Text
ff. 2a–340a · 677 folio sides
- 2a
Ar+yas gdun gar rnga par bri nam ma ha ya na su te/ bode skad du/ 'phag pe kwa'i rgyal po rgya mchos zhes pa zhes bya ba theg
- 2b
pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig no/ bcom ldan 'das rgyal po'i khab na/ brgod phung po ri la/ dge slong brgya steng gi dge slong gi dge 'dun chen po dang / thabs
- 3a
cig tu zhugs/ byang chub sems dpa' ma na pa pas mngon par shes pa/ phyogs bcu'i 'jig rten gyi khams nas 'dus pa/ rnam pa'i mchog thams cad dang ldan pa/ gzungs dang mdo sde rtogs par khong du chud par/ sems can thams cad spobs pas 'gu bar byed pa/ mngon par shes pa'i ma
- 3b
shes bstan pa la mkhas pa/ pha rol tu phyin pa thams cad kyi dam pa'i pha rol tu son pa/ byang chub sems dpa'i ting nge 'dzin dang / so so shes pa dang 'jug pa dang ldan pa/ shes pa la mkhas pa/ sangs rgyas thams cad kyis bstod cing bsngags la/ snyan par brjod pa/ sangs rgyas kyi zhing thams cad du/ rdzu 'phrul gyis 'gro ba/ shes
- 4a
rab la mkhas pa/ bdud thams cad skrag par byed pa la mkhas pa/ chos thams cad ji lta ba bzhin du shes pa la mkhas pa/ sems can thams cad kyi dbang po// mchog dang mchog ma yin pa shes pa la mkhas pa/ byang chub kyi phyogs kyi chos thams cad yang dag pa bsgrub pa shes pa la mkhas pa/ sangs rgyas thams cad kyi
- 4b
mchod pa'i las yang dag par bsgrub pa'i/ shes pa la mkhas pa/ 'jig rten gyi chos thams cad kyis ma gos pa/ lus dang / ngag dang / sems kyi brgyan thams cad kyis brgyan pa/ byams pa chen po dang / snying rje chen po la spros pa'i go cha bgos pa/ bskal pa grangs med par/ brtson 'grus chen pos yid yongs su mi skyo ba/ seng ge'i sgra chen po bsgrags pa/ phas kyi rgol ba thams cad kyis zil gyis mi gnon pa/ phyir mi ldog pa'i
- 5a
sa rgyas drug nas dag/ dus rgyas mas sa bskur ba thob pa/ khri nyis stong la 'di lta ste/ byang chub sems dpa' sems dpa' chen po lhun po dang / ri rab dang / lhun po chen po dang / lhun po che 'dzin dang / ldan pa mar mo'i rgyal po dang / lhun po rtsegs dang / lhun po'i rgyal mtshan dang / lhun po'i rgyal po dang / lhun po'i rtse mo rdob po'i rgyal po dang / 'brug sgra dang / rnga sgra dang / rin tshon 'byung gnas dge
- 5b
rin chen tog dang / rin chen rtse mo dang / rin chen dpal dang / rin chen 'byung dang / rin chen 'od dang / rin chen khar ba can dang / rin chen rtse mo dang / lag na rin chen phyag rgya dang / rin chen dra ba dang / rin chen bkod pa dang / rin chen 'od dang / rin chen gling dang / rin chen sgron ma dang / lag na rin chen dang / dga' byed dang / chos la dga' ba bkod pa dang / bkod pa'i rgyal po dang / mtshan gyis yang dag par brgyan pa dang / tshig bkod pa'i 'od dang / gtsug na rin po dang / lha rtsegs dang / rin chen rtsegs dang / 'od zer stong ldan dang / me lce dang / skar ma la dga' ba dang /
- 6a
zla 'od dang / sems bskyed ma thag tu chos kyi 'khor lo bskor ba dang / dga' 'od dang / byang chub sems dpa' sems dpa' chen po rtag tu rgyun mi chad par 'jigs pa sbyin pa dang / byams pa la sogs pa skal pa bzang po'i/ byang chub sems dpa' sems dpa' chen po thams cad dang / 'jam dpal la sogs pa sems dpa' dpe med drug cu dang / bzang skyong la sogs pa skyes bu dam pa bcu drug dang / rgyal po bzhi la sogs pa rgyal chen bzhi'i ris kyis lha rnams dang / lha'i dbang po rgya byin la sogs pa sum cu rtsa gsum pa'i lha rnams dang / lha'i dbang po rab 'thab bral lo sogs pa
- 6b
'thab bral ba'i lha rnams dang / lha'i rgyal po yongs su dga' ldan la sogs pa/ dga' ldan gyis ris kyis lha rnams dang / lha'i rgyal po rab 'phrul dga' la sogs pa/ 'phrul dga'i lha rnams dang / lha'i rgyal po dga' byed la sogs pa/ gzhan 'phrul dbang byed kyi lha rnams dang / lha'i bu ded dpon la sogs pa bdud kyi ris kyi lha'i bu/ dkar po'i phyogs thams cad dang / rab tshangs pa la sogs pa tshangs pa'i mdun na 'don pa'i lha rnams dang / mi mjed kyi bdag po la sogs pa tshangs chen gyi ris kyi lha rnams dang / lha'i rgyal po 'od gsal la sogs pa/ 'od gsal gyi lha rnams dang / lha'i rgyal po dge
- 7a
rgyas la sogs pa dge rgyas kyi lha rnams dang / lha'i rgyal po 'bras bu che la sogs pa 'bras bu che ba'i lha rnams dang / lha'i rgyal po dbang phyug chen po la sogs pa gnas gtsang ma'i ris kyis lha'i bu rnams dang / lha'i rgyal po dri med 'od la sogs pa 'og min gyi lha'i bu rnams dang / lha ma yin gyi dbang po sgra gcan la sogs pa lha ma yin gyi dbang po drug khri dang / mi 'am ci'i rgyal po ljon pa can la sogs pa mi 'am ci bzhi khri nyis stong dang / dri za'i rgyal po phreng thogs la sogs pa dri za sum khri nyis stong dang / klu'i rgyal po ma dros pa la sogs pa klu'i rgyal po bdun khri nyis stong dang / byi'i rgyal po nam mkha' lding bzhi stong dang / de ma yin pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gzi brjid che ba gzi brjid che ba stong dag dang thabs gcig tu bzhugs so// de nas bcom ldan 'das 'khor stong phrag du mas yongs su bskor cing mdun gyis ltas te chos ston cing / lha thams cad kyi bkod pas legs par brgyan pa'i seng ge'i khri la/ ri'i rgyal po ri rab rgya mtsho'i nang nas gyen du 'phags pa bzhin du bzhugs te/ bcom ldan 'das kyis lha dang / bcas pa'i 'jig rten zil gyis mnan nas/ dge slong gi tshogs kyis yongs
- 7b
su bskor te/ lham me lhang nge ldan ne bzhin bzhugs so// de nas de ltar 'dus pa'i 'khor de'i nang nas/ de bzhin gshegs pa de ltar bzhugs pa'i steng gi bar snang la rin po che'i gdugs/ rin po che thams cad kyi 'od dang ldan zhing / rin po che thams cad kyis legs par brgyan pa zhig byung ste/ rin po che'i gdugs des/ thams cad dang ldan pa'i gling bzhi pa chen po'i 'jig rten 'di kun du khyebs par gyur to// rin po che'i gdugs de las kyang mu tig kha dog du ma'i rgyan phreng 'bum phrag du ma 'di lta ste/ mu tig dkar po dang / mu tig dmar po dang / mu tig dri ma med pa dang / gser lta bu'i mu tig dang / zla ba lta bu'i mu tig dang / pad ma lta bu'i mu tig dang / nam mkha' lta bu'i mdog can gyi mu tig rnams 'phyang ngo // mu tig gi rgyan phreng de dag las kyang 'od zer rnams byung ngo // 'od zer de dag las kyang me tog kha dog sna tshogs pa/ kha dog 'bar ba/ dri zhim pa/ lta na sdug pa/ yid du 'ong ba dag gi char mngon par phab po// me tog de dag gis kyang 'khor gyi khyams thams cad pus mo nub pa tsam du gang bar gyur to// bar snang la yang 'brug sgra chen po grags par gyur to// a ga ru dang / tsan dan gyi phye ma dag dang / tsan dan dus kyis rjes su 'brang ba'i phye ma dag gi char yang 'bab po// de nas sangs rgyas kyi mthus/ tshe dang ldan pa mo'u 'gal gyi bu chen po stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/
- 8a
bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das sngon ma mthong ma thos pa'i cho 'phrul 'di lta bu gda' ba 'di dag su'i snga ltas lags/ de skad ces gsol pa dang / bcom ldan 'das kyis tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal gyi bu 'di ni klu'i rgyal po rgya mtsho de bzhin gshegs pa la ltar 'ong ba/ de'i snga ltas yin no// bcom ldan 'das kyis tshig de skad ces bka' stsal nas/ ring po ma lon par/ klu'i rgyal po rgya mtsho klu bye ba phrag brgyad bcu rtsa bzhi dang / klu'i bu mo bye ba phrag bdun bcu rtsa gnyis bskor cing mdun du bdar te/ me tog dang gdugs pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan thams cad dang / sil snyan dang / pheg rdo ba dang / glu dbyangs brgya stong dag len cing / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ ji ltar thogs pa'i me tog dang / bdug pa dang / spos dang / me tog phreng dang / byug pa la sogs pa dang / gdugs dang / rgyal mtshan dang / ba dan la sog pa dang / pheg rdob pa dang / glu dbyangs rnams kyis bcom ldan 'das la mchod pa byas nas/ btsun mo'i 'khor dang bcas pa dang / gnyen mdab kyi 'khor dang bcas pas/ de'i
- 8b
tshe bcom ldan 'das la tshul dang mthun pa'i tshigs su bcad pa 'di dag gi mngon par bstod do// 'jig rten dag na 'jig rten phan par bzhed pa 'jig rten gyis mchod 'jig rten mig sbyin pa// 'jig rten du skyes 'jig rten dri ma rnams kyis ma gos pad ma chu mi chags pa bzhin// 'jig rten snang ba rnam par gzigs pa spyan gsum mnga' ba 'jig rten bde ba sbyin mdzad pa// 'jig rten nyi ma rkyen la mkhas pa 'jig rten gtso bo khyod la de ring bdag phyag 'tshal// dul zhing dul bas yongs su bskor stobs bcu mnga' ba sbyin par rnams dang dul ba rnams kyis 'phags// 'dren pa nyon mongs rdul dang dri mun pa dang ni dri ma thab bsregs shing dang myug gu bsregs// snying rjes nor gyi gtso bo bdun po sbyin par mdzad cing sem can rnams la byams pas 'phags// bsod nams zhing ste 'jig rten rtsa lag brtan po khyod la bdag ni mgo bos phyag 'tshal lo// khyed kyi zhal gyi smin mtshams mdzod skra 'bar ba me tog kun da zla ba dung mdog 'dra// 'di ni tshangs pa'i gnas na 'khod pa'i lha rnams kyis kyang khyod kyi spyi gtsug mthong mi 'gyur// de yis reg par gyur pa'i dbang gis mtshams med sems can rnams kyang bde ba nyid du 'gyur// khyod kyi gsung ni shin tu yid 'ong tshig ste zla ba bzhin du yid kyang tshim par byed// lha dang mi'i sgra skad zil gyis non cing gcig tu nges par bdag la gtsang ba ste// 'dod chags zhe sdang mun pa rdul rnams rab tu zhi bar bgyid cing shes rab gsal bar bgyid// dga' dang mgu bgyid bde ba shin tu bskyed par bgyid cing
- 9a
thar pa yang dag ston pa lags// khyod kyis ye shes dus gsum gtogs pa ma mchis gar yang mi gnas chags pa ma mchis te// khyod kyi sems can rnams kyi spyod pa chung dang 'bring dang dam pa ma lus thugs su chud// gang dag gi ni dbang po bsam pa dag dang 'gro dang thar pa tha dad ci 'dra ba// thams cad khyod kyis skad cig tsam gyis thugs su chud pas de slad khyod la phyag 'tshal lo// rdzogs pa'i byang chub shing rgyan drang du glags lha'i phyir brtson bdud rnams bye brgya phrag snyed// khyod kyi thad du lhag par gyur kyang gnas las ma g.yos thugs rtser ldan pa'i blo mnga' ba// mnga' bdag khyod kyis bden dang brtul zhugs dpal dang yon tan rnams dang byams pas pham par mdzad// de slad mi rnams su zhig deng 'dir khyod la ngo mchod pa'i slad du khyod la ngoms par 'dzin// mnga' bdag khyod kyis chos rnams byed pa med dang ya ma rla dang // chu zla 'dra ba dang dbu ba grogs sprin chu'i chu bur 'dra zhing sgyu ma mig rgyu lta bur thugs su chud// gang la rgyu med rtog pa mi 'byung khyod kyis chos de dag ni rtag tu bdag med do// de ltar 'gro ba'i 'dod pa 'ang bskyed mdzad pas na mnga' bdag khyod ni thar pa lags par 'os// gang gi don du bskal pa bye ba khrag khrig mang por dga' ba rnams ni bsten pa dang // gang gi don du rtag tu 'gro la phan mdzad 'dren pa rnams la mchod pa mdzad pa dang // gang gi don du sbyin dang yang dag sdom dang dul dang bzod pa rtag tu bsten pa yi// rnam 'dren khyod kyi smon lam
- 9b
chen po shin tu rmad du byung ba de ni rdzogs par gyur// de nas klu'i rgyal po rgya mtshos/ bcom ldan 'das la tshul dang mthun pa'i tshigs su bcad pa 'di dag gis mngon par bstod nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du// bcom ldan 'das kyis bdag la skabs phye nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu bar 'tshal lo// de skad ces gsol po dang / btso ldan 'das kyis klu'i rgyal po rgya mtsho la 'di skad ces bka' stsal to// klu'i bdag po khyod ci dang ci 'dod pa de bzhin gshegs pa la dris shig dang / ngas dri ba dris pa de dang de lung bstan pas khyod kyi sems rangs par bya'o// de nas bcom ldan 'das kyis dri ba lung bstan pa'i skabs phye nas/ bcom ldan 'das la klu'i rgyal po rgya mtshos 'di skad ces gsol to// bcom ldan 'das ji ltar na byang chub sems dpa' rnams ngan 'gro dang ngan song thams cad yang dag par chad pa dang / mi khom pa brgyad las yang dag par 'das pa dang lha dang mi'i skye bar 'gro ba lags/ bcom ldan 'das ji ltar na byang chub sems dpa' rnams rtag tu rgyun mi chad par/ sangs rgyas mthong ba thob pa dang / dge ba'i bshes gnyen dang phrad pa dang / 'tshang ba'i yul du gnas pa thob pa lags/ bcom ldan 'das ji ltar na/ byang chub sems dpa' rnams/ dad pa dang ba'i shas
- 10a
che ba dang / las kyi rnam par smin pa la rton pa dang / mi dge ba'i chos thams cad spangs nas/ dge ba'i chos thams cad kyis 'bog ba lags/ bcom ldan 'das ji ltar na/ byang chub sems dpa' rnams chos don du gnyer ba dang / chos kyi kun dga' la dga' bas dga' ba dang / zos pa tshol pas chog ma tshal ba dang / thos pa sgrub pas mngon par 'phags pa lags/ bcom ldan 'das ji ltar na byang chub sems dpa' rnams rab tu 'byung ba la smon pa dang / nags dang nags mdab na rgyu ba dang / 'phags pa'i rigs dang / sbyang ba'i yon tan dang / yo byad sbyangs pa la mngon par dga' ba dang / rab tu byung ba'i yon tan rnams yongs su rdzogs par bgyi ba lags/ bcom ldan 'das ji ltar na byang chub sems dpa' rnams chos zab mo'i tshul la gnas pa dang / chad pa dang rtag par lta ba yongs su spangs pa dang / rgyu dang rkyen gyis chos rnams la zhugs pa dang / lta ba'i rnam pa thams cad dang bral ba lags/ bcom ldan 'das ji ltar na byang chub sems dpa' rnams mngon par shes pa'i ye shes kyis rnam par brtse ba dang / sgrib pa mchis pa'i ye shes mthong ba lags/ bcom ldan 'das ji ltar na byang chub sems dpa' rnams/ sems can gyi spyod pa dang / bsam pa dang cho ga 'tshal ba lags/ bcom ldan 'das ji ltar na byang chub sems dpa' rnams yongs su smin par bgyid pa dang / gzung ba
- 10b
dang klags pa dang / brda sprod pa dang / mkhas pa lags/ bcom ldan 'das ji ltar na byang chub sems dpa' rnams/ bdud phyir rgol ba bcom pa dang / skrag pa dang / 'jigs pa thams cad dang bral nas byang chub sems dpa'i spyad pa spyod pa lags/ bcom ldan 'das ji ltar na/ byang chub sems dpa' rnams phyir mi ldog pa'i chos la yang dag par gzhol ba dang / bzod pa thob pa dang / lung bston pa thob pa lags/ de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to// klu'i bdag po legs so legs so// khyod de bzhin gshegs pa la don 'di dri bar sems pa ni/ klu'i bdag po khyod legs so// klu'i bdag po de'i phyir/ legs par rab tu nyon la yid la zung shig dang / ngas khyod la legs par bshad do// bcom ldan 'das logs so zhes gsol te/ klu'i rgyal po rgya mtsho bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// klu'i bdag po chos bzhi dang ldan na/ byang chub sems dpa' rnas ngan 'gro dang / ngan song thams cad yang dag par chad par 'gyur te/ bzhi gang zhe na 'di lta ste/ sems can thams cad la khong khro ba'i sems med pa dang / dge ba bcu'i las kyi lam yang dag par blangs nas/ thams cad bsrung ba dang / gzhan gyi nyes pa mi gleng zhing brnyas par mi byed pa dang / bdag gi 'khrul pa rtog par byed kyi/ gzhan gyi
- 11a
'khrul pa la mi rtog pa ste/ klu'i bdag po chos bzhi po de dag dang ldan na/ byang chub sems dpa' rnams ngan 'gro dang ngan song thams cad yang dag par chad par 'gyur ro// klu'i bdag po chos bzhi dang ldan na/ byang chub sems dpa' rnams mi khom pa thams cad spong bar 'gyur te/ bzhi gang zhe na 'di lta ste/ dkon mchog gsum po sangs rgyas dkon mchog dang / chos dkon mchog dang / dge 'dun dkon mchog gi bsngags pa rgyun du brjod pa dang / chos 'dod pa rnams g.yengs par mi byed pa dang / gzhan dag gi 'gyod pa mi bskyed pa dang / sems can 'gyod cing 'dug pa rnams kyi 'gyod pa sel te/ klu'i bdag po chos bzhi po de dag dang ldan na/ byang chub sems dpa' rnams mi khom pa thams cad spong bar 'gyur ro// klu'i bdag po chos bzhi dang ldan na/ byang chub sems dpa' rnams lha dang mi'i skye bar 'gro ba ste/ bzhi gang zhe na 'di lta ste/ byang chub kyi sems mi gtong zhing gzhan dag la yang sgrogs pa dang / tshul khrims yang dag par blangs pa mi gtong zhing nyams par mi byed pa dang / smon lam la bsam pa rnam par dag pa dang / sems can yongs su smin par bya ba'i phyir/ de dag la snying rje chen po bskyed pa ste/ klu'i bdag po chos bzhi po dag dang ldan na/ byang chub sems dpa' rnams lha dang mi'i skye bar 'gro bar 'gyur ro// klu'i bdag po chos brgyad dang ldan na/ byang chub sems dpa' rnams sangs rgyas mthong ba dang 'bral bar mi 'gyur te/ brgyad ga
- 11b
zhe na 'di lta ste/ sangs rgyas rjes su dran pa yid la byed pa dang / de bzhin gshegs pa la bsnyen bkur dang / mchod pa byed pa dang / de bzhin gshegs pa'i bsngags pa rgyun du brjod pa dang / de bzhin gshegs pa'i sku gzugs byed du 'jug pa dang / de bzhin gshegs pa lta ba la sems can rnams yang dag par mdzad pa dang / sangs rgyas kyi zhing gang zhe na de bzhin gshegs pa bzhugs pa thos pa der skye bar smon lam 'debs pa dang / rgyud zhum pa med cing rgya chen po la mos pa dang / sangs rgyas kyi ye shes 'dod pa ste/ klu'i bdag po chos brgyad po de dag dang ldan na/ byang chub sems dpa' rnams sangs rgyas mthong ba dang bral bar mi 'gyur ro// klu'i bdag po chos bzhi dang ldan na/ byang chub sems dpa' rnams dge ba'i bshes gnyen rnyed par 'gyur te/ bzhi gang zhe na 'di lta ste/ dge ba'i bshes gnyen la sgyu med pa dang g.yo med par bsnyen bkur byed pa dang / chos la gces pa dang / gus pa dang / ri mo byed pa dang / bka' blo bde zhing gso bla la nges pa dang / nga rgyal med cing sri zhu byed pa ste/ klu'i bdag po chos bzhi po de dag dang ldan na/ byang chub sems dpa' rnams dge ba'i bshes gnyen rnyed par 'gyur ro// klu'i bdag po chos gsum dang ldan na/ byang chub sems dpa' rnams 'tshal ba'i yul du gnas pa thob par 'gyur te/ gsum gang zhe na 'di lta ste/ mi rlang zhing gya gyu med pa'i sems dang ldan pa dang /
- 12a
phrag dog dang / ser sna bsal ba dang / gzhan dag gi rnyed pa dang / bkur sti dang / bde bar sbyar ba la dga' ba ste/ klu'i bdag po chos gsum po de dag dang ldan na/ byang chub sems dpa' rnams 'tsham pa'i yul du gnas pa thob par 'gyur ro// klu'i bdag po chos lnga dang ldan na/ byang chub sems dpa' rnams dad pa dang ldan par 'gyur te/ lnga po dag gang zhe na 'di lta ste/ mos pa'i stobs dang / bsod nams kyi tshogs kyi stobs dang / las kyi rnam par smin pa la 'jug pa'i stobs dang / byang chub kyi sems mi gtong ba'i stobs dang / chos nyid la ston pa'i stobs te/ klu'i bdag po chos lnga po de dag dang ldan na/ byang chub sems dpa' rnams dad pa dang ldan par 'gyur ro// klu'i bdag po chos gnyis dang ldan na/ dga' ba'i shas che bar 'gyur te/ gang gnyis gang zhe na/ 'di lta ste rgyu'i stobs dang / yang dag par sbyor ba'i stobs te/ klu'i bdag po chos de gnyis dang ldan na/ byang chub sems dpa' rnams dga' ba'i shas che bar 'gyur ro// klu'i bdag po chos gsum dang ldan na/ byang chub sems dpa' rnams las kyi rnam par smin pa la rton par 'gyur te/ gsum po dag gang zhe na 'di lta ste/ bdag med pa la mos pa dang / bzod pa'i stobs dang / yang dag pa'i las legs par brtsom pa ste/ klu'i bdag po chos gsum po de dag dang ldan na/ byang chub sems dpa' rnams las kyi rnam par smin pa
- 12b
las rton par 'gyur ro// klu'i bdag po chos gnyis dang ldan na byang chub sems dpa' rnams mi dge ba'i chos thams cad spangs nas/ dge ba'i chos thams cad kyis 'bog bar gyur te/ gnyis gang zhe na/ phung po gsum gyi yongs su bsngo ba dang ldan pa dang / bag yod par gnas pa ste/ de gnyis so// gzhan yang gnyis te/ 'di lta ste dge pa'i rang bzhin du gyur pa dang / rnam par smin pa la mi re ba ste/ klu'i bdag po chos gnyis dang ldan na/ byang chub sems dpa' rnams mi dge ba'i chos thams cad spangs nas/ dge ba'i chos thams cad kyis 'bogs par 'gyur ro// klu'i bdag po chos lnga dang ldan na/ byang chub sems dpa' rnams chos don du gnyer ba yin te/ lnga gang zhe na 'di lta ste/ gzugs don du gnyer ba ma yin pa dang / sgra don du gnyer ba ma yin pa dang / dri don du gnyer ba ma yin pa dang / ro don du gnyer ba ma yin pa dang / reg bya don du gnyer ba ma yin pa ste/ lnga po ni de dag yin no// klu'i bdag po gzhan yang chos lnga dang ldan na/ byang chub sems dpa' rnams chos don du gnyer ba yin te/ lnga gang zhe na 'di lta ste/ chos don du gnyer ba yin gyi/ lus don du gnyer ba ma yin pa dang / yon tan don du gnyer ba yin gyi srog don du gnyer ba ma yin pa dang / shes rab don du gnyer ba yin gyis/ reg bya don du gnyer ba ma yin pa dang / dge ba don du gnyer ba yin gyis/ tshor ba don du gnyer ba ma yin pa dang / sems can yongs su bskyab pa
- 13a
pa don du gnyer ba yin gyi/ bdag gi bde ba don du gnyer ba ma yin pa ste/ klu'i bdag po chos lnga po de dag dang ldan na/ byang chub sems dpa' rnams chos don du gnyer ba yin no// klu'i bdag po chos drag dang ldan na/ byang chub sems dpa' rnams chos 'dod pa yin te/ drug po dag gang zhe na 'di lta ste/ rab tu byung ba'i yon tan 'dod kyi/ gos mtshon can gyi rtags 'dzin pa tsam 'dod pa ma yin pa dang / chos nyan pa 'dod kyi/ 'jig rten rgyang pan pa'i gsang tshigs nyan 'dod pa ma yin pa dang / chos bstan pa 'dod kyi/ 'jig rten gyi zang zing 'dod pa ma yin pa dang / chos la so sor rtog pa 'dod kyi/ tshul bzhin ma yin pa yid la byed pa 'dod pa ma yin pa dang chos sgrub pa 'dod kyi/ yi ge dang / nges pa'i tshig dang / brda' yongs su tshol bar 'dod pa ma yin pa dang / sangs rgyas kyi chos nyan 'dod kyi/ nyan thos dang rang sangs rgyas kyi chos 'dod pa ma yin pa ste/ klu'i bdag po chos drug po de dag dang ldan na/ byang chub sems dpa' rnams chos 'dod pa yin no// klu'i bdag po chos brgyad dang ldan na/ byang chub sems dpa' rnams chos kyi kun dga' la dga' bas dga' ba yin te/ brgyad gang zhe na 'di lta ste/ byang chub kyi gtam la dga' yi theg pa dman pa'i gtam la ma yin pa dang / bsdu ba'i dngos po'i gtam la dga'i phyin ci log gi gtam la ma yin pa dang / chos kyi lugs kyi gtam la dga'i/ 'jig rten rgyang pan pa'i
- 13b
gtam la ma yin pa dang / sangs rgyas kyi che ba nyid kyi gtam la dga'i/ 'khor ba bcad pa'i gtam la ma yin pa dang / zab cing gting dpag dka'i ba'i rten cing 'brel bar 'byung ba'i gtam la dga'i/ bdag tu lta ba 'dzin pa'i gtam la ma yin pa dang / chos bdag med pa'i rang bzhin dang / rkyen rnam par dag pa'i gtam la dga'i// chad pa dang // rtag pa dang / bdag dang / sems can dang / srog dang / skyes bu dang / gang zag tu 'dzin pa'i gtam la ma yin pa dang / stong pa nyid dang / mtshan ma med pa dang / smon pa med pa'i gtam yang dag pa ji lta ba la dga'/ dmigs par blta ba'i gtam la me yin pa dang / rab tu byung ba la dmigs pa dang / sangs rgyas kyi zhing gi rgyan bkod pa'i gtam la dga'i/ zhi ba la btang snyoms su byed pa'i gtam la ma yin pa ste/ klu'i bdag po brgyad po de dag dang ldan na/ byang chub sems dpa' rnams chos kyi kun dga' bas dga' ba yin no// klu'i bdag po byang chub sems dpa' rnams ni don gyi dbang rnam pa lnga mthong ba'i phyir/ thos pa yongs su tshol ba mchog mi shes te/ lnga gang zhe na/ byang chub sems dpa' rnams la shes rab 'byung bar yang dag par mthong ba'i phyir/ thos pa yongs su tshol ba na chog mi shes pa dang / byang chub sems dpa' rnams thos pas/ 'gyod pa dang / the tshom med par yang dag par mthong ba'i phyir/ thos pa yongs su tshol na chog mi shes pa dang / byang chub sems dpa' rnams thos pas/ kun nas nyon mongs pa dang / rnam par
- 14a
byang ba rtogs par 'gyur bar yang dag par mthong ba'i phyir/ thos pa yongs su tshol ba na mthong ba'i phyir/ byang chub sems dpa' rnam thos pas/ sems can thams cad kyi nyon mongs pa spang ba'i phyir/ nyon mongs pa spong bar 'gyur bar yang dag par mthong ba'i phyir/ thos pa yongs su tshol ba na chog ma shes pa dang / byang chub sems dpa' rnams thos pas 'jigs par 'gyur la/ mi 'jigs pa las sems can thams cad kyi the tshom chad par 'gyur bar yang dag par mthong ba'i phyir/ zos pa yongs su tshol ba na chog mi shes pa ste/ lnga po de dag go// gzhan yang byang chub sems dpa' rnams ni don gyi dbang rnam pa gnyis mthong ba'i phyir/ thos pa yongs su tshol ba na chog mi shes te/ thos gnyis gang zhe na/ 'phags pa'i yang dag pa'i blta ba skye ba dang / chags pa med pa'i gzungs thob pa ste/ de gnyis so// klu'i bdag po chos bcu dang ldan na/ byang chub sems dpa' rnams thos pa bsgrub pas mthong bar 'phags par 'gyur te/ bcu gang zhe na/ rnyed pa dang kur bsti rnams 'dod pa nyung zhing chog shes pa dang / yongs su tshol ba rnams la lus dang / srog la mi blta ba dang / spyod la la dran pa dang / shes bzhin dang / ji skad thos pa las shas chen yongs rtog pa dang / 'du 'dzi med par bya ba nyung ba dang / sbyor ba la brtson pa'i brtson 'grus kyis nam gyi cha stod dang / nam gyi cha slad la mi nyal ba
- 14b
dang / bla ma la gus pa dang / ri mo byed pa dang / ngo tsha ba shes pa dang / khrel yod pa phun sum tshogs pas dge ba'i bshes gnyen la brten pa dang / snying rje chen pos sems can la blta ba dang / yon tan yongs su rdzogs par bya ba'i phyir/ 'phags pa'i skye bo la rim gro byed pa dang / shes par lha dang bcas pa'i 'jig rten yongs su bskyab pa ste/ klu'i bdag po chos bcu po de dag dang ldan na/ byang chub sems dpa' rnams thos pa bsgrub pas mngon par 'phags par 'gyur ro// klu'i bdag po byang chub sems dpa' rnams ni phan yon rnam pa lnga po 'di dag yang dag par mthong nas/ rab tu byung ba la mos par 'gyur te/ lnga gang zhe na/ bdag gis las byas pa chud za bar mi 'gyur ba dang / bdag gis byas pa'i bag chag kyis bgo bar 'gyur ba dang / yongs su 'dzin pa thams cad las bdag gis sems gtong bar 'gyur ba dang / sangs rgyas bcom ldan 'das rnams kyis bdag smad par mi 'gyur ba dang / bdag grol zin nas kyang nyon mongs pa'i bcing ba rnams kyis bcings pa'i sems can rnams 'chad pa de/ las rab tu thar par bya ba'i phyir chos ston par 'gyur ro snyam pa ste/ lnga po de dag go// gzhan yang rnam pa lnga ste/ lnga gang zhe na/ rab tu 'byung ba ni tshul khrims 'tshal pa'i sems can yongs su smin par bya ba'i phyir/ tshul khrims dang mthun pa yin no// chos ston par 'gyur ro snyam pa ste/ lnga po de dag go/ gzhan yang rnam pa lnga ste/ ljag
- 15a
@bya/ zhe na/ rab tu 'byung ba ni tshul khrims 'chal ba'i sems can yongs su smin par bya ba'i phyir/ tshul khrims dang mthun pa yin no// rab tu byung ba ni thos pa nyung ba'i sems can yongs su smin par bya ba'i phyir/ thos pa dang mthun pa yin no// rab tu byung ba ni sems rnam par g.yengs pa'i sems can yongs su smin par bya ba'i phyir/ ting nge 'dzin dang mthun pa yin no// rab tu byung ba ni shes rab 'chal pa'i sems can yongs su smin par bya ba'i phyir/ shes rab dang mthun pa yin no// rab tu byung ba ni mya ngan las 'das pa'i bde ba'i lam la sems can dgod par bya ba'i phyir/ rnam par grol ba'i ye shes dang mthun pa yin te/ lnga po de dag go// gzhan yang lnga ste/ lnga gang zhe na/ rab tu 'byung ba ni phung po lnga yongs su shes par bya ba'i phyir nga rgyal bcom pa'o// rab tu 'byung ba ni kun 'byung ba spangs pa'i phyir/ sred pa'i bag la nyal ba spong ba'o// rab tu 'byung ba ni 'gog pa mngon sum du bya ba'i phyir/ zhi ba dang / rab tu zhi ba dang / nye bar zhi bar byed pa'o// rab tu byung ba ni 'phags pa'i lam yan lag brgyad pa bsgom pa'i phyir lam la 'jug pa'o// rab tu 'byung ba ni 'phags pa'i bden pa rnams la sems can 'gog pa'i phyir bden pa la 'jug pa ste/ lnga po de dag go// klu'i bdag po chos bzhi dang ldan na/ byang chub sems dpa' rnams nags dang nags 'dab na rgyu zhing / bas mtha'i gnas lam dag na gnas
- 15b
pa yin te/ bzhi gang zhe na/ lus dang srog la mi lta ba dang / dge ba'i chos thams cad lta ba dang / mngon par shes pa'i shes rab bskyed par 'dod pa dang / spyod lam rab tu zhi bas lha dang mi rnams mgu bar byed pa ste/ klu'i bdag po chos bzhi po de dag dang ldan na/ byang chub sems dpa' rnams nags 'dab na rgyu zhing bas mtha'i gnas mal dag na gnas pa yin no// klu'i bdag po gzhan yang byang chub sems dpa' ni don gyi dbang rnam pa bzhi mthong nas/ nags dang nags 'dab na rgyu zhing bas mtha'i gnas mal dag na gnas pa yin te/ bzhi gang zhe na/ dgon pa dang / rab tu dgon pa 'di dag ni/ sangs rgyas kyis bsngags pa yin te/ dgon pa na gnas na/ snying rje chen pos sems can thams cad rab tu thar par bya ba la dmigs pa ni/ bdag gi bre mo gtam zer ba yin gyi/ phyogs gcig tu gyur pa ni ma yin no snyam pa dang / bdag gis byang chub kyi snying po'i rgyan bsags kyi nyon mongs pa rnams ni ma yin no snyam pa dang / bdag gis yongs su spang ba byas pa'i byang chub sems dpa' du ma dag gis rjes su bslab dgos so snyam pa bdag dgon pa na gnas te/ chos thams cad yang dag par bsgrubs nas/ grong dang / grong khyer dang / grong brdal dang / ljongs dang / yul 'khor dang / pho brang 'khor dag tu song ste/ sems can rnams la chos bstan par bya'i snyam pa ste/ klu'i bdag po chos bzhi po de dag dang ldan na/ nags dang nags 'dab na rgyu zhing bas
- 16a
mtha'i gnas mal dag na gnas pa yin no// klu'i bdag po gsum po 'di dag ni/ 'phags pa'i rigs dang / sbyangs pa'i yon tan dang / yo byad spangs pa la gnas pa'i byang chub sems dpa'i yon tan dang / phan yon phul dang rab mchog yin te/ gsum gang zhe na/ dga' ba dang / mi dga' ba rnams la mi lta ba'i phyir/ 'du 'dzi bya ba med pa dang / sems rag las pa med cing gang du 'dod par 'gror yod pa'i phyir/ rang nyam dang rang dbang dang / tha ma par gnas pa dang / sems can thams cad mnyam pa nyid sems dpa'i phyir/ de'i ting nge 'dzin myur du skye bar 'gyur ba ste/ gsum po de dag go// gzhan yang gsum ste/ de la tshul 'chos pa dang / kha bsags mi 'byung ba dang / de la rjes su chags pa dang / khong khro ba'i sems mi skye ba dang / sgrub cing 'dug pa na khyim la rjes su lta bar mi 'gyur ba ste/ klu'i bdag po gsum po de dag ni 'phags pa'i rigs dang / sbyangs pa'i yon tan dang / yo byad bsnyungs pa la gnas pa'i byang chub sems dpa'i yon tan dang / phan yon phul dang rab mchog yin no// klu'i bdag po chos brgyad dang ldan na/ byang chub sems dpa'i rab tu byung ba'i yon tan yongs su rdzogs par 'gyur te/ brgyad gang zhe na/ 'phags pa'i rigs kyis chog par 'dzin pa dang / sbyangs pa'i yon tan dang yo byad bsnyungs pa la gnas pa dang / mang du thos pa dang /
- 16b
sems nges par sems pa la dga' ba dang / byang chub kyi bsam pa la kun du rmongs pa med pa dang / dran pa nye bar gzhag pas gnas pa dang / ting nge 'dzin dang / shes rab sgom pa'i sbyor ba la brtson pa dang / rtsam pa thams cad sgrub pa snying por byed pa ste/ klu'i bdag po chos brgyad po de dag dang ldan na/ byang chub sems dpa'i rab tu byung ba'i yon tan yongs su rdzogs par 'gyur ro// klu'i bdag po chos bcu dang ldan na/ byang chub sems dpa' rnams chos zab mo'i tshul la gnas pa yin te/ bcu gang zhe na/ bdag gi ngo bo nyid kyis chos thams cad kyi ngo bo nyid kyi rjes su 'gro ba dang / bdag dag pas/ chos thams cad dag pa'i rjes su 'jug pa dang / bdag bdag med pas chos thams cad bdag med pa la mos pa dang / bdag stong pas chos thams cad stong pas som nyi med pa dang / bdag dben pas chos thams cad dben pa la 'jug pa dang / bdag zhi bas chos thams cad zhi bar so sor rtogs pa dang / bdag ji lta ba bzhin pas chos thams cad ji lta ba bzhin du khong du chud pa dang / bdag zab pas chos thams cad zab par nges par sems pa dang / bdag bems po yin pas chos thams cad bems po yin par nges par rtog pa dang / bdag bzung du med pas chos thams cad bzung du med par rab tu shes pa ste/ bcu po de dag go// klu'i bdag po gzhan yang
- 17a
chos bcu dang ldan na/ byang chub sems dpa' rnams chos zab mo'i tshul la gnas pa yin te/ bcu gang zhe na/ rnam par bsgrubs pas gnas pa'i mtshan nyid kyi phyir chos thams cad sgyu ma lta bur rab tu shes pa dang / phyin ci log las byung bar mthong bas/ chos thams cad rmi lam lta bur rab tu shes pa dang / phyin ci log tu 'du shes pas/ chos thams cad rmig rgyu lta bur rab tu shes pa dang / rgyu'i bya ba dang rkyen la dmigs te/ skye bas chos thams cad mig yor lta bur rab tu shA pa dang / 'pho ba med pa'i mtshan nyid las phyin ci ma log pas chos thams cad chu zla lta bur rab tu shes pa dang / yul na mi gnas shing phyogs na mi gnas te/ ngo bo nyid med pas chos thams cad brag cha lta bur rab tu shes pa dang / skad cig kyang mi sdod pas/ chos thams cad sprin dang glog snang ba lta bur rab tu shes pa dang / 'dod chags dang / zhe sdang dang / gti mug gis chags par mi 'gyur bas/ chos thams cad 'ja' tshon lta bur rab tu shes pa dang / glo bur gyi nye ba'i nyon mongs pas/ nyon mongs pa can du mi 'gyur bas/ chos thams cad rang bzhin gyis dag par shes pa dang / skye ba 'jig pa dang / gnas pa dang bral bas chos thams cad nam mkha' lta bur shes pa ste/ klu'i rgyal po chos bcu po de dag dang ldan na/ byang chub sems dpa' rnams chos zab mo'i tshul la gnas pa yin no//
- 17b
klu'i bdag po chos gnyis dang ldan na/ byang chub sems dpa' rnams chad par lta bar ltung bar mi 'gyur/ gnyis gang zhe na las kyi bya ba la 'jug pa shes pa dang / sangs rgyas kyi chos thams cad rnam par bsgrub par shes pa ste/ kwa'i bdag po chos de gnyis dang ldan na/ byang chub sems dpa' rnams chad par lta bar ltung bar mi 'gyur ro// klu'i bdag po chos gnyis dang ldan na/ byang chub sems dpa' rnams rtag par lta bar ltung bar mi 'gyur te/ gnyis gang zhe na mi rtag pa'i chos la 'jug pa shes pa dang / skye gnas zhig cing zhu ste/ mi gnas par rab tu rnam par dbye ba shes pa ste/ klu'i bdag po de gnyis dang ldan na/ byang chub sems dpa' rnams rtag par lta bar ltung bar mi 'gyur ro// klu'i bdag po chos bzhi dang ldan na/ byang chub sems dpa' rnams rten cing 'brel par 'byung ba la 'jug pa la mkhas pa yin te/ ma rig pa kun du byung nas/ rga shi kun du 'byung ba'i bar la 'jug pa dang / ma rig pa 'gag pa nas/ rga shi 'gag pa'i bar la 'jug pa dang / chad par lta bar yang mi ltung ba dang / rtag par lta ba la yang mi gnas pa ste/ klu'i bdag po chos bzhi po de dag dang ldan na/ byang chub sems dpa' rnams rten te 'byung ba la 'jug pa la mkhas pa yin no// klu'i bdag po chos bzhi dang ldan na/ byang chub sems dpa' rnams lta bar gyur pa thams cad du lta bar mi 'gyur te/ bzhi gang zhe na/ stong pa nyid kyi shes pas bdag dang sems can du lta bar
- 18a
mi 'gyur ba dang / mtshan ma med pa'i shes pas srog dang gang zag tu lta bar mi 'gyur ba dang / smon pa med pa'i shes pas 'byung ba dang / 'jig par lta bar mi 'gyur ba dang / rten cing 'brel par 'byung ba'i shes pas chad pa dang / rtag par lta bar mi 'gyur ba ste/ chos bzhi po 'di dag dang ldan na/ byang chub sems dpa' rnams lta bar gyur pa thams cad du lta bar mi 'gyur ro// klu'i bdag po chos drug dang ldan na/ byang chub sems dpa' rnams mngon par shes pa'i shes pas rnam par rtse bar 'gyur te/ drug gang zhe na/ sems can thams cad la khong khro ba med pa'i lta bas/ de lta'i mig rnam par dag par 'gyur dang / ngan du smras pa'i tshig dang du len pas/ lha'i rna ba'i rnam par dag par 'gyur ba dang / sems kun nas nyon mongs pa med pa gzhan gyi sems shes pa rnam par dag par 'gyur ba dang / sngon byas pa'i dge ba'i rtsa ba sems can thams cad la gtong bas sngon gyi gnas rjes su dran pa shes pa rnam par dag par 'gyur ba dang / mthun par byed pa dang / bka' blo bde ba dang / ji skad smras pa bzhin byed pas/ rdzu 'phrul bya ba shes pa rnam par dag par 'gyur ba dang / chos rnams la slob dpon dpe 'khyud med pas/ zag pa zad pa rnam par dag par 'gyur ba ste/ drug po de dag go// klu'i bdag po gzhan yang / mar me byin pas ni lha'i mig rnam par dag par
- 18b
'gyur ro// sil snyan dang / pheg rdob pa dang / glu dbyangs thams cad byin pas ni/ lha'i rna ba rnam par dag par 'gyur ro// kun nas nyon mongs pa med par byin pas ni/ gzhan gyi sems shes pa rnam par dag par 'gyur ro// dge ba'i chos dran par byed cing bskul bas ni/ sngon gyi gnas rjes su dran pa shes pa rnam par dag par 'gyur ro// sgrib pa dang 'gyod pa bstsal bas na/ rdzu 'phrul gyi bya ba shes pa rnam par dag par 'gyur ro// klu'i bdag po gzhan yang de bzhin gshegs pa la lta ba ni lha'i mig rnam par dag par 'gyur ro// dam pa'i chos snyan pas ni lha'i rna ba rnam par dag par 'gyur ro// sems kyis nges par rtags pas ni/ gzhan gyi sems shes pa rnam par dag par 'gyur ro// dge 'dun rjes su dran pas ni/ sngon gyi gnas rjes su dran pa shes pa rnam par dag par 'gyur ro// 'dun pa drag pos ni rdzu 'phrul bya ba shes pa rnam par dag par 'gyur ro// chos sgrub pas ni zag pa zad pa shes pa rnam par dag par 'gyur ro// de la mngon par shes pas rnam par rtse ba gang zhe na/ klu'i bdag po 'di la nyan thos dang / rang sangs rgyas kyi lha'i mig gang yin pa dang / phyi rol gyi drang srong mngon par shes pa lnga dang ldan pa rnams kyi lha'i mig gang yin pa dang / lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams kyi lha'i mig gang yin pa de bas
- 19a
ni/ byang chub sems dpa'i lha'i mig de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de'i lha'i mig des ni de bzhin gshegs pa'i spyan gyi yul ma gtogs par sems can du snang ba 'am/ gzugs su snang ba'am/ chos su snang ba gang yang mi rtogs pa dang / mi mthong ba dang / mi shes pa ci yang med do// klu'i bdag po de la nyan thos dang / rang sangs rgyas kyi lha'i rna ba gang yin pa nas/ mi dang mi ma yin pa'i bar rnams kyi lha'i snang ba gang yin pa des ni/ byang chub sems dpa'i lha'i rna ba de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de'i lha'i rna ba'i dbang pos de ni/ de bzhin gshegs pa'i snyan gyi yul ma gtogs par sgrar grags pa gang yang thos par mi 'gyur ba ci yang med de/ des ni sgra thams cad kyi mngon gyi mtha' dang / phyi ma'i mtha' yongs su gcod pa rab tu shes so// klu'i bdag po de la byang chub seMs dpas ni/ sems can thams cad kyi sems kyi rgyu ba dang / sems kyi dmigs pa dang / sems kyi mtshan ma dang / sems kyi dpyod pa dang / sems kyi rgyu dang / sems sems kyi bsam pa dang / sems kyi 'bras bu dang / sems kyi nges pa dang / sems kyi rtogs pa dang / sems kyi rnam pa sna tshogs dang / sems kyi rjes su chags pa dang /
- 19b
sems kyi khong khro ba dang / sems kyi rnam par g.yeng ba dang / sems bsdu ba dang / sems bral bar g.yo ba dang / sems lhag par g.yo ba dang / sems bskul ba dang / sems gnas pa dang / sems kyi sngon mtha' dang / sems kyi phyi ma'i mtha' dang / sems kyi da ltar byung ba dang / sems kyi gnas dang / sems kyi gnas pa thams cad yang dag par ji lta ba bzhin du rab tu shes so// shos nas kyang de bzhin du des/ sems can de dag la chos dang ldan pa'i gtam 'jug par byed do// des sngon gyi gnas rjes su dran pas bdag dang gzhan rnams kyi sngon gyi mtha'i mur thugs pa'i bar gyi 'chi 'pho yang dag pa ji lta ba bzhin du rab tu shes shing dran ste/ rnam pa dang bcas yul phyogs dang bcas par yang dag pa ji lta ba bzhin du de kho na nyid dang / gzhan ma yin par brjod par byed do// rdzu 'phrul bye ba rnams la yang mngon par 'du byed pa med pa thob ste/ bya ba thams cad ston te/ klu'i bdag po 'di dag ni/ byang chub sems dpa'i mngon par shes pa ste/ de la rang gi sems la dbang byed pas don thams cad yongs su rdzogs par byed pa 'di ni de'i rnam par brtse ba ste/ sangs rgyas yongs su mya ngan las 'da' ba yang kun ston la/ gtan du yongs su mya ngan las 'das pas yongs su mya ngan las 'das par yang mi byed pa lta bu'o// de la byang chub sems dpa'i
- 20a
zag pa zad pa shes pa mngon sum du byed pa'i mngon par shes pa gang zhe na/ nyan thos dang rang sangs rgyas kyi rnam par grol ba la ma chags te/ sangs rgyas kyi ye shes rnam par grol ba la lhag par dmigs shing / rang bzhin gyi zag pa zad pa shes kyi/ shes na pa de mngon sum du byed pa ni ma yin la/ sa na yas sa ga pa 'a shA / @ rgyun pa nas pa mas dpa' dzin pa shes bskyen 'o// byan chos bzhi dang ldan na/ byang chub sems dpa'i sgrib pa med pa'i yongs su mthong ba la 'jug pa yin te/ bzhi gang zhe na/ thams cad mkhyen pa'i ye shes kyis yongs su bsgom pa'i mngon par shes pa lnga dang / byams pa chen po dang / snying rje chen pos yongs su bsgom pa'i yang dag par rig pa bzhi dang / thabs dang shes rab kyi yongs su bsgoms pa'i gzugs med pa'i snyoms par 'jug pa bzhi dang / stong pa nyid dang / mtshan ma med pa dang / smon pa med pa gang yongs su bsgoms pa'i byang chub kyi phyogs kyi chos sum bcu rtsa bdun te/ klu'i bdag po chos de dag dang ldan na/ byang chub sems dpa' sgrib pa med pa'i ye shes mthong ba la 'jug pa yin no// klu'i bdag po de la sgrib pa med pa'i ye shes mthong ba gang zhe na/ nyon mongs pa thams cad ma mthong la/ bag chags kyi mtshams sbyor ba'i rnam pa'i nyon mongs pa thams cad kyang yang dag
- 20b
par rab tu bcom pa gang yin pa dang / 'khor ba yang mthong la mya ngan las 'das pa yang yang dag par gzhol ba dang / nyan thos dang rang sangs rgyas kyi sa yang ma mthong la/ byang chub kyi snying por yang dag par gzhol ba dang / sems can gyi spyod pa'i rjes su 'jug la/ sems can gyi spyod pa dben par yang shes pa ste/ 'di ni sgrib pa med pa'i ye shes mthong ba zhes bya'o// gzhan yang sgrib pa med pa'i ye shes mthong ba ni/ 'dus byas kyi bya ba thams cad kyi rjes su yang 'jug la/ 'dus ma byas pa yang thob pa dang / 'dus byas thams cad nye bar zhi bar yang mthong la/ 'dus byas kyang thob pa'o// klu'i bdag po byang chub sems dpa' ni 'dus byas la spyod pa ni yang 'dus ma byas shes pas sgrib pa med la/ 'dus ma byas thob pa la yang / 'dus byas kyi chos rnams kyi sgrib pa med de/ der sgrib pa med pa'i ye shes gang yin pa de ni/ byang chub sems dpa'i sgrib pa med pa'i ye shes mthong ba zhes bya'o// klu'i bdag po chos bzhi dang ldan na/ byang chub sems dpa' sems can gyi spyod pa dang / bsam pa dang mchog shes pa yin te/ bzhi gang zhe na/ 'jig rten gyi rjes su 'jug pa'i shes pa dang / snyoms par 'jug pa la mkhas pa'i shes pa dang / shes pa dang bsam pa las su rung ba'i bsam pa dang / sems la dbang byed pa'i thabs te/ klu'i bdag po chos bzhi po de dag dang ldan na/ byang chub
- 21a
sems dpa' sems can gyi spyod pa dang / bsam pa dang / chog shes pa yin no// klu'i bdag po chos lnga dang ldan na/ byang chub sems dpa' sems can rnams yongs su smin par byed pa yin te/ lnga gang zhe na/ bdag gi bde ba la mi lta bas yid yongs su mi skyo ba dang / brtson pa brtan pas sems can la bde ba sbyin pa dang / snying rje chen po dang / sems can rnams kyi spyod pa ji lta ba de lta bu'i spyod pa'i rjes su 'jug pa dang / gong du yang yon tan khyad par can la 'god par byed pa ste/ klu'i bdag po chos lnga po de dag dang ldan na/ byang chub sems dpa' sems can yongs su smin par byed pa yin no// klu'i bdag po chos drug dang ldan na/ byang chub sems dpa' 'dzin dang / klog pa dang / brda sprod pa la mkhas pa yin te/ drug gang zhe na/ gzungs thob pa dang / dran pa dang / shes bzhin gyi sgrub pa dang / yang dag pa la tshul bzhin du 'jug pa dang / sems kyi rjes su 'jug pa shes pa dang / thogs pa med pa'i spobs pa thob pa dang / dgongs pa'i tshig ston pa'i shes pa la mkhas pa ste/ klu'i bdag po chos drug po de dag dang ldan na/ byang chub sems dpa' 'dzin pa dang / klog pa dang / brda sprod pa la mkhas pa yin no// klu'i bdag po chos brgyad dang ldan na/ byang chub sems dpa' bdud phyir rgol ba bcom pa yin te/ brgyad gang zhe na/ sgyu ma'i chos nyid du phung po lnga yongs su shes
- 21b
ba dang ldan la/ 'jigs tshogs la lta ba'i nyon mongs pa dang bral te/ stong pa nyid la spyod yul pa yang yin pa dang / 'du byed thams cad kyi skye ba med pa yang rab tu shes la/ sems can yongs su smin par bya ba'i phyir/ bsam bzhin du skye bar yang byed pa dang / brtson 'grus brtan pas byang chub kyi bsam pa yang yongs su mi gtong la/ khams gsum pas kyang yid rtag tu skrag pa dang / mngon par 'du byed pa med par yang mi ltung la/ thams cad mkhyen pa'i ye shes kyang yongs su tshol ba dang / sems can rnams la yang lta la/ bsod nams kyi tshogs kyang stsogs pa dang / mi rtags pa'i mtshan nyid la yang yid ches la/ ye shes kyi tshogs kyang stsogs pa dang / nyan thos dang rang sangs rgyas kyi theg pa la ma chags pa ste/ klu'i bdag po chos brgyad po de dag dang ldan na/ byang chub sems dpa' bdud phyir rgol ba bcom pa yin no// klu'i bdag po chos bcu dang ldan na/ byang chub sems dpa' skrag pa dang / 'jigs pa thams cad dang bral te/ byang chub sems dpa'i spad pa la spyod pa yin te/ bcu gang zhe na/ sbyin pas nye bar brtan pa yin te/ mtshan gyis legs par brgyan pa dang / tshul khrims la gnas pa yin te/ ngan song thams cad yang dag par bcad pa dang / bzod pa'i gocha bgos pa yin te/ dbang po ma nyams pa dang / brtson 'grus brtan pa yin te/ dge ba'i tshogs rnams kyis chog mi shes pa dang / bsam gtan la gnas pa yin te/
- 22a
cang shes kyi sems dang ldan pa dang / shes rab dang ldan pa yin te/ nyon mongs pa dang bral ba dang / thabs la mkhas pa yin te/ kun tu yongs su bsngo ba shes pa la mkhas pa dang / so so yang dag par rig pa thob pa yin te/ don dang chos dang nges pa'i tshig spobs pa la mkhas pa dang / gzungs thob pa yin te/ sems can thams cad kyi the tsom gcod pa la mkhas pa dang / sangs rgyas kyi byin gyis brlabs pa dang / dam pa'i chos yongs su 'dzin pa ste/ klu'i bdag po chos bcu po de dag dang ldan na/ byang chub sems dpa' skrag pa dang / 'jigs pa thams cad dang bral te/ byang chub sems dpa'i spyad pa spyod pa yin no// klu'i bdag po chos brgyad dang ldan na/ byang chub sems dpa' phyir mi ldog pa'i sa la yang dag par gzhol ba yin te/ brgyad gang zhe na/ ji skad smras pa de bzhin du byed pa dang / bdag gi 'khrul pa la yang so sor rtog par byed kyis/ gzhan gyi 'khrul pa la mi rtog pa dang / srog gi phyir yang gzhan dag la snyas par mi byed pa dang / snyed pa dang bkur sti thob pas kyang / mtho bar mi 'dzin la/ ma thob pas kyang dma' bar mi 'dzin pa dang / sems can thams cad yon gnas sems bskyed de/ sbyin pa byin pa dang / bgo ba sha'i ngang tshul can yin te/ chos la slob dpon dpe 'khyud mi byed pa dang / gzhan gyi bden pas dga' ba yin te/ phrag dog dang seng sna dang bral ba dang /
- 22b
sdug pa dang mi sdug pa thams cad yongs su gtong ba la 'gyod pa med pa ste/ klu'i bdag po chos brgyad po de dag dang ldan na/ byang chub sems dpa' phyir mi ldog pa'i chos la yang dag par gzhol ba yin no// klu'i bdag po chos lnga dang ldan na/ byang chub sems dpa' bla na med pa yang dag par rdzogs pa'i byang chub las phyir mi ldog pa yin te/ lnga gang zhe na/ phyi rol tu phyin pa thams cad yongs su rdzogs pa yin te// thabs la mkhas pa dang / chos thams cad ji lta ba la mkhas ma yin te/ chos zab mo'i tshul la gnas pa dang mngon par shes pa ma nyams pa yin te/ sems can thams cad kyi dbang po rig pa'i chog shes pa dang / legs par khong du chud pa shes pa dang / chags pa med par spyod pa dang / zad mi shes pa mngon par sgrubs pas kyang / rten cing 'brel par 'byung ba la dpyod pa byed la/ zag pa thams cad kyang zad par mi byed pa ste/ klu'i bdag po chos lnga po de dag dang ldan na/ byang chub sems dpa' bla na med pa yang dag par rdzogs pa'i byang chub las phyir mi ldog pa yin no// klu'i bdag po chos gsum dang ldan na/ byang chub sems dpa' bzod pa thob pa yin te/ gsum gang zhe na sems can yongs su dag par bya ba'i phyir/ dben pa dang ye shes yongs su dag par bya ba'i phyir chags pa med pa ste/ gsum po de dag go// gzhan yang gsum ste/ sngon gyi mtha' rnam par dog par
- 23a
bya ba'i phyir mi zad pa'i chos nyid dang / phyi ma'i mtha' rnam par dag pa'i phyir/ mi skye ba'i chos nyid dang / da ltar byung ba'i chos rnam par dag par byung ba'i phyir/ logs par gnas pa'i chos nyid de/ gsum po de dag go// klu'i bdag po gzhan yang chos gsum dang ldan na/ byang chub sems dpa' bzod pa thob pa yin te/ gsum gang zhe na/ lus yongs su dag par bya ba'i phyir/ bsod nams kyis nye bar brtan pa dang / ngag yongs su dag par bya ba'i phyir/ ye shes mtha' yas pa dang / sems yongs su dag par bya ba'i phyir/ ting nge 'dzin la dmigs pa ste/ klu'i bdag pe chos gsum po de dag dang ldan na/ byang chub sems dpa' bzod pa thob pa yin no// klu'i bdag po chos bzhi dang ldan na/ byang chub sems dpa' sangs rgyas bcom ldan 'das rnams kyis lung ston pa mdzad de/ bzhi gang zhe na/ chos rnams la lhag pa'i bsam pas bsgrub pa dang / dkar po rnam par mthong bas spyod pa yongs su rdzogs pa dang / sems can gyi bsam pa rnams la ye shes kyi stobs bskyed pa thob pa dang / shin tu med pa'i phyir ro// rang bzhin gyi ma skyos ma byung ba'i chos rnams rab tu shes pa ste/ klu'i bdag po chos bzhi po de dag dang ldan na/ byang chub sems dpa' sangs rgyas bcom ldan 'das
- 23b
rnams kyis lung ston par mdzad do// bstan pa 'di bshad pa na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa khrag khrig bcu gnyis/ bla na med pa yang dag par rdzogs pa'i byang chub tu sems skyes so// byang chub sems dpa' bdun khri nyis stong gis ni mi skye ba'i chos rnams la bzod pa thob po// dge slong khri bzhi stong ni chos rnams la chos kyi mig rdul med cing dri ma dang bral ba rnam par dag go/ dge slong ma brgya stong ni len pa med par zag pa rnams las sems rnam par grol lo// lha'i bu lnga stong gis ni 'dod chags dang bral ba thob po// stong gsum gyi stong chen po'i 'jig rten gyi khams 'di yang de'i tshe rnam pa drug tu g.yos so// 'jig rten yang snang ba chen pos khyab par gyur to// me tog gi char chen po yang phab po/ lha'i bu rnams kyis kyang ngar snang las sil snyan rgya stong dag dkrol te/ ched du brjod pa 'di skad yang ched du brjod de/ a la la de bzhin gshegs pa ni chos kyi 'khor lo gnyis pa bskor ba 'di chos kyi rnam grangs 'di las bskor to// yul bar na ser drang srong sla ba ri dgas kyi nags su/ chos kyi 'khor lo bskor ba gang yin pa dang / rnam grangs 'di las bskor ba gang yin pa 'di ni mtshungs pa'o// de ci'i phyir zhe na/ 'di ltar chos kyis rnam grangs las sems can dpag tu meng grangs med pa'i don mdzad
- 24a
pa'i phyir/ gzhan yang sems can gang chos kyi rnam grangs 'di thos pa de dag ni dge ba'i rtsa ba ngan ngon ma yin pa dang / ldan pa ste/ sems can gang dag thos nas kyang 'chang bar byed pa lta ci smos te/ de dag gis ni mir skyes pa rnyed pa legs par rnyed do// de dag gis ni de bzhin gshegs pa legs par mthong ngo // de dag gis ni chos kyi rnam grangs 'di legs par thos so// chos kyi tshul gyi rnam pa 'di thos nas/ bla na med pa yang dag par rdzogs pa'i byang chub tu sems bskyed pa de dag gi ngan song thams cad ni bkag par gyur to// de dag gi lha dang mir skye ba'i sgo rnams ni phye bar gyur to// de dag ni yongs su mya ngan las 'das zin par rig par bya'o zhes brjod do// de nas bcom ldan 'das kyis lha'i bu de dag la legs so zhes bya ba byin te/ grogs po dag legs so legs so// khyed kyis tshig 'di legs par smras so// mdo sde'i tshig bstan pa 'di lta bu dag la dga' ba thob pa'i sems can gang yin pa de dag ni/ sangs rgyas kyis byin gyis brlabs pa dang / theg pa chen pos 'dul ba yin no// sems can de dag ni sangs rgyas kyi ye shes kyi thugs su chud pa dang / phyir mi ldog pa'i phyag rgyas btab pa yin no// chos kyi rnam grangs 'di la dga' ba gang yin pa'i sems can ni/ de bzhin gshegs pa'i ye shes 'ba' zhig la yang dag par gzhol ba ma gtogs par/ de dag 'gro ba gzhan du 'gro bar
- 24b
mi 'gyur/ gang dag sngags pa thos nas ldan par byed pa dang / de bzhin nyid du bsgrub pa rnams lha ci smos// klu'i rgyal po rgya mtsho'i zhus pa las// gleng bzhi'i le'u ste dang po'o// // de nas klu'i rgyal po rgya mtshos bshad pa 'di thos nas/ tshim zhing mgu la yi rangs te/ rab tu dga' zhing dga' ba dang yid bde ba skyes nas/ rgya mtshos gnas rnam par dag par byed pa'i rin po che bkod pa kun du 'od zer 'byung ba'i 'od can zhes bya ba'i nor bu rin po che chen po// stong gsum gyi stong chen po'i 'jig rten gyi khams ri rab gang yin pa de/ bcom ldan 'das la chos kyi dga' bar phul lo// nor bu rin po che de'i 'od kyis kyang nyi ma dang zla ba gnyis kyi 'od mog mog por byas so// 'khor thams cad kyang ngo mtshar du gyur nas/ bcom ldan 'das la phyag 'tshal zhing tshig 'di skad du/ a la la sangs rgyas 'byung ba ni ngo mtshar che ste/ de byung bas 'di ltar ya mtshan du rung zhing rmad du byung ba'i chos dag kyang snang ngo zhes smos so// de nas klun rgyal po rgya mtshos bcom ldan 'das la mngon par dga' ba byas nas 'di skad ces gsol to// bcom ldan 'das dge ba'i rtsa ba 'dis ni bdag/ sangs rgyas kyi sku'i rin dri ma ma mchis pa thob par gyur cig/ 'od des kyang phyogs bcu'i sangs rgyas kyi zhing thams cad snang bar gyur cig/ sems can gang 'od des phog pa de dag kyang / nyon
- 25a
/ mongs pa thams cad kyis gnod par ma gyur cig/ de bzhin gshegs pa'i smin mtshams kyi mdzod spu ci 'dra ba de lta bu yang bdag gis thob par gyur cig/ byang chub kyi lam shes pa sgrib pa ma mchis pa yang thob par gyur cig/ lam shes pa des kyang sems can lam log pa la zhugs pa rnams yang dag pa'i lam la 'god par gyur cig/ bcom ldan 'das gzhan yang ji ltar na byang chub sems dpa' mun pa mug nag dang bral te/ lam gyi ye shes thob par gyur lags/ de skad ces gsol pa dang / bcom ldan 'das kyi klu'i rgyal po rgya mtsho la 'di skad ces bka' stsal to// klu'i bdag po 'di la byang chub sems dpa' shes rab kyi dbang gis byung ba/ shes rab kyi sgron ma lag na thogs pa/ shes rab kyi shes pa can/ shes rab kyi mtshon cha can/ shes rab kyi 'byed pa de ni shes rab kyi gnas la gnas nas sbyin pa byin par byed/ tshul khrims bsrung bar byed/ brtson 'grus rtsom par byed/ bsam gtan la snyoms par 'jug par byed/ chos rnams lhag par mthong bar byed/ sems can rnams yongs su smin par byed do// klu'i bdag po de la ji ltar na/ byang chub sems dpa' shes rab kyi gnas la gnas pas/ sbyin pa byin par byed ce na/ klu'i bdag po 'di la sbyin pa mnyam pa nyid kyis bdag mnyam pa nyid do// bdag mnyam pa nyid kyis sems can mnyam pa nyid do// sems can mnyam pa nyid kyis chos mnyam
- 25b
pa nyid do// chos mnyam pa nyid kyis byang chub mnyam pa nyid de/ mnyam pa nyid 'di dag kyang mi spong la sbyin pa byin par byed de// sbyin pa de yang nyon mongs pa'i dbang gis sbyin par mi byed do// des de ji lta ji ltar yongs su 'jal ba de kho na bzhin du nyon mongs pa thams cad yongs su gtong bar byed de/ nyon mongs pa thams cad yongasu gtong ba dang / lta ba'i rnam pa thams cad nye bar zhi ba dang / rtsod pa thams cad 'dor ba gang yin pa de ni gtong ba'i mchog yin te/ klu'i bdag po 'di ni byang chub sems dpa' shes rab kyi gnas la gnas pa'i sbyin pa yongs su gtong ba'o// de la byang chub sems dpa' shes rab kyi gnas la gnas pa'i tshul khrims gang zhe na/ lus dang ngag dang / sems dben par mthong ba gang yin pa de ni/ tshul khrims yongs su bsrung ba ste/ lus dang ngag dang sems la yang mi rten/ 'jig rten 'di la ya mi rten/ 'jig rten pha rol la yang mi rten/ nang la yang mi rten/ phyi rol la yang mi rten/ phung po la yang mi rten/ khams la yang mi rten/ skye mched la yang mi rten/ byang chub la yang mi rten/ mya ngan las 'das pa la yang mi rten/ chos thams cad la yang mi rten par tshul khrims bsrung bar byed la/ tshul khrims des kyang rloms sems su mi byed cing / shin tu rloms sems su mi byed pa 'di ni byang chub sems dpa' shes rab kyi gnas la gnas pa'i tshul khrims shes bya'o//
- 26a
de la byang chub sems dpa' shes rab kyi gnas la gnas pa'i bzod pa gang zhe na/ bzod pa gang bsgoms pa/ bdag dang / sems can dang / srog dang / gang zag tu mi dmigs shing / ngar 'dzin pa dang / nga yir 'dzin pa la yang mi gnas pa de ni nang dag pa dang / sems can dag pa dang / chos thams cad dag pas bzod pa bsgom pa yin te/ de ni bzod pa yang bsgom la/ chos gang yang sgom par mi byed/ mi bsgom par yang mi byed/ chos gang yang bskyed pa'i phyir ram/ 'gag pa'i phyir yang bsgom par mi byed/ chos gang yang zad par bya ba'i phyir ram/ nye bar zhi bar bya ba'i phyir yang sgom par mi byed/ sems can bdag med pa dang / sems can dben pas kyang mi skrag mi dngang / dngang bar mi 'gyur la/ bzod pa de yang lus la dmigs pa dang / ngag la dmigs pa dang / sems can la dmigs pas bzod pa mi byed pa dang / de'i lus bshig pa 'am/ yan lag dang nying lag rnams gcod pa dang / rtswa dang shing dang / rtsig pa dang 'dra bar so sor rtog cing bzod pa dang de dag gis ngan du smras pa thos nas/ ngag ya ma brla dang / ngag gsob dang / ngag sog dang / ngag bzung du med pa dang / ngag zhi ba dang / mi gnas par shes nas/ bzod pa dang / de sems rnyog pa med pa dang / sems gsar ba ma yin pa dang / sems rang
- 26b
pa ma yin pa dang / cig la gcig mtshams sbyor ba med pa dang / skad cig gis 'jig pa med par 'gyur bar so sor rtog cing bzod la/ mtshams sbyor ba med par mthong ba 'di ni/ byang chub sems dpa' shes rab kyi gnas la gnas pa'i bzod pa zhes bya'o// de la byang chub sems dpa' shes rab kyi gnas lo gnas pa'i brtson 'grus gang zhe na/ byang chub sems dpa' dge ba'i rtsa ba thams cad rnam par 'phel bar bya ba'i phyir/ brtson 'grus kyang rtsom la/ brtson 'grus rnam par 'phel ba des kyang / chos kyi dbyings rnam par 'phel ba dang / yongs su 'grib pa yang dag par rjes su mi mthong ba gang yin pa dang / des chos thams cad chos kyi dbyings su yang dag par 'du bar rig nas/ chos gang yang bden par yongs su grub par yang dag par rjes su mi mthong la/ mi bden pa phyin ci log la 'jig rten gnas pa yang mthong ba dang / des de ltar shes rab rnam par dag pa'i sgo nas chos thams cad la rnam par lta ba na/ chos rnams 'phel bar yang mi byed/ 'bri bar yang mi byed pa dang / thams cad spungs pa'i rang bzhin ma yin pa dang / yul na mi gnas pa dang / phyogs na mi gnas pa dang / gang nas kyang mi 'ong ba dang / gang du yang mi 'gro bar rab tu shes te/ de de lta bu'i chos dang ldan pas phyin ci log pa yang dag pa ji lta ba bzhin du yongs su shes par bya ba'i phyir/ sems can rnams la chos ston pa'i brtson 'grus rtsom
- 27a
la/ sems can de dag kyang yang dag par mi dmigs te/ sems can mi dmigs pa gang yin pa de nyid/ de'i chos thams cad mi dmigs pa'o// de ci'i phyir zhe na/ sems can la ma gtogs pa'i chos gang yang med la/ chos la ma gtogs pa'i sems can rnams kyang med mod kyi/ 'on kyang chos kyi ngo bo nyid gang yin pa de ni/ bdag gi ngo bo nyid do// bdag gi ngo bo nyid gang yin pa de ni chos thams cad kyi ngo bo nyid do/ chos thams cad kyi ngo bo nyid gang yin pa de ni/ sangs rgyas kyi chos thams cad kyi ngo bo nyid do// ngo bo nyid mnyam pa nyid 'dis sangs rgyas kyi chos thams cad tshol ba gang yin pa dang / btsal nas kyang chos kyang mi dmigs/ chos ma yin pa yang mi dmigs pa dang / tshol na yang gang gis btsal ba dang / gang btsal ba dang / su sa btsal ba de dag thams cad mi dmigs pa 'di ni/ byang chub sems dpa' shes rab kyi gnas la gnas pa'i brtson 'grus shes bya'o// de la byang chub sems dpa' shes rab kyi gnas la gnas pa'i bsam gtan gang zhe na/ bsam gtan la yang snyoms par 'jug la/ mnyam pa nyid las kyang nyams par yang mi 'gyur/ phun sum tshogs par yang mi 'gyur ba gang yin pa dang / de bsam gtan rnams kyang bsam gtan du byed la/ chos gang yang bskyed par yang mi byed/ 'bri bar yang mi byed pa dang / yul thams cad la yang mi rten par
- 27b
bsam gtan byed la/ thams cad dang mthun pa dang mi mthun pa med par bsam gtan byed pa dang / lus dang sems kyis kyang bsam gtan gyi yan lag dang / bsam gtan gyis bsam pa dang / bsam gtan gyi sbyor ba de dag mngon par sgrub par mi byed pa dang / de snyoms par 'jug pa ci nas de bzhin nyid dang / yang dag pa'i mtha' dang chos kyi dbyings kyis snyoms par 'jug pa de lta bus snyoms par 'jug pa dang / de sems can thams cad mi nyams pa nyid dang / chos thams cad la sgro mi 'dogs pas snyoms par 'jug ste/ de de ltar ting nge 'dzin sgoms pa'i sbyor ba la brtson pa na/ nang dang phyi rol gyi lus dang / sems la yang mi gnas la/ phyi rol gyi yul la yang sems mi gnas pa 'di ni/ mi gnas pa'i rnam par shes pa ste/ dmigs pa can gyi rang bzhin gyis snyoms par 'jug pa thams cad zil gyis gnon la/ phyi rol gyi drang srong mngon par shes pa lnga dang ldan pa rnams dang / nyan thos dang / rang sangs rgyas thams cad dang / bsam gtan dang / bsam gtan la snyoms par 'jug pa thams cad kyang zil gyis gnon to// de'i dge ba'i rtsa ba rnams dang / bsam gtan de dag kyang shes rab kyi shas che ba dang / lta ba'i nyon mongs pa dang bral ba yin la/ byang chub tu yongs su bsngos pa yang yin pa dang / sems can yongs su smin par byed pa yang sgrub pa yin te/ de lta bas na de bzhin gshegs pa ni snyoms par 'jug pa gcig gis yongs su mya ngan las 'da' ba'i bar du thug par mdzad de/ 'di ni/
- 28a
byang chub sems dpa' shes rab kyi gnas la gnas pa'i bsam gtan yin no// de la byang chub sems dpa' shes rab kyi gnas la gnas pa'i chos lhag par mthong ba gang zhe na/ des chos gang lhag par mthong ba de dag shes rab kyi mig kho nas lhag par mthong gi/ sha'i mig dang / lha'i mig gis chos de dag lhag par mthong ba ma yin no// de dag zhi ba kho nar lhag par mthong gi/ ma zhi bar lhag par mthong ba la yin no// de bzhin du chos rnams rgyu ba med pa dang / gnas pa med pa dang / dben pa dang yongs su grub med par lhag par mthong ngo // de ltar mthong ba gang yin pa de ni/ chos thams cad lhag par mthong ba'o// des chos thams cad lhag par mthong ba na/ gal te chos 'ga' zhig mthong na ni/ lhag mthong ma yin te/ de ci'i phyir zhe na/ chos mthong bas ni lhag mthong skyes pa ma yin la/ shes pa la ni mi shes pa yin pa'i phyir ro// ma mthong ba ni chos lhag par mthong ba yin la/ bdag mi mthong ba dang / sems can ma mthong ba dang / srog dang / gso ba dang / skyes bu dang / gang zag ma mthong ba ni/ chos lhag par mthong ba yin te/ de ltar na byang chub sems dpas ni chos de dag kyang ji lta ba bzhin du mthong la/ sems can rnams kyang phyin ci log tu gyur pa mthong nas/ de'i tshe byang chub sems dpa' de/ kye ma chos 'di dag ni 'di ltar dag na/ sems can 'di dag ni kun nas nyon
- 28b
mongs so snyams nas/ sems can rnams ches brtan par snying rje chen po skye'o// de bas na de sems can rnams rab tu grol bar bya ba'i phyir/ snying brtse ba chen po bskyed do// sems can de dag kyang rtag tu sems can med pa kho na te/ 'di ni byang chub sems dpa' shes rab kyi gnas kyi gnas pa'i chos lhag par mthong ba'o// de la byang chub sems dpa' shes rab kyi gnas la gnas pa'i/ sems can yongs su smin par bya ba gang zhe na/ klu'i bdag po 'di la byang chub sems dpa' ni sems can med pa'i phyir/ sems can yongs su smin par byed do// sems can la sems can med pa dang / sems can dben pa dang / sems can rang bzhin gyis sems can brjod pa tsam du zad pa dang / sems can du gdags pa tsam du zad pa dang / sems can stong pa dang / sems can mtshan ma med pa dang // sems can smon pa med pa dang / sems can mngon par 'du byed pa med pa dang / sems can ji lta ba bzhin ma yin pa dang / sems can ma skyes pa dang / sems can ma byung ba dang / sems can rnam par dag pa'i phyir/ sems can yongs su smin par byed de/ de yang bdag gzhig pa'i phyir ma yin gyi/ sems can gzhig pa'i phyir ma yin/ srog dang / gso ba dang / skyes bu dang / gang zag gzhig pa'i phyir ma yin/ dngos po gzhig pa'i phyir ma yin/ rdzas gzhig pa'i/
- 29a
phyir ma yin gyi/ klu'i bdag po sems can de dag gi ngo bo nyid ji lta ba de kho na bzhin du yongs su smin par byed do// sems can rnams kyi ngo bo nyid ji lta bu zhe na/ 'di lta ste/ rang bzhin gyi bdag med pa'i ngo bo nyid/ ngo bo nyid med pa ni/ sems can rnams kyi ngo bo nyid gang yin pa'i ngo bo nyid de nyid ni chos thams cad kyi ngo bo nyid do// chos thams cad kyi ngo bo nyid gang yin pa de nyid ni/ sangs rgyas kyi chos thams cad kyi ngo bo nyid de/ de bas na thams cad ni sangs rgyas kyi chos zhes bya'o// klu'i bdag po chos thams cad ces bya ba ni ming tsam du zad de/ ming de yang ming du mi dmigs so// klu'i bdag po chos thams cad ces bya ba bstan pa ni/ chos ma yin pa bstan pa yin no// de ci'i phyir zhe na/ ji tsam du chos tha snyad du byed pa de tsam du chos ma yin pa'i phyir ro// de la chos gang brjod pa de dag thams cad ni chos ma yin pa kho na'o// klu'i bdag po chos nyid dang / chos kyi dbyings ni rang bzhin gyis brjod pa 'am/ smra bar nus te/ 'di ltar chos kyi dbyings kyi rang bzhin brjod du med pa dang / chos thams cad chos kyi dbyings kyi rang bzhin can yin no// de lta bas na chos thams cad brjod par mi nus// klu'i bdag po sangs rgyas kyi chos 'di dag ni/ rnam grangs 'di dang / tshul 'di bstan mod kyi 'on kyang sangs rgyas kyi chos de dag ni sgra'i rnam par rig par bya ba ma yin no//
- 29b
klu'i bdag po sangs rgyas kyi chos rnams ni/ 'dus byas dang 'dus ma byas kyi chos rnams kyis/ rnam par rig par bya ba ma yin/ gdags par bya ba ma yin no// de ci'i phyir zhe na/ klu'i bdag po 'dus byas dang 'dus ma byas la ma gtogs par/ gang gAzhan du bgrang du rung ba'i chos ci yang med do// gsol pa/ bcom ldan 'das 'o na sangs rgyas kyi chos rnams 'dus ma bgyis po lags sam/ de bzhin gshegs pa yang de lta bu lags sam/ bcom ldan 'das kyis bka' stsal pa/ klu'i bdag po de de bzhin no// de de bzhin te/ sangs rgyas kyi chos rnams kyang 'dus ma byas pa'o// de bzhin gshegs pa yang 'dus ma byas she bya'o// klu'i bdag po de la ji snyam du sems 'dus ma byas la gdags pa ci yang yod dam// gsol pa/ bcom ldan 'das de ni ma lags so// bcom ldan 'das kyis bka' stsal pa/ klu'i bdag po rnam grangs 'dis kyang khyod kyis ji ltar sangs rgyas kyi chos rnams/ rnam par rig par bya ba ma yin pa dang / gdags par bya ba ma yin pa de ltar rig par bya'o// sangs rgyas kyi chos rnams ji lta bzhin du/ chos thams cad kyang de dang 'dra'o// klu'i bdag po sems can rnams la de bzhin gshegs pa'i thugs rje chen po ji tsam du bstan pa la ltos/ 'di ltar rnam par rig par bya ba ma yin pa dang / gdags par bya ba ma yin pa'i chos rnams ming dang
- 30a
brdas 'dogs par mdzad de/ chos 'di dag ni zag pa dang bcas pa'o// chos 'di dag ni zag pa med pa'o// de bzhin du 'jig rten pa rnams dang / 'jig rten las 'das pa rnams dang / kha na ma tho ba dang bcas pa rnams dang / kha na ma tho ba med pa rnams dang / 'dus byas rnams dang / 'dus ma byas rnams dang / kun nas nyon mongs pa'i phyogs dang mthun pa rnams dang / rnam par byang ba'i phyogs dang mthun pa rnams dang / bsten par bya ba rnams dang / yongs su spang bar bya ba rnams dang / gdags par bya ba rnams dang / gzhig par bya ba rnams dang / so so skye bo'i chos rnams dang / slob pa'i chos rnams dang / mi slob pa'i chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams 'dogs par mdzad de/ klu'i bdag po de ltar na de bzhin gshegs pa ni de ltar chos rnam par gzhig pa bstan pa yang ston par mdzad la/ chos gang la yang mtshan mar yang dag par rjes su mi gzigs so// klu'i bdag po dper na mi la la zhig skyes la des nam mkha'i khams gzugs med cing bstan du med pa 'di la tshon rtsi thams cad kyis ri mor bris te/ lha'i gzugs rnams kyang der bstan/ mi'i gzugs rnams dang / rta dang glang po che dang shing rta dang / dpung bu chung dang / gzhog pa rnams kyang der
- 30b
bstan na/ klu'i bdag po 'di ji snyam du sems/ ci mi de dka' ba byed pa yin nam/ gsol pa/ bcom ldan 'das dka' ba bgyid pa lags so// bde bar gshegs pa dka' ba bgyid lags so// bcom ldan 'das kyis bka' stsal pa/ klu'i bdag po de bas na gang gzugs med cing bstan du med pa/ gzung du med pa yi ge med pa/ brjod du med pa'i chos 'di sems can gzhan rnams dang / gang zag gzhan rnams la brda' sprad cing / yi ge rnams kyis mtshon te/ thabs sna tshogs kyis go bar byas pa ste/ de bzhin gshegs pas ches dka' ba mdzad pa yin no// klu'i bdag po de bas kyang / gang dag 'di ltar bstan pa'i chos 'di dag la mos par 'gyur ba'am/ 'jug par 'gyur ba de dag ni ches ngo mtshar che ba byed pa yin no// klu'i bdag po gzhan yang zab mo'i tshul 'di la 'jug pa'i sems can gang yin pa de dag ni// sngon gyi de bzhin gshegs pa la yongs su sbyang ba byas pa yin te/ de dag la ni bdud sdig can gyis kyang glags mi rnyed do// klu'i bdag po ngas mngon par shes pa 'das pa'i dus na sangs rgyas bcom ldan 'das tshad med pa ngas mnyes par byas te/ mchod pa yang byas/ de dag gi bstan pa la yang rab tu byung ste/ tshangs par spyod pa yang spyad/ 'on kyang de bzhin gshegs pa de dag gis nga la 'di ltar zab cing 'di ltar rgyu ba chad pa'i chos ma bstan te/ gzhan du sbyor ba'i gtam nyi tshe dang / sbyin pa dang / dul ba dang / leg
- 31a
/ par sdom pa dang / nges pa'i gtam nyi tshe dang / tshul khrims dang thos pa dang / gtong ba dang / bzod pa dang / brtson 'grus dang / bag yod pa'i gtam nyi tshe dang / tshangs par spyad pa dang sbyangs pa'i yon tan dang / yo byad bsnyungs pa'i gtam nyi tshe bstan to// de ci'i phyir zhe na/ 'di ltar yod su sbyang ba ma byas pa'i phyir ro// klu'i bdag po gang tshang yongs su sbyong bar byas par gyur pa de'i tshe ni/ ngas de bzhin gshegs pa mer me mdzad chen po las zab mo'i chos kyi tshul 'di thos so// thos nas kyang nga mthun pa'i chos rnams la bzod pa skyes so// klu'i bdag po de lta bas na rnam grangs 'dis kyang khyod kyi 'di ltar zab cing nga bo snyam pa'i nga rgyal las rnam par grol ba/ yongs su rtog pa byas pa/ rgyu dang rkyen las byung ba/ sems can dang / srog dang / gso ba dang / gang zag tu rtog pa med pa'i chos rnams la mos pa dang / dad pa dang / 'dzin pa dang / gzhan dag la yang brda' sprod par byed pa'i sems can de dag ji ltar sngon gyi de bzhin gshegs pa rnams la yongs su sbyang ba byas pa yin pa dang / de dag la ni bsod nams kyang mang du 'phel bar 'gyur ba de ltar rig par bya'o// klu'i bdag po byang chub sems dpa'/ sems can rnams kyi phan pa dang / bde ba'i don la zhugs pa gang gis/ stong gsum gyi stong chen po'i 'jig rten gyi khams na sems can lha rnams dang / mi
- 31b
rnams kyi bde ba'i yo byad ji snyed yod pa'i bde ba'i yo byad de snyed/ sems can re re la byin na/ klu'i bdag po 'di ji snyam du sems/ ci byang chub sems dpa' des sems can de dag la bde ba'i yo byad mang po byin pa yin nam/ gsol pa/ bcom ldan 'das mang lags so// bde bar gshegs pa meng lags so// bcom ldan 'das kyis bka' stsal pa/ klu'i bdag po byang chub sems dpa' sems can de dag la bde ba'i yo byad de snyed byin pa gang yin pa dang / de dag la mi rtag pa dang ldan pa tshig gcig tsam bstan tam/ sdug bsngal ba dang ldan pa 'am/ bdag med pa dang ldan pa 'am/ zhi ba dang ldan pa 'am/ stong pa nyid dang ldan pa 'am/ mtshan ma med pa dang ldan pa 'am/ smon pa med pa dang ldan pa 'am/ sems can med pa dang / gso ba med pa dang / gang zag med pa dang ldan pa 'am/ ma skyes ma byung ba dang ldan pa'i tshig cig tsam bstan na/ de nyid de bas bde ba'i yo byad de bas ches mang du byin pa yin te/ bsod nams kyang ches mang du 'phel bar 'gyur ro// de ci'i phyir zhe na/ klu'i bdag po 'dus byas kyi yo byad thams cad ni sems can gyi sngon myong zin gyi/ 'dus ma byas kyi bde ba'i yo byad ni/ sems can rnams kyis sngon ma myong ba'i phyir ro// klu'i bdag po de la 'di ltar zab mo'i
- 32a
chos 'di dag thos pa gang yin pa 'di ni/ 'dus ma byas kyi bde ba'i yo byad 'dren pa yin te/ de bas na klu'i bdag po byang chub sems dpa' bdag gi don yongs su rdzogs par byed 'dod pa rnams kyis kyang chos zab mo rnams la brtson par bya'o// klu'i bdag po byang chub sems dpa' 'khor gyi nang du 'ongs la/ 'khor gyi nang du 'dag nas/ zab mo'i gtam gyi bar chad de gtam sna tshogs gleng ba gang yin pa de ni dam pa'i chos nub par brtson pa yin no// de ci'i phyir zhe na/ 'dzam bu gling 'dir ji srid du zab mo'i chos grags pa de srid du dam pa'i chos nub par mi 'gyur ba'i phyir ro// klu'i bdag po gzhan yang mi chos 'dod de/ chos mnyan pa ni nyung la/ mi ma yin pa'i chos nyan pa ni mang ste/ der dam pa'i chos smra ba po gang gis zab mo'i gtam ni 'chab par byed la/ gtam sna tshogs ni gleng bar byed na/ der zab mo la mos pa'i lha rnams yid ma rangs par gyur te/ 'di skad du rigs kyi bu 'di ni gang kho na la 'jig rten pa nyon mongs pa spyod pa de nyid kyi 'jig rten pa'i gtam gleng zhing 'dug te/ kye re ngan/ 'di na sangs rgyas kyi gsung mi grag go zhes tshig ngan pa thos nas/ de dag 'khor de dag la mi dga' ste/ 'dong bar byed do// / smon lam gyi le'u ste gnyis pa'o// // de nas bcom ldan 'das la klu'i rgyal po rgya
- 32b
mtshos 'di skad ces gsol to// bcom ldan 'das ci 'jig rten pa'i sbyin pa dang / dul ba dang legs par sdom pa dang / nges pa'i gtam dang / rab tu byung ba dang / nges par 'byung ba'i gtam dang / tshangs par spyod pa dang / tshul khrims dang / thos pa dang / bag yod pa dang / sbyangs pa'i yon tan dang / yo byad bsrung pa'i gtam sangs rgyas kyi gsung ma lags sam/ bcom ldan 'das kyis bka' stsal pa/ klu'i bdag po chos gang sangs rgyas bcom ldan 'das rnams 'byung bar 'gyur ba dang / 'gog par 'gyur ba'i phyir skye ba ma yin pa khams gsum na spyod pa'i nges par 'byung bar 'gyur ba ma yin pa de dag thams cad ni/ 'jig rten pa'i yin gyi de dag ni sangs rgyas kyi gsung ma yin no// de dag kyang gang zhe na 'di lta ste/ bsam gtam bzhi dang tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dge ba bcu'i las kyi lam dang / 'jig rten pa'i sbyin pa dang / tshul khrims dang / bzod pa dang / brtson 'grus dang / bsam gtan dang shes rab shes pa dang / yi ge dang grangs dang / bgrang ba dang / lag rtsis shes pa dang / kun 'byung ba kun shes pa dang / sngags dang / sman dang / gso ba shes pa dang / las dang gzo'i gnas shes pa dang / mtshan ma dang bcas pa dang / tshad du bya ba dang bcas pa dang / zang zing
- 33a
dang bcas pa dang / rgyu ba dang bcas pa dang / rdzas dang bcas pa shes pa dang / 'jig rten pa dang / khams gsum na spyod pa gang yin pa de dag ni sangs rgyas kyi gsung ma yin no// klu'i bdag po sangs rgyas bcom ldan 'das rnams 'byung bar 'gyur ba'i chos sngon ma thos pa las thos pa gang ngag yin pa 'di lta ste/ mi rtag pa'i don dang / sdug bsngal ba'i don dang / bdag med pa'i don dang / zhi ba'i don dang / sdug bsngal yongs su shes pa'i don dang // kun 'byung ba spangs pa'i don dang / 'gog pa mngon sum du bya ba'i don dang / lam bsgom pa'i don dang / stong pa nyid bsgom pa'i don dang / mtshan ma med pas nges par sgrol ba'i don dang / smon pa med pas nges par 'byung ba'i don dang / ma skyes pa dang / ma byung ba'i don dang / dran nye bar gzhag pa dang / yang dag pa'i spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam dang zhi gnas dang / lhag mthong gi don dang / ji lta ba bzhin du rang bzhin gyis ma skyes pa'i don dang / phung po dang khams dang skye mched dang dben pa'i don dang / chos gang rjes su rtogs nas chos rnams dang chos ma yin pa rnams gnyis su mi 'byed pa dang / chos thams cad kyang gtan du mngon par mi grub par rab tu shes pa dang / skye ba med pa dang / chad pa med pa dang / rtag pa med pa dang / rten mngon par 'du byed pa med pa dang /
- 33b
cing 'brel par 'byung ba thob pa rnams dang / rang bzhin gyis 'dod chags dang bral ba thob pa rnams dang / de ltar 'dus ma byas pa'i chos mthong bas/ yang dag par nges par 'jug la/ chos rnams kyi nges pa la yang mi rtog/ rtog pa dang / rnam par rtog pa dang / yongs su rtog pa thams cad dang yang bral ba dang / phri ba yang med bsnan pa yang med pa dang / mun pa yang med snang ba yang med pa dang / nam mkha'i ngo bo nyid dang / mnyam pa nyid thob pa dang / rang bzhin gyi mtshan nyid dang / mnyam pa'i mtshan nyid dang / mtshan nyid med pa dang / mtshan nyid med pa ma yin pa dang / mtshan nyid med par mtshan nyid gcig pa dang / 'du shes thams cad dang bral ba dang / rig pa med pa dang / tshor ba thams cad rgyu bcad pa dang / phyin ci log mnyam pa nyid du mthong ba ni tha snyad kyi sgo nas 'bras bu thob pa zhes bya ste/ don dam par ni ma yin pa dang / des ci yang thob pa med pa ma thob pa yang med pa dang / blangs pa med/ bor ba yang med pa ste/ klu'i bdag po de ltar na nges par 'byung ba'i chos gang dag yin pa rnams ston cing 'chad pa gang gis/ nyan thos rnams kyis nyan thos kyi shes pa thob pa dang / rang sangs rgyas rnams kyis rang sangs rgyas rnams kyi shes pa thob pa dang / byang chub sems dpa' rnams kyis mi skye ba'i chos rnams la bzod pa thob pa dang / de bzhin gshegs pa rnams kyis bla na med pa yang dag par rdzogs pa'i byang chub mngon par rdzogs par 'tshang
- 34a
rgya bar 'gyur ba 'di ni sangs rgyas kyi gsung zhes bya'o// de yang kun rdzob kyi gzhi'i gnas la rten pa yin gyi/ don dam par ni ji ltar yang / sangs rgyas kyi gsung tha snyad du gdags par mi nus te/ sangs rgyas kyi gsung ni tshig med pa'o// sangs rgyas kyi gsung ni ngag med pa/ sgra med pa/ tshig gi lam med pa/ brjod du med pa/ rnam par rig par byed pa med pa/ gdags pa med pa/ ming med pa/ mtshan ma med pa/ bye brag phyed pa med pa/ rnam par shes pa med pa/ bsam gyis mi khyab pa la 'jug pa ste/ rab tu dbye ba dang / brda' sprad pa dang / nye bar bstan par mi nus so// klu'i bdag po sangs rgyas kyi gsung ni de lta bu yin no// de ci'i phyir zhe na/ klu'i bdag po nga ni yi ge 'dod pa'i sems can rnams la chos mi ston med kyi/ 'on kyang yi ge yongs su shes par bya ba'i chos ston ste/ de bas na sangs rgyas kyi gsung ni yi ge med pa'o// klu'i bdag po nga ni brjod pa 'dod pa la chos mi ston mod kyi/ 'on kyang brjod pa thams cad gsal ba'i phyir chos ston te/ de bas na sangs rgyas kyi gsung ni brjod du med pa'o// klu'i bdag po nga ni rnam par rig par byed pa la/ mngon par zhen par bya ba'i phyir chos mi ston mod kyi/ 'on kyang rnam par rig par byed pa dang / yongs su rtog pa thams cad nye bar zhi bar bya ba'i phyir chos ston te/ de lta bas na sangs rgyas kyi gsung ni rnam par rig par byed pa ma yin no// klu'i bdag po nga ni chos gsung bar bya ba'i
- 34b
phyir dang / chos la mngon par zhen par bya ba'i phyir dang / chos spros par bya ba'i phyir dang / chos yongs su rtag par bya ba'i phyir dang / chos bskyed par bya ba'i phyir dang / chos 'gag par bya ba'i phyir dang / chos rnam par 'jig par bya ba'i phyir dang / chos gnas par bya ba'i phyir dang / chos dmigs par bya ba'i phyir dang / chos rloms sems su bya ba'i phyir dang / chos kyi ngo bo nyid kyi phyir dang / chos rtag par bya ba'i phyir dang / chos mtshan mar bya ba'i phyir dang / chos la sgrib par bya ba'i phyir dang / chos chad par bya ba'i phyir mi ston to// klu'i bdag po nga ni chos gang yang spangs par bya ba'am/ 'gag par bya ba'i phyir chos mi ston mod kyi/ 'on kyang nga ni chos thams cad rang bzhin gyis sgro btags pa med pa'i chos ston to// klu'i bdag po de lta bas na chos thams cad rang bzhin gyis sgro btags pa med pa gang yin pa 'di ni/ sangs rgyas kyi gsung zhes bya'o// ci'i phyir de la sangs rgyas kyi gsung zhes bya zhe na/ tshig thams cad kyi tshul ston pa ni sangs rgyas yin te/ des na sangs rgyas kyi gsung zhes bya'o// tshig thams cad kyi sngon gyi mtha' dang / phyi ma'i mtha' yongs su spyod pa ni sangs rgyas yin te/ des na sangs rgyas kyi gsung zhes bya'o// tshig thams cad ldems por dgongs pa ston pa ni/ sangs rgyas yin te/ des na sangs rgyas kyi gsung zhes bya'o// tshig thams cad kyi lan mkhyen pa ni sangs rgyas yin
- 35a
te/ des na sangs rgyas zhes bya'o// tshig thams cad kyi rgyu dang dmigs pa dang / tha smad khong du chud pa ni sangs rgyas yin te/ des na sangs rgyas kyi gsung zhes bya'o// tshig thams cad brag cha dang 'dra bar yang dag par gzhol bar mkhyen pa ni/ sangs rgyas yin te/ des na sangs rgyas kyi gsung zhes bya'o// klu'i bdag po gzhan yang yi ge ci yang rung ba dang / tshig ci yang rung ba de dag ni sangs rgyas kyi gsung ma yin pa med do// de ci'i phyir zhe na/ yi ge de dag nyid ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsung ba dang / gsung ba dang / gsung bar 'gyur ba'i phyir ro// de lta bas na yi ge thams cad dang / tshig thams cad ni sangs rgyas kyi gsung yin te/ de lta bu'i tshig gi don de la 'jug pa gang yin pa 'di ni byang chub sems dpa'i don so so yang dag par rig pa zhes bya'o// yi ge thams cad dang tshig thams cad ni sangs rgyas kyi gsung yin te/ de la chos kyi dbyings dbyer med cing ro gcig par shes pa gang yin pa 'di ni/ byang chub sems dpa' chos so so yang bar rig pa zhes bya'o// yi ge thams cad dang tshig thams cad ni sangs rgyas kyi gsung yin te/ de la ci rig par chos la dpyod pa shes pa gang yin pa 'di ni/ byang chub sems dpa' nges pa'i tshig so so yang dag par rig pa zhes bya'o// yi ge thams cad dang tshig thams cad ni sangs rgyas kyi gsung yin te/ de la ci rigs gnas
- 35b
las chags pa med pa ston pa shes pa gang yin pa 'di ni/ byang chub sems dpa'i spobs pa so so yang dag par rig pa zhes bya'o// klu'i bdag po de ltar na so so yang / dag par rig pa bzhis ma bsdus pa'i chos gang yang med la/ so so yang dag par rig pa thob pa'i byang chub sems dpa' yi ge ci yang rung ba de dang / tshig ci yang rung ba de dang / nges pa'i tshig ci yang rung ba gang yin pa de ni sangs rgyas kyi gsung yin no zhes bya ba la 'jug ste/ des na de ni chags pa med cing thogs pa med par bskal pa stong gi bar du yang ston cing 'chad de thogs pa yang med do/ de ci'i phyir zhe na/ klu'i bdag po 'di ni mi zad pa'i za ma tog ces bya ba'i gzungs yin te/ gzungs de thob pa'i byang chub sems dpa' ni/ tshig dang yi ge mi zad pa'i mos pa'i tshig legs par byas pa rnams dang / sngon gyi mtha' dang / phyi ma'i mtha'i phan tshun gyi nyes pa spangs pa rnams dang / thogs pa med pa rnams dang / 'thad pa rnams dang / kun rdzob kyi bden pas brgyas pa rnams dang / don dam pa dang ldan pa rnams dang / rten rnam par dag pa rnams dang / drang ba'i don dang / nges pa'i don mnyam par rtog pa rnams dang / kun nas nyon mongs pa dang rnams par byang ba'i gzhi ji lta ba bzhin du bstan pa rnams dang / sems can thams cad kyi spyod lam 'jug pa rtogs pa'i bstan pa 'chang rnams dang / dbang po brgyad khri bzhi stong rkyen ji lta ba bzhin du/
- 36a
rab tu rnam par 'byed pa rnams dang / yi ge rnams kyis kyang chos de dag gleng bar byed la/ 'on kyang de'i yi ge zad pa'am/ chos brjod pa zad pa 'am/ dper bya ba bkod par zad pa 'am/ dus bstan pa zad pa 'am/ rgyu dang 'bras bu bstan pa zad pa 'am/ tshod dang / gnas dang / mtshams zad pa 'am/ sems kyi 'jug pa zad pa 'am/ a zhes bya ba'i sgo'i tshig zad pa 'am/ a zhes bya ba'i mtshams sbyor ba zad pa 'am/ de bzhin du sbyar te/ pa zhes bya ba zad pa nas/ la zhes bya ba'i bar du zad pa 'am/ rnam par byang ba rnam par gzhag pa'i bar du zad pa 'am/ chos kyi nges pa'i tshig gi gtam zad pa 'am/ sna tshogs dang zab me'i gtam zad pa 'am/ snrel gzhi'i rgyud ston pa'i gtam zad pa 'am/ spyi'u tshugs dang mthun pa'i gtam zad pa 'am/ mthun pa dang mi mthun pa'i gtam zad pa 'am/ nges pa'i tshig med pa'i gtam zad pa 'am/ sangs rgyas dang chos dang dge 'dun gyi yon tan bsngags pa brjod pa zad pa 'am/ bden pa bstan pa'i gtam zad pa 'am/ byang chub kyi phyogs kyi chos bstan pa'i gtam zad pa 'am/ lam gyi rnam par smin pa'i gtam zad pa 'am/ pha rol tu phyin pa bstan pa'i gtam zad pa med do// klu'i bdag po de ltar na yi ge thams cad bstan pa la zad pa med pa gang yin pa 'di ni/ mi zad pa'i za ma tog ces bya ba'i gzungs shes so// klu'i bdag po mi zad pa'i za ma tog gi gzungs 'di ni mi zad pa nyid
- 36b
bzhis rtogs par bya ste/ bzhi gang zhe na/ so so yang dag par rig pa mi zad pa nyid dang / ye shes mi zad pa nyid dang / shes rab mi zad pa nyid dang / gzungs kyi slob pa mi zad pa nyid de/ bzhi po de dag go// klu'i bdag po mi zad pa'i za ma tog gi gzungs ni/ gting dpag dka' ba bzhis rtogs par bya ste/ bzhi gang zhe na/ bsam pa'i gting dpag dka' ba dang / blo gting dpag dka' ba dang / chos la 'jug pa gting dpag dka' ba dang / sems can gyi spyod pa la 'jug pa gting dpag dka' ba ste/ bzhi po de dag go// klu'i bdag po bzhi po 'di dag ni mi zad pa'i za ma tog gi gzungs kyi snying po dang / yi ge yin par rtog par bya ste/ bzhi gang zhe na/ shes rab kyi snying por byed pa dang / bsgrub pa la snying por byed pa dang / bzod pa gnas pa snying por byed pa dang / brtsams pa la gnas pa nyams 'og tu chud par byed pa snying por byed pa ste/ bzhi po de dag go// klu'i bdag po bzhi po 'di dag ni/ mi zad pa'i za ma tog gi gzungs kyi nges par 'byed pa ste/ bzhi gang zhe na/ bden pa nges par 'byed po dang / rten cing 'brel par 'byung ba nges par 'byed pa dang / sems can thams cad kyi spyod pa nges par 'byed pa dang / theg pa thams cad nges par 'byed pa ste/ bzhi po de dag go/ klu'i bdag po bzhi po 'di dag ni/ mi zad pa'i za ma togs gi gzungs kyi snang ba yin te/ bzhi gang zhe na 'di lta ste/ sems can thams cad kyi snang ba dang / shes
- 37a
rab kyi snang ba dang / shes rab kyi mig gi snang ba dang / so so ci rig par chos ston pa'i snang ba ste/ bzhi po de dag go// klu'i bdag po 'di dag ni mi zad pa'i za ma tog gi gzungs kyi brtun pa yin te/ bzhi gang zhe na/ brtson 'grus brtan pa dang / tshul khrims brtan pa dang / bsod nams kyi tshogs yongs su tshol ba brtun pa dang / ye shes kyi tshogs yongs su tshol ba brtun pa ste/ bzhi po de dag go/ klu'i bdag po bzhi po 'di dag ni mi zad pa'i za ma tog gi gzungs kyi yongs su tshol ba mthar thug pa med pa ste/ bzhi gang zhe na/ pha rol tu phyin pa yongs su tshol ba mthar phyin pa med pa dang / 'khor bas yongs su mi skyo ba tshol ba mthar phyin pa med pa dang / sems can yongs su smin par bya ba yongs su tshol ba mthar phyin pa med pa dang / thams cad mkhyen pa'i ye shes yongs su tshol ba mthar phyin pa med pa ste/ bzhi po de dag go// klu'i bdag po bzhi po 'di dag ni mi zad pa'i za ma tog gi gzungs la chog mi shes pa ste/ bzhi gang zhe na/ sangs rgyas bcom ldan 'das rnams las mngon sum du chos mnyan pas chog mi shes pa dang / sems can rnams la chos bstan pa chog mi shes pa dang / dge ba'i rtsa ba yod su tshol ba chog mi shes pa dang / de bzhin gshegs pa la mchod pa dang bkur sti bya ba chog mi shes pa ste/ bzhi po de dag go// klu'i bdag po bzhi po 'di dag ni mi
- 37b
zad pa'i za ma rtog gi gzungs la tshugs par dka' ba yin te/ bzhi gang zhe na 'di lta ste/ nyon mongs pa thams cad kyis tshugs par dka' ba dang / bdud thams cad kyis tshugs par dka' ba dang / phas kyi rgol ba thams cad kyis tshugs par dka' ba dang / gzhan gyis byas pa thams cad kyis tshugs par dka' ba ste/ bzhi po de dag go/ klu'i bdag po bzhi po 'di dag ni mi zad pa'i za ma tog gi gzungs kyi ma 'dres pa ste/ bzhi gang zhe na/ nyan thos dang rang sangs rgyas rnams dang ma 'dres pa dang / rnyed pa dang bkur sti dang tshigs su bcad pa thams cad kyis ma 'dres pa dang / bag chags kyis mtshams sbyor ba thams cad dang ma 'dres pa dang / so so skye bo'i nyes pa thams cad dang ma 'dres pa ste/ bzhi po de dag ni ma 'dres pa yin no// klu'i bdag po bzhi po 'di dag ni mi zad pa'i za ma tog gi gzungs la slad du med pa ste/ bzhi gang zhe na/ skye ba slad du med pa dang / tshul khrims 'chal ba'i sems can yongs su smin par bya ba smad du med pa dang / chos bstan pa'i bre mo gtam gcig pu la smad du med pa dang / theg pa chen pos sgrol ba'i phyir dge slong spong ba po slad du med pa ste/ bzhi po de dag ni smad du med pa yin no// klu'i bdag po bzhi po 'di dag ni/ mi zad pa'i za ma tog gi gzungs/ kyi stobs yin te/ bzhi gang zhe na/ sems can thams cad kyi nyes par byas pa bzod pa'i phyir/ bzod pa'i stobs dang / sems can thams cad kyi som nyi gcod pa'i
- 38a
phyir ye shes kyi stobs dang / sems can thams cad kyi sems dang spyod pa yongs su shes pa'i phyir/ mngon par shes pa'i stobs dang / so so yang dag par chos ston pa'i phyir/ thabs kyi stobs te/ bzhi po de dag ni stobs yin no// klu'i bdag po bzhi po 'di dag ni mi zad pa'i za ma tog gi gzung kyi gter chen po mi zad pa yin te/ bzhi gang zhe na/ 'di lta ste/ dkon mchog gsum gyi gdung mi 'chad pa'i gtor chen po mi zad pa dang / chos rtogs pa tshad med pa'i gter chen po mi zad pa dang / sems can thams cad mgu bar bya ba'i gter chen po mi zad pa dang / nam mkha' mnyam pa'i ye shes kyi gter chen po mi zad pa ste/ bzhi po de dag ni gter chen po mi zad pa yin no// klu'i bdag po bzhi po 'di dag ni mi zad pa'i za ma tog gi gzungs kyi tshad med pa nyid de/ bzhi gang zhe na 'di lta ste/ thos pa tshad med pa nyid dang / shes rab tshad med pa nyid dang / yongs su bsngo ba tshad med pa nyid dang / nges pa'i tshig bstan pa rnams la sgra tshad med pa nyid de/ bzhi po de dag go// klu'i bdag po bzhi po 'di dag ni mi zad pa'i za ma tog gi gzungs kyi don yod pa nyid de/ bzhi gang zhe na/ chos bstan pa don yod pa nyid dang / bden pa'i tshig bstan pa don yod pa nyid dang / chos la sbyor ba rnam par dbye ba don yod pa nyid dang / byang chub kyi snying por 'gro ba don yod pa nyid de/ bzhi po de dag go/ klu'i bdag po bzhi po 'di dag ni mi zad pa'i za ma tog gi/
- 38b
gzungs la mi 'jigs pa thob pa ste/ bzhi gang zhe na/ 'di lta ste/ ngan 'gro thams cad kyis mi 'jigs pa thob pa dang / 'khor rnams kyi nang du zil gyis mi non pa mi 'jigs pa thob pa dang / sems can thams cad kyi som nyi gcod pa la mi 'jigs pa thob pa dang / sangs rgyas kyi sa la 'jug pa la mi 'jigs pa thob pa ste/ bzhi po 'di dag ni mi zad pa'i za ma tog gi gzungs la mi 'jigs pa thob pa yin par rig par bya ste/ klu'i bdag po de ltar na mi zad pa'i za ma tog gi gzungs ni yon tan bstan pa tshad med pa dang / shes rab la 'jug pa tshad med pa'o// klu'i bdag po byang chub sems dpa'i spyod pa rnams dang / byang chub sems dpa'i ye shes rnams dang / byang chub sems dpa'i rnam par rtse ba rnams dang / byang chub sems dpa'i rgya cher rtse ba rnams dang / byang chub sems dpa'i yon tan gyi rgyan bkod pa rnams dang / byang chub sems dpa'i lam rnams dang / byang chub sems dpa'i snod rnams dang / byang chub sems dpa'i sde snod rnams dang / sde snod de la 'jug pa rnams dang / gzungs kyi sgo'i phyag rgya la 'jug pa rnams dang / bsgre ba dang bsgre ba ma yin pa la mkhas pa dang / lus dang ngag dang / sems kyi rgyan bkod pa rnams dang / sangs rgyas kyi zhing gi yon tan bkod pa yongs su 'dzin pa dang / byang chub kyi snying po'i tshogs bstsags pa rnams dang / sems can yongs su sbyangs pa'i ye shes la 'jug pa rnams dang / dam pa'i chos yongs su 'dzin pa
- 39a
dang / mthun pa dang stobs dang / brtson 'grus dang / pha rol tu phyin pa thams cad nye bar bstan pa shes pa dang / byang chub kyi snying po'i rgyan bkod pa rnams dang / sangs rgyas kyi chos thams cad ji snyed pa zhes tshig smra ba na/ mi zad pa'i za ma tog gi gzungs yang dag par smra bas smra bar bya'o// klu'i bdag po sems can gyi brda'i rjes su 'jug pa 'am/ chos kyi brda'i rjes su 'jug pa'i yi ge gang yin pa de dag thams cad ni/ mi zad pa'i za ma tog gi gzungs kyi rjes su 'jug pa'i tshul gyis/ byang chub sems dpa' yi ge de dang de rnams kyi tshul gyis dgongs pa rab tu shes te/ 'di lta ste chos thams cad bzod ma nas dag pas na/ chos thams cad kyi rang bzhin la slu bar mi byed do// chos thams cad dga' bas na chos kyi kun dga' la slu bar mi byed do// chos thams cad don dam pa yin pas na/ chos thams cad kyi nges pa'i don la slu bar mi byed do// chos thams cad kyi mig yin pas na/ chos thams cad kyi snang ba la slu bar mi byed do// chos thams cad ming tsam du zad pas na chos thams cad kyi brda' la slu bar mi byed do// chos thams cad thob pa yin pas na/ chos thams cad kyi dgongs pa'i sbyor ba la slu bar mi byed do// na/ chos thams cad kyi brjod pa la slu bar mi byed do// chos thams cad de bzhin nyid yin pas na/ chos thams cad de bzhin nyid kyi rjes su 'gro ba la slu bar mi byed do// chos
- 39b
thams cad 'dul bas na/ chos thams cad kyi cang shes pa nyid la slu bar mi byed do// chos thams cad zhi bas na/ chos thams cad kyi snang ba nyid la slu bar mi byed do// chos thams cad stobs dang bral bas na/ chos thams cad kyi stobs med pa nyid la slu bar mi byed do// chos thams cad tshig pa yin pas na/ chos thams cad kyi mi skye ba nyid la slu bar mi byed do// chos thams cad dad pa dang ldan pas na/ chos thams cad kyi mos pa la slu bar mi byed do// chos thams cad tshig gi lam yin pas na/ chos thams cad kyi brjod pa la slu bar mi byed do// chos thams cad de bzhin nyid yin pas na/ chos thams cad de bzhin nyid kyi rjes su 'gro ba la slu bar mi byed do// chos thams cad ji lta ba bzhin yin pas na/ chos thams cad kyi dus gsum mnyam pa nyid la slu bar mi byed do// chos thams cad gnas na gnas pas na/ chos thams cad kyi mi g.yo ba nyid la slu bar mi byed do// chos thams cad lag mthil na 'dug pas na/ chos thams cad kyi bya ba yod pa la slu bar mi byed do// chos thams cad mnyam pas na/ chos thams cad kyi khyad par med pa nyid la slu bar mi byed do// chos thams cad lam yin pas na/ chos thams cad kyi kun nas 'jug pa ston to// chos thams cad nam mkha' yin pas na/ chos thams cad kyi nam mkha' lta bu nyid ston to// chos thams cad nan gyis byas pas na/ chos thams cad kyi sgrol
- 40a
pa nyid ston to// chos thams cad slad du med pas na/ chos thams cad kyi bdag po med pa nyid ston to// chos thams cad dran pa yin pas na/ chos thams cad kyi brjed pa med pa ston to// chos thams cad gzung yin pas na/ chos thams cad kyi mi zad pa nyid ston to// chos thams cad zhi ba yin pas na/ chos thams cad kyi nye bar zhi ba ston to// chos thams cad nam mkha' dang mnyam pas na/ chos thams cad kyi yangs pa nyid ston to// chos thams cad zad pa'i sgo yin pas na/ chos thams cad kyi zad pa'i mtha'i sgo ston to// chos thams cad gnas na gnas pas na/ chos thams cad kyi gnas pa'i chos nyid ston to// chos thams cad ye shes la 'jug pas na/ chos thams cad kyi gti mug dang bral ba nyid ston to// chos thams cad khongs su 'dug pas na/ chos thams cad kyi snrel gzhi nyid ston to// chos thams cad dngos po dang bral bas na/ chos thams cad dngos po med pa nyid ston to// chos thams cad g.yo ba dang ldan pas na// chos thams cad kyi tshul bzhin ma yin pa yongs su 'dzin pa ston te// chos thams cad dran par byed pa yin pas na/ chos thams cad kyi sngon gyi gnas rjes su dran bston to// chos thams cad yo byad mang ba yin pas na/ chos thams cad kyi srid pa nyid ston to// chos thams cad sa zhes bya ba la 'jug pas na/ chos thams
- 40b
cad kyi ma ning gi tshig dag ston to// chos thams cad ha zhes bya ba dang / na zhes bya ba la 'jug pas na/ chos thams cad kyi ming 'dra ba nyid ston to// chos thams cad rgya mtsho la 'jug pas na/ chos thams cad kyi dgongs pa'i tshig rgya chen po ston to// chos thams cad lhun stug pas na/ chos thams cad kyi spyod du med pa nyid ston to// chos thams cad gnas na gnas pas na/ chos thams cad kyi dbyings ston to// chos thams cad 'dren pa yin pas na/ chos thams cad kyi yang dag pa'i 'dul ba ston to// chos thams cad 'bras bu thob pa yin pas na/ chos kyi yid la byed pa med pa nyid ston to// chos thams cad phung po tsam du zad pas na/ chos thams cad kyi sdug bsngal yongs su shes pa ston to// chos thams cad chom rkun yin pas na/ chos thams cad kyi blo bur gyi nyon mongs pa nyid ston to// chos thams cad spang pa yin pas na/ chos thams cad kyi mngon par zhen pa med pa nyid ston to// chos thams cad da zhes bya ba yin pas na/ chos thams cad kyi lam chad pa nyid ston to// chos thams cad d+ha zhes bya ba yin pas na/ chos thams cad kyi mtha' yas pa dang / yongs su chad pa nyid ston to// klu'i bdag po 'di ni yi ge'i brda' la 'jug pa zhes/ bya ba mi zad pa'i za ma tog gi gzungs la/ byang chub sems dpas gzungs thob nas yi ge thams cad kyi nges pa'i tshig gi dgongs pa rtogs par 'gyur ba'o// klu'i bdag
- 41a
/ po dper na/ yi ge rnams mi zad pa de bzhin du/ chos thams cad kyi bstan pa mi zad do// dper na yi ge rnams ni lus sam/ sems gang nas kyang mi 'byung ba de bzhin du/ chos thams cad ni gang nas kyang mi 'byung ste/ lus la yang mi gnas/ sems la yang mi gnas so// dper na yi ge rnams ni kun nas nyon mongs par yang mi 'gyur la/ kun nas nyon mongs pa yang brjod do// rnam par byang bar yang mi 'gyur la rnam par byang ba yang brjod do// de bzhin du mi zad pa'i za ma tog gi gzungs thob pa'i byang chub sems dpa' rnams kyang / kun nas nyon mongs pa yang brjod la/ kun nas nyon mongs pa'i chos kyis kyang kun nas nyon mongs par yang mi 'gyur ro// rnam par byang ba'i chos kyang brjod la/ rnam par byang ba'i chos kyis kyang rnam par dag par mi 'gyur te/ shin tu rnam par dag pa'i phyir/ dper na yi ge rnams ni gang nas kyang ma 'phos la go bar yang byed pa de bzhin du/ chos thams cad ni gang nas kyang ma 'phos la/ go bar yang byed pa de gzhan gyi sems kyang rnam par dag par byed do// dper na yi ge brjod pa rnams kyang phyogs mtshams su 'gro ba med la/ ma brjod pa rnams kyang nang du stsogs pa med pa bzhin du chos brjod pa 'am/ bstan pa thams cad kyang phyogs dang phyogs mtshams su 'gro ba med la/ ma bstan pa rnams kyang nang du stsogs pa med do// dper na yi ge rnams ni gzug
- 41b
med cing bstan du med par 'byung ba de bzhin du/ chos rnams kyang gzugs med cing bstan du med par sems kyi dmigs pa rnams las 'byung ngo // dper na yi ge rnams ni skad cig pa dang / ya ma brla dang / gso ba dang / gsog yin la/ de rnams kyi byed pa po 'ga' yang med pa de bzhin du chos thams cad skad cig pa dang / ya ma brla dang / gso ba dang ga sog yin la/ de rnams kyi byed pa po 'ga' yang med do// dper na yi ge rnams ni chags pa yang med/ sdang ba yang med/ rmongs pa yang med pa dang / yi ge'i rnam par rig byed des kyang / byis pa rnams rjes su chags pa 'am/ khong khro ba 'am/ rmongs par 'gyur ba de bzhin du chos thams cad chags pa'ang med/ snang ba'ang med/ rmongs pa'ang med par yongs su rtog pa la mngon par zhen pas/ 'dod chags dang zhe sdang dang gti mug skye bar 'gyur ro// dper na yi ges brdas ni 'bras bu thob yang bstan la yi ge rnams kyis thob pa yang med/ mngon sum du bya ba yang med pa de bzhin du/ chos rnam par gzhag pas 'bras bu thob pa bstan mod kyi/ 'di la chos 'ga' thob pa 'am/ mngon sum du bya ba yang med do// dper na chos gang yang yi ge rnams kyis ma bsdus pa med pa de bzhin du/ chos gang / yang byang chub kyi ma bsam pa med de/ klu'i bdag po de ltar na mi thod pa'i zam tog gi gzungs la gnas pa'i byang chub sems dpa' ni yi ge rnams kho nas byang chub tshol bar/
- 42a
byed do// yi ge rnams kho nas byang chub ston par byed do// yi ge rnams kho nas byang chub gleng par byed do// yi ge rnams kho nas byung chub la reg par byed do// klu'i bdag po byang chub sems dpa' ni mi zad pa'i za ma tog gi gzungs thob pas/ stobs bcu thob par 'gyur ro// mi 'jigs pa bzhi dang / ma 'dres pa bco brgyad dang / sangs rgyas kyi chos rnams dang / skyes bu chen po'i mtshan sum cu rtsa gnyis dang dpe byad bzang po brgyad bcu dang bla na med pa'i shes rab thob par 'gyur te/ de'i shes rab de yang sems can thams cad gzugs med par sgrol ba'o// nyon mongs pa thams cad sreg pa'o// sems can thams cad yongs su smin par byed pa'o// chu bo bzhi las sgrol ba'o// bdud bzhi rnam par 'joms pa'o// sems can thams cad la 'dzum pa'i bzhin ston pa'o// sems can thams cad mgu bar byed pa'o// shes rab rin po che'i sems yang dag par bskyed par byed pa'o// dkon mchog gsum gyi gdung mi 'chad par byed pa'o// phas kyi rgol ba thams cad yang dag par 'joms pa'o// nyon mongs pa'i mche ba phye mar klog pa'o// gsang ba gsum gyi gsang sngags kyi kun du bsrung ba'i gzungs so// chos thams cad la rnam par lta ba'o// nyon mongs pa'i khur las sgrol ba'o// 'jigs pa dang skrag pa thams cad las bral ba'o// rgya che zhing zab pa'i chos la
- 42b
blta ba'o// seng ge'i rtsa la spyod pa'o// sems can thams cad kyi nye bar 'tsho ba'o// mya ngan las 'das pa'i lam du 'gro ba'o// mngon par shes pa lnga rtogs par khong du chud pa'o// bsamo gtan rtse gcig pa la dga' ba'o// 'phags pa'i bden pa bzhi'i kha dang ldan pa'o// spyan lnga'i mig bzang po dang ldan pa'o// nam mkha'i dkyil mtha' dag gi lus dang ldan pa'o// chos kyi dbyings dang mnyam pa'i dpral ba dang ldan pa'o// de bzhin nyid kyi mgrin pa dang ldan pa'o// mi skye ba lce dang ldan pa'o// mnyam pa nyid du ro gcig pa'o// chos thams cad la thos pa 'dzin pa'o// sgra thams cad rtogs pa'i thos pa dang ldan pa'o// dri la rjes su chags pa med pa'o// dri la khong khro ba med pa'o// dri thams cad rig pa'o// dran pa nye bar gzhag pa bzhi'i mgo dang ldan pa'o// tshangs pa'i gnas gzhi'i sgra dri zhim po dang ldan pa'o// rnam par thar pa gsum gyi gtsug phud dang ldan pa'o// yang dag pa'i spong ba bzhi'i thal gong shin du rgyas pa dang ldan pa'o// rdzu 'phrul gyi/ rkang pa bzhi'i dpung mgo dang ldan pa'o// stobs lnga'i thong ka shin du yangs pa dang ldan pa'o// dbang po lnga'i lte ba shin du zab pa dang ldan pa'o// byang chub kyi yan lag bdun gyi stobs dang ldan pa'o// yan lag brgyad pa'i sta zur dang ldan pa'o// ye shes mtha' yas pa'i spu'i khungs bu dang ldan pa'o// dge ba'i rtsa ba phun sum
- 43a
tshogs pa thams cad 'dren pa'i lag pa dang ldan pa'o// dge ba bcu'i las kyi lam legs par bsrung ba'i sor mo dang ldan pa'o// ngo bo nyid kyis rnam par dag pa'i chos nyid mthong ba dang / bsgom pa'i sen mo dang ldan pa'o// chos thams cad la som nyi med pa'i rtsibs logs dang ldan pa'o// sa'i rim pa'i tshul thob pa'i rgal tshigs dang ldan pa'o// dus las mi 'da' bar chos ston pa'i stobs dang ldan pa'o// bsam gtan dang rnam par thar pa dang / ting nge 'dzin dang / snyoms par 'jug pa thams cad la yongs su sbyang ba legs par byas pa'i zhi gnas dang / lhag mthong gi rI dang ldan pa'o// chos kyi nges pa la 'jug pa'i pus mo dang ldan pa'o// chos ji lta ba bzhin du ston pa'i rje ngar dang ldan pa'o// chos rtogs pas bsrung ba'i rnam par dran pa dang ldan pa'o// nyon mongs pa thams cad las rnam par rgyal ba'i me long dang ldan pa'o// phyogs bcur 'gro ba'i rkang pa dang ldan pa'o// snyan pa mtshams sbyor ba'i 'gro zhing 'ong ba dang ldan pa'o// ngo tsha shes pa khrel yod pa'i gos gyon pa'o// byang chub kyi yan lag gi chos me tog gi phreng bas brgyan pa'o// shin tu rnam par spel ba'i tshig gis chos ston pa'o// mthun pa dang mi mthun pa dang bral ba'o// 'chi 'gro ba dang / 'gro ba dang / skye ba'i shes rab dang / ye shes dang / mngon par shes pa zab mo'i phyi ma'i sgo bas dgos pa'o// tshul khrims kyi phung po mtha' yas pa'i byug pa
- 43b
pa dang ldan pa'o// tshangs pa'i g.yog 'khor dang ldan pa'o// tshangs pa'i lam mya ngan las 'das pa'i lam dang ldan pa'o// lam bzang po ston pa'o// thar pa'i lam du khrid pa'o// 'grogs na bde ba'i mdza' bshes dang / mdza' ba'i mchog dang ldan pa'o// sems can thams cad kyi rtsa lag go// snying rje chen po dang ldan pa'o// sem can thams cad kyi phan pa tshol ba'o// skyes bu mchog go// skyes bu chen po'o// skyes bu dam pa'o// skyes bu khyu mchog go// skyes bu seng ge'o// skyes bu pad mo'o// skyes bu pad ma dkar po'o// skyes bu gces par 'dzin pa'o// skyes bu gtso bo'o// skyes bu cang shes so// sems can thams cad phongs pa dang sdug bsngal las thar par byed pa'o// sems can thams cad la snying rtse ba'o// sems can thams cad nges par grol ba'o// sems can thams cad kyi nyon mongs pa'i bag chags gcod pa'o// bdud rtsi'i chos kyi mchog ston pa'o// byang chub sems dpa'i theg pa chen po yang dag par 'dzin pa'o// chos thams cad la dbang thob pa'o// sems can thams cad kyi bdag po'o// pha ma dang nye dur gyur pa'o// 'jig rten gyi chos brgyad las yang dag par 'das pa'o// 'jig rten thams cad kyi rjes su mthun pa'o// chos kyi dbang phyag go// sems la dbang byed pa'o// bstan chos dang yi ge thams cad kyi dam pa'i pha rol tu phyin pa'o// byang chub thams cad mkhyen pa nyid ni de'i grogs byed pa'o// sbyin
- 44a
pa'i pha rol tu phyin pa ni de'i gos dang / zas dang / skom dang gza' ba'i bya ba byed pa'o// tshul khrims kyi pha rol tu phyin pa ni de'i dus tshigs kyi bde ba byed pa'o// bzod pa'i pha rol tu phyin pa ni de'i thams cad las mi 'jigs par byed pa'o// brtson 'grus kyi pha rol tu phyin pa ni de'i legs par bya ba'i las byed pa'o// bsam gtan gyi pha rol tu phyin pa ni de'i 'gyod pa med par byed pa dang / nye bar zhi bar byed pa'o// shes rab kyi pha rol tu phyin pa ni/ de'i chos thams cad yongs su dag par byed pa'o// thabs la mkhas pa'i pha rol tu phyin pa ni/ de'i gnyis ka'i don byed pa'o// smon lam gyi pha rol tu phyin pa ni/ de ci 'dod pa'i don yang dag par thob par byed pa'o// stobs kyi pha rol tu phyin pa ni de'i nyon mongs pa thams cad rnam par 'joms par byed pa'o// ye shes kyi pha rol tu phyin pa ni de'i dus gsum la ye shes thogs pa med par byed pa'o// byams pa ni de'i thams cad kyi phan pa sgrub par byed pa'o// snying rje ni de'i sems can thams cad la sdug bsngal sel bar byed pa'o// dga' ba ni de'i rangs pa dang dga' bar byed pa'o// btang snyoms ni de'i rjes su chags pa dang khong khro ba spong bar byed pa'o// bden pa'i gtam ni de'i 'jig rten thams cad la mi slu bar byed pa ste/ klu'i bdag po 'di ni mi zad pa'i za ma tog gi gzungs kyi kha dog dang lus yin no// byang chub sems dpa' gang gzugs
- 44b
'dis chos kyi kun dga' la dga' ba de ni rgyal po'i btsun mo'i 'khor gyi nang na/ mgo bor gyur pa lta bu yin no// brgya byin ri rab kyi zom na bdag por gyur pa lta bu yin no// tshangs pa lta bur tshangs par gyur pa yang yin no// lha ma yin gyi dbang po sgra gcan lta bur lus khyad par du 'phags pa yang yin no// rgya mtsho gting dpag dka' zhing mu med pa lta bu yang yin no// ri rab lta bur bsod nams dag gi mngon par 'phags pa yang yin no// lha rnams kyi snying du sdug pa dang yid du 'ong ba yang yin no// pha ma'i bu gcig pa lta bu yang yin no// nam mkha'i dkyil na zla ba nya ba lta bur lta na sdug pa yang yin no// ston pa lta bur lho dang mi rnams kyis phyag bya ba'i gnas kyang yin no// nyi ma shar ba lta bur snang bar byed pa yang yin no// nags na 'dug pa'i rma bya lta bu skad snyan pa yang yin no// ri'i phug na 'dug pa'i pha seng ge ltar chos kyi sgra chen po sgrogs pa yang yin no// sems shin tu dul ba'i glang po che lta bu cang shes kyi zas la longs spyod pa yang yin no// chos kyi rgyal po 'khor los bsgyur ba lta bur chos kyi rgyal srid ston pa yang yin no// klu'i tshogs rtse ba lta bur chos kyi sprin 'gyed pa yang yin no// klu'i bdag po char chen po 'bebs pa lta bur/ chos kyi 'brug sgra mngon par sgrogs pa yang yin no// brgya byin lta bur dus su chos kyi char chen po 'bebs pa yang yin no// dpa' bos gzhan gyi dmag la bya ba lta bur mu
- 45a
stegs can thams cad skrag par byed pa yang yin no// chu'i rgyun gyis med la bya ba lta bur nyon mongs pa thams cad rab tu zhi bar byed pa ya yin no// rlung gis phub ma sbar gang la bya ba lta bur bdud thams cad zil gyis gnon pa yang yin no// ma mas byis pa bya ba lta bur sems can thams cad dang mthun par byed pa yang yin no// sa gzhi rdzas rnams kyis mi bskyod pa lta bur/ bde ba dang sdug bsngal rnams kyis mi bskyod pa yang yin no// rlung gis shing gis lo ma rnam la bya ba lta bur phas kyi rgol ba thams cad g.yo bar byed pa yang yin no// rnam thos kyi bu rin po che thams cad 'byor pa lta bur/ chos kyi nor mthun par sbyin pa yang yin no// 'gro ba thams cad kyi bkod pa'i snying po zhes bya ba'i yid bzhin gyi nor bu rin po che lta bur/ sems can thams cad kyi bsam pa yongs su rdzogs par byed pa yang yin te/ klu'i bdag po de ltar na mi zad pa'i za ma tog gi gzungs la gnas pa'i byang chub sems dpa' ni byang chub kyi snying po la gnas pa zhes brjod do// klu'i bdag po dper na/ rgya mtsho chen po ni rin po che chen po thams cad kyi 'byung gnas dang / rin po che thams cad kyi za ma tog yin pa de bzhin du/ mi zad pa'i za ma tog gi gzungs la gnas pa'i byang chub sems dpa' ni/ chos thams cad kyi 'byung gnas dang / chos thams cad kyi za ma tog yin no// klu'i bdag po dper na/ spos phrag du ma yod pa'i spos kyi za ma tog ni/ sems
- 45b
can thams cad spos kyis yongs su mgu bar byed pa de bzhin du/ mi zad pa'i za ma tog gi gzungs la gnas pa'i byang chub sems dpa' ni sems can thams cad legs par smra bas yang dag par mgu bar byed do// klu'i bdag po gzhan yang gzungs 'di ni sgra thams cad la 'jug pa ste/ 'di na byang chub kyi sems shes bya ba gang yin pa de ni/ de bzhin gshegs pa rin chen gdugs gcig pa'i sangs rgyas kyi zhing mi zad pa dang ldan pa'i 'jig rten gyi khams na mnyam par gzhag pa zhes bya'o// 'di na thams cad mkhyen pa nyid ces bya ba gang yin pa de ni/ de bzhin gshegs pa sred med kyi bu'i sangs rgyas kyi zhing khyad par bsdus pa'i 'jig rten gyi khams na thams cad dang ldan pa zhes bya'o// 'di na sbyin pa'i pha rol tu phyin pa zhes bya ba gang yin pa de ni/ de bzhin gshegs pa grub par gshegs pa'i sangs rgyas kyi zhing / zhi ba'i 'jig rten gyi khas na gzi byin can zhes bya'o// 'di na tshul khrims kyi pha rol tu phyin pa zhes bya ba gang yin pa de ni de bzhin gshegs pa mya ngan dang bral ba'i sangs rgyas kyi zhing / mya ngan med pa'i 'jig rten gyi khams na/ legs so zhes bya ba'i tshul zhes bya'o// 'di na bzod pa'i pha rol tu phyin pa zhes bya ba gang yin pa de ni de bzhin gshegs pa'i dri ma med pa'i zhal gyi sangs rgyas kyi zhing dri ma med pa'i 'jig rten gyi khams na rgya chen po mi zad pa dang ldan pa zhes bya'o// 'di na brtson 'grus kyi pha rol tu phyin pa zhes bya ba gang yin pa de ni de bzhin gshegs pa dri med 'od kyi
- 46a
