i rjes las byung ba'i sems khengs pa'o/ /mngon pa'i nga rgyal ni rgyun tu zhugs pa'i 'bras bu la sogs pa gong ma'i khyad par thob bar bya ba ma thob bar bdag gis thob bo snyam ba de'i rgyu las byung ba'i sems kyi rlom sems so/ /chung zad snyam pa'i nga rgyal ni rigs la sogs pa khyad ches 'phags ba bas bdag cung zad cig gis chung bar lta zhing des rlom sems pa'o/ /log pa'i nga rgyal ni yon tan ma yin pa dang ldan yang bdag yon tan dang ldan par lta zhing des rlom sems pa'o/ /nga rgyal bdun po 'di dag ni nga rgyal gyi kun tu sbyor bzhes bya'o/ /ma rig pa zhes bya ba ni khams gsum ba'i mi shes pa mi rtogs pa'i mtshan nyid long ba lta bu ste/ rig pa'i gnyen po ni ma rig pa zhes bya'o/ /dgag ba ni gnyen po gzhag pa'i phyir/ mi mdza' ba la sogs pa bzhin no// ma rig pa nyid kun tu sbyor bas na ma rig pa'i kun tu sbyor ba'o/ /'jig 'tshogs dang mthar 'dzin pa dang log par lta ba gsum ni lta ba'i kun tu sbyor ba'o/ /de la nye bar len pa'i phung po lnga po bdag med pa bdag gi med pa rnams la/ bdag dang bdag gi tshul gyis zhugs pa/ nyon mongs pa can gyi blo ni 'jig tshogs la lta ba'o/ /de ni 'jig ba yang yin la tshogs kyang yin pas 'jig tshogs so/ /de lta bas na 'jig tshogs la lta ba'o/ /chad pa ma yin rtag pa

  821. 411a

    ma yin pa de dag nyid la/ chad pa dang rtag pa'i tshul gyis zhugs pa nyon mongs pa can gyi blo ni mthar 'dzin par lta ste/ mdza' gnyis su zhugs pa'i phyir ro/ /las med de las kyi 'bras bu med do/ /thar ba med de/ /de thob bar byed ba'i lam yang med do snyam du de ltar dngos po yang yang dag par 'jig par zhugs pa nyon mongs pa can gyi blo gar yin pa de ni log par lta'o/ /lta ba gsum po de dag ni lta ba'i kun tu sbyor ba'o/ /mchog tu 'dzin ba gnyis so/ /lta ba mchog tu 'dzin pa dang tshul khrims dang brtul zhugs mchog tu 'dzin pa ni mchog tu 'dzin pa'i kun tu sbyor ba'o/ /de la lta ba mchog yin pa de dag dang/ ne bar len ba'i bung po lnga po mchog ma yin ba rnags? la/ mchod mnyam du mchog 'dzin ba'i blo'i bye brag gang yin pa de ni lta ba mchog tu 'dzin pa ste/ rtogs pa zhes bya ba'i don gang yin pa'o/ /tshul khrims ni 'chal ba'i tshul khrims spangs pa'o/ /brtul shugs ni khyi dang ri dags dang/ ba lang gi brtul shugs dang/ gcer bu dang thal ba'i nang na nyal ba dang/ skra 'bal ba dang 'bab stegs su bzhu ba dang/ 'bras bu dang rtsa ba za ba dang ral pa thogs pa la sogs pa ste/ dag pa'i bdag nyid ma yin pa/ de gnyi ga la dag par yid chos pa'i blo'i bye brag/ bram ze chog can gtsang sbra 'dod ba lta bu'i chos gang yin pa de ni tshul khrims dang brtul zhugs mchog tu 'dzin pa'o/ /mchog tu 'dzin pa gnyis po de dag ni mchog tu 'dzin pa'i kun tu sbyor ba'o/ /the tshom ni sdug bsngal dang kun 'byung ba dang/ 'gog pa dang lam zhes bya ba bden pa rnams yang gnyis za ba/ lam kha brag dang rtswa mi 'dra ba'i chos yin te/ 'di sdug bsngal yin nam 'di sdug bsngal ma yin snyam pa la sogs pa'o/ /the

  822. 411b

    tshom nyid kun tu sbyor bas/ the tshom kyi kun tu sbyor ba'o/ /phrag dog ni pha rol tu 'byor ba la mi bzod pa ste/ pha rol nor dang ldan nam mkha' nas bkur ba rnams la/ sems khong nas 'khrug ba zhes bya ba'i don gang yin pa'o/ /phrag dog nyid kun tu sbyor bas phrag dog gi kun tu sbyor ba'o/ /dngos po 'di dag las gzhan la mi gtong ngo snyam pa'i sems kyi kun tu 'dzin ba gang yin pa de ni ser sna ste/ de nyid kun tu sbyor bas ser sna'i kun tu sbyor ba'o/ /kun tu sbyor ba'i don ni 'ching ba'i don te/ ji skad du 'jig rten mgon bos kyang/ mig gzuD rnams la kun tu mi sbyor la/ gzugs rnams kyang mig la ma yin mod kyi/ de la 'dod pa la 'dod chags gang yin pa de ni 'dir kun tu sbyor ba ste/ dper na ba lang na gang po yang ba lang dkar po la kun tu mi sbyor la/ ba lang dkar po yang ba lang nag po lam yin no zhes rgya cher gsungs pa lta bu'o/ /kun tu sbyor ba rnams ni 'ching ba'i don yin la/ kun tu sbyor ba gang dag yin pa de dag 'ching ba la yang yin mod kyi 'on? kyang gtso bor gyur pa'i phyir de bzhin gshegs pas mdo las/ 'dod chags ni 'ching ba/ zhe sdang ni 'ching ba/ gti mug ni 'ching ba zhes 'ching ba gsum gsungs te/ de dag gi mtshan nyid ni bshad zin te/ /phra rgyas ni bdun te/ 'dod pa la khong khro ba dang/ srid pa'i 'dod chags dang/ nga rgyal dang ma rig pa dang lta ba dang the tshom gyi phra rgyas so/ /de rnams kyi mtshan nyid ni kun tu sbyor ba bsam pa'i skabs su bshad zin to/ /khams dang tshul dang rnam pa'i bye brag de dbye bar bya'o/ /de la 'dod chags dang 'dod pa rnams la 'dod chags ni 'dod pa'i 'dod chags so/ /de nyid phra rgyas yin pas 'dod pa la 'dod chags kyi phra rgyas so/ /de la 'dod par gtogs pa'i 'dod chags sdug bsngal

  823. 412a

    dang kun 'byung pa dang/ 'gog pa dang lam mthong ba dang/ bsgom pa? spang bar bya ba ni 'dod pa la 'dod chags kyi phra rgyas so/ /sdug bsngal la sogs pa mthong ba dang bsgom pas spang bar bya ba'i khong khro ba lnga/ ni khong khro ba'i phra rgyas so/ /gzugs dang gzugs med pa'i 'dod chags bcu po sdug bsngal la sogs pa mthong ba dang/ bsgom pas spang bar bya ba ni srid pa'i 'dod chags kyi phra rgyas so/ /ang du ltas bar gyur pa dang bsam gtan dang gzugs med pa rnams la thar pa? 'du shes pa bzlog pa'i phyir khams gnyis nas skyes pa'i 'dod chags so zhes bde bar gshegs pas gsungs so/ /de bzhin du khams gsum pa'i nga rgyal bco lnga/ sdug bsngal la sogs pa mthong ba dang/ bsgom pas spang bar bya ba ni nga rgyal gyi phra rgyas so/ /ma rig pa'i phra rgyas kyang de bzhin du khong du chud par bya'o/ /khams gsum pa'i lta ba sum cu rtsa drug po dag ni lta ba'i phra rgyas te/ de las 'dod par gtoD pa'i 'jig tshogs la lta ba dang/ mthar 'dzin par lta ba dang/ sdug bsngal mthong bas spang bar bya ba'i log par lta ba dang/ lta ba mchog tu 'dzin pa dang/ tshul khrims dang brtul shugs mchog tu 'dzin pa dang/ rgyu mthong bas spang bar bya ba'i log par lta ba dang/ lta ba mchog tu 'dzin pa dang/ 'gog pa mthong pas spang bar bya ba'i log par lta ba dang/ lta ba mchog tu 'dzin pa dang/ lam mthong bas spang bar bya ba'i log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa de dag ni lta ba bcu gnyis so/ /gzugs dang bzuD med pa yang de bzhin te/ lta ba sum cu rtsa drug po de dag ni lta ba'i

  824. 412b

    phra rgyas so/ /khams kyi the tshom bcu gnyis ni/ the tshom gyi phra rgyas te/ de la 'dod par gtogs pa sdug bsngal la sogs pa mthong bas spang bar bya ba bzhi dang/ de bzhin du gzugs dang gzugs med pa dag go/ 'dod pa la 'dod chagS dang/ khong khro ba'i phra rgyas dag ni rnam pa tha dad pa nyid de/ khams kyis ma yin tshul gyis ma yin no/ /srid pa'i 'dod chags kyi phra rgyas ni khams dang rnam pa ste tshul gyis ma yin no/ /nga rgyal dang ma rig pa dang/ the tshom gyi phra rgyas kyang khams dang rnam pa ste tshul gyis ma yin no/ /lta ba'i phra rgyas ni khams dang rnam pa dang tshul gyi bye brag gis tha dad do/ /de la lta ba rnams kyi khams dang rnam pa'i bye brag ni bshad zin to/ /tshul gyi bye brag ni ma bshad do de brjod par bya'o de la bdag dang bdag gi tshul gyis zhugs pa ni 'jig tshogs la lta ba'o/ /chad pa dang rtag pa'i tshul gyis zhugs pa ni mthar 'dzin par lta ba'o/ /med pa'i tshul gyis lta ba ni log par lta ba'o/ /mchog gi tshul gyis zhugs pa ni lta ba mchog tu 'dzin pa'o/ /dag pa'i tshul gyis zhuD pa ni tshul khrimS dang brtul zhugs mchog tu 'dzin pa'o/ /phra rgyas kyi don ni phra ba'i don to/ /yang na lus dang sems kyi rgyun gyi rjes su bsnyags pa ste/ chu na rgyu bas nam mkha' la rgyu ba'i grib ma bsnyags pa lta bu'i phyir phra rgyas so/ /yang na rjes su zhugs pa ste til rnams til mar lta bu'i phyir phra rgyas so/ /yang na nye par len pa'i phung po lnga rnams la dmigs pa dang ldan pa gnyis kyis rgyas par 'gyur bas phra rgyas so/ /ci'i phyir rgyas par 'gyur zhes bya zhe na/ dmigs pa dang ldan pa gnyis kyis rtas par 'gyur zhes bya ba'i tha tshig go/ de ltar phra rgyas bdun po khams dang tshul dang/ rnam pa'i bye brag gis tha dad pa de dag brgyad cu rtsa brgyad du 'gyur te/ 'dod pa na sdug bsngal mthong bas spang bar

