Text
ff. 1b–403a · 804 folio sides
- 1b
rgya ga gad du.Ar+ya be d+hisatwAk+Shi tig d+hA sha nA ma ma hA yA na sU tra/ bodani// skad du/ 'dus pa chen po las ' phags pa byang chub semasadapa' sa'i snying po 'khor lo bcu
- 2a
/ pa zhes bya ba/ theg pa chen po'i mdo// // bam po dang po/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ri kha la te ya zhes bya ba na/ drang srong thub pa mang po'i spyod yul gyi gnas na/ dge slong gi dge 'dun chen po tshad med grangs med pa dang
- 2b
thabs cig tu bzhugs te/ thams cad kyang nyan thos kyi dge 'dun chen po sha stag go/ gzhan yang byang chub sems dpa' sems/ dpa' chen po// tshad med pa dang thabs cig pa thams cad kyang / byang chub sems dpa'i dge 'dun chen po sha stag ste/ zla ba'i snying po zhes bya ba bshad ma thag tu/ de'i tshe lho phyogs nas bsung gi sprin chen po 'dus pa las/ bsung gi char chen po rab tu 'bab bo// me tog gi sprin chen po 'dus pa las/ me tog gi char chen po rab tu 'bab bo// rin po che'i lha rdzas kyi rgyan gyi sprin chen po 'dus pa las/ rin po che lha rdzas kyi rgyan gyi char chen po rab tu 'bab bo// lha rdzas kyi gos kyi sprin chen po 'dus pa las/ lha rdzas kyi gos kyi char chen po rab
- 3a
tu 'bab bo/ / de lta bu'i sprin dang / char chen pos drang srong thub pa mang po'i spyod yul gyi gnas kyi ri de la khyab par gyur to// bsung dang me tog dang / rin po che'i rgyan dang / gos de dag las rin po che'i sgra dbyangs rnam pa sna tshogs brgya stong snyed grags par gyur pa ni/ 'di lta ste/ dkon mchog gsum la skyabs su 'gro ba'i sgra dang / bslab pa'i gnas 'dzin pa'i sgra dang / ngang des shing bzod pa can gyi sgra dang / brtson 'grus rtsom pa'i sgra dang / bdud bzhi btul ba'i sgra dang / shes rab la gzhol zhing 'jug pa'i sgra dang / grags pa chen pos 'jig rten gsum du rgya cher grags pa'i sgra dang / dran pa dang / ting nge 'dzin dang / gzungs kyi khyad par la nan tan pa'i sgra dang / stong pa nyid dang / mtshan ma med pa dang / smon pa med pa'i sgra dang / 'dod chags kyis yongs su skyo ba'i sgra dang / gzugs ni chu'i lbu ba lta bu'o zhes bya ba'i sgra dang / tshor ba ni chu bur
- 3b
lta bu'o zhes bya ba'i sgra dang / 'du shes ni smig rgyu lta bu'o zhes bya ba'i sgra dang / 'du byed ni chu shing lta bu'o zhes bya ba'i sgra dang / rnam par shes pa ni sgyu ma lta bu'o zhes bya ba'i sgra dang / mi rtag pa'i sgra dang / sdug bsngal ba'i sgra dang / bdag med pa'i sgra dang / stong pa'i sgra dang / 'dzem pa dang / ngo tsha bar ldan pa'i sgra dang / kun spong ba'i sgra dang / dran pa nye bar gzhag pa'i sgra dang / byams pa dang / snying rje dang / dga' ba dang / btang snyoms kyi sgra dang / chos kun chud pa'i sgra dang / mtho ris su skye ba nas mya ngan las 'das pa'i sgra dang / theg pa gsum las 'bab pa'i sgra dang / chos chen po'i 'khor lo bskor ba'i sgra dang / chos chen po'i char rab tu 'bebs pa'i sgra dang / sems can yongs su smin par bya ba'i sgra dang / ngan song gsum las yongs su sgrol ba'i sgra dang / pha rol tu phyin pa drug yongs su rdzogs par nan tan bya ba'i sgra dang / thabs mkhas pas sgra dang / sa bcu la 'bab pa'i sgra dang / mngon par shes pas rnam par rol pa'i sgra dang / bla na med pa'i theg pa chen po rnam par dag pa la rnam par rol pa'i sgra dang / sa las phyir mi ldog pa'i sgra dang / mi skye ba'i chos kyi bzod pa'i sgra dang / spyi bo nas dbang bskur ba'i sgra dang / sangs rgyas thams cad kyi rgya mtsho chen po la 'jug pa'i sgra'i nga ro grags par gyur to// de'i tshe 'khor gyi dkyil 'khor mang po de dag thams cad kyis de lta bu'i sprin dang / char pa rnam pa sna tshogs
- 4a
mthong zhing / de ltar chos kyi sgra'i nga ro yang thos par gyur nas/ de dag gi so so'i yid ci la mos pa bzhin du so so'i lus la rnam pa sna tshogs kyi bsung dang / me tog dang rin po che'i rgyan dang / lha rdzas kyi gos dam pas yongs su brgyan par mthong ngo // yang so so'i lag mthil gnyis na/ yid bzhin gyi nor bu rin po che thogs shing / yid bzhin gyi nor bu rin po che de dag re re las kyang / rin po che rnam pa sna tshogs char bzhin du 'bab par mthong ngo // gzhan yang nor bu rin po che de dag las 'od zer rnam pa sna tshogs byung ste/ 'od zer de dag gi dbang gis sems can de dag so so nas/ phyogs bcu'i chu klung gang+gA'i bye ma snyed kyi sangs rgyas kyi zhing yang mthong ngo // yang 'od zer de dag gi dbang gis sangs rgyas kyi zhing de dag na/ de bzhin gshegs pa re re la yang 'khor mang po tshad med pas bsti stang dang bcas te yongs su bskor bar mthong ngo / / gzhan yang 'od zer de'i dbang gis sangs rgyas kyi zhing de dag na/ sems can gang nad kyis gzir ba thams cad kyang / 'od zer de dag gis reg ma thag tu nad kyi sdug bsngal dang bral bar gyur to// gang bsad pa la thug pa dang / btson du bzung zhing bcings pa dag kyang / 'od zer de dag gis reg ma thag tu de las yongs su thar par gyur to/ / gang lus dang / ngag dang / yid mi dge bar spyod pa'i gnas ngan len lci ba dag kyang 'od de'i dbang gis shin tu yang zhing rnam par dag par gyur to// gang bkres shing skom pa dag kyang
- 4b
'drangs shing ngoms par gyur to/ / gang bsad pa dang / chad pa rnam pa sna tshogs kyis nyon mongs par gyur pa dag kyang / 'od zer kyis reg ma thag tu sdug bsngal ba dang bral bar gyur to// gang bgo ba dang / rin po che'i rgyan dang / dbyig dang / nor rdzas kyis brel cing phongs pa dag kyang bsams pa bzhin du 'byor cing ldan par gyur to// sems can gang srog gcod pa la dga' zhing mos pa nas/ log par lta ba'i bar du/ dga' zhing mos pa dag kyang / 'od zer des reg ma thag tu srog gcod pa yongs su spong ba la dga' zhing mos nas log par lta ba'i bar du yongs su spong ba la dga' zhing mos par gyur to// sems can gang dag 'dod pa mi rnyed pa rnam pa sna tshogs kyis sdug bsngal bar gyur pa dag kyang 'od zer des reg ma thag tu ji ltar re ba bzhin du rnyed par gyur to/ / gzhan yang 'od zer de'i dbang gis sangs rgyas kyi zhing thams cad kyi sems can gang sdug bsngal gyis gdungs pa dag/ thams cad zhi nas rab tu zhi zhig bde ba dang ldan te/ thams cad bde ba dang ldan par mthong ngo // gzhan yang sangs rgyas kyi zhing de dag thams cad du 'od kyis snang bar byas pas/ sprin dang / rdul dang / na bun dang / rlung dang / rdzi char dang / bkra mi shis pa'i sgra dang / dri mi zhim pa dang / kha ba dang / tsha ba la sogs pa'i ro ngan pa dang / yid du mi 'ong ba'i reg bya dang / 'jigs skrag pa dang / gnod pa mang po'i rnams med par gyur to// gzhan yang las ngan pa dang / log pa'i ngag dang / log pa'i bsam pa dang / log
- 5a
par phyogs pa dang yongs su bral te/ lhag par mi grang ba dang / lhag par mi tsha ba dang / rab tu zhi zhing bde ba dang / sa gzhi lag mthil ltar mnyam pa dang / bde ba'i yo byad dam pa thams cad kyis yongs su gang bar gyur to/ / de'i tshe na 'khor mang po rnams kyi so so'i lus kyi sa'i khams lhag par lci zhing mi theg pa tsam du gyur to// ltas 'di lta bur gyur pa mthong nas thams cad kyang dngangs te/ ci'i rgyu ci'i rkyen gyis ltas 'di lta bur gyur snyam du rtog pa skyes so// de'i tshe 'khor gyi dkyil 'khor de'i nang na brgya byin lha'i dbang po dri ma med par skyes zhes bya ba/ bcom ldan 'das dang ha cang yang mi ring ba zhig na 'dug pa las langs nas/ bcom ldan 'das kyi zhabs la spyi bos phyag 'tshal te/ bcom ldan 'das gang na ba logs su thal mo sbyar nas/ tshigs su bcad pa 'di skad ces gsol to// bden par gsung zhing bden gzigs pa// bden la rab gnas thub pa khyod// 'dus pa'i 'khor mang thams cad la// mthar phyin bden pa'i chos gsungs shig/ so so'i skye bo mang po dag/ sdug bsngal rgyu dang sdug bsngal sel/ / ci yi slad du 'khor 'dir ni// sprin dang char rnams gda' bar gyur// 'khor rnams rab tu dga' rangs nas// shin tu dad pa'i bsam pa skyes// theg pa chen por thams cad gzhol// yang dag lha skye so ma nyi rgal/ / 'khor mang lha dang mi yi lus// lhag par sa yi khams lci bas// rang gi mi theg gyur pa 'di// ci yi rkyen gyis ltas 'di byung // lag mthil gnyis kyi nor bu las// rin chen char 'bab 'od kyang
- 5b
'gyed/ / phyogs bcur snang byas sdig pa bsal// sdug bsngal zhi nas bde ba thob// 'dren pas gsungs shig ci yi rkyen// 'khor gyi dkyil 'khor thams cad la// spos dang phreng ba sna tshogs kyis// so so'i lus la brgyan pa gda'/ / lha dang mi kun the tshom skyes// ci yi rgyu dang ci yi rkyen// su zhig gang nas 'dir mchi na// rdzu 'phrul mthu 'di ston par gyur// sangs rgyas byang chub sems dpa' 'am// 'on te tshangs pa 'am bdud lags sam/ / brgya byin lags sam su mchi ga/ 'dren pa chen blo bshad du gsol// de'i tshe bcom ldan 'das kyis brgya byin dri ma med par skyes pa la 'di skad ces bka' stsal to/ / khyod kyis 'di ltar shes par byos shig/ byang chub sems dpa' sems dpa' chen po sa'i snying po zhes bya ba zhig yod de/ sngon bskal pa chen po tshad med grangs med pa'i bar du rnyog lnga'i tshe/ sangs rgyas mi bzhugs pa'i 'jig rten gyi khams su sems can yongs su smin par byed pa de/ da ltar 'khor byang chub sems dpa' bye ba khrag khrig stong phrag brgyad cu dang bcas te/ 'jig rten gyi khams 'dir nga la phyag 'tshal ba dang / bsnyen bkur ba dang / mchod pa bya ba dang / gzhan yang 'khor gyi dkyil 'khor rnams la lta ba dang / rjes su yi rang ba skyed pa'i phyir 'khor dang bcas te/ dge sbyong gi gzugs kyis 'dir 'ong bas/ mngon par shes pa'i mthus cho 'phrul 'di dag bstan to// byang chub sems dpa' sems dpa' chen po sa'i snying po zhes bya ba de/ tshad med grangs med bsam gyis mi khyab pa'i yon tan gyi khyad
- 6a
par gyis yongs su brgyan pas/ nyan thos dang / rang sangs rgyas dang / 'jig rten du bcas pa thams cad kyis dpag nus pa med do// byang chub sems dpa' de ni yon tan phul du gyur pa thams cad kyi gter tu gyur pa'o/ / rnam par grol ba'i rin po che'i 'byung gnas yin no// byang chub sems dpa' rnams kyi mig yongs su dag par byed pa'o// mya ngan las 'da' bar 'gro ba'i ded dpon du gyur pa'o// yid bzhin gyi nor bu rin po che ltar rin po che thams cad char bzhin du 'bab pas/ ji ltar re zhing 'dod pa thams cad yongs su tshim par byed pa'o// tshong pa mang po'i rin po che'i gling lta bu'o// dge ba'i rtsa ba 'phel zhing skye ba'i phyir zhing gshin pa lta bu'o/ / rnam par grol ba'i bde ba la 'jog pa'i phyir snod lta bu'o// rin po che dam pa'i 'byung gnas su gyur pa'i phyir yon tan gyi bum pa bzang po lta bu'o// dge ba'i nan tan can la snang bar byed pa'i phyir nyi ma gsal ba lta bu'o/ / lam stor ba rnams la snang bar byed pa'i phyir sgron ma lta bu'o// nyon mongs pa'i gdung ba sel ba'i phyir zla ba ltar sil ba lta bu'o// rkang pa med pa la theg par gyur pa lta bu'o// lom ring por 'gro ba la tshogs kyi stegs lta bu'o// 'brog bslad pa la lam ston pa lta bu'o// smyos shing 'khrug pa la sman dam pa lta bu'o// nad kyis gzir ba la sman pa mkhas pa dang phrad pa lta bu'o// rgas shing 'khogs pa la rten dang 'khar ba lta bu'o/ / ngal ba dang dub pa la khri stan lta bu'o// chu bo bzhi rgal ba la zam pa lta bu'o// pha rol tu 'gro ba'i gru dang gzings lta bu'o// dge ba'i rtsa ba rnam gsum gyi 'bras bu'i khyad
- 6b
par can smin par byed pa'o/ / dge ba rnam gsum gyi gzhi 'dren cing rgyun tu 'bebs pa'o// sbyin pa gtong ba'i rgyun mi 'chad pa 'khor lo ltar 'jug pa'o// tshul khrims bsrung ba brtan pas ri rab lhun po lta bu'o// brtson 'grus gzhig par dka' ba ni rdo rje rin po che lta bu'o/ / bzod pa mi g.yo ba ni sa chen po lta bu'o// bsam gtan zab pa ni gter gsang ba lta bu'o// mnyam par 'jog pas mdzes pa ni me tog gi 'phreng ba dam pa lta bu'o// shes rab zab cing yangs pa ni rgya mtsho chen po lta bu'o// cis kyang mi chags pa ni nam mkha' lta bu'o// 'bras bu dam pa'i rgyu dang nye ba na me tog rgyas pa lta bu'o// mu stegs can 'dul ba la seng ge'i rgyal po lta bu'o// lha'i bdud yongs su 'joms pa na klu 'am/ glang po che lta bu'o// nyon mongs pa'i dgra thams cad gcod pa ni lha'i ral gri lta bu'o// 'du 'dzi mang pos skyo ba ni rang sangs rgyas kyi theg pa pa lta bu'o// nyon mongs pa'i dri ma 'khru ba ni chu dang ba lta bu'o/ / mi gtsang ba'i nyal nyil sel ba ni rlung drag po lta bu'o// kun nas nyon mongs pas klags pa gcod pa ni/ mtshon sngon po lta bu'o// 'jigs pa dang bag tsha ba kun las srung ba ni snyen nam 'dza'o lta bu'o// phas kyi rgol ba'i dgra las skyob pa ni 'obs sam/ mkhar lta bu'o// nyam nga ba thams cad las grol bar byed pas pha ma lta bu'o// zhan cing nyam chung ba rnams sbed pa ni nags stug po lta bu'o// dbyar lam ring por 'gro ba la bsil grib kyi shing chen po lta bu'o/ / tsha ba dang skom gyis gdungs pa rnams la chu grang lta bu'o// bkres pa rnams la 'bras bu zhim po lta bu'o// gcer bu rnams bgo ba'i gos byed pa'o// tsha bas nyen pa rnams sprin stug por gyur pa'o//
- 7a
dbul phongs pa la yid bzhin gyi nor bu rin po cher gyur pa'o// 'jigs skrag pa dag la skyabs dang gnas su gyur pa'o// lo thog rnams la char bar gyur pa'o// chu rnyog pa can rnams la nor bu chu 'dang du gyur pa'o/ / sems can mang po'i dge ba'i rtsa ba mi 'god pa byed pas/ spyod yul dam pa ston cing 'khor spros pa dang tshim par byed pa'o// sems can rnams lhag pa'i 'dzem pa dang ngo tsha ba skul zhing 'dzud pa'o// bsod nams dang ye shes kyi tshogs bsog pa la de'i rgyan dang ldan par byed pa/ nyon mongs pa yongs su sel ba la skyug pa dang / 'khrug pa'i sman lta bur gyur pa sems 'khrugs pa sdud pa ni mnyam par 'jog pa'i spyod yul lta bur gyur pa/ spobs pa thogs pa med pa ni zo chun rgyud ma'i 'khor lo lta bu'o// dmigs pa la sems sdud pa ni gzugs bzang po la rtog pa lta bu'o// bzod pa brtan pa ni ri rab lhun po lta bu'o// gzugs zab cing rgya che ba ni rgya mtsho chen po lta bu'o/ / rdzu 'phrul gyi rkang pa thogs pa med pa ni nam mkha' lta bu'o// sgrib pa'i bag chags thams cad yongs su sel ba ni/ ji ltar nyi ma tsha bas 'khyag tsam tsam bzhu ba lta bu'o// rtag tu bsam gtan dang / gzugs med pa dang / yang dag pa'i lam la rol cing / thams cad mkhyen pa'i ye shes kyi rin po che dam pa'i gling lta bur gyur par ched du ma bsams kyang / chos chen po'i 'khor lo rab tu skor ro// rigs kyi bu de ltar byang chub sems dpa' sems dpa' chen po sa'i snying po de ni de lta bu'i yon tan gyi khyad par tshad med grangs med bsam gyis mi khyab pa dang ldan pa de/ 'khor dang bcas te gnas 'dir phyin tu nye bas/ 'od las 'di lta bu'i tshe
- 7b
'phrul dang / ltas sngar bstan pa yin no// bcom ldan 'das kyis byang chub sems dpa' sa'i snying po'i yon tan mang po bshad ma thag tu/ de'i tshe byang chub sems dpa' sems dpa' chen po sa'i snying po// 'khor byang chub sems dpa' bye ba khrag khrig brgya stong phrag brgyad cu dang bcas te/ rdzu 'phrul gyi mthus dge sbyong gi gzugs su ston cing / lho phyogs nas/ bcom ldan 'das kyi spyan sngar lhags te/ 'khor mang po dang / bcom ldan 'das kyi zhabs gnyis la spyi bos gtugs te phyag 'tshal nas/ lan gsum bskor ba byas te/ de bzhin gshegs pa'i spyan sngar thal mo sbyar nas/ 'greng bzhin du tshigs su bcad pa 'di dag gis mngon par bstod do/ / rnam par 'dren pa rkang gnyis mchog/ byams pa'i thugs kyis kun la skyob// sa chen ltar ni shin tu bzod// zhe sdang khro bo'i sems kun bsal// mtshan dang dpe byad mchog ldan pas// sangs rgyas kun gyi zhing rab rgyan/ / bden pa'i byams dang snying rje yis// rgyal ba'i zhing kun rab tu 'gengs// sred pa'i dra ba kun bcad nas// yang dag ci bzhin bde bar gnas// yongs su dag pa'i zhing spangs nas// rnyog pa can gyi sems can sgrol/ / rnyog pa'i zhing 'dir dam bcas te// ngan 'gro sems can smin par mdzad// yang dag brtan pa'i rtsol ba yis// ring mo zhig nas dka' thub spyad// yun rings dka' thub spyad pa dag/ thos na 'jigs pa'i sems kyang skye/ / sbyin pa tshul khrims bzod pa dang // brtson 'grus bsam gtan shes rab spyad// sangs rgyas byang chub sems dpa' dang // tshad med nyan thos bsnyen bkur mchod// gzhan yang skye bo
- 8a
mang po dag/ bkres skom na 'chi kun las bsgral// so so'i skye bo gzhan gyi phyir// lus srog ma chags mang du btang // yang dag dam pa'i chos tshol phyir// sha dang rus pa'ang mang du btang / bdag gi bde ba kun btang nas// skye bo rnams la thugs brtser dgongs// so so'i skye bo mang po'i phyir// the tshom dra ba gcod la btson// dbang po drug rnams rab bsdams nas// 'dod pa thams cad ring du spangs// 'dus byas mi rtag sdug bsngal te/ / bdag med stong pa nyid du rtogs// sdug bsngal las kun skye ba yi// rgyun 'dod chags sred pa'o// de phyir dbang po drug pas sngar// 'dod chags yongs su gcad par bya// sems can gnas pa'i khams kun tu/ / rtag par thugs rje chen po gnas// byang chub mchog tu sangs rgyas kyang // sngon gyi smon lam kun mi gtong // sems can gang zhig sdug bsngal gyis// rnam par gzir ba dag zigs nas// shin tu 'bad pa'i brtson 'grus kyis/ / de las sgrol phyir rab tu brtson// sbyin pa tshul khrims bzod brtson 'grus// bsam gtan shes rab kun bsgoms nas// ji ltar ma ni bu gcig la// byams pa'i sems kyi gso ba bzhin// sngon yang sems can ris kun la/ / rtag tu byams pa'i thugs bskyed pas// de phyir myur du sangs rgyas nas// tshad med pa yi 'khor rnams sgrol// ji tsam byang chub spyod bsgoms pa// sems can don du ma bsngos med// de bas sems catsacan thams cad la/ / pha rol byin pa drug mi gtong // rtag tu dus ngan tha ma u0f7f// bla med byang chub bsgrubs pas na// da yang dus ngan tha ma'i che// bla med byang chub mngon sangs rgyas// ngan par lta ba'i lha klu mi// gnod sbyin n
- 8b
gag ni kun btul te/ / the tshom gcod cing bder bkod pa// rdo rje lta bu'i lam la'o// tshad med pa yi skye bo dag/ byang chub mchog tu lung yang ston// mchod 'os 'dren pa'i gtsor gyur te// mchog gi bsod nams zhing du gyur/ / dpe bla med pa'i bcom ldan 'das// byams pas 'gro ba kun la skyob// tshad med grags pa chen po yis// phyogs bcu'i 'jig rten yongs su khyab// de bas byang chub sems dpa' rnams// bdag gi don tu bsgrub ba'i phyir/ / kun nas lhan cig 'dir 'dus nas// thub pa chen po'i spyan sngar lhags// dam pa'i chos rnams thos nas ni// rab tu dga' ba'i sems skyes te// lhag par yang dag brtson bskyed nas// byang chub spyod/ la nan tan bgyid// rnam par 'dren pa'i chos kyi mthus// thams cad mngon par 'tshang rgya bas// de bas deng 'dir 'dren khyod kyis// bsdus pa'i 'khor ni sngon ma byung // gnod sbyin khri phrag bcu gsum snyed// rtag tu sha za khrag 'thung ba// thams cad sdig pa'i las btang nas// byang chub chen por 'bab cing gzhol// kha cig khyad par gzugs mchog dang // bzod pa'i ting nge 'dzin yang thob// kha cig zag pa kun zad nas/ / 'jig rten mchog gi dgra bcom gyur// kha cig tshad med bzhi bsgoms shing // kha cig bsdu ba bzhi la gnas// kha cig yang dag rigs bzhi thob// kha cig 'thun pa'i bzod la gnas// kha cig/ dpa' 'gro'i ting 'dzin thob// kha cig shes rab mig dang ldan// kha cig mi skye bzod la gnas// de kun 'dren pas byin gyis brlabs// bcom ldan gzi brjid chen po'i mthus// bdud kyi 'khor rnams bcom
- 9a
@#/ nas su// rnam pa dgu bcu rtsa lnga yi// mu stegs can gyi ris kun btul// sems can dmyal ba byol song dang // yi dgas lha min rgyud kun bcom// de bas sems can bden pa rnams// thams cad rgyal ba'i spyan sngar lhags/ / nad dang mtshon gyis 'jigs pa dang // mu ges 'jigs pa'ang deng 'dir bcil// sems can mdongs shing 'thom pa dang // yang dag lam ni stor ba bsgral// nyon mongs myos shing 'khrugs pa dag/ thams cad zhi ba'i lam la bkod// bdag gis bya ba kun spangs te// lhags nas bcom ldan zhabs la thug/ dpag med pa yi zhing rnams na// bcom ldan da ltar bzhugs pa'i rnams// thams cad khyod la kun bsngags pas/ / thos nas thams cad 'di ru lhags// thams cad mkhyen pa'i rgya mtsho yi// yang dag yon tan tshad ma mchis// sems can mang po'i don mdzad pa// mos pa'i sems kyis phyag 'tshal lo// tshad mad bsod nams rdzogs bgyis pas/ / bcom ldan zhabs la phyag 'tshal gyur// tshad med bskal pa'i bar du yang // mchod pa mang pos mchod par shog/ bdag kyang bcom ldan ji bzhin du// de lta bu yi yid dam bcas// rnyog pa can gyi 'jig rten 'dir// bla med byang chub thob par shog/ de'i tshe byang chub sems dpa' sems dpa' chen po sa'i snying pos tshigs su bcad pa dam pa 'di dag gis bcom ldan 'das la mngon par stong nas/ 'khor dang bcas te gzhan yang lha rdzas kyi bsung dang / me tog dang / rnam pa sna tshogs kyi rin po che'i rgyan tshad med pa snyed kyis bcom ldan 'das la mngon par gtor nas/ steng gi bar snang la rin po che'i gdug
- 9b
su gyur te/ dam pa'i chos mnyan pa'i phyir/ bcom ldan 'das kyi spyan sngar ci yang mi smra bar 'dug go/ de'i tshe 'khor gyi dkyil 'khor der 'dus pa'i 'khor thams cad kyis byang chub sems dpa' sems dpa' chen po sa'i snying po mthong nas ngo mtshar rmad du gyur te/ so so'i nas rnam pa sna tshogs kyi lha rdzas kyi spos dang / me tog dang / rin po che'i rgyan dang / na bza' dang / rgyal mtshan dang / ba dan dang / gdugs la sogs pa phul te/ byang chub sems dpa' sems dpa' chen po sa'i snying po la mchod pa byas nas 'di skad ces smras so/ / bdag gis rnyed pa rab tu rnyed do// bcom ldan 'das kyi byin gyi rlabs kyis mngon sum du skyes bu chen po khyod mthong nas/ bsti stang dang bcas te mchod pa byas par gyur to zhes smra'o// de nas 'khor gyi dkyil 'khor de'i nang na byang chub sems dpa' sems dpa' chen po rigs par the tshom 'dri zhes bya ba zhig 'dug pa las langs nas/ gos tshags bcos te phrag pa g.yas pa phyung nas/ bcom ldan 'das kyi zhabs la spyi bos phyag 'tshal nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar nas/ bcom ldan 'das la 'di skad ces gsol to// bcom ldan 'das rigs kyi bu 'di gang nas mchis/ gnas pa'i sangs rgyas kyi zhing de 'di nas ji srid cig na mchis/ yon tan dang dge ba'i rtsa ba ji tsam zhig dang ldan na/ bcom ldan 'das kyis bstod pa rnam pa sna tshogs kyis bsngags la/ phyir yang bcom ldan 'das kyi yon tan gyi rgya mtsho bsam gyis mi khyab pa la mngon par bstod par gyur/ bdag cag gis sngon ma mthong bas ngo mtshar
- 10a
#du gyur na/ bcom ldan 'das kyis bdag cag la bshad du gsol// bcom ldan 'das kyis bka' stsal pa/ rigs kyi bu thong zhig/ skyes bu chen po 'di'i yon tan dang dge ba'i rtsi ba jitshim pa de 'jig rten du bcas pa/ lha dang mi'i 'khor thams cad kyis rtogs par nus pa ma yin no// gal te de bzhin gshegs pas skyes bu chen po de'i yon tan dang dge ba'i rtsa ba rgyas par bshad na/ 'jig rten du bcas pa lha dang mi thams cad kyi mgo rmongs te yid mi ches par 'gyur ro/ / de nas byang chub sems dpa' rigs par the tsom 'dri bas yang gsol pa/ bcom ldan 'das bdag cag la thugs brtse ba'i slad du gsol// bcom ldan 'das kyis bka' stsal pa/ legs par shin tu nyon la yid la zungs shig dang / ngas khyed la phyogs tsam zhig bshad par bya'o// 'di ltar skyes bu chen po de'i yon tan gyi khyad par tshad med bsam gyi mi khyab pa dang ldan no/ / 'di lta ste/ dpa' bar 'gro ba'i ting nge 'dzin gyi khyad par la bde bar gnas pa'o// de bzhin gshegs pa'i spyod yul yang shin tu rtogs pas 'jug pa'o// mi skye ba'i chos kyi bzod pa'i khyad par yang thob pa'o/ / sangs rgyas kyi chos thams cad la dbang du gyur pa'o// thams cad mkhyen pa'i ye shes kyi sa la bzod pa thob pa'o// thams cad mkhyen pa'i ye shes kyi rgya mtsho'i pha rol tu phyin pa'o// seng ge rab tu bsgyings pa'i rgyal mtshan gyi ting nge 'dzin la yang shin tu gnas pa'o/ / thams cad mkhyen pa'i ye shes kyi ri la yang rab tu 'dzegs pa'o// mu stegs can dang / phas kyi rgol ba thams cad shin tu choms pa ste/ sems can
- 10b
thams cad yongs su smin par bya ba'i phyir/ sangs rgyas kyi zhing ji snyed pa thams cad du de gnas par byed do// skyes bu chen po de ji ltar gnas pa bzhin du sangs rgyas kyi zhing rnams kyang de bzhin du gnas te/ gang ting nge 'dzin rnams kyis tshad med pa'i yon tan gyi khyad par skyed par gyur pas gdul ba'i sems can tshad med pa dag yongs su smin par byed do/ / skyes bu chen po de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te ye shes mngon par bskyed pa zhes bya ba'i ting nge 'dzin la snyom par zhugs na/ ting nge 'dzin de'i mthus sangs rgyas kyi zhing de na gnas pa'i sems can thams cad 'thun par ting nge 'dzin rnams kyi spyod yul kun mthong ba 'gyur ro/ / de ji ltar gnas par bzhin du sangs rgyas kyi zhing rnams kyang de bzhin du 'gyur te/ gal te dpag tu med pa'i ye shes dang ldan pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de na gnas pa'i sems can thams cad ci nus pa bzhin du/ tshad med pa'i mchod pa'i yo byad dam pas sangs rgyas bcom ldan 'das de la bsti stang dang bcas pas mchod par 'gyur ro// ji ltar gnas pa bzhin du sangs rgyas kyi zhing rnams kyang de bzhin du 'gyur te/ / gal te rnam par dag pa'i ye shes phun sum tshogs pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad kyis 'thun par 'dod pa'i spyod yul gyi nyes pa'i skyon tshad med pa mthong nas sems rnam par dag par 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te khrel
- 11a
ba dang ngo tsha ba dang ldan pa'i ye shes zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad lhag pa'i 'dzem pa dang / ngo tsha ba dang / ldan zhing sdig pa mi dge ba'i chos dang yongs su bral nas/ bsam pa mi nyams par 'gyur ro// de ji ltar gnas pa bzhin du sangs rgyas kyi zhing rnams kyi kyang de bzhin du 'gyur te/ gal te theg pa thams cad dang ldan pa gsal ba zhes bya ba'i ting nge 'dzin la snyoms par zhugs na/ sangs rgyas kyi zhing de dag na gnas pa'i sems can thams cad thabs mkhas pa'i 'phrul gyi mig gi mngon par shes pa dang / sngon gyi gnas dran pa'i mngon par shes pa dang / 'chi 'pho dang / skye ba mngon par shes pa dang / 'jig rten 'di dang / 'jig rten pha rol gyi rgyu dang 'bras bu mngon par rtogs par 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te mya ngan med pa'i mngon par shes pas rig pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad mya ngan dang / yi mug pa dang / rmugs pa thams cad dang bral bar 'gyur ro// de ji ltar gnas pa bzhin du sangs rgyas kyang de bzhin du 'gyur te/ gal te mngon par shes pa'i khyad par dang ldan pa zhes bya ba'i ting nge 'dzin la snyoms par zhugs na/ sangs rgyas kyi zhing de dag na gnas pa'i sems can thams cad thabs mkhas pa'i mngon par shes pa dang ldan par 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te 'jig rten
- 11b
kun tu snang ba zhes bya ba'i ting nge 'dzin la snyoms par zhugs na/ ting nge 'dzin de'i mthus phyogs bcu'i 'jig rten gyi khams thams cad mun pa dang bral te/ sangs rgyas kyi zhing de na gnas pa thams cad kyang phyogs bcu'i sangs rgyas kyi zhing kun mngon sum du mthong bar 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te sangs rgyas kyi sgron ma zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad log par lta ba yongs su spangs nas/ dkon mchog gsum la skyabs su 'gro bar 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te rdo rje 'od ces bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag gi ri khor yug dang / khor yug chen po dang / ri rab lhun po dang / de ma yin pa'i ri gzhan dang / lung pa dang / lung phran dang / gcong rong dang / gseg ma dang / gyo mo dang / tsher ma dang / rtswa dang / shing ngan pa thams cad mi snang ngo // sangs rgyas kyi zhing de na ji tsam du ngan par gdags pa dug dang / byad stems dang / gcan gzan ma rungs pa dang / ya 'grog dang / glo bur dang / rims nad dang / yul ngan dang / nam rmus pa dang / rdul dang / dri ma dang / mi gtsang ba'i nyal nyil thams cad kyang zhi zhing med par 'gyur ro/ / sangs rgyas kyi zhing de'i sa gzhi yang lag mthil bzhin du mnyam zhing bkra shis pa rnam pa sna tshogs rang 'byung ba dang / rnam par 'gyur ba dang / phul du 'gyur
- 12a
ba dang / dam par 'gyur ba dang / mtshan ma bzang po du mas yongs su brgyan par 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te ye shes kyi/ stobs gdul dka' ba zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de na gnas pa'i bdud kyi rgyal po 'khor dang bcas te thams cad 'jigs skrag nas/ dkon mchog gsum la skyabs su 'gro bar 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te glog gi 'od zer zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad 'jig rten pha rol gyi 'jigs pa dang bral zhing / chos kyis spro bar 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te mchog dam pa'i ro dang ldan pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de na gnas pa'i sems can thams cad bsams pa bzhin du zas dang skom gyis tshim par 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te mchog gi mdangs dang ldan pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad gang yang lhag pa'i mthu stobs dang mi ldan pa med de/ nad kyi sdug bsngal thams cad dang bral bar 'gyur ro// de ji ltar gnas pa bzhin du sangs/