sangs rgyas kyi zhing kun tu snang ba'i 'jig rten gyi khams na sgrol ba zhes bya'o// 'di na bsam gtan gyi pha rol tu phyin pa zhes bya ba gang yin pa de ni/ de bzhin gshegs pa bstan pa'i snying po zhes bya ba'i sangs rgyas kyi zhing snying po can gyi khams na/ nye bar zhi bar spyod pa zhes bya'o// 'di na shes rab kyi pha rol tu phyin pa zhes bya ba gang yin pa de ni de gshegs pa sprin gyi rgyal po'i sangs rgyas kyi zhing sprin ldan zhes bya ba'i 'jig rten gyi khams na/ yongs su dag pa zhes bya'o// 'di na thabs la mkhas pa zhes bya ba gang yin pa de ni/ de bzhin gshegs pa phyag dri ma med pa'i sangs rgyas kyi zhing / mchog dam pa'i 'jig rten gyi khams na 'jig rten dang mthun pa zhes bya'o// 'di na byams pa dang snying rje dang / dga' ba dang / btang snyoms shes bya ba gang yin pa de dag ni/ de bzhin gshegs pa don grub kyi sangs rgyas kyi zhing legs pa'i 'jig rten gyi khams na phan dang yid du 'ong ba dang / thub pa dang gnyi ga las zhi ba zhes bya'o// 'di na sdug bsngal dang / kun 'byung ba dang / 'gog pa dang / lam zhes bya ba gang yin pa de dag ni de bzhin gshegs pa dpal srung gi sangs rgyas kyi zhing rmad du ma mchis pa'i 'jig rten gyi khams na rtsa dang / rtsa ba'i rjes su 'gro ba dang / rtsa bzhi par 'gyur ro// 'di ni dran pa nye bar gzhag pa rnams zhes bya ba gang yin pa de dag ni/ gzhan gnas pa rnams zhes bya'o// 'di ni yang
- 46b
dag par spong ba rnams zhes bya ba gang yin pa de ni gzhan dag na khyad par du sgrol ba rnams shes bya'o// 'di ni rdzu 'phrul gyi rkang pa rnams shes bya ba gang yin pa de dag ni/ gzhan dag na phyogs su 'gro ba rnams shes bya'o// 'di na dbang po rnams zhes bya ba gang yin pa de dag ni/ gzhan dag na rab tu shes pa rnams shes bya'o// 'di na stong shes bya ba gang yin pa de dag ni/ gzhan dag na brtan pa rnams zhes bya'o// 'di na byang chub kyi yan lag rnams shes bya ba gang yin pa de dag ni/ gzhan dag na rjes su 'gro ba rnams zhes bya'o// 'di na lam zhes bya ba gang yin pa de dag ni/ gzhan dag na sgrol zhes bya'o// 'di na so so yang dag par rig pa zhes bya ba gang yin pa de dag ni/ gzhan dag mngon sum gyi sgo bya'o// 'di na chos kyi sbyin pa zhes bya ba gang yin pa de ni/ gzhan dag na legs par sdud pa zhes bya'o// 'di na zhi gnas dang lhag mthong zhes bya ba gang yin pa de dag ni/ gzhan dag na nye bar zhi ba dang / rnam par lta ba zhes bya'o// 'di na rnam par thar pa zhes bya ba gang yin pa de dag ni/ gzhan dag na don yod pa zhes bya'o// 'di na bsod nams zhes bya ba gang yin pa de ni gzhan dag na phan pa zhes bya'o// 'di na ye shes shes bya ba gang yin pa de ni// gzhan dag na rtogs byed ces bya'o// 'di na rab tu byung ba zhes bya ba gang yin pa de ni/ gzhan dag na lam gyi rjes su 'gro ba zhes bya'o// 'di na bsnyen pa rdzogs pa zhes bya ba
- 47a
gang yin pa de ni/ gzhan dag na 'da' bar mi bya ba zhes bya'o// 'di ni mya ngan las 'das pa zhes bya ba gang yin pa de ni/ gzhan dag na nye bar zhi ba zhes bya'o// 'di na sangs rgyas bcom ldan 'das rnams ni bsngags pa mtha' yang ba dang ldan po'o zhes bya ba gang yin pa de ni 'jig rten gyi khams gzhan dag na sangs rgyas bcom ldan 'das rnams ni bgegs med pa'i tshul can zhes bya'o// klu'i bdag po nges pa'i tshig gi chog dang / brda'i tshig gi tshig 'di dag ni/ sangs rgyas kyi zhing gzhan dang gzhan dag tu 'byung ste/ mi zad pa'i za ma tog gi gzungs la gnas pa'i byang chub sems dpas ni sangs rgyas kyi zhing thams cad du de dag gi nges pa'i tshig shes so// klu'i bdag po nges pa'i tshig gi tshig dang / brda'i tshig gi tshig bstan pa phyogs bcu dag tu 'byung ba gang yin pa de dag ni/ bskal pa 'am/ bskal pa las lhag par ngas bstan kyang / sangs rgyas kyi zhing gi nges pa'i tshig gi tshig dang / brdo'i tshig gi tshig bstan pa mthar thug pa gang yang med do// mi zad pa'i za ma tog gi gzungs 'di bstan pa na/ byang chub sems dpa' drug khris gzungs thob par gyur to// byang chub sems dpa' rgya stong gis ni mi skye ba'i chos rnams la bzod pa thob par gyur to// mi sum khri nyis stong gis ni/ bla na med pa yang dag par rdzogs pa'i byang chub tu sems bskyed do// de nas bcom ldan 'das kyis kyang / klu'i rgyal
- 47b
po rgya mtsho la bka' stsal pa/ klu'i bdag po byang chub sems dpa' rnams ni mun pa mug nag dang bral ba'i/ lam 'dis thams cad mkhyen pa nyid yang dag par bsgrub par byed do// // mi zad pa'i za ma tog gi gzungs kyi le'u ste gsum pa'o// / / klu'i bdag po sngon byung ba 'das pa'i dus na/ bskal pa grangs med pas kyang ches grangs med pa yun ring po dpag tu med pa bsam gyis mi khyab pa'i snga rol tu phyin pa de'i tshe de'i dus na/ bskal pa rnam par sbyor ba zhes bya ba la/ 'jig rten gyi khams khyad par gyi yon tan bkod pa bsdus pa zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das/ tshangs pa'i dpal lha'i rgyal po zhes bya ba 'jig rten du 'byung ngo // de'i tshe de'i dus na 'jig rten gyi khams khyad par gyi yon tan bkod pa bsdus pa de 'byor pa dang / rgyas pa dang / bde ba dang / lo legs pa dang / nyams dga' ba dang / skye bo mang po dang lha dang mi rnams kyis gang bar gyur to// sangs rgyas kyi zhing 'din/ gling bzhi pa'i 'jig rten gyi khams bye ba phrag rgya ba ji tsam gyi gling bzhi par gyur la/ de lta bu'i gling ngan
- 48a
pa'i 'jig rten gyi khams bye ba phrag rgyan bcom ldan 'das de bzhin gshegs pa tshangs pa'i dpal lha'i rgyal po de'i 'jig rten gyi khams khyad par gyi yon tan bkod pa bsdus par gyur te/ de ltar thag gru che zhing yangs pa de ltar tshad med do// 'jig rten gyi khams 'di nor bu rin po che rdo rje'i 'od 'dra ba gyur te/ de nyid kyi snang bas rtag tu snang bar gyur to// 'jig rten gyi khams de rin po che'i dra bas kun du khebs shing dar gyi lnga ldi mang po ni brtags/ gdugs dang rgyal mtshan dang ba dan sgreng pas ni legs par brgyan/ bla re chen po ni 'bres/ mtshan mo sil snyan dang glu dbyangs kyi sgra des stong gsum gyi stong chen po'i 'jig rten gyi khams thams cad mngon par go bar byas te/ sil snyan dang gla dbyangs kyi sgra de dag las 'dod pa dang ldan pa dang / 'dod chags dang zhe sdang dang gti mug dang / nyon mong pa rab tu 'bar ba'i sgra ni mi 'byung gi/ zhi ba dang rab tu zhi ba dang / chos kyi dga' ba dang mgu ba dang ldan pa'i sgra de dag 'ba' zhig 'byung bar 'gyur te/ de thos pa tsam gyi lha dang mi thams cad kyi dran pa dang / nye bar zhi ba dang / dga' ba dang / bde ba thob pa la nyon mongs pa thams cad kyang de dag la gnod par ma gyur to// 'jig rten gyi khams de yang lag mthil ltar mnyam pa ka tsa lin de'i gos ltar 'jam zhing rag na bde bar gyur to// 'jig rten gyi khams de na slong ngan 'gror gdags pa/
- 48b
med de/ lha dang mi de dag kyang dga' ba 'ba' zhig tu gyur to// de dag ni phal cher rgyal chen po la mos pa dang / theg pa chen po la zhugs pa sha stag go// nyan thos dang rang sangs rgyas kyi theg pa ni nyung ngo // de dag gi longs spyod thams cad kyang yid la bsam pas 'byung la/ lha dang mi de dag bde zhing longs spyod dang ldan par gyur to// de na su yang sdug pa dang dbul po med de/ dper na dga' ldan gyi lha rnams kyi longs spyod dang / nye bar spyad pa ji lta ba bzhin du/ de na 'khod pa'i mi rnams kyang de dang 'dra bar gyur to// de bzhin gshegs pa'i sku tshe'i tshad kyang lo 'bum phrag brgyad du bsgrags pa snyed du gyur to// mi de dag gi tshe'i tshad kyang de nyid de/ de na tshe'i mthar mi phyin par su yang 'chi ba med do// de bzhin gshegs pa de'i byang chub sems dpa'i 'khor yang khrag khrig phrag bdun bcu rtsa gnyis yod par gyur to// de'i nyan thos kyi dge 'dun ni tshad med do// klu'i bdag po de'i tshe de'i dus na/ der 'khor lo sgyur ba'i rgyal po gling chen po bzhi'i dbang phyug gi rgyal po bsod nam mi zad pa zhes bya ba zhig byung ste/ rgyal po bsod nams mi zad pa de'i btsun mo bud med lha mo dang 'dra ba khrag khrig brgya phrag brgyad bcu rtsa bzhi yod de/ de dag de'i nang na btsun mongs pa ni bani yang bar gyur te/ 'di lta ste dri ma med pa zhes bya ba dang / dri med pa'i 'od ces bya ba dang / dag pa zhes bya ba dang / dag ldan pa zhes bya'o//
- 49a
de'i bu yang brgyad khri bzhi stong yod de/ chen po che'i stobs dang ldan la/ mtshan nyi shu rtsa brgyad kyi gzugs dang ldan pa/ theg pa chen po la zhugs pa sha stag go// klu'i bdag po rgyal po bsod nams mi zad pa de yang grong khyer chen po dga' 'byung zhes bya ba na gnas so// grong khyer chen po de yang shar dang nub dang / byang dang lho'i ngos re la/ dpag tshad drug cu rtsa bzhi bzhi yod par gyur to// bcom ldan 'das de bzhin gshegs pa tshangs pa'i dpal lha'i rgyal po yang / grong khyer chen po dga' 'byung de nyid du sku ltam mo// grong khyer chen po de'i nang du/ rgyal po chen po bsod nams mi zad pa'i pho brang rin po che sna bdun las byas par gyur to// grong khyer chen po'i nang na/ lam po che dang srang gi sgo 'bum phrag brgyad bcu rtsa bzhi yod par gyur to// lam po che dang srang gi sgo thams cad na yang khyim bye ba 'bum phrag brgyad bcu rtsa bzhi gnas so// grong khyer chen po de yang ra ba chen po rim pa bdun dang / lan kan rim pa bdun dang / ta la'i phreng ba rim bdun dang / dril bu g.yer ga'i dra ba rim bdun gyi bskor ro// skyed mo'i tshal gyis kyang bskor to// 'obs rim bdun gyis kyang bskor to// 'obs de dag kyang yan lag brgyad dang ldan pa'i chus yongs su gang la/ me tog ud pa la dang / pad ma dang / ku mu ta dang / pad ma dkar po dang / dri mchog gis khebs pa/ ngang dur la
- 49b
sogs pas rtag tu skad 'byin par gyur te/ de ltar grong khyer chen po de bsam gyis mi khyab pa'i yon tan gyi brgyan bkod pa dang ldan par gyur to// bcom ldan 'das de bzhin gshegs pa tshangs pa'i dpal lha'i rgyal de yang / grong khyer chen po dga' 'byung de nyid nags tshal spos mchog 'od ces bya ba gang du rgyal po bsod nams mi zad pas/ bcom ldan 'das de'i gtsug lag khang byas nas bzhugs so// rgyal po bsod nams mi zad pa bu dang bcas/ btsun mo dang bcas/ gnyen 'dab dang tshal za'i 'khor dang bcas pas bskal pa 'bum thar pa'i bar du de bzhin gshegs pa de la yid du 'ong ba'i bde ba'i yo byad dang longs spyod thams cad kyi bsnyen bskur byas so// / klu'i bdag po de nas rgyal po bsod nams mi zad pa de 'khor de dag dang lhan cig tu/ bcom ldan 'das de bzhin gshegs pa tshangs pa'i dpal lha'i rgyal po ga la ba der song nas/ bcom ldan 'das de'i zhabs la mgo bos phyag 'tshal te/ phyogs gcig tu 'dug go/ de 'ong bar thugs su chud nas de bzhin gshegs pa des de skad ces bka' stsal to// rgyal po chen po chos bzhi dang ldan na rgyal rigs spyi bo nas dbang bskur ba'i rgyal po chos kyi dbang phyug thob par gyur la dge ba'i chos rnams kyis/ kyang khyad par du 'gro bar gyur te/ bzhi gang zhe na dang pa la gnas te dge ba gang yin pa tshol zhing / nga rgyal med par 'phags pa dag gi thad du 'gro ba dang / chos don du/
- 50a
gnyer te chos 'dod cing chos kyi kun dga' la dga' bas dga' ste/ rtag tu don gyi rjes su lta ba dang / mi rtag pa'i chos nyid la so sor rtog pa dang / 'dus byas kyi nyes pa rtogs pa dang / yongs su 'dzin pa thams cad la rnam par 'gyur ba'i chos can yin no snyam du dran pas nye bar gnas par byed pa dang / ngag yod par byed de/ 'dod pa'i yon tan thams cad la lhag par zhen pa med cing / dge ba'i rtsa ba thams cad kyang zad par mi byed la/ gong du yang rnam par 'phel bar byed pa dang / byang chub kyi sems kyi bsam pa yang rnam par mi spong ba ste/ klu'i bdag po chos bzhi po de dag dang ldan na/ rgyal rigs spyi bo nas dbang bskur ba'i rgyal pos chos kyi dbang phyug thob par 'gyur la/ dge ba'i chos rnams kyis kyang khyad par du 'gro bar 'gyur ro// de skad ces bka' stsol pa dang / de bzhin gshegs pa tshangs pa'i dpal lha'i rgyal po bsod nams mi zad pas 'di skad ces gsol to// bcom ldan 'das chos gang dag ldan na/ byang chub sems dpas chos la dbang phyug thob par 'gyur lags/ bcom ldan 'das des bka' stsal pa/ rgyal po chen po chos brgyad dang ldan na/ byang chub sems dpas chos kyi dbang phyug thob par 'gyur te/ brgyad gang zhe na/ rnam par rtse zhing mi nyams par 'gro ba'i mngon par shes pa lnga dang ldan pa yin/ chags
- 50b
pa med pa dang / thogs pa med pa dang / skyod du med pa'i shes rab dang ldan pa yin/ ye shes kyi bsdus pa dang / yongasu sbyang ba byas pa dang / mngon par 'du byed pa med pa'i rdzu 'phrul gyi rkang pa bzhi dang ldan pa yin/ shes rab dang ye shes nges pa dang / lta ba dang / nyon mongs pa thams cad dang bral ba'i so so yang dag par rig pa bzhi dang ldan pa yin/ sangs rgyas kyi byin rlabs kyis brlabs pa dang / chags pa med pa'i byin gyis brlabs dang / byin gyis rlabs kyis slobs dang ldan pa yin/ bsod nams mi zad pa'i rgya mtsho'i phyag rgya'i ting nge 'dzin dang ldan pa yin/ sems can thams cad mgu bar bya ba dang / sangs rgyas kyi chos thams cad la yang dag par gzhol ba dang / rjes nges pa med pa yongs su dag pa'i gzungs dang ldan pa yin/ chos ji lta ba bzhin rjes su 'gro ba dang / tshul gcig pa'i chos rjes su 'gro ba dang / gnyis su med pa'i yang dag mtha' la gnas pa dang / mi skye ba'i chos la bzod pa thob pa dang ldan pa yin te/ rgyal po chen po chos brgyad po de dag dang ldan pa'i byang chub sems dpa' ni chos kyi dbang phyug thob par 'gyur ro// rgyal po chen po gzhan yang rin po che ni za ma tog ces bya ba'i gzungs yod de/ de thob na byang chub sems dpas chos kyi dbang phyug thob par 'gyur te/ de ltar na de bzhin gshegs pas/ rin po che za ma tog gzungs la tsam nas lo 'bum gyi bar du
- 51a
rgyas par rnam par dbye bas de la yang dag par bstan to// rgyal po bsod nams mi zad pa de yang rgyal po'i bya ba thams cad btang ste/ las gzhan mi byed la sems kyi rgyud rnam par g.yeng ba med par dpung dang bcas/ 'khor dang bcas pas chos mnyan te/ des lo 'bum po de'i bar du 'dod pa'i rtog pa 'am/ gnod sems kyi rtog pa 'am/ rnam par 'tshe ba'i rtog pa 'am/ bu dang chung ma dang / rgyal srid dang yongs su 'dzin pa dang / sdug pa thams cad la nges pa'i rtog pa rnams la rtag par ma bsams te/ chos la sdug par nges par yid la byed pa dang / byang chub kyi sems kyi bsam pa la gnas par 'gyur ba dang / byams pa chen pos sems can thams cad la sems snyoms pa dang / snying rje chen po'i go cha bgos nas 'ba' zhig nyan to// des bcom ldan 'das de las lo 'bum tham pa'i bar du dam pa'i chos nyan te/ thos nas rin po che'i za ma tog gi gzungs 'di nyid kyi rtsa ba yongs su sbyang ba byas so// de la skal pa sa ya phrag bdun gyi 'khor ba phyir bsnyil bar gyur to// bskal pa khri'i bar du las kyi sgringab pa bsags pa ni rnam par dag par gyur to// sangs rgyas 'bum ni de'i/ mig lam du snang bar gyur to// sangs rgyas bye ba phrag 'bum mngon sum du mthong bar 'gyur ba'i dge ba'i rtsa ba yang des yongs su bzung ngo // gang klung gi bye
- 51b
ma snyed kyi/ brgya byin dang / tshangs pa dang / 'jig rten skyong du gyur pa dang / 'khor los sgyur ba'i rgyal srid thob pa'i dge ba'i rtsa ba yang bskyed do// dran pa dag pa shes bya ba'i thos pa'i gzungs kyang thob ste/ thos pa'i gzungs des na/ sangs rgyas kyi gsungs pa yang dag par 'dzin par byed do// gzhon nu de dag dang / de dag gi ma de rnams kyis kyang rjes su mthun pa'i chos kyang bzod pa thob po// btsun pa de dag gi nang nas kyang bud med brgyad khri bzhi stong gis na byang chub tu sems bskyed do// bud med brgyad khri bzhi stong gis ni bzod pa thob par gyur to// lha dang mi khrag khrig phrag dgu bcus ni byang chub tu sems bskyed do// lha dang mi brgyad khri bzhi stong gis ni bzod pa thob par gyur to// nyan thos kyi theg pa pa khrag khrig phrag sum cu rtsa gnyis ni chos rnams la chos kyi mig rnam par dag go// dge slong khri drug stong ni len pa med par zag pa rnams las sems rnam par grol lo// rgyal po bsod nams mi zad pa rgyal srid thams cad spangs nas/ lha dang mi'i 'dod pa rnams la don du gnyer ba med par/ bla na med par yang dag par rdzogs pa'i byang chub 'di nyid la rten bcas te/ dad pas khyim nas khyim med par rab tu byung ngo // rab tu byung ba de thos nas/ rgyal po'i bu de dag thams cad rab tu byung ngo // de dag kyang rab tu byung bar shes
- 52a
nas/ yul gyi mi dang 'khor drug 'bum rab tu byung ngo // rgyal po'i btsun mo'i nang nas kyang btsun mo dam pa bzhi rab tu byung ste/ klu'i bdag po de ltar na dag pa'i sems can dge ba'i rtsa ba bskyed pa yongs su sbyang ba byas pa rnams kyi gnas su gyur pa'i gsung rab de dga' ltar 'dug par gyur to// klu'i bdag po de'i tshe de'i dus na/ 'khor lo'i bsgyur ba'i rgyal po bsod nams mi zad pa gzhan zhig snyam du khyod som nyi'am/ yid gnyis sam the tsom za bar gyur na de lta mi lta'o// de ci'i phyir zhe na/ klu'i bdag po de'i tshe de'i dus na/ khyod nyid 'khor los sgyur ba'i rgyal po bsod nams mi zad pa zhes bya bar gyur to// klu'i bdag po khyod rgyal po'i bu dang / rgyal po'i bu mo de dag gzhan zhig yin pa snyam du sems na de ltar mi lta'o// de ci'i phyir zhe na/ 'khor 'dir 'dus shing 'khod pa'i byang chub sems dpa' sems rkyen po 'di dag nyid yin no// klu'i bdag po 'di ji snyam du sems/ rin po che'i za ma tog ces bya ba'i gzungs gang de bzhin gshegs pa tshangs pa'i dpal lha'i rgyal po bsod nams mi zad pa de la bstan pa de gzhan zhig yin snyam du sems na khyod kyi de lha mi lta'o// de ci'i phyir zhe na/ mi zad pa'i za ma tog gi gzungs 'di nyid de'i tshe rin po che'i za ma tog ces bya'o// klu'i bdag po de ltar na/
- 52b
de bzhin gshegs pa ni sangs rgyas kyi chags pa med pa rnam par gzigs nas/ sems can rnams la sngon gyi rgyu las byung ba'i chos kyi gtam brjod par mdzad do// klu'i bdag po khyod kyis de bzhin gshegs pa mang po las mi zad pa'i za ma tog gi gzungs 'di thos so// khyod kyi sangs rgyas 'bum phrag mang po las/ gzungs 'di'i don yang yang du thos te/ de nas da ltar khyod 'di ltar dran pa dang ldan pa dang / 'di ltar blo gros dang ldan pa dang / 'di ltar rtog pa dang ldan pa dang / 'di ltar spobs pa phun sum tshogs pa dang / 'di ltar shes rab dang ye shes dang ldan pa yin no// klu'i bdag po gang dag mi zad pa'i za ma tog gi gzungs 'di'i ming tsam 'am/ bstan pa'i phyogs tsam thos pa de dag thams cad kyang spobs pa mi zad par nges par 'byung bar 'gyur ro// de ci'i phyir zhe na/ gzungs 'di'i rgyu dang mthun pa ni de yin pa'i phyir ro// klu'i bdag po gzungs kyi nges par 'byung ba'i bsrung ba 'di phyi ma'i dus/ phyi ma'i tshe spyod par 'gyur ba gang yin pa de dag thams cad kyang de bzhin gshegs pa'i byin gyis brlabs kho na las gyur pas lta bar bya'o// klu'i dbang po de la gzungs 'di ni chos kyi phung po brgyad khri bzhi stong gi sgo yin no// spyod pa brgyad khri bzhi stong la 'jug pa yin no// ting nge 'dzin brgyad khri bzhi stong gi rjes su 'gro ba yin no// gzungs brgyad khri bzhi stong gi rtsa ba ni mi zad pa'i za me tog gi gzungs
- 53a
'di nyid yin no// klu'i bdag po byang chub sems dpas phyogs bcur chags pa med cing thos pa med par so so yang dag par rig pa bzhis chos kyi char chen po rab tu 'bebs pa gang yin pa de dag mi zad pa'i za ma tog gi gzungs 'ba' shig gi rgyu dang mthun pa las gyur pa yin no// klu'i bdag po de la mi zad pa'i gzungs 'di la 'jug pa'i tshig rnams dang / mtshams sbyor ba'i tshig rnams dang / lha dang klu dang / gnod sbyin dang / dri za dang lha ma yin dang / nam mkha' lding gi bsrung ba'i tshig rnams ngas bstan par bya'o// // tad+ya thA/ he tu ma ti/ sha ma ma ti/ pra sA da ma ti/ ud dzu ma ti/ ud ta ra Na ma ti/ ag kA ya/ ma ti/ ud nu sa ma d+hi/ u la gA mu khA/ pra bA mug ti/ pra b+ha ke du/ pra tsA rak+She du/ s+thi ti ka ra NI/ ma ti bi sho d+ha Ne/ ga te pra bI shwe/ shwa ra ba lAM/ ta mo nU de/ san dA ra ni/ ud tAr ni/ shAn ta mu khI/ shAn ta pra dwe shwe/ shan te kle shwe/ ba sa na a pa gA te/ ku sha la ba sa ni/ a nu san ti/ ba ga te s+thi te/ sA na a nu ga te/ a ba swa na ga te/ a bi sa re/ a shu phrad nye/ prad nya mU le/ mu la ba ti/ sha shang pra b+he/ sU rgya ba ti/ dz+nye ti shwA b+h+yAM/ su bi ma le/ a ma laM/ sarbe ta mo bi shod ni/ budad a diSh+Ti te/ sarba de ba tA pa ri gi hi ste/ sarba b+hud da nan/ sa s+yA ya ne/ a nudany+dzatsA pra ha na/ prad tid tshaM te shag kren/ pA
- 53b
li ta le ko pA lA'i/ pa ri gri hA ti/ a r+ye'i/ sang gri hI ta ri/ Shi b+hi tra na/ mo kA prad d+ha nan/ sang gra twe dwe ba ma nu sh+ya nan/ nig gra ha gle shA nan/ ni r+g+ha ta nan mA ra Na na/ d+hi ra sha nan tir+thi ka nan/ nig gra hA/ sarba pra ra bA d+hi nan/ tso da na/ a b+hi ma naM ka nan/ a nu pag kre mo d+harma b+ha na kA nan/ a brdza nane pa ri Sha da/ san to sha nan dar rma kA nan/ pa ri rag ShA d+harma ko Sha s+ya/ a nu par che de sti rang na bang sha s+ya/ mA ti sarba sad ta nan/ stu tA sarba gu NaNI ke'i// / klu'i bdag po 'di dag ni mi zad pa'i za ma tog gi gzungs kyi kun tu bsrung ba dang / yongs su bsrung ba'i tshig yin te/ de dag brjod na chos smra ba des mi 'jigs pa sum cu rtsa gnyis thob par 'gyur te/ sum cu rtsa gnyis gang zhe na/ gzhan yang dag par dga' bar 'gyur ba'i phyir thos pa mi 'jigs pa thob par 'gyur ba dang / tshig 'khrul pa med pa'i phyir bstan pa mi 'jigs pa thob par 'gyur ba dang / tshig zlos bu med pa'i phyir/ nges pa'i tshig mi 'jigs pa thob par 'gyur ba dang / sgra ji lta ba bzhin du 'jug pa'i phyir brtag pa mi 'jigs pa thob par gyur pa dang / byin gyis brlabs ston pa'i phyir/ spobs pa mi 'jigs pa thob par 'gyur ba dang / 'dzin pa'i blo dang ldan pa'i phyir dran pa mi 'jig pa thob par 'gyur ba dang / gzhan gyi blo gros yang dag par mgu bar byed pa'i phyir/ blo gros mi 'jigs pa thob par 'gyur ba dang / som nyi myur du gcod pa'i phyir
- 54a
rtogs pa mi 'jigs pa thob par 'gyur ba dang / gzhan gyi ngor mi lta ba'i phyir blo mi 'jigs pa thob par 'gyur ba dang / tshig ji skad du smras pa bzhin du mi 'gyur ba'i phyir 'khrul pa med pa mi 'jigs pa thob par 'gyur ba dang / tshul khrims yongs su dag pa'i phyir spa gong ba med pa mi 'jigs pa thob par 'gyur ba dang / bzod pa yongs su dag pa'i phyir 'dzum pa'i bzhin mi 'jigs pa thob par 'gyur ba dang / yang dag par dam bcas pa las mi nyams pa'i phyir bstan pa mi 'jigs pa thob par 'gyur ba dang / glan ka mi 'chol ba'i sems dang ldan pa'i phyir tshig bzung bar 'os pa mi 'jigs pa thob par 'gyur ba dang // 'khor mngon par 'gyur bar byed pa'i phyir/ tshig brdzun pa mi 'jigs pa thob par 'gyur ba dang / zab mo'i chos gleng ba'i phyir/ shes rab mi 'jigs pa thob pa 'gyur ba dang / khengs pa med pa'i phyir spyod pa mi 'jigs pa thob par 'gyur ba dang / phas kyi rgol ba thams cad tshar gcod pa'i phyir/ seng ge'i sgra mi 'jigs pa thob par 'gyur ba dang / zang zing med par chos ston pa'i phyir skur ba med pa mi 'jigs pa thob par 'gyur ba dang / nyams su len pa la gtan la 'bebs pa'i phyir bstan pa kha na ma tho ba med pa mi 'jigs pa thob par 'gyur ba dang / mkhas pas ma spang ba'i phyir/ smad du med pa'i mi 'jigs pa thob par 'gyur ba dang /
- 54b
do sngo dang mi 'gal ba'i phyir sbyor 'byor mi 'jigs pa thob par 'gyur ba dang / dus su yang dag par bskul ba'i phyir yang dag pa'i skul ba mi 'jigs pa thob par 'gyur ba dang / ji skad smras pa de bzhin byed pa'i phyir phyin ci ma log pa mi 'jigs pa thob par 'gyur ba dang / sems can rnams la 'dud pa'i phyir nga rgyal med pa mi 'jigs pa thob par 'gyur ba dang / sngon thos pa legs par bzung ba'i phyir tshig dang yi ge zad mi shes pa mi 'jigs pa thob par 'gyur ba dang / chos tshad med pa rtogs pa'i phyir thams cad kyi dri ba skabs 'byed pa mi 'jigs pa thob par 'gyur ba dang / bdag nyid yongs su dag par byed pa'i phyir 'khor thams cad mngon par mthu bar byed pa mi 'jigs pa thob par 'gyur ba dang / nyon mongs pa thams cad yongs su shes pa'i phyir/ bdud dang phyir rgol ba bcom pa mi 'jigs pa thob par 'gyur ba dang / zhe 'gras pa med pa'i sems dang ldan pa'i phyir byams pa chen po mi 'jigs pa thob par 'gyur ba dang / sems can thams cad rjes su bsrung ba'i phyir snying rje chen po mi 'jigs pa thob par 'gyur ba dang / chos kyi rgyal po byed pa'i phyir sangs rgyas kyi ye shes mi 'jigs pa thob par 'gyur ba ste/ klu'i bdag po de ltar na byang chub sems dpa' sems dpa' chen po ni mi zad pa'i za ma tog gi gzungs nyan pa dang / mos pa dang / sgrub pa ni mi 'jigs pa sum cu rtsa gnyis po de dag rgyun ma chad pas na/ de mthar gyis de bzhin ba par 'gyuro// mi 'jig pa su cu rtsa gnyis po de dag
- 55a
gshegs pa'i mi 'jigs pa bzhi thob par gyur te/ mi 'jigs pa de dag dang ldan pas lha dang bcas pa'i 'jig rten gyi mdun du de bzhin gshegs pa seng ge'i sgra sgrogs so// sems can thams cad kyi dri ba lung bstan pa'i phyir yang skabs 'byed do// sems can gyi ris na de bzhin gshegs pa la chos dang mthun par rgol nus pa 'am/ de bzhin gshegs pa chos gsung bar mdzad pa la bar gcod nus pa de lta bu'i sems can ni gang yang med do// klu'i rgyal po de lta bas na byang chub sems dpas mi zad pa'i za ma tog gi gzungs 'di la sbyor bar bya'o// klu'i bdag po mi zad pa'i za ma tog gi gzungs 'di la sbyor ba gang zhe na/ gang la mig tu sbyor ba yang med/ gzugs su sbyor ba yang med/ mig gi rnam par shes par sbyor ba yang med pa dang / rna bar sbyor ba yang med/ sgrar sbyor ba yang med/ rna ba rnam par shes par sbyor ba yang med pa dang / snar sbyor ba yang med/ drir sbyor ba yang med/ sna'i rnam par shes par sbyor ba yang med pa dang / lcer sbyor ba yang med/ ror sbyor ba yang med/ lce'i rnam par shes par sbyor ba yang med pa dang / lus kyi sbyor ba yang med/ reg byar sbyor ba yang med/ lus kyi rnam par shes par sbyor ba yang med pa dang / yid du sbyor ba yang med/ chos su sbyor ba yang med/ yid kyi rnam par shes par sbyor ba yang med pa de ni gzungs 'di la sbyor ba yin no//
- 55b
klu'i bdag po gzhan yang / gang la gzugs su sbyor ba yang med/ gzugs gnas par sbyor ba yang med/ gzugs 'gag par sbyor ba yang med pa de ni/ gzungs 'di la spor ba yin no// de bzhin du tshor ba dang / 'du shes dang / 'du byed dang / rnam par shes par sbyor ba yang med/ rnam par shes pa skye bar sbyor ba yang med/ rnam par shes pa gnas par sbyor ba yang med/ rnam par shes pa 'gag par sbyor ba yang med pa de ni gzungs 'di la sbyor ba yin no// klu'i bdag po gzhan yang gzugs stong pa nyid du sbyor ba dang / gzugs stong pa nyid du yang rloms sems mi byed pa'i sbyor ba gang yin pa de ni gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa stong pa nyid du sbyor ba dang / rnam par shes pa stong pa nyid du yang rloms sems mi byed pa'i sbyor ba de ni gzungs 'di la sbyar ba yin no// klu'i bdag po gzhan yang gzugs mtshan ma med par sbyor ba dang / gzugs mtshan ma med par yang rloms sems mi byed pa'i sbyor ba gang yin pa de ni gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa mtshan pa med par sbyor ba dang / rnam par shes pa mtshan ma med par yang rloms sems mi byed pa'i sbyor ba gang yin pa de ni/ gzungs 'di la sbyor ba yin no// klu'i bdag po gzhan yang gzungs smon pa med par skyo
- 56a
ba dang / gzugs smon pa med par yang rloms sems mi byed pa'i sbyor ba gang yin pa de gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa'i smon pa med par yang rloms sems mi byed pa'i sbyor ba gang yin pa de ni gzungs 'di la sbyor ba yin no/ gzugs mngon par 'du byed pa med par sbyor ba dang / gzugs mngon par 'du byed pa med par yang rloms sems mi byed pa'i sbyor ba gang yin pa dang / tshor ba dang / 'du shes dang / 'du byed pa dang / rnam par shes pa mngon par 'du byed pa med par yang rloms sems mi byed pa'i sbyor ba gang yin pa de ni gzungs 'di la sbyor ba yin no// gzugs ma skyes pa dang / ma byung bar yang rloms sems mi byed pa'i sbyor ba gang yin pa dang / tshor ba dang / 'du shes dang / 'du byed pa dang / rnam par shes pa ma skyes pa dang / ma byung bar sbyor ba dang / rnam par shes pa ma skyes pa dang / ma byung bar yang rloms sems mi byed pa'i sbyor ba gang yin pa de ni gzungs 'di la sbyor ba yin no// gzugs dben pa'i sbyor ba dang / gzugs dben par yang rloms sems mi byed pa'i sbyor ba gang yin pa de ni gzungs 'di la sbyor ba yin no// tshor ba dang / 'du shes dang / 'du byed dang / rnam par shes pa dben par sbyor ba dang / rnam par shes pa
- 56b
dben par yang rloms sems mi byed pa'i sbyor ba gang yin pa de ni gzungs 'di la sbyor ba yin no// gzungs rang bzhin gyis rnam par dag par sbyor ba dang / gzugs kyi rang bzhin gyi rnam par dag par yang rloms sems mi byed pa'i sbyor ba gang yin pa de ni gzungs 'di la sbyor ba yin no// de bzhin du tshor ba dang 'du shes dang 'du byed dang / rnam par shes pa rang bzhin gyi rnam par dag par sbyor ba dang / rnam par shes pa rang bzhin gyis rnam par dag par yang rloms sems ming byed pa 'di ni gzungs 'di la sbyor ba yin no// klu'i bdag po gzhan yang khams rnams la chos kyi dbyings su sbyor ba dang / chos kyi dbyings la yang rloms sems mi byed pa'i sbyor ba gang yin pa dang / skye mched rnams la rang bzhin gyis stong pa nyid sbyor ba dang / rang bzhin gyis stong pa nyid la yang rlom sems mi byed pa'i sbyor ba gang yin pa de ni gzungs 'di la sbyor ba yin no// chos thams cad la rten cing 'brel bar 'byung bar sbyor ba dang / rten cing 'brel bar 'byung bar yongs su rtag pa la yang rloms sems mi byed pa'i sbyor ba gang yin pa dang / chos thams cad la gnas pa med par sbyor ba dang / gnas med par yang mngon par zhen pa med pa'i sbyor ba gang yin pa dang / chos thams cad de bzhin nyid du sbyor ba dang / de bzhin nyid yang mngon par zhen pa med pa'i sbyor ba gang yin pa dang / chos thams cad yang dag pa'i mtha' la gnas par sbyor ba dang /
- 57a
bya/ yang dag pa'i mtha' la gnas pa yang rloms sems mi byed pa'i sbyor ba gang yin pa de ni/ gzungs 'di la sbyor ba yin// / klu'i bdag po gzhan yang sems can 'dod chags spyod pa rnams kyi 'dod chags kyi spyod pa yongs su shes pa'i sbyor ba dang / chos kyi dbyings 'dod chags kyi spyod pa dang / kun tu sbyor ba yang med pa'i sbyor ba gang yin pa de ni gzungs 'di la sbyor ba yin no// de bzhin du sems can zhe sdang sprod pa rnams kyi zhe sdang gi spyod pa yongs su shes pa'i sbyor ba dang / chos kyi dbyings zhe sdang gi spyod pa dang / kun tu sbyor ba yang med pa'i sbyor ba yang med pa'i sbyor ba gang yin pa de ni gzungs 'di la sbyor ba yin no// sems can gti mug spyod pa rnams kyi gti mug gi spyod pa yongs su shes pa'i sbyor ba dang / chos kyi dbyings gti mug gi spyod pa dang / kun tu sbyor ba yang med pa sbyor ba gang yin pa de ni gzungs 'di la sbyor ba yin no// sems can cha mnyam par spyod pa rnams kyi cha mnyam pa'i spyod pa yongs su shes pa'i sbyor ba dang / chos kyi dbyings la cha mnyam pa'i chad pa yang med pa'i sbyor ba gang yin pa de ni gzungs 'di la sbyor ba yin no// klu'i bdag po mdor bsdu na spyod pa brgyad khri bzhi stong yongs su shes pa'i sbyor ba dang / chos kyi dbyings la sbyor ba yang med pa gang yin pa de ni gzungs 'di la sbyor ba yin no// klu'i bdag po gzhan yang sbyor ba gang yin pa dang /
- 57b
mi sbyor ba gang yin pa'i chos gang yang de la sbyor ba yang med mi sbyor ba yang med do// de ci'i phyir zhe na/ sbyor ba de ni snang ba yang ma yin/ brtag par yang ma yin/ mtshon mar byas pa yang ma yin pa'i phyir te/ de bas na sbyor ba de ni yang dag pa'i sbyor ba yin no// yang dag pa'i sbyor ba yang chos gang yang 'dren par yang mi byed/ mi 'dren par mi byed/ 'dzin par yang mi byed/ gtong bar mi byed/ gnas par mi byed/ 'gro bar yang mi byed/ de bas na sbyor ba ni yang dag pa'i sbyor ba zhes bya'o// klu'i bdag po byang chub sems dpa' de ltar sbyor ba ni mi zad pa'i za ma tog gi gzungs 'di thob par 'gyur ro// de nas de'i tshe bcom ldan 'das kyi tshigs su bcad pa/ 'di dag bka' stsal to// gang tshe de yi gzugs 'di thob gyur na// de yi dran dang blo gros yongs su dag/ mdo sde rtogs pa kun gyi pha rol tu phyin// 'gro ba'i skad dang sgra yang rab tu shes// 'gro ba'i sems dang sbyor ba ngan pa dang // bzang dang 'bring gi rgyu ba gang yin shes// spyod dang sems kyi rgyud rnams shes nas kyang / ji ltar 'tsham par chos kyi tshig rnams ston// gang tshe de ni gzugs la rab mkhas na// de na rgyu dang byed dang rkyen la mkhas// rtag dang chad par lta bar mi 'gyur te// mthar 'dzin thams cad rnam par spangs pa yin// gang tshe de yis gzungs 'di thob gyur na// yi ge dang ni tshig rnams 'byed la mkhas// skad rnams mang po tha dad du ma
- 58a
shes/ don dang yi ge dag la mkhas par 'gyur// de mi lha'i mig kyang dri med 'gyur// de yi lha'i rnanga'ang rnam par ngaH/ shes rab mtha' yas pha rol sems la mkhas// 'das pa dang ni ma 'ongs bskal pa dran// de bzhin rdzu 'phrul rkang pa thob gyur nas// zhing rnams bya ba mtha yas skad cig 'gro// 'jig rten 'dren rnams la ni mchod pa byed// de bzhin gzungs la thos pa chos kyang 'dzin// bdud rnams 'bum phrag ji snyed yod pa yis// de yi 'gro ba rnams ni mi shes la// mun gsal sems can dag pa nyon mongs med// mdo sde stong phrag tshad med ston par byed// chu'i nang na pad ma ma gos bzhin// de ni 'jig rten chos rnams gos med spyod// rjes chags khong khro rnams las rtag tu grol// 'jig rten kun la sems ni mkha' ltar snyoms// mtshan gyi dam pa/ gzugs 'chang dag pa ste// de la lte bas skye bo mchog mi shes// spyod lam dag ni spyod pa shes bzhin rgyu// 'grol phan don byed cing 'jig rten rgyu// gang che gzus 'di thob par gyur pa na// brgya byin de bzhin tshangs pa 'jig rten skyong // de yi rkang mthal du ni gus par 'dud// 'on kyang de yid gang du'ang khengs pa med// de ni skad snyan tshangs pa'i dbyangs dang ldan// skye ba'i yid na rnam 'byor mgu bar byed// skyo med snyan cing dag la dus su smra// de yi bstan pa don med yongs mi 'gyur//
- 58b
gang gis de yi gzungs ni thob gyur na// de ni 'khor gyi nang du 'jigs pa med// seng ge'i sgra chen mi 'jigs sgrogs par byed// pha rol tshogs rnams thams cad rab tu 'joms// sems can g.yon can gdul dka' nga rgyal khengs// mngon pa'i nga rgyal skyon ldan gang yin pa// de dag mkhas pa'i chos ni thob gyur na// nga rgyal spangs nas rkang mthil 'dud par byed// chos kyi dbyings ni rang bzhin zhi ba dang // don rtogs dang ni chos nyid nges par shes// de phyir chos ni gtan la 'bebs pa dang yi ge 'byed la de yi tshig mi zad// sems can rang bzhin rnam dag chos kyi dbyings// de bzhin bdag nyid rnam dag de yis shes// de ltar sems can de bzhin nyid shes pas// de yi chos rnams bstan pa thogs pa med// zad pa rnams yang zad par mi nus la// ma zad pa yang nam kyang zad mi 'gyur// chos nyid rab zhi 'di ni rtog nas kyang // der ni mdo sde bye ba mtha' yas ston// yi ge 'di dag lus la mi gnas shing // yid la mi gnas sems las ma byung ste// ji ltar brag cha'i sgra ni/ thos pa bzhin// yi ge rnams kyi rang bzhin stong zhing dben// gzungs 'di yi ge rnams dang sgra la med// tshig gi lam dang lus dang ngag la 'od med// de ltar yi ge 'di rnams rtogs pas na// smras kyang de yi tshig ni thogs pa med// de ni ston kyang yid la rnam rtog med// sems la'ang rlom sems byed pa yong med do// 'on
- 59a
kyang chos 'di rtogs par bya ba'i phyir// chos nyid rab tu 'bad pa chos kyang ston// gang che de yi gzungs ni thob gyur na// so yang dag rig bzhi rjes su rtogs// don la rab skabs chos nyid chog shes// sgra dang skad dang nges pa'i tshig la mkhas// de bzhin spobs pa thogs med chad kyang med// de ni kun rdzob don dam shes pa ste// de bzhin sna tshogs zab mo bstan pa shes// lugs 'byung lugs las bzlog pa bde'ang shes// mthong man 'gro ba rnams la'ang ba mthar phyin// sems zhun pa ni rab tu 'dzin la mkhas// de bzhin khengs rnams tshar gcod shes la mkhas// bstan pa dag la bya ba'i tshul kun shes// lus dang ngag dang sems kyi las rnams la// shes pa thog med rnam par nges par 'jug/ gzungs dang ldan pa tshig la 'khrul pa med/ nyes pa spangs shing brtan por gyur pa yin// sems can 'dul gzungs yid dang dran pa la// zhugs par gyur na chos shes zhugs pa ste// thos pa gang yin nam kyang chud mi za// ji skad thos pa 'tshungs par ril gyis 'dzin// gzungs ni chos nyid 'gal ba ma yin la// de ni chos la zhi'ang ma yin te// chos dang shi tu mi mtshungs mi mnyam mnyam// chos nyid sbyor dang ldan phyir bzod nas zhi// mi zad pa'i za ma tog gi gzungs kyi sbyor ba 'di bstan pa dang / tshigs su bcad pa
- 59b
mngon par bsgrub pa 'di bstan pa na/ klu'i rgyal po rgya mtsho'i 'khor gyi nang nas/ klu khri nyis stong gis bla na med pa yang dag par rdzogs pa'i byang chub tu sems bskyed de/ de dag gis tshig 'di skad du/ bcom ldan 'das bdag cag kyang ma 'ongs pa'i dus na/ mi zad pa'i za ma tog gi gzungs 'di thos nas/ ji ltar da ltar na de bzhin gshegs pa chos ston pa de kho na bzhin du/ sems can thams cad chos ston par gyur cig ces kyang smras so// mi zad pa'i za ma tog gi gzungs kyi phan yon gyi le'u ste// bzhi pa'o// // de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das klu'i skye gnas su skyes pa dag kyang 'di ltar bla na med pa yang dag par rdzogs pa'i byang chub tu sems bskyed par bgyid la/ 'di na mir gyur pa kha cig ni byang chub tu sems bskyed pa'i rngo mi thog pa ni ngo mtshar lags so// bcom ldan 'das kyis bka' stsal pa/ sha ri'i bu klu khri nyis stong po 'di dag ni de bzhin gshegs pa 'od srung gi gsung rab tu byung bar gyur te/ 'di dag gis de bzhin gshegs pa de las byang chub kyi sems dang ldan pa'i gtam gcig thos so// thos nas kyang de bzhin gshegs pa de la legs so zhes bya ba gsol te// theg pa chen po ni bsam gyis mi
- 60a
khyab ste/ legs so legs so zhes tshig tu smras so// mi dge ba'i 'du 'dzi 'di lta ste/ mdza' bshes kyi khyim dang slong mo ster ba'i khyim yongs su bzung ba'i phyir/ tshul khrims rnams nyams su ma blangs par gyur te/ tshul khrims nyams par byas pa des na/ 'di dag de nas shi 'phos nas/ klu'i skye gnas su skyes par gyur to// 'di dag gis theg pa chen po'i gtam de thos la/ bcom ldan 'das de la yang legs so zhes bya ba gsol ba'i rgyu de dang / rkyen de dang / dge ba'i rtsa ba des ni da ltar nga las theg pa chen po'i gtam thos te/ mi zad pa'i za ma tog gi gzungs bstan pa thos nas/ bla na med pa yang dag par rdzogs pa'i byang chub tu sems skyes so// sha ri'i bu lhag pa'i bsam pa'i khyad par la ltos// ngas 'di dag bla na med pa yang dag par rdzogs pa'i byang chub tu lung bstan te bskal pa bgrang ba las 'das pa dag na/ de bzhin gshegs pa yang bgrang ba las 'das pa dag la mchod pa byas nas byang chub kyi phyogs dang mthun pa'i chos rnams yang dag par bsgrubs te/ bskal pa mngon par dga' ba zhes bya ba la 'jig rten gyi khams dri ma med pa'i snying por// bla na med pa yang dag par rdzogs pa'i byang chub mngon par rdzogs par 'tshang brgya par 'gyur te/ ye shes bla ma zhes bya ba dang / bsod nams bla
- 60b
ma zhes bya ba dang / chos bla ma zhes bya ba dang / shes rab bla ma zhes bya ba'i mtshan 'di bzhir mthun pa sha stag gi de bzhin gshegs par 'gyur ro// de dag zas cad kyang bskal pa de gcig kho na la 'byung bar 'gyur te/ dper na bskal pa bzang po 'di la sangs rgyas stong 'byung bar 'gyur ba bzhin no// de nas bcom ldan 'das la klu'i rgya po rgya mtshos 'di skad ces gsol to// bcom ldan 'das gang gi tshe/ bdag bskal pa'i dang por rgya mtsho chen po'i nang na gnas pa dang / gang gi tshe bcom ldan 'das de bzhin gshegs pa 'khor ba 'jig 'jig rten du 'byung ba de'i tshe na/ rgya mtsho chen po'i nang na klu dang / klu'i bu dang / klu'i bu mo dag nyung bar gyur te/ bdag kyang 'khor nyung bar gyur/ bcom ldan 'das da ni/ rgya mtsho chen po'i nang na klu dang / klu'i bu dang klu'i bu mo dag kyang 'di ltar tshad ma mchis te/ grangs kyi mtha' rtogs par mi nus lags na/ bcom ldan 'das rgyu ni gang lags/ rkyen ni gang lags/ bcom ldan 'das kyis bka' stsal pa/ klu'i bdag po gang dag legs par gsungs pa'i chos 'dul ba la rab tu byung nas tshul khrims dag pa yongs su ma byas te/ cho ga nyams pa dang / mtsho ba nyams pa dang / tshul khrims nyams par gyur la de dag gi lta ba yang drang por gyur te/ des na sems can dmyal ba rnams su ni mi skye/ shi 'phos nas klu'i skye gnas
- 61a
rnams su skye bar 'gyur te/ klu'i bdag po de bzhin gshegs pa 'khor ba 'jig gi gsung rab las ni srog chags khyim pa dang rab tu byung ba bye ba phrag dgu bcu rtsa brgyad cho ga dang / mtsho ba dang tshul khrims nyams te/ shi 'phos nas klu'i skye gnas su skyes so// de bzhin gshegs pa gser thub kyi gsung rab la ni/ srog chags khyim pa dang rab tu byung ba bye ba phrag drug cu rtsa bzhir rab tu byung ba las tshul khrims 'chal bar gyur bas shi 'phos te/ klu rnams kyi gnas su skyes so// de bzhin gshegs pa 'od srung gi gsung rab las ni srog chags khyim pa dang rab tu byung ba bye ba phrag brgyad bcu cho ga dang / mtsho ba dang / tshul khrims nyams nas shi 'phos te/ klu'i skye gnas rnams su skyes so// klu'i bdag po da ltar nga'i gsung rabs 'di las ni srog chags khyim pa dang rab tu byung ba bye ba phrag dgu bcu rtsa dgu rab tu byung ba las/ rtsod pa sna tshogs dang / 'thab pa sna tshogs dang / 'du 'dzi sna tshogs kyi cho ga dang / 'tsho ba dang / tshul khrims nyams te/ shi 'phos nas klu'i skye gnas rnams su skye zhing skye bar 'gyur te/ klu'i bdag po rgyu ni de yin no// rkyen ni de yin te des na daN+Da klu dang / klu'i bu dang klu'i bu mo rnams de ltar tshad med do// klu'i bdag po da dung yang nga yongs su mya ngan las 'das pa'i 'og phyi ma'i dus phyi ma'i tshe na dge slong sdig can rnams
- 61b
dang / dge slong ma sdig can rnams dang / dge bsnyen sdig can rnams dang / dge bsnyen ma sdig can rnams dang / tshul khrims nyams pas klu'i skye gnas rnams su skye bar 'gyur ro// de'i nang nas kha cig ni sems can dmyal ba rnams su ltung bar 'gyur ro// gsol pa/ bcom ldan 'das rab tu byung bar rtogs la/ tshul khrims nyams pa'i klu'i skye gnas rnams su skyes pa dang / skye bar 'gyur ba gang legs pa de dag gi las rnams la khyad par ci mchis lags/ bcom ldan 'das kyis bka' stsal pa/ klu'i bdag po rab tu byung bar rtogs la/ tshul khrims nyams pa klu'i skye gnas rnams su skyes pa dang / skye bar 'gyur ba gang yin pa de dag ni sbyor ba ni yongs su ma dag la/ de bzhin gshegs pa'i bstan pa yid ches pa'i phyir/ de dag gi bsam pa yod de/ de dag ni klu'i skye gnas de nas shi 'phos nas/ lhag pa'i bsam pa de'i stobs kyis lha dang mi rnams kyi nang du skye bar 'gyur te/ bskal pa bzang po 'di la sangs rgyas su 'gyur ba gang yin pa'i de bzhin gshegs pa dag gi bstan pa la theg pa ji lta ba bzhin du mos par 'gyur te/ theg pa chen po la zhugs pa rnams ma gtogs par thams cad kyang bskal pa bzang po 'di nyid la yod/ su mya ngan las 'da' bar 'gyur ro// klu'i bdag po de bzhin gshegs pa'i bstan pa'i che ba nyid dang / rab tu byung ba'i yon tan gyi rgyu'i khyad par la ltos/ 'di
- 62a
ltar sems can de dag mi dge ba'i chos thams cad spangs nas/ khyad par du 'gro bar 'gyur ro// de nas bcom ldan 'das la klu'i rgyal po rgya mtsho'i bu dpal gyi gzi brjid kyi 'di skad ces gsol to// bcom ldan 'das sangs rgyas bcom ldan 'das rnams ni mthong ba dang thos pa don mchis pa lags te ngo mtshar lags so// 'di ltar smad du ma mchis pa'i las can rnams kyi sangs rgyas la dmigs pa'i sems cig tsam bskyed pa yang chab 'tshal bar mi 'gyur te/ de ni de dag gi yongs su mya ngan las 'da' ba'i bar gyi rgyur 'gyur ba lags so// bcom ldan 'das bdag kyang bla na med pa yang dag par rdzogs pa'i byang chub 'di lta ste/ mthong ba dang thos pa'i don mchis par sems bskyed par 'tshal lo// byang chub kyi snying po la thug gi bar du bdag gi byang chub sems dpa'i spyod ba don mchis par gyur cig/ bdag sems rmongs par ma gyur cig/ dge ba la rmongs pa dang / byams pa chen po dang / snying rje chen po la rmongs par ma gyur cig/ bdag tshe rab thams cad du sangs rgyas mthong ba dang / chos mthong ba dang / 'phags pa'i dge 'dun la bsnyen bkur bgyid pa dang / sems can yongs su smin par bgyid pa dang bral bar ma gyur cig/ de nas bcom ldan 'das kyis klu'i rgyal po rgya mtsho'i bu dpal gyi gzi brjid la legs so zhes bya ba byin no// bzhin bzangs khyod kyis
- 62b
sems can thams cad kyi rten gyi sems bskyed pa legs so legs so// 'di lta bu'i lhag pa'i bsam pa dang / 'di lta bu'i snying rje chen po'i byang chub tu sems bskyed pa 'di'i dge ba'i rtsa ba'i rnam par smin pa de ni/ de bzhin gshegs pas lo bdun dang / zhag bdun du bshad kyang / mthar phyin par bshad par mi spyod de/ khyod kyi dge ba'i rtsa ba'i tshogs de tsam du chad med pa 'di yongs su bzung ngo // de nas bcom ldan 'das kyi klu'i rgyal po rgya mtsho'i bu dpal gyi gzi brjid kyis lhag pa'i bsam pa thugs su chud nas/ de'i tshe 'dzum pa mdzad do// 'di ni sangs rgyas bcom ldan 'das rnams gang gi tshe/ 'dzum pa mdzad pa'i chos nyid de/ de nas de'i mod la bcom ldan 'das kyi zhal gyi sgo nas 'od zer 'di lta ste/ sngon po dang / ser po dang / dmar po dang / dkar po dang / rtsod ka dang shel dang / dngul gyi kha dog lta bu dag byung ngo // 'od zer de dag gis 'jig rten gyi khams mtha' yas mu med pa snang ba chen pos khyab par byas nas/ tshangs pa'i 'jig rten gyi bar du mngon par 'phags te/ nyi ma dang zla ba gnyis kyi gzi brjid dang / 'od kyang mgo mog por byas nas phyir log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to// de nas tshe dang ldan pa kun dga' bos stan las langs te/ bla gos phrag pa gcig tu gzar nas/ bus
- 63a
@mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas/ bcom ldan 'das la 'dzum pa mdzad pa'i don tshigs su bcad pas zhus pa// bde gshegs bsod nams rgyas spras ska mnga' ba// mtshan mchog sum cu rtsa gnyis ldan pa'i sku// zla ba lta bur dri med dag pa'i zhal// ci'i slad du 'dzum pa ston par mdzad// bcom ldan dri med dri ma gsum bral ba// tha ba mi mnga' rnam dag pad ma'i spyan// lha dang lha ma yin dang klus mchod la// ci'i slad du 'dzum pa ston par mdzad// bcom ldan tshems snyoms thag bzangs dkar bar ldan// stobs bcu mnga' zhing dri bsung gda' ba'i zhal// dga' dang 'chi ba mthar thug mdzad pa po// ci'i slad du 'dzum pa ston par mdzad// nam mkha'i dkyil ltar dri ma med pa'i thugs// mgon po thugs kyi dgra zun mnyam snyoms pa// thugs ni ri bo lta bur mi g.yo ba// bcom ldan 'dzum pa'i don 'dir bka' stsal stsol// bcom ldan tshangs pa'i sgra skad sgrogs pa po// mi 'am ci dang ka la ping ka dang // rnga sgra lta bu snyan cing dga' ba dang // gnyen por gsung ba 'dzum pa'i thabs gsungs shing // 'dren pa thogs pa med pa'i blo mnga' ba// dus gsum 'gro ba'i spyod dang mos pa dang // dbang po rnams kyang rab tu mkhyen pa po// ci yi slad du 'dzum pa ston pa mdzad//
- 63b
bcom ldan sman pa'i rgyal po mi rnams dang // lha klu rnams kyi nad ni ni mdzad pa// bcom ldan stan du bde ba ston pa po// ci yi slad du 'dzum pa ston pa mdzad/ yon tan mnga' ba bdag la bka' stsol cig/ lha dang mi rnams khrag khrig nyan cing mchis// thos na yid ni rab tu dga' 'gyur zhing // thams cad mkhyen pa'i dgongs pa bgyid par 'gyur// de skad ces gsol pa dang / bcom ldan 'das kyi tshe dang ldan pa kun dga' bo la bka' stsal to// kun dga' bo khyod kyis klu'i rgyal po'i bu dpal gyi gzi brjid nga'i mdun du 'dug nas/ lhag pa'i bsam pas bla na med pa yang dag par rdzogs pa'i byang chub tu sems bskyed pa 'di mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo dpal gyi gzi brjid 'di bskal pa grangs med pa phrag brgyad brgya na/ bskal pa kun du lta ba la 'jig rten gyi khams yongs su dag cing brtan par de bzhin gshegs pa mthong ba don yod ces bya bar 'gyur te/ 'jig rten du 'byung bar 'gyur te/ kun dga' bo dpal gyi gzi brjid 'di ni byang chub sems dpa'i spyod pa don yod pa spyod cing sangs rgyas bcom ldan 'das tshad med pa mnyes par byas te mchod pa byas nas rab tu byung ste tshangs par spyod par 'gyur ro// sems can tshad med pa yang theg pa gsum gyis yongs su smin par byed do// kun dga' bo de bzhin gshegs pa mthong ba don
- 64a
yod kyi 'jig rten gyi khams yongs su dag cing brtan pa de yang 'byor pa dang / rgyas pa dang / bde ba dang / lo legs pa dang / nyams dga' bar 'gyur la/ skye bo mang po dang / lha dang mi rnams kyis gang bar 'gyur te/ dper na 'thab bral gyi lha rnams nye bar spyad pa dang / longs spyod ji lta ba bzhin du/ de ni mi rnams kyi yang de dang 'dra bar 'gyur ro// de bzhin gshegs pa de'i tshe'i tshad kyang lo khri thub par 'gyur ro// de'i nyan thos kyi dge 'dun ni bye ba/ phrag drug cu yod do// byang chub sems dpa'i dge 'dun ni 'bum phrag bcu gnyis 'du bar 'gyur ro// kun dga' bo de bzhin gshegs pa mthong ba don yod de/ sems can gang gi mig sngar snang ba de dag kyang mthong ba'i mod la byams pa'i rnam pa'i ting nge 'dzin thob par 'gyur ro// kun dga' bo de bzhin gshegs pa mthong ba don yod ni/ mthong ba'i med la sems can rnams 'dul bar 'gyur ro// de la nyan thos kyi theg pa par 'gyur ba gang yin pa de dag ni dang po mthong bas rgyun du zhugs par 'gyur ro// lan gnyis mthong bas ni lan cig phyir 'ong ba'i 'bras bu thob par 'gyur ro// lan gsum mthong bas ni phyir mi 'ong ba'i 'bras bu thob par 'gyur ro// lan bzhi mthong bas ni dgra bcom pa nyid thob par 'gyur ro// byang chub sems dpa'i theg pa par 'gyur ba gang yin pa de dag ni/ de bzhin gshegs
- 64b
ba mthong ba don yod de mthong ba'i mdo kho na la mi skye ba'i chos rnams la bzod pa thob par gyur to// kun dga' bo 'jig rten gyi khams yongs su dag cing brtan pa na/ sems can su yang tshul khrims nyams pa 'am/ lta ba nyams pa 'am/ cho ga nyams pa 'am/ mtsho ba nyams par mi 'gyur te/ de dag thams cad yang dag par nyid tu nges par 'gyur ro// sems can de dag de nas shi 'phos pa su yang ngan 'gror 'gro bar mi 'gyur te/ de dag thams cad lha dang mi rnams kyi nang du skye bar 'gyur ro// sangs rgyas kyi zhing yongs su dag pa dag tu yang skye bar 'gyur ro// de nas klu'i rgyal po rgya mtsho'i bu dpal gyi gzi brjid kyi bdag nyid lung bstan pa thos nas/ tshim zhing / mgu la yid rangs te/ rab tu dga' nas dga' ba dang yid bde ba skyes te/ mu tig gi dra ba nor bu rin po che 'bum gyis spras pa/ de bzhin gshegs pa'i sku la gsol nas sor mo bcu'i thal mo sbyar te mngon sum du bcom ldan 'das la tshul dang mthun pa'i tshigs su bcad pa 'di dag gis mngon par bstod pa/ mi dbang zla ba dri med 'od kyi zhal// gzi brjid mtha' yas lha dang mis mchod pa// mtshungs med stobs ldan mtha' yas shugs mnga' ba// ye shes tshad ma mchis la mgos phyag 'tshal// phan par mdzad pa'i ye shes chang ma mchis// de bzhin shes rab 'od kyang bsam mi khyab// tshul khrims dri med rab rten rnam par dag/
- 65a
dbang mkha' dkyil 'dra la phyag 'tshal lo// bskal pa dpag tu med pa mtha' yas par// spyod pa spyad nas sangs rgyas yis bsnyes// des na 'gro ba'i spyod pa rab tu mkhyen// de bzhin de dag dbang po bsam pa mkhyen// 'jig rten bcom ldan gzugs dang mtshungs ma mchis// de bzhin 'gro ba lta bas chog ma 'tshal// de yi nyon mongs skye bar mi 'gyur te// de tshe nyon mongs thams cad rab tu zhi// ka la bing ka khu byug mi 'am ci// de bzhin changs pa'i sgra dang lha min sgra// phyogs bcu dag na yid 'ong sgra de dag/ bde gshegs gsung gcig gis ni zil gyis gnan/ mkha' las zla ba rab tu ltung yang gda'// rgya mtsho skams shing ri rab snyil yang gda'// sa la nam lhung dum bu brgyar 'gyur gda'// rgyal ba bka' ni gzhan du yong mi gsung // bden pa'i brtul shugs rab 'brel ston pas 'dir// sangs rgyas ye shes gtso bos bdag lung bstan// bdag ni rgyal ba 'byung yon gnas par 'gyur// bdag la yid gnyis som nyi dogs ma mchis// phyogs bcu dag tu rin chen legs smras pa// bye ba mtha' yas 'dren pa rnams la phul// byang chub sems cig bskyed pa gang lags la/ bsod nams snga mas 'di'i char mi phod// gang zhig byang chub sems mchog bskyed par bgyid// 'di ni sangs rgyas mchod las khyad du 'phags// ga
- 65b
zhig 'dren rnams tshul 'di mi gcod pa// 'di ni stobs bcu kun gyi bka' drin gzo// klu'i rgyal po rgya mtsho'i bu dpal gyi gzi brjid des// tshigs su bcad pa mngon par bsgrub pa 'di smras pa na/ srog chags khris bla na med pa yang dag par rdzogs pa'i byang chub tu sems bskyed do// de dag gis tshig 'di skad du/ gang gi tshe ba ldan 'das de bzhin gshegs pa mthong ba don yod des byang chub brnyes pa de'i tshe/ bdag cag kyang bcom ldan 'das de dang 'phrad de/ 'jig rten gyi khams yongs su dag cing brtan pa der skye bar gyur cig/ de bzhin gshegs pa de'i dam pa'i chos yongs su 'dzin cing mchod pa dang / bsnyen bkur yang bgyid par gyur cig/ bcom ldan 'das de'i 'og tu bdag cag kyang byang chub mngon par rdzogs par 'tshang rgya bar gyur cig ces kyang smras so// bcom ldan 'das kyis kyang de dag thams cad 'jig rten gyi khams de bzhin gshegs pa mthong ba don yod kyi zhing der skye bar lung bstan to// // lung bstan pa'i le'u ste lnga pa'o// // de nas bcom ldan 'das la klu'i rgyal po rgya mtshos 'di skad ces gsol to// bcom ldan 'das bdag la thugs brtse ba dang / skye bo mang po la sman pa dang / skye bo mang po la bde ba dang / 'jig rten la thugs brtse ba'i slad du/ rgya mtsho chen por sang gdugs chod gsol bar snang bar mdzad du gsol// de ci'i slad du zhe na/ bcom ldan 'das
- 66a
rgya mtsho chen po'i nang na/ lha dang klu dang gnod sbyin dang / dri za dang / lha ma yin dang / de ma lags pa yang dud 'gro'i skye gnas su skyes ba de'i sems can tshang ma mchis pa dag mchis te/ de dag gi de bzhin gshegs pa mthong na de dag gi dge ba'i rtsa ba dag bskyed par 'gyur la/ dam pa'i chos thos pas kyang 'khor ba thog ma mchis pa'i mtha' rtogs par 'gyur ba dang / bdag gi klu'i rgyal po'i gnas kyang yongs su longs sprad par 'gyur te/ lha dang bcas pa'i 'jig rten gyis brnyas par mi 'gyur la/ de bzhin gshegs pas kyang sangs rgyas kyi che ba nyid bstan par 'gyur ba dang / bdag gi byang chub kyi phyogs dang ldan pa'i chos nye bar bstan pa bgyis par 'gyur ba'i srad du'o// bcom ldan 'das kyis kyang klu'i rgyal po rgya mtsho la thugs brtse ba dang / sems can tshad med pa dag gi dge ba'i rtsa ba 'phel bar bya ba'i phyir gnang ngo // de nas klu'i rgyal po rgya mtsho bcom ldan 'das kyi gnang ba rig nas/ tshim zhing mgu la yid rangs te/ rab tu dga' zhing dga' ba dang yid bde ba skyes te/ bcom ldan 'das kyi zhabs la mgo bos phyag 'tshal nas/ lan bdun bskor ba byas te/ dpung dang bcas/ 'khor dang bcas pas bcom ldan 'das kyi thad nas mi snang bar gyur to// rgya mtsho chen po'i nang du phyir song ngo // de nas der skye bo'i tshogs 'dus pa thams cad la 'di skad ces smras so// bdag gi de bzhin gshegs pa sang
- 66b
gdugs tshod gsol bar spyan drangs te/ des kyang bdag la thugs rtse ba'i phyir gnang gis der khyed kun gyi kyang lhan cig tu mthun pa dang // yang dag par dga' ba dang de bzhin gshegs pa la mchod pa dang / bsnyen bkur la brtson pa gyis shig/ de nas klu'i rgyal po rgya mtshos lha ma yin gyi dbang po sgra gcan dang lha ma yin gyi dbang po bde mchog dang / sim byed dang / thag bzang ris la smras pa/ grogs po dag shes par gyis shig/ de bzhin gshegs pa rgya mtsho chen po 'dir gshegs kyis/ der khyod 'khor dang bcas pa thams cad bcom ldan 'das la mchod pa'i las bya ba'i phyir// bdag gis skabs phye ba lags kyis bdag gi gnas su byon cig/ de nas klu'i rgyal po rgya mtshos/ klu'i rgyal po 'jog po dang / kha dog mtha' yas dang / dri ma med dang / 'od can dang / rnam par gtse dang / bkod pa dang / lag na rdo rje dang / brjod bya dang / kha dog thams cad ston pa dang / tsan dan gyi rnam pa dang / de la sogs pa klu'i rgyal po 'bum phrag du ma la smras pa/ grogs po dag khyed cag thams cad kyang de bzhin gshegs pa la lta ba dang phyag bya ba dang bsnyen bkur bya ba'i phyir bdag gi gnas su spyon cig/ de nas klu'i rgyal po rgya mtshos/ gzhon nu dpal gyi gzi brjid la bsgo ba/ bzhin bzangs khyod song la/ klu'i rgyal po ma dros pa'i rkang pa la mgo bos phyag 'tshol la 'di skad ces kyis/ bdag gi
- 67a
pa yi mchid nas/ bcom ldan 'das yang dag par rdzogs pa'i sangs rgyas bshos gsol gyis rgya mtsho chen por spyon cig ces kyis shig/ legs so zhes byas te snyan nas ji skad bsgo ba bzhin du/ klu'i rgyal po rgya mtsho'i bu dpal gyi gzi brjid kyis byas so// de nas klu'i rgyal po rgya mtshos/ klu'i rgyal po drag shul drag la smras pa/ shugs drag khyod song la ri rab kyi steng du song ste klu'i rgyal po dga' bo dang nye dga' bo gnyis kyang bos shig/ lha rnams kyi dbang po brgya byin la yang de bzhin gshegs pa la mchod pa dang bsnyen bkur bgyis/ rgya mtsho chen por bdag gis gnas su spyon cig/ ces gyis shig/ de nas klu'i rgyal po rgya mtshos ji skad bsgo ba bzhin du/ klu shug drag klu'i rgyal po dga' bo dang nye dga' gnyis dang / lha rnams kyi dbang po brgya byin gyi thad du song nas ji skad bsgo ba bzhin du bos so// de nas klu'i rgyal po rgya mtsho rang gi gnas su 'khor gyi khyams bkod pa/ bai DUr+ya sngon po dag pa dang / 'dzam bu'i chu bo gser las byas pa bshams te/ rin po che du mas ni spras/ rin po che'i dra bas ni khebs par byas/ dril bu g.yer ga'i dra ba ni sbyangs/ dar gyi lda ldi mang po ni brtags/ bla re ni bris/ rgyal mtshan dang ba dan ni sgong / rgya mtsho'i spos kyi mchog gi ni gdugs/ me tog sna tshogs ni bkram ste/ 'khor gyi khyams yangs shing rgya che ba de'i nang du/ bcom ldan 'das kyi seng ge'i khri 'phangs
- 67b
du dpag tshad bcu gnyis pa rin po che thams cad kyis spras pa lha rdzas kyi ras bcos bu rnam pa sna tshogs du ma mang po bting ba/ bla res bres pa/ rin po che sna bdun gyis stegs bus bskor ba/ rin po che'i dra bas khebs pa/ dril bu g.yer ga'i dra ba sbyangs pa/ dang gyi lda ldi brtags pas brgyan pa/ rnam pa thams cad kyi mchog dang ldan pa zhig bshams so// dge slong gi dge 'dun thams cad kyi gdan yang ji ltar mtshams pa bzhin du bshams so// ro brgyas bsgos pa'i zhal zas dag kyang bsham ste/ thams cad legs par zin par rig nas/ bu dang gnyen 'dab dang / 'khor dang bcas te ri'i rgyal po ri rab kyi bang rim la 'khod nas bcom ldan 'das la gdug tshod babs pa'i tshigs su bcad pa 'di gsol to// chos kyi dbang phyug ye shes rgya chen khyad par brnyes// ye shes 'byung gnas mkha' 'dra ye shes mtha' yas pa// 'jig rten 'das pa spyan yangs dag pa'i spyan dang ldan// phan pa mdzad pa gdugs tshod bab kyi gshegs su gsol// tshangs pa'i gsung dang rnam dag gsung ldan dbyangs snyan pa// ka la ping ka rnga sgra bdud rtsi'i don ston pa// sman pa'i mchog ste nyon mongs sna tshogs mun sel ba// sems can gdugs chod pab kyi gshegs su gsol// zhi zhing rab zhi thugs mnga' rtag tu zhi bar spyod// rgyal ba grol ba lha dang mi rnams rab grol mdzad// chu bo bzhi las rgal ba 'gro ba grol
- 68a
/ ba po// pha rol gshegs pa bde sbyin gdugs tshod dus la bang / sbyin du la yang dag sdom dgyes tshul khrims yongs su dag/ bzod pa'i stobs dang ldan zhing brtson 'grus chen po brnyes// bsam gtan rnam thar dgyes pa shes rab yongs su rdzogs// zhal ras zla 'dra gdugs tshod bab kyi gash+ye su gsol// lam mkhyen lam la mkhas shing ngan pa'i lam srang spangs// byang chub yan lag dbang stobs bden pa bzhi ston pa// yang dag spong dang rdzu 'phrul bzhi ni dran dang ldan// thams cad zil gnon yon tan mnga' ba gdugs tshod bab// sum cu rtsa gnyis mtshan mnga' bsod nams rgya yi tog/ bsod nams 'tshal rnam bsod nams zhing chen bcom ldan 'das// mchod sbyin dam pa bzhes pa'i 'os lags yon gyi gnas// byams la dgyes pa gdugs tshod bab kyi gshegs su gsol// lhun po 'dra zhing sa dang mtshungs la sbyor snyoms pa// byams sdang mi mnga' nam mkha'i ngo bo nyid dang mtshungs// mi'i dbang po khengs pa mi mnga'/ dman mi mnga'// stong dang rnam par thar la dgyes pa gdugs tshod bab// kun mkhyen kun la mkhas pa dus dang cho ga mkhyen// chos rnams 'byed la mkhas pa rtag tu dus bzhin spyod// sems can bsam pa rab mkhyen don rig mkhyen par ldan// chos kyang ngo bo nyid mkhyen gdugs tshod dus la bab// de nas bcom lnga
- 68b
'das kyis klu'i rgyal po rgya mtsho'i gdugs chod bab pa de thugs su chud nas/ dge slong rnams la bka' stsal pa/ dge slong dag klu'i rgyal po rgya mtshos gdugs chod bab kyis/ lhung bzed dang chos gos long la/ sems can yongs su smin par bya ba dang / klu'i rgyal po rgya mtshos gnas yongs su longs spyad pa'i phyir rgya mtsho chen por 'dong ngo // de nas bcom ldan 'das byang chub sems dpa'i tshogs kyis ni yongs su bskor// nyan thos kyi dge 'dun gyis ni mdun du bdar/ lha'i tshogs kyi ni phyag byas/ lha ma yin gyi tshogs kyis ni bstod de/ ngang pa'i rgyal po bzhin du steng gi bar snang la 'phags te/ gshegs nas 'od zer ni 'gyed/ sangs rgyas kyi zhing rnams ni snang bar mdzad/ pad ma'i char ni 'bebs/ sil snyan 'bum ni sgrogs/ glu dbyangs 'bum ni grag par mdzad de/ rgya mtsho'i 'gram ga la ba der gshegs te byon nas/ rgya mtsho'i 'gram na dga' ba'i tshal ltar nyams dga' ba zhes bya ba'i tsam pa ka'i tshal ga la ba der gshegs so// de nas klu'i rgyal po rgya mtsho bcom ldan 'das ga la ba der song ste/ phyin nas bcom ldan 'das kyis zhabs lo mgo bos phyag 'tshal te/ bcom ldan 'das la mchod pa byas so// mchod pa byas nas gdugs tshod phab po// de nas klu'i rgyal po rgya mtsho 'di snyam du sems te/ bcom ldan 'das kyi rdzu 'phrul gyis bdag gi gnas su gshegs pa de
- 69a
ni bdag gi rig pa ma yin cha ma yin gyi// bdag gi bcom ldan 'das la mchod pa'i las bya ba'i phyir them sgras ji lta bu bdag gis bcom ldan 'das sum cu rtsa gsum gyi gnas nas 'dzam bu'i gling du gshegs pa de kho na lta bu'i them skas dag byin gyis brlabs la/ them skas de dag las bcom ldan 'das rgya mtsho chen por gshegs par bya gor ma chag snyam mo// de nas klu'i rgyal po rgya mtshos/ rgya mtsho chen po'i 'gram nas rang gi gnas gyi bar du them sbas kyi rim pa gsum bshams te/ gcig ni gser las byas/ gcig ni bai DUr+ya las byas// gcig ni mu tig dmar po las byas te/ rin po che thams cad kyis spras pa/ bkra ba/ lta na sdug pa dag bshams so// de nas bcom ldan 'das kyis/ ci nas rgya mtsho chen po'i chu'i phung po sus kyang mig gis mi mthong ba dang / chus kyang sems can dag la gnod par mi 'gyur ba de lta bu'i byin gyis brlabs kyis brlabaso// bcom ldan 'das kyi sku las kyang 'od gang gis rgya mtsho chen po snang bar gyur nas/ stong gsum gyi stong chen po'i 'jig rten gyi khams snang bar gyur pa de lta bu'i 'od 'geng pa mdzad do// rgya mtsho/ chen po na sems can gnas pa gang yin pa de dag kyang 'od des reg pa tsam gyis byams pa'i sems dang / phan pa'i sems dang / mnyen pa'i sems dang / bde
- 69b
ba'i sems su gyur te/ phyin chad su yang phan tshun rnam par brtse ba med cing / gnod pa byed pa med de dag thams cad gcig la gcig pha mar 'du shes par/ gyur to// 'dod pa na spyod pa dang gzugs na spyod pa'i lha'i bu rnams kyang chos nyan pa dang / klu'i rgyal po rgya mtsho'i gnas kyi bkod pa lta bar 'dod pa'i phyir/ bcom ldan 'das kyi phyi bzhin 'brang ngo // de nas bcom ldan 'das byang chub sems dpa' rnams dang / nyan thos rnams dang / brgya byin dang / tshangs pa dang / 'jig rten skyong la sogs pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto phye chen po rnams dang / mi dang mi ma yin pa rnams dga' ba'i tshal ltar/ nyams dga' ba'i tsam pa ka'i tshal nas langs te/ klu'i rgyal po rgya mtshos them skas kyi rim pa bshams pa ga la ba der dong ste lhags nas them skas dbu ma la ni bcom ldan 'das bzhugs so// g.yas rol na ni byang chub sems dpa' rnams 'khod do// g.yon rol na ni nyan thos chen po rnams 'khod do// mdun logs na ni brgya byin bye ba phrag drug cus lag pa g.yas pas lam mtshon par byed do// tshangs pa bya ba phrag drug cu ni nam mkha'i dkyil na 'khod de/ bcom ldan 'das la rin po che'i gdugs rnams 'dzin to// lha bye ba phrag drug cu ni bcom ldan 'das gan ma/
- 70a
logs na 'khod de me tog gi char 'bebs so// 'dod pa na spyod pa'i lha'i bu rnams ni/ bcom ldan 'das la mchod pa'i lus bya ba phyir/ sil san bye ba phrag drug cung dkyil bar byed do// lha'i bus bya ba zlab dru ts+tsha/ / 'das kyi shul smras rgyas drug chag la so/ klu'i bu mo bye ba phrag drug cu ni/ nam mkha'i dkyil na 'khod de/ ro stod khebs pa'i mu tig gi phreng ba dag 'phyang bar byed do// mi 'am ci bye ba phrag drug cu ni/ bcom ldan 'das la tshigs su bcad pa brjod par bstod pa byed do// dri za bye ba phrag drug cu ni bcom ldan 'das kyi skyon mnga' na me tog gi phreng ba 'phyang bar byed do// lha ma yin bye ba phrag drug cu ni ras bcos bu kha dog snang tshogs stong gis bcom ldan 'das 'gebs par byed do// klu'i rgyal po ma dros pa yang 'khor bye ba phrag rgya dang nam mkha'i dkyil na 'khor de/ spos dang / phye ma dang / byug pa dang / gos dang / gdugs dang / rgyal mtshan dang / ba dan thams cad dang / sil snyan dang / klu dbyangs dang / pheg rdob pa dang / lha'i bkod pa thams cad kyis/ bcom ldan 'das la mchod par byed de/ de la sogs pa klu'i rgya khri bcom ldan 'das la mchod pa'i las byed pa la zhugs so// de bzhin gshegs pa tshe dpag tu med pa'i sangs rgyas kyi zhing 'jig rten gyi khams bde ba can
- 70b
nas kyang / byang chub sems dpa' spyan ras gzigs dbang phyug dang / byang chub sems dpa' mthu chen thob dang byang chub sems dpa'i 'khor bye ba khrag khrig phrag 'bum/ klu'i rgya mtsho dga' bar byed pa dang / bcom ldan 'das la mchod pa'i las bya ba'i phyir lhags so// de dag gis kyang bcom ldan 'das la mchod pa'i bkod pa snga ma gang yin pa de mog mog por byed cing mi sngon pa byed pa de lta bu'i mchod pa byas so// de bzhin du bcom ldan 'das de bzhin gshegs pa bzod pa dga'i sangs rgyas kyi zhing 'jig rten gyi khams 'od zer can nas kyang byang chub sems dpa' 'od kyi tog dang 'od kyi dpal gnyis 'ongs so// bcom ldan 'das de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' nas kyang / byang chub sems dpa' spos kyi glang po dang / ba glang spos kyi glang po gnyis 'ongs so// bcom ldan 'das de bzhin gshegs pa nyi zla'i sangs rgyas kyi zhing 'jig rten gyi khams snang bar byed pa nas kyang byang chub sems dpa' seng ge dang / seng ge'i blo gros gnyis 'ongs so// bcom ldan 'das de bzhin gshegs pa spyan bzangs kyi sangs rgyas kyi zhing 'jig rten gyi khams mig mi 'dzum pa nas kyang byang chub sems dpa' 'khor lo sgyur ba dang chos thams cad dbang byed pa gnyis 'ongs so// bcom ldan 'das de bzhin gshegs pa kun du
- 71a
snang ba'i sangs rgyas kyi zhing 'jig rten gyi khams snang ba can nas kyang / byang chub sems dpa' rin chen dkyil 'khor can dang / rin chen ta la la gnyis 'ongs so// bcom ldan 'das de bzhin gshegs pa rin chen dpal chen gyi sangs rgyas kyi zhing / 'jig rten gyi khams dga'i ba'i snying po nas kyang byang chub sems dpa' mthong ba don yod dang / rnam par gnon pa don yod gnyis 'ongs so// bcom ldan 'das de bzhin gshegs pa kun du rnam par gzigs kyi sangs rgyas kyi zhing 'jig rten gyi khams kun du lta ba nas kyang byang chub sems dpa' sprin gyi rgyal po dang / chos kyi rgyal po gnyis 'ongs so// bcom ldan 'das de bzhin gshegs pa 'jig rten dbang po rgyal ba'i sangs rgyas kyi zhing 'jig rten gyi khams mthong na dga' ba nas kyang / byang chub sems dpa' bdud rab tu 'joms pa dang / brag 'joms rgyal po gnyis 'ongs so// bcom ldan 'das de bzhin gshegs pa rin chen tog sangs rgyas kyi zhing 'jig rten gyi khams rin chen ldan nas kyang byang chub sems dpa' blo gros rab gnas dang / sgrib pa thams cad rnam par sel ba gnyis 'ongs so// de ltar phyogs bcu nas kyang byang chub sems dpa' bye ba khrag khrig 'bum phrag bye ba mang po klu'i rgyal po rgya mtsho dga' bar bya ba dang / de bzhin gshegs pa la mchod pa'i las bya ba'i phyir lhags so// de nas bcom ldan 'das kyi sangs rgyas
- 71b
kyi mthu chen po dang / sangs rgyas kyi cho 'phrul chen po dang / sangs rgyas kyi rnam par 'phrul pa chen po dang / sangs rgyas kyi bkod pa chen po dang / sangs rgyas kyi bdag nyid che ba chen po dang / sangs rgyas kyi rnam par rol pa chen po dang / sangs rgyas kyi mchod pa chen po dang / sangs rgyas kyi seng ge'i sgra chen pos phyogs bcur sangs rgyas kyi zhing dpag tu med pa dag 'od kyis khyab par mdzad do// sangs rgyas kyi gsung gis go bar mdzad nas/ lha 'bum gyis sil snyan dang glu dbyangs len cing me tog gi char 'bebs la/ ngan song thams cad kyi shi 'pho ba dang skye ba rab zhi bar byas te/ sems can thams cad kyi bde ba dang / yid bde ba sgrubs nas/ snying rje chen po brtan pa zhes bya ba'i sangs rgyas kyi ting nge 'dzin la snyoms par zhugs so// bkod pa bsam gyis mi khyab pa de lta bus/ rin po che'i thom skas de dag las rgya mtsho chen por gshegs te/ de lta bu'i glu dbyangs len pa dang / phyogs cu'i sangs rgyas kyi zhing dpag tu med par gsung gis go bar mdzad nas/ sangs rgyas kyi mthu dang / de bzhin gshegs pa'i byin gyis brlabs kyis/ 'jig rten gyi khams gzhan dang gzhan dag na gnas pa'i byang chub sems dpa' rnams dang / brgya byin dang / tshangs pa dang / 'jig rten skyong ba rnams dang / lha dang / klu dang / gnod sbyin dang / lha ma yin dang / nam mkha' lding dang / mi 'am ci dang /
- 72a
lto 'phye chen po dang / mi dang mi ma yin pa rnams kyis kyang / bcom ldan 'das de bzhin gshegs pa shAkya thub pa mtsho chen por gshegs pa mthong ngo // de na lha'i bu mo dang / klu'i bu mo dang / gnod sbyin gyi bu mo dang / lha ma yin gyi bu mo dang / nam mkha' lding gi bu mo dang / dri zi'i bu mo dang / mi 'am ci'i bu mo dang / lto 'phye chen po'i bu mo bye ba phrag 'bum dag gis sil snyan dang / glu'i dbyangs lan cing bcom ldan 'das mdun nas bsu nas/ de'i tshe rgyud kyi sgra skad las byung ba'i tshigs su bcad pa khyad par du 'phags pa 'di dag gis bcom ldan 'das mngon par bstod pa/ sbyin pa las byung tshul khrims mdzes dang ldan// bzod pa'i stobs las byung ba byams par sgoms// brtson 'grus las byung don gyi rgya mtsho lags// bsam gtan rnam thar dges pa khyod phyag 'tshal// shes rab 'od ldan dgongs pa rnam par dag/ 'od dang gzi brjid dpal gyis mngon par brgyan// rnam par grol ba mngon sum ston mdzad pa// thub pa nyon mongs bsal la phyag 'tshal lo// brtul zhugs shin tu rdzogs pa rtul zhugs mchog/ dka' thub mthar phyin rtogs pa thugs su chud// mig ni sbyin par mdzad cing mig sbyong ba// 'gro ba kun du rgyu ba 'gro ba'i mchog/ don dam zab mo shin tu ston pa po// gzhan yang phan pa zla med thugs su chud// chags pa med par tshig gi don ston pa// gzhan la
- 72b
phan pa dpe med 'od 'jed pa// dus skabs mkhyen pa shin tu ston pa po// rgol ba ngan pa'i tshogs kun rab 'joms pa// brtul zhugs yongs su rdzogs pa brtul zhugs mchog/ bdud rtsi'i bde skyid bde ba sbyin mdzad pa// nam mkha'i dra zhing dgongs pa dag pa ste// dri ma kun sel rnam par 'dren pa po// yon tan rgya mtsho bsod nams mi zad pa// rgya mtshor 'jug pa ye shes rgya mtshor ldan// chos kyi dbang phyug nyon mongs sel mdzad pa// chos kyi sbyin bdag ser sna mi mnga' ba// chos kyi rin chen nor mchog sbyin mdzad pa// chos mchog ye shes de nyid ston pa po// dga' ba ston pa bden pa ston mdzad pa// bag la nyal gyi nyes pa spong ba ston// ri'i dbang po bzhin du mi g.yo ba// de bzhin gshegs pa khyod la mgos phyag 'tshal// mi dang lha dang nam mkha' lding gsang ba me// lha min srin po mi 'am ci'i bdag/ klu rnams dang ni grul bum gnod sbyin rnams// khyod kyi zhabs la mgo bos phyag kyang 'tshal// mtshan mchog sum cu rtsa gnyis ldan pa ste// rab mdzes dpe med shin tu ston mdzad pa// gser gyi mdog can dpal ldan mdog stug pa// sen mo zangs 'dra mdog sdug phyag mthil mnyam// ka la ping ka'i gdangs can ya mtshan gsung // tshangs pa lha dbang gdangs can gdangs kyi mchog/ gsung gi steng gsum so sor 'gengs par mdzad// 'jam mnyen gsung ldan khyod la phyag 'tshal lo// dbang po dul zhing thugs kyang dul ba ste// zhal
- 73a
ras zla ba 'dra zhing spyan legs pa// rtag tu bden pa gsung zhing mnyam par gzhag/ rtag tu chos 'dzin khyod la phyag 'tshal lo// rga nad sdug bsngal rab tu grol mdzad pa// 'gro ba'i don mdzad nyon mongs spong mdzad pa// rgyal bar 'os pa bdud 'joms rgyal ba po// skye ba zad pa de nyid ston mdzad pa/ dgra bcom dgra'i tshogs rnams rab 'joms pa// lha la 'das pa lha mang rnams kyis mchod// khyod ni rtag tu bzhes pa'i 'os kyi mchog/ skye dgu kun mchog 'dren pa bzang po lags// de nas lha'i bu mo dang / klu'i bu mo dang / lha ma yin dang / mi 'am ci dang / nam mkha' lding dang / lto 'phye chen po dang / dri za'i bu mo de dag gis bcom ldan 'das la tshigs su bcad pa 'di rnams kyis mngon par bstod nas/ thams cad gcig tu mthun par gyur pas bla na med pa yang dag par rdzogs pa'i byang chub tu sems bskyed nas/ rang rang gi brgyan rnams bcom ldan 'das kyi sku la gsol to// de nas bcom ldan 'das mthar gyis rgya mtsho chen por gshegs te/ rgya mtsho chen po'i gting gi dkyil gyi gnas/ klu'i rgyal po rgya mtsho'i 'khor gyi khyams ga la ba der gshegs nas/ seng ge'i khri de la bzhugs so// dge slong gi dge 'dun rnams dang / byang chub sems dpa' rnams kyang bstan ji ltar bshams pa de dag la 'khod do// de nas klu'i rgyal po rgya mtshos bcom ldan 'das dang / dge slong gi dge 'dun dang / byang chub seMs
- 73b
dpa' rnams bzhugs par rig nas/ bu dang bcas/ chung ma dang bcas/ gnyen mad pa dang / 'khor dang bcas pas/ rang gi lag gis zhal zas ro brgya dang ldan pa bsod pa mang pos tshig par byed cing / ci bzhed pa stobs par byed do// tshims par byas shing ci bzhed pa bstabs nas/ bshos gsol lags te/ phyag bcab par rig nas/ chos nyan pa'i phyir klu'i rgyal po rgya mtsho// lha dang klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams dang / phyogs bcu nas 'dus pa'i byang chub sems dpa' sems dpa' chen po de dag dang lhan cig tu/ bde ba dang dga' ba dang / mchog tu dga' ba'i chos mnyan pa zhes bya ba 'od zer sku las 'gyed par mdzad de/ 'od zer de dag gis rgya mtsho chen po'i nang na/ srog chags rab dang 'bring dang / tha ma ji snyed gnas pa de dag thams cad kyis/ bcom ldan 'das mdun na bzhugs par mthong bar gyur te/ bde ba dang dga' ba dang / mchog tu dga' ba skyes nas/ chos mnyen pa la brod cing gus pa dang bcas pas/ thal mo sbyar te bcom ldan 'das la 'dud cing 'khod par gyur to// de nas bcom ldan 'das kyis klu'i rgyal po mtsho la bka' stsal pa/ klu'i bdag po 'jig rten gnas pa 'di 'da' dang dga' ba dang / mchog tu dga' ba'i chos mnyan pa zhes bya ba 'or zer sku las 'byed par mdzad de/ 'od zer de dag gis rgya mtsho chen po na bcom ldan 'das kyi spyar sngar 'khod do// de nas bcom ldan 'das kyis thams cad dang ldan pa'i 'khor de tshogs te/ 'khong dar thugs su chud nas/
- 74a
ni las sna tshogs kyis bskyod nas sems kyi dmigs pa sna tshogs kyis/ lam rnam pa sna tshogs mngon par 'du bya ba mngon par 'du byed de/ de'i 'gro ba yang rnam pa sna tshogs su gyur to// klu'i bdag po rgya mtsho chen po 'di ni/ gzugs rnam pa sna tshogs ji snyed pa dang / tha mal pa ji snyed snang ba la ltos// klu'i bdag po 'di dag thams cad ni rang rang gi sems dang dge ba dang mi dge ba'i rtsa ba'i lus dang ngag dang yid kyi las sna tshogs kyis sna tshogs su byas pa dag go// sems kyi ni gzugs med pa/ bstan du med pa ste/ klu'i bdag po de ltar chos thams cad ni bcos ma rnam par bsgrubs pas nye bar gnas pa'i mtshan nyid de bdag po med pa/ bdag med pa yongs su 'dzin pa med pa'o// de dag ni las ji ltar bsags bzhin du bsgrubs pa sna tshogs su snang ba dag ste/ 'di la byed pa po gang yang med do// de ltar chos 'di dag ni bsam gyis mi khyab pa/ sgyu ma'i mtshan nyid kyi ngo bo nyid do// klu'i bdag po de la mkhas pas chos thams cad rnam par bsgrubs pas gnas pa'i mtshan nyid du shes nas dge ba mngon par 'du bya ba dge kho na mngon par 'du byas te/ dge ba mngon par 'du bya ba dag mngon par 'du byed pa de'i phung po dang / khams dang skye mched mngon par sgrubs nas/ nye bar gnas pa'i mtshan nyid mngon par sgrub pa gang yin pa de dag mdzes shing gzugs bzang la/ lta na sdug par mngon par 'grub par 'gyur ro//
- 74b
klu'i bdag po de bzhin gshegs pa'i sku bsod nams bye ba phrag 'bum gyis ji ltar brgyan pa dang / ji ltar rnam par bsgrubs pa dang / gang gis lha dang bcas pa'i 'jig rten zil gyis mnan cing non par 'dug pa dang / gang gis 'bum phrag bcu la dbang sgyur ba'i tshangs pa 'di dag kyang mog mog por byed pa dang / de bzhin gabye pa'i sku la lta ba na yang // mig khral khrul du gyur pa la yang ltos/ byang chub sems dpa' sems dpa' chen po 'di dag gis lus kyi rgyan/ gzugs kyi mtshan rnams la ltos/ 'di dag thams cad ni dge ba mngon par 'du byed pas mngon par 'dus byas pa brgyan pa rnam par sgrub pa dag go/ klu'i bdag po khyod kyi bkod pa 'di yang bsod nams las byung ba yin no// brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po 'di rnams kyi bkod pa 'di dag thams cad kyang bsod nams las byung ba dag go// klu'i bdag po rgya mtsho chen po 'di gang dag lus sna tshogs gzugs mi sdug cing dbyings mi legs pa dang / lus rags shing che ba rnams dang / gang dag lus phra zhing chung ba de dag thams cad kyang / rang rang gi sems dang / dge ba dag dang / mi dge ba'i rtsa ba'i lus dang / ngag dang yid kyi las sna tshogs kyi sna tshogs su byas pa dag ste/ klu'i bdag
- 75a
po de lta bas na khyod kyis las bdag gir bya ba dang / las kyi rnam par smin pa la bdon par 'gyur bar de ltar slobs shig/ las bdag gir bya ba dang / las kyi rnam par smin pa la rton pa khyod/ dge ba'i las mngon par 'du bya ba dag la blo 'jug par 'gyur ro// lta ba chud bzon par byed par mi 'gyur ro// chad pa dang rtag par lta ba la gnas par yang mi 'gyur ro// khyed kyi sbyin po'i gnas rnams mnyes par gyis shig/ klu'i bdag po byang chub sem dpa' ba rnams kyi chos gcig gis/ ngan song ngan 'gro log par ltung bar skye ba yang dag par gcod do// chos gcig po gang zhe na 'di lta ste/ bdag ji ltar gyur cing nyin mtshan rnams 'da' zhing 'dug snyams du dge ba'i chos rnams so sor rtog pa ste/ dge ba'i chos la so sor rtog pa mnga' bas/ mi dge ba'i sems dang sems las byung ba'i chos rnams kyi go skabs mi byed do// de mi dge ba'i chos spangs te dge ba'i chos dang ldan pa'i bsam pa dge ba'i sems can 'di lta ste/ sangs rgyas rnams dang / byang chub sems dpa' rnams dang 'grogs pa rnyed par 'gyur ro// klu'i bdag po de la dge ba'i chos de dag gang zhe na/ dge ba'i chos rnams shes bya ba ni/ lha dang mi'i skye dgu phun sum tshogs pa'i rtsa ba'i rten to// nyan thos dang rang sangs rgyas kyi byang chub kyi rtsa ba'i rten to// bla na med pa yang dag par rdzogs pa'i byang chub kyi rtsa ba'i rten to//
- 75b
rtsa ba'i rten kyang gang zhe na 'di lta ste/ dge ba bcu'i las kyi lam rnams te/ bcu gang zhe na 'di lta ste/ srog gcod pa spong ba dang / ma byin pa len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig khyal pa spong ba dang / rnab sems spong ba dang / gnod sems spong ba dang / log par lta ba spong ba ste/ de ni rtsa ba'i rten ces bya'o// klu'i bdag po de la srog gcod pa spong ba'i skyes bu gang zag ni rab tu zhi bar byed pa'i chos bcu thob ste/ bcu gang zhe na/ 'di lta ste/ des sems can thams cad la mi 'jigs pa'i sbyin pa yin/ de'i sems byams par dmigs pa la nye bar gan pa yin/ de'i zhe sdang gi bag chags yang dag par chad pa yin/ des nad nyung bar 'gyur ba'i lam yongs su bzung ba yin/ de'i tshe ring bar 'gyur ba'i sa bon btab pa yin/ de la mi ma yin pa rnams kyang bsrung ba dang / skyab pa dang sbed par byed pa yin/ bde bar nyal zhing bde bar sad pa dang / sdig pa'i rmi lam mi rmi ba yin/ gnyid log pa na yang de la lha rnams bsrung ba yin/ de la shar gnyer ba med pa yin te/ de la shar gnyer ba'i nyal ba med pa yin/ ngan 'gro thams cad kyis mi 'jig ba dang / shi 'phos nas kyang bde 'gro mtho ris kyi 'jig rten du skye ba yin te rab tu zhi bar byed pa'i chos bcu po de dag thob bo// srog gcod pa spangs pa'i dge ba'irtsa
- 76a
ba de gal te bla na med pa yang dag par rdzogs pa'i byang chub tu yongs su bsngo na des de byang chub thob pa na/ tshe'i tshad sems kyi dbang du 'gyur ro// klu'i bdag po ma byin par len pa spangs pa'i skyes bu gang zag ni/ yid brten pa'i chos lnga 'thob ste/ lnga gang zhe na/ longs spyod che bar yang 'gyur la/ de'i longs spyod de dag kyang rgyal po dang / chom rkun dang / chu dang me dang / bsgo bskal la spyod pa mi mdza' ba rnams kyi mi 'phrogs po yin/ skye bo mang po'i yid du 'ong zhing dga' ba yin/ dogs pa med pa yin/ phyogs dang phyogs mtshams su de'i bsngags pa brjod cing de la pha rol gyi gnod pas 'jigs pa med pa yin/ de'i sems sbyin pa'i mgo bsha' la 'jug pa yin te/ lnga po de dag go/ ma byin pa len pa spangs pa'i dge ba'i rtsa ba gal te bla na med pa yang dag par rdzogs pa'i byang chub tu yongs su bsngo na/ des de bzhin gshegs pa nye ba'i nyon mongs pa can ma yin pa'i ye shes can du rang gis mngon par rtogs nas/ bla na med pa yang dag par rdzogs pa'i byang chub mngon par rdzogs par 'tshang rgya'o// klu'i bdag po 'dod pa la log par g.yem pa spangs pa'i skyes bu gang zag ni/ mkhas pas sngags pa'i chos bzhi thob ste/ bzhi gang zhe na/ dbang po bsdams pa dang / rgod pa las yang dag par 'das pa dang / 'jig rten thams cad kyis bsngags pa dang / chung ma mi 'phrogs
- 76b
pa ste/ bzhi po de dag go// 'dod pa la log par g.yem pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de skyes bu chen po'i mtshan su 'doms kyi sba ba sbubs su nub pa thob po// klu'i bdag po rdzun du sla ba spangs pa'i skyes bu gang zag ni lha dang mos bsngags pa'i chos brgyad thob ste/ brgyad gang zhe na/ ud pa la'i dri 'byung bas kha yongs su dag par thob par 'gyur ba dang / 'jig rten thams cad kyi tshad mar gyur pa dang / lha dang mi dga' bas dbang gcig pur gyur pa dang / yang dag pa'i bsam pa dang ldan pas dogs pa med par 'gyur ba dang / lhag pa'i bsam pa phun sum tshogs pas/ lus dang ngag dang / sems yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig bzung bar 'os pas ngag nyan par 'gyur ba dang / shes rab thob pas lha dang mir skyes na dbang gcig pur 'gyur ba yin te/ brgyad po de dag go/ rdzun du smra ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de bden pa'i rjes su 'jug pa'i tshig tu 'gyur ro// klu'i bdag po phra ma spangs pa'i skyes bu gang zag ni/ mi phyed pa lnga thob ste/ lnga gang zhe na/ gzhan gyis gnod pa bya ba dang bral bar bya bas lus phyed pa thob pa dang / gzhan dag gi la chags pa med pas g.yog
- 77a
'khor mi phyed pa thob pa dang / las kyi rnam par smin pa mthong bas dad pa mi phyed pa thob pa dang / besgrubs pa snying por byed pas chos la mi phyed pa thob pa dang / mi bslu bas mdza' bshes mi phyed pa thob pa ste/ lnga po de dag go/ dge ba'i rtsa ba de gal te bla na med pa yang dag par rdzogs po'i byang chub tu yod su bsngo na/ des de g.yog 'khor mod pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur te/ de'i 'khor bdud dang phas kyi rgol ba thams cad kyi dbye bar mi nus so// klu'i bdag po ngag rtsub po spangs po'i skyes bu gang zag ni/ ngag yongs su dag pa brgyad thob la/ shi 'phos na yang lha dang mi rnams kyi nang du skye bar 'gyur te/ brgyad gang zhe na 'di lta ste/ ran pa'i tshig dang / phan pa'i tshig dang / rigs pa'i tshig dang / 'jam pa'i tshig dang gzung ba'i tshig dang / snyan pa'i tshig dang / skye bo mang po dga' ba'i tshig dang / mi med pa'i tshig ste/ brgyad po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de tshangs pa'i sgra skad kyi gdangs can gyi de bzhin gshegs par 'gyur ro// klu'i bdag po tshig bkyil pa spangs pa'i skyes bu gang zag ni/ gcig tu nges pa gsum thob ste/ gsum gang zhe na/ mkhams pa rnams gcig tu nges par dga' ba dang / lan legs par blon pas gcig tu nges par de yi blo bde/
- 77b
pa la 'gro ba dang / bcos ma ma yin par gcig tu nges par lha dang / mi'i bdag nyid chen po thob pa ste/ gsum po de dag go// dge ba'i rtsa ba de gal te bla na med pa/ yang dag par rdzogs pa'i byang chub yongs su bsngo na/ des de chad par lung ston cing gzhan du mi gsung ba'i de bzhin gshegs par 'gyur ro// klu'i bdag po rnab sems spangs pa'i skyes bu gang zag ni bdag po'i chos lnga thob ste/ lnga gang zhe na dbang po ma tshang ba med pas lus dang ngag dang / sems kyi bdag po thob pa dang / dgra thams cad kyi mi rdzi ba dang / longs spyod dang / dbang phyug chen po'i bdag po thob pa dang / bsod nams la dbang byed pas de'i sems nye bar spyad pa dang / longs spyod rgya chen po rnams la 'jug pa dang / phyis grub pa thob pas rgyal po bdag pos mchod pa dang / sngon phrag dog med pas longs spyod ji ltar smon po rnams 'bum 'gyur du khyad par du 'gyur ba thob pa ste/ lnga po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de 'jig rten gyi mchod pa'i de bzhin gshegs pa ston pa gcig pur 'gyur ro// klu'i bdag po gnod sems spangs pa'i skyes bu gang zag ni/ yid bde ba byed pa'i chos brgyad thob ste/ brgyad gang zhe na/ de'i sems rnam par 'tshe ba la 'jug pa dang / de'i sems gnod sems rab tu zhi ba la 'jug pa dang / de'i sems brtsod pa med cing 'thab pa med pa la 'jug pa dang / de'i sem
- 78a
mnyam pa dang / gnyen pa dang nges pa la 'jug pa dang / byams pa'i sems dang ldan pa'i phyir/ 'phags pa'i skye bos bkur ba dang / sems can thams cad kyi bde ba la mngon par dga' ba'i phyir/ phan pa'i dngos po mang po dang / skye bo mang pos bkur sti bya ba'i phyir/ mdzes pa dang sems 'jam zhing las su rung ba'i phyir de tshangs pa'i 'jig rten skye bar dka' ba med pa ste/ brgyad po de dag go// dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de sems thogs pa med pa'i de bzhin gshegs pa lta bas chog mi shes par 'gyur ro// klu'i bdag po log par lta ba lnga pa spangs pa'i skyes bu gang zag ni yon tan gyi chos bcu thob ste/ bcu gang zhe na/ bsam pa dge bar 'gyur zhing grogs po dge ba snyed pa dang / las kyi rnam par smin pa la yid ches te/ srog gi phyir yang sdig pa'i las mi byed pa dang / lhar sangs rgyas 'dzin te gzhan lhar mi 'dzin pa dang / dge mtshan dang bkra shis su 'dzin pa med pas lta ba drang ba dang / grogs lha dang mi yin te/ dud 'gro'i skye gnas dang / gshin rje'i 'jig rten grogs ma yin pa dang / bsod nams 'bar bas khyad par du 'gro ba dang / log pa thams cad med pas 'phags pa'i lam lam du zhugs pa dang / 'jigs tshogs la lta ba las skyod de/ sdig pa'i lta ba thams cad dang bral ba dang /
- 78b
sgrub pa med par mthong ba yin te/ yang dag par song / yang dag par zhugs pa dang / lha dang mi rnams kyi nang na mi khom pa dang bral ba yin te bcu po de dag go/ log par lta ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de byang chub thob pa ni/ sangs rgyas kyi chos thams cad la mngon sum du 'gyur zhing mngon par shes pa myur ba'i de bzhin gshegs par 'gyur ro// klu'i bdag po de la srog bcad pa spangs pa'i byang chub sems dpas sbyin pa byin na/ longs spyod che zhing tshe ring bar yang 'gyur ro// byang chub sems dpa'i spyad pa spyod pa na yang gzhan gyis gnod pa bya ba thams cad las yang dag par 'gyur ro// ma byin pa len pa spangs pa'i byang chub sems dpas sbyin pa byin na/ longs spyod che bar 'gyur zhing / longs spyod mi 'phrogs par yang 'gyur ro// byang chub sems dpa'i spyad pa spyod pa na dge ba'i rtsa ba thams cad yang dag par sgrub pa bla na med pa thob par 'gyur ro// 'dod pa la log pa ro g.yem pa spong ba'i byang chub sems dpas sbyin pa byin na// longs spyod che bar yang 'gyur zhing chung ma mi g.yem par yang 'gyur ro// byang chub sems dpa'i spyad pa spyod pa na yang de'i ma dang bu dang chung ma la su yang sdang ba'i sems kyis lta bar mi 'gyur ro// rdzun du smra ba spangs pa'i byang chub sems dpas sbyin pa byin na/ longs spyod che bar 'gyur zhing / longs spyod mi 'phrogs par 'gyur ba dang / skur pa 'debs pa med par 'gyur ba'i lam yang yongs su
- 79a
'dzin par 'gyur ro// byang chub sems dpa'i spyad pa spyod pa na yang / ji skad smras pa de bzhin du byed de/ dam bcas pa brtan par 'gyur ro// phra ma spangs pa'i byang chub sems dpas sbyin pa byin na/ longs spyod che bar 'gyur zhing g.yog 'khor mi phyed par yang 'gyur ro// byang chub sems dpa'i spad pa smod pa na yang bsam pa mthun pas byang chub sems dpa'i g.yog 'khor thob po// ngag rtsub po spangs pa'i byang chub sems dpas sbyin pa byin na/ longs spod che bar 'gyur zhing tshig brdzun par 'gyur la/ tshig sun dbyung du med par 'gyur ro// byang chub sems dpa'i spyad pa spyod pa na yang 'khor ma 'gu bar su yang mi 'gro'o// tshig bkyal pa spangs pa'i byang chub sems dpas sbyin pa byin na/ longs spyod che bar 'gyur zhing tshig gnyen par yang 'gyur ro// byang chub sems dpa'i spyad pa spyod pa yang the tsom thams cad gcod pa lo mkhas par 'gyur ro// brnab sems spangs pa'i byang chub sems dpas sbyin pa byin na/ longs spyod che bar 'gyur zhing longs spyod dang yongs su spyod pa rgya chen po dag la de'i sems 'jug par 'gyur ro// byang chub sems dpa'i spyad pa spyod pa na yang / rgya chen po mos shing dbang che bar grags par 'gyur ro// gnod sems spangs pa'i byang chub sems dpas sbyin pa byin na/ longs spyod che bar 'gyur zhing mdzes pa dang / skye bo mang po dga' zhing yid du 'ong bar 'gyur ro// byang chub sems dpa'i rgyud
- 79b
pa spyod pa na yang blo thogs pa med cing sems thogs pa med la/ dbang po ma tshangs pa med par 'gyur ro// log par lta ba spangs pa'i byang chub sems dpas sbyin pa byin na/ longs spyod che bar 'gyur zhing sangs rgyas la dad pa dang / yang dag par lta ba'i khyim du skye'o// byang chub sems dpa'i spyad pa spyod pa na yang sangs rgyas la lta ba dang / chos nyan pa dang / dge 'dun la bsnyen bkur byed pa dang / byang chub tu sems bskyed pa dang mi 'bral bar 'gyur ro// klu'i bdag po dge ba bcu'i las kyi lam 'di dag sbyin pas brgyan na/ de ltar mthu che zhing phan yon che la byin zhing rgya che bar 'gyur ro// dge ba bcu'i las kyi lam 'di nyid tshul khrims kyis brgyan na sangs rgyas kyi chos thams cad la smon pa yongs su rdzogs par byed do// bzod pas brgyan na mtshan dang dpe byad bzang po dang // sangs rgyas kyi gsung gi gdangs yongs su rdzogs par 'gyur ro// brtson 'grus kyis brgyan na/ bdud phyir rgol ba 'joms pa dang / sangs rgyas kyi chos thams cad mthar phyin par 'gyur ro// bsam gtan gyis brgyan na/ dran pa dang blo gros dang / rtogs pa dang / ngo tsha shes pa dang / rten pa yod/ su dag par 'gyur ro// shes rab kyis brgyan na/ lta ba thams cad yang dag par 'joms par 'gyur ro// byams pas brgyan na/ sems can thams cad dang zhe 'gras pa med par 'gyur ro// snying rjes brgyan na/ sems can thams cad yongs su mi gtong bar 'gyur ro// dga' bas brgyan na/ sems zhum pa med par 'gyur ro// btang snyoms kyis
- 80a
brgyan na rjes su chags pa dang khong khro ba spong bar 'gyur ro// bsdu ba'i dngos pos brgyan na sems can yongs su smin par byed par 'gyur ro// dran pa nye bar bzhag pas brgyan na/ lus dang tshor ba dang / sems chos la mkhas par 'gyur ro// yang dag par spong bas brgyan na/ mi dge ba'i chos thams cad spong ba dang / dge ba'i chos thams cad yongs su rdzogs par 'gyur ro// rdzu 'phrul gyi rkang pas brgyan na/ lus dang sems yang bar 'gyur ro// dbang po lngas brgyan na dad pa brtan pa dang / brtson 'grus brtan pa dang / rmongs pa med pa dang / sems las su rung ba dang / nyon mongs pa thams cad spongs par 'gyur ro// stobs kyis/ brgyan na/ rdzi ba med pa dang / dgra dang 'khu ba thams cad nges par 'joms par 'gyur ro// byang chub kyi yan lag gis brgyan na/ chos thams cad yang dag pa ji lta ba bzhin du khong du chud par 'gyur ro// lam gyi brgyan na/ yang dag pa'i ye shes 'dren par 'gyur ro// zhi gnas kyis brgyan na/ nyon mongs pa thams cad tshar gcod par 'gyur ro// lhag mthong gis brgyan na chos thams cad yang dag pa ji lta ba bzhin du yongs su shes par 'gyur ro// thabs kyis brgyan na/ 'dus byas dang 'dus ma byas kyi bde ba yongs su rdzogs par 'gyur ro// klu'i bdag po mdor na/ dge ba bcu'i las kyi lam 'di dag kho nas de bzhin gshegs pa'i stobs bcu yongs su rngos
- 80b
pa dang / mi 'jigs pa bzhi yongs su rdzogs pa dang / sangs rgyas kyi chos thams cad yongs su rdzogs par 'gyur te/ klu'i bdag po de lta bas na dge ba bcu'i las kyi lam 'di dag rgyas par rnam par dbye ba dang brgyan par brtson par bya'o// klu'i bdag po dper na grong dang / grong khyer dang / grong rdal dang / ljongs dang / yul 'khor dang / rgyal po'i pho brang thams cad dang / rtswa dang shing gel pa dang / sman dang / shing thams cad dang / las kyi mtha' thams cad dang / sa bon gyi tshigs thams cad dang / lo tog thams cad skye zhing rmo ba dang / shal pas bshal ba dang / 'byung ba rnams ni sa la gnas te/ de dag gi gnas ni sa yin no// klu'i bdag po de bzhin du dge ba bcu'i las kyi lam 'di dag ni lha dang mi'i skye ba dang / slob pa dang mi slob pa'i dge sbyong gi 'bras bu thob pa dang / rang sangs rgyas kyi byang chub dang / byang chub sems dpa'i spyod pa thams cad dang / sangs rgyas kyi chos thams cad kyi gnas yin no// dge ba bcu'i las kyi lam la gnas pa zhes bya ba'i le'u ste drug pa'o// de nas bcom ldan 'das la klu'i rgyal po rgya mtshos 'di skad ces gsol to// bcom ldan 'das chos kyi sgor 'jug pa gang dang ldan na byang chub sems dpa' sngon gyi las kyi sgrib ba'i nongs pa rnams spong zhing / las kyi sgrib pa thams cad spongs nas kyang khyad par gyi gnas su 'chi bar 'gyur ba'i chos kyi sgo gang lags/ bcom ldan 'das kyis bka' stsal
- 81a
pa/ klu'i bdag po chos gcig gis las kyi sgrib pa thams cad rgyun chad par 'gyur te/ chos gcig gang zhe na 'di lta ste/ sdom pa la gnas pa nyes pa byung ba 'chags pa ste/ gcig ni de yin no// klu'i bdag po chos gnyis kyi las kyi sgrib pa rgyun chad par 'gyur te/ gnyis gang zhe na 'di lta ste/ tshul bzhin du chos la so sor rtog pa dang / da ltar byung ba mngon par 'du mi byed pa ste/ de gnyis so// klu'i bdag po chos gsum gyi las kyi sgrib pa rgyun chad par 'gyur te/ gsum gang zhe na 'di lta ste/ rkyen gyis chos la 'jug pa'i shes pa la so sor rtog pa dang / mi gsar mi snying pa'i chos la so sor rtog pa dang / rang bzhin gyis kun nas nyon mongs pa med pa'i chos rnam la so sor rtog pa ste/ gsum po de dag go/ klu'i bdag po chos bzhis las kyi sgrib pa rgyun chad par 'gyur te/ gzhi gang zhe na 'di lta ste/ stong pa nyid la nges par sems pa/ dang / mtshan ma med pa la gnas pa dang / smon pa dang bral ba dang / mngon par 'du byed pa med pa shes pa ste/ bzhi po de dag go// klu'i bdag po chos lngas las kyi sgrib pa rgyan chang bar 'gyur te/ lnga gang zhe na/ 'di lta ste/ sems can med pa nyid dang / srog med pa nyid dang / gang zag med pa nyid dang / gsob med pa nyid dang / gso ba med ba nyid de/ lnga po de dag go// klu'i bdag po chos drug gis las kyi sgrib pa rgyun chad par 'gyur te/ drug gang zhe na 'di lta ste/ mos pa dang / yid ches pa dang / gcig tu sa
- 81b
pa dang / the tsom med pa dang / yang dag pa la so sor rtog pa dang / lhag pa'i bsam pas las bya ba la 'jug pa ste/ chos drug po de dag gis las kyi sgrib pa rgyun chad par 'gyur to// de skad ces bka' stsal pa dang / bcom ldan 'das la klu'i rgyal po rgya mtshos 'di skad ces gsol to// bcom ldan 'das ji ltar na byang chub sems dpa' khyad bar du mchis pa lags/ bcom ldan 'das kyis bka' stsal pa/ klu'i bdag po chos bcu dang ldan na/ byang chub sems dpa' khyad par du 'gro bar 'gyur te/ bcu gang zhe na 'di lta ste/ de la ma chags pa dang / lhag pa'i bsam pa yongs su dag pa dang / thabs la mkhas pas brtson 'grus brtan pa dang / sems can la lta zhing snying rje chen po dang / bsod nams la chog mi shes pa dang / thos pa btsal ba la chog mi shes pa dang / bag yod pa dang / byang chub kyi snying po rjes su dran pa dang / sangs rgyas kyi ye shes mngon sum du thob pa dang / byang chub kyi sems mi gtong ba dang / chos bcu po de dag dang ldan na/ byang chub sems dpa'i khyad par du 'gro bar 'gyur ro// de nas bcom ldan 'das la lha ma yin gyi dbang po sgra gcan gyis 'di skad ces gsol to// bcom ldan 'das ji ltar na byang chub sems dpa' yon tan thams cad kyi mngon par 'phags par 'gyur ba lags/ bcom ldan 'das kyis bka' stsal pa/ lha ma yin gyi dbang po chos brgyad dang ldan na/ byang chub sems dpa' yon tan thams cad kyis mngon par 'phags
- 82a
bya// par 'gyur te/ brgyad gang zhe na/ 'di lta ste sgra gcan chen po 'di la byang chub sems dpa' ni nga rgyal med pa yin te/ sems can thams cad 'dud cing mngon par 'dud pa dang / bka' blo bde ba yin te/ mthun par 'dzin pa dang / ji skad smras pa bzhin byed pa dang / bla ma rnams la gus pa skyes pa dang / dge ba spyad pa thams cad la mngon du 'gro ba dang / dge ba'i chos la dam bcas pa brtan pa dang / rgya chen po la mos pa yin te/ sbyin pa rnam pa sna tshogs sbyin pa dang / srog gi phyir yang gzhan 'khrug par mi byed pa dang / gong du yang sems can 'jigs pa rnams la mi 'jigs pa sbyin zhing / skyabs su 'ongs pa'i sems can rnams yongs su mi gtong ba dang / bsod nam dang ye shes thams cad yongs su tshol ba na/ cho ga mi shes pa ste/ chos brgyad po de dag dang ldan na/ byang chub sems dpa' yon tan thams cad kyis mngon par 'phags par 'gyur// de nas bcom ldan 'das la lha ma yin gyi dbang po sgra gcan gyis yang 'di skad ces gsol to// bcom ldan 'das chos du dang ldan na/ byang chub sems dpas lus che ba nyid dang / gzugs che ba nyid dang / 'khor che ba nyid dang / sems che ba nyid thob par 'gyur lags/ bcom ldan 'das kyis bka' stsal pa/ sgra gcan chos bzhi dang ldan na byang chub sems dpas lus che ba nyid thob par 'gyur te/ bzhi gang zhe na 'di lta ste/ gzhan dag gi spyod lam la mi 'phya ba dang / de bzhin gshegs pa'i sku thams cad yongs su rdzogs par byed du
- 82b
'jug pa dang / sems can bye ba dang 'thab pa rnams bsdams shing / mthun par bkod nas bla na med pa yang dag par rdzogs pa'i byang chub la 'dzud pa dang / sems can thams cad la dbang po zhe 'gras pa med pa ste/ chos bzhi po de dag dang ldan na/ byang chub sems dpa' lus che ba nyid thob par 'gyur ro// chos bzhi dang ldan na/ byang chub sems dpa' gzugs che ba nyid thob par 'gyur te/ bzhi gang zhe na 'di lta ste/ rgyan rnam pa sna tshogs sbyin pa dang / phangs pa'i dngos po thams cad yongs su gtong ba dang / de bzhin gshegs pa la byams pa'i mig gis lta ba dang / gzhan byed bzhin bzang po dag la phra dog dang ser sna mi byed pa ste/ chos bzhi po de dag dang ldan na byang chub sems dpa' gzugs che ba nyid thob par 'gyur ro// chos bzhi dang ldan na/ byang chub sems dpas 'khor che ba nyid thob par 'gyur te/ bzhi gang zhe na 'di lta ste/ pra ma'i tshig spong zhing gzhan gyi 'khor mi 'byed pa dang / gzhan gyi 'khor la dga' ba dang / byang chub kyi sems shin tu brtan pa dang / gzhan dag byang chub la 'dzud pa ste/ lha ma yin gyi dbang po chos bzhi po de dag dang ldan na byang chub sems dpas 'khor che ba nyid thob par 'gyur ro// chos bzhi dang ldan na/ byang chub sems dpa' sems che ba nyid thob par 'gyur te/ bzhi gang zhe na 'di lta ste/ bsam pa dag ste g.yo med pa dang / sgyu can ma yin pa dang / 'dun pa drag po dang ldan pa dang / bar mdor skye ba med
- 83a
pa dang / rgya chen po la mos shing theg pa dman pa mi 'dod pa dang / chos thams cad rang bzhin gyis stong pa nyid la 'jug pas chos zab mo'i tshul la 'jug pa ste/ sgra gcan chos bzhi po de dag dang ldan na/ byang chub sems dpas sems che ba nyid thob par 'gyur ro// de nas lha ma yin gyi dbang po sgra gcan 'khor sum khri nyis stong dang bcas pa tshim zhing mgu la yid rangs te/ rab tu dga' zhing dga' ba dang yid bde ba skyes nas/ rin po che'i me tog rin po che thams cad kyis spras pa/ khal bcu tshad brgyas bcom ldan 'das la gtor te/ bla na med pa yang dag par rdzogs pa'i byang chub tu sems bskyed nas/ de'i tshe bcom ldan 'das la tshigs su bcad pas mngon par bstod do// phyogs bcu dag na sems can khams rnams mtha' yas gang su dag/ skad cig thang cig yud tsam cig la rgyal la mchod byed dang // phyogs bcu dag na sems can gang dag bskal pa 'bum du yang // mchod la brtson pa'i sems can dag ni phan pa byed pa dang // byams dang bsod nams 'phags pa'i rang bzhin las byung mchod pa rnams// ci 'dra ba dang mtshungs shing ma nyams pa ma lags khyod la 'os// mtshungs med sems kyis yang dag gnas nas bskyed pa gang lags pa// de ni stobs bcu dang ldan pa rnams la rjed dang mchod pa lags// bdag ni bang chub reg 'gyur snyam ste de la spobs gnas nas// bdag ni g.yo med byang chub mtshungs ma mchis la dazhugs pa lags//
- 83b
dbang las gzhan srid gsum du yang bdag gis dbang ma mchis// bdag gi bsam pa ci 'dra'i dbang ni stobs bcu ldan pa lags// bdag ni kun la shin tu sdug cing nga rgyal sprul pa dang // sbyin dang dul dang ldan zhing tshul khrims ldan la bzod ldan pa// brtson 'grus dran pa ting 'dzin shes rab rnam dag gnas pa dang // byams dang snying rjer ldan zhing bden pa'i chos la spyod gyur cig/ phan bzhed rgyal ba gal te bdag la lung ston mi mdzad kyang // mi'i dbang po bdag ni rang gis rang la lung yang bstan// bdag ni rang 'byung mi 'gyur snyam du yid gnyis dogs ma mchis// de ltar bdag ni bsam pa thag pas byang chub nyid sems nges// mi dbang 'dzum pa mdzad nas zla ba'i tog gis zhes pa ni// rang byung 'dzum pa mdzad pa 'di ni ci lags lung bstan gsol// gang gi phyir na ngas ni dag pa'i 'od rnams ston mdzad pa// zla ba'i tog khyod mnyan par gyis shes ston pas de la gsungs// lha min sgra gcan bdag nyid chen po byang chub mchog la zhugs// g.yog 'khor sum khri nyis stong gang lags rnams kyang de bzhin te// bskal pa stong phrag brgyar ni byang chub spyod pa spyad nas kyang // thams cad rjes su mthun par byang chub gtso bo thob par 'gyur// rgyal ba gang ga'i bye ma snyed rnams la ni mchod bgyis te// de nas sems shin tu mang po byang chub dkod nas kyang // de'i 'og tu bskal pa dge ba bkod pa mdzes pa la// byang chub rdul bral zhi ba mya ngan med pa tshangs yang rgya// sgra gcan bdag nyid
- 84a
chen po 'di ni chos kyi rgyal por 'gyur// brtson 'grus stobs dang ldan te dbang po rgyal mtshan zhes kyang bgyi// 'jig rten khams kyang dga' ba bskyed pa'i bkod pa zhes bgyi ste// dga' ldan gnas nas 'dra bar 'byor cing rgyas la lo yang legs// stobs bcu ldan gyi tshen lo grangs bye ba bdun bcu ste/ dge slong 'phags pa'i dge 'dun khrag khrig drug cu tham par 'gyur// byang chub sems dpa'i dge 'dun khrag khrig phrag bcu brgyad bcu ste// thos pa dang ni 'dul ba 'dzin pa gzungs la shin tu gnas// bskal pa dge ba bkod pa zhes bgyi mdzes pa de dag tu// sems can brgya stong dag ni byang chub bkod la bgyis nas kyang // 'di dag thams cad rims kyis byang chub mchog tu 'tshang yang rgya// byang chub sems dpa' mchog gis ni yon tan khyad par dag la ltos// der ni sgra gcan bzang po'i lung bstan thos par gyur nas kyang // srog chags 'bum phrag bzhi dag byang chub mchog la zhugs par gyur// legs par yon tan 'chang ba rnams kyi bsam pa'i khyad par gyis// stong gsum rab g.yos lhags kyang me tog char pa rab tu phab// de nas bcom ldan 'das la klu'i rgyal po ma dros pas 'di skad ces gsol to// bcom ldan 'das chos thams cad ni bdag ma mchis pa/ byed pa po ma mchis pa lags na/ lung bstan pa ni gang lags/ de bzhin gshegs pa ni gang lags/ byang chub mngon par rdzogs par 'tshang brgya pa ni gang lags/
- 84b
bcom ldan 'das kyis bka' stsal pa/ klu'i bdag po de de bzhin te/ chos thams cad ni bdag med pa byed pa po med pa yin te/ de ni chos rnams nyid yin mod kyi// 'on kyang byis pa so so'i skye bo phyin ci log dang ldan pa/ ngar 'dzin pa dang / nga yir 'dzin pa gnas pa rnams/ sems can med pa rnams la sems can du 'du shes bskyed par byed de/ de la byang chub sems dpa' rnams kyis snying rje chen po bskyed nas/ phyin ci log gi 'du shes spong du bzhugs pa dang / ngar 'dzin pa dang / nga yir 'dzin pa yongs su shes pa bya ba'i phyir/ byang chub tu go cha gyon par zad kyis/ skyes bu dam pa de dag gis sems can med pa dang / gang zag med pa mi shes pa ni ma yin te/ bdag dang sems can dang / srog dang / gso ba dang / skyes bu dang gang zag tu lta ba'i sems can de dag yongs su grol bar byed do// klu'i bdag po khyod 'di la lung ston pa gang lags shes zer ba gang yin pa de la mngon sum du chos khong du chud pa ni lung bstan pa'o// sems can med pa dang / srog med pa dang / gso ba med pa dang / gang zag med pa la nges par sems dang ldan pa'i lung bstan pa'o// ma byung ba dang / ma skyes pa dang / rtsa ba med pa dang / gnas med pa la gnas pa ni lung bstan pa'o// sems can thams cad mtshungs par bdag med pa la mos pa ni lung bstan pa'o// chos thams cad mtshungs par/ chos dben par mngon pa ni lung bstan pa'o// chos thams cad sangs rgyas kyi
- 85a
chos dang / chos kyi dbyings dang / dbyer med pa'i ye shes mthong ba'i lung bstan pa'o// bdud thams cad mtshungs par nyon mong pa can du mi 'gyur te/ rang bzhin gyis yongs su dag pa'i sems dang ldan pa ni/ lung bstan to// stong pa nyid dang mtshan ma med pa la mi rtog rnam par mi rtog la mi len mi 'dor ba 'di ni lung bstan pa'o// klu'i bdag po de ltar na sems dang / yid dang rnam par shes pa mi gnas par lung bstan pa ji lta ba bzhin du chos thams cad kyang de dang 'dra ste/ dmigs su med do// chos thams cad mnyam pa nyid ji lta ba bzhin du khong du chud pa ni byang chub yin te/ de la don dam par ni gang gi lung bstan pa 'am// gang gis byang chub 'am/ gang lung bstan par bya ba 'am/ gang gis lung bstan pa 'am/ cis lung bstan pa ci yang mi dmigs so// klu'i bdag po de ci'i phyir zhe na/ chos thams cad ni dngos po med pa ste/ rtsa ba nas yongs su chad pa'i phyir ro// chos thams cad ni bdag po med pa ste/ rgyu dang rkyen rnams las 'byung ba'i phyir ro// chos thams cad ni gzungs du med pa ste/ ngo bo nyid med pa'i mtshan nyid yin pa'i phyir ro// chos thams cad ni ngo bo nyid med pa ste/ bral ba med pa'i mtshan nyid yin pa'i phyir ro// chos thams cad ni ma 'ongs pa ste/ sngon gyi mtha' nas ma 'ongs pa'i phyir ro// chos thams cad ni med par gyur pa ste/ phyi ma'i mtha' mi 'byung ba'i phyir ro// chos thams cad
- 85b
ni mi gnas pa'i ste/ gnas mi dmigs pa'i phyir ro// chos thams cad ni mi dmigs pa ste/ byed pa med pa'i phyir ro// chos thams cad ni byed pa med pa ste/ lus med pa'i phyir/ ro// chos thams cad ni lus med pa ste/ gnas med pa'i phyir ro// chos thams cad ni gnas med pa ste/ rten med pa'i phyir ro// chos thams cad ni rten med pa ste/ mi g.yo ba'i phyir ro// chos thams cad ni mi g.yo ba ste/ mi gnas pa'i phyir ro// chos thams cad ni mi gnas pa ste/ bems po yin pa'i phyir ro// chos thams cad ni bems po yin ste/ ngo bo nyid med pa'i phyir ro// chos thams cad ni ngo bo nyid med pa ste/ rnam par rig par byed pa'i phyir ro// chos thams cad ni rnams par rig par mi byed pa ste/ sgro btags pa med pa'i phyir ro// chos thams cad ni sgro btags pa med pa ste/ yid la byed pa med pa'i phyir ro// chos thams cad ni yid la byed pa med pa ste/ dmigs su med pa'i phyir ro// chos thams cad ni dmigs su med pa ste/ 'gyur ba med pa'i ba'i phyir ro// chos thams cad ni 'gyur ba med pa ste/ rtog pa med cing dpyod pa med pa'i phyir ro/ chos thams cad rtog pa med cing dpyod pa med pa ste/ zhi ba'i phyir ro// chos thams cad ni zhi zhing / rab tu zhi la nye bar zhi ba ste/ rgyu las byung ba ma yin pa'i phyir ro// / chos thams cad ni rgyu las byung ba ma yin pa ste/ rang bzhin gyis rnam par grol ba'i phyir ro// chos thams cad ni rang bzhin gyis rnam par grol ba ste/ rnam par grol ba'i mtshan
- 86a
nyid yin pa'i phyir ro// chos thams cad ni rnam par grol ba'i mtshan nyid do// gnyis dang bral ba'i phyir ro// chos thams cad ni gnyis dang bral ba ste/ bgrod pa gcig pa'i phyir ro// chos thams cad ni bgrod pa gcig pa ste/ so so tha dad pa dang bral ba'i phyir ro// chos thams cad ni so so tha dad pa dang bral ba ste/ bye brag med pa'i phyir ro// chos thams cad ni bye brag med pa ste/ mnyam pa nyid khong du bya ba'i phyir ro// klu'i bdag po de ltar na chos thams cad mnyam pa nyid ga/ yin pa de la ni lung bstan par bya ba dang / mngon par rdzogs par 'tshang brgya pa ci yang med do// klu'i bdag po de bzhin gshegs pa rnams kyi snying rje chen po dang / byang chub sems dpa' rnams kyi mos pa'i stobs la ltos/ gang chos 'di lta bu dag ming dang brdas rnam par phye nas sems can dag la go bar byed la/ sems can ma rtog pa'i chos rnams kyang ma mthong ngo // sems can rnams ji lta ba bzhin du chos rnams kyang de 'dra'o// byang chub kyang de dang 'dra'o// sangs rgyas kyang de dang 'dra'o// lung bstan pa yang de dang 'dra'o// chos thams cad kyi dbyings kyang de 'dra ste/ des na de bzhin gshegs pa zhes bya'o// de bzhin nyid rtog pa'i don dang / de bzhin nyid la gnas pa'i gyis na de bzhin nyid do// de bzhin nyid ma spobs pa'i don dang / de bzhin nyid dbyer med pa'i don dang / de bzhin nyid khong du chud pa'i don des na/ de bzhin gshegs
- 86b
pa zhes bya'o// ji ltar de bzhin gshegs pa dang / de bzhin nyid mtshungs par rab tu phye ba de bzhin du chos thams cad kyang de bzhin dang mtshungs par rab tu phye ba yin te/ klu'i bdag po de bzhin gshegs pa'i mnyam pa nyid kyis yin te/ byang chub sems dpa' rnams de la gnas na/ mi skrag mi dngangs par 'gyur la/ de bzhin gshegs pa'i sa mnyam pa nyid 'di yang sems can rnams la go bar byed do// bstan pa 'di bshad pa na/ byang chub sems dpa' sum stong nyis rgyas mi skye ba'i chos rnams la bzod pa thob par gyur te/ klu'i rgyal po ma dros pa yang tshim zhing mgu la yid rangs te/ rab tu dga' zhing mgu ba dang yid bde ba skyes nas/ 'dzam bu'i gling ri ba'i mu tig phreng ba de bzhin ga pa'i sku la gsel to// de nas klu'i rgyal po rgya mtsho'i bu mo lha ma yin gyi dbang po thag bzang ris kyi cha mo rin chen sna tshogs zhes bya ba des klu'i bu mo khri dang lhan cig tu lag pa g.yas pas mu tig gi phreng ba blangs nas/ bcom ldan 'das la mig mi 'dzum par lta ste/ phyag 'tshal zhing 'dug par gyur to// de nas bu mo rin chen sna tshogs can dang / klu'i bu mo khri bo de dag gis bcom ldan 'das kyi sku la mu tig phreng ba de dag gsol nas tshig 'di skad ces gsol to// bcom ldan 'das bdag cag rnams lhan cig tu mthun zhing / yang dag par dga' bzhin du bla na med pa yang dag par rdzogs pa'i byang chub tu sems bskyed do// bdag cag kyang ma 'ongs pa'i dus na/ de bzhin gshegs pa dgra bcom pa yang dag par
- 87a
