Text

ff. 1a–315a · 629 folio sides

  1. 1a

    blank page

  2. 1b

    #/ /rgya gar skad du/ pradz+nyA nA ma mU la mA d+hya ma ka kA ri kA/ bod skad du/ dbu ma rtsa ba'i tshig le'ur byas pa shes rab ces bya ba dkon mchog gsum la phyag 'tshal lo/ /'jam dpal gzhon nur gyur pa la phyag 'tshal lo// slob dpon 'phags pa klu sgrub la phyag 'tshal lo/ /gang gis rten cing 'bral par 'byung/ /'gag pa med pa skye med pa// chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ /

  3. 2a

    blank page

  4. 2b

    rkyen dang mi ldan bya ba med/ /bya ba mi ldan rkyen ma yin/ /bya ba ldan yod 'on te na/ /'di dag la brten skye bas na/ /de phyir 'di dag rkyen ces grag/ ji srid mi skye de srid du/ /'di dag rkyen min ji ltar min/ /med dam yod pa'i don la yang/ /rkyen ni rung ba ma yin te/ /med na gang gi rkyen du 'gyur// yod na rkyen gyis ci zhig bya/ /gang tshe chos ni yod pa dang/ /med dang yod med mi 'grub pas/ /ji ltar sgrub byed rgyu zhes bya/ /de ltar yin na mi rigs so/ /yod pa'i chos 'di dmigs pa ni/ /med pa kho nar nye bar bstan/ /ci ste chos ni dmigs med na/ /dmigs pa yod par ga la 'gyur// chos rnams skyes pa ma yin na/ /'gag pa 'thad par mi 'gyur ro/ /de phyir de ma thag mi rigs/ /'gags na rkyen yang gang zhig yin/ /

  5. 3a

    dngos po rang bzhin med rnams kyi/ /yod pa gang phyir yod min na/ /'di yod pas na 'di 'byung zhes/ /bya ba 'di ni 'thad ma yin/ /rkyen rnams so sor 'dus pa la/ /'bras bu de ni med pa nyid/ /rkyen rnams la ni gang med pa/ /de ni rkyen las ji ltar skye/ /ci ste 'bras bu de med kyang/ /rkyen de dag las skye 'gyur na/ /rkyen ma yin pa dag las kyang/ /ci yi phyir na skye mi 'gyur/ /'bras bu rkyen gyis rang bzhin na/ /rkyen rnams bdag gi rang bzhin min/ /bdag dngos min las 'bras bu gang/ /de ni ji ltar rkyen rang bzhin/ /de phyir rkyen gyi rang bzhin min/ /rkyen min rang bzhin 'bras bu ni/ /yod min 'bras bu med pas na/ /rkyen min rkyen dug la 'gyur/ /rkyen brtag pa zhes bya ba ste rab tu byed pa dang po'o// //re zhig song la mi 'gro ste/ /ma song ba la'ang 'gro ba min//

  6. 3b

    song dang ma song ma gtogs par/ /bgom pa shes par mi 'gyur ro/ /gang na g.yo ba de na 'gro /de yang gang phyir bgom pa la/ /g.yo ba song min ma song min/ /de phyir bgom pa 'gro ba yod/ /bgom la la 'gro ba yin par ni/ /ji lta bur na 'thad par 'gyur/ /gang tshe 'gro ba med pa yi/ /bgom pa 'thad pa med phyir ro/ /gang gi bgom pa la 'gro ba/ /de yi bgom la 'gro med par/ /thal bar 'gyur te gang gi phyir/ /bgom la 'gro ba yin phyir ro/ /bgom la 'gro ba yod na ni/ /'gro ba gnyis su thal 'gyur te/ /gang gis de bgom gyur pa dang/ /de la 'gro ba gang yin pa'o/ /'gro ba gnyis su thal 'gyur na/ /'gro ba po yang gnyis su 'gyur/ /gang phyir 'gro ba med par ni/ /'gro ba 'thad par mi 'gyur phyir/ /gal te 'gro po med 'gyur na/ /'gro ba 'thad par mi 'gyur te/ /'gro ba med na 'gro ba po/ /yod pa nyid du ga la 'gyur/ /re zhig 'gro po mi 'gro ste/ /'gro ba po min 'gro ba min/ /'gro bo 'gro po min las gzhan/ /gsum pa gang zhig 'gro bar 'gyur/ /gang tshe 'gro ba med par ni/ /'gro po 'thad par mi 'gyur na/ /re zhig 'gro po 'gro'o zhes/ /ji ltar 'thad pa nyid du 'gyur/ /gang gi phyogs la 'gro ba po/ /'gro ba de la 'gro med pa'i/ /'gro ba yin par thal

  7. 4a

    'gyur te/ /'gro po 'gro bar 'dod phyir ro/ /gal te 'gro po 'gro 'gyur na/ /'gro pa gnyis su thal 'gyur te/ /gang gi 'gro por mngon pa dang/ /'gro por gyur nas gang 'gro ba'o// song la 'gro ba'i rtsom med de/ /ma song ba la'ang 'gro rtsom med/ /bgom la brtsom pa yod min na/ /gang du 'gro brtsom par byed/ /'gro ba rtsom pa'i snga rol na/ /gang du 'gro bo rtsam 'gyur pa/ /'gom pa med cing song ba med/ /ma song 'gro ba ga la yod/ /'gro rtsom rnam pa thams cad du/ /snang ba med pa nyid yin na/ /song ba ci zhig bgom pa ci/ /ma song ci zhig rnam par brtag /re zhig 'gro po mi sdod de/ /'gro ba po ma ni sdod pa min/ /'gro po 'gro po min las gzhan/ /gsum pa gang zhig sdod par 'gyur/ /gang tshe 'gro ba med par ni/ /'gro po 'thad par mi 'gyur na/ /re zhig 'gro po sdod do zhes/ /ji ltar 'thad pa nyid du 'gyur/ /bgom las ldog par mi 'gyur te/ /song dang ma song las kyang min/ /'gro pa dang ni 'jug pa dang/ /ldog pa yang ni 'gro dang mtshungs/ /'gro ba de dang 'gro ba po/ /de nyid ces kyang byar mi rung/ /'gro ba dang ni 'gro ba po/ /gzhan nyid ces kyang byar mi rung/ /gal te 'gro ba gang yin pa/ /de nyid 'gro po yin gyur na/ /byed pa po dang las nyid kyang//

  8. 4b

    gcig pa nyid du thal bar 'gyur/ /gal te 'gro bar 'gro ba po/ /gzhan pa nyid du rnams brtags na/ /'gro po med pa'i 'gro ba dang/ /'gro ba med pa'i 'gro bor 'gyur/ /gang dag dngos po gcig pa dang/ /dngos po gzhan pa nyid du ni/ /grub par gyur pa yod min na/ /de nyid grub pa ji ltar yod/ /'gro ba gang gis 'gro bor mngon/ /'gro ba de ni de 'gro min/ /gang phyir 'gro ba'i snga rol med/ /gang zhig gang du 'gro bar 'gyur/ /'gro ba gang gis 'gro bor mngon/ /de las gzhan pa de 'gro min/ /gang phyir 'gro po gcig pu la/ /'gro ba gnyis su mi 'thad do/ /'gro ba yin par gyur pa ni/ /'gro rnam gsum du 'gro mi byed/ /ma yin par ni gyur de yang/ /'gro rnam gsum du 'gro mi byed/ /yin dang ma yin gyur pa yang/ /'gro rnam gsum du 'gro mi byed/ /de phyir 'gro dang 'gro ba dang/ /bgrod par bya ba yid ma yin/ /'gro ba dang 'ong ba brtag pa zhes bya ba ste rab tu byed pa gnyis pa'o/ //lta dang nyan dang snom pa la/ /myang bar byed dang reg byed yid/ /dbang po drug ste de dag gi spyod yul blta bar byed la sogs/ /lta de rang gi bdag nyid ni/ /de lta lta ba ma yin nyid/ /gang zhig dag la mi lta bar/ /de gzhan dag la ji ltar lta/ /lta ba rab tu bsgrub pa'i phyir/ /me yi dpes ni nus ma yin/ /song dang ma song bgom pa yis/ /de ni ltar bcas lan btab po/ /gang tshe cung zad mi lta ba/ /lta bar byed pa ma yin no/ /lta bas lta bar byed ces byar/ /de ni ji ltar rigs par 'gyur/ /lta ba lta nyid ma yin te/ /lta ba min pa mi lta nyid/ /lta ba nyid kyis lta po yang/ /rnam par bshad par shes par bya/ /ma spangs lta po yod min te/ /ltar spangs par gyur kyang ngo// lta po med na lta bya dang/ /lta ba de dag ga la yod/ /ji ltar pha dang ma dag pa/ /brten nas bu ni 'byung bshad pa/ /de bzhin mig dang gzugs brten nas/ /rnam par shes pa 'byung bar bshad/ /lta bya blta ba med pa'i phyir/ /rnam par shes la sogs pa bzhi/ /yod min

  9. 5a

    nye bar len la sogs/ /ji lta bur na yod par 'gyur/ /lta ba nyan dang snom pa dang/ /myang bar byed dang reg byed yid/ /nyan pa po dang mnyan la sogs/ /rnam par bshad par shes par bya/ /dbang po brtag pa zhes bya ba ste/ rab tu byed pa gsum pa'o// gzugs kyi rgyu ni ma gtogs par/ /gzugs ni dmigs par mi 'gyur ro/ /gzugs zhes bya ba ma gtogs par/ /gzugs kyi rgyu yang mi snang ngo/ /gzugs kyi rgyu ni ma gtogs par/ /gzugs na gzugs ni rgyu med par/ /thal bar 'gyur te don gang yang rgyu med pa ni gang na'ang med/ /gal te gzugs ni ma gtogs par/ /gzugs kyi rgyu zhig yod na ni/ /'bras bu med pa'i rgyur 'gyur te/ /'bras bu med pa'i rgyu med do/ /gzugs yod na yang gzugs kyi ni/ /rgyu yang 'thad par mi 'gyur nyid/ /gzugs med na yang gzugs kyi ni/ /rgyu yang 'thad par mi 'gyur nyid/ /rgyu med pa yi gzugs dag ni/ /'thad par mi rung rung min nyid/ /de phyir gzugs kyi rnam par rtog/ 'gal yang rnam par brtag mi bya/ /'bras bu rgyu dang 'dra ba zhes/ /bya ba 'thad pa ma yin te/ /'bras bu rgyu dang mi 'dra zhes/ /bya ba'ang 'thad pa ma yin no/ /tshor dang 'du shes 'du byed dang/ /sems dang dngos po thams cad kyang/ /rnam pa dag ni thams cad du/ /gzugs nyid kyi ni rim pa mtshungs/ /stong pa nyid kyis brtsad byas tshe/ /gang zhig lan 'debs smra byed pa/ /de yi thams cad lan btab min/ /bsgrub par bya dang mtshungs par 'gyur ro/ /stong pa nyid kyis bshad byas tshe/ /gang zhig skyon 'dogs smra byed pa/ /de yi thams cad skyon btags min/ /bsgrub par bya dang mtshungs bar 'gyur/ /phung po brtag pa zhes bya ba ste/ rab tu byed pa bzhi pa'o// //nam mkha' i mtshan nyid snga rol na/ /nam mkha' cung zad yod ma yin/ /gal te mtshan las sngar gyur na/ /mtshan nyid med par thal bar 'gyur/ /mtshan nyid med pa'i dngos po ni/ /'gal yang gang na 'ang yod ma yin/ /mtshan nyid

  10. 5b

    med pa'i dngos med na/ /mtshan nyid gang du 'jug par 'gyur/ /mtshan nyid med la mtshan nyid ni/ /mi 'jug mtshan nyid bcas la min/ /mtshan bcas mtshan nyid med pa las/ /gzhan la'ang 'jug par mi 'gyur ro/ /mtshan nyid 'jug pa ma yin na/ /mtshan gzhi 'thad par mi 'gyur ro/ /mtshan gzhi 'thad pa ma yin na/ /mtshan nyid kyang ni yod ma yin/ /de phyir mtshan gzhi yod min te/ /mtshan nyid yod pa nyid ma yin/ /mtshan gzhi mtshan nyid ma gtogs pa/ /dngos po yang ni yod ma yin/ /dngos po yod pa ma yin na/ /dngos med gang gi yin par 'gyur/ /dngos dang dngos med mi mthun chos/ /gang gis dngos dang dngos med shes/ /de phyir nam mkha' dngos po min/ /dngos med ma yin mtshan gzhi min// mtshan nyid ma yin khams lnga po/ /gzhan gang dag kyang nam mkha' mtshungs/ /blo chung gang dag dngos rnams la/ /yod pa nyid dang med nyid du/ /lta ba des ni blta bya ba/ /nye bar zhi ba zhi mi mthong/ /khams brtag pa zhes bya ba ste/ /rab tu byed pa lnga pa'o// //gal te 'dod chags snga rol na/ /'dod chags med pa'i chags yod na/ /de la brten nas 'dod chags yod/ /chags yod 'dod chags yod par 'gyur/ /chags pa yod par ma gyur na/ /'dod chags yod par ga la 'gyur// chags pa la yang 'dod chags ni/ /yod dam med kyang rim pa mtshungs/ /'dod chags dang ni chags pa dag /lhan cig nyid du skye mi rigs/ /'di ltar 'dod chags chags pa dag /phan tshun bltos pa med par 'gyur/ /gcig nyid lhan cig nyid min te/ /de nyid de dang lhan cig min// ci ste tha dad nyid yin na/ /lhan cig nyid du ji ltar 'gyur/ /gal te gcig pu lhan cig na/ /grogs med par yang der 'gyur ro/ /gal te tha dad lhan cig na/ /grogs med par yang der 'gyur ro/ /gal te tha dad lhan cig na/ /ci go 'dod chags chags pa dag /tha dad

  11. 6a

    nyid du grub 'gyur ram/ /des ni de gnyis lhan cig 'gyur/ /gal te 'dod chags chags pa dag/ tha dad nyid du grub 'gyur na/ /de dag lhan cig nyid du ni/ /ci yi phyir na yongs su rtog/ /tha dad grub par ma gyur pas/ /de phyir lhan cig 'dod byed na/ /lhan cig rab tu bsgrub pa'i phyir/ /tha dad nyid du yang 'dod dam/ /tha dad dngos po ma grub pas/ /lhan cig dngos po 'grub mi 'gyur/ /tha dad dngos po gang yod na/ /lhan cig dngos por 'dod par byed/ /de ltar 'dod chags chags pa dag /lhan cig lhan cig min mi 'grub/ /'dod chags bzhin du chos rnams kun/ /lhan cig lhan cig min mi 'grub/ /'dod chags dang chags pa brtag pa zhes bya ba ste rab tu byed pa drug pa'o/ //gal te skye ba 'dus byas na/ /de la mtshan nyid gsum ldan 'gyur/ /ji ste skye ba 'dus ma byas/ /ji ltar 'dus byas mtshan nyid yin/ /skye la sogs su so so yis/ /'dus byas mtshan nyid bya bar ni/ /nus min gcig la dus gcig tu/ /'dus pa yang ni ji ltar rung/ /skye dang gnas dang 'jig rnams la/ /'dus byas mtshan nyid gzhan zhig ni/ /gal te yod na thug ba med med na de dag 'dus byas min/ /skye ba'i skye bas rtsa ba yis/ /skye ba 'ba' zhig skyed par byed/ /rtsa ba'i skye bas skye ba yi/ /skye ba'ang skyed par byed pa yin/ /gal te khyod kyi skye ba'i skyes/ /rtsa ba'i skye bskyed byed na/ /khyod kyi rtsa bas ma bskyed des/ /de ni ji ltar skyed par byed/ gal te khyod kyi rtsa ba yis/ /bskyed pa de yis rtsa bskyed na/ /des ma bskyed pa'i rtsa ba des/ /de ni ji ltar skyed par byed/ /gal te ma skyes pa de yis/ /de skyed par ni byed nus na/ /khyod kyi skye bzhin pa de yis/ /de bskyed pa ni 'dod la rag/ ji ltar mar mes rang dang gzhan/ /snang bar byed pa de bzhin du/ /skye ba'ang rang dang gzhan gyi dngos/ /gnyis ka skyed par byed pa yin/ /mar me dang ni gang dag ni/ /de 'dug pa na mun pa med/ /mar mes ci zhig snang bar byed/ /mun pa sel bas snang byed yin/ /gang tshe mar me skye bzhin pa/ /mun pa dang

  12. 6b

    ni phrad med na/ /ji ltar mar me skye bzhin pas/ /mun pa sel bar byed pa yin/ /mar me phrad pa med par yang/ /gal te mun pa sel byed na/ /'jig rten kun la gnas pa'i mun/ /'di na 'dug pa des bsal 'gyur/ /mar me rang dang gzhan gyi dngos/ /gal te snang bar byed 'gyur na// mun pa'ang rang dang gzhan gyi dngos/ /sgrib par 'gyur bar the tshom med/ /skye ba 'di ni ma skyes pas/ /rang gi bdag nyid ji ltar bskyed/ /ci ste skyes pas skyed byed na/ /skyes na ci zhig bskyed du yod/ /skyes dang ma skyes skye bzhin pa/ /ji lta bur yang mi bskyed pa/ /des ni song dang ma song dang/ /bgom pas rnam par bshad pa yin/ /gang cho skye ba yod pa na/ /skye bzhin 'di 'byung med pa'i tshe/ /ji ltar skye la brten nas ni/ /skye bzhin zhes ni brjod par bya/ /rten cing 'byung ba gang yin pa/ /de ni ngo bo nyid kyis zhi/ /de phyir skye bzhin nyid dang ni/ /skye ba yang ni zhi ba nyid/ /gal te dngos po ma skyes pa/ /'ga' zhig gang na yod gyur na/ /de ni skye 'gyur dngos po de/ /med na ci zhig skye bar 'gyur/ /gal te skye ba de yis ni/ /skye bzhin pa ni skyed byed na /skye ba de ni skye ba lta/ /gal te skye ba gzhan zhig gis/ des bskyed thug pa med par 'gyur// ci ste skye ba med skye na/ /thams cad de bzhin skye bar 'gyur/ /re zhig yod dang med pa yang/ /skye bar rig pa ma yin zhing/ /yod med nyid kyang ma yin zhes/ /gong du bstan pa nyid yin no/ dngos po 'gag bzhin nyid la ni/ /skye ba 'thad par mi 'gyur ro/ /gang zhig 'gag bzhin ma yin pa/ don dngos por mi 'thad do/ /dngos po gnas pa mi gnas te/ /dngos po mi gnas gnas pa min/ /gnas bzhin pa yang mi gnas te/ /ma skyes gang zhig gnas par 'gyur/ dngos po 'gag bzhin nyid la ni/ /gnas pa 'thad par mi 'gyur ro/ /gang zhig 'gag bzhin ma yin pa// de ni dngos por mi 'thad do/ /dngos po thams cad dus kun tu/ /rga dang 'chi ba'i chos yin na/ /gang dag rga dang 'chi med pa'i/ /gnas pa'i dngos po gang zhig yin/ /gnas pa gnas pa gzhan dang ni/ /de nyid kyis kyang gnas mi rigs/ /ji ltar skye ba rang dang ni/ /gzhan gyis bskyed

  13. 7a

    pa ma yin bzhin/ /'gags pa bgags par mi 'gyur te/ /ma 'gags pa yang 'gag mi 'gyur/ /'gag bzhin pa yang de bzhin min/ /ma skyes gang zhig 'gag par 'gyur/ /re zhig dngos po gnas pa la/ /'gag pa 'thad par mi 'gyur ro// dngos po mi gnas pa la yang/ /'gag pa 'thad par mi 'gyur ro/ /gnas skabs de yi gnas skabs ni/ /de nyid 'gag pa nyid mi 'gyur/ /gnas skabs gzhan gyis gnas skabs ni/ /gzhan yang 'gag pa nyid mi 'gyur/ /gang tshe chos rnams thams cad kyi/ /skyo ba 'thad par mi 'gyur pa/ /de tshe chos rnams thams cad kyi/ /'gag pa 'thad par mi 'gyur ro/ /re zhig dngos po yod pa la/ /'gag pa 'thad par mi 'gyur ro/ /gcig nyid na ni dngos po dang/ /dngos po med pa 'thad pa med/ /dngos po med par gyur pa la'ang/ /'gag pa 'thad par mi 'gyur ro/ /mgo gnyis pa la ji ltar ni/ /bcad du med pa de bzhin no/ /'gag par rang gi bdag nyid kyis/ /yod min 'gag pa gzhan gyis min/ /ji ltar skye ba rang dang ni/ /gzhan gyis bskyed pa ma yin bzhin/ /skye dang gnas dang 'jig pa dag /ma grub phyir na 'dus byas med/ /'dus byas rab tu ma grub na/ /'dus ma byas ni ji ltar grub/ /rmi lam ji bzhin sgyu ma bzhin/ /dri za'i grong khyer ji bzhin du/ /de bzhin skye dang de bzhin gnas/ /de bzhin du ni 'jig pa gsungs/ /skye ba dang gnas pa dang 'jig pa brtag pa zhes bya ba ste rab tu byed pa bdun pa'o// //byed po yin par gyur pa de/ /las su gyur pa mi byed do/ /byed po ma yin gyur pa yang/ /las sum gyur mi byed do/ /yin par gyur la bya ba med/ /byed po med pa'i las suAng 'gyur/ /min par gyur la bya ba med/ /las med byed pa por yang 'gyur/ /gal te byed por ma gyur pas/ /las su ma gyur byed na ni/ /las la rgyu ni med par 'gyur/ /byed pa po yang rgyu med 'gyur/ /rgyu med na ni 'bras bu dang/ /rgyu yang 'thad par mi

  14. 7b

    'gyur ro/ /de med na ni bya ba dang/ /byed pa po dang byed mi rigs/ /bya ba la sogs mi rigs na/ /chos dang chos min yod ma yin/ /chos dang chos min med na ni/ /de las byung ba'i 'bras bu med/ /'bras bu med na thar pa dang/ /mtho ris gyur pa'i lam mi 'thad/ /bya ba dag ni thams cad kyang/ /don med nyid du thal bar 'gyur/ /bye pa por gyur ma gyur pas/ /gyur ma gyur de mi byed do/ /yin dang ma yin gyur cig la/ /phan tshun 'gal bas ga la yod/ /byed pa por ni gyur pa yis/ /ma gyur las ni mi byed de/ /ma gyur pas kyang gyur mi byed/ /'dir yang skyon der thal bar 'gyur/ /byed pa por ni gyur pa dang/ /bcas pas las ni ma gyur dang/ /gyur ma gyur ba mi byed de/ /gtan tshigs gong du bstan phyir ro/ /byed pa por ni ma gyur pas/ /las ni gyur dang bcas pa dang/ /gyur ma gyur pa mi byed de/ /gtan tshig gong du bstan phyir ro/ /byed pa por gyur ma gyur ni/ /las su gyur dad ma gyur pa/ /mi byed 'dir yang gtan tshigs ni/ /gong du bstan par shes par bya/ /byed po las la brten byas shing/ /las kyang byed po de nyid la brten nas 'byung ba ma gtogs par/ /grub pa'i rgyu ni ma mthong ngo/ /de bzhin nyer len shes par bya/ /las dang byed pos gsal phyir ro/ /byed pa po dang las dag gis/ /dngos po lhag ma'ang shes par bya/ /byed pa po dang las brtag pa zhes bya ba ste rab tu byed pa brgyad pa'o// //lta dang nyan la sogs pa dang/ /tshor sogs dang yang dbang byas pa/ /gang gi yin pa de dag gi /snga rol de yod kha cig smra/ /dngos po yod pa ma yin na/ /lta ba la sogs ji ltar 'gyur/ /de phyir de dag snga rol na/ /dngos po gnas pa de yod de/ /lta dang nyan la sogs pa dang/ /tshor ba la sogs nyid kyis ni/ /snga rol dngos po gang gnas pa/ /de ni gang gis gdags par bya/ /lta ba la sogs med par yang/ /gal te de ni gnas gyur na/ /de med par yang de dag ni/ /yod par 'gyur bar

  15. 8a

    the tshom med/ /ci yis gang zhig bsal bar byed/ /gang gis ci zhig bsal bar byed/ /ci med gang zhig la yod/ /gang med ci zhig ga la yod/ /lta la sogs pa thams cad kyi/ /snga rol gang zhig yod pa min/ /lta sogs nang nas gzhan zhig gis/ /gzhan gyi tshe na gsal bar byed/ /lta la sogs pa thams cad kyi/ /snga rol gal te yod min na/ /lta la sogs pa re re yis/ /snga rol de ni ji ltar yod/ /lta po de nyid nyan po de/ /gal te tshor po de nyid na/ /re re'i snga rol yod gyur na/ /de ni de ltar mi rigs so// gal te lta po gzhan nyid la/ /nyan pa po gzhan tshor gzhan na/ /lta po yod tshe nyan por 'gyur/ /bdag kyang mang po nyid du 'gyur/ /lta dang nyan la sogs pa dang/ /tshor bdag la sogs pa yang/ /gang las 'gyur ba'i 'gyur de la'ang/ /de ni yod pa ma yin no/ /lta dang nyan la sogs pa dang/ /tshor ba dag la sogs pa yang/ /gang gi yin pa gal te med/ /de dag kyang ni yod ma yin/ /gang zhig lta la sogs pa yi/ /snga rol da lta phyin med/ /de la yod do med do zhes/ /rtog pa dag ni ldog par 'gyur/ /snga rol na gnas pa brtag pa zhes bya ba ste rab tu byed pa dgu pa'o// //bud shing gang de mi yin na/ /byed pa po dang las gcig 'gyur/ /gal te shing las me gzhan na/ /shing med par yang 'byung bar 'gyur/ /rtag tu 'bar ba nyid du 'gyur/ /'bar byed rgyu las mi 'byung zhing/ /rtsom pa don med nyid du 'gyur/ //de lta yin na las kyang med/ /gzhan la bltos pa med pa'i phyir/ 'bar bar byed rgyu las mi 'byung/ /rtag tu 'bar ba nyid yin na/ /rtsom pa don med nyid du 'gyur/ /de la gal te 'di snyam du/ /sreg bzhin bud shing yin sems na/ /gang tshe de rtsam de yin na/ /gang gi bud shing de sreg byed/ /gzhan phyir mi phrad phrad med na/ /sreg par mi 'gyur mi sreg na/ /'chi bar mi 'gyur mi 'chi na/ /rang rtags dang yang ldan par gnas/ /ji ltar bud med skyes pa dang/ /skyes pa'ang bud med phrad pa bzhin/ /gal te shing las ? gzhan

  16. 8b

    na/ /shing dang phrad par rung bar 'gyur/ /gal te me dang shing dag ni/ /gcig gis gcig ni bsal 'gyur na/ /shing las me gzhan nyid yin yang/ /shing dang phrad par 'dod la rag/ gal te shing bltos me yin la/ /gal te me bltos shing yin na// gang bltos me dang shing 'gyur ba/ /dang po grub pa gang zhig yin/ /gal te shing bltos me yin na/ /me sgrub pa la sgrub par 'gyur/ /bud par bya ba'i shing la yang/ /me med par yang 'gyur ba yin/ /gal te dngos po gang bltos grub/ /de nyid la yang bltos nas ni/ /bltos bya gang yin de 'grub na/ /gang la bltos nas gang zhig 'grub/ /dngos po bltos 'grub gang yin pa/ /de ma grub na ji ltar bltos/ /ci ste grub pa bltos she na/ /de ni bltos par mi rigs so /shing la bltos pa'i me med de/ shing la ma bltos me yang med/ /me la bltos pa'i shing med de/ /me la ma bltos shing yang med/ /me ni gzhan las mi 'ong ste /shing la'ang me ni yod ma yin /de bzhin shing gi lhag ma ni/ /song dang ma song bsgoms pas bstan/ /shing nyid me ni ma yin te// shing las gzhan la'ang me yang med/ /me ni shing dang ldan ma yin /me la shing med der de med/ /me dang shing gis bdag dang ni/ /nye bar blang ba'i rim pa kun/ /bum snam sogs dang lhan cig tu/ /ma lus par ni rnam par bshad/ /gang dag bdag dang dngos po rnams/ /de nyid ces dang tha dad par/ /ston pa de dag bstan don la/ /mkhas so snyam du mi sems so/ /me dang bud shing brtag pa zhes bya ba ste rab tu byed pa bcu pa'o// //sngon mdza' sngon nam zhes zhus tshe/ /thub pa chen pos min zhes gsungs/ 'khor ba thog ma tha ma med/ /de la sngon med phyi ma med// shang la thog ma tha med pa/ /de la dbus ni ga la yod/ /de phyir de la snga phyi dang/ /lhan cig rim pa mi 'thad do/ /gal te skye ba snga gyur la/ /rga shi phyi ma yin na ni/ /skye ba rga shi med pa dang/ /ma shi bar yang skye bar 'gyur/ /gal te skye bar phyi gyur la

  17. 9a

    rga shi snga ba yin na ni/ /skye ba med pa'i rga shi ni/ /rgyu med par ni ji ltar 'gyur/ /skye ba dang ni rga shi dag /lhan cig rung ba ma yin te/ /skye bzhin pa na 'chi 'gyur zhing/ /gnyis ka rgyu med can du 'gyur/ /gang las snga phyi lhan cig gi /rim pa de dag mi srid pa'i/ /skye ba de dang rga shi de/ /ci yi phyir na spro bar byed/ /'khor ba 'ba' zhig sngon gyi mdza' / /yod ma yin par ma zad de/ /rgyu dang 'bras bu nyid dang ni/ /mtshan nyid dang ni mtshan gzhi nyid/ /tshor dang tshor po nyid dang ni/ /don yod gang dag ci yan rung/ /dngos rnams thams cad nyid la yang/ /sngon gyi mdza' ni yod ma yin/ /sngon dang phyi ma'i mdza' brtag pa zhes bya ba ste rab tu byed pa bcu gcig pa'o// //kha cig sdug bsngal bdag gis byas/ /gzhan gyis byas dang gnyis kas byas/ /rgyu med pa las byung bar 'dod/ /de ni bya bar mi rung ngo/ /gal te bdag gis byas gyur na/ /de phyir brten nas 'byung mi 'gyur/ /gang phyir phung po de dag la/ /brten nas phung po de dag 'byung/ /gal te 'di las de gzhan zhing/ /gal te 'di las de gzhan na/ /sdug bsngal gzhan yis byas 'gyur zhing/ /gzhan de dag gis de byas 'gyur/ /gal te gang zag bdag gis ni/ /sdug bsngal byas na gang bdag gis/ /sdug bsngal byas pa'i gang zag de/ /sdug bsngal ma gtogs gang zhig yin/ /gal te gang zag gzhan las ni/ /sdug bsngal 'byung na gzhan zhig gis/ /sdug bsngal de byas gang sbyin des/ /sdug bsngal ma gtogs ji ltar rung/ /gal te gang zag gzhan sdug bsngal/ /'byung na gang gis de byas nas/ /gzhan la ster ba'i gang zag gzhan/ /sdug bsngal ma gtogs gang zhig yin/ /bdag gis byas par ma grub pas sdug bsngal gzhan gyis ga la byas/ /gzhan gyis sdug bsngal gang byed pa/ /de ni de yi bdag byas 'gyur/ /de zhig sdug bsngal bdag byas min/ /de nyid kyis ni de ma byas/ /gal te gzhan bdag ma byas na/ /sdug bsngal gzhan byas ga la 'gyur/ /gal te

  18. 9b

    re res byas 'gyur na/ /sdug bsngal gnyis kas byas par 'gyur/ /bdag gis ma byas gzhan ma byas/ /sdug bsngal rgyu med ga la 'gyur/ /sdug bsngal 'ba' zhig rnam pa bzhi/ /yod ma yin pa zad kyi/ phyi rol dngos po rnams la yang/ rnam pa bzhi po yod ma yin/ /bdag gis byas pa dang gzhan gyis byas pa brtag pa zhes bya ba ste rab tu byed pa bcu gnyis pa'o// //bcom ldan 'das kyis chos gang zhig /bslu ba de ni rdzun zhes gsungs/ /'du byed thams cad brla ba'i chos des na de dag rdzun pa yin/ /gal te bslu chos gang yin pa/ /de rdzun de la ci zhig bslu/ /bcom ldan 'das kyis de gsungs pa/ /stong nyid yongs su bstan pa yin/ /dngos rnams ngo bo nyid med de/ /gzhan du 'gyur ba snang phyir ro/ /dngos po ngo bo nyid med med/ gang phyir dngos rnams stong pa nyid/ /gal te ngo bo nyid med na/ /gzhan du 'gyur ba gang gi yin/ /gal te ngo bo nyid yod na/ /ji lta bur na gzhan du 'gyur/ /de nyid la ni gzhan 'gyur med/ /gzhan nyid la yang yod ma yin/ /gang phyir gzhon nu mi rga ste/ /gang phyir rgas pa'ang mi rga'o/ /gal te de nyid gzhan gyur na/ /'o ma nyid ni zhor 'gyur ro/ /'o ma las gzhan gang zhig ni/ /zho yi dngos po yin par 'gyur/ /gal te stong min cung zad yod/ /stong pa'ang cung zad yod par 'gyur mi stong cung zad yod min na/ /stong pa'ang yod par ga la 'gyur/ /rgyal ba rnams kyis stong pa nyid/ /lta kun nges par 'byung bar gsungs/ /gang dag stong pa nyid lta ba/ /de dag bsgrub du med par gsungs/ /'du byed brtag pa zhes bya ba ste rab tu byed pa bcu gsum pa'o// //blta bya lta ba lta ba po/ /gsum po de dag gnyis gnyis dang/ /thams cad kyang ni phan tshun du/ /phrad par 'gyur ba yod ma yin/ /de bzhin 'dod chags chags pa dang/ /chags par bya ba nyon mongs pa/ lhag ma rnams dang skye mched kyi/ /

  19. 10a

    lhag ma'ang rnam pa gsum gyis so/ /gzhan dang gzhan du phrad 'gyur na/ /gang phyir blta bya la sogs la/ /gzhan de yod pa ma yin pa/ /de phyir phrad par mi 'gyur ro/ /blta bya la sogs 'ba' zhig la/ /gzhan nyid med par ma zad kyi/ /gang yang gang dang lhan cig tu/ /gzhan pa nyid du mi 'thad do/ /gzhan ni gzhan la brten te gzhan/ /gzhan med par gzhan gzhan mi 'gyur/ /gang la brten te gang yin pa/ /de ni de las gzhan mi 'thad/ /gal te gzhan ni gzhan las gzhan/ /de tshe gzhan med par gzhan 'gyur/ /gzhan med par ni gzhan 'gyur ba/ /yod min de yi phyir na med/ /gzhan nyid gzhan la yod ma yin/ /gzhan ma yin la'ang yod ma yin/ /gzhan nyid yod pa ma yin na/ /gzhan ma de nyid yod ma yin/ /de ni de dang phrad pa med/ /gzhan ni gzhan dang phrad mi 'gyur/ /phrad bzhin pa dang phrad pa dang/ /phrad pa po yang yod ma yin/ /phrad pa brtag pa zhes bya ba ste rab tu byed pa bcu bzhi pa'o// //rang bzhin rgyu dang rkyen las ni/ /'byung ba rigs pa ma yin no/ /rgyu dang rkyen las byung ba yi/ /rang bzhin byas pa can du 'gyur/ /rang bzhin byas pa can zhes byar/ /ji lta bur na rung bar 'gyur/ /rang bzhin dag ni bcos min dang/ /gzhan la bltos pa med pa yin/ /rang bzhin yod pa ma yin na/ /gzhan gyi dngos po ga la yod/ /gzhan gyi dngos po'i rang bzhin ni/ /gzhan gyi dngos po yin zhes brjod/ /rang bzhin dang ni gzhan dngos dag /ma gtogs dngos po ga la yod/ /rang bzhin dang ni gzhan dngos dag/ yod na dngos po 'grub par 'gyur/ /gal te dngos po ma grub na/ /dngos med 'grub par mi 'gyur ro/ /dngos po gzhan du gyur pa ni/ /dngos med yin par skye bo smra/ /gang dag rang bzhin gzhan dngos dang/ /dngos dang dngos med nyid lta ba/ /de dag sang rgyas bstan pa la/ /de nyid mthong ba ma yin no/ /bcom ldan dngos dang dngos med pa/ /mkhyen pas kA tyA ya na yi/ /gdams ngag las ni yod pa dang/ /med pa gnyis ka dgag par gsungs/ /gal te

  20. 10b

    rang bzhin gyis yod na/ /de ni med nyid mi 'gyur ro/ /gang bzhin gzhan du 'gyur ba ni/ /nam yang 'thad par mi 'gyur ro/ /rang bzhin yod pa ma yin na/ /gzhan du 'gyur ba gang gi yin/ /rang bzhin yod pa ma yin yang/ /gzhan du 'gyur ba ji ltar rung/ /yod ces bya ba rtag par 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'o/ /gang zhig rang bzhin gyis yod pa/ /de ni med pas brtag /sngon byung da ltar med ces pa/ /des na chad par thal bar 'gyur/ /rang bzhin brtag pa zhes bya ba ste rab tu byed pa bco lnga pa'o// //gal te 'du byed 'khor zhe na/ /de dag rtag na mi 'khor te/ /mi rtag na yang 'khor mi 'gyur/ /sems can la yang rim 'di mtshungs/ /gal te gang zag 'khor zhe na/ /phung po skye mched khams rnams la/ /de ni rnam pa lngas btsal na/ /med na gang zhig 'khor bar 'gyur/ /nye bar len nas nyer len par/ /'khor na srid pa med par 'gyur/ /srid med nye bar len med na/ /de gang ci zhig 'khor bar 'gyur/ /'du byed mya ngan 'da' bar ni/ /ji lta bur yang mi 'thad do/ /sems can mya ngan 'da' bar yang/ /ji lta bur yang 'thad mi 'gyur/ /skye 'jig chos can 'du byed rnams/ /mi 'ching grol bar mi 'gyur te/ /snga ma bzhin du sems can yang/ /mi 'ching grol bar mi 'gyur ro/ /gal te nye bar len 'ching na/ /nye bar len bcas 'ching mi 'gyur/ /nye bar len med mi 'ching ste/ /gnas skabs gang zhig 'ching bar 'gyur/ /gal te bcing bya'i snga rol na/ /'ching ba yod na 'ching la rag /de yang ming de lhag ma ni/ /song dang ma song bsgoms pas bstan/ /re zhig bcings pa mi grol te/ /ma bcings ba yang grol mi 'gyur/ /bcings pa grol bzhin yin 'gyur na/ /bcings dang grol ba dus gcig 'gyur/ /bdag ni len med mya ngan 'da' / /myang 'das bdag gir 'gyur ro zhes/ /de ltar gang dag 'dzin de yi/ /nyer len 'dzin pa chen po yin/ /gang la mya ngan 'das bskyed med/ /'khor ba bsal ba'ang

  21. 11a

    yod min pa/ /de la 'khor ba ci zhig yin/ /mya ngan 'das pa'ang ci zhig brtag /bcings pa dang thar pa brtag pa zhes bya ba ste rab tu byed pa bcu drug pa'o// //bdag nyid legs par sdom pa dang/ /gzhan la phan 'dogs byams sems gang/ /de chos de ni 'di gzhan du/ /'bras bu dag gi sa bon yin/ /drang srong mchog gis las rnams ni/ /sems pa dang ni bsam par gsungs/ /las de dag gi bye brag ni/ /rnam pa du mar yongs su bsgrags/ /de la las gang sems pa zhes/ / gsungs pa de ni yid kyir 'dod/ /bsams pa zhes ni gang gsungs pa/ /de ni lus dang ngag gi yin/ /ngag dang spyod dang mi spong ba'i/ /rnam rig byed min zhes bya gang/ /spong ba'i rnam rig byed min pa/ /gzhan dag kyang ni de bzhin 'dod/ /longs spyod las byung bsod nams dang/ /bsod nams ma yin tshul de bzhin/ /sems dpa' dang ni chos de bdun/ /las su mngon par 'dod pa yin/ /gal te smin pa'i dus bar du/ /gnas na las de rtag par 'gyur/ /gal te 'gags na 'gags gyur pa/ /ji ltar 'bras bu bskyed par 'gyur/ /myu gu la sogs rgyun gang ni/ /sa bon las ni mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyun las 'bras bu 'byung 'gyur zhing/ /sa bon 'bras bu sngon 'gro ba/ /de phyir chad min rtag ma yin/ /sems kyi rgyun ni gang yin pa/ /sems las mngon par 'byung bar 'gyur/ /de las 'byu ru sems lta zhig /de na de yang 'byung mi 'gyur/ /gang phyir sems las rgyun dang ni/ /rgyu las 'bras bu 'byung 'gyur zhing/ /las ni 'bras bu'i sngon 'gro ba/ /de phyir chad min rtag ma yin/ /dkar po'i las kyi lam bcu po/ /chos sgrub pa yi thabs yin te/ /chos kyi 'bras bu 'di gzhan du/ /'dod pa'i yon tan rnam lnga'o/ /gal te rtag pa der gyur na/ /nyes pa chen po

  22. 11b

    mang por 'gyur/ /de lta bas na rtag pa de/ /'dir ni 'thad pa ma yin no/ /sangs rgyas rnams dang rang rgyal dang/ /nyan thos rnams kyis gang gsungs pa'i/ /brtag pa gang zhig 'dir 'thad pa/ /de ni rab tu brjod par bya/ /dbang rgya ji ltar de bzhin chung/ /mi za las ni bu lon bzhin de ni khams las rnam pa bzhi/ /de yang rang bzhin lung ma bstan/ /spong bas spang ba ma yin te/ /bsgoms pas spang ba nyid kyang yin/ /de phyir chud mi za ba yis/ /las kyi 'bras bu bskyed par 'gyur/ /gal te spong ba spang ba dang/ /las 'phos pa yis 'jig 'gyur na// de la las 'jigs la sogs pa'i/ /skyon rnams su ni thal bar 'gyur/ /khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe/ /gcig pu kho na skye bar 'gyur/ /mthong ba'i chos la rnam gnyis po/ /thams cad las dang las kyi de/ /tha dad par ni skye 'gyur zhing/ /rnam par smin kyang gnas pa yin/ /de ni 'bras bu 'pho ba dang/ /shi bar gyur na 'gag par 'gyur/ /de yi rnam dbye zag med dang/ /zag dang bcas par shes par bya/ /stong pa nyid dang chad med dang/ /'khor ba dang ni rtag pa min/ /las rnam chud mi rab ba'i chos/ /sangs rgyas kyis ni bstan pa yin/ /gang phyir las ni skye ba med/ /'di ltar rang bzhin med de'i phyir/ /gang phyir de ni ma skyes pa/ /de phyir chud zad mi 'gyur ro/ /gal te las la rang bzhin yod/ /rtag par 'gyur bar the tshom med// las ni byas pa ma yin 'gyur/ /rtag par bya ba med phyir ro/ /ji sta las ni ma byas na/ /ma byas pa dang phrang 'jigs 'gyur/ /tshangs spyod gnas pa ma yin pa'ang/ /de la skyon du thal bar 'gyur/ /tha snyad thams cad nyid dang yang/ /'gal bar 'gyur bar the tshom med/ /bsod nams dang ni sdig byed pa'i/ /rnam par dbye ba'ang 'thad mi 'gyur/ /de ni rnam smin smin gyur pa/ /yang dang yang du rnam smin 'gyur/ /gal te rang bzhin yod na ni/ /gang phyir las gnas de yi phyir/ /las 'di nyon mongs bdag nyid la/ /nyon mongs de dag yang dag min/ /gal

  23. 12a

    te nyon mongs yang dag min/ /las ni yang dag ji ltar yin/ /las dang nyon mongs pa dag ni/ /lus rnams kyi ni rkyen du bstan/ /gal te las dang nyon mongs pa/ /de stong lus la ji ltar brjod/ /ma rig sgrib pa'i skye bo gang/ /sred ldan de ni za pa po/ /de yang byed las gzhan min zhing/ /de nyid de dang ma yin no/ /gang gi phyir na las 'di ni/ /rkyen las byung ba ma yin zhing/ /rkyen min las byung yod min pa/ /de'i phyir byed pa po yang med/ /gal te las dang byed med na/ /las byed 'bras bu ga la yod/ /ji lte 'bras bu yod min na/ /za ba po ltag la yod/ ji ltar ston pas sprul pa ni/ /rdzu 'phrul phun tshogs kyis sprul zhing/ /sprul pa de yang sprul pa ni/ /slar yang gzhan ni sprul pa ltar/ /de bzhin byed po de las gang/ /byas pa'ang sprul pa'i rnam pa bzhin/ /dper na sprul pas sprul gzhan zhig /sprul pa mdzad pa de bzhin no nyon mongs las dang lus rnams dang/ /byed pa po dang 'bras bu dag /dri za'i grong khyer lta bu dang/ /smig rgyu rmi lam 'dra ba yin/ /las dang 'bras bu brtag pa zhes bya ba ste rab tu byed pa bcu bdun pa'o// //gal te phung po bdag yin na/ /skye dang 'jig pa can du 'gyur/ /gal te phung po rnams las gzhan/ /phung po'i mtshan nyid med par 'gyur/ /bdag nyid yod pa ma yin na/ /bdag gi yod par ga la 'gyur/ /bdag dang bdag gi zhi ba'i phyir/ /ngar 'dzin nga yir 'dzin med 'gyur/ /nga 'dzin nga yir 'dzin med gang/ /de yang yod pa ma yin te/ /ngar 'dzin pa yir 'dzin med par/ /gang gis mthong bas mi mthong ngo/ /nang dang phyi rol nyid dag la/ /bdag dang bdag gi snyam zad na/ /nye bar len pa 'gag 'gyur zhing/ /de zad pas na skye ba zad/ /las dang nyon mongs zad pas thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur/ /bdag go zhes kyang brtags gyur cing/ /bdag med ces kyang bstan par gyur/ / sangs rgyas rnams kyis bdag dang ni/ /bdag med 'ga' med ces kyang bstan/ /brjod par bya ba

  24. 12b

    ldog pa ste/ /sems kyi spyod yul ldog pas so/ /ma skyes pa dang ma 'gags pa/ /chos nyid mya ngan 'das dang mtshungs/ /thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas rjes bstan pa'o/ /gzhan las shes min zhi ba dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /gang la brten te gang byung ba/ /de ni re zhig de nyid min/ /de las gzhan pa'ang ma yin pa/ /de phyir chang min rtag ma yin/ /sangs rgyas 'jig rten mgon rnams kyi/ /bstan pa bdud rtsir gyur pa ste/ /dong cig ma yin tha dad min/ /chad pa ma yin rtag ma yin/ /rdzogs sangs rgyas rnams ma byung zhing/ /nyan thos rnams ni zad pa na/ /rang sangs rgyas kyi ye shes ni/ /brten pa med las rab tu skye/ /bdag brtag pa zhes bya ba ste rab tu byed pa bco brgyad pa'o/ da ltar byung dang ma 'ongs pa/ /gal te 'das la bltos gyur na/ /da ltar byung dang ma 'ongs pa/ /'das pa'i dus na yod par 'gyur/ /da ltar byung dang ma 'ongs pa/ /gal te de na med gyur na/ /da ltar byung dang ma 'ongs pa/ /ji ltar de la bltos par 'gyur/ /'das pa la ni ma bltos par de gnyis grub pa yod ma yin/ /de phyir da lta 'byung ba dang/ /ma 'ongs dus kyang yod ma yin/ /rim pa'i tshul ni 'di nyid kyis/ /lhag ma gnyis po bsnor ba dang/ /mchog dang tha ma 'bring la sogs/ /gcig la sogs pa'ang shes par bya/ /mi gnas dus ni 'dzin mi byed/ /gang zhig gzung bar bya ba'i dus/ /gnas pa yod pa ma yin pas/ /ma gzung dus ni ji ltar gdags/ /gal te dus ni dngos brten te/ /dngos med dus ni gal yod/ /dngos po 'ga' yang yod min na/ /dus lta yod par ga la 'gyur/ /dus brtag pa zhes bya ba sde rab tu byed pa bcu dgu pa'o// //gal te rgyu dan rkyen rnams kyi/ /tshogs pa nyid las skye 'gyur zhing/ /tshogs la 'bras bu yod na ni/ /ji ltar tshogs pa nyid las skyed/ /gal te rgyu dang rkyen rnams kyi/ /tshogs pa nyid las skye 'gyur zhing/ /tshogs la 'bras bu med na ni/ ji ltar

  25. 13a

    tshogs pa nyid las skye/ /gal te rgyu dang rkyen rnams kyi/ /tshogs pa 'bras bu yod na ni/ /tshogs pa gzung du yod rigs na/ /tshogs pa nyid la gzung du med/ /gal te rgyu dang rkyen rnams kyi/ /tshogs la 'bras bu med na ni/ /rgyu rnams dang ni rkyen dag kyang/ /rgyu rkyen ma yin mtshungs par 'gyur/ /gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gags pa'i/ /rgyu yi bdag nyid gnyis su 'gyur/ /gal te rgyus ni 'bras bu la/ /rgyu ma byin par 'gags 'gyur na/ /rgyu 'gags nas ni skyes pa yi/ /'bras bu de dag rgyu med 'gyur/ /gal te tshogs dang lhan cig tu/ /'bras bu yang ni skye 'gyur na/ /bskyed par bya dang bskyed bya gang/ /dus gcig par ni thal bar 'gyur/ /gal te tshogs pa'i snga rol tu/ /'bras bu skyes par gyur na ni/ /rgyu dang rkyen rnams med pa yi/ /'bras bu rgyu med 'byung bar 'gyur/ /gal te rgyu 'gags 'bras bu na/ /rgyu ni kun tu 'pho bar 'gyur/ /sngon skyes pa yi rgyu yang ni/ /yang skye par ni thal bar 'gyur/ /'gags pa nub par gyur pa yis/ /'bras bu skyes pa ji ltar skye/ /'bras bu dang ni 'brel ba'i rgyu/ /gnas pas kyang ni ji ltar skye/ /ji ste rgyu 'bras ma 'brel na/ /'bras bu gang zhig bskyed par byed/ /rgyus ni mthong dang ma mthong bar/ /'bras bu skyed bar mi byed do/ /'bras bu 'das dang rgyu 'das dang/ /ma skyes pa dang skyes pa dang/ /lhan cig phrad par gyur pa ni/ /nam yang yod pa ma yin no/ /'bras bu skyes pa rgyu ma skyes 'das pa dang ni skyes pa dang/ /lhan cig phrad par gyur pa ni/ /nam yang yod pa ma yin no/ /'bras bu ma skyes rgyu skyes dang/ /ma skyes pa dang 'das pa dang/ /lhan cig phrad par gyur pa na/ /nam yang yod pa ma yin no/ /phrad pa yod pa ma yin na/ /rgyus ni 'bras bu ji ltar skyed/ /phrad pa yod pa yin na yang/ /rgyas ni 'bras bu ji ltar bskyed/ /gal te 'bras bus stong pa'i rgyus/ /ji ltar 'bras bu skyed par byed/ /gal te 'bras bu mi stong rgyus/ /ji ltar 'bras bu skyed par byed/ /'bras bu mi stong skye mi 'gyur/ /mi stong 'gag par mi 'gyur ro/ /mi stong

  26. 13b

    de ni ma 'gags dang/ /ma skyes par yang 'gyur ba yin/ /stong pa ji ltar skye 'gyur zhing/ /stong pa ji ltar 'gag par 'gyur/ /stong pa de yang ma 'gags dang/ /ma skyes par yang thal bar 'gyur/ /rgyu dang 'bras bu gcig nyid du/ /nam yang 'thad par mi 'gyur ro/ /rgyu dang 'bras bu gzhan nyid du/ /nam yang 'thad par mi 'gyur ro/ /rgyu dang 'bras bu gcig nyid na/ /bskyed bya skyed byed cig tu 'gyur/ /rgyu dang 'bras bu gzhan nyid na/ /rgyu dang rgyu min mtshungs bar 'gyur/ /'bras bu ngo bo nyid yod na/ /rgyus ni ci zhig bskyed par 'gyur/ /'bras bu ngo bo nyid med na/ /rgyus ni ci zhig skyed par byed/ /skyed par byed pa ma yin na/ /rgyu nyid 'thad par mi 'gyur ro/ /rgyu nyid 'thad pa yod min na/ /'bras bu gang gi yin par 'gyur/ /rgyu rnams dang ni rkyen dag gi/ tshogs pa gang yin de yis ni/ /bdag gi bdag nyid mi bskyed na/ /'bras bu ji ltar skyed par byed/ /de phyir tshogs pas byas pa med/ /tshogs min byas pa'i 'bras bu med/ /'bras bu yod pa ma yin na/ /rkyen gyi tshogs pa ga la yod/ /tshogs pa brtag pa zhes bya ba ste rab tu byed pa nyi shu pa'o// //'jig pa 'byung ba med par ram/ lhan cig yod pa nyid ma yin/ /'byung ba 'jig pa med par ram/ /lhan cig yod pa nyid ma yin/ /'jig pa 'byung ba med par ni/ /ji lta bur na yod par 'gyur/ /skye ba med par 'chi bar 'gyur/ /'jig pa 'byung ba med par med/ /'jig pa 'byung dang lhan cig tu// ji ltar yod pa nyid du 'gyur/ /'chi ba skye dang dus cig tu/ /yod pa nyid ni ma yin no/ /'byung ba 'jig pa med par ni/ /ji lta bur na yod par 'gyur/ /dngos po rnams la mi rtag nyid/ /nam yang med pa ma yin no/ /'byung ba 'jig dang lhan cig tu/ /ji ltar yod pa nyid du 'gyur/ /skye ba 'chi dang lhan cig tu/ /yod pa nyid ni ma yin no/ /gang dag phan tshun lhan cig gam/ /phan tshun lhan cig ma yin par/ /grub pa yod pa ma yin pa/ /de dag grub pa ji ltar yod/ /zad las 'byung ba yod ma yin/ /ma zad pa'ang 'byung ba med//

  27. 14a

    zad la 'jig pa yod ma yin/ /ma zad pa'ang 'jig pa med/ /dngos po yod pa ma yin par/ /'byung dang 'jig pa yod ma yin/ /'byung dang 'jig pa med par ni/ /dngos po yod pa ma yin no/ /stong la 'byung dang 'jig pa dag /'thad pa nyid ni ma yin no// mi stong pa la 'byung 'jig dag /'thad pa nyin ni ma yin no/ /'byung ba dang ni 'jig pa dag /gcig pa nyid ni mi 'thad do/ /'byung ba dang ni 'jig pa dag /gzhan nyid du yang mi 'thad do/ /'byung ba dang ni 'jig pa dag /mthong ngo snyam du khyod sems na/ /'byung ba dang ni 'jig pa dag /gti mug nyid kyis mthong ba yin/ /dngos po dngos las mi skye ste/ /dngos po dngos med las mi skye/ /dngos med dngos med mi skye ste/ /dngos med dngos las mi skye'o/ /dngos po bdag las mi skye ste/ /gzhan las skye ba nyid ma yin/ /bdag dang gzhan las skye ba ni/ /yod min ji ltar skye bar 'gyur/ /dngos po yod par khas blangs nas/ /rtag dang chad par lta ba ni/ /thal bar 'gyur te dngos de ni/ /rtag dang mi rtag 'gyur phyir ro/ /dngos po yod par khas blangs kyang/ /chad par mi 'gyur rtag mi 'gyur/ /'bras bu rgyu yi 'byung 'jig gis/ /rgyun de srid pa yin phyir ro/ /gal te 'bras rgyu 'byung 'jig gi /rgyu de srid pa yin gyur na/ /'jig la yang skye med pa'i phyir/ /rgyu ni chad par thal bar 'gyur/ /dngos po ngo bo nyid yod na/ /dngos med 'gyur bar mi rigs so/ /mya ngan 'das pa'i dus na chad srid rgyu na rab tu zhi phyir ro/ /tha ma 'gags par gyur pa na/ /srid pa dang po rigs mi 'gyur/ /tha ma 'gags par ma gyur tshe/ /srid pa dang po rigs mi 'gyur/ /gal te tha ma 'gags bzhin na/ /dang po skye bar 'gyur na ni/ /'gag bzhin pa ni gcig 'gyur zhing/ /skye bzhin pa dang gzhan du 'gyur/ /gal te 'gags bzhin skye bzhin dag /lhan cig tu yang mi rigs na/ /phung po gang la 'chi 'gyur ba/ /de la skye ba'am 'byung 'gyur ram/ /de ltar dus gsum dag tu yang/ /srid pa'i rgyu ni mi rigs na/ /dus gsum dag tu gang med pa//

  28. 14b

    de ni ji ltar srid pa'i rgyun/ /'byung ba dang 'jig pa rtag pa zhes bya ba ste rab tu byed pa nyi shu gcig pa'o// //phung min phung po las gzhan min/ /de la phung med der de med/ /de bzhin gshegs pa phung ldan min/ /de bzhin gshegs pa gang zhig yin/ /gal te sangs rgyas phung po la/ /brten nas rang bzhin las yod min/ /rang bzhin las ni gang med pa/ /de gzhan dngos las ga la yod/ /gang zhig gzhan gyi dngos brten nas/ /de dag nyid du mi 'thad do/ /gang zhig bdag nyid med pa de/ /ji ltar de bzhin gshegs par 'gyur/ /gal te rang bzhin yod min na/ /gzhan dngos yod par ji ltar 'gyur/ /rang bzhin dang ni gzhan dngos dag /ma rtogs de bzhin gshegs pa gang/ /gal te phung po ma brten par/ /de bzhin gshegs pa 'ga' yod na/ /de ni da gdod brten 'gyur zhing/ /brten nas de nas 'gyur la rag /phung po rnams la ma brten par/ /de bzhin gshegs pa 'ga' yang med/ /gang zhig ma brten yod min pa/ /des ni ji ltar nyer len 'gyur/ /nye bar blangs pa ma yin pa/ /nye bar len pa cis mi 'gyur/ /nye ba len pa med pa yis/ /de bzhin gshegs pa ci yang med/ /rnam pa lngas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pas ji ltar gdags/ /gang zhig nye bar blangs pa de/ /de ni rang bzhin las yod min dar bdag gi dngos las gang med pa/ /de gzhan dngos las yod re skan/ /de ltar nyer blang nyer len po/ /rnam pa kun gyis stong pa yin/ /stong pas de bzhin gshegs stong par/ /ji lta bur ni 'dogs par 'gyur/ /stong ngo zhes ni mi brjod de/ /mi stong zhes kyang mi bya zhing/ /gnyis dang gnyis min mi bya ste/ /gdags pa'i don du brjod par bya/ /rtag dang mi rtag la sogs bzhi/ /zhi ba 'di la ga la yod/ /mdza' dang mdza' med la sogs bzhi/ /zhi ba 'di la ga

  29. 15a

    la yod/ gang gis de bzhin gshegs yod ces/ /'dzin pa stug po gzung gyur pa/ /de ni mya ngan 'das pa la/ /med ces rnam rtog rtog par byed/ /rang bzhin gyis ni stong de la/ /sangs rgyas mya ngan 'das nas ni/ /yod do zhe 'am med do zhes/ /bsam pa 'thad pa nyid mi 'gyur/ /gang dag sangs rgyas spros 'das shing/ /zad pa med par spros byed pa/ /spros pas nyams pa de kun gyis/ /de bzhin gshegs pa mthong mi 'gyur/ /de bzhin gshegs pa'i rang bzhin gang/ /de ni 'gro 'di'i rang bzhin yin/ /de bzhin gshegs pa rang bzhin med/ /'gro ba 'di yi rang bzhin med/ /de bzhin gshegs pa brtag pa zhes bya ba ste rab tu byed pa nyi shu gnyis pa'o// //'dod chags zhe sdang gti mug rnams/ /kun tu rtog las 'byung bar gsungs/ /sdug dang mi sdug phyin ci log /brten pa nyid las kun tu 'byung/ /gang dag sdug dang mi sdug dang/ /phyin ci log las brten 'byung ba/ /de dag rang bzhin las med de/ /de phyir nyon mongs yang dag med/ /bdag gi yod nyid med nyid ni/ /ji lta bur yang grub pa med/ /de med nyon mongs rnams kyi ni/ /yod nyid med nyid ji ltar 'grub/ /nyon mongs de dag gang gi yin/ /de yang grub pa yod ma yin/ /gang med par ni gang gi yang/ /nyon mongs pa dag yod ma yin/ /rang lus lta bzhin nyon mongs rnams/ /nyon mongs can la rnam lngar med/ /rang lus lta bzhin nyon mongs can/ /nyon mongs pa la rnam lngar med/ /sdug dang mi sdug phyin ci log /rang bzhin las ni yod min na/ /sdug dang mi sdug phyin ci log/ brten nas nyon mongs gang dag yin/ /gzugs sgra ro dang reg pa dang/ /dri dang chos dang rnam drug ni/ /gzhi ste 'dod chags zhe sdang dang/ /gti mug gi ni yin par brtags/ /gzugs sgra ro dang reg pa dang/ /dri dang chos dang 'ba' zhig ste/ /dri za'i grong khyer lta bu dang/ /smig rgyu rmi lam 'dra ba yin//

  30. 15b

    sgyu ma'i skyes bu lta bu dang/ /gzugs brnyan 'dra ba de dag la/ /sdug pa dang ni mi sdug pa/ /'byung bar yang ni ga la 'gyur/ /gang la brten nas sdug pa zhes/ /gdags par bya ba mi sdug pa/ /sdug la ma bltos yod min pas/ /de phyir sdug pa 'thad ma yin/ /gang la rten nas mi sdug par/ /gdags par bya ba sdug pa ni/ /mi sdug ma bltos yod min pas/ /de phyir mi sdug 'thad ma yin/ /sdug pa yod pa ma yin na/ /'dod chags yod par ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /gal te mi rtag rtag pa zhes/ /de ltar 'dzin pa log yin na/ /stong la mi rtag yod min pas/ /'dzin pa ji ltar log ma yin/ /gal te mi rtag rtag go zhes/ /de ltar 'dzin pa log yin na/ /stong la mi rtag pa'o zhes/ /'dzin pa'ang ji ltar log ma yin/ /gang gis 'dzin dang 'dzin gang dang/ /'dzin pa po dang gang gzung ba/ /thams cad nye bar zhi ba ste/ /de phyir 'dzin pa yod ma yin/ /log pa'ang yang dag nyid du ni/ /'dzin pa yod pa ma yin na/ /gang la phyin ci log yod cing/ /gang la phyin ci log ma yod/ /phyin ci log tu gyur pa la/ /phyin ci log dag mi srid do/ /phyin ci log tu 'gyur bzhin la/ /phyin ci log dag mi srid do/ /phyin ci log tu gyur bzhin la'ang/ /phyin ci log dag mi srid do/ /gang la phyin ci log srid pa/ /bdag nyid kyis ni rnam par dpyod/ /phyin ci log rnams ma skyes na/ /ji lta bur na yod par 'gyur/ /phyin ci log rnams skye med na/ /phyin ci log can ga la yod/ /dngos po bdag las mi bskyed de/ /gzhan las skye ba nyid ma yin/ /bdag dang gzhan las kyang min na/ /phyin ci log can ga la yod// gal te bdag dang gtsang ba dang/ /rtag dang bde ba yod na ni/ /bdag dang gtsang dang rtag pa dang/ /bde ba phyin ci log ma yin/ /gal te bdag dang gtsang ba dang/ /rtag dang bde ba med na ni/ /bdag med mi gtsang mi rtag dang/ /sdug bsngal yod pa

  31. 16a

    ma yin no/ /de ltar phyin ci log 'gags pas/ /ma rig pa ni 'gags par 'gyur/ /ma rig 'gags par 'gyur na ni/ /'du byed la sogs 'gag par 'gyur/ /gal te la la'i nyon mongs pa/ /gang dag la la'i nyon mongs pa/ /gang dag rang bzhin gyis yod na/ /ji lta bur na spong bar 'gyur/ /yod pa su zhig spong bar byed/ /gal te la la'i nyon mongs pa/ /gang dag rang bzhin gyis med na/ /ji lta bur na spong bar 'gyur/ /med pa su zhig spong bar byed/ /phyin ci log pa rtag pa zhes bya ba ste rab tu byed pa nyi shu gsum pa'o// //gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /'phags pa'i bden pa bzhi med pas/ /yongs su shes dang spang ba dang/ /bsgom dang mngon du bya ba dag /'thad par 'gyur ba ma yin no/ /de dag yod pa ma yin pas/ /'bras bu bzhi yang yod ma yin/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags pa'i bden rnams med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /de skad stong pa nyid smra na/ /dkon mchog gsum la gnod pa ni/ /byed cing 'bras bu yod pa dang/ /chos ma yin dang chos nyid dang/ /'jig rten pa yi tha snyad ni/ /kun la'ang gnod pa byed pa yin/ /de la bshad pa khyod kyis ni/ /stong nyid dgos dang stong nyid dang/ /stong nyid don ni ma rtogs pas/ /de phyir de ltar gnod pa yin/ /sangs rgyas rnams kyis chos bstan pa/ /bden pa gnyis la yang dag brten/ /'jig rten kun rdzob bden pa dang

  32. 16b

    dam pa'i don gyis bden pa'o/ /gang dag bden pa de nyid kyis/ /rnam dbye rnam par mi shes pa/ /de dag sangs rgyas bstan pa ni/ /zab mo'i de dag rnams mi shes/ /tha snyad la ni ma brten par/ /dam pa'i don ni bstan mi nus/ /dam pa'i don ni ma rtogs par/ /mya ngan 'das pa thob mi 'gyur/ /stong pa nyid la lta nyes na/ /shes rab chung rnams phung bar byed/ /ji ltar sprul la bzung nyes dang/ /rigs sngags nyes par bsgrub pa bzhin/ /de phyir zhan pas chos 'di yi/ /gting rtogs dka' bar mkhyen gyur nas/ /thub pa'i thugs ni chos bstan las/ /rab tu log par gyur pa yin/ /skyon du thal bar 'gyur pa ni/ /stong la 'thad pa ma yin pas/ /khyod ni stong nyid spong byed na/ /gang de da la mi 'thad do/ /gang la stong pa nyid rung ba/ /de la thams cad rung bar 'gyur/ /gang la stong nyid mi rung pa/ /de la thams cad mi rung 'gyur/ /khyod nyid rang gi skyon rnams ni/ /nga la yongs su sgyur byed pa/ /rta la mngon par zhon bzhin du/ /rta nyid brjed par gyur pa bzhin/ /gal te dngos rnams rang bzhin las/ /yod par rjes su blta byed na/ /de lta yin na dngos po rnams/ /rgyu rkyen med par khyod blta'o/ /'bras bu dang ni rgyu nyid dang/ /byed pa po dang byed dang bya/ /skye ba dang ni 'gag pa dang/ /'bras bu la yang gnod pa byed/ /rten cing 'brel 'byung gang yin pa/ /de ni stong pa nyid du bshad/ /de ni brten nas gdags pa ste/ /de nyid dbu ma'i lam yin no/ /gang phyir brten 'byung ma yin pa'i/ /chos 'ga' yod pa ma yin pa/ /de phyir stong pa ma yin pa'i/ /chos 'ga' yod pa ma yin no/ /gal te 'di kun mi stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la rmed par thal br 'gyur/ /rten cing 'brel 'byung ma yin na/ /sdug bsngal yod par ga la 'gyur/ /mi rtag sdug bsngal gsungs ba de/ /rang bzhin nyid las yod ma yin/ /rang bzhin las

  33. 17a

    ni yong yin na/ /ci zhig kun tu 'byung bar 'gyur/ /de phyir stong nyid gnor byed la/ /kun 'byung yod pa ma yin no/ /sdug bsngal rang bzhin gyis yod la/ /'gog pa yong pa ma yin no/ /rang bzhin nyid ni yongs gnas phyir/ /'gog pa gnod pa byed pa yin/ /lam la rang bzhin yong na ni/ /bsgom pa 'thad par mi 'gyur ro/ /ji ste lam de bsgom bya na/ /khyod kyi rang bzhin yong ma yin/ /gang tshe sdug bsngal kun 'byung dang/ /'gog pa yod pa ma yin na/ /lam gyis sdug bsngal 'gog pa ni/ /gang zhig 'thob par 'gyur bar 'dod/ /gal te rang bzhin nyid kyis ni/ /yongs su shes pa ma yin na/ /de ni ji ltar yongs shes 'gyur/ /rang bzhin gnas pa ma yin nam/ /de bzhin du ni khyod nyid kyis/ /spang dang mngon du bya ba dang/ /bsgom dang 'bras bu bzhi dag kyang/ /yongs shes bzhin du mi rung ngo/ /rang bzhin yongs su 'dzin pa yis/ /'bras bu rang bzhin nyid kyis ni/ /thob pa min pa gang yin te/ /ji ltar thob par nus par 'gyur/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags pa'i bden rnams med ba'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /khyod kyi sangs rgyas byang chub la/ /ma brten par yang thal bar 'gyur/ /khyod kyi byang chub sangs rgyas la/ /ma brtan par yang thal bar 'gyur/ /khyod kyi rang bzhin nyid kyis ni/ /sangs rgyas min pa gang yin des/ /byang chub spyod la byang chub phyir/ /btsal kyang byang chub thob mi 'gyur/ /'ga' yang chos dang chos min pa/ /nam yang byed par mi 'gyur ro/ /mi stong pa la ci zhig bya/ /rang bzhin la ni bya ba med/ /chos dang chos min med par yang/ /'bras bu khyod la yod par 'gyur/ /chos dang chos min rgyus byung ba'i/ /'bras bu khyod la yod ma yin/

  34. 17b

    chos dang chos min rgyus byung ba'i/ /'bras bu gal te khyod la yod/ /chos dang chos min rgyus byung ba'i/ /'bras bu ci phyir stod ma yin/ /rten cing 'brel par 'byung ba yi/ /stong pa nyid la gnod byed gang/ /'jig rten pa yi tha snyad ni/ /kun la'ang gnod pa byed pa yin stong pa nyid la gnor? byed na/ /bya ba ci yang med 'gyur zhing/ /rtsom pa med pa bya bar 'gyur/ /mi byed pa yang byed por 'gyur/ /rang bzhin yod na 'gro ba rnams/ /ma skyes pa dang ma 'gags dang/ /ther zug du ni gnas 'gyur zhing/ /gnas skabs sna tshogs bral bar 'gyur/ /gal te stong pa yod min na/ /ma thob thob par bya ba dang/ /sdug bsngal thar byed las dang ni/ /nyon mongs thams cad spong ba'ang med/ /gang gis rten cing 'brel par 'byung/ /mthong ba des ni sdug bsngal dang/ /kun 'byung dang ni 'gog pa dang lam nyid de dag mthong ba yin/ /'phags pa'i bden pa brtag pa zhes bya ba ste rab tu byed pa nyi shu bzhi pa'o// //gal te 'di dag kun stod na/ /'byung ba med cing 'jig pa med/ /gang zhig spong dang 'gag pa las/ /mya ngan 'da' bar 'gyur bar 'dod/ /gal te 'di kun mi stong na/ /'byung ba med cing 'jig pa med/ /gang zhig spong dang 'gag pa las/ /mya ngan 'da' bar 'gyur bar 'dod/ /spangs pa med pa thob med pa/ /chad pa med pa rtag med pa/ /'gag pa med pa skye med pa/ /de ni mya ngan 'das par 'dod/ /de zhig mya ngan 'das dngos min/ /rga shi'i mtshan nyid thal bar 'gyur/ /rga dang 'chi ba med pa yi/ /dngos po yod pa ma yin no/ /gal te mya ngan 'das dngos na/ /mya ngan 'das pa 'dus byas 'gyur/ /dngos po 'dus byas ma yin pa/ /'ga' yang gang na yod ma yin/ /gal te mya ngan 'das dngos na/ /ji ltar mya ngan 'das brten min/ /dngos po brten nas ma yin pa/ /'ga' yang yod pa ma yin no/ /gal te mya ngan 'das dngos min/ /dngos med ji ltar rung bar 'gyur/ /gang las mya ngan 'das dngos min/ /de la dngos

  35. 18a

    med yod ma yin/ /gal te mya ngan 'das dngos min/ /ji ltar myang 'das de brten min/ gang zhig brten nas ma yin pa'i/ dngos med yod pa ma yin no/ /'ong ba dang ni 'gro ba'i dngos/ /brten tam rgyur byas gang yin pa/ /de ni brten min rgyur byas min mya ngan 'das pa yin par bstan/ /'byung ba dang ni 'jig pa dag/ spad bar ston pas bka' stsal to/ /de phyir mya ngan 'das pa ni/ /dngos min dngos med min par rigs/ /gal te mya ngan 'das pa ni/ /dngos dang dngos med gnyis yin na/ /dngos dang dngos po med pa dag /thar bar 'gyur na de mi rigs/ /gal te mya ngan 'das pa ni/ /dngos dang dngos med gnyis yin na/ /mya ngan 'das pa ma brten min/ /de gnyis brten nas yin phyir ro/ /ji ltar mya ngan 'das pa na/ /dngos dang dngos med gnyis yin te/ mya ngan 'das pa 'dus ma byas/ /dngos dang dngos med 'dus byas yin/ /ji ltar mya ngan 'das pa la/ /dngos dang dngos med gnyis yod de/ /de gnyis gcig la yod min te/ /snang ba dang ni mun pa bzhin/ /dngos min dngos po med min pa/ /mya ngan 'das par gang stong pa/ /dngos po med dang dngos po dag /grub na de ni 'grub par 'gyur/ /gal te mya ngan 'das pa ni/ /dngos min dngos po med min na/ /dngos min dngos po med min zhes/ /gang zhig gis ni de mngon byed/ /bcom ldan mya ngan 'das gyur nas/ /yod par mi 'gyur de bzhin du/ /med do zhe 'am gnyis ka dang/ /gnyis min zhes kyang mi mngon no/ /bcom ldan bzhugs par gyur na yang/ /yod par mi mngon de bzhin du/ /med do zha'am gnyis ka dang/ /gnyis min zhes kyang mi mngon no/ /'khor ba mya ngan 'das pa las/ /khyad par cung zad yod pa yin/ /mya ngan 'das pa'ang 'khor ba las/ /khyad par cung zad yod ma yin/ /mya ngan 'das mdza' gang yin pa/ /de ni 'khor ba'i mdza' yin te/ /de gnyis khyad par cung zad ni/ /shin tu phra ba'ang yod ma yin/ /gang 'das phan chad mdza' ?

  36. 18b

    sogs dang/ /rtag la sogs par lta ba dag /mya ngan 'das dang phyi mdza' dang/ /sngon gyi mdza' la brten pa yin/ /dngos po thams cad stong pa la/ /mdza' yod ci zhig mdza' med ci/ /mdza' dang mdza' med ci zhig yin/ /mdza' dang mdza' med min pa ni/ /de nyid ci zhig gzhan ci zhig/ rtag pa ci zhig me rtag ci/ /rtag dang mi rtag gnyis ka ci/ /gnyis ka min pa'ang ci zhig yin/ /dmigs pa thams cad nyer zhi zhing/ /spros pa nyed zhi zhi ba ste/ /sangs rgyas kyis ni gang du yang/ /su la'ang chos 'ga' ma bstan to/ /mya ngan 'das pa brtag pa zhes bya ba ste rab tu byed pa nyi shu lnga pa'o// //ma rig sgribs pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro ba 'gro /'du byed rkyen can rnam par zhes/ /'gro ba rnams su 'jug par 'gyur/ /rnam par shes pa zhugs gyur nas/ /ming dang gzugs ni chags par 'gyur/ /ming dang gzugs ni chags gyur na/ /skye mched drug ni 'byung bar 'gyur/ /skye mched drug la rten nas ni/ /reg pa yang dag 'byung bar 'gyur/ /mig dang gzugs dang dran byed la/ /brten nas skye ba kho na ste/ /de ltar ming dang gzugs brten nas/ /rnam par shes pa skye bar 'gyur/ /mig dang gzugs dang rnam par shes/ /gsum po 'dus pa gang yin pa/ /de ni reg pa'o reg de las/ /tshor ba kun tu 'byung bar 'gyur/ /tshor ba'i rkyen gyis sred pa ste/ /tshor ba'i don du sred par 'gyur/ /sred par gyur na nye bar len// rnam pa bzhi po nyer len 'gyur/ /nyer len yong na len pa po'i/ /srid pa rab tu 'byung bar 'gyur/ /gal te nye bar len med na/ /grol bar 'gyur te srid mi 'gyur/ /srid pa de yang phung po lnga/ /srid pa las ni skye ba 'byung/ /rga shi dang ni mya ngan dang/ /smre sngags 'don bcas sdug bsngal dang yid mi bde dang 'khrug pa rnams/ /de dag skye las rab tu 'byung/ /de ltar sdug bsngal phung po ni/ /'ba' zhig po 'di 'byung bar 'gyur/ /'khor ba'i rtsa ba 'du byed de/ /de phyir mkhas rnams 'du mi byed de/ /de phyir mi mkhas byed po yin/ /mkhas pas de nyid mthong phyir ro/ /ma rig

  37. 19a

    'gags par gyur na ni/ /'du byed rnams kyang 'byung mi 'gyur/ /ma rig 'gag par 'gyur ba ni/ /shes pas de nyid bsgoms pas so/ /de dang de ni 'gags gyur pas/ /de dang de ni sngon mi 'byung/ /sdug bsngal phung po 'ba' zhig go /de ni de ltar yang dag 'gag /srid pa'i yan lag bcu gnyis brtag pa zhes bya ba ste rab tu byed pa nyi shu drug pa'o// //'das dus byung ma byung zhes dang/ /'jig rten rtag pa la sogs par/ /lta ba gang yin de dag ni/ /sngon gyi mdza' la brten pa yin/ /ma 'ongs dus gzhan 'byung gyur dang/ /mi 'byung 'jig rten mdza' sogs par/ /lta ba gang yin de dag ni/ /phyi ma'i mdza' la brten pa yin/ /'das pa'i dus na byung gyur ces/ /bya ba de ni mi 'thad do/ /sngon tshe rnams su gang byung ba/ /de nyid 'di ni ma yin no/ /de nyid bdag tu 'gyur snyam na/ /nye bar len pa tha dang 'gyur/ /nye bar len pa ma gtogs par/ /khyod kyis bdag nyid gang zhig yin/ /nye bar len pa ma gtogs pa'i/ /bdag yod ma yin byas pa'i tshe/ /nye bar len nyid bdag yin na/ /khyod kyi bdag ni med pa yin/ /nye bar len nyid bdag ma yin/ /de 'byung ba dang 'jig ma yin/ /nye bar blang ba nyid du lta/ /nye bar len po yin par 'gyur/ /bdag ni nye bar len pa las/ /gzhan du 'thad pa nyid ma yin/ /gal te gzhan la len med par/ /gzung yod rigs na gzung du med/ /de ltar len las gzhan ma yin/ /de ni nyer len nyid kyang min/ /bdag ni nye bar len med min/ /med pa nyid duAng de ma nges/ /'das pa'i dus na ma byung zhes/ /bya ba de yang mi 'thad do/ /sngon tsho rnams su gang byung ba/ /de las 'di gzhan ma yin no/ /gal te 'di ni gzhan gyur na/ /de med par yang 'byung bar 'gyur/ /de bzhin de ni gnas 'gyur zhing/ /de ma shi bar skye bar 'gyur/ /chad dang las dang tshung za dang/ /gzhan gyis byas pa'i las rnams ni/ /gzhan gyis so sor myong ba dang/ /de la sogs par thal bar 'gyur/ /ma byung ba las byung min te/ /'di la skyon du thal par 'gyur//

  38. 19b

    bdag ni byas par 'gyur pa dang/ /'byung ba'ang rgyu med can du 'gyur/ /de ltar bdag byung bdag ma byung/ /gnyis ka gnyis ka ma yin par/ /'das la lta ba gang yin pa/ /de dag 'thad pa ma yin no/ /ma 'ongs dus gzhan 'byung 'gyur dang/ /'gyur bar mi 'gyur zhes bya bar/ /lta ba gang yin de dag ni/ /'das pa'i dus dang mtshungs pa yin/ /gal te lha de mi de na/ /de lta na ni rtag par 'gyur/ /lha ni ma skyes nyid 'gyur te/ /rtag la skye ba med phyir ro/ /gal te lha las mi gzhan na/ /de lta na ni mi rtag 'gyur/ /gal te lha mi gzhan yin na/ /rgyud ni 'thad par mi 'gyur ro/ /gal te phyogs gcig lha yin la/ /phyogs gcig mi ni yin gyur na/ /rtag dang mi rtag 'gyur ba yin/ /de yang rigs pa ma yin no/ /gal te rtag dang mi stag pa/ /gnyis ka grub par gyur na ni/ /rtag pa ma yin mi rtag min/ /'grub par 'gyur ba 'dod la rag /gal te gang zhig gang nas gang 'od zhing gang duAng 'gro 'gyur na/ /de phyir 'khor ba thog med par/ /'gyur na de ni yod ma yin/ /gal te rtag pa 'ga' med na/ /mi rtag gang zhig yin par 'gyur/ /rtag pa dang ni mi rtag dang/ /de gnyis bsal par gyur pa'o/ /gal te 'jig rten mdza' yod na/ /'jig rten pha rol di? ltar 'gyur/ /gal te 'jug rten mdza' med na/ /'jig rten pha rol ji ltar 'gyur/ /gang phyir phung po rnams kyi rgyun/ /'di ni mar me'i 'od dang mtshungs/ /de phyir mdza' yod nyid dang ni/ /mdza' med nyid kyang mi rigs so/ /gal te snga ma 'jig 'gyur zhing/ /phung po 'di la brten byas nas/ /phung po de ni mi 'gyur na/ /des na 'jig rten mdza' yod 'gyur/ /gal te snga ma mi 'jig cing/ /phung po 'di la brten byas nas/ /phung po de ni mi 'byung na/ /des na 'jig rten mdza' med 'gyur/ /gal te phyogs gcig mdza' yod na/ /phyogs gcig mdza' ni med gyur na/ /'jig rten mdza' yod mdza' med 'gyur/ /de yang rigs pa ma yin no/ /ji lta bur na nyer len po'i/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /ji lta bur na nyer blang de/ /phyogs gcig rnam par

  39. 20a

    'jig 'gyur la/ /phyogs gcig rnam par 'jig mi 'gyur/ /de ltar de yang mi rigs so/ /gal te mdza' yod mdza' med pa/ /gnyis ka grub par gyur na ni/ /mdza' yod ma yin mdza' med min/ /'grub par 'gyur ba 'dod la rag /yang na dngos po thams cad ngag/ stong phyir rtag la sogs lta ba/ /gang dag gang du gang la ni/ /ci las kun tu 'byung bar 'gyur/ /gang gi thugs rtser nyer gzung nas/ /lta ba thams cad spang pa'i phyir/ /dam pa'i chos ni ston mdzad pa/ /gau tam de la phyag 'tshal lo/ /lta ba brtag pa zhes bya ba ste rab tu byed pa nyi shu bdun pa'o// dbu ma rtsa ba'i tshig le'ur byas pa shes rab ces bya ba theg pa chen po'i chos mngon pa rnam par bzhag pa/ don dam pa'i de kho na yang dag par ston pa/ shes rab kyi pha rol tu phyin pa'i tshul gsal bar byed pa/ slob dpon bdag nyid chen po 'phags pa klu sgrub mi 'phrogs pa'i mkhyen rab dang thugs rjer ldan pa/ de bzhin gshegs pa theg pa bla na med pa'i tshul gsal bar byed pa/ rab tu dga' ba'i sa bsgrubs nas/ bde ba can gyi zhing du gshegs pa/ 'jig rten gyi khams dang ba'i 'od ces bya bar/ de bzhin gshegs pa ye shes 'byung gnas 'od ces bya bar 'gyur bas mdzad pa rdzogs so// //dbang phyug dam pa'i mnga' bdag rgyal po chen po dpal lha btsan po'i bka' lung gis/ rgya gar gyi mkhan po theg pa chen po dbu ma pa/ dz+nyA na garb+ha dang /zhu chen gyi lo tsA ba dge slong cog ro klu'i rgyal mtshan gyis bsgyur cing zhus te gtan la phab pa/ 'di la rab tu byed pa nyi shu rtsa bdun/ shlo ka bzhi brgya bzhi bcu rtsa dgu yod/ bam po ni phyed dang gnyis su byas so/ /slad kyis kha phye'i grong khyer dpe med kyi dpung/ gtsug lag khang rin chen sbas pa'i dbus su/ kha che'i mkhan po ha su ma ti dang/ bod kyi sgra bsgyur gyi lo tsA ba pa tshab nyi ma grags kyis mi'i bdag po 'phags pa lha'i sku ring la 'grel pa tshig gsal ba dang bstun nas bcos pa'o// //rigs pa drug cu pa'i tshig le'ur byas pa slob dpon klu sgrub kyis mdzad pa bzhugs so//

  40. 20b

    rgya gar skad du/ yug ti ShaSh+Tha? kA kA ri kA nA ma/ bod skad du/ rigs pa drug cu pa'i tshig le'ur byas pa zhes bya ba/ 'jam dpal gzhon nur gyur pa la phyag 'tshal lo/ /gang gis skye dang 'jig pa dag /tshul 'di yis ni spangs gyur pa/ /rten cing 'byung ba gsungs pa yi/ /thub dbang de la phyag 'tshal lo/ /gang dag gi blo yod med pas/ /rnam par 'das shing mi gnas pa/ /de dag gis ni rkyen gyi don/ /zab mo dmigs med rnam par rtogs/ /re shig nyes kun 'byung ba'i gnas/ /med nyid rnam par bzlog zin gyis/ /rigs pa gang gis yod nyid dang/ /bzlog par 'gyur ba mnyan par gyis/ /ji ltar byis pas rnam brtag pa nir/ /dngos po gal te bden gyur na/ /de dngos med pas rnam thar du/ /gang gis mi 'dod rgyu ci zhig /yod pas rnam par mi grol te/ /med pas srid pa 'di las min/ /dngos dang dngos med yongs shes pas/ /bdag nyid chen po rnam par grol/ /de nyid ma mthong 'jig rten dang/ mya ngan 'das par rlom sems te/ /de nyid gzigs rnams 'jig rten dang/ /mya ngan 'das par rlom sems med/ /srid pa dang ni mya ngan 'das/ /gnyis po 'di ni yod ma yin/ /srid pa yongs su shes pa nyid/ /mya ngan 'das zhes bya bar brjod/ /dngos po byung ba zhig pa la/ /ji ltar 'gog par brtags pa bzhin/ /de bzhin dam pa rnams kyis kyang/ /sgyu ma byas pa'i 'gog pa bzhed/ /rnam par 'jig pas 'gog 'gyur gyi/ /'dus byas yongs su shes pas min/ /de ni su la mngon sum 'gyur/ /zhig shes pa der ji ltar 'gyur/ /gal te phung po ma 'gags na/ /nyon mongs zad kyang 'das mi 'gyur/ /gang tshe 'dir ni 'gags gyur pa/ /de yi tshe na grol bar 'gyur/ /ma rig rkyen gyis byung ba la/ /yang dag ye shes kyis gzigs na/ /skye ba dang ni 'gags pa'ang rung/ /'ga' yang dmigs par mi 'gyur ro/ /de nyid thod chos mya ngan las/ /'das shing bya ba byas pa'ang yin/ /gal te chos shes mjug thogs su/ /'di la bye brag yod na ni/ /dngos po shin tu phra ba la'ang/ /gang gis skye bar rnam brtags pa/ /rnam par mi mkhas de yis ni/ /rkyen las byung ba'i don ma mthong/ /nyon

  41. 21a

    mongs zad pa'i dge slong gi /gal te 'khor ba rnam ldog na/ /ci phyir rdzogs sangs rgyas rnams kyis/ /de yi rtsom pa rnam mi bshad/ /rtsom pa yod na nges par yang/ /lta bar 'gyur ba yongs su 'dzin/ /rten cing 'brel par 'byung ba gang/ /de la sngon dang tha ma ci// sngon skyes pa ni ji ltar na/ /phyi nas slar yang bzlog par 'gyur/ /sngon dang phyi ma'i mdza' bral ba/ /grol pa sgyu ma bzhin du snang/ /gang tshe sgyu ma 'byung zhe 'am/ /gang tshe 'jig par 'gyur snyam du/ /sgyu ma shes pa der mi rmongs/ /sgyu ma mi shes yongs su sred/ /srid pa smig rgyu sgyu 'dra bar// blo yis mthong bar gyur pa ni/ /sngon gyi mdza' 'am phyi ma'i mdza' / /lta bas yongs su slad mi 'gyur/ /gang dag gis ni 'dus byas la/ /skye dang 'jeg pa rnam brtags pa/ /de dag rten 'byung 'khor lo yis/ /'gro ba rnam par mi shes so/ /de dang de brten gang byung de/ /rang gi dngos por skyes ma yin/ /rang gi dngos por gang ma skyes/ /de ni skye zhes ji ltar ba/ /rgyu zad 'di las zhi ba ni/ /zad ces bya bar rtogs pa ste/ /rang bzhin gyis ni gang ma zad/ /de la zad ces ji ltar brjod/ /de ltar ci yang skye ba med/ /ci yang 'gag par mi 'gyur ro/ /skye ba dang ni 'jig pa'i las/ /dgos pa'i don du bstan pa'o/ /skye ba shes pas 'jig pa shes/ /'jig pa shes bas mi rtag shes/ /mi rtag nyid la 'jug shes pas/ /dam pa'i chos kyang rtogs par 'gyur/ /gang dag rten cing 'brel 'byung ba/ /skye dang 'jig pa rnam spangs par/ /shes par gyur pa de dag ni/ /ltar gyur srid pa'i rgya mtsho brgal/ /so so skye bo dngos bdag can/ /yod dang med par phyin ci log/ nyes pas nyon mongs dbang gyur rnams/ /rang gi sems kyis bslus par 'gyur/ /dngos la mkhas pa rnams kyis ni/ /dngos po mi rtag bslu ba'i chos/ /gsog dang stod pa bdag med pa/ /rnam par dben zhes bya bar mthong/ /gnas med dmigs pa yod ma yin/ /rtsa ba med cing gnas pa med/ /ma rig rgyu las shin tu byung/ /thog ma dbus mdza' rnam par spangs// /chu shing bzhin du snying po med/ /dri za'i grong khyer 'dra ba ste/ /rmongs pa'i grong khyer mi zad

  42. 21b

    pa'i/ /'gro ba sgyu ma bzhin du snang/ /tshangs sogs 'jig rten 'di la ni/ /bden par rab tu gang snang ba/ /de ni 'phags la rdzun zhes gsungs/ /'di las gzhan lta ci zhig lus/ /'jig rten ma rig ldongs gyur pa/ /sred pa rgyun gyi rjes 'brangs dang/ /mkhas pa sred pa dang bral ba/ /dge ba rnams ltag la mnyam/ /de nyid tshal la thog mar ni/ /thams cad yod ces brjod par bya/ /don rnams rtogs shing chags med la/ /'phyis ni rnam par dben pa'o/ /rnam par dben don mi shes la/ /thos pa tsam la 'jug byed cing/ /gang dag bsod nams mi byed pa/ /skyes bu tha shal de dag brlag/ las rnams 'bras bu bcas nyid dang/ /'gro ba dag kyang yang dag bshad/ /de yi rang bzhin yongs shes dang/ /skye ba med pa dag kyang bstan/ /dgos pa'i dbang gis rgyal ba rnams/ /nga dang nga'i zhes gsungs ltar/ /phung po khams dang skye mched rnams/ /de bzhin dgos pa'i dbang gis gsungs/ /'byung ba che la sogs bshad pa/ /rnam par shes su yang dag 'du/ /de shes pas ni 'bral 'gyur na/ /log pas rnam brtags ma yin nam/ /mya ngan 'das pa bden gcig bur/ /rgyal ba rnams kyis gang gsungs pa/ /de tshe lhag ma log min zhes/ /mkhas pa su zhig rtog par byed/ /ji srid yid kyi rnam g.yo ba/ /de srid bdud kyi spyod yul te/ /de lta yin na 'di la ni/ /nyes pa med par cis mi 'thad/ /'jig rten ma rig rkyen can du/ /gang phyir sangs rgyas rnams gsungs pa/ /'di yi phyir na 'jig rten 'di/ /rnam rtog yin zhes cis mi 'thad/ /ma rig 'gags par gyur pa na/ /gang zhig 'gag par 'gyur ba de/ /mi shes pa las kun brtags par/ /ji lta bu na gsal mi 'gyur/ /gang zhig rgyu dang bcas 'byung zhing/ /rkyen med par ni gnas pa med/ /rkyen med phyir yang 'jig 'gyur la/ /de ni yod ces ji ltar rtogs/ /gal te mod par smra ba rnams/ /dngos mchog zhen nas gnas pa ni/ /lam de nyid la gnas pa ste/ /de la ngo mtshar cung zad med/ /sangs rgyas lam la brten nas ni/ /kun la mi rtag smra ba rnams/ /rtsod pas dngos rnams mchog gzung bas/ /gnas pa gang yin de smad do/ /'di 'am de'o zhes gang du/ /rnam par

  43. 22a

    dpyad nas mi dmigs na/ /rtsod pa 'di'am de bden zhes/ /mkhas pa su zhig smra bar 'gyur/ /de dag gis ni ma brten par/ /bdag gam 'jig rten mngon zhen pa/ /de dag skye ba rtag mi rtag/ la sogs lta bas 'phrogs pa yin/ /gang dag brten nas dngos po rnams/ de nyid du ni grub 'dod pa/ /de dag la yang rtags sogs skyon/ /de dag ji ltar 'byung mi 'gyur/ /gang dag brten nas dngos po rnams/ /chu yi zla ba lta bur ni/ /yang dag ma yin log min par/ /'dod pa de dag bltas mi 'phrog/ /dngos por khas len yod na ni/ /'dod chags zhe sdang 'byung ba yin/ /lta ba mi zad ma rungs 'byung/ /de las byung ba'i rtsod par 'gyur/ /de ni lta ba kun gyi rgyu/ /de med nyon mongs mi skye ste/ /de phyir de ni yongs shes na/ /lta dang nyon mongs yongs su 'byang/ /gang gis de shes 'gyur snyam na/ /brten nas 'byung ba mthong ba de// brten nas skye ba ma skyes par/ /de nyid mkhyen pa mchog gis gsungs/ /log pa'i shes pa zil gnon pa/ /bden pa min la bden 'dzin pa'i/ /yongs su 'dzin dang rtsod sogs kyi/ /rim pa chags las 'byung bar 'gyur/ /che ba'i bdag nyid can de dang/ /rnams la phyogs med rtsod pa med/ /gang rnams la ni phyogs med pa/ /de la gzhan phyogs ga la yod/ /gang yang rung ba'i gnas rnyed nas/ /nyon mongs sprul gdug g.yo can gyis/ /zin par gyur te gang gi sems/ /gnas med de dag zin mi 'gyur/ /gnas bcas sems dang ldan rnams la/ /nyon mongs dug chen cis mi 'byung/ /nyon mongs sprul gyis zin par 'gyur/ /byis pa bden par 'du shes pas/ /gzugs brnyan la ni chags pa bzhin/ /de ltar 'jig rten rmongs pa'i phyir/ /yul gyi gzeb la thogs par 'gyur/ /bdag nyid che rnams dngos po dag /gzugs brnyan lta bur ye shes kyis/ /mig gis mthong nas yul zhes ni/ /bya ba'i 'dam la mi thogs so/ /byis pa rnams ni gzugs la chags/ /bar ma dag ni chags bral 'gyur/ /gzugs kyi rang bzhin shes pa yi/ /blo mchog ldan pa rnam par grol/ /sdug snyam pa las chags par 'gyur

  44. 22b

    de las bzlog pas 'dod chags bral/ /sgyu ma'i skyes bu ltar dben par/ /mthong nas mya ngan 'da' bar 'gyur/ /log pa'i shes pas mngon gdud pa'i/ /nyon mongs skyon rnams gang yin te/ /dngos dang dngos med rnam rtog pa/ /don shes 'gyur la mi 'byung ngo/ /gnas yod na ni 'dod chags dang 'dod chags bral bar 'gyur zhig na/ /gnas med bdag nyid chen po rnams/ /chags pa med cing chags bral min/ /gang dag rnam par dben snyam du/ /g.yo ba'i yid kyang mi g.yo ba/ /nyon mongs sprul gyis dkrugs gyur pa/ /mi zad srid pa'i rgya mtsho brgal/ /dge ba 'di yis skye po kun/ /bsod nams ye shes tshogs bsags te/ /bsod nams ye shes las byung ba'i/ /dam pa gnyis ni thob par shog /rigs pa drug cu'i tshig le'ur byas pa zhes bya ba slob dpon 'phags pa klu sgrub kyi zhal snga nas mdzad pa rdzogs so// //rgya gar gyi mkhan po mu ti ta sh+rI'i zhal snga nas dang/ bod kyi lotsA ba pa tshab nyi ma grags kyi bcos te gtan la phab pa'o// //zhib mo rnam par 'thag pa zhes bya ba'i mdo slob dpon klu sgrub kyis mdzad pa bzhugs so// //rgya gar skad du/ be dalya? sU tra nA ma/ bod skad du/ zhib mo rnam bar 'thag pa zhes bya ba'i mdo/ /slob dpon 'phags pa klu sgrub la phyag 'tshal lo/ /rtog ge shes pa'i nga rgyal gyis/ /gang zhig rtsod par mngon 'dod pa/ /de yis nga rgyal spang ba'i phyir/ /zhib mo rnam 'thag bshad par bya/ /tshad ma dang gzhal bya ni gnyis ka 'dres pa yin no// rang las ma grub pa'i phyir ro/ /yod pa dang med pa dang gnyis ka dag ni bltos pa ma yin no/ /ma yin te thug pa med par thal bar 'gyur ba'i phyir ro/ /tshad ma rnams ni mar me bzhin/ /rang dang gzhan sgrub par byed pa ma yin no/ /tshad ma rnams la ni tshad ma med de mar me ni phrad pa 'am ma phrad pa'i mun pa bsal bar byed pa ma yin no/ /gza'i gnod pa bzhin du 'dir yang 'gyur ro zhe na/ ma yin te/ dpe dang 'gal ba'i phyir ro/ /bstan bcos las 'jig rten spyod pa po de yang seng ge la sogs pa dang mtshungs par mngon par 'dod pa yin no/ /mar me ni rang gi bdag nyid bsal

  45. 23a

    ba ma yin te/ mun pa med pa'i phyir ro/ /phyin ci log tu thal bar 'gyur ba'i phyir mun pa yang bdag nyid la sgrib par byed par 'gyur ro/ /tshad ma dang gzhal bya dag ni dus gsum du ma grub pa'o/ /dus gsum du ma grub pas tshad ma dang gzhal bya dgag pa mi 'thad do/ /dgag pa sgrub na tshad ma dang gzhal bya'ang grub po zhe na/ ma yin te/ sngar khas blangs pa'i phyir ro/ /gal te tshad ma dang gzhal bya ma grub par khas blangs pa yin na ni khas blangs pa dang dus mnyam kho nar rtsod pa rdzogs pa yin no/ /ma grub pa la rtog pa spang ba'i phyir ro/ /mngon sum la soD pa ni yod pa ma yin te/ gang las zhe na/ yang dag par rtogs pa'i phyir ro/ /mngon sum la sogs pa grub na gzhal bya ni 'thad pa ma yin no/ /de'i rkyen can yin pa'i phyir shes pa ma yin zhing shes bya ma yin no/ /blo ni tshad ma ma yin te/ gzhal bya yin par brjod pa'i phyir ro/ /dmiD pa dang mi dmigs pa la the tshom med de/ /yod pa yang med pa'i phyir ro/ /the tshom za ba ni yod pa ma yin te/ khyad par la bltos pa med pa'i phyir ro/ /khyad par la bltos pa ma yin no/ /sngar bkag zin pa'i phyir ro/ /dgos pa med de/ yod pa dang med pa nyid kyi phyir ro/ /phyi ma 'jug pa ma yin te/ dpe yod pa'i phyir ro/ /de yang snga ma dang mtshungs pa nyid do/ /mdza' mthong ba yang ma yin te/ thog ma dang dbus med pa'i phyir ro/ /me ni gzi brjid kyi dpe ma yin te/ chos 'thun pa nyid kyi phyir ro/ /gzi brjid dpe chu yang ma yin te/ chos mi mthun pa nyid kyi phyir ro// gzhan yang cung zad chos mthun pas yin no/ /zhe na/ ma yin te/ ri rab dang skra bzhin no/ /phal cher chos mthun bas ma yin te/ sngar bkag pa'i phyir ro/ /thog ma ma grub na tha ma grub pa ma yin no/ /gal te thog ma grub na dbus dang mdza' ma gnyis ma grub po/ /yan lag can med pa'i phyir yan lag yod pa ma yin no/ /tshogs pa la yang ma grub te/ re re la med pa'i phyir ro/ /yan lag can yang du mar 'gyur ro/ /yan lag can gcig yin pa'i phyir yan lag thams cad gcig tu thal bar 'gyur ro/ /dus gsum du ma grub pas yan lag can med

  46. 23b

    do/ /'on te rtswa phal pa dza bzhin du 'grub pa yin na/ /ma yin te/ bsgrub bya dang mtshungs pas so/ /rigs pa med pa'i phyir ro/ /gzhan yang yan lag can la yan lag dgos pa ltar/ yan lag thams cad la yang yan lag yod par thal ba'i phyir ro/ /dam bca' ba las gtan tshigs gzhan dang gzhan ma yin pa'i phyir ro/ /gtan tshigs ma yin na/ gtan tshigs la gtan tshigs med pa'i phyir ro/ /dam bca' dang gtan tshigs med pa'i phyir nye bar sbyar ba dang mjug bsdu ba dag med pa yin no/ /lhag ma dag la yang gtan tshigs med do/ /gal te grub pa gtan tshigs byas pa yin no/ /ci zhig thob ce na/ dpe la sogs pa don med do/ /gtan tshigs don med pa nyid do/ /bdag med de/ ma grub pa'i phyir ro/ /gzhan dang gzhan brjod pa'i phyir gcig la gcig med do/ /yi ge dag la'ang de lta bu yin no/ /the tshom bzhin du rtog gi yang yin rdzas yod pa dang/ gcig nyid la sogs pa dag ni/ gzhan dang gzhan ma yin pa gnyis ka mi 'thad pa'i phyir gtan la dbab pa med do/ /rtsod pa ni yod pa ma yin te/ brjod pa dang brjod par bya ba dag med pa'i phyir ro/ /don dam pa dpyod pa'i skabs yin pa'i phyir ro/ brda byas pa'i ming dag ni rnam pa du mar mthong ba'i phyir ro/ /'jig rten pa'i mkhas pa dag kyang brjod par byed pa dang brjod par bya ba du mar sbyor bar mthong ba'i phyir/ brjod par byed pa dang brjod par bya ba gcig nyid dang gzhan nyid du ma grub po/ brjod pa dang sun ci phyin du rgol ba dag kyang de bzhin no/ /gtan tshigs ltar snang ba ni med do/ /chos mthun pa nyid dang mi mthun pa nyid med pa'i phyir ro/ /ma 'khrul ba ni 'khrul ba med pa'i phyir ro/ /'khrul pa dang bcas pa'i gtan tshigs yod do zhe na/ ma yin te/ de dag ni gzhan yin pa'i phyir ro/ /skad cig ma nyid kyi phyir ro// khyed kyi gtan tshigs thams cad 'gal ba brjod pa yin gyi/ 'khrul pa dang bcas pa ma yin no/ /ma yin te/ snga ma dang phyi mar 'byung bas 'gal ba med pa'i phyir ro/ /'das pa 'das par 'gyur ba yin na/ /'das pa ni 'das pa med do/ /'das pa ni 'das par 'gyur pa'o//

  47. 24a

    rjod byed kyi rnam pa thams cad med par thal bar 'gyur ba'i yang phyir ro/ /'das pa'i gtan tshigs sam dus ni yod pa ma yin te/ mi srid pa'i phyir ro/ /khyod kyi thams cad tshigs dor du brjod pa yin gyi/ don dam pa ni ma yin no zhe na/ ma yin te/ lan thams cad la thal bar 'gyur ba'i phyir ro/ /skyes pa dang ma skyes pa dang/ gnyis ka med pa'i phyir lhag chad ni med do/ /ma yin te/ snga ma dang phyi ma gcig dang gzhan nyid la med pa'i phyir ro/ /tshar bcad pa'i gnas kyang de bzhin no/ /tshar bcad pa'i gnas la ni /tshar gcad pa med pa de bcings pa bzhin no/ /gnyis ka khas ma blangs pa'i phyir ro/ /de ma grub na ma grub du zad do/ /de kho na bzhin du brjod pa ma yin te/ mngon par brjod pa ni med pa nyid yin no/ /zhib mo rnam par 'thag pa zhes bya ba'i mdo/ /slob dpon 'phags? pa klu sgrub kyi zhal snga nas mdzad pa rdzogs so// // kha che'i paN+Di ta a nan+ta dang/ lo tsA ba dge slong grags 'byor shes rab kyis bsgyur ba'o// //rgya gar skad du/ shU n+ya tA sabta ti kA ri k+Sha nA ma/ bod skad du /stong pa nyid bdun cu pa'i tshig le'ur byas pa zhes bya ba/ 'jam dpal gzhon nur gyur pa la phyag 'tshal lo/ /gnas pa 'am skye 'jig yod med dam/ /dman pa 'am mnyam dang khyad par can/ /sangs rgyas 'jig rten snyad dbang gis/ /gsung gi yang dag dbang gis min/ /bdag med bdag med min bdag dang/ /bdag med min pas brjod 'ga' 'ang med/ /brjod bya mya ngan 'das dang mtshungs/ /dngos po kun gyi rang bzhin stong/ /gang phyir dngos rnams thams cad gyi/ /rang bzhin rgyu rkyen tshogs pa 'am/ /so so'i dngos po thams cad la/ /yod min de phyir stong pa yin/ /yod phyir yod ba skye min te/ /med phyir med pas skye ma yin/ /chos mi mthun phyir yod med min/ /skye ba med pas gnas 'gag med/ /gang zhig skyes de bskyed bya min/ /ma skyes pa yang bskyed bya min/ /skyod pa dang ni ma skyes pa'i/ /skye bzhin pa yang bskyed bya min/ /'bras bu yod bar 'bras ldan rgyu/ /rgyu min dang mtshungs med pa'ang/ /med de la'ang rgyun min mtshungs/ /yod min med pa'ang min na 'gal/ /dus gsum rnams su 'thad ma

  48. 24b

    yin/ gcig med par ni mang po dang/ /mang po med par gcig mi 'jug /de phyir rten cing 'brel 'byung ba'i/ /dngos po mtshan ma med pa yin/ /rten 'byung yan lag bcu gnyis gang/ /sdug bsngal 'bras can de ma skyes/ /sems gcig la yang mi 'thad cing/ /du ma la yang 'thad ma yin/ /rtag min mi rtag min bdag dang/ /bdag min gtsang? min mi gtsang min/ /bde min sdug bsngal ma yin te/ /de phyir phyin ci log rnams med/ /de med phyin ci log bzhi las/ /skyes pa'i ma rig mi srid la/ /de med 'du byed mi 'byung zhing/ /lhag ma rnams kyang de bzhin no/ /ma rig 'du byed med mi 'byung/ /de med 'du byed mi 'byung zhing/ /phan tshun rgyu phyir de nyid ni/ /rang bzhin gyis ni ma grub yin/ /gang zhig bdag nyid rang bzhin gyis/ /ma grub de gzhan ji ltar bskyed/ /de phyir gzhan las grub pa yis/ /rkyen gzhan dag ni skyed byed min/ /pha ni bu min bu pha min/ /de gnyis phan tshun med min la/ /de gnyis cig car yang min ltar/ /yan lag bcu gnyis de bzhin no/ /ji ltar rmi lam yul brten pa'i/ /bde sdug de yi yul med pa/ de bzhin gang zhig la brten nas/ /gang zhig rten 'byung dang 'di med/ /gal te dngos rnams rang bzhin gyis/ /med na dman mnyam khyad 'phags dang/ /sna tshogs nyid ni mi 'grub cing/ /rgyu las kyang ni mngon 'grub min/ /rang bzhin grub na rten 'byung gi dngos po med 'gyur ma brten na/ /rang bzhin med par gal 'gyur/ /dngos po yod dang dngos med kyang/ /med la rang dngos gzhan dngos sam/ /dngos med 'gyur ba gal zhig /des na rang dngos gzhan dngos dang/ /dngos med phyin ci log pa yin/ /gal te dngos po stong yin na/ /'gag pa med cing skye mi 'gyur/ /ngo bo nyid kyis stong pa la/ /gang la 'gag cing gang la skye/ /dngos dang dngos med cig car min/ /dngos med med na dngos po med/ /rtag tu dngos po rang dngos med 'gyur/ /dngos med med par dngos mi srid/ /dngos po med par dngos med min/ /rang las min zhing gzhan las min/ /de lta bas na de med na/ /dngos po med cing dngos med med/ /yod ba nyid na rtag nyid dang/ /med na nges

  49. 25a

    par chad nyid yin/ /dngos po yod na de gnyis 'gyur/ /de phyir dngos po khas blangs min/ /rgyun gyi phyir na 'di med de/ /rgyu byin nas ni dngos po 'ga' / /sngar bzhin 'di yang ma grub cing/ /rgyun chad par yang thal bar 'gyur/ /skye 'jig bstan phyir sangs rgyas kyi/ /lam bstan ma yin stong nyid phyir/ /'di dag phan tshun bzlog pa ru/ /mthong ba phyin ci log las yin/ /gal te skye 'gag med yin na/ /ci zhig 'gags pas mya ngan 'das/ /rang bzhin gyis ni skye mched cing/ /'gag med gang de thar min nam/ /gal te 'gags las myang 'das chad/ /gal te cig shos ltar na rtag/ de phyir dngos dad dngos med dag/ mya ngan 'das par rung ma yin/ /gal te 'gog pa 'ga' gnas na/ /dngos po las gzhan de yod 'gyur/ /dngos po med phyir 'di med la/ /dngos po med phyir de las med/ /mtshan gzhi las gzhan mtshan nyid las/ mtshan gzhi grub par rang ma grub/ /phan tshun las kyang ma grub ste/ /ma grub ma grub sgrub byed min/ /'dis ni rgyu dang 'das bu dang/ /tshor dang tshor ba po sogs dang/ /lta po lta bya sogs ci'ang rung /de kun ma lus bshad pa yin/ /gnas med phan tshun las grub dang/ /'tshol phyir rang nyid ma grub phyir dngos po med phyir dus gsum ni/ /yod pa ma yin rtog pa tsam/ /gang phyir skye dang gnas dang 'jig/ 'dus byas mtshan nyid 'di gsum med/ /de phyir 'dus byas nyid ma yin/ /'dus ma byas la'ang cung zad med/ /ma zhig mi 'jig zhig pa'ang min/ /gnas pa gnas pa ma yin te/ /mi gnas pa la'ang gnas ma yin/ skyes pa mi skye ma skyes min/ /'dus byas dang ni 'dus ma byas/ /du ma ma yin gcig ma yin/ /yod min med min yod med min/ /mtshan 'dir sna tshogs thams cad 'dus/ /bcom ldan bla mas las gnas dang/ /las bdag las kyi 'bras bu dang/ /sems can rang gi las dang ni/ las rnams ? mi za bar gsungs/ /las rnams rang bzhin med gsungs te/ /ma skyes gang de chud mi za/ /de las kyang ni bdag 'dzin skye/ /de bskyed 'dzin de'ang rnam rtog las/ /gal te las la rang bzhin yod/ /de bskyed lus ni rtag par 'gyur/ /las kyang sdug bsngal rnam

  50. 25b

    smin can/ /mi 'gyur de phyir bdag tu 'gyur/ /las ni rkyen skyes yod min zhing/ /rkyen min las skyes cung zad med/ /'du byed rnams ni sgyu ma dang/ /dri za'i grong khyer smig rgyu mtshungs/ /las ni nyon mongs rgyu mtshan can/ /nyon mongs 'du byed las bdag nyid/ /lus ni las kyi rgyu mtshan can/ /gsum ka'ang ngo bo nyid kyis steng/ /las med na ni byed po med/ /de gnyis med pas 'bras bu med/ /de med nye bar spyod po med/ /de bas dngos po dben pa yin/ /las ni stong par yang dag par/ /shes na de nyid mthong ba'i phyir/ /las mi 'byung sde de med na /las las 'byung gang mi 'byung ngo/ /ji ltar bcom ldan de bzhin gshegs? rdzu 'phrul gyis ni sprul pa sbrul/ /sprul pa de yis slar yang ni/ /sprul pa gzhan zhig sprul gyur pa/ /de la de bzhin gshegs sprul stong/ sprul pas sprul po smos ci dgos/ /gnyis po ming tsam yod pa yang/ /ci yang rung ste rtog pa tsam/ /de bzhin byed po sprul dang mtshungs/ /las ni sprul pas sprul dang mtshungs/ /rang bzhin gyis ni gang cung zad/ /yod pa de dag rtog pa tsam/ /gal te las kyi rang bzhin yod/ /myang 'das byed po las kyang med/ /gal te med na las bskyed pa/ /'bras bu sdug dang mi sdug med/ /yod ces pa dang yod med ces/ /yod dang med ces de yang yod/ /sangs rgyas rnam skyi dgongs pa yis/ /gsungs brtog par bla ma yin/ /gal te gzugs ni rang 'byung bzhin/ /gzugs de 'byung las 'byung ma yin/ /rang las 'byung min ma yin nam/ gzhan las kyang min de med phyir/ /gcig la bzhi nyid yod min cing/ /bzhi la'ang gcig nyid yod min pas/ /gzugs ni 'byung ba chen po bzhi/ /rgyud byas nas grub ji ltar yod/ /shin tu mi 'dzin phyir de med/ /rtags las zhen na rtag de'ang med/ /rgyu dang rkyen las skyes pa'i phyir/ /rtag med par yang mi rigs so/ /gal te blo des gzugs 'dzin na/ /rang gis rang bzhin la 'dzin 'gyur/ /rkyen las skyes bas yod min pas/ /yang dag gzungs med ji ltar 'dzin/ /ji skad bshad gzugs skyes pa blo'i/ /skad cig skad cig gis mi 'dzin/ /'das dang ma 'ongs pa gzugs kyang/ /de yi ji ltar rtogs par 'gyur/ /gang tshe nam yang kha dog dang/ /dbyibs dag tha dad nyid med pas/ /de dag tha dang 'dzin yod min/ /gzugs de gcig tuAng grags ba ?//

  51. 26a

    mig blo mig la yong min te/ /gzugs la yod min par na med/ /gzugs dang mig la brten nas de/ /yongs su rtog pa log pa yin/ /gal te mig bdag mig mthong na/ /des gzugs mthong bar ji ltar 'gyur/ /de phyir mig dang gzugs bdag med/ skye mched lhag ma'ang de bzhin no/ /mig ni rang bdag nyid kyis stong/ /de ni gzhan dag gis kyang stong/ /gzugs kyang de bzhin stong pa ste/ /skye med lhag ma'ang de bzhin no/ /gang tshe gcig reg lhan cig 'gyur/ /de tshe gzhan rnams stong pa nyid/ /stong pa'am mi stong mi bsten la/ /mi stong pa yang brten mi brten/ /ngo bo mig nas yod min pas/ /gsum 'das pa yod ma yin no/ /de dag nyid kyi rig med pas/ /de cho tshor ba yod ma yin/ /nang dang phyi yi skye mched la/ /brten nas rnam par shes pa 'byung/ /de lta bas na rnam shes ni/ /smig rgya sgyu ma bzhin du stong/ /rnam shes shes bya la brten na/ /'byung la shes bya yod ma yin// shes bya shes pa med pa'i phyir/ /de phyir shes pa po nyid med/ /thams cad mi rtag yang na ni/ /mi rtag pa yang rtag pa med/ /dngos po rtag dang mi rtag n yid/ /'gyur na de lta ga la yod/ /sdug dang mi sdug phyin ci log/ rkyen las chags sdang gti mug dngos/ /'byung phyir chags sdang gti mug dang/ /rang bzhin gyis ni yod ma yin/ gang phyir de nyid la chags shing/ /de la zhe sdang de la rmongs/ /de phyir rnam par rtog pas bskyed/ /rtog de'ang yang dag nyid du med/ /brtag bya gang de yod ma yin/ /brtag bya med rtog ga la yod/ /de phyir brtag bya rtog pa dag/ rkyen las skyes phyir stong pa nyid/ /de nyid rtogs pa'i phyin ci log /bzhi las byung ba'i ma rig med/ /de ming na ni 'du byed rnam/ /mi 'byung lhag ma'ang de bzhin no/ /gang gang la brten skye ba'i dngos/ /de de med pas de mi skye/ /dngos dang dngos med 'dus byas dang/ /'dus ma byas 'di mya ngan 'das/ /rgya rkyen las skyes dngos po rnams/ /yang dag nyid du rtog pa gang/ /de ni ston pas ma rig gsungs/ /de las yan lag bcu gnyis 'byung/ /dngos po stong par de rtogs na/ /yang dag mthong phyir rmongs mi 'gyur/ /de ni ma rig 'gog pa yin/ /de las yan lag bcu gnyis 'gag/ 'du byed dri za'i grong khyer

  52. 26b

    dang/ /sgyu ma mig rgyu skra shang dang/ /dbu ba chu bur sprul ba dang/ /rmi lam mgal me'i 'khor lo mtshungs/ /rang bzhin gyis ni 'ga' yang med/ /'di la dngos po med pa'ang med/ /rgyu dang rkyen las skyes pa yi/ /dngos dang dngos med stong pa yin/ /dngos kun rang bzhin stong pas na/ /de bzhin gshegs pa mtshungs med pas/ /rten cing 'brel bar 'byung ba 'di/ dngos po rnams su nye bar bstan/ /dam pa'i don ni der zad de/ /'jig rten ngor byas tha snyad dag/ sna tshogs thams cad rdzogs sangs rgyas/ /bcom ldan 'das kyis bden brtags mdzad/ /'jig rten pa yi chos bsten no me 'jig cing/ /yang dag nyid du nam yang chos bstan med/ /de bzhin gshegs pas gsungs pa ma rig pas/ /de las dri med brjod pa 'di las skrag /'di la brten nas 'di 'byung zhes/ /'jig rten tshul 'di mi 'gog cing/ /gang brten rang bzhin med pas de/ /ji ltar yod 'gyur de nyid nges/ /dang ldan de nyid tshol la brtson/ /tshul 'di rigs pas rjes dpogs gang/ /rten med chos 'gal bstan pa yi/ /srid dang srid min spangs nas zhi/ /'di dag rkyen 'di las rig nas/ /lta ngan dra ba kun ldog nges/ /chags rmongs khong khro spangs pa'i phyir/ /mgos mya ngan 'das pa thog /stong nyid bdun rtsa pa tshig li'ur byas pa zhes bya ba/ /slob dpon 'phags pa klu sgrub kyis mdzad pa rdzogs so// //lo tsA ba gzhon nu mchog dang/ gnyan d+ha ma grags dang/ khu'i 'gyur dag las/ don dang tshig bzang du bris pa'o// //rtsod pa bzlog pa'i tshig le'ur byas bslob dpon klu sgrub kyis mdzad pa bzhugs so// ///rgya gar skad du/ ? bya brta ni kA di kA nA ma/ bod skad du/ rtsod pa bzlog pa'i tshig le'ur byas pa zhes bya ba 'jam dpal gzhon nur gyur pa la phyag 'tshal lo/ /gal te dngos po thams cad kyi/ /rang bzhin kun la yod min na/ /khyod kyi tshig kyang rang bzhin med// rang bzhin bzlog par mi nus so/ /'on te tshig de rang bzhin bcas/ /khyod kyi dam bca' snga ma nyams/ /mi 'dra nyid de de yin na/ /khyad par gtan tshig brjod par gyis/ /de sgra ma 'byin lta bu'o zhes/ /khyod blo sems na de mi 'thad/ /'di la sgra ni yod pa yis/ /'byung bar 'gyur ba de bzlog

  53. 27a

    yin/ 'gog pa'i 'gog pa'ang de lta zhes/ /'dod na de yang bzang min te/ /khyod kyi dam bca' i mtshan nyid las/ /de ltar skyon yod ded la med/ re zhig gal te mngon sum gyi/ /dngos rnams dmigs nas bzlog byed pa/ /gang gis dngos rnams dmigs 'gyur ba/ /mngon sum de ni med pa yin/ /rjes dpag lung dang nyed 'jal dang/ /rjes dpag lung gis bsgrub bya dang/ /dpes bsgrub bya ba'i don gang yin/ /mngon sum gyis ni lan btab pa/ skye bo ches kyi gnas skabs mkhas/ /dge ba dag gi chos rnams la/ /dge ba'i rang bzhin yin par ni/ /sems shing lhag ma rnams la yang/ /gang dag nges par 'byin pa'i chos/ chos kyi gnas skabs gsungs de rnams/ /nges par 'byin pa'i rang bzhin nyid/ /rang bzhin nges 'byin min la sogs/gal te chos rnams rang bzhin med/ /rang bzhin med ces bya ba yi/ ming yang de bzhin med 'gyur te/ gzhi med ming ni med phyir ro/ /'on te rang bzhin yod mod kyi/ /de ni chos rnams la med na/ /de phyir chos rnams spangs pa yi/ /rang bzhin gang de bstan par rigs/ /gang phyir khyim na bum pa med/ /ces bya'i 'gog pa yod nyid la/ mthong ba de phyir khyod kyi yang/ /'gog 'di yod la rang bzhin yin/ /ci de rang bzhin de med na/ khyod kyi tshig 'dis ci zhig dgag/ tshig med par yang med pa yi/ /'gog pa rab tu grub pa yin/ /byis pa rnams kyis smig rgyu la/ /ji ltar chu zhes log 'dzin ltar/ /de bzhin khyod kyi yod min la/ /log par 'dzin pa 'gog byed na/ /de lta na ni 'dzin pa dang/ /gzung ba de yi 'dzin po dag/ 'gog dang dgag bya 'gog pa po/ /de drug yod pa ma yin nam/ /ci ste 'dzin pa yod min zhing/ /gzung med 'dzin pa po med na/ /'o na 'gog dang dgag bya dang/ 'gog pa po yang yod ma yin/ /gal te 'gog dang dgag bya dang// 'gog pa po yang yod min na/ /dngos po kun dang de rnams kyi/ /rang bzhin nyid kyang grub pa yin/ /khyed la gtan tshigs mi 'grub ste/ /rang bzhin med phyir khyod kyi rtags/ /ga la yod de khyod don de/ /gtan tshigs med phyir 'grub mi 'thad/ /khyod la gtan tshigs med par yang/

  54. 27b

    rang bzhin bzlog pa grub yin na/ /nga la'ang gtan tshigs med par ni/ /rang bzhin yod pa n yid du 'grub/ /ci ste gtan tshigs yod na dngos/ /rang bzhin med ces bya mi thad/ /srid na rang bzhin med pa yi/ /dngos 'ga' yod pa ma yin no/ /gang las rang bzhin yod min pa'i/ /'gog pa gal te snga 'gyur zhing/ /dgag bya 'phyi zhes 'thad min la/ /phyis dang cig car yang mi 'thad/ /nga yi tshig ni rgyu rkyen dang/ /tshogs dang so so la yang med/ /'o na dngos rnams stong grub ste/ /rang bzhin med pa nyid phyir ro/ /rten nas 'byung ba'i dngos rnams gang/ /de ni stong nyid ces brjod de/ /gang zhig brten nas 'byung ba de/ /rang bzhin med pa nyid yin no/ /sprul pa yis ni sprul pa dang/ /sgyu ma yis ni skyes bu yi/ /sgyu mas phyung la 'gog byed ltar/ /'gog pa 'di yang de bzhin 'gyur/ /nga yi tshig ni de bzhin med/ /de phyir de phyog mnyams la/ /mi 'du nyid kyang med pas na/ /gtan tshigs khyad par brjod mi bya/ /sgra mi 'byin bya bzhin zhe na/ khyod kyis gang brtsams dpe 'di min/ /de ni sgra yis sgra bzlog la/ /'dir ni de lta ma yin no/ /gal te rang bzhin med nyid kyis/ /ci ste rang bzhin med pa bzlog/ /rang bzhin med pa nyid log na/ /rang bzhin n yid du rab grub 'gyur/ /yang na kha cig sprul pa yi/ /bud med la ni bud med snyam/ /log 'dzin 'byung la sprul pa yi/ /'gog byed de ni de lta yin/ /gang na rtags 'di bsgrub bya dang/ /mtshungs te gang phyir sgra yod min/ /tha snyad khas ni ma blangs pa da/ /ded cag 'chad par mi byed do/ /gal te ngas dam bcas 'gal yod/ des nang la skyon de yod/ /ngal dam bca' med pas na/ /ngal skyon med kho na yin/ /gal te mngon sum la sogs pa'i/ /don gyis 'gal zhig dmigs na ni/ /bsgrub pa'am bzlog par bya na de/ /med phyir ngal glan ka med/ /gal te khyod kyi don de rnams/ /tshad ma nyid kyi rab bsgrub na/ khyod kyi tshad ma de rnams kyang/ /ji ltar rab tu 'grub pa smros/ /gal te tshad ma gzhan rnams kyis/ /sgrub po snyam na thug pa med/ /de yang dang po 'grub min la/ /bar ma yin zhing tha ma'ang min/ /'on te tshad ma med par yang/ /de rnams sgrub na smra ba nyams/ /mi 'dra nyid de de yin na/ /gtan tshig

  55. 28a

    khyad par smra bar gyis/ /ji ltar me yis gzhan bdag ny id/ /gsal byed de bzhin rang bdag ltar/ /de bzhin tshad ma rnams kyang ni/ /rang bzhin bdag nyid sgrub ce na/ /smras pa de ni mi mthun te/ /mun khung nang gi bum pa bzhin/ /de la mi dmigs ma mthong bas/ /me ni rang nyid gsal byed min/ /gal te khyed kyi tshig gis ni/ /me yis rang bdag gsal byed na/ /'o na me yis gzhan bzhin du/ /rang nyid sreg pa'ang byed par 'gyur/ /gal te khyod kyis tshig gis ni/ /me yis rang gzhan gsal byed na/ /me bzhin du ni mun pa yang/ /rang gzhan bdag nyid sgrib par 'gyur// 'bar byed dang ni gang gzhan na/ /me 'dug pa na mun pa med/ /gsal byed de ni mun sel na/ /ji ltar gsal bar byed pa yin/ /mi 'byung nyid na gsal byed pa/ /yang dag min par smra ba ste/ /me 'byung n yid na mun pa dang/ /phrad pa med pa kho na yin/ /yang na me dang ma phrad kyang/ /mun pa sel bar byed na ni/ /'di na yod pa gang yin pas/ /'jig rten kun gyi mun sel 'gyur/ /gal te rang las tshad ma grub/ /gzhal bya rnams las ma ltos par/ /khyod kyi tshad ma grub 'gyur 'di/ /rang grub gzhan las bltos ma yin/ /gal te gzhal bya'i don rnams la/ /ma bltos khyod kyi tshad ma grub de ltar tshad ma 'di rnams ni/ /gang gi'ang yin par mi 'gyur ro/ /'on te bltos nas de rnams 'grub/ /'dod na de la skyon cing 'gyur/ /ma grub gzhan la mi bltos pas/ /grub pa sgrub par byed pa yin/ /gal te yongs ye gzhal bya las/ /bltos nas tshad ma 'grub yin na/ /tshad ma rnams lam bltos par/ /gzhal byar bya ba 'grub par 'gyur/ /gal te tsh+d ma rnams la ni/ /ma bltos par yang gzhal bya 'grub/ /gang phyir de dag de 'grub na/ /khyod kyi tshad ma grub pas ci/ /ci ste khyod kyi tshad ma rnams/ gzhal bya rnams la bltos nas 'grub/ /de ltar khyod kyi tshad ma dang/ /gzhal bya nges par ldog par 'gyur/ /'on te khyod kyi tshad grub pas/ /gzhal bar bya ba 'grub 'gyur la/ /gzhal bya grub bas tshad sgrub na/ khyod kyis gnyis ka'ang 'grub mi 'gyur/ /gal te tshad ma gzhal bya 'grub/ /gzhan bya de dag rnams kyis kyang//de dag bsgrub par bya

  56. 28b

    yin na/ /de dag ji ltar sgrub par 'gyur/ /gal te gzhal byas tshad ma 'grub/ /tshad ma de dag rnams kyis kyang/ /de dag sgrub par bya yin na/ /de dag ji ltar sgrub par 'gyur/ /gal te pha yi bu bskyed bya/ /gal te bu de nyid kyis kyang/ /ci de pha de bskyed bya na/ /des na gang gis gang bskyed smos/ /de dag gnyis ka'ang pha dang bu'i/ /mtshan nyid 'dzin pas de'i phyir/ de la kho bo the tshom gyur/ /de las pha gang bu gang smros/ /tshad ma rnams kyi rang n yid kyis/ /'grub min phan tshun gyis min pa'am/ /tshad ma gzhan gyis ma yin la/ /gzhal byas ma yin rgyu med min/ /chos kyi gnas skabs rab mkhas pa/ /dge ba yis ni chos rnams kyis/ /dge ba'i rang bzhin chos rnams gang/ /de ltar rab phye brjod bya yin/ /gal te dge ba'i chos rnams kyi/ /rang bzhin 'ga' zhig brtan kye ba/ /de ni gzhan lta de lta na/ /rang gi ngo bor ji ltar 'gyur/ /'on te dge ba'i chos rnams kyi/ /rang gi ngo bo de 'ga' la'ang/ /ma brten skye na de lta na'ang/ /tshangs par spyod pa gnas mi 'gyur/ /rgyu mi ldan pa rtag pa'i phyir/ /chos rnams thams cad brtag par 'gyur/ /chos dang chos mayin med cing/ 'jig rten pa yi tha snyad med/ /mi dge ba dang lung ma bstan/ /des 'byin sogs la'ang skyon de bzhin/ /de bas kh yod kyi 'dus byas kun/ /'dus ma byas pa nyid du 'gyur/ /gang zhig rang bzhin bcas pa zhes/ /ming ni yod par smra ba la/ /de ltar khyod kyis lan btab kyis/ /nga yi ming yod mi smra'o/ /ming med ces bya gang yin 'di/ /ci de yod pa 'am med pa yin/ /gal te yod dam med kyang rung/ /khyod kyis smras pa'ang gnyis ka'ang nyams/ /dngos po dag ni thams cad kyi/ stong pa nyid ni sngar bstan pas/ de phyir dam bcas med pa yang/ /klan ka gang yin de tshol byed/ /'on te rang bzhin zhig yod la/ /de ni chos la med do zhes/ /dogs 'di rigs pa ma yin mod/ /dogs pa de ni khyod kyis byas/ /gal te yod nyid 'gog yin na/ 'o na stong nyid rab 'grub ste/ /dngos rnams rang bzhin med nyid la/ khyod ni 'gog par byed pas so/ /stong nyid gang la khyod 'gog pa'i/ /stong nyid de yang med yin na/ 'o na yod pa 'gog yin zhes/ /smras pa de nyams ma yin nam

  57. 29a

    dgag bya ci yang med pas na/ /da ni ci yang mi 'gog go/ de phyir 'gog pa byed de zhes/ /yang dag min te khyod kyis smras/ /tshig med par yang med pa yi/ /'gog tshig mi 'grub min zhe na/ /de la tshig ni med ces par/ /go bar byed kyi skyes sel min/ /smig rgyu dpe la khyod kyis kyang/ /rtsod pa chen po smras pa gang/ /der yang ci nas dpe de 'thad/ /gtan la dbab pa mnyan par gyis/ /gal te 'dzin de rang bzhin yod/ /brten nas 'byung bar mi 'gyur ro/ /'dzin pa gang zhig brten 'byung ba/ /de nyid stong nyid ma yin nam//gal te 'dzin pa rang bzhin yod// 'dzin pa de la su yis bzlog/ lhag ma rnams la'ang tshul de bzhin/ /de phyir klan ka de med do/ /smig rgyu'i dpes bzlog bsgrub pa'i tshe/ /sngar smras gang yin de dang ni/ /snga mas gtan tshigs med pa yi/ /lan btab gyur te mtshungs phyir ro/ /dus gsum gtan tshigs gang yin sngar lan btab nyid de mtshungs phyir ro/ /dus gsum ched kyi gtan tshigs ni/ /stong nyid smra pa rnams la dung/ /gang la stong pa nyid srid pa/ /de la don rnams thams cad srid/ /gang la stong nyid mi srid pa/ /de la ci yang mi srid do/ /gang zhig stong dang rten 'byung dag /dbu ma'i lam du don gcig par/ /gsung mchog mtshungs pa med pa yi/ /sangs rgyas de la phyag 'tshal lo/ /brtsod pa bzlog pa'i tshigs le'ur byas pa zhes bya ba/ slob dpon 'phags pa klu sgrub kyi zhal snga nas mdzad pa rdzogs so// //rgya gar gyi mkhan po dz+nyI na garb+ha dang/ bod kyi lo tsA ba ka ba dpal brtsegs kyis bsgyur ba las/ slad kyis kha che'i paN+Di ta dza ya A nan+ta dang/ lo tsA ba khu mdo sde dpal gyis bsgyur pa'o// //dbu ma rtsa ba'i 'grel ba ? las 'jigs med 'phags pa klu sgrib kyis mdzad par zhugs so/ /rgya gar skad du/ mu lam d+hya mi ka pit+ti a ku to b+ha ya/ bod skad du/ dbu ma rtsa ba'i 'grel pa ga las 'jigs med/ bam po dang po/ /dkon mchog gsum la phyag 'tshal lo/ /'jam dpal gzhon nur gyur pa la phyag 'tshal lo/ /slob dpon 'phags pa klu sgrub la phyag 'tshal lo/ /gang gis skye dang 'jig pa dag/ 'di yi tshul gyis rab

  58. 29b

    spangs pa/ /rten cing 'byung ba gsungs pa yi/ /thub dbang de la phyag 'tshal lo/ /gang gis rten cing 'brel par 'byung/ /'gag pa med pa skye med pa/ /chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ /rdzogs pa'i sangs rgyas smra rnams kyi// dam pa de la phyag 'tshal lo/ /zhes bya ba ni gang gis gdul ba'i sems can dbang phyug dang/ skyes bu dang/ gnyi ga dang/ /dus dang/ rang bzhin dang/ nges pa dang/ ngo bo nyid dang/ 'gyur ba dang/ rdul phran gyi rgyus log par zhugs pa/ rgyu med pa dang/ rgyu mi mthun pa dang/ chad pa dang rtag par lta ba la mngon par zhen pa/ chs kyi ska mthong ba lkog tu gyur pa/ bdag tu lta ba de dang de la mngon par zhen pa/ de dang de dag gi rgyu med pa dang/ rgyu mi mthun pa dang/ chad pa dang rtag par lta ba rnam par bzlog pa'i phyir dang/ chos kyi sku rtogs par bya ba'i phyir dang/ bdag tu lta ba de dang/ de rnam par bzlog pa'i phyir shas cher yongs su spyod ba byas pa/ blo rgya chen po dang ldan pa zab mo bstan pa'i snod du gyur pa rnams la sngar smos pa'i rten cing 'brel par 'byung ba 'gag pa med ba/ skye ba med pa/ chad pa med pa/ rtag pa med pa/ 'od ba med pa/ 'gro ba med pa/ don tha dad pa ma yin pa/ don gcig ma yin pa spros pa thams cad nye bar zi ba zhi bar gyur pa bstan pa rdzogs pa'i sangs rgyas smra ba rnams kyi dam pa de la phyag 'tshal lo/ /zhes bya ba yin no/ /de bzhin gshegs pa'i bstod pa brjod pa phyag 'tshal ba'i bya ba nye bar gdags pa dang ldan pa 'dis ni don dam pa'i bden pa yongs su bstan pa yin no/ /de la 'gag pa med pa zhes bya ba ni rten cing 'brel par 'byung ba 'di la 'gag pa yod pa ma yin pa ste/ ci'i phyed zhe na/ skye ba med pa'i phyir ro/ /skye ba med pa zhes bya ba ni/'gag pa med pa'i phyir ro/ /chad pa med pa zhes bya ba ni sa bon dang myu gu bzhin no/ /rtag pa med pa zhes bya ba ni sa bon dang myu gu'i yun gyi dngos po bzhin no/ /'ong ba med pa 'gro ba med pa zhes bya ba ni nam mkha' bzhin no/ /tha dad don min zhes bya ba ni 'bras sa lu'i 'bras bu bzin no/ /don gcig min zhes bya ba ni 'bras sa

  59. 30a

    lu'i sa bon bzhin no/ /tshig lhag ma rnams la yang de bzhin du ci rigs par tshig sbyar ba brjod par bya'o/ /dir smras pa/ ci'i phyir rnam pa brgyad po de dag 'gog par byed/ 'dir bshad pa/ rten cing 'brel par 'byung ba 'di tha snyad kyi bden par bstan pa la/ don dam pa'i bden pa la 'jug pa dag 'gag pa la sogs pa'i tshig rnam pa brgyad kyi mngon par zhen pa de bzlog pa'i phyir/ 'gag pa med pa la sogs pa'i tshig brgyad po dag smos so/ /'dir smras pa 'o na ci'i phyir 'gag pa med pa'i sgra sngar smos so// 'dir bshad pa/ 'di ltar re zhig skye ba'i sgra sngar brjod par nges mod kyi/ 'on kyang tshigs su bcad pa sbyar pa'i dbang gis 'gag pa med pa'i sgra'i sbyor ba snga ba la 'gal ba med do/ /yang na 'gag pa zhes bya ba'i ming la dngos por mngon par zhen pa rnams kyi mngon par zhen pa de sgang ba'i phyir te/ bcom ldan 'das ma shes rab kyi pha rol tu phyin pa las/ rab 'byor 'di ji snyam du sems/ sems 'gag pa gang yin pa de yang skye bar 'gyur ram/ gsol pa bcom ldan 'das de ni mi 'gyur ro/ /bka' stsal pa/ rab 'byor 'di ji snyam du sems/ sems bskyed pa gang yin pa de 'gag pa'i chos can yin nam/ gsol ba/ bcom ldan 'das 'gag pa'i chos can ma lags so/ /bka' stsal pa/ rab 'byor 'di ji snyam du sems/ 'gag pa'i chos can gang yin pa de 'gag par 'gyur ram/ gsol pa/ bcom ldan 'das de ni mi 'gyur ro/ /bka' stsal pa/ rab 'byor 'di ji snyam du sems/ ma skyes ba gang yin pa de 'gag pa'i chos can yin nam/ gsol ba bcom ldan 'das de ni ma lags so/ /bka' stsal pa/ rab 'byor 'di ji snyam du sems/ 'gag pa'i chos can gang yin pa de skye par 'gyur ram/ gsol pa bcom ldan 'das de ni mi 'gyur/ /bka' stsal pa/ rab 'byor 'di ji snyam du sems/ sems 'gags pa'i chos can gang yin pa de 'gag par 'gyur ram/ gsol pa /bcom ldan 'das de ni mi 'gyur ro//

  60. 30b

    bka' stsal pa/ rab 'byor 'di ji snyam du sems/ chos rang bzhin gyis ngo bo nyid med cing 'gags pa gang yin pa de 'gag par 'gyur ram/ gsol ba/ bcom ldan 'das de ni mi 'gyur ro/ /zhes ji skad gsungs pa lta bu ste/ de ltar gang gi phyir shes rab kyi pha rol tu phyin pa nyid las 'gag pa'i chos can la 'gag par 'gyur ba'i rim pa tha snyad gdags pa mdzad pa de'i phyir 'gag pa med pa'i sgra'i sbyor ba sngar smos so/ /yang na 'gag pa med pa zhes bya ba'i sgra'i don ni chad pa med pa zhes bya ba'i sgra'i bar du gcod pa dang 'brel par snang ba'i phyir 'gag pa med pa'i sgra'i sbyor ba sngar smos te/ gang gi phyir chad pa med pas 'gag pa med de/ 'di ni gang chad par gyur pa de 'gag par 'gyur ba de lta ma yin pa de'i phyir 'gag par med do/ /gang gi phyir skye ba med pa zhes bya ba'i sgra'i don ni rtag pa med pa zhes bya pa'i sgra bar du chod pa dang 'brel par snang ba'i phyir 'gag pa med pa'i sgra'i mjug thogs skye ba med pa smos so/ /gang gi phyir 'gag pa med pas chad pa med de/ 'di na gang 'gag par 'gyur ba de chad par 'gyur ba de lta ma yin pa de'i phyir chad pa med do/ /gang gi phyir skye pa med pas rtag pa med de/ 'di na gang skye bar 'gyur pa de rtag par 'gyur ba de lta ma yin pa de'i phyir rtag pa med do/ /da ni gzhan du brtags te/ 'gag pa med pa ni 'gags pa dang ma 'gag pa dag la 'gag pa mi 'thad pa'i phyir ro/ /skye pa med pa ni 'pho ba med par mi 'thad pa'i phyir ro/ /de la snga ma'i rnam grangs gzhan yang 'gag ba med pa ni de las gzhan pa'i gnas skabs la 'gag pa mi 'thad pa'i phyir ro/ /brtag pa gzhan yang 'gag pa med pa ni lus dang ming mi 'thad pa'i phyir ro/ /skye ba med pa la yang lus dang ming mi 'thad pa nyid kyi phyir ro/ rnam grangs gzhan yang 'gag pa med pa ni ngo bo nyid yod par mi 'thad pa'i phyir ro/ /skye ba med pa yang ngo bo nyid yod par mi 'thad pa nyid kyi phyir ro/ /rtag pa gzhan yang 'gag pa med pa ni ngo bo nyid stong pa'i phyir ro/ /skye ba med pa yang ngo bo stong pa nyid kyi phyir ro/ /rnam grangs gzhan yang chad ba med pa ni 'gag pa med pa'i phyir ro/ /rtag pa med

  61. 31a

    *//pa ni skye ba med pa'i phyir ro/ /don tha dad pa ma yin pa ni skye ba med pa'i phyir ro/ /don gcig pa ma yin pa ni 'gag pa med pa'i phyir ro/ /'ong ba med pa ni skye ba med pa'i phyir ro/ /'gro ba med pa ni 'gag pa med pa'i phyir ro/ /brtag pa gzhan yang skye pa dang 'gag pa med pa'i phyir lhag ma thams cad la de bzhin de mngon par zhes pa dag med do/ /brtag pa gzhan yang gang la brten nas gang 'byung ba de ni gang gi phyir de nyid kyang ma yin la gzhan yang ma yin pa de'i phyir rnam pa gsum las kyang de la skye ba mi 'thad pas de'i phyir skye ba med do/ /de'i phyir skye ba med phyir 'ong pa med do/ /'ong ba med pa'i phyir 'gro ba med do/ /rnam grangs gzhan yang gang la brten nas gang 'byung ba de ni gang gi phyir de nyid ma yin pa de'i phyir rtag pa med do/ /gang gi phyir gzhan ma yin pa de'i phyir chad pa med do/ /'di ni brtag pa gzhan te/ gang la brten nas gang 'byung ba ni gang gi phyir de nyid la yin pa de'i phyir don gcig pa ma yin no/ /gang gi phyir gzhan ma yin pa de'i phyir don tha dad pa ma yin no/ /'di ni rnam grangs gzhan te gang la brten nas gang 'byung ba de ni ngo bo ny+d med de/ ngo bo nyid med pa'i phyir skye ba med do/ /skye ba med pa'i phyir don gcig pa ma yin pa dang/ don tha dad pa ma yin no/ /skye ba med pa kho na'i phyir 'ong ba med pa dang 'gro ba med do/ /'di ni rnam grangs gzhan te/ gang la brten nas gang 'byung ba de ni ngo bo nyid med de/ ngo bo nyid med pa'i phyir 'gag pa la sogs pa'i ming gi khyad par thams cad kyi ngo bo'i mngon par zhen par bya ba ma yin no/ /'di ni rnam grangs gzhan te/ de la tshig snga ma bzhi po 'gag pa med pa la sogs pa rtag pa med pa'i mthar thug pa dag ni phal cher rang gi gzung luT kyi khongs su gtogs pa yin pas de dag ni rnam par bshad zin to/ /phyi ma gang dag yin pa de dag ni gzhan gyi gzhung lugs kyi khongs su gtogs pa yin pas de dag rnam par bshad par bya ste/ grangs can dag ni rgyu dang 'bras bu gcig go zhes kun tu bsgrub pas

  62. 31b

    de bzlog pa'i phyir don gcig pa ma yin no/ /bye brag pa dag ni rgyu dang 'bras bu tha dad do zhes kun tu bsgrub pas de bzlog pa'i phyir don tha dad pa ma yin no/ /de dag gnyis ka yang dngos po rnams la bya ba rnam pa tha dad pa dag yod par mngon par zhen pas de dag 'gro ba dag tu bsdus nas de dag bzlog pa'i phyir 'ongs? med pa dang 'gro ba med pa bstan to/ /'dir smras pa/ don med na 'gag pa la sogs pa'i ming gi khyad par dag mi 'byung bas de'i phyir gang dag yod na 'gag pa la sogs pa'i ming gi khyad par dag 'byung bar bsam pa'i dngos po rnams yod do/ /'dir bshad pa/ ming dang ming can dag rab tu grub na ni 'gag pa la sogs pa de dag ming gi khyad par bdag kyang rab tu 'grub par 'gyur grang na/ de dag ni ming thad do/ /ji ltar zhe na/'di la ming dang ming can dag gcig pa nyid dam tha dad pa nyid du 'grub par 'gyur grang na/ gnyis ka ltar yang mi 'thad do/ /ci'i phyir zhe na/ re zhig gal te ming gang yin pa de nyid ming can yin par gyur na de lta na ming can gcig pa nyid du 'gyur te/ de ltar gcig pa nyid yin na me zhes brjod pa na kha tshig par 'gyur pa rigs na tshig par ni mi 'gyur ro/ /gzhan yang 'di na sgra la mkhas pa dag byed pa po dang las rnam par dbye ba'i phyir kun tu sgrub pas de'i phyir de gnyis gcig pa nyid ma yin no/ /ce ste ming yang gzhan la ming can yang gzhan yin par gyur na ni de lta na tha dad pa nyid yin te/ de gnyis rgyu med pa nyid du 'gyur bas de ni mi 'dod do/ /ming can gyi ming yang 'thad pa yin na ming can med na de gang gi ming yin/ ming med par yang ming can zhes bya ba mi 'thad de/ gang gis de la med du btags par gyur/ de'i phyir de gnyis tha dad pa nyid kyang ma yin no/ /de ltar gang gi phyir ming dang ming can de gnyis tha dad pa nyid du 'grub par mi 'thad pa de'i phyir 'gag pa la sogs pa'i ming gi khyad par rnams mi 'grub po/ /yang gzhan yang lung gi tshad ma las kyang mdo sde las/ ming ni smig rgyu 'dra ba ste/ gal te smig rgyu 'dra ba yin na phyin ci log yin la/ gang phyin ci log pa de ni yang dag pa ma yin no/ /gang yang dag pa ma yin pa'i ming du rnam par rtog pas

  63. 32a

    rab tu phye ba de ni yang dag pa zhes bya bar mi rigs so zhes gsungs par/ de'i phyir lung gi tshad mas kyang ming dang ming can de gnyis su mi 'grub ste/ de gnyis ma grub na/ dgag pa la sogs pa'i ming du rnam par rtog pa dag mi 'grub bo/ 'di'i phyir yang 'gag pa mi 'thad de/ ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams 'gag pa med pa zhes bya ba de mthong ste/ 'di lta ste/ bskal pa dang po pa'i 'bras sa lu la sogs pa'i dbye ba gang dag 'gags pa de dag gal te 'gaT par gur na da ltar gyi dus na 'bras sa lu la sogs pa dag mi snang bar 'gyur ba zhig na/ snang bas de'i phyir 'gag pa med do/ /'dir smras pa/ 'o na skye ba yod do/ /'dir bshad pa/ /skye ba med do/ /ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams skye ba med pa zhes bya ba de mthong ste/ 'di lta ste bskal pa dang po'i 'bras sa lu? la sogs pa gang dag yin pa de dag med par da ltar gyi 'bras bu lu la sogs pa 'ga' yang med de/ gal te de dag med par da ltar gyi dus kyi 'bras sa lu la soD bdag snang bar gyur na ni/ skye ba yod do zhes smra bar rigs pa zhig na/ /mi snang bas de'i phyir skye ba med do/ /'dir smras pa/ chad pa yod do/ /'dir bshad pa/ chad pa med do/ /ci'i phyir zhe na/ 'jig rten na mthong ba'i phyir/ /'di lar 'jig rten na dngos po rnams chad pa med zhes bya bde mthong ste/ 'bras sa bu'i sa bon las 'bras sa lu'i myu gu la sogs pa 'byung ba mthong ngo/ /gal te tshad pa yin na 'byung ba nyid mi dmigs par 'gyur ba zhig na/ 'phyung ba dmigs pas de'i phyir chad pa med do/ /'dir smras pa/ rtag pa yod do/ /'dir bshad pa/ rtag pa med do/ /ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams rtag par mi 'thad pa zhes bya ba de mthong ste/ 'bras sa lu'i sa bon myu gu'i dus na mi dmigs te/ de ltar gang gi phyir myu gu'i dus na/ sa bon ldog pa de'i phyir rtag pa ma

  64. 32b

    yin no/ /'bras bu lu'i sa bon ji lta ba de bzhin du/ dngos po thams cad kyang bsam par bya'o/ /'dir smras pa/ gal te de ltar na/ de'i phyir dngos po rnams don gcig pa nyid du 'gyur ro/ /'dir bshad pa/ don gcig pa ma yin no/ /ci'i phyir zhe na/ 'jig rten na mthong ba'i phyir te 'di ltar 'jig rten na dngos po rnams don gcig pa nyid ma yin pa zhes bya ba de mthong ste/ 'di na 'bras sa lu'i sa bon myur gu ma yin no/ /gal te don gcig pa nyid yin na/ sa bon dang myu gu zhes tha dad par brjod pa de dag byed par mi 'gyur ba zhig na/ de dag tha dad par brjod par byed pas de'i phyir don gcig pa ma yin no/ /'dir smras pa/ gal te don gcig pa nyid du mi 'dod na/ des na dngos po rnams don tha dad par 'gyur ro/ /'dir bshad pa/ don tha dad pa ma yin no/ /ci'i phyir zhe na/ 'jig rten na mthong ba'i phyir te 'di ltar 'jig rten na dngos po rnams don tha dad ma yin pa nyid mthong te/ 'di na 'bras sa lu'i sa bon dang 'bras sa lu'i myu gu dang/ 'bras sa lu'i 'dab ma zhes bya ba la sogs pa dag mthong ngo/ /de la gal te don tha dad pa nyid du 'dod na/ 'bras sa lu'i sa bon dang/ 'bras sa? lu'i? myu gu dang/ 'bras sa lu'i 'dab ma zhes nges pa kho nar 'di ji ltar smra par 'gyur/ ko dra ba'i sa bon dang/ ko dra ba'i myu gu dang/ ko dra ba'i 'dab ma zhes bya bar yang ci'i phyir mi 'gyur/ gang gi phyir de ltar mi 'gyur bar de'i phyir don tha dad pa ma yin no ? smras ba/ 'ong ba yod do/ /'dir bshad pa/ 'ong ba med do/ /ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams gang nas kyang 'ong ba med pa zhes bya ba de mthong ste/ 'di ni 'bras sa lu'i myu gu gser? nad yongs nas/ 'bras sa lu'i sa bon la nges par gnas par mi byed do/ /gal te myu gu yul gzhan gshed nas 'ongs te/ sa bon la nges par gnas par byed par gyur na/ shing ljon pa la bya gnas pa bzhin du snang bar 'gyur ba zhig na/ de ltar mi snang bas/ de'i phyir 'ong? ba med do/ /'dir smras pa/?

  65. 33a

    'gro ba yod do/ /'dir bshad pa/ 'gro ba med do/ /de ci'i phyir zhe na/ 'jig rten na mthong ba'i phyir te/ 'di ltar 'jig rten na dngos po rnams 'gro ba med pa zhes bya ba de mthong ste/ 'di na 'bras sa lu'i myu gu sa bon las 'gro ba med par mthong ngo/ /gal te 'gro ba yod par gyur na ni/ ri la sprul bzhin du snang bar 'gyur ba zhig na/ mi snang bas de'i phyir 'gro ba med do/ /de ltar 'jug pa 'dis kyang 'gag pa la sogs pa dag mi 'thad de brtag pa dang po'o// //'dir smras pa/ 'o na gzhan du na ji ltar skye ba med 'dir bshad pa/ bdag las ma yin gzhan las min/ /gnyis las ma yin rgyu med min/ /dngos po gang dag gang na yang/ /skye ba nam yang yod ma yin/ bdag las ma yin zhes bya ba ni/ bdag nyid las ma yin pa'o/ /gzhan las min zhes bya ba ni/ gzhan gyi bdag nyid las ma yin pa kho na'o/ /gnyis las ma yin zhes bya ba ni/ bdag dang gzhan las ma yin pa'o/ /rgyu med min zhes bya ba ni/ rgyu med pa las ma yin pa'o/ /dngos po zhes bya ba ni/ chos rnams te dngos po zhes bya ba'i sgra ni 'di mu stegs can thams cad dang thun mong ngo zhes bya bar sbyar ro/ /gang dag ces bya ba ni dngos po 'ga' yang ngo/ /gang na yang zhes bya ba ni/ dus gang na dang yul gang na yang ngo/ /skye ba zhes bya ba ni/ skyes pa dang/ byung ba dang/ mngon par grub pa'o/ /nam yang zhes bya ba'i sgra ni lan 'ga' yang zhes bya ba'i don to? yod ma yin zhes bya ba ni/ yod pa ma yin pa'o/ /gang gi phyir rim pa rnam pa bzhi po de dag gis kyang dngos po rnams skye bar mi 'thad pa de'i phyir 'gag pa med pa la sogs pa'i mi mthun pa'i phyogs su sel ba'i tshig rnams smos so/ 'dir smras pa/ khyod kyi rim pa rnam pa bzhi po gang dag gis dngos po rnams skye ba med par dpyad pa de rigs pa gang gis ji ltar mi 'thad par shes par 'gyur/ 'dir bshad pa/ dngos po rnams kyi rang bzhin ni/ /rkyen la sogs la yod ma yin/ /bdag gi dngos po yod min na/ /gzhan gyi dngos po yod

  66. 33b

    ma yin/ dngos po rnams kyi zhes bya ba ni chos rnams kyi'o/ /rang bzhin ni zhes bya ba ni/ rang gi dngos po ni rang bzhin te/ bdag nyid kyi dngos po zhes bya ba'i tha tshig go /rkyen la sogs la zhes bya ba ni rgyu la sogs pa dag la zhes bya ba'i tha tshig go/ sogs la zhes bya ba'i sgra smos pa ni/ gzhan mu stegs can dag gis rkyen bstan pa thams cad bsdus pa'i phyir ro/ /yod pa ma yin zhes bya ba ni rgyu bstan pa sngar btang ste/ yod pa ma yin no zhes dgag pa'i don to/ /bdag gi dngos po zhes bya ba ni bdag nyid kyi dngos po zhes bya ba'i tha tshig go /yod min na zhes bya ba ni yod pa ma yin na zhes bya ba'i don to/ /gzhan gyi dngos po zhes bya ba ni gzhan gyi ngo bo nyid ni gzhan gyi dngos po ste/ bdag nyid kyi dngos po ma yin pa zhes bya ba'i tha tshig go /yod pa ma yin zhes bya ba ni yod pa ma yin no zhes bya ba'i don to/ /gang gi phyir dngos po rnams kyi rang bzhin rkyen la sogs pa dag la yod pa ma yin pa de'i phyir dngos po rnams bdag las skye bar mi 'thad do/ /gang gi phyir bdag gi dngos po yod pa ma yin na/ gzhan gyi dngos po yod pa ma yin pa de'i phyir dngos po rnams gzhan las skye bar mi 'thad do/ /bdag gis dngos po dang gzhan gyi dngos po yod pa ma yin pas dngos po rnams gnyis la skye bar mi 'thad do/ /rgyu med pa ni tha chad kho na yin pas de las kyang dngos po rnams skye bar mi 'thad do/ /'dir chos mngon par shes par dag gis smras pa/ rkyen rnams bzhi ste rgyu dang ni/ /dmigs pa dang ni de ma thag /bdag po yang ni de bzhin te/ rkyen lnga pa ni yong ma yin/ rab tu byed pa rtsom pa dag gis rnam grangs de dang bdag gis bstan pa rkyen ji snyed gang dag brjod pa de dag thams cad ni rkyen bzhi po 'di dag nyid du 'dus pas rkyen lnga pa? yod pa ma yin no/ /rkyen bzhi po gang dag tu 'dus zhe na/ rgyu'i rkyen ni bskyed pa'i don gyis so/ /dmigs pa'i rkyen ni rten gyi don gyis/ /de ma thag pa'i rkyen ni bar du mchod pa'i don gyis so/ /bdag po'i rkyen ni dbang byed pa'i don gyis te/ rkyen bzhi po de dag gis

  67. 34a

    dngos po rnams kyi bya ba dang skye ba dang 'byung ba dang/ rgyu'i rnam grangs kyi sgra brjod do/ /'dir bshad pa/ bya ba rkyen dang ldan ma yin/ /rkyen dang mi ldan bya ba med/ /bya ba mi ldan rkyen ma yin/ /bya ba ldan yod 'on te na/ khyed kyi rkyen bzhi po dag gis dngos po rnams kyi bya ba brjod pa gang yin pa de rkyen dang ldan pa yin nam/ rkyen dang mi ldan pa yin grang na/ de yod pa 'am med pa gnyis ka la yang rkyen rnams dgos pa med pas yong pa ma yin no/ /rkyen rnams kyang bya ba dang ldan pa 'am bya ba dang mi ldan pa yin grang na/ de dag kyang yod pa 'am med pa gnyi ga la yang bya ba med de/ bya ba bzhin nam/ bsregs pa dang ma bsregs pa bzhin pas/ de la rkyen bzhi po dag gis dngos po rnams kyi bya ba brjod do/ /zhes gang smras pa de rigs pa ma yin no/ /gang gzhan yang 'di dag la brten skye bas na/ /de phyir 'di dag rkyen ces grag /'di dag la brten nas dngos po rnams skye bas na de'i phyir 'di dag rkyen du ston ces grag pas de la bshad par bya ste/ ji srid mi bskyed de srid du/ /'di dag rkyen min ji ltar min/ /ji srid du dngos po mi bskyed pa de srid du 'di dag rkyen ma yin par yang ji ltar mi 'gyur te/ zhig pa dang ma zhig pa bzhin no/ /yang gzhan yang/ med dam yod pa'i don la yang/ /rkyen ni rung ba ma yin te/ /rkyen dngos po med pa 'am/ yod pa'i yin grang na/ gnyi gar yang mi 'thad de/ ma skyes pa dang skyes pa bzhin no/ /ji ltar zhe na/ bshad pa/ med na gang gi rkyen du 'gyur/ /yod na rkyen gyis ci zhig bya/ /dmus long bzhin rnam thams cad mkhyen pa bzhin no/ /'dir smras pa/ rkyen rnams spyir dgag pa ni byas na/ da dag re re nas ji ltar dgag par bya/ 'dir bshad pa/ gang tshe chos ni yod pa dang/ /med dang yod med mi 'grub pa/ /ji ltar sgrub byed rgyu zhes bya/ /de lta yin na mi rigs so/ /'di la chos gang rgyus sgrub par gyur na de yod pa 'am/ med pa 'am/ yod med gcig sgrub par 'gyur grang

  68. 34b

    na/ de la gang gi tshe yod pa yang sgrub par mi byed/ med pa yang sgrub par mi byed/ yod med kyang sgrub par mi byed pa de'i tshe ji ltar sgrub par byed pa rgyu zhes bya ste/ /de lta yin na mi rig so/ /de ltar re zhig rgyu bkag zin to/ /dmig pa ji ltar dgag ce na/ bshad pa/ yod pa'i chos 'di dmigs pa ni/ /med pa kho nar nye bar bstan/ /de ltar chos 'di dmigs med na/ /dmigs pa yod par ga la 'gyur/ /bcom ldan 'das kyis shes rab kyi pha rol tu phyin pa las chos kyi phung po brgyad khri bzhi stong dag tu chos gang bstan pa de ni ro gcig dmigs pa med pa kho na yin no/ /zhes bka' stsal te/ de ltar chos dmigs pa med par bstan pa de la ci'i phyir dmigs pa yod par ston/ dmigs pa de ni mi 'thad de nam mkha' bzhin no/ /de ma thag pa ji ltar dgag ce na/ bshad pa/ chos rnams skyes pa ma yin na// 'gag pa 'thad par mi 'gyur ro/ /de phyir de ma thag mi rigs/ /'gags na rkyen kyang gang zhig yin/ /chos rnams skye bar ston pa na chos ma skyes pa rnams la 'gags pa 'thad par mi 'gyur ro/ /skyes pa rnams la 'thad par 'gyur bas gang gi phyir de lta yin pa de'i phyir de ma thag pa'i rkyen ces bya'o zhe na/ de ni rigs pa ma yin te/ 'gags na rkyen du bstan pa mi 'thad de med pa rkyen du bstan par bya ba de gang yin/ de ni de ma thag pa dgag pa'o/ /bdag po ji ltar dgag ce na/ bshad pa/ dngos po rang bzhin med rnams kyi/ /yong pa gang phyir yod min na/ 'di yod pas na 'di 'gyur zhes/ /bya ba de ni 'thad ma yin/ /dngos po rang bzhin med pa rnams kyi yod pa zhes bya ba gang gi phyir yod pa ma yin pa de'i phyir 'di yod pas 'di 'byung ngo zhes bya ba de 'thad pa ma yin te/ de ni bdag po dgag pa'o/ /de ltar rkyen de dag spyi dang so sor bkag pas/ rkyen rnams so so 'dus pa la/ /'bras bu de ni med pa nyid/ /rkyen rnams la ni gang med pa/ /de ni rkyen las ji ltar skye/ /rkyen rnams so so dang 'dus pa dag pa 'bras bu de med pa nyid yin na/ rkyen rnams so so dang 'dus pa dag la med pa gang yin pa de rkyen las

  69. 35a

    skye bar mi rigs so/ /ji ste de ni med par yang/ /rkyen de dag las skye 'gyur na/ /rkyen min las kyang 'bras bu ni/ /ci yi phyir na skye mi 'gyur/ /ci ste 'bras bu de med par yang rkyen rnams las skye bar sems na/ 'o na de med par 'dra ba rkyen ma yin pa dag las kyang ci'i phyir skye bar mi 'gyur/ 'di smras pa/ khyod kyis rkyen dang rkyen ma yin pa zhes brjod pa gang dag yin pa de dag ni yod do/ /'dir bshad pa/ 'bras bu rkyen las byung yin na/ /rkyen rnams rang las byung ma yin/ /rang byung yin las 'bras bu gang/ /de ni ji ltar rkyen las byung// de phyir rkyen pas byung ma yin/ /rkyen min las byung 'bras bu ni/ /yod min 'bras bu med pa na/ /rkyen min rkyen dug la 'gyur/ /khyod kyis rkyen dang rkyen ma yin bdag yod do zhes smras pa gang yin pa de la bshad par bya ste/ 'di na khyod kyis sngar 'bras bu rkyen las byung ba yin no/ /zhes bya ba de ltar bsams pa de la rigs pas rab tu brtags na/ rkyen rnams ni 'bras bu dang 'dra ba kho nar rang las byung ba ma yin no/ /rkyen rang las byung ba ma yin pa dag las 'bras bu gang byung ba de ji ltar rkyen las byung ba zhes bya bar rigs/ de lta bas na 'bras bu rkyen pas byung ba yang med la/ rkyen ma yin pa las byung ba yang med do/ /'bras bu med pas na rkyen ma yin pa dang/ rkyen dag kyang 'bras bu dang 'dra ba kho nar ngo bo nyid kyis yod pa ma yin te/ /smig rgyu bzhin no/ /slob dpon 'phags pa klu sgrub kyis mdzad pa dbu ma'i rtsa? ba'i 'grel pa ga las 'jig med las rkyen rtag pa zhes bya ba ste rab tu byed pa dang po'o// //'dir smras pa/ 'di la dus gsum gyi gnas skabs kyi bya ba dag snang ste/ dus gsum gyi gnas skabs tshang mar byas nas/ song ba dang ma song ba dang 'gom pa zhes bya ba la sogs pa de dag rgya cher bstan pas/ de'i phyir bya ba yod do/ /'dir bshad pa/ re zhig song la 'gro ba med/ /ma song bar 'ang? 'gro ba med/ /song dang ma song ma gtogs par/ /bgom pa shes par mi 'gyur ro/ /'di la re zhig song ba

  70. 35b

    la 'gro ba med de/ song zin pa'i phyir te/ bya ba dang bral ba la bya ba mi 'thad pa'i phyir ro/ /ma song ba la yang 'gro ba med de 'gro ba med pa'i phyir ro/ /bgom pa la yang 'gro ba med de song ba dang ma song ba dag ma gtogs par bgom pa med pa'i phyir te/ mar me dang snang ba bzhin no/ /'dir smras pa/ gang na g.yo ba de na 'gro /de yang gang gi bgom pa la/ /g.yo ba song min ma song min/ /de phyir bgom la 'gro ba yod/ /'di na gang na g.yo ba snang ba de na 'gro ba yod de/ de yang gang gi phyir bgom pa la snang gi g.yo ba song ba la mi snang/ ma song ba la yang mi snang ba de'i phyir/ bgom pa la yid 'gro ba yod do/ /'dir bshad pa/ bgom la 'gro ba yod par ni/ /ji lta bur na 'thad par 'gyur/ /gang tshe 'gro ba med pa yi/ /bgom pa 'thad pa med phyir ro/ /'di la bgom pa la 'gro ba yod pa mi 'thad de/ ci'i phyir zhe na/ 'di ltar 'gro ba med pa'i bgon pa nges par gzung ba mi 'thad pa'i phyir te/ mo gsham gyi bu bzhin no/ /yang gzhan yang/ gang gi bgom la 'gro yod pa/ /de yi bgom la 'gro med par/ /thal bar 'gyur te gang gi phyir/ /bgom pa khong du chud phyir ro/ /'di la gang gi phyogs la bgom pa la 'gro ba yod par 'dod pa de'i bsgom pa la 'gro ba med par thal bar 'gyur te/ ma bltos par 'grub par 'gyur ro zhes bya ba'i tha tshig go /ci'i phyir zhe na/ gang gi phyir bgom pa khong du chung pa'i phyir te/ tshig 'di la mngon par zhen pa'i phyir ro/ /de yang mi 'dod de/ de'i phyir bgom pa la 'gro ba yod do/ /zhes bya ba ni rigs pa ma yin te/ grum po bzhin no/ /yang gzhan yang/ bgom la 'gro ba yod na ni/ /'gro ba gnyis su thal 'gyur te/ /gang gis bgom pa de dang ni/ /de la 'gro ba gang yin pa'o/ /'di la bgom pa la 'gro ba yod par 'dod na/ 'gro ba gnyis su thal bar 'gyur te/ ji lta zhe na/ 'gro ba gang gis bgom pa zhes brjod pa de dang de la yang 'gro bar 'gyur ba gang yin pa'o/ /yang gzhan yang/ 'gro ba gnyis su thal gyur na/ /'gro ba po yang gnyis su 'gyur/ /gang phyir 'gro po

  71. 36a

    med par ni/ /'gro ba 'thad par mi 'gyur phyir/ /'di la 'gro ba gnyis su thal bar 'gyur na/ 'gro ba po yang gnyis su thal bar 'gyur te/ ci'i phyir zhe na/ gang gi phyir 'gro ba po med par 'gro ba 'thad par mi 'gyur ba'i phyir ro/ /'gro ba nyid dang 'gro ba po gnyis su thal bar 'gyur ba de ni mi 'dod de/ de'i phyir bgom pa la 'gro ba yod do zhes bya ba de rigs pa ma yin te/ mgo bcad pa bzhin no/ /'dir smras pa/ 'gro ba po med par 'gro ba 'thad par mi 'gyur ba de ni de bzhin te/ de'i phyir 'gro ba po dus gsum du nges par gnas pa la rten pa'i 'gro ba yod do/ /'dir bshad pa/ gal te 'gro po med gyur na/ /'gro ba 'thad par mi 'gyur te/ /'gro ba med na 'gro ba po/ /yod pa nyid du ga la 'gyur/ /gang gi tshe 'gro ba po med na/ 'gro ba mi 'thad pa de'i tshe/ de ji ltar 'gro ba med na/ 'gro ba po yod par 'gyur te/ de la 'gro ba po dus gsum du nges par gnas pa zhes gang smras pa de rigs pa ma yin no/ /yang gzhan yang/ re shig 'gro po mi 'gro ste/ /'gro ba pa min 'gro ba min/ /'gro po 'gro po min las gzhan/ /gsum pa gang zhig 'gro bar 'gyur/ /'di la 'gro ba po zhig 'gro bar 'gyur ram/ 'gro ba po ma yin pa zhig 'gro bar 'gyur ram/ de gnyis las gzhan pa gsum ba zhig 'gro bar 'gyur grar? na/ de la re zhig 'gro ba po ni mi 'gro ste/ 'gro ba yod pa'i phyir ro/ 'gro ba po ma yin pa yang mi 'gro ste/ 'gro ba med pa'i phyir ro/ de nyid las gzhan pa gsum pa yang mi 'gro ste/ med pa'i phyir ro/ /gang zhig yod na de 'gro ba po 'am/ 'gro ba ma yin pa zhig yin grang na/ de gnyi ga yang 'gro bar mi 'thad pas de'i phyir de ni rigs pa ma yin no/ /yang gzhan yang/ re zhig 'gro po 'gro po zhes/ /ji ltar 'thad pa nyid du 'gyur/ /'gro ba med na 'gro ba po/ /nam yang 'thad par mi 'gyur ro/ /'di la 'gro ba po 'gro'o zhes bya ba gang yin pa de la mngon par zhen pa de ni mi 'thad de/ ci'i phyir zhe na/

  72. 36b

    'gro ba med na 'gro ba po nam yang 'thad par mi 'gyur ba'i phyir ro/ yang gzhan yang/ gang gi phyogs la 'gro ba po/ /'gro ba de la 'gro med pa'i/ /'gro po yin par thal 'gyur te/ 'gro po 'gro pa 'dod phyir ro/ /'di la gang gi phyogs la 'gro ba po 'gro bar 'dod pa de la 'gro ba med pa'i 'gro ba po yin par thal bar 'gyur te/ ci'i phyir zhe na/ 'di ltar 'gro ba po 'gro bar 'dod pa'i phyir ro/ /yang gzhan yang/ gal te 'gro po 'gro gyur na/ /'gro ba gnyis su thal 'gyur te/ /gang gis 'gro por mngon pa dang/ /'gro por gyur nas gang 'gro ba'o/ /'gro ba po 'gro zhes bya ba'i phyogs 'di la/ 'gro ba gnyis su thal bar 'gyur te/ ji ltar zhe na/ 'gro ba gang gis 'gro ba por mngon pa dang/ 'gro ba po 'gyur nas 'gro ba gzhan gang gis dus phyis 'gro bar 'gyur ba'o/ /de ni mi 'dod pas de la 'gro ba po dus gsum du nges par gnas pa zhes smras pa de rigs pa ma yin te/ mo gsham gyi bu bzhin no/ /de'i phyir de ltar yongs su brtags na/ song la 'gro ba'i rtsom med de/ /ma song ba yang 'gro rtsom med/ /bgom pa rtsom pa yod min na/ /gang du 'gro ba rtsom par byed/ /yang gzhan yang/ 'gro brtsom pa'i snga ro? la na/ /gang du 'gro ba rtsom 'gyur ba/ /bgom pa med cing song ba med/ /ma song 'gro ba gang la yod/ /'gro rtsom rnam pa thams cad du/ /snang ba med pa nyid yin na/ /song ba ci zhig bgom pa ci/ /ma song ci zhes rnam par brtag /'gro ba rtsom pa'i snga rol na/ /gang du 'gro ba rtsom par 'gyur ba'i bgom pa med cing song ba yang med do/ /ma song bar 'gro ba rtsom par 'gyur ro/ /snyam na de yang mi rung ste/ ci'i phyir zhe na/ ma song ba nyid yod pa ma yin pa'i phyir/ ma song bar 'gro ba rtsom par 'gyur ba ga la yod/ de'i phyir 'gro ba'i rtsom pa rnam pa thams cad du snang ba med pa nyid yin na/ song ba dang 'gom pa dang/ ma song ba zhes bya ba gsum du rnam par brtag pa gang yin pa de dag ci'i phyir rnam par brtag pa bya ste/ sems brtag pa bzhin no/ /'dir smras pa/ 'gro ba po'i sdong? pa yod do/ /'dir

  73. 47a

    bshad pa/ re zhig 'gro po mi sdod de/ /'gro ba po min sdong pa min/ /'gro po 'gro po min las gzhan/ /gsum pa gang zhig sdong par 'gyur/ /'di la 'gro ba po zhig sdong par 'gyur ma/ 'gro ba po ma yin pa zhig sdong par 'gyur ram/ /de gnyis las gzhan pa gsum pa zhig sdod par 'gyur grang na/ de la re zhig 'gro ba po ni mi sdod de/ 'gro ba yod pa'i phyir ro/ /'gro ba po ma yin pa yang mi sdod de/ 'gro ba med pa'i phyir te/ 'gro ba'i mi mthun pa'i phyogs ni sdod pa yin pa'i phyir ro/ /de gnyis las gzhan pa gsum pa yang mi sdod de/ med pa'i phyir ro/ /gang zhig yod na de 'gro ba po 'am/ 'gro ba po ma yin pa zhig yin par 'gyur grang na/ gnyi ga ltar yang bkag pas de'i phyir 'gro ba po'i sdod pa yod do zhes bya ba de rigs pa ma yin te/ bye ma dag las 'bru mar bzhin no/ /yang gzhan yang re zhig 'gro ba sdod do zhes/ /ji ltar 'thad pa nyid du 'gyur/ /'gro ba med na 'gro ba po/ /nam yang 'thad par mi 'gyur ro/ /'gro ba po sdod do zhes bya ba gang yin pa de la mngon par zhen pa de mi 'thad de/ ci'i phyir zhe na/ 'gro ba med na 'gro ba po nam yang 'thad par mi 'gyur pa'i phyir te/ rdul phra rab dag yod do zhes bya ba bzhin no/ /yang gzhan yang/ bgom las sdod par mi 'gyur te/ song dang ma song las kyang min/ /da 'gro ba po de bgom pa las sdod par 'gyur ram/ song ba dang ma song ba las sdod par 'gyur grang na/ de gsum char las kyang sdod par mi 'gyur te/ ci'i phyir zhe na/ de gsum chang las kyang sdod par mi 'thad pa'i phyir ro/ /de la 'gro ba po'i sdod pa yod do zhes gang smras pa de rigs pa ma yin te/ mo gsham gyi bu 'chi ba bzhin no/ /da ni 'gro ba dang ni 'jug pa dang/ /ldog pa yang ni 'gro dang mtshungs/ /ji ltar 'gro ba rgya cher bsams pa de bzhin du 'jug pa dang ldog pa yang 'gro ba dang mtshungs par bsams par bya'o/ /da ni 'gro ba dang 'gro ba po dag de nyid dang gzhan nyid du yang mi srid de/ ji lta zhe na/ bshad pa/ 'gro ba de dang 'gro ba po/ /de nyid

  74. 47b

    ces kyang byar mi rung/ /'gro ba dang ni 'gro ba po/ /gzhan nyid ces kyang byar mi rung/ /'dir smras pa/ skyon cir 'gyur/ bshad pa/ gal te 'gro ba gang yin pa/ /de nyid 'gro po yin gyur na/ /byed pa po dang las nyid dang/ /gcig pa nyid du thal bar 'gyur/ /gal te 'gro dang 'gro ba po/ /gzhan pa nyid du rnam brtag pa/ /'gro po med pa'i 'gro ba dang/ /'gro ba med pa'i 'gro por 'gyur/ /gang dag dngos po gcig pa dang/ /dngos po gzhan pa nyid du ni/ /grub par gyur pa yod min pa/ /de gnyis grub pa ji ltar yod/ /pha dang bu bzhin no/ /yang gzhan yang/ 'gro ba mi srid pa de nyid kyi phyir? da 'gro ba po yang mi 'grub bo/ /ji lta zhe na/ bshad pa/ 'gro ba gang gis 'gro por mngon/ /'gro ba de ni de 'gro min/ /gang phyir 'gro pa'i snga rol med/ /gang zhig gang du 'gro bar 'gyur/ /'gro ba gang gis 'gro ba por mngon pa dang/ mtshon pa dang gzung bar byed pa 'gro? ba de ni 'gro ba po de 'gro ba byed pa ma yin te/ ci'i phyir zhen/ gang gi phyir 'gro ba de'i lnga rol na 'gro ba po med de dper na skyes pa dang/ bud med lta bu gang zhig grong ngam grong khyer lta bu gang du 'gro bar 'gyur ba med pa'i phyir ro/ /yang gzhan yang/ 'gro ba gang gis 'gro bar mngon/ /de bas gzhan pa de 'gro min gang phyir 'gro po gcig pu la/ 'gro ba gnyis su mi 'thad do/ /'gro ba gang gis 'gro ba po mthong ba dang/ mtshon pa dang gzung bar byed pa'i 'gro ba de las gzhan yang 'gro ba po de 'gro bar byed pa ma yin te/ ci'i phyir zhe na/ gang gi phyir 'gro ba po gcig pu la 'gro ba gnyis su mi 'thad pa'i phyir te/ sa bon gcig la myu gu gnyis pa bzhin no/ /yang gzhan yang/ 'gro po yin par gyur pa ni/ /'gro rnam gsum du 'gro mi byed/ /de ma yin par gyur pa yang/ /'gro rnam gsum du 'gro mi byed/ /yin dang ma yin gyur pa yang/ /'gro rnam gsum du 'gro mi byed/ /de'i phyir 'gro dang 'gro? po dang/ /bgrod par bya ba 'ang yod ma yin/ /smig rgyu bzhin no/ /yin par gyur pa zhes bya ba ni/ ma bltos par grub pa zhes bya ba'i tha tshig go /'gro ba zhes bya ba ni bgrod par bya ba zhes bya ba'i tha tshig go /rnam gsum du zhes bya ba ni song ba ?