- 12b
rgyas kyi zhing rnams kyang de bzhin du 'gyur te/ gal te mchog dam pa'i yo byad ces bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad ci la mos pa bzhin du khri stan dang / gding ba dang / gos dang / rin po che'i rgyan dang / ji tsam gyi 'tsho ba'i yo byad du gtogs pa de dag thams cad kyis brel cing phongs pa med de/ rab tu mdzes pa shin tu yid du 'ong ba dang ldan par 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te rtsod pa med pa'i ye shes zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad lus dang sems zo mdog bde zhing yang ba dang / dgra sdang ba dang 'chi ba thams cad dang bral ba dang / 'dum zhing dga' ba dang / spro ba dang sbyin pa dang / tshul khrims dang / bzod pa dang / brtson 'grus rtsom pa dang / sems mi 'khrug pa dang / shes rab yongs su rdzogs pa la dga' zhing mos par 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te phul du gyur pa'i spro pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de na gnas pa'i sems can thams cad khyad par can gyi rab tu dga' ba tshad med pa dang ldan par 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te 'jig rten pa'i lam gyi
- 13a
'od ces bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de na gnas pa'i sems can thams cad la thogs pa med pa'i ye shes thob cing rnam par/ dag pa'i las rnam pa sna tshogs sbyong bar 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te rgyal ba'i rdo rje la shin tu gnas pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de na gnas pa'i sems can thams cad dbang po kun dang ldan zhing / dbang po ma nyams pa dang / rtag tu yang dag par 'byung ba byung ba'i lam la mos shing sems rab tu zhi bar 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te lhag pa'i rgyal mtshan rtog pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad bdag sdig pa mi dge ba'i chos la shin tu skyo zhing mi 'dod pa dang / thams cad kyang dge ba bsrung ba dang / dge ba bcu'i las kyi lam gyis mtho ris kyi lhar skye bar 'gyur ro/ / de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te byams pa dang / snying rjer ldan pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad la byams pa'i sems dang / snying rje'i sems dang / gnod pa'am 'tshe ba med pa'i sems dang / kun la snyoms
- 13b
pa'i sems dang / gcig la gcig phan pa dang bde bar byed pa'i sems skye bar 'gyur ro// de ji ltar gnas pa bzhin du sangs rgyas kyi zhing rnams kyang de bzhin du 'gyur te/ gal te bsod nams thams cad shin tu sdud pa zhes bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag na gnas pa'i sems can thams cad 'thab pa dang / rtsod pa dang / nang dang / mu ge dang yongs su bral te/ dus ma yin pa'i rlung dang / char pa dang / kha ba dang / tsha ba dang / sdug bsngal la sogs pa'i reg bya'i yul yid du mi 'ong ba thams cad yongs su zhi bar 'gyur ro// de ltar skyes bu chen po de gal te rgya mtsho glog 'od ces bya ba'i ting nge 'dzin la snyoms par zhugs na/ ting nge 'dzin de'i mthus sangs rgyas kyi zhing de dag gi sa chen po thams cad rin po che rnam pa sna tshogs las byas par 'gyur zhing nyes pa'i skyon thams cad dang yongs su bral te/ rnam pa sna tshogs kyi rin po che'i shing dang / gos kyi shing dang / snod kyi shing dang / rgyan gyi shing dang / me tog gi shing dang / 'bras bu'i shing dang / rol mo sna tshogs kyi shing la sogs te/ 'tsho ba'i yo byad dam pa tshad med pa snyed kyis yongs su brgyan par gyur ro// de bzhin du mdor na rigs kyi bu de ni sems can mang po yongs su smin par bya ba'i phyir/ nyin re zhing snga dro'i dus su ting nge 'dzin gang+gA'i klung gi bye ma snyed dag gi ting nge 'dzin la snyoms par 'jug ste/ ting nge 'dzin de las langs nas phyogs bcu'i sangs rgyas kyi zhing kun na gdul ba'i sems can thams cad la ci dang cis 'dul ba bzhin du phan pa
- 14a
dang bde ba'i don de dang de dag gis yongs su smin par byed do/ / rigs kyi bu 'di ni sngon bskal pa chen po tshang mang dpag tu med pa'i bar du rnyog pa lnga'i che/ de bzhin gshegs pa mi bzhugs pa'i 'jig rten gyi khams su sems can yongs su smin par byed do/ / phyi ma ma 'ongs pa'i dus su 'jig rten gyi khams la lar gal te mtshon gyis 'jigs pa byung ste/ sems can dag yongs su gdungs par gyur pa na/ rigs kyi bu 'di de lta bu dag mthong nas/ snga dro'i dus kyi tshe ting nge 'dzin rnams kyi mthus mtshon gyis 'jigs pa de dag yongs su bcil nas/ sems can rnams gcig la gcig byams pa'i sems kyis snying brtse bar byed do// 'jig rten gyi khams la lar nad kyis 'jigs pa byung ste/ sems can kha 'dag pa na rigs kyi bu 'dis de lta bu dag mthong nas/ snga dro'i dus kyi tshe ting nge 'dzin rnams kyi mthus nad kyis 'jigs pa yongs su bcil nas/ sems can rnams rab tu bde ba thob par byed do/ / 'jig rten gyi khams la lar gal te mu ges 'jigs pa 'byung ste/ sems can kha 'dag pa na rigs kyi bu 'dis de lta bu dag mthong nas/ snga dro'i dus kyis tshe ting nge 'dzin gyi mthus mu ge'i 'jigs pa yongs su bcil te/ sems can rnams kha zas kyis tshim par byed do// rigs kyi bu 'dis de ltar ting nge 'dzin mang po'i shugs kyis de lta bu la sogs pa tshad med dpag tu med bsam gyis mi khyab pa'i phan pa dang bde ba'i don gyis sems can gyi dbugs 'byin to/ / rigs kyi bu 'di ni de ltar nan tan gyi khyad par tshad med grangs med pa bsam gyis mi khyab pa dang ldan pas/ sems can thams cad la
- 14b
phan pa dang bde bar byed pa'i don la rab tu brtson pa'o/ / sngon 'das pa'i dus na skye bo mang po la phan pa dang / bde ba dang / yongs su smin par bya ba'i phyir/ sangs rgyas bcom ldan 'das tsha med bye ma/ snyed las zad mi shes pa'i yid dam chen po bcas te/ snying rje chen po dang mi 'phrogs pa'i brtson 'grus chen po rab tu bskyed do// de ltar snying rje chen po dang mi 'phrogs pa'i brtson 'grus bskyed de/ zad mi shes pa'i yi dam bcas pas/ gong nas gong du 'phags pa'i shugs kyis nyin zhag gcig gam/ skad cig thang cig tsam gyis kyang so so'i skye bo tshad med pa bye ba khrag khrig btul te/ sdug bsngal rnam pa sna tshogs las bsgral nas thams cad ci dang ci 'dod pa de dang de dag gis re ba yongs su rdzogs par byed do/ / gnas gang dag 'dod pa rnam pa sna tshogs kyis sdug bsngal te/ 'dod pas yongs su gdungs par gyur pa dag sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ ci dang ci 'dod pa thams cad 'thob cing sdug bsngal dang bral te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang bza' ba dang btung bas 'phongs par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ ci dang ci 'dod pa thams cad 'thob cing / bza' ba dang btung ba dang ldan te/ mtho ris kyi lhar skye ba nas/
- 15a
mya ngan las 'da' ba'i bar du 'thob par 'gyur ro// gnas gang dag na sems can gang bgo ba 'am/ rin po che'i rgyan nam/ nad kyi rkyen sman nam/ gding ba 'am/ khri 'am/ 'tsho ba'i yo byad kyis brel cing 'phongs par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ ci dang ci 'dod/ pa rnyed cing bgo ba dang / rin po che'i rgyan dang / nad kyi rkyen sman dang / gding ba dang / khri dang / 'tsho ba'i yo byad thams cad 'byor cing / skal pa ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro/ / gnas gang dag na sems can gang dag byams sdug pa dang bral te/ dgra sdang ba dang phrad par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ byams sdug pa dang phrad cing / dgra sdang ba dang bral te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro/ / gnas gang dag na sems can gang dag lus dang sems nad dang sdug bsngal mang pos gzir bar gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun lus dang sems bde zhing nad thams cad dang bral te/ skal pa ji lta ba bzhin du mtho ris kyi lhar skye ba nas/ mya
- 15b
ngan las 'da' ba'i bar du 'thob par 'gyur ro/ / gnas gang dag na sems can gang 'thab cing rtsod par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ zhe 'gras pa'i sems dang bral te/ gcig la gcig dga' ba dang / bzod pa dang / gcig la gcig byams pa'i sems kyis 'gyod cing 'chags par 'gyur te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang btson du bzung ste/ btson rar bcug gam/ lcags dang / khong sgril dang / shing gi gdos kyis bcings sam/ yan lag bcings te sdug bsngal bar gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun btson ra dang / lcags dang / khong sgril dang / lcags sgrog las thar te bag yongs su gyur nas dga' ba dang / skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dag btson du bzung nas gzhu ba 'am/ 'tshog pa 'am/ nan la bar ba dang / gsad pa la thug pa dag gis sems rtse gcig/ tu byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun btson du bzung ba dang / gzhu btsog pa dang / nan la bor ba las thams
- 16a
cad thar te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dag lus dang sems dub pa dang // mthu stobs dang mi ldan zhing nyam chung ba dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun lus dang sems yang zhing bde ba dang mthu stobs skyes te/ cis 'dul ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dbang po nyams pa dang na tshang bar gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun dbang po ma tshang ba med cing dbang po dang ldan te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dag smos shing sems 'khrugs sam/ 'byung po'i gdon gyis brlams pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ de kun smros shing 'khrugs pa dang bral te/ rab tu bde ba dang skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dag 'dod chags dang / zhe sdang dang / gti mug
- 16b
dang / khong khro ba dang / phrag dog dang / nga rgyal dang / ngan par lta ba dang / gnyid dang / bag med pa dang / the tsom la sogs pas lus dang sems gdungs te/ mi bde bar gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ de kun 'dod chags la sogs pa dang bral te/ lus dang sems rab tu bde ba dang / skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dag mes tshig par gyur pa 'am/ chus khyer ba 'am/ rlung gis khyer ba 'am rbab tu ltung ba 'am/ shing ka 'am/ khang thog nas lhung te/ sems dngas shing 'kham par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun mi bde ba'i bgegs dang g.yang sa de dag thams cad las thar te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob/ par 'gyur ro// gnas gang dag na sems can gang dag sbrul gdug pa 'am/ gcan zan gdug pas zin tam/ dug rnam pa sna tshogs kyis phog par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun 'tshe zhing gnod pa thams cad dang bral te/ skal ba ji lta ba bzhin du mtho ris kyi lhar skye ba nas/ mya ngan
- 17a
las 'da' ba'i bar du 'thob par 'gyur ro/ / gnas gang dag na sems can gang 'byung po'i gdon gyis btab ste/ rtag pa'i rims dang / zhag gcig pa dang / zhag gnyis pa dang / zhag gsum pa dang / zhag bzhi pa dang / smos nas lus dang sems 'dar zhing 'khrugs te/ dran pa nyams shing shes pa med par gyur pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas pas mchod pa byas na/ de kun 'jigs pa las rnam par grol te/ lus dang sems rab tu bde ba dang mtho ris kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang gnod sbyin dang / srin po dang / 'byung po dang / sha za dang / srul po dang / lus srul po dang / grul bum dang / mdangs za ba dang / de ma yin pa gzhan yang seng ge dang / stag dang / spyang ki la sogs pa gcan gzan gdug pas nyen pa dang / sngags dang / byang dang / g.yul ngor lhags pa dang / gzhan yang 'jigs par gyur pa rnam pa sna tshogs kyis dkris shing rlags te/ lus dang sems rab tu dngangs par gyur nas/ shi bas 'jigs shing 'tsho bar 'dod pa dang / bde ba tshol zhing sdug bsngal mi 'dod pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ de kun 'jigs pa thams cad dang bral te/ lus dang srog la mi dma' ba dang / skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro//
- 17b
gnas gang dag na sems can gang mang du thos par 'dod pa 'am/ mos pa dag par 'dod pa 'am/ tshul khrims dag par 'dod pa 'am/ bsam gtan bsgrub par 'dod pa'am/ mngon par shes pa 'dod pa 'am/ shes rab 'dod pa 'am/ rnam par grol ba 'dod pa 'am/ gzugs dam pa 'dod pa 'am/ sgra snyan pa 'dod pa 'am/ dri zhim po 'dod pa 'am/ ro zhim po 'dod pa 'am/ reg bya mchog 'dod pa 'am/ khe dang rnyed pa 'dod pa 'am/ grags pa 'dod pa 'am/ bsod nams 'dod pa 'am/ bzos 'tsho bar 'dod pa 'am/ me tog dang 'bras bu 'dod pa 'am/ skyed mos tshal 'dod pa 'am/ khri stan 'dod pa 'am/ gding ba 'dod pa'am/ yul rgyu bar 'dod pa 'am/ nor dang 'bru 'dod pa 'am/ nad kyi rkyen sman 'dod pa 'am/ khang khyim 'dod pa 'am/ bran khol 'dod pa 'am/ tshon rtsi 'dod pa 'am/ char pa 'dod pa 'am/ chu 'dod pa 'am/ lo tog 'dod pa 'am/ bsil yab 'dod pa 'am/ rlung bsil ba 'dod pa 'am/ me 'dod pa 'am/ theg pa 'dod pa 'am/ bu pho dang bu mo 'dod pa 'am/ thabs mkhas par 'dod pa 'am/ bsod nams bya bar 'dod pa 'am/ dro bar 'dod pa 'am/ bsil bar 'dod pa 'am/ yid gzhungs par 'dod pa 'am/ de ma yin pa 'jig rten dang 'jig rten las 'das pa'i don gyi dngos po rnam pa sna tshogs 'dod pa'i phyir/ nyon mong shing sdug bsngal gyis gdungs par 'gyur ba dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ rigs kyi
- 18a
@#/ / bu de'i ting nge 'dzin dam pa'i yon tan dablag mi brjid kyi shugs kyis de dag thams cad sdug bsngal gyis gdungs pa dang bral te/ re ba thams cad yongs su rdzogs nas/ skal ba ji lta ba bzhin du mtho raH/ kyi lhar skye ba nas/ mya ngan las 'da' ba'i bar du 'thob par 'gyur ro// gnas gang dag na sems can gang dag zhing gshin pa 'am/ zhing mi gshin pa la sa bon btab nas/ gal te nan tan byas kyang rung / nan tan ma byas kyang rung ste/ sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te mchod pa byas na/ rigs kyi bu de'i ting nge 'dzin dam pa'i yon tan dang / mthu dang / gzi brjid kyi shugs kyis de dag gis lo tog thams cad legs shing 'bras bu smin cing legs par 'gyur ro// de ci'i phyir zhe na/ rigs kyi bu 'di ni sngon bskal pa chen po tshad med grangs med pa'i bar du/ sangs rgyas bcom ldan 'das tshad med grangs med pa dag la brtson 'grus chen po'i sbyor ba dang / brtan pa'i yi dam bcas pa'i smon lam gyi dbang gis sems can yongs su smin par bya ba'i phyir/ rtag tu sa chen po thams cad yongs su 'dzin pa dang / rtag tu sa bon gyi tshogs thams cad yongs su 'dzin cing / rtag tu sems can thams cad kyi yid bzhin spyod par byed do// rigs kyi bu de'i rdzu 'phrul gyi mthus sa chen po 'di las skye ba'i rtsa dang / shing gi rtsa ba dang / yal ga dang / myu gu dang / lo ma dang / sdong po dang / 'dab ma dang / me tog dang / 'bras bu la sogs pa thams cad rgyas par skye zhing / rtsi shing dang / lo tog la sogs pa'i me
- 18b
tog dang 'bras bu yang smin cing grung ba dang / dang ra ba dang / snum pa dang / dri zhim par byed do// gnas gang dag na sems can gang dag 'dod chags dang / zhe sdang dang / gti mug la sogs pa drag la rno bas srog gcod pa dang ma byin par len pa dang / 'dod pas log par g.yem pa dang / rdzun du smra ba dang / ngag rtsub por smra ba dang / phra ma byed pa dang / tshig bkyal par smra ba dang / 'dod chags can dang / zhe sdang can dang log par lta ba dang / mi dge ba bcu'i las kyi lam mngon du spyod pa dag gis sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas bsti stang dang bcas te/ mchod pa byas na/ nyon mongs pa thams cad zhi zhing mi dge ba bcu dang yongs su bral te/ dge ba bcu'i las kyi lam dang ldan zhing / sems can thams cad la byams pa dang / snying rje ba dang / phan pa dang bde ba'i sems skye bar 'gyur ro/ / de ltar rigs kyi bu 'di ni de lta bu'i yon tan dam pa dang / ting nge 'dzin dang / mthu dang / gzi brjid kyi shugs dang / shin tu brtson pa'i ting nge 'dzin gyis skad cig thang cig tu sangs rgyas kyi zhing tshad med grangs med par phyin cing / sangs rgyas kyi zhing de re rer yang skad cig gis sems can snod du gyur pa tshad med grangs med pa gang+gA'i klung gi bye ma snyed sdug bsngal las bsgral nas bde ba thob par byas te/ skal ba ji lta ba bzhin du mtho ris kyi lhar skye ba nas/ mya ngan las 'da' ba'i bar du 'thob par 'gyur ro// de ltar rigs kyi bu de ni de lta bu'i yon tan dang / smon lam brtan pa
- 19a
dang / shin tu 'bad pa'i brtson 'grus bsam gyis mi khyab pa dang ldan te/ sems can yongs su smin par bya ba'i phyir/ phyogs bcu'i 'jig rten gyi khams su kha cig la ni tshangs pa chen po'i rgyal po'i lus su ston te/ sems can rnams cis 'dul ba'i chos ston to// kha cig la ni dbang phyug chen po'i lha'i lus su ston to// kha cig la ni 'dod pa'i khams kyi gzhan 'phrul dbang byed gnas kyi lha'i lus su ston to/ / kha cig la ni 'phrul dga' gnam gyi lha'i lus su ston to// kha cig la ni dga' ldan gnam gyi lha'i lus su ston to// kha cig la ni rab mtshe ma gnam gyi lha'i lus su ston to// kha cig la ni sum cu rtsa gsum gnam gyi lha'i lus su ston to/ / kha cig la ni rgyal chen bzhi'i lha'i lus su ston to// kha cig la ni sangs rgyas kyi skur ston to// kha cig la ni byang chub sems dpa'i lus su ston to// kha cig la ni rang sangs rgyas kyi lus su ston to// kha cig la ni nyan thos kyi lus su ston to// kha cig la ni 'khor los sgyur ba'i rgyal po'i lus su ston to// kha cig la ni rgyal rigs kyi lus su ston to// kha cig la ni bram ze'i rigs kyi lus su ston to/ / kha cig la ni dmangs rigs kyi lus su ston to// kha cig la ni rje'u rigs kyi lus su ston to// kha cig la ni skyes pa'i lus su ston to// kha cig la ni bud med kyi lus su ston to/ / kha cig la ni gzhon nu'i lus su ston to// kha cig la ni bu mo'i lus su ston to// kha cig la ni dri za'i lus su ston to// kha cig la ni lha ma yin gyi lus su ston to// kha cig la ni mi 'am ci'i lus
- 19b
su ston to/ / kha cig la ni lto 'phye chen po'i lus su ston to// kha cig la ni klu'i lus su ston to// kha cig la ni gnod sbyin gyi lus su ston to// kha cig la ni srin po'i lus su ston to// kha cig la ni grul bum gyi lus/ su ston to// kha cig la ni sha za'i lus su ston to// kha cig la ni yi dgas kyi lus su ston to// kha cig la ni srul po'i lus su ston to// kha cig la ni lus srul po'i lus su ston to// kha cig la ni gnon po'i lus su ston to/ / kha cig la ni seng ge'i lus su ston to// kha cig la ni spos kyi ba glang gi lus su ston to// kha cig la ni rta'i lus su ston to// kha cig la ni khyu mchog gi lus su ston to// kha cig la ni gcan gzan sna tshogs kyi lus su ston to/ / kha cig la ni gshin rje'i lus su ston to// kha cig la ni sems can dmyal ba'i srung ma'i lus su ston to// kha cig la ni sems can dmyal ba pa'i sems can gyi lus su ston to/ / de dag la sogs pa tshad med grangs med pa'i rnam pa sna tshogs kyi lus su ston to// skye bo mang po skal ba ji lta ba bzhin du chos ston pa'i/ theg pa gsum las phyir mi ldog pa'i sa la 'dzud do// rigs kyi bu skyes bu chen po de ni de ltar de lta bu'i bsam gyis mi khyab pa'i yon tan gyi khyad par dang ldan te/ de ni yon tan mchog tu gyur pa/ phul du gyur pa'i gter yin no// rnam par grol ba'i rin po che thams cad 'byung ba'i 'byung gnas yin no/ / byang chub sems dpa' mang po'i mig yongs su dag pa yin no// mya ngan las 'da' ba'i grong khyer chen por 'gro ba'i ded dpon yin no// de ltar ched du ma byas par gong du rgyas par bshad
- 20a
pa'i yon tan chen pos chos kyi 'khor lo chen po rab tu bskor ba yin no/ / 'di lta ste/ rigs kyi bu gal te 'ga' zhig gis byams pa 'am/ 'jam dpal lam/ kun tu spyan ras gzigs sam/ kun tu bzang po la sogs pa byang chub sems dpa' sems dpa' chen po gang+gA'i klung gi bye ma snyed la/ bskal pa brgya'i bar du sems rtse gcig tu skabs su song nas/ de dag gi mtshan nas brjod cing dmigs pas bsti stang dang bcas te mchod cing / phyag 'tshal ba dang / 'dod pa re ba'i phyir smon lam btab pa bas/ 'ga' zhig gis skad cig thang cig yud tsam sems rtse gcig tu/ byang chub sems dpa' sems dpa' chen po sa'i snying po'i mtshan nas brjod cing dmigs pas mchod pa dang phyag byas na/ re ba'i smon lam thams cad myur du 'grub cing rdzogs par 'gyur ro// de ci'i phyir zhe na/ byang chub sems dpa' sems dpa' chen po sa'i snying po 'di sems can thams cad la phan pa dang bde ba'i don gyi phyir/ sems can rnams kyi smon lam yongs su rdzogs par byed pa ni/ dper na yid bzhin gyi nor bu rin po che'i gter dang / 'dra'o// de ltar skyes bu chen po 'di ni sems can yongs su smin par bya ba'i phyir/ yun ring po nas smon lam chen po shin tu brtan pa dang / snying rje chen po dang / shin tu 'bad pa'i brtson 'grus bsgoms pa'i phyir// byang chub sems dpa' kun pas 'phags pa yin pas/ khyed kyis bsti stang dang bcas pas mchod par bya'o// de nas phyogs bcu nas 'dus pa'i byang chub sems dpa' sems dpa' chen po dang /
- 20b
nyan thos dang / lha dang / mi dang / gnod sbyin dang / dri za la sogs pa 'khor gyi dkyil 'khor thams cad 'dug pa las langs nas/ ci nus su so so nas gser dang / dngul dang / rin po che sna tshogs kyi me tog dang spos kyis byang chub sems dpa' sems dpa' chen po sa'i snying po la mchod pa'i phyir mngon par gtor to/ / de ma yin pa gzhan yang lha rdzas kyi na bza' dang / nor bu dang / nor bu rin po che dang / mu tig gi 'phreng ba dang / mu tig gi se mo do dang / gser dang / dngul dang / rin po che'i 'phreng ba dang / rgyal mtshan dang / ba dan dang / gdugs la sogs pas kyang byang chub sems dpa' sems dpa' chen po sa'i snying po la mchod pa'i phyir phul lo/ / gzhan yang tshad med pa'i lha rdzas kyi rol mo snyan pa dang / tshigs su bcad pa'i bstod pa rnam pa sna tshogs kyis byang chub sems dpa' sems dpa' chen po sa'i snying po la bsti stang dang bcas pas mchod pa byas so/ / de nas byang chub sems dpa' sems dpa' chen po sa'i snying pos rnam pa sna tshogs kyi mchod pa'i yo byad de dag slar bcom ldan 'das la phul nas tshigs su bcad pa 'a'adi dag smras so/ / lha dang klu dang gnod sbyin mi rnams dang / phyogs bcu'i byang chub sems dpa'i mchod pa rnams// yon tan chen po 'jig rten gcol 'bul// mchog gi mchod pa 'di dag bzhes su gsol/ de na byang chub sems dpa' sems dpa' chen po sa'i snying pos tshigs su bcad pa de smras nas/ bcom ldan 'das kyi zhab la spyi bos phyag 'tshal ba dang / de la bcom ldan 'das kyis tshigs su bcad pas 'di skad ces bka' stsal to//
- 21a
brtan pa'i blo dang rnam dag sems bskyed nas// sems can tshad med pa yi sdug bsngal bcil// rin chen dag ltar kun la bde bar mthong // rdo rje bzhin du the tsom dra ba gcod/ / snying rje chen po'i blo can brtson 'grus kyis// mchod pa dam pa bcom ldan 'das la 'bul// rgya mtsho'i ye shes sems can sdug bsngal sgrol// 'jigs pa med pas sred pa'i pha rol phyin/ / de nas byang chub sems dpa' sems dpa' chen po sa'i snying po 'dug pa las langs nas/ bcom ldan 'das la 'di skad ces gsol to// bcom ldan 'das bdag gis chu bo bzhi las sgrol ba'i bcom ldan 'das kyi nye gnas dge slong dang / dge slong ma dang / dge bsnyen dang / dge bsnyen ma la sogs pa dran pa 'phel ba dang / bsrung ba'i dran pa 'phel ba dang / 'tsho ba 'phel ba dang / lus bde ba 'phel ba dang / nad ma mchis pa 'phel ba dang / gzugs dang stobs 'phel ba dang / grags pa 'phel ba dang / 'tsho ba'i byad 'phel ba dang / gnyen bshes 'phel ba dang / slob ma 'phel ba dang / tshul khrims 'phel ba dang / mang du thos pa 'phel ba dang / sbyin pa 'phel ba dang / ting nge 'dzin 'phel ba dang bzod pa 'phel ba dang / thabs mkhas pa 'phel ba dang / byang chub kyi yan lag dag dang 'phags pa'i bden pa 'phel ba dang / theg pa chen po'i yang dag pa'i lam la gzhol ba 'phel ba dang /
- 21b
chos kyi sgron ma baphel ba dang / sems can yongs su smin par bgyi ba 'bel ba dang / byams pa chen po dang snying rje chen po 'phel ba dang / rnam par dkar ba'i chos 'phel ba dang / khams gsum du grags pa 'phel pa dang / khams gsum du chos kyi char 'phel ba dang / sa chen po thams cad kyi ro bro ba 'phel ba dang / sems can thams cad kyi mdangs dang dge ba'i las 'phel ba dang / chos kyi dga' ba dang dge ba'i spyod pa 'phel ba dang / shes rab kyi 'od 'phel ba dang / pha rol tu phyin pa drug 'phel ba dang / spyan snga 'phel ba dang / dbang bskur ba 'thob pa dang / lhar skye ba dang mya ngan las 'da' ba 'phel ba la sogs pa thob par byed pa nas/ 'di lta ste/ me dang chur ldan pa dang / bkra shis 'od snang dang / thos pa 'dzin pa'i rig sngags chen po dang / gzungs kyi tshig 'di bdag gis 'das pa'i sangs rgyas bcom ldan 'das chu klung gang+gA'i bye ma snyed la bsnyen bkur bgyis nas gzungs 'di thos te/ gzungs 'dis ni rnam par dkar ba'i chos thams cad 'phel zhing skye ba dang / sa bon gyi tshogs dang / rtsa ba dang / myu gu dang / yal ga dang / sdong po dang / lo ma dang / 'dab ma dang me tog dang / 'bras bu dang / rtsi shing dang / lo tog gi bro ba dang bsung 'phel zhing skye ba dang / char chu dang ldan pa dang / phan par 'gyur ba'i sa dang / chu dang / me dang / rlung 'phel zhing
- 22a
/ skye ba dang / dga' ba dang / bde ba 'phel zhing skye ba dang / rin po che dang nor rdzas 'phel zhing skye ba dang / mthu stobs 'phel zhing skye ba dang / 'tsho ba'i yo byad thams cad 'bel zhing skye bar 'gyur ro/ / gang gzungs 'dis ni shes rab skye bas nyon mongs pa'i dgra yang yongs su bcom par 'gyur ba'i sngags la/ 'di lta ste/ tshim b+h+yo/ tshim b+h+yo/ tshim b+ho/ A kA sha tshim b+h+yo/ bkar tshim b+h+yo/ a ma pra tshim b+ho/ bar tshim b+ho/ bi tsar tshim D+ho/ a ro ga tshim b+ho/ d+harma tshi me b+ho/ sa de ba tshis b+ho/ sa ti ni hal tshim b+ho/ bi ba ro ka sha ba tshim g+ho/ u pa sha ma tshim b+ho/ na yan tshom b+ho/ pradz+nyA sam mo ni rang na mchim b+ho/ kra na tshom b+ho/ bi she ma ba ri yA tshim b+ho/ shA sr-i lam b+ha tshim b+ho/ bi a d+hA so tra ma he le/ dam be lam pa/ tsa kA se/ tsak+kA ba si le krI le/ bi le/ kar b+ha bA ra/ ba rI te ha se re ba ra be/ pa re tsa rA/ ban dA ne/ a ra drA ne/ bA na rA/ tsa tsa/ hi le mi le/ a kha ta thA ga khe/ thug l+le 'o/ b+h+re d+hA r+ye/ mi lem de/ nan te/ gu le mi le/ yang ga tsi d+he/ sU d+hir/ bar phyir/ bta sham ma nyon gyi nyon gyi/ ton gru le/ su ruH/ hraH/ gu lo sta ma le/ mo 'i nyi ma te/ bra ta/ bar kha ma re/ sarba / srid pa'i drim spong ba dge bar gsungs// bzab rtson
- 22b
bskal pa zhi ba'ang dge bar gsungs/ / mi dge bsam pa sbyong ba dge bar gsungs// 'byung ba chen po sbyong ba'ang dge bar gsungs// ngan par 'gro ba sbyong ba'ang dge bar gsungs// sdig pa'i bag chags sbyong ba'ang dge bar gsungs// re ba rdzogs par byed pa'ang dge bar gsungs// lo tog smin par byed pa'ang dge bar gsungs// sangs rgyas kun gyis dge bar gsungs pa 'di/ / de bzhin gshegs pa kun gyis byin brlabs pa// dge bar gsungs 'dis byang chub sems dpa' rnams// byin gyis rlob mdzad rjes su yi rang ngo // bcom ldan 'das de ltar me dang chu dang ldan pa dang / bkra shis kyi 'od snang ba dang / thos pa 'dzin pa'i rig sngags chen po gzungs kyi tshig 'di ni bdag gis 'das pa'i sangs rgyas bcom ldan 'das chu klung gang+gA'i bye ma snyed la bsnyen bkur bgyis pas thos so/ / gzungs 'di ni rnam par dkar ba'i chos thams cad 'phel zhing skye bar bgyid pa nas/ de bzhin du rgyas pa'i longs spyod pa'i yo byad thams cad kyi bar du 'phel zhing skye bar bgyid do/ / btsun pa bcom ldan 'das gzungs 'dis ni chu bo bzhi las sgrol bar bgyid do// bcom ldan 'das kyi nye gnas su gyur pa dge slong dang / dge slong ma dang dge bsnyen dang / dge bsnyen ma la sogs pa'i dmigs pa 'phel bar bgyid pa nas/ de bzhin du rgyas par 'tsho ba'i yo byad thams cad kyi bar du 'phel zhing skye bar bgyid do// gzungs 'di ni bcom
- 23a
ldan 'das kyi 'dags pa'i gsung rab bdud ni stsu su 'ongs su rgyas pa dang / dran du gnas shing 'ams gnam gyi sems can thams cad la phan pa dang bde ba'i donas sgyu 'o/ / de nas byang chub sems dpa' sems dpa' chen po sa'i snying pos thos pa 'dzin pa'i rig sngags chen po dang / gzungs kyi tshig 'di smras pa na/ ri khal te la rab tu g.yos nas/ lha'i rol mo bye khrag khrig kyang ma dkrol bar rang 'khrol te/ lha'i spos dang / me tog dang / rin po che tshad med pa sna tshogs char bzhin du babs nas/ de'i tshe 'khor mang po thams cad kyang ngo mtshar rmad du gyur to// de'i tshe na 'khor gyi dkyil 'khor de na lha mo bkra shis chen mo dang / dpal ldan lha mo chen mo dang / mchod dbyangs lha mo chen mo dang / brtan pa lha mo chen mo dang / chu can lha mo chen mo dang / 'od chen lha mo chen mo la sogs pa/ lha mo 'byung ba chen po bzhi la dbang du gyur pa stong phrag bco brgyad 'dug pa las langs nas/ bcom ldan 'das kyi zhabs la spyi bos phyag 'tshal te/ thal mo sbyar nas bsti stang dang bcas pas/ bcom ldan 'das la 'di skad ces gsol to// ngo mtshar che'o// bcom ldan 'das ngo mtshar che'o// bde bar gshegs pa bdag cag gis 'byung ba chen po bzhi dag la dbang sgyur mod kyi/ 'byung ba chen po bzhi'i thog ma dang / bar ma dang / tha ma'i skye ba dang / 'gag pa dang / 'thun pa dang / mi mthun pa'i phyogs mi 'tshal te/ skyes bu chen po