  825. 413a

    bya ba bcu ste/ 'dzin tshogs la lta ba dang/ mthar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ the tshom dang 'dod chags dang/ khong khro ba dang nga rgyal dang ma rig pa'o/ /kun 'byung ba mthong bas spang bar bya ba bdun te/ de dag gi dang nas 'jig tshogs lta ba dang/ thar 'dzin par lta ba dang/ tshul khrims dang brtul shugs mchog tu 'dzin pa ma gtogs pa rnams so/ /'gog pa mthong bas spang bya ba bdun te de dag nyid do/ /lam mthong bas spang bar bya ba brgyad de bdun po de dag nyid dang/ tshul khrims dang brtul shugs mchog tu 'dzin pa'o/ /bsgom pas spang bar bya ba bzhi ste/ lta ba rnams dang/ the tshom ma gtogs so/ /de ltar de dag ni 'dod par gtogs pa'i phra rgyas sum cu rtsa drug go /gzugs kyi khams rnams na ni de dag nyid las khong khro ba lnga ma gtogs so/ /gzugs med pa rnams na yang de bzhin ste/ de dag ni dgu bcu rtsa brgyad yin no/ /de la de dag gcig tu bsdus na brgyad cu rtsa brgyad ni mthing bas spang bar bya ba'o/ /bcu ni bsgom pas spang bar bya ba'o/ /khams khams kyis sdug bsngal dang rgyu mthong bas spang bar bya ba'i lta ba dang/ the tshom dang dgu dang de dang ldan pa'i ma rig pa dang ma'? 'dres pa'i ma rig pa dang/ de dag ni kun tu 'gro ba zhes bya'o/ /lhag ma rnams ni kun tu 'gro ba ma yin ba zhes bya'o/ /de bzhin du 'geg pa dang/ lam mthong bas spang par bya ba'i log par lta ba dang/ the tshom dang/ de dang ldan pa rim rig pa dang/ ma 'dres pa'i ma rig pa dang/ de dag ni zag pa med pa la dmigs pa ste/ 'gog pa dang/ lam la dmigs pa dang/ de gnyis kyang

  826. 413b

    ngag? ba med pa'i phyir ro/ /lhag ma rnams ni zag pa dang bcas pa la dmigs pa'o/ /de la gang dag zag pa dang bcas pa la dmigs pa de dag ni dmigs pa dang ldan pa gnyis kyis rgyas bar 'gyur ro/ /gang zag pa med pa la dmigs pa de dag ni ldan pa ste 'dag tshogs? rnams so/ /de bzhin du khaMs khaMs kyi 'gog pa mthong bas spang bar bya ba'i log par lta ba dang/ the tshom dang de dang ldan pa'i ma rig pa dang/ ma rig pa 'ba' zhig dang/ de dag ni 'das ma byas la dmigs pa'o/ /lhag ma rnams ni 'dus byas la dmigs pa'o/ /de dag byung ba'i go rims ni dang po kho nar ma rig pa dang ldan pas sems can bden pa rnams rmongs te/ de rnams sdug bsngal nas lam gyi bar dag mi 'dod do/ /de glen pa rnams yang dag pa dang/ log pa'i phyogs gnyis thos nas 'di sdug bsngal yin nam sdug bsngal ma yin snyam pa la sogs pa'i the tshom skye'o/ /de nas dam pa'i blos dam pa ma yin pa dang/ bsnyan nas log par thos pa dang/ log par sems pas log par nges par 'byung ste/ sbyin pa med do/ /mchod sbyin med do snyam pa la sogs pa'o/ /de nas log par lta ba las 'jig tshogs la lta ba 'byung ste des nye bar len pa'i phung po lnga po rnams la sdug bsngal bsal nas bdag tu mngon par zhen to/ /de las mthar 'dzin bar lta ba 'byung ste/ des bdag chad pa 'am rtag par mdza' gnyis bzung ba'i phyir ro/ /mthar 'dzin pa las tshul khrims dang/ brtul shugs mchog tu 'dzin pa 'byung ngo/ /mthar 'dzin pa gang yin pa de nyid? kyiS dag par yid ches so// de las kyang lta ba mchog tu 'dzin pa 'byung ngo/ /gang gis dag par yid ches ba de la mchog tu 'dzin to/ /de'i 'og tu rang gri lta ba 'dod chags skye'o/ /lta ba de nyid kyis kyang rlom sems su byed cing pha rol gyi

  827. 414a

    lta ba 'am/ rang gi rgyud kyis sngon bzung ba las btang ba dag la zhe sdang skyes? te/ de dag gi go rim de lta'o/ /nyon mongs pa re re yang rgyu gsum gsum las skyes te/ gal te phra rgyas ma spangs pa dang/ tshul bzhin ma yin pa yid la byed pa dang/ yul nye bar gnas par gyur na/ rgyu dang yul dang sbyor ba'i stobs de dag las nyon mongs pa skye'o/ /de dag ni lus dang sems kyi rgyud nyon mongs par byed pas nyon mongs pa rnams zhes bya ste / nyon mongs pa rnams gang yin pa de dag ni nye ba'o nyon mongs pa yang yin no /gang dag de rnams las gzhan pa sems las byung ba'i chos nyon mongs pa can 'du byed kyi phung por bsdus pa de dag ni nye ba'i nyon mongs pa nyid do/ de dag kyang gang zhe na rgyu dang/ rgyags pa dang/ rnam par 'tshe ba dang dus che ba dang/ khon du 'dzin ba dang/ g.yo la sogs pa rnam pa du ma rgyud las 'byung ba rnams so/ /de la rgyu ni pha rol la bslu ba'o/ /rgyags pa ni gzugs dang lang tsho dang/ rigs dang tshul khrims dang/ mang du thos pa la sogs pa rang gi chos rnams la chags te/ gzhan la mi bltos par sems yongs su gtugs pa'o/ /rnam par 'tshe ba ni lag pa dang bong ba dang dbyug pas brdeg pa dang/ tshig rtsub bos pha rol la rnam par mtho 'tsham pa'o/ /dus che ba ni kha na ma tho ba dang bcas pa'i dngos po mang du 'dzin pa ste/ de'i dbang gis rigs par bsgo ba mi 'dzin pa'o/ /khon du 'dzin pa ni kun tu mnar sems kyi dngos po mang du byed pa'o/ /g.yo ni sems gya gyu ba ste/ de'i dbang gis gzhan nas gzhan brgyud cing gung du 'dren te gsal bar mi rtags par byed pa'o/ /de la de dag gi nang nas rgyu dang rgyags pa gnyis ni 'dod chags kyi

  828. 414b

    rgyu mthun pas 'dod chags kyis rjes su 'gro ba ste/ 'dod chags kyi rigs la sten ces bya ba'i tha tshig go/ khon du 'dzin pa dang rnam par 'che ba ni khong khro ba'i rjes su 'gro ba'o/ /dus che ba ni lta ba bsnyems pa'i rgyu mthun pa'o/ /g.yo ni log pa da lta ba'i rgyud mthun pa ste gya gyu ba ji lta bu zhe na/ sdig ba can gyi lta ba'o zhes tshigs su bcad pa las 'byung ngo/ /kun nas dkris te 'dug pa bcu ste/ rmugs pa dang/ gnyid dang rgod pa dang/ 'gyod pa dang/ phrag dog dang/ ser sna dang/ ngo tsha med pa dang/ khrel med pa dang/ khro ba dang 'chab pa'o/ /de la rmugs pa ni lus dang sems la su mi rung ste/ slong ba zhes bya ba'i tha tshig go/ gnyis ni lus dang sems 'dzin mi nus pa dang/ sems sdud pa ste de yang nyon mongs pa can nyid yin pas kun nas dkris te 'dug pa'o/ /rgod pa ni sems ma zhi ba'o/ /ngan pa byas pa'i dngos po ni 'gyod ba ni 'gyod? pa'o/ /'dir ni de la dmigs pa sems las byung ba'i chos la 'gyod pa zhes bya ste/ yid la bcags zhes ba ba'i tha tshig go/ rgyu la 'bra bu btags te dper na mi sdug pa la dmigs pa'i chos la mi sdug ces bya ba lta bu'o/ /'jig rten na yang gnas kyis gnas pa ston te/ dper na grong thams cad lhags so zhes bya ba lta bu'o// de yang nyon mongs pa can nyid kun nas dkris te 'dug pa'o/ /phrag dog dang ser sna mtshan nyid ni bshad zin to/ /ngo tsha med pa ni yon tan can rnams dang/ yon tan can rnams la/ mi gus pa ste/ gus pa'i gnyen po'i chos so/ /khrel med ba ni kha na ma tho ba pa 'jigs par mi lta ba'o/ /kha na ma tho ba ni gang dam pa rnams kyis smad pa ngan song du 'gro ba'o/ /khro ba ni zhe sdang dang rnam par 'tshe ba ma gtogs te/ sems can dang sems can ma yin pa dag la kun nas mnar sems pa'o