  75. 48a

    song ba dang bgom pa zhes bya ba'i tha tshig go /'gro mi byed ces bya ba ni/ 'gro ba dgag pa'i tha tshig go /de ma yin par gyur pa yang zhes bya ba ni yod pa ma yin pa zhes bya ba'i tha tshig go /lhag ma ni sngar bstan pa bzhin no/ /yin pa dang ma yin par gyur pa yang zhes bya ba ni sngar bstan pa rnam pa gnyi ga 'dres pa'i dngos por bstan pa'o/ /lhag ma ni sngar bstan pa bzhin no/ /de'i phyir zhes bya ba ni mjug bsdu ba ste/ gang gi phyir de ltar yongs su brtags na de dag mi 'thad pa de'i phyir/ 'gro ba dang 'gro ba po dang bgrod pa gsum yang yod pa ma yin te/ mgal me'i 'khor lo bzhin no/ /slob dpon 'phags pa klu sgrub gyis mdzad pa dbu ma'i 'grel pa ga las 'jigs med las song ba dang ma song ba dang bgom pa brtag pa zhes bya ba ste/ rab tu byed pa gnyis pa'o// // 'dir smras pa/ lta dang nyan dang snom pa dang/ /myang bar byed dang reg byed yid/ /dbang po drug po de dag gi /spyod yul lta bar bya la sogs/ /lta ba dang nyan pa la sogs pa dbang po drug po de dag ni yod do/ /drug po de dag gi spyod yul ni lta bar bya ba la sogs pa dag nyid de/ mig gzugs la lta ba nas/ yid chos rnams shes par byed pa'i bar dag go /'dir bshad pa/ lta ba rang gi bdag nyid na/ /de ni de na mi lta nyid/ /gang zhig bdag la mi lta ba/ /de gzhan dag la ji ltar lta/ /lta ba rang gi bdag nyid med de/ ci'i phyir zhe na/ 'di ltar de ni de la mi lta pa nyid yin pa'i phyir ro/ /gang rang ki bdag nyid la mi lta ba de gzhan dag la ji ltar lta bar 'gyur te/ de'i phyir mig lta ba yin no/ /zhes bya ba de rigs pa ma yin te/ dmus long bzhin no/ /'dir smras pa/ mig ni rang gi bdag nyid la mi lta yang gzhan dag la lta ste/ dper na me bdag nyid sreg par byed pa ma yin yang gzhan dag sreg par byed pa bzhin no/ /'dir bshad pa/ lta ba rab tu sgrub pa'i phyir/ /me yi dpes ni nus ma yin/ /song dang ma song 'gom pa yis/ /de ni ltar bcas lan

  76. 48b

    btab po/ /lta ba rab tu bsgrub pa'i phyir me'i dpe byas pa gang yin pa de ni dus pa ma yin te/ mi nus pa dang mi chog go zhes bya ba'i tha tshig go /de ni ltar bcas lan btab po zhes bya ba ni me'i dpes de lta ba dang bcas pa la phyir klan ka bcol ba ste/ phyir bzlog go zhes bya ba'i tha tshig go /gal te ji ltar zhe na/ song ba dang ma song ba dang/ bgom pa dag gis te/ dper na song song ba dang/ sa song ba dang bgom pa dag la 'gro ba'i bya ba mi 'thad pa de bzhin du/ bsregs pa dang ma bsregs pa dang/ sreg pa dag la yang sreg pa'i bya ba mi 'thad la/ de bzhin du bltas pa dang/ ma bltas pa dang/ blta ba dag la yang lta ba'i bya ba mi 'thad do/ /yang gzhan yang/ gang tshe cung zad mi lta ba/ /lta bar byed pa ma yin no/ /lta bas lta bar byed ces byang/ /de ni ji ltar rigs par 'gyur/ /gang gi tshe cung zad kyang mi lta ba ni/ /lta bar byed pa ma yin no/ /lta bas lta byed ces byar yang/ /de ji ltar rigs par 'gyur te/ gnyi ga lta yang mi 'thad do/ /lta ba lta nyid ma yin te/ /lta ba min pa mi lta nyid/ /lta ba nyid kyis lta ba po/ /rnam par bshad par shes par bya/ /re zhig lta ba ci lta bar byed pa ma yin te/ ci'i phyir zhe na/ skyon sngar bstan pa dag tu thal bar 'gyur ba'i phyir te/ song pa dang ma song ba dang bgom pa bsam pa gang yin par 'gro ba po 'gro 'o zhes bya ba la skyon du thal ba gang dag tu thal bar gyur pa de dag nyid du thal bar 'gyur bas/ de'i phyir de ni rig pa ma yin no// lta ba ma yin pa yang lta bar byed pa ma yin pa nyid de/ ci'i phyir zhe na/ lta ba'i bya ba dang bral ba'i phyir ro/ /'di ltar gang la lta ba'i bya ba med pa de ji ltar lta bar 'gyur te/ rdul phra rab bzhin no/ /sgrub pa 'di nyid kyis lta ba po yang rnam par bshad pa shes par bya'o/ /yang gzhan yang/ ma spangs lta po yod mon te/ /lta ba spangs par gyur kyang ngo/ /lta po med na khyod kyi ni/ blta bya lta ba ga la yod/ /lta ba ma spangs sam/ lta ba spangs par gyur kyang lta ba po yod pa ma yin te/ lta ba dang bcas sam/ lta ba med kyang lta ba po yod pa ma yin no zhes bya ba'i tha

  77. 49a

    tshig go /lta ba po med na khyod kyi blta bar bya ba dang lta ba dang ga la yod/ da ni blta bya ba lta ba med pa'i phyir/ /rnam par shes la sogs pa bzhin/ /yod min nye bar len la sogs/ /ji lta bur na yod par 'gyur/ /blta bar bya ba dang/ lta ba dag med pa'i phyir/ rnam par shes pa dang reg pa dang/ tshor ba dang sred pa zhes bya ba bzhi po dag yod pa ma yin no/ /nye bar len pa la sogs pa srid pa yan lag lhag ma rnams kyang ji ltar yod pa nyid du 'gyur/ lta bas nyan dang snom pa dang/ /myang bar byed dang reg byed yid/ /nyan pa po dang mnyan la sogs/ /rnam par bshad par shes par bya/ /lta ba nyid kyis nyan pa dang/ /snom pa dang myang bar byed pa dang/ reg par byed pa dang/ yid dang nyan pa po dang mnyan par bya ba la sogs pa dag kyang rnam par bshad par shes par bya ste/ tsha chu 'thung ba bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ skye mched brtag pa zhes bya ba ste rab tu byed pa gsum pa'o// /'dir smras pa/ phun po lnga ni yod de/ gdags pa bstan pa'i phyir ro/ /'dir bshad pa/ gzugs kyi rgyu ni ma gtogs par/ /gzugs ni dmigs par mi 'gyur ro/ /gzugs zhes bya ba ma gtogs par/ /gzugs kyi rgyu yang mi snang ngo/ /gzugs kyi rgyu ma gtogs par yang gzugs dmigs par mi 'gyur ro/ /gzugs zhes bya ba ma gtogs par yang gzugs kyi rgyu mi snang ngo/ /tshor ba dang/ 'du shes dang/ 'du byed dang/ rnam par shes pa dag la yang bsgrub pa 'di nyid blta bar bya ste/ sa bon dang myu gu bzhin no/ /'dir smras pa/ gal te gzugs kyi rgyu ma gtogs par gzugs dmigs par gyur na/ skyon du thal ba ji zhig tu thal par 'gyur/ 'dir bshad pa/ gzugs kyi rgyu ni ma gtogs par/ /gzugs na gzugs ni rgyu med par/ /thal bar 'gyur te/ gzugs kyi rgyu ma gtogs par gzugs dmigs par gyur na/ gzugs rgyu med par thal bar 'gyur ro/ /de la 'di snyam du rgyu med par gyur na/ gyur

  78. 49b

    kyang sla bar sems na/ de la bshad par bya ste/ don gang yang/ rgyu med pa ni gang na'ang med/ don gang yang rgyu med pa ni gang na yang med de/ nam mkha' la sa bon dang myu gu bzhin no/ /'dir smras pa/ 'o na da gzugs zhes bya ba ma gtogs par gzugs kyi rgyu snang na/ skyon du thal pa ci zhig tu thal bar 'gyur/ 'dir bshad pa/ gal te gzugs ni ma gtogs par/ /gzugs kyi rgyu zhig yod na ni/ /'bras bu med pa'i rgyur 'gyur te/ /gal te gzugs ma gtogs par gzugs kyi rgyu zhig yod par gyur na/ de lta na 'bras bu med pa'i rgyur 'gyur ro/ de la 'bras bu med pa'i rgyu zhes bya ba de la mngon par zhen pas de ltar gyur cig ces na/ /de la bshad par bya ste/ 'bras bu med pa'i rgyu med do/ /'bras bu med pa'i rgyu ni cung zad med de/ pha dang bu bzhin no/ /yang gzhan yang/ gzugs yod na yang gzugs kyi ni/ /rgyu yang 'thad par mi 'gyur nyid/ /gzugs med na yang gzugs kyi ni/ /rgyu yang 'thad par mi 'gyur nyid/ gnyis ga ltar na yang gzugs kyi rgyu 'thad par mi 'gyur ba nyid de/ gzugs yod na yang gzugs kyi rgyu 'thad pa mi 'gyur ba nyid la/ gzugs med na yang gzugs kyi rgyu 'thad par mi 'gyur ba nyid de/ bsregs pa dang/ ma bsregs pa bzhin no/ /de la 'di snyam du gzugs ni rgyu med pa yin par sems na/ de la bshad par bya ste/ rgyu med pa yi gzugs dag ni/ /'thad par mi rung rung ma yin/ /rgyu med pa'i gzugs dag ni/ /rnam pa thams cad kyi thams cad du 'thad par mi rung ste/ rung ba ma yin no/ /gang gi phyir de lta yin pa/ /de phyir gzugs kyi rnam par rtog /'gal yang rnam par brtag mi bya/ /de phyir zhes bya ba ni mjug bsdu ba 'o/ /gzugs kyi zhes bya ba ni gzugs la gnas pa'i zhe bya ba'i tha tshig go/ gang gi phyir de ltar yongs su brtags pa rnam pa thams cad du gzugs mi 'thad pa de'i phyir/ gzugs la gnas pa'i rnam par rtog pa 'ga' yang rnam par brtag par mi bya ste/ nam mkha' bzhin no/ /yang gzhan yang/ 'bras bu rgyu dang 'dra ba zhes/ /bya ba 'thad pa ma

  79. 50a

    yin te/ /'bras bu rgyu dang mi 'dra zhes/ /bya ba'ang 'thad pa ma yin no/ /rig pas rnam par dpyad na/ da 'bras bu rgyu dang 'dra ba zhes bya ba de yang 'thad pa ma yin la/ 'bras bu rgyu dang mi 'dra zhes bya ba de yang 'thad pa ma yin te/ sa bon dang myu gu dang 'bras bu bzhin no/ /tshor dang 'du shes 'du byed dang/ /sems dang dngos po thams cad kyang/ /rnam pa dag ni thams cad du/ /gzugs nyid kyis ni rim pa mtshungs/ /tshor ba dang 'du shes dang 'du byed dang/ sems kyi phung po rnams dang/ dngos po thams cad kyang rnam pa thams cad du rgyu dang 'bras bu la 'jug pa mi 'thad pa'i rim pa/ gzugs mi 'thad pa'i rim pa bstan pa nyid kyis mtshungs par bsam par bya ste/ tsa na ga ka'i gser bzhin no/ /stong pa nyid kyis brtsa dbyas tshe/ /gang zhig lan 'debs smra byed pa/ / de ni thams cad lan btab min/ /bsgrub par bya dan mtshungs par 'gyur/ /gang du la lar stong pa nyid kyis brtsad par byas pa'i tshe/ gang zhig stong pa nyid ma yin pas lan 'debs shing smra bar byed pa de'i thams cad ni lan btab pa ma yin te/ de dag ni bsgrub par bya ba dang mtshungs par 'gyur bar shes par bya'o/ /stong pa nyid kyis bshad byas tshe/ /gang zhig skyon 'dogs smra byed pa/ /de yi thams cad skyon btags min/ /bsgrub par bya dang mtshungs par 'gyur/ /gang du la lar stong pa nyid kyis bshad par byas pa'i tshe/ gang zhig stong pa nyid ma yin pas skyon 'dogs shing smra bar byed pa de'i thams cad ni skyon btags pa ma yin te/ bsgrub par bya ba dang/ mtshungs par shes par bya'o/ /rab tu byed pa 'di'i tshigs su bcad pa tha ma de gnyis ni stong pa nyid dang ldan pa'i gtam thams cad la snying por gyur pa yin par blta bar bya ste/ dri za'i khrong khyer stong pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ phung po brtag pa zhes bya ba ste rab tu byed ba bzhi pa'o// //bam po gnyis pa/ /

  80. 50b

    'dir smras pa khams rnams ni yod de/ mtshan nyid rnam par bzhag pa bstan pa'i phyir ro/ /'dir bshad pa/ nam mkha' i mtshan nyid snga rol na/ /nam mkha' cung zad yod ma yin/ /'di ni nam mkha' mtshan nyid kyi snga rol na nam mkha' cung zad kyang yod pa ma yin no/ /de la 'di snyam du gal te yod par gyur na skyon cing 'gyur snyam du sems na/ de la bshad par bya ste/ gal te mtshan las sngar gyur na/ /mtshan nyid med par thal bar 'gyur/ /gal te nam mkha' i mtshan nyid kyi snga rol na nam mkha' yod par gyur na/ nam mkha' mtshan nyid med par thal bar 'gyur bas de yang rigs pa ma yin no/ /de la 'di snyam du mtshan nyid med kyang nam mkha' ni yod par sems na/ 'dir bshad pa/ mtshan nyid med pa'i dngos po ni/ /'ga' yang gang na yang yod ma yin/ /yongs su brtags na mtshan nyid med pa'i dngos po ni 'ga' yang gang na yang yod pa ma yin no/ /mtshan nyid med pa'i dngos med na/ /mtshan nyid gang du 'jug par 'gyur/ mtshan nyid med pa'i dngos po med na da mtshan nyid de gang du 'jug par 'gyur te/ bye ma la 'bru mar bzhin no/ /yang gzhan yang/ gnyi ga ltar yang mtshan nyid mi 'jug ste/ ji ltar zhen/ bshad pa/ mtshan nyid med la mtshan nyid ni/ /mi 'jug mtshan nyid bcas la min/ /mtshan bcas mtshan nyid med pa las/ /gzhan la'ang 'jug par mi 'gyur ro/ /re zhig mtshan nyid dang bcas pa'i don la ni mtshan nyid mi 'jug ste/ ci'i phyir zhe na/ gal te mtshan nyid dang bcaS? pa yin na de la mtshan nyid 'jug par bya ci dgos/ gal te mtshan nyid dang bcas pa la yang mtshan nyid 'jug par 'gyur na ni/ mtshan nyid gnyis thal bar 'gyur te/ mtshan nyid gang gis mtshon par gyur pa dang/ de la yan mtshan nyid 'jug par 'gyur ba gang yin pa'o/ /mtshan nyid med pa'i don la yang mtshan nyid mi 'jug ste/ don gang la mtshan nyid 'jug par 'gyur ba de gang yin/ ci'i phyir zhe na/ 'di la glang po che'i mtshan nyid ni mche ba can nyid dang/ sna gcig 'phyang ba nyid dang/ ma mchu? nya phyis kyi rnam pa 'dra ba nyid dang/ mgo bo klad pa gsum

  81. 41a

    kyis brgyan pa nyid dang/ rna ba zhib ma 'dra ba nyid dang/ gshul gzhu ltar sgur ba nyid dang/ gsus pa 'phyang ba nyid dang/ lto ba che ba nyid dang/ mjug ma phongs don 'dug pa nyid dang/ rka lag sbom zhing zlum pa bzhi dang ldan pa nyid dag yin na/ de dag ma gtogs par gang la glang po che'i mtshan nyid 'jug par 'gyur ba'i glang po che de da gang yin/ de bzhin du rta'i mtshan nyid kyang/ gdong ring pa nyid dang/ rna ba sgubs can mtho ba nyid dang/ rdog ma can nyid dang/ rkang lag rmig pa gcig pa bzhi dang ldan pa nyid dang/ rngam/ drung nas skye ba dang ldan pa nyid dag yin na/ de dag ma gtogs par gang la rta'i mtshan nyid 'jug par 'gyur ba'i rta de da gang yin te/ mtshan nyid dang bcas pa la yang mtshan nyid mi 'jug la/ mtshan nyid med pa la yang mtshan nyid mi 'jug na/ mtshan nyid dang bcas pa dang mtshan nyid med pa las gzhan pa gang la mtshan nyid 'jug par 'gyur ba rnam pa gsum pa ni med do/ /de ltar yongs su brtags na gnyi ga ltar yang mtshan nyid 'jug pa ma yin pas/ mtshan nyid 'jug pa ma yin na/ mtshan gzhi 'thad par mi 'gyur ro mtshan gzhi 'thad par ma yin na/ /mtshan nyid kyang ni yod ma yin/ /gang gi phyir yongs su brtag na/ gnyi ga ltar yang mtshan nyid 'jug pa ma yin pas mtshan nyid kyi gzhi 'thad par mi 'gyur ro/ /mtshan nyid kyi gzhi 'thad pa ma yin na/ mtshan nyid kyang yod pa ma yin no// de phyir mtshan gzhi yod min te/ /mtshan nyid yod pa nyid ma yin/ /mtshan gzhi mtshan nyid ma gtogs pa'i/ /dngos po yang ni yod ma yin/ /de phyir zhes bya ba ni mjug bsdu ba'o/ /gang gi phyir rigs pa sngon du btang ste yongs su brtags na/ rnam pa thams cad mtshan nyid kyi gzhi 'thad pa ma yin te/ mtshan nyid kyi gzhi 'thad pa ma yin na/ mtshan nyid kyang yod pa ma yin pa nyid do/ /de nyid ma gtogs pa'i dngos po yod pa ma yin te/ bum pa ngo bo nyid las bzhin no/ /'dir smras pa/ gal te dngos po med na/ 'o na da dngos po

  82. 41b

    med pa ni yod do/ /'dir bshad pa/ dngos po yod pa ma yin na/ /dngos med gang gi yin par gyur/ /'di la dngos po rab tu grub na ni/ dngos po med pa yang 'thad na/ rnam par dpyad na dngos po de ni med de/ de yod pa ma yin na/ dngos po med pa de gang gi yin par 'gyur te/ ri bong gi rwa bzhin no/ /'dir smras pa/ gang gis dngos po dang/ dngos po med pa de dag rnam par shes par byed cing rnam par rtogs par byed pa de yod do/ /'dir bshad pa/ dngos dang dngos med mi mthun chos/ /gang gis dngos dang dngos med shes/ /khyod dngos po dang dngos po med pa dag rnam par shes par byed pa gang yin pa de la mngon par zhen par byed pa ni/ dngos po dang dngos po med pa de dag gi mi mthun pa'i chos de 'di'o zhes gang gis bstan par nus/ de phyir nam mkha' dngos po min/ /dngos med ma yin mtshan gzhi min/ /mtshan nyid ma yin khams snga po/ /gzhan gang dag kyang nam mkha' mtshungs/ /de'i phyir yongs su brtags na/ nam mkha' ni dngos po yang ma yin dngos po med pa yang ma yin/ mtshan nyid kyi gzhi yang ma yin/ mtshan nyid kyang ma yin no/ /nam mkha' ji lta ba de ltar khams lnga po gzhan gang dag yin pa de dag kyang blta bar bya'o/ /blo chung gang dag dngos rnams la/ /yod pa nyid dang med nyid du/ /lta ba nges ni blta bya ba/ /nye bar zhi ba zhi mi mthong/ /blo chung du gang dag dngos po rnams la yod pa nyid dang med pa nyid du lta ba de dag gis ni blta bar bya ba mya ngan las/ 'das pa nye bar zhi zhing zhi ba mi mthong ste/ dmus long bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ khams brtag pa zhe bya ba ste/ rab tu byed pa lnga pa'o// //'dir smras pa/ chos thams cad ni yod de 'dod chags dang chags pa gdags pa'i phyir ro/ /'dir bshad pa/ gal te 'dod chags snga rol na/ /'dod chags med pa'i chags yod na/ /de la brten nas 'dod chags yod/ /chags yod 'dod chags yod par 'gyur/ /'di la gal te 'dod chags kyi

  83. 42a

    snga rol na/ /'dod chags med pa'i chags pa yod par gyur na ni/ de la brten nas 'dod chags kyang yod par 'gyur te/ 'di ltar chags pa yod na 'dod chags yod par 'gyur ba'i phyir ro/ /de la 'di snyam du/ chags pa yod na 'dod chags yod par sems na/ 'dir bshad pa/ chags pa yod par gyur na yang/ /'dod chags yod par ga la 'gyur/ /chags pa yod par gyur na yang/ /'dod chags yod pa nyid du ga la 'gyur/ /chags pa la yang 'dod chags ni/ /yod dam med kyang rim pa mtshungs/ /chags pa la yang 'dod chags yod dam med kyang rung ste/ de nyid dang rim pa mtshungs par bsam par bya ste/ /pha dang bu bzhin no/ /yang gzhan yang/ gal te chags pa'i snga rol na/ /chags med 'dod chags yod na ni/ /de la brten nas chags pa yod/ /'dod chags yod na chags yod 'gyur/ /'di la gal te chags pa'i snga rol na/ chags pa med pa'i 'dod chags yod par gyur na ni/ de la brten nas chags pa yang yod par 'gyur te/ 'di ltar 'dod chags yod na chags pa yod par 'gyur ba'i phyir ro/ /de la 'di snyam du 'dod chags yod na chags pa yod par sems na/ 'dir bshad pa/ 'dod chags yod par gyur na yang/ /chags pa yod par ga la 'gyur/ /'dod chags yod par gyur na yang/ /chags pa yod pa nyid du ga la 'gyur/ /'dod chags la yang chags pa ni/ /yod dam med kyang rim pa mtshungs/ /'dod chags la yang chags pa yod dam med kyang rung ste/ de nyid dang rim pa mtshungs par bsam par bya ste/ pha dang bu bzhin no/ /'dir smras pa/ 'dod chags dang chags pa dag rim gyis skye bar mi 'thad kyang de dag lhan cig nyi du skye ba ? yin no/ /'dir bshad pa/ 'dod chags dang ni chags pa dag /lhan cig nyid du skye mi rigs/ /'dod chags dang chags pa dag lhan cig nyid du skye bar mi 'thad do/ /de la 'di snyam du lhan cig nyid du skye na/ skyon cing 'gyur snyam du sems na/ de la bshad par bye ste/

  84. 42b

    'di ltar 'dod chags chags pa dag /phan tshun bltos pa med par 'gyur/ /lhan cig nyid du skye par gyur na/ 'di ltar 'dod chags dang chags pa dag phan tshun bltos pa med par 'gyur ro/ /de lta na de gnyis brtag pa nyid du thal bar 'gyur zhing rtag na skyon chen po kho nar 'gyur te/ pa lang gi rA bzhin no/ /yang gzhan yang/ 'dod chags dang chags pa de dag lhan cig nyid yin na/ gcig pa nyid dam tha dad pa nyid du 'gyur grang na/ gnyi ga ltar yang mi 'thad do/ /ji ltar zhe na/ bshad pa/ gcig nyid lhan cig nyid med de/ /de n yid de dang lhan cig min/ /ci ste tha dad nyid yin na/ /lhan cig nyid du ji ltar 'gyur/ /gcig pa nyid yin na/ lhan cig nyid mi 'thad de/ ci'i phyir zhe na/ de nyid de dang lhan cig nyid du mi 'thad pa'i phyir ro/ /ci ste tha dad pa nyid yin na yang lhan cig nyid du ji ltar 'gyur te ci'i phyir zhe na/ tha dad pa nyid yin pa'i phyir ro/ /yang gzhan yang/ gal te gcig pu lhan cig na/ /grogs med par yang der 'gyur ro/ /gal te tha dad gcig lhan cig na/ grogs med par yang der 'gyur ro/ /gal te gcig pa nyid la lhan cig nyid du rtog na/ grogs med par yang lhan cig nyid der 'gyur ro/ /gal te tha dad pa nyid la lhan cig nyid du rtog na yang grogs med par yang lhan cig nyid der 'gyur ro/ /gal te tha dad lhan cig na/ /'dod chags pa ci zhig yin/ /tha dad nyid du grub gyur na/ /des na de gnyis lhan cig 'gyur/ /gal te tha dad pa nyid la lhan cig nyid du rnam par rtog na/ 'dod chags dang chags pa dag la ji zhig grub pa yin te/ de dag tha dad pa nyid du rtag pa yin gyi/ lhan cig nyid du grub par mi 'gyur ro/ /de lta na tha dad pa nyid du grub par gyur na de gnyis lhan cig nyid du rtog pa yin par 'gyur ro/ /gal te 'dod chags ba dag/ tha dad nyid du grub gyur na/ /de dag lhan cig nyid du na/ /ci yi phyir na yongs su rtog/ /gal te 'dod chags dang chags pa dag/ tha dad pa nyid du grub par gyur na/ da de dag lhan cig nyid du ci'i

  85. 43a

    phyir yongs su rtog par byed/ tha dad grub par ma gyur pas/ de phyir lhan cig 'dong byed dam/ /lhan cig rab tu bsgrub pa'i phyir/ /tha dad nyid du yang 'dod dam/ /'dod chags dang chags pa dag tha dad pa nyid du grub par ma gyur pas de rab tu bsgrub pa'i phyir lhan cig nyid du 'dod par byed la/ lhan cig nyid du yang ma grub pas/ de rab tu bsgrub pa'i phyir tha dad pa nyid du yang 'dod par byed pa ni rigs pa ma yin no/ /tha dad dngos po ma grub pas/ /lhan cig dngos po 'grub mi 'gyur/ /tha dad dngos po gang zhig la/ /lhan cig dngos por 'dod par byed/ /'dod chags dang chags pa dag tha dad pa'i dngos por ma grub pas/ lhan cig gi dngos po 'grub par mi 'gyur te/ tha dad pa'i dngos po ma grub pa gang zhig la lhan cig gi dngos por 'dod par byed de/ de yang rigs pa ma yin no// de ltar 'dod chags chags pa dang/ lhan cig lhan cig min mi 'grub/ /'dod chags bzhin du chos rnams kun/ /lhan cig lhan cig min mi 'grub/ /de ltar yongs su brtags na/ 'dod chags ni chags pa dang lhan cig gam lhan cig ma yin par yang 'grub par mi 'thad la/ 'dod chags bzhin du chos thams cad kyang lhan cig gam lhan cig ma yin par 'grub par mi 'thad de/ mdud khyim bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'dod chags dang chags pa brtag pa zhes bya ba ste/ rab tu byed pa drug pa'o// //'dir smras pa/ skye ba dang gnas pa dang 'jig pa dag ni 'dus byas kyi mtshan nyid du bstan pas/ gang gi phyir de lta yin pa de'i phyir 'dus byas ni yod do/ /'dir bshad pa/ de ni yod pa ma yin pa nyid de/ ci'i phyir zhe na/ skye ba dang gnas pa dang 'jig pa dag ma grub pa'i phyir ro/ /skye ba dang gnas pa dang 'jig pa de dag 'dus byas 'dus ma byas zhig yin grang na/ de gnyi ga ltar yang de dag mi 'thad pa'i phyir mi 'grub po/ /'dir smras pa/

  86. 43b

    gal te de dag 'dus byas sam 'dus ma byas yin par gyur na/ des skyon ci zhig tu thal bar 'gyur/ 'dir smras pa/ gal te skye ba 'dus byas na/ /de la mtshan nyid gsum ldan 'gyur/ /ci ste skye ba 'dus ma byas/ /ji ltar 'dus byas mtshan nyid yin/ /gal te re zhig skye ba de 'dus byas yin na/ de la mtshan nyid gsum dang ldan par 'gyur te/ mtshan nyid gsum po de dag la yang mtshan nyid gsum po gzhan dag dang ldan par 'gyur bas thug pa med ba'i skyon du thal bar 'gyur ro/ /gnas pa dang 'jig pa dag la yang de bzhin no/ /ci ste skye bo de 'dus byas ma yin na ni/ ji ltar 'dus byas kyi mtshan nyid yin par 'gyur te/ skye ba dang gnas pa dang 'jig pa dag med par ji ltar skye ba yin par brtag par nus/ gzhan yang skye ba dang gnas pa dang 'jig pa dag med na skye ba 'dus byas ma yin pa'i phyir mya ngan laS 'das pa dang/ mtshungs pa'am mya ngan las 'das pa nyid yin par 'gyur te/ mya ngan las 'das pa ni 'dus byas kyi mtshan nyid ma yin no/ /gnas pa dang 'jig pa dag la yang de bzhin du brtag go /yang gzhan yang/ skye la sogs gsum so so yi/ /'dus byas mtshan nyid bya bar ni/ /nus min 'dus pa yin na yang/ /gcig la dus gcig ji ltar rung/ /skye ba dang gnas pa dang 'jig bde dag so so 'am 'dus pa zhig 'dus byas kyi mtshan nyid yin par 'gyur grang na/ gnyi ga ltar yang mi 'thad de/ ci'i phyir zhe na/ re zhig gal te so so yin par rtog na so sor 'dus byas? kyi mtshan nyid bu bya bar mi nus te/ 'dus byas kyi phyogs gcig ni mtshan nyid kyis mtshon la/ phyogs gcig ni mtshan nyid dang bral bar thal bar 'gyur bas de ni rig pa ma yin no/ /ci ste 'dus pa yin par rtog na yang/ phan tshun mi mthun pa de dag gcig la dus gcig tu tshogs par ji ltar rung ste/ de yang mi rigs pa nyid de/ me dang chu bzhin no/ /yang gzhan yang/ skye dang gnas dang 'jig rnams la/ /'dus byas mtshan nyid gzhan zhig ni/ /gal te yod na thug pa med/ /med na de dag

  87. 44a

    'dus byas min/ /ci ste skye ba dang gnas pa dang 'jig pa rnams la 'dus byas kyi mtshan nyid gzhan zhig yod par 'dod na ni/ thug pa med par thal bar 'gyur ro/ /ci ste med na ni de dag 'dus byas ma yin te/ 'dus byas ma yin na/ 'dus byas kyi mtshan nyid yin par mi rigs so/ /'dir smras pa/ khyod kyi skye ba dang gnas pa dang 'jig pa rnams la 'dus byas kyi mtshan nyid gzhan zhig yod na thug pa med par thal bar 'gyur ro/ /zhes gang bshad pa de la smra bar bya ste/ skye ba dang gnas pa dang 'jigs pa rnams 'dus byas kyang yin la/ thug pa med par yang thal bar mi 'gyur te/ ji ltar zhe na/ smras pa/ skye ba'i skye bas rtsa ba yi/ /skye ba 'ba' zhig skyed par byed/ /rtsa ba'i skye bas skye ba yi/ /skye pa 'ang skyed par byed pa yin/ /'di la chos gang yang rung ba zhig skye ba na de bdag nyid dang bco lnga skye ste/ rnam par shes pa'am tshor ba 'am 'du shes la sogs pa chos de dang/ chos de'i skye ba dang chos de dag gi gnas pa dang/ chos de'i 'jig pa dang/ chos de'i ldan pa dang/ chos de'i rga ba dang/ chos de'i rnam par grol ba 'am/ log pa'i rnam par grol pa dang/ chos de'i nges par 'byung ba nyid dam/ nges par 'byung ba ma yin pa nyid de/ re zhig skye ba dang/ gnas pa dang/ 'jig pa dang ldan pa dang/ rga ba dang/ rnam par grol ba dang/ nges par 'byung ba nyid ces bya ba de dag ni 'khor ces bya'o/ /'khor gyi nang nas 'dir chos gnyis po rnam par 'grol ba dang nges par 'byung ba nyid dag ni yang na log pa'i rnam par grol ba dang/ nges par 'byung ba ma yin pa nyid kyang yin te/ chos gang dag dkar po de dag gi ni rnam par grol ba yin la nag po de dag gi ni log ba'i rnam par grol ba yin no/ /chos gang dag nges par 'byung ba de dag gi ni nges par 'byung ba de dag nyid yin la/ chos dang dag nges par 'byung ba ma yin pa de dag ni nges par 'byung ba ma yin pa nyid yin no/ /da ni 'khor gyi 'khor rnams ni 'di lta ste/ skye ba'i skye ba dang

  88. 44b

    gnas pa'i gnas pa dang/ 'jig pa'i 'jig pa dang/ ldan pa'i ldan pa dang/ rga ba'i rga ba dang/ rnam par grol ba'i rnam par grol ba dang/ nges par 'byung ba nyid kyi nges par 'byung ba nyid dag ste/ 'khor gyi 'khor rnams las kyang 'dir chos gnyis po rnam par grol ba'i rnam par grol ba dang/ nges par 'byung ba nyid kyis nges par 'byung ba nyid dag kyang/ yang na log pa'i rnam par grol ba'i log pa'i rnam par grol ba dang/ nges par 'byung ba ma yin pa nyid kyi nges par 'byung ba ma yin pa nyid kyang yin te/ chos gang dag dkar po de dag gi ni rnam par grol pa'i rnam par grol ba yin la/ nag po de dag gi ni log pa'i rnam par grol ba'i rnam par grol ba yin no/ /chos gang dag nges par 'byung ba de dag gi ni nges par 'byung ba nyid kyi nges par 'byung ba nyid yin la/ gang dag nges par 'byung ba ma yin pa de dag gi ni nges par 'byung ba ma yin pa nyid kyi nges par 'byung ba ma yin pa nyid yin te/ de ltar sde tshan bco lnga'o/ /de la rtsa ba'i skye ba gang yin pa des ni bdag nyid ma gtogs pa'i chos bcu bzhi bo thams cad skyed par byed do/ /skye ba'i skye ba gang yin pa des ni rtsa ba'i skye ba de 'ba' zhig skyed par byed do/ /rtsa ba'i gnas pa gang yin pa des kyang gnas pa'i gnas pa gnas par byed la/ gnas pa'i gnas pas kyang rtsa ba'i gnas pa gnas par byed do/ /rtsa ba'i 'jig pas kyang 'jig pa'i 'jig pa 'jig par byed la/ 'jig pa'i 'jig pas kyang rtsa ba'i 'jig pa 'jig par byed do/ /ldan pa dang rga ba dang rnam par grol ba dang nges par 'byng ba nyid dag la yang de bzhin du blta bar bya ste/ de'i phyir skye ba dang gnas pa dang 'jig pa dag 'dus byas kyang yin la/ thug pa med pa'i skyon du yang thal bar mi 'gyur ro/ /gnas pa dang 'jig pa dag la yang de bzhin du blta bar bya ste/ sa bon dang myu gu bzhin no/ /'dir bshad pa/ gal te khyod kyi skye ba'i skyes/ /rtsa ba'i skye ba skyed byed na/ /khyod kyi rtsa bas ma bskyed des/ /de ni ji ltar skyed par byed/ /gal te khyod kyi skye ba'i skye bas rtsa ba'i skye ba skyed par byed na khyod

  89. 45a

    kyi rtsa ba'i skye bsam bskyed pa'i skye ba'i skye ba des rtsa ba'i skye ba de ji ltar skyed par byed de/ rang nyid ma skyed pa'i phyir ro/ /ci ste 'di snyam du rtsa ba'i skye bas bskyed pa kho na'i skye ba'i skye bas rtsa ba'i skye ba skyed par byed kyi ma bskyed pas mi byed par sems na/ de la bshad par bya ste/ gal te khyod kyi rtsa ba yis/ /bskyed pa de yis rtsa bskyed na/ /des ma bskyed pa'i rtsa ba des/ /de ni ji ltar skyed par byed/ /gal te khyod kyi rtsa ba'i skye bas bskyed pa'i skye ba'i skye ba nges rtsa ba'i skye ba de skyed par byed na/ skye ba'i skye ba des ma bskyed pa'i rtsa ba'i skye ba nges skye ba'i skye ba de ji ltar skyed par byed de/ rang nyid ma skyes pa'i phyir ro/ /de lta bas na brtag pa des kyang mi nus pas ngo bo nyid kyis grub pa med do/ /'dir smras pa/ rtsa ba'i skye ba nyid skye bzhin pas skye ba'i skye ba skyed par byed kyi ma skyes pas mi byed do/ /'dir bshad pa/ khyod kyi de ni skye bzhin pa ma skyes de yis gal te ni/ /de ni skyed bar byed nus na/ /de bskyed par ni 'dod la rag /khyod kyi rtsa ba'i skye ba de skye bzhin pa rang nyid ma skyes pa des gal te skye pa'i skye ba gzhan de skyed par byed nus na ni/ skye ba'i skye ba de bskyed par 'dod la rag na mi nus te/ de'i phyir khyed kyi rtsa ba'i skye ba de skye bzhin pa rang nyid ma skyes pa des skye ba'i skye ba gzhan de bskyed par mi nus so/ /yang na 'di ni brtag pa gzhan te/ khyod kyi skye ba'i skye ba de skye bzhin pa rang nyid ma bskyes pa des gal te rtsa ba'i skye ba gzhan te/ skyed par byed nus na ni rtsa ba'i skye ba de bskyed par 'dod na dag na mi nus te/ de'i phyir khyod kyi skye ba'i skye ba de skye bzhin pa rang nyid ma skyes pa des rtsa ba'i skye ba gzhan de bskyed par mi nus so/ /ci'i phyir skye bzhin pa rang nyid ma skyes zhe na/ skye bzhin pa'i yongs sum grub pa'i phyir ro/ /de la skye bzhin ba des de skyed par byed do zhes gang smras pa de mi rigs te/ zhig pa dang ma zhig pa bzhin no/ /'dir smras pa/ ji ltar mar me rang dang gzhan/ /snang bar byed pa de bzhin du/ /skye ba 'ang rang dang gzhan gyi dngos/ /gnyi ga skyed par byed pa yin/ /ji ltar mar me rang dang gzhan gyi dngos po

  90. 45b

    gnyi ga snang bar byed pa de bzhin du skye ba yang rang dang gzhan gyi dngos po gnyi ga skyed par byed pa yin no/ /'dir bshad pa/ mar me dang ni gang dag na/ /de 'dug pa na mun pa med/ /mar mes ci zhig snang bar byed/ /mun pa sel bas snang byed yin/ /'dir la mar me la yang mun pa med la/ gang dag na mar me de 'dug pa de dag na mun pa med de/ gang gi tshe mar me la yang mun pa med la/ gang dag na mar me de 'dug pa de dag na yang mun pa med pa de'i tshe/ da mar mes rang dang gzhan gyi dngos po ci zhig snang bar byed/ mun pa sel bas snang byed yin zhes bya na/ mun pa sel ba de yang gang gi phyir mar me rang dang gzhan gyi dngos po la mi byed pa de'i phyir mar mes rang gi dngos po yang snang bar byed pa ma yin la/ gzhan gyi dngos po yang snang bar byed pa ma yin te/ byi la dang byi ba bzhin no/ /'dir smras pa/ gang gi phyir mar me skye bzhin pa nyid kyis mun pa sel bar byed pa de'i phyir mar me dang gang dag na mar me de 'dug pa de dag na mun pa med do/ /'dir bshad pa/ ji ltar mar me skye bzhin pas/ /mun pa sel bar byed pa yin/ /gang tsho mar me skye bzhin pa/ /mun pa dang ni phrad pa med/ /ji ltar mar me skye bzhin pas mun pa sel bar byed pa yin te/ gang gi tshe mar me skye bzhin pa de'i tshe na/ mun pa dang phrad pa med pa'i phyir ro/ /yang gzhan yang/ mar me phrad pa med par yang/ /gal te mun pa sel byed na/ /'jig rten kun na gnas pa'i mun// 'di na 'dug ba des bsal 'gyur/ /ji ste yang 'di snyam du mar me dang phrad pa med par yang mun pa sel bar byed par sems na/ de la bshad par bya ste/ gal te mar me dang phrad pa med par yang/ mun pa sel bar byed na ni/ /'jig rten kun na gnas pa'i mun pa dag kyang mar me 'di la 'dug pa des bsal bar 'gyur te/ phrad pa med par 'dra na/ mar me skye bzhin pas 'di na 'dug pa'i mun pa ni sel la/ 'jig rten kun na gnas pa'i mun pa ni mi sel ba la khyad par ci yod/ de lta bas na mar me skye bzhin pa mun pa dang phrad pa med pas mun pa sel

  91. 46a

    bar mi byed do/ /yang gzhan yang/ mar me rang dang gzhan gyi dngos/ /gal te snang bar byed gyur na/ /mun pa'ang rang dang gzhan gyi dngos/ /sgrib par 'gyur bar the tsom med/ /gal te mar me rang dang gzhan gyi dngos po dag snang bar byed pa yin par sems na/ de ltar na mar me'i mi mthun pa'i phyogs su gyur pa mun pa yang rang dang gzhan gyi dngos po dag sgrib par 'gyur bar the tshom med do/ /mun pas rang gi dngos po bsgribs na ni/ /mun pa mi dmigs shing dngos po rnams rtag tu snang bar 'gyur bas de ni mi 'dod do/ /ci ste mar me'i mi mthun pa'i phyogs su gyur pa mun pa rang dang gzhan gyi dngos po sgrib par mi byed na ni/ 'o na grogs po mar me rang dang gzhan gyi dngos po gnyi ga snang bar byed do/ /zhes gang smras pa/ de mi rung ste/ de ltar ro zhig dpe bsal to/ /da ni don 'di la khyod kyi mar me'i dpes mtshon pa'i skye bas rang dang gzhan gyi dngos po dag skyed par byed do zhes bya ba de la bshad par bya ste/ skye ba 'di ni ma skyes pas/ /rang gi bdag nyid ji ltar bskyed/ /ji ltar skyes pas skyed byed na/ /skyes na ci zhig bskyed du yod/ /skye ba gang yin pa 'di rang gi bdag nyid skyed par byed na/ skyes pa'am ma skyes pa zhig skyes par byed grang na/ re zhig gal te ma skyes pas ni rang gi bdag nyid skyed pa mi byed de/ ma skyes pa ni med pa nyid yin pas med pa nges rang gi bdag nyid ji ltar skyed par byed/ ci ste skyes pas skyed par byed par sems na/ de yang mi rung ste/ gang gi tsho de skyes na/ skyes zin pa yin pas/ skyes zin pa de la yang ci zhig bskyed du yod de/ skyes zin pa la ni bskyed par bya ba med cing byas zin pa la yang bya ba med do/ /de ltar skye ba 'di skyes pas rang gi bdag nyid bskyed dam/ ma skyes pas skyed par byed grang na/ gnyi ga ltar yang skyed par mi byed ba de'i phyir skye bas rang gi bdag nyid skyed par mi byed pas de la skye bas rang gi dngos po skyed par byed do zhes gang smras pa de mi rigs so/ /gnas pa dang 'jig pa dag la yang de bzhin du brtag go/ yang gzhan yang/ skyes dang ma skyes skye bzhin pa/ ji lta bur

  92. 46b

    yang skyed mi byed/ /song dang ma song bgom pa yis/ /de dag rnam par bshad pa yin/ /skye bas gzhan skyed par byed na/ skyes pa dad ma skyes pa dang skye bzhin pa zhig skyed par byed grang na/ brtag pa rnam pa gsum char yang skyed par mi byed de/ ji ltar skyed par mi byed pa de ltar ni sems? pa dang ma song ba dang bgom pa dag gis de dag rnam par bshad zin to/ /de yang ji ltar zhe na/ bshad pa/ re zhig dngos po skyes pa ni skyed par mi byed de/ ci'i phyir zhe na/ thug pa med par thal bar 'gyur ba'i phyir dang/ byas pa la bya ba med pa'i phyir te/ dngos po gang skyes pa yang skyed par byed na/ lan gnyis skyes pa yang lan gsum bskyed dgos la lan gsum skyes pa yang lan bzhir bskyed dgos pa dang/ de bzhin du dang po skyes pa dang 'og tu skyes pa dag kyang de bzhin du 'gyur te/ de lta na skye ba mthar thug pa med par 'gyur ? de ni mi 'dod do/ /de'i phyir dngos po skyes pas skyed par mi byed do/ /gal te yang skyes pas skyed par byed na/ skye ba gang gis bskyed par bya bar brjod pa'i skye ba gzhan de ma skyes pa bskyed pa yin pas/ de la skyes pa skyed par byed do zhes dam bcas pa nyams te/ ci'i phyir zhe na/ de dang po skye ba'i snga rol na/ ma skyes pa yin la de nas skyed par yang byed na/ de'i phyir 'ga' zhig skyes la skyed par byed la/ 'ga' zhig ni ma skyes pa skyed par byed pas mi mthun pa nyid du 'gyur ba'i phyir te/ de ltar 'dod na ma nges pa nyid kyang yin la/ byas pa la bya ba med pa dang/ bsregs pa la bsregs par bya ba med pa dang/ song ba la bgrod par bya ba med pa dang/ mngon sum du byas pa la mngon sum du bya ba med pa dang/ skyes pa la skyed par bya ba med pas/ de'i phyir reg gi de ltar chos skyes pa 'ga' yang skyed par mi byed do/ /chos ma skyes yang skyed par mi byed do/ /ci'i phyir zhe na/ skye ba dang mi ldan pa'i phyir dang/ ma skyes pa thams cad kyang skye bar thal bar 'gyur pa'i phyir te/ 'di na ma skyes pa ni skye ba dang mi ldan la/ de yang dngos po skyed dang ldan pas skyed par byed dam/ 'on te dngos po skye ba dang mi ldan pas

  93. 47a

    skyed par byed grang na/ de lta na bya ba med par yang byed pa dang/ 'gro med par yang 'gro ba dang/ za ba med par yang za ba dang/ 'dod chags med par yang chags pa dang/ zhe sdang med par yang sdang ba dang/ gti mug med par yang rmongs par 'gyur te/ tha snyad rnams dang 'gal bas de yang mi 'dod de/ de'i phyir dngos po ma skyes pa yang skyed par mi byed do/ /gal te yang dngos po ma skyes pa skyed par byed na/ don gang dag ma skyes pa de dag thams cad kyang skye bar thal bar 'gyur te/ de la byis pa so so'i skye bo thams cad la byang chub ma skyes pa de yang skye bar thal ba dang/ dgra bcom pa mi g.yo ba'i chos can rnams la kun nas nyon mongs pa ma skyes pa de yang skye bar thal ba dang/ ri bong dang rta'i rwa la sogs pa ma skyes pa de yang skye bar thal bar 'gyur bas de yang mi 'dod de/ de'i phyir ma skyes pa yang skyed par mi byed de/ nyon mongs pa bsregs pa'i nyon mongs pa bskyed pa bzhin no/ /'dir smras pa/ ma skyes pa ni skyed par byed de de yang gang rgyu dang rkyen tshogs pa dang/ yul dang dus dang/ byed pa po dang thabs dang ldan par skyed par byed kyi ma skyes pa thams cad ni skyed par mi byed de/ gang rgyu dang rkyen tshogs pa dang yul dang dus dang byed pa po dang thabs dang bral ba skyed par mi byed pas/ de'i phyir ma skyes pa thams cad skye bar thal bar mi 'gyur ro/ /'dir bshad pa/ gang rgyu dang rkyen tshogs pa dang/ yul dang dus dang byed pa po dang thabs dang ldan pa skyed par byed do zhes bya ba de la yang yod par gyur pa yang skyed par mi byed/ med par gyur pa yang skyed par mi byed/ yod med du gyur pa yang skyed par mi byed de/ rnam pa de gsum char gyis bskyed pa mi 'thad par sngar rnam par bshad zin pas/ de'i phyir ma skyes pa yang skyed par mi byed do/ /de bzhin du dngos po skye bzhin pa yang skyed par mi byed de/ ci'i phyir zhe na/ skyes pa skyed par byed pa'i skyon tu thal bar 'gyur ba'i phyir dang/ ma skyes pa skyed par byed pa'i skyon du thal bar 'gyur pa'i phyir te/ skye bzhin pa skyes pa gang

  94. 47b

    yin pa yang gtan tshigs sngar smos pa dag gis skyed par mi byed la/ skye bzhin pa ma skyes pa gang yin pa yang gtan tshigs sngar smos pa dag gis skyed par mi byed do/ /gal te yang skye bzhin pa skye ba med cing/ 'on kyang skye bzhin pa skyed par yang byed na ni/ skye ba med pa'i skye bzhin pa ma mthong bas de'i phyir skye bzhin pa skyed par mi byed do/ /gang la skye bzhin pa skyed par byed pa de la skye ba gnyis su thal bar 'gyur te/ skye bzhin pa gang gang gi skye bzhin pa nyid du 'gyur ba dang/ skye bzhin pa skyed par byed pa gang yin pa'o/ /skye ba gnyis su mi rigs te/ dngos po skyes pa gnyis med pa'i phyir ro/ /de'i phyir skye bzhin pa yang skyed par mi byed do/ /skye ba rtsom pa'i snga rol na yang gang du skye brtsom par mi 'gyur ba'i skye bzhin pa med de/ skye ba rtsom pa med na skye bzhin pa yang med pa'i phyir skye bzhin pa skyed par mi byed do/ /de ltar skyes pa dang ma skyes pa dang skye bzhin pa skyed par mi byed pa'i phyir skye ba rab tu ma 'grub ste/ skye ba rab tu ma grub na/ gnas pa dang 'jig pa dag kyang rab tu mi 'grub po/ /skye ba dang gnas pa dang 'jig pa dag rab tu ma grub na/ 'dus byas kyang rab tu mi 'grub ste/ de ltar de dag ni song ba dang ma song ba dang bgom pag gis rnam par bshad par khong du chud par bya'o/ /'dir smras pa/ skye ba la brten nas skye bzhin bzhes brjod de/ bsam pa 'dis na skye bzhin bskyed par byed do/ /'dir bshad pa/ gang tshe skye ba yod pas ni/ /skye bzhin 'di 'byung med pa'i tshe/ /ji ltar skye la brten nas ni/ /skye bzhin zhes ni brjod par bya/ /gang gi tshe skye ba yod pas/ skye bzhin pa 'di 'byung ngo zhes ngo zhes bya ba med pa'i tshe/ ji ltar skye ba la brten nas skye bzhin pa zhes brjod par bya/ yang gzhan yang/ rten cing 'byung ba gang yin pa/ /de ni ngo bo nyid kyis zhi/ /de phyir skye bzhin nyid dang ni/ /skye ba yang ni zhi ba nyid/ /'di ltar rten nas 'byung ba gang yin pa de ni ngo bo nyid kyis zhi ba de'i phyir skye bzhin pa nyid dang skye ba yang zhi ba nyid do/ /'dir smras pa/ dus gsum rnam par bzhag pa las ma 'ongs

  95. 48a

    pa'i dngos po ma 'ongs pa'i bdag nyid kyis yod pas de skye bar 'gyur ro/ /'dir bshad pa/ gal te dngos po ma skyes pa/ /'ga' zhig gang na yod gyur na/ /de ni ci phyir der skye 'gyur/ /yod na skye bar mi 'gyur ro/ /gal te dngos po ma skyes pa 'ga' zhig ma 'ongs pa'i dus gang na yod par gyur na/ de ci'i phyir da ltar gyi dus der skye bar 'gyur te/ de de na yod na yod pa'i phyir da 'dir skye bar mi 'gyur ro/ /ci ste skye bar 'dod na/ de la bshad par bya ste/ dngos po de 'dir skye bar 'gyur na/ de lta na dngos po de ma 'ongs pa'i dus de na yod pa ma yin par 'gyur te/ de yang mi 'dod pas/ de'i phyir ma 'ongs pa'i dngos po yod pa de skye bar 'gyur ro zhes bya ba de mi rigs so/ /yang gzhan yang/ khyod kyis sngar skye bas skye bzhin ba skyed par byed do zhes gang smras pa de la bshad par bya ste/ gal te skye pa de yis ni/ /skye bzhin pa ni skyed byed na/ /skye ba de ni skyed byed pa/ /skye ba yang ni gang zhig yin/ /gal te skye ba de yis skye bzhin pa skyed par byed na/ 'o na da skye ba de skyed par byed pa'i skye ba yang gang zhig yin/ de la 'di snyam du skye ba gzhan zhig gis skye ba de skyed par sems na/ de la bshad par bya ste/ gal te skye ba gzhan zhig gis/ /de bskyed thug pa med par 'gyur/ /gal te skye ba gzhan zhig gis skye bzhin pa de skyed par byed pa'i skye ba de skyed par byed na/ de lta na thug pa med par thal bar 'gyur ro/ /ci ste 'di snyam du skye bzhin bskyed par byed pa'i skye ba de ni bskyed pa gzhan med pa kho nar skyes par sems na/ de la bshad par bya ste/ ci ste skye ba med skyes na/ /thams cad de bzhin skye bar 'gyur/ /ci ste skye bzhin pa bskyed pa'i skye ba de bskyed pa gzhan med par skyes par rtog na gzhan thams cad kyang de bzhin du skyed pa gzhan med par skye bar 'gyur par brtag par bya'o/ /yang gzhan yang/ re zhig yod dang med pa yang/ /skye bar rigs pa ma yin no/ /yod med nyid kyang ma yin te/ gong du bstan pa nyid yin no/ /'di la gal te dngos po 'ga' zhig skye bar gyur na/ de yod pa 'am med pa zhig skye bar 'gyur

  96. 48b

    grang na/ rigs pas yongs su brtag na/ yod pa ni skye bar rigs pa ma yin te/ skye bar brtag pa don med pa nyid yin pa'i phyir ro/ /med pa yang skye bar rigs pa ma yin te/ med pa nyid yin pa'i phyir ro/ /ci ste yod med gcig skye bar sems na/ de yang rigs pa ma yin te/ kho ? gong du re zhig yod dang med pa yang/ skye bar rigs pa ma yin no zhes bstan pa nyid yin no/ /yang na yod pa dang med pa dang yod med dag ji ltar skye ba'i rigs pa ma yin pa de ltar kho bos gong du/ gang tshe chos ni yod pa dang/ /med dang yod med mi sgrub pa/ /ji ltar sgrub byed rgyu zhes bya/ /de lta yin na mi rigs so/ /zhes bstan pa nyid yin no/ /yang gzhan yang/ dngos po 'gag bzhin nyid la ni/ /skye ba 'thad par mi 'gyur ro/ /'di la khyod kyis dngos po skye bzhin bskyed par byed do zhes smras pa'i dngos po skye bzhin pa gang yin pa de ni 'gag pa'i chos can yin pas 'gag bzhin pa nyid kyang yin te/ dngos po 'gag bzhin pa nyid de la ni skye ba 'thad par mi 'gyur te/ ci'i phyir zhe na/ de la phan tshun mi mthun pa'i bya ba gnyis su thal par 'gyur pa'i phyir te/ 'gag pa'i bya ba gang gis 'gag bzhin pa'i chos can du brtag ma dang de la yang skye ba'i bya ba yod pa gang yin pa ste/ gcig la dus gcig tu 'gag pa dang/ skye ba ston pa'i bya ba phan tshun mi mthun pa gnyis yod pa de ni mi 'dod pas/ de'i phyir 'gag bzhin pa'i chos can nyid la skye ba'i thad par mi 'gyur te/ snang ba dang mun pa bzhin no/ /'dir smas? pa/ 'o na dkar? 'gag bzhin pa'i chos can ma yin pa'i dngos po de skye bar 'gyur ro/ /'dir bshad pa/ /gang zhig 'gag bzhin ma yin pa/ /de ni dngos po mi 'thad do/ /gang zhig 'gag bzhin ma yin pa de ni 'gag yang dngos por mi 'thad do/ /yang gzhan yang de ni ? blangs kyang gnas pa mi 'thad de/ ji ltar zhen bshad pa/ dngos po gnas pa mi gnas te/ /dngos po mi gnas gnas ba min/ /gnas bzhin pa yang mi gnas te/ /ma skyes gang zhig gnas par byed/ /de zhig dngos po gnas

  97. 49a

    pa ni/ /gnas par mi byed de/ gnas pa yod pa'i phyir ro/ /mi gnas pa yang gnas par mi byed de/ gnas pa med pa'i phyir ro/ /de gnyis las gzhan pa gnas bzhin pa zhes bya ba gsum pa yang gnas par mi byed de/ med pa'i phyir ro/ /de ltar rnam pa thams cad du yongs su brtags na/ ma skyes pa gang zhig da gnas par byed/ yang gzhan yang/ dngos po 'gag bzhin nyid la ni/ /gnas pa 'thad par mi 'gyur ro/ /de la ni gnas pa mi 'thad de/ ci'i phyir zhe na/ de la gnas skabs phan tshun mi mthun pa gnyis su thal bar 'gyur ba'i phyir te/ gnas skabs gang gis 'gag bzhin pa zhes bya bar 'gyur ba dang/ de la yang gnas pa'i gnas skabs su brtag pa gang yin pa'o/ /gcig la dus gcig tu 'gag bzhin pa dang/ gnas pa ston par byed pa'i gnas skabs phan tshun mi mthun pa gnyis yod pa de ni mi 'dod pas/ de'i phyir 'gag bzhin pa'i chos can nyid gnas par byed do zhes bya ba de rigs pa ma yin no/ /'dir smras pa/ 'o na da dngos po gang 'gag bzhin pa'i chos can ma yin pa de gnas par byed do/ /'dir bshad pa/ gang zhig 'gag bzhin ma yin pa/ /de ni dngos por mi 'thad do/ /gang zhig 'gag bzhin ma yin pa de ni dga' yang dngos bo nyid du mi 'thad do/ /yang gzhan yang/ dngos po thams cad dus kun tu/ /rga dang 'chi ba'i chos yin na/ /gang dag rga dang 'chi med par/ /gnas pa'i dngos po gang zhig yin/ /dngos po thams cad dus kun tu rga ba dang 'chi ba'i chos yin na gang dag rga ba dang 'chi ba med par gnas ba'i dngos po de dag gang zhig yin par 'gyur/ yang gzhan yang/ gnas pa gnas pa gzhan dang ni/ /de nyid kyis kyang gnas mi rigs/ /ji ltar skye ba rang dang ni/ /gzhan gyis bskyed pa ma yin bzhin/ /ji ltar sngar yongs su brtags na skye ba rang dang gzhan gyis bskyed par mi rigs pa de bzhin du gnas pa yang gnas pa de nyid dang gzhan gyis gnas par mi rigs so/ /de ni 'gag pa yang mi 'thad de/ ji lta zhe na/ bshad pa/ 'gag pa 'gag par mi byed de//

  98. 49b

    ma 'gag pa yang 'gag mi byed/ /'gag bzhin pa yang de bzhin min/ /ma skyes gang zhig 'gag par byed/ /re zhig 'gag pa gang yin pa de ni yang 'gag par mi byed de 'gags zin pa'i phyir ro/ /ma 'gag pa gang yin pa de yang 'gag par mi byed de/ 'gag pa'i bya ba dang bral ba'i phyir ro/ /de gnyis las gzhan pa 'gag bzhin pa zhes bya ba gsum pa yang 'gag par mi byed de/ med pa'i phyir ro/ /de ltar rigs pas yongs su brtag na/ ma skyes pa gang zhig de 'gag par byed/ yang gzhan yang/ de zhig dngos po gnas pa la/ / 'gag pa 'thad par mi 'gyur ro/ /dngos po mi gnas pa la yang/ /'gag pa 'thad par mi 'gyur ro/ /re zhig dngos po gnas pa gang yin pa de la ni 'gag pa 'thad par mi 'gyur te/ ci'i phyir zhe na/ gnas pa yod pa'i phyir ram/ yang na gnas pa dang/ 'gag pa gnyis su thal bar 'gyur ba'i phyir ro/ /dngos po mi gnas pa gang yin pa de la yang 'gag pa 'thad par mi 'gyur te/ ci'i phyir zhe na/ gnas pa dang bral ba'i phyir dang/ med pa'i phyir ro/ /yang gzhan yang/ gnas skabs de yis gnas pa ni/ /de yis 'gag pa nyid mi 'gyur/ /gnas skabs gzhan gyis gnas pa yang/ /gzhan gyis 'gag pa nyid mi 'gyur/ /'di la dngos po gang la 'gag par brtag pa de ni gnas skabs de nyid dang gnas skabs gzhan gnyi gas kyang 'gag pa nyid du mi 'gyur te/ ci'i phyir zhen?/ 'o ma ni 'o ma'i gnas skabs kyis 'gag par mi 'gyur te/ ji srid du 'o ma yin pa de srid du 'gag pa nyid du mi 'gyur ba'i phyir dang/ 'o ma ma yin pa'i gnas skabs su yang 'gag par mi 'gyur te/ gang gi tshe 'o ma ma yin pa de'i tshe na gang yang 'gag bar mi 'gyur ba'i phyir ro/ /yang gzhan yang/ gang tshe chos rnams thams cad kyi/ /skye ba 'thad par mi 'gyur ba/ /de'i tshe chos rnams thams cad kyi/ /'gag pa 'thad par mi 'gyur ro/ /gang gi tshe rigs pas yongs su brtags na/ chos thams cad kyi skye ba 'thad par

  99. 50a

    mi 'gyur ba de'i tshe/ chos thams cad kyi 'gag pa yang 'thad par mi 'gyur ro/ /yang gzhan yang/ re zhig dngos po yod pa la/ /'gag pa 'thad par mi 'gyur ro/ /dngos dang dngos po med pa dag/ gcig nyid na ni 'thad pa med/ /'di la yang rigs bas yongs su ba rtags na/ re zhig dngos po yod pa la 'gag pa 'thad par mi 'gyur te/ ci'i phyir zhe na/ dngos po dang dngos po med pa dag gcig nyid na yod par mi 'thad pa'i phyir ro/ /yang gzhan yang/ dngos po med par gyur pa la'ang/ /'gag pa 'thad par mi 'gyur ro/ /mgo gnyis pa la ji ltar ni/ /gcad du med pa de bzhin no/ /dngos po med pa la yang 'gag pa 'thad par mi 'gyur te/ ci'i phyir zhe na/ med ba'i phyir te/ ji ltar mgo gnyis pa la bcad du med pa de bzhin no/ /yang gzhan yang/ 'gag pa 'gag pa gzhan dang ni/ /de nyid kyis kyang 'gag mi rigs/ /ji ltar skye ba rang dang ni/ /gzhan gyis bskyed pa ma yin bzhin/ /ji ltar sngar yongs su brtags na skye ba rang dang gzhan gyis bskyed bar mi rigs pa de bzhin du 'gag pa yang 'gag pa de nyid dang gzhan gyis 'gag par mi rigs so/ /skye dang gnas dang 'jig pa dag /ma grub phyir na 'dus byas med/ /'dus byas rab tu ma grub pas/ /'dus ma byas ni ji ltar 'grub/ /de ltar skye ba dang gnas pa dang 'jig pa de dag ma grub pa'i phyir 'dus byas med do/ /'dus byas rab tu ma grub pas/ /'dus ma byas ji ltar 'grub par 'dod/ /'dir smras pa gal te skye ba dang/ gnas pa dang/ 'jig pa 'ga' yang med na ji ltar gsungs/ 'dir bshad pa/ rmi lam ji bzhin sgyu ma bzhin/ /dri za'i grong khyer ji bzhin du/ /de bzhin skye dang de bzhin gnas/ /de bzhin du ni 'jig pa gsungs/ /de ltar skye ba dang gnas pa dang 'jig pa de dag ni rmi lam dang sgyu ma dang dri za'i grong khyer dang 'dra bar kun rdzob tsam du snang bar zad ces/ gsungs par shes par bya'o/ /slob dpon 'phags pa klu sgrub kyis mdzad pa

  100. 50b

    dbu ma'i rtsa ba'i 'grel pa ga las 'jigs med las/ skye ba dang gnas pa dang 'jig pa brtag pa zhes bya ba ste rab tu byed pa bdun pa'o// //bam po gsum pa'o/ /'dir smras pa/ byed pa po dang las dag ni bstan bcos dang 'jig rten dang rig byed las grags pa'i phyir rab tu grub ste/ de dag rab tu grub na las dang 'bras bu brgyud pa yang yod pas de'i phyir byed pa po dang las dag yod do/ /'dir bshad pa/ byed pa yin par gyur pa de/ /las su gyur pa mi byed do/ /byed po ma yin gyur pa yang// las sum gyur mi byed do/ /re zhig byed pa po yin par gyur pa de ni las yin par gyur pa mi byed do/ /byed pa po ma yin par gyur pa yang las ma yin par gyur pa mi byed do/ /ci'i phyir zhe na/ yin par gyur la bya ba med/ /las kyang byed po med par 'gyur// yin par gyur la bya ba med/ /byed pa po yang las med 'gyur/ /las yin par gyur pa la bya ba med pa dang/ yang gzhan yang/ las kyang byed pa po med par rab tu 'grub par 'gyur bas de ni mi 'dod do/ /de'i phyir byed pa po yin par gyur pa las yin par gyur pa byed do/ /zhes bya ba de rigs pa ma yin no/ /da ni byed pa po yin par gyur pa yang las ma yin par gyur pa mi byed de/ ci'i phyir zhe na/ gal te byed bor ma gyur pa/ /las su ma gyur byed na ni/ /las la rgyu ni med par 'gyur/ /byed pa po yang rgyu med 'gyur/ /gal te byed pa po ma yin par gyur pa las ma yin par gyur pa byed na/ de lta na las la rgyu med par 'gyur ba dang/ byed pa po yang rgyu med par 'gyur ro/ /'dir smras pa/ gal te las dang byed pa po dag rgyu med par gyur na/ des cir 'gyur/ 'dir bshad pa/ rgyu med na ni 'bras bta? dang/ /rgyu yang 'thad par mi 'gyur ro/ /de med na ni bya ba dang/ /byed pa po dang byed mi rigs/ /bya ba la sogs mi rigs na/ /chos dang chos min yod ma yin/ /chos dang chos min med na ni/ /de las byung ba'i 'bras bu med/ /'bras bu med na thar pa dang//

  101. 51a

    mtho ris 'gyur ba'i lam mi 'thad/ /bya ba dag ni thams cad kyang/ /don med nyid du thal bar 'gyur/ /rgyu med pa nyid yin na 'bras bu dang rgyu dag med par thal bar 'gyur ro/ /de dag med na bya ba dang byed pa po dang byed pa dag med do/ /bya ba dang byed pa po dang byed pa dag med na chos dang chos ma yin pa dag kyang med do/ /chos dang chos ma yin pa dag med na de las byung ba'i 'bras bu yang med do/ /'bras bu med na thar pa dang mtho ris su 'gyur ba'i lam yang mi 'thad do/ /yang gzhan yang/ bya ba thams cad kyang don med pa nyid du thal bar 'gyur te/ de ltar rgyu med pa nyid yin na/ skyon de dag tu thal bar 'gyur bas de'i phyir de ni rigs pa ma yin no/ /'dir smras pa/ byed pa po yin pa dang ma yin par gyur pa bya ba dang ldan pa dang mi ldan pa las yin pa dang ma yin par gyur ba bya ba dang ldan pa dang mi ldan pa byed do/ /'dir bshad pa/ byed pa por gyur ma gyur pa/ /gyur ma gyur de mi byed do/ /yin dang ma yin gyur pa ni/ /phan tshun 'gal bas ga la gcig/ byed pa po yin pa dang ma yin par gyur pa las yin pa dang ma yin par gyur ba de mi byed de/ ci'i phyir zhe na/ yin pa dang ma yin par gyur pa ni phan tshun 'gal ba yin pas gcig na yod par ga la 'gyur bas de'i phyir/ des de mi byed do/ /yang gzhan yang/ byed pa po dang las dag ni/ /gyur ba ma gyur mi byed de/ /ma gyur pa yang gyur mi byed/ /'dir yang skyon der thal bar 'gyur/ /byed pa po yin par gyur pa las ma yin par gyur pa mi byed do/ /byed pa po ma yin par gyur pa las yin par gyur par mi byed do/ /ci'i phyir zhe na/ 'dir yang skyon sngar bstan pa der thal bar 'gyur ba'i phyir ro/ /yang gzhan yang/ byed pa po dang las dag ni/ /gyur dang bcas pa ma gyur dang/ /gyur ma gyur pa mi byed de/ /gtan tshigs gong du bstan phyir ro/ /byed pa po yin par gyur pa las ma yin par gyur pa dang yin pa dang ma yin par gyur ba mi byed de/ ci'i phyir zhe na/ gtan tshigs gong du bstan pa dag gis 'dir yang skyon der thal bar 'gyur ba'i phyir?/ yang gzhan

  102. 51b

    yang/ byed pa po dang las dag ni/ /ma gyur pa ni gyur bcas dang/ /gyur ma gyur pa mi byed de/ /gtan tshigs gong du bstan phyir ro/ /byed pa po ma yin par gyur ba las yin par gyur pa dang/ yin pa dang ma yin par gyur pa mi byed de/ ci'i phyir zhe na/ gtan tshigs gong du bstan pa dag gis 'dir yang skyon der thal bar 'gyur ba'i phyir ro/ /yang gzhan yang/ byed pa por gyur ma gyur ni/ /las su gyur dang ma gyur pa/ /mi byed 'dir yang gtan tshigs ni/ /gong du bstan pas shes par bya/ /byed pa po yin pa dang ma yin par gyur pa las yin pa dang ma yin par gyur pa mi byed de/ ci'i phyir zhe na/ 'dir yang gtan tshigs gong du bstan pa dag gis skyon der thal bar 'gyur ba'i phyir ro/ /de'i phyir de ltar rnam pa de dag thams cad kyis byed pa po dang las dag rab tu 'grub par mi 'thad do/ /de ltar na/ byed po las la brten byas shing/ /las kyang byed po de nyid la/ /brten nas 'byung ba ma gtogs par/ /'grub pa'i rgyu ni ma mthong ngo/ /byed pa po ni las la brten nas 'byung zhing las kyang byed pa po de nyid la brten nas 'byung ste/ brten pa de ma gtogs par 'grub pa'i rgyu gzhan ni ma mthong ngo de bzhin nyer lan shes par bya/ /las dang byed po bsal phyir ro/ /byed pa po dang las dag gis/ /dngos po lhag ma shes par bya/ /ji ltar sgrub pa sngar bstan pa des byed pa po dang/ las dag brten nas 'byung ba ma gtogs par 'grub pa mi 'bad pa de bzhin du byed pa po dang las dag bsal ba'i sgrub pa de nyid kyis nye bar len pa po dang nye bar blang ba dag kyang shes par bya'o/ /byed pa po dang las dag gis nye bar len pa po dang nye bar blang ba dag bsal bar shes par bya ba 'ba' zhig tu yang ma zad de/ dngos po lhag ma rnams kyang bsal bar shes par bya'o/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ byed pa po dang las brtag pa zhes bya ba ste/ rab tu byed pa brgyad pa'o// /'dir smras pa/ lta dang nyan la sogs

  103. 52a

    pa dang/ /tshor sogs dang yang dbang byas pa/ /gang gi yin pa de dag gi /snga rol de yod kha cig smra/ /lta ba dang nyan pa la sogs pa dbang po rnams dang/ tshor ba la sogs pa dang/ yang chos gang dag gi dbang du byas pa dag dngos po gang gi yin pa de dag gi snga rol na dngos po ngos par gnas pa de yod do zhes slob dpon kha cig smra'o/ /dngos po yod pa ma yin na/ /lta la sogs ba ji ltar 'gyur/ /de phyir de dag snga rol na/ /dngos po gnas pa de yod do/ /gang gi phyir dngos po yod pa ma yin na lta ba la sogs pa dag ji ltar yod par 'gyur te/ de'i phyir lta ba dang nyan pa la sogs pa dang/ tshor ba la sogs pa dang/ yang chos gang dag gi dbang du byas pa de dag gi snga rol na/ dngos po nges par gnas pa de yod do/ /'dir bshad pa/ lta dang nyan la sogs pa dang/ /tshor ba la sogs nyid kyis ni/ /snga rol dngos po gang gnas pa/ /de ni gang gis gdags par bya/ /lta dang nyan pa la sogs pa dbang po rnams dang/ tshor ba la sogs pa chos rnams kyi snga rol na/ dngos po gang nges par gnas pa de yod do zhes gang gis gdags par bya/ 'dir smras pa/ de ni lta ba dang nyan pa la sogs pa dbang po rnams dang/ tshor ba la sogs pa chos rnams med par yang nges par gnas pa yin no/ /'dir bshad pa/ lta la sogs pa med par yang/ /gal te de ni gnas gyur na/ /de med par yang de dag ni/ yod par 'gyur bar the tshom med/ /lta ba dang nyan pa la sogs pa dbang po rnams dang/ tshor ba la sogs pa chos rnams med par yang gal te/ dngos po de nges par gnas par yod par gyur na/ dngos po de med par yang lta ba dang nyan pa la sogs pa dbang po rnams dang/ tshor ba la sogs pa chos de dag yod par 'gyur bar the tshom med do/ /'di smras pa/ lta ba dang nyan pa la sogs pa dag gi snga rol na/ gang nges par gnas pa'i dngos po de phan tshun gsal bar byed pa med par yod do/ /'dir bshad pa/ ci yis gang zhig gsal bar byed/ /gang gis ji zhig gsal bar byed/ /ci med gang zhig ga la

  104. 52b

    yod/ /gang med ci zhig ga la yod/ /lta ba la sogs pa ci yis dngos po gang zhig gsal bar byed la/ dngos po gang gis kyang lta ba la sogs pa ji bzhig gsal bar byed pa yin te/ gsal ba par byed ces bya ba ni/ mtshon par byed pa dang/ gzung bar byed ces bya ba'i tha tshig go/ 'o nang lta ba la sogs pa ci zhig po dag med na/ dngos po gang zhig po ga la yod la/ /dngos po gang zhig po med na yang lta ba la sogs pa ci zhig po dag ga la yod/ 'dir smras pa/ lta la sogs pa thams cad kyis/ /snga rol gang zhig yod pa min/ /lta la sogs pa gzhan dag gis/ /gzhan gyi tshen gsal bar byed/ /lta ba la sogs pa ci zhig po thams cad kyi snga rol na/ dngos po gang zhig po yod do zhes ni mi smra'i/ 'di ltar lta la sogs pa ci zhig po/ /de dag re re'i snga rol na yod pas de'i phyir de ni lta ba la sogs pa gzhan dang gzhan dag gis dus gzhan gyi tshe na/ lta ba po dang nyan pa po dang tshor ba po zhes gsal bar byed pas/ de ni lta ba la sogs pa dag gi snga rol na med pa yang ma yin la/ gsal bar byed pa med pa yang ma yin no/ /'dir bshad pa/ lta la sogs pa thams cad kyis snga rol gal te yod min na/ /lta la sogs pa re re yi/ /snga rol de ni ji ltar yod/ /lta ba la sogs pa thams cad kyi snga rol na/ gal te de yod pa ma yin na/ lta ba la sogs pa re re'i snga rol na yang de ji ltar yod/ yang gzhan yang/ gal te re re'i snga rol na/ /lta po de nyid nyan po de/ /tshor ba po yang de nyid 'gyur/ /de ni de ltar mi rigs so/ /gal te de lta ba la sogs pa re re'i snga rol na/ oyod par 'gyur na/ de lta na lta ba po yang de nyid yin la nyan pa po yang de nyid yin tshor ba po yang de nyid yin par 'gyur te/ de de ltar na mi rigs so// 'dir smras pa/ lta ba po yang gzhan nyid yin la nyan pa po yang gzhan nyid yin tshor ba po yang gzhan nyid yin no/ /'dir bshad pa/ gal te lta bo gzhan nyid la/ /nyan pa po gzhan tshor gzhan na/ /lta bo'i tshe na nyan po yod/ /bdag kyang mang po nyid du 'gyur/ /gal te lta ba

  105. 53a

    po yang gzhan nyid yin la nyan pa po yang gzhan nyid yin tshor ba po yang gzhan nyid yin par gyur na/ de lta na lta ba po'i tshe na nyan pa po dang snom pa po dang myang ba po dang reg pa po dang/ sems pa po dag kyang yod par 'gyur ro/ /yang gzhan yang/ bdag kyang mang po nyid du thal bar 'gyur te/ de ni mi 'dod pas de'i phyir de ni rigs pa ma yin no/ /'dir smras pa/ lta ba la sogs skye mched rnams gzugs gang las gyur pa'i 'byung ba chen po bzhi po dag la dngos po nges par gnas pa de yod pas des na lta ba la sogs pa dag gi snga ro lan dngos po gnas pa yod do zhes bya ba de 'thad do/ /'dir smras pa/ lta dang nyan la sogs pa dang/ /tshor ba dag la sogs pa yang/ /gang las 'gyur ba'i 'byung de la'ang/ /de ni yod pa ma yin no/ /khyod lta ba dang nyan pa la sogs pa dbang po rnams kyi snga rol na dngos po nges par gnas pa de yod par mngon par zhen par byed pa de ni lta ba dang nyan pa la sogs pa dang/ tshor ba la sogs pa dag rim gyis gang dag las 'gyur ba'i 'byung ba de dag la yang yod pa ma yin te/ lus 'di 'ba' zhig la yod pa ma yin par ma zad do/ /'dir smras pa/ lta ba dang nyan pa la sogs pa'i dbang po ci zhig pa dag gang gi yin pa'i dngos po gang zhig po de yang yod la dngos po gang zhig po de yod na/ lta ba dang nyan pa la sogs pa dbang po ji zhig po dag kyang yod do/ /'dir bshad pa/ lta dang nyan la sogs pa dang/ /tshor ba dag la sogs pa yang/ /gang gi yin pa gal te med/ /de dag kyang ni yod ma yin/ /lta ba dang nyan pa la sogs pa dbang po rnams dang/ tshor ba la sogs pa ci zhig po dag gang gi yin pa'i dngos po gang zhig po de gal te med na/ lta ba la sogs pa ci zhig po de dag kyang yod pa ma yin no/ /'dir smras pa/ ci khyod kyi dngos po gang zhig po med pa de shin tu nges pa yin nam/ 'dir bshad pa/ gang zhig lta la sogs pa yi/ /lnga rol da lta phyin med/ /de la yod do med do zhes/ /rtog pa dag ni ldog par 'gyur/ /de ltar rigs pas

  106. 53b

    yongs su brtags na dngos po gang zhig po lta ba la sogs pa ci zhig po dag gi sngon dang da ltar dang phyi ma'i dus rnam pa thams cad du btsal na/ de 'di'o zhes rang las rab tu grub pa med pa de la lta ba la sogs pa dag gis yod do med do zhes gdags pa'i rtog pa dag ldog par 'gyur ro/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ nye bar len pa po dang nye bar bslang ba brtag pa zhes bya ba ste rab tu byed pa dgu pa'o// //'dir smras pa/ me dang bud shing gi dpe nye bar sbyar bas me bzhin du nye bar len pa po bdag yod la/ bud shing bzhin du nye bar bslang ba phung po lnga yang yod do/ /'dir bshad pa/ de dag ni yod pa ma yin te/ ci'i phyir zhe na/ me dang bud shing dag ma grub pa'i phyir te/ 'di la me dang bud shing dag gcig pa nyid dam gzhan nyid du rab tu 'grub par 'gyur grang na/ gnyi ga ltar yang rab tu mi 'grub po/ /gal te ji ltar zhe na/ bshad pa/ gal te shing de me yin na/ byed pa po dang las gcig 'gyur/ /gal te re zhig bud shing gang khon yin pa de nyid me yin par gyur na byed pa po dang las gcig pa nyid du thal bar 'gyur te/ ci'i phyir zhe na/ me ni byed pa por gyur ba yin la bud shing ni las su gyur ba yin pa'i phyir te/ de lta bsan me dang bud shing dag gcig pa nyid yin no zhes bya ba de rigs pa ma yin no/ /ji ste 'di snyam du me dang bud shing dag gzhan nyid yin par sems na/ de la bshad par bya ste/ gal te shing las me gzhan na/ /shing med par yang 'byung bar 'gyur/ /gal te bud shing las me gzhan nyid yin par gyur na/ de lta na bud shing med par yang mi 'byung bar 'gyur bas/ de'i phyir me dang bud shing dag gzhan nyid ces bya ba de yang rigs pa ma yin no/ /yang gzhan yang/ rtag tu 'bar ba nyid du 'gyur/ /'bar byed med pa'i rgyu las byung/ /rtsom pa don med nyid du 'gyur/ /de lta yin na las kyang med/ /gzhan nyid yin na rtag tu 'bar ba nyid du 'gyur ba dang/ 'bar byed med pa'i

  107. 54a

    rgyu las byung ba dang/ de'i phyir rtsom pa don med pa nyid du yang 'gyur te/ dbyung ba dang spar ba la sogs pa rtsom pa dag don med pa nyid du 'gyur ro/ /yang gzhan yang/ de lta yin na las kyang med par thal bar 'gyur te/ de'i las sreg pa dang 'tshad pa la sogs pa gang yin pa de dag med par 'gyur ro/ /de la 'di snyam du ci'i phyir 'bar byed med pa'i rgyu las byung ba dang/ rtsom pa don med pa nyid du thal bar 'gyur snyam du sems na/ de la bshad par bya ste/ gzhan la bltos pa med pa'i phyir/ 'bar byed med pa'i rgyu las byung/ /rtag tu 'bar ba nyid yin na/ /rtsom pa don med nyid du 'gyur/ /gzhan la bltos pa med pa'i phyir 'bar byed med pa'i rgyu las byung bar 'gyur la/ rtag tu 'bar ba nyid yin na rtsom pa don med pa nyid du thal bar 'gyur ro/ /de la gal te 'di snyam du/ sreg bzhin bud shing yin sems na/ de la gal te 'di snyam du sreg bzhin pa nyid bud shing yin par sems na/ de la bshad par bya ste/ gang tshe de tsam de yin na/ /gang gis bud shing de sreg byed/ /gang gi tshe sreg bzhin pa de tsam bud shing de yin zhing gzhan gang dang ldan pas kyang sreg bzhin pa ma yin na/ me gang gis bud shing de sreg par byed de/ me med par yang bud shing yin par thal bar 'gyur ro zhes bya ba'i tha tshig go /yang gzhan yang/ gzhan na mi phrad phrad med na/ /sreg par mi 'gyur mi sreg na// 'chi bar mi 'gyur mi 'chin/ /rang gi rtags dang ldan par gnas/ /me gzhan yin na bud shing dang mi phrad par 'gyur te/ ci'i phyir zhe na/ mi bltos par grub pa'i phyir ro/ /phrad pa med na bud shing sreg par mi 'gyur ro/ /mi sreg na 'chi bar mi 'gyur ro/ /mi 'chin rang gi rtags dang ldan par gnas par 'gyur ro/ /'dir smras pa/ mi gzhan yin na bud shing dang mi phrad par 'gyur ro zhes gang bshad pa de la smra bar bya ste/ gal te shing las me gzhan yang/ /shing dang phrad du rung bar 'gyur/ /ji ltar bud med skyes pa dang/

  108. 54b

    skyes pa'ang bud med phrad pa bzhin/ /gal te bud shing las me gzhan yin na yang bud shing dang phrad du rung bar 'gyur te/ ji ltar bud med dang skyes pa dag gzhan nyid yin yang/ phan tshun nas phrad du rung ba bzhin no/ /'dir bshad pa/ gal te me dang shing dag ni/ /gcig gis gcig ni gsal gyur na/ /shing las me gzhan nyid yin yang/ /shing dang phrad par 'dod la rag/ gal te me dang bud shing dag skyes pa dang bud med dag bzhin du gzhan nyid yin zhing gcig gis gcig bsal bar gyur na ni/ bud shing las me gzhan nyid yin yang bud shing dang phrad par 'dod la rag na/ gang gi phyir de lta ma yin pa de'i phyir khyod kyis gal te bud shing las me gzhan yin yang bud shing dang phrad du rung bar 'gyur ro zhes gang smras pa de rigs pa ma yin no/ /'dir smras pa/ bud shing la bltos nas me yin la me la bltos kyang bud shing yin pas bud shing dang me dag ni bltos pa can du 'grub po/ /'dir bshad pa/ gal te shing bltos me yin la/ /gal te me bltos shing yin na/ /gang la bltos pa'i me dang shing/ /dang por grub pa gang zhig yin/ /gal te bud shing la bltos nas me yin la/ me la bltos nas bud shing yin na gang la bltos nas me yin par 'gyur ba 'am/ bud shing yin par 'gyur ba de gnyis las dang por grub pa gang yin/ de la 'di snyam du bud shing dang por grub la de la bltos nas me yin par sems na/ de la bshad par bya ste/ gal te shing bltos me yin na/ ma grub pa la sgrub par 'gyur/ /gal te bud shing dang por grub la de la bltos nas mo yin par 'gyur na/ de lta na me grub zin pa la yang sgrub par 'gyur ba yin no/ /yang gzhan yang/ bud par bya ba'i shing la yang/ me med par ni 'gyur ba yin/ /de lta na bud shing la yang me med par 'gyur ba yin no/ /de ni mi 'dod pas de'i phyir me dang bud shing dag bltos pa can du 'grub bo zhes gang smras pa/ de rigs pa ma yin no/ /'dir smras pa/ de dag gang yang rung ba dang por ma grub kyang phan tshun bstos?

  109. 55a

    pa nyid du 'grub po/ /'dir smras pa/ gal te dngos po gang bltos 'grub/ /de nyid la yang bltos nas ni/ /bltos bya gang yin de 'grub na/ /gang la bltos nas gang zhig 'grub/ /gal te bsgrub par bya ba'i dngos po gang yin pa ni/ /dngos po gzhan la bltos te 'grub cing/ /bsgrub par bya ba'i dngos po de nyid la yang bltos nas bltos par bya ba'i dngos po gzhan gang yin pa de 'grub na/ /bod pa'i tshig 'on grub par 'dod pa gang la bltos nas gang zhig 'grub par 'gyur/ /yang gzhan yang/ dngos po bltos 'grub gang yin pa/ /de ma grub na ji ltar bltos/ /ji ste grub pas bltos she na/ de ni bltos pa mi rigs so/ /dngos po gang dngos po gzhan la bltos te 'grub po zhes brjod pa'i dngos po de ma grub cing med na ji ltar bltos par byed/ /de ma grub cing med pa la yang ji ltar bltos par bya/ ji ste yang grub pa nyid gzhan la bltos par sems na de yang mi rigs te/ dngos po grub cing yod pa yang grub par bya ba'i phyir gzhan la bltos pa ni don med pa'i phyir mi rigs so/ /de grub cing yod pa la gzhan bltos par yang mi rig so/ /yang gzhan yang/ shing la bltos pa'i me med de// shing la ma bltos me yang med/ /me la bltos pa'i shing med de/ /mi lam bltos shing yang med/ /de'i phyir de ltar rigs pa sngon du btang ste/ /yang dag pa ji lta ba bzhin du brtags na/ /bud shing la bltos pa'i me med de/ /me dang bud shing grub pa dang ma grub pa dag bltos par mi 'thad ba'i phyir ro/ /bud shing lam bltos pa'i me yang med de gzhan la bltos pa med pa dang 'bar byed med pa'i rgyu las byung ba dang rtag tu 'bar bar thal bar 'gyur ba'i phyir ro/ /da ni me la bltos pa'i bud shing yang med de? me dang bud shing 'grub pa dang ma grub pa dag bltos par mi 'thad pa'i phyir ro/ /me la ma bltos pa'i bud shing yang med de me med cing sreg bzhin ma yin pa bud shing du mi 'gyur ba'i phyir ro/ /yang gzhan yang/ me ni gzhan las mi 'od ste/ /shing la 'ang me ni yod ma yin/ /me ni

  110. 55b

    gzhan las mi 'ong ste/ gzhan las 'ong bar brtag pa de yang bud shing dang bcas par ram bud shing med par 'od bar mi 'thad pa'i phyir ro/ /bud shing la yang me yod pa ma yin te/ /mi dmigs pa'i phyir dang/ rtsom pa don med pa nyid du 'gyur ba'i phyir ro/ /song dang ma song bgom pa yis/ /de bzhin shing la lhag ma bstan/ /rnam pa de dag gis de bzhin du bud shing la yang brjod pa lhag ma dag bstan par khong du chud par bya'o/ /rnam pa gang dag gis she na/ song ba dang ma song ba dang bgom pa'i rnam pa dag gis ste/ ji ltar song ba dang ma song ba dang bgom pa la 'gro ba med pa de bzhin du/ bud shing bsregs pa dang ma sreg pa dang ma sreg bzhin pa la yang sreg pa med do/ /ji ltar song ba dang ma song ba dang bgom pa la 'gro ba'i rtsom pa med pa de bzhin du bud shing bsregs pa dang ma bsregs pa dang sreg bzhin pa la yang sreg pa'i rtsom la med de/ ji ltar 'gro ba po dang 'gro ba po ma yin pa dang ma yin pa 'gro bar mi byed pa de bzhin du/ sreg pa po dang sreg pa po ma yin pa dang/ sreg pa po yin pa dang ma yin par yang sreg par mi byed do/ /de bzhin du lhag ma rnams kyang bstan par bya'o/ /yang gzhan yang shing nyid me ni ma yin te/ /shing las gzhan la me yang med/ /me ni shing dang ldan ma yin/ /me la shing med der de med/ /re zhig bud shing gang kho na yin pa de nyid me ma yin te/ byed pa po dang las dag gcig pa nyid kyi skyon du thal bar 'gyur ba'i phyir ro/ /bud shing las gzhan la yang ma med de gzhan la bltos pa nyid la sogs pa'i skyon du thal bar 'gyur ba'i phyir ro/ /me bud shing dang ldan pa yang ma yin me la yang bud shing med bud shing la yang me med de/ /gzhan nyid kyi skyon du 'gyur ba'i phyir ro/ /me dang shing gis bdag dang ni/ /nye bar bslang ba'i rim pa kun/ /bum snam la sogs lhan cig tu ma lus par ni rnam par bshad/ /me dang bud shing dag gis bdag dang nye bar bslang bdag gis gcig pa nyid dang gzhan nyid dang/ phan tshun bltos pa mi 'thad pa'i rim pa thams cad bum pa dang

  111. 56a

    snam bu la soT pa dag dang lhan cig tu ma lus par rnam par bshad par khong du chud par bya'o/ /gang dag bdag dang dngos po rnams/ /de bcas nyid dang tha dad par/ /ston pa de dag bstan don la/ /mkhas po snyam du mi sems so/ /gang dag bdag de dang bcas pa nyid dang tha dad pa dang/ dngos po rnams de dang bcas pa nyid dang tha dad par ston pa de dag bstan pa'i don la mkhas pa yin par kho bos mi sems so/ /slob dpon 'phags pa klu sgrub kyis mdzad pa dbu ma'i rtsa ba'i 'gtel ba ga las 'jigs med las/ me dang bud shing brtag pa zhes bya ba ste rab tu byed pa bcu pa'o// //'dir smras pa/ bcom ldan 'das kyis thog ma dang tha ma med pa'i mdo las dge slong dag 'khor ba la thog ma dang tha ma med de sngon dang phyi ma'i mdza' mi mngon no zhes gsungs pas/ de'i phyir sngon dang phyi ma'i mdza' mi mngon no zhes gsungs pas 'khor ba yod pa nyid du bstan pa mdzad pa de ci la dgongs te gsungs pa khyod kyis rnam par bshad par bya ba'i rigs so/ /'dir smras pa/ sngon mdza' mngon nam zhes zhus tshe/ /thub pa chen pos min zhes gsungs/ /'khor ba thog mtha med de/ /de la sngon med phyi ma med/ /sngon gyi mdza' mngon nam zhes zhus pa'i tshe/ thub pa chen pos mi mngon no zhes gsungs pas 'khor ba la thog ma dang tha ma med do/ /ci'i phyir zhe na/ de la sngon yang med la phyi ma yang med pa'i phyir ro/ /de la 'di snyam du 'khor ba'i dbus yod par sems na de yang mi rung ste/ ci'i phyir zhe na/ 'di ltar/ gang la thog med tha med pa/ /de la dbus ni gal yod/ /gang la thog ma dang tha ma med pa de la dbus yod par ga la 'gyur/ de'i phyir de la snga phyi dang/ /lhan cig rim pa mi 'thad do/ /gang gi phyir 'khor ba de la thog ma dang dbus dang tha ma med pa de'i phyir de la snga phyi dang lhan cig gi rim pa dag mi 'thad do/ /de ji ltar shes par bya zhe na/ bshad pa/ gal te skye ba snga gyur la/ /rge shi 'phyi ba yin na ni/ /skye ba rga shi med pa dang/ /ma shi bar yang skye bar 'gyur/ /gal te

  112. 56b

    skye ba snga ma gyur la rga shi 'phyi ba yin na ni/ de lta na skye ba de la rga shi med pa dang sngar ma shi bar yang 'dir skye ba'i skyon du thal bar 'gyur ro/ /yang gzhan yang/ gal te skye ba 'phyi gyur la/ /rga shi snga ba yin na ni/ /skye ba med pa'i rga shi ni/ /rgyu med par ni ji ltar 'gyur/ / gal te skye ba 'phyi bar gyur la rga shi snga ba yin na ni/ de lta na skye ba med pa'i rga shi rgyu med par ji ltar 'byung bar 'gyur/ 'dir smras pa/ de dag la snga phyi med de/ de ni rga shi dang rjes su 'brel bzhin pa kho nar skye'o/ /'dir bshad pa/ skye ba dang ni rga shi dag/ lhan cig rung ba ma yin no/ /skye bzhin par ni 'chi 'gyur zhing/ /gnyi ga rgyu med can du 'gyur/ /skye ba dang rga shi dag lhan cig nyid du 'gyur bar mi 'thad de/ ji ste lhan cig nyid du 'gyur na ni/ skye bzhin pa ni 'chi bar 'gyur ba dang/ gnyi ga rgyu med pa can du 'gyur bas de ni mi 'thad do/ /'dir smras pa/ de dag la snga phyi dang lhan cig gi rim pa de dag mi 'thad kyang yod skye ba dang rga shi dag yod pas de dag gang gi yin pa'i bdag kyang yod do/ /'dir bshad pa/ gang la snga phyi lhan cig gi/ rim pa de dag mi srid pa'i/ /skye ba de dang rga shi de/ /ci yi phyir na spros par byed/ /de ltar rigs pa sngon du btang ste/ brtags na/ skye ba dang rga shi dag la snga phyi dang lhan cig rim pa de dag mi srid na/ de la ci'i phyir skye ba de dang rga shi de zhes spros par byed cing brjod par byed/ de dag mi 'thad na/ bdag yod par 'thad par ga la 'gyur/ rgyu dang 'bras bu nyid dang ni/ /mtshan nyid dang ni mtshan gzhi nyid/ /tshor dang tshor bo nyid dang ni/ /don yod gang dag ci yang rung/ /ji ltar brtags na/ skye ba dang rga shi dag gi snga phyi dang lhan cig gi rim pa dag mi 'thad pa de bzhin du/ rgyu dang 'bras bu nyid dang/ mtshan nyid dang mtshan nyid kyi gzhi nyid dang/ tshor ba dang tshor ba po nyid dang/ don gzhan gang dag ci yang rung ba rnam par grol ba dang/ mya ngan las 'das pa dang/ shes pa dang shes bya dang/ tshad ma dang gzhal bya la sogs pa de dag yod par brtag pa de dag

  113. 57a

    thams cad la yang snga phyi dang lhan cig gi rim pa dag kyang mi 'thad do/ /'khor ba 'ba' zhig sngon gyi mdza' / /yod ma yin pa ma yin gyi/ /dngos rnams thams cad nyid la yang/ /sngon gyi mdza' ni yod ma yin/ /gang gi phyir de ltar yang dag pa ji lta ba bzhin du brtags na dngos po thams cad la snga phyi dang lhan cig gi rim pa dag mi 'thad pa/ de'i phyir 'khor ba 'ba' zhig la sngon gyi mdza' yod pa ma yin par ma zad kyi dngos por 'dod pa thams cad la yang sngon gyi mdza' yod pa ma yin pas /dngos por snang ba ni sgyu ma dang smig rgyu dang dri za'i grong khyer dang gzugs brnyan bzhin du 'grub bo/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'khor ba brtag pa zhes bya ba ste rab tu byed pa bcu gcig pa'o// 'dir smras pa/ kha cig sdug bsngal bdag gis byas pa dang/ /gzhan gyis byas pa dang gnyi gas byas pa dang/ rgyu med pa las byung bar 'dod pas de'i phyir de ltar sdug bsngal yod do/ /'dir bshad pa/ kha cig sdug bsngal bdag gis byas/ /gzhan gyis byas dang gnyi gas byas/ /rgyu med pa las byung bar 'dod/ /de na bya bar mi rung ngo/ /'di la kha cig ni sdug bsngal bdag gis byas par 'dod/ kha cig ni gzhan gyis byas par 'dod/ kha cig ni dag dang gzhan gnyi gas byas par 'dod/ /kha cig ni rgyu med pa las byung bar 'dod de/ de ni rim pa bzhi po de dag gang gis kyang bya ba yin par mi rung ngo/ /de la 'di snyam du rig pa gang gis bya bar mi rung snyam du sems na/ de la bshad pa/ gal te bdag gis byas gyur na/ /de phyir brten nas 'byung mi 'gyur/ /gang phyir phung po 'di dag la/ /brten nas phung po de dag 'byung/ /gal te sdug bsngal bdag gis byas par gyur na/ de lta na brten nas 'byung bar mi 'gyur ba zhig na/ brten nas kyang 'byung ste/ gang gi phyir de ltar gyi phung po 'di dag la brten nas ma 'ongs pa'i phung po de dag

  114. 57b

    'byung bar 'gyur ba de'i phyir/ sdug bsngal bdag gis ma byas par mi rigs so/ /'dir smras pa/ sdug bsngal bdag gis ma byas kyang gzhan gyis byas te/ ji ltar zhe na/ gang gi phyir phung po gzhan du gyur pa 'di dag la brten nas phung po de dag 'gyur ba'i phyir ro// 'dir bshad pa/ gal te de las 'di gzhan zhig/ /gal te 'di las de gzhan na/ /gzhan de dag gis 'di byas pas/ /sdug bsngal gzhan gyis byas par 'gyur/ /gal te ma 'ongs pa'i phung po de dag las de ltar gyi phung po 'di dag gzhan yin par gyur cing/ da ltar gyi phung po 'di dag las kyang ma 'ongs pa'i phung po de dag gzhan yin par gyur na ni/ de lta na da ltar gyi phung po gzhan de dag gis ma 'ongs pa'i phung po gzhan 'di dag byas pas sdug bsngal gzhan gyis byas par yang 'gyur ba zhig na/ gang gis phyir de lta ma yin pa de'i phyir sdug bsngal gzhan gyis byas par yang mi 'thad do/ /'dir smras pa/ sdug bsngal nyid kyis sdug bsngal byas pas de'i phyir sdug bsngal bdag gis byas so zhes kyang mi smra'o/ /sdug bsngal rgyu dang rkyen las byung bas de'i phyir sdug bsngal gzhan gyis byas so zhes kyang mi smra'o/ sdug bsngal gang zag bdag gis byas pas de'i phyi re re zhig sdug bsngal bdag gis byas so zhes kyang smra la/ sdug bsngal gang zag gzhan gyis byas pas de'i phyir sdug bsngal gzhan gyis byas so zhes kyang smra'o// 'dir bshad pa/ gal te gang zag bdag gis ni/ /sdug bsngal byas na gang bdag gis/ /sdug bsngal byas pa'i gang zag ni/ /sdug bsngal med pa de gang yin/ /gal te gang zag bdag gis phung po sdug bsngal byas par sems na/ gang gis sdug bsngal de byas pa'i gang zag des sdug bsngal de ma byas pa'i snga rol na byas pa la gang zag sdug bsngal med pa de gang yin te de 'di'o zhes bstan dgos na/ de yang med pas de'i phyi sdug bsngal gang zag bdag gis byas so zhes bya ba de mi 'thad do/ /gang zhag gzhan

  115. 58a

    gyis sdug bsngal byas so zhes gang smras pa de la yang bshad par bya ste/ gang te gang zag gzhan las ni/ /sdug bsngal byung na gzhan zhig gis/ /sdug bsngal de byas gang sbyin de/ /sdug bsngal med par ji ltar rung/ /gal te gang zag gzhan kyis phung po sdug bsngal byas shing des de byas nas gzhan la sbyin par byed na/ sbyin par byed pa des de byas nas gang la sbyin par bya ba de la ma byin pa'i snga rol na/ len par byed pa'i gang zag sdug bsngal med pa de gang yin te/ de 'di'o zhes bstan dgos na/ de yang med pas de'i phyir sdug bsngal gang zag gzhan gyis byas so zhes bya ba de yang mi 'thad do/ /yang gzhan yang bdag gis byas par ma grub pas/ /sdug bsngal gzhan gyis ga la byas/ /gzhan gyis sdug bsngal gang byed pa/ /de ni de'i bdag byas 'gyur// bdag gis sdug bsngal byas par rab tu ma grub pas/ sdug bsngal gzhan gyis byas par ga la 'gyur te/ ci'i phyir zhe na/ gzhan gyis sdug bsngal gang byed pa de ni de'i bdag gis byas pa yin par 'gyur na/ de yang dang po nyid du rigs pas yongs su brtags na sdug bsngal gang zag bdag gis byas par mi 'thad pas/ de'i phyir sdug bsngal gang zag bdag gis byas par ma grub pas sdug bsngal gzhan gyis byas par yang mi 'thad do/ /'dir smras pa/ sdug bsngal de las gang zag de bzhin ma yin pas sdug bsngal gyis sdug bsngal byas pa'i phyir rnam grangs las sdug bsngal bdag gis byas so zhes kyang smra zhing sdug bsngal gang yin pa de nyid gang zag ma yin pas rnam grangs las sdug bsngal gzhan gyis byas so zhes kyang smra'o/ /'dir bshad pa/ re zhig sdug bsngal bdag byas min/ /de nyid kyi ni de ma byas/ /de zhig sdug bsngal rnam rangs las bdag gis byas so zhes bya ba de mi 'thad de/ ci'i phyir zhe na/ de nyid kyis de ma byas pa'i phyir ro/ /sdug bsngal rnam grangs las gzhan gyis byas so zhes

  116. 58b

    gang smras pa de la yang dpyad par bya ste/ gal te gzhan bdag ma byas na/ /sdug bsngal gzhan byas ga la 'gyur/ /gzhan gyis byas so zhes bya bar mngon par zhen pa de yang gal te gzhan te/ bdag nyid ma byas shing ma grub na sdug bsngal de gzhan gyis byas par ga la 'gyur/ 'dir smras pa/ sdug bsngal bdag dang gzhan gnyi ga 'dus pas byas pa yod do/ /'dir bshad pa/ gal te re res byas gyur na/ /sdug bsngal gnyi gas byas par 'gyur/ /gal te re res byas pa yod par gyur na ni/ /sdug bsngal gnyi gas byas par 'gyur ba zhig na/ gang gi phyir de lta ma yin pa de'i phyir sdug bsngal bdag dang gzhan gnyi ga 'dus pas byas pa yang med do/ /'dir smras pa/ de ltar bdag dang gzhan dang gnyi gas byas par mi rigs na/ 'o na sdug bsngal rgyu med pa las 'byung ba yin no/ /'dir bshad pa/ gzhan gyis ma byas bdag ma byas/ /sdug bsngal rgyu med ga la 'gyur/ /de ltar gzhan gyis kyang ma byas bdag gis kyang ma byas na sdug bsngal rgyu med pa las byung bar ga la 'thad de/ skyon chen por thal bar 'gyur ba'i phyir ro/ /sdug bsngal 'ba' zhig rnam pa gzhi/ /yod pa yin pa ma yin gyi/ /phyi rol dngos po rnams la yang/ /rnam pa bzhi po yod ma yin/ /phung po sdug bsngal 'ba' zhig la/ /bdag dang gzhan dang gnyi ga dang rgyu med pa las byung ba rnam pa bzhi do dag yod pa min par ma zad kyi phyi rol gyi dngos po gzugs la sogs pa rnams la yang rnam pa bzhi po dag yod pa ma yin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ sdug bsngal brtag pa zhes bya ba ste/ rab tu byed pa bcu gnyis pa'o// //'dir smras pa/ rnam pa bzhi po dag med du zin kyang sdug bsngal dang phyi rol gyi dngos po 'du byed rnams ni yod do/ /'dir bshad pa/ chos gang bslu ba de rdzun zhes/ bcom ldan 'das

  117. 59a

    kyis de skad gsung/ /'du byed thams cad bslu ba'i chos/ /des na de dag rdzun pa yin/ /'di la bcom ldan 'das kyis/ mdo sde las chos gang bslu ba de ni rdzun pa'o/ /dge slong dag 'di lta ste/ mi bslu ba'i chos mya ngan las 'das pa de ni bden pa'i mchog go zhes gsungs pas/ de'i phyir 'du byed thams cad ni bslu ba'i chos yin pas/ des na de dag rdzun pa yin te/ log par snang ba'i phyir rnam par brtags pa'i ngo bo stong pa yin no/ /'dir smras pa/ gal te 'du byed bslu ba'i chos gang yin pa de rdzun pa yin na/ de gnyi ga yang med pa'i don yin par 'dra bas/ bslu ba'i chos kyi rdzun pa ji ltar bsgrub par bya/ 'dir bshad pa/ gal te bslu chos gang yin pa/ /de rdzun de la ci zhig bslu/ /bcom ldan 'das kyis de gsungs pa/ /stong nyid yongs su bstan pa yin/ /gal te bslu ba'i chos zhes gsungs pa gang yin pa de rdzun pa yin na ni med pa'i don yin par 'dra bas de la ji zhig bslu bar 'gyur/ 'di ltar bslu ba ni log par snang ba yin la rdzun pa ni rnam par btags pa'i ngo bo nyid stong pa yin pas med pa'i don ma yin pa'i phyir bslu ba'i chos kyis rdzun pa bsgrub tu rung ngo/ /de'i phyir bcom ldan 'das kyis bslu ba'i chos zhes bya ba de gsungs pa ni stong pa nyid yongs su ston par byed pa yin par shes par bya'o/ /'dir smras pa/ dngos rnams ngo bo nyid med de/ /gzhan du 'gyur ba snang phyir ro/ /bcom ldan 'das kyis rdzun pa zhes gsungs pa ni med pa dang chos bdag med pa'i don ma yin gyis dngos po rnams la gang zag ngo bo nyid med pa'i don las yin te/ ci'i phyir zhe na/ gnas skabs gzhan du 'gyur ba snang ba'i phyir ro// ngo bo nyid med dngos med de/ /gang phyir dngos rnams stong pa nyid/ /chos kyi ngo bo nyid med pa'i dngos po ni med de/ ci'i phyir zhe na/ gang gi phyir dngos po rnams stong pa nyid yin na chos kyi ngo bo nyid yod par mi 'thad pa'i phyir ro/ /gal te ngo bo nyid med na/ /gzhan du 'gyur

  118. 59b

    ba gang gi yin/ /gal te chos kyi ngo bo nyid med na/ /gnas skabs gzhan du 'gyur bar snang ba bdag gang gi yin par 'gyur te/ de'i phyir bcom ldan 'das kyis rdzun pa zhes gsungs pa ni dngos po rnams la gang zag ngo bo nyid med pa'i don yin gyi chos kyi ngo bo nyid med pa ma yin no/ /'dir bshad pa/ gal te ngo bo nyid yod na/ /ji lta bur na gzhan du 'gyur/ /gal te chos kyi ngo bo nyid yod na de ji ltar gzhan du 'gyur te/ rnam par 'gyur ba med pa'i phyir ro/ /yang gzhan yang/ de nyid la ni gzhan 'gyur med/ /gzhan nyid la yang yod ma yin/ /gang phyir gzhon nu mi rga ste/ /gang phyir rgas pa'ang mi rga'o/ /'di la dngos po khas blangs pa de la gzhan du 'gyur ba rnam pa gnyis te/ de nyid dam gzhan zhig 'gyur grang na/ gnyi ga ltar yang mi 'thad do/ /ci'i phyir zhe na/ gang gi phyir gzhon nu yang mi rga la gang gi phyir rgas pa yang mi rga ba'i phyir ro/ /'dir smras pa/ gal te de nyid gzhan du 'gyur na des skyon cir 'gyur/ 'dir bshad pa/ gal te 'di nyid gzhan gyur na/ /'o ma nyid ni zhor 'gyur ro/ /gal te de nyid gzhan du 'gyur na de lta na 'o ma nyid zhor 'gyur te/ de lta bu ni mi 'thad do/ /ji ste 'di snyam du gzhan zhig gzhan du 'gyur bar sems na/ de la bshad par bya ste/ 'o ma las gzhan gang gis ni/ /dngos po zho ni yin par 'gyur/ /gal te gzhan zhig gzhan du 'gyur bar sems na/ 'o ma las gzhan pa gang gi dngos po zho yin par 'gyur/ de'i phyir rnam pa gnyi ga yang gzhan du 'gyur bar mi 'thad do/ /'dir smras pa/ ci 'o na dag stong pa zhes bya ba de'i mthar thug pa yin nam/ 'dir bshad pa/ gal te stong min cung zad yod// stong pa'ang cung zad yod par 'gyur/ /mi stong cung zad yon min na/ /stong pa'ang yod par ga la 'gyur/ /gal te mi stong pa cung zad cig yod par gyur na ni/ des na de'i gnyen po stong pa yang cung zad yod par 'gyur ba zhig na/ mi stong pa cung zad yod pa de ltar

  119. 60a

    khas ma blangs pas de'i gnyen po med pa'i phyir stong pa yang yod par ga la 'gyur/ yang gzhan yang/ rgyal ba rnams kyis stong nyid ni/ /lta kun nges par 'byin par gsungs/ /gang dag stong pa nyid lta ba/ /de dag bsgrub tu med par gsungs/ /sangs rgyas bcom ldan 'das rnams kyis stong pa nyid ni lta ba thams cad kyis gnyen por gyur pa yin pa'i phyir lta ba kun las nges par 'byin pa yin par gsungs pas/ gang dag stong pa nyid du lta ba de dag ni bsgrub tu mi rung ba nyid yin par gsungs te/ bsam gtan pa'i mgo la thod pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ de kho na nyid brtag pa zhes bya ba ste/ rab tu byed pa bcu gsum pa'o// //bam po bzhi pa/ /'dir smras pa/ dngos po rnams ngo bo nyid yod pa kho na yin te/ 'jig rten na phrad pa mthong ba'i phyir ro/ /'dir bshad pa/ sngar dbang po brtag par blta bar bya ba dang lta ba dang lta ba gsum po dag la bya ba mi 'thad par yongs su brtags pa de dag nyid la gzhan nyid med pa'i phyir de ni ji ltar phan tshun du phrad par mi 'thad par ltar bstan par bya ste/ de la 'di snyam du rigs pa gang gis she na bshad pa/ blta bya lta ba lta ba po/ /gsum po de dag gnyis gnyis dang/ /thams cad kyang ni phan tshun du/ /phrad par 'gyur ba yod ma yin/ /blta bar bya ba ni dbang po'i don to/ /lta ba ni dbang po'i lta ba po ni bdag go /blta bar bya ba dang lta ba dang lta ba po gsum po de dag ni gnyis gnyis dang thams cad kyang phan tshun du phrad par mi 'gyur te/ blta bar bya ba dang/ lta ba yang phrad par mi 'gyur la/ blta bar bya ba dang/ lta ba po yang phrad par mi 'gyur/ lta ba dang lta ba po yang phrad par mi 'gyur/ lta bar bya ba dang lta ba po yang phrad par mi 'gyur te/ mar me dang mun pa bzhin no/ /de bzhin 'dod chags chags pa dang/ /chags par gyur dang nyon mongs pa/ /lhag ma rnams

  120. 60b

    kyang skye mched kyi/ /lhag ma'ang rnam pa gsum gyis blta/ /ji ltar blta bar bya ba dang lta ba dang lta ba po dag gnyis gnyis dang thams cad kyang phan tshun lhan cig tu phrad par mi 'gyur ba de bzhin du/ 'dod chags dang chags pa dang/ chags par 'gyur bdag kyang gnyis gnyis dang thams cad kyang phan tshun lhan cig tu phrad par mi 'gyur te/ 'dod chags dang chags pa yang phrad par mi 'gyur la/ 'dod chags dang chags par 'gyur ba yang phrad par mi 'gyur/ /chags pa dang chags par 'gyur ba yang phrad par mi 'gyur ro/ /'dod chags dang chags pa dang chags par 'gyur ba yang phrad par mi 'gyur ro/ /de bzhin du nyon mongs pa lhag ma zhe sdang la sogs pa rnams dang/ skye mched kyi lhag ma sgra dang/ nyan pa dang nyan pa po la sogs pa dag kyang gnyis gnyis dang thams cad kyang phan tshun lhan cig tu phrad par mi 'gyur par rnam pa gsum gyis blta bar bya'o/ /'dir smras pa/ ci'i phyir blta bar bya ba la sogs pa de dag phan tshun lhan cig phrad par mi 'gyur/ 'dir bshad pa/ gzhan gzhan dang phrad gyur na// gang phyir blta bya la sogs la/ /gzhan de yod pa ma yin pa/ /de phyir phrad par mi 'gyur ro/ /'di la de dag gzhan yin na/ /gzhan dang phrad par 'gyur ba 'dod na/ gang gi phyir blta bar bya ba la sogs pa dag la rigs pas rnam par brtags na/ gzhan de yod pa ma yin pa de'i phyir phrad par mi 'gyur ro/ /yang gzhan yang/ blta bya la sogs 'ba' zhig la/ /gzhan nyid med par ma zad kyi/ /gang yang gang dang lhan cig tu/ /gzhan pa nyid du mi 'thad do/ /blta bar bya ba la sogs pa de dag 'ba' zhig la phan tshun gzhan nyid mi 'thad par ma zad kyi/ 'di ltar dngos po gang yang dngos po gang dang lhan cig tu gzhan nyid du mi 'thad do/ /gzhan nyid med na gang yang gang dang gang yang lhan cig phrad par mi 'thad do/ /'dir smras pa/ rigs pa gang gis gzhan nyid mi 'thad pa yin/

  121. 61a

    'dir bshad pa/ gzhan ni gzhan las brten te gzhan/ /gzhan med gzhan las gzhan mi 'gyur/ /gang las brten te gang yin pa/ /de ni de las gzhan mi 'thad/ /'di la khyod gzhan zhes bya bar mngon par zhen pa gang yin pa de ni de las gzhan pa 'ga' zhig las brten te gzhan du 'gyur ba yin na/ gzhan med na gzhan ni rang las gzhan du mi 'gyur ro/ /yang gzhan yang/ gang la brten te gang 'byung ba de ni de las gzhan yin par mi 'thad do/ /'dir smras pa/ gal te gzhan yin par gyur na/ des skyon ci zhig tu thal bar 'gyur/ 'dir bshad pa/ gal te gzhan ni gzhan las gzhan/ /gzhan med par yang rung bar 'gyur/ /gzhan las gzhan pa'i gzhan pa de/ /med na med pas de phyir med/ /gal te gang la brten nas gzhan du 'gyur ba de/ de las gzhan yin par gyur na ni/ gzhan de med bar yang de bzhin du rung bar 'gyur bas de ni mi 'thad do/ /ji ste 'di snyam du gzhan ni gzhan la brten nas gzhan du 'gyur bar sems na/ gang gi phyir gzhan gang las gzhan pa'i gzhan pa med na gzhan med pas rang nyid las gzhan nyid du mi 'gyur ba de'i phyir gzhan med par kho nar shes par gyis shig /'dir smras pa/ rten cing 'brel par 'byung ba ni gzhan nyid ma yin mod kyi 'on kyang gzhan nyid ces bya ba spyi gang yin pa de la bltos nas de gzhan nyid du 'gyur ro/ /'dir bshad pa/ gzhan nyid gzhan la yod ma yin/ /gzhan ma yin la 'ang yod ba min/ /gzhan nyid yod pa ma yin na/ /gzhan nam de nyid yod ma yin/ khyod kyis gzhan nyid ces bya ba spyi gang yin pa de la bltos nas de gzhan du 'gyur ro zhes smras ba des na/ de lta na rten cing 'brel bar 'byung ba nyid du smras pa ma yin nam/ gzhan yang gzhan nyid ces bya ba gang yin pa de yang dngos po la rten cing bltos nas 'grub pa'i phyir de ni dngos po las

  122. 61b

    gzhan la yang yod pa ma yin la/ gzhan nyid yod pa ma yin na gzhan nam gzhan ma yin pa de nyid du rnam par brtag pa de gnyi ga yang yod pa ma yin no/ /yang gzhan yang/ de ni de dang phrad pa med/ /gzhan dang gzhan yang phrad mi 'gyur/ /phrad bzhin pa dang phrad pa dang/ /phrad pa po yang yod ma yin/ /de nyid ni de dang phrad pa med de/ ci'i phyir zhe na/ gcig yin pa'i phyir te de nyid de dang phrad par mi 'gyur ba'i phyir ro/ /gzhan dang gzhan yang phrad par mi 'gyur te/ ci'i phyir zhe na/ tha dad pa'i phyir te/ tha dad pa dag ni phrad par mi 'dod pa'i phyir dang dgos pa med pa'i phyir ro/ /de ltar gang gi phyir yongs su brtags na dngos po rnams la 'phrad pa mi 'thad ba de'i phyir phrad bzhin pa dang phrad pa dang phrad pa po yang yod pa ma yin te/ gnam sa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ phrad pa brtag pa zhes bya ba ste rab tu byed pa bcu bzhi pa'o// /'dir smras pa/ dngos po rnams ni ngo bo nyid yod pa kho na yin te/ so so'i bya ba byed nus par snang ba'i phyir dang/ /de bzhin du bum pa'i ngo bo nyid dang/ snam bu'i ngo bo nyid dag kyang rgyu dang rkyen rnams las byung ba'i phyir ro/ /'dir bshad pa/ ngo bo nyid ni rgyu rkyen las/ /'byung bar rigs pa ma yin no/ /ngo bo nyid ni rgyu dang rkyen rnams las 'byung bar rigs pa ma yin no/ /de la 'di snyam du gal te ngo bo nyid rgyu dang rkyen rnams las byung bar gyur na des skyon cir 'gyur snyam du sems na/ 'dir bshad pa/ rgyu dang rkyen las byung ba yi/ /ngo bo nyid ni byas par 'gyur/ /rgyu dang rkyen rnams las byung bar gyur na/ ngo bo nyid byas pa yin pa'i skyon der 'gyur ro/ /'dir smras pa/ gal te ngo bo nyid byas pa yin par gyur na des cir 'gyur/ 'dir smras pa/ ngo bo nyid ni byas pa zhes/ /ji lta bur na rung bar 'gyur/ /ngo bo nyid ni bcos min dang/ /gzhan la bltos pa med pa yin//

  123. 62a

    ngo bo nyid byas pa zhes bya bar ji lta bur rung bar 'gyur te/ gang gi phyir ngo bo nyid ni bcos ma ma yin pa dang gzhan la bltos pa med pa yin pa'i phyir ro/ /'dir smras pa/ gal te ngo bo nyid med na 'o? na? gzhan gyi dngos po ni yod do/ /'dir bshad pa/ ngo bo nyid ni yod min na/ /gzhan gyi dngos po ga la yod/ /gzhan gyi dngos po'i ngo bo nyid/ /gzhan gyi dngos po yin zhes brjod/ /gal te ngo bo nyid yod pa ma yin na/ /da gzhan gyi dngos po ga la yod do/ /gang gi phyir gzhan gyi dngos po'i ngo bo nyid ni gzhan gyi dngos po yin zhes brjod na/ ngo bo nyid de yang yongs su brtags na/ mi 'thad pa de'i phyir gzhan gyi dngos po yang med do/ /'dir smras pa/ ngo bo nyid dang gzhan gyi dngos po dag med par yang dngos po yod par 'gyur ro/ /'dir bshad pa/ ngo bo nyid dang gzhan dngos dang/ /ma gtogs dngos po ga la yod/ /ngo bo nyid dang gzhan dngos dag /yod na dngos po 'grub par 'gyur/ /ngo bo nyid dang gzhan gyi dngos po dag ma gtogs pa'i dngos po ga la yod de/ ci'i phyir zhe na/ 'di ltar ngo bo nyid dang/ gzhan gyi dngos po dag yod na dngos po 'grub par 'gyur ba'i phyir ro/ /'dir smras pa/ 'o na da dngos po med pa yod do/ /'dir bshad pa/ gal te dngos po ma grub na/ /dngos med 'grub par mi 'gyur ro// dngos po gzhan du 'gyur ba ni/ /dngos med yin par skye bo smra/ /gal te dngos po khas blangs pa de rab tu ma grub na/ 'o na de lta na dngos po med pa yang rab tu 'grub par mi 'gyur ba ma yin nam/ ci'i phyir zhe na/ dngos po gzhan du 'gyur ba de ni dngos po med pa yin par skye bo dag smra ba'i phyir ro/ /'dir smras ba/ 'di la dngos po'i de kho na mthong bas thar par 'gyur ro/ /zhes bya ba yod pas de'i phyir dngos po rnams kyi ngo bo nyid kyang yod do/ /'dir bshad pa/ gang dag dngos nyid gzhan dngos dang/ /dngos dang

  124. 62b

    dngos med nyid lta ba/ /de dag sangs rgyas bstan pa la/ /de nyid mthong ba ma yin no/ /gang dag ngo bo nyid dang gzhan gyi dngos po dang/ dngos po dang dngos po med pa nyid ces bya ba rnam pa bzhi po dag tu lta ba de dag ni sangs rgyas bcom ldan 'das kyi bstan pa la/ de kho na mthong ba ma yin no/ /yang gzhan yang/ bcom ldan dngos dang dngos med pa/ /ston pas kA tyA? ya na yi/ gdams ngag las ni yod pa dang/ /med pa gnyi ga'ang dgag pa mdzad/ /gang gi phyir bcom ldan 'das dngos po dang dngos po med bston pas k+Sha tyA ya na'i gdams ngag ces bya ba'i mdo las yod pa dang med pa gnyi ga yang dgag pa mdzad pa de'i phyir dngos po dang dngos po med par lta ba de dag spang bar bya'o/ /yang gzhan yang/ gal te rang bzhin yod nyid na/ /de ni med nyid mi 'gyur ro rang bzhin gzhan du 'gyur ba ni/ /nam yang 'thad par mi 'gyur ro/ /gal te rang bzhin gyis yod pa nyid yin na/ de lta na de ni med pa nyid du mi 'gyur te/ ci'i phyir zhe na/ rang bzhin gzhan du 'gyur ba ni nam yang 'thad par mi 'gyur ba'i phyir ro yang gzhan yang/ rang bzhin yod pa ma yin na /gzhan du 'gyur ba gang gi yin/ /rang bzhin yod pa yin na yang/ /gzhan du 'gyur bar ji lta rung/ /rang bzhin yod pa ma yin na yang/ /gzhan du 'gyur ba ji lta rung/ /rang bzhin yod pa ma yin na gzhan du 'gyur ba de dag gi yin/ rang bzhin yod pa yin na yang gzhan du 'gyur bar ji ltar rung/ yang gzhan yang/ yod ces bya bar rtag par 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'i/ /yod ces bya ba de ltar mngon par zhen na rtag par 'dzin pa yin la/ med ces bya ba de ltar mngon par zhen na chad par lta ba yin pas/ de'i phyir yod pa nyid dang med pa nyid la mkhas pas gnas par mi bya'o/ /'dir smras pa/ ji ltar rtag pa dang chad par lta bar thal bar 'gyur/ 'dir bshad pa/ gang zhig ngo bo

  125. 63a

    nyid yod pas/ de ni med pa min pas rtag /sngon 'byung da ltar med ces pa/ /des na chad par thal bar 'gyur/ gang zhig ngo bo nyid kyis yod pa de ni phyis med pa nyid du mi 'thad de/ rang bzhin ni mi 'gyur bas de'i phyir yod pa nyid du lta ba las rtag par lta bar thal bar 'gyur ro/ /dngos po de sngon byung ba da ltar med do zhes/ dngos po yod pa la 'jig par lta ba des na chad par lta bar thal bar 'gyur ro/ /de ltar gang gi phyir dngos po rnams la yod pa nyid dang med pa nyid du lta ba skyon du mar 'gyur ba de'i phyir dngos po rnams ngo bo nyid med pa zhes bya ba de ni de kho na mthong ba ste/ dbu ma'i lam yin pa de nyid don dam pa 'grub pa yin no/ /slob dpon 'phags pa klu sgrub kyi mdzad pa dbu ma'i rtsa ba'i 'grel pa ga las 'jigs med las/ dngos po dang dngos po med pa brtag pa zhes bya ba ste/ rab tu byed pa bco lnga pa'o// //'dir smras pa/ gzhi med pa la 'khor ba dang mya ngan las 'das pa dang/ bcings pa dang/ thar ba rtag tu mi rung bas/ 'du byed rnams dang/ sems can 'khor ba dang/ mya ngan las 'das pa dang bcings pa dang thar par 'gyur ro/ /rigs pa gang gis 'du byed rnams dang sems can 'khor ba dang mya ngan las 'das pa dang/ bcings pa dang thar par mi 'thad par bstan pa de yang nyan par 'dod do/ /'dir bshad pa/ gal te 'du byed 'khor zhe na/ /de dag rtag ni? mi 'khor te/ /mi rtag na yang 'khor mi 'gyur/ /sems can la yang rim 'di mtshungs /gal te 'du byed rnams 'khor bar yongs su rtog na/ de dag rtag pa 'am mi rtag pa zhig 'khor bar 'gyur grang na/ gnyi ga ltar yang mi 'thad do/ /re zhig rtag na mi 'khor te/ ci'i phyir zhe na/ nges par gnas pa'i phyir dang/ /ngo bo nyid yod pa'i phyir dang/

  126. 63b

    rnam par mi 'gyur ba'i phyir ro/ /mi rtag na yang mi 'khor te/ ci'i phyir zhe na/ nges par mi gnas pa'i phyir dang/ ngo bo nyid stong pa'i phyir dang rnam par 'gyur ba'i phyir ro/ /ci ste sems can 'khor bar sems na/ sems can la yang rim pa 'di mtshungs par shes par bya'o/ /'dir smras pa/ sems can phung po dang skye mchod dang/ khams las de nyid dang gzhan nyid dang rtag pa dang mi rtag pa nyid du brjod par bya ba ma yin pa 'khor ro/ /'dir bshad pa/ gal te gang zag 'khor zhe na/ /phung po skye mched khams rnams la/ /de ni rnam pa smras btsal na/ /med na gang zhig 'khor bar 'gyur/ /gal te gang zag 'khor bar sems na de ni ches shin tu mi 'thad de/ ci'i phyir zhe na/ gang gi phyir phung po dang skye mched dang/ khams rnams la de de dag nyid dam/ de dag las gzhan nam/ de la de dag yod dam/ de dag la de yod dam /de de dag dang ldan nam zhes rnam pa lngas btsal na med pa'i phyir te/ de med na gang zhig 'khor bar 'gyur/ yang gzhan yang/ nye bar len nas nyer len par/ /'khor na srid pa med par 'gyur/ /srid med nye bar len med na/ /de gang ci zhig 'khor par 'gyur/ /gal te gang zag 'khor ro zhes brtags na de nye bar len pa dang bcas pa zhig gam/ nye bar len pa med pa zhig 'khor bar 'gyur grang na/ gnyi ga ltar yang mi 'thad do/ /de la re zhig nye bar len pa dang bcas pa ni 'khor bar mi 'thad de/ ci'i phyir zhe na/ nye bar len pa nas nye bar len pa gzhan du 'khor ba na de'i bar skabs na srid pa med par 'gyur ba'i phyir ro/ /nye bar len pa med pa yang mi 'khor te/ ci'i phyir zhe na/ srid pa dang nye bar len pa med pa'i phyir te/ de med na de gang zhig yin zhing ci zhig 'khor bar 'gyur/ 'dir smras pa/ gzhi med par mya ngan las 'da' ba mi 'thob bas/ 'du byed rnams dang sems

  127. 64a

    can mya ngan las 'da' bar 'gyur ro/ /'dir bshad pa/ 'du byed mya ngan 'da' bar ni/ /ji lta bur yang mi 'thad do/ /sems can mya ngan 'da' bar yang/ /ji lta bur yang 'thad par 'gyur/ /khyod kyis 'du phyed nams dang/ /sems can mya ngan las 'da' bar 'gyur ro zhes gang smras pa de la yang kho bos sngar 'du byed rnams dang/ sems can ngo bo nyid med pa'i phyir rnam pa thams cad kyis 'khor bar mi 'thad do/ /zhes bstan zin pas 'khor bar mi 'thad pa'i phyir 'du byed rnams dang sems can rnam pa gzhan gang gis mya ngan las 'da' ba 'thad par 'gyur/ 'dir smras pa/ gzhi med par 'ching ba dang thar pa dag bsam du mi rung bas 'du byed rnams dang sems can 'ching ba dang/ thar pa gnyi gar 'gyur ro/ /'dir bshad pa/ skye 'jig chos can 'du byed rnams/ /mi 'ching grol bar mi 'gyur te/ /snga ma bzhin du sems can yang/ /mi 'ching grol bar mi 'gyur ro/ /khyod kyis 'du byed rnams dang sems can 'ching ba dang thar pa gnyi gar 'gyur ro zhes gang smras pa de la/ re zhig 'du byed rnams ni 'ching ba dang thar par mi 'thad de/ ci'i phyir zhe na/ skye ba dang 'jig pa'i chos can yin pa'i phyir ro/ /sems can yang 'ching ba thar par mi 'thad de/ ci'i phyir zhe na/ snga ma bzhin du phung po dang skye mched dang khams rnams la rnam pa lngas btsal na med pa'i phyir ro/ /'dir smras pa/ sems can nye bar len pa dang bcas pa dang/ nye bar len pa med pa de nyid dang gzhan nyid du brjod par bya ba ma yin pa la mching bar 'gyur ro/ /'di bshad pa/ gal te nye bar len 'ching na/ /nye par len bcas 'chang mi 'gyur/ /nye bar len med mi 'ching ste/ /gnas skabs gang gi ? 'ching bar 'gyur/ /gal te nye bar len pa 'ching ba yin par sems na/ de lta na nye bar len pa dang bcas pa ni

  128. 64b

    'ching bar mi 'gyur te/ ci'i phyir zhe na/ nye bar len pa gnyis su thal bar 'gyur ba'i phyir ro/ /nye bar len pa med pa yang 'ching bar ? 'gyur te/ ci'i phyir zhe na/ nye bar len pa med cing sprid pa med pa la gang gis kyang 'ching bar mi 'gyur ba'i phyir ro/ /de'i phyir 'o nad? gnas skabs gsum pa gang zhig 'ching bar 'gyur bar rtog /yang gzhan yang/ gal te bcings pa'i snga rol na/ /'ching ba yod na 'ching la rag /de yang med de lhag ma ni/ /song dang ma song bgom pas bstan// gal te bcings pa'i dngos po'i snga rol na 'ching ba yod na ni des de 'ching la rag na gang gi phyir yongs su brtags na/ 'ching ba de yang snga rol na med pa de'i phyir nye bar len pa 'ching bar mi 'thad do/ /lhag ma ni song ba dang ma song ba dang bgom pas bstan te/ ji ltar song ba dang ma song ba dang bgom pa dag la 'gro ba dang 'gro ba'i rtsom pa med pa la sogs pa bzhin du/ bcings pa dang/ ma bcings pa dang/ 'ching bzhin pa dag la yang 'ching ba dang 'ching ba'i rtsom pa med pa la sogs pa'o/ /'dir smras pa/ thar pa yod do/ /'dir bshad pa/ re zhig bcings par mi 'grol ste/ ma bcings pa yang 'gro la mi 'gyur/ re zhig bcings pa ni mi 'grol ste/ ci'i phyir zhe na/ bcings pa'i phyir ro/ /ma bcings pa yang grol bar mi 'gyur te/ ci'i phyir zhe na/ 'ching ba med pa'i phyir ro/ /de la 'di snyam du gal te bcings pa 'grol 'gyur na/ des skyon cing 'gyur snyam du sems na/ de la bshad par bya ste/ bcings pa 'grol bzhin yin gyur na/ /bcings dang 'grol ba dus gcig 'gyur bcings pa 'grol bzhin yin par gyur/ /bcings pa dang grol ba dus gcig tu 'gyur bas de ni mi 'dod de/ bcings pa dang grol ba gnyis su mi mthun pa'i phyir/ mar me dang mun pa bzhin no/ /'dir smras pa/ thar pa ni yod de 'khor bas 'jigs pa rnams la

  129. 65a

    nam zhig na bdag nye bar len pa med par yongs su mya ngan las 'da' par 'gyur zhig gu /nam zhig na yongs su mya ngan las 'das pa bdag gir 'gyur zhig gu snyam du sems pa yod pa'i phyir ro/ /'dir bshad pa/ bdag ni len med mya ngan 'das/ /myang 'das bdag gis gyur cig ces/ /gang dag 'dzin pa de dag gi /nyer len legs par zin ma yin/ gang dag nam zhig na bdag nye bar len pa med par yongs su mya ngan las 'da' bar 'gyur zhig gu /nam zhig na yongs su mya ngan las 'das pa bdag gir 'gyur zhig gu snyam du 'dzin pa de dag gi bdag dang bdag gir 'dzin pa'i nye bar len pa de ni legs par zin pa ma yin par shes par bya'o/ /'dir smras pa/ re zhig 'khor ba dang mya ngan las 'das pa dag ni yod de/ de dag rkyang 'ga' zhig kho na'i yin gyi ci yang med pa'i ma yin pas 'khor ba po dang mya ngan las 'da' ba po yang yod do/ /'dir bshad pa/ gang la mya ngan 'da' bskyed med/ /'khor ba bsal ba'ang yod min pa/ /de la 'khor ba ci zhig yin/ /mya ngan 'das pa'ang ci zhig brtag /gang la don dam pa mya ngan las 'das pa bskyed du med cing 'khor ba bsal ba yang yod pa ma yin pa de la 'khor ba ji zhig yin par brtag cing mya ngan las 'das pa yang ci zhig yin zhes brtag par bya/ de dag med na 'khor ba go dang mya ngan las 'da' ba po yang yod pa ma yin te/ nam mkha' bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ bcings pa dang thar pa brtag pa zhes bya ba ste/ rab tu byed pa bcu drug pa'o// //'dir smras pa/ dngos po thams cad ni stong pa ma yin te/ las dang 'bras bu rnam par bzhag pa'i phyir ro/ /las gang zhe na/ bdag nyid legs par sdom pa dang/ /gzhan la phan 'dogs byams

  130. 65b

    sems gang/ /de ches de ni 'di gzhan du/ /'bras bu dag gi sa bon yin/ /bdag nyid legs par sdom pa ni/ /bdag nyid nges par 'dzin pa yin par bstan to/ /gzhan la phan 'dogs pa ni gzhan dag la 'dogs par byed pa zhes bya ba'i tha tshig go /byams pa ni byams pa dang ldan pa ste/ sems can rnams la phan par 'dod pa zhes bya ba'i tha tshig go /de dag gi sems gang yin pa de ni chos yin par nges par bzung bar bstan to/ /de ni 'jig rten 'di dang gzhan dag tu 'bras bu dag gi sa bon yin par bstan to/ /de yang gang zhe na/ smras pa/ drang srong mchog gis las rnams ni/ /sems pa dang ni bsam par gsungs las de dag gis bye brag ni/ /rnam pa du mar yongs su bsgrags/ /las de dag gi bye brag rgyas par ni chos mngon pa las gsungs pas 'phros pa bsal ba'i phyir 'dir ma brjod do/ /de la las gang sems pa zhes/ /gsungs pa de ni yid kyir 'dod/ /bsam pa zhes ni gang gsungs pa/ /de ni lus dang ngag gi yin/ /de dag rnam par bshad pa ni 'di yin te/ de yang mdor bsdus na mtshan nyid ji lta bu zhe na/ smras pa/ ngag dang bskyod dang mi spong ba'i/ /rnam rig byed min zhes bya gang/ /spong pa'i rnam rig byed min pa/ /gzhan dag kyang ni de bzhin 'dod/ /longs spyod las byung bsod nams dang/ /bsod rnams ma yin tshul de bzhin/ /sems pa dang ni chos de bdun/ /las? su mngon par 'dod pa yin/ /dag ces bya ba ni ngag gi las rnam pa bzhi'o/ /bskyod pa zhes bya ba ni lus kyi g.yo ba rnam pa gsum mo/ /mi spong ba'i rnam par rig byed ma yin pa zhes bya ba gang yin pa de ni/ mi dag ba yang dag par bslang ba tshun chad nas mi spong ba gzhan nye bar skyes pa lus dang ngag gi gang yin pa'o/ /rnam par rig byed ma yin pa zhes bya ba ni bskyod pa med pa zhes bya ba'i tha tshig go /spong ba'i rnam par rig byed ma yin pa gzhan dag kyang de bzhin

  131. 66a

    du 'dod do/ /zhes bya ba ni dge ba yang dag par blangs pa tshun chad nas/ spong ba gzhan nye bar skyes pa lus dang dag gi gang yin pa ste/ mi spong ba dang 'dra bar bstan to/ /longs spyod pa las byung ba'i bsod nams zhes bya ba ni/ yongs su longs spyod pa'i rgyu las byung ba zhes bya ba'i tha tshig go /bsod nams ma yin tshul de bzhin zhes bya ba ni yongs su longs spyod pa'i rgyu las byung ba zhes bya ba'i tha tshig go /sems pa zhes bya ba ni mngon par 'du byed pa zhes bya ba'i tha tshig go /chos de bdun ni las su mngon par 'dod pa yin no/ /zhes bya ba ni mdor bsdu na chos bdun po de dag ni las mngon par byed pa yin par bstan te/ las su mngon par byed pa ni de dag gi las yin par mngon pa dang/ gsal ba dang gzung ba dang mtshon par byed pa yin no/ /de ltar gang gi phyir las de lta bu dag gis 'bras bu 'di dang gzhan du 'byung bar bstan pa de'i phyir las dang 'bras bu rnam par bzhag pas dngos po thams cad stong pa ma yin no/ /'dir bshad pa/ gal te smin pa'i dus bar du/ /gnas nas las de rtag par 'gyur/ /gal te 'gags na 'gag gyur pa/ /ji ltar 'bras bu bskyed par 'gyur/ /'di la las gnas pa 'am 'gags pa zhig 'bras bu bskyed par 'gyur grang na/ gnyi ga lta yang mi 'thad do/ /ci'i phyir zhe na/ re zhig gal ste las smin pa'i dus kyi bar du gnas na/ de lta na rtag par 'gyur bas de ni mi 'dod do/ /gal te 'gags par sems na/ 'gags par gyur pa ni med pa yin pas ji ltar 'bras bu bskyed par 'gyur/ 'dir smras pa/ myu gu las sogs rgyun gang ni/ /sa bon las ni mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyu ni las 'bras bu 'byung 'gyur zhing/ /sa bon 'bras bu'i sngon 'gro ba/ /de phyir chad min rtag pa min/ /'di la sa bon ni

  132. 66b

    gu'i? rgyun bskyed nas 'gag go /myu gu la sogs pa'i rgyun gang yin pa de ni sa bon las mngon par 'byung zhing rgyun de las 'bras bu mngon par 'byung ngo/ /sa bon med na myu gu la sogs pa'i rgyun de yang mngon par 'byung par mi 'gyur ro/ / gang gi phyir sa bon las rgyun mngon par 'byung la rgyun las 'bras bu mngon par 'byung zhing sa bon 'bras bu'i sngon du 'gro ba de'i phyir chad pa dang rtag pa ma yin te/ gang gi phyir sa bon rnams thams cad du chad nas rgyun 'byung ba ma yin gyi/ rgyun gyi rjes su 'jug pa de'i phyir chad pa ma yin la/ gang gi phyir sa bon 'gag cing nges par mi gnas pa de'i phyir rtag pa yang ma yin no/ /de ji lta ba de bzhin du/ sems kyi rgyun ni gang yin pa/ /sems pa las ni mngon par 'byung/ /de las 'bras bu sems pa ni/ /med na de yang 'byung mi 'gyur/ /gang phyir sems pa las rgyun dang/ /rgyun las 'bras bu 'byung 'gyur zhing/ /las ni 'bras bu sngon 'gro ba/ /de phyir chad min rtag ma yin/ /sems kyi rgyun gang yin pa ni sems pa las su brjod pa gang yin pa 'gag bzhin pa de las mngon par 'byung zhing rgyun de las 'bras bu mngon par 'byung ngo/ /sems dpa' med na sems kyi rgyun de yang mngon par 'byung par mi 'gyur ro/ /gang gi phyir sems pa las su brjod pa las sems kyi rgyun mngon par 'byung la/ sems kyi rgyun las 'bras bu mngon par 'byung bar 'gyur zhing las 'bras bu'i sngon du 'gro ba de'i phyir chad pa dang rtag pa ma yin te/ gang gi phyir sems pa 'gag bzhin pa las sems kyi rgyun byung gi sems pa rnam pa thams cad du 'gag par mi 'gyur pa de'i phyir chad pa ma yin la/ gang gi phyir sems pa 'gag cing nges par mi gnas pa de'i phyir rtag pa yang ma yin no/ /de'i phyir de ltar rgyun gyi 'bras bu 'grub pas na 'khor ba yang

  133. 67a

    'thad la rtag pa dang chad pa'i skyon du yang thal bar mi 'gyur ro/ /chos de sgrub pa'i thabs rnams ni gang yin/ 'bras bu ni gang yin zhe na smras pa/ chos bsgrub pa yi thabs rnams ni/ /dkar po'i las kyi lam bcu ste/ /chos? kyi 'bras bu 'di gzhan du/ /'dod pa'i yon tan rnam lnga'o/ /'di la bcom ldan 'das kyis chos bsgrub pa'i thabs ni dge ba bcu'i las kyi lam rnams yin par bstan la/ de'i 'bras bu yang 'di dang gzhan du 'dod pa'i yon tan lnga po dag yin par bstan te/ tshigs su bcad pa de ni de tsam nyid kyis rnam par bshad pas chog ste/ 'phros pas thal na mi dung ba'i phyir ro/ /de ltar gang gi phyir chos sgrub pa'i thabs dang chos kyi 'bras bu bstan pa de'i phyir las dang 'bras bur 'brel pa yang yod la rtag pa dang chad par yang thal bar mi 'gyur ro/ /gzhan dag gis smras pa/ gal te rtag pa der gyur na/ /nyes pa chen po mang por 'gyur/ /de lta bas na brtag pa de/ /'dir ni 'thad pa ma yin no/ /gal te khyod kyi las dang 'bras bur 'brel pa bsgrub pa'i dpes sa bon dang myu gu'i rgyun 'brel ba bstan pa'i brtag pa de ltar gyur na/ de la nyes pa'i skyon chen po mang du 'byung bar 'gyur bas brtag pa de 'dir 'thad pa ma yin no/ /gtan tshigs des 'dir las dang 'bras bur 'brel pa dag mi 'thad de/ /'phros pa spang ba'i phyir rgyas par mi brjod do/ /'o na ji lta bur 'thad ce na/ /smras pa/ sangs rgyas rnams dang rang rgyal dang/ /nyan thos rnams kyis gsungs pa yi/ /brtag pa gang zhig 'dir 'thad pa/ /de ni rab tu brjod par bya/ /de yang gang zhe na smras pa/ ji ltar bu lon dbang rgya ltar/ /de ltar las dang chud mi za/ /bu lon ji lta ba de ltar ni las dang blta bar bya la/ dbang rgya ji lta ba de ltar ni chud mi za ba blta bar bya ste/ dper na bu lon gyi nor de spyad kyang dbang

  134. 67b

    rgya yod pas nor bdag gi nor chud mi za zhing nor gyi phung po bskyed dang bcas par 'ong ba de bzhin du las skad cig ma 'gags su zin kyang de'i rgyu las byung ba chud mi za ba zhes bya ba'i chos yod pas byed pa po'i las kyi 'bras bu chud mi za zhing 'bras bu khyad par dang bcas pa 'ong bar 'gyur ro/ /ji ltar nor bdag gis nor phyir zhugs na bu lon gyi dbang rgya ror 'gyur ba de ltar/ byed pa pos 'bras bu myong na chud mi za ba yang de bzhin du 'gyur ro/ /de ni khams las rnam pa bzhi/ /chud mi za ba de ni 'dod pa dang gzugs dang gzugs med par gtogs pa dang/ /zag pa med pa'i khams kyi bye brag las rnam pa bzhir 'gyur ro/ /de yang rang bzhin lung ma bstan/ chud mi za ba de yang rang bzhin gyis dge ba dang mi dge ba nyid du brda' mi sprod pa'i phyir lung du ma bstan pa yin te/ skyon de dag yongs su spang ba'i phyir rang bzhin lung du ma bstan par rnam par gzhag go /de dag las kyang chos mngon las shes par bya ba yin pas 'phros pa yongs su chos mngon las shes par bya ba yin pas 'phros pa yongs su spad /bsgom pas spang bya nyid kyang yin/ /chud mi za ba de ni sdug bsngal la sogs pa mthong bas spang bar bya ba spong bas sangs ba ma yin te/ 'bras bu 'pho ba na bsgom pa'i lam gyis spang ba dang/ 'bras bu bskyed pas kyang spang ba nyid yin no/ /de phyir chud mi za ba yis/ /las kyi 'bras bu bskyed par 'gyur/ /de ltar gang gi phyir de ltar sdug bsngal la sogs pa mthong bas spang bar bya ba spong bas spang ba ma yin pa de'i phyir sdug bsngal la sogs pa mthong bas spang bar bya ba'i las mi dge ba bzhin du/ las spangs su zin kyang chud mi za bas las rnams kyi 'bras bu bskyed par 'gyur ro/ /gal te spong bas spang ba dang/ /las 'pho ba dang mthun gyur na/ /de la las 'jig la sogs pa'i/ /skyon rnams su ni thal bar 'gyur/ /de la gal te chud mi za ba de sdug bsngal la sogs pa mthong bas spang par?

  135. 68a

    bya ba spong bas spang ba dang las 'gag cing 'pho ba dang/ ris mthun pa yin par gyur na/ de la las kyi 'bras bu med pas las 'jig pa la sogs pa'i skyon rnams su thal bar 'gyur pas de ni mi 'dod do/ /de dag kyang rgyas par chos mngon pa las rnam par bshad pas 'dir mi brjod do/ /yang gzhan yang/ khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe/ /gcig pu kho na skye par 'gyur/ /'dod pa dang gzugs dang gzugs med pa dang zag pa med pa'i khams dag las khams mtshungs pa'i las dge ba 'am mi dge ba 'am lung du ma bstan pa 'am/ zag pa med pa cha mtshungs pa dang cha mi mtshungs pa thams cad kyi chud mi za ba tshe 'di la las re re las skye ba de ni nyid mtshams sbyor ba'i tshe na/ /gcig bu kho na skye bar 'gyur ro/ /tshe 'di la ni las dang las/ /rnam pa gnyis po thams cad kyi/ /de ni tha dag skye 'gyur zhing/ /rnam par smin kyang gnas pa yin/ /tshe 'di la ni las dang las so so ba sems pa dang bsam pa'i bye brag gam dge ba dang mi dge ba'i bye brag gis rnam pa gnyis po thams cad kyi chud mi za ba gang yin pa de ni tha dad par skye bar 'gyur ro/ /rnam par smin na yang gnas pa yin te/ de ni las rnam par smin pa'i rgyus 'gag pa ltar nges pa nyid ma yin no/ /de gnas su zin kyang 'bras bu bskyed par ni mi nus te/ 'bras bu bskyed zin pa'i phyir nges par spyad zin pa'i dbang rgya bzhin no/ /de ni 'bras bu 'phos pa dang/ /shi bar gyur na 'gag par 'gyur/ /chud mi za ba de ni 'bras bu 'phos par gyur pa dang/ shi bar gyur na 'gag par 'gyur te/ de la 'bras bu 'phos par gyur pa ni bsgom pas spang ba nyid dang/ 'bras bu bskyed pas spang ba nyid yin no/ /shi bar gyur pa ni nyid mtshams sbyor ba'i tshe/ /gcig pu skye bar 'gyur ba

  136. 68b

    kho na yin no/ /de yi rnam dbye zag med dang/ /zag dang bcas par shes par bya/ /chud mi za ba'i rnam par dbye ba ni rnam pa gnyis su shes par bya ste/ zag pa med pa dang zag pa dang bcas pa'i las kyi bye brag gis so/ /de'i phyir de ltar chud mi dra ba yod na grong? las sna tshogs pa la skyes pa 'gro ba dang rigs dang rus dang yul dang dus tha dad pa rnams kyi lus dang/ dbang po dang kha dog dang dbyibs dang stobs dang blo dang mos pa dang dad tshul dang/ longs spyod la sogs pa tha dad pa dag mngon par 'grub par 'gyur ro/ /stong pa nyid dang chad min dang/ /'khor ba dang ni rtag pa min/ /las rnams chud mi za ba'i chos/ /sangs rgyas kyis ni bstan pa yin/ /de ltar gang gi phyir las dang 'bras bur 'brel ba de'i phyir/ stong pa nyid kyang 'thad pa yin te/ /'du byed rnams su stegs phyed? kyis yongs su brtag pa'i bdag gis stong pa'i phyir ro/ /chad pa yang ma yin te chud mi za ba nges par gnas pa'i phyir ro/ /'khor ba yang 'thad de 'gro ba tha dad par 'du byed rnams mngon par 'grub pa'i mtshan nyid yod pa'i phyir ro// rtag pa yang ma yin te las rnam par 'jig pa'i phyir ro/ /las rnams kyang chud mi za ste/ chud mi za zhes bya ba'i chos sangs rgyas kyis bstan pa de yang grub pa'i phyir ro/ /de bas na brtag pa de nyid 'dir 'thad pa yin no/ /'dir bshad pa/ /brtag par de gnyi ga yang rtag pa dang chad pa la sogs pa'i rkyon? dag las mi 'grol bas de'i phyir de dag ni rigs pa ma yin no/ /ci'i phyir zhe na/ 'di ltar gal te las ngo bo nyid kyis grub pa cung zad cig 'thad na ni nges na las yod pa de rgyan 'brel bas sam/ /chud ? yongs su bzung pas 'bras bu dang 'brel pa yin par bsam pa yang rigs par 'gyur grang na/ gang gi tshe las de nyid ngo bo nyid kyis grub par mi 'thad pa de'i che/ gzhi med pa la bsam pa de dag mi 'thad pa'i phyir ro/ /gal te lag ji ltar mi

  137. 69a

    ce na bshad pa/ /gang phyir las ni skye med pa/ /de'i phyir mi 'thad de 'di ltar ma skyes na ji ltar 'thad par 'gyur/ ci'i phyir las skye ba med ce na/ bshad pa/ 'di ltar dngos nyid med de'i phyir/ /gang gi phyir las ngo bo nyid med pa de'i phyir skye ba med pas las mi mthad do/ /'dir smras pa/ las ni skye ba yod pa nyid de/ /ci'i phyir zhe na/ bcom ldan 'das kyis las rnams chud mi za'o zhes gsungs pa'i phyir ro/ /'dir bshad pa/ gang phyir de ni ma skyes pa/ /de phyir chud zar mi 'gyur ro/ / bcom ldan 'das kyis gang gi phyir las ma skyes pa de'i phyir chud za bar mi 'gyur ro/ /zhes gsungs pa nyid kyis las skye ba med pa nyid du rab tu grub po /gzhan du na skyes na ji ltar chud mi ba 'gyur/ ci ste 'gyur na ni skyes so cog kyang 'chi bar mi 'gyur ba zhig na/ gang gi phyir de lta ma yin pa de'i phyir skyes na chud za bar 'gyur gyi/ ma skyes na chud za bar mi 'gyur ro/ /'dir smras pa/ gal te las la ngo bo nyid yod na/ des skyon cing 'gyur/ 'dir bshad pa/ gal te las la dngos nyid yod/ /rtag par 'gyur ba the tshom med/ gal te las la ngo bo nyid yod par gyur na/ rtag par 'gyur bar the tshom med de/ rang bzhin ni mi 'gyur ba'i phyir ro/ /de ltar las rtag par gyur na/ des skyon cir 'gyur zhe na/ bshad pa/ las ni byas pa ma yin 'gyur// rtag la bya ba med phyir ro/ /las rtag pa nyid yin na/ byas pa ma yin par thal bar 'gyur te/ rtag pa la bya ba med pa'i phyir ro/ /las ma byas pa la 'bras bu myong ba yod par rtog na skyon 'dir yang 'gyur te/ ci ste las ni ma byas na/ /ma byas pa dang phrad 'jigs 'gyur/ /ji ste las ma byas pa yin yang 'bras bu bskyed par 'gyur na de lta na ma byas pa dang phrad pa'i 'jigs pa 'gyur bar 'gyur ro/ /yang gzhan yang/ tshangs spyod gnas pa ma yin pa'ang/ /de la skyon du thal bar 'gyur/ /las ma byas pa yin

  138. 69b

    yang 'bras bu bskyed par 'gyur na tshangs par spyod pa la gnas pa ma yin pa yang tshangs par spyod pa la gnas pa'i skyon du thal bar 'gyur te/ mya ngan las 'das pa thob par byed pa'i las ma byas pa nyid la yang de yod par 'gyur ba'i phyir ro/ /yang gzhan dang tha snyad thams cad nyid dang yang/ /'gal bar 'gyur bar the tshom med/ /las ma byas pa yin yang 'bras bu bskyed par 'gyur na/ 'jig rten 'bras bu'i don du tha snyad rtsom par byed pa zhing las dang nyo tshong dang phyugs btsal ba dang rgyal po la bsten pa dang/ rigs pa dang bzo dang sgyu rtsal goms par byed pa dang/ /'di ni dbyar ngo dag la bya'o/ /'di ni dgun dang dbyid do dag la bya'o zhes bya ba la sogs pa'i tha snyad thams cad dang yang 'gal bar 'gyur bar the tshom med de/ byed pa dang mi byed pa dag la de dag 'bras bu 'ong par thar bar 'gyur ba'i phyir ro/ /yang gzhan yang/ bsod nams dang ni sdig byed pa'i/ /rnam par dbye ba'ang 'thad mi 'gyur/ /las ma byas pa yin na yang 'bras bu bskyed par 'gyur na/ 'di ni bsod nams byed pa'o 'di ni sdig pa byed do zhes bya ba'i rnam par dbye ba de dag nyid kyang 'thad pa nyid du mi 'gyur te/ /dge ba dang mi dge ba'i las ma byas pa thams cad kyang yod par thal bar 'gyur ba dang/ de dag gi 'bras bu yang thob par thal bar 'gyur ba'i phyir ro/ /yang gzhan yang/ de yi rnam smin smin gyur pa/ /yang dang de dag nyid kyang 'thad pa nyid du mi 'gyur te/ /dge ba dang mi dge ba'i las ma byas pa thams cad kyang yod par thal bar 'gyur ba dang/ de dag gi 'bras bu yang thob par thal bar 'gyur ba'i phyir ro/ /yang gzhan yang/ de yi rnam smin smin gyur pa/ /yang dang yang du rnam smin 'gyur/ gal te gang phyir las gnas pa/ /de phyir ngo bo nyid yod phyir las ma byas pa yin yang 'bras bu bskyed par 'gyur na/ las de'i 'bras bu rnam par smin zin par gyur pa las yang/ yang dang yang du rnam par smin pa'i 'bras bu gzhan dag smin par 'gyur te/ ci'i phyir zhe na/ gal te gang gi phyir las ngo bo nyid kyis nges par gnas pa de'i phyir ngo bo nyid yod pa'i phyir ro/ /'dir smras pa/ las ni yod pa kho na yin te/ las kyi rgyu nyon mongs pa dag yod pa'i phyir ro/ /'dir bshad pa/ las

  139. 70a

    'di nyon mongs bdag nyid na/ /nyon mongs de dag yang dag min/ /gal te nyon mongs yang dag min/ /las ni de yis ji ltar byas/ /las 'di nyon mongs pa'i rgyu las byung ba yin na/ nyon mongs pa de dag ni skye ba med pa'i phyir dang ngo bo nyid med pa'i phyir dang/ brten nas byung ba'i phyir yang dag pa ma yin pas/ gal te de ltar nyon mongs pa de dag yang dag pa ma yin na/ 'o na de las dang nyon mongs pa des ji ltar byas par 'gyur te/ las kyi rgyu nyon mongs pa rnams ngo bo nyid med pa'i phyir ro/ /'dir smras pa/ las dang nyon mongs pa dag ni ngo bo nyid yod pa kho na yin te/ nyon mongs pa rnams kyis 'bras bu las dang lus kyi mtshan nyid yod pa'i phyir dang/ las kyi 'bras bu lus kyi mtshan nyid yod pa'i phyir ro/ /'dir bshad pa/ las dang nyon mongs pa dag ni/ /lus rnams kyi ni rkyen du bstan/ /gal te las dang nyon mongs pa/ /de stong lus la ji ltar brjod/ /'di la khyod kyis las dang nyon mongs pa dag ni/ ngo bo nyid yod pa kho na yin te/ de dag gi 'bras bu yod pa'i phyir ro zhes smras pa ni/ bstan bcos las las dang nyon mongs pa dag lus rnams kyi rkyen du bstan pa ni tha snyad pa yin gyi don dam pa ni ma yin te/ ci'i phyir zhe na/ las dang nyon mongs pa dag la ngo bo nyid med pa'i phyir/ de dag gi 'bras bu lus kyang ngo bo nyid med pa'i phyir ro/ /'dir smras pa/ las ni yod pa kho na yin te/ de'i 'bras bu la longs spyod pa'i za ba po yod pa'i phyir ro/ /gal te de ji ltar shes zhe na/ smras pa/ ma rig bsgribs pa'i skye bo gang/ /sred ldan de ni za ba po/ /de yang byed las gzhan min zhing/ /de nyid de yang ma yin no/ /bcom ldan 'das kyis thog ma dang tha ma med pa'i mod dag las/ ma rig bsgribs pa'i sems can dag /sred pa'i kun tu sbyor dang ldan/ /zhes bya ba dang/ de bzhin du ci ste khyod rang nyid kyis sdig pa'i las

  140. 70b

    'di byas na khyod rang nyid kyis de'i rnam par smin pa nyams su myong bar byas dgos so zhes kyang gsungs la/ de yang byed pa po las gzhan ma yin zhing de nyid de yang ma yin te/ de nyid dang gzhan nyid du brjod par bya ba ma yin pas/ de'i phyir las kyang yod pa kho na yin no 'dir bshad pa/ gang gi phyir na las 'di ni/ /rkyen las byung ba ma yin zhing/ /rkyen min las byung yod min pa/ /de phyir byed pa po yang med/ /byed pa po de yang las de bzhin du ma skyes pa'i phyir dang/ byed pa po bkag pa'i phyir dang/ rdzas su yod pa ma yin pa'i phyir las dang byed pa po med do/ /yang gzhan yang/ gal te las dang byed med na/ /las skyes 'bras bu ga la yod/ /ci ste 'bras bu yod min na/ /za ba po lta ga la yod/ gal te brtag na las kyang med la byed pa po yang med na las las skyes pa'i 'bras bu ga la yod/ ci ste 'bras bu yod pa ma yin na/ za ba po lta ga la yod de/ za ba po'i sgrar brjod pa nyid kyi rgyu med pa'i phyir ro/ /'dir smras pa/ ji byed pa po dang las dang 'bras bu dang za ba po dang las dang nyon mongs pa dag med do zhes bya ba de ni shin tu nges pa yin na/ 'dir bshad pa/ gang rten cing 'brel pa 'byung ba de la yod do/ /zhe 'am med de zhes bya ba smra bar ga la rigs te/ de ltar 'dzin pa bzlog pa'i phyir dpe 'di gzung zhig /ji ltar sprul pa ston byed pa/ /rdzu 'phrul phun sum tshogs pa yis// sprul zhing sbrul pa'ang gzhan sprul byed/ /sprul pa des kyang gzhan dag ltar/ /de bzhin byed pos las gang byas/ /de yang sprul pa'i rnam pa bzhin/ /dper na sprul pas sprul gzhan zhig /sprul pa mdzad pa de bzhin no/ /nyon mongs las dang lus rnams dang/ /byed pa po dang 'bras bu dag /dri za'i grong khyer lta bu dang/ /smig rgyu rmi lam 'dra ba yin/ /chos thams cad de ltar blta bar bya'o/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las las dang 'bras bu brtag pa zhes bya

  141. 71a

    ba ste/ rab tu byed pa bcu bdun pa'o// //bam po lnga pa/ /'dir smras pa/ 'o na de kho na'i mtshan nyid ni gang yin/ rnam pa gang gis ni de kho na rtogs par 'gyur/ 'dir bshad pa/ bdag dang bdag gi dang bral ba ni de kho na'i mtshan nyid yin la/ rigs pa sngon du btang ste yongs su rtog pas ni de kho na rtogs par 'gyur ro/ /gal te ji ltar zhe na bshad pa/ gal te phung po bdag yin na/ /skye dang 'jig pa can du 'gyur/ /gal te phung po rnams bdag nyid yin par gyur na/ de lta na skye ba dang 'jig pa'i chos can du 'gyur te/ phung po rnams ni skye ba dang 'jig pa'i chos can yin pa'i phyir ro/ /bdag skye ba dang 'jig pa'i chos can yin na/ mi rtag pa'i rkyen gang dag yin pa de dag tu thal bar 'gyur te/ de ni 'phros pa spang pa'i phyir mi brjod do/ /gal te phung po rnams las gzhan/ /phung po'i mtshan nyid med par 'gyur/ /gal te bdag phung po rnams las gzhan yin par gyur na/ de lta na phung po'i mtshan nyid ma yin par 'gyur te/ phung po rnams las gzhan pa ni/ rtag pa yin pa'i phyir ro/ /bdag phung po'i mtshan nyid ma yin na rtag pa'i skyon gang dag yin pa de dag tu thal bar 'gyur te/ de yang 'phros pa spang ba'i phyir mi brjod do/ /de ltar gang gi phyir yongs su brtags na bdag gnyi ga ltar yang mi 'thad pa'i phyir/ bdag nyid yod pa ma yin na/ /bdag gi yod par ga la 'gyur/ /brtags na de ltar bdag nyid rnam pa thams cad du mi 'thad na/ bdag gi yod par ga la 'gyur te/ 'di ltar bdag ces bya ba'i gang yin pa de bdag gi zhes bya na/ bdag de med pas de'i 'di yin no zhes bya ba mi 'thad pa'i phyir ro/ /de ltar bdag dang bdag gi med pa ni de kho na'i mtshan nyid yin no/ /bdag dang bdag gi zhi ba'i phyir/ /ngar 'dzin nga yir 'dzin med 'gyur/ /de lta bdag dang bdag gis mngon par zhen pa nye bar zhi ba'i phyir/ de la der?