- 23b
'di ni shes rab kyi pha rol tu phyin pa phra ba shin tu zab mo thob pas 'byung ba chen po bzhi'i thog ma dang / bar ma dang / tha ma'i mtshan nyid dang / skye ba dang / 'gag pa dang / 'thun pa dang mi mthun pa'i phyogs la shin du mkhas so/ / bcom ldan 'das kyis bka' stsal pa/ de de bzhin no// de de bzhin te/ rigs kyi bu 'di ni shes rab kyi pha rol tu phyin pa phra ba shin tu zab mo thob pas/ 'byung ba chen po bzhi'i thog ma dang / bar ma dang / tha ma'i mtshan nyid skye ba dang / bkag pa dang / 'thun pa dang / mi mthun pa'i phyogs la shin tu mkhas so// lha mo 'di ltar shes par bya'o/ / 'di lta ste/ yid bzhin gyi nor bu rin po che ni yon tan mang po dang ldan pas/ rin po che rnam pa sna tshogs char bzhin du 'bab ste/ sems can mang po la sbyin pa byed/ do// rigs kyi bu 'di yang de bzhin du byang chub kyi yan lag gi rin po che rnam pa sna tshogs char bzhin du 'debs te/ sems can la sbyin par byed do// 'di lta ste/ rin po che'i gling ltar rin po chetshe rnam pa sna tshogs kyis yongs su gang ba bzhin du/ rigs kyi bu 'di yang byang chub kyi yan lag gi rin po che rnam pa sna tshogs dang / 'di lta ste/ lha rdzas kyi shing pa ri dzi tra la bsung dang me tog gis mdzes pa bzhin du/ rigs kyi bu 'di yang sangs rgyas kyi rin po che rnam pa sna tshogs kyis rab tu mdzes so// 'di lta ste/ seng ge'i rgyal po ni ri dgas thams cad kyis zil gyis mi non cing mi skrag pa
- 24a
/ bzhin du/ rigs kyi bu 'di yang sems can thams cad kyis bag tsha ba 'am/ zil gyis non pa med do// 'di lta ste/ ji ltar nyi ma gsal bas 'jig rten gyi mun pa thams cad yongs su sel ba bzhin du/ rigs kyi bu 'di yang sems can thams cad kyi ngan par lta ba'i ma rig pa'i mun pa thams cad sel to// 'di lta ste/ gnam thang ba'i zla ba ni mtshan mo'i dus su lam stor ba'i sems can thams cad la bde ba'i lam ston to/ / gar 'gro bar dga' bzhin du phyin par 'gyur ba ltar/ rigs kyi bu 'di yang ma rig pa'i mtshan mor theg pa gsum las 'brog bslad de/ 'khor ba'i 'brog dgon par 'khyam pa'i sems can thams cad la theg pa gsum gyis yang dag pa'i lam ston cing / skal ba ji lta ba bzhin du thabs kyis yang dag par 'byung ba byung ba'i lam la 'god par byed do// 'di lta ste/ sa chen po la ni sa bon gyi tshogs thams cad dang / rtsi shing dang / lo tog dang / sa'i khams su gtogs pa'i sems can thams cad kyi rten du 'gyur ba ltar/ rigs kyi bu 'di la yang byang chub kyi yan lag khyad par can gyi chos thams cad rton pa'i gnas so/ / 'di lta ste/ rin po che chen po ri rab ri'i rgyal po ni shin tu brtan zhing ma god ma nyams pa bzhin du/ rigs kyi bu 'di yang sangs rgyas kyi ma 'dres pa'i chos thams cad la shin tu gnas shing / sems can thams cad mi gtong ba'i phyir mi nyams pa dang / dge ba'i rtsa ba thams cad la gtong ba'i phyir ma god pa'o// 'di lta ste/
- 24b
nam mkha' la sems can thams cad spyod pa bzhin du/ rigs kyi bu 'di yang sems can thams cad de la longs spyod do// rigs kyi bu 'di ni de ltar yon tan tshad med dpag du med pa dang ldan no// de'i tshe 'khor mang po rnams kyis byang chub sems dpa' sems dpa' chen po sa'i snying po'i yon tan tshad med pa dang ldan pa stong pa thos nas ngo mtshar rmad du gyur te/ bkur sti dang rim gro byas nas rab tu dga' bas sems rtse gcig du byang chub sems dpa' sa'i snying po la mig mi 'dzums par lta'o/ / de nas bcom ldan 'das kyis don dag gsal bar bzlas pa'i phyir tshigs su bcad de bka' stsal pa/ skyes bu yang dag sa yi snying po ni// yon tan mang po phun sum tshogs par ldan// dge sbyong cha lugs 'dzin cing ston byed pa// ston pa chen po la ni phyag 'tshal lhags// sems can kun la bde ba rab tu byin/ / srid pa gsum gyi sdug bsngal kun las sgrol// tshad med rnam pa sna tshogs char phab nas// ston pa chen po la ni mchod pa byed// brgya byir dri ma med par skyes pa des// phyogs bzhi kun tu bltas shing brtags nas su/ / thal mo sbyar nas bsti stang rab bcas te// ston pa chen po la ni bsngags shing bstod// bdag gis bcom ldan 'das kyi 'khor mthong ba// nor bu rin po che yi 'od zer ltar/ / sangs rgyas mang po'i zhing kun snang byas te// thams cad gsal bar ma gyur gang yang med// mngon shes drug gis 'jig rten snang bar byed// deng 'dir 'dus shing lhags par 'gyur ba ni/
- 25a
shin tu dpa' bas kyi snying po ste// rab tu 'byung ba'i spyod lam mngon par stod// 'phags pa'i nor bdun 'byung ba'i gter yin te// 'jigs pa med pa'i sangs rgyas nga ro/ dbyangs// byang chub sems dpa' mang po'i rgyal mtshan de// sems can mang po 'dren pa'i gtso bo'o// rnam par grol ba'i rin chen 'byung khung ste// brtson 'grus ldan pa'i bsod nams rgya mtsho yin/ / byams pa'i blo gros snying rje brtse la mos// sdug bsngal ba yi sems can mang po sgrol// 'jigs pa bsrung ba'i ngobs dang mkhar yin te// nam mkha' dang ba'i zla bzhin lam yang ston/ / sa ltar dge ba'i rtsa ba thams cad skyed// rdo rje ltar ni the tsom yongs su gcod// rnam par grol ba'i rin chen kun la gtong // chu ltar sgrib pa thams cad bdag par byed// / nyon mongs tsha bas gdungs pa'i gdugs su 'gyur// sman pa ltar ni nad kun 'tsho bar byed// zhag gtsigs yi snying po'i ming brjod pa'i// grags pa chen po'i bsod nams thob pa ni// bskal pa bye ba khrag khrig par du yang / / blo can gzhan gyi ming nas brjod pas lhag/ so mar skye bo zol bar byed pa ni// nyon mongs thams cad rnam par 'ching ba la'o// dpa' bar 'gro ba'i ting 'dzin mthar phyin cing / / ting 'dzin gzhan dag gi yang pha rol phyin// rkyen mang bcu gsum po yang nam dag pas// mang po kun la ye shes nam mkha' bzhin// dpag tu med pa'i sangs rgyas zhing rnams
- 25b
kyi/ / skye bo mang po'i mun pa'i tshogs kyang bcom// zhing rnams ji bzhin ting 'dzin der 'jug cing // bsam gtan bzhi po la yang rgyun du 'jug/ ting nge 'dzin du zhugs nas sems can gyi// nyon mongs pa yi gdung pa rab tu sel// so so'i skye bo sngon gyi sdig pa'i las// mtshon dang nad dang mu ges 'jigs pa dang / rnam pa mang pos 'tshe zhing gsod gyur pa// de dag kun las rnam par grol bar byed/ / sems can nye bar len pa'i phung po lnga// sdug bsngal mang pos 'tshe zhing gdungs gyur pa// sa yi snying po de la skyabs gsol na// srid pa'i sdug bsngal thams cad zhi bar 'gyur/ / sems can sdug bsngal 'khor los rab bskor te// gcig gis gcig la 'tshe zhing gnod gyur pa// sa yi snying po de la skyabs gsol na// bzod cing byams pa'i sems la gnas par gyur/ / bcu gsum rkyen gyis rab tu 'jigs skrag cing // tshol ba mi rnyed rkyen gyis sdug pa dag/ sa yi snying po de la skyabs gsol na// 'jigs pa med la bde bar gnas par 'gyur// bsod nams byed la mos shing dran pa dang // tshul khrims mang thos shes rab 'dod pa dag/ sau yi snying po de la skyabs gsol na// re ba bzhin du thams cad rdzogs par 'gyur// yon tan so sor smos pa'i bzo rtsal dang / / sman dang sa bon tshogs la mos pa dag/ sa pi snying po de la skyabs gsol na// re ba kun dang ldan zhing rdzogs par 'gyur// lo tog rtsi shing legs par 'dod
- 26a
/ pa dang // khye'u dang bu mo gos dang bran khol phyir// sa yi snying po de la skyabs gsol na// re ba bzhin du thams cad rdzogs par 'gyur// yon tan mang po kun dang ldan pas na/ / sa chen 'di yang mi gtong rab tu 'dzin// de yi rkyen gyis sman dang lo tog rnams// snum zhing 'jam la ro dang ldan par 'gyur// nyon mongs mang po sgrib par gyur nas su// mi dge bcu yi las la mos pa dag/ sa yi snying po de la skyabs gsol na// mi dge nyon mongs thams cad zhi bar 'gyur// rnam pa sna tshogs kun gyi lus ston cing // skye bo mang po dag la chos kyang sngon/ / sbyin pa'i yon tan thams cad rab rdzogs pas// sems cad kun la snying rjes brtse bar gyur// gal te bskal pa mang po brgya yi bar// de yi yon tan bsngags shing rab bstod kyang // mthar phyin rdzogs par 'gyur ba shin tu dka'// de bas kun gyi bsti stang bcas pas mchod// 'dus pa chen po las/ byang chub sems dpa' sa'i snying po 'khor lo bcu pa zhes bya ba las gleng gzhi'i le'u ste dang po'o/ / / 'dus pa chen po las/ byang chub sems dpa' sa'i snying po 'khor lo bcu pa zhes bya ba theg pa chen po'i mdo// / bam po gnyis pa/ de nas byang chub sems dpa' sems dpa' chen po sa'i snying po stan la lang nas bla gos phyogs gcig tu byas te/ bcom ldan 'das kyi zhabs la spyi bos gtugs nas/ pus mo g.yas pa'i
- 26b
lha nga sa la btsugs te/ thal mo sbyar ba bdud nas/ bcom ldan 'das la 'di skad ces gsol to// yon tan tshad med rgya mtsho can// bcom ldan 'das la zhu gsol ba// the tsom nem nur rtsi mchis pa/ / bdag la rgyas par bshad du gsol// bcom ldan 'das kyis bka' stsal pa/ skyes bu yang dag pa khyod ni chos thams cad ye shes kyis mthong ba la thogs pa med de/ 'on kyang sems can la phan pa dang bde ba 'dod pa'i phyir/ khyod de bzhin gshegs pa la ci dang ci 'dod pa dris shig dang / bcom ldan 'das kyis dris pa de dang de'i lung bstan pas khyod kyi sems rangs par bya'o// de nas byang chub sems dpa' sems dpa' chen po ma'i snying pos tshigs su bcad de gsol pa/ de dag sngon bskal pa bcu gsum du// skyed pa dka' ba shin tu sbyang // me me'i skye bo gan dong / 'jigs pa gsum dang rnyog lnga bsal// sangs rgyas bye ba khrag khrig la// tshad ma mchis pa'i mchod bgyis pas// bsam pa dag pa'i 'khor 'di dang // tshogs chen 'dus pa'ang sngon blong ngo // / blo can brtson 'grus rtsol ba dge/ thams cad 'dus shing tshogs 'dir lhags// shin tu skyor med 'khor 'di dag/ mthong bar gyur pa ngo mtshar rmad// ci slad sangs rgyas zhing 'di kun// sdig pas dge pa nyams bgyis shing / / blo can dag gis spangs pa yi// ngan par spyod kur lhan cig gnas// mtshams med sdig pa bgyid pa dang // yang dag dam pa'i chos la skur// 'phags pa smod cing log lnga
- 27a
bas/ / rtag dang chad pa'i gtsug lag 'chad// sdig pa bcu yi las bgyid cing // 'jig rten phyi mas mi 'jigs pa// theg pa rnam gsum rim spangs shing / sdig can ngan 'gro dag la gzhol// ma rig pas ni bgribs pa'i mig/ 'dod chags phrag dog sgyus 'tsho ba// sangs rgyas 'khor lo rab bskor te// sems can 'di dag sgrol bar mdzad// ji ltar nying mtshams sbyor ba yi/ / nyon mongs rdo rje lta bu gcad// ji lta bur na gzugs dga' thob// de bzhin bzod pa'ang nges par 'gyur// bdag gis 'dren pa tshogs chen dag/ mthong bar gyur pa ngo ma che/ / 'di 'dra'i yon tan kun tshogs pa// phyogs gzhan dag na ma mthong ngo // yon tan mang po kun ldan zhing // byang chub lam la rab brtson pas// ji ltar byis pa'i 'khor dag la// sangs rgyas 'khor lo bskor ba mdzad/ / bcom ldan 'das kyis bka' stsal pa/ legs so legs so// rigs kyi bu khyod kyis sngon 'das pa'i dus na yang chu klung gang+gA'i bye ma snyed kyi sangs rgyas ngag gi zhing na rnyog pa lnga'i tshe/ sangs rgyas bcom ldan 'das chu klung gang+gA'i bye ma snyed la sngon 'di lta bu'i don dag zhu ba zhus so// khyod kyis dris pa'i don 'di dag la sngon yang nan tan shin tu byas pas/ shin du rtogs shing khong du chud // spyod pa mang po phun sum tshogs pa pha rol tu phyin pas shin tu thabs mkhas pa'i shes rab dang ldan te/ sems can thams cad yongs su smin par bya ba dang /
- 27b
/ phan pa dang bde ba'i don thob par bya ba dang / byang chub sems dpa' sems dpa' chen po thams cad thabs mkhas pas/ 'phags pa'i spyod pa'i gter sbyin pa la sogs pa pha rol tu phyin pa drug gis sems can thams cad yongs su smin par bya ba'i spyod pa'i khyad par dang / thams cad mkhyen pa'i ye shes kyi yon tan rgya mtsho yongs su rdzogs par bya ba dang / rgyal rigs spyi bo nas dbang bskur ba'i rgyal po spyod pa mi dge ba la gnas pa thams cad ngan song gsum las bzlog cing mi ltung bar bya ba dang / zhing 'dir dkon mchog gsum gyi gdung shin du rgyas shing yun ring du gnas par bya ba'i phyir/ 'di lta bu'i don dris pa legs so/ / shin tu legs par nyon la yid la zung zhig dang ngas bstan par bya'o// bcom ldan 'das de ltar bgyi'o zhes gsol nas/ bcom ldan 'das la slar nyan to// de nas bcom ldan 'das kyis/ byang chub sems dpa' sems dpa' chen po sa'i snying po la 'di skad ces bka' stsal to// rigs kyi bu de bzhin gshegs pa ni sngon gyi smon lam gyi shugs kyis sangs rgyas kyi 'khor lo rnam pa bcu dang ldan te/ sangs rgyas kyi zhing rnyog pa lnga can gyi sems can thams cad rnam par dkar ba'i chos thams cad las phyir ldog pa dang 'phags pa'i nor rin po che bdun gyis brel ba dang / mkhas pa dag dang ring du gyur pa chad pa dang rtag pa'i dra bas kun nas klags pa dang / ngan song du 'gro ba'i shing rta la spro zhing dga' ba dang / skye ba phyi ma'i sdug bsngal la 'jigs par ma
- 28a
lta ba dang / ma rig pa'i mun nag thibs po la gnas pa la dad pa dang / mi dge ba bcu'i las kyi lam rdzogs par byed pa dang / mtshams med pa lnga byed pa dang / dam pa'i chos la skur cing babags pa la dbang za ba/ dge ba'i chos thams cad ring du spong zhing / mi dge ba'i chos rdzogs par byed pa'i gnas na bzhugs so// de lta bu'i sdug sngal rnam pa sna tshogs dang ldan pa'i zhing na bzhugs kyang rab tu bde bar bzhugs te/ bag tsha ba med pa dang / 'jigs skrag pa med pas drang srong chen po'i gnas su phyin te/ sangs rgyas kyi 'khor lo bskor nas/ lha dang bdud du bcas pa'i mu stegs can log par smra ba thams cad btul nas/ so so'i skye bo thams cad kyi rigs la nyon mongs pa shin tu sra ba rdo rje lta bu dag bsal nas/ ci la mos pa bzhin du so sor bkod do/ / mthu dang ldan pa'i sems can dag ni theg pa gsum las phyir mi ldog par yang mdzad do// rigs kyi bu 'di lta ste/ yul kha cig tu srid med par 'gyur ba na/ de na gnas pa'i mi thams cad bdag gis dmag dang gzhan gyi dmag gyis yongs su gtses shing / nyon mongs pa dang sdug bsngal bar gyur te/ de na gnas pa'i mi mang po yang mi bde bas 'thab pa dang / rtsod pa dang / gcig la gcig smod pa tshad med pa snyed 'byung ste/ brdzun du smra ba dang / g.yo sgyu dang / tshig rtsub por smra ba dang / skur brlang 'debs shing 'khrug pa dang / dmus long dang / ling tog can du 'gyur
- 28b
ba dang / nad rnam pa sna tshogs kyis gzir ba dang / grang ba dang / tsha ba'i nad ma rungs pa dang / rims rnam pa mang po dang / smyo ba dang / skem byed dang / kha zas mi 'ju ba dang / sems 'khrug cing myos pa dang / dbang po ma tshang zhing yan lag dang nying lag nyams pa dang / bgo ba dang / bza' ba dang / 'tsho ba'i yo byad rnam pa sna tshogs kyis 'phongs shing brel te/ bdog pa thams cad du mi 'ong ba dang / skye bo thams cad mu stegs can dang / 'jig rten gyi lha la skyabs su song zhing lta ba ngan pa dang / bsam pa ngan pa dang / mos pa yongs su rgyas te/ yang dag pa'i lam stor nas ngan song du ltung bar 'gyur ba na/ de'i tshe yul de na gnas pa'i rgan po blo dang ldan zhing yid gsungs pa mang du thos pa drang dkan pa dag 'dus gros su bgros te/ yul dang grong gi mi kun bsdus nas/ thams cad kyis 'thun par rgyal bu gcig btus pa ni/ sngon sbyin pa rab tu byas pa/ tshul khrims shin tu bsrungs pa/ brtson 'grus la brtan pa/ shin du dka' ba spyod pa dang ldan pa/ mchog tu gyur pa'i bsod nams kyi mtshan dang ldan pa/ dbang po yongs su rdzogs shing yan lag ma nyams pa/ lus byang che chung ran pa/ mtshan dang dpe byad bzang pos brgyan pa/ phul du gyur pa'i mdog dam pa dang ldan pa/ thams cad kyis bkur sti dang rim gro byed pa/ yul de na gnas pa'i mi thams cad kyi yid du 'ong zhing lta 'dod pa/ rang bzhin gyis drang zhing brtan pa/ byams pa dang snying rjer ldan pa/ mang
- 29a
du thos pa rtsal thams cad dang ldan pa/ dang nges pa'i bzod pas sems rab tu brgyan pa/ btsun mo dam pa'i sras thu bor gyur pa/ spos dam pa rnam pa sna tshogs rnam par dag pa'i chus lus bkrus nas/ rin po ches brgyan pa'i gos dam pa spos kyis bdugs pa rnam pa sna tshogs gyon cing / nor bu rin po che spyi bo'i gtsug pud la btags pa/ rin po che'i me tog gi 'dre bas brgyan pa'i gser gyi cod pan mgo la thogs pa/ rab tu yang la 'jam pa'i dar gyis bcings pa/ gzhan yang nor bu rin po che dang / mu tig dang / gser dang / dngul la sogs pa rin po che rnam pa sna tshogs las byas pa'i rna cha dang / se mo do dang / dpung rgyan dang / gdu bu la sogs pa thogs pa/ rin po che rnam pa sna tshogs las byas pa'i lham gyis rkang pa bteg pa/ rin po che rnam pa sna tshogs las byas pa'i gdugs kyis steng gi bla rer bres pa/ sngon lha dang drang srong thams cad kyis bsrung zhing 'dzin pa'i khri bshams pa/ brgya byin la sogs pa thams cad kyis bsrung zhing skyob pa/ bzo shin du mkhas pas las su byas pa'i gzhal med khang chen por sngon rgyal po snga ma 'dug pa'i khri la bzhag nas rgyal por bcug go/ / rgyal sar zhugs nas lha'i dbang po dang / klu'i dbang po dang / gnod sbyin gyi dbang po dang / lha ma yin gyi dbang po dang / grul bum gyi dbang pos bsrung zhing 'dzin pa'i dril dang rnga chen po brdungs nas/ de'i sgras yul khams kun tu grags par gyur te/ rgyal rigs la sogs pa
- 29b
rigs chen po bzhi la gtogs pa'i mi tshad med pa snyed lus dag par bkrus nas gos gtsang ma gyon te/ lag na rnam pa sna tshogs kyi rin po che'i gdugs dang / rgyal mtshan dang / bdan dang / nor bu rin po che dang / mu tig dang / gser dang / dngul dang / dung dang / shel dang / byi ru dang / bai DUR+Ya la sogs pa tshad med pa snyed thogs te rgyal po do la phul lo// gzhan yang rigs mtho zhing btsun pa/ tshangs par spyod pa/ thos pa dang ldan zhing shes pa che ba'i bram ze thams cad kyis kyang tshigs su bcad pas bstod pa dang / glu dang / dbyangs dam pa tshad med pa snyed kyis rgyal po de la bstod pa byas so/ / legs par 'gyur ba rnam pa sna tshogs thob par gyur cig ces smon lam yang btab bo// bkra shis pa rnam pa sna tshogs kyis rgyal po'i spyi blo/ gtor to// rgyal po snga ma'i blon po'i rigs la gtogs pa thos pa dang ldan zhing / shes pa che ba/ drang ba/ g.yo med pa/ 'dzangs pa dag kyang ci rigs su blon po rim par phye ste bcug nas/ rgyal po'i las byed pas sngon yul de na bdag dang gzhan gyi dmag thams cad kyis gtse bar 'gyur ba dang / phyir rgol ba dang / grogs po ngan pa thams cad med par byas nas/ pas rgol ba'i ngagra dang gnod pa thams cad zhi bar gyur nas/ nag po'i phyogs thams cad byang zhing rnam par dkar ba'i phyogs thams cad skyes te 'phel bar gyur to// rigs
- 30a
l dan pa du lta bu rgyal rigs rgyal thabs spyi bo nas dbang bskur ba'i rgyal po'i 'khor lo gcig dang ldan na/ 'khor lo de'i dbang gis bdag gis rgyal srid rab tu che zhing phas rgol ba'i dgra thams cad shin tu thul pas tshe yang ring bar 'gyur ro/ / rigs kyi bu de bzhin du rnyog pa lnga'i 'jig rten gyi khams mi mjed kyi sangs rgyas kyi zhing 'dir sangs rgyas mi bzhugs pa'i tshe/ de na gnas pa'i sems can thams cad rang gi sems kyi bag la nyal ba'i nyor mongs pas yongs su bcings nas/ nang gi dab dang phyi rol gyi dmas rnam par gtses te/ kun nas nyon mongs pas snyor mongs nas gti mug gis mdongs te mi de bar gyur pas/ rtag dung chad pal rnam pa pa ded cing chags pa tshad med pa bskyed nas par tshar du cod cing gal bar byed de/ gcigal gcig dbang bzhing rjod pas/ 'dod chags dang / de sda dang / gti mug skyed de/ gtso dang spu'i tshul du sgra zhing mi dge pa bcu'i las kyi 'am rdzogs par byed pa dang / rnam par len cing chags pa'i skye bo dag/ nyon mongs pa'i 'jig rten gyi khams 'dir rnam pa sna tshogs kyi nyon mongs pa'i nang kyis gzir ba dang ldan pas yang dag pa'i chos kyi mig mdongs te/ de sdang dang / khong khro bas gdungs shing 'khrugs gang yang dag par bden pa'i chos cung zad kyang yid la mi byed de/ yang dag pa'i chos kyi ri 'ongs su pa ded nas dge byed pa la bang bzhing spong ngo / / de 'a bde shing byed pa'i zil cing bangs par gyur gyi// ga tu non mongs pa'i dri ba rnam pa mang pos ris shing gags sa/ mu stegs can gyi rdzo
- 30b
ba rnam pa drug po la skyabs su song ste/ 'phags pa'i lam las phyir ldog cing ngan song gsum la gzhol bar gyur to// de'i tshe zhing de na byang chub sems dpa' sems dpa' chen po sngon sangs rgyas tshad med pa snyed la mchod cing bsnyen bkur byas pa/ sangs rgyas kyi yon tan gyi rgya mtshor zhugs pa/ snga ma 'das pa'i sangs rgyas kyi spyod yul la gnas pa thams cad 'dus shing tshogs nas nga'i spyan sngar lhags te tshig 'thun par 'di skad zer ro/ / khyod sngon 'das pa'i dus na sbyin pa tshad med pa la nan tan byas pa dang / tshul khrims rab tu bsrung ba dang / shin tu 'bad pa'i brtson 'grus kyis shin tu spyad dka' ba spyad de/ thams cad yongs su rdzogs par bsgoms so// de lta bu'i bsod nams dang / ye shes kyi tshogs dang / shes rab dang thabs mkhas pa dang / snying rje chen po la sogs pas yongs su brgyan pas yon tan chen po'i gter tu gyur pa/ ting nge 'dzin thams cad dang gzungs rnams la rab tu bzod pa/ sa'i yon tan thams cad yongs su rdzogs pa'i rgya mtshor gyur pa'o// g.yo dang sgyu med cing lus byad shin tu ring la/ mtshan dang dpe byad phun sum tshogs par gyur pa dang nges pa'i bzod pa dang ldan zhing shin tu mdzes paraM/ gzhan gyi dring la mi 'brang bas byang chub kyi lam bsgom par ye shes kyi rgya mtsho thams cad yongs su rdzogs par gyur pa/ phul du gyur pa'i mdog mchog dam pa dang ldan par gyur pa/ nyan thos dang rang sangs rgyas thams cad kyi ston
- 31a
pa chen por gyur pa/ 'khor bas 'jigs skrag pa'i sems can thams cad kyi dpung gnyen du gyur pa/ byams pa dang snying rje chen po la sogs pa yon tan tshang med pas yongs su brgyan/ pa/ bcom ldan 'das log par dad sel dang / gser thub dang / 'od srungs la sogs pa'i sras yang dag pa bskal pa bzang po 'dir mngon par 'tshang rgya ba byang chub sems dpa' thams cad kyi nang na gtso bor gyur pa/ yon tan rnam pa sna tshogs kyi spos can/ zhi gnas dang lhag mthong gi yongs su dag pas khrus byas pa/ khrel ba dang 'dzem pa'i gos gyon pa/ rnam par dag pa'i chos kyi dbyings gtsug gi nor bu thogs pa/ sangs rgyas thams cad kyi spyod yul rgya chen po'i me tog gi 'phreng ba'i cod pan thogs pa/ rnam par grol ba'i srad pus bcings pa/ gzhan yang rnam pa thams cad mkhyen pa'i ye shes dang / mi skye ba'i bzod pa la sogs pa yon tan gyi rin po ches yongs su brgyan pa/ byams pa dang snying rje dang / dga' ba dang / btang snyoms kyi lham rin po che gyon pa/ khams gsum yongs su khebs pa'i spyod pa rnam pa gsum gyis 'phags pa'i rgyu yongs su rdzogs par 'gyur ba'i gdugs kyis bkab pa/ sngon gyi sangs rgyas dang / lha dang / drang srong gis yongs su bzung ba'i rdo rje'i ting nge 'dzin gyi gdan bshams pa/ nyan thos dang rang sangs rgyas thams cad kyis bsti stang dang bcas te yongs su bzung ba'i dran pa nye bar gzhag pa bzhi la bzhugs pa/ sngon gyi sangs rgyas thams cad kyis bting ba'i gdam la bzhugs nas/ bla na med par
- 31b
byang chub tu mngon par sangs rgyas so/ / thams cad mkhyen pa'i ye shes su gyur pa/ dkon mchog gsum gyi gdung mi gcad pa'i phyir chos kyi khor lo bskor to// chos kyi rnga rab tu brdungs nas/ khams/ gsum kun tu chos kyi sgra bsgrags te/ lha dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / grul bum dang / 'byung po dang sha za dang / srul po dang / lus srul po dang / mi dang / mi ma yin pa la sogs pa thams cad 'phags pa'i bden pa bzhis grol bar byas so// yan lag bcu gnyis dang ldan pa'i chos kyi 'khor lo gang 'jig rten du bcas pa/ dge sbyong dang / bram ze dang / lha dang / bdud dang / tshangs pa dang / mi dang / mi ma yin pa la sogs pa gang gis kyang ma bskor ba de 'jig rten du bcas pa/ lha dang mi tshad med pa dag la phan pa dang bde ba'i don chen po mchog dam pa thob par bya ba'i phyir/ sngon gang gis kyang ma bskor ba de rnam pa gsum du rab tu bskor to// rigs kyi bu de lta bu'i sangs rgyas kyi 'khor lo gcig pa de dang ldan te/ 'khor lo de'i dbang gis yang dag pa ji lta ba bzhin du 'jig rten 'di dang / 'jig rten phyi ma dang / gnas dang / gnas ma yin pa mngon sum du mkhyen pas 'jigs pa med pa thob ste/ bde bar gnas shing / lha dang bdud du bcas pa'i mu stegs can log par smra ba thams cad shin tu btul nas/ tshangs pa chen po'i 'khor lo bskor te/ tshangs pa chen po'i spyad pa shin tu grub
- 32a
pas/ nga ni rnyog pa lnga'i sdig pa can gyi 'jig rten gyi khams 'dir 'khor gyi dkyil 'khor du seng ge'i sgra yang dag par bsgrags te/ sems can thams cad kyi mtshams med pa lnga'i las zhi bar byas so/ / de bzhin du mi dge ba'i rtsa bar gtogs pa thams cad bsal nas/ skye bo thams cad kyi nyon mongs pa'i rgyun rdo rje ltar sra ba dag kyang 'i bar byed do/ / zag pa thams cad yongs su zad pa/ rnam par grol ba'i 'bras bu dam pa la rnam par gzhag nas/ dri dang ci la mos pa bzhin du thams cad bde bar 'jog pa dang / mthu dang ldan pa'i sems can dag ni theg pa gsum la bzhag ste/ phyir mi ldog par yang mdzad do// rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po thog ma rgyal sar zhugs nas/ rgyal po'i srid gzung ma thag tu 'das pa dang / ma 'ongs pa dang / da ltar gyi rgyal po thams cad kyi chos dang khrims la shin tu lta zhing rtog go// de ltar rgyal po kun gyi las kyi 'khor lo shin du rtogs nas/ rgyu dang 'bras bu smin pa yang shes te/ ci dang cir ldan pa bzhin du de dang de lta bu'i thabs byin te/ las su bcug pas yul de na gnas pa'i mdzangs ngan las/ las kyi 'khor lo rnam pa gsum byed du bcug go/ / las kyi 'khor lo de'i dbang gis de na gnas pa'i sems can thams cad yun ring por 'tsho ba'i yo byad yid du 'ong ba rnam pa sna tshogs la longs
- 32b
spyod pa dang / bde skyid pa 'phel zhing skye ba dang / phas rgol ba'i dgra thams cad kyang thul bar gyur to// las kyi 'khor lo rnam pa gsum gang zhe na/ 'di lta ste/ rgyal po'i srid kyi las kyi go bor lo rnam par gzhag pas/ gang dgra thabs mkhas par bsrabs shing rtsal sbyangs te/ phas rgol ba'i dgra 'dul zhing mi mang po srung bar byed pa dang / zhing dang gnas byed pa'i las kyi 'khor lo rnam par gzhag pas/ gang khang khyim brtsig pa dang / zhing gi las lag byed kyis phyin par byed du 'jug cing bde bar byas pas bza' ba dang btung bas mi brel bar byed pa dang / nor bu rin po che tshol 'di las kyi 'khor lo rnam par gzhag pas/ gang tshong spogs dang / bzo rnam pa sna tshogs slob tu gzhug cing / 'tshe ba'i yo byad rnam pa sna tshogs yid bzhin du sprad du yod la/ bde zhing skyid pa 'phel par byed pa'o/ / rigs kyi bu rgyal rigs rgyal thabs spyi bo nas dbang bskur ba'i rgyal po chen po rgyal po'i 'khor lo gnyis pa 'di dang ldan te/ 'khor lo 'di'i dbang gis bdag yul rab tu bde zhing skyid pa dang // phas rgol ba'i dgra dang grogs po ngan pa btul zhing / lus srung ba'i nan tan la mkhas pas tshe yang ring bar 'gyur ro// rigs kyi bu de bzhin du de bzhin gshegs pa yang thog ma mngon par sangs rgyas te bla na med pa'i ye shes thob nas/ 'das pa dang / ma 'ongs pa dang / da ltar gyi sangs rgyas thams cad kyi chos kyi mig la shin du rtog go// de ltar shin tu brtags pas las dang chos rnams kyi rgyu dang 'bras
- 33a
@/ bur bdu bakhyen te/ 'dul bar 'gyur ba'i sems can thams cad la las kyi 'kho lo rnam par gzhag go// las kyi gakho lo do dbang gis/ dkon mchog gsum gyi dz+ra/ dang / chos kyi mig sun ring du gnas pa dang / bla na med pa yang dag pa'i chos rgya cher kun du khyab pa dang / skye bo thams cad rtag tu mtho ris kyi lhar skye b.ras/ mya ngan las bad ba'i bar du shin tu ba thob pa dang / mu stegs can log par smra ba thams cad kyis mi tshugs shing / yang dag pa'i chos kyi mig gis phas kyi rgol ba thams cad chos bzhin du thul bar 'gyur ro// de la rigs kyi bu las kyi 'khor lo nam pa gsum gang zhe na/ 'di lta ste/ ting nge 'dzin bsgom pa'i las kyi 'khor lo rnam par gzhag pa dang / kha tor goms par bya ba'i las kyi 'khor lo rnam par gzhag pa dang / bsod nams bya ba'i las kyi 'khor lo rnam par gzhag pa dang gsum mo/ / rigs kyi bu de la ji ltar na de bzhin gshegs pa'i ting nge 'dzin bsgom pa'i las kyi 'khor lo gang zhe na/ ting nge 'dzin rnam pa bcu ste/ ngacu gang zhe na/ yang dag pa ji ltar bzhin du rnam par shes pa dang bcas pa'i lus 'di la brtags na/ yul drug dang / bdag dang / bdag gir zhen cing / chags pa'i rgyu dang / las kyi zhing dang / ma rigs bsgribs pa dang / srid pa'i chus brlan pas dbang med par gzhan gyi dbang gis yod par gyur par rkyen mang po la rag lus pa'o// las dang / nyon mongs pa dang / sdug bsngal gyi rgyun rnam pa gsum 'gag pa'i phyir de ltar bska
- 33b