  829. 415a

    'chab pa ni kha na ma thobs mkhyud? pa'o/ /sems las kun nas dkris te gnas pas kun nas dkris te/ 'dug gnas pas kun nas/ dkris te 'dug pa rnams so/ /de dag la rmugs pa dang gnyid dang khrel med pa ni ma rig pa'i rgyu mthun pa'o/ /'gyod pa ni the tshom gyi rgyu las byung ba'o/ /ngo tsha med pa dang rgod pa dang/ ser sna ni 'dod chags kyi rgyu mthun pa'o/ /khro ba dang phrag dog ni khong khro ba las byung ba'o// 'chab ba ni sred pa dang ma rig pa'i rgyu mthun pa'o/ /dri ma rnam pa bcu pa de dag rnams kyang nye ba'i nyon mongs pa zhes bya'o/ /sems las byung ba rnams kyi rgyu ba phra ste/ de rgyun tu 'bab pa yang bye brag phyed par mi nus na skad cig rnamS lta smos kyang ci dgos/ bcom ldan 'das kyis gsungs pa'i chos kyi mtshan nyid la mkhas pa'i blo can dag gis ni de'i 'bras bu'i khyad par mthong bas/ de dgra gi rigs gzhan skyon med pas rtogs kyi/ bde bar gshegs pa'i gsung rab 'chad pa'i slob dpon bsnyen bkur ma byas pa 'khrul pa'i blo gros can dag gis na ma yin no/ /zag pa ni gsum ste 'dod pa'i zag pa dang/ srid pa'i zag pa dang/ ma rig pa'i zag pa'o/ /de la 'dod pa na spyod pa'i ma rig pa ma gtogs pa/ gzhan 'dod par gtogs pa'i nyon mongs pa kun nas dkris te 'dug pa dang bcas pa rdzas bzhi bcu rtsa gcig po gang yin pa 'di ni 'dod pa'i zag pa ste ma rig pa lnga ma gtogs pa/ phra rgyas sum cu rtsa gcig dang kun nas dkris te 'dug pa bcu'o/ /gzugs dang gzugs med pa'i ma rig pa ma gtogs pa'i phra rgyas kun nas dkris te 'dug pa dang bcas pas rdzas lnga bcu rtsa bzhi ni srid pa'i zag pa ste/ gzugs su gtogs

  830. 415b

    pa'i phra rgyas nyi shu rtsa drug dang/ de bzhin du gzugs med pa'i dang/ rmugs pa dang rgod pa'o/ /lung du mi ston par mtshungs pa dad nang du ltas bar gyur pa dang mnyam bar bzhag pa'i sa pa yin pa'i phyir khams gnyis nas skyes pa gcig tu bsdus so/ /khams gsum pa'i ma rig pa bco lnga ni ma rig pa'i zag pa'o/ /khams gsum du 'jog ste mya ngan las 'da' ba' i bar chad byed pa'i phyir zag pa dang/ srid pa'i rtse mo nas mnar med pa'i bar dag tu skye mched drug gi sgo nas zag bas zag pa'o/ chu bo ni bzhi ste 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu bo'o/ /de la 'dod pa'i zag pa nyid las lta ba'i rnams bton te/ rdzas nyi shu rtsa dgu ni 'dod pa'i chu bo'o/ /srid pa'i zag pa nyid las lta ba rnams ma gtogs pa rdzas sum cu ni srid pa'i chu bo'o/ /khams gsum pa'i lta ba rdzas sum cu rtsa drug ni lta ba'i chu bo'o/ /de dag ma yin pa'i lta ba nyon mongs pa gzhan dang ldan pa rnams dang/ khams gsum pa'i ma rig pa ma 'dres pa rdzas brgya rtsa brgyad po de dag ni ma rig pa'i chu bo'o/ /dge ba las sems can rnams deng pas chu bo ste chu'i chu bo lta bu'o/ /sbyor ba rnams kyang tshul 'di dang 'dra ste/ nges pa'i tshig tu na sems can chu bos gangs pa rnams khams dang 'gro ba dang/ skyes gnas dang sa rnams su sbyor bar byed pas sbyor ba ste/ sdug bsngal rnam pa sna tshogs dag la sbyor bar byed ces bya ba'i tha tshig go/ /len pa ni bzhi ste/ /'dod pa'i len pa dang/ lta ba'i len pa dang/ tshul khrims dang brtul shugs kyi len pa dang/ bdag tu smra ba'i len pa'o/ /de la 'dod pa'i chu

  831. 416a

    bo nyid kyi steng du/ ma rig pa rnams te rdzas sum cu rtsa bzhi ni 'dod pa'i len pa ste/ 'dod chags dang khong khro ba dang nga rgyal dang ma rig pa nyi shu dang the tshom bzhi dang/ kun nas dkris te 'dug pa bcu'o srid ba'i chu bo nyid kyi ste/ du ma rig pas bsnan te/ rdzas bzhi bcu ni bdag tu smra ba'i len ba ste khams gnyis nas skye pa'i 'dod chags dang/ nga rgyal dang ma rig pa sum cu dang/ the tshom brgyad dang/ rmugs pa dang rgod pa'o/ /tshul khrims dang brtul shugs mchog tu 'dzin pa ma gtogs pa khams gsum pa'i lta ba'i rdzas sum cu ni lta ba'i len pa'o/ /tshul khrims dang brtul shugs mchog tu 'dzin pa rdzas drug ni tshul khrims dang brtul shugs kyi len pa'o/ /de ni lam gyi dgrar gyur pa dang/ khyim pa dang rab tu byung ba'i phyogs la bslu ba'i phyir lta ba rnams las logs shig tu bshad do/ /'di ltar khyim pa rnams la 'dis bslu ba ni zas mi za ba dang 'bab stegs su 'khru ba dang/ ri kha nas g.yang du mchod ba la sogs pas mtho ris su re ba'o/ /rab tu byung ba rnams ni yid du 'ong ba'i yul yongs su spong ba dang/ /chos 'di la zhugs pa y ang sbyangs pa'i yon tan yang dag par blangs pas yang dag par rtogs pa'o/ /len pa'i don ni shing gi don te las kyi me 'bar ba'i rgyun bskyed pa'i phyir ro/ /dper na shing gi rgyus las kyi me 'bar ba de bzhin du nyon mongs pa'i shing gi rgyus las kyi me 'bar ro/ /yang na khri ba'i don te/ dar gyi srin bus dkris pa bzhin no/ /mdud pa ni bzhi ste brnab sems lus kyi mdud pa dang/ /gnod sems lus kyi mdud pa dang/ tshul

  832. 416b

    khrims dang brtul shugs mchog tu 'dzin pa lus kyi mdung ba dang/ 'di bden no snyam du mngon bar zhen cing mchog tu 'dzin pa lus kyi mdud pa'o/ /de la 'dod par gtogs pa'i 'dod chags sdug bsngal la sogs pa mthong bas spang bar bya ba dang/ /bsgom pas spang bar bya ba lnga ni dang po'o/ /khong khro ba lnga ni gnyis pa'o/ /tshul khrims dang brtul shugs mchog tu 'dzin pa rdzas drug ni gsum pa'o/ /lta ba mchog tu 'dzin la rdzas bcu gnyis ni bzhi pa'o/ /bzhi po de dag ni rdzas nyi shu rtsa brgyad do/ /lus tha dad pa sna tshogs su mdud par byed pas mdud pa ste 'ching ngo 'od gags? so zhes bya ba'i tha tshig go/ sgrib pa ni lnga ste 'dod pa la 'dun pa dang/ gnod sems dang/ rmugs pa dang gnyid dang rgod pa dang 'gyod pa the tshom mo/ /'dod pa na spyod pa'i srid ba sdug bsngal la sogs pa mthong ba dang/ bsgom pas spang bar bya ba lnga ni dang po'o// khong khro ba lnga ni gnyis pa'o/ /rmugs pa dang gnyid gcig tu bsdus pa ni gsum pa ste/ de dag gi mtshan nyid bshad zin to/ /rgod pa dang 'gyod pa gcig tu bsdus pa ni bzhi pa ste/ de dag gi mtshan nyid kyang bshad zin to/ /'dod ba na spyod pa'i the tshom ni lnga pa'o/ /de ltar sbyir sdoms na rdzas bco brgyad do// 'phags pa'i lam dang gnas dang 'dod chags dang bral ba dang/ de la sbyor ba dge ba'i rtsa ba rnams la sgrib par byed pas sgrib pa rnams te/ /bar gcod pa'i tha tshig go/ de dang de nas khams dang/ 'gro ba dang skye gnas dang/ sa'i bye brag bshad pa'i khams de gang yin pa dang/ 'gro ba dang skye gnas dang/ sa gang yin pa de dag brjod par bya'o/ /de la khams ni gsum ste/ 'dod pa'i khams dang/ gzuD kyi khams dang/ gzugs med

  833. 417a

    pa'i khams so/ /'dod pa'i khams na gnas pa nyi shu la/ sems can dmyal ba chen po brgyad de/ yang bsos dad thig nag dang/ bsdus 'jom dang/ du 'bod dang/ du 'bod chen po dang/ tsha ba dang rab tu tsha ba dang/ mnar med ba'o/ /dud 'gro dang yi dags dang/ gling bzhi ste/ 'dzam bu gling dang/ shar gyi lus 'phags dang/ nub kyi ba lang spyod dang/ byang gi sgra mi snyan no/ /'dod pa la spyod pa'i lha drug ste/ rgyal chen bzhi'i ris dang/ sum cu rtsa gsum dang/ 'thab bral dang dga' ldan dang 'phrul dga' dang/ gzhan 'phrul dbang byed rnams so/ /de yan cha gzugs kyi khams te/ gnas rnam pa bcu drug go/ de la bsam gtan dang po la rnam pa bsan/? ste/ tshangs riS dang tshangs chen dang tshangs pa'i mdun na 'don no/ /gnyis pa la gsum ste/ 'od chung dang tshad med 'od dang/ 'od gsal lo/ /gsum pa la yang gsum ste/ dge chu da tshad med dge dang/ dge rgyas so/ /bzhi pa la gnas pa brgyad de/ sprin med dang/ bsod nams skyes dang/ 'bras bu che ba dang mi che ba dang/ mi gdung dang gya nom snang dang/ shin tu mthong dang 'og min rnams so/ /tshangs chen ni 'du shes med pa'i sems can bzhin du sa gzhan med do/ /gzugs med pa'i khams ni lta 'og gi rim pa med de/ de bas na 'di dag gnas med pa nyid do/ /skye ba ni rnam pa bzhi ste/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched do/ /khams gsum po 'di rnams la 'gro ba lnga dag rnam par bzhag ste/ sems