rdzogs pa'i sangs rgyas su gyur cig/ da ltar gyi de bzhin gshegs pa ji lta ba bzhin du/ 'di 'dra bar chos kyang ston par gyur cig/ dge 'dun yang bsrung bar gyur cig/ de nas tshe dang ldan pa 'od srung chen pos klu'i bu mo de la 'di skad ces smras so// bu mo bla na med pa yang dag par rdzogs pa'i byang chub ni bud med kyi lus kyis mngon par rdzogs par 'tshang brgya par mi nus te/ 'grub par dka'o// de nas bu mo rin chen sna tshogs can gyis tshe dang ldan pa 'od srung chen po la 'di skad ces smras so// btsun pa 'od srung chen pos bud med kyi lus kyis kyang bla na med pa yang dag par rdzogs pa'i byang chub mngon par rdzogs par 'tshang brgya par mi 'gyur la/ lhag pa'i bsam pa la zhugs pa la yang byang chub 'grub par dka' ba ma mchis so// byang chub sems dpa'i byang chub ni sems bskyed pa la rag las te/ byang chub tu sems bskyed ma thag tu/ sangs rgyas kyi chos thams cad bzung bar 'gyur ro// btsun pas gang 'di skad du bud med kyi lus kyis byang chub mngon par rdzogs par 'tshang brgya par mi nus so// zhes gsung ba de ni skyes pa'i lus kyis kyang mngon par rdzogs par 'tshang rgya bar mi nus so// de ci'i slad du zhe na/ de bzhin gshegs pas 'di skad du mig ni skyes pa yang ma yin/ bud med kyang ma yin no// de bzhin du rna ba dang / sna dang lce dang lus dang / yid ni bud med kyang ma yin/ skyes pa yang ma yin no zhes gsungs pa'i phyir ro//
- 87b
btsun pa 'od srung chen po de ci'i slad du zhe na/ mig ni stong pa ste/ stong pa gang lags pa de la ni bud med kyang ma mchis/ skyes pa yang ma mchis pa'i slad du'o// btsun pa 'od srungs chen po de bzhin du/ rna ba dang sna dang lce dang lus dang yid ni stong pa ste/ stong pa gang lags pa de la ni bud med kyang ma mchis skyes pa yang ma mchis pa'i slad du'o// / btsun pa de la ni mig khongs su chud pa gang lags pa de ni byang chub lags so// rna ba dang sna dang lce dang lus dang yid khongs su chud pa gang lags pa de ni byang chub lags so// byang chub gang lags pa de la ni bud med kyi chos rnams sam/ skyes pa'i chos rnams ma mchis so// btsun pa 'od srung chen po de lta bas na byang chub kyi ngo bo nyid gang lags pa de ni/ bdag gi ngo bo nyid kyang de lags so// smras pa bu me khyod byang chub yin nam/ smras pa gnas brtan dang bdag cag gnyi ga 'ang byang chub lags so// smras pa bu mo kho bo ni byang chub ma yin gyi/ kho bo ni nyan thos yin no// smras pa btsun pa 'od srung chen po khyod sus btul/ smras pa bu mo kho bo ni de bzhin gshegs pas btul lo// smras pa gnas brtan gal te de bzhin gshegs pas btul na/ gal te de bzhin gshegs pa mngon par rdzogs par sangs ma rgyas su zin na/ de bzhin gshegs pas gnas brtan 'dul bar spyod dam/ bu mo de ni ma yin no// smras pa/ btsun pa 'od srung chen po de lta bas na khyod nyid byang chub lags te/ byang chub ma lags pa'i chos ci yang ma mchis san/
- 88a
smras pa bu mo mtshams med pa rnams kyang byang chub yin nam/ smras pa btsun pa de de bzhin te/ mtshams med pa rnams kyang byang chub lags so// de ci'i slad du zhe na/ byang chub ni mtshams med pa'i rang bzhin can lags te/ mtshams med pa'i chos kyi stong pa nyid kyi rang bzhin gang lags pa de ni byang chub lags la/ stong pa nyid kyi chos kyi rang bzhin gang lags pa de ni byang chub lags pa'i slad du'o// btsun pa de ltar na mtshams med pa khong du chud pa lags byang chub 'byung ngo // btsun pa byang chub ma lags pa gang lags pa de ni ma mchis te gal te chos 'ga' zhig mnyam pa nyid dang mi ldan na ni ma lags kyi chos thams cad mnyam pa nyid dang ldan pa de ni byang chub lags so// smras pa/ bu mo khyod spobs pa 'di sus byin/ smras pa/ gnas brtan gyis bka' stsal to// de ci'i slad du zhe na/ gal te gnas brtan gyis ma smras na/ bdag gis spobs pa 'di skye bar mi 'gyur ba'i slad du'o// btsun pa dper na gal te ma smras na brag cha'i sgra 'byung bar mi 'gyur ba de bzhin du btsun pa 'od srung chen po byang chub sems dpa' rnams ni ma dris kyi bar du spobs pa skye bar mi 'gyur ro// smras pa bu mo khyod kyis de bzhin gshegs pa ji snyed la bsnyen bkur byas/ smras pa/ gnas brtan gyis nyon mongs pa ji snyed spangs pa snyed la'o// smras pa bu mo kho bo ni nyon mongs pa rnams ni spangs pa med pa'o// smras pa/ btsun pa nyon mongs pa dang bcas pa lags sam/ kho bo ni nyon mongs pa dang bcas pa yang ma yin/ nyon mongs pa rnams
- 88b
spangs pa yang ma yin no// smras pa ci btsun pa khyod kyis nyon mongs pa rnams bzhag gam/ smras pa/ bskyed pa yang med 'gag par byas pa yang med/ bzhag pa yang med de/ de bzhin nyid ji lta ba de bzhin du shes so// smras pa/ ci de bzhin nyid shes par bgyi ba zhig lags sam/ smras pa/ de ni ma yin no// smras pa/ 'o na ci'i slad du/ de bzhin nyid ji lta ba bzhin du nyon mongs pa shes so zhes gsung / gal te mkhyen na ni de bzhin ma lags so// smras pa/ de ni ma yin no// smras pa/ 'o na ci'i slad du/ ji ste mi mkhyen na ni de ltar btsun pa byis pa so so'i skye bo thams cad dang mi shes pa can du mtshungs so// smras pa/ bu mo khyod kyi tshig thams cad ni gzhan gyi tshig gcod par byed pa'o// smras pa/ bdag ni su'i tshig kyang gcod par yang mi bgyid/ sgrub par yang mi bgyid de/ de ci'i slad du zhe na/ chos kyi dbyings ni bcad du ma mchis pa lags na/ tshig thams cad ni chos kyi dbyings su yang dag par 'du ba'i slad du'o// smras pa/ gang khyod kyis bdag byis pa so so'i skye bo thams cad dang mnyam te bzhag pa de khyod 'gyod par mi 'gyur ram/ smras pa/ btsun pa 'od srung chen po gal te bdag gis gnas brtan yang tha dad la byis pa se so'i skye bo thams cad kyang tha dad pa bzhag na ni de ltar na bdag 'gyod par 'gyur ba zhig na gang gi slad du bdag gis gnas brtan byis pa so so'i skye bo thams cad dang ba mi dad par bzhag pa des na/ bdag 'gyod par mi 'gyur ro// btsun pa mtshungs shes bgyed pa de ni chos thams cad
- 89a
tha dad pa ma mchis pa dang / nam mkha' dang mtshungs pa nyid kyi tshig bla dgas so// smras pa bu mo ci khyod so so'i skye bo rnams dang mtshungs sam/ 'on te 'phags pa rnams dang mtshungs/ smras pa/ btsun pa bdag ni so so'i skye bo rnams dang mtshungs pa yang ma lags/ 'phags pa rnams dang mtshungs pa yang ma lags so// de ci'i slad du zhe na/ gal te bdag so so'i skye bo rnams dang mtshungs na ni/ bdag gi byang chub sems dpa'i spyod pa don ma mchis par 'gyur ro// ji ste 'phags pa rnams dang mtshungs na ni/ nyan thos rnams dang mtshungs par 'gyur te/ de ltar na ni bdag sangs rgyas kyi chos rnams las yongs su nyams par 'gyur ro// smras pa/ bu mo gal te khyod so so skye bo rnams dang yang mi mtshungs/ 'phags pa rnams dang yang mi mtshungs na/ ci khyod sangs rgyas kyi chos rnams dang mtshungs sam/ smras pa/ btsun pa 'od srungs chen po bdag ni bzod sangs rgyas kyi chos rnams dang mtshungs pa ma lags so// de ci'i slad du zhe na/ bdag ni chos thog ma nas kyang sangs rgyas kyi chos rnams dang mtshungs so// smras pa/ bu mo gal te khyod sangs rgyas kyi chos rnams dang mtshungs na/ ci sangs rgyas kyi chos de dag khyod la yod dam/ smras pa/ gnas brtan ci sangs rgyas kyi chos su gdags pa 'das pa 'am/ ma 'ongs pa 'am/ da ltar byung ba 'am/ yul na gnas pa 'am/ phyogs na gnas pa 'am/ sngon po 'am/ ser po 'am/
- 89b
dmar po 'am/ dkar po 'am/ rtsod ka 'am/ shel gyi kha dog gam/ dngul gyi kha dog lta lags sam/ smras pa/ bu mo sangs rgyas kyi chos rnams gdags pa ni kha dog dang dbyibs kyi sgo nas bstan par mi nus so// smras pa/ btsun pa gal te sangs rgyas kyi chos rnams gdags su ma mchis pa dang / gdags su mi rung ba lags na/ ci'i slad du bdag la tshol ba mdzad/ smras pa/ bu mo 'o na sangs rgyas kyi chos gang las btsal bar bya/ smras pa/ lta ba'i rnam pa drug cu rtsa gnyis las btsal bar bgyi'o// smras pa/ lta ba'i rnam pa drug cu rtsa gnyis kyang gang nas btsal bar bya/ smras pa/ de bzhin gshegs pa'i rnam par grol ba las btsal bar bgyi'o// smras pa/ de bzhin gshe pa'i rnam par grol ba yang gang las btsal bar bya/ smras pa/ mtshams med par lnga las btsal bar bgyi'o// smras pa/ mtshams med pa lnga yang gang nas btsal bar bya// smras pa/ gnas brtan 'od srung chen po'i rnam par grol ba ye shes mthong ba las btsal bar bgyi'o// smras pa/ bu mo khyod kyi gtam 'di 'dra ba de ji lta ba zhig/ smras pa/ btsun pa gtam 'di ni ma bcings ma grol ba'i gtam lags so// blang du ma mchis shing / dor du ma mchis te/ rang bzhin gyis yongs su dag pa'i gtam lags so// chos thams cad tha dad pa ma mchis pa'i gtam lags so// smras pa bu mo 'di ni de bzhin gshegs pa rnams kyi byang chub dang mthun pa yin no// smras pa/ btsun pa 'od srung chen po de ni/
- 90a
med de/ 'di ni de bzhin gshegs pa rnams kyi byang chub dang mthun pa ma lags so// de ci'i slad du zhe na/ 'di ltar de bzhin gshegs pa rnas kyi byang chub ni brjod du ma mchis pa snyed du ma mchis pa'i slad du'o// btsun pa 'od srung chen po'i bshad pa'i dngos po gang lags pa de dag thams cad ni sgras rnam par dbye ba lags la/ byang chub gang lags pa de ni don dam pa sgras brda sprad par mi nus lags so// btsun pa byang chub ces bgyi ba 'di ni nye bar zhi ba'i gzhi lags so// 'di ni yi ge ma mchis pa'i gzhi lags so// 'di ni ji lta ba bzhin gyi gzhi lags so// 'di ni gzhi ma mchis pa'i gzhi lags so// smras pa/ bu mo gal te byang chub kyi mtshan nyid de lta bu yin no/ de ji ltar mngon par rdzogs par 'tshang rgya bar 'gyur/ smras pa/ btsun pa 'od srung chen po lus dang sems kyis mngon par rdzogs par 'tshang rgya bar mi 'gyur ro// de ci'i slad du zhe na/ byang chub ni lus dang sems kyi ngo bo nyid kho na lags te/ ngo bo nyid mngon par rdzogs par 'tshang rgya bar mi 'gyur ro// smras pa/ bu mo ci khyod byang chub mngon par rdzogs par 'tshang rgya bar 'gyur ram/ smras pa/ bdag nyid byang chub kyis byang chub mngon par rdzogs par 'tshang rgya bar mi 'gyur lags so// smras pa/ bu mo gal te khyod nyid byang chub yin na/ ci chos kyi 'khor lo bskor ram/ smras pa/ bdag ni chos kyi 'khor lo bskor lags so// smras pa/ khyod kyis chos kyi 'khor lo bsku
- 90b
ba de ji lta bu zhig/ smras pa/ 'khor lo de ni rten thams cad bral ba'i slad du mi g.yo ba lags so// 'khor lo de ni chos kyi dbyings la gnas pa'i tshul gyis gnas pa ma mchis pa lags so// 'khor lo de ni bral ba mchis pa'i tshul gyis de bzhin nyid lags so// 'khor lo de ni yang dag pa'i mtha' la gnas pas mi gnas lags so// 'khor lo de ni gnas thams cad las byung ba ma lags pas gnas ma mchis pa lags so// 'khor lo de ni chos thams cad kyi mnyam pa nyid kyi rjes su song bas gnyis su ma mchis pa lags so// 'khor lo de ni gcig dang tha dad par mi dmigs pas tha dad pa ma lags so// 'khor lo de ni sgra dang / skad dang / tshig gi lam thams cad ro gcig pas/ brjod du ma mchis pa lags so// 'khor lo de ni shin tu kun nas nyon mongs pa ma lags pas rnam par dag pa lags so// 'khor lo de ni chad pa dang / rtag pa mi dmigs pas yod pa yongs su chad pa ma lags so// 'khor lo de ni rgyu dang rkyen shin tu rtags pas 'gal ba ma mchis pa lags so// 'khor lo de ni bden pa lags so// 'khor lo de ni mi skye mi 'gag pa lags so// 'khor lo de ni stong pa nyid dang / mtshan ma med pa dang smon pa med pa lags so// btsun pa 'od srung chen po 'khor lo de dang 'dra ba gang lags pa de'i bskor ba ci 'dra ba zhig lags/ smras pa/ bu mo khyod kyis bstan pa 'di 'dra ba las na/ khyod ni ring po mi thog par bla na
- 91a
med pa yang dag par rdzogs pa'i byang chub mngon par rdzogs par 'tshang rgya bar 'gyur ro// smras pa gang gi tshe gnas brtan byang chub mngon par rdzogs par 'tshang rgya bar 'gyur ba de'i tshe bdag kyang mngon par rdzogs par 'tshang rgya bar 'gyur lags so// smras pa/ kho bo byang chub mngon par rdzogs par 'tshang rgya bar 'gyur ba 'di ni gnas med skabs med do// smras pa/ de de ltar lags te/ byang chub ni gnas ma mchis pa la gnas pa ste/ de ni sus kyang mngon par 'tshang rgya bar mi nus lag so// bu mo des bstan pa 'di bshad pa na/ byang chub sems dpa' lnga brgyas mi skye ba'i chos la bzod pa thob par gyur te/ bcom ldan 'das kyis kyang bu mo de la legs so zhes bya ba byin te/ bu mo legs so legs so// khyod kyis chos bstan pa 'di legs par smras so// de nas 'khor de'i nang nas lha dang klu dang gnod sbyin dang / dri za kha gcig 'di snyam du sems te/ bu mo 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam pa dang / bcom ldan 'das kyis de dag gi bsam pa thugs su chud nas/ dge slong dag la bka' stsal pa/ dge slong dag bu mo rin chen sna tshogs can 'di ni bskal pa grangs med pa sum brgya na bskal pa rnam par sbyor ba zhes bya la/ 'jig rten gyi khams snang ba can du de bzhin gshegs pa dgra bcom pa yang dag par rdzogs pa'i sangs rgyas kun tu rnam par gzigs
- 91b
pa shes bya bar 'gyur ro// 'jig rten gyi khams snang ba can de yang de bzhin gshegs pa de'i 'od kyis rtag tu snang bar 'gyur ro// zham ring ba byang chub sems dpa' ni bye ba phrag dgu bcu rtsa gnyis su 'gyur te/ de'i tshe'i tshad ni bar gyi bskal pa bcur 'gyur ro// de nas klu'i bu mo khro bo de dag gis kyang bcom ldan 'das la 'di skad ces gsol to// bcom ldan 'das gang gi tshe/ de bzhin gshegs pa kun tu rnam par gzigs des byang chub bsnyes pa de'i tshe/ bdag cag 'jig rten gyi khams der skye bar gyur cig ces gsol/ nas/ de dag kyang bcom ldan 'das kyi 'jig rten gyi khams der skye bar lung bstan to// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das sum cu rtsa gsum pa'i lha 'di dag ni/ lha ma yin gyi 'jigs pas rtag tu skrag bzhin du gnas la/ lha dang lha ma yin gyi g.yul 'gyed pa na yang / phan tshun 'gyed cing rtsod par bgyid de/ de bas na bcom ldan 'das de bzhin gshegs pas ci nas sems can thams cad sems 'thun par 'gyur ba de lta bur chos bstan pa legs so legs so// 'khor/ 'dir lha dang lha ma yin 'dus pa 'di dag thams cad kyang ci nas gcig la gcig 'thun pa yin par dang / byams par sems dpa' dang / phan par sems pa dang / gnod par sems par mi 'gyur ba de lta bu/ sems dad par bcom ldan 'das kyis mdzad du gsol// de nas bcom ldan 'das kyis lha ma yin gyi dbang po sgra gcan dang / lha ma yin gyi dbang po bde
- 92a
mchog dang / theg bzang ris dang / lag bzangs dang sim byed rnams la bka' stsal pa/ grogs po dag byams pa ni/ sangs rgyas thams cad kyis sngags so// byams pa'i rjes su 'jug pa'i skyes bu gang zag gis ni/ tsho 'di dang tshe phyi ma'i don thob par 'gyur ro// grogs po dag tshe ni yun thung ngo // / tshe phyi mar ni 'gro dgos so// 'byor pa thams cad kyi mtha' ni rgud pa'o// rgyal ba'i log sa spong dang / dbang phyug rnams ni mi rtag gis/ khyed lhan cig 'thun pa dang / gnod sems med pa dang / 'jig rten pha rol la lta ba dang / las kyi rnam par smin pa la rten paso gnas par gyis shig/ bcom ldan 'das kyis de ltar ci nas sum cu rtsa gsum pa'i lha rnams dang / lha ma yin de dag 'thun par gnas par 'gyur ba de lta bu'i skyo ba'i gtam mdzad do// de nas tshig 'di skad ces gsol to// bcom ldan 'das bdag cag dang slan chad gnyen pa'i tshul du bgyid cing / gcig la gcig byams pa'i sems dang / gnod sems ma mchis par gnas par 'tshal lo// bcom ldan 'das kyis bka' stsal pa/ grogs po dag legs so legs so// byams pa'i rnam pa'i sems gang yin pa de ni/ de bzhin gshegs pa rnams kyi mchod pa'i mchog yin no// rdzas las byung ba'i bsod nams bya ba'i dngos po rnams pas ni/ 'di lta ste byams pa'i sems kyis ting nge 'dzin de mchog yin te/ ngas de las dgongs nas 'di skad snyan to// grogs
- 92b
po dag gzhan yang bzhi po 'di dag ni/ de bzhin gshegs pa la mchod pa khyad par du 'phags pa yin te/ bzhi gang zhe na/ bslab pa las 'gal bar mi byed pa dang / byams pa'i lus dang ngag dang yid kyi las dang / dkon mchog gsum gyi gdung mi 'chad par bya ba'i byang chub kyi sems dang / ji ltar thos pa'i chos la so sor rtog pa'i chos kyi nan tan te/ bzhi po de dag ni de bzhin gshegs pa la mchod pa khyad par du 'phags pa'o// bstan pa 'di thos nas lha'i 'khor dang dang / lha ma yin gyi 'khor de dag gi nang nas/ bzhi khri byang chub tu sems bskyed do// de nas bcom ldan 'das la/ klu'i rgyal po dbugs can/ klu'i rgyal po dbugs can chen po dang / 'jog po dang / kha dog mtha' yas kyis 'di skad ces gsol to// bcom ldan 'das rgya mtsho chen po 'di'i nang na klu'i rigs tshad ma mchis pa las kyi rnam par smin pa las skyes pa dag mchis te/ de la kha cig ni dbang che bar grags pa las/ kha cig ni lus nyams chung zhing chung bar grags la lus chung ba dag kyang mchis te/ bcom ldan 'das bya'i rgyal po nam mkha' lding bzhi der bab nas/ klu gzhon nu dang / klu'i bu mo lus nyams pa rnams bton te/ 'tshal bar bgyid la/ rgya mtsho'i nang gi klu rigs thams cad kyang skrag par bgyid lags na/ ci nas rgya mtsho chen po'i klu de dag kyang thams cad 'jigs pa ma mchis pa dang / skrag pa ma mchis par gnas par 'gyur ba de lta bur/ bcom ldan 'das kyi srung ba dang / bskyab pa dang /
- 93a
sba bar mdzad du gsol/ de skad ces gsol pa dang / bcom ldan 'das kyis ras phrag zar phrag pa las phab nas/ klu'i rgyal po rgya mtsho la bka' stsal pa/ kye klu'i bdag po ras phrag zar 'di long la/ klu'i rigs thams cad dang / klu'i gnas thams cad tu dum bur gshogs te/ byin cig dang ji srid du ras phrag zar 'di las tha na nyag ma gcig tsam gnas pa de srid tu yang / rgya mtsho chen por nam mkha'i lding thams cad rgyu bar mi 'gyur ro// de ci'i phyir zhe na/ klu'i bdag po de bzhin gshegs pa'i tshul khrims dang ldan pa'i mchog gi thugs kyis smon pa ni 'grub pa'i phyir ro// de nas klu'i rgyal po de dag thams cad ras phrag zar 'di ltar byung ba 'di/ rgya mtsho chen po'i klu thams cad ji ltar thob par 'gyur snyams te/ zhus par gyur to// de nas bcom ldan 'das kyis klu'i rgyal po de rnams kyi sems kyi yongs su rtog pa thugs kyis mkhyen nas klu'i rgyal po rgya mtsho la bka' stsal pa/ klu'i rgyal po gal te stong gsum gyi stong chen po'i 'jig rten gyi khams kyi sems can gang yin pa de dag thams cad kyis ras phrag zar 'di las dum bu dum bur khyer du zin kyang ras phrag zar 'di yongs su zad par mi 'gyur te/ de dag gi gos ji tsam gyi tshad du 'gyur bar 'dod na yang de las de dag gos de tsam du 'gyur te/ klu'i bdag po de bzhin gshegs pa'i byin gyis brlabs kyi de ltar bsam gyis mi khyab po// de nas klu'i rgyal po rgya mtshos ras phrag zar de blangs te/ dum bu 'bum phrag du mar byas nas/ klu
- 93b
thams cad dang / klu gzhon nu thams cad la byin no// der su ji tsam du 'dod pa de tsam gyi gos su mngon par 'grub par 'gyur te/ yangs shing rgya che bar 'gyur la/ ras phrag zar de yang yongs su zad par mi 'gyur to// de nas klu'i rgyal po rgya mtshos/ klu'i rgyal po de dag thams cad la smras pa/ grogs po dag ras phrag zar de la ston pa'i 'du shes dang / mchod rten gyi 'du shes bskyed cig/ de ci'i phyir zhe na/ ras phrag zar 'di ni de bzhin gshegs pas longs spyad pa yin te/ sems can thams cad kyi mchod rten du gyur pa yin no// grogs po dag de bzhin gshegs pa la mchod pa byed pa gang yin pa dang / ras phrag zar 'di la mchod pa byed pa gang yin pa de la ni bye brag gam tha dad du bya ba cung zad kyang med do// de nas bcom ldan 'das kyis klu'i rgyal po rgya mtsho la legs so zhes bya ba byin te/ klu'i bdag po lags so legs so// khyod kyis ji skad smras pa bzhin te/ ras phrag zar de/ la/ mchod pa byed pa gang yin pa de dag gis ni de bzhin gshegs pa la mchod pa byas pa yin no// klu'i bdag po klu dang klu gzhon nu dang / klu'i bu mo ji snyed kyis ras phrag za de las dum bu dum bur khur ba mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ 'di dag thams cad ni bskal pa/ bzang po 'di kho na la/ yongs su mya ngan 'da' bar ngas lung bstan te/ theg pa chen po la zhugs pa rnams ni ma gtogs so// klu'i bdag po de bzhin gshegs pa ni de ltar/
- 94a
'jig rten yon gnas yin te/ de la sems gcig bskyed pa tsam yang chud za bar mi 'gyur ro// de nas rgya mtsho chen po'i nang na klu dang klu gzhon nu dang / klu'i bu mo ji snyed gnas pa de dag thams cad tshim zhing mgu la yid rangs te/ rab tu dga' zhing dga' ba dang / yid bde ba skyes nas/ bcom ldan 'das kyi zhabs gnyis la btugs te tshig 'di skad ces kyang smras so// de bzhin gshegs pa ni gnyis su mi gsung ba'o// de bzhin gshegs pa ni bden pa gsung ba'o// yang dag par gsung pa'o// phyin ci ma log par gsung ba ste/ des bdag cag thams cad yongs su mya ngan las 'da' bar lung bstan to// bcom ldan 'das bdag cag ni sangs rgyas dang / chos dang / dge slong gi dge 'dun la shin tu skyabs su mchi'o// bslab pa'i gzhi rnams kyang bzung bar 'tshal lo// de bzhin gshegs pa la yang bka' drin du gzo bar 'tshal te/ de bzhin gshegs pa zhugs pa na yang lta ba dang / phyag 'tshal ba dang / bsnyen bkur bgyi ba dang / chos mnyan pa'i slad du rgyun mi 'chad par thad du mchi'o// de bzhin gshegs pa yongs su mya ngan las 'da' ba na yang sku gdung 'chang ba rnams la mchod pa bgyi'o// bkur sti dang rim gro thams cad kyang bgyi'o// / klu yongs su bskyab pa zhes bya ba'i le'u ste bdun pa'o// / de nas bya'i rgyal po nam mkha' lding bzhis de bzhin gshegs pa'i byin gyi brlabs 'di thos nas mi dag
- 94b
zhing rings pa'i tshul gyis bcom ldan 'das ga la ba der song ste lhags nas bcom ldan 'das kyi zhabs la mgo bos phyag 'tshal te/ lan gsum bskor ba byas nas/ bcom ldan 'das la 'di skad ces gsol to// bcom ldan 'das kyis bdag cag gi 'tshal ma bkum ste ci bgyi lags/ bcom ldan 'das kyis bka' stsal pa/ grogs po dag zas bzhi po 'di dag ni sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba yin te/ bzhi gang zhe na grogs po dag zas gang srog chags gsad pa dang / srog chags gzhan rnams la rnam par 'che ba dang / gzhan gyi srog bcad pas 'tsho ba 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas dang po'o// grogs po dag gzhan yang zas gang yang ma byin par len cing 'phrog pa dang / gzhan gyi longs spyod 'jig par byed pa dang / dbyig pa dang / ral gri dang / mtshon cha dang lag chas 'tshe ba 'di ni/ sems can dmyal ba dang / dad 'gro'i skye gnas dang / gshin rje'i 'jig rten du 'gro bar 'gyur ba'i zas gnyis pa'o// grogs po dag gzhan yang zas gang tshul 'chos pa dang / kha bsag dang pha rol la gnod pa byed pa/ spyod lam ma dag par ston pa dang / cho ga nyams pa dang / tshul khrim nyams pa dang / lta ba nyams pa dang / 'tsho ba nyams pa dang / log pa dang / yang dag pa ma yin pa'i yan tan gyi mcho ba 'di ni sems can dmyal ba dang / dud 'grob skyeg sa
- 95a
@/ dang / gshin rje'i 'jig rten du 'gro ba'i zas gsum pa'o// grogs po dag gzhan yang zas gang ston pa ma yin pa la ston par khas 'che ba dang / yang dag par song ba ma yin par yang dag par song ba khas che ba dang / dge sbyong ma yin par dge sbyong du khas che ba dang / tshangs par spyod pa ma yin par tshangs par spyod pa khas che bas 'tsho ba 'di ni/ sems can dmyal ba dang / dad 'gro'i skye gnas dang / gshin rje'i 'jig rten du 'gro bar 'gyur ba'i zas bzhi pa ste/ grogs po dag nga nizas bzhi po 'di dag yang dag par bcad pa'i phyir chos ston te/ grogs po dag lus gso ba'i phyir gzhan gyi srog bcad par mi bya'o// de ci'i phyir zhe na/ sems can thams cad ni srog gces shing phangs pa'i phyir te/ grogs po dag de lta bas na/ bdag nyid bsrung ba'i phyir dang / 'jig rten pha rol bsrung ba'i phyir dang / sems can thams cad la bde ba sbyin pa'i phyir/ mkhas pas srog gi phyir yang gzhan gyi srog mi gcod cing / bya ba ma yin pa thams cad mi bya'o// de skad ces bka' stsal pa dang / bya'i rgyal po nam mkha' lding bzhi g.yog 'khor sa ya sa ya dang ldan pas/ bcom ldan 'das la 'di skad ces gsol to// bcom ldan 'das bdag cag de bzhin gshegs pa dang / chos dang / dge slong gi dge 'dun la skyabs su mchi'o// sngon gyi sdig pa'i las bgyis pa yang so sor bshags so// slan chad kyang sdom par 'tshal lo// klu'i rigs thams cad la yang mi 'jig
- 95b
pa stsal to// bcom ldan 'das kyi dam pa'i chos yun ji srid gnas pa de srid du yang dag par rtag tu rgyun mi chad par de bzhin gshegs pa la mchod pa'i las la brtson par bgyi'o// de nas bcom ldan 'das kyis bya'i rgyal po nam mkha' lding bzhi po de dag la bka' stsal pa/ grogs po dag khyed ni de bzhin gshegs pa gser thub kyi gsungs rabs la dge slong bzhir gyur te/ dga' byed dang / dga' byed chen po dang / bla ma dang / bla ma'i bshes gnyen zhes bya bar gyur to// dge slong bzhi po de dag rnyed pa dang / bkur sti dang / tshigs su bcad pa'i rgyags pas myos shing / mdza' bshes kyi khyim dang / slong mo ster ba'i khyim gyi rgyags pas myos la/ bdag nyid tshul khrims dang / cho ga dang / lta ba nyams dang / tshul khrims dang ldan pa'i dge slong rnams ni 'khrug pa dang gnod pa byas te/ lus dang ngag dang yid ma bsdams shing / sdig pa mang po byas par gyur to// de bzhin gshegs pa gser thub de la yang de dag gi mchod pa mang po byas so// de nas khyed sems can dmyal bar ma song ste/ dud 'gre'i skye gnas 'dir skyes nas/ 'di ltar sdom pa ma bsdams pa'i phyir/ khyed kyis srog gcod pa mang du byas shing / sdig pa'i las mang du byas la/ mang po dag kyang 'jig par byas so// de nas bcom ldan 'das kyis de'i tshe/ bya'i rgyal po rnam mkha' lding bzhi po de dag gis ci nas tshe rabs dran par 'gyur ba dang / de bzhin gshegs pa gser thub de dang der dge sbyong du gyur nas/ las mngon par 'du byed pa/ mngon
- 96a
par 'du byas pa de dag thams cad rjes su dran par gyur pa de lta bu'i rdzu 'phrul mngon par 'du byed pa mdzad do// de dag gis kyang mngon sum du// bcom ldan 'das la 'di skad ces gsol to// bcom ldan 'das sems ni dmu rgod gdul dka' zhing srung dka' ba lags te/ der bdag cag gi sems rkam chags can du gyur pas/ bcom ldan 'das de bzhin gshegs pa gser thub de ma mnyes par bgyis so// bcom ldan 'das bdag cag gis da slan chad bdag gis srog kyang yongs su btang ba 'tshal gyi/ sdig pa'i las ni mi bgyid do// bcom ldan 'das kyis de dag chos kyi gtam gyis dga' ba skyed nas 'di skad ces bka' stsal to// grogs po dag khyed de bzhin gshegs pa'i byams pa'i 'dus pa drang po'i grangs su gtogs par gyur to// de nas bcom ldan 'das kyis rgya mtsho chen por sems can gyi don ji snyed bya dgos pa de dag thams cad mdzad nas/ klu'i rgyal po rgya mtsho la bka' stsal pa/ klu'i bdag po tshur shog/ rang gi mal cha dang gtan rnams sdus shig/ nga ni rang gi gnas su 'gro'o// de nas bcom ldan 'das zham ring ba dang bcas par gdan las bzhengs te/ rgya mtsho chen po'i nang nas phyir yang rin po ches them skas rnams las bkod pa chen po dang / mchod pa po chen po dang / sangs rgyas kyi che ba nyid chen por gshegs nas mgur stsal te/ rgya mtsho'i 'gram du gshegs so// de nas rgya mtsho chen pos lha mo 'od ldan mas/ bcom ldan
- 96b
'das la tshigs su bcad pa 'di dag gis mngon par bstod pa/ sum cu rtsa gnyis mtshan mnga' lha dang mis mchod pa// lha min dbang pos bsnyen bkur mi mchog deng phyag 'tshal// pad+ma lta bu'i spyan mnga' zhal ras zla ba 'dra// dge ba'i chos kyis 'phags pa bde sbyin deng phyag 'tshal// gzugs mchog ston pa bsod nams rgya yi mtshan dang ldan// yon tan ye shes 'phags pa pa rnam 'dren deng phyag 'tshal// sprin dang dul bas 'phags pas 'phags pa tshul khrims bzang po rtsegs// bzod pa'i stobs kyis 'phags pa mi mchog deng phyag 'tshal// brtson 'grus stobs kyi byung ba bsam gtan blo gros sbyangs// shes rab mkha' mtshungs khyod la de ring mgos phyag 'tshal// byams pa'i snyoms pa'i thugs ldan thugs rjes 'gro la gzigs// 'dren pa thugs dgyes rtag tu btang snyoms pha rol gshegs// ka la ping ka lta bur gsung snyan tshangs skad ston// gsung snyan ston pa de la de ring mgos phyag 'tshal// bdud bzhi 'joms pa bdud stobs nges par 'joms mdzad pa/ byang chub rtul shugs bsgrub pa srid gsum srid pas mchod// dri gsum dri ma sbyong ba rnam thar gsum ston pa// 'jig rten gsum grags khyod la de ring mgos phyag 'tshal// bden pa'i rtul zhugs bzang rtag rtag tu chos kyis 'phags// rtag tu dgon pa spyod yul rtag tu ye shes sbyong // nyon mongs dgra 'joms gzi brjid lhag pas gzi bskyed pa// pad+ma lta bu'i spyan mnga' deng khyod mgos phyag 'tshal// lhun pa'i rtse 'dra dgongs pa
- 97a
rdo rje lta bur brtan// dgongs pas 'dra'i yon tan rgya mtsho phyag 'tshal lo// 'gro la stong pa ston pa zhig nas pha rol phyin// rab tu zhi ba'i thugs ldan khyod la skyabs su mchi// bdud rtsi dam pa ston pa 'gro min 'gro ba gcod// lha dang mis mchod khyod la de ring mgos phyag 'tshal// sa steng lha yul grags pa snyan dang grags pa 'phags// yon tan rgya chen mi zad yon tan 'byung gnas bdud// ji skad gsung bzhin mdzad cing ji skad mdzad bzhin gsung // ji skad spyod bzhin skul ba deng khyod mgos phyag 'tshal// rga shi grol mdzad sman pa 'gro bas bsnyen bkur ba// thar pa'i lam ston khyod la de ring mgos phyag 'tshal// rgyu'i byed pa rab ston lta ba'i mun pa sel// lam mchog ston pa rgyal ba khyod la skyabs su mchi// rin chen sbyin pa gcig pu chos kyi dga' ba gsung // sa 'dra'i thugs ldan khyod la bdag ni skyabs su mchi// 'dren pa yon tan rgya mtsho yon tan las bstod pa'i// bdog gi bsod nams gang lags des na khyod 'drar shog/ de nas rgya mtsho chen po'i lha mo 'od ldan mas bcom ldan 'das la de skad stong nas 'di skad ces gsol to// bcom ldan 'das/ bcom ldan 'das slar byung ste gshegs pas da ni rgya mtsho chen por mi mdzes lags na/ ci nas rgya mtsho mdzes par bgyid pa de lta bur/ bcom ldan 'das kyi rjes su brtan na/ legs lags so// de skad ces gsol
- 97b
pa dang / bcom ldan 'das kyis rgya mtsho chen po'i lha mo 'od ldan ma la 'di skad ces bka' stsal to// 'od ldan ma chos bcu po 'di dag ni brgyan du 'gyur ba yin te/ bcu gang zhe na 'di lta ste/ dge ba bcu'i las kyi lam yongs su rdzogs par bya ba'i phyir byams pa'i rjes su 'jug pa'i sems bskyed pa dang / sems can thams cad la rnam par mi 'tshe ba'i phyir/ snying rje chen po la gnas pa dang / bsam pa'i sbyor ba bla na med pa yang dag par rdzogs pa'i byang chub tu yongs su bsngo ba'i sems bskyed pas dga' bar gnas pa dang / sbyin pas thams cad yongs su gtong ba dang / rnam pa sna tshogs kyi smon lam la brtson 'grus brten pa dang / dge ba'i rtsa ba'i chos thams cad yongs su rdzogs par bya ba'i phyir dran pa dang / shes bzhin du gnas pa dang / sngon gyi dge ba chud mi za ba'i phyir dang / shes rab yongs su rdzogs par bya ba'i phyir chos dang ldan zhing chos 'dod pa dang / phan pa'i dngos pos sems can thams cad la yon tan thams cad bskyed pa dang / gnyis su med pas gong du khyad par rtogs pa dang / sangs rgyas kyi thugs su chud pa la yang dag par gzhol bas sangs rgyas rjes su dran pa thob pa ste/ 'on ldan ma chos bcu po de dag ni brgyan du 'gyur ba yin no// de skad ces bka' stsal pa dang / rgya mtsho chen po'i lha mo 'od ldan ma lha mo khri dang lhan cig tu bla na med pa yang dag par rdzogs pa'i byang chub tu sems bskyed nas/ bcom ldan 'das la 'di skad ces gsol to// bcom ldan 'das byang chub kyi sems ni rgya mtsho chen
- 98a
po'i rgyan lags so// de ci'i slad du zhe na/ bcom ldan 'das byang chub kyi sems ni stong gsum gyi stong chen po'i 'jig rten gyi khams thams cad kyi rgyan lags na/ rgya mtsho chen po'i lta smos kyang ci 'tshal te/ byang chub kyi sems de ni sangs rgyas kyi zhing thams cad brgyan pa'i slad du bdag cag gis bskyed lags so// bcom ldan 'das de bzhin gshegs pa bzhugs kyang rung yongs su mya ngan las 'das kyang rung ste/ bdag ni rgya mtsho chen po'i nang na gnas bzhin du dam pa'i chos yongs su srung ba'i slad du rtag tu brtson pa kho nar 'tshal lo// bcom ldan 'das grong khyer du gshegs pa na yang / bkod pa thams cad nye bar bstan par 'tshal lo// chos kyi 'brel pa'i gtam mdzad pa na yang / 'khor gyi khyams kyi bkod pa sgrub par 'tshal lo// bcom ldan 'das kyis bka' stsal pa/ 'od ldan ma 'di ltar khyod kyis ni sangs rgyas khri la mchod pa byas so// 'khor gyi khyams kyi bkod pa yang bstan to// dam pa'i chos kyang yongs su bsrungs so// 'od ldan ma khyod ni bskal pa bzang po'i de bzhin gshegs pa thams cad la yang mchod pa byed par 'gyur ro// dam pa'i chos kyang yongs su bsrung bar 'gyur ro// khyod ni bskal pa bzang po 'di 'das pa'i 'og tu/ de/ bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par dga' bar skye bar 'gyur te/ bud med kyi dngos po rjes nas/ skyes pa'i dngos po thob
- 98b
bar 'gyur ro// khyod ni de bzhin gshegs pa mi 'khrugs pas/ bla na med pa yang dag par rdzogs pa'i byang chub tu lung bstan par 'gyur ro// de nas rgya mtsho chen po'i lha mo 'od ldan mas bcom ldan 'das la bdag nyid kyi lung bstan pa thos nas tshim zhing mgu la yid rangs te/ rab tu dga' ba dang yid bde ba skyes te/ rgya mtsho'i rin po che dang / ri dang mnyam pa'i rin po che'i phreng ba bcom ldan 'das kyi sku la gsol nas/ sor mo bcu yi thal mo sbyar te/ de'i tshe bcom ldan 'das la tshigs su bcad pa 'di dag smras so// bdag ni thub pa ye shes yon tan kun gyi 'byung gnas de yis lung bstan te// bdag ni 'dren par 'gyur bar bdag la yid gnyis the tshom ci yang yong ma mchis// stong gsum sa gzhi thams cad rnam par 'gags shing zla ba sa la ltung yang gda'// lha las lhag pa'i sangs rgyas phyin ci log gi tshig gsung yong mi gda'// bsam pa byams pa brtson 'grus yul la thugs ni 'khrugs par gyur pa mi mnga' ltoso// bde bar gshegs pa'i yang dag spyod pa rnams dang ye shes thogs pa mi mnga' ltos// de yis 'dir ni bdag gi seMs kyi yul bden mkhyen nas de bzhin lung yang bstan// sman pa rab mchog bde sbyin sdug bsngal kun las grol bar mdzad la phyag 'tshal lo// gnas dang skyabs dang dpung gnyen skyobs pa 'jigs pa rnams la 'jig med sbyin mdzad pa// rgyal ba lam mchog dam pa yongs su sbyong la phyag 'tshal lo// 'jig rten rnam par gzigs
- 99a
la mkhas pa 'jig rten 'das pa'i 'dren la phyag 'tshal lo// 'dir ni lha dang mi rnams gang dag sangs rgyas chos dang tshogs rnams thos pa dang / byang chub spyod cing byang chub bsam pa sems pa de dag rnyed pa legs par rnyed// de dag la ni ngan song ngan 'gro'i 'jigs pa med// de dang de dag mi khom brgyad las yongs su grol// deng bdag lha dang mi'i bde la nges shing zhi ba'i go 'phang thob// de nas klu'i rgyal po rgya mtsho'i bu mthong dgas 'di skad ces gsol to// / bcom ldan 'das lha dang klu dang gnod sbyin dang / dri za dang lha ma yin dang / nam mkha' lding dang mi 'am ci dang / lto 'phye chen po dang mi dang mi ma lags pa mang po dag gis ni de bzhin gshegs pa la mchod pa bgyis pa lags na/ gal te bcom ldan 'das kyis bdag la gnang bar mdzad nas bdag gis kyang de bzhin gshegs pa la mchod pa'i las cung zad tsam 'tshal te/ bdag gis bcom ldan 'das zham ring pa dang bcas par rnam par rgyal byed dang 'dra ba'i bkod pa chen po khang bzangs kyi nang du bzhags par gsol la/ bya rgod kyi phung po'i ri la skyal bar 'tshal lo// bcom ldan 'das kyis bka' stsal pa/ rigs kyi bu da de'i dus la bab par shes na skyol cig/ de nas klu'i rgyal po rgya mtsho'i bu mthong dgas sangs rgyas kyi mthu dang / rang gi rdzu 'phrul gyi stobs kyis rnam par rgyal byed dang 'dra ba'i khangs bzangs byin gyis brlabs nas/
- 99b
der bcom ldan 'das zham ring ba dang bcas par bzhugs par gsol nas/ steng gi bar snang la gshegs te/ klu'i bu mo brgyad khri bzhi stong yang sil snyan byed/ pheg rdob glu dbyangs len cing me tog gi char chen po 'bebs la/ lha'i spos dang / phye ma sna tshogs kyi char 'bebs shin tu mthar gyis bcom ldan 'das bya rgod kyi phung po'i ri la skyal lo// de nas klu'i rgyal po rgya mtsho'i bu dang bcas/ chung ma dang g.yog 'khor dang bcas pas bcom ldan 'das kyi zhabs gnyis la btugs nas/ bcom ldan 'das la bzod par gsol te/ bcom ldan 'das bdag cag gis ma 'byor par gyur pa gang lags pa rnams bdag cag la bzod par mdzad du gsol/ de ci'i slad du zhe na/ bcom ldan 'das rin po che ji lta ba bzhin du/ de dang 'tsham par mchod pa'i 'os lags la/ bcom ldan 'das ni sems can thams cad kyi bla na ma mchis pa'i bsod nams kyi zhing rin po che lags te/ mchod pa'i 'os lags na/ de ni stong gsum gyi stong chen po'i 'jig rten gyi khams thams cad du gtogs pa'i sems can thams cad kyis kyang 'byor pa 'am/ yongs su rdzogs par bgyid pa rngo mi thog ste/ de bzhin gshegs pa de tsam du tshad ma mchis pa'i mchod pa'i 'os lags pa'i slad du'o// bcom ldan 'das gzhan yang byang chub sems dpa' ji ltar de bzhin gshegs pa la mchod pa bgyid pa lags/ bcom ldan 'das kyis bka' stsal pa/
- 100a
klu'i bdag po byang chub sems dpa' nan tan byed pas/ de bzhin gshegs pa ji ltar mchod pa nyon cig/ bsam pa rnam par dag pa ni de bzhin gshegs pa la mchod pa yin te/ bcos ma ma yin pa dang / g.yo med pa'i phyir ro// lhag pa'i bsam pa yongs su dag pa ni de bzhin gshegs pa la mchod pa yin te/ dge ba'i rtsa ba thams cad lhag par dmigs pa'i phyir ro// zhe 'gras pa med pa'i sems ni de bzhin gshegs pa la mchod pa yin te/ sems can thams cad la 'od snyoms pa'i phyir ro// tshul 'chos pa dang / kha gsag thams cad rnam par spangs pa ni de bzhin gshegs pa la mchod pa yin te/ spyod lam yongs su dag pa'i phyir ro// ji smras pa de bzhin byed pa ni/ de bzhin gshegs pa la mchod pa yin te/ 'jig rten thams cad la mi slu ba'i phyir ro// 'phags pa'i rigs kyis chog par 'dzin cing / sbyangs pa'i yon tan thams cad yang dag par blang bar mi 'dor ba ni/ de bzhin gshegs pa la mchod pa yin te/ dam bcas pa la brtan pa'i phyiraro// dben pa la dga' zhing bri mo'i gtam yongs su spong ba ni de bzhin gshegs pa la mchod pa yin te sems can yongs su gdul ba'i phyir ro// ji skad thos pa'i chos la tshul bzhin du so sor rtog pa ni/ de bzhin gshegs pa la mchod pa yin no// yang dag pa ji lta ba bzhin du yongs su shes pa'i phyir ro// bdag med pa dang / sems
- 100b
can med pa dang / gso ba med pa dang / gang zag med par rtog pa ni de bzhin gshegs pa la mchod pa yin te/ bzod ma nas ma byung ba'i phyir ro// stong pa'i chos la 'jug pa dang / mtshan ma med pa la nges par rtog pa dang / smon pa dang bral ba ni de bzhin gshegs pa la mchod pa yin te/ rnam par thar pa'i sgo mngon sum du byed pa'i phyir ro// rkyen 'di nyid la 'jug cing mthar lta ba sel ba ni de bzhin gshegs pa la mchod pa yin te/ rtag pa dang chad par lta ba yongs su spong ba'i phyir ro// ma byung ba dang ma skyes par bzod pa ni de bzhin gshegs pa la mchod pa yin te/ rang bzhin gyi ma byung ba'i phyir ro// klu'i bdag po de ltar na lus dang ngag dang sems kyis/ rtsom pa gang yin pa de dag ni de bzhin gshegs pa la mchod pa yongs su dag pa ma yin gyi/ lus dang ngag dang sems kyi rtsom pa med pa de bzhin gshegs pa la mchod pa yongs su dag pa yin no// mngon par 'du byed pa med pa dang / blang ba med pa dang / dor ba med pa dang / 'khor gsum yongs su dag pa dang / dus gsum mnyam pa nyid dang / dri ma gsum gyi dri ma sel ba dang / khams gsum la mi rten pa dang / rnam par thar pa'i sgo gsum la 'jug pa dang / rig pa gsum gyi rig pa shes pa ni de bzhin gshegs pa la mchod pa yin no// de skad ces bka' stsal pa dang / bcom ldan 'das la klu'i rgyal po rgya mtsho'i 'di skad ces gsol to// bcom ldan
- 101a
'das me tog dang / gdug pa dang / spos dang / me tog phreng dang / byug pa dang / phye ma dang / gdugs dang / rgyal mtshan dang / ba dan dang / na bza' dang / bshos dang / gzims cha dang / gdan dang / snyun gyi gso sman dang / yo byad dang sil snyan dang / pheg rdob pa dag gis de bzhin gshegs pa la mchod pa bgyid pa gang lags pa de dag kyang ci/ de bzhin gshegs pa la mchod pa bgyid pa ma legs sam/ bcom ldan 'das kyis bka' stsal pa klu'i bdag po de ni bla na med pa'i mchod pa de nyid kyi yongs su sbyang ba yin gyi/ mchod pa de ni shin tu mthar thug pa dang / shin tu dri ma med pa dang / shin tu tshangs par spyod pa'i mthar thug pa ma yin no// klu'i bdag po dge ba'i rtsa ba skyed pa'i slob pa de dag ni/ 'phags pa'i rnam par grol ba la sems gnas shing dge ba'i rtsa ba ma skyed pa rnams ni de lta ma yin no// klu'i bdag po gzhan yang chos bzhi dang ldan pa'i byang chub sems dpa' ni/ de bzhin gshegs pa la mchod pa byed pa yin te/ bzhi gang zhe na/ byang chub sems dpa' mi brjed pas bsod nams kyi tshogs stsogs pa dang / snying rje chen po la gnas pa'i sems kyis ye shes kyi tshogs sogs pa dang / brtson 'grus chen po shin tu brtsams pa'i sems kyis/ sangs rgyas kyi zhing yongs su dag par byed pa dang / chos zab mo rgya chen po la soms bskyed pas bzod pa bskyed pa thob pa ste/
- 101b
klu'i bdag po chos bzhi dang ldan pa'i byang chub sems dpa' ni de bzhin gshegs pa la mchod pa byed pa yin no// de nas rgyal po'i khab na gnas pa'i bram ze da// rgyal rigs dang / khyim bdag rnams dang / grong brdal ba dang / yul gyi mi rnams dang / rgyal po ma skyes dgra dang / blon po dang / nang bskor dang / sgo dpon dang / 'khor dang / tshong dpon rnams kyis/ de bzhin gshegs pa/ klu'i rgyal po'i rgya mtsho'i gnas su bshos gsol nas/ bya rgod phung po'i ri la gshegs so zhes thos nas/ der srog chags bdun khri nyis stong dang / rgyal po ma skyes dgra g.yog 'khor sum khri nyis stong dang lhan cig tu/ rgyal po'i khab kyi grong khyer las byung nas/ bya rgod phung po'i rig la ba der dong ste lhags nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas phyogs gcig tu 'khod do// de nas bcom ldan 'das la rgyal po ma skyes dgras 'di skad ces gsol to// de bzhin gshegs pa rgya mtsho chen por gshegs na chab kyi tshogs de na mchis pa de gang du mchis lags/ bcom ldan 'das kyis bka' stsal pa/ rgyal po chen po gang gi tshe/ dge slong me'i khams kyi ting nge 'dra la snyoms par 'jug pa de'i tshe stong gsum gyi stong chen po'i 'jig rten gyi khams mes yongs su gang bar mthong na/ des chu'i phung po de dag tu song / gsol pa/
- 102a
bcom ldan 'das ting nge 'dzin la dbang thob pa'i sems can de lta bur las su rung ba las gyur pa lags so// bka' stsal pa/ rgyal po chen po khyod kyis de nyan thos dang / ting nge 'dzin dang snyoms par 'jug pa la dbang thob pa'i sems las su rung ba las gyur par 'dod na/ de bzhin gshe pa rtag tu mnyam par bzhag pa'i ting nge 'dzin dang / snyoms par 'jug pa thams cad la mkhas pa'i sems la dbang yod pa/ chos thams cad kyi dbang phyug chos rnas la dbang yod pa ni de ltar mi 'dod dam/ rgyal po chen po gang gi tshe/ nga rgya mtsho chen por zhugs pa de'i tshe/ chu de'i nang na gnas pa'i sems can rnams ni bdag nyid chu'i nang na gnas so snyam du 'dzin no// skams na gnas pa'i sems can rnams kyis ni/ rgya mtsho chen po skams par mthong ngo // ji ltar gzhan 'phrul dbang byed pa'i lha rnams kyi gnas kyi bkod pa rnams brgyan gyis brgyan pa de bzhin du/ klu dang dri za dang lha ma yin gyi gnas thams cad kyang de bzhin gshegs pa'i 'od kyis khyab par gyur to// rgya mtsho chen po'i nang gi sems can thams cad kyang gcig la gcig byams pa'i sems dang / phan pa'i sems dang / gnod pa'i sems med pa dang / rnam par 'tsha ba'i med pas gnas par gyur to// de nas bcom ldan 'das la rgyal po ma skyes dgras 'di skad ces gsol to// bcom ldan 'das sangs rgyas
- 102b
bcom ldan 'das rnams kyi sangs rgyas kyi che ba nyid dang / byang chub sems dpa' rnams kyi thabs la mkhas pa de tsam du/ bsam gyis mi khyab pa ni ngo mtshar lags te/ 'di ltar klu'i rgyal po rgya mtshos de bzhin gshegs pa sman drangs de/ de ltar sems can gyi don chad ma mchis pa bgyis na/ bcom ldan 'das klu'i rgyal po rgya mtshos yun ji srid gcig nas ni/ bla na med pa yang dag par rdzogs pa'i byang chub tu sems bskyed lags/ de bzhin gshegs pa ji snyed cig la ni mchod pa bgyis/ yun ji srid cig na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de mngon par rdzogs par sangs rgyas pa'i mtshan ni ci zhes bya bar 'gyur/ de'i sangs rgyas kyi zhing ni ci 'dra bar 'gyur lags/ bcom ldan 'das kyis bka' stsal pa/ rgyal po chen po sngon byung ba 'das pa'i dus bskal pa grangs med pa bas kyang ches grangs med pa/ bsam gyis mi khyab pa/ yun ring ba tshad med pa'i snga rol de'i tshe de'i dus na/ bskal pa yid du 'ong zhing zhi ba zhes bya ba la shar phyogs kyi 'jig rten gyi khams yongs su dag pa zhes bya bar/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa zhabs su ldan par bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan
- 103a
'das 'od rnam par dag pa'i 'od zer rgyal po zhes bya ba 'jig rten tu 'byung ste/ rgyal po chen po 'jig rten gyi khams lta ba yongs su dag pa/ de'i bkod pa byung ba de dag ni/ de'i tshe'i tshad bskal par gnas su zin kyang / rgyas par ston nus par sla ba ma yin no// rgyal po chen po de'i tshe de'i dus na 'khor los sgyur ba'i rgyal po// lhas btsa' zhes bya ba byung ste/ des bcom ldan 'das de bzhin gshegs pa 'od rnam par dag pa'i 'od zer rgyal po de la lo bzhi khri nyis stong gi bar du mchod pa byas te/ dge ba'i rtsa bas nye bar bstan pa de gnyid log pa'i rmi lam du/ tshigs su bcad pa 'di gnyis thos so// skyes bu khyu mchog la ni mchog chen mnga'// dpag med rgya chen bsam yas byas zin gyis// 'gro ba dang la snying rtse bskyed nas kyang // rab mchog byang chub sems ni bskyed par bgyis// byang chub sems ni yang dag sgrub byed gang // de ni chos mchog dam pa khyad par 'phags// de ni de bzhin pa rnams bkur sti yin/ de ni phyi ma'i bsod nams gzi byin yin/ rgyal po chen po de nas 'khor lo'i sgyur ba'i rgyal po lha btsas des tshigs su bcad pa 'di gnyis thos te/ de'i mtshan mo 'das nas g.yog 'khor dang bcas te/ bcom ldan 'das de bzhin gshegs pa 'od rnam par dag pa'i 'od zer rgyal po ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas srog chags brgyad khri bzhi stong
- 103b
dang lhan cig tu bcom ldan 'das de'i spyan sngar 'khod de thal mo sbyar nas/ lhag pa'i bsam pas bla na med pa yang dag par rdzogs pa'i byang chub tu sems bskyed de// de'i tshe tshigs su bcad pa 'di dag smras so// gzugs la brkam dang sgra la brten pa dang // dri dang ro dang reg la gnas pa dang // 'dod la brkam dang bde la dga' ba yis// byang chub mchog 'di rtogs par mi nus so// le lo can dang dman la brtson pa dang // ser sna can dang tshul khrims ma sngams dang // sdang ba'i sems dang blo na 'khrul pa yis// byang chub mchog ni rtogs par mi nus so// rang gi bde ba thams cad spangs pa dang // 'gro ba'i sdug bsngal thams cad bzod pa dang // brtson 'grus rtsams shing rtag tu chos 'dod gang // de ni 'jig rten de 'dra'i sangs rgyas 'gyur// sangs rgyas byang chub la ni bdag zhus pa// sangs rgyas rnams dang lha rnams dbang btsugs te// ci nas bdag tshig log par mi 'gyur ba// de ltar sman slad spyod pa spyad par bgyi// byang chub sems ni bdag gis rmi lam thos// thos nas bdag ni byang chub mchog la zhugs// de yi slad du sangs rgyas mi yi mchog/ ye shes ldan pa de 'dra ba dag gis bgyis// rgyal po chen po de'i tshe de'i dus na/ 'khor los sgyur ba'i rgyal po lha btsa' zhes bgyi bar gyur pa de gzhan zhig yin snyam du khyod som nyi'am// yid gnyis sam the tshom za bar gyur pa/ rgyal po chen po khyod kyis
- 104a
de ltar mi lta'o// de ci'i phyir zhe na/ klu'i rgyal po rgya mtsho 'di nyid de'i tshe de'i dus na/ 'khor los gyur ba'i rgyal po lha btsa' zhes bya bar gyur to// de yang de'i dang po byang chub tu sems bskyed pa yin no// rgyal po chen po 'di skad du/ klu'i rgyal po rgya mtsho 'di yun ji srid na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhes bya ba de nyon cig/ rgyal po chen po klu'i rgyal po rgya mtsho 'di ni bskal pa grang med pa nyis brgyan/ bskal pa dpal gyi me tog bya ba la/ 'jig rten gyi khams chos kyi sgra grags pa zhes bya bar/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba kha lo bsgyur ba/ bla na med pa lha dang mi rnams kyi ston pa/ sangs rgyas bcom ldan 'das shin tu dri ma med cing yongs su dag la yon tan gyi tshogs mtha' yas pa las byung ba'i rgyal po zhes bya bar 'gyur ro// rgyal po chen po 'jig rten gyi khams chos kyi sgra grags pa de ni/ rin po che sa yas sbas par gyur te/ 'dzam bu'i chu bo gser las grub pa/ rin po che sna tshogs du mas bris shing / mig mangs ris su rnam par phye la lag mthil bzhin du mnyam ste/ ka tsa li di'i gos bzhin du 'jam zhing reg na bde ba la yangs shing thag
- 104b
gru che ste/ gling bye ba phrag 'bum dang ldan la/ 'byor pa dang / rgyas pa dang / bde ba dang / yid du 'ong ba ste/ lha dang mi mang po dag gis gang la/ gzhan 'phrul/ dbang byed pa'i lha rnams kyi nye bar sprad pa dang / longs spyod ji lta ba bzhin du mi de dag gi yang de dang 'dra bar 'gyur ro// 'jig rten gyi khams chos kyi sgra grags pa zhes bya/ ba de na/ rin po che thams cad las grub pa'i shing ta la'i phreng ba dag 'byung bar 'gyur te/ shing ta la de dag gi lo ma dang / me tog dang / 'bras bu thams cad las chos kyi sgo khrag khrig 'bum phrag mang po dag 'byung ngo // 'jig rten gyi khams de na sgra ji snyed 'byung ba 'di lta ste/ lha'i sgra 'am/ mi'i sgra 'am/ mi ma yin pa'i sgra 'am/ sprul pa'i sgra 'am/ bya'i sgra 'am/ rlung gi sgra yang rung ste/ sgra de dag thams cad chos dang ldan par 'byung bar 'gyur ro// de bzhin du zhi ba dang ldan pa dang / rab tu zhi ba dang ldan pa dang / nye bar zhi ba dang ldan pa dang / dga' ba dang bde ba dang ldan pa dang / sangs rgyas kyi chos dang ldan pa dang / pha rol tu phyin pa dang ldan pa dang / snga ba'i dngos po dang ldan pa dang / thabs la mkhas pa dang ldan pa dang / skyo ba dang 'dod chags dang bral ba ji lta ba dang / stong pa nyid dang mtshan ma med pa dang / smon pa med pa dang / mngon par 'du byed pa med pa dang ldan pa'i sgra dag 'byung bar 'gyur te/ des na 'jig rten gyi khams de'i ming chos kyi sgra grags pa zhes bya bar 'gyur ro//
- 105a
'jig rten gyi khams der lha dang mi gang dag skye ba de dag thams cad kyang chos kyi dga' ba'i zas kho na dang ldan par 'gyur zhing mngon par shes pa'i shes pa la mkhas pa dang / bla na med pa yang dag par rdzogs pa'i byang chub la the tshom med pa sha stag go// bcom ldan 'das de bzhin gshegs pa shin tu dri ma med cing yongs su dag la/ yon tan gyi tshogs mtha' yas pa las byung ba'i rgyal po de yang gang gi tshe chos ston par bzhed pa de'i tshe/ nyid kyi sku las 'od 'gyed par mdzad de/ 'od des sangs rgyas kyi zhing thams cad snang bar 'gyur ro// de bzhin gshegs pa'i 'od de las sangs rgyas bye ba phrag stong gsum pa'i chos ston pa 'byung bar 'gyur ro// de na lha dang mi rnams kyis de bzhin gshegs pa'i 'od de yang mthong la/ dga' ba dang mchog tu dga' ba chen po rgya cher skyes te/ bcom ldan 'das de bzhin gshegs pa shin tu dri ma med cing yongs su dag la yon tan gyi tshogs mtha' yas pa las byung ba'i rgyal po chen po de ga la ba der dong ste lhags nas/ de bzhin gshegs pa de la mchod pa tshad med pa byas te/ rdzu 'phrul dang mngon par shes pa'i stobs kyis nam mkha'i dkyil na rin po che'i bkod pa chen po dang ldan pa'i pad ma dag skyil mo dkrung bcas te 'khod par gyur to// de bzhin gshegs pa de yang nam mkha'i dkyil nyid na seng ge'i khri la bzhugs te/ lha dang mi dag la chos stan
- 105b
to// de chos ston pa phyogs bcu nas byang chub sems dpa' tshad med grangs med pa brgya stong dag chos nyan pa'i phyir 'ong bar 'gyur ro// 'jig rten gyi khams de na sems can su yang chos la zhe 'gres pa med do// de na bdud sdig can dag dang / gzhan mu stegs can dag gi sgrar gdags pa yang med de/ de bzhin gshegs pa de'i sku tshe'i tshad ni bskal pa bcur 'gyur ro// de'i byang chub sems dpa' ni bgrang ba las 'das par gyur to// rgyal po chen po de ltar na sangs rgyas kyi zhing de'i bkod pa ni/ bsam gyis mi khyab po// chos bstan pa yang bsam gyis mi khyab bo// zham ring 'khor byang chub sems dpa' yang bsam gyis mi khyab po// / klu'i rgyal po rgya mtsho lung bstan pa'i le'u ste// / brgyad pa'o// // de nas bcom ldan 'das la rgyal po ma skyes dgras 'di skad ces gsol to// bcom ldan 'das chos thams cad ni rgyu'i rjes su 'brang ba dang rnam par bsgrubs na 'byung ba'i mtshan nyid lags te/ de dag ni de ji lta ji ltar 'dod pa de lta de ltar rnam par 'grub pa lags so// bcom ldan 'das byang chub kyi spyod pa ni mtha' yas pa lags so// de la byang chub sems dpas ni ji srid du rnam pa thams cad kyi mchog dang ldan pa'i sangs rgyas kyi zhing yongs su ma bzung ba de srid du/ byang chub sems dpa'i spyod pa spyad par bgyi'o// bcom ldan 'das byang chub
- 106a
sems dpa' thams cad kyis ni/ klu'i rgyal po rgya mtsho'i ji lta ba de bzhin du/ sangs rgyas kyi zhing yongs su sbyang bar bgyi'o// bcom ldan 'das kyis bka' stsal pa/ rgyal po chen po khyod ji skad zer ba bzhin te/ chos thams cad ni yid las byed pa las byung ste/ chos thams cad byed pa med pa'i phyir de dag ji ltar 'dod pa bzhin du rnam par 'grub po// de nas rgyal po ma skyes dgras klu'i rgyal po rgya mtsho la 'di skad ces smras so// klu'i bdag po gang khyod de bzhin gshegs pas 'di ltar sangs rgyas kyi zhing gi yon tan gyi brgyan bkod pa bsam gyis mi khyab par bla na med pa yang dag par rdzogs pa'i byang chub tu lung bstan pa ni khyod kyis rnyed pa legs par rnyed do// de skad ces smras pa dang / klu'i rgyal po rgya mtshos rgyal po ma skyes dgra la 'di skad ces smras so// rgyal po chen po chos gang yang lung bstan du med do// de ci'i phyir zhe na/ chos thams cad ni bzod ma nas rnam par dag pa'i phyir ro// rgyal pos smras pa/ klu'i bdag po sngon dge ba'i rtsa ba'i rtsa ba skyed pa rnams kyang lung bstan du med dam/ klu'i rgyal po rgya mtshos smras pa/ rgyal po chen po sems can du gdags pa ni phung po dang khams dang skye mched rnams su zad la/ phung po dang khams dang skye mched rnams ni lung bstan du med do// rgyal po chen po ming dang gzugs la sems can du gdags par zad la/ ming dang gzugs ni lung bstan du med do// rgyu dang lta ba dang / 'du shes pa/ yid la byed pa la/
- 106b
sems can du gdags par zad na/ rgyu dang lta ba 'du shes yid la byed pa de la yang lung bstan du med do// dge ba'i rtsa ba gang dag gis byang chub sems dpa' thams cad mkhyen pa nyid du yang dag par 'grub pa'i dge ba'i rtsa ba de dag kyang lung bstan du med do// rgyal po chen po chos thams cad ni stong pa nyid kyi mtshan nyid yin la/ stong// pa nyid ni lung bstan du med do// rgyal po chen po chos thams cad ni mtshan ma med pa dang / smon pa med pa dang / mngon par 'du byed pa med pa'i mtshan nyid yin la/ mtshan/ ma med pa dang / smon pa med pa dang / mngon par 'du byed pa med pa'i mtshan nyid ni lung bstan du med do// rgyal po chen po gzhan yang sangs rgyas rnams kyi snying rje chen po/ 'di ni bsam gyis mi khyab ste/ ming med pa dang / mtshan ma med pa'i chos thams cad ming dang mtshan mas ston pas mdzad la/ sangs rgyas bcom ldan 'das rnams ni/ ming dang mtshan ma'i rjes su 'brang ba'i rnam par shes pa can ma yin no// rgyal po chen po lung bstan pa 'di ni 'jig rten brda sprad par zad de/ 'di la gang lung bstan par bya ba'i chos gang yang mang ngam phyi rol na mi dmigs so// rgyal pos smras pa klu'i bdag po bzod pa thob pa'i byang chub sems dpa' sems dpa' chen po lung bstan pa ming dam/ smras pa/ rgyal po chen po bzod pa de yang ska cig pa/ zad pa'i mtshan nyid/ mi zad pa'i mtha' can/ yang dag pa'i mthar nges pa mnyam pa'i mtha' ca/
- 107a
gnyis su med pa'i mthar nges pa ste/ gnyis su med pa'i mtha' ni yang dag pa'i mtha'o// yang dag pa'i mtha' ni gtan du mi 'byung ba'i mtha'o// mtha' can gang yin pa de ni 'dod chags dang / zhe sdang dang / gti mug rnams so// de'i mtha' can ni rnam par grol ba'i mtha'o// gang mtha' de'i sgor zhugs pa ni gang du mngon par zhen pa med do// gang mngon par zhen pa med pa de ni tha snyed kyi brda' la chags pa med do// ma chags na bral bar 'gyur ro// grol na phyin chad mi rgyu rab tu mi rgyu'o// mi rgyu rab tu mi rgyun gang du'ang ma nyams par mi 'gyur ro// blo ma nyams na thams cad la nges par 'byung bar mthong ste/ ji ltar rnam par mi mthong ba de ltar yang ma mthong ngo // gang gi tshe rnam par mi mthong ba de'i tshe/ gnyis su mi 'byed do// gnyis su med pa la gnas na mnyam pa nyid la 'jug go// mnyam pa nyid la zhugs na mtho bar mi 'gyur dma' bar mi 'gyur ro// mtho ba yang med/ mnyam pa nyid kyis rab tu phye ba'i bzod pa thob par 'gyur te/ de la bzod pa gang yin pa dang / lung bstan pa gang yin pa dang / gang lung bstan par bya ba dang / sus lung bstan pa dang / de'i phyir lung bstan pa'i chos de dag thams cad/ chos mnyam pa nyid/ chos med pa'i chos kyi dbyings su nges pa dang / brda' med pa dang / 'byung ba med pa dang / dngos po dang dngos po med pa dang bral
- 107b
ba dang / gnyis su med pa'i mtha' can de dag gi don yongs su gzhal nas/ chos gang yang bgrang bar mi byed do// dben na nam mkha' ni bgrang du med cing bgrang ba las yang dag par 'das pa ste/ de bzhin du chos thams cad kyang de dang 'dra bar lta bar bya'o// klu'i rgyal po rgya mtsho'i bstan pa 'di bshad pa na/ byang chub sems dpa' nyis rgyas mi skye ba'i chos la bzod pa thob par 'gyur to// dge slong nyes rgya ni len pa med par zag pa las sems rnam par grol lo// de nas bcom ldan 'das la rgyal po ma skyes dgras 'di skad ces gsol to// bcom ldan 'das klu'i rgyal po rgya mtsho'i spobs pa ni ngo mtshar lags so// bco ldan 'das kyis bka' stsal pa/ rgyal po chen po 'di spobs pa ni ngo mtshar yang mi che la bka' stsal pa ma yin gyi/ las dang po pa gang gis bstan pa 'di thos na/ mi sgeg mi dngang zhing dngang bar mi 'gyur ba de ni de dag gi chos ngo mtshar che ba dang / ches dka' ba yin no// de ci'i phyir zhe na/ sangs rgyas bcom/ ldan 'das rnams kyi byang chub ni de ltar mos par dka' ba ste/ de la ni lha dang bcas pa'i 'jig rten 'jug par mi 'gyur/ 'gro bar mi 'gyur/ mos par mi 'gyur/ yid ches par mi 'gyur ba'i phyir te/ rgyal po chen po rnam grangs 'dis kyang gang dag chos zab mo 'di bstan pa 'di la mi skrag mi dang zhing dang
- 108a
bar mi 'gyur ba'i sems can de dag ni/ sangs rgyas mang po la bsnyen bkur byas pa ma yin par rig par bya'o// rgyal po chen po gzhan yang 'di ji snyam du sems/ skyes bu gang gis na ma gzugs can me yin/ bstan du med pa 'di gzugs can du ston par byed na tso dka' ba byed pa yin nam/ gsol pa bcom ldan 'das mchog tu dka' ba lags so// bde bar gshegs pa mchog tu dka' lags so// bka' stsal pa/ chos 'di lta bur zab pa/ zab par snang ba/ tshor ba thams cad rgyun chad pa/ bdag med pa/ sems can med pa/ srog med pa/ gso ba med pa/ gang zag med pa/ rgyu ba med pa 'di la mos la/ mos nas kyang de kho na bzhin du sgrub pa gang yin pa de dag ni de bas kyang ches dka' bar byed pa yin te/ de dag ni de bzhin gshegs pa rnams kyis 'thun pa'i dge ba dang / 'grogs pa dang / mdza' bshes yin no// de dag gis ni sems can rnams kyi log pa spang ba'i phyir chos ston nus so// de dag gis ni byang chub kyi snying po mchog dam pa la 'dug nas/ bdud kyi dpung bye ba phrag rgya byams pa dang / shes rab dang / ye shes dang / brtson 'grus kyis gzhom par nus so// de dag gis chos thams cad la dbang byed pa dang / sems pa dang / thams cad mkhyen pa'i ye shes mngon sum du byed pa dang / sems
- 108b
kyi skad cig gcig dang ldan pa thams cad mkhyen pa'i ye shes mngon par rdzogs par 'tshang brgya par nus so// de dag gis ni sems can thams cad brda sprad pa dang / sems thams cad kyi sems ji lta ba bzhin du shes pa dang / sems can thams cad kyi dbang po mchog dang / mchog ma yin pa ji lta ba bzhin du shes pas/ chos kyi 'khor lo bla na med pa yang skor bar nus so// de dag gis ni phas kyi rgol ba thams cad tshar bcad pa dang / mu stegs can thams zil gyis gnan pa dang / dgra thams cad tshar bcad pa'i phyir/ chos kyi dung 'bud nus so// de nas klu'i rgyal po rgya mtsho bsam pa grub cing / rnag pa dang yid la bsam pa yongs su rdzogs te rang gi lung bstan pa thos nas/ bar snang la mngon par 'phags te/ bcom ldan 'das la tshigs su bcad pa 'di dag gsol to// bdud rnams sde bcas dpung bcas des bcom zhing // lta ba ngan pa'i tshogs kun bshig nas ni// thub pas chen pos chos kyi char phab ste// 'jig rten thams cad bdud rtsi'i tshim par mdzad// khyod ni chos kyi rgyal po mi 'jigs rtsol ba lags// 'das las rgal te 'jigs med 'gram na bzhugs// 'jig rten mig ste lam mchog ston pa po// skye bo skyabs ma mchis par mgon po lags// sman pa'i rgyal khyod zug rngu 'byin pa yi// sman pa rga shi med pa'i sman brtsol ba// ci nas phyin chad nad rnams mi 'byung bar// na dang rgabs gzir rnams gso mdzad pa// khyod
- 109a
ni ston skyabs bla ma gcig pu lags// gtan du bde ba byin pa khyod nyag gcig/ khyod ni gru skya 'dzin pa don dam mkhyen pa lags// 'khor ba'i sdug bsngal las ni zlog mdzad pa// lha'i lha ste 'gro ba rnams kyi gtso// 'jig rten kun gyi sgron mar gyur pa lags// khyod dang mjal na 'jig rten chu chen rgal/ mi rnams kyi ni mi mchog khyod nyag gcig/ ye shes gzugs dang pha rol gnod pa yis// thub dbang khyod 'dra su yang ma mchis te// khyod ni lhar bcas 'jig rten thams cad kyi// ston pa po ste thar pa'i lam mchog lags// khyod ni thams cad zil gnon kun mkhyen mchog/ 'jig rten chos rnams kyis ni khyod ma gos// kun mkhyen sred bral rnam grol dpa' ba dang // ye shes mchog brnyes khyod la bdag phyag 'tshal// ji ltar bar snang nam mkha' rnam par dag/ gzugs med gzung du ma mchis 'dus ma bgyis// de bzhin chos rnams dri med rnam par dag/ 'jig rten rnam par 'dren pas rab tu bstan// yod dang med par lta ba spangs nas kyang // rnam dag chos rnams bde bar gshegs pas gsungs// rkyen dang bcas shing rgyu dang bcas pa ste// sems can ma mchis gang zag srog ma mchis// bzod nas rnam dag nam mkha'i ngo bo nyid// sgyu ma smig rgyu chu zla 'dra ba dang // shin tu dag pa nam mkha'i ngo bo nyid// gnas pa ma mchis glog dang 'dra ba'i tshul// sngon gyi mtha' stong/
- 109b
phyi mi'i mtha' yang stong // skye dang 'jig dang gnas pa'i ngo bo stong // 'dir ni de dag dngos dang dngos med min// 'di dag thams cad rang bzhin ma mchis stong // chos// dbyings rang bzhin ngo bo gang lags te// sems can khams kyi rang bzhin ngo bo lags// sems can khams kyi rang bzhin ngo bo gang // sangs rgyas chos kyi rang bzhin po// bo lags// sangs rgyas chos kyi rang bzhin ngo bo gang // de ni chos kun rang bzhin ngo bo nyid// chos kun rang bzhin ngo bo gang lags pa// sangs rgyas zhing gi ngo bo rang bzhin te// sangs rgyas zhing gi rang bzhin glang // sangs rgyas rang bzhin byang chub ngo bo de// sangs rgyas byang chub rang bzhin ngo bo gang // de ni chos dbyings rang bzhin ngo bo nyid// chos ba rnam par dag pa 'di// gang tshe byang chub sems dpas de ltar mthong // de nas byang chub sems dpas de ltar mthong // de nas rgyal rnams ye shes dam pa yis// byang chub mchog tu de ni lung ston mdzad// chos rnams brda dang ming dang tha snyad tsam// mnyam pa lags te mi bden ming du btags// de dag sngan chad sus kyang ma thob ste// de dag gi/ ming rnams kun tu brjod// ming ma mchis par ming ni rnam par btags// chos rnams stong ste rang bzhin rnam par dag/ 'jig rten 'du shes mkhas par rig nas ni// tha snyad tsam la kun du spyad par bgyi// chos kun rgyu ma bzhin du rig nas kyang // mi bden snying po ma mchis rmi lam 'dra// rnam smin rgyu dang nying mtshams sbyor ba tsam// de la bde/
- 110a
pa'i 'du shes yongs mi bgyid// chos kun slu bar bgyid cing 'jig pa lags// sgyu ma mig rgyu 'dra ste mi bden pa// 'gal me'i 'khor lo gzugs brnyan 'dra ba lags// rtag tu byis pa'i skye bo rmongs par bgyid// byis pa bdag dang bdag gir 'dir rtags na// blun po sred pas gzir ba 'dir rmongs te// 'khor ba'i 'khor lor yongs su 'khor ba na// sdug bsngal gyis gnon zhi ba thob mi 'gyur// 'gro ba'i 'jug pa 'di ni yang dag min// gang gi 'jug pa de ni ma mchis te// mtsho'i 'jig rten lta ba gti mug mdongs// rgyun du dbang dang yang du sdug bsngal rnyed// lha rnams sdug bsngal 'chi 'pho'i chos gcig pa// mi rnams kyi ni sdug bsngal tshol khro lags// dmyal ba dag gi sdug bsngal gnod pa rnams// gcig la gcig mtshal dud 'gro rnams kyi lags// yi dgas sdug bsngal 'di na skyes dang skom// 'jig rten thams cad sdug bsngal gnas su nub// skyabs med gyur dang rten med gyur pa yis// 'jig rten sdug bsngal thams cad gzigs nas ni// drang srong chen po thugs rtse thugs rje can// sdug bsngal rnam par grol phyir 'byung bar mdzad// byang chub sems dpa' bskal mang bye bar yang // brtul zhugs brtan zhing pha rol phyin la brtson// srid na mchis pa 'di 'dra mkhyen nas ni// 'dam las rgal te sems can rnams kyang 'dul// gang tshe chos rnams gsog dang gsob tu gzigs// na mkha'
- 110b
chang stong 'dra zhing snying po med// de dag bdag gi ngo bo ma mchis pas// bdag med dngos med dngos po med ma lags// mtha' rnams kun tu lta ba kun spangs na// byang / chub rdul med rnam dag thob par 'gyur// skye dang rga dang gnod par bgyi ba gang // 'chi dang gnas pa gang lags su yang med// gang 'dir skye dang rga dang na dang 'chi// shed la skyes dang shed bu de ma mchis// 'di ni bdag dang bdag gi ma mchis te// gang zag shed skyes shed bu yong ma mchis// 'di brdzun bdag po ma mchis dbang ma mchis/ 'tsho ba'i 'jig rten sgyu ma lta bur 'jug/ byed pa ma mchis tshor ba po ma mchis// 'on kyang las mchis 'bras bu'i don yang mchis// 'gro ba'i las kyi rkyen gyi rang bzhin 'byung // phan tshun du ni rgyu la brten par 'dus// dge dang mi dge'i las gang bgyid pa dang // gang zhig mang du bgyis pa'i las de dag/ yul na ma mchis phyogs na ma mchis te// ngo bo nyid stong 'on kyang rnam par smin// nang dang slad rol bar na mi gnas te// chos rnams gang du'ang 'phungs po yong ma mchis// de dag gang la'ang brtan pa ma mchis la// rnam par smin pa slu bar yong mi bgyid// skyes pa snga ma 'gags pa snga ma lags// mkhas pa rnams ni go bar bgyid slad du// nyan pa la ni sgra bas tshig kyang ston// lta ba rnam par sbyang ba'i slad du bstan// gang gi 'du shes 'du shes can ma mchis// mya ngan 'das mchis su yang zhi ma mchis// skye ba ma mchis/
- 111a
@#mtha' gang mtha' de lags// bdag gi bdag med mtha' ni nam mkha'i mtha'// kun gyi mtha' ni mtha' mnyam tho pa des// sangs rgyas bsam gyis mi khyab dam pa thob// sngon gyi mtha' dang phyi ma'i mtha' dang ni// skye ba'i mtha' dang skye ba ma mchis mtha'// mtha' kun de ltar mnyam par mthong ba dang // chags med mtha'i sgo shes ldan pa dang // dus gsum mtha' rnams la ni ma chags nges// rgyal ba rnams kyi rigs mchog thob par 'gyur// 'gro ba bcings las rnam par grol mdzad nas// zhi mchog mya ngan 'das pa rnyed par 'gyur// 'gro kun rmi lam lta bur der gzigs nas// 'dir ni ming dang gzug la sems ma chags// chos kun la ni rnam par dag pa'i mig/ zhi ba dang ni mi g.yo mi 'gul thob// chos rnams thams cad sgra med skad med pa// gzung du med cing dngos med rnam par dag/ de bzhin rgyal ba dam pa rnams kyi gdung // zhi ba'i ngo bo nyid de smon pa spangs// skyon med rims nad med cing mya ngan bral// spros kun nye bar zhi zhing bsam mi khyab// rgyal ba mchog rnams kyi ni chos 'di dag/ gzung bral rang bzhin sgra dang skad ma mchis// 'gro la sman slad skyes bu dam pa yis// de yang yi ge rnams kyi gleng bzhi stan// 'jig rten bla ma rang 'byung mthong gyur cing // mthong nas kyang ni yid la dang bgyid dang // khyad par 'gro ba'i chos kyang nyan pa yin// lha dang
- 111b
mi rnams rnyed pa legs par rnyed// phyogs dang phyogs mtshams rnams su chos 'di ni// 'jig rten rnam par 'dren pas rab tu bstan// gang dag ma 'ongs sangs rgyas 'gyur ba rnams// thams cad kyang ni mnyam pa'i chos su 'gyur// sgra rnams thams cad brag cha tsam du bas// de ni brjod na rnam par grags par 'gyur// de ni tshul bzhin lam gyi rgyur 'gyur te// chos su 'tshal gyi slad du btags pa tsam// chos kun sgyu ma 'dra zhing gsog lags te/ de dag sems can slad du rnam mang byed// de dag rang bzhin ngo bo gang yin pa// de ni nam kyang rnam par dbyer mi rung // 'jig rten na ni sangs rgyas chos rgyal mchog/ chos kyi dbang phyug kun rig kun mkhyen pa// ston pa de la slob na de bzhin du// 'phags pa kun gyis de nyid don kyang rtogs// 'byung ba gang lags ba dang da ltar dang // ma 'ongs pa na 'byung ba gang lags pa// thams cad la yang thub pa skyes mchog gis// ye shes 'jug ste thogs pa yong mi mnga'// skyes bu dam pa de yis de ring bdag/ dgas ma mchis par byang chub mchog lung bstan// bdag ni 'gro lnga phyir sangs rgyas 'gyur// bdag ni som nyi ma mchis dogs ma mchis// // chos thams cad rang bzhin gyis yongs su dag pa'i le'u ste dgu pa'o// // de nas bcom ldan 'das
- 112a
kyis byang chub sems dpa' de dag thams cad la bka' stsal pa/ skyes bu dam pa khyed kyi de bzhin gshegs pas byang chub ci nas yun ra/ du gnas par bya ba'i phyir zungs shig/ khyed kyi nang nas mdo sde 'di dag bzung bar su spro// de nas der byang chub sems dpa' nyi khri dang / lha'i bu stan las langs te/ bcom ldan 'das ga la ba de logs su thal mo sbar ba btud nas/ bcom ldan 'das la 'di skad ces gsol to// bcom ldan 'das bdag gis mdo sde 'di lta bu dag bzung bar 'tshal lo// rgyas par yang bgyi'o// bcom ldan 'das kyis bka' stsal pa/ rigs kyi bu khyed kyis chos bsgrub pa ji lta bus de bzhin gshegs pa'i byang chub 'di 'dzin par byed/ de nas der byang chub sems dpa' ye shes rgyal mtshan tog ces bya ba des/ bcom ldan 'das la 'di skad ces gsol/ to/ bcom ldan 'das bdag gis dam pa'i chos bzung bar 'tshal na ci bdag de bzhin gshegs pa'i byang chub 'dzin pa lags sam/ bcom ldan 'das kyis bka' stsal pa/ rigs kyi bu khyod de ltar bsgrub na de bzhin gshegs pa'i byang chub 'dzin pa yang dag pa yin no// byang chub sems dpa' mnyam pa ltas gsol pa/ bcom ldan 'das bdag gis mtshams ma mchis pa mnyam pa nyid kyis byang chub mnyam pa nyid du mthong na/ ci bdag de bzhin gshegs pa'i byang chub 'dzin pa lags
- 112b
sam/ bka' stsal pa rigs kyi bu khyod ltar sgrub na/ nga'i byang chub 'dzin pa yang dag pa yin no// byang chub sems dpa' thab med kyis gsol pa/ bcom ldan 'das bdag gis so so'i chos kyang ma mthong / slob pa'i chos dang mi slob pa'i chos dang / rang sangs rgyas dang / byang chub sems dpa'i chos dang / sangs rgyas kyi chos rnams kyang ma mthong na/ ci bdag de bzhin gshegs pa'i byang chub 'dzin pa lags sam/ bka' stsal pa/ rigs kyi bu de ni de bzhin no// byang chub sas dpa'i chos thams cad la khas che ba med par shin tu gnas par gsol pa/ bcom ldan 'das bdag gi chos kyi rang bzhin ci yang ma 'tshal zhing mi 'dzin na/ ci bdag dam pa'i chos 'dzin pa lags sam/ bka' stsal pa/ rigs kyi bu de de bzhin no// byang chub sems dpa' mig mi 'dzum gyis gsol pa/ bcom ldan 'das bdag mig gi mi lta/ sems kyis mi gtong / dran pa mi skyed na ci bdag dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' rjod du med pas gsol pa/ bcom ldan 'das bdag chos kyang mi ston/ chos ma lags pa yang mi ston/ bdag la chos kyi sgra yang mi 'byung / chos kyi 'du shes la yang / rtog par mi bgyid na/ ci bdag dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' ming med kyis gsol pa/ bcom
- 113a
ldan 'das bdag gi ming dang / mtshan ma yang mi nyan lags na ci dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' nam mkha' mdzod kyis gsol pa/ bcom ldan 'das bdag gis chos thams cad nam mkha'i ngo bo nyid du rig nas gang la 'dzin pa chos rnams dang / chos ma lags pa rnams kyang mthong na/ ci bdag dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub seMs dpa' mi g.yo ba'i stabs kyis 'gro bas gsol pa/ bcom ldan 'das bdag chos thams cad la mi dmigs mi g.yo// mngon par zhen pa ma mchis na/ ci bdag dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' bdud 'joms kyis gsol pa/ bcom ldan 'das bdag sangs rgyas kyi yul la bdud kyi yul gyi rjes su mchis la/ bdud kyi yul la yang sangs rgyas kyi yul gyi rjes su mchis na/ ci bdag dam pa'i chos 'dzin pa lags sam/ bka' stsal pa/ rigs kyi bu de ni de bzhin no// byang chub sems dpa' rdo rje'i stabs kyis 'gro bas gsol pa/ bcom ldan 'das gang chos kyi dbyings kyang 'byed par mi bgyid/ sems can gyi khams la ma rtogs par yang chos dbyings la 'jug par mi bgyid na/ ci de dam pa'i chos 'dzin pa lags sam/ bka' stsal pa/ rigs
- 113b
kyi bu de ni de bzhin no// byang chub sems dpa' mi dmigs pas gsol pa/ bcom ldan 'das gang chos ci yang mi dmigs la/ ba spu'i khung bu thams cad nas kyang chos kyi sgra 'byung na/ ci de dam pa'i chos 'dzin pa lags sam/ bka' stsal pa rigs kyi bu de ni de bzhin no// byang chub sems dpa' kun nas bsrung bas gsol pa/ bcom ldan 'das gang bdud kyi zhags pas kyang ma cings la byang chub sems dpa'i spad pa yang spyod na/ ci de dam pa'i chos 'dzin pa lags sam/ bka' stsal pa rigs kyi bu de ni de bzhin no// byang chub sems dpa' blo gros rgya mtshos gsol pa/ bcom ldan 'das gang chos thams cad rgya mtsho'i phyag rgyar yang dag par 'du ba dang / rnam par grol ba'i ngo bo nyid ro gcig par 'tshal na/ ci de dam pa'i chos 'dzin pa lags sam/ bka' stsal pa rigs kyi bu de ni de bzhin no// lha'i bu mtshan bzang gi gsol pa rnye bcom ldan 'das gang skye yang skye la/ phung po dang khams skye mched rnams 'byung ba yang mi 'dzin la/ 'byung yang 'byung la/ de sems dang yid du 'dogs par yang mi bgyid na/ ci de dam pa'i chos 'dzin pa lags sam/ bka' stsal pa lha'i bu de ni de bzhin no// lha'i bu dri ma med pas gsol pa/ bcom ldan 'das gang chos thams cad dri ma mchis pa dang / 'dod chags kyi rdul dang bral bar rig nas/ rgyu las byung ba las rnam par grol bar mi bgyid na/ ci de dam pa'i chos 'dzin pa lags sam/
- 114a
bka' stsal pa/ lha'i bu de ni de bzhin no// lha'i bu sems grol gyis gsol pa/ bcom ldan 'das gang sems can rnams dang sgrol bar mi bgyid la/ bdag ma mchis pa yang 'tshal/ sgral nas 'dzud par bgyid la/ tshu rol dang pha rol dang pha rol gyi 'gram na yang mi gnas na/ ci de dam pa'i chos 'dzin pa lags sam/ bka' stsal pa/ lha'i bu de ni de bzhin no// lha'i bu dga' byed kyis gsol pa/ bcom ldan 'das gang chos thos cad la dbang yang thob la chos gang bskyed par mi bgyid/ 'gag par yang mi bgyid na/ ci de dam pa'i chos 'dzin pa lags sam/ bka' stsal pa/ lha'i bu de de bzhin no// lha'i bu rgyal po bzang gis gsol pa/ bcom ldan 'das gang sems can thams cad sems can mnyam pa dang / chos thams cad chos mnyam pa dang / zhi/ thams cad zhing mnyam pa dang / sangs rgyas thams cad sangs rgyas mnyam pa rjes su song na/ ci de dam pa'i chos 'dzin pa lags sam/ bka' stsal pa/ lha'i bu de ni de bzhi no// lha'i bu legs par sems kyis gsol pa/ bcom ldan 'das bdag chos ci yang mi sems shing spros par mi bgyid de/ mtshan mar mi bgyid na/ ci bdag dam pa'i chos 'dzin pa lags sam/ bka' stsal pa/ lha'i bu de ni de bzhin no// sring mo ud pa las gsol pa/ bcom ldan 'das bdag chos thams cad sangs rgyas kyi chos rnams lags/
- 114b
ga na par gros pa man+dan/ da mas yin pa lags sa pa/ ga'astsal la/ blam dang mam// tig phreng gis gsol pa/ bcom ldan 'das bdag gis bud med kyi chos rnams kyang ma dmigs/ skyes pa'i chos rnams kyang ma dmigs te/ sangs rgyas kyi mtshan nyid gang lags pa de/ de bud med dang skyes pa'i chos rnams kyi mtshan nyid lags la/ chos de dag kyang chos ma lags/ chos ma lags pa yang ma lags te/ de'i slad du 'di ltar bdag ni bskyed par yang mi bgyid/ khas len par yang mi bgyid na/ ci bdag dam pa'i chos 'dzin pa lags sam/ bka' stsal pa/ bu mo de ni de bzhin no// bu mo rin chen gyis gsol pa/ bcom ldan 'das bdag gis byang chub dang / byang chub sems dpa'i spyod pa yang mthong la/ sems can thams cad kyi go cha yang bdag gis bgos/ de dag kyang gtan du bdag gis bgos/ de dag kyang gtan du bdag gis mthong na/ ci bdag dam pa'i chos 'dzin pa lags sam/ bka' stsal pa bu mo de ni de bzhin no// / bu mo dri ma med pa'i 'od kyis gsol pa/ bcom ldan 'das bdag chos thams cad la yang chos kyi 'du shes mi skyed la/ sems can thams cad la yang sems can gyi 'du shes mi skyed/ chos thams cad kyis kyang sangs rgyas kyi chos rnams la rnam par mi rtog ste/ sangs rgyas kyi chos rnams kyi khongs su yang chos thams cad 'das par yang dag par mthong
- 115a
ste/ de dag gi khongs su yang ma zhen par yang dag par mthong na/ bcom ldan 'das bdag de ltar brtson na ci dam pa'i chos 'dzin pa lags sam/ bcom ldan 'das kyis bka' stsal pa/ bu mo khyod de ltar bsgrubs na/ dam pa'i chos 'dzin pa yang dag pa yin no// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das 'di ltar bsam gyis mi khyab pa'i chos rnam par nges pa'i spobs pa dang ldan pa'i bu mo rnams kyis/ 'dir rnam pa dang sgra dang // brda sna tshogs kyis chos nyid de kho na glengs te/ chos gang yang 'gal bar mi bgyid la/ chos thams cad kyang byang chub dang mnyam pa nyid du ston pa ni ngo mtshar lags so// bcom ldan 'das kyis bka' stsal pa/ ko'u shi ka de ni de bzhin te/ bu mo 'di dag ni bsam gyis mi khyab pa'i chos rnam par nges par ston pa la mkhas pa/ sangs rgyas mang po la bsnyen bkur byas pa/ bzod pa thob pa sha stag go/ ko'u shi ka gzhan yang chos kyi rnam grangs 'di bzung ba dang / gzhan dag la yang rgyas par bstan pa dang / de bzhin ga pa ma ngan las 'das pa'i 'og tu yang / ma 'ongs pa'i sems can chen po dam pa'i chos kyi grong khyer bsrung ba de dag la stabs pa'i phyir khyod la btad do// de ltar byas na khyod kyis de bzhin gshegs pa la mchod pa mchog byas par 'gyur ro// brgya byin gyis gsol pa/ bcom ldan 'das chos kyi rnam grangs 'di bdag gis bzung lags so// 'di
- 115b
ni bdag gis de bzhin gshegs pa'i byin gyis brlabs kho na rgyas par bgyi'o// ma 'ongs pa'i sems can chen po de dag la yang stab par 'tshal lo// de ci'i slad du zhe na/ bcom ldan 'das bdag gis ni de bzhin gshegs pa la bka' drin bsab pa'i rngo mi thog ste/ 'di ltar bdag ni de bzhin gshegs pas chos kyi phan gdags pas gtags pa'i slad du'o// bcom ldan 'das gzhan yang ci nas bdud dang phyir rgol ba bcom nas/ 'di 'dzam bu'i gling du spyod par 'gyur ba de lta bur chos kyi rnam grangs 'di de bzhin gshegs pas byin gyis brlab tu gsol/ bcom ldan 'das kyis bka' stsal pa/ ko'u shi ka de'i phyir legs par rab tu nyon la yid la zung shig dang / bar du gcod pa thams cad rnam par sbyong ba zhes bya ba'i rigs sngags dang / gsang sngags kyi gzhi byin gyis brlabs pa ngas bstan par bya'o// rig sngags dang gsang sngags kyi gzhi de dag gis/ bdud thams cad dang / phas kyi rgol ba thams cad shin tu char bcad par 'gyur la/ de bzhin gshegs pa'i chos kyi sgron ma 'di yang yun ring du gnas par 'gyur ro// // tad+ya thA/ a b+ha ye/ b+ha ya b+hi ga te/ ba ya bi sho d+ha ne/ a b+ha ya te/ ni ru prad dra be/ a nA ku lI/ a ku lA saM sho d+ha ne/ a gra he/ a bi ba de/ a ka la pe/ a ts+yad te/ shu b+ha te dze/ te tso ba ti/ ma hA te dze/ u pa sha me/ me t+yud ga te/ sho Sha ya ma ne/ sid t+ye rad sha ne/ a bi rud d+he/ sa hi/ ta ar+tha sid d+ha/ a mri ta ba te/ sa ga ra/ sa ga ra pa ti/ a d+hi
- 116a
bar d+ha dza sin di/ ag k+Sha ta pra b+he/ dza ti bi sho d+ha ni/ shud d+he shu b+he/ a b+ha sa ba ti/ sa ma pra yo ge/ sa ma cid de/ a nu ta re/ bud d+ha a d+ha/ sha ne/ shi la bi sho d+ha ne/ a na ti kra ma ne/ a sang ga hA re/ ni gri hI tam mA ra ba lam/ pa rA dze yo/ dri sha ga tA nan/ dzA la nan/ d+ha ra mo lka nan/ sang gri hi tan/ d+harma dA nan/ ud ga ti ta na d+ha ra ma ni/ d+ha nan// / ko'u shi ka rig sngags dang gsang sngags kyi gzhi ni 'di dag yin te/ 'das pa dang ma 'ongs pa dang da ltar byung ba'i sangs rgyas rnams kyis dam pa'i chos yongs su bzung ba'i phyir gsungs so// rig sngags dang gsang sngags kyi gzhi 'di dag gis ni brtsod pa'i bdag po bdud thams cad char gcod par 'gyur ro// de nas bcom ldan 'das la tshangs pa kun tu snang ba zhes bya bas 'di skad ces gsol to// bcom ldan 'das bdag gis kyang chos kyi rnam grangs 'di bzung bar bgyi/ bcang bar bgyi/ rgyas par bgyi'o// de ci'i slad du zhe na/ bcom ldan 'das byas pa bzo ba dang / byas pa tshar ba ni dkar po'i chos legs par gsungs pa'i chos 'dul ba las bsngags pa'i slad du'o// bcom ldan 'das bdag ni de bzhin gshegs pa la byas pa bzo ba dang / byas pa tshar ba rjes su bsrung ste/ de bzhin gshegs pa'i chos kyi tshul 'di bzung bar bgyi'o// de nas bcom ldan 'das la lha'i bu bsod nams 'phags kyis gsol pa/ bcom ldan 'das /
- 116b
kyi bu dang rigs kyi bu mo de bzhin gshegs pa'i chos bzung na/ bsod nams ci tsam zhig bskyed par 'gyur lags/ de nas bcom ldan 'das kyis lha'i bu de dag la tshig su bcad de bka' stsal pa/ sangs rgyas sman gyi phyogs bcu yi// zhing rnams ji snyed ngas mthong ba// de kun rin chen gang byas nas// mi gang sbyin pa sbyin byed la/ gang zhig 'jig rten mgon po'i chos// snying nas yongs su 'dzin byed na// de bas mi de bsod nas ni// shin tu mang du 'phel bar 'gyur// bskal pa'i bar du bzhugs nas ni// dpe rnams bstan pas bshad na yang // dam pa'i chos ni 'dzin pa yi// bsod nams zad par yong mi 'gyur// chos kyi rnam grangs 'di bstan na// lha bye ba khrag khrig bdun bcu rtsa drug gis// bla na med pa yang dag par rdzogs pa'i byang chub tu sems bskyed do// byang chub sems dpa' drug khri ni mi skye ba'i chos rnams la bzod pa skyes so// stong gsum gyi stong chen po'i 'jig rten gyi khams 'di yang rnam pa drug dang mtshan ma chen po bco brgyad du rab tu g.yos par gyur te/ 'di lta ste// shar phyogs mtho na nub phyogs dma'// nub phyogs mthon shar phyogs dma'// lho phyogs mthon byang phyogs dma'// byang phyogs mtho na lho phyogs dam dbus mthon mtha' dma'o// mtha' mthon dbus dma' bar 'gyur te/ g.yos rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'a
- 117a
ldeg rab tu ldeg/ kun tu rab tu ldeg/ 'khrugs rab tu 'khrugs/ kun tu rab tu 'khrugs/ 'ur 'ur rab tu 'ur 'ur/ chem chem/ rab tu chem tshem/ kun tu rab tu chem tshim mo// snang ba chen pos kyang 'jig rten khyab par gyur to// me tog gi char chen po yang bab po// sil snyan dag kyang ma dkrol bar rang 'khrol zhing / sil snyan dang glu dbyangs de dag las kyang / sgra 'di lta bu 'byung ste/ bcom ldan 'das kyis chos kyi rnam grangs 'di phas kyi rgol ba thams cad kyis mi tshugs par byin gyis brlabs so// chos kyi rnam grangs 'di rnam par dkrug tu med pa'i tshul du chos kyi dbyings kyi phyag rgyas legs par btab po zhes byung ngo // klu'i rgyal po rgya mtshos kyang stong gsum gyi stong chen po'i 'jig rten gyi khams thams cad khyab par mu tig gi char chen po phab po// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di bzung la gzhan dag la yang rgyas par yang dag par ston cig gsol pa/ bcom ldan 'das chos kyi rnam grangs 'di bdag gis bzung lags na/ bcom ldan 'das chos kyi rnam grangs 'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ de'i phyir chos kyi rnam grangs 'di klu'i rgyal po rgya mtshos zhus pa zhes bya bar yang zung shig/ klu'i bdag po'i gzungs kyi le'u zhes bya bar yang zung shig/ rin po
- 117b
che kun nas btus pa'i chos kyi sgo yongs su dag pa'i le'u zhes bya bar yang zung shig/ bcom ldan 'das kyis de skad ces bka' stsal nas tshe dang ldan pa kun dga' bo dang / klu'i rgyal po rgya mtsho dang / klu'i rgyal po ma dros pa dang / klu'i rgyal po rgya mtsho'i bu dpal gyi gzi brjid dang / rgyal po ma skyes dgra dang / phyogs bcu nas 'das pa'i byang chub sems dpa' sems dpa' chen po de dag thams cad dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa klu'i rgyal po rgya mtshos zhus pa zhes bya ba theg pa chen po'i mdo rdzogs// rgya gar gyi mkhan po 'dzin mi tra dang pradz+nyA ba ra ma dang / zhu chen gyi lo tsA ba ban d+he ye shes d+he la sogs pas sgyur cing zhus te gtan la phab pa// / rgya gar skad du/ ar+ya sA ga ra dza pa ri prid tsa na/ ma ma hA ya na su tra/ bod skad du/ 'phags pa klu'i rgya mtshos zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgya mtsho chen po na/ klu'i rgyal po rgya mtsho'i gnas/ klu'i rgya mtsho'i 'khor gyi khyams na bkod pa na/ dge slong brtsa stong gi dge 'dun chen po dang / byang chub sems dpa' sems dpa' chen po phyogs bcu'i 'jig rten gyi khams nas 'dus pa mngon par shes pa rab tu mang po dang / brgyagyi/
- 118a
dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po khrag khrig rgya stong mang po dang / thabs cig tu bzhugs te/ de nas bcom ldan 'das kyis thams cad dang ldan pa'i 'khor de dag 'dus par mkhyen nas/ klu'i rgyal po rgya mtsho la bka' stsal pa/ klu'i bdag po skye ma 'jig rten gnas pa 'di ni/ las rnam pa sna tshogs kyis bskyod na/ sems kyi dmigs pa sna tshogs kyis las/ rnam pa sna tshogs mngon par 'du byed de/ de'i 'gro ba yang sna tshogs su gyur to// klu'i bdag po 'khor 'di dang / rgya mtsho chen po 'din sna tshogs ji snyed pa dang / gzugs tha mal pa ji snyed snang ba la ltos/ klu'i bdag po 'di dag thams cad ni rang rang gi sems dang lus dang ngag dang yid kyi las dge ba dang mi dge ba sna tshogs su byas pas sna tshogs su gyur pa dgo/ sems ni gzugs med bstan du med pa/ bzung du med pa'o// klu'i bdag po 'di ltar chos thams cad ni bcos ma sgrubs pas gnas pa'i mtshan nyid de/ bdag med pa/ bdag gi med pa/ yongs su 'dzin pa med pa'o// de dag gi las ji ltar bsags pas bsgrub pa sna tshogs su byas pa dag te/ 'di la byed pa po gang yang med do// klu'i bdag po 'di ltar chos 'di dag thams cad ni bsam gyis mi khyab pa/ sgyu ma'i mtshan nyid kyi ngo bo nyid do//
- 118b
klu'i bdag po de la byang chub sems dpa' mkhas pas/ chos thams cad bsgrub pa gnas pa'i mtshan nyid du shes nas dge ba'i las mngon par 'du bya ba dag mngon par 'du byed do// de dge ba'i las mngon par 'du bya ba dag mngon par 'du byed na/ sgrubs pas gnas pa'i mtshan nyid chos rnams kyi phung po dang / khams dang skye mched gang dag mngon par bsgrub pa de dag mdzes shing lta na sdug la gzugs bzang po/ dag tu mngon par 'grub po// klu'i bdag po de bzhin gshegs pa'i sku bsod nams bye ba khrag khrig brgya stong las skyes pa/ mtshan rnams kyis ji ltar rgyan pa dang ji ltar sgrubs pa dang / dpal gyi lha dang mir bcas pa'i 'jig rten zil gyis mnan nas ma chags par/ bzhugs te/ gang na rgya stong phrag bcu la dbang bsgyur ba'i tshangs pa chen po 'di dag mog mgo por gyur nas/ de bzhin gshegs pa'i sku la lta na yang mig yi yi por gyur/ pa ltos/ klu'i bdag po byang chub sems dpa' 'di dag gi gzugs dang mtshon dang lus dang rgyan rnams la ltos/ klu'i bdag po de dag thams cad ni dge ba'i las mngon par 'du bya ba rnams kyis mngon par 'dus byas pa rgyan pa sgrubs pa'o// klu'i bdag po khyod kyi bkod pa 'di yang bsod nams thams cad las byung ba'o// klu'i bdag po brgya byin dang / tshangs pa dang / 'jig rten skyongs pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
- 119a
lto 'phye chen po dang / mi dang mi ma yin pa 'di dag gi bkod pa gang yin pa de dag thams cad kyang bsod nams las byung ba'o// klu'i bdag po rgya mtsho chen po 'di na gang dag las sna tshogs kyis gzugs mi sdug cing dbyibs mi legs pa dang / lus rags shing che ba rnams dang / gang dag lus phra zhing chung ba de dag thams cad kyang rang rang gi sems dang / lus dang ngag dang / yid kyi las dge ba dang / mi dge ba sna tshogs su byas pas/ sna tshogs su gyur pa dag go// klu'i bdag po de bas na las bdag gir bya ba las kyi bgo skal la spyod pa/ las kyi skye gnas pa/ las kyi rnam par smin pa las rton par bya'o zhes/ klu'i bdag po khyod kyis de ltar slob shig dang / las bdag gir byas pa las kyi bgo skal la spod pa/ las kyi rnam par smin pa la rton pa/ khyed dge ba'i mngon par 'du bya ba la blo 'jug par 'gyur ro// lta ba chud gzon par byed par mi 'gyur ro// chad pa dang rtag par lta ba la gnas par mi 'gyur ro// khyod kyis sbyin pa'i gnas rnams mgu bar byed par 'gyur ro// mgu bar byas nas kyang sti stang byas pa'i rgyu las byung bas lha dang bcas pa'i 'jig rten gyi sti stang byas par 'gyur ro// klu'i bdag po chos gcig gis sems can thams cad kyi/ ngan 'gro ngan song mi khom pa'i las thams cad yang dag par gcod do// chos gcig po gang zhe na/ 'di lta ste/ bdag ji ltar gyur cing nyin zhag rnams 'gro zhig gu rnams
- 119b
su dge ba'i chos rnams la rab tu rtog pa'o// de de ltar dge ba'i chos la rab tu rtog pas/ mi dge ba'i sems dang sems las byung ba'i chos rnams kyi go skabs mi 'byed do// de mi dge ba'i chos spangs te dge ba'i sems can 'di lta ste/ sangs rgyas dang byang chub sems dpa' dang / 'phags pa nyan thos dang / rang sangs rgyas rnams dang 'grogs pa rnyed par 'gyur ro// klu'i bdag po de la dge ba'i chos rnams gang zhe na/ dge ba'i chos shes bya ba ni/ lha dang mi phun sum tshogs pa'i rtsa ba dang rten no// nyan thos dang rang sangs rgyas kyi byang chub kyi rtsa ba dang rten te/ bla na med pa yang dag par rdzogs pa'i byang chub kyi rtsa ba dang rten to// de la rtsa ba dang rten gang zhe na gang 'di dge ba bcu'i las kyi lam rnams so// dge ba bcu'i las kyi lam de dag kyang gang zhe na 'di lta ste/ srog gcod pa spong ba dang / ma byin par len pa dang / 'dod pas log par g.yem dang / rdzun du smra ba dang / phra ma dang / tshig rtsub po dang / tshig kyal pa dang / rnab sems dang / gnod sems dang / log par lta ba spong ba'o// 'di dag ni dge ba bcu'i las kyi lam zhes bya ste/ 'jig rten las 'das pa'i phun sum tshogs pa rnams kyi rtsa ba dang rten to// klu'i bdag po de la srog gcod pa spangs pa'i skyes bu gang zag ni rab tu zhi bar byed pa'i chos bcu thob po// bcu gang zhe na 'di lta ste/ 'dis sems can thams cad la mi 'jigs pa byin pa yin no// de'i sas
- 120a
sems can thams cad la byams par mi dmigs pa la gnas pa yin no// de'i zhe sdang gi bag chags yang dag par chad pa yin no// des nang nyung bar 'gyur ba'i bsgrub pa yongs su bzung ba yin no// des tshe ring ba'i sa bon btab pa yin no// de la mi ma yin pa rnams bsrung ba dang / bskyab pa dang / sbed par byed do// bde bar nyal zhing bde bar sad pa dang / sdig pa'i rmi lam mthong ba yin no// de la nyal ba na yang lha rnams bsrung bar byed do// de la shar gnyer ba med pa yin te/ de la shar gnyer ba'i bag la nyal ba med pa yin no// ngan 'gro thams cad kyis mi 'jigs pa dang / shi 'phos nas kyang bde 'gro mtho ris kyi 'jig rten gyi lha rnams kyi nang du skye bar 'gyur te/ klu'i bdag po srog gcod pa spangs pa'i skyes bu gang zag ni rab tu zhi bar byed pa'i chos bcu po de dag thob po// srog gcod pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu sems yongs su bsngo na/ de dge ba'i rtsa ba des byang chub thob pa na/ sems kyi dbang gis tshe tshad med par 'gyur ro// klu'i bdag po ma byin pa len pa spangs pa'i skyes bu gang zag ni yid rten pa'i chos bcu thob po// bcu gang zhe na 'di lta ste/ longs spyod che zhing de'i longs spyod de dag rgyal po dang / rkun po dang / me dang chu dang / mi mdza' ba dang / nye mtshams kyis mi 'phrogs pa yin no// skye bo mang po'i yid du'o/
- 120b
bas skye bo mang po dga' ba yin no// nye ba'i nyon mongs pa med pa yin no// nor 'brel pa rnams la yid rten du rung ba yin no// phyogs dang phyogs mtshams rnams su de'i sngags pa brjod cing / de la pha rol gyi gnod pa'i 'jigs pa thams cad med pa yin no// de'i dge ba brjod pa'i sgra dang / tshigs su bcad pa mngon par 'phags par 'gyur ro// bag tsha ba med par 'khor gyi nang du 'jug ste/ zhum zhum po med par 'gyur ro// tshe dang stobs dang kha dog dang / bde ba dang spobs pa dang / longs spyod dang / phyug pa phun sum tshogs pa rab tu 'dzin par 'gyur ro// de'i sems sbyin pa yang dag par 'geng pa la 'gro bar 'gyur ro// lus dang bral nas kyang bde 'gro mtho ris kyi/ 'jig rten du lha rnams kyi nang du skye bar 'gyur te/ klu'i bdag po de ltar mi byin par len pa spangs pa'i skyes bu gang zag ni yid brtan pa'i chos bcu po de dag thob po// ma byin pa len pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ de dge ba'i rtsa ba des de bzhin gshegs pa nye ba'i nyon mongs pa can ma yin pa'i ye shes can du rang gi mngon par shes pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// klu'i bdag po 'dod pa la log par g.yem pa spangs pa'i skyes bu gang zag ni mkhas pas sngags pa'i chos bzhi thob po// bzhi gang zhe na/ 'di lta ste/ dbang po
- 121a
sdom pa dang / rgod pa las yang dag par 'da' ba dang / 'jig rten thams cad kyi bsngags pa dang / chung ma mi 'phrog pa ste/ klu'i bdag po 'dod pa log par g.yem pa spangs pa'i skyes bu gang zag ni mkhas pas bsngags pa'i chos bzhi po de dag thob po// 'dod pa la log par g.yem pa spangs pa'i dge ba'i rtsa ba de gal te/ bla na med pa yang dag par rdzogs pa'i byang chub tu yongs su bsngo na/ dge ba'i rtsa ba des skyes bu chen po'i mtshan 'doms kyi sba ba sbubs su nub pa thob po// klu'i bdag po brdzun du smra ba spangs pa'i skyes bu gang zag ni/ lha dang mis bsngags pa'i chos brgyad thob po// brgyad gang zhe na/ 'di lta ste/ ud pa la'i dri 'byung bas kha dog yongs su dag pa thob par 'gyur ba dang / 'jig rten thams cad kyi tshad mar 'gyur ba dang / lha dang mi dga' bas dbang cig por 'gyur ba dang / dbugs 'byin pas 'byung po rnams dogs pa med par 'gyur ba dang / lhag pa'i bsam pa phun sum tshogs pas lus dang / ngag dang sems yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig bzung bar 'os pas ngag nyan par 'gyur ba dang / shes rab thob pas lha dang mi rnams kyi nang du kha na ma tho ba med par 'gyur ba yin te/ klu'i bdag po rdzun du smra ba spangs pa'i skyes bu gang zag ni lha dang mis bsngags pa'i chos brgyad po de dag
- 121b
thob po// brdzun du smra ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ de dge ba'i rtsa ba des bden pa'i rjes su 'jug pa'i tshig tu 'gyur te// klu'i bdag po phra ma'i tshig spangs pa'i skyes bu gang zag ni mi phyed pa lnga thob po// lnga gang zhe na 'di lta ste/ gzhan gyi gnod pa'i 'jigs pa thams cad las shin tu 'da' bar lus mi phyed pa thob pa dang / las kyi rnam par smin pa la yid ches pas dad pa mi phyed pa thob pa dang / sgrub pa po'i snying por byed pas chos las mi phyed pa thob pa dang / mi slu bas mdza' bo mi phyed pa thob ste/ klu'i bdag po phra ma'i tshig spangs pa'i skyes bu gang zag ni/ mi phyed pa lnga po de dag thob po// phra ma'i tshig spangs pa'i dge ba'i rtsa bas de dag gal te bla na med pa yang dag par rdzogs pa'i byang chub tu yongs su bsngo na/ de dge ba'i rtsa ba des g.yog mi phyed pa'i de bzhin gshegs par 'gyur ro// bdud dang phas kyi rgol ba thams cad kyis kyang de bzhin gshegs pa de'i 'khor bye bar mi nus so// klu'i bdag po tshig rtsub mo spangs pa'i skyes bu gang zag ni/ ngag gi las yongs su dag pa brgyad thob po// brgyad gang zhe na 'di lta ste/ tshig ran pa dang / bzung ba'i tshig dang / mnyan pa'i tshig dang / skye bo mang po la dga' pa'i tshig dang / mi smad pa'i tshig yin te/ klu'i bdag po tshig rtsub mo spangs pa'i skyes bu gang zag ni ngag gi las yongs su dag pa brgyad po de dag thob po// tshig rtsub
- 122a
mo spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ de dge ba'i rtsa ba des de bzhi/ gshegs pa tshangs pa'i sgra skad sbags pa'i dbyangs su 'gyur ro// klu'i bdag po tshig 'khyal pa spangs pa'i skyes bu gang zag ni cig tu nges pa gsum thob po// gsum gang zhe na 'di lta ste/ tshig ran pas mkhas pa rnams cig tu nges par dga' ba dang / lan legs par ldon pas gcig tu nges pa de'i blo bden pa la 'gro ba dang / bcos ma ma yin par mdza' bas gcig tu nges par lha dang mi'i che ba nyid thob pa yin te/ klu'i bdag po tshig 'khyal pa spangs pa'i skyes bu gang zag ni/ gcig tu nges pa gsum po de dag thob po// tshig 'khyal pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ de dge ba'i rtsa ba des mi phyed par lung ston cing gzhan du mi gsung ba'i de bzhin gshegs par 'gyur ro// klu'i bdag po brnab sems spangs pa'i skyes bu gang zag ni dbang po lnga thob po// lnga gang zhe na 'di lta ste/ dbang po ma tshang ba med pas lus dang / ngag dang sems la dbang ba thob pa dang / dgra bcom pa thams cad kyi mi rdzi bas longs spyod pa dang / dbang phyug la dbang ba rgya chen po thob pa dang / bsod nams kyi dbang gis de'i sems longs spyod pa dang / yongs su spyod pa rgya chen po thams cad la 'gro ba dang / dgab pa mchog thob pas
- 122b
par rdzogs pa'i byang chub tu yongs su bsngo na/ dge ba'i rtsa ba des de la sangs rgyas kyi chos thams cad mngon du 'gyur te/ mngon par shes par myur ba'i de bzhin gshegs par 'gyur ro// klu'i bdag po dge ba bcu'i las kyi lam 'di dag ni 'jig rten pa dang / 'jig rten las 'das pa'i phun sum tshogs pa nas/ bla na med pa yang dag par rdzogs pa'i byang chub kyi bar gyi rtsa ba dang rten no// bzlog na mi dge ba bcu'i las kyi lam rnams te/ de dag shas cher sten cing sgoms te mang du byas na/ sems can dmyal ba'i rgyu'o// 'bring ni dud 'gro'i skye gnas kyi rgyu'o// chung ngu ni gshin rje'i 'jig rten gyi rgyu'o// klu'i bdag po de srog gcod pa sten cing bsgoms te mang du byas na sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid ngo // de nas gal te mi rnams kyi nang du skyes na yang / rnam par smin pa gnyis mngon par bsgrub te tshe thung ba dang nad mang bar 'gyur ba'o// ma byin pa len pas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skye na yang / rnam par smin pa gnyis mngon par bsgrub ste/ longs spyod chung ba dang / thun mong gi longs spyod du 'gyur/ ba'o// 'dod pa la log par g.yem pas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams
- 123a
kyi nang du skyes na yang rnam par smin pa gnyis mngon par bsgrub ste/ g.yog 'khor brtan du mi rung ba dang / 'gran zla dang bcas pa'i chung mar 'gyur ba'o// brdzun du smra bas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnas kyi nang du skyes na yang / rnam par smin pa gnyis mngon par bsgrub ste/ skur ba mang ba dang / gzhan gyis slu bar 'gyur ro// phra mas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par bsgrub ste/ g.yog 'khor mi 'dum pa dang / g.yog 'khor ngan par 'gyur ro// tshig rtsub pos ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang / rnam par smin pa gnyis mngon par bsgrub ste/ yid du mi 'ong ba gnyis pa dang / thab mo'i tshig tu 'gyur ba'o// tshig khyal pas ni sems can dmyal bar khrod do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skye na yang / rnam par smin pa gnyis mngon par bsgrub ste/ bzung bar 'os pa'i tshig ma yin pa dang / ma nges pa'i slob par 'gyur ba'o// rnab sems kyi ni sems can dmyal bar khrid do//
- 123b
rgyal po dbang pos mchod pa dang / sngon phrag dog med pa las longs spyod ji ltar smon pa rnams de las stong phrag rgya 'gyur du khyad par du 'gyur ba thob po// klu'i bdag po brnab sems spangs pa'i skyes bu'i gang zag ni/ dbang po lnga po de dag thob po// brnab sems spangs pa'i dge ba'i rtsa ba gal te bla na med pa yang dag par rdzogs pa'i byang chub tu yongs su bsngo na/ de dge ba'i rtsa ba des 'jig rten gsum gyi mchod pa'i de bzhin gshegs pa'i ston pa gcig pur 'gyur ro// klu'i bdag po/ gnod sems spangs pa'i skyes bu gang zag ni yid bde bar byed pa'i chos brgyad thob po// brgyad gang zhe na 'di lta ste/ de'i sems rnam par mi 'che ba la 'gro ba par 'gyur ba dang / de'i sems gnod sems rab tu zhi ba la 'gro bar 'gyur ba dang / de'i sems brtsod pa med cing 'thab pa med pa la 'gro bar 'gyur ba dang / de'i sems drang zhing gnyen nges pa la 'gro bar 'gyur ba dang / 'phags pa'i skye bor grags par 'gyur ba dang / sems can thams cad bde bar dga' zhing byams pa'i sems phan pa'i dngos po mang bar 'gyur ba dang / bde ba la mngon par dga' zhing dang ba mang ba la skye bo mang pos sti stang bya bar 'gyur ba dang / sems snum zhing las su rung bas tshangs pa'i 'jig rten du skye ba thob pa mi dkon par 'gyur ba ste/ klu'i bdag po gnod sems spangs pa'i skyes bu gang zag ni yid bde ba byed pa'i chos brgyad po de dag thob po// gnod
- 124a
sems spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na de'i dge ba'i rtsa ba des sems thogs pa med pa'i de bzhin gshegs pa lta bas mi ngoms par 'gyur ro// klu'i bdag po log par lta ba spangs pa'i gang zag ni yon tan gyi chos bcu thob po// bcu gang zhe na 'di lta ste/ bsam pa dge bar 'gyur zhing / grogs po dge ba rnyed par 'gyur ba yin/ las kyi rnam par smin pa la yid ches pas/ srog gi phyir yang sdig pa'i las mi byed pa yin/ lhar sangs rgyas 'dzin gyi/ gzhan lhar mi 'dzin pa yin/ ngo mtshar dang bkra shis dang bral bas lta ba drang ba yin/ grogs lha dang mi yin gyis/ dud 'gro'i skye gnas pa dang gshin rje'i 'jig rten pa grogs su mi 'gyur ba yin/ bsod nams sbyangs pas khyad par du 'gro ba yin/ log pa thams cad med pas 'phags pa'i lam du zhugs pa yin/ 'jig tshogs la lta ba dang bral zhing sdig pa thams cad yongs su spangs pa yin/ yang dag par song shing yang dag par zhugs pas sgrib pa med par mthong ba yin/ lha dang mi rnams kyi nang du mi khom pa dang bral ba yin te// klu'i bdag po log par lta ba spangs pa'i skyes bu gang zag ni yon tan gyi chos bcu po de dag thob po// log par lta ba spang pa'i dge ba'i rtsa ba de gal te bla na med pa yang dag
- 124b
dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na/ rnam par smin pa gnyis mngon par sgrub ste chog mi shes pa dang / 'dod pa cher 'gyur ba'o// gnod sems kyi sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnam kyi nang du skyes na yang rnam par smin pa gnyis mngon par bsgrub ste/ mi phan pa 'dod pa dang / gzhan gyi gnod pa bya bar 'gyur ba'o// log par lta bas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par bsgrub ste/ lta ba ngan par ltung ba dang / g.yo sgyu can du 'gyur ba'o// klu'i bdag po de ltar na/ mi dge ba bcu'i po drag gis sdug bsngal gyi phung po tshad med pa yang dag par bsgrub par 'gyur ro// klu'i bdag po de la srog gcod pa spangs pa'i byang chub sems dpas sbyin pa byin na/ longs spyod che bar 'gyur ro// longs spyod mi 'phrogs pa dang / tshe ring bar 'gyur ro// byang chub sems dpa' spyad pa spyod pa ni yang gzhan gyi gnod po bya ba'i 'jigs pa las yang dag par 'das par 'gyur ro// klu'i bdag po ma byin pa len pa spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / dngos po thams cad la mi lta bar yongs su gtong ba can
- 125a
du 'gyur ro// byang chub sems dpa'i spyad pa spyod pa na yang / sangs rgyas kyi chos thams cad yang dag par sgrubs pas/ bla na med pa'i chos rnyed par 'gyur ro// klu'i bdag po 'dod pa log par g.yem pa spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / chung ma mi g.yem par 'gyur ro// byang chub sems dpa'i spyad pa spyod pa na yang / ma dang bu dang / chung ma la yang su yang sdang ba'i sems kyis lta bar mi 'gyuraro// klu'i bdag po brdzun du smra ba spangs pa'i byang chub sems dpas sbyin pa byin no longs spyod che bar 'gyur/ longs spyod mi 'phrogs pa dang / bkur ba 'debs pa med par 'gyur ba'i nan tan bzung bar 'gyur ro// byang chub sems dpa' sprad pa spyod pa na yang ji skad smras bzhin du byed do// yi dam la brtan par 'gyur ro// klu'i bdag po phra ma'i tshig spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / g.yog 'khor mi phyed par 'gyur ro// byang chub sems dpa'i spyad pa spyod pa na yang / bsam pa 'thun pas byang chub sems dpa' g.yog 'khor thob po// klu'i bdag po tshig rtsub po spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / gzungs pa'i tshig tu 'gyur/ btsun pa'i tshig tu 'gyu ro// byang chub sems dpa'i spyad
- 125b
pa spyod pa na yang 'khor mgu bar su yang mi 'gro'o// klu'i bdag po tshig khyal pa spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / mnyan par 'os par 'os pa'i tshig tu 'gyur/ yid ches pa'i tshig tu 'gyur ro// byang chub sems dpa'i spad pa spyod pa na yang / the tshom thams cad spyod pa la yang mkhas par 'gyur ro// rnab sems spangs pa'i byang chub sems dpas sbyin pa byin na/ longs spyod che bar 'gyur/ longs spyod mi 'phrogs pa dang / longs spyod dang / yongs su spyod pa rgya chen po la de'i sems 'gro bar 'gyur ro// byang chub sems dpa'i spyad pa spyod pa na yang / rgya chen po la mos shing dbang che bar grags par 'gyur ro// klu'i bodag po gnod sems spangs pa'i byang chub sems dpas sbyin pa byin na/ longs spyod che bar 'gyur mdzes pa dang skye bo mang po dga' zhing yid du 'ong bar 'gyur ro// byang chub sems dpa'i spyad pa spyod pa na yang thogs pa med blo dang / thogs pa med po'i sems dang / dbang po ma tshang ba med par 'gyur ro// klu'i bdag po log par lta ba spangs pa'i byang chub sems dpas sbyin pa byin na/ longs spyod chen por 'gyur/ longs spyod mi 'phrogs pa dang / sangs rgyas la dad cing yang dag par lta ba'i khyim du skye'o// byang chub sems dpa'i spyad pa spyod pa na yang / sangs rgyas la lta ba dang / chos nyan pa dang / dge 'dun la/
- 126a
/ bsnyen bkur byed pa dang / byang chub tu sems bskyed pa dang mi 'bral bar 'gyur ro// klu'i bdag po de ltar dge ba bcu'i las kyi lam 'di dag sbyin pas brgyan na/ 'byor pa chen por 'gyur ro// dge ba'i chos bcu'i las kyi lam 'di dag nyid tshul khrims kyis brgyan na/ sangs rgyas kyi chos thams cad kyi don du smon pa yongs su rdzogs par 'gyur ro// dge ba bcu'i las 'di dag bzod pas brgyan na/ mtshan dang dpe byad bzang po dang / sangs rgyas kyi dbyangs yongs su rdzogs par 'gyur ro// de bzhin du sbyar te/ brtson 'grus kyis brgyan na bdud phyir rgol ba bcom pa dang / sangs rgyas kyi chos thams cad rdzogs par 'gyur ro// bsam gtan gyis brgyan na/ dran pa dang / blo gros dang / rtogs pa dang / ngo tsha shes pa dang / dga' ba yongs su dag par 'gyur ro// shes rab kyi brgyan na/ lta ba ngan pa thams cad yang dag par 'joms par 'gyur ro// byams pas brgyan na sems can thams cad la khong khro ba med pa'i sems su 'gyur ro// snying rjes rgyan na sems can thams cad yongs su mi gtong bar 'gyur ro// dge bas rgyan na/ zhum pa med pa'i sems su 'gyur ro// btang snyoms kyis rgyan na rjes su chags pa dang / khong khro ba spong bar 'gyur ro// bsdu ba'i dngos pos rgyan na sems can thams cad yongs su smin par byed par 'gyur ro// dran pa nye bar gzhag pas brgyan na lus dang
- 126b
tshor ba dang sems dang / chos la mkhas par 'gyur ro// yang dag pas spong bas brgyan na/ mi dge ba'i chos thams cad spong ba dang / dge ba'i chos thams cad yongs su rdzogs par 'gyur ro// rdzu 'phral gyi rkang pas rgyan na lus dang sems yang bar 'gyur ro// dbang po lngas rgyan na dad pa brtan pa dang / brtson 'grus 'bar ba dang / rmongs pa med pa dang / sems las su rung ba la mkhas pa dang / nyon mongs pa thams cad spong ba la mkhas par 'gyur ro// stobs kyis rgyan na rdzi ba med cing dbul ba dang / nyes pa thams cad 'joms par 'gyur ro// byang chub kyi yan lag gis brgyan na/ chos thams cad yang dag pa ji lta ba bzhin du khong du chud par 'gyur ro// lam gyis brgyan na yang dag pa'i ye shes 'grub par 'gyur ro// zhi gnas kyis rgyan na nyon mongs pa thams cad 'joms par 'gyur ro// lhag mthong gis brgyan na/ chos thams cad yang dag pa ji lta ba bzhin du khong du chud pa'i shes rab dang ye shes su 'gyur ro// thabs kyis rgyan na 'dus byas dang 'dus ma byas kyi bde ba thob par 'gyur ro// klu'i bdag po mdor na dge ba bcu'i las kyi lam 'di dag gis stobs bcu yongs su rdzogs par 'gyur ro// mi 'jin pa ba'i thob pa dang / sangs rgyas kyi chos ma 'dres pa bco brgyad thob pa nas sangs rgyas kyi chos thams cad kyi bar dag thod pa yongs su rdzogs par 'gyur ro// klu'i
- 127a
bdag po de bas na dge ba bcu'i las kyi lam 'di dag rgya cher rnam par dbye bas brgyan pa'i phyir brtson par gyis shig/ klu'i bdag po 'di lta ste/ dper na sa la gnas pa'i grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor thams cad dang / rtswa dang / shing gel pa dang / sman dang / nags tshal thams cad dang / yas kyi mtha' thams cad dang / sa bon thams cad dang / sa bon gyi tshogs thams cad dang / 'byung po'i tshogs thams cad dang / lo tog thams cad bskyed pa dang / mo brko ba bya ba 'byung ba de dag gi gnas ni sa yin no// klu'i bdag po de bzhin du dge ba bcu'i las kyi lam rnams kyang lha dang mir skye ba'i rten to// slob dang mi slob pa'i 'bras bu rnyed pa dang / nyan thos dang / rang sangs rgyas kyi byang chub dang / sangs rgyas dang / byang chub sems dpa'i spyod pa thams cad kyi rten yin pa nas/ sangs rgyas kyi chos thams cad kyi bar gyi rten yin no// bcom ldan 'das kyis de skad ces bka' stsal nas/ klu'i rgyal po rgya mtsho dang / dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// /
- 127b
/ 'phags pa klu'i rgyal po mtshos zhus pa zhes bya ba/ theg pa chen po'i mdo rdzogs s+ho// // rgya gar skad du/ Ar+ya rad na ko tir na ma ma hA ya na sU tra/ bod skad du/ 'phags pa rin po che'i mtha' zhes bya ba theg pa chen po'i mdo sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na bya rgod phung po'i ri la/ dge slong lnga brgya tham pa'i dge slong gi dge 'dun chen po dang / thabs gcig tu bzhags te/ de nas 'jam dpal gzhon nur gyur pa mtshan mo srod la/ bcom ldan 'das kyi bzhugs khang ga la ba der dong ste phyin nas/ bzhugs khang gi sgo drung na 'dreng ste/ bcom ldan 'das la bstod do// de'i tshe bcom ldan 'das rin po che'i mtha' zhes bya ba'i ting nge 'dzin la snyoms par zhugs so// de nas bcom ldan 'das dran pa dang mkhyen bzhin du/ ting nge 'dzin de las bzhengs nas/ 'jam dpal gzhon nur gyur pa sgo na 'dug pa gzigs so// gzigs nas kyang 'jam dpal khyod nang du shog ces de skad ces bka' stsal to// bcom ldan 'das legs so legs so zhes gsol to// 'jam dpal gzhon nur gyur pas/ bcom ldan 'das kyi ltar mnyan nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs cig tu 'greng ngo // 'jam dpal gzhon
- 128a
nur gyur pa phyogs cig tu 'greng ba dang / bcom ldan 'das kyis stan la 'dug ces snang ba mdzad do// bcom ldan 'das kyis snang bas/ de nas 'jam dpal gzhon nur gyur pa/ bcom ldan 'das ga la ba de logs su thal mo sbyar ba btud nas phyogs gcig tu 'dug go/ phyogs gcig tu 'dug nas/ bcom ldan 'das la 'jam dpal gzhon nur gyur pas 'di skad ces gsol to// bcom ldan 'das nga gdod ting nge 'dzin gang gis bzhugs bzhugs pa las bzhengs lags de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to// 'jam dpal rin po'i tshe'i mtha' zhes bya ba'i ting nge 'dzin yod do// ting nge 'dzin des ngad gdod gdod gnas pa las langs so// gsol pa/ bcom ldan 'das ci'i slad du/ de la rin po che'i mtha' bgyi lags/ bcom ldan 'das kyis bka' stsal pa/ 'jam dpal 'di lta ste dper na/ nor bu rin po che shin tu dag cing shin tu byi dor byas pa/ sa phyogs mnyam pa la bzhag na gang dang gang kho nar bzhag pa de dang der rin po che bye ba gnas par 'gyur ro// 'jam dpal de bzhin du nga ting nge 'dzin de la gnas nas/ shar phyogs su ltas te/ shar phyogs su bltas na/ ngas 'jig rten gyi khams dpag tu med pa grangs med pa dag na/ de bzhin gshegs pa dgra bcom pa yang dag par rdzogs pa'i sangs