go/ las kyi rgyun gang zhe na/ gang sems can rnams ji snyed kyi 'du byed mngon du spyod pa de ma rig pa dang sred pa'i rgyu las srid pa skye bas nyon mongs pa'i rgun ces bya'o// nyon mongs pa'i dbang gis rnam par shes pa'i rgyu dang rkyen mang po 'dus pa las ming dang gzugs skye'o/ / ming dang gzugs kyi rgyu dang rkyen mang po 'dus pa las skye ched drug skye'o// skye mched drug gi rgyu dang rkyen mang po 'dus pa las reg pa dang / tshor ba dang / srid pa phyi ma'i skye ba dang / rga ba dang / 'chi ba la sogs pa rim gyis 'byung ba ni sdug bsngal gyi rgyun ces bya'o// de ltar rgyun gsum po 'di ni las kyi zhing la ma rig pa'i chu dang sred pa'i rlan gyis skye bar gyur to/ / 'di ltar las kyi zhing la ma rig pa'i rgyu dang sred pa'i rlan gyis rgyun rnam pa gsum po bskam pa'i phyir nye bar len pa'i phung po lnga la mi rtag pa dang / sdug bsngal ba dang / bdag med pa dang / bems po dang / g.yo ba med pa dang / sgyu ma lta bu dang / smig rgyu lta bu dang / chu'i zla ba lta bu dang / rmi lam lta bu stong pa ci yang med pa/ mtshan ma med pa/ smon pa med pa/ byas pa med pa/ ma byung ba/ ma skyes pa/ gzugs med pa/ zhi ba/ dben pa/ byung ba dang skye ba'i gnas med pa rtogs so// de ltar nye bar len pa'i phung po lnga la shin du brtags pas/ stong pa nyid dang rjes su 'thun pa'i bzod pa dang / mtshan ma med pa'i rjes su 'thun pa'i bzod pa dang / smon pa med pa'i rjes su 'thun pa'i bzod pa la phyogs so// yang nye bar len pa'i phung po lnga la rjes su brtag par bya ba'i phyir/
- 34a
gzhan yang thabs mkhas pas dbugs phyi nang du rgyu ba la rtog ste/ nang du chub dang / phyir chu ba'i dran pa goms par byed do// de la ji ltar na dran pa'i dbang gis yang dag paji lta ba bzhin du dbugs phyi nang du rgyu ba la rtog ce na/ yang dag pa ji lta ba bzhin du bgrang ba dang / rjes su 'brang ba dang / zhi gnas dang / lhag mthong dang / 'jug pa dang / yongs su dag pa la rtog go// de la bgrang bas ni las kyi dngos po rnam pa gnyis byed par 'gyur te/ rten du gyur par rnam par rtog pa dang rnam par dpyod pa'i rnams thul ba dang / dbugs phyi nang du rgyu ba'i mtshan nyid 'dzin par nus pa'o// rjes su 'brang bas kyang las kyi dngos po rnam pa gnyis byed par 'gyur te/ yang dag par 'byung ba la rten cing rnam par rtog pa dang rnam par dpyod pa dang bral ba dang / dbugs phyi nang du rgyu ba'i 'jug pa'i mtshan nyid la mkhas par gyur pa'o// zhi gnas kyis kyang las kyi dngos po rnam pa gnyis byed par 'gyur te/ dbugs phyi nang du rgyu ba bri bar mngon du ston pa dang / ting nge 'dzin gyi mchog la gnas par nus pa'o// lhag mthong gis kyang las kyi dngos po rnam pa gnyis byed par 'gyur te/ dbugs phyi nang du rgyu ba zad par mngon du ston pa dang / sems dang sems las byung ba'i chos so so bar rtog pa la gnas pa'o// 'jug pas kyang las kyi dngos po rnam pa gnyis byed par 'gyur te/ nye bar len pa'i phung po spong ba'i sbyor ba la mkhas pa dang / 'phags pa'i sar 'jug pa la sbyor ba'o// yongs su dag pas kyang bya ba'i las kyi dngos po gnyis byed par 'gyur te/ kun nas nyon mongs pa spong ba
- 34b
dang / lta ba yongs su dag pa'o// de ltar sbyor ba rnam pa drug gis dbugs phyi nang du rgyu ba la rtog pa bsgoms pas nye bar len pa'i phung po lnga rtogs pa dang rjes su 'thun par 'jug go// de ci'i phyir zhe na/ ji ltar dbus phyi nang du rgyu ba'i rang bzhin ni gzugs nye bar len pa'i phung po'o/ / dbugs phyi nang du rgyu ba len cing myong bar byed pa ni tshor ba nye bar len pa'i phung po'o// dbugs phyi nang du rgyu ba'i mtshan nyid len pa ni 'du shes nye bar len pa'i phung po'o/ / dbugs phyi nang du rgyu ba mngon du byed pa ni 'du byed nye bar len pa'i phung po'o// dbugs phyi nang du rgyu ba byed phrag tu 'byed pa ni rnam par shes pa nye bar len pa'i phung po ste/ de ltar nye bar len pa'i phung po rnam pa la bshad pa ni so so ba/ tha dad pa/ mi dra ba/ gsar ma yin pa/ rnying ma yin pa/ gnas med pa/ spungs pa ma yin pa/ brjod du med pa'o// de ltar nye bar len pa'i phung po lnga shin tu rtogs pas/ 'du byed rnam pa gsum yongs su spong bar 'gyur ro// gal te de ltar 'du byed rnam pa gsum yongs su zad par rjes su brtags pa'i mthar phyin na/ rnam par shes pa dang bcas pa'i lus dang / yul drug rjes su rdzogs pa'i mthar phyin par 'gyur ro/ / bdag dang / bdag gir zhen pa dang / las dang / ma rig pa dang / srid pa'i rgyu dang / zhing dang / kun nas 'gebs pa'i rlan pa yang thams cad zad par 'gyur ro// de bzhin du dran pa nye bar gzhag pa bzhi sgom pa yang yongs su rdzogs pa nas/ 'phags pa'i lam yan lag brgyad pa'i bar du yang bsgom pa yongs su rdzogs par 'gyur ro// de bzhin du sangs rgyas kyi chos ma 'dres pa bco brgyad kyi
- 35a
bar du yang bsgom pa yongs su rdzogs pa nas/ de bzhin du rnam pa thams cad mkhyen pa'i ye shes dang / mi skye ba'i chos kyi bzod pa dang / dpa' bar 'gro ba'i ting nge 'dzin la sogs pa'i bar du bsgom pa yongs su rdzogs par 'gyur ro/ / de bzhin du 'gro ba dang 'ong ba rjes su dran pas bzung bar bsam gtan dag la zhugs pa ni/ yang dag pa'i chos don dam pa la gnas pa'i sems can zhes bya'o/ / bsam gtan yang dag pa ji lta ba bzhin du bsgom pa zhes bya'o// dus gsum gyi sangs rgyas bcom ldan 'das la yang dag par mchod pa zhes bya'o// sangs rgyas thams cad kyi thugs las byung ba'i sras/ sangs rgyas kyi gsung las skyes pa/ chos kyis grub pa/ chos kyis bdul ba zhes bya'o// byang chub sems dpa' la las de ltar bsgoms pa las bags kyis phyir nur na yang / zag pa zad pa'i dgra bcom par gyur pa nas/ mngon par shes pa drug dang ldan par 'gyur ro// byang chub sems dpa' la la de ltar bsgoms pa gong du 'phar na ni/ yon tan thams cad yongs su rdzogs te/ byang chub sems dpa' chen por gyur pa nas/ sangs rgyas kyi chos ma 'dres pa bco brgyad dang / rnam pa thams cad mkhyen pa'i ye shes kyi bar du yongs su rdzogs par 'gyur te/ ring po mi thogs par bla na med pa'i byang chub tu mngon par 'tshang rgya bar yang 'gyur ro/ / rigs kyi bu ngas rnam pa de snyed kyi las dang / chos dang / tshor ba dang / rgyu dang / 'bras bu dang / rnam par smin pa la ye shes kyis dus gsum gyi sangs rgyas kyi chos la brtags na/ sems can dag ting nge 'dzin
- 35b
bsgom pa'i las kyi 'khor lo bcu rnam par gzhag la sgom du btsud do/ / rigs kyi bu de dag ni de bzhin gshegs pa'i ting nge 'dzin sgom pa'i las kyi 'khor lo zhes bya'o// rigs kyi bu de la ji ltar na de bzhin gshegs pa'i kha ton goms pa'i las kyi 'khor lo gang zhe na/ gang dge slong dang / dge slong ma dang // dge bsnyen dang / dge bsnyen pa dang / rigs kyi bu 'am/ rigs kyi bu mo dge ba'i rtsa ba chung zhing srab pa kun rdzob kyi dben pa la gnas pa/ dbang po yongs su ma smin pa dag la ngas kha ton goms par bya ba la btsud de/ srod dang tho rangs la le le med par shin tu brtson 'grus rtsom pa dang / sems can gang bla na med pa'i ye shes tshol ba dag ni ngas rnam par dkar ba'i theg pa chen po la btsud de/ bdag nyid klog pa dang / pha rol po gzhan klog tu 'jug pa dang / bdag nyid 'don pa dang / pha rol po gzhan 'don du 'jug pa dang / bdag nyid 'chad pa dang / pha rol po gzhan 'chad du 'jug pa dang / theg pa chen po la bdag goms par bya ba dang / pha rol po gzhan goms par byed tu 'jug pa dang / bdag dang gzhan gyi kun nas nyon mongs pa bsal ba dang / bla na med pa'i thams cad mkhyen pa'i ye shes thob par bya ba dang / sems can thams cad kyi sdug bsngal zhi bar bya ba dang / 'jigs pa med pa'i grong khyer chen por gzhug pa'i phyir rtsol lo// sems can gang rang sangs rgyas kyi theg pa 'dod pa dag ni ngas rten cing 'brel bar 'gyur ba'i chos la btsud nas/ kha ton goms par byed du bcug go// sems can gang nyan thos kyi theg pa 'dod pa dag la ni ngas gzhung tshigs su bcad pa stong phrag brgya pa dang /
- 36a
@#'dul ba tshogs su bcad pa stong phrag brgyad pa dang / chos mngon pa dang / mngon par smra ba tshogs su bcad pa stong phrag brgya pa la sogs pa kha ton goms par byed du bcug pa de ni/ rigs kyi bu de bzhin gshegs pa'i kha ton goms par bya ba'i las kyi 'khor lo zhes bya'o// rigs kyi bu de la ji ltar na de bzhin gshegs pa'i bsod nams bya ba'i las kyi 'khor lo gang zhe na/ 'di lta ste/ sems can gang dbang po rtul ba/ dge ba'i rtsa ba ma bskyed pa/ shes rab zhan pa/ le lo dang bcas pa/ dran pa nyams pa/ 'tsho ba'i yo byad rnam pa kun la zhen cing chags pa/ dge ba'i bshes gnyen yongs su spong ba dag ni ngas bsod nams bya ba'i las la btsud do/ / 'di lta ste/ sangs rgyas dang / chos dang / dge 'dun la bya ba byed pa dang / mkhan po dang / slob dpon la bya ba byed pa ste/ rigs kyi bu de ni de bzhin gshegs pa'i bsod nams bsgrub pa'i las kyi 'khor lo zhes bya'o/ / rigs kyi bu de ltar nga ni sang rgya kyi 'khor lo gnyis pa 'di dang ldan te/ 'khor lo de'i dbang gis bla na med pa'i dus gsum gyi las kyi ye shes kyi yang dag pa ji lta ba bzhin du sems can thams cad kyi las dang / chos dang / tsher ba dang / rgyu dang / 'bras bu yongs su smin pa mkhyen te/ cis 'dul ba bzhin du las kyi 'khor lo rnam par gzhag nas/ snod du gyur pa'i sems can thams cad la phan pa dang / bde ba'i don dang / 'jigs pa med pa la bde bar bkod do// 'jigs pa med pas lha dang bdud du bcas pa'i mu stegs can log par smra ba thams cad brtul nas/ tshangs pa chen po'i 'khor lo bskor
- 36b
zhing tshangs pa chen po'i spyad pa yongs su grub pas yang dag pa ji lta ba bzhin du sems can gyi rgyu dang 'bras bu kun mngon par mkhyen to/ / rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni thabs mkhas pa'i blo dang ldan pas/ dge slong dang / bram ze dang / rgyal rigs dang / rje'u rigs dang / dmangs rigs la sogs pa yon tan rnam pa sna tshogs dang / mang du thos pa dang / dpa' bo dang / bzo bo dang / rtsal che ba dang / sems can gang phyug cing yon tan dang ldan pa thabs mkhas pa'i blo dang ldan pa/ dpa' zhing rtul phod pa/ brtan pa phyir mi ldog pa/ bsod nams rnam pa sna tshogs kyis yongs su brgyan pa de dag la rgyal rigs rgyal thabs spyi bo nas dbang bskur ba'i rgyal po chen po de dag ci dang ldan pa bzhin ci 'os su rin po che dang / ner dbyig dang / zhing 'brog dang / khang khyim dang / bran dang / las byed pa'i mi la sogs pa ci rigs su sbyin pa byed do// yul de na gnas pa'i mi yon tan dang shes pa zhan pa las byas pa chung ba dag la ni rgyal thabs spyi bo nas dbang bskur ba'i rgyal po chen pos de dag la yang ci 'os ci rigs su shas kyis sbyin pa byed do/ / yul de na gnas pa bsod nams med cing brtson 'grus chung ba/ le lo che ba/ bab med pa dran pa nyams pa dang / snying rje'i sems med pa/ byas pa mi gzo ba/ 'jig rten phyi ma'i sdug bsngal la 'jigs par mi lta ba/ khyim gyi 'dam du bying ba/ sdig pa mang po byed pa de dag la ni rgyal po
- 37a
chen pos ci rigs ci 'os su chad pa rnam pa sna tshogs kyis gcod de/ kha cig la ni tshig na bas spros shing brgyad pa yang byed do// kha cig la ni rin po che dang nor rdzas la sogs pa 'phrog go/ / kha cig la ni 'tsho ba'i yo byad dag kyang 'phrog go// kha cig la ni lcug gis gzhu ba dang btson rar bcug go// kha cig la ni yan lags nyid lagag cod// kha cig la ni mgo dang lus kyang gcod de/ de dag la sogs pa chad pa rnam pa sna tshogs kyi chad pas gcod do// rigs kyi bu de ltar rgyal rigs rgyal thabs spyi bo nas dbang bskur ba'i rgyal po chen po rgyal po'i 'khor lo gsum pa 'di dang ldan te/ 'khor lo de'i dbang gis bdag gi yul rab tu bde zhing skyid pa dang / phas rgol ba'i dgra thams cad dang grogs po ngan pa btul cing / lus bsrung ba'i nan tan la mkhas pas tshe yang ring bar 'gyur ro/ / rigs kyi bu de bzhin du de bzhin gshegs pa yang dbang po la shin tu mkhas pa'i ye shes dang ldan pas/ 'khor gang bsod nams dang ye shes kyi tshogs dang / thabs dang shes rab las ring du gyur pa/ sbyin pa dang / dul ba dang / zhi ba yongs su spangs te/ dran pa nyams nas sems 'khrugs par gyur pa dag nga gang na ba der 'ongs te/ ngal skyabs su 'ongs na de dag gi dbang po dang dad pa dang / bag la nyal ba dang / mos pa shin tu mkhyen pas/ ci dang cis 'dul ba bzhin du chad pas gcad pa'i thabs 'dul ba la sogs pa'i chos ston to// sems can gang nga rgyal gyi dbang du gyur te/
- 37b
bslab pa mang po gzungs su mi 'dzin pa dag la ni ngas bstan pa'i dam pa'i chos yun ring du gnas par bya ba'i phyir/ bya ba'i dngos po 'di dag byed du gzhug go// la la ni dran par bya ba'i dam bca' bas chad pas gcod do// la la ni tshig na bas bsdigs pa dang / gshe ba dang / spro bas gcad do// la la ni skad cig dgar zhing sma bab pas gcad do// la la ni phyag mi 'tshal ba dang / mi smra ba dang / rnyed pa lhan cig tu mi spyod pas gcad do/ / la la ni rtsa dgram pa lta bu dang / la la ni bskrad pa la sogs pa'i chad pas gcad pa ste/ de ltar gang zag de dag gi dbang po dang / dad pa dang / bag la nyal ba dang / mos pa kun mkhyen pas ci rigs ci 'os su chad pas gcad do/ / de yang don med pa'i mun pa'i tshogs bsags pa gzhom pa dang / nyon mongs pa'i chu bo bskam pa dang / mtho ris kyi lhar skye ba nas/ mya ngan las 'da' ba'i bde ba thob par bya ba'i phyir/ mi dge ba spyod pa'i gang zag 'dul ba'i phyir/ ci dang ci rigs su chad pas gcad pa'i chos bstan to// mdo sde mang po las kyang mi dge ba spong ba chad pas gcad pa'i chos ci dang ci rigs pa de dang de'i chos rgya cher bshad do/ / ngas mchog dam pa'i ye shes kyis sems can gang lhag pa'i bsam pa dang / dad pa dang / mos pa yongs su dag pa dang ldan pa yang shin tu mkhyen pas/ ci dang cis 'dul ba bzhin du dge ba'i phyogs kyi khyad par rnam pa sna tshogs bstan te bslab cing bsgom du bcug pa nas/ dge ba'i rtsa ba thams cad kyi bar du yongs su rdzogs shing 'jigs pa med pa'i grong khyer
- 38a
chen por btsud do/ / rigs kyi bung ni de ltar sangs rgyas kyi 'khor lo gsum pa 'di dang ldan te/ 'khor lo 'di'i dbang gis sems can thams cad kyi dbang po rnam pa sna tshogs dang / da pa dang / bag la nyal ba dang / mos pa dang / bsam pa dang / las dang / myong ba'i chos kun mkhyen pas ci dang cis 'dul ba bzhin du phan pa dang bde ba'i don gyis 'jigs pa med pa la bde pabar bkod do/ / 'jigs pa med pas nga ni drang srong chen po'i gnas su dam bca' zhing / sangs rgyas kyi 'khor lo rab tu bskor nas/ lha dang bdud du bcas pa mu stegs can log par smra ba thams cad btul te/ 'khor mang po'i dkyil 'khor du seng ge'i sgra sgrogs so// rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni bdag gi yul ni gang zag ji snyed cig/ 'jig rten gyi lha dang mu stegs can rnam pa sna tshogs la skyabs su song zhing / log pa la lta ba dang / log par slob pa dang / log pa'i brtul zhugs la mngon par zhen te/ log pa'i lngas bzang ngan la chags nas/ / don med pa'i sdug bsngal rnam pa sna tshogs kyi sdug bsngal bar gyur pa dag/ rgyal po chen po des shes nas/ rtag tu yang dang yang bsdus te/ rgyal po snga ma'i dam pa'i chos lugs kyis rgyas par bstan nas/ log par lta ba dang / log par dad pa spong la/ rgyal snga ma'i chos lugs bslab pa la nan tan du spyod cig par bka' btags te/ yul de na gnas pa'i sems can thams cad 'jug pa gcis
- 38b
phyogs pa gcig/ bsam pa gcig/ 'dod pa gcig par thams cad 'thun par rgyal po snga ma'i chos bzhin du gnas pa dang / bka' bzhin du can cing rjes su spyod pas/ de na gnas pa thams cad 'ardzun par gang bya bar rigs pa'i rnams byed do/ / rgyal rigs rgyal thabs spyi bo nas dbang bskur ba'i rgyal po chen po yang rtag tu blon po rnams dang 'dus nas/ ston mo byed cing longs spyod de dga' bas rol cing gshegs pa dang / gros 'thun pas rgyal po'i las byed do// rigs kyi bu rgyal rigs rgyal thabs spyi bo nas dbang bskur ba'i rgyal po chen po de ltar rgyal po'i khor lo bzhi pa 'di dang ldan te/ 'khor lo de'i dbang gis bdag gi yul rab tu bde zhing skyid pa dang / phas rgol ba'i dgra thams cad dang grogs po ngan pa btul cing / lus srung ba'i nan tan la mkhas pas tshe yang ring bar 'gyur ro// rigs kyi bu de ltar de bzhin du de bzhin gshegs pa yang shin tu thabs mkhas pa'i mos pa mkhyen pa'i ye shes dang ldan pas/ 'jig rten na log pa la phyogs pa rnam pa sna tshogs dang / log par lta ba dang / log pa'i bsam pa dang / log pa'i chos la mos pa dang / log pa'i las spyod pa de'i rgyu de'i rkyen gyis/ sdug bsngal tshad med pa myong bar de bzhin gshegs pas mkhyen cing gzigs nas/ rtag tu yang dang yang 'khor mang po bsdus te/ snga ma 'das pa'i sangs rgyas bcom ldan 'das kyi dkon mchog gsum gyi gdung bsab pa'i rgyu dang / 'bras bu dang / pha rol phyin pa drug dang / rnal 'byor pa'i rgyu dang / sdom pa gsum la sogs pa'i rgyu dang
- 39a
/ 'bras bu'i chos rgyas par phye ste mngon par bstan nas/ 'khor mang po rnams rnam par grol bar byed do// phyir ci log tu lta ba'i rnams yang dag pa'i lta ba dang / dge ba bcu'i yang dag pa'i las kyi lam la rnam par 'jog go/ / sems can gyi rnams rtag tu 'thun par chos la 'jug/ chos la spyod par thabs kyis drang zhing sgom du 'dzud pas rgyu dang 'bras bu rgyun mi 'chad par byed do// sems can gyi rnams 'khor rnam bzhi dang 'thun par dge ba spyod pa'i khyad par la nan tan byed du bcug nas/ dran pa nye bar gzhag pa bzhi dang / ting nge 'dzin dang / rnam par grol ba'i ye shes ston pa dang / lam gyi yan lag la spro bzhin du rtse'o/ / 'phags pa'i bstan pa yun du gnas par bya ba dang / dkon mchog gsum gyi gdung rgyun mi 'chad par bya ba'i phyir/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de ma yin pa'i ting nge 'dzin dang / rnam par grol ba'i ye shes ston pa dang / byang chub kyi phyogs kyi khyad par rnam pa sna tshogs la ci dgar rtser bcug go/ / rigs kyi bu nga ni de ltar sangs rgyas kyi 'khor lo bzhi pa 'di dang ldan te/ 'khor lo 'di'i dbang gis so so'i skye bo ci dang ci la mos pa dang / ci la phyogs pa dang / ci la dga' ba kun mkhyen pas/ ci dang cis 'dul ba bzhin du phan pa dang bde ba'i don gyis 'jigs pa med pa la bde bar bkod do// 'jigs pa med pas nga ni drang srong chen po'i gnas su bzhugs te/ sangs rgyas
- 39b
kyi 'khor lo bskor nas/ lha dang bdud du bcas pa'i mu stegs can log par smra ba thams cad btul te/ 'khor mang po'i nang du seng ge'i sgra bsgrags so zhes gsung ngo // rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po bdag gi yul na gnas pa 'am/ pha rol po gzhan gyi yul na gnas pa'i sems can tshad med snyed bdag gi nor dang gzugs la chags shing skyo mi shes pa dang / pha rol po gzhan gyi nor dang gzugs la chags shing 'dod pas de bsrung ba'i phyir/ zong dang / grong khyer dang / grong 'dab dang / rgyal po'i pho zang yang 'khor dang rabs bskor ba nas/ bya sha la dang / ne tse'i bar du srung du 'dzud de/ stor cing god par mi byed do// rigs kyi bu rgyal rigs rgyal thabs spyi bo nas dbang bskur ba'i rgyal po chen po 'di ltar rgyal po'i khor lo lnga 'di lnga 'khor lo de'i dbang gis bdag gi yul rab tu bde zhing skyid pa dang / phas rgol ba'i dgra than cad dang / grogs po ngan pa btul cing lus srung ba'i nan tan la mkhas pas tshe yang ring bar 'gyur ro// rigs kyi bu de bzhin gshegs pa yang rang bzhin la shin tu thabs mkhas pas mkhyen pa'i ye she dang / bdud sdig can ma rungs pa dang / mu stegs can dgu bcu rtsa lnga po dang / de ma yin pa gzhan yang bdud kyi ris dang mu stegs can tshad med pa snyed kyis bslus pa kun mkhyen te/ sems can gang bdag gi nor dang gzugs la mngon par chags pa dang / pha rol po gzhan gyi nor dang gzugs la yang chags shing 'dod pas tshol lo// nga dang nga'i 'khor rnams la phrag dog bskyed de/ nga gsad pa'i phyir bsod snyoms kyi nang du dug bcug pa
- 40a
dang / me dong gi steng du gdan bting ba dang / steng nas dbab gtang ba dang / ba lang myos pa spad pa dang / ral mi byung ste snyegs pa dang / sa dang mi gtsang ba 'thor ba dang / tshangs pa spyod de zhes skur ba dang / ma ning yin no zhes btags pa dang / mi ma yin pa'o zhes brjod pa dang / sgyu ma'o zhes tshig ngan pa rnam pa sna tshogs kyis kyang ngal smod cing skur to// nga'i nyan thos kyi slob sa la yang phrag dog bskyed de/ de'i rgyu de'i rkyen gyis skur cing smod pa rnam pa mang po byed par mkhyen nas/ de bzhin gshegs pa dbang po drug srung ba la mkhas pa dang / tshangs pa'i gnas bzhi la gnas pa dang / so sor yang dag par shes pa bzhi dang ldan par gyur pa dang / nyan thos rnams la yang chos kyi mdo rnam par thar pa'i sgo gsum yongs su dag pa rnam par gzhag pa bstan to// sa de ltar 'jig rten dang 'jig rten las 'das pa'i rang bzhin kun yang dag pa ji lta ba bzhin du mkhyen to/ / de ltar sems can gyi rang bzhin tha dad pa rnam pa sna tshogs kun mkhyen pas de dag ci dang cis 'dul ba bzhin du phan pa dang bde ba'i don mdzad do// rigs kyi bu ngas de ltar sangs rgyas kyi 'khor lo lnga pa 'di dang ldan te/ 'khor lo de'i dbang gis 'jig rten dang 'jig rten las 'das pa'i rang bzhin mkhyen pa'i ye shes kyis sems can gyi rang bzhin tshad med pa rnam pa sna tshogs kun so// sor mkhyen pas/ ci dang cis 'dul ba bzhin du phan pa dang bde ba'i don gyis 'jigs pa med pa la bde bar bkod do// 'jigs pa med pas nga ni drang srong chen po'i gnas su bzhugs shing /
- 40b
sangs rgyas kyi 'khor lo bskor nas/ lha dang bdud du bcas pa'i mu stegs can log par smra ba thams cad btul te/ 'khor mang po'i dkyil 'khor du seng ge'i sgra rab tu bsgrags so// rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po ji ltar grong khyer dang / zong rdal dang / gro'ang ba dang / rgyal po'i pho brang brtan par bsrung ba'i phyir/ 'ongs kyis bskor ba nas/ gzhung de bzhin du rgyas par sha ri dang ne tso'i bar du srungs ma btsud do// pho brang na 'khor dang / btsun mo dang / bu mor bcas pas yongs su bskor cing 'dod pa lnga la rtse zhing longs spyod rnam pa sna tshogs la bag med par dbang po drug nyams rangs su spyod do/ / rigs kyi bu rgyal rigs rgyal thabs spyi bo nas dbang bskur ba'i rgyal po chen po de ltar rgyal po'i 'khor lo drug pa 'di dang ldan te/ 'khor le de'i dbang gis bdag gis yul rab tu bde zhing skyid pa dang / phas rgol ba'i ngagra dang grogs po ngan pa thams cad btul te/ lus srung ba'i nan tan la mkhas pas tshe yang ring bar 'gyur ro// rigs kyi bu de ltar de bzhin du de bzhin gshegs pa yang byang chub sems dpa' sems dpa' chen po rnams dang / nyan thos chen po rnams kyang thams cad 'phags pas bstan pa'i grong khyer brten par btsud nas/ de'i 'og tu bsam gtan mchog dam pa la snyoms par 'jug pa nas/ bsam gtan bzhi'i bar du snyoms par 'jug pa dang / nam mkha' mtha' yas skye mched kyi ting nge 'dzin la snyoms par 'jug pa nas/ de bzhin du rgyas par 'du shes
- 41a
med min skye mched kyi ting nge 'dzin gyi bar du snyoms par 'jug pa dang / de bzhin du sangs rgyas thams cad kyi spyod yul gyi ting nge 'dzin gyi bar du snyoms par 'gyur ro// ting nge 'dzin de dag tu zhugs nas/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / 'byung po dang / sha za dang / srul po dang / lus srul po la sogs pa sems can la gnod tsong 'tshe ba/ byams pa dang snying rje'i sems med pa/ 'jig rten phyi ma'i sdug bsngal gyis mi 'jigs pa tshad med pa bye ba brgya stong snyed ngas sa rgyas thams cad kyi spyod yul gyi ting nge 'dzin du zhugs pa mthong nas/ thams cad nga la shin tu dga' ba'i sems bskyed de/ bsam pa yongs su dag pas/ dkon mchog gsum la mchog dam pa'i dga' ba dang dad pa bskyed nas/ bsti stang dang bcas/ bkur sti dang bcas te ngo mtshar rmad du gyur nas/ nyes pa thams cad so so bshags te yongs su gcad par dam bca' 'o// de'i rgyu de'i rkyen gyis skad cig yud tsam gyis tshad med dpag tu med pa'i sgrib pa dang / las kyi sgrib pa dang / chos kyi sgrib pa kun byang bar gyur te/ tshad med dpag tu med pa'i bsod namam gyi tshogs dang / ye shes kyi tshogs kun yongs su rdzogs par gyur nas/ 'khor ba la rgyab kyis bltas shing / mya ngan las 'das pa la phyogs nas/ de bzhin gshegs pa bla na med pa yang dag pa'i chos srung zhing 'dzin to// rigs kyi bung de ltar sangs
- 41b
rgyas kyi 'khor lo drug pa 'di dang ldan te/ 'khor lo de'i dbang gis de bzhin gshegs pa bsam gtan dang / ting nge 'dzin dang / rnam par grol ba dang / snyoms par 'jug pa dang / mnyam par gzhag pa tshad med pa brgya stong snyed la rnam par dag pa'i ye shes kyis 'jug cing / sems can gyi nyon mongs pa tshad med pa snyed bsal nas/ ci dang cis 'dul ba bzhin du phan pa dang bde ba'i don gyis 'jigs pa med pa la bde bar 'god do/ / 'jigs pa med pas nga ni drang srong chen po'i gnas su dam 'cha' zhing sangs rgyas kyi 'khor lo bskor nas/ lha dang bdud du bcas pa'i mu stegs can log par smra ba thams cad bdul te/ 'khor mang po'i dkyil 'khor du seng ge'i sgra bsgrogs so zhes gsung ngo // rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni blon po dang / dmag rnam bzhi dang chas te bdag gis ris su dbang ba'i grong khyer dang / grong rdal dang / grong 'dab dang / ri dang / ljongs dang / lung pa dang / lung phran dang / skyes mos tshal dang / zhing dang / 'brog dang / 'bab chu dang / rdzing dang / mtshe'u dang / chu mig dang / 'brog dgon pa dang / nags tshal la sogs par kun tu byul zhing brtags nas/ yul de phyogs kyi 'jigs pa dang the tsom du bca pa'i gnas sam/ g.yang za ba bsdur mi rung ba'i gnas sam/ pha rol gyi dgra 'khras shing 'tshe ba'i gnas rnams su rgyal rigs rgyal thabs spyi bo nas dbang bskur ba'i rgyal pos rang gi nyams kyis
- 42a
dpag cing / rnam pa thams cad du spangs te/ bde bar 'jogs pa la sbyor ba dang / legs par srung zhing brten par byas pas gnas pa'i phyogs de dag mnyam pa las byar rung ba/ phas kyi dgra dang grogs po ngan pa glags lta zhing bzas pa'i gnas med par byas te/ 'jigs pa dang bag cheb bsal ba'i phyir/ yul den gnas pa'i sems can thams cad mi bde ba'i sdug bsngal dang bral zhing rab tu bde skyid par bskyabs so/ / rigs kyi bu de ltar rgyal rigs rgyal thabs spyi bo nas dbang bskur ba'i rgyal po chen po rgyal po'i 'khor lo bdun pa de dang ldan te/ 'khor lo de'i dbang gis bdag gi yul rab tu bde zhing skyid pa dang / phas rgol ba'i dgra dang grogs po ngan pa thams cad btul zhing / lus srung ba'i nan tan la mkhas pas tshe yang ring bar 'gyur ro// rinas kyi bu de ltar de bzhin du bzhin gshegs pa yang sangs rgyas kyi spyan gyis yang dag pa ji lta ba bzhin du sems can thams cad kyi 'dod chags dang / zhe sdang dang / gti mug gis bsam pa gang dang ldan pa rab tu mkhyen to// yang dag pa ji lta ba bzhin du nyon mongs pa rnam pa sna tshogs kyi nad mi mthun pa yang rab tu mkhyen to/ / de bzhin gshegs pas de ltar mkhyen pas shin du 'bad pa'i brtson 'grus tshad med pa dang / thabs mkhas pas shugs kyis ci dang cis 'dul ba bzhin du ting nge 'dzin rnam pa sna tshogs grub pa'i sman dam pa byin pas sems can dag nyon mongs pa'i rang bsal ba la nan tan dang brtson 'grus byed du bcug go/ / sems can gang
- 42b
mi gtsang ba la rtog pas nyon mongs pa'i nad zhi bar 'os pa zhig na/ de la mi gtsang ba la rtog pa'i sman sgom du bcug go// sems can gang tshangs pa'i gnas la nan tan byas pas nyon mongs pa'i nad zhi bar 'os pa zhig na/ tshangs pa'i gnas kyi sman sgom du bcug go/ sems can gang rten cing 'brel te 'byung ba bsgoms pas nyon mongs pa'i nad sel bar 'os pa zhig na/ de la rten cing 'brel te 'byung ba'i sman sgom du bcug go// sems can gang dbugs bgrang ba yid la bya bas nad zhi bar 'os pa zhig na/ de la dbugs bgrang ba'i yid la bya ba'i sman skom du bcug go// sems can gang rnam par thar pa'i sgo gsum bsgoms pas nyon mongs pa'i nang ni par 'os pa zhig na/ de la rnam par thar pa'i sgo gsum gyi sman sgom du bcug go// sems can gang bsam gtan bsgoms pas nyon mongs pa'i nad zhi bar 'os pa zhig na/ de la bsam gtan gyi sman sgom du bcug go sems can gang gzugs med pa'i bsam gtan bsgoms pas nyon mongs pa'i nad zhi bar 'os pa zhig na/ de la gzugs med pa'i bsam gtan sgom du bcug go// sems can gang dpa' bar 'gro ba'i ting nge 'dzin gyi bar du bsgoms pas nyon mongs pa'i nang zhi bar 'os pa zhig na/ de la dpa' bar 'gro ba'i ting nge 'dzin gyi sman sgom du bcug go// de bas na de bzhin gshegs pas sems can dag la de lta bu'i chos kyi sman gyi sbyin pa mdzad do/ / snod du gyur pa'i sems can thams cad bdud rnam bzhi'i dbang du 'gyur bar mi mdzad do// snod du gyur pa'i sems can thams cad lha dang mi'i theg pa la rgyab kyis phyogs shing ngan song gsum du gzhol
- 43a