  142. 71b

    'dzin pa dang/ da yir 'dzin pa med par 'gyur te/ 'di ltar bdag tu mngon par zhen pa la rten nas/ ngar 'dzin par 'gyur la/ bdag gir mngon par zhen pa la brten nas nga yir 'dzin par 'gyur bas/ gang gi phyir bdag tu mngon par zhen pa nye bar zhi ba de'i phyir dang 'dzin pa med par 'gyur la /bdag gir mngon par zhen pa nye bar zhi ba de'i phyir nga yir 'dzin pa med par 'gyur ro/ /'dir smras pa/ gang gis de ltar de kho na mthong na ngar 'dzin pa dang nga yir 'dzin pa med par 'gyur ro zhes bya ba de nyid bdag yin pas bdag yod pa'i phyir bdag gi yang yod de/ /'dir bshad pa/ ngar 'dzin nga yir 'dzin med gang/ /de yang yod pa ma yin te/ /ngar 'dzin nga yir 'dzin med par/ /gang gis mthong bas mi mthong ngo/ /de ltar ngar 'dzin pa dang nga yir 'dzin pa med pa zhes bya ba gang yin pa de yang yod pa ma yin te/ ngar 'dzin pa dang nga yin 'dzin pa med par gang gi phyir mthong ba log par lta bas blo gros kyi mig nyams pa des ni de kho na mi mthong ngo/ /nang dang phyi rol nyid dag la/ /bdag dang bdag gir zad gyur na/ /nye bar len pa 'gag 'gyur zhing/ /de zad pas na skye ba zang/ /de ltar na nyid la bdag tu mngon par zhen pa dang/ phyi rol nyid la bdag gir mngon par zhen pa zad par gyur na/ nye bar len pa rnam pa bzhi 'gag par 'gyur zhing de 'gags pas srid pa zad par 'gyur la/ sring bzad pas skye ba zad par 'gyur ba de ni gang zag bdag med pa'i de kho na rtogs pa'i 'bras bu nyon mongs pa'i sgrib pa spangs pas/ rab tu phye ba phung po'i lhag ma dang bcas pa'i mya ngan las 'das pa yin no/ /da ni chos bdag med pa'i de kho na rtogs pa'i 'bras bu shes bya'i sgrib pa spangs pas rab tu phye ba phung po'i lhag ma med pa'i mya ngan las 'das pa thog pa'i thabs bstan pa'i phyir bshad pa/ las dang nyon mongs zad pas thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur/ /'di la las dang nyon

  143. 72a

    mongs pa dag ni skye ba'i rgyu yin pa'i phyir de dag zad pas sdug bsngal las rnam par grol ba ni thar pa ste/ des ni phung po lhag ma dang bcas pa'i mya ngan las 'das pa'i dbyings su 'jug par bstan to/ /las dang nyon mongs pa de dag ni rnam par rtog pa las byung ste/ de dag yod na 'byung ba'i phyir ro/ /rnam par rtog pa de dag ni spros pa las 'byung ste/ tha snyad kyi bden pa la mngon par zhen pa'i mtshan nyid kyi spros pa las 'byung ba'i phyir ro/ /spros? pa ni stong pa nyid kyi 'gag par 'gyur te/ chos bdag med pa nyid kyi mtshan nyid rtogs pas 'gag par 'gyur ba'i phyir ro/ /des ni phung po lhag ma med pa'i mya ngan las 'das pa'i dbyings su 'jug par bstan to/ /'dir smras pa/ bdag ni yod pa kho na yin te/ bcom ldan 'das kyis bdag yod pas gsungs pa'i phyir ro/ /'dir bshad pa/ bdag go zhes kyang btags gyur cing/ /bdag med ces kyang bstan par 'gyur/ /sangs rgyas rnams kyis bdag dang ni/ /bdag med pa 'ga' yang med par bstan/ sangs rgyas bcom ldan 'das sems can rnams kyi bsam par dang bag? la nyal mkhyen pa la mkhas pa rnams kyis/ gdul ba de dang de dag la yang dag par gzigs nas/ gdul ba gang dag la 'jig rten 'di med do 'jig rten pha rol med do/ /sems can brdzus te skye ba med do snyam pa'i lta ba de lta bu byung bar gyur pa de dag gi bdag med par lta ba bzlog pa'i phyir bdag go zhes kyang gtags par gyur to/ /gdul ba gang dag la las dge ba dang mi dge ba rnams kyi byed pa po dang de dag gi 'bras bu za ba po dag bcings pa dang thar pa dag ston par byed pa'i bdag ces bya ba de ni 'ga' zhig yod do snyam pa'i lta ba de lta bu byung bar gyur pa de dag gi bdag tu lta ba bzlog pa'i phyir bdag med ces kyang bstan par gyur to/ /gdul ba bzang po gang dag dge ba'i rtsa ba'i tshogs yongs su smin pa/ de srid pa'i chu bo las brtsal bar nus pa don dam pa'i gtam

  144. 72b

    gyi snod du gyur pa de dag la ni bdag dang bdag med pa 'ga' yang med par bstan to/ /yang na gzhan du brtag ste mu stegs byed kha cig 'du byed bdag med pas skad cig ma re re la rnam par 'jig pa'i dang can nam dus gzhan du nges par gnas pa rnams la bdag med na las dang 'bras bu med par brtags nas 'jig par gyur pa dag gis ni bdag go zhes kyang btags par 'gyur ro/ /gzhan gang dag 'di ni lus dang dbang po dang blo'i tshogs tsam du zad de/ 'di la rgyu dang 'bras bu las gang rtogs par 'gyur ba'i phyir bdag ni ngo bo nyid kyi med de/ sems can bgrang ba'i 'du byed bdag med pa nges par mi gnas pa gnas su ma byas pa 'di dag la yang 'khor ba mi 'thad do zhes bya bar rigs nas/ rgyu dang 'bras bu'i 'brel pa la rmongs pa dag gis ni bdag med ces kyang bstan par gyur to/ /sangs rgyas bcom ldan 'das chos thams cad la mkhyen pa lkog tu ma gyur pa rnams kyis ni/ /bdag dang bdag med pa 'ga' yang med par bstan to/ /'dir smras pa/ spros pa ni stong pa nyid kyis 'gag par 'gyur ro zhes gang bshad pa de la rigs pa gang yin/ 'dir bshad pa/ brjod par bya ba ldog med te/ sgras brjod par bya ba'i don bum pa dang snam bu dang shing rta la sogs pa stong pa nyid du mthong pas spros pa 'gag par 'gyur te/ /de la brjod par bya ba la rtog pas sgro btags pa las ni brjod pa'i bdag nyid kyi spros pa dpag tu med pa 'byung la/ dngos po thams cad kyi ngo bo nyid rab tu dben pa'i mtshan nyid kyi stong pa nyid nam mkha' lta bu mngon sum du byar med pa'i tshul gyis mngon sum du byas shing dngos po thams cad brjod du med par mthong na/ brjod pa'i bdag nyid kyi spros pa dgag pa'i phyir ro/ /brjod par bya ba de yang ji ltar ldog par 'gyur zhe na/ bshad pa/ sems kyi spyod yul ldog pas so/ /sems kyi spyod yul gzugs la sogs pa ngo bo nyid smed pa nyid du mthong bas brjod par bya ba ldog ste/ de yang

  145. 73a

    don dam par yongs su ma grub pa'i phyir ro/ /de la yang dag pa ji lta ba bzhin du mthong ba thob na/ brjod par bya ba ldog la don dam pa shes pa thob na sems kyi spyod yul ldog go /sems kyi spyod yul de yang ji ltar ldog par 'gyur zhe na/ bshad pa/ ma skyes pa dang ma 'gags pa/ /chos nyid mya ngan 'das dang mtshungs/ /sems kyi spyod yul gzugs la sogs pa dag ma skyes pa dang ma 'gags pa'i chos nyid mya ngan las 'das pa dang mtshungs par rab tu shes pas sems kyi spyod yul ldog par 'gyur ro/ /'dir smras pa/ don dam par dngos po thams cad la skyes pa dang ma 'gags pa'i chos nyid mya ngan las 'das pa dang mtshungs pa yin na/ 'jig rten gyi tha snyad du bstan pa'i tshul ji lta bu yin/ 'dir bshad pa/ thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas bstan pa'o/ /thams cad yang dag ces bya ba ni mig la sogs pa skye mched rnams dang gzugs la sogs pa'i yul rnams tha snyad kyi bden pa dang mi 'gal bar yod pa'i phyir ro/ /yang dag min zhes bya ba ni don dam par rten nas byung ba sgyu ma bzhin du ngo bo nyid yongs su ma grub pa'i phyir ji ltar snang ba de ltar yod pa ma yin pa'i phyir ro/ /yang dag yang dag ma yin nyid ces bya ba ni/ bden pa gnyi ga'i rnam pa la bltos pa'i phyir ro/ /yang dag min min yang dag min zhes bya ba ni/ mngon par rtogs pa'i dus na rnal 'byor pa rnam pa thams cad du chos thams cad kyi de kho na la rnam par mi rtog pa'i phyir ro/ /yang na thams cad yang dag ces bya ba ni/ bcom ldan 'das kyis nyon mongs pa'i sgrib pa spang ba'i phyir nang dang phyi rol gyi skye mched bdag dang bdag gi dang bral ba'i mtshan nyid g.yo ba med pa shes byar bstan pa dag yin no/ /yang dag min zhes bya ba ni rnam par shes pa'i mtshan nyid kyi bdag gis bdag dang bcas pa'i phyir dang

  146. 73b

    bdag gi yin pa'i phyir byed pa por brjod pas nyan pa dang sems pa dang bsgom par byed pa dag yin no/ /yang dag yang dag ma yin nyid ces bya ba ni 'jig rten dang bstan chos kyi tha snyad la bltos pa dag yin no/ /yang dag min min yang dag min zhes bya ba ni/ don dam pa'i tshul gyis chos thams cad skye ba med pa'i phyir shes pa rnam par rtog pa dang bcas pa dang rnam par rtog pa med pa'i spyod yul nyid du 'gyur bas dngos po'i tshul gyis yang dag pa ma yin pa nyid du rnam par brtags pa dang yang dag pa nyid du rnam par brtags pa gang yin pa de lta bu med pa yin no/ /de ni sangs rgyas bstan pa'o zhes bya ba ni rim pa rnam pa bzhi po de dag gis sems can gyi don yang dag par thob par bya ba'i phyir bstan pa 'jug pa gang yin pa de ni/ sangs rgyas bcom ldan 'das kyi bstan pa ste/ 'dis slob ma'i tshogs rnam pa mang po dag la dbang po dang bsam pa dang bag la nyal dang dus kyi dbang gi mtho ris dang byang grol gyi lam phyin ci ma log par rjes su ston pas bstan pa'o/ /'dir smras pa/ de kho na'i mtshan nyid gang yin/ 'dir bshad pa/ gzhan las shes min zhib dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /gzhan las shes min zhes bya ba ni 'di la gzhan las shes pa med pa ste/ lung med par bdag gi mngon sum du 'gyur zhing bdag nyid kyis rang rigs par bya ba zhes bya ba'i tha tshig go /zhi ba zhes bya ba ni ngo bo nyid dang bral ba'i phyir te/ dngos po'i ngo bo nyid khyad par gyi yul la rnam par rtog pa'i spyod yul ma yin pa'i phyir ro/ /spros pa rnams kyis ma spros pa zhes bya ba ni/ mngon par brjod pa'i mtshan nyid kyi spros pa nye bar zhi ba'i phyir ro/ /rnam par rtog pa med pa zhes bya ba ni snang ba med pa nyid kyis 'di dang 'di'o zhes rnam par ma brtags pa'i phyir ro/ /don tha dad pa ma yin pa zhes bya ba ni chos

  147. 74a

    nyid ro gcig pa'i phyir don dbyer med pa'o/ /yang na gang gi phyir rnam par rtog pa med pa de'i phyir spros pa rnams kyis ma spros pa'o/ /gang gi phyir spros pa rnams kyis ma spros pa de'i phyir zhi ba'o/ /gang gi phyir zhi bde'i phyir don la dad pa ma yin no/ /gang gi phyir don tha dad pa ma yin pa de'i phyir? gzhan las shes pa ma yin no zhes rnam grangs kyi sgrar bstan te/ de ni kho na'i mtshan nyid yin no/ /'di yang de kho na'i mtshan nyid gzhan yin te/ gang las brten te gang byung ba/ /de nir? zhig de nyid min/ /de las gzhan pa'ang ma yin phyir/ /de phyir chad min rtag ma yin/ /'di ltar gang las brten te gang byung ba de ni re zhig de nyid kyang ma yin la/ de las gzhan pa yang ma yin pa'i phyir chad pa yang ma yin la/ rtag pa yang ma yin te brtag pa 'dis don gcig pa ma yin pa dang/ don tha dad pa ma yin pa dang/ chad pa ma yin pa dang/ rtag pa ma yin pa bstan to/ /don gcig min don tha dad min/ /chad pa ma yin rtag min pa/ /de ni sangs rgyas 'jig rten gyi/ /mgon po'i ? pa bdud rtsi yin/ /de ltar mtho ris dang byang grol gyi lam rnam par 'byed pa don gcig pa ma yin pa don tha dad pa ma yin pa chad pa ma yin pa rtag pa ma yin pa/ mchog tu zab pa don dam pa'i de kho na gsal bar byed pa de ni/ sangs rgyas bcom ldan 'das 'jig rten gyi mgon po'i bstan pa bdud rtsi'i go 'phang 'thob pa'i rgyu yin no/ /rdzogs sangs rgyas rnams ma byung zhing/ /nyan thos rnams ni zad gyur kyang/ /rang sangs rgyas kyi ye shes ni/ /brten pa med las rab tu skye/ /nyan thos gang 'di la goms par ma byas pa rnams la/ brgya la sdogs pa'i sangs rgyas rnams ma byung dam/ nyan thos rnams zad par gyur te/ rkyen dang mi ldan du zin na yang de dag gi sngon goms pa'i rgyu las byung ba rang sangs rgyas kyi ye shes gzhan las shes

  148. 74b

    pa ma yin pa bsten pa med pa tsam gyi rkyen las rab tu skye bar 'gyur ro/ /de'i phyir bstan pa bdud rtsi de ni sgrub pa rnams la tshe 'di dang tshe phyi ma dag la bdud rtsi'i go 'phang thob par byed pa yin pas bdag la legs par 'dod pa rnams kyis bsam pa thag pas? de bsgrub par bya'o/ /slob dpon 'phags pa klu sgrub kyi mdzad pa dbu ma'i rtsa ba'i 'grel pa ga las 'jigs med las/ bdag dang chos brtag pa zhes bya ba ste/ rab tu byed pa bco brgyad pa'o// //'dir smras pa/ dus ni yod pa yin te/ de yang bltos pa can du 'grub ste/ da ltar byung ba dang ma 'ongs pa dag ni 'das pa la bltos la/ 'das pa dang ma 'ongs pa dag ni da ltar la bltos/ da ltar dang 'das pa dag ni ma 'ongs pa la bltos te 'grub bo/ /de bzhin du mchog dang tha ma dang 'bring la sogs pa dang/ gcig la sogs pa'i dngos po rnams kyang rim pa 'di nyid kyis yod par shes par bya'o/ /'dir bshad pa/ da ltar byung dang ma 'ongs pa/ /gal te 'das la bltos gyur na/ /da ltar byung dang ma 'ongs pa/ /'das pa'i dus na yod par 'gyur/ /da ltar byung ba dang ma 'ongs pa'i dus dag gal te 'das pa'i dus la bltos nas yod par gyur na/ de lta na da ltar byung ba dang ma 'ongs pa'i dus dag 'das pa'i dus na yod par 'gyur te/ ci'i phyir zhe na/ 'di ltar de gnyis de na yod na bltos su rung ba'i phyir ro/ /de yang mi 'thad pas de'i phyir da ltar byung ba dang ma 'ongs pa'i dus dag 'das pa la bltos nas 'grub bo/ /zhes gang smras pa de rigs pa ma yin no/ /'dir smras pa/ da ltar byung ba dang ma 'ongs pa dag 'das pa'i dus de na yod pa ma yin te/ 'o na ji zhe na/ de la bltos nas 'grub pa yin no/ /'dir bshad pa/ da ltar byung dang ma 'ongs pa/ /gal te de na med gyur na/ /da ltar byung dang ma 'ongs pa/ /ji ltar de la bltos par 'gyur/ /da

  149. 75a

    ltar byung ba dang ma 'ongs pa dag gal te 'das pa'i dus de na med par gyur na/ da ltar byung ba dang ma 'ongs pa'i dus de na med pa de dag ji ltar de la bltos par 'gyur te/ ci'i phyir zhe na/ 'di ltar gsum char yang tshogs par gyur na bltos pa 'thad pa'i phyir ro/ /'dir smras pa/ da ltar byung ba dang ma 'ongs pa dag 'das pa la bltos pa kho nar 'grub par 'gyur ro/ /'dir bshad pa/ 'das pa la ni ma bltos par/ /de gnyis 'grub pa yang ma yin/ /'das pa'i dus lam bltos par yang da ltar byung ba dang ma 'ongs pa'i dus de gnyis rang las rab tu 'grub pa yod pa ma yin no/ /de phyir da ltar byung ba dang/ /ma 'ongs dus kyang yod ma yin/ /de ltar gang gi phyir da ltar byung ba dang ma 'ongs pa gnyis 'da pa'i dus na yod pa ma yin pas/ bltos par mi 'thad la/ 'das pa la ma bltos par yang de gnyis 'grub pa yod pa ma yin pa de'i phyir da ltar byung ba dang ma 'ongs pa'i dus kyang yod pa ma yin no/ /rim pa'i tshul ni 'di nyid kyis/ /lhag ma gnyis po bsnor ba dang mchog dang thas dang 'bring la sogs gcig la sogs pa'ang shes par rim pa'i tshul 'di nyid kyis/ dus lhag ma gnyis po bsnor ba dang/ mchog dang tha ma dang 'bring la sogs pa dang gcig dang gnyis dang mang po la sogs pa dag kyang shes par bya'o 'dir smras pa/ dus ni ma bltos par yang yod pa kho na yin te/ skad cig dang thang cig dang yud tsam dang/ mtshan mo dang nyin mo dang zla ba phyed dang/ zla ba dang dus tshigs dang nur pa dang lo la sogs pa'i tshad dar ldan pa'i phyir ro/ /'dir bshad pa/ mi gnas dus su 'dzin mi byed/ /gang zhig gzung bar bya ba'i dus/ /gnas pa yod pa ma yin pas/ /ma bzung dus su ji ltar gdags/ /dngos po mi gnas pa la ni su yang dus su 'dzin par mi byed la dngos po las gzhan pa gang zhig gang gi

  150. 75b

    dus de'i ngo bo nyid du bzung bar bya ba'i chos gnas pa yang yod pa ma yin pas/ ma bzung ba dus su ji ltar gdags te/ de'i phyir dus zhes bya ba dngos po 'ga' yang mi 'thad do/ /'dir smras pa/ dus ni yod pa kho na yin te/ snga ma dang phyi ma dang cig car ma yin pa dang/ yun ring po dang myur ba zhes bya ba la sogs pa'i rtags yod pa'i phyir ro/ /'dir bshad pa/ gal te dus ni dngos brten na/ /dngos med dus ni ga la yod/ /dngos po 'ga' yang yod min na/ /dus lta yod par ga la 'gyur/ /gal te dus dngos po la brten pa yin na/ dngos po med na dus ga la yod de/ ci'i phyir zhe na/ dngos po 'ga' yang mi 'thad do zhes bstan zin pa'i phyir ro/ /dngos po 'ga' yang yod pa ma yin na dus lta yod par ga la 'gyur te/ 'gal me'i 'khor lo bzhin no// slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ dus brtag pa zhes bya ba ste/ rab tu byed pa bcu dgu pa'o// /'dir smras pa/ dus ni yod pa kho na yin te/ dus dang rgyu rkyen tshogs pa nyid las 'bras bu 'grub pa'i phyir ro/ /de lta bas na tshogs pa nyid dang/ de las byung ba'i 'bras bu yang yod do/ /'dir bshad pa/ gal te rgyu dang rkyen rnams kyi/ /tshogs pa nyid las skye gyur na/ /tshogs la 'bras bu yod na ni/ /ji ltar tshogs pa nyid las skye/ /gal te rgyu dang rkyen rnams kyi tshogs pa nyid las 'bras bu skye bar gyur na/ tshogs pa nyid de la 'bras bu de yod pa nyid yin na ni 'bras bu yod pa de ji ltar tshogs pa nyid de las skye bar 'gyur te de ni mi rigs so/ /ci'i phyir zhe na/ yod pa la skye ba mi 'thad pa'i phyir ro/ /'dir smras so/ rgyu dang rkyen rnams kyi tshegs? pa nyid la 'bras bu med mod kyi 'on kyang de las skye'o/ /'dir bshad pa/ gal te rgyu dang rkyen rnams kyi/ /tshogs pa nyid las skye gyur na/ /tshogs la 'bras bu med na ni/ /ji ltar tshogs pa nyid las

  151. 76a

    skye/ /gal te rgyu dang rkyen rnams kyi tshogs pa nyid las 'bras bu skye bar gyur na/ tshogs pa nyid de la 'bras bu de med pa nyid yin na ni/ 'bras bu med pa de ji ltar tshogs pa nyid de las skye bar 'gyur te/ de mi rigs so/ /ci'i phyir zhe na/ med pa skye ba mi 'thad pa'i phyir ro/ /yang gzhan yang/ gal te rgyu dang rkyen rnams kyi/ /tshogs la 'bras bu yod na ni/ /tshogs la gzung du yod rigs na/ /tshogs pa nyid la gzung du med/ /gal te rgyu dang rkyen rnams kyi tshogs pa nyid 'bras bu de yod pa nyid yin par gyur na/ de lta na tshogs pa nyid de la 'bras bu yod pa de mig gis gzugs blta ba dang yid kyis chos gzung ba'i bar dag bzhin du/ gzung du yod pa'i rigs na tshogs pa nyid la gzung du med pas/ de'i phyir tshogs pa nyid la 'bras bu de yod do zhes bya pa de rigs pa ma yin no/ /yang gzhan yang/ gal te rgyu dang rkyen rnams kyi/ /tshogs la 'bras bu med na ni/ /rgyu rnams dang ni rkyen dag kyang/ /rgyu rkyen ma yin mtshungs par 'gyur/ gal te rgyu dang rkyen rnams kyi tshoD pa nyid la 'bras bu de med pa nyid yin par gyur na/ de lta na rgyu rnams dang rkyen dag kyang rgyu dang rkyen ma yin pa rnams dang mtshungs par 'gyur bas de ni mi 'dod de/ de'i phyir tshogs pa nyid la 'bras bu med pa skye'o zhes bya ba de rigs pa ma yin no/ /'dir smras pa/ rgyus 'bras bu la rgyu byin nas 'gags pas de'i phyir tshogs pa nyid la 'bras bu med kyang 'bras bu rgyu dang bcas pa nyid kyang yin la ji skad bshad pa'i skyon du yang mi 'gyur ro/ /'dir bshad pa/ gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gags pa'i/ /rgyu'i bdag nyid gnyis su 'gyur/ /gal te rgyus 'bras bu la rgyu byin nas 'gag par 'gyur na/ de lta na gang byin pa dang/ gang 'gags pa des rgyu'i bdag nyid gnyis su 'gyur bas de yang

  152. 76b

    mi 'thad de/ de'i phyir rgyus 'bras bu la rgyu byin nas 'gag par 'gyur ro zhes bya ba de rigs pa ma yin no/ /'dir smras pa/ rgyus 'bras bu la rgyu byin nas 'gag pa ma yin gyi 'di ltar rgyu 'gags ma thag tu 'bras bu skye'o/ /'dir bshad pa/ gal te rgyus ni 'bras bu la/ /rgyu ma byin par 'gag 'gyur na/ /rgyu 'gags nas ni skyes pa yi/ /'bras bu de ni rgyu med 'gyur/ /gal te rgyus 'bras bu la rgyu ma byin par 'gag par 'gyur na/ de lta na rgyu 'gag nas skyes pa'i 'bras bu de rgyu med par 'gyur bas de ni mi 'dod de/ de'i phyir rgyu 'bras bu la rgyu ma byin par 'gag bar 'gyur ro zhes bya ba de rigs pa ma yin no/ /'dir smras pa/ 'bras bu ni tshogs pa nyid dang lhan cig skye'o/ /'dir bshad pa/ gal te tshogs dang lhan cig tu/ /'bras bu yang ni skye gyur na/ /skyed pa dang ni gang skyed pa/ /dus gcig par ni thal bar 'gyur/ /gal te tshogs pa dang 'bras bu lhan cig kho na skye bar gyur na/ de lta na bskyed pa tshogs pa nyid gang yin pa dang bskyed pa 'bras bu gang yin pa pha dang bu lta bu de dag dus gcig tu 'byung bar thal bar 'gyur ba de ni mi 'dod de/ de'i phyir 'bras bu tshogs pa nyid dang lhan cig skye'o zhes bya ba de rigs pa ma yin no/ /'dir smras pa/ 'bras bu ni tshogs pa nyid kyi snga rol nyid na yod de/ de ni phyis tshogs pa nyid skyes pas gsal bar byed de/ mar mes bum pa bzhin no/ /'dir bshad pa/ gal te tshogs pa'i snga rol na/ /'bras bu skyes par gyur na ni/ /rgyu dang rkyen rnams med pa yi/ /'bras bu rgyu med 'byung bar 'gyur/ /gal te tshogs pa nyid kyi snga rol tu 'bras bu skyes par gyurna/ de ltar na rgyu dang rkyen rnams med pa'i 'bras bu rgyu med pa las 'byung bar 'gyur bas de ni mi 'dod de/ skyon chen por thal bar 'gyur ba'i phyir ro/ /de'i phyir 'bras bu tshogs pa nyid kyi snga rol na yod do zhes bya ba de

  153. 77a

    rigs pa ma yin no/ /'dis? smras pa/ rgyus rgyu'i ngo bo nyid yongs su ma spangs pa 'gag pa 'bras bu'i bdag nyid du gnas te/ rgyu yongs su gyur pa las 'bras bur 'grub bo/ /'dir bshad pa/ gal te rgyu 'gags 'bras bu na/ /rgyu ni kun tu 'pho? bar 'gyur/ /sngon skyes pa yi rgyu yang ni/ /yang skye par ni thal bar 'gyur/ /gal te rgyus rgyu'i ngo bo nyid yongs su ma spangs pa/ 'gags pa 'bras bu'i bdag nyid du gnas shing rgyu yongs su 'gyur ba las 'bras bu 'grub na/ de lta na rgyu kun tu 'pho bar 'gyur kyi skye ba ma yin par 'gyur ro/ /gzhan yang 'di la rgyu rnam pa gnyis su bsam pa lhan cig skyes pa dang/ sngon skyes pa dag las de la sngon skyes pa'i rgyu nyid kyang yang skye bar thal bar 'gyur ro/ /'dir smras pa 'bras bu snga na yod pa nyid rgyu 'gags pas skyed par byed do/ /'dir bshad pa/ 'gags pa nub par gyur pa yis/ /'bras bu skyes pa ji ltar bskyed/ /rgyu 'gags pa nub par gyur pas 'bras bu skyes pa rigs pa gang gis bskyed par 'gyur/ 'dir smras pa/ 'o na 'bras bu ldan yod pa rgyu gnas pas skyed par byed do/ /'dir bshad pa/ 'bras bu dang ni 'brel pa'i rgyu/ /gnas pas kyang ni ji ltar bskyed/ /'bras bu dang 'brel pa'i rgyu gnas pas kyang rigs pa gang gis 'bras bu bskyed par 'gyur/ 'dir smras pa/ rgyu dang 'bras bu ma 'brel pa des 'bras bu skyed par byed do/ /'dir bshad pa/ ji ste de? 'bras ma 'brel na/ /'bras bu gang zhig bskyed par byed/ /ji ste rgyu de 'bras bu dang ma 'brel ba yin na des 'bras bu gang zhig skyed par byed de/ ci'i phyir zhe na/ 'bras bu ma skyes shing snga na med pa rgyu dang ma 'brel ba'i phyir ro/ yang gzhan yang/ rgyus ni mthong dang ma mthong bar/ /'bras bu bskyed par mi byed do/ /'di la mig gi dbang po ni mig gi rnam par

  154. 77b

    shes pa'i rgyu yin na/ des gzugs mthong nas mig gi rnam par shes pa bskyed par byed dam/ /ma mthong bar bskyed par byed grang na/ gnyi ga ltar yang mi 'thad de/ ci'i phyir zhe na/ mthong na ni don med pa nyid du 'gyur ba'i phyir dang/ ma mthong na yang rkyen med pa'i phyir ro/ /'dir smras pa/ rgyus ni 'bras bu bskyed par byed pa nyid de/ 'bras bu'i rgyu yin pa'i phyir ro/ /'dir bshad pa/ 'di la gal te rgyus 'bras bu bskyed par gyur na/ phrad nas skyed par 'gyur grang na/ 'bras bu dang rgyu dag phrad pa ni rnam yang mi 'thad de/ ci lta zhe na/ 'bras bu 'das pa rgyu 'das dang/ /ma skyes pa dang skyes pa dang/ /lhan cig phrad par 'gyur ba ni/ /nam yang yod pa ma yin no/ /'bras bu 'das pa ni rgyu 'das pa dang ma skyes pa dang lhan cig phrad par 'gyur na nam yang yod pa ma yin te/ 'das pa dang ma 'ongs pa dag gi 'bras bu dang rgyu dag med pa'i phyir ro/ /'bras bu 'das pa dang rgyu skyes pa yang lhan cig phrad par 'gyur ba na yang yod pa ma yin te/ 'bras bu med pa'i phyir ro/ /'bras bu ma skyes rgyu ma skyes/ 'das pa dang ni skyes pa dang/ /lhan cig phrad par 'gyur ba ni/ /nam yang yod pa ma yin no/ /'bras bu ma skyes pa ni rgyu ma skyes pa dang 'das pa dang lhan cig phrad par 'gyur ba nam yang yod pa ma yin te/ 'das pa dang mthongs pa dag gi 'bras bu dang rgyu dag med pa'i phyir ro/ /'bras bu ma skyes pa dang rgyu? med pa yang lhan cig phrad par 'gyur ba nam yang yod pa ma yin te/ 'bras bu med pa'i phyir ro/ /'bras bu skyes pa rgyu skyes dang/ /ma skyes pa dang 'das pa dang/ /lhan cig phrad par 'gyur ba ni/ /nam yang yod pa ma yin no/ /'bras bu skyes pa ni rgyu skyes pa dang snyan cig phrad par 'gyur ba nam yang yod pa ma yin te/ /rgyu dang 'bras bu gnyis dus gcig tu 'byung ba bkag pa'i phyir ro/ /'bras bu skyes pa dang rgyu ma skyes pa dang/ 'das pa yang lhan cig phrad par

  155. 78a

    'gyur ba nam yang yod pa ma yin te/ 'das pa dang ma 'ongs pa dag gi rgyu dag gi rgyu dag med pa'i phyir ro/ /de ltar dus gsum gyi rgyu dang 'bras bu dag lhan cig phrad par 'gyur ba nam yang yod pa ma yin pa de'i phyir rgyus 'bras bu skyed par byed pa nyid de/ 'bras bu'i rgyu yin pa'i phyir ro zhes gang smras pa de rigs pa ma yin no/ /phrad pa yod pa ma yin na/ /rgyus ni 'bras bu ji ltar bskyed/ /yod par 'gyur ba ma yin pa'i phyir ro/ /phrad pa yod pa yin na yang/ /rgyus ni 'bras bu ji ltar skyed/ /yod par gyur pa'i phyir ro/ /yang rgyu'i dbang du byas nas/ rnam grangs gzhan du dpyad de/ gal te 'bras bu stong pa'i rgyu/ /ji ltar 'bras bu skyed par byed 'bras bus stong pa'i phyir ro/ /dper na de las gzhan bzhin no/ /gal te 'bras bu mi stong rgyu ji ltar 'bras bu skyed par byed/ /'bras bu mi stong pa'i phyir dper na/ 'bru'i bdag nyid bzhin no/ /yang 'bras bu'i dbang du byas nas rnam grangs gzhan du dpyad de/ 'bras bu mi stong skye mi 'gyur/ /mi stong 'gags par mi 'gyur ro/ /mi stong de ni ma 'gags dang/ /ma skyes par yang 'gyur ba yin/ /'bras bu skye ba'i snga rol na 'bras bu'i bdag nyid kyis stong pa ni skye ba dang 'gag par mi 'gyur te/ ci'i phyir zhe na/ rang gi bdag nyid kyis nges par gnas pa'i phyir ro/ /de'i phyir 'bras bu skye ba'i snga? rol na 'bras bu'i bdag nyid kyi mi stong par yongs su rtog na rtag pa'i phyir de ni ma 'gags pa dang ma skyes par yang thal bar 'gyur bas de ni mi 'dod de/ /'bras bu ni skye ba dang 'gag pa'i chos can nyid du 'dod do/ stong pa ji ltar skye 'gyur zhing/ /stong pa ji ltar 'gag par 'gyur/ /stong pa de yang ma 'gag dang/ /ma skyes par yang thal bar 'gyur/ /'bras bu skye ba'i snga rol na 'bras bu'i bdag nyid kyis stong pa ni skye ba dang 'gag par mi 'gyur te/ ci'i phyir zhe na/ rang

  156. 78b

    gi bdag nyid kyis nges par mi gnas pa'i phyir ro/ /de'i phyir 'bras bu skye ba'i snga rol na 'bras bu'i bdag nyid kyis stong par yongs su rtag na med pa'i phyir de yang ma 'gags pa dang ma skyes pa yang thal bar 'gyur bas de yang mi 'dod de/ 'bras bu ni skye ba dang 'gag pa'i chos can nyid du 'dod do/ /yang gzhan yang/ rgyu dang 'bras bu dag de nyid dang gzhan nyid ma yin pa'i dbang du byas nas rnam grangs gzhan du dpyad de/ rgyu dang 'bras bu gcig nyid du/ /nam yang 'thad par mi 'gyur ro/ /rgyu dang 'bras bu gzhan nyid du/ /nam yang 'thad par mi 'gyur ro/ /skyon cir 'gyur zhe na/ rgyu dang 'bras bu gcig nyid na/ /skye dang bskyed pa gcig tu 'gyur/ /rgyu dang 'bras bu gzhan nyid na/ /rgyu dang rgyu min mtshungs par 'gyur/ /de lta bas na rgyu dang 'bras bu dag gcig pa nyid dang gzhan nyid du mi 'thad do/ /yang gzhan yang/ 'bras bu'i ngo bo nyid yod pa dang/ med pa'i dbang du byas nas rnam grangs gzhan du dpyad de/ 'bras bu ngo bo nyid yod na/ /rgyus ni ci zhig bskyed par 'gyur/ /'bras bu'i ngo bo nyid yod pa skye ba na tha snyad du yang bstan dka' ba'i phyir ro/ /'bras bu ngo bo nyid med na/ /rgyus ni ci zhig bskyed par 'gyur/ /'bras bu ngo bo nyid med pa skye ba yang tha snyad du yang bstan dka' ba'i phyir ro/ /de lta bas na 'bras bu ngo bo nyid yod pa dang med pa yang rgyus bskyed par mi 'thad do/ /skye ba yong pa ma yin na/ /rgyu nyid 'thad par mi 'gyur ro/ /de ltar rgyu gang gis kyang 'bras bu skyed par mi byed pas rgyu nyid 'thad par mi 'gyur ro/ /'dir smras pa/ rgyu ni 'bras bu skyed par byed pa nyid de/ rgyu 'di'i 'bras bu 'di'o/ /zhes brjod pa'i phyir ro/ /'dir bshad pa/ rgyu nyid 'thad pa yod min na/ /'bras bu gang gi yin par 'gyur/ /'bras bu skyed pa'i rgyu nyid yod pa ma yin na/ 'bras bu de gang gi yin par 'gyur te/ de'i phyir rgyus

  157. 79a

    ni 'bras bu bskyed par byed pa nyid de rgyu 'di'i 'bras bu 'di'o zhes brjod pa'i phyir ro/ /zhes gang smras pa de rigs pa ma yin no/ /'dir smras pa/ rgyu 'ba' zhig las 'bras bu 'grub pa ma yin gyi/ tshogs pa rnyed na 'bras bu 'grub par 'gyur la/ dus byang? tshogs pa'i yan lag yin pas des na/ tshogs pas bskyed pa'i 'bras bu yod do/ /'dir bshad pa/ rgyu rnams dang ni rkyen dag gi /tshogs pa gang yin de yis ni/ /bdag gis bdag nyid mi bskyed na/ /'bras bu ji ltar skyed par byed/ /rgyu dang rkyen rnams kyi tshogs pas 'bras bu bskyed par byed do/ /zhes bya bar brtags pa gang yin pa des ni/ re zhig bdag gis bdag nyid mi bskyed de/ ci'i phyir zhe na/ tshogs pa ni rdzas su yod pa ma yin pa'i phyir ro/ / de ltar tshogs pa bdag gis bdag nyid mi bskyed pa des 'bras bu ji ltar bskyed par byed de bdag nyid rab tu ma grub pa'i phyir ro/ /yang na 'bras bu skye ba rnam pa thams cad mi 'thad pa'i phyir de'i tshogs pa yang med pas/ des 'bras bu ji ltar skyed par byed de/ 'bras bu med pa'i phyir ro/ /de'i phyir tshogs pas byas pa dang/ /tshogs min byas pa'i 'bras bu med/ /de ltar gang gi phyir tshogs pa de bdag nyid ma skyes shing rab tu ma grub pa de'i phyir tshogs pas byas pa'i 'bras bu med do/ gang gi tshe? tshogs? pas byas pa'i 'bras bu nyid mi 'thad pa de'i tshe/ tshogs pa ma yin pas byas pa'i 'bras bu rgyu med pa las byung ba yang mi 'thad pas tshogs pa ma yin pas byas pa'i 'bras bu yang med do/ /'dir smras pa/ tshogs pa ni rdzas su yod pa nyid de rang gi yan lag dag las gzhan ma yin pa'i phyir ro/ /'dir bshad pa/ 'bras bu yod pa ma yin na/ /rkyen gyi tshogs pa ga la yod/ /gang gi phyir 'bras bu skye ba med pa dang rdzas su yod pa nyid ma yin pa de'i phyir rkyen gyi tshogs

  158. 79b

    pa ga la yod de/ de la tshogs pa ni rdzas su yod pa nyid de rang gi yan lag dag las gzhan ma yin pa'i phyir ro/ /zhes gang smras pa de rigs pa ma yin te/ sa bon tshig pa bzhin no/ slob dpon 'phags pa klu sgrub kyis mdzad pa dbu ma'i rtsa ba'i 'grel ngag? las 'jigs med las/ rgyu dang 'bras bu brtag pa zhes bya ba ste/ rab tu byed pa nyi shu pa'o// //'dir smras pa/ dus la sogs pa dag ni yod pa kho na yin te/ 'byung ba dang 'jig pa'i rgyu yin pa'i phyir ro/ /'dir bshad pa/ 'jig pa 'byung ba med par ram/ /lhan cig yod pa nyid ma yin/ /'jig pa ni 'byung ba med par ram/ 'byung ba dang lhan cig kyang yod pa nyid ma yin te/ rig pa gang gis she na/ bshad pa/ gal te 'jig pa 'byung ba med par yod pa nyid du gyur na/ 'byung pa la ma bltos pa rgyu med par rab tu 'grub par 'gyur bas de ni mi 'dod de/ de'i phyir 'jig pa 'byung ba med par yod pa nyid ma yin no/ /gal te 'jig pa 'byung ba dang lhan cig yod pa nyid yin par gyur pa de lta na yang so sor grub pas/ /rgyu med pa las byung bar 'gyur ste/ so sor grub pa nyid yin na/ lhan cig yod pa nyid du brtag tu rung bas de yang mi 'dod de/ de'i phyir 'jig pa 'byung ba dang lhan cig kyang yod pa nyid ma yin no/ /'dir smras pa/ gal te 'jig pa 'byung ba med par ram/ lhan cig yod pa nyid ma yin na/ 'o na da 'byung ba ni yod do/ /'dir bshad pa/ 'byung ba 'jig pa med par ram?/ /lhan cig yod pa nyid ma yin/ /'byung ba yang 'jig pa med par ram/ 'jig pa dang lhan cig kyang yod pa nyid ma yin te/ rigs pa gang gis she na/ bshad pa/ gal te 'byung ba 'jig pa med pa yod pa nyid du gyur na/ brtag pa dang mi 'gyur bar 'gyur te/ 'jig rten na rtag pa dang mi 'gyur ba ni 'ga' yang mi snang bas de ni mi 'dod

  159. 80a

    de/ de'i phyir 'byung ba 'jig pa med par yod pa nyid ma yin no/ /gal te 'byung ba 'jig pa dang lhan cig yod pa nyid yin par gyur na/ de lta na yang don phan tshun mi mthun pa gnyis gcig la dus gcig tu 'byung bar gyur te 'byung ba dang 'jig pa don mi mthun pa gnyis dngos po gcig la dus gcig tu 'byung ba ni 'gal bas de yang mi 'dod de/ de'i phyir 'byung ba 'jig pa dang lhan cig kyang yod pa nyid ma yin no/ /yang gzhan yang/ ji ltar chos kyi gnas skabs la mkhas pa dag brjod pa/ gal te 'byung ba 'jig pa dang lhan cig yod pa nyid yin na/ dus thams cad du 'byung ba 'jig par thal bar 'gyur bas/ 'byung ba ni dus thams cad du 'jig par mi 'thad do/ /gal te 'byung ba dus thams cad du 'jig par gyur na/ de nam yang gnas par mi 'gyur ro/ /de ni gnas par yang 'dod pas de ltar rigs pa des kyang 'byung ba 'jig pa med par ram lhan cig kyang yod pa nyid ma yin no/ /yang gzhan yang/ 'jig pa 'byung ba med par ni/ ji lta bur na yod par 'gyur/ /'jig pa 'byung ba med par rigs pa gang gis rab tu 'grub par 'gyur te/ rnam pa thams cad du yang mi 'thad do/ /dpe ji lta bu zhe na/ 'chi ba skye ba med pa ltar/ /'jig pa 'byung ba med par med/ /ji ltar 'chi ba skye ba med par med pa de ltar 'jig pa yang 'byung ba med par med do/ /de la 'di snyam du gal te 'jig pa 'byung ba med par mi 'thad pas 'byung ba dang lhan cig yod par sems na/ 'dir bshad pa/ 'jig pa 'byung dang lhan cig tu/ /ji ltar yod pa nyid du 'gyur/ /'jig pa 'byung ba dang lhan cig yod par rigs pa gang gis rab tu 'grub par 'gyur te/ rnam pa thams cad du yang mi 'dod do/ /dper na ji lta bu zhe na/ 'chi ba skye dang dus gcig tu/ /yod pa nyid ni ma yin bzhin/ /ji ltar 'chi ba skye ba dang dus gcig tu yod pa nyid ma yin pa de bzhin du/

  160. 80b

    'jig pa yang 'byung ba dang lhan cig yod pa nyid ma yin no/ /'dir smras pa/ gal te 'jig pa 'byung ba med par ram/ lhan cig yod pa ma yin na/ 'o na da 'byung ba ni 'jig pa med par yod do/ /'dir bshad pa/ 'byung ba 'jig pa med par ni// ji ltar yod pa nyid du 'gyur/ /'byung ba 'jig pa med par rigs pa gang gis rab tu 'grub par 'gyur te/ rnam pa thams cad du yang mi 'thad do/ /ci'i phyir zhe na/ dngos po rnams la mi rtag nyid/ /nam yang med pa ma yin no/ /de'i bdag nyid yin pa'i phyir dper na dngos po'i rang gi bdag nyid bzhin no/ /de la 'di snyam du gal te 'byung ba 'jig pa med par mi 'thad pas 'jig pa dang lhan cig yod par sems na/ 'dir bshad pa/ 'byung ba 'jig dang lhan cig tu/ /ji ltar yod pa nyid du 'gyur/ / 'byung ba 'jig pa dang lhan cig yod par rigs pa gang gis rab tu 'grub par 'gyur te/ rnam pa thams cad du yang mi 'thad do/ /dpe ji lta bu zhe na/ skye ba 'chi dan dus gcig tu/ /yod pa nyid du mi rig bzhin/ /ji ltar skye ba 'chi ba dang dus gcig tu yod pa nyid du mi rigs pa de bzhin du/ 'byung ba yang 'jig pa dang lhan cig yod pa nyid du mi rigs so/ /gang dag phan tshun lhan cig gam/ /phun tshun lhan cig ma yin par/ /grub pa yod pa ma yin pa/ /de dag 'grub par ji ltar yod/ /gang gi phyir de ltar yongs su brtags na/ 'jig pa ni 'byung ba med par ram/ lhan cig yod pa nyid ma yin la/ /'byung ba yang 'jig pa med par ram/ lhan cig yod pa nyid ma yin pa de'i phyir/ 'byung ba dang 'jig pa dag grub pa yod pa ma yin pas/ de'i phyir de dag 'grub pa rnam pa gzhan ji ltar yod de lta bas ma 'byung ba dang 'jig pa dag yod pa ma yin no/ /de dag med na dus la sogs pa dag yod par ga la 'gyur te/ stong pa nyid bdun bcu pa las kyang/ /dngos dang dngos med cig car

  161. 34a

    med/ /dngos med med par dngos po med/ /rtag tu dngos dang dngos med 'gyur/ /dngos med dngos po med mi 'byung/ /dngos po med par dngos med med/ /bdag las ma yin gzhan las min/ /de lta bas na dngos po med// de med na ni dngos med med/ /dngos po yod pa nyid na brtag /med na nges par chad pa yin/ /dngos po yod na de gnyis yin/ /de phyir dngos po khas blangs min/ /zhes bshad do/ /'dir smras pa/ dngos po ni 'jig pa'i bdag nyid can yin yang skyes ma thag tu 'jig par mi 'gyur te/ 'di ltar skyes ma thag tu gnas pa 'gyur bar 'gyur zhing de'i 'og tu 'jig par 'gyur bas de'i phyir 'jig pa ni 'byung ba med par yod la/ 'byung ba yang 'jig pa med par yod do/ /'dir bshad pa/ zad la 'byung ba yod ma yin/ /ma zad pa la'ang 'byung ba med/ /zad la 'jig pa yod ma yin/ /ma zad pa la'ang 'jig pa med/ /gang rgyun tu 'jig cing nyi ma re re'i skad cig skad cig la zad cing 'bral bar 'gyur ba de ni zad pa zhes bya ste/ chu bo'i rgyun bzhin du nges par mi gnas pa ngo bo nyid mngon par ma thob pa de la 'byung ba brtag par mi nus pas/ de'i phyir zad pa la 'byung ba yod pa ma yin no/ /gang rtag pa rnam par mi 'gyur ba gtan du zad par mi 'gyur zhing 'bral bar mi 'gyur ba de ni mi zad pa zhes bya ste/ rtag pa rnam pa de dang des nges par gnas pa mi ldog pa de la 'byung ba brtag par mi 'thad pas/ de'i phyir mi zad pa la yang 'byung ba med do/ /zad pa gang la 'byung ba med pa de la 'jig pa mi 'thad pas/ de'i phyir zad pa la 'jig pa yod pa ma yin no/ /ma zad pa gang la 'byung ba mi 'thad pa de la yang 'jig pa mi 'thad pas/ de'i phyir ma zad pa la yang 'jig pa med do/ /de ltar dngos po gang

  162. 81b

    'jig pa'i bdag nyid can yin na/ zad pa'i dang can yin pas de la 'byung ba yod pa ma yin pa dang/ ji ste skyes ma thag tu mi 'jig na/ zad pa'i dang can ma yin pas de la yang 'byung ba yod pa ma yin la/ de bzhin du dngos po gang 'jig pa'i bdag nyid can yin na/ zad pa'i dang can yin pas de la 'jig pa yod pa ma yin pa dang/ ci ste skyes ma thag tu mi 'jig na zad pa'i dang can ma yin pas/ de la yang 'jig pa yod pa ma yin pa de'i phyir/ dngos po ni 'jig pa'i bdag nyid can yin yang skyes ma thag tu 'jig par mi 'gyur te/ 'di ltar skyes ma thag tu gnas pa 'byung bar 'gyur zhing de'i 'og tu 'jig par 'gyur bas/ de'i phyir 'jig pa ni 'byung ba med pa yod la/ 'byung ba yang 'jig pa med par yod do/ /zhes gang smras pa de rigs pa ma yin no/ /'dir smras pa/ 'byung ba dang 'jig pa dag ni yod pa kho na yin te/ dngos po'i chos yin pa'i phyir ro/ /'dir bshad pa/ 'byung dang 'jig pa med par ni/ /dngos po yod pa ma yin no/ /'byung ba dang 'jig pa dag med par ni dngos po yod pa ma yin te/ ci'i phyir zhe na/ gang la 'byung ba dang 'jig pa dag med pa de ni rtag pa 'am med pa nyid du 'gyur ba'i phyir te/ de la rtag pa ni 'jig rten na 'ga' yang med la med pa nyid yin na ni de dngos po yod pa ma yin no/ /dngos po yod pa ma yin par/ 'byung dang 'jig pa yod ma yin/ /dngos po yod pa ma yin par 'byung ba dang 'jig pa dag yod pa ma yin te/ ci'i phyir zhe na/ dngos po med na 'byung ba dang 'jig pa dag gzhi med pa'i phyir ro/ /de'i phyir 'byung ba dang 'jig pa dag ni yod pa kho na yin te/ /dngos po'i chos yin pa'i phyir ro/ /zhes gang smras pa de rigs pa ma yin no/ /yang gzhan yang/ stong la 'byung dang 'jig pa dag /'thad pa nyid ni ma yin no/ /mi stong ba la'ang 'byung 'jig dag

  163. 82a

    'bad pa nyid ni ma yin no/ /'di la gal te 'byung ba dang 'jig pa dag yod pa nyid du gyur na/ de dag dngos po ngo bo nyid stong pa'am mi stong pa la yod par 'gyur grang na/ de la re zhig dngos po yod par gyur pa ma yin pa ngo bo nyid stong pa la ni? 'byung ba dang 'jig pa dag yod pa nyid ma yin te/ ci'i phyir zhe na/ ngo bo nyid stong pa la 'byung ba dang 'jig pa de dag mi 'thad pa'i phyir ro/ /dngos po yod par gyur pa ngo bo nyid mi stong pa la yang 'byung ba dang 'jig pa dag yod pa nyid ma yin te/ ci'i phyir zhe na/ ngo bo nyid kyis mi stong pa nges par gnas pa rnam par 'gyur ba med pa la 'byung ba dang 'jig pa dag mi 'thad pa'i phyir ro/ /yang gzhan yang/ 'byung pa dang ni 'jig pa dag /gcig pa nyid du mi 'thad do/ /'byung ba dang ni 'jig pa dag/ gzhan nyid du yang mi 'thad do/ /'di la gal te 'byung ba dang 'jig pa dag yod par gyur na/ gcig pa nyid dam gzhan nyid du 'gyur grang na/ re zhig gcig pa nyid du ni mi 'thad de/ mi mthun pa'i phyir dper na/ shes pa dang mi shes pa dag bzhin no/ gzhan nyid du yang mi 'thad do/ dngos po gcig la brten pa'i phyir dper na gang yang rung ba'i bdag nyid bzhin no/ /'byung ba dang 'jig pa dag /mthong ngo snyam du khyod sems na/ /'byung ba dang ni 'jig pa dag /gti mug nyid kyis mthong ba yin// ci ste pa rgyal khyod 'di snam du dngos po rnams kyi 'byung ba dang 'jig pa dag mngon sum nyid du mthong bas de la 'thad pa gzhan ci dgos snyam du sems na/ de la bshad par bya ste/ 'byung ba dang 'jig pa dag ni gti mug can mi shes pa phyin ci log dang ldan pas mthong ba yin te/ gang phyin ci log dang ldan pas mthong ba de ni don dam par mthong ba ma yin no/ /yang gzhan yang/ dngos po dngos las mi skye ste/ /dngos med dngos las mi skye'o/ /dngos po dngos med mi skye ste/ /dngos med dngos med

  164. 82b

    mi skye'o/ /'di lag la te 'byung ba dang 'jig pa dngos po la rten pa zhig yod par rtog na/ de la dngos po dngos po las skye ba 'am/ dngos po med pa dngos po las skye ba 'am/ dngos po dngos po med pa las skye ba'am/ dngos po med pa dngos po med pa las skyed? 'gyur grang na/ de la re zhig dngos po ni dngos po las mi skye ste/ dngos po yin pa'i phyir dper na skye ba bzhin no/ /dngos po med pa yang dngos po las mi skye ste?/ skye ba'i snga rol na med pa'i phyir dam/ brjod par bya ba ma yin pa'i phyir dper na de las gzhan pa bzhin no/ /dngos po ni dngos po med pa las mi skye ste/ phyogs gnyi gar bstan pa'i phyir ram/ rgyu med pa las byung bar thal bar 'gyur ba'i phyir ro/ /dngos po med pa yang dngos po med pa las mi skye ste/ rjes su dpag pa dang grags pa'i gnod par 'gyur pa'i phyir ro/ /gang gi phyir de ltar rnam pa thams cad du dngos po skye ba mi 'bad pa de'i 'byung ba dang 'jig pa dag dngos po la rten par mi 'thad do/ /yang gzhan yang/ dngos po bdag las mi skye ste/ gzhan las skye ba nyid ma yin/ /bdag dang gzhan las skye ba ni/ /yod min ji ltar skye bar 'gyur/ /'di la gal te dngos po skye bar 'gyur na/ de bdag las sam/ gzhan las sam/ gnyi ga las skye bar 'gyur grang na/ de la re zhig dngos po ni bdag las skye ba med de/ rang gi bdag nyid kyis yod pa la bde? skye bar? brtag pa don med pa nyid du 'gyur ba'i phyir dang/ thug pa med par thal bar 'gyur ba'i phyir ro/ /dngos po ni gzhan las kyang skye ba med de/ dngos po ma skyes shing med pa las gzhan mi 'thad ba'i phyir ro/ /dngos po ni bdag dang gzhan las kyang ? med de/ ji skad bstan pa'i skyon de gnyi gar thal bar 'gyur ba'i phyir ro/ /de ltar dngos po gang bdag dang gzhan dang gnyi ga las skye ba med pa de/ de rnam pa gzhan gang las ji ltar skye bar 'gyur te/ de lta bas na dngos po skye ba

  165. 83a

    mi 'thad do/ /dngos po yod pa ma yin na/ /'byung ba dang 'jig pa dag gzhi med pas yod par mi 'thad do/ /yang gzhan yang/ dngos po yod par khas blangs na/ /rtag dang chad par lta bar ni/ /thal bar 'gyur te dngos de ni/ /rtag dang? mi rtag 'gyur phyir ro/ /dngos po yod par khas blangs na/ /rtag pa dang chad par lta bar thal bar 'gyur te/ ci'i phyir zhe na/ dngos po de ni rtag pa dang mi rtag par 'gyur ba'i phyir te/ de la re zhig gal te dngos po de rtag na ni mi 'jig pa'i phyir rtag par lta bar 'gyur la/ mi rtag na ni 'jig pa'i phyir chad par lta bar thal bar 'gyur bas/ de yang mi 'dod de skyon che ba'i phyir ro/ /'dir smras pa/ dngos po yod par khas blangs kyang/ /chad par mi 'gyur rtag mi 'gyur/ /ci'i phyir zhe na/ 'di ltar/ 'bras bu rgyu yi 'byung 'jig gi /rgyun de srid pa yin phyir ro/ /de la rgyu 'gag bzhin pa las 'bras bu skyo ba'i phyir chad par mi 'gyur la/ 'bras bu skyes ba na rgyu 'gags pa'i phyir rtag par mi 'gyur ro/ /'dir bshad pa/ gal te 'bras rgyu'i 'byung 'jig gi /rgyun de srid pa yin gyur na/ /'jig la yang skye med pa'i phyir/ /rgyu ni chad par thal bar 'gyur/ /gal te 'bras bu dang rgyu ni 'byung ba dang 'jig pa'i rgyun gang yin par gyur na/ de lta na 'jig pa la yang skye ba med pa'i phyir rgyun chad par thal bar 'gyur te/ dper na sa bon tshig pa bzhin no/ /yang gzhan yang/ /dngos po ngo bo nyid yod na/ /dngos med 'gyur bar ma rigs so/ /bum pa'i dngos po bum pa'i ngo bo nyid kyis yod na/ dngos po med par 'gyur bar mi rigs ste/ ci'i phyir zhe na/ ngo bo nyid ni gzhan du mi 'gyur pa'i phyir ro/ /de lta bas na dngos por lta ba yod na/ rgyu yang 'gag par mi 'thad la/ /'bras bu yang skye bar mi 'thad de skye ba dang 'gag pa dag ni 'gyur ba yin pa'i phyir ro/ /de lta na yang de la rtag par lta bar thal bar

  166. 83b

    'gyur bas de ni mi 'dong ngo/ /yang gzhan yang/ mya ngan 'das pa'i dus na chang/ /srid rgyun rab tu zhi phyir ro/ /gal te srid pa'i rgyun yod par 'dod na de ltar na mya ngan las 'das pa'i dus na chad par lta bar thal bar 'gyur te/ ci'i phyir zhe na/ mya ngan las 'das pa'i dus na dgra bcom pa'i srid ba'i rgyun rab tu zhi ba'i phyir ro/ /de lta bas na srid pa'i rgyun yod par rtog na yang rtag pa dang chad par lta bar thal bar 'gyur ro/ /'dir smras pa/ mya ngan las 'das pa'i dus na chad par gyur na/ gyur kyang bla ste/ srid pa'i rgyun nyid mtshams sbyor ba yod pas chad par lta bar thal ba'i mi 'gyur ro/ /'dir bshad pa/ tha ma 'gags par gyur pa ni/ /srid pa dang po sbyor mi 'gyur/ /tha ma 'gags par ma gyur pa/ /srid pa dang por sbyong mi 'gyur/ /'di la srid pa tha ma ni 'chi ba'i char gtogs pa'i sems tha ma yin la/ srid pa dang po ni skye ba'i char gtogs pa'i sems dang po yin no/ /de la gal te srid pa'i rgyun nyid mtshams sbyor ba zhig yod na/ srid pa tha ma 'gags pa 'am/ ma 'gags pa zhig srid pa dang po dang nyid mtshams sbyor bar 'gyur grang na/ de la de shig srid pa tha ma 'gags par gyur pa mi srid pa dang po dang nyid mtshams sbyor bar mi 'gyur te/ ci'i phyir zhe na/ 'gags pa nyid yin pa'i phyir ram/ srid pa tha ma yin pa'i phyir dper na dgra bcom pa'i srid pa tham 'gags pa bzhin no/ /srid pa tha ma 'gags par ma gyur pa yang srid pa dang bo dang nyid mtshams sbyor bar mi 'gyur te/ ci'i phyir zhe na/ ma 'gags pa nyid yin pa'i phyir dper na de ltar gyi srid pa bzhin no/ /'dir smras pa/ srid pa tha ma 'gags pa dang ma 'gags pa srid pa dang po dang nyid? mtshams? sbyor ba med kyang srid pa tha ma 'gags bzhin pa srid pa dang po dang nyid mtshams sbyor ro/ /'dir bshad pa/ gal te tha ma 'gags bzhin pa/ /dang por skye bar gyur na ni/ /'gag bzhin pa ni gcig 'gyur zhing/ /skye?

  167. 84a

    bzhin pa yang gzhan du 'gyur/ /gal te srid pa tha ma 'gag bzhin pa srid pa dang po dang nyid mtshams sbyor bar gyur na/ de lta na srid de gnyis su thal bar 'gyur te/ ci'i phyir zhe na/ 'gag bzhin pa ni gcig tu 'gyur zhing/ skye bzhin pa yang gzhan du 'gyur ba'i phyir te/ rgyu tha dad pa'i srid pa bzhin pas de ni mi 'dod do/ /'dir smras pa/ 'di la 'gags bzhin pa zhes bya ba de gnyis dus gcig na yod pa ma yin gyi/ 'di ltar srid pa tha ma 'gags bzhin pa na srid pa dang po skye'o/ /'dir bshad pa/ gal te 'gags bzhin skye bzhin dag /lhan cig sbyor ba'ang yod min na/ /phung po gang la 'chi 'gyur ba/ /der ni skye ba'ang 'byung bar 'gyur/ /gal te 'gag bzhin pa dang skye bzhin pa zhes bya ba de gnyis dus gcig na yod pa ma yin gyi/ 'di ltar srid pa tha ma 'gags bzhin pa na/ srid pa dang po skye ba yin na/ 'o nang de lta na phung po gang dag la 'chi bar 'gyur ba de dag nyid la skye ba yang 'byung bar thal bar 'gyur te/ ci'i phyir zhe na/ phung po gang dag 'gags bzhin pa de dag nyid la skye bzhin pa yod par 'dod pa'i phyir ro/ /de lta na 'chi ba dang skye ba mi mthun pa gnyis phung po gcig la dus gcig tu 'byung bar 'gyur bas/ de ni mi 'dod de/ de'i phyir 'di la 'gag bzhin pa dang skye bzhin pa zhes bya ba de gnyis dus gcig na yod pa ma yin gyi/ 'di ltar srid pa tha ma 'gags bzhin pa na/ srid pa dang po skye'o zhes gang smras pa de rigs pa ma yin no/ /de ltar dus gsum dag tu yang/ /srid pa'i rgyun ni mi rigs te/ /dus gsum dag tu gang med pa/ /de ni ji ltar srid pa'i rgyun/ /de ltar yongs su brtags na/ dus gsum dag tu yang srid pa'i rgyun mi rigs na/ dus gsum dag tu rnam pa thams cad du brtags na/ gang med pa de ji ltar srid pa'i rgyun yin te sa bon tshig pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga

  168. 84b

    las 'jigs med las/ 'byung ba dang 'jig pa brtag pa zhes bya ba ste/ rab tu byed pa nyi shu gcig pa'o// //bam po drug pa/ /'dir smras pa/ dngos po rnams ni ngo bo nyid yod pa kho na yin te/ de bzhin gshegs pa dgra bcom pa yang dag par rdzogs pa'i sangs rgyas 'jig rten gyi gtso bo 'jig rten thams cad snang bar mdzad pa ston pa bstan pa rab tu gnas par mdzad pa yod pa bzhin no/ /'dir bshad ba/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /'di la gal te de bzhin gshegs pa zhes bya ba 'ga' zhig yod par gyur na/ de phung po rnams nyid dam/ phung po rnams las gzhan nam/ de la phung po rnam la yod pa 'am/ phung po rnams la de yod pa 'am/ de phung po rnams dang ldan pa zhig yin grang na/ de la re zhig de bzhin gshegs pa phung po rnams nyid ma yin te/ gal te de bzhin gshegs pa phung po rnams yin par gyur na/ 'byung ba dang 'jig pa'i chos can yin pa'i phyir mi rtag pa nyid dang/ nye bar len pa dang bcas pa nyid du thal bar 'gyur bas/ de lta ma yin te/ de'i phyir de bzhin gshegs pa phung po rnams nyid ma yin no/ /de bzhin gshegs pa phung po rnams las gzhan pa yang ma yin te/ gal te de bzhin gshegs pa phung po rnams las gzhan yin par gyur na 'phyung ba dang 'jig pa'i chos can ma yin pa'i phyir rtag pa la sogs pa'i skyon du thal bar 'gyur ba dang/ gzhan yin na mig la sogs pa'i dbang po rnams kyis gzung du yod par 'gyur bar rigs na/ de lta ma yin pas de'i phyir de bzhin gshegs pa phung po rnams las gzhan ma yin no/ /de bzhin gshegs pa la phung po rnams yod pa ma yin te/ gal te de bzhin gshegs pa la phung po rnams yod par 'gyur na/ ji ltar gang la sman dang 'o ma la sbrang bu

  169. 85a

    yod pa bzhin du/ de la phung po rnams gzhan nyid du gsal bar dmigs par 'gyur ba dang/ gzhan nyid yin na skyon sngar bstan pa dag tu 'gyur bas de lta ma yin te/ de'i phyir de bzhin gshegs pa la phung po rnams yod pa ma yin no phung po rnams la yang de bzhin gshegs pa yod pa ma yin te/ gal te phung po rnams pa de bzhin gshegs pa yod par gyur na/ ji ltar 'dug nas gzhan na/ bram ze dang khye'u la ltad mo pa dang/ phru rtog na 'o ma yod pa bzhin du/ /phung po rnams la de bzhin nyid du gsal bar dmigs par 'gyur ba dang/ gzhan nyid yin na sngon sngar bstan pa dag tu 'gyur bas de lta ma yin te/ /de'i phyir phung po rnams la de bzhin gshegs payod pa ma yin no/ /de bzhin gshegs pa phung po rnams dang ldan pa ma yin te/ gal te de bzhin gshegs pa phung po rnams dang ldan par gyur na/ ji ltar ba lang dang ldan pa dang nor dang ldan pa bzhin du/ de la phung po rnams gzhan nyid du gsal bar dmigs par 'gyur ba dang/ gzhan nyid yin na skyon sngar bstan pa dag tu 'gyur bas de lta ma yin te/ de'i phyir de bzhin gshegs pa phung po rnams dang ldan pa ma yin no/ /de ltar rnam pa lngas btsal na yod pa ma yin pa'i de bzhin gshegs pa de gang zhig yin te/ de'i phyir dngos po rnams yod pa kho na yin te/ de bzhin gshegs pa yod pa bzhin no zhes gang smras pa de rigs pa ma yin no/ /'dir smras pa / de bzhin gshegs pa brtag par dag gis btsal na med du zin kyang phung po rnams la brten nas gdags par yod do/ /'dir bshad pa/ gal te sangs rgyas phung po la/ /brten nas ngo bo nyid las med/ /gal te de bzhin gshegs pa phung po la brten nas gdags par 'dod na/ /'o nad de lta na ngo bo nyid las yod pa ma yin no/ /'dir smras pa/ de ngo bo nyid las yod pa ma yin yang gzhan gyi dngos po las yod do/ /'dir bshad pa/ ngo bo nyid las

  170. 85b

    gang med pa/ /de gzhan dngos las ga la yod/ /gal te ngo bo nyid las gang med pa de gzhan gyi dngos po las yod par ga la 'gyur te/ ci'i phyir zhe na/ gzhan gyi dngos po de la yang ngo bo nyid med pa'i phyir dang/ gnyen po med pa'i phyir gzhan gyi dngos po mi bzad pas de'i phyir de bzhin gshegs pa ngo bo nyid las med pa gang yin pa de ci'i phyir gzhan gyi dngos po las yod par 'gyur/ 'dir smras pa/ de ni nye bar len pa gzhan du gyur pa la brten nas gdags pa yin no/ /'dir bshad pa/ gang zhig gzhan gyi dngos brten nas/ /de bdag nyid du mi 'thad do/ /gang zhig gzhan gyi dngos po la brten nas gdags par bya ba de ni/ bdag nyid yod do zhes brjod par mi 'thad de/ ci'i phyir zhe na/ rang las ma grub pa'i phyir ro/ /gang zhig bdag nyid med pa de/ /ji ltar de bzhin gshegs par 'gyur/ /de bzhin gshegs pa gang zhig rang gi bdag nyid med pa de/ de nye bar len pa gzhan du gyur pa la brten nas gdags par bya bas ji ltar de bzhin gshegs par 'gyur/ yang gzhan yang/ gal te ngo bo nyid med na/ gzhan dngos yod par ji ltar 'gyur/ /gal te de bzhin gshegs pa ngo bo nyid med na/ de la gzhan gyi dngos po yod par ji ltar 'gyur te/ de med na de bzhin gshegs pa gzhan gyi dngos po las brten nas 'grub par 'gyur ba yang yod pa ma yin no/ /'dir smras pa/ de bzhin gshegs pa'i no bo nyid nges par ma zin kyang yod pa'i phyir de bzhin gshegs pa 'grub bo/ /'dir bshad pa/ ngo bo nyid d+dng gzhan dngos dag /ma gtogs de bzhin gshegs de gar/ /ngo bo nyid dang gzhan gyi dngos po dag ma gtogs par de bzhin gshegs pa de gang yin pa dang/ /gang gis gdags par bya ba gzhan yod pa ma yin no/ /'dir smras pa/ de bzhin gshegs pa ni phung po rnams la brten nas gdags par bya ba nyid yin te/ de ni de nyid dang gzhan nyid du brjod par bya ba ma

  171. 86a

    yin pas/ phung po rnams kyi ngo bo nyid kyang ma yin bla gzhan gyi ngo bo nyid kyang ma yin no/ /'dir bshad pa/ gal te phung po ma brten par/ /de bzhin gshegs pa 'ga' yod na/ /de ni da gdod rten 'gyur zhing/ /brten nas de la 'gyur la rab/ /'di la gal te de bzhin gshegs pa phung po rnams la brten nas gdags par bya ba nyid yin na/ de de bzhin gshegs pa 'am/ de bzhin gshegs pa ma yin pa zhig de bzhin gshegs pa'i phung po rnams brten nas gdags par bya ba nyid yin grang na/ de la gal te de bzhin gshegs pa yin na ni/ de de la brten pa don med pa nyid do/ /'o na de bzhin gshegs pa ma yin na ni de lta na yang gal te phung po rnams la ma brten pa'i snga rol na de bzhin gshegs pa bdag nyid gzhan gyis gnas pa 'ga' zhig yod na ni de da gdod phung po rnams la brten par 'gyur zhing brten nas de las de bzhin gshegs par 'gyur la rag go /'dir smras pa/ de ltar 'gyur ro/ /'dir bshad pa/ phung po rnams la ma brten par/ /de bzhin gshegs pa 'ga' yang med/ /gang zhig ma brten yod min pa/ /des ni ji ltar nyer len 'gyur/ /phung po rnams lam brten par de bzhin gshegs pa 'ga' yang mi 'thad de/ gang phung po rnams la ma brten par yod pa ma yin pa des ji ltar phung po rnams nye bar len par 'gyur te/ de bzhin gshegs pa ma yin pa'i phyir/ dper na de las gzhan bzhin no/ /'dir smras pa/ 'khor ba la thog ma dang tha ma med pa'i phyir dang/ de bzhin gshegs pa yang nyid dang gzhan nyid du brjod par bya ba ma yin pa'i phyir nye bar len pa po dang nye bar blang ba dag la snga phyi med pas de dag brten nas gdags par bya ba nyid yin no/ /'dir bshad pa/ nye bar blangs pa ma yin pa/ /nye bar len par cir mi 'gyur/ /nye bar len pa med pa yi/ /de bzhin gshegs pa ci yang med/ /gal te 'khor

  172. 86b

    ba la thog ma dang tha ma med pas nye bar len pa po dang/ nye bar blang ba dag la snga phyi yod par mi 'thad na/ de bzhin gshegs pa ni nye bar len pa po yin la/ phung po rnams ni nye bar blang ba yin no zhes bya ba de yang mi 'thad de/ ci'i phyir zhe na/ 'di la nye bar blang ba yin pas/ nye bar len pa zhes bya la nye bar len par byed pas nye bar len pa po zhes bya ba yin na/ 'khor ba la thog ma dang tha ma med pas 'di na nye bar blang pa'o/ /'di ni nye bar len par byed pa'o/ /zhes bya ba de dag mi 'thad pa'i phyir/ nye bar len pa pos nye bar blangs pa ma yin pa yang nye bar len par mi 'gyur la/ nye bar len pa med pa yang nye bar len pa po de bzhin gshegs pa zhes bya bar mi 'gyur ba'i phyir ro/ /'dir smras pa/ de bzhin gshegs pa ni yod pa kho na yin te/ nye bar len pas gdags par bya ba yin pa'i phyir ro/ /'dir bshad pa/ rnam pa lngas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pas ji ltar gdags/ /'di la gal te de bzhin gshegs pa nye bar len pas gdags par bya zhig yod par gyur na/ de nye bar len pa las de nyid da/ gzhan nyid du 'gyur grang na/ rnam pa ldas btsal na gang zhig de nyid dang gzhan nyid du med pa'i de bzhin gshegs pa de nye bar len pas ji ltar gdags par bya ste/ de'i phyir de yang rigs pa ma yin no/ /'dir smras pa/ nye bar len pa po ni yod pa kho na yin te/ nye bar blang ba yod pa'i phyir ro/ /'dir bshad pa/ gang zhig nye bar blang ba de/ /de ni ngo bo nyid las med/ /nye bar blang ba gang yod do snyam du sems dpa' de yang rten cing 'brel bar 'gyur ba'i phyir ngo bo nyid las yod pa ma yin no/ /'dir smras pa/ nye bar blang ba de ni ngo bo nyid las yod pa ma yin yang gzhan gyi dngos po las yod do/ /'dir bshad pa/ bdag gi dngos las gang med pa/ /de gzhan dngos las

  173. 87a

    yod re skan/ /nyebar len pa gang bdag gi dngos po las med pa de gzhan gyi dngos po las yod par 'gyur re skan te/ ci'i phyir zhe na/ bdag gi dngos po yod pa ma yin pas/ gzhan gyi dngos po yang med pa'i phyir ro/ /yang bshad pa/ bdag ces bya ba brten nas yin/ rnam lnga'i lnga rol nyer len med/ /ma brten nye bar len pa ni/ 'ga' yang ji ltar yod mi 'gyur/ /nye bar blang ba de yang ni/ /nyer len re yi snga rol na/ /nye bar blang ba yod min na/ /nyer len ji ltar yod par 'gyur/ /nyer len nye bar blang de la/ brten pa yod min ma brten med/ /nyer len nye bar blang las min/ /nyer blang min las yod ma yin/ /nyer blang nye bar len pa'i min/ /nyer len min pa'i ma yin te/ /de ni nyer len brten pa min/ /nyer len min la rten ma yin/ /nyer len 'grub pa gang yin pa// nye bar blang las gyur yin na/ /de grub med na nyer len pa'i/ /'grub pa ji ltar yod par 'gyur/ /gal te nyer len 'grub 'gyur ba'i/ /nye bar blang ba ma grub na/ /nyer len grub pa yod min pas/ /nye bar blang ba'i byed pa med/ /de ltar nyer blang nyer en pa/ /rnam pa kun gyis stong pa yin/ /stong pas de bzhin gshegs stong pa/ /ji lta bur na 'dogs par 'gyur/ /de ltar gang gi phyir nye bar blang ba dang nye bar len pa po dag ngo bo nyid dang gzhan gyi dngos po dang de nyid dang gzhan nyid la sogs pa rnams kun gyis srong pa de'i phyir/ don dam pa'i de kho na mthong ba dag nye bar blang ba dang nye bar len pa po rtogs pa de lta bu des de bzhin gshegs pa yod do zhes 'dogs par mi 'gyur ro/ /de lta bas na brten nas gdags par bya ba'i don ni rnam pa thams cad du stong pa nyid yin pa'i phyir ngo bo nyid dang gzhan gyi dngos po dang de nyid dang gzhan nyid la sogs par brjod par bya ba ma yin no/ /'dir smras pa/ ci 'o na da stong ngo zhes bya ba de nges pa yin nam/ 'dir smras pa/ stong ngo zhes kyang mi brjod de/ /mi stong zhes kyang mi bya zhing/ gnyis dang/

  174. 87b

    gnyis min mi bya ste/ /gdags pa'i don du brjod par bya/ /stong ngo zhes kyang brjod par mi bya mi stong ngo zhes kyang brjod par mi bya stong ba dang mi stong pa zhes kyang brjod bar mi bya/ stong pa yang ma yin mi stong pa yang ma yin zhes kyang brjod par mi bya ste/ mi mthun pa'i phyogs tsam bsal ba la 'jug pa'i phyir ro/ /yang dag pa ma yin pa'i rtog pa'i dri ma bkru ba'i phyir dang don dam pa'i de kho na gdags pa'i don du ni de dag brjod par bya'o/ /'dir smras pa/ gal te de bzhin gshegs pa ngo bo nyid dang gzhan gyi dngos po las kyang yod pa ma yin na/ ci'i phyir rtag pa dang mi rtag pa la sogs pa dang mdza' dang mdza' med pa la sogs par brjod par bya ba ma yin zhe na/ 'dir bshad pa/ /rtag dang mi rtag la sogs bzhi/ /zhi ba 'di la ga la yod/ /mdza' dang mdza' med la sogs bzhi/ /zhi ba 'di lag la yod/ /de bzhin gshegs pa ngo bo nyid kyis ma skyes pa zhi ba 'di la rtag pa dang mi rtag pa dang rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin zhes bya ba sngon gyi mdza' la brten pa'i lta ba bzhi po de dag dang/ mdza' yod pa dang mdza' med pa dang mdza' yod kyang yod la med kyang med pa dang/ mdza' yod pa yang ma yin mdza' med pa yang ma yin pa zhes bya ba phyi ma'i mdza' la brten pa'i lta ba bzhi po de dag ga la yod de/ don dam par de bzhin gshegs pa skye ba med pa'i phyir ro// 'dir smras pa/ /de bzhin gshegs pa ni yod pa kho na yin te/ mya ngan las 'das nas med do/ /zhes lung du ma bstan pa'i phyir ro/ /'dir bshad pa/ gang gis 'dzin sdug bzung gyur pa/ /de ni mya ngan 'das pa la/ /de bzhin gshegs pa yod ce 'am/ /med ces rnam rtog rtog par byed/ /rnam par rtog pa rnam pa sna tshogs la goms pa'i bag chags kyis bsgos pa'i blo gros can gang gis 'di nyid bden gyi gzhan ni don med ba'o/ /snyam du 'dzin pa stug po bzung bar gyur pa de ni mya ngan las 'das pa la/

  175. 88a

    de bzhin gshegs pa mya ngan las 'das nas yod do ci 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'das nas yod kyang yod la/ med kyang med ce 'am/ de bzhin gshegs pa mya ngan las 'das nas yod pa yang ma yin med pa yang ma yin zhes bya ba mya ngan las 'das pa la brten pa'i lta ba bzhi po dag tu rnam par rtog pa la rtog par byed do/ /ngo bo nyid kyis stong de la/ /sangs rgyas mya ngan las 'das nas ni/ yod do zhe 'am med do zhes/ /bsam pa 'thad pa nyid mi 'gyur yang dag pa'i ye shes kyi mig bye ba dag la ni mya ngan las 'das pa la de bzhin gshegs pa mya ngan las 'das nas yod ce 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'dad nas yod kyang yod la med kyang med ce 'am/ de bzhin gshegs pa mya ngan las 'das nas yod pa yang ma yin/ med pa yang ma yin zhes bya ba mya ngan las 'das pa la brten pa'i lta ba bzhi po de dag gi bsam pa 'thad pa nyid du mi 'gyur te/ rnam par rtog pa'i blo yul med pa la skye bar mi 'gyur ba'i phyir ro/ /gang dag sangs rgyas spros 'das shing/ /zad pa med pa spros byed pa/ /spros pas nyams pa de kun gyis/ /de bzhin gshegs pa mthong mi 'gyur/ /gang dag sangs rgyas bcom ldan 'das/ spros pa las 'das shing zad pa med pa la/ yod pa dang med pa dang rtag pa dang mi rtag pa dang gzugs kyi sku dang chos kyi sku dang gsung rab kyi sku dang/ mtshan nyid dang mtshan nyid kyi gzhi dang rgyu dang 'bras bu dang blo dang rtogs par bya ba dang/ stong pa dang mi stong pa la sogs pa'i spros pa dag gis spros par byed pa dang/ rtog par byed pa dang rlom sems su byed pa dang spros pas blo gros kyi mig nyams pa de dag thams cad kyi dmus long gis nyi ma bzhin du/ de bzhin gshegs pa spros pa las 'das shing/

  176. 88b

    zad pa med pa chos kyi sku las mthong par mi 'gyur ro/ /de bzhin gshegs pa'i dngos nyid gang/ /de ni 'gro ba'i ngo bo nyid/ /de bzhin gshegs pa'i dngos nyid med/ /'gro 'di ngo bo nyid med do/ /gang gi phyir de ltar yongs su brtags na/ de bzhin gshegs pa ngo bo nyid med pa de'i phyir/ /de bzhin gshegs pa'i ngo bo nyid gang yin pa de ni/ sems can dang 'du byed kyi 'gro ba 'di dag gi ngo bo nyid kyang yin no/ /de bzhin gshegs pa'i ngo bo nyid gang yin zhe na/ bshad pa/ de bzhin gshegs pa'i ngo bo nyid med de/ 'gro ba 'di dag kyang ngo bo nyid med par mnyam pa yin gyi/ yon tan gyi mnyam pa ni ma yin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa sha las 'jigs med las/ de bzhin gshegs pa brtag pa zhes bya ba ste/ rab tu byed pa nyi shu gnyis pa'o/ //'dir smras pa/ 'dod chags zhe sdang gti mug rnams/ /kun tu rtogs las 'byung bar gsungs/ /sngag dang mi sdug phyin ci log/ brten pa nyid las kun tu 'byung/ /'di la 'dod chags dang zhe sdang dang gti mug rnams ni kun tu rtog pa las 'byung bar mdo sde dag las rgya cher gsungs te/ de dag kyang sdug pa dang mi sdug pa'i phyin ci log las brten pa nyid las kun tu 'byung bas/ de'i phyir 'dod chags dang zhe sdang dang gti mug rnams ni yod pa yin no/ /'dir bshad pa/ gang dag sdug dang mi sdug pa'i/ /phyin ci log la rten 'byung ba/ /de dag ngo bo nyid las med/ /de phyir nyon mongs yang dag med/ /'dod chags dang zhe sdang dang gti mug la sogs pa/ nyon mongs pa gang dag sdug pa dang ma sdug? pa'i phyin ci log la brten nas 'byung ba de dag ni ngo bo nyid las med pa de'i phyir nyon mongs pa rnams yang dag par yod pa ma yin no/ /yang gzhan yang/ bdag gi yod nyid med nyid du/ /ji lta bur yang 'grub pa med/ /de

  177. 89a

    med nyon mongs rnams kyi ni/ /yod nyid med nyid ji ltar 'grub/ /'di la gal te 'dod chags la sogs pa nyon mongs pa rnams kyi rten bdag ces bya ba yod na ni/ de la brten pa nyon mongs pa rnams kyang yod par rtag tu rung na/ bdag gi yod pa nyid dang med pa nyid ni rnam pa gang gis kyang ji lta bur yang 'grub pa med de/ bdag de med na nyon mongs pa rnams kyi yod pa nyid ji ltar 'grub par 'gyur te/ mi 'grub po/ ci'i phyir zhe na/ nyon mongs de dag gang gi yin/ /de yang 'grub pa yod ma yin// gal te gang med ci zhig yod/ /nyon mongs cung zad yod ma yin/ nyon mongs pa de dag bdag gang gi yin pa'i bdag de yang rnam pa thams cad du 'grub pa yod pa ma yin te/ gal te bdag gang yang med na/ nyon mongs pa ci zhig yod de/ nyon mongs pa chung zad kyang yod pa ma yin pa'i phyir ro/ ci ste 'di snyam du bdag gang yang med par nyon mongs pa rnams yod par sems na? de la bshad par bya ste/ rang lus lta bzhin nyon mongs rnams/ /nyon mongs can la rnam lngar med/ /rang lus lta bzhin nyon mongs can /nyon mongs pa la rnam lngar med/ /ji ltar rang gi lus la lta ba phung po rnams la rnam pa lngar yod pa ma yin pa de bzhin du/ nyon mongs pa rnams nyon mongs pa can gyi sems la rnam pa lngar yod pa ma yin no/ /ji ltar rang gi lus la lta ba phung po rnams la rnam pa lngar yod pa de bzhin du/ nyon mongs pa can gyi sems kyang nyon mongs pa rnams la rnam par lngar yod pas yin no/ yang gzhan yang/ sdug dang mi sdug phyin ci log /ngo bo nyid las yod min na/ /sdug dang mi sdug phyin ci log /brten nas nyon mongs gang dag yin/ /gang gi tshe sdug pa dang mi sdug pa'i phyin ci log dag ngo bo nyid las yod pa ma yin no/ /de'i tshe phyin ci log rnams yang dag pa ma yin no/ /gang yang dag pa ma yin pa de ni ngo bo nyid las yod pa ma yin te/ de dag ngo bo nyid las yod pa ma

  178. 89b

    yin na/ de dag la brten nas nyon mongs pa gang dag 'byung ngo zhes bya ba de dag ji ltar yod par 'gyur/ 'dir smras pa/ gzugs sgra ro dang reg pa dang/ /dri dang chos dag rnam drug ni/ /gzhi ste 'dod chags zhe sngar dang/ /gti mug gi de ni rnam par brtag/ gzugs dang sgra dang dri dang ro dang reg dang chos rnam pa drug ni 'dod chags dang zhe sdang dang gti mug go gzhi yin par rnam par brtag ste/ gzhi de la brten nas sdug pa dang mi sdug pa'i phyin ci log dag 'byung zhing sdug pa dang mi sdug pa'i phyin ci log dag la brten nas/ 'dod chags dang zhe sdang dang gti mug rnams 'byung ngo/ /'dir bshad la/ gzugs sgra ro dang reg pa dang/ /dri dang chos dang 'ba' zhig pa/ /dri za'i grong khyer lta bu dang/ smig rgyu rmi lam 'dra ba yin/ /sgyu ma'i skyes bu lta bu dang/ /gzugs brnyan 'dra ba de dag la/ /sdug pa dang ni mi sdug pa/ /'byung bar yang ni ga la 'gyur/ /gzugs dang sgra dang dri dang ro dang reg dang chos dag ni 'ba' zhig pa bral ba ci yang med pa ma 'dres pa ngo bo nyid med pa ste/ dri za'i grong khyer lta bu dang/ /smig rgyu dang rmi lam 'dra ba yin pas/ /sgyu ma'i skyes bu lta bu dang gzugs brnyan 'dra pa de dag la sdug pa dang mi sdug pa 'byung bar ga la 'gyur/ yang gzhan yang/ gang la rten nas mi sdug pa/ /mi sdug par ni gdags bya ba/ /sdug pa ma bltos yod min pas/ /de phyir sdug par 'thad ma yin/ /sdug pa gang la brten nas sdug pa dang mi sdug par gdags par bya ba'i sdug pa de mi sdug pa lam bltos pa'i snga rol na yod pa ma yin pas de'i phyir sdug pa 'thad pa ma yin no/ /gang la brten nas sdug pa ni/ /sdug pa zhes ni gdagS bya ba/ /mi sdug ma bltos yod min pas/ /de phyir mi sdug 'thad ma yin/ /mi sdug pa gang la rten nas sdug pa gang sdug par gdags par bya ba'i mi sdug pa la ma bltos pa'i snga rol na yod pa ma yin pas de'i phyir mi sdug pa 'thad pa ma yin no/ /sdug pa

  179. 90a

    yod pa ma yin na/ /'dod chags 'byung bar ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /sdug pa dang mi sdug pa de dag yod pa ma yin na/ /'dod chags dang zhe sdang dag 'byung bar ga la 'gyur? te/ de dag med pa'i phyir gti mug kyang med de/ de dag med pa kho nas de yang yod pa ma yin par grub bo/ /'dir smras pa/ sdug pa dang mi sdug pa'i phyin ci log dag ni yong pa kho na yin te/ mdo sde las rtag pa la sogs pa'i phyin ci log bzhi yod par gsungs pa'i phyir ro/ /de dag yod pa'i phyir phyin ci log tu gyur pa yang yod de/ de la gang mi rtag pa la rtag pa zhes 'dzin pa de ni phyin ci log yin la/ gang mi rtag pa la mi rtag pa zhes 'dzin par phyin ci log ma yin te/ lhag ma rnams la yang de bzhin no 'dir bshad pa/ gal te mi rtag rtag pa zhes/ /de ltar 'dzin pa log yin na/ /stong la rtag pa yod min pas/ /'dzin pa ji ltar log ma yin/ /gal te mi rtag pa la rtag pa zhes de ltar 'dzin pa phyin ci log yin no/ /snyam du sems na/ de la bshad par bya ste/ ngo bo nyid stong pa la rtag pa cung zad kyang yod pa ma yin pas/ de med na de ltar 'dzin pa ji ltar phyin ci log ma yin par 'gyur te/ de ni phyin ci log yin no/ /lhag ma rnams la yang de bzhin no/ /gal te mi rtag mi rtag ces/ /de ltar 'dzin pa log min na/ /stong la mi rtag yod min pas/ /'dzin pa ji ltar log ma yin/ /gal te mi rtag pa la mi rtag pa zhes de ltar 'dzin pa phyin ci log ma yin no snyam du sems na/ de la bshad par bya ste/ ngo bo nyid stod pa la mi rtag pa cung zad kyang yod pa ma yin pas de med na de ltar 'dzin pa ji ltar phyin ci log ma yin te/ de yang phyin ci log yin no/ /lhag ma rnams la yang de bzhin no/ /'dir smras pa/ 'dzin pa ni yod pa kho na yin te/ de 'dzin par byed pa dang/ de 'dzin pa po dang/ gzung ba dag yod pa'i phyir ro/

  180. 90b

    'dir bshad pa/ gang gis 'dzin dang 'dzin gang dang/ /'dzin pa po dang gang gzung ba/ /thams cad nye bar zhi ba ste/ /de phyin 'dzin pa yod ma yin/ /gang gis 'dzin pa ni byed par gyur pas so/ /'dzin pa gang yin pa ni dngos por gyur pa'o/ /'dzin pa po gang yin pa ni byed pa por gyur pa'o/ /gang gzung ba ni las su gyur pa'o/ /de dag thams cad nye bar zhi ba ni ngo bo nyid las nye bar zhi ba ste/ de dag ji ltar ngo bo nyid las nye bar zhi ba de ltar ni de bzhin gshegs pa brtag par rgyas par bstan zin pas/ de'i phyir 'dzin pa yod pa ma yin no/ /'dir smras pa/ phyin ci log rnams ni yod pa kho na yin te/ de dang ldan pa yod pa'i phyir ro/ /'dir bshad pa/ log pa 'am yang dag nyid du ni/ /'dzin pa yod pa ma yin na/ /gang la phyin ci log yod cing/ /gang la phyin ci ma log yod de ltar phyin ci log gam phyin ci ma log pa nyid du 'dzin pa de yod pa ma yin na/ gang la phyin ci log yod cing gang la phyin ci ma log pa yod de/ rnam par mi rtog pa'i shes rab kyi spyod pa la gnas pa la rtag dang mi rtag pa la sogs par shes pa kun tu mi 'byung ba'i phyir ro/ /yang gzhan yang/ phyin ci log tu gyur pa la/ /phyin ci log dag mi srid do/ /phyin ci log tu ma gyur la/ /phyin ci log dag mi srid do/ /phyin ci log tu 'gyur bzhin la/ /phyin ci log dag mi srid do/ /phyin ci log tu gyur pa la/ /phyin ci log dag mi srid cing/ /phyin ci log tu ma gyur pa'ang mi srid/ /phyin ci log tu 'gyur bzhin pa la yang mi srid de/ ji ltar mi srid pa de ltar ni/ song ba dang ma song ba dang bgom pa brtag pa'i rab tu byed par rgyas par bstan pa bzhin du khong du chud par bya'o/ /gang la phyin ci log srid pa/ /bdag nyid kyis ni rnam par dpyod/ /de gang la phyin ci log dag srid pa bdag nyid kyis rnam par dpyod cig /yang gzhan yang/ phyin ci log rnams ma skyes na/ /ji lta bur na yod par 'gyur/ /phyin ci log rnams

  181. 91a

    skye med na/ /phyin ci log can ga la yod/ /phyin ci log gang dag ngo bo nyid las ma skyes pa de dag ji lta bur na yod par 'gyur/ de phyin ci log de rnams ngo bo nyid las skye ba med na phyin ci log can yod par gal 'gyur/ de'i phyir phyin ci log rnams ni yod pa kho na yin te/ de dang ldan pa yod pa'i phyir ro zhes gang smras pa de rigs pa ma yin no/ /yang gzhan yang/ gal te bdag dang sdug pa dang/ /rtag dang bde ba yod na ni/ /bdag shes sdug shes rtag shes dang/ /bde shes phyin ci log ma yin/ /gal te bdag dang sdug pa dang/ rtag pa dang bde ba zhes bya ba bzhi po de dag yod na ni/ de dag yod pa'i phyir bdag tu shes pa dang/ sdug par shes pa dang/ rtag par shes pa dang/ bde bar shes pa de dag phyin ci log ma yin par 'gyur ro/ /de la 'di snyam du/ bdag dang sdug pa dang rtag pa dang/ bde ba zhes bya ba bzhi po de dag ni yod pa ma yin gyi/ bdag med pa la sogs pa bzhi po de dag ni yod de/ de dag la phyin ci log tu 'dzin pas phyin ci log kyang yod par sems na/ de la bshad par bya ste/ gal te bdag dang sdug pa dang/ /rtag dang bde ba med na ni/ /bdag med mi sdug mi rtag dang/ /sdug bsngal yod pa ma yin no/ /gal te bdag dang sdug pa dang rtag pa dang bde ba zhes bya ba bzhi po de dag med na ni de dag med pa'i phyir/ /de dag med? pa dang mi stag pa dang mi rtag pa dang sdug bsngal ba zhes bya ba bzhi po dag kyang yod pa ma yin te/ bltos pa med pa'i phyir ro/ /de'i phyir rgyu'i khyad par 'dis kyang phyin ci log rnams yod pa ma yin no/ /de ltar phyin ci log 'gags pas/ /ma rig pa ni 'gag par 'gyur/ /ma rig 'gags par gyur na ni/ /'du byed la sogs pa 'gag par 'gyur/ de ltar las 'dis phyin ci log rnams 'gag la phyin ci log 'gags pas/ ma rig pa 'gag /ma rig pa 'gags

  182. 91b

    pas 'du byed la sogs pa'i don 'gag pa re 'gyur ro/ /gal te la la'i nyon mongs pa/ /gang dag ngo bo nyid yod na/ /ji lta bur na spong bar 'gyur/ /yod pa su zhig spong bar byed/ /gal te la la'i nyon mongs pa gang dag ngo bo nyid kyis yod cing yang dag pa? dang de kho na dang bden pa yin na/ de dag ji ltar spong bar 'gyur/ /yod pa su zhig spong bar byed/ /spong ba mi 'thad pa'i phyir ro/ /de la 'di snyam du nyon mongs pa rnams ni ngo bo nyid kyis med pa yin te/ ngo bo nyid kyis med pa de dag spong bar sems na/ de la bshad par bya ste/ gal te la la'i nyon mongs pa/ /gang dag ngo bo nyid med na/ /ji lta bur na spong bar 'gyur/ /med pa su zhig spong bar byed/ /gal te la la'i nyon mongs pa gang dag ngo bo nyid kyis med cing yang dag pa dang de kho na dang bden pa ma yin na/ de dag ji ltar spong par 'gyur/ med pa su zhig spong bar byed de/ spong bar mi 'thad pa'i phyir/ bsam gtan pa'i mgo la thod pa bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ phyin ci log brtag pa zhes bya ba ste/ rab tu byed pa nyi shu gsum pa'o// //'dir smras pa/ gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur// 'phags pa'i bden pa bzhi med pas/ /yongs su shes dang spang pa dang/ /bsgom dang mngon du bya ba dag /'thad par 'gyur ba ma yin no/ /de dag yod pa ma yin pas/ /'bras bu bzhi yang yod ma yin/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags pa'i bden rnams med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /de skad ?

  183. 92a

    na dkon pa'i mchog /gsum la gnod pa byed pa yin/ /gal te 'gro ba 'di dag kun stong na de'i phyir 'byung ba med cing 'jig pa med do/ /de dag med pas 'phags pa'i bden pa bzhi po rnams khyod la med par thal bar 'gyur ro/ /'phaD pa'i bden pa bzhi med pas sdug bsngal yongs su shes pa dang/ kun 'byung ba spang ba dang lam bsgom pa dang/ 'gog pa mngon sum du bya ba dag 'thad par 'gyur ba ma yin no/ /sdug bsngal yongs su shes pa dang/ kun 'byung ba spang ba dang/ lam bsgom pa dang 'gog pa mngon sum du bya ba de dag yod pa ma yin pas/ dge sbyong gi 'bras bu bzhi yang yod pa ma yin no/ /dge sbyong gi 'bras bu rnams med na/ 'bras bu la gnas pa dang zhugs pa skyes bu gang zag brgyad po dag kyang yod pa ma yin no/ /gal te skyes bu gang zag brgyad po de dag med na dge 'dun med do/ /yang gzhan yang/ 'phags pa'i bden pa rnams med pa'i phyir/ /dam pa'i chos kyang yod pa ma yin no/ /chos dang dge 'dun yod pa ma yin na/ /sangs rgyas ji ltar yod par 'gyur te/ de skad du stong pa nyid du smra na/ dkon mchog gsum la gnod pa byed pa yin no/ /yang gzhan yang/ stong nyid 'bras bu yod pa dang/ /chos ma yin dang chos nyid dang/ /'jig rten pa yi tha snyad ni/ /kun la'ang gnod pa byed pa yin stong pa nyid bzung na chos ma yin pa dang/ chos nyid dang/ de dag gis byas pa'i 'bras bu yod pa dang/ 'jig rten pa'i tha snyad kun la yang gnod pa byed pa yin pas/ de lta bas na dngos po thams cad stong pa ma yin no/ /de la bshad pa khyod kyis ni/ /stong nyid dgos dang stong nyid dang/ /stong nyid don ni ma rtogs pas/ /de phyir de ltar gnod pa byed/ /khyod kyis ni stong pa nyid bstan pa'i dgos pa gang yin pa dang/ stong pa nyid kyi mtshan nyid gang yin pa dang/ stong pa nyid kyi don gang yin pa de dag

  184. 92b

    yang dag pa ji lta ba bzhin du ma rtogs pas de'i phyir de ltar gnod pa byed do/ /sangs rgyas rnams kyi chos bstan pa/ /bden pa gnyis la yang dag rten/ /'jig rten kun rdzob bden pa dang/ /dam pa'i don gyi bden pa'o/ /gang dag bden pa de gnyis kyi/ /rnam? dbye rnam par mi shes pa/ /de dag sangs rgyas bstan pa ni/ /zab mo'i de nyid rnam mi shes/ /sangs rgyas bcom ldan 'das rnams kyi chos bstan pa ni/ bden pa gnyis po 'di dag la brten nas 'byung ste/ 'jig rten pa'i kun rdzob kyi bden pa zhes bya ba ni chos? rnams ngo bo nyid stong pa dag la/ 'jig rten gyi phyin ci log ma rtogs pas/ chos thams cad skye bar mthong ba gang yin pa ste/ de ni de dag nyid la kun rdzob du bden pa nyid yin pas/ kun rdzob kyi bden pa'o/ /don dam pa'i bden pa ni 'phags pa rnams kyis phyin ci ma log par thugs su chud pas/ chos thams cad skye ba med par gzigs pa gang yin pa ste/ de ni de dag nyid la don dam par bden pa nyid yin pas/ don dam pa'i bden pa'o/ /de la gang dag kun rdzob kyi bden pa dang don dam pa'i bden pa de gnyis kyi rnam par dbye ba de ltar rnam par mi shes pa de dag ni/ sangs rgyas kyi bstan pa zab mo'i de nyid rnam par mi shes pa yin no/ /de la 'di snyam du smra bar 'dod pa'i don ni chos thams cad skye ba med pa zhes bya ba don dam pa'i bden pa nyid yin na/ tha snyad kyi bden pa gnyis pa 'di ci dgos snyam du sems na/ de la bshad par bya ste/ tha snyad la ni ma brten par/ /dam pa'i don ni bstan mi nus/ /dam pa'i don la ma brten par/ /mya ngan 'das pa thob mi 'gyur?/ /gang gi phyir tha snyad lam brten par don dam pa bstan par mi nus pa dang/ gang gi phyir don dam pa la ma brten par mya ngan las 'das pa thob par mi 'gyur ba de'i phyir bden pa gnyi ga gdags dgos so/ /stong pa nyid la blta nyes na/ /shes rab ? ldan ? par byed/

  185. 93a

    sprul la gzung nyes dang/ rig sngags nyes par bsgrubs pa bzhin/ /don dam pa stong pa nyid la blta nyes brtag nyes na/ shes rab chung du dang ldan pa phung bar byed cing de la gnod pa chen po 'byung bar 'gyur te/ ji ltar dper na sprul la gzung nyes na phung bar byed cing de la 'chi ba la thug pa'i nyen chen po skyed par byed pa dang/ ji ltar dper na/ rigs sngags dang gsang sngags bya ba dang/ cho ga nyams pas bsgrub nyes na phung bar byed cing/ de la srog gi mthar thug pa'i nyen chen po skyed par byed pa de bzhin no/ /de'i phyir gzhan pas chos 'di yi/ /gting gtogs dka' ba mkhyen gyur nas/ /thub pa'i thugs ni chos bstan las/ /rab tu log par gyur pa yin/ /rgyu de kho na'i phyir shes rab zhan pa rnams kyis chos 'di'i gting gtogs par dka' ba nyid du mkhyen par gyur nas/ bcom ldan 'das kyi thugs chos bstan pa las rab tu log par gyur pa yin no/ /khyod ni nga la stong pa nyid/ /skyon du thal bar 'gyur ba yis/ /spong bar byed pa gang yin pa/ /de ni stong la mi 'thad do/ /khyod nga la stong pa nyid skyon du thal bar 'gyur bas spong bar byed pa de ni ngo bo nyid stong pa la mi 'thad do// //bam po bdun pa ste tha ma'o/ /yang gzhan yang/ gang la stong pa nyid rung ba/ /de la thams cad rung bar 'gyur/ /gang la stong nyid mi rung ba/ /de la thams cad mi rung 'gyur/ /gang la ngo bo nyid stong pa nyid rung ba de la 'jig rten pa dang 'jig rten las 'das pa thams cad rung bar 'gyur ro/ /gang la ngo bo nyid stong pa nyid mi rung ba de la 'jig rten pa dang 'jig rten las 'das pa thams cad mi rung bar 'gyur ro/ /khyod nyid rang gi skyen rnams ni/ /nga la yongs su sgyur byed pa/ /rta la mngon par zhon bzhin du/ /rta nyid brjed par gyur pa bzhin/ /khyod nyid rang gi skyon rnams

  186. 93b

    nga la yongs su sgyur bar byed pa ni rta la mngon par zhon bzhin du rta de nyid brjed par gyur pa bzhin no/ /yang gzhan yang/ gal te dngos rnams dngos nyid las/ /yod par rjes su blta byed na/ /de lta yin na dngos po rnams/ /rgyu rkyen med par khyod blta'o/ /'bras bu dang ni rgyu nyid dang/ /byed pa po dang byed dang bya/ /skye ba dang ni 'gag pa dang/ /'bras bu la yang gnod pa byed/ /gal te dngos rnams ngo bo nyid las yod par rjes su blta bar byed na/ de lta na khyod dngos po rnams la rgyu dang rkyen med par lta ba yin no/ /des na 'bras bu dang rgyu nyid dang byed pa po dang byed pa dang bya ba dang skye ba dang 'gag pa dang/ 'bras bu la yang gnod pa byed pa yin no/ /rten cing 'brel 'byung gang yin pa/ /de ni stong pa nyid du bshad/ /de ni rten nas gdags pa ste/ /de nyid dbu ma'i lam yin no/ /gang phyir rten byung ma yin pa'i/ /chos 'ga' yod pa ma yin pa/ /de phyir stong pa ma yin pa'i/ /chos 'ga' yod pa ma yin no/ /kho bo ni rten cing 'brel par 'byung ba gang yin pa de ni/ stong pa nyid du 'chad de/ de ni brten nas gdags pa yin te/ de nyid dbu ma'i lam yin no/ /de la dngos po 'ga' zhig yod pa nyid yin na/ /de ni brten nas 'byung ba dang brten nas gdags pa yin pas/ gang gi phyir rten cing 'brel bar 'byung ba ma yin pa'i chos 'ga' yang yod pa ma yin pa de'i phyir stong pa ma yin pa'i chos ni 'ga' yang yod pa ma yin no/ /gal te 'di kun mi stong na/ /'byung pa med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /gal te 'gro ba 'di kun mi stong na de'i phyir 'byung ba med cing 'jig pa med do/ /de dag med pa'i phyir 'phags pa'i bden pa bzhi po rnams khyod la med par thal bar 'gyur ro/ /gal te ji ltar zhe na/ bshad pa/ rten cing 'brel 'byung ma yin na/ /sdug bsngal yod par ga la 'gyur/ /mi rtag sdul bsngal gsungs pa de/ /ngo bo nyid la

  187. 94a

    yod ma yin/ /rten cing 'brel bar 'byung ba ma yin na/ /sdug bsngal yod par mi 'gyur te/ ci'i phyir zhe na/ mdo sde dag las mi rtag pa ni sdug bsngal lo zhes gsungs pa de ngo bo nyid la yod pa ma yin pa'i phyir ro/ /yang gzhan yang/ ngo bo nyid las yod yin na/ /ci zhig kun tu 'byung bar 'gyur/ /de phyir stong nyid gnod byed la/ /kun 'byung yod pa ma yin no/ /sdug bsngal de ngo bo nyid las yod pa yin na/ ci zhig kun tu 'byung bar 'gyur te/ ngo bo nyid las yod pa'i phyir ro/ /gang gi phyir de lta yin pa de'i phyir stong pa nyid la gnod pa byed pa la kun 'byung yod pa ma yin no/ /sdug bsngal ngo bo nyid yod la/ 'gog pa yod pa ma yin no/ /ngo bo nyid ni yongs gnas phyir/ /'gog la gnod par byed pa yin/ /sdug bsngal ngo bo nyid kyis yod pa la 'gog pa yod pa ma yin te/ mi 'jig pa'i phyir ro/ /des na ngo bo nyid yongs su gnas pa'i phyir 'gog pa la gnod par byed pa yin no/ /lam ni ngo bo nyid yod na/ /bsgom pa 'thad par mi 'gyur ro/ /ji ste lam de bsgom bya na/ / khyod kyi dngos nyid yod ma yin/ /lam ngo bo nyid yod par 'dzin na bsgom pa 'thad par mi 'gyur te/ don med pa nyid kyi phyir ro/ /'di ltar rtag pa gang yin pa de la bsgom zhing bsgrub pa'i thabs med pas/ de'i phyir lam bsgom pa 'thad par mi 'gyur ro/ /ci ste lam de bsgom par bya ba yin na ni/ khyod kyi ngo bo nyid yod pa ma yin no/ /yang gzhan yang/ gang tshe sdug bsngal kun 'byung dang/ /'gog pa yod pa ma yin na/ /lam gyis sdug bsngal 'gog pa ni/ /gang zhig thob par 'gyur bar 'dod sdug bsngal 'gog pa ni/ /gang zhig thob par 'gyur bar 'dod gsum po dag yod pa ma yin pa de'i tshe/ khyod kyi sdug bsngal 'gog pa gang zhig lam gyis 'thob par 'gyur bar 'dod/ yang gzhan yang/ gal te ngo bo nyid kyis ni/ /yongs

  188. 94b

    su shes pa ma yin na/ /de ni ji ltar yongs shes 'gyur/ /dngos nyid gnas shes ma yin nam/ /gal te sdug bsngal gang ngo bo nyid kyis yongs su shes pa ma yin na/ de ji ltar yongs su shes par bya bar nus te/ ngo bo nyid kyis yongs su ma shes pa'i phyir te khyod kyis ngo bo nyid ni nges par gnas pa yin zhes smras pa ma yin nam/ de bzhin du ni khyod nyid kyi/ /spang dang mngon sum bya ba dang/ /bsgom dang 'bras bu bzhi dag kyang/ /yongs su shes bzhin mi rung ngo/ /de bzhin du khyod nyid kyi kun 'byung ba spangs pa dang/ 'gog pa mngon du bya ba dang/ lam bsgom pa dang/ 'bras bu bzhi po dag kyang sdug bsngal yongs su shes pa bzhin du/ mi rung ste kun 'byung ba ngo bo nyid kyis ma spangs pa gang yin pa de yang spang bar mi nus te/ ngo bo nyid kyis ma spangs pa'i phyir ro/ /'gog pa ngo bo nyid kyis mngon sum du ma byas pa/ gang yin pa de yang mngon sum du bya bar mi nus te/ ngo bo nyid kyis mngon sum du ma byas pa'i phyir ro/ /lam ngo bo nyid kyis ma bsgoms pa gang yin pa de yang bsgom par mi nus te/ ngo bo nyid kyis ma bsgoms pa'i phyir ro/ /de ltar na 'phags pa'i bden pa bzhi po de dag yongs su shes pa dang/ spang ba dang mngon sum du bya ba dang bsgom pa'i bya ba bzhi po dag kyang mi 'thad do/ /yang gzhan yang/ 'bras bu bzhi po rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa dag kyang bya ba bzhi po dag med pas mi rung ngo/ /yang gzhan yang/ ngo bo nyid ni yongs 'dzin pas/ /'bras bu ngo bo nyid kyis ni/ /thob pa min pa gang yin de/ /ji ltar thob par nus par 'gyur/ /ngo bo nyid yongs su 'dzin pas 'bras bu ngo bo nyid kyis thob pa ma yin pa gang yin pa de dag kyang thob par mi nus par 'gyur ro/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /dge sbyong gi 'bras

  189. 95a

    bu rnams med na/ 'bras bu la gnas pa dang zhugs pa'i skyes bu gang zag brgyad po dag kyang yod pa ma yin no/ /gal te skyes bu gang zag brgyad po de dag med na dge 'dun yang med do/ /yang gzhan yang/ 'phags pa'i bde? rnams? med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /khyod kyi sangs rgyas byang chub la/ /ma brten par yang thal bar 'gyur/ /khyod kyi byang chub sangs rgyas la/ /ma brten par yang ? bar 'gyur/ /khyod kyi ngo bo nyid kyis ni/ /sangs rgyas min pa gang yin des/ /byang chub byang chub spyod pa la/ /brtsal kyang byang chub 'thob mi 'gyur/ /'ga' yang chos dang chos min pa/ /nam yang byed par mi 'gyur te/ /mi stong pa la ji zhig bya/ /ngo bo nyid la bya ba med/ /chos dang chos min rgyus byung ba'i/ /'bras bu khyod la yod ma yin/ /chos dang chos min med par yang/ /'bras bu khyod la yod par 'gyur/ /chos dang chos min rgyus byung ba'i/ /'bras bu gal te khyod la yod/ /chos dang chos min las byung ba'i/ /'bras bu ci phyir stod? ma yin/ /'jig rten pa yi tha snyad ni/ /kun la'ang gnod pa byed pa yin/ /rten cing 'brel 'byung gang yin pa'i/ /stong pa nyid la'ang gnod pa byed/ /bya ba ci yang med 'gyur zhing/ /bya ba rtsom pa'ang med par 'gyur/ / stong pa nyid la gnod byed na/ /mi byed pa'ang byed par 'gyur/ /dngos nyid yod na 'gro ba rnams/ /gnas skabs sna tshogs 'bral 'gyur zhing/ /ma skyes pa dang ma 'gags dang/ /ther zug tu yang gnas par 'gyur/ /ngo bo nyid yod pa yin na/ /'gro ba ma lus pa rnams gnas skabs sna tshogs dang bral bar 'gyur zhing ma skyes pa dang ma 'gags pa dang/ ther zug tu gnas par yang 'gyur ro/ /de lta bas na de ltar ngo bo nyid du smra ba yongs su 'dzin na/ ji skad bstan pa'i skyon de dag thams cad yang thal ba

  190. 95b

    'gyur ro/ /yang gzhan yang/ gal te stong pa yod min na/ /ma thob thob par bya ba dang/ /sdug bsngal mthar byed las dang ni/ /nyon mongs thams cad spong pa'ang med/ /gal te ngo bo nyid kyis stong pa nyid ma yin na/ de'i phyir 'jig rten pa dang 'jig rten las 'das pa'i khyad par ma thob pa thob par bya ba gang dag ji snyed yod pa de dag thams cad thob par bya ba yang med par 'gyur la/ sdug bsngal mthar byed pa'i las kyang med par 'gyur zhing/ nyon mongs pa thams cad spong ba yang med par 'gyur ro/ /gang gis rten cing 'brel par 'byung/ /mthong ba des ni sdug bsngal dang/ /kun 'byung dang ni 'gog pa dang/ /lam nyid de dag mthong ba yin/ /gang gis rten cing 'brel par 'byung ba mthong ba des chos bzhi po sdug bsngal dang/ kun 'byung dang/ 'gog pa dang/ lam nyid ces bya ba de dag mthong ba yin te/ ji ltar skyes bu mig dang ldan pas mar me'i snang bas gzugs kyi rnam pa de dag thams cad mthong ba de bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel pa ga las 'jigs med las/ 'phags pa'i bden pa brtag pa zhes bya ba ste/ rab tu byed pa nyi shu bzhi pa'o// //'dir smras pa/ gal te 'di dag kun stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ / gal te 'gro ba 'di dag kun stong na/ /de lta na 'byung ba med cing 'jig pa med do/ /de dag med pa'i phyir gang zhig spang ba dang 'gag pa las mya ngan las 'da' bar 'dod de/ spang ba dang 'gag pa mi 'thad pa'i phyir ro/ /de'i phyir de lta ma yin no/ /stong pa yin na ni nyon mongs pa? spang pa dang/ phung po 'gag pa las mya ngan las 'dab ba 'thob par yang 'gyur ro/ /'dir bshad pa/ gal te 'di kun mi stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur

  191. 96a

    bar 'dod/ /gal te 'gro ba 'di dag kun mi stong na/ de lta na 'byung ba med cing 'jig pa med do/ /de dag med pa'i phyir gang zhig spang ba dang 'gag pa las mya ngan las 'da' bar 'gyur bar 'dod de/ spang ba dang 'gag par mi 'thad pa'i phyir ro/ /de lta bas na rim pa 'dis mya ngan las 'das pa mi 'thad pa'i khong du chud par bya'o/ /'o na ji lta bu zhe na/ spangs pa med pa thob med pa/ /chad pa med pa rtag med pa/ /'gags pa med pa skye med pa/ /de ni mya ngan 'das par 'dod de'i phyir mya ngan las 'das pa'i mtshan nyid ni de lta bu yin par gdags so/ /yang gzhan yang/ mya ngan 'das pa dngos po min/ /rga shi'i mtshan nyid thal bar 'gyur/ /rga dang 'chi ba med pa yi/ /dngos po yod pa ma yin no/ /re zhig mya ngan 'das pa ni rnam pa thams cad du yang dngos po ma yin te/ gal te dngos po yin par gyur na/ rga shi'i mtshan nyid can yin par thal bar 'gyur ro/ /ci'i phyir zhe na/ rga shi'i med pa'i dngos po yod pa ma yin pa'i phyir ro/ /yang gzhan yang/ gal te mya ngan 'das dngos na/ mya ngan 'das pa 'dus byas 'gyur/ /dngos po 'dus byas ma yin pa/ /'ga' yang ji ltar yod ma yin/ /gal te mya ngan las 'das pa dngos po yin na/ de'i phyir mya ngan las 'das pa 'dus byas su 'gyur ste/ ci'i phyir zhe na/ dngos po 'dus byas ma yin pa ni 'ga' yang ji ltar yang yod pa ma yin pa'i phyir ro/ /yang gzhan yang/ gal te mya ngan 'das dngos ni/ /ji ltar myang 'das de brten min/ /dngos po brten pa ma yin pa/ /'ga' yang yod pa ma yin no/ /gal te mya ngan las 'das pa dngos po yin par 'dod na mya ngan las 'das pa de brten pa ma yin no/ /zhes gang spras pa de mi 'thad de/ ci'i phyir zhe na/ dngos po brten pa ma yin pa ni 'ga' yang yod pa ma yin pa'i phyir te/ de lta bas na mya ngan las 'das pa

  192. 96b

    ni dngos po ma yin no/ /'dir smras pa/ 'o na nga mya ngan las 'das pa ni dngos po med pa yin no/ /'dir bshad pa/ gal te mya ngan 'das dngos min/ /dngos med ji ltar rung bar 'gyur/ /gal te mya ngan las 'das pa ji ltar yang dngos po yin par ma gyur pas na/ dngos po med pa yang ma yin te/ ci'i phyir zhe na/ dngos po rab tu grub par gyur na dngos po med pa yang rab tu 'grub par 'gyur ba'i phyir ro/ /yang gzhan yang/ gang la mya ngan 'das dngos yin/ /de la dngos med yod ma yin/ /gang la mya ngan las 'das pa dngos po yin par 'dod pa de la/ dngos po med pa yod pa ma yin te/ 'di ltar gang la dngos po yod pa de dngos po med pa zhes bya bar mi rigs pa'i phyir te/ de lta bas na mya ngan las 'das pa ni dngos po med pa yang ma yin no/ /yang gzhan yang/ gal te mya ngan 'das dngos min/ /ji ltar myang 'das de brten min/ /gang zhig brten pa ma yin pa'i/ /dngos med yod pa ma yin no/ /gal te mya ngas las 'das pa dngos po med pa yin par 'dod na/ mya ngan las 'das pa de brten pa ma yin no zhes gang smras pa de mi 'thad de/ ci'i phyir zhe na/ gang brten pa ma yin pa'i dngos po med pa ni 'ga' yang yod pa ma yin pa'i phyir te/ de lta pas na mya ngan las 'das pa ni dngos po med pa yang ma yin no/ /'dir smras pa/ 'on mya ngan las 'das pa ji lta bu yin par brjod par bya/ bshad pa/ 'ong ba dang ni 'gro ba'i dngos/ /brten nam sgyur byas gang yin pa/ /de ni brten min sgyur byas min/ /mya ngan 'das pa yin par bstan/ /phyin ci log ma rtogs pa 'ong ba dang 'gro ba'i dngos po phung po rnams brten nam sgyur byas pa gang yin pa de nyid phyin ci log rtog pas brten pa ma yin zhing sgyur? byas pa ma yin pas/ phung po rnams mi 'byung ba ni mya ngan las 'das pa yin par bstan to/ /yang gzhan yang/ 'byung ba dang ni 'jig pa dang/ /spang bar ston pas bka' stsal to/ /de phyir mya ngan

  193. 97a

    'das pa ni/ /dngos min dngos med min par rigs/ /bcom ldan 'das kyis 'byung ba dang 'jig pa dag rnam pa las spang bar bka' stsal pas de'i phyir mya ngan las 'das pa ni dngos po yod pa yang ma yin/ dngos po med pa yang ma yin par rigs so/ /'dir smras pa/ 'o na mya ngan las 'das pa ni dngos po dang dngos po med pa gnyi ga yin no/ /'dir bshad pa/ gal te mya ngan 'das pa ni/ /dngos dang dngos med gnyis yin na/ /dngos dang dngos po med pa dag /zar par 'gyur ba de mi rigs/ /gal te mya ngan las 'das pa dngos po dang dngos po med pa gnyi ga yin na/ de lta na dngos po dang dngos po med pa dag tha dad pa yin par 'gyur bas de yang mi rigs te/ phan tshun 'gal ba gnyis dus gcig tu mi srid pa'i phyir ro/ /yang gzhan yang/ gal te mya ngan 'das pa ni/ /dngos dang dngos med gnyis yin na/ /mya ngan 'das pa ma brten min/ /de ni gnyis la brten phyir ro/ /gal te mya ngan las 'das pa dngos po dang dngos po med pa gnyi ga yin na/ de lta na mya ngan las 'das pa ma brten pa ma yin par 'gyur te/ mya ngan las 'das pa de dngos po dang dngos po med pa gnyis la brten pa'i phyir ro/ /de ni mi 'dod pas de'i phyir mya ngan las 'das pa dngos po dang dngos po med pa med pa gnyi ga yin no zhes bya ba de rigs pa ma yin te/ yang gzhan yang 'di'i phyir yang rigs pa ma yin te/ gal te mya ngan 'das pa ni/ /dngos dang dngos med gnyis yin na/ /mya ngan 'das pa 'dus ma byas/ /dngos dang dngos med 'dus byas yin/ /mya ngan las 'das pa ni dngos po dang dngos po med pa gnyi ga yin par mi 'thad de/ ci'i phyir zhe na/ mya ngan las 'das pa ni 'dus ma byas yin la/ dngos po dang dngos po med pa gnyis ni 'dus byas yin pa'i phyir ro/ /de lta bas na rgyu'i khyad par 'dis kyang mya ngan las 'das pa dngos po dang dngos po med pa gnyi ga

  194. 97b

    yin par mi rigs so/ /'dir smras pa/ mya ngan las 'das pa ni dngos po dang dngos po med pa gnyi ga yang ma yin gyi/ gang la de gnyis yod pa de ni mya ngan las 'das pa yin no/ /'dir bshad pa/ gal te mya ngan 'das pa la/ /dngos dang dngos med gnyis yod na/ /de gnyis gcig la yod min te/ /snang ba dang ni mun pa bzhin/ /mya ngan las 'das pa la dngos po dang dngos po med pa gnyis yod par yang mi 'thad de/ ci'i phyir zhe na/ phan tshun mi mthun pa de gnyis yul gcig na dus gcig tu lhan cig yod par mi rigs pa'i phyir te/ dper na snang ba dang mun pa bzhin pas/ de la gang la dngos po dang dngos po med pa de gnyis yod pa de mya ngan las 'das pa yin no zhes gang smras pa de mi rigs so/ /'dir smras pa/ mya ngan las 'das pa ni dngos po yang ma yin dngos po med pa yang ma yin no/ /'dir bshad pa/ dngos min dngos po med min pa/ /mya ngan 'das par gang ston pa/ /dngos po med dang dngos po dag /grub na de ni 'grub par 'gyur/ /khyod kyis mya ngan las 'das pa ni dngos po yang ma yin/ dngos po med pa yang ma yin no zhes gang smras pa de mi 'thad de/ ci'i phyir zhe na/ dngos po yang ma yin dngos po med pa yang ma yin pa zhes bya bar gsal ba dang 'dzin pa dang/ rtsol ba'i blo gang yin pa de ni dngos po med pa dang dngos po dag grub na/ de yang 'grub par 'gyur ba yin na/ dngos po med pa dang dngos po de dag ma grub pas/ de'i phyir mya ngan las 'das pa dngos po yang ma yin dngos po med pa yang ma yin no zhes bya ba de mi 'thad do/ /yang gzhan yang/ gal te mya ngan las 'das pa ni/ /dngos min dngos po med min na/ /dngos min dngos po med min zhes/ /gang zhig gis ni de mngon byed/ /gal te mya ngan las 'das pa dngos po yang ma yin/ dngos po med pa yang ma yin pa yin na/ dngos po yang ma yin dngos po med pa yang ma yin pa dag ni med de/ de dag med

  195. 98a

    pa'i phyir mya ngan las 'das pa dngos po yang ma yin/ dngos po med pa yang ma yin zhes gang zhig gis de mngon par byed cing mtshon par byed/ 'dzin par byed/ 'dog par byed de/ de lta bas na mya ngan las 'das pa dngos po yang ma yin dngos po med pa yang ma yin no zhes bya ba de yang mi rigs so/ /'di'i phyir yang mya ngan las 'das pa mi 'thad de/ ji ltar zhe na/ bcom ldan mya ngan 'das gyur nas/ yod par mi mngon de bzhin du med de zhe 'am gnyi ga dang/ gnyis min zhes kyang mi mngon no/ /bcom ldan bzhugs par gyur na yang/ /yod par mi mngon de bzhin du/ /med do zhe 'am gnyi ga dang/ /gnyis min zhes kyang mi mngon no/ /gang gi phyir bcom ldan 'das mya ngan las 'das sam bzhugs kyang rung ste yod do zhe 'am med do zhe 'am yod kyang yod la med kyang med do zhe 'am/ yod pa yang ma yin med pa yang ma yin no zhes bya bar mi mngon zhing mtshon du med gzung du med gdags su med pa de'i phyir mya ngan las 'das pa yang gdags su med de/ de med na mya ngan las 'das pa gang gi yin par 'gyur/ de bas na rnam pa thams cad kyis kyang mya ngan las 'das pa mi 'thad do/ /yang gzhan yang/ 'khor ba mya ngan 'das pa las/ /khyad par cung zad yod ma yin/ /mya ngan 'das pa 'khor ba las/ /khyad par cung zad yod ma yin/ /'di la phung po'i rgyun la brten nas 'khor ba zhes gdags na/ phung po de dag ni ngo bo nyid stong pa'i phyir ji ltar gtan skye ba med pa dang/ 'gag pa med pa'i chos can yin pa de ltar kho bos dang po kho nar bstan zin pas/ de'i phyir chos thams cad skye ba med pa dang/ 'gag pa med pa mnyam pa nyid kyis 'khor ba ni mya ngan las 'das pa las khyad par cung zad kyang yod pa ma yin no/ /ji ltar 'khor ba mya ngan las 'das pa las khyad par cung zad kyang yod pa ma yin pa de bzhin du/ mya ngan las 'das pa yang 'khor ba las khyad par cung zad kyang

  196. 98b

    yod pa? yin no/ /mya ngan 'das mdza' gang yin pa/ /de ni 'khor ba'i mdza' yin te/ /de gnyis khyad par cung zad ni/ /shin tu phra ba'ang yod ma yin/ /mya ngan las 'das pa dang/ 'khor ba'i yang dag pa'i mdza' dang skye ba med pa'i mdza' dang yang dag pa'i mthar thug pa gang yin pa de dag ni dmigs su med par mnyam pa nyid kyis khyad par shin tu phra ba cung zad kyang yod pa ma yin no/ /'gags par gyur dang mdza' sogs dang/ /rtag la sogs par lta ba dag /mya ngan 'das dang phyi mdza' dang/ /sngon gyi mdza' la brtan pa yin/ /de bzhin gshegs pa 'gags par gyur nas yod pa dang med pa dang/ yod kyang yod la med kyang med pa dang/ yod pa yang ma yin med pa yang ma yin zhes bya bar lta ba gang dag yin pa dang/ 'jig rten mdza' yod pa dang/ 'jig rten mdza' med pa dang/ mdza' yod kyang yod la/ mdza' med kyang med pa dang/ mdza' yod pa yang ma yin/ mdza' med pa yang ma yin zhes bya bar lta ba gang dag yin pa dang/ 'jig rten rtag pa dang/ 'jig rten mi rtag pa dang/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin zhes bya bar lta ba gang yin pa de dag ni/ go rim bzhin du mya ngan las 'das pa dang/ phyi ma'i mdza' dang sngon gyi mdza' la brten pa yin no/ /de la/ dngos po thams cad stong pa la/ / mdza' yod ji zhig mdza' med ci/ /mdza' dang mdza' med ji zhig yin/ /mdza' min mdza' med min pa ci/ /de nyid ji zhig gzhan ci yin/ /rtag pa ci zhig mi rtag ci/ /rtag dang mi rtag gnyi ga ci/ /gnyi ga min pa'ang ci zhig yin/ /dmigs pa thams cad nyer zhi zhing/ /spros pa nyer zhi zhi ba ste/ /sangs rgyas kyis ni gang du yang/ /su la 'ang chos 'ga' ma bstan to/ /sprul pa bzhin nam sor 'phreng bzhin no/ /slob dpon 'phags pa klu sgrub kyis mdzad pa dbu ma'i rtsa ba'i 'grel ba ga las 'jigs med las/

  197. 99a

    mya ngan las 'das pa brtag pa zhes bya ba ste/ rab tu byed ba nyi shu lnga pa'o// //'dir smras pa/ khyod kyis theg pa chen po'i gzhung lugs kyis don dam pa la 'jug pa ni bstan zin na/ de khyod kyis nyan thos kyi gzhung lugs kyis don dam pa la 'jug pa ston cig /'dir bshad pa/ ma rig bsgribs pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro bar 'gro /'du byed rkyen can rnam par shes/ /'gro ba rnams su 'jug par 'gyur/ /rnam par shes pa zhugs gyur na/ /ming dang gzugs ni chags bar 'gyur/ /ming dang gzugs ni chags gyur na/ /skye mched drug ni 'byung bar 'gyur/ /skye mched dug la brten nas ni/ /de las reg pa 'byung bar 'gyur/ /mig dang gzuD dang dran byed la/ /brten nas skye ba kho na yin/ /de ltar mig dang gzugs brten nas/ /rnam par shes ba skye bar 'gyur/ /mig dang gzugs dang rnam par shes/ /gsum po 'dus pa gang yin pa/ /de ni reg pa reg de las/ /tshor ba kun tu 'byung bar 'gyur/ /tshor ba'i rkyen gyis srid pa ste/ /tshor ba'i don la sred par 'gyur/ /sred par gyur na nye bar len/ /rnam pa bzhi po nyer len 'gyur/ /nyer len yod na len pa po'i/ /srid pa rab tu 'byung bar 'gyur/ /gal te nye bar len med na/ /grol bar 'gyur te srid mi 'gyur// srid pa de yang phung po ?/ /srid pa las ni skye ba 'byung/ /rga shi dang ni mya ngan dang/ /smre sngags 'don bcas sdug bsngal dang/ /yid mi bde dang 'khrug pa rnams/ /de dag skye las rab tu 'byung/ /de ltar sdug bsngal phung po ni/ /'ba' zhig po 'di 'byung bar 'gyur/ /de phyir mkhas rnams 'khor ba yi/ /rtsa ba'i 'du byed 'du mi byed/ /de phyir mi mkhas byed pa yin/ /mkhas min de nyid mthong phyir ro/ /ma rig 'gags par gyur na ni/ /'du byed rnams kyang 'byung mi 'gyur/ /ma rig 'gags par gyur pa ni//

  198. 99b

    shes pa de nyid bsgoms pas so/ /de dang de ni 'gag 'gyur bas/ /de dang de ni mngon mi 'gyur/ /sdug bsngal phung po 'ba' zhig pa/ /de ni de ltar yang dag 'gag /byis pa ma rig pas bsgribs pas yang srid pa'i phyir sems can dmyal ba la sogs pa 'du byed pa'i 'du byed rnam pa gsum po dag lus dang ngag dang yid dag gis mngon par 'du byed do/ /las dge ba dang mi dge ba ji ltar mngon par 'dus byas pa chen po dang 'bring dang chung ngu gang yin pa de dag gis/ sems can dmyal ba la sogs pa'i 'gro ba rnams su 'gro'o/ /de la 'du byed kyi rkyen gyi rnam par shes pa ji ltar 'gro ba rnams su zhugs par gyur bas/ ming dang gzugs chags par 'gyur ro/ /ming dang gzugs chags par gyur na/ ming dang gzugs chags pa las skye mched drug 'byung bar 'gyur ro/ /skye mched drug la brten nas/ /de las reg pa 'byung bar 'gyur te/ reg pa de skye ba'i rim pa ni 'di yin te/ mig dang gzugs dang yid la byed pa la brten nas skye ba kho na yin te/ de ltar ming dang gzugs la brten nas rnam par shes pa skye bar 'gyur zhing/ de ltar mig dang gzugs dang rnam par shes pa gsum po 'dus pa gang yin pa de ni reg pa'o/ /reg pa de las tshor ba kun tu 'byung bar 'gyur ro/ /tshor ba'i rkyen gyis sred pa ste/ tshor ba'i don la sred par 'gyur ro/ /sred par gyur na nye bar len pa rnam pa bzhi po dag nye bar len par 'gyur ro/ /nye bar len pa yod na len pa po'i srid par rab tu 'byung bar 'gyur te/ gal te nye bar len pa med na des na grol bar 'gyur te/ de'i srid pa 'byung bar mi 'gyur pa zhig na/ gang gi phyir nye bar len pa dang bcas pa de'i phyir/ de'i srid pa 'byung bar 'gyur te/ srid pa de yang phung po lnga yin par shes par bya'o/ /srid pa las ni skye ba 'byung ngo/ /skye ba las rga shi dang mya ngan dang smre sngags 'don pa dang/

  199. 100a

    sdug bsngal ba dang/ yid mi bde ba dang/ 'khrug pa rnams 'byung ste/ de ltar sdug bsngal gyi phung po sdug bsngal gyi tshogs 'ba' zhig pa ma 'dres pa 'di 'byung bar 'gyur ro/ /de'i phyir mkhas pa rnams ni 'khor ba'i rtsa ba'i 'du byed rnams 'du mi byed do/ /de'i phyir mkhas pa rnams ni 'du byed rnams kyi byed pa po yin gyi/ mkhas pa rnams ni ma yin te/ de ci'i phyir zhe na/ de nyid mthong ba'i phyir ro/ /de lam rig pa 'gags par gyur na 'du byed rnams kyang 'byung bar mi 'gyur ro/ /ma rig pa 'gag par 'gyur pa ni yan lag bcu gnyis shes pa de nyid bsgom pa goms par byas pa dang/ bstan po nyid du bya bas so/ /srid pa'i yan lag de dang de 'gags par gyur pas srid pa'i yan lag de dang de mngon par mi 'byung ste/ de ltar sdug bsngal gyi phung po sdug bsngal gyi tshogs 'ba' zhig pa ma 'dres pa de yang dag par 'gag cing gtan 'gag par 'gyur te/ sa bon tshig pa bzhin no/ /srid pa'i yan lag bcu gnyis po de dag la 'jug pa rgya cher ni mdo sde dang chos mngon pa dag las khong du chud par bya'o/ /mdor bsdu ba'i dbang gis 'di las brjod do/ /slob dpon 'phags pa klu sgrub kyi mdzad pa dbu ma'i rtsa ba'i 'grel pa ga las 'jigs med las/ srid pa'i yan lag bcu gnyis brtag pa zhes bya ba ste/ rab tu byed pa nyi shu drug pa'o// //'dir smras pa/ khyod kyis nyan thos kyi theg pa dang mthun pa'i mdo sde'i mdza' la brten nas lta ba'i rnam pa rnams mi srid par ston cig/ 'dir bshad pa/ 'das pa'i dus na byung zhes dang/ /ma byung 'jig rten rtag sogs par/ /lta ba gang yin de dag ni/ /sngon gyi mdza' la brten pa yin/ /ma 'ongs dus gzhan 'byung 'gyur dang/ /mi 'byung 'jig rten mdza' sogs par/ /lta ba gang yin de dag ni/ /phyi ma'i mdza'

  200. 100b

    la brten pa yin/ /zag pa thams cad sdom pa'i rnam grangs zhes bya ba'i mdo sde las gsungs pa/ bdag sngon 'das pa'i dus na byung bar gyur ces bya ba dang/ bdag sngon 'das pa'i dus na byung bar ma gyur ces bya ba'i rgyu 'dis 'jig rten rtag pa la sogs par lta ba gang yin pa de dag ni sngon gyi mdza' la brten pa yin no/ /bdag ma 'ongs pa'i dus gzhan du 'byung bar 'gyur zhes bya ba dang/ bdag ma 'ongs pa'i dus gzhan du 'byung bar mi 'gyur zhes bya ba'i rgyu 'dis 'jig rten mdza' yod pa la sogs par lta ba gang yin pa de dag ni phyi ma'i mdza' la brten pa yin no/ /de dag ni mi 'thad de/ rigs pa gang gis she na/ bshad par bya ste/ 'das pa'i dus na byung gyur ces/ /bya ba de ni mi 'thad do/ /sngon tshe rnams su gang byung ba/ /de nyid 'di ni ma yin no/ /de nyid bdag tu 'gyur snyam na/ nye bar len pa tha dad 'gyur/ /nye bar len pa ma gtogs par/ /khyod kyi bdag ni gang zhig yin/ /nye bar len pa ma gtogs pa'i/ /bdag yod ma yin byas pa'i tshe/ /nye bar len nyid bdag yin na/ /khyod kyi bdag ni med pa yin/ / nye bar len nyid bdag ma yin/ /de ni 'byung dang 'jig pa yin/ /nye bar blang ba ji lta bur/ /nye bar len pa yin par 'gyur/ /bdag ni nye bar len pa las/ /gzhan du 'thad pa byed ma yin/ /gal te gzhan na len med par/ /bzung yod rigs na gzung du med/ /de ltar len lam gzhan ma yin/ /de ni nyer len nyid kyang min/ /bdag ni nye bar len med min/ /med pa nyid du 'ang de ma nges/ /bdag sngon 'das pa'i dus na byung bar gyur ces bya bar mi 'thad pa/ /ci'i phyir zhe na/ sngon gyi tshe rabs rnams su gang byung bar gyur pa de nyid de ltar gyi bdag ? ma yin pa'i phyir ro/ /de la 'di snyam du gal te sngon gyi tshe rabs rnams su gang byung bar gyur ba de nyid da ltar gyi bdag 'di yin par gyur na de'i phyir skyon cir 'gyur snyam du sems na/ de la bshad par bshad par bya ste/

  201. 101a

    gal te sngon gyi tshe rabs rnams su gang byung bar gyur pa de nyid da ltar gyi bdag 'di yin par gyur na/ de lta na nye bar len pa tha dad par mi 'gyur ba zhig na nye bar len pa tha dad par yang 'gyur la/ nye bar len pa ma gtogs par bdag yod par thal bar yang 'gyur ro/ /de la nye bar len pa ma gtogs par khyod kyi bdag de gang zhig yin smras par nus sam kho bos ni rnam pa thams cad du yang mi 'thad par shes so/ /de la 'di snyam du nye bar len pa ma gtogs pa'i bdag yod pa ma yin no snyam du sems na ni/ de'i phyir da nye bar len pa nyid bdag yin par 'gyur ba 'am/ yang na khyod kyi bdag med pa yin no/ /nye bar len pa nyid bdag yin no zhes bya ba de yang mi 'thad de/ ci'i phyir zhe na/ nye bar len pa de ni 'byung ba dang 'jig pa yin pas skye ba dang 'gag par 'gyur ba'i phyir te/ de lta bu ni bdag gi mtshan nyid ma yin no/ /yang gzhan yang/ nye bar blang ba gang yin pa de ni ji lta bur nye bar len pa po yin par 'gyur te/ skyon du mar thal bar 'gyur ba'i phyir ro/ /de la 'di snyam du nye bar blang pa las nye bar len pa po gzhan yin par sems na/ de la bshad par bya ste/ bdag ni nye bar len pa las gzhan du 'thad pa nyid ma yin no/ /ci'i phyir zhe na/ gal te gzhan yin na nye bar len pa med par yang mig la sogs pa'i dbang po rnams kyis gzung du yod pa'i rigs na/ gzung du med pa'i phyir ro/ /de ltar na bdag ni nye bar len las gzhan yang ma yin la/ de ni nye bar len pa nyid kyang ma yin nye bar len pa med pa yang ma yin/ 'ga' yang med pa nyid du nges pa yang ma yin no/ /de'i phyir brtag pa 'dis bdag sngon 'das pa'i dus na byung bar gyur ces bya ba de mi 'thad do/ /da ni/ 'das pa'i dus na ma byung zhes/ /bya ba de yang mi 'thad do/ /sngon tshe rnams su gang byung ba/ /de las 'di gzhan ma yin no/ /gal te 'di ni gzhan gyur

  202. 101b

    na/ /de med par yang 'byung bar 'gyur/ /de bzhin du ni gnas 'gyur zhing/ /der ma shi bar skye bar 'gyur/ /chad dang las rnams chud za dang/ /gzhan gyis byas pa'i las rnams ni/ /gzhan gyis so sor myong ba dang/ /de la sogs par thal bar 'gyur/ /ma byung? ba las 'byung min te/ /'di la skyon du thal bar 'gyur/ /bdag ni byas par 'gyur pa dang/ /byung ba rgyu med can du 'gyur/ /da ni bdag sngon 'das pa'i dus na byung bar ma gyur ces bya ba de yang mi 'thad do/ /ci'i phyir zhe na/ sngon gyi tshe rabs rnams su gang byung bar gyur pa de las 'di gzhan ma yin pa'i phyir ro/ /gal te 'di gzhan yin par gyur na de'i phyir de med par yang 'di 'byung bar 'gyur ro/ /yang gzhan yang/ snga ma de de bzhin du de na gnas par 'gyur zhing 'di yang der ma shi bar der skye bar 'gyur ro/ /de lta na chad pa dang las rnams chud za ba dang gzhan gyis byas pa'i las rnams gzhan gyis so sor myong ba dang/ de la sogs pa skyon mang po dag tu thal bar 'gyur ro/ /yang gzhan yang/ de lta na bdag ma byung ba las 'byung bar thal bar 'gyur te/ bdag ma byung ba las 'byung ba ni/ ma yin pas/ de'i phyir 'di la yang bdag byas par 'gyur ba dang/ byung ba rgyu med pa can du 'gyur ba'i skyon du thal bar 'gyur bas/ de ni mi 'dod do/ /de'i phyir brtag pa 'dis bdag sngon 'das pa'i dus na byung bar ma gyur ces bya ba de yang mi 'thad do/ /de ltar bdag byung bdag ma byung/ /gnyi ga gnyi ga ma yin par/ /'das la lta ba gang yin pa/ /de dag 'thad pa ma yin no/ /de ltar yongs su brtags na bdag sngon 'das pa'i dus na byung bar gyur ces bya ba dang/ bdag sngon 'das pa'i dus na byung bar ma gyur ces bya ba dang/ bdag sngon 'das pa'i dus na byung bar gyur kyang gyur la/ byung bar ma gyur kyang ma gyur ces bya ba dang/ sngon 'das pa'i dus na byung bar gyur pa yang ma yin/ /byung bar ma gyur pa yang ma yin no zhes bya bar

  203. 102a

    'das pa'i dus la lta ba gang yin pa de dag 'thad pa ma yin no/ /da ni/ ma 'ongs dus gzhan 'byung 'gyur dang/ /'byung bar mi 'gyur zhes bya bar/ /lta ba gang yin de dag ni/ /'das pa'i dus dang mtshungs pa yin/ /da ni bdag ma 'ongs pa'i dus gzhan du 'byung bar 'gyur ? zhes bya ba dang/ bdag ma 'ongs pa'i dus gzhan du 'byung bar mi 'gyur zhes bya bar ma 'ongs pa'i dus la lta ba gang yin pa de dag ni 'das pa'i dus dang mtshungs par bsam par bya ste/ 'das pa'i dus las brtsams pa'i skyon gang dag yin pa de dag nyid 'dir yang bye brag tu shes par bya'o/ /yang gzhan yang/ gal te lha de mi de na/ /de lta na ni rtag par 'gyur/ /lha ni ma skyes nyid 'gyur te/ /rtag la skye ba med phyir ro/ /gal te lha de nyid mi de nyid du gyur na de lta na ni rtag par 'gyur ro/ /yang gzhan yang// lha ma skyes pa nyid du yang 'gyur te/ ci'i phyir zhe na/ rtag pa la skye ba med pa'i phyir ro/ /gang gi phyir lha gang yin pa de nyid mi ma yin zhing lha ma skyes pa nyid kyang ma yin pa de'i phyir rtag pa ma yin no/ /gal te lha las mi gzhan na/ /de lta na ni mi rtag 'gyur gal te lha mi gzhan yin na/ /rgyud ni 'thad par mi 'gyur ro/ /gal te lha las mi gzhan yin na/ /de lta na ni rtag par 'gyur ro/ /rgyud kyi gtan tshigs kyis lha las mi gzhan yin par mi 'thad pas/ de'i phyir mi rtag pa ma yin no/ /gal te phyogs gcig lha yin la/ /phyogs gcig mi ni yin gyur na/ /rtag dang mi rtag 'gyur ba'i phyir/ /de yang rigs pa ma yin no/ /gal te phyogs gcig ni lha yin la/ /phyogs gcig ni mi yin par gyur na/ /de lta na rtag kyang rtag la mi rtag kyang mi rtag par 'gyur ba zhig na/ gang gi phyir de ltar bdag nyid gnyis pa nyid mi rigs pa de'i phyir rtag kyang rtag la mi rtag kyang mi rtag pa ma yin no/ /gal te rtag dang mi rtag pa/ /gnyi ga grub par gyur na ni/ /rtag pa ma yin mi rtag min/ /'grub par

  204. 102b

    'gyur ba 'dod la rag /gal te rtag pa dang mi rtag pa zhes bya ba de gnyi ga rab tu grub par gyur na ni/ de'i phyir rtag pa yang ma yin/ mi rtag pa yang ma yin pa zhes bya ba de yang rab tu 'grub par 'gyur ba 'dod la rag na/ gang gi phyir rtag pa dang mi rtag pa de gnyi ga rab tu ma grub pa de'i phyir rtag pa yang ma yin/ mi rtag pa yang ma yin pa zhes bya ba de yang rab tu mi 'grub bo/ /gal te gang zhig gang nas 'ongs/ /ci zhig gang du 'gro 'gyur na/ /de phyir de la thog med pas/ /rtag par gyur na de yang med/ /gal te dngos po gang zhig yul gang nas 'ongs shing ci zhig gcig gang du 'gro bar 'gyur na ni/ de'i phyir de la thog ma med pas rtag par 'gyur ba zhig na/ shes rab kyis btsal na dngos po gang zhig yul gang nas 'ongs shing ci zhig gcig tu gang du 'gro bar 'gyur ba de lta'i dngos po 'ga' yang med pas de'i phyir de la thog ma med pa yang med pas rtag pa ma yin no/ /gal te rtag pa 'ga' med na/ /mi rtag gang zhig yin par 'gyur/ /rtag pa dang ni mi rtag dang/ /de gnyis bsal bar gyur pa'o/ /gal te de ltar shes rab kyis brtags na/ dngos po rtag pa 'ga' yang med na/ /de mi rtag pa gang zhig yin par 'gyur/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin pa yang gang zhig yin par 'gyur te/ de lta bas na sngon gyi mdza' las brtsams pa'i rtag pa dang mi rtag pa la sogs pa bzhi po de dag mi 'thad do/ /de ni phyi ma'i mdza' las brtsams pa'i mdza' dang mdza' med pa la sogs pa bzhi po dag ji ltar mi 'thad pa de ltar bshad par bya ste/ gal te ji ltar zhe na/ bshad pa/ gal te 'jig rten mdza' yod na/ /'jig rten pha rol ji ltar 'gyur/ /gal te 'jig rten mdza' med na/ /'jig rten pha rol ji ltar 'gyur/ /'jig rten mdza' yod ces bya ba

  205. 103a

    mi 'thad de/ ci'i phyir zhe na/ gal te 'jig rten mdza' yod par gyur na/ de'i phyir 'jig rten pha rol yod par mi 'gyur ba'i phyir ro/ /'jig rten pha rol yang yod pas de'i phyir 'jig rten mdza' yod ces bya ba mi 'thad do/ /'jig rten mdza' med ces bya ba de yang mi 'thad de/ ci'i phyir zhe na/ gal te 'jig rten mdza' med par gyur na de'i phyir 'jig rten pha rol med par 'gyur ba'i phyir ro/ /'jig rten pha rol yang yod pas de'i phyir 'jig rten mdza' med ces bya ba yang mi 'thad do/ /de gnyis ci'i phyir mi 'thad ce na/ de la bshad par bya ste/ gang phyir phung po rnams kyi rgyun/ /'di ni mar me'i 'od dang mtshungs/ /de phyir mdza' yod nyid dang ni/ /mdza' med nyid kyang mi rigs so/ /gang gi phyir phung po rnams kyi rgyun 'di ni mar me'i 'od dang mtshungs par rgyu dang rkyen gyi tshogs pa'i dbang gis 'byung ba de'i phyir/ 'jig rten mdza' yod pa nyid dang/ mdza' med pa nyid ces bya ba yang mi rigs so/ /ci'i phyir mi rigs she na/ de la bshad par bya ste/ gal te snga ma 'jig 'gyur zhing/ /phung po 'di la brten byas nas/ /phung po de ni mi 'byung na/ /des na 'jig rten mdza' yod 'gyur/ /gal te snga ma mi 'jig cing/ /phung po 'di la brten byas nas/ /phung po de ni mi 'byung na/ /des na 'jig rten mdza' med 'gyur/ /gal te phung po snga ma rnams 'jig par 'gyur zhing/ /phung po 'di dag la brten nas phung po gzhan de dag mi 'byung na ni/ des na 'jig rten mdza' yod par 'gyur pa zhig na/ gang gi phyir de lta ma yin pa de'i phyir 'jig rten mdza' yod ces bya ba mi 'thad do/ /gal te phung po snga ma rnams mi 'jig cing phung po 'di dag la brten nas phung po phyi ma de dag mi 'byung na ni/ des na 'jig rten mdza' med par 'gyur ba zhig na/ gang gi phyir de lta ma yin pa de'i phyir 'jig rten mdza' med ces bya ba yang mi 'thad do/ /btsun

  206. 103b

    ba 'phags pa lhas kyang/ nyan pa po dang mnyan bya dang/ /smra po 'byung ba shin tu dkon/ /de phyir mdor na 'khor ba ni/ mdza' yod ma yin mdza' med min/ zhes bshad do/ /da ni 'jig rten mdza' yod kyang yod la mdza' med kyang med ces bya ba de yang mi 'thad de/ ci'i phyir zhe na/ bshad par bya ste/ gal te phyogs gcig mdza' yod la/ /phyogs gcig mdza' ni med gyur na/ /'jig rten mdza' yod mdza' med 'gyur/ /de yang rigs pa ma yin no/ /gal te phyogs gcig mdza' yod par gyur la phyoD gcig mdza' med par gyur na ni/ de'i phyir 'jig rten mdza' yod kyang yod la mdza' med kyang med par 'gyur ba zhig na/ de lta na dngos po bdag nyid gnyis pa nyid du 'gyur bas de ni mi 'thad do/ /ji lta bur na nyer len pa/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /ji lta bur na nyer blang ba/ /phyogs gcig rnam par 'jig 'gyur la/ /phyogs gcig rnam par mi 'jig 'gyur/ /de ltar de yang mi rigs so/ /re zhig nye bar len pa po rigs pa gang gis phyogs gcig rnam par 'jig par 'gyur la/ phyogs gcig rnam par 'jig par mi 'gyur te/ rtag pa dang mi rtag pa nyid med pa'i phyir re zhig de ltar de ni mi rigs so/ /nye bar blang ba yang rnam pa gang gis phyogs gcig rnam par 'jig par 'gyur la/ phyogs gcig rnam par 'jig par mi 'gyur te/ rtag pa dang mi rtag pa nyid mi 'thad pa kho na'i phyir de ltar de yang mi rigs so/ /de ltar gang gi phyir dngos po bdag nyid gnyis pa nyid mi 'thad pa de'i phyir/ 'jig rten mdza' yod kyang yod la mdza' med kyang med ces bya ba mi 'thad do/ /da ni 'jig rten mdza' yod pa yang ma yin/ mdza' med pa yang ma yin zhes bya ba yang mi 'thad de/ ci'i phyir zhe na/ bshad par bya ste/ gal te mdza' yod mdza' med pa//

  207. 104a

    gnyi ga grub par gyur na ni/ /mdza' yod ma yin mdza' med min/ /grub par 'gyur ba 'dod la rag /gal te mdza' yod pa dang mdza' med pa zhes bya ba de gnyi ga rab tu grub par gyur na ni/ de'i phyir mdza' yod pa yang ma yin mdza' med pa yang ma yin zhes bya ba 'di rab tu 'grub pa yang 'dod la rag na/ gang gi phyir mdza' yod pa dang mdza' med pa zhes bya ba de gnyis rab tu ma grub pa de'i phyir/ mdza' yod pa yang ma yin mdza' med pa yang ma yin zhes bya ba de yang rab tu ma grub po/ /de lta bas na brtag pa 'dis phyi ma'i mdza' las brtsams pa'i mdza' dang mdza' med pa la sogs pa bzhi po mi 'thad do/ /yang na dngos po thams cad dag /stong phyir rtag la sogs lta ba/ /gang du gang la gang dag gis/ /ji ltar kun tu 'byung bar 'gyur/ /yang na dngos po thams cad stong pa'i phyir rtag pa la sogs pa lta ba dag yul dang dus gang du dngos po gang la lta ba gang dag rgyu ci'i phyir kun tu 'byung bar 'gyur/ gang gi thugs brtse nyer bzung nas/ /lta ba thams cad spang ba'i phyir/ /dam pa'i chos ni ston mdzad pa/ /gau tam de la phyag 'tshal lo/ /gang gis thugs brtse ba nye bar bzung nas/ /lta ba thams cad spang ba'i phyir/ /dam pa'i chos ni bstan par mdzad pa/ sangs rgyas bcom ldan 'das shin tu rmad du byung ba bsam gyis mi khyab pa mtshungs pa med pa gzhal du med pa gdud gau tam dang gcig pa de la phyag 'tshal te/ dper na byang chub sems dpa' dga' byed bzhin no// //slob dpon 'phags pa klu sgrub kyis mdzad pa'i dbu ma rtsa ba'i 'grel pa ga las 'jigs med las/ lta ba brtag pa zhes bya ba ste/ rab tu byed pa nyi shu bdun pa ste tha ma'o// //dbu ma rtsa ba'i 'grel pa ga las 'jigs med ces bya ba'i tshig le'ur byas pa/ shes rab ces bya ba'i don mdor bstan pa/ bstan bcos dang rab tu byed pa dang/ ngag dang tshig rigs pa dang/

  208. 104b

    lung gis grub pa/ rang dang gzhan gyi grub pa'i mdza' smra pa'i phyogs ga las kyang 'jigs pa med pa/ rjes su dpag pa dang sun dbyung ba'i gsal ba dang/ de kho na dag bstan pa lta ba ngan pa'i dra ba zhi bar byed pa dang ldan pa/ shes rab kyi pha rol tu phyin pa'i tshul ston pa/ slob dpon bdag nyid chen po 'phags pa klu sgrub/ mi 'phrogs pa'i mkhyen rabs dang thugs rjer ldan pa/ de bzhin gshegs pa'i theg pa/ bla na med pa'i tshul rab tu 'byed pa/ rab tu dga' ba'i sa bsgrubs nas/ bde ba can gyi zhing du gshegs pa/ 'jig rten gyi khams dang ba'i 'od ces bya bar/ de bzhin gshegs pa ye shes 'byung gnas 'od ces bya bar 'gyur bas mdzad pa zhes bya ba rdzogs so// //dbang phyug dam pa'i mnga' bdag rgyal po chen po dpal lha btsan po'i bka' lung gis/ rgya gar gyi mkhan po theg pa chen po dbu ma pa dz+nyA na garba? dang/ bod kyi zhu chen gyi lo cA? ba/ dge slong klu'i rgyal mtshan gyis bsgyur cing zhu chen bgyis te gtan la phab pa/ theg pa chen po'i nges don/ dbu ma'i bstan bcos rtsa ba shes rab ces bya ba'i 'grel pa mdzad pa/ slob dpon klu sgrub dang/ gnas brtan bud b+ha pA li ta dang/ tan dra ki rti dang/ de ba sharma dang/ gu Na sh+rI dang/ gu Na ma ti dang/ s+thi ra ma ti dang/ legs ldan 'byed dang brgyad ces gna' mtshan cig las 'byung/ 'di la rab tu? byed pa ni nyi shu rtsa bdun/ shu lo gnyis stong chig brgya yod/ bam po ni bdun du byas so// //zhib mo rnam par 'thag pa'i rab tu byed pa 'phags pa klu sgrub kyis mdzad pa bzhugs so// / rgya gar skad du/ bod kyi thA? ma pra ka ra Na/ bod skad du/ zhib mo rnam par 'thag pa zhes bya ba'i rab tu byed pa/ 'jam dpal gzhon nur gyur pa la phyag 'tshal lo/ /rtog ge shes pa'i nga rgyal gyis/ /gang zhig rtsod par mngon 'dod pa/ /de yi

  209. 105a

    nga rgyal spong ba'i phyir/ /zhig mo rnam 'thag bshad par bya/ /gzhan dag 'dir rgol ba thams cad kyis tshad ma dang/ gzhal bya dang/ the tshom dang/ dgos pa dang/ dpe dang/ grub pa'i mdza' dang/ yan lag dang/ rtog ge dang/ gtan la dbab pa dang/ rtsod pa dang/ brjod pa dang/ sun ci phyin tu brgal ba dang/ gtan tshigs ltar snang ba dang/ tshig dor ba dang/ ltag chod dang/ tshar bcad pa'i gnas rnams gdon mi za bar khas blangs nas gtam du byed kyi stong pa nyid du smra ba rnams kyis ni zhen pa med pa'i phyir tshad ma la sogs pa'i don khas len par mi byed do/ /zhes zer ro/ /'di la brjod par bya ste/ tshad ma dang gzhal bya ngag gnyi ga 'dres so/ /'dir tshad ma dang gzhal bya gnyi ga 'dres par mthong ste/ gang gi phyir gzhal bya yod na tshad ma ni tshad ma nyid du 'gyur zhing/ tshad ma yod na yang gzhal bya ni gzhal bya nyid du 'gyur ro/ /zhes gzhal bya las tshad ma grub pa dang/ tshad ma las kyang gzhal bya grub par byas nas/ tshad ma ni gzhal bya'i gzhal byar 'gyur la/ gzhal bya yang tshad ma'i tshad mar 'gyur bas phan tshun bltos nas bdag nyid thob par 'gyur ba de'i phyir tshad ma yang gnyi gar 'gyur la/ gzhal bya yang gnyi gar 'gyur bas na gnyis ka 'dres pa'o/ /de'i phyir rang las grub pa ma yin no/ /gal te tshad ma dang gzhal bya dag rang gi ngo bos grub par 'gyur na ni tshad ma dang gzhal bya dag tu 'gyur na gang gi phyir bltos nas grub pa ni phan tshun bskyed par byed pa zhes bya ba'i don yin par de'i phyir rang las grub pa ma yin no/ /gzhan yang/ yod pa dang med pa dang gnyi ga'i dngos po dag ni bltos pa can ma yin no/ /gal te yang bltos pa can du 'grub par 'gyur na yod pa'am med pa'am/ gnyi ga gang zhig yin grang/ de la re zhig yod pa nyid kyi phyir yod pa ni bltos pa ma yin te/ yod pa'i

  210. 105b

    bum pa ni gzhan 'jim pa la sogs pa la bltos pa ma yin no/ /med pa nyid kyi phyir med pa yang bltos pa ma yin te/ ri bong gi rwa la sogs pa yang bltos par thal bar 'gyur ba'i phyir ro/ /nyes pa gnyi ga yod pa'i phyir gnyi ga yang bltos pa ma yin no/ smras pa/ ji ltar srang la sogs pa med na gzhal bya gzung ba med pa de bzhin du tshad ma med na yang gzhal bya gzung ba med do zhes smras na/ brjod par bya ste/ ma yin te/ thug pa med par 'gyur ba'i phyir ro// gal te tshad ma med pas gzhal bya grub pa ma yin par 'dod na gang shis? na tshad ma rnams med par tshad ma rnams grub par 'dod pa yin te khyad par gyi gtan tshigs sam mi 'dra ba nyid brjod dgos so/ /gal te yang don thams cad tshad mas grub pa yin no zhe na/ tshad ma rnams de las gzhan pa'i tshad mas grub bo zhes bya bar thal bar 'gyur te/ tshad ma rnams ni don thams cad kyi nang du gtogs pa'i phyir ro/ /gal te tshad ma rnams ni tshad ma rnams kyis 'grub pa ma yin na ni don thams cad tshad mas bsgrub par bya ba yin no/ /zhes bya ba'i dam bcas nyams pa yin no/ /smras pa/ tshad ma rnams la ni tshad ma med de/ 'dir mar me bzhin tshad ma ni rang dang gzhan sgrub par byed pa yin no/ /ji ltar mar me ni rang dang gzhan gsal bar byed pa mthong ba de bzhin du tshad ma rnams kyang rang dang/ gzhan sgrub par byed pa yin no/ /de lta bas na thug pa med pa mar me la sogs pa'i skyon srid pa ma yin no/ /brjod par bya ste/ mar me ni mun pa dang phrad pa 'am ma phrad kyang rung ste gsal bar byed pa ma yin no/ /mar me ni mun pa dang phrad nas gsal bar byed dam/ ma phrad par gsal ba byed grang?/ re zhig mar me ni mun pa dang phrad nas gsal bar byed par mi 'gyur te/ phrad pa med pa'i phyir ro/ /gang gi phyir mar me dang mun pa ni phrad pa ma yin te 'gal ba'i phyir ro/ /gang na mar me yod pa de na mun pa med na

  211. 106a

    ji ltar mar me 'di mun pa sel bar byed pa'am gsal bar byed par 'gyur/ ma phrad pa yin na yang ma phrad pa'i ral gri ni gcod par mi byed pa bzhin no/ /gza'i gnod pa bzhin du 'di yang 'gyur ro/ /zhe na/ ma yin te/ dpe dang 'gal ba'i phyir ro/ /'dir lhas byin la sogs pa la gzas byas pa'i skyon phrad nas gnod pa byed pa 'am rang gi lus la sogs pa rnams 'dzin par byed pa de ltar ni mar mes byas pa'i gnod pa mun pa la yod pa ma yin na ji ltar gzas byas pa'i skyon dang mtshungs pa yin/ gza' la sogs pa lus dang ldan pas skyes bu la sogs pa rnams la byed par 'gyur ba me dang thag pa dang chu dang nad dang sprul dang/ rims la sogs pa lus can rnams kho nas gnod par byed ba de lta bu ni mar mes cung zad kyang yod pa ma yin te/ des na chos mthun pa nyid ma yin no/ /gzhan yang thag ring po na yod pa'i mar me ni mun pa'i lus dang dbang po la sogs pa la gnod par byed pa ma yin te/ de dag med pa'i phyir ro/ /de lta bas na gza'i dpe ni ma phrad par sgrub par byed pa la rigs pa ma yin no/ /gal te yang mar me ni ma phrad par gsal bar byed par 'gyur na ni 'di na gnas pa kho nas ri thams cad kyi phug gi nang du gtogs pa'i mun pa sel bar byed pa 'am gsal bar byed bar 'gyur ba zhig na de ltar ni 'jig rten nam mthong ba'am 'dod pa yang ma yin no/ /bstan bcos las 'jig rten pa'i spyod pa po de yang seng ge la sogs pa dang mtshungs par mngon par 'dod pa yin no/ /de la 'jig rten pa ni byis pa la sogs pa nas ba lang rdzi'i bar du'o/ /dpyod pa po ni khyab 'jug dang dbang phyug dang tshangs pa dang ser skya dang 'ug pa dang rgyas pa dang gnas 'jog dang bya g+h+ra dang 'byor ldan dang/ ga ga ra dang/ mthar la sogs pa ste/ de dag don gang la blo 'thun pa de ni dper rab tu grub

  212. 106b

    pa yin no/ /de la khyab 'jug la sogs pa ni 'od med pa tsam la mun par 'dod de/ ji ltar zhe na/ 'od med ni mun pa'o zhes brjod pa'i phyir ro/ /'di ni mun pa yin te/ snang ba med pa zhes bya ba'i don to/ /de ltar gzhan dag dpyod pa po la mun pa zhes bya ba'i dngos po ci 'dra ba zhig yod pa yin te/ su zhig la yang yod pa ma yin no/ /de bas na mar mes mun pa gsal ba zhes bya ba 'di mi grub pa yin no/ /de'i phyir gang mar me ni mun pa sel bar byed pa'o/ /zhes bya ba'i dpe 'di rigs pa ma yin no/ / de mi rigs pas dpe can gyi don tshad ma zhes bya ba ma grub pa yin no/ /de'i phyir rang dang gzhan sgrub par byed pa'i tshad ma zhes bya ba yod pa ma yin no/ /gzhan yang mar me ni bdag nyid gsal bar byed pa ma yin te/ mun ba med pa'i phyir mar me ni rang gi bdag nyid kyang gsal bar byed pa ma yin no/ /mar me la ni mun pa yod pa ma yin na ci zhig gsal bar byas te/ mar me dang gsal ba zhes bya ba don gcig pa yin no de la mun pa yod pa ma yin te 'gal ba'i phyir ro gzhan yang phyin ci 'og tu thal bar 'gyur ba'i phyir mun pa yang bdag nyid la sgrib par byed par 'gyur ro/ /gal te mar me rang dang gzhan gsal bar byed pa yin na dpe ci zhig la 'thob par 'gyur zhe na/ phyin ci log pa'i phyir mun pa yang bdag nyid la sgrib par? byed par 'gyur ro/ / gal te yang mun pa rang gi bdag nyid la sgrib par byed par 'gyur ro/ /gal te mar me rang dang gzhan gsal bar byed pa yin na dpe ci zhig la 'thob par 'gyur zhe na/ mar me sa bdag nyid dang gzhan gsal bar byed par rang gi khas blangs pa de'i 'dod pa la bltos nas gal te zhes bya ba'i sgra smos so/ /mun pa yang bdag nyid sgrib pa na mar me de gsal bar byed par mi 'gyur ro/ /gzhan yang/ tshad ma dang gzhal bya dag ni dus gsum dum grub bo/ /tshad ma ni gzhal bya'i don las snga rol duAm phyis

  213. 107a

    sam/ tshad ma dang gzhal bya dag cig car du yin grang/ de la gal te tshad ma gzhal bya'i don las snga rol du yin na ni gang gi na de tshad mar brjod par bya ba gzhal bya'i don yod pa ma yin na gang gis tshad ma yin zhing ci zhig tshad mas nges par byed/ 'on te phyis nas yin na gzhal bya yod pa la ci zhig tshad mar 'gyur/ ma skyes pa ni skyes pa'i tshad mar 'thad pa ma yin te/ ri bo la sogs pa yang tshad ma nyid du thal bar 'gyur ba'i phyir dang/ ma skyes pa dang skyes pa dag lhan cig mi gnas pa'i yang phyir ro/ /'on te cig car ba yin na de yang srid pa ma yin te/ dper na ba lang gi rwa cig char skyes pa dag rgyu dag 'bras bur mi 'thad pa bzhin no/ /smras pa/ dus gsum du tshad ma dang gzhal bya dag ma grub pas dgag pa mi 'thad do/ /dus gsum du tshad ma dang gzhal bya dag ma grub par 'dod pa de'i phyir khyod kyis brjod pa'i tshad ma dang gzhal bya'i dgag pa gang yin pa de yang dgag par bya ba'i don las snga rol du 'am phyis nas sam cig car yin grang na dgag pa de yang dus gsum du mi 'grub te dgag pa bya ba med pa'i phyir ji ltar khyod kyi tshig kyang 'gog par byed par 'gyur zhing ji ltar na de'i dgag pa grub par 'gyur/ 'on te dgag pa grub bo zhe na/ dus gsum gyi rtag pa'i don mtshungs pa nyid grub pa na tshad ma dang gzhal bya grub pa'ang mi 'dra ba nyid brjod dgos so/ /de ltar dgag par bya ba dang 'gog par byed pa de dus gsum du ma grub na da lta yin pa dang/ dgag pa yang mi 'grub bo zhe na/ brjod par bya ste/ dgag pa grub na tshad ma dang gzhal bya yang grub bo zhes zer ba ni ma yin te/ sngar khas blangs pa'i phyir ro/ /dus gsum gyi brtag pas dgag pa na tshad ma dang gzhal bya dag go zhes smras pa de ni ma yin no/ gang las zhe na/

  214. 107b

    sngar khas blangs pa'i phyir te/ sngar nyid khyod kyis tshad ma dang gzhal bya dag dus gsum du ma grub bo/ /zhes khas blangs la phyi nas ni 'di skyon byung ba mthong nas de yis 'jigs pas dgag pa yang mi 'grub bo zhes yongs su brtags te smras pa ma yin nam gal te tshad ma dang gzhal bya dag ma grub par khas blangs pa yin na ni khas blangs pa dang dus mnyam pa kho nar rtsod pa rdzogs pa yin no/ /ji lta zhe na/ yongs su tshim pa lha rnams dga' ba khyod kyis gang gi tshe kho nar tshad ma dang gzhal bya dag dus gsum du ma grub pa yin na dgag? pa dang 'gag par byed pa'i tshig kyang ma grub po zhes smra bar byed pa de'i tshe kho nar rang gi skyon spang bar 'dod pa khyod kyis tshad ma dang gzhal bya dag med par khas blangs pa ma yin nam/ tshad ma dang gzhal bya dag med pa'i phyir dgag pa 'di gang yin zhes smra bar byed/ gang gi phyir tshad ma dang gzhal bya dag med pa de khas blangs nas phyi nas dgag pa 'gog par byed pa'i phyir dang po khas blangs pa na rtsod pa rdzogs pa yin no/ /dgag par byed pa med na 'gag pa zhes bya ba de med do zhe na de ni ma yin no/ / ma grub pa'i rtog pa spong ba yin no/ /'di lta ste dper na chu shin tu gting ring ba ma yin pa la/ gting ring ba'i blo dang mngon par ldan zhing 'jigs par 'gyur ba la de'i 'jig pa'i dogs pa spang bar don du gzhan de shes pas 'di la chu gting ring b yod pa ma yin te/ zhes smra ba ni de med pa la de'i blo bsal ba'i don du 'thad pa yin pa'i phyir dgag bya med pa la yang dgag bya brjod pa las dgag pa byed pa yin no/ /gzhan yang gal te mtshungs pa'i skyon khas len na mtshungs pa'i skyon ? blangs pa nyid kyis rtsod pa rdzogs pa yin no/ /zhes khas blangs nas smra bar 'dod par bya'o/ /smras pa/ mngon sum la sogs pa ni yod pa yin te/ gang las she na/ yang dag pa rtogs pa'i phyir ro/ /'dir mngon sum gyi don la dmigs nas bya ba dang bya ba ma ?

  215. 108a

    yin pa'i yon tan shes pa yang dag par rtogs par 'gyur ro/ /lhag ma rnams kyang de bzhin no/ /de'i phyir tshad ma dang gzhal bya yod do zhe na/ brjod par bya ste/ mngon sum la sogs pa grub kyang gzhal bya ni 'thad pa ma yin no/ /da ni khas blangs nas brjod par bya ste/ mngon sum la sogs pa'i tshad ma rnams ni grub na gzhan gzhal bya'i don gang zhig yin pa smros shig /gang gi phyir bum pa nyid mngon sum yin gyi bum pa ni ma yin te dbang po dang dbang po la rab tu phyogs pa'i don gang yin pa de ni mngon sum yin par byas nas/ mig gi dbang po la mig gi dbang po'i brda byas la de la rab tu phyogs pa'i don gang yin pa de ni mngon sum yin zhing de yang snang ba la sogs pa'i rkyen la bltos pa ste/ de'i phyir bum pa la sogs pa nyid mngon sum du yongs su grub pa yin na tshad ma de gang gi yin pa don gzhal byar gyur pa de gang zhig yin par 'gyur/ de bzhin du me dang du ba la 'grel pa las mngon sum mngon du 'gro ba can rjes su dpag pa yin no/ /des na rjes su dpag pa'i shes pa skyes ba na yang gang gi de rjes su dpag par 'gyur rjes su dpag par bya ba'i don gzhan gang zhig yin par 'gyur/ lhag ma la yang de bzhin no/ /smras pa/ bum pa la bum pa'i blo ni tshad ma yin la bum pa ni gzhal bya yin no// zhe na/ brjod par bya ste/ rkyen du gyur ba nyid yin pa'i phyir shes pa yang ma yin zhing shes bya yang ma yin no/ /gang gi phyir dbang po dang don phrad pa las blo skye bar 'dod pa de'i phyir bum pa ni rkyen du gyur pa nyid yin pa de'i phyir blo ni tshad ma ma yin la bum pa yang gzhal bya ma yin no/ /gzhan yang blo ni tshad ma ma yin te/ gzhal bya yin par mngon par brjod pa'i phyir ro/ /gang gi phyir khyod kyi blo gzhal bya yin par brjod par byed de ji ltar zhe na/ bdag dang lus dang dbang po dang don dang

  216. 108b

    blo dang yid dang 'jug pa dang skyon dang srid pa phyi ma dang/ 'bras bu dang sdug bsngal dang byang grol rnams ni gzhal bya yin no zhes brjod pa'i phyir ro/ /de'i phyir gnyi ga yang med pa yin no/ /smras pa tshad ma nyid gang yin pa de nyid gzhal bya yin no/ /zhes brjod pa na the tshom za ba yin no/ /the tshom yod pa'i phyir tshad ma dang gzhal bya gnyi ga grub pa yin no/ /the tshom zhes bya ba'i tshig gi don ni yod pa nyid de mi bden pa'i don la 'di yod pa ma yin no/ /zhe na/ brjod par bya ste/ dmigs pa 'am ma dmigs pa dag la the tshom za ba med de yod pa dang med pa nyid kyi phyir ro/ /'dir dmigs pa'i don la 'am ma dmigs pa'i don la 'am dmigs bzhin pa'i don la the tshom za grang/ dmigs pa'i don la the tshom za ba mi rigs shing/ ma dmigs pa'i don la yang the tshom za bar mi rigs la/ dmiD bzhin zhes bya ba'i don gsum pa yang yod pa ma yin no/ /de lta bas na the tshom ni yod pa ma yin no/ /smras pa/ the tshom ni yod pa yin te/ khyad par la bltos pa med pa'i phyir ro/ /'dir sdong dum ma ma skyes bu zhes bya ba yul thag ring po nas mthong nas phyir 'dzin pa ni 'di skyes buAm 'on te sdong dum yin zhes the tshom za bar 'gyur ro/ /gang gi tshe bya'i tshang bcas pa'am ri dwags 'phrug pa la sogs pa'i khyad par mthong ba de'i se 'di ni sdong du ma yin zhes nges par 'gyur zhing de las bzlog pa yin pa'i phyir dang/ mgo bsgyur ba dang lag pa g.yo pa la sogs pa'i bya ba mthong ba'i phyir skyes bu'i blo 'byung ba yin no/ /'di yang yod pa dang med pa nyid kyi phyir khyad par la bltos pa yin la de las gzhan du na the tshom za ba yin no/ /de'i phyir the tshom ni yod pa yin no zhe na/ brjod par bya ste/ sngar bkag zin pa'i phyir the tshom ni khyad par la bltos pa ma yin no/ /yod pa dang med pa'i phyir the tshom med do zhes bya ba 'dis sngar nyid bkag pa yin no/ /ji ltar zhe na/ sdong dum la bya'i tshang bcas pa

  217. 109a

    la sogs pa'i rgyu mtshan dmigs pas 'di ni sdong du ma yin no/ /zhes shes pa skye'i the tshom ni ma yin te/ yang dag pa ji lta ba bzhin du yongs su shes pa nyid kyi phyir ro/ /de bzhin du skyes bu yin pa la yang mgo bsgyur ba la sogs pa'i rgyu mtshan dmigs pas 'di ni skyes bu nyid do/ /zhes yang dag pa ji lta ba bzhin du yongs su shes pa skye bar 'gyur ba the tshom ni ma yin te/ yang dag pa ji lta ba bzhin du shes pa nyid kyi phyir ro/ /gnyi ga la yang yang dag pa'i shes pa'i rgyu mtshan med na ma rtogs pa nyid yin gyi the tshom ma yin te/ ma nges pa dang/ ma rtogs pa dang/ ma bzung ba dang/ mi shes pa dang/ ma mthong ba'i don rnams gzhan ma yin zhing de dag ni mi shes pa'i rnam grangs yin te/ shes pa las bzlog pa yin pa'i phyir ro/ /'di skad du ston par 'gyur te/ khyad par la bltos nas shes par 'gyur la/ khyad par ma mthong ba la ni mi shes pa skye bar 'gyur ro/ /mgo bsgyur ba dang lag pa g.yo pa la sogs pa mthong na the tshom du 'gyur ba ma yin la/ khyad par med na ni mi shes pa nyid yin no/ /'di lta bur 'gyur te/ khyad par yod na shes par 'gyur zhing de med na mi shes pa nyid do/ /gang la khyad par dang khyad par med pa dag gcig car 'gyur ba rtog pa gsum pa ni med pa'i phyir the tshom yod pa ma yin no/ /smras pa/ dgos pa'i don gang la kho cag gi shes pa nges pa ma skyes pa'i dgos pa don de la the tshom yod pa yin no/ /zhe na/ brjod par bya ste/ yod pa dang med pa nyid kyi phyir dgos pa'i don ni med pa yin no/ /don gang gi ched du gnyer nas 'jug pa de ni dgos pa yin no/ /zhes khyod? kyis brjod pa yin te/ ji ltar bum pa'i don du rdza mkhan 'jug pa bzhin no/ /gal te 'jim pa la bum pa yod

  218. 109b

    pa de'i tshe de'i 'jug pa don med par 'gyur ro/ /'on te med na bye ma bzhin du med pa nyid kyis na de la 'jug pa ma yin no/ /smras pa/ bye ma la 'jug pa ni ma yin te/ dpe yod pa'i phyir ro/ /ji ltar snam bu dgos pa na snal ma la sogs pa la 'jug pa yin gyi 'jag ma la ma yin pa bzhin no/ /zhe na/ brjod par bya ste de lta bu de yang snga ma dang mtshungs pa nyid do/ /gzhan yang/ thog ma dang dbus med pa'i phyir mdza' yang mthong ba ma yin no/ /gang gis don gyi thog ma dang dbus ma mthong ba des ji ltar mdza' mthong ba yin te/ thog ma dang dbus med na mdza' yod pa ma yin no/ /de'i phyir dpe med pa yin no/ /smras pa/ 'jig rten pa dang dpyod pa po dag don gang blo mthun pa de ni dpe yin la de yang chos mthun pa nyid dang chos mi mthun pa yin no/ /zhe na/ brjod par bya ste/ chos mthun pa nyid kyi phyir me ni me'i dpe nyid ma yin no/ /chos mthun pa nyid kyi phyir dpe zhes gang brjod pa de ni ma yin o/ /gang gi phyir me ni me'i dpe ma yin te/ bsgrub pa bya ba dang sgrub par byed pa dag khyad par med pa'i phyir ro/ /gal te de nyid sgrub par bya ba yin zhing de nyid sgrub par byed pa yin na yang ji ltar na dpe khyad par can du 'gyur/ gzhan yang chu ni me'i dpe ma yin te/ chos mi mthun pa nyid kyi phyir ro/ /grang bar gtogs pa'i chu ni me'i dper 'thad pa ma yin te la la dag tu chu ni grang pa yin te/ dpe na me bzhin no// zhes smras pa de dang 'dra'o/ /gzhan yang cung zad chos mthun pa las yin no zhe na/ ma yin te ri rab dang sgra bzhin no/ /de la cung zad chos mthun pa las dpe yin no/ /zhes bya ba de ltar 'gyur ro/ /zhe na/ de ni ma yin te/ ga las zhe na/ 'dir ri rab dang sgra dag kyang yod pa nyid dang gcig pa nyid dang lus can nyid du cung zad chos mthun pa yin no/ /gzhan yang ri rab dang mtshungs pa'i sgra zhes rab tu grags pa ni ma yin no/ /phal cher chos mthun pa las 'gyur ro/ /zhe na/ brjod par bya ste/ sngar bkag pa nyid kyis phal cher chos

  219. 110a

    mthun pas ni ma yin no/ /'dir phal cher chos mi mthun par 'gyur ba las kyang yin te de las phal cher chos mthun pa dang chos mi mthun pa nyid kyis ma grub pa yin no/ smras pa/ khyod ni grub mdza' med pa nyid du brjod pa yin te grub mdza' med pa dang lhan cig smra bar bya ba ma yin no zhe na/ brjod par bya ste/ thog ma ma grub na tha ma 'grub pa yang ma yin no/ /smras pa/ yan lag dang bral ba ni sgrub par byed pa ma yin la khyed cag gi yan lag smra ba ma yin no// des na thams cad 'drel pa nyid kyis 'gog pa yin pa de'i phyir gdon mi za bar yan lag bzung bar byas nas brjod par bya dgos te/ rnam pa gzhan du na dgag pa mi 'grub bo zhe na/ brjod par bya ste/ yan lag can med pa'i phyir yan lag yod pa ma yin no/ /'dir dam bca' ba dang gtan tshigs dang dpe dang nye bar sbyor ba dang mjug bsdu ba'i yan lag rnams la yan lag can med pa'i phyir yan lag rnams kyang med pa yin no/ /smras pa/ tshogs pa la yan lag can grub bo zhe na/ brjod par bya ste/ re re la med pa'i phyir tshogs pa la yang mi 'grub bo/ /tshogs pa la yan lag can yod pa zhes bya bar brjod pa gang yin pa de ni ma yin te/ yan lag re re la yan lag can med pa'i phyir tshogs pa la yang yod pa ma yin no/ /gzhan yang/ yan lag can gcig yin pa'i phyir yan lag rnam thams cad gcig nyid du thal bar 'gyur te/ skyon 'di ni gzhan ma yin pa la'o/ /'on te yan lag lnga las gzhan pa zhig yin na ni drug par thal par 'gyur ro/ /gzhan yang/ dus gsum la ma grub pas yan lag can med pa nyid do/ /dam bca' ba la sogs pa skyes pa dang ma skyes pa dang da ltar ba rnams la 'das pa dang ma 'ongs pa dang da ltar ba rnams yongs

  220. 110b

    su brtag bzod pa ma yin te/ rigs pa med pa'i phyir ro/ /de'i phyir yan lag can med payin zhing yan lag kyang med pa yin no/ /'on te rtswa ba la ba dza bzhin du de yang grub po/ /ji ltar rtswa ba la ba dza gcig gis glang po che 'ching bar mi nus kyang rtswa ba la dza tshogs pas ni nus pa de bzhin du dam bca' ba la sogs pa tshogs pa la yan lag can yod pa bzhin no/ /zhe na/ brjod par bya ste ma yin te/ bsgrub par bya ba dang mtshungs pa'i phyir ro/ /'di ni mo gsham dang long ba dang bye ma lta bu yin te gang gi cho mo gsham cig gis bu bskyed mi nus pa de bzhin du mo gsham stong phrag du ma tshogs las kyang skyed par nus par mi 'gyur ro/ /ji ltar long ba gcig la mthong ba'i nus pa med pa de bzhin du long ba stong phrag du mar yang mthong ba'i nus pa yod pa ma yin no/ /ji ltar bye ma re re la til mar 'byin pa med pa de bzhin du mang po tshogs pas 'byin pa med de med pa nyid kyi phyir ro/ /'on te mo gsham la sogs pa'i dpe ni mtshungs pa nyid de gang gis na de phye ma leb la sogs pa 'am/ de lta bu'i ngo bo 'ga' zhig 'ching bar 'gyur ba bal ba dza cig la yang bal ba dza'i ngo bo dang rjes su mthun pa'i nus pa yod la yin la mar po 'dus pas ni glang po che'ang 'ching bar nus par 'gyur ro snyam du sems na/ de yang srid pa ma yin te/ g.yas zhe na/ rigs pa med pa'i phyir ro/ /rab tu grags pa'i yan lag can gyi dper yin na/ yan lag can dag la ni ma yin te lhan cig gnas pa med pa'i phyir ro/ /dus cig la'am kha'i sgo'i yul kha dam bca' ba la sogs pa'am de'i yi ge dag lhan cig gnas pa yod pa ma yin te/ de'i phyir ba ? tho'i dpe 'di mi rigs so/ /de mi rigs pa'i phir yan lag med do/ /zhes bya ba ma grub pa yin no/ /gzhan yang/ yna lag dag la yang yan lag yod par thar bar 'gyur ro/ /gal te yan lag

  221. 111a

    ni ma grub pa'i don sgrub par byed pa yin na/ de dag kyang grub pa zhig sgrub par byed pa yin nam ma grub pa zhig yin grang /gal te grub pa zhig sgrub par byed pa yin na sgrub byed gang gis de dag sgrub par byed pa de dag la yang sgrub par byed pa gzhan zhig yod par 'gyur la de dag la yang gzhan yod pas thug pa med par thal bar 'gyur ro/ /'on te de dag la yang gzhan yod pa ma yin na mi 'dra ba nyid dang dam bca' ba nyams pa zhes bya ba 'di dag thams cad yan lag gi sgo nas yan lag can sgrub par 'dod pa la brjod par bya'o// gzhan yang/ dam bca' ba las gtan tshigs gzhan dang gzhan ma yin pa'i phyir gtan tshigs ma yin no/ /dam bca' ba dang gtan tshigs gzhan yin na ma gzhan yin pa yin grang/ gal te gzhan nyid yin na ci zhig 'thob par 'gyur/ dam bca' ba ni snam bu dkar po nyid yin pa'o/ /gzhan yang gtan tshigs gang yin zhe na/ nag po nyid kyi phyir ro/ /'dod pa ma yin te/ gang gi phyir dkar po nyid ni sgrub byed nag pos mi 'grub pa'i phyir ro/ /'on te gtan tshigs dang dam bca' ba dag gzhan ma yin na ci zhig 'thob par 'gyur zhe na dam bca' ba ni snam bu dkar po'o/ /gtan tshigs gang zhe na dkar po nyid kyi phyir ro/ /de nyid ni de'i sgrub byed ma yin te 'di ni bsgrub par bya ba dang mtshungs pa yin no/ /gzhan yang gtan tshigs la gtan tshigs med pa'i yang phyir ro/ /gtan tshigs las grub bo zhes brjod pa gang yin pa de ni ma yin to gtan tshigs la yang gtan tshigs gzhan thob par 'gyur zhing de la yang gzhan yin no/ /zhes thug pa med par 'gyur ro/ /'on te gtan tshigs la yang gtan tshig yod par mi 'dod na de'i phyir gtan tshigs med pa yin no/ /yang na gtan tshigs bzhin du thams cad kyang gtan tshigs med par grub par 'gyur ro/ /gzhan yang/ dam

  222. 111b

    bca' ba la sogs pa med pa'i phyir nye bar sbyor ba dang mjug sdud pa dag med pa yin no/ /de ltar na dam bca' ba dang gtan tshigs dang dpe dag med pa nyid kyis nye bar sbyor ba dang mjug sdud pa dag kyang med pa yin no/ /gzhan yang/ lhag ma dag la gtan tshigs med do/ /gal te yang dam bca' ba ni gtan tshigs las grub pa yin na dpe la sogs pa sgrub par byed pa la ni gtan tshigs med par thal bar 'gyur ro/ /gzhan yang/ gal te grub pa ni gtan tshigs kyis byas pa yin na ci zhig 'thob ce na/ dpe la sogs pa don med do/ /khyod gtan tshigs kho nas 'grub par sems na de'i phyir dpe la sogs pa dag don med par 'gyur te gtan tshigs kho nas don 'grub pa'i phyir ro/ /gzhan yang gtan tshigs don med pa nyid dam/ 'on te dpe grub par 'dod na de'i tshe gtan tshigs don med pa thob par 'gyur ro/ /yang na dpe don med pa yin no/ /smras pa bdag sgrub pa la gtan tshigs dang dpe yin no/ /zhe na/ brjod par bya ste/ bdag 'grub pa ni ma yin no/ /gtan tshigs kyis 'grub par sems te/ ji ltar skyes bu rtag pa'i dam bca' pa'o/ /lus can ma yin pa'i pyir ni gtan tshigs so/ /dpe ni nam mkha' bzhin no/ /zhes khyod kyis smras pa yin no/ /bdag ni rtag pa ma yin te/ mi rtag pa nyid kyi phyir ro/ /gang gi phyir rang nyid kyis med pas rtag pa'i ngo bo nyid med pa yin no gtan tshis dang dpe la yang dag zhing no/ /gzhan yang/ gcig dang gcig brjod pa'i phyir gcig la gcig med do/ /gang gi tshe dam bca' ba brjod pa de'i tshe gtan tshigs la sogs pa med la gtan tshigs brjod pa na yang dam bca' la sogs pa med do/ /de'i phyir gtan tshigs la sogs pa dag yod pa ma yin no/ /'dir smras pa/ khyod kyis yan lag thams cad med do zhes dam bcas pa de lta bas na/ dam bcas pa khas blangs pa'i phyir khyod la lhag ma dag kyang grub pa yin no zhe na/ brjod par bya ste/ yi ge

  223. 112a

    dag la yang de lta bu yin no/ /yan lag ma grub pa'i rnam pa gang yin pa de yi ge thams cad la yang lta bar bya ste/ ji ltar pra'i yi ge dang dz+nya'i yi ge dag lhan cig gnas pa med pa'i phyir dam bca' ba med pa nyid do/ /de bzhin du pra'i yi ge la yang pra la sogs pa'i rim gyis brjod pa'i phyir pra'i yi ge med do/ /rlung dang nam mkha' dang lce dang sa dang mgrin pa dang rkan dang mchu dang 'bad pa la sogs pa'i rkyen las byung ba'i tshe gcig la cig med pa yin no/ /smrs pa gang gi phyir brtag na de ma thag tu rab tu rtog pa de'i phyir rtog ge zhes bya ba'i tshig gi don la yod pa yin no/ /de yod pa'i phyir gzhan dag kyang grub pa yin no/ /zhe na/ brjod par bya ste/ the tshom bzhin du rtog ge yang yin no/ /ji ltar zhe na/ shes pa'i don la dpyod pa yin nam mi shes pa'i don la dpyod pa yin grang/ de la gal te shes pa'i don la yin na ci zhig dpyod par 'gyur/ 'on te mi shes pa'i don yin na yang ci zhig dpyod par 'gyur rnam par rtog pa gsum pa ni med do/ /smras pa/ rnam par dpyad pas don khong du chud pa ni gtan la phab pa yin la/ ro shes pa'i rgyu mtshan ni 'thad pa'o/ /de kho na nyid shes pa'i don du dpyod par byed pa ni rtog ge yin no/ /zhe na/ brjod par bya ste/ rdzas dang yod pa dang gcig nyid la sogs pa dag ni gzhan dang gzhan ma yin pa dang gnyi ga med pa'i phyir gtan la phab pa med do/ /'dir bum pa dang yod pa dang cig dang zlum po dang dmar po la sogs pa dag cig nyid dam gzhan nyid grang/ de la gal te cig nyid du 'dod na gang la yod pa la sogs pa dag gi nang nas gang yang rung ba cig srid pa de la nus pa yod par 'gyur te/ dbang po dang nus ldan dang grong khyer 'jig par byed pa bzhin no/ /'on te de lta ma yin na de lta bas na cig nyid med do/ /'on te gzhan yin na de'i phyir bum pa ni yod pa ma yin zhing gcig kyang

  224. 112b

    ma yin la/ zlum po dang dmar po yang ma yin no/ /bum pa ni yod pa yin te/ yod pa nyid dang ldan pa'i phyir ro/ /zhe na/ de ni ma yin te/ gang zhig gang dang ldan pa de ni de nyid du 'gyur ba ma yin no/ /de'i phyir gcig nyid dang gzhan nyid dang gnyi ga med pa'i phyir gtan la dbab pa med do/ /smras pa tshang mas sgrub par byed pa dmigs pa can grub mdza' dang mi 'gal ba yan lag lnga las skyes pa phyogs dang mi mthun pa dag yongs su 'dzin pa ni rtsod pa yin la/ 'dir bum pa la sogs pa gsal bar 'dod pa khyod dang phyogs dang mi mthun pa yongs su 'dzin pa yin no/ /brjod par bya ste/ rtsod pa ni yod pa ma yin te/ rjod par byed pa dang brjod bya dag med pa'i phyir rtsod pa yang med do/ /ji ltar rdzas dang yod pa dang gcig nyid la sogs pa dag ni gzhan dang gzhan ma yin pa gnyi ga med pas gtan la phab pa med pa de bzhin du gal te bum pa mngon par brjod pa dang bum pa cig nyid yin na bum pa brjod pa bzhin du phyi rol yang 'jim pa'i gong bu dang 'khor lo dang chu la sogs pa 'dus pa lam bltos par grub par 'gyur te/ bum pa la sogs pa mngon pa dang brjod par rtogs nas bum pa la sogs pa 'grub par 'gyur ro/ /bum pa zhes brjod pa na kha gang par 'gyur la me zhes brjod pa nam chu 'chig par 'gyur te ltar 'dod pa yang ma yin no/ /gzhan yin na bum pa zhes nges par brjod pa na bum pa nges par mi 'gyur ro/ /par byas pa'i brjod pa'i tha snyad yin no/ /zhe na/ ma yin te/ don dam par dpyod pa'i skabs yin pa'i phyir ro/ /'di ltar lha rnams dga' ba'i rigs pa phra ba'i phyogs su lhung ba khyod kyi tshig gi don bcu drug yongs su shes pas grong par 'gyur ro/ /zhes bya ba ni grub pa'i mdza' yin no/ /gang gi phyir tshad ma la sogs pa'i tshig don bcu drug po 'di dag don dam par 'gyur ba ni 'di la rigs pa ci zhig

  225. 113a

    ces mkhas pa rnams kyi rtogs par byed do/ /rang gis brda byas pa'i ming 'di dag ni yang dag pa ma yin pa'i don dag la yang mthong ste/ 'di ltar lhas byin dang dbang pos sbed ces bya ba yin no/ /gal te 'jig rten pa'i tha snyad 'ba' zhig las 'grol ba yin na ba lang? rdzi la sogs pa thams cad kyang grol bar 'gyur ba dang/ mkhas pa dang rmongs pa zhes bya ba'i khyad par dag kyang med par 'gyur ro/ /gzhan yang/ brda byas pa'i ming dag ni rnam pa du ma mthong ste 'di lta ste ba lang la Da mi Da la sogs pa ni sting ta dang 'phags pa zhes ming du byas pa lta bu dang/ de bzhin du yul tshig 'jigs pa dag gis kyang paN Di ra sa dang skyur rtsi sogs pa'i rdzas la tshogs can dang sha lo ka la sogs pa lta bu'o/ /gzhan yang 'jig rten pa'i mkhas pa dag kyang brjod par byed pa dang brjod par bya ba du ma la sbyor ba mthong pa'i phyir ro/ /'jig rten pa'i mkhas pa dag ni go'i sgra du ma la sbyor bar byed de/ /ha ri'i sgra yang de bzhin no/ /go'i sgra rnam pa du ma la 'jug pa ni 'di lta ste/ ngag dang phyogs dang sa gzhi dang/ 'od zer rdo rje phyugs dang mig /chu dang mtho ris don dgu la/ /mkhas pas go sgra nges gzung bya/ /ji ltar khyab 'jug seng ge glang po sbal/ /nyi zla 'od dang spre'u dang/ /ser skya ni tso dbang po rlung/ /mkhas bas ha rir shes par bya/ /sgra gcan gnas ldan khyab 'jug dang/ /ha ri ban glang skyong bdag dang/ /mi yi seng ge mi thung sbrul/ sred med bu 'di grags pa yin/ /de bzhin du sgra gzhan la yang nye bar bzung bar bya'o/ /'di ltar re shig brjod par byed pa gcig la don du ma yin pa dang/ brjod par bya ba re re la yang brjod par byed pa du ma yin no/ /de bzhin du nus ldan dang dbang po dang grong khyer 'jig dang/ mchod sbyin dang kau shi ka dang brgya byin dag gi sgra ni brjod par bya ba cig la 'jug pa yin no/ /med

  226. 113b

    pa dang yod pa ma yin pa dang mi mdog pa zhes bya ba ming gi rnam grangs yin no/ /de yang don dam par grub pa ma yin no/ /de'i phyir rjod par byed pa dang brjod par bya ba dag rnam pa du ma 'dres pa'i skyon mthong ba'i phyir nges par ma grub pa yin no/ /gzhan yang gcig nyid yin na rjod par byed pa rang brjod par bya ba ma grub pa yin la/ gzhan nyid yin na ni bum pa zhes bya ba'i brjod par byed pa sbyor ba na bum pa la shes pa nges par mi 'gyur ro/ /de kho na bzhin du gzhan la yang gcig nyid yin na/ sngar bshad pa'i skyon nyid yin no// de'i phyir rtsod pa ni mi srid do/ /gzhan yang brjod pa dang sun ci phyin du brgal ba yang de bzhin no/ /de bzhin zhes bya ba ni rnam pa gang gis rtsod pa sun phyung ba'i rnam pa des zhes bya ba'i don te/ des brjod pa dang sun ci phyin du brgal ba dag med pa yin no/ /smras pa khyod kyis thams cad gtan tshigs ltar snang bar brjod cing lan dang ldan pa ma yin no/ /zhe na brjod par bya ste/ chos mthun pa nyid dang/ chos mi mthun pa nyid med pa'i phyir gtan tshigs ltar snang ba ma yin no/ /gal te gtan tshigs ltar snang ba yod na de chos mthun pa nyid kyis yin nam chos mi mthun pa nyid kyis yin grang/ re zhig chos mthun pa nyid kyis ni gtan tshigs ltar snang bar 'gyur ba ma yin te/ ji ltar gser nyid la gser nyid kyis yongs su dpyod pa na gser nyid dor bar mi byed pa de ni gser yin gyi gser ltar snang ba ni ma yin no/ /de bzhin du gtan tshigs gang yin pa de ni gtan tshigs kho na yin gyi gtan tshigs ltar snang ba ma yin no/ /de bzhin du chos mi mthun pa nyid kyis kyang gtan tshigs ltar snang bar mi 'gyur te/ ji ltar bong ba la sogs pa gser ma yin pa gang yin pa de ni ji kyang ? ser ltar snang bar 'gyur/ de bzhin du gtan tshigs ma yin pa de ni gtan tshigs ltar snang ba ma yin ste/ gtan tshigs nyid ma yin pa'i phyir ro/ /ltar snang zhes bya ba ni dngos po de nyid ma yin te/ de las bzlog

  227. 114a

    pa yin pa'i phyir ro/ /rang gi rgyud yongs su 'gyur ba'i khyad par khams mi mnyam pa nyid las mi nyams pa'am/ khams mnyam pa las de'i blo ni shes pa nyid yin pa ltar/ yongs brtags na gtan tshigs ltar snang ba zhes bya ba cung zad yod pa ma yin no/ /gang gi phyir gtan tshigs ma yin pa dang/ gtan tshigs las gzhan gsum pa ni 'thad pa ma yin no/ /de lta bas na gtan tshigs ltar snang ba ni yod pa ma yin no/ /gzhan yang/ ma 'khrul pa ni 'khrul pa dang bral ba las yin no/ /ma 'khrul pa nyid gang las zhe na/ rang gi bdag nyid la 'khrul pa dang bcas pa yin par 'gyur ram ma 'khrul par 'gyur grang/ gal te bdag nyid la 'khrul par mi 'gyur ba yin na 'khrul pa dang bcas par mi 'gyur te/ ji ltar zhe na/ bdag nyid rang gi ngo bo mi 'dor ba'i phyir ro/ /bdag nyid des yod pa nyid kyi phyir 'khrul pa dang bcas par mi 'gyur ro/ /'on te rang gi ngo bo 'dor bar byed pa de lta na yang 'khrul pa dang bcas par mi 'gyur ro/ /'on te rang gi ngo bo 'dor bar byed pa de lta na yang 'khrul pa dang bcas pa ma yin te/ rang gi ngo bo dor nas de nyid med pa'i phyir ro// rnam pa gzhan du na yang rigs pa yod pa ma yin no/ /'di skad bstan par 'gyur te gtan tshigs bsgrub bya sgrub par byed pa'i rang bzhin can gang yin pa de ni bdag nyid des 'khrul pa can ma yin la/ bsgrub bya sgrub par byed pa'i rang bzhin ma yin pa de ni gtan tshigs ma yin pa nyid kyi phyir 'khrul pa dang bcas pa ma yin te/ rnam par rtog pa gsum pa med pa'i phyir ro smras pa/ 'khrul pa dang bcas pa'i gtan tshigs yod do/ /'di lta ste nam mkha' dang las zhes bya ba dag la lus can ma yin pa nyid dang/ rdul phra rab dang/ bum pa zhes bya ba la sogs pa la spyi dang khyad par lta bu'o/ /zhe na/ ma yin te/ de

  228. 114b

    dag las gzhan yin pa'i phyir ro/ /de ni yod pa ma yin no/ /ga las zhe na de dag gzhan nyid yin pa'i phyir ro/ /nam mkha' la yod pa'i lus can ma yin pa gang yin pa de ni de nyid las dang blo la yod par rigs pa ma yin de skyes pa dang ma skyes pa 'gal ba'i phyir ro/ /'dir las dang blo la sogs pa dag gi lus can ma yin pa ni skye? ba dang ldan pa yin la/ nam mkha' ni ma yin pa nyid do/ /nam mkha' i lus can ma yin pa nyid gang yin pa de ni las la yod pa ma yin te/ gang gi phyir las ni skye ba dang ldan pa'i phyir ro/ / lus can ma yin pa de dang lhan cig skye ba na skye ba dang/ de 'jig pa na yang 'jig pa'i phyir ro/ /de'i phyir nam mkha' dang lus can ma yin pa gzhan nyid yin no/ /nam mkha' i lus can ma yin pa nyid gang yin pa de las blo la sogs pa la rigs pa ma yin la las kyi lus can ma yin pa nyid gang yin pa de yang nam mkha' la yod pa ma yin no/ /sgrub pa dang sun 'byin pa la rgyu mtshon 'ga' zhig yod pa sgrub par byed la gang yin pa de sgrub par byed pa nyid du mi 'khrul la/ de bzhin du sun 'byin pa la yang brjod par bya'o/ /de'i phyir 'khrul pa dang ldan pa'i gtan tshigs ni yod pa ma yin no/ /'gal ba nyid yin gyi 'khrul pa dang bcas pa ni ma yin no/ /de'i phyir nam mkha' i lus can ma yin pa nyid ni rtag pa nyid ni sgrub pa la 'khrul pa ma yin no/ /las la sogs pa la yang de bzhin no/ /gzhan yang/ skad cig ma nyid kyi phyir yang ngo/ /don gang la bsgrub pa 'am sun 'byin par byed pa de la 'jig pa yod pa yin na sgrub pa 'am sun 'byin par byed pa rigs pa ma yin no/ /gnyi ga gnas pa yin na gtan tshigs sgrub pa'am sun 'byin par byed pa yin gyi de 'jig pa na gtan tshigs de sgrub pa'am sun 'byin par byed par rigs pa ma yin te gnyi ga gnas pa med pa'i phyir ro/ /de'i phyir 'khrul pa dang bcas pa'i gtan tshigs yod pa ma yin no/ /smras pa/ khyod kyis thams

  229. 115a

    cad 'gal bar brjod pa yin gyi 'khrul pa dang bcas pa ni ma yin no/ /ma nges pa kho na 'khrul pa dang bcas pa yin no/ /sgrub par byed pa gang yin pa de sgrub par byed pa nyid la ma 'khrul pa yin la/ de bzhin du sun 'byin par byed pa la yang brjod par bya'o/ /de'i phyir 'khrul pa dang ldan pa'i gtan tshigs med pa'i phyir zhes 'gal ba nyid yin no zhe na/ brjod par bya ste/ snga ma dang phyi mar 'byung ba'i phyir 'gal ba med do/ /'gal bar brjod pa gang yin pa de ni med de/ re zhig snga mal 'gal ba med de phyi ma med pa'i phyir phyir ro/ /phyi mar brjod pa la yang 'gal ba med de/ snga ma'i tshigs med pa'i phyir ro/ /gnyi ga dus gcig tu gnas pa ni 'gal ba yin la/ rgol ba dang phyir rgol ba dus cig kho nar lan dang phyir rgol ba'i lan dag smra ba'i skabs ni med de/ lhan cig gnas pa med pa dag ni 'gal ba med pa'i phyir ro/ /smras pa/ 'das pa'i dus zhes bya ba gtan tshigs ltar snang ba yod do/ /de yod pas gtan tshigs ltar snang ba yod do zhe na/ brjod par bya ste/ 'das pa ni 'das pa'o/ /'das pa zhes bya ba 'das par gyur pa'o/ /'dir khyed kyis bum pa'i bdag nyid kyi dus ni da lta ba yin la/ 'jim gong gi dus ni 'das pa yin zhing gyo mo'i bdag nyid ni ma 'ongs pa'i dus yin par brjod do/ /gyo mo ma 'ongs pa de'i yang 'jim gong dang bum pa'i dus dag 'das par gyur pa yin no/ /de'i tshe de dag med pa'i phyir 'di ni gang gi ma 'ongs par 'gyur da ltar dang 'das pa yod do zhe na/ de yang ma yin te/ da ltar gyi dus la 'das pa med pa'i phyir dang/ de bzhin du 'das pa'i dus la yang da ltar ba med pa'i phyir dus thams cad la 'thob par 'gyur ro/ /rjod byed kyi rnam pa thams cad med par thal bar 'gyur ba'i yang phyir ro/ /'jig rten na ni brjod byed kyi rnam pa du ma yod de legs par sbyar ba dang/ legs