- 128b
rgyas chos ston cing bzhugs pa dag mthong ngo // de bzhin du lho phyogs dang / nub phyogs dang / byang phyogs dang / 'og dang / steng nas phyogs bcu'i bar du ltas na/ ngas 'jig rten gyi khams dpag tu med pa dag na/ de bzhin gshegs pa dgra bcom pa yang dag par rdzogs pa'i sangs rgyas chos ston cing bzhugs pa dag mthong ngo // 'jam dpal ngas ting nge 'dzin 'di la gnas nas/ gang yang dag pa ma yin pa'i chos de gang yang / yang dag par rjes su ma mthong ngo // 'jam dpal yang dag pa'i phyag rgya 'di ngas phyag rgyar/ bzhag ste/ dad can gyi rigs kyi bu rnams dang / rigs kyi bu mo rnams kyi phyag rgya 'di la spyad na/ spobs pa mi chod par 'dzin par 'gyur ro// gsol pa/ bcom ldan 'das spobs lags so// bde bar gshegs pa bdag spobs lags so// bka' stsal pa/ 'jam dpal khyod spobs par gyis shig/ gsol pa/ bcom ldan 'das dper bgyi na/ nor bu rin po che de nyid ngos gang dang gang kho na phab ste/ bzhag pa ni rin po che'i ngos de dang de kho na 'bab cing gnas par 'gyur ba lags so// bcom ldan 'das de bzhin du chos thams cad ni yang dag pa'i mtha'i kho nas gnas lags so// bka' stsal pa/ 'jam dpal khyod kyis yang dag pa'i mtha' shes sam/ gsal pa/ bcom ldan 'das 'tshal lags so// bka' stsal pa/ 'jam dpal 'on yang dag pa'i mtha' gan 'dug/ gsol pa/ bcom ldan 'das yang dag pa'i mtha' ni
- 129a
bdag gi mtha' ga na mchis pa de na mchis lags so// yang dag pa'i mtha' ni so so'i skye bo'i chos rnams gang na mchis pa de na mchis lags so// yang dag pa'i mtha' ni las sam/ rnam par smin pa yang ma lags la/ chos thams cad kyi mtha' yang de kho na lags so// bcom ldan 'das gang dag ni de ltar mos de dag gang las kyang rnam par grol ba ma mchis lags so// gang dag gang las kyang grol ba ma mchis pa de dag ni log pa las rnam par grol ba lags so// gang log pa las rnam par grol ba de dag ni yang dag par rnam par grol ba lags so// gang dag yang dag par rnam par grol ba de dag ni spyod yul ma lags pa la zhugs pa lags so// gang dag spyod yul ma lags pa la zhugs pa de dag ni yang dag par zhugs pa lags so// de ci'i slad du zhe na/ bcom ldan 'das spyod yul ma lags pa zhes bgyi ba ni/ spyod yul des bgyis pa ma lags pa ste/ de'i slad du spyod yul ma lags pa zhes 'dogs lag so// bka' sprul pa/ 'jam dpal spyod yul ma yin pa zhes bya ba de gang gi tshig bla dgas yin/ gsol pa/ bcom ldan 'das spyod yul ma lags pa zhes bgyi ba de ni yang dag pa'i mtha'i tshig bla dgas so// bka' stsal pa/ 'jam dpal lam sgom pa zhes bya ba de gang gi tshig bla dgas yon/ gsol pa bcom ldan 'das lan
- 129b
bsgom pa zhes bgyi ba de ni/ lam bsgom pa ma mchis pa'i tshig bla dgas lags so// bka' stsal pa/ 'jam dpal khyod las dang po pa'i rigs kyi bu rnams dang / rigs kyi bu mo rnams la chos ji ltar ston/ gsol pa/ bcom ldan 'das bdag ni las dang po pa'i rigs kyi bu rnams dang / rigs kyi bu mo rnams la 'jigs tshogs dor du ma mchis pa'i chos ston pa lags so// bdag ni 'dod chags dang / zhe sdang dang / gti mug rnams spangs du ma mchis par chos ston lags so// de ci'i slad du zhe na/ bcom ldan 'das chos 'di rnams kyi rang bzhin gang lags pa de ni spang ba rngo thog pa'i slad du lags so// bcom ldan 'das 'jig tshogs sam/ 'jig tshogs kun 'byung ba spong bar 'tshal ba de ni yang dag pa'i mtha' spong bar bas te/ bcom ldan 'das bdag ni las dang po pa'i rigs kyi bu rnas dang / rigs kyi bu mo rnams la mngon par zhen pa ma mchis pa'i tshul gyis sangs rgyas kyi chos rnams bzung bar mi bgyi ba'am/ mngon sum mi bgyi ba dang / so so skye bo'i chos rnams lhag par mi dmigs pa 'am/ spang bar mi bgyi ba de lta bur chos ston pa lags na/ gdul ba las dang po pa rnams la bcom ldan 'das ji ltar chos ston par mdzad lags/ bka' stsal pa/ 'jam dpal nga ni gzugs rnam par 'jig pa med pa dang / skye ba med par chos ston to// tshor ba dang 'du shes dang 'du
- 130a
byed rnams dang / rnam par shes pa rnam par 'jig pa med pa dang / skye ba med par chos ston to// 'dod chags dang zhe sdang dang gti mug rnams rnam par 'jig pa med pa dang / skye ba med pa dang / bsam gyis mi khyab pa'i chos rnams kyang thob pa med par chos ston to// ngas ni 'di ltar chos gang yang mi bshig ma skyed pa de ltar bla na med pa yang dag par rdzogs pa'i byang chub mngon par rdzogs par sangs rgyas so// 'jam dpal sangs rgyas nyid ces bya ba de ni chos kyi dbyings kyi tshig bla dgas so// stobs rnams dang / mi 'jigs pa rnams dang / ma 'dres pa la thug par sangs rgyas kyi chos rnams gang yin pa de dag kyang chos kyi dbyings kho na yin par khong du chud par bya'o// ngas ni chos kyi dbyings la 'di lta ste/ so so'i skye bo'i chos rnams sam/ dgra bcom pa'i chos rnams sam/ rang sangs rgyas kyi chos rnams sam/ sangs rgyas kyi chos rnams kyang rung ste/ de dag tha dad par yang dag par rjes su ma mthong ngo // de ci'i phyir zhe na/ 'jam dpal dbyings de la ni bye brag med de/ 'di lta ste chos kyi dbyings so// chos kyi dbyings ni ma 'dres pa'i dbyings so// 'jam dpal 'di lta ste dper na/ chu klung ming tha dad pa dang / kha dog tha dad pa dang / ro tha dad pa rgya mtsho'i nang du bab pa rnams la ni/ 'di lta ste 'di ni gang ga'o zhe 'am/ si ta'o zhe 'am/ ya mu na'o zhes bye brag tu dbye ba 'am/ tha dad du byar mi nus/
- 130b
'jam dpal de bzhin du ming tha dad pa'i chos rnams chos kyi dbyings la 'di ni so so skye bos chos rnams so zhe 'am/ nyan thos dang rang sangs rgyas dang / byang chub sems dpa' dang / sangs rgyas kyi chos rnams so zhes tha dad par gdags par mi nus so// 'jam dpal 'di lta ste dper na/ 'bru'i phung po sna tshogs la 'di ni che ge mo zhig gi phung po'o// 'di ni che ge mo zhig go zhes gdags su yod pa bzhin/ chos kyi dbyings la ni 'di dag so so'i skye bo'i chos rnams so zhe'am/ nyan thos dang / rang sangs rgyas dang / byang chub sems dpa' dang / sangs rgyas kyi chos rnams so zhes tha dad par gdags par mi nus so// 'jam dpal 'di lta ste dper na/ 'bru'i phung po sna tshogs la ni 'di ni che ge mo zhig go zhes gdags su yod pa bzhin du/ chos kyi dbyings la ni 'di dag so so skye bo'i chos rnams so// 'di dag ni dgra bcom pa chos rnams so// 'di dag ni rang sangs rgyas kyi chos rnams so// 'di dag ni byang chub sems dpa'i chos rnams so// 'di dag ni rang sangs rgyas kyi chos rnams so zhes tha dad par gdags par mi nus so// 'di ni chos kyi dbyings te/ de ni 'di na 'dug go zhe 'am/ ga ge zhig na 'dug go zhes de ltar bstan pa 'am/ gdags par mi nus/ so// de ci'i phyir zhe na/ 'di ltar chos kyi dbyings ni bltar mi mthong zhing bstan du med de/ gdags par bya ba ma yin zhing gdags pa las yang dag par 'das pa'i phyir ro// /
- 131a
'gro ba 'di de lta bu'i dbyings yin par ngas ji skad bstan pa la gal te mtshams med pa byed pa de ltar mos te/ mtshams med pa yang de lta bu'i dbyings yin par shes nas de kun nas nyon mongs pa can du mi 'gyur ro// de ci'i phyir zhe na/ 'jam dpal mtshams med pa ni chos kyi dbyings dang mtshungs mnyam pa'i phyir te/ 'di ltar mtshams med pa'i dbyings dang / chos kyi dbyings ni gnyis su med cing gnyis su dbyer med de/ 'di la 'ong ba 'am 'gro ba 'am/ kun nas ldang ba mi dmigs so// bcom ldan 'das kyis de skad ces bka' stsal pa dang / 'jam dpal gzhon nur gyur pas bcom ldan 'das la 'di skad ces gsol to// bcom ldan 'das bdag gis kyang chos kyi dbyings ngan song du 'chi ba 'am/ mtho ris su 'chi ba 'am/ mya ngan las 'das par 'chi bar ma mthong lags so// bka' stsal pa/ 'jam dpal gal te la la zhig khyod la 'di skad du 'dri ste/ khyod kyi ston pa 'gro ba drug dang ldan pa'i 'khor ba ji ltar 'dogs shes de skad dris/ 'jam dpal khyod kyis ji skad lan gdab/ gsol pa/ bcom ldan 'das de skad smras na/ bdag gis 'di skad du lan gdab par bgyi ste/ dper na mi gnyid kyis log pa'i rmi lam du sems can dmyal ba 'am/ dud 'gro'i skye gnas sam/ yi dgas kyi yul lam/ lha ma yin gyi ris so//
- 131b
lha rnams sam/ mi rnams mthong na/ bcom ldan 'das ji ltar g.yar lam rmi ba'i mis sna tshogs mthong yang / g.yar lam sna tshogs ma mchis pa de bzhin du/ bdag gis 'gro ba tha dad pa bstan kyang chos kyi dbyings kyi ngo bo nyid ni tha dad par gdags par rngo mi thog ste/ de lta lags pas bcom ldan 'das bdag gis ni de skad ces lan gdab par dgyi lags so// bcom ldan 'das de bzhin du sangs rgyas rnams dang / byang chub sems dpa' rnams dang / rang sangs rgyas rnams/ dang / nyan thos rnams kyi yongs su mya ngan las 'das pa yang tha dad par gdags par rngo mi thog lags so// bcom ldan 'das de dag gi gnas pa dag kyang tha dad par gdags par rngo mi thog lags so// de ci'i slad du zhe na/ 'di ltar chos kyi dbyings la tha mi dad pa'i slad du lags so// bcom ldan 'das dper bgyi na// rgya mtsho chen po'i rin po che sna tshogs dang dang / man shel dang / byi ru la sogs pa tha ma dang / 'bring dang / mchog rnams la 'di ni rin po che che ge mo zhig go// 'di ni rin po che che ge mo zhig go zhes tha dad par gdags su mchi lags kyi/ chos kyi dbyings la ni de ltar tha dad par gdags pa rngo mi thog la/ gdags pa de la yang tha dad par dbyer ma mchis lags so// de la 'chi 'pho dang skye ba tha dad gdags pa rngo mi thog lags so// de ci'i slad du zhe na/ chos kyi dbyings la ni 'chi 'pho 'am/
- 132a
// skye ba 'am/ kun nas nyon mongs pa 'am/ rnam par byang ba ma mchis pa'i slad du lags so// chos kyi dbyings ni kun nas nyon mongs pa can ma lags/ chos kyi dbyings ni 'dres pa lags te/ chos kyi dbyings la gang dag spangs par bgyi ba 'am/ bskyed par bgyi ba'i chos de dag ma mchis lags so// de nas bcom ldan 'das kyis mkhyen bzhin du 'jam dpal gzhon nur gyur pa la 'di skad ces bka' stsal to// 'jam dpal khyod kyis chos kyi dbyings shes sam/ gsol pa/ gal te dmigs na bdag gis 'tshal lags so// bka' stsal pa/ 'jam dpal 'jig rten gang la spyod shes sam/ gsol pa/ bcom ldan 'das 'jig rten ni sgyu ma sprul pa'i mi gang kho na la spyod pa de/ de la spyod lags so// bcom ldan 'das 'jig rten zhes bgyi ba de ni ming tsam du bas te/ bdag gis ni gang bstan par bgyi 'jig rten gyi dngos po dang / 'jig rten gang la spyod pa yang dag par rjes su ma mthong lags so// bdag gis chos kyi dbyings las tha dad par yang dag par rjes su mthong lags so// de ci'i slad du zhe na/ ma mchis pa'i slad du lags so// bcom ldan 'das kyis 'jig rten gang la spyod ces bka' stsal pa/ gzugs kyi ngo bo nyid gang lags pa de la ni 'chi 'pho ba dang skye ba'ang ma mchis/ de la 'jigs pa 'am rab tu 'jig pa yang ma
- 132b
mchis na gang spyod par 'gyur lags/ de bzhin du tshor ba dang / 'du shes dang / 'du byed dang / rnam par shes pa rnams kyi ngo bo nyid gang lags pa de ni brtan ma mchis pa'i slad du skye ba 'am 'gag pa ma mchis la mtshan nyid gcig las mi 'da' ste/ 'di lta ste mtshan nyid gcig pa lags so// bka' stsal pa/ 'jam dpal 'di ji snyam du sems/ nga da ltar de bzhin gshegs pa dgra bcom pa yang dag par rdzogs pa'i sangs rgyas su gyur pa 'di la khyod 'di snyam du 'di yongs su mya ngan las 'da' bar 'gyur ba 'am/ mi snang bar 'gyur ro snyam du sems sam/ gsol pa/ bcom ldan 'das de ni ma lags so// de ci'i slad du zhe na/ chos kyi dbyings ni yang dag par grub pa ma mchis pa'i slad du lags so// bcom ldan 'das gal te chos kyi dbyings yang dag par grub pa zhig lags na ni/ de'i slad du de mi gda' bar yang 'gyur ba zhig na/ de la ni yang dag par grub pa mi dmigs pa ste/ de mi gda' ba 'am/ yongs su mya ngan las 'da' ba lta ga la 'gyur lags/ de bzhin gshegs pa ni de lta bu'i dbyings te/ de'i slad du bcom ldan 'das ni skyes pa yang ma lags/ yongs su mya ngan las 'da' yang mi 'gyur lags so// bcom ldan 'das kyis bka' stsal pa/ 'jam dpal 'o na khyod 'das pa'i de bzhin gshegs pa/ gang ga'i klung gi bye ma snyed po de dag yongs su mya ngan las 'das so zhes de la khyod ji ltar mos/ gsol pa/ gal
- 133a
te de dag gi skye ba yang dag par rjes su mthong na ni bdag mos lags so// bka' stsal pa/ khyod so so'i skye bo shi ba rnams nyid mtshams sbyor bar 'dod dam/ gsol pa/ bcom ldan 'das so so'i skye bo nyid kyang bdag gis yang dag par rjes su ma mthong ba ste/ mi dmigs na de'i nying mtsham sbyor ba lta ga la dmigs lags bka' stsal pa/ 'jam dpal de bzhin gshegs pa chos gnas par bzhed kyis// khyod spobs par gyis shig/ gsol pa/ ji zhig las brtsams te spobs par bgyi lags/ bka' stsal pa/ chos kyi dbyings las rtsoms shig/ gsol pa/ bcom ldan 'das gang chos kyi dbyings ma lags pa'i chos de bdag gis yang dag par rjes su ma mthong lags so// bka' stsal pa/ 'jam dpal mngon pa'i nga rgyal can skrag par 'gyuraro// gsol ba/ bcom ldan 'das gal te/ yang dag pa'i mtha' skrag par 'gyur na ni/ de'i slad du mngon pa'i nga rgyal can rnams kyang skrag par 'gyur lags so// de ci'i slad du zhe na/ bcom ldan 'das yang dag pa'i mtha' yang gzhan la/ mngon pa'i nga rgyal ba yang gzhan pa ni ma lags kyi/ mngon pa'i nga rgyal rnams kyi mtha gang lags pa'i de nyid yang dag pa'i mtha' lags la/ yang dag pa'i mtha' gang lags pa de yang chos thams cad kyi mtha' lags te/ de'i slad du mi skrag
- 133b
lags so// chos thams cad yang dag pa ma sbubs pa zhes bgyi ba 'di ni rdo rje'i gzhi lags so// bcom ldan 'das kyis bka' stsal pa/ 'jam dpal ci'i phyir na/ 'di rdo rje'i gzhi zhes bya/ gsol pa/ bcom ldan 'das chos thams cad ni mi phyed pa lags te/ de'i slad du 'di rdo rje'i gzhi lags so// de bzhin gshegs pa bsam gyis mi khyab pa'i slad du/ chos thams cad bsam gyis mi khyab pa 'di ni rdo rje'i gzhi lags te/ ci'i slad du rdo rje'i gzhi zhes bgyi zhe na/ chos thams cad sems ma mchis pa'i slad du lags so// chos thams cad byang chub ces bya ba 'di ni rdo rje'i gzhi lags te/ de ci'i slad du zhe na/ chos thams cad ni brjod du ma mchis pa'i slad du ste/ 'di ni ming gang dang gang gis/ chos gang dang gang brjod pa'i chos de dang de/ chos de dang de la ma mchis lags so// gang ma mchis pa de ni stong pa lags so// gang stong pa de ni med pa lags so// gang med pa de ni brjod pa'i rngo mi thogs lags so// brjod du ma mchis pa ni byang chub lags te/ de'i slad du 'di ni rdo rje'i gzhi lags so// chos thams cad ni de bzhin gshegs pa'i yul lags te/ 'di ni rdo rje'i gzhi lags so// bka' stsal pa/ ci dzi rje gzhi zhes bya/ gsol pa/ bcom ldan 'das chos thams cad ni rang gi yul las dben pa lags te/ rtsa'i slad du 'di rdo// jig ga lags so//
- 134a
bka' stsal pa/ 'jam dpal dge slong kun dga' bo de yang chos kyi rnam grangs 'di kun 'dzin par 'gyur na/ 'dir 'ong mtshan ma ngas bya 'am/ gsol pa/ bcom ldan 'das 'di ni chos brjod pa 'am/ bstan pa mchis lags sam/ bdag gis ni yi ge cig kyang bstan par yang dag par rjes su ma mthong lags na/ mang po lta ga la mthong lags/ bka' stsal pa/ 'jam dpal legs so legs so// 'jam dpal khyod kyis 'di skad du/ 'chad pa ni khyod kyi tshig 'di legs par smras pa yin te/ 'jam dpal khyod legs so// 'jam dpal ngas ni phyogs bcu'i 'jig rten gyi khams dpag tu med// grangs med pa dag na/ de bzhin gshegs pa dgra bcom pa yang dag par rdzogs pa'i sangs rgyas rnams chos nyid 'di kho na ston cing bzhags pa dag mthong ngo // de nas tshe dang ldan pa sha ri'i bu rang gi gnas khang nas byung nas/ 'jam dpal gzhon nur gyur pa'i gnas khang ga la ba der song ste phyin nas/ 'jam dpal gzhon nur gyur pa ma mthong ste/ bcom ldan 'das kyi bzhugs khang ga la ba der song nas/ bzhugs khang gi phyi sgo na 'greng ba dang / gsung ba'i gsung thos so// de nas bcom ldan 'ad kyis 'jam dpal gzhon nur gyur pa la 'di skad ces bka' stsal to// 'jam dpal dge slong sha ri'i bu 'di gnas khang gi sgo phyin 'greng ba dang / chos nyan par
- 134b
'dod na/ 'jam dpal sha ri'i bu chos nyan par nang du 'ong bar gyis shig/ gsol pa/ mtha' 'di ni yang dag pa'i mtha' lags na/ gang gi slad rol dang / nang dang gnyi ga ma mchis par gda' lags sam bka' stsal pa/ 'jam dpal de ni ma yin no// gsol pa/ bcom ldan 'das de lta lags pas yang dag pa'i mtha' ni mtha' ma mchis pa lags te/ de lta bu'i mtha' gang lags pa de la ni tshur mchi ba 'am/ phar mchi ba ma mchis te/ bcom ldan 'das de lta bu'i mtha' can gyi btsun pa sha ri'i bu de ni tshur mchi ba 'am/ nang du mchi ba mi rigs lags so// bka' stsal pa/ 'jam dpal gal te nga gnas khang gi nang na nyan thos dag dang lhan cig tu gtam zer zhing 'dag la/ khyod ni phyi rol na 'dug te/ nang du yang mi dbang na/ ci khyod sdug bsngal bar mi 'gyur ram/ gsol pa/ bcom ldan 'das de ni ma lags te/ de ci'i slad du zhe na/ chos thams cad ni chos kyi dbyings su yang dag par 'du ba'i slad du ste/ 'di ni de bzhin gshegs pa zhes brjod pa gang lags pa 'di yang chos kyi dbyings lags te mtshan nyid gcig pa'i slad du/ de bzhin gshegs pa yang gzhan la/ chos kyi dbyings kyang gzhan ma lags so// chos sam/ chos bstan pa zhes bgyi ba 'am/ chos nyan pa zhes bgyi ba'i chos 'di dag kyang gnyis su ma mchis pa'i slad
- 135a
du tha dad pa ma mchis te/ de ci'i slad du yang chos kyi dbyings las tha dad pa ma lags so// 'jam dpal zhes bgyi ba'i yi ge gang lags pa 'di dag nyid kyang chos dbyings su gtogs te/ bcom ldan 'das rnam grangs des na bdag chud zad kyang gdung ba ma mchis lags so// bcom ldan 'das bskal pa gang ga'i klung gi bye ma snyed du chos stan du lags kyang / bdag der mchi yang mi mchi/ der mchir dga' ba 'am/ yongs su gdung ba yang mi skye lags so// de ci'i slad du zhe na/ bcom ldan 'das gnyis shig mchis na ni mi dga' ba 'am/ yongs su gdung ba skye bar 'gyur na/ chos kyi dbyings de ni gnyis su ma mchis te/ de'i slad du bdag dga' ba 'am/ yongs su gdung ba mi 'gyur lags so// bcom ldan 'das chos ston pa mdzad pa// chos bstan pa des kyang / chos gang yang sogs pa'am/ 'bri ba 'am/ 'phel ba 'am/ 'grib pa mi bgyid de/ 'di ltar chos bstan pa de ni gang yang dmigs pas nye bar gnas pa ma lags te/ bcom ldan 'das de'i slad du yang bdag dga' bar mi 'gyur zhing / yongs su gdung bar mi 'gyur lags so// de nas bco ldan 'das kyis tshe dang ldan pa sha ri'i bu la bka' stsal pa/ sha ri'i bu khyod kyis 'jam dpal gzhon nur gyur pa'i spobs pa thos sam/ gsol pa/ bcom ldan
- 135b
'das thos lags te/ bcom ldan 'das ni bcom ldan 'das dang / 'jam dpal gzhon nur gyur pa'i spobs pa thos kyang ci ma rung snyam ste/ de'i slad du bdag 'di na mchis lags so// de nas 'jam dpal gzhon nur gyur pas 'di skad ces gsol to// bcom ldan 'das tshe dang ldan pa sha ri'i bu nang du mchi bar mdzad du gsol/ de nas bcom ldan 'das kyis tshe dang ldan pa sha ri'i bu la 'di skad du/ sha ri'i bu khyod gnas khang gi nang du shog ces bka' stsal to// de nas tshe dang ldan pa sha ri'i bu gnas khang du 'ongs na/ bcom ldan 'das kyi zhabs la phyag 'tshal te/ phyogs gcig tu 'dug go// phyogs gcig tu 'dug pa dang / tshe dang ldan pa sha ri'i bu la 'jam dpal gzhon nur gyur pas 'di skad ces smras so// btsun pa sha ri'i bu khyod don gyi dbang gang mthong bas 'dir 'ongs/ smras pa/ 'jam dpal kho bo ni chos nyan par 'dod pa'i phyir 'dir 'ongs te/ 'di ltar gang na bcom ldan 'das dang / skyes bu dam pa khyod lta bu gnas pa de na bstan pa zab mo yang dag phul du byung ba yod de/ de'i phyir kho bo 'ongs so// smras pa/ btsun pa sha ri'i bu de ni de bzhin te/ bstan pa 'di ni zab po// smras pa/ bcom ldan 'das nyid dang thabs cig tu brtsam pa'i chos bsta/ pa de tsam du zab/ smras pa/ de ni btsun pa sha ri'i bus rtogs par mi 'gyur te/ dgra bcom pa zag pa zad pa ni chos bstan pa 'di'i snod ma yin no// de ci'i phyir zhe na/ 'di
- 136a
ltar chos bstan pa 'di ni so so skye bo'i chos la zhugs pa ma yin/ dgra bcom pa nyid kyi chos la zhugs pa ma yin/ rang sangs rgyas kyi chos la zhugs pa ma yin/ de bzhin gshegs pa'i chos la zhugs pa yin pa'i phyir ro// 'di ni chos gang dmigs pa'i phyir yang zhugs pa ma yin no// 'di ni gang du yang zhugs pa 'am/ ldog pa yang med de/ chos thams cad shin tu dben pa'i phyir ro// smras pa/ 'jam dpal khyod kyi ci las bsams te/ dgra bcom pa zag pa zad pa/ chos bstan pa 'di'i snod ma yin zhes de skad smra/ smras pa/ btsun pa sha ri'i bu dgra bcom pa nyid ni 'dod chags dang / zhe sdang dang / gti mug zad pa yin na/ de gang gi snod yin zhing de gang de gang ji lta bu zhig gi snod du 'gyur snyam ste/ de las bsams nas/ dgra bcom pa zag pa zad pa/ chos bstan pa 'di'i snod ma yin no zhes kho bo de skad smra'o// smras pa/ 'jam dpal kho bo ni chos bstan pa 'di'i don du gtsug lag khang nas gtsug lag khang dang / gnas khang nas gnas khang dang / phug nas phug tu khyod tshol te/ bdag gis khyod la zab la zab pa yang dag pa'i spobs pa 'di lta bu dag thob kyang ci ma rung snyam ste/ 'jam dpal kho bo ni bcom ldan 'das dang / khyod kyis chos bstan pa la chog mi shes so// smras pa/ btsun pa sha ri'i bu khyod chos bstan pas chog mi shes sam/ smras pa/ kho bo tshig mi shes so// smras pa/
- 136b
btsun pa sha ri'i bu ci chos kyi dbyings chos tshol bar byed dam/ smras pa/ 'jam dpal mi byed do// smras pa/ chos kyi dbyings kyang gzhan la/ tshe dang ldan pa sha ri'i bu ni gzhan pa ni ma yin na/ ci'i phyir tshe dang ldan pa sha ri'i bu chos nyan pa la chog mi shes/ de ci'i phyir zhe na/ btsun pa sha ri'i bu chos kyi dbyings ni chos tshol bar mi byed pa'i phyir ro// gal te de tshol bar byed na ni/ de'i phyir de chog shes par 'gyur ba zhig na/ gang gi phyir tshol bar mi byed pa de'i phyir chog mi shes so// smras pa/ 'jam dpal de bzhin gshegs pa ma gtogs par kho bo lta bu chos nyan pa de lta bu khyod kyi ga la rnyed/ smras pa/ btsun pa sha ri'i bu khyod sha ri'i bu yongs su mya ngan las 'da' ba'i chos can yin par mos sam/ smras pa/ mos so// smras pa/ ji ltar mos/ smras pa/ chos thams cad yongs su ma grub pas na/ kho bo yang yongs su mya ngan las mi ba'i chos can yin no snyam du de ltar mos so// smras pa/ btsun pa sha ri'i bu khyod shi 'phos pa med pa dang / skye ba med pa'i chos can yin par mos sam/ smras pa mos so// smras pa/ ji ltar mos/ smras pa/ chos kyi dbyings su rtogs pa'i phyir te/ chos kyi dbyings la 'chi 'pho 'am/ skye ba med pa de ltar mos so// btsun pa sha ri'i bu khyod dgra bcom pa zag pa zad pa/ mi shes pa dang ldan par mos sam/ smras pa/ mos so// ji ltar mos/ smras pa/ shes
- 137a
pa dang / mi shes pa mnyam pa nyid kyi phyir/ dgra bcom pa zag pa zad pa/ mi shes pa dang ldan te/ 'di ltar mi shes pa dang / shes pa ni mi shes pa'i chos can yin pa'i phyir dben pa ste/ de bas na mi shes pa dang / shes pa rnam par mi rtog pa'i phyir/ dgra bcom pa/ zag pa zad pa/ mi shes pa dang ldan par mos so// smras pa/ btsun pa sha ri'i bu khyod dgra bcom pa/ zag pa zad pa/ shes pa dang bral bar mos sam/ smras pa/ mos so// smras pa ji ltar mos/ smras pa/ 'di ltar chos thams cad ni ngo bo nyid dang bral ba ste/ de bas na dgra bcom pa zag pa zad/ shes pa dang bral bar mos so// smras pa/ btsun ba sha ri'i bu khyod dgra bcom pa zag pa zad pa/ rnam par grol ba'i chos can mos sam/ smras pa/ mos so// smras pa ji ltar mos/ smras pa/ nyon mongs pa med pa'i phyir te/ 'di ltar nyon mongs pa med na gang dag las rnam par grol bar 'gyur te/ de ltar mos so so// smras pa/ btsun pa sha ri'i bu khyod sngon gyi de bzhin gshegs pa rnams ma byung zhing yongs su mya ngan las 'das par mos sam/ smras pa/ mos so// smras pa ji ltar mos/ smras pa/ 'jam dpal bsams kyis mi khyab pa'i dbyings la ni skye ba med de/ gang mi skye ba de la ni mi snang bar 'gyur ba 'am/ yongs su mya ngan las 'da' bar 'gyur ba ga la yod de/ de ltar mos so//
- 137b
smras pa/ btsun pa sha ri'i bu khyod sangs rgyas nyid thams cad gcig yin par mos sam/ smras pa mos so// smras pa ji ltar mos/ smras pa/ 'jam dpal chos kyi dbyings la ni tha dad pa med de de lta mos so// smras pa/ btsun pa sha ri'i bu khyod sangs rgyas kyi zhing thams cad/ sangs rgyas kyi zhing gcig yin par mos sam/ smras pa/ mos so// smras pa/ ji ltar mos/ smras pa/ 'jam dpal sangs rgyas kyi zhing thams cad ni mi zad pa/ nyid kyi zhing yin te/ de ltar mos so// smras pa/ btsun pa sha ri'i bu khyod chos thams cad yongs su shes par bya ba ma yin pa dang / spang bar bya ba ma yin pa dang / mngon sum du bya ba ma yin pa dang / bsgom par bya ba ma yin pa dang / mos sam/ smras pa/ mos so// smras pa/ ji ltar mos/ smras pa/ 'jam dpal ngo bo nyid kyis ngo bo nyid yongs su mi shes pa dang / rang bzhin gyis rang bzhin spong ba dang / mngon sum du mi byed pa dang / bsgom par mi byed pa dang / 'gag par mi byed pa dang / len par mi byed pa dang / 'dor bar mi byed pa dang / mtha' de ni mi gnas pa nyid de/ de ltar mos so// smras pa/ btsun pa sha ri'i bu khyod chos kyi dbyings ni phung por mi 'dug pa'i dbyings yin pa dang / chos gang yang skye ba 'am/ 'gag pa med pa dang / chos gang yang phur por 'dug par mos sam/ smras pa/ mos so// smras pa/
- 138a
ji ltar mos/ smras pa/ 'jam dpal chos gang la skye ba 'am/ 'gag pa 'am/ phung por 'dug te mi dmigs te/ de ltar mos so// smras pa/ btsun pa sha ri'i bu khyod shes rab gang yin pa de chos kyi dbyings yin la/ chos kyi dbyings gang yin pa de shes rab yin te/ chos dbyings shes bya ba'i ming yang thob pa dang / de'i phyir dgra bcom pa zhes bya bar mos sam/ smras pa/ mos so// smras pa/ ji ltar mos/ smras pa/ 'jam dpal rtogs par 'gyur ba'i shes rab kyis dgra bcom pa nyid du 'gyur ba de bzhin du/ chos kyi dbyings yongs su shes par zad kyi/ chos kyi dbyings ni 'dod chags kyi bdag nyid dam/ zhe sdang gi bdag nyid dam/ gti mug gi bdag nyid kyang ma yin la/ chos kyi dbyings las kyang dgra bcom pa gud na med de/ de ltar mos so// smras pa/ btsun pa sha ri'i bu khyod chos thams cad sangs rgyas kyi khyu mchog dang mnyam par mos sam/ smras pa/ mos so// smras pa/ ji ltar mos/ smras pa/ 'jam dpal 'di ltar bcom ldan 'das kyis ni/ chos thams cad rang bzhin gyis dben par mngon par rdzogs par sangs rgyas te/ de ltar mos so// smras pa/ btsun pa sha ri'i bu khyod kyi yul ji tsam du khyod kyis lan btab pa legs so// legs so// de tsam zhig khyod la
- 138b
dris kyis da ni rang gi gnas su song shig/ sha ri bus smras pa/ 'jam dpal 'di ltar 'di nyid ni ji srid mtsho'i bar gyi gnas yin no// de nas bcom ldan 'das kyis tshe dang ldan pa sha ri'i bu la bka' stsal pa/ sha ri'i bu rigs kyi bu 'am/ rigs kyi bu mo gang la la chos kyi rnam grangs 'di 'dzin pa 'am/ 'chang ba 'am/ klog pa'am/ kun chub par byed pa des ni/ spobs pa myur du thob par 'gyur ro// gsol pa/ bcom ldan 'das de ni de lta lags te/ ji skad bka' stsal pa bzhin du/ rigs kyi bu 'am/ rigs kyi bu mo gang dag gi slad du/ chos kyi phyag rgya 'di bzhag pa de dag ni/ sngon gyi rgyal ba rnams la bgyi ba bgyis pa lags te/ de dag de ltar rigs par bgyi'o// de nas bcom ldan 'das la tshe dang ldan pa sha ri'i bus 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar bzung bar bgyid/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu de'i phyir khyod kyi chos rnam grangs 'di/ 'jam dpal gzhon nur gyur pas zhus nas/ ngas lan btab pa zhes bya bar zung shig/ chos kyi dbyings zhes bya bar yang zung shig/ yang dag pa'i mtha' zhes bya ba dang / rin po che'i mtha' shes bya bar yang zung shig/
- 139a
sha ri'i bu rigs kyi bu 'am/ rigs kyi bu mo gang dag chos kyi rnams grangs 'di 'dzin pa dang / 'chang ba dang / klog pa dang / kun chub par byed pa dang / sgom par sbyor ba la brtson par gnas pa de dag ni/ rin po che dang 'dra ba yin te/ mi skye ba'i chos rnams la bzod pa myur du thob par 'gyur ro// gzhan dag la yang dge ba'i rtsa ba rnams yang dag par bskyed par 'gyur ro// chos nyung ngu kun chub par byas pas kyang / chos mang po ston par 'gyur ro// spobs pa mi chod par yang 'gyur ro// bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshe dang ldan pa sha ri'i bu dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / / 'phags pa rin po che'i mtha' zhes bya ba theg pa chen po'i mdo// rdzogs s+ho// rgya gar gyi mkhan po prang nye bar ba ma dang / zhu chen gyi lo tsa ba ban de ye shes sde la sogs pas/ sgyur zhing zhus te gtan la phab pa// rgya gar skad du/ ar+ya shrI ba su pa ri brid cha na ma ma hA ya na su tra/ bod skad du/ 'phags pa dpal dbyig gis zhus pa zhes bya ba theg pa chen po'i mdo/ sangs rgyas dang /
- 139b
byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das pa ra na se na/ drang srong smra ba ri dgra kyi nags na/ byang chub sems dpa'i dge 'dun dang / nyan thos kyi dge 'dun po dang / thabs gcig tu bzhugs te/ de nas tshong dpon gyi bu dpal dbyig ces bya ba/ ba ra na se'i grong khyer chen po nas byung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas/ phyogs gcig tu 'dug nas/ tshong dpon gyi bu dpal dbyigs gis/ bcom ldan 'das ga la ba de logs su thal mo sbyar ba btad de/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig 'das shing gshegs lags/ bcom ldan 'das kyis bka' stsal pa/ tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med grang med pa 'das shing gshegs te/ dper na gang ga'i klung gi bye ma snyed do// gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig skye zhing 'byung bar 'gyur lags/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji snyed cig/
- 140a
da ltar bzhags te/ 'tsho zhing bzhes lags/ bcom ldan 'das kyis bka' stsal pa/ tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med grangs med pa skye zhing 'byung bar 'gyur te/ dper na gang ga'i klung gi bye ma snyed do// tshong dpon gyi bu de bzhin gshegs pa dgra bcom pa yang dag par rdzogs pa'i sangs rgyas dpag tu med grangs med pa da ltar bzhugs la 'tsho zhing bzhes te/ dper na gang ga'i klung gi bye ma snyed do// de skad ces bka' stsal pa dang / bcom ldan 'das tshong dpon gyi bu dpal dbyig gis 'di skad ces gsol to// bcom ldan 'das de ltar mi brgya 'am stong ngam 'bum gyis sngon 'bad de stsal pas/ yang dag par rdzogs pa'i byang chub thob par 'gyur na/ bcom ldan 'das bdag gis 'bad kyi stsal na/ ci'i slad du de mi thob/ mi rtogs kyis/ de'i slad du thugs rtse bar dgongs te/ las dang po pa'i byang chub sems dpa' ji ltar bgyi ba dang / ji ltar gnas par bgyi ba dang / ji ltar bsgrub par bgyi ba bcom ldan 'das kyis bdag la de ltar legs par bstan du gsol/ de skad ces gsol pa dang / bcom ldan 'das kyis tshong dpon gyi bu dpal dbyig la 'di skad ces bka' stsal to// tshong dpon gyi bu legs so legs so// khyod kyis rtogs pa
- 140b
mdzes so// spobs pa dge'o// tshong dpon gyi bu de'i phyir legs par rab tu nyon la yid la zungs shig dang / las dang po pa'i byang chub sems dpa' ji ltar bya ba dang / ji ltar gnas par bya ba dang / ji ltar sgrub par bya ba ngas khyod la bshad do// bcom ldan 'das legs so zhes gsol to/ tshong dpon gyi bu dpal dbyig bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// tshong dpon gyi bu las dang po pa'i byang chub sems dpas ni/ nyin cig bzhin du snying thag pa rus pa'i khong nas yid la bya ste/ sems can thams cad kyis bsam nas dus gsum du dkon mchog gsum la mchod pa dang / rim gro'i bya ba mi btang bar bya'o// tshong dpon gyi bu gzhan yang las dang po pa'i byang chub sems dpas/ snying thag pas rus pa'i khong nas yid la byas te/ sems can thams cad kyis bsams nas/ dus gsum du dkon mchog gsum la skyabs su 'gro ba'i yid dam mi btang bar bya'o// sems can thams cad kyis bsam nas/ tshong dpon gyi bu las gzhan yang las dang po pa'i/ byang chub sems dpas ni snying thag pa rus pa'i khong nas yid la bya ste/ sems can thams cad kyis bsam nas 'jig rten gyi khams thams cad kyis bsam nas/ dkon mchog gsum gyis mi stongs par dus gsum du gsol ba gdab pa mi gtang bar bya'o//
- 141a
'jig rten gyi khams thams cad du/ dkon mchog gsum bskal pa du mar gnas par dus gsum du gsol ba gdab pa mi gtang bar bya'o// 'jig rten gyi khams thams cad du/ sems can thams cad la bskal pa du mar chos bstan par dus gsum du gsol ba gdab pa mi gtang bar bya'o// 'jig rten gyi khams thams cad du sems can thams cad la ci nus pa dang / ci stsogs pa dang / ji ltar gsol ba 'debs pa bzhin du/ theg pa gsum la byang chub tu sems bskyed par dus gsum du gsol ba gdab pa mi gtang bar bya'o// 'jig rten gyi khams thams cad kyi khongs su gtogs pa sems can thams cad bsgral ba'i phyir dge ba'i rtsa ba thams cad myur zhing rings par yongs su rdzogs par 'gyur bar dus gsum du gsol pa gdab pa mi gtang bar bya'o// 'jig rten gyi khams thams cad kyi khongs su gtogs pa'i sems can thams cad kyis/ byang chub gsum thob par 'gyur bar dus gsum du gsol ba gdab pa mi gtang bar bya'o// 'jig rten gyi khams kyi khongs su gtogs pa'i sems can thams cod ngan 'gror skyes pa thams cad ngan 'gro thams cad nas gdon nus par dus gsum du gsol ba btab pa mi btang bar bya'o// 'jig rten gyi khams thams cad kyi khongs su rtogs pa'i sems can thams cad kyi sdig pa thams cad spong bar 'gyur/
- 141b
bar dus gsum du gsol ba btab pa mi btang bar bya'o// 'jig pa thams cad spong bar 'gyur bar gsol ba gdab pa dang / sdug bsngal ba dang / yid mi bde ba dang / 'khrugs pa spong bar 'gyur bar dus gsum du gsol ba gdab pa mi btang bar bya'o// 'das pa dang / ma 'ongs pa dang / da ltar byung ba'i sangs rgyas dang / byang chub sems dpa' dang / rang sangs rgyas dang / 'phags pa nyan thos la sogs pa thams cad dang / sems can thams cad kyi dge ba'i rtsa ba thams cad la dus gsum du rjes su yid rang ba mi btang bar bya'o// tshong dpon gyi bu gzhan yang las dang po pa'i byang chub sems dpas ni/ snying zag pa rus pa'i khong nas yid la byas te/ sems can thams cad kyi bsam nas/ dus gsum du rdzogs pa'i byang chub tu smon pa dang / bdag nyid sdig pa spyad pa la rnam par smad pa dang / sdig pa spod pa la bshang ba dang / sdig pa'i las nges par 'byung ba dang / dge ba thams cad 'dod pa dang / dge ba thams cad blang ba dang / de tshe rabs su yang dkon mchog la bsnyen bkur byas bar gsol ba gdab pa dang / gcig tu nges pa rnam par dag pa'i dge ba spyad pa gsol ba gdab pa dang / yang dag par rdzogs pa'i byang chub kyi tshogs yongs su rdzogs par bya bar gsol ba gdab pa dang / sangs rgyas kyi chos thams cad thob par gsol ba gdab pa dang / chos kyi 'khor lo bskor bar gsol ba gdab pa
- 142a
dang / bskal pa dmar chos bstan par gsol ba gdab pa mi gtang bar bya'o// tshong dpon gyi bu gzhan yang las dang po pa'i byang chub sems dpas ni/ pha ma la gnod pa med pa dang / bu dang chung ma dang / bran pho dang / bran mo dang / las byed pa dang / zho shas mtsho ba dang / mdza' bo dang / blon po dang / nye du dang / rgan rabs la gnod pa med par ji ltar mos pa dang / ci nus par dus dus su sbyin pa byin par bya'o// tshong dpon gyi bu gzhan yang las dang po pa'i byang chub sems dpas ni/ bslab pa'i gzhi lnga la gnas shing 'dug pa dang / brtan por 'dug pa dang / mi lhod par bslab par 'dug par bya'o// gal te bslab pa'i gzhi lnga la slob mi nus na yang des gzhi 'am/ gsum 'am/ gnyis sam/ de nas bslab pa'i gzhi gcig tsam yang bslab par bya'o// gal te/ bslab pa gcig tsam la slob kyang mi nus na/ de sdig pa'i las mi dge ba gang dang gang kun tu spyod pa de la zhen pa ma yin pa dang / drag po ma yin par sems dang / mi dga' sbyin pa dang / lhod pa dang / yang ba'i sems dang / don gyi dbang dang / dgos pa'i dbang gis spyad par bya ste/ des mi dge ba bcu'i las khro ba'i dbang du gyur pa dang / kho nad du 'dzin pa'i dbang du gyur pa dang / dga' ba dang / mchog tu dga' ba dbang du gyur pa kun du spyod par mi bya'o// kun du spyad par 'dod pa na yang rnam par snga
- 142b
par bya'o// rnam par bshung bar bya'o// sprod cing 'dug pa na yang rnam par smad par bya'o/ rnam par bshung par bya/ spyad zin pa na yang rnam par smad par bya/ rnam par bshung bar bya/ nges par 'byung bar bya'o// legs par dge ba ci yang rung ba zhig kun tu spyod pa na yang des ni de la sems zhen pa dang / drag pa'i sems dang / tshim pa dang / mgu ba dang / lhod pa ma yin pa dang / yang ba ma yin pa dang / bar chad med pa dang / dad pa dga' ba dang / dang ba dang / mchog tu dga' ba'i dbang / du gyur pa'i sems kyis kun du spyad par bya'o// kun du spyad par 'dod pa na yang snying thag pa rus pa'i khong nas yid la bya ste/ sems can thams cad kyis bsam nas/ sos can thams cad bsgral ba'i phyir dang / dgrol ba'i phyir dang / dbugs byung ba'i phyir dang / yongs su mya ngan las bzla ba'i phyir dang / thams cad mkhyen pa nyid thob par bya ba'i phyir/ sangs rgyas kyi chos thams cad yongs su rdzogs par bya ba'i phyir bla na med pa yang dag par rdzogs pa'i byang chub tu yongs su bsngo bar bya'o// des dge ba kun tu spyod pa dang / 'das pa dang / ma 'ongs pa dang / da ltar byung ba thams cad la yang snying zag pa rus pa'i khong nas yid la byas te/ sems can thams cad kyis bsam nas mngon par bstan te/ zlums nas rjes su yid rang bar bya'o// rjes su yid rang ba'i mchog dang / phul dang / gtso bo dang / rab dang / rab mchog dang / gya nom
- 143a
pa dang / dam pa dang / mnyam pa med pa dang / mi mnyam pa dang / mnyam pa dang / nam mkha' dang mnyam pa dang / mya ngan las 'das pa dang mnyam pa'i rjes su yid rang bar bya'o// rjes su yid rang nas kyang dge ba kun tu spyad pa de yang / sangs rgyas dang / byang chub sems dpa' dang / rang sangs rgyas dang / nyan thos thams cad la dbul bar bya'o// phul nas kyang sems can thams cad dang thun mong du bya zhing / sems can thams cad sprul ba'i phyir dang / dgrol ba'i phyir dang / dbugs 'byung ba'i phyir dang / yongs su mya ngan las bzla ba'i phyir dang / sangs rgyas kyi chos thams cad yongs su rdzogs pa bya ba'i phyir dang / thams cad mkhyen pa nyid thob par bya ba'i phyir nyin gcig tu dus gsum du/ bla na med pa yang dag par rdzogs pa'i byang chub tu yongs su bsngo bar bya'o// des ka shi ka'i ras gos dang / tsan ngan dang / a ka ru'i gdug pa la sogs pa dang / yo byad rnam pa sna tshogs nyams su myong ngam/ 'dod pa'i yon tan lnga la dga' mgur spyod dam/ lam du 'gro ba 'am/ las byed dam/ bya ba thams cad byed na yang bla na med pa yang dag par rdzogs pa'i byang chub tu 'dun pa dang / dang pa dang / don du gnyer ba dang / smon pa de 'ba' shig rtag tu rgyun mi chang par rjes su dran par bya'o// yid la bya'o// bsgom par bya'o// lan mang du bya'o//
- 143b
de ltar byas na de sdig pa mi dge ba kun tu spyod pa rnams la sems lhod par 'gyur/ yang bar 'gyur/ chung bar 'gyur/ srab par 'gyur/ gsog tu 'gyur ro// legs par dge ba'i las kun tu spyod pa rnams la ni sems zhen par 'gyur/ drag par 'gyur/ mi lhod par 'gyur/ mi yang bar 'gyur/ mi chung bar 'gyur ro// de sdig pa mi dge ba kun tu spyod pa rnams la ni lhod par 'gyur/ yang par 'gyur/ chung bar gyur/ srab par gyur/ gsog tu gyur/ med par gyur pa dang / legs pa dge ba'i rtsa ba kun du spyod pa rnams sems zhen par gyur pas/ srid pa'i 'gro ba gang dang gang phrad pa dag tu chung bar mi 'gyur ro// 'khu ba dang / gsod pa dang / 'ching ba dang / rnam par 'tshe ba gang yin pa rnams legs par spangs pa dang / 'jig rten gyi khams mtha' yas mu med pa'i khongs su rtogs pa'i sems can mtha' yas mu med pa rnams kyi thog ma med pa'i dus nas bsags pa'i/ dus mtha' yas par nyams su myong ba'i skye ba dang / rga ba dang / na ba dang / 'chi ba'i sdug bsngal dang / mi sdug pa dang phrad pa dang / sdug pa dang bral ba'i sdug bsngal dang / 'dod pas 'phongs pa'i sdug bsngal dang / lha dang / mi dang / lha ma yin dang / dud 'gro'i dang / yi dgas dang / sems can dmyal ba'i sdug bsngal dang / 'dod chags dang / zhe sdang dang / gti mug gi sdug bsngal gcad par bya ba dang / dgag par bya ba dang /
- 144a
rnam par zhi bar bya ba'i phyir zhugs pa dang / byams pa'i sems su gyur pa dang / snying rje chen po'i sems su gyur pa dang / go cha chen po bgos pa dang / theg pa chen po la zhugs pa dang / sangs rgyas kyi chos rgya chen po la mos pa dang / sangs rgyas dang / chos dang // dge 'dun gyi gdung mi 'chad par nges par byed pa'i phyir/ sdig pa mi dge ba kun tu spyod pa rnams yongs su 'grib par 'gyur ba dang / chung bar 'gyur ba nas srab pa'i bar du 'gyur ro// legs pa dge ba kun tu spyod pa rnams 'phel bar 'gyur ba nas dpag tu med pa'i bar du 'gyur ro// de'i byang chub sems dpa'i bsam pa stsogs shing bsgom pa yang yongs su rdzogs pa dang / sra ba dang / brtan pa dang / rdo rje lta bur 'gyur ro// tshong dpon gyi bu de ltar na las dang po pa'i byang chub sems dpa' de go rims 'di lta bus mthar gyis srid pa 'di dang / srid pa phyi ma dang / srid pa lan grangs gzhan dag la sdig pa mi dge ba kun du spyod pa 'grib par byed pa dang / chung ngur byed pa nas/ gsog tu byed pa'i bar dang / legs pa dge ba kun tu spyod pa 'phel bar 'gyur ba nas/ dpag tu med pa'i bar du 'gyur ba dang / byang chub sems dpa'i bsam pa yang stsogs shing sgom par byed de/ legs pa dge ba kun tu spyod pa rnams/ yongs su smin pas/ myur du bla/
- 144b
na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas de'i tshe yul da ra dwa nas/ da ra da'i rgyal po sin du gi ri zhes bya ba'i bu bcom ldan 'das la blta ba dang / phyag bya ba dang / bsnyen bkur bya ba'i phyir/ ba ra na ser song nas de bcom ldan 'das dang / thag mi ring ba zhig na 'dug par gyur te/ de nas da ra da'i rgyal po sin du gi ri'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das khyod kyis legs par bka' stsal to// bde bar gshegs pa khyod kyis legs par bka' stsal to// bcom ldan 'das byang chub kyi sems kyi gsol ba 'debs shing // snying thag pa rus pa'i khong nas yid la bgyis te/ sems can thams cad kyis bsam nas/ dus gsum du gsol ba 'debs shing brjod pa gang lags pa de tsam yang / bcom ldan 'das yang dag par rdzogs pa'i byang chub kyi tshogs 'phel bar 'gyur zhing / sra ba dang / brtan pa dang / rdo rje lta bur 'gyur na/ gong du stsal shing brtson pa mi gtong ba lta ci smos lags/ bcom ldan 'das bdag kyang snying thag pa rus pa'i khong nas yid la bgyis te/ sems can thams cad kyis bsam nas/
- 145a
sems can thams cad bsgral ba dang / grol bar bgyi ba dang / dbugs dbyung ba dang / yongs su mya ngan las bzla ba dang / sangs rgyas kyi chos thams cad yongs su rdzogs par bgyi ba dang / thams cad mkhyen pa nyid thob par bgyi ba'i slad du/ yang dag par rdzogs pa'i byang chub tu smon lam 'debs te/ sems can ma rgal ba rnams sgrol ba ma grol ba rnams 'grol ba/ dbugs ma phyin pa rnams dbugs 'byin pa/ yongs su mya ngan las ma 'das pa rnams yod su mya ngan las zlo ba'i sangs rgyas su gyur cig/ yang dang yang du lan brgyar brnan te/ mtha' yas pa mtha' yas par/ bla na med pa yang dag par rdzogs pa'i byang chub tu smon lam 'debs lags so// de nas tshong dpon gyi bu dpal dbyig gis kyang / de'i rjes su de bzhin du bla na med pa yang dag par rdzogs pa'i byang chub tu smon lam btab po// bcom ldan 'das kyis de skad ces bka' stsal nas/ tshong dpon gyi bu dpal dbyigs dang / da ra da'i rgyal po'i bu dang / byang chub sems dpa' de dag dang / dge slong de dag dang / lha dang / mi dang / lha ma yin dang dri zar bcas pa'i 'jig rten yid rangs te/ bcom ldan 'das kyis gsung ba la mngon par bstod do// / 'phags pa dpal dbyig gis zhus pa zhes bya ba theg pa chen po'i mdo rdzogs so// rgya gar gyi mkhan po su ran dra po de dang / prad dzA bar ma dang /
- 145b
zhwa chen gyi lo chu ba ban de ye shes sde la sogs pas bsgyur cing zhus te gtan la phab pa// / rgya gar skad du/ Ar+ya ra dza a bA ba ka na mA hA ya na su tra/ bod skad du/ 'phags pa rgyal po la dam pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na bcom ldan 'das gnyen yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong nyis rgya lnga bcu'i dge slong gi dge 'dun chen po dang / thabs cig tu bzhugs te/ de'i tshe yul ko sa la'i rgyal po gsal rgyal/ bcom ldan 'das la lta ba dang / phyag bya ba dang / mchod pa bya ba dang / bsnyen bkur bya ba dang / chos nyan pa'i phyir/ rgyal po'i 'byor pa chen po dang / rgyal po'i mthu chen pos/ rol mo'i sgra snyan len pa mang po dang / bram ze dang / khyim bdag brgya stong du mas yongs su bskor cing mnyan du yod pa nas byung ste/ rgyal bu rgyal byed kyi tshal mgon med zas sbyin gyi kun dga' ra ba ga la ba der song ste/ de gzhon du rung ba'i sa ji srid pa de srid du gzhon pa gzhon te/ gzhon pa las babs te/ rkang gi kun dga' ra bar song ba dang / yul ko sa la'i rgyal po gsal rgyal gyis/ shing zhig gi drung na bcom ldan 'das mdzes pa/ lta na sdug pa/ dbang po zhi ba/ dul ba dang zhi gnas mchog brnyes pa/ dul ba dang ni
- 146a
pa'i mchog dang / ldan pa/ bsrungs pa/ dbang po thul ba/ skyes bu glang po/ skyes bu seng ge/ skyes bu khyu mchog/ skyes buHcang mkhyen pa/ mtsho ltar dngas zhing gsal la rnyog pa mi mnga' ba/ skyes bu chen po'i mtshan sum bcu rtsa gnyis kyis sku legs par brgyan pa/ dpe byad bzang po brgyad bcus sku rnam par mdzes pa/ gser gyi mchod sdong ltar mngon par 'phags pa/ dpal gyi 'bar zhing bzhugs pa rgyang ring po nas mthong ngo // mthong nas kyang ches dga' zhing sems mngon par dad nas/ des rgyal po rgyal rigs spyi bo nas dbang bskur ba/ yul la dbang ba'i mthu thob pa'i rgyal po mtshan ma lnga gang dag yin pa 'di lta ste/ ze'u ka dang / gdugs dang / ral gri dang / gsil yab nor bu'i yu ba can dang / lha ri mo can de dag bor nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba nas/ bcom ldan 'das kyis gnang ste/ phyogs cig tu 'dag go/ de nas yul ko sa la'i rgyal po gsal rgyal gyis/ bcom ldan 'das la 'di skad ces gsol to// bcom ldan 'das ci nas bdag gi yun ring po'i don dang / sman pa dang / bde bar 'gyur ba 'di ltar bcom ldan 'das kyis bdag la gdam su gsol/ de ltar bde bar gshegs
- 146b
pas bdag la rjes su bstan du gsol/ de skad ces gsol pa dang / bcom ldan 'das kyis yul ko sa la'i rgyal po gsal rgyal la bka' stsal pa/ rgyal po chen po khyod de bzhin gshegs pa la don 'di 'dri bar sems pa legs so legs so// rgyal po chen po de'i phyir chos kyis rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par mi bya'o// de ci'i phyir zhe na/ rgyal po chen po rgyal po 'am/ rgyal po'i blon po ga la la zhig chos spangs nas/ chos ma yin pas rgyal srid byed na/ de tshe 'di nyid la ya rabs kyi smad par bya ba yin no// phyis kyang 'gyod par 'gyur ro// lus zhig te shi nas ngan song ngan 'gror log par ltung ba sems can dmyal ba rnams su skye bar 'gyur ro// rgyal po chen po rgyal po 'am/ rgyal po'i blon po gang lags zhigs gi chos ma yin pa spangs te/ chos kyi rgyal srid byed kyi/ chos ma yin pas ni mi byed na/ de tshe 'di nyid la ya rabs kyis bsngags par bya ba yin no// phyis 'gyod par yang mi 'gyur ro// lus zhig nas kyang bde 'gro mtho ris kyi 'jig rten du lha rnams kyi nang du skye bar 'gyur ro// rgyal po chen po 'di lta ste dper na/ pha ma ni bu la snying rtse bas brtag tu bde zhing 'tshe ba med par 'dod do// rgyal po chen po de bzhin du rgyal pos kyang / bran pho dang / bran mo dang / las byed dang / zho shas 'tsho ba dang /
- 147a
mdzab shes dang / blon po dang / gnyen dang / grong khyer gyi skyes pa la dag rtags tu bsdu ba rnam bzhis bsdu bar bya'o// bzhi gang zhe na/ rgyal po chen po 'di lta ste/ sbyin pa dang / snyan par smra ba dang / don sprad pa dang / don mthun pa'o// de ltar bran po dang / bran mo dang / las byed pa dang / zho shas 'tsho ba dang / mdza shes dang / blon po dang / gnyen dang / grong khyer gyi skye bo sdud pa'i rgyal po des/ don gnyis bsdus shing bsdu bar 'gyur ro// gnyis gang zhe na de tshe 'di dang / tshe phyi ma'i 'o// rgyal po che po de la rgyal po ni pha ma dang mtshungs so// bran po dang / bran mo dang / las byed pa dang / zho shas 'tsho ba dang / mdza' bshes dang / blon po dang / gnyen dang / grong khyer gyi skye bo ni/ rgyal po'i bu dang bu mo dang mtshungs so// rgyal po chen po 'di lta ste/ dper na/ skyes pa 'am/ bud med cig gnyid kyi log pa'i rmi lam na/ kun dga'i ra ba nyams dga' ba dang / nags tshal nyams dga' ba dang / chu klung nyams dga' ba dang / rdzing bu nyams dga' ba dang / yul nyams dga' ba dang / khangs bzangs nyams dga' ba dag mthong ba las/ de sad na ci yang ma mthong ngo // rgyal po chen po de bzhin du rgyal srid dang / srog dang / rgyal srid kyi ba dang / rgyal po'i dbang phyug gi bde ba dang / 'dod pa'i bde ba dang / 'dod pa'i longs spyod kyi bde ba gang yin pa dag kyang rmi lam
- 147b
dang 'dra'o// 'di lta ste glang po che dang / rta dang / shing rta dang / dpung bu chung dang / bud med dang / khang khyim dang / chung ma'i dam pa dang / gzhon nu dang / blon po dang / rtsis pa dang / blon po chen po dang / sgo ba dang / 'khor dang / pha dang / ma dang / spun dang / sring mo dang / chung ma dang / bu dang / bu mo dang / na chod dang / bran pho dang / bran mo dang / las byed pa dang / zho shas mtsho ba dang / mdza' bshes dang / gnyen dang / grong khyer gyi skye bo dang / 'gron bu dang / gser dang / nor bu dang / rin po che dang / mu tig dang / bai dUr+ya dang / dung dang / man shel dang / byi ru dang / sa la sbram dang / dngul dang / gos dang / rgyan dang / nor dang / 'bru dang / bang ba dang / mdzod la sogs pa de dag thams cad bor nas 'gro dgos so// de dag thams cad kyang mi rtag pa/ mi brtan pa/ yid rten du mi rung ba/ 'gyur ba'i chos can/ yun thung ba mi gnas pa/ g.yo ba 'gul ba/ 'jig pa/ skad cig pa/ mthar sdig pa zad pa dang / dengs pa'i sgo/ mthar 'jig pa'i chos can/ mthar 'gyes pa/ 'jigs pa dang bcas pa/ gnod pa dang bcas pa/ mya ngan dang / 'khrug pa mang ba/ 'drul pa/ chad pa/ 'bye ba/ 'jom pa/ rnam par 'jig pa'i chos can te/ rgyal po chen po de lta bas na/ mi rtag par lta zhing / zad pa dang / dengs pa'i sgo yin par lta bar bya ste 'chi bas 'jig skrag par bya'o// rgyal po chen po
- 148a
khyod chos kho nas rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po 'di lta ste dper na/ 'bras bu dag kyang yal bar 'gyur ro// lo ma sngon por gyur pa las ser por 'gyur ro// ser po gyur nas/ yongs thams cad du med par 'gyur ro// rgyal po chen po 'di lta ste/ dper na/ me'i phung po chen po 'bar ba/ rab tu 'bar ba/ kun tu rab tu mched cing 'bar nga/ me lce cig tu 'bar ba/ ji ltar yun ring yun ring yang 'bar nas zhi bar 'gyur ro// nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar dbang che bar grags pa/ rang gi gzi brjid kyis rnam par mdzes pa 'di gnyis kyang 'jig rten 'di snang ba byas nas nub par 'gyur ro// lha'i sprin sdud dam/ char 'bebs dag 'brug bsgrag sgra 'byung ste/ nam mkha' khebs par byas te/ char gyi rgyun phab kyang / char pa tha mar mi snang bar 'gyur ro// rgyal po chen po de bzhin du rgyal srid kyi bde ba dang / rgyal po'i dbang phyug gi bde ba dang / 'dod pa'i bde ba dang / 'dod pa'i longs spyod kyi bde ba rnams kyang rmi lam dang 'dra'o// 'di lta ste glang po chen po dang / rta nga dang / shing rta dang / dpung bu chung dang / bud med dang / khang khyim dang / chung ma dam pa dang / gzhon nu dang / blon po dang / rtsis pa dang / blon po chen po dang / sgo ba dang / 'khor dang / pha dang / ma dang /
- 148b
spun dang / sring mo dang / chung ma dang / bu pho dang / bu mo dang / na cho dang / bran pho dang / bran mo dang / las byed pa dang / zho shas 'tsho ba dang / mdza' bshes pa dang / blon po dang / gnyen dang / grong khyer gyi skye bo dang / 'gron bu dang / gser dang / nor bu dang / rin po che dang / mu tig dang / bai dUr+ya dang / dang dang / man shel dang / bye ru dang / sa le sbram dang / dngul dang / gos dang / rgyan dang / nor dang / 'bru dang / mdzod dang / bang ba la sogs pa de dag thams cad bor nas 'gro dgos so de dag thams cad kyang mi rtag pa/ mi brtan pa/ yid rten du mi rung ba/ 'gyur ba'i chos can yun thung ba/ mi gnas pa/ g.yo ba/ 'gul ba/ mthar 'jig pa/ skad cig pa/ mthar sdig pa zad pa dang dengs pa'i sgo/ mthar 'gyes pa'i chos can/ 'jigs pa dang bcas pa/ gnod pa dang / mya ngan dang 'khrug pa mang ba/ 'drul pa/ 'brul ba/ 'chad pa/ 'bye ba 'gyes pa/ 'jig pa'i chos can de/ rgyal po chen po khyod kyi mi rtag par lta zhing / zad pa dang dengs pa'i sgor lta bar byed ste/ 'chi bas 'jigs skrag par bya'o// chos kyis rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par ni mi bya'o// de ci'i phyir zhe na/ rgyal po chen po 'di lta ste dper na/ phyogs bzhi nas ri chen po sra ba/ brtan pa/ snying po dang ldan pa/ ma zhig pa/ mags pa/ 'phan med pa/ shin tu
- 149a
'khregs pa/ gcig tu sdug pa bzhi gnam la reg cing zlog ste/ rtsa dang / shing dang / shing gel pa dang / yal ga dang / lo mdzes cad dang / sems can srog chags 'byung po thams cad phye mar byas shing 'ong ba de dag las ni 'gyogs pas 'bros pa 'am/ stobs kyis zlog pa 'am/ nor gyis zlog pa 'am/ rdzas dang / nor gyis bzlog pa dang / rdzas dang / sngags dang / sman rnams kyis bzlog par sla ba ma yin no// rgyal po chen po de bzhin du 'jigs pa chen po bzhi po 'di dag 'ong ste/ de dag lags mgyogs par 'gros pa 'am/ stobs kyis bzlog pa 'am/ nor gyi bzlog pa dang / rdzas dang / sngags dang / sman rnams kyis zlog par sla ba ma yin no// bzhi gang zhe na/ rga dang / nad dang / 'chi dang / rgung pa'o// rgyal po chen po rga ba ni dar la bab pa 'jom zhing 'ong / nang ni nad med par byed pa 'jom zhing 'ong / rgud pa ni phun sum tshogs pa thams cad 'jom zhing 'ong / 'chi ba ni srog 'jom zhing 'ong te/ de dag las 'gyogs pas 'bros pa 'am/ stobs kyi zlog pa 'am/ nor gyis zlog pa 'am/ rdzas dang / sngags dang / sman rnams kyis zhi bar bya bar smra ba ma yin no// rgyal po chen po 'di lta ste dper na/ ri dgas rgyal po chen po seng ge/ ri dgas kyi tshogs kyi nang du zhugs nas/ ri dgas bzung ste/ ji ltar 'dod pa bzhin du bya ba byed do// ri dgas stobs po che'i kha mi zad pas
- 149b
gzung bas dbang med par 'gyur ro// rgyal po chen po de bzhin du/ 'chi bdag gi bsal shing gi bzug steg/ rgyags pa dang ni bral/ mgon ni med/ skyabs ni med/ dpung gnyen ni med/ gshis ni 'jig/ tshig ni bye bral/ sha dang khrag ni skam/ lus ni nad kyis gdungs/ skom ni skom/ bzhin ni 'gyur/ rkang lag ni g.yob/ las mi nus mthu ni med/ kha chu dang / snabs dang / ngan skyugs kyis ni lus la gos/ mig dang / rna ba dang / sna dang / lce dang / lus dang / yid kyis dbang po dag ni 'gag skyigs bu ni 'byung / sgra ngar ngar po ni thon/ sman pas ni bor/ sman dang kha zas dang / gza' ba dang / btung ba thams cad kyis ni gles la bor ste/ 'gro ba gzhan dag tu 'gro bar/ mal gyi tha ma la ni nyal/ thog ma med pa'i skye ba dang / rga ba dang / 'chi ba'i 'khor ba'i rgyud ni nub/ srog ni chung zad cig las gshin rje'i mi'i 'jigs skrag/ byur gyi dbang du ni song / dbugs rgyu ba ni 'chang / kha dang sna ni gdangs/ so gtsigs sbyin pa ni sbyin no zhes pa de skad gsol ba ni 'debs/ las kyi srid pa nas yang srid pa ni 'drud/ gcig pu gnyis su med cing / grogs med de/ 'jig rten 'dir nr-i 'dor/ 'jig rten pha rol tu ni 'gro/ skyes chen po ni 'degs/ mun pa chen por ni zhugs/ g.yangs chen por ni lhung / khrod stug por ni 'jug/ dgon pa chen por ni 'gro/ rgya mtsho chen por ni khyer/ las
- 150a
nas gzhan med / kyi rlung gis gdas/ sa tshugs pa med pa'i phyogs su ni 'gro/ g.yul ngo chen por ni 'jug/ gdon chen po zin/ nam mkha' la ni 'tshal/ pha ma dang / phu nu dang / sring mo dang / bu dang bu mos ni bskor/ dbugs ni 'chang / nor bgo sha bya zhes ni zer/ kyi hud ma/ kyi hud pha/ kyi hud du zhes ni zer/ skra ni zhig ste/ sbyin pa dang / dka' thub chos 'ba' zhig grogs su gyur pa/ chos ma togs par skyabs gzhan med/ mgon gzhan med/ dpung/ gnyen gzhan med do// rgyal po chen po de'i tshe de'i dus na/ chos ni gling dang / gnas dang / mgon dang / rton par 'gyur ro// rgyal po 'di lta ste dper na/ grang ngas nyen pa la me dang / mes rab tu gdungs par gyur pa la mes gsod pa dang / tsha bas nyen pa la gsil ba dang / 'gron po ngal ba la grib ma dang / rlung gsil ba dang / skom pa la chus gsil ba dang / lam du zhugs pa la gzhon pa dang / nyal ba la mal 'jam po dang / skom pa la chu grang mo dang / shin du bkres pa la zas bzang po dang / mya ngan gyi non pa la dbugs 'byin pa dang gdung bas gdungs pa la sim par byed pa dang / dgon par lam ster ba la ma mtshon pa dang / nad kyis btab pa la sman dang / sman pa dang / nad g.yog byed pa dang / chus khyer ba la gzings dang / 'dam du bying ba la 'jus dang / rgal bkal ba la zam pa dang / nyam pa
- 150b
ba la 'bab stegs dang / mun khung na sgron me dang / rgya mtsho chen po la gru dang / lhags pas nyen pa la rlung med pa'i gnas dang / yul gzhan du song ba'i lam rgyags dang / dbul po la ni nor dang / las byed par 'dod pa'i grogs dang / gcad par 'dod pa la lag cha dang / gzhig par 'dod pa la rdo rje dang / g.yul ngor zhugs pa la go cha dang / 'jig pa la stobs dang ldan pa'i grogs dang / 'thab pa dang / dpun gnyen dang / dog pa la go 'byed pa dang / mu ge la nor dang ldan pa dang / mgon dang / skyabs dang / gnas dang / rten du gyur pa te/ de bzhin du/ rgyal po chen po 'chi bdag gi gsal shing gis zug ste/ rgyags pa dang ni bral/ mgon ni med/ skyabs ni med/ dpung gnyen/ gshis ni 'jig/ tshig ni bye bral/ sha dang khrag ni skam/ lus ni nad kyis gdungs/ skom ni skom/ bzhin ni 'gyur/ rkang lag ni g.yo ba/ las ni mi nus mthu ni med/ kha chu dang / gcin dang / ngan skyugs kyis ni lus la 'gos mig dang / rna ba dang / sna dang / lce dang / lus dang / yid kyi dbang po la ni 'gag/ smyig pu/ ni 'byung / sgra ngar ngar po ni 'don/ sman pas ni bor/ sman dang kha zas dang / gza' ba dang / zas dang / btung ba thams cad kyis ni gles la bor ste/ 'gro ba gzhan dag du 'gro bar mal gyi tha ma la ni nyal/ thog ma med pa'i skye ba dang / rke ba dang 'chi ba'i 'khor ba'i rgyud ni nub/ srog ni chung zad cig las/ ge shin rje'i mis ni 'jigs skrag/ byar
- 151a
gyi dbang du ni song / dbugs rgyu ba ni 'chad/ kha dang sna ni gdangs/ so ni gtsigs/ sbyin pa ni sbyin no zhes de skad ces gsol ba 'debs/ las kyi srid pa nas yang srid pa la 'ju/ gcig pu gnyis su med cing grogs ni med de/ 'jig rten 'dir ni 'dir/ 'jig rten pha rol du ni 'gro// skyes chen po ni 'degs/ mun pa chen por ni zhugs/ g.yang sa chen por ni lhang / khrod sdug por ni 'jug/ dgon pa chen por ni 'gro// rgya mtsho/ chen por ni khyer/ las kyi rlung gis ni gdas/ sa tshugs pa med pa'i phyogs ni 'gro ba ni/ chos ma rtogs pa mgon gzhan med/ skyabs gzhan med/ dpung gnyen gzhan med do// rgyal po chen po chos de ni de'i tshe de'i dus na/ gling chen po dang / gnas dang / mgon dang / skyabs dang / dpung gnyen rton par 'gyur/ rgyal po chen po de'i tshe de 'di snyam du sems na/ kyi hud gang du 'gro bar 'gyur/ phyogs gang du 'gro bar 'gyur/ gang du yongs su 'dzin par byed par 'gyur/ bdag gi mar ni su zhig 'gyur snyams pa las/ des sems can dmyal bar skye bar 'gyur na/ 'di lta ste/ mnar med pa dang / tsha ba dang / rab tu tsha ba la sogs pa'i sems can dmyal ba rnams su lo mang po// lo rgya stong phrag mang por sdug bsngal chen po// sdug bsngal mi zad pa/ drag pa rtsub pa/ yid du mi 'ong ba'i tshor ba myong ste/ ji srid du sems can/
- 151b
dmyal ba myong bar 'gyur ba'i sdig pa mi dge ba'i las thams cad du/ zad cing byang bar ma gyur pa thams cad du zad cing byang bar ma gyur pa de srid du 'chi ba'i dus byed par mi 'gyuraro// / de dad 'gro'i skye gnas su skye bar mthong bar gyur na/ 'di lta ste/ rgya mtsho chen po'i nang du nya rlon dang / nya rlon mi la sogs pa srog chags gcig gi gcig gsod pa dang / 'tshe ba dang / dbang med pa skye'o// bdag yi dgas kyi nang du skye bar mi 'gyur ram snyams na 'di lta ste/ lo mang po dang / lo rgya stong mang po dang / lo stong phrag mang por chu'i sgra yang mi thos na/ mthong ba lta ci mos par 'gyur ro// rgyal po chen po de lta bas na/ khyod kyis mi rtag par lta zhing / zad pa dang nges par lta bar bya ste/ 'chi bas 'jigs skrag par bya'o// chos kyi rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par mi bya'o// de ci'i phyir zhe na// rgyal po chen po khyod kyi lus 'di/ 'di ltar legs par yongs su srung ba/ yongasu bcas pa yang 'chi ba'i dus byed par 'gyur ro// yon tan thams cad ldan zhing shin tu yun ring por gza' ba dang / bca' ba dang / myang ba dang / ngom par 'gyur ba gsod pa gtsang ma mang pos tshim par byas te/ bskyed pa bskyed pa yang / tha ma'i mal na 'dug pa'i tshe sman pas bor zhing / kha zas dang / btung bas kyang gres la bor nas/ bkres pa dang skom pas nyen cing yid mi bde bar 'drings byed par 'gyur ro// rgyal po che
- 152a
po 'di ltar khyod kyi lus smras shing bskus te/ bdug pas bsgos te me tog dri zhim pos bsgos kyang / gdon mi za bar dus su rang bzhin gyis lhan cig skyes pa'i dri nga ba 'byung bar 'gyur ro// rgyal po chen po 'di ltar yul ka sha pa'i ras dang / mon ras dang / dug gu la'i ras dang / mdab ma la dang bal gos dang / gso ras la sogs pa'i gos kyi bye brag gi g.yogs kyang / tha ma'i mal na 'dug pa'i tshe/ snum rnam pa mang po dang / chus reg cing gos pa/ dri ma can gyon zhing 'chi ba'i dus byed par 'gyur ro// rgyal po da ltar khyod khyim na bud med kyi nang na 'dag/ btsun mo'i 'khor gyi nang na 'dug ste/ bud med kyi tsho gas kyis bskor cing / gar dang / glu la sogs pas rol mo dang / sil snyan byed pheg rdob pi wang gling bu len/ rnga brdung zhing yid bde bar rtse dga' ste/ dga' mgur spong ba yang 'chi bas 'jigs skrag nas/ shin tu yid mi bde zhing 'chi ba'i dus byed par 'gyur ro// rgyal po chen po de ltar khyod khyim gyi nang na/ spos dri zhim po'i bsku bas ni bskus/ bstan pa ni bcug/ skar khung ni legs par bcad/ byug pa mang pos ni byugs/ 'bru mar gyi dro zhim po dang ldan pa'i mar me ni 'brar/ dar/ gyi lnga ldi meng po ni bris/ me tog dri zhim po sil ma mang pos ni chal bar bkang / pog por nas ni bdugs/ khri'i rtsa ba gser dang / dngul dang / bai DUr+ya las
- 152b
ni byas/ pa ti ka dang / dri'u rdog gi rten dang / stan nang tshangs can dang / za 'og gi bstan dang / yul ka ling ka pa'i stan dang / steng du gding ba dang / de'i steng du gding bas ni bkab/ g.yas g.yon du dar dmar po'i sngas bzhag pa'i khri la nyal ba yang bya rog dang / bya rgod dang / wa dang / gcan zan dag gis ro dang / sha dang / rus pa dang / skra dang / khrag dang / zhag dang / chu ser dang / brnag gi gnas mchog tu 'jigs su rung ba'i dur sa chen por bor nas/ lus g.yo ba med cing sa la nyal du gdon mi za'o// rgyal po chen po de ltar yang khyod glang po che'i bya ba kha 'am rta'i rgya ba 'am/ shing rta la zhon te/ dung dang / rnga dang / rdza rnga dang / khar rnga dang / rol mo sil snyan gyi bye brag len pa dang / gdugs dang / rgyal mtshan dang / ba dan dang / rnam par rgyal ba'i ba dan/ sgreng / bsil yab nor bu'i yu ba can dang / rnga yab dang / shing lha la byas pa ni g.yob shing / glang po che dang / rta pa dang / dpung bu chung ni phyi bzhin 'brang / rgyal bu dang / bram zes bslab pa phog pa'i blon po dang / mdun na 'don dang / skyes bu thal mo sbyar ba brgya stong du mas ni phyag bya zhing / rgyal bar spyon cig rgyal bar spyon cig ces snyan par rjod do// phyir 'byung myong yang ring po mi thogs par g.yo ba med cing / mal du shi nas mi bzhis bteg ste/ pha mra dang / phunu dang / sring mo dang / chung ma dang / bu pho dang / bu mo dang / bran pho dang / bran mo dang / las byed pa dang / zho shas 'tsho ba dang /
- 153a
'tshal za dang / blon po dang / grong khyer skye bo dag mya ngan gyi dbang du song ste/ lag pa bteg nas brang brdung zhing mchog tu snying rje bar/ kyi hud bu/ kyi hud mgon po// kyi hud bu pho// kyi hud jo bo zhes ngu zhing / zham 'bring ba dang / grong khyer ba'i skye bo dag gis 'jigs pa dang bcas par mthong ste/ grong khyer gyi lho phyogs kyi sgor phyung nas/ sa'i 'og tu bcug gam/ 'brog dgon par sa'i 'og tu bcug kyang bya rog dang / bya rgod dang / wa la sogs pas zos shing rus pa de dag mes bsregs sam/ chu la bskur ram sa'i 'og tu bcug kyang / rlung dang / nyi ma dang / char pas phye mar byas te/ phyogs phyogs su mthor cing de nyid rul bar 'gyur ro// rgyal po chen po de ltar sems can thams cad kyang 'di bzhin du 'gyur/ rgyal po chen po 'du byed thams cad ni de ltar mi rtag pa/ de ltar mi brtan/ de ltar yid// brtan du mi rung ba/ de ltar 'gyur ba'i chos can te/ yun thung ba mi gnas pa/ g.yo ba/ 'gul ba/ skad cig pa/ mthar sdig pa/ zad pa dang / dengs pa'i sgo// mthar 'gyes pa/ 'jigs pa dang bcas pa/ gnod pa dang bcas pa/ mya ngan dang 'khrug pa mang ba/ 'drul ba/ 'brul pa/ 'chad par 'bye ba/ 'thor ba rnam par 'jig pa'i chos can no// rgyal po chen po de lta bus na/ mi rtag par lta zhing zad pa dang / dengs pa'i sgor blta bar bya ste/ 'dod chags kyis ma chags pa dang / zhe sdang gis mi sdang ba
- 153b
dang / gti mug gis ma rmongs pa dang / rgyal srid kyi dbang phyug gi bde ba la ma chags pa dang / 'dod pa'i bde ba dang / 'dod pa'i longs spyod kyi bde ba la ma chags pa dang / mi rtag par lta ba dang / bag yod pa dang / ma chags pa dang / mi bskam pa dang / ma zhen pa dang / ma myos pa dang / srog snyoms pa med par 'chi bas/ 'jigs skrag par bya'o chos kho nas rgyal srid gyis shig/ chos ma yin pas ni mi bya'o// khyod chos dang mthun par gyis shig/ chos ma yin pa dang mthun par/ mi bya'o// de ci'i phyir zhe na/ rgyal po chen po 'dod pa'i rnyed pa dang / rab tu rnyed pa dang / stsogs pa dang / rab tu stsogs pa dang / sten par 'dod pa dag gis ngoms par 'gyur ba nga mi smra ste/ gang dag 'phags pa'i shes rab kyis ngoms par gyur pa de dag ni ngoms so// rgyal po chen po 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa rnam par shes pa'i rkyen gyis ming dang gzugs/ mi dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnaMs 'byung bar 'gyur te/ de lta
- 154a
sdug bsngal gyi phung po chen po 'ba' zhig po 'di 'byung bar 'gyur ro// de la ma rig pa 'gags pas 'du byed 'gag/ 'du byed 'gas pas rnam par shes pa 'gags/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde / pa dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' shi ga po 'di yang 'gag par 'gyur ro// rgyal po chen po de lta bas na/ 'dod chags kyis ma chags pa dang / zhe sdang gis mi sdang ba dang / gti mug gis ma mongs pa dang / rgyal srid kyi dbang phyug dang / dbang gi dregs pa med par chos kho nas rgyal srid gyis shig/ chos ma yin pa ni mi bya'o// khyod chos dang mthun par gyis shig/ chos ma yin pa dang mthun par mi bya'o// de ci'i phyir zhe na/ rgyal po chen po 'dod pa rnams kyi rnyed pa dang / rab tu rnyed pa dang / ngoms pa mi 'gyur ba'i bar du nga smra ste/ rab tu ngoms par mi 'gyur ro// zhes nga smra'i/ gang dag 'phags
- 154b
pa'i shes rab kyis ngoms par gyur pa de dag ni ngoms so// de nas bcom ldan 'das kyis de'i tshe tshigs su bcad pa 'di dag bka' stsal to// mi nyid 'di ni 'gro bar 'gyur/ 'chi bag rab tu mi bzad 'ong // khyod kyis tshe 'di mi brtan gyis// rgyal po bag med ma byed cig/ nor ni btang gi lus ni srung bar bya// yan lag btang gi srog kyang bsrung bar bya/ nor dang yan lag rnams dang de bzhin srog/ thams cad btang gi 'dir ni chos bsrung ngo // chos spyod pa ni chos la bsrung bar byed// dper na dbyar dus gdugs chen bsrung ba bzhin// chos spyod pa yin pa na yon 'di yin te// chos spyod pa ni ngan 'gror mi 'gro'o// chos ma yin pa spyod cing bgo med pa/ 'di na shi 'phos mi zad ngan song 'gro// gang da gnas na 'chi bas mi tshugs na// sa phyogs de ni yod pa ma yin te// bar snang ma yin rgya mtsho'i nang ma yin// ri'i phrag tu zhags kyang mi phan no// 'chi ba'i 'jigs pa chen po deng nga ni/ phung po 'jog cing srog 'gag shes gyis la// 'chi med thob pa khyod ni mos par gyis mya ngan thob phyin chad 'chi mi 'gyur/ bcom ldan 'das kyis de skad ces bka' stsal nas/ yul ko sa la'i rgyal po gsal rgyal dang / srog chags brgyad khri bzhi stong po 'di dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa rgyal po la gdams pa zhes bya ba
- 155a
theg pa chen pa'i mdo// rdzogs s+ho// / rgya gar skad du/ bim pa swa ra pad t+yu ga ma nan na ma ma hA ya na su tra/ bod skad du/ mdo chen po gzugs can snying pos gsu ba zhe bya ba/ dkon mchog gsum la phyag 'tshal lo// 'di skad bdag gis thos pa'i dus gcig na/ bcom ldan 'das dge slong stong gi dge 'dun chen po thams cad kyang sngon ral pa can thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba yongs su zad pa yang dag pa'i shes pa sems shin tu rnam par grol ba sha stag dang / thabs cig tu yul ma ga d+har yul rgyu zhing gshegs pa na/ ma ga d+ha po rnams kyi mchod rten/ rab rtan gyi smyug ma'i nags khrod ga la ba der gshegs te de nas bcom ldan 'das rab brtan du byon nas ma ga d+ha pa rnams kyi mchod rten rab brtan gyi smyug ma'i nags khrod na bzhugs so// yul ma ga d+ha'i rgyal po bzo sbyangs gzugs can snying pos// bcom ldan 'das dge slong stong gi dge slong gi dge 'dun chen po thams cad kyang / sngon ral pa can thams cad kyang dgra bcu pa/ zag pa zod pa/ bya ba byas pa/ byed pa byas pa/ khur bor ba/ bdag nyid kyi don rjes su thob pa/ srid pa kun tu sbyor ba/ yongs su zad pa/ yang dag pa'i
- 155b
shes pas sems shin tu rnam par grol ba sha stag dang thabs cig tu/ yul ma ga d+har rgyu zhing gshegs pa na/ ma ga d+ha pa rnams kyi mchod rten rab brtan gyi smyug ma nags khrod ga la ba der gshegs te/ de nas bcom ldan 'das rab brtan du byon nas/ ma ga d+ha pa rnams kyi mchod rten rab brtan gyi smag ma'i nags khrod na bzhugs so// zhes thos so// thos nas kyang rgyal po'i 'byor pa chen po dang / bsnyen bkur la 'gro ba'i phyir/ rgyal ba'i khab nas byung ste/ de bzhon pas bgrod pa'i sa ji srid pa de srid du bzhon pas song nas/ gzhon pa las babs te/ rkang pa kho na kun dga'i ra bar bzhugs nas yul ma ga ta'i rgyal po gzo sbyangs gzugs can snying pos bar skabs gang nas/ bcom ldan 'das mthong ba'i bar skabs der/ rgyal po'i chos kyis mtshan lnga po cod pan dang / gdugs dang / ral gri dang / rnga yab nor bu/ can dang / lham khra bo dag phud de bzhag go// de nas yul ma ga ta'i rgyal po gzo sbyangs gzugs can snying pos rgyal po'i chos kyi mtshan ma lnga po dag phud de bzhag nas/ bcom ldan 'das ga la ba der song te phyin pa dang / bla gos phrag pa gcig tu gzar te pus mo g.yas pa'i lha nga sa la btsugs nas/ bcom ldan 'das ga la ba de/ logs su thal mo sbyar ba btud de/ btsun pa bdag ni yul ma ga d+ha'i rgyal po bzo sbyangs gzugs can snying po lags so// btsun pa bcom ldan 'das bdag ni yul
- 156a
ma ga d+ha'i rgyal po bzo sbyangs gzugs can snying po lags so// rgyal po legs so zhes lan gsum gyi bar du rang gi ming rjes su bsgrags so// bcom ldan 'das kyis bka' stsal pa/ rgyal po de de bzhin no// de de bzhin te/ rgyal po yin no// rgyal po chen po khyod ni yul ma ga ta'i rgyal po bzo sbyangs gzugs can snying po yin no// rgyal po chen po khyod rang gi stan gang yin pa la 'dug shig/ de nas yul ma ga ta'i rgyal po gzo sbyangs gzugs can snying pos/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// yul ma ga d+ha'i bram ze dang / khyim bdag kha gcig gis ni/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// kha cig gi ni bcom ldan 'das la mngon sum du phan tshun kun dga' bar gyur pa dang / yang dag par 'gyur ba'i gtam sna tshogs dag gsol te/ phyogs cig tu 'khod do// kha cig ni bcom ldan 'das ga la ba de logs su thal mo sbyar ba btud te/ phyogs cig tu 'khod do// kha cig gis ni rgyang ring po kho nas bcom ldan 'das mthong nas/ cang mi smra bar phyogs cig tu 'khod do/ de'i tshe na ral pa can tshe dang ldan pa steng rgyas 'od srung 'khor de nyid du 'dus te 'dug par gyur to// de nas yul ma ga d+ha'i bram ze dang / khyim bdag rnams 'di snyam du sems te/
- 156b
dge slong chen po ral pa can lteng rgyas 'od srung 'khor de nyid gi drung na dge slong chen po tshangs par spyad pa spyod dam/ 'on te ral can lteng rgyas 'od srung nyid dge slong chen po'i spyan sngar tshangs par spyad pa spod snyam mo// de nas bcom ldan 'das kyi yul ma ga d+ha'i bram ze dang / khyim bdag rnams kyi sems thugs kyis mkhyen nas/ tshe dang ldan pa lteng rgyas 'od srung la tshigs su bcad pa'i dbyangs kyi dri ba dris pa/ lteng rgyas gnas pas 'di la ci mthong na/ khyed kyis me spangs brtul zhugs kho na spyod/ khyod kyi byi ltar me sbyin sreg spangs// 'od srung de'i don ni nga la spros/ tshe dang ldan pa lteng rgyus 'od srung gis gsol pa// 'di ni kha cig zas dang skom dag dang // ro dang 'dod pa bud med brjod bgyid pa// rdzas byung de dag dri mar rab mthong bas/ de slad mchog sbyin sreg la bdag mi dga'// bcom ldan 'das kyis bka' stsal pa// gal te khyod ni 'dod dang zas skom dang // de bzhin ro rnams dag la yid dgar mi byed na/ ji ltar lha mi 'jig rten dag la khyod kyi yid// dga' bar byed pa dris pa 'od srung smos// tshe dang ldan pa lteng rgyas 'od srung gis gsol pa/ go 'phang zhing mchog phung po ma mchis shing ci yang ma mchis 'dod srong ma chags la// mi 'gyur gzhan gyi mi dkri mthong lags pas// de slad mche/ sbyin sreg la bdag mi dga'// mi nyams go 'phangs dam pa ma mthong ste/ mchod sbyin brtul zhugs rnams dang zhugs kyis kyang / grol bar 'gyur zhes bdag yid rmongs gyur
- 157a
cig/ ldong shing skye shi'i rjes su zhugs par gyur/ go'u ta ma skye mngon du rnams 'dren pa/ thub pa bden pa'i brtsal mnga' khyod byung zhing / gtso mchog skyob pas legs da ltar ni// go 'phangs 'dus ma bgyis te bdag gis mthong // bcom ldan 'das kyis bka' stsal pa// rab tu rnam par phye ba'i chos rnams la/ dam pa gang yin de ni rtogs gyur pa// de ni khyod kyis nyes bsam ma yin te/ khyod kyi nyes pa legs par rtogs pa yin// 'od srung 'khor rnams skyo ba ma skyed cig/ de nas tshe dang ldan pa ltang rgyas 'od srungs// bcom ldan 'das kyis skabs steng gi nam mkha' la mngon par 'phags te// spyod lam rnam pa bzhi po 'di lta ste/ 'chag pa dang / 'greng ba dang / 'dug pa dang / nyal ba dag byed do// me'i khams la yang snyoms par zhugs te/ tshe dang ldan pa lteng brgyas 'od srung me'i khams la snyoms par zhugs pa'i lus la/ 'od zer rnam pa sna tshogs 'di lta ste/ mngon po dag dang / ser po dag dang / dmar po dag dang / dkar po dag dang / btsod ka dag dang / shel gyi kha dog lta bu dag dang / byung ngo // cho 'phrul gzugs dag kyang rnam par bstan te/ lus kyi smad nas me 'bar la/ lus kyi stong nas chu grang mo'i rgyun 'bab pa dang / lus kyi stod nas me 'bar la/ lus kyi smad nas chu grang mo'i rgyun 'bab pa dag kyang rnam par bston to// shar phyogs su ji lta bzhin du/ lho dang / nub dang / byang phyogs kyi steng gi nam mkha'
- 157b
la yang mngon par 'phags te/ spyod lam rnam pa bzhi po 'di lta ste/ 'chag pa dang / 'greng ba dang / 'dug pa dang / nyal ba dag byed do// me'i khams la yang snyoms par zhugs te/ tshe dang ldan pa lteng rgyas 'od srung me'i khams la yang snyoms par zhugs pa'i lus las 'od zer rnam pa sna tshogs 'di lta ste/ ma sngon po dag dang / ser po dag dang / dmar po dag dang / dkar po dag dang / bcod ka dag dang / shel gyi kha dog lta bu dag byung ngo // cho 'phrul zung dag kyang rnam par bstan te/ lus kyi smad nas me 'bar la/ lus kyi stong nas chu grang me'i rgyun 'bab pa dang / lus kyi stod nas me 'bar la/ lus kyis smad nas chu grang me'i rgyun 'bab pa dag kyang rnam par bstan to// de ltar phyogs bzhir rdzu 'phrul gyi cho 'phrul rnam pa bzhi bstan nas/ rdzu 'phrul mngon par 'du bya ba de dag phyir bsdus te/ bla gos phrag pa gcig tu bzar nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba gtud nas/ bcom ldan 'das la 'di skad ces gsol to// bcom ldan 'das ni bdag gi ston pa lags so// bdag ni bcom ldan 'das kyi nyan thos lags so// bcom ldan 'das ni bdag gi ston pa lags so// ston pa lags so// bdag ni bcom ldan 'das kyi nyan thos lags so// nyan thos lags so// bcom ldan 'das kyis bka' stsal pa/ 'od srung de de bzhin no// de de bzhin te/ 'od srung nga ni khyod kyi ston pa yin
- 158a
bya// no// khyod ni nga'i nyan thos yin no// 'od srung nga ni khyod kyi ston pa yin no// ston pa yin no// khyod ni nga'i nyan thos yin no// nyan thos yin no// 'od srung khyod rang gi stan pa gang yin pa la 'dug shig/ de nas tshe dang ldan pa lteng rgyas 'od srung gis/ bcom ldan 'das kyi zhabs la mgo bos phyag 'tshal te/ rang gi stan gang yin pa la 'dug go/ de nas yul ma ga d+ha'i bram ze dang / khyim bdag rnams 'di snyams du sems te/ dge sbyong chen po ni// ral pa can steng rgyas 'od srung gi drang na tshangs par spyad pa spyod pa ma yin gyi// ral pa can lteng rgyas 'od srung nyid/ dge sbyong chen po'i spyan snga na tshangs par spyod par spyod pa yin no nyam mo// de nas bcom ldan 'das kyis yul ma ga d+ha'i rgyal po bzo sbyangs gzugs can snying po la bka' stsal pa/ rgyal po chen po gzugs ni skye ba yin/ 'jig pa yang yin te/ de'i skye ba dang / 'jig pa yang rtog par bya'o// rgyal po chen po tshor ba dang / 'du shes dang / 'du byed rnams dang / rnam par shes pa ni skye ba yang yin/ 'jig pa yang yin to/ de'i skye ba dang / 'jig pa yang rtogs par bya'o// rgyal po chen po gzugs kyi skye ba dang / 'jig pa'i chos nyid rtogs pa'i rigs kyi bus ni/ gzugs de yongs su shes pa yin no// rgyal po chen po tshor ba dang / 'du shes dang / 'du byed rnams dang / rnam par shes pa'i skye ba dang / 'jig pa'i chos nyid/ rtogs pa'i rigs kyi bus
- 158b
ni rnam par shes pa de yongs su shes pa yin no// rgyal po chen po gzugs yongs su shes pa'i rigs kyi bu ni/ bdag dang bdag gi zhes khas len par mi byed// nye bar len par mi byed/ lhags par gnas par mi byed/ mngon par zhen par mi byed do// rgyal po chen po tshor ba dang / 'du shes dang / 'du byed rnams dang / rnam par shes pa yongs su shes pa'i rigs kyi bu ni bdag dang bdag gis zhes khas lon par mi byed/ nye bar len par mi byed/ lhag par gnas par mi byed/ mngon par zhen par mi byed do// rgyal po chen po gzugs bdag gir mi byed/ khas len par mi byed/ nye bar len par mi byed/ lhag par gnas par mi byed/ mngon par zhen par mi byed pa'i rigs kyi bu ni tshad med pa dang / grangs med pa yin te/ mya ngan las 'das pa yin par nga smra'o// rgyal po chen po tshor ba dang / 'du shes dang / 'du byed rnams rnam par shes pa bdag gir mi byed/ khas len par mi byed/ nye bar len par mi byed/ lhag par gnas par mi byed/ mngon par zhen par mi byed pa'i rigs kyi bu ni tshad med pa dang / grangs med pa yin te/ mya ngan las 'das pa'i yin por nga smra'o// de nas yul ma ga d+ha'i bram ze dang / khyimabadag rnams 'di snyam du sems te/ gal te gzugs bdag ma yin zhing / tshor ba dang / 'du shes 'du byed rnams dang // rnam par shes pa yang bdag ma yin na//
- 159a
/ 'o na ci gang nam yang byung bar ma gyur pa dang / 'byung ba mi 'gyur ba dang / da ltar yang med pa ma yin zhing / gang de dang de dag du bde ba dang / sdig pa'i las byas shing / byas drag gis rnam par smin pa so sor myong bar byed pa dang / gang phung po gzhan dang nyin mtshan sa sbyor bar 'gyur ba'i bdag ga sems can nam/ srog gam/ skye ba 'am/ gso ba 'am/ gang zag gam/ shed las skyes sam/ shed bu 'am/ byed pa po 'am/ byed du 'jug po 'am/ skyes pa po 'am/ kun nas skyed pa po 'am/ slong ba po dang / kun nas slong ba po dang / smra ba po dang / mong ba po 'am/ so sor myong ba po de gang zhig yin snyams mo// de nas bcom ldan 'das kyis yul ma ga d+ha'i bram ze dang / khyim bdag rnams kyi sems thugs kyis mkhyen nas/ dge slong rnams la bka' stsal pa/ dge slong dag byis pa/ so so'i skye bo thos pa po dang / mi ldan pa ni bdag bdag ces tha snyad 'dogs pa'i rjes su lhung ste/ de la ni bdag gam/ bdag gir bya ba med do// dge slong dag sdug bsngal 'di skye ba ni skye la/ sdug bsngal 'gag pa ni 'gog go/ 'du byed rnams skye ba skye ba la/ 'du byed rnams 'gag pa ni 'gag ste/ rgyu de dag dang / rkyen de dag la rten nas/ sems can rnams kyi 'du byed kyi rgyun 'byung bar 'gyur te/ dge slong dag de bzhin gshegaso pa ni/ 'du byed kyi rgyun nyin mtshams sbyor bar thugs su chud na/
- 159b
sems can rnams kyi 'chi 'pho dang / skye ba 'dogs par mdzad do// dge slong dag ngas lha'i spyan rnam par dag pa mi'i las shin tu 'das pas sems can 'chi 'pho ba dang/ dang / skye ba dag dang / mdog bzang ba dag dang / mdog ngan pa dag dang / bzang po dag dang / bde 'gror 'gro ba dag dang / ngan 'gror 'gro ba dag kyang gzigs la/ sems can shes pa dang ldan pa 'di dag ni lus kyis nyes par spyod pa dang ldan pa/ ngag dang / yid kyi nyes par spyod pa ldan pa/ 'phags pa rnams la skur pa 'debs pa/ log par lta ba dag ste/ log par lta ba'i las dang / chos yang dag par blangs pa'i rgyus lus zhig ste/ shi ba'i 'og te rgyu de dang rkyen des ngan song ngan 'gror ltung ba sems can dmyal ba rnams kyi nang du skye bar 'gyur ba dang / sems can shes pa dang ldan pa 'di dag ni lus kyis legs par spyod pa dang ldan pa/ ngag dang / yid kyi legs par spyod pa dang ldan pa/ 'phags pa rnams la bskur pa mi 'debs pa/ yang dag par lta ba dag ste/ yang dag par lta ba'i las dang / chos yang dag par blangs pa'i rgyus lus zhig ste/ shi ba'i 'og tu rgyu de dang rkyen des bde 'gro mtho ris kyi 'jig rten du lha rnams kyi nang du skye bar 'gyur ro// zhes sems can rnams las ji lta ba bzhin du nye bar 'gro ba dag kyang yang dag pa ji lta ba bzhin du rab tu mkhyen to// dge slong dag ngas de ltar mkhyen cing de ltar gzigs pas na/ nga ni gang rnam yang byung bar ma gyur
- 160a
bya/ pa dang / 'byung bar mi 'gyur ba dang / da ltar yang med pa ma yin zhing gang de dang de dag tu dge ba dang / sdig pa'i las byas shing byas pa dag gi rnam par smin pa so sor myong bar byed pa dang / gang phung po 'di 'dor zhing phung po gzhan dang nying mtshams spor ba de/ chos kyi brda ma gtogs par/ bdag gam/ sems can nam/ srog gam/ skye ba 'am/ gso ba 'am/ gang zag gam/ shed las skyes sam/ shed bu dang / byed pa po dang / byed du 'jug pa po 'am/ skyed pa po 'am/ kun nas skyed pa po 'am/ slong ba po 'am/ kun nas slong ba po 'am/ smra ba po 'am/ myong ba po 'am/ so sor myong ba po yin no zhes mi smra'o// de la chos kyi brda ni 'di yin te/ 'di lta ste/ 'di yod pa'i phyir 'di 'byung la/ 'di skyes pa'i phyir 'di skye ba ste/ 'di lta ste/ ma rig pa'i skyen gyi 'du byed rnams 'du byed kyi rkyen gyi rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsnga ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' shig po 'di 'byung bar 'gyur ro// 'di lta ste/ 'di
- 160b
med pas 'di mi 'byung la/ 'di 'gags pas 'di 'gag pa ste/ 'di lta ste/ ma rigs pa 'gags pas 'ang byed 'gag/ 'du byed 'gags pas/ rnam par shes pa 'gag/ rnam par shes pa 'gegs pas/ ming dang gzugs 'gag/ ming dang gzugs 'gags pas// skye mched drug 'gag/ skye mched drug 'gags pa// reg pa 'gag/ reg pa 'gags pas/ tshor ba 'gag/ tshor ba 'gags pas/ sred pa 'gag/ sred pa 'gags pas/ len pa 'gag/ len pa 'gags pas// srid pa 'gag/ srid pa 'gags pas/ skye ba 'gag/ skye ba 'gags pas/ rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te// de ltar sdug bsngal gyi phung po 'ba' shig po 'gag par 'gyur ro// dge slong dag de ltar 'du byed rnams ni sdug bsngal ba yin la/ mya ngan las 'das pa zhi ba yin te/ rgyu kun 'byung ba las/ sdug bsngal kun 'byung bar 'gyur la// rgyu 'gags pa las sdug bsngal 'gag pa dang / lam gyi rgyun 'chang ba dang / mi 'byung ba dang / nying mtshams sbyor ba med cing 'gag par 'gyur te/ sdug bsngal gyi mtha' ni de lta bu kho na yin no// dge slong dag de la de sdug bsngal gang yin pa de 'gags pa dang / de nye bar zhi ba dang / de gsil bar gyur pa dang / de nub par gyur pa ma rtog par/ su zhig yongs su
- 161a
mya ngan las 'das te/ dge slong dag 'di lta ste// phung po kun spangs pa/ sred pa zad pa/ 'dod chags dang bral ba/ 'gog pa mya ngan las 'das pa'i go 'phang 'di ni zhi ba yin no// de nas bcom ldan 'das kyis yang lan gnyis su yul ma ga d+ha'i rgyal po bzo sbyang // gzugs can snying po la bka' stsal pa/ rgyal po chen po ji snyam du sems/ gzugs rtag pa zhig gam// mi rtag pa zhig yin snyam/ rgyal pos gsol pa/ btsun pa de ni mi rtag pa lags so// bcom ldan 'das kyis bka' stsal pa/ rgyal po chen po gang mi rtag pa de sdug bsngal ba zhig gam/ sdug bsngal ba ma yin/ rgyal pos gsol pa/ btsun pa de ni sdug bsngal ba lags so// bcom ldan 'das kyis bka' stsal pa/ rgyal po chen po 'o na mi rtag pa dang / sdug bsngal ba dang / rnam par 'gyur ba'i chos can de la 'phags pa nyan thos pa dang ldan pa dag 'di ni bdag gi'o// 'di bdag go// 'di ni bdag gi bdag go zhes bdag tu khas len par byed dam/ rgyal pos gsol pa/ btsun pa mi bgyid lags so// bcom ldan 'das kyis bka' stsal pa// rgyal po chen po ji snyam du sems/ tshor ba dang / 'du shes dang / 'du byed rnams dang / rnam par shes pa rtag pa zhig gam// mi rtag pa zhig yin snyam/ rgyal pos gsol pa// btsun pa de ni mi rtag pa lagaso// bcom ldan 'das kyis bka' stsal pa/ rgyal po chen po
- 161b
mi rtag pa de/ sdug bsngal ba zhig gam/ sdug bsngal ba ma yin nam/ rgyal pos gsol pa/ btsun pa de ni sdug bsngal ba lags so// bcom ldan 'das kyis bka' stsal pa/ rgyal chen po 'o na gang mi rtag pa dang / sdug bsngal ba dang / rnam par 'gyur ba'i chos can de la 'phags pa nyan thos pa dang / ldan pa dag/ 'di ni bdag gi'o// 'di ni bdag go/ 'di ni bdag gi bdag go zhes bdag tu khas len par byed dam/ rgyal pos gsol pa/ btsun pa mi bgyid lags so// bcom ldan 'das kyis bka' stsal pa/ rgyal po chen po de lta bas na/ gzugs gang ci yang rung ba/ 'das pa 'am/ ma 'ongs pa 'am/ da ltar byung ba 'am/ nang gi 'am/ phyi rol gyi 'am/ rags pa 'am/ phra ba 'am/ bzang po 'am/ ngan pa 'am/ gang rgyang ring ba 'am/ gang thag nye ba de dag thams cad la yang dag pa/ shes rab kyis 'di ni bdag gi ma yin no// 'di ni bdag ma yin no// 'di ni bdag gi bdag ma yin no// zhes de ltar de dag la yang dag ji lta ba bzhin du blta bar bya'o// tshor ba dang / 'du shes dang / 'du byed gang ci yang rung ba dag dang / rnam par shes pa gang ci yang rung ba 'das pa 'am/ ma 'ongs pa 'am/ da lta/ byung ba 'am/ nang gi 'am/ phyi rol gyi sa 'am/ rags pa 'am/ phra ba 'am/ bzang po 'am/ ngan pa 'am/ gang rgyang ring ba 'am/ gang thag nye ba de dag thams cad la/
- 162a
yang dag pa'i shes rab kyis 'di ni bdag gi ma yin no// 'di ni bdag ma yin no// 'di ni bdag gi bdag ma yin no zhes de ltar de dag la yang dag par ji lta ba bzhin du lta bar bya'o// rgyal po chen po de ltar blta ba'i 'phags pa nyan thos dang ldan pa'i gzugs la yang skyo bar 'gyur/ tshor ba dang / 'du shes dang / 'du byed rnams dang / rnam par shes pa yang skyo bar 'gyur ro// skyon 'dod chags dang bral bar 'gyur ro// 'dod chags dang bral na rnam par grol bar 'gyur ro// rnam par grol bas bdag ni skye ba zad do// tshangs par spyod pa bstan to// bya ba byas so// srid pa 'di las gzhan mi shes so zhes rnam par grol ba shes shing mthong bar 'gyur ro// chos kyi rnam grangs 'di bshad pa na yul ma ga d+ha'i rgyal po// bzo sbyangs gzugs can snying po dang / lha brgyad khri dang / yul ma ga d+ha'i bram ze dang / khyim bdag 'bum phrag du ma dag chos rnams la chos kyis mig rdul med cing dri ma dang bral ba skyes so// de nas yul ma gaH rgyal po bzo sbyangs gzugs can snying po chos mthong zhing / chos thos la chos rtogs shing / chos kyi bting slebs te/ nem nur las rgal te/ the tsom las rgal cing gzhan gyi dring mo 'jogs pa dang / gzhan gyi dkrir mi zug pa dang / ston pa'i bstan pa'i chos rnams la mi 'jigs pa thob nas/ stan las langs te/ bla gos phrag pa
- 162b
gcig tu byas nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btung nas/ bcom ldan 'das la 'di skad ces gsol to// btsun pa bdag ni mngon par zhugs pa lags so// bdag ni mngon par zhugs so// bdag bcom ldan 'das dang / ches dang / dge slong gi dge 'dun la skyabs su mchi lags kyis/ bdag dang slan chad ji srid mtsho'i bar du srog gcod pa las stsogs pa/ spangs pa/ skyabs su mchis pa/ mngon par gyur pa'i dge bsnyen lags par gzung du gsol// bdag gi ji srid 'tsho'i bar du bcom ldan 'das dge slong gi dge 'dun dang bcas pa la na za dang / bsod snyoms dang / gzims cha dang / gdan dang / snyan gyi gsol sman yo byad dag gis bsnyen bkar bgyi bar 'tshal na/ bcom ldan 'das rgyal po'i khab du shegs par cig nang / bcom ldan 'das kyis yul ma ga d+ha'i rgyal po bzo sbyangs gzugs can snying po la cang mi gsung bas snang bar mdzad do// de nas yul ma ga d+ha'i rgyal po bzo sbrang gzugs can snying pos bcom ldan 'das kyi cang mi gsungs par snang bar rig nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das kyis zhabs la mgo bos phyag 'tshal te/ bcom ldan 'das kyi spyan snga nas phyir song ngo // mdo chen po gzugs can snying de
- 163a
bsu ba zhes bya ba/ rdzogs s+ho// rgya gar gyi mkhan po 'dzin mi ta dang / brad bar ma dang / zhu chen gyi lo cha ba de ye shes sde la sogs pas/ sgyur zhing zhus te/ gtan la phab pa// rgya gar skad du/ Ar+ya tri skan d+ha ka na ma ma hA ya na su tra/ bod skad du/ 'phags pa phung po gsum pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan 'das chos kyi dbye dgon pa na bzhugs te/ 'das pa dang / ma byon pa dang da ltar byung ba'i sangs rgyas bcom ldan 'das ye shes chen pos legs par thugs su chud pa'i blo mnga' ba/ sangs rgyas thams cad dang mnyam pa nyid mnyes pa/ chos kyi sku gnyis su med pa la rten cing gnas pa// nam mkha'i dkyil yul du gyur cing thug pa med pa'i ye shes mnga' ba/ chos kyi dbyings thams cad rab tu bzhugs po'i sku dang ldan pa/ chos kyi cod pan chags pa med pa mchog dam pa dri ma med pas bcings pa/ so so yang dag par rig pa chen po rjes su bsgrags pas shin tu rnam pa che ba'i dbyings can/ bsod nams mi zad pa'i mdzod kyi ye shes kyi dkyil 'khor yangs shing 'od gsal ba/ nyon mongs pa med pa'i chos thugs su chud pas mi
- 163b
rten par gnas pa/ chos kyi dbyings thams cad du shin tu rnam par grol ba'i ye shes kyi sku dang ldan pa/ bskal pa bye ba dpag tu med par yon tan gyi chos yongs su brjod kyang mi zad cing thug pa med pa'i yon tan gyi bsngags pa stan pa'i khyad par brnyes pa de dag la phyag 'tshal lo// de bzhin gshegs pa sems can thams cad snyed kyis// sangs rgyas bcom ldan 'das gang rnams las kyis de bzhin gshegs pa re re'i tshul khrims kyis yon tan gyi sngags pa brjod pa phun sum tshogs pa las brtsams te// bskal pa mtha' yas par sngags pa brjod kyang // de bzhin gshegs pa de'i tshul khrims kyi yon tan gyi bsngags pa phun sum tshogs pa yang mi zad cing thug pa ma mchis la// de bzhin gshegs pa de dag gi spobs pa so so yang dag par rig par la yang thug pa ma mchis te// de ltar sangs rgyas bcom ldan 'das tshul khrims dpag ta ma mchis pa dang / mi mnyam pa dang // mnyam pa dang // mtshungs pa ma mchis pa dang // snang ba ma mchis pa dang / bdag nyid chen po dang // zil gyis gnon pa dang // yon tan gyi chos thams cad bdud pa dang / yang dag par rdzogs pa'i sangs rgyas kyi bka' stsal pa'i mos pas lhag par mos so// khrims la ji lta ba bzhin du// ting nge 'dzin dang / shes rab dang / rnam par grol ba dang / rnam par grol ba'i ye shes mthong ba
- 164a
dang / de bzhin du byams pa chen po dang / snying rje chen po dang / dga' ba chen po dang / btang snyoms chen po dang / de bzhin du stobs dang / mi 'jigs pa dang / de bzhin du sangs rgyas kyi chos thams cad yang dag par 'byung ba dang bar dag la lhag par mos so// mos nas kyang sangs rgyas bcom ldan 'das de dag la phag 'tshal lo// bstod do// bkur ro// bsngags so// rab tu bsngags so// 'dud do// phyag bgyi'o// bzhol lo// blta'o// brtag go/ byams pa'i lus kyi las dang / byams pa'i ngag gi las dang / byams pa'i yid kyi las ye shes sngon du 'gro ba dang / kun tu bzang ba dang / sangs rgyas kyi brgyan gyi lus kyi las dang / ngag gi las dang / yid kyi las kyis/ sangs rgyas bcom ldan 'das de dag la phyag 'tshal lo// bstod do// bkur ro// bsngags so// rab tu bsngags so// 'dod do// rab tu 'dud do// phyag bgyi'o// gzhol lo// blta'o// brtag go// dmigs pa dpag tu ma mchis pa dang ldan pa'i me rtog dang / spos dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / mar me dang / bkod pa dang / lhab lha ba dang / mchod rten rtsigs pa dang / sku gzugs bgyi ba dang / rin po che dang / rgyan dang gzhon pa dang / 'chags sa dang / btsug
- 164b
lag khang dang / yo byad thams cad bkod pa rnam par dag pa rgya chen po 'di dag gis kyang / de bzhin gshegs pa de dag la sti stang du bgyi'o// btsun par bgyi'o// ri mor bgyi'o// mchod do// rim 'gror bgyi'o// mchod par mos pa'i stobs las nges par 'byung ba/ khams gsum pa las shin tu 'das pa nyon mongs pa ma mchis pa'i chos las byung ba/ mngon par 'du byed pa ma mchis pa'i phyag rgyas btab pa/ ye shes sgyu ma las shin tu yongs su grub pa las sgyu mas rnam par phye ba/ gnas pa thams cad las 'phags pa/ 'jig rten sgyu ma las byung ba/ ngo bo nyid kyi chos dang 'brel pa/ yang dag par rdzogs pa'i sangs rgyas kyis bka' stsal pa'i mchod pas/ de bzhin gshegs pa de dag la sti stang du bgyi'o// btsun par bgyi'o// ri mor bgyi'o// mchod do// gsol lo/ rim 'gro bgyi'o// gong du yang byang chub sems dpa' de bzhin gshegs pa de bsab par 'tshal ba/ sems can gyi rgyud yongs su smin par bgyid pa/ 'tshal ba/ zhing gi rgyud rnam par spyod par 'tshal ba/ las kyi rgyud dang mi 'gal bar 'tshal ba/ chos kyi rgyud rab tu rnam par 'byed par 'tshal ba/ dus gsum gyi rgyud rtogs par 'chal ba/ phyogs kyi rgyud la rab tu 'jug par 'tshal ba/ 'dod chags ma mchis pa'i rgyud la rab tu 'god par 'tshal ba/ mos pa'i rgyud rnam
- 165a
par sbyong bar 'tshal ba/ dbang po'i rgyud la blta bar 'tshal ba/ chos kyi dbyings kyi 'khor lo la rnam par 'phrul bar 'tshal ba/ 'gro ba'i 'khor lo thams cad bsdu bar 'tshal ba'i byang chub sems dpa' rnams kyis/ ji ltar sangs rgyas bcom ldan 'das dag gis/ sangs rgyas kyi mkhyen pa chags pa mi mnga' zhing sgrib pa mi mnga' bas/ mkhyen cing rab tu mkhyen pa de lta bus/ de bzhin gshegs pa dag la mchod par bgyi ba de bzhin du// bdag gis kyang yang dag par rdzogs pa'i sangs rgyas kyi bka' stsal pa'i mchod pa/ byang chub sems dpa'i dkyil 'khor thams cad rab tu dga' bar bgyid pa/ byang chub sems dpa' kun tu bzang po'i spod pa rab 'byams las nges par 'byung ba/ byang chub sems dpa' ye shes bla ma gnas pa'i yul gyi rjes su zhugs pas// de bzhin gshegs pa la mchod pa bgyi'o// de bzhin gshegs pa la mchod pa'i las kyi slad du/ de bzhin gshegs pa dang / rim 'gro bgyi ba dang / gtsug gi bla ma zhes bgyi bas/ 'jig rten gyi khams rab 'byam thams cad du 'jug ste/ de bzhin gshegs pa la mchod pa 'di lta ste/ pha rol phyin pa las byung ba/ byang chub sems dpa'i rigs btsun par skyes pa'i ye shes kyi mig mis rig pa/ sangs rgyas kyi yul thams cad rgyas par 'gengs pas/ 'jig rten gyi khams chos kyi dbyings su gtogs
- 165b
pa/ ming gis khyab pa mang po dag na chos kyi dbyings rgyas par 'gengs pa'i 'khor gyi dkyil 'khor rnams dang / nam mkha'i khams kyi thas btugs pa'i chos kyi dbyings su gtogs pa'i 'jig rten gyi khams rnams su 'jug go/ de bas gong su yang / mchod pa yon tan dpag tu ma mchis pa dang ldan pa/ dge ba'i rtsa ba chen po'i shugs kyis bskyed pa dang / rdo rje'i dbang po snang bar bgyid pa/ sangs rgyas kyi yul thams cad du snang ba'i tog gis rgyal po'i ye shes las byung ba mchod pas/ de bzhin gshegs pa de la sti stang du bgyi'o// btsun par bgyi'o// ri mor bgyi'o// mchod do// gsol lo// rim 'gro bgyi'o// ji ltar bdag gis don du mchod pa de bzhin du 'jig rten gyi khams rab 'byam ma lus pa thams cad na/ sems can ji tsam sems can gyis ris na mchis pa/ sems can gyi khams de dag thams cad kyi ched du yang / de bzhin gshegs pa de dag la mchod par bgyi'o// de ltar bdag de bzhin gshegs pa la mchod pa'i stobs kyis brlan pa'i sems bskyed pa/ byams pa chen po dang / snying rje chen pos nye bar brten pa/ 'gro ba thams cad yongs su skyab pa'i smon lam dang / ldan pas de bzhin gshegs pa thams cad kyi byin gyis brlabs kyi mdzod kyi rjes su zhugs par gyur/ shes rab dang thabs kyi stobs chen pos yongs su gzung bar gyur/ bdud
- 166a
kyi yul dang / yul thams cad las yang dag par 'das par gyur nas/ sgrib par 'gyur ba'i las thams cad bshags par bgyi ste/ gang sangs rgyas bcom ldan 'das rnams kyis bka' stsal pa dang / gang sems can dam pa rnams kyis rnam par spangs pa dang / gang de bzhin gshegs pa rnams kyis smad pa dang / gang byang chub sems dpa' rnams kyis yongs su spangs pa dang / gang 'phags pa rnams kyis bshung ba dang / gang mkhas pa rnams dang zhe 'gras pa dang / gang rig pa rnams kyis bor ba/ 'dod chags dang / zhe sdang dang / gti mug gis rab tu gzir ba'i dbang gis byang ba'am/ nga rgyal dang 'cheb pa dang / 'khon du 'dzin pa'i dbang gis byung ba 'am/ pra dog dang / ser sna dang / mya ngan gyi dbang gis byung ba 'am/ sgyu dang / g.yo'i dbang gis byung ba 'am/ mngon par zhen pa'i stobs kyis byung ba 'di lta ste/ las kyi sgrib pa 'am/ chos kyi sgrib po 'am/ nyon mongs pa'i sgrib pa 'am/ lta ba'i sgrib pa'am/ mi shes pa'i sgrib pa'am/ rnam par smin pa'i sgrib pa 'am/ chos kyi phongs par 'gyur ba'i sgrib pa 'am/ nyan thos dang / rang sangs rgyas kyi theg pa dang ldan pa'i sgrib pa 'am/ theg pa chen po'i bar chad du 'gyur ba'i sgrib pa 'am/ dge ba'i rtsa ba thams cad spogs pa la gnod pa'i sgrib pa
- 166b
'am/ sdig pa'i grogs po dang / 'dre ba'i sgrib pa 'am/ byang chub sems dpa' kun tu bzang po'i sprod pa'i smon lam yongs su rdzogs par bgyi ba la sgrib pa dang / mchod pa yang rung ste sgrib pa'i tshogs bgyis shing sngags pa/ sgrib pa'i kun nas ldang ba gang gis sems can dmyal bar mchi bar 'gyur ba dang / dud 'gro'i skye gnas su mchis par 'gyur ba dang / yi dgas kyi yal du mchi bar 'gyur ba dang / lha dbul por 'gyur ba dang / sangs rgyas la lta ba yongs mi 'dzin pa dang / chos nyan pa yongs su mi len pa dang / de bzhin gshegs pa dang / chos dang / dge 'dun dkon mchog mngon par mi rig par 'gyur ba dang / byang chub sems dpa' dang 'grogs pa mi thob par 'gyur ba dang / dge ba'i bshes sbyin yang gru pas yongs su bzung ba mi skyed pas 'gyur ba dang / dge ba'i rtsa ba chab 'tshal ba yongs su 'dzin par 'gyur ba dang / byang chub kyi sems brjed par 'gyur ba dang / pha rol te phyin pa'i lam mi nyan par 'gyur ba dang / bdud sdig can rnams kyis 'joms par 'gyur ba dang / sangs rgyas kyi chos thag ring du bgyid par 'gyur ba dang / dge ba'i rtsa ba thams cad brtsam pa'i sbyor ba las rnam par zlog par 'byung ba dang / dge ba'i bshes gnyen la 'khu bar 'gyur ba dang / bsam pa yongs su dag pa mi thob pa dang / dran pa brjed pa ma mchis pa mi thong pa dang /
- 167a
chos la lta ba mi thob pa dang / sangs rgyas kyi rnam par sprul pa la mi mos pa dang / sangs rgyas kyi chos rnams la yid gnyis 'tshal bar ba dang / ting nge 'dzin gyi sgo khong du chud pa dang / sa nas sar gnas par mi thob pa dang / byang chub sems dpa' dang 'grogs pa mi thob pa dang / pha rol tu phyin pa yongs su rdzogs par bgyi ba byas pa dang ldan pa khong du chud pa dang / smon lam chen po las nur bar 'gyur ba dang / spyod pa yongs su dag pa mi thob pa dang / gzungs kyi brgyan na snang ba mi thob pa dang / spobs pa'i rgyan snang ba khong du chud pa dang / byang chub sems dpa' kun tu bzang po'i spong pa'i smon lam yongs su 'dris par bgyi ba khong du mi chud pa dang chos mnyam pa nyid mi rtogs pa dang / bsod nams mnyam pa nyid mi bskyed pa dang / ye shes mnyam pa nyid khong du chud pa dang / 'khor ba'i chos rnams kyis kun tu gzhom par 'gyur ba'i sgrib pa de lta bu la stsogs pa dang / byang chub sems dpa'i spyod pa dang / yon tan gyi chos kun tu bsgrub pa la mi phyogs par 'gyur ba'i sgrib pa'i 'gebs pa grangs ma mchis pa brgya stong phrag bcu po de dag dus gsum du rtogs pa'i de bzhin gshegs pa thams cad chos kyi dbyings su 'dres pa/ ye shes gzigs pa'i sgrib par mnga' ba/ chags pa ma mchis pa'i mig gi yul brnyes pa/ mnyam pa nyid kyi rjes su zhugs pa'i skra dang ldan pa/ chos kyi dbyings mun pa ma mchis par zhugs pa'i ye shes kyi sman
- 167b
mnyes pa'i de bzhin gshegs pa de dag thams cad kyi spyan sngar/ bdag mngon sum du gyur par mos nas/ de bzhin gshegs pa'i yul tshad med par brtag ste/ skra'i rtse mo'i cha shas gzhag pa'i khyon tsam re re la/ de bzhin gshegs pa sems can thams cad snyed du lhag par mos so// skra'i rtse mo'i cha shas cig gzhag pa'i khyon la ji lta ba de bzhin du// chos kyi dbyings thams cad du yang // de bzhin gshegs pa sems can thams cad rnyed du lhag par mos so// de bzhin gshegs pa re re la yang / lus thob par 'gro ba thams cad kyi sems rnyed kyis/ zhabs kyi 'og tu btugs te/ phyag 'tshal lo// lus thob pa re re la yang mgo dag gi lam nges pa'i tshig rnyed du lhag par mos so// mgo bo re re la yang kha'i sgo zhing thams cad kyi rdul rab tu dbye ba rnyed du lhag par mos so// kha'i sgo re re la yang lce'i rtse mo zhing thams cad kyi rdul rab tu dbye ba snyed du lhag par mos so// lce'i rtse mo'i dkyil re re la yang / nges pa'i tshig gi sgrar btags pa'i tha snyad yang dag par rdzogs pa'i sangs rgyas kyis bka' stsal pa/ 'gro ba thams cad kyi tshig gi spyod pa dang mnyam pas sgrib pa ma mchis pa'i dkyil 'khor dang mthun par gyur nas// lhag pa'i bsam pas nyon mongs pa'i ri chen po rnam par 'thor ba las byung
- 168a
/ bas sgrib par 'gyur ba'i las de dag 'chags so// mi 'chab po// 'jig rten gyi khams thams cad du 'tshal bar 'gyur ba'i gshegs pas 'chags so// bsal lo// rnam par bzhig go rab tu gzhom mo// spang ngo // gdon to// las la dbang bas dbang bgyi'o// stobs bskyed pa bsnyes pa rnams kyi bde ba nye bar bstan pa'i slad du yongs su bsngo'o// gong du yang byang chub sems dpa' de bzhin gshegs pa thams cad mnyes par bgyid par 'tshal ba/ byang chub sems dpa'i spyod pa thams cad yongs su sbyong bar 'tshal ba// byang chub sems dpa' rnam par bzhag pa thams cad las yang dag par 'da' bar 'tshal pa/ byang chub sems dpa'i smon lam thams cad yongs su dag par bgyid par 'tshal ba/ byang chub sems dpa'i gter thams cad thob par 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba/ pha rol tu phyin pa thams cad yongs su rdzogs par bgyid par 'tshal ba/ sems can thams cad yongs su smin par bgyid par
- 168b
'tshal ba/ 'jig rten gyi khams yongs su dag par thams cad rtogs par 'tshal ba/ byang chub sems dpa' kun tu bzang po'i spyod pa'i smon lam yongs su rdzogs par bgyi bar rtogs par 'tshal ba rnams kyi/ ji ltar sangs rgyas bcom ldan 'das dag gis/ sangs rgyas kyi mkhyen pa chags pa mi mnga' zhing // sgrib pa mi mnga' bas mkhyen cing rab tu mkhyen pa de lta bus sgrib par 'gyur ba'i las bshags par bgyi ba de bzhin du/ ci nas kyang bdag gis bshags pas legs par bshags par 'gyur ba dang // bar du bcod pa ma mchis par 'gyur ba dang / yon tan gyi tshogs thams cad bsgrub par 'gyur ba de lta bus sgrib par 'gyur ba'i las kyi nyes pa thams cad 'chags so// ji ltar bdag gi don du bshags pa de bzhin du// 'jig rten gyi khams rab 'byams ma lus pa thams cad na/ sems can ji tsam sems can gyis ris na mchis pa sems can gyi khams de dag thams cad kyi ched du yang bsgrib par 'gyur ba'i las kyi sgrib par 'gyur ba'i las kyi nyes pa chags so// de ltar bdag gi las kyi nyes pa sgrib par 'gyur ba thams cad so so gshegs nas/ sgrib pa ma mchis pa rnam par dag pa'i dkyil 'khor la gnas te
- 169a
'gro ba thams cad kyi dge ba'i rtsa ba la rjes su yi rang ngo // dge ba'i rtsa ba'i tshogs kyi khyad par gang gis/ ngan song dbul po yid dgas mi khoms pa 'chis pa thams cad rnam par bzlog pa de la yang rjes su yid rang ngo // sems la gnod pa ma mchis shing 'od gsal ba/ dge ba'i rtsa ba'i tshogs kyi khyad par gang gis/ ngan song dud 'gro'i skye gnas kyi mi khom par mchi ba thams cad rnam par bzlog pa de la yang rjes su yid rang ngo // dge ba'i rtsa ba'i tshogs kyi khyad par gang gis/ sems can dmyal ba'i mi khom pa bgyi ba thams cad rnam par bzlog pa de la yang rjes su yid rang ngo // bzang po'i gnas dge ba'i rtsa ba'i tshogs kyi khyad par gang gis/ lha dang mir skye ba thams cad yongs su 'dzin pa de la yang rjes su yid rang ngo // dge ba'i rtsa ba'i tshogs kyi khyad par gang gis/ bsam gtan gyi dga' ba dang / mgu ba dang bde ba thams cad myong ba de la yang rjes su yid rang ngo // dge ba'i rtsa ba'i tshogs kyi khyad par gang gis// 'khor ba la yid 'byung po'i sems thob pa de la yang rjes su yid rang ngo // dge ba'i rtsa ba'i tshogs kyi khyad par gang gis/ dge ba'i gshes gnyen yang dag pas yongs su bzung
- 169b
ba thob pa de la yang rjes su yid rang ngo // dge ba'i rtsa ba'i tshogs kyi khyad par gang gis// dge ba'i bshes gnyen rnams la gus pa'i sems rnyed pa de la yang rjes su yid rang ngo // dge ba'i rtsa ba'i tshogs kyi khyod par gang gis// sangs rgyas bcom ldan 'das rnams mnyes par bgyid de// mnyes nas mi mnyes par 'gyur ba de la rjes su yid rang ngo // dge ba'i rtsa ba'i tshogs kyi khyad par gang gis/ sangs rgyas bcom ldan 'das rnams la chos ston pa mngon sum du nyan cing thos nas som nyi dang yid gnyis zlog pa de la yang rjes su yid rang ngo // dge ba'i rtsa ba'i tshogs kyi khyad par gang gis/ 'jig rten gsum po thams cad nas 'byung ba rtogs pa de la yang rjes su yid rang ngo // dge ba'i rtsa ba tshogs pa'i khyad par gang gis// sems can thams cad kyi rton pa'i sems bskyed pa rnyed pa de la yang rjes su yid rang ngo // dge ba'i rtsa ba'i tshogs kyi khyad par gang gis// 'gro ba thams cad thogs pa ma mchis pa'i mig thob pa de la yang rjes su yid rang ngo // dge ba'i rtsa ba'i tshogs kyi khyad par gang gis// nges
- 170a
mnyam pa'i rjes su mchi ba smon lam chen po yongs su rdzogs par bgyid pa de la yang rjes su yid rang ngo / dge ba'i rtsa ba'i tshogs kyi khyad par gang gis/ lus mtshan dang dpe byad bzang pos legs par brgyan pa thob pa de la yang rjes su yid rang ngo // dge ba'i rtsa ba'i tshogs kyi khyad par gang gis yon tan thams cad rnam par dag pa'i rgyan dag yongs su dag pa thob pa de la rjes su yid rang ngo // dge ba'i rtsa ba'i tshogs kyi khyad par gang gis/ stobs bsdus brgyan pa'i sems rin po che thob pa de la yang rjes su yid rang ngo // dge ba'i rtsa ba'i tshogs kyi khyad par gang gis thams cad mkhyen pa nyid kyi shugs las phyir mi ldog pa de la yang rjes su yid rang ngo // dge ba'i rtsa ba'i tshogs kyi khyad par gang gis gzungs kyi rigs khong du chud pa de la yang rjes su yid rang ngo // dge ba'i rtsa ba'i tshogs kyi khyad par gang gis/ chos kyi dbyings rnam par dag pa de la yang rjes su yid rang ngo // dge ba'i rtsa ba'i tshogs kyi khyad par gang gis rnam par smin pa mi zad pa la gnas te mngon par shes pa thob pa de la yang rjes su yid rang ngo // dge ba'i rtsa ba'i tshogs kyi khyad par gang gis/ sangs rgyas kyi zhing gi brgyan bsgrub pa khong du chud pa de la yang rjes su yid rang ngo // dge ba'i rtsa ba'i tshogs kyi khyad par gang gis/ bdud kyi brtsod pa'i dmag tshogs thams cad bcom nas/ khyu mchog
- 170b
tu gyur pa khong du chud pa de la yang rjes su yid rang ngo // dge ba'i rtsa ba nyan thos dang rang sangs rgyas thams cad kyi chos mnyam pa nyid las skyes pa'i rigs pa dang / rnam par grol ba dang / 'dod chags dang bral ba/ zag pa ma mchis pa dang ldan pa gang lag pa de la yang rjes su yid rang ngo // byang chub sems dpa' gang dag gi dge ba'i rtsa ba thams cad/ byang chub sems dpa'i spyod pa thams cad dang ldan pa nas/ bla na med pa yang dag par rdzogs pa'i byang chub khong du chud pa dang ldan pa'i bar gyi dge ba'i rtsa ba de dag la yang rjes su yid rang ngo // de bzhin gshegs pa la mchod pa'i las kyi slad du/ de bzhin gshegs pa la mchod pa dang rim gro bgyi ba/ byang chub sems dpa' dbang bskur ba rnams kyi khyad par du 'gro ba zhes bgyi bas/ 'jig rten gyi khams rab 'byams thams cad du 'jug pa gang lags pa de la yang rjes su yid rang ngo // de bzhin gshegs pa la mchod pa'i las kyi slad du de bzhin gshegs pa la mchod pa dang rim 'gro bya ba/ byang chub sems dpa' dga' ldan gyi gnas mchog na gnas pa rnams kyi thad du 'gro ba zhes bgyi bas/ 'jig rten gyi khams rab 'byams thams cad du 'jug pa gang lags pa de la yang rjes su yid rang ngo // de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim 'gri bgyi/ byang
- 171a
chub sems dpa' mngal na gnas pa rnams kyi bsod nams kyi me tog rgyas pa'i snying po snang ba zhes bgyi ba/ 'jig rten gyi khams rab 'byams thams cad du 'jug pa gang lags pa de la yang rjes su yid rang ngo // de bzhin gshegs pa la mchod pa'i las kyi slad du/ de bzhin gshegs pa la mchod pa dang rim 'gro bgyi ba/ byang chub kyi snying po mchog dam pa na gnas par/ byang chub sems dpa' kun tu bzang po'i gtsug gis bla ma zhes bgyi bas 'jig rten gyi khams rab 'byams thams cad du 'jug pa/ gang lags pa de la rjes su yid rang ngo // yang dag par rdzogs pa'i sangs rgyas dus gsum du gshegs pa rnams kyi dge ba'i rtsa ba thabs mkhas pa bsam gyis mi khyab pas/ rnam par 'phrul ba dang ldan pa gang lags pa de la yang rjes su yid rang ngo // gong du yang byang chub sems dpa' bdud kyi brtsod pa'i dmag tshogs thams cad rab tu 'dul bar 'tshal ba/ phas kyi rgol ba'i tshogs thams cad zil gyis gnon par 'tshal ba/ ma rig pa'i mun pa mun nag dang / rab rib kyi ling tog mang po sel bar 'tshal ba dang / ngan song dang mi khom pa dang / ngan 'gro'i lam thams cad gcod par 'tshal ba/ ye shes dkyil 'khor thams cad rnam par spong bar 'tshal ba/ chos thams cad snang ba thob par 'tshal ba/ kun tu bzang po'i lus khyu mchog tu gyur pa thob par 'tshal ba/ 'gro
- 171b