par mi mdzad do/ / de bzhin gshegs pa bla na med pa'i chos kyi spyan dang / dkon mchog gsum gyi gdung myur du med par 'gyur bar mi mdzad do// de ltar na de bzhin gshegs pa sems can rnams la de lta bu'i chos kyi sman gyi sbyin pa mdzad do/ / rigs kyi bu de bzhin gshegs pa de lta bu'i sangs rgyas kyi 'khor lo bdun pa 'di dang ldan te/ 'khor lo de'i dbang gis bla na med pa kun tu 'gro ba'i ye she gyi spyod pas sems can thams cad la chos kyi sman rnam pa sna tshogs byin pa de sbom du bcug nas/ nyon mongs pa'i nad gum ni 'ang 'jigs pa med pa la bde bar gnas par 'gyur ro// 'jigs pa med pas nga ni drang srong chen po'o gnas su bzhugs te/ sangs rgyas kyi 'khor lo bskor nas/ lha dang bdud du bcas pa'i mu stegs can log par smra ba thams cad btul te/ 'khor gyi dkyil 'khor du seng ge'i sgra sgrogs so// rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po bdag dang gzhan gyi rigs dang / thog ma btsas pa dang / gzhon nu'i tshe rtse ba la sogs pa thams cad la dran pa mngon par gzhag nas sems so/ / 'di lta ste/ gnas gang du thog ma btsas pa dang / khrus byas pa dang / bang du blangs shing ru zho snun pa dang / lus dang yan lag gi tshogs mnyes pa dang / dka' bzhin du rtse ba dang / sa dang bye ma la rtse ba dang / 'khor dang bcas te bag med pa rnam pa mang pos rtse ba dang / rtsal sbyong ba dang / de ma yin pa'i las rnam pa gzhan bred pa dang / rgyal po gzhan gyi yul du rgyu ring
- 43b
bgro ba dang / rgyal po'i bya ba bsgrub pa dang / rgyal po'i las byed pa dang / rgyal tshab byed pa dang / rgyal thabs thob nas dbang du gyur te/ bde ba'i longs spyod chen po myong ba dang / grags pa chen pos phyogs kun du grags pa dang / dngos po de dag la sogs pa bsam te dran nas rgyal po snga mab tshing lugs la dag pa rnam par gzhag nas/ den gnas pa'i sems can thams cad la 'tsho skyong ste/ bdag gi srid 'dzin cing pha rol la mi 'tshe'o/ / rigs kyi bu rgyal rigs rgyal thabs spyi bo nas dbang bskur ba'i rgyal po chen po de ltar rgyal po'i 'khor lo brgyad pa 'di dang ldan te/ 'khor lo de'i dbang gis ba dag gi yul rab tu bde zhing skyid pa dang / phas rgol ba'i dgra dang grogs po ngan pa thams cad bdul te/ lus srung ba'i nan tan la mkhas pas tshe yang ring bar 'gyur ro// rigs kyi bu de ltar de bzhin gshegs pa yang 'khor gyi dkyil 'khor na bzhugs pa'i tshe/ bdag dang pha rol po gzhan gyi sngon gyi skye ba tshad med pa snyed na ci byas pa'i dngos po kun dgongs so// 'di lta ste/ skye ba gcig dang / gnyis dang / skye ba gsum nas/ skye ba tshad med pa brgya stong gi bar gyi ci byas pa'i dngos po kun dgongs so// de bzhin du bskul pa 'grub pa dgongs pa nas/ bskal pa 'jig pa ya dgongs so// bskal pa tshad med pa 'grub pa dang / bskal pa tshad med pa 'jigs pa'i bar du thams cad dgongs te/ 'odi ni sngon 'das pa'i dus na che ge mo zhig na 'dug 'dug sde/ rigs ni 'di zhes bya'o// ming ni 'di shid
- 44a
bya'o/ / rus ni 'di zhes bya'o// kha zas ni 'di zaza'o// bde ba dang sdug bsngal yang 'di dag myong ngo // tshe ni 'di snyed cig go// 'di snyed kyi bar du 'jug 'dug go/ tshe'i mthar thug pa na che ge mo zhig tu tshe 'phos nas 'di dag du skyes so// 'di dag tu tshe 'phos nas che ge mo zhig tu skyes pa la sogs pa dngos po tshad med dpag tu med pa kun dgongs pas/ sems can gyi dbang po sa so ji lta ba bzhin du dam pa'i chos ston to/ / ban pa dang bde ba'i don mdzad do// rigs kyi bu nga de ltar sangs rgyas 'khor lo brgyad pa 'di dang ldan te/ 'khor lo de'i dbang gis sems can tshad med pa la phan pa dang bde ba'i don gyis 'jigs pa med pa la bde bar bkod do/ / 'jigs pa med pas nga ni drang srong chen po'i gnas su bzhugs te/ sangs rgyas kyi 'khor lo bskor nas/ lha dang bdud du bcas pa'i mu stegs can la sogs pa log par smra ba thams cad bdul te/ 'khor mang po'i dkyil 'khor du seng ge'i sgra bsgrogs so// rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni bsam pa bzhin du bdag gi ris na gnas pa'i sems can gyi rigs dang / rus dang / rtsal ci yod pa dang / las kyi dngos po ci byed pa dang / 'di nas tshe 'phos nas gang du skye ba dang / rgyu dang 'bras bu bzang ngan gyi khyad par mi mthun pa kun shin tu rtog go/ / sems can gang su'i khyim du skyes na rtul phod cing dpa' ba dang / zhan cing sdar ba dang / bzo rtsal bslabs na lobs pa dang / mi lobs pa dang / las
- 44b
ci byed pa dang / dge ba byed pa dang / sdig pa byed pa dang / thug cing btsan pa dang / dbul zhing nyen pa dang / mdzes pa dang / mi mdzes pa la sogs pa kun shes pa dang / tshe 'pho ba'i bar du kun shes te/ gang su zhig las ma zad par 'chi ba dang / gang ni las zad de 'chi ba dang / gang ni rgyal po'i khrims dang 'gal nas bsad pa dang / gang ni dgras bsad pa dang / gang ni lcug gis bzhus pas 'chi ba dang / gang ni brtson rar bcug pas 'chi ba dang / gang ni gzod rtsal sbyong ba'i phyir 'chi ba dang / gang ni phas rgol ba'i dgra'i g.yul ngor 'chi ba dang / gang ni rtsod cing 'thab nas 'chi ba dang / gang ni nor dbyig srung ba'i phyir 'chi ba dang / gang ni 'dod chags kyi dbang gis 'chi ba dang / gang ni khong khro zhing 'khon du 'dzin pa'i phyir 'chi ba dang / gang ni ngas chad nas 'chi ba dang / gang ni ltogs te 'chi ba dang / kang ni nyes pa'i skyon dang bcas te 'chi ba dang / gang ni skyon med par 'chi ba dang / gang ni rgas 'khogs te 'chi ba dang / gang ni dar la bab ste 'chi ba dang / gang ni gzhon nu byis pa'i tshe 'chi ba dang / gang ni dge ba'i las rnam pa mang po byas nas 'chi ba dang / gang ni mi dge ba'i las rnam pa mang po byas te 'chi ba dag kyang rab tu shes so// sems can gang ni dge ba spyad pa'i rgyus shi na'ang mtho ris su skye bar 'gyur ba yang shes/ sems can gang ni mi dge ba spyad pa'i rgyus tshe 'phos nas ngan song du skye bar 'gyur ba yang rab tu shes so// de ltar dngos po de dag kun shes pas 'di snyam du bdag kyang brtson pas sbyor
- 45a
ba la lus dge ba dang / ngag dge ba dang / yid dge ba spyod pa la shin tu brtson par bya'o// snyam du sems so// bdag gis thabs rnam pa sna tshogs kyis sbyin pa la goms par bya ba dang / zhi zhing dul bar bya ste/ tshe 'phos nas gnas bzang por skye bar bya'i ngan song du ltung bar mi bya'o snyam du sems so// de ltar rgyal rigs rgyal thabs spyi bo nas dbang bskur ba'i rgyal po chen po de lta bu'i dngos po bsams nas shin du 'bad pa'i brtson 'grus kyis/ lus dang / ngag dang yid gsum gyis dge ba spyod pa las shin tu rtsol te/ rtag tu sbyin pa spyod pa ni 'di lnga ste/ zas dang / skom dang gos dang / baglang dang / rta dang / bzhon pa'i theg pa dang / mal cha dang / nad kyi gsos sman dang / khang khyim dang / mar me dang / sgron mo dang / de ma yin pa'i yo byad thams cad dang / bran dang las byed pa'i mi dang / gzhan yang rin po che dang / nor dbyig rnam pa sna tshogs dang / mgo dang / mig dang / lag pa dang / rkang pa nas lus dang srog gi bar du phangs pa med par thams cad gtong ngo // srog gcod pa yongs su spong ba dang / ma byin par len pa dang / 'dod pas log par g.yem pa dang / brdzun du smra ba dang / ngag rtsub por smra ba dang / tshig kyal pa dang / phra ma dang 'dod chags dang / zhe sdang dang / log par lta ba'i bar du yongs su spong ngo // de'i rgyu de'i rkyen gyis rgyal rigs rgyal thabs spyi bo nas dbang bskur ba'i rgyal po chen po yon tan gyi khyad par rnam pa bcu thob bo// bcu gang zhen
- 45b
'di lta ste/ grags pa chen po dang ldan pa yin nor rin po che dang ldan pa yin/ mtshan phun sum tshogs pa dang ldan pa yin/ 'khor mang po dang ldan pa yin/ mi bde ba dang nad med pa yin 'khor dang gnyen bshes kun shes rab rno zhing mang du thos pa yin/ yang dag pa dang yang dag pa'i spyod pa can la sten cing mchod pa byed pa yin/ phyogs bcu kun tu shin du sten pas rgya cher grags pa yin/ gzi brjid chen po'i mthu dang ldan pa'i lhas rtag tu srung ba yin/ tshe 'phos par gyur na'ang mtho ris kyi lhar skye zhing rtag tu gnas bzang por rab du bde ba'i longs spyod dang ldan payin no/ / rigs kyi bu rgyal rigs rgyal thabs spyi bo nas dbang bskur ba'i rgyal po chen po de ltar 'khor lo dgu pa 'di dang ldan te/ 'khor lo de dang ldan pa'i dbang gis bdag gis yul tu bde zhing snyid pa dang / phas rgol ba'i dgra dang / grogs po ngan pa thams cad bdul te/ lus srung ba'i nan tan la mkhas pas tshe yang ring bar 'gyur ro// rigs kyi bu de ltar de bzhin du de bzhin gshegs pa yang dag pa ji lta ba bzhin du sems can thams cad kyi skye ba dang / 'chi 'pho ba'i dngos po kun mkhyen to// yang dag pa ji lta ba bzhin du sems can gang ni lus mi dge ba spyod pa dang ldan/ sems can gang ni dag mi dge ba spyod pa dang ldan/ sems can gang ni yid mi dge ba spyod pa dang ldan zhing / 'phags pa rnams la dbang za ste ngan par lta ba dang ldan pas ngan par lta ba'i dbang gis tshe 'phos nas ngar song du ltung ba dang / ba
- 46a
ni sems can dmyal bar ltung ba dang / gad ni byil song gi skye gnas su skye ba dang / gang ni yi dgas su skye ba yang rab tu mkhyen to// sems can gang ni lus dge ba spyod pa dang ldan gang ni ngag dge ba spyod pa dang / gang ni yid dge ba spong ba dang ldan zhing / 'phags pa rnams la dbang mi za ba dang / yang dag par lta ba dang ldan te/ yang dag par lta ba'i rkyen gyis tshe 'phos nas mtho ris kyi lhar skye ba dang / mi skye ba dang / zag pa zad par 'gyur ba yang rab tu mkhyen to// de ltar de bzhin gshegs pas yang dag pa ji lta ba bzhin du mkhyen pas/ sems can de dag la byams pa dang / snying rje chen po bskyed de/ shin tu 'bad pa'i brtson dazlas kyis cho 'phrul rnam pa gsum mngon par bstan te/ sems can de dag sangs rgyas kyis bsnun pa'i chos dang 'dul ba la phyogs shing 'jig rten oM sem pa sa pa'i dadapa bkod ngo / / gsum gang chen/ 'di lta ste/ mngon par shes pa'i cho 'phrul dang / chos ston pa'i cho 'phrul dang / pha rol gyi sems shes pa'i chos 'phrul lo// cho 'phrul rnam pa de gsum gyis sems can dag bskul nas bstan pa la bkod de/ 'jig rten dang 'jig rten las 'da' ba'i dad pa thob par byas nas/ srid pa na 'khor ba'i sems can thams cad rnam par grol bar mdzad do// rigs kyi bu nga de ltar sangs rgyas kyi 'khor lo dgu pa 'di dang ldan te/ 'khor lo de'i dbang gis sems can tshad med pa la phan pa dang bde ba'i don gyis 'jigs pa med pa la bde bar bkod do// 'jigs pa med pas de ni dnge
- 46b
srong chen po'i gnas su bzhugs te/ sangs rgyas kyi 'khor lo bskor nas/ lha dang bdud du bcas pa'i mu stegs can log par smrab thams cad bdul te/ 'khor gyi dkyil 'khor du seng ge'i sgra sgrogs so// rigs kyi bu 'di lta ste/ rgyal rigs rgyal thabs spyi bo nas dbang bskur ba'i rgyal po chen po ni gling bzhi pa'i sems can tshad med pa'i lus kyi nang rnam pa sna tshogs bsal ba'i phyir/ rgyal thabs btang nas spos chus lus bkrus te/ gos gtsang ma gsar pa gyon nas/ lus drang por bsrang ste/ sems can thams cad la byams pa dang / snying rje dang / mnyam pa'i sems yid la byas te/ nad thams cad las thar par bya ba'i phyir/ me tog dang / spos dang / rol mo rnam pa sna tshogs dang / de ma yin pa mchod pa'i yo byad rnam pa mang pos mthu che ba gzi brjid dang ldan pa'i lha thams cad la mchod pa byed do/ / de'i tshe na lnga'i dbang po dang / klu'i dbang po nas/ lto 'phye chen po'i dbang po'i bar du thams cad kyis de ltar shes nas/ gcig la gcig 'di skad 'dzer ro// rgyal rigs rgyal thabs spyi bo nas dbang bskur ba'i rgyal po chen po 'di yon tan dang ldan te/ gzi brjid che bas na gling bzhi la dbang ba'i 'khor los sgyur ba'i rgyal por 'os kyis/ bdag cag gis der dong la gling bzhi la dbang ba'i rgyal por dbang bskur ba dang / sems can rnams nad med cing bde bar bya ba'i phyir 'dong ngo zhes smras nas/ lha'i dbang po nas/ lto 'phye chen po'i bar du thams cad lhags nas/ rgyal rigs rgyal thabs spyi bo nas dbang bskur ba'i
- 47a
rgyal po chen po de 'khor los sgyur ba'i rgyal por dbang bskur te/ rin po che sna bdun dang ldan pa dang / gling bzhi la dbang byed pa dang / bu stong dang ldan te thams cad kyang dpa' zhing rtul phong pa dang / mdzes shing yid du 'ong ba dang / phas rgol ba'i dgra thul ba dang / dbang bar gyur pa'i sa chen po rgya mtsho'i mtha' nas pho brang du thug gi bar du mtshon cha mi spyad de/ thams cad dam pa'i chos spyod cing bde skyid par byas so// rigs kyi bu rgyal rigs rgyal thabs spyi bo nas dbang bskur ba'i rgyal po chen po de ltar 'khor lo bcu pa 'di dag dang ldan te/ 'khor lo de'i dbang gis gling chen po bzhi nas phyogs mtshams brgyad dang / gling phran brgyad khri bzhi stong dag na sems can ji snyed gnas pa de dag thams cad dge ba bcu'i las kyi lam la gnas shing / bdag gi lus shin tu srung ba dang / tshe yang ring bar 'gyur ro// tshe 'phos nas kyang mtho ras kyi lhar skye zhing longs spyod dam pa dang ldan par 'gyur ro/ / rigs kyi bu de ltar de bzhin du de bzhin gshegs pa yang sngon byang chub sems dpa'i tshe na bdag dang gzhan gyi lus la nyon mongs pa'i nang rnam pa tshad med pa steskye yod par mkhyen nas/ ting nge 'dzin gyi spos chus ni lus bkrus/ bden pa'i chos dang / byams pa chen po dang / snying rje chen po'i chus khrus byas pa/ khrel ba dang 'dzem pa'i gos gyon nas/ phyogs bcu'i sangs rgyas bcom ldan 'das thams cad kyis bsam gtan dang / snyoms par 'jug pa dang / brtson 'grus dang / thabs dang / shes rab dang / byams pa dang /
- 47b
/ thugs rje rjes su bzung ste/ thams cad kyis gsung 'thun par 'di skad du skyes bu chen po 'di ni bsod nams dang ye shes chen po'i tshogs kyis yongs su brgyan pa'i snod du gyur pas rnam par thar pa gsum// dang / mi 'jigs pa bzhi dang / de bzhin gshegs pa'i stobs bcu dang / sangs rgyas kyi chos ma 'dres pa bco brgyad kyi snod du gyur pa'o// bla na med pa thams cad mkhyen pa'i ye shes thos pa'i gnas byams pa chen po dang / snying rje chen po yongs su rdzogs pa/ sems can thams cad la phan pa dang bde ba'i don byed pa la spro ba dang / sangs rgyas rin po che tshol ba'i tshong dpon du gyur pa/ 'khor bas sdug bsngal ba'i sems can yongs su sgrol ba/ sems can la mya ngan las 'da' ba'i bde ba chen po rab tu stobs pa yin te/ bdag cag sangs rgyas bcom ldan 'das thams cad bden pa'i gsung gis ci dang ci 'dod pa de dag thams cad byin te/ yang dag par rdzogs pa'i byang chub tu mngon par sangs rgyas nas/ bu med pa'i chos thob cing chos kyi rgyal po chen por gyur te/ nga de'i tshe na bsod nams dang ye shes kyi tshegs la brten te/ shin tu brten pa'i brtson 'grus kyis 'phags pa'i bden pa bzhi yang dag pa ji lta bas bzhin du chud nas/ bla na med pa yang dag par rdzogs pa'i byang chub tu mngon par sangs rgyas so/ / rigs kyi bu ji lta 'khor los bsgyur ba'i rgyal po gling bzhi la dbang zhing sgyur ba bzhin du/ de bzhin gshegs pa yang bsam gtan bzhi dang / gzugs med pa'i tong nge/
- 48a
'dzin bzhi dang / tshangs pa'i gnas pa ni dang / so so yang dag par rig pa bzhi dang / 'phags pa'i bden pa bzhi dang / 'jigs pa med pa bzhi dang / de bzhin gshegs pa stobs bcu dang / sangs rgyas kyi chos ma 'dres pa bco brgyad dang / rnam pa thams cad mkhyen pa'i ye shes la dbang du gyur to// ji ltar 'khor los sgyur ba'i rgyal po rin po che sna bdun dang ldan pa ltar/ de bzhin gshegs pa byang chub kyi yan lag rnam pa bdun dang ldan no/ / ji ltar 'khor los sgyur ba'i rgyal po bu stong dang ldan te/ thams cad dpa' zhing rdul pod la mdzes shing yid du 'ong bas pha rol po'i dgra thams cad thul ba bzhin du/ de bzhin gshegs pa yang dang por 'phags pa cang shes ke'u di n+ya nas/ tha mar tshe dang ldan pa rab tu bzang po dang / rab des la sogs pa nyan thos kyi 'khor chen po sangs rgyas kyi thugs las byung ba/ bcom ldan 'das gsung las skyes pa/ bstan pa'i chos las skyes pa/ sangs rgyas kyi chos thob pa dag yod de/ zag pa yongs su zad pa'i phyir/ dpa' la rtsal che ba zhes bya/ tshangs pa'i gnas bzhi dang ldan pas mdzes shing yid du 'ong ba zhes bya/ lha'i bdud dang / mu stegs can thun pas phas rgol ba'i dgra thul ba zhes bya'o// ji ltar 'khor los sgyur ba'i rgyal po gling phran brgyad khri bzhi stong 'dul zhing ston pa bzhin de bzhin gshegs pa yang 'dzam bu gling bye ba phrag brgya dang / nub kyi ba glang sprod bye ba phrag brgya dang / shar gyi lus 'phags gling bye ba phrag brgya dang / byang gi sgra mi snyan bye ba phrag brgya dang / rgya mtsho
- 48b
chen po bye ba brag brgya dang / ri rab lhun po bye ba phrag brgya dang / rgyal chen ris bzhi bye ba phrag brgya dang / 'du shes med mir skye mched bye ba phrag brgya dang / khor yug chen po bye ba phrag brgya de dag sangs rgyas kyi ming shin du rgya che ba gcig tu rgya gyur par gsung gis dbang sgyur ba la mnga' brnyes par gyur to/ / rigs kyi bu nga 'di ltar sangs rgyas kyi 'khor lo bcu pa 'di dang ldan te/ 'khor lo de'i dbang gis yang dag pa ji lnga bzhin du bdag dang gzhan gyi lus kyi zag pa thams cad yongs su zad pa mkhyen nas/ sems can tshad med pa la phan pa dang bde ba'i don gyis 'jigs pa med pa la bde bar bkod do// 'jigs pa med pas ni drang srong chen po'i gnas su bzhugs te/ sangs rgyas kyi 'khor lo bskor nas/ lha dang bdud du bcas pa'i mu stegs can log par smra ba thams cad 'dul te/ 'khor mang po'i nang du seng ge'i sgra sgrogs so/ / rigs kyi bung ni de ltar sangs rgyas kyi 'khor lo bcu pa 'di dang ldan te/ sngon gyi smon lam gyi shugs kyis sangs rgyas kyi zhing rnyog pa lnga can gyi sems can thams cad rnam par dkar ba'i chos rnams nyams pa/ 'phags pa'i nor bdun gyis brel ba/ mkhas pa dag dang ring du gyur pa dang / rtag pa dang chad pa'i dra ba kun nas klags shing zil gyis nor pa/ ngaran song du 'greb ting rta la spro zhing dga' ba skye ba/ phyi ma'i sdug bsngal gyis mi 'jigs pa/ rtag tu kun nas khebs pa'i ma rigs pa'i mur par gnas pa la dad pa/ mi dge ba bcu'i las kyi lam rdzogs par byed pa
- 49a
mtshams med pa lnga'i las byed pa/ dam pa'i chos la skur cing 'phags pa la dbang za ba/ dge ba'i chos thams cad ring du spong ba/ mi dge ba'i chos rdzogs par byed pa 'dir bzhugs te/ nga ni sangs rgyas kyi 'khor lo rnam pa bcu pa 'di dang ldan pas 'jigs pa med par bde bar gnas so// 'jigs pa med pas nga ni drang srong chen po'i gnas su gzhugs te sangs rgyas kyi 'khor lo bskor nas/ lha dang bdud du bcas pa'i mu stegs can log par smra ba thams cad btul to// sems can thams cad kyi rigs la rdo rje ltar sra ba'i nyon mongs pa thams cad bcom nas/ ci dang cis 'dul ba bzhin du snod du gyur pa'i sems can thams cad theg pa gsum las phyir mi ldog par rnam par gzhag go// de nas 'khor de'i nang na 'dus pa'i byang chub sems dpa' sems dpa' chen po thams cad dang / nyan thos kyi dge 'dun thams cad dang / lha dang klu'i 'khor thams cad nas/ lus srul po dang / mi dang / mi ma yin pa la sogs pa'i bar du 'khor mang po thams cad rab tu dga' nas skad 'thun par legs so zhes smras te/ spos kyi char chen po rab tu phab bo// me tog gi char chen po yang rab du phab bo// rin po che'i char yang rab tu phab bo/ / na bza'i char chen po yang rab tu phab ste/ brgya stongs chen po 'di yang rab tu g.yos so// de ltar sangs rgyas kyi 'khor lo rnam pa bcu po 'di bshad pa'i tshe/ 'khor
- 49b
gyi dkyil 'khor de'i nang nas/ byang chub sems dpa' sems dpa' chen po bye ba khrag khrig brgyad cu rtsa bzhi snyed kyis mi skye ba'i chos kyi bzod pa thob bo// gzhan yang byang chub sems dpa' sems dpa' chen po tshad med pa snyed kyis gzungs dang / ting nge 'dzin dang / bzod pa dag thob bo// gzhan yang sems can tshad med grangs med pa snyed kyis bla na med pa yang dag par rdzogs paba'i byang chub tu sems bskyed de/ phyir mi ldog par gyur to// gzhan yang sems can tshad med grangs med pa snyed kyis 'bras bu thob par gyur to// 'dus pa chen po las/ byang chub sems dpa' sa'i snying po 'khor lo bcu pa zhes bya ba las/ 'kho lo bcu'i le'u ste gnyis so// / 'phags pa byang chub sems dpa' sa'i snying po 'khor lo bcu pa zhe bya ba theg pa chen po'i mdo/ / / bam po gsum pa/ de nas 'khor gyi dkyil 'khor de'i nang na/ tshangs pa chen po lha'i snying po zhes bya ba dge ba'i rtsab shin tu bskyed pa/ sa bcu non pa/ byang chub sems dpa' sems dpa' chen po'i yon tan dang ldan pa zhig sman las langs nas thal mo sbyar te/ bcom ldan 'das kyi zhabs la spyi bos phyag 'tshal nas/ tshigs su bcad pa 'di dag smras so// shes rab rgya mtsho yon tan mdzod can la/ bdag gis the tshom bu ring gsol bar bgyi// shes rab rgya mtsho thugs rjes skabs/
- 50a
phye ste// bdag gis rtog pa'i the tsom bsal bar gsol// bdag cag skom gyis shin du gdungs pa ltar// yon tan snying po mchog gi chos ro dang / phul du gyur pa'i don dam chos kyi ro/ / 'khor du gyur pa thams cad thos par smon// bcom ldan 'das kyis tshangs pa chen po lha'i snying po la 'di skad ces bka' stsal to// khyod kyis de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// tshangs pa chen pos gsol ba/ bcom ldan 'das de ltar bgyi'o zhes gsol nas/ tshigs su bcad de zhus pa/ shes rab ldan zhing ting 'dzin rab bsgom ste// bdag med pa la bde bar gnas pa'i rnams// 'on te dam pa'i don la gnas bgyi 'am/ / 'on te 'khor ba'i 'khor bar gnas par bgyi// nyin mtshan chos mchog dam pa de dag la// 'don cing goms par bgyid de rtsol ba dag/ 'on te nyon mongs mtsho las brgal bgyi'am// 'on tam ngan song dag tu ltung bar bgyi// bsod nams byed la shin tu 'bad rtsol ba// nges par mya ngan 'das la gzhol 'gyur ram// 'on te 'khor ba'i 'khor bar gnas 'gyur ram// 'on te ngan song dag tu ltung bar 'gyur// shes rab ldan pa'i rgyal thabs dbang bskur te// 'khor lo rnam pa bcu dang ldan pa dag/ 'on te 'khor ba'i nang du 'bying 'gyur ram/
- 50b
'on te sangs rgyas 'bras bu thob par 'gyur// kun nas nyon mongs pas ni glags pa'i sems// nyon mongs mang pos 'khrul par gyur pa dag/ ji ltar sems ni yongs su dag par spyang // sgom dang 'don pa'i las dag ji ltar bgyi/ de nas bcom ldan 'das kyis/ tshangs pa chen po lha'i snying po de la 'di skad ces bka' stsal to// legs so don 'di dag khro bar stso/ pa legs te/ khyod ni chos 'di la shin du nan tan byed pa'o// khyod ni spyod pa thams cad yongs su rdzogs pa'o// khyod ni sngon 'das pa'i sangs rgyas bcom ldan 'das klung gang+gA'i bye ma snyed la sgo gsum yongs su sbyangs pa'o/ / dam pa'i chos spel ba'o// dkon mchog gsum gyi gdung 'tsho ba pa ste/ de yang sems can tshad med pa la phan pa dang bde ba'i don gyi phyir/ de bzhin gshegs pa la don zab mo 'di dag dris pa legs so/ / rigs kyi bu 'di lta ste/ shes pa brda sprod pa chen po gnas pa dang / spyad par mi bya ba'i chos yod de/ sngon 'das pa'i sangs rgyas bcom ldan 'das thams cad kyis kyang sems can yongs su smin par bya ba dang / 'khor ba la skyo bar bya ba dang / las dang nyon mongs pa yongs su gcad pa dang / theg pa gsum myur du yongs su rdzogs bar bya ba'i phyir/ shes pa brda sprod pa chen po gnas pa dang / spud par mi bya ba'i chos 'di gsungs so// da ltar phyogs btsun bzhugs pa'i sangs rgyas bcom ldan 'das thams cad kyis kyang sems can/
- 51a
thams cad yongs su smin par bya ba dang / 'khor ba la skyo bar bya ba dang / las dang nyon mongs pa yongs su gcad pa dang / theg pa gsum myur du yongs su rdzogs par bya ba'i phyir/ shes pa brda sprod pa chen po gnas pa dang / spyad par mi bya bo'i chos 'di la gnas pa gsung ngo // ma 'ongs pa'i sangs rgyas bcom ldan 'das thams cad kyang sems can thams cad yongs su smin par bya ba dang / 'khor ba la skyo bar bya ba dang / las dang nyon mongs pa yongs su gcad par bya ba dang / theg pa gsum myur du yongs su rdzogs par bya ba'i phyir/ shes pa brda sprod pa chen po gnas pa dang / spyad par mi bya ba'i chos 'di la gnas par bya ba 'di dag gsung bar 'gyur ro// khyod kyis sngon 'das pa'i de bzhin gshegs pa rnams las/ shes pa brda sprod pa chen po gnas pa dang / spyad par mi bya ba'i chos 'di la gnas par bya ba 'di rdzogs par thos pa de/ ngas kyang sems can thams cad yongs su smin par bya ba dang / 'khor ba la spo bar bya ba dang / las dang nyon mongs pa yongs su gcod pa dang / theg pa gsum myur du yongs su rdzogs par bya ba'i phyir/ shes pa brda sprod pa chen po gnas pa dang / spyad par mi bya ba'i chos 'di la gnas par bya ba 'di bstan par byas/ de bas na skyes bu dam pa khyod kyis legs par nyon la yid la zung zhig dang bstan par bya'o// bcom ldan 'das de ltar bgyi'o zhes gsol nas/ tshangs
- 51b
pa chen po lha'i snying po bcom ldan 'das la phyir nyan to/ / bcom ldan 'das kyis tshangs pa chen po la bka' stsal pa/ gnas dang spyad par mi bya ba'i chos rnam pa bcu yod do// gal te rnal 'byor can dag spyod pa ngan pa 'di las 'ga' tsam gyi rjes su zhugs na yang / 'dod pa'i khams kyi dge ba'i rtsa ba tsam yongs su mi 'grub bo// ji ste sngar grub na yang de ma thag tu/ phyir stor cing nyams par 'gyur na/ gzugs dang gzugs med pa'i ting nge 'dzin nas/ theg pa gsum dang / theg pa gcig gi bar du thob par 'gyur ba lta ci smos bcu gang zhe na/ 'di lta ste/ 'jig rten na kha cig ting nge 'dzin sgom 'dod kyang // 'tshe ba'i yo byad kyis brel bas 'tsho ba'i rkyen gyis nyon mongs pa dang / kha cig ni ting nge 'dzin sgoms 'dod kyang / tshul khrims nyams shing kha na ma tho ba mang po byed pa dang / kha cig ni ting nge 'dzin sgom 'dod kyang / phyin ci log tu lta zhing 'jig rten gyi ltas bzang ngan la chags te/ lus dang sems ma dul ba dang / kha cig ni ting nge 'dzan sgom 'dod kyang / sems g.yo zhing rgod pas 'phags pa la mi gzhol te/ dbang po rgod pa dang / kha cig ni ting nge 'dzin sgom 'dod kyang / sems g.yo zhing rgod pas 'phags pa la me gzhol te/ dbang po rgod pa dang / kha cig ni ting nge 'dzin sgom 'dod kyang
- 52a
tha ma byed pa la dka' bas dbyen byed pa dang / kha cig ni ting nge 'dzin skom 'dod kyang / ngag rtsub pos 'phags pa la spyod cing dbang za ba dang / kha cig ni ting nge 'dzi sgom 'dod kyang / tshig bkyal pa dang / brdzun du smra ba dang / kha cig ni ting nge 'dzin sgom 'dod kyang / 'dod chags dang phrag dog gis gzhan gyi khe dang / bsti stang dang / rnyed pa la mi dag ba dang / kha cig ni ting nge 'dzin sgom 'dod kyang / zhe sdang dang bcas pas sems can la gnod sems skyed pa dang / kha cig ni ting nge 'dzin sgom 'dod kyang / log par lta ba dang bcas pas rgyu dang 'bras bu med par lta'o/ / tshangs pa chen po de ltar shes par bya ste/ 'di dag ni gnas pa dang / sprad par mi bya ba'i chos rnam pa bcu zhes bya'o// gal te ting nge 'dzin sgom pa dag spyod pa ngan pa 'di dag las 'ga' tsam gyi rjes su zhugs na/ 'dod pa'i khams kyi dge ba yang yongs su mi 'grub bo// ji ste sngar grub na yang de ma thag tu stor cing nyams par 'gyur na// gzugs dang gzugs med pa'i ting nge 'dzin dang / theg pa gsum dang gcig thob par 'gyur ba lta ci smos/ tshangs pa chen po gzhan yang gnas pa dang / spyad par mi bya ba'i chos rnam pa bcu yod de/ ting nge 'dzin sgom pa dag spyod pa ngan pa 'di dag las 'ga' zhig dang ldan na/ ting nge 'dzin yongs su mi 'grub bo// ji ste sngar grub na yang de ma thag tu stor cing nyams par
- 52b
'gyur ro/ / bcu gang zhe na/ 'di lta ste/ las su bya ba'i dngos po la dga' zhing chags pa dang / the mo gtam la dga' zhing chags pa dang / gnyid kyis log pa la dga' zhing chags pa dang / zang zing tshol ba la dga' zhing chags pa dang / gzugs bzang po la dga' zhing chags pa dang / sgra snyan pa la dga' zhing chags pa dang / dri zhim po la dga' zhing chags pa dang / ro zhim po la dga' zhing chags pa dang / reg bya 'jam po la dga' zhing chags pa dang / rtog pa dang dpyod pa la dga' zhing chags pa'o// tshangs pa chen po de ltar shes par byas te gnas pa dang / spyad par mi bya ba'i chos rnam pa bcu po de dag ting nge 'dzin sgom pa dag spyod pa ngan pa 'di las 'ga' zhig dang ldan na yang nge 'dzin dag yongs su mi 'grub bo/ / ji ste sngar grub na yang de ma thag tu stor cing nyams par 'gyur ro// gal te ting nge 'dzin ma bsgrubs na dge ba'i tshogs gzhan ci bsags kyang de ni don du mi 'gyur te/ gang bdag gi longs spyod dang / dad pas byin pa bsgrub pa'i phyir/ sems dang sems las byung ba'i chos ngan pa skye bar 'gyur ro// de'i rkyen gyis rgyal po dang blon po chen po'i khrims dang yang 'gal bar byed de/ kha cig la ni ka she zhing spyob yang byed do// kha cig la ni lcug gis gzhu ba dang / kha cig la ni lus kyi yan lag dang nying lag gcod
- 53a
cing gcod pa yang byed do/ / de'i rgyu de'i rkyen gyis nang drag bros 'debs shing / yun ring por sdug bsngal myong ba dang / tshe thung ba dang / 'chi nas kyang ngan song gsum gang yang rung ba gcig gi nang du skye ba nas/ mtshams med pa'i sems can dmyal ba'i bar du ltung bar 'gyur te/ u drA ka dang / a ra da ka dang de shu kra pA li ka dang / lha sbyin la sogs pa dang 'dra bar bsam gtan las nyams pa nas/ mtshams med pa'i sems can dmyal ba'i bar du ltung zhing rnam pa tshad med pa snyed kyi sdug bsngal chen po mi bzod pa kun myong bar 'gyur ro/ / de'i tshe bcom ldan 'das kyis/ tshe dang ldan pa cang shes ko'u di n+yal 'di skad ces bka' stsal to// khyod dang bas mthe gnas shing ting nge 'dzin sgom pa'i dge slong dag gnas khang mchog dag na gnas shing / mal cha mchog dang / kha zas mchog la spyod cing dge 'dun gyi las thams cad mi byed par gnang ngo / / de ci'i phyir zhe na/ ting nge 'dzin sgom pa dag gal te 'tsho ba'i yo thams cad mi 'grub pa nas/ mtshams med po'i sems can dmyal ba'i bar du ltung zhing / mi bzang ba'i sdug bsngal chen po rnam pa tshad med pa snyed myong bar 'gyur ro// ting nge 'dzin sgom pa dag gal te 'tshe ba'i yo byad dang ldan na/ ting nge 'dzin mang po ma grub pa yang grub kyis brel bar gyur na/ sems dang sems las byung ba'i chos ngan bskye zhing / ting nge 'dzin