  834. 417b

    can dmyal ba dang/ dud 'gro dang yi dags dang/ lha dang mi zhes bya ba rnams so/ /skye gnas rnam pa bzhi ste/ sgo nga las skyes pa dang/ mngal nas skyes pa dang/ drod gsher las skyes pa dang/ brdzus te skye ba zhes bya ba rnams so/ /sa ni bcu gcig ste/ 'dod pa'i khams dang mi lcogs pa med pa dang/ bsam gtan dang po dang bsam gtan khyad par can dang/ gnyis pa dang gsum pa dang/ bsam gtan bzhi pa rnams dang/ gzugs med pa rnams so/ /de la 'dod pa'i khams dang/ srid pa'i rtse mo ni gcig tu zag pa dang bcas pa'o/ /lhag ma rnams ni zag pa dang bcas pa dad zag pa med pa'o/ /skabs su bshad pa rdzogs te dkyus ma la bab po/ /shes pa rnams zhes bya ba ni shes pa bcu ste/ chos shes pa dang/ rjes su rtogs pa'i shes pa dang/ pha rol gyi sems shes pa dang/ kun rdzob shes pa dang/ sdug bsngal shes pa dang/ kun 'byung ba shes pa dang/ 'gog pa shes pa dang/ lam shes pa dang/ zad pa shes pa dang/ mi skye ba shes pa'o/ /de la 'dod par gtogs pa'i 'du byed rnams dang/ de'i rgyu dang 'gog pa dang spong ba dang sbyor ba dang rnam par grol ba dang/ khyad par gyi lam rnams dang chos shes pa'i sa la shes pa dri ma med pa gang yin pa de ni chos shes pa ste/ thog ma med pa dang ldan pa'i 'khor ba na rtag tu bdag gis chu srin 'dzin 'khris zin pa'i rgyud can gyis de thog ma kho nar chos tsam du mthong ba'i phyir chos shes pa zhes bya'o/ /gzugs dang gzugs med par gtogS pa'i 'du byed rnams dang/ de'i rgyu dang 'gog pa dang spong ba dang/ sbyor ba dang rnam par grol ba dang khyad par gyi lam rnams dang/ rjes su gtogs pa'i shes pa'i sa la shes pa zag pa med pa gang yin pa de ni rjes su rtogs pa'i shes pa

  835. 418a

    ste/ chos shes pa'i rjes las skye bas rjes su rtogs pa'i shes pa'o/ /ting nge 'dzin las skyes pa'i shes pa gang gis gzhan dag sems dang sems las byung ba da ltar byung ba shes pa dang 'dra ba 'dod pa dang gzugs su gtogs pa rnams dang/ zag pa med pa kha cig shes pa gang yin pa de ni pha rol gyi sems shes pa'o/ /de yang rnam pa gnyis te zag pa dang bcas pa zag pa med pa'o/ /de la zag pa dang bcas pas ni 'dod pa dang gzugs su rtogs pa rnams shes so/ /zag pa med pa yang rnam pa gnyis te/ chos shes pa'i phyogs dang/ rjes su rtogs pa'i shes pa'i phyogs so/ /de la dang po ni chos shes pa dang/ lhan cig rgyu ba shes so/ 'og mas ni rjes su rtogs pa shes pa dang lhan cig rgyu ba shes so/ /gzugs dang mi ldan pa rnams dang/ 'dus ma byas dang 'das pa dang ma byon pa dang gzugs med par gtogs pa rnams dang/ sa dang dbang po dang/ gang zag mchog rnams kyi ni mi shes so/ /kun rdzob shes pa ni shes rab zag pa dang bcas pa ste/ kun rdzob ni phal cher bum pa dang/ snam bu la sogs pa la 'jug pas kun rdzob shes pa'o/ /de yang nyon mongs pa can dang nyon mongs pa can ma yin pa'o/ /nyon mongs pa can de yang rnams gnyis te/ lta ba'i bdag nyid dang/ lta ba'i bdag nyid ma yin pa'o/ /lta ba'i bdag nyid ni lta ba lnga po rnams te/ 'jig tshogs la lta ba dang/ mthar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang brtul shugs mchog tu 'dzin pa zhes bya ba rnams so/ /lta ba'i bdag nyid ma yin pa the tshom dang/ 'dod chags dang khong khro ba dang/

  836. 418b

    nga rgyal dang ma rig pa dang/ khro ba la sogs pa'i tshogs dang ldan pa'i shes rab bo/ /nyon mongs pa can ma yin pa yang rnam pa gnyis te/ dge ba dang ma bsgribs la lung du mi ston pa'o/ /de la lung du mi ston pa ni lta ba ma yin gyi shes rab nyid do/ /dge ba ni gang rnam par shes pa lnga dang lhan cig rgyu ba de ni shes rab kyi yin gyi lta ba ma yin te/ mi rtogs pa'i phyir ro/ /yid kyis gang yin pa de ni 'jig rten pa'i yang dag pa'i lta ba'o/ /nye bar len pa'i phung po lnga po 'bras bur gyur pa rnams la/ mi rtag pa dang/ sdug bsngal ba dang/ stong ba dang bdag med pa'i rnam pas zhugs pa'i shes pa gang yin pa de ni sdug bsngal shes pa'o/ /nye bar len pa'i phung po lnga rgyur gyur pa las dang nyon mongs pa lhan cig rgyu ba de dag nyid la/ rgyu dang kun 'byung ba dang rab tu skye ba dang/ rkyen gyi rnam par shes pa zag pa med pa gang yin pa de ni kun 'byung ba shes pa'o/ /de dag 'gog pa las 'gog pa dang/ zhi ba dang gya nom pa dang nges par 'byung ba'i rnam par shes pa dri ma med pa gang yin pa de ni 'gog pa shes pa'o/ /de dag nyid kyi mya ngan las 'das pa thob par byed pa'i lam la/ lam dang rig pa dang/ sgrub pa dang nges par 'byin pa'i rnam par shes pa dri ma med pa gang yin pa de ni lam shes pa'o/ /bdag gis sdug bsngal yongs su shes so/ /kun 'byung ba spangs so/ /'gog pa mngon sum du byas so/ /bdag gis lam bsgoms so snyam du de ltar zad pa'i tshul gyis zhugs pa'i shes pa zag pa med pa gang yin pa de ni zad pa shes pa'o/ /de dag nyid go rim bzhin sbyar te/ yang yongs su shes par bya ba dang/ spang bar bya ba dang/ mngon sum du bya ba dang/ bsgom

  837. 419a

    par bya ba med do/ /snyam du de ltar mi skye ba'i tshul gyis zhugs shes pa dri ma med pa gang yang yin pa de ni mi skye ba shes pa'o/ /shes pa 'di gnyis rtog pa ma yin pas lta ba'i bdag nyid ma yin no/ /lhag ma gzhan ni lta ba'i bdag nyid du 'grub bo/ /de rnams kyi nang nas kun rdzob shes pa ni gcig tu zag pa dang bcas so/ /gzhan gyi sems shes pa ni zag pa dang bcas pa dang zag pa med pa'o/ /lhag pa rnams ni zag pa med pa kho na'o/ /pha rol gyi sems dang sdug bsngal dang/ kun 'byung ba dang lam shes pa bzhi po 'di dag ni 'dus byas la dmigs pa'o/ /'gog pa shes pa ni 'dus pa byas la dmigs pa'o/ /lhag ma rnams ni gnyi ga la dmigs pa'o/ /de dag gi nang nas sdug bsngal dang/ kun 'byung ba shes pa'i spyod yul ni zag pa dang bcas pa'o/ /'gog pa dang lam shes pa'i spyod yul ni zag pa med pa'o/ /lhag ma rnams kyi spyod yul ni gnyi ga'o/ /chos shes pas drug la ste/ mi lcogs pa med pa dang/ bsam gtan khyad par can dang/ bsam gtan bzhi po rnams la'o/ /rjes su rtogs pa'i shes pa ni sa dgu la ste/ sa drug po dag nyid dang/ gzugs med pa gsum la'o/ /pha rol gyi sems shes pa ni bsam gtan bzhi po rnams la'o/ /lhag ma'i nang nas ches shes pa'i phyogs gang yin pa de ni sa drug pa'o/ /rjes su rtogs pa'i phyogs gang yin pa de ni sa dgu la'o/ kun rdzob shes pha ni thams cad la'o/ /bzod pa ni brgyad de/ sdug bsngal la chos shes pa'i bzod pa dang/ sdug bsngal la rjes su rtogs par shes pa'i bzod pa dang/ kun 'byung ba la chos shes pa'i bzod pa dang /kun

  838. 419b

    'byung ba la rjes su rtogs pa'i shes pa'i bzod pa dang/ 'gog pa la chos shes pa'i bzod pa dang/ 'gog pa la rjes su rtogs par shes pa'i bzod pa dang/ lam la chos shes pa'i bzod pa dang/ lam la rjes su rtogs par shes pa'i bzod pa'o/ /de ni nges pa'i shes pa bskyed pa'i blo'i bye brag go/ bden pa bzhi la bzod pas de'i phyir bzod pa zhes bya'o/ /rnam pa brgyad po de dag gi lta ba nyid de shes pa ni ma yin no/ /nges pa'i don ni shes pa'i don to/ /bsam pa yongs su 'tshol ba la zhugs pa dag kyang bzod pa'o/ /de la sdug bsngal la chos shes pa'i bzod pa skyes nas/ sdug bsngal mthong bas spang bar bya ba'i nyon mongs pa 'dod par rtogs pa bcu'i rnyed pa nas bzung ste 'gag go/ chos shes pa yang de dag gi mya ngan las 'das pa'i pa'i rnyed pa nas bzung ste skye'o/ /bzod pa ni 'dir bar chad med pa'i lam mo/ /shes pa ni rnam par grol ba'i lam ste/ dper na mi gnyis las gcig gis ni khyim nas rkyan po bzung ste phyung gcig gis ni sgo bcad pa dang 'dra'o/ /sdug bsngal la rjes su rtogs par shes pa'i bzod pa skyes nas/ gzugs dang gzugs med par gtogs pa'i nyon mongs pa sdug bsngal mthong bas spang bar bya ba bco brgyad ki rnyed pa nas bzung ste 'gag go/ rjes su rtogs pa'i shes pa yang de dag gi mya ngan las 'das pa'i rnyed pa nas bzung ste skye'o/ /sems bzhi po de dag gis/ khams gsum po'i sdug bsngal gyi bden pa mngon par rtogs par 'gyur ro/ /ji ltar sdug bsngal gyi bden pa sems bzhis mngon par rtogs/ de bzhin du kun 'byung ba dang 'gog pa dang/ lam gyi bden pa rnams kyang/ sems bzhi bzhir khong du chud bar bya'o/ /sems bcu drug gis phra rgyas brgyad cu