  230. 115b

    par sbyar ba ma yin pa dang/ tha mal pa'o/ /'byung bar gyur pa ni 'das pa'o/ /yod pa ni da ltar byung ba'o/ /'byung bar 'gyur ba zhes bya ba ni ma 'ongs pa'o/ /de bzhin legs par sbyar ba ma yin pa dang tha mal pa'i brjod par byed pa la yang sbyar bar bya ste/ gzhung mangs pa'i nyes pas ma brjod do/ /gzhan yang/ 'das pa'i gtan tshigs sam 'das pa'i dus ni yod pa ma yin te / gang las zhe na/ mi srid pa'i phyir ro/ /rna ba'i dbang pos ni gtan tshigs nyid thos pa yin gyis 'das pa ni ma yin te/ 'das pa'i phyir ro/ /'das pa'i dus kyang rigs pa ma yin te/ gtan tshigs 'das pa yin pa'i phyir ro/ /da ltar gyi dus ni 'das pa'i gtan tshigs dang 'brel ba ma yin te gang dang 'di 'brel par 'gyur te de nyid gtan tshigs kyi dus yin no/ /de'i phyir de lta bu la sogs pa'i rgyu mtshan gyis rnam par dpyad na 'das pa'i dus yod pa ma yin zhing gtan tshigs kyang yod pa ma yin no/ /smras pa/ khyod kyi thams cad tshig don du brjod pa yin gyi don dam par ma yin no zhe na/ brjod par bya ste/ ma yin te/ thams cad la thal bar 'gyur pa'i phyir ro/ /'di ni de lta bu ma yin te/ gang cung zad lan du brjod pa de thams cad tshig don nyid du 'gyur ba'i phyir ro/ /ga las zhe na/ smra ba po thams cad ni 'thad pas gdon mi za bar tshig nyams par byed pa yin no/ de'i phyir lan du 'thad pa ma yin no/ /tshig dor ba med pa'am/ yang na tshul 'di mi 'dod na de'i phyir tshig dor ba med par 'gyur ro/ /smras pa gang la brgya 'am stong du lan btab pas ltag chod du? thal bar 'gyur ba nges pa'i don la ltag chod ces bya ba tshig gi don yod do zhe na/ brjod par bya ste/ skyes pa dang ma skyes pa gnyi ga med pa'i phyir ltag tshad ni med do/ /ltag tshad ces brjod pa gang yin pa de gang las zhe na/ skyes pa'am ma skyes pa 'am skye bzhin pa skye ba yin grang/ de zhig skyes pa ma yin te/ skyes zin pa

  231. 116a

    nyid kyi phyir ro/ /ma skyes pa'ang ma yin te/ ma skyes pa nyid kyi phyir ro/ /gnyi ga med pa'i phyir skye bzhin pa yod pa ma yin te skyes pa dang ma skyes pa las ma gtogs pa'i skye bzhin pa bya ba ni yod pa ma yin no/ /smras pa/ khyod kyis bzlos pa brjod par rtogs par byed de gang gi phyir khyod sna tshogs pa'i don la yod pa dang med pa nyid kyis dgag pa byed kyi rnam pa gzhan du ni ma yin no/ /de'i phyir tshar bcad pa'i gnas yin no/ /zhe na/ brjod par bya ste/ ma yin te snga ma phyi ma dag gcig nyid dang gzhan nyid du med pa'i phyir zlos pa brjod pa ni ma yin no/ /gal te zlos pa brjod par 'gyur na gcig gis sam gzhan gyis yin grang/ snga ma dang phyi ma'i tshig de ni gcig nyid kyis zlos pa brjod pa srid pa ma yin no/ /ji lta zhe na/ gang gi phyir brjod pa de'i phyir zlos pa brjod pa ma yin te/ de nyid yin pa'i phyir ro/ /de nyid yin pa'i phyir lan brgyar brjod kyang ji ltar zlos par 'gyur/ 'on te snga ma las gzhan yin no zhe na/ de yang zlos pa brjod par mi 'gyur te/ gzhan nyid yin pa'i phyir dang/ skad cig ma yin pa'i phyir ro/ /sgra yang brjod pa snga ma gzhan yin la/ phyi ma yang de dang 'dra par gzhan yin no/ /de'i phyir bzlos pa brjod pa gzhan yin no/ /gzhan yang/ tshar bcad pa'i gnas kyang de bzhin no/ ji ltar skyes pa dang ma skyes pa gnyi ga med pa'i phyir ltag chod med pa bzhin du tshar gcad pa'i gnas kyang med pa yin no/ /tshar gcad pa'i gnas zhes bya ba tshar gcad pa las 'gyur ram ma bcad pa las 'gyur grang na/ /rnam pa gnyi ga yang srid pa ma yin te/ de'i phyir de ni med do/ / gzhan yang tshar bcad pa'i gnas la ni tshar bcad pa med de bcing pa bzhin no/ /tshar bcad pa'i gnas la yang tshar gcod par mi 'gyur te/ dper na bcings pa'i gnas na gnas pa yang gdon mi za bar bcings par 'gyur ba ma yin pas na 'di'i

  232. 116b

    nges pa ni yod pa ma yin no/ /smras pa tshad ma la sogs dgag par bya ba bzhin du dgag pa yang med pa yin no/ /zhe na/ brjod par bya ste/ gnyi ga khas ma blangs pa'i phyir ro/ /de ma grub na ma grub pa kho nar zad do/ /gal te tshang ma la sogs pa dag med pas dgag ? yang med pa yin te/ de lta bas na gnyi ga yang ma grub bo zhes bya bar 'dod na/ de kho na bzhin du brjod pa yin no/ /mngon par brjod pa ni med pa nyid do/ /gcig nyid dang gzhan nyid dang gnyi ga med pa'i phyir dngos po thams cad med par khas blangs pa yin no/ de lta bas na dngos po med par mngon par brjod par bya ba dang/ mngon par brjod pa yang med pa yin no/ /de'i phyir mya ngan las 'das pa dang byang grol zhes bya ba dag don gzhan nyid ni ma yin no/ /tshad ma la sogs pa tshig gi don bcu drug sel bar byed bzhin? mo rnam par 'thag pa'i rab tu byed pa/ slob dpon 'phags pa klu sgrub kyis mdzad pa rdzogs so// //yongs kyi dge ba'i bshes gnyen chen po/ /yon tan grags pa'i bkas/ kha che'i paN+Di ta dza ya An+ta? ta dang/ bod kyi lots+tsha ba chen po shAkya'i dge slong khu mdo sde 'bar gyis bsgyur cing zhus te gtan la phab ba'o// //stong pa nyid bdun bcu pa'i bshad pa 'phags pa klu sgrub? kyis mdzad pa bzhugs so// //rgya gar skad du/ shu n+yA ta sya sa lta ta prit+ti/ bod skad du/ stong pa nyid bdun bya ba mi 'grel pa/ 'phags pa 'jam dpal ye shes sems dpa' la phyag 'tshal lo/ /gnas pa'am skye 'jig yod med dam/ /dman pa'am mnyam pa'am khyad par can/ /sangs rgyas 'jig rten bsnyad? dbang gis/ /gsung gis yang dag dbang gis? min/ /gnas pa 'am skye ba'am 'jig pa'am/ /yod pa'am med pa'am dman pa'am/ /mnyam pa 'am khyad par can yang rung ste/ /de thams cad ni 'jig rten gyi tha snyad kyi dbang gis sangs rgyas gsungs kyi de kho na'i dbang gis ni ma yin no/ /'di

  233. 117a

    smras pa/ bdag ces bya ba de lta bu la sogs pa'i mngon par brjod pa gang yin pa 'di ci nas med pa zhig yin nam bdag med do snyam pa'i blo dag kyang 'jug pas bdag ni gdon mi za ba kho nar yod do/ /'dir bshad pa/ bdag med bdag med min bdag dang/ /bdag med min pas brjod 'ga' 'ang med ci'i phyir zhe na/ brjod par bya ba'i chos rnams kun/ /mya ngan 'das mtshungs rang bzhin stong/ /'dir smras pa/ dngos po thams cad kyang rang bzhin gyis stong zhes bya ba 'di ci/ rgyal po'i bka' i tshig gam/ 'on te gang gis dngos po thams cad rang bzhin gyis stong ngo zhes bya ba de ltar khong du chud par bya ba'i rigs pa 'ba' zhig yod/ 'dir bshad pa/ gang phyir dngos po thams cad kyi/ /rang bzhin rgyu rkyen tshogs pa 'am/ /so so rnams la'am thams cad la/ /yod min de'i phyir stong pa yin/ /gang gi phyir dngos po thams cad kyi rang bzhin rgyu 'am rkyen rnams sam/ rgyu rkyen tshogs pa'am/ dngos po thams cad la'ang rung ste/ thams cad la yod pa ma yin pa de'i phyir dngos po thams cad rang bzhin gyis stong ngo/ /zhes smra'o/ /gzhan yang yod pa yod phyir skye ma yin/ /med pa med pa'i phyir ma yin/ /chos mi mthun phyir yod med min/ /skye ba med phyir gnas 'gog med/ /dngos po yod pa'i phyir rgyu las skye bar mi 'gyur te/ yod pa ni yod bzhin pa zhes bshad pas so/ /med pa ni med pa'i phyir rgyu las skye ba med do/ /yod med ni mi 'dra ba'i phyir skye ba ma yin te phan tshun 'gal lo/ /'di ltar yod pa dang med pa dag ni phan tshun 'gal ba'i chos can yin pas chos mi mthun pa'i phyir yod pa yang yin med pa yang yin pa ga la skye/ skye ba med pa'i phyir gnas pa dang 'gag pa yang med do/ /'dir smras pa/ 'dus byas kyi mtshan nyid gsum po skye ba dang gnas pa dang 'jig pa dang ldan par gsungs la/ skye ba'i tshe skye ba yang ston te/ de lta bas na 'ga'

  234. 117b

    zhig las 'dus byas skye ba yod do/ /'dir bshad pa/ skyes pa bskyed par bya ba min/ /ma skyes pa yang bskyed bya min/ /skye ba'i tshe yang bskyed bya min/ /skyes dang ma skyes pa yi phyir/ /re zhig skyes pa ni bskyed par bya ba ma yin no/ /ci'i phyir zhe na/ skyes zin pa'i phyir te/ skyes zin pa ni bskyed par bya ba ma yin no/ /ma skyes pa yang bskyed par bya ba ma yin te/ ci'i phyir zhe na/ ma skyes pa'i phyir ro/ /gang ma skyes pa de ni bskyed par bya ba ma yin te/ bya ba dang bral ba dang/ mthu med pa dang/ yod pa ma yin pa de'i phyir bskyed par bya ba ma yin no/ /skye ba'i tshe yang bskyed par bya ba ma yin te/ ci'i phyir zhe na/ de ni skyes pa dang ma skyes par zad la/ skyes pa dang ma skyes pa gang yin pa de yang sngar bshad pa'i rim pa kho nas bskyed par bya ba ma yin te/ de la re zhig skyes ni skyes zin pa'i phyir bskyed par bya ba ma yin no/ /ma skyes pa gang yin pa de yang ma skyes pa'i phyir dang/ skye ba'i bya ba dang bral ba'i phyir dang/ mthu med pa'i phyir dang/ med pa'i phyir bskyed par bya ba ma yin no/ /de lta bas na gang gi phyir skyes pa dang ma skyes pa las ma gtogs pa gzhan gsum pa skye pa'i tshe de ni ci yang med pa de'i phyir skye ba'i tshe yang bskyed par bya ba ma yin no/ /gzhan yang/ rgyu mi 'thad pa'i phyir yang skye ba med pa yin no/ /ci'i phyir zhe na/ 'bras yod 'bras dang ldan pa'i rgyu/ /de med na ni rgyu min mtshungs/ /yod min med pa yin na 'gal/ /dus gsum rnams suAng 'thad ma yin/ /'bras bu yod na 'bras bu dang ldan pa de rgyu yin no/ /'bras bu de med na ni rgyu ma yin pa dang mtshungs par 'gyur ro/ /'bras bu yod pa yang ma yin med pa yang ma yin pa ni 'gal te/ med pa dang yod pa dus gcig kho na yod pa ni ma yin no/ /gzhan yang dus gsum du yang rgyud 'thad pa ma yin no/ /ji ltar zhe na/ re zhig gal te rgyu snga bar brtag na ni gang gi rgyu yin/ 'on te 'phyi bar brtag na ni grub zin pa la rgyu ci dgos/ 'on te rgyu dang 'bras bu

  235. 118a

    cig car yin par brtag na ni rgyu dang 'bras bu cig car skyes pa gnyis gang gi rgyu gang yin/ gang gi 'bras bu ni gang yin/ de ltar dus gsum char du yang rgyur mi 'thad do/ /'dir smras pa/ grangs 'thad pa'i phyir dngos po thams cad stong pa ma yin te/ gcig dang gnyis dang mang po zhes bya ba'i grangs gang dag yin pa 'di ni yod do/ /grangs kyang dngos po rnams yod na 'thad pas de'i phyir dngos po thams cad stong pa ma yin no/ /'dir bshad pa/ gcig med par ni mang po dang/ /mang po med par gcig mi 'jug /de phyir brten nas dngos po rnams/ /byung ba mtshan ma med pa yin/ /gang gi phyir gcig med na mang po mi 'jug la mang po med na yang gcig mi 'jug pa de'i phyir dngos po rnams brten nas 'byung ba yin la/ de nyid kyi phyir mtshan ma med? pa yin no/ /'dir smras pa/ mdo sde las/ rten cing 'brel par 'byung ba sdug bsngal gyi 'bras bu can yang rgyas par bstan zhing lung 'bogs par byed pa'i slob dpon rnams kyis kyang sems gcig dang sems tha dad pa la bstan te/ de lta bas na dngos po thams cad stong pa ma yin no/ /'dir bshad pa/ rten 'byung yan lag bcu gnyis gang/ /sdug bsngal 'bras can de ma skyes/ /sems gcig la yang mi 'thad la/ /du ma la yang mi 'thad do/ /rten cing 'brel par 'byung ba'i yan lag bcu gnyis la sdug bsngal 'bras bu can gang yin pa de ma skyes pa'o/ /de ni sems gcig la yang mi 'thad la/ mang po la yang mi 'thad de/ gang gi ltar na/ sems gcig yin pa de'i ltar na 'bras bu rgyu dang lhan cig skyes par 'gyur ro/ /gang gi ltar na sems tha dad pa yin pa de'i ltar na yang yan lag snga ma snga ma zhig pa phyi ma phyi ma'i rgyu ma yin no/ /de lta bas na gnyi ga ltar yang mi 'thad pa de'i phyir rten cing 'brel par 'byung ba ni ma skyes pa yin no/ /ci'i phyir mi skye zhe na/ 'di la rten cing 'brel par 'byung ba ni ma rig pa'i rgyu las byung bar

  236. 118b

    brtags? la/ ma rig pa de'i yang rkyen phyin ci log yin par ston te/ phyin ci log de dag kyang rang bzhin gyis stong pa yin pa'i phyir ro/ /ci'i phyir zhe na/ mi rtag rtag min bdag med pa/ /bdag min mi gtsang gtsang ma yin/ /sdug bsngal bde ba ma yin te/ /de phyir phyin ci log rnams med/ /mi rtag pa ni rtag pa med pa'o/ /rtag pa med na de'i gnyen por gyur pa mi rtag pa yang med do/ /de bzhin du lhag ma rnams la yang sbyar ro/ /de lta bas na phyin ci log rnams med do/ /de med na ni phyin ci log /gzhi las skyes pa'i ma rig med/ /de med na ni 'du byed rnams/ /mi 'byung lhag ma'ang de bzhin no/ /phyin ci log de dag med na de las skyes pa'i ma rig pa med la/ ma rig pa med na 'du byed rnams mi 'byung ste/ lhag ma yang de dang 'dra'o/ /gzhan yang ma rig 'du byed med mi 'byung/ /de med 'du byed mi 'byung bas/ /de gnyis phan tshun rgyu phyir yang/ /rang bzhin gyis ni ma grub min/ /gang zhig bdag nyid rang bzhin gyis/ /ma grub de bzhin ji ltar bskyed/ /de lta bas na pha rol po/ /ma grub rkyen gzhan bskyed byed min/ /de zhig ma rig pa ni 'du byed med na mi 'byung ngo/ /ma rig pa de med par yang 'du byed rnams mi 'byung ste/ de gnyis ni phan tshun rgyu las byung ba yin pa'i phyir yang rang bzhin gyis ma grub pa yin no/ /gang zhig bdag nyid rang bzhin gyis ma grub pa nges gzhan ji ltar bskyed/ de lta bas na pha rol ma grub pa'i rkyen rnams ni gzhan skyed par byed pa dag ma yin no/ /gzhan yang/ /pha bu ma yin bu pha min/ /de gnyis phan tshun med min la/ /de gnyis cig car yang ni mthar?/ /yan lag bcu gnyis de bzhin no/ /de zhig pa yang bu ma yin la bu yang pha ma yin no/ /de gnyis ni phan tshun med par yang med la/ /de gnyis cig car yang ma yin no/ /ji ltar rim pa 'dis pha dang bu dag ma grub pa ltar rten cing 'brel par

  237. 119a

    'byung ba yan lag bcu gnyis kyang de dang 'dra'o/ /gzhan yang/ rmi lam yul brten bde sdug dang/ /yul de'ang med ltar brten nas gang/ /byung ba de yang de bzhin med/ /brten nas gang yin de yang med/ /dper na rmi lam na yul la brten pa'i bde ba dang sdug bsngal med pa dang/ ji ltar yul yang yod pa ma yin pa de ltar brten nas 'byung ba gang yin pa de dang/ brten nas gang yin pa de yang de bzhin du med do/ /'dir smras pa/ gal te dngos rnams rang bzhin gyis/ /med na dman mnyam khyad 'phags nyid/ /yod min sna tshogs nyid mi 'grub/ /rgyu las mngon par 'grub pa'ang med/ /de lta bas na dngos po rnams rang bzhin gyis med do/ /zhes bya ba de ni mi rung ngo/ /'dir bshad pa/ rang bzhin grub rten dngos mi 'gyur/ /ma brten par yang dag la yod/ /rang bzhin med nyid mi 'gyur zhing/ /rang bzhin yod pa mi 'jig go /gal te dngos po rnams rang bzhin gyis yod par gyur na/ brten nas dngos por mi 'gyur ro/ /de la 'di snyam du ma brten par yang dngos po yin du zad mod snyam du sems na/ 'dir bshad pa/ ma brten par yang ga la yod/ /ma brten par yang dngos por mi 'gyur ro/ /gal te ma brten par yang dngos po zhig tu 'gyur na rang bzhin med pa nyid du mi 'gyur zhing/ rang bzhin yod par ni 'jig par yang mi 'gyur te/ med par mi 'gyur ro/ /zhes bshad pa yin no/ /'dir smras pa/ rang gi dngos po dang/ gzhan gyi dngos po dang dngos po dang dngos po med pa zhes bya ba'i blo dang brten med pa ma yin te/ de lta bas na dngos po rnams stong pa ma yin no// 'dir bshad pa/ med la rang gi dngos po 'am/ /gzhan dngos 'jog par ga la 'gyur/ /dngos dang rang dngos log pa yin/ /med pa la zhes bya ba ni yod pa ma yin pa la zhes bshad pa yin te/ med pa de la rang gi dngos po zhes bya ba 'am/ gzhan

  238. 119b

    gyi dngos po zhes bya ba'am/ 'jig pa zhes bya bar lta ga la 'gyur/ de phyir gzhan gyi dngos po dang/ dngos po med pa dang/ dngos po rang gi dngos po ni log pa yin no/ /'dir smras pa/ gal te dngos po stong yin na/ /'gag par mi 'gyur skye mi 'gyur/ /ngo bo nyid kyi stong pa la/ /gang la 'gag cing gang la skye/ /gal te dngos po rang bzhin stong pa yin du zin na 'gag par mi 'gyur zhing/ skye bar yang mi 'gyur ro/ /ci ste rang bzhin gyis stong pa la skye ba dang 'gag par 'dod na 'dir ngo bo nyid kyis stong pa la gang la 'gag cing gang la skye zhes smra'o/ 'dir bshad pa/ chos thams cad stong pa kho na yin no/ /ci'i phyir zhe na/ dngos dang dngos med cig car med/ /dngos med med par dngos po med/ /rtag tu dngos dang dngos med 'gyur/ /dngos med dngos po med mi 'byung/ /dngos po dang dngos po med pa dag cig car pa yang med de/ /ji skad du bshad pa yin zhe na/ dngos po dang dngos po med pa gnyis dus gcig na mi srid do zhes bshad pa yin no/ /de la 'di snyam du dngos po gcig pu yin du zang mo dag ? sems na 'dir bshad pa/ dngos med med par dngos po med/ /dngos po med par dngos po mi 'thad de/ mi rtag pa nyid med par de med do/ /gzhan yang/ rtag tu dngos dang dngos med 'gyur/ /rtag tu dngos po dang mi rtag pa nyid dul? phyir ro/ /de la 'di? yang de 'di ltar yin te/ rtag tu dngos po mi rtag pa ni rtag tu dngos po'i rjes su 'brel la/ skye ba'i tshe 'am gnas pa'i tshe ni las mi byed kyi dngos po 'jig pa'i tshe dngos po 'jig par byed do snyam du sems na?/ 'dir bshad pa/ dngos po med mi 'byung/ /dngos po med par dngos po med pa yod pa ma yin no/ /gang gi phyir 'jig pa med pa 'jig pa'i mtshan nyid mi rtag pa nyid mi rung ste/ mi 'jig na mi rtag pa nyid ces bya ba

  239. 120a

    mi 'thad pa nyid kyi phyir rtag tu dngos po dang dngos po med pa kho nar 'gyur ro/ /'dir smras pa/ dngos po med pa gcig bu yin du zad mod/ 'dir bshad pa/ dngos po med par dngos med med/ /bdag las ma yin gzhan las min/ /de lta bas na dngos po med/ /de med na ni dngos med med/ /dngos po med par ni dngos po med pa med la/ dngos po de yang bdag las ma yin gzhan las ma yin no/ /de lta bas na gang gi phyir rigs pa 'dis yod pa ma yin pa de'i phyir dngos po med pa ni ma skyes pa yin no/ /zhes bshad pa yin no/ /de med na ni dngos po med/ dngos po de med na dngos po de med pa yang med de/ dngos po de'i dngos po med pa'ang mi srid do zhes bshad pa yin no/ /gzhan yang/ dngos po yod pa nyid na rtag /med na nges par chad pa yin/ /dngos po yod na de gnyis min/ /de'i phyir dngos po khas blangs min/ /gang gi phyir dngos po yod pa nyid yin na ni rtag par thal bar 'gyur la/ med pa nyid na ni nges par chad par thal bar 'gyur te/ dngos po yod na de gnyis su thal bar 'gyur ba de'i phyir dngos po khas blang bar mi bya'o/ /'dir smras pa/ rgyun gyi phyir na de med de/ /rgyu byin nas ni dngos po 'gag /skye ba dang 'jig pa'i rgyun gyi phyir rtag pa dang chad pa 'di gnyis gar mi 'gyur te/ rgyu byin nas dngos po 'gag par 'gyur ro/ /'dir bshad pa/ snga ma bzhin du 'di mi grub/ /rgyun chad pa yi nyes pa'ang yod/ /kho bo cag ni sngar dngos po dang dngos po med pa gnyis cig car du mi srid do/ /zhes brtaD zin te/ de'i phyir rgyun zhes khas len pa gang yin pa de yang snga ma kho na bzhin du ma grub pa yin no/ /gzhan yang rgyun pchad pa'i nyes pa'ang yod par thal bar 'gyur ro/ /'dir smras pa/ skye 'jig gzigs pas mya ngan 'das/ /lam bstan stong

  240. 120b

    ? phyir ma yin/ /skye ba dang 'jig pa gzigs nas/ /mya ngan las 'das pa'i lam bstan gyi/ stong pa nyid kyi phyir ni ma yin no/ /'dir bshad pa/ 'di dag phan tshun bzlog phyir dang/ /log pa'i phyir na mthong ba yin/ /re zhig bshad pa 'di ni gang ma skyes ? pa de'i ma yin gyi/ gang skye ba dang 'jig pa mthong gi skye ba yang 'jig pa las bzlog par mthong/ 'jig pa yang skye ba las bzlog par mthong ba de'i skye ba dang/ 'jig pa 'di gnyis phan tshun bzlog pa yin pa'i phyir dang/ shes pa dang bzlog pa yin pa'i phyir skye ba dang 'jig par mthong ba yin no/ /gang gi phyir skye ba la brten nas 'jig pa dang/ 'jig pa la brten nas skye ba yin pa de'i phyir yang stong pa nyid kho na yin no/ /'dir smras pa/ gal te skye dang 'gag med na/ /gang zhig 'gag phyir mya ngan 'das/ /gal te skye ba yang med 'gag pa yang med na gang zhig 'gag pa'i phyir mya ngan las 'das par 'gyur/ 'dir bshad pa/ gang zhig rang bzhin skye med cing/ /'gag med de thar ma yin nam/ /gang rang bzhin gyis skye ba med pa dang/ 'gag pa med pa de thar pa ma yin nam/ gzhan yang/ gal te mya ngan 'das 'gog chad/ /gal te cig shos ltar na rtag /de phyir dngos dang dngos med min/ /skye med 'gag pa'ang med pa yin/ /gal te mya ngan las 'das pa 'gog pa yin na chad par thal par 'gyur ro/ /ji ltar 'gog pa ma yin na ni rtag par thal bar 'gyur ro/ /de lta bas na mya ngan las 'das pa ni dngos po dang dngos po med pa ma yin gyi/ /skye ba med cing 'gag pa med pa de lta bu ni mya ngan las 'das pa yin no/ /'dir smras pa/ 'gog? pa ? yang rtag tu gnas pa yin no zhe na/ 'dir bshad pa/ gal te 'gog pa 'ga' gnas yod/ /dngos med par yang der 'gyur ro/ /gal te 'gog pa 'ga' zhig gnas par

  241. 121a

    'gyur na de'i tshe dngos po med par yang 'gyur te/ ma brten par yang 'gyur ro/ /zhes bshad pa yin no/ /de yang rigs pa ma yin te/ dngos med par yang de med de/ /dngos med med par yang de med/ /dngos po med pa dang dngos po med pa gnyi ga ltar yang 'gog pa de med do/ /ji skad bshad pa yin zhe na/ dngos po med par yang dngos po med pa med par yang/ dngos po lam brten par yang/ dngos po med pa la brten par yang zhes bshad pa yin no/ /'dir smras pa/ mtshan gzhi dang mtshan nyid 'brel ba'i phyir dngos po rnams ni yod do/ /'dir bshad pa/ mtshan gzhi las mtshan grub mtshan las/ /mtshan gzhi grub ste rang ma grub/ /gcig las gcig kyang ma grub ste/ /ma grub ma grub sgrub byed min/ /mtshan nyid kyang mtshan gzhi las grub la/ mtshan gi zhi yang mtshan nyid las grub pa las rang gis grub pa ma yin no/ /gcig las gcig kyang ma grub ste/ /phan tshun yang ma grub bo/ /zhes bshad pa yin no/ /gang gi phyir rim pa 'dis mtshan gzhi dang mtshan nyid gnyis grub pa med pa de'i phyir mtshan gzhi dang mtshan nyid ma grub ste/ dngos po 'di dag grub par byed pa ma yin no/ /'dis ni rgyu dang 'bras bu dang/ /tshor bcas tshor ba po sogs dang/ /lta bo lta bya sogs ci yang rung/ /de kun ma lus bshad pa yin/ /'dir smras pa/ dus rig pa dag dus rnam pa du mar sems ste/ de lta bas na dus ni yod do/ /'dir bshad pa/ mi gnas phan tshun grub phyir dang/ /'tshol phyir bdag nyid ma grub phyir/ /dngos po med phyir dus gsum ni/ /yod pa ma yin rtog pa tsam/ /dus ni ma grub bo/ /ci'i phyir zhe na/ mi gnas pa'i phyir te/ dus ni mi gnas pa yin par bsam pa'o/ /gang mi gnas pa de ni bzung bar mi nus so/ /gang gzung du med pa de ji ltar

  242. 121b

    gdags par 'gyur/ /de lta bas na ma grub bo/ /gzhan yang phan tshun grub phyir phan tshun las grub par brtags pa ste/ 'das pa la brten nas da ltar dang ma 'ongs pa sgrub par byed/ da ltar la brten nas 'das pa dang ma 'ongs pa sgrub par byed/ /ma 'ongs pa la brten nas de ltar dang 'das pa sgrub par byed pas gang gi phyir brten nas grub pa yin par brtags pa yin pa de'i phyir dus ma grub bo/ /de nyid da ltar la brtags nas da ltar zhes bya/ de nyid ma 'ongs pa la brtags nas 'das pa yin la/ /de nyid 'das pa la brtags nas ma 'ongs pa yin te/ gang gi phyir de ltar 'tshol ba yin pa de'i phyir ma grub bo/ /gzhan yang/ bdag nyid ma grub pa'i phyir dus 'di ni bdag nyid kyis ma grub pas de lta bas na ma grub yin no/ /gzhan yang dngos po med pa'i phyir yod pa yang ma yin no/ /dngos po grub na ni dus kyang grub par 'gyur ba zhig na/ dngos po de ni btsal na rang gi ngo bor med do/ /de'i phyir dus ni ngo bo nyid kyis grub pa med pa kho na ste/ rnam par rtog pa tsam 'ba' zhig tu zad do/ /'dir smras pa/ 'dus byas thams cad ni mtshan nyid gsum po skye ba dang gnas pa dang 'jig pa dang ldan pa yin la/ de las bzlog pa ni 'dus ma byas yin par gsungs te/ de lta bas na 'dus byas dang 'dus ma byas ni yod do/ /'dir bshad pa/ gang phyir skye dang gnas dang 'jig /'dus byas mtshan nyid 'di gsum med/ /de phyir 'dus byas 'dus ma byas/ /ci yang yod pa ma yin no/ /skye ba dang gnas pa dang 'jig pa gang dag 'dus byas kyi mtshan nyid du gsungs pa de dag dpyad na mi 'thad ba'i phyir med do/ /gang gi phyir de med pa de'i phyir 'dus byas sam 'dus ma byas ci yang yod pa ma yin no/ /gzhan yang 'dus byas khas blangs su zin yang gang gi phyir dpyad na mi 'thad pa de'i phyir med do/ /zhes smra'o/ /ci'i phyir zhe na/ ma zhig

  243. 122a

    mi 'jig zhig pa'ang min/ /gnas pa gnas pa ma yin te/ /mi gnas pa yang gnas ma yin/ /skyes pa mi skye ma skyes min/ /'di la skyes pa zhig skye bar 'gyur ram/ /ma skyes pa zhig skye bar 'gyur grang na/ de la re zhig skyes pa ni skye ba ma yin no/ /ci'i phyir zhe na/ skyes zin pa'i phyir ro/ /ma skyes pa'ang skye ba ma yin te/ ci'i phyir zhe na/ ma skyes pa'i phyir ro/ /skyes pa de nyid gnas pa zhig gnas pa 'am/ mi gnas pa zhig gnas bar 'gyur grang na/ 'di la yang gnas pa ni gnas pa ma yin te/ gnas zin pa'i phyir ro/ /mi gnas pa yang gnas pa ma yin te/ ci'i phyir zhe na/ gnas par ma gyur pa'i phyir ro/ /da ni zhig pa zhig 'jig par 'gyur ba 'am ma zhig 'jig par 'gyur grang na/ gnyi ga ltar yang mi 'thad do/ /gang gi phyir 'dus byas khas blangs su zin yang rim pa 'di gsum gyis btsal na mi 'thad pa de'i phyir 'dus byas med do/ /'dus byas med pa'i phyir 'dus ma byas kyang mi srid do/ /gzhan yang/ 'dus byas dang ni 'dus ma byas/ /du ma ma yin gcig ma yin/ /yod min med min yod med min/ /mtshams 'dir rnam pa 'di kun 'dus/ /dpyad na 'dus byas dang 'dus ma byas 'di ni du ma yang ma yin/ gcig kyang ma yin/ yod pa yang ma yin/ med pa yang ma yin yod med kyang ma yin no/ /mtshams 'dir te nges pa gzung ba 'dir ni 'di kun 'dus te ma lus pa thams cad 'ub ces bshad pa yin no/ /'di gnyis kyi rnam pa rnams bsdus par rig par bya'o/ /'dir smras pa/ las gnas pa ni bcom ldan gsungs/ /bla ma las bdag 'bras bu dang/ /sems can las bdag bya ba dang/ /las rnams chud za min par gsungs/ /bcom ldan 'das kyis mdo sde dag las las dang las kyi 'bras bu yang rnam pa du mar yongs su bstan/ las rnams

  244. 122b

    'bras bu med pa ma yin par yang gsungs/ las rnams chud mi za ba dang/ sems can rnams ni las bdag gir bya ba yin no/ /zhes kyang gsungs te/ de lta bas na/ las dang las kyi 'bras bu yod do/ /'dir bshad pa/ gang phyir rang bzhin med bstan pa/ /de phyir de ma skyes pa las/ /mi 'jig bdag 'dzin de las skye/ /de skyed 'dzin de'ang rnam rtog las/ /gang gi phyir las rang bzhin med par bstan zin pa de'i phyir ma skyes pas ni de 'jig pa med do/ /gzhan yang bdag 'dzin de las skyes// de'i phyir las ni bdag tu 'dzin pas bskyed la/ de yang rnam par rtog pa las byung ngo/ /gzhan yang/ gal te las ni rang bzhin 'gyur/ /de las skyes lus brtag par 'gyur/ /sdug bsngal rnam smin can mi 'gyur/ /de phyir las kyang bdag tu 'gyur/ /gal te las rang bzhin can du 'gyur na/ de lta yin na ni las de las skyes pa'i lus gang yin pa de yang rtag par 'gyur te ther zug gi rang bzhin du 'gyur te zhes bshad pa yin no/ /gzhan yang/ sdug bsngal rnam smin can ni 'gyur/ las de sdug bsngal rnam par smin pa can du yang mi 'gyur ro/ /gzhan yang/ de phyir las kyang bdag tu 'gyur/ /gang gi phyir las de rtag pa de'i phyir bdag tu 'gyur te/ gang mi rtag pa de sdug bsngal ba gang sdug bsngal ba de ni bdag med pa'i phyir ro/ /de lta bas na las rang bzhin med pa'i phyir skye ba med do/ /mi skye ba'i phyir chud mi za'o/ /gzhan yang/ las ni rkyen skyes ci yang med/ /rkyen min skyes pa'ang yod min te/ /ci'i phyir zhe na/ 'du byed rnams ni sgyu ma dang/ /dri za'i grong khyer smig rgyu 'dra/ / las ni rkyen las skyes pa'ang med la/ rkyen ma yin pa las skyes pa ci yang med do/ /ci'i phyir zhe na/ 'du byed rnams ni sgya? ma dang/ dri za'i grong khyer smig rgyu 'dra/ /gang gi phyir 'du byed rnams ni dri za'i grong khyer dang/ sgyu ma dang smig rgyu dag dang

  245. 123a

    'dra ba de'i phyir las rang bzhin gyis med do/ /gzhan yang/ las ni nyon mongs rgyu mtshan can/ /'du byed nyon mongs las bdag nyid/ /lus ni las kyi rgyu mtshan can/ /gsum ka'ang ngo bo nyid kyis stong/ /gang gi phyir las ni nyon mongs ba'i rgyu las byung ba yin pa dang/ gang gi phyir 'du byed rnams las dang nyon mongs pa'i rgyu las byung ba yin pa dang/ gang gi phyir lus las kyi rgyu las byung ba de'i phyir de gsum char yang rang bzhin gyi stong ngo/ /de ltar yin no/ las med na ni byed pa med// de gnyis med par 'bras bu med/ /de med phyir na za ba po/ /med pa yin pas dben pa ni/ /de ltar rigs pas kyang dpyad na 'bras bu rang bzhin med na las med pa yin no/ /las med na byed pa po med pa yin no/ /las dang byed pa po med na 'bras bu med do// de med na zab po med pa yin te/ de'i phyir dben pa yin no/ /gzhan yang/ yang dag mthong phyir las stong bar/ /legs par rnam par shes na ni/ /las mi 'byung ste las med na/ /la las gang byung mi 'byung ngo/ /de kho na mthong ba'i rgyu las rang bzhin gyis stong par legs par rnam par shes na las mi 'byung ngo/ /las de med na las de las byung ba gang yin pa de yang mi 'byung ngo/ /'dir smras pa/ da ci med pa kho na yin nam/ 'on te 'ga' zhig yod/ 'dir bshad pa yod do/ /gal te ji ltar zhe na ji ltar bcom ldan de bzhin gshegs/ /de ni rdzu 'phrul gyis sprul pa/ /sprul pa mdzad la sprul nges kyang/ /sprul pa gzhan zhig sprul par byed/ /de las de bzhin gshegs sprul stong/ /sprul pas sprul pa smos ci dgos/ /rtog pa tsam gang ci yang rung de dag gnyi ga yod pa yin/ /de bzhin byed po sprul? par mtshungs/ /las ni sprul bas sprul dang mtshungs/ /rang bzhin gyis ni stong pa yin/ /rtog tsam gang ci yang rung bar yod/ /ji ltar bcom ldan 'das de bzhin gshegs pa de rdzu 'phrul gyis sprul pa mdzad

  246. 123b

    la/ /sprul pa des kyang sprul pa gzhan zhig sprul par byed pa de bzhin du las kyang khong du chud par bya'o/ /de la re zhig de bzhin gshegs pas sprul pa yang rang bzhin gyis stong na/ sprul pas sprul pa lta smos kyang ci dgos/ /ci ltar rtog pa tsam gang ci yang rung ba gnyi ga yang yod pa ltar las kyang de dang 'dra'o/ /gzhan yang/ gal te rang bzhin gyis las yod/ mya ngan 'das las byed po med/ /gal te med na las bskyed pa'i/ /'bras bu sdug dang mi sdug med/ /gal te las rang bzhin yod na las rang bzhin gyis grub phan chang mya ngan las 'das pa thob pa med do/ /gzhan yang/ las kyi byed pa po yang med do/ /ci'i phyir zhe na/ byed pa po med par yang las rab tu 'grub pa'i phyir ro/ /gal te las rang bzhin gyis med na ni las kyis bskyed pa'i 'bras bu sdug pa dang mi sdug pa gang yin pa de yang med do/ /'dir smras pa/ mdo sde las yod do zhes rgya cher gsungs na de ji ltar med do zhes bya bar 'gyur/ 'dir bshad pa/ yod ces pa yod med ces pa'ang/ /yod de yod med ces de'ang yod/ /sangs rgyas rnams kyis dgongs nas ni/ /gsungs pa rtogs par sla ma yin/ /yod do zhes gsungs pa gang yin pa de yang brtags par yod do/ /med do zhes gsungs pa gang yin pa de yang brtags par yod/ /yod med ces bya ba gang yin pa de yang rtags pa kho nar zad do/ /sangs rgyas rnams kyis dgongs te gsungs pa rnams ni/ rnam pa thams cad du rtogs pa sla ba ma yin no/ /'dir smras pa/ 'di la gzugs ni 'byung ba las gyur ba yin par 'dod de yod la/ lhag ma gzugs can ma yin pa'i chos rnams kyang ci rigs par yod do/ /'dir bshad pa/ gal te gzugs 'byung las byung na/ /yang dag min las gzugs 'byung 'gyur/ /rang gi ngo bo las ma yin/ /de med phyir nas gzhan las min/ /gal te gzugs 'byung ba las byung ba yin par 'dod na/

  247. 124a

    de lta yin na ni gzugs yang dag pa ma yin pa las byung ba yin te/ yang dag pa ma yin pa las zhes bya ba ni bdag ma yin pa las bshad pa yin no/ /de ltar gzugs ni rang gi ngo bo las ma yin pa'o/ /'dir smras pa/ de de bzhin te rang gi ngo bo las ni ma yin te/ gzhan las yin te 'byung ba rnams ni de'i gzhan no/ /'dir bshad pa/ de med phyir na gzhan las min/ /gzugs de gzhan las ma yin no/ /ci'i phyir zhe na/ de med pa'i phyir gzhan de med pa'i phyir ro/ /ji ltar zhe na/ 'di ltar rang gi ngo bo nyid ma grub pa'i phyir gzhan las zhes bya ba mi 'thad de/ med pa ni de'i gzhan las zhes bya ba mi 'thad/ med pa de'i gzhan zhes bya ba ma yin no/ /gzhan yang 'byung ba bzhi po de dag nyid med pa'i phyir te/ 'di la mtshan nyid las byung ba rnams 'grub par 'dod na mtshan nyid de yang 'byung ba rnams kyi sngon rol du 'grub pa mi 'thad do/ /de ma grub pa'i phyir mtshan bzhi 'byung ba rnams kyang ma grub bo/ /gcig la'ang bzhi ni yod min zhing/ bzhi la'ang gcig ni yod min na/ /'byung ba che bzhi med brten nas/ /gzugs ni ji ltar 'grub par 'gyur/ /de lta bas na/ bzhi la'ang gcig nyid med la/ /gcig la'ang bzhi nyid med pa'i phyir/ 'byung ba chen po bzhi med pa la brten nas/ gzugs ji ltar 'grub par 'gyur/ med pa zhes bya ba ni yod pa ma yin pa zhes bshad pa yin no/ /gzhan yang/ shin tu mi 'dzin phyir gal te/ /rtags las she na rtags de med/ /rgyu dang rkyen las skyes phyir ro/ /yod na'ang rtags med rigs pa yin/ /shin tu mi 'dzin pa'i phyir gzugs ni yod pa ma yin pa nyid do/ /ci'i phyir zhe na/ shin tu mi 'dzin pa'i phyir gzugs ni shin tu mi 'dzin pa nyid de/ gang la 'dzin pa mi srid pa de ji ltar yod do zhes bya bar 'gyur/ 'di la 'di snyam du btags las te

  248. 124b

    gal te 'di'i rtags gzugs so snyam pa'i blo gzugs can gyi blo yod na gzugs zhes bya ba 'grub par 'gyur te/ gang gi phyir don med pa la blo mi 'jug pa de'i phyir rtags blo la gzugs yod do snyam du sems na/ 'dir bshad pa/ gal te rtags las she na/ rtags de med/ rtags de ni med de yod pa ma yin no/ /ci'i phyir zhe na/ rgyu dang rkyen las skyes phyir ro/ /gang gi rtags blo de ni rgyu dang rkyen rnams las skyes pa de'i phyir de med do/ /gzhan yang/ yod na'ang rtags med rigs ma yin/ /gzugs de yod du zin na yang/ de lta na yang/ gzugs yod pa'i rtags med pa rigs ma yin te/ rtags yod pa ma yin pa ni mi rigs so/ /gzhan yang/ gal te gzugs ni 'dzin 'gyur na/ /bdag gi rang bzhin nyid 'dzin 'gyur/ /med pa rkyen las skyes pa'i blos/ /gzugs med ji ltar 'dzin par 'gyur/ /gal te gzugs 'dzin par gyur na/ de lta yin na ni bdag gi rang bzhin nyid ji lta bar 'gyur te/ rang gi bdag nyid la 'dzin par 'gyur ro/ /zhes bshad pa yin no/ /de yang ma mthong ste de nyid kyis de la 'dzin pa ni ma yin no/ /gang gi phyir blo de rang bzhin gyis stong pa de'i phyir med pa rkyen las skyes pa'i blo des gzugs med pa ji ltar 'dzin par 'gyur/ 'dir smras pa/ mdo sde las gzugs 'das pa dang ma 'ongs pa'i gzugs 'dzin pa mang du gsungs te/ de lta bas na gzugs 'dzin pa ni yod do/ /'dir bshad pa/ gang tshe blo 'byung skad cig pas/ /gzugs skyes skad cig mi 'dzin na/ /de yi 'das dang ma 'ongs pa'i/ /gzugs ni ji ltar rtog par 'gyur/ /'di la gzugs dang blo 'di gnyi ga yang skad cig yin par bsams te/ gang gi tshe blo byung ba skad cig pa yin bas gzugs skyes pa skad cig pa mi 'dzin na 'das pa dang ma 'ongs pa'i gzugs ji ltar rtog par 'gyur te/ mi srid pa'i phyir rtog par mi 'gyur ro/ /ji ltar zhes bya ba

  249. 125a

    ni gsal ba'i don yin pa'i phyir ro/ /rigs pa 'dis ni gzugs shin tu mi 'dzin no/ /gzhan yang kha dog dang dbyibs su khas blangs su zin yang gzugs 'dzin par mi 'thad pa nyid do/ /ci'i phyir zhe na/ gang tshe nam yang kha dog dbyibs/ /tha dad nyid ni yod ma yin/ /tha dad gcig tu 'dzin pa med/ /de gnyis gzugs su grags phyir ro/ /gal te kha dog dang dbyibs tha dad pa nyid du gyur na ni de'i phyir de gnyis tha dad du 'dzin pa 'thad par 'gyur na gang gi tshe kha dog dang dbyibs de dag gzugs yin par 'dod pa de'i tshe 'thad par mi 'gyur ro/ /gzhan yang/ mig blo mig la yod min te/ /gzugs la yod min par na'ang med/ /mig dang gzugs la brten nas de/ /yongs su rtag pa log pa yin/ /de ni brtags ni mig gi blo ni mig la yang med gzugs la yang med de gnyi ga'i bar na yang med na/ de ni mig dang gzugs la brten nas skye bar yongs su rtog pa de ni log pa yin no/ /'dir smras pa/ mig la sogs pa'i skye mched rnams ni yod de/ de dag gi spyod yul lta bar bya ba la sogs pa yod pa yin no/ /de la mig ni gzugs la lta la/ rna ba la sogs pa yang ci rigs par de dang 'dra'o/ /'dir bshad pa/ /gal te mig bdag mi mthong na/ /de gzugs mthong bar ji ltar 'gyur/ /de phyir mig dang gzugs bdag med/ /skye mched lhag la'ang de dang 'dra/ /mig de rang bdag nyid kyis stong/ /da ni gzhan bdag nyid kyis stong/ /gzugs kyang de bzhin stong pa ste/ /skye mched lhag ma'ang de bzhin stong/ /de bzhin zhes bya ba ni/ ji ltar gzugs rang gi bdag nyid rang dang gzhan gyi bdag nyid kyis stong pa de bzhin du skye mched lhag ma yang rang gi bdag nyid dang gzhan gyi bdag nyid kyis stong ngo/ /zhes mthun par bstan pa ste/ de lta bas na gzugs ni rang gi bdag nyid dang gzhan gyi bdag nyid kyis stong pa yin no/ /gzhan yang/ brten nas byung

  250. 125b

    ba'i phyir yang stong pa yin te/ 'di la gzugs nyid kyi 'byung ba rnams rgyur byas nas grub pa de ni brten nas grub pa yin la/ gang la brten nas grub pa de ni rang gi ngo bo ma grub ste/ de lta bas na gzugs ni rang gi ngo bos stong pa yin no/ /gzhan kyi bdag nyid kyis kyang stong pa yin te/ de'i gzhan ni mig dang blo yin no/ /blo dang bcas pa'i mig de ni yul can yin la/ gzugs ni yul ste yul gang yin pa de ni yul can ma yin no/ /de lta bas na gzhan gyi bdag nyid kyis kyang stong ngo/ /rnam pa gcig tu na blo ni nang yin la gzugs ni spyad par bya ba dang phyi rol yin te/ nang gi ma yin pa de'i phyir gzhan gyi bdag nyid kyis kyang stong ngo/ /gang las zhe na/ blo nyid gang las brten nas byung ba'i phyir te ji ltar brten grub pa yin zhe na/ blo nyid ni rtogs par bya ba nyid la sogs pa la brten nas grub pa yin no/ /gang brten nas grub pa de ni rang gis bdag nyid kyis ma grub ste/ de lta bas na blo de ni rang gi bdag nyid med do/ /de'i phyir blo ni don phra mo la sogs pa 'dzin par byed pa yin no zhes bya ba de mi rung ngo/ /gzugs kyang de bzhin zhes bya ba ni de dang mtshungs pa ste/ ji ltar mig rang gi bdag nyid dang/ gzhan gyis bdag nyid kyis stong pa de bzhin du gzugs kyang rang gi bdag nyid dang gzhan gyi bdag nyid kyis stong ngo/ /gzugs su ji ltar rang gi bdag nyid dang gzhan gyi bdag nyid kyis stong ngo/ /zhe na/ gang phyir dngos po thams cad kyi/ /rang bzhin kun la yod pa yin/ /zhes brtag pa bshad pa sngar byas zin to/ /brtags na dngos po thams cad yod pa ma yin te/ dngos po thams cad kyi rang bzhin nyid med do zhes bya ba'i tha tshig go/ stong zhes bya ba ni mi dmigs pa zhes bya ba'i tha tshig go /mig ni brten nas byung ba'i phyir stong ste mig nyid ni brten nas grub pa'i phyir ro/ /gang brten nas grub pa de ni rang gi bdag nyid du ma grub pa'i phyir de lta bas na mig ni rang gi bdag nyid

  251. 126a

    kyi stong ngo/ /ci ste gzhan gyi bdag nyid du yod par 'dod na de yang mi rung ste/ /ci'i phyir zhe na/ gang la rang gi bdag nyid med pa de la gzhan gyi dngos ga la yod de gzhan gyi dngos po yang med do/ /de lta bas na gzhan gyi bdag nyid kyi stong ngo/ /rnam pa gcig tu na gzhan gyi bdag nyid kyis kyang stong zhes bya ba ni de yang de'i gzhan gyi blo yin te/ mig ni blos kyang stong zhes bya ba'i tha tshig go /ci'i phyir zhe na/ mig ni shes pa yod pa ma yin pa'i phyir te/ gang gi phyir shes pa med pa ni shes pa yod pa'i bdag nyid du 'gyur bar 'os pa ma yin pa de'i phyir gzhan gyi bdag nyid kyis kyang stong ngo/ /gzhan yang blo nyid stong pa yin no/ /'dir smras pa/ mig ni bdag nyid mthong gi /blo ni ma yin no/ /ci'i phyir zhe na/ blo ni 'dzin par byed pa yin pa'i phyir te/ gang gi phyir blo ni don phra mo la sogs pa 'dzin par byed pa de'i phyir blo yin la/ mig gis ni bdag nyid mthong ngo/ /'di lta ste/ mig ni 'byung ba dang ba'i bdag nyid yin te/ de ni mig gi rang bzhin yin no/ /de 'dzin par byed pa'i blo kho na yin no/ /de bzhin du kha dog dang dbyibs kyi khyad par gzugs rnams 'dzin par byed pa yang blo kho na yin te/ de lta bas na/ gal te mig bdag mi mthong na/ /de gzugs mthong bar ji ltar 'gyur/ /zhes khyod kyis gang smras pa de mi 'thad do/ /'dir bshad pa/ de ni de lta ma yin te/ ci'i phyir zhe na/ mig de rang bdag nyid kyis stong/ /de ni gzhan bdag nyid kyis stong/ /de bzhin gzugs kyis stong pa ste/ /skye mched lhag na'ang de bzhin stong/ /'di la mig ni rang gis bdag nyid kyis stong ngo/ / rang gi bdag nyid ces bya ba ni rang nyid yin no/ /gal te mig gi bdag nyid ni mthong na des gzugs mthong bar ji ltar 'gyur/ /gang gi phyir bdag nyid kyang mi mthong na gzugs kyang mi mthong ba de'i phyir mig ni bdag med de rang bzhin med do/ /zhes

  252. 126b

    bshad pa yin no/ /gzhan yang gzugs ni bdag med do/ /mi snang ba na gzugs ma yin pa ltar skye mched lhag ma de dang 'dra/ rim pa de nyid kyis skye mched lhag ma rnams bdag nyid med de rang bzhin med pa yin no/ /gzhan yang gang tshe gcig reg lhan cig 'gyur/ /de tshe gzhan rnams stong pa yin/ /stong pa'ang mi stong mi sten te/ /mi stong pa'ang stong pa min/ /gang gi skye mched gcig reg pa dang lhan cig gyur pa'i tshe gzhan rnams stong pa yin te/ stong pa yin pa'ang mi stong pa mi bsten la/ mi stong pa nyid kyang stong pa nyid mi brten to/ /gzhan yang/ gsum po yod min mi gnas pa'i/ /rang bzhin 'du ba yod min pas/ /de bdag nyid kyis reg pa med/ /de phyir tshor ba yod ma yin/ /gsum po yod pa ma yin pa de med pa mi gnas pa'i rang bzhin rnams la 'du ba med do/ /'du ba med pa'i phyir de'i bdag nyid kyi reg pa med de las byung ba'i reg pa med do zhes bshad pa yin no/ /reg pa med pa'i phyir tshor ba med do/ /gzhan yang/ nang dang phyi yi skye mched la/ /brten nas rnam par shes pa 'byung/ /de lta bas na rnam shes med/ /smig rgyu sgyu ma bzhin du stong/ /gang gi phyir phyi dang nang gi skye mched la brten nas rnam par shes pa skye ba de'i phyir rnam par shes pa de yang med de/ smig rgyu sgyu ma bzhin du stong ngo/ /de la 'di snyam du rnam par shes par byed pa yod do snyam du sems na de yang mi 'thad do/ /ci'i phyir zhe na/ rnam shes rnam shes bya brten na/ /'byung bas yod min shes pa dang/ /rnam shes bya med phyir de'i phyir/ /rnam shes byed pa med pa nyid/ /gang gi phyir rnam par shes pa ni rnam par shes par bya ba la brten nas 'byung ba de'i phyir med de/ rnam par shes par bya ba dang/ rnam par shes pa med pa'i phyir rnam par shes par byed pa yang med pa nyid do/ /'dir smras pa/ thams cad mi rtag go zhes gsungs te thams cad mi rtag par

  253. 127a

    bstan pas mi stong pa nyid kyang bstan pa mdzad pa yin no/ /'dir bshad pa/ thams cad mi rtag mi rtag pa 'am/ /yang na rtag pa ci yang med/ /dngos yod rtag dang mi rtag nyid/ /yin na de ltar ga la yod/ /thams cad mi rtag ces gsungs pa ni 'dir brjod par bzhed pa shes par bya ste/ gang gi phyir mi rtag pa 'am rtag pa ni ci yang med do/ /dngos po yod na rtag pa 'am mi rtag pa nyid yin na/ dngos po de dag ga la yod de/ med do zhes bshad pa yin no/ /'dir smras pa/ 'di ltar mdo las rgyas par bstan pas 'dod chags dang zhe sdang dang gti mug rnams ni yod do/ /'dir bshad pa/ sdug dang mi sdug phyin ci log /rkyen skyes chags sdang gti mug rnams/ /'byung ste de phyir rang bzhin gyis/ /'dod chags zhe sdang gti mug med/ /gang gi phyir sdug pa'i rkyen dang/ mi sdug pa'i rkyen dang/ phyin ci log gi rkyen las 'dod chags dang nye? sdang dang gti mug rnams 'byung ba de'i phyir rang bzhin gyis 'dod chags dang zhe sdang dang gti mug rnams med do/ /gzhan yang/ gang phyir der chags der sdang der/ /rmongs pa de phyir de dag ni/ /rnam rtog gis bskyed rnam rtog kyang/ /yang dag nyid du yod ma yin/ /gang gi phyir gcig po de nyid la chags de nyid la sdang/ de nyid la rmongs pa de'i phyir 'dod chags dang zhe sdang dang gti mug rnams ni rnam par rtog pas bskyed pa yin no/ /gzhan yang/ rnam par rtog pa dag kyang yang dag pa ma yin te/ rnam par rtog pa gang dag gis 'dod chags dang zhe sdang dang gti mug rnam par bskyed par byed pa de dag kyang yang dag par med do/ /ji ltar med ce na/ de bshad pa/ nam brtag bya gang de yod min/ /brtag bya med rtog ga la yod/ /de phyir rkyen las skyes pa'i phyir/ /brtag bya rnam par rtog pa stong/ /rnam par brtag par bya ba gang yin pa de ni med do/ /rnam par brtag par bya ba med na rnam par rtog pa yod par ga la 'gyur te/

  254. 127b

    rkyen las skyes pa'i phyir rnam par brtag par bya ba yang rang bzhin gyis stong la/ rnam par rtog pa yang rang bzhin gyis stong ngo/ /gzhan yang/ yang dag mthong phyir phyin ci log /bzhi las skyes pa'i ma rig med/ /de med phyir na 'du byed rnams/ /mi 'byung lhag ma'ang de bzhin no/ /de ltar yang dag par rtogs pas phyin ci log bzhi las skyes pa'i ma rig pa mi 'byung ngo/ /de med pa'i phyir na ma rig pa de med pa 'du byed rnams mi 'byung ste/ de bzhin du lhag ma mi 'byung ngo/ /gzhan yang/ gang brten gang skyes de de las/ /skyes de de med mi 'byung ngo/ /dngos dang dngos med 'dus byas dang/ /'dus ma byas shing mya ngan 'das/ /gang la brten nas gang skyes pa/ /de ni de las skyes pa yin te/ de med na mi 'byung/ dngos dang dngos po med pa zhi ba dang/ 'dus byas dang 'dus ma byas zhi ba dang/ mya ngan las 'das pa yin no/ /gzhan yang/ rgyu dang rkyen las skyes dngos rnams/ /yang dag par ni rtog pa gang/ /brten pa'i dngos por mngon par zhen pa dang lta ba dang rtog pa dang 'dzin pa/ de ni ston pas ma rig gsungs/ /de las yan lag bcu gnyis 'byung/ /gzhan yang/ yang dag mthong phyir dngos stong par/ /legs shes ma rig mi 'byung ba/ /de ni ma rig 'gog pa yin/ /de phyir yan lag bcu gnyis 'gag /dngos po de dag rang bzhin stong pa yang dag pa ji lta ba bzhin du legs par shes nas ma rig pa mi 'byung ba de ni ma rig pa 'gog pa yin no/ /de'i phyir yan lag bcu gnyis 'gog /ci'i phyir zhe na/ 'du byed dri za'i grong khyer dang/ sgyu ma smig rgyu chu bur dang/ /chu yi dbu ba mtshungs pa ste/ /rmi lam 'gal me'i 'khor lo 'dra/ /gang gi phyir yongs su brtags nas 'du byed rnams sgyu ma dang smig rgyu dang dri za'i grong khyer dang 'dra ba de'i phyir rang bzhin gyis stong par de dag legs par rnam par shes na ma rig pa mi 'byung ba de nyid ma rig pa

  255. 128a

    'gog pa yin te/ de'i phyir yan lag bcu gnyis 'gag par 'gyur ro/ /rang bzhin gyis ni dngos 'gags med/ /'di la dngos po med pa'ang med/ /rgyu dang rkyen las skyes pa yi/ /dngos dang dngos med stong pa yin/ /btsal na don dam? par rang bzhin gyis dngos po 'ga' yang med la/ 'di la dngos po med pa 'ga' yang med de/ rgyu dang rkyen las skyes pa'i dngos po dang dngos po med pa ni stong pa yin no/ /dngos po thams cad rang bzhin gyis/ /stong pa yin pas dngos rnams kyis/ rten 'byung de ni de bzhin gshegs/ /mtshungs pa med pas nye bar bstan/ /dngos po thams cad rang bzhin gyis stong pa yin pas/ /dngos po rnams kyi rten nas 'byung ba 'di de bzhin gshegs pas nye bar bstan to/ /dam pa'i don ni der zad do/ /sangs rgyas bcom ldan 'das kyis ni/ /'jig rten tha snyad brten nas su/ /sna tshogs thams cad yang dag brtags/ /don dam par ni rten cing 'brel bar 'byung ba'i dngos po thams cad rang bzhin gyi stong ngo/ /zhes bya ba der zad do/ /sangs rgyas bcom ldan 'das kyis ni 'jig rten pa'i tha snyad la brten nas/ sna tshogs ma lus pa thams cad yang dag pa de bzhin nyid du brtags par mdzad do/ /'jig rten pa yi bstan mi 'jig yang dag chos bstan ci yang med/ /de bzhin gshegs pa bshad rtogs nas/ de phyir sgrub rtogs med 'dir skrag /'jig rten pa'i chos bshad pa gang yin pa de yang mi 'jig la/ yang dag par na nam yang chos bstan par mdzad pa ma yin no/ /de ltar brten pa'i don rnam par ma shes te/ de bzhin gshegs pas bshad pa ma rtogs nas de'i phyir rmongs pa rnams sgrub pa rtogs pa med pa/ mtshan nyid med pa 'di la skrag par 'gyur ro/ /'di rten 'di 'byung zhes bya ba'i/ /'jig rten sgrub 'di 'gog mi mdzad/ /rten 'byung gang de rang bzhin med/ /ji ltar de yod yang dag nges

  256. 128b

    'di la brten nas 'di 'byung ngo/ /zhes bya ba'i 'jig rten pa'i sgrub pa 'di ni mi 'gog go /brten nas skyes pa gang yin pa 'di ni rang bzhin gyis med na/ gang med pa de ni ji ltar yod ces bya ba 'di ni de'i nges pa yin no/ /dad ldan yang dag tshol lhur len/ /chos bstan gang la'ang mi brten gang/ /sgrub 'di rigs pas rjes gnyer te/ /dngos dang dngos med spangs nas zhi/ /dad pa dang ldan pa yang dag tshol ba lhur len pa/ chos bstan pa gang la yang mi brten pa gang zhig bsgrub pa 'di rig pas rjes su gnyer zhing/ rjes su 'dod pa ni dngos po dang dngos po med pa spangs nas zhi bar 'gyur ro/ /rkyen nyid 'di pa 'di shes nas/ /lta ngan dra ba'i rtog pa ldog /chags rmongs khong khro spangs phyir te/ /ma gos mya ngan 'das nyer 'gro /stong pa nyid bdun cu pa'i bshad pa/ brda' sprod pa chen po bstan bcos thams cad 'chad par bzhed pa/ slob dpon 'phags pa klu sgrub kyis mdzad pa rdzogs so// //rtsod pa bzlog pa'i 'grel pa slob dpon nA gA rdzu nas mdzad pa bzhugs so// // rgya gar skad du/ bi gra nya bya brta ni brit+ti/ bod skad du/ rtsod pa bzlog pa'i 'grel pa/ 'jam dpal gzhon nur gyur pa la phyag 'tshal lo/ /gal te dngos po thams cad kyi/ /rang bzhin kun la yod min na/ /khyod kyi tshig kyang rang bzhin med/ /rang bzhin bzlog par mi nus so/ /gal te dngos po thams cad kyi rang bzhin rgyu dang rkyen dang/ rgyu dang rkyen tshogs pa dang tha dad pa kun la yod pa ma yin pa'i phyir dngos po thams cad stong pa yin te myu gu ni rgyu sa bon du gyur pa la yang med/ rkyen zhes bya ba sa dang chu dang me dang rlung la sogs pa re re la yang med/ /rkyen 'dus pa dag la yang med/ rgyu dang rkyen tshogs pa dag la yang med/ /rgyu dang rkyen tshogs pa la ma gtogs pa tha dad pa la yang med do/ /gang gi phyir rang bzhin 'di de thams cad la yang med pa de'i phyir

  257. 129a

    myu gu'i rang bzhin med de/ de bas na stong pa yin no/ /ji ltar myu gu rang bzhin med/ /rang bzhin med pa nyid yin pa'i phyir stong pa yin pa de bzhin du dngos po thams cad kyang rang bzhin med pa nyid yin pa'i phyir stong pa yin no zhe na/ gal te de lta yin na ni dngos po thams cad stong pa yin no/ /zhes bya ba gang yin pa'i khyod kyi tshig de yang stong pa yin no/ /ci'i phyir zhe na/ de yang rgyu 'byung ba chen po rnams dang mtshungs par ldan pa rnams dang ldan pa ma yin pa rnams la yang med/ /rkyen brang dang/ lkog ma dang/ mchu dang/ lce dang/ so'i brun dang/ rkan dang/ sna dang/ spyi bo la sogs pa dang/ 'bad pa rnams la yang med/ gnyi ga tshogs pa lam gtogs pa tha dad pa yang med do/ /gang gi phyir 'di thams cad la med pa'i phyir/ 'di rang bzhin med pa yin te/ rang bzhin med pa'i phyir stong pa yin no/ /de lta bas na 'dis dngos po thams cad bzlog par byed mi nus so/ /me med pas kyang sreg par mi nus la/ /mtshon cha med pas kyang bcad par mi nus shing chu med pas kyang bcad par mi nus pa de bzhin du tshig med pas kyang/ dngos po thams cad kyi rang bzhin bzlog par byed mi nus pas de la dngos po thams cad kyi rang bzhin bkag go zhes smras pa gang yin pa de mi rung ngo/ /'on te tshig de rang bzhin bcas/ /khyod kyi dam bcas snga ma nyams/ /mi 'dra nyid de de yin na/ /gtan tshigs khyad par brjod par byos/ /'on te skyon der gyur na mi rung ngo snyam nas nga'i tshig de ni rang bzhin dang bcas pa yin te/ de'i phyir stong pa ma yin no/ /de bas na 'dis ni dngos po thams cad kyi rang bzhin bkag go snyam du sems na/ 'o na de ltar yin na ni dngos po thams cad ni stong pa yin no zhes sngar dam bcas pa gang yin pa de nyams pa yin no/ /'di ltar gzhan yang thams cad kyi nang du ni khyod kyi tshig kyang 'dus pa yin na/ ci'i phyir zhe na/ dngos po thams

  258. 129b

    cad stong pa yin bzhin du 'di ltar stong pa nyid ma yin pa'i phyir des dngos po thams cad kyi rang bzhin bkag go zhes bya ba'i khyod kyi tshig stong pa ma yin par 'gyur/ de lta na ni smras pa mu drug tu thal bar 'gyur 'o/ /de yang ji lta bu zhe na/ 'on kyang gal te dngos po thams cad stong pa yin no/ /zhe na/ khyod kyi tshigs kyang stong pa yin te/ thams cad kyi nang du 'dus pa'i phyir la/ stong pa'i phyir des ni dgag pa mi 'thad pas de la dngos po thams cad ni stong pa yin no/ /zhes dgag pa gang yin pa de 'thad pa ma yin no/ /gal te 'thad pa ma yin no zhe na/ dngos po thams cad ni stong pa yin no zhes bkag pas des na khyod kyi tshig kyang stong pa yin la/ stong pa nyid yin pa'i phyir des 'gog pa mi 'thad do/ /gal te dngos po thams cad ni stong pa yin na/ gang gi 'gog par byed pa khyod kyi tshig ni stong pa ma yin no zhe na/ des na khyod kyi tshig thams cad kyi nang du ma bsdus pa yin te/ de la 'gal ba'i dper 'gyur ro/ /gal te thams cad kyi nang du khyod kyi tshig bsdus so zhe na/ dngos po thams cad stong pa yin pas des na de yang stong pa yin no/ /de'i phyir 'dis 'gog pa med do/ /gal te stong pa yin yang dngos po thams cad ni stong pa'o zhes 'dis 'gog pa yod do zhe na/ des na dngos po thams cad stong pa yin yang bya ba byed nus par 'gyur te/ de ni 'dod pa ma yin no/ /gal te 'gal ba'i dper gyur nas mi rung ngo/ /snyam nas dngos po thams cad stong pa yin te/ bya ba byed mi nus so zhe na/ khyod kyi tshig stong pas kyang dngos po thams cad kyi rang bzhin 'gog par mi 'thad do/ /ji ltar gzhan yang de skad zer na ni kha cig ni stong kha cig ni mi stong ngo zhes mi 'dra ba nyid du thal bar 'gyur ro/ /mi 'dra ba nyid yin na ni gang gis na kha cig ni stong kha cig ni mi stong par gyur pa'i gtan tshigs kyi khyad par yang smros shig /gtan tshigs de yang ma bstan pas de la dngos po thams cad ni stong pa'o//

  259. 130a

    zhes smras pa gang yin pa de mi rung ngo/ /'di ltar gzhan yang/ de sgra ma 'byin lta bu'o zhes/ /khyod blo sems na de mi 'thad/ /'di la sgra ni yod pa yis/ /'byung bar 'gyur ba de bzlog yin/ /dper na kha cig na re sgra ma 'byin cig ces bdag nyid sgra 'byin pa na sgra des sgra de bzlog par byed do/ /de bzhin du dngos po thams cad ni stong pa zhes stong pa'i rang bzhin gyi tshig gis dngos po thams cad kyi rang bzhin bzlog par byed do/ /'dir smras pa/ de yang 'thad pa ma yin te/ 'di la sgra yod pas sgra 'byung bar 'gyur pa 'gog par byed pa yin gyi/ 'dir khyod kyi yod pa'i tshig gis dngos po thams cad kyi rang bzhin 'gog par mi byed de/ khyod kyi lugs kyi tshig kyang yod pa ma yin/ dngos po thams cad kyi rang bzhin yang yod pa ma yin pas// de'i phyir sgra ma 'byin zhes pa lta bu'o/ /zhes bya ba 'di ni mi mthun par smras pa yin no/ /'gog pa'i 'gog pa'ang de lta zhes/ 'dod na de yang bzang min te/ de lta na yang khyod dam bcas/ /mtshan nyid skyon yod nged la med/ /khyod kyi blo la rnam pa 'di nyid kyis 'gog pa'i 'gog pa yang mi 'thad de/ de la khyod kyis dngos po thams cad kyi rang bzhin 'gog pa'i tshig 'gog par byed pa'i tshig gang yin pa de yang mi 'thad do snyam du sems na/ 'dir smra bar bya ste/ de yang bzang po ma yin te/ de ci'i phyir zhe na/ khyed la ni dam bcas pa'i mtshan nyid kyis 'thob kyi/ nged la ni med pas de la de lta yin na ni 'gog pa'i 'gog pa yang 'thad pa ma yin no/ /zhes smras pa gnag yin pa de mi rung ngo/ /'di ltar gzhan yang/ re zhig dngos rnams mngon sum gyis/ /dmigs nas bzlog par byed min na/ /gang gis dngos rnams dmigs 'gyur ba/ /mngon sum de ni med pa yin/ /gal te khyod kyis dngos po thams cad mngon sum gyis dmigs nas dngos po thams cad ni

  260. 130b

    stong pa'o zhes bzlog par byed na ni rung na/ /de yang 'thad pa ma yin te/ ci'i phyir zhe na/ dngos po thams cad kyi nang du mi mngon sum gyi tshad ma yang 'dus pa'i phyir stong pa yin la/ dngos po la dmigs par byed pa gang yin pa de yang stong pa yin/ /de'i phyir tshad mas dmigs pa med do/ /mi dmigs pa 'gog pa yang mi 'thad pas de la dngos po thams cad ni stong pa'o zhes smras pa gang yin pa de 'thad pa ma yin no/ /'on te khyed kyi blo la rjes su dpag pa dang lung dang dpes 'jal bas dmigs nas dngos po 'di thams cad bzlog par byed do snyam du sems na 'dir smra bar bya ste/ rjes dpag lung dang dpas 'jal dang/ /rjes dpag lung gi sgrub bya dang/ /dpes sgrub bya ba'i don gang yin/ /mngon sum gyis ni lan btab bo/ /rjes su/ dpag pa dang/ dpes 'jal ba dang/ lung yang mngon sum gyi tshad mas lan btab pa yin te/ 'di ltar mngon sum gyi tshad ma ni stong pa yin te/ dngos po thams cad stong pa nyid yin pa'i phyir ro/ /de bzhin du rjes su dpag pa dang/ dpes 'ja' ba dang/ lung yang stong pa yin te/ dngos po thams cad stong pa nyid yin pa'i phyir ro/ /rjes su dpag pas bsgrub par bya ba'i don dang/ lung gis bsgrub par bya ba dang/ dpes bsgrub par bya ba gang yin pa de dag kyang stong pa yin te/ dngos po thams cad stong pa nyid yin pa'i phyir ro/ /rjes su dpag pa dang/ lung dang/ dpes 'jal bdag gis dngos po rnams la dmigs par byed pa gang yin pa de yang stong pa nyid yin te/ de'i phyir dngos po rnams dmigs pa med do/ /mi dmigs pa'i rang bzhin 'gog pa mi 'thad pas de la dngos po thams cad ni stong pa'o zhes smras pa gang yin pa de mi rung ngo/ /'di ltar gzhan yang/ skye bo chos kyi gnas skabs mkhas/ /dge ba dag gi chos rnams la/ /dge ba'i rang bzhin yin par ni//

  261. 131a

    sems shing lhag ma rnams dang yang/ 'di la skye bo chos kyi gnas skabs la mkhas pa rnams ni dge ba'i chos rnams la brgya rtsa bcu dgu sems te/ 'di lta ste/ rnam par shes pa dang/ tshor ba dang/ 'du shes dang/ sems dpa' dang/ reg pa dang/ yid la byed pa dang/ 'dun pa dang/ mos pa dang/ brtson 'grus dang/ dran pa dang/ ting nge 'dzin dang/ shes rab dang/ btang snyoms dang/ sbyor ba dang/ yang dag par sbyor ba dang/ thob pa dang/ lhag pa'i bsam pa dang/ khong khro ba med pa dang/ dga' ba dang/ 'bad pa dang/ rtsol ba dang/ rmongs 'brel dang/ spros pa dang/ gnos pa med pa dang/ dbang dang ldan pa dang/ khong khro dang/ yid la gcags pa med pa dang/ 'dzin pa dang/ mi 'dzin pa dang/ dran pa dang/ brtan pa dang/ lhag par zhen pa dang/ rmongs pa med pa dang/ mi rtsol ba dang/ spro ba med pa dang/ don du gnyer ba dang/ smon lam dang/ rgyags pa dang/ yul dang mi ldan pa dang/ nges par 'byin pa ma yin pa dang/ skye ba dang/ gnas pa dang/ mi rtag pa dang/ dga' ba dang/ ldan pa dang/ yongs su gdung ba dang/ mi dga' ba dang/ rtog pa dang/ sdug pa dang/ dang ba dang/ 'dod pa mi mthun pa dang/ mthun par 'dzin pa dang/ /rjes su mi mthun par gzung ba dang/ mi 'jigs pa dang/ zhes dang/ ri mor byed pa dang/ dad pa dang/ ma dad pa dang/ bsgo ba bzhin byed pa dang/ gus pa dang/ ma gus pa dang/ rgod pa dang/ shin tu sbyangs pa dang/ ngag dang/ mgul ba dang/ grub pa dang/ ma dang ba dang/ shin tu ma sbyangs pa dang/ rnam par byang ba dang/ brtan pa dang/ nges pa dang/ yid la gcags pa dang/ mya ngan dang/ 'khrug pa dang/ rgyags pa dang/ mi mthun par 'dzin pa dang/ the tshom dang/

  262. 131b

    sdom pa yongs su dag pa dang/ nang legs par dang ba dang/ 'jigs pa'i phyogs gcig dang/ dad pa dang/ ngo tsha shes pa dang/ gnam pa dang/ mi 'drid pa dang/ nye bar zhi ba dang/ rtags bag ma yin pa dang/ bag yod pa dang/ byams par lta ba dang/ so sor brtags pa dang/ yid byung ba dang/ yongs su gdung ba med pa dang/ rgyags pa med pa dang/ chags pa med pa dang/ zhe sdang med pa dang/ gti mug med pa dang/ thams cad shes pa nyid dang/ mi gtong ba dang/ 'byor pa dang/ khrel yod pa dang/ mi 'chab pa dang/ snying rje dang/ sems pa mi gtong ba dang/ byams pa dang/ zhum pa med pa dang/ dgra bral ba dang/ rdzu 'phrul dang/ khon du mi 'dzin pa dang/ phrag dog med pa dang/ sems yongs su btugs pa med pa dang/ bzod pa dang/ rnam par spong ba dang/ nges pa ma yin pa dang/ yongs su longs spyod pa'i rjes su mthun pa dang/ bsod nams dang/ 'du shes pa'i snyoms par 'jug pa dang/ nges par 'byin pa nyid dang thams cad mi shes pa nyid dang/ 'dus ma byas pa'i chos so zhes de ltar dge ba'i chos rnams la dge ba'i rang bzhin brgya rtsa bcu dgu dang/ de bzhin du mi dge ba'i chos rnams la mi dge ba'i rang bzhin dang/ bsgrib la lung du ma bstan pa rnams la bsgribs la lung du ma bstan pa'i rang bzhin dang/ ma bsgribs la lung du ma bstan pa rnams la ma sgribs la lung du ma bstan pa'i rang bzhin dang/ 'dod par gsungs pa rnams la 'dod par gsungs pa dang/ gzugs su gsungs pa rnams la gzugs su gsungs pa dang/ gzugs med par gsungs pa rnams la gzugs med par gsungs pa dang/ zag pa med pa rnams la zag pa med pa dang/ sdug bsngal dang/ kun 'byung ba dang/ 'gog pa dang/ lam zhes bya ba rnams

  263. 132a

    la sdug bsngal dang/ kun 'byung ba dang/ 'gog pa dang/ lam zhes bya ba'i rang bzhin dang/ bsgom pas spang bar bya ba rnams la bsgom pas spang bar bya ba dang/ spang bar bya ba rnams la bsgom pas spang bar bya ba dang/ spang bar bya ba ma yin par rnams la/ spang bar bya ba ma yin pa'i rang bzhin du sems te/ de'i phyir de ltar na rnam pa du ma'i chos kyi rang bzhin mthong bas de bas na dngos po thams cad ni rang bzhin med pa ste/ rang bzhin med pa nyid yin pa'i phyir stong pa'o/ /zhes smras pa gang yin pa de mi rung ngo/ /'di ltar gzhan yang/ des 'byin la sogs rnams kyi chos/ /gnas skabs gsungs pa de rnams la/ /nges 'byin rang bzhin chos rnams dang/ /nges 'byin min gang tshul de bzhin/ /'di la nges par 'byin pa'i chos kyi gnas skabs gsungs pa rnams la des par 'byin pa'i rang bzhin dang/ nges par 'byin pa ma yin pa rnams la nges par 'byin pa ma yin pa'i rang bzhin dang/ byang chub kyi yan lag dang ldan pa rnams la byang chub kyi yan lag dang ldan pa dang/ byang chub kyi yan lag dang mi ldan pa rnams la byang chub kyi yan lag dang mi ldan pa dang/ byang chub kyi phyogs dang ldan pa rnams la byang chub kyi phyogs dang ldan pa dang/ byang chub kyi phyogs dang mi ldan pa rnams la byang chub kyi phyogs dang mi ldan pa dang/ lhag ma rnams la yang de bzhin te/ de'i phyir de ltar rnam pa du ma'i chos rnams kyi rang bzhin mthong ba de'i phyir dngos po thams cad ni rang bzhin med pa ste/ de bas na stong pa'o zhes smras pa gang yin pa de mi rung ngo/ /'di ltar gzhan yang/ gal te chos gyi rang bzhin med/ /rang bzhin med ces bya ba'i ming/ /ming yang de bzhin med 'gyur nyid/ /gzhi med ming ni med phyir ro/ /gal te chos thams cad kyi rang bzhin med pa yin na de la yang rang bzhin med pa yin no/ /de la rang bzhin

  264. 132b

    med do/ /zhes bya ba'i ming yang de bzhin du med par 'gyur ro/ /ci'i phyir zhe na/ gzhi med pa'i ming ni 'ga' yang med pa'i phyir ro/ /de bas na mi srid pa'i phyir dngos po rnams kyi rang bzhin yod do/ /rang bzhin yod pa'i phyir dngos po thams cad stong pa ma yin no/ /de bas chos thams cad rang bzhin med pa ste/ rang bzhin med pa nyid yin pa'i phyir stong pa'o/ /zhes smras pa gang yin pa de rigs pa ma yin no/ /'on te 'di ltar rang bzhin yod/ /de ni chos la med ce na/ /chos rnams med pa'i rang bzhin te/ gang gi yin pa de bstan rigs/ /'on te gzhi med pa'i ming du gyur na mi rung ngo/ /snyam nas rang bzhin ni yod la/ de yang chos thams cad la ni mi srid do/ /de ltar na chos rnams la rang bzhin med pa'i phyir chos ni stong par 'grub par 'gyur la/ ming gzhi med par yang ma yin no snyam du sems na/ /'dir smra bar bya ste/ de lta yin na rang bzhin de chos la ma gtogs pa'i don gang yin pa'i don de bstan pa'i rigs so/ /de yang ma bstan pas de'i phyir rang bzhin ni yod la/ de yang chos rnams ni med do/ /zhes rtog pa gang yin pa de nyams su/ /'di ltar gzhan yang/ gang phyir khyim na bum pa de/ /med ces yod pa nyid la 'gog /mthong ste de phyir khyod kyis 'di/ /yod pa'i rang bzhin 'gog pa yin/ /'di la don yod pa la 'gog par byed kyi/ med pa la ni ma yin te/ dper na khyim na bum pa med ces bya ba lta bu ste/ bum pa yod pa la 'gog pa yin gyi/ med pa la ni ma yin no/ /de bzhin du chos rnams kyi rang bzhin med do zhes bya ba yang rang bzhin yod pa la 'gog par 'gyur ba yin gyi/ med pa la ni ma yin pas de la chos thams cad kyi rang bzhin med do zhes smras pa gang yin pa de mi rung ngo/ /'di ltar gzhan yang 'gog pa yod pa nyid kyi phyir dngos po thams cad kyi rang bzhin rab tu grub pa yin no/ /

  265. 133a

    ji lta rang bzhin de med na/ /khyod kyi tshig des ci zhig dgag /med pa yin na tshig med par/ /'gog par rab tu grub pa yin/ /ji ste rang bzhin de med pa nyid yin na/ dngos po thams cad med do zhes bya ba'i tshig 'dis khyod kyi ci zhig 'gog par byed/ /'di ltar med pa la ni tshig med par yang 'gog pa 'grub ste/ /ji ltar me la grang ba nyid dang/ chu la tsha ba nyid lta bu'o/ /'di ltar gzhan yang/ byis pa rnams ni smig rgyu la/ /ji ltar log par chur 'dzin ltar/ /de bzhin khyod kyis log par 'dzin/ /yod pa min la 'gag par bya/ /khyod kyi blo la ji ltar byis pa rnams smig rgyu la log par chur 'dzin pa na de ni skyes bu mkhas pa'i rang bzhin can gyis 'dzin pa de bzlog pa'i phyir de na chu med kyi/ /de ni smig rgyu'o zhes zer ba de bzhin du rang bzhin pa med pa rnams la sems can rnams kyis rang bzhin du 'dzin pa gang yin pa de bzlog pa'i phyir dngos po thams cad ni rang bzhin med pa'o/ /zhes bya'o snyam du sems na/ 'dir smra bar bya ste/ de lta na ni 'dzin pa dang/ /gzung dang 'dzin pa po de dang/ /'gog dang dgag bya 'gog pa po/ /de drug yod pa ma yin nam/ /gal te de lta na ni re zhig sems can rnams kyi 'dzin pa yang yod pa dang/ gzung ba yod pa dang/ de 'dzin pa po yod pa dang/ log par 'dzin pa de 'gog pa yang yod pa dang/ dgag par bya ba log par 'dzin pa de yang yod pa dang/ khyod la sogs pa 'dzin pa de 'gog pa po yang yod de/ drug tu grub pa ma yin nam/ de drug tu gyur na ni/ ma bkag pa nyid yin pa'i phyir dngos po thams cad ni stong pa'o zhes smras pa gang yin pa de mi rung ngo/ /ci ste 'dzin pa yod min zhing/ /gzung med 'dzin pa po med na/ /'o na 'gog dang dgag bya dang/ 'gog pa po yang yod min te/ /ci ste skyon der gyur na mi rung ngo/ /snyam nas 'dzin pa yang

  266. 133b

    med/ /gzung ba yang med/ 'dzin pa po yang med do zhe na/ de lta na ni dngos po thams cad ni rang bzhin med do zhes bya ba 'dzin pa 'gog pa gang yin pa de yang med la/ dgag par bya ba yang med/ 'gog pa po yang med par 'gyur te/ gal te 'gog dang dgag bya dang/ /'gog pa po yang yod min na/ /dngos po kun dang de rnams kyi/ /rang bzhin nyid kyang grub yin na/ /gal te 'gog pa yang med/ /dgag par bya ba yang med/ 'gog pa po yang med na ni/ dngos po thams cad kyang ma bkag par yod la/ dngos po rnams kyi rang bzhin yang yod do/ /'di ltar gzhan yang/ khyod la gtan tshigs ma grub ste/ /rang bzhin med phyir khyed gtan tshigs/ /gang la yod de khyod don de/ /gtan tshigs med phyir grub mi 'thad/ /dngos po thams cad ni rang bzhin med do zhes bya ba'i don 'di la khyod kyis gtan tshigs ma grub ste/ ci'i phyir zhe na/ dngos po thams cad ni rang bzhin med pa'i phyir stong pa yin pas de'i phyir gtan tshigs ga la yod/ gtan tshigs med na ni gtan tshigs med par dngos po thams cad stong pa'o zhes bya ba'i don ga la grub pas de la dngos po thams cad stong pa'o zhes smras pa gang yin pa de mi rung ngo/ /'di ltar gzhan yang/ khyod la gtan tshigs med par yang/ /rang bzhin bzlog par grub yin na/ /nga la 'ang gtan tshigs med par ni/ / rang bzhin nyid ni yod par 'grub/ /ci ste de la gtan tshigs med par yang dngos po rnams kyi rang bzhin med par 'grub po snyam du sems na /ji ltar khyod la gtan tshigs med pa rang bzhin bzlog par grub pa de bzhin du ngal yang gtan tshigs med par dngos po'i rang bzhin yod par 'grub bo/ /nga la yang zhes bya ba ni nged la yang ngo/ /gal te gtan tshigs yod na dngos/ /rang bzhin med ces bya mi 'thad/ /'jig rten na ni rang bzhin med/ /dngos po 'ga' yang yod min no/ /gal te dngos po rnams kyi rang bzhin med pa

  267. 134a

    nyid kyi gtan tshigs yod pa kho na'o snyam du sems na/ dngos po thams cad rang bzhin med do zhes bya ba mi 'thad do/ /ci'i phyir zhe na/ 'jig rten na rang bzhin med pa'i dngos po 'ga' yang yod pa ma yin no/ /'di ltar rang bzhin yod min na/ /gal te 'gog snga dgag 'phyi zhes/ /zer na 'thad pa ma yin la/ /dgag par bya ba yod pa ma yin na ci zhig la 'gog par byed/ 'chi zhing cig car mi 'thad do/ /rang bzhin med pa zhes bya ba 'dir gal te 'gog pa ni snga ma la dgag par bya ba ni 'phyi'o zhe na/ 'thad pa ma yin te/ dgag par bya ba yod pa ma yin na gang gi 'gog pa yin par 'gyur/ 'on te 'gog pa ni 'phyi la dgag par bya ba snga'o zhe na/ 'thad pa ma yin te/ dgag par bya ba grub zin na/ /ci zhig 'gog par byed/ 'on te 'gog pa dang dgag par bya ba mgo mnyam mo zhe na/ de lta na yang 'gog pa ni dgag par bya ba'i don gyi rgyu ma yin la/ dgag par bya ba yang 'gog pa'i ma yin te/ dper na ri bong gi rA g.yas g.yon gnyis mgo mnyam du skyes pa lta bu ste/ rwa g.yas pa yang g.yon pa'i rgyu ma yin pa/ g.yon pa yang g.yas pa'i rgyu ma yin pa lta bu yin pas de la dngos po thams cad rang bzhin med do zhes smras pa gang yin pa de mi rung ngo/ /'dir bshad pa/ re zhig khyod kyis/ gal te dngos po thams cad kyi/ /rang bzhin kun la'ang yod min na/ /khyod kyi tshig kyang rang bzhin med/ /rang bzhin bzlog par mi nus so/ /zhes smras pa gang yin pa de la bshad par bya ste/ gal te nga'i tshig rgyu rkyen dang/ /tshogs dang tha dad la yang med/ /'o na dngos rnams stong 'grub ste/ /rang bzhin med pa nyid phyir ro/ /gal te nga'i tshig rgyu 'byung ba chen po rnams dang mtshungs par ldan pa rnams dang/ ldan pa ma yin pa rnams la yang med/ rkyen dran dang/ lkog pa dang/ mchu

  268. 134b

    dang/ lce dang/ so'i brun dang/ rkan dang/ sna dang/ spyi bo la sogs pa dang/ 'bad pa rnams la yang med/ gnyi ga tshogs pa la yang med/ rgyu dang rkyen tshogs pa la ma gtogs par tha dad pa yang med do/ /de'i phyir rang bzhin med pa yin te/ rang bzhin med pa'i phyir stong pa yin no zhe na/ 'o na ni da'i tshig ste stong par grub ste/ rang bzhin med pa nyid yin pa'i phyir ro/ /ji ltar nga'i tshig de rang bzhin med pa nyid yin pa'i phyir stong pa yin pa de bzhin du dngos po thams cad kyang rang bzhin med pa nyid yin pa'i phyir stong pa yin pas na de la khyod kyis chos kyi tshig stong pa yin pa'i phyir dngos po thams cad stong pa nyid du mi 'thad do zhes smras pa gang yin pa de mi rung ngo/ /'di ltar gzhan yang/ dngos rnams brten nas 'byung ba gang/ /de ni stong nyid ces bya dang/ /gang zhig brten nas 'byung ba de/ /rang bzhin nyid med yin par smra/ khyod kyis ni dngos po rnams kyi stong pa nyid kyi don khong du ma chud par khyod kyi tshig rang bzhin med pa yin pa'i phyir/ dngos po rnams kyi rang bzhin 'gog pa mi 'thad de zhes klan ka tshol ba smra bar byed de/ 'dir ni dngos po rnams brten nas 'byung ba gang yin pa de ni stong pa nyid yin no/ /ci'i phyir zhe na/ rang bzhin med pa nyid yin pa'i phyir ro/ /dngos po gang dag rten cing 'brel bar 'byung ba de dag ni rang bzhin dang bcas pa ma yin te/ rang bzhin med pa'i phyir ro/ /ci'i phyir zhe na/ rgyu dang rkyen la bltos pa dang bcas pa'i phyir ro/ /gal te dngos po rnams rang bzhin gyis yod na ni rgyu dang rkyen med kyang yod par 'gyur ba zhig na/ de ltar yang ma yin pas de'i phyir rang bzhin med pa yin te/ des na stong pa'o/ /zhes bya bar 'thad do/ /de bzhin du nga'i tshig kyang rten cing 'brel bar 'byung ba yin/ /de'i phyir rang bzhin med do/ /rang bzhin med pa nyid yin pa'i phyir stong pa zhes bya bar 'thad pa yin no//

  269. 135a

    ji ltar bum pa dang snam bu la sogs pa rten cing 'brel par 'byung ba nyid yin pa'i phyir rang bzhin stong pa yin yang sbrang rtsi dang/ chu dang 'o thug 'dzin pa dang/ len pa dang/ grang ba dang/ rlung dang/ nyi ma yongs su skyob par nus pa de bzhin du nga'i tshig kyang rten cing 'brel par 'byung ba yin pa'i phyir rang bzhin med pa yin yang dngos po rnams rang bzhin med par rab tu bsgrub par nus pa yin pas de la khyod kyi tshig rang bzhin med pa nyid yin pa'i phyir dngos po thams cad kyi rang bzhin 'gog pa 'thad pa yin no/ /zhes smras pa gang yin pa de mi rung ngo/ /'di ltar gzhan yang/ sprul pa yis ni sprul pa dang/ /sgyu ma yi ni skyes bu yis/ /sgyu mas phyung la 'gog byed ltar/ /'gog pa de yang de bzhin 'gyur ji ltar sprul pa'i skyes bus sprul pa'i skyes bu zhig don 'ga' zhig gi phyir 'ong bar byed pa la 'gog pa byed pa dang/ sgyu ma mkhan gyis phyung ba'i sgyu ma'i skyes bus sgyu ma'i skyes bu gzhan zhig don 'ga' zhig gi phyir 'ong bar byed pa la 'gog par byed pa bzhin te de la sprul pa'i skyes bu dgag par bya ba gang yin pa de yang stong pa yin/ 'gog par byed pa de yang stong pa yin sgyu ma'i skyes bu dgag par bya ba gang yin pa de yang stong pa yin 'gog par byed pa gang yin pa de yang stong pa yin pa de bzhin du nga'i tshig stong pas kyang dngos po thams cad stong pas kyang dngos po thams cad kyi rang bzhin 'gog pa 'thad pa na de la khyod kyi tshig stong pa nyid yin pa'i phyir dngos po thams cad kyi rang bzhin 'gog pa 'thad pa ma yin no/ /zhes smras pa gang yin pa de rung ba ma yin no/ /de la khyod kyis mu drug tu smras pa gang yin pa de yang de nyid kyis bkag pa yin te/ de lta yin na thams cad kyi nang du nga'i tshig kyang ma 'dus pa yin zhing mi stong pa'ang ma

  270. 135b

    yin la/ dngos po thams cad kyang mi stong pa ma yin no/ /yang khyod kyis/ 'on te tshig de rang bzhin bcas/ /khyod kyi dam bcas snga ma nyams/ /mi 'dra nyid de de yin na/ /gtan tshigs khyad par brjod par byos/ /zhes smras pa gang yin pa 'di la bshad par bya ste/ nga yi tshig de rang bzhin med/ /de phyir smras pa ma nyams la/ /mi 'dra nyid kyang med pas na/ /gtan tshigs khyad pa bshad mi bya/ /re zhig nga'i tshigs de ni rten cing 'brel par 'byung ba yin pa'i phyir rang bzhin 'thad pa ma yin te/ ji skad du sngar rang bzhin/ 'thad pa ma yin pa'i phyir stong pa yin no/ /zhes bshad pa lta bu'o/ /gang gi phyir nga'i tshig de yang stong pa yin/ /dngos po lhag ma rnams kyang stong pa yin pa de'i phyir mi 'dra ba nyid med do/ /gal te de na re tshig de ni stong pa ma yin la dngos po lhag ma thams cad ni stong pa yin no/ /zhes 'chad na ni des na mi 'dra ba nyid du yang 'gyur na/ de ni de lta ma yin pas de'i phyir mi 'dra ba nyid med do/ /gang gi phyir tshig de ni stong pa ma yin la dngos po lhag ma thams cad ni stong pa yin no zhes mi 'dra ba nyid mi srid pa de'i phyir kho bos gtan tshig des na tshig de ni stong pa ma yin la/ dngos po thams cad ni stong pa yin no/ /zhes gtan tshig kyi khyad par bshad par mi bya ste/ de la khyed kyis smras pa yang nyams la/ mi 'dra ba nyid kyang yin pas khyod kyis gtan tshigs kyi khyad par yang brjod par byos shig ces smras pa gang yin pa de mi rung ngo/ /yang/ de sgra ma 'byin lta bu'o zhes/ khyod blo sems na de mi 'thad/ /'di la sgra ni yod pa yis/ /'byung bar 'gyur ba de bzlog yin/ zhes smras pa gang yin pa 'di la bshad par bya ste/ sgra ma 'byin zhes bya bzhin zhes/ /khyod kyi gang brtsams dpe 'di min/ /da ni sgra yis sgra bzlog pas/ /'di ni de lta ma yin no/ /'di na nges kyi dpe ma yin te/ ji ltar 'ga' zhig na ra sgra ma

  271. 136a

    'byin zhes de skad zer ba na sgra nyid 'byin cing sgra bzlog par byed pa ltar tshig stong pa des ni stong pa nyid 'gog par mi byed do/ /ci'i phyir zhe na/ 'di la dpe sgras sgra bzlog par byed pa de ltar 'di ni ma yin te/ nges ni dngos po thams cad rang bzhin med pa yin te/ rang bzhin med pa'i phyir stong pa yin no zhes 'chad do/ /ci'i phyir zhe na/ gal te rang bzhin med nyid kyis/ /ji ste rang bzhin med la bzlog /rang bzhin med pa nyid log na/ /rang bzhin nyid du rab grub 'gyur/ /ji ltar sgra ma 'byin ces bya ba lta bu sgras sgra bzlog par byed pa de bzhin du/ gal te tshig rang bzhin med pa nyid kyis dngos po rang bzhin med pa rnams la bzlog par byed na ni des na dpe 'thad par 'gyur ba zhig na/ 'dir ni tshig rang bzhin med pa nyid kyis dngos po rnams kyi rang bzhin 'gog par byed do/ /gal te tshig rang bzhin med pa nyid kyis dngos po rnams kyi rang bzhin med pa nyid 'gog par byed na ni rang bzhin med pa nyid bkag pa nyid kyi phyir dngos po rnams rang bzhin dang bcas par 'gyur la/ rang bzhin dang bcas pa'i phyir stong pa ma yin par 'gyur ro/ /kho bo cag ni dngos po rnams stong pa nyid du smra'i/ stong pa nyid ma yin par ni smra ba ma yin pas dpe 'di ma yin pa nyid do/ /yang na kha cig sprul pa yis/ /bud med la ni bud med snyam/ /log 'dzin 'byung la sprul pa yis/ /'gog byed 'di ni de lta yin/ /yang na ji ltar skyes bu kha cig sprul pa'i bud med rang bzhin gyi stong pa yin pa la don dam par bud med do snyam du log par 'dzin par 'gyur ro// de'i phyir de log par 'dzin pa des 'dod chags bskyed pa la de bzhin gshegs pa'am/ de bzhin gshegs pa'i nyan thos kyis sprul pa zhig sprul la/ des de'i log par 'dzin pa de bzlog par byed do/ /de bzhin du nga'i tshig stong pa sprul pa lta bus

  272. 136b

    dngos po thams cad kyi rang bzhin med pa sprul pa'i bud med dang 'dra ba dag la rang bzhin yod par 'dzin pa gang yin pa bzlog par byed do/ /de bas na 'dir stong pa nyid du rab tu bsgrub pa la dpe 'di 'thad pa yin gyi/ cig shos ni ma yin no/ /yang na gang phyir bsgrub bya dang/ /gtan tshigs 'di mtshungs sgra yod min/ /tha snyad khas ni ma blangs par/ /nged cag tshad par mi byed do/ /bsgrub par bya ba dang/ sgra ma 'byin zhes bya ba lta bu'o/ /zhes bya ba'i gtan tshigs 'di mtshungs pa kho na yin no/ /ci'i phyir zhe na/ dngos po thams cad ni rang bzhin med pa nyid du khyad par med pa nyid kyi phyir sgra de ni rten cing 'brel par 'byung ba nyid yin pa'i phyir dang rang bzhin yod pa ma yin no/ /de lta bas na rang bzhin yod pa ma yin pa nyid kyi phyir/ 'di la sgra ni med pa yis/ /'byung bar 'gyur ba de bzlog yin/ /zhes smras pa gang yin pa bzlog pa yin no/ /gzhan yang tha snyad kyi bden pa khas ma blangs shing ma brten par dngos po thams cad stong pa'o zhes mi 'chad do/ /tha snyad kyi den pa khas ma blangs par ni chos bstan par mi nus te/ ji skad du/ tha snyad la ni ma brten par/ /dam pa'i don ni mi ston la/ /dam pa'i don la ma brten par/ /mya ngan 'das pa mi rtogs so/ /zhes gsungs pa lta bu'o/ /de bas na dngos po thams cad kyi rang bzhin med pa nyid du gnyi ga 'thad pa na nga'i tshig bzhin du dngos po thams cad stong pa yin no/ /yang khyod kyis/ 'gog pa'i 'gog pa'ang de lta zhes/ /'dod na de yang bzang min te/ /de lta na yang khyed dam bcas/ /mtshan nyid skyon yod nged la med/ /ces smras pa gang yin pa 'di la bshad par bya ste/ gal te ngas dam bcas 'ga' yod/ /des nang la skyon de yod/ /nga la dam bcas med pa na/ /nga la skyon med kho na yin/ /gal te dam bcas pa 'ga' zhig yod na ni des na khyod kyis ji skad

  273. 137a

    smras pa bzhin du nga la dam bcas pa'i mtshan nyid khas blangs pa sngon du song ba'i skyon yod pa zhig nang la ni dam bcas pa 'ga' yang med do/ /de'i phyir dngos po thams cad stong pa gtan du nye bar zhi ba rang bzhin gyis dben pa dag la dam bcas pa'ang ga la yod/ /dam bcas pa'i mtshan nyid kyang ga la yod/ /dam bcas pa'i mtshan nyid las byung ba'i skyon yang ga la yod de/ de la khyod la dam bcas pa'i mtshan nyid kyis thob pa'i phyir khyod nyid la skyon yod do zhes smras pa gang yin pa de yang med do/ /yang khyod kyis re zhig dngos rnams mngon sum gyis/ /dmigs nas bzlog par byed yin na/ /gang gis dngos rnams dmigs 'gyur ba/ /mngon sum de ni med pa yin/ /rjes dpag lung dang dpes gzhal dang/ /rjes dpag lung gi bsgrub bya dang/ /de bas 'grub bya ba'i don gang yin/ /mngon sum gyis ni lan btab bo/ /zhes smras pa gang yin pa 'di la bshad par bya ste/ gal te mngon sum la sogs pa'i/ /don gyis 'ga' zhig dmigs na ni/ bsgrub pa 'am bzlog par bya na de/ /med phyir nga la klan ka med/ /gal te ngas mngon sum dang/ rjes su dpag pa dang/ dpes 'jal ba dang/ lung rnams kyis sam/ tshad ma bzhi rnams las gang yang rung ba zhig gis dmigs na ni de'i phyir sgrub par byed pa 'am/ don bzlog par bya na ngas don ji ltar yang ma dmigs pas de'i phyir bsgrub par yang mi bya/ bzlog par yang mi bya/ de ltar gyur dang de la khyod kyis gal te mngon sum la sogs pa rnams las tshad ma gang yang rung ba zhig gis dngos po rnams dmigs nas bzlog par byed pa yin na/ tshad ma de dag kyang med/ de dag gis khong du chud par bya ba'i don yang med pas zhes klan ka smras pa gang yin pa'i klan ka de nga la mi 'byung ngo/ /'di ltar gzhan yang/ gal te khyod kyi

  274. 137b

    don de rnams/ tshad ma nyid kyis rab grub na/ /khyod kyi tshad ma de rnams kyang/ /ji ltar rab tu 'grub par 'gyur/ /gal te 'jal bar byed pa rnams kyis gzhal bar bya ba dag bzhin du khyod kyi don gzhal bya ba de rnams tshad ma nyid kyis rab tu 'grub pa yin par sems na/ 'o na da tshad ma rnam pa bzhi po mngon sum dang rjes su dpag pa dang/ dpes 'jal ba dang/ lud de rnams gang gis rab tu 'grub gal te re zhig tshad ma de rnams ni tshad ma gzhan rnams kyis yod par 'grub la/ don rnams ni tshad mas rab tu 'grub pa yin no zhe na/ dam bcas pa nyams par 'gyur ro/ /'o na da tshad ma rnam pa bzhi po mngon sum dang rjes su dpag pa dang/ dpes 'jal ba dang/ lung de rnams gang gis rab tu 'grub gal te re zhi tshad ma de rnams ni tshad ma gzhan rnams kyis yod par 'grub la/ don rnams ni tshad kyang tshad ma gzhan rnams kyis 'grub par sems na/ de ltar na thug pa med par 'gyur ro/ /de la thug pa med par gyur na nyes pa ci yod ce na/ de la 'di ltar bshad par bya ste/ de la dang po 'grub min na/ /bar ma min zhing tha ma'ang min/ /thug par med par gyur na/ /dang po 'grub par mi 'gyur ro//ci'i phyir zhes na/ tshad ma de rnams kyang tshad ma gzhan rnams kyis rab tu 'grub pa yin la/ de rnams kyang gzhan rnams kyis yin zhing/ de rnams kyang gzhan rnams kyi yin pas 'di la dang po med do/ /dang po med pa'i phyir bar ma yang ga la yod/ tha ma yang ga la yod de de'i phyir tshad ma de rnams ni chod ma gzhan rnams kyis rab tu 'grub bo zhes smras pa gang yin pa de mi 'thad do/ /'on te tshad ma med par yang/ /de rnams 'grub na smra ba nyams mi 'dra nyid de de yin na/ /gtan tshigs khyad par smra bar gyis/ /'o na te tshad ma rnams med par yang tshad ma de rnams 'grub pa yin la gzhal bar bya ba'i don rnams ni tshad ma rnams kyis rab tu 'grub pa yin no/ /snyam du sems na de lta na ni khyod

  275. 138a

    kyis tshad ma rnams kyis don rnams 'grub bo zhes smras pa gan yin pa des nyams par 'gyur la don/ kha cig ni tshad ma rnams kyis rab tu 'grub pa yin/ kha cig ni ma yin no zhes mi 'dra ba nyid du yang 'gyur ro/ /de ltan ni gtan tshigs gang gis na don kha cig ni tshad ma rnams kyis rab tu 'grub pa yin la/ kha cig ni ma yin no/ /zhes gtan tshigs kyi khyad par yang smra bar bya ba yin na/ de yang ma bstan pas de'i phyir rtog pa ni yang 'thad pa ma yin no/ /'dir smras pa/ ji skad du/ ji ltar me yis gzhan bdag nyid/ /gsal byed de bzhin rang nyid ltar/ /de bzhin tshad ma rnams kyang ni/ /rang gzhan bdag nyid 'grub ce na/ zhes bstan pa lta bur tshad ma rnams ni rang gi bdag nyid dang/ gzhan gyi bdag nyid rab tu sgrub par byed pa yin te/ ji ltar mes rang gi bdag nyid dang/ gzhan gyi bdag nyid gsal bar byed pa de bzhin du tshad ma rnams kyang rang gi bdag nyid dang gzhan gyi bdag nyid rab tu sgrub par byed pa yin no zhe na/ 'dir bshad pa/ smras pa de ni mi mthun te/ /mun khong gi ni rdza ma ltar/ /de la mi dmigs ma mthong bas/ /me ni rang la gsal byed min/ /me dang 'dra bar tshad ma rnams/ /rang dang gzhan gyi bdag nyid gnyis/ /rab tu sgrub par byed pa yin no/ /zhes smras pa de ni mi mthun pa nyid yin te/ me ni rang la gsal bar byed pa ma yin te/ ji ltar mi ma 'bar ba'i lnga rol na mun khung na bum pa mi dmigs la/ mes gsal bar byas nas phyis dmigs pa de bzhin du/ gal te gsal bar ma byas pa'i snga rol tu mi mun khung na yod la/ phyis mes gsal bar 'gyur na ni de'i phyir rang gi bdag nyid gsal bar byed pa yin na/ /de yang de lta ma yin pas rtog pa 'di yang 'thad pa ma yin no/ /'di ltar gzhan yang/ gal te khyod kyi tshig gis ni/ /me 'di rang bdag gsal

  276. 138b

    byed na/ /'o na me yis gzhan bzhin du/ /rang la sreg pa'ang byed par 'gyur/ /gal te khyod zer ba ji ltar me gzhan gyi rang bzhin gsal bar byed pa de bzhin du rang gi bdag nyid la yang gsal bar byed do zhe na/ 'o na ni ji ltar gzhan gyi bdag nyid sreg par byed pa de bzhin du rang gi bdag nyid la yang sreg par 'gyur ba zhig na/ de de ltar yang ma yin pas de la me ni gzhan gyi bdag nyid bzhin du rang gi bdag nyid la yang gsal bar byed do/ /zhes smras pa gang yin pa de mi rung ngo/ /'di ltar gzhan yang/ gal te khyod kyi tshig gis ni/ /mi yis rang gzhan bdag gsal byed/ /me bzhin du ni mun pa yang/ /rang gzhan bdag la sgrib par 'gyur/ /gal te khyod kyi lugs kyis ni me ni rang dang gzhan gyi bdag nyid gnyis gsal bar byed pa yin na/ 'o na ni da gnyen por gyur pa yang rang dang gzhan gyi bdag nyid gnyis sgrib par 'gyur ba zhig na/ de de ltar yang ma yin pas de la mi ni rang dang gzhan gyi bdag nyid gnyis gsal bar byed pa yin no zhes smras pa gang yin pa de rung ba ma yin no/ /'di ltar gzhan yang/ gsal byed de ni mun sel te/ /me dang gang na ma gnas pa/ /gzhan na 'ang mun pa yod min na/ /ji ltar gsal bar byed pa yin/ /'dir me la yang mun pa med la/ /gang na me yod pa de na yang mun pa med do// gsal bar byed pa zhes bya ba ni mun pa sel ba yin pas de'i phyir me la yang mun pa med la/ gang na me yod pa de na yang mun pa med/ mes gang zhig sel bas rang dang gzhan gyi bdag nyid gnyis gsal bar byed ba'i mes mun pa gang zhig sel bar byed/ 'dir smras pa/ 'o na gang gi phyir me la yang mun pa med/ me gang na yod pa de na yang mun pa med pa nyid kyi phyir me ni rang dang gzhan gyi bdag nyid gnyis gsal bar byed pa ma yin nam/ me 'byung ba nyid na me des mun pa gsal

  277. 139a

    ba yin te/ de la yang mun pa de med me gang na yod pa de na yang mun pa med de de'i phyir me 'byung ba kho na rang gi bdag nyid dang/ gzhan gyi bdag nyid gnyi ga gsal bar byed pa yin no zhe na/ 'dir smras ba/ me 'byung ba na gsal byed pa/ /yang dag min par smra ba ste/ /me 'byung ba na mun pa dang/ /phrad pa med pa kho na yin/ /me de ni 'byung ba kho na na rang gi bdag nyid dang gzhan gyi bdag nyid gsal bar byed do/ /zhes smra ba de ni 'thad pa ma yin no/ /ci'i phyir zhe na/ me 'byung ba na mun pa dang/ /phrad pa med pa kho na yin/ /me de ni 'byung ba kho na na rang gi bdag nyid dang gzhan gyi bdag nyid gsal bar byed do zhes smra ba de ni 'thad pa ma yin no/ /ci'i phyir zhe na/ me 'byung ba nyid na mun pa dang phrad pa med pa yin te/ ma phrad pa'i phyir de sel bar mi byed do/ /mun pa ma bsal ba'i phyir gsal bar yang mi byed do/ /'di ltar gzhan yang/ yang na me dang ma phrad kyang/ /mun pa sel bar byed na ni/ /'di na yod pa gang yin pas/ /'jig rten khams kun mun sel 'gyur/ /'on te me ni mun pa dang ma phrad par yang sel bar byed do snyam du sems na/ 'o na ni dam phrad par 'dra bas 'di na gnas pa'i mes 'jig rten gyi khams thams cad na gnas pa'i mun pa sel bar 'gyur ba zhig na/ de ni de ltar yang ma yin pas de'i phyir me ni mun pa dang ma phrad par sel bar byed par 'dod pa gang yin pa de mi rung ngo/ /'di ltar gzhan yang gal te rang las tshad ma grub/ /gzhal bya rnams la ma ltos par/ /khyod kyi tshad ma 'grub 'gyur 'di/ / gzhan la mi ltos rang 'grub 'gyur/ /gal te me bzhin du rang las tshad ma grub bo snyam du sems na/ gzhal bar bya ba'i don rnams la ma ltos par yang tshad ma rnams rab tu 'grub par 'gyur ro/ /ci'i phyir zhe na/ rang las grub pa ni gzhan

  278. 139b

    la bltos pa ma yin no/ 'o na te bltos na ni rang las grub pa ma yin no/ /'dir smras pa/ gal te tshad ma rnams gzhal bar bya ba don rnams la mi bltos na skyon cir 'gyur zhe na/ 'dir bshad pa/ gal te gzhal bya don rnams la/ ma bltos khyod kyis tshad ma 'grub/ /tshad ma 'di rnams kho na ni/ /gang gi yin par mu 'gyur ro/ /gal te tshad ma rnams gzhal bar bya ba don rnams la mi bltos par rab tu 'grub pa yin no/ /zhe na/ de lta ni khyod kyi tshad ma 'di rnams gang gi phyir tshad ma yang ma yin pa'i skyon de lta bur 'gyur ro/ /'on te tshad ma rnams don 'ga' zhig gi yin no zhe na/ de gzhal bar bya ba'i don rnams la mi bltos par tshad ma rnams su 'gyur ba ma yin no/ /'on te bltos nas de rnams 'grub/ /'dod na de la skyon cir 'gyur ma grub gzhan la mi bltos pas/ /grub pa sgrub par byed pa yin/ /'on te gsal bar bya ba'i don rnams la bltos nas tshad ma rnams 'grub pa yin par 'dod do zhe na/ de lta na ni don ma grub pa ni bltos pa med pa yin te/ lhas byin ma grub pa ni don 'ga' la yang bltos par ma yin pas khyed kyi tshad ma gzhi grub pas sgrub par byed pa yin no/ /grub pa sgrub par byed pa yang 'dod pa ma yin te/ byas pa byed par mi 'thad pa'i phyir ro/ /'di ltar gzhan yang/ gal te yod ye gzhal bya las/ /bltos nas tshad ma grub yin na/ /tshad ma rnams las ma bltos par/ /gzhal bar bya ba 'grub par 'gyur/ /gal te tshad ma rnams ni gzhal bar bya ba rnams la bltos nas so zhe na/ de tshad ma rnams la bltos nas gzhal bar bya ba 'grub par mi 'gyur ro/ / ci'i phyir zhe na/ bsgrub par bya ba ni sgrub par byed pa sgrub par mi byed la/ tshad ma rnams kyi sgrub par byed pa yang gzhal bya rnams yin zhes grag go /'di ltar gzhan yang/ gal te tshad ma rnams la ni/ /ma bltos par yang gzhal bya 'grub/ /gang phyir

  279. 140a

    khyod kyi de grags pa/ /tshad ma grub pas ci zhig bya/ /gal te tshad ma rnams la ma bltos par gzhal bar bya ba rnams 'grub bo snyam du sems na/ cing khyod kyi tshad ma grub par yongs su brtags pas ci zhig bya/ ci'i phyir zhe na/ gang gi don du khyod kyi tshad ma de rnams yongs su brtags pa'i gzhal bar bya ba'i don ni tshad ma rnams med par yang grub pa yin pas de la khyod kyi tshad ma rnams kyis ci zhig bya/ ci ste khyod kyi tshad ma rnams/ /gzhal bya rnams la bltos nas 'grub/ /de lta khyod kyi tshad ma rnams gzhal bya nges par bzlog par 'gyur/ ci ste sngar smras pa'i skyon du 'gyur ba na mi rung ngo snyam nas tshad ma rnams ni gzhal bar bya ba'i don rnams la bltos pa yin no snyam du sems na de lta na ni khyod kyi tshad ma dang gzhal bar bya ba rnams bzlog par 'gyur te/ khyod kyi tshad ma rnams kyang gzhal bar bya bar 'gyur te/ gzhal bar bya ba rnams kyis rab tu bsgrub pa'i phyir ro/ /gzhal bar bya ba dag kyang tshad ma rnams su 'gyur te/ tshad ma rnams sgrub par byed pa yin pa'i phyir ro/ /don te khyod kyi tshad grub pas/ gzhal bar bya ba 'grub 'gyur la/ /gzhal bya grub pas tshad grub na/ /khyod kyi gnyi ga'ang 'grub mi 'gyur/ /'on te tshad ma grub pas gzhal bar bya ba 'grub par 'gyur te/ tshad ma la bltos pa'i phyir ro/ /gzhal bar bya ba 'grub pas kyang tshad ma 'grub par 'gyur te/ /gzhal bar bya ba la bltos pa'i phyir ro snyam du sems na de lta na ni khyod kyi gnyi ga yang 'grub par mi 'gyur ro/ /ci'i phyir zhe na/ gal te tshad mas gzhal bya 'grub/ /gzhal bya de dag rnams kyis kyang/ /de dag sgrub par bya yin na/ /de dag ji skad sgrub par 'gyur/ /gal te tshad ma rnams kyis ni gzhal bar bya ba rnams 'grub par byed la/ /gzhal bar bya ba de dag rnams kyis kyang tshad ma de dag bsgrub par bya ba yin

  280. 140b

    no zhe na/ 'o na gzhal bar bya ba ma grub pa rnams kyi rgyu rab tu ma grub pa'i phyir gzhal bar bya ba ma grub pa dag ji ltar sgrub par 'gyur/ gal te gzhal byas tshad ma 'grub/ /tshad ma de dag rnams kyis kyang/ /de dag sgrub par bya yin na/ /de dag ji lta? sgrub par 'gyur/ /gal te yang gzhal bar bya ba rnams 'grub par 'gyur la/ tshad ma de rnams kyis kyang gzhal bar bya ba de dag bsgrub par bya ba yin no zhe na/ 'o na tshad ma ma grub rnams kyi rgyu rab tu ma grub pa'i phyir tshad ma ma grub pa dag ji ltar sgrub par 'gyur/ gal te pha yis bu bskyed bya/ /gal te bu de nyid kyis kyang/ /ci ste pha de bskyed byas na/ /da ni gang gis gang bskyed smros/ /ji ltar 'ga' zhig na re phas bu bskyed par bya ba yin la/ pha de yang bu de nyid kyis bskyed par bya ba yin no zhes zer na/ da de na gang gis gang bskyed par smos shig ces bya ba de bzhin du khyod na re tshad ma rnams kyis gzhal bar bya ba dag bsgrub par bya ba yin la/ tshad ma de dag nyid kyang gzhal bar bya ba de gnyid kyis sgrub par bya ba yin no/ /zhes zer ba da de na khyod kyi gang dag gis gang dag rab tu bsgrub par bya ba yin/ de dag gnyi ga 'ang pha dang bu'i/ /mtshan nyid 'dzin pas de yi phyir/ /de la kho bo the tshom gyur/ /de na pha gang bu gang smos/ /pha dang bu sngar bstan pa de gnyis las/ du ni gang phan gang de gnyi ga yang skyed par byed pa yin pa'i phyir pha'i mtshan nyid 'dzin par byed pa yin la/ bskyed par bya ba yin pa'i phyir bu'i mtshan nyid 'dzin pa yin pas 'di la kho bo the tshom du gyur na de la pha ni gang bu ni gang zhes bya ba de bzhin du khyod kyi tshad ma dang gzhal bar bya ba gang dag yin pa de dag kyang de na tshad ma dag ni gang yin/ gzhal bar bya ba dag ni gang yin/ /'di dag gnyi ga yang rab tu bsgrub par byed pa yin pa'i phyir tshad ma dag yin la/

  281. 141a

    bsgrub par bya ba dag yin pa'i phyir gzhal bar bya ba yin pas 'di la kho bo the tshom du 'gyur na tshad ma dag ni gang yin/ gzhal bar bya ba dag ni gang yin/ /tshad ma rnams ni rang nyid kyis/ /'grub min phan tshun gyis min pa 'am/ /tshad ma gzhan gyis ma yin la/ /gzhal byas ma yin rgyu med min/ /rang gis te mngon sum ni mngon sum de nyid kyis dang/ rjes su dpag pa ni rjes su dpag pa de nyid kyis dang/ lung ni lung de nyid kyis dang/ dpes gzhal ba ni dpes 'jal ba de nyid kyis rab tu mi 'grub la/ phan tshun gyis te/ mngon sum ni rjes su dpag pa dang/ dpes 'jal ba dang/ lung rnams kyis dang/ rjes su dpag pa ni mngon sum dang/ dpes 'jal ba dang/ lung rnams kyis dang/ dpes 'jal ba ni mngon sum dang rjes su dpag pa dang/ lung rnams kyis dang/ lung ni mngon sum dang/ rjes su dpag pa dang/ dpes 'jal bas kyang ma yin la/ rang gi ji lta ba bzhin du/ mngon sum dang/ rjes su dpag pa dang dpes 'jal ba dang/ lung rnams kyis ni mngon sum dang/ rjes su dpag pa dang/ dpes 'jal ba dang/ lung gzhan rnams kyis kyang ma yin la/ gzhal bar bya ba rang dang gzhan gyi yul gyi bsdus pa mdza' dag dang/ re res kyang ma yin la/ rgyu med pas kyang ma yin la/ kun bsdus pas kyang ma yin na'o/ /gtan tshigs sngar bstan pa de dag ni nyi shu 'am sum cu 'am bzhi bcu 'am sum cu rtsa drug gis mi grub na/ de la gang khyod kyis gzhal bar bya ba'i dngos po rnams ni tshad mas khong du chud par bya ba yin pa'i phyir dngos po gzhal bar bya ba de dag kyang yod la/ khyod kyi tshad ma gang dag gis dngos po gzhal bar bya ba dag yang dag par khong du chud pa'i tshad ma de dag kyang yod do zhes smras pa gang yin pa de

  282. 141b

    mi rung ngo/ /gzhan yang khyod kyis/ skye ba chos kyi gnas skabs mkhas/ /dge ba dag gi chos rnams la/ /dge ba'i rang bzhin yin par ni/ /sems shing lhag ma rnams dang yang/ /zhes smras pa gang yin pa de la bshad par bya ste/ chos kyi gnas skabs rang mkhas pa/ /dge ba yi ni chos rnams kyi/ /dge ba'i rang bzhin smra ba gang/ /de ltar rab phye brjod bya yin/ /chos kyi gnas skabs la mkhas pa dag dge ba'i chos kyi dge ba'i rang gi ngo bo sems pa na de yang khyod kyi rab tu phye ste/ 'di ni dge ba'i ngo bo yin/ /'di dag ni dge ba'i chos de dag yin te/ /'di ni dge ba de rnam par shes pa yin/ 'di ni dge ba'i rnam par shes pa'i rang gi ngo bo yin/ de bzhin du thams cad la bstan par bya ba yin na/ de yang ma bstan pas de'i phyir rang ji lta ba bzhin du chos rnams kyi rang gi ngo bo bstan to/ /zhes smras pa gang yin pa de mi rung ngo/ /'di ltar gzhan yang/ gal te dge ba'i chos rnams kyis/ /dge ba'i rang gi ngo bo de/ /brten nas skyen de lta na/ /gzhan dngos rang dor ji ltar 'gyur/ /gal te dge ba'i chos rnams kyi rang gi ngo bo ni rgyu dang rkyen tshogs pa la brten nas skye'o zhe na/ de gzhan gyi dngos po la brten nas skyes pa yin na/ dge ba'i chos rnams kyi rang gi ngo bo ji ltar 'gyur/ mi dge ba la sogs pa dag la yang de bzhin du sbyar ro/ /de la gang gi phyir dge ba'i chos rnams kyi dge ba'i rang gi ngo bo yang bstan la/ de bzhin du mi dge ba la sogs pa dag ni yang mi dge ba la sogs pa'i rang bzin yang bstan pa yin no/ /zhes smras pa gang yin pa de mi rung ngo/ /'di ltar gzhan yang/ 'on te dge ba'i chos rnams kyi/ /rang gi ngo bo de 'ga' la 'ang/ /ma brten skye na de lta na/ /tshangs par spyod la gnas mi 'gyur/ /'on te dge ba'i chos rnams kyi dge ba'i rang gi ngo bo ni dga' la 'ang

  283. 142a

    ma brten par skye la/ mi dge ba la sogs pa dag gi yang de lta bu yin no/ /snyam du sems na/ de lta na ni tshangs par spyod pa la gnas par mi 'gyur ro/ /ci'i phyir zhe na/ de lta yin na rten cing 'brel bar 'byung ba btang ba yin no rten cing 'brel bar 'byung ba btang ba'i phyir/ rten cing 'brel bar 'byung ba mthong ba btang ba yin te/ rten cing 'brel bar 'byung ba yod pa ma yin pa ni mthong ba ste/ dmigs par 'thad ba ma yin no/ /rten cing 'brel bar 'byung ba mthong ba med na chos mthong ba med pa yin no/ /bcom ldan 'das kyis ni dge slong sus rten cing 'brel bar 'byung ba mthong ba des chos mthong ngo/ /zhes gsungs so/ /chos mthong ba med pa'i phyir tshangs par spyod pa la gnas pa med pa yin no/ /yang na rten cing 'brel bar 'byung ba btang bas sdug bsngal kun 'byung ba btang ba yin de/ sdug bsngal kun 'byung ba ni rten cing 'brel bar 'byung ba yin pas so/ sdug bsngal kun 'byung ba btang bas sdug bsngal btang ba yin te/ kun 'byung ba med na gang las sdug bsngal kun 'byung bar 'gyur/ sdug bsngal btang ba'i phyir dang/ kun 'byung ba btang ba'i phyir/ /sdug bsngal 'gog pa btang ba yin te/ sdug bsngal dang kun 'byung ba gnyis med na gang zhig spangs pas 'gog par 'gyur pas so/ /sdug bsngal 'gog pa med na gang zhig thob par bya ba'i phyir sdug bsngal 'gog par 'gyur ba'i lam du 'gyur/ des na 'phags pa'i bden pa bzhi dag med par 'gyur te/ de med pa'i phyir dge sbyong tshul gyi 'bras bu med par 'gyur te/ bden pa mthong ba las dge sbyong gi tshul gyi 'bras bu rnams yang dag par thob pas so/ /dge sbyong gi tshul gyi 'bras bu rnams med pas tshangs par spyod pa la/ gnas par mi 'gyur ro/ /'di ltar gzhan yang/ rgyu mi ldan

  284. 142b

    pa rtag pa'i phyir/ /chos rnams thams cad rtag par 'gyur/ /chos sam chos ma yin med cing/ /'jig rten pa yi tha snyad med/ /de lta yin na rten cing 'brel bar 'byung ba gtong ba khyod la skyon du 'gyur zhe na/ chos med pa dang/ chos ma yin pa med pa dang 'jig rten pa yi tha snyad rnams med par 'gyur ro/ /ci'i phyir zhe na/ 'di thams cad ni rten cing 'brel par 'byung ba yin na rten cing 'brel par 'byung ba de med na gang las 'byung bar 'gyur/ gzhan yang rang gi ngo bo dang bcas pa dang/ rten cing 'brel bar 'byung ba ma yin pa dang/ rgyu med pa las byung ba dang rtag par 'gyur te/ rgyu med pa rnams ni rtag pa nyid yin pa'i phyir dang/ de la tshangs par spyod pa gnas pa ma yin pa de nyid du 'gyur ro/ /grub pa'i mdza' dang yang 'gal te/ ci'i phyir zhe na/ bcom ldan 'das kyis 'du byed thams cad ni mi rtag pa'o/ /zhes bshad pa yin no/ /de dag ni rang gi ngo bo nyid dang bcas pa'i rtag pa nyid kyis rtag pa yin no/ /mi dge ba dang lung ma bstan/ /nges 'byin sogs la'ang skyon de bzhin/ /de bas khyod kyi 'dus byas kun/ /'dus ma byas pa nyid du 'gyur/ /de dge ba'i chos rnams la rtag pa de bstan pa gang yin pa de nyid mi dge ba rnams dang/ lung du ma bstan pa rnam la yang yod/ /de nyid nges par 'byin pa la sogs pa la yang yod do/ /de bas na khyod kyi 'dus byas 'di thams cad 'dus ma byas su 'gyur ro/ /ci'i phyir zhe na/ rgyu med na skye ba dang gnas pa dang 'jig pa dag med pa'i phyir/ de med na 'dus byas kyi mtshan nyid med pa'i phyir thams cad 'dus ma byas su 'gyur ro/ /de la dge ba la sogs pa dag gi dngos po dag gi rang gi ngo bo yod pa'i phyir dngos po thams cad stong pa ma yin no zhes smras pa gang yin pa de mi rung ngo/ /gzhan yang khyod kyis/ gal te chos kyi rang bzhin med/ /rang bzhin med ces bya ba'i

  285. 143a

    ming/ /de yang de bzhin med 'gyur te/ /gzhi med ming ni med bas so/ /zhes smras pa gang yin pa 'di la bshad par bya ste/ gang zhig rang bzhin bcas pa zhes/ /ming ni yod par smra ba la/ /de ltar ming gis lan btab kyis nga ni ming yod mi smra'o/ /gang zhig ming 'dir rang bzhin dang bcas pa yin no/ /zhes ming yod par smra ba de la khyod kyis lan gdab par bya ba yin gyi/ gal te ming can gyi rang bzhin de med na/ de'i phyir ming de yang rang bzhin yod pa ma yin par bya dgos te/ yod pa ma yin pa la ni ming gi rang bzhin yod par mi 'gyur bas nged cag yang ming gi rang bzhin yod par mi smra'o/ /de bas na dngos po rnams kyi rang bzhin yang med pa'i phyir ming gi rang bzhin yang med pa yin no/ /de'i phyir stong pa yin no/ /stong pa nyid yin pa'i phyir yod pa ma yin pas de la khyod kyis ming yod pa'i phyir rang gi ngo bo yod do/ /zhes smras pa gang yin pa de mi rung ngo/ /'di ltar gzhan yang/ med la ming med ces gang 'di/ /ci de yod pa'am med pa yin/ gal te yod pa'am med pa yin/ /khyod kyis smras pa gnyi ga'ang nyams/ /med pa la ming med do zhes bya ba gang yin pa 'di ci ming med pa de yod pa yin nam/ 'on te med pa yin/ gal te ming de yod pa zhig gi yin nam/ gal te med pa zhig gi yin na dam bcas pa gnyi ga yang nyams par 'gyur te/ de la gal te re zhig ming med pa zhes bya ba yod pa'i yin no zhe na/ ming med do zhes dam bcas pa nyams par 'gyur te/ da ni med pa ma yin te/ da ni de yod pas so ci ste ming med pa zhes bya ba med pa'i yin no/ /zhe na/ med pa la ni ming med do/ /de bas na ming gi rang bzhin yod do/ /zhes khyod kyis dam bcas pa gang yin pa de nyams pa yin no/ /'di ltar/ gzhan yang/ dngos po dag ni thams cad kyis/ /

  286. 143b

    stong ba nyid ni sngar bstan pas/ /de phyir dam bcas med par yang/ /klan ka gang yin de tshol byed/ /'dir nged cag gis sngar dngos po thams cad kyi stong pa nyid rgya cher bstan pas der ming yang stong pa nyid du bstan pa yin no/ /de'i phyir dam bcas pa med par yang khyod klan ka 'di tshol bar byed kyi/ /nged ming yod do zhes mi smra'o/ /gzhan yang khyod kyis/ /'on te 'di ltar rang bzhin yod/ /de ni chos la med ce na/ /chos rnams med par rang bzhin te/ /gang gi yin par de bstan rigs/ /zhes smras ba gang yin pa 'di la bshad par bya ste/ /'on te rang bzhin zhig yod la/ /de ni chos la med de zhes/ /dogs pa bsu ba smra ba 'di/ /dogs pa gang yin de med do/ /de ni chos rnams kyi rang bzhin yang 'gog par mi byed la/ chos la ma gtogs pa don 'ga' zhig gi rang bzhin yin par yang khas mi len no/ /de lha yin na 'on te chos rnams rang bzhin med pa yin na/ rang bzhin te chos la ma gtogs pa don gzhan gang zhig gi yin pa de bstan pa'i rigs so zhes bya ba'i khyod kyi klan ka de thag bsrings pa yin pas kla na kar mi 'gyur ba ma yin nam/ gzhan yang khyod kyis/ gang phyir khyim na bum pa de/ /med ces yod pa nyid la 'gog /mthong ste de phyir khyod kyis ni/ /yod pa'i rang bzhin 'gog pa yin/ zhes smras pa gan yin pa 'di la bshad par bya ste/ gal te yod la 'gog yin na/ /'o na stong nyid rab 'grub ste/ /dngos po rnams rang bzhin med nyid la/ /khyod ni 'gog par byed pas so/ /gal te yod pa kho na la 'gog bar byed pa yin gyi/ med pa la ni ma yin no/ /khyed kyang dngos po thams cad kyi rang bzhin med pa nyid 'gog bar byed pa yin pas 'o na dngos po thams cad kyi rang bzhin med pa nyid rab tu grub pa ma yin nam/ khyod kyi bstan tshigs 'gog par byed pa yod pa'i phyir dang/ dngos po thams cad kyi rang bzhin med pa nyid

  287. 144a

    bgag pa'i phyir stong pa nyid rab tu grub pa yin no/ /stong nyid gang la khyod 'gog pa'i/ /stong nyid de yang med yin na/ /'o na yod la 'gog yin zhes/ /smras pa de nyams ma yin nam/ /ce ste khyod dngos po thams cad kyi rang bzhin med pa nyid de stong pa nyid 'gog par byed pa stong pa de yang med pa yin na 'o na yod pa la 'gog par byed kyi med pa la ni ma yin no/ /zhes khyod kyis dam bcas pa gang yin pa de nyams pa yin no/ /'di ltar gzhan yang/ /dgag bya ci yang med pas na/ /da ni ci yang mi 'gog go /de'i phyir 'gog par byed do zhes/ /bkur ba de ni khyod kyis btab/ /gal te ngas ci zhig 'gog par byed na ni de'i phyir khyod kyis de dag kyang smra ba'i rigs na gang gi phyir dgag par bya ba ci yang med pas nga ni cung zad kyang 'gog pa mi byed do/ /de'i phyir dngos po thams cad stong pa yin te/ /dgag par bya ba dang/ 'gog par byed pa yod pa ma yin pa las 'gog par byed do zhes khyod kyis bkur ba thog tu ma bab pa de btab bo/ /gzhan yang khyod kyis/ ci ste rang bzhin de med na/ /khyod kyi tshig des ci zhig dgag /med pa yin na tshig med par/ /'gog pa rab tu 'grub pa yin/ /zhes smras pa gang yin pa de 'di la bshad par bya ste/ tshig med par yang med pa yi/ /'gog pa 'grub par 'gyur zhes pa/ /de la tshig? ni med ces bar/ /go bar byed kyi skye sel min/ /khyod kyi tshig dag med par yang ste/ /tshug ma gtogs par yang med pa'i 'gog pa 'grub na/ /de la ci dngos po thams cad rang bzhin med pa yin na zhes smras pa'i khyod kyi tshig des ci zhig byed ces smras pa gang yin pa 'di la bshad par bya ste/ /dngos po thams cad rang bzhin med pa'o zhes bya ba'i tshig 'di ni dngos po rnams rang bzhin med

  288. 144b

    pa nyid du byed pa ma yin gyi/ 'on kyang rang bzhin med pa la dngos po rnams rang bzhin med pa'o/ /zhes go bar byed pa yin no/ /dper na 'ga' zhig na re lhas byin khyim na med bzhin du lhas sbyin khyim na yod do zhes zer ba dang/ de ni de la kha cig na re med do zhes zer ba na/ tshig des lhas byin med par mi byed kyi lhas byin khyim na mi srid par ston pa 'ba' zhig tu zad do/ /de bzhin du dngos po rnams kyi rang bzhin med do zhes bya ba'i tshig de yang dngos po rnams kyi rang bzhin med pa nyid du byed pa ma yin gyi/ 'on kyang dngos po thams cad rang bzhin med pa sgyu ma'i skyes bu dang 'dra bar skyes bu yang dag pa'i ngo bo dang bral ba rnams la rmongs pa'i phyir byis pa'i skye bo ma rig pas rmongs pa rnams kyi rang bzhin dang bcas pa nyid du sgro btags pa rnams la rang bzhin yod pa ma yin par go bar byed pa yin pas de la rang bzhin yod pa ma yin na tshig med par yang tshig ma gtogs par yang rang bzhin yod pa ma yin par rab tu grub pa yin no/ /rang bzhin med do zhes bya ba'i tshig des ci zhig byed ces khyod kyis smras pa gang yin pa de rigs pa ma yin no/ /gzhan yang/ byis pa rnams ni smig rgyu la/ /ji ltar log par chur 'dzin ltar/ /de bzhin khyod kyis log par 'dzin/ /yod pa yin la dgag par bya/ /zhes bshad pa la sogs pa yang khyod kyis tshigs su bcad pa bzhi smras pa gang yin pa 'di la bshad par bya ste/ smig rgyu'i dpe la khyod kyis kyang/ /'gro ba chen po smras pa gang/ /der yang ci nas dpe de 'thad/ /gtan la dbab pa mnyan par gyis/ /khyod kyis smig rgyu'i dpe de la 'gro ba chen po smras pa gang yin pa der yang dpe de ci nas kyang 'thad pa gtan la dbab pa gang yin pa de nyon cig /gal te 'dzin de rang bzhin yod/ /brten nas 'byung bar mi 'gyur ro/ /'dzin pa gang zhig brten nas 'byung/ /de nyid stong nyid ma yin nam//

  289. 145a

    gal te smig rgyu la chu'o snyam du 'dzin pa rang bzhin gyis yod pa zhig yin na/ rten cing 'brel par 'byung ba yin par mi 'gyur ba zhig na/ gang gi phyir smig rgyu la yang brten/ phyin ci log gi lta ba dang/ tshul bzhin ma yin ba'i yid la byed pa la yang brten nas byung ba de'i phyir rten cing 'brel par 'byung ba yin no/ /gang gi phyir rten cing 'brel bar 'byung ba yin pa de'i phyir rang bzhin stong pa yin te/ sngar ji skad bstan pa de 'dra'o/ /'di ltar gzhan yang/ gal te 'dzin pa rang bzhin yod/ /'dzin pa de la su zhig bzlog /lhag ma rnams la'ang tshul de yin/ /de phyir klan ka de med do/ /gal te smig rgyu la chur 'dzin pa 'di rang bzhin gyis yod pa zhig yin na/ de la sus kyang zlog par mi 'gyur te/ ji ltar me'i tsha ba nyid dang/ /chu'i bsher ba nyid dang/ /nam mkha' mi bsgrib pa nyid bzhin du rang bzhin ni bzlog bar mi nus pa yin na de ni bzlog par yang mthong ngo?/ /de'i phyir 'dzin pa de rang bzhin gyis med pa yin no/ /'di ji lta ba bzhin na bzung ba la sogs pa chos lhag ma lnga po rnams la yang tshul de lta bur rtog par bya ba yin pas de drug tshan yod pa'i phyir dngos po thams cad stong pa ma yin no zhes smra ba gang yin pa de mi rung ngo/ /gzhan yang khyod la gtan tshigS ma grub ste/ rang bzhin med phyir khyod gtan tshigs/ gal yod de khyod don de/ gtan tshigs med par 'grub mi 'thad/ ces bya ba 'dir bshad par bya ste/ /'di la snga mas gtan tshigs med/ /lan btab bsgrub byar mtshungs phyir ro/ snga ma smig rgyu'i dpes bzlog pa/ bsgrub tshe smras pa gang yin pa'o/ /da ltar gyi 'gro ba 'di dag dang sdang bstan pas gtan tshigs med pa'i yang lan btab par rig par bya ste/ sngar gtan tshigs bstan pa drug tshan 'gog par byed pa'i 'gro ba

  290. 145b

    gang yin pa de nyid 'dir yang 'gro bar bya ba yin no/ /gzhan yang/ 'di ltar rang bzhin yod min na/ /gal te 'gog lnga dgag 'phyi zhes/ /zer na 'thad pa ma yin na/ /'phyi dang cig car mi 'thad do/ /zhes smras pa gang yin pa 'di la bshad par bya ste /dus gsum gtan tshigs gang yod sngar/ /lan btab de dang mtshungs phyir ro/ /dus gsum phyed kyis gtan tshigs ni/ /stong nyid smra ba rnams la rung/ /gtan tshigs dus gsum 'gog par byed pa zhes bya ba gang yin pa de ni lan btab zin te/ gang gi phyir bsgrub par bya ba dang mtshungs pa'i phyir ro/ /'di ltar khyod kyi tshig gis 'gog pa dus gsum du yang mi 'thad par 'gyur ba'i 'gog pa bzhin du dgag par bya ba yang de yin no/ /de'i phyir 'gog pa dang dgag par bya ba med na 'gog pa bkag go snyam du khyod sems pa gang yin pa de mi rung ngo/ /'gog pa dus gsum la zhes bya ba'i gtan tshigs dus gsum 'gog par byed ba zhes bya ba gang yin pa de nyid ni dngos po thams cad 'gog par byed pa zhes bya ba gang yin pa'i phyir stod pa nyid smra ba rnams la yod pa nyid yin gyi/ khyed la ni med do/ /yang na 'di ji ltar lan btab pa yin zhe na/ dgag bya ci yang med pas na/ /da ni ci yang mi 'gog go /de phyir 'gog par byed do zhes/ skur ba de ni khyod kyis btab/ /ces lan btab pa yin no/ /'on te dus gsum char du yang 'gog pa grub pa yin te/ sngon gyi dus kyi rgyu dang/ phyi ma'i dus kyi rgyu dang/ cig car gyi dus kyi rgyu yang mthong bas so/ /de la sngon gyi dus kyi rgyu ni ji ltar bu'i pha bzhin no/ /phyi ma'i dus ni ji ltar slob dpon gyi slob ma bzhin no/ /cig car gyi dus kyi ni ji ltar snang ba'i sgron ma bzhin no snyam du sems na de ni de lta ma yin par tshul 'di la skyon sngar bstan zin no/ /gzhan yang gal te de la yin na dgag pa srid par khyod kyis khas blangs la/ /de ni ma grub pas khyod kyis dam bcas pa yang nyams pa yin no/

  291. 146a

    tshul 'dis rang bzhin 'gog pa yang grub pa yin no/ /gang la stong pa nyid srid pa/ /de la don rnams thams cad srid/ /gang la stong nyid mi srid pa/ /de la ci yang mi srid do/ /gang la stong nyid 'di srid pa de la 'jig rten pa dang/ 'jig rten las 'das pa'i don thams cad srid pa yin no/ /ci'i phyir zhe na/ gang la stong pa nyid srid pa de la rten cing 'brel par 'byung ba dang/ 'phags pa'i bden pa bzhi dang/ dge sbyong gi 'bras bu dang/ khyad par du rtog pa thams cad srid do/ /gang la khyad par du rtogs pa thams cad srid pa de la dkon mchog gsum po/ /sangs rgyas dang chos dang/ dge 'dun srid do/ /gang la rten cing 'brel bar 'byung ba srid pa de la chos dang chos kyi rgyu dang/ chos kyi 'bras bu dang chos ma yin pa dang chos ma yin pa'i rgyu dang chos ma yin pa'i 'bras bu srid do/ /gang la chos dang chos ma yin pa dang/ rgyu dang 'bras bu srid pa de la nyon mongs pa dang nyon mongs pa kun 'byung ba dang/ nyon mongs pa'i gzhi rnams srid do/ /gang la sngar bstan pa de thams cad srid pa de la bde 'gro dang ngan 'gro rnam par bzhag pa dang/ bde 'gro dang ngan 'gror 'gro ba dang/ bde 'gro dang ngan 'gror 'gro ba'i sems can dang/ bde 'gro dang/ ngan 'gro las 'da' ba dang/ bde 'gro dang ngan 'gro las 'da' ba' i thabs dang/ 'jig rten pa'i tha snyad thams cad rnam par bzhag pa yin te/ tshig gis ji snyed gcig bstan par nus pas phyogs 'dis rang gi rtogs par bya'o/ /'dir yang/ gang zhig stong dang rten 'byung dag /dbu ma'i lam du don gcig par/ /gsung mchog mtshungs pa med pa yi/ /sangs rgyas de la phyag 'tshal lo/ /rtsod pa bzlog pa'i rab tu byed pa'i 'grel pa sa dang po rab tu dga' ba la bzhugs pa slob dpon nA gA rdzu nas mdzad pa rdzogs so// //rgya gar gyi mkhan po dz+nyA na ganha dang lo tsA

  292. 146b

    ba bande ben rak+Shi tas bsgyur te gtan la phab pa'o// //yod dang med pa'i rtsod pa smra pa mun bsal te/ /bstan zab gnyis med de bzhin nyid chos snang gyur nas/ /srid pa'i mngal du skyes pa'i 'jig rten ma lus pa/ /lha dang mi dang lha min thams cad dge bar shog /dngos 'dzin gdon gyis brlams pa yi/ /rims nad rtag tu bzlog byed cing/ /'jig rten 'di yi mun sel ba/ /dri med mi g.yo rigs 'di yin// //theg pa chen po nyi shu pa 'phags pa klu sgrub kyis mdzad pa bzhugs so// // rgya gar skad du/ ma hA ya na bidsha kI /bod skad du/ theg pa chen po nyi shu pa/ 'jam dpal gzhon nur gyur pa la phyag 'tshal lo/ /chags med thugs su chud sangs rgyas/ /rjod byed brjod par bya ba min/ /thugs rjes rgyal ba snang gyur pa/ /mthu bsam mi khyab phyag 'tshal lo/ /dam pa'i don du skye med phyir/ /de nyid du ni grol ba'ang med/ /mkha' bzhin sangs rgyas de bzhin te/ /sems can dang ni mtshan nyid cig /pha rol tshu rol skye med pas/ /rang bzhin mya ngan 'das pa'ang med/ /de bzhin 'dus byas mngon par stong/ /kun mkhyen ye shes spyod yul yin/ /dngos po kun gyi rang bzhin ni/ /gzugs brnyan dang ni mtshungs par rtogs/ /rnam dag zhi ba'i ngo bo nyid/ /gnyis med de bzhin nyid du mnyam/ /bdag dang bdag med bden min te/ /so so'i skye pos brtags pa yin/ /bde dang sdug bsngal ltos pa ste/ /nyon mongs rnams dang grol de bzhin/ /'gro ba rig drug 'khor ba ru/ /mtho ris mchog dang bde ba dang/ /dmyal bar sdug bsngal chen po ste/ /de dag yul rnams nyams su myong/ /mi dges mchog tu sdug bsngal zhing/ /dga' na mi rtag rgud pa yin/ /dge ba'i las rnams nyid kyis kyang/ /bzang po nyid du nges pa yin/ /skye med rtogs pas bskrun pa yin/ /dmyal la sogs pa

  293. 147a

    snang ba ni/ /nyes pa nags kyi me bzhin bsreg /sgyu ma ji lta ji lta bar/ /de bzhin sems can yul la spyod/ /'gro ba sgyu ma'i rang bzhin yin/ /de bzhin du ni rten nas byung/ /ji ltar ri mo mkhan gyi gzugs/ /gnod sbyin ? pa bris pa yis/ /de yis dang nyid skrag pa ltar/ /mi mkhas 'khor bar de bzhin no/ /ji ltar rang gis 'dam g.yos pas/ /byis pa 'ga' zhig bying ba ltar/ /de bzhin rtogs pa'i 'dam bying bas/ /sems can rnams ni 'byung mi nus/ dngos med dngos por lta ba yis/ /sdug bsngal tshor ba nyams su myong/ /yul dang shes pa de dag tu/ /rnam par rtogs pa'i dug gis bcings/ /de dag snying po med mthong bas/ /shes rab snying rje'i yid kyis ni/ /sems can rnams la phan pa'i phyir/ /rdzogs sangs rgyas la sbyang bar bya/ /des kyang tshogs bsags kun rdzob tu/ /bla na med pa'i byang chub thob/ /rtog pa'i 'ching ba rnams las grol/ /sangs rgyas de ni 'jig rten gnyen/ /ji ltar rten cing 'brel 'byung ba/ /gang gis yang dag don du gzigs/ /de yis 'gro ba stong par mkhyen/ /thog ma dbus dang tha ma spangs/ /de ltar mthong bas 'khor ba dang/ /mya ngan 'das pa'ang de nyid min/ /nyon mongs pa yi rnam pa med/ /thog ma dbus mdza' i rang bzhin bsal/ /rmi lam nyams su myong ba bzhin/ /so sor rtog pas snang ba yin/ /rmongs pa'i mun pa gnyid sad la/ /'khor ba rnams ni dmigs pa med/ /sgyu mas sprul pa sgyu mar mthong/ /gang tshe 'dus pa de'i tshe/ /cung zad yod pa ma yin te/ /de ni chos rnams chos nyid yin/ /'di dag thams cad sems tsam te/ /sgyu ma lta bur gnas pa yin/ /dge dang mi dge las rnams kyis/ /de yis bzang ngan skye ba rnams/ /sems kyi 'khor lo 'gags pa yis//

  294. 147b

    chos rnams thams cad 'gag pa nyid/ /de phyir chos nyid bdag med cing/ /des? na chos nyid rnam par dag /dngos po 'am ni rang bzhin la/ /rtag tu bde bar 'du shes shing/ /rmongs pa'i mun pas bsgribs pas na/ /byis pa 'khor ba'i rgya mtshor 'khyam// rtog pa'i chu bos gang pa yi/ /'khor ba'i rgya mtsho chen po la/ /theg chen gru la mi zhon par/ /gang gis pha rol phyin par 'gyur/ /ma rigs rkyen gyis byung ba 'di/ /yang dag 'jig rten mkhyen pa'i phyir/ /rnam par rtog pa 'di dag ni/ /ci zhig las ni 'byung bar 'gyur/ /theg pa chen po nyi shu pa slob dpon klu sgrub kyi zhal snga nas mdzad pa rdzogs so// //rgya gar gyi mkhan po tsan tra ku ma ra dang/ dge slong shAkya 'od kyis bsgyur// //yi ge brgya ba'i rab tu byed pa'i 'grel pa 'phags pa klu sgrub kyis mdzad pa bzhugs so// //rgya gar skad du/ ak+Sha ra sha ta ka /bod skad du/ yi ge brgya pa/ 'jam pa'i dpal rdo rje la phyag 'tshal lo/ /dngos po rnam gcig pa nyid ma yin no/ /gzhan pa nyid kyang de bzhin no// yod pa nyid du bsgrub par bya ba yin no/ /med pa nyid kyang bsgrub par bya ba'o/ /rgyu yod pa ma yin no/ /ma yin te bltos pa'i phyir ro/ /'dod pas yod pa ma yin no/ /brda ma grub po/ /gtan tshigs dag don med do/ /rang bzhin brjod par bya'o/ /gcig nyid la skyon yod do/ /gzhan nyid na dngos po med pa yin no/ /'dzin par mi nus so/ /dngos po mthong ba ma yin no/ /yod pa ni bya ba ma yin no/ /de dag la skye ba med do/ /'dus byas med do/ /phyogs gcig tsam mo// rmi lam dang mtshungs so/ ming ni dngos po ma yin no/ /bsgrub bya dang mtshungs so/ /yi ge brgya pa rdzogs so// //rgya gar skad du/ ak+Sha ra sha ta ka ti nA ma brit+ti/ bod skad du/ yi ge brgya pa zhes bya ba'i 'grel pa/ /'jam pa'i rdo

  295. 148a

    rje la phyag 'tshal lo/ /thams cad thams cad kyi bdag nyid do/ /zhes dam bca' ba gang dam/ /gang dag gam/ gad rnams 'dod pa de dag gi gtan tshigs las grub par mi 'gyur gyi/ gtan tshigs nyid med par 'grub par 'gyur ro/ /'di snyam du thams cad thams cad kyi bdag nyid do zhes bya bar dam bca' ba ni/ gtan tshig kho na las de yod par mtshungs pa'i phyir ro/ /zhes bya ba ni gtan tshigs so/ /dpe gang zhe na/ bum pa dang snam bu la sogs pa bzhin no// ji ltar bum pa dang snam bu la sogs pa bzhin du dngos po thams cad yod pa nyid du mtshungs par 'jug ste/ de lta bas na dngos po rnams gcig par grub par 'dod do zhe na/ smras pa/ dngos po rnams gcig pa ma yin no/ /'dir gtan tshigs gang yin pa de cig cig pa nyid kyi mtshan nyid du gyur pa zhig gam/ 'on te ma yin/ gnyi ga ltar yang skyon yod do/ /gal te gcig pa nyid kyi mtshan nyid du gyur na ni de'i 'di'i gtan tshigs su 'gyur ba ma yin te/ dam bca' pa las gzhan ma yin pa'i phyir ro/ /'on te 'di tha dad pa nyid yin na de lta na 'di dam bca' ba nyams te gtan tshigs las gzhan yin pa'i phyir ro/ /de lta bas na dngos po rnams gcig ma yin no/ /'dir smras pa/ gcig pa nyid du 'dod pa de la skyon de yod kyi bdag cag ni gzhan nyid du 'dod pa yin no/ /zhe na/ smras pa/ gzhan pa nyid kyang med do/ /'dis gzhan pa nyid la yang skyon 'di dag 'byung bar 'gyur te/ ji ltar zhe na/ gal te re shig khyed cag gtan tshigs med par gzhan nyid du 'dod na ni de'i tshe ba'i yang gtan tshigs med pa kho nar gcig pa nyid du 'gyur ro/ /'on te gtan tshigs kho na las dngos po rnams gzhan pa nyid du'o zhes dam bcas pa 'di la da ni gtan tshigs brjod par bya'o/ /smras pa/ mtshan nyid

  296. 148b

    tha dad pa'i phyir ro/ /zhes bya ba ni gtan tshigs so/ /dpe ni rta dang glang po la sogs pa bzhin te/ ji ltar rta dang glang po la sogs pa de dag mtshan nyid tha dad pas tha dad pa bzhin du dngos po thams cad kyang yin te/ de bas na dngos po rnams gzhan pa nyid du grub bo zhe na/ smras pa/ gal te gtan tshigs 'di la yang mtshan nyid gzhan du gyur na ni de'i tshe gtan tshigs de bsgrub bya dang mtshungs par 'gyur ro/ /gang bsgrub bya dang mtshungs pa de ni gtan tshigs ma yin par 'gyur te/ dam bcas pa las gzhan ma yin pa'i phyir ro/ /'on te mtshan nyid gzhan pa nyid du gyur pa yin na ni de'i tshe dam bca' ba nyams pa nyid du 'gyur ro/ /'dir smras pa/ gal te dngos po rnams gcig pa nyid dam/ gzhan pa nyid ces bya bar ma grub pa de lta na yang yod pa nyid du grub ste/ de grub pa na dngos po rnams gcig pa nyid dam gzhan pa nyid gdon mi za bar grub par 'gyur ro zhe na/ 'di la brjod pa/ yod pa nyid sgrub par bya ba yin no/ /'dir gal te khyed cag gtan tshigs med pa las yod pa nyid yin na ni bdag cag gi med pa nyid kyang gtan tshig med pa las 'grub par 'gyur te/ gtan tshigs med pa nyid du'o/ /'on te gtan tshigs las dngos po rnams yod pa'i zhes dam bcas pa de'i tshe 'dir gtan tshigs brjod par bya dgos so/ /smras pa/ mngon du dmigs pa'i phyir ro/ /dpe ci zhe na/ smras pa/ chos mi mthun pa ni nam mkha' i me tog bzhin te/ ji ltar nam mkha' i me tog dngos po med pas mi dmigs te/ gang gi phyir de dang chos mi mthun pas bum pa dang snam bu dag la sogs pa'i dngos po rnams yan dag par dmigs pa de'i phyir dngos po rnams yod pa ma yin no zhe na/ smras pa/ 'dir gtan tshigs gang yin pa de yod pa nyid kyi mtshan nyid du 'gyur ba zhig gam/ 'on te ma yin/ des cir 'gyur zhe na/ gal te yod pa nyid kyi mtshan nyid du 'gyur na de'i

  297. 149a

    bsgrub par bya ba dang msungs par 'gyur ro/ /'on te yod pa nyid las gzhan pa kho na yin pa de'i tshe yang dam bca' ba nyams par 'gyur te/ de bas na yod pa nyid mi 'grub po/ /'dir smras pa/ yod pa nyid pa bkag pa nyid kyis med pa nyid khas blangs pa yin te/ dper na smra pa po bdag gis de ring zas zhim po myong ngo/ /zhes zer na don gyi shugs kyis sngar mi zhim par rtogs pa bzhin no/ /zhe na/ smras pa/ med pa nyid du sgrub par bya ba'o/ /gal te khyed cag med pa nyid gtan tshigs med pa nyid du 'dod na/ /bdag cag kyang gtan tshigs med pa nyid kho nas yod pa nyid du 'gyur ro/ /'di snyam du dngos po rnams med pa yin no zhes dam bcas pa 'di gtan tshigs nyid las yin par 'dod do/ /'dir gtan tshigs gang yin zhe na/ rang bzhin med pa'i phyir ro zhes bya ba ni gtan tshigs so/ /dpe ci zhe na/ dpe ni smig rgyu ste/ /ji ltar gang gi phyir smig rgyu rang bzhin med pa'i phyir yod pa yin pa las skad cig tsam yang chu yod pa ma yin pa de ltar snam bu la sogs pa rnams la yang snal ma la sogs pa'i yan lag rnams kyis phye zhing gzigs na yod pa ma dmigs te/ de'i phyir dngos po rnams med pa zhes bya'o/ /zhe na/ 'dir gtan tshigs su nye bar bkod pa gang yin pa de ci med pa nyid kyi mtshan nyid du gyur pa'am/ 'on te ma yin/ gal te med pa nyid kyi mtshan nyid du gyur na ni/ de lta na bsgrub par bya ba dang mtshungs par 'gyur ro/ /ci ste med pa las gzhan kho na yin na ni de'i tshe dam bca' ba nyams par 'gyur te/ de'i phyir med pa nyid kyang ma grub po/ /'dir smras pa/ 'dir 'jim pa dang snal ma dang thag bzang la sogs pa dngos po rnams kyi rgyu ma bkag pa de bas na dngos po rnams med do/ /smras pa/ rgyu yod pa ma yin no/ /'di la

  298. 149b

    'bras bu yod pa gang dag yin pa de dag gi rgyu ni yod pa ma yin no/ /ci'i phyir zhe na/ dngos po yod ba bum pa dang snam bu la sogs pa rnams kyi rgyu 'jim pa dang snal ma dang/ thags bzang tha ga ma la sogs la ma yin te/ yod pa'i phyir ro/ /gang dag 'bras bu med pa dag gis yang rgyu yod pa ma yin te/ med pa'i phyir ro/ /gang dag 'bras bu yod pa dang med pa de dag gang yang rgyu yod par mi 'gyur te/ gnyi ga'i skyon du thal ba'i phyir ro/ /de la gang yod pa de ni yod pa'i phyir dang/ gang med pa ni de ni med pa'i phyir ro// gcig la gnyi ga srid pa yang 'gal pa'i phyir ro/ /gang gi yod pa de'i mtshan nyid 'dzin pa de yis med pa ma yin no/ /gang gis med pa de'i mtshan nyid 'dzin pa de yis yod pa ma yin no/ /de'i phyir de rnams kyi rgyu yang yod pa ma yin no/ /gang dag rgyu med pa nyid las yin pa de dag gi yang rgyu yod pa yin te/ rgyu med pa nyid las grub pa'i phyir ro/ /rgyu med pa nyid las grub pa yin no zhes bya ba de'i tshe yang 'di dag gi dam bca' ba nyams par 'gyur te rgyu dang byed rgyu dang rgyu mtshan zhes bya ba'i don gzhan ma yin no/ /de lta bas na rgyu yod pa'i phyir dngos po rnams yod do zhes gang brjod pa de ni ma yin no/ /'dir smras pa/ 'di yang rgyu dgag pa byas pa nyid kyis 'bras bu 'gag pa'i phyir shugs kyi rgyu dang 'bras bu gnyis ka yang khas blangs par 'gyur te/ rab tu grub pa'i phyir dngos po thams cad grub po zhes bya zhe na/ smras pa/ ma yin te bltos pa'i phyir ro/ /'dir khyed cag rnams kyis gnyi ga grub po zhes gang brjod pa de ni ma yin no zhe na/ ci'i phyir zhe na/ bltos pa'i phyir ro/ /rgyu ni rgyu nyid du 'bras bu la bltos nas dang/ 'bras bu las 'bras bu nyid du rgyu la bltos nas yongs su btags te/ de ltar phan tshun bltos pa yin pa'i phyir gnyi ga dang rgyu nyid du thal bar 'gyur la/ gnyi ga rgyu nyid du thal na yang 'bras bu med do//

  299. 150a

    *//de med pa la rgyu med do/ /de bzhin du rang bzhin dang/ dbang phyug dang/ rdul phra rab dang/ phyogs dang dus la sogs pa thams cad rgyu ma yin te/ bltos pa'i phyir ro/ /'di rnams ni mi rtag pa nyid du yang 'gyur te/ bltos nas grub pa nyid kyi phyir ro/ /byas pa nyid du yang thal bar 'gyur te/ de bas na mi rtag pa nyid dang/ rgyu med pa nyid dang/ byas pa nyid du thal bar 'gyur te/ de bas na rang bzhin dang/ dbang phyug dang/ rdul phra rab dang/ phyogs dang dus la sogs pa rnams mi 'grub ste/ rgyu nyid la bltos pa'i phyir ro/ /'dir smras pa/ de ltar na ji ltar bdag cag rnams kyis brjod pa mi bslu ba'i nye bar gdags pa las gzhan la ni ma yin no/ /zhe na/ smras pa/ 'dod pas yod pa ma yin no/ /'dir gal te 'dod pas grub par 'gyur na de'i rigs pa spangs pa'i phyir nga'i 'dod pa las khyod kyi yang yod pa gang yin pa de nga'i med pa'o/ /ci'i phyir zhe na/ 'dod pa las grub pa'i phyir ro/ /ci ste khyed cag gi 'dod pa las grub kyi/ nga'i ni ma yin na de 'dir mi 'dra ba nyid la gtan tshigs khyad par can ma brjod pa'i phyir te/ de bas na 'dod pa grub pa ma yin no/ /'dir smras pa/ 'di ni bdag cag gis brda las so zhe na/ smras pa/ brda ma grub bo/ /'di ltar gang khyed cag gis brda ma grub pa ste/ ma grub pa la yang ji ltar sgrub byed du 'gyur te/ ma grub pa ni rigs pa dang/ rigs pa ma yin pa'i sgrub byed ma yin no/ /de'i phyir brda ma grub pa yin no/ /rigs pa dang bral ba nyid kyis bstan bcos rnams la brjod par bya ba yod par smra ba po ni mi snyed do/ /gzhan yang smras pa/ kha cig tu rigs pa yang brjod par bya ste/ ji skad du/ med par bya ba ma yin pa'i phyir dang/ nye bar len pa bzung ba'i phyir dang/ thams cad las 'byung ba med pa'i

  300. 150b

    phyir dang/ nus pa can mi nus pa med pa'i phyir dang/ rgyu ni ngo bo yin pa'i phyir 'bras bu yod pa yin no/ /zhes bya ba la sogs pa bshad pa lta bu'o/ /smras pa/ gtan sigs dag don med do/ /'dir khyed cag gi gtan tshigs gang yin pa de gal te bsgrub pa'i mtshan nyid du gyur pa de'i tshe/ nged kyi phyogs kyang grub par 'gyur ro/ /ci ste sun 'byin pa'i mtshan nyid du gyur na ni de'i tshe gnyi ga la yang skyon du 'gyur te/ dper na me ni gnyi ga la sreg par byed kyi/ gcig la ni ma yin no/ gzhan yang gal te gtan tshigs las gzhal bya grub na ni de'i tshe pha rol pos kyang gtan tshigs brjod par bya dgos te/ gnyi ga 'grub par yang mi 'dod de/ dper na khyed cag gi dam bca' pa ni sgra rtag ste/ lus can ma yin pa'i phyir nam mkha' bzhin no// ji ltar nam mkha' i lus can ma yin pa'i phyir rtag pa de bzhin du sgra yang rtag ste/ de bas na sgra ni rtag par grub po zhes bya'o/ /de bzhin du gzhan yang brjod par bya ste/ bdag cag gi dam bca' ba 'di yin te/ sgra mi rtag ste byas pa'i phyir bum pa bzhin no/ /ji ltar bum pa ni 'jim gong la sogs pa dang/ skyes bu'i rtsol ba las yang dag par skye bzhin pa ni byas pa'o/ /de bzhin du sgra yang rkan la sogs pa rnams las 'byung bzhin pa la ni byas pa zhes bya'o/ /de bas na gtan tshig ma'i du zad de grub pa ni med do/ /'on kyang tshad ma las ming tsam las ma yin te/ mi bslu ba'i phyir ro/ /'di'i phyir yang gtan tshigs rnams don med pa yin te/ dam bca' pa'i dus su ni gtan tshigs yod pa ma yin te/ ma skyes pa'i phyir ro/ de bzhin du gtan tshigs kyi dus su dam bca' ba yod pa ma yin te/ 'gag pa'i chos yod pa'i phyir ro/ /de'i phyir dam bca' ba'i dngos po med pa la 'di gang gi gtan tshigs su 'gyur/ de bzhin du dam bca' ba la cig car med pa'i chos can

  301. 151a

    gyi phyir te/ gang gi tshe yi ge pra yod pa de'i tshe yi ge te dang/ yi ge dza yod pa ma yin no/ /de bzhin du dus ccig tu pa yig dang/ ra yig dang/ yi ge a la sogs pa rnams kyang cig car 'byung ba ma yin no/ /gtan tshigs kyi yang yi ge rnams cig car 'byung ba ma yin no/ /ma skyes pa'i bu 'am ma ning ba'i bu yis bu'i bya ba byed mi nus pa de bzhin du gtan tshigs rnams kyang don med do/ /'dir smras pa/ gal te rgyu dang 'bras bu zhes bya ba ma grub mod/ de lta na yang bdag ni grub ste/ de 'grub pa'i rgyu dang 'bras bu dag kyang 'grub par 'gyur ro zhe na/ smras pa/ rang bzhin brjod par bya'o/ /'dir gal te bdag yod na de'i tshe de'i rang bzhin brjod dgos so/ /ci ste shes pa'i rang bzhin yin par smra na ni de'i tshe/ rtag pa ma yin par 'gyur te/ shes pa ni mi rtag pa yin pa'i phyir ro/ /'dir bum pa'i shes pa 'gags te/ snam bu'i shes pa skyes so/ /ci ste shes pa las gzhan yin pa de ltar na ni mi shes par 'gyur ro/ /mi shes pa yin na yang sdug bsngal pa dang/ bde ba med par thal bar 'gyur ro/ /gnyi ga smra ba rnams la ni gnyi ga'i skyon du thal bar 'gyur te/ shes pa sems dang ldan par smra ba rnams kyi bdag med pa kho na yin no/ /gang gi tshe bdag sems pa can du skye ba de'i tshe sems pa dang bcas par 'gyur ro/ /de lta na yang bdag med par yang 'gyur te/ sems pa bdag med pa'i phyir ro/ /gal te yang sems pa de nyid dang ldan par 'gyur na ni de'i tshe bdag med pa nyid du yang 'gyur te/ de dang ldan pa'i phyir ro/ /'dir smras pa bdag yod de bdag gi ba'i dngos po yod pa'i phyir ro/ /'di ltar bdag gis bum pa dang snam bu la sogs pa bkag pa yin te/ de ma bkag pa'i phyir bdag yod do zhe na/ smras pa/ gcig nyid la skyon yod do/ /'dir gal te bum pa la sogs pa rnams

  302. 151b

    lha sta zhig na kar na 'jig pa'i bzhin du gcig nyid yin na ni de'i tshe thams cad bum pa nyid du thal bar 'gyur ro/ /gang dang gang yod pa de ni ming bum pa dang gcig yin no/ /bum pa zhig na thams cad du thams cad 'jig par 'gyur te ha sta zhig na kar na 'jig pa bzhin no/ /phyin ci log par thal bar 'gyur ba dang gcig yin pa'i zlos pa'i skyon du yang 'gyur te/ ji ltar ha sta zhes brjod na/ kar na dang pa na nyid brjod par 'gyur ba de bzhin du/ yod pa zhes brjod pas bum pa dang gcig nyid brjod par 'gyur te/ de'i phyir dngos po rnams gcig pa ma yin te/ skyon dang bcas pa'i phyir ro/ /gang dag gi gcig pa nyid de dag la ni skyon 'di yod kyi bdag cag ni gzhan pa nyid du khas len pa'i phyir skyon 'di med do/ /gzhan pa nyid yin/ yod pa dang gcig pa dang bum pa rnams ma 'drs pa yin te/ rdzas dang yon tan dang las dang spyi dang khyad par dang 'du ba rnams tha dad pa'i phyir ro/ /de la bum pa ni rdzas so/ /gcig pa ni yon tan no/ /yod pa zhes bya ba ni spyi'o zhe na/ smras pa/ gzhan nyid na dngos po med pa yin no/ /'dir gzhen pa nyid yin na yod pa dang gcig pa dang bum pa rnams dngos po med par 'gyur ro/ /ci'i phyir zhe na/ yod pa las gzhan pa gang yin pa de ni med pa yin la/ bum pa yang yod pa las gzhan pa yin te/ /de lta bas na bum pa med do/ /dper na bram ze las gzhan pa de ni bram ze ma yin pa bzhin no/ /bum pa la sogs pa'i tha dad pa'i yod pa nyid ni ma dmigs te/ shing la sogs pa bzhin no/ /de ltar na gzhan pa nyid yin na yod pa dang gcig pa dang bum pa rnams dngos po med pa yin no/ /'dir smras pa/ gcig pa nyid dang gzhan pa nyid ma grub kyang/ bum pa ni yod pa kho na yin te/ mngon sum du dmigs pa'i phyir ro/ /nam mkha' i me tog lta bu ni ma yin te/ ji ltar gang gi phyir nam 'di

  303. 152a

    me tog dngos po med pas ma dmigs pa de lta bur bum pani ma yin te/ de bas na bum pa yod pa yin no zhe na/ smras pa/ 'dzin par mi nus so/ /'di dbang po dang dbang po don yod pa'i phyir bum pa yod pa'o/ /zhes gang gsungs pa de ni ma yin no/ /ci'i phyir zhe na/ gang gi phyir 'di dag la 'dzin pa'i nus pa med de/ yid la ni mthong ba med do /gal te yod na ni de long bas kyang mthong bar 'gyur ro/ /mig la ni sems pa yod pa ma yin no/ /gal te yod na ni yid la byed pa gzhan gyis kyang de mthong bar 'gyur ro/ /gzugs la ni mthong ba dang sems pa gnyi ga med do/ /de bas na gzung bas phyir dbang po dang dbang po'i don grub pa la dgos pa med do/ /'dir smras pa/ dbang po dang dbang po'i dngos po med kyang bum pa ni mthong ba kho na yin te/ gzugs su bstan pa'i phyir ro/ /ma mthong ba gzugs su bstan pa med do/ /de bas na gzugs ni mthong ba de'i bum pa mthong ba bzhin no/ /zhe na/ 'di la brjod par bya ste/ dngos po mthong ba ma yin no/ / 'dir bum pa mthong zhes gang brjod pa de ci mthong ba de nyid bum pa las gzhan nam/ 'on te gzhan ma yin/ gal te gzhan yin na de'i tshe mthong ba las gzhan gang yin pa de ni mi mthong bar 'gyur te/ gzhan yin pa'i phyir ro/ /ji ltar rta las gzhan pa gang yin pa de ni rta ma yin pa de bzhin te/ de lta yin dang bum pa ni mi mthong bar 'gyur ro/ /gcig pa nyid yin na yang mthong ba nyid med na/ bum pa med par 'gyur te/ rtsig pa la sogs pa rnams kyis bsgribs pa'i phyir ro// de'i phir gal te mthong ba nyid med na yang bum pa med par mi 'gyur na/ de'i tshe de dag gcig ma yin no/ /gcig pa nyid med pas kyang bum pa mthong ba ma yin no/ /zhes bya ba'o/ /mthong ba zhig pas bum pa yang 'jig par 'gyur te/ de la bum pa

  304. 152b

    dang mthong ba ni gcig pa'o zhes gang brjod pa de ni ma yin no/ /'dir smras pa/ bdag cag gi yod pa'i phyir cung zad 'jig pa 'am skye ba med do/ /de'i phyir mthong ba las 'jig pa dang skye ba med do/ /zhes bya ba'o/ /'on kyang gang 'di la skye ba zhes 'dzin pa ni rgya las phra ba'i bdag nyid du yod pa'i phyir byed pa yin no/ /rgyu yod pa'i phyir yang 'bras bu yod pa yin te/ yod pas de'i phyir mthong ba la 'jig pa dang skye ba med pa zhes bya'o zhe na/ smas pa/ yod pa ni bya ba ma yin no/ /'dir gal te skye ba dang 'jig pa med pa yin na de'i tshe thag pa la sogs pa rnams med par 'gyur ro/ /gal te snam bu la sogs pa yod pa yin na de'i ma 'ongs pa med par thal bar 'gyur te/ yod pa'i phyir na yod pa yang ma 'ongs pa nyid du ji ltar 'gyur/ 'jig pa med pa'i phyir yang chos dang chos ma yin pa dag med par 'gyur te/ 'dir chos ma yin pa zhig pa ni chos su 'gyur la/ chos med pa yang chos ma yin pa yin zhing bya ba yang med par 'gyur ro/ /de med na thams cad med par 'gyur te/ de'i phyir skye ba dang 'jig pa dag gdon mi za bar khas blang bar bya'o/ /de ltar na bya ba yang y+d de/ de'i phyir yod pa bya ba ma yin no//gzhan yang gal te rgyu la 'bras bu bya ba'i bdag nyid du yod pa de nyid kyi phyir 'bras bu med pa in te/ rags pa nyid med pa'i phyir ro/ /'di ltar phra ba'i gnas skabs na de'i phra ba nyid kyi 'di ltar de la rags pa nyid med de/ de'i phyir med pa skye ba dang/ chos zhig na yang chos ma yin par 'gyur bar 'gyur gal te skye ba dang 'jig pa nyid med na/ /de'i tshe 'das pa dang ma 'ongs pa yang med par 'gyur la/ de dag med pa'i phyir da ltar byung ba yang med do/ /gal te 'das pa dang ma 'ongs pa med nad? ltar byung ba 'di gang gi yin/ 'das pa dang ma 'ongs pa dang da ltar byung ba med pa'i phyir thams cad med par

  305. 153a

    thal bar 'gyur ro/ /'di'i phyir yang 'bras bu med par smra ba yin te/ gal te 'o ma zhes bya ba'i rgyu la zho zhes bya ba'i 'bras bu yod pa zhes bya ba de lta na ni de skye bar mi 'gyur te yod pa'i phyir ro/ /de bas na zho ni med pa kho na skye bar 'gyur te de lta na med pa 'bras bur thal bar 'gyur pa de bas na yod pa ni bya ba ma yin no/ /'dir smras pa gang yang 'bras bu yod par smras pa/ de dag la skye 'jig med par thal bas nyes par 'gyur mod/ gang yang 'bras bu yod pa dang/ med pa smra ba de dag la skyon med la/ 'di khas blangs pa las don gnyi ga grub cing/ de grub pa'i phyir yang 'bras bu yod pa dang med par 'gyur ro zhe na/ smras pa de dag la skye ba ma yin no/ /'dir yod pa ni skye ba ma yin te yod pa'i phyir/ 'di ltar yod pa'i bum pa 'jim gong la sogs pa rnams kyis bskyed par byed pa ma yin no/ /med pa yang skye bar byed pa ma yin te med pa'i phyir ro/ /tha ga la sogs pas rul sbal gyi spu'i gos skyed par byed pa ma yin te/ med pa'i phyir ro// de ltar yod pa dang med pa skye ba ma yin no/ /skyes pa ni skyes pa'i phyir mi skye la/ ma skye pa yang ma skyes pa'i phyir mi skye'o/ /gzhan yang skye ba gang yin pa 'di rang las sam gzhan las 'gyur grang na/ gnyi ga yang skyon yod do/ /ma skyes ba la rang gi bdag nyid med na ji ltar rang las skye bar 'gyur/ ci ste yod pa de lta na yang yod pa la ni skye ba yod pa ma yin no/ /de ltar re zhig rang la skye ba ma yin no/ /gzhan las kyang skye ba ma yin te/ skyes pa las gzhan du gyur na/ gang las gzhan las skye ba med pa las ci ste yod pa las gzhan mi skye'o/ /ci ste yod med gzhan las mi skye ste/ gnyi ga'i skyon du thal ba'i phyir ro/ /de ltar yod pa dang med pa dang yod med ni rang ngam/ gzhan las skye bar mi 'gyur te/ skye ba med pas

  306. 153b

    thams cad med do/ /'dir smras pa/ gal te skye bar mi 'gyur na de'i tshe 'dus byas kyi mtshan nyid med par 'gyur te/ 'dus byas ni skye ba dang gnas pa dang 'jig pa rnams kyis mngon par gsal bar byas pa'o/ /de'i phyir 'dus byas ni yod pa ste de yod pa'i phyir thams cad 'grub par 'gyur ro/ /zhe na smras pa/ 'dus byas med do 'dir khyod kyis 'dus byas su mngon par brjod pa gang yin pa de'i mtshan nyid skye ba dang gnas pa dang 'jig pa rnams ni rim gyis yod pa ma yin zhing cig car yang ma yin te/ 'di ltar gang gi tshe skye ba de'i tshe? gnas pa dang 'jig pa med pa/ de dag med na skye ba gang zhig yin/ gang gi tshe gnas pa med pa de'i tshe skye ba gang gi yin/ gang gi tshe gnas pa med pa de'i tshe skye bar 'gyur ro zhes bya bar mi rigs la/ skye ba med na gang gi gnas par 'gyur gal te skye ba med par gnas par 'gyur na de'i tshe mo sham gyi bu la sogs pa rnams kyang gnas par 'gyur ro/ /rtsod pa po las brjod par bya ste/ mgo gnyis pa lag pa gsum pa dag ma skyes pa yang ci'i phyir gnas pa med/ 'di ni 'dod pa yang ma yin te de bas na skye ba dang gnas pa dang 'jig pa rnams rim gyis 'byung ba ma yin no/ /cig car yang ma yin te/ 'di ltar skye ba'i dus na 'jig pa dang gnas pa med la/ 'jig pa'i dus na yang skye ba dang gnas pa med cing/ gnas pa'i dus na yang skye ba 'jig pa dag med pa de bas na cig car 'byung ba ni yod pa ma yin no/ /dus gcig pa yin na skye ba dang 'chi ba dag cig tu 'gyur te/ 'di ni 'dod pa yang ma yin no/ /de'i phyir 'di dag rim pa dang cig car du 'byung ba med do/ /gzhan yang/ gal te 'dus byas kyi mtshan nyid gsum min pa de lta na thug pa med par thal bar 'gyur te de la yang gzhan dang gzhan yin pas thams cad du gsum nyid 'byung bar 'gyur ro/ /de'i phyir skye ba la skye

  307. 154a

    ba dang gnas pa dang 'jig pa gsum du 'gyur la/ de bzhin du gnas pa dang 'jig pa dag la yang sbyar bar bya'o/ /thug pa med par thal bar 'gyur ba yang 'thob ste/ /de rnams kyang gzhan yang/ gzhan gyi nus pas skye ba dang gnas pa dang 'jig par thal bar 'gyur ro/ /de bas na skye ba dang gnas pa dang 'jig pa rnams la re re la gsum gsum du 'gyur ro/ /de lta ma yin na 'dus byas ma yin par thal bar 'gyur ro/ /de las ma gtogs pa gzhan 'dus byas nyid ni yod pa ma yin te/ de'i phyir 'dus byas mtshan nyid gsum pa'o zhes gang brjod pa 'di dam bca' ba nyams par thal bar 'gyur/ de bas na 'dus byas ni med do/ /'dir smras pa/ 'dus byas bkag pa'i phyir 'dus ma byas khas blangs la de khas blangs pa'i phyir 'dus byas 'grub ste/ thams cad ni zla yod par dmigs te/ ji ltar sdug bsngal dang bde ba dang chos dang chos ma yin pa dang grang ba dang dro ba bzhin te/ de bzhin du 'dus byas dang 'dus ma byas kyang yin par bya ste/ de bas na 'dus ma byas grub pa'i phyir gnyi ga grub bo/ /'dus ma byas thams cad du 'gro ba dang/ rtag pa dang phyogs dang bral ba rnams so zhe na/ phyogs gcig tsam mo/ /'dir gal te bdag dang/ rdul phra rab dang nam mkha' dang dus dang phyogs la sogs pa de dag gi thams cad du 'gro ba nyid de'i tshe 'di la dri bar bya ste ci khyed cag? gi bdag 'di lus la phyogs gcig gis gnas ma 'on te bdag nyid thams cad kyis gal te phyogs gcig gis so zhe na/ de'i tshe phyoD gcig pas rnam par gnas pa'i phyir phyogs gcig pa gzhan rnams kyis kyang 'gyur bar bya dgos so/ /phyogs dang bcas pa'i phyir yang mi rtag pa nyid de 'di ltar gang phyogs su 'jug pa de dag ni mi rtag pa ste/ dper na bum pa la sogs