- 53b
pa dang / sngar grub pa dag kyang mi nyams so// de'i dbang gis mi dge ba'i chos thams cad mi skye ba nas/ gnang de bzhin du rgyas par mi dge ba'i rtog pa dang dpyod pa'i bar du mi skyel/ mtho ris kyi lhar skye ba nas mya ngan las 'dab pa'i bar du 'thob par 'gyur ro// ting nge 'dzin sgom pa dag gal te ting nge 'dzin mang po ma grub na nam gyi stod dang / nam gyi smad la mi nya bar byas te/ brtson 'grus su bslab cing bsgom pa dang / 'du ba ji yongs su spangs te 'dod pa nyung zhing chog shes par bya ba dang / ci la yang mi chags pa dang / 'dod chags dang / zhe sdang dang / khong khro ba dang / 'chab pa dang / 'khrug pa dang / 'tshe ba dang / nga rgyal dang / rgyags pa dang / phrag dog dang / 'jungs pa dang phra ma dang / ngag rtsub po dang / rdzun dang / 'jig rten gyi rtsod pa dang / bag med pa thams cad yongs su spang ngo // gang de ltar nan tan byed pa de ni brgya byin dang / tshangs pa dang 'jig rten skyong ba bzhi dang / 'khor los sgyur ba'i rgyal po la sogs pas bstod pa dang / bsngags pa dang / phyag dang / bsti stang dang / rim gro dang / bsnyen bkur la sogs pa dang / sbyin pa bye ba khrag khrig brgya stong snyed kyang blang bar bya na/ rgyal rigs dang / bram ze dang / rje'u rigs la sogs pa'i mchod pa len pa lta ci smos/
- 54a
ting nge 'dzin ma thob pa dag cang de dag gi bstod pa dang / bsngags pa dang / brag dang / bkur sti dang / rim gro dang / bsnyen bkur dang / sbyin pa dang / mchod pa bdag gir byed du dbang na/ ting nge 'dzin thob pa lta smos kyang ci dgos/ de nas bcom ldan 'das kyis tshigs su bcad de bka' sprul pa/ ding 'dzin bsgoms pas the tsom gcod 'gyur te/ de ma gtogs par gzhan gyis nus ma yin// de bas ting nge 'dzin bsgom pa mchog yin gyis// mkhas pa dag gis de la mchod par bya/ / de nas tshangs pa chen po lha'i snying pos 'di skad ces gsol to// btsun pa bcom ldan 'das sangs rgyas kyi bstan pa la rab tu byung ba dag gal te rgyal rigs sam/ blon po chen po'am/ dbang pos lcag dang dbyug pa la sogs pas gzhus sam/ brdegs sam/ gal te btson rar bcug gam/ spyos sam/ brgyad dam yan lag gtubs sam/ srog dang phral te bkum na/ de ci rigs pa lags sam/ 'on te rigs pa ma lags/ bcom ldan 'das kyis/ tshangs pa chen po lha'i snying po la 'di skad ces bka' stsal to/ / rigs kyi bu sems can gang zhig nga'i bstan pa la rab tu byung ngam/ skra dang kha spu bregs te/ ngur smrig gi tshal bu gyon na tshul khrims srung
- 54b
ngam/ tshul khrims nyams sam/ tshul khrims med kyang rung de la lha dang / mi dang / lha ma yin la sogs pa thams cad kyis kyang khyim pa'i chos nyid dang sbyar du yang mi dbang na de la lcag dang dbyig pa la sogs pas lus gzhu zhing 'tshog pa dang / btson rar bcug pa dang / gshe ba dang / spyo ba dang / lus kyi yan lag gdub pa dang / 'tsho ba'i dbang po dang bral ba/ chos ma yin pa dang sbyor ba lta ci smos/ de ci'i phyir zhe na/ tshul khrims srung zhing mang du thos pa dang ldan pa lta zhog la/ nga'i bstan pa la rab tu byung nas tshul khrims nyams te/ mi dge ba'i chos spyod pa nang rul cing / mi gtsang bas gang ba'i srin kA lA dang 'dra ba/ dge sbyong ma yin par dge sbyong du khas 'che ba/ tshangs par spyod pa ma yin par tshangs par spyod par khas 'che ba/ nyon mongs pa rnam pa sna tshogs las pham pa zhig pa/ khas phub pa de lta bu'i tshul khrims nyams pa'i dge slong ngan pa yang / lha dang / klu dang / gnod sbyin dang / dri za dang / ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa thams cad kyi ston pa dang 'dren par 'gyur te/ yon tan rin po che dpag tu med pa'i gter du 'gyur ro/ / gzhan yang rigs kyi bu nga'i bstan pa la rab tu byung ba dag tshul khrims nyams kyang / sems can dag gzugs mthong ba tsam gyis lhag pa'i bsam pa rnam pa bcu skye bas na/ yon
- 55a
tan rin po che'i phung po dpag tu med pa bcu thob par 'gyur ro/ / bcu gang zhen/ 'di lnga ste/ nga'i bstan pa la rab tu byung ba dag tshul khrims nyams mod sems can dag gis mthong bar gyur na/ sangs rgyas rjes su dra ra pas bkur sti dang bcas pas dad cing gus pa'i lhag pa'i bsam bskye/ de'i rgyu de'i rkyen gyis su stegs can gyi ston pa dang / de'i gtsug lag dang / de'i 'khor la nam du yang mi phyogs pa nas/ 'jigs pa dang bral ba yongs su mya ngan las 'das pa'i zong khyer chen po la 'jug pa'i bar du 'gyur ro// la las mthong nas 'phags pa'i tshul khrims rjes su dran pa la lhag pa'i bsam pa skye'o/ / de'i rgyu de'i rkyen gyis srog gcod pa yongs su spong ba dang / ma byin par len pa yongs su spong ba dang / 'dod pas log par g.yem pa yongs su spong ba dang / brdzun du smra ba yongs su spong ba dang / bag med pa'i gnas spro ba'i khu ba chang la sogs pa 'thung ba yongs su spong ba nas/ 'jigs pa dang bral ba yongs su mya ngan las 'das ba'i grong khyer chen po la 'jug pa'i bar du 'gyur ro/ / la las mthong nas sbyin pa rjes su dran pa la lhag pa'i bsam pa skye'o// de'i rgyu de'i rkyen gyis longs spyod chen po dang ldan zhing / yang dag pa'i spyod pa can la mchod pa dang bsnyen bkur byed pa nas/ 'jigs pa dang bral ba yongs su mya ngan las 'da' pa'i grong khyer chen po la 'jug pa'i bar du 'gyur ro// la las mthong nas dang nges pa'i
- 55b
bzod pa rjes su dran pa la lhag pa'i bsam pa skye'o/ / de'i rgyu de'i rkyen gyis phra ma yongs su spong ba dang / ngag rtsung po dang / tshig 'khyal pa dang / zhe sdang yongs su spong ba nas 'jigs pa dang bral ba yongs su mya ngan las 'da' ba'i grong khyer chen po la 'jug pa'i bar du 'gyur ro/ / la las mthong nas rab tu byung zhing brtson 'grus la nan tan bya bar rjes su dran pa la lhag pa'i bsam pa skye'o/ / de'i rgyu de'i rkyen gyis khyim rab tu spong zhing khyim ma yin pa'i chos len te/ shin du 'bad pa'i brtson 'grus kyis spong pa'i mchog nan tan byed pa nas/ 'jigs pa med pa'i yongs su mya ngan la 'da' ba'i grong khyer chen po la 'jug pa'i bar du 'gyur ro/ / la las mthong nas 'khrug pa'i sems yongs su spong zhing / bsam gtan la mnyam par 'jug par rjes su dran pa la lhag pa'i bsam pa skye'o/ / de'i rgyu de'i rkyen gyis ri dang / tshal dang / bas mtha' dgon pa la mos shing nyin mtshan du ting nge 'dzin sgom pa la brtson 'grus rtsom pa nas/ 'jigs pa med pa yongs su mya ngan las 'da' ba'i grong khyer chen po la 'jug pa'i bar du 'gyur ro/ / la las mthong nas shes rab rjes su dran pa la lhag pa'i bsam pa skye'o// de'i rgyu de'i rkyen gyis dam pa'i chos nyan pa dang / klog pa dang / 'don pa la dga' zhing spro ba nas/ yongs su mya ngan las 'da' ba'i zong khyer chen po la 'jug pa'i bar du 'gyur ro// la las mthing nas yang dag par
- 56a
'byung ba dge ba'i rtsa ba sngon bskyed pa rjes su dran pa la lhag pa'i bsam pa skye ba nas/ 'dzum bzhin du smra ba dang / sgo bzhin du gtam zer ba dang / rkang / pa la phyag 'tshal pa'i bar du byed par 'gyur ro// de'i rgyu de'i rkyen gyis rigs che zhing mthong ba dang btsan pa'i rigs su skye zhing / sems can tshad med pa kun gyis mthong na dga' ba nas/ 'jigs pa dang bral ba yongs su mya ngan las 'da' ba'i grong khyer chen po la 'jug pa'i bar du 'gyur ro// rigs kyi bu nga'i bstan pa la rab tu byung ba dag tshul khrims nyams kyang / sems can dag gzugs dang cha lugs mthong ba tsam gyis lhag pa'i bsam pa rnam pa 'di bcu skye ste/ yon tan rin po che'i phung po tshad med pa thob par 'gyur ro// de bas na rgyal po dang / blon po chen po dang / dbang po la sogs pas de la lcag dang dbyig pa la sogs pas gzhu zhing 'tshog pa dang / btson rar gzhug pa dang / gshe zhing spro ba dang / lus kyi yan lag gdub pa dang / 'tsho ba'i dbang po dang bral ba la sogs pa bya ba'i mi rigs so// gzhan yang tshangs pa chen po nga la skyabs su song ste rab tu byung ba dag/ tshul khrims nyams te mi dge ba'i chos spyod pa/ nang rul cing mi gtsang bas gang ba'i srin kA lA dang 'dra ba/ dge slong ma yin par dge sbyong du khas 'che ba/ tshangs par spyod pa ma yin par tshangs par spyod par
- 56b
khas 'che ba/ nyon mongs pa rnam pa mang po las pham pa rul pa khas phub pa lta bu'i dge slong tshul khrims te mi dge ba spyod mod kyi/ lha dang / klu dang / gnod sbyin dang / dri ba dang / lham yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa thams cad kyi ston pa dang / 'dren pa'i dge ba'i bshes gnyen byed cing / yon tan dpag tu med pa'i gter du 'gyur ro// de ltar dge slong de chos kyi snod ma yin mod kyi/ skra dang kha spu bregs te gos ngur smrig gyon pas cha lugs dang spyod lam 'phags pa rnams dang 'thuran te/ de mthong ba tsam gyis sems can tshad med pa rnams dge ba'i rtsa ba rnam pa sna tshogs 'phel zhing skye bar 'gyur ro// gzhan yang sems can tshad med pa rnams mtho ris kyi lhar skye ba dang / mya ngan las 'da' ba'i yang dag pa'i lam la 'dzud par 'gyur te/ de bas nang la skyabs su song ste/ rab tu byung ba dag tshul khrims srung ngam/ tshul khrims nyams sam/ tshul khrims med kyang rung ste/ 'khor los sgyur ba'i rgyal po 'am/ rgyal po gzhan nam/ blon po la sogs pas khyim pa'i chos nyid dang sbyor du'ang ma kanang na lcag dang dbyig pa la sogs pas gzhu ba dang / 'tshog pa dang / btson rar gzhug pa dang / gshe zhing spro ba dang / lus kyi yan lag dang nying lag gcod cing gdub pa dang / 'tsho ba'i dbang po nga
- 57a
bral ba la sogs pa chos ma yin pa gzhan lta ci smos/ tshangs pa chen po de ltar tshul khrims nyams shing sdig pa spyod pa'i dge slong de ngas bstan pa'i 'dul ba las mi ro lta bu'o zhes gsungs mod kyi/ rab tu byung ba dang / tshul khrims dang / yon tan lhag pa'i mthu yod do// dper no khyu mchog gam gla ba lta bu shi ste rnam par shes pa dang bral nas byol song gi nang na ro yin mod kyi/ khyu mchog la 'gi'u wang yod pa dang / gla ba la gla rtsi yod pas sems can tshang med pa dpag tu med pa'i ban pa dang bde ba'i don chen por 'gyur ba bzhin du/ tshul khrims nyams pa'i dge slong de yang ngas bstan pa'i 'dul ba las mi ro lta bu'o zhes bya mod kyi/ rab tu byung ba dang tshul khrims dang / yon tan lhag pa'i mthus kyang sems can tshad med dpag tu med pa la phan pa dang bde ba'i don chen por 'gyur ro// tshangs pa chen po 'di lta ste/ tshong pa dag kyang rgya mtsho chen por zhugs nas/ rigs gcig pa'i sems can tshad med pa dag bsad de/ mig byung nas mig gi 'bras bu de dang / bar rten zhes bya ba'i 'bras bu dang lhan cig/ sbyar na/ mig sman rin po cher 'gyur ro// sems can gang long ba mig med pa mngal nas byung nas dmus long du gyur pa dag gi mig tu rin po che'i mig sman des byugs na mig
- 57b
nad thams cad dang bral te/ mig rno zhing gsal bar 'gyur ro// de bzhin du tshul khrims nyams pa'i dge slong yang ngas bstan pa'i 'dul ba las mi ro lta bu'o zhes bya mod kyi rab tu byung ba'i spyod lam dang cha lugs yod pas sems can tshad med pa dag skad cig mthong ba tsam gyis kyang rnam par dag pa'i shes rab kyi mig thob par 'gyur ro/ / pha rol po gzhan la dam po'i chos ston nus pa lta ci smos/ tshangs pa chen po 'di lta ste/ bdug spos bsregs na spros nyid tshig ste/ med par song yang dri bsung gis gzhan la bro bar byed do/ / de bzhin du tshul khrims nyams pa'i dge slong de yang tshul khrims nyams pas bsod nams kyi zhing gshin pa ma yin te/ nyin mtshan du dad pas byin pas bsregs te/ tshe 'phos nas ngan song gsum du lhung mod kyi/ sems can tshad med pa dpag tu med pa'i phan pa dang bde ba'i don du 'gyur te/ mtho ris kyi lhar skye ba dang // mya ngan las 'da' ba'i gsung tshor bar byed do// de bas na tshangs pa chen po de ltar tshul khrims nyams shing sdig pa spyod pa'i dge slong la/ khyim pa thams cad kyis bsti stang dang bcas par mchod pa dang rim gro bya'o/ / rab tu byung ba de la lcug dang dbyig pas gzhu zhing 'tshog pa dang / btson rar gzhug pa dang / gshe zhing spro ba dang
- 58a
lus kyi yan lag gtub pa dang / 'tsho ba'i dbang po dang dpral du ngas ma gnang ngo // de dag yongs su dag pa'i dge 'dun gyi nang du gso sbyong bya ba dang / tshul du'ajug pa dang / tshul nas byung ba'i tshe bsnang pa dang / phyogs bzhi'i dge 'dun gyi rnyed pa dang / longs spyod dang / bza' ba dang / bdung ba dang / 'tsho ba'i yo byad la sogs pa thams cad la spyod du mi dbang ste/ dge sbyong gis 'dul ba'i las byed pa thams cad kyi nang du 'ong du mi gnang bar zad kyi/ de la gzhu ba dang / 'tshog pa dang / 'ching pa dang / srog gi dbang po la sogs pa dang dpral bar ngas ma gnang ngo // bcom ldan 'das kyis tshigs su bcad de bka' stsal pa/ tsam pa ka yi me tog rnyis gyur kyang // me tog rnam pa gzhan par shin tu lhag/ dge slong tshul khrims nyams shing sdig spyod kyang // mu stegs can dag thams cad kun pas mchog/ gzhan yang tshangs pa chen po mtshams med pa'i kha na ma tho ba chen po'i las rnam pa lnga yod do/ / lnga gang zhe na/ ched du bsams te pha bsad pa dang / ched du bsams te ma bsad pa dang / ched du bsams te dgra bcom pa bsad pa dang / log par lta bas nyan thos kyi dge 'dun gyi dbyen byas pa dang / ngan sems kyis sangs rgyas kyi sku la khrag phyung ba'o// rnam pa 'di lnga ni mtshams med
- 58b
pa'i kha na ma tho ba chen po'i las shes bya ste/ gang zag gang zhig rnam pa 'di lnga las gcig tsam byas na/ rab tu byung zhing bsnyen par rdzogs su mi rung ngo // gal te rab tu byung ngam/ bsnyen par rdzogs pa byin na/ de'i slob dpon de nyes pa dang bcas pa yin pas/ dge 'dun gyi nang nas bskrad par bya'o// de ltar gang zag de rab tu byung nas spyod lam dang cha lugs yod pa'i phyir/ de la yang lcag dang dbyig pas gzhu zhing 'tshog pa dang / btson rar gzhug pa dang / gshe zhing spyo ba dang / lus kyi yan lag gtub pa dang / srog gi dbang po dang dpral du mi gnang ngo / / gzhan yang mtshams med pa'i kha na ma tho ba chen po'i las dang nye ba rnam pa bzhi yod de/ bzhi gang zhe na/ mi dge ba'i sems kyis rang sangs rgyas bsad pa ste/ de yang srog gcod pa'i nang na kha na ma tho ba chen po'i las yin te/ nyes pa'i rtsa ba yin no// dgra bcom pa'i dge slong ma la mi tshangs par spyod pa ste/ 'dod pas log par g.yem pa'i nang na kha na ma tho ba chen po'i las yin pas/ nyes pa'i rtsa ba yin no// dad pas byin pa'i dkon mchog gsum gyi dkor nor la spyod pa ste/ ma byin par len ba'i nang na kha na ma tho ba chen po'i las yin pas/ nyes pa'i rtsa ba yin no// ngan par lta bas 'dum pa'i dge 'dun gyi dbyen byed pa ste/ brdzun du smra ba'i nang na kha na ma tho ba
- 59a
chen po'i las yin pas/ nyes pa'i rtsa ba yin no// gang zag gang zhig mtshams med pa'i kha na ma tho ba chen po'i las dang nye ba rnam pa bzhi po 'di las gcig tsam byas na rab tu byung zhing bsnyen par rdzogs su mi gnang ste/ gal te rab tu byung ngam/ bsnyen par rdzogs pa byin na/ de'i slob dpon nyes pa dang bcas pa yin te/ nga'i bstan pa las bskrad par bya'o/ / de ltar gang zag de rab tu byung ngam/ bsnyen par rdzogs na spyod lam dang cha lugs dang ldan pas/ de la yang lcag dang dbyig pas gzhu zhing 'tsheg pa dang / gshe ba dang / spro ba dang / btson rar gzhug pa dang / lus kyi yan lag gtub pa dang / 'tsho ba'i dbang po dang bral ba'i bar du byed du mi gnang ngo // de ltar la la ni rtsa ba'i sdig kyang yin la/ mtshams med pa yin pa yang yod do// la la ni rtsa ba'i sdig yin la/ mtshams med pa ma yin pa yang yod do// la la ni mtshams med pa yin la/ ba'i sdig ma yin pa yang yod do// la la ni rtsa ba'i sdig kyang ma yin la/ mtshams med pa yang ma yin pa yod do// de la ji ltar na rtsa ba'i sdig kyang yin la/ mtshams med pa yang yin pa gang zhe na/ 'di lta ste/ nga'i bstan pa la rab tu byung nas bsnyen par rdzogs pa las/ ched du bsams te bden pa mthong ba'i pha rol tu phyin pa'i gang zag bsad pa ste/ 'di ni rtsa ba'i sdig kyang
- 59b
yin la/ mtshams med pa yang yin pas/ ngas bstan pa'i 'dul ba'i chos las myur du bslad dgos so// de la ji ltar na rtsa ba'i sdig ni yin la/ mtshams med pa ma yin pa gang zhe na/ 'di lta ste/ nga'i snyan pa la rab tu byung nas bsnyen par rdzogs pa las/ ched du bsams te gang zag pha rol po gzhan gyi srog bcad pa dang / chung ngun drug byin pas mngal nas 'dug pa bsad pa ste/ de dag ni rtse ba'i sdig yin la/ mtshams med pa ni ma yin no// gang zag de dge 'dun dang zhig tu lhan cig tu gnas shing longs spyod pa dang / phyogs bzhi'i dge 'dun gyi nor la spyod du mi gnang ngo / / de la ji ltar na mtshams med pa ni yin la/ rtsa ba'i sdig ma yin pa gang zhe na/ 'di lta ste/ gang zag gang zhig dkon mchog gsum la skyabs su song ngam/ khrims lnga 'dzin tam/ khrims bcu 'dzin pa dag mtshams med pa lnga las gcig tsam byas pa dag ni mtshams med pa'i sdig yin la/ rtsa ba'i sdig ma yin pa zhes bya'o/ / gang zag de ni rab tu byung zhing bsnyen par rdzogs su mi rung ste/ gal te rab tu phyung ngam/ bsnyen par rdzogs par byin na/ de'i slob dpon sdig pa dang bcas pa yin te/ nga'i bstan pa las bskrad par bya'o// de la ji ltar na rtsa ba'i sdig kyang ma yin la/ mtshams med pa yang ma yin pa gang zhe na/ 'di lta ste/
- 60a
gang zag gang zhig dkon mchog gsum la skyabs su song ngam/ khrims lnga bzung ba las sangs rgyas dang / chos dang / dge 'dun la the tsom za ba'i sems skyes te/ mu stegs can la skyabs su song nas/ ston pa'i slob dpon du 'dzin tam/ ltas su blta ba sna tshogs la ltas su 'dzin cing 'jig rten gyi lha rjed pa'o// gang zag gang zhig de bzhin gshegs pas gsungs pa'i dam pa'i chos nyan thos kyi theg pa dang ldan pa'i dam pa'i chos dang / rang sangs rgyas kyi theg pa dang ldan pa'i dam pa'i chos dang / theg pa chen po dang ldan pa'i dam pa'i chos la skur cing sgro 'dogs pa dang / bgegs dang bar chad byed pa dang / bdag yid mi ches shing mi drang bas pha rol po gzhan dag kyang de las zlog cing bar chad byed/ pa dang / gzhan dag klog pa dang / 'don pa dang / glegs bam du 'dri ba'i tshotshigs bcad gcig tsam gyi yang bar du gcod cing bgegs byas na/ de ni rtsa ba'i sdig kyang ma yin la/ mtshams med pa yang min te/ kha na ma tho ba chen po'i las mtshams med pa dang nye ba zhes bya'o// gang zag de kha na ma tho ba'i sdig pa'i las chen po dag 'thol ba dang bshags pa ma byas kyi bar du rab tu 'byung ba dang / bsnyen par rdzogs su mi rung ste/ la la zhig gis rab tu phyung ngam/ bsnyen par rdzogs pa byin na/ de'i slob dpon de sdig pa dang bcas
- 60b
pa yin pas nga' bstan pa las bskrad par bya'o/ / gang zag de rab tu phyung ngam/ bsnyen par rdzogs nas/ kha na ma tho ba'i sdig pa de mthol ba dang bshags pa'i las ma byas deni ngas bstan pa'i 'dul ba las myur du bskrad dgos so/ / de ci'i phyir zhe na/ gang zag rnam pa de gnyis ni dam pa'i chos kyi mig med par byed pa/ dam pa'i chos kyi sgron ma rub par byed pa/ dkon mchog gsum gyi gdung yongs su gcod pa ste/ lha dang mi la sogs pa yang don med pa phan pa med pa'i sdug bsngal spyod du 'dzud cing ngan song du ltung bar byed pa yin no/ / gang zag rnam pa gnyis po de ni bdag nyid kyis dam pa'i chos la skur cing 'phags pa rnams la smod pa yin la/ pha rol po gzhan dag kyang dam pa'o chos la skur cing phags pa rnams la smod du 'dzud pa ste/ tshe 'phos ma thag tu mtshams med pa'i sems can dmyal ba chen por ltung zhing bskal pa'i bar du sdug bsngal myong bar 'gyur te/ phyir gso mi rung ngo / / tshangs pa chen po gzhan yang bcas pa'i sdig la mi gnas pa dang mi bya ba yang yod la/ rang bzhin gyi sdig la mi gnas pa dang mi bye ba yang yod/ rang bzhin gyi sdig pa rtsa ba'i sdig tu 'gyur ba mi gnas pa dang mi bya ba yang yod do/ / de la ji ltar na rtsa ba'i sdig la mi gnas pa dang mi bya ba'i chos gang zhe na/ 'di lta ste/ dge slong gang zhig mi tshangs par spyod
- 61a
pas rtsa ba'i sdig byas pa dang / ched du bsams te skye bo mi'i srog bcad nas rtsa ba'i sdig byas pa dang / dkon mchog gsum gyi dkor ma byin par brkus nas rtsa ba'i sdig byas pa dang / brdzun chen po spras nas rtsa ba'i sdig byas pa ste/ dge slong gang zhig rtsa ba'i sdig rnam pa 'di bzhi las 'ga' zhig byas na/ dge slong gis las bya ba'i nang du mi chud de/ longs spong thams cad dang / phyogs bzhi'i dge 'dun gyi nor la spyod du mi dbang mod kyi/ de la yang dbyig pa dang lcug gis brdeg cing gzhu ba dang btson rar gzhug pa dang / spyo zhing gshe ba dang / lus kyi yan lag gdub pa dang / 'tsho ba'i dbang po dang bral ba la sogs pa thams cad byed du mi gnang ngo // de dag ni rang bzhin gyi sdig gi nang na rtsa ba'i sdig lci ba ste/ mi gnas pa dang mi bya ba zhes bya'o// ci'i phyir de la rtsa ba'i sdig ces she na/ gang zag gang gis chos rnam pa de bzhin/ byas nas/ tshe 'phos ma thag tu ngan song du lhung bar 'gyur te/ ngan song du 'gro ba'i rtsa ba yin pas na rtsa ba'i sdig ces bya'o// de la ci'i phyir mtshams med pa dang / mtshams med pa la nye ba dang / rtsa ba'i sdig la mi gnas pa dang mi bya ba'i kha na ma tho ba chen po'i las ngan pa zhes gsungs zhe na/ rigs kyi bu 'di lta ste/ lcags kyi thu lum mam/ rotsa
- 61b
gong bu ni steng gi nam mkha' la bor na cung zad kyang mi sdod par de ma thag tu phyir yang sa la ltung ngo / / mtshams med pa lnga dang / mtshams med pa la nye ba dang / rtsa ba'i sdig pa ni dang / dam pa'i chos la skur pa dang / dkon mchog gsum la the tsom za ba dang / gang zag sdig pa can rnam pa gnyis po yang de dang 'dra ste/ gang zag gang gis sdig pa rnam pa gcig po las 'ga' zhig byas na/ tshe 'phos ma thag tu thogs pa med par mtshams med pa'i sems can dmyal ba chen por gdon mi za bar skye zhing / sdug bsngal chen po myong bar 'gyur te/ de bas na mi gnas pa dang mi bya ba'i kha na ma tho ba chen po'i las ngan pa zhes bya'o/ / mi gnas pa dang mi bya ba'i kha na ma tho ba chen po'i las ngan pa 'di dag byas pa'i gang zag ni lus 'di nyid la nyon mongs pa zad par byed mi nus su nges te/ ting nge 'dzin yang mi 'grub na/ yang dag pa mi 'gyur ba la zhugs pa thob pa lta ci smos te/ tshe 'phos ma thag tu gdon mi za bar sems can dmyal bar skye zhing / sdug bsngal chen po myong bar 'gyur ro/ / tshangs pa chen po gzhan yang rigs kyi bu 'am/ rigs kyi bu mo gang gi bsam pa dag pas nga'i bstan pa la dad nas/ nyan thos kyi theg pa la zhugs sam/ rang sangs rgyas kyi theg pa la zhugs sam/ theg pa chen po la zhugs te/ ngas bstan pa la dad pas khyim nas khyim med par rab tu byung ste/ bsnyen par rdzogs nas bslab pa'i gnas mang po la shin tu bkur sti dang /
- 62a
rtsa ba'i sdig pa bzhi bsrung ba la shin tu 'bad pa'i brtson 'grus chen po brtsam par bya'o// gang brag de la ni rtag tu lha dang / mi dang / mi ma yin pa la sogs pa rjes su 'brang zhing srung ste/ de ni lha dang mi la sogs pa'i mchod pa yang chud mi za'o// theg pa gsum gang la spro zhing dga' ba bzhin/ de ma thag tu mtha'i gnas byed par 'gyur ro// de bas na yang dag par mya ngan las 'da' bar 'dod pa dag lus dang srog sngor kyang bla'i/ chos rnam pa de bzhin rnams par mi bya'o// de ci'i phyir zhe na/ so so'i skye bo dag ni rgyu rnam pa 'di gsum gyis mya ngan las 'da' ba'i bde ba thob par 'gyur ba'i phyir ro/ / gsum gang zhe na/ de bzhin gshegs pa la bsten pa'i rgyu dang / 'phags pas bstan pa la bsten pa'i rgyu dang / nga'i nye gnas la brten pa'i rgyu ste gsum mo// so so'i skye bo dag rgyu rnam pa 'di gsum la bsten te/ brtson 'grus su nan tan byas na mya ngan las 'da' ba'i bde ba thob par 'gyur ro// gang zag gang gis chos rnam pa de bzhin nyams na nga yang de'i ston pa ma yin la// de yang nga'i nyan thos ma yin no/ / gang zag gang gis chos rnam pa de bzhin rnams na de ni ngas bstan pa'i shin tu zab pa rgya che ba'i mi rtag pa dang / sdug bsngal ba dang / stong pa nyid dang / bdag med pa dang ldan pa/ sems can thams cad la phan pa dang bde ba'i don tu 'gyur bar bstan pa so sor thar pa las 'gal ba'o// gal te ngas bstan pa'i so sor thar pa las 'gal na de ni bsam gtan dang ting nge 'dzin thams cad
- 62b
la ldongs shing 'thom par gyur te/ gzhol zhing 'jug mi nus pa dang / nyon mongs pa dang mang pos dkris shing klags te/ theg pa gsum gyi chos kyi snod kyang ma yin pas/ ngan song du lhung zhing sdug bsngal chen po myong bar 'gyur ro/ / rigs kyi bu 'am/ rigs kyi bu mo gang ngas bstan pa'i so sor thar pa las rtsa ba bzhi ma nyams te/ yongs su dag na nga yang de'i ston pa yin la/ de yang nga'i nyan thos yin pas/ nga'i gsung gi rjes su 'brang ba// nga'i chos la bde bar gnas pa/ bya ba thams cad kyi mthar phyin pa yin pas/ gang zag de ni tshul khrims kyi phung po la shin tu gnas pas na/ dge ba'i chos thams cad la legs par gnas pa yin no/ / nyan thos kyi theg pa phun sum tshogs pa la gnas pa yin no// rang sangs rgyas kyi theg pa phun sum tshogs pa la gnas pa yin no// theg pa chen po phun sum tshogs pa la gnas pa yin no/ / de ci'i phyir zhe na/ gal te rang bzhin gyi sdig pa rtsa ba rnam pa bzhi po de bsrungs na/ de ni zag pa dang bcas pa dang / zag pa med pa'i dge ba'i chos thams cad kyi rgyu mchog dam pa rnam par gzhag pa yin no/ / de bas na chos rnam pa 'di bzhi srung ba ni// dge ba'i chos thams cad kyi rtsa ba zhes bya'o// 'di lta ste/ sa chen po la brten nas rtsi shing dang / lo tog dang / shing gel ba dang / nags tshal la sogs pa thams cad skye'o// de bzhin du tshul khrims kyi rtsa ba bzhi po 'di bsrung ba la brten nas/ dge ba'i chos thams cad 'phel zhing skye bar 'gyur ro// 'di lta ste/
- 63a
sa chen po la brten nas ri thams cung dang / ri khor lug dang / ri khor yug chen po dang / ri rab kyi rgyal po la sogs pa thams cad bde bar gnas so// de bzhin du tshul khrims kyi rtsa ba bzhi po bsrungs pa la brten nas/ nyan thos kyi theg pa dang / rang sangs rgyas kyi theg pa dang / bla na med pa'i theg pa chen po bde bar gnas par 'gyur ro// 'di lta ste/ sa chen po la brten na 'jig rten gyi re bro ba'i mchog thams cad brtsal gyis rnyed do/ / de bzhin du tshul khrims kyi rtsa ba bzhi po bsrung ba la brten na/ dran pa dang / ting nge 'dzin dang / gzungs dang / dang nges pa'i bzod pa 'phags pa'i lam thams cad dang / bla na med pa yang dag pa rdzogs pa'i byang chub kyi bar du 'thob par 'gyur ro// 'di lta ste/ sa chen po ni gtsang ba dang mi gtsang ba thams cad snyoms par 'dzin to// tshul khrims kyi rtsa ba bzhi shin tu srung ba'i rigs kyi bu dang / rigs kyi bu me dag kyang de bzhin du chos kyi snod du gyur pa dang / chos kyi snod du ma gyur pa la sems mnyam par gzhag ste/ de la mi brnyas/ mo smad/ bdag mi bstod/ mi bsnyems/ bco mi 'drin/ dag pa'i chos thams cad skye ba'i gnas su 'gyur ro// 'di lta ste/ sa chen po 'di la ni sems can thams cad de la longs spyod cing bde bar 'tshe'o/ / de bzhin du tshul khrims kyi rtsa ba bzhi shin tu srung ba'i rigs kyi bu dang / rigs kyi bu mo dag de bzhin gshegs pas bstan pa yang dag pa'i chos la shin tu spro ba dang / mchog
- 63b
dam pa'i bsam pa dag pas sems can thams cad la bye brag gi 'du shes med par bsdu ba rnam bzhi'i chos kyis mnyam par bsdus te/ sems can thams cad chos kyi dga' ba la longs spyod cing bde bar/ 'tshe bar byed do// de nas tshe dang ldan pa ut+pa lis/ bcom ldan 'das kyis gsungs pa 'di dag thos nas/ 'dug pa las langs te/ gos tshags bcos nas/ bcom ldan 'das kyis zhabs la spyi bos btugs te/ bla gos phyogs gcig tu byas pus mo g.yas pa'i lha nga sa la btsugs nas thal mo sbyar ba btud de/ bcom ldan 'das la 'di skad ces gsol to// bcom ldan 'das kyis gsungs pa ltar tshul khrims kyi rtsa ba bzhi shin tu srung ba'i rigs kyi bu dang / rigs kyis bu mo dag chos kyi snod du gyur pa dang / chos kyi snod du ma gyur pa kun la sems mnyam par gzhag ste/ mi brnyas/ mi smad/ bdag mi bstod/ mi snyems/ glo bur du nyes pa mi gleng ngo // zhes gsungs na/ de ltar na de ma mchis pa'i dus na/ dge slong tshul khrims nyams shing mi dge ba spyod pa/ dge sbyong ma lags par dge sbyong du khas che ba/ tshangs par spyod pa ma lags par tshangs par spyod par khas 'che ba dag la/ dge slong gi dge 'dun gyis ji lta bu'i thabs kyis gleng zhing dgar bar bgyi bcom ldan 'das kyis/ tshe dang ldan pa u pa li la bka' stsal pa/ ngas mu stegs can dang khyim pa rnams kyis dge slong gi
- 64a