  839. 420a

    rtsa brgyad spangs nas/ bden pa bzhi mngon par rtogs te/ rgyun tu zhugs pa'i 'bras bu yang thob par 'gyur ro/ /bsgom pas spang bar bya ba bcu zhig lus te/ 'dod par rtogs pa bzhi dang/ gzugs su gtogs pa gsum dang/ gzugs med par gtogs pa gsum mo/ /de la re zhig 'dod par gtogs ba'i 'dod chags dang/ khong khro ba dang nga rgyal dang/ ma rig pa 'dam du sbams pa'i tshul bu bsdus nas rim pa dgur phye ste/ chen po'i chen po dang/ chen pa'i 'bring po dang/ chen po'i chung du dang/ 'bring po'i chen po dang/ 'bring po'i 'bring po dang/ 'bring po'i chung du dang/ chung du'i chen po dang/ chung du'i 'bring po dang/ chung du'i chung du'o/ /de dag gi gnyen po bar chad med pa'i lam dang/ rnam par grol ba'i lam yang de bzhin du rig pa gu dgung rig par bya'o/ /de la nyes pa'i rnam pa chen po'i chen po'i gnyen po ni 'phags pa'i lam gyi rnam pa chung du'i chud du ste/ de bzhin du nyes pa'i rnam pa chung du'i chung du'i gnyen po ni chen po chen po'i bar du'o/ /de la nyon mongs pa'i rnam pa drug spangs nas/ lan cig phyir 'ong bar 'gyur ro/ /dgu char spangs na phyir mi 'ong bar 'gyur ro/ /ji ltar 'dod par rtogs pa'i nyon mongs pa bzhi la rnam pa dgu ste/ de dag gi gnyen po bar chad med pa dang/ rnam par 'grel ba'i lam zhes bya ba yang/ rnam pa dgu dgur 'gyur ba de ltar so so'i nyes pa yang rnam pa dgu dgu ste/ de dag gi gnyen po yang de bzhin du khong du chud par bya'o/ /de ltar nyon mongs pa rnams mthar gyis spangs par gnas te/ srid pa'i rtse mo pa'i nyes pa'i rnam pa/ chung du'i chung du spangs

  840. 420b

    na dgra bcom par 'gyur ro/ /'bras bu bzhi po rnams kyi bar gyi lam la gnas pa rnams ni zhugs pa zhes bya ste/ 'bras bu gang dang gang gi tshu rol gyi lam la gnas pa/ de ni 'bras bu de la zhugs pa'o/ /da ltar de dag ni 'phags pa'i gang zag brgyad yin te/ bzhi ni zhugs pa'o/ /bzhi ni 'bras bu la gnas pa'o/ /'di lta ste rgyun tu zhugs pa'i 'bras bu mngon sum du bya ba'i phyir zhugs pa dang/ rgyun tu zhugs pa dang lan cig phyir 'ong ba'i 'bras bu mngon sum du bya ba'i phyir zhugs pa dang/ lan cig phyir 'ong ba dang/ phyir mi 'ong ba'i 'bras bu mngon sum du bya ba'i phyir zhugs ba dang/ phyir mi 'ong ba dang dgra bcom pa nyid kyi 'bras bu mngon sum du bya ba'i phyir zhugs pa dang/ dgra bcom pa'o/ /rigs kyi sa drug tu 'gyur te/ dbang po brtul po dang rnon pa'i rigs can gyi so so'i skye bo gang yin pa de gnyis mthong ba'i lam la sems kyi skad cig bco lnga rnams la dad pas rjes su 'brang ba dang/ /chos kyi rjes su 'bring ba can zhes bya ba gnyis dang/ de nyid bsgom pa'i lam la sems kyi skad cig ma bcu drug pa nas bzung ste/ srid pa'i rtse mo'i nyes pa'i rnam pa chung du'i chung du dang/ bar chad med lam gyi bar ste/ bar der dad pas mos pa dang lta ba thob bzhes bya ba gnyis dang/ de dag nyid yang mi slob pa'i lam la zad pa shes nas bzung ste sems kyi skad cig pa tha ma mya ngan las 'da' ba' i bar du ste/ bar der dus kyis rnam par grol ba zhes bya ba dag go/ chos 'di dang ldan pa nyid du zhes nges par bsnyad pa'i rgyu ni 'thob pa'o/ /'di na ni gdon mi

  841. 421a

    za bar chos rnam pa gsum ste/ dge ba dang mi dge ba dang/ lung du ma bstan pa'o/ /de la dge ba ni dad pa la sogs pa'o/ /mi dge ba ni 'dod chags la sogs pa'o/ /lung du ma bstan pa ni sprul pa'i sems la sogs pa'o/ /de rnams gang dag la yod pa de dag ni chos 'di dang ldan pa'o/ /de'i dngos po ni chos 'di dang ldan pa nyid do/ /de'i nges par bsnyad pa'i rgyu'i chos gang yin pa de ni 'thob pa ste /rnyed pa dang ldan pa zhes kyang bya'o/ /de med du zin na 'dod chaD la sogs pas kun nas dkris te 'dug pa'i 'phags pa rnams la zag pa med pa'i sems med pas 'phags pa nyid ma yin par 'gyur ro/ /byis pa dge ba dang lung du ma bstan pa'i sems la gnas pa rnams kyang 'dod chags dang bral bar 'gyur ro/ /mya ngan las 'das pa'i 'thob pa med bar 'dra ba ni byis pa rnams kyang ma 'dres par thal bar 'gyur ro/ /chos kyi rjes kyang de mi slob pa'i chos bcu po 'di dag bskyed pa dang 'thob pa dang ldan pas 'phags par 'gyur te/ yan lag lnga spangs pa'o zhes rgya cher gsungs so/ /yang dge slong dag gang zag 'di ni chos dge ba rnams dang mi dge ba rnams dang yang ldan no zhes gsungs te son dag gi sems kyi rgyun la dge ba dang mi dge ba'i thob ba bsags pa dpag tu med pa gzigs nas /gtso bo mtsho? gis dge slong dag gang zag gis tshod ma bzung zhing/ gang zag la tshad kyang ma 'dzin cig ces rgya cher gsungs so/ /de yang rnam pa gnyis su blta bar bya ste/ ma thob pa dang rnam par nyams pa las thob pa dang/ thob nas ldan pa'o/ /de las bzlog pa ni 'thob pa med par rig par bya'o/ /'thob pa dang 'thob pa med par de gnyis kyang rang gi rgyud la gnas pa'o chos rnams nyid kyi 'o?/ /so so dang so sor brtags ba ma yin pas

  842. 421b

    'gog pa gnyis kyi yang yod do/ /su yang gzhan gyi rgyu la gnas pa dang/ sems can du bgrang ba ma yin pa'i chos de dag dang ldan pa ma yin no/ /nam mkha' yang ma yin no/ /de'i phyir de rnams kyi thob pa dang ma thob pa med do/ /de las 'thob pa rnam pa gsum ste/ grib ma rjes su 'brang ba lta bu dang/ khyu mchog rjes su 'brang ba lta bu dang/ be'u rjes su 'brang ba lta bu'o/ /de la dang po ni 'di lta ste lung dus bstan pa rnams kyi'o/ gnyis pa ni 'di lta sto gong nas shi 'phos te 'dod pa'i khams su skye ba'i mtshams sbyor ba'i dus dang/ 'dod par gtogs pa'i dge ba dang mi dge ba rnams kyi'o/ /gsum pa ni 'di lta ste/ thos pa dang bsam pa las byung ba la sogs ba rnams kyis te/ lhan skyes ba ma gtogs so/ /de la 'dor bstan na 'dod par gtogs ba'i dge ba dang mi dge ba'i gzugs kyi 'thob ba ni sngar skyes pa med do/ /lhan cig skyes ba dang/ phyi na skyes ba ni yod do/ /mngon par shes pa dang sprul pa'i sems ma gtogs so/ /bzo'i gnas dang spyod lam las kyang cung zad ma gtogs kyi gzhan ma bsgribs la lung du mi ston pa dang/ bsgribs pa'i rnam par rig byed ki gzugs thams cad kyi 'thob pa ni mthu chung ba'i phyin lhan cig skyes pa nyid de/ sngar ram phyi nas skye ba ma yin no/ /lhag ma dus gsum pa rnams kyi ni so sor dus gsum pa'o/ /dge ba dang/ mi dge ba dang lung du mi ston pa rnams kyi yang/ dge ba dang/ mi dge ba dang lung du mi ston pa nyid de go rim bzhin no/ /'dod pa dang

  843. 422a

    gzugs med par gtogs pa rnams kyi ni rang rang gi khams su gtogs pa nyid do/ /dri ma med pa ni khams gsum ba dang?/ zag pa med pa ste lam gyi bden pa dang/ 'dus ma byas ni dri ma med pa'i rnams so/ /de la so sor brtags pa ma yin pas 'thob pa ni khams rnams gsum pa'o// so sor brtags pas 'gog pa gzugs dang gzugs med pa'i lam gyis thob pa ni der gtogs pa nyid do /zag pa med pa'i lam gyis thob pa dang/ lam gyi bden pa ni zag pa med pa'o/ /de yang bsdu na rnam ba bzhir 'gyur te/ khams gsum dang zag pa med pa'o/ /slob pa dang mi slob pa rnams kyi ni slob pa dang/ mi slob pa'o// slob pa yang ma yin mi slob pa yang ma yin pa rnams kyi ni rnam pa gsum mo/ /zag pa dang bcas pa dang 'dus ma byas dag ni slob pa yang ma yin mi slob pa yang ma yin pa'i chos rnams so/ /de la zag pa dang bcas ba rnams dang/ so sor brtags pa ma yin pas 'gog pa dang/ so sor brtags pas 'gog pa 'jig rten pa'i lam gyis 'thob pa ni ma yin mi slob pa yang ma yin pa'o/ /slob pa dang mi slob pa'i lam gyis thob pa ni slob pa dang mi slob pa'o/ /mthong ba dang bsgom pas spang bar bya ba rnams kyi ni mthong ba dang bsgom bas spang