  308. 154b

    pa lta bu'o/ /ci ste bdag nyid thams cad kyis lus la gnas na ni de'i tshe phyogs thams cad du 'gro ba nyid kho na'i lus la yongs su rdzogs pas de'i phyir phyogs gcig tsam du thal bar 'gyur ro/ /de bzhin du thams cad bkag pas thams cad du 'gro ba dang rdul phra rab la sogs pa gang dag yin pa de dag rtag pa dang/ thams cad du 'gro ba dang phyogs dang bral ba rnams phyogs gcig dang bcas pa nyid du 'gyur te/ lus phyogs dang bcas pa'i phyir 'di rnams kyang phyogs dang bcas pa nyid du thal bar 'gyur ro/ /yang rtag pa rnams rgyu las sam/ rgyu med pa las 'grub par 'gyur/ des cir 'gyur zhe na/ gnyi ga la yang skyon yod de/ gal te rgyu las yin na de'i tshe mi rtag pa nyid du thal bar 'gyur te/ rgyu las skye ba yin pa'i phyir bum pa la sogs pa bzhin no/ /ci ste rgyu med pa las so zhe na/ de ltar na yang nges pa med pa nyid du thal bar 'gyur te/ rgyu med pa dag ni yul dang dus dang rang bzhin nges pa med pa'i phyir ro/ /dngos po med pa nyid du yang thal bar 'gyur te/ mo bsham gyi bu la sogs pa bzhin no/ /ci ste khyed? cag gi tshig tsam gyis grub kyi bdag gi ni ma yin na/ 'dir bye brag gis gtan tshigs brjod dgos so/ /ci ste rgyu ni rnam pa gnyis te/ byed pa dang/ gsal ba'o/ /de la gang dag byed pa'i rgyus bskyed pa de dag ni rtag pa ma yin te/ ji ltar bum pa la sogs pa bzhin no/ /gang gis gnas bzhin de dag nyid kyi mngon par gsal bar byed kyi bskyed pa ma yin pa de ni gsal bar byed pa'i rgyu ste/ ji ltar sgron me dang nor bu la sogs pa'i 'od lta bu'o/ /de la byed pa'i rgyus ni mi rtag pa nyid du 'gyur la/ ma byas pa rnams mngon par gsal bar byed pa dag gis mngon par gsal ba 'ba' zhig du zad kyi bskyed pa ni ma yin no/ /yang gang dag skye ba de dag ni rtag pa ma yin te/ chos mi mthun pa ni gang dag mi skye ba rgyus mngon par

  309. 155a

    gsal ba 'ba' zhig pa de dag ni rtag pa'o/ /de bas na chos mi mthun pa'i phyir byas pa ni rtag pa ma yin no/ /zhes smra'o/ /de lta na ni 'o na byas pa yod pa nyid du mthong bas/ chos mi mthun pas ma byas pa rnams med pa nyid du 'gyur bas rtag pa rnams don med do/ /de ltar 'dus byas dang 'dus ma byas yongs su btang ba las ngar 'dzin pa dang yir 'dzin pa dag rab tu spangs pa yin la de'i phyir mya ngan las 'das so/ /de gsungs pa/ shes pa rten med mi 'jug ste/ rnam shes 'gags par gyur pa yis/ /srid pa'i sa bon 'gags par 'gyur/ /'dus byas dngos po med pa'i tshe/ /'di ltar dngos po 'di rnams dngos po nyid yin zhe na/ smras pa/ rmi lam dang mtshungs so/ /'dir ni tha snyad las dngos po rnams kyi dngos po nyid rmi lam dang mtshungs so/ /ji ltar rmi lam yod pa nyid kyi mtshan nyid du 'gyur ba ma yin med pa nyid kyi mtshan nyid du 'gyur ba yang ma yin la/ rgyu med pa yang ma yin te/ de bzhin du tha snyad las khyim sogs pa rnams yod pa nyid do/ /gal te don dam par khyim la sogs pa yod pa'i mtshan nyid du 'gyur na/ rtsig dngos med pa yang dmigs par 'gyur te yod pa'i phyir ro/ /ci ste med pa'i mtshan nyid du gyur na de'i tshe byas pa na yang mi dmigs par 'gyur ro/ /med pa'i phyir ro/ /ci ste gnyi ga'i mtshan nyid du gyur na/ de lta na byas pa dang ma byas pa gnyi ga yang dmigs par 'gyur ba zhig na/ gnyi gar dmigs par yang med do/ /rgyu med pa yang ma yin te/ rtsal sogs pa rnams kyis grub pa nyid kyi phyir ro/ /de'i phyir na 'bras bu yod pa ma yin zhing 'bras bu med pa ma yin la/ 'bras bu yod pa dang med pa yang ma yin la/ rgyu med pa yang ma yin no/ /'dir smras pa/ gal te dngos po

  310. 155b

    rnams rmi lam dang mtshungs pa ni de'i ming bstan pas dngos po rnams las 'ga' yang rtogs par mi byed de/ 'di ltar bum pa 'on cig ces brjod pa na/ byis pa 'am mkhas pa yang rung bum pa zhes bya ba'i ming 'dis ming can bum pa la rtog par byas nas bum pa khyer nas 'ong gi snam bu ni ma yin te/ de bas na ming bstan pa las dngos po yod do zhe na 'di la brjod pa/ ming ni dngos po ma yin no/ /'dir ming dngos po ma yin te/ gal te ming dngos por gyur na de'i tshe/ bum pa zhes brjod pa ni yi ge gnyis po de dag nyid kyi sprang rtsi dang chu la sogs pa 'dzin pa dang/ 'thung bar byed par 'gyur na/ de ltar yang ma yin te/ de'i phyir ming gzhan la dngos po gzhan no/ /gal te ming dngos por gyur na ni mi mkhas pa su zhig tshig tsam gyis yod pa'i bum pa rdza mkhan las rin gyis nyo bar byed/ /gal te ming dngos por gyur na ni de'i tshe gcig la rtags gsum mam/ bud med dang skyes pa dang ma ning rnams 'dres par thal bar 'gyur ro/ /ci'i phyir zhe na/ 'di ni d+ha d+ha zhes brjod pa na skyes pa dang/ ta ni zhes brjod pa na bud med dang/ sha hi ram zhes brjod pa na/ ma ning zhes bstan te/ rtags gsum po 'di ni srog chags dang srog chags ma yin pa thams cad la 'jug par 'gyur te/ de bas na gal te ming dngos por gyur na/ gcig la gsum du 'gyur te/ de'i phyir skyes bu la bud med dang skyes pa dang ma ning du 'gyur na de yang mi 'dod de/ de'i phyir ming dngos po ma yin te/ gang gi phyir ming ni rna bas dang/ bum pa ni mig la sogs pa rnams kyis 'dzin par byed do// gal te yang ming bum par gyur na de'i tshe g+ha Ta dang ku ma pa dang/ ka la sha zhes bya ba la sogs pa ming mang ba'i phyir dngos po mang ba nyid du 'gyur te/ de ltar thams cad kyis bsal na ming ni dngos po ma yin no/ /bcom ldan 'das kyis/ 'jig

  311. 156a

    rten zhes bya ming tsam ste/ ming dang smig rgyu dang mtshungs pa'i/ tshig tsam tshig gis stong pa ste/ rgyud mangs rdza snga sgra brnyan mtshungs/ /zhes gsungs so/ /de bas na tha snyad rmi lam dang mtshungs so/ /de'i phyir dngos po ma yin no/ /'dir smras pa/ de bkag pa gang yin pa de ci rang bzhin med pa zhig gam 'on te ma yin/ 'on te rang bzhin dang bcas pa yin na/ de'i tshe dam bca' ba nyams so/ /ci ste rang bzhin med na de'i tshe dgag par bya bar mi nus te/ rang bzhin med pa'i phyir ro zhe na/ smras pa bsgrub par bya ba dang mtshungs so/ /'dir khyed kyis dgag pa gang yin pa 'di brjod pa/ ci yod pa dang med pa zhes bya ba'i dgag par byed pa'i phyir mi srid de/ dgag par bya ba med pa la ni 'di ci zhig 'gegs/ dgag par bya ba dang/ dgag pa dag /'gegs pa po rnams rim gyis mi srid la/ cig car yang ma yin no/ /'di ltar gal te dgag par bya ba med na gang gi dgag pa yin/ de bzhin du gal te dgag pa med na ji ltar dgag par bya ba yin par 'gyur/ de dag med na 'gegs pa por ji ltar 'gyur/ de dag med par yang de ji ltar 'gyur/ de ltar re zhig rim gyis ma yin no/ /dgag par bya ba dang/ dgag pa dang/ 'gegs pa po cig car yang yod pa ma yin te/ cig car skye ba'i ba lang gi rwa dag la ni phan tshun dgag par bya ba dang/ dgag pa dang/ 'gegs pa po dag med do/ /de bas na tshig 'di bsgrub par bya ba dang mtshungs so/ /de lta yin dang rten med pa'i nyon mongs pa rnams rab tu spong ba yin no/ /yang bdag nyid chen po chags pa min/ /chags bral ma yin rten med phyir/ /rten yod na ni chags pa dang/ /chags bral nye bar skyed par byed/ /ces gsungs so/ /yi ge brgya pa zhes bya ba'i rab tu byed pa'i 'grel pa

  312. 156b

    slob dpon 'phags pa klu sgrub kyi zhal snga nas mdzad pa rdzogs so// //dpal kha che'i grong khyer dpe med du bande gzhon nu shes rab kyis bsgyur ba'o// //slad kyis paN+Di ta/ a nan+ta dang/ lo tsA ba grags 'byor shes rab kyis zhu chen legs par byas so// //rgya gar skad du/ pra ti tyas mutpA da h+ri da ya kA ri kA /bod skad du/ rten cing 'brel bar 'byung pa'i snying po'i tshig le'ur byas pa/ 'jam dpal gzhon nur gyur pa la phyag 'tshal lo/ /yan lag bye brag bcu gnyis gang/ /thub pas rten 'byung gsungs de dag /nyon mongs las dang sdug bsngal dang/ /gsum po dag tu zad par 'dus/ /dang po brgyad pa dgu nyon mongs/ /gnyis dang bcu pa las yin te/ /lhag ma bdun yang sdug bsngal yin/ /bcu gnyis chos ni gsum du 'dus/ /gsum po dag las gnyis 'byung ste/ /gnyis las bdun 'byung bdun las kyang/ /gsum 'byung srid pa'i 'khor lo de/ /nyid ni yang dang yang du 'khor/ /'gro kun rgyu dang 'bras bu ste/ /'di la sems can ci yang med/ /stong pa kho na'i chos rnams las/ /stong pa'i chos rnams 'byung ba zad/ /kha ton mar me me long brgya/ /me shel sa bon sgyur dang sgras/ /phung po nyid mtshams sbyor ba yang/ /mi 'pho bar yang mkhas rtogs bya/ /shin tu phra ba'i dngos la yang/ /gang gis chad par rnam brtags pa/ /rnam par mi mkhas de yis ni/ /rkyen las byung ba'i don ma mthong/ /'di la bsal bya gang yang med/ /bzhag par bya ba ci yang med/ /yang dag nyid la yang dag blta/ /yang dag mthong na rnam par grol// rten cing 'brel bar 'byung ba'i snying po'i tshig le'ur byas pa/ slob dpon 'phags pa klu sgrub kyis mdzad pa rdzogs so// //rten cing 'brel par 'byung ba'i snying po'i rnam par bshad pa 'phags pa klu sgrub kyis mdzad pa bzhugs so// //rgya gar skad du/ pra ti

  313. 157a

    tya sa mutpA da h+ri da ya bya khya na/ bod skad du/ rten cing 'brel par 'byung ba'i snying po'i rnam par bshad pa/ 'jam dpal gzhon nur gyur pa la phyag 'tshal lo/ /'di la dge sbyong nyan 'dod pa/ mnyan pa dang/ gzung ba dang/ khong du chud par bya ba dang/ rtog pa dang/ sel nus pa dang ldan pa'i slob ma zhig slob dpon gyi gam du 'ongs nas/ de bzhin gshegs pas bstan pa la brtsams te 'di skad 'dri'o/ /bcom ldan 'das 'di la/ yan lag bye brag bcu gnyis gang/ thub pas rten 'byung gsungs de dag gang du bsdu ba blta ba thos par 'tshal lo/ /de chos de dag gi de kho na nyid 'dri bar rig nas/ slob dpon gyis 'di skad ces bu/ nyon mongs las dang sdug bsngal dang/ /gsum po dag tu zad par 'dus/ /zhes gsal zhing zur phyin pa'i tshig 'dis smras so/ /de la bcu dang gnyis ni bcu gnyis so/ /yan lag rnams nyid bye brag yin pas na yan lag bye brag ste/ shing rta'i yan lag bzhin du yan lag tu gyur pa bstan to/ /sku dang gsung dang thugs thub pas na thub pa'o/ /thub pa des gsungs pa zhes bya ba ni bstan pa dang bshad pa zhes bya ba'i grangs su gtogs pa'o/ /de yang rang bzhin dang/ nges pa dang/ skyes bu dang/ gzhan la rag las pa dang/ dbang phyug dang/ dus dang/ ngo bo nyid dang/ 'dod rgyal dang/ gnas kyis bskos pa dang/ gyi na la sogs pa'i rgyu rnams las byung ba ni ma yin te/ 'di ni rten cing 'brel par 'byung ba'o/ /yan lag bye brag bcu gnyis po 'di dag ni nyon mongs pa dang/ las dang/ sdug bsngal nams su gcig la gcig rten te mdud khyim gyi tshul du gsum po dag tu zad par 'dus par 'gyur ro/ /zad par zhes bya ba ni ma lus par zhes bya ba'i tha tshig go /dris pa/

  314. 157b

    nyon mongs pa rnams ni gang/ las dag ni gang/ sdug bsngal ni gang/ rten pa'i bye brag 'di dag gang du ji ltar bsdu bar 'gyur/ smras pa/ dang po brgyad dang dgu nyon mongs/ /bye brag bcu gnyis kyi dang po ni ma rig pa/ /brgyad pa ni sred pa/ dgu pa ni len pa ste/ /'di gsum ni nyon mongs pa rnams su shes par bya'o/ /las de? gang zhe na/ gnyis dang bcu pa las yin te/ gnyis pa ni 'du byed/ bcu pa ni srid pa ste/ chos 'di gnyis ni las su bsdu bar shes par bya'o/ /lhag ma bdun yang sdug bsngal yin/ nyon mongs pa dang/ las su bsdus pa'i bye brag de dag gi lhag ma bye brag bdun po gang yin pa de dag gi sdug bsngal du bsdu bar shes par bya ste/ /'di lta ste/ rnam par shes pa dang/ med dang/ gzugs dang/ skye mched drug dang/ reg pa dang/ tshor ba dang/ skye ba dang rga shi rnams so/ /yang zhes bya ba'i sgra ni bsdu ba ste/ sdug par dang bral ba dang/ mi sdug pa dang phrad pa dang/ 'dod pas phongs pa'i sdug bsngal rnams sdud pa'o/ de'i phyir chos bcu gnyis po de dag ni las dang nyon mongs pa dang/ sdug bsngal rnams su shes par bya'o/ /ni zhes bya ba'i sgra ni lhag ma'i tshig bcad pa'i don te/ /mdo las bstan pa'i chos rnams ni 'di dag tu zad kyi de las gzhan ci yang med do zhes bcad pa'o/ /dris pa de dag ni 'tshal na nyon mongs pa dang/ /las dang sdug bsngal 'di dag ni gang las gang byung ba bstan du gsol/ smras pa/ gsum po dag la gnyis 'byung ste/ nyon mongs pa gsum po dag las las zhes bya ba gnyis 'byung ngo/ gnyis las bdun 'byung/ sdug bsngal zhes bya ba gong

  315. 158a

    du bstan pa rnams so/ /bdun las kyang gsum 'byung/ nyon mongs pa zhes bya ba rnams so/ /yang nyon mongs pa zhes bya ba gsum po de dag las/ las gnyis 'byung ste/ srid pa'i 'khor lo de/ nyid ni yang dang yang du 'khor/ srid pa ni gsum ste/ 'dod pa dang/ gzugs dang/ gzugs med pa zhes bya ste/ de dag tu mi sdod par 'khor ba'i 'khor lor gyur pa so so'i skye bo'i 'jig rten 'di nyid bdag nyid kun tu 'phyan/ ni zhes bya ba'i sgra ni nges pa med par bstan pa'i don ste/ ji ltar 'khor lo rim gyis 'khor ba de ltar srid pa rnams su 'byung ba yang ma yin gyi nges pa med par bstan to/ /dris pa/ kho na lus thams cad kyi dbang phyug sems can zhes bgyi ba gang lags/ de'i bgyid pa ji ltar bur/ smras pa 'gro ba kun gyi rgyu dang 'bras bu ste/ btags pa ma gtogs par/ 'di la sems can gzhan ci yang med/ /'di ni yang dag par btags pa ste/ brtags pa tsam gyi tshul du ni ma yin no/ /brtags pa tsam du yod pa de ni/ rdzas su yod par mi rung ngo/ /dris pa/ gal te de ltar na/ 'o na 'jig rten 'di nas 'jig rten pha rol tu su la mchi/ smras pa/ 'di nas 'jig rten pha rol tu rdul phra mo tsam yang mi 'pho ste 'on kyang/ stong pa kho na'i chos rnams las/ stong pa'i chos rnams 'byung bar zad/ /bdag dang bdag gi med pa'i chos/ /nyon mongs pa dang las zhes bya ba rgyur gyur pa lnga po stong pa rnams las/ bdag dang bdag gi med pa sdug bsngal du brjod pa/ 'bras bur btags pa'i chos stong pa bdun po de dag 'byung bar 'gyur ro zhes bya ba'i tha tshig go /de ni 'di skad du/ bdag dang bdag gi med la/ /de dag phan tshun du yang bdag dang bdag gi ma yin te/ 'on kyang rang bzhin gyis bdag med pa'i chos rnams las rang bzhin gyi bdag med pa'i chos rnams

  316. 158b

    'byung ba de ltar khong du chud par bya'o/ /zhes bstan pa yin no/ /'dir dris pa/ rang bzhin gyis bdag med pa'i chos dag las rang bzhin gyi bdag med pa'i chos kho na dag 'byung ba 'di la dpe ci mchis/ 'dir smras pa/ kha ton mar me me long brgya me shel sa bon skyur dang sgras?/ /dpe 'di rnams dang brtags bas kyang rang bzhin gyis bdag med pa dang 'jig rten pha rol shes par bya'o/ /dper na bla ma'i kha nas brjod pa rnams slob ma la 'pho ba ni bla mas brjod du med par 'gyur bas mi 'pho'o// slob mas smra ba yang gzhan las ma? yin te/ rgyu med par 'gyur ba'i phyir ro/ /ji ltar bla ma'i kha nas brjod pa ltar 'chi kha'i sems kyang de bzhin te/ rtag pa'i skyon du 'gyur bas 'jig rten pha rol tu mi 'gro'o/ /'jig rten pha rol yang gzhan las mi 'byung ste/ rgyu med pa'i skyon du 'gyur ba'i phyir ro/ /ji ltar bla mas brjod pa'i rgyu las 'byung ba slob ma de nyid dang de dag gzhan no zhes par mi nus pa ltar 'chi kha'i sems la brten nas skye bar gtogs pa'i sems kyang de bzhin te/ de dag nyid dang de las gzhan zhes brjod par mi nus so/ /de bzhin du ji? ltar me las mar me dang/ bzhin las me long gi gzugs brnyan 'byung ba dang/ rgya las rgya'i 'bur dang/ /me shel las me dang/ sa bon las myu gu dang/ shing thog skyur po'i rgyus 'gram chu ldang ba dang/ skra las brag ca 'byung bar 'gyur zhing/ de dag kyang de nyid dang gzhan shes par sla ba ma yin pa de bzhin du/ phung po nying mtshams sbyor ba yang/ mi 'pho bar yang mkhas rtogs bya/ de la phung po ni gzugs dang tshor ba dang/ 'du shes dang 'du byed dang rnam par shes pa'i phung po'o/ /de dag nyid mtshams sbyor ba zhes bya ba ni 'gags nas rgyu de las 'byung ba gzhan dag 'byung ba ste/ 'jig rten 'di nas pha rol tu dngos po rdul phra

  317. 159a

    mo tsam yang mi 'gro'o/ /de ltar na 'khor ba'i 'khor lor nor ba'i rnam par rtog pa'i bag chags kyis bskyed pa yin no/ /tha ma'i yang zhes pa'i sgra ni ldog pa ste/ de las bzlog par shes par bya'o/ dngos po rnams la mi rtag pa dang/ sdug bsngal ba dang/ stong pa dang/ bdag med par rtogs na dngos po la rmongs par mi 'gyur ro/ /rmongs pa med na mi chags so/ /ma chags na zhe sdang bar mi 'gyur ro/ /zhe sdang med na las mi byed do/ /las med na dngos po mi len no/ /len pa med na srid pa mngon par 'du mi byed do/ /srid pa med na mi skye'o/ /ma skyes na lus dang/ sems la sdug bsngal mi 'byung ngo/ /de ltar 'dir rgyu lnga po de dag ma bsags pas gzhan du 'bras bu mi 'byung ste 'di ni thar pa zhes bya'o/ /de ltar na rtag pa dang chad pa'i mdza' la sogs pa lta ba ngan pa rnams bsal ba yin no/ /'di la tshigs su bcad pa gnyis yod de/ shin tu phra ba'i dngos la yang/ /gang gis chad par rnam pa rtags pa/ /rnam par mi mkhas de yis ni/ /rkyen las skyes pa'i don ma mthong/ /'di la bsal bya gang yang med/ /bzhag par bya ba ci yang med/ /yang dag nyid la yang dag blta/ /yang dag mthong nas rnam par grol/ /rten cing 'brel bar 'byung ba'i snying po'i rnam par bshad pa/ slob dpon klu sgrub kyis mdzad pa rdzogs so// //rgya gar gyi mkhan po dzi na mi tra dang/ d+ha na shi la dang/ shi lEn+d+ra bo d+hi dang/ bande ye shes sdes la sogs pas bsgyur cing zhus te gtan la phab pa'o// //ma rtogs pa rtogs par byed pa zhes bya ba 'phags pa klu sgrub kyis mdzad pa bzhugs so// //rgya gar skad du/ a bu d+ha bo d+ha ka nA ma pra kA ra na/ bod skad du/ ma rtogs pa rtogs par byed pa zhes bya ba'i rab tu byed pa/ 'jam dpal gzhon nur gyur pa la phyag 'tshal lo/ /skyon

  318. 159b

    med yon tan rgya mtsho yis/ /'jam pa'i dpal la phyag 'tshal te/ /de nyid ma rtogs rtogs byed pa/ /bdag gi brtse bas bri bar bya/ /de nas gzhan gyi brgal ba dang/ dgag pa dang/ de'i rtogs pa dang/ chos kyi de kho na nyid do/ /gzhan gyis brgal pa ni gang zhe na/ smras pa/ bdag yod do/ /de yang rtags pa dang/ khyab pa dang/ gcig pu dang/ byed pa po dang/ za ba po yin no/ /'dir yang dgag pa ni bdag 'di gang yin/ re zhig phung po ni bdag ma yin te/ skye ba dang 'jig pa'i chos can yin pa'i phyir ro/ /phung po bdag las gzhan yang ma yin te/ 'di ltar bum pa las snam bu bzhin du tha dad pa mi dmigs pa'i phyir ro/ /bum pa la chu 'am chu la snam bu bzhin du rten dang rten pa yang ma yin na/ /'bras dang shun pa bzhin du phung po'i gnas lugs kyang ma yin no/ /phur po la 'du ba yang ma yin te/ phung po rnams ni mang ba nyid kyi phyir ro/ /lhas byin ba lang dang ldan pa bzhin du phung po dang ldan pa yang ma yin no/ /de nas pha rol rgol bas 'di skad smras te/ bdag med na de'i tshe sbyin pa la sogs pa'i las dang 'bras bu 'brel ba don med par 'gyur te/ ji ltar ba lang shi na rA dang mjug ma dang/ rmig pa la sogs pa 'grub par 'gyur ba bzhin no zhe na/ brjod pa dpe'i khyad par nyon cig /dper na zla ba'i 'od la thag pa la sbrul du shes nas skrag pa de lta bu la gang gi tshe mar me thogs nas blta ba de'i tshe 'di ni thag pa min la/ 'di ni sprul ma yin gyi 'on kyang sgro btags pa nyid bsal ba yin no zhes bya ba lta bu'o/ /gang zag la bdag med pa bsdus pa'o/ /yang smras pa/ re zhig thug pa ni yod do zhe na/ smras pa/ 'di ni thag pa ma yin gyi rkyang ba gnyis yin no/ /rkyang pa yang med de rdul phra rab 'dus pa'i phyir ro/ /rdul phra rab kyang? yod pa ma yin te/ phyogs cha'i bye brag gis te/ phyogs kyi dbye bas phye ba na/ /

  319. 160a

    rdul phran la yang dbye ba mthong/ /gang la cha shas kyis brtags na/ /de yi rdul phran ji ltar yod/ /'o na med pa yin la rag mod ce na/ /dngos po yod pa ma yin na/ /dngos med gang gi yin par 'gyur/ /gang gi dngos dang dngos med shes/ /zhes bya ba ni chos la bdag med pa'o/ /'dir smras pa/ skye ba dang gnas pa dang/ 'jig pa ji ltar lta bar bya zhe na/ brjod pa ji zhig yod par srid smras pa/ skye ba'o/ /gnas pa dang 'jigs pa med par skye ba 'dod na de'i tshe/ ri bong gi rwa la sogs pa dag gi skye ba gang gis bzlog par byed/ /smras pa yod du chug mod ce na/ skye ba dang 'jig pa med na 'o na gang gis gnas pa yin zhe na/ smras pa 'jigs pa yang yin med ce na/ de ni mi rigs te ji ltar gang la skye ba dang 'jig pa med pa de la 'jig par 'gyur ro? zhe na/ 'on te cig car 'byung bar 'gyur ro zhe na/ ma yin te phan tshun 'gal ba'i phyir snang ba dang mun pa bzhin no/ /yang rnam par shes pa smra bas 'di skad du smras pa/ rnam par shes pa yod do/ /brjod pa/ gal te rnam par shes pa yod na de'i tshe de'i rang gi ngo bo ston cig ci ngo bo gcig pa zhig gam yang na ngo bo du ma zhig yin/ re zhig ngo bo du ma zhig yin te/ /yul du ma'i bye phrag gis tha dad pa'i phyir ro/ /gcig gi ngo bo med pa na du ma'i ngo bo med do/ /gcig gi ngo bor yang ma dmiT la/ don 'ga' zhig kyang mi rung ste/ /rang ngam gzhan nam gnyi ga 'am rgyu med pa las skye ba mi 'thad pa'i phyir ro/ /yang smras pa/ gal te 'di dag thams cad med na ci zhig yod ce na/ 'gal me'i 'khor lo sprul pa dang/ rmi lam sgyu ma chu zla dang/ rlangs pa phug gi brag ca dang/ /smrig rgyu sprin dang mtshungs pa yin/ /'di la bsal bya ci yang med/ /bsnan par bya ba cung zad med/ /yang dag nyid la yang dag pa lta/ /yang dag mthong nas rnam par grol/ /'di la thams cad dmigs mid de/

  320. 160b

    dmigs pa med par rab tu gsal/ /blo ni dmigs pa med byas nas/ /dmigs pa med pa 'byung bar 'gyur/ /ma rtogs pa rtogs par byed pa zhes bya ba'i rab tu byed pa/ gnyi ga bdag med par rab tu gsal bar byed pa/ slob dpon 'phags pa klu sgrub kyis mdzad pa rdzogs so// //paN+Di ta a nan+ta dang/ lo tsA ba grags 'byor shes rab kyis bsgyur ba'o// //skye med rin po che'i mdzod ces bya ba 'phags pa klu sgrub kyis mdzad pa bzhugs so// // rgya gar skad du/ ratna su ko Sha nA ma/ bod skad du/ skye med rin po che'i mdzod ces bya ba/ /rma bya chen mo rma bya ltar mdzes bde gshegs yum/ /bcom ldan ma la bdag 'dud gus pas phyag 'tshal 'dud/ /gang gi drin gyis ma rtogs rtogs byed stong pa yis/ /don mthong ye shes nyi ma byang chub lam gyi sgron/ /skye med spros bral gnyis med gnyis su med pa yi/ /yang dag lam mkhan bde 'byung chos nyid chos sku'i spyan/ /gzung 'dzin chags bral rgya mtsho'i gling/ /snying rje'i blo can ded dpon mchog /mu tig ltar dkar rin chen brgyan/ /gzhung lam 'bras bu byang chub mdzod/ /shes spangs rten thob 'khor 'das stong/ /stong nyid 'khor 'das snying po can/ /gzhi lam 'bras bu skye med kyi/ /gzhi rtsa dran med blo las 'das/ sems med sems las byung ba 'ang med/ /bya bral re dogs rgyun thag chad/ /shing las mi skye shing las sprul/ /chu las me 'byung nges med stong/ /snod bcud chu spur snying po med/ /chu shing gar mkhan ltar 'gur te/ /sangs rgyas sems can rigs drug ni/ /dngos yid tha dad snang dang bral/ /mtshan gzhi mo bsham mtshan nyid ni/ /yi ge spros dang bral ba nyid/ /cir yang mi rtog stong pa st/ /yid la mi byed skye 'chi med/ /snang ba sgyu ma dge sdig bral/ /stong dang snying rje 'khor 'das stong/ /sgyu ma

  321. 161a

    bsal stong brjod med kyi/ /chos nyid gsal dngos rtog pa med/ /grub pa med pa'i chos rnams la/ /gnyis dang gsum sogs ga la srid/ /snang sems khas len spros dang bral/ /chos nyid blo 'das bsgom du med/ /dngos rnams snang tsam nyid na ni/ /snang ba nyid kyis stong pa'i phyir/ /chos rnams snang sems stong pa nyid/ /stong nyid cir yang mi rtog stong/ /snang ba sgyu ma smig rgyu bden dang bral/ /btags pa na bun chu sbur snying po med/ /brag ca grag stong bden bral sgra yis stong/ /mi rtag mi brtan bslu byed sgyu ma'i gzugs/ /rgyu byung rgyal srid rkyen gyis mi rtag cing/ /yid 'ong lha gnas dpal ldan 'jigs dang bcas/ /mtshan mo g.yeng med skam sa shing bral kyang/ /me bdun chu la rlung gis gtor mi rtag /gang yang mi rtag bslu phyir snying po med/ /'dod chags chu ltar dgra bu lan chags rnyed/ /sgeg mo gzugs 'tshod byas pa drin mi bzo/ /'dod pa lan tshwa'i chu 'thung sred mi ldog /rngon pa'i glu dbyangs ri dwags srog dang 'brel/ /gshin rje'i gshed ma rgya mtsho'i gling/ /chu srin khar chung bde dang bral/ /bdag gzhan snod bcud phyi nang mi rtag 'gyur/ /tshe 'di bslu byed phyi ma bden dang bcas/ /sman pa'i ngag bzhin bla ma sangs rgyas gsung/ /nyams len mi rtag don mthong sgyu ma'i 'gros/ sgyu ma bden bral mi rtag sgyu ma yis/ /stong gi sgyu ma stong phyir don mthong mdzod/ /skye med don mthong chos nyid spros bral gyi/ /sgron ma sangs rgyas nyi ma byang chub lam/ /dpal ldan bde chen yon tan rin chen mdzod/ /bdag gzhan don bsgrub rtog med don mthong shog /skye med rin po che'i mdzod ces bya ba 'phags pa klu sgrub snying pos mdzad pa rdzogs so// //rgya gar gyi mkhan po ka na ga bar ma dang/ lo tsA ba surya? ki rtis lha sa ra mo char bsgyur pa'o//

  322. 161b

    dbu ma? srid pa 'pho ba zhes bya ba 'phags pa klu sgrub kyis mdzad pa bzhugs so// //*/ /rgya gar skad du/ b+ha ba saM kra n+ti/ bod skad du/ srid pa 'pho ba/ 'jam dpal gzhon nur gyur pa la phyag 'tshal lo/ /dngos po med pas skye ba med/ /dngos po med pa de la ni/ /skye ba blangs pa srid pa yin/ /rtag tu dngos po yod bsam pa/ /de ltar bsams pa 'khrul pa yin/ /nam mkha' i me tog dang 'dra ba/ /mkha' dang mnyam pa'i chos nyid la/ /de la skyes pa mkha' dang mnyam/ /rang bzhin thams cad mkha' dang mnyam/ /de ltar mkhas pas rtogs par bya/ /rgyu med 'bras bu med pa dang/ /las kyi dngos po med pa dang/ /dngos po thams cad 'di ltar med/ /'jig rten 'di dang pha rol dang/ /skye ba med pa'i ngo bo nyid/ /de las gzhan ni skye bar byed/ /mo gsham bu yi bu la yang/ /de la sus skye skye bar mdzod/ /'jig rten pa 'di sngar ma skyes/ /de las sus kyang byas pa med/ /don med 'khor ba'i 'jig rten na/ /sgyu ma'i grong khyer 'khyams pa bzhin/ /yod med gang yang min bstan pas/ /chos nyid kyi le'u ste dang po'o// //rnam rtog las ni 'jig rten 'byung/ /rnam rtog de las sems kyang byung/ /sems las lus kyang byung pa na/ /lus la brtag par gyis tsam na/ /gzugs dang tshor ba ming dang ni/ /dngos po stong nyid med pa yin/ /'du byed dngos po de yang med/ /sems kyis brtags pa gang yang med/ /sems ni rtog med ngo bo yin/ /phung po lnga stong pa nyid du bstan pa'i le'u ste gnyis pa'o// //sems med pas na chos kyang med/ /de ltar lus kyang khams kyang med/ /de ltar gnyis med lam gyis ni/ /de nyid du ni rab tu bshad/ /'di dag thams cad rten med yin/ /rten med du ni rab tu bshad/ /blo ni rten med byas nas ni/ /de yang rten med 'byung ba'o/ /shes rab bstan pa'i le'u ste gsum pa'o// //sbyin pa tshul

  323. 162a

    khrims bzod pa dang/ /brtson 'grus bsam gtan shes rab sogs/ /rtag tu de byas las kyis ni/ /myur ba'i dus su byang chub thob/ /thabs bstan pa'i le'u ste bzhi pa'o// //thabs dang shes rab gnas pa la// de las skye ba'i bdud rtsi ni/ /bla ma'i bka' yis zad pa med/ /myur ba'i dus la rnyed nas ni/ /thams cad mkhyen pa the tshom med/ /'di dag thams cad ming tsam yin/ /ming gi khams su rab tu gnas/ /bshad byed de mang gung du la/ /bshad byed de yang gang na yod/ /gang las gang byung ming de ni/ /gang las gang byung chos de rnams/ /de ni med par 'gro ba yin/ /chos de med pas chos nyid yin/ /ma byung ming ni stong nyid yin/ /de yang ming du grub pa med/ /chos rnams thams cad ming med/ pa/ /ming med du ni shin tu bsal/ /de ltar rnam rtog gang byung ba/ /de yang stong nyid rnam rtog yin/ /mig gis mthong ba'i gzugs de ni/ /de nyid mkhyen pas yod par bshad/ /rdzun gyi nga rgyal 'jig rten pa/ /kun rdzob sems dpa' brten pa yin/ /rten 'brel 'dzom pas mthong ba gang/ /der snang ston pa 'dren pa yin/ /'dzin pa spyod pa'i sa yod par/ /don dam pa yi blo ma yin/ /mig gis gzugs ni mthong mi 'gyur/ /sems chos de yang yod mi 'gyur/ /gang snang thams cad rdzun du bshad/ /'jig rten pas ni gang spangs pa/ /de ni don dam yin par bshad/ /bden pa gnyis bstan pa'i le'u ste lnga pa'o// //dbu ma srid pa 'pho ba zhes bya ba/ 'phags pa klu sgrub kyis mdzad pa rdzogs so// // rgya gar skad du/ b+ha pa sam kran+ti Ti ka /bod skad du/ srid pa'i 'pho ba'i Ti ka /thams cad mkhyen pa la phyag 'tshal lo/ /dngos po med pa skye ba med ces bya ba la/ sa bon las sa bon 'byung ba/ /bzhin de ltar yin na ni bum pa las kyang bum

  324. 162b

    pa 'byung bar rigs/ rang nyid bya ba 'gag pas sa bon 'byung mi srid/ /'byung ba rnam pa lngas bsgyur ba'i chos nyid yin pa rten 'brel chos nyid yin/ /de lta yin na dge sdig sus khur chad ltar 'gyur/ /skye ba de ni ma yin no/ /byi bas so btab pa'i dug 'brug grag tsa na na pa bzhin no/ /rten 'brel las skyes pa'i chos nyid do/ /des na dngos ? po las skyes pa chos nyid ma yin/ dngos po med pa de la ni/ /skye ba blangs pa srid pa yin/ /zhes pa/ de ltar yin na dngos po med pa las byung na ni/ mo gsham bu nam mkha' i me tog kyang ri bong gi rwa yang srid/ /de ltar ma yin pa 'byung bas na 'byung mi srid/ /me'i nang du sa bon btab na skye mi srid/ /dngos po med pa de la ni/ /skye ba blangs pa srid pa bstan pa ni/ /ji ltar chu dwangs pas gang ba'i mtsho la bri ma dang pad+ma skyes pa bzhin no/ /gtsub shing dang lcags mag las mi 'byung ba bzhin no/ /byung mod skyon ci yod/ /rtag tu dngos po las byung bar bdag 'dod/ /de ltar ma yin 'khrul pa yin/ /dbang po rnams kyis gang rnyed pa/ /de ni de dag nyid 'gyur na/ /de nyid mkhyen pa byis par 'gyur/ /de nyid ye shes bya rgyu med/ /lang kar gshegs pa'i mdo las dngos po thams cad yod bsam pa de ltar byis pas brtags pa bzhin gal te de ltar mthong gyur na/ thams cad de nyid mkhyen par 'gyur/ /gzhan ston pa ni mig gi gzugs mi mthong ba bzhin/ /'jig rten pas ni gti mug gis/ /dbang po'i lam las byung 'gyur ba/ /de'i dpe ni 'di ltar yin/ /sgyu ma ltar/ smig rgyu/ rmi lam/ brag ca/ 'ja' tshon/ chu zla'i gzuT sprul pa'i/ sgyu ma'i grong khyer rnam rtog bzhin no/ /dpa' bo'i zhabs kyis kyang gsungs so/ /yod dang med pa skye dang 'chi/ /de ni 'gag pa gang med pa/ /dngos po stong pa nyid yin no/ /mtshan ma dngos po mthong ba rnams/ /dngos po mthong bas 'khrul pa yin

  325. 163a

    ji ltar nam mkha' i me tog bsam pa 'dra/ /mkha' dang mnyam pa'i chos nyid la/ /zhes pa ni/ nam mkha' dang mnyam pa dngos po stong nyid yin pas na/ /skye ba dang 'jig pa'i skyon gyi dri mas mgos pas na/ chos nyid tsam la gzugs dang tshor ba la sogs pa de rnams nam mkha' dang mnyam pa'o/ /gzhan skye ba na rten 'brel 'dzom pas skye'o/ /de yang kun rdzob 'jig rten pa la yin/ /don dam pa la mi mthun med/ /bsam gyis mi khyab sgyu ma chos kyi mtshan nyid yin/ /sa lu ljang pa'i mdo las/ /rten 'brel gyis ni skyes pa gang/ /rgyu lnga rnams kyis mthong gyur pa/ /khros rang nges pa la yin/ /chad pa po yang ma yin/ 'pho ba po yang ma yin/ rgyu rang byung ba yang ma yin/ 'bras bu smin nas byung ba yang ma yin/ de rnams ni mi mthun par 'brel/ kho rang nges pas yin pa gang zhe na/ ji ltar sa bon dang myu gu mi mthun pa bzhin no/ /ma yin te de ltar yin na sa bon gang yin pa de nyid myu gu /de ltar yin na sa bon 'gag /myu gu skyes pa na/ chad pa yang ma yin pa gang zhe na/ snga ma sa bon bkag pas myu gu skye ba ma yin/ sa bon bkag pa tsam las de'i dus su myu gu skye bas na/ srang la 'jal ba'i mtho dman bzhin no/ /'pho ba po ma yin pa gang zhe na/ sa bon ltar ma yin myu gu'o/ / rgyu rang byung ba ma yin pa gang zhe na/ dang po 'bras bu rang ma byung bas so/ /'bras bu smin nas byung ma yin pa gang zhe na/ 'bras bu'i ngo bor grub pa ste/ 'bras bus 'bras bu bskyed pa ni ma yin no/ /mi mthun par 'brel pa gang zhe na/ de ltar du rten 'brel gyis 'byung ba ste de rnams kyis bskyed pa'i 'bras bu'o/ /phung po bskyed lugs kyang/ ma rig pas 'du byed rnam par shes pa/ ming dang gzugs/ skye mched drug dang lnga yis phung po grub po/ /stong nyid rnams kyis

  326. 163b

    byung ba gang/ /de gzugs rnams kyi ngo bo ni/ /rten 'brel rkyen gyis byung ba yin/ /de ltar grub pas rab tu grags/ /de ltar stong nyid de rang ni/ /skyes nas gzugs na mthong 'gyur ba/ /dngos po thams cad stong nyid yin/ /de ltar stong nyid rab tu skyes de ltar du phyi nang gi chos thams cad stong pa'o/ /rang bzhin dngos po ni gang gis rgyus byung bas/ chos thams cad nam mkha' dang mnyam/ de ltar dngos po med pa srid pa yin no/ /rgyu med 'bras bu med pa dang/ zhes pas na/ 'jig rten 'di dang pha rol dang/ zhes pa'i bar la/ rgyu dbang phyug gis byas par 'dod pa dang/ las kyi 'byung ba sems tsam pa 'dod pa'am/ de ltar mi 'dod na dge sdig su 'khur/ mu stegs chad pa po ru thal/ de'i lan ni dngos po la ni bden pa med// las kyis 'byung yang rmi lam bzhin/ /dngos po 'di ltar med pas na/ /ma skyes med pa de la ni/ /yun ring rten 'brel 'don tsam na/ /de dus las kyi 'bras bu myong/ /'phags pa ting nge 'dzin rgyal po'i mdo las/ /'jig rten 'di la 'chi ba gang yang med/ /'jig rten pha rol tu 'gro ba gang yang med/ /las kyis med pa mi srid do/ /byas pa'i 'bras bu ster bar byed/ /thog ma med pa 'khor ba la/ /lang kar gshegs pa'i mdo las gang gis rtag tu stong nyid bshad/ /yod dang chad pa spangs pa nyid/ /'khor ba rmi lam sgyu ma ming/ /las med par ni mi 'gro'o/ /'phags pa nam mkha' dang mnyam pa ting nge 'dzin gyi mdo las/ sngar byas de ni mi mdzad do/ /mi mdzad pa de dge mi dge/ bde bar gshegs kyis sngar bgyis pas// de yang mdzad par mi 'gyur ro/ /byang chub sems dpa' i byang chub sems/ /de yang mdzad par mi 'gyur ro/ /brtan pa thob par byas pa yang/ /de yang mdzad par mi 'gyur ro/ /las kyang med par mi 'gyur ro/ /bskal pa bye ba'i bar du yang/ /rten

  327. 164a

    'brel 'dzom pa'i dus las ni/ /lus can rnams kyi 'bras bu myong/ /skye ba med pa'i ngo bo nyid/ /ces pa la/ dbang phyug gis ji ltar gal te ma sprul na/ /'jig rten pa ni ji ltar byung/ /mo bsham mo yi bu la yang/ /de la bu skyes skye bar mdzad/ /'jig rten pa 'di sngar ma skyes pa shes pa la sogs pa la dang por rang ma skyes pa rten 'brel la 'byung ba'i dngos po yin/ de'i dbang phyug la sogs pa sus kyang skyer 'jug pa med/ sems can pa dang po rang skyes pa med pas/ /dbang phyug kho rang ma grub pa la/ rten 'brel las 'byung ba'i dbang phyug gis skye ru bcug pa med/ lang kar gshegs pa'i mdo las/ skye dang 'chi ba'i de gnyis ni/ /byis pa rmongs pa mthong ba yis/ skye med 'chi med de gnyis ni/ /shes rab can gyi de ltar mthong/ /'phags pa ting nge 'dzin gyi rgyal po'i mdo las/ yod pa med pa de las ni/ /gnyi ga mdza' ni med pa yin/ /dag dang ma dag de la ni/ /de gnyis la yang mdza' med do/ /de gnyis spang pa de la ni/ dbus su gnas pa gang yang med/ /de ltar mkhas pas rtogs par bya/ /dbu ma dar ba nas/ rtog pa gang gis rtogs tsam na/ /de rtags 'bras bu med par 'dug /de ltar du ni mkhyen pas gsungs/ /rnam rtog gis ni tha mal bcings/ /brtag pa byas na grol bar byed/ /de byed pas ni 'gro ba yin/ /rnal 'byor pa'i ni stong par mthong/ /ji ltar rab rib mthong 'gyur ba/ /sman gyi sbyor bas mthong ba ltar/ /rab rib de yang gsal bar 'gyur/ /ma rig pa yi rab rib kyis/ /bsgribs pa'i mig gis skye ba dang/ /'chi ba brtan par bzung nas te/ /bag chags dbang gis grol ma nus pa rnams la gsungs/ don med 'khyams pa 'jig rten pa la sogs pa'i gsungs so/ /byed pa po dang tshor ba po la sogs pa gang yang

  328. 164b

    med pa la/ grol ba'i don mi byed par don dam par 'khyams pa'o/ /yang na don med du 'khyams pa srid pa'i rgya mtsho la sgyu ma'i grong khyer ltar/ 'phags pa lha'i zhabs kyis gsungs pa ni yod dang med pa gnyi ga med/ /yod med gnyis bsres de yang med/ /de min loT pa de yang med/ /brtag pa yun ring byas kyang ni/ /de la tshig brjod shin tu dka' / /dngos po yod pa dang med pa dang skye ba dang 'chi ba gang yang spangs pa'i chos bdag med par bstan pa'i le'u ste dang po'o// //da ni phung po bdag med du ston pa ni kun rdzob la brten nas gsungs te/ 'jig rten pa'i skye lugs ni/ /rnam rtog las ni 'jig rten 'gyur/ /zhes pa ni/ rnam rtog ni dge ba dang mi dge ba'i rtog pa'o/ /de la rten 'brel gyis byung ba 'jig rten pa'o/ /dge ba dang mi dge ba yis 'gro ba rigs drug tu phung po blangs te 'jig rten ming ngo/ /rnam rtog gis bskyed pa'o/ chu 'am 'bras bu la sogs pa rnam rtog dang rten 'brel gyis bslangs pa yin/ skye ba blangs pas sems byung/ sems las bdag 'dzin byung/ de las gzhan yang byung ngo/ /de yang rin po che 'phreng ba nas gsungs pa/ phung po 'jig pa'i bar du ni/ /de la bdag 'dzin 'byung bar 'gyur/ /bdag 'dzin byas pa'i dus su yang/ /de la las byas yang skye len/ /dus gsum du ni mdza' med par/ /dbus su 'khor ba'i 'khor lo ni/ /'gal me'i 'khor lo lta bur 'khor/ /rten 'brel 'dzom pas 'khor ba'o/ /sems las lus kyang byung ba la/ /zhes pa ni/ bdag yod pa ni gzhan 'byung ngo/ /rang gzhan cha yi zhe sdang 'byung/ /de gnyis kyis ni rab bcings pas/ /skyon rnams thams cad rab tu skyes/ /lus las brtags par bgyis tsam ni/ /sems tsam pa yi 'dod lugs la/ /sngar brtags pa byas pa bzhin shes

  329. 165a

    bya'o/ /phyi'i phung po brtags pa ni/ /gzugs dang tshor ba ming dang ni/ zhes pa ste/ gzugs ni 'byung bas byung ba'o/ /gzugs dang kha dog la sogs pa bdag nyid yod pa dang med pa dang/ gnyis ka dang gnyis ka ma yin pa'i rgyus skyes pa brtags pa tsam na/ mi bden pas rtog mi nus pas spu ba dang 'dra ste stong nyid do/ /tshor ba ni bde sdug gis bdag nyid can de yang/ /rten 'brel gyi skyes ba med pa'i rgyu chu bur dang 'dra'o/ /'du shes ni dngos po yod pa ma yin te/ de ni ming tsam yin no/ /smig rgyu dang 'dra bar med pa'o/ /'du byed ni dngos po med pa ste/ bza' ba dang btung ba dang/ skom pa bde ba bskyed pa/ de yang sa la sogs pa'i 'byung ba'i rkyen gyis so/ de yang rnam rtog med pa'i dngos po chu shing lta bu'o/ /sems de rnam par shes pa ni rang dbang med par 'byung ba'i mtshan nyid do/ /sems ni rnam par rtog pa tsam ste sgyu ma lta bu'o/ /don dam pa la med pa'o/ /pha rol tu phyin pa las kyang gsungs pa/ sems yod pa dang/ med pa dang/ gzhan yang rang bzhin med pa stong pa'o/ sems kyis sems la bltas tsam na/ gang yang ma mthong bar stong pa'o/ /de ltar yin na bde gshegs bem por 'gyur ro/ /zhe na/ de ltar ma yin te/ nam sems dang rnam par shes pa dang/ rnam rtog log pa'i dus tsam na chos kyi sku thob pa'o/ /sangs rgyas kyi gnas thob ste ye shes sku'o/ /de yang 'di ltar dngos po de yang med/ /shes bya de yang 'di ltar med/ /gnas pa po yang med gnas pa yang med pa'o/ /ro dang 'dra ba'i tshad ma mkhan byis pa rnams kyi rnam rtog yin no/ /bde gshegs ni 'das pa dang ma 'ongs pa dang da ltar ba mkhyen pa yin no/ /mngon par shes pa'i spyan gyis thams cad gzigs pa'o/ /sems las byung ba ni sems kyi

  330. 165b

    rnam rtog go /brtag pa ni sngar bzhin no/ /gzugs ni sbu? ba bzhin no/ /tshor ba chu bur bzhin no/ /'du shes smig rgyu bzhin no/ /'du byed ni chu shing bzhin no/ /rnam par shes pa sgyu ma bzhin no/ /rnam par rtog pa ni phung po bdag med rnam par shes pa bdag med dngos po grub pa 'di ltar med mo gsham mo'i bu'i dpon bzhin no/ /phung po bdag med pa bstan pa'i le'u ste gnyis pa'o// //da ni shes rab 'phel bar byed pa'i don du bdag med gnyis su bsdus nas bshad pa ste/ sems med pas na chos nang med/ /ces pa la sogs pa la/ chos ni dngos po ste byas pa dang ma byas pa'i dang med pa'i phung po/ /sa'i khams la sogs pa yang de bzhin no/ /chos rnams kyi rtsa ba ni sems yin pas na sems 'gog pa'o/ /gang du sems byung chos nyid la sems legs 'khyogs pa'i tshig gsungs pa/ gzhan yang sangs rgyas kyis gsungs pa ni/ yi ge med pa'i chos nyid la/ /thos pa ci yod bshad ci yod/ /thos dang bshad dang don la ni/ /mnyam pa nyid de yi ge med/ /gzhan yang sangs rgyas kyis gsungs pa ni/ kun rdzob spyod la ma brten par/ /don dam pa la bshad pa med/ /don dam pa de ma shes par/ /mya ngan las 'das pa mi 'byung ngo/ /gzhan yang bstan bcos las gsungs pa ni/ /rten 'brel brten nas skyes pa gang/ /de ni stong nyid rab tu bshad/ /rten 'brel gyis gang skyes pa dang/ /de ni skye med ngo bo yin/ /rten 'brel la brten gang byung ba/ /stong pa ru ni rab tu bshad/ /stong nyid shes pa gang yin pa/ /bsnyo med mkhyen pa de yin no/ /mang du bshad pa don med yin/ /de ltar gnyis su med pa'i lam gyis sangs rgyas grub pa thams cad mkhyen pa'o/ /de'i lam de nges par shes par bya ba'i don du gnyis med kyi lam gang yin pa de rang nyid gnyis med do/ /yang na skye ba

  331. 166a

    dang 'chi ba med pas na/ /yod pa dang med pa dang rtag pa dang mi rtag pa dang/ dngos po yod pa dang med pa la sogs pa gnyis ga rtogs pa med pas gnyis su med pa'i ye shes so/ /de ltar na gnyis med do/ /de gnyis the tshom brjod du med pa shes rab kyi pha rol tu phyin pa'i ye shes so/ /de shes nas dngos su gang byed pa de de nyid mkhyen bas sangs rgyas bcom ldan 'das so/ /sangs rgyas des snying rje'i stobs kyis rab tu gsungs so/ /ma rig pa la sogS pa yod kyi bar la skye ba len no/ /ma rig pa la sogs pa nas 'gags pa shes tsam na de nyid mkhyen pa'o/ /'di dag thams cad brten med yin/ zhes pa ni rten med pa'i snying rje shes rab kyi spyan gyis bdag med pa/ dngos po stong pa nyid byed pa po dang tshor ba po brten pa med pa'i snying rje shes rab kyis bdag med pa/ dngos po stong nyid byed pa po dang tshor ba po brten pa med pa'o/ /'di thams cad khams gsum ma lus pa ste med pa stong pa nyid do/ /de ni don dam pa'o/ / shes rab kyi pha rol tu phyin pa las kyang gsungs te/ gzugs rab tu mi mthong ngo zhes pa la sogs pa rab 'byor la gsungs so/ /rten 'brel bcu gnyis 'gag pa'i chos nyid las/ sangs rgyas kyi yon tan gyis cha nges pa chos kyi sku stong pa nyid kyi dngos po rab tu bshad do/ /des ni shes rab kyi pha rol tu phyin pa'o/ /shes rab bstan pa'i le'u ste gsum pa'o// //de ltar shes rab bstan nas da ni thabs bstan te kun rdzob la sbyin pa tshul khrims bzod ba dang/ zhes bya ba la sogs pa ste/ nyi ma shar tsam na grib ma 'byung ba ltar thabs bstan to/ /dang po sbyin pa rtsa bar bshad/ gzhan yang gsungs pa/ 'jig rten pa 'di thams cad ni/ bde skyid gcig pu re ba yin/ /longs

  332. 166b

    spyod med pa'i mi rnams la/ /bde ba re? yang ga na thob/ /sbyin pa btad bas longs spyod 'byung/ /des na sbyin pa rtsa bar bshad/ /sbyin pa la yang bzhi ste/ chos zang zing mi 'jigs byams pa'o/ /rgyal srid bdag gis mgo mthar thug pa tshun chod sbyin pa'o/ /nor/ 'bru/ gser/ dngul/ rin po che/ mu tig /byu ru/ shing rta/ glang po che/ g.yog/ khol po/ khol mo/ grogs chung ma/ bu mo bu pho/ gces pa'i nor mgo /rna ba/ sna/ lag pa/ rkang pa/ mig/ rang gi sha/ khrag/ rus pa/ rkang mar/ tshil bu/ pags pa/ snying bdag gi dngos po thams cad sbyin pa'o/ /de ltar yin na byang chub sems dpa' i spyod pa shin tu mi dka' 'am/ bde ba'i thabs sangs rgyas thob par byed pa la/ /sangs rgyas kyi bde ba dang mi mnyam pa'i bde pa'o// sdug bsngal brgya phrag gis spyod pa yang sdug bsngal du mi 'gyur ro/ /dper na bu gcig gsod pa'i dus su phas? rjes pa ltar ro/ /sems goms tsam na mi nus pa gang yang med de/ lus po'i bye brag gis sbrul dang dug rma bya'i bdud rtsi'o/ /de goms pas dug kyang bcud len du 'gyur ro/ /khyad par du dga' ba dang bde ba skye'o/ /goms pa gang yin pa de bdud rtsir 'gyur ba yin pas na/ sdug bsngal sems kyi rnam rtog yin no/ tshul khrims kyi thabs ni/ tshul khrims skad pa spyod pa min/ mi dge ba bcu spong ba dang so so thar ba'i sdom pa bsrung ba dang/ srog chags thams cad la phan 'dogs byed pa byams pa'i sems dang ldan pa/ rang gi longs spyod la cho ga shes pa/ mi tshangs par spyod pa spangs pa bden par smra pa/ de ltar byed pa'o/ /tshig rtsub mi smra pa/ gzhan gnyis par byed pa/ dul pa'i spyod pa chos bzhin du smra ba gus par smra ba/ gzhan gyis bdag tu gzung ba la 'dod sred pa med pa 'dod pa'i sems rnams mi skye ba ltad mo la sogs pa ngo tshar spangs pa/ drang ba g.yo rgyu med pa/ sangs rgyas dang chos

  333. 167a

    dang dge 'dun gsum la shin tu mos gus che ba'i sems dang/ sems can rnams sangs rgyas par byed pa la spro ba che ba/ sbyin pa dang tshul khrims la sogs kyis/ /yun rings bsod nams bsags pa yang/ /gal te bzod pa med na ni/ /mod la bsod nams med par 'gyur te/ zhi ba lhas kyang gsungs pa/ bskal pa stong du bsags pa yi/ /sbyin dang bde gshegs mchod la sogs/ /legs spyad gang yin de kun yang/ /khong khro gcig gis 'dzoms par byed// zhe sdang lta bu'i sdig pa med/ /bzod pa lta bu'i dka' thub med/ /de bas bzod la nan tan du/ /sna tshogs tshul gyis bsgom par bya'o/ /zhes gsungs so/ /bzod pa la gsum te/ sdug bsngal dang du len pa'i bzod pa dang/ brnyas pa la ji mi snyam pa'i bzod pa dang/ chos la nges par sems pa'i bzod pa'o/ /de la dang po ni su dag gi skad smra na/ 'di ltar du bdag gis khyed la chos kyi bla na med pa yang dag par rdzogs pa'i sangs rgyas thob par byed pa la/ byang chub sems dpa' i spyod pa dag par byed pa la/ /bdag gis smras pa nyon cig /mi nyan na me chen po 'bar ba'i nang du chug la bsregs shig /shin tu sdug bsngal 'byung bar lus pos khur cig /de'i lan ni 'di skad smra'o/ /de ltar byung mod shin tu spro/ bdag cag chos kyi bla na med pa'i rdzogs pa'i sangs rgyas/ byang chub sems dpa' i spyod pa dag par byed pa'i don du/ stong gsum gyi stong chen po'i 'jig rten gyi khams su me 'bar ba yod pa la/ tshangs pa'i gnas rang lhung nas 'chod/ /khyed gsungs pa'i me lta bu smos kyang ci 'tshal/ gzhan gyis brnyas pa la ji mi snyam pa'i bzod pa ni/ brtags pas khro ba ma mthong bar mtshon nas sha bcad cing yod pa la bla lhag bzod pa bskyed la/ bdag gis lag brgya phrag

  334. 167b

    gcod pa po yang spyi bor 'khur ro/ /de'i thog tu yang byams pa'i sems dang ldan no/ /chos la nges par sems dpa' i bzod pa ni/ shin tu zab pa'i theg pa la shin tu legs pa'i thub pa'i chos la thog ma nas rnyed pa la skad cig kyang sems the tshom mi za bar ba? cig ni chos la nges par sems pa'i bzod pa'i 'dod lugs ni gzhan gyis brnyas pa la ji mi snyam pa'i bzod pa bzhin du/ de la khyad ni chos kyi dngos po rang la brten pas so/ /brtson 'grus ni zhi ba lhas gsungs pa/ 'di ltar brtson la byang chub gnas/ /rlung med 'gro ba med pa bzhin/ /bsod nams brtson 'grus med mi 'byung/ /brtson gang dge la spro ba yin/ /zhes gsungs pas so/ /brtson 'grus byed pa'i don lta ba ni/ /cis kyang mdza' ba dang bral ba/ /mi mdza' ba dang 'groT pa dang/ /nad dang rgas dang 'chi ba dang/ /mya ngan la sogs pa'i sdug bsngal ngan song la sogs par lhung nas rtag tu bde ba skad cig bde bar lta ba/ mi khom pa'i gnas brgyad las grol ba'i dus su byang chub kyi spyod pa la yang dag par bltas nas le lo spangs te brtan par byas nas the tshom med par sdug bsngal spangs pa'i don du brtson 'grus brtsam par bya'o/ /bsam gtan ni shes rab dang thabs gnyis su byas nas sems rtse gcig tu byed pa ni bsam gtan no/ /shes rab ni sngar bstan pa bzhin no/ /sbyin pa'i pha rol tu phyin pa la sogs pa ster ba po dang len pa po gang yang mi dmigs par stong pa nyid du rtog pa'o/ /nyi ma ji ltar gling rnams la bskor nas bzlog pa bzhin du shes rab kyi pha rol tu phyin pas sbyin pa'i pha rol tu phyin pa la sogs pa la khyab pa'o/ /de ltar khyab pa'o/ /pha rol tu phyin pa bsdus pa ni/ rang gi don rnams spangs pa ni sbyin pa'o/ /gzhan la phan 'dogs pa ni tshul khrims so/ /'gro ba spangs pa ni bzod

  335. 168a

    pa'o/ /dge ba la brtson pa ni brtson 'grus so/ /sdig pas mi gos pa gcig pu ni bsam gtan no/ /bden pa don dam pa bstan pa ni shes rab po/ /sems can rnams la snying rjes khyab par byed pa ni shes rab bo/ /sangs rgyas sgrub par byed pa ni pha dang ma dang bu mo dang gnyen dang 'khor dang chung ma la sogs pa rgyal sa dang phyug pa dang skyid pa la sogs pa zan lhag bzhin du spangs nas grol ba'i don du nags gseb du 'gro bar bya'o/ /sbyin pa la sogs sdug bsngal ma yin zhing sangs rgyas thob pa'i bde ba dang mi mnyam mo/ /thabs bstan pa'i le'u ste bzhi pa'o// //thabs dang shes rab gnas pa la/ zhes pa ni/ shes rab ni sngar gsungs pa bzhin no/ /ji ltar rten 'brel gyi skyes pas dngos por brtaD pa'i mtshan nyid do/ /thabs ni sngar bshad pa bzhin sbyin pa la sogs pa byed do/ /de gnyis gcig tu byas te bstan par byed pa ni bla ma med na rmi lam na yang 'byung ngo/ /de ltar yin na thabs dang shes rab gnyis su de phye nas gnyis su byung yang sbyin pa la sogs pa dbye na mang du 'gyur ba'i skyon byung zhe na/ 'di dag thams cad ming tsam ste thabs dang shes rab dpe kun rdzob tsam la brten nas grub bo/ /pha rol tu phyin pa nas kyang gsungs so/ /sbyin pa'i pha rol tu phyin pa ni ming tsam mo/ / shes rab kyi pha rol tu phyin pa ni ming tsam mo/ /khams gsum yang ming tsam mo/ /de gnyis gsal bar gsungs pas/ gang las gang byung ming de ni/ zhes pa la sogs gsungs te/ sngar brtags pa bzhin/ chos ming tsam du bstan te/ don dam par dngos po med pa'o chos de med pas chos nyid yin/ zhes pa ni/ ming tsam du grub pa ste dngos po stong pa nyid yin/ rten 'brel las byung ba kun rdzob tsam mo/ /ma byung ming ni stong nyid yin/ zhes pa la sogs pa ni/ kun rdzob tu ming rtaT

  336. 168b

    pa tsam yin no/ /sgra mkhan pa na re sgra las thams cad byung zer ba la/ de rang yang kun rdzob la ming tsam du grub bo'o/ /de ltar rnam rtog gang byung ba zhes pa la sogs pa ni ming tsam du yin/ stong pa nyid du brtag pa sngar bzhin du go sla'o/ /mig gis mthong ba'i gzugs de ni/ zhes pa la sogs pa ni/ mig gis gzugs mthong ba la sogs pa bcom ldan 'das kyis lung bstan pa ni kun rdzob pa la bstan pa'o/ /rdzun gyi nga rgyal 'jig rten pa/ zhes pa la sogs pa la/ nga rgyal gyis sems can brten nam/ yul dang dus tshod la brten nas/ bcom ldan 'das kyis brdzun can lta bur gsungs so/ /don dam pa la bshad med do/ /don dam pa gtan la 'bebs pa'i thabs su rdzun du bshad do/ /'phags pa'i bden pa bzhi ni/ sdug bsngal gyi bden pa dang/ kun 'byung gi bden pa dang/ 'gog pa'i bden pa dang/ lam gyi bden pa la sogs pa kun rdzob pa la bstan to/ /rten 'brel 'dzom pas mthong ba gang/ zhes pa la sogs pa ni/ /'dren pa bcom ldan 'das kyis gsungs so/ /gzugs sgra la sogs ba 'dzom par 'dod pa'i sems can rnams la snang bar bstan to/ /gang gis gang la thabs sna tshogs kyi sgo nas sems can gdul byar btul nas de rnams grol bar byas nas 'dren pas na bcom ldan 'das so/ /'dzin pa spyod pa'i sa yod pa zhes pa la sogs pa la/ kun rdzob la brten nas sa dang po la sogs pa bstan pa'o/ /don dam pa'i sa ni blo shin tu phra ba mthar thug med pa/ rtog pa dang bral ba stong nyid du mkhyen pa'i shes rab can gang la yod pa de blo ldan yin te/ de ni bcom ldan 'das so/ /mig gis gzugs kyang mthong mi 'gyur/ la sogs pa ni/ rab rib can lta bu mig rang gis mig dang gzugs mi mthong ngo/ /sems chos de yang sems kyis sems la bltas tsam na sems mi mthong ngo

  337. 169a

    des na yod bar mi 'gyur ro/ /ting nge 'dzin gyi rgyal po'i mdo las kyang gsungs te/ mig dang/ rna ba dang/ sna dang/ lce dang/ lus dang/ yid dang/ gzugs dang/ sgra dang/ dri dang/ ro dang/ reg bya dang/ chos med/ ces gsungs so/ /da ni 'jug bsdu ba gsungs ba ni/ /gang snang thams cad la sogs pa ste/ sngar bshad pa'i thabs dang shes rab gnyis gcig tu byas pa'i ye shes la sogs pa rdzun du bshad pa'o/ /'jig rten pas ni gang spangs pa/ zhes pa ni/ phyin ci ma log pa dang nyid/ 'jig rten pa tha mal pas/ gang la ma rtogs pa gang yid kyi bsam par ma gyur/ yid kyis bsam gyis mi khyab pa/ dbang po yul du ma gyur pa/ ma rig pa'i ling thog gi mun pas bka' bas ma mthong ba spangs pa/ dbang po shin tu rnon po 'phags pa'i ye shes kyis mthong ba'i yul don dam pa'o/ /'phags pa gta na b+hu ta'i mdo las/ de nyid shin tu ngo mtshar can/ /zab pa de ni mdza' med pa/ /de ni rnyed par dka' bas na/ / 'jig rten pa yi blo yis ni/ /de yi spyod yul ye shes med/ /kun rdzob dang don dam pa'i bden pa'i le'u ste lnga pa'o// //'gro ba rigs drug las srid pa 'pho pa'i thabs sangs rgyas thob par byed pa'i thabs rdzogs so/ // paN+Di ta byams pa mgon pos mdzad pa'o/ /paN+Di ta zla ba gzhon nu la/ gru ston chung gis zhus nas rang 'gyur du mdzad pa rdzogs so// //'grel pa bud+d+ha pI yi? ta slob dpon sangs rgyas kyis mdzad pa bzhugs so// //rgya gar skad du/ bud+d+ha pA? la ta ? mU la ma d+hya mag priTTi/ bod skad du/ dbu ma rtsa ba'i 'grel pa bud+d+ha pA li ta// //bam po dang po/ /dkon mchog gsum ma phyag 'tshal po/ /'jam dpal gzhon nur 'gyur pa la phyag 'tshal lo/ /slob dpon 'phags pa klu sgrub

  338. 169b

    la phyag 'tshal lo/ /slob dpon btsun ba bud+d+hya pA li ta la phyag 'tshal lo/ /'di ltar slob dpon rten cing 'brel bar 'byung ba rjes su ston par bzhed bas/ rten cing 'brel bar 'byung ba'i zab mo nyid yang dag pa ji lta ba bzhin du gzigs pas ngo mtshar du gyur pa'i thugs dang ldan pa/ dad pa las byung ba'i mchi ma khrug ches mdzad pa'i spyan mnga' ba/ sku'i spu zing zhes mdzad pa dang ldan bas thal mo sbyar ba dbur bzhag ste/ de bzhin gshegs pa rnams ni chos kyi sku'o zhes don dam pa ston pa'i tshigs su bcad pa 'di brjod pas mdun na 'dug pa dang 'dra bar bzhag nas/ de bzhin gshegs pa bla ma dam pa la/ /gang gis rten cing 'brel par 'byung/ /'gag pa med pa skye med pa/ /chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ /rdzogs pa'i sangs rgyas smra rnams kyi/ /dam pa de la phyag 'tshal lo/ /zhes rgyu sngan yod pa'i phyag bzhes pa mdzad de/ gang gis dbang phyug dang dus dang rdul phran dang rang bzhin dang ngo bo nyid la sogs par smra ba spros pa thibs por 'khyams pa'i 'jig rten la/ rten cing 'brel par 'byung ba zhes bya ba don dam pa'i bden pa mchog tu zab pa/ 'gag pa med pa skye ba med pa/ chad pa med pa rtag pa med pa/ 'ong ba med pa 'gro ba med pa don tha dad pa ma yin pa/ don gcig pa ma yin pa/ spros pa thams cad nye bar zhi ba mya ngan las 'das pa'i grong khyer du 'gro ba/ zhi ba lam drang po 'di bstan pa/ yang dag par rdzogs pa'i sangs rgyas smra ba rnams kyi dam pa de la phyag 'tshal lo zhes bya ba yin no/ /bcom ldan 'das kyis phyi rol pa phas kyi rgol ba thams cad byis pa bslu ba 'dra bar thugs su chung nas 'gro ba long ba lag nom byed pa lta bu la rten cing 'brel bar 'byung ba bstan par slob dpon gyis yang dag

  339. 170a

    par /gzigs pas smra ba rnams kyi dam pa zhes gsungs so/ /'gag pa med pa zhes bya ba ni 'di la 'gag pa yod pa ma yin pa'o/ /tshig gi lhag ma rnams la yang de bzhin du sbyar bar bya'o/ /tshigs su bcad pa de ni mdo lta bu ste/ bstan bcos lhag mas de rnam par bshad par byed par 'gyur ro/ /de yang brjod pa la mngon par zhen pa'i dbang gi sgo de dang des byed par 'gyur gyi go rim ji lta ba bzhin du ni mi byed do/ /ci ste rten cing 'brel par 'byung ba rjes su bstan pa la dgos ba ci yod ce na/ bshad pa/ slob dpon thugs rje'i bdag nyid can gyi sems can rnams sdug bsngal sna tshogs kyis nyen par gzigs nas de dag rnam par grol bar bya ba'i phyir dngos po rnams kyi yang dag pa ji lta ba nyid rab tu bstan par bzhed pas rten cing 'brel bar 'byung ba rjes su bstan pa brtsams te yang dag ma yin mthong ba 'ching/ yang dag mthong ba rnam par grol// zhes gsungs pa'i phyir ro/ /dngos po rnams kyi yang dag pa ji lta ba nyid gang yin/ bshad pa/ ngo bo nyid med pa nyid de/ mi mkhas pa gti mug gi mun pas blo gros kyi mig bsgribs pa ni dngos po rnams la ngo bo nyid du rnam par rtog pa na de dag la 'dod chags dang zhe sdang dag bskyed par byed do/ /gang gi tshe rten cing 'brel par 'byung ba shes pa'i snang bas gti mug gi mun pa bsal cing/ shes rab kyi mig gis dngos po rnams kyi ngo bo nyid mthong ba de'i tshe na gnas med pa la de'i 'dod chags dang zhe sdang dag ma skye'o/ /'di lta ste dper na la la zhig gzugs brnyan gyi bud med la bud med do snyam ba'i blo gros skyes nas kun tu 'dod chags bskyed de dang 'brel pa'i yid kyis de la rnam par rtog par byed do/ /gang gi tshe yang dag pa ji lta ba bzhin du rtogs pa de'i tshe na bud med kyi blo gros med par gyur cing 'dod chags dang bral nas

  340. 170b

    shin tu ngo tsha ba skyes te/ rang gi sems gnas med pa la 'dod chags skye ba la 'phya ba de dang 'dra ste de ltar bcom ldan 'das kyis kyang dge slong dag bud med la nang gi bud med kyi dbang po yang dag par rjes su mi mthong ste/ dge slong dag gal te bu da med yin na nang gi bud med kyi dbang po yang dag par rjes su mi mthong ngo/ /zhes rgya cher bka' stsal to/ /de'i phyir slob dpon 'phags pa lhas kyang/ srid pa'i sa bon rnam shes te/ /yul rnams de yi spyod yul lo/ /yul la bdag med mthong na ni// srid ba'i sa bon 'gags par 'gyur/ /zhes gsungs so/ /de lta bas na slob dpon kyis dngos po rnams kyi ngo bo nyid med pa nyid rab tu bstan pa'i phyir 'di brtsams so/ /'dir smras pa/ gang gi tshe de bzhin gshegs pa thams cad mkhyen pa thams cad gzigs pa thugs rje chen po mnga' ba nyid kyis rten cing 'brel par 'byung ba de dang der de lta de ltar bshad cing rab tu bstan zin na/ yang de rjes su rab tu bstan pa la dgos pa ci yod/ bshad pa/ de bzhin gshegs pa nyid kyis rten cing 'brel bar 'byung ba bshad cing rab tu bstan pa bden mod kyi/ 'on kyang 'jig rten gyi tha snyad kyi dbang gis skye ba la sogs pa'i brjod pa dag gis bshad cing rab tu bstan pas/ de la de ltar nyid kyang brjod pa tsam la mngon par zhen pa'i blo can kha cig rten cing 'brel par 'byung ba mchog tu zab pa ma rtogs pa na/ dngos po rnams ni yod pa kho na yin te/ gang gi phyir de dag gi skye ba dang 'gag pa dang 'gro ba dang 'ong ba dag brjod pa'i phyir ro/ /gang gzhi yod pa las rtag pa dang chad pa dang de nyid dang gzhan nyid du sems bdag byed kyi/ ri bong gi rwa la sogs pa med pa dag la de dag mi 'byung ngo snyam du sems pa de dag la rten cing 'brel par 'byung ba'i ngo bo nyid rab tu bstan pa'i phyir slob dpon gyis rigs pa dang lung sngon du btang ba 'di brtsams

  341. 171a

    so/ /gzhan yang gang kho na'i phyir de bzhin gshegs pas rten cing 'brel par 'byung ba bshad cing rab tu bstan pa de kho na'i phyir slob dpon gyis rjes su rab tu bstan par 'thad kyi/ ma bshad cing rab tu ma bstan par rjes su rab tu ston par 'os pa de gang zhig yin/ 'di ltar 'jig rten pa'i bstan bcos dag kyang sngon gyi slob dpon rnams kyis bshad cing rab tu bstan pas da ltar nyid kyang de rnams kyi slob ma dag rjes su smra bar byed do/ /de'i phyir slob dpon gyis rjes su rab tu bstan par rigs so/ /'dir smras pa/ ci'i phyir 'gag pa la sogs pa brgyad po de dag 'gog par byed/ 'gag pa med ba skye med pa/ chad pa med pa rtag med pa/ zhes bya ba de tsam zhig byas pas mi chog gam/ bshad pa/ dngos po'i ngo bo nyid smra ba dag phal cher tha snyad kyi dbang gis bstan pa 'gag pa la sogs pa brjod pa brgyad po de dag gis dngos po yod pa nyid du ston par byed pas de'i phyir 'gag pa la sogs pa brgyad po de dag nyid dgag pa mdzad do/ /de bzhin du de kho na sems par byed pa'am/ 'gyed pa rtsom par byed pa gang dag ci yang rung ba de dag kyang 'gag pa la sogs pa'i don de dag la brten nas sems pa dang brtson par byed do/ /'di lta ste/ re zhig kha cig na re dngos po thams cad ni skye ba dang 'gag pa'i chos can skad cig ma ste rgyun gyis rgyun du 'byung ngo/ /zhes zer ro/ /gzhan dag na re rang bzhin dang skyes bu gnyis rtag ces zer ro/ /gzhan dag na res la sogs pa rdzas dgu po dag rtag ces zer ro/ /yang gzhan dag ni chos dang chos ma yin pa dang/ nam mkha' dang/ dus dang gang zag dang srog ces bya ba rdzas drug po dag rtag ces brjod do/ /de bzhin du phal cher srog dang lus gnyis/ me dang bud shing gnyis/ rgyu dang 'bras bu gnyis/ yon tan dang yon can gnyis/

  342. 171b

    yan lag dang yan lag can gnyis ni de nyid dang gzhan nyid ces 'gyed par byed do/ /de bzhin du kha cig na re yon tan bya ba dang ldan ba rnams dang rtags 'khor ro zhes zer do?/ /gzhan dag na re rdul phran dang yid gnyis ni ming gro'o? zhes zer ro/ /gzhan dag ni srog dang gang zag gnyis 'gro ba dang ldan no zhes brjod do/ /grub nas gong du 'gro bar yang 'dod do/ /de'i phyir de kho na sems dpa' dang 'gyed pa rtsom pa'i dbang gis 'gag pa la sogs pa brgyad po dgag par mdzad do//'dir smras pa/ 'on ci'i phyir 'gag pa sngar bkag la/ skye ba phyis bkag /skye ba med pa sngar brjod par bya ba'i rig ba snyam na/ bshad pa/ de ni klan kar mi rung ste/ ci'i phyir zhe na/ yi ge la mkhas pa rnams la ni bsdu ba la sbyor ba ltag 'o? /nges pa yod kyi/ gzhan ma? ni nges pa med pa'i phyir ro/ /'dir smras pa/ de lta na yang skye ba yod na 'gag par 'gyur gyi med na mi 'gyur bas go rim bzhin du sngar skye ba med ba zhes brjod par bya ba kho nar 'gyur ro/ /bshad pa/ grogs po 'di ltar skye bsngal 'gag par phyi'o/? zhes bya bar gang gis kho bo cag yid ches par 'gyur ba'i dpe 'ga' zhig ji gyis shig /smras ba thams cad kyang dpe yin te/ ji lta zhe na/ re zhig skye 'di don med gang phyir skye ba yod na rga shi dang/ nad dang sdug bsngal gsad deng bcing la sogs pa'i dgra dag yod/ ces bya ba bzhin no/ /bshad pa/ gang la 'chi ba yang skye ba gang yin pa de la yang 'chi ba sngon du 'gro ba kho na yin pa snyam/ gal te de 'chi ba sngon du 'gro ba ma yin na ni 'khor ba la thog ma yod par thal bar 'gyur bas/ de yang mi 'dod de/ de'i phyir 'khor ba la thog ma dang tha ma med pa'i phyir skye ba snga la 'chi ba 'phyi ba 'am 'chi ba snga la skye ba 'phyi'o/ /zhes bya bar brjod par mi nus so/ /'og nas kyang/ gal te skye ba snga gyur la/ /rga shi 'phyi ba yin na ni/ /

  343. 172a

    /rga shi med par skye ba dang/ ma shi bar yang skye bar 'gyur/ zhes 'byung ngo/ /smras pa 'o na/ gal te 'jigs mang skye ba med na don med de mi 'byung/ shing skyes med na nags me rlung gis sgyel bar mi 'gyur bzhin zhes bya ba 'di ni dpe gzhan yin no/ /bshad pa/ 'di la khyad par ci yod/ smras pa/ khyad par ni 'di yin te/ gang gi phyir 'di la 'gag pa sngon du 'gro ba'i skye ba med de/ 'di ltar shing ljon pa gzhan du 'gags la 'dir skyes pa med pa'i phyir ro// bshad pa 'di la yang sa bon 'gag pa sngon du 'gro ba las skye bas/ de yang 'gag pa sngon du 'gro ba kho na las skye ba yin no/ /'dir smras pa/ de ni mi 'dra ste/ ci'i phyir zhe na/ gzhan kho na 'gag la gzhan kho na skye ba'i phyir te/ 'di ltar 'di la sa bon 'gag la myu gu skye'i myu gu nyid 'gag la myu gu nyid mi skye bas de'i phyir de ni mi 'dra'o/ /bshad pa/ de ni 'dra ba kho na ste/ ci'i phyir zhe na/ 'di ltar skye ba dang 'chi ba gnyis kyang gang kho na shi ba de nyid skye ba ma yin pa'i phyir te/ gal te gang kho na 'chi ba de nyid skye bar 'gyur na ni de ltar na rtag pa'i skyon du thal bar 'gyur te/ lha gang yin pa de yang lha kho nar 'gyur la/ dud 'gro gang yin pa de yang dang 'gro kho nar 'gyur ro/ de lta yin na las dang nyon mongs bas byas pa'i skye ba dang 'gro ba 'khrul pa med par 'gyur bas de yang mi 'dod do/ /des na gang kho na 'chi bde nyid skye bar 'gyur ro/ /zhes bya ba de brjod par mi nus pas de'i phyir de'i 'dra ba kho na'o/ /'di la gzhan kho na 'gag /gzhan kho na skye'o zhes pa gang yin pa de yang mi rigs te/ gal te sa bon dang myu gu gnyis gzhan nyid yin par gyur na de gnyis la rgyu dang 'bras bu'i tha snyad kyang med par 'gyur ba zhig na tha snyad yod pas de'i phyir de gnyis gzhan nyid ma yin no/ /gzhan yang 'di na smra ba po? dag

  344. 172b

    gcod po yang spyi bor 'khur ro/ /de'i thog tu yang byams pa'i sems dang ldan no/ /chos la nges par sems dpa' i bzod pa ni/ shin tu zab pa'i theg pa la shin tu legs pa'i thub pa'i chos la thog ma nas rnyed pa la skad cig kyang sems the tshom mi za ba? dang? cig ni chos la nges par sems pa'i bzod pa'i 'dod lugs ni gzhan gyis brnyas pa la ji mi snyam pa'i bzod pa bzhin du/ de la khyad ni chos kyi dngos po rang la brten pas so/ /brtson 'grus ni zhi ba lhas gsungs pa/ 'di ltar brtson la byang chub gnas/ /rlung med 'gro ba med pa bzhin/ /bsod nams brtson 'grus med mi 'byung/ /brtson gang dge la spro ba yin/ /zhes gsungs pas so/ /brtson 'grus byed pa'i don lta ba ni/ /cis kyang mdza' ba dang bral ba/ /mi mdza' ba dang 'groD pa dang/ /nad dang rgas dang 'chi ba dang/ /mya ngan la sogs pa'i sdug bsngal ngan song la sogs par lhung nas rtag tu bde ba skad cig bde bar lta ba/ mi khom pa'i gnas brgyad las grol ba'i dus su byang chub kyi spyod pa la yang dag par bltas nas le lo spangs te brtan par byas nas the tshom med par sdug bsngal spangs pa'i don du brtson 'grus brtsam par bya'o/ /bsam gtan ni shes rab dang thabs gnyis su byas nas sems rtsa gcig tu byed pa ni bsam gtan no/ /shes rab ni sngar bstan pa bzhin no/ /sbyin pa'i pha rol tu phyin pa la sogs pa ster ba po dang len pa po gang yang mi dmigs par stong pa nyid du rtog pa'o/ /nyi ma ji ltar kling rnams la bskor nas bzlog pa bzhin du shes rab kyi pha rol tu phyin pas sbyin pa'i pha rol tu phyin pa la sogs pa la khyab pa'o/ /de ltar khyab pa'o/ /pha rol tu phyin pa bsdus pa ni/ rang gi don rnams spangs pa ni sbyin pa'o/ /gzhan la phan 'dogs pa ni tshul khrims so/ /'gro ba spangs pa ni bzod

  345. 173a

    yang// skye ba nam yang yod ma yin/ /'di la gal te dngos po 'ga' zhig skye bar gyur na/ dngos po de'i skye ba de bdag las sam/ gzhan las sam/ bdag dang gzhan gnyis las sam/ rgyu med pa las 'gyur grang na/ /brtags na rnam pa thams cad las mi 'thad do/ /ji ltar zhe na/ bdag las zhes bya ba ni bdag nyid las zhes bya ba'i tha tshig go /de la re zhig dngos po rnams bdag gi bdag nyid la skye ba med de/ de dag gi skye ba don med pa nyid du 'gyur ba'i phyir dang/ skye ba thug pa med par 'gyur ba'i phyir ro/ /'di ltar dngos po bdag nyid du yod pa rnams la yang skye ba dgos pa med do/ /gal te yod kyang skyon nam yang mi 'gyur bas de yang mi 'dod de/ de'i phyir re zhig dngos po rnams bdag la skye ba med do/ /gzhan las kyang skye ba med do/ /ci'i phyir zhe na/ thams cad las thams cad skye bar thal bar 'gyur ba'i phyir ro/ /bdag dang gzhan gnyis las kyang skye ba med de/ gnyi ga'i skyon du thal bar 'gyur ba'i phyir ro/ /rgyu med pa las kyang skye ba med de/ rtag tu thams cad las thams cad skye bar thal bar 'gyur ba'i phyir dang/ rtsom pa thams cad don med pa nyid kyi skyon du 'gyur ba'i phyir ro/ /de ltar gang gi phyir dngos po skye ba rnam pa thams cad du mi 'thad pa'i de'i phyir skye ba med pas skye bar brjod pa ni tha snyad tsam yin no/ /smras pa/ dngos po rnams bdag las skye ba med de/ 'di ltar myu gu de nyid myu gu de nyid las ji ltar skye zhes bshad pa gang yin pa dang/ bdag las skye ba med na bdag dang gzhan gnyis la skye ba de yang ma rigs te/ phyogS gcig nyams pa'i phyir ro zhes bya ba dang/ 'di ltar rgyu med pa las skye'o zhes bya ba'i phyogs de ni tha chad yin pas de dag ni re zhig khas mi len to/ /dngos po rnams gzhan las skye ba med pa kho na'o/ /zhes bya ba de nges par bzung ste

  346. 173b

    btsam yin no/ /sgra mkhan pa na re sgra las thams cad byung zer ba la/ de rang yang kun rdzob la ming tsam du grub bo'o/ /de ltar rnam rtog gang byung ba zhes pa la sogs pa ni ming tsam du yin/ stong pa nyid du brtag pa sngar bzhin du go sla'o/ /mig gis mthong ba'i gzugs de ni/ zhes pa la sogs pa ni/ mig gis gzugs mthong ba la sogs pa bcom ldan 'das kyis lung bstan pa ni kun rdzob pa la bstan pa'o/ /rdzun gyi nga rgyal 'jig rten pa/ zhes pa la sogs pa la/ nga rgyal gyis sems can brten nam/ yul dang dus tshod la brten nas/ bcom ldan 'das kyis brdzun can lta bur gsungs so/ /don dam pa la bshad med do/ /don dam pa gtan la 'bebs pa'i thabs su rdzun du bshad do/ /'phags pa'i bden ba bzhi ni/ sdug bsngal gyi bden pa dang/ kun 'byung gi bden pa dang/ 'gog pa'i bden pa dang/ lam gyi bden pa la sogs pa kun rdzob pa la bstan to/ /rten 'brel 'dzom pas mthong ba gang/ zhes pa la sogs ba ni/ /'dren pa bcom ldan 'das kyis gsungs so/ /gzugs sgra la sogs pa 'dzom par 'dod pa'i sems can rnams la snang bar bstan to/ /gang gis gang la thabs sna tshogs kyi sgo nas sems can gdul byar btul nas de rnams grol bar byas nas 'dren pas na bcom ldan 'das so/ /'dzin pa spyod pa'i sa yod pa zhes pa la sogs pa la/ kun rdzob la brten nas sa dang po la sogs pa bstan pa'o/ /don dam pa'i sa ni blo shin tu phra ba mthar thug med pa/ rtog pa dang bral ba stong nyid du mkhyen pa'i shes rab can gang la yod pa de blo ldan yin te/ de ni bcom ldan 'das so/ /mig gis gzugs kyang mthong mi 'gyur/ la sogs pa ni/ rab rib can lta bu mig rang gis mig dang gzugs mi mthong ngo/ /sems chos de yang sems kyis sems la bltas tsam na sems mi mthong ngo//

  347. 174a

    dngos po rnams gzhan las skye'o/ zhes bya ba de 'thad pa ma yin no/ /rkyen la sogs la/ zhes bya ba'i sogs pa smos pa ni gzhan gyi gzhung lugs kyang nges bar gzung ba'i phyir te/ des na gzhan gyi gzhung lugs dag la yang dngos po rnams skye ba mi 'thad par rab tu bstan pa yin no/ /'dir smras pa/ gzugs la sogs pa rkyen rnams yod na rnam par shes pa skye ba ma yin nam/ bshad pa/ ma yin te dngos po rnams kyi skye ba 'di brtags par bya'o/ /khyod rnam par shes pa ma skyes pa rkyen gzhan du gyur pa dag las skye bar 'dod na/ rnam par shes pa ma skyes pa la bdag gi dngos po ga la yod/ bdag gi dngos bo med na gzhan gyi dngos po yang ga la yod/ gzhan gyi dngos po med na de myu gu la sogs ba dang mtshungs ba yin no/ /yang na 'di ni don gzhan yin te/ dngos po rnams kyi rang bzhin ni rkyen rnams la yang yod ba ma yin/ rkyen rnams las gzhan pa la yod pa ma yin/ gnyi ga la yang yod pa ma yin no/ /ci'i phyir zhe na/ skye ba'i rkyen du brtags pa de na med pa nyid kyi skyon du 'gyur ba'i phyir te/ 'di ltar gal te dngos po rnams kyi rang bzhin rkyen rnams la'am rkyen rnams las gzhan pa la'am/ gnyi ga la yod par gyur na/ yod pa la skye ba ci zhig bya ste/ dngos po rang bzhin gyis yod ba rnams la yang skye bar brtags pa don med pa nyid du 'gyur ro/ /yod pa la rkyen rnams kyis kyang ci zhig bya ste/ rkyen du brtags pa yang don med pa nyid du 'gyur ro/ /de lta bas na dngos po rnams kyi rang bzhin ni/ rkyen la sogs la yod ma yin/ gang rkyen la sogs pa la yod pa ma yin pa de ni bdag gi dngos po yod pa ma yin pa ste/ de dag las gzhan du yongs su rtag tu med pa'i phyir ro/ /bdag gi dngos po yod min na/ /gzhan gyi dngos po yod ma yin/ gzhan gyis dngos po med na su zhig

  348. 174b

    la phyag 'tshal lo/ /slob dpon btsun pa bud+d+hya pA li ta la phyag 'tshal lo/ /'di ltar slob dpon rten cing 'brel bar 'byung ba rjes su ston par bzhed bas/ rten cing 'brel bar 'byung ba'i zab mo nyid yang dag pa ji lta ba bzhin du gzigs pas ngo mtshar du gyur pa'i thugs dang ldan pa/ dad pa las byung ba'i mchi ma khrug ches mdzad pa'i spyan mnga' ba/ sku'i spu zing zhes mdzad pa dang ldan bas thal mo sbyar ba dbur bzhag ste/ de bzhin gshegs pa rnams ni chos kyi sku'o zhes don dam pa ston pa'i tshigs su bcad pa 'di brjod pas mdun na 'dug pa dang 'dra bar bzhag nas/ de bzhin gshegs pa bla ma dam pa la/ /gang gis rten cing 'brel par 'byung/ /'gag pa med pa skye med pa/ /chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyid zhi zhi bstan pa/ /rdzogs pa'i sangs rgyas smra rnams kyi/ /dam pa de la phyag 'tshal lo/ /zhes rgyu sngan yod pa'i phyag bzhes pa mdzad de/ gang gis dbang phyug dang dus dang rdul phran dang rang bzhin dang ngo bo nyid la sogs par smra ba spros pa thibs por 'khyams pa'i 'jig rten la/ rten cing 'brel par 'byung ba zhes bya ba don dam pa'i bden pa mchog tu zab pa/ 'gag pa med pa skye ba med pa/ chad pa med pa rtag pa me dang/ 'ong ba med pa 'gro ba med pa don tha dad pa ma yin pa/ don gcig pa ma yin pa/ spros pa thams cad nye bar zhi ba mya ngan las 'das pa'i grong khyer du 'gro ba/ zhi ba lam drang po 'di bstan pa/ yang dag par rdzogs pa'i sangs rgyas smra ba rnams kyi dam pa de la phyag 'tshal lo zhes bya ba yin no/ /bcom ldan 'das kyis phyi rol pa phas kyi rgol ba thams cad byis ba bslu ba 'dra bar thugs su chung nas 'gro ba long ba lag nom byed pa lta bu la rten cing 'brel bar 'byung ba bstan par slob dpon gyis yang dag

  349. 175a

    phyir te/ 'di ltar skyes zin pa la ni yang skye ba med do/ /de la 'di snyam du rnam par shes pa skye bzhin pa la skye ba'i bya ba yod par sems na/ de yang mi rung ste/ ci'i phyir zhe na/ skyes ba dang ma skyes pa ma gtogs par skye bzhin pa med pa'i phyir ro/ /skye ba dang ma skyes pa gnyis la skye ba'i bya ba mi 'jug par ni bstan zin pas/ de'i phyir skye ba'i bya ba med do/ /'dis btso ba'i bya ba yang bsal te/ de lta bas na bya ba rkyen dang ldan pa mi 'thad do/ /de la 'di snyam du rkyen dang mi ldan pa'i bya ba yod par sems na/ bshad pa/ rkyen dang mi ldan bya ba med/ /'di ltar rkyen dang mi ldan pa'i bya ba med do/ /gal te yod par gyur na rtag tu thams cad las thams cad skye bar 'gyur ro /de lta yin na rtsom pa thams cad don med pa nyid du 'gyur bas de yang mi 'dod de/ de'i phyir rkyen dang mi ldan pa'i bya ba mi 'thad do/ /'dir smras pa/ re zhig rkyen rnams ni yod de/ de dag yod pas dngos po 'grub po/ /de grub pas skye ba 'grub bo/ /bshad pa/ bya ba mi ldan rkyen ma yin/ /gang dag la bya ba med pa de dag ni rkyen ma yin no/ /ji ltar zhe na/ mig la sogs pa ni skye ba'i bya ba bsgrub par byed pas rnam par shes ba'i rkyen du 'gyur na/ skye ba'i bya ba de mi 'thad par ni sngar rab tu bstan zin to/ /de med pa'i phyir de sgrub bar byed pa yod par ga la 'gyur/ de sgrub par byed pa med pa'i phyir mig la sogs pa skye ba'i bya ba'i rkyen ma yin no/ /skye ba'i bya ba'i rkyen ma yin na ji ltar rkyen du 'gyur/ ci ste 'gyur na ni thams cad kyang thams cad kyi rkyen du 'gyur ro/ /de lta yin na thams cad las thams cad skye bar 'gyur ba zhig na/ de ltar yang mi 'gyur te/ de'i bya ba dang mi ldan pa rnams rkyen ma yin no/ /smras pa/ ci kho bo rkyen rnams bya ba dang mi ldan no zhes smra 'am/ /'di

  350. 175b

    ltar rkyen rnams ni bya ba dang ldan pa kho na yin no/ /bshad pa/ bya ba ldan nam 'on te na/ ma yin zhes bya ba'i skabs de dang sbyar te rkyen rnams bya ba dang ldan pa ma yin no/ /bya ba rkyen dang ldan pa ma yin pa dang rkyen? dang me ldan pa med pa de ni sngar rab tu bstan pa kho na yin no/ /bya ba med na ji ltar rkyen rnams bya ba dang ldan par 'gyur/ de ltar gang gi phyir bya ba dang mi ldan pa'i rkyen kyang mi 'thad la/ bya ba dang ldan pa yang med pas de'i phyir rkyen du rnam par rtag ba ni don med pa nyid do/ /'dir smras pa/ ci rkyen rnams bya ba dang mi ldan no zhe 'am/ bya ba dang ldan no zhes bya ba mi dgos pa bsam pa 'dis ci bya/ gang gi phyir rnam pa thams cad du rgyu la sogs pa rkyen bzhi po de dag las brten nas dngos po rnams skye bas de'i phyir de dag dngos po'i rkyen yin no/ /bshad ba/ ci khyod nam mkha' la khu tshur dag gis brdeg gam/ gang gi tshe skye ba'i bya ba med pa kho na te de med pa'i phyir rkyen rnams mi 'thad do zhes sngar bstan pa'i tshe de dag la brten nas dngos po rnams skye'o zhes bya ba de ji ltar smra bar 'thad/ yang gzhan yang/ 'di dag la brten skye bas na/ /de'i phyir 'di dag rkyen ces grag /ji srid mi skye de srid du/ /'di dag rkyen min ji ltar min/ /gal te 'di dag las brten nas skye bas rkyen yin no zhes de ltar rtog na ? srid du ? skye ba de? srid du rkyen me yin no zhes bya bar yang ci'i ? ma brtag /ci ste sngar hen du ma gyur pa phyis rkyen du 'gyur bar sems na/ de yang mi 'thad de/ ci'i phyir zhe na/ thams cad kyi rkyen du thams cad bral bar 'gyur ba'i phyir de yang mi 'dod do/ /ci ste rkyen ma yin pa dag kyang gzhan 'ga' zhes la bltos nas rkyen du 'gyur te/ /des na thams cad kyi rten du thams cad thal bar mi 'gyur bar sems na/ de la yang 'di nyid do/ /gang yang rung ba la bltos nas rkyen ma yin pa yang rkyen nyid du 'gyur na/ rkyen

  351. 176a

    nyid de la yang rkyen yod par 'gyur zhing/ de la yang de ltar bsam dgos so/ /thug pa med pa'i skyon du yang 'gyur te/ gal te gzhan yang gzhan 'ga' zhig la bltos nas rkyen du 'gyur na/ de yang gzhan la bltos la de yang gzhan la bltos pas thug pa med par thal bar 'gyur bas de yang mi 'dod do/ /de'i phyir rkyen rnams mi 'thad pa kho na'o/ /yang gzhan yang/ med dam yod pa'i don la yang/ /rkyen ni rung ba ma yin te/ /med na gang gi rkyen du 'gyur/ /yod na rkyen gyis ci zhig bya 'di las rten nas 'di skye bo zhes bya ba'i 'grel ba 'dis don 'di'i rkyen 'di'o zhes zer na/ 'di'o 'di'o zhes bya ba'i 'brel ba de yang don med pa'am yod pa'i rkyen nyid du brtag grang na/ don med pa dang yod pa'i rkyen 'di'o zhes bya bar mi rung ngo/ / ji ltar zhe na/ med na gang gi rkyen du 'gyur/ /yod na rkyen gyis ci zhig bya/ /dngos po med pa'i rkyen du brtag na rkyen 'di gang gi zhes zer ba la ji skad brjod par bya/ 'di ltar snam bu med pa'i rkyen rgyu sbun dag yin no zhes bstan bar rigs/ /smras pa/ rgyu spun dag las snam bu 'byung bas 'phyis 'byung ba'i tshul gyis rgyu spun dag snam bu'i rkyen yin par bstan du rung ngo/ /bshad pa/ ci khyod bu ma byung ba'i nor gyis bu'i ma 'di kha drang bar 'dod dam/ dngos po med pa'i rkyen mi 'brang? ngo zhes smras te/ rgyan mi 'thad bas dngos po spyi ba bkag bzhin du khyod ma 'ongs pa'i dngos po skye bas rkyen nyid sgrub par 'dod ko /gang gi cho gang du dus la lar yang dngos po skye ba med ba la/ med na gang gis rkyen du 'gyur zhes bya ba 'di nye bar gnas pa de'i tshe dngos po 'gyis? skye bar 'gyur ba de la bltos nas khyod kyi rkyen 'grub par 'gyur ba ga la yod/ de lta bas na de ni gyi na'o/ /de la 'od snyam du yod pa'i rkyen du 'gyur sems na/ bshad pa/ yod na rkyen gyis ci zhig bya/

  352. 176b

    dngos po yod pa la rkyen mi 'thad do/ /'di ltar yod pa la yang rkyen gyis ci zhig bya ste/ snam bu grub cing yod ba'i rkyen rgyu spun dag yin no/ /zhes bstan par mi rigs so/ /smras pa kho bo skyes pa la rkyen gyi bya ba yod do zhes mi smra ste 'on kyang snam bu yod pa'i rkyen rgyu spun yin par snyed 'dogs par byed pa snam bu'i de'i rkyen rgyu spun dag yin no/ /bshad pa/ ci khyod rang gi chung ma ma blangs par bu'i chung ma blang bar sems sam/ dngos po yod pa skye ba'i rkyen mi 'thad de rkyen mi 'thad pas dngos po skye ba bkag bzhin du khyod snam bu skyes pa'i rkyen ston par byed 'dod ko/ 'o na ni dngos po skye ba sgrub ba'i phyir ji sgrims shig dang de'i 'og tu 'di'i rkyen 'di'o/ /zhes bya ba de 'thad par 'gyur ro/ /de lta bas na de yang gyi na'o/ /'dir smras pa/ 'di la dngos po rnams ni mtshan nyid las 'grub la/ rgyu ni sgrub par byed pa'o/ /zhes rgyu'i mtshan nyid kyang bstan pas de ltar mtshan nyid yod pa'i rgyu yod de/ bshad pa/ gang tshe chos ni yod pa dang/ med dang yod med ma 'grub ba/ /ji ltar sgrub byed rgyu zhes bya/ /de ltar yin na mi rigs so/ /'di la chos gang rgyus sgrub bar gyur na de yod pa 'am med ba 'am yod med cig sgrub par 'gyur grang na/ rnam pa thams cad mi 'thad do/ /de la re zhig yod ba ni sgrub par mi byed de/ skyes zin pa'i phyir ro/ /'di ltar skyes pa la yang skye bas ci bya/ ci ste yod kyang yang skyen ni nam yang mi skye bar mi 'gyur bas de yang mi 'dod do/ /rgyur bstan du yang mi 'thad de/ /'di ltar yod pa la rgyus ci bya/ /de ltar re zhig yod pa ni sgrub par mi byed do/ /da ni med pa yang sgrub par mi byed de med pa'i phyir ro/ /ci ste med kyang rkyen ni ri bong gi rwa yang skye bar 'gyur ro/ /gal te dngos po ni rgyu las skye'o zhe na/ mi rung ste/ rgyu mi 'thad ba'i phyir ro/ /'di ltar dngos po med na gang gi rgyud

  353. 177a

    ci 'gyur/ yang na ci zhig byas na rgyu'i rgyu nyid du 'gyur/ /'di ltar thams cad du dngos po med na/ de la 'di ni rgyu'o/ /'di ni ma yin no zhes bye brag bstan pa de yod par ga la 'gyur/ de lta bas na med pa yang sgrub par mi byed do/ nga ni yod med kyang sgrub par mi byed de/ yod pa dang med pa gnyis lhan cig 'byung ba 'gal ba'i phyir dang/ skyon snga mar thal bar 'gyur ba'i phyir ro/ /de ltar na yod med kyang sgrub par mi byed do/ /de'i phyir de ltar brtags na gang gi tshe dngos po grub pa ji ltar yang mi 'thad pa de'i tshe/ ji ltar sgrub byed rgyu zhes bya/ /de ltar yin na mi rigs so/ /de ltar yin na sgrub par byed pa rgyu zhes bya ba de mi rigs so/ /'dir smras pa/ dmigs po ni yod de/ rnam par shes pa la sogs pa'i gnas su gyur pa'i phyir ro/ / bshad pa/ yin pa'i chos ni dmigs pa ni/ /med pa kho nar nye bar bstan/ /'di la dmigs pa dang bcas par zhes bya ba tshig gi lhag ma'o/ /yin pa'i chos 'di dmigs pa kho na las dmigs pa dang bcas par nye bar bstan to/ /yin pa'i chos 'di dmigs pa med pa kho na las khyod kyis rang gi blos dmigs pa dang bcas pa zhes brjod do/ /ji ltar zhe na 'di la dmigs pa dang bcas pa zhes bya ba ni dmigs pa yod pa zhes bya ba'i tha tshig go /chos yod pa ni dmigs pa dang bcas par 'gyur gyi med pa ni mi 'gyur ro/ /dmigs pa dang bcas pa'i sngon rol na dmigs pa med pas de ni dmigs pa med pa yin no/ /'di lta ste/ dper na nor yod pa ni nor dang bcas pa ste nor can zhes bya'o/ /'ga' zhig yod na nor dang bcas par 'gyur gyi/ med na mi 'gyur ro/ /nor dang bcas pa'i sngon rol na nor med pas de ni nor med pa yin pa bzhin no/ /de'i phyir dmigs pa med pa kho na yin pa'i chos 'di la khyed rang gi rnam par rtog pas dmigs pa dang bcas par rtog par byed do/ /de

  354. 177b

    la kho bos bshad par bya ste/ de ltar chos ni dmigs med na/ /dmigs pa yod par ga la 'gyur/ /de ltar zhes bya ba'i sgra ni dri ba'o/ /ga la 'gyur zhes bya ba ni gtan tshigs bstan pa ste/ de ltar chos dmigs pa med par grub na ci'i phyir don med pa'i dmigs pa la rtog par byed/ smras pa/ khyod nyid gzhung lugs khong du ma chud pa kho nas log par rtog gi /kho bo ni dmigs pa yod pa ni dmigs pa dang bcas pa ste nor dang bcas pa bzhin no zhes mi smra'o/ /de'i don ni 'di yin te chos grub pa na gzhi gang gis sgrub par byed pa de ni de'i dmigs pa ltar chos ni dmigs med na/ /dmigs pa yod /bshad pa/ de mi 'thad de/ de la yang bshad par bya'o/ /de ltar chos ni dmigs med na/ /dmigs pa yod par ga la 'gyur/ /de ltar chos dmigs pa med de yod pa ma yin zhing mngon par ma grub na dmigs pa yod par 'thad par ga la 'gyur/ chos kyi dmigs pa zhes bya ba de yang mngon par ma grub pa kho na'o/ /mngon par ma grub cing med pa de la dmigs pa yod par ga la 'gyur/ dmigs pa med na ji ltar dmigs pas chos sgrub par byed/ de'i phyir dmigs pa yang yod pa ma yin la/ chos kyang dmigs pa dang bcas pa ma yin pa kho na'o/ /'dir smras pa/ dngos po gzhan 'gags ma thag pa de ni dngos po gzhan skye ba'i rkyen yin no/ /de ni de ma thag pa zhes bya ba ste de yod do/ /bshad pa chos rnams skyes pa ma yin na/ 'gag pa 'thad par mi 'gyur ro/ /de phyir de ma thag mi rigs/ /'gaD na rkyen yang gang zhig yin/ /de la rtsab 'og ma gnyis/ /'gags na rkyen kyang gang zhig yin/ /de phyir de ma thag mi rigs zhes pa snor bar blta bar bya'o/ /kyang zhes bya pa'i sgra ni 'dir ma skyes pa la bltos par lta bar bya'o

  355. 178a

    de yang ma skyes pa'i sgra las bltos nas 'gags na rkyen kyang gang zhig yin/ ma skyes pa'i rkyen gang zhig yin zhes bya bar sbyor ro/ de gnyis ni tshigs su bcad pa sbyar ba'i phyir go rim bzhin ma byas so/ /dngos po gzhan 'gags ma thag pa ni dngos po gzhan skye ba'i rkyen yin no zhes smras pa gang yin pa de mi 'thad do/ /ci'i phyir zhe na/ 'di ltar/ chos rnams skyes pa ma yin na/ 'gags pa 'thad par mi 'gyur ro/ /'gags na rkyen kyang gang zhig yin/ /'gags pa zhes bya ba ni med pa ste/ /de la gal te myu gu skye ba'i sngon rol du sa bon 'gags par 'gyur na ni sa bon 'gags te med na myu gu skye bar 'gyur ba gang yin pa de'i rkyen kyang gang zhig yin/ yang na sa bon 'gags pa'i rkyen kyang gang zhig yin/ sa bon 'gags te med pa yang ji ltar myu gu skye ba'i rkyen du 'gyur/ myu gu ma skyes pa'i rkyen du sa bon 'gag pa ji ltar 'gyur/ de lta bas na sa bon 'gags nas myu gu skye bar rtog na de gnyis ga rgyu med par thal par 'gyur ro/ rgyu med par ni mi 'dod do/ /smras pa/ gal te myu gu skye sma thag tu sa bon 'gag par 'gyur na/ de lta na yang de ma thag 'grub ste/ 'di ltar myu gu skyes ma thag tu sa bon 'gag pa'i rkyen du 'gyur ba'i phyir ro/ /bshad pa/ de yang mi 'thad de/ ci'i phyir zhe na/ skyes na'ang rkyen du ji ltar te/ gal te myu gu skyes shing myu gu skye ba'i bya ba mthar thug pa'i tshe sa bon 'gag par 'gyur na 'gag pa de'i rkyen kyang gang zhig yin par 'gyur/ myu gu skye ba'i med pa'i skyon tu mi 'gyur bar sems na/ de yang mi rigs te/ yang de gnyi ga snga ma bzhin du rgyu med par thal bar 'gyur ro/ /ci ste sa bon 'gag bzhin pa na myu gu skye bas des na rgyu med pa'i skyon tu mi 'gyur bar sems na/ de yang mi rigs te/ ci'i phyir zhe na/ gang 'gag pa dang gang skye ba de gnyi ga yang yod pa

  356. 178b

    yin te/ ma 'gags pa'i phyir dang/ skyes zin pa'i phyir ro/ /dngos po gnyis yod na de ma thag pa'i rkyen nyid du ji ltar 'gyur/ skye ba dang 'gags pa gnyis dus gcig tu rtog na yang de ma thag pa mi 'thad de/ dus mnyam pa'i phyir ro/ /de'i phyir de ma thag mi rigs/ de ltar gang gi phyir rnam pa thams cad du brtags na de ma thag pa mi 'thad do/ /de'i phyir de ma thag pa'i rkyen yod do zhes smras pa gang yin pa de mi 'thad do/ /yang na 'di ni don gzhan yin te/ 'di la dngos po rnams ma skyes pa zhes bya ba de ni sngar bsgrubs zin te/ de'i phyir dngos po skye ba med pa de grub par byas nas bshad pa/ chos rnams skyes pa ma yin na/ 'gag pa 'thad par mi 'gyur ro/ /dngos po rnams skyes pa ma yin zhing med na 'gag pa 'thad par mi 'gyur te/ med pa la ci zhig 'gag par 'gyur/ de phyir de ma thag mi rigs/ /de ltar gang gi phyir dngos po 'gag pa nyid mi 'thad pa de'i phyir de ma thag pa mi rigs so /da ni 'gag par rtog na yang de ma thag pa mi rigs te/ ji ltar zhe na/ 'gags na rkyen kyang gang zhig yin/ /skyes na'ang rkyen du ji ltar 'gyur te/ de'i don ni sngar rnam par bshad zin to/ /'dir smras pa/ bdag po nyid ni yod do/ /bdag po'i dngos po ni bdag po nyid de/ de yang mdor bsdu na gang yod na gang 'byung ba dang/ gang med na gang mi 'byung ba de ni de'i bdag po nyid do/ /bshad pa/ dngos po rang bzhin med rnams kyi/ /yod pa gang phyir yod min na/ /'di yod pas ni 'di 'byung zhes/ /bya ba de ni 'thad ma yin/ /'di la dngos po rnams kyi rang bzhin med pa nyid ni sngar yang kun tu bstan cing bstos? kyang rgya cher ston o/ /de'i phyir de rab tu grub par byas nas dngos po rang bzhin med pa rnams kyis zhes bya ba gsungs so/ /de ltar gang gi phyir dngos po rang bzhin med pa rnams kyi yod pa zhes bya ba/

  357. 179a

    yod pa'i dngos po mi 'thad pa de'i phyir gang yod na 'di yod pas zhes brjod par nus pa'i dngos po de ny+d med do/ /'di yod pas zhes bya ba 'di la med na 'di 'byung zhes bya ba de 'thad par ga la 'gyur/ /'di yod pas 'di 'byung zhes bya ba 'di la mi 'thad na gang gi bdag po nyid du ji zhig 'gyur/ de'i phyir bdag po nyid kyang mi 'thad do/ /'dir smras pa/ rkyen gyi dngos po rnams 'di ltar sgrub par byed do zhes bya ba de smra bar mi nus mod kyi/ 'on kyang rkyen rnams ni yod pa kho na yin no/ /ci'i phyir zhe na/ de dag las 'bras bu skye ba'i phyir te/ 'di na sa bon la sogs pa rkyen rnams las myu gu la sogs pa 'bras bu skye bar mthong ste/ de'i phyir de dag las 'bras bu skye bar mthong nas 'bras bu'i rkyen ni 'di dag go zhes bya bar shes so/ /bshad pa/ rkyen rnams so so 'dus pa las/ /'bras bu de ni med pa nyid/ /rkyen rnams la ni gang med pa/ /de ni rkyen las ji ltar skye/ /nyid ces bya ba'i sgra ni kho na zhes bya ba'i don to/ /so so ba dag la yang med pa kho na yin la/ /'dus pa dag la yang med pa kho na'o zhes bya'o/ /khyod kyis rkyen rab tu bsgrub pa'i phyir 'bras bu skye bar bstan pa gang yin pa de nyid mi 'thad na/ rkyen 'grub par ga la 'gyur/ ji ltar zhe na/ gang gi phyir rkyen rnams so so ba dang 'dus pa la 'bras bu de med pa nyid yin pa'i phyir te/ rkyen rnams so so ba dang 'dus pa la med pa nyid gang yin pa de ji ltar de dag las skye bar 'gyur/ 'bras bu skye ba med na khyod kyi rkyen 'grub par ga la 'gyur/ de la 'di snyam du rkyen rnams la 'bras bu yod pa kho nar sems na/ de ltar na yang rkyen 'thad pa ma yin te/ 'di ltar yod pa la rkyen gyis bya ba med de skyes zin pa yang bskyed mi dgos pa'i phyir ro/ /yang gzhan yang gal te rkyen rnams la 'bras bu de yod par gyur na/ rkyen du

  358. 179b

    brtag na ni/ de lta na yang mi bltos par re re las 'bras bu'i rdzogs par yod pa'am/ cha shas gcig yod par 'gyur grang na/ de la re zhig gal te re re la yongs su rdzogs par yod par brtag na ni rkyen du mar mi 'gyur te/ re re la yang yod pa'i phyir mi bltos par re re las kyang 'bras bu skye bar thal bar 'gyur ro/ /ci ste rkyen rnams la 'bras bu'i cha shas shig yod par brtag na ni/ de lta na yang mi bltos par re re las 'bras bu'i cha shas skye bar thal par 'gyur bar de yang mi 'dod de/ de'i phyir rkyen rnams so so ba dang 'dus pal 'bras bu de yod par mi 'thad do/ /ci ste rkyen rnams la 'bras bu med kyan rkyen rnams las skye ste/ 'bras bu skye ba las bltos nas kho bo'i rkyen rab tu 'grub po snyam du sems na/ de la bshad par bya ste ci ste de ni med par yang/ /rkyen de dag las skye 'gyur na/ /rkyen min las kyang 'bras bu ni/ /ci'i phyir na skye mi 'gyur/ /'di la 'bras bu yod pa las rkyen dang rkyen ma yin pa'i bye brag tu 'gyur na/ 'bras bu de yang rkyen dang rkyen ma yin pa dag la med do/ /de dag la med bzhin du gal te rkyen rnams las 'bras bu skyen ni rkyen ma yin pa rnams las kyang ci'i phyir mi skye ste/ 'di ltar rkyen dang rkyen ma yin pa rnams la 'bras bu med par mtshungs pa las/ rkyen rnams las ni 'bras bu skye la rkyen ma yin pa rnams las ni mi skye ba zhes bya ba de ni yid la bsam pa tsam du zad do/ /de'i phyir 'bras bu skye ba mi 'thad de/ 'bras bu skye ba med na rkyen 'grub par ga la 'gyur 'dir smras pa/ rkyen rnams la 'bras bu yod pa dang med pa rkyen rnams las skye'o/ /zhes ni mi smra'i/ /'bras bu ni rkyen rnams las gyur pa rkyen gyi bdag nyid rkyen las byung ba yin no/ /zhes smra'o/ /de lta yin na snam bu ni rgyu spun las gyur pa rgyu spun gyi bdag nyid las byung ba yin pas/ rgyu spun

  359. 180a

    dag ni snam bu'i rkyen yin no/ /bshad pa/ 'bras bu rkyen las byung yin na/ /rkyen rnams rang las byung ma yin /rang byung min pas 'bras bu gang/ /de ni ji ltar rkyen las byung/ /'bras bu rkyen las gyur pa rkyen gyi bdag nyid las byung ba yin par brtag na/ rkyen de rnams ni rang las gyur pa ma yin/ rang nyid rab tu grub ma yin/ rang gi bdag nyid ma yin/ rang las byung ba ma yin te ngo bo nyid med pa yin no/ /rkyen rang las gyur pa ma yin pa/ /rang nyid rab tu grub pa ma yin pa/ /rang gi bdag nyid ma yin pa/ /rang las byung ba ma yin pa ngo bo nyid med pa de dag las 'bras bu byung bar rtog na ji ltar rkyen las byung bar nye bar brtag /'di ltar gal te rgyu spun dag rang nyid rab tu grub na ni rang las byung bar yang 'gyur bas/ des na snam bu rgyu spun dag las byung ba zhes bya ba de yang 'thad par 'gyur ba zhig na/ gang gi tshe rgyu spun dag rang nyid rab tu ma grub pa rang las byung ba ma yin pa ngo bo nyid med pa de/ rgyu thags las gyur ba rgyu thags kyi bdag nyid rgyu las byung 180a5mdo 'grel): ba yin pa de'i tshe/ snam bu rgyu spun dag las byung ngo/ /zhes bya ba de ji ltar 'thad par 'gyur/ slob dpon 'phags pa lhas kyang/ snam bu rgyu las grub yin na/ /rgyu yang gzhan las grub pa yin/ /gang la rang las grub med pa/ /de'i gzhan ni ji ltar bskyed de/ ces gsungs so/ /de ltar gang gi phyir rkyen rnams rang nyid rab tu ma grub rang las byung ba ma yin zhing ngo bo nyid med pa/ de phyir rkyen las byung ma yin/ /'bras bu rkyen las byung ba ma yin no/ /de la 'di snyam du 'bras bu rkyen ma yin pa la byung bar sems na/ bshad pa/ rkyen min las byung 'bras bu ni/ /yod min/ gang gi tshe snam bu rgyu spun las byung bar mi 'thad pa de'i tshe snam bu rtsi skyang las byung ngo/ /zhes bya ba 'jig rten dang 'gal ba 'di ji ltar 'thad par

  360. 180b

    'gyur/ de'i phyir 'bras bu rkyen ma yin pa las byung ba yang med do/ /smras pa/ rkyen rnams ni yod pa kho na yin te/ ci'i phyir zhe na/ rkyen dang rkyen ma yin pa nges pa'i phyir ro/ /'di na rkyen dang rkyen ma yin pa nges pa mthong ste/ 'bru dag las 'bru mar kho na 'byung gi mar mi 'byung ngo/ /zho las ni mar kho na 'byung gi 'bru mar mi 'byung ngo/ /bye ma dag las ni de gnyi ga mi 'byung ngo/ /de ltar gang gi phyir 'di dag ni 'di'i rkyen yin no/ /'di dag ni 'di'i rkyen ma yin no zhes bya ba de yod pas de'i phyir rkyen 'grub po// bshad pa/ 'bras bu med pas na/ rkyen min rkyen du ga la 'gyur/ /'di la khyod kyis 'bru mar la sogs pa 'bras bu 'byung ba dang/ mi 'byung ba rkyen dang rkyen ma yin par nges pa'i rgyur smras pa ni 'bras bu skye ba mi 'thad do zhes sngar bstan zin te/ 'bras bu de med na 'di dag ni 'di'i rkyen ma yin no/ /'di dag ni 'di'i rkyen yin no/ /zhes bya ba de 'thad par ga la 'gyur/ 'bras bu las bltos nas de gnyis su 'gyur du ni 'bras bu de yang med do/ /'bras bu med pas na rkyen ma yin pa dang rkyen du ga la 'gyur/ de lta ba na 'bras bu yang mi 'thad la rkyen dang rkyon ma yin pa dag kyang med do/ /'bras bu dang rkyen dang rkyen ma yin pa dag med pas skye bar brjod pa ni tha snyad tsam du grub bo/ /rkyen brtag pa zhes bya ba ste rab tu byed pa dang po'o// //smras pa/ khyod kyis skye ba med pa'i rigs pa 'di rjes s rab tu bstan pas kho bo'i yid stong pa nyid nyan pa la ngo mtshar snying po can du byas kyis/ ji ltar 'jig rten gyi mngon sum gyi 'gro ba dang 'od? pa mi 'thad pa de ji smros shig /bshad pa/ re zhig song la 'gro med de/ /ma song ba la'ang 'gro ba med/ /'di la gal te 'gro ba zhig yod par gyur na/ de song ba la 'am/ ma song ba la yod par 'gyur grang na/ de la re zhig song ba la ni 'gro ba med do/

  361. 181a

    'gro ba'i bya ba 'das zin pa'i phyir ro/ /ma song ba la yang 'gro ba med de/ 'gro ba'i bya ba ma brtsams pa'i phyir ro/ /smras pa/ de ni de bzhin te/ song ba dang ma song ba la 'gro ba med mod kyi/ 'on kyang bgom pa la 'gro ba yod do bshad pa/ song dang ma song ma gtogs par/ /bgom pa shes par mi 'gyur ro/ /song ba dang ma song ba ma gtogs par bgom pa ji zhig yod de/ shes par mi 'gyur ro/ /ji ltar zhe na/ 'di ltar/ shes par mi 'gyur ro/ /zhes bya ba ni/ gzung du med pas de mi 'thad do zhes bya ba'i tha tshig go /de ltar gang gi phyir song ba dang ma song ba ma gtogs par bgom pa gzung du med pa kho na te mi 'thad pa de'i phyir med pa kho na yin pas 'gro ba med do/ /smras pa/ bgom pa kho na yin te/ de la 'gro ba yod de/ /ji ltar zhe na/ gang na g.yo ba de na 'gro /de yang gang gi bgom pa la/ /g.yo ba song min ma song min/ /de phyir bgom la 'gro ba yod/ /'di la khyod kyi 'gro ba med pa'i gtan tshigs su 'gro ba'i bya ba 'das zin pa dang ma brtsams pa bstan pa de'i phyir/ gang na g.yo ba de na 'gro /zhes bya ba 'di 'byung bar 'gyur te/ de yang gang gi bgom pa la g.yo ba dmigs pa na'o/ gang gi zhes bya ba ni 'gro ba po'i zhes bya ba'i tha tshig go /de ltar gang gi phyir g.yo ba ni song ba la yang med/ ma song ba la yang med kyi bgom pa la yod pa de'i phyir gang na g.yo ba yod pa de na 'gro ba yod do/ /de ltar 'gro ba yod pas bgom pa la 'gro ba yod do/ /bshad pa/ bgom la 'gro ba yod par ni/ /ji ltar bud na 'thad par 'gyur/ /gang tshe 'gro ba med pa yi/ /bgom pa 'thad pa med phyir ro/ /de la khyod 'gro ba dang ldan pas bgom par 'dod la/ de la 'gro ba yod do zhes zer na 'di la 'gro ba'i bya ba ni gcig tu zad la/ de ni bgom pa zhes

  362. 181b

    bya ba de la nye bar sbyar bas de'i phyir 'gro ba zhes bya ba de ni 'gro ba'i bya ba dang bral bas 'gro ba med par thal bar 'gyur ro/ /de yang mi 'thad de/ 'di ltar 'gro ba med par ji ltar 'gro bar 'gyur/ de la gang gi tshe 'gro ba zhes bya ba de 'gro ba'i bya ba dang bral bas mi 'thad pa de'i tshe bgom pa la 'gro ba yod par ji ltar 'thad par 'gyur/ yang gzhan yang/ bshad pa/ gang gi bgom la 'gro yod pa/ /de'i bgom pa 'gro med par/ /thal bar 'gyur de gang gi phyir ro/ /bgom pa khong du chud phyir ro/ /gang gi blo la skyon der gyur na mi rung ngo snyam pas 'gro zhes bya ba de 'gro ba dang ldan pas 'gro bar sems pa de'i yang 'gro ba 'gro ba zhes bya ba de la nye bar sbyar ba byas pas bgom pa ni 'gro ba med pa 'gro ba dang bral ba grong dang grong khyer lta bur thal bar 'gyur te/ dper na grong 'gro zhes bya ba de bzhin du bgom pa yang thal bar 'gyur bas de yang mi 'dod de/ de'i phyir bgom pa la 'gro ba yod do/ /zhes bya ba de ji ltar yang mi 'thad do/ /ci ste skyon der gyur na mi rung ngo snyam pas 'gro zhes bya ba de dang bgom pa zhes bya ba de gnyi ga yang 'gro ba dang ldan par sems na/ de la skyon 'di yod de/ bshad pa/ bgom la 'gro ba yod na ni/ /'gro ba gnyis su thal bar 'gyur te/ /gang gis bgom pa de dang ni/ /de la 'gro ba gang yin pa'o/ /bgom pa 'gro ba dang ldan pa la 'gro bar brtag na/ 'gro ba gnyis su thal bar 'gyur te/ 'gro ba dang ldan pas bgom pa zhes bya bar 'gyur pa dang/ de la 'gro ba zhes bya ba'i 'gro ba gnyis par brtag pa'o/ 'gro ba gnyis su ni mi 'dod pas de'i phyir de yang mi 'thad do/ /de la skyon gzhan 'di yang yod de/ bshad pa/ /'gro ba gnyis su thal gyur na/ /'gro ba po yang gnyis su 'gyur/ /gang phyir 'gro bo med par ni/ /'gro ba 'thad par mi 'gyur

  363. 182a

    phyir/ /'gro ba gnyis su thal bar gyur na 'gro ba po yang gnyis su thal bar 'gyur te/ ci'i phyir zhe na/ gang phyir 'gro po med par ni/ /'gro ba 'thad par mi 'gyur phyir/ /gang gi phyir 'gro ba po yod na 'gro ba yang yod kyi/ /'gro ba po spangs na 'gro ba med pa de'i phyir 'gro ba gnyis su thal par gyur na 'gro ba po yang gnyis su thal bar 'gyur bas de yang mi 'dod de/ de'i phyir de ltar skyon du ma yod pas bgom pa la 'gro ba med pa nyid do/ /gang gi phyir song ba dang ma song ba dang bgom pa pa 'gro ba mi 'thad pa de'i phyir 'gro ba med pa kho na'o/ /'dir smras pa/ song ba dang ma song ba dang bgom pa la 'gro ba mi 'thad du zin kyang/ 'gro ba po la brten pa'i 'gro ba yod pa nyid de/ 'di ltar 'gro ba po la 'gro ba dmigs pa'i phyir ro/ /bshad pa/ gal te 'gro po med gyur na/ /'gro ba 'thad par mi 'gyur te/ /'gro po med par gyur na 'gro ba 'thad par mi 'gyur par ni sngar bstan zin to/ /gal te 'gro ba po med par gyur na 'gro ba 'thad par mi 'gyur na gang 'gro ba po la rten cing 'gro ba po la 'jug pa'i 'gro ba de gang yin/ smras pa/ gang 'gro ba po la 'jug pa'i 'gro ba gzhan 'gro ba po las tha dad du gyur pa yod do zhes ni mi smra'i/ 'di ltar 'gro ba gang dang ldan pas 'gro ba po zhes bya bar 'gyur ba de yod do zhes smra'o/ /'dir bshad pa/ 'gro ba med na 'gro ba po/ /yod pa nyid du ga la 'gyur/ /gal te rten cung zad kyang med pa'i 'gro ba zhig rab tu grub par gyur na ni de dang 'gro ba po 'am/ 'gro ba po ma yin pa ldan par yang 'gyur grang na/ tha dad par gyur pa rten mod pa'i 'gro ba ni 'ga' yang med de/ de na tha dad par grub pa'i 'gro ba med par khyod kyi 'gro ba ldan pas 'gro ba por 'gyur ba yod pa nyid du ga la 'gyur/ 'gro ba po

  364. 182b

    med na yang su yi 'gro bar 'gyur te/ de bas na 'gro ba med do/ /smras pa/ spros pa 'dis ci bya/ gang la bltos nas 'gro'o/ /zhes bya ba de 'gro ba yin no/ /'dir bshad pa/ gal te 'gro'o zhes bya ba de nyid rab tu grub par gyur na ni des na 'gro ba yang rab tu 'grub par 'gyur grang na/ de rab tu mi 'grub pas 'gro ba rab tu 'grub par ga la 'gyur/ ji ltar zhe na/ 'di la 'gro ba zhig yod na 'gro ba po 'am/ 'gro ba po ma yin pa 'gro grang na/ 'dir bshad pa/ re zhig 'gro po mi 'gro ste/ 'gro ba po min 'gro ba min/ /'gro po 'gro po min las gzhan/ /gsum pa gang zhig 'gro bar 'gyur/ /de bas na 'gro'o zhes bya ba nyid mi 'grub bo/ /ci'i phyir zhe na/ mi 'thad pa'i phyir ro/ /ji ltar zhe na/ re zhig 'gro po 'gro'o zhes/ /ji ltar 'thad pa nyid du 'gyur/ /'gro ba med na 'gro ba po/ /nam yang 'thad par mi 'gyur ro/ /'di la 'gro ba po 'gro'o zhes bya ba la/ 'gro ba'i bya ba gcig pu zhig yod pa de ni 'gro'o zhes bya ba de la nye bar sbyar bas nges na 'gro ba po ni 'gro ba dang bral te/ gupta dang tsai? tra bzhin du ming tsam du gyur par thal bar 'gyur bas de yang mi 'dod do/ /de'i phyir gang gi tshe 'gro ba med na 'gro ba po nam yang 'thad par mi 'gyur ba de'i tshe 'gro ba po 'gro'o zhes bya ba de ji ltar 'thad pa nyid du 'gyur/ yang gzhan yang bshad pa/ gang gi phyogs la 'gro ba po/ /'gro ba de la 'gro med pa'i/ /'gro po yin par thal 'gyur te/ /'gro po 'gro bar 'dod phyir ro/ /gang gi phyogs la skyon der gyur na mi rung ngo snyam pas 'gro ba po 'gro ba dang ldan pas 'gro'o snyam pa de la yang 'gro ba po zhes bya ba de la 'gro ba'i bya ba nye bar sbyar ba byas pas 'gro ba med pa'i 'gro ba po yin par bral bar 'gyur ba ste/ 'gro ba po 'gro ba po 'gro bar 'dod pa'i phyir 'gro ba med par 'gro'o zhes bya ba der thal bar 'gyur ro//

  365. 183a

    zhes bya ba'i tha tshig go /de ni mi 'thad de/ 'gro'o zhes bya ba de/ 'gro ba med par ji ltar 'gyur/ ci ste skyon der gyur na mi rung ngo snyam pas 'gro ba po zhes bya ba dang/ 'gro'o zhes pa de gnyi ga yang 'gro ba dang ldan no zhe na/ de la yang skyon 'di yod de/ bshad pa/ gal te 'gro po 'gro gyur na/ /'gro ba gnyis su thal 'gyur te/ /gang gis 'gro por mngon pa dang/ 'gro por gyur nas gang 'gro ba'o/ /'gro ba po 'gro ba dang ldan pa la 'gro bar brtag na 'gro ba gnyis su thal bar 'gyur te/ 'gro ba gang dang ldan pas 'gro ba po zhes bya bar mngon pa dang/ de 'gro ba gang la bltos nas 'gro'o zhes bya bar 'gyur ba'o/ /'gro ba gnyis su ni mi 'dod de/ 'gro ba gnyis su thal bar gyur na snga ma bzhin du 'gro ba po yang gnyis su thal bar 'gyur bas de yang mi 'dod de de lta bas 'gro ba po 'gro'o zhes bya ba de mi 'thad do/ /de ni 'gro ba po ma yin pa yang mi 'gro ste/ gang gi tshe 'gro ba po 'gro'o zhes bya ba de mi 'thad pa de'i tshe 'gro ba po ma yin pa 'gro ba dang bral ba'ang 'gro ba'o/ /zhes bya ba de ji ltar 'thad pa nyid du 'gyur/ de lta bas na 'gro ba po ma yin pa yang mi 'gro'o/ /de la 'di snyam du 'gro ba po yin pa dang 'gro ba po ma yin pa 'gro bar sems na/ bshad pa/ 'gro po 'gro po min las gzhan/ /gsum pa gang zhig 'gro bar 'gyur/ /'gro ba po dang 'gro ba po ma yin pa las gzhan pa gsum pa/ 'gro ba po yin pa dang 'gro ba po ma yin pa gang 'gro'o zhes bya bar 'thad bzhig gang zhig yin de bas na med pa kho na'i phyir 'gro ba po yin pa dang 'gro ba po ma yin pa yang mi 'gro'o/ /de ltar gang gi phyir 'gro ba po dang/ 'gro ba po ma yin pa dang/ 'gro ba po yin pa dang/ 'gro ba po ma yin pa 'gro'o/ /zhes bya ba de mi 'thad pa de'i phyir 'gro'o zhes

  366. 183b

    bya ba de rab tu mi 'grub po/ /'gro'o zhes bya ba de med na 'gro ba rab tu 'grub par ga la 'gyur/ 'dir smras pa/ 'gro ba po dang/ 'gro ba po ma yin pa dang/ 'gro ba po yin pa dang/ 'gro ba po ma yin pa 'gro'o/ /zhes bya ba mi 'thad du zin kyang/ gupta/ 'gro'o/ /tsai tra 'gro'o zhes bya ba de la 'gro'o zhes bya ba 'thad do/ /bshad pa/ des ni ci yang smras pa ma yin te/ gupta/ la brten na ci gupta 'gro ba por gyur nas 'gro 'am/ 'on te 'gro ba po ma yin pa 'gro 'am/ 'on te 'gro ba po yin pa dang/ 'gro ba po ma yin pa zhig 'gro zhes bya ba 'di bsal ba ma byas sam/ de lta bas na 'di ni gyi na'o/ /'dir smras pa/ 'gro ba ni yod pa kho na'o/ /ci'i phyir zhe na/ 'gro ba'i bya ba rtsom pa yod pa'i phyir ro/ /'di la song ba dang ma song ba/ dang bgom pa la 'gro ba yod do/ /zhes bya ba de brjod par mi nus su zin kyang/ gang gi tshe sngod pa las 'gro ba de'i tshe na sdod pa'i bya ba 'das ma thag tu 'gro ba'i bya ba 'jug par 'gyur bas de lta bas na bya ba rtsom pa yod pas 'gro ba yod pa kho na'o/ /bshad pa/ ci khyod ming gzhan du bsgyur bas sems rmongs nas rang gi bu ngo mi shes sam/ khyod don de nyid la blo phyi mas brjod pa gzhan gyis brjod ko /'gro ba'i bya ba rtsom pa yod par yongs su brtag pa gang yin pa de yang song ba bam ma song ba 'am/ bgom pa la yod grang na/ de la gtan tshigs sngar bstan pa dag nyid kyis bshad pa/ song la 'gro ba'i rtsom med de/ ci'i phyir zhe na/ 'gro ba'i bya ba 'das zin pa'i phyir ro/ /ma song pa la'ang 'gro rtsom med/ ci'i phyir zhe na/ 'gro ba'i bya ba'i ma brtsams pa'i phyir ro/ /bgom la brtsom pa yod min na/ /ci'i phyir zhe na/ bgom pa med pa'i phyir dang/ 'gro ba gnyis su thal bar 'gyur ba'i phyir dang/ 'gro ba po gnyis su thal bar 'gyur ba'i phyir ro/ /gang

  367. 184a

    du 'gro brtsom par byed/ /ces bya ba'i lan de da smros shig /de lta bas 'gro ba'i rtsom pa med do/ /rtsom pa med na 'gro ba yod par ga la 'gyur/ /'dir smras pa/ 'gro ba ni yod pa kho na'o/ /ci'i phyir zhe na/ bgom pa dang song ba dang ma song ba yod pa'i phyir te gang gi phyir 'gro ba dang ldan pa'i phyir bgom pa zhes bya ba yin la/ 'gro ba mthar phyin pa ni song ba zhes bya ba yin/ 'gro ba'i bya ba ma song ba la bltos nas ma song ba zhes bya ba yin pas na de lta bas na bgom pa dang song ba dang/ ma song ba yod pa'i phyir 'gro ba yod do/ /bshad pa/ ci khyed nam mkha' 'di la ldang bar bskyod dam/ gang gi tshe/ 'gro ba rtsom pa'i snga rol na/ /gang du 'gro ba rtsom 'gyur ba/ /bgom pa med cing song ba med/ /'di la 'gro ba rtsom pa'i snga rol sdod par gyur pa na gang du 'gro ba rtsom par 'gyur ba'i bgom pa yang med cing/ song ba yang? med do/ /'gro ba rtsom pa med na bgom pa 'gro ba dang ldan par ga la 'gyur/ 'gro ba dang ldan pa med na 'gro ba mthar phyin pa yod par yang ga la 'gyur/ 'dir smras pa/ ma song ba ni yod de/ der 'gro ba rtsom par 'gyur ro/ /bshad pa/ ma song ba 'gro ba gang la yod/ /'di la sdod cing mi skyod pa gang yin pa ni ma song ba ste/ de la ni rtsom pa med do/ /gang gi tshe skyod par byed pa de'i tshe na ni go skabs gang du skyod par byed pa de ma song ba ma yin no/ /de'i tshe ma song ba'i go skabs gang yin pa de la ni skyod pa med do/ /de lta bas na ma song ba la 'gro ba'i rtsom pa ga la yod/ de ltar brtags na/ 'gro rtsom rnam pa thams cad du/ /snang ba med pa nyid yin na/ /song ba ci zhig bgom pa ci/ /ma song ci zhes rnam par brtag /gang gi tshe de ltar rnam pa thams cad kyis rnam par brtags pa na 'gro ba'i rtsom pa snang ba med pa nyid yin pa de'i tshe khyod kyi

  368. 184b

    song ba yang ci/ bgom pa yang ci/ ma song ba de yang ci/ zhes rnam par brtag /smras pa/ re zhig ma song ba ni yod do/ /bshad pa/ ci khyod bu ma btsas par 'chi ba'i mya ngan byed dam/ khyod song ba med par ma song ba la rtog go /'di ltar song ba'i gnyen po ni ma song bar yin na/ de la gal te song ba nyid med na khyod kyi ma song ba yod par ga la 'gyur/ smras pa/ gal te gnyen po med pas song ba med na 'o na/ 'gro ba 'gro ba 'grub bo/ /ci'i phyir zhe na/ mi mthun pa yod pa'i phyir te/ 'di ltar 'gro ba'i mi mthun pa sdod pa yod do/ /de lta bas na mi mthun pa yod pa'i phyir 'gro ba yod pa kho na'o/ /bshad pa las/ gal te sdod pa yod na ni 'gro ba yod par 'gyur grang na/ sdod pa mi 'thad pas 'gro ba yod par ga la 'gyur/ ji lta zhe na/ 'di la ga te sdod pa yod par gyur na/ 'gro ba po'i 'am/ 'gro ba po ma yin pa'i yin grang na/ /de la/ re zhig 'gro po mi sdod do/ /'gro ba po min sdod pa min/ /'gro po 'gro po min las gzhan// gsum pa gang zhig sdod? par 'gyur/ /de lta bas na sdod pa ni med pa kho na'o/ /ci'i phyir zhe na/ mi 'thad pa'i phyir ro/ /ji ltar zhe na/ bshad pa/ re zhig 'gro po sdod do zhes/ ji ltar 'thad pa nyid du 'gyur/ /'gro ba med na 'gro ba po/ nam yang 'thad par mi 'gyur ro/ /'di la 'gro ba dang ldan pas 'gro ba por 'gyur bas 'gro ba med na/ 'gro ba por mi 'thad pa nyid do/ /'gro ba log pa ni sdod pa zhes bya ba na 'gro ba dang sdod pa mi mthun pa de gnyis gcig na lhan gcig 'dug pa med do/ /de'i phyir de ltar re zhig 'gro ba po sdod de zhes bya ba de ji ltar 'thad pa nyid du 'gyur/ da ni 'gro ba po ma yin pa yang mi sdod de/ ci'i phyir zhe na/ 'gro ba med pa'i phyir ro/ /'di la 'gro ba log

  369. 185a

    pa ni sngod pa zhes bya ba na 'gro ba po ma yin pa ni 'gro ba dang bral ba'i phyir sdod pa nyid yin pas de la yang sdod pas ci zhig bya/ sdod pa de la yang sdod par brtag na/ sdod pa gnyis su thal par 'gyur ba dang/ sdod pa po yang gnyis su thal bar 'gyur bas de'i phyir 'gro ba po ma yin pa yang mi sdod do/ /de la 'di snyam du 'gro ba po yin pa dang/ 'gro ba po ma yin pa sdod par sems na/ bshad pa/ 'gro po 'gro po min las gzhan/ /gsum pa gang zhig sdod par 'gyur/ /'gro ba po dang 'gro ba po ma yin pa las gzhan pa gsum pa 'gro ba po yin pa dang/ 'gro ba po ma yin pa gang sdod do zhes bya bar brtags pa de gang zhig yin/ de lta bas na med pa kho na'i phyir 'gro ba po yin pa dang/ 'gro ba po ma yin pa yang mi sdod do/ /yang gzhan yang/ 'gro ba log pa ni sdod pa zhes bya na/ ldog pa de yang bgom pa las sam/ song ba las sam ma song ba las ldog par 'gyur grang na/ de la/ bgom las sdod par mi 'gyur te/ /song dang ma song las kyang min bgom pa las sdod par mi 'gyur te/ /ci'i phyir zhe na/ 'di ltar 'gro ba dang ldan pa'i phyir bgom pa yin la/ 'gro ba log pa ni sdod pa yin pas sdod pa dang 'gro ba mi mthun pa de gnyis gcig na mi srid pas de'i phyir re zhig bgom pa las ldog par mi 'gyur ro/ /da ni song ba dang ma song ba las kyang sdod par mi 'gyur te/ ci'i phyir zhe na/ 'gro ba med pa'i phyir ro/ /'di ltar 'gro ba log pa ni sdod pa yin la/ 'gro ba ni song ba dang ma song ba la med de/ 'gro ba med na 'gro ba ldog pa la yod/ 'gro ba ldog pa med na sdod pa ga la yod/ /de lta bas na song ba dang ma song ba las kyang ldog par mi 'gyur ro/ /'gro ba dang ni 'jug pa dang/ ldog pa yang ni 'gro dang mtshungs/ /ji ltar 'gro ba po mi sdod de/ /sdod pa dang

  370. 185b

    'gro ba gnyis mi mthun pa'i phyir ro/ /zhes bshad pa de bzhin du sdod pa po yang mi 'gro ste/ sdod pa dang 'gro ba gnyis mi mthun pa'i phyir ro/ /ji ltar 'gro ba po ma yin pa mi sdod de/ sdod pa gnyis su thal bar 'gyur ba'i phyir ro zhes bshad pa de bzhin du sdod pa po ma yin pa yang mi 'gro ste/ 'gro ba gnyis su thal bar 'gyur ba'i phyir ro/ /ji ltar 'gro ba po yin pa dang 'gro ba po ma yin pa mi sdod do/ mi srid pa'i phyir ro zhes bshad pa de bzhin du sdod pa po yin pa dang/ sdod pa po ma yin pa yang mi 'gro ste/ mi srid pa'i phyir ro/ /de ltar re zhig 'gro ba po'i sdod pa dang/ sdod pa po'i 'gro ba mtshungs pa yin no/ /da ni ji ltar 'gro ba'i rtsom pa song ba dang/ ma song ba dang/ bgom pa la mi 'thad do zhes bshad pa de bzhin du sdod pa'i 'jug pa yang bsdad pa dang ma bsdad pa dang/ sdod pa la mi 'thad de/ de ltar na 'gro ba'i rtsom pa dang sdod pa'i 'jug pa mtshungs pa yin no/ /da ni ji ltar 'gro ba'i ldog pa song ba dang/ ma song ba dang/ bgom pa las ldog par mi 'gyur ro zhes bshad pa de bzhin du sdod pa'i ldog pa yang gang du bsdad pa de nas mi 'gro ste/ 'gro ba med pa'i phyir ro/ /gang du ma bsdad pa de nas kyang mi 'gro ste/ 'gro ba med pa'i phyir ro/ /gang du sdod pa de nas kyang mi 'gro ste/ sdod pa dang 'gro ba gnyis mi mthun pa'i phyir ro/ /de ltar na 'gro ba'i ldog pa dang/ sdod pa'i ldog pa mtshungs pa yin no/ /'dir smras pa/ 'gro ba dang 'jug pa dang/ ldog pa song ba dang ma song ba dang/ bgom pa la yod do zhe 'am 'gro ba po dang 'gro ba po ma yin pa dang/ de las gzhan pa la yod do zhes bya ba de brjod par mi nus su zin kyang/ tsai tra'i bgom pa 'dor ba mthong nas/ tse tra'i 'gro ba po zhes bya bar 'gyur bas de'i phyir 'gro ba de dang 'gro pa yod do/ /bshad pa/ re zhig

  371. 186a

    brjod par mi nus su zin kyang zhes bya ba de ni phongs pa'i tshig yin no/ /'on kyang mthong nas tsai tra 'gro ba po zhes bya bar sems dpa' tsai tra'i gom pa 'dor ba gang yin pa de/ gom pa 'dor ba de dang tsai tra gcig pa nyid dam gzhan pa nyid du 'gyur grang na/ de la/ 'gro ba de dang 'gro ba po/ /de nyid ces kyang byar mi rung/ /'gro ba dang ni 'gro ba po/ /gzhan nyid ces kyang byar mi rung/ ji ltar zhe na/ gal te 'gro ba gang yin pa/ /de nyid 'gro po yin gyur na/ /byed pa po dang las nyid kyang gcig pa nyid du thal bar 'gyur/ /gal te 'gro ba gang yin pa de nyid 'gro ba po yin par gyur na/ de lta na byed pa po dang bya ba yang gcig pa nyid du thal bar 'gyur ro/ /de ni mi 'thad de/ byed pa po gang yin pa de nyid bya ba yin par ji ltar 'gyur ci ste skyon der gyur na mi rung ngo/ /snyam pas byed pa po dang bya ba gnyis gzhan pa nyid yin no zhe na/ de la bshad par bya ste/ gal te 'gro dang 'gro ba po/ /gzhan pa nyid du rnam brtag na/ /'gro po med pa'i 'gro ba dang/ /'gro ba med pa'i 'gro po'i? 'gyur/ /gal te byed pa po dang/ bya ba gnyis gcig pa nyid kyi skyon mthong bas 'gro ba po dang/ 'gro ba gzhan pa nyid du rnam par brtag na/ de lta na 'gro ba po las tha dad par gyur pa'i 'gro ba gzhi med pa rang las rab tu grub par 'gyur pa dang/ 'gro ba gzhi med pa rang las rab tu grub par gyur na 'gro ba po yang 'gro ba dang bral ba mi bltos pa rang las rab tu grub par 'gyur ba zhig na/ de gnyis gar yang mi 'thad de/ 'gro ba po med par 'gro ba dang/ 'gro ba med par bsgrol? gor? ji ltar 'gyur/ /'dir smras pa/ ci khyod gsod pa po nyid la dbang 'dzugs sam/ kho bo ni byed pa po dang bya ba gnyis tha dad par grub pa med pa'i phyir/ gzhan pa nyid du yang mi 'dod la/ byed pa po tha dad pa'i

  372. 186b

    phyir gcig pa nyid du yang mi 'dod pas de'i phyir de gnyi ga med par yang de gnyis grub po/ /bshad pa/ kho bo ni gsod pa po nyid la dbang mi 'dzugs kyi/ khyod nyid lag pa brkyang ste tshigs chen por g.yob cing khong pa dbugs kyis rdzangs bzhin du smig rgyu'i chu la rkyal par byed dam/ khyod de nyid dang gzhan ma gtogs pa med pa'i phyogs la yod pa'i blos gnas par byed ko /gang dag dngos po gcig pa dang/ /dngos po gzhan pa nyid du ni/ /grub par gyur pa yod min pa/ /de gnyis grub pa ji ltar yod/ /gal te byed pa po dang bya ba gnyis gcig pa nyid dang gzhan pa nyid du grub pa med na de gnyis ma gtogs par rnam pa gzhan gang gis de gnyis grub pa yod pa de je smros shig /de lta bas na de ni brtags pa tsam du zad do// 'dir smras pa/ 'jig rten gyi mngon sum gyi don 'di gab gab kyis gnan par ji ltar nus/ yod ni gang med pas 'gro ba po ma yin no/ /zhes bya ba dang/ gang la bltos nas 'di 'gro ba po yin no zhes bya ba de ni 'gro ba yin la/ de yang 'gro ba po zhes bya'o/ /bshad pa/ ci khyod bu 'dod la ma ning la spyod dam/ khyod 'gro ba po med pa la 'gro ba por rtog go /'di ltar bgrod par bya ba zhig yod na ni 'gro ba por brtag tu yang rung grang na/ gang gi tshe 'gro ba po brtags kyang bgrod par bya ba mi 'thad pa de'i tshe ci yang mi phan pa yongs su brtags pa 'dis ci zhig bya/ bgrod par bya ba ji ltar mi 'thad ce na/ de ni song ba yang ma yin ma song ba yang ma yin la/ bgom pa ni shes par mi 'gyur ro zhes bstan zin to/ /de dag tsam du de 'gro bas 'gro ba po yin grang na/ de ni mi 'gro bas de'i phyir 'gro ba por brtags pa ni don med pa yin no/ /'dir smras pa/ 'gro ba po yin pas 'gro ba nyid 'gro ste/ dper na smra ba po dag na re tshig smra'o/ /bya ba byed do zhes

  373. 187a

    zer ba bzhin no/ /bshad pa/ 'gro ba po'i 'gro ba la brtag na yang 'gro ba gang gis de 'gro ba por mngon pa'i 'gro ba de nyid dam/ de las gzhan pa zhig 'gro grang na/ gnyi ga yang mi 'thad do/ /ji ltar zhe na/ 'gro ba gang gis 'gro por mngon/ /'gro ba de ni de 'gro min/ /'gro ba gang dang ldan na tse tra 'gro ba po zhes bya bar mngon pa'i 'gro ba de ni 'gro ba po de 'gro bar byed pa ma yin no/ /ci'i phyir zhe na/ gang phyir 'gro ba'i snga rol med/ /gang zhig gang du 'gro bar 'gyur/ /gang gi phyir 'gro ba gang gis 'gro ba po zhes bya bar mngon pa'i 'gro ba de'i snga rol ni 'gro ba'i snga rol te de'i snga rol na 'gro ba po med do/ de dang ldan pa kho na'i phyir 'gro ba po zhes brjod pa yin te/ gang zhig gang du dper na grong dang grong khyer lta bu tha dad par gyur pas 'gro bar 'gyur ba yin na 'gro ba por gyur nas gang 'gro bar 'gyur pa'i 'gro ba de ni 'gro ba po las grong dang grong khyer lta bur tha dad par gyur pa med do/ /de ltar de zhig 'gro ba gang gis 'gro ba po zhes bya bar mngon pa'i 'gro ba de ni 'gro ba po 'gro bar byed pa ma yin no/ /de la 'di snyam du de las gzhan pa zhig 'gro bar sems na/ bshad pa/ 'gro ba gang gis 'gro por mngon/ /de las gzhan pa de 'gro min/ /'gro ba gang dang ldan na tsai tra 'gro ba po zhes bya bar mngon pa de las gzhan pa'i 'gro ba yang 'gro ba po de 'gro bar byed pa ma yin no/ /ci'i phyir zhe na/ gang phyir 'gro po gcig pu la/ /'gro ba gnyis su mi 'thad do/ /gang gi phyir 'gro ba po gcig bu la gang gis 'gro ba po zhes bya bar mngon pa dang 'gro por gyur nas gang 'gro par 'gyur ba'i 'gro ba gnyis mi 'thad pa de'i phyir de las gzhan pa'i 'gro ba yang 'gro ba po 'gro bar byed pa ma yin na/ /des na tshig smra'o/ /bya ba byed do zhes bya ba yang lan btab

  374. 187b

    pa yin no/ /'dir smras pa/ 'gro ba po'i bgrod par bya ba grong dang grong khyer la sogs pa yod pa ma yin nam/ bshad pa/ de la ni lan btab zin to/ /grong dang grong khyer la brten nas/ ci de grong du song ba la 'gro ba yod dam ma sod ba la 'gro ba yod dam bgom pa la 'gro ba yod ces bsams zin pas de'i phyir de ni gyi na'o/ /yang gzhan yang/ 'gro po yin par gyur pa ni/ /'gro rnam gsum du 'gro mi byed/ /de ma yin par gyur pa yang/ /'gro rnam gsum du 'gro mi byed/ /yin dang ma yin gyur pa yang/ 'gro rnam gsum du 'gro mi byed/ /de phyir 'gro dang 'gro po dang/ bgrod par bya ba'ang yod ma yin/ /'gro po yin par gyur pa zhes bya ba ni 'gro po gang 'gro ba dang ldan pa'o/ /de ma yin par gyur pa yang zhes bya ba ni 'gro ba po gang 'gro ba dang bral ba'o/ /yin pa dang ma yin par gyur pa yang zhes bya ba ni 'gro ba po gang 'gro ba dang ldan pa yang yin la 'gro ba dang bral ba yang yin pa'o/ /'gro zhes bya ba ni bgrod par bya ba'i tha tshig go /rnam gsum du zhes bya ba ni song ba dang ma song ba dang bgom par ro/ / de'i phyir de ltar yang dag pa'i rjes su 'brang pa'i blos yongs su brtags na/ 'gro ba po yin pa 'gyur ba ni bgrod par bya ba rnam pa gsum du 'gro bar mi byed la 'gro ba po ma yin par gyur pa yang bgrod par bya ba rnam pa gsum du 'gro bar mi byed cing/ 'gro ba po yin pa dang ma yin par gyur pa yang bgrod par bya ba rnam pa gsum du 'gro bar mi byed pa de'i phyir 'gro ba dang 'gro ba po dang bgrod par bya ba med do/ /bya ba rnams kyi nang na 'gro ba'i bya ba gtso bo yin pas/ 'gro ba'i bya ba yongs su brtags te/ ji ltar 'gro ba mi 'thad par rab tu sgrubs pa de bzhin du bya ba thams cad kyang mi 'thad par grub bo/ /song ba dang ma song ba dang bgom pa brtag pa zhes bya ba ste rab tu byed pa gnyis pa'o// //

  375. 188a

    dbu ma rtsa ba'i 'grel pa bu da pA li ta/ bam po gnyis pa/ 'dir smras pa/ khyod kyis 'gro ba mi 'thad pa de rjes su rab tu bstan pas kho bo'i yid stong pa nyid nyan pa la spro bar byas kyis/ de'i phyir da ni rang gi gzhung lugs la brten pa cung zhig rjes su rab tu bstan pa'i rigs so/ /bshad pa/ de ltar bya'o/ /smras pa/ lta dang nyan dang snom pa dang/ /myang bar byed dang reg byed yid/ /dbang po drug po de dag gi /spyod yul blta bar bya la sogs/ /lta ba la sogs pa de dag ni dbang po drug tu bstan la/ de dag gi spyod yul ni gzugs la sogs pa drug po dag nyid yin par bstan to/ /de la gzugs la lta bar byed pas lta bar bstan la/ lhag ma rnams kyang rang rang gi yul 'dzin par byed pas bstan to/ /dngos po med na gzugs la lta bar byed pas lta ba zhes brjod par mi 'thad do/ /'di ltar med pas ji ltar lta bar 'gyur/ ci ste lta na ni ri bong gi rwas kyang rus sgral? gyi spu sogs par 'gyur ba zhig na de ni mi 'thad pas de'i phyir skye mched rnams yod do/ /bshad pa/ gal te gzugs la lta bar byed pas lta'o zhes bya ba de 'thad na ni/ skye mched rnams yod par 'gyur ba zhig na de ni mi 'thad do/ /ci'i phyir zhe na/ 'di ltar/ lta ba rang gi bdag nyid na/ /de ni de la mi lta nyid/ /gang zhig bdag la mi lta ba/ /de gzhan dag la ji ltar lta/ /'di la dngos po rnams kyi ngo bo nyid ni rang gi bdag nyid la mthong na de dang ldan pas gzhan gyi bdag nyid la yang dmigs par 'gyur te/ dper na chu la rlan mthong na de dang ldan pas/ sa la yang dmigs pa dang/ me la tsha ba mthod na de dang ldan pas chu la yang dmigs pa dang/ sna ma'i me tog la dri zhim pa nyid mthong na de dang ldan pas/ gos la yang dmigs pa lta bu yin na dngos po ? rang gi bdag nyid la mi snang ba de gzhan gyi bdag nyid la ji ltar dmigs par 'gyur te/ 'di ltar

  376. 188b

    sna ma'i me tog la dring ba nyid ma mthong na gos la yang dmigs par mi 'gyur ba lta bu'o/ /de'i phyir gal te lta ba rang gi bdag nyid la lta bar byed na ni des na gzugs la lta bar byed pas lta ba'o zhes bya ba de 'thad par 'gyur ba zhig na lta ba ni rang gi bdag nyid la lta bar mi byed do/ /da gang rang gi bdag nyid la lta bar mi byed pa de gzhan dag la ji ltar lta bar byed de/ des na gzugs la lta bar byed pas lta ba'o/ /zhes bya ba de mi 'thad do/ /slob dpon 'phags pa lhas kyang/ dngos po kun gyi rang bzhin ni/ thog mar bdag la snang gyur na/ /mig nyid la yang mig gis ni/ /ci yi phyir na 'dzin mi 'gyur/ /zhes gsungs so/ /smras pa/ me bzhin du lta ba la sogs pa 'grub ste/ dper na me ni sreg par byed pa yin yang gzhan dag sred par byed pa yin gyi/ rang gi bdag nyid sreg par byed pa ni ma yin no/ /de bzhin du lta ba yang lta bar byed pa yin yang gzhan dag la lta bar byed pa nyid yin gyi rang gi bdag nyid la lta bar byed pa ni ma yin no/ /bshad pa/ lta ba rab tu sgrub pa'i phyir/ /me yi dpes ni nus ma yin/ /nus ma yin zhes bya ba ni mchog pa dang/ mi nus so zhes bya ba'i tha tshig ste/ khyod kyis lta ba rab tu bsgrub pa'i phyir ma'i dpe byas pa gang yin pa des ni lta ba rab tu bsgrub par mi nus so/ /ci'i phyir zhe na/ 'di la bud shing bsreg go zhes bya mod kyi/ bud shing las me gung na med pa'i phyir te/ de bas na me ni rang gi bdag nyid sreg par byed pa nyid yin gyi gzhan dag sreg par byed pa ni ma yin no/ /ci ste gzhan pa nyid ma yin pa zin kyang bud shing ni sreg par bya ba'o/ /me ni sreg par byed pa'o zhes rtog na/ /kho bos kyang bud shing ni sreg par byed pa'o/ /mi ni bsreg par bya ba'o/ /zhes smras la rag go /yang na khyad par gyi gtan tshigs bstan

  377. 189a

    ba brjod dgos so/ /slob dpon 'phags pa lhas kyang/ mes ni tsha ba nyid bsreg ste/ tsha ba la yin ji ltar bsreg /des na bud shing zhes bya med/ /de ma gtogs par me yang med/ ces gsungs so/ /de lta bas na me'i dpes nus pa ma yin no/ /'di la kha cig me ni rang bzhin gyi bdag nyid dag snang bar byed do snyam du sems dpa' des kyang nus pa ma yin te/ me ni ji ltar rang dang gzhan gyi bdag nyid dag snang bar byed pa de bzhin du rang gzhan gyi bdag nyid dag sreg par byed pa'i rigs so/ /'on kyang gzhan dag sreg par byed pa nyid yin gyi rang gi bdag nyid sreg par byed pa ni ma yin no zhe na/ de ltar na yang mes ji ltar gzhan dag sreg par byed kyi/ rang gi bdag nyid sreg par mi byed pa de bzhin du lta ba yang gzhan dag la lta bar phyid? kyi/ rang gi bdag nyid la lta bar mi byed do/ /zhes bya ba de ji lta rung ste/ me ji ltar rang dang gzhan gyi bdag nyid dag snang bar byed pa de bzhin du lta ba yang ni gal te lta ba yin na rang dang gzhan gyi bdag nyid dag la lta bar byed do/ /zhes bya ba de lta bur yang ci'i phyir mi 'gyur/ bdag nyid bdag nyid la lta'o zhes kyang zer la/ de bzhin du 'jig rten na smra ba po dag bdag nyid kyis bdag nyid 'dzin to zhes kyang zer bas/ de'i phyir rang gi bdag nyid la 'jug pa'i tshig gis na/ lta pa rab tu bsgrub pa'i phyir me'i dbes nus pa ma yin no/ /yang gzhan yang/ song dang ma song ba gom pa yis /de ni ltar bcas lan btab bo/ /ltar bcas zhes bya ba ni lta ba dang bcas pa'o/ /gang zhe na/ mi'i dpe de ste/ dpe dang lta ba de gnyi ga mtshungs par lan btab zin to zhes bya ba'i tha tshig go /gang gis lan btab ce na/ song ba dang/ ma song ba dang/ bgom pa dag gis te/ ji ltar song ba dang/ ma song ba dang/ bgom pa brtag par song ba la yang 'gro ba med

  378. 189b

    ma song ba la yang med/ bgom pa la yang 'gro ba med do/ /zhes bshad pa de bzhin du mes kyang bsregs pa yang sreg par mi byed/ ma bsregs pa yang sreg par mi byed/ bsreg pa yang sreg par mi byed la/ lta ba yang bltas pa la yang lta bar mi byed/ ma bltas pa la yang lta bar mi byed/ lta ba la yang lta bar mi byed do/ /de ltar me yang sreg par mi byed la/ lta ba yang lta bar mi byed na ci zhig gang gi dper 'gyur/ /de'i phyir yang lta ba rab tu bsgrub pa'i phyir me'i dpes nus pa ma yin no/ /yang gzhan yang/ gang tshe cung zad mi lta ba/ /lta bar byed pa ma yin no/ /lta bas lta bar byed ces bya/ /de ni ji ltar rigs par 'gyur/ /'di ltar khyod kyis gzugs la lta bar byed pas lta ba'o zhes smras pa ni byed pa po la bya ba'i rkyen brjod nas lta bar byed pas lta ba yin no/ /de'i phyir lta ba nyid na lta ba yin gyi mi lta ba na ma yin no/ /de'i phyir gang gi tshe na lta ba nyid na lta ba yin gyi mi lta na ma yin pa de'i tshe lta bar byed pas lta ba'o zhes bya ba de smra ba ji ltar rig par 'gyur te/ 'di la gang gis lta bar byed do/ /zhes bya ba de rigs par 'gyur ba lta ba'i bya ba gnyis pa de dag la yod/ ci steng 'di la lta ba'i bya ba gnyis pa med bzhin du yang rab tu rtog na/ de lta na yang lta ba gnyis su thal ba dang/ lta ba po yang gnyis su thal bar 'gyur bas de ni mi 'dod do/ /de lta bas na gzugs la lta bar byed pas lta ba'o/ /zhes bya ba de mi 'thad do/ /ci ste thal ba'i bya ba gnyis su thal bar 'gyur ba'i skyon der gyur na mi rung ngo/ /snyam nas lta ba nyid lta ba'i bya ba dang ldan pa'i phyir lta bar byed pas lta ba'o zhe na/ de la bshad pa/ lta ba lta nyid ma yin te/ /lta ba lta bar byed pa nyid do/ /zhes de ltar rtog na de yang mi rigs pa ma yin te/ lta bar byed do//

  379. 190a

    zhes bya ba de la lta ba'i bya ba med pa'i phyir ro/ /de de la 'di snyam du skyon der gyur na mi rung bas lta bar byed do/ /zhes bya ba de nyid lta ba'i bya ba dang ldan par sems na/ de la bshad pa/ lta ba min pa mi lta nyid/ /de lta na yang lta ba'i bya ba dang bral ba'i lta ba ni lta ba ma yin par 'gyur ro/ /de la lta ba ma yin pa lta bar byed do/ /zhes bya ba ni mi rung ste/ 'di ltar lta ba ma yin pa ji ltar lta bar 'gyur/ /ci ste lta na ni sor mo'i rtse mo yang lta bar 'gyur ba zhig na mi lta ste/ de lta bas na lta ba ma yin pa lta bar byed do zhes bya ba de yang mi rung ngo/ /smras pa/ bya ba'i rkyen 'di ni byed pa la brjod pa yin gyi byed pa po la ma yin pas/ 'dis lta bar byed pas lta ba ste/ gang zhig lta bar byed ce na/ lta ba po'i/ /bshad pa/ lta ba nyid kyis lta ba po'ang/ rnam par bshad par shes par bya 'di la/ lta ba rang gi bdag nyid na/ /de ni de la mi lta nyid/ /gang zhig bdag la mi lta bar/ /de gzhan dag la ji ltar blta/ /zhes bya ba la sogs pa dag gis lta bas lta bar byed do zhes bya ba de bsal zin te/ lta ba bsal ba de nyid kyis lta ba po yang bsal ba nyid du shes par bya'o/ /ci'i phyir zhe na/ 'dir don gzhan cung zad ma smras te/ mig lta ba po nyid yin no zhes so bya ba btang ste bdag lta ba po yin no zhes smras pa 'ba' zhig tu zad pa'i phyir ro/ /de la lta ba la lta ba por rtog gam bdag la lta ba por rtog kyang rung ste bsal ba'i gtan tshigs dag ni mtshungs so/ /'dir skyon gzhan 'di yang yod de/ lta ba pos lta bas lta bar byed na lta ba gsum du thal bar 'gyur ro/ /smras pa/ lta bas lta bar byed zhes 'am lta ba pos lta bar byed do zhes bya ba 'dis kho bo la ci bya/ yong ni lta bar bya ba bum pa dang snam bu la sogs pa dag yod pa la gang gis lta bar byed pa'i lta ba de ni yod do/ /bshad pa/

  380. 190b

    ci khyod sa mkhan med par 'brog dgon par 'thom mam/ khyod lta ba po med par lta bar bya ba dang lta ba yod par 'dod ko /ma spangs lta po yod min te/ /lta ba spangs par gyur kyang ngo/ /lta po med na khyod kyi ni/ /lta ba lta ba ga la yod/ /'di la lta ba nyid na lta ba po yin gyi mi lta na ma yin no/ /zhes sngar bstan pa des na lta ba dang ldan pa'i phyir lta ba po yin pas lta ba po lta bar byed do/ /zhes bya ba de mi 'thad do/ /lta ba'i bya ba gnyis pa med pa'i phyir ro/ /de ltar re zhig lta ba ma spangs na lta ba po ma yin pas lta ba po med do// da ni lta ba po ma yin pa yang lta bar mi byed pa nyid de lta ba'i bya ba dang bral ba'i phyir ro zhes bstan pa de bzhin du lta ba spangs par gyur na yang lta ba po med do/ /de la lta ba spangs kyang rung ma spang kyang rung ste lta ba po med na khyod kyi lta bar bya ba dang lta ba yod par ga la 'gyur/ 'di ltar gang gis lta bar byed pas lta bar bya ba yin na gang gis lta bar byed pa de ni med do/ /de med na gang gis lta bar 'gyur/ mi lta na lta bar bya bar ji ltar 'gyur/ 'ga' zhig gis gang gis lta bar byed pa de ni de'i lta ba yin na gang gis lta bar byed pa de ni med do/ /de med na gang gi lta bar 'gyur te/ de lta bas na lta ba po med na lta bar bya ba dang lta ba mi 'thad pa nyid? do/ /de'i phyir skye mched rnams yod pa ma yin no/ /smras pa/ skye mched rnams ni yod pa nyid yin te/ ci'i phyir zhe na/ rnam par shes pa yod pa'i phyir ro/ /'di ltar rnam par shes pa dngos po rnams dmigs par byed pa ni yod do/ /de yod pa'i phyir skye mched rnams kyang yod do/ /bshad pa/ lta bya lta ba med pa'i phyir/ /rnam par shes la sogs pa bzhi/ /yod min nye bar len la sogs ji lta bur na yod par 'gyur/ /gang gi tshe lta ba po med na lta bar bya ba dang lta ba mi 'thad do/ /zhes bshad pa de'i tshe gnas med par rnam par shes pa ji ltar yod par 'gyur te/ 'di ltar lta bar bya ba las gzhan ci zhig rnam par shes par 'gyur/ lta ba med

  381. 191a

    na rnam par shes pa bltos pa med par ji ltar yod par 'gyur/ ci ste 'gyur na ni long ba la yod par 'gyur ba zhig na mi 'gyur ro/ /de lta bas na lta bar bya ba dang lta ba med na gnas med par rnam par shes pa yod par mi 'thad do// rnam par shes pa med na reg pa ga la yod/ reg pa med na tshor ba ga la yod/ /tshor ba med na sred pa ga la yod/ de bzhin du nye bar len pa dang srid pa dang/ skye ba dang rga shi dag kyang yod par ga la 'gyur te/ de bas na skye mched rnams ni yod pa nyid ma yin no/ /de skad du/ bcom ldan 'das kyis kyang/ de la 'phags pa nyan thos ni mig gi rnam par shes par bya ba'i gzugs gang dag 'das pa dang/ ma 'ongs pa dang da ltar byung ba 'di dag la rtag pa nyid dam brtan pa nyid dam/ de bzhin nyid dam gzhan ma yin pa de bzhin nyid dam ma nor ba de bzhin nyid ni 'ga' yang med kyi sgyu ma de ni yod do/ /sgyu mar byas pa de ni yod do/ /sems rmongs par byed pa de ni yod de/ de ni gyi na zhig yod do/ /snyam du de ltar so sor rtog par byed do/ /zhes gsungs so/ /smras pa/ khyod kyis re zhig lta ba ni bkag na nyan pa la sogs pa ni ma bkag pa des na nyan pa la sogs pa yod pa'i phyir dngos po rnams yod do/ /bshad pa/ lta bas nyan dang snom pa dang/ /myang bar byed dang reg byed yid/ / nyan pa po dang mnyan la sogs/ /rnam par bshad par shes par bya/ /nyan pa la sogs pa de dag ni rnam par bshad par nyid du shes par bya'o/ /gang gis rnam par bshad ce na/ /lta ba nyid kyis te/ ji ltar lta ba rnam pa thams cad du brtags na mi 'thad pa de bzhin du nyan pa la sogs pa dag kyang shes par bya'o/ /ji ltar lta ba po mi 'thad pa de bzhin du nyan pa po la sogs pa dag kyang shes par bya'o/ /ji ltar lta bar bya ba bsal ba de bzhin du mnyan par bya ba la sogs pa dag kyang shes

  382. 191b

    par bya'o/ /de lta bas na skye mched rnams kyang stong pa nyid du grub par shes par bya'o/ /skye mched brtag pa zhes bya ba ste rab tu byed pa gsum pa'o// 1 //'dir smras pa// 'di la gzugs la sogs pa phung po lnga po dag bstan to/ /de dag sdug bsngal lo zhes gsungs te/ sdug bsngal 'phags pa'i bden par gsungs so/ /'phags pa'i bden pa gang yin pa de ni med par ji ltar 'gyur te/ de bas na phung po rnams ni yod do/ /bshad pa/ gzugs kyi rgyu ni ma gtogs par/ /gzugs ni dmigs par mi 'gyur ro/ /'di ltar 'byung ba chen po bzhi po dag ni gzugs kyi rgyur bstan/ gzugs ni de dag gi 'bras bur bstan na/ 'byung ba chen po bzhi po dag ma gtogs par 'byung ba chen po bzhi po de dag las don gzhan du gyur ba gzugs zhes bya bar 'bras bu ni ci yang med de/ de lta bas na gzugs ni mi 'thad do/ /smras pa/ re zhig 'byung ba dag ni yod de/ de la rgyu yod pa'i phyir 'bras bu yang yod pas na gzugs kyang rab tu grub pa nyid do/ /bshad pa/ gzugs zhes bya ba ma gtogs par// gzugs kyi rgyu yang mi snang ngo/ /gzugs ma gtogs par yang 'di ni gzugs kyi rgyu'o/ /zhes bya ba mi snang ba nyid do/ /gzugs ni mi 'thad par smras zin te/ de ltar gzugs mi 'thad pa'i phyir gzugs kyi rgyu yang mi 'thad do/ /smras pa/ 'di la khyod la rgyu la brten nas 'bras bu sel bar byed cing/ 'bras bu la brten nas rgyu sel bar byed pas de la gang la brten nas gzhan zhig sel bar byed pa de ni re zhig yod do/ /de yod na gzhan yang rab tu 'grub par 'gyur ro/ /bshad pa/ gzhan yod ? nyid do/ /zhes brjod par mi nus so/ /ci'i phyir zhe na/ 'di ltar/ gzugs kyi rgyu ni ma gtogs par/ /gzugs na gzugs ni rgyu med par/ /bral bar 'gyur te don gang yang/ /rgyu med pas ni gang na'ang med/ /gal te rgyu bsal kyang 'bras bu yod na ni de'i

  383. 192a

    tshe rgyu med pa can du 'gyur te/ don gang yang rgyu med pa can ni/ ma mthong zhing gang du yang ma bstan te/ rtag tu thams cad las thams cad 'byung bar thal bar 'gyur ba'i phyir dang/ rtsom pa thams cad don med pa nyid kyi skyon du 'gyur ba'i phyir ro// de bzhin du gal te gzugs ni ma gtogs par/ gzugs kyi rgyu zhig yod na ni/ /'bras bu med pa'i rgyur 'gyur te/ 'bras bu med pa'i rgyu med do/ /gal te 'bras bu bsal kyang rgyu yod na ni rgyu de 'bras bu med pa can du thal bar 'gyur ro/ /'bras bu med pa can gyi rgyu ni med de/ 'di ni 'di'i 'o zhes bya ba'i tha snyad kyang mi 'thad pa'i phyir dang/ thams cad kyi rgyu thams cad yin par thal bar 'gyur pa'i phyir te/ de lta bas na gzugs kyi rgyu dag kyang mi 'thad pa nyid yin la/ gzugs kyang 'bras bur mi 'thad do// yang gzhan yang/ gzugs yod na yang gzugs kyi ni/ /rgyu yang 'thad par mi 'gyur nyid/ /gzugs med na yang gzugs kyi ni/ /rgyu yang 'thad par mi 'gyur nyid/ /'di la gzugs kyi rgyu zhig brtag na gzugs yod pa la brtag gam/ 'on te gzugs med pa la brtag grang na/ gzugs yod pa la ni gzugs kyi rgyu mi 'thad de/ med pa la yang mi 'thad do/ /de la re zhig yod pa la ni mi 'thad de/ /'di ltar yod pa la yang rgyus ci zhig bya/ ci ste yod pa la yang rgyu'i bya ba yod par 'gyur na ni nam yang mi bya bar mi 'gyur ro/ /de yang mi 'dod de/ de lta bas na gzugs yod pa la gzugs kyi rgyu mi 'thad do/ /gzugs med pa la yang gzugs kyi rgyu mi 'thad de/ 'di ltar gzugs med na de gang gi rgyur 'gyur/ de lta bas na gzugs med pa la yang gzugs kyi rgyu mi 'thad do/ /de ni rkyen dgag par yang med dam/ yod pa'i don la yang/ rkyen ni rung ba ma yin te zhes rab tu bstan zin mod kyi/ yang 'dir yang skabs su bab par bstan to/ /rgyu med pa yi gzugs

  384. 192b

    dag ni/ /'thad par mi rung rung ma yin/ /rgyu ma bstan pa glo bur gyi gzugs ni 'thad par mi rung bar nyid de rung ba ma yin pa nyid do/ /ci'i phyir zhe na/ rtag tu thams cad 'byung bar thal bar 'gyur ba'i phyir dang/ rtsom pa thams cad don med pa nyid kyi skyon du 'gyur pa'i phyir ro/ /de bas na rgyu med pa can gyi phyogs ni tha chad kho na yin pa'i phyir 'thad par mi rung ba nyid de rung pa ma yin pa nyid do/ /zhes yang dang yang du nges par gzung ste bshad do/ /de'i phyir gzugs kyi rnam par rtog /'ga' yang rnam par brtag mi bya/ /gang gi phyir gzugs kyi rgyu ma gtogs par gzugs dmigs par mi 'gyur ba dang/ gzugs yod pa dang med pa la yang gzugs kyi rgyu mi 'thad pa dang/ rgyu med pa'i gzugs ni 'thad par mi rung ba nyid de rung ba ma yin pa nyid yin pa de'i phyir khyod lta bu mkhas pa'i rang bzhin can de kho na rtogs par 'dod pas gzugs kyi rnam par rtog pa 'ga' yang rnam par brtag par mi bya bar rigs te/ 'di ltar gnas med pa la bsam pa ji ltar rigs par 'gyur/ /yang gzhan yang/ 'bras bu rgyu dang 'dra ba zhes/ /bya ba 'thad pa ma yin te/ /'bras bu rgyu dang mi 'dra zhes/ /bya ba'ang 'thad pa ma yin no/ /'bras bu dang rgyud brtag na/ 'bras bu rgyu dang 'dra ba 'am/ mi 'dra bar brtag grang na/ de la 'bras bu rgyu dang 'dra ba zhes bya ba'i phyogs de la ni gzhugs 'byung ba rnams kyi 'bras bur mi 'thad pa nyid do/ /'bras bu rgyu dang mi 'dra ba zhes bya ba'i phyogs de la yang gzugs 'byung ba rnams kyi 'bras bur mi 'thad pa nyid do/ /ji ltar zhe na/ 'di la 'byung ba rnams ni sra ba dang/ gsher ba dang tsha ba dang g.yo ba'i ngo bo nyid du bstan na 'byung ba'i yon tan de dag ni gzugs la dmigs su med de/ 'di ltar sa ni sra ba nyid/ chu ni gsher ba nyid/ me ni tsha ba nyid/ rlung ni g.yo ba nyid du dmigs pas de'i phyir de ltar 'bras bu rgyu dang 'dra

  385. 193a

    ba yang med la/ rgyu dang mi 'dra ba yang med pa de'i phyir gzugs 'bras bu'o/ /zhes bya bar mi 'thad pa nyid do/ /tshor ba dang 'du shes 'du byed dang/ /sems dang dngos po thams cad kyang/ /rnam pa dag ni thams cad du gzugs nyid kyis ni rim pa mtshungs/ /tshor ba dang/ 'du shes dang/ 'du byed dang/ rnam par shes pa de dag kyang gzugs mi 'thad pa nyid kyis mi 'thad par rim pa mtshungs ste/ ji ltar 'byung ba ma gtogs par gzugs med pa de bzhin du reg pa ma gtogs par tshor ba med la/ ji ltar gzugs ma gtogs par gzugs kyi rgyu med pa de bzhin du tshor ba ma gtogs par yang reg pa med de/ de ltar bcom ldan 'das kyis kyang/ bde ba myong bar 'gyur ba'i reg pa la brten nas bde ba'i tshor ba skye'o zhes gsungs so/ /lhag ma rnams la yang de bzhin du sbyar bar bya ste de lta bas na phung po rnams yod do zhes bya ba de mi 'thad pa nyid do/ /bcom ldan 'das kyis kyang sgyu ma 'di ni byis pa 'drid pa'o/ /zhes gsungs so/ /de ltar yang/ gzugs ni dbu ba rdos pa 'dra/ /tshor ba chu bur dag dang mtshungs/ /'du shes smig rgyu 'dra ba ste/ /'du byed rnams ni chu shing bzhin/ /rnam shes sgyu ma lta bu zhes/ /nyi ma'i gnyen gyis bka' stsal to/ /zhes kyang gsungs so/ /phung po rnams nyi tshe gzugs mi 'thad par rim pa mtshungs par ma zad kyi/ chos thams cad kyang gzugs mi 'thad pa nyid kyis mi 'thad par rim pa mtshungs so/ /de ltar gang gi phyir chos thams cad gzugs mi 'thad pa nyid kyis mi 'thad par rim pa mtshungs pa de'i phyir/ stong pa nyid kyis brtsad byas tshe/ /gang zhig lan 'debs smra byed pa/ /de yi thams cad lan btab min/ /bsgrub par bya dang mtshungs par 'gyur/ /stong pa nyid kyis btsad cing

  386. 193b

    'gyed pa brtsams te yongs su gleng ba'i tshe gang zhig stong pa nyid ma yin pas lan 'debs shing smra bar byed pa de'i de dag thams cad ni lan btab pa ma yin no/ /ci'i phyir zhe na/ bsgrub par bya ba dang mtshungs par 'gyur ba'i phyir te/ 'di lta ste dper na dngos po thams cad ngo bo nyid stong pa'o/ /zhes dam bcas nas dpe bstan pa'i phyir snam bu ngo bo nyid stong par sgrub par byed pa'i tshe gang zhig re zhig rgyu spun dag ni yod do zhes zer ba'i de ni bsgrub par bya ba dang mtshungs pa yin te/ gtan tshigs gang dag nyid kyis snam bu ngo bo nyid stong par bstan pa de dag nyid rgyu spun dag stong pa nyid du rab tu bsgrub par byed pa yang yin pas de'i phyir rgyu spun dag stong pa nyid ma yin par ston pa ni bsgrub par bya bsnam bu dang mtshungs pa yin no/ /de bzhin du skye bo chos kyi gnas skabs shes pa dag dge ba'i chos rnams kyis ngo bo nyid ni dge ba'o/ /snyam pa dang/ lhag ma rnams kyang de bzhin du rnam par nges so snyam du sems shing de dag la sogs pa smra na dge ba'i chos rnams kyang rten cing 'brel bar 'byung ba yin pa'i phyir ngo bo nyid med pas na de yang bsgrub par bya ba dang mtshungs pa yin te/ bsgrub par bya ba dang mtshungs pa'i phyir lan btab pa ma yin no/ /slob dpon 'phags pa lhas kyang/ dngos po gcig la gang lta ba/ /de ni kun la'ang lta bar 'dod/ /gcig gi stong nyid gang yin pa/ /de nyid kun gyi stong pa nyid/ ces gsungs so/ /stong pa nyid kyis bshad byas tshe/ /gang zhig skyon 'dogs smra byed pa/ /de yi thams cad skyon btags min/ /bsgrub bar bya dang mtshungs par 'gyur/ /stong pa nyid kyis dngos po ngo bo nyid med pa nyid du rnam par bshad pa'i tshe gang zhig stong pa nyid ma yin pas skyon 'dogs shing smra bar byed pa de'i de dag