nyes pa gleng du ni gnang ba'i skabs med do/ / dge slong gi dge 'dun gyis kyang chos bzhin ma yin pa dang / ma rtogs par tshul khrims nyams pa'i dge slong gi nyes pa gleng du ma gnang na/ dgar ba 'am bslad pa lta ci smos/ chos bzhin ma yin pa dang / ma rtogs par tshul khrims nyams pa'i dge slong gi nyes pa glengs sam/ gal te bskrad na kha na ma thob chen po'i sdig pa thob bo/ / u pa li 'di ltar shes par bya ste/ chos bzhin ma yin pa dang / ma rtogs pa rnam pa 'di bcus tshul khrims nyams pa'i dge slong gi nyes pa gleng na/ kha na mtho ba'i sdig pa chen po thob par 'gyur gyis/ mkhas pa dag gis ni de ltar mi bya'o// bcu gang zhe na/ dge 'dun ma dad pa rgyal po'i spyan sngar ma rtogs bzhin du tshul khrims nyams pa'i dge slong gi nyes pa gleng ba dang / dge 'dun ma dad par kun tu rgyu ba'i mdun du tshul khrims nyams pa'i dge slong gi nyes pa gleng ba dang / dge 'dun ma dang bar blon po'i mdun du tshul khrims nyams pa'i dge slong gi nyes pa gleng ba dang / dge 'dun ma dad par tshong dpon dang khyim bdag gi 'dun du tshul khrims nyams pa'i dge slong gi nyes pa gleng ba dang / bud med mang po'i mdun du tshul khrims nyams pa'i dge slong gi nyes pa gleng ba dang / skyes pa mang po'i mdun du tshul khrims nyams pa'i dge slong gi nyes pa gleng ba dang / rung bar byed pa mang po'i mdun du tshul khrims nyams pa'i dge slong gi nyes pa gleng ba dang / dge slong dang / dge slong ma mang po'i mdun du tshul khrims nyams pa'i dge slong ginyis pa gleng ba dang / na
- 64b
yod pa'i mdun du tshul khrims nyams pa'i dge slong gi nyes pa gleng ba dang / dgra bo zhe 'gras pa'i mdun du ma rtogs bzhin du tshul khrims nyams pa'i dge slong gi nyes pa gleng ba'o// 'di dag ni chos ma yin pa dang / ma rtogs par tshul khrims nyams pa'i dge slong gi nyes pa glengs na/ kha na ma tho ba'i sdig pa chen po thob par 'gyur ba bcu zhes bya'o// gal te bden yang dag pa la brtan te glengs na yang nyes par 'gyur na/ bden pa ma yin pa la brten te gleng ba lta ci smos te/ kha na ma tho ba'i sdig pa chen po thob par 'gyur ro// gzhan yang chos ma yin pa rnam pa 'di bcus tshul khrims nyams pa'i dge slong gi nyes pa glengs na/ kha na ma tho ba chen po'i sdig thob par 'gyur gyis/ mkhas pa dag gis de ltar mi bya'o// bcu gang zhe na/ mu stegs can dag gis dge slong gi nyes pa gleng ba dang / tshul khrims med pa khyim pa dag gis dag slong gi nyes pa gleng ba dang / dam pa'i chos la skur pa dag gis dge slong gi nyes pa gleng ba dang / 'phags pa rnams la smod pa dag gis dge slong gi nyes pa gleng ba dang / glen pa sems 'khrugs pa dag gis dge slong gi nyes pa gleng ba dang / nad kyis yongs su gzir bdag gis dge slong gi nyes pa glang ba dang / phyogs bzhi'i dge 'dun gyi rung bar byed pa bas dge slong gi nyes pa gleng ba dang / bza' shing gi rab srung ba dag gis dge slong gi nyes pa glang ba dang / dge slong chad pa pa dag gis dge slong gi nyes pa gleng ba ste/ chos ma yin pa rnam pa 'di bcus dge slong tshul khrims nyams pa'i nyes pa gleng bam
- 65a
kha na ma tho ba'i sdig pa chen po thob par 'gyur ro/ / ji ste bden pa yang dag pa la brten te glengs na yang nyes par 'gyur na/ bden pa ma yin par gleng ba lta ci smos te/ kha na ma tho/ pa'i sdig pa chen po thob par 'gyur ro// gzhan yang u pa li gal te dge slong tshul khrims nyams pa dag dge slong gi dge 'dun gyi nang na dge 'dun dang lhan cig gnas na/ dge slong de'i nang na tshul bzhin du byed pa spyod lam dang ldan pa/ yon tan lnga phrugs dang ldan pa gcig 'dug pa las langs te/ gos tshags chos la bsti stang dang bcas pas dge slong gi dge 'dun gyi rkang pa la phyag 'tshal la/ de nas tshul khrims nyams pa'i dge slong gi mdun du song la nyes pa gleng ngo zhes gsol ba thob cig/ tshe dang ldan pa dgongs shig/ bdag deng tshe dang ldan pa khyod kyi nyes pa gling ngo // bden pa brdzun ma yin pa/ dus la bab pa/ dus mi 'da' ba/ 'dzum bzhin du smra ba/ mi brlang ba'i tshig gis byams pa'i sems dang / zhe sdang med pa dang / phan pa dang bde ba'i gnod pa ma yin pa dang de bzhin gshegs pa'i chos kyi mig dang / chos kyi sgron ma yun du gnas par bya ba'i phyir gleng ngo // tshe dang ldan pa khyod kyis nyes pa bdag gis chos bzhin du gleng ngo zhes gsol ba thob cig/ gang zag des gleng du gnang na ni chos bzhin du gleng bar bya'o/ / gal te gleng du ma gnang na phyir yang gnas brtan dang / dge 'dun gyi rkang pa la phyag 'tshal te/ bsti stang dang bcas pas 'di skad ces gsol cig/ dag
- 65b
slong ming 'di zhes bgyi bas nyes pa 'di lta bu zhig bgyis te/ bdag gis chos lnga la bsten te gleng bar 'tshal lo zhes gsol cig/ de nas dge 'dun gyi nang na dge slong gnas brtan gyis shin tu rtog/ la gleng ba bas ji gleng ba dang / nyes pa ci byas pa dang / bden nam/ brdzun nam/ lci 'am// yang ba brtags la/ 'dul ba dang mdo sde la brten te/ bsdigs pa dang bzho pa'i thabs sna tshogs kyis dri zhing gleng bar bya'o/ / bdun shin tu zhi bar bya ba'i chos kyis gang dang gang du 'thun pa de dang de'i chos kyis zhi bar bya'o// gal te nyes pa chen po byas na yang chad pa chen pos gcad do// nyes pa 'dring byas na yang chad pa 'bring gis gcad do/ / nyes pa chung ngu byas na yang chad pa chung ngus gcad de/ khrel ba dang ngo tsha bas nyes pa 'thol du gzhug go// de nas u pa lis yang / bcom ldan 'das la 'di skad ces gsol to/ / nyes pa yang dag par byung ba sdig pa bgyis pa'i dge slong dag gal te khyim pa'i mthu las bsnyems sam/ mang du thos pa'i mthu dang / smra bshags kyi mthu dang / slong ma'i mthul bsnyems te/ mthu rnam pa de lta bus mjing sdoms te dge 'dun gyi ngag mi nyan la/ dge slong gnas brtan mdo sde dang / 'dul ba dang / ma mo 'dzin pas chos bzhin du bstan cing bcos kyang nyan du mi btub pa'i dge slong de la ji ltar chad pas gcad par bgyi/ bcom ldan 'das kyis bka' stsal pa/ dge slong gnas brtan sde snod gsum 'dzin pas/ dge 'dun la dad pa dris te rgyal po dang blon po chen po la
- 66a
mthu rtsa ba'i bonya thong la/ gdod chos bzhin du chad pas chod cig/ u pa lis yang gsol pa/ bcom ldan 'das gal te sdig pa bgyid pa'i dge slong de nor dbyig gi mthu dang / mang du thos pa'i mthu dang / spu bshags kyi mthu dang / thabs rnam pa sna tshogs kyis rgyal po dang blon po yang dga' bar bgyis te/ thams cad chos ma lags pa bgyid pa/ tshul khrims nyams pa'i dge slong gi grogs bgyid de/ tshul khrims ngan pa can gi dge slong de dag sdig par nyam rangs su bgyid du rtsal nas/ chos bzhin du chad pas gcad du mi ster na/ de'i tshe de la dge 'dun gyis ji ltar bgyi bcom ldan 'das kyis/ u pa li la bka' stsal pa/ gal te dge slong de mi gnas pa dang mi bya ba la brten te/ dge 'dun gyi nang du gnas nas sdig pa chen po mngon sum du mi snang na de'i tshe dge 'dun gyis skad cig gzhag go/ / gal te dge slong de mi gnas pa dang mi bya ba'i sdig pa chen po mngon sum du snang bzhin du/ dge 'dun gyi nang na gnas na/ de'i tshe dge 'dun dag dang ba dris te/ chos bzhin du bslang de sangs rgyas kyi chos las phyir dbyung ngo / / u pa li 'di lta ste/ nas kyi zhing gi nang nas la gnod pa skyes pa yang myu gu dang / sdong bu dang / tshogs nas dang 'dra'ang nas zang po sme bar byed de/ nas la gnod/ pa de snyems byung ba na// nas kyi bdag pos skad cig 'jog go// ske ma byung ma thag tu ni nas kyi bdag pos nas nas bzang po sme bar byed do snyam bsams nas rtsa thon du phyung ste zhing de'i phyi rol du 'dor ro//
- 66b
de bzhin du mi gnas pa dang mi bya ba'i dge slong tshul khrims nyams pa de khyim pa dang mthu rnam pa mang po snyems te/ dge 'dun gyi nang na gnas pa spyod lam dang / cha lugs dang / dge 'dun dang / 'dra yang dge 'dun rnam par dag pa sme bar byed de/ srung ma'i lhas ma glengs kyi bar du dge 'dun gyi nang na gnas te/ sdig pa chen po mngon sum du mi snang na/ de'i tshe dge 'dun gyis skad cig zhog cig/ gal te lha srung mas kyang bskul la/ dge 'dun gyis nang na nyes pa chen po yang mngon sum du snang bar gyur na/ de'i tshe dge 'dun dad pa dris ste/ sangs rgyas kyi chos las phyir skrod cig/ u pa li 'di lta ste/ rgya mtsho chen por ni ro zhag lon par mi 'jog go/ de bzhin du nga'i nyan thos kyi dge 'dun gyi slob ma yang tshul khrims nyams pa/ sdig pa spyod pa'i dge slong ro dang 'dra ba dang lhan cig mi 'grogs so// u pa lis yang gsol pa/ bcom ldan 'das gal te tshul khrims nyams pa/ sdig pa byed pa'i dge slong de dge 'dun dad pa dris te bskrad kyang / nor rin po che'i mthu dang / mang du thos pa'i mthu dang / smra ba sha kyi mthu dang / thabs rnam pa sna tshogs kyis rgyal po dang blon po chen po dga' bar bgyis te/ thams cad tshul khrims ngan pa can gyi grogs su gyur na/ mthu chen pos nan gyis lhan cig tu gzhag nas/ tshul khrim nyams pa'i dge slong dang / dge 'dun lhan cig tu gnas na de'i tshe dge 'dun gyis de ji ltar bgyi/ bcom ldan 'das kyis bkab stsal pa/ de'i tshe dge 'dun gyi nang na 'dzem pa dang ngo tsha bar ldan pa dang
- 67a
tshul khrims dang ldan pa'i dge slong dag tshul khrims bsrung ba'i phyir/ tshul khrims nyams pa'i dge slong de la zhe sdang mi skyed pa dang / rgyal po dang blon po chen po la gnod par ma/ gyur par gsol ba thob ste/ gnas de spong la gnas gzhan du song zhig/ 'dus pa chen po las byang chub sems dpa' sa'i snying po 'khor lo bcu pa zhes bya ba theg pa chen po'i mdo bam po bzhi pa/ / // de nas byang chub sems dpa' sems dpa' chen po sa'i snying pos/ bcom ldan 'das la 'di skad ces gsol to// btsun pa bcom ldan 'das sangs rgyas kyi zhing rnyog pa lnga can de bzhin gshegs pa mi bzhugs pa na/ de'i tshe de na gnas pa'i sems can dag nyon mongs pas gzir te/ mi dge ba spyod cing glen pa'i rang bzhin du gyur nas/ shin tu gdul dka' ba rgyal rigs gdol pa can dang / blon po gdol pa can dang / khyim bdag gdol pa can dang / tshong dpon gdol pa can dang / bram ze gdol pa can de dag la sogs pa dge ba'i rtsa ba chung ba/ dad pa'i sems ma mchis pa/ g.yo dang sgyus 'tsho ba/ glan pa dag shes pa bsnyems shing / 'jig rten phyi ma'i sdug bsngal gyi 'bras bus mi 'jigs pa dang / dge ba'i bshes gnyen spong ba/ mtshams med pa'i sems can dmyal ba la 'jug cing 'bab pa de dag khe dang rnyed pa'i phyir tshul khrims nyams pa sdig pa bgyid pa'i dge slong dang bsten cing / chos ma yin pa'i grogs su gyur nas/ thams cad gdon mi za bar mtsham
- 67b
med pa sems can dmyal ba la 'jug cing 'bab pa'i gnas de dag tu bdag mchis te/ sangs rgyas bcom ldan 'das kyi chos kyis sems can de dag la phan pa dang / bde ba dang / dbugs dbyung ba'i slad du bla na med pa'i dag bdud rtsi lta bu'i dam pa'i chos thabs kyis bstan cing drangs te/ de la spyod du gzhug pa dang / rgyal rigs gdol pa can nas/ bram ze gdol pa can gyi bar du mtshams med pa'i sems can dmyal bar lhung ba las rnam par bzlog par bgyi'o/ / bcom ldan 'das kyis/ byang chub sems dpa' sems dpa' chen po sa'i snying po la 'di skad ces bka' stsal to// rigs kyi bu khyod phyi ma me 'ong pa'i dus na/ sangs rgyas kyi zhing 'dir sems can dag nyon mongs pas yongs su gdungs nas/ sdig pa spyod cing byis pa gti mug can gdul dka' bar gyur pa gang / rgyal rigs gdol pa can dang / blon po gdol pa can dang / khyim bdag gdol pa can dang / tshong dpon gdol pa can dang / dge sbyong gdol pa can dang / bram ze gdol pa can la sogs pa dge ba'i rtsa ba chung ba/ dad pa'i sems med pa/ g.yo dang sgyuskyes 'tsho ba/ gti mug can/ shes pa snyems pa can/ dge ba'i bshes gnyen spong ba/ spong ba'i tshig bden pa med pa/ dge ba'i bshes gnyen gyis bstan pa la mi 'jug pa dang brnyas shing dbang tha tshig ngan pas rnam par 'thing ba/ dam pa'i chos la the tsom za zhing log par lta ba/ 'jig rten phyi ma'i sdug bsngal gyi 'bras bu la mi 'jigs pa/ rtag tu ngang tshul ngan pa can dag dang sten par dga'
- 68a
pa/ srog gcod pa nas log par lta ba'i bar du spyod pa la dga' zhing / g.yo dang sgyus 'jig rten pa srub dang / bdag dang gzhan la gnod pa byed pa'i rgyal rigs gdol pa can na// bram ze gdog pa can gyi bar du nga'i chos 'jigs par byed pa/ nga'i bstan pa la rab du byung na yang tshul khrims nyams shing / 'jig rten gyi 'du 'dzi'i las byed par spro ba la rgyal rigs dang / bram ze la sog pas bsti stang dang bcas pas mchod pa dang / khe la brkam pas nor tshol ba'i phyir tshig tsam du smra zhing / spyod pa dang mi ldan pa/ phan tshun du phrin cing yi ge skyel ba la dga' ba dang / tshong dang khe spogs byed cing / 'jig rten rgyang 'phan pa'i gtsug lag slob pa dang / zhing rmo ba'i las la dga' ba dang / nor rin po che ba sogs shing sbed pa dang / khang khyim dang / chung ma dang / bu smad srung ba dang / 'jig rten gyi sngags dang phyag rgyas 'byung po 'khol ba dang / lhas bzang ngan lta ba dang / sman sbyar cing nad gsos pa'i nor gyis 'tsho ba dang / bza' ba dang / btung ba dang / bgo ba dang / rin po che'i rgyan la chags shing / khyim pa'i las byed pa la dga' ba dang / tshul khrims 'dral zhing sdig pa spyod pa dang / dung gi sgral khyi'i spyod pa dang ldan pa/ dge sbyong ma yin par dge sbyong du khas 'che ba dang / tshangs par spyod pa ma yin par tshangs par spyod par khas 'che ba yod de/ rgyal rig gdol pa can nas/ bram ze gdol pa can gyi bar du de dag la bsnyen bkur byed cing / bsti bstang dang bcas pas mchod pa byed de/
- 68b
de dag gi ngag kyang nyan to// tshul khrims nyams pa de dag kyang rgyal rigs gdol pa can nas/ bram ze gdol pa can gyi bar du de dag la bsten par dga' zhing / bkur sti dang rim gro byed de/ de'i gtan to// gal te gang zag 'ga' zhig nga'i snyan pa la rab tu byung nas/ tshul khrims dang yon tan du ldan pa slob pa dang mi slob pa la nan tan byed pa nas/ 'bras bu'i mthar phyin gyi bar du gyur pa la/ rgyal rigs gdol pa can nas bram ze gdol pa can gyi bar du de dag gis de la phrag dog byed de/ bsnyen bkur dang / bsti stang dang / rim gro dang / mchod pa mi byed cing / slar ngag nyan par yang mi byed do// rigs kyi bu 'di lta ste/ mi la la zhig rin po che'i gling du phyin pa las/ rin po che in+d+ra nI la dang / ma hA nI la dang / gser dang / dngul dang / mu tig dang / pad+ma rA ga dang / bai DUR+Ya dang / rin thang med pa'i rin po che rnam pa sna tshogs bor nas/ nor bu mching bu len pa ltar/ de bzhin du ma 'ongs pa'i dus na/ sangs rgyas kyi zhing 'dir rgyal rigs gdol pa can nas/ bram ze gdol pa can gyi bar du yang de dang 'dra ste/ ngas bstan pa'i dam pa'i chos kyi rin po che'i gling du phyin nas/ tshul khrims dang yon tan du ldan pa/ don dam pa la dga' ba/ 'dzem pa dang ngo tsha bar ldan pa/ slob pa dang mi slob pa'i gang zag dang / pha rol tu phyin pa drug la nan tan byed pa la brtson pa'i so so'i skye'o dge ba'i yon tan dang ldan pa/ 'phags pa'i 'khor spangs nas tshul khrims nyams pa/ sdig pa mang po spyod pa/ ngo tsha ba med pa dang 'dzem pa
- 69a
med pa/ tshog brlang zhing rtsub pa/ lus dang sems nga rgyal gyis dregs pa/ rnam par dkar ba'i phyog dang bral ba/ byams pa'i sems med pa/ snying rje med pa/ sdig pa'i dge slong dag la bsod nams kyi zhing du 'dzin cing / bkur sti dang / rim gro dang / mchod pa byed de/ de'i ngag nyan to// de ltar sdig pa can de dag ni slob dpon dang slob mar bcas te/ gdon mi za bar mtsham med pa'i sems can dmyal bar lhung bar 'gyur ro/ / rigs kyi bu sdig pa'i 'khor lo rnam pa bcu yod de/ ma 'ongs pa'i dus na/ sangs rgyas kyi zhing 'dir rgyal rigs gdol pa can dang / rje'u rigs gdol pa can dang / khyim bdag gdol pa can dang / tshong dpon gdol pa can dang / dge sbyong gdol pa can dang / bram ze gdol pa can dag sdig pa'i 'khor lo rnam pa bcu po las 'ga' zhig dang ldan nam/ gal te kun dang ldan na/ sngon bsags pa'i dge ba'i rtsa ba thams cad kyang tshig ste thal ba bzhin du 'gyur la/ rings po mi thogs par lus kyi yan lag kyang dum bur 'chad pa dang / nyin mtshan du mar lce ldib cing smra mi nus pa dang / mi bzad pa'i sdug bsngal chen po myong ba dang / tshe 'phos nas kyang gdon mi za bar mtshams med pa'i sems can dmyal ba chen por ltung bar 'gyur ro// bcu gang zhe na/ 'o'ado lte ste/ de ltar tshul khrims nyams pa sdig pa spyod pa'i dge slong dag gis ngan par lta ba ni/ rgyal rigs dang / blon po la sogs pas bzod la/ slar de bas mthar gnas pa'i dge slong yongs su dag
- 69b
pa mthong na de la 'di skad zer ro/ / kye skyes bu dag 'di ltar dge slong 'di dag ni glen pa gti mug can tshul 'chos shing 'jig rten slu ba yin te/ kha zas dang / btung ba dang / bgo ba dang / khe dang / rnyed pa dang grags pa 'dod pa'i phyir bdag ni bstod/ gzhan ni smod cing phrag dog gis dkrugs ma byed do// khe dang grags pa la skyo zhing chog mi shes pa yin pas bskrad par 'os pa de dag gi tshig kyang mnyan par mi bya'o// dge slong de dag ni brdzun 'ba' zhig smra zhing / bden pa'i chos dang bral bas 'bras bu thob pa yang med/ 'dod pa dang bral zhing zag pa yongs su zad pa yang ma yin la/ khe dang / grags pa dang / mchod pa tsam 'dod pa'i phyir/ bas mthar gnas shing yon tan can du ston pa dag la mchod pa dang / bsnyen bkur dang / bsti stang ma byed cig/ de ni g.yo dang sgyus 'tsho ba yin gyi/ bsod nams kyi zhing yang dag pa 'am/ lam la nan tan byed pa ni ma yin no zhes skur to// de nas rgyal rigs gdol pa can nas/ bram ze gdol pa can gyi bar du thams cad kyis bas mthar gnas pa'i dge slong yongs su dag pa la dad pa'i sems mi skye/ dkon pa'i 'du shes mi 'byung ste/ bsti stang bya ba'i sems med do// de la mchod pa dang bsnyen bkur byed pa la mi mos shing / ji skad du bstan kyang de'i tshig mi nyan to// de la brnyas shing smod do// de ltar bas mthar gnas pa'i dge slong yongs su dag pa la brnyas shing smod pa nyid/ chos kyi mig dang / dkon mchog gsum gyi gdung la brnyas shing spod pa yin pas
- 70a
de'i tshe yul de na gnas pa'i lha dang / klu dang / gnod sbyin dang / lha la sogs pa dkon mchog gsum la bsam pa dag pa dad pa mi phyed pa dag/ rgyal rigs gdol pa can/ nas/ bram ze gdol pa can gyi bar du gdol pa can de dag thams cad la khros te/ zhe sdang gi sems skyes nas/ gcig la gcig 'di skad zer ro// kye skyes bu dag ltos/ rgyal rigs gdol pa can da rje'u rigs dang / khyim bdag dang / tshong dpon dang / dge sbyong dang / bram ze gdol pa can 'di dag chos kyi mig dkon mchog gsum gyi gdung 'tsheb pa thams cad la brnyas shing dbang bzas pas dge ba'i rtsa ba yang med par byas te/ mi dge ba'i bshes gnyen gyi dbang du gyur pas sdig pa'i las kyis ngan song du ltung bar 'gyur gyis/ bdag cag deng phyin chad de dag gi skyabs mi bya'o// rgyal rigs gdol pa can la sogs pa de dag gi gnas dang / yul dang / grong khyer dang / srid kyang mi srung ngo zhes zer te/ lha dang / klu dang / gnod sbyin dang / lha la sogs pa thams cad de dag la mi skyob mi 'gro ste/ yal bar gtong ngo // de bas na rgyal rigs gdol pa can la sogs pa'i yul dang grong khyer na gnas pa'i yang dag pa'i chos kyi snod du 'gyur ba dang / yang dag pa'i bsod nams kyi zhing du 'gyur ba thams cad yul de nas byung ste 'gro'o/ / ji ltar 'dug pa zhig yod na mi 'dod cing gtong ba'i bsam pa skyes pas bskyab cing bsrung ba'i sems med do// de ltar lha dang / klu dang / gnod sbyin dang / lha la sogs pa dang
- 70b
yang dag par chos kyi snod du gyur pa dang / bsod nams kyi zhing du 'gyur ba thams cad kyis rgyal rigs gdol pa can dang / de'i sring dang / yul dang / grong khyer la bsrung zhing bslab pa'i sems med de/ bsrung zhing bskyab pa'i sems med pas/ de'i tshe na yul de'i srid la nang gi dgra dang / phyi'i dgra gnyis ka ldang ste/ srid 'phrog pa'i phyir gcig la gcig 'tshe zhing gsod pa dang / nad dang / mu ge la sogs pa yang de'i dbang gis 'byung ngo / / de nas rgyal rigs gdol pa can nas/ dge sbyong dang bram ze gdol pa can gyi bar du gdol pa can de dag thams cad dang / yul de na gnas pa thams cad kyang dga' zhing spro ba'i sems med de/ sngon gyi yid du 'ong ba dang sdug pa thams cad dang yang bral nas/ gnyen pashes dang / mdza' bo dang / grogs kyang gcig gis gcig yid phyung zhing phrad mi 'dod pa dang / byams pa dang snying rje med de/ phrag dog dang ser sna byed cing sdig pa mang po yang byed par 'gyur ro// 'di lta ste/ srog gcod pa nas ngan par lta ba'i bar du kun spyod cing ngo tsha ba dang 'dzem pa med par 'jig rten gyi nor dang / dge 'dun gyi nor la spyod cing zab la 'gyod pa'i sems med do// rgyal rigs gdol pa can de mdzangs shing drang po la ni sdang la/ gtsam sgyu can la ni dga' bas blon po dang dmangs gcig la gcig gnod ba byed cing / 'khon dang sha gnyer nas 'thab cing rtsod pa dang / pha rol po'i dgra dang g.yul sprod pa na yang 'og ma sems mi mthun pa'i phyir g.yul yang nyes par 'gyur ro// rgyal rigs gdol pa can dang
- 71a
blon po dang / khyim bdag dang / tshong dpon dang / dge sbyong dang / bram ze la sogs pa gdol pa can de dag thams cad ring po mi thogs par lus kyi yan lag nyams shing / nyin mtshan/ du mar lce lkugs par 'gyur ba dang / shin tu mi bzad pa'i na ba dang tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal bar ltung ngo // rigs kyi bu gzhan yang rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa'i gdol pa can sdig pa'i bshes gnyen gyi rjes su spyod pa dag dge ba'i rtsa ba chung ba/ g.yo dang smras 'tsho ba/ glen pa gti mug can shes pa snyems pa/ dkon mchog gsum la bsam pa dag pa'i sems med pa/ 'jig rten phyi ma'i sdug bsngal gyi 'bras bu la 'jigs par mi lta ba dag/ de la kha cig ni nyan thos kyi theg pa la chung zad dad kyang / yang dag par glen pa'i rang bzhin can du gyur pas/ 'di snyam du bdag las shes shing mkhas pa med do snyam nas ngas bstan pa'i rang sangs rgyas kyi theg pa'i chos dang / theg pa chen po'i chos la brnyas smod de 'phya zhing skur nas/ sems can gzhan dag kyang tshogs su bcad pa tsam gyi bar du 'chang zhing 'dzin pa dang / klog cing 'don du yang mi ster ro/ / de la kha cig ni rang sangs rgyas kyi theg pa la dad pa cung zad thob kyang / yang dag par glen pa'i rang bzhin can du gyur pas/ 'di snyam du bdag las shes shing mkhas pa med do snyam
- 71b
nas/ ngas bstan pa'i nyan thos kyi theg pa'i chos dang / theg pa chen po'i chos la brnyas spod de 'phya zhing skur nas/ sems can gzhan dag tshigs su gcad pa gcig tsam gyi bar du 'chang ngam/ 'dzin dam klog gam/ 'don du yang mi ster ro// de la kha cig ni theg pa chen po'i chos la dad pa cung zad tsam thob kyang / yang dag par glen pa'i rang bzhin can du gyur pas/ 'di snyam du bdag las shes shing mkhas pa med do snyam nas/ ngas bstan pa'i nyan thos kyi theg pa'i chos dang / rang sangs rgyas kyi theg pa'i chos la brnyas smod de 'phya zhing skur nas/ sems can gzhan dag tshogs su bcad pa gcig tsam gyi bar du yang 'chang zhing 'dzin tam/ klog cing 'don du yang mi ster ro// gang zag de dag ni sangs rgyas kyi dam pa'i chos la brnyas skur pa dang / dus gsum gyi sangs rgyas bcom ldan 'das la dbang za ba dang / dus gsum gyi sangs rgyas kyi chos kyi sde snod thams cad bshig nas bsregs te thal ba bzhin du 'jig par byed pa/ 'phags pa'i lam gyi yan lag brgyad pa thams cad pa/ tshad med pa'i sems can gyi chos kyi mig 'jar ba zhes bya'o/ / rgyal rigs gdol pa can nas/ dge sbyong dang bram ze gdol pa can gyi bar du de dag gis sangs rgyas kyis bstan pa'i nyan thos kyi theg pa'i chos dang / rang sangs rgyas kyi theg pa'i chos dang / theg pa chen po'i chos bcabs te bar chad byas nas tshigs su bcad pa gcig tsam gyi bar du med par byas na/ gang zag de ni chos kyi mig dang dkon mchog gsum gyi gdung 'tshob pa thams cad la ma gus pa ste/ de'i rgyu dang
- 72a
de'i rkyen gyis yul de srung ba'i lha dang / klu dang / gnod sbyin dang / lha la sogs pa dkon mchog gsum la bsam pa dag cing dad pa mi phyed pa dag/ rgyal rigs gdol pa can nas/ bram ze gdol pa can gyi bar du gdol pa can de dag thams cad la khro zhing zhe sdang gi sems skye ba nas/ gzhung de bzhin du rgyas par rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa gdol pa can thams cad ring po mi thogs par lus kyi yan lag nyams shing nyin mtshan du mar lce lkugs par 'gyur ba dang / shin tu mi bzad pa'i na ba dang tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal ba chen por lhung ngo // rigs kyi bu gzhan yang rgyal rigs gdol pa can dang / blon po dang / khyim bdag dang / tshong dpon dang / dge sbyong dang bram ze la sogs pa'i gdol pa can rnams tshul khrims nyams pa sdig pa spyod pa'i dge slong gi rjes su zhugs pa nas/ gzhung de bzhin du rgyas par yul de ni snod du gyur pa yang dag pa'i bsod nams kyi zhing du gyur pa thams cad rgyal rigs gdol pa can la sogs pa la spong ba'i sems skyed de/ / bskyab pa 'am/ bsrung ba mi byed do// brgya la yul de na gnas su zin kyang chos la rten gyi/ khyim pa la dga' zhing gnas par mi byed pa dang / sbyin bdag gi khyim du yang dang yang du 'gro bar mi byed pa dang / gal te skad cig tsam phyin na yang tshig srung zhing mi smra ba dang / ji ste smra na yang brdzun gyi bag byed de/
- 72b
khyim pa'i mdun du tshul khrims nyams pa dag la 'phya ba 'am brnyas par mi byed pa dang / tshul khrims nyams pa sdig pa spyod pa'i dge slong de dag gi nyes pa mi brjod cang mi gleng ba dang / rtag tu bsod nams kyi/ zhing la bsten gyis/ tshul khrims nyams pa yongs su spong ngo // tshul khrims nyams pa sdig pa spyod pa'i dge slong de dag ni phyir tshul khrims srung ba/ dge ba'i yon tan dang ldan pa dag la khro ba dang zhe sdang gi sems bskyed de brnyas smod pa dang / rgyal rigs gdol pa can dang / dge sbyong dang bram ze gdol pa can gyi bar du khyim pa'i bus pa dang bud med kyi mdun du gtsam pa dang / spu sna tshogs kyis brdzun zer zhing tshul khrims srung ba de dag la 'phya zhing skur pa dang / tshogs ngan po ske tshegs 'dogs te/ rgyal rigs gdol pa can nas/ bram ze gdol pa can gyi bar du de dag thams cad nga'i slob ma 'dod pa nyung zhing chog shes pa/ tshul khrims srung ba/ mang du thos pa/ spobs pa dang ldan pa'i dge slong la zhe sdang ba dang khro ba'i sems bskyed cing / tshog rtsub pa rnam pa sna tshogs kyis 'phya zhing skur du bcug nas lus dang sems mi bde bar byed do/ / gzhan yang chos gos dang / lhung bzed dang / 'tsho ba'i yo byad kyang 'phrog tu bcug nas 'tsho bas brel bar byed do// gzhan yang phyogs bzhi'i dge 'dun gyi nor 'phrog tu bcug nas spyod du mi ster ba dang / la la ni btson rar bcug nas lcags dang / khong sgril dang shing gi gdos la sogs pa'i nan la bor ro// la la ni lus kyi yan lag gdus
- 73a
la la ni mgo gcod du bcug go/ / rigs kyi bu khyod ltos shig/ de ltar rgyal rigs gdol pa can nas/ dge sbyong dang bram ze gdol pa'i bar du gdol pa can de dag tshul khrims nyams pa/ sdig pa spyod pa'i dge slong brten nas/ de lta bu'i kha na ma tho ba chen po'i sdig pa sna tshogs byed do// mtshams med pa'i sems can dmyal ba'i bar du ltung bar 'gyur ro// sems can gang gis mtshams med pa lnga byas sam/ tshul khrims kyi rtsa ba dag bshig gam/ mtshams med pa la nye ba'i sdig byas sam/ rang bzhin gyi sdig gam/ bcas pa'i sdig gang byas pa ni/ rgyal rigs gdol pa can nas/ dge sbyong dang bram ze gdol pa can gyi bar du tshul khrims nyams pa/ chos las 'gal bar byed pa la brten pa pas sdig pa yang ngo // rigs kyi bu de ltar tshul khrims nyams pa sdig pa spyod pa'i dge slong dag de ltar chos las 'gal ba'i sdig pa chen po byas mod kya/ 'on kyang nga'i bstan pa la gnas shing / sma pa baspu brags te ngur smrig bgos nas/ spyod lam dang cha lugs 'phags pa rnams dang 'thun te/ de la ni rgyal po dang / blon po chen po dang / khyim pa rnams kyis khyim pa'i chos nyo dang ngasang sbyor dumi gan na/ gzhub dang / 'chog pa dang / nan la bor ba dang / btson rang gzug pa dang / gshi zhing dang / lus kyi yan lag gtub pa dang / 'tsho ba'i dbang po dang phral ba/ chos ma yin pa byed pa lnga gyi stsom/ rgyal po'am/ blon po 'am/ khyim pa rnams kyis gal te de ltar byas na lan mtho ba'i rjeg
- 73b
pa chen po thob par 'gyur te/ gdon mi za bar mtshams med pa'i sems can dmyal bar skye'o// de ltar tshul khrims nyams pa spyod pa'i dge slong la yang chad pas gcod du mi gnang na/ tshul khrims dang ldan pa dge ba spyod pa la lta ci smos/ rigs kyi bu dge slong gang gis tshul khrims kyi rtse ba'i sdig las gcig nyams pa yang tshul khrims nyams shing sdig pa spyod pa'i dge slong zhes bya mod kyi/ bstan pa bzhin du dad pa'i dge 'dun gyis las byas pa'i sdom pa rgyun mi 'chad par yod de/ bslab pa dang / tshul khrims kyi bar du btang yang rnam par dkar ba'i chos kyi bsung ba tsam yod kyis/ de la yang rgyal po dang / blon po dang / khyim pa dang / sdom pa med pa rnams kyis brnyas smod dam/ chad pas gcad du mi gnang ngo // de ltar dge slong de chos kyi snod ma yin te/ 'phags pa'i chos nyams su dge 'dun sme bar byed cing / dge sbyong gi las su bya ba'i las thams cad mi rung bar byed pa yin te/ phyogs bzhi'i dge 'dun gyi longs spyod la spyod du ni mi dbang mod kyi/ 'on kyang yid 'thun pa'i dge 'dun las bsnyen par rdzogs te/ sdom pa thob pa ma gtang bas khyim pa skye bo thams cad pas mchog go/ / rtsa ba'i sdig rnams kyang de lta bu yin na/ dom yin pa bcas pa'i sdig phra mo gzhan nyams pa lta ci smos te/ de bas na rgyal po dang / blon po dang / khyim pa rnams kyis brnyas pa 'am/ smod pa byed dam/ chad pas gcod du mi dbang ngo // de ci'i phyir zhe na/ rigs kyi bu sngon 'das pa'i dus na/ yul ka sha zhes bya ba na// rgyal po tshangs pas bya ba zhig yod