pa thams cad kyi bsam pa ji lta ba bzhin du tshim par bgyid pa'i dbyangs kyi yan lag rnam par dag pa thob par 'tshal ba/ chos thams cad ji lta ba bzhin du 'tshal bar bgyid pa'i slad du/ ye shes kyi mig rnam par sbyong bar 'tshal ba/ 'khor ba'i 'khor lo bzlog par 'tshal ba/ chos kyi 'khor lo chen po rab tu bskor bar 'tshal ba/ stobs bcu'i ye shes kyi gnod par 'tshal ba rnams kyis/ ji ltar sangs rgyas bcom ldan 'das dag gis sangs rgyas kyi mkhyen pa chags pa ma mnga' zhing bsgrib pa mi mnga' bas mkhyen cing rab tu mkhyen pa de lta bus/ dge ba'i tshogs thams cad la rjes su yid rang bar bgyi ba de bzhin du/ bdag kyang rjes su yid rang ba'i mchog gi rjes su yid rang ngo // gtso bo dang / dam pa dang // khyad par du 'phags pa dang / rab dang phul dang / gya nom pa dang / bla ma dang / bla na ma mchis pa dang / mnyam ma mchis pa dang / mi mnyam pa dang / mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi tshogs thams cad bsdud pa dang / yang dag par rdzogs pa'i sangs rgyas kyis bka' stsal pa'i rjes su yid rang ngo // ji ltar bdag gi don du rjes su yid rang ba de bzhin du/ 'jig rten gyi khams rab 'byams ma lus pa thams cad na sems can ji tsam sems can gyi ris na mchis pa sems can gyi
- 172a
khams de dag thams cad kyi ched du yang / dge ba'i rtsa ba thams cad la rjes su yid rang ngo // de ltar bdag dge ba'i rtsa ba thams cad la rjes su yid rang ngo // sangs rgyas bcom ldan 'das thams cad la bskul lo// de lta na 'jig rten gyi khams phyogs bcu'i mur thug yongs su rje bar 'jug pa/ 'jig rten gyi khams thams cad gzhi mnyam pa nyid kyi rjes su 'gro zhing 'jug pa/ spyi'u tsug gi rgyud kyi phyogs yongs su rje bar bshad pa/ snrel gzhi'i rgyud kyi 'jig rten gyi khams mngon du bsgrub pa mig 'phrul ltar rnam par 'byed pa/ chos kyi dbyings su rtogs pa'i 'dzi rten gyi khams rab 'byam thams cad na/ sangs rgyas bcom ldan 'das gang dag kha gcig bdud kyi rtsod pa'i dmag tshogs thams cad mngon par gtul nas/ bla na med pa yang dag par rdzogs pa'i byang chub mngon par rdzogs par sangs rgyas te/ chos thams cad la sgrib pa med pa nyid mnyes pa/ byang chub kyi snying po mchog dam par gshegs pa/ chos kyi tshul g.yo ba ma mchis pa'i rang gzhin du gyur pa/ chos kyi sku rab tu zhi ba dang ldan pa dag 'di lta ste/ chos bzung bar mdzad pa'i slad du/ 'jig rten thams cad na bskul ba'i sa la bzhes te/ chos kyi 'khor lo mi bskor ba'i sangs rgyas bcom ldan 'das de dag la/ bdag gi bla ma la ri mo gus pa bgyi ba chen pos lus btud pa bgyis nas/ chos kyi 'khor lo rab tu skor bar bskul gyis/
- 172b
byang chub sems dpa' thams cad yongs su grub par bgyi ba dang / 'gro ba thams cad skyabs pa dang / nyon mongs pa thams cad rnam par byang bar bgyi ba dang / som nyid thams cad yang dag par gzhom pa dang / the tshom thams cad kun tu bcad pa dang / sangs rgyas dang chos dang dge 'dun thams cad rab tu bsgrags pa dang / sangs rgyas zhing thams cad du sangs rgyas 'byung ba rgyud mi chad par bgyi ba'i slad du/ sangs rgyas bcom ldan 'das rnams kyis/ pha rol tu phyin pa'i yan lag thams cad shin tu yongs su sbyangs pa/ phyir mi ldog pa stobs bcus zil gyis non pa/ 'khor ba'i 'khor lo rab tu 'joms pa/ lta bar gyur pa dang nyon mongs pa thams cad rab tu 'jig pa/ so so yang dag par rig pa bzhi rjes su sgrags pa/ shin tu rnam par phye ba'i sgra dang ldan pa/ 'phags bden pa bzhi'i tshul nges par brtags pa'i chos kyi 'khor lo chen po skor bar gsol// snying rje chen po'i stobs la lhag par dmigs par bgyi ba dang / rang gi byangs chub sems dpa'i spong pa rgyun mi chad par bgyi ba dang / byang chub sems dpa'i las thams cad yongs su sbyang ba'i slad du byang chub sems dpa' thams cad la yang dag par bskul lo// snying rje chen po'i stobs la lhag par dmigs par bgyi ba'i slad du/ nyan thos
- 173a
dang rang sangs rgyas thams la yang bdag bskul lo// mi dge ba'i chos thams cad rnam par ldog pa dang / dge ba'i chos thams cad yongs su rdzogs par bgyi ba'i slad du/ sems can thams cad la yang bdag skul lo// gong du yang byang chub sems dpa' bskul bi phung po dang ldan pa rnams kyis/ byang chub sems dpa' thams cad dang / nyan thos dang rang sangs rgyas thams cad dang / sems can thams cad la ji ltar sangs rgyas bcom ldan 'das de dag gis sangs rgyas kyi mkhyen pa chags pa mi mnga' zhing / sgrib pa mi mnga' bas mkhyen pa de lta bus sangs rgyas thams cad dang / byang chub sems dpa' thams cad dang / nyan thos dang rang sangs rgyas thams cad dang / sems can thams cad la bskul bar bgyi ba de bzhin du/ bdag kyang bskul ba'i mchog dang / gtso bo dang / dam pa dang / khyad par du 'phyags pa dang / rab dang phul dang gya nom pa dang / bla ma dang bla na ma mchis pa dang / gong na ma mchis pa dang / mnyam pa ma mchis pa dang / mi mnyam pa dang / mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad bsdung
- 173b
pa dang / yang dag par rdzogs pa'i sangs rgyas kyis bka' stsal ba'i bskul bas bskul lo// ji ltar bdag gi don du bskul ba de bzhin du/ 'jig rten gyi khams rab 'byam ma lus pa thams cad na/ sems can ji tsam sems can gyi ris na mchis pa sems can gyi khams de dag thams kyi ched du yang bskul lo// de ltar yang dag par bskub nas de bzhin gshegs pa thams cad la bdag mngon par gsol ba/ de lta na phyogs bcu'i 'jig rten gyi khams phyogs bcu yongs su rje bar 'jug pa/ 'jig rten gyi khams thams cad gzhi mnyam par rjes su 'gro zhing 'jug pa/ spyi'u drug gi rgyud kyi phyogs yongs su rje bar bshad pa/ snrel bzhi'i rgyud kyi 'jig rten gyi khams mngon du bsgrub pa/ mig 'phrul ltar rnam par 'byed pa/ chos kyi dbyings su togs pa'i 'jig rten gyi khams rab 'byem thams cad na/ sangs rgyas bcom ldan 'das gang dag kha cig/ chos kyi 'khor lo shin tu bskor ba/ gdul ba shin tu btul ba/ zam pa dag shin tu btags pa/ bstan pa dag shin du byin gyis brlabs pa/ byang chub sems dpa' dag shin tu lung bstan pa/ sangs rgyas kyi mdzad pa dag shin tu mdzad pa/ phas kyi rgol ba'i phyogs thams cad shin tu tshar bcad pa/ rjes su snyan pa rnams shin tu 'phags pa/ zhing thams cad du bsgrags
- 174a
pa/ 'gro ba thams cad kyi bsam pa ji lta ba bzhin du/ rnam par dag pa'i gnas rnams zhing de dang de dag dang / 'jig rten gyi khams rab 'byam de dang de dag dang / sems can gyi ris de dang de dag na/ sems can rab 'byam ma gus par gyur pa/ dbang po yongs su skyo ba/ snod du ma gyur pa/ de bzhin gshegs pa la lta ba'i rgyun bcad pa/ yul la mngon par dga' ba/ 'dus byas kyi sgrib pas/ 'dod pa'i yon tan lnga la sred pa'i dbang du mchis pa de dang de dag la yul thams cad la bdag med par yang dag par ston cing / sems can 'khor ba la mngon par dga' ba rnams yid 'byung ba bskyed pa'i ched dang / 'du byed thams cad mi rtag pa'i rab tu bstan pa'i ched du/ 'byor pa thams cad mthar rgud pa'i sgor yang dag par ston la/ sangs/ rgyas yongs su mya ngan las 'das pa chen po zhi bar yang dag par bstan pa'i ched du/ srog gi dbang po thams cad mthar mchi bar yang dag par ston cing / de bzhin gshegs pa 'phos te shin tu bral nas/ 'jig rten gyi mi dga' ba chen po ston la/ lha dang mi dang lha ma yin du bcas pa'i 'jig rten gyi mdun du yongs su mya ngan las 'das pa chen po ston te/ lha'i dbang po thams cad du ba dang / klu'i dbang po thams cad mya ngan bgyid pa dang / gnod sbyin gyi
- 174b
dbang po thams cad smre sngags 'don pa dang / 'gro ba'i dbang po thams cad mi dga' ba'i yongs su mya ngan las 'das pa chen po// lha dang mi dang lha ma yin du bcas pa'i 'jig rten gyi mdun du ston pa na/ bdag gis ma la bla ma la gus pa'i ri mo chen pos lus bdud pa bgyis nas/ sangs rgyas bcom ldan 'das de dag la/ sku tshe sring ba dang ring du bzhugs par gsol nas/ sangs rgyas bcom ldan 'das rnams/ 'gro ba thams cad sdug bsngal gyi phung po las ldog pa dang / sems can thams cad rab tu bde ba la dgod pa dang / sems can thams cad kyi dbul po'i lam rnam par bcad pa dang / sems can tham cad 'khor ba'i 'brog dgon pa chen po las bsgral ba dang / 'gro ba thams cad sangs rgyas kyi yul sgrib pa med pa'i sa la bgod pa dang / dbul ba'i las thams cad bcad pa dang / 'gro ba thams cad chos dkon mchog gis tshims par bgyi ba dang / 'jig rten gyi khams thams cad yongs su sbyang ba dang / 'gro ba thams cad gdul ba mthar btugs pa dang / byang chub sems dpa' thams cad yongs su bzung ba'i slad du/ bskal pa chos kyi dbyings kyi klas pa/ nam mkha'i khams kyi mthas btugs par bzhugs su gsol/ sangs rgyas bcom ldan 'das de dag la bdag mngon par gsol ba'i mchog gis mngon par gso
- 175a
lo/ gtso bo dang / dam pa dang / khyad par du 'phags dang / rab dang phul dang gya nom pa dang / bla na ma mchis pa dang / gong na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyis chos thams cad bsdud pa dang / yang dag par rdzogs pa'i sangs rgyas kyis bka' stsal pa'i mngon par gsol bas gsol lo// gong du yang sangs rgyas bcom ldan 'das dag gis ji ltar sangs rgyas kyi mkhyen pa chags pa mi mnga' zhing sgrib pa mi mnga' bas mkhyen pa de lta bus/ byang chub sems dpa' rnams kyis gus pa de lta bu dang / lus 'dud pa de lta bu dang / ngag gi las byung ba de lta bu dang / yid kyi las bsgrub pa de lta bus/ sangs rgyas bcom ldan 'das mya ngan las 'da' bar phyogs par dgongs pa la phyi mo'i mtha'i mur thug pa'i skal par sku tshe yongs su sbyang bar mngon par gsol bar bgyi ba de bzhin du bdag kyang gsol lo// ji ltar bdag gi don du gsol ba de bzhin du/ 'jig rten gyi khams rab 'byam ma lus pa thams cad na/ sems can ji tsam sems can gyi rigs na mchis pa sems can gyi khams de dag thams cad kyi ched du yang / mngon par gsol lo// bdag de ltar de bzhin gshegs pa la mngon par gsol ba'i dge ba'i rtsa ba'i stobs
- 175b
bskyed pa thob par gyur/ bsam pa dang lhag pa'i bsam pa'i stobs kyis brtan par gyur/ dad pa dang mos pa'i stobs la shin du gnas par gyur nas/ lhag pa'i bsam pa'i snod yangs pa yang dag par bskyed de dge ba'i rtsa ba rab 'byam thams cad yang dag par bzung ngo // byang chub sems pa'i de dkyil 'khor thams cad na 'das pa dang / ma 'ongs pa dang da ltar byung ba'i byang chub sems dpa' thams cad mkhyen pa nyid bsgrib pa ma mchis pa la brtson pa chos kyi dkyil 'khor rnam par dag pa rjes su dran pa/ 'gro ba thams cad yongs su skyob pa'i sems dang ldan pa/ dge ba'i rtsa ba'i tshogs chen po blang bar rab tu brtson pa/ byang chub sems dpa' chen po'i rtsol bas rab tu rtsol ba/ go cha chen po bgos pa/ smon lam chen po mngon par bsgrub pa/ dge ba rtsom pa rgya chen po la rab tu brtson pa/ pha rol tu phyin pa chen po'i 'khor du rab tu sbyor ba yon tan gyis thams cad rnam par sbyong bar 'tshal ba/ mtha' dang dbus ma mchis pa'i sa la gnas par 'tshal ba/ 'gro ba thams cad kyis yongs su rdzogs par 'tshal ba/ sems kyi khri shing rnam par sbyong bar 'tshal ba/ chos kyi sgo nyes par stob par 'tshal ba/ dge ba'i rtsa ba chen po'i shugs kyi rnam par spel bar 'tshal ba'i byang chub sems dpa' thams cad kyis 'di lta te/ sems can thams cad stobs bcus rnam par dag pa'i mthar thug pa dang /
- 176a
sangs rgyas thams cad le mchod pa dang / rim 'gro bgyi ba'i slad du thams cad mkhyen pa nyid la dge ba'i rtsa ba ji snyed cig bskyed/ pa'i sems dang / skyed par 'gyur dang / skyed pa de dag dang / byang chub sems dpa' thams cad kyi dge ba'i rtsa ba cig btang ba rnams dang / yang dge ba'i rtsa ba gang dag byang chub sems dpa'i sa nas sar 'phar ba'i mdo las skyes pa rnams dang / dge ba'i rtsa ba byang chub sems dpa' kun tu bzang po'i spyod pa'i smon lam yod su rdzogs pa las byung ba rnams dang / byang chub sems da pa'i sa 'phrul ba dang ldan pa la bzhugs pa/ chos thams cad kyi don mthong ba rjes su thob pa/ chags pa ma mchis pa'i ye shes kyi sa'i snying po rdo rje ltar sra ba mi shig pa'i sems bskyed pa rnams kyis dge ba'i rtsa ba'i tshogs kun nas sgo ba/ de bzhin gsheg pa thams cad mngon sum du gyur pa/ las kyi shugs kun nas dris ye shes 'phags pa zhes bgyi bas bskyed pa/ sems kyi skad cig sems kyi skad cig la sems can gyi khams de bzhin gshegs pa la mchod pa dang / rimra 'gro bgyid par 'jug ste/ de dag 'jug po dang dge ba'i rtsa ba'i rgyu mthun pas/ thams cad mkhyen pa nyid kyi tshad med pa'i rkyen rnams kyis/ sem sna skad cig gcig la sems can gyi khams thams cad la mngon du 'gebs shing ji tsam du thabs
- 176b
kyi tshul brjod pa la 'jug pa dpag tum mchis pa dag gis/ byang chub sems dpa' thams cad dang / mnyam pa nyid kyang yang dag par 'grub ste/ byang chub sems dpa' de dag thams cad dge ba'i rtsa ba'i shugs de dag thams cad rgyun mi chad par btong ba de tsam du/ bdag gis lhag pa'i bsam pa'i snod la mes pa'i lam shin tu rnam par dag pa yang dag pas bskyed nas/ dge ba'i rtsa bo'i shugs de dag thams cad yang dag par gnod do// yang dag par bzung ngo // bdag gir bgyi'o// blang ngo // lhag par mos so// kun gyi rjes su zhugs par bgyi'o// bdag gir bgyi ba mchog dang / gtso bo dang dam pa dang / khyad par 'phags pa dang / rab dang phul dang gya nom pa dang bla ma dang / bla na ma mchis pa dang / mnyam ma mchis pa dang / mi mnyam pa dang mnyam dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad bsdud pa dang / yang dag par rdzogs pa'i sangs rgyas kyis bka' stsal pa'i bdag gir bgyi bas bdag gir bgyi'o// gong du yang byang chub sems dpa' bsod nams kyi tshogs yang dag par len par 'tshal ba/ yoH tan gyi tshogs bsgrub par 'tshal ba bsgrub pa ma mchis pa'i yul la 'jug par 'tshal ba/ chags pa ma mchis pa'i mtha' la gnas par 'tshal ba/ dus gsum thams
- 177a
cad du 'jug par 'tshal ba/ rnams kyis ji ltar sangs rgyas bcom ldan 'das dag gis mkhyen pa de lta bus/ dge ba'i rtsa ba thams cad bdag gir bgyi ba de bzhin du bdag gir bkyang bdag gir bgyi'o// bdag gir bgyi ba mchog dang / gtso bo dang / dam pa dang / khyad du 'phags pa dang / dpe' ma mchis pa dang / snang ba ma mchis pa dang / mnyam pa ma mchis pa dang / 'dra ba ma mchis pa dang / mi 'dra ba rnam par dag pa dang / rtog pa dang tshig gi lam dang / bsngags pa snyan pa dang mtha' yas pa thams cad kyi bdag gir bgyi bas bdag gir bgyi'o// ji ltar bdag gi don du bdag gir bgyi ba de bzhin du 'jig rten gyi khams rab 'byam ma lu ba thams cad na/ sems can ji ltar sems can gyi ris na mchis pa/ sems can gyi khams de dag thams cad kyi ched du yang bdag gir bgyi'o/ bdag gi mos pa dang ldan pa'i dge ba'i rtsa ba gang dgra lags pa dang / sangs rgyas thams cad la phyag 'tshal ba dang ldan pa'i dge ba'i rtse ba gang lags pa dang / de bzhin gshegs pa thams cad la lhags par mchod pa dang ldan pa'i dge ba'i rtsa ba gang lags pa dang / mos pa'i stobs las nges par 'byung ba'i mchod pa dang ldan pa'i dge ba'i rtsa ba gang lags pa dang / sgrib par 'gyur ba thams cad sel ba'i dge ba'i rtsa ba gang lags pa dang / rje su yid
- 177b
rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang ldan pa'i dge ba'i rtsa ba gang lags pa dang / de bzhin gshegs pa thams cad la mngon par gsol pa dang ldan pa'i dge ba'i rtsa ba gang lags pa dang / bdag gi dge ba'i rtsa ba rab 'byam thams cad/ sangs rgyas dang byang chub sems dpa' thams cad la shin tu phul phul nas bdag gir bgyi ba dang ldan pa'i dge ba'i rtsa ba'i gang lags pa dang / bdag gi dge ba'i rtsa ba thog ma dang po ma mchis tshe rabs nas bgyis ba thams cad mkhyen par yongs su ma bsngos pa gang lags pa dang / bdag gi dge ba'i rtsa ba 'dus byas kyi yo byad 'tshal bas mngon par bgyis pa gang lags pa dang / nyan thos dang rangs sangs rgyas kyi mngon par bsgrub pa'i dge ba'i rtsa ba gang lags pa dang / bdag gi dge ba'i rtsa ba las kyis mngom par sgrub pa'i dus thams cad bsdug/ pa/ de bzhin gshegs pa'i ye she kyis mkhyen pa gang lags pa de dag thams cad yongs su bsdu'o// bzlum mo// 'dra bar bgyi'o// gong du yang byang chub sems dpa' sangs rgyas thams cad la mchod par 'tshal ba/ de bzhin gshegs pa thams cad kyi bstan pa yangs dag par 'dzin par 'tshal ba rnams kyis ji ltar sangs rgyas bcom ldan 'das bdag gis mkhyen cing / rab tu mkhyen pa de lta bus/ dge ba'i rtsa ba thams cad yongs su bsdu bar bgyi ba de bzhin
- 178a
du/ bdag gis kyang yongs su bsdu'o// bdus nas 'di lta ste/ 'das pa'i sangs rgyas bcom ldan 'das rnams la mchod pa'i las dang / mtshan rgyas par bgyi ba dang / ma byon pa'i sangs rgyas bcom ldan 'das rnams kyi byang chub sems dpa' kun tu bzang po'i smon lam yongs su rdzogs par bgyi ba dang stobs bcu dang / byang chub kyi phyogs myur du khong du chud par bgyi ba'i slad du/ sems can thams lha stsal to/ gtang ngo yongs su gtang ngo // rnam par gtang ngo // nges par gtang ngo // nyan thos dang rang sangs rgyas thams cad la dbul lo// gtang ngo // yongs su gtang ngo // rnam par gtung ngo // nges par gtang ngo // byang chub sos dpa' thams cad la 'bul lo// gtang ngo // yongs su gtang ngo // rnam par gtang ngo // nges par btang ngo // de bzhin gshegs pa re re la mchod pa'i lus kyi slad du/ da ltar byung ba'i sangs rgyas bcom ldan 'das thams cad mkhyen pa/ byang chub kyi yan lag tu gyur pa rnams kyi 'khor gyi dkyil 'khor chos kyi dbyings kyi tshad tsam rnams su mchod pa/ bkod pa thams cad gyi rgyan gyi chos kyi dbyings kun tu gnas par gyur cig/ rin po che thams cad kyis khyebs pa'i chos kyi dbyings kun tu gnas par gyur cig/ me tog thams cad kyi bla re bros pa'i chos kyi dbyings kun tu gnas par
- 178b
gyur cig/ rin po che thams cad kyi rgyal mtshan sgreng ba'i chos kyi dbyings kun tu gnas par gyur cig/ rin po che thams cad kyi dra bas bres pa'i rgyan gyi chos kyi dbyings kun tu gnas par gyur cig/ rin po che thams cad kyi na bza' g.yogs pa'i rgyan gyi chos kyi dbyings kun tu gnas par gyur cig/ gzhal du ma mchis pa'i gos kyi sprin gyi char dang rin po che thams cad kyis sangs rgyas la mchod pa bkod pa'i rgyan gyi dbyings kun tu gnas par gyur cig/ snying po'i spos thams cad kyis gdug pa'i rgyan gyi chos kyi dbyings kun tu gnas par gyur cig/ rgyan gyi dmigs pa thams cad la chags pa las grol ba sil snyan 'khrol ba dang ldan pa'i dbyings kyi rgyan chos kyi dbyings kun tu gnas par gyur cig/ rin po che thams cad kyi pad ma bkram pa'i rgyan gyi chos kyi dbyings kun tu gnas par gyur cig/ thams cad kyi rjes su sgrogs pa'i sprin gyi rgyan gyi chos kyi dbyings kun tu gnas par gyur cig/ rin po che thams cad kyi sprin snang ba rab tu 'gyed pa'i rgyan gyi chos kyi dbyings kun tu gnas par gyur cig/ lha'i thams cad las shin tu 'das pa rin po che'i cod pan sna tshogs kyi sprin gyi rgyan gyi chos kyi dbyings kyi kun tu gnas par gyur cig/ de ltar dge ba'i rtsa ba 'dis ji ltar byang chub sems dpa' kun tu bzang po rnams de bzhin gshegs pa'i 'khor gyi dkyil 'khor du mchod pa thams cad dang ldan pas 'jug pa de bzhin du/ bdag kyang dge ba'i rtsa ba 'dis de bzhin
- 179a
gshegs dpa' thams cad kyi 'khor gyi dkyil 'khor du de ltar dpag ma mchis pa'i mchod pa phyi ma'i mtha'i mur thug pa'i byin gyis rlob pa la 'jug par gyur cig/ gong du yang ji ltar sangs rgyas bcom ldan 'das dag gis mkhyen cing rab tu mkhyen pa de lta bus/ byang chub sems dpa' rnams kyis dge ba'i rtsa ba thams cad/ sems can thams cad dang nyan thos dang rang sangs rgyas thams cad dang / byang chub sems dpa' thams cad dang / de bzhin gshegs pa thams cad la mngon par bgyi ba dang / gsol bar bgyi ba dang / dbul bar bgyi ba de bzhin du/ bdag kyang dge ba'i rtsa ba thams cad sems can thams cad dang / nyan thos dang rang sangs rgyas thams cad dang / byang chub sems dpa' thams cad dang / de bzhin gshegs pa thams cad la mngon par bgyi ba dang / bsol bar bgyi ba dang / dbul bar bgyi ba de bzhin du/ bdag kyang dge ba'i rtsa ba thams cad sems can thams cad dang / nyan thos dang rang sangs rgyas thams cad dang / byang chub sems dpa' thams cad dang / de bzhin gshegs pa thams cad la gsol lo// yongs su btang ngo // don do dbul lo// bdag gis sems cad thams cad dang nyan thos dang rang sangs rgyas thams cad dang / byang chub sems dpa' thams cad dang / sangs rgyas bcom ldan 'das thams cad la dge ba'i rtsa ba thams cad phul nas/ bsod nas
- 179b
kyi phung po yongs su bsdus pa/ bsod nams kyi phung po dpag tu med pa ma mchis shing bsam gyis mi khyab pa de bzhin gshegs pa'i ye shes kyis mkhyen pa gang lag pa des bdag brtan par gyur nas/ bla na med pa yang dag par rdzogs pa'i byang chub tu sems bskyed par bgyi'o// ji ltar bcom ldan 'das de bzhin gshegs pa mar me mdzad kyis/ bcom ldan 'das de bzhin gshegs pa zla 'od la mchod pa dang bas mchod nos/ dang po byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcon ldan 'das de bzhin gshegs pa shakya thub pa tshong dpon gyi bu mngon dgrar gyur pa ni/ bcom ldan 'das de bzhin gsheg pa mdzes chen la rten te/ dbang po byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcom ldan 'das de bzhin gsheg pa tshe dpag med dge slong chos kyi 'byung gnas su gyur pa na/ bcom ldan 'das de bzhin gshegs pa/ 'jig rten dbang phyug rgyal po la tshigs su bcad pa'i dbyangs kyis mngon par bstod nas byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcom ldan 'das de bzhin gshegs pa mi 'khrugs pas sems thogs pa ma mchis po dang / sems mi 'khrugs pa dang / tshe rabs thams cad rab tu byung ba dang / mngon par 'byung ba'i sems kyis/
- 180a
seng ge'i sgra mngon par sgrags te/ de bzhin gshegs pa spyan rab tu dang ba las/ byang chub tu thugs bskyed pa de bzhin du/ bdag kyang sems bskyed par bgyi'o// ji ltar de bzhin gshegs pa dpal bzang pos/ bcom ldan 'das de bzhin gshegs pa rgya mtsho'i dpal la/ dge ba'i rtsa ba mang po bskrun nas/ byang chub tu thugs bskyed pa bzhin du/ bdag kyang sems bskyed par bgyi'o// ji ltar byang chub sems dpa' byams pa rgyal po gser mdog lta bur gyu pa na/ bcom ldan 'das de bzhin gshegs pa gser gyi mchod sdong gi 'od la bkod pa du mas mchod pa dang / rim 'gro bgyis byang chub tu sems bskyed pa de bzhin du/ bdag kyang sems bskyed par bgyi'o// ji ltar byang chub sems dpa' blo gros rgya mtsho yul shin tu rnam par dag pa'i 'khor lo sgyur ba'i rgyal por gyur na// de bzhin gshegs pa yon tan gyi 'od zer gyi mtha' yas skur sti bgyis nas byang chub tu sems bskyed pa de bzhin du bdag kyang sems bskyed par bgyi'o// ji ltar de bzhin gshegs pa nam mkha'i mdzod lhas dbang skur te/ stong gsum gyi 'khor lo sbyar ba'i rgyal po gyur pas na/ de bzhin gshegs pa smon lam thams cad las yang dag par byung ba dang / rin po che'i gzi brjid mngon par 'phags pa'i rgyal po las gdugs cig bzhin du/ rin po che'i phung po ri rab tsam
- 180b
khas mchod par bgyi ste/ bar gyi skal pa bzhi bcur mchod pa dang / rim gro bgyis nas/ byang chub tu sems bskyed pa de bzhin du/ bdag kyang sems bskyed par bgyi'o// ji ltar 'jam dpal gzhon nur gyur pa 'khor lo sgyur ba'i rgyal por gyur pa na/ bcom ldan 'das de bzhin gshegs pa dgra dbyangs sgrogs pa'i rgyal po la/ mchod pa dang rim gro rnam pa du ma bgyis nas byang chub tu sems skyed pa de bzhin du bdag kyang sems bskyed par bgyi'o// ji ltar byang chub sems dpa' kun tu bzang pos/ bcom ldan 'das de bzhin gshegs pa ye shes rdo rje'i rgya mtsho la ti stang bgyis nas byang chub tu sems bskyed pa de bzhin du/ bdag kyang sems bskyed par bgyi'o// mchog dam pa nga rgyal zhi ba dang / sems ma lags pa'i sems dang / 'gro ba thams cad yongs su sgrub pa'i sems dang / byang chub sems khyab par ma gyur pa'i chos kyi dbyings de gang yang ma mchis so// byang chub tu sems bskyed pa'i dge ba'i rtsa ba'i tshogs des dus gsum ma khyab pa chung zad kyang mchis so// sangs rgyas thams cad mnyes par bgyid pa'i sems dang / byang chub sems dpa'i dkyil 'khor thams cad rab tu dga' bar bgyid pa'i sems dang / nyan thos dang rang sangs rgyas dang thams cad rje su yi rang ba'i sems dang / sems bskyed pa des yongs su zin par ma gyur pa'i sems can de gang yang ma mchis so// mchod par ma
- 181a
gyur pa'i de bzhin gshegs pa de gang yang mi bzhugs so// gang du sems bskyed pa de bskyed ma thag pi bsod nam kyi phung po ni mang gi sems can thams cad 'khor los sgyur ba dang / 'jig rten skyong ba dang / rgya byin dang tshangs pa dang / nyan thos dang rang sangs rgyas su gyur pa rnams kyi phung po ni tshad de tsam ma lags so// bdag gi bsod nams kyi phung po byang chub tu sems bskyed pa dang / ldan pa gang lags pa dang / sems can thams cad la skul pa gang lags pa dang / nyan thos dang rang sangs rgyas thams cad la phul ba gang lags pa dang / byang chub sems dpa' thams cad la phul ba gang lags pa dang / sangs rgyas thams cad la dge ba'i rtsa ba thams cad phul ba'i bsod nams kyi phung po yongs su bzung ba gang lags pa dang / gang ye shes dang mos pa mngon par bsgrub pa rnams kyi mos pa dang ldan pa'i dge ba'i rtsa ba gang lags pa dang / sangs rgyas thams cad la phyag 'tshal ba dang ldan pa'i dge ba'i rtsa ba gang lags pa dang / de bzhin gshegs pa thams cad lhags par mchod pa dang ldan pa'i dge ba'i rtsa ba gang lags pa dang / mos pa'i stobs las byung ba'i mchod pa dang ldan pa'i dge ba'i rtsa ba gang lags pa dang / sgrib par 'gyur ba thams cad sel ba'i rtsa ba gang lags pa dang / rjes su yid rang ba dang
- 181b
ldan pa'i dge ba'i rtsa ba ljags pa dang / sangs rgyas thams cad la bskul ba dang ldan pa'i dge ba'i rtsa ba gang lags pa dang / de bzhin gshegs pa thams cad la gsol ba 'debs dge ba'i rtsa ba gang lags pa dang bdag gis dge ba'i rtsa ba rab 'byam/ sangs rgyas dang byang chub sems dpa' thams cad la bon te/ bdag gir bgyi ba dang ldan pa gang lags pa dang / bdag gi dge ba'i rtsa ba thog ma med pa'i tshe rab nas/ bgyis pa thams cad mkhyen par yongs su ma bsngos pa gang lags pa dang / bdag gi dge ba'i rtsa ba'i 'dus byas kyi yo byad 'tshal bas mngon par sgrub pa gang lags pa dang / bdag gi dge ba'i rtsa ba nyan thos dang rang sangs rgyas kyi sa'i slad du/ mngon par sgrub pa gang legs pa dang / bdag gi dge ba'i rtsa ba las kyis bsgrubs pa sngon gyis dus nas skyugs pa de bzhin gshegs pa'i ye shes mkhyen pa gang lags pas de dag thams cad yongs su bsdu'o// yongs su sbas nas bla na med pa yang dag par rdzogs pa'i byang chub tu yongs su bsngo'o// dag gi dge ba'i rtsa ba 'di dag gis sangs rgyas thams cad mnyes par bgyid cing / dges par byed par gyur cig/ sangs rgyas kyi zhing thams cad yongs su sbyong bar gyur cig/ sems can thams cad yongs su smin par bgyid par gyur cig/ dge ba'i bshes
- 182a
gnyen thams cad dang chos smra ba thams cad mgu bar bgyid cing dga' bar bgyid par gyur cig/ de bzhin gshegs pa thams cad kyi bstan pa yang dag par 'dzin cing bsrung ba dang / yongs su skyong bar gyur cig/ sgrib pa'i ling tog thams cad rnam par spong bar gyur cig/ bdud kyi rtsod pa'i dmag tshogs thams cad rab tu 'dul bar gyur cig/ sangs rgyas kyi chos thams cad mngon par rdzogs par byang chub par gyur cig/ ting nge 'dzin thams cad dang / dbang thams cad thob pa dang / mngon par shes pa thams cad kyis rnam par rtsed pa dang / rnam par thar pa thams cad kyis rnam par 'phrul par gyur cig/ ci nas kyang 'khor ba na mi 'bral zhing tshe rabs gzhin du rjes pa na/ chab 'tshal bar mi 'gyur ba dang / byang chub sems dpa'i spyod pa pha rol tu phyin pa rgud par mi 'gyur ba dang / byis pa so so'i skye bo dang 'dre bas 'grib pa'i cha dang mthun par mi 'gyur ba de lta bur bdag gis dge ba'i rtsa ba de dag yod// su bsngo'o// ci nas byang chub sems dpa'i de dag sangs rgyas kyi zhing 'di nas/ sangs rgyas mngon sum du bzhugs pa'i 'jig rten gyi khams gzhan du/ sangs rgyas dag la mchod pa bkod pa'i rgyan par bgyid du mchi ba dang / sangs rgyas la mchod pa bkod pa'i rgyan de'i tha ma'i sems bskyed pa thob pa yi
- 182b
su rdzogs par dge ba'i rtsa ba de dag yongs su bsngo'o// 'chi ba'i dus kyi tshe na yangs sangs bcom ldan 'das de dag gis phyag g.yas pa gser gyi kha dog can rkyang ste/ bdag gi spyi bor 'jog par gyur cig/ ci nas bdag gi dngos po thams cad la mi lta ba bkod pa rgyun thogs pa mchis pa/ shes rab kyi pha rol tu phyin pas yongs su sgos pa'i sems dang / tshor ba thams cad rgyun chad pa'i sems kyis 'chi ba'i dus bgyid par gyur cig/ dad pa grangs ma mchis pa dang ri mo gus par bgyi ba grangs ma mchis pa dang / dga' ba dang dad pa grangs ma mchis pas sangs rgyas bcom ldan 'das de dag la lta zhing rtogs la kun tu smra zhing yang sa dag par smra bzhin du mchi ba'i dus bgyid par gyur cig/ mchod pa yid du 'ong bas de bzhin gshegs pa de dag la mchod cing / me tog dang spos dang phreng ba dang / byug pa dang phye ma dang / na bza' dang / gdugs dang rgyal mtshan dang / ba dan dpag tu ma mchis pa dag gis de bzhin gshegs pa de dag la mchod cing / blta ba rtogs bzhin du 'chi ba'i dus bgyid par gyur cig/ bdag gi dge ba 'dis 'jig rten gyi khams thams cad na/ sems can dmyal ba thams cad rgyun chad par gyur cig/ dud 'gro'i skye gnas dang gshin rje'i 'jig rten thams cad rgyun chad par gyur cig/ lha dbul po thams cad dang mi
- 183a
dbul po thams cad/ ser rna thams cad/ 'chal pa'i tshul khrims thams cad dang gnod sems thams dang / le lo thams cad dang / rnam par g.yeng ba thams cad dang / 'chal ba'i shes rab thams cad rgyun chad par gyur cig/ byang chub tu sems bskyed pa dang / sangs rgyas la lta ba dang / dam pa'i chos mnyan pa dang / dge ba'i gshes gnyen dang 'grogs pa dang mi 'bral bar gyur cig/ dge ba'i rtsa ba 'dis bdag sangs rgyas bcom ldan 'das thams cad dang / lus mnyam par gyur cig/ ngag mnyam pa dang sems mnyam pa dang / ye shes mnyam par gyur cig/ ji ltar gong du sangs rgyas bcom ldan 'das dag gis ji/ ltar sangs rgyas kyi mkhyen pa chags pa mi mnga' zhing / sgrib pa mi mnga' bas mkhyen cing rab tu mkhyen pa de lta bus/ byang chub sems dpa' rnams kyis/ dge ba'i rtsa ba ba thams cad bla na med pa yang dag pa'i rdzogs pa'i byang chub tu bsngo bar dgyi ba ji lta bas de bzhin du/ bdag gis kyang dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo'o// gtso bo dang / dam pa dang / khyad par du 'phags pa dang / rab dang phul dang / bla na ma mchis pa dang / gong na ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / bla ma dang / zil gyis mi non pa mnyam pa ma mchis pa dang /
- 183b
dang / yon tan gyis chos thams cad sdud pa dang / yang dag par rdzogs pa'i sangs rgyas kyis bka' stsal pa'i yongs su bsngo'o// ji ltar bdag gi don du yongs su bsngos pa de bzhin du/ 'jig rten gyi khams rab 'byam ma lus pa thams cad na/ sems can ci tsam sems can gyis ris na mchis pa sems can gyi khams de dag thams cad kyi ched du yang yongs su bsngo'o// dge ba'i rtsa ba 'di las su dag shas kyis 'dzin par 'dod pa de dag gis kyang rjes su yid rang ngo zhes brjod par bya'o// de nas byang chub sems dpa' sems dpa' chen po chos thams cad la dam 'cha' bar gnas pas/ 'jam dpal gzhon nur gyur pa la 'di skad ces smras so// 'jam dpal ji ltar na byang chub sems dpa' ma chags pa kha na ma tho ba med pa yin/ rjes su yi rang ba kha na ma tho ba med pa dang / bskul ba kha na ma tho ba med pa dang / gsol ba 'deb pa kha na ma tho ba med pa dang / yongs su bsngo ba kha na ma tho ba med pa yin/ de skad ces smras pa dang / 'jadzem dpal gzhon nur gyur pas/ byang chub sem dpa' chos thams cad la dam 'cha' bar gnas pa la 'di skad ces smras so// rigs kyi bu 'di la byang chub sems dpa' sems dpa' chen po dag 'das pa dang ma byon pa dang da ltar byung ba'i sangs rgyas bcom ldan 'das rnams kyi chos mnyam pa nyid la 'jug cing / des yan lag lnga sa la btug par byas te/ des pus mo g.yas pa
- 184a
lha nga sa la btsugs pa na/ tshig 'di skad ces sems can thams cad g.yas phyogs kyi lam la gnas par gyur cig ces brjod par bya'o// des pus mo g.yon pa sa la btsugs pa na// / tshig 'di skad ces sems can gang su dag g.yon phyogs kyi lam la gnas par gyur pa de dag thams cad 'phags pa'i lam la gnas shing / yang dag pa'i lam la gnas par gyur cig ces brjod par bya'o// des lag pa g.yas pa sa la 'dzugs pa na/ tshig 'di skad ces ji ltar de bzhin gshegs pa byang chub kyi snying po mchog dam pa la zhugs pa dge ba'i chos thams cad dang ldan pas/ dbu dang sku dang dkyil mo dkrung la yongs su byugs te/ phyag g.yas pas sa la snun nas/ bdud dpung dang bcas pa btul te/ byang chub brnyes pa de bzhin du/ sems can 'di dag gis kyang bdud kyi rgol ba choms par gyur cig/ byang chub kyi snying po la 'dug cing sa chen po la snun nas/ sangs rgyas kyi ye shes thob par gyur cig ces brjod par bya'o// des lag pa g.yon pa sa la 'dzugs pa na tshig 'di skad ces sems can gang su dag byis pa'i chos la gnas te/ g.yon phyogs su 'dzin pa gdul dka' ba de dag thams cad bsdu ba'i dngos po bzhis shin tu bsdud par gyur cig ces brjod par bya'o// des gdong dang dpral ba sa la gtugs pa na/ tshig 'di skad ces sems can thams cad nga rgyal ma mchis pa 'dis/ bla ma rnams rim gro bgyid pa rnyed cing / spyi gtsug ltar mi
- 184b
mthong ba dang / dge ba'i chos thams cad 'phags par gyur cig/ de ltar bdag yan lag lngas phyag 'tshal ba 'dis sems can thams cad sgrib pa lnga rnam par sel bar gyur cig/ dbang po lnga yongs su rdzogs par gyur cig/ 'dod pa'i yon tan lnga yongs su shes par gyur cig/ mngon par shes pa lnga nyams pa med pa lnga thob par gyur cig/ mig lnga yongs su dag par gyur cig/ sems can 'gro ba lngar skyes pa rnams 'gro ba lnga las khyad par du 'phags par gyur cig/ tshul khrims khyad par du 'phags pa dang / ting nge 'dzin khyad par du 'phags pa dang / shes rab khyad par du 'phags pa dang / rnam par grol ba khyad par du 'phags pa dang / rnam par grol ba'i ye shes mthong ba khyad par du 'phags par gyur cig ces brjod par bya'o// des yan lag lnga yongs su dag pa dang / sgrib pa lnga dang bral ba dang / stobs lnga la gnas pa dang / de bzhin gsheg pa yid la byed pa dang ma bral bar tshig 'di skad du/ sangs rgyas bcom ldan 'das chos kyi sku dang ldan pa sku dang / legs par gsung dag pa gsung mi mnga' ba sems dang sems mi mnga' ba/ ye shes chags pa mi mnga' dang ldan pa/ ma byon pa dang ma bzhud pa/ thams cad mkhyen pa dang ldan pa rnams thams cad gzigs pa dang ldan pa rnams bdag la dgongs su gsol/ bdag gi 'khor ba'i thog ma'i mtha'i mu nas bzungs te/ yang dag pa'i mtha' dang bdag gi mtha' mtshal bar chos ma lags
- 185a
pa la chos su 'du shes bskyed pa dang / 'dul ba ma lags pa la 'dul bar 'du shes bskyed pa dang / sbyin gnas ma lags pa la sprin gnas su 'du shes bskyed pa dang / mi dge ba la dge bar 'du shes bskyed pa dang / phyin ci log gi sems kyis bdag gi lus su lta bas yongs su dkris pa dang / mi dge ba'i chos su sangs rgyas kyis bka' stsal pa ma lags pa mngon par 'dus bgyis pa dang / bgyid pa la rjes su yi rang bar gyur pa gang ci mchis pa de dag 'chags so// dmig pa la gnas te bdag gis sems ma mchis pa la sems su 'du shes pa dang / sems sgyu ma lta bur ma 'tshal nas bla na med pa yang dag par rdzogs pa'i byang chub tu sems bskyed pa gang lags pa de thams cad 'chags so// bdag gis mngon par 'du byed pa 'am 'tshoms par 'tshal nas lus dang ngag dang yid kyis chos dge ba dang mi dge ba mngon par bgyid pa dang / mngon par bgyis pa gang lags pa de 'chags so// bdag gi sbyin pa dang / tshul khrims dang bzod pa dang brtson 'grus dang / bsam gtan dang / shes rab mnyam pa nyid du mtshal nas dmigs par lhung bas/ sbyin pa byin pa dang / tshul khrims mchog tu 'dzin pas tshul khrims bskyang ba dang / bdag gzhan du 'du shes pas bzod pa sgom pa dang / lus dang sems la gnas te brtson 'grus rtsom pa dang / 'du shes dang dmigs pa la gnas te bsam gtan bskyed pa dang / kun tu rtog pa
- 185b
dang rnam par rtog pa rab tu 'jug pa la mngon par dga' bas shes rab rnam par dpyad pa gang lags pa de 'chags so// bdag gis don dam pa'i mchod pa ma 'tshal nas/ gzugs dang rgyan dang mtshan la mngon par zhan pas sangs rgyas la mchod pa bgyis pa gang lags pa de chags so// bdag chos kyi dbyings tha mi dad pa'i ye shes la ma zhugs kyi chos tha dad pa la gnas te/ chos nyan 'am bshad pa 'am/ bsams par gyur pa gang lags pa de 'chags so// bdag gi chos 'dus ma byas su ma 'tshal te/ dge 'dun la mang por 'das shes nas/ dge 'dun la bsnyen bkur byas pa gang lags pa de chags so// bdag gis dgon pa ma 'tshal nas dgon pa'i gnas sten te/ 'dod pa nyung zhing chog shes la mngon par zhen pa gang lags pa de 'chags so// bdag gis chos nyid gnas par ma 'tshal nas 'byung ba dang 'jig pa la gnas te sangs rgyas kyi yon tan blang ba la zhugs pa gang lags pa de 'chags so// bdag gis chos kyi dbyings yongs su bzungs pas ma mchis par ma 'tshal ma zhugs kyi sems can bsdu bar 'tshal ba yi bsdu bas sems can dag bsdus pa gang lags pa de chags so// bdag gi byang chub kyi mtshan nyid rang bzhin ma 'tshal nas/ lta ba yongs su shes pas byang chub kyi phyogs kyi chos sum bcu rtsa bdun sgoms pa gang lags pa de 'chags so// bdag gis dge sbyong gi lam zhi ba
- 186a
ma 'tshal nas/ rab tu byung snyen pa rdzogs te/ dge slong gi dngos po bskyed pa gang lags pa de 'chags so// kun rdzob la 'jug pa'i dge ba'i rtsa ba gzhan gang dag brtsegs pa dang / dge ba'i rtsa ba gang dag gis 'dus byas kyi bde bar gyur te/ 'dus ma byas las ring du gyur pa gang lags pa de 'chags so// / zhe brjod par bya'o// rigs kyi bu de ltar thog mar byang chub sems dpas de ltar bag la nyal dang bcas pa dang / mngon par 'du byed pa dang bcas pas mtshan ma dang bcas pa dang / 'bad pa dang bcas pa dang / spros pa dang bcas pa dang / len pa dang bcas pa dang / gnas pa dang bcas pa dang / rten dang bcas pa'i nye bar len pa'i chos thos cad bshags par bya'o// de lta 'di lta bu'i bsdu ba dang / spros pa dang bcas pa'i kun tu mi 'byung bar gang yin pa de ni sdig pa bshags pa yongs su dag pa yin te/ 'di ni bshags pa'i phung po'o// rigs kyi bu gzhan yang byang chub sems dpa' de bzhin du'adug ste/ tshig 'di skad ces 'das pa dang ma byon pa dang da ltar byang ba'i sangs rgyas bcom ldan 'das rnams kyi dang po thugs bskyed pa nas bzungs te/ bla na med pa yang dag par rdzogs pa'i byang chub mngon par rdzogs par sangs rgyas pa'i bar ldan pa rnams kyi bar de'i dge ba'i rtsa ba gang ci yang rung / sangs rgyas kyis bka' stsal pa/ rtsa ba ma mchis shing rten pa ma mchis pa/ gtong ba ma mchis pas gtang ba rnam par
- 186b
dag pa dang / rang bzhin gyi tshul khrims mi zad mi skye ba dang / sems can ma mchis pa'i bzod pa dang / dmigs pa las dben pa'i brtson 'grus dang / sems kyi/ ngo bo nyid las nges par sems pa'i bsam gtan dang / tshu rol dang pha rol gyi mthar lta ba rnam par spangs pa'i shes rab dang / rten cing 'brel bar 'byung ba zab mo la 'jug pa dang / stong pa nyid kyi rnam pa'i byams pa dang / rnam par gnas pa ma mchis pa'i snying rje dang / chos la kun mi 'byung ba'i dga' ba dang / yal bar bor ba ma lags pa'i btang snyoms gang chags pa de dag thams cad la rjes su yid rang ngo // khyim gyi dngos po thams cad bzung ba ma mchis pa gang yongs su ma bzung ba/ rtsa ba ma mchis shing rten pa ma mchis pa'i dge ba'i rtsa ba/ ma dran pa dran par gyur pa'i dran pa nye bar bzhag pa rnams dang / ma 'gags pa dang ma skyes pa'i yang dag par slong ba rnams dang / lus dang sems dang brtson 'grus dang 'dun pa dang ldan pa'i rdzu 'phrul gyi rkang pa rnams dang / dbang po lnga mtshan nyid ma mchis pa'i dbang po rnams dang / nam mkha' ltar mi thul ba'i stobs rnams dang / don dam pa yang dag par rtogs pa'i byang chub kyi yan lag rnams dang / mi gnyis pa'i lam dang ldan pa'i lam dang / zhi bzhi gnas thob pa dang / rig pa dang / rnam par grol ba dang mthun pa'i lhag mthong dang / mngon par shes pa ye shes sngon du 'gro ba de dag thams cad la rjes su yid rang ngo // thog ma'i mtha' nas lus kyi ngo bo nyid yongs su dag pa dang /
- 187a
brjod du ma mchis pa'i ngag rnam par dag pa dang / sangs rgyas la rim 'gro bgyi ba bsnyen bskur bgyi ba ma mchis pa dang / chos la rim 'gro bgyi ba chos thams cad yongs su bzung ba ma mchis pa dang / dge 'dun la rim 'gro bgyi ba tshogs ma mchis shing yon tan ma mchis pa dang / spyod lam thams cad rnam par ma rtags pa'i sdom pa spyod pa dang / 'das pa dang ma byon pa dang da ltar byung ba'i sangs rgyas dang byang chub sems dpar gyur pa de dag gi chos spyod pa yang dag po'i sdom pa bdud thams cad kyis mi shig pa/ 'jig rten thams cad dang ma 'dres pa/ nyan thos dang rang sangs rgyas thams cad kyi sar ma nges pa/ byang chub sems dpa' lam dang mthun pa/ dge ba'i rtsa ba bzang po las dkar po ma lags pa/ 'gag par gyur pa bzhin gang ci mchis pa dang / dge ba'i rtsa ba bzang ba 'od gsal ba'i las gang gis/ byang chub sems dpa' de dag gis/ sangs rgyas kyi ye shes thob pa dang / 'thob pa dang / thob par 'gyur ba de dag thams cad la rjes su ying rang ngo // 'das pa dang ma byon pa dang da ltar byung ba'i sangs rgyas bcom ldan 'das byang chub skyes pa de dag gi tshul khrims dang / ting nge 'dzin dang shes rab dang rnam par grol ba dang / rnam par grol ba'i ye shes mthong ba zag pa ma mchis pa dang / stobs mi thul ba rnams dang mi 'jigs pa phyir mi ldog rnams dang / sangs rgyas kyi chos chags pa ma mchis pa rnams dang / kun tu mi 'byung ba'i byams pa chen po dang / snying rje chen po gzhan gyi dring
- 187b
la mi 'jig pa dang / spyi gtsug ltar mi mthong ba nam mkha' dang mtshungs pa gang lags pa dang / gnyis su ma mchis pa'i bsod nams rnam par smin pa'i mtshan nyin dang / lus dang sems kyi rgyan bcos pa ma lags pa nam mkha' ltar yongs su dag pa dang / brgya byin dang tshangs pa thams cad kyis bskul ba'i chos kyi 'khor lo dang / brjod pa ma mchis pa dang ldan pa'i chos ston pa dang sems can la shes pa snang ba rnam par shes pa las gzhan ma lags pa de dag thams cad la rjes su yid rang ngo // sems can thams cad la phan gdags pa'i slad du/ thabs mkhas pa'i gnas la gnas pa dang / 'das pa dang ma byon pa dang / da ltar byung ba'i sangs rgyas bcom ldan 'das bzhugs pa 'am/ yongs su mya ngan las 'das pa yang rung ste/ dam pa'i chos ma nub kyi bar du de dag la mchod pa bgyis pa dang / bgyid pa dang / bgyid par 'gyur ba gang lags pa de dag thams cad la rjes su yid rang ngo // sangs rgyas bcom ldan 'das yongs su mya ngan las 'das pa de dag gi nyan thos 'das pa/ sems can thams cad las yang dag par 'das pa rnams dang / dad pas rjes su 'brang ba rnams dang / chos kyi dbyings la zhugs pa rnams dang / chos kyi rjes su 'brang ba rnams dang / log pa brgyad las yang dag par 'das pa'i brgyad pa rnams dang / chags pa med pa'i rigs la gnas pa'i rigs kyi sa rnams la rgyun tu zhugs pa rgyun las ldog te zhugs pa rnams dang / lan cig phyir 'ong ba gang du yang mi 'gro ba rnams dang / phyir mi 'ong ba 'di nas shi phos nas der gnas par 'gyur ba rnas
- 188a
dang / dgra bcom pa grangs ma mchis shing / skye ba ma mchis pas rab tu phye ba rnams dang / rang sangs rgyas rten cing 'brel bar 'byung zab mo khong du chud pa rnams dang / byang chub sems dpa' ye shes mngom sum du rtags pa rnams dang / byang chub sems dpa' sa dang mtshungs mtshungs pa'i sems dang po bskyed pa rnas dang byang chub sems dpa' spyod pa thams cad las yang dag par 'das pa'i spyod pa la zhugs pa rnams dang / byang chub sems dpa' 'khor ba'i chos las 'das shing sangs rgyas kyi chos thob pa'i phyir mi ldog pa rnams dang / byang chub sems dpa' skye ba thams cad las shin tu 'das pa rnams dang / byang chub sems dpa' skye ba cig gi thogs pa rnams kyi dge ba'i rtsa brten ma mchis pa gang lags de dag dang / 'dus byas las yongs su rgal ba de dag thams cad la rjes su yi rang ngo // 'das pa dang ma byon pa dang da ltar byung ba'i dus kyi sems can rnams kyi sbyin pa'i bsod nams bgyi ba'i dngos po dang / tshul khrims kyi bsod nams bgyi ba'i dngos po dang / bsgom pa dngos po ma mchis pa'i dngos por gyur pa'i bsod nams bgyi ba'i dngos po sangs rgyas kyi spyan gyis mkhyen pa gang lags pa de dag thams cad la rjes su yi rang ngo / rjes su yi rang ba mchog dang ma chad pa dang ma lhag pa dang / rnam mkha' ltar rnam par dag pa dang / shes rab dang ye she gyis rtogs pa dang / gzhan yang nges pa'i don gyi chos dang ldan pa dang / bla na ma mchis pa dang / nam/
- 188b
mkha' dang mnyam pa dang / mya ngan las 'das pa dang / mnyam pa dang mi mnyam pa dang mnyam pa nyid kyi yongs su bsngo bas yongs su bsngo'o// ji ltar 'das pa dang ma byon pa dang / da ltar byung ba'i sangs rgyas bcom ldan 'das byang chub sems dpar gyur pa/ shes rab kyi pha rol tu phyin pa dang / thabs la mkhas pa zung du 'brel ba ma chags par spyod pa spyad pa rab tu mkhyen pas mkhyen pa de dag gi/ sangs rgyas kyi ye shes mngon sum du mdzad nas/ dge ba'i rtsa ba de dag la rjes su yid rang ba dang / rjes su yid rang bar mdzad pa dang / rjes su yid rang bar 'gyur ba'i mnyam pa nyid dang / chos nyid rjes su slob pa de bzhin du bdag kyang rjes su yid rang ngo // rjes su yi rang ba mchog dang ma chad pa dang / ma lhag pa dang / nam mkha' ltar rnam par dag pa dang / she rab dang ye shes kyis rtogs pa dang / gzhan yang nges pa'i don gyi chos dang ldan pa dang / bla na ma mchis pa dang / nam mkha' dang mnyam pa'i rjes su yid rang ba'i rjes su yid rang ba zhes brjod par bya'o// rigs kyi bu 'di ni sangs rgyas bcom ldan 'das kyis bka' stsal pa rjes su yid rang ba'i phung po kha na ma tho ba med pa'o// rigs kyi gzhan yang byang chub sems dpa' des de bzhin du 'dug ste/ tshig 'di skad ces sangs rgyas bcom ldan 'das gang dag kha cig/ 'jig rten gyi khams dpag tu ma mchis shing grangs ma mchis pa rnams su bla na med pa yang dag par rdzogs pa'i byang chub mngon par rdzogs pa sangs rgyas te chos thams cad ma dmigs nas/
- 189a
bdud bzhi'i lam las yang dag par 'das pa brjod du ma mchis pa'i chos skyon ma mchis pa brnyes pa/ yi ge dang brjod pa dang / ska thams cad dang bral ba/ chos ji lta ba bzhin du brnyes pa/ thabs mkhas pas chos bzung bar mdzad pa'i slad du/ ci tsam du btags pa sems can yongs su smin par mdzad pa'i slad du thugs rje chen po chung ma gsan pa/ bskul ba la dges pa cang mi gsung ba la dges pa/ byang chub kyi shing la gzigs pa/ lha dang klu dang gnod sbyin dang dri za dang lha ma yin dang / nam mkha' lding dang mi 'am ci dang / lto 'phye chen po thams cad kyis mngon par bstod de/ dges shing bzhugs pa'i sangs rgyas bcom ldan 'das de dag la chos kyi 'khor lo rab tu skor bar bskal gyis sangs rgyas bcom ldan 'das rnams kyis chos kyi 'khor lo rab tu bskor du gsol// 'di lta ste chos kyi 'khor lo mi 'jug pa'i chos kyi 'khor lo dang / mngon par mi 'grub pa'i chos kyi 'khor lo dang / tshu rol dang pha rol yongs su gcod pa'i 'khor lo dang / rten cing 'brel par 'byung ba zab mo'i 'khor lo dang / bdud phyir rgol ba choms pa'i 'khor lo bskor du gsol// brjod dam mchis pa'i rnga brdung du gsol// sgra ma mchis pa'i dung 'bred du gsol// chos shes pa'i tshul mtshan dang rtog bsgred du gsol// shes rab dang ye shes dang rnam par grol ba'i sgron ma 'bar bar mdzad du gsol// thugs rje chen
- 189b
po'i sprin bsdu ba mdzad du gsol// chos chen po'i chu'i char pa'i rgyun gyis sems can rnams kyi dge ba'i lo rtog rnam par spel du gsol// 'phags pa'i shes rab dang ye shes kyi nor gyis sems can thams cad tshim par mdzad du gsol zhes brjod par bya'o// rigs kyi bu 'di ni byang chub sems dpa' sems dpa' chen po bskul ba'i phung po kha na ma tho ba med pa'o// rigs kyi bu gzhan yang byang chub sems dpa' des de bzhin du 'dug ste/ 'di skad ce sangs rgyas bcom ldan 'das phyogs bcu'i 'jig rten gyi khams ra 'byam dpag tu ma mchis pa dag na/ sangs rgyas kyi mdzad pa dag shin tu mdzad pa/ legs par bgyis pa'i chos rgyun mi bcod pa/ byang chub sems dpa' rnams shin tu lung sten pa/ dge 'dun 'phags pa rnams rab tu gnas na/ gdul ba'i sems can rnams shin tu btul ba/ mya ngan las 'das pa'i bde ba brtsol ba/ chos bzung bar mdzad pa'i slad du yongs su mi skyo ba/ yongs su mya ngan las 'da' bar bzhed pa'i sangs rgyas bcom ldan 'das de dag la/ bdag chos kyi dbyings gnas pa'i tshul gyis/ ci ltar de dag mi skye ba ma skyes pa de bzhin du/ ma 'gags mi 'gags 'gags par mi 'gyur bar bzhugs su gsol zhes brjod par bya'o// rigs kyi bu 'di ni byang chub sems dpa' rnams kyi gsol ba 'debs pa yod pa ma yin pa/ len pa med pa kha na ma tho ba med pa'o// rigs kyi bu gzhan yang
- 190a
byang chub sems dpa' des de bzhin du 'dug ste/ tshig 'di skad ces me mchis bzhin du bdag gi mgo bos phyag bgyis pa dang / bshags pa rjes su yid rang ba dang / bskul ba dang gsol ba 'debs pa gang lags pa dang / phyag 'tshal ba dang 'chags pa dang rjes su yid rang ba dang / bskul ba dang / gsol ba 'debs pa de yang ma mchis pa len pa ma mchis pa 'dus ma bgyis pa'o// de ltar phyag 'tshal ba dang bshags pa dang / rjes su yid rang ba dang / skal ba dang gsol ba 'deb/ pade yang ma mchis pa/ len pa ma mchis pa/ 'dus ma bgyis pa ste/ de bzhin du byang chub kyang len pa ma mchis pa 'dus ma bgyis pa ste/ chos nyid de dang mchad pa dang / ma lhag pa dang / ma smad pa dang mnyam pa ma mchis pa dang / mi thob pa dang mi dma' ba'i yongs su bsngo bas/ bla na med pa yang dag par rdzogs pa'i byang chub la chos phra rab tsam yang mi dmigs par yang yongs su bsngo'o zhes brjod par bya'o// mig gzugs rnams la mi 'jug ste/ gzugs kyang mig la ma yin mod kyi/ 'on kyang dmigs pa'i rgyu rkyen gyis rnam par shes pa 'byung ste/ rnam par shes pa de yang mig las ma byung / gzugs las kyang ma yin te/ byung nas kyang zhig ste cang med de mi gnas so// de bzhin du rna ba la ma yin sgra la ma yin/ sna la ma yin dri la ma yin/ lce la ma yin ro la ma yin/ lus la ma yin reg bya la ma yin/ yid chos rnams la mi 'jug/ chos rnams
- 190b
kyang yid la mi 'jug mod kyi/ 'on kyang dmigs pa'i rgyu rkyen gyis rnam par shes pa 'byung ste/ de yang yid las kyang ma byung chos las kyang ma yin te/ de ni byung nas zhig cing mede mi gnas so// de bzhin du dge ba'i rtsa ba byang chub la mi 'jug byang chub kyang dge ba'i rtsa ba la mi 'jug mod kyi 'on kyang / byang chub kyi rkyen gyis dge ba'i rtsa ba la dmigs pa'i sems bskyed pa rnams skye'o// de yang mi gnas pa ste/ skyes nas zhig cing med do// de la sems gang gis dge ba'i rtsa ba mngon par 'du byas pa dang / sems gang gis byang chub tu yongs su bsngos pa'i sems bskyed pa de dag phan tshun du 'brel bar mi byed do// 'di lta ste dper na/ me yang gang nas kyang ma 'ong ste/ byung nas zhig cing med do// de bzhin du byang chub sems dpa' rnams kyi shes rab kyi me yang gang nas kyang ma 'ong mod kyi 'on kyang dge ba'i rtsa ba la rten nas 'bar te byung nas zhig cing med do// ye shes snang ba rab tu thob pa chos rnam par 'byed pa de lta bu dag la blo rnam par mi spyod pa gang yin pa de ni/ byang chub sems dpa' yongs su bsngo'o// skyon med par 'jug pa dang / lung bstan pa dang bzod pa snang ba'i ye shes thob pa rnam par 'byed pa rnams blo rnam par mi spyod pa gang yin pa des/ sangs rgyas bcom ldan 'das sngon sum du bya ste yongs su bsngo bar bya'o// ji ltar de bzhin gshegs pa de dag gis shes rab kyi pha rol tu phyin pa'i rgyu mthun pa'i thabs mkhas pa'i ye shes kyis byang chub sems dpa' rnams kyi yongs su
- 191a
bsngo ba bshad pa de bzhin du/ thabs mkhas pa'i ye shes des yongs su bsngo'o// rigs kyi bu 'di ni byang chub sems dpa' rnams kyi bsngo ba kha na ma tho ba med pa'o// 'jam dpal gzhon nur gyur pas/ phung po gsum pa'i bsngo ba 'di bshad pa na/ byang chub sems dpa' lnga brgya mi skye ba'i chos la bzod pa thob par 'gyur to// byang chub sems dpa' chos thams cad la dam 'cha' ba dang / lha dang mi dang / lha ma yin du bcas pa'i 'jig rten yang / 'jam dpal gzhon nur gyur pas bshad pa la mngon par bstod do// 'phags pa phung po gsum pa zhes bya ba theg pa chen po'i mdo// rdzogs s+ho// // rgya gar skad du/ Aru karma a ba ra Na pra ti srab d+hi na ma ma hA yA na su tra/ bod skad du/ 'phags pa las kyi sgrib pa rgyun gcod pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das gnyen yod na/ rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang / byang chub sems dang bdun khri dang thabs gcig tu gzhugs ste/ de nas sangs rgyas kyi mthus tshe dang ldan pa sha ri'i bu bstan las lang ste bla gos phrag pa gcig tu gzar nas pus mo g.yas pa'i
- 191b
lha nga sa la btsags te/ bcom ldan 'das gal ba de logs su thal mo sbyar bar btud nas/ bcom ldan 'das la 'di skad ces gsol to// bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ las kyi sgrib pa rnams ji ltar so sor bshags par bgyi/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu 'di la rigs kyi bu'am rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin len gsum mtshan lan gsum du/ bla gos phrag pa gcig tu gzar la pus mo g.yas pa'i lha nga la btsugs te/ thal mo sbyar nas tshig 'di skad du/ skye bo mang po la sman pa dang / skye bo mang po la bde ba dang / 'jig rten la thugs rtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ sangs rgyas bcom
- 192a
ldan 'das gang dag da ltar na/ phyogs bcu'i 'jig rten na/ bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu bskor ba/ chos kyi 'khor lo ston/ chos kyi tshul rab tu 'dzin pa/ chos kyi sbyin pa mdzad pa chos kyi sgron ma 'bar bar mdzad pa/ chos kyi char rab tu 'bebs pa/ chos kyi rnga rab tu brdung ba/ chos kyi rnga bo che rab tu rdung ba chos kyi dung rab tu 'bud pa/ chos kyi srog shing sgreng ba/ sems can thams cad la chos kyi sbyin pas tshim par mdzad pa/ nyam pag tu spyod du 'jug pa'i sangs rgyas bcom ldan 'das de dag la phyag 'tshal lo// sangs rgyas bcom ldan 'das mchod pa'i gnas phyag bgyi ba'i gnas/ ri mo bgyi ba'i gnas/ mkhyen par gyur pa/ spyan du gyur pa/ dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa/ de dag la bdag mgo dang ngag dang yid kyis phyag 'tshal lo// thog ma dang tha ma ma mchis pa'i/ 'khor ba na 'khor ba'i tshe/ bdag 'dod chags kyis gzir ba'am/ zhe sdang gis gzir ba'am/ gti mug gis gzir ba'i lus dang / ngag dang yid kyi sgrib pa gang mngon par 'dus bgyis pas/ sangs rgyas su ma 'tshal ba dang / chos su ma 'tshal ba dang / dge 'dun du ma 'tshal ba dang / dge ba dang mi dge bar ma 'tshal ba dang / de bzhin gshegs pa la ngan
- 192b
sems kyis khrag phyung ba dang / chos spangs pa dang / dge 'dun gyi dben bgyis pa dang / dge slong dgra bcom pa bkum pa dang / pham bkum pa dang / lus kyi rnam pa gsum dang / ngag gi rnam pa bzhi dang / yid kyi rnam pa gsum ste/ mi dge ba bcu'i las kyi lam bgyis pa dang / bgyid du brtsal ba dang / bgyid pa la rjes su yid rang ba dang / sems can kha cig la ngag rtsub po smras pa dang / skur pa btab pa dang / srang la g.yo ba bgyis pa dang / 'gro ba drug du 'khor ba na/ pha ma mi dga' bar bgyis pa dang / gang zag gi 'am mchod rten gyi'am/ dge 'dun gyi 'am/ phyogs bzhi'i dge slong gi dge 'dun gyi nor rkus pa dang / ji ltar bslab pa'i gzhi bcas pa rnams kyi 'dul ba dang / 'gal ba bgyis pa dang / mkhan po dang slob dpon gyi sgo ba ma mnyan pa dang / nyan theg pa la yang dag par zhugs pa'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa dang / de las gzhan pa'i sems can rnams la mi snyan par bgyis pa dang / spyod pa dang brdeg pa dang bdeg la thab dang zhe sdang bskyed pa dang / phra dog dang ser sna las byung ba'i sems kyis/ sangs rgyas bcom ldan 'das rnams la/ tshig rtsub po smras pa dang / chos la chos ma lags zhes bgyis pa dang / chos la chos ma lags pa la chos lags zhes bgyis pa de dag/ sangs rgyas bcom ldan 'das mkhyen par gyur/
- 193a
pa/ spyan du gyur pa dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa/ de dag gi spyan sngar so sor 'chags so// 'thol lo// mi 'chab po// slad tshad mi bgyid do// bdag las kyi sgrib pa gang gis sgribs te/ sems can dmyal ba dang / dud 'gro'i skye gnas dang / yi dgas kyi yul dang / lha ma yin gyi tshogs kyi nang du mchi bar 'gyur ba dang / sangs rgyas dang chos dang / dge 'dun mnyes pad+ma mi 'gyur ba dang / mi khom pa rnams su skye bar 'gyur ba'i las de/ lus 'di nyid la rnam par smin te// gzhan du mi myong bar shog shig/ de yang bcom ldan 'das mkhyen par gyur pa/ spyan du gyur pa/ dpang du gyur pa/ tshad mgyur pa mkhyen pa dang ldan pa/ gzigs pa dang ldan pa de dag gi spyan sngar so sor 'chags so// 'thol lo mi 'chab po slan chad mi bgyid do// ji ltar sngon gyi byang chub sems dpa' sems dpa' chen po de dag sngon byang chub kyi phyir spyod pa na/ las kyi sgrib pa rnams so sor bshags pa dang / ma bcab pa de bzhin du/ bdag kyang las kyi sgrib pa rnams so sor 'chags so// 'thol lo mi 'chab po// slan chad mi bgyid do// ji ltar ma 'ongs pa'i dus kyi byang chub sems dpa' sems dpa' chen po dag byang chub ses dpa'i spyad pa spyod pa na/ las kyi sgrib pa rnams so sor 'chags par 'gyur ba dang / ma 'cheb par 'gyur ba de bzhin du/ bdag kyang las kyi sgrib pa rnams so sor 'chags so//
- 193b
'thol lo mi 'chab po// slan chad mi bgyid do// ji ltar da ltar phyogs bcu'i 'jig rten na/ byang chub sems dpa' sems dpa' chen po dag/ byang chub kyi phyir spyod pa na las kyi sgrib pa rnams so sor 'chags pa dang mi 'chab pa de bzhin du bdag kyang las kyi sgrib pa rnams so sos 'chags so// 'thol lo mi 'chab po// slan chad kyang mi bgyid do// ji ltar 'das pa dang ma 'ongs pa dang da ltar byung ba'i byang chub sems dpa' ba sems dpa' chen po dag byang chub sems dpa'i spyad pa spod pa na/ las kyi sgrib pa rnams so sor bshags pa dang / so sor 'chags par 'gyur ba de bzhin du/ bdag kyang las kyi sgrib pa rnams so sor 'chags so// 'thol lo mi 'chab po slan chad kyang mi bgyid do// zhes brjod par bya'o// sha ri'i bu des bas na rigs kyi bu 'am rigs kyi bu me chos thams cad la sgrib pa med pa rnam par dag pa thob par 'dod pas/ 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su rgyal rigs kyi bu shing sa la chen po lta bu phyug pa dang / nor che ba long spyod che ba/ sa le sbram dang nor dang yo byad mang ba/ shin tu bskyed pa gzhon pa chen po la zhon pa rnams kyi nang du skye bar 'dod pa des kyang / 'di bzhin du las kyi sgrib pa rnams so sor bshags par bya'o// mi 'chab par bya'o// phyin chad kyang mi bya'o// bram ze'i rigs shing sa la chen po/
- 194a
bu phyug pa nor che ba/ sa le sbrum dang nor dang yo byad mang ba/ shin tu bskyed pa bzhon pa chen po la zhon par 'dod pa des kyang 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su rgyal tshon bzhi'i rigs kyi lha rnams kyi rdul shugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bgyi'o// mi bcab par bya'o// phyin chad kyang mi bya'o// sum bcu rtsa gsum pa'i lha rnams kyi btul shugs dang mtshungs par skye bar 'dod pa rnams kyis kyang 'di bzhin las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// de bzhin du su 'thab bral dang dga' ldan dang 'phrul dga' dang bzhin 'phral dbang byed dang tshangs rigs dang / tshangs pa'i mdun na 'dod dang / tshangs pa 'khor dang tshangs chen dang / 'od chung dang / tshad med 'od dang / 'od gsal dang / dge chung dang tshad med dge dang / dge rgyas dang / sprin med dang / bsod nams skyes dang / 'bras bu che ba dang / sems can du 'du shes med pa dang / gya nom snang ba dang / shin tu mthong dang / mi che ba dang / mi gdung ba dang / 'og min gyi lha rnams kyi brtul shugs dang mtshungs par skye bar 'dod pa des kyang 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su gzugs med
- 194b
ba nam mkha' mtha' yas skye mched du nye bar 'gro ba rnams dang / rnam shes mtha' yas skye mched du nye bar 'gro ba rnams dang / ci yang med pa'i skye mched du nye bar 'gro ba rnams dang / 'du shes med 'du she med min skye mched du nye bar 'gro ba'i lha rnams kyi brtul shugs dang mtshungs pa'i skye bar 'dod pa des kyang 'di bzhin du las kyi sgrib pa rnams so sor bshags par bya'o// mi bcab par bya'o// phyin cad kyang mi bya'o// su rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid mngon sum du byed pa des kyang 'di bzhin las kyi sgrib pa rnams so sor bshags par bya'o// mi bcab par bya'o// phyin cad kyang mi bya'o// su rig gsum 'am/ mngon par shes pa drug gam/ stobs rnams sam/ dbang po rnams sam/ nyan thos kyi pha rol tu phyin pa 'am/ nyan thos dbang che bar grags pa 'am/ rang byang chub mngon sum du byed par 'dod pa des kyang 'di bzhin du las kyi sgrib pa rnams so sor bshags par bgyi'o// mi bcab par bya'o// su thams cad mkhyen pa'i ye shes dang / rnam par dag pa'i ye shes dang / bsam gyis mi khyab pa'i ye shes dang / mtshungs pa med pa'i ye shes dang / yang dag par rdzogs pa'i sangs rgyas kyi ye shes mngon par sgrub par 'dod pa des kyang 'di bzhin du las kyi sgrib pa rnams so sor bshags par bya'o// mi bcab par bya'o// phyin cad kyang mi bya'o// de ci'i phyir zhe na/
- 195a
sha ri'i bu de bzhin gshegs pas chos thams cad rten cing 'brel bar 'byung ba zhes gsung ba'i phyir te/ rgyu dang rten gzhan dang gzhan dag gis gzhan skye'o// gzhan 'gag gi de las 'das pa'i chos gang yin pa de dag ni 'gags pa/ zad pa bral ba/ rnam par 'gyur ba ste/ de dag la ni las kyi sgrib pa cung zad kyang med do// da ltar kyi 'du byed pa gang yin pa rnams kyang med pa las byung ba ste/ de dag la yang las kyi sgrib pa cung zad kyang med do// de ci'i phyir zhe na/ sha ri'i bu de bzhin gshegs pas chos thams cad ni stong pa/ sems can med pa/ srog med pa/ gang zag med pa/ ma skyes pa ma 'gags pa 'dus ma byas pa zhes gsung ba'i phyir ro// shA ri'i bu chos thams cad bdag las byung yang bdag kyang yod pa ma yin no// rigs kyi bu 'am rigs kyi bu mo gang la la zhig 'di lta ste/ sems can med pa'i mtha' chos kyi tshul 'di la 'jug pa 'di ni las kyi sgrib pa rgyun bcod pa zhes bya ba ste/ sha ri'i bu 'di ni so sor bshag so// de nas bcom ldan 'das la/ tshe dang ldan pa sha ri'i bus 'di skad ces gsol to// bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan
- 195b
dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ ji ltar dge ba'i rtsa ba rnams la rjes su yid rang bar bgyi/ de skad ces gsol pa dang / bcom ldan 'das kyi/ tshe dang ldan pa sha ri'i bu la 'di skad ces bka' stsal to// sha ri'i bu 'di la rigs kyi bu 'am rigs kyi bu mos nyin lan gsum mtshan lan gsum du bla gos phrag pa cig tu gzar la/ pus mo g.yas pa'i lha nga sa la btsugs te/ thal mo sbyar nas tshig 'di skad du// phyogs bcu'i 'jig rten na sems can gang su dag sbyin pa la byung ba'i bsod nams bgyi ba'i dngos po dang / tshul khrims las byung ba dang sgom pa las byung ba'i bsod nams bgyi ba'i dngos po mngon pa 'dus bgyis pa de dag thams cad la rjes su yid rang ba'i mchogs gis rjes su ying rang ngo // rjes su yid rang ba dam pa dang / gtso bo dang / khyad par can dang rab dang / phul dang gya nom pa dang / bla ma dang bla na med pa dang lhag na med pa dang / mnyam pa med pa dang / mi mnyam pa dang mnyam pas rjes su yid rang ngo // phyogs bcu'i 'jig rten gyi khams na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / sgom las byung ba'i bsod nams bgyi ba'i dngos po mngon par 'du bgyid par 'gyur ba de dag thams cad la yang rjes su yid rang ba'i mchog gi rjes su yid rang ba nas/
- 196a
rjes su yid rang ba mi mnyam pa dang mnyam pa'i bar gyis rjes su yid rang ngo // phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid pa de dag la yang rjes su yid rang ba'i mchog gi rjes su yid rang ba nas rjes su yid rang ba mi mnyam pa'i bar gyi rjes su yid rang ngo // byang chub sems dpa' gang dag da ltar na ses dang po bskyed pa de dag dang po byang chub tu sems bskyed pa dang ldan pa'i dge ba'i rtsa ba gang lags pa dang / byang chub sems dpa' bskal pa rgyas byung ba rnams kyi bsod nas kyi phung po gang lags pa dang / byang chub sems dpa' mi skye ba'i chos la bzod pa thob pa rnas kyi rnams kyi phung po gang lag pa dang / phyir mi ldog pa rnams kyi bsod nams kyi phung po gang lag pa dang / byang chub sems dpa' skye ba gcig gis thogs pa rnams kyi bsod nams kyi phung po gang lags pa de dag thams cad la rjes su yid rang ba'i mchog gi rjes su yid rang ba nas/ rjes su yid rang ba mi mnyam pa dang mnyam pa'i bar gyis rjes su yid rang ngo // byang chub sems dpa' sems dpa' chen po de dag sngon byang chub sems dpa'i spyod pa spyod pa na/ pha rol tu phyin pa drug dang ldan pa'i dge'i rtsa ba sngon par 'dus bgyis pa gang lags pa de dag thams cad la yang
- 196b
rjes su yid rang ba'i mchog gis rjes su yid rang ngo // rjes su yid rang ba dam pa dang / gtso bo dang / khyad par can dang / rab dang phul dang / gya nom pa dang bla ma dang / bla na med pa dang / lhag na med pa dang / mnyam pa med pa dang / mi mnyam pa dang mnyam pas rjes su yid rang ngo // ma 'ongs pa'i byang chub sems dpa' sems dpa' chen po de dag byang chub kyi phyir spyod pa na/ pha rol tu phyir pa drug dang ldan pa'i bsod mams kyi phung po mngon par 'du byed par 'gyur ba gang lags pa de dag thams cad la yang rjes su yid rang ba'i mchog gis rjes su yid rang ngo // rjes su yid rang ba dam pa dang / gtso bo dang / khyad par can dang rab dang phul dang / gya nom pa dang bla ma dang / bla na med pa dang ltag na med pa dang mnyam pa med pa dang / mi mnyam pa dang mnyam par rjes su yid rang ngo // byang chub sems dpa' sems dpa' chen po gang dag da ltar phyogs bcu'i 'jig rten na byang chub kyi phyir spyod pa dag pha rol tu phyir pa drug dang ldan pa'i bsod nams kyi phung po mngon par 'ad bgyis pa gang lags pa de dag thams cad la yang rjes su yid rang ba'i mchog gis rjes su yid rang ngo / rjes su yid rang ba dam pa dang / gtso bo dang khyad par can dang / rab dang phul dang bya nom pa dang / bla ma dang bla na med pa dang ltag na med dang / mnyam pa med pa dang mi mnyam pa dang mnyam par rjes su yid rang ngo // skye bo mang po la sman pa dang /
- 197a
skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde ba'i slad du sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu bskor ba/ chos kyi 'khor lo rab tu ston pa/ chos kyi tshul rab tu bzung ba chos kyi char rab tu phab pa/ chos kyi char rab tu btang ba/ chos kyi rnga rab tu brdung ba/ chos kyis rnga bo che rab tu brdungs pa/ chos kyi dung rab tu bus pa/ chos kyi srog shing sbrengs pa/ chos kyi sgron ma 'ab bar mdzad pa/ sems can thams cad la chos kyi sbyin pa tshim par mdzad pa/ nyam bag tu spyod du 'dzud pa gang lags pa dang / de la nyan thos kyi theg pa pa 'am/ rang sangs rgyas kyi theg pa pa'am/ byang chub sems dpa'i theg pa pa'am/ de las gzhan pa'i sems can rnams kyis dge ba'i rtsa ba bskyed pa gang lags pa de dag thams cad la rjes su yid rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyi rjes su yid rang ngo // skye bo mang po la sman pa dang / skye bo mang po la bde ba dang / 'jig rten la thugs rtse ba dang / skyes po phal po che dang lha dang mi rnams kyi don dang / sman pa dang / bde ba'i
- 197b
slad du/ ma 'ongs pa'i dus kyi sangs rgyas bcom ldan 'das de dag bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo skor bar 'gyur ba'i bar dag gang lags pa dang / de la nyan thos kyi theg pa pa'am/ rang sangs rgyas kyi theg pa pa'am/ byang chub sems dpa'i theg pa pa 'am/ de las gzhan pa'i sems can dge ba'i rtsa ba bskyed par 'gyur ba gang lags pa de dag thams cad la yang rjes su yid rang ba'i mchogs gis rjes su yid pa rang ba nas/ rjes su yid rang ba mi mnyam pa dang mnyam pa'i bar gyi rjes su yid rang ngo // skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ da ltar na phyogs bcu'i 'jig rten na sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu bskor ba/ chos kyi 'khor lo rab tu ston pa/ chos kyi tshul rab tu 'dzin pa/ chos kyi char rab tu 'bebs pa/ chos kyi char btong ba/ chos kyi sbyin pa mdzad pa/ chos kyi sgron ma 'bar bar mdzad pa/ chos kyi rnga brdungs pa chos kyi rnga bo che brngub ba chos kyi ngung 'bud pa/ chos kyi srog shing sbeng ba/ sems can thams cad la chos kyi sbyin pas tshim par mdzad pa/ nyam pag tu spyong du 'dzud pa gang lags pa/
- 198a
dang / de la nyan thos kyi theg pa pa 'am/ rang sangs rgyas kyi theg pa pa'am/ byang chub sems dpa'i theg pa pa'am/ de las gzhan pa'i sems can gang dag dge ba'i rtsa ba skyed pa gang lags pa de dag thams cad la yang rjes su yid rang ba'i mchogs gis rjes su yid rang ba nas/ rjes su yid rang ba mi mnyam pa dang mnyam pa'i bar gyis rjes su yid rang ngo // zhes brjod par bya'o// sha ri'i bu 'di ni rjes su yid rang ba'i bsod nams kyi phung po'o// rigs kyi bu 'am rigs kyi bu mo rjes su yid rang ba'i bsod nams kyi phung po 'dis rjes su yid rang na bsod nams kyi phung po mang po grangs med dpag tu med pa bskyed do// sha ri'i bu stong gsum gyi stong chen po'i 'jig rten gyi khams kyi sems can nas/ 'jig rten gyi khams gang ga'i klung gi bye ma snyed kyi sems can ji snyed pa de dag thams cad dgra bcom pa yang dag pa zad par gyur la/ rigs kyi bu 'am rigs kyi bu mo la la zhig gis/ de dag la ji srid mtsho'i bar du gos dang zas dang / na ba'i bsos sman dang / yo byad rnams kyis snyan bkur byas pa bas/ gang zhig rjes su yid rang ba 'dis/ rjes su yid rang na/ de ni de bas bsod nams ches mang du grangs med dpag tu med pa bskyed do// sha ri'i bu de bas na rigs kyi bu 'am rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ rjes su ying rang ba 'dis/ rjes su
- 198b
yid rang bar bya'o// bud med skyes pa'i dbang po thob par 'dod cing / bud med kyi dbang po rje bar 'dod pas kyang / rjes su yid rang ba 'dis rjes su yid rang bar bya'o// de skad ces bka' stsal pa dang / bcom ldan 'das la/ tshe dang ldan pa sha ri'i bus 'di skad ces gsol to// bcom ldan 'das ma 'ongs pa'i byang chub sems dpa' sems dpa' chen po rnams la/ snang ba bgyid par 'gyur ba dang / da ltar byung ba'i byang chub sems dpa' sems dpa' chen po rnams kyi mos pa bskyed par 'gyur ba'i bskal ba'i phung po bshad du gsol/ de skad ces gsol pa dang / bcom ldan 'das kyis tshe dang ldan pa sha ri'i bu 'di skad ces bka' stsalo to// sha ri'i bu 'di la rigs kyi bu 'am rigs kyi bu mo nyan thos kyi theg pa la yang dag pa zhugs pa'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs ba'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du/ bla gos phrag pa gcig tu gzar la bu mo g.yas pa'i lha nga sa la btsugs ste/ thal mo sbyar nas tshig 'di skad du/ sangs rgyas bcom ldan 'das gang dag da ltar na phyogs bcu'i 'jig rten gyi khams na/ bla na med pa
- 199a
yang dag par rdzogs pa'i byang chub mngon par rdzogs par sangs rgyas pa de dag la phyag 'tshal lo// sangs rgyas bcom ldan 'das de dag la phyag 'tshal nas/ chos kyi 'khor lo rab tu bskor bar bskul gyis/ sangs rgyas bcom ldan 'das de dag gis/ skye bo mang po la bde ba dang / 'jig rten la thugs rtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ chos kyi 'khor lo skor du gsol/ chos kyi 'khor lo stan du gsol/ chos kyi tshul rab tu bzung du gsol/ chos kyi sbyin pa mdzad du gsol/ chos kyi sgron ma 'dzud du gsol/ chos kyi char dbab du gsol/ chos kyi rnga rdung du gsol/ chos kyi rnga bo che rdung du gsol/ chos kyi dung 'bud du gsol// chos kyi srog shing sgreng du gsol// zhes brjod par bya'o// sha ri'i gzhan yang rig sna bu 'am rig sta bu mo nyan thos kyi theg pa la yang dag par zhugs pa'am/ rang sangs rgyas kyi theg pa yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ nyin lan gsum mtshan lan gsum du/ bla gos phrag pa gcig tu gzar la/ pus mo g.yas pa'i lha nga sa la bcug ste/ thal mo sbyar nas tshig 'di skad du/ sangs rgyas bcom ldan 'das gang dag da ltar na phyogs bcu'i 'jig rten
- 199b
du sku che'i 'du byed btang ba'i sangs rgyas bcom ldan 'das de dag la phyag 'tshal lo// sangs rgyas bcom ldan 'das la phyag 'tshal nas/ gsol ba 'debs kyis/ sangs rgyas bcom ldan 'das de dag skye bo mang po la bde ba dang / 'jig rten la thugs rtse ba dang / skye bo phal po che dang lha dang mi rnams kyi don dang / sman pa dang bde ba'i slad du/ chos kyi 'khor lo ni rab tu bskor/ chos kyi sgron ma ni 'bar bar mdzad/ chos kyi char ni rab tu 'bebs/ chos kyi char ni rab tu btong / chos kyi rnga ni rab tu rdung / chos kyi rnga bo che ni rab tu brdung / chos kyi dung ni rab tu 'bud/ chos kyi srog shing ni rab tu sgreng / chos kyi sgron ma ni mched par mdzad/ sems can thams cad la chos kyi sbyin pas ni tshim par mdzad/ nyam bag tu spyod du 'dzud cig re shig bzhugs su gsol// gsol ba btab pa'i phung po 'di yang / bla na med pa yang dag par rdzogs pa'i byang chub tu bsngo ste/ ji ltar bla na med pa yang dag par rdzogs pa'i byang chub tu yongs su bsngo ba de bzhin du/ 'di yongs su bsngo'o// zhes brjod par bya'o// sha ri'i 'di ni gsol ba btab pa'i phung po ste/ rigs kyi bu 'am rigs bu mo gsol ba btab pa'i phung po 'dis/ gsol ba 'debs na/ bsod nams mang po grangs med dpag tu med pa bskyed do// sha ri'i bu rigs kyi 'am rigs kyi bu mo la la zhig gi stong gsum gyi stong chen po'i
- 200a
@/ 'jig rten gyi khams ji snyed pa de dag rin po che sna bdun gyis bkang ste/ de bzhin gshegs pa rnams la dbul ba phul ba bas/ gang gis de bzhin gshegs pa de dag la chos kyi 'khor lo skor ba bskul na/ de ni de bas bsod nams ches mang du grangs med dpag tu med pa bskyed do// sha ri'i bu stong gsum gyi stong chen po'i 'jig rten gyi khams lta zhog ste/ sha ri'i bu 'jig rten gyi khams gang gi'i klung gi bye ma snyed dang / mnyam pa ji snyed pa de dag rigs kyi bu 'am rigs kyi bu mo la la zhig gis rin po sna bdun gyis bkang ste/ de bzhin gshegs pa rnams dbul ba phul ba bas/ gang gis de bzhin gshegs pa de dag la gsol ba btab na/ da ni de bas bsod nams ches mang du grangs med dpag tu med pa bskyed do// de ci'i phyir zhe na/ sha ri'i bu ngas sngon byang chub sems dpa'i spyod pa spyad pa na/ de bzhin gshegs pa rnams ca la chos kyi 'khor lo bskor bar gsol ba btab ste/ dge ba'i rtsa ba des na/ lha'i dbang po rgya byin dang mi mjed kyi bdag po tshangs pas/ bcom ldan 'das skye bo mang po la sman pa dang / skye bo mang po la bde ba dang / 'jig rten la thugs rtse ba dang / skye bo phal po che dang lha dang mi rnams kyi don dang / sman pa dang bde ba'i slad du/ chos kyi 'khor lo rab tu skor bar gsol zhes/ chos kyi 'khor lo rab tu
- 200b
bskor bar gsol ba btab po// sha ri'i bungs sngon byang chub sems dpa'i spyod pa spyad pa na/ de bzhin gshegs pa rnams la ring du bzhugs par gsol te/ dge ba'i rtsa ba des na/ nga mi 'jigs pa bzhi dang / de bzhin gshegs pa'i stobs bcu dang / sangs rgyas kyi chos ma 'dres pa bcwo brgyad dang / so so yang dag par rig pa bzhi dang / byams pa chen po dang / snying rje chen po dang / yongs su mya ngan las 'das pa thob ste/ nga'i dam pa'i chos kyang yun ring du gnas par 'gyur ro// de skad ces bka' stsal pa dang / bcom ldan 'das la tshe dang ldan pa sha ri'i bus 'di skad ces gsol to// btso ldan 'das rigs kyi bu 'am rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya ba 'tshal bas/ thams cad mkhyen par bgyi ba'i slad du/ dge ba'i rtsa ba rnams ji ltar yongs su bsngo bar bgyi/ de skad ces gsol pa dang / bcom ldan 'das kyis tshe dang ldan pa sha ri'i bu la 'di skad ces bka' stsal to// sha ri'i bu 'di la rigs kyi bu'am rigs kyi bu mo nyan thos kyi theg pa la yang dag par zhugs pa 'am/
- 201a
rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du/ tshig 'di skad du/ thog ma dang tha ma ma mchis pa'i 'khor ba'i tshe/ bdag gi dge ba'i rtsa ba mngon par 'dus bgyis par gyur pa/ sangs rgyas sam/ chos sam dge 'dun nam/ gang zag gam/ tha na dud 'gro'i skye gnas su song ba rnams sam/ sems can gzhan dag la yang rung ste/ zan chang gcig tsam stsal bar gyur pa dang / 'chags pa gang lags pa dang / gsol ba gdab pa gang lags pa dang / skyabs su 'chi ba gang lags pa dang / bslab pa'i gzhi dang ldan pa'i dge ba'i rtsa ba gang lags pa dang / so sor 'chags pa dang / ldan pa'i dge ba'i rtsa ba gang lags pa dang / rjes su yid rang ba dang ldan pa'i bsod nams bgyi ba'i dngos po gang lags pa dang / gsol ba gdab pa dang / ldan pa'i dge ba'i rtsa gang lags pa de dag thams cad gcig tu bsdus/ gzhal zlums te/ sems dul zhing rnam par grol ba dang / bzung ba ma mchis pas/ sems can thams cad la stsal to// ji ltar dge ba'i/
- 201b
rtsa ba rnams sems can thams cad la btang bar bgyi/ sangs rgyas bcom ldan 'das rnams kyis/ sangs rgyas kyi ye shes chags pa mi mnga' bas/ ji ltar mkhyen pa de lta bus bdag gis dge ba'i rtsa ba de btang ngo / sems can thams cad lag na rin po che dang ldan par gyur cig/ nam mkha'i mdzod dang long spyod zad mi shes pa dang / bsod nams zad mi shes pa dang / chos zad mi shes pa pa dang / ye shes zad mi shes pa dang / spobs pa zad mi shes me dang / bla na med pa yang dag par rdzogs pa'i byang chub mngon par rdzogs par byang chub pa dang / thams cad mkhyen pa'i ye shes thob par gyur cig/ bdag gis dge ba'i rtsa ba sems can thams cad la stsal pa las byung ba'i bsod nams gang yin pa de dag thams cad cig tu bsdus/ gzhal bzlum ste/ bla na med pa yang dag par rdzogs pa'i byang chub tu yongs su bsngo'o// dge ba'i rtsa ba 'dis bdag dang sems na thams cad/ bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thos cad mkhyen pa'i ye shes kyang thob par gyur cig/ ji ltar sngon gyi byang chub sems dpa' chen po de dag gis/ byang chub kyi phyir spyod pa na/ thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su bsngos pa de bzhin du/ bdag gis kyang thams cad mkhyen pa nyid du 'gyur bar bgyid pa'i slad du/
- 202a
dge ba'i rtsa ba rnams yongs su bsngo'o// dge ba'i rtsa ba rnams bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar ma 'ongs pa'i dus kyi byang chub sems dpa' sems dpa' chen po de dag byang chub kyi phyir spyod pa na/ thams cad mkhyen pa nyid du 'gyur ba'i slad du/ dge ba'i rtsa ba rnams yongs su bsngo bar 'gyur ba de bzhin du/ bdag gis kyang thams cad mkhyen pa nyin du 'gyur bar bgyi ba'i slad du/ dge ba'i rtsa ba rnams yongs su bsngo'o// dge ba'i rtsa ba 'dis bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar da ltar na byung ba'i byang chub sems dpa' sems dpa' chen po de dag byang chub kyi phyir spyod pa na/ thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su bsngo ba de bzhin du/ bdag gis kyang thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su bsngo'o// dge ba'i rtsa ba 'dis bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad
- 202b
mkhyen pa'i ye shes kyang thob par gyur cig ji ltar bcom ldan 'das de bzhin gshegs pa shAkya thub pa des byang chub kyi snying po la zhugs te/ sangs rgyas kyi ting nge 'dzin pasam gyis mi chub pa/ dri ma med pa/ shin tu dka' ba las bzhugs nas/ bdud sdig can bcom ste/ shes par bgyi ba dang lta bar bgyi ba dang / rtogs par bgyi ba dang / mngon par rdzogs par byang chub par bgyi ba gang ci yang rung ste/ de thams cad nam gyi tho rang skya reng 'char kar skad gcig cig dang ldan pa'i shes rab kyis bdud rtsi brnyes te/ 'chi ba med par 'gro ba'i lam mngon par rdzogs par sangs rgyas pa de bzhin du/ bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar bcom ldan 'das de bzhin gshegs pa 'od dpag med dang / 'od mchog dang / 'od dge dang / bsod nams 'od dang / mi 'khrugs pa dang / seng ge dang / 'od zer brgya pa dang / 'od zer mthong dang / 'od dra ba can dang / rin chen 'od 'phro dang / 'od 'bar dang / snang ba'i rgyal po dang / shin tu brgyan dang / rin chen tog dang / chos kyi rgyal mtshan dang / yan lag mchog dang / de bzhin gshegs pa dgra bcom pa yang dag par rdzogs pa'i sangs rgyas de
- 203a
dag dang / sangs rgyas bcom ldan 'das gzhan dag gis bla na med pa yang dag par rdzogs pa'i byang chub mngon par rdzogs par sangs rgyas nas/ ji tsam du skye bo mang po la sman pa dang / skye bo mang po la bde ba dang / 'jig rten la thugs rtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ chos kyi 'khor lo rab tu bskor ba de bzhin du/ bdag dang sems can thams cad kyang / bla na med pa yang dag par rdzogs pa'i byang chub mngon par rdzogs par sangs rgyas nas/ skye bo mang po la sman pa dang / 'jig rjen la snying rtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ chos kyi 'khor lo rab tu bskor bar shog shig/ ces brjod par bya'o// sha ri'i bu 'di ni yongs su bsngo ba'i phung po ste/ bsod namasna phung po snga mas yongs su bsngo ba'i phung po 'dis rgya'i chang yang nye bar mi 'gro ba nas/ dpe'i bar du yang mi bzod do// sha ri'i bu rigs kyi bu 'am rigs kyi bu mo gang la la zhig/ mdo 'di lan tam/ kun chub par byed dam/ 'dzin tam/ klog gam/ gzhan dag la yang rgya cher yang dag par rab tu ston na/ de ni bsod nams kyi phung po de bas ches mang du grangs med dpag tu med pa bskyed do// sha ri'i bu stong gsum gyi stong chen po'i 'jig rten gyi khams kyi sems
- 203b
can ji snyed pa de dag thams cad snga phyi med par mi'i lus thob par gyur la/ snga phye med par mi'i lus thob nas kyang / rang byang chub thob par gyur te/ de dag la rigs kyi bu 'am rigs kyi bu mo la la zhig gis sti stang dang / phud dud du bya ba'i phyir go dang / zas dang / mal cha dang / na ba'i gso sman dang / yo byad rnams kyis ji srid mtsho'i bar du snyen bkur bya ste/ rim gro bya ba lan gcig cing yang rin po che'i phung po ri rab tsam kyi rin po che rnams yongs su zad par byas la/ yongs su mya ngan las 'das nas kyang de dag gis mchod rten rin po che sna bdun ste/ gser dang / dngul dang / mu tig dang / bai DUr+ya dang / shel dang / spug dang mu tig dmar po las 'phang du dpag tshad bcu pa byas te/ de dag la gdugs dang / rgyal mtshan dang / ba den dang / ba dan phra mo rnams kyi mchod pa byas na/ sha ri'i bu 'di ji snyam du sems/ rigs kyi bu 'am rigs kyi bu mo gzhi de las bsod nams mang du skyed dam/ gsol pa bcom ldan 'das mang lags so// bde bar gshegs pa mang lags so// bka' stsal pa/ shA ri'i bu rigs kyi bu 'am rigs kyi bu mo gang de dag mdo 'di 'dzin tam/ kun chub par byed dam/ 'don par byed dam/ klog gam/ skye bo mang po la yang dag par rab tu gton tam/ bla na med pa yang dag par rdzogs pa'i byang chub tu smon lam 'debs na/ de ni de
- 204a
bas bsod nams ches mang du bskyed do// bsod nams kyi phung po snga mas bsod nams kyi phung po 'di'i char yang nye bar mi 'gro ba nas/ dpe'i bar du yang mi bzod do// de ci'i phyir zhe na/ sha ri'i bu 'di ltar rigs kyi bu 'am rigs kyi bu mo sgrub pa 'di la gnas nas/ phyogs bcu'i 'jig rten gyi khams kyi sangs rgyas bcom ldan 'das rnams la chos kyi 'khor lo bsko bar bskul ba'i phyir ro// sha ri'i bu sbyin pa rnams kyi nang na ni 'di lta ste chos kyi sbyin pa mchog ces ngas bshad do// de nas 'khor de las srog chags khri stan las lang ste/ so so nas bla gos phrag pa cig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas btud de/ bcom ldan 'das la 'di skad ces gsol to// bcom ldan 'das bdag cag gis mdo 'di bzung bar bgyi'o// gzhan dag la yang rgya cher yang dag par bstan par bgyi'o// bsgrub pa gnas par bgyi'o// de ci'i slad du zhe na/ bcom ldan 'das bdag cag ni dge ba'i chos de lta bu dag gis bla na med pa yang dag par rdzogs pa'i byang chub mngon par rdzogs par sangs rgyas bar 'tshal zhing / don du gnyer bar la lags so// de nas lha'i dbang po rgya byin gyis/ bcom ldan 'das chos kyi rnam grangs 'di la/ lha'i me tog
- 204b
man da rabs mngon par gtor to// mngon par gtor nas kyang tshig 'di skad ces/ bcom ldan 'das chos kyi rnam grangs 'di ni byang chub sems dpa' rnams kyi dge ba'i rtsa ba bskrun pa dang / las kyi sgrib pa rgyun bcod pa'i gces pras bgyid pa lags so// bcom ldan 'das kyi bka' stsal pa/ de de bzhin no// ke'u shi ka de bzhin te/ de ci'i phyir zhe na/ lha'i dbang po ngas mngon par shes te 'di nas skal pa grangs med pa'i yang grangs med par gyur pa na/ de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po zhes bya ba/ rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'jig rten du byung ngo // lha'i dbang po de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po'i che lo bye ba phrag drug bcu thub par 'gyur ro// de'i nyan thos thog mar 'das pa ni bye ba phrag 'bum 'khod de thams cad kyang dgra bcom pa zag pa zad pa sha stag go// de'i nyan thos 'dus pa gnyis pa ni/ bye ba phrag brgya stong phrag drug bcu rtsa brgyad yod de/ thams cad kyang dgra bcom pa zag pa zad pa sha stag go// de'i nyan thos 'dus pa gsum pa ni/ bye ba phrag dgu bcu rtsa dgu yod de/ thams cad kyang dgra
- 205a
bcom pa zag pa zad pa sha stag go// lha'i dbang po de nas de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de lha dang bcas pa'i 'jig rten dang / tshangs pa dang bcas pa dang / dge sbyong dang bram zer bcas pa'i skye dgu'i don gyi phyir rgyu'o// lha'i dbang po de'i tshe bud med gang gi'i lha mo zhes bya ba zhig 'khor 'dus pa de nyid kyi nang du 'dug par gyur te/ 'dug pa des chos kyi rnam grangs 'di/ bcom ldan 'das de bzhin gshegs pa 'od zer gyi phung po chen po las mngon sum du bzung / kun chub par byas/ blang nas skye bo mang po la yang ba dag par stan te/ bla na med pa yang dag par rdzogs pa'i byang chub la yang dag par zhugs pa zhes bya'o// de de nas shi 'phos nas/ bud med kyi lus spang ste/ skye ba'i dbang po thob nas/ rtag par rgyun tu lha dang mi rnams kyi nang du skyes te/ lan brgyad khri bzhi stong 'khor lo sgyur ba'i rgyal po byas nas/ de bzhin gshegs pa rin chen 'od 'phro zhes bya bar gyur te/ ko'u shig ka 'di nas shar phyogs na/ sangs rgyas kyi zhing bye ba stong brgyan chos ston ste/ ngas da ltar na yang mthong ngo / ko'u shi ka su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i ming thos pa de dag thams cad yongs su mya ngam
- 205b
las 'das pas nges par 'gyur ro// bud med gang la la zhig gis de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i ming thos sam/ 'chi kar yang mngon gsum du byed na de nyid de'i bud med kyi lus kyi tha ma yin no// lha'i dbang po de ltar chos kyi rnam grangs 'di byang chub sems dpa' sems dpa' chen po rnams kyi dge ba'i rtsa ba bsgrub pa dang / las kyi sgrib pa rgyun gcod pa'i gces spras byed pa yin no// de nas bcom ldan 'das la/ lha'i dbang po brgya byin gyis 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar bzung bar bgyi/ de skad ces gsol pa dang / bcom ldan 'das kyis lha'i dbang po rgya byin la 'di skad ces bka' stsal to// ke 'u shi ka de'i phyir chos kyi rnam grangs 'di las kyi sgrib pa rgyun gcod pa zhes bya bar zung shig/ 'di byang chub sems dpa'i sde snod ces bya bar yang zung shig/ 'di som nyi gcod pa zhes bya bar zung shig/ bcom ldan 'das kyis de skad ces bka' stsal nas/ lha'i dbang po brgya byin dang / tshe dang ldan pa sha ri'i bu dang / lha dang mi dang lha ma yin dang / dri zar bcas pa'i 'jig rten yid rang ste/ bcom ldan 'das kyi gsung pa la mngon par bstod do// 'phags pa las kyi sgrib pa rgyun gcod pa zhes bya ba theg pa chen po'i mdo// rdzogs s+ho// /
- 206a
@##/ rgya gar skad du/ ar+ya pa ra mAr+tha d+harma bi dza ya na ma ma ha ya na su tra/ bod skad du/ 'phags pa don dam pa'i chos kyi rnam par rgyal ba zhes bya ba theg pa chen po'i mdo// bam po gcig go// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas/ ring po ma lon nas/ g.ya'i ri la dge slong mngon par zhugs pa rnams dang / byang chub sems dpa' bye ba phrag dgu bcu rtsa dgu dang / thabs gcig tu bzhugs te/ lha bye ba phrag nyi shu rtsa brgyad dang / dge slong dang / dge slong ma dang / dge bsnyen dang / dge bsnyen ma rgyad khri drung stong dang / rgya drug khri dang / gcer bu ba bye ba phrag bcu gnyis dang / drang srong chen po mngon par shes pa lnga dang ldan pa/ gdung ba lngas yan lag tshig pa lnga brgya/ yan lag dgur ba sha med cing / rus mgo pags kyi g.yogs pa/ lto zhar zhing skra'i khu khyer ba lus dgur ba/ gzhi dang shing shun gyon pa/ lag na ril ba thogs pa/ brgyad khri bzhi stong dang yang thabs gcig go/ rgal bar 'dun pa rnams dang yang thabs gcig go// de nas bcom ldan 'das ri nag po rnams kyi nang na/ ri'i rgyal po ri rab ltar/ drang srong rnams kyi nang na lam me/ lha me lhang nge ste/ lus rnams/
- 206b
kyi nang na/ glang po che'i rgyal po mche ba drug pa la/ srin bu me khyer gyi drung na nyi zla dang mtshungs shing / rtswa ka shi'i me tog gi nang na/ man dar ba'i yal ga dang 'dra la/ nam mkha' lding gi rgyal po bya rog gis bskor ba dang 'dra bar/ bcom ldan 'das drang srong rnams kyi nang na nyis gyur gyi mdzes so// de nas bcom ldan 'das rin po che btong ba zhes bya ba'i ting nge 'dzin la snyoms par bzhugs te/ rdzu 'phrul gyi cho 'phrul dpag tu med par mdzad cing / klo g.yas g.yon gnyis nas 'od zer phyung ste/ de bzhin gshegs pa bye ba dpag tu med pa byung / byang chub sems dpa' bye ba dpag tu med pa dang / rgya byin dang tshangs pa dang / 'jig rten skyong ba dpag tu med pa phyung / dgra bcom pa brgya stong dpag tu med pa phyung / dge slong dang / dge slong ma dang / dge snyen dang / dge snyen ma brgya stong dpag tu med pa phyung / 'khor los sgyur ba dang / stobs kyi 'khor los sgyur ba dang / khams kyi rgyal po dang / rigs sngags 'chang dpag tu med pa phyung / rgya dang ri brags pa dang / 'gro lding ba dang / lho phyogs pa dang / nags khrid pa dpag tu med pa phyung / rgyal rigs shing sa la chen po lta bu dang / bram ze dang / khyim bdag shing sa lnga chen po lta bu dang / mi gzugs dang cha byad dang / mdog dang / smra ba'i skad sna tshogs pa ji snyed pa dang / lha'i rigs ji snyed pa de dag thams cad de bzhin gshegs
- 207a
pa'i sku las phyung ngo // de nas 'khor chen po de the tshom du gyur nas/ phan tshun gdong du lta'o// byang chub sems dpa' rnams rab tu dga' ste/ rin po che'i char 'bebs pa nas/ rgyan thams cad kyis bar gyi char 'bebs so// de nas bcom ldan 'das rin po che btong ba'i ting nge 'dzin las bzhed ste/ seng ge sgrings pas phyogs bcur rnam par gzigs so// bcom ldan 'das kyis phyogs bcur rnam par gzigs ma thag tu de nas phyogs bcu'i sangs rgyas kyi zhing dag nas sangs rgyas bcom ldan 'das ji snyed spyan la/ snang ba de dag thams cad lag 'thil tu bzhag pa bzhin du mi mjed kyi 'jig rten gyi khams su kun tu snang ngo // de bzhin gshegs pa thams cad kyis kyang / bcom ldan 'das shAkya thub pas/ ji ltar phyung ba de 'dra ba'i rdzu 'phrul gyi cho 'phrul phyung ste/ de bzhin gshegs pa rnams kyis sprul pa byung ba ji snyed pa de dag thams cad kyang bcom ldan 'das ga la ba de logs su dong ste phyin nas/ bcom ldan 'das kyi 'khor gyi nang du 'dus par gyur to// byang chub sems dpa' dpag tu med pa dag kyang / dge slong dang dge slong ma dang / dge sten dang dge snyen ma gang ga'i bye ma snyed dag dang / lhan gcig tu de bzhin gshegs pa la mchod pa chen po dpe med pa thogs ste 'dir lhags te de bzhin du/ lha dang / klu dang / gnod sbyin dang / dri za dang / lnga
- 207b
ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa du ma de dag dang / bcom ldan 'das kyis rdzu 'phrul gyi cho 'phrul de mthong nas/ bcom ldan 'das ga la ba der dong ngo / de nas gang dag phyogs bcu nas lhags pa'i byang chub sems dpa' de dag gi mchod pa bla na med pas/ bcom ldan 'das la snyen bkur byas ste/ pha rol tu phyin pa drug gis yongs su bsgrubs pa'i stan dag la 'khod do// mi dang mi ma yin pa'i bar du yang ci rigs pa'i stan dag la 'khod do// gang dag bcom ldan 'das kyis sprul pa phyung ba de dag kyang mnar med pa yan bcad 'og min gyi gnas man cad du mngon par byung ste/ yang skar log go// phyogs bcu'i sangs rgyas rnams kyi sprul pa phyung ba/ ji snyed pa de dag thams cad ni bcom ldan 'das shAkya thub pa'i spu'i khung pu thams cad du nub po// gang dag bcom ldan 'das kyi sprul pa phyung ba de dag ni/ sangs rgyas thams cad kyi sku rnams su nub po// de nas byang chub sems dpa' sems dpa' chen po rgyal ba'i phung po zhes bya stan las langs ste/ bla gos phrag pa gcig du bzar nas/ pus mo g.yas pa'i lha nga sa la btsugs te// bcom ldan 'das ga la ba de logs su thal mo sbyar ba btud nas/ bcom ldan 'das la tshigs su gcad pa 'di dag gi mngon par bstod do// kye ma mi rnams kyis ni 'dren
- 208a
pa yis/ sngon chad ma byung mdzad pa sna tshogs 'di// skye dgu kun la myur du kun stan pa/ de yis bdud sde thams cad mog mog bgyis// phan tshun dag tu tshig tu smra bgyid pa// kye ma'o shin tu ngo mtshar che zhes mchi// bdag cag zhig phyir ni 'dir lhags ke/ bdag cag bcom mo bdag bcag bcom zhes mchi// dka' thub can bdag dka' thub can min gyur// nyam chung lus la lpags pa tsam zhig las// bdag 'khogs bdag skams bde ba rnams las nyams// bdag cag rdzu 'phrul thob par gyur ma yin// yi ge ma mchis rdzu 'phrul gsum rnams kyi// bstan pa'i dgra rnams mog mog gyur par mdzad// bstan pa'i 'dren pa khyod kyis de ring ni// sangs rgyas sras la dus ston chen po mdzad// 'khor 'di thams cad the tsom 'chal bar 'gyur/ dga' ba skyes shing sems kyang rab dga' ste// gang zhig gnas nas lha tshogs bdag cag kyang // 'jig rten mgon po sangs rgyas gyur cig mchi// 'jam dbyangs sangs rgyas mang po gnyen bkur bgyis// sangs rgyas sras po mtha' yas rnams kyis bskor// 'jam pa'i dbyangs ni 'khor gyi nang na mchis// cho 'phrul rnam par phye ste bstan du gsol// 'di dag chos ni gang gi ltas shig lags// thub pa chos ni gang zhig gsungs par bzhed// 'khor 'di thams cad 'khod cing /
- 208b
mchis lags na// sems can thugs rtse'i slad du bdag la gsungs/ sangs rgyas kyi byin gyis rlabs kyis 'khor de'i nang nas// drang srong chen po me smon zhes bya ba gcig gis byang chub sems dpa' rgyal ba'i phung po la 'di skad ces smras so// kye gzhon nu re shig kha rog shig/ kho bos dri ba dri bar bya'o// gal te kho bo'i dri ba khong du chud par byed na ni// de thams cad mkhyen pa zhes bya ba'i ming de dang mthun no// 'on te sred med kyi bu dang dbang phyug chen pos phyung ba'i 'gro lding ba rnams kyis sprul pa byed du zad na ni/ 'dir ngo mtshar yang mi che ste/ skye bu ngan pa dang / sgyu ma mkhan rnams kyis 'di grub po// de nas bcom ldan 'das kyis/ 'dzum pa'i zhal gyis drang srong gi tshogs la kun tu gzigs nas/ drang tshong chen po me sgron la 'di skad ces bkal stsal to// tshe dang ldan pa drang srong chen po ci nus kyis dris shig dang / rnam par sbyang bar bya'o// de nas bcom ldan 'das la drang srong chen po me sgron gyis 'di skad ces gsol kye go'u ta ma sems can gyi skye ba gang nas byung / ci'i slad du skal pas bsreg par 'gyur/ sems can rnams gnas gang du 'du bar 'gyur/ nang na sems can phra ba khru gang tsam 'am/ mtho gang tsam 'am/ 'dzub mo tsam 'am/ mthe bo tsam 'am/ nas dang gro dang / mon sran gre'u dang / til dang /
- 209a
yungs 'bru tsam 'am/ sems can ji tsam zhig nang na mchis bstsol cig/ des pa nas bcom ldan 'das kyis drang srong chen po me sgron la drang srong chen po legs so legs so zhes bya ba byin no// drang srong chen po che skal pa drug bcu pa'i dri ba 'di ni mthun pa'o// drang srong chen po rnams ngo mtshar tu gyur te/ drang srong chen po me sgron gyi tshe'i tshad ni ma brjod par bdag cag lhan cig gnas pa rnams kyis kyang ma shes na/ 'dis ji ltar shes snyam mo// bcom ldan 'das kyis bka' stsal pa/ drang srong chen po de'i phyir legs par rab tu nyon la yid la zung shig dang / bshad do// drang srong chen po gang la la sems can gyis skye ba gang nas byung zhes smras pa de ni yi ge brjod pa ma yin pa'o// sems can zhes bya ba 'di ni ma rig pa'i rkyen nas/ skye ba dang rga shi'i bar du 'byung ba'o// drang srong chen po yang rgyu rkyen las sems can skye ste rgyu rkyen ni pha ma'o// drang srong chen po yang pha ma 'grogs pa ni de'i rgyu'o// gang gi tshe yongs su rtogs pas kun nas bslang ba'i las kyi rlung rnams kyis bud med kyi grong du 'jug pa de ni de'i rkyen to// drang srong chen po yang sdug bsngal 'phags pa'i bden pa dang / sdug bsngal kun 'byung dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa ni sems can no// nye bar len pa'i phung po
- 209b
lnga dang khams bcwo brgyad ni sems can no// drang srong chen po sems can yang gzhan la khams kyang gzhan ma yin/ las kyang gzhan la sems can yang gzhan ma yin no// drang srong chen po sems can ni 'grib pa ma yin/ 'phel ba ma yin no// drang srong chen pos gsol pa/ kye go'u ta ma gal te/ sems can la 'grib pa ma mchis 'phel ba ma mchis na/ ci'i slad du sems can khyi'i skye gnas nas/ shi 'phos te dbang sgyur du 'gyur/ bcom ldan 'das kyis bka' stsal pa/ drang srong chen po de ni ji skad smras pa de bzhin du ma yin no// gal te dbang sgyur dbang sgyur yin du zin na ni/ dbang med par 'chi ba mi rigs so// drang srong chen po gang lus kyi gtso bo ma yin pa de ji ltar dbang sgyur du 'gyur/ drang srong chen po 'di lta ste dper na/ srin bu me khyer 'di snyam du/ bdag gis 'dzam bu gling du snang bar bya'o snyam sems pa'i rkyen gyis/ srin bu me khyer gyis 'dzam bu'i gling kun du snang ba byed dam/ sems ma dul ba ni dbang sgyur yang dag po ma yin no// drang srong chen po yang gal/ te dbang sgyur nyon mongs pa 'bri bar gyur na ni/ khri la nyon mongs pa shas che bar 'gyur ro// gang gi tshe dbang sgyur dang nyon mongs pa dag khri la yang yod cing / dbang sgyur la yang yod pa de'i/ sems can la 'grib pa yang mi dmigs/ 'phel ba yang mi dmigs so// drang srong chen pos gsol pa// go'u ta mas nyon mongs pa 'grib par
- 210a
par byas pa dang / nyes par byas pa'i las rnams kyi rnam par smin pa tha dad pa med par 'gyur ro// drang srong chen po yang 'di lta ste/ bskal pas bsreg pa 'di ni de bzhin gshegs pa rnams kyi thabs mkhas pa ste/ drang srong chen po sems can ji snyed bskal bas bsreg par 'gyur ba thos nas/ dad par 'gyur ba'i sems can de snyed/ de bzhin gshegs pas bsdu ba'i dngos pos sdud par 'gyur ro// drang srong chen po 'di lta ste dper na/ kha chu ldag pa'i sbrul ni mig gis kyang rngub rna ba dang sna dang kha'i sgo nas kyang rngub po// drang srong chen po de bzhin gshegs pa la yang de lta ste/ sbyin pas kyang bsdud/ snyan par smra bas kyang sdud/ don spyod pas kyang sdud/ don 'thun pas kyang sdud do// drang srong chen po 'di lta ste dper na/ gser la gnod pa byas pa'i phyir mer 'jug pa ma yin gyi/ gser dul ma yin pa 'di ji ltar na/ dul mar 'gyur snyam nas/ de'i phyir mer 'jug ste/ shin tu bsregs pa'i phyir rin po che'i 'os su 'gyur ro// rin po ches spras na/ de'i rin tang med par 'gyur te/ drang srong chen po de'i phyir gser bsrung ba dang / bsreg pas rnam par spong ngo // drang srong chen po de bzhin du/ sangs rgyas bcom ldan 'das rnams kyang / rgyu med par bsreg
- 210b
pa'i skal pa mi 'byin te/ 'dir sems can gang la yang gnod par mi 'gyur ro// de nas bcom ldan 'das la drang srong chen po me sgron gyis 'di skad ces gsol to/ bskal pas bsreg pa'i me phyung yang sems can gang la yang gnod par mi 'gyur ba ni ngo mtshar to// bcom ldan 'das kyis bka' stsal pa/ drang srong chen po de bzhin gshegs rnams ni sems can gang la yang gnod pa mi mdzad do// drang srong chen po 'di lta ste dper na/ phyogs bcu rnams su char phra mo'i rgyun 'bab pa de bas ni drang srong chen po de bzhin gshegs pa dang / sa bcu la gnas pa'i byang chub sems dpa' rnams nye bar gnas te/ rang gi lag gis sems can thar bar byed pa ches mang ngo // drang srong chen po de'i tshe sems can de dag gis de bzhin gshegs pa dang / byang chub sems dpa' de dag gi gzugs kyang mthong / kha dog mdzes pa yang mthong / bskal pas bsreg pa'i 'jigs pa las/ bdag nyid bsgol bar yang mthong nas dga' ba dang / mchog tu dga' ba skye ste/ 'di skad ces bdag cag kyang 'di ltar sgrol ba por gyur cig/ bdag cag kyang 'di ltar gzugs mdzes par gyur cig/ bdag cag kyang 'di ltar kha dog mdzes par gyur ces 'dzer to// kha cig ni yid 'byung nas sems rnam par grol te/ rgyun tu zhugs pa'i 'bras bu mngon sum du byed/ kha cig ni lan cig phyir 'ong ba'i 'bras bu dang / phyir mi 'ong
- 211a
ba'i 'bras bu mngon sum du byed/ kha cig ni dgra bcom pa nyid/ kha cig ni rang byang chub/ kha cig ni mi skye ba'i chos la bzod pa rab tu thob/ kha cig ni phyir mi ldog pa'i sa gnon/ kha cig ni rgyal chen bzhi'i rigs kyi lha rnams su skye/ kha cig ni sum bcu rtsa gsum du/ kha cig ni 'tshe mar/ kha cig ni dga' ldan du/ kha cig ni 'phrul dga'/ kha cig ni gzhan 'phrul dbang byed kyi lha rnams kyi nang du skye'o// drang srong chen po rnam grangs 'di lta bur/ 'og min gyi bar gyi lha rnams kyi nang du skye'o// de bzhin du 'khor lo sgyur ba rnams dang / stobs kyi 'khor lo sgyur ba rnams dang / khams kyi rgyal po rnams su 'gyur te/ drang srong chen po rgyal rigs dang / bram ze dang / khyim bdag rnams kyi bar du yang 'gyur ro// drang srong chen po rnam grangs 'di lta bus/ de bzhin gshegs pa'i gzugs kyi sku mthong zhing / bdag nyid kyang 'jig rten pa chen po las grol bar mthong nas/ de bzhin gshegs pa la byas pa gzo zhing byas pa shes par 'gyur ro// de bzhin gshegs pa las chos nyid thos nas/ bslab pa'i gnas rnams la bag byed par 'gyur ro// thabs 'dis ni ngan song du 'gro bar mi 'gyur ro// drang srong chen po yang sa bcu la gnas pa'i byang chub sems dpa' rnams kyi mig la/ sa'i khams ji snyed gnang bar 'gyur ba de bas ni sems can/
- 211b
gyi khams gang 'khor ba la/ skyon chags par shes nas/ phung po ma lus pa'i mya ngan las 'das pa'i dbyings su yongs su mya ngan las 'da' bar byed ba ches mang ste/ drang srong chen po de'i phyir skal pas bsregs par 'gyur ro// de nas drang srong chen po me sgron gyis rang gi yid kyis rnam par dpyad nas tshig tu smras pa kye ma 'o gang bdag la drang srong chen po zhes 'bod pa/ shAkya'i sras po 'di'i che ba nyid ni rgya che'o// bdag gis 'di la bgam pas kyang cho ga ste// 'di ni thams cad mkhyen par mngon gyis bdag gis kyang 'di la yang dge pa'i ming gis bod par bya'o zhes smras so// de nas bcom ldan 'das la drang srong chen po mes sgron gyis 'di skad ces gsol to// yon tan gyi 'byung gnas su gyur cig mkhyen pa dpag tu ma mchis pas/ thams cad mkhyen pa zhes mtshan gsol ba sems can gnas gang du 'dra bar gyur pa/ bdag la bka' stsal cig/ bcom ldan 'das kyis bka' stsal pa/ drang srong chen po gnas med pa la/ sems can 'dra bar 'gyur ro// mnyam pa nyid la sems can 'du bar 'gyur ro// drang srong chen po theg pa gcig gis 'byung ba la sems can 'du bar 'gyur ro// byang chub kyi snying po la sems can 'du bar 'gyur ro// drang srong chen po phung po ma lus pa'i mya ngan las 'das pa'i dbyings su sems can 'du bar
- 212a
'gyur ro// drang srong chen po 'di lta ste dper na/ chu klung tha dad pa dang / klung phran dang / klung chen po dag kyang rgya mtsho chen por bab nas ro gcig tu 'gyur ro// drang srong chen po de bzhin du sems can gyi khams ji snyed zag pa zad par byed pa/ de dag thams cad rnam par grol ba'i ngang du gyur pas 'du bar 'gyur ro// drang srong chen po 'khor bar 'du bas sems can 'du bar 'gyur ba ma yin pa'o zhes nga smra'o// drang srong chen po 'di lta ste dper na rlung gis bdas nas/ phye ma leb phyi byi zha la 'du bar 'gyur te/ rlung med na so sor 'gyes so// drang srong chen po de bzhin du sems can dmyal bar 'gro bar 'gyur bar phan tshun las 'brel ba'i sems can gyi khams de dag kyang der 'du bar 'gyur ro// drang srong chen po rnam grangs 'di lta bur/ phan tshun las kyi 'brel ba dag yi dgas su skye bar 'gyur/ dud 'gror skye bar 'gyur te/ der de dag 'du bar 'gyur ro// drang srong / chen po lha dang mi rnams su de dag 'du bar 'gyur ro// drang srong pos gsol pa/ thams cad zil gyis gnon pa/ thams cad mkhyen pa mir skyes pa 'dir sems can che ge mo zhes bgyi ba zhig dang 'dus par 'gyur ro// dud 'gror skyes pa 'di zhes bgyi ba nas yi dgas skyes pa 'di 'dus par 'gyuraro//
- 212b
zhes bgyi ba'i bar du ji ltar 'tshal bas bgyi ba bka' stsol cig/ bcom ldan 'das kyis bka' stsal pa/ drang srong chen po sems can gang zhig sems can gang dang lhan cig du sems can dmyal bar skyes nas 'dus par gyur pa des/ de mthong na yid mi bde bar 'gyur ba de zhe sdang bar yang 'gyur/ des de mthong nas gal te na de glad pa na bar yang 'gyur/ bshang ba 'am gci ba 'byung bar yang 'gyur te/ drang srong chen po 'di ni sems can dmyal bar skyes pa rnams kyi 'dra ba'i mtshan nyid do// gang la la de ltar gyur pa des kyang / bdag dang 'di lhan gcig tu sems can dmyal ba rnams na/ gnas gnas par mngon no zhes de ltar khong du chud par bya'o// drang srong chen pos gsol pa/ rigs gsal bar mdzad pa thams cad mkhyen pa/ dud 'gro dang lhan gcig tu gnas gnas pa rnams kyi mtshan mar 'gyur ba ji lta bur lags/ bcom ldan 'das kyis bka' stsal pa/ mir skyes pa'i sems can rnams kyi gang gi tshe/ phan tshun mthong ba na/ mkhon du 'dud par 'dzin cing / 'di las bdag gis skyon ji ltar rnyed sbrum du/ skyon tshol ba 'di ni drang srong chen po dud 'gror skyes pa'i sems can rnams kyi 'du ba'i mtshan nyid de/ bdag dang lhan gcig tu/ dud 'gro'i gnas na gnas par mngon no zhes de ltar
- 213a
shes par bya'o// drang srong chen po yi dgas su skyes pa rnams ni/ dri nga ba 'dod cing kha zas la shin tu sred par 'gyur ro// pha rol sbyin par bsam kyang chags pa skye bar 'gyur ro// gang rnyed de yi dgas su skye nas/ lhun gcig 'dus par gyur pa de'i dbang phyug mthong nas/ phra dog skye bar 'gyur/ gzhan gyi nor la 'dod par 'gyur te/ 'di dgas su skyes pa rnams kyi 'du ba'i mtshan nyid do// de la bdag dang 'di ldan gcig tu yi dgas kyi nang na gnas par mngon no// zhes de ltar shes par bya'o// drang srong chen po mer skyes pa gang la la zhig tshe rabs gzhan dag na 'dus par gyur pa na/ des de mthong na/ 'dod chags kyi seMs skye bar 'gyur te/ drang srong chen po 'di ni mir skyes pa'i sems can rnams kyi 'du ba'i mtshan nyid do/ de la bdag dang 'di mi rnams kyi nang na gnas gnas par mngon no zhes de ltar shes par bya'o// drang srong chen pos gsol pa/ bcom ldan 'das gang dag lhur skyes te/ 'dus par gyur pa las/ mir skyes pa de dag gi ji lta bu lags/ bcom ldan 'das kyis bka' stsal pa/ drang srong chen po gang dag lhar skyes te/ 'dus par gyur pa de dag ni/ phan tshun mthong na lta ba la 'jug par 'gyur te ni des na/ bdag dang 'dir lhar skyes te/ lhan/ cig 'dus par
- 213b
gyur to zhes shes par bya'o// drang srong chen po rnam pa de lta bu dag tu sems can 'du bar 'gyur ro// de nas drang srong chen po me sbyin dga' mgu ste/ yid rang nas bcom ldan 'das la 'di skad ces gsol to// bcom ldan 'das gang dag thams cad mkhyen pa nyid du smon par mi bgyid pa'i sems can de dag ni klas pa'o zhes bdag 'chad do// de nas yang bcom ldan 'das kyis drang srong chen po me sgron la 'di skad ces bka' stsal to// drang srong chen po nang na/ sems can zhes bya ba phra ba ji tsam zhig yod ces/ nga la de skad zer ba ni/ drang srong chen po gang sems can du dmigs pa de sems can phra mor rnams rnam par 'byed do// drang srong chen po 'di lta ste dper na/ la la zhig gis dmu long zhig la 'di skad du/ kye skyes bu kha dog dkar po zhes bya ba ci 'dra zhes smras na/ drang srong chen po 'di snyam du sems ma mthong ba'i phyir kha dog dkar po 'di 'dra'o zhes de smra bar nus sam/ drang srong chen pos gsol pa/ 'brel pa ga la mchis/ bcom ldan 'das kyis bka' stsal pa/ drang srong chen po de bzhin du ngas kyang dmu long ltar ma mthong ba'i phyir sems can zhes bya ba ni phra mo 'di lta bu zhig go zhes/ sems can brjod par mi nus so// drang srong chen po yang mig lha sems can zhes pa mi rnyed do// rna ba dang / sna dang / lce dang / lus dang / yid la sems can zhes bya ba mi rnyed do// drang srong chen po nye bar len
- 214a
pa'i phung po lnga po dag la sems can zhes bya ba mi rnyed do// drang srong chen po khams bcwo brgyad dang / rten cing 'brel par 'byung ba yan lag bcu gnyis dang / nang stong pa nyid la sems can zhes bya ba mi rnyed/ phyi stong pa nyid dang / phyi nang stong pa nyid la sems can zhes bya ba mi rnyed do// drang srong chen po mig ni ngan pa'o// 'jig pa'o// skad cig kyang mi gnas pa'o// de bzhin du rna ba dang / sna dang / lce dang / lus dang / yid kyang ngan pa'o// 'jig pa'o// skad kyang mi gnas pa'o// drang srong chen po nye bar len pa'i phung po lnga yang ngan pa'o// 'jig pa'o// skad cig kyang mi gnas pa'o// drang srong chen po mi gtsang ba'i rdzas sum bcu rtsa drug kyang ngan pa'o// 'jig pa'o// skad cig kyang mi gnas pa'o// sems can zhes bya ba yang med/ gzugs kyang med de/ drang srong chen po rdzas 'dus pa ni sems can zhes bya ba'i grangs su 'gro'o// yongs su rtogs pa gang dag rdzas rnams rnam par 'byed pa de dag ni srog dang / gso ba dang skyes bu dang / gang zag dang / shed skyes dang / shed bu mi dmigs so// drang srong chen po gal te sems can yongs su zin na/ de bzhin gshegs pa 'phags pa'i bden pa bzhi po dag gos shin tu chos ston par mi 'gyur ba cig na/
- 214b
drang srong chen po gang gi phyir sems can med pa de'i phyir de bzhin gshegs pa nyid thob ste/ de'i phyir ji lta ji ltar yang dag par bsgrub par byed pa de lnga de ltar yang dag par 'grub po// de nas bcom ldan 'das la drang srong chen po me sgron gyis 'di skad ces gsol to// bcom ldan 'das deng slan chad drang srong chen po me sgron bdag thams cad mkhyen pa nyid du smon par bgyid do// bcom ldan 'das gal te bdag skal pa mu ma mchis par sems can dmyal ba'i zhugs kyi 'obs su gnas par 'gyur ba'am/ ri rab 'og min gnas tsam du gyur pa 'thon po'i kha de nas bdag gis bdag 'dor bar 'gyur pa'am/ gdung ba lnga skal pas bsregs pa lta bur 'gyur ba'am/ nyi ma skal par gnas par 'gyur ba'am/ bskal pa sum bcu'i zla ba gcig tu sbyang bar 'gyur ba de lta bur dka' ba spyad par ni/ bcom ldan 'das bdag spro ste/ 'dun gyi thams cad mkhyen pa nyid kyi slad du ni/ brtson 'grus nyam par mi bgyi'o// drang srong mngon par shes pa lnga dang ldan pa ji snyed/ bcom ldan 'das kyi gan du lhags pa de dag kyang stan las langs ste/ bcom ldan 'das la 'di skad ces gsol to// bcom ldan 'das bdag cag kyang / deng slan chad bla na med pa yang dag par rdzogs pa'i byang chub tu smon par bgyi'o// rdo ci thog gis brtson 'grus
- 215a