  387. 194a

    thams cad kyang snga ma kho na bzhin du bsgrub par bya ba dang mtshungs pa'i phyir skyon btags pa ma yin te/ de ni don gcig pa kho na yin mod kyi/ gnas skabs gzhan gyi bye brag gis yang bstan to/ /tshigs su bcad pa 'di gnyis ni rab tu byed pa thams cad kyi khongs su gtogs par lta bar bya ste/ thams cad grub pa'i phyir ro/ /phung po brtag pa zhes bya ba ste rab tu byed pa bzhi pa'o// smras pa/ 'di las la sogs pa khams drug po dag kyang bstan/ de dag gi so so'i mtshan nyid kyang bstan to/ /de la nam mkha' i mtshan nyid ni mi sgrib pa'o/ /zhes bstan te/ dngos po med na ni mtshan nyid bstan par mi rigs pas de lta bas na mtshan nyid yod pa'i phyir nam mkha' yod do/ /ji ltar nam mkha' yod pa de bzhin du khams lhag ma rnams kyang rang gi mtshan nyid yod pa'i phyir yod do/ /bshad pa/ nam mkha' i mtshan nyid ni mi 'thad do/ /ci'i phyir zhe na/ 'di ltar/ nam mkha' i mtshan nyid snga rol na/ /nam mkha' cung zad yod ma yin/ /gal te nam mkha' i mtshan nyid kyi snga rol na nam mkha' i zhes bya ba cung zad cig yod na ni de la nam mkha' 'di'i mtshan nyid ni 'di yin no zhes mtshan nyid bstan pa yang rigs pa zhig nam mkha' i mtshan nyid kyi snga rol na nam mkha' med do/ /nam mkha' med na nam mkha' i mtshan nyid ces bya ba de ji ltar 'thad par 'gyur/ ci ste nam mkha' i mtshan nyid kyi snga rol na nam mkha' yod do zhes de ltar rtog na/ de lta na/ gal te mtshan las snga gyur na/ /mtshan nyid med par thal bar 'gyur/ /'dir smras pa/ mtshan nyid med pa yod do/ /bshad pa/ mtshan nyid med pa'i dngos po ni/ /'ga' yang gang na yod ma yin/ /yang zhes bya ba'i sgra ni nyid ces bya ba'i don te/ mtshan nyid med pa'i dngos po ni 'ga' yang yod pa ma yin pa nyid de/ gzhung lugs gang du yang

  388. 194b

    ma bstan to/ /'o na nga/ mtshan nyid med pa'i dngos med na/ /mtshan nyid gang du 'jug par 'gyur/ /de bstan par rigs so/ /'di ltar/ mtshan nyid med la mtshan nyid ni/ /mi 'jug de ltar gang gi phyir mtshan nyid med pa'i dngos po 'ga' yang yod pa ma yin pa de'i phyir mtshan nyid med pa'i dngos po med na gzhi med pa la mtshan nyid 'jug par mi 'thad do/ /'o na mtshan nyid dang bcas pa'i dngos po la mtshan nyid 'jug par 'gyur ro snyam na/ bshad pa/ mtshan nyid bcas la min/ /mtshan nyid dang bcas pa'i dngos po la yang mtshan nyid 'jug par mi 'thad de/ dgos pa med pa'i phyir ro/ /dngos po rang gi mtshan nyid dang bcas pa rab tu grub pa la yang mtshan nyid kyis ci zhig bya/ de lta na thug pa med par thal bar 'gyur te/ de nam yang mtshan nyid dang bcas pa ma yin par mi 'gyur zhing/ rtag tu mtshan nyid 'jug par thal bar 'gyur ro/ /de yang mi 'dod de/ de lta bas na mtshan nyid dang bcas pa'i dngos po la yang mtshan nyid 'jug par mi 'thad do/ /de la 'di snyam du mtshan nyid dang bcas pa dang mtshan nyid med pa dag las gzhan pa la 'jug par sems na/ bshad pa/ mtshan bcas mtshan nyid med pa las/ /gzhan la'ang 'jug par mi 'gyur ro/ /ci'i phyir zhe na/ mi srid pa'i phyir te/ gal te mtshan nyid dang bcas na ni mtshan nyid med pa ma yin la/ ci ste mtshan nyid med pa ma yin la/ ci ste mtshan nyid med na ni mtshan nyid dang bcas pa ma yin pas de'i phyir mtshan nyid dang bcas pa dang mtshan nyid med pa zhes bya ba de ni dgag par mi mthun pa yin te/ de lta bas na mi srid pa kho na'i phyir mtshan nyid dang bcas pa dang mtshan nyid med par gzhan la yang mtshan nyid 'jug par mi 'thad do/ /mtshan nyid 'jug pa ma yin na/ /mtshan bzhi 'thad par mi 'gyur ro/ /mtshan

  389. 195a

    nyid 'jug pa ma yin na mtshan nyid kyi gzhi yang 'thad par mi 'gyur te/ 'di ltar khyod kyis mtshan nyid dang ldan pa las khams rab tu 'grub par bstan na mtshan nyid dang ldan pa de yang mtshan nyid mi 'jug pa'i phyir mi 'thad do de med na khyod kyi mtshan nyid kyi gzhi gang gis 'grub par 'thad/ smras pa/ de zhig mtshan nyid ni yod de/ mtshan nyid yod pas mtshan nyid kyi gzhi yang rab tu 'grub par 'gyur ro/ /bshad pa/ mtshan gzhi 'thad pa ma yin na/ mtshan nyid kyang ni yod ma yin/ /'di la mtshan nyid kyi gzhi la brten nas mtshan nyid du 'gyur na mtshan nyid kyi gzhi de yang mi 'thad do/ /mtshan nyid kyi gzhi med na gzhi med pa'i mtshan nyid ji ltar 'thad/ de lta bas na mtshan nyid kyang yod pa ma yin pa nyid do/ /de'i phyir mtshan gzhi yod min te/ /mtshan nyid yod pa nyid ma yin/ /de ltar gang gi phyir rnam pa thams cad du brtags na mtshan nyid 'jug par mi 'thad pa de'i phyir mtshan nyid kyi gzhi yod pa ma yin no/ /gang gi phyir mtshan nyid kyi gzhi yod pa ma yin pa de'i phyir gang zhig med pa'i mtshan nyid kyang yod pa nyid ma yin no/ /smras pa/ 'di ni mtshan nyid kyi gzhi'o/ /'di ni mtshan nyid do/ /zhes bya ba de brjod par mi nus mod kyi/ 'on kyang re zhig dngos po ni yod do/ /bshad pa/ mtshan gzhi mtshan nyid ma gtogs pa'i/ /dngos po gang ni yod ma yin/ /gal te dngos po 'ga' zhig yod par gyur na mtshan nyid kyi gzhi 'am mtshan nyid gcig tu 'gyur grang na/ gang mtshan nyid kyi gzhi yang ma yin la mtshan nyid kyang ma yin pa de ni yod pa nyid ma yin pa de'i phyir mtshan gzhi dang mtshan nyid ma gtogs pa'i dngos po 'ga' yang yod pa nyid ma yin no/ /smras pa/ dngos po ni yod pa nyid de/ ci'i phyir zhe na/ dngos po med pa yod

  390. 195b

    pa'i phyir ro/ /'di la khyod na re mtshan nyid kyi gzhi dang mtshan nyid dag med do zhes zer ba de ni dngos po las bltos pa yin te/ de'i phyir gang gi dngos po med do zhes brjod pa'i dngos po de ni 'ga' zhig yod pas de lta bas na dngos po med pa yod pa'i phyir dngos po yod pa nyid do/ /bshad pa legs par brjod do/ /gal te dngos po med pa yod na ni dngos po yang yod par 'gyur ba zhig na/ dngos po med pa yod pa ma yin pas dngos po yod par ga la 'gyur/ ji ltar zhe na/ dngos po yod pa ma yin na/ /dngos med gang gi yin par 'gyur/ /sngar/ /mtshan gzhi mtshan nyid ma gtogs pa'i dngos po yang ni yod ma yin/ zhes bstan pas dngos po yod pa ma yin na khyod kyi dngos po med pa de gang gi yin par brtag /'di ltar dngos po'i dngos po med par 'gyur grang na/ dngos po de yang yod pa ma yin na dngos po med pa de gang gi yin par 'gyur/ de lta bas na dngos po med pa'i phyir dngos po med pa yang med do/ /smras pa/ gang gi dngos po dang dngos po med pa de dag shes par byed cing dngos po dang dngos po med pa dag rtog par byed pa de ni re zhig yod do/ /de yod pas dngos po dang dngos po med pa dag kyang rab tu 'grub pa nyid do/ /bshad pa/ dngos dang dngos med mi mthun chos/ /gang gis dngos dang dngos med shes/ /mi mthun pa'i chos ni dag gi bzlog pa'i chos te/ dngos po dang dngos po med pa dag gi mi mthun pa'i chos ni dngos po dang dngos po med pa'i mi mthun pa'i chos so/ /dngos po dang dngos po med pa dag gi mi mthun pa'i chos gang yin zhe na/ dngos po yang ma yin la dngos po med pa yang ma yin pa'o/ /de la gal te 'ga' zhig yod par gyur na dngos po'i chos sam/ dngos po med pa'i

  391. 196a

    chos shig tu 'gyur grang na/ gang dngos po'i chos kyang ma yin la dngos po med pa'i chos kyang ma yin pa de ni yod pa nyid ma yin no/ /dngos po dang dngos po med pa dang mi mthun pa'i chos de med na gang gi dngos po dang dngos po med pa de dag shes par brtag /de lta bas na dngos po dang dngos po med pa shes pa yang med do/ /de phyir nam mkha' dngos po min/ /dngos med ma yin mtshan gzhi min/ /mtshan nyid ma yin/ de ltar gang gi phyir brtags na mtshan nyid kyi gzhi dang mtshan nyid dag med cing/ /mtshan nyid kyi gzhi dang mtshan nyid dag ma gtogs pa'i dngos po gzhan yang med do/ /dngos po med na dngos po med pa y ang med pa de'i phyir nam mkha' ni dngos po yang ma yin dngos po med pa yang ma yin mtshan nyid kyi gzhi yang ma yin mtshan nyid kyang ma yin no/ /'di ltar gal te nam mkha' zhes bya ba cung zhig yod par gyur na de bzhi po de dag las gang yang rung ba shig tu 'gyur grang na/ bzhi po de dag kyang med pas de'i phyir nam mkha' yod pa ma yin no/ /khams lnga po/ /gzhan gang dag kyang nam mkha' mtshungs/ /nam mkha' mtshungs zhes bya ba ni/ nam mkha' dang mtshungs pa ste/ ji ltar nam mkha' brtags na dngos po yang ma yin/ dngos po med pa yang ma yin/ mtshan nyid kyi gzhi yang ma yin mtshan nyid kyang ma yin te/ nam mkha' zhes bya ba ci yang ma yin pa de bzhin du sa la sogs pa khams lnga po gzhan dag gang yin pa de dag kyang dngos po yang ma yin/ dngos po med pa yang ma yin/ mtshan nyid kyi gzhi yang ma yin/ mtshan nyid kyang ma yin te/ dngos po 'ga' yang yod pa ma yin pas de'i phyir khams rnams kyang yod pa ma yin no/ /smras pa/ 'di la sangs rgyas bcom ldan 'das rnams kyi chos bstan pa dag ni phal cher phung po dang khamS

  392. 196b

    dang skye mched dag la brten pa yin na de la gal te phung po dang khams dang skye mched dag med pa nyid yin pa de dag don med pa nyid du mi 'gyur ram/ de dag don med pa nyid du mi rigs na de ci lta bu zhig /bshad pa/ kho pos phung po dang khams dang skye mched dag med pa nyid du mi smra'i/ de dag yod pa nyid du smra ba sel bar by+d do/ /de gnyi ga yang skyon du che ste/ 'di ltar 'og nas kyang/ yod ces bya ba rtag par 'dzin/ med ces bya ba chad par lta/ de phyir yod dang med pa la/ mkhas pas gnas par mi bya'o/ /zhes 'byung ngo/ /bcom ldan 'das kyis kyang kA tyA na 'jig rten 'di ni gnyis la gnas te/ phal cher yod pa nyid dang/ med pa nyid la gnas so zhes bka' stsal to/ /de'i phyir kho bo ni rtan cing 'brel bar 'byung bas yod pa nyid dang med ba nyid kyi skyon dang bral ba ch+d pa ma yin pa rtag pa ma yin pa rjes su rab tu ston gyi med pa nyid du mi smra'o/ /de lta bas na kho bo cag la phung po dang/ khams dang skye mched dag la brten pa'i chos ston pa dag don med pa nyid du mi 'gyur ro/ /blo chung gang dag dngos rnams la/ /yod pa nyid dang med nyid du/ /lta ba des ni lta bya ba/ /nye bar zhi pa zhi mi mthong/ /blo chung du gang dag rten cing 'brel bar 'byung ba mchog tu zab pa ma gtogs pa na dngos po rnams la yod pa nyid dang/ med pa nyid du rjes su lta pa chad pa dang rtag par lta bas blo gros kyi mig sgribs pa de dag gis ni mya ngan las 'das pa blta bar bya ba nye bar zhi zhing zhi ba mi mthong ngo/ /de'i phyir yang dag pa ji lta ba bzhin du ma mthong ba spros pa la mngon par dga' ba'i yid dang ldan pa de dag gi phung po dang khams dang skye mched dag la brten pa'i chos ston pa dag na don med pa nyid du 'gyur ro/ /de lta bas na 'di ni don dam pa yin gyis ma 'jigs shig /smras pa/ ci'i phyir nam

  393. 197a

    mkha' i khams gang yin pa de dang por brtags/ khams bstan pa la dang por sa'i khams nyid dang por brtag par bya ba'i rigs so/ /bshad pa/ grags pa'i don gyis ma grags pa'i don rab tu bsgrub par bya ste/ 'jig rten ni phal cher nam mkha' la ci yang ma yin par mos te/ 'di ltar smra ba po dag na re spros pa de dag thams cad ni nam mkha' o/ /zhes zer bas de dag thams cad ci yang ma yin no/ /zhes bya bar bsams so/ /de'i phyir khams lhag ma lnga po dag kyang nam mkha' dang mtshungs par brjod par bya'o zhes bya ba'i dpe bstan pa'i phyir nam mkha' stong pa nyid du grub pa dang por bstan to/ /khams brtag pa/ zhes bya ba ste rab tu byed pa lnga pa'o// //smras pa/ khyod kyis phung po dang khams dang skye mched dag gi stong pa nyid rjes su rab tu bstan pas kho bo stong pa nyid nyan 'dod par gyur gyis/ de'i phyir da ni 'dod chags dang chags pa brtag par bya ba'i rigs so/ /bshad pa de ltar bya'o/ /smras pa/ 'di la de dang der 'dod chags dang chagS pa yang bstan/ 'dod chags nye bar zhi bar bya ba'i phyir rig pa yang bstan to/ /med na ni nye bar zhi bar bya ba'i rigs pa bstan pa'i mi rigs te/ 'di ltar sbrul gyis ma zin na gsang sngags dang sman gyi bya ba med do/ /de lta bas na 'dod chags dang chags pa dag ni yod do/ /bshad pa/ 'dod chags dang chags pa dag ni mi srid do/ /ji ltar zhe na/ gal te 'dod chags snga rol na/ /'dod chags med pa'i chags yod na/ /de la brten nas 'dod chags yod/ /chags yod 'dod chags yod par 'gyur/ /gal te 'dod chags kyi snga rol na chags pa 'dod chags med pa 'dod chags las/ gzhan du gyur pa 'ga' zhig yod na ni de la brten nas 'dod chags yod par 'gyur ro/ /ci'i phyir zhe na/ chags

  394. 197b

    yod 'dod chags yod par 'gyur/ /'di ltar chags pa yod na 'dod chags kyang 'di'o zhes 'thad par 'gyur ro/ /chags pa med na de su'i 'dod chags su 'gyur te/ 'di ltar gzhi med pa la 'dod chags mi 'thad pas de'i phyir chags pa med na 'dod chags mi 'thad do/ /smras pa/ chags pa yod na 'dod chags yod do/ /'dir bshad pa/ chags pa yod par gyur na yang/ /'dod chags yod par ga la 'gyur/ /khyod kyi chags pa yod par gyur na yang/ 'dod chags yod pa nyid du ga la 'gyur te/ 'di ltar chags pa la 'dod chags kyi bya ba ci yang med de/ /chags par mi byed na ni ji ltar 'dod chags yin par 'gyur/ ci ste 'gyur na ni gang yang 'dod chags ma yin pa nyid du mi 'gyur bas de ni mi 'dod de/ de'i phyir chagS pa yod par gyur na yang 'dod chags mi 'thad do/ /smras pa/ re zhig chags pa ni yod de/ de yang 'dod chags med na mi 'byung bas 'dod chags kyang rab tu grub pa nyid do/ /bshad pa/ chags pa la'ang 'dod chags ni/ /yong dam med kyang rim pa mtshungs/ /chags pa yod par yongs brtag na/ /'dod chags yod dam med kyang rung ste chags pa la yang 'dod chags mi 'thad pa de nyid dang rim pa mtshungs so/ /ji ltar zhe na/ gal te chags pa'i snga rol na/ /chags med 'dod chags yod na ni/ /de la brten nas chags pa yod/ /'dod chags yod na chags yod 'gyur/ /gal te chags pa'i snga rol na 'dod chags chags pa med pa chags pa las gzhan du 'gyur ba 'ga' zhig yod na ni de la brten nas chags pa yod par 'gyur ro/ /ci'i phyir zhe na/ 'dod chags yod na chags yod 'gyur/ /'di ltar 'dod chags yod na chags pa yang 'dis 'di chags so zhes 'thad par 'gyur ro/ /'dod chags med na gang gis de chags par 'gyur

  395. 198a

    ma chags na ni ji ltar chags par 'gyur/ ci ste 'gyur na ni gang yang chags pa ma yin pa nyid du mi 'gyur bas de ni mi 'dod de/ de'i phyir 'dod chags med na chags pa mi 'thad do/ /de la 'di snyam du 'dod chags yod na chags pa yod par sems na/ bshad pa/ 'dod chags yod par gyur na yang/ /chags pa yod par ga la 'gyur/ /khyod kyi 'dod chags yod par 'gyur na yang chags pa yod pa nyid du ga la 'gyur te/ 'di ltar gal te 'dod chags yod na chaD par 'gyur na/ chags pa de 'dod chags des chags par gyur ba ma yin no/ /chags pa ma yin na ni ji ltar chags par 'gyur/ ci ste 'gyur na ni nam yang chags pa ma yin pa nyid du mi 'gyur bas de ni mi 'dod de/ 'dod chags la yang chags pa ni/ /yod dam med kyang rim pa mtshungs/ /de'i phyir 'dod chags yod par gyur na yang chags pa mi 'thad do/ /smras pa/ 'dod chags dang chags pa gnyis la snga phyi med de/ 'di ltar de gnyis ni lhan cig nyid du skye ba yin no// bshad pa/ 'dod chags dang ni chags pa dag /lhan cig nyid du skye mi rigs/ /'dod chags dang chags pa dag lhan cig nyid du skye bar mi 'thad do/ /ci'i phyir zhe na/ 'di ltar 'dod chags chags pa dag /phan tshun bltos pa med par 'gyur// 'di ltar gal te 'dod chags dang chags pa dag lhan cig nyid du skye bar gyur na 'dod chags dang chags pa dag phan tshun bltos pa med par 'gyur ro/ /de ltar gyur na 'di'i 'dod chags ni 'di'o/ /'dis ni 'di chags so/ /zhes bya ba de dag mi 'thad do/ /de dag med na 'dod chags mi 'thad pa nyid la chags pa yang mi 'thad pa nyid de/ 'di ltar 'dod chags ni chags par byed pa yin la chags pa ni chags par bya ba yin na lhan cig nyid du skyes pa phan tshun bltos pa med pa dag

  396. 198b

    la de dag mi 'thad pas de'i phyir 'dod chags dang chags pa dag lhan cig nyid du skye bar yang mi rigs so/ /yang gzhan yang/ khyod na re gang dag lhan cig nyid du zhes zer ba'i 'dod chags dang/ chags pa de dag gcig pa nyid dam tha dad pa nyid du 'gyur grang na/ de la/ gcig nyid lhan cig nyid med de/ /re zhig gcig pa nyid yin na lhag cig nyid mi 'thad do/ /de nyid de dang lhan cig min/ /'di na ba lang gcig pu zhes bya ba ni gcig pa nyid de ba lang gcig la snyegs so/ de la ba lang gcig pu de nyid ba lang gcig pu de nyid dang/ ji ltar lhan cig tu 'gyur te/ de'i phyir gcig pu nyid yin na lhan cig nyid mi 'thad do/ /smras pa/ 'o na tha dad pa nyid yin na lhan cig nyid du 'gyur ro/ /bshad pa/ ci ste tha dad nyid yin na/ lhan cig nyid du ji ltar 'gyur/ /gal te gcig pa nyid yin na yang lhan cig nyid du mi 'thad na tha dad pa nyid yin na lhan cig nyid du ji ltar 'gyur/ 'di ltar tha dad pa nyid kyi mi mthun pa'i phyogs ni lhan cig nyid yin na mi mthun pa de gnyis gcig na ji ltar lhan cig gnas par 'gyur te/ de'i phyir tha dad pa nyid yin na yang lhan cig nyid mi 'thad do/ /ci ste mi 'thad pa bzhin du yang 'dod chags dang chags pa dag la lhan cig nyid yod do/ /zhes rtog na/ de la yang bshad par bya ste/ gal te gcig bu lhan cig na/ /grogs med par yang der 'gyur ro/ /gal te tha dad lhan cig na/ /grogs med par yang der 'gyur ro/ /gal te re zhig 'dod chags dang chags pa dag cig pa nyid yin yang lhan cig nyid du 'gyur na ni de lta na grogs med par yang lhan cig nyid du 'gyur ro/ /ji ltar zhe na/ 'di la gcig ni gcig pu la snyegs te/ de na ba lang gcig dang rta gcig ces bya ba'i gcig nyid ni pa lang la yang snyegs rta la yang snyegs pas gang dang gang na gcig pa nyid yod pa

  397. 199a

    de dang de na lhan cig nyid yod cing/ ba lang gcig pu nyid dang/ rta gcig pu nyid la grogs med par yang lhan cig nyid yod par thal bar 'gyur te/ de lta na lhan cig nyid du brtag pa don med par 'gyur ro/ /ci ste yang tha dad pa nyid yin yang/ lhan cig nyid du 'gyur na ni de lta na yang grogs med par yang lhan cig nyid du 'gyur ro/ /ji ltar zhe na/ 'di la ba lang las kyang rta tha dad la/ rta las kyang ba lang tha dad pas gang dang gang na tha dad pa nyid yod pa de dang de na lhan cig nyid yod cing/ ba lang tha dad pa nyid dang rta tha dad pa nyid la grogs med par yang lhan cig nyid yod par thal bar 'gyur te/ de lta na yang lhan cig nyid du rtag pa don med par 'gyur ro/ /smras pa/ tha dad pa nyid ni pa lang la yod pa yang ma yin la/ rta la yod pa yang ma yin gyi/ de gnyis yang lhan cig byung ba la yod pas de ni gnyi ga spyi'i 'bras bu yin te/ phrad pa bzhin no/ /gal te tha dang pa nyid so so la yod par gyur na ni tha dad pa nyid gnyis su 'gyur ba dang/ dngos po phan tshun mi bltos par re re la yang yod par 'gyur bas don mi 'dod de/ de'i phyir tha dad pa nyid ni gnyi ga lhan cig byung ba la yod do/ /bshad pa/ gal te tha dad lhan cig na/ /'dod chags chags la ci zhig yin/ /tha dad nyid du grub gyur na/ /des na de gnyis lhan cig 'gyur/ /tha dad pa nyid gnyi ga la yod par ni 'dod la rag go /gal te tha dad pa nyid gnyi ga la yod pa la lhan cig nyid du rtog na/ de lta na 'dod chags dang chags pa dag la ci zhig rab tu bsgrub pa yin/ gang gi tshe de ltar yang rtog na de gnyis tha dad pa nyid du grub pa kho nar 'gyur ro/ /des na tha dad pa nyid du rab tu grub pa'i phyir de gnyis lhan cig nyid du rtog par 'gyur ro/ /gal te 'dod chags chags pa dag /tha dad nyid du grub gyur

  398. 199b

    na/ de gnyis lhan cig nyid du ni/ /ci'i phyir na yongs su rtog /nyid du zhes bya ba'i sgra ni kho nar zhes bya ba'i don to/ /gal te 'di snyam du 'dod chags dang chags pa dag tha dad pa'i dngos por grub pa nyid du sems na/ de gnyis la lhan cig gi dngos po tha dad pa'i dngos po dang mi mthun pa de ni med par ci'i phyir yongs su rtog par byed gang gi tshe tha dad pa'i dngos por grub na lhan cig gi dngos por brtags su zin kyang 'dod chags dang chags pa dag ldog par 'gyur ba 'am/ 'jug par 'gyur ba cung zad tsam kyang med do/ /'di ltar chags pa la 'dod chags kyis yang ci zhig byar yod de/ de bas na lhan cig gi dngos por brtag su zin kyang tha dad pa nyid kyi skyon chags pa kho na'i phyir lhan cig gi dngos por brtags pa don med par 'gyur te/ tshig zin pa la chus 'debs pa bzhin no/ /tha dad grub par ma gyur pas/ /de phyir lhan cig 'dod byed dam/ /lhan cig rab tu bsgrub pa'i phyir/ /tha dad nyid du yang 'dod dam/ /'dod chags dang chags pa dag tha dad pa nyid du ni dgos pa med pa'i phyir grub par ma gyur pas de rab tu bsgrub pa'i phyir lhan cig nyid du 'dod par byed la/ lhan cig nyid du yang gcig pa nyid kyi skyon chags pa'i phyir ma grub pas de rab tu bsgrub pa'i phyir yang tha dad pa nyid du yang 'dod par byed pa khyod ni gos ngan ba lhag pa chen pos nyen pa bskums nas bskums pa yang gnags mi bzod pas yang rkyong bar byed pa dang 'dra'o/ /tha dad dngos po ma grub pas/ /lhan cig dngos po 'grub mi 'gyur/ /tha dad dngos po gang zhig la/ /lhan cig dngos por 'dod par byed/ /'di la so so la tha dad pa'i dngos po yod dam de gnyis lhan cig 'byung ba la yod grang na/ 'dod chags dang chags pa tha dad du gyur pa dag la ni 'di ni 'dod chags so/ /'di ni 'dis chags so zhes bya ba de lta bu rnam pa thams cad du

  399. 200a

    mi srid do/ tha dad pa'i dngos por rab tu grub par med na lhan cig gi dngos po 'grub par mi 'gyur ro/ /'di ltar khyod ni tha dad pa'i dngos po yong na de gnyis kyi lhan cig gi dngos po yod par 'dod na/ tha dad pa'i ? de yang rnam pa thams cad du mi 'grub bo/ tha dad pa'i dngos po med na khyod kyi lhan cig gi dngos po yod par ga la 'gyur/ 'o na tha dad pa'i dngos po gang zhig yod na 'dod chags dang chags pa dag lhan cig gi dngos por 'dod pa'i re re la yod dam/ 'on te gnyi ga lhan cig byung ba la yod dam 'on te khyod kyis rang dgar tha dad pa'i dngos po gzhan zhig brtags kyang rung ste/ /tha dad pa gang yod na 'dod chags dang chags pa dag lhan cig gi dngos por 'dod pa de smros shig /de ltar 'dod chags chags pa dag /lhan cig lhan cig min mi 'grub/ /'dod chags bzhin du chos rnams kun/ /lhan cig lhan cig min mi 'grub/ /gal te 'dod chags snga rol na/ /'dod chags med pa'i chags yod na// de la brten nas 'dod chags yod/ /chags yod 'dod chags yod par 'gyur/ /zhes bya ba la sogs pa gang dag sngar 'das pa'i rnam pa de dag gis de ltar 'dod chags rnams chags pa dang lhan cig gam chags pa med par yang 'grub pa med do/ /ji ltar 'dod chags chags pa dang lhan cig gam chags pa med pa yang 'grub pa med pa de bzhin du chos thams cad kyang 'ga' zhig dang lhan cig gam 'ga' yang med par yang 'grub pa med do/ /'dod chags dang chags pa brtag pa zhes bya ste rab tu byed pa drug pa'o// //'dir smras pa/ khyod kyis 'dod chags dang chags pa brtag pa de byas pas kho bo'i yid stong pa nyid nyan pa la spro bar byas kyis/ de'i phyir da ni 'dus byas kyi mtshan nyid brtag

  400. 200b

    par bya ba'i rigs so/ /bshad pa/ de ltar bya'o/ /'dir smras pa/ 'di la skye ba dang/ gnas pa dang 'jigs pa dag 'dus byas kyi spyi'i mtshan nyid du bstan te/ med pa la ni mtshan nyid bstan par mi rigs pas mtshan nyid yod pa'i phyir 'dus byas yod do// bshad pa/ 'dus byas kyi mtshan nyid mi 'thad pas de yod pa'i phyir 'dus byas yod par ga la 'gyur/ /gal te ji ltar zhe na/ sngar mtshan nyid med la mtshan nyid ni/ /mi 'jug mtshan nyid bcas la min/ /zhes bstan pas bkag zin pa'i phyir ro/ yang gzhan yang/ gal te skye pa 'dus byas na/ /de la mtshan nyid gsum ldan 'gyur/ /ci ste skye ba 'dus ma byas/ /ji ltar 'dus byas mtshan nyid yin/ /zhes bya ba 'di ni/ gal te skye ba 'dus byas nas/ /ji ltar 'dus byas mtshan nyid yin/ / zhes phyogs gong ma dang yang sbyar ro/ /skye ba 'dus byas kyi mtshan nyid bstan pa gang yin pa de yang 'dus byas sam 'dus ma byas shig tu brtag grang na/ de la re zhig 'dus byas su yongs su rtog na/ skye ba de yang skye ba dang gnas pa dang 'jig pa'i mtshan nyid kyis mtshan nyid gsum dang ldan par 'gyur te/ 'dus byas yin pa'i phyir ro/ /mtshan nyid gsum dang ldan par 'gyur ba ni/ /mtshan nyid gsum po dag tshogs par 'gyur ba'o/ /smras pa/ de yang mtshan nyid gsum dang ldan no// ji ltar 'dus byas mtshan nyid yin/ gal te phye ba yang skye ba dang gnas pa dang 'jig pa'i mtshan nyid dang ldan/ gnas pa yang skye ba dang gnas pa dang 'jig pa'i mtshan nyid dang ldan/ 'jig pa yang skye ba dang gnas pa dang 'jig pa'i mtshan nyid dang ldan na mtshan nyid mtshungs pa'i phyir/ mtshan nyid rnams pa khyad par yod par 'gyur ro/ /khyad par med na 'di ni skye ba'o 'di ni gnas pa'o/ /'di ni 'jig pa'o/ /zhes bya ba de dag yod par ga la 'gyur/ smras pa/ de ni nyes par mi 'gyur

  401. 201a

    te/ ji ltar spyir 'dus byas kyi mtshan nyid yin du zin kyang khyad bar gyi mtshan nyid la bltos nas 'di ni bum ba'o/ /'di ni snam bu'o/ /zhes bya ba de dag yod pa de bzhin du 'dir yang khyad par gyi mtshan nyid la bltos nas skye ba dang gnas pa dang 'jig pa dag rab tu 'grub par 'gyur ro/ /khyad par de gang zhe na/ skyed par byed pa dang/ gnas par byed pa dang/ 'jig par byed pa dag go /bshad pa/ de ni mi 'thad de/ ci'i phyir zhe na/ 'di ltar bum pa skyed par byed pa dang/ mngon par 'grub par byed pa gang yin pa des ni gzhan ci yang skyed par mi byed la/ bum pa gnas par byed pas kyang gzhan ci yang gnas par mi byed cing/ bum pa 'jig par byed pas kyang gzhan ci yang 'jig par mi byed pa'i phyir ro/ /smras pa/ de dag gi bum pa nyid skye ba dang gnas pa dang/ 'jig par byed pas nyes pa med do/ /bshad pa/ 'o na ni de dag bum pa'i mtshan nyid ma yin te/ byed pa po yin pa'i phyir ro/ /'di lta bu skyed par byed pa'i pha bu'i mtshan nyid ma yin la gzhi dang tho ba yang bum pa'i mtshan nyid ma yin pa'i phyir te/ /de lta bas na skye ba la sogs pa dag 'dus byas yin na 'dus byas kyi mtshan nyid du mi 'thad do/ /ci ste skye ba 'dus ma byas su yongs su rtog na de la yang bshad par bya ste/ 'di ltar 'dus byas mtshan nyid yin/ /'dus ma byas yin na ji ltar 'dus byas kyi mtshan nyid du 'gyur te/ 'dis mtshon par byed pas mtshan nyid yin na gang skye ba dang gnas pa dang 'jig pa dang 'bral ba des ni rang nyid la yang mtshon par mi byed do/ /gang rang nyid la mtshon par mi byed pa des gzhan ji ltar mtshon par byed/ ci ste byed na ni mya ngan las 'das pa 'dus ma byas kyang 'dus byas kyi mtshan nyid yin par thal bar 'gyur bas

  402. 201b

    de ni mi 'dod de/ de lta bas na skye ba dang gnas pa dang 'jig pa dag 'dus ma byas yin na yang 'dus byas kyi mtshan nyid du mi 'thad do/ /mtshan nyid du brtag na yang skye ba dang/ gnas pa dang/ 'jig pa dag so so pa 'am/ 'dus pa zhig 'dus byas kyi mtshan nyid du 'gyur grang na/ de la/ skye sogs gsum po so so yis/ /'dus byas mtshan nyid 'dra par ni/ /nus min 'dus pa yin na yang/ /gcig la dus gcig ji ltar rung/ /skye ba dang gnas pa dang/ 'jig pa dag re re sa ni 'dus byas kyi mtshan nyid bya par mi nus te/ nus min zhes bya ba ni mi chog pa dang mi nus so zhes bya ba'i tha tshig go /ji ltar zhe na/ 'di la re zhig dngos po mngon par ma grub cing/ med pa la ni skye ba dang gnas pa dang 'jig pa dag mi 'thad do/ /'di ltar skye ba dang gnas pa dang 'jig pa dag ni dngos po la brten pa yin te/ bum pa'i skye ba dang/ /bum pa'i gnas pa dang bum pa'i 'jig pa zhes bya ba yin na bum pa de mngon par ma grub na/ skye ba dang gnas pa dang 'jig pa dag gang gi mtshan nyid du 'gyur/ da ni 'jig pa zhes bya ba ni zhig pa dang med pa ste/ de gang la yod pa de ni med pa nyid do/ /de med na skye ba dang gnas pa dang 'jig pa dag gang gi mtshan nyid du 'gyur te/ de ltar re zhig skye ba dang gnas pa dang 'jig pa dag so so 'am/ 'dus pa yang dngos po mngon par ma grub pa dang/ zhig pa'i mtshan nyid ma yin no/ /de la 'di snyam du de dag dngos po mngon par grub pa dang ma zhig pa'i mtshan nyid yin par sems na/ de yang mi 'thad de/ ji ltar zhe na/ 'di la bum pa zhes bya ba'i dngos po yod pa la ni skye ba med de/ 'di ltar yod pa la yang skye pa'i bya ba med do/ /ci ste yod kyang skye bar gyur na ni nam yang mi skye bar mi 'gyur bas

  403. 202a

    de ni mi 'dod do/ /de lta bas na yod pa la skye ba med de/ med pa gang yin pa de ji ltar mtshan nyid du 'gyur/ smras pa/ re zhig gnas pa ni yod do/ /bshad pa/ gnas pa yang mi 'thad de/ ci'i phyir zhe na/ 'jig pa dang rjes su 'brel pa'i phyir ro/ /'di ltar 'dus byas ni mi rtag pa dang khor zug tu rjes su 'brel pas khor zug tu mi rtag na ji ltar gnas par 'gyur te/ gnas pa dang 'jig pa gnyis 'gal ba'i phyir ro/ /'di ltar 'og nas kyang/ dngos po 'gag par 'gyur na ni/ gnas par 'thad pa ma yin no/ /gang yang 'gag par mi 'gyur ba/ /de ni dngos por mi 'thad do/ /zhes 'byung ngo/ /slob dpon 'phags pa lhas kyang/ gnas med dngos po ga la yod/ /mi rtag pas na ga la gnas/ /gal te dang po gnas gyur na/ /tha mar rnyings par mi 'gyur ro/ /gal te khor zug mi rtag yod/ /khor zug gnas par mi 'gyur ro/ /yang na rtag par gyur pa las/ /phyis na mi rtag par yang 'gyur/ /gal te dngos po mi rtag dang/ lhan cig gnas pa yod gyur na/ /mi rtag log par 'gyur pa 'am/ /yang na gnas pa brdzun par 'gyur/ /zhes gsungs so/ /de lta bas na gnas pa yang med de/ med pa gang yin pa ji ltar 'dus byas kyi mtshan nyid du 'gyur/ smras pa/ 'o na 'jig pa yod do/ /bshad pa/ gnas pa med par 'jig pa ga la yod de/ 'di ltar dngos po gnas pa yod na 'jig par 'gyur gyi gnas pa med na 'jig par ga la 'gyur/ de yang 'jig pa zhes bya ba ni zhig pa dang med pa ste de gang la yod pa de ni med pa nyid do/ /de mod na skye ba dang gnas pa dang 'jig pa dag gang gi mtshan nyid du 'gyur zhes bstan zin pas de'i phyir 'jig pa yang 'dus byas kyi mtshan nyid du mi 'thad do/ /de'i phyir de ltar skye ba dang

  404. 202b

    gnas pa dang/ 'jig pa dag so so ba yang 'dus byas mngon par grub pa'i mtshan nyid du mi 'thad do/ /lhan cig tu skye'o zhes gsungs pa'i phyir chos kyi gnas skabs shes pa dag skye ba dang gnas pa dang 'jig pa dag lhan cig tu skye'o zhes brjod pas de'i phyir yang so so ba dag mtshan nyid du mi 'thad do/ /smras pa/ 'dus pa dag ni mtshan nyid yin no/ /bshad pa/ 'dus pa min na yang/ gcig la dus gcig ji ltar rung/ /so so ba gang dag mtshan nyid ma yin pa de dag 'dus pa phan tshun 'gal ba dag 'dus byas kyi dngos po gcig la dus gcig tu ji ltar rung/ 'di ltar gang gi tshe na skye ba de'i tshe na gnas pa dang 'jig pa med la/ gang gi tshe gnas pa de'i tshe na skye ba dang 'jig pa med cing/ gang gi tshe 'jig pa de'i tshe na yang skye ba dang gnas pa med pa de'i phyir skye ba dang gnas pa dang 'jig pa so so ba dang 'dus pa dag kyang 'dus byas kyi mtshan nyid du mi 'thad do/ /mtshan nyid mi 'thad pa'i phyir 'dus byas yod pa ma yin no/ /smras pa/ ltag chod de lta bu 'ba' zhig gis ci bya/ yod ni gang skye ba dang/ /gnas pa dang/ 'jig pa de 'dus byas yin no/ /bshad pa/ kho bo rtag chod kyi phyir mi rtsom gyis kho bo ni de kho na shes par bya ba'i phyir rtsom mo/ /skye ba zhes bya ba de gang yin pa je smros shig /smras pa/ bum pa skye'o/ /bshad pa/ re zhig gnas skabs gang la bum pa zhes bya bar 'gyur ba legs par soms la smros shig /de la gang gi tshe ma skyes pa la ni bum pa zhes byar yang mi rung ste/ skyes pa nyid la bum pa zhes bya bar 'gyur zhing bum pa yang 'dus byas yin pa'i phyir mtshan nyid gsum dang ldan pa nyid yin pa de'i tshe skye ba bum pa'i mtshan nyid yin no/ /zhes bya ba de ji ltar 'thad/ 'di ltar yod pa la yang skye bas ci bya/ /mtshan nyid dang ldan

  405. 203a

    pa la yang mtshan nyid kyis ci bya/ ci ste bum pa ma yin pa skye zhing skyes zin nas bum par 'gyur ro snyam na/ de yang rigs pa ma yin te/ bum pa ma yin pa skye zhing zhes bya ba de re lde 'am/ snam bu 'am/ 'o na te bum pa ma yin pa zhes bya ba ci yang med pa zhig gam ci yin/ de la re zhig gal te re lde 'am/ snam bu zhig skye na ni de skyes zin nas ji ltar bum par 'gyur/ ci ste bum pa ma yin pa zhes bya ba ci'ang med pa zhig yin na ni ci yang med pa gang yin pa de ji ltar skye ci ste skye na ni ri bong gi rwa yang ci'i phyir mi skye/ de'i phyir skye ba zhes bya ba de mi 'thad do/ /skye ba zhes bya ba de 'di la med na gang skye bde 'dus byas yin no/ /zhes bya ba de ji ltar 'thad par 'gyur/ gang skye ba med pa de ji ltar gnas pa dang 'jig par 'gyur/ de lta bas na skye ba dang gnas pa dang 'jig pa zhes bya ba dag ni/ 'jig rten gyi tha snyad kho nar zad do/ /yang gzhan yang/ /skye dang gnas dang 'jig rnams la/ /'dus byas mtshan nyid gzhan zhig ni/ /gal te yod na thug pa med/ /med na de dag 'dus byas min/ /skye ba dang/ gnas pa dang/ 'jig pa gang dag 'dus byas kyi mtshan nyid du bstan pa de dag la 'dus byas kyi mtshan nyid gzhan zhig yod dam 'on te med/ de la re zhig gal te de dag la 'dus byas kyi mtshan nyid gzhan zhig yod na ni de lta na thug pa med par thal bar 'gyur te/ skye ba la yang skye ba yod la de la yang gzhan zhig yod cing de la yang gzhan zhig yod de/ mdza' med par 'gyur pas de ni mi 'dod do/ /ci ste thug pa med par gyur na mi rung ngo snyam pa de dag la 'dus byas kyi mtshan nyid gzhan med par sems na/ de lta na yang de dag 'dus byas ma yin par 'gyur te/ 'dus byas ma yin na ji ltar 'dus byas kyi mtshan nyid du 'gyur zhes sngar

  406. 203b

    bstan zin to/ /bam po gsum pa/ smras pa/ skye ba dang gnas pa dang 'jig pa dag 'dus byas kyang yin la/ thug pa med par yang thal bar mi 'gyur te/ ji ltar zhe na/ skye ba'i skye bas rtsa ba yi/ /skye ba 'ba' zhig skyed par byed rtsa ba'i skye bas skye ba yi/ /skye ba'ang skyed par byed pa yin/ /'di la rnam par shes pa la sogs pa chos rnams las chos gang yang rung ba zhig skye ba na de bdag nyid dang bco lnga ste/ chos de dang/ chos de'i skye ba dang/ chos de'i gnas pa dang/ chos de'i 'jig pa dang/ chos de'i ldan pa dang/ chos de'i rga ba dang/ 'dir gal te chos de dkar po yin na chos de'i yang dag pa'i rnam par grol ba'am/ ci ste chos de nag po yin na chos de'i log pa'i rnam par grol ba dang/ de bzhin du gal te chos de nges par 'byung ba yin na chos de'i nges par 'byung ba nyid dam/ ci ste chos de nges par 'byung ba ma yin na chos de'i nges par 'byung ba ma yin pa nyid skyes te de dag ni re zhig 'khor ces bya'o/ /da ni skye ba'i skye ba dang/ gnas pa'i gnas pa dang/ 'jig pa'i 'jig pa dang/ ldan pa'i ldan pa dang/ rga ba'i rga ba dang/ yang dag ba'i rnam par grol ba'i yang dag pa'i rnam par grol ba'am/ log pa'i rnam bar grol ba'i log pa'i rnam par grol ba dang/ nges par 'byung ba nyid kyi des par 'byung ba nyid dam/ nges par 'byung ba ma yin pa nyid kyi nges par 'byung ba ma yin pa nyid kyang skye ste/ de dag ni 'khor gyi 'khor ces bya ste/ de ltar chos skye ba bdag nyid dang bco lnga skye'o/ /de la rtsa ba'i skye ba gang yin pa des ni bdag nyid ma gtogs par chos de'i bdag nyid dang bcu bzhi po ji skad bstan ba dag skyed par byed do/ /skye ba'i skye bas ni rtsa ba'i skye ba de 'ba' zhig skyed par byed de/ de ltar gcig gis gcig skyed par byed pas thug pa med par mi 'gyur ro/ /

  407. 204a

    de bzhin du rtsa ba'i gnas pas kyang gnas pa'i gnas pa gnas par byed la/ gnas pa'i gnas pas kyang rtsa ba'i gnas pa gnas par byed do/ /rtsa ba'i 'jig pas kyang 'jig pa'i 'jig pa 'jig par byed la/ 'jig pa'i 'jig pas kyang rtsa ba'i 'jig pa 'jig par byed pas de ltar na 'di la yang thug pa med par mi 'gyur ro/ /bshad pa/ gal te khyod kyi skye ba'i skyes/ rtsa ba'i skye ba skyed byed na/ khyod kyi rtsa bas ma skyed des/ /des ni ji ltar skyed par byed/ gal te khyod kyi skye ba'i skye bas rtsa ba'i skye ba skyed par byed na khyod kyi rtsa ba'i skye bas ma skyed pa'i skye ba des rtsa ba'i skye ba de ji ltar skyed par byed do/ /rang nyid ma skyes pa'i phyir ro/ /smras pa/ rtsa ba'i skye bas bskyed pa kho na'i skye ba'i skye bas rtsa ba'i skye ba skyed par byed kyi ma skyed pas mi byed do/ /bshad pa/ gal te khyod kyi rtsa ba yis/ /skyed pa de yis rtsa ba skyed na/ /des ma bskyed pa'i rtsa ba des/ /de ni ji ltar skyed par byed/ /gal te khyod kyi rtsa ba'i skye pas bskyed pa'i skye ba'i skye ba des rtsa ba'i skye ba de skyed par byed na skye ba'i skye ba des ma bskyed pa'i rtsa ba'i skye ba des skye ba'i skye ba de ji ltar skyed par byed/ de ltar na de ni gcig la gcig brten pa yin te/ gcig la gcig brten pa dag ni rab tu brtag tu mi rung ngo/ /smras pa/ skye ba nyid skye bzhin pas skye ba'i skye ba skyed par byed kyi ma skyes pas ni mi byed do/ /bshad pa/ khyod kyi da ni skye bzhin pa/ /ma skyes de yis gal te ni de ni skyed par byed nus na/ de skyed par ni 'dod la rag /khyod kyi rtsa ba'i skye ba de skye bzhin pa rang nyid ma skyes pa des gal te skye ba'i skye ba bzhan de skyed par byed nus na ni skye ba'i skye ba de bskyed par 'dod la dag go /yang na khyod kyi skye ba'i skye ba de skye bzhin pa rang nyid ma skyes pa des gal te rtsa ba'i skye ba gzhan de skyed par byed nus na ni

  408. 204b

    rtsa ba'i skye ba de skyed par byed la rag na mi nus te/ 'di ltar rang nyid ma skyes shing med pas gzhan ji ltar skyed par byed de/ de'i phyir da ni rtog pa tsam du zad do/ smras pa/ skye ba gzhan gyis skyed par mi byed kyang skye ba nyid kyis rang dang gzhan dag skyed par byed do/ /ji ltar zhe na/ ji ltar mar me rang dang gzhan/ /snang bar byed pa de bzhin du/ /skye ba'ang rang dang gzhan gyi dngos/ /gnyi ga skyed par byed pa yin/ /ji ltar mar mes rang gi bdag nyid kyang snang bar byed la bum pa dang/ snam bu la sogs pa dngos po gzhan dag kyang snang bar byed pa de bzhin du skye bas kyang rang gi bdag nyid kyang skyed par byed la bum pa dang snam bu la sogs pa dngos po gzhan dag kyang skyed par byed do/ /bshad pa/ gal te mar mes rang dang gzhan gyi bdag nyid dag snang bar byed na ni skye bas kyang mar me bzhin du rang dang gzhan gyi bdag nyid dag skyed par byed pa dag na/ mar mes ni rang dang gzhan gyi bdag nyid dag snad bar mi byed do/ /ci'i phyir zhe na/ 'di ltar/ mar me dang ni gang dag na/ /de 'dug pa na mun pa med/ /'di na gang mi snang ba de snang bar bya ba yin la/ mun pas sgrib pas mi snang ba nyid yin na mar me la ni mun pas de'i phyir mar me la mi snang ba med do/ /gzhan dag snang bar byed do zhes gang smras pa de yang rigs pa ma yin te/ mar me gzhan gyi bdag nyid dag la 'jug pa de la yang mun pa med do/ mun pa med pa'i phyir de dag la yang mi snang ba med do/ /'o na rang dang gzhan gyi bdag nyid dag la mi snang ba med na/ mar mes rtsi? zhig snang bar byed// de smros shig /smras pa/ mun pa sel bas snang byed yin/ /'di na mar me skye bzhin pas mun pa sel cing snang bar byed pas snang bar byed pa yin te/ de la mun pa sel bar byed pa gang yin pa de mar me rang dang gzhan gyi bdag nyid dag

  409. 205a

    snang bar byed pa yin no zhes smras pas de'i phyir/ mar me dang ni gang dag na/ /de 'dug pa na mun pa med/ /ces gang bshad pas mar me skye bzhin pas mun pa sel ba'i phyir des na mar me rang dang gzhan gyi bdag nyid dag la mun pa med de/ mun pa med pa'i phyir snang bar byed pa nyid yin no/ /de ltar mun pa sel bar byed pa'i phyir mar mes ni rang dang gzhan gyi bdag nyid dag snang bar byed do/ /mar me ji lta ba de bzhin du skye bas kyang rang dang gzhan gyi bdag nyid dag skyed par byed do zhes bya ba de rigs pa yin no /bshad pa/ mar me skye bzhin pas mun pa sel bar byed do/ /zhes zer ba de ji smros shig /ji ltar mar me skye bzhin pas/ /mun ba sel bar byed pa yin/ /gang tshe mar me skye bzhin pa/ /mun pa dang ni phrad pa med/ /gang tshe mar me dang mun pa dag gcig na mi srid pa'i phyir mar me skye bzhin pa mun pa dang phrad pa med pa de'i tshe ji ltar mar me skye bzhin ba mun pa dang ma phrad pa des mun pa sel bar byed/ mar me phrad pa med par yang/ /gal te mun pa sel byed na/ /'jig rten kun na gnas pa'i mun/ /'di na 'jug pa des bsal 'gyur/ /ci ste mar mes ma phrad pa nyid du yang mun pa sel bar byed na ni de ltar na 'jig rten kun na gnas pa'i mun pa dag kyang mar me 'di na 'dug pa des bsal bar 'gyur te/ ma phrad par 'dra ba las la la ni sel bar byed la/ la la ni sel bar mi byed pa de la khyad par ci yod/ yang gzhan yang/ mar me rang dang gzhan gyi dngos/ /gal te snad bar byed gyur na/ /mun pa'ang dang rang gzhan gyi dngos/ /sgrib par 'gyur par the tshom med/ /'di na mar me ni mun pa'i gnyen por gnas pa yin pas des na gal te mar mes rang dang gzhan gyi dngos po dag snang bar byed par gyur na/ mun pas kyang rang dang gzhan gyi dngos po

  410. 205b

    dag sgrib par thal bar 'gyur ba 'di la the tshom med pa zhig na mun pas ni rang dang gzhan gyi dngos po dag sgrib par mi byed do/ /gal te sgrib par byed na ni gzhan bzhin du mun pa nyid kyang mi dmigs par 'gyur ro/ /mun pa mi dmigs na ni dngos po rnams rtag tu snang bar 'gyur ba zhig na/ dngos po rnams rtag tu mi snang bas de'i phyir mun pas ni rang dang gzhan gyi dngos po dag sgrib par mi byed do/ /de lta yin na mun ba'i gnyen por mar mes kyang rang dang gzhan gyi dngos po dag snang bar mi byed bas de la mar me bzhin du skye bas kyang rang dang gzhan gyi bdag nyid dag skyed par byed do/ /zhes gang smras pa de rigs pa ma yin no/ /yang gzhan yang/ gal te skye bas rang gi bdag nyid skyed par byed na skyes pas sam/ ma skyes pa zhig gis skyed par byed grang na/ gnyi gas kyang mi 'thad do/ /ji ltar zhe na/ skye ba 'di ni ma skyes bas/ /rang gi bdag nyid ji ltar bskyed/ /skye ba 'di ma skyes shing med pas rang gi bdag nyid ji ltar skyed par byed/ yang na 'di ma skyes shing med pa'i bdag nyid su zhig gis skyed par byed/ ci ste med pas kyang bdag nyid med pa bskyed na ni ri bod gi rwas kyang bdag nyid skyed par byed pa zhig na skyed par mi byed de/ de lta bas na skye ba ma skyes pas bdag nyid skyed par mi byed do/ / de la 'di snyam du skye ba skyes pas bdag nyid skyed par sems na/ de la bshad par bya ste/ ci ste skyes pas skyed byed na/ /skyes na ci zhig bskyed du yod/ /gal te skye bskyes pa nyid yin na skye ba skyes pas bdag nyid skyed par byed do/ /zhes bya ba 'thad pa don med pa 'di ci'i phyir byed de/ skyes zin pa la yang skye bas ci bya/ de ltar na re zhig skye bas bdag nyid skyed par mi byed do/ /skye bas gzhan skyed par byed do/ /zhes gang smras pa de yang mi 'thad de/ 'di ltar gal te skye bas/

  411. 206a

    gzhan skyed par byed na skye bas bskyed par bya ba gzhan de skyes pa'am/ ma skyes pa'am/ skye bzhin pa zhig skyed par byed grang na/ de la/ skyes dang ma skyes skye bzhin ba/ /ji lta bur yang skyed mi byed/ /skyes pa ni ji ltar yang skyed bar mi 'thad do/ /ma skyes pa yang skyed par mi byed la/ skye bzhin pa yang skyed par mi byed do/ /ji ltar zhe na/ bshad pa/ song dang ma song bgom ma yis/ /de dag rnam par bshad pa yin/ /ji ltar song ba la 'gro ba ming? de/ 'gro ba'i bya ba 'das zin pa'i phyir ro/ /zhes bya ba de bzhin du skyes ba yang skyed par mi byed de skye ba'i bya ba 'das zin pa'i phyir ro/ skyes pa la yang skye ba'i bya ba med do/ ci ste yang skyed par 'gyur na ni nam yang mi skyed par mi 'gyur bas de'i ni mi 'dod de/ de'i phyir skyes pa skyed par mi byed do/ /ma skyes pa yang skyed par mi byed do/ ci'i phyir zhe na/ med pa'i phyir ro/ /ma skyes pa la gang bskyed par 'gyur ba ci zhig yod/ ci ste med kyang bskyed par 'gyur na ni ri bong gi rwa yang bskyed par 'gyur ba zhig na bskyed par mi 'gyur te/ de lta bas na skyes pa yang skyed par mi byed do/ /da ni skye bzhin pa yang skyed par mi byed de/ skyes pa dang ma skyes pa ma gtogs par skye bzhin ba med pa'i phyir dang/ skye ba gnyis su thal bar 'gyur ba'i yang phyir te/ gang dang ldan pas skye bzhin pa zhes bya bar 'gyur ba dang/ gang dang ldan pas skyed par byed do/ /zhes brjod pa'o/ /yang gzhan yang/ 'di la skye bzhin pa zhes bya ba ni gang gi cung zad ni skyes cung zad ni ma skyes pa 'am/ yang na de las gzhan pa skyes pa 'am/ ma skyes pa zhig yin grang na/ /de la gal te skyes pa dang ma skyes pa de skye bas skyed par byed na re zhig de'i gang cung zad skyes pa de ni/

  412. 206b

    skye ba des bskyed pa ma yin la/ skyes pa de skye bzhin pa ma yin te/ ci'i phyir zhe na/ de skyes na skye bzhin pa ma yin zhing skye bzhin ba skyed par byed do/ /zhes kyang brjod pa'i phyir ro/ /gal te cung zad skyes pa de skye ba med pa kho nar skyes na na'i de'i lhag ma yang de bzhin du skye ba med pa kho nar skye bar 'gyur par nges so/ /yang na de'i gang cung zad ni skye ba med pa kho nar skyes la cung zad ni skye bas skyed par byed pa la khyad par ci yod pa brjod dgos so/ /ci ste de'i gang cung zad skyes pa de yang skye ba kho nas bskyed na ni de lta na ma skyes pa skye bas bskyed pa byed kyi/ skye bzhin pa skyed par byed pa ma yin no/ /yang gzhan yang/ de'i gang cung zad skyes pa de ni skye bas skyed par mi byed de/ skyes zin pa'i phyir ro/ /des na de'i lhag ma ma skyes pa gang zhig yin ba de skye bas skyed par byed do/ /zhes bya bar 'gyur te/ de la skye bzhin pa skyed par byed do/ /zhes smras pa de nyams par gyur to/ /ci ste de'i gang cung zad skyes pa de yang yang skye bas skyed par byed na ni de la skye ba gnyis kyis byas pa'i khyad par can du 'gyur pa zhig na mi 'gyur te/ skyes zin bde la ni yang bskyed pa'i phyir bya ba 'ga' yang rtsom par mi byed pas de'i phyir de ni yang skyed par mi byed do/ /de lta bas na skye bzhin pa skyed par byed do/ /zhes bya ba de ni snying po med pa la blos snying por bzung bar zad de gyi na'o/ /smras pa/ bum pa la sogs pa skyes pa dag kyang dmigs shing/ bum pa la sogs ba'i don du bya ba dag la 'jug pa yang snang bas de'i phyir skye ba yod na skye ba la brten cing skye ba la bltos nas skye bzhin pa bskyed do zhes brjod par bya'o/ /bshad pa/ gang tshe skye ba yod pas ni/ /skye bzhin 'di 'byung med ba'i tshe/ /ji ltar skye la brten nas ni/ /skye bzhin zhes ni brjod par bya/ /gang

  413. 207a

    gi tshe skye ba 'di yod pas skyes bzhin pa 'di 'byung ngo zhes bya ba de med cing mi srid pa de'i tshe ji ltar skye ba la brten nas skye bzhin pa bskyed do/ /zhes brjod par bya/ smras pa/ ji ltar mi srid/ bshad pa/ re zhig snam bu skye ba la brten nas ci zhig skye bzhin pa yin/ smras pa/ snam bu nyid skye bzhin pa yin no/ /bshad pa/ gal te snam bu skye bzhin pa'i gnas skabs nyid na snam bu yin na/ de la skye ba la brten nas skye bzhin pa bskyed de zhes gang brjod pa'i skye bas yang ci bya/ de ni mi 'thad de/ skyes pa dang skye bzhin pa gnyis la khyad par med pa'i phyir ro/ /de'i phyir skye bzhin pa snam bu ma yin no/ /smras pa re zhig skyes pa ni snam bu yin te/ skyes ba de la brten nas ji srid du brtags pa'i bya ba ma zin pa de srid du skye bzhin pa yin no/ /bshad pa/ drang ngo/ gang skye bzhin pa na snam bu ma yin pa de skyes na ji ltar snam bur 'gyur/ 'di ltar gzhan byed bzhin pa na gzhan du mi 'gyur ro/ /ci ste 'gyur na ni re? lde byed bzhin pa na snam bur 'gyur ba zhig na mi 'gyur bas de'i phyir skyes pa yang snam bu ma yin no/ /snam bu med na gang gi skye ba la brten nas ci zhig skye bzhin par 'gyur/ smras pa/ ci khyod mtshon thabs la mkhas zhes te ma nyid la 'debs par byed dam// khyod 'gyed pa la chags pas rten cing 'grel par 'byung ba'i rigs pa nyid sun 'byin ko /bshad pa/ de ni rten cing 'brel bar 'byung ba'i rigs pa ma yin te/ rten cing 'brel par 'byung ba smra ba rnams la ni dngos po skye bzhin pa yang yod pa ma yin la/ dngos po skye bzhin ba'i skye ba yang yod pa ma yin no/ /rten cing 'brel par 'byung ba'i don ni 'di yin te/ rten cing 'byung ba gang yin pa de'i ngo bo nyid kyis zhi/ /rten cing zhes bya ba gang yin pa dang/ 'byung ba zhes

  414. 207b

    bya ba gang yin pa de dang de gnyi ga ngo bo nyid kyis zhi ba ngo bo nyid dang bral ba ngo bo nyid kyis stong pa yin no/ /de phyir skye bzhin nyid dang ni/ /skye ba yang ni zhi ba nyid/ /de ltar gang gi phyir rten cing zhes bya ba gang yin pa dang 'byung ba zhes bya ba gang yin pa de dang de gnyi ga ngo bo nyid kyis zhi ba ngo bo nyid dang bral ba ngo bo nyid stong pa de'i phyir rten cing 'brel par 'byung ba smra ba rnams la skye bzhin pa dang skye ba gnyi ga yang ngo bo nyid kyis zhi ba ngo bo nyid kyis bral ba ngo bo nyid kyis stong pa yin no/ /de gnyi ga ngo bo nyid stong pa yin pa skye ba 'di la brten nas skye bzhin pa 'di bskyed do/ /zhes bya ba de ji lta bur srid par 'gyur/ smras pa/ rgyu dang rgyan rnams la brten nas ji srid na skyes par 'gyur ba de srid du dngos po bskyed ba'i phyir bya ba rtsom ste/ des na dngos po gang kho na skye ba de nyid la brten nas bya ba rtsom? bar yang mi byed la/ gzhi med bar yang bya ba rtsom par mi byed pas bya ba dang ldan pa'i rgyu dang rkyen de dag la brten nas dngos po skye zhing de'i skye ba de la brten nas skye bar 'gyur ro/ /bshad pa/ gang gi rgyu dang rkyen dag la brten nas bya ba rtsom par byed/ smras pa/ snam bu'i 'o/ /bshad pa/ ci khyod nam mkha' i me tog sogs bar byed dam/ khyod snam bu med pa'i rgyu dang rkyen dag la brten nas bya ba rtsom par byed go? /gal te dngos po ma skyes pa/ /'ga' zhig gang na yod gyur na/ /de ni ci'i phyir der skye 'gyur/ /yod na skye bar mi 'gyur ro/ /gal te skye ba'i sngon rol na dngos po ma skyes pa 'ga' zhig ga shed na yod bar 'gyur ba de lta bu srid na ni des na dngos po yod pa de'i rgyu dang rkyen dang de la brten pa'i bya ba dag kyang tha snyad gdags su rung grang na/ gang gi tshe dngos po ma skyes ba ji ltar yang mi 'thad pa de'i tshe dngos po skye ba dang bral pa de yod pa ma yin na gang gi rgyu dang

  415. 208a

    rkyen du 'gyur/ rgyu dang rkyen gang zhig la brten nas bya ba rtsom par byed cing gang zhig bskyed par byed/ gang rtsom par mi byed skyed par mi byed pa de la skye ba ga la yod/ gang la skye ba med pa de ji ltar skye pa la brten nas skye bar 'gyur/ de lta bas na brten cing 'brel par 'byung ba smra ba rnams kyi lta ba ni skye bzhin pa dang skye ba zhi ba yin no/ /yang gzhan yang/ gal te skye ba de yis ni/ /skye bzhin pa ni skyed byed na/ /skye ba de ni skyed byed pa/ /skye ba yang ni gang zhig yin/ /gal te skye ba des skye bzhin pa gzhan skyed par byed na/ 'o na da skye ba de skyed par byed pa'i skye ba yang gang zhig yin/ de la 'di snyam du de ni skye ba gzhan zhig gis bskyed par sems na/ de la bshad par bya ste/ /gal te skye ba gzhan zhig gis/ /de bskyed thug pa med par 'gyur/ /gal te skye ba gzhan zhig gis skye bzhin pa gzhan skyed par byed na de lta na thug pa med par thal bar 'gyur te/ /de yang gzhan gyi bskyed cing de yang gzhan gyis bskyed de mdza' med par 'gyur bas de ni mi 'dod do/ /ci ste gzhan bskyed pa ni bskyed pa med pa kho nar skyes so snyam na/ de la bshad par bya ste/ ci ste skye pa med skye na/ /thams cad de bzhin skye par 'gyur/ /ji ltar gzhan skyed par byed pa de bskyed pa gzhan med par skyes na ni thams cad kyang de bzhin du skye ba gzhan med par skye bar 'gyur te/ skyes pas gzhan skyed par byed do/ /zhes bya ba don med pa'i rtog pa 'dis ci bya/ yang na 'di ltar skye ba nyid ni bskyed pa gzhan med par skye la dngos po gzhan dag ni bskyed pa gzhan med par mi skye'o/ /zhes khyad par gyi gtan tshigs bstan par bya dgos na de yang mi byed pa de'i skye bas skye bzhin pa gzhan skyed par byed do/ /zhes bya ba de gyi na'o/ /yang gzhan yang/ 'di la gal te dngos po

  416. 208b

    'ga' zhig skye bar 'gyur na de yod pa'am med pa zhig skye bar 'gyur grang na/ de la/ re zhig yod dang med pa yang/ /skye bar rigs pa ma yin no/ /re zhig yod pa ni skye ba rigs pa ma yin te/ skye bar brtag pa don med pa nyid yin ba'i phyir ro/ /'di ltar yod pa la yang skye bas ci zhig bya/ med pa yang skye bar rigs pa ma yin te/ ci'i phyir zhe na/ med pa nyid kyi phyir te/ de la ci zhig skye bar 'gyur/ /ci ste med pa skye bar 'gyur na ni ri bong gi rwa yang skye bar 'gyur la/ nyes pa zad pa rnams la yang yang nyes pa skye bar 'gyur pa de ni mi 'dod de/ de lta bas na med pa yang skye bar rigs pa ma yid no/ /de la 'di snyam du yod med gcig skye bar sems na/ bshad pa/ yod med nyid kyang ma yin te/ /yod med kyang skye bar rig pa ma yin no/ /gal te ji ltar zhe na/ bshad pa/ gong du bstan pa nyid yin no/ /de ni gong du/ re zhig yod dang med pa yang/ /skye bar rigs pa ma yin no/ /zhes bstan pa yin te/ yod med ni gnyis la snyegs pas de gnyis ni dgag pa snga mas bkag pa nyid yin no/ /yang na yod pa dang med pa dang yod med dag ji ltar skye bar rigs pa ma yin pa de ni/ dang po kho nar bstan zin te/ gang du zhe na/ gang tshe chos ni yod pa dang/ med dang yod med mi bsgrub pa/ /ji ltar sgrub byed rgyu zhes bya/ /de ltar yin na mi rigs so/ /zhes bya ba der ro/ /yang gzhan yang/ dngos po 'ga' bzhin nyid la ni/ /skye ba 'thad par mi 'gyur ro/ /'di la khyod kyis dngos po skye bzhin pa skyed par byed do/ /zhes smras pas dngos po skye bzhin pa la 'gag pa yang yod par 'gyur ro/ /ci'i phyir zhe na/ dngos po ni 'jig pa'i mtshan nyid can yin pa'i phyir ro/ /dngos po 'gag bzhin pa la ni skye ba 'thad par mi 'gyur te/ 'di ltar skye bzhin pa mngon par 'phel ba la skye ba yin la/ de yang

  417. 209a

    'jig pas zad par 'gyur bas zad pa ni skye bar mi 'gyur ba'i phyir ro/ /ci ste skye bzhin ba'i gnas skabs na 'gag par mi 'gyur ba nyid do snyam na/ de la bshad par bya ste/ gang zhig 'gag bzhin ma yin pa/ /de ni dngos por me 'thad do// gal te dngos po skye bzhin pa nyid na 'gag bar mi 'gyur na skye bzhin pa nyid dngos po nyid ma yin par 'gyur te/ ci'i phyir zhe na/ dngos po'i mtshan nyid med pa'i phyir ro/ /'di ltar 'jig pa ni dngos po'i mtshan nyid du bstan pas de med na ji ltar dngos po yin par 'gyur/ de ltar yin na dngos po skye bzhin pa skyed par byed do/ /zhes gang smras pa de nyams pa dang/ dngos po med pa skye bzhin pa skyed par byed do zhes bya bar yang thal par 'gyur te/ de lta bas na skye bas gzhan skyed phar byed do/ /zhes bya ba de yang mi 'thad do/ /gang rang gi bdag nyid kyang skyed bar mi byed la/ gzhan gyi bdag nyid kyang skyed par mi byed pa de skye ba yin par ji ltar 'gyur te/ de lta bas na skye pa ni yod pa ma yin no/ /'dir smras pa/ gnas pa ni yod de de yang dngos po ma skyes pa la ni mi 'thad pas skye ba la'ang rab tu grub pa nyid de/ /bshad pa/ 'di la dngos po gang zhig gnas par 'gyur na de gnas pa gnas sam/ ma gnas pa gnas sam/ gnas bzhin pa gnas grang na/ de la/ dngos po gnas pa mi gnas te/ /dngos po mi gnas gnas pa min/ /gnas bzhin pa yang mi gnas te/ /re zhig dngos po gnas pa ni gnas par mi byed do/ /gnas pa la yang gnas ci bya/ /gnas pa gnyis su thal bar 'gyur te/ gang dang ldan pas gnas pa zhes bya bar 'gyur ba dang/ gang dang ldan pas gnas par byed do/ /zhes bya bar 'gyur ba'o/ /de ltar gyur na gnas pa po yang gnyis su thal bar 'gyur bas de ni mi 'dod do/ /dngos po ma gnas par yang gnas par mi byed de/ ci'i phyir zhe na/ gnas pa dang gnas

  418. 209b

    pa ma yin gnyis mi mthun ba'i phyir ro/ /gnas bzhin pa yang gnas par mi byed de/ ci'i phyir zhe na/ gnas pa dang ma gnas pa ma gtogs par gnas bzhin pa mi srid ba'i phyir dang/ gnas pa gnyis su thal bar 'gyur ba dang/ gnas pa po yang gnyis su thal bar 'gyur ba'i phyir ro/ /yang gzhan yang/ ma skyes gang zhig gnas par byed/ /gang gi tshe rigs pa sngon du btang bas skye ba med pa nyid do/ /zhes bya ba de bstan zin pa de'i tshe ma skyes pa gzhan gang zhig gnas par byed ces bya/ yang gzhan yang dngos po 'gag bzhin nyid la ni/ /gnas pa 'thad par mi 'gyur ro/ /dngos po 'gag bzhin pa la gnas pa 'thad par mi 'gyur ro/ /ci'i phyir zhe na/ gnas pa dang 'gag pa gnyis mi mthun pa'i phyir ro/ /de la 'di snyam du gnas pa'i gnas skabs na 'gag par mi 'gyur ba nyid du sems na de bshad par bya ste/ gang zhig 'gag bzhin ma yin pa/ /de ni dngos por mi 'thad do/ /gang gnas pa'i gnas skabs na gnas par mi 'gyur ba da ni gnas pa'i gnas skabs na dngos po nyid ma yin par 'gyur te/ ci'i phyir zhe na/ dngos po'i mtshan nyid med pa'i phyir ro/ /'di ltar 'jig pa ni dngos po'i mtshan nyid du bstan pas de med na ji ltar dngos po yin par 'gyur/ dngos po med na gang gi gnas par 'gyur/ de lta bas na 'gag bzhin pa nyid/ yin pa'i phyir yang dngos po'i gnas pa mi 'thad do/ /yang gzhan yang/ dngos po thams cad dus kun tu/ /rga dang 'chi ba'i chos yin na/ /gang dag rga dang 'chi med par/ /gnas pa'i dngos po gang zhig yin/ /gang gi tshe dngos po thams cad mi rtag pa dang rjes su 'brel ba'i phyir/ mi rtag pa nyid kyis rga ba dang 'chi ba'i chos can yin pa de khas blang par bya ba de'i tshe gang dag la bstos nas gnas pa yod par brjod pa gang dag rga ba dang 'chi ba med par gnas ba'i dngos po de dag

  419. 210a

    gang zhig yin de lta bas na gnas pa yang mi 'thad do/ /gnas pa'i gnas pa zhes gang smras pa de la bshad par bya ste/ gnas pa gnas pa gzhan dang ni/ /de nyid kyis kyang gnas mi rigs/ /gnas pa ni gnas pa gzhan gyis kyang gnas par byed pa mi rigs pa nyid yin la/ gnas pa de nyid gnas pa de nyid kyis kyang gnas par byed par mi rigs pa nyid do/ /ji ltar zhe na/ ji ltar skye ba rang dang ni/ /gzhan gyis bskyed pa ma yin nyid/ /ji skad du/ skye ba 'di ni ma skyes pas/ /rang gi bdag nyid ji ltar bskyed/ /ci ste skyes pas skyed byed na/ skyes na ci zhig bskyed du yod/ /ces smras pa de bzhin du gnas pa yang ma gnas pas rang gi bdag nyid gnas par byed dam/ gnas pas rang gi bdag nyid gnas par byed grang na/ de la re zhig ma gnas pas ni rang gi bdag nyid gnas par mi byed de/ /ci'i phyir zhe na/ med pa'i phyir te/ 'di ltar ma gnas pa la ni gnas pa mi 'thad do gang med pa des rang gi bdag nyid gang zhig ji ltar gnas par byed/ ci ste gnas par byed na ni ri bong gi rus kyang rang gi bdag nyid gnas par byed pa zhig na de ni mi 'dod de/ de lta bas na gnas pa ma gnas pas rang gi bdag nyid gnas par mi byed do/ /gnas pa gnas pas kyang rang gi bdag nyid gnas par mi byed de/ ci'i phyir zhe na/ gnas pa nyid kyi phyir te/ gnas pa la yang gnas pas ci zhig bya/ de lta bas na gnas pa gnas pas kyang rang gi bdag nyid gnas par mi byed de/ gang gnas par mi byed pa de gnas pa yin par ji ltar 'gyur/ de ltar re zhig gnas pa de nyid gnas pa de nyid kyis gnas par mi byed do/ /ji ltar gnas pa de gnas pa gzhan gyis gnas par byed par mi rigs she na/ ji skad du/ gal te skye ba gzhan zhig gis de bskyed thug pa med par 'gyur/ ci ste skye ba med skyen/ /thams cad de

  420. 210b

    bzhin skye bar 'gyur/ zhes smras pa de bzhin du gnas pa yang gnas pa gzhan zhig gis gnas par byed dam/ gnas pa gzhan med par gnas par byed grang na/ de la re zhig gnas pa ni gnas pa gzhan gyis gnas par mi byed do/ /gal te gnas pa gnas pa gzhan gyis gnas par byed na/ de lta na thug pa med par thal bar 'gyur te/ de yang gzhan gyis gnas par byed cing/ /de yang gzhan gyis gnas par byed pa de mdza' med par 'gyur bas de ni mi 'dod do/ /de lta bas na gnas pa ni gnas pa gzhan gyis gnas par mi rigs so/ /ci ste gnas pa de gnas pa gzhan med par gnas par byed do snyam na de'i bshad par bya ste/ ji ltar gzhan gnas par byed pa de gnas pa gzhan med par gnas pa de bzhin du thams cad kyang gnas pa gzhan med par gnas par 'gyur te/ gnas pas gzhan gnas par byed do/ /zhes bya ba don med pa'i rtog pa 'dis ci bya/ yang na 'di ltar gnas pa nyid ni gnas pa gzhan med par gnas pa la dngos po gzhan dag ni gnas pa gzhan med par mi gnas so/ /zhes khyad par gyi gtan tshig bstan par bya dgos na de yang mi byed pas de'i phyir gnas pa ni gnas pa gzhan gyis gnas par mi byed do/ /gang gnas par mi byed pa de ni gnas pa nyid kyang ma yin pas de'i phyir gnas pa yang yod pa ma yin no/ /'dir smras pa/ 'gag pa ni yod de/ de yang dngos po ma skyes pa dang mi gnas pa dag la mi 'thad pas skye ba dang gnas pa dag kyang rab tu grub pa nyid do/ /bshad pa/ gal te 'gag pa zhig yod par gyur na/ de dngos po 'gags pa 'am/ ma 'gag pa'am/ 'gag bzhin pa'i yin grang na/ rnam pa thams cad mi 'thad do/ /ci'i phyir zhe na/ 'di ltar/ 'gag pa 'gag par mi byed de/ /ma 'gag pa yang 'gag mi byed/ /dgag bzhin pa yang de bzhin min/ /de la re zhig 'gags pa ni 'gag

  421. 211a

    par mi byed de/ ci'i phyir zhe na/ med pa'i phyir de/ med pa la ci zhig 'gag par 'gyur/ ma 'gags pa yang 'gag par mi byed de/ ci'i phyir zhe na/ 'gag pa dang ma 'gags pa gnyis mi mthun pa'i phyir ro/ /'gag bzhin pa yang de bzhin du 'gag par mi byed de/ ji ltar zhe na/ ji skad du/ skye bzhin pa skyed par mi byed do/ /zhes smras pa de bzhin te/ des na 'gag pa dang/ ma 'gag pa ma gtogs par 'gag bzhin pa ni mi srid pa'i phyir dang/ 'gag pa gnyis su thal bar 'gyur ba dang/ 'gag bzhin pa gnyis su thal bar yang 'gyur ba'i phyir 'gag bzhin pa 'gag par mi byed do/ /yang gzhan yang/ 'di la 'gag bzhin pa zhes bya ba ni gang gi cung zad ni 'gags cung zad ni ma 'gags pa 'am/ yang na de la gzhan 'gags pa'am/ ma 'gags pa zhig yin grang ni/ de la gal te 'gags pa dang ma 'gags pa de 'gag pas 'gog par byed na re zhig de'i gang cung zad 'gags pa de ni 'gags pa des bkag pa ma yin la/ 'gag pa de 'gag bzhin pa yang ma yin te/ ci'i phyir zhe na/ de 'gags na 'gag bzhin pa ma yin zhing 'gag bzhin pa 'gog par byed do/ /zhes kyang brjod pa'i phyir ro/ /gal te cung zad 'gags pa des 'gag pa med pa kho nar 'gags na ni de'i lhag ma yang de bzhin du 'gag pa med pa kho nar 'gag par 'gyur bar nges so/ /yang na de'i gang cung zad ni 'gag pa ming pa kho nar 'gags la/ cung zad ni 'gag pas 'gag par byed pa la khyad par ci yod pa brjod dgos so/ /ci ste de'i gang cung zad 'gags pa de yang 'gags pa kho nar 'gag pa ni de lta na ma 'gags pa 'gags pas 'gag par byed kyi 'gag bzhin pa 'gag par byed pa ma yin no/ /gzhan yang/ de'i gang cung zad 'gags pa de ni 'gags pas 'gag

  422. 211b

    par mi byed de/ 'gags zin pa'i phyir ro des na/ de'i lhag ma ma 'gags pa gang yin pa de 'gags pas 'gag par byed do/ /zhes bya bar 'gyur te/ de la 'gag bzhin pa 'gag par byed do/ /zhes gang smras pa de nyams par gyur to/ /ci ste de'i gang cung zad 'gags pa de yang yang 'gags pas 'gags par byed na ni de la 'gag pa gnyis kyis byas pa'i khyad par can du 'gyur ba zhig na mi 'gyur te/ 'gags zin pa de la ni yang 'gag par bya ba'i phyir bya ba 'ga' yang rtsom par mi byed pas de'i phyir de ni yang 'gag par mi byed do/ /de lta bas na 'gag bzhin pa 'gag par byed do/ /zhes bya ba de yang snying po med pa la blos snying por bzung bar zad de gyi na'o/ /yang gzhan yang/ ma skyes gang zhig 'gag par byed/ gang gi tshe cung zad kyang skye ba med do zhes bya ba de sngar bstan zin pa de'i tshe ma skyes pa gzhan gang zhig 'gag par byed ces bya/ de lta bas na 'gag pa yang yod pa ma yin no/ /yang gzhan yang/ 'gag pa ni gnas pa 'am/ ma gnas pa la brtag grang na/ de ni gnyi ga la yang mi rung ste/ de la/ re zhig dngos po gnas pa la/ /'gag pa 'thad par mi 'gyur ro/ /gnas pa'i bya ba skyes pa la gnas pa dang mi mthun pa'i 'gag pa mi 'thad de/ gnas pa'i phyir de ni grags pa yin no/ /gal te mi gnas pa la 'gag pa yod pas nyis pa med do/ /zhe na/ dngos po mi gnas pa la yang/ /'gag pa 'thad par mi 'gyur ro/ /mi gnas pa'i phyir dper na 'gags pa bzhin no/ /zhes bya bar dgongs so/ /smras pa/ mngon sum la gtan tshigs kyi tshig don med pa de ni 'jig rten la grags pa yin te/ ji ltar dngos po ma 'gags par gnas pa rgyu 'ga' zhig kho nas 'jig par 'gyur ba de ni gzhon nu yan chad kyi mngon sum yin pas/ de'i phyir 'gags pa ni yod pa kho na yin no/ /bshad

  423. 212a

    pa/ de lta bas na/ 'di yang khyod kyi blo'i mngon sum du bya ba'i rigs te/ gnas skabs de yis gnas pa ni/ /de yis 'gag pa nyid mi 'gyur/ /gnas skabs gzhan gyis gnas skabs ni/ /gzhan gyis 'gag pa nyid mi 'gyur/ /dngos po gnas skabs gang du 'jug par brtag pa de'i gnas skabs de ni gnas skabs des 'gag pa nyid du mi 'gyur te/ ci'i phyir zhe na/ gnas skabs de yod ba'i phyir ro/ /'di ltar 'o ma'i gnas skabs nyid kyis 'o ma 'gag par mi 'gyur te/ 'o ma'i gnas skabs yod pa'i phyir ro/ /gnas skabs gzhan gyis kyang gnas skabs gzhan 'gag pa nyid du mi 'gyur te/ ci'i phyir zhe na/ gzhan ni gnas skabs gzhan na med pa'i phyir ro/ /'di ltar zho 'i gnas skabs su'o ma'i gnas skabs 'gag par mi 'gyur te/ zho'i gnas skabs na 'o ma'i gnas skabs med pa'i phyir ro/ /ci ste yod na ni/ 'o ma dang zho gnyis lhan cig na gnas pa dang/ zho rgyu med pa las 'byung bar yang 'gyur pas de ni mi 'dod de/ de lta bas na 'gag pa mi 'thad pa yang blo'i mngon sum yin pa'i phyir 'gag pa zhes bya ba ci yang med pa de ltar khong du chud par bya'o/ /smras pa/ 'gag pa ni yod pa kho na yin te/ ci'i phyir zhe na/ sngar khas blangs pa'i phyir te/ 'di ltar khyod kyis sngar dngos po 'gag bzhin pa la skye ba mi 'thad do/ /zhes smras pa de'i phyir 'gag pa de yod de/ gang gi rgyu las byung ba'i skye ba dgag par byas pa'i phyir ro/ /'di ltar med pa ni rgyur mi 'thad do/ /bshad pa/ ci khyod ri mo'i mo gsod par byed dam/ khyod skye ba med pa la 'gag pa 'dod ko /gang tshe chos rnams thams cad kyi/ /skye ba 'thad par mi 'gyur ba/ /de tshe chos rnams thams cad kyi/ /'gag pa 'thad par mi 'gyur ro/ /gang gi tshe kho bos dngos po thams

  424. 212b

    cad kyi skye ba mi 'thad do/ /zhes smras pa de'i tshe dngos po thams cad kyis 'gag pa yang mi 'thad do/ /zhes smras pa ma yin nam/ 'di ltar dngos por skyes shing med pa la 'gag pa yod par ji ltar 'gyur/ de lta bas na skye ba bkag pa kho nas 'gag pa mi 'thad par yang rab tu bstan pa yin no/ /yang gzhan yang/ 'di la gal te re zhig 'gag pa zhig yod par gyur na/ de dngos po yod pa 'am/ med pa la brtag grang na/ de la/ re zhig dngos po yod pa la/ /'gag pa 'thad par mi 'gyur ro/ /re zhig dngos po yod pa gnas pa la ni 'gag pa 'thad par mi 'gyur te/ ci'i phyir zhe na/ 'di ltar/ dngos dang dngos po med pa dag/ gcig nyid na ni 'thad pa med/ /dngos po yod pa'i yod pa nyid gang yin pa ni dngos po yod pa'o/ /dngos po 'gag pa'i med pa nyid gang yin pa ni/ dngos po med pa ste/ dngos po dang dngos po med pa phan tshun mi mthun pa de gnyis ji ltar gcig pa nyid na 'thad par 'gyur te/ de lta bas na/ dngos po yod pa la 'gag pa 'thad par mi 'gyur te/ dngos po med par gyur ba la 'ang/ /'gag pa 'thad par mi 'gyur ro/ /ji ltar zhe na/ mgo gnyis pa la ji ltar ni/ /bcad du med pa de bzhin no/ /med pa la ci zhig 'gag par 'gyur te/ 'di ltar mgo gnyis pa med par bcad par mi nus pa bzhin no/ /'gag pa'i 'gag pa zhes gang smras pa de la bshad par bya ste/ 'gag pa 'gag pa gzhan dang ni/ /de nyid kyis kyang 'gag mi rigs/ /'di la gal te 'gag pa la 'gag pa zhig yod par gyur na de gzhan gyi bdag nyid dam rang gis bdag nyid kyis 'gag par 'gyur grang na/ gnyi gas kyang 'gag par mi rigs so/ /ji ltar zhe na/ ji ltar skye ba rang dang ni/ /gzhan gyis bskyed pa ma yin bzhin//

  425. 213a

    ji skad du/ skye ba 'di ni ma skyes pas/ /rang gi bdag nyid ji ltar bskyed/ /ci ste bskyed pas skyed byed na/ skyes na ci zhig bskyed du yod/ /ces smras pa de bzhin du 'gag pa yang ma 'gags pas rang gi bdag nyid 'gag par byed dam/ 'gags pas rang gi bdag nyid 'gag par byed grang na/ de la gal te 'gag pa ma 'gags pas rang gi bdag nyid 'gag par byed par rtog na/ de ji ltar 'thad par 'gyur te/ gang gi tshem 'gag pa ni 'gag pa nyid ma yin pas med pas bdag nyid med pa ji ltar 'gag par byed/ ci ste 'gag pa 'gags pas rang gi bdag nyid 'gag par byed par rtog na/ de yang ji ltar 'thad par 'gyur te/ 'gags pa la gang 'gag par 'gyur pa'i rang gi bdag nyid yang 'gag par bya ba de ci yang med do/ /de ltar re zhig 'gag pa rang gi bdag nyid kyis 'gag par byed par mi 'thad do/ /gzhan gyi bdag nyid kyis kyang mi 'thad de/ ji skad du/ gal te skye ba gzhan zhig gis/ /de bskyed thug pa med par 'gyur/ /ci ste skye ba med skye na/ /thams cad de bzhin skye bar 'gyur/ /zhes smras pa de bzhin du 'gag pa yang 'gag pa gzhan zhig gis 'gag par byed dam/ 'gag pa gzhan med par 'gag par byed grang na/ de la gal te 'gag pa de dgag pa gzhan gyis 'gag par byed na de lta na thug pa med par thal bar 'gyur te/ de yang gzhan gyis 'gag par byed cing de yang gzhan gyis 'gag par byed de mdza' med par 'gyur bas de ni mi 'dod do/ /de lta bas na 'gag pa'i 'gag pa mi 'thad do// ci ste 'gag pa de 'gag pa gzhan med par 'gag go snyam na/ de la bshad par bya ste/ ci ste 'gag pa med 'gag na/ /thams cad de bzhin 'gag par 'gyur/ /ji ltar 'gag pa de 'gag pa gzhan med par 'gag pa de bzhin du

  426. 213b

    'dus byas thams cad kyang 'gag pa gzhan med par 'gag par 'gyur te/ 'gag pas gzhan 'gag par byed do/ /zhes bya ba don med pa'i rtog pa 'dis ci bya/ yang na 'di ltar 'gag pa nyid ni 'gag pa gzhan med par 'gag pa la dngos po gzhan dag ni 'gag pa med par mi 'gag go /zhes khyad par gyi gtan tshigs bstan par bya dgos na de yang mi byed pas de'i phyir 'gag pa ni 'gag pa gzhan gyis 'gag par mi 'thad do/ /de'i phyir de ltar brtags na skye ba dang gnas pa dang 'jig pa dag ji ltar yang mi 'thad do/ /mi 'thad na ji ltar 'dus byas kyi mtshan nyid du 'gyur/ de lta bas na/ skye ba dang/ gnas pa dang/ 'jig pa dag 'dus byas kyi mtshan nyid yin no/ /zhes bya ba ni rtog pa tsam du zad do/ /smras pa/ 'dus byas kyi spyi'i mtshan nyid de dag mi rung du zin kyang rang rang gi mtshan nyid kho nas 'dus byas yod de/ dpar na lkog shal dang mjug ma dang nog dang rmig pa dang rA'i mtshan nyid kyis ba lang yod pa lta bu'o/ /bshad pa/ ci khyod la log rtog pa skyes bar legs so zhes sgrogs sam/ khyod skye ba dang gnas pa dang 'jig pa med pa la 'dus byas kyi mtshan nyid ston pa byed ko /skyes dang gnas dang 'jig pa dag/ ma grub phyir na 'dus byas med/ /'di ltar skyes pa dag dang gnas pa dang 'jig pa dag rab tu grub na ni 'dus byas kyang rab tu 'grub par 'gyur grang na/ de dag rab tu mi 'grub pas skye ba dang gnas pa dang 'jig pa dag ma grub pa'i phyir 'dus byas med na gang gi mtshan nyid du 'gyur/ mtshan nyid med pa'i phyir 'dus byas mi 'thad do/ /smras pa/ dngos po rnams mtshan kho na las rab tu 'grub par ma nges kyi/ dngos po rnams ni gnyen po las kyang rab tu 'grub bar 'gyur bas 'dus byas kyi gnyen por 'dus ma byas yod pas de yod pa'i phyir 'dus

  427. 214a

    byas kyang rab tu grub pa nyid do/ /bshad pa/ ci khyod sgron mas nyi mtshol lam/ khyod 'dus ma byas kyis 'dus byas 'grub par 'dod ko /'dus byas rab tu ma grub pas/ /'dus ma byas ni ji ltar 'grub/ /gal te khyod gnyen po las 'grub par sems na 'dus ma byas kyi gnyen po 'dus byas te/ ma grub par bstan zin pas ji ltar 'dus byas rab tu grub na 'dus ma byas rab tu 'grub par 'gyur ba dang/ 'dus ma byas pas 'dus byas rab tu 'grub par 'dod pa gang yin pa de ji smros shig /smras pa/ gal te khyod la skye ba dang/ gnas pa dang/ 'jig pa dag med pa yin na ni 'dus byas yod pa ma yin par 'gyur pa zhig na/ kye ma 'du byed mi rtag ste/ skye zhing 'jig pa'i chos can yin/ /zhes gsungs pa de ji lta bu/ bshad pa/ rmi lam ji bzhin sgyu ma bzhin/ /dri za'i grong khyer ji bzhin du/ /de bzhin skye dang de bzhin gnas/ /de bzhin du ni 'jig pa gsungs/ /ji ltar rmi lam mthong ba dang/ /sgyu ma byas pa dang dri za'i grong khyer dag skyes pa dang gnas pa dang zhig par brjod kyang de dag la skye ba dang/ gnas pa dang zhig pa ci yang med pa de bzhin du bcom ldan 'das kyis 'dus byas kyi skye ba dang gnas pa dang 'jig pa dag bka' stsal mod kyi/ 'on kyang de dag la skye bar byed pa dang/ gnas par byed pa dang/ 'jig par byed pa ci yang med do/ /de bzhin du bcom ldan 'das kyis 'du byed rnams bdag med pa'i dper sgyu ma dang brag ca dang/ gzugs brnyan dang/ smig rgyu dang rmi lam dang dbu brdos pa dang/ chu'i chu bur dang/ chu shing gi phung po dag bstan te/ 'di la de bzhin nyid dam ma nor ba de bzhin nyid ni 'ga' yang med kyi/ 'di dag ni spros pa yang yin/ 'di dag ni rdzun pa'ang yin no zhes kyang gsungs so/ /chos thams cad bdag

  428. 214b

    med do zhes gsungs pa la bdag med pa zhes bya ba ni ngo bo nyid med pa'i don te/ bdag ces bya ba'i sgra ni ngo bo nyid kyi tshig yin pa'i phyir ro/ /de lta bas na 'dus byas kyi skye ba dang gnas pa dang 'jig pa'i tshig ni kun rdzob kyi bden par gyur po/ /skye ba dang gnas pa dang/ 'jig pa brtag pa zhes bya ba ste rab tu byed pa bdun pa'o// //smras pa/ khyod kyis skye ba dang/ gnas pa dang/ 'jig pa rtag pa des byas pas kho bo'i yid stong pa nyid nyams la 'bad par byas kyis/ de'i phyir da ni byed pa po dang las brtag par bya ba'i rigs so/ /bshad pa/ 'dun pa bzhin bya'o/ /smras pa/ 'di la thams cad du las dge ba dang mi dge ba yang bstan/ de'i 'bras bu yid du 'ong ba dang/ mi 'ong ba yang bstan/ de bzhin du las dge ba dang mi dge ba'i byed pa po yang bstan/ de nyid kyang de'i 'bas bu za ba por bstan te/ byed pa po med na yang las mi 'thad la/ las med na yang 'bras bu mi 'thad do/ /de ltar byed pa po dang las yod pas de yod pa'i phyir dngos po thams cad kyang rab tu 'grub par 'thad do//bshad pa/ gal te byed pa po zhig las byed par gyur na de yin par 'gyur pa 'am/ ma yin par gyur pa zhig byed par 'gyur zhing/ las kyang yin par gyur pa'am/ ma yin par gyur pa zhig bya bar 'gyur grang na/ de la/ byed po yin par gyur pa de dag las su gyur pa mi byed do/ /byed po ma yin gyur pa yang/ /las su ma gyur mi byed do/ /byed pa po yin par gyur pa ni/ /las yin par gyur pa mi byed do/ /byed pa po ma yin par gyur pa yang las ma yin par gyur pa mi byed do/ /ci'i phyir zhe na/ 'di ltar yin par gyur la bya ba med/ /las kyang byed pa med par 'gyur/ /yin par gyur las bya ba med/ /byed pa po yang las med 'gyur/ /'di la bya ba dang ldan pa kho nas byed pa po yin par 'gyur te/ 'di

  429. 215a

    ltar byed pa po kho na ni byed pa po yin gyi/ mi byed pa ni ma yin pa'i phyir ro/ /de'i phyir byed pa po gang bya ba dang ldan pa de byed pa po yin par gyur ba zhes bya ste/ byed pa po yin par gyur pa de la ni yang gang gis las byed do/ /zhes bya ba'i bya ba gzhan med do/ /ci ste yod na ni bya ba gnyis su 'gyur te/ byed pa po gcig la bya ba gnyis ni med do/ /yang gzhan yang/ las kyang byed po med par 'gyur/ /byed pa po gzhan ci yang mi byed pa de la las yod par yongs su brtag pa gang yin pa de la yang byed pa po med par 'gyur ro/ /ci'i phyir zhe na/ byed pa po las byed na las de'i byed pa por 'gyur zhing/ byed pa po byed pa des kyang las de byed pa po dang bcas par 'gyur ba yin na bya ba dang bral na byed pa po las de mi byed pa'i phyir te/ de lta bas na las de byed pa po med par thal bar 'gyur ro/ /de bzhin du las yin par gyur pa la bya ba med de/ 'di la yang bya ba dang ldan pa kho na las yin par 'gyur te/ 'di ltar bya ba kho na las yin gyi/ mi bya ba nam yin pa'i phyir ro// de'i phyir las gang bya ba dang ldan pa de las yin par 'gyur zhes bya ste/ las yin par gyur pa de la ni/ /gang gis bya ba yin no/ /zhes bya ba'i bya ba gzhan med do/ /ci ste yod na ni/ bya ba gnyis su 'gyur te/ las gcig la bya ba gnyis ni med do/ /yang gzhan yang/ byed pa po yang las med 'gyur/ las mi bya ba de la byed pa po yod par yongs su brtag pa gang yin pa de la yang las med par 'gyur ro/ /ci'i phyir zhe na/ byed pa po'i bya ba yin na byed pa po de'i las su 'gyur zhing las bya ba nges kyang byed pa po de las dang bcas par 'gyur ba yin na bya ba dang bral na las de byed pa po'i bya ba ma yin pa'i phyir te/ de lta bas na byed pa po de las med par thal bar 'gyur ro/ /de ltar na bya ba med pa'i phyir las kyang byed pa po med par

  430. 215b

    thal bar 'gyur la/ byed pa po yang las med par thal bar 'gyur bas byed pa po yin par gyur pa las yin par gyur pa mi byed do/ /byed pa po ma yin par gyur pa yang las ma yin par gyur ba mi byed do/ /ji ltar zhe na/ gal te byed por ma gyur ba/ /las su ma gyur byed na ni/ /las la rgyu med thal bar 'gyur/ /byed pa po yang rgyu med 'gyur/ /byed pa po dang las dag ma yin par gyur pa zhes bya ba ni gang dag bya ba dang bral ba dag go /de la gal te byed pa po ma yin par gyur pa bya ba dang bral ba las ma yin par gyur ba bya ba dang bral ba byed na de lta na byed pa po dang las dag rgyu med par thal bar 'gyur ro/ /ci'i phyir zhe na/ 'di ltar byed pa po bya ba dang ldan pa'i rgyu las byung ba byed pa po nyid yin la/ las kyang las nyid yin pa'i phyir ro/ /de lta bas na byed pa po dang las dag ma yin par gyur pa bya ba dang bral bar yongs su rtog na rgyu med pa nyid thal bar 'gyur ro/ /de la 'ga' yang byed pa po ma yin par mi 'gyur la gang yang las ma yin par mi 'gyur te/ de lta na 'di ni byed pa po yin no/ /'di ni las yin no/ /'di ni ma yin no/ /zhes bya ba dag mi srid par 'gyur ro/ /de dag mi srid na 'di ni bzod nams byed pa yin no/ /'di ni ma yin no/ /'di ni sdig pa byed pa yin no/ /'di ni ma yin no/ /zhes bya ba dag kyang mi 'thad par 'gyur ro/ /de dag mi 'thad na 'tshol ba'i nyes pa chen por 'gyur bas de'i byed pa po ma yin par gyur pa las ma yin par gyur pa mi byed do/ /yang na/ rgyu med na ni 'bras bu dang/ rgyu yang 'thad par mi 'gyur ro/ /rgyu med na 'bras bu cung zad kyang 'thad par mi 'gyur te/ rgyu med pa la 'bras bu ji ltar 'thad par 'gyur/ ci ste 'thad na ni glo bur du thams cad 'byung bar 'gyur zhing/ rtsom pa thams cad don med pa nyid du yang 'gyur bas de ni mi 'dod de/ de lta bas na rgyu med na 'bras bu cung zad kyang 'thad par mi 'gyur

  431. 216a

    ro/ /rgyu yang 'thad par mi 'gyur ro/ /zhes bya ba ni rgyu med na rkyen kyang 'thad par mi 'gyur ro/ /zhes bya ba'i tha tshig go /de yang ji ltar zhe na/ dngos po rgyu las byung ba rnams la rkyen kyang phan 'dogs par byed pa yin na rgyu med cing de nyid mi 'byung na rkyen rnams kyis gang la phan 'dogs par 'gyur ro/ /phan 'dogs par mi byed na ni ji ltar rkyen rnams su 'gyur/ de lta bas na rgyu med na 'bras bu yang 'thad par mi 'gyur la/ rgyu yang 'thad par mi 'gyur ro/ /de med na ni bya ba dang/ / byed pa po dang byed mi rigs/ /de med na ni zhes bya ba ni de med na ste/ 'bras bu de med na bya ba dang byed pa po dang/ byed pa dag kyang mi rigs so/ /ji ltar zhe na/ 'di la bcad par bya ba gcod pa na gcod pa pos bcad pas gcod par byed de/ de la bcad par bya ba 'bras bu yod na bcad pa'i bya ba yod cing bcad pa'i bya ba'i byed pa po gcod pa po yang yod la/ gcod pa po de yang bcad pa'i byed pas gcod par byed do/ /bcad par bya ba 'bras bu med na gzhi med pa la bcad pa'i bya ba ji ltar yod par 'gyur/ bcad pa'i bya ba med na de'i byed pa po gcod pa po yod par ga la 'gyur/ gcod pa po med na bcad pa'i byed pa ga la yod/ bya ba la sogs mi rigs na/ /chos dang chos min yod ma yin// bya ba la sogs pa mi rigs par thal bar gyur na chos dang chos ma yin pa dag kyang yod pa ma yin no/ /ci'i phyir zhe na/ 'di la chos dang chos ma yin pa lus dang ngag dang yid kyi bya ba'i khyad par can dag ni byed pa po dang bya ba la brten par 'dod pa'i phyir te/ de lta bas na/ bya ba dang byed pa po dang byed pa dag mi rigs na de dag la brten pa'i chos dang chos ma yin pa dag yod pa ma yin no/ /chos dang chos min med na ni/ /de las byung ba'i 'bras bu med/ /de ltar chos dang chos ma yin pa dag med na

  432. 216b

    chos dang chos ma yin pa de dag las byung ba'i 'bras bu yang med par thal bar 'gyur/ ci'i phyir zhe na/ sa bon la sogs pa las log rtog skyes ba bzhin du chos dang chos ma yin pa dag las 'bras bu 'grub par 'dod pa'i phyir ro/ /bya ba la sogs pa mi rigs pa'i phyir chos dang chos ma yin pa de dag med do/ /de dag med pas de las byung ba'i 'bras bu yod par ga la 'gyur/ 'bras bu med na thar pa dang/ mtho ris 'gyur ba'i lam mi 'thad/ /'bras bu med par thal bar gyur na/ mtho ris su 'gyur ba dang thar par 'gyur pa'i lam yang mi 'thad par 'gyur ro/ /ci'i phyir zhe na/ mtho ris dang byang grol dag ni chos kyi 'bras bu yin la de dag 'thob pa'i thabs ni lam yin na mtho ris dang byang grol zhes bya ba 'bras bu de dag med na lam de gang gis 'thob pa'i thabs su 'gyur/ bya ba dag ni thams cad kyang/ /don med nyid du thal bar 'gyur/ /'bras bu med pas mtho ris dang byang grol gyi lam mi 'thad par thal bar 'gyur ba 'ba' zhig tu yang ma zad kyi/ 'jig rten na zhing las la sogs pa'i bya ba gang dag yin pa de dag kyang don med pa nyid du thal bar 'gyur te/ 'jig rten ni 'bras bu'i don du bya ba de dang de dag rtsom par byed pa yin na 'bras bu de dang de dag mi 'thad cing 'bras bu med na bya ba sgrub pa dag dub? pa'i snod du zad pas don med pa nyid du thal bar 'gyur ro/ /de'i phyir de ltar rgyu med na nyes pa mang po dang chen po dag tu thal bar 'gyur bas byed pa po ma yin par 'gyur ba las ma yin par gyur pa byed do/ /zhes bya ba de ni shin gu tshig ngan pa yin no/ /de la 'di snyam du byed pa po yin pa dang ma yin par gyur pa las yin pa dang ma yin par gyur pa byed par sems na/ de la bshad par bya ste/ byed pa por gyur ma gyur pa/ /gyur ma gyur de mi byed de/ /byed pa po yin pa dang ma yin par gyur pa ni bya ba dang ldan pa dang

  433. 217a

    bya ba dang mi ldan pa'o/ /las yin pa dang ma yin par gyur pa yang bya ba dang ldan pa dang bya ba dang mi ldan pa'o/ /byed pa po yin pa dang ma yin par gyur pa las yin pa dang ma yin par gyur pa mi byed do/ /ci'i phyir zhe na/ yin dang ma yin gyur pa ni/ /phan tshun 'gal bas ga la gcig /gal te byed pa po dang las de lta bu dag srid par gyur na ni byed pa po de las de byed par yang 'gyur grang na/ yin pa dang ma yin par gyur pa ni phan tshun 'gal bar yin pas gcig na yod par ga la 'gyur te/ de lta bas na mi srid pa'i phyir dang/ /gnyi ga'i skyon ji skad bstan par thal bar 'gyur ba'i phyir byed pa po yin pa dang/ ma yin par gyur pa mi byed do/ /de ltar re zhig phyogs mthun pa gsum gyis byed pa po dang las mi 'thad de byed pa po yin par gyur pa las yin par gyur pa mi byed pa dang/ /byed pa po ma yin par gyur pa las ma yin par gyur pa mi byed pa dang/ byed pa po yin pa dang/ ma yin par gyur pa las yin par dang ma yin par gyur pa mi byed do/ /mi mthun pas kyang mi 'thad de/ 'di ltar/ byed pa po dang las dag ni/ /gyur pa ma gyur mi byed do/ /ma gyur pa yang gyur mi byed de/ /re zhig byed pa po yin par gyur pa las ma yin par gyur pa mi byed do/ /byed pa po ma yin gyur pa las yin par gyur pa mi byed do/ ci'i phyir zhe na/ 'di ltar/ 'dir yang skyon der thal bar 'gyur/ /byed pa po dang las rnam pa de lta bu dag tu yongs su rtog na ni 'dir yang gang gi phyir sngar bstan pa'i skyon byed pa po yin par gyur pa la bya ba med pa dang/ las la byed pa po med pa dang/ las yin par gyur pa la bya ba med pa dang/ byed pa po la las med pa dang/ byed pa po dang las ma yin par gyur pa dag la rgyu med par 'gyur ba de'i byed pa po yin par gyur pa las ma yin par gyur pa mi byed do/ /byed pa po ma yin

  434. 217b

    par gyur pa las yin par gyur pa mi byed do/ /byed pa po dang las dag ni/ /gyur dang bcas pa ma gyur dang/ /gyur ma gyur pa mi byed de/ /byed pa po yin par gyur pa las ma yin par gyur pa dang yin pa dang ma yin par gyur pa mi byed do/ /ci'i phyir zhe na/ gtan tshigs gong du bstan phyir ro/ /byed pa po yin par gyur pa la bya ba med pa dang/ las ma yin par gyur pa la rgyu med pa dang/ las yin pa dang ma yin par gyur pa phan tshun 'gal bas gang la gcig ces bstan pa'i phyir ro/ /byed pa po dang las dag ni/ /ma gyur pa ni gyur bcas dang/ /gyur ma gyur pa mi byed do/ /byed pa po ma yin par gyur pa las yin par gyur pa dang/ /yin pa dang ma yin par gyur pa mi byed do/ /ci'i phyir zhe na/ gtan tshigs gong du bstan phyir ro/ /byed pa po ma yin par gyur pa las rgyu med pa dang/ las ma yin par gyur pa la bya ba med pa dang/ las yin pa dang ma yin par gyur pa phan tshun 'gal bas ga la gcig ces bstan pa'i phyir ro/ /byed pa por gyur ma gyur ni/ /las su gyur dang ma gyur pa/ /mi byed/ byed pa po yin pa dang ma yin par gyur pa las yin par gyur pa dang/ ma yin par gyur pa mi byed do/ /ci'i phyir zhe na/ 'dir yang gtan tshigs ni/ /gong du bstan pas shes par bya/ /byed pa po yin pa dang ma yin par gyur pa las/ phan tshun 'gal bas ga la gcig ces bya ba dang/ las yin par gyur pa la bya ba med pa dang/ las ma yin par gyur pa la rgyu med par 'gyur ro/ /zhes bstan pa dag gis shes par bya'o/ /de ltar phyogs mi mthun pa drug gis kyang byed pa po dang las mi 'thad de/ yin par gyur pa ma yin par gyur pa mi byed pa dang/ ma yin par gyur pa yin par gyur pa mi byed pa dang/ yin par gyur pa ma yin par gyur pa dang/ yin pa dang ma yin par gyur pa mi byed pa dang/ ma yin par gyur pas yin par gyur

  435. 218a

    pa dang/ yin pa dang ma yin par gyur pa mi byed pa dang/ yin pa dang ma yin par gyur pa yin par gyur pa dang/ ma yin par gyur pa mi byed de/ de lta bsan byed pa po 'di las 'di byed do zhes bya ba de ji ltar yang mi 'thad do/ /smras pa/ byed pa po 'di las 'di byed do zhe 'am/ mi byed zhes bya ba des kho bo la ci bya/ yod ni re zhig byed pa po dang las yod do/ /bshad pa/ ci khyod til mar 'dod la dgon pa'i til ka tshol lam/ khyod byed pa po dang las zhes bya ba'i ming tsam gyis dga' zhing ci yang mi byed pa byed pa por 'dod la mi bya ba las su 'dod ko /bya ba gzhan mi 'thad pas de dag yod par brtag pa don med par 'gyur du nges te/ de lta bu'i rang bzhin can ni byed pa po yang ma yin la de lta bu'i rang bzhin can ni las kyang ma yin pas 'dir gang bden par gyur pa de nyid gzung bar bya ba'i rigs pa snyam/ smras pa/ gal te de ltar byed pa po yang med la/ las kyang med na khyod kyis rgyu med pa'i skyon du thal bar 'gyur ro/ /zhes gang dag bstan pa de dag thams cad khyod la rjes su 'brel par mi 'gyur ram/ bshad pa/ mi 'gyur te/ kho bo ni byed pa po dang las dag med pa nyid du mi smra'o/ kho bos de dag gi bya ba yin par gyur pa dang/ ma yin par gyur pa yongs su rtog pa spangs pa de byas te/ kho bo ni byed pa po dang las dag brten nas gdags par 'dod de/ de yang ji ltar zhe na/ byed po las la brten byas zhing/ /las kyang byed po de nyid la/ /brten nas 'byung ba ma gtogs par/ /'grub pa'i rgyu ni ma mthong ba/ /byed pa po ni las la brten cing las la gnas/ las la bltos nas byed pa po zhes gdags shing brjod do/ /de'i las kyang byed pa po de nyid la brten nas byung zhing de'i las zhes gdags shing brjod do/ /de'i phyir de gnyis ni bltos pa can du gdags pa yin gyi/ ngo bo nyid du grub pa

  436. 218b

    dang ma grub pa med do/ /de'i phyir de ltar de gnyis yod pa nyid dang med pa nyid du khas ma blangs pas dbu ma'i lam du gdags pa yin no/ /dgags pa de ma gtogs par de gnyis 'grub pa'i mtshan nyid gzhan ma mthong ngo/ /de bzhin nyer len shes par bya/ /nyer len zhes bya ba ni dngos por lta ste/ gang la dngos po yod pa de la byed pa po du ma yod pas 'dir nye bar blangs pa dang nye bar len pa po bzung bar 'dod par bya'o/ /de la ji ltar/ byed pa po las la brten nas gdags pa de bzhin du/ nye bar len pa po yang nye bar blang ba la brten nas gdags so/ /ji ltar las byed pa po de nyid la brten nas gdags pa de bzhin du nye bar blang pa yang nye bar len pa po de nyid la brten nas gdags te/ de gnyis la yang de ma gtogs par 'grub pa'i mtshan nyid ma mthong ngo/ /de yang/ ji ltar zhe na/ las dang byed pa po bsal phyir ro/ /bsal ces bya ba ni bkag pa'o/ /phyir ro zhes bya ba ni gtan tshigs kyi don te/ byed pa po dang las de dag sngar rnam pa du mang bsal bar byas pas de dag bsal ba kho nas nye bar len pa po dang nye bar blang pa bdag gi 'grub pa'i mtshan nyid gzhan yang bsal bar shes par bya'o/ /de la ji ltar byed pa po yin par gyur pa las yin par gyur pa mi byed/ byed pa po ma yin par gyur pa las ma yin par gyur pa mi byed/ byed pa po yin pa dang ma yin par gyur pa las yin pa dang ma yin par gyur pa mi byed de/ skyon du mang thal bar 'gyur ba'i phyir ro zhes bya ba de bzhin du nye bar len pa po yang nye bar len pa po yin par gyur pa nye bar blang pa yin par gyur pa nye bar len par mi byed/ nye bar len pa po ma yin par gyur pa te bar blang pa ma yin pa dang ma yin par gyur pa nye bar len par mi byed de/ skyon du mar thal bar 'gyur ba'i phyir ro/ /phyogs mi mthun pa dag la yang de bzhin du

  437. 219a

    sbyar ro/ /byed pa po dang las dag gis/ /dngos po lhag ma shes par bya/ /byed pa po las dag dang dngos po lhag ma rnams mtshungs par shes par bya'o/ /nye bar len pa logs shig tu smros pa ni gtso bo yin pa'i phyir dang/ don 'og ma dag gi phyir te/ de la dngos po lhag ma rnams ni rgyu dang 'bras bu dang yan lag dang yan lag can dang/ me dang bud shing dang/ yon tan dang yon tan can dang/ mtshan nyid dang/ mtshan nyid kyi gzhi dang/ rnam pa de lta bu go de la rgyu yin par gyur pa 'bras bu yin par gyur pa mi bskyed/ rgyu ma yin par gyur pa 'bras bu ma yin par gyur pa mi bskyed/ rgyu yin pa dang/ ma yin par gyur pa 'bras bu yin pa dang/ ma yin par gyur pa mi bskyed de/ phyogs thams cad la yang de bzhin du sbyar bar bya zhing/ skyon du thal bar 'gyur ba ji skad smos pa dag kyang bstan par bya'o/ /rgyu yang 'bras bu bskyed par byed pa ma yin par 'gyur ba zhes bya'o/ /de las gzhan pa ni ma yin par gyur pa'o/ /'bras bu yang skyed par bya ba na yin par gyur pa zhes bya'o/ /de las gzhan pa ni ma yin par 'gyur pa'o/ /de bzhin du yan lag dang yan lag can dag la yang lta bar bya ste/ yan lag yin par gyur pa yan lag can yin par gyur pa dag la mi 'jug /ma yin par gyur pa yang ma yin par gyur pa dag la mi 'jug /yin pa dang ma yin par gyur pa yang yin pa dang ma yin par gyur pa dag la mi 'jug go /me yin par gyur par yang bud shing yin par gyur pa mi sreg ma yin par gyur pa yang ma yin par gyur pa mi sreg yin pa dang ma yin par gyur pa yang yin pa dang ma yin par gyur pa mi sreg go /yon tan yin par gyur pa yang yon tan can yin par gyur pa la mi 'jug /ma yin par gyur pa yang ma yin par gyur pa la mi 'jug /yin pa dang

  438. 219b

    ma yin par gyur pa yang yin pa dang ma yin par gyur pa la mi 'jug go /mtshan nyid yin par gyur pa yang mtshan nyid kyi gzhi yin par gyur pa mtshon par mi byed/ ma yin par gyur pa yang ma yin par gyur pa mtshon par mi byed/ yin pa dang ma yin par gyur pa yang yin pa dang/ ma yin par gyur pa mtshon par mi byed do/ /ji ltar byed pa po las la brten nas gdags la/ las kyang byed pa po nyid la brten nas gdags pa de bzhin du 'bras bu yang rgyu la brten nas gdags la/ rgyu yang 'bras bu de nyid la brten nas gdags/ /yan lag can yang yan lag la brten nas gdags la/ yan lag kyang yan lag can de nyid la brten nas gdags so/ /me yang bud shing la brten nas gdags la/ bud shing yang me de nyid la brten nas gdags so yon tan can yang yon tan la brten nas gdags la/ yon tan yang yon tan can de nyid la brten nas gdags so/ /mtshan nyid kyi gzhi yang mtshan nyid la brten nas gdags la/ /mtshan nyid kyang mtshan nyid kyi gzhi de nyid la brten nas gdags so/ /de ltar de dag la bstos te gdags pa ma gtogs par rnam pa gzhan gang gis kyang de dag 'grub par mi 'thad do/ /byed pa po dang las brtag pa zhes bya ba ste rab tu byed pa brgyad pa'o// //bam po bzhi ba/ smras pa/ de bzhin nyer len shes par bya/ zhes gang bshad pa de la smra bar bya ste/ /lta dang nyan la sogs pa dang/ /tshor sogs dang yang dbang byas pa/ /gang gi yin pa de dag gi/ snga rol de yod kha cig smra/ /lta dang nyan la sogs pa dang/ /zhes bya ba ni lta ba dang nyan pa la sogs pa'o/ /lta ba dang nyan pa la sogs pa dang/ tshor ba la sogs pa dag gang gi nye bar blang pa yin pa'i dngos po de lta ba dang nyan pa la sogs pa dang/ tshor ba la sogs pa de dag gi snga rol na yod do zhes kha

  439. 220a

    cig de skad ces smra'o/ /de ci'i phyir zhe na/ /dngos po yod pa ma yin na/ /lta la sogs pa ji ltar 'gyur/ /de phyir de dag snga rol na/ /dngos po gnas pa de yod do/ /dngos po yod pa ma yin na lta ba la sogs pa dag ji ltar nye bar blang pa yin par 'gyur/ de'i phyir mi 'thad pas lta ba la sogs pa de dag gi snga rol na lta ba la sogs pa dag gang gi nye bar blang pa yin pa'i dngos po gnas pa de yod do/ /nye bar len pa po de yod na nye bar blang pa yang bltos pas gdags su yod pa yin na de la khyod ni? zer/ bshad pa/ lta dang nyan la sogs pa dang/ /tshor ba la sogs nyid kyi ni/ /snga rol dngos po gang gnas pa/ /de ni gang gis gdags par bya/ /'di la lta ba dang nyan pa la sogs pa dang/ tshor ba la sogs pa dag gis lta ba po dang/ nyan pa po dang/ tshor ba po zhes dngos po gdags par bya ba yin na lta ba la sogs pa dang/ tshor ba la sogs pa dag gi snga rol na lta ba la sogs pa dag gang gi nye bar blang pa zhes brjod pa'i dngos po yod do/ /zhes brtag pa'i dngos po de 'di ltar gnas te/ yod do zhes gang gis gdags par bya/ smras pa/ de ni lta ba la sogs pa dag med par yang rang nyid kyis rab tu grub par yod do/ /bshad pa/ lta la sogs pa med par yang/ gal te de ni gnas gyur na/ /de med par yang de dag ni/ /yod par 'gyur par the tshom med/ /lta ba la sogs pa dag med par yang gal te dngos po de rang nyid kyis rab tu grub cing gnas pa yod do/ /zhes brjod na/ dngos po de med par yang lta ba la sogs pa de dag rang nyid kyis rab tu grub cing gnas pa yod par 'gyur bar the tshom med do/ /smras pa/ lta ba la sogs pa dag kyang de med par gnas par gyur na skyon ci yod/ bshad pa/ thams cad skyon yid du 'gyur te/

  440. 220b

    ci'i phyir zhe na/ lta ba la sogs pa dag med pa'i dngos po gsal bar byed pa med par gnas pa med par 'gyur ba dang/ de med na lta ba la sogs pa dag kyang gsal bar byed pa med par gnas par 'gyur ba'i phyir ro/ /gang gi phyir de dag ni/ ci yid gang zhig gsal bar byed/ /gang gis ci zhig gsal bar byed/ /lta ba la sogs pa ci zhig po dag gis dngos po gang zhig lta ba po dang nyan pa po dang tshor pa po zhes gsal bar byed de/ gsal bar byed ces bya ba ni/ /mngon par byed pa dang/ gzung bar byed pa dang/ shes par byed ces bya ba'i tha tshig go /dngos po gang zhig pos kyang lta ba la sogs pa ci zhig po dag 'di ni lta ba'o/ /'di ni nyan pa'o/ /'di ni tshor ba'o/ /zhes gsal bar byed do/ /de ltar gang gi phyir lta ba la sogs pa dag gis dngos po gsal bar byed la/ dngos pos kyang lta ba la sogs pa dag gsal bar byed pa de'i phyir/ ci med gang zhig ga la yod/ /gang med ci zhig ga la yod/ /lta ba la sogs pa ci zhig po dag med na gsal bar byed pa med pa'i dngos po gang zhig po gnas par 'gyur ba ga la yod/ /dngos po gang zhig po med na yang gsal bar byed pa med pa'i lta ba la sogs pa ci zhig po dag gnas par 'gyur ba ga la yod de /de lta bas na/ lta ba la sogs pa ci zhig po dag gi snga rol na dngos po gang zhig po gnas pa med do/ /smras pa/ lta la sogs pa thams cad kyi/ /snga rol gang zhig yod pa min/ /lta ba la sogs pa ci zhig po thams cad kyi snga rol na dngos po gang zhig po yod do/ /zhes ni mi smra'i/ 'di ltar lta ba la sogs pa ci zhig po dag re re'i snga rol na dngos po gang zhig po yod pas de'i phyir de ni/ lta la sogs pa gzhan dag gis/ /gzhan kyi tshe na gsal bar byed/ /gang gi phyir de lta ba la sogs

  441. 221a

    pa thams cad kyi snga rol na yod pa ma yin gyi/ lta ba la sogs pa dag re re'i snga rol na yod pa de'i phyir de ni lta ba la sogs pa gzhan dang gzhan gyi dus gzhan gyi tshe na lta pa po dang nyan pa po dang/ tshor ba po zhes gsal bar byed do/ /de lta bas na de ni lta ba la sogs pa dag gi snga rol na med pa yang ma yin la/ gsal bar byed pa med pa yang ma yin no/ /bshad pa/ rang gi blo gros yang bar ston par zad de gyin zhig smras so/ /lta la sogs pa thams cad kyi// snga rol gal te yod min na/ /lta la sogs pa re re yi/ /snga rol de ni ji ltar yod/ /lta ba la sogs pa thams cad kyi snga rol na gal te yod pa ma yin na lta ba la sogs pa re re'i snga rol na yang de yod pa ma yin par nges so/ /ci ste re re'i snga rol na yod na ni thams cad kyi snga rol na yang de 'od par gsal lo/ /ci ste/ gang gi tshe lta ba'i snga rol na yod pa de'i tshe na nyan pa la sogs pa dag gi snga rol na med pa yin na de dag gi snga rol na med pa gang yin pa de ji ltar nyan pa'i snga rol na med pa bzhin du lta ba spangs te/ nyan pa'i snga rol na yod par 'gyur/ de lta bas na re re'i snga rol na yod kyi/ thams cad kyi snga rol na med do/ /zhes bya ba de ni gyi na'o/ /yang gzhan yang/ gal te re re'i snga rol na/ /lta po de nyid nyan po de/ /tshor ba po yang de nyid 'gyur/ /de ni de ltar mi rigs so/ /gal te de lta ba la sogs pa re re'i snga rol na yod par gyur na de lta ba po yang de nyid yin la/ nyan pa po yang de nyid yin/ tshor ba po yang de nyid yin par 'gyur te/ de de ltar na mi rigs so/ /ci'i phyir zhe na/ skyes bu skar khung lo? dad par 'gro ba bzhin du bdag dbang po gzhan du 'gro bar thal bar 'gyur pa'i phyir te/ bdag ni dbang po gzhan gang du 'gro bar mi 'dod do/ /ci ste bdag dbang po gzhan du 'gro bar thal

  442. 221b

    pa der gyur na mi rung ngo snyam pas lta ba po yang gzhan nyid yin la/ nyan pa po yang gzhan nyid yin/ tshor ba po yang gzhan nyid yin par rtog na/ de la yang bshad par bya ste/ gal te lta po gzhan nyid la/ /nyan pa po gzhan tshor gzhan na/ /lta po'i tshe na nyan po yod/ /bdag kyang mang po nyid du 'gyur/ /gal te lta ba po yang gzhan nyid yin la/ nyan pa po yang gzhan nyid yin/ tshor ba po yang gzhan nyid yin par gyur na de lta na lta ba po'i tshe na nyan pa po dang tshor ba po yang yod par 'gyur te/ ji ltar zhe na/ gang gi phyir lta ba la sogs pa re re'i snga rol na de dag yod par 'dod pa'i phyir ro/ /kho bo'i lta ba po yang gzhan nyid yin la/ nyan pa po yang gzhan nyid yin/ /tshor ba po yang gzhan nyid yin no/ /zhes zer bas de lta na bdag kyang mang po nyid du thal bar 'gyur ro/ /ci ste gzhan nyid kyang yin la lta ba po'i tshe na nyan pa po dang/ tshor ba po med na de lta na yang bdag mi rtag pa nyid dang/ bdag mang po nyid du yang thal bar 'gyur bas de yang mi 'dod do/ /de lta bas na lta ba la sogs pa re re'i snga rol na yod pa dang/ lta ba la sogs pa gzhan dang gzhan gyis gsal bar byed do zhes gang smras pa de ni rigs pa ma yin no/ /smras pa/ lta ba la sogs pa dag gi snga rol na bdag yod ba nyid do/ /ci'i phyir zhe na/ 'di la ming dang gzugs kyi rkyen gyis skye mched drug ces gsungs la/ gzugs zhes bya ba ni 'byung ba chen po bzhi po dag yin pas de'i phyir 'byung ba'i rkyen gyis skye mched drug 'byung la/ 'byung ba de dag kyang bdag gi nye bar blang ba yin no/ /de lta bas na/ 'byung ba nye bar len pa po 'byung pas gsal bar byas pa'i bdag gnas pa yod na skye mched drug 'byung zhing rim kyis tshor ba la sogs pa dag kyang 'byung bas de na lta ba la sogs pa dag gi snga ngo na dngos po gnas pa yod do/ /zhes bya ba de

  443. 222a

    'thad do/ /bshad pa// lta dang nyan la sogs pa dang/ /tshor ba dag la sogs pa yang/ /gang las 'gyur ba'i 'byung de la'ang/ /de ni yod pa ma yin no/ /lta dang nyan la sogs pa dang/ /tshor ba la sogs pa dag rim gyis gang dag las/ 'gyur ba'i 'byung ba de dag la yang khyod kyis brtags pa'i dngos po de ni yod pa ma yin no/ /ci'i phyir zhe na/ 'byung ba nye bar len pa po yin pa'i phyir te/ 'byung ba nye bar len pa po de yang 'byung ba dag gi snga rol na gsal bar byed ba med pas mi 'thad do/ /gang 'byung ba dag gi snga rol na yod pa ma yin pa de ji ltar 'byung ba dag gi nye bar len pa por 'gyur/ de lta bas na 'byung ba dag la yang de yod pa ma yin na lta ba la sogs pa dag gi snga rol na yod par ga la 'gyur/ smras pa/ lta ba la sogs pa dag gi snga rol na de yod kyang rung med kyang rung ste/ yod ni re zhig lta ba la sogs pa dag ni yod de/ khyod kyi sngar ci med gang zhig gang la yod/ /gang med ci zhig ga la yod/ /ces smras pas/ de'i phyir lta pa la sogs pa ci zhig po dag yod do/ /gang zhig med na ci zhig kyang med pas de'i phyir lta ba la sogs pa ci zhig po dag gang gi yin pa'i dngos po gang zhig po de yang yod do/ /bshad pa/ gang med ci zhig ga la yod/ /ces bya ba des de'i lan btab zin to/ /ji ltar zhe na/ lta dang nyan la sogs pa dang/ /tshor ba dag la sogs pa yang/ /gang gi yin pa gal te med/ /de dag kyang ni yod ma yin/ /lta ba la sogs pa ci zhig po dag pa'i snga rol na dngos po gang zhig pa med po zhes bya ba de ni sngar bstan zin to/ /gang med ci zhig gal yod ces bya ba de yang bstan zin te/ de'i phyir gal te lta ba la sogs pa ci zhig po dag rab tu sgrub par byed cing lta ba la sogs pa dag gang gi yin par 'gyur ba gang zhig po de

  444. 222b

    nyid med na lta ba la sogs pa dag rab tu 'grub par ga la 'gyur te/ gang gi lta ba la sogs par 'gyur/ de lta bas na dngos po gang zhig po med pa'i phyir lta ba la sogs pa ci zhig po dag kyang med la/ lta ba la sogs pa ci zhig po dag med na khyod kyi dngos po gang zhig po yod par ga la 'gyur/ smras pa/ ci khyod kyi dngos po gang zhig po med po de shin tu nges par yin nam/ bshad pa/ gang zhig lta la sogs pa yi/ /snga rol da ltar phyi na med/ /de la yod do med do zhes/ /rtog pa dag ni ldog par 'gyur/ /gang zhig po lta ba la sogs pa dag gi pha rol dang lta ba la sogs pa dag dang/ da ltar lhan cig dang/ da ltar lhan cig dang/ lta ba la sogs pa dag gi phyi dus rnam pa thams cad du btsal na/ de 'di'o zhes rang gis rab tu grub pa med pa de la lta ba la sogs pa dag gis yod do med do zhes gdags pa'i rtog pa dag ldog par 'gyur te/ re zhig rang nyid rab tu ma grub pa'i phyir yod do zhes ji skad brjod par nus/ lta ba la sogs pa dag gi gsal bar byed pa'i phyir? de med do zhes kyang ji skad brjod par nus te/ de'i phyir de la yod do/ /med do zhes rtog pa dag mi 'thad do/ /de lta bas na byed pa po dang las dag bzhin du nye bar len pa de yang gdags par zad kyi/ de ma gtogs par 'grub pa gzhan mi 'thad do/ /nye bar len pa po dang nye bar blang ba brtag pa zhes bya ba ste rab tu byed pa dgu pa'o// //smras pa/ me dang bud shing dag bzhin du/ nye bar len pa po dang nye bar blang ba dag rab tu 'grub kyi byed pa po dang las dag bzhin du rab tu mi 'grub pa ni ma yin no/ /bshad pa/ gal te mi dang bud shing rab tu grub na ni de dag kyang rab tu 'grub par 'gyur grang na/ gang gi tshe me dang bud shing dag byed pa bo dang las dag kho na bzhin du rab tu mi 'grub pa de'i tshe nye bar len pa po

  445. 223a

    dang/ nye bar blang ba dag ji ltar rab tu 'grub par 'gyur/ gal te me dang bud shing dag ngo bo nyid kyis rab tu grub par gyur na/ gcig pa nyid dam gzhan nyid du rab tu 'grub par 'gyur grang na/ gnyi ga ltar yang mi 'thad do// ji ltar zhe na/ gal te shing de me yin na/ /byed pa po dang las gcig 'gyur/ /gal te re zhig bud shing gang kho na yin pa de nyid me yin par rab tu rtog na/ de lta na byed pa po dang las gcig pa nyid du thal bar 'gyur te/ de la me ni sreg par byed pa'o/ /zhes bya ba dag mi srid par 'gyur ro/ /ci ste gcig pa nyid yin yang de dag srid na ni me ni sreg par byed pa'o/ /bud shing ni sreg par bya ba'o zhes bya ba dag kyang srid par 'gyur ba zhig na mi srid pas de lta bas na de gnyis gcig pa nyid du mi 'thad do/ /de la bud shing las me gzhan nyid yin par sems na/ de la bshad par bya ste/ gal te shing las me gzhan na/ shing med par yang 'byung bar 'gyur/ /gal te bud shing las me gzhan nyid yin par gyur na/ bud shing med cing bud shing ma gtogs pa kho nar yang mi 'byung bar 'gyur ba zhig na/ bud shing med par me mi 'byung bas de lta bas na de nyid gzhan nyid du yang mi 'thad do/ /yang gzhan yang/ rtag tu 'bar ba nyid du 'gyur/ /'bar byed med pa'i rgyu las byung/ /rtsom pa don med nyid du 'gyur/ /de ltar yin na las kyang med/ /gal te bud shing las me gzhan nyid yin par gyur na rtag tu 'bar ba nyid du 'gyur te/ 'di ltar 'bar byed med pa'i rgyu las byung ba'i phyir ro/ /de'i 'bar bar byed pa'i rgyu gang yin pa de ni 'bar byed kyi rgyu'o/ /'bar bar byed pa'i rgyu med pa ni 'bar byed med pa'i rgyu las byung ba ste/ 'bar bar byed pa med pa kho nar me 'byung bar 'gyur ro/ /zhes bya ba'i tha tshig go /rtsom pa don med pa nyid du yang 'gyur

  446. 223b

    ro/ /de lta yin na las med pa'i mer yang 'gyur te/ me zhes bya ba 'di ni sreg par byed pa'o zhes bya ba de lta bu'i las bstan du med par yang 'gyur ro/ /smras pa/ me 'bar byed med pa'i rgyu las byung bar 'gyur ro/ /zhes gang bshad pa de ji lta bu/ bshad pa/ gzhan la bltos pa med pa'i phyir/ /'bar byed med pa'i rgyu las byung/ /gang gi phyir bud shing las me gzhan nyid yin par gyur na bud shing med par yang 'byung bar thal bar 'gyur ba de'i phyir gzhan la bltos pa med pa yin te/ 'di ltar me bud shing la bltos na ni gzhan la bltos pa dang bcas par 'gyur na de yang de la bud shing med pas gzhan la bltos pa med pa yin la/ gzhan la bltos pa med pa'i phyir 'bar byed med pa'i rgyu las byung bar 'gyur ro/ /'bar byed rtag tu 'bar pa nyid yin na/ /rtsom pa don med nyid du 'gyur/ thal bar 'gyur te/ 'di ltar me 'bar byed la bltos na ni 'bar byed med na ni 'chi bar 'gyur ba zhig na/ de la 'bar byed de yang med pas rtag tu 'bar ba nyid du yang thal bar 'gyur ro// rtag tu 'bar pa nyid yin na/ /rtsom pa don med nyid du 'gyur/ /me rtag tu 'bar pa nyid yin na ni dbyung ba dang spang ba la sogs pa rtsam pa dag don med pa nyid duAng 'gyur ro/ /de lta bas na las med par yang thal bar 'gyur zhing/ rnam pa de lta bu ni mi 'thad pa me med pa nyid du yang thal bar 'gyur ro/ /de la gal te 'di snyam du/ /sreg shing bud shing yin sems na/ /de la gal te la las 'di snyam du gang gi phyir mes khyab cing mes sreg bzhin pa bud shing yin pa de'i phyir gzhan nyid yin yang me la bud shing med pa ma yin gyi/ bud shing dang bcas pa nyid yin pas de la bud shing med par thal bar gyur na/ skyon gang dag bstan pa de dag tu mi 'gyur bar sems na/ de la bshad par bya ste/ gang tshe de rtsam de yin na/ /gang gis bud shing

  447. 224a

    de sreg byed/ /gang gi tshe sreg bzhin pa de tsam na de nyid yin zhing gzhan gang dang ldan pas kyang bsreg bzhin pa ma yin na bud shing gi gnas skabs kyi snga rol na me zhes bya ba gang gis khyab cing gang gi sreg bzhin pa na bud shing yin par 'gyur ba gzhan de gang yin/ sreg bzhin pa'i gnas skabs nyid la yang ci bud shing gang kho na yin pa de nyid me yin nam/ 'on te me yang gzhan la bud shing kyang gzhan zhes bsam pa 'di 'byung la/ khyod kyis kyang sreg bzhin pa'i gnas skabs nyid la mes khyab cing mes sreg bzhin pa bud shing yin no zhes smras pa de'i tshe gang gi phyir mes khyab cing mes sreg bzhin pa bud shing yin pa de'i phyir me la bud shing med pa ma yin no/ /zhes bya ba de ji skad smras ba rigs/ de lta bas na gzhan nyid yin na yang skyon du thal bar 'gyur ba de dag so na gnas bzhin no/ /yang gzhan yang/ gzhan na mi phrad phrad med na/ /sreg par mi 'gyur mi sreg na/ /'chi bar mi 'gyur 'chi ba na/ /rang gi brtags dang ldan par gnas/ /me gzhan yin na bud shing dang mi phrad par 'gyur ro/ /phrad pa med na de sreg par mi 'gyur ro/ /ci ste phrad pa med kyang sreg par 'gyur na ni phyogs gcig na 'dug pas 'gro ba mdza' dag sreg par 'gyur bas de'i phyir phrad pa de mi 'thad pas gzhan nyid yin yang sreg bzhin pa na bud shing yin no/ /zhes gang smras pa de mi 'thad do/ /mi sreg na 'chi bar mi 'gyur ro/ /ci'i phyir zhe na/ 'di ltar mes bud shing sreg na ni bud shing zad pas 'chi bar yang 'gyur ba zhig na/ mi sreg pa la 'chi ba rgyu med pa las byung ba ji ltar 'byung bar 'gyur/ mi 'chi na ni gzhan la mi bltos pa 'bar byed med pa'i rgyu las byung brtag tu 'bar ba dang gang gi brtags dang ldan pa ther zug tu gnas pa nyid du gnas par 'gyur ro/ /yang na ni

  448. 224b

    de bud shing las gzhan ma yin par 'gyur ro/ /smras pa/ me gzhan yin na bud shing dang mi phrad par 'gyur ro/ /zhes gang bshad pa de la smra bar bya ste/ gal te shing las me gzhan yang/ shing dang phrad du rung bar 'gyur/ /gal te bud shing las ma? gzhan yin na yang bud shing dang phrad du rung bar 'gyur ro/ /ji ltar zhe na/ ji ltar bud med skyes pa dang/ skyes pa'ang bud med phrad pa bzhin/ /bshad pa/ gal te me dang shing dag ni/ /gcig gis gcig ni bsal gyur na/ /shing las me gzhan n id yin yang/ /shing dang phrad par 'dod la rag /gal te me dang bud shing dag skyes pa dang bud med dang bzhin du gcig gis gcig gsal bar gyur na ni bud shing las me gzhan nyid yin yang khyod kyi yid la bsam pa bzhin du ji ltar bud med skyes pa dang phrad pa dang/ skyes pa bud med dang phrad pa bzhin du bud shing dang phrad par yang 'dod la rag na gang gi tshe sreg bzhin pa'i gnas skabs nyid la bsam pa 'di 'byung ba de'i tshe me dang bud shing phrad par 'gyur ro/ /zhes bya ba de 'thad par ga la 'gyur smras pa/ 'dir de gnyis gcig pa nyid kyang ma yin la/ gzhan nyid kyang ma yin pa gang yin pa de nyid rigs pas de gnyis gcig pa nyid dam/ gzhan nyid du ma gyur kyang smra ste/ re zhig me dang bud shing dag ni rab tu grub pa yin no/ /bshad pa/ de ni bzhad gang po nar 'gyur te/ gang dag dngos po gcig pa dang/ dngos po gzhan pa nyid du ni/ /grub par gyur pa yod min pa/ /de gnyis grub pa ji ltar yod/ /smras pa/ phan tshun bltos pa las bud shing la bltos nas med yin la/ me la bltos nas bud shing yin no/ /bshad pa/ gal te shing bltos me yin pa/ /gal te me bltos shing yin na/ /gang la bltos pa'i me dang shing/ /dang por grub pa gang zhig yin/ /gal te bud shing la bltos nas me yin la/ /me la bltos nas kyang bud shing

  449. 225a

    yin na/ gang la bltos nas me yin par 'gyur ba 'am/ bud shing yin par 'gyur ba de gnyis las dang por grub pa gang yin/ de la 'di snyam du bud shing dang por grub pa de la bltos nas me yin par sems na/ de la bshad par bya ste/ gal te shing bltos me yin na/ me grub pa la sgrub bar 'gyur/ /gal te bud shing dang por grub pa la de bltos nas me yin par 'gyur na de lta na me grub zin pa la yang sgrub par 'gyur ba yin no/ /ci'i phyir zhe na/ 'di ltar me grub na bud shing la bltos bar 'thad kyi/ me ma grub cing med na ji ltar bud shing la bltos par byed de/ de'i phyir bud shing med par yang me rang gis grub pa bltos par nus pa la khyod yang bud shing la bltos nas rab tu 'grub par 'gyur ba don med pa yod dam/ yang gzhan yang/ bud par bya ba'i shing la yang/ /me med par ni 'gyur ba yin/ /de lta na bud shing la yang me med par 'gyur ba yin no/ /'di ltar bud shing yang grub na me la bltos par 'thad kyi/ bud shing ma grub cing med na ji ltar me la bltos par byed de/ /de'i phyir bud shing de nyid kyang me med par rang gis rab tu grub par thal bar 'gyur ba la khyod yang me la bltos nas rab tu 'grub pa don med pa la rtog par byed dam/ de lta bas na/ de gnyis ni phan tshun bltos te 'grub par mi 'thad do/ /de bzhin du me sngar grub pa la bltos nas bud shing 'grub par rtog na yang skyon dang ldan par 'gyur ro/ /smras pa/ ci ma smras pa la skyon de lta bu 'dogs par byed dam/ gang gi tshe kho bos de dag phan tshun bltos te 'grub po zhes smras pa de'i tshe de dag la dang por grub pa gang yin zhes bya ba dang/ gal te de dag las gang yang rung ba dang por grub par gyur na phan tshun bltos pa nyid mi 'grub bo zhes bya ba de dag gang gi lan yin/ bshad pa phan

  450. 225b

    tshun bltos te 'grub par rtog na gang yang rung ba dang por 'grub par mi 'dod du zin kyang de lta na phan tshun bltos pa 'grub par mi 'thad do/ /ji ltar zhe na/ gal te dngos po gang bltos 'grub/ /de nyid la yang bltos nas ni/ /bltos bya gang yin de 'grub na/ /gang la bltos nas gang zhig 'grub/ /gal te sgrub par bya ba'i dngos po gang yin pa ni dngos po gzhan la bltos nas 'grub cing bsgrub par bya ba'i dngos po de nyid la yang bltos nas sgrub par bya ba grub par bya ba'i phyir bltos par bya ba'i dngos po gzhan gang yin pa de 'grub na/ 'o na grub par 'dod pa gang la bltos nas gang zhig 'grub pa de smros shig /ci khyod kyi rna lam du skye bo mkhas pa'i kha nas brjod pa'i tshig de dag ni phan tshun bltos pa dag yin la/ phan tshun bltos pa dag ni mi 'grub bo zhes bya ba de sngan chad ma grags sam/ dper na gru la gru rton pa gcig gi skyabs su gcig mi 'gyur ba bzhin no/ /gang gi phyir de lta yin na khyod ngo tsha bor te de dag phan tshun bltos te 'grub bo zhes gsang bstod de smra'am/ re zhig mnyam par bzhag pa'i yid kyis legs par soms la de smros shig /dngos po bltos 'grub gang yin pa de ma grub na ji ltar bltos/ dngos po gang dngos po gzhan la bltos te 'grub bo zhes brjod pa'i dngos po de ma grub cing/ med na ji ltar bltos par byed de ma grub cing med pa la yang ji ltar bltos par bya/ ci ste grub pa bltos she na/ ci ste yang khyod grub pa nyid gzhan la bltos kyi/ ma grub pa la ni mi bltos la grub pa la yang ci zhig bltos par sems na/ de la bshad par bya ste/ de ni bltos par mi rigs so/ /dngos po grub cing yod pa yang grub par bya ba'i phyir gzhan la bltos pa ni don med pa'i phyir mi rigs/ /dngos po grub cing yod pa la gzhan la bltos bas ci bya/ grub cing yod pa la gzhan bltos pas kyang ji ltar 'gyur/ de lta bas na grub pa dang

  451. 226a

    ma grub pa dag bltos par mi 'thad pa'i phyir me dang bud shing dag bltos te 'grub par mi 'thad do/ /me dang bud shing gi skabs su dngos po'i tshig smos pa ni me dang bud shing dag kyang dngos po yin pa'i phyir te/ 'og nas kyang bum snam la sogs lhan cig tu zhes 'byung ngo/ /de'i phyir 'di ni dngos po thams cad rtag pa nyid yin pa'i phyir dngos po zhes smos so/ /shing la bltos pa'i me med de/ /shing la ma bltos me yang med/ /me la bltos pa'i shing med de/ / me la ma bltos shing yang med/ /de'i phyir de ltar rigs pa sngon du btang ste yang dag pa ji lta ba bzhin du brtags na bud shing la bltos pa'i me med de/ me dang bud shing grub pa dang/ ma grub pa dag bltos par mi 'thad pa'i phyir ro// bud shing la ma bltos pa'i me yang med de gzhan la bltos pa med pa dang/ 'bar byed med pa'i rgyu las byung ba dang/ rtag tu 'bar bar thal bar 'gyur ba'i phyir ro/ /da ni me la bltos pa'i bud shing yang med de/ me dang bud shing grub pa dang ma grub pa dag bltos par mi 'thad pa'i phyir ro/ /me la ma bltos pa'i bud shing yang med de/ 'di ltar me med cing sreg bzhin pa ma yin pa bud shing du ji ltar 'gyur/ ci ste 'gyur na ni bud shing ma yin par 'gyur ba ci yang med de/ de ni mi 'dod pas de'i phyir me la ma bltos pa'i bud shing yang med do/ /me ni gzhan las mi 'ong ste/ shing la'ang me ni yod ma yin/ /me ni gzhan gang las kyang mi 'ong ste/ ci'i phyir zhe na/ 'di ltar de gzhan las 'od bar rnam par brtag pa gang yin pa de yang bud shing dang bcas par ram/ bud shing med par 'ong grang na/ de lta na de la yang bsam pa dang skyon du thal ba de dag nyid du 'gyur ba de dag nyid du 'gyur bas gzhan las 'ong bar brtag pa don med par 'gyur ro/ bud shing

  452. 226b

    la yang me yod pa ma yin te/ ci'i phyir zhe na/ mi dmigs pa'i phyir dang/ rtsom pa don med pa nyid du 'gyur ba'i phyir ro/ /gsal ba dang chen po nyid kyang snga na med pa'i phyir 'bras bu snga na med par thal bar 'gyur ro/ /gal te til dag la til mar bzhin no zhe na/ de yang mi rung ste/ til ni brdung ba dang snum pa dag yin pa'i phyir dang/ til mar ni gzhan du dmigs pa'i phyir ro/ /song dang ma song bgom pa yis/ /de bzhin shing la lhag ma bstan/ /rnam pa de dag gis de bzhin du bud shing la yang brjod pa lhag ma dag bstan par khong du chud par bya'o/ /rnam pa gang gis shes na song ba dang ma song ba dang bgom pa'i rnam pa dag gis te/ ji ltar song ba la 'gro ba med pa dang/ ma song ba la med pa dang/ bgom pa la 'gro ba med pa de bzhin du bud shing bsregs pa la yang sreg pa med/ ma bsregs pa la yang med sreg bzhin pa la yang sreg pa med do/ /ji ltar song ba la 'gro ba'i rtsom pa med pa dang/ ma song ba la med pa dang/ bgom pa la 'gro ba'i rtsom pa med pa de bzhin du bsregs pa la yang sreg pa'i rtsom pa med/ ma bsregs pa la yang med/ sreg bzhin pa la yang sreg pa'i rtsom pa med do/ /ji ltar 'gro ba po 'gro bar mi byed pa dang/ 'gro ba po ma yin pa mi byed pa dang/ 'gro ba po yin pa dang/ 'gro ba po ma yin pa 'gro bar mi byed de/ med pa nyid kyi phyir ro/ /zhes bya ba de bzhin du me yang sreg pa po yang sreg par mi byed/ sreg pa po ma yin pa yang mi byed/ sreg pa po yin pa yang sreg par mi byed de/ med pa nyid kyi phyir ro/ /de bzhin du lhag ma rnams kyang drang bar bya'o/ /shing nyid me ni ma yin te/ /shing las gzhan la me yang med/ /me ni shing dang ldan ma yin/ /me la shing med der de med/ /re zhig bud shing gang kho na yin pa de nyid me ma yin te/ byed pa po dang las dag gcig pa nyid kyi skyon du thal bar

  453. 227a

    'gyur ba'i phyir ro/ /bud shing las gzhan la yang me med de/ gzhan la mi bltos pa 'di la sogs pa'i skyon du thal bar 'gyur ba'i phyir ro/ /me bud shing dang ldan pa yang ma yin te/ ci'i phyir zhe na/ ldan pa'i rkyen 'di me dang bud shing dag gcig pa nyid dam/ gzhan nyid la yod grang na/ de dag gi de gnyig bsal zin pa'i phyir ro/ /smras pa/ mi rung ste/ 'jig rten na mthong ba'i phyir ro/ /'di ltar de ni 'jig rten na me 'di ni bud shing dang ldan no/ / me 'di ni bud shing med pa'o//zhes bya bar mthong/ bshad pa/ 'di ni de kho na bsam pa yin pas 'di la 'jig rten pa'i brjod pa gang la 'di ni bdag dang ldan no/ /zhes kyang zer ba dag gis ci bya/ /ma la bud shing dag rdza bon rgya shug ltar yod pa yang ma yin la/ bud shing dag la me chu na pad+ma dag ltar yod pa yang ma yin te/ ci'i phyir med ce na/ gzhan nyid kyi skyon du 'gyur ba'i phyir ro/ /me dang shing gis bdag dang ni/ /nye bar blang ba'i rim pa kun/ /bum snam la sogs lhan cig tu/ /ma lus par ni rnam par bshad/ /me dang bud shing dag gis bdag dang nye bar blang ba dag gi gcig pa nyid dang/ gzhan nyid dang phan tshun bltos par mi 'thad pa'i rim pa thams cad bum pa dang snam bu la sogs pa dag dang lhan cig tu ma lus par rnam par bshad par khong du chud par bya ste/ 'di lta ste/ ji ltar me bud shing dang gcig pa nyid kyang ma yin gzhan nyid du yang mi 'thad phan tshun bltos te/ grub pa yang mi 'thad pa de bzhin du bdag kyang nye bar blang ba dang gcig pa nyid kyang ma yin/ gzhan nyid du yang mi 'thad/ phan tshun bltos te 'grub par yang mi 'thad do/ /ji ltar me gzhan las kyang mi 'ong bud shing la yang yod pa ma yin pa de bzhin du bdag kyang gzhan las kyang mi 'ong/ nye

  454. 227b

    bar blang ba la yang yod pa ma yin no/ /ji ltar bud shing nyid kyang me ma yin/ bud shing las gzhan la yang me med/ me bud shing dang ldan pa yang ma yin no/ /me la bud shing dag yod pa yang ma yin/ bud shing dag la me yod pa yang ma yin pa de bzhin du nye bar blang ba dag kyang bdag ma yin/ nye bar blang ba las gzhan pa yang bdag med/ bdag nye bar blang ba dang ldan pa yang ma yin/ /bdag nye bar blang ba dag yod pa yang ma yin/ nye bar blang ba dag la bdag yod pa'ang ma yin no/ /ji ltar mes bud shing bsregs pa la yang sreg pa med ma bsreg pa la yang med/ sreg bzhin pa la yang sreg pa med pa dang/ ji ltar mes sreg pa la yang sreg pa'i rtsom pa med ma bsregs pa la yang med/ sreg bzhin pa la yang sreg pa'i rtsom pa med pa dang/ ji ltar mes sreg pa po yang sreg par mi byed/ sreg pa po ma yin pa yang mi byed/ sreg pa po yin pa dang/ sreg pa po ma yin pa yang sreg par mi byed de/ med pa nyid kyi phyir ro// zhes bya ba de bzhin du bdag gis nye bar blang ba nye bar blang ba la yang nye bar len pa med/ nye bar ma blangs pa la yang med/ nye bar len bzhin pa la yang nye bar len pa med cing/ de bzhin du bdag gis nye bar blangs pa la yang nye bar len pa'i rtsom ba med/ nye bar ma blangs pa la yang med/ nye bar len bzhin pa la yang nye bar len pa'i rtsom pa med la/ de bzhin du bdag nye bar len pa po yang nye bar len par mi byed/ nye bar len pa po ma yin pa yang mi byed/ nye bar len pa po yin pa dang/ nye bar yin pa po ma yin pa yang nye bar len par mi byed de/ med pa nyid kyi phyir ro/ /bum snam la sogs pa lhan cig tu zhes bya ba ni me dang bud shing dag gis bdag dang nye bar blang ba dag gi rim pa gang dag rnam par bshad pa de dag bum pa dang snam bu la sogs

  455. 228a

    pa dag dang yang lhan cig tu rnam par bshad de/ bdag dang nye bar blang ba dag dang bum pa dang/ snam bu la sogs pa dag gi rim pa thams cad ma lus par rnam par bshad do/ zhes bya ba'i tha tshig go /de la bum pa dang snam bu la sogs pa dag ni/ rgyu dang 'bras bur gyur pa dang/ yan lag dang/ yan lag can du gyur pa dang/ yon tan dang/ yon tan can du gyur pa dang/ mtshan nyid dang/ mtshan nyid kyi gzhir gyur ba rnam pa de lta bu dag tu shes par bya'o/ /'di lta ste/ 'jim pa nyid bum pa ma yin te/ 'jim pas 'bras bu bum pa byed pa med par 'gyur ba'i phyir ro/ /'jim pa las bum pa gzhan nyid kyang ma yin te/ gzhan la bltos pa med pa rtag pa nyid du thal bar 'gyur ba'i phyir ro/ /de dag phan tshun bltos par yang mi 'grub ste/ grub pa dang ma grub pa dag bltos par mi 'thad pa'i phyir ro/ /lo ma nyid shing ljon pa ma yin te/ lo ma lhags na shing ljon pa 'jig par thal bar 'gyur ba'i phyir ro/ /lo ma las shing ljon pa gzhan nyid kyang ma yin te/ gzhan la bltos pa med pa rtag pa nyid du thal bar 'gyur ba'i phyir ro/ /de dag phan tshun bltos par yang mi 'grub ste/ grub pa dang ma grub pa dag bltos par mi 'thad pa'i phyir ro/ /sngon po nyid lo ma ma yin te/ sngon po yal na lo ma yin par thal bar 'gyur ba'i phyir ro/ /sngon po las lo ma gzhan nyid kyang ma yin te/ lo ma lhags kyang sngon po gnas par thal bar 'gyur ba'i phyir ro/ /de dag phan tshun bltos bar yang mi 'grub ste/ grub pa dang ma grub pa dag bltos par mi 'thad pa'i phyir ro/ /mtshan nyid mtshan nyid kyi gzhi ma yin te/ sgrub pa dang bsgrub par bya ba tha dad pa'i phyir dang/ grangs tha dad pa'i phyir ro/ /mtshan nyid las mtshan nyid kyi gzhi gzhan nyid kyang ma yin te/ dngos po mtshon

  456. 228b

    par bya ba ma yin pa rab tu mi 'grub pa'i phyir ro/ /de dag phan tshun bltos par yang mi 'grub ste/ grub pa dang ma grub dag bltos par mi 'thad pa'i phyir ro/ /ji ltar me gzhan las mi 'ong ba dang/ bud shing yang me yod pa ma yin pa dang/ bud shis nyid me ma yin pa dang/ bud shing las gzhan la yang me med pa dang/ me bud shing dang ldan pa yang ma yin pa dang/ me la bud shing dag med pa dang/ bud shing dag la me med par bstan pa de bzhin du 'bras bu yang gzhan las mi 'ong ba dang rgyu la yang 'bras bu yod pa ma yin pa dang/ rgyu nyid 'bras bu ma yin ba dang/ rgyu las gzhan la yang 'bras bu med pa dang/ 'bras bu rgyu dang ldan pa ma yin pa dang/ 'bras bu la rgyu ngag med pa dang/ rgyu dag la 'bras bu med pa'o/ /de bzhin du thams cad pa yang ji ltar srid pa bzhin du sbyar bar bya'o/ /de'i phyir de ltar ngo bo nyid kyis bdag dang dngos po rnams rnam pa du mar mi 'thad pa na rtog pa'i rang bzhin can ma yin pa mkhas pa'i nga rgyal can/ gang dag bdag dang dngos po rnams/ /de bcas nyid dang tha dad par/ /ston pa de dag bstan don la/ /mkhas so snyam du mi sems so/ /gang dag bdag de dang bcas pa nyid tha dad pa dang/ dngos po rnams de dang bcas pa nyid dang tha dad par ston pa de dag bstan pa'i don la mkhas pa yin par kho bo mi sems so/ /de bcas zhes bya ba ni de dang bcas pa'o/ /de dang bcas pa'i dngos po ni de dang bcas pa nyid do/ /bdag de dang bcas pa'i dngos po ni bdag de dang bcas pa nyid do/ /dngos po rnams de dang bcas pa'i dngos po rnams de dang bcas pa nyid do/ /gang gis bdag gam dngos po rnams su gdags pa de dang bcas pa nyid de ni bdag nyid dam dngos po rnams yin te/ tha dad par gyur pa ma yin/ /zhes bya ba'i tha tshig go/ 'di lte ste nye bar blang ba gang gis bdag tu gdags pa'i nye bar

  457. 229a

    blang ba de nyid dang bcas pa de ni bdag nyid yin gyi/ 'ba' zhig ni ma yin te/ gang dag bdag nye bar blang ba dang bcas pa'i dngos po de de dang bcas pa nyid du ston par byed pa dang/ gang dag bdag tha dad par gyur pa lta ba la sogs pa dag gi snga rol na dngos po 'ga' zhig gnas pa yod do/ /zhes ston par byed pa dang/ de bzhin du dngos po rnams la yang bud shing gang gis mer gdags pa'i bud shing de nyid dang bcas pa de ni me nyid yin gyi/ 'ba' zhig ni ma yin te/ gang dag me bud shing dang bcas pa'i dngos po de de dang bcas pa nyid du ston par byed pa dang/ de bzhin du gang dag yon tan can lo ma yon tan sngon po la sogs pa de dag dang bcas pa nyid na lo ma yin gyi/ 'ba' zhig ni ma yin no/ /zhes ston par byed pa dang/ de bzhin du gang dag 'bras bu snam bu yang rgyu spun de dag dang bcas pa nyid na 'bras bu yin gyi 'ba' zhig ma yin no/ /zhes ston par byed pa dang/ de bzhin du gang dag yan lag can lus kyang yan lag lag pa la sogs pa de dag dang bcas pa nyid na yan lag can yin gyi 'ba' zhig ni ma yin no/ /zhes ston par byed pa dang/ de bzhin du gang dag mtshan nyid kyi gzhi pa lang yang mtshan nyid rwa la sogs pa de dag dang bcas pa nyid na mtshan nyid kyi gzhi yin gyi/ 'ba' zhig ni ma yin no/ /zhes ston par byed pa dang/ gang dag dngos po rnams tha dad pa nyid du ston te/ me yang gzhan nyid la bud shing yang gzhan nyid yin/ yon tan can lo ma yang gzhan nyid la yon tan sngon po la sogs pa dag kyang gzhan nyid yin/ 'bras bu snam bu yang gzhan nyid la rgyu spun dag kyang gzhan nyid yin/ yan lag can lus kyang gzhan nyid la yan lag lag pa la sogs pa dag kyang gzhan nyid yin/ mtshan nyid kyi gzhi ba lang yang gzhan nyid la mtshan nyid rwa la sogs pa dag kyang gzhan nyid yin no zhes ston

  458. 229b

    pa khyed pa de dag ni bstan pa'i don la mkhas pa yin no/ /snyam du kho bo mi sems so/ /ci'i phyir zhe na/ de dang bcas pa'i dngos po ni de dang bcas pa nyid do/ /zhes bya ba gang yin pa de yang gcig pa nyid dam gzhan nyid dang bcas pa'i dngos po zhig yin grang na/ gnyi ga ltar yang mi 'thad de tshigs su bcad pa gong mar bstan zin pa'i phyir dang/ 'dod chags dang chags pa brtag pa'i rab tu byed par yang gcig na lhan cig yod min te/ zhes rgyas par bstan pas lhan cig nyid dgag pa grub pa'i phyir ro/ /me dang bud shing brtag pa zhes bya ba ste rab tu byed pa bcu pa'o// //smras pa/ bdag ni yod pa kho na yin no/ /ci'i phyir zhe na/ 'khor ba yod pa'i phyir te/ 'di la bcom ldan 'das kyis/ dam chos rnam par mi shes pa'i/ /byis pa la ni 'khor ba ring/ /zhes gsungs so/ /de bzhin du dge slong dag de lta bas na khyod kyi 'khor ba zad par bya ba'i phyir nan tan bya zhing de ltar bslab par bya'o/ /zhes kyang bka' stsal to/ /de'i phyir/ gang ring bar bstan pa dang/ gang zad par bya ba'i phyir nan tan bya ba'i bstan pa'i 'khor ba de yod do/ /med du zin na ji ltar ring ba dang zad par 'gyur/ de lta bas na/ ring pa dang zad par gsungs pas 'khor ba yod do/ /'khor ba yod na 'khor ba po yang yong bar mngon no/ /ci'i phyir zhe na/ 'ongs shing 'ongs shing yang dang yang der 'gro bas na/ 'khor ba zhes bya ba'i phyir te/ gang 'ongs shing 'ongs shing 'gro ba de ni bdag yin no/ /de'i phyir bdag ni yod ba kho na yin no/ /bshad pa/ ci khyod kyis sbrang rtsi mthong la g.yangs ma mthong dam/ khyod kyis 'khor ba ring ba dang zad par gsungs pa mthong la/ gang gi phyir bcom ldan 'das kyis bka' stsal pa gzhan di ma mthong ngo/ /sngon mdza' mngon nam zhes zhus tshe/ thub pa chen pos min zhes gsungs//

  459. 230a

    'khor ba thog ma tha med de/ bcom ldan 'das thams pa zhes bya ba dngos po 'ba' zhig yod par gyur na de la thog dag 'khor ba la thog ma dang tha ma med de/ sngon gyi mdza' mi mngon no/ /zhes bka' stsal pas de'i phyir thog ma dang tha ma med par gsungs pas bcom ldan 'das kyis 'khor ba yang ngo bo nyid stong par bstan to/ /'di ltar gal te 'khor ba pa zhes bya ba dngos po 'ba' zhig yod par gyur na de la thog ma yang yod pa/ tha ma yang yod par 'gyur ba the tshom med de/ 'di ltar dngos po yod pa la thog ma med pa dang tha ma med par ji ltar 'gyur/ de lta bas na 'jig rten gyi tha snyad kyi dbang gis 'khor ba ring pa dang/ zad par gsungs kyi/ bcom ldan 'das kyis don dam pa bstan pa'i dbang gis ni de la sngon med phyi ma med ces gsungs so/ /de lta bas na thog ma dang tha ma med par gsungs pas 'khor ba zhes bya ba dngos po 'ga' yang mi 'thad do/ /de med na 'khor ba po ji lta bu zhig 'thad par 'gyur/ smras pa/ de ltar 'khor ba'i thog ma dang tha ma bkag tu zin kyang/ dbus ma bkag pas de yod pa'i 'khor ba yod pa kho na ste/ 'di ltar dngos po med pa la dbus yod par ji ltar 'gyur/ de lta bas na dbus yod pa'i phyir 'khor ba yod pa kho na'o/ /'khor ba yod pa'i phyir 'khor ba po yang yod pa kho na'o/ /bshad pa/ gal te dbus nyid yod par gyur na ni dbus yod pa'i phyir 'khor ba yang yod par 'gyur grang na/ de'i dbus nyid mi 'thad pas de yod pa'i phyir 'khor ba yod par ga la 'gyur/ gang la thog med tha med pa/ /de la dbus nig la yod/ /gang la thog ma dang tha ma med pa de la dbus yod par ji ltar 'gyur/ 'di ltar thog ma dang thal la bltos nas dbus 'grub par 'gyur ba yin na/ de la thog ma dang tha

  460. 230b

    ma de yang med de/ de med pa'i phyir de'i dbus yod par ga la 'gyur/ slob dpon 'phags pa lhas kyang/ thog ma dbus dang tha ma rnams/ skye ba'i snga rol mi srid de/ /gnyis gnyis dag ni ma gtogs par/ /re res rtsom par ji ltar 'gyur/ zhes gsungs so/ /de phyir de la snga phyi dang/ /lhan cig rim pa mi 'thad do/ /de'i phyir de la snga phyi dang lhan cig gi go rim dag mi srid do/ /de ltar gang gi phyir 'khor ba la thog ma dang dbus dang tha ma dag med pa de'i phyir 'khor ba po'i skye ba dang rga shi dag la yang snga phyi lhan cig gi rim pa dag med do/ /de dag ji ltar zhe na/ gal te skye ba sngar gyur pa/ /rga shi 'phyi ba yin na ni/ /skye ba rga shi med pa dang/ ma shi bar yang skye bar 'gyur/ gal te skye ba snga bar gyur la/ de'i 'og tu 'phyis rga shi 'byung ba yin na de lta na skye ba de la rga shi med par 'gyur ro/ /de la rga shi med na phyis rga shig las 'ong bar 'gyur/ ci ste 'ong na ni rga shi gzhi med par thal bar 'gyur ro/ /de dang phrad du zin na yang de la cing yang mi 'gyur te/ ngo bo nyid kyis rga shi med pa'i phyir ro/ /yang gzhan yang/ ma shi ba yang skye bar 'gyur te/ 'di ltar skye ba snga par brtag na de sngar gzhan du ma shi bar 'dir skye bar thal bar 'gyur ro/ /de lta na 'khor ba thog ma dang ldan par 'gyur te/ de yang mi 'dod pas de'i phyir skye ba snga la rga shi 'phyi bar mi 'thad do/ /ci ste skyon der gyur na mi rung ngo snyam pas rga shi snga ma kho na yin la/ skye ba 'phyi'o zhe na/ de la bshad par bya ste/ gal te skye ba 'phyi gyur la/ /rga shi snga ba yin na ni/ /skye ba med pa'i rga shi ni/ /rgyu med par ni ji ltar 'gyur/ /gal te de'i rga shi snga bar gyur la/ skye ba 'phyi bar gyur na de lta na gzhi med pa'i rga shi rgyu med par thal bar 'gyur bas de yang mi 'dod do/ /'di ltar ma skyes shing med pa'i

  461. 231a

    rga shi med cing rgyu med par ji ltar 'byung bar 'gyur/ skyes shing yod pa la rga shi bstan par rigs so/ /de lta bas na skye ba 'phyi la rga shi snga bar yang mi 'thad do/ /smras pa/ de dag la snga phyi med de/ de ni rga shi dang rjes su 'brel bzhin pa? kho nar skye'o/ /bshad pa/ skye ba dang ni rga shi dag /lhan cig rung ba ma yin no/ /skye ba dang rga shi dag lhan cig nyid du 'gyur bar mi 'thad do/ /ci ste 'gyur na ni/ skye bzhin pa na 'chi 'gyur zhing/ /gnyi ga rgyu med can du 'gyur gal te skye ba dang rga shi dag lhan cig nyid du gyur na de lta na skye bzhin pa nyid na/ 'chi bar 'gyur bas de yang mi 'thad de/ 'di ltar skye ba dang 'gag pa mi mthun pa gnyis gnyis gcig la dus gcig tu ji ltar 'byung bar 'gyur/ yang gzhan yang/ gnyi ga rgyu med pa can du 'gyur te/ gal te skye ba dang rga shi dag lhan cig nyid du 'byung bar gyur na de'i skye ba 'chi ba sngon du 'gro ba ma yin cing/ de'i skye ba snga bar thal bar 'gyur ro/ /skye ba snga bar gyur na rgyu med pa can du thal bar 'gyur te/ slob dpon 'phags pa 'jigs med kyis kyang/ gal te las las lus skye la/ /lus ma gtogs par las med na/ sngon lus las las ma skyes pa/ /gang gi rgyus ni skyes par gyur/ ces gsungs so/ /de ltar lhan cig tu skye na de'i rga shi skye ba la mi bltos par rang las rab tu grub pa dang/ rga shi gzhi med pa dang/ rgyu med pa can du thal bar 'gyur bas de yang mi 'dod de/ skyon du mar thal bar 'gyur ba'i phyir ro/ /de lta bas na/ skye ba dang rga shi dag? lhan cig tu yang mi 'thad do/ /de'i phyir de ltar 'dir khyod kyis brtags pa'i 'khor ba la skye ba dang rga shi dag gi snga phyi dang lhan cig gi rim pa dag mi srid de/ de med na skye ba dang rga shi med pa'i bdag ces

  462. 231b

    bya ba gang yang 'khor bar 'gyur de gang yin/ smras pa/ de dag la snga phyi dang lhan cig rim pa dag yod kyang rud med kyang rung ste/ yod ni skye ba dang rga shi dag ni re zhig yod do/ /de dag kyang gzhi med pa ma yin pas 'ga' zhig kho na'i yin te/ 'ga' zhig yod pa nyid de ni bdag yin pas bdag ni yod pa kho na'o/ /bshad pa/ gang la snga phyi lhan cig gi/ rin pa de dag mi srid pa'i/ /skye ba de dang rga shi de/ /ci'i phyir na spros par byed/ /de ltar rigs pa sngon du btang ste brtags na skye ba gang na rga shi gang la snga phyi dang lhan cig gi rim pa dag mi srid cing med pa de la khyod skye ba ni de yin rga shi ni de yin/ zhes ci'i phyir spros par byed cing brjod par byed/ gal te skye ba 'am/ rga shi 'ga' zhig yod par gyur na de snga ba 'am/ 'phyi ba 'am/ lhan cig tu 'gyur par nges na/ skye ba dang rga shi yod do zhes bya ba de dag la snga phyi dang lhan cig gi rim pa dag med pas rang bzhin du gnas pa su zhig de skad brjod par byed/ sems pa dang bcas pa su zhig 'dzin par byed/ de lta bas na skye ba dang rga shi dag mi 'thad do/ /de med na bdag yod par ji ltar 'thad par 'gyur de'i phyir bdag tu smra bar rigs pa dang 'gal ba de mthong zhig/ rgyu dang 'bras bu nyid dang ni/ mtshan nyid dang ni mtshan gzhi nyid/ /tshor dang tshor po nyid dang ni/ /don yod gang dag ci yang rung/ /ji ltar brtags na skye ba dang/ /rga shi dag gi snga phyi dang lhan cig gi rim pa dag mi 'thad pa de bzhin du rgyu dang 'bras bu dang mtshan nyid dang/ mtshan nyid kyi gzhi dang/ tshor ba dang tshor ba po dang/ don gzhan gang dag ci yang rung ba rnam par grol ba dang/ mya ngan las 'das pa dang/ shes pa dang/ shes bya dang/ tshad ma dang/ gzhan bya la sogs pa yod par brtags pa de dag thams cad la yang snga phyi dang lhan cig gi rim pa dag mi 'thad do/ /

  463. 232a

    ji ltar zhe na/ re zhig gal te 'bras bu snga bar gyur la/ rgyu 'phyi bar gyur na/ de lta na 'bras bu rgyu med pa can du 'gyur ro/ /'bras bu yod na yang rgyus ci bya ste rgyur brtags pa don med pa nyid du yang thal bar 'gyur ro/ /cio ste rgyu snga bar gyur la 'bras bu 'phyi bar gyur na de lta na yang rgyu 'bras bu med pa can du 'gyur bas de yang mi 'thad de/ 'di ltar 'bras bu med na ji ltar rgyur 'gyur/ ci ste 'gyur na ni de lta na rgyu ma yin par gang yang mi 'gyur ro/ /ci ste rgyu dang 'bras bu dag lhan cig tu gyur na de lta yang skyon de nyid de/ gnyi ga rgyu med pa can du 'gyur ba dang/ 'bras bu la mi bltos pa kho nar rang las rab tu grub par 'gyur ba dang/ 'bras bu yang rgyu la mi bltos pa kho nar rang las rab tu grub par 'gyur bas de yang mi 'thad do/ /de bzhin du gal te mtshan nyid snga bar gyur la/ mtshan nyid kyi gzhi 'phyi bar gyur na de lta na yang mtshan nyid kyi gzhi ma skyes na de gang gi mtshan nyid du 'gyur/ 'dis mtshon par byed pas mtshan nyid ces bya na 'dis gang mtshon par bya ba'i mtshan nyid kyi gzhi de yang ma skyes pas med de/ de med na mtshon par mi byed pa de ji ltar mtshan nyid du 'gyur/ ci ste yang mtshan nyid kyi gzhi snga bar gyur la mtshan nyid 'phyi bar gyur na de lta na yang mtshan nyid kyi gzhi mtshan nyid med pa can du thal bar 'gyur bas de yang mi 'thad de/ 'di ltar mtshan nyid med pa'i dngos po ji ltar yod par 'gyur/ ci ste 'gyur na ni ri bong gi ra la sogs pa yang yod par 'gyur ro/ /mtshan nyid du brtag pa don med pa nyid du yang 'gyur te/ mtshan nyid kyi gzhi rab tu sgrub pa'i phyir mtshan nyid du 'dod pa yin na de la gal te mtshan nyid de med pa nyid du yang mtshan nyid kyi gzhi grub na de la yang mtshan nyid kyis ci bya/ ci ste yang/ mtshan nyid dang mtshan nyid kyi gzhi dag lhan

  464. 232b

    cig tu gyur na/ de lta na yang skyon de nyid de gnyi ga rgyu med pa can nyid du 'gyur ba dang/ mtshan nyid kyi gzhi yang mtshan nyid la mi bltos pa kho nar rang las rab tu grub par 'gyur bas de yang mi 'thad do/ /de bzhin du gal te tshor ba po snga bar gyur la tshor ba 'phyi bar gyur na/ de lta na yang tshor ba med cing ma skyes na de gang gi tshor ba por 'gyur/ tshor bar byed pa na tshor ba po yin na tshor ba de nyid ni ma skyes te/ de med na des ci zhig tshor bar byed/ tshor bar mi byed na ni ji ltar tshor ba por 'gyur/ ci ste 'gyur na ni thams cad kyang bde ba dang sdug bsngal thams cad dang ma phrad par tshor ba por 'gyur bas de yang mi 'thad do/ /ci ste yang tshor ba snga bar gyur la tshor ba po 'phyi bar gyur na de lta na yang tshor bar mi byed bzhin du tshor bar 'gyur bas de yang mi 'thad de/ 'di ltar tshor bar mi byed pa ji ltar tshor bar 'gyur/ ci ste 'gyur na ni gang yang gang gi tshe gang du tshor ba dang bral bar mi 'gyur bas de yang mi 'dod do/ /ci ste yang tshor ba dang tshor ba po dag lhan cig nyid du rtog na/ de lta lna yang skyon de nyid de gnyi ga rgyu med pa can du 'gyur ba dang/ tshor ba po tshor ba la mi bltos pa kho nar tshor bar mi byed bzhin du rang las rab tu grub par 'gyur ba dang/ tshor ba yang tshor ba po la mi bltos pa khon sus kyang tshor bar mi byed bzhin du rang las rab tu grub par 'gyur bas de yang mi 'thad do/ /de bzhin du gal te rnam par grol bas mya ngan las 'das pa snga bar gyur na/ kun nas nyon mongs pa dang bcas pa yang mya ngan las 'das par 'gyur te/ de lta na su yang mya ngan las ma 'das par mi 'gyur bas de yang mi 'thad de/ ci ste rnam par grol bas mya ngan las 'das pa 'phyi bar gyur na ni mya ngan las 'das pa ma thob pa nyid du yang rnam par grol bar 'gyur te/ de lta na yang mya nga

  465. 233a

    las 'das pa ma thob pa thams cad rnam par grol bar 'gyur zhing/ rnam par grol nas 'phyis mya ngan las 'da' ba don med pa nyid du yang 'gyur ro/ /mya ngan las 'das pa ni ma skyes pa ma byung ba zhes bya na/ sngon ma byung la 'phyis byung bar gyur na skye ba can dang mtshungs par yang 'gyur bas de yang mi 'dod do/ /ci ste yang rnam par grol ba dang/ mya ngan las 'das pa gnyis lhan cig nyid du gyur na de lta na yang skyon de nyid de gnyi ga rgyu med pa can nyid du 'gyur pa dang/ rnam par grol ba mya ngan las 'das pa la mi bltos pa kho na rang las rab tu grub par 'gyur ba dang/ mya ngan las 'das pa yang rnam par grol ba la mi bltos pa kho nar rang las rab tu grub par 'gyur pas de yang mi 'thad do/ /de bzhin du shes pa dang/ shes bya dang/ tshad ma dang/ gzhal bya la sogs pa dag la yang blta par bya'o/ /'khor ba 'ba' zhig sngon gyi mdza' / /yod ma yin pa ma yin gyi/ /dngos rnams thams cad nyid la yang/ /sngon gyi mdza' ni yod ma yin/ /gang gi phyir de ltar yang dag pa ji lta ba bzhin du brtags na dngos po thams cad la snga phyi dang/ lhan cig rim pa dag mi 'thad pa de'i phyir 'khor ba 'ba' zhig la sngon gyi mdza' yod pa ma yin par ma zad kyi/ dngos por 'dod pa thams cad la yang sngon gyi mdza' yod pa ma yin pas dngos por snang ba ni sgyu ma dang/ smig rgyu dang/ dri za'i grong khyer dang/ gzugs brnyan bzhin du grub po 'khor ba brtag pa zhes bya ba ste rab tu byed pa bcu gcig pa'o// /kham po lnga pa/ smras pa/ bdag ni yod pa kho na yin te/ ci'i phyir zhe na/ sdug bsngal yod pa'i phyir ro/ /'di na lus dang dbang po 'byung ba ni sdug bsngal yin no/ /zhes bya bar thams cad kyis shes la/

  466. 233b

    bcom ldan 'das kyis kyang/ mdor na nye bar len pa'i phung po lnga sdug bsngal lo/ /zhes gsungs pas de'i phyir sdug bsngal yod do/ /gzhi med par sdug bsngal yod par mi rigs pas sdug bsngal de gang gi yin pa de 'ga' zhig kyang yod de/ sdug bsngal de gang gi yin pa de ni bdag yin pas de'i phyir bdag ni yod pa kho na yin no/ /bshad pa/ gal te sdug bsngal nyid 'thad na ni bdag kyang yod pa zhig na/ sdug bsngal nyid mi 'thad pas bdag yod pas ga la 'gyur ro/ ji ltar zhe na/ kha cig sdug bsngal bdag gis byas/ /gzhan gyis byas dang gnyi gas byas/ /rgyu med pa las byung bar 'dod/ /de ni bya bar mi rung ngo/ /'di la sdug bsngal du smra ba rnams la kha cig ni sdug bsngal bdag gis byas par 'dod/ kha cig ni sdug bsngal gzhan gyis byas par 'dod/ kha cig ni sdug bsngal bdag dang gzhan gyis byas par 'dod/ kha cig sdug bsngal rgyu med pa las glo bur kho nar byung bar 'dod de/ de ltar sdug bsngal bdag dang/ gzhan dang/ gnyi gas byas par smra ba rnams kyi sdug bsngal de ni bdag dang/ gzhan dang/ gnyi gas byas pa'i phyir bdag dang gzhan dang gnyi ga'i bya ba yin pas thal bar 'gyur te/ de ni bya bar mi rung ngo/ /sdug bsngal de ni de dag gi bya ba yin par mi rigs so/ /phyi'i? phyir zhe na/ gal te sdug bsngal bdag nyid kyis byed par gyur na yod pa'am/ med pa zhig byed par 'gyur grang na/ de la re zhig gal te sdug bsngal yod pa bdag nyid kyis byed do/ /zhes rtog na/ de ni mi rigs te/ 'di ltar sdug bsngal yod pa yang ci bya dgos/ ci ste byed na ni yod pa ma yin no/ /sdug bsngal yod pa bdag nyid kyis byed pa gang yin pa de ni rgyu med pa las byung bar 'gyur ba 'am/ de yang bdag nyid kyis bya ba na/ de lta na thug pa med par thal par 'gyur pas

  467. 234a

    de ni mi 'dod do/ /ci ste sdug bsngal med pa bdag nyid kyis byed do/ /zhes bya bar rtog na/ ji ltar med pa bdag nyid kyis bdag nyid byed par 'gyur/ ci ste byed na ni ri bong gi rwas kyang bdag nyid byed par 'gyur ro/ /de ltar re zhig sdug bsngal bdag gis byas par mi rigs so/ /sdug bsngal ma byas shing med pa la gzhan yod par ga la 'gyur te/ gzhan med pa kho na'i phyir sdug bsngal gzhan gyis byas par mi rigs so/ /'di nyid kyis bdag dang gzhan gyis byas par mi rigs pa kho nar yang rnam par bshad pa yin no/ /yang gzhan yang/ gal te bdag gis byas gyur na/ de phyir brten las 'byung mi 'gyur/ /gang phyir phung po 'di dag la/ /brten nas phung po de dag 'byung bar 'gyur te/ bcom ldan 'das kyis kyang rnam par shes pa'i rkyen gyis ming dang gzugs zhes gsungs te/ sdug bsngal bdag gis byas par gyur na sdug bsngal rgyu dang rkyen gyi dbang gis 'byung bar mi 'gyur bas de'i phyir sdug bsngal bdag gis byas bar mi rigs so/ /smras pa/ de de bzhin te sdug bsngal bdag gis ma byas te/ 'di ltar sdug bsngal gzhan gyis byas so/ /ji ltar zhe na/ gang gi phyir phung po gzhan du gyur pa 'di dag la brten nas phung po de dag 'byung ba'i phyir ro/ /bshad pa/ sdug bsngal gzhan gyis byas ? yin pa nyid de/ ci'i phyir zhe na/ gal te de las 'di gzhan zhing/ /gal te 'di las de gzhan na/ /gzhan de dag gis 'di byas pas/ /sdug bsngal gzhan gyis byas par 'gyur/ /gal te ma 'ongs pa'i phung po de dag las da ltar gyi phung? po

  468. 234b

    gang dag yin pa 'di dag gzhan yin par gyur cing da ltar gyi phung po 'di las kyang ma 'ongs pa'i phung po gang dag yin pa de dag gzhan yin par gyur na ni de lta na da ltar gyi phung po gzhan de dag gis ma 'ongs pa'i phung po gzhan 'di dag byas pas sdug bsngal gzhan gyis byas par yang 'gyur ba zhig na/ de dag las kyang 'di dag gzhan ma yin la/ 'di dag las kyang de dag gzhan ma yin te/ gzhan nyid med na ji ltar sdug bsngal gzhan gyis byas par 'thad/ de la 'di snyam du ji ltar de dag gzhan nyid ma yin snyam na de ni 'og nas/ gang las brten te gang yin pa/ /de ni de las gzhan mi 'thad/ /ces 'byung bas de'i phyir sdug bsngal gzhan gyis byas par yang mi 'thad do/ /smras pa/ sdug bsngal nyid kyis sdug bsngal byas pas de'i phyir sdug bsngal bdag gis byas so/ /zhes kyang mi smra'o/ /sdug bsngal rgyu dang rkyen las byung bas de'i phyir sdug bsngal gzhan gyis byas so/ /zhes kyang mi smra'i/ sdug bsngal gang zag bdag gis byas pas de'i phyir re zhig sdug bsngal bdag gis byas so/ /zhes kyang smra la/ sdug bsngal gang zag gzhan gyis byas pas de'i phyir sdug bsngal gzhan gyis byas so/ /zhes kyang smra'o/ /bshad pa/ gal te gang dag bdag gis ni/ /sdug bsngal byas na gang dag gis/ sdug bsngal byas pa'i gang zag ni/ /sdug bsngal med pa de gang yin/ /gal te gang zag bdag gi phung po sdug bsngal byas so/ /zhes zer na khyod kyi gang phung po sdug bsngal med pa gsal bar byed pa med pas bdag gis phung po sdug bsngal de byas pa'i gang zag sdug bsngal med pa de gang yin pa de je smros shig /'di ltar phung po sdug bsngal med pa gsal bar byed pa med pa'i gang zag 'ba' zhig pa gang yin pa la gdags pa yang med na des ji ltar sdug bsngal byed par

  469. 235a

    'gyur te/ de'i phyir gang zag bdag gis sdug bsngal byas zhes bya ba yang mi rigs so/ /gang zag gzhan gyis sdug bsngal byas so/ /zhes gang smras pa de la'ang bshad par bya ste/ gal te gang zag gzhan las ni/ /sdug bsngal byung na gzhan zhig gis/ /sdug bsngal de byas gang sbyin te/ /sdug bsngal med par ji ltar rung/ /gal te gang zag gzhan gyis phung po sdug bsngal byas shing des de byas nas gzhan la sbyin par byed na gzhan gyis de byas nas gang la sbyin par bya ba de sdug bsngal med cing/ sdug bsngal dang bral ba gsal bar byed pa med pa 'ba' zhig par ji ltar rung bar 'gyur ba de je smros shig /'di ltar nye bar len pa med pa 'ba' zhig pa gang la gdags pa yang med na gsal bar byed pa med de gzhan yin du zin kyang ji ltar sdug bsngal byed par 'gyur/ nye bar len pa med pa 'ba' zhig pa de ni/ rnam pa thams cad du mi srid pa yin na de'i sdug bsngal byed pa gzhan la yod na sdug bsngal gzhan gyis byas so zhes bag tsha ba med par smra/ yang gzhan yang/ bdag gis byas par ma grub pas/ /sdug bsngal gzhan gyis ga la byas/ /'di la gal te sdug bsngal bdag gis byas so/ /zhes bya ba de rab tu grub par gyur na ni des na sdug bsngal gzhan gyi byas so zhes bya ba de yang 'thad par 'gyur pa zhig na/ sdug bsngal bdag gis byas so zhes bya ba de ni rab tu ma grub ste/ da sdug bsngal bdag gis byas par rab tu ma grub pas sdug bsngal gzhan gyis byas par ga la 'gyur/ ci'i phyir zhe na/ gzhan gyis sdug bsngal gang byed pa/ /de ni de yi bdag byas 'gyur/ /gal te gzhan gyis sdug bsngal gang byed pa de gzhan de'i bdag gis byas pa nyid du gyur na gzhan gyis byas pa ma yin no/ /ci ste de des bdag gi byas pa ma yin na ji ltar/ cig shos kyi de gzhan gyis

  470. 235b

    byas par 'gyur/ de'i phyir bdag gis byas pa de gzhan gyis thal bar 'gyur te/ sdug bsngal gzhan gyis byas par mi 'thad pa de ni bstan zin to/ /de'i phyir sdug bsngal bdag gis byas par rab tu ma grub pas sdug bsngal bdag gis byas pa med na sdug bsngal gzhan gyi byas par ga la 'gyur bas sdug bsngal gang gzhan gyis byas par 'gyur ba gang yin/ de'i phyir gang zag gzhan gyis sdug bsngal byas so zhes bya bar yang mi rigs so/ /smras pa/ ci khyod smra ba po'i bsam pa ma rtogs par rang gi blo gros kyi rtog pas sbyar ba'i don la tshig gis skyon 'dogs par byed dam/ 'di ltar kho bo ni sdug bsngal bdag gis byas so zhe 'am/ gzhan gyis byas so zhes mi smra'o/ 'di ltar gang gi phyir re zhig gang zag bdag gis de byas pas de'i phyir gang zag bdag gis byas so zhes smras te/ sdug bsngal de las gang zag de gzhan ma yin pas sdug bsngal gyis sdug bsngal de byas pa'i phyir rnam grangs las sdug bsngal bdag gis byas so zhes kyang smra zhing/ sdug bsngal gang yin pa de nyid gang zag ma yin pas rnam grangs las sdug bsngal gzhan gyis byas so zhes kyang smra'o/ /bshad pa/ ci khyod shing ljon pa rtsa ba rul ba la chu ldugs par byed dam/ khyod gang zag nye bar len pa med pa 'ba' zhig pa rnam pa thams cad du mi 'thad pa la sdug bsngal gang zag bdag gis byas so zhes smra 'am/ 'di ltar gal te gang zag nye bar len pa med pa 'ba' zhig pa 'ga' zhig rab tu grub par gyur na ni/ des na sdug bsngal gang zag bdag gis byas so zhes de skad smra bar yang rigs par 'gyur ba zhig na/ gang zag nye bar len pa med pa 'ba' zhig pa ni ji ltar yang mi rigs so/ /de med na/ re zhig sdug bsngal bdag byas min/ /gang zag nye bar len pa med pa 'ba' zhig pa de med na sdug bsngal

  471. 236a

    bdag gis byas pa ma yin pas re zhig sdug bsngal gang zag bdag gis ma byas so/ /sdug bsngal de las gang zag de gzhan ma yin pas sdug bsngal gyis sdug bsngal de byas pa'i phyir rnam grangs las sdug bsngal gis byas so/ /zhes kyang smra'o/ /zhes gang smras? pa de la bshad par bya ste/ de nyid kyis ni de ma byas/ /de lta na sdug bsngal de nyid kyis sdug bsngal de ma byas so/ /ci'i phyir zhe na/ 'di ltar zin pa'i sdug bsngal las de gzhan ma yin par brjod pa'i phyir te/ nye bar len pa las gzhan ma yin par gyur pa 'dis ci yang ma byas te/ des nye bar len pa'i sdug bsngal de nyid byas grang na/ gang gi phyir byas pa las de gzhan ma yin no/ /zhes bya ba de'i phyir gang zag nye bar len pa med pa 'ga' zhig pa des ni ma byas pas de'i phyir sdug bsngal de nyid kyis sdug bsngal de byas so/ /zhes gang smras pa de rigs pa ma yin no/ /sdug bsngal gang yin pa de nyid gang zag ma yin pas rnam grangs las sdug bsngal gzhan gyis byas so zhes kyang smra'o zhes gang smras pa de la yang bshad par bya ste/ gal te gzhan bdag ma byas na/ /sdug bsngal gzhan byas ga la 'gyur/ /gal te gang zag de bdag nyid kyis ma byas shing bdag nyid rab tu ma grub te/ sdug bsngal med pa 'ba' zhig pa yod pa nyid ma yin na rang gi bdag nyid rab tu ma grub pa gzhan du gyur pa de med pas sdug bsngal de gzhan gyis byas par ga la 'gyur/ nye bar len pa de ma skyes shing/ med na gang zag de yod du ? kyang gzhan du ga la 'gyur/ de lta bas na de dag thams cad sngar lan btab zin pa la khyod tshig gzhan gyis don gzhan du bsam shing de dag nyid yang smras par gyur to/ /smras pa/ sdug bsngal bdag dang gzhan so sos byas par

  472. 236b

    mi rigs su zin kyang/ sdug bsngal bdag dang gzhan gnyi ga 'dus pas byas pa ni yod do/ /bshad pa/ gal te re res byas gyur na/ /sdug bsngal gnyi gas byas par 'gyur/ /gal te re res byas pa yod par gyur na ni sdug bsngal gnyi gas byas pa/ nyid kyang yod par 'gyur ba zhig na/ sdug bsngal re res byas par mi rigs pa de ni bstan zin te/ sdug bsngal re res byas pa med na sdug bsngal gnyi gas byas pa 'thad par ji ltar 'gyur/ gang gi tshe bdag dang gzhan gnyi ga sdug bsngal med pa 'ba' zhig par mi srid pa de'i tshe ji ltar de gnyis kyis sdug bsngal byed par 'gyur te/ de'i phyir bdag dang/ gzhan gnyi gas sdug bsngal byas so zhes bya ba yang mi 'thad do/ /smras pa/ gal te sdug bsngal re res kyang ma byas la gnyi gas byas par yang mi rigs na/ 'o na de lta na sdug bsngal bdag dang gzhan dang gnyi gas ma byas pas rgyu med pa las byung ba yin no/ /bshad pa/ gzhan gyis ma byas bdag ma byas/ /sdug bsngal rgyu med ga la 'gyur/ /gzhan gyis byas pa ni gzhan gyis de byas pa ste/ gzhan gyis de byed ces bya ba'i tha tshig go /gzhan gyis ma byas pa ni gzhan gyis mi byed pa'o/ /bdag gis byas pa ni bdag gis de byas pa ste/ bdag gis de byed ces bya ba'i tha tshig go / bdag gis ma byas pa ni bdag gis mi byed pa'o/ /gzhan gyis ma byas pa dang bdag gis ma byas pa ni gzhan gyis mi byed pa dang bdag gis mi byed pa'o/ /de ltar gzhan gyis kyang ma byas na sdug bsngal blo bur bar 'thad par ga la 'gyur/ /ci ste 'gyur na ni rtag tu thams cad 'byung bar 'gyur ro/ /de lta yin na ni rtsom pa thams cad don med pa nyid dang 'dres pa'i skyon chen por yang 'gyur bas de ni mi 'dod do/ /de bas na sdug bsngal rgyu med pa las byung ba zhes bya ba?