  844. 422b

    bar bya'o/ /spang bar bya ba ma yin pa yang rnam pa gnyis te/ bsgom pas spang bar bya ba dang spang bar bya ba ma yin pa'o/ /spang bar bya ba ma yin pa'i chos rnams ni lam gyi bden pa dang 'dus ma byas so/ /de la so sor brtags pa ma yin bas 'gog pa dang/ /'jig rten pa'i lam gyis thob pa cig shos ki ni bsgom pas spang par bya'o/ /dri ma med pa'i lam gyis thob pa'i so sor brtags pa'i 'gog ba dang/ lam gyi bden pa'i spang bar bya ba ma yin pa kho na'o /'thob pa med pa ni thams cad kyang nyon mongs pa can yin la lung du mi ston pa ste de pas na 'di ni 'thob pa bzhin du bye brag mang du med de/ zhig pa dang ma skyes pa rnams kyi ni dus gsum pa'o/ /da ltar byung ba rnams kyi ni dus gnyis pa ste/ lhan cig skyes pa med do/ /'dod pa dang gzugs dang gzugs med par gtogs pa rnams kyi ni/ so sor khams gsum pa'o/ /'thob pa med pa la ni dri ma med pa gang yang med do/ /so so'i skye bo nyid gang zhe na/ gang 'phags pa'i chos rnams ma thob pa'o zhes chos mngon pa las 'byung ngo/ /bsam gtan gsum pa'i 'dod chags dang bral ba/ bsam gtan bzhi pa'i sa ba sems dang sems las byung ba 'jug pa dang mi mthun pa mi ldan pa'i chos ni 'du shes med pa'i snyoms par 'jug pa zhes bya'o/ /sems dang sems las byung ba thams cad 'gag kyang 'du shes 'jig pa'i sgo nas de bskyed pas 'du shes

  845. 423a

    nyid du ston te/ pha rol gyi sems shes pa bzhin no/ /de yang dge ba bsam gtan bzhi pas bsdus pa/ so so'i skye bo'i rgyud de 'phags pa'i rgyud ma yin no// 'phags pa ma yin pa thar pa'i 'du shes can dag de bskyed do/ /'phags pa rnams kyis ni ngan song gi gnas lta bur dgongs so/ /myong bar 'gyur ba nges pa dang/ skyes nas myong bar 'gyur ba lang yin no/ de ni 'bang pas 'thob kyi/ 'dod chags dang bral bas ma yin no/ /'gog pa'i snyoms par 'jug ba ni ci yang med pa'i skye mchog kyi 'dod chags dang bral ba srid pa'i rtso mo'i sems dang sems las byung ba 'jug pa dang mi mthun pa'i chos so/ /'byung ba chen po mnyam pa nyid du byed pas snyoms par 'jug pa'o/ /'di ni srid pa'i rtse mo pa ste/ dge ba dang / skyes gnas pa dang lan grangs gzhan na myong bar 'gyur ba dang/ myong bar 'gyur bar ma nges pa ste/ 'di ni bskyed nas mya ngan las 'da' bar byed na/ des de'i rnam par smin ba myong bar mi 'gyur ro/ /de'i rnam par smin pa srid pa'i rtse mo'i phung po bzhir yang 'gyur te/ de ni 'phags pa nyid kyi yin gyi/ byis pa yi ni ma yin no/ /'phags pas ni tshe 'di la bde bar gnas par bya ba'i phyir 'phags pa'i lam gyi stobs kyis 'di bskyed do ? byis pa la ni de med pa dang chad kyis 'jig pa'i de mi srid do/ /'phags pa yang sbyor bar 'gyur te/ 'dod chags dang bral bas ni ma yin no/ /bcom ldan 'das kyis ni 'dod chags dang bral bas brnyes te/ sangs rgyas bcom

  846. 423b

    ldan 'das rnams kyis/ zag pa shes pa dang dus mnyam du 'di brnyes so/ /sangs rgyas bcom ldan 'das rnams? kyi gang cung zad thob bar bya ba ni sbyor ba cung zad kyang mi dgos te/ bzhed pa tsam gyis yon tan phun sum tshogs pa ngag thams cad mngon du 'gyur ro/ /'du shes med pa'i sems ki khrod/ lha rnams kyi nang du skyes pa rnams kyi sems dang sems las byung ba'i gcod pa'i chos gzhan rnam par smin pa'i 'bras bu gang yin pa de ni 'du shes pa ste/ lha 'bras bu che ba zhes bya ba gang yin pa de dag gi phyogs gcig pa ni 'du shes med pa ste/ dper na bsam gtan dang po'i phyogs gcig ni bsam gtan khyad par can lta bu'o/ /der skyes ba de dag kyang 'chi 'pho ba dang skye ba'i dus na ni 'du shes yod do/ gzhan gyi tshe ni sems med bar gnas so/ /nam 'chi 'pho ba de'i tshe na yang yun ring du gnyid kyis log log pa las sangs pa bzhin du/ de nas shi 'phags nas 'dod ba'o khams kho nar skyes te/ gzhan du ni ma yin no/ /der skyes pa rnams la 'dod par gtogs pa'i lan grangs gzhan na myong bar 'gyur ba'i las gdon thi? za bar yod pa'i phyir te/ dper na byang gi sgra mi snyan pa rnams la lhar skye pa myong bar 'gyur ba'i las yod pa lta bu'o/ /khams gsum pa'i tsha sngon gyi las kyis 'phangs pa skye mched drug gi rgyun 'brel pa gnas pa'i rgyur gyur pa/ 'gro bar gdags pa'i rgyu gang yin pa de ni srog gi dbang po zhes bya'o/ /chos mngon pa las kyang srog gi dbang po gang zhe na/ khams gsum pa'i tsha yin no zhes gsungs so/ /tshigs su bcad pa las kyang/ tshe dang drong dang rnam par shes/ /de dag nam zhig lus bor ba/ /de tshe spangs nas shi ba ni/ /dper na shing la sems bzhin zhes 'byung ngo/ /mdo las kyang rnam par

  847. 424a

    smin pa mngon par grub na sems can dmyal ba zhes bya ba'i grangs su 'gro ba de bzhin du/ 'du shes med 'du shes med min skye mched du 'gro ba'i bar gyi grangs su 'gro'o zhes 'byung ngo/ /srog gi dbang po ma gtogs bar gang skye ba'i rgyun mi 'chad par 'gyur ba 'gro bar gdags pa'i rgyu khams gsum la khyab pa'i dbang po gzhan med do/ /'gro bar gdags pa'i rgyu'i chos med du zin na gzugs med par skyes ba rnams/ dge ba dang bsgribs pa dang/ sa 'og ma pa'i zag pa med pa'i sems mngon du byed ba na 'chi 'pho dang skye par thar bar 'gyur ro/ /skal pa mnyam pa nyid ni sems can rnams kyi don gcig la 'dod pa'i rgyu'o// de yang tha dad pa ma yin pa dang tha dad pa'o/ /de la tha dad pa ma yin pa ni sems can thams cad bdag la chags pa dang/ kha zas 'dod par sems can so sor mthun pa gang yin pa'o/ /tha dad pa ni khams dang sa dang 'gro ba dang skye gnas dang/ rigs dang bud med dang skyes pa dang dge slong dang dge bsnyen dang/ slob pa dang mi slob pa la sogs pa'i bye brag gis tha dad pa de rnams kyi don gcig la 'dod pa'i nges pa'i rgyu'o /de med du zin na 'phags pa dang 'phags pa ma yin pa dang/ 'jig rten gyi tha snyad thams cad 'dres ba'i skyen du 'gyur ro/ /so so'i skye bo nyid dang/ so so'i skye bo'i skal ba mnyam pa nyid la/ tha dad du dbye ba ci yod/ 'dod ba rgyu ni skal ba mnyam pa nyid ces bshad do/ /so so'i skye bo nyid ni gnod pa thams cad kyi 'byung gnas su gyur pa'o/ /'di lta ste 'gro ba'i gtso bos kyang/ /dge slong dag byis pa so so'i skye bo thos pa dang mi ldan pa ni sdig pa mi dge

  848. 424b

    ba'i las mi byed pa ci yang med do zhes da smra'o zhes gsungs so/ /gdan nas kyang gal te 'di 'ong na ni mi rnams dang skal ba mnyam pa nyid rab tu thob bo zhes rgya cher gsungs so/ /so so'i skye bo nyid la ni de ltar thob pa dang 'dor ba med de/ de bas na de bye brag shin tu che'o/ /skye ba ni chos skye ba'i nang gi yan lag ste/ rang gi nus pa 'thob pa'i rgyu'o/ /chos skye ba'i rgyu gnyis te/ nang gi yan lag dang phyi'i yin lag go/ de la nang gi yan lag ni skye ba'o/ /phyi'i yan lag ni rgyu dang rkyen rnams so/ /de ? med du zin na phyi'i yan lag rnams bskyod kyang/ nam mkha' bzhin du chos skye bar mi 'gyur ba dang/ nam mkha' la sogs ba yang 'dus byas su 'gyur ba'i skyon du 'gyur ro/ /gnas pa ni 'bras bu gzhan 'phen pa'i dus kyi gnas kyi rgyu ste/ chos gnas na 'bras bu gzhan 'phen nus par 'gyur ro/ /de bas na gang gi dbang gis 'bras bu 'phen pa'i chos de ni gnas pa zhes ba'o/ /de med du zin na 'phen bar mi 'gyur ro/ /dga' ba ni 'bras bu gnyis pa 'phen nus pa la gnod pa'i rgyu'o/ /gal te chos gang 'bras bu 'phen nus pa de la gnong pa'i rgyu med du zin na chos de 'bras bu ma 'phen nus bar 'gyur te/ de lta na ni skad cig bar mi 'gyur ro/ /mi rtag pa nyid ni gnod par byed nus pa 'das par byed pa'i rgyu ste/ chos gang gis da ltar las spos nas 'das par byed pa'i chos de ni mi rtag pa de nyid ces ba'o/ /de med du zin na chos 'jig pa med pa nyid du 'gyur ba dang/ nam mkha' la sogs pa yang 'jig par 'gyur ro/ /bzhi po de dag ni 'dus byas dag gi 'dus byas kyi mtshan nyid do// chos gang la 'di bzhi yod de ni 'dus byas kyi mtshan nyid dang ldan pas 'du byas shes