btsams par bgyi'o// drang srong rnams kyis tshig de skad smras ma thag tu/ bcom ldan 'das kyi sprin 'tshams nas/ 'dul ba can zhes bya ba'i 'od zer phyung / phyogs bcu'i sangs rgyas thams cad kyis kyang smin 'tshams nas 'dul ba can zhes bya ba'i 'od zer phyung ste/ 'od zer de dag gi mthus so chen po 'di rnam pa drug du g.yos/ rab tu g.yos/ 'gul rab tu 'gul/ ldeg rab tu ldeg ste/ shar phyogs mtho na/ lho phyogs dma'/ nub phyogs dma' na/ byang phyogs mtho'/ shar phyogs dma' na/ lho phyogs mtho/ nub phyogs mtho na byang phyogs dma'o// phyogs bcu'i sangs rgyas thams cad kyis kyang de bzhin gshegs pa'i steng du me tog gi char phab rnga bo che rnams brdung so// dri za'i bdag po yid du 'ong ba rnams kyis kyang / yan lag lnga pa'i sil snyan gyis bcom ldan 'das la mngon par bstod do// lha'i bdug pa'i dri rab tu zhim po dag kyang rlung gis ngad ldang ste/ de bzhin gshegs pa'i gan du ngad ldang bar byed do// byang chub sems dpa' rnams rab tu dga' ste/ mchog tu bde ba'i sems kyis de bzhin gshegs pa'i steng du/ do shal dang se mo do rnams 'thor zhing / rin po che'i char yang 'bebs/ me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs
- 215b
dang / rgyal mtshan dang / ba dan dag gis kyang mchod pa byed do// lha'i tshogs rnams kyang rab tu dga' nas/ me tog man da ra ba dang / man dar ba'i char 'bebs so// thams cad dang ldan pa'i 'khor de yang dga' mgu yid rang ste/ ji ltar gyon pa'i gos rnams de bzhin gshegs pa'i sku la gsol to// de nas 'dul ba can zhes bya ba'i 'od zer des/ 'og min gyi gnas man chad/ sems can dmyal ba chen po mnar med pa yan chad snang bar bya ste/ phyogs bcu'i sangs rgyas thams cad la skor bar bya ste/ slar log te// bcom ldan 'das kyi dbu'i gtsug tu nub po// de nas bcom lnga 'das la tshe dang ldan pa rab 'byor gyis 'di skad ces gsol to// rgyu ma mchis par shAkya de ring 'dir// phyog bcu dag tu 'od zer mi gtong ste// 'khor 'di thams cad the tshom gyur lags na/ thub pas rgyu dang byed de bdag lung ston// mi'i 'dren pa'i rnam par 'phrul mthong nas// dga' bar gyur cing spro ba cher gyur te// rab tu dga' bas lag pa bstod bgyis nas// kha cig 'di na bcom ldan 'das shes mchi// rgya byin tshangs pa 'jig rten skyong ba rnams// nam mkhar gnas nas 'byung po'i tshogs dang stod// nam mkha' las ni lha'i me tog char du 'bebs// ma brdung rnga chen dag ni sgra yang 'byin// de nas bcom ldan 'das kyi tshe dang ldan
- 216a
pa rab 'byor la 'di skad ces bka' stsal to// rab 'byor khyod kyis drang srong chen po me sgron mthong ngam/ rab 'byor gyis gsol pa/ bcom ldan 'das mthong lags so// bcom ldan 'das kyis bka' stsal pa/ rab 'byor drang srong chen po me sgron 'di ma 'ongs pa'i dus na/ sangs rgyas stong 'das pa'i 'og tu bskal pa bzang po 'di nyid la/ zla ba can gyi 'jig rten gyi khams su/ de bzhin gshegs pa dgra bcom pa yang dag par rdzogs pa'i sangs rgyas rnam par gzigs shes bya bar 'gyur ro// rab 'byor de bzhin gshegs pa rnam par gzigs kyi ming yang yid bzhin gyi nor bu rnam par dag pa'i bya ba byed par 'gyur ro// rab 'byor drang srong chen po brgyad khri bzhi stong gong chos kyi rnam grangs 'di thos ma thag tu phyir mi ldog pa rjes su thob ste/ rab 'byor de dag thams cad ni de bzhin gshegs pa byams pa'i gsung rabs las bcu la gnas par 'gyur ro// skal pa sum brgya'i 'og tu de bzhin gsheg pa dgra bcom pa yang dag par rdzogs pa'i sangs rgyas bdag gling zhes bya ba 'jig rten du 'byung bar 'gyur ro// rab 'byor byang chub sems dpa' 'tshad med pa dag gis chos kyi rnam grangs 'di thos ma thag tu dpa' bar 'gro ba'i ting nge 'dzin thob ste/ skad dang / skad ma yin pa shes pa'i ting nge 'dzin dang / rgyal bas dbang bskur ba'i
- 216b
ting nge 'dzin dang / sgyu ma lta bu'i ting nge 'dzin dang / khams rnam par 'byed pa'i ting nge 'dzin dang / blo gros rgyal po'i ting nge 'dzin dang / rgya mtsho'i snying po'i ting nge 'dzin dang / mnyen pa'i sa'i ting nge 'dzin dang / bsam pa'i snying po'i ting nge 'dzin dang / 'od gsal ba'i ting nge 'dzin thob po// rab 'byor lha bye ba phrag gang ga'i klung gi bye ma snyed dag gis mi skye ba'i chos la bzod pa thob po// dge slong dang dge slong ma dang / dge snyen dang dge snyen ma stong phrag tshad med pa dag gis dgra bcom pa nyid mngon sum du byas so// rab 'byor lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa gang ga'i bye ma snyed dag gis/ bla na med pa yang dag par rdzogs pa'i byang chub tu sems bskyed do// rab 'byor de bzhin gshegs pas don gyis dbang 'di mthong nas/ 'dul ba can zhes bya ba'i 'od zer rnams phyung ngo // de nas bcom ldan 'ad kyis nyid kyi zhal ljags kyi dbang pos khyebs par mdzad de/ ljags kyi dbang po de las/ kha dog du ma/ kha dog tha dad pa'i 'od zer 'di lta ste/ sngon po dang / ser po dang / dmar po dang / dkar po dang / leb rgan dang / shel dang dngul gyi kha dog lta bu dag byung ste/ de dag 'jig rten gyi khams mtha' yas mu med pa dag tu mngon par byung nas slar log ste/
- 217a
bcom ldan 'das la lan gsum skor ba byas nas/ bcom ldan 'das kyi zhabs gnyis su nub po// de nas byang chub sems dpa' sems dpa' chen po blo gros mi zad pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// sangs rgyas bcom ldan 'das rnams ni rgyu ma mchis par mdzum pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags de skad ces gsol pa dang / bcom ldan 'das kyis byang chub sems dpa' blo gros mi zad pa la 'di skad ces bka' stsal to// rigs kyi bu ma dad pa rnams kyi don du ljags 'di lta bus ni rdzun mi gsung ngo snyam du bya ba'i phyir ljags kyi dbang pos 'dzum pa mdzad do// de nas bcom ldan 'das la byang chub sems dpa' blo glos mi zad pas 'di skad ces gsol to// bcom ldan 'das gang gis chos kyi rnam grangs 'di las tha na tshigs su bcad pa gcig tsam lung 'bog na/ rigs kyi bu 'am rigs kyi bu mo de dag bsod nams kyi phung po ji tsam zhig bskyed par 'gyur/ bcom ldan 'das kyis bka' stsal pa/ rigs kyi bu phyogs bcu'i sangs rgyas bcom ldan 'das sangs rgyas
- 217b
kyi spyan la snang bar gyur pa ji snyed pa de dag la yongs su mya ngan las 'das kyi bar du gang zhig gis/ bde bar sbyor ba thams cad kyis/ bsnyen bkur byas te/ yongs su mya ngan las 'das nas kyang rin po che sna bdun gyi mchod rten byed pa/ de bas gang zhig chos kyi rnam grangs 'di las/ zan tshigs su bcad pa gcig tsam lung 'bog na/ 'di bsod nams ches mang du bskyed do// rigs kyi bu chos kyi rnam grangs 'di 'chad pa na/ gang zhig dang ba'i sems kyis legs so zhes bya ba byin pa de la sangs rgyas thams cad kyis bstod par 'gyur ro// gang gis 'di la rim gro byas pa des nga la/ rim 'gro byas par 'gyur ro// de nas bcom ldan 'das kyis thams cad dang ldan pa'i 'khor de la rnam par gzigs nas/ 'di skad ces bka' stsal to// rigs kyi bu dag nga ni bden par smra ba ste/ sa phyogs gang na chos kyi rnam grangs 'di gnas pa'i sa phyogs de la/ sangs rgyas thams cad dgongs par 'gyur ro// rigs kyi bu dag chos kyi rnam grangs 'di ni 'dzam bu gling pa'i sems can rnams kyi sman du gyur par 'gyur ro// gang gis chos kyi rnam grangs 'di la lan gsum brjod dam/ brjod du bcug na/ des ston pa la chos kyi 'khor lo rab tu skor bar 'gyur ro// rab 'byor gang zhig chos kyi rnam grangs 'di yi ger 'dri 'am/ yi ger 'drir 'jug pa de bde ba dang bcas shing yid bde
- 218a
ba dang bcas bzhin du/ byang chub mngon par rdzogs par 'tshang rgya bar 'gyur ro// des sangs rgyas thams cad kyi mdzod kyang gzung bar 'gyur ro// rigs kyi bu dag chos kyi rnam grangs 'di ni sems dmyal bar 'gro ba'i sems can rnams kyi rna lam du grags par 'gyur ro// gang dag mi'i skye gnas nas shi 'phos ste/ yongs su dag pa'i sangs rgyas kyi zhing rnams su skye ba de dag gi rna lam du chos kyi rnam grangs 'di grags par 'gyuraro// rab 'byor gang gis sangs rgyas stong la/ dge ba'i rtsa ba bskyed pa de'i rna lam du chos kyi rnam grangs 'di grags par 'gyur ro// rab 'byor rigs kyi bu'am rigs kyi bu mo gang chos kyi rnam grangs 'di thos nas/ dad dam/ 'chang ngam/ klog gam/ kun chub par byed dam/ gzhan dag la yang rgya cher yang dag par rab tu ston par 'gyur ba de'i lag tu byang chub song ngo zhes ngas bshad do// des mig lnga thob par 'gyur/ dbang po ma tshang bar mi 'gyur/ dran pa brjed pa med par 'chi ba'i dus byed par 'gyur/ sangs rgyas thams cad sgrub pa'i ting nge 'dzin thob par 'gyur/ rnam pa/ snang mdzad sprul pa'i ting nge 'dzin dang / gzungs kyi snying po'i ting nge 'dzin dang / brdzug gi nor bu'i phyag rgya'i ting nge 'dzin dang / dbang skur ba'i
- 218b
ting nge 'dzin dang / spyan ras gzigs kyi phyag rgya'i ting nge 'dzin rab tu thob par 'gyur/ yi ge med pa'i za ma tog gi gzung thob par 'gyur/ chos thams cad la rnam par rgyal ba thob pa'i gzungs dang / the tshom rnam par sbyong ba'i gzungs dang / don dam pa rnam par nges pa'i gzungs thob par 'gyur te/ de dag la stsogs pa gzungs dang / ting nge 'dzin gyi sgo rgya stong mtha' yas pa thob par 'gyur ro// mngon par shes pa lnga dang ldan par 'gyur ro// bsam bzhin du 'chi 'pho dang / skye ba yongs su 'dzin par 'gyur ro// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal sangs rgyas mang po la snyen bkur byas pa khyod la/ chos kyi rnam grangs 'di yongs su gtad kyis yang dang yang rgya cher yang dag par rab tu shod gcig/ 'phags pa don dam pa'i chos kyi rnam par rgyal ba/ zhes bya ba theg pa chen po'i mdo// rdzogs s+ho// / rgya gar skad du/ Ar+ya bo d+hi sad tA tsar+ya nir de shin na ma ma ha ya na su tra/ bod skad du/ 'phags pa byang chub sems dpa'i spyod pastan pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa
- 219a
dus gcig na/ bcom ldan 'das yangs pa can na/ tshal chen po'i khang pa brtsegs pa'i gnas nas/ dge slong stong thams pa'i dge slong gi dge 'dun chen po thams cad kyang dgra bcom pa/ zag pa zad pa nyon mongs pa med pa dbang dang ldan par gyur pa/ sems shin tu rnam par grol pa shes rab shin tu rnam par grol ba cang shes pa/ glang po chen po// bya ba byas pa/ byed pa byas pa/ khur bor ba/ bdag gi don rjes su thob pa srid pa kun tu sbyor ba/ yongs su dag pa/ yang dag pa'i shes pas sems shin tu rnam par grol ba/ sems can thams cad kyi dbang gi dam pi pha rol tu son pa/ sbed lam zhi ba dang dul ba dang / rnam par grol ba dang / ma brtags pa dang ldan pa sha stag la 'di lta ste/ tshe dang ldan pa kun dga' bo// gang zag cig ma rtogs te/ de yang bcom ldan 'das kyis nyams su len par bka' stsal nas/ tshe 'di nyid la lung stan pa dang / byang chub sems dpa' stong tham pa/ thams cad kyang phyir mi ldog pa/ thams cad kyang gzungs thob pa/ thams cad kyang mnyam pa nyid kyi bzod pa dang ldan pa/ thams cad kyang ji skad smras pa de bzhin du byed pa'i sa thob pa/ mkhas pa drang po dad pa dang ldan pa/ rtogs pa mang ba/ dang ba gtso bor
- 219b
byed pa bzhin 'dzum pa/ khro gnyer med pa/ g.yo med pa/ sgrub pa dang ldan pa/ chos thams cad kyi rang bzhin rjes su rtogs pa/ chos ston pas yongs su mi skyo ba/ sangs rgyas kyi ye shes yang dag pa skyes pa yongs su smin par byed pa/ ldem po dag la phyin ci ma log pa'i bzod pa dang ldan pa/ yul thams cad phyin ci ma logs pa'i sa dang ldan pa/ dus shes pa/ chod shes pa/ skabs shes pa/ ran pa shes pa/ rgod pa med pa/ khengs pa med pa/ spyod lam tha mal phun sum tshogs pa/ stong pa nyid kyi ting nge 'dzin la mkhas pa/ 'byung ba dang 'jug pa yosas su spangs pa/ smon pa med pa'i ting nge 'dzin dang ldan pa/ 'khor ba la yun rang du spyod pa la zhugs pa/ mtshan ma med pa'i ting nge 'dzin dang ldan pa/ spros pa'i rnam pa thams cad kyi mtshan ma legs par bzung ba/ sems can yongs su smin par bya ba la mkhas pa/ 'du shes thams cad dang bral ba/ nyan thos kyi theg pa rnam par bzhag pa la mkhas pa/ chos ston pa yang dag pa dbye ba 'jug par byed pa/ rang sangs rgyas kyi theg pa ston pa/ nye bar zhi ba'i bsngags pa brjod pa/ byang chub sems dpa' yang dag par slong ba spyod pa ji lta ba bzhin du zhe 'gras pa med par ston pa sha stag la 'di lta ste/ byang chub sems dpa' sems dpa' chen po byams pa dang / 'jam dpal
- 220a
gzhon nur gyur pa dang / spobs pa brtsegs pa dang / lag na rin chen ldan dang / spos 'od dang / mtha' yas snang ba'i blo gros dang ngan song spong dang / don grub dang sems dpa' dang / yon tan rgyal po snang dang mya ngan gyi mun pa thams cad sel ba'i blo gros dang / mi mnyam pa thams cad ston pa dang / de'i rang bzhin du mi gnas pa dang / blo mtha' yas dang / brtson 'grus dang / rtsal brten po sems dpa' dang rin chen 'byung gnas dang / bkod pa'i rgyal po dang / rnam par 'phrul pa'i rgyal po dang / 'phrul pa'i mthu brtsal dang / khyad par blo gros dang / kun nas mdzes pa dang / sgrib med ston dang / rnam par brtse dang / gser mchog 'od gsal dang / chos thams cad la rtag tu lta ba'i blo ldan dang / spos dri myur sbyin me tog kun tu rgyas dang / gtso bo brtsegs dang / mya ngan med pa'i dpal dang / lhun po'i lto dang / spyan ras gzigs dbang phyug dang / spos kyi dbang phyag rgyal po// mchog tu dga' ba'i rgyal po dang / blo mtha' yas sgrub dang / dam pa'i chos thams cad mi brjed par gnas pa dang / byang chub sems dpa' sems dpa' chen po seng ge ltar sgra mngon par sgrogs pa dang / de dag dang byang chub sems dpa' stong phrag mang po gzhan dag yang thabs cig tu bzhugs
- 220b
so// de nas bcom ldan 'das snga dro'i dus kyi tshe/ sham thabs dang chos gos gsol te/ lhung bzed bsnams nas/ dge slong nyis stong gis bskor cing 'dun du bdar te/ yangs pa'i grong khyer chen por bsod snyoms la gshegs nas/ bcom ldan 'das kyi zhabs sgo'i them pa la bzhag ma thag tu/ sangs rgyas bcom ldan 'das rnams grong khyer tu gshegs na/ ngo mtshar slad du bya ba'i chos rnams 'byung bar 'gyur ba gang drag yin pa de dag 'byung ste/ long ba rnams ni mthong bar gyur/ 'on pa rnams ni thos par gyur/ smyon pa rnams ni dran pa brnyed par gyur to// lha'i me tog gi char yang bab po// snang ba chen po yang byung ngo // srad dri ma med par gyur to// lha'i si lo snyan yid du 'ong ba dag kyang ma brdung bar grag go/ mnar med pa'i sems can dmyal ba la thug pa nas/ 'og min gyi gnas man chad kyi sems can gcig tu nges par bde ba dang ldan par 'gyur ro// de'i tshe yangs pa'i grong khyer chen po na/ li tsa byi seng ge'i bu rin chen zhes bya ba skyes nas/ lo gsum lon pa/ mA ma'i pad na 'dug pa/ khang bzangs kyi steng na 'dug ste/ khye'u rin chen byin gyis slad du byung ba'i mtshan ma dag mthong ngo // de nas khye'u rin chen byin gyis rang gi ma ma la tshigs su bcad de smras pa/ ma ma gang gi mthu stobs kyis// shin tu
- 221a
ya mtshan bu ba snang // nyi ma bye ba rnams kyi 'od// zil gnon snang 'di su zhig yin// stong gsum sa gzhi khyab gyur nas// ngan 'gro skems par byed pa yi// rdzu 'phrul snang ba gang yin 'di// ma ma da dga' la myur du smros// dus min me tog char pa yis// sangs rgyas zhi 'tshams med par mdzes// phyogs rnams bya'i tshogs kyis// skad snyan pas ni khyab par byas// lam srang me tog rnams kyis khebs// me tog gdugs kyang rnam par bres// skyes pa bud med dga' rnams kyis// kun nas rab tu mdzes par 'jug/ long ba rnams kyis mig kyang mthob// skye bo 'on rnams sgra yang thos// byad ngan byed gzugs phun sum tshogs// g.yeng ba rnams kyang dran pa rnyed// lce med tshig ni rnam par dag/ sems can byams pa'i sems med pa// byams pa'i sems dang ldan par gyur// ma ma sems can khyad ce na// rdzu 'phrul grub mthu dad pa// 'jig rten dag na rgyu ba 'di// su yin bdag la kun myur smros// de nas khye'u rin chen byin gyis ma mas// khye'u rin chen byin la tshigs su bcad de sbas pa// rnam par dag pa spyod mchog ldan// rgyal ba dri med blo mi dman// bsam yas ma lus yongs su dag/ dbang ldan yon tan rin chen 'phags/
- 221b
'jig rten mgon po 'khras sa mig/ de bzhin gshegs pa rtsa lag 'di// blo ldan bsod snyoms don du gshegs// 'jig rten chos la rten pa med// 'di la sdug dang mi sdug stsogs// 'jig rten pa'i rtog mi mnga'// pad ma chu las skyes pa ltar// mnga' bdag mi gos spyod pa mdzad// blo gros ldan pa the tshom gcod// phan mdzad thugs rjer ldan pa de// 'gro ba'i sdug bsngal bsal ba'i phyir// rnam par 'dren pa 'dir gshegs so// bstod kyang dges par mi 'gyur la// smad kyang 'khrug par mi 'gyur te// khong khro rjes su chags pa spang // chags med rgyu ba rlung dang 'dra// 'di ni chos rgyal dam pa ste// ye shes zab mo phun sum tshogs// don dam don la mkhas pa po// 'gro ba'i slob dpon gshegs pa yin// de ni dbu ma ston pa ste// yod med 'dzin las rnam par grol// chos lam ldan zhing zhi ba ste// bsten pa thams cad yongs su spang // ye shes phung po dpag med ba dag/ bsod nams tshogs rnams bsagra pa/ yin// bde gshegs 'jig rten 'dren pa po// mtha' yas gzugs can deng gshegs so// dbu skra g.yas su 'khyil bar gnas// 'jam zhing mdog snum lung lo can// gnag cing 'dzings pa med rnams kyis// de'i dbu ni rnam par mdzes// tsug gtor g.yas su 'khyil ba ste// dbu skra mkhyil
- 222a
cing legs par gnas// ri rab rtse mo 'dra bar ni// de'i sprin 'tshams 'dzod spu mdzes// 'jam shing grams su 'khyil ba ste// 'od ni shel dang zla ba yi// 'od zer dra ba mang bas lhag/ de'i zhal na spyan mdzes pa// me tog ud dpal sngon po 'dra// ba yi rjeb yongs su dag/ mig dmar ma 'dzings zhi bar gzigs// dpal ldan seng ge'i 'gram pa 'dra// de ni rtag tu zhal yang 'dzum// sgros ni brim pa bzhin du/ dmar// zhal mdzes lus can kun 'dren pa// mthu stobs chen po phun sum tshogs// bsod nams brgya po stobs mnga' ba// tshoms kyi phreng ba dpa' ba'i 'od// snyoms shing thag bzang yongs su dag/ de yi tshems shin tu dkar// ljags ni shin tu ring shing srab// bdag nyid kyi ni zhal gyi ngos// de yis kun tu khyab par gnas// dpal ldan dbu ni gdugs 'dra// de bzhin de ni shangs kyang mtho// mdog ni gtso ma'i gser dang 'dra// de yi zhal gyi dpral ba mdzes// de yi zhal gyi smin tshugs ni// kha dog 'thon 'thing shin du sdug/ zhi ba'i spyan ni mdzes pa ste// snyan gyi drung du thug par gnas// snyan zhal/ ring ba rab tu 'phyang // zhal mdzes ston gyi zla bas lhag/ zhal ras pad ma rnam dag 'dra// zhal mdangs dkar la dang zhing gsal// brtan po tshangs
- 222b
pa'i sgra skad ldan// de gsung ka la bi ka 'dra// de yi gsungs bzang yid du 'ong // 'jam zhing sems can tshim par byed// rma bya ngang pa mi 'am ci/ ne tso ri krigs khu byug dang // 'brug sgra khrung krung ku na la// shrang shang te'u gling bu dang // rdza rnga'i sgra dang gzhan dag kyang // sgra skad snyan pa ci yang rung // de dag de bzhin gshegs pa yi// gsung go bcu drug char mi phod// skul mdzad de bzhin gnyan pa ste// de ni snyan cing 'jam pa dang // yid 'ong dag byed gsal ba ste// skyon dang bral zhing 'jigs pa med// re ba rnams la char rgyun ltar// sems rgyud tshims par mdzad la zhi// ma nyams ma 'khrul rab tu zhi// de bzhin dag cing brda' phrad sla// skal dang ldan zhing snyan par ldan// don dang yon tan thams cad tshogs// gsung gi rgyan rnams phun sum tshogs// de yi gsung ni dge skyed pa// sems can mos pa tha dad dang // de bzhin des tshig tha dad rnams// de yi gsung la nges par dad// yid kyang rab tu dga' bar 'gyur// de ni phyogs bcu'i 'jig rten khams// gnas pa'i sems can gsung gi khyab// mgon po de yi gsang tshig ni// sems can rnams la don yod 'jug/ thub pa skyes mchog de yi ni// mgur yang dung 'dra dpung mgo zlum// de'i thal gong rgyas pa ste// de ni bdun po mtho ba mnga'// de yi phyag kyang rab tu ring // lpags
- 223a
pa gser mdog 'dra ba ste// gser gyi sdong po bzhin du mtho// n+ya kro lta bu ra chu zheng gab// thug kha dpal gyi be'us brgyan// 'khor los mtshan can pad ma'i phyag/ shing bal 'dab ltar reg na 'jam// de yi phyag ni sor mo ring // spu rnams re rer skyes shing g.yas phyogs sdug la 'jam// brang gi phel ka che la rab rgyas lte ba zab// phyal dbyibs gzhu 'dra glang chen bzhin du sbubs su nub// rjes ngar e na ya 'dra mdangs dkar mdam bu'i sbubs// ldong bu mi mngon de'i rting pa lebs par grub// de bzhin drang srong sor mo ring zhing sen po dmar// bde bar gshegs kyi zhabs kyi long bu mi mngon te// 'khor lo lcags kyu bkra shis ldan dang dung gis spras// mgon po de ni zhabs gnyis mnyam zhing legs gnas dang // shing bal bzhin du reg na 'jam zhing bzang ba dang / me tog ud dpal dmar po legs par skyes pa yi// kha dog 'dra bas sa bzhi dag la gshegs par mdzad// de bzhin gshegs pa seng ge'i sgra sgrogs de sbyin pa/ 'gro ba rnams kyi gtso bo de ni 'dir gshegs ste// yongs kyi 'jigs pa med par seng ge'i sgra skad kyis// gnyis su med cing spros pa med ma'i chos kyang ston// de nas khye'u rin chen byin gyis bdag gi ma ma la 'di skad ces smras so// ma ma bdag skar khung 'dir zhog shig dang // de bzhin gshegs pa lta'o// de nas ma ma des khye'u rin
- 223b
chen byin skar lung du bzhag go// de nas bcom ldan 'das kyis khye'u rin chen byin gyi sems kyi yongs su rtog pa thugs kyis mkhyen nas/ srang de kho nas gshegs so// khye'u rin chen byin gyis kyang / bcom ldan 'das gshegs pa mthong ngo // mthong nas kyang de snyam du sems te/ gang dag de bzhin gshegs pa yon tan thams cad dang / 'di lta bu mthong na/ byang chub kyi sems bskyed par mi byed pa de dag ni brnyed pa ngan bsnyed pa'o snyam mo// de nas bcom ldan 'das khye'u rin chen byin gyi sgo drung du gshegs so// de nas khye'u rin chen byin 'di snyam du sems te/ seMs can khyad par can 'di lta bu ni bskal pa bye ba phrag 'bum du yang rnyed par dka' bas// khang bzang 'di las bdag gi mchod bar bya'o snyam mo// de nas de'i tshe khye'u rin chen byin gyis gser las byas pa'i pad ma 'dab ma 'bum dang ldan pa brtson pa lag 'thil du khyer ro// de nas khye'u rin chen byin gyis khang bzangs de las bdag nyid kyis 'chongs so// de nas sangs rgyas kyi mthus nam mkha' bar snang la 'dug go/ de nas khye'u rin chen byin gyis gser las byas pa'i pad ma'i 'dab ma 'bum dang ldan pa de/ bcom ldan la phul lo// khye'u rin chen byin gyis lag nas btang nas/ bcom ldan 'das kyi dbu'i drang zad kyi steng gi bar snang la pad ma'i gdugs su te/ rin po che'i dro ba yang bres so//
- 224a
de nas de'i tshe khye'u rin chen byin gyis tshigs su bcad pa 'di dag smras so// sang+yas pad ma 'di phul ba// bdag ni ci yang mi 'chal te// rtog pa thams cad gcad du gsol// bdag ni byang chub chog 'tshal lo// ji ltar byang chum skyes la// thob pa ma mchis gshig ma mchis/ slad du ma mchis thob ma mchis// de ltar bdag gi me tog dbul// byis pa rnams kyi don gang brtags// rtags pa de ni pha don ma mchis// rtog pa thams cad gcad slad du// gang zag mchog la bdag mchod bgyid// de phyir me tog phul ba 'di// bdag la rnam smin 'bras ma gyur// dngos po thams cad bcad slad du// pad ma 'di ni bdag gis phul// bdag gi sangs rgyas zhing du ni// rgyal mchog theg pas 'gro ma rtogs// nyan thos kyi ni ming yang rung // rang rgyal ming yang 'byung ma 'gyur// de nas tshe dang ldan pa mo'u 'gal gyi bu chen pos// khye'u rin chen byin la/ khyod ni ston pa 'di 'dra la/ dad pas mchod pa byed mod kyi// blo gros phyin ci log gyur na// sangs rgyas su ni ji ltar 'gyur// de nas khye'u rin chen byin gyis tshe dang ldan myo'u 'gal gyi bu chen po la tshigs su bcad de smras pa// 'di dag thams cad ma skyes te// 'du byas dag ni gsob dang gsog/ de 'dra ba'i chos rnams la// dngos por 'gyur ba ga la yod// khyod ni chos gos ngur smrig bgos//
- 224b
dgra bcom nyid du 'dzin par byed// rnam shes 'di dang spyod yul yang // stong pa kho nar ma yin nam// dmigs pa la ni gnas bcas pas// sangs rgyas bye ba ma gnyis byas// bya ba de yang zhi bar mthong // su yang ma mnyes byas pa med// mo'u 'gal la da dung yang // dmigs pa 'jug pa yod dam ci// khyod kyi sems ni gang zhig gis// yon yang yongs su sbyor bar byed// de nas tshe dang ldan pa mo'u 'gal gyi bu chen pos// khye'u rin chen byin la 'di skad ces smras so// khye'u ci de bzhin gshegs pa bla na med pa yang dag par rdzogs pa'i byang chub mngon par sangs ma rgyas sam// chos kyang ma bstan tam/ khye'u rin chen byin gyis smras pa// mo'u 'gal gyi bu mkhas pas ni/ byang chub spros par mi bya'o// de bzhin gshegs pa yang rlom sems su mi bya'o// chos mi skye'o snyam du skrag/ par mi bya'o// chos thams cad 'dus byas so snyam du skrag par mi bya'o// chos thams cad 'dus ma byas so snyam du skrag par mi bya'o// de bzhin du sbyar te/ chos thams cad skye ba dang / mi skye ba dang / dngos po dang / dngos po med pa zhes bya ba dang 'dzin pa dang gtong ba zhes bya ba dang / phrad pa dang bral ba zhes bya ba dang / 'gro ba dang 'ong ba dang / gnas pa dang / 'pho ba dang / 'dod chags kyi chos dang / zhe sdang gi chos dang / gti mug gi chos dang / chos dang chos ma yin pa
- 225a
zhes rtag par mi bya'o// ma rig pa la stsogs pa nas/ so so'i skye bo'i chos rnams dang / nyan thos kyi chos rnams dang / rang sangs rgyas kyi chos rnams dang / sangs rgyas chos rnams dang / kun nas nyon mongs pa'i chos rnams dang / rnam par byang ba'i chos rnams dang / gzugs can dang / gzugs can ma yin pa dang / 'du shes dang / 'du shes med pa dang / mtshan nyid dang / mtshan nyid med pa dang / spyod pa yongs su dag pa dang / mnyam pa nyid dang / mi mnyam pa nyid dang / lus dang sems dang / chos thams cad tshul bzhin dang / tshul ma yin pa zhes bya ba'i bar du skye bar 'gyur ro zhes skrag par mi bya'o// mo'u 'gal gyi bu 'di ji snyam du sems/ de bzhin gshegs pa bla na med pa yang dag par rdzogs pa'i byang chub mngon par rdzogs par 'tshang rgya 'am/ smras pa de ni ma yin no// smras pa ci de bzhin gshegs pa de bzhin nyid la ma rtogs pa dang / byang chub de bzhin nyid la ma togs pa dang / so so'i skye bo de bzhin nyid la ma togs par 'dod dam/ mo'u 'gal gyi bus smras pa de ni ma yin no// khye'us smras pa/ mo'u 'gal gyi bu khyod spros pa med pa la spros par byed dam/ mo'u 'gal gyi bus smras kha/ kho bo ni 'jig rten gyi kun rdzob kyi sgo nas ston to// khye'us smras pa/ mo'u 'gal
- 225b
gyi bu 'jig rten ni rdun pa/ sru bsku ma'i rnam pa 'drid par byed pa'o// mo'u 'gal gyi bus smras pa/ gal te 'jig rten 'di brdzun pa/ slu ba'i chos can yin na/ khyod ci'i phyir ston par byed/ smras pa mo'u 'gal gyi bu chos thams cad ni bstan du med pa ste/ de dag ni bstan par bya ba ma yin/ thob par bya ba ma yin/ mngon sum du bya ba ma yin/ spang bar bya ba ma yin/ yongs su shes par bya ba ma yin/ sgom par bya ba ma yin no// mo'u 'gal gyi bus smras pa/ 'o na khyod kyis gang gis de bzhin gshegs pa mchod/ khye'us smras pa/ mo'u 'gal gi bu khyod de bzhin gshegs pa 'am/ sbyin pa po 'am/ sbyin par dmigs sam/ de nas tshe dang ldan pa mo'u 'gal gyi bu cang mi smra bar gyur to// khye'u rin chen byin gyis smras pa/ mo'u 'gal gyi bu bdag gis de las bsams nas/ de bzhin gshegs par 'gyur ba yongs su spang ste/ nyan thos kyi theg pa la sems bskyed par byed pa gang yin pa de dag ni/ rnyed pa nyes par rnyed pa'o// zhes de skad kyi tshig smras so// mo'u 'gal gyi bus smras pa/ khyod na ni chod shin tu bzhin// shes rab kyis ni rgya mtsho bzhin// khyod kyi ji srid tsam zhig nas// chos 'di dag la bslab par 'gyur/ khye'u rin chen byin gyis smras pa/ bslab pa thams cad rnam 'jig pa// bslab pa gang yin de bslab min// gang la bslab pa med pa de// mkhas pa rnams kyi bslab pa yin//
- 226a
don gang khyod kyis bdag dris pa// sems can 'du shes gnas pa ste// 'dir ni chos rnams thams cad la// gang la'ang skye ba mi rnyed do// byis pa rnams ni byang chub dang // 'khor ba nyid du rtog par byed// 'dir ni dadung btsun pa khyod// byis pa'i chos la 'brang ngam ci// ring po 'am yang na thung ngu zhes// mkhas pa dag ni rtog mi byed// chos kun snying po med par ni// de bzhin de dag khong du chud// byis pa 'am byis pa'i chos rnams sam// sangs rgyas chos sam/ rgyal ba'ang rung // blo ldan tha dad mi byed kyi// stong pa nyid la de ltar ltos// drang srong chen pos byang chub thob// de ni mi rigs brtags pa yin// chos 'di la ni skye med na// mya ngan 'das pa ji ltar thob// chos rnams mtha' yas rab tu gsung // sems can grol ba'ang dngos po med// mya ngan 'das dang 'khor ba la// tha dad dbyer med gzung bar bgyis// 'di la rnam pa thams cad du// bsnan dang bri ba ci yang med// tha dad med pa'i chos rnams la// mkhas pa rnams ni rmongs mi 'gyur// byis pa rnams kyi thob cing rnyed// byis pas mya ngan 'das pa thob// 'khor bar la ni de kun chags// rloms sems bdud kyi 'ching ba yin// gang gi blo la ngas thob snyam// de'i ni ci yang thob pa med// de yi yang srid 'gro ba yi// ma rig pa yang 'jug par 'gyur// byang chub snying por 'jug na ni// mthong ba med cing spang ba'ang/
- 226b
med// sangs rgyas rnams kyi byang chub 'di// tha snyad yin te don du min// byang chub dang ni mya ngan 'das// tha snyad dag gis brjod mi nus// gang dag de ltar yang dag mthong // de dag chos nyid yang dag shes// de nas bcom ldan 'das la// tshe dang ldan pa sha ra dwa ti'i bus 'di skad ces gsol to// bcom ldan 'das khye'u rin chen byin gyis// yun ci srid spyad lags/ bcom ldan 'das kyis bka' stsal pa/ gang gi tshe de bzhin gshegs pa mar me mdzad kyis/ nga mi skye ba'i chos la bzod pa thob par 'gyur bar/ lung ston pa de'i tshe/ 'di mar me mdzad kyi gsung rab la stong pa nyid la gnas pa'i byang chub sems dpa' rnams kyi mchog tu gyur to// gang gi tshe bla na med pa yang dag par rdzogs pa'i byang chub tu dang po sems bskyed pa de'i tshe/ 'dis bzod pa thob nas skal pa sum 'bum lon no// sha ri'i bus gsol pa/ bcom ldan 'das khye'u rin chen byin bla na med pa yang dag par rdzogs pa'i byang chu mngon par rdzogs par sangs ma rgyas pa'i rgyu ni gang lags/ rkyen ni gang lags/ bcom ldan 'das kyi bka' stsal pa/ khyod kyi khye'u rin chen byin 'di las dris shig dang / 'di nyid ston par 'gyur ro// de nas tshe dang ldan sha ra dwa ti'i bus/ khye'u rin chen byin la 'di skad ces so// ci'i phyir khyod bla na med pa yang dag par rdzogs pa'i byang chub mngon par rdzogs par sangs ma rgyas/ bla na med pa yang dag par rin chen byin gyis smras pa/
- 227a
rdzogs pa'i byang chub ma dmigs pa nas/ de'i phyir bdag mngon par rdzogs 'tshang mi rgya'o// 'o na ci de bzhin gshegs pa 'di mngon par rdzogs par sangs rgyas pa las na/ dmigs pa la spyod dam/ rin chen gyis smras pa/ gal te de bzhin gshegs pa mngon par rdzogs pa sangs rgyas par 'dzin na ni/ de dmigs par 'gyur ba zhig na chos gsung ba ni/ mngon por rdzogs par 'tshang rgya bar yang mi mdzad la spong bar yang mdzad do// sha ri'i bus smras pa/ khyod chos nyid bsgrub pa dang / yongs su smin pa mnyam pas/ bzod pa gang la gnas/ khye'u rin chen byis gyis smras pa/ bdag gi ni chos gcig kyang yongs su ma grub par yang dag par mthong na bzhi lta ci smos/ 'di la yang dag par 'grub pa gang zhig yod de/ chos rnam par rig pa zhes pa 'di ni/ dmigs pa'o// byang chub ces bya ba 'di ni dmigs pa'o// de bzhin gshegs pa zhes bya ba 'di ni 'dzin pa'o// dgrol ba zhes bya ba 'di ni spros pa'o// sha ri'i bus smras pa/ rigs kyi bu khyod lta bu'i chos rnams la spyod rdzus te skye bas/ sangs rgyas rnams mngon sum du gyur par skye zhing / rtag tu rab tu 'byung ba 'di ni ngo mtshar to// de nas de'i tshe khye'u rin chen byin gyis tshigs su bcad pa 'di dag smras so// skye dang de bzhin skye med gnyis ni spros pa ste// kun tu rtog pa'i sa dang /
- 227b
bdud kyi spyod yul yin// lus la stsogs pa'i chos 'dzin rloms sems 'dod pa yi// lha dang lha min 'gro ba rnams ni 'dir brlag go// rgyal bas bdud rtsi 'dus ma byas pa brnyas snyam du// de ltar gang dag bsam pa rab tu 'jug byed pa// de dag sangs rgyas la ni sku ngas gsol bar byed// gnyis kyang 'di la 'dren pa rnams kyis gnyis pa med// 'dir ni skye bo mang po dag/ rab tu byung nas rab 'byung rlom// sems kyi dmigs pas rnams 'khrugs nas// bstan pa la ni sun 'byin rnams// bdud rtsi bdag gi so thob po zhes// thob pa'i nga rgyal can dag smra// skyob pa shAkya seng ge yi// bstan pa la ni spros pa med// sems kyi rnam pa thams cad du// sems kyi ngo bo nyid ma rtogs// de bzhin rnam 'dren gsungs pa yi// lta ba de ni rang bzhin med// spyan dag rgyal bas gsungs pa yi// lta ba la ni lta ba med// de phyir shes rab ldan pa ni// bdag nyid grol snyam 'dzin pa med// mtshan mar 'dzin pa sgom pa rnams// bdag tu dmigs pas rmongs par 'gyur// mkhas pa ma yin kha gcig ni// yang dag ma yin stong pa spong // dngos po rmi lam sgyu ma 'dra// rang gi blos ni rtags nas kyang // mi mkhas de dag dngos po rnams// gzhig phyir mya ngan 'das pa smra// lus la yang ni rten bcas nas// tshul khrims 'du shes rnam par 'jig/ sems kyi dmigs pa dag la yang /
- 228a
bsam gtan 'du shes rnam par 'jig/ de bzhin gshegs pa dmigs nas kyang // sa bon 'du shes rnam par rmongs// 'jig rten 'jig rten khams rnams kyis// de dag chos kyi rkun po brjod// 'di 'dra ba'i chos rnams la// chos dbyings 'od gsal nyon mongs med// 'o na rab tu byung ba'i don// khyod kyis bdag la ji skad brjod// chos rnams thams cad tha dad med// 'di dag brag cha 'dra ba yin// mkhas pa de dag nam du yang // 'phag pa'i spyod yul rtog mi byed// gzhan yang mtshan nyid de bzhin nyid// gzhan dag du ni yong mi 'gyur// chos rnams 'gyur ba med pa la// rab byung rtags pas ci zhig bya// de nas 'jam dpal gzhon nur gyur pas/ khye'u rin chen byin la 'di skad ces smras pa/ khye'u byang chub ces bya ba de gang gi tshig bla dgas lags/ rin chen byin gyis smras pa/ 'jam dpal byang chub ni tshig gi bla dgas med pa'o// 'jam dpal gyis smras pa/ khyod ci las bsams te de skad smra/ rin chen byin gyis smras pa/ 'jam dpal chos nyid ni/ bsam du med pa yin na/ des bdag gis ji ltar bsams shing snyan pa bya/ 'jam dpal gyis smras pa/ 'di la las/ dang po pa'i byang chub sems dpa' la ji ltar gdams ngag snyan par bya/ ji ltar rjes su bstan par bya/ rin chen byin gyis smras pa/ 'di skad smra bar byas te/ 'dod
- 228b
chags ma spang shig/ zhe sdang ma gni la cig/ gti mug ma bsal cig/ rang gi lus las gyen du ma bskyed gcig/ mi dge ba spyod cig/ lta ba tshar ma bcad cig/ kun tu sbyor ba rnams ma ston cig/ phung po rnams yongs su zung shig/ khams rnams ril por gyis shig/ skye mched rnams la spyod cig/ byi ba'i sa la 'da' bar ma byed cig/ mi dge ba la rtogs shig/ dge ba spongs shig/ sangs rgyas yid la ma byed gcig/ chos ma sems shig/ dge 'dun la mchod pa ma byed gcig/ bslab pa yang dag par ma len gcig/ srid pa nye bar zhi ba don du ma gnyer cig/ chu bo las ma rgal cig/ ces gdams ngag 'di lta bu 'dis/ las dang po pa'i byang chub sems dpa' la gdams par bya/ rjes su bstan par bya'o// de ci'i phyir zhe na/ chos rnaMs kyi chos gnas pa 'di ni/ gnas pa kho na yin pa'i phyir ro// byis pa de dag ni skye ba'i chos su lung ston par byed do// 'gag pa'i chos su lung ston par byed do// chos kyi dbyings 'di rnam pa mi rtog pas/ rab tu phye ba yin te/ chos 'di rnams kyi rang bzhin de ltar rjes su rtog pa gang yin pa de ni/ byang chub po zhes de ltar btams nas/ gal te/ mi skrag mi dang shing dang bar mi 'gyur na kyem byang chub sems dpa' 'di ni phyir mi ldog pa'i sa'i skal pa can yin no// snyam du shes par bya ste/ gdam
- 229a
ngag 'dis yang dang yang dag par dga' ba bskyed par bya'o// de'i tshe dmigs pa can gyi dge slong brgyad kyis/ chos kyi rnam grang 'di ma bstan par spangs nas/ 'khor de nas song ste/ kha nas khrag dron po byung nas shi'o// shi nas sems can dmyal ba chen po ngu 'bod du skyes so// de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das dge slong de dag gi chos kyi rnam grangs 'di thos pas/ gnod pa chen po ji tsam du gyur pa lags/ bcom ldan 'ad kyi bka' stsal pa/ 'jam dpal khyod de skad ma ze cig/ gal te dge slong de dag gis chos kyi rnam grangs 'di ma thos su zin na/ bskal pa sa ya'i bar du nam kyang bzang 'gror skye bar mi 'gyur na/ sangs rgyas dang 'phrad cing mnyes par byed pa de lta ci smos/ de ni de dag gis rnam grang 'di som nyi dang bcas pas/ thos nas da bzod kho nar sems can dmyal ba chen po du 'bod nas shi 'phos te/ dga' ldan gyi lha'i ris su skyes so// de dag skal pa drug bcu rtsa brgyad kyi bar du de bzhin gshegs pa khrag khrig phrag bcu gnyis par 'gyur te/ thams cad du rdzus te skye zhing 'khor lo sgyur ba'i rgyal po sha stag tu 'gyur la/ skal pa gcig la de bzhin gshegs pa dgra bcom pa yang dag par rdzogs pa'i sangs rgyas dri ma med po'i 'od ces bya ba dag tu 'gyur ro//
- 229b
de nas lha'i bu de dag gis bdag cag lung stan pa lha'i rna ba'i khams kyis thos nas/ de dag lha'i bu brgyad khri dang lhan gcig tu/ bcom ldan 'das ga la ba der song ste lhags nas/ lha'i me tog gis yangs pa'i grong khyer thams cad gtor to// chos kyi rnam grangs 'di la yang rjes su yi rang ste/ bcom ldan 'das bdag cag rjes su yi rang lags so// de bzhin gshegs pa rnams kyi byang chub kyi tshul 'phel bar mdzad du gsol// zhes kyang gsol to// de dag rjes su yi rang bI mod la bla na med pa yang dag par rdzogs pa'i byang chub las phyir mi ldog par gyur to// / yangs pa'i grong khror chen po'i srog chags brgyad khri bzhi stong yang bla na med pa yang dag par rdzogs pa'i byang chub las phyir mi ldog par 'gyur to// srog chags khri nyis stong ni chos kyi mig rdul med cing dri ma dang bral ba rnam par dag go// de nas bcom ldan 'das kyis/ mjam dpal gzhon nur gyur pa la bka' stsal pa/ 'jam dpal byang chub sems dpa' gang gis bskal pa 'bum gyi bar du thabs la mkhas pa med par/ pha rol tu phyin pa drug la spyad pa bas gang gis chos kyi rnam grangs 'di som nyi dang bcas pas thos nas/ 'di ni de bas ches bsod nams mang du bskyed na/ gang gis som nyi med par thos pa lta ci smos/ gang gis yi ge 'dri ba dang / lung nod pa dang / 'chang ba
- 230a
dang / gzhan dag la yang rgya cher yang dag par ston pa lta ci mos/ 'jam dpal de lta bas ni/ dgra bcom pa nyid thob par 'dod pas/ chos padi la bslab par bya'o// rang byang chubathob par 'dod pas kyang / chos 'di la bslab par bya'o// bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas kyang chos 'di bslab par bya'o// de nas khye'u rin chen byin gyis/ rang gi ma ma la 'di skad ces smras so// ma ma kho bo la kha zas byin cig dang / bcom ldan 'das la zhal zas dbul bar bya'o// de nas khye'u rin chen byin gyis ma mas/ khar ba'i snod zas ro rgya dang ldan pas bkang ste/ khye'u rin chen byin la byin no// de nas khye'u rin chen byin gyis bcom ldan 'das la 'di skad ces gsol// bcom ldan 'das chos thams cad mi zad pa'i bden pa gang lags pa'i bden pa des na/ dge slong gi dge 'dun thams cad tshims par ma gyur gyi bar du/ khar ba'i snod 'di yongs su 'grib par ma gyur cig/ de nas khye'u rin chen byin gyis/ bcom ldan 'das kyi lhung bzed bkang nas/ dge slong gi dge 'dun la smras pa/ btsun pa rnams bdag la thugs rtse ba'i slad du/ gang gis bdag la 'bras bu chen por cher 'gyur ba'i bsod snyoms 'di bzhes te/ gang lus kyis yon sbyong bar mi byed pa dang / sems kyis sbyong bar mi byed pa dang / gang la phul na
- 230b
bsod nams su mi 'gyur ba dang / rnam par mi 'gyur ba dang / gang lus kyi las dang / ngag gi las dang / yid kyi las dang mi ldan pa dang / gang 'dus byas la mi gnas pa dang / gang 'dus ma byas la mi gnas pa dang / gang so so skye bo'i chos rnams kyis ma gos pa dang / nyan thos kyi chos rnams la mi rten pa dang / sangs rgyas kyi theg pa la nges par mi 'byung ba dang / nges par 'byung bar mi 'dod pa des bzhes shig/ de nas dge slong gi dge 'dun de dag gi nang nas/ lus kyang snod de ma blang so// khye'u rin chen byin gyis smras pa/ btsun pa dang bdag kyang sbyin par 'dod pa lags/ khyed kyang gsol bar bzhed pa lags te/ bdag btsun pa rnams las ci yang re ba ma mchis kyis bzhes shig/ 'jam dpal kyi tshad dang mnyam pa'i byang chub sems dpa' bye ba phrag 'bum gyi sangs rgyas kyi zhing gi yon tan bkod pa de bas kyang ches bye ba phrag 'bum las lhag pa'i sangs rgyas kyi zhing gi yon tan bkod pa bdag gis sangs rgyas kyi zhing du 'gyur ba'i bden pa dang / bden pa'i tshig gang yin pa'i bden pa dang / bden pa'i tshig des na/ khar ba'i snod 'di las khyed thams cad kyi lhung bzed rnams gang bar gyur cig/ khar ba'i snod 'di yang yongs su zad par ma gyur cig/ ces byas so// de nas dge slong gi dge 'dun thams cad kyis lhung bzed de dag gang bar gyur to// de nas khye'u rin chen byin gyis yangs pa'i grong khyer gyi skye
- 231a
po'i tshogs ji snyed yod pa thams cad kha zas robargya dang ldan pa des tshim par byas so// bsod snyoms de yang zad par ma gyur to// bcom ldan 'das kyis khye'u rin chen byin la 'di skad ces bka' stsal to// rin chen byin lnga po 'di dag ni byang chub sems dpa'i yon yongs su sbyong ba ste/ lnga gang zhe na 'di lta ste/ lus mi dmigs pa dang / sems mi dmigs pa dang / sbyin pa la mngon par zhen pa med pa dang / rnam par smin pa mi 'dod pa dang / len pa po la rnam par smin pa med pa'o// rin chen byin bzhi po 'di dag ni// byang chub sems dpa' rtag tu mngon du bya ste/ bzhi gang zhe na/ 'di lta ste/ stong pa nyid kyi ting nge 'dzin dang / sangs rgyas rjes su dran pa dang / snying rje chen po dang / bdag gi las kyi rnam par smin pa'o// de nas bcom ldan 'das kyis 'jam dpal gzhon nu gyur pa la 'di skad ces bka' stsal to// 'jam dpal khye'u rin chen byin 'di bskal pa sum bcu na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das stobs dang grags pa don yod pa zhes bya ba 'jig rten du 'byung bar 'gyuraro//
- 231b
de'i 'khor 'dus pa'ang mtha' yas par 'gyur te/ thams cad kyang phyir mi ldog pa'i byang chub sems dpa' sha stag go// de dag kyang 'od mtha' yas dang che dpag tu med par 'gyur ro// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das chos kyi rnam grangs 'di yi ming ci lags/ 'di ji ltar gzung bar bgyi/ bcom ldan 'das kyis bka' stsal pa/ byang chub sems dpa'i spyod bstan pa zhes bya bar zung shig/ chos nyid mi skye ba zhes bya bar yang zung shig/ de nas bcom ldan 'das dge slong gi dge 'dun dang thabs gcig tu bsod snyoms bzhes nas gshegs so// bcom ldan 'das kyis de skad ces bka' stsal nas/ byang chub sems dpa' rin chen byin dang / thams cad dang ldan pa'i 'khor de dang / lha dang mi dang / lha ma yin dang / dri zar bcas pa'i 'jig rten yid rang ste/ bcom ldan 'das kyis gsungs pa la ba ngon par bstod do/ 'phags pa byang chub sems dpa'i spyod pa bsten pa zhes bya ba theg pa chen po'i mdo// rdzogs s+ho// rgya gar gyi mkhan po 'dzin mi tra dang / zhu chen gyi lo tsA ba ban de ye shes sde la stsogs pas sgyur cing gtan la phab pa// rgya gar skad du/ ar+ya ma hA ya na pra sad pra b+ha ba rnan ma ma hA ya na su tra/ bod skad du/ 'phags pa theg pa chen po la dad pa rab tu bsgom pa zhes bya ba/ theg pa chen po'i mdo// sangs rgyas dang byang chub
- 232a
sems dpa' thams cad la phyag 'tshal lo// 'di skad bdag gis thos pa'i dus cig/ bcom ldan 'das rgyal bos 'ab / brargod phung po'iri la/ byang chub sems dpa' sems dpa' chen po sangs rgyas kyi shing tha dad pa nas/ 'dus pa'i byang chub sems dpa'i dge 'du chen dang thabs cig tu bzhugs te/ thams cad kyang bdud kyang phyir rgol ba bcom pa/ nyon mongs pa dang / nye ba'i nyon mongs pa thams cad kyi bgacag kyi kun tu rtsubs du gyungar ba/ bsams bzhin du srid par skye ba kun tu ston pa la dbang chen po'i sa thob/ bskal pa dpag tu med par lus dang gnas gtong ba'i dbang thob pa/ bdud kyi las tshad med pa dang / bar du gcod pa thams cad shin tu rab tu rtogs pa/ sems can thams cad kyi don thams cad thob par bya ba'i thabs kyi cho ga shes pa/ nges pa'i 'byung ba thams cad shes pa'i stobs chen po thob pa/ mu stegs can gyi smra ba thams cad bzlog pa la mkhas pa/ rdzu 'phrul gyi rnam par 'phrul pa chen pos skye bo phal po che'i nye bar bsdu ba la mkhas pa/ pha rol tu phyin pa chen po'i don bsgoms pas/ rnal 'byor chen po rnam pa thams cad thob pa/ nam mkha' lta bur 'jig rten gyi chos kyi sems ma gos pa sha stag la 'di lta ste/ byang chub sems dpa sems dpa' chen po dad pa gsal dang / byang chub sems dpa' dad pa mi 'gul dang / byang chub sem
- 232b
dpa' dad pa rab 'jug dang / byang chub ses dpa' dad par ba gnas/ byang chub sems dpa' dad pa rab tu mnyams dang / byang chub sems dpa' dad pa mi g.yo dang / byang chub sems dpa' dad pa rab rgol dang / byang chub sems dpa' dad pa mnyam dang / byang chub sems dpa' dad pa chen po dang / byang chub sems dpa' rtag tu dad pa'i rjes 'brang dang / byang chub sems dpa' dad pa la yang dag par zhugs dang / byang chub sems dpa' dad par 'jug byed dang / byang chub sems dpa' dad pa la yid gnyis rnam par 'joms dang / byang chub sems dpa' dad pa ston dang / byang chub sems dpa' dad par rab tu 'joms byed dang / byang chub sems dpa' dad pa rnam par 'phel byed dang / byang chub sems dpa' dad pa rnam par spong dang / byang chub sems dpa' dad pa'i gnas yongs su tshol dang / byang chub sems dpa' sems dpa' chen po dad pa thabs chen dang / de dag la sogs pa byang chub sems dpa' lnga stong dang / 'od srung chen po la sogs pa dge slong nyis brgya lnga bcu dang / lha dang klu/ dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa tshad med grangs med pa dag gis kun nas bskor cing mdun gyis byas te/ 'khor brgya stong du ma'i nang na bzhugs par gyur to// de'i tshe 'khor der byang chub sems dpa' las drang po pa mos pa spyod pa'i sa la/
- 233a
gnas pa de dag la brtsam ste/ gtam brtsom pa mdzad do// de nas bcom ldan 'das byang chub sems dpa' las dang po pa mos pa spyong pa'i sa la gnas pa de dag la brtsam ste/ gtam bcortsom pa mdzad do// rigs kyi bu dag gal te ji tsam du byang chub sems dpa' gang theg pa chen po'i phyir/ theg pa chen po la dad na don che zhing 'bras bu che ste phan yon che'o// de lta bas na byang chub sems dpa' las dang po pa mos pa spyod pa la zhugs pas theg pa chen po la dad pas mang du gnas par bya'o// de nas byang chub sems dpa' dad pa thabs chen sangs rgyas kyi mthu dang / sangs rgyas kyis byin gyis brlabs kyis stan las lang ste/ bla gos phrag pa gcig tu bzar nas/ pus mo g.yas pa'i lha nga sa la gtsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i mtshan nyid du rig par bgyi ba gang lags/ byang chub sems dpa' rnams kyi theg pa chen po'i phyir/ theg pa chen po la dad pa skyes pa gang lags/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa rab tu dbye ba rnam pa du zhig mchis/ bcom ldan 'das kyis bka' stsal pa/ rigs kyi bu khyod byang chub sems dpa' tshad med pa dag gi don
- 233b
gyi phyir zhugs nas/ de bzhin gshegs pa la don 'di yongs su dri bar sems la legs so legs so// de'i phyir rigs kyi bu nyon cig dang / don de bstan par bya 'o rigs kyi bu bcu cig po 'di dag ni/ byang chub sems dpa' rnams kyi theg pa chen po'i phyir/ theg pa chen po dad pa'i mtshan nyid du rig par bya'o// 'di lta ste/ gas ba'i mtshan nyid dang / brlan pa'i mtshan nyid dang / rnam pa'i mtshan nyin dang / yongs su bzung ba'i mtshan nyid dang / gnas kyi mtshan nyid dang / yang dag par 'da' ba'i mtshan nyid dang / rtsa ba'i mtshan nyid dang / sbed pa'i mtshan nyid dang / rjes su 'brel pa'i mtshan nyid dang / rgyun mtshan nyid dang / yongs su grub pa'i mtshan nyid dang / dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i gsal ba nyid gang lags/ bcom ldan 'das kyis bka' stsal pa/ rigs kyi bu rnyog pa rnam pa bzhi dang bral ba ni/ byang chub sems dpa' rnams kyi theg pa chen po'i phyir/ theg pa chen po la dang pa'i gsal ba'i mtshan nyid do// rnyog pa rna ba bzhi gang zhe na/ 'di lta ste/ khong khro ba'i rnyog pa dang / yid mi ches pa'i rnyog pa dang / the tsom gyi rnyog pa'o// rigs kyi bu 'di ltar theg pa chen po'i phyir/ zab pa chen po la dad pa thob pa'i byang chub sems dpa' ni/ phyis theg pa chen po la khong khro ba'i sem bskyed mi srid do// zab
- 234a
cing rgya che ba'i chos rnams la yid mi ches pa'i sems bskyed mi srid do// byang chub sems dpa' dad pa thabs chen gyi gsol pa/ zab cing rgya che ba'i chos rnams la mi bzod pa dang / the tshom za bar 'gyur mi srid do// byang chub sems dpa' dad pa thabs chen gyis gsol ba/ bcom ldan 'das ci'i slad du/ las dang po pa'i byang chub sems dpa' mos pa spyod pa la zhugs pas/ chos shes pa rtogs pa ma theg pa'i chen po'i chos/ zab cing rgya che ba 'di lta bu dag la the tshom ma mchis shing / the tshom gyi rnyog pa dang bral ba lags/ bcom ldan 'das kyis bka' stsal pa/ rigs kyi bu byang chub sems dpa' chos nyid ma rtogs pa'i chos nyid theg pa chen po'i chos zab cing rgya che ba dag la the tsom med pa dang / the tsom gyi rnyog pa dang bral ba ma yin gyi/ byang chub sems dpa' gzhan gyi dring las mos pa'i stobs kyis kyang / theg pa chen po'i chos zab cing rgya che ba dag la the tsom med cing / the tsom gyi rnyog pa dang bral ba yin no// 'di ltar las dang po pa'i byang chub sems dpa' mos pas spyod pa zhugs pa'i theg pa chen po'i chos zab cing rgya che ba bstan pa dag la/ de bzhin gshegs pa nyid dbang du byas nas/ chos 'di dag ni de bzhin gshegs pas gsung ba'o zhes/ de bzhin gshegs pas thugs su chud pa la mos pa bzhag nas/ chos la ma log par 'jog go/
- 234b
gzhan gyi dring las mos pa'i stobs des/ de bzhin gshegs pas gsungs pas zab cing rgya che ba'i mdo sde'i chos rnams the tsom dang bral ba yin no// rigs kyi bu de lta bu ni byang chub sems dpa'i theg pa chen po la dad pa'i gsal ba'i mtshan nyid du lta'o// byang chub sems dpa' dad pa thabs chen gyis gsol pa/ bcom ldan 'das byang chub sems dpa' theg pa chen po'i phyir/ theg pa chen po la dad pas rlan pa'i mtshan nyid du rig par bgyis pa gang lags/ bcom ldan 'das kyis bka' stsal pa/ rigs kyi bu byang chub sems dpa' theg pa chen po'i phyir/ theg pa chen po la dad pa dang ldan pa'i yid bde bas lus rlan pa dang / sems rlan pa gang yin pa de ni de'i mtshan nyid du rig par bya'o// de la byang chub sems dpa' rnams kyi theg pa chen po'i phyir/ theg pa pa chen po la dad pa dang ldan pa'i bde ba dang / yid bde ba dang / yid bde bas lus dang sems sim par byed pa yin gyi/ 'dod pa la long sprod pa rnams kyi 'dod pa'i yon tan las byung ba'i bde ba dang / yid bde bas ni ma yin no// gzugs dang gzugs med pa na spyod pa'i sems can rnams kyi bde ba dang / yid bde ba gang yin pa des ni/ 'di 'dra bas de dag gi lus dang sems sim par byed pa ma yin no// de ci'i phyir zhe na/ 'di ltar de dag gi bde ba dang / yid bde ba ni ma zhi ba'o// 'di 'dra bas de dag gi lus de ci'i byin no/
- 235a
na/ gang 'dod pa'i yon tan las byung ba dang / yid bde ba dang / 'dod pa la longs spyod pa'i bde ba dang / yid bde ba ni de tsam du 'dod chags dang / khong khro ba dang ldan pas ma zhi ba'i mtshan nyid do// mtho dman gyi rgyu'i phyir ma zhi ba'i mtshan nyid do// bden pa rnams la yid gnyi dang / the tsom mi za ba'i rjes su song ba'i phyir rab tu ma zhi ba'i mtshan nyid do// ngar 'dzin pa dang / chang yir 'dzin pa dang / de'i rtsa ba las byung ba'i lta bar gyur pa tshad med pa dang 'brel ba'i phyir rab tu ma zhi ba'i mtshan nyid do// sdug bsngal gyi bden pas/ g.yeng ba dang / rgod pa dang / thugs pa dang / bag med pa dang / ngo tsha med pa'i rtsa ba'i phyir/ rab tu ma zhi ba'o// 'gro ba lnga'i las sna tshogs mngon par 'du byed pa'i rtsa ba'i phyir rab tu ma zhi ba'o// sdug bsngal gyi bden pas sdus pas 'gro ba'i phyir rab tu ma zhi ba'o// rigs kyi bu 'di ltar nyon mongs pa dang / las dang 'tshe ba'i kun nas nyon mongs pa'i rgyu dang 'bras bur bcas pa'i rgyun la 'jug pa dang ldan pas/ 'dod pa'i yon tan lnga las byung ba'i bde ba dang / yid bde ba'i rab tu ma zhi ba ste/ bde bas na de'i lus dang sems sim par byed pa ma yin no// ji ltar 'dod pa la longs spyod pa rnams kyi 'dod pa'i yon tan las byung ba bde ba dang / yid bde ba ma yin pa de bzhin du gzugs dang / gzugs med ma spyod pa rnams
- 235b
kyi snyom par zhugs pa las byung ba yang rnam pa de dag gi ci rigs pa rab tu ma zhi ma'i mtshan nyid du rig par bya'o// rab tu ma zhi bas na 'phags pa'i chos 'dul ba la lus dang sems sim par mi 'gyur ro// byang chub sems dpa' rnams kyi theg pa chen po'i phyir/ theg pa chen po la dad las byung ba'i bde ba dang / yid bde ba gang yin pa de ni 'dod chags dang khong khro ba'i rab tu ma zhi ba dang bral ba dang / mtho sman gyi rab tu ma zhi ba dang / bral ba dang / bden pa la yid gnyis dang the tsom rab tu za ba'i ma zhi dang bral ba dang / rang 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa'i rab tu ma zhi ba dang bral dang / nye ba'i nyon mongs dang phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha ba med pa'i rab tu ma zhi ba dang / 'gro ba lnga'i las sna tshogs mngon par 'du byed pa'i rab tu ma zhi ba dang / bde ba dang sdug bsngal gyi bden pas sdus pa'i rab tu ma zhi ba dang bral ba dang / 'di ltar nyon mongs pa dang / las dang tshe'i kun nas nyon mongs pa'i rgyu dang 'bras bur bcas pa'i rgyun la 'jug pa'i rab tu ma zhi dang bral ba'i phyir rab tu zhi ba'o// / rab tu zhi ba'i phyir 'phags pa'i chos 'dul ba la lus dang sems sim par 'gyur ro// rigs bu 'di ni byang chub sems dpa' rnams kyi theg pa chen po'i phyir/ theg pa chen po la dad
- 236a
pas rlan pa'i mtshan nyid do// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po dad pas rlan pa'i mtshan nyid dang / bde ba dang yid bde ba'i don 'di ngo mtshar te/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa las byung ba'i bde ba dang / yid bde ba'i don la rab tu mos par bgyi/ bcom ldan 'ang byang chub sems dpa' rnams kyi theg pa chen po'i phyir/ theg pa chen po la dad pa'i rnam pa'i mtshan nyin gang lags/ bcom ldan 'das kyis bka' stsal pa/ rigs kyi bu byang chub sems dpa' rnams rnam pa gsum gyi theg pa chen po'i phyir/ theg pa chen po la dad pa 'jug ste/ 'di lta ste/ yid ches pa'i rnam pa dang / 'gyur ba'i rnam pa dang / mdo par dga' ba'i rnam pa'o// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa yid ches pa'i rnams pas 'jug pa 'di ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' zab cing rgya che ba'i chos bstan pa rnams la thog ma nyid du yod par mos so// de ci'i phyir zhe na/ 'di ltar chos 'di dag ni de bzhin gshegs pa nyid kyi yul/ de bzhin gshegs pa nyid kyis gsung bar 'os pa'o// de bas na de bzhin gshegs pa rnams nyid
- 236b
kyis mngon par rdzogs par sangs rgyas te/ rtog ge rnams kyi spyod yul ma yin no// 'di ltar rtog ge ba rnams kyi zab cing rgya chen po'i chos 'di lta bu dag thos nas spangs par 'gyur ste/ la rtogs par lta ga la 'gyur ba de bas na de dag ni rtog ge rnams kyi yul yin no// sangs rgyas rnams kyi byang chub ji lta bar de dag gis/ bstan pa'i chos de dag kyang de bzhin du yod do// de'i phyir sangs rgyas bcom ldan 'das de dag gi chos bstan pa zab cing rgya che ba 'bras bu bcas pa la yod pa nyid du mos nas/ byang chub sems dpa' yid ches pa'i rnam pas dad pa bskyed do// gsol pa/ bcom ldan 'das byang chub sems dpa' rnams kyi theg pa chen po'i slad du/ theg pa chen po la dad par 'gyur ba'i rnam pas 'jug pa ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' zab cing rgya che ba'i chos yod pa/ yon tan dang ldan pa dag la rnam pa du mar mos shing lus kyi 'gyur ba dang / sems kyi 'gyur ba dang bcas pa theg pa chen po'i phyir/ theg pa chen po la dad pa bskyed do// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa las byung ba'i lus kyi 'gyur ba ji lta bu lags/ bcom ldan 'das kyis bkal stsal pa/ rigs kyi bu ldang ba lags/ spu g.yo ba dang / mchi ma 'khor dang / mchi ma 'dzag pa ni/ byang chub sems dpa'i theg pa chen po'i phyir/ theg pa chen po la dad pa las byung ba'i lus kyi 'gyur ba'o// gsol pa/ bcom ldan 'das rnams kyi byang chub sems dpa' rnams kyi theg pa chen po'i phyir/ theg pa chen po la dad las byung ba'i sems 'gyur ba lags/ bcom ldan 'das kyis bka' stsal pa/ rigs kyi bu lus
- 237a
las byung ba'i bde ba dang / yid bde ba rgya che ba kha na ma tho ba med pa ni/ byang chub sems dpa'i theg pa chen po'i phyir/ theg pa chen po la dad pa las byung ba'i sems kyi 'gyur ba'o// rigs kyi bu de ltar byang chub sems dpa'i theg pa chen po'i phyir/ theg pa chen po la dad par 'gyur ba'i rnam pas 'jug go// gsol pa/ bcom ldan 'das byang chub sems dpa'i theg pa chen po'i phyir/ theg pa theg chen po la dad pa mngon par dga' ba'i rnam pas 'jug pa lags/ bcom ldan 'das kyis bka' stsal pa/ rigs kyi bu 'di la byang chub sems dpa'i theg pa chen po la dad pa 'di snyam du sems te/ sngon sems can chad med pa'i mir gyur pa rnams kyi brtson 'grus kyi stobs dang / shes pa'i stobs kyis zab cing rgya che ba'i chos 'di rab tu rnyed do// de bzhin du ma 'ongs pa'i dus na 'ang brnyed par 'gyur ro// de bzhin du da ltar byung ba'i dus na yang sems can tshad med pa mir gyur nas/ brtson 'grus kyi stobs dang / shes pa'i stobs kyi zab cing rgya che ba'i chos 'di rab tu rnyed na/ bdag mir gyur la rkyen rnyed bzhin du zab cing rgya che ba'i chos 'di thob par bya ba la brtson 'grus nyams par ci'i phyir/ bya zhes de ltar shes nas byang chub sems dpa' sangs rgyas kyi zhing de dang de dag ni/ rtag par rgyun tu zab cing rgya che ba dag ngal dad pa des mngon par dga' ba ste/
- 237b
mos pa skyes pas gnas so// rigs kyi bu de ltar byang chub sems dpa'i theg pa chen po'i phyir/ theg pa chen po la dad pa mngon par dga' ba'i rnam pas 'jug ste/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i rnam pa'i mtshan nyid do// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa'i yongs su bzung ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa ni bsod nams dang ye shes tshad med pa yongs su bzung nas skye'o// de ci'i phyir zhe na/ rigs kyi bu sems can thams cad la phan pa dang bde ba'i gnas yin pa'i phyir/ 'dzin rten pa'i dge ba'i rtsa ba ji snyed pa 'di lta ste/ mtho ba'i rig su gyur pa'am/ gzugs bzang por gyur pa'am// phyug po'i rigs su gyur pa'am/ yid bzhud pa'am/ blo dang dran pa dang ldan par gyur pa'am/ phyog dang g.yog 'khor mang por gyur pa'am/ tshe ring por 'gyur ba'am/ dbang che bar grags par 'gyur ba'am/ rgyal rigs shing sa chen po'i lta bu'i rigs su 'gyur ba'am/ babram ze shing sa la chen po lta bu'i rigs su gyur pa 'am/ khyim bdag shing sa la chen po lta bu'i rigs su gyur pa 'am/ rgyal chen bzhi/
- 238a
rigs su skye bar 'gyur ba'am/ sum bcu rtsa gsum dang / 'tshe ma dang / dga' ldan dang / 'phrul dga' dang / gzhan 'phrul dbang byed du skye bar gyur pa dang / 'khor lo so sgyur ba nyid dang / 'jig rten skyong ba nyi dang / brgya byin nyid dang / bdud nyid dang / tshangs pa nyid du 'gyur ba 'am/ gzug kyi bsam gtan du skye bar 'gyur ba nas/ 'du shes med 'du shes med min srid pa'i rtse mo'i bar du skye bar 'gyur ba'i dge ba'i rtsa ba de dag ni theg pa chen po'i phyir/ theg pa chen po la dad pas/ bsod nams dang / ye shes yongs su bzung ba'i dge ba'i rtsa ba de'i brgya'i tsher yang nye bar mi 'gro ste/ stong gi cha dang / rgya stong gi cha 'am/ grangs sam/ cha'am bgrang ba'am/ bsgrub pa'am bgrang ba'am/ dper yang mi bzod do// de ci'i phyir zhe na/ 'jig rten pa'i dge ba'i rtsa ba de dag ni 'dod chags dang / khong khro ba rab tu ma zhi ba dang 'brel pa'o// mtho dman rab tu ma zhi ba dang 'brel pa'o// bden pa rnams la yid gnyis dang / the tshom rab tu zab ma zhi ba dang 'brel pa'o// ngang 'dzin pa dang / nga yir 'dzin pa dang / de'i rtsa ba las byung ba'i lta bar gyur pa chad med pa rab tu ma zhi ba dang 'brel pa'o// nye ba'i nyon mongs pa phyin ci log gamang ba dang / rgod pa dang / rmugs pa dang / bag med pa dang / dza med par rab tu ma'i dang / 'brel ba'o// 'gro ba lnga'i las sna tshogs mngon par
- 238b
'du byed pa'i rjes su 'brel ba rab tu ma zhi ba dang 'brel pa'o// sdug bsngal gyi bden pas bsdus pa rab tu ma zhi ba dang 'brel pa'o// rigs kyi bu de ltar 'dzi rten pa'i dge ba'i rtsa ba de dag ni nyon mongs pa dang / las dang tshe kun nas nyon mongs pa dang / rgyu dang 'bras bur bcas pa'i rgyan la 'jug pa rab tu ma zhi ba dang 'brel pa'o// byang chub sems dpa'i theg pa chen po'i phyir/ theg pa chen po la dad pa dang 'brel ba bsod nams dang ye shes yongs su bzung ba'i dge ba'i rtsa ba rnams ni 'dod chags dang / khong khro ba rab tu ma zhi ba las rnam par grol ba'o// mtho dman rab tu ma zhi ba las rnam par grol ba'o// bden pa rnams la yid gnyis dang / the tshom za ba rab tu ma zhi ba las rnam par grol ba'o// ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa/ tshad med pa rab tu ma zhi ba las rnam par grol ba'o// nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa rab tu ma zhi ba las rnam par grol ba'o// 'gro ba lnga'i las sna tshogs mngon par 'du byed pa rab tu ma zhi ba la rnam par grol ba'o// rigs kyi bu de ltar byang chub sems dpa'i theg pa chen po'i phyir/ theg pa chen po la dad pa dang 'brel pa/ bsod nams dang ye shes yongs su bzung ba'i dge ba'i rtsa ba rnams ni/ nyon mongs pa dang / las dang / tshe'i kun nas nyon mongs pa rgyu dang 'bras bur bcas pa
- 239a
rgyun la 'jug pa rab tu ma zhi ba las rnam par grol ba'o// de lta bas na de dag ni 'jig rten pa'i dge ba'i rtsa ba thams cad las khyad par tu 'phags par ga/ par bya'o// gang dag can thos dang / rang sangs rgyas mi slob pa'i tshul khrims dang / ting nge 'dzin dang / shes rab dang / rnam par tshul ba'i ye shes mthong bas kun nas bzung ba'i 'jig rten las 'das pa'i dge ba'i rtsa ba de dag kyang nyon mongs pa dang / las dang / tshe'i kun nas nyon mongs pa/ rgyu dang 'jas bur bcas pa'i rgyun tu 'jug pa rab tu ma ni ba dang 'brel ba ma yin mod kyi/ 'on kyang bdag la phan pa 'ba' zhig gi gnas yin pas don nub pa ste/ phung po ma lus pa'i dbyings su zad par 'gyur ro// byang chub sems dpa'i theg pa chen po'i phyir/ theg pa chen po dad pa dang 'brel pa bsod nams dang / ye shes yongs su bzung ba'i rtsa ba de dag ni sems can thams cad la phan pa dang / bde ba'i gnas yin pa don che ba ste/ phung po ma lus pa'i mya ngan las 'das pa'i dbyings su zad par 'gyur ba ma yin no// rigs kyi bu de lta bas na byang chub sems dpa'i theg pa chen po'i phyir/ theg pa chen po la dad pa dang / 'brel pa bsod nams dang / ye shes yongs su bzung ba'i dge ba'i rtsa ba dag ni 'jig rten pa'i dge ba'i rtsa ba 'ba' zhig las khyad par du 'phags pa ma yin gyi/ 'jig rten las 'das pa'i dge ba'i rtsa ba dag pas kyang khyad par 'phags pa yin te/ rig
- 239b
kyi bu 'di ni byang chub sems dpa' theg pa chen po'i phyir/ theg pa chen po la dad pa'i yongs su bzung ba'i mtshad do// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa dang 'brel ba/ bsod nams dang ye shes yongs su bzung ba'i dge ba'i rtsa ba ni mthu che ba bla na ma mchis pa ste ngo mtshar to// bcom ldan 'das kyis bka' stsal pa/ rigs kyi bu de de bzhin te/ ji tsam du dge ba'i rtsa ba don du gnyer ba'i byang chub sems dpa' dge ba'i rtsa ba rnam 'di lta bu dag/ yongs su bzung ba la brtson par bya'o// dge ba'i rtsa ba de dag ni 'jig rten pa dang / 'jig rten las 'das pa'i dge ba'i rtsa ba thams cad zil gyis mnan nas/ 'jig rten pa'i phun sum tshogs pa thams cad rjes su sbyin pa'o// 'bras bu rab tu sbyin pa dang / de'i rgyas kyang dgos pa yin te/ mthar yang mi zad par bla na med pa yang dag par rdzogs pa'i byang chub mngon par bsgrub po// sems can tshad med pa dag kyang theg pa gsum gyis sdug bsngal thams cad spong zhing nges par 'byung bar byed par 'gyur ro// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i gnas kyi mtshan nyid gang lags/ bcom ldan 'das kyis bka' stsal pa/ rigs kyi
- 240a
bu byang chub sems dpa' rnams kyi theg pa chen po'i phyir/ theg pa chen po la dad pa'i sems can ci thams cad kyis gnas so// de ci'i phyir zhe na/ 'di ltar theg pa chen po bstan pa sems can thams cad la phan pa dang / bde ba'i thabs kyis rab tu phye ba de la dmigs nas/ byang chub sems dpa' theg pa chen po'i phyir/ theg pa chen po la dad pa skyes so// de lta bas na byang chub sems dpa' de bstan pa la dad pas/ gang bsten pa de la dga' ba gnas pa rgyu des/ byang chub sems dpa' theg pa chen po'i phyir/ theg pa chen po la dad pa ni sems can thams cad kyi phan pa dang bde ba'i gnas su rigs par byo'o// rigs kyi bu byang chub sems na po'i phyir/ dpa' sems dpa' chen po theg pa chen po la sems can thams cad la phan pa dang / bde ba byung ba de lta pha ma dang / bu dang mdza' bo dang rtsa lag dang / gnyen gyi tsho gas dang / gnyen gyi tshogs la phan pa dang / bde ba 'byung ba ma yin no// de che ci'i phyir zhe na/ pham la stsogs pa gnyen 'dab kyi tshogs de ni/ gnyen 'dab kyi tshogs phan pa ma yin pa la phan par 'du shes shing / phan pa la ni phan pa ma yin par 'du shes pa yin/ bde ba ma yin pa la bde bar 'du shes shing / bde ba la ni bde ba ma yin par 'du shes pa yin no// phan pa dang bde ba gnyis ka la yang phyin ci log tu gyur pas phan pa ma yi//
- 240b
pa la phan par bsgrub cing / phan pa la ni phan par yin par bsgrub pa yin/ bde ba ma yin pa la bde bar sgrub cing / bde ba la ni bde ba ma yin par sgrub pa yin no// byang chub sems dpa' ni theg pa chen po la dad pa brten nas/ gnyen lta bu'i sems can thams cad dam pa'i chos ston pas/ sems can de dag phan pa la'ang 'du shes shing phan pa ma yin pa 'ang phan pa ma yin par 'du shes pa yin/ bde ba la 'ang bde bar 'du shes shing / sdug bsngal ba'ang sdug bsngal du 'du shes pa yin no// de ltar phan pa dang bde ba la ni phyin ci ma log pa blo dang ldan pas phan pa gang yin pa de ni sgrub pa yin no// gang phan pa ma yin pa de ni mi sgrub po// bde ba gang yin pa de sgrub po// sdug bsngal gang yin pa de ni ma sgrub po// de lta bas na byang chub sems pa'i theg pa chen po la dad pa ni/ sems can thams cad la phan pa dang / bde ba'i gnas yin pas 'jig rten tham cad las khyad par du 'phags pa yin no// rigs kyi bu 'jig rten pa rnams las khyad par 'phags par yang ma zad do// 'jig rten las 'das pa rnams las kyang khyad par du 'phags pa yin no// de ci'i phyir zhe na/ 'di ltar nyan thos dang / rang sangs rgyas ni byang chub sems dpa'i rjes su 'jug cing sems can rnams la phan pa dang / bde ba byed kyi rang gi snying rje ni ma yin te/ shin tu bde ba yang ma yin no// byang chub sems dpa' rnams kyi theg pa chen po'i phyir/ theg pa chen po la dad pa sems can thams
- 241a
cad la phan pa dang / bde ba'i gnas gang yin pa de ni rang gi snying rje shin tu byas pa yin te/ bya dka' ba la tshad med pa la ji mi snyam pas 'jug go// de lta bas na byang chub sems dpa' rnams kyi phan pa dang / bde ba'i gnas ni 'jig rten las 'das pa'i phan pa dang / bde ba gnas pa dang / 'jig rten pa rnams las kyang khyad par du 'phags pa yin te/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i gnas kyi mtshan nyid du rig par bya'o// gsol pa/ bcom ldan 'das byang chub sems dpa' sems dpa' chen po rnams kyi theg pa chen po'i phyir/ theg pa chen po la dad pa'i yang dag pas 'das pa'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa ni ngan 'gro'i sems can dmyal ba dang / dud 'gro dang / yi dgas thams cad las yang dag par 'das pa yin no// byang chub sems dpa' dad pa thabs chen gyis gsol pa/ bcom ldan 'das sa las zhugs pa las/ ring du gnas pa las dang po pa mos pa las zhugs pa'i byang chub sems dpa' rnams kyi ngan 'gro thams cad las yang dag par 'das par gyur pa ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' sa la zhugs pa rnams nyid kyi theg
- 241b
pa chen po'i phyir/ theg pa chen po la dad pa thob pas ngan 'gro las yang dag par 'das par 'gyur zhing / bde 'gro'i rkyen cig nas cig tu rgyud pa thob pa yin gyi thob pa'i byang chub sems dpa' rnams kyi theg pa chen po'i phyir/ theg pa chen po la dad pa thob pas kyang ngan 'gro las yang dag par 'das par rig par bya'o// rigs kyi bu 'di ltar theg pa chen po'i phyir/ theg pa chen po la dad pa thob pa'i byang chub sems dpa' ni cig nas cig tu rgyud pas/ dus ring po nas tshe rabs thams cad du sangs rgyas dang chub chub sems dpa' rnams dang / 'grogs pa thob po// de bas na dam chos mnyan pa dang / tshul bzhin du yid la byed pa'i rjes su 'gro ba'i yang dag pa'i nan tan la zhugs pa'i byang chub sems dpa' rgyun gyi tshogs yongs su rdzogs par rgyur/ der skye bar 'gyur te/ rigs kyi bu rnam grangs 'dis ni/ byang chub sems dpa' bde 'gro thams cad las kyang yang dag 'das par 'gyur ba yin na/ ngan 'gro las lta smos kyang ci dgos/ gsol pa/ bcom ldan 'das byang chub sems dpa' ngan 'gro ba las yang dag par 'das pa nyid ces bgyi/ ci bde ba las yang dag par 'das pa zhes mi bgyi 'am/ bcom ldan 'das kyis bka' stsal pa/ rigs kyi bu byang chub sems dpa' theg pa chen po la dad pa thob pa kha cig ce ni bde 'gro las kyang yang
- 242a
dag par 'das par rig par bya'o// 'di ltar theg pa chen po la dad pa'i byang chub sems dpa' las nyon mongs pa dang / las kyis rang gi dbang gis skye ba gang yin pa dang / seMs can gyi don chung ngu'i don gyis skye ba gang yin pa de dag las kyang rim gyis yang dag par 'da'o// de lta mod kyi 'on kyang rigs kyi bu rnam grangs 'dis na/ byang chub sems dpa'i bde 'gro yang ngan 'gro yin na/ ngan 'gro yang bde 'gro yin par rig par bya'o// de ci'i phyir zhe na/ rigs kyi bu byang chub sems dpa'i gzhan gyi dbang gang yin pa dang / don chung ngu'i bden pa gang yin pa de ni/ ngan 'gro yin no// smon lam gyi dbang gis snying rjes chen po sngon du 'gro ba'i sems kyis sems can 'dul ba'i phyir/ byang chub sems dpa'i sems can dmyal ba dang / dud 'gro dang / yi dgas rnams su skye ba gang yin pa de ni de'i bde 'gro rig bar bya'o// gsol pa/ bcom ldan 'das ci lags/ byang chub sems dpa' smon lam gyis/ sems can dmyal ba dang / dud 'gro dang / yi dgas su skye ba yang de bzhin du sdug bsngal ba 'am/ rmongs lags sam/ bka' stsal pa/ rigs kyi bu de ni ma yin te/ de ltar mi lta'o// byang chub sems dpa' smon lam gyi dbang gi ngan 'gro rnams su bsam gtan bzhi'i bde ba las shin tu 'das nas bde ba dang ldan par gnas te/ 'jig rten pa thams cad dang / 'jig rten las 'das pa dman pa'i
- 242b
shes rab las kyang shin tu 'das nas shes rab kyi rgyu la 'jug go/ de bas na sems can gyi don la brtson par rig par bya'o// ngas de las dgongs te/ sems can rnams kyi rgyud kyang bsam gyi mi khyab na/ byang chub sems dpa' rnams kyi lta smos kyang ci dgos zhes gsungs so// rigs kyi bu 'di ni/ byang chub sems dpa' rnams kyi theg pa chen po'i phyir/ theg pa chen po la dad pa'i yang dag par 'da' ba'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po la dad pa de ni/ sangs rgyas kyi chos tshad med pa thams cad kyi sa bon yin par sangs gyis kyi chos thams cad kyi rtsa ba nyid du rig par bya'o// de ci'i phyir zhe na/ sangs rgyas kyi chos sna tshogs tshad med pa ji nyid zlog pa chen po la snang ba dang / rab tu phye ba de dag theg pa chen po dad pa thob pa'i byang chub sems dpa' nyan te/ kun tu 'dzin to// dmig pa des dad pa bskyed / de la byang chub sems dpa' de'i dang skyid pa'i dmigs pa ji snyed par sa bon yongs su 'dzin pa dang / sa bon la stsogs pa yang de snyed du gnas so// de bas na byang chub sems dpa' rnams kyi theg pa chen po la dad pa de ni/ sangs rgyas kyi chos tshad med pa thams cad kyi rtsa ba zhes bya ste/ rigs kyi bu 'di ni byang chub sems dpa' rnams
- 243a
kyi theg pa chen po'i phyir/ theg pa chen po la dad pa'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' theg pa chen po'i phyir/ theg pa chen po la dad pa skyes nas 'di lta ste/ ser sna'i sems yongs su spong zhing dang du mi len pa'i sbed pa dang / ngan pa'i ngang tshul gyi mtshan ma yongs su spong zhing dang du mi len pas sbed pa dang / khro ba'i mtshan ma yongs su spong zhing dang du mi len pas sbed pa dang / le lo'i mtshan ma yongs su spong zhing dang du mi lan pas sbed pa dang / rnam par g.yeng ba'i mtshan pa yongs su spong zhing dang du mi len pas sbed pa dang / 'chal pa'i shes rab mtshan ma yongs su spong zhing dang du mi len pa sbed pa'i phyir/ nyon mongs pa dang / nye ba'i nyon mongs pa dang / phyir rgol ba'i kun tu rgyu ba thams cad las sems shin tu bsrung zhing shin tu sbed par byed do// rigs kyi bu 'di lta ste/ dper na skyes bu zhig lus mi smos par bya ba'i phyir/ go cha bzang po bgos pa ni go chas bza bsrungs shing / go cha sbas pa'i phyir dgra tha cad kyis mi tshugs so// rigs kyi bu de bzhin du theg pa chen po'i phyir/ theg pa chen po la dad pa'i byang chub kyi sems kyi go cha bgos shing / nges legs par
- 243b
srung shing legs par btsas pa ni nyon mongs pa dang / sgrib pa'i dgra thams cad 'jigs par mi 'gyur te/ rigs kyi bu 'di byang chub sems dpa' rnams kyi theg pa chen po'i phyir/ the pa chen po la dad pa sbed pa'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po dang pa rjes su 'brel pa'i mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' theg pa chen po'i phyir/ theg pa chen po la dad pa lta ba'i bag chags/ byang chub sems dpa'i gnas la rjes su 'breng ba de ni 'di ltar rjes su 'breng ste/ 'di lta ste/ 'gro 'am 'dug gam/ nyal lam ma nyam lam/ gnyid kyis log gam/ ra ro'am/ myos kyang rung ste/ rtag tu theg pa chen po la dad pa de dang ldan par 'gyur ro// byang chub sems dpa' tshe rabs gzhan du rjes te/ theg pa chen po la dad pa de brjod du zin kyang dman pa bskal pa mi mnyam pa'i sems bskyed pa'i tshul can ma yin pas bshes gnyen ngan pa nyan thos dang / rang sangs rgyas dang 'dre bas kyang 'phrogs par mi 'gyur na/ gzhan du mu stegs can gyis lta ga la 'phrogs par 'gyur/ theg pa chen po'i phyir/ theg pa chen po la dad pa'i rkyen chu du zhig rnyed pas kyang myur ba dang / shas che ba dang / rgyun gyis theg pa chen po'i phyir/ theg pa chen po la dad pa skyed do// de'i phyir theg pa chen
- 244a
po'i phyir/ theg pa chen po la dad pa'i bag chags rjes su 'brel pa de yang tshe rabs tshe rabs su rnam par 'brel te/ bla na med pa yang dag par rdzogs pa'i byang chub bar du 'gyur ro// rigs kyi bu 'di ni byang chub sems dpa'i theg pa chen po'i phyir/ theg pa chen po'i la dad pa'i rjes su 'brel pa'i mtshan nyid do// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa'i rgyun gyi mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' theg pa chen po'i phyir/ theg pa chen po la dad pa thob pa ni dad pa'i shugs de dag gis rtse zhing dus dus su theg pa chen po'i chos klog go/ 'don to// nyan to// kha ton byed do// gzhan dag la yang rab tu ston to// tshul bzhin sems so// bsgom pa'i rnam pas sbyor ro// rigs kyi bu thos pa dang / sems dpa' dang / bsgom pa de dang de la de ltar sbyor ba'i byang chub sems dpa' ni 'bras bu yod par 'chi ba'i dus bya ba'i phyir/ kun tu sbyor ba'i tshul gyis theg pa chen po la dad pa'i rgyun rab tu 'jug go// rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i rgyun gyi mtshan nyid do// gsol pa/ bcom ldan 'das byang chub sems dpa' rnams kyi theg pa chen phyir/ theg pa chen po la dad pa'i yongs su grub pa'i mtshan
- 244b
nyid gang lags/ bka' stsal pa/ rigs kyi bu byang chub sems dpa' rnams kyi theg blo'i phyir/ theg pa che po la dad pa yongs su grub pa'i rnam pa bzhir rig par bya/ ste/ skye ba mchog dang / tshad mchog dang / phan pa mchog dang / 'gyod pa med pa mchog go/ rigs kyi bu 'di ltar phyi rol pa 'jig rten pa rnams kyi rang gi gtsug lag la dad pa gang yin pa de yang dad pa nyid du rig par bya'o// nyan thos dang / rang sangs rgyas rnams kyi bstan pa la dad pa gang yin pa de ni/ bdag la phan pa gtso bor byas chung zhing yongs su ma rdzogs pa'i phyir/ byang chub sems dpa'i dad pa'i mtshan nyid dang bral ba'o// 'di ltar nyan thos rnams ni ji ltar bcom ldan 'das de ni bdag la phan mdzad cing / gces spras mdzad pa ste/ bcom ldan 'das de ni bdag gi sdug bsngal gyi chos mang po rnams sel ba/ bcom ldan 'ad de ni bdag la bde ba'i chos mang po sgrub pa/ bcom ldan 'das de ni bdag gi sdig pa mi dge ba'i chos rnam pa du ma sel ba/ bcom ldan 'das de ni bdag la dge ba'i chos rnam pa du ma sgrub pa'o// zhes bdag la phan par gtso bor byed pas/ sangs rgyas la dad pa bskyed do// byang chub sems dpa' ni de ltar dad pa bskyed pa ma yin te/ sems can thams cad la phan pa dang bde bar gtso bor byas te/ byang chub sems dpa' sangs rgyas la dad pa bskyed do// de lta bas na rigs kyi bu nyid kyis byang chub sems dpa' rnams kyi theg pa chen po'i phyir/ theg pa
- 245a
chen po la dad pa ni rgya che ba'o// rgya che ba'i phyir mchog go// mchog gi phyir yongs su grub pa'o// gzhan yang byang chub sems dpa' rnams kyi theg pa chen po'i dad pa ni/ sems can thams cad la phan par gyur pa yin te/ de lta bas na yang yongs su grub pa'o// gzhan yang byang chub sems dpa' rnams kyi theg pa chen po'i phyir/ theg pa chen po la dad pa ni sangs rgyas kyi chos tshad med pa/ zad mi shes pa yang dag par 'grub par 'gyur te/ de lta bas na yang yongs su 'grub pa rig par bya ste/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa yongs su grub pa'i mtshan nyid do// rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa'i mtshan nyid rnam pa bcu gcig po thams cad bsdus pa'i mtshan nyid du rigs par bya'o// mtshan nyid rab tu dbye ba'i le'u zhes bya ste// dang po'o// // de nas bcom ldan 'das la byang chub sems dpa' dad pa thabs mtshan gyis 'di skad ces gsol to// bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa skye ba gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir/ theg pa chen po la dad pa skye ba de yang rnam pa bcug
- 245b
tu rig par bya'o// 'di lta ste rgyu las skye ba dang / grogs las skye ba dang / yid la byed pa las skye ba dang / spyod pa las skye ba dang / 'dris pa las skye ba dang / yongs su mi skyo ba las skye ba dang / yongs su bskang ba las skye ba dang / gnas pa las skye ba dang / ting nge 'dzin las skye ba dang / rab tu dbyen pa las skye ba dang / ston pa tshad mar byas pa las skye'o/ gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa rgyu las skye gang legs/ bcom ldan 'das kyis bka' stsal pa/ rig kyi bu byang chub sems dpa' thog ma'i gnas nyid nas/ theg pa chen po'i chos dkar po'i sa bon dang ldan pa yin te/ de thog ma nas dkar po la 'dris pa'i stobs rang bzhin nyid kyis snying rje dang rab tu ldan pa'i theg pa chen po'i chos bstan pa la 'dod pa yang dag par gnas so// de 'dod pa sngon du 'gro bas dad pa skye'o// rang bzhin gyis zabs cing rgya che ba dang / rab tu ldan pa theg pa chen po'i chos bstan pa la mos pas/ 'dod pa yang dag par gnas te/ de las de'i dad pa skye'o// de ltar byang chub sems dpa'i rang bzhin nyid kyis dga' ba spyod pa dang rab tu ldan pa'i theg pa chen po'i chos bstan pa la bzod pa yang dag par gnas te/ des de'i dang skye'o// rang bzhin nyid kyis byin pa dang / rab tu ldan pa'i theg pa chen po'i chos bstan pa la yang dag par gnas te/ des de'i dad pa skye'i/ rang bzhin gyis rdul khrims dang rab tu ldan pa dang / brtson 'grus dang rab tu ldan pa dang / bas
- 246a
gtan dang rab tu ldan pa dang / shes rab dang rab tu ldan pa'i theg pa chen po'i chos bstan pa la mos pa yang dag par gnas te/ des de'i dad pa skye'o// rigs kyi bu byang chub sems dpa'i theg pa chen po'i phyir/ theg pa chen po la dad pa la rgyu las byung ba ni de lta bu'i tshul can du rig par bya'o// byang chub sems dpa' dad pa thabs chen gyis gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa grogs las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' ni dge ba'i bshes gnyen byang chub sems dpa' nyid 'di lta ste/ lung dang thob pa phun sum tshogs pa rab tu zhi ba dang / tshul khrims dang / bslab pa dang / spyod lam dang / spyod pa phun sum tshogs pa dang / ngag rnam par dag pa phun sum tshogs pa zing zing med pa'i sems dang / yongs su mi skyol ba'i phun sum tshogs pa rnyed nas/ mthu kun tu bstan pa 'am/ theg pa chen po'i chos ma nor bar rigs pas yang dag par bstan pa 'am/ rtag par rgyun du 'gro zhing / snyan par brjod pas thabs kyis stobs spyod pa 'dres pas/ byang chub sems dpa'i theg pa chen po'i phyir/ theg pa chen po la dad pa bskyed de/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa grogs las skye bar rig par bya ste/ gsol pa/ ba
- 246b
ldan 'das byang chub sems dpa'i theg pa chen po'i phyir/ theg pa chen po la dad pa yid la bgyid pa la skye ba gang lags/ bcom ldan 'das kyis bka' stsal pa/ rigs kyi bu byang chub sems dpa' sgra ji bzhin du/ rdul bzhin du ma yin par chos rab tu rnam par 'byed pa ni/ theg pa chen po la dad pa skye ba'i gnas ma yin no// sgra ji bzhin du ma yin gyi dgongs pa las byung ba'i don tshul bzhin yid la byed pa ni/ theg pa chen po la dad pa skye ba'i gnas yin no// rigs kyi bu 'di ltar byang chub sems dpa' sgra ji bzhin du/ tshul bzhin ma yin par chos rnam par rab tu 'byed pa la yang dag par ma yin pa'i lta ba nyi shu rtsa brgyad byung ngo // 'di lta ste/ mtshan mar lta ba dang / lta ba la lta ba ma yin/ par lta ba dang / tha snyad la bkur ba 'debs pa'i lta ba dang / kun nas nyon mongs pa la bskur pa 'debs pa'i lta ba dang / de kho na skur pa 'debs pa'i lta ba dang / sbyor ba sel ba'i lta ba dang / yongs su 'dzin pa'i lta ba dang / myur ba'i lta ba dang / nges par 'byung ba ma yin pa'i lta ba dang / kha na ma tho ba med par lta ba dang / 'brang bar lta ba dang / sgrib pa la stsogs pa'i lta ba dang / bstas pa'i lta ba dang / rab tu 'khrugs pa'i lta ba dang / bsod nams ma yin pa 'phel ba'i lta ba dang / log par lta ba dang ngal ba 'bras bu med pa'i lta ba dang / 'phel bar lta ba dang / sru ba'i lte ba dang / khas mi len par lta ba dang / g.yo ba'i lta ba dang / chad pas pa
- 247a
bkur sti byed par lta ba dang / pa'i lta ba dang / bkur sti byed pa'i lta ba dang / rmongs pa brtan pa'i lta ba dang / mi smra ba'i lta ba dang / lta ba chen po dang / mngon pa'i nga rgyal gyi lta ba'o// rigs kyi bu mtshan ma lta ba gang zhe na/ gang ngos 'dus pa las byung ba'i ngo bo nyid las dgongs te/ chos rnams med do zhes bstan pa de la/ sgra ji bzhin du mngon par zhen nas/ kun nas nyon mongs pa las byung ba'i chos rnams dang / rnam par byang ba las byung ba'i chos rnams la mngon par zhen cing med pa nyid du mtshan mar gzung ba med pas lta bar 'gyur te/ de'i phyir mtshan mar lta ba zhes bya'o// de la lta ba la lta ba ma yin par lta ba de la byang chub sems dpa' de sgra ji bzhin du mngon par zhen pas/ lta ba ma yin par 'du shes par 'gyur/ gang med par lta ba de ni de'i lta ba chen po ste/ de'i phyir lta ba la lta ba ma yin par lta ba zhes bya'o// de la tha snyad la bkur pa 'debs pa zhes pa'i kun nas nyon mongs pa la/ bkur 'debs pa'i lta ba dang / de kho na la skur pa 'debs pa'i lta ba ni mtshan mar lta ba de thams cad la bskur pa btab pas/ tha snyad la skur pa 'debs pa'i lta ba la yang mngon par zhen na/ kun nas nyon mongs pa la skur pa 'debs pa'i lta ba la yang mngon par zhen te/ de kho na la skur pa 'deb pa'i lta ba la mngon par zhen te/ de'i phyir tha snyad la skur pa 'debs pa'i lta ba zhes kyang bya/ kun nas nyon mongs pa la skur pa 'debs pa'i lta ba zhes kyang bya/ de kho na la
- 247b
skur pa 'debs pa'i lta ba zhes kyang bya'o// de la sbyor ba sel ba'i lta ba ni skur pa 'debs pa'i lta ba can de nyid khong du rab tu 'byed pa la sbyor ba sel bar byed pa ste/ de na khyad par du 'gro ba las yongs su nyams so// de la yongs su 'dzin pa'i lta ba ni/ lta ba la lta ba ma yin par lta ba dang / skur pa 'debs pa'i lta ba dang / sbyor ba sel ba'i lta ba can de nyid gzhan dag dang / chos kyi mtshan nyid rnam par gdon mi za bar byed pa na/ med pa'i phyogs de nyid yongs su 'dzin te/ de'i phyir yongs su 'dzin pa'i lha ba zhes bya ste/ de la rgyur ba'i lta ba ni gal te theg pa chen po'i mdo sde'i don brjod cing / chos 'di dag thams cad ni med pa'i don du mngon par smra'o zhes don de dag med par lta ba nyid la sgyur ba ste/ de'i phyir sbyar ba'i lta ba zhes bya'o// de la nges par 'byung ba ma yin pa'i lta ba ni/ rigs kyi bu bdag dang gzhan yongs su 'dzin pa'i lta ba gang yin pa dang / sgyur ba'i lta ba gang yin pa la rten pas theg pa dma' bas kyang rdzogs pa'i byang chub tu nges par mi 'byung na/ bla na med pa yang dag par rdzogs pa'i byang chub tu lta ci smos/ de'i phyir nges pa 'byung ba ma yin pa'i lta ba zhes bya'o// de la kha na ma tho ba med par lta ba ni de med pa'i mtshan ma la lta bar gyur na/ 'di ltar gang lta ba 'di dang ldan/ de gang cung zad 'khrul pa nges byang la spyod kyang byang chub sems dpa' de thams cad kha na ma tho ba med par 'gyur ro snyam du lta bar 'gyur to// de'i phyir kha na ma tho ba med par lta bar 'gyur te/ de la 'byur ba/
- 248a
lta ba ni/ gang med pa'i mtshan mar lta ba ni/ byang chub sems dpa' de 'di snyam du sems te/ med pa'i mtshan mar lta ba 'di ni nyes kyi kha na ma tho ba thams cad kyi 'byung ba'o snyam du sems la de ni 'byung ba yin te/ de'i phyir 'byung bar lta ba zhes bya'o// de la sgrib pa stsogs pa'i lta ba ni kha na ma tho ba med par lta ba dang / 'byung bar lta ba nyid de/ sgrib pa'i rgyu la de'i gnyen po yin pa'i de'i bla 'byung ba'i phyir/ 'byung ba lta ba nyid do// de la bsnyam pa'i lta ba gang med pa mtshan ma lta ba'i byang chub sems dpa' de nyan thos theg pa brnyas pa'i sems skyed de/ chos 'di dag ni byang chub pa'i phyir/ byang chub sems dpas chos de dag goms pa mi bya/ byang chub sems dpas chos de dag mkhas par mi bya'i/ byang chub sems dpa' chos de dag ring du yongs su spang bar bya'o snyam ste/ de'i phyir rnyas pa'i lta ba zhes bya'o// de rab tu 'khrugs pa'i lta ba ni gang med pa'i mtshan ma la lta ba'i byang chub sems dpa' de nyan thos kyi theg pa'i gang zag de la khong khro ba'i sems skyed de/ 'di dag dang lhan cig gnas par mi bya/ smra ba dang / kun smra ba dang / kun brjod pa dang / chos gos la stsogs pa kun nas su spyad par mi bya'o snyam ste/ de'i phyir 'khrugs pa'i lta ba zhi bya'o// de la bsod nams ma yin phel ba'i lta ba ni brnyas pa'i lto ba dang / rab tu 'khrugs pa'i lta ba can gyi byang chub sems dpa'
- 248b
de nyid bsod nams ma yin pa mang du bskyed de/ de'i phyir bsod nams ma yin pa'i 'phel ba'i lta ba zhes bya'o// de la log par lta ba ni gang med pa'i mtshan ma la lta/ ba'i byang chub sems dpa' de stong pa nyid mi rtog/ mtshan ma med pa la mtshan ma med par mi rtog/ smon pa med pa la smon pa med par mi rtog/ de na de la bsgom pa'i phyir/ ting nge 'dzin rnam pa gsum po 'di mi sgrub ste/ de'i phyir log par lta ba zhes bya'o// de la ngal ba 'bras bu med pa'i lta ba ni/ gang log par lta ba'i byang chub sems dpa' ting nge 'dzin bsgom pa'i ngal ba 'bras bu med par 'gyur te/ de'i phyir ngal ba 'bras bu med pa'i lta ba zhes bya'o// de la 'phel bar lta ba ni/ gang med pa'i mtshan ma lta bI byang chub sem dpa' de 'di ltar byang chub sems dpa de bdag dang skye bo'i tshogs chen po lta ba 'di la 'dzud cing / skye bo'i tshogs chen po dad pa byed pa de bsod nams mang du bskyed de/ snyam du lta bar 'gyur te/ de'i phyir 'phel bar lta ba zhes bya'o// de la slu ba'i lta ba ni/ gang 'phel bar lta ba'i byang chub sems dpa' de bdag dang gzhan la bsod nams bsam pas bsod nams 'gyur te/ de'i phyir bslus pa'i lta ba zhes bya'o// de la khas mi len par lta ba gang med pa'i mtshan ma lta ba'i byang chub sems dpa' de 'di snyam du sems te/ chos thams cad med pa nyid 'di la gzhan dang brtsod par gyur na/ bdag gi chos gang yang khas mi blang ste/ bdag gis ma bzung ba
- 249a
'ba' zhig tu bya'o snyam mo// de'i phyir mi ldan par lta ba zhes bya'o// de la g.yo ba'i lta ba ni/ gang med pa'i mtshan ma la lta ba'i byang chub sems dpa' de nyid phyogs khas mi len pa/ sgra ji bzhin du med pa de rnam par 'jog pa na bzab bzungs dang / lhag chod kyi sbyor ba ni g.yo smra ba zhes bya ste/ de'i phyir g.yo'i lta ba zhes bya'o// de chad pas bcad pa'i lta ba ni byang chub sems dpa' gang khas mi len par lta ba dang / g.yo ba'i lta ba de nyid smra ba de nyid snying po med pa'i phyir// mkhas pa rnams kyis dus thams cad du chad pas bcad 'gyur te/ de'i phyir chad pas bcad pa'i lta ba zhes bya'o// de la bkur sti byed par lta ba ni/ gang med pa'i mtshan ma la lta ba'i byang chub sems dpa' de nyid 'di ltar gang de bzhin gshegs pas gsungs pa'i lta ba de lta bu 'di dag la sten pa de ni/ ston pa la sti stang du byed/ bla mar byed/ ri mor byed pa yin par lta ba de ni rim gro byed pa ma yin/ de'i phyir bkur sti byed par lta ba zhes bya'o// de la bkur ba'i lta ba ni/ gang bkur sti byed par lta ba'i byang chub sems dpa' sems dpa' chen po de nyid de bzhin gshegs pa la bkur bar byed de/ sti stang mi byed pa 'ba' zhig ni ma yin no// de'i phyir bkur ba'i lta ba zhes bya'o// de la rmongs pa bstan pa'i lta ba ni/ gang med pa'i mtshan ma la lta ba'i byang chub sems dpa' de sgra ji bzhin du mngon par zhen pa phyir ci ma log par lta ba'i byang
- 249b
byang chub sems dpa' gzhan dag gis rigs pa bstan cing rnam pa du mar bzlog par byas kyang / lta ba de las bskyod par mi nus te/ de'i phyir rmongs pa brtan pa'i lta ba zhes bya'o// de la mi smra ba'i lta ba ni/ nyon mongs pa bstan pa'i lta ba can gyi byang chub sems dpa' de nyid mi smra ba'i lta ba zhes bya'o// de la lta ba chen po ni lta ba nyi shu rtsa drug po dag thams cad la lta ba chen po zhes bya'o// de ci'i phyir zhe na/ lta ba 'di ji lta ba bzhin du 'jig tshogs la lta ba'i rtsa ba las byung bar gyur pa drug bcu rtsa gnyis ni de ltar kha na ma tho ba che ba yin te/ de'i phyir lta ba chen po zhes bya'o// ji ltar byang chub sems dpa' chos ma yin pa la chos su 'du shes shing / don ma yin pa don du 'du shes nas/ de lta ba med par lta ba yongs su brjod pas dus tshad med par las kyi sgrib pa yongs su chos kyis 'phongs par 'gyur ba'i las kyis 'jig rten kun tu sbyor ba ltar/ 'jig rten la lta ba'i rtsa ba las byung ba'i lta bar gyur pa rnams ni/ de ltar chos kyis 'phongs par 'gyur ba'i las kyis 'jig rten kun tu sbyor ba ma yin no// de la mngon pa'i nga rgyal gyi lta ba ni/ lta ba chen po 'di mngon pa'i nga rgyal gyi lta ba zhes bya'o// theg pa chen po'i chos kyi don la sgra ji bzhin du mngon par rlom sems su byed pas/ log par lta ba 'byung ba ni/ de'i phyir mngon pa'i nga rgyal gyi lta ba zhes bya'o// 'di la byang chub sems dpa' theg pa chen po la sgra ji bzhin du ma yin par dgongs pa las 'byung ba'i don la tshul bzhin du so sor rtog pa las ni/ 'phags pa'i lha
- 250a
pa rnams med par yang lta ba 'di dag mi 'byung ste/ theg pa chen po la dad cing yid la mngon du sbyar ro// de'i tshul bzhin yid byed pa'i rjes su 'gro ba'i theg pa chen po'i phyir/ theg pa chen po la dad pa skye ba ni don chen po yin no// chos la yang chos su 'du shes shing / don la yang don du 'du shes pa yin te/ 'di ni byang chub sems dpa'i theg pa chen po'i phyir/ theg pa chen po la dad pa yid la byed pa las skye'o// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa spyod pa las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' sa ji lta ji lta bur theg pa chen po'i chos bris nas bcang ba dang / dran par byed pa dang / mchod pa dang / gzhan dag 'gyed par byed pa dang / klog pa dang / nyan pa dang / 'don pa dang kha ton byed pa dang / gzhan dag la yang rgya cher rab tu ston pa dang / tshul bzhin du sems pa dang / de ji lta ji lta bur bsgom pa'i rnam pa rab tu sbyor zhing / de lta de ltar sbyor ba de tsam du 'di lta ste/ sngon ma thos pa dang / sngon de thos pa brtan par bya ba'i phyir gus pa'i dad pa sgo mang po nas skyes te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa spyod pa las skye ba'o//
- 250b
gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa 'dris pa las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i theg pa chen po'i phyir/ theg pa chen po la dad pa'i de ltar mang du byed pa'i theg pa chen po'i phyir/ theg pa chen po la dad pa chung ngu la brten nas/ 'bring thob par 'gyur/ theg pa chen po'i phyir/ theg pa chen po la dad pa 'bring la brten nas/ chen po thob par 'gyur te/ dad pa des dad pa shas chen po thob nas/ dad pa mang du gnas pa ni/ rigs kyi bu byang chub sems dpa' theg pa chen po'i phyir/ theg pa chen po la dad pa'i dris pa las skye ba'o// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa yongs mi skyo ba gang lags/ btso ldan 'das kyis bka' stsal pa/ rigs kyi bu byang chub sems dpa' de ltar dad pa shas chen po rnyed nas yongs su skyo bar mi 'gyur te/ rgyun mi 'chad par dge ba'i phyogs 'dus pa'i bar du yongs su mi skyo// 'khor ba'i sdug bsngal gyis phyogs su mi skyo// sems can log par zhugs pa'i thams cad kyis mi skyo// byang chub sems dpa'i dka' ba spod pas yongs su mi sko'o// de de ltar yongs su mi skyo bas sangs rgyas dang / byang chub sems dpa' dang / dge ba'i bshes gnyen rnams
- 251a
mnyes par byed de/ theg pa chen po la dad pa'i rkyen kyang rnyed do// de phyir theg pa chen po la dad pa rnyed cing sbyor rgyun mi gcod ste/ sbyor ba/ ma btang ba yin no// de na rgyun mi chad par theg pa chen po'i phyir/ theg pa chen po la dad pa 'jug ste/ rigs kyi bu 'di byang chub sems dpa'i theg pa chen po'i phyir/ theg pa chen po la dad pa yongs su mi skyo ba las skye ba'o// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa yongs su bskang ba las skye ba gang lags/ bcom ldan 'das kyis bka' stsal pa/ rigs kyi bu 'di ltar yongs su mi skyo bar sbyor ba'i byang chub sems dpa'i rgyun tu theg pa chen po la dad pa thob pas/ myur du bsod nams kyi tshogs dang ye shes kyi tshogs yongs su rdzogs par 'gyur ro// de'i bsod nams dang ye shes kyi tshogs yongs su rdzogs shing / dge ba'i rtsa bas legs par bstan pas theg pa chen po la dad pa skyed pas kyang theg pa chen po la dad pa'i rkyen chung ngus kyang theg pa chen po la dad pa rgya chen po bskyed na/ theg pa chen po la dad pa'i rkyen rgya chen pos lta ci smos te/ de nyin mo 'am/ mtshan mo 'am/ nyal lam/ mi nyal yang rung theg pa la dad pa'i shugs kyis don med par mi 'gyur te/ rigs kyi bu 'di ni byang chub sems dpa' theg pa chen po'i phyir/ theg pa chen po la dad pa'i yongasu
- 251b
bskang ba las skye ba'o// gsol pa/ bcom ldan 'das byang chub sems dpa'i theg pa chen po'i phyir/ theg pa chen po la dad pa gnas pa gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' 'di ltar bsod nams dang / ye shes kyi tshogs yongs su rdzogs pa ni myur ba myur bar theg pa chen po'i phyir/ theg pa chen po la dmigs nas dad pa dang / mchog du dga' ba las byung ba'i sems kyis ting nge 'dzin thob ste/ mnyam par bzhag pa'i sems des theg pa chen po'i chos yang dag pa ji lta ba bzhin du ston to// de'i phyir de ma log pa'i rnam pas dad pa skye zhing / theg pa chen po'i phyir de ma log pa'i rnam pas dad pa skye zhing theg pa chen po'i phyir/ theg pa chen po la dad pa ches khyad par du 'phags pa skye'o// byang chub sems dpa' de'i sems kyi ting nge 'dzin snga ma dang / lhag mthong de ni zhi gnas dang / lhag mthong gyi yongs su zin pa'i rnal 'byor gyis lam 'di la bsten nas/ rim gyis sangs rgyas kyi chos rnams yang dag par sgrub par 'gyur te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa gnas las skye'o// byang chub sems dpa' dad pa thabs chen gyis gsol pa/ bcom ldan 'das ci lags/ zhi gnas dang lhag mthong gyi lam 'di byang chub sems dpa' tshogs bsags pa rnams
- 252a
kyi lags sam/ 'on te tshogs ma bsags pa rnams kyi yang lags/ bcom ldan 'das kyis bka' stsal pa/ rigs kyi bu zhi gnas dang lhag mthong gi lam ni/ byang chub sems dpa' tshogs ma bsags pa rnams kyi yang yin par ngas bshad do// rigs bu 'di ltar sems mnyam par bzhag pa ni mngon par rtogs pa dang mthun pa'i byang chub sems dpa'i skyon med pa la 'jug pa'i phyogs kyis l+ya nye bar 'gyur te/ rigs kyi bu 'di ni byang chub sems dpa' theg pa chen po'i phyir/ theg pa chen po dad pa gnas las skye ba ste/ gnas ni ting nge 'dzin ces bya'o// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa cho ga gi shes pa las skye ba gang lags/ bcom ldan 'das kyis bka' stsal pa/ rigs kyi bu ting nge 'dzin thob pa'i byang chub sem dpa' zhi gnas dang / ting nge 'dzin gyi ro de tsam gyis chog par mi 'dzin gyi/ ting nge 'dzin de nyid la gnas nas/ theg pa chen po'i chos de dag la bgrang 'jal la/ spyod cing so sor rtog ste/ de la bgrang zhing 'jal ba spyod cing so sor rtog pa'i rnam pa'i lhag mthong rab tu skye de na lhag mthong dang lhan cig song ba'i rgyun nu bo ltar 'bab cing / rlabs 'byung ba mngon par rtogs pa dang mthun pa'i byang chub sems dpa'i skyon
- 252b
med pa la 'jug pa'i phyogs kyi mchog gis la 'jug pa rab tu 'dod do// shes rab la nye bar mi gnas na/ rigs kyi bu byang chub sems dpa'i theg pa chen po'i phyir/ theg pa chen po la dad pa ji ltar mi skye'o zhes nga smra'o// rigs kyi bu byang chub sems dpa' tshogs kyang / theg pa chen po'i chos nyan tam/ sems kyang rung ste/ zhi gnas dang lhag mthong la gnas pa dang / theg pa chen po'i phyir theg pa chen po la dad pa skye'o// sems rtse gcig tu mi byed cing theg pa chen po'i chos mi 'dzin na/ theg pa chen po la dad pa mi skye'i/ rigs kyi bu byang chub sems dpa' gang la la theg pa chen po'i phyir/ theg pa chen po la dad pa skye ba de thams cad ni mi g.yeng ba'i sems kyis/ chos kyi don la rtogs pa las skye ba rnam grangs 'dis de ltar rig par bya'o// gsol pa/ bcom ldan 'das tshogs bsags pa'i sa pa'i rnal 'byor gyi lam khyad par ci mchis/ bcom ldan 'das kyis bka' stsal pa/ rigs kyi bu tshogs ma bsags pa'i sa pa'i rnal 'byor gyi lam ni sa dang mi nye ba ste/ ji ltar chog bsags pa'i sa pa ltar de de ltar rdzogs pa ma yin no// rigs kyi bu tshogs ma bsags pa'i sa pa'i rnal 'byor gyi lam ni/ sa dang mi nye ba ste/ ji ltar tshogs bsag pa'i sa pa ltar de de ltar rdzogs pa ma yin no// rigs kyi bu byang chu sems dpa' tshogs bsags pa'i rnal 'byor gyi lam gang yin pa de ni/ sa la 'jug pa dang nye
- 253a
zhing rdzogs pa yin te/ rigs kyi bu 'di ni byang chub sems dpa'i theg pa chen po'i phyir/ theg pa chen po la dad pa cho ga ma shes pa las skye ba'o// gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po la dad pa rab tu dbyen pa las skye ba gang lags/ bcom ldan 'das kyis bka' stsal pa/ rigs kyi bu rdzogs pa'i rnal 'byor gyi lam thob pa'i byang chub sems dpa' ni khyim na gnas pa dang / rab tu byung ba rnams dang / 'dre zhing mi gnas kyi/ bas mthar gnas 'cha' zhing gnas te/ de dag na gcig pu rgyang bsrings te/ bag yod pa dang / rtun pa dang / rgyun tu gnas so/ de ltar rab tu dbyen par gnas pa de rnal 'byor gyi lam de nyid la gnas pas theg pa chen po'i chos rnams la yid byed pas/ bar chad med pa'i theg pa chen po'i phyir/ theg pa chen po la dad pa rab tu bskyed do// ji tsam du nyin mo dang / mtshan mo dang / de dag 'das pa dang / skad cig zang ci yud tsam de dang de dag 'das shing / byang chub kyi tshogs kyi chos khyad par du 'gro'o// de ltar rab tu dben pa'i rnal 'byor gyi lam la gnas nas/ rim gris bla na med pa yang dag par rdzogs pa'i byang chub mngon par rdzogs par 'tsha rgya bar 'gyur te/ de gong du thabs kyi khyad par gzhan brtsol bar bya ba med do// rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po
- 253b
la dad pa rab tu dbyen pa las skye'o// byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir/ theg pa chen po dad pa ston pa tshad mar bgyis pa las skye ba gang lags/ bcom ldan 'das kyis bka' stsal pa/ rigs kyi bu de ltar rab tu dbyen pa'i rnal 'byor gyi lam la gnas pa'i byang chu sems dpa' theg pa chen po'i chos rnams yid la byed pas/ gang theg pa chen po'i chos zab cing gsang ba blos mi chud pa de la ston pa nyid chad mar/ byas nas chos de dag la mos so// de ltar bzhin du rab tu rnam par 'byed pas/ bdag gang gi tshe ston pa la mos par ma gyur pa'i tshe/ bdag ston pas bshad pa'i chos rnams la mos par mi 'gyur te/ ston pa'i che ba nyid la mos pa shin tu ma rungs par ma byas par rig nas/ ston pa la mos pa 'jug pa theg pa chen po'i chos gsang ba dag la mos pa 'jug go// byang chub sems dpa' ji lta ji ltar khong du chud cing rtogs nas/ theg pa chen po'i chos zab cing gsang ba de dag la/ dad pa de ltar khong du chud cing ma rtogs kyang / byang chub sems dpa' mos pa'i sems bskyed pas/ chos de dag la dad pa thob ste/ rigs kyi bu 'di ni byang chub sems dpa' rnams theg pa chen po'i phyir/ theg pa chen po la dad pa ston pa tshad mar byas pa skye ba'o// byang chub sems dpa' dad pa thabs chen gyis gsol pa/ de ltar skye ba
- 254a
sna tshogs 'di dag gis theg pa chen po la dad pa thob pa'i byang chub sems dpa' sa theg pa chen pos chos gang yin pa bgyi te/ bla na med pa yang dag par rdzogs pa'i byang chub bsgrub par bgyi/ bcom ldan 'das kyis bka' stsal pa/ rigs kyi bu theg pa chen po la dad pa thob pa'i byang chub sems dpas dpag tu med pa bcu yid la byas nas/ bla na med pa yang dag par rdzogs pa'i byang chub sgrub par bya'o// bcu gang zhe na/ chos dpag tu med pa dang / zab pa dpag tu med pa dang / brjod pa dpag tu med pa dang / tshig rab tu 'byed pa dpag tu med pa dang / sems can dpag tu med pa dang / rjes su 'thun pa dpag tu med pa dang / thabs la mkhas pa dpag tu med pa dang / dkon mchog gi nyid dpag tu med pa dang / zhing dpag tu med pa dang / las dpag tu med pa'o// rigs kyis bu de la chos dpag tu med pa na/ gang mdo dang / dbyings kyis bskyed pa'i sde dang / lung bstan pa la stsogs pa bstan pa'i chos rnams kyi sde snod du gtogs pa dang / de'i yan lag tu gtogs pa rnams kyi chos dpag tu med pa'o// de zab pa dpag tu med pa'i gang theg pa chen po la gang zag la bdag med pa dang / chos bdag med pa dang / stong pa shes rab pa nyid dang / de bzhin nyid dang / yang dag pa'i mtha' dang / mtshan ma med pa dang / don dam pa dang / chos kyi dbyings kyi rnam
- 254b
grangs rnams kyis bstan pa tshad med pa dang / dgongs pa las byung ba dang / zag pa med pa dpag tu med pa bstan/ de la brjod pa dpag tu med pa ni/ rigs kyi bu brjod pa gang dang gang gis sems can dang / chos dang don rtogs par 'gyur ba/ tha na dud 'gro'i skye gnas su song ba'i sems can la yang ji tsam du tshig brjod pa de dang des don khong du chud par bya ba'i phyir/ de bzhin gshegs pa rnams kyis gsung ba brjod pa rnam pa dpag tu med pa brjod pa'o// rigs kyi bu de la tshig rab tu dbye ba dpag tu med pa ni/ rigs kyi bu sems can rnams 'dul ba'i dbang gi phyir/ de bzhin bshegs pa tshig rab tu dbye ba'i sgo mang po nye bar ston cing / don re re la yang tshig rab tu dbye ba tshad med pa dag gis rnam grangs su phye ste rab tu ston pa'o// de la sems can dpag tu med pa ni gang skye ba'i 'khor ba'i thog ma dang / tha ma med pa dang / kun tu rgyug pa dang / 'khor ba'i sdug bsngal gyi sngon gyi mtha' mi mngon pas sems can dpag tu med pa'o// de la rjes su bzung ba dpag tu med pa ni/ rigs kyi bu de bzhin gshegs pa 'di lta ste/ gnod pa las yongs su bskyab pa'i rjes su bzung ba dang / ngan song las yongs su skyab pa'i rjes su bzung ba dang / 'jig tshogs las yongs su sgrub pa'i rjes su bzung ba dang / theg pas yongs su bskyab pa'i rjes su bzung ba dang / rjes su bzung ba tshad med pas/ sems can tshad med pa dag la dus thams cad du nye bar gnas pa'o//
- 255a
ngan riza pa yang dag par ga pas / de la thabs mkhas pa dpag tu med pa ni/ thabs mkhas pa gang dang gang gis sems can tshad med dge 'dul bar 'gyur ba ste/ yang na bag med par yang dag par bskul bas sam/ yang na zhum pa gzeng bstod pas sam/ yang na yang dag par sgrub pa yang dag par dga' bar byas pas sam/ yang na tshig drag po sbyor bas sam/ yang na tshig 'jam po'i sbyor bas sam/ yang na bzo'i gnas dang / las kyi gnas kyi chos dang / 'thun pa nyid kun du bstan pas sem/ yang na rnam par dag par skye ba'i lus kun tu bstan pas sam/ yang na rdzu 'phrul rnam par 'phrul pa'i chos 'phrul kun tu bstan pas na/ yang na kun tu bstan pa'i cho 'phrul gyi sam/ yang na rjes su bstan pa'i cho 'phrul kun tu bstan pas sam/ de lta bu'i tshul gyi thabs la mkhas pa sbyor ba tshad med pa dag gis sems can tshad med pa 'dul lo/ ha rigs kyi bu de la dkon mchog che ba nyid dpag tu med pa dang / sangs rgyas dkon mchog gi che ba nyid dpag tu med pa dang / chos dkon mchog gi che ba nyid dpag du med pa dang / dge 'dun dkon mchog gi che ba nyid dpag tu med pa'o// de la sangs rgyas dkon mchog gi che ba nyid dpag tu med pa ni rnam pa bdun du khong du chud par byaste/ mngon par shes pa chen po brnyes pa'i phyir/ de bzhin gshegs pa chos thams cad la dbang sgyur ba dang / mi gnas pa'i mya ngan las 'das pa dang / rnam par grol ba'i/
- 255b
sku bsam gyis mi khyab pa dang / chos kyi sku rtag pa nyid kyi phyir/ de bzhin gshegs pa'i sku zad mi shes pa dang / nyon mongs pa dang / shes bya'i sgrib pa spangs pa dang / kha na ma tho ba med pa'i phyir/ de bzhin gshegs pa mchog tu kha na ma tho ba med pa dang / sangs rgyas kyi mdzad pa brtsams pa rgyun ma bcad pa'i phyir/ de bzhin gshegs pa'i lhun gyis grub pa dang / sangs rgyas kyi zhing yongs su dag pa dang / chos kyi longs spyod pa'i phyir/ de bzhin gshegs pa longs spyod che ba dang / 'jig rten gyi chos ma gos pa'i phyir/ de bzhin gshegs pa gos pa med pa dang / rtag tu rgyun mi chad pa sems can gyi khams tshad med pa yongs su smin par mdzad cing / rnam par grol ba mdzad pa'i phyir/ de bzhin gshegs pa'i don che ba'o// de la chos dkon mchog gi che ba nyid dpag tu med pa ni/ rigs kyi bu byang chub sems dpa' rnams kyi chos shes bya ba ni gang chos kyang ma yin la/ chos med pa yang ma yin pa dang / 'dod chags kyang ma yin la/ 'dod chags dang bral ba'ang ma yin pa dang / 'khor ba'ang ma yin la/ mya ngan las 'das pa'ang ma yin pa'o// byang chub sems dpa' rnams kyi chos de ni 'khor bar snang ba'i chos yongs su mi gtong ba dang / de na yang kun nas nyon mongs pa shin tu med pa dang / nam mkha' dang mtshungs shing sems can gyi khams dang / yang dag pa'i mtha' dang mtshungs te/ mi zad
- 256a
pa dang / sems can thams cad la shin tu phan pa dang / bde ba'i phyir sa la nye bar gnas pa'i phyir 'khor ba 'am/ mya ngan las 'das pa gang la 'ang mi gnas pa'o// de la dge 'dun dkon mchog gi che ba nyid dpag tu med pa la/ byang chub sems dpa'i dge 'dun ni byang chub sems dpa' rnams kyi dge 'dun dkon mchog ste/ bla na med pa yang dag par rdzogs pa'i byang chub sems dpa'i dge drin gyis rab tu che ba'o// de bas na rnam grangs 'dis sangs rgyas dkon mchog gi che ba nyid dang / byang chub sems dpa'i dge 'dun dkon 'chog dang mnyam par lta'o// de la las dang po pa'i byang chub sems dpa' 'di snyam du sem te/ gang sangs rgyas dkon mchog gi che ba nyid 'di 'dra ba las brtsams te/ bdag dad pa skyes pa dang / chos dkon mchog gi che ba nyid 'di 'dra ba las brtsams te/ bdag dad pa skyes pa dang / dge 'dun dkon mchog gi che ba nyid 'di 'dra las brtsams te/ bdag dad pa skyes pa ni/ bdag gis rnyed pa legs par rnyed do// bdag la ni sangs rgyas dkon mchog gi che ba nyid 'di lta bu thob par bya ba'i skal pa yod do// bdag la ni chos dkon mchog gi che ba nyid 'di lta bu thob par bya ba'i skal pa yod do// bdag gang sa chen po la zhugs pa bsam pa dag pa'i byang chub sems dpa de dag lhan cig tu/ byang chub sems dpa'i grangs su 'gro ba ni bdag gis rnyed pa legs par/
- 256b
rnyed do// bdag la ni de dag dang bsam pa dang sbyor ba mdungs pa'i skal ba sod nam po// de la zhing dpag tu med pa ni/ rigs kyi bu zhing 'di gnyis su sangs rgyas kyi zhing yongs su dag pa dang / yongs su ma dag pa'o// de la yongs su dpa'i sangs rgyas kyi zhing dang / yongs su dag pa dag kyang dpag tu med pa/ de la yongs su dag pa'i sangs rgyas kyi zhing rnams la gnas nas/ de bzhin gshegs pa rnams rtag tu dge ba dang / cig tu bde ba dang / gcig tu kha na ma tho ba med pa dang / gcig tu dbang sgyur zhing sangs rgyas kyi zhing de dag rab tu myong ngo // rgyun mi chad par chos kyi longs spyod chen po rab tu myong ngo // de yongs su dag pa'i sangs rgyas kyi zhing rnams su yang rnam pa thams cad du byang chub yang dag par ston cing / yongs su ma smin pa'i sems can rnams ni yongs su smin par mdzad/ yongs su smin pa rnams ni rnam par grol bar mdzad do// 'di dag ni sangs rgyas bcom ldan 'das de dag gi las dpag tu med par rig par bya'o// // skye ba'i le'u zhes bya ste gnyis pa'o// // byang chub sems dpa' dad pa thabs chen gyi gsol pa/ bcom ldan 'das byang chub sems dpa'i rnams kyi theg pa chen po'i phyir/ theg pa chen po la dad pa rnam pa du zhig/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg
- 257a
pa chen po'i phyir/ theg pa chen po la dad pa ni bzhi po 'di dag go/ bzhi gang zhe na/ 'di lta ste gnas pa'i dad pa dang / skye ba dad pa dang / dus gzhan du dad pa dang / rang bzhin gyis dad pa'o// de la gnas pa'i dad pa ni rig kyi bu 'di lta ste dper na/ ba lang gi rje kyi dkrugs pa las ma dkrugs ma bskyod par bzhag na/ sngon bzhin du dang par 'gyur ro// de bzhin du theg pa chen po'i phyir/ theg pa chen po la dad pa thob pa'i byang chub sems dpa'i 'phrul gyi bya ba mang po la chags pas/ theg pa chen po la dad pa dkrugs pa las gang gi tshe chags pa las rnam par bkrol zhing / chags pa de dag gis mi 'khrugs te/ theg pa chen po'i chos la rtse gcig 'gyur ba de'i tshe/ sngon de bzhin du mngon sum du 'gyur ro// de la skye ba dad pa ni/ rigs kyi bu 'di lta ste dper na/ chang la stsogs pa 'gyur ba na dang bar 'gyur ro// de bzhin du theg pa chen po'i phyir/ theg pa chen po'i dad pa thob pa'i byang chub sems dpa' skye ba de dang der skye ba na/ theg pa chen po la dad pa skyes nas thob pa skyed do// de la dus gzhan na dad pa ni/ rigs kyi bu 'di lta ste dper na/ ston gyi dus kyi tshe chu klung dang dad par 'gyur ro// de bzhin du byang chub sems dpa' theg pa chen po'i phyir/ theg pa la dad pa thob pa dang / sems dpa' dang / bsgom pa'i dus gzhan na/ sbyor bas sbyor ba las byung ba 'grub par
- 257b