  473. 237a

    de ni bzang po ma yin pa nyid do/ /smras pa/ gal te de ltar sdug bsngal med na/ bcom ldan 'das kyis 'od srungs sdug bsngal yod de ngas sdug bsngal shes so/ /mthong ngo zhes gsungs ji lta bu/ bshad pa/ sdug bsngal med do zhes de skad su zer/ kho bos/ de phyir brten nas 'byung mi 'gyur/ zhes ma smras sam/ de'i phyir kho bo ni sdug bsngal brten nas 'byung bar smra'i/ bdag gis byas pa dang gzhan gyis byas pa dang/ gnyi gas byas pa dang/ rgyu med pa las byung ngo zhes ni mi smra'o/ /sdug bsngal 'ba' zhig rnam pa bzhi yod ma yin pa ma yin gyi/ phyi rol dngos po rnams la yang/ /rnam pa bzhi po yod ma yin/ /phung po sdug bsngal 'ba' zhig la bdag gis byas pa dang/ gzhan gyis byas pa dang/ gnyi gas byas pa dang/ rgyu med pa las byung ba rnam pa bzhi po dag yod pa ma yin pa de ltar gzung bar mi bya'o/ /phyi rol gyi dngos po gzugs la sogs pa rnams la yang rnam pa bzhi po yod pa ma yin no/ /de yang ji ltar zhe na/ re zhig gzugs nyid kyis gzugs bdag nyid ma byas so/ /gal te gzugs kyis bdag nyid byed na yod pa 'am/ med pa zhig byed grang na/ /de la re zhig gal te gzugs yod pa nyid yin na de la yang bya ci dgos/ ci ste gzugs med na ni ji ltar med pa bdag nyid kyis bdag nyid byed par 'gyur/ ci ste byed na ni dri za'i grong khyer gyis kyang rang gi ra brtsig par byed par 'gyur ro/ /gzugs bdag gis byas pa yin na gzugs brten nas 'byung ngo zhes bya bar mi 'thad pas de yang mi 'dod do/ /de la gzugs de 'byung ba gzhan du gyur pa dag gis byas so snyam na/ de yang mi rung ste/ ci'i phyir zhe na/ gzugs kyi rgyu 'byung ba dag las gzugs gzhan nyid ma yin pa'i phyir te/ de ni

  474. 237b

    'og nas kyang/ gang las brten te gang yin pa/ /de ni de las gzhan mi 'thad/ /ces 'byung ste/ gzugs ma byas pa ma skyes pa med pa las 'byung ba rnams ji ltar gzhan du 'gyur/ gzugs ni gnyi gas byas pa yang ma yin te/ re res byas par mi 'thad pa'i phyir ro/ /gzugs rgyu med pa las byung ba yang ma yin te/ gzhan gyis ma byas pa dang/ bdag gis ma byas pa rgyu med pa las ji ltar 'byung bar 'gyur te/ skyon du mar thal bar 'gyur ba'i phyir ro/ /de bzhin du sgra la sogs pa dngos po thams cad la yang rnam pa bzhi po dag mi 'thad pas 'grub par lta bar bya'o/ /sdug bsngal brtag pa zhes bya ba ste rab tu byed pa bcu gnyis pa'o// //smras pa/ sdug bsngal yang yod phyir rol gyi dngos po rnams kyang yod do/ /de dag yod pa la rnam pa bzhi po 'ba' shig mi 'thad do/ /rnam pa bzhi po dag med du zin kyang re zhig dngos po rnams ni rab tu grub po/ /bshad pa/ ci khyod sgyu ma'i glang po ches 'gro ba 'dod dam/ khyod rnam pa bzhi bo dag gis ma byas pa'i dngos po rnams yang dag par yod par rtog go /'dir yang dag pa gang yin pa de nyid gzung bar bya ba'i rigs pa snyam/ smras pa/ 'dir yang dag pa gang yin/ bshad pa/ chos gang bslu ba de rdzun zhes/ bcom ldan 'das kyis de skad gsungs/ 'du byed thams cad bslu ba'i chos/ /des na de dag rdzun pa yin/ /'di la bcom ldan 'das kyis mdo sde gzhan las chos gang bslu ba de ni rdzun pa'o/ /dge slong dag 'di lta ste/ mi slu ba'i chos mya ngan las 'das pa de ni bden pa'i mchog go/ zhes gsungs so/ /de bzhin du/ bden pa gcig ste gnyis pa med ces tshigs su bcad pa yang gsungs so/ /de bzhin du gzhan nas kyang 'dus byas de ni bslu ba'i chos kyang yin/ de ni rab

  475. 238a

    tu 'jig pa'i chos kyang yin no zhes 'du byed thams cad bslu ba'i chos can yin par gsungs so/ /de'i phyir 'du byed thams cad bslu ba'i chos nyid des thams cad rdzun pa nyid yin te/ gang dag rdzun pa de dag ji ltar rab tu 'grub par 'gyur/ khyod kyis dngos po rnams ni rab tu grub po zhes gang smras pa de ni sred pas bskyod par zad do/ /smras pa/ gal te 'du byed thams cad rdzun pa yin na 'dzin bzhin du yang dngos po thams cad med do zhes de dag mi gsal bar byas par mi 'gyur ram/ bshad pa mi 'gyur te/ gal te bslu chos gang yin pa/ /de rdzun de la ci zhig bslu/ bcom ldan 'das kyis de gsungs pa/ /stong nyid yongs su bstan pa yin/ /gal te bslu ba'i chos zhes gsungs pa gang yin pa de rdzun pa yin na bslu ba'i chos ni med pa nyid do/ /zhes smra ba yin pas bslu ba'i chos med pa de la ci zhig bslu bar 'gyur ba de je smros shig/ 'di ltar med pa la ci zhig bslu bar 'gyur/ ci ste bslu bar 'gyur na ni phyugs bdag pa dang gcer bu pa'i nor la yang tshom rkun pa dag 'tshe bar 'gyur ro/ /de lta bas na rdzun pa zhes gsungs pas dngos po rnams med par bstan pa ma yin no/ /bcom ldan 'das sgrib pa mi mnga' ba'i mkhyen pa dang rnam par thar pa brnyes pa yang dag pa ji lta ba bzhin du gziD pas bslu ba'i chos gang yin pa de ni rdzun pa'o/ /zhes bya ba de gsungs pas ni dngos po rnams kyi ngo bo nyid stong pa nyid mu stegs byed thams cad kyis mi rtogs pa yod pa nyid dang med pa nyid kyi skyon dang bral ba yongs su bstan pa yin no/ smras pa/ rdzun pa zhes gsungs pa ni/ dngos po rnams kyi ngo bo nyid stong pa nyid yongs su ston pa yin par ma gsungs kyis/ bcom ldan 'das kyis de skad gsungs pa ni/ dngos rnams ngo bo nyid med de/ /gzhan du 'gyur ba snang phyir ro

  476. 238b

    rdzun pa zhes gsungs pa nyid gang yin pa des ni dngos po rnams la ngo bo nyid med pa kho nar yongs su bstan pa ma yin gyi/ de ni dngos po rnams gzhan du 'gyur ba snang ba'i phyir dang/ rnam par 'gyur ba snang ba'i phyir dang/ nges par mi gnas pa'i ngo bo nyid du snang ba'i phyir yongs su bstan pa yin no/ /gal te ji ltar zhe na/ ngo bo nyid med dngos med de/ /gang phyir dngos rnams stong pa nyid/ /gang gi phyir ngo bo nyid med pa'i dngos po med la dngos po rnams kyi stong pa nyid kyang bstan pa de'i phyir dngos po rnams kyi ngo bo nyid nges par mi gnas pa'i phyir dang/ gzhan du 'gyur ba snang ba'i phyir dngos po rnams ngo bo nyid med pa nyid ces gsungs par khong du chud par bya'o/ /de ni nges pa kho nar de ltar khong du chud par bya'o/ gzhan du na gal te ngo bo nyid med na/ gzhan du 'gyur ba gang gi yin/ /gal te dngos po rnams la ngo bo nyid med pa kho na yin na gzhan du 'gyur ba de gang gi yin par 'gyur/ gzhan du 'gyur ba zhes bya ba ni ngo bo nyid las bzlog pa yin na de la gal te ngo bo nyid med pa kho na yin na gzhan du 'gyur ba yang med par 'gyur bar the tshom med pa zhig na gzhan du 'gyur ba ni yod pas de'i phyir ngo bo nyid kyang yod pa kho na'o/ /bshad pa/ gal te ngo bo nyid med na/ /gzhan du 'gyur ba gang gi yin/ /zhes gang smras pa de la bshad par bya ste/ gal te ngo bo nyid yod na/ /ji lta bur na gzhan du 'gyur/ /gal te dngos po rnams la ngo bo nyid yod na gzhan la mi bltos par rang las rab tu grub pa rtag pa mi 'gyur ba yod pa de la ji ltar gzhan du 'gyur ba yod par 'gyur te/ gzhan du 'gyur ba ni gzhan la rag las pa'i phyir 'gyur pa yin gyi ngo bo nyid ni ma yin pas de'i phyir ngo bo nyid la gzhan du 'gyur ba mi 'thad do/ /smras pa/ gal te ngo bo nyid la gzhan

  477. 239a

    du 'gyur ba mi 'thad na/ 'o na ngo bo nyid las gzhan pa de ji ltar gzhan du 'gyur/ bshad pa/ de nyid la ni gzhan 'gyur med/ /gzhan nyid la yang yod ma yin/ /dngos por yongs su brtag pa gang yin pa de nyid la yang gzhan du 'gyur ba yod par mi 'thad la de las gzhan pa nyid gang yin pa de la yang gzhan du 'gyur ba yod par mi 'thad do/ /ci'i phyir zhe na/ gang phyir gzhon nu mi rga ste/ /gang phyir rgas pa'ang mi rga'o/ /'di las gzhan du 'gyur ba zhes bya ba ni rga ba ste/ rga ba de yang gang gi phyir gzhon nu lang tsho'i gnas skabs nyid la bab pa la yang med la/ gzhon nu las gzhan pa rgas pa'i gnas skabs la bab pa la yang med pas de'i phyir de nyid la yang gzhan du 'gyur ba med la gzhan nyid la yang yod pa ma yin no/ /gal te gzhon nu gzhon nu'i gnas skabs nyid du rga bar 'gyur na de lta na rgas pa dang gzhon pa gnyis gcig la lhan cig gnas par 'gyur ro/ /de yang mi 'thad de/ 'di ltar mi mthun pa gnyis gcig la lhan cig ji ltar gnas par 'gyur/ ci ste yang rgas pa rgas pa'i gnas skabs na rga bar 'gyur na de lta na yang rga bar brtag pa don med par 'gyur te/ 'di ltar rgas pa la rga bar bya ci dgos/ rga ba gang gis rgas pa de yang rga bar 'gyur na de'i de gnas ji lta bur 'gyur zhes de la yang bsam pa de nyid dang rjes su 'brel bar 'gyur ro/ /smras pa/ de nyid gzhan du 'gyur gyis gzhan ni mi 'gyur te/ dper na 'o ma gzhan du gyur pa'i dngos po zho nyid yin pa lta bu'o/ /bshad pa/ gal te de nyid gzhan 'gyur na/ /'o ma nyid ni zhor 'gyur ro/ /gal te de nyid gzhan du 'gyur bar sems na/ de lta na khyod kyi 'o ma nyid zho yin par thal bar 'gyur ro

  478. 239b

    ci'i phyir zhe na/ de nyid kyi yin gyi/ gzhan gyi ma yin pa'i phyir te/ khyod kyis 'o ma'i gnas skabs nyid du gyur ba zho'i dngos por brjod pas des na 'o ma de nyid zho de nyid yin par thal bar 'gyur ro/ /smras pa/ 'o ma nyid kyi dngos po zho yin pas 'o ma nyid zho yin no zhes ni mi smra'o/ /bshad pa/ 'o ma las gzhan gang gi ni/ /dngos po zho ni yin par 'gyur ro/ /gal te 'o ma nyid kyi dngos po zho yin pas 'o ma nyid zho yin no/ /zhe mi smra na/ 'o na 'o ma las gzhan gang gi zho yin par 'gyur/ ci zho nyid kyis dngos po zhor 'gyur zhing zho nyid yin nam/ 'on te chu'i dngos po zhor 'gyur zhing chu zho yin no zhes smra/ de lta bas na de nyid dang gzhan yang gzhan du 'gyur bar mi 'thad do/ /gang gi phyir de nyid dang gzhan yang gzhan du 'gyur ba mi 'thad pa de'i phyir gzhan du 'gyur ba nyid yod pa ma yin no/ /de'i phyir rdzun pa zhes gsungs pa ni dngos po rnams kyi ngo bo nyid stong pa nyid yongs su ston par byed pa yin gyis ngo bo nyid nges par mi gnas pa ston par byed pa na ma yin no/ /smras pa/ yod re zhig stong pa nyid yod de/ gnyen po med pa cung zad kyang yod pa ma yin pas stong pa nyid yod pa'i phyir stong pa nyid ma yin pa yang yod par 'gyur ro/ /bshad pa/ gnyen po las dngos po rab tu 'grub par 'dod na yang stong pa yin pa mi 'thad de/ ci'i phyir zhe na/ stong pa med pa'i phyir ro/ /gal te stong min cung zad yod/ /stong pa'ang cung zad yod par 'gyur/ /mi stong cung zad yod min na/ /stong pa'ang yod par ga la 'gyur/ /gal te mi stong pa cung zad gcig rab tu grub par gyur na ni de'i gnyen po stong pa yang cung zad yod par 'gyur ba zhig na gang gi tshe rnam pa thams cad du brtags na mi stong pa cung zad kyang yod par mi 'thad par de'i tshe mi stong pa med na stong pa yod par ga la 'gyur de stong pa yod pa ma yin na de'i gnyen

  479. 240a

    po stong pa ma yin pa yod par ji ltar brtag /smras pa/ khyod gang smra ba de nyid yang mi 'dod de sngar/ bcom ldan 'das kyis de gsungs pa/ stong nyid yongs su bstan pa yin/ /zhes smras la/ de ni/ gal te stong min cung zad yod stong pa'ang cung zad yod par 'gyur/ zhes smra 'am/ bshad pa/ 'di la ma khro bar rigs pa gzung zhig /rgyal ba rnams kyis stong nyid ni/ /lta kun nges par 'byin par gsungs/ /gang dag stong pa nyid lta ba/ /de dag bsgrub du med par gsungs/ /rgyal ba yang dag pa ji lta ba bzhin du gzigs pa thugs rje'i dam pa dang ldan pa rnams kyis 'gro ba rnams la phan gdags pa'i phyir stong pa nyid ces bya ba ni lta ba kun gyi chu srin 'dzin khri thams cad las nges par 'byin pa yin par gsungs te/ de ni lta ba chu srin 'dzin khri thams cad bzlog par gsungs pas lta ba'i chu srin 'dzin khri bzlog pa de ni dngos por mi 'thad de/ dper na sems rmongs pa 'ga' zhig dri za'i grong khyer la grong khyer ro snyam pa'i blo gros byung ba las kun tu rmongs pa dang bral nas yang dag pa ji lta ba bzhin du mthong ba'i tshe grong khyer gyi blo log pa na grong khyer gyi blo log pa zhes bya ba'i dngos po 'ga' yang med de/ yod pa ma yin pa la rnam par rtog pa dang bral ba 'ba' zhig tu zad pa de bzhin du yang dag pa ji lta ba bzhin du mthong ba dngos por lta ba'i chu srin 'dzin khri gang yin pa las log pa'i stong pa nyid ces bya ba de ni stong pa nyid ces bya ba'i dngos po 'ga' yang med do/ /gang dag stod pa nyid ces brjod pa tsam ma gtogs pa'i phyir stong pa nyid la dngos por lta ba de dag ni ma rig pa'i mun pa chen pos blo gros kyi mig bsgribs pas bsgrub du rung ba dang bsgrub du mi rung ba'i dpyad pa sman pa chen po rgyal ba rnams kyis de dag ni bsgrub du mi

  480. 240b

    rung ba nyid yin no/ /zhes gsungs so/ /ci'i phyir zhe na/ gang dag dngos po rnams rang gi ngo bo nyid kyis yod pa ma yin no/ /zhes mngon par zhen pa de dag la stong pa nyid ces brjod pa rten cing 'brel par 'byung ba 'dis rgyu dang rkyen gyis dbang gis dngos por gdags pa yin gyi dngos po rnams ngo bo nyid kyis yod pa ma yin no/ /zhes dngos po rnams kyi ngo bo nyid du rab tu bstan pa na mngon par zhen pa de bzlog par nus kyi/ gang dag stong pa nyid la dngos po nyid du mngon par zhen pa de dag la ni gzhan gang gis kyang mngon par zhen pa de bzlog par mi nus te/ dper na ci yang med do/ /zhes smras pa ni ci yang med pa de nyid byin gcig ces zer ba gang yin pa de la med pa nyid 'dzin du gzhug par ji ltar nus pa bzhin te/ de lta bas na de dag ni rgyal ba stobs bcu dang ldan par gyur pa thugs rje chen po mnga' bas kyang bsgrub du mi rung ba nyid du gsungs so/ /gang dag gis stong pa nyid kyang stong par mthong ba de kho na mthong ba de dag la ni stong pa nyid du grub bo/ /de kho na nyid brtag pa zhes bya ba ste rab tu byed pa bcu gsum pa'o// //smras pa/ dngos po rnams ngo bo nyid stong pa nyid ma yin kyi/ dngos po rnams ngo bo nyid yod pa kho na yin te/ ci'i phyir zhe na/ phrad pa bstan pa'i phyir ro/ /'di la bcom ldan 'das de dang der gzugs dang rnam par shes pa dang mig gsum phrad pa ni reg pa'o/ /sgra dang/ rnam par shes pa dang rna ba la sogs pa dag kyang de bzhin no/ /zhes gsungs so/ /de bzhin du rjes su chags pa dang/ khong khro ba dang ma rig pa'i kun tu sbyor ba dag gis kun tu sbyar to/ zhes gsungs so/ /dngos po rnams la ngo bo nyid med na phrad nyid yod pa kho na yin no/ /bshad pa/ gal te dngos pa rnams ltar phrad par 'gyur te/ de lta bas na dngos po rnams ngo bo nyid yod pa kho na yin no/ /bshad pa/ gal te dngos po rnams kyi phrad

  481. 241a

    pa nyid 'thad na ni dngos po rnams ngo bo nyid yod par yang 'gyur ba zhig na/ dngos po rnams kyi phrad pa nyid mi 'thad pas ngo bo nyid yod par ga la 'gyur/ ji ltar zhe na/ blta bya lta ba lta ba po/ /gsum po de dag gnyis gnyis dang/ /thams cad kyang ni phan tshun du/ /phrad par 'gyur ba yod ma yin/ /blta bar bya ba dang/ lta ba dang/ lta ba po gsum po de dag ni gnyis gnyis dang/ thams cad kyang phan tshun du phrad par mi 'gyur te/ blta bar bya ba dang lta ba yang phrad par mi 'gyur la/ blta bar bya ba dang lta ba po yang phrad par mi 'gyur/ blta ba dang lta ba po yang phrad par mi 'gyur/ blta bar bya ba dang lta ba dang lta ba po yang phrad par mi 'gyur ro/ /de bzhin 'dod chags chags pa dang// chags par 'gyur ba dang nyon mongs pa/ /lhag ma rnams dang skye mched kyi/ /lhag ma'ang rnam pa gsum gyis blta/ /ji ltar blta bar bya ba dang/ /lta ba dang/ lta ba po dag gnyis gnyis dang thams cad phan tshun lhan cig tu phrad par mi 'gyur ba bzhin du 'dod chags dang chags pa dang chags par 'gyur ba dag kyang gnyis gnyis dang thams cad kyang phan tshun lhan cig tu phrad par mi 'gyur te/ 'dod chags dang chags pa yang phrad par mi 'gyur la/ 'dod chags dang chags par 'gyur ba yang phrad par mi 'gyur/ chags pa dang chags par 'gyur ba yang phrad par mi 'gyur/ 'dod chags dang chags pa dang chags par 'gyur ba yang phrad par mi 'gyur ro/ /de bzhin du nyon mongs pa lhag ma zhe sdang la sogs pa rnams dang/ skye mched kyi lhag ma sgra dang rna ba dang nyan pa po la sogs pa dag kyang gnyis gnyis dang/ thams cad kyang phan tshun lhan cig tu phrad par mi 'gyur ro/ /smras pa/ ci'i

  482. 241b

    phyir blta bar bya ba la sogs pa de dag phan tshun lhan cig phrad par mi 'gyur/ bshad pa/ gzhan na gzhan dang phrad 'gyur na/ /gang phyir blta bya la sogs la/ /gzhan de yod pa ma yin pa/ /de phyir phrad par mi 'gyur ro/ /'di la gal te phrad pa zhes bya ba 'ga' zhig yod par gyur na de nges par gzhan dang gzhan lhan cig las 'gyur grang na/ gang gi phyir blta bar bya ba la sogs pa dag la gzhan de yod par mi rigs shing de dag la phan tshun gzhan nyid yod pa ma yin pa'i phyir phan tshun lhan cig phrad par mi 'gyur ro/ /blta bya la sogs 'ba' zhig la/ /gzhan nyid med par ma zad kyi/ /gang yang gang dang lhan cig tu/ /gzhan pa nyid du mi 'thad do/ /blta bar bya ba la sogs pa de dag 'ba' zhig la phan tshun gzhan nyid mi 'thad par ma zad kyi/ 'di ltar dngos po gang yang dngos po gang dang lhan cig tu gzhan nyid du mi 'thad do/ /gzhan nyid med na gang yang gang dang yang lhan cig phrad par mi 'thad do/ /smras pa/ dngos po rnams kyi gzhan nyid mngon sum du dmiD bzhin du med do zhes su zhig smra bar rigs/ bshad pa/ khyod kyis gang kho na'i phyir dngos po rnams kyi gzhan nyid mngon sum du dmigs pa de kho na'i phyir kho bos khyod kyi dngos po rnams kyi gzhan nyid ma dmigs par legs par khong du chud de 'di ltar dngos po rnams kyi gzhan nyid med pa ni lha'i mig gis kyang dmigs par mi nus na khyod lta bu'i sha'i mig gis lta smos kyang ci dgos/ ci'i phyir zhe na/ gzhan ni gzhan las brten te gzhan/ /gzhan med gzhan las gzhan mi 'gyur/ /gzhan zhes bya ba gang yin pa de ni de las gzhan pa 'ga' zhig la brten te gzhan du 'gyur pa ma yin na gzhan med na gzhan ni rang las gzhan du mi 'gyur ro/ /gzhan gang yin pa ni gzhan la bltos nas gzhan zhes bya ba'i rang

  483. 242a

    las gzhan du mi 'gyur bas de mngon sum du dmigs so/ /zhes su zhig smra bar rigs/ smras pa/ de lta na yang gzhan nyid med par mi 'gyur te gzhan nyid rab tu 'grub par 'gyur ro/ /bshad pa/ mi mkhas pa la ni de ltar 'gyur gyi mkhas pa la ni mi 'gyur te/ gang las brten te gang yin pa/ /de ni de las gzhan mi 'thad/ /'di ltar gang las brten te gang 'byung ba de de las gzhan no/ /zhes de skad smra bar mi rigs pa ma yin nam/ ci'i phyir zhe na/ gal te gzhan ni gzhan las gzhan/ /gzhan med par yang rung bar 'gyur/ /gal te gang la brten nas gzhan du 'gyur pa de de pas gzhan yin par gyur na ni de med par yang de gzhan du 'gyur ba nyid de/ de ltar na re lde la ma bltos pa kho nar bum pa gzhan nyid du 'gyur ba zhig na/ re lde la ma bltos par bum pa gzhan du yang mi 'gyur te/ de lta bas na re lde las bum pa gzhan ma yin no/ /smras pa/ de las gzhan du ma gyur du zin gyis kyang re zhig gzhan ni yod do/ /bshad pa/ ci khyod skrod par byed pa nyid kyi rjes su 'gro 'am/ khyod gzhan nyid zlog par byed pa'i gtan tshigs kyis gzhan nyid sgrub par sems ko /gal te gang las brten te gzhan zhes bya bar 'gyur ba na bdag gzhan ma yin na/ 'o na ci de rang gi bdag nyid kho na las gzhan du 'gyur bar sems sam/ gzhan las gzhan pa'i gzhan pa de/ /med na med pas de phyir med/ /gang gi phyir gzhan gang las gzhan pa'i gzhan pa de med na gzhan nyid las rang nyid las gzhan du mi 'gyur pa'i phyir gzhan med pa kho nar shes par gyis shig /smras pa/ gang kho na'i phyir gzhan ni gzhan las brten te gzhan du 'gyur ro zhes bya ba de kho na'i phyir gzhan yod pa ma yin nam/ ci ste brten nas kyang gzhan

  484. 242b

    du mi 'gyur na gzhan yin no zhes ji skad du bya/ bshad pa/ rten cing 'brel par 'byung ba ni bdag nyid 'di lta bu yin te/ gang gi phyir re zhig gzhan la brten nas gzhan zhes bya ba de'i phyir 'jig rten gyi tha snyad kyi dbang gis gzhan yin no zhes smra'o/ /gang gi phyir yang dag pa ji lta ba bzhin du brtags na/ gzhan nyid gzhan la yod ma yin/ /gzhan ma yin la'ang yod pa min/ /gang gi phyir re lde la bltos te bum pa gzhan zhes bya ba ni re lde la bltos pa'i phyir dang/ re lde la rag lus pa'i phyir dang/ rang las rab tu ma grub pa'i phyir bum pa la gzhan nyid yod pa ma yin no/ /gang phyir re lde la mi bltos pa bum pa gzhan ma yin pa zhes bya ba 'ba' zhig la yang gzhan ma yin pa dang mi mthun pa gzhan nyid med pa de'i phyir don dam pa'i dbang gis gzhan med do/ /zhes smra'o/ /de'i phyir bcom ldan 'das kyis kyang chu shing gi phung po bstan te/ chu shing gi phung po ni khong stong zhing snying po rtogs par mi 'gyur ba'i phyir ci yang med do zhes kyang bstan to/ /smras pa/ gal te bum pa gzhan ma yin na de lta na bum pa de nyid gzhan ma yin par 'gyur te/ gzhan med par gzhan ma yin pa yang med pas gzhan yang yod par 'gyur ro/ /bshad pa/ gnyen po las kyang gzhan nyid mi 'thad do/ /ci'i phyir zhe na/ gzhan ma yin pa mi 'thad pa'i phyir te/ 'di ltar gzhan la bltos nas gzhan ma yin par 'gyur na gzhan nyid de yang brtags na mi 'thad do/ /gzhan nyid yod pa ma yin na/ /gzhan na ma de nyid yod ma yin/ /da gzhan nyid de yod pa ma yin na de'i gnyen po gzhan ma yin pa de nyid kyang med la/ gzhan ma yin pa med na de'i gnyen po gzhan yang med do/ /zhes de skad bstan par mi 'gyur ram/ gzhan yang smras pa/ gzhan la bltos nas gzhan du 'gyur pa ma yin gyi/ gzhan nyid ces bya ba ni spyi yin te/ de dang ldan pas gzhan du 'gyur ro/ /bshad pa/

  485. 243a

    gal te gzhan nyid dang ldan pas gzhan du 'gyur na rang las rab tu ma grub pa'i phyir gzhan la bltos pa kho nas gzhan du 'gyur ba ma yin nam/ /smras pa/ gzhan nyid ni gzhan la nges par gnas pa kho na yin pas de la yang bltos ci dgos/ bshad pa/ gzhan nyid gzhan la yod ma yin/ /gzhan nyid ni gzhan las nges par gnas pa kho na yin pas zhes gang smras pa de ni mi rigs te/ gzhan nyid ni gzhan la med do/ /ci'i phyir zhe na/ gang gi phyir/ gzhan ma yin pa'ang yod pa min/ /'di la bum pa ni rang gi bdag nyid las gzhan ma yin pas de la gzhan ma yin pas de la gzhan ma yin pa nyid dang mi mthun pa'i gzhan nyid yod pa ma yin no/ /de la gal te gzhan nyid de gzhan la nges par gnas pa nyid du gyur na ni bum pa rang gi bdag nyid las kyang gzhan nyid du 'gyur zhing gzhan ma yin par mi 'gyur te/ bum pa rang gi bdag nyid las gzhan nyid du gyur ba gang yin pa de ni mi 'dod do/ /de ltar na gang gi phyir bum pa gzhan ma yin pa la med pa de'i phyir gzhan la yang yod pa ma yin no/ /gal te yod par gyur na ni gnas skabs thams cad na yod par 'gyur ro/ /ci ste gang gi tshe bum pa snam bu la bltos nas gzhan yin pa de'i tshe bum pa de la gzhan nyid de yod par sems na/ de lta na gzhan nyid nges par mi gnas par bstan pa yin te/ de'i dngos po bltos nas yod pa'i phyir ro/ /gzhan nyid la bzhag pa dang/ rtsal ba yod par yang dam bcas par yang 'gyur bas de yang mi 'thad de/ rang gi gzhung lugs dang 'gal ba'i phyir ro/ /yang gzhan yang/ dngos po gnyis yod na phrad par 'gyur gyi med pa ni mi 'gyur bas de la gal te re zhig bum pa ngo bo nyid kyis gzhan ma yin pa de gzhan nyid dang ldan pas ji ltar gzhan du 'gyur te/ 'o ma dang 'dres pa'i

  486. 243b

    chu yang 'o mar mi 'gyur la 'o ma yang chur mi 'gyur ba bzhin no/ /ci ste bum pa ngo bo nyid kyis gzhan yin na ni gzhan la gzhan nyid dang ldan pa btsal ci dgos/ de lta bas na gzhan nyid dang ldan pas gzhan du 'gyur ba zhes bya ba dang/ gzhan nyid gzhan la nges par gnas so zhes bya ba de ni gyi na'o/ /smras pa/ gzhan nyid gzhan la nges par gnas kyang rung mi gnas kyang rung ste/ don gang la gzhan nyid du 'dod pa'i gzhan de ni re zhig yod do/ /bshad pa/ ci khyod 'jag rtas rgyug par rtsom mam/ khyod gzhan nyid med pas gzhan sgrub par rtsom ko /gzhan nyid yod pa ma yin no/ /gzhan nam de nyid yod ma yin/ /gzhan gyi dngos po gzhan nyid yod pa ma yin na gzhan nam de nyid med do/ /zhes bstan pa kho na ma yin nam/ ci ste gzhan gyi dngos po med par yang gzhan du 'gyur na ni khyod la glen pa'i dngos po med par yang glan par 'gyur ro/ /ci ste de mi 'dod na/ 'o na ni gzhan gyi dngos po med par gzhan du mi 'gyur ro/ /de'i phyir de ltar brtags na dngos po thams cad la gzhan nyid ji ltar yang mi 'thad do/ /gzhan nyid med na blta bar bya ba la sogs pa dang/ 'dod chags la sogs pa dag ji ltar phan tshun lhan cig tu phrad par 'gyur/ phrad pa med na khyod kyi phrad pa'i gtan tshigs las byung ba'i dngos po'i ngo bo nyid 'thad par ga la 'gyur/ ci ste yang khyod kyi yid la bsams pas gzhan yang yin la/ de nyid kyang yin no snyam du sems na de lta na yang phrad pa mi 'thad pa nyid do/ /ci'i phyir zhe na/ gang gi phyir/ de ni de dang phrad pa med/ /gzhan dang gzhan yang phrad mi 'gyur/ /de la re zhig de nyid ni de dang phrad par mi 'thad de/ ci'i phyir zhe na/ de tsam du zad pa'i phyir dang/ lhan cig gi don du mi 'thad pa'i phyir ro/ /ci ste de lta na yang 'gyur na ni ci yang mi phrad pa'i mi 'gyur bas de yang mi 'dod de/ de lta bas

  487. 244a

    na de nyid dang phrad par mi 'thad do/ /da ni gang la 'di ni gzhan no 'di yang gzhan no zhes bya ba de yod pa de la yang phrad par mi 'thad do/ /ci'i phyir zhe na/ gzhan nyid yin pa kho na'i phyir ro/ /ci ste gzhan nyid yin yang phrad na ni de lta na ci yang mi phrad par mi 'gyur bas de yang mi 'dod de/ de lta bas na gzhan nyid yin na yang phrad par mi 'thad do/ /smras pa/ gzhan du gyur pa gnyis gcig tu 'gyur ba gang yin pa de ni/ dper na 'o ma dang chu gnyis phrad pa de bzhin du gzhan dang gzhan yang phrad par 'gyur ro/ /bshad pa/ de la yang de nyid gnas bzhin te/ gang gi tshe re zhig 'o ma dang chu tha dad par gyur pa de'i tshe na phrad pa med de/ ci'i phyir zhe na/ tha dad par gyur pa nyid kyi phyir ro/ /gang gi tshe gcig nyid du gyur pa de'i tshe na yang/ phrad pa med de/ ci'i phyir zhe na/ gcig pa nyid kyi phyir ro/ /smras pa/ gang gi tshe gcig pa nyid du gyur pa nyid phrad pa yin no/ /bshad pa/ gal te gcig pa nyid yin yang phrad par 'gyur na ni ci yang mi phrad par mi 'gyur ro/ /zhes ma bshad dam/ de lta bas na de yang bzang po ma yin no/ /smras pa/ gzhan du gyur pa dag phrad bzhin pa na phrad pa yin no/ /bshad pa/ de la yang de nyid gnas bzhin te/ gal te phrad bzhin pa zhes bya ba'i dngos po dag gcig yod par gyur na de la yang 'di ni gzhan no/ /'di yang gzhan no zhes gzhan yin pa'i phyir phrad par mi 'thad do/ /ci ste phrad bzhin pa zhes bya ba de gcig pa nyid du brjod pa yin na ni phrad bzhin pa zhes bya ba'i tshig mi 'thad do/ /gcig pa nyid na ji ltar phrad par 'gyur/ smras pa/ phyed phrad pa'i dngos po dag phrad bzhin pa zhes bya ba de dag la phrad pa yod do/ /bshad pa/ de la yang de nyid yod do/ /gal te re zhig de dag phyed phrad pa na phyogs gcig phrad pas bdag nyid thams cad phrad do//

  488. 244b

    zhes bya bar brtags na ni gcig pa nyid yin pa'i phyir phrad par mi 'thad do/ /ci ste phyogs gcig phrad kyang bdag nyid tha dad pa nyid du 'gyur na ni tha dad pa'i phyir phrad par ga la 'gyur/ gal te de dag cung zad cig ni phrad cung zad cig ni ma phrad pa yin na ni bdag nyid gnyis su 'gyur te/ de dag gi phrad pa gang yin pa de la ni gcig pa nyid ma yin pa'i phrad pa med do/ /de dag gi ma phrad pa gang yin pa de la yang gzhan yin pa'i phyir phrad pa med do/ /smras pa/ phrad bzhin pa med kyang sla ste/ re zhig phrad pa gang yin pa de ni yod do/ /phrad pa yod na phrad pa yod pas phrad pa yang rab tu grub bo/ /bshad pa/ kye ma re pa ko re che/ gang la phrad bzhin pa yang mi 'thad de/ phrad par rtsom pa yang mi 'thad pa de la phrad pa 'thad par 'gyur re skan/ gang gi tshe gcig tu 'gyur ro/ /zhes smras pa de'i tshe gcig yin na phrad par ga la 'gyur/ ci ste phrad kyang gcig ma yin na ni de lta na yang gzhan ma yin pa'i phyir ma phrad pa nyid ma yin no/ /smras pa/ phrad pa med kyang bla ste re zhig gcig pa nyid kyi snga rol na gzhan du 'gyur ba'i dngos po gang yin pa yod pa de ni phrad pa po ste re zhig yod do/ /bshad pa/ ci khyod ma ning la phrag dog za 'am/ khyod phrad pa med par phrad pa po yod pa nyid du 'dod ko/ 'di la phrad par byed pas phrad pa'i rgyu las byung ba ni phrad pa po yin na phrad pa de yang rnam pa thams cad du mi 'thad do/ /de med na phrad par byed pa med par phrad pa po yod par ji ltar 'gyur/ de'i phyir de ltar rigs pa sngon du btang ste yang dag pa ji lta ba bzhin du brtags na/ phrad bzhin pa dang phrad pa dang/ phrad pa po yang yod ma yin/ /de dag med na khyod kyi phrad pa bstan pa'i gtan tshigs las byung ba'i dngos po'i ngo bo nyid 'grub par ga la 'gyur/ phrad pa brtag pa zhes bya ba ste/ rab tu byed pa bcu bzhi pa'o// //

  489. 245a

    smras pa/ khyod dngos po yod pa mi dmigs pa'i phyir dngos po 'di dag ngo bo nyid med pa yin par sems shing/ dngos po rnams rten cing 'brel par 'byung ba zhes bya bar yang 'dod la/ dngos po rnams ngo bo nyid med par yang smra na/ ji ltar dngos po byung ba yang yin la/ ngo bo nyid med pa yang yin par 'gyur/ gal te rgyu dang rkyen rnams las dngos po rnams kyi ngo bo nyid kho na mi 'byung na/ de las gzhan ci zhig 'byung bar 'gyur ro/ /gal te rgyu spun dag las snam bu'i ngo bo nyid kho na mi 'byung na ci rgyu spun gyi ngo bo nyid dang kho na 'byung ngam/ ci ste ci yang mi 'byung na ni 'byung zhes kyang ji skad du/ brjod pa/ bshad pa/ ci khyod rta la zhon bzhin du rta ma mthong ngam/ khyod dngos po rnams rten cing 'brel par 'byung ba zhes kyang smra la/ de dag gang gi ngo bo nyid med pa nyid kyang ma mthong ngo/ /de ni re zhig blo rtsid ba rnams kyis kyang bde blag tu shes par 'gyur te/ ngo bo nyid ni rgyu rkyen las/ /'byung bar rigs pa ma yin no/ /'di la bdag gi dngos po ni ngo bo nyid ces bya ste/ bdag gi dngos po yod pa ni yang rgyu dang rkyen rnams las 'byung bar mi rigs te/ 'di ltar yod pa la yang bya ba ci yod bya ba med na rgyu dang rkyen rnams kyis ci bya/ ci ste de rgyu dang rkyen rnams las 'byung na/ de lta na/ rgyu dang rkyen las byung ba yis/ /ngo bo nyid ni byas par 'gyur/ /de yang mi 'thad do/ /smras pa/ ngo bo nyid ni byas pa kho na yin no/ /ci'i phyir zhe na/ 'di ltar snam bu'i dngos po sngon ma byung ba 'phyis byed pa'i phyir ro/ /bshad pa/ ngo bo nyid ni byas pa zhes/ /ji lta bur ni rung bar 'gyur/ /ngo bo nyid byas pa zhes bya bar ji ltar rung bar 'gyur te/ gang gi tshe don de dag dgag pa mi mthun pa yin te/ gal te ngo bo nyid yin na ni byas pa ma yin la/ ci ste byas pa yin na ni/ ngo bo nyid

  490. 245b

    ma yin pa de'i tshe ngo bo nyid kyang yin la byas pa yang yin no/ /zhes sems dang bcas pa su zhig de ltar 'dzin par 'gyur/ smras pa/ khyod ngo bo nyid rigs pa gang dang ldan par sems/ bshad pa/ ngo bo nyid ni bcom min dang/ /gzhan la bltos pa med pa yin/ /gang bya bas bsgrub par mi 'gyur ba dang/ rgyu dang rkyen la yang bltos par ma gyur pa rang nyid kyi ngo bo nyid kyis mi 'gyur par 'jug pa de ni ngo bo nyid kyi rigs pa yin no/ /gang bya bas bsgrub par 'gyur ba dang rgyu dang rkyen la yang bltos par 'gyur ba de ni gzhan la rag las pa gzhan la bltos pa rang gi bdag nyid kyis rab tu ma grub pa yin pas ngo bo nyid ces bya bar ji ltar 'thad par 'gyur/ smras pa/ gang la bltos nas de dngos por 'gyur ba'i gzhan gyis dngos po ni re zhig yod do/ /gzhan gyi dngos po rab tu grub na/ ngo bo nyid kyang rab tu 'grub par 'gyur ro/ /bshad pa/ gnyen po la brten nas kyang ngo bo nyid mi 'thad do/ /ci'i phyir zhe na/ gzhan gyi dngos po mi 'thad pa'i phyir te/ ngo bo nyid ni yod min na/ /gzhan gyi dngos po ga la yod/ /gal te ngo bo nyid rab tu grub par gyur na ni des na de'i gnyen po gzhan gyi dngos po yang yod par 'gyur ba zhig na/ ngo bo nyid mi 'thad de ngo bo nyid yod pa ma yin na gzhan gyi dngos po ga la yod/ de gzhan gyi dngos po med na de'i gnyen po ngo bo nyid 'thad par ga la 'gyur/ /yang gzhan yang/ ngo bo nyid kyang gzhan la gzhan gyi dngos po yang gzhan ni ma yin te/ ci'i phyir zhe na/ 'di ltar/ gzhan gyi dngos po'i ngo bo nyid/ /gzhan gyi dngos po yin zhes brjod/ /'di ltar gzhan gyi dngos po'i ngo bo nyid gang yin pa de gzhan gyi dngos po zhes brjod pa yin pas de'i phyir gal te/ gzhan gyi dngos po de'i ngo bo nyid med pa kho na yin na gang gis de yod par 'gyur/ de'i phyir ngo bo nyid kyang gzhan la gzhan gyi dngos po yang gzhan zhes

  491. 246a

    bya bar mi 'thad do/ /de lta na gnyen po nyid med de/ gcig pa nyid yin pa'i phyir ro/ /gnyen po med na ji ltar gnyen po la brten nas 'grub par 'gyur/ smras pa/ dngos po'i ngo bo nyid yod do/ /med do/ /zhes bya ba 'dis/ kho bo la ci bya yod re zhig dngos po ni yod do/ /bshad pa/ ngo bo nyid dang gzhan dngos dag /ma gtogs dngos po ga la yod/ /ngo bo nyid dang gzhan dngos dag/ yod na dngos por 'grub par 'gyur/ /gal te dngos po 'ga' zhig yod par gyur na/ ngo bo nyid ma gzhan gyi dngos po zhig yin grang ste/ de'i phyir ngo bo nyid dang gzhan gyi dngos dag yod na dngos po 'grub par 'gyur na/ gang gi tshe ngo bo nyid kyang med la/ gzhan gyi dngos po yang med pa de'i tshe ngo bo nyid dang gzhan gyi dngos po dag ma gtogs pa'i dngos po brjod par bya ba ma yin pa rang dang gzhan du ma gyur pa 'ba' zhig pa de yod par ga la 'gyur/ smras pa/ de lta na dngos po rnams kyi dngos po med pa yod de/ dngos po med pa yang ma bltos par byed pas gang gi dngos po med par 'gyur ba'i dngos po yang yod de/ bshad pa/ de lta na yang dngos po rab tu 'grub par mi 'thad do/ /ci'i phyir zhe na/ dngos po med pa rab tu ma grub pa'i phyir te/ ngo bo nyid dang gzhan dngos dag /ma gtogs dngos po ga la yod/ /ces smras zin to/ /de'i phyir/ gal te dngos po ma grub na/ /dngos med 'grub par mi 'gyur ro/ /gal te dngos po nyid 'ga' yang rab tu ma grub na dngos po med pa 'grub par mi 'gyur ba nyid do zhes smras pa nyid ma yin nam/ ci'i phyir zhe na/ dngos po gzhan du 'gyur ba ni/ /dngos med yin par skye bo smra/ /'di ltar dngos po gzhan du 'gyur ba gang yin pa de dngos po med pa yin no/ /zhes skye bo dag smra na/ dngos po de yang med de/ de med na dngos po med pa

  492. 246b

    de gang gi yin par 'gyur/ dngos po med pa med na khyod kyi de'i gnyen po dngos po 'thad par ga la 'gyur/ smras pa/ 'di la de kho na mthong bas thar bar 'gyur ro/ /zhes bya zhing/ de kho na zhes bya ba yang de'i dngos po ni de kho na te zhes bya ba yang de'i dngos po ni de kho na te/ dngos po'i ngo bo nyid ces bya ba'i tha tshig go /de la gal te dngos po'i ngo bo nyid med pa nyid yin na de lta na khyod la de kho na mthong ba mi 'thad par mi 'gyur ram/ de kho na mthong ba med na thar pa 'thad pa ji ltar 'gyur/ de lta bas na dngos po rnams ngo bo nyid med pa zhes bya bar lta ba de ni bzang po ma yin no/ /bshad pa/ log par ma 'dzin cig /gang dag dngos nyid gzhan dngos dang/ /dngos dang dngos med nyid lta ba/ /de dag sangs rgyas bstan pa la/ de nyid mthong ba ma yin no/ /gang dag de ltar ngo bo nyid dang gzhan gyi dngos po dang dngos po med pa nyid lta ba de dag ni 'di ltar sangs rgyas kyi bstan pa mchog tu zab pa la de kho na mthong ba ma yin no/ /kho bo cag ni rten cing 'brel par 'byung ba'i nyi ma shar pas snang bar 'gyur ba'i dngos po rnams kyi ngo bo nyid med pa nyid yang dag pa ji lta ba bzhin du mthong bas de'i phyir kho bo cag nyid la de kho na mthong ba yod pas kho bo cag kho na la thar ba yang 'thad do/ /gal te de ci'i phyir zhe na/ 'di ltar/ bcom ldan dngos dang dngos med pa/ /ston pas kA tyA ya na yi/ /gdams ngag las ni yod pa dang/ /med pa gnyi ga'ang dgag pa mdzad/ /gang gi phyir bcom ldan 'das don dam pa'i de kho na la mkhas pa dngos po dang dngos po med pa rab tu ston pas kA tyA ya na'i gdams ngag ces bya ba'i mdo las yod pa zhes bya ba dang med pa zhes bya ba gnyi ga yang dgag pa mdzad pa de'i phyir/ gang dag dngos po rnams la yod pa nyid dang med pa nyid du rjes su lta ba de dag gis de kho na mi mthong bas de dag

  493. 247a

    nyid la yang thar pa mi 'thad do/ /kho bo cag yod pa nyid dang med pa nyid la mngon par zhen pa med par tha snyad byed pa dag la ni mi 'thad pa med do/ /gal te dngos po dang dngos po med par mthong ba de kho na mthong ba yin na ni de kho na ma mthong ba 'ga' yang med par 'gyur bas de ni kho na mthong ba ma yin no/ /de lta bas na dngos po rnams kyi ngo bo nyid med pa nyid ni de kho na yin la de mthong ba kho nas thar par 'gyur te/ slob dpon 'phags pa lhos? kyang/ srid pa'i sa bon rnam shes te/ /yul rnams de yi spyod yul lo/ /yul la bdag med mthong na ni/ /srid pa'i sa bon 'gag par 'gyur/ /zhes gsungs so/ /de ni de ltar nges pa kho nar shes par bya'o/ /gzhan du gal te dang bzhin yod nyid na/ /de ni med nyid mi 'gyur ro/ /gal te dngos po rnams rang bzhin gyis yod pa nyid yin par gyur na yod pa nyid rang bzhin gyis yod pa de ni phyis med pa nyid du mi 'gyur ro/ /ci'i phyir zhe na/ 'di ltar rang bzhin gzhan du 'gyur ba ni/ /nam yang 'thad par mi 'gyur ro/ /'di ltar 'gyur ba'i gnyen po ni rang bzhin yin pas de'i phyir rang bzhin ni mi 'gyur ba rtag pa yin pa'i rigs na/ dngos po rnams la ni gzhan du 'gyur ba snang bas de'i phyir de dag la ngo bo nyid kyis yod pa nyid mi 'thad do/ /'dir smras pa/ gal te dngos po med par mthong ba las dngos po rnams kyi ngo bo nyid yod pa ma yin par khong du chud pas na re shig dngos po rnams kyi dngos po med par gyur pa yin no/ /bshad pa/ rang bzhin yod pa ma yin na/ /gzhan du 'gyur ba gang gi yin/ /gang gi tshe dngos po rnams la yod pa nyid rang bzhin gyis med do zhes smras pa de'i tshe dngos po rnams kyi yod pa nyid rang bzhin

  494. 247b

    yod pa ma yin na gzhan du 'gyur ba de nyid de gang gi yin par 'gyur/ smras pa/ gal te dngos po rnams kyi dngos po med pa snang la rang bzhin yang yod pa ma yin na dngos po med pa mi 'thad de gang gi dngos po med par 'gyur ba'i dngos po'i rang bzhin gdon mi za bar yod pa nyid do/ /bshad pa/ rang bzhin yod pa yin na yang/ /gzhan du'gyur bar ji ltar rung/ /sngar yang rang bzhin gzhan du 'gyur ba ni/ /nam yang 'thad par mi 'gyur ro/ /'di ltar 'gyur ba'i gnyen po ni rang bzhin yin pas de'i phyir rang bzhin ni mi 'gyur bar rtag par 'gyur ba'i rigs na/ zhes ma bshad dam/ de'i phyir dngos po rnams kyi med pa nyid kyang mi 'thad do/ /dngos po rnams la yod pa dang med pa nyid du lta ba la skyon gzhan 'dir yang thal bar 'gyur te yod ces bya ba rtag par 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'o/ /dngos po yod do zhes dngos por lta ba de la ni rtag par 'dzin par thal bar 'gyur la/ dngos po med do zhes med par lta ba de la ni chad par lta bar thal bar 'gyur bas/ de gnyi ga yang don med pa dang gnod par 'gyur ba yin no/ /de'i phyir yod pa dang med pa nyid du lta na rtag pa dang chad par lta bar thal bar 'gyur bas/ de yang don med pa dang gnod par 'gyur bas/ de'i phyir mkhas pa de kho na rtogs par 'dod pa 'khor pa'i dgon pa las brgal bar 'dod pas yod pa nyid dang med pa nyid la gnas par mi bya'o/ /smras pa/ yod pa nyid dang med pa nyid du lta na ji ltar rtag pa dang chad par lta ba'i skyon du thal bar 'gyur/ bshad pa/ gang zhig ngo bo nyid yod pa/ /de ni med pa yin pas rtag /sngon byung da ltar med ces pa/ /des na chad par thal bar 'gyur/ /'di ltar gang zhig ngo bo nyid kyis yod pa de ni phyis med pa nyid du mi 'thad de/ rang

  495. 248a

    bzhin ni mi 'gyur bas de'i phyir yod pa nyid du lta ba las rtag par lta bar 'gyur ro/ /dngos po de sngon byung ba na da ltar med do zhes dngos po yod pa la 'jig par lta ba des na chad par lta bar 'gyur ro/ /de ltar gang gi phyir dngos po rnams la yod pa nyid dang med pa nyid du lta ba skyon du mar 'gyur ba de'i phyir dngos po rnams ngo bo nyid med pa zhes bya ba de ni de kho na mthong ba ste dbu ma'i lam yin la de nyid don dam pa 'grub pa yin no/ /dngos po dang dngos po med pa brtag pa zhes bya ba ste rab tu byed pa bco lnga pa'o// //bam po drug pa/ 'dir smras pa/ dngos po dang dngos po med par mthong ba med pa gang la 'ga' yang 'khor ba dang mya ngan las 'das pa dang bcing ba dang thal bar mi 'thad pa de ji ltar de ? na yin/ dngos po dang dngos po med par mthong ba yod na/ de dag thams cad 'thad pas dngos po dang dngos po med par mthong ba nyid de kho na mthong ba yin no/ /bshad pa gang la dngos po dang dngos po med par mthong ba de la de dag thams cad mi 'thad do/ /gal te ji ltar zhe na/ 'di la dngos por smra ba dag dngos po dag tu yongs su rtog pa na 'du byed rnams dang sems can la dngos por yongs su rtog grang na de dag la dngos por yongs su rtog pa na rtag pa 'am/ mi rtag par thal bar 'gyur ro/ /de la/ gal te 'du byed 'khor zhe na/ de dag rtag na mi 'khor te/ mi rtag na yang 'khor mi 'gyur/ /sems can la yang rim 'di mtshungs/ /de la gal te re zhig 'du byed rnams 'khor bar yongs su rtog na de mi 'thad de/ ci'i phyir zhe na/ 'di ltar/ de dag rtag na mi 'khor te/ mi rtag na yang 'khor mi 'gyur/ /re zhig 'du byed rnams rtag na mi 'khor te/ ci'i phyir zhe na/ rtag pa dag ni mi 'gyur ba'i phyir ro/ /'di

  496. 248b

    la gang rgyud kyi rgyun gyis de dang der skye ba dang 'gag pa de ni 'khor ba zhes bya na/ 'du byed rtag pa mi 'gyur ba rnams ni 'byung ba dang 'jig pa'i chos can nyid du mi 'thad pas/ de'i phyir 'du byed rnams rtag na mi 'khor ro/ /'du byed rnams mi rtag na yang mi 'khor te/ 'di ltar 'di na 'du byed gang kho na dag 'gag pa de dag kho na yang gzhan du mi skye bas/ de'i phyir gtan du 'gags pa rnams la 'khor ba mi 'thad pas de'i phyir 'du byed rnams mi rtag na yang mi 'khor te/ de ltar re zhig 'du byed kyi ming can gyi dngos po rtag pa dang mi rtag pa rnams 'khor bar mi 'thad do/ /de la 'di snyam du 'du byed rnams ni mi 'khor gyi sems can ni 'khor bar sems na/ de la bshad par bya ste/ sems can la yang rim 'di mtshungs/ /'du byed rnams la'ang 'khor ba mi 'thad par bstan pa'i rim pa gang yin pa de nyid sems can la yang mtshungs te/ 'di ltar sems can yang rtag pa 'am mi rtag pa zhig 'khor bar 'gyur grang na/ de'i phyir de la yang rtag pa la ni 'khor ba mi 'thad de/ mi 'gyur ba'i phyir ro/ /mi rtag pa la yang 'khor ba mi 'thad de bsgrim mi dgos par gtan tu 'gags pa'i phyir ro/ /'dir smras pa/ rim pa de ni sems can 'khor ba la mtshungs pa la ma yin te/ 'di ltar sems can ni phung po dang skye mched dang khams rnams las de nyid dang gzhan nyid du brjod par bya ba ma yin zhing rtag pa dang mi rtag pa nyid du yang brjod par bya ba yin pas/ de'i phyir sems can rtag pa dang mi rtag pa'i skyon dang bral ba 'khor ro/ /bshad pa/ gal te gang zag 'khor zhe na/ /phung po skye mched khams rnams la/ /de ni rnam pa lngas btsal na/ /med na gang zhig 'khor bar 'gyur/ /gal te 'di ltar gang zag 'khor bar sems na/ de ni ches shin tu mi 'thad de/ ci'i phyir zhe na/ gang gi phyir phung po dang

  497. 249a

    skye mched dang khams la de rnam pa ldas btsal na med pa'i phyir te/ khyod kyi rang dags gang zag dngos po med par ri dwags bcos ma lta bu yongs su brtags pa gang yin pa de ni phung po dang skye mched dang khams rnams la rnam pa lngas? btsal na dmigs su med de/ gang rnam pa lngas btsal na dmigs su med pa de rnam pa gzhan gang gis yod par bzung ste/ de'i phyir de ni med pa kho na yin no/ /de med na gang zhig 'khor bar 'khor ba de smos shig /yang gzhan yang/ nye bar len nas nye bar len par/ /'khor na srid pa med par 'gyur/ /srid med nye bar len med na/ /de gang ci zhig 'khor bar 'gyur/ /gal te gang zag 'khor ro zhes brtag na/ de lta na de nye bar len pa nas// nye bar len pa gzhan du 'khor ba na srid pa med par 'gyur ro/ /ci'i phyir zhe na/ 'di ltar nye bar len pa'i dbang gis srid par gdags pa yin na/ de'i nye bar len pa de yang nye bar len pa'i bar skabs su 'jug pa la med na gang gis srid par gdags par 'gyur te/ de'i phyir de la nye bar len pa med pa'i phyir/ srid pa med par thal bar 'gyur ro/ /gang srid pa med pa nye bar len pa med pa gsal bar byed pa med pa tha snyad gdags pa med pa de gang yin zhing nye bar len pa gang du 'khor bar 'gyur te/ gang gi tshe ma blangs pa la nye bar len pa nyid kyang med do/ /smras pa/ de ni bar ma do'i srid bas nye bar len pa dang bcas pa kho na yin pas/ de'i phyir nye bar len pa dang bcas pa kho nas srid pa gzhan len pas srid pa med par mi 'gyur ro/ /bshad pa/ gang nye bar len pa 'di bor nas bar mdo'i srid pa'i nye bar len par 'pho ba dang bar mdo'i srid pa'i nye bar len pa yang bor nas

  498. 249b

    de las gzhan pa'i nye bar len par 'pho ba de la yang de'i bar skabs na srid pa med pa dang/ nye bar len pa med par 'gyur ba de nyid so na gnas bzhin pas/ de'i phyir sems can yang 'khor bar mi 'thad do/ /da ni/ 'du byed mya ngan 'da' ba ni/ ji lta bur yang mi 'thad do/ /'du byed rnams mya ngan las 'da' bar ni ji lta bur yang mi 'thad de/ ci'i phyir zhe na/ rtag pa dang mi rtag par thal bar 'gyur ba'i phyir ro/ /de la re zhig gal te 'du byed rnams rtag par yongs su rtag na 'du byed rtag par mi 'gyur ba rnams la mya ngan las 'das pa 'thob pas ci zhig khyad par du byed par 'gyur/ ci ste byed na ni 'gyur ba'i phyir mi rtag par 'gyur ro/ /ci ste 'du byed rnams mi rtag na ni de lta na yang 'jig pa'i chos can yin pa'i phyir 'gags shing med pa rnams la mya ngan las 'da' ba gang gi yin par 'gyur te/ de lta bas na 'du byed rnams mya ngan las 'da' bar mi 'thad do/ /de la 'di snyam du sems can mya ngan las 'da' o snyam na de la bshad par bya ste/ sems can mya ngan las 'da' bar yang/ /ji ltar bur yang 'thad mi 'gyur/ /sems can mya ngan las 'da' bar yang ji lta bur yang 'thad par mi 'gyur te/ ci'i phyir zhe na/ rtag pa dang mi rtag par thal bar 'gyur ba nyid kyi phyir ro// de la re zhig gal te sems can rtag pa gyur na/ rtag par mi 'gyur ba rnams la mya ngan las 'das pa thob pas ci yang byar med pa dang/ skyon du mar thal bar yang 'gyur ro/ /ci ste sems can mi rtag par 'gyur na/ de lta na yang mi rtag pa sgrim mi dgos par 'gags pa la mya ngan las 'das bas yang ci zhes bya zhing mya ngan las 'da' ba gang gi yin par 'gyur/ de la 'di snyam du sems can rtag pa dang mi rtag pa nyid du brjod par bya ba ma yin pa mya ngan las 'da' bar 'thad par sems

  499. 250a

    na de yang mi rung ste/ ci'i phyir zhe na/ rtag pa dang mi rtag pa nyid du brjod par bya ba ma yin pa de nye bar len pa dang bcas pa nyid la 'thad kyi nye bar len pa la ni mi 'thad do/ /sems can nye bar len pa med pa mya ngan las 'da' bar bya ba yin na nye bar len pa med pa 'ba' zhig pa ci'i phyir rtag pa dang mi rtag pa nyid du brjod par bya ba ma yin par 'gyur/ de la 'di snyam du nye bar len pa med pa ni yod pa nyid dang med pa nyid du brjod par bya ba ma yin no snyam na/ de la bshad par bya ste/ gang yod pa nyid dang med pa nyid du brjod par bya ba ma yin pa de la ji ltar mya ngan las 'da' o zhes brjod par bya/ smras pa/ nye bar len med pa gang yin pa de yod pa nyid dang med pa nyid du brjod par bya ba ma yin par 'gyur te/ ji ltar nye bar len pa dang bcas pa yod na de nyid dang gzhan nyid du brjod par bya ba ma yin pa bzhin no/ /bshad pa/ gang nye bar len pa med pa gsal bar byed pa med pa de la yod pa nyid du gang gis shes par bya/ ci ste yod na ni gang gis de yod zhes shes par bya ba de nyid de'i nye bar len pa yin pas/ nye bar len pa dang bcas pa de la ni thar ba mi 'thad pa nyid do/ /de la 'di snyam du gang gi tshe nye bar len pa med pa ni yod pa nyid du brjod par bya ba ma yin no/ /zhes pa de'i tshe gang gis de yod par shes par bya/ zhes rgol ba de ji ltar rung snyam na/ bshad pa/ brjod par bya ba yang gzhan la rnam par shes par bya ba yang gzhan yin pas de'i phyir ji ltar shes par bya zhes smras kyi/ ji skad brjod par bya zhes ni ma smras te/ ri bong gi rwa med pa la ni khyod kyi brjod par bya ba dang brjod par bya ba ma yin pa'i bsam pa med pas de'i phyir blos de yod par bzung nas tshig gi skyon spang ba'i phyir brjod par bya ba ma yin no zhes

  500. 250b

    smra gang/ ci ste khyod kyi blos kyang de yod pa nyid dang med pa nyid du ma des na ni/ ci'i phyir brjod par bya ba ma yin no zhes smra/ drang po kho nar rnam par shes par bya ba ma yin no/ /zhes brjod par bya ba'i rigs te/ slob dpon 'phags pa lhas kyang thar la gal te bdag yod brtag /gal te med na mi rtag 'gyur/ /skyes bu brjod par bya min yang/ /mkhas pas shes par bya min min/ /zhes gsungs so/ /de lta bas na sems can yang ji ltar yang mya ngan las 'da' bar mi 'thad do/ /skye 'jig chos can du byed rnams/ /mi 'ching grol bar mi 'gyur te/ 'du byed rnams ni 'ching bar yang mi 'thad la thar la thar pa yang mi 'thad do/ /ci'i phyir zhe na/ 'di ltar 'du byed skye ba dang 'jig pa'i chos can skad cig ma re re la skye zhing rang gi dang gis 'gag par nges par mi gnas pa rnams ji ltar yang 'ching ba dang thar par mi 'thad pa'i phyir ro/ /smras pa/ 'du byed kyi rgyun la 'ching ba dang thar ba yod do/ /bshad pa/ gal te 'du byed kyi rgyun zhes bya ba'i dngos po 'ga' zhi yod par gyur na ni khyod 'dod pa ltar 'ching ba'am/ thar par yang 'gyur grang na/ gang gi tshe 'du byed skye ba dang 'gag pa'i rgyu nyid la rgyun ces bya ba de'i tshe de la ci zhig 'ching zhing ci zhig thar par 'gyur/ ci ste rgyun gyi dngos po zhi yod par gyur na yang/ de lta na yang de 'du byed yin pa'i phyir dang/ skye ba dang 'jig pa'i chos can yin pa'i phyir dang/ nges par mi gnas pa'i phyir de la bcings pa dang thar pa 'thad par gal 'gyur/ de la 'di snyam du 'du byed rnams ni 'ching bar yang mi 'gyur thar bar yang mi 'gyur gyi/ sems can ni 'ching ba dang thar bar 'gyur ro snyam na/ de la bshad par bya ste/ snga ma bzhin du sems can yang/ /mi 'ching grol bar mi 'gyur ro/ /sems can yang 'ching bar mi

  501. 251a

    'gyur/ thar barmi 'gyur ro/ /gal te ji ltar zhe na/ snga ma bzhin du ste/ ji ltar sngar sems can rtag pa la yang 'khor ba dang mya ngan las 'da' ba mi 'thad la/ mi rtag pa la yang mi 'thad par bstan pa de bzhin du 'dir yang sems can rtag par mi 'gyur pa yin na yang 'ching ba mi 'thad cing thar pa yang mi 'thad do/ /ci ste 'ching ba dang thar bar 'gyur na ni 'gyur ba'i phyir mi rtag par 'gyur ro/ /sems can mi rtag pa la 'gog ba'i chos can nges par mi gnas pa yang bcing pa dang thar bar byar mi nus te/ 'di ltar 'gag shing med pa la ci zhig bcing zhing thar bar byar yod/ 'dir smras pa/ sems can gyi nye bar len pa gang yin pa de ni 'ching ba zhes bya la nye bar len pa gtan du nye bar zhi ba gang yin pa de ni thar pa zhes bya zhing/ sems can yang rtag pa dang mi rtag pa nyid du brjod par bya ba ma yin pas de'i phyir sems can rtag pa dang mi rtag pa'i skyon dang bral ba la bcings pa dang thar pa 'thad do/ /bshad pa/ gal te nye bar len 'ching na/ /nye bar len bcas 'ching mi 'gyur/ gal te nye bar len pa 'ching ba yin na de lta na re zhig sems can nye bar len pa dang bcas pa ni 'ching bar mi 'gyur ro/ /ci'i phyir zhe na/ bcings zin pa kho na'i phyir te/ 'di ltar bcings zin na yang bcings bar bya ci dgos/ de la 'di snyam du nye bar len pa med pa kho na 'ching bar 'gyur ro snyam na/ de la bshad par bya ste/ nye bar len med mi 'ching ste/ nye bar len pa med na yang de la 'ching ba mi 'thad de/ 'di ltar nye bar len pa med pa gang gdags su med pa tha snyad gdags su med pa gsal bar byed pa med pa de ji ltar yod par 'gyur/ gang med pa de ji ltar nye bar len pas 'ching bar 'gyur te/ de'i phyir sems can nye bar len pa med pa yang nye bar len pas 'ching bar mi 'thad do/ /'o na nga

  502. 251b

    khyod kyi sems can/ gnas skabs gang zhig 'ching bar 'gyur ba de da smros shig /'dir smras pa/ nye bar len pa 'ching ba ni re zhig gsal bar yod de/ 'dis 'ching bar byed pas na 'ching... ba zhes bya'o/ /de ltar 'ching ba yod pa'i phyir gang des bcing barQ bya ba yang yod pa kho na yin no/ /bshad pa/ gal te bcings pa'i snga rol na/ /'ching ba yod na 'ching la rab/ /de yang med de/ gal te bcings pa de bas snga rol na nye bar len pa 'ching ba de yod par gyur na ni khyod 'dod pa ltar nye bar len pa 'ching pas 'ching bar 'gyur la rag na/ bcings pa'i snga rol na de yang med de/ 'di ltar nye bar ma blangs pa ji ltar nye bar len pa yin par 'gyur/ bcings pa'i snga rol na med pa gang yin pa des ji ltar 'ching bar 'gyur te/ de lta bas na nye bar len pa yang 'ching ba ma yin no/ /lhag ma ni/ song dang ma son bgom pas bstan/ /'ching ba mi 'thad pa'i lhag ma gang dag yin pa de dag ni song ba dang ma song ba dang bgom pa dag gis bstan par khong du chud par bya ste/ ji ltar song ba la 'gro ba med pa dang ma song ba la yang med bgom pa la yang med pa de bzhin du/ bcings pa yang mi 'ching ma bcings pa yang mi 'ching/ 'ching bzhin pa yang mi 'ching ngo/ /ji ltar song ba la yang 'gro ba'i rtsom pa mi 'thad ma song ba la yang mi 'thad bgom pa la yang mi 'thad pa de bzhin du/ bcings pa la yang 'ching ba'i rtsom pa mi 'thad ma bcings pa la yang mi 'thad/ 'ching bzhin pa yang mi 'thad do// 'dir smras pa/ ri zhig thar pa ni bcom ldan 'das kyis bstan pa'i dbng du byas ba ste 'gro ba rnam par thar par bya ba'i phyir de bzhin gshegs pa 'jig rten du 'byung bas/ de yi phyir re zhig thar pa ni yod do/ /ma bcings pa la yang

  503. 252a

    thar pa med pas bcings pa yang yod pa kho na yin no/ /bshad pa gal te/ thar pa nyid 'thad na ni bcings pa yang yod par 'gyur grang na/ thar pa mi 'thad pas bcings pa 'thad par ga la 'gyur/ ji ltar zhe na gang gi phyir/ re zhig bcings pa mi grol te/ /'di la re zhig bcings pa gang yin pa de ni mi 'grol lo/ /ci'i phyir zhe na/ 'di ltar bcings pa gang bcings pa'i gnas nyid na 'dug pa de ji ltar 'grol bar 'thad par 'gyur/ ci ste bcings pa nyid 'grol bar 'gyur na ni de lta na 'ga' yang ma grol bar mi 'gyur bas de ni mi 'dod de/ de lta bas na re zhig bcings pa mi 'grol lo/ /smras pa/ bcings pa 'ching ba dang bral ba gang yin pa de grol ba yin no/ / bshad pa/ de la yang de nyid de bcings pa la ni 'ching ba dang bral ba mi 'thad de bcings pa kho na'i phyir ro/ /smras pa/ 'o na 'ching ba dang bral ba ni grol ba zhes bya'o/ /bshad pa/ ma bcings pa yang 'grol mi 'gyur/ 'di ltar 'ching ba dang bral ba gang yin pa de ni ma bcings pa kho na yin te/ gang ma bcings pa de ni grol ba nyid yin pas de la yang grol bar 'gyur bas ci bya ste/ de lta bas na ma bcings pa yang grol bar mi 'gyur ro/ /smras pa/ bcings pa ni 'grol te 'di ltar bcings pa grol bar 'gyur ro/ /zhes bya ba de ni 'jig rten grags pa yin no/ /bshad pa/ de ni 'jig rten grags pa yin no/ /zhes gang smas pa de ni legs par smras pa yin te/ 'di ltar gang gi phyir 'jig rten na grags pa yin pa de'i phyir don dam pa bsam pa la 'jug par mi 'gyur ro/ /ji ltar zhe na/ gang gi phyir/ bcings pa grol bzhin yin gyur na/ /bcings dang grol ba dus gcig 'gyur/ /gal te bcings pa 'grol bar 'gyur na/ de lta na 'ching

  504. 252b

    pa gang dang ldan pas bcings pa zhes bya ba dang thar pa gang dang ldan pas grol ba zhes bya ba'i bcings pa dang grol ba gnyis dus gcig par thal bar 'gyur te/ bcings pa dang grol ba mi mthun pa gnyis gcig la gnas par mi 'thad pas de'i phyir bcings pa 'grol lo/ /zhes bya ba de ni 'brel ba med pa yin no/ /'dir smras pa/ gal te de ltar thar pa nyid mi 'thad pa yin na 'khor bas 'jigs pa rnams kyi yin la bsam pa nam zhig na bdag nye bar len pa med par yang yongs su mya ngan las 'das par 'gyur zhig gu /nam zhig na yongs su mya ngan las 'das pa ba dag gir 'gyur zhig gu snyam pa gang yin pa dang/ mya ngan las 'das pa thob pa'i gdams dag gang yin pa dang/ mya ngan las 'das pa thob par bya ba'i phyir yongs su bskyod pa gang yin pa de dag thams cad don med pa nyid du mi 'gyur ram/ bshad pa/ thabs ma yin pas don du gnyer ba dang/ gdams dag ston pa dang rtsom pa dag don med pa nyid du 'gyur bar the tshom med de/ 'di ltar bdag nye bar len par len pa med par yongs su mya ngan las 'da' bar bya'o snyam pa dang/ mya ngan las 'das pa bdag gir 'gyur ro snyam du sems pa dag ji ltar mya ngan las 'das pa yin par 'gyur/ gang gi tshe/ bdag ni len med mya ngan 'da' / /myang 'das bdag gir gyur cig ces/ /gang dag 'dzin pa de dag gi/ nyer len legs par zin ma yin/ /'di la nye bar len pa gtan du nye bar zhi ba gang yin pa de mya ngan las 'das pa zhes bya na/ nye bar len pa thams cad kyi rtsa ba ni bdag dang bdag gir 'dzin pa yin pas/ gang dag bdag nye bar len pa med par yongs su mya ngan las 'da' bar bya'o/ /nye bar len pa med pa'i yongs su mya ngan las 'das pa bdag gir gyur cig snyam du rlom sems su byed pa de dag ni bdag dang bdag

  505. 253a

    gir 'dzin pa yongs su bzung ste des par gnas pa yin bas/ de'i phyir de dang gi bdag dang bdag ging? 'dzin pa de nyid nye bar len pa legs par ma zin pa yin no/ /nye bar len pa dang bcas pa la thar pa 'thad par ga la 'gyur te/ nye bar len pa med par yongs su mya ngan las 'da' bar 'gyur ba de gang yin zhing yongs su mya ngan las 'da' ba gang gi yin par 'gyur te/ de dag thams cad ni de'i sred pa dang ma rig pas bskyed pa yin no/ /'dir smras pa/ re zhig 'khor ba dang mya ngan las 'das pa dag ni yod yod pa yin te/ de dag kyang 'ga' zhig kho na ni yin gyi ci yang med pa'i ma yin pas/ 'khor ba po dang mya ngan las 'da' ba po yang yod de kho bo la ni de tsam gyis chog go/ bshad pa/ ci khyod snod stong pa srung bar byad dam/ khyod bcings pa dang thar pa mi 'thad pa dag la/ 'khor ba dang mya ngan las 'da' ba yod par 'dod go? /gang la mya ngan 'das bskyed med/ /'khor ba bsal ba'ang yod min pa/ /de la 'khor ba ci zhig yin/ /mya ngan 'das pa 'di na? zhig brtag /'di ltar 'khor ba gang la sems can dad? 'du byed bcings pa rnams 'khor ba las bsal cing spang ba bya ste/ mya ngan las 'da' ba la bskyed cing 'dzud par mi byed pa de la 'khor ba zhes bya ba ci zhig yin par brtag /gang las 'ga' yang bsal ba ma byas la/ gang la 'ga' yang bskyed pa ma byas pa de la mya ngan las 'das pa yang ci zhig yin par brtag/ yang na 'di ni don gzhan yin te/ 'di ltar gang la 'khor ba yongs su zad par bya ba'i phyir dang mya ngan las 'das pa thob par bya ba'i phyir 'bad pa dang ldan pas kyang 'khor ba bsal zhing spang bar mi byed la/ mya ngan las 'das pa yang bskyed cing 'phel bar mi byed par yang dag pa ma yin pa'i rnam par rtog pa dang

  506. 253b

    bral ba nyid kho nar 'gyur ba de la 'khor ba zhes ci zhig rnam par brtag cing mya ngan las 'das pa zhes kyang ci zhig rnam par brtag/ de lta bas na dngos po dang dngos po med par mthong ba dag ni rtag pa dang chad par lta bar thal bar 'gyur ba'i phyir de dag la 'khor ba dang mya ngan las 'das pa dang bcings pa dang thar pa dag mi 'thad kyi/ rten cing 'brel par 'byung ba smra ba nyid la ni 'khor ba dang mya ngan las 'das pa bcings pa dang thar pa zhes bya ba dag 'grub bo/ /bcings pa dang thar pa brtag pa zhes bya ba ste/ rab tu byed pa bcu drug pa'o// //'dir smras pa/ dngos po dang dngos po med par lta na 'khor ba mi 'thad de/ rtag pa dang chad pa'i skyon du thal bar 'gyur ba'i phyir ro/ /zhes gang bshad pa de mi rung ste/ ci'i phyir zhe na/ las dang 'bras bur 'brel pa'i phyir dang las gang zhe na/ bdag nyid legs par sdom pa dang/ /gzhan la phan 'dogs byams sems gang/ /de chos de ni 'di gzhan du/ /'bras bu dag gi sa bon yin/ /bdag nyid legs par sdom pa ni bdag nyid legs par sdom par byed pa'o/ /gzhan la phan 'dogs pa ni gzhan dag la phan 'dogs par byed pa'o/ /byams pa ni mdza' bshes la 'byung ba ste gcugs pa las 'byung ba zhes bya ba'i tha tshig go/ yang na byams pa ni byams pa nyid de sems snum pa zhes bya ba'i tha tshig ste/ de ni bdag gi don gyi rkyen yin no/ /bdag nyid legs par sdom par byed pa dang/ gzhan la phan 'dogs par byed pa dang/ byams pa'i sems gang yin pa de ni chos yin no/ /de nyid 'bras bu dag gi sa bon te 'di dang gzhan dag tu 'bras bu dag gi rgyu yin no/ /'di ltar bcom ldan 'das kyis kyang byams pa bsgoms na phan yon brgyad yod de/ mi rnams dga' bar 'gyur ro/ /zhes rgya cher bka' stsal to/ /las rnam pa gsum char yang chos kyi phyir ro/ /sems

  507. 254a

    pa ni sa bon du bstan te lus dang dag gnyis de la rag las pa'i phyir ro/ /'di ltar bcom ldan 'das kyis kyang/ yid ni chos kyi sngon du 'gro/ /zhes tshigs su bcad pa bka' stsal to/ /drang srong mchog gis las rnams ni/ /sems pa dang ni bsam par gsungs/ /las de dag gi bye brag ni/ /rnam pa du mar yongs su bsgrags/ /drang srong mchog sangs rgyas bcom ldan 'das kyis las rnams ni 'di l tar mdor bsdu ba las rnam pa gnyis su gsungs te/ sems pa sa bon du gyur pa dang/ bsam pa dus phyi ma la rtsom par byed pa gang yin pa'o/ /las rnam pa gnyis po de dag gi bye brag kyang rnam pa du ma yod par bcom ldan 'das kyis de dang der de lta de ltar rnam pa mang por yongs su bsgrags shing bstan no/ /de la las gang sems dpa' zhes/ /gsungs par de ni yid kyir 'dod/ /bsam pa zhes ni gang gsungs pa/ /de ni lus dang dag gi yin/ /de la las gang sems pa zhes gsungs pa de ni yid kyi yin par 'dod do/ /las gang bsams pa zhes gsungs pa blos 'di bya'o snyam du gsungs nas lus sam dag gis byed pa de ni lus dang ngag gi yin te gang ma bsams par byas pa ni ma yin no/ /ngag dang bskyod dang mi spong ba'i/ /rnam rig byed min zhes bya gang/ /spong ba'i rnam rig byed min pa/ / gzhan dag kyang ni de bzhin 'dod/ /longs spyod las byung bsod nams dang/ /bsod nams ma yin tshul de bzhin/ /sems dpa' dang ni chos de bdun/ /las su mngon par 'dod pa yin/ /de la dag ces bya ba ni yi ge gsal bar brjod pa'o// bskyod pa ni lus g.yo ba ste/ de gnyi ga yang las kyi dbang du byas pa'i phyir las kyi lam du gtogs pa ste/ 'dir yang las su bgrang ba yin par gzung bar bya'o/ /mi spong ba'i rnam par rig byed ma yin pa zhes bya ba ni mi dge ba'i las

  508. 254b

    'di zhes bya ba lus sam ngag gis bya'o/ /snyam du mi dge ba'i sems yang dag par blangs pa de tshun chad nas mi dge ba de lus sam ngag gang dag gis mi byed du zin kyang mi dge ba'i sems yang dag par blang ba'i rgyu las byung ba kho na'i mi dge ba dag skye bar 'gyur ba gang dag yin pa ste/ de dag ni mi spong ba'i rnam par rig byed ma yin pa zhes bya ba'i ming 'thob bo/ /spong ba'i rnam par rig byed ma yin pa gzhan dag kyang de bzhin du 'dod de/ dge ba'i las 'di zhes bya ba lus sam dag gis bya'o/ /snyam du dge ba'i sems yang dag par blangs pa de tshun chad nas/ dge ba de lus dag gis mi byed du zin kyang dge ba'i sems yang dag par blangs pa'i rgyu las byung ba kho na'i dge bdag skye bar 'gyur ba gang dag yin pa ste/ de dag ni spong ba'i rnam par rig byed ma yin pa zhes bya ba'i ming 'thob bo/ /longs spyod pa las byung ba'i bsod nams ni yongs su longs spyod ba'i rgyu las bsod nams de 'byung ba ste/ rgyu las byung ba zhes bya ba ni/ rjes su 'gro ba dang rjes su 'brel pa dang rgyun 'phel ba ste bsod nams nyid do/ /longs spyod pa las byung ba'i bsod nams ma yin pa yang tshul de bzhin no/ /sems pa zhes bya ba ni sems mngon par 'du byed pa'o/ /de ltar las rnam pa du ma de dag kyang ngag la sogs pa'i chos rnams su 'dus pas de nyid kyi phyir ngag la sogs pa chos bdun pa de dag ni las su mngon pa dang las kyi ming can dang/ las kyi mtshan nyid dag tu 'dod pa yin no/ /de ltar las rnam pa bdun po de dag 'bras bu dang 'brel ba'i phyir 'khor ba yang 'thad la/ rtag pa dang chad pa'i skyon du yang mi 'gyur ro/ /bshad pa/ gal te las nyid rtag pa dang chad ba'i skyon du thal bar mi 'gyur na ni de yang skyon du mi 'gyur ba zhig na/ skyon du ni 'gyur bas de'i phyir las nyid kyang mi 'thad la las dang 'bras bur 'brel ba yang

  509. 255a

    mi 'thad do/ /de ji ltar zhe na/ gal te smin pa'i dus bar du/ /gnas na las de rtag par 'gyur/ /re zhig gal te las smin pa'i dus kyi bar du gnas pa de bzhin du dus gzhan du yang gnas par 'gyur bas rtag par 'gyur te rtag pa mi 'gyur ba de ji ltar rnam par smin par 'gyur/ ci ste skyon der gyur na mi rung ngo snyam nas las ni skad cig ma ste/ skad cig ma'i phyir 'gags pa'o snyam na/ de la bshad par bya ste/ gal te 'gags na 'gag gyur pa/ /ji ltar 'bras bu bskyed par 'gyur/ /gal te las skad cig ma'i phyir 'gags shing zhig pa yin na des ji ltar 'bras bu bskyed par 'gyur/ ci ste las med pas kyang 'bras bu skyed par 'gyur na ni shing pa Ta'i me tog gis kyang gos la dri bsung bsgo bar 'gyur ba zhig na med pa'i phyir bsgo bar mi byed pas/ de lta na las 'gags pa dag gis kyang 'bras bu bskyed par mi 'gyur ro/ /de lta bas na las rnams rtag pa dang chad pa'i skyon du thal bar 'gyur ba'i phyir/ las rnams nyid kyang mi 'thad na/ las dang 'bras bur 'brel ba lta 'thad par ga la 'gyur/ 'dir smras pa/ las dang 'bras bur 'brel pa ni 'thad pa kho na yin te/ ci'i phyir zhe na/ rgyud kyi rgyun la 'bras bu 'grub pa'i phyir te/ 'di lta ste dper na/ myu gu la sogs rgyun gang ni/ /sa bon las ni mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyun las 'bras bu 'byung 'gyur zhing/ /sa bon 'bras bu'i sngon 'gro ba/ /de phyir chad min rtag ma yin/ /'di la sa bon ni myu gu'i rgyun bskyed nas 'gag go /myu gu la sogs pa'i rgyun gang yin pa de ni sa bon las mngon par 'byung zhing/ rgyun de las 'bras bu mngon par 'byung ngo/ /sa

  510. 255b

    bon med na myu gu la sogs pa'i rgyun de yang mngon par 'byung bar mi 'gyur ro/ /gang gi phyir sa bon las rgyun mngon par 'byung la rgyu las 'bras bu mngon par 'byung bar 'gyur zhing/ sa bon 'bras bu mngon du 'gro ba de'i phyir chad pa dang rtag pa ma yin te/ gang gi phyir sa bon rnam pa thams cad du chad nas rgyun 'byung ba yin gyi rgyun rjes su 'jug pa de'i phyir chad pa ma yin la/ gang gi phyir sa bon 'gag cing nges bar mi gnas pa de'i phyir rtag pa yang ma yin no/ /de ji lta ba de bzhin du/ sems kyi rgyu ni gang yin pa/ /sems dpa' las ni mngon par 'byung/ /de las 'bras bu sems dpa' ni/ /med na de yang 'byung mi 'gyur/ /gang phyir sems pa las rgyun dang/ /rgyun las 'bras bu 'byung 'gyur zhing/ /las ni 'bras bu'i sngon 'gro ba/ /de phyir chad min rtag ma yin/ /sems kyi rgyun gang yin pa ni sems pa las su brjod pa gang yin pa 'gags bzhin pa de las mngon par 'byung zhing rgyu de las 'bras bu mngon par 'byung ngo/ /sems pa med na sems kyi rgyun de yang mngon par 'byung bar mi 'gyur ro/ /gang gi phyir sems pa las su brjod pa las sems kyi rgyun mngon par 'byung ba /sems kyi rgyun las 'bras bu mngon par 'byung bar 'gyur zhing las 'bras bu'i sngon du 'gro ba de'i phyir chad pa dang rtag pa ma yin te/ gang gi phyir sems pa 'gags bzhin pa las sems kyi rgyun 'byung gi sems pa rnam pa thams cad du 'gag par mi 'gyur ba de'i phyir chad pa ma yin la/ gang gi phyir sems pa 'gag cing nges par mi gnas pa de'i phyir rtag pa yang ma yin no/ /de'i phyir de ltar rgyun gyi 'bras bu 'grub pas na/ 'khor ba yang 'thad la rtag pa dang chad pa'i skyon du yang thal bar mi 'gyur ro/ /yang gzhan yang/ chos sgrub pa yi thabs rnams ni/ /dkar po'i

  511. 256a

    las kyi lam bcu ste/ /chos kyi 'bras bu 'di gzhan du/ /'dod ba'i yon tan rnam lnga'o/ /'di la bcom ldan 'das kyis chos sgrub ba'i thabs ni dge ba btsu'i las kyi lam rnams yin par bstan la/ de'i 'bras bu yang 'di dang gzhan du 'dod pa'i yon tan lnga po dag yin par bstan to/ /de la gal te las rnams dang 'bras bur 'brel pa med par gyur na chos sgrub pa'i thabs bstan par yang mi 'thad la/ chos kyi 'bras bu bstan par yang mi 'thad pa zhig na/ bcom ldan 'das kyis de gnyi ga yang bstan pas de'i phyir las dang 'bras bur 'brel ba ni yod pa kho na yin no/ /gzhan dag gis smras pa/ gal te rtag pa der gyur na/ /nyes pa chen po mang bor 'gyur/ /de lta bas na rtag pa de/ 'dir ni 'thad pa ma yin no/ /gal te sa bon dang myu gu'i rgyun 'brel ba bzhin du las 'bras bur 'brel bar 'gyur ro/ /zhes khyod kyis rtag pa de ltar gyur na/ de lta na nyes pa'i skyon chen po mang du 'byung bar 'gyur ro/ /de la ji snyed cig kyang smra bar nus mod kyi/ dpe tsam zhig brjod par bya ste/ 'di la sa bon las sa bon dang/ rigs mthun pa'i myu gu'i rgyun 'byung bar 'gyur bas/ de lta na shing a mra'i sa bon las a mra nyid skye yi shing ni ma pa mi skye la/ shing nim+bi sa bon las kyang nim+bi nyid skye yi shing a mra mi skye ste/ de'i phyir shing a mra las kyang/ a mra'i 'bras bu nyid skye zhing shing nim ba'i 'bras bu mi skye la/ shing nim+ba las kyang nimpa'i 'bras bu nyid skye zhing/ shing a mra'i 'bras bu mi skye bas de lta na sa bon dang 'dra ba'i rgyun 'byung gi mi 'dra ba mi 'byung ngo/ /gal te sems kyi rgyun 'brel pa las 'bras bu 'byung ba yang de dang 'dra bar 'gyur na ni/ mi'i sems las kyang mi'i rgyun kho na 'byung la/ lha'i sems las

  512. 256b

    kyang lha'i rgyun kho na 'byung/ dud 'gro'i sems las kyang dud 'gro'i rgyun kho na 'byung bar 'gyur ro/ /de ltar gyur na 'gro ba 'khrul pa med pas rtsom pa thams cad don med pa nyid du 'gyur te/ de la nyes pa'i skyon chen po mang du 'byung bar 'gyur bas de ni mi 'dod do/ /dge ba dang/ mi dge ba dang/ bsgribs pa dang ma bsgribs pa'i lung du ma bstan pa'i bye brag las sems sna tshogs nyid du 'gyur zhing/ sems sna tshogs nyid las rgyun sna tshogs nyid du 'gyur/ rgyun sna tshogs nyid las las sna tshogs nyid dang/ las sna tshogs nyid las 'gro ba dang rigs dang rus dang yul dang lus dang dbang po dang kha dog dang dbyibs dang stobs dang blo la sogs pa tha dad par 'gyur ba yin na/ de yang rtag pa 'dis mi 'thad pas/ de'i phyir skyon chen po mang po du mar thal bar 'gyur bas brtag pa de ni 'dir 'thad pa ma yin no/ /'o na ji lta bur 'thad ce na/ sangs rgyas rnams dang rang rgyal dang/ /nyan thos rnams kyis gsungs pa yi/ /brtag pa gang zhig 'dir 'thad pa// de ni rab tu brjod par bya/ /de yang gang zhe na/ /ji ltar bu lon dbang rgya ltar/ /de ltar las dad chud mi za/ /'di la las ni skad cig ma ste/ las skad cig ma de'i chud mi za ba zhes bya ba skad cig ma ma yin pa'i chos skye ste/ bu lon ji lta ba de ltar ni las blta bar bya la/ dbang rgya ji lta ba de ltar ni chud mi za ba de blta bar bya'o/ /de ltar dper na bu lon gyi nor de spyad kyang dbang rgya yod pas nor bdag de'i nor chud mi za zhing nor bskyed dang bcas te 'ong bar 'gyur ba de bzhin du/ las skad cig ma 'gags su zin? kyang/ de'i rgyu las byung ba chud mi za'i chos skye ba de yod pas byed pa po'i las kyi 'bras bu chud mi za zhing 'ong bar 'gyur ro/ /ji ltar nor bdag gis nor phyir bkug ste/ 'bras bu spyad zin na dbang rgya yod kyang

  513. 257a

    yang dang yang tu nor 'da' bar mi nus pa de ltar/ byed pa pos 'bras bu myong zin na chud mi za bas kyang yang dang yang 'bras bu bskyed mi nus so/ /de ni khams las rnam pa bzhi/ /chud mi za ba'i chos de ni khams las rnam pa bzhir 'gyur te/ 'dod par gtogs pa dang/ gzugs su gtogs pa dang/ gzugs med par gtogs pa dang/ zag pa med pa'o/ /de yang rang bzhin lung ma bstan/ /de yang rang bzhin gyis dge ba dang mi dge bar lud? du? ma bstan pa yin no/ /spong bas spang pa ma yin te/ /bsgom pas spang ba nyid kyang yin/ /de ni sdug bsngal dang kun 'byung ba dang 'gog pa dang lam mthong pas spang bar bya ba spong bas spangs pa ma yin te/ de ni 'bras bu gzhan du 'pho ba na bsgom pas spang bar bya ba yin no/ /de'i phyir chud mi za ba yis/ /las kyi 'bras bu bskyed par 'gyur/ /de ltar gang gi phyir de sdug bsngal la sogs pa mthong bas spang bar bya ba spong bas spang ba ma yin pa de'i phyir 'bras bu thob zin na yang chud mi za bas las rnams kyi 'bras bu bskyed pa kho nar 'gyur ro/ /gal te spong bas spang ba dang/ /las 'pho ba dang mthun gyur na/ /de la las 'jig la sogs pa'i/ /skyon rnams su ni thal bar 'gyur/ /gal te de sdug bsngal la soD pa mthong bas spang bar bya ba spong ba dang las 'pho ba dang ris mthun pa yin par gyur na/ de lta na sdug bsngal la sogs pa mthong bas spang bar bya ba bzhin na las bzhin du de yang spong par 'gyur bas/ de la las 'jig pa la sogs pa'i skyon rnams su thal bar 'gyur ro/ /'di ltar so so'i skye bos sdug bsngal la sogs pa mthong bas spang bar bya ba'i phra rgyas dag spangs pa na so so'i skye bo'i las gzhan gang dag yin pa de dag kyang spangs par 'gyur ro/ /gzhan du na mthong

  514. 257b

    na thob pa yang so so'i skye bo'i las dang ldan par 'gyur te/ mthong ba thob pa so so'i skye bo'i las dang ldan par 'gyur ba gang yin pa de ni mi 'dod de/ de la de ni las de dag spangs su zin kyang chud mi za bas las de dag gi rnam par smin pa longs su bzung ste gnas pas de'i phyir mthong ba thob pa so so'i skye bo'i las dang ldan pa yang ma yin la/ las rnams chud za ba nyid du yang mi 'gyur te rnam par smin par yod pa'i phyir ro/ /de ltar bas na de'i sdug bsngal la sogs pa mthong bas spang bar bya ba spong ba dang las bzhin du spang bar bya ba ma yin te/ 'bras bu gzhan du 'phos na ni spong bar 'gyur ro/ /'dod par gtogs pa'i chud mi za ba ni/ 'dod pa'i khams las yang dag par ma mdas pas spod la/ gzuD dang gzugs med par gtogs pa dag kyang gzugs dang gzugs med pa'i khams las yang dag par 'das pas spong ngo/ /khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe// gcig pu kho na skye bar 'gyur/ khams mtshungs pa yi las cha mtshungs pa dang cha mi mtshungs pa mang po thams cad kyi chud mi za ba de'i tshe 'di la re re las skyes pa dag ni nyid 'tshams sbyor ba'i tshe dag dag thams cad 'gag pa na yang gcig pu kho na skye bar 'gyur ro/ /tshe 'di la ni las dang las/ /rnam pa gnyis po thams cad kyi/ /de ni tha dad skye 'gyur zhing/ /rnam par smin kyang gnas pa yin/ /tshe 'di la ni las dang las so so pa sems pa dang bsams pa'am dge ba dan mi dge ba rnam pa gnyis po thams cad kyi chud mi za ba gang yin pa de ni tha dad par skye bar 'gyur ro/ /rnam par smin na yang gnas pa yin te/ /de ni las rnam par smin pa'i rgyu 'gag pa ltar nges pa nyid ma yin no/ /las rnam par smin kyang brgya la

  515. 258a

    ji srid du 'khrugs par ma gyur pa de srid kyi bar du gnas te/ 'khrugs par gyur na ni 'gag go de gnas su zin kyang yang 'bras bu bskyed par ni mi nus te nges par spyad bzhin pa'i dpang rgya bzhin no/ /de ni 'bras bu 'phos ba dang/ shi bar gyur na 'gag par 'gyur/ /de yi rnam dbye zag med dang/ /zag dang bcas par shes par bya/ /las de'i chud mi za ba de'i 'gag pa ni rnam pa gnyis su nges pa yin te/ 'bras bu 'phos par gyur pa dang/ shi bar gyur pa'o/ de la 'bras bu 'phos par gyur pa ni bsgom pas spang pa zhes bstan pa yin no/ /shi bar gyur pa ni 'gag pa dag na nyid mtshams sbyor ba'i tshe gcig pu kho na skye bar 'gyur ro/ /zhes bstan pa yin no/ /de'i de yang rnam par dbye na rnam pa gnyis su shes par bya ste/ zag pa med pa dang zag pa dang bcas pa'i las kyi bye brag gis so/ /de'i phyir de ltar las rnams skad cig ma nyid yin yang chud mi za ba'i chos kyis yongs su 'dzin par 'bras bu dang 'brel bas 'gyur ro// 'bras bu dang 'brel pa de yang las kyi bye brag las 'gro ba dang rigs dang/ rus dang yul dang dus tha dad pa dag tu lus dang dbang po dang kha dog dang dbyibs dang stobs dang blo la sogs pa tha dad rnams kyis yul sna tshogs kyi bde ba dang/ sdug bsngal nyams su myong bar 'gyur ro/ /de'i phyir/ stong pa nyid dang chad min dang/ /'khor ba dang ni rtag pa min/ /las rnams chud mi za ba'i chos/ /sangs rgyas kyis ni bstan pa yin/ /de ltar gang gi phyir las dang 'bras bu 'brel pa de 'gro ba la sogs pa tha dad pas gnas skabs sna tshogs yin la/ gnas skabs sna tshogs yin yang de nyid dang gzhan nyid du brjod par bya ba ma yin pa de'i phyir ngo bo nyid nges par mi gnas pa dang brjod par bya ba ma yin pas

  516. 258b

    stong pa nyid kyang 'thad pa yin no/ /stong pa nyid yin yang chad pa'i skyon du yang thal bar mi 'gyur ro/ /'khor ba yang 'thad pa yin no/ /'khor ba yod kyang rtag pa'i skyon du yang thal bar mi 'gyur ro/ /sangs rgyas bcom ldan 'das sems can rnams kyis las dang rnam par sbyin? pa mngon sum du gyur pas las rnams kyi chud mi za ba'i chos bstan pa gang yin pa de yang 'thad pa yin no/ /de lta bas na rtag pa de nyid 'dir 'thad kyi/ myu gu'i rgyun las 'bras bu 'grub pa bzhin du las kyi 'bras bu 'grub par rtogs pa de ni mi 'thad do/ /bshad pa/ ci khyed dri za'i grong khyer gyi ra ba 'chos pas g.yen spyo 'am/ khyod las mi 'thad bzhin du las kyi 'bras bu'i phyir rtsod ko /'di ltar gal te khyed kyis las ngo bo nyid kyi cung zad gcig rab tu bsgrubs par gyur na ni des na las yod pa de rgyun 'brel pas sam chud mi za bas yongs su bzung bas 'bras bu dang 'brel par bsam pa yang rigs par 'gyur grang na/ gang gi tshe las de nyid ngo bo nyid kyis mi 'thad pa de'i tshe gzhi med pa'i bsam pa 'dis ci zhig ya/ smras pa/ las ji ltar mi 'thad/ bshad pa/ 'di ltar/ gang phyir las ni skye med pa/ /gang gi phyir las la skye ba med pa nyid yin pa de'i phyir mi 'thad de/ 'di ltar ma skye na ji ltar 'thad par 'gyur/ smras pa/ ci'i phyir las skye ba med/ bshad pa/ gang phyir dngos nyid med de'i phyir/ /gang gi phyir las ngo bo nyid med pa de'i phyir skye ba med de/ 'di ltar las kyi ngo bo nyid yod na ni las kyi skye ba 'di yin no/ /zhes skye ba yang 'thad par 'gyur na/ las kyi ngo bo nyid med na ci zhig skye bar 'gyur/ ci ste skye na yang ngo bo nyid pa ni skye bar mi 'gyur ro/ /gang ngo bo nyid du skye bar gri? 'gyur bar ni las nyid ma yin te las kyi ngo bo nyid med pa'i phyir ro/ /de'i las mi 'thad do/ /smras pa/ las ni skye ba yod pa nyid do/ /ci'i phyir zhe na/ las rnams chud mi za ba'i phyir te/ 'di ltar

  517. 259a

    bcom ldan 'das kyis kyang las rnams chud za ba med do/ /zhes gsungs pas/ gal te las la skye ba med na chud mi za ba de gang gri yin par 'gyur/ de lta bas na las ni skye ba yod pa kho na yin no/ /bshad pa/ skye ba yod na chud mi za ba mi 'thad de/ gang phyir de ni ma skyes pa/ /de ni chud zar mi 'gyur ro/ /bcom ldan 'das kyis gang kho na'i phyir las de ma skyes pa de kho na'i phyir chud za bar mi 'gyur ro zhes gsungs so/ /gzhan du skye na ji ltar chud mi za bar 'gyur/ ci ste 'gyur na ni skyes pa yang mi 'chi bar 'gyur ba zhig na skyes pa mi 'chi bar ni mi 'gyur ro/ /de lta bas na las kyang skyes nas chud mi za bar mi 'gyur ro/ /smras pa/ gang gi tshe kho bos las skad cig ma nyid yin pa'i phyir 'gags kyang chud mi za ba'i chos kyi 'bras bu 'grub par 'gyur ro/ /zhes smras pa de'i tshe/ las skyes na ji ltar chud mi za bar 'gyur/ /zhes bya ba 'di gang gi lan yin/ bshad pa/ de ni 'di nyid kyi lan yin te/ gal te khyod kyis las de skad cig ma yin pa'i phyir/ 'gags na chud mi za ba de gang gi yin te/ gzhi med na chud mi za ba mi 'thad do/ /'di ltar las kyi chud mi za ba yin na/ las de yang 'gags te med na/ de med pa'i phyir chud mi za ba yang med de/ de lta bas 'gag pa'i chud mi za ba zhes bya ba de ni 'gal lo/ /smras pa/ lam 'gags na yang rnam par smin pa chud mi za bas skyon med do/ /bshad pa/ de yang mi 'thad do/ /ci'i phyir zhe na/ 'di la las 'dod pa dang mi 'dod pa dag gi 'bras bu 'dod pa dang mi 'dod pa dag byed pa pos 'thob pa ni rnam par smin pa zhes bya ste/ de yang tshe 'di 'am skyes pa 'am lan grang gzhan la rkyen gyi bye brag de dag gis myong bar 'gyur ba yin na/ ma skye pa rkyen la bltos pa rkyen la rag las pa de chud mi za bas ji ltar 'dzin par byed/ ci ste

  518. 259b

    de skyes pa nyid yin na ni des byed pa po la 'bras bu bde ba dang sdug bsngal dag myong bar bya dgos te/ de lta yin na ni de la chud mi za bas yang byar ci yod/ ci ste skyes kyang re zhig des byed pa po la bde ba dang sdug bsngal dag myong bar mi byed na ni gang gis de skyes so/ /zhes bya bar shes par 'gyur ba de'i skyes pa'i mtshan nyid gang yin/ gal te de skyes kyang byed pa po la bde ba dang sdug bsngal dag myong bar mi byed na ni phyis kyang des de la ci yang byed par mi 'gyur zhing/ phyir byed pa po la de 'bul bar 'gyur pa yang su zhig yin par 'gyur/ de lta bas na de kho na'i don rnam par ma shes nas chud mi za ba'i tshig tsam la dngos pr mngon par zhen par byas nas mang po dang sna tshogs pa dang snying po med pa de snyed cig smras so/ /'di ltar las ni ngo bo nyid med pa kho na yin te/ gang gi phyir ngo bo nyid med pa de'i phyir ma skyes pa yin la/ gang gi phyir ma skyes pa de'i phyir chud za bar mi 'gyur te/ de ni de ltar nges par blta bar bya'o/ /gzhan du na/ gal te las la dngos nyid yod/ /rtag par 'gyur bar the tshom med/ /gal te las la ngo bo nyid yod par gyur na/ rtag par 'gyur bar the tshom med de/ 'di ltar rang bzhin ni mi 'gyur ba'i phyir gzhan du 'gyur bar mi 'thad do/ /de'i phyir/ las ni byas pa ma yin 'gyur/ /rtag la bya ba med phyir ro/ /las rtag pa nyid yin na ma byas pa nyid du thal bar 'gyur ro/ /ci'i phyir zhe na/ rtag pa la bya ba med pa'i phyir te/ 'di ltar rtag pa mi 'gyur ba'i chos can la ni yang bya ba mi 'thad do/ /las ma byas pa rtag pa'i 'bras bu ji ltar rnam par smin par 'gyur te/ 'di ltar rtas? pa la 'gyur ba mi 'thad do/ /ci ste las rtag pa mi 'gyur ba yin yang de'i rgyu las byung pa'i 'bras bu dang phrad par rteg? na/ de lta na yang/ ci ste las ni ma byas na/ /ma byas pa dang phrad 'jigs 'gyur/ /ci ste las ma byas pa yin yang 'bras bu

  519. 260a

    bskyed par 'gyur na/ de lta na ma byas pa dang phrad pas 'jigs par 'gyur te/ 'di ltar de las mi dge ba ma byas su zin kyang de la yod pa kho na yin pas des na 'bras bu mi 'dod pa 'ong bar 'gyur bas de la 'jigs pa chen po 'byung bar 'gyur ro/ /gzhan yang/ tshangs spyod gnas pa ma yin pa'ang/ /de la skyon du thal bar 'gyur/ /las ma byas pa yin na de la skyon chen po gzhan 'dir yang thal bar 'gyur te/ gang gis mtshangs par spyod pa ma yin pa ma byas kyang yod pa'i phyir 'ga' yang tshangs par spyod pa la gnas par mi 'thad pa dang/ gang gis tshangs par spyod pa ma yin pa de ma spyad kyang de la tshangs par spyod pa yod pa kho na'i phyir yang tshangs par spyod pa la gnas pa don med par 'gyur ba de'i phyir yang tshangs par spyod pa la gnas pa ma yin par thal bar 'gyur ro/ /de bzhin du/ tha snyad thams cad nyid dang yang/ /'gal bar 'gyur bar the tshom med/ /de ltar las byas pa ma yin na 'jig rten pa 'bras bu'i don du tha snyad rtsom par byed pa zhing las dang nyo tshong dang phyugs btsa' ba dang/ rgyal po la brten pa la sogs pa dang/ de bzhin rigs pa dang/ bzo dang/ sgyu rtsal goms par byed pa dang/ de dag gi lung 'bogs pa gang dag yin pa de dag thams cad nyid dang yang 'gal bar 'gyur ro/ /ci'i phyir zhe na/ byed pa dang mi byed pa dag la de dag gi 'bras bu 'ong bar thal bar 'gyur ba'i phyir ro/ /gzhan yang/ bsod nams dang ni sdig byed pa'i/ /rnam par dbye pa'ang 'thad mi 'gyur/ /las ma byas pa'i yin na 'di ni bsod nams byed pa'o/ /'di ni sdig pa byed pa'o/ /zhes bya ba'i rnam par dbye ba de dag kyang 'thad pa nyid du mi 'gyur ro/ /ci'i phyir zhe na/ dge ba dang mi dge ba'i las ma byas pa thams cad kyang yod par thal bar 'gyur ba dang

  520. 260b

    de dag gi 'bras bu yang 'thob par thal bar 'gyur ba'i phyir ro/ /yang gzhan yan/ de yi rnam smin smin par 'gyur/ /yang dang yang du rnam smin 'gyur/ /gal te gang phyir las gnas pa/ /de phyir ngo bo nyid yod phyir/ /gal te las de ngo bo nyid yod pa yang yin la 'bras bu bskyed par 'gyur pa yang yin na/ de lta na de'i rnam par smin pa smin zin par gyur kyang yang dang yang du rnam par smin par 'gyur ro/ /ci'i phyir zhe na/ gang gi phyir las nges par gnas pa yin na de'i phyir ngo bo nyid yod pas/ ji ltar de sngon ngo bo nyid nges par gnas pa na/ 'bras bu bskyed par gyur pa de bzhin du/ da ltar yang nges par gnas pas/ de'i phyir des da yang 'di na gzhan du 'bras bu bskyed par bya dgos so/ /yang na ni nges par gnas par 'dra yang gang gis sngon ni 'bras bu bskyed par gyur pa la da ni yang dang yang du bskyed par mi byed do/ /zhe bya ba'i khyad par gyi gtan tshigs bstan par bya dgos so/ /smras pa/ khyod ni las ngo bo nyid yod pa'i skyon yang dag par sgrogs pa 'ba' zhig byed par zad kyi/ 'di ltar na las ngo bo nyid med do/ /zhes bya ba ni cung zad kyang mi ston na/ de'i phyir gal te gang gis las de ngo bo nyid med do zhes kho bo yid ches par 'gyur ba las ngo bo nyid med pa nyid du ston pa'i rigs pa 'ga' zhig yod pa ltan de ston cig /bshad pa nyon cig / las 'di nyon mongs bdag nyid na/ /nyon mongs de dag yang dag min/ /gal te nyon mongs yang dag min/ /las ni de yis ji ltar byas/ /las zhes bya ba gang yin pa 'di ni nyon mongs pa'i rgyu? las byung ste/ 'di ltar nyon mongs pa can gyi sems dang ldan pa'i lus dang ngag dang yid kyis byed pa ni las zhes bya'o/ /de lta na nyon mongs pa'i rgyu las byung ba nyon mongs pa'i rang bzhin can nyon mongs pa'i bdag nyid can yin pas ngo bo nyid yis yod pa ma yin no/ /nyon mongs de dag yang dag min/ /zhes bya ba ni las gang gi bdag nyid yin

  521. 261a

    pa'i nyon mongs pa de dag kyang yang dag par yod pa ma yin no/ /de'i dngos po ni yang dag pa ste nyon mongs pa'i dngos po nyid du yod pa ma yin pas ngo bo nyid kyis yod pa ma yin no/ /zhes bya ba'i tha tshig ste/ 'og nas kyang/ gang dag sdug dang mi sdug pa'i/ /phyin ci log la brten 'byung ba/ /de dag ngo bo nyid las med/ /de phyir nyon mongs yang dag med/ /ces 'byung ba'i phyir ro/ /gal te las gang gi bdag nyid yin pa'i nyon mongs pa de dag yang dag pa ma yin zhing/ ngo bo nyid kyis yod pa ma yin na/ 'o na nga las ci zhig bdag nyid du 'gyur te/ gang gi phyir las ni nyon mongs pa'i rgyu las byung ba yin la/ nyon mongs pa rnams ni phyin ci log gi rgyu las byung ba yin pa de'i phyir las ngo bo nyid med do zhes smra'o/ /smras pa/ las dang nyon mongs pa dag ni ngo bo nyid yod pa kho na yin te/ ci'i phyir zhe na/ de dag gi 'bras bu ngo bo nyid yod pa nyid yin pa'i phyir ro/ /'di la las dang nyon mongs pa dag ni lus rnams kyi rkyen du bstan la lus rnams ni ngo bo nyid yod pa yin pas de'i phyir 'bras bu ngo bo nyid yod pa nyid yin pa'i phyir las dang nyon mongs pa dag ngo bo nyid yod pa kho na yin no/ /bshad pa/ las dang nyon mongs pa dag ni/ /lus rnams kyi ni rkyen du bstan/ /gal te las dang nyon mongs pa/ /de stong lus la ji ltar brjod/ /'di la khyod kyis las dang nyon mongs pa dag ni lus rnams kyi rkyen du bstan la zhes smras pa/ 'bras bu grub pas rgyu 'grub par 'dod la rgyu 'grub pa'i rigs pa gzhan ni cung zad kyang mi ston te/ kho bo cag gis lus kyi rgyu las de dang nyon mongs pa de dag rten cing 'brel bar 'byung ba'i phyir/ ngo bo nyid stong ngo/ /zhes bstan pas/ 'bras bu ni rgyu'i yon tan gyi bdag nyid can du 'dod par bya ba yin pas de'i phyir gal te lus kyi rgyu las dang nyon mongs pa dag

  522. 261b

    nyid stong zhing de dag stong na lus ngo bo nyid yod do/ /zhes bya ba de ji ltar de/ lus ngo bo nyid yod pa nyid do/ /zhes bya ba'i tshig de ni gtsigs pa ma yin pa nyid du nges so/ /smras pa/ las ni yod pa kho na yin te/ ci'i phyir zhe na/ las kyi 'bras bu la longs spyod pa'i za ba po yod pa'i phyir ro/ /'di la bcom ldan 'das kyis de dang de dag tu/ ma rig bsgribs pa'i sems can dag /sred pa'i kun tu sbyor dang ldan/ /zhes kyang gsungs la/ gzhan yang ci ste khyod rang nyid kyi sdig pa'i las 'di byas na/ khyod rang nyid kyis de'i rnam par smin pa nyams su myong bar bya dgos so/ /zhes kyang gsungs pa/ de'i phyir/ ma rig bsgribs pa'i skye bo gang/ /sred ldan de na za ba po/ /ma rig pas bsgribs pa'i sems can sred pa'i kun tu sbyor ba dang ldan pa zhes gang gsungs pa dang/ khyod rang nyid kyis de'i rnam par smin pa nyams su myong bar bya dgos so/ /zhe gang gsungs pa de ni las kyi 'bras bu la longs spyod pa'i za ba po yin te/ de'i phyir ro zhig las kyi 'bras bu la longs spyod pa'i za ba po 'thad pa med pa'i 'bras bu yang med la byed pa po med pa'i las kyang mi 'thad pas/ za ba po yod pa'i phyir byed pa po dang las dag kyang rab tu grub pa yin no/ /de yang byed las gzhan min zhing/ /de nyid de yang ma yin no/ /da ni las kyi 'bras bu la longs spyad pa'i za ba po de yang lam de'i byed pa po las gzhan ma yin te/ rang gi rnam par smin pa nyams su myong bar 'gyur ro/ /zhes gsungs pa'i phyir ro/ /gzhan ma yin pa yang ma yin te/ nye bar len pa gzhan yin pa'i phyir ro/ /de lta na 'khor ba yang 'thad la rtag pa dang chad pa'i skyon du yang thal bar mi 'gyur ro/ /bshad pa/ ci khyod rtsig rmang ma bris par pu shu 'dogs par byed dam/ khyod byed pa po dang las dang 'bras bu dag rab tu ma grub bzhin du las kyi 'bras bu la longs spyod

  523. 262a

    pa'i za ba po sgrub par byed ko /'di ltar byed pa po dang las dang 'bras bu dag nyid mi 'thad na za ba po 'thad par ga la 'gyur/ ji ltar zhe na/ gang gi phyir na las 'di ni/ rkyen las byung ba ma yin zhing/ /rkyen min las byung yod min pa de'i phyir byed pa po yang med/ /gang gi phyir rten cing 'brel bar 'byung ba smra ba rnams la las 'di zhes bya ba de rkyen las byung ngo zhes bya ba mi srid la/ rgyu med pa las byung bar smra ba rnams la yang las 'di zhes bya ba de rgyu med pa las byung ngo// zhes bya ba mi srid pa de'i phyir/ las ni de zhig rkyen las byung ba yang yod pa ma yin zhing/ rkyen ma yin pa las byung ba yang yod pa ma yin no/ /gang gi phyir las yod pa ma yin pa de'i phyir las med pa'i byed pa po yang med do/ /gal te las dang byed med na las skyes 'bras bu ga la yod/ ci ste 'bras bu yod min na/ /za ba po lta ga la yod/ /gal te brtags na las kyang med la byed pa po yang med de/ de dag med na las las skyes pa'i 'bras bu lta yod par ga la 'gyur/ ci ste 'gyur na ni las las skyes pa'i 'bras bu ma yin pa dang/ rgyu med pa las byung ba'i 'bras bur 'gyur bas de ni mi 'dod de skyon du mar thal bar 'gyur ba'i phyir ro/ /de ci ste 'bras bu med na za ba po yod par ga la 'gyur te/ /'di ltar 'bras bu'i za ba por 'gyur ba yin na 'bras bu de yang mi 'thad de/ de med na de gang gi za ba por 'gyur/ de lta bas na byed pa po dang las dang 'bras bu dang za ba po yod do/ /zhes bya ba de ni slu'i? tshig tsam du zad do/ /byed pa po dang las dang 'bras bu dang za ba po dag mi 'thad na/ 'khor ba ji ltar 'thad par 'gyur/ smras pa/ ci byed pa po dang las dang 'bras bu dang za ba po dang nyon mongs pa dag med do/ /zhes bya ba de shin tu nges pa yin nam/ bshad pa/ gang la rten cing

  524. 262b

    'brel bar 'byung ba de la yod do zhe 'am/ med do zhes smra bar ga la rigs/ smras pa/ de 'dir dngos po yod pa gang yin/ bshad pa/ /dngos po yod pa ga la yin te/ dngos po yod par 'dzin pa bzlog pa'i phyir dpe gzung zhig /ji ltar sprul pa ston byed pa/ /rdzu 'phrul phun sum tshogs pa yis/ /sprul zhing sprul pa'ang gzhan sprul byed/ /sprul pa nges kyang gzhan dag ltar/ /de bzhin byed pos las gang byas/ /de yang sprul pa'i rnam pa bzhin/ /dper na sprul pas sprul gzhan zhig /sprul pa mdzad pa de bzhin no/ /nyon mongs las dang lus rnams dang/ byed pa po dang 'bras bu dag /dri za'i grong khyer lta bu dang/ /smig rgyu rmi lam 'dra ba yin/ /de'i phyir de ltar sprul pa byed pa dang/ /sprul pa dang/ dri za'i grong khyer dang sgyu ma dang/ smig rgyu dang/ rmi lam lta bu'i las dang/ nyon mongs pa dang lus dang byed pa po dang 'bras bu dang za ba po dag la/ yongs su rtog pa dang ldan pa yang dag pa smras pas yod do/ /zhe 'am med do zhes ji ltar smra bar nus te/ 'di ltar dngos po dang dngos po med par rtog pa thams cad ni rtag pa dang chang pa'i skyon dang rjes su 'brel ba yin la/ rten cing 'brel par 'byung ba ni dngos po dang dngos po med par lta ba dag las phyi rol du gyur pa yin pas/ de'i phyir rtag pa dang chad par lta ba'i skyon las rnam par grol ba yin no/ de bas na kho bo dngos po brten nas gdags pa yin no/ /zhes shin tu nges par byas pa de gzung bar bya'o/ /de lta na byed pa po dang las dang 'bras bu dang za ba po dang nyon mongs pa dang lus bstan pa ngag kyang 'thad la/ rtag pa dang chad pa'i skyon du yang thal bar mi 'gyur zhing 'khor ba yang 'grub bo/ /las dang 'bras bu brtag pa zhes bya ba ste/ rab tu byed pa bcu bdun pa'o// /nga? ma? po bdun pa/ smras pa/ gal te dngos po dang

  525. 263a

    dngos po med par lta ba ltag pa dang chad pa'i skyon du thal bar 'gyur bas de kho na ma yin na/ khyod kyi de kho na gang yin pa dang ji ltar de kho na rtogs par 'gyur ba de smros shig /bshad ba/ dang po brtsam tshun chad nas de kho na rab tu bstan par byas so/ /mdor na phyi dang nang la bdag med pa bdag gi med pa nyid du lta ba gang yin pa de ni de kho na'i dam pa yin la/ de kho na'i lta ba bsgom pas ni de kho na rtogs par 'gyur ro/ /smras pa/ ji ltar phyi dang nang la bdag med pa dang/ bdag gi med pa nyid du lta bar 'gyur/ bshad pa/ 'di la de kho na mthong bar 'dod pa yongs su rtog pa dang ldan pas 'di ltar so sor yang dag par brtag par bya ste/ bdag ces bya ba gang yin pa de ci phung po rnams nyid dang/ 'on te phung po rnams gzhan zhig yin/ bdag de ni phung po rnams nyid dam/ phung po rnams las gzhan zhig tu 'gyur ba de tsam du zad de/ 'dir rnam pa gzhan du smra ba gang dag yin pa de dag thams cad kyang gzhan dang zhan ma yin pa nyid du smra ba/ kho nar 'dus te/ gnyi ga ltar yang mi 'thad do/ /ci'i phyir zhe na/ gal te phung po bdag yin na/ /skye dang 'jig pa can du 'gyur/ /gal te phung po rnams las gzhan/ /phung po'i mtshan nyid med par 'gyur/ /re zhig gal te phung po rnams nyid bdag nyid yin par gyur na/ de lta na skye ba dang 'jig pa'i chos can du 'gyur te/ phung po rnams skye ba dang 'jig pa'i chos can yin pa'i phyir ro/ /de la bdag mang po nyid du yang thal bar 'gyur la/ bdag tu smra ba don med pa nyid du yang 'gyur te/ bdag ces bya ba ni phung bo'i rnam grangs tsam du zad pa'i phyir ro/ /de lta bas na re zhig phung po rnams nyid bdag yin no/ /zhes bya ba mi 'thad do/ /ci ste yang phung po rnams las gzhan yin par gyur na/ de lta na phung po'i mtshan nyid ma yin par 'gyur te/ phung po rnams

  526. 263b

    ni skye ba dang 'jig pa'i mtshan nyid yin pas/ des na bdag phung po rnams las gzhan yin pa'i phyir skye ba dang 'jig pa'i mtshan nyid ma yin par 'gyur ro/ de lta bas na rtag par 'gyur te/ bdag rtag pa yin na rtsom pa thams cad don med pa nyid du 'gyur te/ 'di ltar rtag par mi 'gyur ba la ci zhig byar yod/ de lta na yang bdag yod par rtog pa don med pa nyid du 'gyur te/ de la cung zad kyang 'jug pa'am/ ldog par mi 'gyur ro/ /de lta bas na bdag phung po rnams las gzhan par yang mi 'thad do/ /de de ltar blo gros nges nas yang so sor yang dag par rtog par byed de/ bdag nyid yod pa ma yin na/ bdag gi yod par ga la 'gyur/ brtags na gal te bdag nyid rnam pa thams cad du mi 'thad na bdag gi yod par ga la 'gyur/ 'di ltar bdag ces bya ba'i gang yin pa de dag gi zhes bya na/ bdag de yang med de de med na de'i 'di yin no/ /zhes bya bar ji ltar 'thad bar 'gyur/ /de lta bas na bdag gi ming mi 'thad do/ /de ltar phyi dang nang la bdag dang bdag gir mi lta ba de ni de kho na mthong ba yin te/ de de bsgom par byed cing bstan par byed do/ /de bsgom par byed cing bstan par byed pa de'i bdag dang bdag gir mngon par zhen pa nye bar zhi bar 'gyur bas/ bdag dang bdag gi zhi ba'i phyir/ /ngar 'dzin nga yir 'dzin med 'gyur/ /de ltar bdag dang bdag gir mngon par zhen pa nye bar zhi ba'i phyir de la dang 'dzin pa dang/ nga yir 'dzin pa med par 'gyur ro/ /smras pa/ gang gis de ltar yang dag pa ji lta ba bzhin du mdza' ? na ngar 'dzin pa dang nga yir 'dzin pa med par 'gyur ro/ /zhes bya ba de nyid bdag yin pas de yod pa'i phyir bdag dang bdag gi yang nges pa kho nar yod pa yin no/ /bshad ba/ ngar 'dzin nga yir 'dzin med gang/ /de yang yod pa ma yin te/ /ngar 'dzin nga yir 'dzin med par/ /gang gis mthong bas mi mthong ngo/ /de ltar ngar 'dzin pa med pa dang/

  527. 264a

    nga yir 'dzin pa med pa zhes bya ba gang yin pa de yang yod pa ma yin te/ de ni nye bar len pa la rten nas gdags pa yin par ston te/ 'di ltar bcom ldan 'das kyis kyang tshe dang ldan pa 'di'i ming ni 'di zhes rus ni 'di zhes bya zhes bya ba gang yin pa de ni nye bar len pa ma gtogs par gang zag gi ming dang rus dag med do/ /zhes gsungs so/ /de lta bas na nye bar len pa'i dbang kho nas brjod par zad kyi/ gang ngar 'dzin pa med pa dang nga yir 'dzin pa med par 'gyur ba gzhan de ni 'ga' yang med do/ /ci ste yod na ni de yod na ji ltar ngar 'dzin pa med pa dang nga yir 'dzin pa med par 'gyur/ ci ste de dag yod kyang 'gyur na ni de lta na de'i de dag log par lta ba kho nar 'gyur gyi de kho na mthong ba ma yin te/ slob dpon 'phags pa lhas kyang/ gal te bdag ces bya ba yod/ /bdag med ces bya de mi rigs/ /yang na de nyid rtogs pa 'am/ /mya ngan 'da' ba nges rdzun 'gyur/ /zhes gsungs so/ /de lta bas na ngar 'dzin pa med pa dang/ nga yir 'dzin pa med par gang gis mthong ba log par lta ba blo gros kyi mig nyams pa des ni de kho na mi mthong ba nyid do/ /nang dang phyi rol nyid dag la/ /bdag dang bdag gi zad gyur na/ /nye bar len pa 'gag 'gyur zhing/ /de zad pas na skye ba zad/ /da nang dang phyi rol nyid dag la de'i bdag ces bya ba dang/ bdag gi zhes bya bar de dag la log par 'dzin pa zad par gyur na nye bar len pa byed pa gang yin pa de med cing nye bar blang bar bya ba gang yin pa de yang med pas/ nye bar len pa rnam pa bzhi yang 'gag par 'gyur zhing/ nye bar len pa 'gags pas srid pa 'gag /srid pa 'gags pas skye ba zad par 'gyur ba de ni thar pa zhes bya'o/ /de ltar yang dag pa ji lta ba bzhin du mthong ba des de kho na rtogs pa yin la/ de kho na rtogs pas thar par

  528. 264b

    'gyur ro/ /las dang nyon mongs zad pas thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur/ /'di la las dang nyon mongs pa dag ni skye ba'i rgyu yin pa'i phyir las dang nyong mongs pa zad pas thar pa zhes bya'o/ /las dang nyon mongs pa de dag kyang yang dag pa ma yin pa'i rnam par rtog pa las byung ba yin gyi ngo bo nyid kyis yod pa ni ma yin no/ /nyon mongs pa ni tshul bzhin ma yin par rnam par rtog pa las byung ba yin te/ ji ltar yul gcig kho na la yang la la ni chags par 'gyur/ la la ni ldang bar 'gyur/ la la ni rmongs par 'gyur bas/ /de'i phyir nyon mongs pa rnams ni rnam par rtog pa las byung ngo/ /nyon mongs pa can gyi sems dang ldan pa'i lus dang ngag dang yid kyis mngon par 'du byed pa dag ni las zhes bya ste/ 'di ltar bcom ldan 'das kyis kyang gang zag ma rig pa dang ldan pa 'di ni bsod nams las byung ba'i mngon par 'du bya ba dag kyang mngon par 'du byed do/ /zhes rgya cher bka' stsal to/ /de lta bas na las dang nyon mongs pa dag ni yang dag pa ma yin pa'i rnam par rtog pa'i rgyu las byung ba yin no/ /da yang dag pa ma yin pa'i rnam par rtog pa de dag ni spros pa las byung ba yin te 'jig rten pa'i spros pa las byung ngo/ /'jig rten pa'i rnyed pa dang/ ma rnyed pa la sogs pa'i chos rnams la 'di bden no snyam du mngon par zhen pa'i bla con dag de dang de la rnam par rtog par byed pas de'i phyir rnam par rtog pa dag ni spros pa las byung ngo/ spros pa ni stong pa nyid kyis 'gag par 'gyur/ de'i rnyed pa dang ma rnyed pa la sogs pa 'jig rten pa'i spros pa ni stong pa nyid kyis 'gag par 'gyur ro/ /dngos por ngo bo nyid stong pa nyid du rtogs pas 'gags te/ /stong pa nyid rtogs nas 'gag go /de lta bas na stong pa nyid ni de kho na yin la stong pa nyid bsgom pa kho nas ni de kho na rtogs par 'gyur zhing/

  529. 265a

    de kho na rtogs pa nyid ni thar pa zhes bya ste/ slob dpon 'phags pa lhas kyang/ mdor na chos ni mi 'tshe ste/ /mya ngan 'das pa stong pa nyid/ /'di la de gnyis 'ba' zhig ces/ /de bzhin gshegs pa rnams kyis gsungs/ /zhes gsungs so smras pa/ gal te de ltar bdag dang bdag gi med na ji ltar sangs rgyas bcom ldan 'das rnams kyis de dang der bdag bstan pa mdzad pa/ bshad pa/ bdag med pa kho na'o/ /zhes bya ba de yang mi smra ste/ 'og nas kyang/ de ltar len las gzhan ma yin/ de ni nyer len nyid kyang min/ /bdag ni nye bar len med min/ /med pa nyid du 'ang de ma nges/ zhes 'byung ngo/ /'on kyang sangs rgyas bcom ldan 'das sems can rnams kyi bsam pa dang pag la nyal mkhyen pa la mkhas pa rnams kyis gdul bya rnams kyis mngon par zhe na pa bzlog ba'i phyir bdag go zhes kyang btags gyur cing/ /bdag med ces kyang bstan par gyur/ /sangs rgyas rnams kyis bdag dang ni/ /bdag med 'gal yang med par bstan/ /de la gdul bya gang dag la 'jig rten 'di med do/ /'jig rten pha rol med do/ /sems can rdzus te skye ba med do snyam pa'i lta ba de lta bu byung bar gyur pa/ log par 'dzin pa la mngon par zhen pas sems rmongs pa/ 'jig rten pha rol la mi bltos pa/ 'jig rten gyi tshul las 'da' bas mi 'dzem pa/ sems can dmyal ba'i g.yang sa chen po la mngon par phyogs ba de dag gi bdag med par lta ba bzlog pa'i phyir bdag go zhes kyang btags so/ /gdul bya gang dag la las dge ba dang mi dge ba rnams kyi byed pa po dang de dag gi 'bras bu 'dod pa dang mi 'dod pa dag za ba gang yin pa dang/ gang gi bcings pa dang thar pa dag ston par byed pa'i bdag ces bya ba de ni 'ga' zhig yod do/ /gzhan du na bdag med na de dag thams cad don med pa nyid du 'gyur ro snyam pa'i lta ba de lta bu byung bar gyur

  530. 265b

    'khor ba'i rgya mtsho chen por lhung ba/ ngar 'dzin pa dang yir 'dzin pa'i chu srin 'dzin khris zin pa/ lta ba'i chu bos sems g.yengs pa/ /srid pa'i bde ba la chags pa de dag gi bdag tu lta ba bzlog pa'i phyir bdag med do/ /zhes kyang bstan to/ /gdul ba bzang po gang dag dge ba'i tshigs yongs su smin pa/ srid pa'i chu bo las brgal bar nus pa/ don dam ba'i gtam gyi snod du gyur pa de dag la/ sangs rgyas bcom ldan 'das don dam pa'i de kho na ston pa rnam par 'dren pa chen po rnams kyi sgyu ma 'di ni byis pa 'brid pa ste/ 'di la bdag dang bdag med pa 'ga' yang med do/ /zhes ston te/ slob dpon 'phags pa lhas kyang/ med dang yod dang gnyi ga dang/ /gnyi ga min pa'ang ston mdzad de/ /nad kyi dbang gis nges par ni/ /sman ni 'phrod par 'gyur ba bzhin/ /zhes gsungs so/ /yang na 'di ni gzhan ste de kho na mthong ba la rgyas kyis phyogs pa/ thams cad shes pa ma yin bar thams cad mkhyen par mngon pa'i nga rgyal can/ rang gi rtog ge'o rjes su 'breng ba/ bdag med na 'di dag thams cad mi 'thad do/ /zhes skrag pa kha cig gis bdag go zhes kyang brtags so/ /de bzhin du blo gros rnam par rmongs pa/ med pa bdag gis 'jig rten na phung bar byed pa/ las dang 'gro ba lkog tu gyur pa gzhan dag gis bdag med do zhes kyang bstan to/ /sangs rgyas bcom ldan 'das sgrib pa med pa'i rnam par thar pa'i khyen pa brnyes pa thams cad mkhyen pa thams cad gzigs pa rnams kyis ni/ 'gro ba la phan gdags par bzhed pas de gnyi ga yang med do/ /zhes nges par gsal te/ dbu ma'i lam bdag dang bdag med pa ma yin pa 'di yod pas 'di 'byung la/ 'di med na 'di mi 'byung ngo/ /zhes bya ba nyid bstan to/ /'dir smras pa/ spros pa ni stong pa nyid kyis 'gag bar 'gyur ro/ /zhes gang smras pa de la rigs pa gang yin/ 'dir

  531. 266a

    bshad pa/ brjod par bya ba ldog pa ste/ gang gi phyir dngos po rnams stong par mthong na/ brjod par bya ba nyid ldog par 'gyur ba de'i phyir spros pa ni stong pa nyid kyis 'gag par 'gyur te/ 'di ltar brjod par bya ba yod na de la brten nas spros pa yod par 'gyur gyi/ brjod par bya ba med na gzhi med pa'i spros pa ji ltar yod par 'gyur/ smras pa/ de'i brjod par bya ba ji ltar ldog par 'gyur/ bshad pa/ sems kyi spyod yul ldog pas so/ /sems kyi yul ni gzugs la sogs pa yul rnams te/ gang gi phyir de'i sems kyi spyod yul gzugs la sogs pa dag log par gyur pa de'i phyir brjod par bya ba ldog par 'gyur te/ 'di ltar brjod par bya ba ni gzugs la sogs pa dag yin na de dag med na ci zhig brjod par bya/ smras pa/ de'i sems kyi spyod yul gzugs la sogs pa dag ji ltar ldog par 'gyur/ bshad pa/ ma skyes pa dang ma 'gags pa/ /chos nyid mya ngan 'das dang mtshungs/ /gang gi phyir des yang dag pa ji lta ba bzhin du mthong ba nam skyes pa dang ma 'gags pa'i chos nyid mya ngan las 'das pa dang mtshungs par rab tu shes pa de'i phyir de'i sems kyi spyod yul ldog par 'gyur ro/ /de lta bas na spros pa ni stong pa nyid kyis 'gag par 'gyur te/ slob dpon 'phags pa lhas kyang/ srid pa'i sa bon rnam shes te/ yul rnams de yi spyod yul lo/ /yul la bdag med mthong na ni/ srid pa'i sa bon 'gag par 'gyur/ /zhes gsungs so/ /smras pa/ gang 'jig rten 'di med do/ /'jig rten pha rol med do// sems can brdzus te skye ba med do/ /zhes bya ba la sogs par lta ba de dang/ gang dngos po thams cad ma skyes pa dang ma 'gags pa zhes bya bar lta ba de gnyis la khyad par ci yod/ bshad pa/ de gnyis la khyad par shin tu che na/ khyod ni stong pa nyid kyi don

  532. 266b

    rnam par mi shes nas de gnyis 'dra'o snyam du sems so/ /'di la so sor ma brtags par btang snyoms byed pa gang yin pa dang/ so sor brtags nas btang snyoms byed pa gang yin pa de gnyis btang snyoms byed par ni 'dra mod kyi so sor ma brtags par btang snyoms byed pa ni ma rig pa'i kun tu sbyor ba dang dang par bstan la/ btang snyoms byed pa cig shos ni sangs rgyas bcom ldan 'das rnams kyis kun tu bsten pa yin pas de gnyis la khyad par shin tu che ba de bzhin du/ 'di la yang 'jig rten 'di med do zhes bya ba la sogs pa de ltar mthong ba ni ma rig pas kun tu rmongs pa'i sems dang ldan pa yin gyi/ dngos po thams cad kyis stong pa'i phyir ma skyes pa dang ma 'gags par mthong ba cig shos ni shes pa sngon du btang ba yin pas/ de gnyis la khyad par shin tu che'o gzhan yang med pa de nyid ma mthong ba bzhin du 'jig rten 'di med do/ /zhes tshig 'ba' zhig brjod pa de la ni/ dper na dmus long phyogs 'di bde'o/ /zhes brjod kyang mig med pa'i phyir mi mthong bas der 'khrul pa dang brdeg 'cha' bar 'gyur ba de bzhin du/ de yang 'jig rten 'di med do/ /zhes brjod kyang shes pa'i mig med pa'i phyir mi mthong bas skyon de dag gis gos par 'gyur ro/ /gzhan yang dper na kha cig rtsod pa na don bden par 'gyur ba kho na la che bzhi gnyis ston par gyur la/ de na gcig ni don de mgnon sum du mthong ba yin la gnyis pa ni don de mngon sum du mthong bar gyur pa ma yin zhing nor ngo 'am mdza' ngos gnyer ba zhig yin te/ de gnyis ga yang don de la smrar bcug pa na/ de la gcig gis don de ji ltar bden pa de ltar smras su zin kyang don de mngon sum du yang ma gyur pa'i phyir rdzun du yang 'gyur la chos ma yin pa dang mi snyan pa dang yang ldan par 'gyur ro/ /cig shos kyis ni don de smras pa na don de mngon sum du 'gyur pa'i phyir bden par smra ba yang yin pa chos dang snyan pa dag dang ldan

  533. 267a

    par 'gyur ba de bzhin du/ dngos po thams cad stong pa yin zhing stong pa'i phyir ma skyes pa dang ma 'gags pa de yin du zin kyang/ de gang la mngon sum gyis shes pa yod pa de nyid legs pa dang ldan zhing bsngags pa yin gyi/ /cig shos ni stong pa nyid mngon sum du ma gyur pa'i phyir lta ba'i skyon gyis kyang gos la mkhas pa rnams kyis smad par yang 'gyur bas/ de'i phyir de nyid ni khyad par shin tu che ste/ slob dpon sgra gcan zin bzang pos shes rab kyi pha rol tu phyin pa la bstod pa las kyang/ khyod nyid mthong na 'ching 'gyur te/ /ma mthong na yang 'ching bar 'gyur/ /khyod nyid mthong na grol 'gyur te/ /ma mthong na yang grol bar 'gyur/ /zhes gsungs so/ /de lta na 'di ni de kho na shes pa'i blo gros kyi mig dri ma med pa dang ldan pa'i yul yin gyi/ 'di ma rig pa'i mun pa chen pos blo gros kyi mig bsgribs pa dang ldan pa'i yul ni ma yin no/ /gzhan yang khyod mkhas par rlom pa nyid kyis blo ldan du btang ste lta ba sems par mtshungs shing kho bo la rgol bar byed kyi/ yod pa nyid dang med pa nyid du smra ba la ni mi byed pa de las yang khyad par yod par bshad par bya ste/ ji ltar zhe na/ yod pa dang med pa nyid du brjod pa ni lta ba'i dbang gis te/ kho bo ni dngos po rnams ri bong gi rwa bzhin du med pa nyid du mthong la tshig gi skyon yongs su spang ba'i phyir yod pa nyid kyang ma yin la med pa nyid kyang ma yin no zhes mi smra'i/ 'di ltar de dag rten cing 'brel bar 'byung ba'i phyir ji ltar yod pa nyid dang/ med pa nyid dag gzugs brnyan dag bzhin du mthong ba de ltar smra bas/ khyod ni nor bu de zan an+dza? snyil kyi rin btang du 'tshor ba na/ yid la bsams pa dang mthun pa'i 'bras bu yang ma thob la rang gi blo yang bar yang bstan pa bzhin du gyur to/ /smras pa/ gal te de ltar dngos po thams

  534. 267b

    cad mya ngan las 'das pa dang mtshungs pa yin na chos dang chos ma yin pa dag la khyad par med pa'i phyir rtsom pa thams cad don med pa nyid du mi 'gyur ram/ bshad pa/ ci khyad yang dag pa ji lta ba bzhin du mthong ba la yang rtsom pa yod par lta 'am/ gang gi tshe sngar brjod par bya ba ldog pa ste/ sems kyi spyod yul ldog pas so/ /zhes bstan zin pas/ de'i rnam par rmongs pa'i sems dang ldan pa la rtsom pa yod kyi/ de kho na mthong ba la ni bya ba ci yang med do/ /ji skad du bya ba byas so/ /'di las gzhan med do zhes gsungs pa dang/ de bzhin du gang zag ma rig pa dang ldan pa 'di ni bsod nams las byung ba'i mngon par 'du bya ba dag kyang mngon par 'du byed do/ /zhes gsungs pa lta bu'o/ /slob dpon 'phags pa ltas kyang/ kun med ci zhig byar yod ces/ /khyod ni 'jigs pa skye bar 'gyur/ /gal te bya ba yod na ni/ /chos 'di ldog pa ma yin no/ /zhes gsungs te/ de lta bas na chos nyid mya ngan 'das dang mtshungs zhes pa 'di ni don dam pa'i phyir gsungs ba yin no/ /'jig rten gyi tha dad kyi phyir/ thams cad yang dag yang dag min/ /yang dag yang dag ma yin nyid/ /'di ltar bcom ldan 'das kyis kyang gang 'jig rten la yod par grags pa de nga yang yod par smra'o/ /gang 'jig rten la med par grags pa de nga yang med par smra'o// zhes gsungs pas/ de'i phyir gang gi tshe 'jig rten gyi tha snyad bya ba de'i tshe na gang 'jig rten la yang dag pa nyid du grags pa/ de bcom ldan 'das kyis kyang yang dag pa nyid do/ /zhes gsungs so/ /gang 'jig rten la yang dag pa nyid ma yin par grags pa de bcom ldan 'das kyis kyang yang dag pa ma yin no/ /zhes gsungs so/ /gang 'jig rten pa yang dag pa nyid dang/ yang dag pa nyid ma yin pa nyid du grags pa de bcom ldan 'das kyis kyang yang dag pa nyid dang/ yang dag pa nyid ma yin

  535. 268a

    pa nyid do/ /zhes gsungs so/ /'di lta ste dper na/ grong mi gnyis shig bya ba 'ga' zhig la grong khyer du dod ba na ltad mo'i phyir lha khang du zhugs nas ri mo lta bar brtsams pa dang de na gcig gis smras pa/ lag na mdud rtse gsum pa thogs pa gang yin pa 'di ni srid med kyi bu'o/ /lag na 'khor lo thogs pa gang yin pa 'di ni dbang phyug chen po'o/ /cig shos kyi smras pa khyod kyis log par bzung ste/ lag na mdud rtse gsum pa thogs pa ni dbang phyug chen po'o/ /lag na 'khor lo thogs pa ni sred med kyi bu'o/ /zhes de gnyis rtsod pa na/ nye 'khor na kun tu rgyu zhig 'dug pa'i gnad du dong ste phyag 'tshal nas de la rang rang gi bsam pa smras pa dang/ des gcig la ni khyod zer ba bden no/ /zhes smras/ cig shos la ni mi bden no/ /zhes smra? na/ de la kun tu rgyu des ji ltar 'di na dbang phyug chen po yang 'ga' yang med la/ sred med kyi bu yang med de/ /'di dag ni rtsig pa la rten pa'i ri mo bris pa'o/ /zhes bya ba de ltar shes mod kyi/ 'jig rten gyi tha snyad kyi dbang gis 'di ni bden no/ /zhes smra? pa la rdzun gyi tshig gi skyon can du ma gyur ba de bzhin du/ bcom ldan 'das kyis kyang dngos po rnams ngo bo nyid stong par gzigs kyang/ 'jig rten gyi tha snyad kyi dbang gis 'di ni yang dag pa nyid do/ /'di ni yang dag pa nyid ma yin no/ /'di ni yang dag pa nyid dang/ yang dag pa nyid ma yin no/ /zhes gsungs so/ /don dam par ni/ yang dag min min yang dag min/ /de ni sangs rgyas bstan pa'o/ /dngos po ngo bo nyid stong pa sgyu ma dang/ rmi lam dang/ smig rgyu dang/ gzugs brnyan dang/ brag ca lta bu ? la ji ltar yang dag pa nyid dang/ yang dag pa nyid ma yin par brjod de/ de'i phyir de ni sangs rgyas bcom ldan 'das rnams kyi bstan pa yod pa dang med pa nyid kyi skyon dang bral ba/ mu stegs byed thams cad dang thun mong ma yin pa don dam pa gsal

  536. 268b

    bar byed pa yin no/ /yang na 'di ni don gzhan de kha cig na re thams cad yod pa nyid las skye'o/ /zhes zer ro/ /gzhan dag na re rgyu la 'bras bu snga na med pa dag las skye'o/ /zhes zer ro/ /kha cig na re yod pa dang med pa las skye'o/ /zhes zer ro/ /sangs rgyas bcom ldan 'das rnams kyi bstan pa ni dngos po rgyu dang rkyen las gdags par zad kyi yod pa dang med pa ni ma yin te/ de ltar yang kA tyA ya na 'jig rten 'di ni gnyis la gnas te/ phal cher yod pa nyid la gnas pa dang/ med pa nyid gnas so/ /zhes gsungs so/ /de lta bas na sangs rgyas bcom ldan 'das rnams kyis 'jig rten gyi tha snyad kyi dbang gis kyang de dang de dag gsungs pas/ de'i phyir de kho na mthong bar 'dod pa rnams kyis 'jig rten gyi tha snyad kyi dbang gis gsungs pa dag la mngon par ma zhen par byas te/ de kho na gang yin pa de nyid gzung bar bya'o/ /smras pa/ de kho na'i mtshan nyid gang yin/ bshad pa/ gzhan las shes min zhi ba dang/ /spros pa rnams kyis ma spros pa/ /rnam rtog med don tha dad min/ de'i de nyid mtshan nyid do/ /gzhan las shes min zhes bya ba ni/ 'di la gzhan las shes pa med pa ste/ lung med par bdag gi mngon sum du 'gyur zhing/ bdag nyid kyi mngon sum zhes bya ba'i tha tshig go/ zhi zhes bya ba ni ngo bo nyid ston pa zhes bya ba'i tha tshig go/ smos pa rnams kyis ma spros pa zhes bya ba ni 'jig rten gyi chos rnams dang bral ba zhes bya ba'i tha tshig go/ rnam par rtog pa med pa zhes bya ba ni 'di zhes bya ba dang 'di'o/ /zhes rnam par ma brtags pa'o/ /don tha dad pa ma yin/ zhes bya ba ni 'di yang yin la/ 'di yang yin no/ /zhes don dbyer med pa'o/ /de la gang gi phyir rnam par rtog pa med pa de'i phyir spos pa rnams kyis ma spros pa'o/ /gang gi phyir 'jig rten pa'i chos rnams kyis ma spros pa de'i phyir zhi ba'o/ /

  537. 269a

    gang gi phyir zhi ba de'i phyir don tha dad ba ma yin pa ste/ de'i phyir de lta bu'i rang bzhin shes pa rang rig pa gzhan la shes pa ma yin pa gang yin pa de ni de kho na'i mtshan nyid yin pa shes bar bya'o/ /'di yang de kho na'i mtshan nyid gzhan yin te/ gang las rten te gang byung ba/ /de ni re zhig de nyid min/ /de las gzhan pa'ang ma yin phyir/ /de'i phyir char yin rtag ma yin/ /'di ltar gang las brten nye gang byung ba de ni re zhig de nyid ma yin no/ /de las gzhan pa'ang ma yin te/ gal te de de las gzhan yin par gyur na de med par yang 'byung bar 'gyur ba'i rigs na/ mi 'byung bas de'i phyir de la gzhan pa'ang ma yin no/ /dper na sa bon las brten te myu gu byung ba ni sa bon gang kho na yin pa de myu gu kho na ma yin la sa bon las gzhan pa myu gu'i ngo bo nyid med pa'i phyir sa bon las myu gu gzhan ba'ang ma yin pa bzhin te/ de ltar gang gi phyir gang las brten te gang byung ba de re nyid kyang ma yin pa de de las gzhan pa'ang ma yin pa de'i phyir chad pa yang ma yin pa rtag pa yang ma yin no/ /'di ltar sa bon nyir myu gu yin par gyur na/ sa bon rtag par 'gyur ro/ /gang gi phyir sa bon nyid myu gu ma yin pa de'i phyir sa bon rtag pa ma yin no/ /gal te sa bon yang gzhan nyid la myu gu yang gzhan yin pa rgyur na de lta na sa bon rnam pa thams cad du rgyun chad pas tshang par 'gyur ro/ /gang gi phyir sa bon las myu gu gzhan ma yin pa de'i phyir sa bon chad pa ma yin te/ slob dpon 'phag pa lhas kyang/ /gang phyir dngos po 'jug 'gyur ba/ /des na chad par mi 'gyur ro/ /gang phyir dngos po ldog 'gyur ba/ /des na rtag par mi 'gyur ro/ /zhes gsungs so/ /de lta bas na/ de yang de nyid dang gzhan nyid du brjod bar bya ba ma yin pa'i phyir/ rtag pa

  538. 269b

    yang ma yin la chad pa yang ma yin pas de kho na'i mtshan nyid yin no/ /don gcig min don tha dad min/ /chad pa ma yin rtag min pa/ /de ni sangs rgyas 'jig rten gyi/ /mgon po'i bstan pa bdud rtsi yin/ /de ltar mtho ris dang byang grol gyi lam rnam pa 'byed pa don gcig pa ma yin pa don tha dad pa ma yin pa/ chad pa ma yin pa rtag pa ma yin pa/ gcig pa dang tha dad? ba dang chad pa dang rtag pa'i skyon las phyi rol du gyur pa/ mchog tu zab pa/ don dam pa'i de kho na gsal bar byed pa de ni/ 'jig rten dang 'jig rten las 'das pa'i bde ba thob par bya ba'i phyir/ sangs rgyas bcom ldan 'das thams cad mkhyen pa thams cad gzigs pa/ stobs bcu'i stobs dang ldan pa/ rgyu med par byams pa rnams kyi bstan pa bdud rtsi yin te/ de sgrub par bya'o/ /'di ltar der zhugs pa rnams kyi bdag nyid kyi mngon sum du gyur pa 'phral kho na la 'grub par 'gyur ro/ /gang dag tshogs ma byas pa nyid kyis 'phral lam grub pa de dag la yang tshe rabs gzhan dag la nges par 'grub par 'gyur te/ slob dpon 'phags pa lhas kyang/ de nyid shes pas 'di la ni/ 'dod chags bral pa ma thob kyang/ /tsher bas gzhan la 'bad med par/ nges par thob ste las bzhin no/ /zhes gsungs so/ /rdzogs sangs rgyas rnams ma byung zhing/ /nyan thos rnams ni zad gyur kyang/ /rang sangs rgyas kyi ye shes ni/ /brten pa med las rab tu skye/ /ci ste yang 'di la cung zad goms par byas pa rnams la rgyal rdzogs pa'i sangs rgyas rnams ma byung ngam/ nyan thos rnams zad par gyur te/ rkyen dang mi ldan par gyur du zin na yang/ de dag gi sngon goms ba'i rgyu las byung ba rang sangs rgyas kyi ye shes gzhan las shes pa ma yin pa brten pa med pa tsam gyi rkyen las rab tu skye bar 'gyur ro/ /de'i de ltar bstan pa bdud rtsi 'di sgrub pa la 'bras

  539. 270a

    bu yod par 'gyur bas/ de lta bas na yongs su rtog pa dang ldan pa 'khor ba'i dgon pa spong bar 'dod pa/ bdud rtsi'i go 'phang thob par 'dod pa rnams kyis 'di nyid 'bad pas bsgrub par bya ste/ 'di kho na las don dam pa nges par 'grub bo/ /bdag dang chos brtag pa zhes bya ba ste rab tu byed pa bco brgyad ba'o// //smras pa/ 'di la khyod kyis byed pa po las brtag pa'i zhal la 'ongs ba de kho'i rigs pa rjes su bstan pas kho bo'i yid kyi sa dag la dngos po yod pa dang med par lta ba'i shing brtan po chen po yun ring po nas rab tu gnas pa'i rtsa ba yang legs par 'gul gyis/ de'i phyir nga yang kho bo la phan gdags par 'dod pas dus brtag par bya ba'i rigs so/ /bshad pa legs so/ /smras pa/ 'di la bcom ldan 'das kyis de dang der dus gsum bstan pa mdzad de/ med na ni bstan par mi rigs pas dus gsum ni yod pa kho na yin no/ /bshad pa/ bcom ldan 'das kyis 'jig rten gyi tha snyad kyi dbang gis dus gsum brtan pa mdzad kyi/ de kho nar ni dus gsum mi 'thad do/ /de ji ltar zhe na/ 'di la re zhi gal te ma 'ongs pa'i dus su gyur nas rim gyis da lta bu 'gyur zhing/ da ltar du gyur nas kyang rim gyis 'das par 'gyur ba ni/ de lta na dus gcig du 'gyur te/ dper na tsai tra grong du phyin na yang tsai tra nyid yin la grong nas thal na yang tsai tra nyid yin te/ de la ma phyin pa dang/ phyin pa dang thal ba gsum nyid du dbyer med pa bzhin no/ /ce ste yang ma 'ongs pa yang gzhan nyid lang ltar yang gzhan 'das pa yang gzhan yin par gyur na ni/ de lta na yang gsum char yang rtag pa nyid du 'gyur ro/ /rtag pa nyid yin na dus su brtag pa don med pa nyid du 'gyur te dgos pa med pa'i phyir ro/ /yang gzhan yang/ 'di la gal te dus

  540. 270b

    zhes bya ba dngos po 'ga' zhi yod par gyur na/ de rang las sam/ bltos nas rab tu 'grub par 'gyur grang na/ de la re zhig gal te dus gsum du bltos nas rab tu 'grub par sems na/ de la bshad par bya ste/ da ltar byung dang ma 'ongs pa/ gal te 'das la bltos gyur na/ /da ltar byung dang ma thongs pa/ /'das pa'i dus la yod par 'gyur/ /da ltar byung ba dang/ ma 'ongs pa'i dus dag gal te 'das pa'i dus la bltos nas yod par gyur na/ de lta na da lta ba dang ma 'ongs pa'i dus dag 'das pa'i dus na yod par 'gyur ro/ /'das pa na yod par gyur na de gnyis kyang 'das pa yin par 'gyur ro/ /de lta na dus gcig kho nar 'gyur ro/ /dus gcig kho na yin na bltos pa mi 'thad de 'di ltar de nyid de nyid la ji ltar bstos par 'gyur/ bltos pa mi 'thad pa'i phyir dus kyang mi 'thad pa kho na yin no/ /ci ste 'das pa'i dus zhigs shing 'gags te med pa kho na yin na ni/ de na 'di gnyis ji ltar yod par 'gyur/ ci ste 'das pa yang yod pa kho na yin pa sems na ni yod pa'i phyir da ltar yin par 'gyur gyis 'das pa ma yin pas de ni mi 'dod do/ /smras pa/ gang gi tshe da ltar byung ba dang ma 'ongs pa dag 'das pa la bltos nas 'grub bo zhes smras pa de'i tshe ji ltar de gnyis 'das pa na yod par 'gyur/ bshad pa/ gang gi phyir de la bltos nas 'grub bo zhes pa de kho na'i phyir de gnyis de na yod par thal bar 'gyur ro/ /gzhan du na/ da ltar byung dang ma 'ongs pa/ /gal te de na med gyur na/ /da ltar byung bar ma 'ongs pa/ /ji ltar de la bltos par 'gyur// da ltar byung ba dang ma 'ongs pa'i dus dag gal te 'das pa'i dus de na med par gyur na/ da ltar byung ba dang ma 'ongs pa'i dus de na med pa de dag ji ltar de la bltos par 'gyur te/ 'di ltar gsum char yang tshogs par gyur na bltos par 'thad

  541. 271a

    pa'i phyir ro/ /ci ste yang de na yod par gyur na ni de gnyis yod pa la yang bltos pas ci zhig bya/ de lta bas na re zhig da ltar byung ba dang ma 'ongs pa dag 'das pa la bltos nas rab tu 'grub bar mi 'thad do/ /de la 'di snyam du/ da ltar byung ba dang ma 'ongs pa dag 'das pa la mi bltos pa kho nar grub par sems na/ de la bshad par bya ste/ 'das pa la ni ma bltos par/ /de gnyis 'grub pa yod ma yin/ /'das ba'i dus la ma bltos par yang da ltar byung ba dang ma 'ongs pa'i dus de gnyis rang las rab tu 'grub pa yod pa ma yin no/ /de phyir da ltar byung ba dang/ /ma 'ongs dus kyang yod ma yin/ /de ltar gang gi phyir da ltar byung ba dang ma 'ongs pas gnyis 'das pa'i dus na yod pa ma yin pas bltos par mi 'thad la 'das pa la ma bltos par yang de gnyis 'grub pa yod pa ma yin pa de'i phyir de ltar byung ba dang ma 'ongs pa'i dus kyang yod pa ma yin no/ /rim pa'i tshul ni 'di nyid kyi/ /lhag ma gnyis po bsnor ba dang/ /mchog dang tha ma 'bring la sogs/ /gcig la sogs pa yang shes par bya/ /rim pa'i tshul 'di nyid kyis dus lhag ma gnyis po bsnor ba dang/ mchog dang tha ma dang 'bring dang gcig la sogs pa dag kyang shes par bya'o/ /da ltar byung ba dang 'das pa dag gal te ma 'ongs pa la bltos nas yod par gyur na/ de lta na de gnyis kyang de na yod par 'gyur ro/ /de lta na da ltar byung ba dang 'das pa dag kyang ma 'ongs pa yin par 'gyur te de na yod pa'i phyir/ /de lta na dus gcig kho nar 'gyur bas de la bltos par mi 'thad do/ /bltos pa med pa'i phyir de dag kyang med do/ /ma 'ongs pa ma byung ba med pa kho na gang yin pa de la yang de gnyis ji ltar yod par 'gyur/ ci ste ma 'ongs pa yang yod pa kho na yin na ni yod par phyir da ltar nyid yin par

  542. 271b

    'gyur gyis ma 'ongs pa ma yin pas de yang mi 'dod do/ /ci ste de gnyis de na med par gyur na ni de la ji ltar bltos par 'gyur/ 'on kyang bltos par 'gyur na ni de lta na yod pa'i phyir bltos par brtag pa don med pa nyid du 'gyur ro/ /ma 'ongs pa la ma bltos par yang de gnyis 'grub pa yod pa ma yin no/ /de bzhin du 'das pa dang ma 'ongs pa dag gal te da lta la bltos nas yod par gyur na de lta na de gnyis kyang de na yod par 'gyur ro/ /de lta na 'das pa dang ma 'ongs pa dag kyang da ltar yin par 'gyur te/ de na yod pa'i phyir ro/ /de lta na dus gcig kho nar gyur pas de la bltos pa mi 'thad do/ /bltos pa med pa'i phyir de dag kyang med do/ /'das pa dang ma 'ongs pa zhig pa'i phyir dang ma byung ba'i phyir med pa kho na gang dag yin pa de dag kyang da ltar gyi dus na ji ltar yod par 'gyur/ ci ste yang yod pa yin na ni grub pa'i phyir de gnyis la yang bltos bas ci bya/ ma bltos par yang de gnyis 'grub pa yod pa ma yin no/ /de lta bas na 'das pa yang yod pa ma yin la ma 'ongs pa la yang yod pa ma yin na de ltar yang yod pa ma yin no/ /mchog dang tham dag kyang gal te 'bring la bltos nas 'grub na/ de lta na mchog dang tha ma dag 'bring yod na yod par 'gyur gyi rang las ma yin no/ /ci ste 'bring med na ni ji ltar de la bltos nas mchog dang tha ma dag yod par 'gyur/ 'bring la ma bltos par yang de gnyis 'grub pa yod pa ma yin no/ /de la 'di snyam du 'bring yod na mchog dang/ tha ma de dag yod par sems na de la bshad par bya ste/ gsum char yang yod par gyur na yang bltos ci dgos bltos pa med par yang de dag las gang yang rung ba rang las rab tu 'grub pa yod pa ma yin no/ /de lta bas na mchog dang tha ma 'bring? dag ngo bo nyid las yod pa ma yin no/ /de bzhin du mchog dang 'bring dag la gal te tha ma la bltos nas yod par gyur tam/ 'bring dang tha ma dag gal te

  543. 272a

    mchog la bltos nas yod par gyur tam/ thog ma dang tha ma dag gal te dbus la bltos nas sam/ thog ma dang dbus dag gal te mdza' la bltos nas sam/ mdza' dang dbus dag gal te thog ma la bltos nas sam/ thag nye ba gal te thag ring ba la bltos nas sam/ thag ring ba gal te thag nye ba la bltos nas sam/ de bzhin du sdon dang phyi ma dang gcig pa nyid dang tha dad pa nyid dang/ de nyid dang/ gzhan nyid dang/ 'bras bu dang/ rgyu dang/ thung du dang ring po dang chung du nyid dang chen po nyid dang/ bdag dang bdag med pa dang/ 'dus byas dang 'dus ma byas dang/ gcig pa nyid dag gal te mang po la bltos nas sam/ gcig dang mang po dag gal te gnyis la bltos nas sam/ gnyis dang mang po dag gal te gcig la bltos nas sam/ de dag la sogs pa gang cung zad bltos nas 'grub par 'gyur brjod pa de dag thams cad de dag la yod par 'gyur bar 'gyur te/ med na bltos par mi 'thad pa'i phyir ro/ /de lta bas na de dag thams cad kyang de kho nar rang las rab tu 'grub pa yod pa ma yin no/ /'jig rten gyi tha snyad kyi dbang gis ni brjod par bya'o/ /smras pa/ ma bltos par yang de dag 'grub pa yod pa ma yin no/ /zhes gang smras pa de rigs pa ma yin te/ 'di na dus ni skad cig dang thang cig dang yud tsam dang/ mtshan mo dang nyin mo dang zla ba phyed dang/ zla ba dang dus tshigs dang nur ba dan lo la sogs pa dag gi tshad dang ldan par rab tu grub pas de la bltos pas ci zhig bya/ bshad pa/ mi gnas dus su 'dzin mi byed/ /gang zhig bzung bar bya ba'i dus/ /gnas pa yod pa ma yin pas/ /ma bzung dus su ji ltar gdags/ /'di la dngos po nges par gnas pa rnams ni/ tshad las gzung du rung ste/ dper na shing 'di ni mtho ba

  544. 272b

    'di ni chu ring 'di ni thung ngo glang po che 'di ni che'o/ /zhes bya ba lta bu yin na/ dus la ni gang gi tshad las gzung bar bya ba ril por nges par gnas par 'ga' yang yod pa ma yin no/ /'di ltar yud tsam yang cung zad 'das pa 'am cung zad ma 'ongs pa la yud tsam zhes gdags pa yin gyi yud tsam zhes bya ba ril por des par gnas pa ni 'ga' yang yod pa ma yin na/ nyin mo la sogs pa dag lta smos kyang ci dgos/ de la 'di snyam du 'di na skad cig nges par gnas pa yod par sems na/ de la bshad par bya ste/ skad cig nges par gnas pa zhes bya ba gang yin pa de ni 'das pa yang ma yin ma 'ongs pa yang ma yin te/ ci'i phyir zhe na/ nges par gnas pa'i phyir ro/ /nges par gnas pa kho na'i phyir de ni de ltar yang ma yin te/ 'jug pa'i phyir nga ltar zhes brjod pa yin na/ gal te de nges par gnas pa yin na de grub pa yin gyi 'jug pa ma yin pas 'jug pa ma yin pa ji ltar da ltar yin par 'gyur/ de lta bas na dus nges par gnas pa yod pa ma yin pa nyid de/ gang yod pa ma yin pa de ji ltar gzung bar bya/ gang gzung du med pa de dag skad cig dang thang cig dang yud tsam la sogs pa dag tu ji ltar gdags/ de lta bas na dus zhes bya ba ba dngos po 'ga' yang mi 'thad do/ /'dir smras pa/ dus ni yod pa kho na yin no/ /ci'i phyir zhe na/ rtags yod pa'i phyir te/ snga ma dang phyi ma dang cig car dang cig car ma yin pa dang/ yun ring po dang myur ba zhes bya ba nag ni dus kyi rtags yin pas de ltar rtags yod pa'i phyir dus kyang yod do/ /bshad pa/ gal te dus ni sngon brten na gal te snga ma dang phyi ma la sogs pa de dag dus kyi rtags yin no/ /de lta na dus ni dngos po kho na la brten nas gdags pa yin gyi rang las rab tu grub pa ma yin no/ /smras pa/ ma yin no dus ni rang kho na

  545. 273a

    las rab tu grub po/ /dus zhes bya ba ni snga ma dang phyi ma la sogs pa dag ni rgyu yin te/ gang las de dag tu 'gyur ba de ni dus yin no/ /bshad pa/ dngos med dus ni ga la yod/ /dngos po ma gtogs par khyod kyi dus rang las rab tu grub cing nges par gnas pa 'thad par ga la 'gyur/ rgyu dus mi 'gyur ba rtag ba nges par gnas pa yin na/ 'bras bu tha dad par ji ltar 'gyur/ gal te tse tra snga mar gyur pa dang/ gupta phyi mar gyur pa dag la de rang bzhin tha mi dad par gnas na de gnyis tha dad pa dag des ji ltar byas par 'gyur/ tsai tra dang gupta gnyis rang gis snga ma dang phyi mar tha dad par ma yin pa las dus snga phyi las snga ma dang phyi ma nyid du gyur la/ dus de nyid ni tha dad pa ma yin na de gnyis tha dad pa dus kyis ji ltar byas par 'gyur/ slob dpon 'phags pa lhas kyang/ 'bras bu rgyu ni tha dad pas/ /des na rtag pa yod ma yin/ /yang na gang na rgyu yod pa/ /de na 'bras bu yod ma yin/ /zhes gsungs so/ /ci ste de gnyis tha mi tha dad kyang dus kyis tha dad pa yin na ni/ de lta na tha dad pa'i tshig med pa'i phyir thams cad tha dad pa 'am/ thams cad tha dad pa ma yin bar 'gyur ro/ /de lta bas na dngos po kho na la brten nas dus gdags par 'thad gyi/ dngos po ma gtogs par dus nges par gnas pa gzhan yod par mi 'thad do/ /smras pa/ dus ni dngos po la brten nas gdags pa kho na yin te/ yud tsam zhig 'dug par gyur to/ /nyin gcig 'dug go /zla ba gcig 'dug par 'gyur ro zhes bya bas de'i phyir dum? ni yod pa kho na yin no/ /bshad pa/ gal te dngos po nyid yod par gyur na ni/ dus dngos po la brten par 'gyur grang na/ dngos po 'ga' yang yod min na/ /dus lta yod par ga la 'gyur/ /dngos po 'ga' yang mi 'thad do/ /zhes

  546. 273b

    bya ba de nyid sngar rab tu bsgrubs zin pas/ de'i phyir gal te dus dngos po la brten nas rab tu 'grub bar sems na dngos po de ni 'ga' yang yod pa ma yin pas khyod kyi dus da lta yod par gal 'gyur/ smras pa/ gal te dus yod pa ma yin na de lta na khyad par med pa'i phyir byas par gyur to/ /byed do byed par 'gyur ro zhes bya ba de dag la sogs pa'i brjod pa dag mi 'thad ba kho nar 'gyur ba zhig na 'thad pa yang yod pas de'i phyir dus ni yod pa kho na yin no/ /bshad pa/ gang gi tshe sngar/ brjod par bya ba log pas te/ zhes bstan pa de'i tshe/ de dag la sogs pa brjod pa dag mi 'thad do/ /zhes bya ba de ni khyod kyis cung zad cig smras su zad kyi/ de dag la sogs pa 'ba' zhig tu ma zad de brjod pa thams cad kyang mi 'thad do/ / 'jig rten gyi tha snyad kyi dbang gis ni de dag thams cad kyang 'thad de/ de yang/ thams cad yang dag yang dag min/ /zhes bstan pa yin no/ /de lta bas na dus zhes bya ba dngos po 'ga' yang med par shes par bya ste/ brten nas gdags par ni 'grub bo/ /dus brtag pa zhes bya ba ste rab tu byed pa bcu dgu pa'o// //smras pa/ dus ni yod pa kho na yin no/ /ci'i phyir zhe na/ dus dang tshogs pa nyid las 'bras bu 'grub pa'i phyir te/ 'di nas dang sa bon dang chu dag yod du zin kyang/ myu gu 'byung bar mi 'gyur gyi/ /gang gi tshe de dag dus tshigs dang tshogs pa nyid du gyur pa de'i tshe na myu gu 'byung bar 'gyur bas de ltar gang gi phyir dus dang tshogs pa nyid med na myu gu 'gyur bar mi 'gyur la yod na 'gyur ba de'i phyir dus ni yod pa kho na yin no/ /bshad pa/ gal te 'bras bu skye ba nyid 'thad par 'gyur na ni 'bras bu skye bas dus kyang yod par 'gyur grang na/ 'bras bu smre? ba nyid mi 'thad pas 'bras bu'i rgyu can gyi dus yod par ga la 'gyur/ 'di ltar gal te tshogs

  547. 274a

    ba nyid las 'bras bu skye bar gyur na/ 'bras bu de tshogs pa nyid de la yod pa 'am/ med pa las skye bar 'gyur grang na/ gnyi ga las kyang de'i skye ba mi 'thad do/ /ji ltar zhe na/ gal te rgyu dang rkyen rnams kyi/ /tshogs pa nyid las skye gyur nas/ /tshogs pa la 'bras bu yod na ni/ /ji ltar tshogs pa nyid las skye/ /tshogs pa'i dngos po ni tshogs pa nyid do/ /gal te rgyu dang rkyen rnams kyi tshogs pa nyid las 'bras bu skye bar 'gyur na/ tshogs pa nyid de la 'bras bu de yod pa nyid yin na ni 'bras bu yod pa de ji ltar tshogs pa nyid de las skye bar 'gyur/ ci ste de yod kyang yang skye bar 'gyur na ni de lta na de'i skye bar 'gyur brtag pa don med pa nyid du 'gyur te/ 'di ltar yod pa la yang skye bas ci bya/ thug ba med par thal bar yang 'gyur te/ 'di ltar nam yang mi skye bar mi 'gyur ba'i phyir ro/ /ci ste yang 'di snyam du rgyu dang rkyen rnams kyi tshogs pa nyid la 'bras bu med de rgyu dang rkyen rnams kyi tshogs pa nyid la 'bras bu med pa skye bar 'gyur bar sems na/ de la bshad par bya ste/ gal te rgyu dang rkyen rnams kyi/ /tshogs pa nyid las skyo gyur na/ /tshogs la 'bras bu med na ni/ /ji ltar tshogs pa nyid las skye/ /gal te rgyu dang rkyen rnams kyi tshogs pa nyid las 'bras bu skye bar gyur na/ tshogs pa nyid de la 'bras bu de med pa nyid yin na ni 'bras bu de ji ltar tshogs pa nyid de las skye bar 'gyur na/ ci ste med kyang skye bar 'gyur na ni/ /de ltar de skyes pa yang med pa nyid du 'gyur te/ skye ba na med pa skyes na ji ltar yod par 'gyur /'di ltar ba la nga? skye ba ltar mi 'gyur ro/ /yang gzhan yang/ gal te rgyu dang rkyen rnams kyi/ /tshogs la 'bras bu yod na ni/ /tshogs pa la zung du yod rigs na/ /tshogs pa nyid la gzung du med/ /gal te rgyu dang rkyen rnams kyi tshogs pa nyid la

  548. 274b

    'bras bu de yod pa nyid yin par gyur na/ tshogs pa nyid de la nges par gnas pa de shing la bya bzhin du gzung du yod pa'i rigs na de la de yod kyang gzung du med de/ gzung du med pa de ji ltar yod ces bya/ de lta bas na tshogs pa nyid la 'bras bu yod par mi 'thad do/ /gal te rgyu dang rkyen rnams kyi/ /tshogs la 'bras bu med na ni/ /rgyu rnams dang ni rkyen dag kyang/ /rgyu rkyen ma yin mtshungs par 'gyur/ /ga te rgyu dang rkyen rnams kyi tshogs pa nyid la 'bras bu de med pa nyid yin par gyur na/ rgyu rnams dang rkyen dag kyang rgyu dang rkyan ma yin ba rnams dang mtshungs par 'gyur ro/ /de lta bas na thams cad las thams cad 'byung bar 'gyur bas de yang mi 'dod do/ de lta bas na tshogs pa la 'bras bu med pa'i skye ba mi 'thad do/ /smras pa/ ma yin te rgyu dang rkyen nges pa'i phyir ro/ /gal te thams cad kyi rgyu dang rkyen dag yin par gyur na ni/ de lta na thams cad las thams cad 'byung bar 'gyur ro/ /zhes smras bar rigs pa zhig na/ thams cad thams cad kyi rgyu dang rkyen dag ma yin te/ 'di ltar rgyu dang rkyen nges pa dag mthong ste/ nas kyi sa bon las kyang nas kyi myu gu nyid skye'i/ 'bras kyi myu gu mi skye la/ rgyu spun dag las kyang snam bu nyid 'byung gi /bum pa mi 'byung pas/ de ltar gang gi phyir rgyu dang rkyen nges pa de'i phyir thams cad las thams cad 'byung bar mi 'gyur ro/ /bshad pa/ mi rung ste nges pa'i tshigs ma bstan pa'i phyir ro/ /khyod kyis 'di ltar rgyu dang rkyen dag nges so/ /zhes bya bar nges pa'i gtan tshigs ma bstan to/ /gal te med na ni de nges pa'i gtan tshigs med pa ji ltar rung bar 'gyur/ de lta bas na nges pa'i gtan tshigs med pas rgyu dang rkyen dag rgyu dang rkyen ma yin pa rnams dang mtshungs par thal bar 'gyur ro/ /de ltar thams cad las thams cad 'byung na/