  849. 425a

    bya'o/ /ji skad du 'jig rten gyi mgon pos kyang dge slong dag gsum po 'di dag ni 'dus byas dag gi 'dus byas kyi mtshan nyid de/ 'dus byas la skye ba dang/ 'jig pa dang gnas pa gzhan du 'gyur ba yang snang ngo zhes gsungs pa lta bu'o/ /gnas pa ni 'dir 'dul ba'i dbang gis phyir te/ skye ba skyed pa'i phyir bcom ldan 'das kyis dpal can ma dang rna nag ma 'grogs pa bzhin du gnas pa dang/ dga' ba 'grogs par gcig tu bsdus te gnas pa gzhan du 'gyur ba zhes gsungs so/ /de dag ni chos kyi bdag nyid du gyur pa ma yin no/ /gal te bdag nyid du gyur na ni des na ji ltar mtshan nyid kyi gzhi dang/ mtshan nyid rnams tha dad pa ma yin pa de bzhin du mtshan nyid rnams kyang phan tshun tha dad par mi 'gyur ro/ /de ltar gyur na yang skye ba gang yin pa de nyid 'jig par 'gyur/ 'jig pa gang yin pa de nyid 'jig par 'gyur/ 'jig pa gang yin pa de nyid skye bar 'gyur ba dang/ chos mi skye ba kho nar 'gyur ro/ /mtshan nyid rnams kyi rjes su mthun pa'i mtshan nyid kyang bzhi ste/ skye ba'i skye ba zhes bya ba la sogs pa rig par bya'o/ /'di las thug pa med par yang mi 'gyur te/ /'di ltar rtsa ba'i mtshan nyid dag ni chos brgyad po dag la 'jug go/ rjes su mthun pa'i mtshan nyid rnams ni re re la'o/ /de la skye ba ni bdag ma gtogs pa chos brgyad po dag g nang gi yan lag rang gi nus pa 'thob pa'i rgyu yin te/ brtsa ba'i chos dang mtshan nyid gsum po rnams dang rjes su mthun pa'i mtshan nyid bzhi po rnams la'o/ /mi rtag pa nyid kyi bar du de bzhin te/ bdag ma gtogs pa chos brgyad po rnams kyi rnam par 'jig pa'i rgyu'o/ /skye ba'i

  850. 425b

    skye ba ni skye ba nyid kyi yin pa nas mi rtag pa nyid kyi mi rtag pa nyid kyang mi rtag pa nyid kyi yin pa'i bar du'o/ /mtshan nyid rnams ni rtsa pa'i chos la gnas pa'o/ /rjes su mthun pa'i mtshan nyid dag ni mtshan nyid rnams la gnas so /mtshan nyid? rnams ni bshad zin to/ /da ni ming gi tshogs la sogs pa brjod par bya'o/ /de la gang dag pas rnams la rag las te skye ba/ shes ba bzhin tu don gyi tshul gyi gnas lta bu'i rnam pa rang gi don khong du chud par byed pa 'du shes dang/ dag dang yi? ge'i 'bru zhes rnam grangs gzhan gyis brjod par bya ba de dag ni/ go rims bzhin du ming dang tshig dang yi ge rnams shes par bya'o/ /dper na mig la sogs pa la rag/ las te/ skye ba mig gi rnam par shes pa la sogs pa gzugs la sogs pa'i don gyi tshul gyi gnas lta bu'i rnam par rang gi don khong du chud pa byad pa rnams bzhin no/ /dag gi sgras ni don brjod par mi 'gyur te/ ma zhes brjod pas tshig par gyur te re/ /dag tu brjod pas ni me'i ming brjod pa yin no/ /mig gis ni me'i don khong du chud par byed nges pa'i blo skyed do zhes bya ba'i tha tshig go/ sgra ni thogs pa dang bcas pa dang/ /de las gzhan du brda sprod pa bas brtag go zhes yongs su brtags pa yang ma grub ba'i phyir /de las don khong du chud par brtags pa mi rigs so/ /shes pa chos bzhi po 'di dag ni ngo bo gcig pa 'dra bar snang ngo/ /de la gzugs sgra zhes bya ba la sogs pa'o/ /tshig ni yi ge'i 'bru ji snyed kyis/ 'dod pa'i don yongs su rdzogs par 'gyur ba ste /dper na sdig pa thams cad mi ba'o zhes bya ba la sogs pa tshigs su bcad pa dang/ 'jig rten na yang lhas byin pa dkar mo khrid de shog

  851. 426a

    ces bya ba la sogs pa lta bu'o/ /yi ge'i ni 'di lta ste/ ang zhes bya ba yi ge 'bru gcig go ming dang tshig dang yi ge'i tshogs rnams zhes ba'o/ /drang srong chen pos kyang dge slong dag de bzhin gshegs pa 'jig rten du byung nas ming dang tshig dang yi ge'i tshogs rnams shes so zhes gsungs te phung po dang skye mched dang/ khams dang bden pa dang/ dge sbyong gi 'bras bu dang rten cing 'brel par 'byung ba la sogs pa'i zhes bya bar dgongs so/ /yang de bzhin gshegs pas ming dang tshig dang yi ge'i tshogs de dang/ de dag brnyes so zhes kyang gsungs so/ /de bas na ming gi tshogs la sogs pa yod pa nyid do/ /'du byed kyi dngos po ni 'di snyed do/ /da ni rnam par shes pa brjod bar bya'o/ /gzugs la sogs pa yul la sogs pa yul gyi dngos po tsam so sor rnam par rig pa ni rnam par shes pa ste/ mig la sogs pa lhan cig byed pa'i rgyus yongs su zin na 'byung nus pa/ gzugs la sogs pa yul drug po rnams la/ dngos po tsam khong du chud pa'i chos gang yin pa de ni rnam par shes pa'o/ /de bye brag khong du chud pa ni ma yin gyi/ bye brag khong du chud par byed pa ni rab la sogs pa'i chos rnams kyi gnas su gyur pa ste/ da ltar gyi dus kyi skad cig tsam la dmigs pa/ yid dang sems kyi rnam grangs su brjod pa'o/ /dang po'i sems can gyi rdzas gdags pa'i rgyu dang gzugs la sogs pa/ yul so sor rnam par rig pa yang byed pa'o/ /de yang yul gyi bye brag gis rnam pa drug tu 'gyur te/ mig gi rnam par shes pa nas yid kyi rnam par shes pa'i bar dag go/ de'i mtshan nyid ni bcom ldan

  852. 426b

    'das nyid kyi ste/ sna tshogs shes pas rnam par shes pa'o/ /rnam par shes pa'i dngos po'o/ /mtshan nyid bsam pa'i skabs su phyi'i yan lag gi byed pa ni rgyu dang rkyen rnams so zhes smos pa de la rgyu de dag ni gang/ rkyen rnams ni gang zhe na/ rgyu ni drug ste mtshungs par ldan pa'i rgyu dang/ lhan cig 'byung ba'i rgyu dang/ skal ba mnyam pa'i rgyu dang/ kun tu 'gro ba'i rgyu dang/ rnam par smin pa'i rgyu dang/ byed pa'i rgyu'o de la sems dang sems las byung ba rnams ni phan tshun du mtshungs par ldan pa'i rgyu yin te/ 'di lta ste sems ni tshor ba nas shes rab kyi bar dag gi'o/ /shes rab kyang sems kyi'o/ /lhan cig 'byung ba'i rgyu ni phan tshun 'bras bu chos rnams te/ 'di lta ste/ 'byung ba rnams gcig gi gcig yin pa dang/ mtshan gyi gzhi yang mtshan nyid rnams kyi ma yin la/ de dag kyang de'i yin pa ltar/ sems kyang sems kyi rjes su 'brang ba rnams kyi'o/ /de dag kyang de'i'o/ /de la lhan cig 'byung ba'i rgyu ni phan tshun gyi stobs kyis/ lam gyi dgon pa las byung ba'i tshul du'o/ /mtshungs par ldan pa'i rgyu ni cig lam brgyags kyis mthung pa'i tshul du'o/ /sems kyi rjes su 'brang ba rnams ni sems las byung ba thams cad dang/ bsam gtan dang zag pa med pa'i sdom pa dag dang/ 'dus byas kyi mtshan nyid par dag sems de'i yin pa dag go/ de dag ni sems dang lhan cig tu/ dus dang skye ba dang gnas dang 'gag pa gcig dang/ 'bras bu dang rgyu mthun pa dang rnam par smin pa gcig dang/ dge ba dang mi dge ba dang/ lung du ma ston pa'i sems su gyur dge ba la sogs pa ste/ /de ltar rgyu bcu po de dag gi sems kyi rjes su gzung ba rnams shes bya'o/