'gyur ro// de la rang gzhin gyis dad pa ni/ rigs kyi bu 'di lta ste dper na/ baiDUr+ya ltar nor bu rin po che ltar la stsogs pa ni rang bzhin gyis dad pa'i rjes su 'jug pa'o// de bzhin du byang chub sems dpa'i rnam par mi rtog pa'i 'jig rten las 'das pa'i theg pa chen po la dad pa yang ngo bo nyid kyi rjes su 'jug go// rigs kyi bu gzhan yang dad pa bzhi ste/ bzhi gang zhe na/ 'di lta ste rgya che ba'i dad pa dang / gsal ba'i dad pa dang / rab tu zhi ba'i dad pa dang / rnam par dag pa'i dad pa'o// de la rgya che ba'i dad pa ni/ byang chub sems dpa' theg pa chen po'i chos la gus par bya ste/ spyod pa dang ldan pa rnams kyi'o// de la rab tu zhi ba'i dad pa ni byang chub sems dang / nga yir 'dzin pa dang bral zhing chos nyid rab tu rtogs pa thob pa rnams kyi'o// de la rnam par dag pa'i dad pa ni byang chub sems dpa'i sgrib pa med pa'i ye shes thob pa rnams kyi'o// rigs kyi bu gzhan yang dad pa bzhi ste/ bzhi gang zhe na/ 'di lta ste/ 'phan pa dad pa dang / rtsom pa dad pa dang / rjes su 'dzin pa'i gus pa byed pa'i dad pa dang / mos paM dad pa'o// de la 'phel ba'i dad pa ni/ sngon nas rang bzhin gyis dge ba'i rtsa ba mngon par 'das byas shing yongs sa su bsgoms pa rnams kyi theg pa chen po la dad pa gang yin pa'o// de la brtsom pa'i dad pa ni/ byang chub sems dpa' bla na med pa yang dag par rdzogs pa'i byang chub
- 258a
tu sems skyed pa dang / sems bskyed pa rnams kyi sems bskyed pa rjes su dran pas theg pa chen po la dad pa gang yin pa'o// de la rjes su 'dzin cing gus par byed pa'i dad pa ni/ rjes su 'dzin pa'i byang chub sems dpa' rnams kyi sems su 'dzin cing gus par byed pas theg pa chen po la dad pa gang yin pa'o// de la mos pa'i dad pa ni chos kyi dbyings zab mo bstan pa la mos pa'i byang chub sems dpa' rnams kyi theg pa chen po la dad pa yang yin pa'o// gzhan yang dad pa bzhi ste/ bzhi gang zhe na 'di lta ste/ de la mthong ba dang / thos pa'i dad pa dang / bstan pa 'phel ba rjes su dran pa dang / dge ba'i phyogs rjes su dran pa'i dad pa dang / re ba dang 'dod pa rjes su dran pa'i dad pa dang / de la mthong ba'i thos pas dad pa ni/ gang sangs rgyas dang byang chub sems dpa'i gzugs sam/ 'od mthong zhing thos na theg pa chen po la dad pa dang / de la bstan pa 'phel ba rjes su dran pa'i dad pa ni/ gang sems can yongs su smin par bya ba rjes su dran pa theg pa chen po la dad pa'o// de la dge ba'i phyogs 'phel ba rjes su dran pa'i dad pa ni/ gang rtag par rgyun tu byang chu gyi phyogs kyi chos dang / dge ba'i phyogs 'phel ba rjes su dran pas byang chub sems dpa' theg pa chen po la dad pa'o// de la re ba dang 'dod pa rjes su dran pa'i dad pa ni/ gang dge ba'i phyogs 'phel ba'i phyogs des sangs rgyas kyi zhing yongs su dag cing / sangs rgyas
- 258b
kyi chos thams cad sgrubs pas re zhig 'dod de/ byang chub sems dpa' re ba dang 'dod pas rjes su dran pas theg pa chen po la dad pa'o// gzhan yang dad pa bzhi ste/ bzhi gang zhe na/ brjed rjes su dran pa'i dad pa dang / gcod nus pa rjes su dran pa'i dad pa dang / bsrung rje su dran pa'i dad pa dang / bsgrub pa rjes su dran pa'i dad pa'o// de la rjes su dran pa'i dad pa ni/ gang theg pa theg po'i sgo thams cad la mos pa'i byang chub sems dpa' rnams mos pa rjes su dran pas theg pa chen po la dad pa'o// de la gcod nus pa rjes su dran pa'i dad pa ni/ gang sems dpa' mang du thos pa bsags pa rnams the tsom gcod nus pa rjes su dran pas theg pa chen po la dad pa'o// de la srung ba rjes su dran pa'i dad pa ni/ gang pha rol gyi rgyud la theg pa chen po'i chos klog pa dang / kha ton byed pa dang / don 'dzin pa dang / 'don pa la stsogs pas bskrun te/ gzhan gyi rgyud la dam pa'i chos skrun pa de rjes su dran pas theg pa chen po la dad pa'o// de la sgrub pa rjes su dran pa'i dad pa ni/ gang byang chub sems dpa' theg pa chen po'i chos de nyid nan tan gyis sgrubs pa de rjes su dran pas theg pa chen po la dad pa'o// rigs kyi bu gzhan yang dad pa bzhi ste/ bzhi gang zhe na/ rnal 'byor thob pa'i dad pa dang / thabs kyis yongs su zin pa'i lus kyi las sbyor ba'i dad pa dang / thabs kyis yongs su zin pa'i ngag gi las sbyor ba'i dad pa'o// de la rnal 'byor thob pa'i dad pa ni/
- 259a
gang theg pa chen po'i chos la dmigs pa'i zhi gnas dang / lhag mthong ba'i byang chub sems dpa' rnams de la dmigs nas dad pa'o// de la thabs kyis yongs su zin pa'i lus kyi las sbyor ba'i dad pa ni/ gang byang chub sems dpa'i bag yod pas yongs su zin pa rnams byang chub sems dpa' lus kyi las bag med par spyod pa bzhom pa dang / spyod pas 'dul ba dag 'dul bas de la dmigs nas theg pa chen po la dad pa'o// de la thabs kyis zin pa'i ngag gi las kyi sbyor ba'i dad pa ni/ gang byang chub sems dpa' bag yod pas yongs su zin pa rnams byang chub sems dpa'i gang 'khrul par spyod pa gzhom pa dang / spyod pas 'dul ba dag 'dul bas de la dmigs nas theg pa la dad pa'o// de la thabs kyis yongs su zin pa'i yid kyi las sbyor ba'i dad pa ni/ gang byang chub sems dpa' theg pa bzhi yod pas yongs su zin pa rnams byang chub sems dpa' yid 'khrul par spyod pa bzhom pa yang / spyod pa lus dang ngag las 'bud pas 'dul ba dag 'dul bas de la dmigs nas theg pa chen po la dad pa'o// gzhan yang dad pa bzhi ste/ bzhi gang zhe na/ mi lta ba rjes su dran pa'i dad pa dang zil gyis mnan pa rjes su dran pa'i dad pa dang / kun tu spyod pa rjes su dran pa'i dad pa dang / nye bar spyod pa dang bral ba rjes su dran pa'i dad pa'o// de la mi lta ba rjes su dran pa'i dad pa ni/ gang byang chub sems dpa' pha
- 259b
rol tu phyin pa drug bsgrub pa na/ lus dang srog la mi lta bar pha rol du phyin pa drug sgrub pa'i rjes su dran pas theg pa chen po la dad pa'o// de la zil gyis mnan pa'i rjes su dran pa'i dad pa ni/ gang byang chub sems dpa' pha rol tu phyin pa drug la sbyor ba ni/ pha rol tu phyin pa drug gi yang dag pa'i nan tan rjes su dran pas theg pa chen po la dad pa'o// de la nye bar spyod pa dang 'brel pa rjes su dran pa'i dad pa ni/ gang byang chub sems dpa' sems can gzhan rnams dang / gang zag gzhan dag pha rol du phyin pa drug yang dag par 'dzin du 'jug la/ pha rol tu phyin pa drug dang ldan pa'i sems can rnams rjes su dran pas theg pa chen po la dad pa'o// gzhan yang dad pa bzhi ste/ bzhi gang zhe na/ zang zing med pa'i sems rjes su dran pa'i dad pa dang / yang dag pa'i so sor shes par bya ba'i rjes su dran pa'i dad pa dang / yongs su skyo ba rjes su dran pa'i dad pa dang / bde ba kha na ma tho ba med par sbyor ba rjes su dran pa'i dad pa'o// de la zang zing med pa'i sems su dran pa'i dad pa ni/ gang tshogs sdud pa'i byang chub sems zang zing med pa'i sems kyis tshogs sdud la/ zang zing med pa'i sems rjes su dran pa'i theg pa chen po la dad pa'o// yang dag du so sor shes par byed pa rjes su dran pa'i dad pa ni/ 'di lta ste/ zang zing med pa'i sems rjes su dran pa'i theg pa chen po la dad pa'o// yang dag par so sor
- 260a
shes par byed cing phyin ci ma log par bstan pa'i phyir nan tan byed pa'o// yongs su mi skyo ba rjes su dran pa'i dad pa na 'di lta ste/ 'dod pa'i bde ba la rnams kyis yongs su mi skyo la/ yongs su mi skyo ba rjes su dran pas theg pa chen po la dad pa'o// bde ba kha na ma tho ba med par sbyor ba rjes su dran pa'i dad pa ni/ 'di lta ste/ bdag la gnod par sbyor ba dang / 'dod pa'i bde ba la sbyor ba spangs nas tshogs la sbyor ste/ sbyor ba de la rjes su dran pas theg pa chen po la dang pa'o// gzhan yang dang bzhi ste/ bzhi gang zhe na/ yon tan rjes su dran pa'i dad pa dang / dngos po phun sum tshogs pa rjes su dran pa'i dad pa dang / dang ba rjes su dran pa'i dad pa dang / skye bo mang po la phan par bya ba rjes su dran pa'i dad pa'o// de la yon tan rjes su dran pa'i dad pa ni/ gang sangs rgyas la mchod pa dang / rim 'gro byed pa la brtson pa'i byang chub sems dpa' sangs rgyas kyi yon tan rjes su dran pas theg pa chen po la dad pa'o// de la dngos po phun sum tshogs pa rjes su dran pa'i dad pa ni/ gang sangs rgyas la mchod pa dang / rim gro byed pa la brtson pa'i byang chub sems dpa' nyid mchod pa phun sum tshogs pa mthong na rjes su dran pas theg pa chen po la dad pa'o// de la dang ba rjes su dran pa'i dad pa ni/ gang sangs rgyas mchod cing rim gro byed pa la rtson pa'i byang chub sems dpa' nyid rang gi sems dang ba dang / gzhan gyi sems dang ba rjes su dran pas
- 260b
theg pa chen po la dad pa'o// de la skye bo mang pol phan pa bya brjes su dran pa'i dad pa ni/ gang sangs rgyas la mchod pa dang / ris gro byed pa la brtson pa'i byang chub sems dpa'ade tidasangs rgyas la mchod pa dang / rim gro byed pa de nyid kyis skye ngomang po la phan pa byed pa/ de yang rjes su dran pas theg pa chen podod pa'o// gzhan yang dad pa ba'i rtse/ bzhi sa nadrab man na/ dran su pa cigs pa u pa'i dad pa dang / bdag gi yang dag pan tan rjes sudran pa dad pa dang / byas pa gzong rdzas su dran pa'i dad pa dang / blam 'dadas bsgrub pa rjes su dran pa'i dad pa'o// de la bla ma'i yon tan phun sum tshogs pa rjes su dran pa'i dad pa ni/ gang dge ba'i bshes gnyen la bsten pa brtson pa'i byang chub sems dpa' dge ba'i bshes gnyen phun sum tshogs pa yongs su rdzogs pa mthong ba rjes su dran pas theg pa chen po la dad pa'o// de la bdag gi yang dag pa'i nan tan rjes su dran pa'i dad pa ni// gong bdag pa'i bshes gnyen la bsten pa la brtson pa'i byang chub sems dpa' de nyid dge ba'i bshes gnyen gyi gan du 'gro zhing mnyam pa'i phyir/ bsnyen bkur byed pa'i ji ltar rjes su bsten pa bzhin du bsgrub cing bdag gi yang dag pa'i nan tan rjes su dran pas theg pa chen po la dad pa'o// de la byas pa gzo ba rjes su dran pa'i dad pa ni/ gang dge ba'i bshe gnyen la brtson pa'i byang chub sems dpa' nyid las man ngag dang / yon tan rjes su thob nas/ byas pa gzo ba rjes su dran pas theg pa chen po la dad pa'o// de la bla ma 'dod
- 261a
@#pa bsgrub pa rjes su dran pa'i dad pa ni/ gang dge ba'i bshes gnyen la bsten pa la brtson pa'i byang chub seMs dpa' de nyin man ngas des skye bo mang po kha phan par bya ba rjes su dran pas theg pa chen po la dad pa'o// gzhan yang dad pa bzhi ste/ bzhi gang zhe na/ ldan pa'i bsam pa bsgrub pa rjes su dran pa'i dad pa dang / bral ba'i bsam pa sgrub pa rjes su dran pa'i dad pa dang / mi 'bral ba'i bsam pa sgrub pa rjes su dran pa'i dad pa dang / kun nas nyon mongs pa'i bsam pa sgrub pa rjes su dran pa'i dad ba'o// de la ldan pa'i bsam pa sgrub pa rjes su dran pa'i dad pa ni/ gang byams pa bsgom pa la brtson pa'i byang chub sems dpa' sems can rnams la bde ba dang ldan pa'i bsam pas bde ba dang ldan sgrub pa rjes su dran pas theg pa chen po la dad pa'o// de la 'bral ba'i bsam pa sgrub pa rjes su dran pa na/ gang snying rje sgoms pa la brtson pa'i byang chub sems dpa' sems can rnams la sdug bsngal dang bral ba'i bsam pas sgrub pa'i rjes su dran pas theg pa chen po la dad pa'o// de la mi 'bral ba'i bsam pa sgrub pa rjes su dran pa'i dad pa ni/ gang dga' ba sgom pa la brtson pa'i byang chub sems dpa' sems can rnams bde ba dang / mi 'bral ba'i bsam pas sgrub pa rjes su dran pas theg pa chen po la dad pa'o// de la kun nas nyon mongs pa med pa'i bsam pa sgrub pa rjes su dran pa'i dad pa ni/ gang btang snyoms sgom pa la brtson pa'i byang chub sems dpa' sems can
- 261b
rnams la kun nas nyon mongs pa med pa'i bsam pa sgrub pa rjes su dran pas theg pa chen po la dad pa ni/ rigs kyi bu de ltar byang chub sems dpa' theg pa chen po la dad pa'i rnam pa rab tu dbye ba tshad med pa 'di lta ba dag gis theg pa chen po la dad pa'i rnam pa rab tu dbye ba tshad med pa shes par bya'o// bskal pa bye ba khrag khrig brgyar yang de'i mthar yang de'i mtha' bde bar shes par 'gyur te/ rigs kyi bu 'di ni byang chub sems dpa' rnams kyi theg pa chen po'i phyir/ theg pa chen po la dad pa rab tu dbye bar rig par bya'o// // rab tu dbye ba'i le'u zhe bya ste/ gsum pa'o// // byang chub sems dpa' dad pa thabs chen gyis gsol pa/ bcom ldan 'das theg pa chen po'i phyir/ theg pa chen po la dad pa phan yon 'tshal bar bgyi ba gang lags/ bcom ldan 'das kyis bka' stsal pa/ rigs kyi/ bu byang chub sems dpa' rnams kyi theg pa chen po'i phyir/ theg pa chen po la dad pa'i phan yon ni tshad med de/ de'i phyogs tsam zhig bstan par bya'o// rigs kyi bu byang chub sems dpa' rnams kyi theg pa chen po la dad pa ni/ dge ba'i rtsa ba thams cad rnam par 'phel bar byed pas rnam par 'phel ba dang ldan pa'o// rigs kyi bu byang chub sems dpa' rnams kyi theg pa chen po la dad pa ni/ nyan thos dang rang sangs rgyas dang skal ba mnyam pa dang / skal pa mi mnyam par sems bskyed pa dag las byang chub kyi sems bkyed pa bsrung
- 262a
ba'i phyir kun tu bsrung ba'o// rigs kyi bu byang chub sems dpa' rnams kyi theg pa chen po la dad pa ni/ bdag gi don dang gzhan gyi don phun sum chog pa dang 'thun pa'i phyir don che ba'o// rigs kyi bu byang chub sems dpa' rnams kyi theg pa chen po la dad pa ni/ chos kyi dbyings zab mo bstan pa rnam pa thams cad la mos pa dang mthun pa'i phyir ro// rigs kyi bu byang chub sems dpa' rnams kyi theg pa chen po la dad na pa ni/ byang chub sems dpa' rnams kyi mngon par shes pa chen po mngon par bsgrub pa dang mthun pa'i phyir mthu che ba'o// rigs kyi bu byang chu sems dpa' rnams kyi theg pa chen po la dad pa ni/ sems can tshad med pa yongs su smin par byed pa dang 'thun pa'i phyir gzi brjid che ba'o// rigs kyi bu byang chub sems dpa' rnams kyi theg pa chen po la dad pa ni/ sangs rgyas kyi zhing yongs su dag par bya ba dang / sangs rgyas kyi chos thams cad bsgrub pa dang / mthun pa'i phyir ring du 'go ba'o// rigs kyi bu byang chub sems dpa' rnams kyi theg pa chen po la dad pa ni/ sangs rgyas kyi zhing yongs su dag par bya ba dang / sangs rgyas chos thams cad bsgrub pa dang mthun pa'i phyir ring du 'gro ba'o// rigs kyi bu byang chub sems dpa' rnams kyi theg pa chen po la dad pa ni/ bdud kyi las dang mu stegs can thams cad kyis theg pa chen po la mos pa mi bskal ba'i phyir mi/
- 262b
g.yo ba'o// rigs kyi bu byang chub sems dpa' rnams kyi theg pa chen po la dad pa ni/ mang du thos pa la rten nas sems can thams cad kyi the tshom gcod pa dang mthun pa'i phyir mos pa dang / rigs kyi bu byang chub sems dpa' rnams kyi theg pa chen po la dad pa ni/ byang chub sems dpa'i yang dag pa'i nan tan phun sum chog pa thams cad dang mthun pa'i phyir bsgrub par byed pa'o// rigs kyi bu byang chub sems dpa' rnams kyi theg pa chen po la dad pa ni/ bdag dang gzhan yang rnal 'byor chen po thob pa dang / lus dang ngag dang yid kyi las 'dul ba dang mthun pa'i phyir rjes su 'dzin pa'o// rigs kyi bu byang chub sems dpa' rnams kyi theg pa chen po la dad pa ni/ sems can thams cad la phan tshun lus dang ngag gi gnod pa med pa yang dag par 'dzin du bzhug pa dang 'thun pa'i tshul khrims kyi pha rol tu phyin pa yongs su bskang ba dang mthun pa'o// rigs kyi bu byang chub sems dpa' rnams kyi theg pa chen po la dad pa ni sems can log par zhugs pa dang / 'khor ba'i sdug bsngal dang dka' ba spyod pa thams cad dang du blangs pa dang mthun pa'i phyir/ bzod pa'i pha rol tu phyir pa yongs su bskang ba dang mthun pa'o// rigs kyi bu byang chub sems dpa' rnams kyi theg pa chen po la dad pa bskal pa mtha' yas par chos dkar po rnam par 'phel bar brtson par yongs su mi skyo ba dang / mthun pa'i phyir brtson 'grus kyi pha rol tu phyin pa yongs su bsku
- 263a
ba dang 'thun pa'o// rigs kyi bu byang chub sems dpa' rnams kyi theg pa chen po la dad pa ni/ 'jig rten las 'das pa de'i bla ma ye shes bla na med pa la gnas nas/ sangs rgyas chos bsgrub pa dang mthun pa'i phyir shes rab kyi pha rol tu phyin pa yongs su bskang ba dang mthun pa'o// rigs kyi bu byang chub sems dpa rnams kyi theg pa chen po la dad pa ni/ sems can gyi tshogs bsam yas pa theg pa gsum gyis nges par 'byung ba'i yang dag par bstan pa dang / mthun pa'i phyir tshogs yongs su bsdud pa dang 'thun pa'o// rigs kyi bu byang chub sems dpa' rnams kyi theg pa chen po la dad pa ni bsod nams tshad med pa bskyed cing / sangs rgyas kyi zhing rmad du byung ba'i bsod nams yongs su bzung ba dang 'thun pa'i phyir/ de bzhin gshegs pa la mchod pa dang rim gro bya ba chen po dang mthun pa'o// rigs kyi bu byang chub sems dpa' rnams kyi theg pa chen po la dad pa ni/ sangs rgyas dang byang chub sems dpa' dang / dge ba'i bshes gnyen yongs su bzung ba dang mthun pa'i phyir/ shin tu yongs su bzung ba dang mthun pa'o// rigs kyi bu byang chub sems dpa' rnams kyi theg pa chen po la dad pa ni/ sems can dpag tu med pa dang ldan pa dang / 'bral ba dang kun nas nyon mongs pa med pa'i bsam pa sgrub pa dang 'thun pa'i phyir snying rtse nas non pa'o// rigs kyi bu byang chub sems dpa' rnams kyi theg pa chen po la
- 263b
dad pa ni/ byang chub sems dpa'i 'khrul pa'i nyes byas kun tu sbyor ba thams cad la mdzes pa nye bar gnas pa dang mthun pa'i phyir shin tu sbed pa'o// rigs kyi bu byang chub sems dpa' rnams kyi theg pa chen po la dad pa ni/ sems can logs par zhugs pa dang / 'khor ba'i bsdug bsngal ba dang dka' ba spyod pa thams cad la smyig lug pa med pa dang / mthun pa'i bstan pa'i phyir/ rigs kyi bu byang chub sems dpa' rnams kyi theg pa chen po la dad pa'o// nyin mtshan du dge ba'i phyogs chen po la mngon par brtson par byas pas yongs su mi skyo ba dang mthun pa'i phyir sbyor ba legs par goms par byas pa'o// rigs kyi bu byang chub seMs dpa' rnams kyi theg pa chen po la dad pa ni/ rig pa'i gnas lngar byang ba dang 'thun pa'i phyir legs par byang ba'o// rigs kyi bu byang chub sems dpa' rnams kyi theg pa chen po la dang pa ni/ dus thams cad du bzhin 'dzum pa dang gsong por smra ba dang / 'thun pa'i phyir mthun pa'o// byang chub sems dpa' rnams kyi theg pa chen po la dad pa ni/ gnod pa dang / ma dad pa dang / sdang ba dang / the tshom dang rnyog pa dri ma dang bral ba'i phyir rin po che lta bur lta ba'o// byang chub sems dpa' rnams kyi theg pa chen po la dad pa ni rgya che ba dang / kha na mtho ba med pa dang / dga' ba dang / mchog tu dga' bas lus dang sems sim par byed pa'i phyir zla ba lta
- 264a
bur lta'o// byang chub sems dpa' rnams kyi theg pa chen po la dad pa ni/ rnam pa thams cad du sangs rgyas kyi chos thams cad la khyab pa'i phyir na mkha' lta bur lta'o// byang chub sems dpa' rnams kyi theg pa chen po la dad pa ni/ bsod nams ye shes tshad med pa yongs su bzung ba'i phyir/ rin po che sna tshogs kyis gang ba'i gru lta bur lta'o// byang chub sems dpa' rnams kyi theg pa chen po la dad pa ni/ sems can thams cad kyi bde ba'i gnas yin pas rtsi chen po lta bur lta'o// byang chub sems dpa' rnams kyi theg pa chen po la dad pa ni/ ngan song dang 'gro thams cad las 'da' bar byed pa'i phyir zam pa lta bur lta byang chub sems dpa' rnams kyi theg pa chen po la dad pa ni/ sangs rgyas kyi chos thams cad dang / sems can thams cad kyi dge ba'i rtsa ba'i log tog skye ba'i rtsa ba byed pa'i phyir sa bon lta bur lta'o// byang chub sems dpa' rnams kyi theg pa chen po la dad pa ni/ nyon mongs pa dang / nye ba'i nyon mongs pa'i dgra'i mtshon cha thams cad kyis gcod par mi 'gyur ro// bsrung ba'i phyir go cha lta bur lta'o// byang chub sems dpa' rnams kyi theg pa chen po la dad pa ni/ 'jig rten pa dang / 'jig rten las 'das pa'i dge ba'i rtsa ba rin po che phun sum tshogs pa thams cad stsogs shing sdud de/ rnam par gnas par byed pa'i phyir gter chen po lta bur lta'o//
- 264b
byang chub sems dpa' rnams kyi theg pa chen po la dad pa ni/ de las gzhan du dad pa thams cad zil gyis gnon pa'i dbang rnyed pa'i phyir rgyal po lta bur lto'o// byang chub sems dpa' rnams kyi theg pa chen po la dad pa ni/ yun ring po nas rjes su 'brang ba'i ngan song dang / gnod sems dang sdig pa mi dge ba'i las dang / nyon mongs pa dug gi gnyen por gyur pa'i phyir/ sman nad med byed pa lta bur lta'o// byang chub sems dpa' rnams kyi theg pa chen po la dad pa ni/ dge ba'i rtsa ba gcod pa la dad pa'i mtshon cha'i gnyen por 'gyur ba'i phyir de lta bur lta'o// byang chub sems dpa' rnams kyi theg pa chen po la dad pa ni/ smre sngags 'don pa dang / sdug bsngal ba dang / yid mi bde ba dang / 'khrug pa dang / gdung bar byed pa dang / mya ngan gyi me'i gnyen por gyur pa'i phyir chu lta bur lha'o// byang chub sems dpa' rnams kyi theg pa chen po la dad pa ni/ mi 'dod pa thams cad dang 'phrad par byed pa/ nyon mongs pa'i dgra'i gnyen por gyur pa'i phyir lag cha bzang po lta bur lta'o// byang chub sems dpa' rnams kyi theg pa chen po la dad pa ni/ rtag par rgyun tu dkar po'i phyogs kyi chos rnam par 'phel ba'i phyir zla ba lta bur lta'o// byang chub sems dpa' rnams kyi theg pa chen po la dad pa ni/ sems can chad med pa la ye shes tshad med pas snang bar bya ba dang 'thun pa'i phyir nyi me lta bur lta'o// byang chub sems dpa' rnams kyi theg pa
- 265a
chen po la dad pa ni/ dam pa'i chos tshar tshad med pa 'bebs pa dang 'thun pa'i phyir sprin chen po lta bur lta'o// byang chub sems dpa' rnams kyi theg pa chen po la dad pa ni/ gzhan gyi mu stegs can dang / phas kyi rgol ba thams cad gzhom pa dang mthun pa'i phyir lce 'bab pa lta bur lta'o// byang chub sems dpa' rnams kyi theg pa chen po la dad pa ni/ sems can thams cad kyi sgrib pa thams cad 'joms par byed pa dang 'thun pa'i phyir/ lo legs pa lta bur lta'o// rigs kyi bu ngas mngon par shes te/ 'das pa'i dus na yang dag par rdzogs pa'i sangs rgyas 'od srung gi tshe rgyal po'i khab 'di nyid du/ bud med grong pa'i tha tshad phyag dar byed pa ngan 'gro ba zhig byung ste/ des khyim bdag che ge mo zhes bya ba zhig gi khyim du/ sangs rgyas la stsogs pa dge slong gi dge 'dun spyan 'dren ces thos nas/ de bkres pa dang skom pas nyen pas khyim bdag de'i khyim ga la ba der song ba dang / des 'khor gyi 'khyam na sangs rgyas la stsogs pa dge slong gi dge 'dun rab tu zhi ba'i spyod lam du gnas pa dang / bshos 'drim pa mthong ngo // bud med des spyod lam phun sum tshogs kyis bskor de yang mthong nas kye ma'o// bcom ldan 'das yang dag par rdzogs pa'i sangs rgyas 'od bsrungs rab tu zhi ba'i spyod lam dang / zham ring ba mdzes pas mdzes so zhes dad pa'i sems cig bskyed nas de'i dus
- 265b
byas so// de rgyu de nyid kyis bla na med pa yangadag par rdzogs pa'i byang chub tu nges par gyur pa'i bar du'o// rigs kyi bu ngas mngon par shes ste/ 'das pa'i dus na yang dag par rdzogs pa'i sangs rgyas rnam par gzigs kyi tshe/ rgyal po'i khab 'di nyid du zas 'dod ces bya ba'i bram ze zhig byung ngo // zas 'dod de sangs rgyas dang chos dang dge 'dun dkon mchog la rang bzhin gyis ma dad na/ bsnyen bkur lta ga la byed/ de'i tshe bcom ldan 'das yang dag par rdzogs pa'i sangs rgyas rnam par gzigs rgyal po'i khab du bsod snyoms kyi phyir gshegs pa dang / bram ze de yang don zhig gnyer zhing rgyal po'i khab nas byung ngo / de byung ba dang bcom ldan 'das rnam par gzigs/ de bzhin gshegs pa de kha sa bon du mthong ngo // mthong nas kyang de gzugs mdzes pa la dmigs te/ kye ma ho bcom ldan 'das rnam par gzigs de bzhin gshegs pa dgra bcom pa yang dag par rdzogs pa'i sangs rgyas mtshan dang dpe byad bzang po rnams kyis sku legs par brgyan to zhes dad pa'i sems cig rnyed nas de 'chi ba'i dus byas so// de rgyu de bas rab mche ma'i lha'i nang du skyes nas/ rgyu de nyid kyis rim gyis bla na med pa yang dag par rdzogs pa byang chub tu nges par 'gyur ba'i bar du'o// rigs kyi bu ngas mngon par dran de/ 'das pa'i dus na yang dag par rdzogs pa'i sangs rgyas 'od srungs gi tshe rgyal
- 266a
po'i khab 'di nyid du/ gzhan mu stegs can lnga brgya zhig byung ste/ de dag skabs btsal ba'i bsam pas yang dag par rdzogs pa'i sangs rgyas 'od srungs ga la ba der dong ste/ de'i tshe bcom ldan 'das yang dag par rdzogs pa'i sangs rgyas 'od srungs 'khor brgya phrag du mas bskor te/ mdun gyis byas nas chos ston cing bzhugs so// de na mu stegs can lnga brgya pa tsam po de dag gis/ kye ma ho// yang dag par rdzogs pa'i sangs rgyas 'od srungs ni snyan pa gsung ba'o// zhes dad pa'i sems cig rnyed nas de dag 'chi ba'i dus byas so// de dag rgyu de dga' ldan gyi lha'i ris su skyes pa nas/ rgyu de nyid kyis rim gyis nga'i bstan pa la rab tu byung ste/ zag pa zad pa rjes su thob pa'i bar du'o// rigs kyi bu ngas mngon par shes te/ gang gi phyir de bzhin gshegs pa 'od zer gang gis sems can dmyal bar skyes pa'i sems can rnams/ sems can dmyal ba nas byung bar 'gyur ba'i 'od zer bkye bas/ des sems can dmyal bar skyes pa'i sems can rnams la reg nas/ sems can dmyal ba'i gnod pa'i sdug bsngal thams cad rgyun chad de/ bde ba dang ldan par gyur nas/ de dag 'di snyam du gang gis bdag gi sems can dmyal ba'i gnod pa'i sdug bsngal thams cad rgyun chad nas/ bde ba dang ldan par rgyur ba'i su'i mthu snyam pa dang / de bzhin gshes
- 266b
pas byin gyis brlabs nas/ de dag gi de bzhin gshegs pa'i sku mthong ngo // mthong nas kyang kye maho// gang gis bdag cag gis sems can dmyal ba'i sdug bsngal thams cad rgyun chad nas/ bde ba dang ldan par 'gyur te/ de'i mthu 'di ni mthu che ba'o snyam ste/ dad pa'i sems cig rnyed nas de dag 'chi ba'i dus byas te/ shi 'phos nas rgyu de nyid kyis mtshungs par de dag lhar skyes pa nas/ rim gyis rgyu de nyid nga'i bstan pa la dad pa rnyed de/ la la ni nyan thos kyi theg pas/ la la rang sangs rgyas kyi theg pas yongs su mya ngan las 'das pa'o// la la ni theg pa chen pos bla na med pa yang dag par rdzogs pa'i byang chub tu nges par 'gyur ro// rigs kyi bu rnam grangs 'dis ngas mngon par shes te/ bgrang ba las 'das pa'i sems can gang dag gi phyir/ de bzhin gshegs pa'i theg pa chen po la dad pa bsrab cing chung ba'i sems can cig gis kyang kha cig ni ngan song las log par 'gyur/ kha cig ni kun nas nyon mongs par gyur pa'i lus las log par gyur to// log nas kyang 'jig rten pa'i phun sum tshogs pa rjes su thob po// theg pa chen po la dad pa ni sems can srab cing chung pa des 'jig rten las 'das pa'i phun sum chogs pa'i rnam pa thams cad kyang rjes su thob po// rigs kyi bu byang chub sems dpa' rnams kyi theg pa chen po la dad pa ni/ sems can srab cing chung ba des 'jig rten
- 267a
las 'das pa'i phun sum tshogs so// byang chub sems dpa' rnams kyi theg pa chen po la dad pa rgyun du 'byung zhing chu bo ltar 'bab pa'i phan yon lta smos kyang ci dgos te bskal pa bye ba khrag khrig brgya stong du yang brjod par sla ba yang ma yin no// de skad ces bka' stsal pa dang / byang chub sems dpa' dad pa thabs chen gyis/ bcom ldan 'das la 'di skad ces gsol to// bcom ldan 'das kyis las dang po pa byang chub sems dpa' mos pa spyod pa la zhugs pa rnams la theg pa la dad pa'i mtshan nyid phun sum tshogs pa bstan pa/ skye ba phun sum tshogs pa bstan pa dang / rab tu dbye ba phun sum tshogs pa bstan pa/ phan yon phun sum tshogs pa bstan pa ni ngo mtshar to// bcom ldan 'das rjes su dag pa dang / rjes su 'jug pa 'dis byang chub sems dpa' gzhan dag gi yon tan phun sum tshogs pa khyad par du 'phags pa tshad ma mchis pa dag kyang brjod pa rab tu 'gyur ro// chos kyi rnam grangs 'di bshad pa na las dang po pa byang chub sems dpa' lnga stong byang chub sems dpa'i chos mngon par rtogs pa'i rje su 'thun pa'i bzod pa chen po skyes so// 'khor der 'das pa las dang po'i byang chub sems dpa'i lhag ma rnams kyang mos pa las g.yo ba'i tshul gyis mos pa klung du byed pa'i bzod pa skyes so// de nas bcom ldan 'das la byang chub sems dpa' dad pa
- 267b
thabs chen gyis 'di skad ces gsol to// bcom ldan 'das byang chub sems dpa' gang la la dad pas chos kyi rnams grangs 'di la mos pa kun tu btang ste/ sbyor bar bgyid pa ni ring po mi thogs par de dag de bzhin gshegs pa rnams kyi zhal zas dang / btung ba dang / bzhon pa dang / na bza' dang / brgyan dang / snod spyad dang / 'tshogs chas dang / yo byad dang / spos dang / phreng ba dang / byud pa dang / glu dang gar dang / rol mo'i dbyangs sgra dang / mar me dang / bud shing dang / skyes pa dang / kun spyod pa'i yo byad thob par 'gyur ro// de nas byang chub sems dpa' dad pa'i snod yongs su tshol bas/ byang chub sems dpa' dad pa thabs chen la 'di skad ces smras so// rigs kyi bu de bzhin gshegs pa rnams kyi zhal zas dang / btung ba dang / bzhon pa dang / na bza' dang / rgyan dang / snod spyad dang / 'tshog chas dang / yo byad gang yin pa dang / spos dang / phreng ba dang / byug pa dang / glu dang gar dang / rol mo'i dbyangs sgra dang / mar me dang / bud med dang / skyes pa dang / kun spyod pa'i yo byad gang yin/ byang chub sems dpa' dad pa thabs chen gyis smras pa/ rigs kyi bu sgrib thams cad rnam par dag pa'i bsam gtan gyi dga' ba ni/ de bzhin gshegs pa rnams kyi zhal zas so// sgrib pa thams cad rnam par dag pa'i dam pa'i chos kyis khu ba ni/ de bzhin gshegs pa rnams kyi btung ba'o// sgrib pa thams cad rnam par dag pa'i zhi gnas dang lhag
- 268a
mthong ni de bzhin gshegs pa rnams kyi gzhon pa'o// sgrib pa thams cad rnam par dag pa'i ngo tsha shes pa dang / khrel yod pa ni de bzhin gshegs pa rnams kyi na bza'o// sgrib pa thams cad rnam par dag pa'i rgyan dang bcas pa'i tshul khrims rnam par dag pa ni de bzhin gshegs pa rnams kyi rgyan no// sgrib pa thams cad rnam par dag pa'i mang du thos pa ni de bzhin gshegs pa rnams kyi snod spyad dang 'chog chas dang yo byad do// sgrib pa thams cad rnam par dag pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams ni de bzhin gshegs pa rnams kyi spos dang 'phreng ba dang byug pa'o// sgrib pa thams cad rnam par dag pa'i chos kyi rdzogs par longs spyod pa 'phel ba'i gtam rnam par gdon mi za ba ni/ de bzhin gshegs pa rnams kyi glu dang gar dang / rol mo'i dbyang sgra'o// sgrib pa tham cad rnam par dag pa'i gzungs kyi sgo rnams ni de bzhin gshegs pa rnams kyi mar me'o// sgrib pa thams cad rnam par dag pa'i ting nge 'dzin gyi sgo dang / rnam par thar pa sgro rnams ni de bzhin gshegs pa'i bud med dang / skye ba kun spyod pa'i yo byad do// rigs kyi bu de ltar chos kyi rnam grangs 'di la mos pa sngon du btang ste/ sbyor bar byed pa ni de bzhin gshegs pa rnams kyi yo byad bcu po 'di dag ring po mi rtogs par kun rdzob dang don dam par yang thob par gyur na/ gang 'di la de bzhin nyid du sbyor bar byed pa lta smos kyang
- 268b
ci dgos te/ rigs kyi bu de bzhin gshegs pa rnams kyi yo byad bcu po 'di dag thos par 'gyur bar steng du de dag gis gzhal med khang la de bzhin gshegs pa rnam bzhug pa'i gzhal med khang de'ang thob par 'gyur ro// smras pa/ rigs kyi bu de bzhin gshegs pa rnams bzhugs pa'i gzhal med khang ci 'dra/ byang chub sems dpa' dad pa thabs chen gyis gsol pa/ rigs kyi bu rin po che sna bdun mchog tu 'bar bar dkod pa 'jig rten khams tshad med pa rgyas par 'gyengs pa'i 'od zer chen po shin tu byung ba/ gnas gzhan dag shin tu rnam par phye ba tshad med pa rnam par bzhag pa 'khor gyi khyams yongs su ma chad pa khams sum pa las yang dag par 'das pa'i spyod yul gyi mtshan nyid 'jig rten las 'das pa/ de'i bla ma dge ba'i rtsa ba las byung ba dbang sgyur ba'i rnam par rig pa shin tu rnam par dag pa'i mtshan nyid/ de bzhin gshegs pa'i gnas byang chub sems dpa' dpag tu med pa gnas pa/ lha dang klu dang gnod sbyin dang dri za dang / lha ma yin dang / nam mkha' lding dang / mi 'am ci dang lto 'phye chen po dang / mi dang mi ma yin pa dpa' tu med pa rnam par chub chos kyi ro dga' ba dang / bde ba chen pos brtan pa sems can thams cad mdzad pas nye bar gnas pa nyon mongs pa dang / nye ba'i nyon mongs pa'i gnod pa thams cad dang bral ba bdud thams cad yongs su spangs pa/ thams cad kyi bkod pa las lhag pa de bzhin gshegs pa'i byin gyis brlabs kyis bkod pa dran
- 269a
pa dang / blo gros dang / rtogs pa chen pos nges par 'gro bzhi gnas dang / lhag mthong chen po'i theg pa stong pa nyid dang / mtsham ma med pa chen po smon pa chen po nas 'jug pa yon tan gyi tshogs tshad med pas brgyan pa/ pang ma chen po'i rgyal pos brtan pa'i gzhal med khang chen po na de bzhin gshegs pa rnams bzhugs te/ rigs kyi bu gang dag chos kyi rnams grangs 'di la mos pa sngon du btang ste/ sbyor bar byed pa de dag gis de bzhin gshegs pa'i gzhal med khang de lta bu yang thob par gyur na/ gang dag de bzhin nyid du sbyor bar byed pa lta smos kyang ci dgos/ bcom ldan 'das kyis bka' stsal pa/ rigs kyi bu legs so legs so// rigs kyi bu ji ltar khyod kyis spyod pa bzhin te/ gang dag chos kyi rnam grangs 'di la mos pa sngon du btang nas/ sbyor bar byed pa de dag ring po mi thogs par de bzhin gshes pa rnams kyi yo byad 'di dag dang / de bzhin gshegs pa'i gzhal med khang de yang thob par gyur na/ gang dag 'di la de bzhin nyid du sbyor bar byed pa lta smos kyang ci dgos/ de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das rigs kyi bu 'am rigs bu mo gang chos kyi rnams grangs 'di la smos pa dang / klog pa dang / yi ger 'bri ba dang / 'don pa dang / nyan pa dang / kha ton bgyid pa dang / gzhan dag la rgya cher rab tu ston pa dang /
- 269b
tshul bzhin sems pa dang / bsgom pa'i rnam pas sbyor ba de dag bsod nams ji tsam bskyed par 'gyur/ bcom ldan 'das kyis bka' stsal pa/ kun dga' bo gang la lha dag chos kyi rnam grangs 'di la mos pa dang / klog pa dang / yi ger 'bri ba dang / 'don pa dang / nyan pa dang / kha ton byed pa dang / gzhan la rgya cher yang dag par rab tu ston pa/ tshu la bzhin sems pa dang / bsgom pa'i rnam pas sbyor ba de dag ni bsod nams kyi rnam pa thams cad dang / nyan thos dang / rang sangs rgyas rnams kyi bsod nams 'jig rten las 'das pa rnam pa thams cad kyis dper snang mi bzod de lta bu'i bsod nams bskyed par 'gyur ro// de ci'i phyir zhe na/ kun dga' bo 'jig rten pa'i bsod nams tshad med pa gang yin pa de yang rgyu dang 'bras bu sdug bsngal gyi bden pa dang / kun 'byung ba'i bden par bsdus pa'i phyir 'dod pa nyid yongs su grub pa ma yin te/ de ni rgyu zad de 'bras bu chung bas mi rtag pa'o// kun dga' bo nyan thos dang / rang sangs rgyas rnams kyi bsod nams 'jig rten las 'das pa gang yin pa de yang rgya che ba ma yin zhing / don chung la zad par 'gyur ro// de la rgya che ba ma yin pa ni/ theg pa dman pa gnas cing dmigs te yin le byed pa'i phyir ro// don chung ba ni bdag nyid rjes su 'dzin par nye ba gnas pa'i phyir ro// zad par 'gyur ba ni phung po ma lus pa'i mya ngan las 'das pa'i dbyings su zad par 'gyur ba'i phyir ro// kun dga' bo byang chub sems dpa
- 270a
rnams kyi theg pa chen po la dad pa las byung ba'i bsod nams de ni yongs su grub pa rgyu zad pa ma yin pa rgya che ba don che du zad par mi 'gyur ro// de bas na byang chub sems dpa' rnams kyi theg pa chen po la dad pa las byung ba'i bsod nams de la 'jig rten pa dang / 'jig rten las 'das pa'i bsod nams kyi dper yang mi brjod do// kun dga' bos gsol pa/ bcom ldan 'das chos kyi rnam grangs 'di'i ming cing lags/ ji ltar bzung bar bgyi/ bcom ldan 'das kyis bka' stsal pa/ kun dga' ba de'i phyir chos kyi rnam grangs 'di theg pa chen po la dad pa rab tu bsgom pa zhes bya bar yang zung shig/ theg pa chen po la dad pa 'jug pa zhes bya bar yang zung shig/ theg pa chen po la dad pa rnam par 'phel ba zhes bya bar yang zung shig/ theg pa chen po la dad pa nges par 'byung ba zhes bya bar yang zung shig/ de bas na chos kyi rnam grangs 'di theg pa chen po la dad pa rab tu bsgom pa zhes bya ba'i tshig bla dgas so// bcom ldan 'das kyis de skad ces bka' stsal pa dang / byang chub sems dpa' de dag dang / thams cad dang ldan pa'i 'khor de dag dang / lha dang mi dang lha ma yin dang / dri zar bcas pa'i 'jig rten bcom ldan 'das kyis gsungs pa yid rangs te mngon par bstod do// 'phags pa theg pa chen po la dad pa rab tu bsgom pa zhes bya ba// theg pa chen po'i mdo rdzogs s+ho// /
- 270b
rgyagar kyi khan po 'dzin mi dra dang / dan shi la dang / zhu chen gyi lo rtsa bang rje ye shes sde la stsogs pas/ zhus shing rtsis te gtan pa'o// / rgya gar skad du/ Ar+ya dan par mi ta na ma ma hA na su tra/ bod skad du/ 'phags pa sbyin pa'i pha rol tu phyin pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das nyid kyi rtsa lags dang / yul gyi mi rnams la phan dgas pa'i phyir/ gser skya'i gnas kyi grong khyer chen po na/ rgyal po zas gtsang gi kun dga' rab shing sa la dang / ta la dang / ta ma la dang / dong ka'i shing dang / rgya shug dang / star ka shing dang / 'bra go dang / shing pa Ta dang / ka tam pa dang / as+tha dang / nyo ti dang / skyu ru ra'i shing dang / bil ba dang / bal po se'u dang / ka ti tha dang / nu shing dang / n+ya gro da dang / u dum ba ra dang / ba ru ra'i shing dang / a shad tha dang / bar shi ka dang / snam dang / d+ha nu ska ra dang / a ti mug ta dang / tsam pa ka dang / mya ngan tshang ba dang / ta ra ni dang / skya snar dang / sha re shi dang / ardzun dang / shing brgya stong du mas brgyan pa phu chu dang / 'bab chu'i rdo dang / mtshe'u dang /
- 271a
steng ka dang / rdzing bu dang / khron pa dri zhim po dang ldan pa dag gis mdzes par byas nas/ me tog ud pa la dang / pad ma dang / ku ru ta dang / pad ma dkar po dag gis gang ba/ ngang pa dang / rma bya dang / khrung khrung dang / ngur pa dang / khu byug dang / chun lag dang / ne tso dang / ri skegs dang / shang shang te'u dang / tsa ko ra dang / 'jom po dang / ka ra na da pa rnams skad 'byin pa/ bung ba brgya stong dag gi mdzes par byas pa/ nu yan lag brgyad dang ldan pa gsal zhing dri zhim pa/ shin du bsil ba dang / rnyog pa med cing rnam par yongs su gang ba/ ba sing ma sngo zhing 'jam la gzhon pa/ dar dang bal dang / srin bal dang / mon dar dang / ka tsa lin di ka dang / zar ma'i gos ltar reg na bde ba/ yid du 'ong zhing gtsang la/ rdo dang bseg ma dang / gyo mo dang / bkra mi shis pa dang / 'dam 'jam dang / nyag nyig med pa'i sa phyogs bzang po// ri dgas sna tshogs/ ldang ka ko dang / sha bkra dang / sri'u dang / byi la dang / sre mong dang / ri bong dang / dom dang / dred dang / bya'i tshogs rnams kyis bsten pa/ mtshan mo'i lha dang / lha'i bu mo dang / 'jig rten skyong ba chu lha dang / zhi ma dang / gshin rje dang / 'phags skyes po dang / lus ngan po dang / brgya byin dang / mig mi bzang dang / yul 'khor bsrungs dang / lha ma yin dang / nam mkha' lding dang / dri za dang / mi 'am ci dang / lto 'phye chen po dang /
- 271b
kyi legs pa lta bu dang / khu byug dang ne tso dang / ri skegs dang / kun la dang / ka la bing ka skad 'byin pa lta bur yid du 'ong ba'i nga ro'i gdangs nges par sgrogs pa dang / lus zla ba dang / nyi ma'i 'char ka dang / dong ka'i shing dang / ha sa ka ra dang / me tog 'byung ba'i ka dam pa lta bu dang / byang chub sems dpa' sems dpa' chen po rkang lag phra zhing mnyen la gzhon sha chags shing / srab la 'jam zhing me tog ltar shin tu gzhon la rkang lag gi sen mo zangs kyi mdog lta bu dang / de dag la byang chub sems dpa' dgu khri dgu stong thams cad kyang phyir mi ldog pa/ phyir mi ldog pa'i chos kyi 'khor lo bskor ba bdud dang phyir rgol ba nges par bcom pa/ bdud kyi las thams cad las yang dag par 'das pa/ de bzhin gsheg pa thams cad kyi yul la 'jug pa/ shes pa la mkhas pa/ mngon par shes pa dpa' bar 'gro ba'i ting nge 'dzin gri mtha'i sgo sgrub pa'i gzungs thob pa/ pha rol tu phyin pa thams cad la thabs mkhas pa rtogs par khong du chud pa/ 'jig rten gyi khams tha dad pa bstan pa/ go cha chen po bgos sangs rgyas kyi yon tan la the tsom med pa/ nyon mongs pa dang nye ba'i nyon mongs pa'i bag chags thams cad la sems dpas bag chags dang / mchis sbyor ba dang bcas par mngon pa'i nga rgyal yang dag par bcom nas dul ba dang nges pa dang ldan pa/ dran pa
- 272a
nye bar bzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam la zhugs pa dang / byams pa dang / snying rje dang / dga' ba dang / btang snyoms dang / bzod pa dang / bsamanyan dang / bag la nyal ba phun sum tshogs paHnga rgyal dang / rgyags pa dang / dregs pa dang / nyes rtsom dang / khengs pa dang / ser sna dang / ngar 'dzin pa dang / lhag par zhen pa dang / chags pa dang / zhen pa dang / rgyal ba dang / sred pa dang / mngon par zhen pa dang bral ba/ bskal pa bye ba khrag khrig 'bum phrag grangs med par bdag la phan pa dang / gzhan la phan pa dang / bde bar sbyor ba la brtson pa/ dge ba'i rtsa ba shin tu bsags shing tshogs rdzogs par bya ba'i rgyud can/ rgyu dang g.yo dang rdzun dang phra ma dang / ngag rtsub mo dang / gsod pa dang / gnod par byed pa dang / 'ching ba dang / ltas ngan pas gzings pa dang / sdigs pa dang / rtsod pa dang / 'thab pa dang / 'breg pa dang / 'jug long dang / 'gyed pa dang / nye ba'i nyon mongs pa dang bral ba sha rtag dang / 'jig rten skyong ba bzhi po 'di lta ste/ rgyal po chen po rnam thos kyi bu dang / rgyal po can po yul bsrung dang / rgyal po chen po 'phags skyes po dang / rgyal po chen po mig mi bzang rang rang gi g.yog 'khor gyis bskor ba rnams dang / gnod sbyin gyi sde dpon chen
- 272b
'bum dag gnas pa la rten cing bzhugs te/ dge slong gi dge 'dun po chen po// dge slong bdun khri bdun stong la 'di lta ste/ tshe dang ldan pa sha ra da ti'i bu dang / tshe dang ldan pa mi'u 'gal gyi bu chen po dang / tshe dang ldan pa rab 'byor dang / tshe dang ldan pa ka pi na dang / tshe dang ldan pa ba lang bdag dang / tshe dang ldan pa gsus po che dang / tshe dang ldan pa ba ra d+ha cha dang / tshe dang ldan pa ku shes ko'u 'di n+ya dang / tshe dang ldan pa bzang ldan dang / tshe dang ldan pa gang po dang / tshe dang ldan pa rab tu bzang po dang / tshe dang ldan pa lam phrin bstan dang / tshe dang ldan pa ba ku la dang / tshe dang ldan pa sgra can zin dang / tshe dang ldan pa nye dga' bo dang / tshe dang ldan pa dga' bo dang / tshe dang ldan kun dga' bo dang / de dag la stsogs pa dge slong bdun khri bdun stong la 'di lta ste/ tshe dang ldan pa kun dga' bo gang zag cig ma rtogs par thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po bya ba byas pa/ khur bor ba/ bdag gi don rjes su thob pa/ srid pa kun du sbyor ba/ yongs su zad pa/ yang dag pa'i shes pas sems shin tu rnam par grol ba/ sems can thams cad kyi dbang dam pa'i pha rol tu son pa sha stag dang thabs cig go// byang chub sems dpa'i tshogs chen po/
- 273a
byang chub sems dpa' bye ba phrag du ma la 'di lta ste/ byang chub sems dpa' sems dpa' chen po byams pa dang / 'jam dpal gzhon nur gyur pa dang / spyan ras gzigs dbang phyug dang / mthu chen thob dang / kun tu bzang po dang / nam mkha'i snying po dang / lha'i gcod pan dang / rin chen gcod pan dang / lag na rin chen dang / rin chen 'od dang / rin chen snying po dang / rin chen seng ge dang / rin chen dra ba can dang / dra ba can gyi 'od dang / nye 'od dang / zla 'od dang / mthu brtan dang / blo gros brtan pa dang / brtson 'grus brtan dang / spro ba brtan dang / spro ba che dang / mchog tu dga' ba'i rgyal po dang / sman gyi rgyal po dang / sman yang dag 'phags dang / dge ba dri ma med pa rnams rin po che zla 'od rgyal po dang / pad ma'i 'dab ma ltar dri ma med pa rgyu skar rgyal po mngon par shes pa'i me tog shin tu rgyas pa dang / bung ba dang / rnags dang / rma bya dang / 'jol mo dang / mugs bsal ral pa'i thor tshugs can dang / pad ma dang / zla ba ltar bzhin 'dzum zhing brjid la mdangs gsal ba dang / rin po che 'thong ka ltar mig shin tu mdzes pa/ yon tan rin po che'i tog dang / so mnyam zhing / thags bzang ba la dkar ba dngul dang / dung zla ba dang / ku mu ta dang / 'o ma ltar dkar ba dang / lce mchu shing lo dang / ta la'i 'dab ma ltar yangs shing zangs
- 273b
po lngas rtse rang gi bu'i 'khor dang bcas pa dang / gnod sbyin gyi sde dpon chen po lag na rdo rjes rang gi gnod sbyin gyi 'khor dang bcas pa dang / 'byung po chen po'i ma 'phrog pa rang gi gnod sbyin mo'i 'khor dang bcas pa dang / dung can ma dang / mdung thogs ma dang / ser mo dang / dka' zlog ma dang / dpal gyi lha mo chen mo dang / dbyangs can ma dang / 'jigs med ma dang / zla ba dang / lha'i dbang po brgya sbyin dang / lha'i bu dbang phyug chen po dang / mi mjed kyi bdag po tshangs pa rang gi lha'i bu'i 'khor dang bcas pa dang / klu'i rgyal po ma dros pa dang / klu'i rgyal po rang rang gi klu'i 'khor dang bcas pa dang / nam mkha' lding gi dbang po gzi chen dang / nam mkha' lding gi dbang po lus chen rang rang gi nam mkha' lding gi 'khor dang bcas pa dag dang / lha ma yin gyi dbang po stobs can dang / lha ma yin gyi dbang po sgra gcan rang rang tshogs kyi 'khor dang pa dag dang / mi 'am ci'i rgyal po ljon pa rang gi mi 'am ci'i 'khor dang bcas pa dang dri zi'i bu zur phud lnga pa rang gi 'khor dang bcas pa dang / de la gzhan pa lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci'i dang / lto 'phye chen po dang / mi dang mi ma yin pa gzi brjid che ba dpag tu med pa grangs med pa dag dang yang thabs gcig ste/ rigs bzhi pa bram ze dang / rgyal rigs dang / rje rigs dang / dmangs rigs rnams dang /
- 274a
'khor bzhi po'i dge slong dang / dge slong ma dang / dge bsnyen ma rnams dang / shAkya bye ba khrag khrig 'bri dag dang / rgyal po rnams dang / blon po chen po rnams dang / grong rdal gyi mi rnams dang / yul gyi mi rnams dang / khyim bdag dang / blon po dang / pho brang gi mi dang / sgo dpon gyi 'khor rnams kyis bskor cing / mdun gyis ltas nas bkur sti byas/ bla mar byas/ ri mo byas/ mchod pa byas te/ bcom ldan 'das kyis na bza' dang / zhal zas dang / gzims cha dang / gdan dang / snyun gsos sman dang / yo byad mang po gya nom pa dag brnyes shing phyogs bcu'i 'jig rten gyi khams rab 'byam dpag tu med grangs med pa dag tu yang / bcom ldan 'das kyi grangs pa dang / tshigs su bcad pa rgya cher mngon par grags so// rdo rje'i snying po'i sa phyogs mnyam zhing yid du 'ong la rgya che zhing yang la chag chag legs par btab pa/ phyag dar legs par byas pa/ legs par rnam par phye ba/ pog snod nas bdugs pa/ me tog ud pa la dang / pad ma dang / ku mu ta dang / pad ma dkar po dang / a ti mu ta ka dang / ka dam pa dang / bar shi ka dang / ta ra ni dang / skya snar dang / mya ngan tshang dang / ko ran 'da' ka dang / sna ma dang / yu ti ka'i me tog dag bkra shis pa rin po che sna tshogs kyi shing ljon pas mdzes par byas pa na/ seng ge'i khri rin po che'i snying po dang / rin po che ras
- 274b
bcos bu 'bum dag bting ba rin po che'i bla re bris pa/ rin po che'i dril bu g.yer kha'i sgra bris pa/ rin po che'i lda ldi spangs pa/ rin po che sna tshogs kyis spras pa/ nor bu dang / gser dang / rdo rje dang bai ru dang / mu tig dang dung dang / man shel dang / byi ru dang / an da rnyil dang / rdo'i snying po dang / ma gang dang / spug dang she dang / rin po che bye ba khrag khrig 'bum dag gis brgyan pa la bzhugs te/ dbang po zhi ba dul ba dang / zhi gnas dam pa brnyes pa dul ba dang / zhi gnas mchog brnyes pa bsrungs pa gtso bor gyur pa/ dbang po dul ba mtsho ltar dngas shing gsal la rnyog pa med pa/ rin po che'i mchod sngor ltar mngon par 'phags pa/ dpa' zhing lham me lhan nor bzhugs pa/ sku skyes bu chen po'i mtshan sum bcu rtsa gnyis kyis legs par brgyan pa/ sku dpe byad bzang pos mdzes par byas pa/ rgya mtsho chen po lta/ dam pa'i chos kyi chus yongs su gang ba ri rab ltar mi skyod pa/ sa ltar sems can thams cad kyi nye bar 'tsho ba/ chu ltar dge ba'i rtsa ba rab tu bskyed pa/ tha snyad ltar thug mnyam pa nam mkha' ltar gos pa med pa/ nyi ma ltar mi shes pa'i mun pa sel ba/ zla ba ltar dkar po'i chos yongs su rdzogs pa/ yid bzhin nor bu ltar bsam pa tha cad yongs su rdzogs par mdzad pa/ nyi ma ltar gzi brjid kyis lam me ba/ zla ba ltar bsil zhing sim par byed pa/ rgya mtsho ltar rin po che'i 'byung gnas su gyur pa/
- 275a
/ rgya mtsho ltar zab pa/ me'i phung po ltar snang ba lus mi bskyod pa/ sems mi g.yo ba zhi zhing rab tu zhi ba/ dbang po khrul pa mi mnga' ba mkhengs shing mi smad pa/ dran pa legs par nye bar bzhag pa/ spyod lam mdzes pa legs par mnyam par bzhag pa/ rtag tu mnyam par bzhag pa/ phyin mi'i mtha'i skal pa bye ba phrag 'bum du dge ba'i rtsa ba thams cad yang dag pa sgrubs pa/ bsod nams kyi tshogs thams cad bsags pa/ pha rol phyin pa thams cad la thabs mkhas pa rtogs par thugs su chud pa/ sangs rgyas dang byang chub sems dpa'i sa thams cad la rnam par rol pa/ byang chub sems dpa'i spyod pa thams cad thugs kyi spyod pa/ sems cad thams cad kyis phan pa dang / bde ba thob par bya ba'i phyir brtson pa de chos ston de/ tshangs par spyod pa/ thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa yongs su rdzogs pa/ yongs su dag pa/ yongs su byangab dri ma med pa/ 'od gsal ba yid du 'ong yid 'thad pa yid sim par byed pa yid shin tu dga' bar byed pa/ yid skur bar byed pa yid rgyas par byed parnam par dag pa 'jig pa med pa/ mi rtsub pa bstan pa zab pa mi g.yo ba/ mi 'gyur ba rtag tu med pa/ rtog ge'i spyod yul ma yin pa/ bsam gyis
- 275b
mi khyab pa mang du 'byung ba/ brjod du med pa'i yang brjod du med pa/ rten cing 'chad de rnam par 'byed la 'brel cing gsal bar mdzad do// de'i tshe byang chub sems dpa' sems dpa' chen po ri'i phug dang / zom dang ri sul dang / gseb dang / sman ldong na seng ge'i mchog rnam par bsgyings shing nga ro rnam par sgrogs pa lta bu'i mi'i/ dbang po'i gtsag gi nor bu zhes bya ba/ gzugs bzang ba mdzes pa/ lta na sdug pa/ kha dog bzang po rgyas pa mchog dang ldan/ sngon gyi rgyal ba rnams la lhag par bya ba byas pa/ dge ba'i rtsa ba bskyed/ sangs rgyas bye ba khrag khrig 'bum phrag mang po la bsten bkur byas pa/ dkon mchog gsum gyis bdud 'tshob pa/ snying rje can spobs pa thogs pa med pa/ skye dgu la mnyes gzhin pa/ dad pa bzang ba bsam pa dge ba/ brtan pa zab/ snying rtse ba can snying rje dang ldan pa/ nges pa 'drogs na bde ba mkhas 'dzangs pa/ gsal ba yid bzhungs pa shes nyen dang pa/ le lo med pa shin tu dul ba dge des pa rgyun can ma yin pa/ g.yo ba med pa mi rtsub pa mi brlang ba dran pa nga rgyal dang / rgyags pa dang dregs pa dang / 'thab pa dang khro ba dang / pra dog dang ser sna dang / ngar 'dzin pa dang / nga yir 'dzin pa dang / lhag par zhen ba dang / sdug bsngal ba dang / yid mi bde ba dang / ma rig pa dang bral ba dang / bsod nams dang ldan pa zhig 'khor de nyid du 'dus par gyur te 'dug go// de nas byang chub
- 276a
sems dpa' sems dpa' chen po ri'i phug pa dang zom dang ri sul dang / gseb dang ljong na seng ge mchog rnam par sgyings shing / nga ro rnam par sgrogs pa lta bu'i mi'i dbang po'i gtsug gi nor bu stan las langs te/ bla gos phrag pa gcig tu bzar nas/ pus mo g.yas pa'i lha nga pad ma'i snying po la btsugs te/ bcom ldan 'das ga la de logs su thal mo sbyar ba btud nas/ bcom ldan 'das la 'di skad ces gsol to// gal te bdag gis zhus pa la lan gdab pa'i slad du/ bcom ldan 'das kyis skabs phye ba/ bcom ldan 'das de bzhin gshegs pa dgra bcom pa yang dag rdzogs pa'i sangs rgyas bdag la phyogs 'ga' zhu bar 'tshal to// 'di skad ces gsol pa dang / bcom ldan 'das kyis byang chub sems dpa' sems dpa' chen po ri'i phug dang / zom dang ri sul dang gseb dang / sman ldong na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bu la 'di skad ces bka' stsal to// rigs kyi bu khyod la byang chub sems dpa' thams cad rtag tu skabs 'byed kyi/ rigs kyi bu khyod kyis de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod dris shig dang / ngas dris pa de dag de'i lan btab pas khyod kyis sems par bya'o// de skad ces bka' stsal pa dang / bcom ldan 'das la byang chub
- 276b
sems dpa' sems dpa' chen po ri'i phug dang / zom dang ri sul dang gseb dang / sman ldong na seng ge'i mchog rnam par bsgyings shing nga ro rnam par sgrogs pa lta bu'i mi'i dbang po'i gtsug gi nor bus 'di skad ces gsol to// bcom ldan 'das rigs kyi bu 'am rigs bu mo dang po sems bskyed pas gang la mngon par brtson par bgyi lags/ de skad ces gsol pa dang / bcom ldan 'das kyis byang chub sems dpa' sems dpa' chen po ri'i phug dang / zom dang ri sul dang gseb dang / sman ldong na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po gtsug gi nor bu la legs so zhes bya ba byin te/ rig kyi bu legs so legs so// rigs kyi bu khyod de bzhin gshegs pa la don 'di yongs su dri bar sems pa khyod yang legs so// de'i phyir rigs kyi bu khyod legs par rab tu nyon la yid la zung shig dang ngas bshad do// byang chub sems dpa' sems dpa' chen po ri'i phug dang / zom dang ri sul dang gseb dang / sman ldong na seng ge'i mchog rnam par bgyings shing / nga ro rnam par sgrogs pa lta bu'i mi'i dbang po'i gtsug gi nor bus bcom ldan 'das la legs so// zhes gsol nas/ bcom ldan 'das kyi ltar mnyan pa dang / bcom ldan 'das kyis de la bka' stsal pa/ rigs kyi bu byang chub sems dpa' sems dpa' chen po dang po sems skyed
- 277a
pas dge ba bcu'i las kyi lam dag la mngon par brtson par bya'o// rigs kyi bu de la byang chub sems dpa' sems dpa' chen po dge bcu'i las kyi lam dag la mngon par brtson par byed ces na/ rigs kyi bu 'di la byang chub sems dpa' sems dpa' chen po srog gcod pa spangs pa yin/ log par lta ba bar dag spangs pa yin no// rigs kyi bu 'di la byang chub seMs dpa' sems dpa' chen po srog gcod pa spangs pa ji lta bu yin zhes na/ rigs kyi bu 'di la byang chub sems dpa' sems dpa' chen po de 'di snyam du sems te/ sgrog ces bya ba ni za na srog chags grog sbur yan chad yang sdug cing phangs la zhing yid du 'ong ba yin te/ bdag la yang srog 'di bsdug cing spangs la zhing yid du 'ong ba yin gyis/ su 'am bdag la bsod pa'am/ bsod du 'jug pa 'am/ bsad pa rjes su yi rang bar ma gyur cig/ bdag gis kyang su la yang bsad par mi bya/ bsod du gzhug par yang mi bya/ gsod pa la rjes su yid rang bar mi bya'o snyam mo// rigs kyi bu de ltar na byang chub sems dpa' sem dpa' chen po srog chags gsod pa spangs pa yin no// de la 'di skad ces bya ste/ mngal na gnas pa yan chad kyang / kun la srog ni sdug pa'i phyir/ bdag gi srog phangs gang yin pa/ de ni srogs chags gsod mi byed/ de las byin pa len pa spangs pa byi lta bu yin zhe na/ rigs kyi bu
- 277b
'di la byang chub sems dpa' de 'di snyam du sems te/ nor zhes bya ba ni tha rigs ngan dang / g.yung po yan chad la yang sdug cing 'phangs la dga' zhing yid du 'ong ba yin te/ bdag la yang nor 'di sdug cing phangs la dga' zhing yid du 'ong ba yin gyis/ su 'ang 'phrog pa 'am/ 'phrog du 'jug pa 'am/ 'phrog pa la rjes su yid rang bar ma gyur cig/ bdag gis su la yang 'phrog par mi bya/ 'phrog par gzhug par mi bya/ 'phrogs pa'i rjes su yid rang mi bya'o/ snyam mo// rigs kyi bu de ltar na/ byang chub sems dpa' seMs dpa' chen po ma byin par len pa spangs pa yin no// de la 'di skad bya ste/ shing dang bong ba yan chad la/ gzhan gyi bor bar gyur pa yang / gang la pha ni nor sdug pa// de ni nor la 'phrog mi byed/ de la 'dog pa log par g.yem pa spangs pa ji lta bu yin zhe na/ rigs kyi bu 'di la byang chub sems dpa' de snyam du sems te/ chung ma zhes bya ba ni/ dud 'gro'i skye gnas su gyur pa rnams la yang sdug cing phangs kha dga' zhing yid du 'ong ba yin te/ bdag la chung ma 'di sdug cing phangs la dga' zhing yid du 'ong ba yin gyis/ su la yang bdag la 'phrog pa 'am/ 'phrog pa pa la rjes su yid rang ba'am/ nan gyis gnan te/ dga' dgur yongs su longs spyad par mi bya'o// snyam mo// rigs kyi bu de ltar na byang chub sems dpa'
- 278a
sems dpa' chen po 'dod pa log par g.yem pa sdung ba yin no// de la 'di skad ces bya ste/ bran mor gyur pa yan nad kyang // gzhan gyi bzhin par gyur pa la// gang la rang gi chung ma sdug/ de ni chung ma 'phrog mi byed// de la rdzun du smra ba spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ bden pa zhes bya ba de ni/ za na gnod sbyin dang 'byung po dang / sha za rnams la sdug cing pangs dga' zhing yid du 'ong ba yin ste/ bdag la yang bden pa 'di sdug cing phangs la dga' zhing yid du 'ong ba yin gyis/ su yang bdag la rdzun ska bas sun 'byin pa'am/ sun 'byin du 'jug pa 'am/ sun phyung ba la rjes su yid rang bar ma gyur cig/ bdag gis kyang rdzun du smra bas sun 'byung bar mi bya/ sun 'byin du gzhug par mi bya/ sung phyung ba la rjes su yid rang bar mi bya'o// snyam mo// rigs kyi bu de ltar na byang chub sems dpa' sems dpa' chen po rdzun du smra ba spangs pa yin no// de la 'di skad ces bya ste/ gnod sbyin 'byung po yan chad kyang / gang la bden par smra ba sdug/ shes rab can de de rdzun gyis/ lus can rnams la sun 'byin pa// de la phra ma'i tshig spangs pa ji ltar yin zhe na/ rigs kyi bu 'di la byang chub sems dpa' de snyam du sems te/ phra ma'i tshig ces bya ba ni/ za na gang zag phram
- 278b
can rnams la mi sdug cing mi 'dod/ mi dga' zhing yid du mi 'ong yin te/ bdag la yang phra ma'i tshig 'di mi sdug cing mi 'dod la mi dga' zhing / yid du mi 'ong ba yin gyis/ su yang bdag la phra ma zer bas gleng ba 'am/ gleng du 'jug pa 'am/ glengs pa la rjes su yid rang bar ma gyur cig/ bdag gis kyang su la yang phra ma zer bas glengs par mi bya/ gleng du bzhug par mi bya'o snyam mo// rigs kyi bu de ltar na byang chub sems dpa' sems dpa' chen po phra ma'i tshig spang ba yin no// de la ngag rngub mo smra ba spangs pa ji lta bu zhig yin zhe na/ rigs kyi bu 'di la byang chub sems dpa' de 'di snyam du sems te/ ngag rngub mo zhes bya ba ni/ za na gang zag rtsub mo dang ldan pa rnams la yang mi sdug cing mi 'dod la/ mi dga' zhing yid du mi 'ong ba yin te/ bdag la yang ngag rtsub mo 'di sdug cing mi 'dod la mi dga' zhing yid du mi 'ong ba yin gyis/ su yang bdag la ngag rtsub mo smra ba dang / gtum pa'i tshig dang / brlang ba'i tshig dang / mi bden pa'i tshig gis tho 'tsham pa'am/ tho 'tsham du 'jug pa 'am/ zlo 'tshams pa la yid rang bar ma gyur cig/ bdag gis kyang su la yang ngag rngub me/ smra ba dang / gtum pa dang / brlang ba'i tshig dang / mi bden pa'i tshig gis tho 'tsham par mi bya/ tho 'tsham du bzhug par mi bya/ tho 'tshams pa
- 279a
la rjes su yid rang bar mi bya'o// snyam mo// rigs kyi bu de ltar byang chub sems dpa' sems dpa' chen po dag rtsub mo smra ba spangs pa yin no// de la 'di skad ces bya ste/ gang dag su yang rung ba la/ phra ma ngag rtsub mi sdug pa/ de ni phra ma mi zer te// rtsub pa'i tshig kyang bsrung bar byed/ de la tshig kyal pa spangs pa ji lta bu yin zhe na/ rigs kyi bu 'di la byang chub sems dpa' sems dpa' chen po de 'di snyam du sems te/ tshig kyal pa zhes bya ba ni/ tha na gang zag tshig kyal pa can dag la yang / mi sdug cing mi 'dod la mi dga' zhing yid du mi 'ong ba yin te/ bdag la tshig kyal pa 'di mi sdug cing mi 'dod la mi dga' zhing yid du mi 'ong ba yin gyis/ su la yang bdag cig kyal pa smra bas dran par byed pa'am/ dran par byed du 'jug pa'am/ dran par byas pa la rjes su yid rang ma gyur cig/ bdag gis kyang su yang tshig kyal pa smras pas dran par mi bya/ dran par byed du mi gzhug/ dran par byas pa la rjes su yid rang bar mi bya'o snyam mo// rigs kyi bu de ltar na byang chub sems dpa' sems dpa' chen po tshig kyal pa spangs pa yin no// de la byang chub sems dpa' sems dpa' chen po rnab sems ji lta bu zhig yin zhe na/ rigs kyi bu 'di la byang chub sems dpa' de 'di snyam du sems te/ brnab sems zhes bya ba ni
- 279b
gang zag brnab sems can rnams la mi sdug cing mi 'dod la mi dga' zhing yid du mi 'ong ba yin te/ bdag la yang brnab sems 'di mi ldog cing mi bdag zhing yid du mi 'ong ba yin gyis/ su yang bdag la brnab sems kyi tshig gis brjod pa'am/ brjod pa la rjes su yid rang bar ma gyur cig/ bdag gis kyang su la yang brnab sems kyi tshig gis brjod par ma bya/ brjod du bzhug par mi bya/ brjod pa la rjes su yid rang bar mi bya'o snyam mo// rigs kyi bu de ltar na byang chub sems dpa' sems dpa' chen po brnab sems spangs pa yin no// de la 'di skad ces bya ste/ kyal pa'i tshig dang brnab sems gnyis// gang zhig bdag nyid mi 'dod pa/ de ni kyal pa'i tshig mi smra// brnab sems kyang ni bsrung bar byed// de gnod sems spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ gnod sems zhes bya ba ni tha na gang zag gnod sems su gyur pa'i sems dang ldan pa rnams la yang mi sdug cing / 'dod pa la mi dga' cing yid du mi 'ong ba yin te/ bdag la yang gnod sems 'di mi sdug cing mi 'dod pa la mi dga' zhing yid du mi 'ong ba yin gyis/ su yang bdag la gnod sems kyi tshig gis 'chad pa 'am/ 'chad du 'jug pa 'am/ bshad pa la rjes su yid pang bar ma gyur cig/ bdag gis kyang su la
- 280a
yang gnod sems kyis tshig gis bshad par mi bya/ bshad pa la rjes su yid rang bar mi bya'o snyam mo// rigs kyi bu de ltar na byang chub sems dpa' sems dpa' chen gnod sems spangs pa yin no// de la log par lta ba spangs pa ji lta bu yin zhe na/ rigs kyi bu 'di la byang chub sems dpa' de 'di snyam du sems te/ log par lta ba zhes bya ba ni/ tha na gang zag log par zhugs pa rnams la yang mi sdug cing mi 'dod la mi dga' zhing yid du mi 'ong ba yin te/ bdag la log par lta ba 'di mi sdug cing mi 'dod la mi dga' zhing yid du mi 'ong ba yin gyis/ su yang bdag la log par lta ba'i tshig gis ston pa'am/ ston du 'jug pa 'am/ bstan pa la rjes su yid rang bar ma gyur cig/ bdag gis kyang su la yang log par lta bas tshig gi bstan pa mi bya/ ston du gzhug par mi bya/ bstan pa la rjes su yid rang bar mi bya'o snyam mo// rigs kyi bu de ltar na byang chub sems dpa' sems dpa chen po log par lta ba spangs pa yin no// de la 'di skad ces bya ste/ gnod sems log par lta ba gnyis// yong gis mi 'dod gang yin pa/ de ni gnod sems mi byed de// gang la'ang log par mi 'jug go// rigs kyi bu de ltar na byang chub sems dpa' sems dpa' chen po ni dge ba bcu'i las kyi lam 'di dag
- 280b
la mngon par brtson par byed do// de dge ba bcu'i las kyi lam bstan pa bshad pa na sems can dpag tu med pa grangs med pa dag bla na med pa yang dag par rdzogs pa'i sangs rgyas byang chub tu sems skyes so// sangs rgyas kyi chos thams cad kyi rgyan dang spyad pa dang // lhab lbu ba bkod pa zhes bya ba theg pa chen po'i mdo las le'u bcu pa'o// // rigs kyi bu gzhan yang byang chub sems dpa' sems dpa' chen po dang / sems bskyed pas ni pha rol tu phyin pa bcu la mngon par brtson par bya'o// bcu gang na na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin de dang / thabs dang smon lam dang / stobs kyi pha rol tu phyin pa'o// rigs kyi bu de la byang chub sems dpa' sems dpa' chen po pha rol tu phyin pa bcu po de dag la ji ltar mngon par brtse bar byed ce na/ rigs kyi bu 'di la byang chub sems dpa' sems dpa' chen po ni sbyin pa byin par byed/ tshul khrims bsrung bar byed/ bzod pa bsgom par byed/ brtson 'grus rtsom par byed/ bsam gtan la bsam gtan du byed/ shes rab 'bar bar byed/ thabs la mkhas
- 281a
par byed/ smon lam 'debs par byed/ stobs la 'jug par byed/ ye shes la 'jug par byed do// rigs kyi bu de la byang chub sems dpa' sems dpa' chen po sbyin pa'i pha rol tu phyin pa la ji ltar mngon par brtson par bye ce na/ rigs kyi bu 'di la byang chub sems dpa' sems dpa' chen po zas dang / skom dang bzhon pa dang / gos dang / rgyan sbyin pa la mngon par brtson pa byed pa nas/ rkang sbyin pa'i bar dag la mngon par brtson par byed do// rigs kyi bu de la byang chub sems dpa' sbyin pa dag la ji ltar mngon par brtson par byed ce na/ rigs kyi bu byang chub sems dpa' de 'di snyam du sems te/ zas sbyin pa zhes bya ba de ni tshe dang kha dog dang / stobs dang / bde ba 'grub par 'gyur ba'i tshig bla dgas yin no// de lta bas na bdag gis zas sbyin pa la mngon por brtson par bya dgos te/ bdag gis zas sbyin pa byin par bya/ gor ma chag snyam mo// des zas kyi sbyin pa de byin pas tshe byin pa dang bde ba byin par 'gyur ro// de nas de'i tshe bcom ldan 'das kyis tshigs su bcad pa 'di dag bka' stsal pa/ kha zas sbyin pa byin pa te// des na tshe dang kha dog dang / stobs dang bde ba ldan pa spobs/ shes rab can gyi byin pa yin/ kha zas byin pas dga' ba yin// tshe ring stobs ldan bde skyid 'gyur// skyid cing brtan pa de dag ni// thogs
- 281b
med spobs dang ldan par 'gyur// phyag cing nor mang dpal dang ldan/ mi ni de bde shing bla ldan la// bsod nams ldan zhing mkhas pa ni/ kha zas byin pas de ltar 'gyur// de la skom byin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ skom sbyin pa zhes bya ba de ni// nyon mongs pa sred pa thams cad legs par 'gyur ba'i tshig bla dgas yin te/ de lta bas na bdag gis skom gyi sbron pa byin par bya gor ma chag snyam mo// de skom gyi sbyin pa de byin pa na/ sangs rgyas kyis bsngags pa'i smon lam bzhin du skom gyi sbyin pa 'dis ni/ bdag dang sems can thams cad kyi nyon mongs pa sred pa'i rgya mtsho thams cad skems par byed par gyur cig/ rnam par grol ba'i ro'i skom gyis kyang tshim par gyur cig ces smon lam 'debs so// 'di la tshig phyin ma yang yod do// rga shi'i chu srid kyis dkrugs pa'i// nyon mongs sred pa'i mtsho skams nas// rnam grol ro'i skom gyis na// mi rnams bdag gis tshim par bya// skom byin pas ni tshig par bya// kun tu 'bar zhing rab 'bar ba'i// yi dgas nyam ngar mi skye zhing // skom pa'i gnod pa 'byung mi 'gyur de la gzhon pa'i sbyin pa ni ji ltar mngon par brtson par byed ce na/ rigs kyi bu 'di la byang chub sems dpa'o de 'di snyam du sems
- 282a
te/ bzhon pa'i sbyin pa zhes bya ba de ni bde ba dang rdzu 'phrul gyi gzhi/ thams cad bsdud pa'i tshig bla dgas yin gyis/ bdag gis sbyin pa byin par bya ste/ bzhon pa shing rta 'am bzhon pa khyogs sam/ bzhon pa rta 'am bzhon pa glang po che'am/ lham sbyin par bya' gor ma chag snyam mo// de bzhon pa'i sbyin pa de dag byin pa na/ sangs rgyas kyis bsngags pa'i smon lam bzhin du bzhon pa'i sbyin pa 'dis na/ bdag dang sems can thams cad kyi bde ba dang / rdzu 'phrul gyis bani thams cad sdud par gyur cig ces smon lam 'debs so// de la 'di skad ces ste/ bzhon pa shing rta byed pa yis// rtag tu sems can thams cad kyis/ theg pa chen po thob gyur cig/ rdzu 'phrul rkang pa thob par shog/ bzhon pa'i sems can drang srong che// sangs rgyas zhing nas zhing dag du// blo ldan bya'i shugs 'dra bar// rdzu 'phrul gyis ni mkha' las 'gro// de la gos sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ gos sbyin pa zhes bya ba de ni ngo tsha shes pa dang / khrel yod pa dang / mdog yongs su dag par byed pa'i tshig bla dgas yin gyis/ bdag gis gos kyi sbyin pa byin par byo gor ma chag snyam mo// de gos kyi sbyin pa de byin pa na/ sangs rgyas kyis gnang ba'i smon lam bzhin
- 282b
du gos kyi sbyin pa 'dis na bdag gi sems can thams cad kyi ngo tsha shes pa dang / khrel yod pa dang / mdog yongs su dag par gyur cig ces smon lam 'debs so 'di la tshig phyi ma yang yod do// gos kyi sbyin pa 'dis na bdag/ sems can kun gyi ngo tsha shes/ khrel yod pa ni sbyong ba dang // mdog dang rnam par byed gyur cig/ gos byin shin tu dpa' dang ldan// rtag tu rigs gzugs zhing mi de ngo tsha shes par 'gyur/ mi ni grags ljon skal dang ldan// de la rgyan sprin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rgyan sbyin pa zhes bya ba de ni/ skyes bu chen po'i mtshan sum bcu rtsa gnyis dang dpe byad bzang po brgya bcu yongs su rdzogs par 'gyur ba'i tshig bla dgas yin gyis/ bdag gis rgyan gyis sbyin pa gser gyi rgyan nam/ nor bu 'am/ mu tig gam/ dung ngam/ man shel lam/ byi ru'i rgyan sbyin par bya gor ma chag snyam mo// de rgyan gyi sbyin pa de byin pa na sangs rgyas kyi gsung pa'i smon lam bzhin du/ rgyan gyis sbyin pa 'dis na bdag gis sems can thams cad kyi lus mtshan dang / dpe byad bzang po dag gis brgyan gyis rgyan pa mthong bar gyur cig ces smon lam 'debs so// de la tshig phyi ma yod do// gser gyi rgyan ni byin ma yis// mtshan rnams kyis ni brgyan pa yi// sems can thams cad mthong
- 283a
gyur cig/ bdag kyang byang chub thob par shog/ nor bu mu tig byin pas ni// gang dang gang du de skye ba// skye gnas de dang de dag tu/ rin chen char ni 'bab par 'gyur// de la mar me sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ mar me sbyin pa zhes bya ba de ni/ lha'i mig yongs su dag par 'gyur ba'i tshig bla dgas yin gyis/ bdag gis mar mo sbyin pa byin par bya gor ma chag snyam mo/ de mar me'i sbyin pa byin pa na/ sangs rgyas kyis brtan pa'i smon lam bzhin du mar me sbyin pa 'dis na/ bdag sems can thams cad kyi lha'i mig yongs su dag par 'gyur ba'i don byed par gyur cig ces smon lam 'debs so// de la tshig phyin ma yod do// kun mkhyen ye shes 'gyur ba yi// mar me sbyin pa des na bdag/ sems can kun gyi lha'i mig/ rnam par dag par byed 'gyur cig/ mi de mar me sbyin pa yis// 'jig rten dag na dus kun// sangs rgyas rnams kyi spyan snga na// rim gyis su ni ldan par 'gyur// de rol mo'i sgra sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rol mo'i sgra sbyin pa zhes bya ba de ni/ lha'i rna ba yongs su rdzogs par 'gyur ba'i tshig bla dgas yin gyis/
- 283b
bdag gis rol mo'i sgra sbyin pa byin par bya gor ma chag snyam mo// de rol mo'i sgra'i sbyin pa byin pa na/ sangs rgyas rnam par rol pa'i smon lam bzhin du rol mo'i sgra'i sbyin pa 'dis ni/ bdag sems can thams cad kyi lha'i rna ba'i yongs su rdzogs par byed par gyur cig ces smon lam 'debs so// de la tshig phyin ma yang yod do// rol mo'i sgra sbyin des na bdag/ sems can kun dang lha rna dang // sangs rgyas byang chub 'gro phan pa// rab tu rdzogs par byed gyur cig/ rol mo'i sgra ni byin pas ni// rdzogs pa'i sangs rgyas grags ldan pa// dpa' bo rnams la lha'i snyan// gang du skyes par des thob po// de la spos dang phye ma dang // byug pa sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ spros dang phye ma dang byug pa// sbyin pa zhes bya ba de ni tshul khrims dang thos pa dang / ting nge 'dzin gyi spos dang / phye ma dang byug par 'gyur ba'i tshig bla dgas yin gyis/ bdag gis spos dang phye ma dang / byug pa'i sbyin par gor ma chag snyam mo/ de spos dang phye ma dang byug pa'i sbyin pa de sbyin pa na / sangs rgyas kyis dgod pa'i smon lam bzhin du spos dang phye ma dang byug po'i sbyin pa 'dis ni/ bdag gis sems can thams cad tshul khrims dang / zos pa dang ting nge 'dzin gyi spos kyis
- 284a
ha/ byug par gyur cig ces smon lam 'debs so// de la 'di skad ces bya ste// spos dang phye ma byin pa dang // byug pa dag ni byin pa yis// tshul khrims thos dang ting nge 'dzin// lus can rnams kyis thob gyur cig/ spos dang phye ma byin pa dang // byug pa byin pa'i skyo ba rnams kyi// lha'i shangs dang lha'i sku// skyon med des thob par 'gyur// de la me tog sbyin pa la mngon par brtson par byed pa na/ rigs kyi bu 'di la byang chub sems dpa' de 'di snyam tu sems te/ me tog dang me phreng gi sbyin pa de byin pa na/ sangs rgyas kyis gsungs pa'i smon lam bzhin du me tog dang me tog 'phreng gi sbyin pa 'dis na/ bdag gi sems can thams cad kyi lus gzungs dang spobs pa dang / byang chub kyi yan lag rin po che'i me tog gis brgyan par byed par gyur cig ces smon lam 'debs so// de la yang tshig phyin ma yang yod do// me tog me tog 'phrod byin pas// myur bar rnam pa thams cad du// byang chub yan lag me tog gis// lus can kun la brgyan par shog/ me tog me tog 'phreng byin pa// gang dang gang du skyes pa der// rgyal po blon po zhang blon gyis// rtag tu mchod cing rim 'gro byed/ de la ro bro ba'i sbyin pa la mngon par brtson par byed ce na/ rigs kyi bu de la byang chub sems dpa' de 'di snyam du sems te/ ro bro ba byin pa zhes bya ba de ni ro bro ba
- 284b
mchog tu gyur pa'i skyes bu chen po'i mtshan du 'gyur ba'i tshig bla dgas yin gyis/ bdag gis ro bro ba'i sbyin pa rgun gyis ro 'am/ bu ram shing gi ro 'am/ s+tha rtsi'i ro 'am/ mar gyi ro 'am 'bru mar gyi ro 'am/ lan tsha'i ro sbyin par bya gor ma chag snyam mo// de ro bro ba'i sbyin pa de byin pa na sangs rgyas kyis bsngags pa'i smon lam bzhin du ro'i sbyin pa 'dis na/ bdag gis sems can thams cad la ro bro ba'i mchog tu 'gyur ba'i skyes bu chen po'i mtshan yongs su rdzog par byed par gyur cig ces smon lam 'debs so// de la 'di skad ces bya ste// ro'i sbyin pas sems can kun// kun mkhyen ro'i snying po yis// rdzogs sangs rgyas pa'i byang chub kyi// spyod pa yongs su rdzogs gyur cig/ ro'i sbyin pas yid bzhugs shing // dran ldan blo gros rgya mtsho zhing / des na ro'i sna grangs thob// lhun gyis grub par longs spyod ldan// de la gnas sbyin po la ji ltar mngon par byed ce na/ rigs kyi bu 'di la byang chub sems dpa' de 'di snyam du sems te/ gnas sbyin pa zhes bya ba de ni sems can thams cad kyi gnas dang / skyob pa dang gling dang / skyabs dang dpung gnyen du gyur ba'i tshig bla dgas yin gyis// bdag gis gnas kyi sbyin pa byin par bya gor ma chag snyam mo// de gnas kyi sbyin pa do byin pa na/ sangs rgyas
- 285a
dmigs pa'i smon lam bzhin du gnas kyi sbyin pa 'dis na/ bdag sems can thams cad kyi gnas dang / skyob pa dang / gling dang skyabs dang / dpung gnyen du gyur cig ces smon lam 'debs so// de la 'di skad ces bya ste/ gzhal med khang gnas sbyin po yis/ bdag ni 'dzam bu gling dag tu/ lus can rnams kyi skyo ba dang phreng // skyabs dang dpung gnyen gyur par shog/ gzhal med khang gnas sbyin po yin// gang dang gang du skye ba na// khyim dang gnas dang yul 'khor gyi/ bdag po dang ni gtso bor 'gyur ro// de la mal dang rngas sbyin pa la ji ltar mngon par brtson byed ce na/ rigs kyi bu 'di la byang chub sems dpa' de 'di snyam du sems te/ mal dang rdzas sbyin pa zhes bya ba de ni sgrib pa thams cad gtan spong ba'i 'phag pa dang / lha'i tshangs pa'i gnas de bzhin gshegs pa'i gzims mal dang / rngas sbyin pa'i tshig bla dgas yin gyis/ bdag gis mal dang rdzas sbyin par bya gor ma chag snyam mo// de mal dang rdzas kyi sbyin pa de byin pa na/ sangs rgyas kyi brten pa'i smon lam bzhin du mal dang rdzas kyi sbyin pa 'dis na/ bdag sem can gyi sgribs pa thams cad gtan spong ba'i 'phags pa dang / lha'i tshangs pa'i gnas de bzhin gshegs pa gzims mal dang / 'phags pa sbyin pa
- 285b
gyur cig ces smon lam 'debs so// de la tshig phyi ma yod do// mal dang rdzas rnams sbyin pas bdag la ni/ bsod nams tshogs ni cung zad ci yod pa/ des na bdag gis sgrib pa dag/ sdig pa'i blo gros ngan pa 'joms par shog/ lus can rnams ni lta ba ngan pa yi// dran pa shes rab mtshon gyis gcod par shog/ bde bar gshegs pa rnams 'os pa yi// mal mchog tshangs gnas bstan pa sbyin par shog/ mal dang rdzas rnams sbyin par byed pa'i mi/ bstan bcos dag la mkhas par skye ba 'gyur// zhi gnas thob cing rgya cher sbyin pa dang / pad mo las byung gzi can gzhon nur 'gyur// de la stan sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te stan sbyin pa zhes bya ba de ni/ stong gsum gyi stong chen po'i 'jig rten gyi khams thams cad kyi sa gzhi la byang chub kyi snying po rdo rje'i gtan thob par 'gyur ba'i tshig bla dgas yin gyis bdag gis stan gyi sbyin pa byin par bya gor ma chag snyam mo// de stan gyi sbyin pa de byin pa na/ de bzhin gshegs pa dang mthun pa'i smon lam bzhin du stan gyi sbyin pa 'dis na/ bdag gis sems can thams cad kyis stong gsum gyi stong chen pos khams thams cad kyis gzhi la byang chub sa'i snying po rdo rje'i gdan thob par byed par gyur cig ces smon lam 'debs so//
- 286a
de la 'di skad ces bya ste/ stan gyi sbyin pa 'di yis ni// byang chub snying po'i rdo rje gang na// bzang zhing sra la gtan pa dag/ lus can rnams la 'byung bar shog/ sna tshogs rin chen bdum las byas// 'phang du dpag tshad gnyis yod la// kho ra khor yug dpag tshad cing // ri rab gzhan du sba ba dang // rin chen ljon shing rab skor cing // gzhal med khang gis leg par brgyan// dril bu g.yer ka'i dra bas bkab// nor bu rin chen spras gsal ba/ tshangs pa mtshungs pa spyod rnams la/ khyi'u stan dang stegs byin pas// 'khor ba dag na 'khor ba'i tshe// de dra'i stan ni thob par 'gyur// de la yo byad kyi sprin pa la ji ltar mngon par brtson par bya ce na/ rigs kyi bu 'di la byang chub sems dpa' de 'di snyam du sems te/ yo byad sbyin pa zhes bya ba de ni/ byang chub kyi byad yongs su rdzogs par 'gyur ba'i tshig bla dgas yin gyis/ bdag gis yo byad kyi sbyin pa byin par bya gor ma chag snyam mo// de yo byad kyi sbyin pa de byin pa na/ de bzhin gshegs pa la 'os pa'i smon lam bzhin du/ yo byad sbyin pa 'dis na bdag sems can thams cad kyi byang chub kyi yo byad yongs su rdzogs par byed par gyur cig ces smon lam 'debs so// de la tshig phyi ma yang yod do// yo byad yongs su btang ba de// bdag gis kyang ni lus can gyi// byang chub mo
- 286b
byad btsal ba dag/ yongs su rdzogs par byed 'gyur cig/ yo byad rab tu sbyin pa yis// gang dang gang du skyes pa des// rnam pa kun gyi mchog ldan par/ yan lag thams cad rdzogs par 'gyur// de la sman sbyin pa la mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ sman gyi sbyin pa zhes bya ba de ni/ sems can thams cad kyi rga ba dang 'chi ba med pa'i bde ba yongs su rdzogs par 'gyur ba'i tshig blo dgas yin gyis bdag gis sman gyi sbyin pa byin par bya gor ma chag snyam mo// de sman sbyin pa de byin pa na/ de bzhin gshegs pas byin gyis brlabs pa'i smon lam bzhin sma na sbyin pa 'dis ni/ bdag sems can thams cad kyi rga ba dang 'chi ba med pa'i bdud pa ci'i bde ba yongs su rdzogs par gyur cig ces smon lam 'debs so tede la 'di skad bya ste/ rtsi dang sman gyi sbyin pa yis/ sems can thams cad tshe dpag med// thams cad mkhyen pa'i bdud rtsi yang // myur ba nyid du thob cig/ rtsi dang sman gyi sbyin pa yis// zla bo nya ltar nad med cing // gnod chung skyid cing bde bar gnas// mi rnams tshe ni ring 'drul// de la bran dang bran mo dang / las byed pa la/ no shas yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du
- 287a
sems te/ bran dang bran mo dang las byed pa dang / zho shas yongs su gtong ba'i sbyin pa zhes bya ba de ni/ byang chub sems dpa' rnam kyi rang dga' dang / rang dbang dang / rang byung gi ye shes yongs su rdzogs par 'gyur ba'i tshig bla dgas yon gyis/ bdag gis bron dang bran mo dang las byed pa dang / zho shas 'tsho ba yongs su rdzogs pa'i sbyin pa de byin par bya gor ma chag snyam mo// de bran dang bran mo dang las byed pa dang / zho shas 'tsho ba yongs su gtong ba'i sbyin pa de sbyin pa 'di/ de bzhin gshegs pas gsungs shing bsten pa'i smon lam bzhin du bran dang bran mo dang las byed pa dang / zho shas 'tsho ba yongs su gtong ba'i sbyin pa 'dri na/ bdag seMs can thams cad kyi rang dga' dang / rang dbang dang / rang byung gi ye shes yongs su rdzogs par gyur ci ces smon lam 'debs so// de la 'di skad ces bya ste/ bran dang bran mo btang ba yis/ 'dor na lus can thams cad kyi/ rang byung gi ni ye shes kyi/ snying yongs su rdzogs gyur cig/ bran dang bran mo gtang ba yis// mi ni bran du mi skye zhing // brtan po rang dbang yod par 'tsho/ zhum pa med cing 'jigs pa med de la gser dang / dngul dang / nor bu dang / mu tig dang / bai DUr+ya dang / dung dang man shel dang / byi ru dang / rin po che thams cad yongs su gtong ba'i sprin
- 287b
la mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ gser dang dngul dang / nor bu dang / mu tig dang / baiDUr+ya dang / dung dang man shel dang / byi ru dang / rin po che thams cad yongs su gtong ba zhes bya ba de ni/ byang chub sems dpa' rnams kyi sangs rgyas kyi zhing bye ba khras khrig 'bum mtha' yas mu med pa dag tu 'od zer sngon po dang / ser po dang / dmar po dang / dkar po dang / gartsod ka dang / shel dang / dngul gyi kha dog lta bu snang bar 'gyur ba'i tshig bla dgas yin gyis/ bdag gis gser dang / dngul dang / nor bu dang / mu tig dang / bai DUr+ya dang / dung dang / man shel dang / byi ru dang / rin po che thams cad yongs su gtong ba'i sbyin pa byin par bya gor ma chag snyam mo// de gser dang / dngul dang / nor bu dang / mu tig dang / bai DUr+ya dang / dung dang / man shel dang / byi ru dang / rin po chen thams cad yongs su gtong bas sbyin pa na/ de bzhin gshegs pas ji ltar mkhyen cing bshad de gsal bar mkhas pa'i smon lam bzhin du gser dang / dngul dang / nor bu dang / mu tig dang / bai rU dang / man shel dang / byi ru dang / rin po che thams cad byin des na bdag sangs rgyas kyi zhing bye ba khrag khrig 'bum mtha' yas mu med pa dag tu 'od zer sngon po dang / ser po dang / dmar po dang / dkar po dang / gcod ka dang / shel
- 288a
dang / dngul gyi kha dog lta bus snang bar gyur cig ces smon lam 'debs so// de la tshig phyi ma yang yod de/ rin chen byin pa des nA bdag/ 'od zer sna tshogs snang ba yis// sangs rgyas drang srong che rnams pa'i// zhing rnams thams cad snang byed shog/ rin chen sna tshogs byin pa yis// nges pa gang drang gar skye ba// 'jig rten mtshams med yan chad du// des ni 'od zer snang bar byed// de la rta dang glang po che dang shing rta'i bzhon pa yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te rta dang glang po che dang / shing rta'i bzhon pa yongs su gtong ba'i sbyin pa zhes bya ba de ni/ byang chub sems dpa' rnams kyi theg pa chen po dang / theg pa mchog dang / theg pa mi mnyam pa dang mnyam pa dang / sangs rgyas kyi thog pa bla na med pa gtso bo dam pa rab tu mchog/ bsdud pa'i tshig bla dgas yin gyis/ bdag gis rta dang glang po che dang / shIng rta'i bzhon pa yongs su gtong ba'i sbyin pa sbyin par bya gor ma chag snyam mo// de rtswa dang glang po che dang shing rta'i bzhon pa yongs su gtong ba'i sbyin pa byin pa na/ de bzhin gshegs pA gsungs shing bsgoms pa'i smon lam bzhin du/ rta dang glang po che dang / shing
- 288b
rta'i bzhon pa yongs su gtong ba'i sbyin pa 'dis na/ bdag gis sems can thams cad theg pa chen po dang / theg pa mchog dang / theg ma mi mnyam pa dang mnyam pa dang / sangs rgyas kyi theg pa bla na med pa/ gtso bo dam pa/ rab mchog gis sdud par gyur cig ces smon lam 'debs so// de la tshig phyi ma yang yod do// bdag gis glang chen byin pa yis/ sangs rgyas theg pa theg pa che/ theg pa mchog gis lus can rnams// myur du bsdud par byed par shog/ glang chen shing rta byin pas ni// gsal zhing mkhas la bshes gnyen can// theg pa chen po la mos pa dang / mi de bskal pa can du 'gyur// de la skyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa zhes bya ba de ni/ byang chub sems dpa' rnams kyi bsam gtan gyi yan lag yongs su rdzogs par 'gyur ba'i tshig bla dgas yin gyis/ bdag gis bskyed mos tshal dang / dka' thub kyi nags tshal dang / gtsug lag khang yongs su gtong ba'i sbyin pa byin par bya gor ma chag snyam mo// de bskyed mos tshal dang / dka' thub kyi nags tshal dang / gtsug lag khang yongs su gtong ba'i sbyin po byin pa ma/ sangs rgyas kyi ston cing bsngags pa'i smon lam bzhin du/ bskyed mos tshal dang / dka' rngub kyi nags
- 289a
tshal dang / gtsug lag khang yongs su gtong ba'i sbyin pa 'dis na/ bdag sems can thams cad kyi bsam gtan gyi yan lag yongs su rdzogs par gyur cig ces smon lam 'debs so// de la tshig phyi ma yang yod de/ lha khang bskyed mos tshal byin pas/ bdag gis sems can thams cad kyi// bas gtan yan lag rim bzhin du/ yongs su rdzogs par byed par shog/ lha khang bskyed mos tshal byin pas// rnal 'byor can gyi mi de la/ bsam gtan yan lag yongs rdzogs shing // rnal 'byor spyod pa dka' thub che/ de la rluchung ma dang bu dang bu mo yongs su gtong ba'i sbyin pa la ji ltar mdze par brtson par byed ces na/ rigs kyi bu 'di la byang chub sems dpa' de 'di snyam du sems te/ chung ma dang bu dang bu mo yongs su gtong ba'i sbyin pa zhes bya ba de ni/ byang chub sems dpa' rnams kyi bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i tshig bla dgas yin gyis/ bdag gis chung ma dang bu dang / bu mo yongs su gtong ba'i sbyin pa byin par bya gor ma chag snyam mo// de chung ma dang / bu dang / bu mo yongs su gtong ba'i sbyin pa byin pa na/ de bzhin gshegs pas bsnyen bkur mdzad pa'i smon lam bzhin du chung ma dang / bu dang bu mo yongs su gtong ba'i sbyin pa 'dis na/
- 289b
bdag sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar byed pa'i rgyur gyur cig ces smon lam 'debs so// de la tshig phyi ma yang yod de// bu'i sbyin pa des ni myur bar yang // sems can thams cad bla na med pa yi// byang chub dam pa 'tshang rgya byed par shog/ chung ma dang bu mo gtong bar byed// de la byang chub zag med dkra' ba med// brtson 'grus ldan pa'i mi ni gang la yang // dka' ba tsi sa med par lta bar bya/ de la nor dang 'bru dang / mdzod yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ nor dang 'bru dang / bang mdzod yongs su gtong ba'i sbyin pa sbyin par bya gor ma chag snyam mo// de nor dang 'bru dang / bang mdzod yongs su gtong ba'i sbyin pa de byi ba ni/ de bzhin gshegs pas gsung pa'i smon lam bzhin du/ nor dang 'bru dang bang mdzod yongs su gtong ba'i sbyin pa 'dis na/ bdag gis sems can thams cad kyi dam pa'i chos kyi mdzod yongs su rdzogs par byed par gyur cig ces smon lam 'debs so// de la 'di skad ces bya ste/ nor dang dbyig rnams gtong ba'i bsod nams ni/ mkha' las lhag pa bdag la ci yod pas/ mi rnams rgyud ni dam pa'i chos mdzod kyi/
- 290a
rgyal po'i mdzod ltar myur du rgyas gyur cig/ nor dang 'bru dang bang mdzod bud med rnams// gtong ba'i bsod nams bdag la ci yod pa// des na bdag gis byang chub myur thob cing // dam pa'i chos kyi mdzod ni shes par shog/ de la gling bzhi pa dang / 'dzam bu'i gling dang / rgyal srid dbang phyug thams cad yongs su gtong ba'i sbyin pa la mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ gling bzhi dang / 'dzam bu'i gling dang / rgyal srid dbang phyug thams cad yongs su gtong ba'i sbyin pa zhes bya ba de ni/ byang chub sems dpa rnams kyi dam pa'i chos kyi rgyal srid kyi dbang phyug thob par 'gyur ba'i tshig bla dgas yin gyis/ bdag gis gling bzhi dang / 'dzam bu'i gling dang / rgyal srid kyi dbang phyug thams cad yongs su gtong ba'i sbyin pa byin pa gor ma chag snyam mo// de gling bzhi dang / 'dzam bu'i gling dang / rgyal srid kyi dbang phyug thams cad yongs su gtong ba'i sbyin pa de byin pa na/ de bzhin gshegs pas bstan pa'i smon lam bzhin du gling bzhi dang / 'dzam bu'i gling dang / rgyal srid kyi dbang phyung thams cad yongs su gtong ba'i sbyin pa 'dis na/ bdag sems can thams cad dam pa'i chos kyi rgyal srid kyi dbang phyug thob par
- 290b
gyur cig ces smon lam 'debs so// de la 'di skad ces bya ste/ gling bani ril gyis btang ba 'di dag la// bdag gis bsod nams cung zad ci sgrubs pa/ de nas mi rnams 'di dag dam chos kyi// rgyal srid thob pa'i mtha' ni thob gyur cig/ 'dzam bu'i gling ni byin pa yis// rin chen sna bdun ldan pa yis// rgyal po gling bzhi dbang byed pa/ dbang phyug rnam par rgyal bar 'gyur/ de la gtsug gi nor bu dang // gcod pan yongs su gtong ba'i sbyin pa la mngon par brtson par byed ce na/ rigs kyi bu 'di la byang chub sems ng+ge 'di snyam du sems te/ gtsug gi nor bu dang / gcod pan yongs su gtong ba'i sbyin pa zhes bya ba de ni/ byang chub seMs dpa' rnams kyi spyi gtsug ltar mi mthong bar 'gyur ba'i tshig bla dgas yin gyis/ bdag gi gtsugi nor bu dang / gcod pan yongs su gtong ba'i sbyin pa byin par bya gor ma chag snyam mo// de gtsug gi nor bu dang / gcod pan yongs su gtong ba'i sbyin pa byin pa de bzhin gshegs pa gsungs pa'i sngon lam bzhin du gtsug gi nor bu dang / gcod pan yongs su gtong ba'i sbyin pa 'dis nA/ bdag sems can thams cad spyi gtsug ltar mi mthong ba thob par byed par gyur cig ces smon lam 'debs so// de la 'di skad ces bya ste/ mgo bo'i nor bu'i gcod pan byin pa yi/ bsod nams tshogs
- 291a
ni bdag la ci yod pa// des ni 'dir ni sems can thams cad kyis// spyi gtsug ltar med rtag tu thob gyur cig/ gtsug gi nor bu byin des bdag/ n+ya gro da ltar chu zheng gapa// gser dang nor bu byas pa yi// gtsug tor phun sum tshogs par shog/ de la rkang pa sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rkang pa sbyin pa zhes bya ba de ni/ byang chub sems dpa' rnams kyi chos kyi rkang pa byang chub kyi snying por 'gro ba'i bla dgas yin gyis/ bdag gis rkang pa sbyin par bya gor ma chag snyam mo// rkang pa sbyin pa byin pa ni de bzhin gshegs pas brnyes pa'i smon lam bzhin du rkang pa byin pa 'dis ni/ mi rnams dang sems can thams cad rtag tu myur bar khyim nas mngon par byung nas/ skye ba dang rga ba dang na ba dang / 'chi ba'i gnas pa ni bar bya ba'i don gyi phyir 'dod pa bzhin du bag brkyang nas/ rab tu rga zhing dbang zhi la skyabs su 'os pa'i 'od ltar gzugs zhi ba// snang byed nyi ma sna tshogs gzi brjid ltar snying rje las byung ba'i 'od zer 'phro bas mtshams med pa yan chad mun par zhugs pas/ nyams thag pa'i mi rnams kyi mun pa snang bar byas nas/ lus rab tu tsha ba'i sdug bsngal rnams sel cing / pad ma'i rkang
- 291b
pa 'khor lo'i rnyings stong pa'i mtshan gyis sbas ma/ sor mo ring zhing nang bltar dra ba 'brel pa dang / sen mo me long bzang po dag par byis pa lta khrus brgyan te/ me tog kun da ltar 'dug pa dang / long bu mi mngon pa dang / rje ngar smig ma dang / ri dgas e na'i byin pa 'dra ba'i ya mtshan stobs kyis dral bus dral nas/ byang chub kyi snying po'i gladran rdo rje'i stegs bu gdun/ chos kyi seng ge khri la bdud rnam par gzhom pa'i phyir shin tu gnon par gyur cig/ de la tshig phyi ma yang yod de/ rkang pa byin pa 'di yis ni/ rkang mthil 'khor lo'i mtshan can gyis// byang chub snying po'i gdan bzangs la// brtan pos shin tu gnon par shog/ rkang pa byin pa 'dis na bdag/ byang chub snying po'i gdan mchog la// 'dug nas bdud rnams sde dang dpung // bzhon dang bcas par 'dul bar shog/ de la lag 'thil sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ lag 'thil sbyin pa zhes bya ba de ni/ byang chub sems dpa' rnams kyi sems can thams cad la chos kyi lag pa sbyin pa'i tshig bla dgas yin gyis/ bdag gis lag 'thil sbyin pa byin par bya gor ma chag snyam mo// de lag 'thil gyi sbyin pa de byin pa na/ de bzhin gshegs pas rnam par mkhyen pa'i smon lam bzhin du lag 'thil sbyin po 'dis
- 292a
na/ bdag sems can dman pa dang / long ba dang bkren pa dang / mgon med pa dang / sdug bsngal ba dang / dbul po dang / gnas med pa dang / skyabs med pa dang / dpung gnyen med pa rnams dang / sems can dmyal ba dang / dud 'gro'i skye gnas dang / gshin rje'i 'jig rten dang / ngan song ngan 'gro'i log par lhung ba dang / mi khom pa rnams la chos kyi lag pa sbyin par byed par gyur cig ces smon lam 'debs so// de la tshig phyi ma yang yod de/ lag 'thil sbyin pas myur du bdag/ rnam 'dren lag na rin chen dang / lag pa rid ning gser mdog ldan// 'jig rten mchog gnas gyur par shog snying rje non par gyur nas ni// chos kyi lag pa bstod byas la// ngan song kun las lus can rnams// bdag gis rtag tu 'byin par shog/ de la rna ba dang sna yongs su gtong ba'i sbyin pa la ji ltar mngon par byed ce na/ rigs kyi bu 'di la byang chub sems dpa' de 'di snyam du sos te/ rna ba dang sna yongs su gtong ba sbyin pa zhes bya ba de ni/ byang chub sems dpa' rnams kyi dbang po yongs su rdzogs par 'gyur ba'i tshig bla dgras yin gyis/ bdag gis rna ba dang sna yongs su gtong ba'i sbyin pa 'dis na/ bdag sems can thams cad dbang po thams cad dang ldan par gyur cig ces smon lam 'debs so// de la 'di skad ces bya ste/
- 292b
rna ba dang sna btang bas// srog chags rnams ni thams cad kyang // dbang po kun dang ldan 'gyur te// yan lag thams cad rdzogs par shog/ rna ba dang ni sna btang pas/ gang dang gang du skyes pa der// lta na sdug cing gzugs bzang la// mi de bzhin mdzes par 'gyur// de la mig gi sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ mig gi sbyin pa zhes bya ba de ni/ byang chub sems dpa' rnams kyi chos kyi mig sgrib med pa'i yongs su prA'i tshig bla dgas yin gyis/ bdag gi mig gis sbyin pa byin par bya gor ma chag snyam mo// de mig gis sbyin pa de byin pa na/ de bzhin gshegs pas dag par mdzad pa'i smon lam bzhin du mig gi sbyin pa 'dis na/ bdag sems can thams cad kyi chos kyi mig sgrib pa med par yongs su dag par byed par gyur cig ces smon lam 'debs so// de la tshig phyi ma yang yod do// mig gis sbyin pa 'dis ni bdag/ bla med byang chub sangs rgyas nas// sems can kun gyi chos kyi mig/ mig sbyin brtul shugs bzang po des// dri ma med cing skyon med la// dag cing yang la mdzes bzang yang / zhi ba'i mig ni thob par 'gyur/ ud pa la sngon po'i 'dab 'dra dang // bye'u kun la'i mig 'dra zhing // mig gi rdzi ma pa'i 'dra// de'i mig ni de'i thob// de la mgo bo yongs su gtong ba'i sbyin pa la mngon par
- 293a
brtson par byed ce na/ rigs kyi bu 'di la byang chub sems dpa' de 'di snyam du sems te/ mgo bo yongs su gtong ba'i sbyin pa zhes bya ba de ni/ byang chub sems dpa' rnams kyi khams gsum thams cad las khyed du 'phags pa'i mchog/ thams cad mkhyen pa'i ye shes pa'i chog bla dgra yin gyis/ bdag gi mgo bo yongs su gtang ba'i sbyin pa byin par bya gor ma chag snyam mo// de 'go bo yongs su gtong ba'i sbyin pa de byin pa na/ de bzhin gshes pa'i rkyen du bab pa'i smon lam yongs su gtongs pa'i sbyin pa 'dis na/ bdag sems can thams cad 'jig rten gsum las khyad par du 'phags pa'i mchog thams cad mkhyen pa'i ye shes thob par byed par gyur cig ces smon lam 'deb so// de la tshig phyi ma yang yod de/ mgo bo yongs su gtong ba yi// bsod nams bdag la ci yod pa// des na sems can kun mkhyen gyi// go 'phang mi g.yo thob gyur cig/ de la lpags shun yongs su gtong ba'i sbyin pa la ji ltar mngon pa brtson par byed ce na/ rigs kyi bu 'di la byang chub sems dpa' de 'di snyam du sems te/ lpags shun yongs su gtong ba'i sbyin pa zhes bya ba de ni/ byang chub sems dpa' rnams kyi lpags pa 'jam zhing srab la gser gyi mdog lta bu yongs su rdzogs par 'gyur ba'i tshig bla dgas yin gyis/ bdag gi
- 293b
lpags shun yongs su gtong ba'i sbyin pa byin par bya gor ma cag snyam mo// de lpags shun yongs su gtong ba'i sbyin pa de byin pa na/ de bzhin gshegs pa'i smon lam bzhin du lpags shun yongs su gtong ba'i sbyin pa 'dis na/ bdag sems can thams cad kyi lpags po 'dzam zhing srab la gser gyi kha dog lta bur yongs su dag par gyur cig ces smon lam 'deb so so// de la tshig phyi ma yang yod de// lpags shur yongs su gtang ba yis// bdag gis su ni lus can rnams// lpags shun lus las skyes pa dag/ 'jam srab gser gyi mdog sgyur shog/ de la sha dang khrag yongs su gtong ba'i sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ sha dang khrag yongs su gtong ba'i sbyin pa zhes bya ba de ni/ byang chub sems dpa' rnams kyi snying po med pa thams cad las snying po blang ba'i tshig bla dgas yin gyis/ bdag gi sha dang khrog yongs su gtong ba'i sbyin pa byin par bya gor ma chag snyam mo// de sha dang khrag yongs su gtong ba'i sbyin pa de byin pa na/ de bzhin gshegs pas bskyed pa'i smon lam bzhin du sha dang khrag yongs su gtong ba'i sbyin pa 'dis na// bdag gis sems can thams cad snying po med pa thams cad las snying po len du
- 294a
sha dang khrag gi sbyin pa yin/ 'jug par byed par gyur cig ces sngon lam 'debaso// de la tshig phyi ma yang yod do// rje smin bdag la ci yod ces// snying po med pa ma lus las// 'gro kun snying por thob gyur cig/ de la rkang sbyin pa la ji ltar mngon par brtson par byed ce na/ rigs kyi bu 'di la byang chub sems dpa' de 'di snyam du sems te/ rkang sbyin pa zhes bya ba de ni byang chub sems dpa' rnams kyi lus rdo rje ltar mi shig pa yongs su rdzogs par 'gyur ba'i tshig bla dwags yin gyis/ bdag gis rkang gi sbyin pa byin par bya gor ma chag snyam mo// de rkang gi sbyin pa byin pa de bzhin gshegs pas bskyed pa'i smon lam bzhin du gang gi sbyin pa 'dis na// bdag sems can thams cad kyi lus rdo rje ltar mi shig pa yongs su rdzogs par gyur cig ces smon lam 'debs so// de la tshig phyi ma yang yod de/ nang gi sbyin pa 'dis na/ bdag gis sems can thams cad kyi/ rnag gi lus kyi za ma rtog/ rdo rje mi shig rdzogs byed shog/ gzhan yang byang chub sems dpa' de 'di snyam du sems te/ kha dog phun sum tshogs pa byin pas na/ kha dog dang ldan par 'gyur gyis// bdag gis kha dog phun sum tshogs pa sbyin par bya gor ma chog snyam sems shing / dri phun sum tshogs po byin pas dregs pa'i dri dang ldan par 'gyur// ro bro ba phun
- 294b
sum tshogs pa byin pas ni yo byad gya nom pa rnams thob par 'gyur/ reg pa phun bum tshogs pa byin pas ni rkang lag 'jam zhing gzhon sha chags pa 'gyur/ rang gi lag nas byin pas ni bsnyen bkur byed pa thob par 'gyur/ gus par byas te byin pas ni/ gnyen la sogs pa'i nang du gzhan gyi bkur sti byed par 'gyur/ dus su byin pas ni de'i nor rnams dus su 'grub cing rgyas par 'gyur 'thun pa dang yid du 'ong ba byin pas ni mal dang / gos la sogs pa longs spyod yid du 'ong ba rnams la sems 'jug par 'gyur// gzhan la mi gnod par byin pas ni longs spyod brtan pa dag thob bar 'gyur/ mi dga' ba dang du len pas ni/ 'khor snying nye bar 'gyur// zas sbyin pas ni stobs dang ldan par 'gyur// skom byin pas ni skom pa med par 'gyur// gos byin pas ni kha dog dang ldan par 'gyur// mar me sa byin pas ni mig dang ldan par 'gyur// rol mo'i sgra byin pas ni rna ba nyams ba med par 'gyur// bzhon pa byin pas ni bde ba dang ldan par 'gyur/ sman byin pas ni nad nyung bar 'gyur// me tog byin pas ni gzhan gyis mchod bar 'gyur/ me tog 'phreng ba byin pas ni gzhan gyis rim 'gro bya bar 'gyur/ bstod pa byin pas ni tshangs pa'i dbyangs dang ldan par 'gyur/
- 295a
byin pas ni bla ma thob par 'gyur/ banon pa byin pas ni rdzu 'phrul dang ldan par 'gyur/ byug pa byin pas ni rma med par 'gyur/ phyag dar byin pas ni rdul dang bral bar 'gyur/ dril bu byin pas ni tshe rabs dran par 'gyur/ gnas byin pas ni thams cad byin par 'gyur/ chos byin pos ni bdud rtsi byin par 'gyur gyis/ bdag gis chos kyi sbyin pa byin par bye gor mchog snyam mo// de sbyin pa de lta bu byin pa chags pas byin par mi byed/ rmongs pas sbyin par mi byed/ tshig pa za zhing sbyin par mi byed/ brnyas bzhin du sbyin par mi byed/ rdeg cing sbyin par mi byed/ char bcad de sbyin par mi byed/ khyod du gsod cing sbyin par mi byed/ smad de sbyin par mi byed/ nga rgyal gyis khengs pa bzhin du sbyin par mi byed/ 'gyeng zhing du sbyin par mi byed/ lhag mar gyur pa'i sbyin par mi byed/ rul cing myags par mi byed/ sbyin pa gang dang gang sbyin pa de gus par byas te sbyin par byed/ bla mar byas ri mor byas/ mchod par byas shing brjod nas sbyin par byed/ mang du sbyin par byed/ bzang po sbyin par byed/ rab tu dga' bas sbyin par byed/ dga' zhing gus pas sbyin par byed/ gtsang ba dang rgya cher sbyin par byed/ rang gi lag pa nas sbyin par byed/ gus pa dang bcas pa dang zhe sa dang bcas par sbyin par byed/ bas
- 295b
pa dad cing bzang la dges par sbyin par byed/ ser sna med par sbyin par byed/ brkam pa med par sbyin par byed/ zhum pa med par sbyin par byed/ 'jig pa med pa sbyin par byed/ rgya che zhing yangs par sbyin par byed/ de sbyin pa de lta bu de sbyin pa na/ 'di snyam du 'di tshul khrims dang ldan pa yin gyis bdag gis sbyin par bya'o// 'di tshul khrims 'tshal ba yin no// 'di ni dge ba'i chos dang ldan pa yin no// 'di ni dge ba'i chos ma yin pa dang ldan pa yin no// 'di la byin na 'bras bu che ba dang / phan yon che ba dang mthu che bar 'gyur ro// 'di la byin pa ni 'bras bu mi che ba dang // phan yon mi che ba dang / mthu mi che bar 'gyur ro snyam du mi sems so// gzhan yang dag pa'i blo dang ldan gyi// yang dag pa ma yin pa'i phyir de sbyin pa de byin pa ni/ 'di snyam du sbyin pa 'di dang dge ba'i rtsa ba dang / chos kyi phyir sbyin pa yongs su gtong ba 'dis na/ bdag rgyal por gyur cig ce 'am/ rgyal po gzhan nam blon po chen po 'am/ lha 'am lha'i bu 'am/ lha gzhan gang yang rung ba zhig tu gyur ces sems skyed par mi byed do// 'o na gang du zhe na/ gzhan du bla na med pa yang dag par rdzogs pa'i byang chub tu yongs su bsngo bar bgyi'o// dge ba'i rtsa ba 'di dang chos kyi phyir yongs su gtong ba 'dis na/ bdag sems can ma sgral ba rnams sgrol ba dang / ma grol ba rnams grol bar byed pa dang /
- 296a
dbugs ma phyin pa rnams dbugs 'byin pa dang / yongs su mya ngan las ma 'das pa yongs su mya ngan las zlo bar byed pa/ 'jig rten long ba 'dren pa med pa dang / skyob pa med pa dang / skyabs med pa dang / gnas med pa dang gling med pa dang / dpung gnyen med pa rnams kyi 'dren pa dang / yongs su 'dren pa dang / grol ba dang / skyabs dang / gnas dang gling dang / dpung gnyen ces yongs su bsngo bar byed do// de la 'di skad ces bya ste/ chos phyir sbyin pa 'dis na bdag/ 'khor ba'i rgya mtsho chen po las// gzhan mig theg pa chen po yis// sems can rnams ni sgrol gyur cig/ skye bo thams cad nyon mongs pa'i// 'ching ba las dang sgrol bar shog/ dbugs ma phyin pa dbugs 'byin cing // mya ngan 'das lam ston gyur cig/ 'jig rten long ba 'dren med pa'i// yongs su 'dren par bdag gyur cig/ lus can rnams la skyob pa dang / dpung gnyen gling dang skyabs gyur cig/ rigs kyi bu de ltar byang chub sems dpa' sems dpa' chen po sbyin pa'i pha rol tu phyin pa la mngon par brtson par byed pa yin no// de nas byang chub sems dpa' sems dpa' chen po ri'i phug dang / zom dang ri'i sul dang / gsob dang / sman lding na seng ge'i mchog rnam par bsgyings shing / nga ro rnam par sgrogs pa lta bu'i mi'i dbang po'i gtsug gi nor bus/ bcom ldan 'das
- 296b
las sbyin pa'i pha rol tu phyin pa'i rnam par dbye ba bshad pa thos nas tshim zhing mgu la yid rangs te/ rab tu dga' zhing bde ba dang yid bde ba skyes nas/ stan las langs te/ bla gos phrag pa cig tu bzar nas/ pus ga g.yas pa'i lha nga dpa ma'i snying po la gtsugs nas/ bcom ldan 'das ga la ba der logs su thal mo sbyar ba btud nas/ bcom ldan 'das la tshigs su bcad pa'i dbyangs kyis legs so zhes bya ba gsol to// sbyin pa mdzad legs so// rtag tu yab 'dra khyod legs so// sbyin mdzad legs so gsung mdzad bde gshegs khyod legs so// gnyen gyur legs so// mdza' bo ston par gyur pa legs so// gcig pu 'di na sbyin pa khyod legs/ mthu chen legs/ lha mi nad rnams/ bkres pa sel mdzad khyod legs so// mchod gnas legs so mi rnams nang na dpa' bo legs// gsungs pa legs so bdag nyid chen po rab tul legs// mi rnams nyon mongs sdug sel sman pa'i rgyal po legs// grol ba'i legs so srid pa gsum las rnams grol legs// sman pa legs so phan gzhan dam pa mdzad legs// dpal yon can legs pakra shis snyoms pa'i thugs mnga' legs// zhal ldan zla bca 'dra dri med zhal mnga' legs/ blo ldan mngon ting spyan yangs rang bzhin
- 297a
mdzes pa legs/ dpal ldan shangs 'tsham cha byad rmad du byung ba legs smra mkhas snyan shal gser gyi 'phyang thag 'dra ba legs// mche ba kha ba dung 'dra legs la phyag 'tshal lo// gtso bo bkres pa mgon po khyod kyis de ring du// mi rnams sbyin pa dbye ba logs par gsungs pa legs// slar zhing tshul khrims bzod pa stobs dang ye shes dang / thabs dang bsam gtan rdzu 'phrul smon lam mnyan par 'tshal// bcom ldan 'das kyis de skad ces bka' stsal pa dang / byang chub sems dpa' 'jam dpal gzhon nur gyur pa dang / byang chub sems dpa' spyan ras gzigs dbang phyug dang / ri'i phug dang / zom dang / ri sul dang / gseb dang / sman ldong na seng ge'i mchog rnam par bsgyings shing / nga ro rnam par sgrogs pa lta bu'i mi'i dbod po'i gtsug gi nor bu la sogs pa'i byang chub sems dpa'/ lnga'i bu de dag dang / rgyal po chen po de dag dang / lha dang mi dang / lha ma yin dang / dri zar bcas pa'i 'jig gtan yid rangs te/ bcom ldan 'das kyis gsungs pa la mngon par bstod do// // 'phag pa sbyin pa'i pha rol tu phyin pa zhes bya ba theg pa chen po'i mdo rdzogs s+ho// / rgya gar gyi mkhan po brang cha bar ma dang / zhu chen gyi lotsa
- 297b
ban de ye shes sde la stsogs pas bsgyur cing zhus te/ gtan la phab pa'o// / 'phags pa rgyal bu dor grub ces bya ba theg pa chen po'i mdo// // sangs rgyas dang byang chub sems dpa' thams cad la phyag 'tshal lo/ 'di skad bdag gis thos pa'i dus gcig na/ bcom ldan 'das yul gnyen du yod pa na/ rgyal bu 'dze ta'i tshal mgon med zas sbyin gyi kun dga' rab na dge slong dang / dge slong ma dang / dge snyen dang / dge snyen ma grangs med pa dang / thabs gcig tu bzhugs so// de'i tshe na bcom ldan 'das 'dzum mul mdzad nas/ zhal gyi sgo nas 'od zer kha dog lnga dang ldan pa bkye ba dang / tshe dang ldan pa kun dga' bo stan las langs te/ gos tshags bcos nas thal mo sbyar te/ bcom ldan 'das la 'di skad ces gsol to// bdag gis sangs rgyas kyi zham 'bring lo nyi shu bgyis kyis bar du deng 'dra bar bzhad par ma mthong na/ bcom ldan 'das kyis sngon 'das pa 'am/ ma byon pa 'am/ da ltar byung ba'i sangs rgyas la dgongs sam/ de ma lags pa ci la dgongs pa'i don bstan du gsol// bcom ldan 'das kyis kun dga' bo la bka' stsal pa/ sangs rgyas 'das pa 'am/ ma 'ongs pa 'am/ da ltar bzhugs pa la dgongs pa ma yin gyi/ mngon par dran pa
- 298a
nga sngon bskal pa grangs med pa 'das pa'i pha rol na/ sbyin pa byin dngos po la dgongs te/ de'i tshe de'i dus na yul ya ba zhes bya bar rgyal po dge ba zhes bya ba dang po'i chos kyis yul gyi srid 'dzin te/ 'gro ba mang po la skyong ba zhig byung ngo // rgyal po de la blon nI bzhi stong yod de rgyal phran drug bcu la dbang sbyar ro// grong khyer chen po brgyad brgya/ ba glang gi glang po che lnga brgya yod de// rgyal po la btsun mo nyi khri yod kyang sras mi mnga' bas/ ri dang klung gi lha brnyan la mchod bran byas nas/ btsu na mo dam pa la sras mnga' bar gyur te/ btsun mo'i mal cha dang / zas dang sgom la sogs pa yo byad zhim zhing bzang por sbyar nas/ rgyal po nyid kyis rim gro byas te/ zla ba bcur tshang nas/ rgyal bu zhig btsas so// phro brang gi btsun mo nyi khri snyed kyang rgyal bu zhig btsas shes thos nas thams cad dga' rangs te/ nu nau yang rang byung nas rgyal bu'i mtshan yang don grub ces btags so// rgyal bu nu zho snun cing rim gro byed pa bzhi zhig bkos te/ gcig ni ru ma snun pa'i las byed/ cig ni rgyal bu pang du khyer bar bskos// gcig ni rgyal bu btser khyer ba'i las su bskos/ de ltar bskos nus rgyal bu lo bcu drug lon pa dang yig rtsis pa dang / 'phong rtsal dang / bzo spyang dang / rol mo la sogs pa gang yang mi shes pa med de// thams cad kyang lo bas/ rgyal po yab dang yum
- 298b
la lha btsun 'dra bar rim gro byed/ rgyal pos kyang rgyal bu'i pho brang logs shig tu bcigs so// rgyal bu de chung nas sbyin pa la dga' bas ma la sogs te/ ri dag dang 'dab chags bya'i bar du sems can thams cad la bde skyid par dga' ste/ gcig tu yang gang mi shes pa gti mug can ni sbyin pa la mi dga' bas bdag smras te phan pa'i don med kyi/ mkhas pa shes rab can ni 'jig rten na gnas kyang / sbyin pa la yon tan cher mthong ste/ sbyin pa byin pas snga ma 'das pa dang / ma byon pa dang / da ltar bzhugs pa'i sangs rgyas dang / dgra bcom pa thams cad kyis bsngags par 'gyur ro// zhes smra'o// rgyal bu bags kyis cher skyes nas/ rgyal po zhig gi bu mo man de zhes bya ba mnga' byang bzang ba/ sdug pa dpe zla med pa/ gser dang / dngul dang / bai DUr+ya dang / rin po che sna tshogs kyis brgyan pa gcig btsun mor blangs nas bu ming sring gnyis shig yod par gyur to// de nas rgyal bu de sbyin pa'i pha rol tu phyin pa'i don sems dpa' la zhugs nas/ yab rgyal po la bdag ni rtse zhing ltad mo ltar mchi'i zhes gsol pa dang / rgyal pos kyang de bzhin du gnang ngo // de nas rgyal po pho brang nas byung ba dang / brgya byin lha'i dbang pos grong khyer gyi sgo lam srang dag na/ dbul phongs longs pa 'on pa/ lkugs pa'i slongs mo ba cig tu sprul nas sdod du bcug go/ rgyal bus de dag mthong ba dang / de ma thag tu
- 299a
phyir log nas pho brang du zhugs te/ mya ngan chen pos non nas mi dga' zhing 'dug pa dang / yab rgyal pos sras rgyal bu la 'di skad ces bgo'o// rtse zhing ltad mo bltar btang na/ ci'i phyir mi dga' zhing mya ngan byed par gyur ces dris pa dang / rgyal bus yab rgyal po la 'di skad ces gsol to// bdag brtse zhing ltad mo ltar mchis pa las slongs mo pa 'on pa long ba lkugs pa mang po dang mjal bas/ mya ngan gyis non par gyur te/ da yab rgyal po la gsol pa rnam pa cig cig gsol na/ rgyal pos gnang ngam yab rgyal pos khyod ci dang ci 'dod pa smros shig dang / gnang bar bya zhes bsgo ba dang / rgyal bus yab rgyal po la 'di skad ces gsol to// bdag ni yab rgyal po mnga' ba'i bang mdzod rin po che mchis pa rnams grong khyer gyi sgo bzhi dang / tshong 'dus su sbyangs te/ slong ba thams cad la yid dang / mi 'gal bar sbyin pa bgyid par 'tshal lo zhes gsol pa dang / yab rgyal pos sras rgyal bu la ci dang ci dga' ba yid dang mi 'gal bar gnang ngo zhes bsgo'o// de nas rgyal bus blon po la bsgo nas/ nor dbyig rin po che rnams shing rtas bskyas te/ grong khyer gyi sgo bzhi dang / tshong 'dus su spungs nas/ pha rol po 'dod pa bzhin du sbyin pa byin pa dang / yul khams phyogs kun tu rgyal bu'i yon tan grags par gyur pas/ kha cig ni dpag tshad
- 299b
brgya/ kha cig ni dpag tshad stong / kha cig ni dpag tshad khri'i pha rol nas lhags nas/ kha zas dang skom 'dod pa la ni kha zas dang skoms byin gang gos dang / bgo ba 'dod pa la ni gos dang bgo ba byin/ gang gser dang dngul dang / rin po che 'dod pa la yang ji ltar 'dod pa bzhin yid dang mi 'gal bar grang yang ma btang ba med do// // de'i tshe de'i dus na dgra lngar gyur pa'i rgyal khams cig yod pa des/ rgyal bu sbyin pa byin pa la dga' bas/ pha rol po'i yid bzhin yid dang mi 'gal bar yongs su gtong ngo zhes thos nas/ blon po rnams dang mkhas pa blo dang ldan pa kun la sogs pa bsdus te/ 'di skad ces bgros so yul ya ba'i rgyal po la bal gyi glang po che pad mo'i steng nas 'gro ba su da ya na zhes bya ba stobs dang rtsal du ldan pa zhig de dag nam dgra zla'i rgyal khams gzhan dang 'thab pa'i tshe/ bal gyi glang po che des rtag tu rgyal bar gyur pas na/ khyed las su zhig der song ste/ slong bar nus shes bgros nas/ blon po las gang yang 'gro nus pa ma byung ngo // de'i nang na bram ze mi rgan gcig gis rgyal po la 'di skad ces gsol to// bdag cag gis blang zhing mchi bar 'tshal na/ bdag cag gis 'tsho ba dang rgyags sbyor cig ces gsol pa dang / rgyal pos de'i tshogs dang rgyags sbyar nas bram ze la 'di skad ces bsgo'o//