  549. 275a

    nas kyi sa bon la yang nas kyi myu gu yang med la 'bras kyi sa bon la 'bras kyi myu gu med de/ de la gnyi ga yang med na nas kyi sa bon ni/ nas kyi myu gu kho na'i rgyu yin kyi/ 'bras kyi myu gu'i ma yin no/ /zhes nges par gyur ba 'di'i ci las gyur/ rgyu dang rkyen rnams la 'bras bu yod na ni 'bras bu yod pas nges par gyur par yang 'thad na de yang med de/ de med na nges pa'i gtan tshigs med pa ji ltar rung bar 'gyur/ de lta bas na nges pa'i gtan tshigs med pas rgyu dang rkyen ma yin pa rnams dang mtshungs par thal bar 'gyur ba nyid do/ /smras pa/ mngon sum la gtan tshigs kyi tshig gi don med do/ /gang gi tshe mngon sum nyid du nas kyi sa bon las nas kyi myu gu nyid skye'i 'bras kyi myu gu mi skye ba de'i tshe gtan tshigs gzhan btsal ci dgos/ bshad pa/ gang nges par snang ba de yang rgyu dang rkyen rnams la 'bras bu yod na 'thad kyi med na mi 'thad pas/ de'i phyir med ba mi skye'o/ /zhes smra'o/ /de lta bas na med pa skye ba'i gtan tshigs gzhan 'ga' zhig bstan par bya dgos te/ des na gtan tshigs gzhan des med pa skye ba rab tu grub na nges par mthong bas thams cad las thams cad 'byung bar mi 'gyur ba zhig na/ med pa skye ba'i gtan tshigs gzhan yang mi ston bas/ de'i phyir nges par mthong ba ni tshogs pa nyid la 'bras bu yod pa ston pa yin no/ /smras pa/ 'di la rgyus 'bras bu la rgyu byin nas 'gag pas de'i phyir rgyus 'bras bu 'grub par 'gyur zhing rkyen rnams ni de la phan 'dogs par byed pa yin pas/ de ? la tshogs pa nyid la 'bras bu yod dam med ces bsam pa des ci bya/ bshad pa/ gal te rgyus ni 'bras bu la/ /rgyu phyin nas ni 'gag 'gyur na/ /gang byin pa dang gang 'gags pa'i/ /rgyu yi bdag nyid gnyis su 'gyur/ /gal te

  550. 275b

    rgyus 'bras bu la rgyu byin nas 'gag par 'gyur na/ de lta na gng sbyin pa dang gang 'gags pa des rgyu'i bdag nyid gnyis su 'gyur ro/ /rgyu'i bdag nyid gnyis su ni mi 'thad de/ 'gags pa gang yin pa de bskyed pa ma yin pa'i phyir ro/ /rgyu sbyin pa yang mi 'thad de/ 'bras bu yod ba dang med pa la rgyu sbyin par mi 'thad pa'i phyir ro/ /'di ltar 'bras bu yod pa la ni yang rgyu sbyin pas ci bya/ med pa la ni su la sbyin par bya/ smras pa/ rgyus 'bras bu rgyu byin nas 'gaD pa ma yin gyi/ 'di ltar rgyu 'gaD ma thag tu 'bras bu skye'o/ /bshad ba/ gal te rgyus ni 'bras bu la/ /rgyu ma byin par 'gag 'gyur na/ /rgyu 'gags nas ni skyos pa yi/ /'bras bu de ni rgyu med 'gyur/ /gal te rgyus 'bras bu la rgyu ma byin par 'gag par 'gyur na/ rgyu 'gags shing zhig nas skyes pa'i 'bras bu de rgyu med pa las byung bar mi 'gyur ram/ rgyu med pa las byung bar ni mi 'dod de skyon du mar thal bar 'gyur ba'i phyir ro/ /smras pa/ 'bras bu ni rgyu dang tshogs pa dag dang lhan cig skye te mar me dang 'od bzhin pas/ de'i phyir tshogs pa dang 'bras bu dus gcig kho nar 'byung zhing mar me dang 'od bzhin pas/ de la ci tshogs pa nyid la 'bras bu yod dam/ med ces bsam pa de mi 'thad do/ /bshad pa/ gal te tshogs dang lhan cig tu// 'bras bu yang ni skye gyur na/ bskyed pa dang ni gang bskyed pa/ /dus gcig par ni thal bar 'gyur/ /gal te tshogs pa dang 'bras bu lhan cig kho nar skye bar gyur na/ de lta na bskyed pa rgyu gang yin pa dang bskyed pa don gang yin pa de dag dus gcig tu 'byung bar tal bar 'byung bas de yang mi 'thad de/ 'di ltar pha dang bu dag dus gcig tu ji ltar skye bar 'gyur/ ci ste yang skye bar 'gyur na ni de la 'di ni 'di'i rgyu'o/ /'di ni 'di'i 'bras bu'o zhes rnam par bzhag pa 'di ji ltar yang

  551. 276a

    yod par 'gyur/ de lta bas na tshogs pa nyid dang 'bras bu lhan cig tuAng mi 'thad do/ /smras pa/ 'bras bu ni tshogs pa nyid kyi snga rol nyid na yod do de ni phyis tshogs pa nyid skyes par gsal bar byed de/ mar mes bum pa bzhin no/ /bshad pa/ gal te tshogs pa'i snga rol na/ /'bras bu skyes par gyur na ni/ /rgyu dang rkyen rnams medpa yi/ /'bras bu rgyu med 'byung bar 'gyur/ /gal te 'bras bu snga na yod pa nyid yin la tshogs pa 'phyis 'byung bar 'gyur na/ de lta na rgyu dang rkyen rnams med pa dang rgyu dang rkyen rnams ma gtogs pa'i 'bras bu rgyu med pa las byung bar 'gyur ro/ /'bras bu skyes pa la yang rgyu dang rkyen tshogs pa la yang skye bar brtag pas ci bya/ 'di ltar 'bras bu'i don du rgyu dang rkyen tshogs par 'dod na/ 'bras bu de yang skyes zin pa nyid do/ /de lta bas na de yang gyi na'o/ /smras pa/ rgyu yongs su 'gyur ba las 'bras bur 'grub ste/ de'i phyir gnas skabs snga ma 'gag pa las rgyu 'gaD na 'bras bur 'gyur ro/ /de lta na rgyu ma 'gags par yang 'bras bur mi 'gyur la/ 'bras bu rgyu med pa las byung bar yang mi 'gyur ro/ /bshad pa/ gal te rgyu 'gags 'bras bu na/ /rgyu ni kun tu 'pho bar 'gyur/ /sngon skyes pa yi rgyu yang ni/ /yang skye bar ni thal bar 'gyur/ /gal te rgyu'i dngos po sngar 'gags pa na gnas skabs gzhan thob ba 'bras bu zhes bya na/ de lta na rgyu kun tu 'pho bar 'gyur gyi/ skye ba ma yin te/ dper na bro gang mkhan gyis cha lugs gzhan bor nas cha lugs gzhan du zhugs pa skye ba ma yin pa bzin no /ce ste yang gnas skabs gzhan du 'pho ba nyid skye ba yin na ni/ de lta na yang sngon skyes pa'i rgyu nyid kyang skye bar thal bar 'gyur ro/ /de lta na yang dngos

  552. 276b

    po yongs su 'gyur ba'i chos can rnams nges par mi gnas pa'i phyir nam yang mi skye bar mi 'gyur ro/ /smras pa gang gi tshe rgyu 'gags pa na 'bras bur 'gyur ro zhes brjod pa de'i tshe ci'i phyir kun tu rgyu 'pho bar 'gyur ba dang yang skye bar thal bar 'gyur zhes brjod/ bshad pa/ ci khyod lam du zhugs bzhin du lam 'dri 'am/ khyod dngos po yongs su 'gyur pa 'bras bu zhes bya'o/ /zhes zer bzhin du rang gi tshig gi don khong du mchud ko /de'i phyir khyod tshegs che bas chog gi 'dug shig dang/ da kho bo nyid kyis khyod kyis brten pa'i lta ba rgyu dang 'bras bur 'bral par rnam par rtog pa dag tu bstan par byas/ khyod yid bsdus la de dag nyon cig /'di la gal te rgyus 'bras bu bskyed par gyur na 'gags pas sam gnas pas skyed par byed grang/ 'bras bu yang skyes pa nyid dam maskyes pa skyed par byed grang na/ rnam pa thams cad kyang mi 'thad do/ /ji ltar zhe na/ 'gags pa nub par gyur pa yis/ /'bras bu skyes pa ji ltar bskyed/ 'bras bu dang ni 'brel pa'i rgyu/ /gnas pas kyang ni ji ltar bskyed/ /gal te re zhig rgyu rnam pa thams cad du 'gags pa nub par gyur pas 'bras bu skyes pa skyes par byed par rtog na/ de ni rigs pa ma yin te/ 'di ltar rgyu 'gag pa nub par gyur bas 'bras bu skyes pa yod pa nyid ji ltar skyed par byed/ rgyu med pa gang gis skyed par byed par brtag pa de yang gang yin/ skyes pa nyid yang ci zhig bskyed par bya dgos/ ci ste yang 'di snyam du 'bras bu dang 'brel pa'i rgyu 'bras bu dang ldan pa gnas pa nyid kyis 'bras bu skyed par byed par sems na/ de yang mi 'thad de/ 'di ltar rgyu gnas pas 'bras bu yod pa nyid ji ltar skyed par byed/ de'i phyir gang gi tshe 'bras bu skyes pa nyid dang rgyur 'brel pa yin gyi ma skyes pa dang ni ma yin no/ /skyes pa la ni

  553. 277a

    yang bskyed pa'i rgyus ci bya/ de lta bas na de yang mi 'thad do/ /ci ste de 'bras ma 'brel na/ /'bras bu gang zhig skyed par byed/ /ci ste rgyu de 'bras bu dang ma 'brel ba 'bras bu dang mi ldan pas/ 'bras bu bskyed bar sems na/ khyod kyi 'bras bu gang zhig rgyus bskyed par byed pa de smros shig /gang gi tshe 'bras bu ma skyes pa'i phyir med pa la 'bras bu zhes bya ba nyid kyang med pa de'i tshe rgyus 'bras bu bskyed par byed do/ /zhes bya ba de ji ltar 'thad par 'gyur/ ci ste yang med kyang de la de skyed par byed pa'i mthu nyid yod par gyur na ni des ri bong gi rwa yang bskyed par 'gyur bar the tshom med do/ /yang gzhan yang/ rgyus ni mthong dang ma mthong bar/ /'bras bu skyed par mi byed do/ /'di la gal te rgyus 'bras bu bskyed par gyur na mthong nas sam ma mthong bar bskyed par 'gyur grang na/ gnyi ga ltar yang mi 'thad do/ /ji ltar zhe na/ gal te re zhig mthong nas bskyed bar 'gyur na/ de lta na skyes pa skyed par byed par 'gyur te/ 'di ltar ma skyes pa ni mthong bar mi 'gyur la/ skyes pa la ni yang skyed bar bya mi dgos so/ /ci ste yang rgyus ma mthong bar 'bras bu skyed par byed par rtog na/ de lta na yang rgyus gang dang gang ma mthong ba de dang de bskyed par 'gyur ba zhig na skyed par yang mi byed de/ de lta bas na rgyus ma mthong bar yang 'bras bu skyed par mi byed do/ /yang gzhan yang/ 'di la gal te rgyu 'bras bu bskyed par gyur na phrad nas bskyed par 'gyur grang na/ 'bras bu dang rgyu dag phrad pa ni ji ltar yang mi 'thad do/ /ji ltar zhe na/ 'bras bu 'das pa rgyu 'das dang/ /ma skyes ba dang skyes pa dang/ /lhan cig phrad par 'gyur ba ni/ /nam yang yod pa ma yin no/ /'bras bu 'das pa ni rgyu 'das pa dang ma skyes pa dang lhan cig phrad pa dang lhan cig phrad par 'gyur ba nam yang yod pa ma yin te/ 'das pa

  554. 277b

    dang ma 'ongs pa dag gi 'bras bu dang rgyu dag med pa'i phyir ro/ /'bras bu 'das ba dang rgyu skyes ba yang lhan cig phrad par 'gyur ba nam yar yod pa ma yin te/ 'bras bu med pa'i phyir ro/ /'bras bu ma skyed rgyu ma skyes/ /'das pa dang ni skyes pa dang/ /lhan cig phrad par 'gyur ba ni/ /nam yang yod pa ma yin no/ /'bras bu ma skyes pa ni rgyu ma skyes pa dang 'das ba dang lhan cig phrad par 'gyur ba nam yang yod ba ma yin te/ 'das pa dang ma 'ongs bdag gi 'bras bu dang rgyu dag med pa'i phyir ro/ /'bras bu ma skyes pa dang rgyu skyes pa yang lhan cig phrad par 'gyur ba nam yang yod pa ma yin te/ 'bras bu med pa'i phyir ro/ /'bras bu skyes pa rgyu skyes dang/ /ma skyes pa dang 'das pa dang/ /lhan cig phrad par 'gyur ba ni/ /nam yang yod pa ma yin no/ /'bras bu skyes pa ni rgyu skyes pa dang lhan cig phrad par 'gyur ba nam yang yod pa ma yin te/ 'di ni 'di'i rgyu'o 'di ni 'di'i 'bras bu'o zhes bya ba de ltar rgyu dang 'bras bu dag tu mi 'thad pa'i phyir dang/ de ltar gyur ba dag la phrad pa yang mi 'thad pa'i phyir ro/ /'bras bu skyes pa dang rgyu ma skyes pa dang 'das pa dang yang lhan cig cig phrad par 'gyur ba nam yang yod pa ma yin te/ 'das pa dang ma 'ongs bdag gi rgyu dag med pa'i phyir ro/ /phrad pa yod pa ma yin na/ /rgyus ni 'bras bu ji ltar bskyed/ /de'i phyir de ltar 'bras bu 'das pa dang ma 'ongs pa dang da ltar yang rgyu 'das pa dang ma 'ongs pa dang da ltar du lhan cig phrad par 'gyur ba rnam pa thams cad du yang mi 'thad na/ rgyus 'bras bu skyed par byed de zhes bya ba ji ltar 'thad par 'gyur/ phrad ba yod pa yin na yang/ /rgyus ni 'bras bu ji ltar bskyed/ /ci ste mi 'thad du bzhin du yang/ /rgyu dang 'bras bu 'phrad par rtog na/ de lta na yang rgyu yod pa nyid kyis 'bras bu de ji ltar bskyed par 'gyur/ 'di ltar yod pa la ni yang bskyed par bya ba med de rgyu'i bya ba

  555. 278a

    yang med do/ /yang gzhan yang/ gal te 'bras bus stong ba'i rgyu/ /ji ltar 'bras bu skyed par byed/ /'di la gal te rgyus 'bras bu skyed par byed na/ de 'bras bu'i bdag nyid kyis stong pa'am mi stong pas 'bras bu de skyed par byed grang na de la re zhig gal te 'bras bu'i bdag nyid kyis stong pa'i rgyus 'bras bu skyed par byed bar rtog na de ni ji ltar yang mi 'thad do/ /ci ste 'thad na ni byams kyang til mar dang/ chus kyang mar bskyed par 'gyur ro/ /yang na bye ma dang til dag la yang til mar med la/ chu dang zho dag la yang mar med par 'dra na/ til nyid las til mar 'byung la/ bye ma las mi 'byung ba dang/ zho nyid las mar 'byung la/ chu las mi 'byung ba la khyad par ci yod/ de lta bas na 'bras bu'i bdag nyid kyis stong pa'i rgyus 'bras bu skyed par byed do/ /zhes bya ba de mi 'thad do/ /de la 'di snyam du 'bras bu'i bdag nyid kyis mi stong pa'i 'bras bu bskyed bar sems na/ de la bshad par bya ste/ gal te 'bras bu mi stong rgyu/ /ji ltar 'bras bu skyed par byed gal te 'bras bu'i bdag nyid kyis mi stong pa'i rgyu nyid yin na/ des ji ltar 'bras bu de bskyed par 'thad/ gang gi tshe 'bras bu yod pa nyid yin na do ngo bo nyid kyi stong pa ma yin la/ skyes zin pa la ni yang bskyed par bya ba med de/ de lta bas na 'bras bu'i bdag nyid kyis mi stong ba'i rgyus 'bras bu skyed par byed do/ /zhes bya ba de yang skye bo ngo bzlog mi phod pas gzung bar bya ba yin no// //bam po brgyad pa/ yang gzhan yang/ 'di la rgyus 'bras bu bskyed do/ /zhes bya ba gang yin pa de yang ngo bo nyid kyis mi stong ba'am stong pa zhig skye ba dang 'gag par 'gyur grang na/ de la kho bos bshad par bya ste/ 'bras bu mi stong skye mi 'gyur/ /mi stong 'gag par mi 'gyur ro/ /mi stong de ni ma 'gags dang/ /ma skyes

  556. 278b

    par yang 'gyur ba yin/ 'bras bu ngo bo nyid kyis mi stong ba rang gi bdag nyid kyis nges par gnas pa gang yin pa de ni skye bar mi 'gyur 'gag par yang mi 'gyur te/ ci'i phyir zhe na/ rang gi bdag nyid kyis nges par gnas pa'i phyir ro/ /'di ltar rang bzhin la ni 'gyur ba mi 'thad pas/ de'i phyir 'bras bu de ni mi stong bar yongs su rtog na/ rtag pa'i phyir khyod kyi de ni ma 'gags pa dang ma skyes par yang 'gyur ro/ /de lta bas na 'bras bu mi stong pa ni skye bar mi 'gyur zhing 'gag bar yang mi 'gyur ro/ /de la 'di snyam du 'bras bu stong pa skye ba dang 'gag par 'gyur bar sems na/ de la bshad par bya ste/ stong pa ji ltar skye 'gyur zhing/ /stong pa ji ltar 'gag bar 'gyur/ /stong pa de yang ma 'gags dang/ /ma skyes par yang thal bar 'gyur/ /'bras bu ngo bo nyid kyis stong pa bdag nyid kyis rab tu ma grub pa gang yin pa de ji ltar skye bar 'gyur zhing/ ji ltar 'gag par 'gyur/ ci ste 'bras bu ngo bo nyid med kyang skye ba dang 'gag par rnam par rtog na de la smra bar bya dgos te/ tshe de 'bras bu'i ngo bo ma gtogs pa gzhan zhig skye ba dang 'gag par 'gyur ram/ ci ste 'bras bu'i dngos po ma gtogs pa gzhan zhig skye bar 'gyur na ni nges 'bras bu la cir 'gyur te/ 'di ltar 'bras bu ma yin pa skye ba 'bras bur mi 'gyur/ de lta bas na 'bras bu de stong par yongs su rtog na yang med pa'i phyir ma 'gags pa dang ma skyes par yang thal bar 'gyur bas/ de yang mi 'dod do/ /de lta bas na 'bras bu stong pa yang skye bar mi 'gyur zhing 'gag par yang mi 'gyur ro/ /yang gzhan yang/ gal te rgyu dang 'bras bu dag tu 'gyur na/ gcig pa nyid dam gzhan nyid du 'gyur grang na/ de yang yongs su brtags na/ rgyu dang 'bras bu gcig nyid du/ /nam yang 'thad par mi

  557. 279a

    'gyur ro/ /rgyu dang 'bras bu gzhan nyid du/ /nam yang 'thad par mi 'gyur ro/ /ci'i phyir zhe na/ 'di ltar/ rgyu dang 'bras bu gcig nyid na/ /skye dang bskyed pa gcig du 'gyur/ /rgyu dang 'bras bu gzhan nyid na/ /rgyu dang rgyu min mtshungs par 'gyur/ /'di ltar gal te rgyu dang 'bras bu dag gcig pa nyid yin par gyur na/ de lta na skyed pa dang bskyed pa don dag gcig pa nyid du 'gyur bas de yang mi 'thad de/ 'di ltar pha dang bu dag ji ltar gcig pa nyid du 'gyur// sa bon dang myu gu dag kyang gcig pa nyid du mi 'gyur ro/ /ci ste yang rgyu dang 'bras bu dag 'di ni rgyu'o/ /'di ni 'bras bu'o/ /zhes gzhan nyid du gyur na/ de lta na yang rgyu dang rgyu ma yin pa dag mtshungs par 'gyur ro/ /ji ltar nas kyi myu gu las 'bras kyi sa bon gzhan yin pa de bzhin du 'bras gyi myu gu las kyang nas kyi sa bon gzhan yin na de la nas kyi sa bon ni nas kyi myu gu'i rgyu yin gyi 'bras kyi sa bon ni ma yin no/ /zhes bya ba de ci'i phyir de ltar 'gyur/ de lta bas na rgyu dang 'bras bu dag gcig pa nyid kyang ma yin la gzhan nyid du yang mi 'thad do/ /gang dag la gcig pa nyid dang gzhan nyid du grub pa yod pa ma yin pa de dag la grub pa med de/ de dag las gzhan du 'grub pa mi 'thad pa'i phyir ro/ /yang gzhan yang/ gal te rgyus 'bras bu skyed par byed na de ngo bo nyid kyis yod par 'gyur ba zhig skyed par byed dam/ med par gyur pa zhig skyed par byed grang na/ de la kho bos bshad par bya ste/ 'bras bu ngo bo nyid yod na/ /rgyus ni ci zhig bskyed par 'gyur/ /'bras bu ngo bo nyid med na/ rgyus ni ci zhig bskyed par 'gyur/ /gal te 'bras bu de ngo bo nyid kyi yod par gyur nam byas kyang rdzogs par yod pa nyid yin pas de yod na rgyus de la gzhan ci zhig bskyed par 'gyur/ ci ste de nyid skyed bar byed do/ /zhes rtog na de ni

  558. 279b

    mi rigs te/ skyes pa la yang skye ba'i bya ba med do/ /ci ste 'bras bu de ngo bo nyid kyi med par gyur pa yin na de rgyus ji ltar bskyed par 'gyur/ ci ste 'bras bu ngo bo nyid kyis med kyang rgyus bskyed par 'gyur na ni/ shing pa Ta'i me tog gis kyang phreng ba 'ching bar 'gyur bar the tshom med do/ /de lta bas na 'bras bu yod par gyur pa dang 'bras bu med par grub ba yang rgyus bskyed bar mi 'thad do/ /skye ba yod pa ma yin na/ /rgyu nyid 'thad par mi 'gyur ro/ /rgyu gang gis kyang 'bras bu skyed par mi byed na/ de rgyu nyid du 'thad par mi 'gyur ro/ /'di ltar skyed par byed pas rgyu zhes bya na ci ste skyed par byed pa ma yin yang rgyur 'gyur na ni/ de lta na 'ga' yang rgyu ma yin par mi 'gyur bas thams cad rgyu nyid du 'gyur ro/ /zhes bya ba/ gang yin pa de yang mi 'dod do/ /de lta bas na rgyu nyid 'thad par mi 'gyur ro/ /rgyu nyid 'thad pa yod min na/ /'bras bu gang gi yin par 'gyur/ gal te 'bras bu bskyed pa'i rgyu nyid yod pa ma yin na/ rgyu med na 'bras bu de gang gi yin par 'gyur/ 'di ltar rgyu ni yin par 'dod na de yang med do/ de med na 'bras bu zhes bya bar mi 'thad do/ /ci ste 'thad na ni pha med par yang bu yod par 'gyur bas de yang mi 'dod do/ /de lta bas na rgyu yod pa ma yin na 'bras bu yod pa ma yin no/ /rgyu rnams dang ni rkyen dag gis/ /tshogs pa gang yin de yis ni/ /bdag gis bdag nyid mi bskyed na/ /'bras bu ji ltar skyed par byed/ /rgyu dang rkyen rnams kyi tshogs pa 'bras bu skyed par byed pa zhes bya bar brtag pa gang yin pa des re zhig bdag gis bdag nyid skyed par mi byed do/ ci'i phyir zhe na/ tshogs pa ni du ma yin par shes pa'i phyir te/ slob dpon 'phags pa lhas kyang/ tshogs pa cig pu ma yin te/ de bzhin dngos po 'ga' yang med/ gal te de yang de las gzhan/ de yang gcig pu

  559. 280a

    'ga' zhig yod/ ces gsungs so/ /da tshogs pa gang yin pa bdag nyid ma skyes pa bdag nyid rab tu ma grub pa des 'bra bu ji ltar skyed par brtag /ci ste tshogs pa bdag nyid ma skyes pas kyang 'bras bu skyed bar byed na ni ma skyes bas kyang bu bskyed par mngon par 'gyur ro/ /de'i phyir tshogs pas byas pa dang/ /tshogs min byas ba'i 'bras bu med/ /'bras bu yod pa ma yin na/ /rkyen gyi tshogs ba ga la yod/ /de ltar gang gi phyir tshogs pa de bdag nyid ma skyes shing rab tu ma grub pa de'i phyir tshogs pas byas pa'i 'bras bu med do/ /de la 'di snyam du tshogs pa ma yin pas byas pa'i 'bras bu yod par sems na/ de la bshad par bya ste/ tshogs min byas pa'i 'bras bu med/ /gang gi tshe tshogs pas byas pa'i 'bras bu nyid mi 'thad pa de'i tshogs ba ma yin pas byas pa'i 'bras bu rgyu med pa las byung ba ji ltar 'thad par 'gyur/ ci ste 'gyur na ni pha dang ma dag med par yang bu skye bar yang 'gyur ba zhig na skye bar yang mi 'gyur te/ de lta bas na tshogs pa ma yin pas/ /byas pa'i 'bras bu yang med do/ 'jig rten pa dang 'gal ba shin tu mang po zhig bshad pa 'dis ci bya/ yod ni re zhig rgyu dang rkyen rnams kyi tshogs pa yod de yod pas 'bras bu yang yod par 'gyur ro/ /bshad pa/ ci khyod grong stong du mkhar ldan 'bebs sam/ khyod 'bras bu yod pa ma yin na tshogs pa yod par 'dod ko /'bras bu bskyed pa nyid tshogs pa zhes bya na 'bras bu de nyid kyang gang gi tshe ji ltar yan mi 'thad pa de'i tshe 'bras bu yod pa ma yin na rkyen gyis tshogs pa yod par ga la 'gyur/ slob dpon 'phags pa lhas kyang/ /gang phyir 'jig rten ji snyed ming/ /tshogs pa nyid la snang 'gyur ba/ /de phyir dngos po yod min te/ /dngos med tshogs pa'ang yod pa ma yin/ /zhes gsungs so/ /de lta bas na

  560. 280b

    'bras bu yod pa ma yin pa'i phyir tshogs pa yang yod ba ma yin pas/ de la dus dang tshogs pa nyid kyi 'bras bu 'grub pa'i phyir dus ni yod pa kho na yin no zhes gang smras pa de mi 'thad do/ /smras pa/ gal te dus kyang med rgyu dang 'bras bu dang tshogs pa yang med na gzhan ci zhig yod de/ de lta bas na de ni med par smra ba nyid yin no/ /bshad pa/ ma yin te ji ltar khyod dus la sogs pa dag ngo bo nyid las yod par yongs su rtog par byed pa de ltar mi 'thad par zad kyi/ de dag brten nas gdags par ni 'grub bo/ /rgyu dang 'bras bu brtag pa zhes bya ba ste rab tu byed pa nyi shu pa'o// //smras pa/ dus la sogs pa dag ni yod pa kho na yin te/ ci'i phyir zhe na/ gang gi tshe? gang na 'ga' zhig 'byung ba dang/ 'jig pa dag dang ldan ba'i phyir ro/ /'di ltar gal te dus la sogs pa dag med par gyur na/ 'o na de lta na khyad par med bas dus thams cad du thams cad nas thams cad kyang 'byung ba dang 'jig pa dag tu 'gyur pa zhig na de ltar yang mi 'gyur bas/ de'i phyir dus la sogs pa dag ni yod pa kho na yin no/ /bshad pa/ gal te 'ga' zhig la 'byung ba dang 'jig pa dag nyid yod par gyur na ni/ dus la sogs pa dag kyang yod par 'gyur ba zhig na/ gang gi tshe/ 'jig pa 'byung ba med par ram/ /lhan cig yod pa nyid ma yin/ /'byung ba 'jig pa med par ram/ lhan cig yod pa nyid ma yin/ /de'i tshe ga la te 'byung ba dang 'jig pa dag yod bar gyur na/ phan tshun med par ram lhan cig tu 'gyur grang na/ gang gi tshe gnyi ga ltar yang mi 'thad pa de'i tshe de dag gi rgyu can gyi dus la sogs pa dag ji ltar yod par 'gyur/ de ji ltar zhe na/ mi 'thad pa'i phyir te/ 'jig pa 'byung ba med par ni/ /ji ltar bur na yod par 'gyur/ /'chi ba skye ba med pa ltar/ /'jig pa 'byung

  561. 281a

    ba med par med/ /'di ltar 'jig pa 'byung ba med par ji ltar yod par 'gyur te/ gang gi tshe 'ga' zhig byung na 'jig par 'gyur gyi gzhi med par 'jig par mi 'gyur te/ dper na skye ba yod na 'chi bar 'gyur gyi ma skyes pa la 'chi ba med pa de bzhin du/ 'byung ba yod na 'jig par 'gyur gyi/ 'byung ba med par 'jig par mi 'gyur ro/ /de la 'di snyam du 'jig pa ni 'byung ba dang lhan cig yod pa nyid yin gyi 'byung ba med par ni ma yin par sems na/ de la bshad par bya ste/ 'jig pa 'byung dang lhan cig tu/ ji ltar yod pa nyid du 'gyur/ /'chi ba skye ba dang dus gcig tu/ /yod pa nyid ni ma yin bzhin/ /'di ltar 'jig pa 'byung ba dang lhan cig ji ltar yod par 'gyur te/ gang gi tshe don de gnyis phan tshun mi mthun pa dag yin pa de'i tshe de gnyis la lhan cig yod par mi 'thad de/ dper na 'chi ba ni skye ba dang phan tshun mi mthun pa de'i phyir dus gcig na yod pa nyid ma yin pa de bzhin du/ 'jig pa yang 'byung ba dang mi mthun pa'i phyir lhan cig yod pa nyid ma yin no/ /smras pa/ gal te 'jig pa 'byung ba med par yang mi 'thad la lhan cig tu yang mi 'thad pas 'jig pa med du zin kyang re zhig 'byung ba ni yod de/ de yod pa'i phyir dus la sogs pa dag kyang yod do/ /smras pa/ 'byung ba 'jig pa med par ni/ /ji ltar yod pa nyid du 'gyur/ /dngos po rnams la mi brtag nyid/ /nam yang med pa ma yin no/ /'di ltar 'byung ba 'jig pa med par ji ltar yod pa nyid du 'gyur te/ dngos po rnams la mi rtag pa nyid nam yang med pa ma yin pas/ 'di ltar 'byung ba 'jig pa med par ji ltar yod pa nyid du 'gyur/ gang gi tshe dngos po thams cad mi rtag pa nyid kyis mi rtag pa dang rjes su 'brel pa de'i tshe dngos po rnams la mi rtag pa nyid nam

  562. 281b

    yang med pa ma yin pa nyid do/ /'di ltar gal te dngos po skad cig tsam zhig mi rtag pa nyid dang bral bar 'gyur na ni de ltar na yun ring du yang bral bar 'gyur te/ de lta na yang rtag pa nyid du thal bar 'gyur pas de yang mi 'dod do/ /de lta bas na/ dngos po rnams ni rtag tu mi rtag pa nyid dang rjes su 'brel bas/ 'byung ba 'jig pa med par yod pa nyid ma yin no/ /de la 'di snyam du 'byung ba ni 'jig pa dang lhan cig yod pa nyid yin gyi 'jig pa med par ni ma yin par sems na/ de la bshad par bya ste/ 'byung ba 'jig dang lhan cig tu/ /ji ltar yod pa nyid du 'gyur/ /skye pa 'chi dang dus cig tu/ /yod pa nyid du mi rigs bzhin/ /'di ltar 'byung ba 'jig pa dang lhan cig ji ltar yod par 'gyur te/ gang gi tshe don de gnyis phan tshun mi mthun pa dag yin pa de'i tshe de gnyis gcig la lhan cig yod par mi 'thad de/ dper na skye ba ni 'chi ba dang phan tshun mi mthun pa'i phyir dus gcig na yod pa ma yin pa de bzhin du/ 'byung ba yang 'jig pa dang mi mthun pa'i phyir lhan cig yod pa ma yin no/ /de'i phyir de ltar yongs su brtags na 'byung ba dang 'jig pa dag phan tshun med par ram/ phan tshun lhan cig tu 'grub par mi 'thad pas/ gang dag phan tshun lhan cig gam/ phan tshun lhan cig ma yin par/ /grub pa yod pa ma yin pa/ /de dag 'grub pa ji ltar yod/ /'byung ba dang 'jig pa gang dag phan tshun lhan cig gam/ phan tshun lhan cig ma yin par grub pa yod pa ma yin pa de dag dang rnam pa gzhan gang gis 'grub pa yod par sems/ de lta bas na 'byung ba dang 'dzin pa dag yod pa ma yin no/ /de dag med na dus la sogs pa dag yod par ga la 'gyur/ smras pa/ gnas pa yod pas skyon med de/ 'di la 'byung ba dang 'jig pa dag gi bar na gnas pa yod de/

  563. 282a

    gnas pa yod pas byung ba dang 'jig pa dag gang yang rung ba med par yang yod pa ma yin la/ 'byung ba dang 'jig pa dag dus gcig tu yang mi 'gyur bas de'i phyir skyon med do/ /bshad pa/ de yang mi 'thad de/ ci'i phyir zhe na/ dngos po rnams ni mi rtag pa nyid dang/ rjes su 'brel pa yin pas dngos po 'ga' yang rang gi gnas na skad cig tsam yang mi sdod pa'i phyir ro/ /de'i phyir/ zad la 'byung ba yod ma yin/ /gang gi phyir dngos po rnams mi rtag pa nyid dang nam yang ma bral te/ rtag tu mi rtag pa nyid dang rjes su 'brel pa de'i phyir dngos po zad par 'gyur ba la 'byung ba yod pa ma yin pa nyid de/ 'byung ba med na gnas pa yod par ga la 'gyur/ smras pa/ 'byung pa'i dus na zad par mi 'gyur bas de'i phyir 'byung ba yod do/ /'byung ba gnas par 'gyur zhing gnas pa phyis 'jig par 'gyur ro/ /bshad pa/ ma zad pa la'ang 'byung ba med/ /gang zag ba'i mtshan nyid dang bral ba de la yang 'byung pa med de/ ci'i phyir zhe na/ dngos po ma yin pa'i phyir ro/ /'di ltar dngos po ni zad pa'i mtshan nyid can yin pas de'i phyir gang zad pa'i mtshan nyid dang bral ba de dngos po nyid ma yin no/ /gang dngos po ma yin pa de ji ltar 'byung bar 'gyur te/ de la 'di ltar 'byung bar 'gyur ro/ /zhes bya ba'i tha snyad nyid kyang med pas/ de'i phyir ma zad pa la yang 'byung ba med do/ /zad la 'jig pa yod ma yin/ /ma zad pa la'ang 'jig pa med/ /de ltar gang gi phyir zad pa la 'byung ba mi 'thad la 'byung ba med nas gnas pa nyid kyang med pa de'i phyir ma byung ba dang ma gnas pa'i zad pa la 'jig pa yod pa ma yin la/ ma zad pa la yang yod pa ma yin no/ /'byung ba dang 'jig pa gang dag zad pa la yod pa ma yin la/ ma zad pa la yang yod pa ma

  564. 282b

    yin pa de gzhan gang zhig la yod par 'gyur te/ de lta bas na 'byung ba yang yod pa ma yin la/ 'jig pa yang yod pa yang ma yin no/ /smras pa/ re zhig dngos po rnams ni yod de ma byung ba ni dngos por mi 'thad pas 'byung ba yang rab tu grub pa nyid do/ /gang la 'byung ba yod pa de la 'jig pa yang nges par yod pas 'jig pa yang rab tu grub pa nyid do/ /bshad pa/ ci khyod shing bi du la'i shing tog dag 'dod dam/ khyod 'byung ba dang 'jig pa dag yod pa ma yin par dngos po yod par 'dod ko /'byung ba dang 'jig pa dag bsal bas dngos po yang bsal ba nyid ma yin nam/ de ji ltar zhe na/ gang gi phyir/ 'byung dang 'jig pa med par ni/ /dngos po yod pa ma yin no/ /'di ltar gal te dngos po 'ga' zhig yod par gyur na de 'byung de 'byung ba'i chos can nam/ 'jig pa'i chos can zhig yin grang na/ gang gi tshe 'byung ba dang 'jig pa dag mi 'thad pa yin pa de'i tshe/ dngos po yod do zhes bya ba de ji ltar 'thad par 'gyur/ dngos po yod pa ma yin par/ /'byung dang 'jig pa yod pa ma yin/ /de ltar gang gi phyir yongs su brtag na dngos po nyid mi 'thad pa de'i phyir dngos po yod pa ma yin par gzhi med pa'i byung ba dang 'jig pa dag yod pa ma yin pas/ de la dngos po yod na 'byung ba dang 'jig pa dag kyang rab tu grub pa nyid do/ /zhes gang smras pa de rigs pa ma yin no/ /yang gzhan yang/ 'di la gal te 'byung ba dang 'jig pa dag yod par gyur na/ de dag dngos po ngo bo nyid stong pa 'am mi stong pa la yod par 'gyur grang na/ de la/ stong la 'byung dang 'jig pa dag /'thad pa nyid ni ma yin no/ /re zhig dngos po ngo bo nyid stong pa la 'byung ba dang 'jig pa dag yod par mi 'thad de/ ci'i phyir zhe na/ yod pa ma yin pa'i phyir ro/ /'di ltar ngo bo

  565. 283a

    nyid yod pa ma yin pa la de dag gang gis yod par 'gyur/ ngo bo nyid yod pa ma yin pa'i phyir gang gi 'di'o/ zhes gdags pa nyid kyang yod pa ma yin pa de la ci zhig 'byung ngo zhe 'am/ ci zhig 'jig go zhes ji skad du brjod par bya/ de lta bas na stong pa la 'byung ba dang 'jig pa dag 'thad pa nyid ma yin no/ /de la 'di snyam du dngos po ngo bo nyid mi stong pa la 'byung ba dang 'jig pa dag yod par sems na/ de la bshad par bya ste/ mi stong pa la'ang 'byung ba 'jig dag/ 'thad pa nyid ma yin no/ /dngos po rang gi bdag nyid kyis yod par 'gyur ba med pa la 'byung dang 'jig pa dag yod par 'thad pa nyid ma yin te/ 'di ltar rang bzhin ni gzhan du mi 'gyur ba'i phyir ro/ /de lta bas na mi stong pa la yang 'byung ba dang 'jig pa dag 'thad pa nyid ma yin no/ /yang gzhan yang/ 'di la gal te 'byung pa dang 'jig pa dag yod par gyur na/ gcig pa nyid dam gzhan nyid du 'gyur grang na/ de la/ 'byung ba dang ni 'jig pa dag /gcig pa nyid du mi 'thad do/ /'byung ba dang ni 'jig pa dag /gzhan nyid du yang mi 'thad do/ /re zhig 'byung ba dang 'jig pa dag gcig pa nyid du mi 'thad de/ ci'i phyir zhe na/ 'di ltar 'byung ba ni/ skye ba yin la 'jig pa ni 'gag pa ste/ don tha dad pa'i phyir mi mthun pa de gnyis ji ltar gcig pa nyid du 'gyur/ 'byung ba dang 'jig pa gzhan nyid du yang mi 'thad de/ ci'i phyir zhe na/ dngos po thams cad ni zad pa'i bdag nyid can yin pa'i phyir te/ 'di ltar dngos po 'ga' yang skad cig tsam yang mi rtag pa nyid dang bral ba med pa de'i phyir dngos po thams cad zad pa'i bdag nyid can yin no/ /dngos po ni ngo bo nyid las gzhan nyid du mi 'thad pas 'byung ba dang 'jig pa dag gzhan nyid du mi 'thad do/ /de ?

  566. 283b

    ltar gang gi phyir 'byung ba dang 'jig pa dag cig pa nyid dang gzhan nyid du mi 'thad pa'i phyir 'byung ba dang/ 'jig pa dag mi 'thad pa nyid do/ /'byung ba dang ni 'jig pa dag /mthong ngo snyam du khyod sems na/ khyod 'di snyam du dngos po rnams kyi 'byung ba dang 'jig pa dag mngon sum nyid du mthong bas de la 'thad pa gzhan ci dgos snyam du sems na'o/ /de ni rigs pa ma yin te/ ci'i phyir zhe na/ 'di ltar/ 'byung ba dang ni 'jig pa dag /gti mug nyid kyis mthong ba yin/ /gti mug gis sems bsgribs pa mi mkhas pa dag 'byung ba dang 'jig pa dag mthong snyam du de ltar sems kyi 'byung ba dang 'jig pa dag mthong bar mi 'thad do/ /ci'i phyir zhe na/ 'di ltar gal te 'byung ba dang 'jig pa dag yod par 'gyur na dngos po 'am dngos po med pa la rten grang na/ dngos po dang dngos po med pa de dag ni yod pa ma yin te/ de dag med na gzhi med pa'i 'byung ba dang/ 'jig pa dag mthong bar ga la rigs/ smras pa/ dngos po dang dngos po med pa dag ji lar ltar yod pa ma yin/ bshad pa/ 'di la gal te dngos po dang dngos po med pa dag yod par gyur na/ de dag dngos po las sam/ /dngos po med pa las skye grang na/ de la/ dngos po dngos las mi skye ste/ dngos med dngos las mi skye'o/ /dngos po dngos yod mi skye ste/ /dngos med dngos med mi skye'o/ /de la re zhig dngos po dngos po las skye ba med de/ 'di ltar bum pa ni 'jim pa nges par gnas pa las mi skye'o/ /ci ste bum pa 'jim pa bcos pa las skye bar sems na/ de lta na yang 'jim pa bcos shing 'gags pa na/ bum pa skye bas dngos po dngos po la skye ba ma yin te/ 'di ltar 'gags shing med pa ni dngos po ma yin te/ dngos po dang dngos po med pa dag don tha dad pa'i phyir ro/ /ci ste yang 'di snyam du 'jim pa'i dngos po nyid bum pa yin par sems na/

  567. 284a

    de lta na yang dngos po dngos po las skye ba ma yin te/ 'jim pa las gzhan pa'i dngos po gzhan mi skye ba'i phyir te/ 'jim pa nyid bum par brjod pa'i phyir ro// de la 'di snyam du sh+ng tog gi dngos po shing ljon pa'i dngos po las skye bar sems na/ de yang mi rung ste/ ci'i phyir zhe na/ shing tog las shing ljon pa gzhan yin par mi 'thad pa'i phyir ro/ /de lta re zhig dngos po la skye ba med do/ /dngos po med pa yang dngos po la skye ba med de/ 'di ltar bum pa chag pa ni bum pa nges par gnas pa las mi skye ste/ nges par gnas pa la chag pa med pa'i phyir ro/ /bum pa chag pa bum pa'i dngos po las kyang mi skye ste/ chag cing med pa ni dngos po med pa'i phyir ro/ /de la 'di snyam du bum pa dngos po med pa tho ba'i dngos po las skye bar sems na yang mi rung ste/ 'di ltar gal te dngos po med pa thob las skye bar 'gyur na bum pa med par yang skye bar 'gyur ro/ /gal te dngos po med pa skye na dngos po med pa nyid du mi 'gyur te/ skye ba yod pa'i phyir ro/ /skye ba zhes bya ba ci yang med na ni skye'o/ /zhes bya ba de las su zhig yid ches par rigs/ de lta bas na dngos po med pa yang dngos po las skye ba med do/ /dngos po yang dngos po med pa las skye ba med de/ 'di ltar bum pa ni 'jim pa 'gag pa las mi skye ste/ 'gags pa ni med pa'i phyir ro/ /ci ste dngos po 'gags shing med pa las skye bar gyur na/ de lta na dngos po skye ba rgyu med pa can du 'gyur bas de ni mi 'dod de/ dus thams cad du thams cad las thams cad skye pa dang rtsom pa thams cad don med pa nyid du 'gyur ba'i phyir ro/ /de lta bas na dngos po yang dngos po med pa las skye ba med de/ dngos po med pa yang dngos po med pa las skye ba med do/ /'di ltar dngos po med

  568. 284b

    pa bum ba'i dngos po med pa las mi skye ste/ bum pa'i dngos po med pa ni bum pa log pa tsam ste/ ci yang med pa'i phyir dang bskyed par bya ba'i don ni ci zhig yin pa'i phyir ro/ /ci ste ci yang med pa ci yang med pa las skye par 'gyur nani de lta na ri bong gi rwa yang rta'i rwa las skye bar 'gyur ro/ /ci ste dngos po med pa ci zhig yin na ni ci zhig yin pa'i phyir dngos po nyid yin gyi dngos po med pa ma yin no/ /de lta bas na dngos po med pa yang dngos po med pa las skye ba med do/ /yang gzhan yang/ 'di ltar gal te dngos po skye bar gyur na de bdag las sam gzhan las sam gnyi ga las skye bar 'gyur grang na/ de la/ dngos po bdag las mi skye ste/ /gzhan las skye ba nyid ma yin/ /bdag dang gzhan las skye ba ni/ /yod min ji ltar skye bar 'gyur/ /re zhig dngos po ni bdag ls skye ba med de/ /rang gi bdag nyid kyis yod pa la ni yang skye bar brtag pa don med pa nyid du 'gyur ba'i phyir dang/ thug pa med par thal ba'i skyon du 'gyur ba'i phyir ro/ /rang gi bdag nyid kyis med pa la ni bdag las zhes bya ba'i tshig kyang mi 'thad pa'i phyir te/ de lta bas na dngos po ni bdag las skye ba med do/ /dngos po ni gzhan las kyang skye ba med de/ dngos po ma skyes shing med pa la gzhan mi 'thad pa'i phyir ro// 'di ltar 'ga' zhig yod na gzhan yang yod par 'gyur na de yang med de/ de med na gzhan yod par ga la 'gyur/ ci ste 'gyur na ni de nyid dngos po yin pas yod pa de la yang skye bas ci bya ste/ skye bar brtags pa don med pa nyid du 'gyur? ba'i phyir ro/ /de lta bas na ma skyes pas gzhan med pa kho na'i phyir dngos po ni gzhan las skye ba med do/ /dngos po ni bdag dang gzhan las kyang skye ba med de/ ji skad bstan pa'i skyon gnyi gar thal bar 'gyur ba'i phyir ro/ /de lta bas na dngos po ni

  569. 285a

    gnyi ga las kyang skye ba med do/ /dngos po gang bdag dang gzhan dang gnyi ga las skye ba med pa de da gzhan gang las skye bar sems/ de lta bas na dngos po mi 'thad do/ /dngos po yod pa ma yin na gang gi dngos po med par 'gyur/ dngos po dang dngos po med pa dag yod pa ma yin na gzhi med par 'byung ba dang 'jig pa dag ji ltar yod par gyur na/ yang gzhan yang/ dngos po yod par khas blangs na/ /rtag dang chad par lta bar ni/ /thal bar 'gyur te dngos de ni/ /rtag dang mi rtag 'gyur phyir ro/ /dngos por lta ba yod na skyon chen po gzhan 'dir yang 'gyur te/ gang gi phyir dngos po de yod par khas blangs na rtag pa dang chad par lta bar thal bar 'gyur ro/ /ji ltar zhe na/ 'di ltar dngos po de ni rtag pa dang mi rtag pa'i phyir te/ dngos po gang yin pa de yod par khas len na de rtag pa 'am/ mi rtag par 'gyur te/ de las gzhan du mi 'thad pa'i phyir ro/ /de la re zhig gal te dngos po de rtag na ni rtag pa'i skyon du thal bar 'gyur la/ 'on te mi rtag na ni chad pa'i skyon du thal bar 'gyur bas de yang mi 'dod de skyon che ba'i phyir ro/ /smras pa/ dngos po yod par khas blangs kyang/ /chad par mi 'gyur rtag mi 'gyur/ /'di ltar dngos po yod par khas blangs kyang/ rtag par lta bar thal bar yang mi 'gyur la/ chad par lta bar thal bar yang mi 'gyur te/ khyod gzhung lugs gsal bar mi shes pas de ltar sems par zad do/ /'di ltar gal te dngos po yod par khas blangs na/ rtag pa dang chad pa'i skyon du thal bar 'gyur na/ de lta na srid pa mi 'thad par 'gyur te/ ci'i phyir zhe na/ rtag pa ni nges par gnas pa'i phyir dang/ chad pa ni mi 'jug pa'i phyir ro/ /dngos por lta ba yod na yang srid pa 'thad pas de'i phyir rtag pa dang chad par lta ba'i skyon du thal

  570. 285b

    bar mi 'gyur ro/ /de ji ltar zhe na/ 'bras bu rgyu yi 'byung 'jig gi /rgyun de srid pa yin phyir ro/ /'di ltar 'bras bu dang rgyu'i 'byung ba dang 'jig pa'i rgyun gang yin pa de ni srid pa yin te/ de la gang gi phyir rgyu 'jig par 'gyur ba de'i phyir rtag pa'i skyon du thal bar mi 'gyur la/ gang gi phyir rgyu 'gag bzhin pa las 'bras bu 'byung bar 'gyur ba de'i phyir chad pa'i skyon du thal bar mi 'gyur te/ de'i phyir de ltar dngos po yod par khas blangs kyang srid pa yod pa'i phyir rtag pa dang chad pa'i skyon du thal bar mi 'gyur ro/ /bshad pa/ gal te 'bras bu'i 'byung 'jig gi /rgyun de srid pa yin gyur na/ /'jig la yang skye med pa'i phyir/ /rgyu ni chad par thal bar 'gyur/ /gal te 'bras bu dang rgyu'i 'byung ba dang 'jig pa'i rgyun gang yin pa de srid pa yin par gyur na/ de lta na yang khyod la chad pa kho nar thal bar 'gyur te/ ci'i phyir zhe na/ 'jig pa la yang skye ba med pa'i phyir te/ 'di ltar rgyu 'gags pa la yang skye ba med pa'i phyir ro/ /de ltar rgyu 'gags pa la yang skye ba med pa'i phyir/ rgyu chad pa kho nar thal bar 'gyur ro/ /smras pa/ mi 'gyur te rgyu las 'bras bu gzhan nyid ma yin pa'i phyir ro/ /'di ltar rgyu las 'bras bu gzhan nyid yin par mi 'thad do/ /khyod kyis kyang/ gang las brten te gang 'byung ba/ /de ni re zhig de nyid min// de las gzhan pa'ang ma yin phyir/ /de phyir chad min rtag ma yin/ /zhes smras pas/ des na rgyu las 'bras bu gzhan nyid ma yin pa'i phyir rgyu chad par mi 'gyur ro/ /bshad pa/ kho bos de skad smras mod kyi khyod kyis de'i don gyi de kho na khong du mchud de/ 'di ltar gal te dngos po 'gag cing dngos po nyid skye bar 'gyur na/ de gnyis de nyid dam gzhan nyid du ji ltar mi 'gyur/ 'di ltar gal te re zhig rgyus rgyu'i gnas skabs spangs te 'bras bu'i gnas skabs su 'pho bar gyur na ni/ de lta na de nyid rgyu

  571. 286a

    yin te/ de'i gnas skabs gzhan dang gzhan du gyur pa 'ba' zhig tu zad do/ /dper na bro gar mkhan gyis cha lugs gzhan spangs te/ cha lugs gzhan len par byed pa de la cha lugs tha dad pa nyid du 'gyur ba 'ba' zhig tu zad kyi bro gar mkhan la tha dad pa med de cha lugs tha dad par gyur kyang/ de nyid bro gar mkhan yin pa de bzhin du/ gnas skabs gzhan du 'phos su zin kyang/ de nyid rgyu yin na ji ltar de nyid yin par mi 'gyur/ ci ste yang 'di snyam du rgyu ni gnas skabs gzhan du mi 'pho bar rgyu 'gag par 'gyur te/ rgyu 'gags pa na 'bras bu skye bar 'gyur bar sems na/ de lta na yang gang gi tshe gzhan 'gags pa la gzhan skyes pa de'i tshe ji ltar gzhan nyid du mi 'gyur/ kho bo cag la ni dngos po brten nas gdags pa ngo bo nyid stong pa sgyu ma dang smig rgyu dang gzugs brnyan lta bu rnams la dngos po de gang gir 'gyur dngos po de gang las gzhan du 'gyur te de nyid dang gzhan nyid du 'gyur ba med do/ /de lta bas na dngos por lta ba yod na rgyu 'gags pa yang skye ba med pa'i phyir rgyun chad pa kho nar thal bar 'gyur ro/ /yang gzhan yang/ dngos po ngo bo nyid yod na/ /dngos med 'gyur bar mi rigs so/ /dngos po ngo bo nyid kyis yod na ngo bo nyid yod pa ni dngos po med par 'gyur bar mi rigs te/ ci'i phyir zhe na/ rang bzhin ni gzhan du mi 'gyur ba'i phyir ro/ /de'i phyir dngos por lta ba yod na rgyu yang 'gag par mi 'thad la 'bras bu yang skye bar mi 'thad de skye ba dang 'gag pa dag ni bkag par gyur pa yin pa'i phyir/ de la rtag pa kho na'i skyon du thal bar 'gyur ro/ /yang gzhan yang/ mya ngan 'das pa'i dus na chad/ /srid rgyun rab tu zhi phyir ro/ /mya ngan las 'das pa'i dus na dgra bcom pa'i srid pa'i rgyun rab tu

  572. 286b

    zhi ba'i phyir chad pa kho na'i skyon du yang thal bar 'gyur ro/ /de lta bas na srid pa'i rgyun yod par rtog na yang rtag pa dang chad pa kho na'i skyon du thal bar 'gyur ro/ /smras pa re zhig srid pa'i rgyun ni rab tu grub bo/ /mya ngan las 'das pa'i dus na dgra bcom pa'i srid pa'i rgyun ldog pa ni kho bo cag la mi gnod pas mya ngan las 'das pa'i dus na de chad par gyur kyang bla'o/ /bshad pa/ khyod kyis srid pa'i rgyun yod na rtag pa dang chad pa'i skyon du thal bar mi 'gyur ro/ /zhes gang smras pa de nyid kyang kho bos srid pa'i rgyun yod kyang rtag pa dang chad pa kho na'i skyon du thal bar 'gyur ro/ /zhes rab tu bstan zin to/ /re zhig srid pa'i rgyun na rab tu grub bo/ /zhes gang smras pa de yang rigs pa ma yin te/ srid pa'i rgyun ni/ ji ltar yang mi 'thad pa kho na'o/ /ci'i phyir zhe na/ 'di ltar/ tha ma 'gags par gyur pa ni/ /srid pa dang por sbyor mi 'gyur/ /da ltar gyis srid pa'i 'jug gi sems ni srid pa tha ma'o/ /ma 'ongs pa'i srid pa'i sems skye ba'i dang po ni srid pa dang po'o/ /de la re zhig srid pas ma 'gags pa ni srid pa dang po dang nyid mtshams sbyor ba med de/ srid pa tha ma 'gags pa yod pa ma yin pa'i phyir ro/ /'di ltar dngos po 'gags shing med pa las ji ltar dngos po skye bar 'gyur/ ci ste srid pa tha ma 'gags kyang srid pa dang po skye bar 'gyur na ni/ de lta na srid pa dang po rgyu med pa las byung bar 'gyur bas/ de ni mi 'dod de skyon du mar thal bar 'gyur ba'i phyir ro/ /de la 'di snyam du srid pa tha ma ma 'gags pa srid pa dang po dang nyid mtshams sbyor bas sems na/ de la bshad par bya ste/ tha ma 'gags par ma gyur pa/ srid pa dang por sbyor mi 'gyur/ srid pa tha ma ma 'gag pa dang ma 'gags pa yang srid pa dang po dang nyid mtshams sbyor ba med do/ ci'i phyir zhe na/ srid pa gnyis su thal bar 'gyur ba'i phyir dang/ rgyu med pa las byung ba'i

  573. 287a

    skyon du thal bar 'gyur ba'i phyir ro/ /smras pa/ srid pa tha ma 'gags pa dang ma 'gags pa srid pa dang po dang nyid mtshams sbyor ba med mod kyi 'on kyang 'gags bzhin pa nyid mtshams sbyor ro/ /bshad pa/ gal te tha ma 'gaT bzhin pa/ dang por skye bar gyur na ni/ /'gag bzhin pa ni gcig 'gyur zhing/ /skye bzhin pa yang gzhan du 'gyur/ /gal te srid pa tha ma 'gag bzhin pa srid pa dang po dang nyid mtshams sbyor bar gyur na/ 'gag bzhin pa ni byed 'gags pa'i phyir dang/ skye bzhin pa yang phyed skyes pa'i phyir de gnyis srid pa gnyis su thal ba'i skyon du 'gyur te/ 'gag bzhin pa dang skye bzhin pa dag yod pa'i phyir ro/ /smras pa/ srid pa tha ma 'gags pa dang 'gag bzhin pa srid pa dang po dang nyid mtshams sbyor ba med do/ /zhes bya ba des kho bo la ci bya/ yod ni re zhig srid pa dang po'i skye ba ni yod de/ de yod pas srid pa'i rgyun yang 'thad do/ /bshad pa/ gal te 'gag bzhin skye bzhin dag /lhan cig sbyor ba'ang yod min na/ /phung po gang la 'chi 'gyur ba/ /der ni skye ba 'ang 'byung bar 'gyur/ /lhan cig sbyor ba'ang/ zhes bya ba'i 'ang gi sgra ni srid pa tha ma 'gags pa dang ma 'gags pa yang bsdu ba'i don to/ /gal te srid pa tha ma 'gag bzhin pa srid pa dang po skye bzhin pa dang lhan cig nyid mtshams sbyor ba'ang yod pa ma yin zhing srid pa tha ma 'gags pa yang srid pa dang po dang nyid mtshams sbyor pa yod pa ma yin la/ srid pa tha ma 'gags pa yang srid pa dang po dang nyid mtshams sbyor ba yod pa ma yin bzhin du srid pa dang po'i skye ba ni yod do zhes zer na/ de lta na/ phung po gang dag kho na la 'chi bar 'gyur ba de dag kho na la skye ba yang 'byung bar thal bar 'gyur te/ skye ba gzhan mi 'thad pa'i phyir ro/ /de yang mi 'dod de de lta bas na gsum ma gtoT

  574. 287b

    par srid pa 'byung ba mi 'thad do/ /de ltar dus gsum dag tu yang/ /srid pa'i rgyun ni mi rigs na/ /dus gsum dag tu gang med pa/ /de ni ji ltar srid pa'i rgyun/ /de'i phyir de ltar yongs su brtags na srid pa tha ma 'gags pa dang ma 'gags pa dang 'gag bzhin pa srid pa dang po dang nying? mtshams sbyor bar mi 'thad pa'i phyir dus gsum dag tu yang srid pa'i rgyun mi rigs dus gsum dag tu srid pa'i rgyun gang med pa de da ji ltar srid pa'i rgyun du 'thad srid pa'i rgyun yod pa ma yin na/ 'byung ba dang 'jig pa dag yod par ga la 'gyur/ 'byung ba dang 'jig pa dag yod pa ma yin na khyod kyi dus la sogs pa dag 'grub par ga la 'gyur/ 'byung ba dang 'jig pa btag pa zhes bya ba ste rab tu byed pa nyi shu gcig pa'o// //smras pa/ srid pa'i rgyun ni yod pa kho na ste/ ci'i phyir zhe na/ de bzhin gshegs pa yod pa'i phyir ro/ /de bzhin gshegs pa ni bcom ldan 'das dgra bcom pa yang dag par rdzogs pa'i sangs rgyas yod do/ /des bskal pa grangs med pa dag gis byang chub yang dag par sgrubs te/ de ltar yang mdo sde gzhan dag las de'i tshe de'i dus nang bram ze'i khye'u mig bzang zhes bya bar gyur to/ /de'i tshe de'i dus na nga rgyal po nga la nu zhes bya bar gyur to/ /zhes gsungs te/ srid pa'i rgyun med na de mi 'thad pas de'i phyir srid pa'i rgyun ni yod pa kho na'o/ /bshad pa/ gal te de bzhin gshegs pa nyid 'thad na ni srid pa'i rgyun yang yod par 'gyur grang na/ de bzhin gshegs pa nyid mi 'thad pas de'i srid pa'i rgyun yod par ga la 'gyur/ ji ltar zhe na/ 'di la gal te de bzhin gshegs pa zhes bya ba 'ga' zhig yod par gyur na/ de phung po rnams nyid dam/ phung po rnams las gzhan zhig yin grang na/ de la sku min sku las gzhan ma yin/ /de la sku med de der med/ /de bzhin gshegs pa sku ldan min/ /de bzhin gshegs pa gang zhig yin/ /re zhig phung po rnams nyid de bzhin gshegs

  575. 288a

    pa ma yin te/ ci'i phyir zhe na/ phung po rnams 'byung ba dang 'jig pa'i chos can yin pa'i phyir de bzhin gshegs pa mi rtag pa nyid du thal bar 'gyur ba'i phyir dang/ nye bar len pa po dang/ nye bar len pa dag gcig pa nyid du mi 'thad pa'i phyir ro/ /phung po rnams las de bzhin gshegs pa gzhan pa phung po med pa'i chos logs shig na yang med de/ ci'i phyir zhe na/ phung po mi rtag pa rnams las chos mi mthun pa'i phyir rtag pa nyid du thal bar 'gyur ba'i phyir dang/ gzhan nyid yin na bzung du yod par thal bar 'gyur ba'i phyir te/ gzung du yang med pas de'i phyir phung po rnams las de bzhin gshegs pa gzhan yang ma yin no/ /de bzhin gshegs pa la phung po rnams gang la shing ljon pa'i nags tshal bzhin du med de/ ci'i phyir zhe na/ rten dang brten pa gzhan ma yin pa'i phyir mi rtag pa nyid du thal bar 'gyur ba'i phyir ro/ /phung po rnams la yang de bzhin gshegs pa shing ljon pa'i nags tshal na seng ge bzhin du med de/ ci'i phyir zhe na/ skyon bstan ma thag pa nyid du 'gyur ba'i phyir ro/ /de bzhin gshegs pa phung po rnams dang shing ljon pa snying po dang ldan pa bzhin du ldan pa ma yin te/ ci'i phyir zhe na/ phung po rnams las gzhan ma yin pa'i phyir mi rtag pa nyid kyi skyon du 'gyur ba'i phyir ro/ /de ltar rnam pa lngas btsal na de bzhin gshegs pa nye bar len pa la mi srid na/ khyod kyis gang gis srid pa'i rgyud yod par yongs su brtag pa'i de bzhin gshegs pa de gang zhig yin pa smros shig /smras pa/ ci kho bo phung po rnams nyid de bzhin gshegs pa 'am/ phung po rnams las de bzhin gshegs pa gzhan no zhes smra 'am/ ci'i phyir khyod kho bo la rtag pa 'am mi rtag par thal bar 'gyur ba'i skyon 'dogs par byed/ kho bo ni phung po rnams

  576. 288b

    la brten nas de bzhen gshegs pa gdags par bya ba yin par smra bas/ brten nas gdags par bya ba ni nye bar len pa las de nyid dam gzhan nyid du mi smra'o/ /de'i phyir de nyid du brjod par bya ba ma yin pa'i phyir mi rtag pa nyid kyi skyon du mi 'gyur la/ gzhan nyid du brjod par bya ba ma yin pa'i phyir rtag pa nyid kyi skyon du mi 'gyur ro/ /bshad pa/ ci khyod legs par sbyar ba'i phyed kyis gang byed dam/ khyod brten nas de bzhin gshegs pa gdags par yang smra la/ de bzhin gshegs pa ngo bo nyid las yang 'grub par yang 'dod ko /'o na/ gal te sangs rgyas phung po la/ /brten nas ngo bo nyid las med/ /gal te sangs rgyas phung po rnams la brten nas gdags par bya ba yin na/ de'i don ni sangs rgyas ngo bo nyid las med ba ma yin nam/ 'di ltar ngo bo nyid las yod pa la ni brten nas gdags pas ci bya ste/ de'i ngo bo nyid gang kho na yin pa de kho nas gdags par bya bar 'gyur ro/ /gang gi phyir de ngo bo nyid med pa de'i phyir nye bar len pas gdags par bya ste/ de lta ba na de bzhin gshegs pa ngo bo nyid las yod pa ma yin no/ /ngo bo nyid las gang med pa/ /de gzhan dngos las ga la yod/ /de bzhin gshegs pa gang ngo bo nyid las med pa de da gzhan gang las yod par sems smras pa/ gzhan kyi dngos po las te/ de bzhin gshegs pa ni nye bar len pa gzhan du gyur pa la brten nas gdags par bya pa yin pas de'i phyir de bzhin gshegs pa gzhan gyi dngos po las yod do/ /bshad pa/ gang zhig gzhan gyi dngos brten nas/ /de dag nyid du mi 'thad do gang zhig gzhan gyi dngos bo ma brten nas gdags par bya de ni bdag nyid yod do zhes brjod par mi 'thad de/ ci'i phyir zhe na/ rang las ma grub ba'i phyir ro/ /gang zhig bdag nyid med pa de/ /ji ltar de bzhin gshegs pa rang lus/ /de bzhin gshegs pa

  577. 289a

    gang zhig rang gi bdag nyid med pa de da nye bar len pa gzhan du gyur pas gdags par bya na ji ltar de bzhin gshegs par 'gyur/ gal te de rang gi bdag nyid med par nye bar len pa la brten nas bdag nyid yod par ? na ni/ de lta na nye bar len pa la brten te skyes par 'gyur bas de yang mi 'dod de/ mi rtag pa nyid la sogs pa'i skyon du thal bar 'gyur ba'i phyir ro/ /yang gzhan yang/ gal te ngo bo nyid med na/ /gzhan dngos yod par ji ltar 'gyur/ /ngo bo nyid dang gzhan dngos dag /ma gtogs de bzhin gshegs de gang/ /gal te de bzhin gshegs pa ngo bo nyid med de/ ngo bo nyid yod pa ma yin na/ gzhan gyis dngos po yod par ga la 'gyur/ 'di ltar gang ngo bo nyid las gzhan yin pa de gzhan gyi dngos po zhes bya na/ ngo bo nyid med pa de gang las gzhan gyi dngos por 'gyur/ de lta bas na gzhan gyis dngos po yang yod pa ma yin pa nyid do/ /'o na da ngo bo nyid dang gzhan gyi dngos po dag ma gtogs par de bzhin gshegs pa de gang zhig yin pa dang gang gis gdags par bya ba de smros shig /smras pa/ khyod brten nas gdags par bya ba'i don rnam par mi shes par mi rigs pa mang po de snyed cig smra ste/ gzhan gyi tshig la co 'dri ba tsam gyis ni de kho na'i don yongs su shes par mi nus so/ /de bzhin gshegs pa rnams la brten nas gdags par bya ba gang yin pa de la ci de bzhin gshegs pa ngo bo nyid las yod dam 'on te gzhan gyis dngos po las yod ces bya ba'i tshig de'i klan kar mi 'gyur ro/ /bshad pa/ 'jig rten na/ 'dre yis bya ba gang yin pa/ de ni byis pa dag byed do/ /zhes brjod pa de ni bden pa kho na te/ kho bo ni brten nas gdags par bya ba'i don rnam par mi shes pa yin la khyod ni ma yin pa lta zhig/ khyod

  578. 289b

    kyis gang dag la de bzhin gshegs pa yod pa nyid du yongs su brtag pa'i phung po rnams ni nye bar len pa nyid du mi 'thad do/ /de ji ltar zhe na/ gal te phung po ma brten par/ /de bzhin gshegs pa 'ga' yod na/ /de ni da gdod brten 'gyur zhing/ / brten nas de las 'gyur la rag /gal te phung po rnams nye bar lan pa'i snga rol na/ de bzhin gshegs pa zhes bya ba 'ga' zhig yod cing/ de phung po rnams nye bar len par 'gyur na ni/ de lta na ni de bzhin gshegs pa brten nas yod par 'gyur la dag go /de yang skyes par gyur la phung po rnams kyis de gsal ba tsam zhig byed par 'gyur du ni/ phung po rnams la ma brten par/ /de bzhin gshegs pa 'ga' yang med/ /gang zhig ma brten yod min pa/ /de ni ji ltar nye len 'gyur/ /phur po rnams lam brten par de bzhin gshegs pa 'ga' yang mi 'thad de/ gang phung po rnams la ma brten par med na med pa des ji ltar phung po rnams nye bar len par 'gyur/ smras pa/ gzhung lugs dang 'gal ba de bshad de ci rung/ 'di ltar bcom ldan 'das kyis 'kho ba la thog ma dang tha ma med do/ /zhes gsungs pas/ de la nye bar len pa po dan nye bar blangs pa dag snga phyi yod par 'thad par ga la 'gyur te/ de ni rtag tu nye bar len pa dang bcas pas gdags par bya ba yin no/ /bshad pa/ gal te 'khor ba la thog ma dang tha ma med pas nye bar len pa po dang nye bar blang ba dag snga phyi yod par mi 'thad na ni/ de bzhin gshegs pa ni nye bar lan pa po yin la phung po rnams ni nye bar blang pa yin no zhes bya ba 'di yang mi 'thad pa ma yin nam/ ci'i phyir zhe na/ 'di ltar/ nye bar blangs pa ma yin pa/ /nye bar len par cir mi 'gyur/ /nye bar len pa med pa yi/ /de bzhin gshegs pa ci yang med/ /'di la nye bar blangs pa yin pas nye bar len pa zhes bya la nye bar len par byed

  579. 290a

    pas nye bar len pa po zhes bya bas/ de'i phyir nye bar len pa pos nye bar blangs pa ma yin pa ni nye bar len pa ma yin la/ nye bar blang ba nye bar len par mi byed pa yang nye bar len pa po ma yin no/ /'khor ba la bog ma dang tha ma med na 'di ni nye bar blang ba'o/ /'di ni nye bar len par byed pa'o zhes bya ba de mi 'thad do/ /de ltar snga phyi med na khyod kyi phung po rnams ji ltar nye bar blang ba yin pa dang/ khyod kyis yongs su brtags pa'i de bzhin gshegs pa de ji ltar nye bar len pa po yin pa de smros shig /de lta bas na sde phyi med na nye bar len pa po yang mi 'thad pa nyid yin la/ nye bar blang pa yang mi 'thad pa nyid do/ /smras pa/ de ni 'thad de/ ci'i phyir zhe na/ de nyid dang gzhan nyid du brjod par bya ba ma yin pa'i phyir te/ nye bar len pa po dang nye bar blang pa ni de nyid dang gzhan nyid du mi brjod do/ /re zhig de nyid du mi brjod de byed pa po'i tshig tha dad pa'i phyir ro/ /gzhan nyid du yang mi brjod de so sor 'grub pa med pa'i phyir ro/ /de lta bas na de gnyi ga yang yod de de nyid dang gzhan nyid du ni brjod par mi nus so/ /bshad pa/ ci khyod mdza' bshes kyi blos dgra bo dbang du len nam/ khyod gang kho nas nye bar len pa po dang nye bar blang ba dag rab tu 'grub par mi 'thad pa de kho nas de dag rab tu bsgrub pa'i phyir rtsom par byed ko /'di ltar gal te nye bar blang ba dang nye bar len pa po zhig yod par gyur na gcig pa nyid dam/ gzhan nyid du 'gyur bar the tshom med do/ /gang dag gcig pa nyid du yang yod pa ma yin la gzhan nyid du yang yod pa ma yin pa de dag gzhan du ji ltar yod par 'gyur/ de lta bas na nye bar blang ba yang yod pa ma yin pa nyid la nye bar len pa po yang yod pa ma yin pa nyid do/ /tha snyad kyi dbang gi nye bar len pa po dang nye bar blang ba dag brjod par byed na yang de nyid kyang ma yin la gzhan nyid

  580. 290b

    kyang ma yin par brjod dgos te de ni nges pa kho nar de ltar blta'o/ /gzhan du na de bzin gshegs pa bdag dang nye bar len pa bdag med pa dag ji ltar gzhan nyid du mi 'gyur/ slob dpon 'phags pa lhas kyang/ /gang phyir gzugs la bdag med pa/ de phyir gzugs las bdag gzhan 'gyur/ /grang dang tshe ba tha dad nyid/ /med ces brjod par mi rung bzhin/ /zhes gsungs so/ /ci ste yang nye bar len pa po zhig yod par gyur na de lta yang/ rnam pa ldas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pas ji ltar gdags/ /de bzhin gshegs pa gang nye bar len pa gang dag gis gdags par bya ba de de nyid la rnam lngas btsal na de nyid dang gzhan nyid du brjod par bya ba ma yin pa nye bar len pa la med na ji ltar de bzhin gshegs pa yod do zhes brjod par bya/ de lta bas na brten nas gdags pa dang yod pa nyid kyang mi 'thad do/ /smras pa/ ji srid du nye bar len pa zhes bya ba phung po lnga po 'di mngon du dmigs par 'gyur ba de srid du ji ltar med par 'gyur te/ de'i phyir re zhig nye bar len pa ni yod do/ /kha lo sgyur ba med par shing rta mi 'gro bas 'di la nye bar len pa po yang yod par 'gyur ro/ /bshad pa/ ci khyod chu bo shugs drag pos khyer ba na rtsa drungs byung la 'ju 'am/ khyod nye bar blangs pas nye bar pa po rab tu bsgrub par 'dod ko /gang gi tshe/ gang zhig nye bar blang ba de/ /de ni ngo bo nyid las med/ /nye bar blang ba gang yod do snyam du sems dpa' de yang/ rten cing 'brel par 'byung ba'i phyir ngo bo nyid med do/ /smras pa/ de ni re zhig yod de gal te bdag gi dngos po las yod pa ma yin yang gzhan gyis dngos po las yod do/ /bshad pa/ bdag gi dngos las gang med pa/ /de gzhan dngos las yod re skan/ /nye bar len pa gang dag gi dngos po las med pa de gzhan gyis

  581. 291a

    dngos po las yod par 'gyur te skan te/ gang gi tshe bdag gi dngos po 'ga' zhig yod na gzhan du 'gyur na nye bar len pa ni bdag gi dngos po las yod pa ma yin pas/ de'i phyir de las gzhan yang yod pa ma yin no/ /gzhan med na ji ltar gzhan las yod par 'gyur/ de lta bas na nye bar len pa ni/ gzhan gyis dngos po las kyang yod pa ma yin no/ /mngon sum du dmigs pa zhes gang smras pa de yang rang gi sems kun tu rmongs pa'i skyon gyis sgyu ma dang rmi lam mthong ba bzhin du mthong ba yin gyi/ 'di la yang dag pa cung zad kyang med de/ 'di bden no snyam du mngon par zhen pa de spangs pa'i phyir/ bcom ldan 'das kyis dbu ba rdos pa dang chu'i chu bur dang smig rgyu dang chu shing gi phung po dang sgyu ma'i dpe dag bka' stsal cing/ sgyu ma 'di ni byis pa 'drid pa'o/ /zhes kyang gsungs te/ gang gi phyir de dag yod pa ma yin pa de'i phyir/ de ltar nyer blang nyer len par/ /rnam pa kun gyis stong pa yin/ stong pas de bzhin gshegs stong pa/ /ji lta bur na 'dogs par 'gyur/ /de ltar gang gi phyir nye bar len pa ngo bo nyid las kyang yod pa ma yin la gzhan gyi dngos po las kyang yod pa ma yin pa de'i phyir nye bar len pa stong ba yin no/ /gang gi phyir nye bar len pa po yang rnam pa kun gyis yongs su brtags na ngo bo nyid las kyang yod pa ma yin la gzhan gyi dngos po las kyang yod pa ma yin pa de'i phyir nye bar len pa po yang stong pa yin no/ /de'i phyir khyod dbu ba rdos pa dang chu'i chu bur dang smig rgyu dang chu shing gi phung po dang sgyu ma ltar snying po med cing ngo bo nyid stong pa'i nye bar len pas/ sgyu ma'i skyes bu dang rmi lam dang gzugs brnyan dang dri za'i grong khyer ltar snying po med cing ngo bo stong pa'i de bzhin gshegs pa yod do/ /zhes ji ltar 'dogs par byed

  582. 291b

    pa je smos shig/ de lta bas na re zhig rang gi phyogs la chags pa mthong la ci gang brten nas yod par 'dogs pa dang/ gang brten nas yod pa nyid dang med pa nyid spangs te dbu mar bsgrubs pa 'di yod pas 'di 'byung la/ 'di med pas 'di mi 'byung ngo/ zhes 'dogs par byed pa de gnyis las gang brten nas gdags par bya ba'i don rnam par mi shes pa yin pa de soms shig /de lta bas na brten nas gdags par bya ba'i don ni dngos po gang brten nas gang gdags par bya ba de ni rnam pa thams cad du ngo bo nyid stong pa'i phyir yod pa dang med par brjod par bya ba ma yin pa de nyid yin te/ tha snyad kyi tshig la ni skyon med do/ /smras pa/ gal te de ltar de dag thams cad stong ngo/ /zhes kyang brjod par mi bya ba yin na lon khyod bag che ba med par gsang bstod de/ 'di dag thams cad stong ngo zhes smra 'am/ bshad pa/ stong ngo zhes brjod par mi bya ba yin na zhes bya ba ni shin tu nyung du zhig brjod pa yin te/ stong ngo zhes kyang mi brjod do/ mi stong zhes kyang mi bya zhing/ /gnyis dang gnyis min mi bya ste/ gdags pa'i don du brjod par bya/ /stong ngo zhes kyang brjod par mi bya/ mi stong ngo zhes kyang mi bya/ /stong pa dang mi stong ba dang/ stong pa yang ma yin mi stong pa yang ma yin no/ /zhes kyang brjod par mi bya'o/ /yang dag pa ma yin pa'i kun tu rtog pa sdang ba'i phyir dang/ der dam pa'i de kho na gdags pa'i don du ni de dag brjod par bya ste 'og nas kyang/ tha snyad la ni ma brten par/ /dam pa'i don ni bstan mi nus/ /dam pa'i don la ma rten par/ /mya ngan 'das pa 'thob mi 'gyur/ /zhes 'byung ngo slob dpon 'phags pa lhas kyang/ gal te dngos po rang bzhin yod/ /stong mthong yon tan ci zhig yod/ /rtog pas bcings pa mthong bas na/ /'dir ni de nyid dgag par bya/ /zhes gsungs so/ /smras pa/ gal te de bzhin gshegs pa ngo bo nyid

  583. 292a

    las kyang yod pa ma yin la gzhan gyi dngos po las kyang yod pa ma yin no/ /ci'i phyir rtag pa dang mi rtag pa la sogs pa dang/ mdza' dang mdza' med pa la sogs par brjod par bya ba ma yin no/ /zhes bshad/ de bzhin gshegs pa med pa nyid do/ /zhes gsal ba kho nar brjod par bya ba'i rigs pa snyam bshad pa/ de bzhin gshegs pa brten nas gdags par bya ba gang yin pa de/ yod do zhe 'am/ med do zhes ji ltar brjod par rigs/ 'di ltar gal te de bzhin gshegs pa zhig yod par gyur na/ nye bar len pa med par yang yod pa kho nar 'gyur ba'i rigs na/ nye bar len pa med par ni yod pa ma yin no/ /gang nye bar len pa med par yod pa ma yin pa de ji ltar yod do/ /zhes brjod par bya/ de bzhin gshegs pa gang brten nas gdags par bya ba de ji ltar med do/ /zhes kyang brjod par bya ste/ 'di ltar u dum ba ra'i me tog med pa ni gdags su med do/ /de ltar gang gi phyir re zhig de bzhin gshegs pa ngo bo nyid las kyang yod pa ma yin la gzhan kyi dngos po las kyang yod pa ma yin pa de'i phyir bshad pa/ rtag dang mi rtag la sogs zhi/ /zhi ba 'di lag la yod/ /mdza' dang mdza' med la sogs bzhi/ /zhi ba 'di lag la yod/ /de bzhin gshegs pa ngo bo nyid stong pa ngo bo nyid zhi ba gang yin pa de la rtag pa dang mi rtag pa la sogs pa bzhi po/ /de bzhin gshegs pa rtag pa dang/ de bzhin gshegs pa mi rtag pa dang/ de bzhin gshegs pa rtag kyang rtag la/ mi rtag kyang mi rtag pa dang/ de bzhin gshegs pa rtag pa yang ma yin mi rtag pa yang ma yin pa zhes bya ba de dag 'thad par ga la 'gyur/ mdza' dang mdza' med pa la sogs pa bzhi bo/ /de bzhin gshegs pa mdza' yod pa dang/ de bzhin gshegs pa mdza' med pa dang/ de bzhin gshegs

  584. 292b

    pa mdza' yod kyang yod la/ mdza' med kyang med pa dang/ de bzhin gshegs pa mdza' yod pa yang ma yin/ mdza' med pa yang ma yin pa/ zhes bya ba de dag 'thad par ga la 'gyur te/ de bzhin gshegs pa zhes bya ba ngo bo nyid dang/ gzhan gyi dngos po dang bral ba gang yin pa rtag pa dang mi rtag pa la sogs pa de dag las gang yang rung ba zhig tu 'gyur ba de gang yin/ gang gi phyir phung po rnams la brten nas gdags par bya ba yin pa de'i phyir de bzhin gshegs pa med do/ /zhes kyang brjod par mi bya ste/ 'di ltar gang brten nas gdags par bya ba de/ ji ltar med par 'gyur/ 'og nas kyang/ de ltar len las gzhan ma yin/ /de ni nyer len nyid kyang min/ /bdag ni nye bar len med min/ /med pa nyid duAng de ma des zhes 'byung ngo/ de'i phyir de ltar bzhin gshegs payod pa nyid dang med pa nyid kyi phyogs dang bral ba tshe 'di nyid la brtan pa las de bzhin gshegs pa dmigs su med pa la gti mug gis kun nas dkris pa'i sems dang ldan pa de kho na mthong ba lkog tu gyur pa/ gang gis 'dzin sdug gzung gyur pa/ /de ni mya ngan 'das pa la/ /de bzhin gshegs pa yod ce 'am/ /med ces rnam rtog rtog par byed/ /gang gis 'dzin pa stug po gzung bar 'gyur ba 'di nyid bden gyi gzhan ni don med ba'o/ snyam du srms dpa' de ni de bzhin gshegs pa mya ngan las 'das pa la 'di lta ste/ de bzhin gshegs pa yod pa nyid de zhe 'am/ de bzhin gshegs pa med pa nyid do/ /zhes bya bar rnam par rtog pa la de ltar rnam par rtog par byed do/ /de bzhin gshegs pa mya ngan 'das nas yod ce 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'das nas yod kyang yod la med kyang ce 'am/ de bzhin gshegs pa mya ngan las 'das nas yod pa yang ma

  585. 293a

    yin med pa yang ma yin/ zhes bya ba de ltar rtog par byed do/ /gang dag bdag nyid che ba rten cing 'brel bar 'byung ba shes pa'i sgron me'i snang bas blo'i mig la phan gtags pa dang/ dngos po rnams yang dag pa ji lta ba bzhin du mthong ba de dag la ni/ /ngo bo nyid kyi stong de la/ /sangs rgyas mya ngan las nad ni/ /yod do zhe 'am med do zhes/ /bsam pa 'thad pa nyid mi 'gyur/ /de bzhin gshegs pa ngo bo nyid dang gzhan gyi dngos pos stong pa sgyu ma dang gzugs brnyan dang sprul pa lta bu mya ngan las 'das pa de la sangs rgyas bcom ldan 'das mya ngan las 'das nas yod do zhe 'am/ sangs rgyas bcom ldan 'das mya ngan las 'das nas med do zhes bsam pa de dag 'thad pa nyid du mi 'gyur ro/ /de ltar yang bcom ldan 'das kyis dga' bo khyod 'di ltar tshe 'di la de bzhin gshegs pa yang dag par rjes su ma mthong na bde bar 'gyur ro/ /zhes gsungs pa'i phyir ro/ /de bzhin gshegs pa mya ngan las 'das nas yod do/ /zhe'am/ de bzhin gshegs pa mya ngan las 'das nas med do zhes pa dag gis/ gang dag sangs rgyas spros 'das shing/ zag pa med pa la spros byed pa/ /spros pas nyams pa de kun gyis/ /de bzhin gshegs pa mthong mi 'gyur/ /de'i phyir de ltar gang dag sangs rgyas bcom ldan 'das 'jig rten pa'i spros pa thams cad las yang dag par 'das shing zad pa med pa la/ yod pa dang med pa dang rtag pa dang mi rtag pa la sogs pa'i spros pa rnams kyis spros par byed pa de dag thams cad ni spros pa de dag gis ye shes kyi mig nyams pas dmus long gi nyi ma bzhin du de bzhin gshegs pa mthong bar mi 'gyur te/ de bzhin gshegs pa 'jig rten las 'das pa'i chos la gnas pa la yod pa la sogs pa 'jig rten pa'i spros pa rnams

  586. 293b

    kyis ji ltar lta bar nus/ zad pamed pa zhes bya ba ni 'gro ba med pa'i don te/ 'gro med gom pa gang gis bkri/ zhes gsungs pa lta bu'o/ /de lta bas na/ de bzhin gshegs pa ni ngo bo nyid med pa nyid yin pas de la srid ba'i rgyun ni yod pa kho na yin te/ de bzhin gshegs payod pa'i phyir ro/ /zhes gang smras pa de rigs pa ma yin no/ /de la 'jig rten ni rnam pa gnyis te/ sems can gyi 'jig rten dang'di byed kyi 'jig rten du 'dod do/ /de la de bzhin gshegs pa brtags pas ni sems can gyis 'jig rten yang brtags pa yin la/ de bzhin gshegs pa brtags pa 'di nyid kyis 'du byed kyi 'jig rten yang brtags par khong du chud par bya'o/ /ci'i phyir zhe na/ 'di ltar/ de bzhin gshegs pa'i dngos nyid gang/ /de ni 'gro 'di'i ngo bo nyid/ /gang gi phyir de bzhin gshegs pa'i ngo bo nyid gang yin pa de ni 'gro ba 'di'i ngo bo nyid kyang yin pa de'i phyir de bzhin gshegs pa brtags pa 'di nyid kyis 'gro ba 'di dag kyang brtags pa yin no/ /smras pa/ de bzhin gshegs pa'i ngo bo nyid gang yin/ bshad pa/ /de bzhin gshegs pa dngos nyid med/ /'gro 'di ngo bo nyid med do/ /ji ltar zhe na/ gang gi phyir de bzhin gshegs pa phung po rnams la brten nas gdags par bya ba yin gyi rang las rab tu grub pa med pa de'i phyir ngo bo nyid med do/ /'gro ba 'di dag kyang de dang de dag la rten nas gdags par bya ba yin gyi 'di dag la rang las rab tu 'grub pa cung zad kyang med pas de'i phyir 'gro ba yang de bzhin gshegs pa bzhin du ngo bo nyid med do/ /ngo bo nyid med pa'i phyir 'di la yang/ /rtag dang mi rtag la sogs bzhi/ /zhi ba 'di la ga la yod/ /mdza' dang mdza' med la sogs bzhi/ /zhi ba 'di la ga la yod/ /ces bshad do/ /smras pa/ de lta ma yin te/ 'dus byas ni gcig tu mi rtag pa zhes

  587. 294a

    brjod la/ /de bzhin gshegs pa ni mi rtag pa zhes ma brjod pas de la/ de bzhin gshegs pa'i dngos nyid gang/ de ni 'gro 'di'i ngo bo nyid ces bya br ji ltar 'thad/ bshad pa/ de ni 'og nas kyang/ sangs rgyas rnams kyi chos bstan pa/ bden pa gnyis pa yang dag brten/ /'jig rten kun rdzob bden pa dang/ /dam pa'i don gyis bden pa'o/ /zhes 'byung ba de la 'jig rten gyi kun rdzob gyi bden pa gang gis bum pa yod do sam ma yod do zhes brjod pa de nyid kyis bum pa chag go sab ma tshig go /zhes de dag mi rtog par yang brjod do/ /gang gi tshe de kho na sab ma tsam pa de'i tshe ni bum pa dang sab ma dag brten nas gdags par bya ba yin pas mi 'thad na de dag chag pa dang tshig pa lta 'thad par ga la 'gyur/ gzhan yang de bzhin gshegs pa yang 'jig rten gyi kun rdzob kyi dbang gis de bzhin gshegs pa bgres so/ /de bzhin gshegs pa mya ngan las 'das so/ /zhes mi rtag par yang brjod do/ /gang gi tshe don dam par bsam pa de'i tshe ni de bzhin gshegs pa nyid mi 'thad na bgres pa dang mya ngan las 'das pa dag la 'thad bar ga la 'gyur te/ de'i phyir de bzhin gshegs pa'i ngo bo nyid gang yin pa de ni 'gro ba 'di'i ngo bo nyid kyang yin no/ /de lta bas na sems can gyi 'jig rten brtags pas 'du byed kyi 'jig rten yang brtags par grub bo/ /de bzhin gshegs pa brtag pa zhes bya ba ste rab tu byed pa nyi shu gnyis pa'o// //bam po dgu pa/ 'dir smras pa/ 'dod chags zhe sdang gti mug rnams/ /kun tu rtog las 'byung bar gsungs/ /sdug dang mi sdug phyin ci log /brten pa 'di las kun tu 'byung/ /'di la 'dod chags dang zhe sdang dang gti mug rnams ni kun tu rtog pa las 'byung bar mdo sde dag las

  588. 294b

    rgya cher gsungs te/ sdug pa dang mi sdug pa'i phyin ci log la brten pa nyid las kun tu 'byung bas/ de'i phyir 'dod chags dang zhe sdang dang gti mug rnams ni yod pa yin no/ /'dir bshad pa/ gang dag sdug dang mi sdug pa'i/ /phyin ci log la brten 'byung ba/ /de dag ngo bo nyid las med/ /de phyir nyon mongs yang dag med/ /gang dag de ltar sdug pa dang mi sdug pa'i phyir ci log la brten nas kun tu rtog pa las 'byung ba de dag ni ngo bo nyid las med pas de'i phyir nyon mongs pa rnams yang dag par yod pa ma yin no/ /yang gzhan yang/ bdag gi yod nyid med nyid ni/ /ji lta bur yang 'grub pa med/ /de med nyon mongs rnams kyi ni/ /yod nyid med nyid jio ltar 'grub/ /bdag gi yod pa nyid dang me pa nyid ni rnam pa gang gis kyang ji ltar bur yang 'grub pa med do/ /bdag de med na nyon mongs pa rnams kyi yod pa nyid dang med pa nyid ji ltar 'grub par 'gyur/ ci'i phyir zhe na/ nyon mongs de dag gang gi yin/ /de yang grub pa yod ma yin /nyon mongs pa de dag ni 'ga' zhig gi yin te nyon mongs pa de dag gang gi yin pa de yang rnam pa thams cad du 'grub pa yod pa ma yin no/ /gal te gang med ci zhig yod/ /nyon mongs cung zad yod ma yin/ /gal te nyon mongs pa de dag gang gi yin pa de yang 'grub pa yod pa ma yin no/ gang med na ci zhig yod de nyon mongs pa cung zad kyang yod pa ma yin no/ /ci ste gang yang med par nyon mongs pa rnams yod de de rnams ni su yi yang ma yin no snyam na de la bshad par bya ste/ rang lus lta bzhin nyon mongs rnams/ nyon mongs can la rnam ldar med/ /rang lus lta bzhin nyon mongs can/ /nyon mongs la rnam ldar med/ /ji ltar rang gi lus la lta ba phung po lnga po dag la rnam pa ldar yod pa ma yin pa de bzhin du nyon mongs pa rnams kyang nyon mongs pa can gyi sems la rnam pa ldar

  589. 295a

    yod pa ma yin na/ /ji ltar rang gi lus la lha ba phung po lnga po dag rnam pa lngar yod pa ma yin pa de bzhin du nyon mongs ba can gyi sems kyang nyon mongs pa rnams la rnam pa lngar yod pa ma yin no/ /yang gzhan yang/ sdug dang mi sdug phyin ci log /ngo bo nyid las yod min pa/ /sdug dang mi sdug phyin ci log /rten nas nyon mongs gang dag yin/ /sdug pa dang mi sdug pa'i phyin ci log dang ngo bo nyid las yod pa ma yin pa de'i tshe/ sdug pa dang mi sdug pa'i phyin ci yog dag ni yang dag pa ma yin no/ /gang yang dag pa ma yin pa don yod pa ma yin te/ sdug pa dang mi sdug pa'i phyin ci log de dag yod pa ma yin na de dag la brten nas 'byung ba'i nyon mongs pa de dag gang dag yin te/ de dag gi rgyu can nyon mongs pa rnams ji ltar yod par 'gyur/ smras pa/ gzugs sgra ro dang reg bya dang/ dri dang chos dag rnam drug ni/ /gzhi ste 'dod chags zhe sdang dang/ /gti mug gir ni rnam par brtag /gzugs dang sgra dang ri dang reg pa dang dri dang chos dag rnam pa drug ni 'dod chags dang zhe sdang dang gti mug gi gzhi yin par rnam par brtag ste/ gzhi de dag yod na sdug pa dang mi sdug pa'i phyin ci log dag kun tu 'byung bas de'i phyir sdug pa dang mi sdug pa'i phyin ci log dag la brten nas 'dod chags dang zhe sdang dang gti mug rnams 'byung ngo/ /'dir bshad pa/ gzugs sgra ro dang reg pa dang/ dri dang chos dag 'ba' zhig pa/ dri za'i grong khyer lta bu dang/ /smig rgyu rmi lam 'dra ba yin/ /sgyu ma'i skyes bu lta bu dang/ /gzugs brnyan 'dra ba de dag la/ /sdug pa dang ni mi sdug pa/ /'byung bar yang ni ga la 'gyur/ /gzugs dang sgra dang ro dang reg pa dang dri dang chos dag ni 'ba' zhig bral ba ci yang med pa ma 'dres pa ngo bo nyid med pa ste/ dri za'i grong khyer lta bu dang smig rgyu dang rmi

  590. 295b

    lam 'dra ba yin pas/ sgyu ma'i skyes bu dang gzugs brnyan 'dra ba de dag la sdug pa dang mi sdug pa 'byung ba ga la 'gyur/ yang gzhan yang/ gang la brten nas ni sdug pa/ /mi sdug par ni gdags bya ba/ /sdug pa ma bltos yod min bas/ /de phyir sdug pa 'thad ma yin/ /gang la brten nas mi sdug pa mi sdug par gdags par bya'i sdug pa mi sdug pa la ma bltas pa'i snga rol na yod pa ma yin pas de'i phyir sdug pa 'thad pa ma yin no/ /gang la brten nas sdug pa ni/ /sdug pa zhes ni gdags bya ba/ /mi sdug ma bltos yod min pas/ /de phyir mi sdug 'thad ma yin/ /gang la brten nas sdug pa sdug par gdags par bya ba'i mi sdug pa mi sdug pa la ma bltos pa'i snga rol na yod pa ma yin pas de'i phyir mi sdug pa 'thad pa ma yin no/ /sdug pa yod pa ma yin na/ /'dod chags 'byung bar ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /sdug pa yod pa ma yin na 'dod chags 'byung bar ga la 'gyur zhing/ mi sdug pa yod pa ma yin na zhe sdang 'byung bar ga la yang 'gyur/ 'dir smras pa/ mdo sde las rtag pa la sogs pa phyin ci log bzhi yod par gsungs pas de dag yod pa'i phyir phyin ci log tu gyur pa yang yod do/ /de la gang mi rtag pa'i rtag pa zhes 'dzin pa de ni phyin ci log yin la/ gang mi rtag pa la mi rtag pa zhes bya bar 'dzin pa de ni phyin ci log ma yin te/ lhag ma rnams la yang de bzhin no/ /'dir bshad pa/ gal te mi rtag rtag pa zhes/ /de ltar 'dzin pa log yin na/ /stong la rtag pa yod min pas/ 'jig pa ji ltar log ma yin/ /gal te mi rtag pa la rtag pa zhes de ltar 'dzin pa phyin ci log yin no/ /snyam du sems na de la bshad par bya ste/ ngo bo nyid stong pa la rtag par cung zad kyang yod pa ma yin pas de med na de ltar 'dzin pa ji ltar phyir ci log ma yin par 'gyur

  591. 296a

    lhag ma rnams la yang de bzhin no/ /gal te mi rtag mi rtag ces/ /de ltar 'dzin pa log min pa/ /stong l mi rtag yod min pas/ /'dzin pa ji ltar log ma yin/ /gal te mi rtag pa zhes de ltar 'dzin pa phyin ci log ma yin no snyam du sems na/ de la bshad par bya ste/ ngo bo nyid stong pa la mi rtag ba cung zad kyang yod pa ma yin pas de med na de ltar 'dzin pa ji ltar phyin ci log ma yin par 'gyur/ lhag ma rnams la yang de bzhin no/ /gang gis 'dzin dang 'dzin gang dang/ /'dzin pa po dang gzung ba/ /thams cad nye bar zhe ba ste/ /de phyir 'dzin pa yod ma yin/ /gang gis 'dzin pa ni byed par gyur pos/ /'dzin pa gang yin pa ni dngos por gyur ba'o/ /'dzin pa po gang yin pa ni byed pa por gyur pa'o/ gang gzung ba ni las su gyur pa'o/ /de dag thams cad nye bar zhi ba ni ngo bo nyid las nye bar zhi ba ste/ de dag ji lta ba de ltar song ba dang ma song ba dang bgom pa brtag par brtag par rgyas par bshad zin pas/ de'i phyir 'dzin pa yod pa ma yin no/ /log ba'am yang dag nyid du ni/ /'dzin pa yod pa ma yin na/ /gang la phyin ci log yod cing/ /gang la phyin ci ma log yod/ /log pa'am yang dag pa nyid du 'dzin pa de dag yod pa ma yin na gang la phyin ci log yod par 'gyur zhing gang la phyin ci ma log pa yod par 'gyur/ yang gzhan yang/ phyin ci log tu gyur pa la/ /phyin ci log dag mi srid do/ /phyin ci log tu ma gyur la'ang/ /phyin ci log dag mi srid do/ /phyin ci log tu 'gyur bzhin la'ang/ /phyin ci log dag mi srid do/ /phyin ci log tu gyur pa la phyin ci log dag mi srid cing/ /phyin ci log tu ma gyur pa la yang mi srid/ phyin ci log tu 'gyur bzhin pa la yang mi srid de/ ji ltar mi srid pa de ltar ni song ba dang ma song ba dang bgom pa brtag pa'i rab tu byed par rgyas

  592. 296b

    par bstan pa bzhin du khong du chud par bya'o/ /gang la phyin ci log srid pa/ /bdag nyid kyis ni rnam par dpyod/ /da gang la phyin ci log dag srid pa bdag nyid kyis rnam par dpyod cig /yang gzhan yang/ phyin ci log rnams ma skyes na/ /ji lta bur na yod par 'gyur/ /phyin ci log rnams skye med na/ /phyin ci log can ga la yod/ /phyin ci log gang dag ngo bo nyid las ma skyes pa de dag ji lta bur na yod par 'gyur/ da phyin ci log de rnams ngo bo nyid las skye ba med na phyin ci log can yod par ga la 'gyur/ yang gzhan yang/ gal te bdag dang sdug pa dag /rtag dang bde ba yod na ni/ /bdag shes sdug shes rtag shes dang/ /bde shes phyin ci log ma yin/ /gal te bdag dang sdug pa dang rtag pa dang bde bde ba zhes bya ba bzhi po de dag yod na ni de dag yod pa'i phyir/ rtag tu shes pa dang/ sdug par shes pa dang/ rtag par shes pa dang bde bar shes pa de dag phyin ci log ma yin par 'gyur ro/ /de la 'di snyam du bdag dang sdug pa dang rtag pa dang bde ba zhes bya ba bzhi po de dag ni yod pa ma yin gyi bdag med pa la sogs pa bzhi po dag ni yod de/ de dag la phyin ci log tu 'dzin pas phyin ci log dag kyang yod par sems na/ de la bshad par bya ste/ gal te bdag dang sdug pa dang/ /rtag dang bde ba med na ni/ /bdag med mi sdug mi rtag dang/ /sdug bsngal yod pa ma yin no/ /gal te bdag dang sdug pa dang rtag pa dang bde ba zhes bya ba bzhi po de dag med na ni/ de dag med pa'i phyir bdag med pa dang mi sdug pa dang mi rtag pa dang sdug bsngal zhes bya ba bzhi po dag kyang yod pa ma yin te bltos pa med pa'i phyir ro/ /de'i phyir rgyu'i khyad par 'dis kyang phyin ci log rnams yod pa ma yin no/ /de ltar phyin ci log 'gags pas/ /ma rig pa ni 'gag par 'gyur/ /ma rig 'gags

  593. 297a

    par gyur na ni/ /'du byed la sogs 'gags par 'gyur/ /de ltar lam 'dis phyin ci log rnams 'gag la/ /phyin ci log 'gags pas ma rig pa 'gag/ /ma rig pa 'gags pas 'du byed la sogs pa'i don 'gag par 'gyur ro/ /gal te la la'i nyon mongs pa/ /gang dag ngo bo nyid yod na/ /ji lta bur na spong bar 'gyur/ /yod pa su zhig spong bar byed/ /gal te la la'i nyon mongs pa gang dag ngo bo nyid kyis yod cing yang dag pa dang de kho na dang bden pa yin na de dag ji ltar spong bar 'gyur/ yong pa su zhig spong bar byed de spong bar mi 'thad pa'i phyir ro/ /de la 'di snyam du nyon mongs pa rnams ngo bo nyid kyis med pa nyid yin te/ ngo bo nyid kyis med pa de dag spong bar byed do snyam du sems na/ de la bshad par bya ste/ gal te la la'i nyon mongs pa/ /gang dag ngo bo nyid med na/ /ji lta bur na spong bar 'gyur/ /med pa su zhig spong bar byed/ /gal te la la'i nyon mongs pa gang dag ngo bo nyid kyis med cing yang dag pa dang de kho na dang bden pa ma yin na/ de dag ji ltar spong bar 'gyur/ med pa su zhig spong bar byed de spong bar mi 'thad ba'i phyir ro/ /phyin ci log brtag pa zhes bya ba ste rab tu byed pa nyi shu gsum pa'o// //'dir smras pa/ gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /'phags pa'i bden pa bzhi med pas/ /yongs su shes dang spang ba dang/ /sgom dang mngon du bya ba dag/ 'thad par 'gyur ba ma yin no/ /de dag yod pa ma yin pas/ /'bras bu bzhi yang yod ma yin/ /'bras bu med na 'bras gnas med/ /zhugs pa dag kyang yod ma yin/ /gal te skyes bu gang zag brgyad/ /de dag med na dge 'dun med/ /'phags ba'i bden rnams med

  594. 297b

    pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /de skad smras na dkon pa'i mchog /gsum la gnod pa byed pa yin/ /gal te 'gro ba 'di dag kun stong na de'i phyir 'byung ba med cing 'jig pa med do/ /de dag med pas 'phags pa'i bden pa bzhi po rnams khyod la med par thal bar 'gyur ro/ /'phags pa'i bden pha bzhi med pas sdug bsngal yongs su shes pa dang kun 'byung ba spang ba dang lam bsgom pa dang 'gog pa mngon sum du bya bdag 'thad par 'gyur ba ma yin no/ /sdug bsngal yongs su shes pa dang kun 'byung ba spang ba dang lam bsgom pa dang 'gog pa mngon sum du bya ba de dag yod pa ma yin pas dge sbyong gi 'bras bu bzhi yang yod pa ma yin no/ /dge sbyong gi 'bras bu med na/ /'bras bu la gnas pa dang zhugs pa skyes bu gang zag brgyad po dag kyang yod pa ma yin no/ /gal te skyes bu gang zag brgyad po de dag med na dge 'dun med de/ yang gzhan yang/ 'phags pa'i bden pa rnams med pa'i phyir dam pa'i chos kyang yod pa ma yin no/ /chos dang dge 'dun yod pa ma yin na sangs rgyas ji ltar yod par 'gyur te/ de skad du stong pa nyid du smra na dkon mchog gsum la gnod pa byed pa yin no/ /yang gzhan yang/ stong nyid 'bras bu yod pa dang/ /chos ma yin dang chos nyid dang/ /'jig rten pa yi tha snyad ni/ /kun la gnod pa byed pa yin/ /stong pa nyid gzung na chos ma yin pa dang chos nyid dang de dag gis byas pa'i 'bras bu yod pa dang 'jig rten pa'i tha snyad kun la yang gnod pa byed ba yin pas de lta bas na dngos po thams cad stong pa ma yin no/ /de la bshad pa khyod kyis ni/ /stong nyid dgos dang stong nyid dang/ /stong nyid don ni ma gtogs pas/ /de phyir de ltar gnod pa byed/ /khyod kyis ni stong pa nyid bstan pa'i dgos pa gang yin pa dang/ stong pa nyid kyi

  595. 298a

    mtshan nyid gang yin pa dang stong pa nyid kyi don gang yin pa de yang dag pa ji lta ba bzhin du ma gtogs pa de'i phyir de ltar gnod pa byed do/ /sangs rgyas rnams kyi chos bstan pa/ /bden pa gnyis la yang dag brten/ /'jig rten kun rdzob bden pa dang/ /dam pa'i don gyi bden pa'o/ /gang dag bden pa de gnyis kyi/ /rnam dbye rnam par mi shes pa/ /de dag sangs rgyas bstan pa ni/ /zab mo'i de nyid rnam mi shes/ /sangs rgyas bcom ldan 'das rnams kyis chos bstan pa ni bden pa gnyis po 'di dag la brten nas 'byung ste/ 'jig rten pa'i kun rdzob kyi bden pa zhes bya ba ni chos rnams ngo bo nyid stong pa dag la 'jig rten gyis phyin ci log ma rtogs pas chos thams cad skye bar mthong gang yin pa ste/ de ni de dag nyid la kun rdzob tu bden pa nyid yin pas kun rdzob kyi bden pa'o/ /don dam pa'i bden pa ni 'phags pa rnams kyis phyin ci log thugs su chud pas chos thams cad skye ba med par gzigs pa gang yin pa ste de ni de dag nyid la don dam par bden pa nyid yin pas don dam pa'i bden pa'o/ /de la gang dag kun rdzob kyi bden pa dang don dam pa'i bden pa de gnyis kyi rnam par dbye ba de ltar rnam par mi shes pa de dag ni sangs rgyas kyi bstan pa zab mo'i de nyid rnam par mi shes pa yin no/ /'di la 'di snyam du smra bar 'dod pa'i don ni chos thams cad skye ba med pa zhes bya ba'i don dam pa'i bden pa de nyid yin na/ /tha snyad kyi bden pa gnyis pa 'di ci dgos snyam du sems na/ de la bshad par bya ste/ tha snyad la ni ma brten par/ /dam pa'i don ni bstan mi nus/ /dam pa'i don lam brten par/ /mya ngan 'das pa thob mi 'gyur/ /gang gi phyir tha snyad la ma brten par don dam pa bstan par mi nus pa dang/ gang gi phyir don dam pa la brten par mya ngan las 'das pa 'thob par mi 'gyur ba de'i phyir

  596. 298b

    bden pa gnyi ga gdags dgos so/ /stong pa nyid la lta nyes na/ /shes rab chung rnams phung bar byed/ /ji ltar sprul la gzung nyes dang/ /rig sngags nyes par bsgrub pa bzhin/ /don dam pa stong pa nyid la lta nyes brtag nyes na shes rab rkud du dang ldan pa phung bar byed cing de la gnod pa chen po 'byung bar 'gyur te/ ji ltar dper na sprul la bzung nyes na phung bar byed cing de la 'chi ba la thug pa'i nyan chen po skyed par byed pa dang/ ji ltar dper na rig sngags dang gsang sngags bya ba dang cho ga nyams pas bsgrub nyes na phung bar byed cing de la srog gi mthar thug pa'i nyen chen po skyed par byed pa de bzhin no/ /de phyir zhan pas chos 'di yi/ /gting rtogs dka' bar mkhyen gyur nas/ /thub pa'i thugs ni chos bstan las/ /rab tu log par gyur pa yin/ /rgyu de kho na'i phyir shes rab zhan pa rnams kyis chos 'di'i gting rtogs par dka' ba nyid du ma khyed par gyur nas bcom ldan 'das kyi thugs chos bstan pa la rab tu log par gyur pa yin no/ /khyod ni nga la stong pa nyid/ /skyon du thal bar 'gyur ba yis/ /spong par byed pa gang yin pa/ /de ni stong la mi bshad do/ /khyod nga la stong pa nyid skyon du thal bar 'gyur bas skyon par byed pa gang yin pa de ni ngo bo nyid stong pa la mi 'thad do/ /yang gzhan yang/ gang la stong pa nyid rung ba/ /de la thams cad rung bar 'gyur/ /gang la stong nyid mi rung ba/ /de la thams cad mi rung 'gyur/ /gang la ngo bo nyid stong pa nyid rung ba de la 'jig rten pa dang 'jig rten las 'das pa thams cad rung bar 'gyur ro/ /gang la ngo bo nyid stong pa nyid mi rung ba de la 'jig rten pa dang 'jig rten las 'das pa thams cad mi rung bar 'gyur ro/ /khyod nyid rang gi skyon rnams ni/ /nga la yongs su sgyur byed pa/ /rta la mngon par zhon bzhin du/ /rta nyi rjes par gyur pa bzhi ni/ /khyod nyid rang gi skyon rnams de la yongs su bsgyur bar byed pa ni rta la mngon par zhan bzhin du rta de nyid rjed

  597. 299a

    par gyur pa bzhin no/ /yang gzhan yang/ gal te dngos rnams dngos nyid las/ /yod par rjes su lta byed na/ /de lta yin na dngos po rnams/ /rgyu rkyen med par khyod lta'o/ /'bras bu dang ni rgyu nyid dang/ /byed pa po dang byed dang bya/ /skye ba dang ni 'gag pa dang/ /'bras bu la yang gnod par byed/ /gal te dngos po rnams ngo bo nyid las yod par rjes su lta bar byed na/ de lta na khyod dngos po rnams rgyu dang rkyen med par lta ba yin no/ /des na 'bras bu dang rgyu nyid dang byed pa po dang byed pa dang bya ba dang skye ba dang 'gag pa dang 'bras bu la yang gnod pa byed pa yin no/ /rten cing 'brel 'byung gang yin pa/ /de ni stong pa nyid du bshad/ /de ni rten nas gdags pa ste/ /de nyid dbu ma'i lam yin no/ /gang phyir rten 'byung ma yin pa'i// chos 'ga' yod pa ma yin pa/ /de'i phyir stong pa ma yin pa'i/ /chos 'ga' yod pa ma yin no/ /kho bo ni rtag cing 'bres bal 'byung ba gang yin pa de ni stong pa nyid du 'tshad/ de ni brten nas gdags pa yin te/ de nyid dbu ma'i lam yin no// de la dngos po 'ga' zhig yod pa nyid yin na/ de ni brten nas 'byung ba dang brten nas gdags pa yin pas/ /gang gi phyir rten cing 'brel par 'byung ba ma yin pa'i chos 'ga' yang yod pa ma yin pa de'i phyir stong pa ma yin pa de'i phyir stong pa ma yin pa'i chos ni 'ga' yang yod pa ma yin no// gal te 'di kun mi stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /gal te 'gro ba 'di kun mi stod na de'i phyir 'byung ba med cing 'jig pa med do/ /de dag med pa'i phyir 'phags pa'i bden pa bzhi po rnams/ byod la med par thal bar 'gyur ro/ /gal te ji ltar zhe na bshad pa/ rten cing 'brel 'byung ma yin na/ /sdug bsngal yod par ga la 'gyur/ /mi rtag sdug bsngal gsungs pa de/ /ngo bo nyid las yod?

  598. 299b

    ma yin/ /rten cing 'brel par 'byung ba ma yin na sdug bsngal yod par mi 'gyur te/ ci'i phyir zhe na/ mdo sde dag las/ mi rtag pa ni sdug bsngal lo/ /zhes gsungs pa de ngo bo nyid las yod pa ma yin pa'i phyir ro/ /yang gzhan yang/ ngo bo nyid las yod min na/ /ci zhig kun tu 'byung bar 'gyur/ /de phyir stong nyid gnod byed la/ /kun 'byung yod pa ma yin no/ /sdug bsngal de ngo bo nyid las yod pa yin na ci zhig kun tu 'byung bar 'gyur te/ ngo bo nyid las yod pa'i phyir ro/ /gang gi phyir de ltar yin pa de'i phyir stong pa nyid la gnas pa byed pa la kun 'byung yod pa ma yin no/ /sdug bsngal ngo bo nyid yod la/ /'gog pa yod pa ma yin no/ /ngo bo nyid ni yongs gnas phyir/ 'gog la gnod pa byed pa yin/ /sdug bsngal ngo bo nyid kyis yod pa la 'gog pa yod pa ma yin te mi 'jig pa'i phyir ro/ /des na ngo bo nyid yongs su gnas pa'i phyir 'gog pa la gnod pa byed pa yin no/ /lam ni ngo bo nyid yod na/ /bsgom pa 'thad par mi 'gyur ro/ /ci ste la ma dang bsgom bya na/ /khyod kyi dngos nyid yod ma yin// lam ngo bo nyid yod par 'dzin na bsgom pa 'thad par mi 'gyur te don med pa nyid kyi phyir ro/ /'di ltar rtag pa gang yin pa de la bsgom zhing sgrub pa'i thabs med pas de'i lam bsgom pa 'thad par mi 'gyur ro/ /ci ste lam bsgom par bya ba yin na ni khyod kyi ngo bo nyid yod pa ma yin no/ /yang gzhan yang/ gang tshe sdug bsngal kun 'byung dang/ /'gog pa yod pa ma yin na/ /lam gyis sdug bsngal 'gog pa ni/ /gang zhig 'thob par 'gyur bar 'dod/ /gang gi tshe sdug bsngal dang kun 'byung dang 'gog pa'i chos gsum po dag yod pa ma yin pa de'i tshe khyod kyi sdug bsngal 'gog pa gang zhig lam gyis 'thob par gyur bar 'dod/ yang gzhan yang/ gal te ngo bo nyid kyis ni/ /yongs su shes pa ma yin na/ /de

  599. 300a

    ni ji ltar yongs shes 'gyur/ /dngos nyid gnas shes ma yin nam/ /gal te sdug bsngal gang ngo bo nyid kyis yongs su shes pa ma yin na/ de ji ltar yongs su shes par bya bar nus te/ ngo bo nyid kyis yongs su ma shes pa'i phyir te/ khyod kyi ngo bo nyid kyi nges par gnas pa yin zhes ma yin nam/ de bzhin du ni khyod nyid kyi/ /spang dang mngon sum bya ba dang/ /bsgom dang 'bras bu bzhi dag kyang/ /yongs su shes bzhin mi rung ngo/ /de bzhin du khyod kyi kun 'byung ngo spang ba dang/ /'gog pa mngon sum du bya ba dang/ lam bsgom pa dang 'bras bu bzhi po dag kyang sdug bsngal yongs su shes pa bzhin du mi rung ste/ kun 'byung ba ngo bo nyid kyis ma spangs pa gang yin pa de yang spang bar mi nus te/ ngo bo nyid kyis ma spangs pa'i phyir ro/ /'gog pa ngo bo nyid kyis mngon sum du ma byas pa gang yin pa de yang mngon du bya bar mi nus te/ ngo bo nyid kyis mngon sum du ma byas pa'i phyir ro/ /lam ngo bo nyid kyis ma bsgom pa gang yin pa de yang bsgom par mi nus te/ ngo bo nyid kyis ma bsgom pa'i phyir ro/ /de ltar na 'phags pa'i bden pa bzhi po de dag yongs su shes pa dang spang ba dang mngon sum du bya ba dang/ bsgom pa'i bya ba bzhi po dag kyang mi 'thad do/ /yang gzhan yang/ 'bras bu bzhi po rgyun tu zhugs pa dang/ lan gcig phyir 'ong ba dang/ phyir mi 'ong ba dang/ dgra bcom pa dag kyang bye ba bzhi po dag med pas mi rung ngo/ /yang gzhan yang/ ngo bo nyid ni yongs 'dzin pas/ /'bras bu ngo bo nyid kyis ni/ /thob pa min pa gang yin de/ /ji ltar thob par nus par 'gyur/ /ngo bo nyid yongs su 'dzin pas 'bras bu dngo bo nyid kyis thob pa ma yin pa gang yin pa de dag kyang thob par mi nus par 'gyur ro/ /'bras bu med na 'bras gnas med/ /zhugs pa dag kyang

  600. 300b

    yod ma yin/ /gal te skyes bu gang zag brgyad/ /de dag med na dge 'dun med/ /dge slong gi 'bras bu rnams med na 'bras bu la gnas pa dang/ zhugs pa'i skyes bu gang zag brgyad po dag kyang yod pa ma yin no/ /gal te skyes bu gang zag brgyad po de dag med na dge 'dun yang med do/ /yang gzhan yang/ 'phags pa'i bden rnams med pa'i phyir/ /dam pa'i chos kyang yod ma yin/ /chos dang dge 'dun yod min na/ /sangs rgyas ji ltar yod par 'gyur/ /khyod kyis sangs rgyas byang chub la/ /ma brten par yang thal bar 'gyur/ /khyod kyi ngo bo nyid kyis ni/ /sangs rgyas min pa gang yin des/ /byang chub byang chub spyod pa la/ /brtsal kyang byang chub thob mi 'gyur/ /'ga' yang chos dang chos min pa/ /nam yang byed par mi 'gyur te/ /mi stong pa la ci zhig bya/ /ngo bo nyid la bya ba med/ /chos dang chos min rgyus byung ba'i/ /'bras bu khyod la yod ma yin/ /chos dang chos min med par yang/ /'bras bu khyod la yod par 'gyur/ /chos dang chos min rgyus byung ba'i/ /'bras bu gal te khyod la yod/ /chos dang chos min las byung ba'i/ /'bras bu ci phyir stong ma yin/ /'jig rten pa yi tha snyad ni/ /kun la'ang gnod pa byed pa yin/ /rten cing 'brel 'byung gang yin pa'i/ /stong pa nyid la gnod pa byed/ /bya ba ci yang med 'gyur zhing/ /bya ba rtsoms pa'ang med par 'gyur/ /stong pa nyid la gnod byed na/ /mi byed pa'ang byed por 'gyur/ /dngos nyid yod na'ang 'gro ba rnams/ /gnas skabs sna sogs bral 'gyur zhing/ /ma skyes pa dang ma 'gags dang/ /ther zug tu yang gnas par 'gyur/ /ngo bo nyid yod pa ma yin na 'gro ba ma lus pa rnams gnas skabs sna tshogs dang bral bar 'gyur zhing ma skyes pa dang ma 'gags pa dang ther thug tu gnas par yang 'gyur ro/ /de lta bas na de ltar ngo bo nyid du smra ba yongs su 'dzin

  601. 301a

    ji skad bstan ba'i skyon de dag thams cad du thal bar 'gyur ro/ /yang gzhan yang/ gal te stong pa yang min na/ /ma thob thob par bya ba dang/ /sdug bsngal mthar byed las dang ni/ /nyon mongs thams cad spong ba'ang med gal te ngo bo nyid kyis stong pa nyid ma yin na/ de'i phyir 'jig rten pa dang 'jig rten las 'das pa'i khyad bar ma thob pa thob par bya ba gang dag ji snyed yod pa de dag thams cad thob par bya ba yang med par 'gyur la/ sdug bsngal mthar byed ba'i las kyang med par 'gyur zhing/ nyon mongs pa thams cad spong ba'ang med par 'gyur ro/ /gang gis rten cing 'brel par 'byung/ /mthong ba des ni sdug bsngal dang/ /kun 'byung dang ni 'gog pa dang/ /lam nyid de dag mthong pa yin/ /gang gis rten cing 'brel par 'byung ba mthong ba des chos bzhi po sdug bsngal dang kun 'byung dang 'gog pa dang/ lam nyid ces bya ba de dag mthong ba yin no/ /'phags pa'i bden pa brtag pa zhes bya ba ste rab tu byed pa nyi shu bzhi pa'o// //'dir smras pa/ gal te 'di dag kun stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /gal te 'gro ba 'di dag kun stong na de lta na 'byung ba med cing 'jig pa med do/ /de dag med pa'i phyir gang zhig spang ba dang 'gag pa las mya ngan las 'da' bar 'gyur bar 'dod de/ spang ba dang 'gags pa mi 'thad pa'i phyir ro/ /de'i phyir de lta ma yin no/ /stong pa ma yin na ni nyon mongs pa spang ba dang phung po 'gag pa las mya ngan las 'da' ba thob par yang 'gyur ro/ /'dir bshad pa/ gal te 'di kun mi stong na/ /'byung ba med cing 'jig pa med/ /gang zhig spang dang 'gag pa las/ /mya ngan

  602. 301b

    'da' bar 'gyur bar 'dod/ /gal te 'gro ba 'di dag kun mi stong na/ /de lta na 'byung ba med cing 'jig pa med do/ /de dag med pa'i phyir gang zhig spang ba dang 'gags pa las mya ngan las 'da' par 'gyur bar 'dod de/ spang ba dang 'gag pa mi 'thad pa'i phyir ro/ /de lta bas na rim pa 'dis mya ngan las 'das pa mi 'thad par khong du chud par bya'o/ /'o na ji lta bu zhe na/ spangs pa med pa thob med pa/ /chad pa med pa rtag med pa/ /'gag pa med pa skyes med pa/ /de ni mya ngan 'das par 'dod/ /de'i phyir mya ngan las 'das pa'i mtshan nyid ni de lta bu yin par gdags so/ /yang gzhan yang/ mya ngan 'das pa dngos po min/ /rga shi'i mtshan nyid thal bar 'gyur/ /rga shi 'chi ba med pa yi/ /dngos po yod pa ma yin no// re shig mya ngan las 'das pa ni rnam pa thams cad du yang dngos po ma yin te/ gal te dngos po yin par gyur na/ /rga shi'i mtshan nyid can yin par thal bar 'gyur ro/ /ci'i phyir zhe na/ rga shi med pa'i dngos po yod pa ma yin pa'i phyir ro/ /yang gzhan yang/ gal te mya ngan 'das dngos na/ /mya ngan 'das pa 'dus byas 'gyur/ /dngos po 'dus byas ma yin pa/ 'ga' yang ji ltar yod ma yin/ /gal te mya ngan las 'das pa dngos po yin na de'i phyir mya ngan las 'das pa 'dus byas su 'gyur te/ ci'i phyir zhe na/ dngos po 'dus byas ma yin pa ni 'ga' yang ji ltar yang yod pa ma yin pa'i phyir ro/ /yang gzhan yang/ gal te mya ngan 'das dngos na/ /ji ltar myang 'das de brten min/ /dngos po brten pa ma yin pa/ /'ga' yang yod pa ma yin no/ /gal te mya ngan las 'das pa dngos po yin par 'dod na mya ngan las 'das pa la brten ba ma yin no/ /zhes gang smras pa de mi 'thad de/ ci'i phyir zhe na/ dngos po brten pa ma yin pa

  603. 302a

    ni 'ga' yang yod pa ma yin pa'i phyir te/ de lta bas na/ mya ngan las 'das pa ni dngos po ma yin no/ /'dir smras pa/ 'o na mya ngan las 'das pa ni dngos po med pa yin no/ /'dir bshad pa/ gal te mya ngan 'das dngos min/ /dngos med ji ltar rung bar 'gyur/ /gal te mya ngan las 'das pa ji ltar yang dngos po yin par ma gyur pas na dngos po med pa yang ma yin te/ ci'i phyir zhe na/ dngos po rab tu grub par gyur na/ dngos po med pa yang rab tu grub par 'gyur ba'i phyir ro/ /bam po bcu pa ste tha ma'o// //yang gzhan yang/ gang la mya ngan 'das dngos yin/ /de la dngos med yod ma yin/ /gang las mya ngan las 'das pa dngos po yin par 'dod pa de la dngos po med pa yod pa ma yin te/ 'di ltar gang dngos po yod pa de dngos po med pa zhes bya bar mi rigs pa'i phyir te/ de lta bas na/ mya ngan las 'das pa ni dngos po med pa yang ma yin no/ /yang gzhan yang/ gal te mya ngan 'das dngos min/ /ji ltar myang 'das de brten min/ /gang zhig rten pa ma yin pa'i/ /dngos med yod pa ma yin no/ /gal te mya ngan las 'das pa dngos po med pa yin par 'dod na/ mya ngan las 'das pa de brten pa ma yin no/ /zhes gang smras pa de mi 'thad de/ ci'i phyir zhe na/ gang brten pa ma yin pa'i dngos po med pa ni 'ga' yang yod pa ma yin pa'i phyir te/ de lta bas na mya ngan las 'das pa ni dngos po med pa yang ma yin no/ /smras pa/ 'on mya ngan las 'das pa ji lta bu yin par brjod par bya/ bshad pa/ 'ong ba dang ni 'gro ba'i dngos/ /rten nam rgyur byas gang yin pa/ /de ni rten min rgyur byas min/ /mya ngan 'das pa yin par bstan/ /phyin

  604. 302b

    ci log ma gtogs pas 'ong ba dang 'gro ba'i dngos po phung po rnams rten nam rgyur byas pa gang yin pa de nyid phyin ci log rtog pas brten pa ma yin zhing/ rgyur byas pa ma yin pas phung po rnams mi 'byung ba ni mya ngan las 'das pa yin par bstan to/ /yang gzhan yang/ 'byung ba dang ni 'jig pa dag /spang bar ston pas bka' stsal to/ /de phyir mya ngan 'das pa ni/ /dngos min dngos med min par rigs/ /bcom ldan 'das kyis 'byung ba dang 'jig pa dag spang bar bka' stsal pas de'i phyir mya ngan las 'das pa ni dngos po yang ma yin dngos po med pa yang ma yin par rigs so/ /'dir smras pa/ 'o na mya ngan las 'das pa ni dngos po dang dngos po med pa gnyi ga yin no/ /'dir bshad pa/ gal te mya ngan 'das pa ni/ /dngos dang dngos med gnyis yin na/ /dngos dang dngos po med pa dag /thar bar 'gyur ba de mi rigs/ /gal te mya ngan las 'das pa dngos po dang dngos po med pa gnyi ga yin na/ de lta na dngos po dang dngos po med pa dag thar pa yin par 'gyur bas de yang mi rigs te phan tshun 'gal ba gnyis dus gcig du mi srid pa'i phyir ro/ /yang gzhan yang/ gal te mya ngan 'das pa ni/ /dngos dang dngos med gnyis yin na/ /mya ngan 'das pa ma bsten min/ /de ni gnyis la brten phyir ro/ /gal te mya ngan las 'das pa dngos po dang dngos med pa gnyi ga yin na de lta na mya ngan las 'das pa ma brten pa ma yin par 'gyur te/ mya ngan las 'das pa de dngos po dang dngos po med pa gnyis la brten pa'i phyir ro/ /de ni mi 'dod pas de'i phyir mya ngan las 'das pa dngos po dang dngos po med pa gnyi ga yin no zhes bya ba de rigs pa ma yin no/ /yang gzhan yang/ 'di'i phyir rigs pa ma yin te/ gal te mya ngan 'das pa ni/ /dngos dang dngos med gnyis yin na/ /mya ngan 'das pa 'dus ma byas/ /dngos dang

  605. 303a

    dngos med 'dus byas yin/ /mya ngan las 'das pa ni dngos po dang dngos po med pa gnyi ga yin par mi 'thad do/ /ci'i phyir zhe na/ mya ngan las 'das pa ni 'dus ma byas yin pa dngos po dang dngos po med pa gnyis ni 'dus byas yin pa'i phyir ro/ /de lta bus na rgyu'i khyad par 'dis kyang mya ngan las 'das pa ni dngos po dang dngos po med pa gnyi ga yin par mi rigs so/ /'dir smras pa/ mya ngan las 'das pa ni dngos po dang dngos po med pa gnyis g.yang ma yin gyi gang la de gnyis yod pa de ni mya ngan las 'das pa yin no/ /'dir bshad pa/ gal te mya ngan 'das pa la/ /dngos dang dngos med gnyis yod na/ /de gnyis gcig la yod min te/ /snang ba dang ni mun pa bzhin/ /mya ngan las 'das pa la dngos po dang dngos po dang dngos po med pa gnyis yod par yang mi 'thad de/ ci'i phyir zhe na/ phan tshun mi mthun pa de gnyis yul gcig na dus gcig tu lhan cig yod par mi rigs pa'i phyir te/ dper na snang ba dang mun pa bzhin pas de la gang la dngos po dang dngos po med pa de gnyis yod pa de mya ngan las 'das pa yin no/ /zhes gang smras pa de mi rigs so/ /'dir smras pa/ /mya ngas 'das pa ni dngos po yang ma yin/ dngos po med pa yang ma yin no/ /'dir bshad pa/ dngos min dngos po med min pa/ /mya ngan 'das par gang ston pa/ /dngos po med dang dngos po dag /grub na de ni 'grub par 'gyur/ /khyod kyi mya ngan las 'das pa ni/ /dngos po yang ma yin dngos po med pa yang ma yin no/ /zhes gang smras pa de mi 'thad de/ ci'i phyir zhe na/ dngos po yang ma yin dngos po med pa yang ma yin pa zhes bya bar gsal ba dang 'dzin pa dang rtsol ba'i blo gang yin pa de ni dngos po med pa dang dngos po dag grub na de

  606. 303b

    yang 'grub par 'gyur ba yin na/ dngos po med pa dngos po de dag ma grub pas de'i phyir mya ngan las 'das pa dngos po yang ma yin dngos po med pa yang ma yin no/ /zhes bya ba de mi 'thad ngo/ /yang gzhan yang/ gal te mya ngan 'das pa ni/ /dngos min dngos po med min na/ /dngos min dngos po med min zhes/ /gang zhig gis ni de mngon byed/ /gal te mya ngan las 'das pa dngos po yang ma yin dngos po med pa yang ma yin pa yin na/ dngos po yang ma yin/ dngos po med pa yang ma yin pa de dag ni med de de dag med pa'i phyir mya ngan las 'das pa dngos po yang ma yin dngos po med pa yang ma yin/ zhes gang zhig gis de mngon par byed cing mtshon par byed 'dzin par byed 'dogs par byed de/ de lta bas na mya ngan las 'das pa dngos po yang ma yin dngos po med pa yang ma yin no/ /zhes bya ba de yang mi rigs so/ /'di'i phyir yang mya ngan las 'das pa mi 'thad de/ ji ltar zhe na/ bcom ldan mya ngan 'das gyur nas/ /yod par mi mngon de bzhin du/ /med do zhe 'am gnyi ga dang/ /gnyis min zhes bya mi mngon no/ /bcom ldan bzhugs par gyur na yang/ /yod par mi mngon de bzhin du/ /med do zhe 'am gnyi ga dang/ /gnyis min zhes kyang mi mngon no/ /gang gi phyir bcom ldan 'das mya ngan las 'das sam bzhugs par gyur kyang rung ste/ yod do zhe'am/ med do zhe 'am/ yod kyang yod la med kyang med do/ /zhe 'am yod pa yang ma yin/ /med pa yang ma yin no/ /zhes bya bar mi mngon zhing mtshon du med gzung du med gdags su med pa de'i phyir mya ngan las 'das pa yang gdags su med de/ de med na mya ngan las 'das pa gang gi yin par 'gyur/ de lta bas na rnam pa thams cad kyis kyang mya ngan las 'das pa mi 'thad do/ /yang gzhan yang/ 'khor ba mya ngan 'das pa las/ /khyad par cung zad yod ma yin/ /mya ngan

  607. 304a

    'das pa 'khor ba las/ /khyad par cung zad yod ma yin/ /'di la phung po'i rgyun la brten nas 'khor ba zhes gdags na/ phung po de dag ni ngo bo nyid kyis stong pa'i phyir ji ltar gtan skye ba med pa dang/ 'gag pa med pa'i chos can yin pa de ltar kho bos dang po kho nar bstan zin pas/ de'i phyir chos thams cad skye ba med pa dang/ 'gag pa med pa mnyam pa nyid kyis 'khor ba ni mya ngan las 'das pa las khyad par cung zad kyang yod pa ma yin no/ /ji ltar 'khor ba mya ngan las 'das pa las khyad par cung zad kyang yod pa ma yin pa de bzhin du mya ngan las 'das pa yang 'khor ba las khyad par cung zad kyang yod pa ma yin no/ /mya ngan 'das mdza' gang yin pa/ /de ni 'khor ba'i mdza' yin te/ /de gnyis khyad par cung zad ni/ /shin tu phra ba'ang yod ma yin/ /mya ngan las 'das pa dang/ 'khor ba'i yang dag pa'i mdza' dang skye ba med pa'i mdza' dang yang da pa'i mthar thug pa gang yin pa de dag ni dmigs su med par mnyam pa nyid kyis khyad par shin tu phra ba cung zad kyang yod pa ma yin no/ /'gags par gyur dang mdza' sogs dang/ /rtag la sogs par lta ba dag /mya ngan 'das dang phyi mdza' dang/ /sngon gyi mdza' la brten pa yin/ /de bzhin gshegs pa 'gags par gyur nas yod pa dang med pa dang/ yod kyang yod la med kyang med pa dang/ yod pa yang ma yin med pa yang ma yin/ zhes bya bar lta ba gang dag yin pa dang/ 'jig rten mdza' yod pa dang/ 'jig rten mdza' med pa dang/ mdza' yod kyang yod la mdza' med kyang med pa dang/ mdza' yod pa yang ma yin mdza' med pa yang ma yin/ zhes bya bar lta ba gang yin pa dang/ 'jig rten rtag pa dang/ 'jig rten mi rtag pa dang/ rtag kyang rtag la mi rtag kyang

  608. 304b

    mi rtag pa dang/ rtag pa yang ma yin mi rtag pa yang ma yin/ zhes bya bar lta ba gang dag yin pa de dag ni go rim bzhin du mya ngan las 'das pa dang phyi ma'i mdza' dang sngon gyi mdza' la brten pa yin no/ /de la/ dngos po thams cad stong pa la/ /mdza' yod ci zhig mdza' med ci/ /mdza' dang mdza' med ci zhig yin/ mdza' min mdza' med min pa ci/ /de nyid ci zhig gzhan ci yin/ /rtag pa ci zhig mi rtag ci/ /rtag dang mi rtag gnyi ga ci/ /gnyi ga min pa'ang ci zhig yin/ /dmigs pa thams cad nyer zhi zhing/ /spras pa nyer zhi zhib ste/ /sangs rgyas kyis ni gang du yang/ /su la'ang chos 'ga' ma bstan to/ /mya ngan las 'das rtag pa zhes bya ba ste rab tu byed pa nyi shu lnga pa'o// //'dir smras pa/ khyod kyi theg pa chen po'i gzhung lugs kyis don dam pa la 'jug pa ni bstan zin na/ da khyod kyis nyan thos kyi gzhung lugs kyis don dam pa la 'jug pa ston cig /'dir bshad pa/ ma rig bsgribs pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro bar 'gro /'du byed rkyen can rnam par shes/ /'gro ba rnams su 'jug par 'gyur/ /rnam par shes pa zhugs gyur na/ /ming dang gzugs ni chags par 'gyur ming dang gzugs ni chags gyur na/ /skye mched drug ni 'byung bar 'gyur/ /skye mched drug la brten nas ni/ /de las reg pa 'byung bar 'gyur/ /ming dang gzugs dang dran byed las/ /brten nas skye ba kho na yin/ /de ltar ming dang gzugs brten nas/ /rnam par shes pa skye bar 'gyur/ /mig dang gzugs dang rnam par shes/ /gsum po 'dus pa gang yin pa/ /de ni reg pa reg de las/ /tshor ba kun tu 'byung bar 'gyur/ /tshor ba'i rkyen gyi sred pa ste/ /tshor ba'i don la sred par

  609. 305a

    'gyur/ /sred par gyur na nye bar len/ /rnam pa bzhi po nyin len 'gyur/ /nyer len yod na len pa po'i/ /srid pa rab tu 'byung bar 'gyur/ /gal te nye bar len med na/ /grol bar 'gyur te srid mi 'gyur/ /srid pa de yang phung po lnga/ /srid pa las ni skye ba 'byung/ /rga shi dang ni mya ngan dang/ /smre sngags 'don bcas sdug bsngal dang/ /yid mi bde dang 'khrug pa rnams/ /de dag skye las rab tu 'byung/ /de ltar sdug bsngal phung po ni/ /'ba' zhig pa 'di 'byung bar 'gyur/ de'i phyir mkhas rnams 'khor ba yi/ /rtsa ba'i 'du byed 'du mi byed/ /de phyir mi mkhas byed pa yin/ /mkhas min de nyid mthong phyir ro/ /ma rig 'gags par gyur na ni/ /'du byed rnams kyang 'byung mi 'gyur/ /ma rig 'gag par 'gyur ba ni/ /shes pa de nyid bsgom pas so/ /de dang de ni 'gags gyur pas/ /de dang de ni mngon mi 'byung/ /sdug bsngal phung po 'ba' zhig pa/ /de ni de ltar yang dag 'gag/ byis pa ma rig pas bsgribs pas yang srid pa'i phyir sems can dmyal ba la sogs pa 'du byed pa'i 'du byed rnam pa gsum po dag lus dang ngag dang yid dag gis mngon par 'du byed do/ /las dge ba dang mi dge ba ji ltar mngon par 'dus byas pa chen po dang 'bring dang chung du gang dag yin pa de dag gis sems can dmyal ba la sogs pa'i 'gro ba rnams su 'gro'o/ /de la 'du byed kyi rkyen can gyi rnam par shes par ji ltar 'gro ba rnams su zhugs par gyur pas ming dang gzugs chags par 'gyur ro/ /ming dang gzugs chags bar gyur na ming dang gzugs chags pa las skye mched drug 'byung bar 'gyur ro/ /skye mched drug la brten nas de la reg pa 'byung bar 'gyur te/ reg pa de skye ba'i rim pa ni 'di yin te/ ming dang gzugs dang yid la byed pa la

  610. 305b

    brten nas skye ba kho na yin te/ de ltar ming dang gzugs la brten nas rnam bar shes pa skye bar 'gyur zhing/ de ltar ming dang gzugs dang rnam par shes pa gsum po 'dus pa gang yin pa de ni reg pa'o/ /reg pa las tshor ba kun tu 'byung bar 'gyur ro/ /tshor ba'i rkyen gyis sred pa ste/ /tshor ba'i don la sred par 'gyur ro/ /sred par gyur na nye bar len pa rnam pa bzhi po dag nye bar len par 'gyur ro/ /nye bar len pa yod na len pa po'i srid pa rab tu 'byung bar 'gyur te/ gal te nye bar len pa med na nges na grol bar 'gyur te/ de'i srid pa 'byung bar mi 'gyur ba zhig na/ gang gi phyir nye bar len pa dang bcas pa de'i phyir srid pa 'byung bar 'gyur te/ srid pa de yang phung po lnga yin par shes par bya'o/ /srid pa las ni skye ba 'byung ngo/ skye ba las rga shi dang mya ngan dang smre sngags 'don pa dang/ sdug bsngal ba dang yid mi bde ba dang/ 'khrug pa rnams 'byung ste/ de ltar sdug bsngal gyi phung po sdug bsngal gyi tshogs 'ba' zhig ma 'dres pa 'di 'byung bar 'gyur ro/ /de'i phyir mkhas pa rnams ni 'khor ba'i rtsa ba'i 'du byed rnams 'du mi byed do/ /de'i phyir mi mkhas pa rnams ni 'du byed rnams kyi byed pa po yin gyi mkhas pa rnams ni ma yin te/ de ci'i phyir zhe na/ /de nyid mthong ba'i phyir ro/ /de la ma rig pa 'gags par gyur na/ 'du byed rnams kyang 'byung bar 'gyur ro/ /ma rig pa 'gag par 'gyur ba ni yan lag bcu gnyis shes pa de nyid do bsgom pa goms par bya ba dang/ bstan po nyid du bya bas so/ /srid pa'i yan lag de dang de 'gags par gyur pas srid pa'i yan lag de dang de mngon par mi 'byung ste/ de ltar sdug bsngal gyi phung po sdug bsngal gyi tshogs 'ba' zhig pa ma 'dres pa de yang dag par 'gag cing gtan 'gag par 'gyur ro/ /srid ba'i yan lag bcu gnyis po de dag la 'jug pa

  611. 306a

    rgya cher ni mdo sde dang chos mngon pa dag las khong du chud par bya'o/ /mdor bsdus pa'i dbang gis 'di las brjod do/ /srid pa'i yan lag bcu gnyis brtag pa zhes bya ba ste/ rab tu byed pa nyi shu rtsa drug pa'o// // 'dir smras pa/ da khyod kyis nyan thos kyi theg pa dang mthun pa'i mdo'i sde'i mdza' la brten nas lta ba'i rnam pa rnams mi srid par ston cig /'dir bshad pa/ 'das pa'i dus na 'byung zhes dang/ /ma byung 'jig rten rtag sogs par/ /lta ba gang yin de dag ni/ /sngon gyi mdza' la brten pa yin/ /ma 'ongs dus gzhan 'byung 'gyur dang/ /mi 'byung 'jig rten mdza' sogs par/ /lta ba gang yin de dag ni/ /phyi ma'i mdza' la brten ma yin/ /zag pa thams cad sdom pa'i rnam grangs shes bya ba'i mdo sde las gsungs pa/ /bdag sngon 'das pa'i dus na byung bar gyur ces bya ba dang/ bdag sngon 'das pa'i dus na byung bar ma gyur ces bya ba'i rgyu 'dis 'jig rten rtag pa la sogs par lta ba gang yin pa de dag ni sngon gyi mdza' la brten pa yin no/ /bdag ma 'ongs pa'i dus gzhan du 'byung bar 'gyur zhes bya ba dang/ bdag ma 'ongs pa'i dus gzhan du 'byung bar mi 'gyur zhes bya ba'i rgyu 'dis 'jig rten mdza' yod pa la sogs par lta ba gang yin pa de dag ni phyi ma'i mdza' la brten pa yin no/ /de dag ni mi 'thad de/ rig pa gang gis zhe na/ bshad bar bya ste/ 'das pa'i dus na byung gyur ces/ /bya ba de ni mi 'thad do/ /sngon tshe rnams su gang byung ba/ /de nyid 'di ni ma yin no/ /de nyid bdag tu 'gyur snyam na/ /nye bar len pa tha dad 'gyur/ /nye bar len pa ma gtogs par/ /khyod kyi bdag ni gang zhig yin/ /nye bar len pa ma gtogs pa'i bdag yod ma yin byas pa'i tshe/ nye bar len nyid bdag

  612. 306b

    yin na/ /khyod kyi bdag ni med pa yin/ /nye bar len nyid bdag ma yin/ /de ni 'byung dang 'jig pa yin/ /nye bar blang ba ji lta bur/ /nye bar len pa yin par 'gyur/ /bdag ni nye bar len pa las/ /gzhan du 'thad pa nyid ma yin/ /gal te gzhan na len med par/ gzung yod rigs na gzung du med/ /de ltar len las gzhan ma yin/ /de ni nyer len nyid kyang min/ /bdag ni nye bar len med min/ /med pa nyid duAng de ma nges/ /bdag sngon 'das pa'i dus na byung bar gyur ces bya ba de ni mi 'thad do/ /ci'i phyir zhe na/ sngon gyi tshe rabs su gang byung bar gyur pa de nyid da ltar gyi bdag 'di ma yin pa'i phyir ro/ /de la 'di snyam du gal te sngon gyi tshe rabs rnams su gang byung bar gyur pa de nyid da ltar gyi bdag 'di yin par gyur na de'i phyir skyon cir 'gyur snyam du sems na de la bshad par bya ste/ gal te sngon gyi tshe rabs rnams su gang byung bar gyur pa de nyid da ltar gyi bdag 'di yin par gyur na de lta na nye bar len pa tha dad par mi 'gyur ba zhig na nye bar len pa tha dad par yang 'gyur la/ nye bar len pa ma gtogs par bdag yod par yang thal bar 'gyur ro/ /de la nye bar len pa ma gtogs pa khyod kyi bdag de gang zhig yin par smra bar nus sam/ kho bos ni rnam pa thams cad du yang mi 'thad par shes so/ /de la 'di snyam du nye bar len pa ma gtogs pa'i bdag yod pa ma yin no snyam du sems na ni/ de'i phyir nye bar len pa nyid bdag yin par 'gyur pa 'am/ yang na khyod kyi bdag med pa yin no/ /nye bar len pa nyid bdag yin no/ /zhes bya ba de yang mi 'thad de/ ci'i phyir zhe na/ nye bar len pa de ni 'byung ba dang/ 'jig pa yin pas skye ba dang 'gag par 'gyur ba'i phyir te/ de lta bu ni bdag gi mtshan nyid ma yin no/ /yang gzhan yang/ nye bar blang ba gang yin pa de nyid ji lta bur nye bar len pa po yin par 'gyur te/ skyon du mar tha?

  613. 307a

    bar 'gyur ba'i phyir ro/ /de la 'di snyam du nye bar blang ba las nye bar len pa po gzhan yin par sems na/ de la bshad par bya ste/ bdag ni nye bar len pa las gzhan du 'thad pa nyid ma yin no/ /ci'i phyir zhe na/ gal te gzhan na nye bar len pa med par yang mig la sogs pa'i dbang po rnams kyis gzung du yod pa'i rigs na gzung du med pa'i phyir ro/ /de lta na bdag nyid nye bar len pa las gzhan yang ma yin la/ de ni nye bar len pa nyid kyang ma yin/ nye bar len pa med pa yang ma yin/ 'ga' yang med pa nyid du nges pa yang ma yin no/ /de'i phyir rtag pa 'dis bdag sngon 'das pa'i dus na byung bar gyur ces bya ba de mi 'thad do/ /da ni 'das pa'i dus na ma byung zhes/ /bya ba de yang mi 'thad do/ /sngon tshe rnams su gang byung ba/ /de las 'di gzhan ma yin no/ /gal te 'di ni gzhan gyur na/ /de med par yang 'byung bar 'gyur/ /de bzhin du ni gnas 'gyur zhing/ /der ma shi bar skye bar 'gyur/ /chad dang las rnams chud za dang/ /gzhan gyi byas pa'i las dang ni/ /gzhan gyis so sor myong ba dang/ /de la sogs par thal bar 'gyur/ /ma byung ba las byung min ste/ /'di la skyon du thal bar 'gyur/ /bdag ni byas par 'gyur ba dang/ /byung ba rgyu med can du 'gyur/ /da ni bdag sngon 'das pa'i dus na byung bar ma gyur ces bya ba de yang mi 'thad do/ /ci'i phyir zhe na/ sngon gyi tshe rabs rnams su gang byung bar gyur pa de las 'di gzhan ma yin pa'i phyir ro/ /gal te 'di gzhan yin par gyur na de'i phyir de med par yang 'di 'byung bar 'gyur ro/ /yang gzhan yang snga ma de de bzhin du de na gnas par 'gyur zhing 'di yang der ma shi bar 'dir skye bar 'gyur ro/ /de lta na chad pa dang las rnams chud za ba dang gzhan gyis byas pa'i las rnams gzhan gyis so sor myong ba dang de la sogs pa skyon mang po dag tu

  614. 307b

    thal bar 'gyur ro/ /yang gzhan yang/ de lta na bdag ma byung ba las 'byung bar thal bar 'gyur te/ bdag ma byung ba las 'byung ba ni ma yin pas/ de'i phyir 'di la yang bdag byas par 'gyur ba dang/ 'byung ba rgyu med pa can du 'gyur ba'i skyon du thal bar 'gyur bas de ni mi 'dod do/ /de'i phyir rtag pa 'dis bdag sngon 'das pa'i dus na byung bar ma gyur/ ces bya ba de yang mi 'thad do/ /de ltar bdag byung bdag ma byung/ /gnyi ga gnyi ma yin par/ /'das la lta ba gang yin pa/ /de dag 'thad pa ma yin no/ /de ltar yongs su brtags na bdag sngon 'das pa'i dus na byung bar gyur/ ces bya ba dang/ bdag sngon 'das pa'i dus na byung bar ma gyur ces bya ba dang/ sngon 'das pa'i dus na byung bar gyur kyang gyur la/ byung bar ma gyur kyang ma gyur/ ces bya ba dang/ sngon 'das pa'i dus na byung bar gyur pa yang ma yin/ byung bar ma gyur pa yang ma yin no/ /zhes bya bar 'das pa'i dus la lta ba gang yin pa de dag 'thad pa ma yin no/ /da ni/ ma 'ongs dus gzhan 'byung 'gyur dang/ /'byung bar mi 'gyur zhes bya bar/ /lta ba gang yin de dag ni/ /'das ba'i dus dang mtshungs pa yin/ /da ni bdag ma 'ongs pa'i dus gzhan du 'byung bar 'gyur zhes bya ba dang/ bdag ma 'ongs pa'i dus gzhan du 'byung bar mi 'gyur/ zhes bya bar ma 'ongs pa'i dus la lta ba gang yin pa de dag ni 'das pa'i dus dang mtshungs par bsam par bya ste/ 'das pa'i dus las brtsams pa'i skyon gang dag yin pa de dag nyid 'dir yang bye brag tu shes par bya'o/ /yang gzhan yang/ gal te lha de mi de na/ /de lta na ni rtag bar 'gyur/ /lha ni ma skyes nyid 'gyur te/ /rtag pa skye ba med phyir ro/ /gal te lha de nyid mi de nyid du gyur na de lta na ni rtag par 'gyur ro/ /yang gzhan yang/ lham ma skyes pa nyid du yang 'gyur te/ ci'i phyir zhe na/ rtag pa la skye ba med pa'i phyir ro//

  615. 308a

    gang gi phyir lha gang yin pa de nyid mi ma yin zhing/ lha ma skyes pa nyid kyang ma yin pa de'i phyir rtag pa ma yin no/ /gal te lha las mi gzhan na/ /de lta na ni mi rtag 'gyur/ /gal te lta mi gzhan yin na/ /rgyu ni 'thad par mi 'gyur ro/ /gal te lha las mi gzhan yin na de lta na ni mi rtag par 'gyur ro/ /rgyud kyi gtan tshigs kyis lha las mi gzhan yin par mi 'thad pas de'i phyir mi rtag pa ma yin no/ /gal te phyogs gcig lha yin la/ /phyogs gcig mi ni yin gyur na/ /rtag dang mi rtag 'gyur ba'i phyir/ /de yang rigs pa ma yin no/ /gal te phyogs gcig ni lha yin la phyogs gcig ni mi yin par gyur na de lta na rtag kyang rtag la mi rtag kyang mi rtag par 'gyur ba zhig na/ gang gi phyir de ltab ba dag nyid gnyis pa nyid mi rigs pa de'i phyir rtag kyang rtag la mi rtag kyang mi rtag pa ma yin no/ /gal te rtag dang mi rtag pa/ /gnyi ga grub par gyur na ni/ /rtag pa ma yin mi rtag yin/ /'grub par 'gyur ba 'dod la rag/ gal te rtag pa dang mi rtag pa zhes bya ba de gnyi ga rab tu grub par gyur na ni/ de'i phyir rtag pa yang ma yin mi rtag pa yang ma yin pa zhes bya ba de yang rab tu 'grub par 'gyur ba 'dod la rag na/ gang gi phyir rtag pa dang mi rtag pa de gnyi ga rab tu ma grub pa de'i phyir rtag pa yang ma yin mi rtag pa yang ma yin pa zhes bya ba de yang rab tu mi 'grub bo/ /gal te gang zhig gang nas 'ongs/ /ci zhig gang du 'gro 'gyur na/ /de'i phyir de la thog med pas/ /rtag par gyur na de yang med/ /gal te dngos po gang zhig yul gang nas 'ongs shing ci zhig gcig tu gang du 'gro bar 'gyur na ni de'i phyir de la thog ma med pas rtag par 'gyur bzhag na/ shes rab kyis btsal na dngos po gang zhig yul gang nas 'ongs

  616. 308b

    shing ji zhig gcig tu gang 'gro bar 'gyur ba de lta bu'i dngos po 'ga' yang med pas de'i phyir de'i thog ma med pa yang med pas rtag pa ma yin no/ /gal te rtag pa 'ga' med na/ /mi rtag gang zhig yin par 'gyur/ /rtag pa dang ni mi rtag dang/ /de gnyis gsal bar gyur pa'o/ gal te de ltar shes rab kyis brtags na dngos po 'ga' yang med na mi rtag pa gang zhig yin par gyur/ rtag khyad rtag la mi rtag kyang mi rtag pa dang/ rtag pa yang ma yin mi rtag pa yang ma yin pa yang gang zhig yin par 'gyur/ de lta bas na sngon gyi mdza' las brtsams pa'i rtag pa dang mi rtag pa la sogs pa bzhi po de dag mi 'thad do/ /da ni/ phyi ma'i mdza' las brtsams pa'i mdza' dang mdza' med pa la sogs pa bzhi po de dag ji ltar mi 'thad pa de ltar bshad par bya ste/ gal te ji ltar zhe na/ bshad pa/ gal te 'jig rten mdza' yod na/ /'jig rten pha rol ji ltar 'gyur/ /gal te 'jig rten mdza' med na/ /'jig rten pha rol ji ltar 'gyur/ /'jig rten mdza' yod ces bya ba mi 'thad de/ ci'i phyir zhe na/ gal te 'jig rten mdza' yod par gyur na/ de'i phyir 'jig rten pha rol yod par mi 'gyur ba'i phyir ro/ /'jig rten pha rol yang yod pas de'i phyir 'jig rten mdza' yod ces bya ba mi 'thad de/ 'jig rten mdza' med ces bya ba yang mi 'thad de/ ci'i phyir zhe na/ gal te 'jig rten mdza' med par gyur na de'i phyir 'jig rten pha rol med par 'gyur ba'i phyir ro/ /'jig rten pha rol yang yod pas de'i phyir 'jig rten mdza' med ces bya ba yang mi 'thad do/ /de gnyis ci'i phyir mi 'thad ce na/ de la bshad par bya ste/ gang phyir phung po rnams kyi rgyun/ /'dir ni mar me'i 'ong dang mtshungs/ /de'i 'phyir mdza' yod nyid dang ni/ /mdza' med nyid kyang mi rigs so/ /gang gi phyir phung po rnams kyi rgyun 'di ni mar me'i 'od dang mtshungs

  617. 309a

    par rgyu dang rkyen gyi tshogs pa'i dbang gis 'byung ba de'i phyir 'jig rten mdza' yod pa nyid dang/ mdza' med pa nyid ces bya ba yang mi rigs so/ /ci'i phyir zhe na/ bshad par bya ste/ gal te snga ma 'jig 'gyur zhing/ /phung po 'di la brten byas nas/ /phung po 'di ni mi 'byung na/ /des na 'jig rten mdza' yod 'gyur/ /gal te snga ma mi 'jig cing/ /phung po 'di la brten byas nas/ /phung po de ni mi 'byung na/ /des na 'jig rten mdza' med 'gyur/ /gal te phung po snga ma rnams 'jig par 'gyur zhing/ phung po 'di dag la brten nas phung po gzhan de dag mi 'byung na ni des na 'jig rten mdza' yod par 'gyur ba zhig na gang gi phyir de lta ma yin pa de'i phyir 'jig rten mdza' yod ces bya ba mi 'thad do/ /gal te phung po snga ma rnams mi 'jig cing phung po 'di dag la brten nas phung po phyi ma de dag mi 'byung na ni des na 'jig rten mdza' med par 'gyur ba zhig na/ gang gi phyir de lta ma yin pa de'i phyir 'jig rten 'tha' med ces bya ba yang mi 'thad do/ /slob dpon 'phags pa lhas kyang/ nyan pa po dang mnyan bya dang/ /smra po 'gyur ba shin tu dkon/ /de phyir mdor na 'khor ba ni/ /mdza' yod ma yin mdza' med min/ /zhes gsungs so/ /da ni 'jig rten mdza' yod kyang yod la/ med kyang med ces bya ba de yang mi 'thad de/ ci'i phyir zhe na/ bshad par bya ste/ gal te phyogs gcig mdza' yod la/ /phyogs gcig mdza' ni med gyur na/ /'jig rten mdza' yod mdza' med 'gyur/ /de yang rigs pa ma yin no/ /gal te phyogs gcig mdza' yod par gyur la/ /phyogs gcig mdza' med par gyur na ni de'i phyir 'jig rten mdza' yod kyang yod la/ mdza' med kyang med par 'gyur ba zhig na/ de lta na dngos po bdag nyid gnyis pa nyid du gyur pas ni mi 'thad do//

  618. 309b

    ji lta bur na nyer len po/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /ji lta bur na nyer blang ba/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de yang mi rigs so/ /re zhig nye bar len pa po rigs pa gang gis phyogs gcig rnam par 'jig par 'gyur la/ phyogs gcig rnam par 'jig par mi 'gyur te/ rtag pa dang mi rtag pa nyid med pa'i phyir re zhig de ltar mi rigs so/ /nye bar blang ba yang rnam pa gang gis phyogs gcig rnam par 'jig par 'gyur la/ phyogs gcig rnam par 'jig par mi 'gyur te/ rtag pa dang mi rtag pa nyid mi 'thad pa kho na'i phyir de ltar yang mi rigs so// de ltar gang gi phyir dngos po bdag nyid gnyis pa nyid mi 'thad pa de'i phyir 'jig rten mdza' yod kyang yod la mdza' med kyang med ces bya ba mi 'thad do/ /de ni 'jig rten mdza' yod pa yang ma yin mdza' med pa yang ma yin/ zhes bya ba yang mi 'thad de/ ci'i phyir zhe na/ bshad par bya ste/ gal te mdza' yod mdza' med pa/ /gnyi ga grub par gyur na ni/ /mdza' yod ma yin mdza' med min/ /'grub par 'gyur ba 'dod la rab/? /gal te mdza' yod pa dang mdza' med pa zhes bya ba de gnyi ga rab tu grub par gyur na ni de'i phyir mdza' yod pa yang ma yin mdza' med pa yang ma yin/ zhes bya ba 'di rab tu 'grub par 'gyur bar yang 'dod la rag na gang gi phyir mdza' yod pa dang mdza' med pa zhes bya ba gnyis rab tu ma grub pa de'i phyir mdza' yod pa yang ma yin/ mdza' med pa yang ma yin/ zhes bya ba 'di yang rab tu ma grub bo/ /de lta bas na brtags pa 'dis phyi ma'i mdza' las brtsams pa'i mdza' dang mdza' med pa la sogs

  619. 310a

    pa bzhi mi 'thad do/ /yang na dngos po thams cad dag /stong phyir rtag la sogs lta ba/ /gang du gang la gang dag ni/ /ci'i phyir kun tu 'byung bar 'gyur/ /yang na dngos po thams cad stong pa'i phyir/ /rtag pa la sogs par lta ba dag yul dang dus gang du dngos po gang la/ lta ba gang dag /rgyu ci'i phyir kun tu 'byung bar 'gyur/ /gang gis thugs brtse nyer gzung nas/ /lta ba thams cad spang pa'i phyir/ /dam pa'i chos ni stong mdzad pa/ /gau ta ma de la phyag 'tshal lo/ /gang gis thugs brtse bas nye bar bzung nas lta ba thams cad spang pa'i phyir/ dam pa'i chos bstan pa mdzad pa sangs rgyas bcom ldan 'das shin tu rmad du byung ba bsam gyis mi khyab pa mtshungs pa med pa gzhal du med pa gdung gau ta ma dang gcig pa de la phyag 'tshal lo/ /lta ba brtag pa zhes bya ba ste rab tu byed pa nyi shu bdun pa ste tha ma'o// //dbu ma rtsa ba'i tshig le'ur byas pa shes rab ces bya ba theg pa chen po'i chos mngon pa rnam par bzhag pa don dam pa'i de kho na yang dag par ston pa/ shes rab kyi pha rol tu phyin pa'i tshul gsal bar byed pa/ slob dpon bdag nyid chen po 'phags pa klu sgrub mi 'phrogs pa'i mkhyen rabs dang/ thugs rjer ldan pa de bzhin gshegs pa'i theg pa bla na med pa'i tshul rab tu 'byed pa rab tu dga' ba'i sa bsgrubs nas bde ba can gyi zhing du gshegs pa 'jig rten gyi khams dar ba'i 'od ces bya bar de bzhin gshegs pa ye shes 'byung gnas 'od ces bya bar 'gyur bas mdzad pa/ de'i 'grel pa/ bud+d+ha pA li ta/ zhes bya ba theg pa chen po nges pa'i don ston pa/ lta ba ngan pa'i dri ma sel bar byed pa shes

  620. 310b

    rab kyi pha rol tu phyin pa'i tshul gtan la 'bebs pa/ don dam pa'i bden pa gsal bar byed pa/ slob dpon btsun pa sangs rgyas bskyangs 'phags pa 'jam dpal gyi bka' grub pa bstan bcos du ma'i rnam par bshad pa mdzad pa/ theg pa chen po la yang dag par zhugs pa/ rig sngags 'chad grub pa'i gnas khyad par can du gshegs pas mdzad pa rdzogs so// //rgya gar gyi mkhan po dz+nya na garb+ha dang/ zhu chen gyi lo tsa ba cog ro klu'i rgyal mtshan gyis bsgyur cing zhus te gtan la phab pa'o// //rang bzhin gsum la 'jug pa'i sgrub pa 'phags pa klu sgrub kyis mdzad pa bzhugs so// //rgya gar skad du/ swa b+ha wa tra ya pra ba sha sa d+he/ bod skad du/ rang bzhin gsum la 'jug pa'i sgrub pa/ sangs rgyas la phyag 'tshal lo/ /kun brtags dang ni gzhan dbang dang/ /yongs su grub pa nyid kyang ni/ /brtan pa rnams kyi rang bzhin gsum/ /shes bya zab par 'dod ba yin/ /gang snang de ni gzhan dbang yin/ /ji ltar snang ba kun brtags te/ /rkyen la 'jug par dbang phyir dang/ /brtags pa'i dngos po tsam phyir ro/ /de yi snang ba ji bzhin snang/ /rtag tu med pa nyid gang ni/ /gzhan du mi 'gyur phyir nyid de/ yongs grub rang bzhin shes par bya/ /de la ci snang yod min rtog /ji ltar snang ba gnyis dag gis/ /de yi med nyid gang de yis/ /de ru gnyis med chos nyid gang/ /sems de de ru yod min rtog /gang phyir de ni brtags pa yin/ /ji ltar don ni rtag byed pa/ /de bzhin shin tu yod ma yin/ /rgyu dang 'bras bu'i dbye ba yis/ /sems de rnam pa gnyis su 'dod/ /kun bzhi rnam par shes gang dang/ /'jug pa zhes bya rnam bdun pa'o/ /kun nas nyon mongs bag chags kyi/ /sa bon bsags

  621. 311a

    phyir sems brjod de/ /rnam shes lnga po gzhan ma yin/ /sna tshogs rnam pa 'jug phyir ro/ /yang dag ma yin kun rtog gang/ /de ni bsdus par rnam gsum 'dod/ /rnam smin de bzhin mtshan ma can/ /so sor snang ba gzhan ma'o/ /dang po'i rtsa ba'i rnam shes te/ /gang phyir rnam smin bdag nyid de/ /'jug pa'i rnam shes phan tshun mthong/ /mthong bya yan lag gnyis 'jug phyir/ /yod med phyir dang gnyis gcig phyir/ /kun nas nyon mongs rnam byang la/ / mtshan nyid dbyer med phyir zab nyid/ /rang bzhin rnams la 'dod pa yin/ /shin tu med pa nyid dag ni/ /gang phyir yod par 'dzin pa la/ /de yi kun brtags rang bzhin ni/ /yod dang med pa'i mtshan nyid 'dod/ /'khrul ba'i dngos pos yod pa la/ /ji bzhin snang ba yod ma yin/ /gang phyir gzhan dbang de yis na/ /yod med mtshan nyid par 'dod do/ /gang gis gnyis med nyid du yod/ /gnyis kyi dngos po med pa nyid/ /de yis yongs grub rang bzhin ni/ /yod med mtshan nyid 'dod pa yin/ /brtags pa'i don la rnam gnyis phyir/ /de yod ma yin dngos gcig phyir/ /kun brtags rang bzhin byis pa rnams/ /gnyis snang gcig gis bdag nyid 'dod/ / gnyis kyi dngos po snang phyir dang/ /'khrul pa tsam gyis dngos gcig phyir/ /gzhan dbang zhes bya'i rang bzhin ni/ /gnyis dang gcig gi bdag nyid 'dod/ /gang gis gnyis med nyid du yod/ /gnyis kyi dngos pos med pa 'di/ /de yis yongs grub rang bzhin ni/ /gnyis dang gcig gi bdag nyid 'dod/ /kun brtags dang ni gzhan gyi dbang/ /nyon mongs mtshan nyid shes par bya/ /rnam par byang ba'i mtshan nyid ni/ /yongs su

  622. 311b

    grub par 'dod pa yin/ /gnyis kyi rang bzhin med phyir dang/ /de med pa yi rang bzhin phyir/ /rang bzhin yongs su kun brtags las/ /dbyer med mtshan nyid shes par bya/ /gnyis med rang bzhin nyid phyir dang/ /gnyis ni med pa'i rang bzhin phyir/ /yongs su grub las kun brtags kyang/ /mtshan nyid tha mi dad ces bya/ /ji ltar snang ba med phyir dang/ /de bzhin med pa'i rang bzhin phyir/ /yongs grub gzhan dbang rang bzhin las/ /tha mi dad pa'i mtshan nyid yin/ /gnyis med rang bzhin nyid phyir dang/ /ji bzhin snang ba dngos med phyir/ /yongs su grub las gzhan dbang yang/ /dbyer med mtshan nyid shes par bya/ /tha snyad gtso bor byas phyir dang/ /de 'jug gtso bor byas pa'i phyir/ /rim pa'i rang bzhin rang bzhin gyi/ /slob pa'i ched du brjod pa yin/ /tha snyad brda' nyid kun brtags dang/ /tha snyad byed pa'i bdag nyid gzhan/ /tha snyad kun nas cha byed pa'i/ /rang bzhin gzhan ma 'dod pa yin/ /sngon du gnyis med bdag nyid ni/ /gzhan dbang rab tu 'jug par 'gyur/ /de nas de ru gnyis med ni/ /brtag pa tsam du 'jug pa yin/ /de nas gnyis med dngos po ni/ /de ru yongs grub 'jug pa ste/ /de bzhin de nyid de bzhin du/ /med dang yod ces brjod pa yin/ /rang bzhin gsum ka 'di rnams ni/ /gnyis med brjod med mtshan nyid can/ /med phyir de bzhin yod phyir dang/ /de med pa yi rang bzhin phyir/ /rtogs dang ma rtogs rnam rtogs dang/ /mngon rtogs 'dzin pa'i dbye ba'i phyir/ /so so re re rang bzhin gsum/ / rnam pa bzhi gis dbye bar 'dod/ /ming ni gnyis thos 'khrul pa dang/ /dbang du nyid ces dbye ba'i phyir/ /mi brjod gnyis med nyon mi mongs/ /gcig dang du ma'i dbye phyir ro/ /rgyu mas byas pa'i sngags dbang gis/ /glang chen bdag nyid kyi

  623. 312a

    snang bzhin/ /de ru rnam pa tsam yod de/ /glang chen rnam pa kun tu med/ /glang chen kun brtags rang bzhin te/ /de yi rnam pa gzhan dbang yin/ /de ru glang chen med pa gang/ /de ni yongs grub 'dod pa yin/ /rtsa ba sems las gang dag gis/ /de bzhin yod min kun brtag snang/ /gnyis po shin tu med pa ste/ /de ru rnam pa tsam yod do/ /rtsa ba'i rnam shes sngags bzhin du/ /de bzhin nyid 'di shing bzhin 'dod/ /rnam rtog glang chen rnam pa bzhin/ /'dod de glang chen bzhin gnyis so/ /de gnyis rtog pa'i dus su ni/ /mtshan nyid gsum la dus gcig tu/ /yongs su shes dang spong ba dang/ /rim pa ji bzhin thob par 'dod/ /yongs shes 'di ru mi dmigs pa/ /spong mi snang ba 'dod pa yin/ /dmigs pa dag ni mtshan ma ste/ /thob par mngon sum bya ba'ang de/ /gnyi ga la ni mi dmigs pas/ /gnyis kyis rnam par rtog par 'gyur/ /yongs grub de yi rnam rtog phyir/ gnyis ni med par rtogs par 'gyur/ /glang po che ni mi dmigs dang/ /de yi rnam pa'i rnam rtog ste/ /shing dag la ni dmigs pa ni/ /dus gcig sgyu ma la bzhin du/ /gnyen po blo ni sgyur phyir dang/ /blo yis bdag med mthong ba'i phyir/ /ye shes gsum la rjes 'jug phyir/ /'bad pa med par thar pa thob/ /sems tsam la ni dmigs pa yin/ /shes bya'i don ni mi dmigs nyid/ /shes bya'i don la dmigs med pas /sems ni mi dmigs nyid du 'gyur/ /gnyi ga la ni mi dmigs pas/ /chos kyi dbyings la dmigs pa nyid/ /chos kyi dbyings la dmigs pa yis/ /'byor pa nyid la dmigs par 'gyur/ /'byor pa nyid ni thob 'gyur na/ /rang dang gzhan gyi don ?

  624. 312b

    'jug phyir/ /sku gsum bdag nyid byang chub ni/ /bla med blo dang ldan pas thob ces bya'o/ /mtshan nyid gsum la 'dug pa/ slob dpon chen po 'phags pa klu sgrub kyi zhal mnga' nas mdzad pa rdzogs so// // kha che'i paN+Di ta dge slong zla ba grags pas bsgyur ba'o// //rgya gar skad du/ hasta ba la nA ma bra ka ra Na/ bod skad du/ cha shas kyi yan lag ces bya ba'i rab tu byed pa/ bcom ldan 'das ngag gi dbang po la phyag 'tshal lo/ /thag pa la ni sbrul snyam 'dzin/ /thag par mthong nas don med do/ /de yi tsha? mthong de la ni/ /sbrul bzhin shes pa 'khrul ba yin/ /brtag pa'i dngos po thams cad la/ /rang gi ngo bo brtags pa na/ / gzhan gyi kun rdzob shes pa yis/ /spyod yul ji snyed brtags pa yin/ /cha med brtag par bya min phyir/ /tha mar yang ni med par mtshungs/ /de phyir mkhas pas 'khrul pa tsam/ /yang dag don du min par brtag /'phrul na deyang ma dag phyir/ /ji ltar snang ba de ltar med/ /don yod ma yin snang ba ni/ /ji ltar de yi bdag nyid 'gyur/ /gang zhig zhi ba mo blo yis ni/ /thams cad brtags pa kho nar shes/ /blo ldan des ni chags la sogs/ /bde bar sbrul gyi skrag bzhin spong/ /'jig rten pa yi don rtogs pas/ /'jig rten bzhin du bsgrub par bya/ /kun nas nyon mongs spong 'dod pas/ /dam pa'i don gyis btsal bar bya/ /de ltar rang bzhin yongs shes pa'i/ /rnal 'byor bas ni gzugs sogs la/ /nye bar spyod pas thub pa yi/ /brtul zhugs kyis 'bras myur du grub/ /cha shas kyi yan lag ces bya ba'i rab tu byed pa/ slob dpon 'phags pa lhas mdzad pa rdzogs so// //

  625. 313a

    rgya gar gyi mkhan po shad+d+ha ka ra war ma dang/ bod kyi lo tsA ba rin chen bzang pos bsgyur ba'o// //rgya gar skad du/ ha sta ba la nA ma pra kA ra Na prit+ti/ bod skad du/ cha shas kyi yan lag ces bya ba'i rab tu byed pa'i 'grel ba/ 'phags pa 'jam dpal ye shes sems dpa' la phyag 'tshal lo/ /khams gsum pa'i tha snyad tsam la yang dag pa'i don du kun tu rtogs pa'i phyir/ de lo na nyid kyi don khong du ma chud pa'i sems can rnams la dngos po'i rang bzhin rab tu dbye ba'i sgo nas/ phyin ci ma log pa'i shes pa yang dag par bsgrub pa'i phyir 'di brtsams so/ /thag pa la ni sprul snyam 'dzin// thag pa mthong na don med do/ /'di ni yul ha cang skal ba ma yin pa 'od tsam zhig snang ba zhig na/ thag pa'i gzugs spyi'i chos can zhig dmigs pa la 'khrul nas/ 'di ni sprul kho na'o/ /zhes nges par 'dzin pa'i ngo po shes pa skye ste/ khyad par rang gi ngo bo khong du ma chud pa'i phyir ro/ /de'i khyad par nges par 'dzin pa na/ /don ji lta ba ma yin par kun tu rtog pas rab tu spros pa nyid kyi phyir/ shes pa de yang 'khrul pa'i shes pa don med pa kho nar 'gyur ro/ /de yi cha mthong de la yang/ /sprul bzhin shes pa 'khrul pa yin/ /thag pa de la yang cha shas su phye nas brtags pa na/ /thag pa'i rang gi ngo bo mi dmigs te/ /de ma dmigs na thag par dmigs pa yang sprul lo snyam pa'i blo bzhin du 'khrul pa tsam 'ba' zhig tu zad do/ /yang ji ltar thag pa'i shes pa 'khrul pa de bzhin du/ cha shas de yang dum bu dang/ nyag ma la sogs pa de dag la bltos pa na rang gi ngo bo nges

  626. 313b

    par mi 'dzin to/ /de nges par ma zin pas de la dmigs pa'i rnam pa can gyi blo yang ba'i blo bzhin du 'khrul pa tsam kho na'o/ /brtags pa'i dngos po thams cad la/ /rang gi ngo bo brtags pa na/ /kun rdzob tu na shes pa yi/ / spyod yul ji snyed brtags pa yin/ /ji ltar cha shas la sogs pa'i dbye bas tha dad pa'i thag pa la sogs pa la brtags pa na rang gi ngo bo mi dmigs te/ thag pa la sogs pa'i blo yang sprul la snyom pa'i blo bzhin du 'khrul pa yin pa de bzhin du/ ngos cha la sogs pa la bltos nas yod pa rdza ma dang phor bu la sogs tha snyad pa'i shes pa'i spyod yul ji snyed pa thams cad brtag pa yod pa kho na yin te/ de dag mthar rab tu phye ba na/ re shig bum pa la sogs pa ni tha snyad du btags pa kho na yin no/ /gzhan du zhes bya ba ni/ don dam pa nyid las so/ /cha med brtag par bya med phyir/ /tha ma yang ni med par mtshungs/ /gang yang brtags pa'i dngos po thams cad kyi tha ma rdul phra rab kyi rdzas cha med pa gcig pu de yang/ brtag par bya ba ma yin pa'i rang gi ngo bos dmigs par mi rung ba'i phyir/ nam mkha' i me tog gi phreng ba dang/ ri bong gi rwa la sogs pa dang mtshungs pas/ de yang dngos po med pa nyid du 'grub bo/ /ci ste yang ji ltar na brtag par bya ba ma yin pa'i mtshan nyid gtan tshig nges/ rdul phra rab kyi rdzas yod pa nyid gcig pa nyid du med do/ /zhes shes par nus she na/? gang gi phyir yod na ni phyogs cha tha dad pa'i phyir/ dper na yod pa bum pa dang snam bu dang shing rta la sogs pa'i rdzas rnams ni/ shar dang nub dang steng dang 'og la sogs pa'i phyogs cha tha dad pa'i phyir/ cha shas

  627. 314a

    tha dad pa dag snang ba ltar gal te rdul phra rab kyi rdzas kyang yod par gyur na/ gdon mi za bar phyogs cha tha dad pa'i phyir shar dang nub dang byang dang steng la sogs pa'i cha shas khas blangs par bya'o// cha shas tha dad pa yin na ni rdul phra rab kyi rdzas gcig tu mi 'grub bo/ /rdzas kyi dbye ba mang po snang ba'i phyir gcig pa nyid ni yod pa ma yin te/ rdul phra rab mi dmigs pas rdul phra rab kyi rdzas su smra ba 'di thong? shig /de phyir mkhas pas 'khrul pa tsam/ /yang dag don du min par brtag /gang gi phyir de ltar khams gsum pa 'khrul pa tsam yin pa de'i phyir/ mkhas pa legs pa thob par 'dod pas 'di la yang dag pa'i don du brtag par mi bya'o/ /gal te 'di snyam du bum pa la sogs pa phyi rol gyi dngos po de dag ni/ ngo bo nyid mi rtog pa'i phyir med pa las kun brtags pa yin pa bden no/ /de dag la dmigs pa'i rnam pa can 'khrul pa'i 'du shes 'di yod de/ dper na sgyu ma dang dri za'i grong khyer la sogs pa med kyang/ de dag la dmigs pa'i rnam pa can gyi shes pa lta bu'o/ /zhes bya bar 'dod do zhes/ 'khrul na de yang ma dag phyir/ /ji ltar snang ba de ltar med/ /don yod ma yin snang ba ni/ /ji ltar de'i bdag nyid 'gyur/ /'khrul pa de yang rdzas kyi rang gis ngo bo shes pa yin na/ rdzas de ni ngo bo nyid de lta bur yod pa ma yin te/ don de med na yang rang gi ngo bos ni nus pa med pas ma dag par 'gyur ro/ /ma dag pa'i phyir 'khrul pa'i ngo bo nyid de lta bur yod do/ /zhes bya bar ji lta bur shes/ /ji ltar 'jig rten na yang sa bon la sogs

  628. 314b

    pa bskyed par byed pa med na/ bskyed par bya ba myu gu la sogs yod do/ /zhes bya ba'i chos de lta bu yang ma mthong ngo/ /de nyid kyi phyir sgyu ma lta bu 'dod pa yang ma grub par ngas bshad pa yin no/ /gang zhig zhib mo'i blo yis ni/ /thams cad brtags pa kho nar shes/ /blo ldan de yis chags la sogs/ /bde bar sbrul gyi skrag bzhi spong/ /ji skad bshad pa'i rnam pas brtags pa tsam du yod pa'i khams gsum pa 'di la gang zhig bum pa la sogs pa rags pa'i blo bsal te/ zhib mo'i blos rdzas med pa tha snyad tsam yin par nges par 'dzin pa de ni/ ji ltar thag pa la sbrul lo snyam pa'i shes pas kun nas slang ba'i 'jigs pa de'i khyad par rnam par spyad nas thag par nges pa na/ de'i sbrul gyi skrag pa med pa de bzhin du/ 'dod chags la sogs pa de bskyed par byed pa'i dngos po dag la yongs su brtag pa des kyang/ 'dod chags la sogs pa nyon mongs pa'i dra ba rnams bde bar dka' ba med par ring por mi thogs pa kho nar spong bar 'gyur ro/ /'jig rten pa yi don rtogs pas/ /'jig rten bzhin du bsgrub par bya/ /kun nas nyon mongs spong 'dod pas/ /dam pa'i don gyis btsal bar bya/ ji ltar 'jig rten pa dag bum pa la sogs pa'i don la dngos por rtog pas/ 'di bum pa'o/ /snam bu'o/ /shing rta'o/ /zhes tha snyad 'dogs pa de bzhin du sngon gyi sgrub pas tha snyad du bya'o/ / de'i 'og tu 'dod chags la sogs pa nyon mongs pa spong bar 'dod pa rnams kyis/ ji skad bshad pa'i don dam pa'i mtshan nyid kyis dngos po rnams yongs su btsal bar bya ste/ de ltar dngos po rnams yongs su tshol ba na/

  629. 315a

    de'i 'dod chags la sogs pa/ /nyon mongs pa'i dra ba phyis mi skye bar 'gyur ro/ /de ltar rang bzhin yongs shes pa'i/ /rnal 'byor pas ni gzugs sogs la/ /nye bar spyod pas thub pa yis/ /brtul zhugs kyi 'bras myur du 'grub/ /ji skad du bshad pa'i rigs pas/ /de kho na nyid kyi rang bzhin yongs su rtogs pa'i rnal 'byor pa 'dod pa'i yon tan rnams la mngon du spyod pa rdo rje 'dzin gyi brtul zhugs kyis zung du 'jug pa'i sku 'grub pa yin no// // cha shas kyi yan lag ces bya ba'i rab tu byed pa'i 'grel pa slob dpon 'phags pa lhas mdzad pa rdzogs so// // rgya gar gyi mkhan po sh+rad+d+ha kar war ma dang/ bod kyi lotsA ba rin chen bzang pos bsgyur ba'o// //sarba mang+gA laM// //