  853. 427a

    rang gi sa dang rang gi ris pa'i chos 'dra ba sngar skyes pa rnams ni/ chos 'dra ba phyis skye ba rnams kyi/ sa bon gyi chos kyi tshul gyis skal ba mnyam pa'i rgyu yin no/ /rang gis pa kun tu 'gro ba sngar skyes pa rnams ni nyon mongs pa can gyi chos phyis skyes pa rnamS kyi kun tu 'gro ba'i rgyu'o/ /mi dge ba rnams dang/ dge ba zag pa dang bcas pa rnams ni/ rnam par smin pa'i rgyu ste/ de dag rnam par smin par 'gyur ba'i chos can yin pa'i phyir ro/ /chos skye ba ni rang bzhin ma gtogs pa chos thaMs cad ni skye ba la bgegs mi bed cing/ sgrib pa'i dngos pos byed pa'i rgyu yin no/ /de dag gi 'bras bu ni 'dus byas kyi chos thams cad dang/ 'dus ma byas la gcig go/ de dag kyang lnga ste/ skyes bu'i byed pa'i 'bras bu dang/ rgyu mthun pa'i 'bras bu dang/ bdag po'i 'bras bu dang/ bral ba'i 'bras bu'o/ /de lhan cig 'byung ba dang mtshungs par ldan pa'i rgyu ni skyes bu byed pa'i 'bras bu'o/ /gang gi stobs kyis na gang 'byung ba de'i ste/ skyes bu byed pa'i 'bras bu zhes bya'o/ /skal ba mnyam pa dang kun tu 'gro ba'i rgyu'i ni rgyu mthun pa'i 'bras bu ste/ rgyu dang 'dra ba'i chos ni rgyu mthun pa zhes bya'o/ /rnam par smin pa'i rgyu ni rnam par smin pa'i 'bras bu'o/ /rgyu dang mi 'dra bar smin pa ni rnam par smin pa ste/ sems can zhes bya ba ma bsgribs la lung du mi ston pa'i rang bzhin no/ /byed pa'i rgyu ni 'bras bu ste/ dper na mig gi rnaM par shes pa ming dang gzugs la sogs pa'i yin pa dang/ zhing pa la sogs pa'i lo tog la sogs pa lta bur de'i dbang gis de skyed pa'i phyir ro/ /mya ngan las 'das pa ni bral ba'i 'bras bu zhes bya ste/ de ni thob par bya ba yin gyi bskyed par bya ba ma yin no/ /rkyen ni bzhi ste/ rgyu'i rkyen dang/ de ma thag pa'i rkyen dang dmigs pa'i rkyen dang/ bdag po'i rkyen no/ /de la byed pa'i rgyu ma gtogs pa rgyu lnga po dag ni rgyu'i rkyen to/ /'das pa dang da ltar byung ba'i sems dang sems las byung ba rnams kyi tha ma ma gtoD pa ni 'bras bu'i de ma thag pa'i rkyen no/ /dmigs pa'i rkyen ni chos thams cad do//

  854. 427b

    bdag po'i rkyen ni byed pa'i rgyu'i rang bzhin no/ /nam mkha' ni bsags pa'i rdzas skye ba de'i skabs 'byed pa'i bdag nyid do/ /de med du zin na bsags pa'i rdzas mi skye ba kho nar 'gyur ro/ /kye gau ta mas ci la brten/ bram ze gser gyi dkyil 'khor la'o/ /gser gyi dkyil 'khor ci la brten/ chu la'o/ /chu ci la brten/ rlung la'o/ /rlung ci la brten/ rlung nam mkha' la'o/ /kye gau ta ma nam mkha' ci la brten/ bram ze ha cang thal ches te/ dri ba rnams kyi mdza' rtogs par mi nus par 'gyur ro /'on kyang snang ba yod pas nam mkha' mngon no/ /nam mkha' ni gzugs med pa/ bstan du med pa/ thogs pa med pa yin na/ de ci la brten par 'gyur 'on kyang snang ba yod pas nam mkhar shes so zhes/ bde bar gshegs pas kyang gsungs so/ /nam mkha' i dngos po'o/ /so sor brtags pas 'gog pa ni sdug bsngal spong ba'o/ /sdug bsngal gang zhe na mdor bsdu na/ skye ba ni sdug bsngal lo/ /'di lta ste/ dge slong dag sdug bsngal ni srid pa mngon par 'grub pa'o zhes rgya cher gsungs so/ /srid pa mngon par 'grub pa'i 'jug pa de'i 'jug pa med pa ni spong ba zhes bya ste/ rlung rgyu ba thogs par byed pa brag lta bur gnas pa gang yin pa de ni/ so sor brtags pas/ 'gog pa zhes bya'o/ /'dis bden pa bzhin po dag la so sor rtogs pas/ so sor brtags pa ste/ blo'i bye brag dge ba'o/ /des 'gog pa thob pa gang yin pa de ni so sor brtags pas 'gog pa'o/ /de ni spang bar bya ba mdza' yas pa bzhin du mdza' yas te/ gcig pa ma yin no/ /gal te gcig pa zhig yin na ni 'phags pa'i lam gyi skad cig ma snga ma nyid kyis des mngon sum du byas pa'i phyir/ lam bsgom pa phyi mngon dam par 'gyur ro/ /cung zad mngon sum du byed par rtogs na ni yan lag dang bcas par 'gyur ro/ /de bas na zag pa'i rdzas ji ltar rnyed par/ spong ba'i rdzas kyang de snyed kho nar rtog ba 'di ni legs so//

  855. 428a

    'di ni 'bras bu'i bye brag gis rnam pa bzhir bzhag ste/ rgyun tu zhugs pa'i 'bras bu dang/ lan cig phyir 'ong ba'i 'bras bu dang/ dgra bcom pa'i 'bras bu'o/ /spong ba dang 'dod chags dang bral ba dang/ 'gog pa'i khams kyi bye brag gis rnam pa gsum mo/ /sdug bsngal dang kun 'byung ba'i bden pa gnyis po'i spong pa'i bye brag gam/ phung po dang bcas pa dang/ phung po'i lhag ma med pa'i dbyings kyi bye brag gis rnam pa gnyis so/ /mtshams sbyor ba med pa skye ba 'gog par rnam par bzhag pas na gcig go/ de'i rnam grangs ni zad pa dang/ 'dod chags dang bral ba dang/ 'gog pa dang mya ngan las 'das pa zhes bya ba la sogs pa'o/ /de skad du mi'i mdo las kyang/ dge slong dag phung po gzur can ma yin pa bzhi po 'di dag dang/ mig gi dbang po gzugs can dang/ de dag ni mi nyid de 'di la sems can dang/ mi dang shes las skyes te/ shed bu zhes bya ba 'di ni ming ngo/ /'di la bdag gis gzugs rnams mthong ngo snyam pa 'di ni dam 'cha' ba' o/ /'di la tshe dang ldan pa de'i ming ni 'di zhes bya ba zhes bya ba 'di ni tha snyad do zhes rgya cher brjod cing dge slong dag de ltar na/ 'di ni ming tsam mo/ /'di ni tha snyad tsam mo/ /dge slong dag chos 'di dag thams cad ni mi rtag pa dang/ sems pas 'phangs pa dang/ 'dus byas dang/ sems pa las byung ba dang/ rten cing 'brel cing 'byung ba dag ste/ mi rtag pa nas rten cing 'brel bar 'byung ba'i bar du gang yin pa de ni sdug bsngal lo/ /sdug bsngal de skye ba yang sdug bsngal lo/ /gnas pa dang mngon par 'grub pa dang/ 'byung ba yang sdug bsngal te/ sdug bsngal 'di ma lus par spangs pa dang/ nges par spangs pa dang/ byang bar gyur pa dang/ zad pa dang/ 'dod chags dang bral ba dang/ 'gog pa dang/ rnam par zhi ba dang/ nub pa dang/ sdug bsngal gzhan gyi mtshams mi sbyor ba

  856. 428b

    dang/ len pa med pa dang/ mi 'byung ba gang yin pa de zhi ba de gya nom pa ste/ 'di lta ste phung po thams cad nges par spangs pa dang/ srid pa zad pa dang/ 'dod chags dang bral ba dang/ 'gog pa dang/ mya ngan las 'das pa'o zhes gsungs so/ /des 'dis phung po thams cad du? rab tu 'dor bas phung po thams cad dang bral ba'o/ /'di mthong dam? thos nas sred pa zad par 'gyur bas sred pa zad pa'o/ /'di thob nas 'dod chags med par 'gyur bas 'dod chags dang bral ba'o/ /'di mngon sum du byas na/ sdug bsngal 'gag pas 'gog pa'o/ /'di thob na gnod pa thams cad dang/ 'tsho ba thams cad dang/ nyon mongs pa thams cad las 'das pas/ mya ngan las 'das pa'o/ /so sor brtags pa'i dngos po'o/ /so sor brtags pas 'gog pa las gzhan pa/ ma 'ongs pa'i chos kyi skye ba la gtan du bgegs su gyur ba'i chos so sor brtags pas/ 'gog pa med par rkyen ma tshang ba nyid kyis thob pa gang yin pa de ni so sor brtags pa ma yin pas 'gog pa zhes bya ste/ dper na mig gi yid gzugs shig la phengs? nas/ da ma yin pa'i gzugs gzhan dag dang/ sgra dang dri dang ro dang reg bya rnams dang/ chos rnams las kha cig 'gag ba ni de la dmigs pa'i sems dang/ sems las byung ba gang dag skye bar 'gyur ba de dag gis thos na mi skye ste/ des de dag 'gag pa 'gyur ba lta bu'o/ /bcom ldan 'das kyis kyang gang gi tshe bde ba tshor ba mngon du gyur pa de'i tshe/ 'di sdug bsngal dang/ sdug bsngal yang ma yin bde ba yang ma yin pa'i tshor ba gnyis 'gog go zhes gsungs so/ /yang dge slong 'di'i sems can dmyal ba rnams zad do/ /dud 'gro rnams zad do/ /yi dags rnams zad do zhes gsungs so/ /so sor brtags pa ma yin pas 'gog pa'i dngos po'o/ /'di ni las dang po pa dga' bar bya ba'i phyir/ dpyad pa mang po med bar bkod pa

  857. 429a

    yin te/ gang dag chos mngon pa'i mtshan nyid la mkhas par mi shes bzhin du/ rang gi blo gros kyis mtshan du brjod pa mang po rnam par bsgrubs nas/ mdun du bzhag ste/ klan ka dan pa'i mda' rnams kyis 'bigs par 'dod pa de ni/ sangs rgyas bcom ldan 'das la skur pa 'debs pa yin te/ 'gro ba'i mgon pos kyang de bzhin gshegs pa la skur pa 'debs pa'i gang zag gnyis te/ ma dad pa ni zhe sdang gis so/ /dad pa ni log par zin pas so zhes gsungs so// rab tu byed pa chos mngon pa la 'jug pa zhes bya ba rdzogs so// //sarba mang+ga laM/ /dge'o//