- 300a
gal te khyod kyis ban glang de khrugs de 'ongs na/ bya dga' cher sbyin no zhes gtsigs byas so// // de nas bram ze rgad po 'khar ba thogs te/ la lung bgrod nas/ yul ya ba gang na ba der song ngo // der phyin nas rgyal po'i sgor mkhar ba la skom tshugs su bcas te/ rkang pa gcig gi 'greng zhing sdod do// de nas rgyal po'i sgo bsrungs pa pho brang gi nang du song nas/ phyi rol na bram ze dag cig lhags te/ 'khar ba la skom tshugs bcas nas/ rkang pa ya cig gi 'greng zhing sdod do// bdag cag gi lam ring po nas ched du 'dir slong du 'ongs so zhes mchi'o// rgyal bus de skad ces smras pa thos nas/ rab tu dga' ste/ mod la phyi rol tu byung nas bsus te phyag byas so// bram ze rgad pos smras pa/ dper na pha dang bu phrad pa tsam tu phan tshun gcig la cig gis spros pa'i tshig gis khyed gang phyogs nas 'ongs lam du nyon mongs sam/ ci 'dod ci slong na rkang pa ya cig gis 'gro zhes dris so// bdag cag ni rgyal bu sbyin pa byin pa la rab tu bdag pas pha rol po ci slong yang yid dang mi 'gal bar mdzad do zhes rgyal bu'i yon tan phyogs 'tshams brgyad dang / yar ni steng gi gnam la thug/ mar ni sa'i mthil la thug pa yan chad grags pas na/ khyod kyi sbyin pa'i yon tan ni bsam gyis mi khyab te/ nye ring thams cad kyi bstod cing bsngags pas/ gang yang ma thos pa'am shes
- 300b
pa med de kun gyi brjod pa yang brdzun ma yin la/ da ltar sras su gyur pas na/ lha ni ci sgra yang brdzun pa ma yin te/ nga rgyal bus sbyin pa ma mdzad na/ bdag cag gi yid dang 'gal bar mdzad dam/ bdag cag ni rgyal bu la me tog pad+ma'i steng du 'gro ba bal gyi glang po che slong du 'ongs so// zhes smras pa dang / rgyal bus de dag bal glang gi lhas su khrid de// bal glang gzhan zhig byin no// bram ze rgad pos smras pa/ bdag cag ni pad+ma'i steng na 'gro ba'i bal gyi glang po che su da yan 'dod do// rgyal bus smras pa/ bal glang gi glang po che 'di ni badrag gi yab rgyal po la gces shing snang ba yin na/ bal glang 'di dang bdag tu tha mi dad par dgos pas khyod la sbyin du mi rung ngo // gal te bdag gis khyed la byin na/ rgyal po'i dgongs dang 'gal bas gal te/ bal glang 'di'i rkyen gyis bdag yul 'di na skrod par 'gyur/ ro/ zhes smras nas/ rgyal bus yang 'di snyam du/ bsams so// bdag sngon dam bcas pha rol tu ci slong yang yid dang mi 'gal bar bya'o// zhes dam bcas nas/ da bdag gis sngar bsams pa las zlog ste sbyin pa 'di byin na/ ji ltar yang bla na med pa mnyam snyom pa'i sbyin pa'i pha rol tu phyin pa rdzogs par 'gyur/ gal te sbyin pa 'di ma byin na bla na med mAnyam snyoms pa'i sems su mi 'gyur ro// snyams bsams nas/ rgyal bus 'di skad ces smras so// shi
- 301a
du dga' ste de bzhin du sbyin par bya'o// zhes smras nas/ drung na 'dug pa'i g.yog la bal gyi glang po che la gser dngul gyi rga btad de/ myur du khrid de shog ces bsgo ba dang / bal glang khyod de 'ongs nas/ rgyal bus lag pa g.yon pas ni chu snod thogs te/ bram ze'i lag pa bkrus lag pa g.yas pas bal glang gi sna thag nas bzung nas/ bram ze rgad po la byin pa dang / bram ze rgad pos rgyal bu la smon lam btab po// smon lam btab ma thag tu bal gyi glang po che la sbugs te dga' zhing dong / de nas rgyal bus bram ze de dag la 'di skad ces smras so// khyed myur du 'grogs par song shig/ gal te yab blos gsan na/ stegs ma gtong ste 'phrog du 'ong ngo // zhes sgo ba dang / de'i tshe bram ze de dag gis de ma thag tu mgyogs su dong ngo // blon po rnams kyis rgyal bus bal gyi glang po che dgra la byin no// zhes thos nas thams cad skrag te/ khri las rbab tu lhung nas mya ngan gyi non te/ rgyal bus 'di snyam du yang 'di na bal glang 'di la ltos na dgra zla gzhan la byin par gyur to// snyam du bsam nas rgyal po ga la ba der song ste// 'di skad ces gsol to// rgyal bus ni phyi'i dgra thub pa'i bal glang rin po che pha rol gyi dgra zla la byin no zhes gsol pa dang / yab rgyal po yang yid yid por gyur pa las/ blon pos yang 'di skad ces gas to//
- 301b
da ltar yab rgyal po bal gyi glang po che 'di 'dra bas chab srid che ba lags te/ bal gyi glang po che de ni bal glang drug bcu ji snyed kyi mthu stobs dang ldan par lags na/ rgyal bus dgra la stsal te/ dgra zla la stsal pas chab srid kyang stor te/ mchis na/ ji ltar mdzad pa rigs/ 'di ltar rgyal bu rang nyams du sbyin pa byin pas bang mdzod kyang stongs shing yul gyi srid dang / btsun mo dang / sras kyi bar du gzhan sbyin pa bgyid par dgos so zhes gsol pa dang / rgyal pos de skad smra ba thos nas lhag par mi dga' bar gyur nas/ blon po gzhan zhig bos te/ blon po de la rgyal bus bal gyi glang po che dgra zla la byin pa bden nam zhes dris pa dang / blon pos kyang byin pa yin no zhes gsol to// rgyal pos de skad smras pa dang / thos ma thag tu cher sngangs nas gdan khri las lhung nas/ mi dran zhing rgyal bar gyur pa las/ chus gtor nas ring zhig lon pa dang phyir sangs par gyur/ btsun mo nyi khri snyed kyang thams cad mya ngan gyi non par gyur to// de nas rgyal po dang blon pa rnams 'dus nas/ nga rgyal bu 'di la ji ltar bya zhes bgros pa dang / de'i nang na blon po cig gis ni bal gyi lhas su song bas ni/ rkang pa bcag pa'i rigs/ bal glang bzung ba ni lag pa bcag pa'i rigs/ mig gis bal glang la bltas pas ni mig dbyung ba'i rigs/ zhes gsol pa dang /
- 302a
kha cig gis ni mgo bcag pa'i rigs so// zhes blon po rnams so so nas bgros te/ gsol pa'i tshig rgyal pos thos nas/ rab tu mi dga' zhing mya ngan gyis non te/ blon po rnams la 'di skad ces bsgo'o// nga'i bu 'di legs pa'i don la mos te/ sbyin pa la dga' ba yin no// ji ltar mthong ba tsam zhing bzung bar bya// de'i nang na blon po chen po cig gis/ blon po snga ma rnams kyis bgros pa mi rung ngo zhes bgos nas/ 'di skad ces gsol to// rgyal po la sras gcig pu zhig mnga' ba la rab tu sdug cing gces pas/ rgyal bu rgyal tshab lags na/ de la tho ba tsam zhig bzung gdags bya ba'i sems bskyed pa mi rigs te/ bdag ni rgyal po'i sras la bzungs gdags bya bar mi gsol gyi/ rgyal bu yul 'di nas phyung ste/ lo bcu gnyis kyi bar du dgon par spangs na/ spa 'bab cing ngo tsha bar 'gyur ro// zhes gsol pa dang / rgyal pos kyang blon po chen po de'i tshig mnyan to// de nas rgyal pos rgyal bu tshal tu bkug nas/ 'di skad ces smras so// khyed nga'i bal gyi glang po che dgra zla la byin pa bden nam zhes dris na/ rgyal bus gsol pa/ bdag gis stsal ba med do zhes gsol to// rgyal pos smras pa/ rgyal bu khyod ci'i phyir nga la ma zhus par nga'i bal gyi glang po che dgra zla la byin zhes dris pa dang / rgyal bus rgyal po la 'di skad ces gsol to// /
- 302b
sngar yab rgyal po dang dam bcas pa na/ sbyin pa ci byin yang yid dang mi 'gal bar mdzad do zhes gsungs pas rgyal po la ma zhus pa lags so// rgyal pos smras pa/ sngar dam bcas pa ni nor dbyig dang / rin po che la dbang bar byas na/ bal gyi glang po che cig gtogs// rgyal bus gsol pa// de dag tham cad rgyal po mnga' ba'i dkor lags na ji'i slad du 'di bkol te ma gtogs zhes gsung / rgyal po rgyal bu rgyal tsha ba la smras pa/ khyod ri dan tig tu lo bcu gnyis spangs kyis/ yul 'di nas myur du phyung ste song shig/ rgyal bus rgyal po la gsol pa/ bdag rgyal po chen pos bka' stsal pa'i bka' ni mi bcog na/ da ru nga yang zhag bdun gyi bar du sbyin pa bgyis te/ bdag gi bsams pa rdzogs nas yul nas phyung ste mchi bar gsol lo// rgyal pos smras pa/ khyod kyi sbyin ma 'os par byas pas/ nga'i yul gyi bang mdzod kun stongs te/ nga'i bal glang rin po che med par byas pas khyod spang ba yin te/ de'i phyir 'dug cing zhag bdun sbyin par byar mi gnang gis myur du song shig ces bsgo'o// rgyal bus gsol pa/ rgyal po chen pos bka' ni bdag mi bcog te/ rgyal po'i bang mdze dang nor dbyig la mi gsol gyi/ bdag nyid kyi nor rdzas kud pa tsam ma lus par byin nas mchi bar gsol pa dang / btsun mo nyi khri snyed kyang rgyal po gang na ba
- 303a
der lhags nas/ rgyal bu rgyal tshab zhag bdun zhig sbyin pa byin te/ yul nas mchi bar gsol ba las/ rgyal pos kyang de bzhin du gnang ngo // de nas rgyal bu rgyal tshab kyi so sor bran g.yog bsngags te/ phyogs bzhi nas nor rdzas 'dod pa rnams pho brang sgor 'dus shig/ nor rdzas thams cad ni rtag pa dang / rten du rung ba ma yin te/ mthar 'jig cing med pa'i chos can no// zhes sgo nas phyogs bzhi nas skyong ba mang po lpags pa la/ rgyal bu rgyal tshab kyis zas dang / skom dang / nor dang / rin po che rnams zhag bdun gyi bar du yid bzhin du sbyin pa byin nas/ dbul 'phongs pa rnams longs spyod dang ldan zhing thams cad bde skyid par byas so// de nas rgyal bu rgyal 'tshab kyis chung ma la smras pa/ bzhin bzangs longs la bdag ci zer ba nyon cig rgyal po chen pos ni/ bdag lo bcu gnyis kyi bar du ni ngan tig ces bya bar spangs so// chung ma rgyal bus smras pa'i tshig thos nas yid ces sngangs te/ langs nas 'di skad ces smras so// rgyal bu la nyes pa ci zhig yod nas rgyal pos ni de ltar mdzad par gyur/ rgyal bus smras pa/ bdag gis sbyin pa lam 'os pa zhig byas te/ rgyal pos bang mdzod kyang stongs/ bal glang rin po che yang dgra zla la byin pas rgyal po dang / blon po rnams khros nas spangs pa yin no// btsun mo man des smras pa/ rgyal po chen po dang / blon po dang 'bangs rgyal po'i yul du lo legs pa dang /
- 303b
kyi bar du bde skyid pa dang / longs spyod che bar smon lam legs par btab la bdag cag ri la lam bsgom du 'dong ngo // rgyal bus smras pa/ bzhin bzangs ma ri ni 'jigs pa'i gnas yin te/ shin du bya bka' ba bsam dgos la la/ seng ge dang stag la sogs gcan zan ma rung ba yod pas rab tu 'jigs na khyod longs spyod nyung ba yin pas/ khyod de lta bu mi dga' ba la bzod dam/ khyod pho brang gi nang na gos su phra ba dang 'jam pa gyon/ gnas su ni gur yol bas bskor ba na 'dug/ zas su ni ji la dga' ba bzhin zhim pa dang dngar ba za na/ ri la ni tan tu tsa 'dings zas su ni 'bras bu za na khyod der mos shing dag re zhig yod// de ma yin pa gzhan yang rlung dang char pa dang / 'brug dang / ser ba che zhing ba mo dang / zil pas mi'i ba spu yang langs pa tsam du grangs pa'i tshe na rab grang la/ tsha bI tshe na rab tsha ste/ shing gi gseb na 'dug pa'i gnas su yang mi rung na/ sa la gze ma dang / gzeg ma dang / rdo ba yang mang zhing sbrul gdug pa yang yod na/ khyod de lta bu dag bzod dam/ man des smras pa/ bdag la gnyen zhing 'jam pa dang / gur yol ba dang / dngar ba dang zhim pa ji zhig bgyi/ rgyal bu dang bral zhing so so mchi ba dag mi bzod de/ nam du yang rgyal bu dang / mi 'bral zhing lhan cig 'grogs par dga'o// rgyal po'i thog mar 'gro ba ni rgyal mtshan/ rlung mi'i thog mar
- 304a
'gro ba ni khyim thab yin pas/ bdag ni rgyal bu la yid brten de skyabs su mchi'o// rgyal bu ni bdag gi lha lags te/ rgyal bus phyo bzhi nas 'dus pa la sbyin pa byin pa 'dus pa'i tshe/ bdag kyang rgyal bu'i grogs bgyid pas de rgyal bu lam ring du 'gro ba las/ gal te pha rol po slong du 'ongs na bdag gis de bzhin du grogs bgyi'o// rgyal bus sbyin pa mdzad na bdag gi srog la bab kyang phyir mi nur bar the tsom mi mdzad du gsol// rgyal bus smras pa/ bdag ni sbyin pa la dad dga' bas pha rol gyi sems mi zlogs te/ pha rol pos bdag la gal te bu 'am khyod nyid blongs pa 'ongs na yang bdag gis mi to mi nus so// ci de bdag gi bsams pa/ khyod kyis de bzhin ma byas na ni bdag gi dge ba'i sems 'khrug par 'gyur bas 'gro ba mi rigs so// man de smras pa/ rgyal bus sbyin pa mdzad pa 'di/ 'jig rten gang na yang 'di 'dra ba med pas/ yid bzhin du sbyin pa mdzad du gsol// rgyal bus smras pa/ khyod de ltar nus na shin tu legs so zhes rgyal bu dang / btsun mo gnyis dang sras su 'grogs te/ yum gang na bo der song ste/ bdag cag mchi'o zhes mchi phyag byas nas yum la 'di skad ces gsol to// yum gyis skabs skabs su rgyal po chen po ci nas kyang drang po'i chos kyi yul srid bde zhing 'bangs po snyams las mi bcad par gros gdab
- 304b
par gsol lo// yum gyis rgyal bu 'gro'o zhes smras nas mchi phyag byas pa mthong nas lhag par mya ngan gyis gdungs te/ drung na 'dug pa la 'di skad ces smras pakho mo'i lus 'di ni rdo ba yin pa ltar snying ni rdo rje yin pa lta ste/ bdag gis rgyal po chen po'i rim gro bya ba la skyon ma byung na/ kho mo'i bu gcig pa 'di dang bye bral te 'gro na ci'i phyir kho mo'i snying 'di gas te/ shi bar ma gyur bu 'di kho mo'i khong pa na 'dug pa 'di/ skye shing gi 'dab ma ltar nyin mtshan cher skyes te/ da skyed rdzogs nas kho mo bor te/ 'gro ba na btsun mo thams cad kyang bdag la snying tshim mo zhes brjod la/ rgyal pos kyang bkur bar 'gyur na/ gal to lha rnam bdog gis smon lam bzhin 'gal bar mi mdzad na/ phyis yul du bdag gis bu myur du 'khor bar shog ces smon lam btab po// de nas rgyal bu btsur mo dang sras gnyis dang bcas te yab dang yum la phyi phyag byas te dong ngo // de'i tshe btsun mo nyi khris ni so so nas mu tig gi chun po re res rdzang ngo // blon po bzhi spong gis ni rin po che sna bdun las byas pa'i me tog pad mo re res rgyal bu la rdzangs so// de nas rgyal bu pho brang nas phyung ste/ grong khyer gyi byang skor phyin nas rin po che sna bdun gyi me rtog dang / do shal yang ril gyis phyogs bzhi nas 'dus pa la ma lus par byin no// yul de ni gnas pa'i mi mang po khri phrag du mas
- 305a
rgyal bu bskul te/ de nas 'di skad ces gtam du brjod do// rgyal bu 'di ni shin du dge ba yul gyi lha gnyen lta bu yin na/ ci'i phyir yab yum gyis sras rin po che 'di lom ring du spangs shing mthong ba thams cad kyis 'phangs so zhes smras so// de'i tshe rgyal bu grong gi phyi rol tu skye shing gi drung na bdug ste skyel ba'i mi rnams la 'di nas phyir deng shig ces bsgo ba'i tshig smras pa dang / skyel ba che chung thams cad mchi ma blags te ngus nas phyir dong ngo // de nas rgyal bus btsun mo dang sras gnyis shing rta'i nang du bzhag nas/ rgyal bu nyid kyis shing rta'i kha lo bsgyur te/ song ba las rgyangs chad par phyin te/ skyed shing gi drung na ngal so zhing 'dug pa las bram ze dag cig lhags nas/ rgyal bu la shing rta khrid pa'i rta blangs so// rgyal bus slong ba la rta byin nas sras bu gnyis shing rta'i nang du bzhag ste/ btsun mos ni phyi nas phul/ rgyal bus ni mdun nas drangs te/ rkang pas shing rta 'dren cing song ba las/ ring po ma lon pa zhig na yang bram ze dag cig dang phrad nas shing rta blangs pa dang / rgyal bus shing rta yang bram ze la byin no// de nas yang song ba las ring po ma lon par yang / bram ze slong ba dang phrad nas/ rgyal bus de dag la 'di skad ces smras so// gal te bdag gis khyod la byin na ni chags shing ser sna byed par 'gyur na/ da ni bdag la nor rdzas zad/ ci yang med do zhes smras pa dang / bram ze
- 305b
na re nor rdzas med na lus la gon pa'i gos nged la byin cig ces byas pa dang / rgyal bus lus la gyon pa'i gos rin po che yang spong ba la byin te/ gos snying pa cig gon nas dong ba la ring po ma lon par yang bram ze slong ba zhig dang phrad nas/ rgyal bus btsun mo'i gos byin no// de nas yang dong ba las ring po ma lon par bram ze slong ba dang phrad nas/ rgyal bus sras gnyis kyis gos kyang byin no// de ltar rgyal bus dang nor rdzas dang / bgo ba'i gos kyi bar du ma lus par zad par byin yang thog ma nas 'gyod pa'i sems skra'i rtse nyag ma 'am baspu tsam yang med do// rgyal bus ni sras khur hU~M thogs/ btsun mos ni sras mo phreng par khyer nas/ rkang pas song yang rgyal bu dang btsun mo dang sras gnyis kyi bar du dga' ba'i mdangs dang bcas te ri ga la ba der song ngo // ri dan tig ces bya bar yul ya ba nas lam so rab tu ring ste/ dpag tsha drug stong yod do// de ltar song song ba las 'brog dgon par phyin nas bkres pa dang / skom pa'i sdug bsngal gyis nyan pas sum bcu rtsa gsum gnam gyi lha'i dbang pos 'brog dgon pa der grong khyer bzang po tshong dus dang lam srang yod pa rol mo dang gos dang / bza' ba dang / gtung ba dang / ldan pa grong khyer de nas/ mi dang gis rgyal bu bsu ba dag tu sprul lo// mi mang pos rgyal bu grong khyer du bsus te zas skom dang / bde ba'i yo byad kyi bstabs pa dang / btsun mos rgyal bu la smras pa/
- 306a
lam ring por bgrod pas rab tu ngal na thal byung 'dug tu mi rung ngam/ rgyal bus smras pa/ yab rgyal pos bdag cag la ri dan tig tu song shig ces bka' stsal te// 'dir 'dug par gyur na/ yab rgyal pos bka' dang 'gal te// bu sri zhu can ma yin no zhes grong khyer de nas byung ste mod la song so// de ltar song ba las ring po ma lon par ri dan tig gi drung du phyin pa dang / ri de'i drung chu chen po shin tu zab pa rgal tu mi thar pa zhig phrad do// de nas btsun mos rgyal bu la re shig 'dir sdud de// chu chen po bri nas rgal te 'dong ngo zhes smras pa dang / rgyal bus smras pa/ yab rgyal pos bdag cag la ri dan tig tu song shig bka' stsal pa/ da 'dir 'dug par gyur na/ rgyal po'i bka' dang 'gal te/ bu sri zhu can ma yin no zhes smras nas/ rgyal bu de ma thag tu bsam pa'i sems kyis ting nge 'dzin du zhugs pa dang / mod la chu'i nang du ri chen po zhig lhung nas/ chu'i rgyun chad do// de nas rgyal bu dang btsun mos gos brdzes te nu rgal nas/ pha rol tu rgal ma thag tu rgyal bus yang 'di snyam du bsams so// thal byung sa bar gyur na chu 'khyil ba 'dis sems can mang du shi ste grog sbur mang po chus khyer bar 'gyur ro// snyam bsams nas/ rgyal bus chu la ltas te 'di skad ces smras so// chu khyo snga ma kho na bzhin du rgyun du 'bab par gyur cig/ gal te bdag 'dod pa bzhin 'ongs na yang thar bar byos shig ces smras ma thag tu chu yang snga ma kho na bzhin 'bab pa
- 306b
gyur to// de nas song ba las ri dan tig tu phyin nas// rgyal bus ri de la ltas na ri de rang rong zad zed du 'dug la shing mang po rab tu rgyas shing bya sna tshogs kyang snyan pa'i/ sgra 'byin pa/ 'bab nu dang / chu mig dang / 'tshe'u dang / lteng ka dang ldan te/ chu ni dngang/ 'bras bu ni zhim/ chu bya dang / ngang ngur dang / 'jol mo dang / ri skegs la so// pa bya rnam pa sna tshogs kyang gnas pa mthong nas/ rgyal bus btsun mo la yang 'di skad ces smras so// ri 'di ltas na shing dang / nags tshal gnam la reg pa tsam skyes na yang rngas pa 'am/ bcad pa med pas chu mig zhim po la mthung zhing 'bras bu dngar ba za ste/ raM 'di la laM sgom bdag yod pas 'dir gnas par bya'o// rgyal bu ri de la phyin pa naHri de la gnas pa'i 'dab chags bya dang / gcan zan dang / ri dgas thams cad rab tu dga' nas rgyal bu bsus so// de'i tshe ri de la sgom pa'i dge slong a shu ta zhes bya ba lo lnga brgya lon pa yon tan mchog dang ldan pa zhig gnas te/ rgyal bus de'i drung du song nas phyag byas te/ phyogs gcig tu 'dug nas 'di skad ces smras so// ri 'di la gang phyogs na 'bras bu dang / nu mig bzang por ldan par gnas su rung ba ga ni yod ces dris pa dang / a shu tas smras pa/ ri 'di ni gnas thams cad du bsod nams dang ldan pa'i sa bzhi yin pas/ gang du gnas kyang rung ste/ ri 'di ni shin du dben pa'i gnas gtsang ma yin pas ni/ ci rgyal bu khyod chung ma dang / bu slad du/
- 307a
bcas te chos slob tu 'ongs sam/ de la rgyal bus smra ba ma khom par/ btsun mo man des dge slong de la 'di skad ces smras so// btsun pa ri la la lam sgoms nas/ ji srid cig lon dge slong gis smras pa/ ri 'dir phyin nas lo bzhi brgya tsam lon no// btsun mo man des smras pa/ da dung bdag dang bdag gis 'dzin na/ nam zhig lam thob par 'gyur/ de srid du ri la gnas kyang rdo shing dang tha mi dad do// bdag dang bdag gir 'dzin na lam thob par mi 'gyur ro// zhes dge slong gis smras pa/ bdag gi yang dag par don de lta bu mi shes so// de nas rgyal bus dge slong la smras pa/ btsun pa yul ya ba na rgyal po'i bu rgyal tshab don grub ces bya ba thos sam/ dge slong gis smras pa/ bdag gi rgyun tu thos kyis mthong ba ni ma yin no// rgyal bus smras pa/ bdag ni rgyal bu rgyal tshab don grub ces bya ba yin no// dge slong gis rgyal bu khyod gar 'gro ci 'dod ces dris pa dang / rgyal bus smras pa/ bdag ni theg pa chen po'i lam 'dod do zhes smras pa dang / dge slong gis smras pa dang / rgyal bu'i yon tan dang sbyar na ring po mi thogs par theg pa chen po'i lam thob par 'gyur te/ rgyal bu bla na med pa'i byang chub tu mngon par rdzogs par sangs rgyas pa na/ bdag ni nye nas rdzu 'phrul gyi mchog tu gyur cig ces smras nas/ rgyal bu khrid de 'dug pa'i gnas bstan to// de nas dge
- 307b
slong gi nos bzhin du rgyal bu'i ska smras nas mdud pa bor te/ zas su ni shing gi 'bras bu shing thog za/ skom du ni chu mig 'thung ngo // de nas rgyal bus shing rtsa bsdus te/ bdag 'dug pa'i rtsa'i spyil po chung ngu ma zhig byas/ btsun mo man de dang ming sring gnyis 'dug pa'i skyil po re re yang byas so// de'i tshe khye'u'i ming ni ya ri zhes bya ba ste/ lo bdun nas gos kyang gon nus te pha'i phyi bzhin 'gro'o// bu mo'i ming ni ge mo ya na zhes bya ba ste/ lo drug lon nas ri dgas kyi lpags pa gon te ma'i phyi bzhin 'gro'o// ri de la gnas pa'i gcan zan dang ri dgas dang 'dab chags bya la sogs pa thams cad kyang rab tu dga' nas rgyal bu la brten cing gnas so// rgyal bu ri de la phyin nas zhag gcig lon pa dang / sngon skams pa'i chu mig dang rdzing yang chus gang bar gyur// skye shing skams pa rnams kyang thams cad me tog dang mdab ma skyes par gyur te/ srin bu bdug pa rnams kyang med par gyur nas/ gcan zan sha za ba yang so so nas rtsa za bar gyur/ 'bras bu'i shing rnams kyang rgyas shing bzang por gyur/ sna tshogs kyang snying rje rje skad kyi sgra skad snyan par 'byin par gyur te/ btsun mo man des ni shing gi 'bras bu dang / shing tog rnga zhing rgyal bu la phul te sras ming sring gnyis kyang bsnyed do// / sras bu ming sring gnyis ni skabs skabs su pha ma dang bral te/ ha cang yang mi ring ba'i chu
- 308a
'bram dag tu gcan zan na ma dgas dang lhan cig rtse ste/ bar 'ga' zhag lon par rtse'o// phyis dus gzhan zhig na sras khye'u pa ri/ ri dgas seng ge pa zhon pa la seng ge rgal nas rdeg cing bsnun pas sras bu'i gdong pa yang cung zad sdud de khrag byung bas spre'u zhig/ gis shing gis lo ma blangs te gdong khrag phyis nas/ chu 'gram du khrid de khrag bkrus pa yang rgyal bus rgyang ma nas thong ngo / de'i tshe yul kau'u li zhes bya ba na bram ze dbul po lo bzhi bcu lon nas chung ma blangs so// rlung ma ni rab tu bzangs shing sdug la/ bram ze nyid ni rab tu mi sdug pa'i mtshan rdzogs pa yod do// de'i lus mdog sol ba ltar gnas pa/ gdong la 'bur 'bur po gsum yod pa/ sna 'khyor zhing pho ba/ mig gnyis shel ltar sngo ba/ gdong gnyer ma can/ mchu chang ba/ smra ba'i skad mi gnyen pa/ gsus pa che ba/ rku ba 'bur ba/ rkang pa gnyis grol ba/ mgo shu ba can la sla med pa/ 'dre ltar mi sdug pa zhig ste/ rlung mas kyang mthong mi 'dod pa tsam du shi yang bla zhes rgyun tu dmod mo byed pa zhig yod do// dus gzhan zhig na chung ma chu chur song song ba las/ lam du khyog gno nu ma dag cig dang phrad nas/ khyo ga rnams kyis khyim thob kyis gzugs 'di 'dra zhes cho 'dri zhing bgad nas khyod ni dpe med par bzang zhing sdug na ji ltar de 'dra ba'i chung ma byed nus zhes smras pa dang /
- 308b
chung mas khyo ga de dag la 'di skad smras so// rgang po'i mgo bo ni shing la ba mo chags pa ltar skya ba de nang nub shi bar dga' na/ shir mi btub na ji ltar bya zhes chu snod thogs nas phyir khyims du 'ongs te/ khyim thab la 'di skad ces smras so// bdag chu chur song ba las/ lam du khyo ga gzhon nu ma dag cig dang phrad de/ de dag bdag la cho 'dri zhing bgad pas khyod kyi bkol ba'i bran khol tshol cig/ bdag bran khol yod na/ chu chu mi dgos te/ gzhan gyis dpyas par yang mi 'gyur ro// khyim thab kyis smras pa/ bdag ni shin du dbul 'phongs pa yin na/ bran khol ga la brnyad par 'gyur/ chung mas smras pa/ gal te bdag gi phyir bran khol ma btsal na/ bdag 'gro ste khyod lhan cig mi gnas so// chung mas yang 'di skad ces smras so// kho mos thos na rgyal bu don grub sbyin pa ma 'os pa byin pas/ yab rgyal pos ri dan tig ces bya bar spangs te/ rgyal bu de la bu khye'u gcig dang / bu mo gcig yod ces grag gis khyod de slong du song shig/ khyim bdag gis smras pa/ ri dan tig ces bya bar 'di nas dpag tshad drug stong lhag gis lam so yod la/ sngon ma lung bgrod kyang ma myong na/ ji ltar bgrod par bya/ chung mas smras pa/ bdag gi phyir bran khol ma btsal na/ bdag bgegs te shi'o// zhes smras pa dang / khyim thabs kyis smras pa/ gnyis na kho bo ni gcig gis bsad kyang bla'o// khyod shi bar
- 309a
mi 'dod do// zhes smras pa dang / khyod kyis bdage slong du 'gro bar dad na/ kho bo'i rgyags dang gos sbyor cig/ ces bsgo'o// rdung mas smras pa/ da song shig rgyags kyang nga la dgos pa yang med do// zhes smras nas/ bram ze rgyags sbyar te/ rkang pas lam du zhugs te/ song ngo // de nas bram ze de yul ya ba zhes bya ba ga na ba der song ste/ der phyin pa dang rgyal po'i pho brang sgo bsrungs pa la/ rgyal bu don grub da ltar ga na 'dug ces dris pa dang / sgo bsrung ba de pho brang gi nang du song nas/ rgyal po la da lta phyi rol na bram ze zhig rgyal bu don grub ga re zhes 'dri'o// rgyal pos rgyal bu ga re zhes smras pa'i tshig thos pa tsam gyis sems 'khrug cing khros nas 'di snyam du 'di 'dri ba shi dag gi phyir nga'i sras spangs par gyur na/ da yang slong du 'ongs sam snyam bsams nas/ dpe 'di skad ces brjod par gyur to// dper na me ni rang bzhin gyis tsha zhing 'bar ba yin na/ de'i steng du shing bsnan pa dang 'dra ste bdag kyang de ltar mya ngan gyis gdungs te me dang 'dra ba las/ nga rgyal bu ga re zhes dris pa ni me la shing snun pa dang 'dra'o// bram zes gsol pa/ bdag ni lam ring po nas 'ongs pa yang rgyal bu rgyal 'tshab mi'i yid dang mi 'gal bar sbyin pa bgyid do zhes ming snyan pa ste/ yar ni gnam la thug/ 'og tu ni chu mig gi gting la thug gi bar du grags pas/ bdag lam ring po nas re ba yod pas 'ongs so/
- 309b
rgyal pos smras pa/ rgyal bu don grub ni da ltar gcig pu ri shin du dben pa na gnas te// rab tu dbul zhing ci yang med na/ khyod la ci zhig sbyin du yod/ bram zes/ smras pa/ rgyal bu la ci yang med kyang bdag phrad par dga'o zhes smras pa dang / rgyal pos kyang gzhan zhig la lam ston cig ces bsgo'o// de nas bram ze de song song ba las/ ri dan tig gi drung na chu chen po zhig yod par phyin nas/ rgyal bu 'ba' zhig bsams shing yid la byed pas/ chu'i pha rol tu phyin par gyur to// de nas bram ze de ri der phyin nas/ thog ma sngon pa de la khyod ri 'di la rgyal bu don grub ces bya ba mthong ngam/ rngon pa des kyang rgyal bu sbyin pa la dga' bas bram ze 'di dag gi phyir/ ri la spangs par shes pas rngon pa des kyang bram ze bzung na shing la bcings brdegs pas lus la rma yang byung ngo // sngon pas smras pa/ khyod rgyal bu dris te ci zhes bya/ mdas 'phangs zhes bya ba dang / bram ze de 'di snyam du da ni 'dis bdag bsad pa yang dag na rdzun zhig bya snyam du bsams nas/ rngon pa la khyod la bdag dri ni ji nyes zhes smras so// de nas rngon pas 'o na zhig smra bar sems zhes dris pa dang / bram zes rdzun tshig 'di skad smras so// yab rgyal po rgyal bu mthong bar dga' bas/ bdag 'dir rgyal bu phyir 'gugs su 'ongs so// zhes smras ma thag tu/ rngon pas kyang bkrol te btang nas sngar ma gtogs te rgyus ma shes so zhes bzod pa gsol nas/ rgyal bu gang na 'dug pa'i gnas bstan
- 310a
to// de na bram ze rgyal bu'i thad du phyin pa dang / rgyal bus kyang rgyang ma nas bram ze 'ongs pa mthong nas/ rab tu dga' ba'i sems skyes te bsus nas gus par phyag byas te/ khyod gang nas 'ongs lam du nyon mongs shing ngal bar ma gyur tam/ ci 'dod ces spro ba'i gtam byas so// bram zes smras pa/ bdag lam ring po nas 'ongs te/ lus thams cad rtse shing na la bkres skom zhes smras pa dang / rgyal bus nang du khrid nas stan la 'dug tu bcug ste/ shing thog dang / shing gi 'bras bu dang / btung ba'i skom mdun du phab te/ bram zes kyang skom 'thungs/ shing thog zos te/ thal byung rgyal po la 'di smras so// bdag ni yul ke'u li zhes bya ba'i yul mi yin te/ snga zhig nas rgyal bu sbyin pa la dga' zhes phyogs bcur grags shing thos pas bdag ni dbul 'phongs te/ rgyal bu la slong du 'ong so// rgyal bus smras pa/ bdag la yod pa las khyod la ma byin na ni chags shing ser sna byed par gyur/ bdag la ci bdog pa sngar kun btang bas na da ni yang sbyin du med do// bras zes smras pa/ da ltar nor rdzas sbyin du med na/ khyod kyi bu gnyis bdag rgad po 'khol bas bran du byin cig ces/ de nyid du lan gnyis lan gsum gyi bar du smras pa dang / rgyal bus kyang khyod lam ring po nas 'ongs la/ bdag gi bu gnyis 'dod pa rab tu legs kyis sbyin no zhes smras po// de'i tshe bu ming sring gnyis rtser song ba las rgyal bus bos nas/ bu la 'di skad ces bsgo'o// bram ze 'di las
- 310b
ring po nas 'ongs te/ khyod gnyis slong ngo zhes zer nas/ kho bos kyang sbyin par byas kyis/ khyod gnyis 'di'i phyi bzhin song zhig ces sgo ba dang / bu gnyis rgyal bu'i mtshan du bros nas ngus te 'di skad ces smras so// bdag cag gis bram ze du ma mthong na/ 'di 'dra ba bdag cag gis ma mthong ste/ 'di ni bram ze ma lags kyis yang dag par yi dgas lags pas/ bdag cag gis ma shing thog tshol du mchis pa las slar ma 'khor bar bdag cag gnyis yi dgas 'di'i zas su stsal na/ gdon mi 'tshal bar 'gum mo// bdag cag gi ma slar ma mchis te/ bu dag ma mjal na ji lta ba dang / ba dang be'u bral ba ltar du zhing cho nges 'debs te mi dga' ba'i mya ngan gyi gdungs par 'gyur ro// rgyal bu la bsgo ba/ kho bos sbyin par gnang bas/ bsdad du mi rung ste 'di bram ze yin gyis/ yi dgas ma yin pas mi zod kyis khyod gnyis 'di'i phyi bzhin song shig/ bram zes smras pa/ bdag ni chos te 'gro'o// gal te bu'i maM 'ongs na 'gror med de ma btang na/ rgyal bus bdag la sbyin pa'i dge ba'i sems kyang bu'i mas bzlog cing nyams par 'gyur du dogs so// rgyal bus smras pa/ bdag gis sbyin pa ci byas kyang mthong ma nas ci la yang phyi 'gyod pa'i sems ma byung ngo // de nas rgyal bus chu snod thog bram ze'i lag par chu blugs nas bu gnyis kyi lag nas bzung nas/ bram ze la phul nas sa yang rab tu g.yos so// bu gnyis bram ze'i phyi bzhin mchi bar ma btub nas phyir
- 311a
pha rgyal bu'i drung du 'ongs te/ pus mo sa la bcugs nas pa rgyal bu la 'di skad ces gsol to// bdag cag gnyis kyis tshe rabs snga ma la ci bgyis na 'di lta bu'i sdug bsngal myong bar 'gyur/ bdag cag ni rgyal po'i rigs su skyes na/ ci'i slad du pha rol po'i bran khol du gyur ces rgyal bu la sdig bshags nasaH'di'i rgyu 'di'i rkyen gyis sdig pa byang zhing bsod nams skyes so// gang nas gang du skyes kyang 'di lta bu'i sdug bsngal dang phrad par ma gyur cig ces smras so// rgyal bus bu la smras pa 'jig rten na mdza' zhing sdug go cho ga mthar 'bye 'bral bar 'gyur te/ thams cad mi rtag pas yid la brten du rung ste/ kho bo nam bla na med pa mnyam snyoms pa byang chub thob na khyed thar pa'i don bya'o zhes bgo bo// bu gnyis kyis kyang yab rgyal po la smras pa/ bus ni ma la phyi phyag bgyi ba lags na/ da ni gzhan yang mi phrad de/ ma'i ngo ma mthong ba yang bdag cag gi sngon gyi sdig pa'i las kyi sdug bsngal gyis gdungs par zad nas/ bdag cag gi ma ci'i phyir mya ngan gyis gdungs shing sdug bsngal bar 'gyur zhes smre sngags 'don to// bram zes smras pa/ bdag rgas nyams chung bas byis pa 'di gnyis kyis bdag bor te/ ma'i zad du 'bros par 'gyur na/ bdag gis byar med par 'gyur gyis khyod kyis chings la sbring shig ces smras pa dang / rgyal bus kyang bu gnyis kyi lag pa phyin ka lag tu bzung ste/ bram ze nyid 'ching du bcug nas/ phyin ka
- 311b
lag tu bcings pa'i thag pa bram ze'i lag tu byin te/ sbrel te khrid do/ bu gnyis ni de ltar khrid kyang bgror mi btub ste/ 'then pa las bram zes lcags thogs te ded nas zhugs pa'i lam tu khrag byung ba yang sa la chal par gang ngo // rgyal bus de ltar mthong nas mchi ma sa la bo bas sa yang khol bar gyur to// rgyal bu dang ri dgas dang gcan zan mang po thams cad kyis bu gnyis skyal te/ mi snang bar gyur pa dang / gdod kun gyis phyir log go/ ri dgas dang gcan gzan la sogs pas rgyal bu dang rtsed mo rtse ba'i gnas su phyin nas snying rje ba'i rkad byung ste/ lus sa la brdebs shing 'gro'o// bram ze de lam du zhugs te/ song ba las/ lam kar skye shing cig yod pa la bu gnyis btags nas 'dug go/ de nas ches pa las bu mo gnyis ma dang phrad du re bas shing gi phag khris te 'gror ma btub nas/ bram zes yang zhus pa las bu gnyis kyis 'di skad ces smras so// bdag bcag la ma rdeg shig bdag cag rang 'gro'o// zhes gnam la yang ltas te yang 'di skad ces smras so// ri spyan gyi lha dang / nag tshal shing gi lha rnams bdag cag la cung zad thugs rtse ba 'am/ dgod pa mi mnga' 'am/ bdag cag ni lam ring poragazhan gyis bran khol byed du 'gro ste/ ma dang / bral gyur na bdag cag gis ma ri la shing thog tshol shing sngar btang ste/ myur du bdag cag dang ngo phrad du shog sheg ces mi dran nam zhes de skad smras pa dang / bu'i ma/
- 312a
ri la 'dug pa las rkang 'thil g.ya' zhing mig g.yon pa yang 'gul/ nu ma gnyis nas nu zho yang rang zag par gyur nas// 'di snyam du 'di 'dra ba'i ltos ngan pa lnga nas ma byung na/ bdag gi bu gnyis la ye 'brog ma byung snyam bsams nas/ shing thog gi ci zhig bya ste/ myur bar phyin gnas su 'gro bar chas so// de'i tshe sum bcu rtsa sum lha'i gnas kyi lha'i dbang pos rgyal bu'i gzhan la bu byin par shes pas/ btsun mo dge ba'i bsam pa'i sems kyi bar chad du dogs pas seng ge zhig tu sprul te lam gyi srang na sdod do// btsun mos seng ge la smras pa/ khyod ni gcan zan gyi rgyal po// kho mo ni mi'i rgyal mo yin te/ bdag cag ri la 'khod pa 'dra na/ cung zad lam las byol te bdag thong shig/ bdag la bu chung ngu shed ma phyed pa gnyis shig yod de/ da tsam bar du ci yang ma zos bdag 'ong du re ste sdod do// seng ges kyang bram ze rgyang ring po du thal bar shes nas lam las byol te btsun mo btang ngo // btsun mo phyir gnas su 'ongs nas rgyal bu 'ba' shig snang gi/ bu gnyis ma mthong bas bdag nyid 'dug pa'i spyil por bltas na yang bu ma mthong / bu nyid 'dug pa'i spyil por bltas na yang ma mthong ste/ de nas bu rtse ba'i gnas chu 'gram du btsal na yang ma mthong ngo // sngon bu dang rtse ba'i ri dgas sha ba dang / kha sha dang gcan zan song ge dang spre'u la sogs pa mdun nas lus sa la rdebs shing sgra 'byin la/
- 312b
sngon rtse ba'i rdzing bu dang / chu yang skams par mthong nas/ phyir rgyal bu gang na ba der song ste/ phyin pa dang rgyal bu la bdag gi bu gnyis ga re zhes dri na rgyal bu cang mi smra'o// btsun mos yang smras pa/ bdag nam shing thog thogs te/ phyir gnas su 'khor ba na bdag gi bu gnyis rgyang ma nas rgyug cing bsus te/ brdeg cing 'chos na yang phyir lang sa nas dkyu zhing mchong zhing a ma 'ongs so zhes 'bod do// bdag 'dug pa na gnyis ka g.yas g.yon na 'dug cing phrag pa 'am lus rdul gos na yang phyi zhing skrag na/ da bdag gi bu ga re ma mthong na gzhan ma yin nam/ 'di lta bu ma mthong bas snying gas par gyur gyis/ bdag gi bu ga la 'dug pa myur du spros shig/ bdag myos par 'gyur ro// zhes de ltar lan gnyis lan gsum gyis bar du dris kyang ma smras so// btsun mos yang smras pa/ lhag par yang sdug bsngal gyi gdungs te/ bu gnyis ma mthong ba chod yod na rgyal bus lan ma ster bas lhag myos shing 'khrugs par gyur to// rgyal bus spras pa/ yul ke'u li/ zhes bya ba nas bram ze zhig 'ongs te/ bdag la bu gnyis blangs pa las bdag gis byin no// btsun mos rgyal bus spras pa thos ma thag tu ri rdibs pa ltar sa la 'gyel te 'gro zhing cho nges btab bo// rgyal bus spras pa/ re zhig sdod cig/ khyod sngon 'das pa'i dus na/ sangs rgyas mar me mdzad kyi tshe/ dam ji ltar
- 313a
bcas pa ma dran nam/ de'i tshe de'i dus na bdag ni bram ze'i bu gzhon nu zhes bya/ khyod ni de'i tshe me tog pad+ma bdun zhig thogs nas/ bdag la ni dngul gyi dong rtse lnga zhig yod de/ khyod las pad mo lnga zhig nyos nas sangs rgyas la dbul bar byas pa las/ khyod kyis pad mo lhag ma gnyis kyang bdag la byin nas/ sangs rgyas la dbul gyis smon lam du yang bdag skye ba pha rol tu rtag par khyod kyi chung mar shog shig/ ces smon lam btab pas/ bdag de'i tshe khyod dang dam 'di skad du ma bcas sam/ khyod bdag gi chung mar dga' na bdag gis yid dang 'gal bar ma byed cig/ bdag sbyin pa zhig byed na pha ma gnyis ma gtogs par gzhan sbyin pa ci byin yang bdag yid bzhin du sbyin pa las 'gal bar ma byed cig ces dam bcas pa las de'i tshe/ khyod na re de bzhin du bya'o zhes mi zer ram/ da khyod kyi bu gnyis gzhan byin pa la bdag gi dge ba'i sems dkrug tu yang ci yod ces rgyal bus smras ma thag tu/ btsun mos thos pa tsam gyis sems dang yid kyis sngon gyi gnas dran pa'i mngon par shes pas thob par gyur te/ rgyal bu'i bsam pa myur du rdzogs par 'dod pas yid bzhin du sbyin pa la rjes su yid rang bar gyur to// de nas lha'i dbang po rgya byin rgyal bus sbyin pa ci sems pa bgam pa'i phyir bram ze zhig tu sprul to// bram ze de yang mi sdug pa'i rnam pa bcu gnyis dang ldan te/ rgyal bu gang na
- 313b
ba der 'ongs nas 'di skad ces smras so// rgyal bu khyod sbyin pa la dga' bas pha rol po'i yid dang mi 'gal bar byed ces grag te bdag ched du 'dir slong du 'ong kyis khyod la btsun mo yod pa de bdag la byin cig/ rgyal bus smras pa/ shin du legs te/ de bzhin du sbyin no zhes smras so// bdag kyang pha rol po la byin na rgyal bu'i g.yog sus bya/ rgyal bus smras pa/ khyod kyang sbyin par ma byin na ji ltar yang bla na med pa mnyam snyoms pa'i byang chu thob par 'gyur/ de nas rgyal bus chu snod thogs te/ bram ze'i lag pa bkru ba'i phyir lag par chu blugs nas/ btsun mo yang bram ze la phul lo// de ltar rgyal bu la 'gyod/ pa'i sems cung zad kyang med par rgya byin gyis rtogs nas/ lha rnams kyis bstod cing bsngags te gnams yang cher g.yos so// de nas bram zes btsun mo khrid de gom pa bdun tsam du phyin pa dang / phyir log nas btsun mo 'di rgyal bu la sbyin gdams kyis su la yang ma byin cig ces smras so// rgyal bus smras pa/ ci'i phyir mi khrid mi 'dod dam/ ci mir skyes pa'i chung ma'i nang na chung ma 'di ni shin du yang bzang zhing mdzes te/ rgyal po'i bu mo yin la/ rgyal po de la bu mo 'di cig las med de/ chung ma 'di ni bdag la yang du gang che bas kha zas btso ba dang / bsreg pa yang lag dar te byed bza' ba dang btung ba ngan ces mi 'khongs ste/ stag 'grus che la byad bzhin yang bzang zhing
- 314a
/ mdzes pas khyod khyer na bdag dga' bo zhes smras so// bram zes rgyal bu la smras pa/ bdag ni bram ze ma yin te/ brgya byin lha'i dbang po/ yin no// ched du khyod bgam pa'i phyir 'ongs pa yin no// zhes phyir brgya byin gyi lus bzang por bsgyur nas/ khyod ci dang cir smon ces smras so// de nas btsun mos gus par phyag 'tshal te/ smon lam rnam pa gsum zhig gsol to// gang zhes na gcig tu na bdag gi bu khrid pa'i bram ze phyir yang bdag gi yul du song bar gyur cig/ gnyis su na bdag gi bu gnyis bkres pa dang / skom pas sdug bsngal bar ma gyur cig/ gsum du na rgyal bu dang bdag cag gnyis dang phyir bdag cag gi yul du myur du 'khor bar gyur cig ces smras pa dang / brgya byin lha'i dbang pos kyang de bzhin du smon lam grub par gyur ces smras so// rgyal bus smras pa/ bdag ni sems can thams cad skye ba dang rga ba dang / na ba dang / 'chi ba'i sdug bsngal las bgrol bar gyur cig ces smon lam btab pa dang / brgya byir lha'i dbang pos smras pa/ smon lam 'di ni shin du rgya che ste/ blan med pa yin te/ gal te bo ris su skye zhing nyi zla la dbang ba'i bdag por 'dod dam/ 'jig rten gyi khams kyi rgyal por 'dod dam/ tshe ring zhing yun ring du gnas par 'dod na pang/ gis sbyin nus kyis/ khyod kyis smras pa'i smon lam khams gsum las mchog tu 'das pa yin pas/ bdag gis nus pa ma yin no// rgyal bus smras pa/ re shig shin tu
- 314b
phyug por gyur te/ sngon pas kyang lhag par rtag tu sbyin pa sbyin zhing yab rgyal po dang / blon po rnams dang bdag cag phrad par sems par shog shig ces smras pa dang / brgya byin gyis smon lam de bzhin nges par grub par gyur cig ces smras ma thag tu mi gnang bar gyur to// yul ke'u li'i bram ze de byis pa gnyis khrid de khyim du 'ongs nas/ chung mas 'di skad du khyod ngo so 'di lta bus 'khor de 'ongs te ngo ma che 'am/ byis pa gnyis ni rgyal po'i gdung la gtogs pa yin na/ snying rjes pa'i sems kyang med de/ 'di ltar brtsog rdeg shing lus la rma dang rnag khrag gis btsog btsog ltar byas pa bzod dam zhes spyos brgyab nas/ byis pa 'di gnyis tshong la bkol tu rung ba khrid de shog shig ces bgo ba dang / khyim thab kyang chung mas bsgo ba bzhin tshong 'dus su song ba las brgya byin lha'i dbang pos sprul te tshong 'dus su 'ongs nas bram ze de la byis pa 'di gnyis ni shin du ring che bas sus kyang nyo mi nus so// zhes smras so// byis pa gnyis bkres skom pa las brgya byin gyis lha'i rdzu 'phrul gyis dri bsung sprul te// byis pa gnyis po spu'i khu bu nas lto/ 'drangs pa byas te/ rgya byin gyis bram ze de'i sems bsgyur nas yul ma bar phyin par byas so// yul de'i blon po dang mi thams cad kyis rgyal bu'i sras rgyal po chen po'i cha bo yin par mi shes pa med pas/ yul mi thams cad mya ngan gyis gdungs te/ blon po la sogs pas byis pa 'di gnyis ga las 'ongs bris pa dang / bram ze na re bdag gis
- 315a
bslangs de 'ongs pa khyod kyis drir ci yod ces smras pa dang / blon po rnams kyis smras pa/ khyod bdag cag gis yul du 'ong bas na/ bdag cag gis dri ba'i rigs pas dris pa yin no// zhes blon po dang yul mi rnams kyis 'gros te/ bram ze la bu gnyis 'phrog par byas pa las/ de'i nang nas khyim bdag cig gis 'di skad ces gros btab po// 'di ni rgyal bus sbyin par bsams nas byin pa yin la rgyal bus bsams pa'i yid dang 'gal zhing 'phrog pa mi rigs kyis/ gnyis na rgyal po chen po la gsol na rgyal po nyid kyis rin gyis bslu bor 'gyur ro zhes byas pa dang / gros snga ma btang nas blon po rnams kyi rgyal po la 'di skad ces gsol to// rgyal po chen po'i dpon po gnyis da ltar bram ze zhig gis 'tshong zhing mchis so// zhes gsol pa dang / rgyal pos tshig de thos ma thag tu cher sngangs te/ bram ze dang bu gnyis pho brang gi nang du khrid de shog shig ces bsgos nas bu gnyis pho brang gi nang du 'ongs pa'i tshe/ rgyal po dang btsun mo dang pho brang gi slas dang blon po rnams kyis bu gnyis mthong nas thams cad dbugs kyis bsnangs pa tsam du 'dus pa med do// de nas rgyal pos bram ze la khyod kyis bu 'di gnyis ji ltar thob ces dris na/ bram ze na re bdag gis rgyal bu la bslangs te thob po zhes zer ro// rgyal pos bu gnyis bos te 'phangs du blang bar bsams pa las bu gnyis 'ongs du ma btub po// de nas rgyal pos bu 'di gnyis
- 315b
kyi rin ji tsam 'dod ces dris na/ bram ze'i sgra ma khom par bu gnyis kyis 'di skad ces gsol to// bdag bu pho ni dngul gyi dong rje stong dang ba lang brgya zhig ri/ bu mo ni gser gyi dong rtse stong dang bzhon ma brgya ri'o zhes gsol pa dang / rgyal pos khye'u la 'di skad ces smras so// 'jig rten na chos kyis mi'i nang na pho rin po che'i dbyig ltar rin che ba yin na/ ci'i phyir bu pho ni rin chung la bu mo ni rin che bar 'debs/ khye'u gsol pa/ pho brang gi slas lta bu rgyal po dang nye ba lags la/ ma rabs bran mo las slas su bzhengs te de la ni thugs dges par bkur bar mdzad de/ rin po che'i gos bskon zhing bza' ba dang btung ba ro brgya dang ldan pa stobs na/ sras gcig pu zhig mnga' ba ri la spangs te nyin mtshan pho brang gi slas dang rol zhing rol mo la longs spyod mdzad kyang sras la cung zad tsam yang dgongs pa'i thugs kyang mi mnga' bas/ de bas pho ni rin thang chung / mo ni rin thang che bar mngon no// rgyal pos de skad ces smras pa'i tshig thos nas lhag pa'i dga' ba'i mya ngan skyes te/ mchi ma blags nas 'di skad ces bdag ni rab tu mnongs na/ khyod ci'i phyir kho bo'i 'phang du mi 'ong khyod nga la mi dga' 'am/ 'on te bram zes 'jigs shes dris na/ byis pa na re bdag cag ni rgyal po chen po la mi dga' ba 'am/ bram zes skrag pa yang ma lags na thog mar rgyal po chen po'i tsha bo lam da ltar mi'i bran khol du gyur pas/ gang na yang mi bran khol rgyal po'i phang du 'dug
- 316a
pa'i chos ma lags pas mi spobs so// rgyal pos de skad smras pa thos nas/ lhag par mya ngan gyi gdungs te mi dga' bar gyur nas/ bus gsol pa bzhin bram ze la rin byin cig ces bsgos nas/ bu gnyis gdod rgyal po'i pang du blangs so// bu gnyis phang par blangs nas phyag gi bu gnyis kyis mgo la byugs te/ 'di skad ces smras so// khyod kyi pha ri la gnas pa na zas su ci za/ gos su ci gon zhes dris na/ bu gnyis na re zas su ni shing thog zos shing / gos su ni lpags pa dang gnam bu gon te/ bye mang po dang rtse dga' byed mya ngan gyi sems kyang med de zhes gsol to// de nas rgyal pos bram ze de la phyir song shig ces bsgo ba dang / bu gnyis kyi rgyal po la 'di skad ces gsol to// bram ze 'di rab tu bkres te/ bkres skom gyis nyen na/ de la kha zas kyis tshim par mdzad du gsol/ rgyal pos smras pa/ khyod 'di la mi dga' ba 'am/ mkhon du 'dzin pa med par phyir kha zas sbyin par sems sam/ bus smras pa/ bdag gi pha byang chub kyi lam la dga' bas nor rdzas kyi sbyin rgyu med de/ bdag cag gis lus kyis slong ba la sbyin pa la yang bdag cag la dbang ba'i bdag po lags te/ 'di bdag cag la bkol ba'i las tsam byed du bcug pa yang / thog ma phas bsam pa ltar ma gyur/ da snying rje'i sems tsam yang mchis te/ ltogs shing skoms bzhin du 'dug pa 'di mig gis kyang su zhig bzod/ bdag cag gi pha ni bu yang mi 'phangs
- 316b
bar pha rol pa la sbyin par byed na/ rgyal po chen po mi gcig gis kha zas tsam la ser sna mdzad dam zhes gsol pa dang / rgyal pos kyang bram ze de la kha zas kyis tshim par byas nas/ bram ze de yang rab tu dga' ste/ phyir bdag gi yul du song ngo // de nas rgyal pos rgyal bu mgugs pa'i pho nya btang nas/ pho nya yang de ma thag tu chas te rgyal bu gang na ba der song ngo // der phyin pa dang / chu zhig la ma thar nas/ pho nya des rgyal bu yid la byas te bsam ma thag tu chu de las kyang thar nas rgyal bu gang na ba der phyin te/ rgyal pos bkas rgyal bu slar yul du gshegs su gsol zhes bsgo'o// rgyal bus pho nya la smras pa/ thog mar rgyal pos lo bcu gnyis kyi bar du ri la 'dug cig ces bsgo ste// da dung lo gcig ma tshangs pas lo tshang nas bdag 'gro'o zhes bsgo'o// de nas pho nya yang phyir log nas/ rgyal po la de bzhin du gsol pa dang / rgyal po nyid phyag dar te yi ge bris nas phyir yang pho nya la bskur te/ 'di skad ces bsgo'o// khyod ni mi'i nang na mkhas pa shes rab can yin pas/ 'gro ba la yang bzod cing 'ong ba la yang bzod pa yang yin no// / ci'i phyir khros te 'ong du ma btub/ khyod dang lhan cig bza' ba dang btung ba bgos kyis myur du shog shig ces pho nyas 'gugs su btang ngo // de nas pho nya yi ge thogs te/ rgyal bu gang na ba der song ste phyin pa dang / rgyal bu la yi ge phul lo// rgyal bus yi ge blangs nas/ mgo bo la btugs te yi ge la phyag 'tshal nas lan gsum bskor ba byas te/
- 317a
mod la phyir yul du 'gro bar chas so// de'i tshe na chas pa na/ ri de la gnas pa'i ri dgas dang gcan zan la sogs pa rgyal bu 'gro'o zhes thos nas/ thams cad lus sa la rdebs te/ sa la 'gre zhing du ba'i skad byung ngo // chu mig rnams kyang skams te/ gcan blan dang ri dgas kyi phrug gu yang 'dab chags bya mang po yang snying rje rje skad kyi sgra phyung ngo // de nas rgyal bu gos gyon nas btsun mo dang 'grogs te/ phyir yul du song ba las/ dgra zla'i yul gyi rgyal pos rgyal bus phyir 'ongs shes thos nas/ bal gyi glang po che dkar po la gser gyi sgra btad do// gser gyi snod du ni dngul gyi nye 'us bkang / dngul gyi snod ni gser gyis bkang ba bshams/ rgyal bu bsu ba'i phyir lam ka na sdod do// rgyal bu bsus nas rgyal po'i phrin 'di skad ces gsol to// bdag cag ni mi shes pa'i dbang du gyur te/ rgyal bu las bal gyi glang po bslangs pa'i de'i rkyen gyis rgyal bu spangs par rgyur pa 'gyod pas 'thol tshangs du gsol to// nga rgyal bu slar gshegs zhes thos nas/ rab tu dga' ste bal gyi glang po che nyid kyang slar 'bul zhing / gser dngul gyi ne'u rnams kyang 'bul na/ 'di rnams kyang bzhes shig nongs pa'i skyon rnams sbyang bar gsol lo// rgyal bus smras pa/ dper na mi zhig gis kha zas ro brgya dang ldan pa sbyar te/ pha rol po gcig la byin pa las/ mi des kha zas zos nas phyir sa la skyugs na/ phyir skyugs pa'i kha zas te dri sung dang ldan pa 'am/ bzar rung bar 'gyur ram/ bdag gis sbyin pa byas pa'ang skyug
- 317b
pa dang 'dra bas phyir mi 'dod do// pho nya khyod bal gyi glang po che 'di zhon la phyir dang bdag gis yul du song shig/ khyod kyi rgyal po 'di ltar bsu zhing spro ba'i tshig sten par smra ba rab tu dga' zhes gsol cig ces bgo ba dang / pho nya de yang bal gyi glang po che la zhon nas phyir bdag gi yul du song ste/ rgyal po de bzhin du gsol pa las/ bal gyi glang po che'i rkyen gyis 'thab pa'i dgra zla de TIg la gcig byams shing sdug pa'i sems su gyur te/ rgyal po dang yul mi thams cad bla na med pa'i mnyam snyoms pa'i sems bskyed pa gyur to// de'i tshe rgyal po yab kyang bal gyi glang po che la bcibs te rgyal bu bsus so// rgyal bu mgo dang gdong gis phyag 'tshal nas rgyal po'i phyi bzhin phyir yul du song ste/ yul mi thams cad kyang dga' mgu rangs nas/ me tog dang / bdug pa dang spos dang / ba dan dang / rgyal mtshan dang / bla re la sogs pa mchod pa byas pa'i phyir bsham te/ sa bzhi yang spos chus chag chag btab nas bsdad do// rgyal bu pho brang gi nang du 'ongs nas yul gyi drung du phyin pa dang / mgo bos phyag btsal nas spro ba'i tshig gis sman gsol to// de nas rgyal pos rin po che'i bang mdzod thams cad rgyal bu la gtad de/ yid bzhin du sbyin pa byed du bcug nas sngon pas kyang lhag par rgyan ma chad par sbyin pa byed du bcug nas mngon par sangs rgyas pa'i byang chub thob par gyur to// bcom ldan 'ad kyis kun dga' la bka' stsal pa/ ngas sngon smin pa byas pa'i mngon du dran pa
- 318a
de lta bu yin no// de'i tshe de'i dus na rgyal bu don grub ces bya ba ni da ltar nga nyid yin no// de'i tshe yab rgyal por gyur pa ni da ltar nga'i yab zas gtsang ma yin no/ de'i tshe yum du gyur pa ni/ da ltar yum lha mdzes nyid yin no// de'i tshe btsun mor gyur pa de'i tshe grags 'dzin nyid yin no// de'i tshe dge slong a tsu ta zhes bya ba ni da ltar mo'u 'gal gyi bu chen po yin no// de'i tshe chu byin lha'i dbang por gyur pa ni da ltar gyi sha ri'i bu yin no// de'i tshe rngon pa de ni da ltar kun dga' bo khyod nyid yin no// de'i tshe khye'u ya ri zhes bya ba ni nga'i sras sgra gcan 'dzin yin no// de'i tshe bu mor gyur pa de ni da ltar yum sra mgo ta ma zhes bya ba yin no// de'i tshe bram ze slong mo ba de ni da ltar lha sprin nyid yin no// de'i tshe bram ze'i chung mar gyur pa de ni/ da ltar bram ze mo tsan tsam yin no// de ltar na ngas shin tu bya dka' ba grangs med dpag tu med pa dge ba'i las byas pa grangs med dpag tu med do// de bas na mdo sde 'di dge sbyong rnams la rgya cher ston cig/ byang chub sems dpa' sems dpa' chen pos sbyin pa byas pa'i/ sbyin pa'i pha rol tu phyin pa 'di lta bu dag yin no// / 'phags pa rgyal bu don grub kyi mdo// bam po gcig pa rdzogs so// / rgya gar skad du/ gan de sa ma ya mu tra/ bod skad du/ 'gan de'i dus kyi mdo// bcom ldan 'das 'jam dpal gzhon nur pa la 'phyag 'tshal lo// 'di skad bdag gis thos pa'i dus gcig ni/ bcom ldan 'das rgyal po'i khab kyi 'od ma'i tshal bya ka lan ta ka'i gnas na bzhugs te/ de nas
- 318b
bcom ldan 'das kyis dge slong rnams la bos te bka' stsal pa/ dge slong dag la lo rnams kyi dus bshad par bya yis de legs par nyon cig/ dge slong kun rnams kyis zla ba phyed dang po la ni/ rkang pa bdun pa de'i dus yin la/ sor ni dman pa'i rkang pa phyed dang lnga ni dus ma yin no// zla ba phyed dang gnyis pa la ni rkang pa brgyad 'gan de'i dus yin la/ sor gyi dman pa'i rkang pa drug ni dus ma yin no// dgun zla 'bring po'i zla ba phyed dang po la ni rkang pa dgu 'gan de'i dus yin la/ sor gyi dman pa'i rkang pa bdun ni dus ma yin no// zla ba phyed gnyis po la ni rkang pa bcu 'gan de'i dus yin la/ sor gyi dman pa'i rkang pa dgu pa ni dus ma yin no// zla ba phyed dang gnyis pa la ni rkang pa bcu 'gan de'i dus yin la/ sor gyi dman pI rkang pa bcu ni dus ma yin no// dpyid zla ra ba zla ba dang po la ni rkang pa bcu gcig pa la 'gan de'i dus yin la/ sor gyi dman pa'i rkang pa dgu la ni dus ma yin no// zla ba phyed dang gnyis pa la ni rkang pa bcu 'gan de'i dus yin la/ sor gyis dman pa'i rkang pa brgyad ni dus ma yin no// dgun zla tha chung gi zla ba phyed dang po la ni/ rkang pa bcu gcig 'gan de'i dus yin la/ sor gyi dman pa'i rkang pa dgu pa ni dus ma yin no// zla ba phyed gnyis pa la ni/ rkang pa bcu pa gnyis 'gan de'i dus yin la/ sor gyi dman pa'i rkang pa bcu ni dus ma yin no// dpyid zla 'bring po la zla ba phyed dang po la ni rkang pa dgu 'gan de'i dus yin la/
- 319a
sor gyi dman pa'i rkang pa bdun ni dus ma yin no// zla ba phyed gnyis pa la ni rkang pa brgyad 'gan de'i dus yin la/ sor gyi rkang pa'i rkang pa drug ni dus ma yin no// dpyid zla tha chungs kyis zla ba phyed dang po la ni rkang pa bdun 'gan de'i dus yin la/ sor gyis dman pa'i rkang pa lnga ni dus ma yin no/ zla ba phyed gnyis pa la ni rkang pa drug 'gan de'i dus yin la/ sor gyis dman pa'i rkang pa bzhi ni dus ma yin no// dbyar zla ra ba phyed dang po la ni rkang pa drug 'gan de'i dus yin la/ sor gyis dman pa'i rkang pa bzhi ni dus ma yin no// zla ba phyed gnyis pa la ni rkang pa lnga gan de'i dus yin la/ sor gyi dman pa'i rkang pa gsum ba la ni dus ma yin no// dbyar zla 'bring po'i phyed dang po la ni rkang pa bzhi 'gan de'i dus yin la/ sor gyis dman pa'i rkang pa gsum ni dus ma yin no// zla ba phyed gnyis pa la ni rkang pa bzhi 'gan de'i dus yin la/ sor gyis dman pa'i rkang pa gnyis ni dus ma yin no// dbyar zla tha chungs kyis zla ba phyed dang po la ni rkang pa gsuM 'gan de'i dus yin la/ sor gyi dman pa'i rkang pa gnyis ni dus ma yin no// phyed gnyis pa la ni rkang pa gsum 'gan de'i dus yin la/ sor gyis dman pa'i rkang pa gnyis ni dus mi yin no// ston zla ra ba'i zla ba phyed dang po la ni rkang pa gsum 'gan de'i dus yin la/ sor gyis dman pa'i rkang pa phyed dang gsum ni
- 319b
dus ma yin no// zla ba phyed gnyis pa la ni rkang pa gnyis 'gan de'i dus yin la/ sor gyis dman pa'i rkang pa phyed ni dus ma yin no// ston zla 'bring po'i zla ba byed/ dang po la ni rkang pa bzhi 'gan de'i dus yin la/ sor gyis dman pa'i rkang pa gnyis ni dus ma yin no// zla ba gnyis pa la ni rkang pa bani 'gan de'i dus yin pa/ sor gyis dman pa'i rkang pa gnyis ni dus ma yin no// skyon zla thachungs kyi rnga ba phyed dang po la ni rkang pa lnga ni 'gan de'i dus yin la/ sor gyis dman pa'i rkang pa gsum ni dus ma yin no// zla ba phyed gnyis pa la ni rkang pa drug 'gan de'i dus yin la/ sor gyis dman pa'i rkang pa bzhi ni dus ma yin no// bcom ldan 'das kyis de skad ces bka' stsal nas/ de slong de dag yid rangs te/ bcom ldan 'das kyis gsungs pa la mngon par bstod to// // 'phags pa 'gan de'i dus kyi mdo rdzogs so// / rgya gar gyi mkhan po tI pa ma kar shi ri dz+nyA na dang / lo tsA ba dge ba'i blo gros kyis bsgyur ba// @rgya gar skad du/ ba mug ti ma ge d+hA gun nir d+hi sho na ma/ bod skad du/ rnam par grol ba'i lam las sbyangs pa'i yon tan bstan pa zhes bya ba/ 'jam dpal gzhon nur gyur pa la phyag 'tshal lo// de nas de skyer chub yongs su dag pa'i rnal 'byor ba spyod pa/ sgrub pa 'dod pa/ yon tan don du gnyer bar byangs pa'i yon tan yang dag par blangs te 'jug par bya'o// rnam 'thor
- 320a
spyod pa'i sbyangs pa'i yon tan yang dag par blangs pa ni/ rnam grangs du mas 'dod pa chung ba nyid dang / chog shes pa dang / yo byed bsrung / brgyus pa dang / brtson 'grus brtsom pa dang / dgang sla ba nyid dang / reg par gnas pa dang / yongs su zhen pa rab tu gcod par 'gyur zhing / 'di'i tshul khrims legs par bsrung ba dang / ting nge 'dzin tshogs dang / 'phags pa'i rigs snang bar yang 'gyur la/ yon tan gyi mchog dag la yang snang bar 'gyur ro// de la sbyangs pa'i yon tan bcu gsum la gos dang ldan pa gnyis te/ phyag dar khrod pa nyid dang / chos gos gsum pa nyid do// zas dang ldan pa lnga ste/ bsod snyoms pa nyid dang / thar chags su rgyu ba nyid dang / bstan gcig pa nyid dang / bzhi mchog pa nyid dang / zas phyi mi len pa nyid do// gnas mal dang ldan pa lnga ste/ dgon pa nyid dang shing drung pa nyid dang / bla gab med pa nyid dang / dur khrod pa nyid dang / gzhi ji bzhin pa nyid do// brtson 'grus dang ldan pa gcig ste/ tsog pu pa nyid do// de la phyag dar khrod pa'i yan lag gi ngo bo nyid ni phyag dar khrod pa nyid do// lhag ma rnams ni tshig gi don yang de bzhin du brjod par bya'o// de la phyag dar khrod pa nyid ni khyim bdag gis gos spongs pa nyid yin no// chos gos gsu pa nyid ni gos bzhi pa spong ba yin no// bsod snyoms pa nyid ni mgron du 'gro ba spong ba yin no// mthar chags su rgyu ba nyid ni brnyogs par rgyu ba spong ba yin no// stan gcig
- 320b
pa nyid ni lan gnyis su 'dug pa spong ba yin no// zas mchog pa nyid ni zas mang po spong ba yin no// zas phyis mi len pa nyid ni zas lhag pa spong ba yin no// dgon pa nyid ni grong / mtha' bar gnas par spong ba yin no// shing drung pa nyid ni g.yog par gnas pa spong ba yin no// bla gab med pa nyid ni g.yogs pa dang / shing drung du gnas pa spong ba yin no// / dur khrod pa nyid ni gzhan du gnas pa spong ba yin no// gzhi ji bzhin pa nyid ni skam chags kyis gnas mal spong ba yin no// cog pu pa nyid ni nyal ba spong ba yin no// de la phyag dar khrod pa nyid ji ltar yang dag par len ce na/ khyim bdag gis gos tshol ba dang / yongs su 'dzin pa gzhan la gsol bar byed pa'i nyes dmigs kyang mthong / phyag dar khrod pa nyid kyi yon tan dag kyang mthong nas/ gos nar ma la gnas pa 'di skad du/ deng slan chad khyim pa bdag gi gos spong ste/ phyag dar khrod pa nyid yang dag par len to/ zhes yang dag par len to// de la phyag dar khrod pa nyid kyi yon tan ni 'di dag yin te/ gnas par dam bcas pa dang mthun pa nyid dang / gzhan la rag ma las pa nyid dang / ma rung na mi 'jed pa nyid dang / yongs su sbyong pa ni lhag par ma chag pa nyid dang / brkam chags med pa nyid dang / chom kun gyis mi phrog pa nyid dang / dus thams cad pa nyid dang / 'phags pa chung ba nyid dang / yo byad bsnyungs pa'i tshul can dang / skyes bu dam pa'i spyod pa nyid dang / dang bar byed pa'i yon tan dang ldan pa/
- 321a
nyid dang / kye bo phyi mas mthong nas rjes su 'jug pa nyid dang / yang dag par sgrub pa snang ba nyid dang / rgyal bas bsngags pa ste/ de lta bu la sogs pa ni/ phyag dar khrod pa nyid kyi yon tan dag yin no// phyag dar khrod pa nyid ni rnam pa du zhig/ phyag dar khrod pa ni gang zhig yin/ gang gis ni phyag dar khrod pa nyid 'di 'jig ce na/ phyag dar khrod pa ni rnam pa gnyis te bdag po med pa dang / rang bzhin gyis mi rnams kyi mi rnams kyis smad par grags pa'o// de la dur khrod dam/ phyag dar gyi phung po 'am/ tshong 'dus sam/ lam po che nas dam dum dag btus snam byar byas te/ 'chang ba 'di ni bdag po med pa'i phyag dar khrod pa yin no// kha tshar spyad pa dang / phun tshar bcad pa dang / ba glang gis zos pa dang / byi bas zos pa dang / mes tshig pa dang / ya stags dang / ro bag gis gos dang / mu steg can gyi mtshan ma 'di dag ni rang bzhin gyis mi rnams smad par grags pa'i phyag dar khrod pa yin/ phyag dar khrod pa ni khyim bdag gi gos spong ba yin/ khrim bdag gi go blangs pas ni/ phyag dar khrod pa nyid 'jig go// chos gos gsum pa nyid ji ltar yang dag par len pa ce na/ chos gos lhag pa tshol ba dang / sbed pa dang / rung bar bya ba dang / 'bags pa'i nyes dmigs kyang mthong / chos gos gsum pa nyid kyis yon tan dag kyang mthong nas/ 'di skad du deng slan chad gos bzhi pa spong ba de/ chos
- 321b
gos gsum pa nyid yang dag par len to zhes yang dag par len to// de la chos gsum pa nyid kyi yon tan ni 'di dag yin te/ 'bor yang ba'i tshul can nyid dang / gsogs 'jog yongs su spangs pa nyid dang / khur chung ba nyid dang / lus 'tsho ba tsam gyis chog shes pa nyid dang / bya bzhin du gar dga' bar 'gro ba nyid dang / skyes bu dam pa'i spyod pa nyid dang / yo byad sbyangs pa'i tshul can de/ de lta bu la sogs pa ni chos gos gsum pa nyid kyis yon tan dag yin no// chos gos gsum pa nyid ni ci zhig yin/ chos gos gsum pa gang zhig/ gang gis ni chos gos gsum pa nyid 'jig ce na/ snam sbyar dang / bla gos dang thang gos te/ 'di dag ni chos gos gsum pa yin no// chos gos gsum pa gos bzhi pa spong ba yin no// gos bzhi pa tshang bas ni gos gsum pa nyid 'jig go/ bsod snyoms nyid ji ltar yang dag par len ce na/ 'gron du song nas rang gi las nyams pa dang / gzhan gyi dbang du 'gyur ba dang / mi mthun pa phrad pa dang / 'dug na nyams nga ba'i nyes dmigs kyang mthong / bsod snyoms pa nyid kyi yon tan dag kyang mthong / 'di skad du deng slan chad 'gron du 'gro ba spong ste/ bsod snyoms pa nyid yang dag par len to zhes yang dag par len te// de la bsod snyoms pa nyid kyi yon tan ni 'di dag yin te/ gnas dam bcas pa dang 'thun pa nyid dang / rang dbang ba yod pa nyid dang / gzhan mi gso ba nyid dang / le lo med pa dang / nga rgyal bcom
- 322a
pa nyid dang / sems can la phan 'dogs par zhugs pa nyid dang / ro'i sred pa las ldog pa nyid dang / phyogs rnams su thogs pa med pa nyid dang / skyes bu dam pa'i spyod pa nyid dang / yo byad spangs pa'i tshul can te/ de lta bu la sogs pa ni bsod snyoms pa nyid kyi yon tan dag yin no/ 'gron yan lag du pa yin/ bsod rnams pa gang yin/ gang gis ni bsod snyoms pa nyid 'di 'jig ce na/ 'gro na ni yan lag gsum pa ste/ zas rnam lnga gang yang rung ba zhig la de ring ngam/ sang ngam/ nam dga' ba na 'gron du bos pa ni 'gron yin no// bsod snyoms pa ni 'gron du 'gro ba spong ba yin no// 'gro na khas len pas ni bsod snyoms pa nyid 'jig go// mthar chags su rgyu ba nyid kyis ji ltar yang dag par len ce na/ nar mar ster bar la gang dang gang du mang po dang / gya nom pa nar ma rnyed pa de dang / de kho nar 'gro na zan nar ma dang 'dra bas/ yo byad spungs pa ma yin pa'i nyes dmigs dang mthong / mthar chags su rgyu ba nyid yang dag par len to// yang dag par len to// de la mthar chags rgyu ba'i yon tan ni 'di dag yin te/ sems snyoms pa nyid dang / sems can la snying brtse ba nyid dang / khyim la ser sna spong ba nyid dang / khyim du 'gro ba'i nyes dmigs med pa nyid dang / 'bod pa la mngon par mi dga' ba nyid dang / zas bzang po mi dga' 'dam pa nyid dang / mi'i 'dzin pa las yongs su grol ba dang lhan cig spyod pa rnam par spong ba nyid dang / yo byad spungs
- 322b
ba'i tshul can te/ de lta bu la sogs pa ni mthar chags su rgyu ba nyid kyi yon tan dag yin no// mthar chags su rgyu ba ni ci zhig yin/ mthar chags su rgyu ba ni gang zhig yin/ gang gis ni mthar gyis rgyu ba nyid 'jig ce na/ mthar gyis rgyu ba ni bsod snyoms spyod pa ni khyim dang po nas bzungs te/ khyim mthar chags su rgyu ba yin no// mthar chags su rgyu ba ni brnyogs par rgyu ba spong ba yin no// brnyogs par rgyu bas ni mthar chags su rgyu ba nyid 'jig go/ bstan gcig pa nyid ji ltar yang dag par len ce na/ lan gnyis su 'dug ste za na yang dang yang du 'dug nas/ byin len bya ba dang / yongs su lo nas spyod pa'i gzo bas yo byad sbyangs pa ma yin/ pa'i nyes dmigs kyang mthong / bstan gcig pa nyid kyi yon tan dag kyang mthong nas 'di skad du deng slan chad lan gnyis su 'dug te/ za ba spong ste/ bstan cig pa nyid yang dag par len to// zhes yang dag par len to// de la bstan cig pa nyid kyi yon tan ni 'di dag yin te/ zos pa 'jug pa nyid dang / skams chags med pa nyid dang / zas lhag par mi bu nyid dang / gnod pa chung ba nyid dang / zo mdog bde ba nyid dang / la rang gi las mi nyams pa nyid dang / reg par gnas pa nyid dang / skyes bu dam pa'i spyod pa nyid dang / yo byad spungs pa'i tshul can de/ de lta bu la sogs pas ni bstan gcig pa nyid kyi yon tan dag yin no// stan gcig pa ni du zhig/ stan gcig pa ni gang zhig yin/ zas kyi mtha' ni gang yin/ gang gis
- 323a
ni bstan gcig pa nyid 'jig ce na/ stan cig ni gsum ste/ mngon gyi mtha' dang / phyi ma'i mtha' dang / zas kyi mtha' ba'o// de la bstan gyi mtha' pa zhes bya ba ni zos nas stan las langs te yang mi za ba yin no// chu'i mtha' pa zhes bya ba ni zos nas/ stan 'dug kyang lhung bzed kyi chu blangs nas yang mi za ba yin no// de la bstan gyi mtha' ba zhes bya ba ni za ba na/ khams kyi mtha' ma med nas yang mi za ba yin no// stan gcig pa ni lan gnyis su 'dug ste/ za ba spong ba yin no// zas kyi mtha' ni chu dang sman ma gtogs pa med par bya ba gang cung zad ci yang rung ba yin no// lan gnyis su 'dug ste za bas bstan gcig pa nyid 'jig go/ zas 'chos pa ji ltar yang dag par len ce na/ zas mang po zos na lus lci bar byed pa dang / phul skye ba dang / 'dod chen che ba nyid dang / yo byad snyungs pa ma yin pa'i nyes dmigs kyang mthong / zas mchog pa nyid kyi yon tan dag kyang mthong nas 'di skad ces deng slan chad zas mang po spong ste/ zas mchog pa nyid yang dag par len to zhes yang dag par len to// de la zas mchog pa pa nyid kyi yon tan ni 'di dag yin te/ phul mi skyes pa nyid dang / zas kyi tshod zin pa nyid dang / zas mang du za ba'i gnad shes pa dang / lus kyi gnas ngan len srabs pa dang / de la chags pa spong ba dang / gnod pa chung ba shes pa dang / kun nas ldang ba yang dag pa spangs pa dang / skyes bu dam pa'i spyod pa nyid
- 323b
dang / yo spungs pa'i tshul can te/ de lta bu la sogs pa ni/ zas chog pa pa'i yon tan dag yin no// zas kyi tshad ni ji ltar 'dzin/ zas chog pa pa ni gang yin/ gang gis ni zas chog pa pa nyid 'jig ce na/ 'bras be'u gang gis 'bras chen lhung bzed du blangs nas chog pa'i mtshan ma la nye bar rtog cing de'i 'og tu mi blangs pa'i mtshan ma la mkhas pa yin te/ goms na lto'i tshad kyang shes par 'gyur ro// zas tshig pa ni zas mang po spong ba yin no// zas tshad las lhag pas ni zas chog pa sa nyid 'jig go/ zas phyis mi len pa nyid ji ltar yang dag par len ce na/ zas lhag par zas na phul skye ba dang / gzhan la rag las pa nyid dang / yo byad bsnyungs pa ma yin pa'i nyes dmigs kyang mthong / zas phyis mi len pa nyid kyi yon tan dag kyang mthong nas 'di skad du deng slan chad zas lhag pa spong ste/ zas phyis mi len na pa nyid yang dag par len to// zhes yang dag par len to// de la zas phyis mi len pa nyid kyis yon tan 'di dag yin te/ re ba rab tu chad pa dang / dgang bla ba dang / gzhan la rag ma las pa nyid dang / sob 'jogs yongs su spong ba dang / yang mi 'tshol ba nyid dang / skams chags med pa nyid dang / phul mi skye ba nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni zas phyis mi len pa nyid kyi yon dan dag yin no// zas phyis mi len pa dag ni gang zhig/ zas phyi mi len pa ni gang
- 324a
zhig yin/ gang gis ni zas phyis mi len pa nyid 'di nyid 'jig ces na/ zas phyis mi blangs pa ni gnyis te/ lhag pa'i mtha' ba dang / bzung ba'i mtha' ba'o// de lhag pa'i mtha' ba zhes bya ba ni zos te/ spangs nas yang mi za'o// bzung ba'i mtha' ba zhes bya ba ni bdag nyid kyi rang bzhin cig blangs nas yang mi len pa'o// zas phyis na mi len pa ni zas lhag par spong ba yin no// zas lhag pa za bas ni zas phyis mi len pa nyid 'jig/ dgon pa pa nyid ji ltar yang dag par len ce na/ grong mthar gnas na mi 'dod pa'i yul gyis 'khrug pa dang / chags pa skye ba nyid dang / 'dzings par gnas pa nyid kyi nyes dmigs kyang mthong / dgon pa pa nyid kyi yon tan dag kyang mthong nas/ 'di skad du deng slan chad mthar gnas par spong ste/ dgon par gnas pa nyid yang dag par len to// zhes yang dag pa len to// de la dgon pa pa nyid kyis yon tan ni 'di dag yin te/ mi 'dod pa'i yul yongs su spong ba nyid dang / gtam gyi bzhi bcu yang dag par ston pa dang / shin tu mdzes pa nyid dang / lhas bskul ba nyid dang / 'du 'jil dga' ba don du mi gnyer ba dang / dben pa'i bde ba ci 'dod pa 'thob par nyid sgra phyung bas rnal 'byor dang mthun pa nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni dgon pa pa nyid yon tan dag yin no// dgon pa'i gnas lam
- 324b
gyi mtha' ni gang / dgon pa pa ni gang yin/ gang gis ni dgon pa pa nyid 'jig ces na/ grong dang grong gi nye 'khor dang / kun dga'i nye 'khor ma gtogs pa mi 'bring gi khru bzhi la gzhu ste/ gzhu de lta bu'i gzhu lnga brgya 'di ni dgon pa'i gnas lam gyi mtha' yin no// dgon pa pa ni grong mthar gnas pa spong ba yin/ ji ltar shing drung pa nyid ji lta yang dag par len ce na/ g.yog par gnas na yongs su bzung ba dang / bcos legs bya ba dang / gzhan la gsol ba bya ba dang / longs spyod kyi nyes dmigs kyang mthong ba/ shing drung pa nyid kyi yon tan dag kyang mthong nas/ 'di skad du deng slan chad g.yogs par gnas na yongs su spong ste/ shing drung pa nyid yang dag par len to// de la shing drung pa nyid kyi yon tan ni 'di dag yin te/ gnas dam bcas pa dang / 'thun pa nyid dang / yo byad bsnyungs pa nyid dang / las la dga' ba yongs su spong ba nyid dang / lhas bskul ba nyid dang / gnas la ser sna spong ba nyid dang / chags pa rab tu spyod pa nyid dang / skyes bu dam pa'i spyod pa nyid dang / yo byad bsnyungs pa nyid/ de lta bu la sogs pa ni/ shing drung pa nyid kyi yon tan dag yin no// shing drung na tshad ci tsam zhig yin/ shing drung ji lta bu ni spangs par bya/ shing drung ba ni gang yin/ gang gis ni shing drung pa nyid 'jig ce na/ nyi mgung gi dus su grib mas ji srid khyab pa dang / rlung med par lo ma dag ji srid du lpags pa de srid ni shing drung gi chang yin no// shing drung pas rdzong rgan dang / shing
- 325a
khong stong dang / shing nyan chen spang bar bya'o// shing drung pa ni g.yogs par gnas pa spong ba yin no// g.yogs par gnas pas ni shing drang pa nyid 'jig go// bla gab med pa nyid ji ltar yang dag par len ce na/ shing drung ni gnas tshol ba dang / yongs su bzung bas yo byad bsnyungs pa ma yin pa'i nyes dmigs kyang mthong nas/ 'di skad du deng slan chad g.yogs pa dang / shing drung du gnas pa spong ste/ bla gab med pa nyid yang dag par len to zhes yang dag par len to// de la bla gab med pa nyid kyi yon tan ni 'di dag yin te/ brtson pa mi gtong ba nyid dang / rmugs pa dang / gnyid spangs pa dang / ri dgas lta bu nyid dang / phyogs bzhi phyed pa nyid skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bla gab med pa nyid kyis yon drug yin no// bla gab med pa pa ni gang zhig yin/ gang gis bla gab med pa nyid dang / bla gab med pa ni g.yogs pa dang / shing drung du gnas pa spong ba yin no// g.yogs pa dang / shing drung du gnas pas ni bla gab med pa 'jig go/ du khrod pa nyid ji ltar yang dag par len ce na/ gzhan du gnas na sems yid mi 'byung ba nyid dang / bag med pa mang ba nyid kyis nyes dmigs kyang mthong / dur khrod pa nyid kyi yon tan dag kyang mthong nas/ 'di nyid kyi yon tan dag kyang mthong nas/ 'di skad du deng slan chad gzhan du gnas pa spong ste/ dur khrod pa nyid yang
- 325b
dag par len to// zhes yang dag par len to// de la dur khrod pa nyid kyis yon tan ni 'di dag yin te/ 'chi ba rjes su dran pa thob pa dang / mi sdug pa'i mtshan ma 'thob pa dang mis bla mar bkur ba dang / mi ma yin pa'i bla mar gakur ba dang / bag yod pa'i rgyu skye ba dang / 'dod pa'i 'dod chags rnam par gnon pa nyid dang / yid 'byung ba mang ba nyid dang / 'jigs pa dang skrag pa bzod pa dang / gson pas rgyags pa spong ba nyid dang / lus kyi rang bzhin la yang dang yang du so sor rtog pa nyid dang / skyes bu dam pa'i spyod pa nyid dang / yo byad bsnyungs pa nyid tshul can te/ de lta bu la sogs pa ni/ dur khrod pa nyid kyi yon tan dag yin no// dur khrod pa lta bur gnas bya/ dur khrod pa ni gang yin/ gang gis dur khrod pa nyid 'di 'jig ce na/ dang por ni rtag tu sreg pa dang / du ba dang / 'bar ba dang / du ba yod pa de lta bu'i dur khrod du gnas par bya la/ de nas ni du khrod gzhan gang yang rung bar yang gnas par bya'o// dur khrod pas rung dur khrod du spyil bu dang / khang pa mi bya rlung yang ldang bar gnas par mi bya/ khung phrig can du gnas par mi bya/ nya sha dang / sha dang / 'o ma dang / til gyi chung peng dang / mon sran gre'u'i bza' ba bsten par mi bya/ lhung bzed sbyin par mi bya/ khyim du 'dug par mi bya/ skye bo mang po'i tshogs lhags nas/ khri'u dang / chos gos dang / ril ba bslangs so// steng na sreg ma nas ha cang mi ring ba rdo
- 326a
rgyang gis slebs tsam gyis nang dur khrod du gnas par bya zhing / skya rengs shar nas khye'u dang / chos gos dang / ril ba slangs nas slar 'gro bar bya ba 'di ni 'di'i spyod pa yin no// dur khrod pa ni gzhan du gnas pa spong ba yin no// gnas pa khas mi len pas ni dur khrod pa nyid 'jig go/ gzhi ji bzhin nyid ji ltar yang dag par len ce na/ brkam chags kyi gnas mal la phan tshun ldang ba pha rol la gnod par byed pa'i nyes dmigs kyang mthong / gzhi ji bzhin pa nyid kyi yon tan dag kyang mthong nas/ 'di skad ces deng slan chad brkam chags gnas spong ste/ gzhi ji bzhin pa nyid slar yang dag par len to// zhes yang dag par len to// de la ji bzhin pa nyid kyi yon tan ni 'di dag yin te/ nang du yang dag 'jog la bla mar bkur ba dang / ji ltar rnyed pas chog shes pa dang / de la chags pa spong ba dang / byams pa'i sems dang / gcig pu nyid la dga' ba dang / dang bar bya ba nyid dang / skyes bu dam pa'i spyod pa nyid dang / yo byad bsnyungs pa'i tshul can te/ de lta bu la sogs pa ni bzhi ji bzhin pa nyid kyi yon tan dag yin no// gzhi ji bzhin pa ni gang yin/ bdag gis ni gzhi ji bzhin pa nyid 'di 'jig ce na/ gzhi ji bzhin pa ni brkam chags kyi mal spong ba yin te/ brkam chags kyi gnas mal spong ba zhes bya ba ni snga na 'dug pa blangs nas/ gnas mal len par ni byed do// brkam chags kyi
- 326b
rnams pa dang / gnam ma khyen pas nig ni de bzhin pa nyid 'jig go// dzaMH tsog pu pa nyid yang drug par yin to// gnyid dang / ma lo'i 'brang na 'gro ba'i ces dmigs kyang mthong / cog phra pa nyid kyi yon tan dag kyang mthong nas/ 'di skad ces deng sran chad nyal bathong ba ste/ cog pu pa nyid yang dag par len to zhes yang dag par len to// de la cog pum nyid kyi yon tan ni 'di dag yin te/ me lo ba ni yongs su thong ba dang / skas la chags pa dang / se yongs su thong ba dang / 'phrog pa'i bde b.lam chags pa/ @ bdung pa dang / gnyid rung ba dang / rnal 'byor dang mthun pa dang / las kyi gnas rgya bye ba dang / rjes bu dam pa'i stod pa nyid dang / so byad bsgrungs pa'i tshul can te/ de la sogs pa ni cog pu pa nyid kyi yon tan dag yin no// tsog pu pa ni gang yin/ gang gis ni tsog pu pa 'jig cen/ cog pu pa ni nyal bstong ba yin no// nyal galas mas nr-i cog pu pa nyid 'jig go// de la phyag darang khrod pa nyid kyis zhabs phreng ni/ brag dang khrod pa nar mang spyod pa lags khyim bdag dam gis chos thos gsongs sam/ bal gyi mas sa/ yon da ras/ la bdag byin par gyur na/ zhabs bye bas blangs par bya ste/ phrag dang khrod pa nyid nyams par mi 'gyur ro// chos gos gsum pa 'i kyis par bye ba ni khe gong ba'i rab yod na/ gos lhag par gag bcu bcang ba dang / gnas lal bsrung ba'i phyir gding ba dang / gling du bting ba dang / na
- 327a
rkyen g.yan pa dgab pa dang / gdong phyis kyi gos dang / dbyar gyi ras chen dang / gzhan gyi rung ba bcol ba skabs phye blangs par bya ste/ chos gos gsum pa nyid nyams par mi 'gyur ro// bsod snyoms pa nyid skabs phye ba ni sgos pa'i zas dang / tshul shing gi zas dang / zla ba phyed pa'i zas dang / bso sbyong ba dang / dge 'dun gyi zas dang / gtsug lag khang gis zas skams phye bas yongs su longs spyod par bya ste/ bsod snyoms pa nyid 'jug par mi 'gyur ro// 'on kyang nyes da mig su lta bas ni yongs su spyod par bya'o// mthar chags su rgyu ba nyid kyi skabs phye ba ni khyim gyi sgo na glang po che 'am/ rta 'am/ khyu mchog gam/ khyi 'am/ 'thab pa 'am/ ngo tsha bar 'gyur ba de lta bu gzhan mthong nas thod rgal du rgyu ba dang / zas bzar mi rung ba'i khyim 'am/ lhung bzed khas phub pa dang / slob par grags pa'i khyim rgal nas rgyu ba dadang slob dpon nam mkhan po 'am blo bur ba dang / lhan cig rgyu ba ni skabs phye bas thong rgal du yang rgyu bar bya ste/ mthar chags su rgyu ba nyid nyams par mi 'gyur ro// stan cig pa nyid kyi skabs phye ba ni zas za ba ni glang po 'am/ khyu mchogs gam/ sbrul lam/ thog 'bab pa 'am/ mkhan po 'am/ slob dpon 'am/ blo bur ba 'ongs ba mthong nas/ gal te lang par gyur na skabs phye bas yang bza' bar bya ste/ stan cig pa nyid nyams par mi 'gyur ro// zas chog pa nyid dang / zas phyis mi len pa nyid la
- 327b
ni skabs phye ba med do// dgon pa nyid kyi skabs phye ba ni/ bsnyen par rdzogs pa'i las kyi phyed dam/ ltung ba las blangs pa'i ched dam/ chos mnyan pa'i chad dam/ gso sbyong/ bya ba 'am/ dga' dbye ba 'am/ na ba 'am/ nad pa'i bya ba 'am/ mngon par mi shes pa'i tho kun chub par bya ba 'am/ gzhan yang de lta bu'i rkyen yod na skabs phye bas/ grong mthar gnas par bya ste/ dgon pa 'jig par mi 'gyur ro// shing drung pa nyid kyi skabs bye ba ni rkyen de lta bu 'am/ khyim du zhugs pa las char gyis non na/ de nyid du skya reng shar kyang shing drung ba nyid nyams par mi 'gyur ro// dgon pa pa'i skabs phye ba ji snyed pa na/ shing drung pa nyid dang / bla gab med pa nyid dang / dur khrod pa nyid ni de lta bu yod la gzhan gyi gnas mal rnyed na rjes su gnang ngo // cog pu pa la ni skabs phye ba med do// kha cig na re sna'i dpyad byed na skabs phye bas bya ba ste/ cog pu pa nyams par mi 'gyur ro zhes zer ro// sbyangs pa'i yon tan bcu gsum po de dag ni mdor sdu na brgyad kho nar gyur te/ chos mngon pa las ji ltar du sbyangs pa'i yon tan ni brgyad do zhes 'byung ba lta bu'o// zas chog pa pa nyid dang / stan cig pa nyid ni zas phyis mi len pa nyid kyi nang du 'du bar 'gyur ro// de ci'i phyir zhe na/ bzung ba'i mtha' ba ni bdag nyid kyi rang skal cig len pa yin te/ de lta bas na zas chog pa nyid nang du 'du bar 'gyur ro// yang lan gnyis su mi za ste/ de lta bas na stan cig pa nyid 'du bar 'gyur ro// shing drung pa nyid dang /
- 328a
bla gab med pa nyid dang / dur khrod pa nyid ni dgon pa pa nyid kyi nang du 'du bar 'gyur ro// de ci'i phyir zhe na/ dgon pa ni dgon par spyil dang / yang rtog la sogs pa byed na las la dga' ba nyid dang / yongs su 'dzin pa dang / chags pa ni bdag gi cha ma yin no// snyam nas shing drung ngam/ bla gab med pa 'am/ dur khro du gnas so// de lta bas na brgyad kho nar 'gyur la/ brgyad po dag kyang dgon pa pa nyid dang / phyag dar khrod pa pa nyid dang / bsod snyoms pa nyid dang / gsum gyis rdzog par 'gyur ro// de ltar na sbyangs pa'i sgo gsum rdzogs par byed na/ sbyangs pa'i yon tan thams cad rdzogs par 'gyur ro// de nyid kyi phyir bcom ldan 'das kyis tshe dang ldan pa mdzes dga' bo la brten nas/ dga' bo nam cig dgon pa dang / phyag dar khrod pa dang ngan ngon gyis 'tsho zhing 'dod pa rnams la ni/ lta ba med pa mthong zhig gu zhes gsungs so// de la sbyangs pa'i yan lag ni ci zhig yin/ sbyangs pa'i chos ni du zhig yin/ ci spyod pa'i gang zag dag ni sbyangs pa'i yon tan bsten par dga'/ sbyangs pa'i yan lag ni du zhig/ mthar thug pa du zhig/ ci sbyangs pa'i de nyid sbyangs pa'i smra ba yang de yin nam zhe na/ de la sbyangs pa'i yan lag ces bya ba ni/ bzhi bcu gsum po de dag gi spong ba gang yin pa de ni/ sbyangs pa'i yan lag yin no// sbyangs pa'i yon tan cir brjod par bya zhe na/ dge bar brjod par bya'o// sbyangs
- 328b
pa'i chos ni du zhes na/ sbyangs pa'i chos ni gnyis te/ ma chags pa dang / gti mug med pa ste/ bcom ldan 'das kyis ji skad du/ phyag dar khrod pa gang yin pa ni/ 'dod pa chung ba nyid la brtan/ mchog shes pa nyid la brten/ yo byad bsnyungs pa nyid la brten/ rab tu dben pa nyid la brten/ 'dis mchog pa nyid la bsten nas phyag dar khrod par 'gyur ro zhes gsungs par lta bu'i/ rnam pa gcig tu na ma chags pas rjes su gnang ba tshang bar brten pas 'dod pa'i bsod nams kyi rjes su brtson pa slu ba sel la/ sbyangs pa'i yan lag gti mug med pas ni/ yo byad bsnyungs pa 'tshams par brten pas/ bdag nyid du dub pa'i rjes su brtson pa'i bsla ba sel to// de lta/ bas na sbyangs pa'i chos ni gnyis te/ ma chags pa dang / gti mug med pa yin no// de la 'dod pa chung ba nyid dang / chog shes pa nyid dang / rab tu dben pa nyid ni ma chags pa yin no// yo byad bsnyungs pa nyid dang / 'dis mchog pa nyid ni gti mug med pa yin no// de la ma chags pas spang ba'i bzhi bcu gsul chags pa sel la/ gti mug med pas ni gzhi de dag nyid la nyes dmigs mi shes pa sel to// yang ci spyod pa'i gang zag rnams sbyangs pa'i yon tan bsten par dga' zhe na/ 'dod chags spyod pa dang / gti mug spyod pa sbyangs pa'i yon tan bstan par dga'i zhe sdang spyod pa ni ma yin no// ci'i phyir 'dod chags spyod pa dang /
- 329a
gti mug spyod pa sbyangs pa'i yon tan bsten gyi/ zhes spyod pa'i ma yin zhe na/ sbyangs pa'i yon tan bsten pa ni bsgrub dka' ba yin pas/ 'dod chags spyod pa bsgrub dka' ba la brten nas/ 'dod chags rnam par mnon par 'gyur la/ gti mug spyod pa yang sbyangs pa'i yon tan brten par blangs pa yo byad bsnyungs po la brten nas/ rtag tu bag yod par 'gyur zhing bag yod na gti mug rnam par gnon par 'gyur ro// de lta bas na 'dod chags spyod pa dang / gti mug spyod pa sbyangs pa'i yon tan bstan par dga'o// zhe sdang spyod pa ni sgrubs dga' na/ khris pa'i nad la drod bag byin pa bzhin du phyir zhe sdang skyo bar 'gyur ro// de lta bas na zhe sdang spyod pa'i sbyangs pa'i yon tan bsten par dga' ba ma yin no// gzhan dag na re zhe sdang sprad pa ni dgon pa nyid dang / shing drung pa nyid la dga'o// de ci'i phyir zhe na/ dgon pa dang / shing drung na gnas na de dag tu sbyin don byas pas/ gtse ba'i nyes pa med pa'i phyir ro zhes zer ro// sbyangs pa'i yan lag ni dus kyi mthar thug pa na du zhig ces bya ba ni sbyangs pa'i yan lag gsum po shing drung pa nyid dang / bla gab med pa nyid dang / dur khrod pa nyid ni zla ba brgyad kyi mthar thug pa ste/ dbyar ni g.yogs par gnas par bcom ldan 'das kyis gnang ngo // ci sbyangs pa de nyid sbyangs pa smra ba yang de yin
- 329b
nam zhes bya ba ni sbyangs pa yin la sbyangs pa smra ba yin pa yang yod/ sbyangs pa ma yin la sbyangs pa smra ba yin pa yang yod/ sbyangs pa yin la sbyangs pa smra ba ma yin pa yang yod/ sbyangs pa yang ma yin sbyangs pa smra ba yang yod do// de la sbyangs pa yang yin/ sbyangs pa smra ba yang yin pa yang yod ces bya ba ni/ dgra bcom pa sbyangs pa'i yon tan yang dag par blangs pa dang ldan pa'o// sbyangs pa ma yin la sbyangs pa smra ba yang yod ces bya ba ni/ dgra bcom pa sbyangs pa'i yon tan yang dag par blangs pa dang mi ldan pa'o// sbyangs pa yin la sbyangs pa smra ba yin pa yang yod ces bya ba ni slob pa 'am/ so so'i skye bo sbyangs pa'i yon tan yang dag par blangs pa dang ldan pa'o// sbyangs pa yang ma yin spyad pa'i yod tan smra ba yang ma yin pa yang yod ces bya ba ni slob pa 'am/ so so'i skye bo sbyangs pa'i yang dag par blangs pa dang mi ldan pa'o// sbyangs pa'i yon tan gyi mtshan nyid ni ci yin/ 'dog ni ci yin nye bar gnas pa ni ci yin zhe na/ sbyangs pa'i yon tan gyi mtshan nyid ni 'dod pa chung ba nyid do// mdog ni chog shes pa'o// nye bar gnas pa ni yo byad bsnyungs pa'o// rnam pa gzhan du mtshan nyid ni ma 'bab pa'o// mdog ni nyes dmigs med pa'o// nye bar gnas pa ni brtson pa mi 'dor ba'o// sbyangs pa'i yon tan gyis thog ma ni gang yin par ma ni gang yin/ tha ma ni
- 330a
gang yin zhe na/ sbyangs pa'i yon tan gyi thog ma ni gang yin len pa'o// bar ma ni sten pa'o// tha ma nI rab tu dga'o// rnam par grol ba'i lam las sbyangs pa'i yon tan bstan pa zhes bya ba ste/ kun nas btus pa gsum pa rdzogs s+ho// / rgya gar gyi mkhan po 'di d+ya ga ra pra b+ha dang / zhu chen gyi lo ts+tsha ba ban de dpal rtsegs kyis brgyur cing zhus te gtan la phab pa'o// / @bod skad du/ zas kyi 'tshe ba rnam par dag pa theg pa chen po'i mdo// 'di skad bdag gis thos pa'i dus cig na/ bcom ldan 'das 'od ma'i tshal na/ dge slong gi dge 'dun chen po khri phrag phyed dang bcu gsum dang / gzhan yang dge slong ba dang / dge slong ma dang / dge snyen pa dang / dge bsnyen ma dang / lha klu sde brgyad dang / byang chub sems dpa' mang po dang / thabs gcig tu bzhugs so// de nas me'u 'gal gyi bu chen po stan las langs te/ bcom ldan 'das la phyag 'tshal nas/ 'di skad ces gsol to// bcom ldan 'das bdag sngon grong khyer du bsod snyoms la mchis pa'i shul yongs su mi grangs khri stong rnyed mchis te/ de dag gi mgo/ ni ri rab bzhin du che/ khog pa ni ri rab lhun po bzhin du che/ mgrin pa ni khab bzhin phra/ phan tshun skyod cing 'chi ba na/ shing rta lnga brgya shin du khrol ba'i
- 330b
sgra 'byung ste/ de yang mi bzad pa'i gzhob kyi dud pas kun du 'thul lo// de ci'i dngos po lags pa dang / ci las gyur pa bcom ldam 'das kyis bka' stsal du gsol/ de nas bcom ldan 'das kyis bka' stsal pa/ me'u 'gal gyi bu de dag ni 'dre bkren ltog pa yin te/ sngon 'das pa'i dus na/ chos ston pa shig/ ba dang / chos ston sbyar ba bshig pas/ de lta bu'i sdig pa'i rnam par smin pa yin no// yang cig tu na gzhan gyis chos ston zos nas/ zas cig par ma byas pa'i sdig pa'i rnam par smin pa de yin no// chos ston lhag ma za cig par mi byed pa la ma byin cig/ yon bdag gis lhag ma rnams dge 'dun las sbags pa'i gsol ba gyis la/ bzod par gsol cig/ sbags pa'i zas rnams dge 'dun rnams kyis gnang bar byin cig/ gnang ba ma byin na/ dge 'dun rnams kyang ltung bar 'gyur ro// de nas me'u 'gal gyi bus gsol pa/ bcom ldan 'das ni yang dag pa'o// bcom ldan 'aras kyis bka' stsal pa/ yon bdag su yang rung ste/ chos bzhin du bsdu ba'i phyir/ mchod pa'i yo byad 'byor tshogs te/ za cig par byas pa rnams ni/ zas kyi 'tsho ba dang ldan par 'gyur ro// kha cig par ma byas rnams ni zas dang mi ldan par 'gyur ro// de ltar nyi ma gcig za cig pa rngub pa ni/ nyi ma drug khri bza' ba rnam par 'phel bar 'gyur ro// de la gcig par ma byas na ni/ nyi ma khri phrag
- 331a
drug bcur 'dre ltogs par 'gyur ro// de ci'i phyir zhe na/ de'i sbyin pa ni shin tu lci ba ste/ nyes na lcags kyi thu lum zos kyang bla'o// yon bdag dad pa can byi zas ni shin du 'ju dka' ste/ shin du yun ring por sdug bsngal bar 'gyur te/ tshe rabs khri phrag brgyar 'dre ldogs pa'i dngos por 'gyur ro// bsod nams kyi zas ni bya'o cog la nan tan ches byos shig/ rnam phrag gam/ pu rung gi nang du khyer ba byas na/ tshe rabs brgyar dmyal bar byung ste/ lcags kyi bu lum dmar po mtshan khung g.yon pa nas thal te/ mtshan khung g.yas par thal lo// lhag ma mi bkur bar byos shig/ drung ngu na khye'u'i 'bru tsam zhig khyer na/ lcags kyi 'khor lo tsam du 'gyur ro// dge bsnyen gang yang rung ste/ bsod snyoms kyi zas sbyor ro cog la thog nas/ sa myang ba'i bag mi bya'o// de myangs pas sbyar ba thams cad lhag ma'i lpags par 'gyur te/ byas pa don med par 'gyur ro// nyis nam byas pa bla'o// de ci'i phyir zhe na/ zla thams cad mi dgyes par 'gyur ro// mnyan po thams cad mi dga' bar 'gyur ro// gang gis myangs pa zhig yod na/ tshe rabs lnga khrir 'dre ltogs par 'gyur ro// sdug bsngal mi bzad pa sna tshogs pa yang myong bar 'gyur ro// gang zhig phyin chad bsod nams 'dod pa des/ tshul bzhin du bsod nams kyi zas gtsang sbras ched pa dang / shin
- 331b
tu gus par sbyar la/ lag pa shin du dag par bkrus nas/ tshod ma la sogs pa drod pag tu sbyar ro// shin du gab pa dang / rim gro bskyed de/ de dag kyang sngar myang bar mi bya'o// des bsod nams su gyur cing / lha thams cad kyang dgyes par 'gyur ro// gnyen po thams cad dga' bar 'gyur ro// lnga la so/ pa thams cad kyis kyang bsrung zhing / byin gyis rlobs par 'gyur te/ yang dag par smra bar bsod nams rnam par smin pa de ni/ brag cha dang / gzugs bstan bzhin no// de ltar 'dre ltogs pa ni thog mar mi las gyur te/ thog ma lag pa mi gtsang bar dge 'dun gyis kha zas gtsang ma la reg pa dang / bdag gi lag pa mi gtsang bas/ dge 'dun gyis kha zas gtsang ma la bsdogs sam/ gtsang ma'i nang du kha zas mi gtsang bas bses te/ dge 'dun la sbyin pa byas pas/ tshe rabs lnga brgya 'dre ltogs par ltung ste/ rtag tu mi gtsang ba za zhing / snam phya'i sar mi gtsang ba za zhing / s+t+waM phyi'i sa'i sa srung saM/ lcags kyi be rgas bsod de/ 'dre ltogs pa de snum phyi ba'i sar mi snyan par byed do// mi'i khrag dang / mchil snabs dang / ngar snabs dang / khrung ma mi gtsang ba za zhing / mi gtsang ba bsrung zhing / bud med bu btsas pa'i khrag mi gtsang ba za bar 'gyur ro// de nas tshe rabs khri phrag lnga brgyar khyi dang / phag pa dang / sbur pa la sogs pa'i lus su gyur na/ rtag par
- 332a
mdzad dam/ bcom ldan 'das kyis bka' stsal pa/ drang srong chen po ngas phyin ci log dag bzlog pa yang med 'grib par byas pa yang med do// drang srong chen pos gsol pa/ gal te de lta na khyod kyang dbang sgyur ma lags so// bcom ldan 'das kyis bka' stsal pa/ drang srong chen po de de bzhin te/ ma byung ba'i phyir nga yang dbang sgyur ma yin no// drang srong chen pos gsol pa/ go'u ta ma'i sras kyis pha ma 'grogs pa las/ sems can skye bo zhes gsung na/ sems can mang du 'grogs pa las/ sems can skye ba nyung ba 'di ji lta bu/ bcom ldan 'das kyis bka' stsal pa/ khyod la dpe' snyan par bya'o// drang srong chen po 'di lta ste dper na sa bon gcig las shing skye bar 'gyur te/ 'bras bu gcig las kyang 'bras bu mtha' yas par 'gyur ro// de la res 'ga' ni gcig sa bon gyi 'os su 'gyur gyi/ lhag ma tsha sa bon gyi 'os su mi 'gyur ba de ji lta bu/ drang srong chen pos gsol pa/ kye go'u ta ma rlung dang nyi mas shing thogs rnams marungs par bgyis so// bcom ldan 'das kyis bka' stsal pa/ drang srong chen po de de bzhin te/ lus kyi rlung gis kyang sems can gyi 'bras bu rnams ma rung bar byas so// drang srong chen po kha cig ni mngal na gnas pa nyid kyi tshe/ srin bu rnams kyis zos so// kha cig ni las kyi rlung rnams kyis phye mar byas so//
- 332b
drang srong chen po shing gi nyes pa nyung ngo // sems can gyi nyes pa ni mang ngo // drang srong chen po yang sems can gyi khams ni yongs su rtogs pas/ kun nas slang ngo zhes smra'o// drang srong chen pos gsol pa/ kye go'u ta ma de de bzhin te/ zhu ba brjod pa 'di ni rnam par dag go/ ci'i slad du skal pas bsreg par gyur pa bka' stsol cig/ bcom ldan 'das kyis bka' stsal pa/ drang srong chen po chos kyi dbyings 'dus ma byas pa'i skal pas bsregs par 'gyur ro// drang srong chen po gal te skal pas bsreg par mi 'gyur na/ chos kyi dbyings gnyis su 'gyur te/ la la mi rtag la la rtag par 'gyur ro// 'di tshe de bzhin gshegs pa bden pa sba bar mi 'gyur ro// drang srong chen po gang gi phyir 'di thams cad rtag pa ma yin rten pa ma yin/ dbugs phyin pa ma yin pa de'i tshe/ de bzhin gshegs pa thams cad mkhyen pa zhes bya ba'i ming thob po// drang srong chen pos bram ze'i khye'u la smras pa/ 'di thams cad mkhyen par mtshan gsol ba ni mthun no// bcom ldan 'das kyis bka' stsal pa/ drang srong chen po gal te skal pas bsregs par ma gyur na/ 'di ni dus bzang po'o// 'di ni dus ngan pa'o zhes bya bar dus tha dad pa med par 'gyur ro// drang srong chen pos gal te yang bskal pas bsreg par ma gyur na/ legs
- 333a
gnam zhing / stsogs pa dang / mi gtsang ba za bar 'gyur ro// de lta bu'i sdug bsngal bskal pa grangs khri stong du myong ste/ thar pa'i dus med do// rnam pa thar par dka'o// shin tu mi bzod pa yang brjod kyi mi lang ngo // gal te lag pa pho mtshan la reg gam/ mo mtshan la rig gam/ lag pa mi gtsang bas dge 'dun gyi kha zas gtsang ma la reg gam/ dge 'dun gyi kha zas la mi gtsang ba'i nang du bcug gAm/ mi gtsang ba'i kha zas dge 'dun zar bcug na/ de lta bu'i sdig pa rnam par smin pa ni/ thams cad mig nad kyi rims kyis btab pa dang / sdig pa mi shes so// phyin chad dge 'dun gyi kha zas gtsang sbra bya ba dang / lag pa gtsang mas dge 'dun gyi kha zas kyi gnod pa zung ba dang / lag pa gtsang bas khre 'bras bkru ba dang / kha zas gtsang mas/ sbyin pa byas pa ni/ bsod nams bsam gyis mi khyab par 'gyur ro// phyin chad 'di yongs su grags pa dang / myur ba'i yid kyi yongs su zung shig/ 'tsho ba rnam par dag pa'i mdo// rdzogs s+ho// // 'phags pa 'gro ba thams cad yongs su bskyob par byed pa zhes bya ba'i yongs su bsngo ba/ sangs rgyas dang / chos dang / dge 'dun thams cad la phyag 'tshal lo// sangs rgyas bcom ldan 'das dang / byang chub sems
- 333b
dpa' sems dpa' chen po thams cad bdag la dgongs su gsol/ bdag sdig pa thams cad so sor bshags so// bsod nams thams la rjes su yi rang ngo // sangs rgyas thams cad la gsol ba 'debs so// bsod nams thams cad sems can thams cad kyi bla na med pa thams cad mkhyen pa'i ye shes thob par bgyi ba'i sran du/ yongs su bsngo bar bgyi'o// bden pa dang bden pa'i tshig gang gis bden pa gsung pa/ sangs rgyas bcom ldan 'das kyi dge ba'i rtsa ba yang dag pa ji ltar yongs su bsngo bar byagyi'o// bden pa dang bden pa'i tshig des gang gi sems can thams cad kyi sdig pa mi dge ba'i nyes pa byas pa dang / log par smras pa dang / ngan du bsams pa dang / mdzad pa de ltar yongs su bsngo ba/ nyon mongs pa'i sgrib pa dang / las kyi sgrib pa dang / rnam par smin pa'i sgrib pa dang / shes bya'i sgrib pa dang / sgrib pa gang gis bsgribs shing g.yogs te/ kun nas bkris pa dang / bdag nyid dang / gzhan dag gis bsam pa dang / bag la nyal ba dang / khams dang / rang bzhin yang dag pa ji lta ba bzhin mtshal ba dang / dbang po dang / brtson 'grus kyi rim pa dang / dge ba dang / mi dge ba'i chos yang dag par ji lta ba bzhin ma tshal ba dang / khan ma tho ba dang / bcas pa dang / kha na ma tho ba med pa dang / bsten par bya ba dang / bsten par bya ba ma yin pa'i chos yang
- 334a
dag par ji lta ba bzhin ma tshal ba dang / skye bu dam pa dang phrad pa dang / dam pa'i chos nyan pa dang / tshul bzhin yid la bgyid pa dang / chos dang 'thun pa'i chos bsgrub pa mi sgrub par 'gyur ba dang / sgrib pa gang gis sgribs shing g.yogs te/ kun nas dkris pa rnams sems can 'dul ba dang / bdag 'dul ba dang / gzhan 'dul ba dang / gnyi ga 'dul ba dang / 'jam pos 'dul ba dang / khro bos 'dul ba dang / btang snyoms kyis 'dul ba dang / sdigs pas 'dul ba dang / bgrad pas 'dul ba dang / smad pas 'dul ba dang / sten pa dang / sten pa dang / bsnyen bskur bya bas 'dul ba dang / chos bshad pas 'dul ba dang / 'dzum bstan pas 'dul ba dang / nang du yang dag 'jog gis 'dul ba dang / spangs pa'i yon tan yo byad bsnyungs pas 'dul ba dang // sbyin pas 'dul/ tshul khrims dang / bzod pa dang / brtson 'grus dang / bsam gtan pa dang / shes rab kyi pha rol tu phyin pa spyod pas 'dul ba dang / dad / pa dang / tshul khrims dang / thos pa dang / gtong ba dang / shes rab dang / sgom pas 'dal ba dang / 'dul bas gang dag gis sems can gyi khams 'dul bar 'gyur ba de yang dag pa ji lta ba bzhin ma tshal ba dang / tshul khrims kyi rgyu mi 'byung / ting nge 'dzin gyi rgyu dang / dmigs pa'i rgyu dang / bsam gaM taH
- 334b
gyi rgyu dang / zhi gnas kyi rgyu dang / lhag mthong gi rgyu dang / mngon par shes pa'i rgyu dang / zag pa zad pa'i rgyu dang / so so yang dag par rig pa'i rgyu rnams rnam par dag par 'gyur ba dang / bsam gtan dang / rnam par thar pa dang / ting nge 'dzin dang / snyom par 'jug pa dag mngon du mi 'gyur ba dang / snang ba skyes shing skyes pa dag nub par 'gyur ba dang / rnyed pa 'dod pa dang / bsnyen bskur 'dod pa dang / grags pa 'dod pa dang / 'khor 'dod pa'i sems 'byung ba dang / 'dod pa rnam par rtog pa dang / gnod sems kyi rnam par rtog pa dang / 'tshe ba'i rnam par rtog pa dang / mi 'chi bar rnam par rtog pa dang / skyes bu la rnam par rtog pa dang / gnyen la rnam par rtog pa dang / gos dang / zas dang / mal bstan/ na ba'i gsos sman gyi rkyen gyis yo byad la rnam par rtog pa'i sems la kun nas gnas pa dang / tshe thung ba dang / gnod pa mang ba dang / mdog ngan pa dang / gzugs ngan pa dang / dbang chung ba dang / rigs dma' ba dang / longs spyod chung ba dang / shes rab 'chal pa dang / sems can dmyal ba dang / dud 'gro'i skye gnas dang / gshing rje'i 'jig rten dang / ngan song ngan 'gror 'gro ba dang / lus las byung ba'i sdug bsngal rnam pa du ma dang / sems las byung ba yid mi bde nyid la nyams su myong ba dang / smon lam log pa la dgapa
- 335a
ba dang / yang dag pa'i smon lam ma rtogs pa dang / gzhan yang sgrib pa gang dang gang gis sgribs shing / kun nas bsgrib pa'i sems can rnams kyis rnam par smin par 'gyur ba de dag thams cad bdag la smin nas/ sems can thams cad rnam par grol zhing rnam par dag par gyur cig/ sangs rgyas kyi khams ji tsam pa dang / chos kyi khams ji tsam pa dang / dge 'dun gyi khams ji tsam pa dang / yang dag pa'i mtha' ji tsam pa dang / gnyis su med pa ji tsam pa dang de bzhin nyid ji tsam pa dang / mnyam pa nyid ji tsam pa dang / 'dod pa dang / zhe sdang dang / gti mug gi khams ji tsam pa dang / 'khor bar gdags pa dang / 'dod par 'gyur ba ji tsam pa de tsam sems can thams cad kyi nyon mongs pa dang / nye ba'i nyon mongs pa thams cad dang / kun nas nyon mongs pa'i khams gang yin pa/ de bdag la smin nas sems can thams cad rnam par grol zhing rnam par dag par gyur cig/ bdag gi ji tsam du sngon gyi mtha' ma tshal ba dge ba'i rtsa ba bgyis shing brtsegs pa gang lags pa de sems can thams cad la yongs su bsngo bar bgyi'o// bdag ni 'dod chags la chags/ zhe sdang gis gdungs/ gti mug gis rmongs te nyon mongs pa dang / nye ba'i nyon mongs pa dang / kun nas nyon mongs pa dang ldan nas ji ltar dge ba'i rtsa ba yongs su bsngor bgyi ba yang dag pa ji lta ba bzhin mchil ma
- 335b
mthong ma rig ste/ sangs rgyas bcom ldan 'das de dag mkhyen cing gzigs la thugs su chud pas ji ltar dge ba'i rtsa ba yongs su bsngo bar mdzad pa de ltar bdag gis yongs su bsngo bar bgyi'o// de bzhin gshegs pa'i thugs dang mthun pas yongs su bsngo bar bgyi'o// ji ltar sems can 'dul ba dang / ji ltar dge ba'i rtsa ba smin pa dang / ji ltar dge ba'i rtsa ba rnam par 'phel ba dang / ji ltar sdug bsngal shes pa dang / kun 'byung spang ba dang / 'gog pa mngon sum du bya ba dang / lam sgom pa dang / bla na med pa thams cad mkhyen pa'i ye shes thob pa dang / mi dge ba'i rtsa ba thams cad spong ba dang / bge ba'i rtsa ba thams cad dang ldan pa dang / bag chags 'joms pa dang / snyel ba mi mnga' ba'i chos nyid dang / rnam pa thams cad mkhyen pa nyid ji ltar 'das pa dang / ma 'ong / pa dang / da ltar byung ba'i sangs rgyas bcom ldan 'das sngon byang chub sems dpar gyur pa thams cad kyi dge ba'i rtsa ba yongs su bsngos pa de bzhin du bdag gis yongs su bsngo bar bgyi'o// mnyam pa nyid kyis yongs su bsngo ba dang / gnyis su med pas yongs su bsngo ba dang / 'gro ba thams cad yongs su bskyab pa'i yongs su bsngo bas yongs su bsngo bar bgyi ste/ de ltar lan gnyis de ltar lan gsum du'o// sems can gang zhig gang dang gang gis 'dul bar 'gyur ba de
- 336a
dang de'i sems rnam par rtog pa med pas/ bdag mthong bar 'gyur zhing ji ltar sems can dag par 'gyur ba de lta de ltar bdag gis lus kyi las dang / ngag gi las dang / yid kyi las rtag tu 'jug par gyur cig/ dus ji lta ba dang / yul ji lta ba dang / sems can rnams kyi 'dul ba de lta ba de ltar chos kyi dbyings 'khrugs pa med par ston par gyur cig/ 'phags pa 'gro ba thams cad yongs su skyobs par byed pa zhes bya ba'i yongs su bsngo ba rdzogs s+ho// rgya gar gyi mkhan po byad t+ya pa ka ra pra b+ha dang / lo tsA ba ban d+he ye shes sdes sgyur cing zhus te gtan la phab pa// rgya gar skad du/ Ar+ya ka ya tri nA ma ma hA ya na sU tra/ bod skad du/ 'phags pa sku gsum zhes bya ba theg pa chen po'i mdo// sangs/ rgyas dang byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan 'das rgyal po'i khab bu rgod phung po'i ri la snyoms par bzhugs so// de'i tshe 'khor der byang chub sems dpa' sa'i snying po stan las langs te/ bcom ldan 'das la 'di skad ces gsol to// bcom ldan 'das de bzhin gshegs pa la sku du mnga'/ bcom ldan 'das kyis bka' stsal pa/ sa'i snying po de bzhin gshegs pa la sku gsum mngara' ste/ chos kyi
- 336b
sku dang / longs spyod rdzogs pa'i sku dang / sprul pa'i sku'o// rigs kyi bu rang bzhin rnam par dag pa ni chos kyi sku'o// ting nge 'dzin rnam par dag pa ni longs spyod rdzogs pa'i sgra'o// spyod pa rnam par dag pa ni sangs rgyas thams cad kyi sprul pa'i sku'o// rigs kyi bu de bzhin gshegs pa'i sku gsum ni 'di ltar blta bar bya ste/ chos kyi sku ni de bzhin gshegs pa'i ngo bo gang la snang ngo // longs spyod rdzogs pa'i sku ni byang chub sems dpa'i ngo bo gang la snang ngo // sprul pa'i sgra ni so so'i skye bo rnams kyi ngo bo gang la gnang bar gyur to// rigs kyi bu kun gzhi rnam par shes pa gnas gyur pa ni me long lta bu'i ye shes te chos kyi sku'o// nyon mongs pa can gyi yid gnas gyur pa ni mnyam nyid kyi ye shes te/ longs spyod rdzogs pa'i sku'o// yid kyi rnam par shes pa gnas gyur pa ni so sor rtog pa'i ye shes so// sgo lnga rnam par shes pa gnas gyur pa ni bya ba grub pa'i ye shes te/ sprul pa'i sku'o// bcom ldan 'das kyi de skad ces bka' stsal pa dang / byang chub sems dpa' sa'i snying po la sogs pa dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa sku gsum zhes bya ba theg pa chen po'i mdo// / rdzogs so// /
- 337a
rgya gar skad du/ ar+ya ne'i rang mya pa ra brid tsha nA ma ma hA ya na sU tra/ bod skad du/ 'phags pa bdag med pa dris pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di nas dmigs pa'i lta ba can rnam par rtog pa dang bcas pa'i mu stegs pa de rnams theg pa chen po pa'i gan du song ste/ zhes dang bcas shing thal mo sbyar nas/ bdag med pa'i dri ba dag yongs su dris pa/ rigs kyi bu thams cad mkhyen pas ni lu la bdag med do zhes gsungs la/ gal te lus la yang dag par bdag med na/ ji ltar na de las brtse ba dang / rgod pa dang / du ba dang / rol pa dang / khro ba dang / nga rgyal dang / phra dog dang / phra ma la sogs pa kun tu 'byung bar 'gyur/ ci lus la yang dag par na bdag yod dam med pa yin/ bdag cag gi the tsom de dag khyed kyis bsal ba rigs so// the ma chen po pa rnams kyis smras pa/ grogs pa dag lus la ni bdag yad par yod do zhes 'am med do zhes gnyi gar yang 'dir brjod pa mi bya ste/ yang dag par yod do zhes brjod pa ni log par smra ba'o// gal te yod na ni ji ltar na de skra dang / sen mo dang / lpags pa dang / mgo bo dang / sha dang / rus pa dang / rkang dang / tshil dang / rgyus pa dang / mchin
- 337b
pa dang / rgyum dang / med pa dang / lag pa dang / rkang pa dang / yan lag dang / nying lag la sogs pa lus thams cad phyi dang nang du bcas pa la nam/ par brtags na bdag yang dag par mi snang ngo // mu stegs pa rnams kyis smras pa/ lha'i mig dang ldan pa 'ga' zhig gis mthong gi bdag gi rnams ni sha'i mig can yin pas bdag yang dag par ji ltar mthong / theg pa chen po pa rnams smras pa/ lha'i mig dang ldan pa rnams kyis kyang mi mthong ste/ gang la kha dog med pa dang / gzugs med pa dang / dbyibs med pa ji ltar mthong bar 'gyur/ mu stegs pa rnams kyis smras pa/ ci med pa yin nam/ theg pa chen po pa rnams kyis smras pa/ med do zhes brjod pa na/ yod do zhes brjod pa ni log par smra ba'o// gal te lha med na ji ltar 'di mngon sum du yod pa rtse ba dang / rgod pa dang / du ba dang / rol pa dang / khro ba dang nga rgyal dang / phrag dog dang / phra ma la sogs pa kun tu 'byung bar 'gyur/ de bas na med do zhes brjod par yang mi nus te/ yod dam med ces gang 'di ltar brjod par mi bya ste/ nyes pa 'di yod pa na/ yod pa'o// zhe 'am/ med pa'o zhes brjod par mi bya'o// mu stegs pa rnams kyis smras pa/ 'o na 'dir gang zhig dmig par 'gyur/ theg pa chen po pa rnams kyis smras pa/ dmigs par 'gyur ba ni ci yang med do// mu stegs pa rnams kyis smras pa/ cinam mkha' ltar stong pa nyid yin nam/ thog
- 338a
mchen po pa rnams kyis spras pa/ grogs po dag de bzhin te/ nam mkha' ltar stong pa nyid yin no// mu stegs pa rnams kyis smras pa/ gal te de ltar yin nam/ rtse ba dang / rgod pa dang / du ba dang / rol pa dang / khro ba dang / nga la rgyal dang / phrag dog dang / phra ma la sogs pa ji ltar bar+N+Na/ bar bgyi/ theg pa chen po pa rnams kyis smras pa/ sgyu ma dang / rmi lam dang / mig 'phrul dang 'dra ba nyid yin no// mu stegs pa rnams kyis smras pa/ sgyu ma ni ji lta bu lags/ rmi lam dang / mig 'phrul ni ji lta bu lags/ theg pa chen po pa rnams kyis smras pa/ sgyu ma ni tshon pa tsam mo// rmi lam ni so sor snang ba tsam ste/ gzungs par bya ba ma yin zhing rang bzhin gyis stong pa yod pa ma yin pa'i ngo bo nyid do// mig 'phrul ni bcos pa tsam du dgos pa'o// grogs po dag de bzhin te/ dngos po ji snyed pa thams cad ni/ sgyu ma dang / rmi lam dang / mig 'phrul dang 'dra bar shes par bya'o// gzhan yang kun rdzob dang / don dam pa dag la bsten par bya ste/ de la kun rdzob ces bya ba ni/ 'di ni gzhan no zhes bya ba dang / srog dang / skyes bu dang / gang zag dang / byed pa po dang / tshor ba po dang / nor dang / bu dang / nung ma dang / mdza' bshes dang / nye du la sogs par rtog pa de ni/ kun rdzob ces bya ba'o// gang la
- 338b
skyes bu med pa dang / bdag med pa dang / gzhan med pa dang / srog med pa dang / gang zag med pa dang / byed pa po med pa dang / tshor ba po med pa dang / nor med pa dang / bu med pa dang / rlung ma med pa dang / mdza' bshes med pa dang / nye du la sogs pa med pa de ni don dam zhes bya'o// gang la rang bzhin gyis dngos po thams cad du yongs su brtags shing dge ba dang / mi dge ba'i 'bras bu dang / skye ba dang / 'gag pa'i ni kun rdzob po// dge ba med pa dang / mi dge ba'i 'bras bu med pa dang / skye ba med pa dang / 'gag pa med pa de bzhin nyid kyis ngo bo nyid de la ni kun nas nyon mongs pa dang / rnam par byang ba med de/ de ni dbu ma'i chos rnams kyi sgrub pa lhur len pa'o// de la 'di skad ces bya ste/ kun rdzob dang ni don dam te// dbye ba nyid du yang dag bshad/ kun rdzob 'jig rten pa yi chos// don dam 'jig rten 'das pa'o// kun rdzob chos la zhugs pa'o// sems can nyon mongs dbang du 'gro// don dam yongs su ma shes pas// 'khor bar yun ring 'kho bar 'gyur// kun rdzob 'jig rten chos rnams la// mi mkhas pa dag rtog par byed// kun tu rtog pa de yis ni// sdug bsngal nyams su myong bar 'gyur// ji ltar so so skye bo yi// byis pas grol bar mi shes pas// mi bzad pa yi sdug bsngal dag/ mang po rjes su myong bar 'gyur// gang du srid pa 'gyur ba yi/
- 339a
don dam dag ni mi shes pas// skye ba dag ni 'gag 'gyur zhing // skye med 'gro dang 'ong bar 'gyur// 'jig rten chos la gnas pa yi/ blon po 'khor lo bzhin du 'khor// sdug bsngal gnas can 'khor ba 'dir// yang dang yang du 'khor bar 'gyur// ji ltar nyi ma zla ba dag/ slar yang 'ong zhing 'gro bar byed// de bzhin srid par 'pho ba na// slar yang 'ong zhing 'gro bar 'gyur// 'khor ba thams cad mi rtog cing // mi brten skad cig 'jig rten nyid// de bas don dam shes pa yis/ kun rdzob bden pa'i gnas spangs // mtho ris gnas nas lha rnams dang // dri za lha min rnams kyang ni// kun la 'pho ba yod par gyur// kun kyang kun rdzob 'bras bu yin// grub dang rigs 'dzin gnod sbyin dang // dri za dang ni lto phye rnams// slar yang dmyal bar 'gro 'gyur ba// kun kyang kun rdzob 'bras bu yin// gang zhig brtson drag lha rnams dang / yon tan 'byung gnas la gnas gang // mtho ris las 'pho ltung gyur pa// thams cad kun rdzob 'bras bu yin// brgya byin 'khor los bsgyur nyid de// gang gis dam pa'i gnas thob nas// slar yang byol song skye gnas 'jug/ thams cad kun rdzor 'bras bu yin// de bas mtho ris lha rnams kyi// bde ba bzang po kun spongs la byang chub sems ni 'od gsal ba// rnal 'byor pas ni rtag tu sgom// dngos po med cing dmigs su med// thams cad stong pa gnas med pa// spros pa rnams las yang
- 339b
dag 'das// byang chub sems ni mtshan nyid yin// sra ba ma yin 'jam pa min// dro ba ma yin grang ba min// de ni reg min gzung bya min// byang chub sems kyi mtshan nyid yin// ring po ma yin 'thung ba min// zlum po ma yi gru gsum min// phra ba ma yin sbom pa 'ang min// byang chub sems kyi mtshan nyid yin// bsgom pa rnams las rnam 'das shing rtaHmu rtogs rnams kyi spyod yul min// shes rab pha rol phyin sbyor ba// byang chub sems kyi mtshan nyid yin// dpe med bsgom du med pa dang // mthong min gnas kyi mchog gyur la// rang bzhin gyis ni rnam dag pa// byang chub sems kyi mtshan nyid yin// thams cad dbu ba lta bu ste// chu bur lta bur snying po med// rtag pa ma yin bdag med pa/ sgyu ma mig rgyu dag dang mtshungs// gong bu bzhin du bsdus gyur pa// spros pa rnams kyi yongs su gang // 'dod chags zhe sdang la sogs ldan// de ni rgyu mtshungs 'ba' yin// ji ltar nang na thig le ni// skad cig de la mi mngon te// shes rab pha rol phyin mthong na// de bzhin blo ni 'dus ma byas// rtag tu rgod cing rtse ba dang // smra zhing glu dang rol mo dang // gzhi la sogs pa'i bden pa rnams// de dag thams cad rmi lam mtshungs// lus can kun gyis 'dus byas pa// 'di kun rmi lam dang mtshungs pa// rmi lam sems kyi kun rtog ste// sems kyang na mkha' lta bu yin// gang zhig tshul 'di rtag sgom pa// shes rab pha rol phyin pa'i tshul// gang zhig 'di ni rtag sgom pa//
- 340a
dngos po kun las rnam grol nas// go 'phangs mchog ni thob par 'gyur// bla na med pa'i byang chub gang // sangs rgyas kun gyis rnam sgom pa// sgom dang bcas pas 'dzin na ni// theg chen 'bras bu thob par 'gyur// 'phags pa bdag med pa dris pa zhes bya ba theg pa chen po'i mdo// // rdzogs s+ho// / rgya gar gyi mkhan po ka ma la gu pa ta dang / zhu chen gyi lon+d+ra dge slong rin chen bzang po'i bsgyur cing nus te gtan la phab pa// ye d+harma he tu pra b+hawa he ku n+de Shan ta thA ga to h+ya ba da na tsa yo ni ro d+ha/ e wa ba ti ma hA shra ma Na ya swA hA// / sarba mang+ga lam/ bkra shis