- 74a
de/ des gdol pa lnga la 'di skad ces bka' stsal to// khyod deng la ri kha ba can gyi drung na/ glang po che mche ba drug dang ldan pa/ u ba li'i mig ces bya ba yod kyis khyod kyis de ni/ mche ba phyung la 'on cig/ gal te khyed kyis ma thob na gson du ma re zhig ces bsgo'o// de'i tshe gdol pa can de dag lus dang srog gi phyir mda' gzhu thogs nas gos tshon can gyon te/ dge sbyong gi tshul ltar bcos nas ri kha ba can gyi drung du glang po che'i rgyal po gang na bar song ngo / / der phyin pa dang / de na glang po che mo zhig sngar mthong ba dang / mda' gzhu thogs pa des sngangs nas/ glang po che'i rgyal po'i gan du brgyugs te phyin nas 'di skad ces smras so/ / lha chen po ma gzigs sam/ mi kha cig mda' gzhu thogs te dal gyis 'jab cing mchi na/ ci bdag cag gi tshe'i bar chad du mi 'byung grang / glang po che'i rgyal pos mgo bdag sde balngas na/ sgra dang kha spu bregs nas/ gos tshon can gyon pa dag cig 'ong ba mthong nas/ glang po che mo la tshigs su bcad pa 'di dag smras so// sangs rgyas gang+gA'i klung gi bye snyed kyi// rgyal mtshan chos gos gyon pa 'di dag ni/ / sdig pa thams cad yongs su spad pas na// nges par sems can dag la gnod mi byed// de nas glang po che mos kyang tshogs su bcad nas lan btab pa/ chos gos gyon pa ltar ni byed mod kyi/ thams cad lag na mda' gzhu thogs pas na// 'di ni snying rje med cing ma rungs pa// sdig pa byed la mos pa'i gdol pa yin// de nas glang po che'i rgyal pos yang tshigs su bcad de smras pa/ chos gos tshab
- 74b
bu gyon par snang bas na/ / byams dang snying rje'i rtsa ba de nyid yin// sems can kun la byams dang snying rtse'i phyir// sangs rgyas la ni 'di dag skyabs song nges// khyed cag 'di la the tsom ma za bar// sbyar/ de sems de rjes su gzung na mdzes// chos gos tshon can gyon pa 'di dag ni// 'khor ba'i rgya mtsho las ni sgrol mdzad pa'o// de nas de'i tshe gdol pa can de dag gis/ mda' dug can gyis glang po che'i rgyal po la 'phangs nas/ gzas pa bzhin du snying la phog go// de nas glang po che mo skad chen po phyung ste ngus nas/ skad kyis brnangs bzhin du tshogs su bcad pa 'di skad ces smras so// chos gos gyon pa de ngag ni/ / sangs rgyas la ni skyabs song snyam// cha lugs shin tu zhir snang yang // gdug pa'i sems ni khong ni bsrel// lha yi sku la mda' 'phen pa'i// dgra de shin tu brlag pa'i phyir// myur du lus kun brdzis nas su/ / 'tsho ba'i dbang dang dpral bar bya// de nas glang po che'i rgyal pos tshogs su bcad de smras pa/ 'tsho ba'i srog dang bral kyang bla'o// sdig pa'i sems ni bskyed mi rigs// 'di dag bslu ba'i sems yod kyang / / cha lugs sangs rgyas slob ma 'dra// mkhas pa'i sems ni rnam dag pa// sreg gi phyir ni ma yin te// skye bo mang po bsgral ba'i phyir// rtag tu byang chub spyad pa spyod// de'i tshe glang / tshe rgyal po snying brtse ba'i sems skyes nas/ mi de dag la 'di skad ces smras so// khye ngal ci 'dod/ de dag gis smras pa/ khyod kyi mche ba 'dod ngo do// glang po che'i rgyal po shin tu dga' nas/ mche ba phyung /
- 75a
de dag la byin nas/ tshogs su bcad de smras pa/ khro zhing ba'angs pa'i bsam pa med bzhin du// khyed lang yi mche ba dkar po 'di// sbyin pa'i bsod nams mngon par sangs rgyas nas/ skye ba'i nyon mongs nad rnams zhi byed shog/ rigs kyi bu sngon 'das pa'i dus na/ de ltar glang po che'i rgyal po byol song gi skye gnas su gyur pa de yang / bla na med pa yang dag par rdzogs pa'i byang chub 'dod pa'i phyir/ lus dang srog la ma chags par gtang nas/ chos gos gyon pa de la rim gro dang bsti stang bya'i phyir/ des dgrar byas kyang lan mi ljon pa la ltos/ ma 'ongs pa'i dus na/ rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can dag yang dag par glen pa'i rang bzhin yin kyang / cung zad tsam gyis shes pa bsnyems te/ gso dang sbrus 'tsho zhing 'jig rten dag bsdus nas/ 'jig rten phyi ma'i sdug bsngal gyi 'bras bu la 'jigs par mi lta ba'i/ nga'i bstan pa la skyabs su song zhing / rab tu byung ba chos kyi snod du gyur pa dang / chos kyi snod du ma gyur pa kun la 'tshe zhing gnod pa byed de/ gshe zhing spro ba dang / 'tshog pa dang / gzhu ba dang / btson rar gzhug pa dang / 'tshe ba'i dbang po dang phral ba'i bar du byed do// de ni 'das pa dang / ma 'ongs ba dang / da ltar zhugs pa'i sangs rgyas bcom ldan 'das kyi dam tshig las 'gal ba'i kha na ma tho ba chen po byed pa ste/ gdon mi za bar mtshams med pa'i sems can dmyal ba chen por lhung ngo // dge ba'i
- 75b
ba yongs su bsregs te rgyun bcad pas/ mkhas pa thams cad kyis yongs su spang bar bya'o// de dag gis de ltar kha na mtho ba'i sdig pa chen po byas kyang g.yo dang sbrus 'tsho ste/ nga rgyal gyi dbang du gyur nas 'jig rten dgang bslu ba'i phyir/ de dag kyang so so nas bdag cag kyang bla na med pa yang dag par rdzogs pa'i byang chub 'dod pa yin te/ bdag cag ni theg pa chen pos mngon par 'tshang rgya'o zhes zer ro// 'di lta ste/ dper na mi zhig bdag gi mig phyung nas long bar gyur pa/ pha rol gzhan gyi lam mtshon pa'i phyir ri chen po la 'dzag pa ni gnas med do// de bzhin du phyis ma 'ongs pa'i dus na/ rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can dag kyang de dang 'dra ste/ nga'i bstan pa la skyabs su song zhing rab tu byung ba/ chos kyi snod du gyur pa 'am/ chos kyi snod ma yin pa yang rung ba'i slob ma rnam la 'tshe zhing gnod par byed de/ gshe zhing spro ba dang / brdeg pa dang / btson rar bzhug pa dang / 'tsho bas dbang po dang bral ba'i bar du byed de/ des 'das pa dang / ma 'ongs pa dang / da ltar gyi sangs rgyas thams cad kyi dam tshig las 'gal ba'i kha na ma tho ba chen po byas pas/ dge ba'i rtsa ba thams cad bsregs shing rgyun bcad pas/ gdon mi za bar mtshams med pa'i sems can dmyal ba chen por lhung ngo // de bas na mkhas pa rnams kyis spang bar bya'o// des de ltar kha na ma tho ba chen po byas kyang / g.yo dang sgyus 'tsho zhing
- 76a
nga rgyal gyi dbang du gyur pa/ 'jig rten bsrub ba phyir bdag cas ni blan med pa'i byang chub tshol ba yin te/ bdag cag gang theg pa chen pos mngon par 'tshang rgyal zhes zer ro// dag gis de ltar rab tu byung ba la 'tsho zhing gnod pa byed pas rabs tha ma'i lus kyang mi thob na/ theg pa rnam pa gnyis kyi byang chub bam/ bla na med pa'i theg pa mi thob pa lta ci smos te/ skal ba chang pa yin no/ / rigs kyi bu gzhan yang sngon 'das pa'i dus na/ yul pa na tsa la zhes bya ba na rgyal po dgra las rgyal ba zhes bya ba yod de/ yul de'i srid 'dzin cing dbang byed do// de na dur sa chen po kha lam pa zhes bya ba shin tu 'jigs pa'i gnas shig yod de/ gnod sbyin dang srin po yang de na mang du gnas so// de dag tu phyin na 'jigs shing ba spu ldang ngo // yul de na nyes pa byas pa gas pazhig yod na/ rgyal po'i khrims kyis gsad pa de bcing ba lngas bcings nas/ kha lam pa zhes bya ba'i dur sa chen po der skyel te/ srin po dang 'byung po rnams zer bcug go// gsang ba gcig cig srog gi phyir skra dang kha spu bregs te/ chos gos kyi tshal bu zhig rnyed pa mgul du btags so// btson rdzis khrod de rgyal po'i khrims bzhin du bcing ba lngas bcings nas/ dur sa chen po der bsgral to// skyiskyel ma phyir log nas de'i nub mo srin mo mtshon cha'i mig ces bya ba 'khor lnga stong dang bcas te/ dur khrod dor lhags so// mi des rgyang nas mthong nas rab tu 'jigs skrag go// de'i tshe srin mo des
- 76b
da cing brdzam pa rdzangs pa/ / sgra dang pa rnams pa/ rnamams kyis tshal tham su du yas pa sa/ klas san 'gyur/ dang las byas chu sa rdzugs/ dpas ngas su smras masas nga du su/ khyo sa da pa nga yongs su dran par gyur/ / de'i tshe srin mo bu rnams kyis/ ma la 'di skad ces smras so// bdag cag shin tu bkres sgom pas// lus dang sems ni rnam par gzir// lus dang sems da bde ba ra/ yum gyis mi de 'tshal du gnod // de nas srin mo// bu rnams la 'di skad ces smras so// sangs rgyas gang+gA'i klung gi bye snyed kyi// rnam par grol ba'i rgyan mchog gos gyon pa// 'di la mi dge sdig par sems bskyed na/ / nges par mtshams med sems can dmyal bar ltung // des nas srin mo'i bu dang 'khor du bcas pas bskor te/ bsti stang dang bcas pas phyag byas te thal mo sbyar nas/ tshogs su bcang 'di skad smras so/ / tshon can gyon pa khyod la so sor 'chags// bdag cag ji ste pha dang ma dag la// lus dang ngag yid mi bde byas bla yi// khyod la nam du'ang gnod par mi bgyid do// de nas yang srin mo chen po bong chung ngu zhes bya ba 'khor lnga stong dang bcas te/ dur khrod der lhags so// srin mo ngas kyang bcing ba lngas bcings pa// skra dang kha spu bregs pa/ chos gos kyi tshal bu mgul du btags pa'i mi den du
- 77a
nas bskor te/ bsti stang dang bcas pas phyag byas nas/ thal mo sbyar nas tshogs su bcad pas 'di skad ces smras so// skyes bu bdag gis ma bsnyengs bde bar bzhugs/ khyod kyi mgul du btags pa'i tshal bu 'di// drang srong chen po'i rgyal mtshan na bza' lags// de la mchod cing bdag cag phyag 'tshal lo// de nas srin mo'i bu rnams kyis/ ma la 'di skad ces smras so/ / mi yi sha dang khrag las zhim pa med// lus dang sems stobs skye zhing 'phel 'gyur ba// shin tu dpa' la rdul phod 'jigs med pa// yum gyis de la bdag cag 'tshal du gnong // de nas srin mos/ bu rnams la 'di skad ces smras so// lha mi'i longs spyod ldan pa thams cad kyang // rab tu byung ba dag la mchod pa'i phyir// chos gos gyon pa 'di la mchod pas na// bde ba tshad med pa yang 'thob par 'gyur/ / de nas srin mo'i bu rnams 'khor dang bcas pas bskor nas/ bsti stang dang bcas pas phyag byas te/ thal mo sbyar nas tshig su bcad de smras pa/ skra bregs chos gos gyon pa'i skyes bu la/ / bdag cag shin tu gus pa phyag 'tshal ba// bdag cag shin tu gus par phyag byas pas// rtag tu ma 'ongs pa yi dus kun tu// sangs rgyas mthong zhing dad pa skye bar shog/ de'i tshe yang srin mo chen mo gre gnyer 'phral sA can zhes bya ba 'khor lnga stong dang bcas te/ dur khrod der lhags so// srin mo des kyang bcing ba lngas bcings la/ sgra dang kha spu bregs pa/ chos gos kyi tshal bu mgul du btags pa'i/
- 77b
mi de mthong nas/ g.yas nas bskor te bsti stang dang bcas pas phyag byas nas/ thal mo sbyar te tshigs su bcad pa 'di skad smras so// drang srong chen po'i rgyal mtshan na bza' 'di// mkhas pa thams cad shin tu bstod cing bsngag/ gang zhig 'di la chod pa byed pa ni// srid pa'i bcings pa kun las nges par 'gro la// de'i tshe srin mo de'i bu rnams kyis/ ma la 'di skad ces smras so// mi 'di'i lus kyi sha dang khrag kun ni/ / rgyal po chen pos bdag cag rnams la bsngos// bdag cag 'di la za zhing 'thung ngu gnod // mthu dang ldan nas ma yi g.yog kyang bgyi// de nas srin mos/ bu rnams la 'di skad ces smras so/ / chos gos brtags pa gyon pa 'di dag ni// khyed kyis bza' ba'i rigs pa ma yin gyis// 'di la mi dge sdig pa'i sems bskyed na// sdug bsngal chen po'i snod du gyur ta re// de nas srin mo'i bu rnams 'khor dang bcas te bskor nas/ bsti stang dang bcas pas phyag 'tshal te/ thal mo sbyar nas tshigs su bcad de smras pa/ khyod ni drang srong chen po'i gos gyon te// shin tu bsod nams zhing du gyur pa yin de bas bdag cag khyod la mchod pas na/ / srid pa'i bcings pa las ni thar par shog/ de'i tshe na yang srin mo chen mo mtshon cha'i gdong zhes bya ba yang 'khor lnga stong dang bcas te/ dur khrod der lhags so/ / srin mo des kyang mi de bcing ba lngas bcings pa/ skra dang kha spu bregs pa/ chos gos kyi tshal bu mgul du btags pa mthong nas bskor te/ bsti stang dang bcas pas phyag 'tshal nas thal mo sbyar te/
- 78a
tshigs su bcad pas 'di skad smras so// khyod ni brtags pa'i chos gos gyon pas na// mya ngan 'da' ba'i bde ba thob tu nges// de bas khyod la bdag cag gnod byed na// sangs rgyas kun gyis smos kyis nged rnams dogs/ / de nas srin mo de'i bu rnams kyis/ ma la 'di skad ces smras so// bdag cag rtag tu mi yi mdangs 'phrog cing // de bzhin sha dang khrag kyang za 'thung bas// gzugs dang mthu ni yongasu 'phel ba'i phyir/ bdag cag 'di la ci bder 'tshal du gnong // de nas srin mo des/ bu rnams la 'di skad ces smras so// ji ste skra dang kha spu bregs pa yi// chos gos gyon pa 'di la gnod byas na/ / nges par mtshams med sems can dmyal bar lhung // yun ring sdug bsngal chen po'i snod du 'gyur// de nas srin me bu rnams dang 'khor du bcas pas bskor nas/ bsti stang dang bcas pas phyag 'tshal te/ thal mo sbyar nas tshigs su bcad pa 'di dag smras so// bdag cag sems can dmyal bas rab 'jigs te// de bas khyod kyi srog la gnod mi bgyid// bcings pa 'di yang bkrol te khyod gtang gis/ / dmyal ba'i sdug bsngal kun las thar par shog/ de'i tshe srin mo ma smad 'khor dang bcas pa snying rjes sems bskyed nas/ mi de bcings pa bkrol te/ bshags pa dang spro ba bskyed pa byas nas phyir gtang ngo // mo de phyis nyin sngar rab tu rgyal po'i drung du 'ongs nas/ dngos po de dag rgyus kyis zhib tu gsol to// de'i tshe rgyal po dgra las rgyal ba 'khor dang /
- 78b
bcas pas de skad thos nas sngangs te/ ngo mtshar rmad du gyur nas khrims su bcas te/ yul gyi mi rnams la bkar btags pa/ deng phyin chad nga'i yul na gnas pa sangs rgyas kyis slob ma tshul khrims srung ngam/ tshul khrims nyams sam/ chung ngu na tshul khrims med par sla dang kha spu bregs te/ ngur smrig gyon pa la su zhig kyal ka 'am/ gnod pa byas na thams cad gsad do zhes khrims su bcas so// de'i rgyu de'i rkyen gyis mi mang po yang bsod nams la dga' bas thams cad bags kyi sa bstan pa la phyogs nas 'dzam bu gling na rgyal po de dbang ba'i mi thams cad bsam pa nges par dkon mchog gsum la skyabs su gsol to/ / rigs kyi bu de ltar 'das pa'i dus na/ srin mo yi dgas kyi rgyud du skyes pa/ mdangs 'phrog pa/ sha dang khrag za ba/ sdig pa la brkam pa/ snying rje med pa yang / de lta bu tshul khrims med pa/ sku dang kha spu brags pa/ chos gos kyi tshal bu btags pa de la bskor ba dang / bsti stang dang / rim gro dang / phyag bya ba dang / mchod pa dang / tshogs su bcad pas bstod de/ gnod pa byed pa'i sems med na/ phyi ma ma 'ongs pa'i dus na/ rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs pa gdug pa'i sems 'chang zhing snying rje med pa/ gnod sbyin dang / srin po pas thu bar sdig pa byed de/ glen zhing gti mug can dge ba'i rtsa ba yongs su gcod pa ngo nga'i bstan pa la rab tu
- 79a
byung ba/ chos kyi snod du gyur pa dang / chos kyi snod du ma gyur pa yang rung / sma dang kha spu bregs te gos ngur smrig gyon pa'i slob ma la dad pa dang / bkur sti mo byed de/ de la gnod pa dang / gshe zhing brdeg pa dang / nan la 'dor zhing btson rar gzhug pa dang / 'tsho ba'i dbang po dang phral ba'i bar du byed pa de dag ni 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis bstan pa'i kha na ma tho ba chen po dang 'gal bar byed pa ste/ dge ba'i rtsa ba yongs su bsregs nas rgyun bcad pas gdon mi za bar mtshams med pa'i sems can dmyal ba chen por ltung bar 'gyur bas/ mkhas pas yongs su spang bar bya'o// yang rigs kyi bu sngon rgyal po bsod nams chen po zhes bya ba zhig yod de/ rgyal po de snying rje che bas nyes pa byas pas gsad pa la thug pa dag kyang gsod du mi dga' 'o/ / de'i tshe blon po blo dang ldan pa gcig gis/ rgyal po la 'di skad ces gsol to// rgyal po thugs ngan ma mdzad cig/ rgyal pos kyang srog gcod pa'i sdig pa mi thob pa dang / gshed mas kyang dgum mi 'tshal bar mi de 'gum pa'i thabs mchis so zhes gsol nas/ blon po chen po des gsad pa la thug pa'i ma deb gleng rmis pa ma rung ba'i mdun du gzhag go// de nas bagleng rmis pa des mi de snas gzung ste/ yar btegs nas sa la brdab pa las/ mi dgos dmar po gyon pa mthong nas/ chos gos yin no snyam ste/ bsam pa dag pa'i dad pa skyes nas dal gyis
- 79b
sa la gzhag cing / de 'gyod nas sa la btud de/ mi de'i rkang pa la snas 'phyi zhing bsti stang dang bcas pas mig mi 'dzum par mi de la lha'o// blon po des de lta bur gyur pa mthong nas brgyugs te rgyal po de la de bzhin du gsol to/ / rgyal pos de skad ces thos nas spangs te/ ngo mtshar rmad du gyur nas/ mi yongs su mi thong la deng phyin chad dkon mchog gsum la bsti steng gyis shig par bkar btags so/ / de'i rgyu de'i rkyen gyi srog gcad pa yang spangs te/ 'dzam bu gling la dbang byed par gyur to// ltos rigs kyi bu de lhor 'das pa'i dus na/ ba glang rmis pa byol song gi gnas su gyur pa yang / chos gos la gus pas sdig pa mi byed na/ ma 'ongs pa'i dus na/ rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs pa sems gdug pa can/ snying rje'i sems med pa/ ba gleng rmis pa bas thu ba'i sdig pa'i las byed do// byis pa glen pa can de dag nga'i bstan pa la rab tu byung ba/ chos kyi snod du gyur pa 'am/ chos kyi snod ma yin pa yang rung / skra dang kha spu bregs te/ gos ngur smrig gyon pa la dad pa dang gus par mi byed de/ de la gnod pa dang / gshe zhing spyo ba dang / gzhu zhing 'tshog pa dang / btson rar gzhug pa dang / 'tsho ba'i dbang po dang phral ba'i bar du byed pa las 'das pa dang / ma 'ongs pa dang / da ltar bzhugs pa'i sangs rgyas bcom ldan 'das thams cad kyis bstan
- 80a
pa'i kha na ma tho ba chen po dang 'gal bar byed pas/ de dge ba'i rtsa ba bsregs nas rgyun gcad pas gdon mo za bar mtshams med pa'i sems can dmyal ba chen por ltung bar 'gyu bas/ mkhas pa rnams kyis spang bar bya'o// gal te rgyal rigs gdol pa can nas/ dge sbyong dang bram ze gdol pa can gyi bar du sdig pa'i 'khor lo gsum po 'di dang ldan pas/ de'i rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi phyed pa thams cad rgyal rigs gdol pa can nas/ dge sbyong dang bram ze gdol pa can gyi bar du gdol pa de dag la khro zhing zhe sdang ba'i sems skye ba nas/ gzhung de bzhin du rgyas par rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa gdol pa can de thams cad ring po mi thogs par lus kyi yan lag dum bur chad cing / zhag mang du lce sdib pa dang / shin tu mi bzad pa'i na ba dang tsha ba'i sdug bsngal chen po myong bar 'gyur ba dang / 'chi 'phos nas kyang mtshams med pa'i sems can dmyal ba chen por ltung bar 'gyur ro// rigs kyi bu gzhan yang phyi ma ma 'ongs pa'i dus na/ sangs rgyas kyi zhing 'dir rgyal rig gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs pa sdig pa'i bshes gnyen la bsten pa/ dge ba'i rtsa ba chung ba zhan pa nas/ de bzhin/
- 80b
du rgyas par 'jig rten phyi ma'i sdug bsngal ma mthong ba dag/ phyogs bzhi'i dge 'dun gyi nor dang / gtsug lag khang gi nor dang / gtsug lag khang du bsngos pa'i nor dang / skyed shing gi ra ba dang / skyed shing gir bar bsngos pa'i nor dang / zhing 'brog dang / zhing 'brog tu bsngos pa'i nor dang / gtsug lag khang so so rung bar byed par gtogs pa'i skyes pa dang / bud med phrogs pa'i nor phyugs phrogs pa dang gos dang bsod snyoms phrogs pa dang / gding ba dang khri stan phrogs pa dang / nad kyi rkyen sman phrogs pa dang / de ma yin pa'i 'tsho ba'i yo byad rnam pa sna tshogs la 'phrog pa ste/ de ltar phyogs bzhi'i dge 'dun la phul ba'i nor de ni tshul khrims dang ldan pa/ yon tan dang ldan pa/ brtson 'grus rtsom pa/ slob pa dang mi slob pa la nan tan du byed pa nas/ mtha'i gnas byas pa'i 'bras bu thob pa'i bar kyi dge slong yongs su dag pa spyod du gnang bar zad na/ rgyal rigs gdol pa can nas/ dge sbyong dang bram ze gdol pa can gyi bar du gdol pa de dag gis mthu dang dpung bsnyems te/ nan gyis phrogs nas// dge slong tshul khrims dang ldan pa yongs su dag pa ni spyod du mi ster gyi/ tshul khrims nyams pa sdig pa spyod pa'i dge slong khyim na gnas shing khyim pa'i las byed pa dag la byin nas/ kha cig ni thun mong du spyod// kha cig ni khud par yang spyod do// tshul khrims nyams pa'i dge slong dag gis de dag thob nas kyang kha cig ni thun mong du spyod/ kha cig ni khung par yang spyod/ kha cig ni khyim pa la byin nas/ de dang yang thun
- 81a
mong du spyod do/ / de'i rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi phyed pa dag/ rgyal rigs gdol pa can nas/ dge sbyong dang bram ze gdol pa can gyi bar du gdol pa can de dag la khro ste/ zhe sdang gi sems skye ba nas/ de bzhin du rgyas par rgyal rigs gdol pa can dang / blon po dang / khyim bdag dang tshong dpon dang / dge sbyong dang / bram ze la sogs pa gdol pa de dag ring po mo thogs par lus kyi yan lag dum bur chad pa dang / zhag mang du lce ldib pa dang / shin tu mi bzad pa'i na ba dang tsha ba'i sdug bsngal chen po myong zhing / 'chi 'phos nas kyang gdon mi za bar mtshams med pa'i sems can dmyal ba chen por ltung bar 'gyur ro// rigs kyi bu gzhan yang ma 'ongs pa'i dus na/ sangs rgyas kyi zhing 'dir rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs pa'i sdig pa'i bshes gnyen la bsten pa/ dge ba'i rtsa ba chung zhing zhan pa nas/ de bzhin du rgyas par 'jig rten phyi ma'i sdug bsngal gyi 'bras bu ma mthong ba dag gis nga'i bstan pa la rab tu byung ba/ shes rab rno ba/ mang du thos pa/ tshig dang don rdzogs par smra ba dang ldan pa/ nyan thos kyi theg pa'i chos ston nus pa 'am/ rang sangs rgyas kyi theg pa'i chos chud cing ston nus pa 'am/ bla na med pa'i theg pa'i chos ston nus shing / rgyas par sems can la phan pa dang bde ba'i
- 81b
don tu ston nus pa'i chos smra ba la spro zhing gshe ba dang / smad pa dang / 'phya zhing skur pa dang / dbang za ba dang / gnod pa byed de/ chos ston pa'i bar chad byed do// de'i rgyu de'i rkyen gyis yul srung ba lha dang / klu dang / gnod sbyin la sogs pa dkon mchog gsum la bsam pa dag cing dad pa mi phyed pa dag/ rgyal rigs gdol pa can nas/ dge sbyong dang bram ze gdol pa can gyi bar du gdol pa can de dag la khros te/ zhe sdang gi sems skye ba nas/ gzhung de bzhin du rgyas par rgyal rigs gdol pa can dang / blon po dang / khyim bdag dang / dge sbyong dang / bram ze la sogs pa gdol pa can de dag thams cad ring po mi thogs par bdag gi lus dum bur chad pa dang / zhag mang du lce ldib pa dang / shin tu mi bzad pa'i na ba dang tsha ba'i sdug bsngal chen po myong zhing / 'chi 'phos nas kyang gdon mi za bar mtshams med pa'i sems can dmyal ba chen por ltung bar 'gyur ro/ / rigs kyi bu gzhan yang phyi ma ma 'ongs pa'i dus na/ sangs rgyas kyi zhing 'dir rgyal rigs gdol pa can dang / blon po dang khyim bdag dang / tshong dpon dang / bram ze la sogs pa'i gdol pa can sdig pa'i bshes gnyen la bsten pa/ dge ba'i rtsa bzhan cing chung ba nas/ de bzhin du rgyas par 'jig rten phyi ma'i sdug bsngal gyi 'bras bu la 'jigs par mi lta ba dag phyogs bzhi'i dge 'dun la phul ba'i nor dang / gtsug lag khang gi zhing 'brog dang / nor phyugs dang / rin po che dang / me tog gi shing dang / 'bras bu'i shings
- 82a
kha dog gi shing dang / bsil grib dang / bsrung dang / sman gyi shing la sogs pa dang / de ma yin pa'i 'tsho ba'i yo byad rnam pa sna tshogs la 'phrog cing / nga'i slob ma tshul khrim dang ldan pa/ yon tan dang ldan pa/ brtson 'grus rtsom pa/ slob pa dang mi slob pa la nan tan byas nas/ mthu'i gnas byas pa'i 'bras bu'i bar du thob tu nye ba'i dge slong yongs su dag pa 'ba' zhig gis spyod du dbang bar zad na/ rgyal rigs gdol pa can dang / dge sbyong dang bram ze gdol pa can la sogs pa mthu dang dpung bsnyems te/ nan gyis phrogs sam/ gzhan 'phrog tu bcug gam/ bdag spyod dam gzhan spyod du bcug kyang rung / de'i rgyu de'i rkyen gyis yul srung ba'i lha dang / klu dang / gnod sbyin la sogs pa dkon mchog gsum la bsam pa dag cing dad pa mi phyed pa dag/ rgyal rigs gdol pa can dang / dge sbyong dang / bram ze gdol pa can la sogs pa la khros te/ zhes sdang gi sems skye ba nas/ de bzhin du rgyas par rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol pa can la sogs pa de dag thams cad ring po mi thogs par lus kyi yan lag dum bur chad pa dang / zhag mang du lce ldib pa dang / shin tu mi bzad pa'i na ba dang tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal ba chen por lhung bar 'gyur ro// rigs kyi bu gzhan yang ma 'ongs pa'i dus na/ sangs
- 82b
rgyas kyi zhing 'dir rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze gdol can la sogs pa sdig pa'i bshes gnyen la bsten pa/ dgra ba'i rtsa ba chung zhing zhan pa/ bsam pa ma dag pa/ g.yo dang sgyus 'tsho ba/ glen pa gti mug can cung zad kyi shes pa tsam bsnyems pa/ tshig la bden pa med pa/ dge ba'i bshes gnyen spong ba/ sdig pa'i grogs po la bsten cing mi dge ba spyod pa/ 'phags pa'i chos la the tsom za ba/ 'jig rten phyi ma'i sdug bsngal gyi 'bras bu la 'jigs par mi lta ba dag sdig pa'i sdom pa srung bar dga' ba/ srogs gcod pa nas/ ngan par lta ba'i bar du mos pa/ nga rgyal gyis mngon par zin pa/ 'jig rten pa dag la slu ba/ bdag ni tshul khrims kyi sdom pa la gnas pa'o zhes khas 'che ba'i rgyal rigs gdol pa can dang / dge sbyong dang bram ze gdol pa can la sogs pa dag thabs rnam pa sna tshogs kyis nga'i bstan pa 'dzeg par byed cing / nga'i bstan pa la rab tu byung ba dag la yang khro zhang gshe ba dang / spyo zhing smod pa dang / nan la bor ba dang / btson rar gzhug pa dang / lus kyi yan lag gtub pa dang / 'tsho ba'i dbang po dang phral ba'i bar du byed de/ ngas bstan pa'i chos la yid mi ches pas/ mchod rten 'jig pa/ gtsug lag khang 'jig pa/ dge slong dag khyim par 'bebs pa/ skra dang kha spu 'dreg cing gos ngur smrig gyon pa'i bar chad byed pa/ las rnam pa sna tshogs byed du 'jug
- 83a
cing 'khol ba ste/ de'i rgyu de'i rkyen gyis yul srung ba'i lha dang / klu dang / gnod sbyin la sogs pa/ dkon mchog gsum la bsam pa dag cing dad pa mi phyed pa dag rgyal rigs/ gdol pa can dang / dge sbyong dang bram ze gdol pa can la khros te/ zhe sdang gi sems bskyed pa nas/ de bzhin du rgyas par rgyal rigs gdol pa can dang / blon po dang / khyim bdag dang / tshong dpon dang // dge sbyong dang / bram ze la sogs pa gdol pa can de dag ring po mi thogs par lus kyi yan lag kun dum bur chad pa dang / zhag mang du lce ldib pa dang / shin tu mi bzad pa'i na ba dang tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal bar 'gyur ro// rigs kyi bu rgyal rigs gdol pa can dang / blon po dang / khyim bdag dang / tshong dpon dang dge sbyong dang / bram ze la sogs pa 'di dag sdig pa'o 'khor lo rnam pa bcu po gsungs pa 'di dag las 'ga' zhig dang ldan na yang / dge ba'i rtsa ba sngar bsags pa thams cad thal ba bzhin du tshig ste med par 'gyur la/ ring po mi thogs par lus kyi yan lag dum bur bcad pa dang / zhag mang du lce ldib pa dang / shin tu mi bzad pa'i na ba dang tsha ba'i sdug bsngal chen po myong ba dang / shi nas kyang mtshams med pa'i sems can dmyal ba chen por ltung bar 'gyur ro/ / rgyal rigs gdol pa can dang / blon po dang / khyim bdag dang / tshong dpon dang / dge sbyong dang / bram ze la sogs pa gdol pa can 'di dag ma 'ongs pa'i dus na mi ma rabs tha ma'i lus kyang
- 83b
'thob par dka' na/ theg pa rnam gnyis kyi byang chub bam/ bla na med pa'i byang chub 'thob pa lta ci smos te/ skal ba med pa yin no// sdig pa can de theg pa chen po'i ming yang thos par dka' na/ bla na med par mtsho// par 'tshang rgya ba'i 'bras bu thob pa lta ci smos te/ gang zag de ni yun tu bdag kyang ma rung la/ gzhan yang ma rung bar byas pas/ sangs rgyas thams cad kyis kyang bskyab mi nus so// rigs kyi bu 'di lta ste/ 'bru'i mer 'tshor ba'i las byed pa ni 'bru re re las srin bu re rer gyur te/ btsir nas mar 'byung ngo // khyod ltos shig mar 'tshor ba'i las byed pa de nyin cig la sems can ji snyed cig gsod par 'gyur/ gal te mar khAts+tsho ra pa'i gnas rnam pa bcu bcas nas/ nyin zhag gcig la gnas de re rer yang 'bru khal stong stong rgyun mi 'chad par stong tshang bar 'tshor na/ gang zag des srog gcod pa'i kha na ma tho ba'i las rab tu mang ba yin nam byang chub sems dpa' sems dpa' chen po sa'i snying pos gsol pa/ rab tu mang ngo // bcom ldan 'das rab tu mang ngo // bde bar gshegs pa gang zag des srog gcad pa yang tshang ma mchis dpag tu ma mchis la/ kha na ma tho ba'i las kyang gzhal bar ram/ brtsi bar ram/ bgrang bar ram/ dper yang mi bzod de/ de bzhin gshegs pa nyag gcig gis mkhyen gyi/ gzhan gyis 'tshal ba ma lags so// bcom ldan 'das kyis bka' stsal pa/ rigs kyi bu 'di lta ste/ gal te mi la la zhig gis nor dang khye'i phyir smad 'tshong ma'i gnas rnam pa bcu bcas te
- 84a
gnas de gcig tu yang bud med smad 'tshong ma stong stong gzhag nas/ bud med de dag so so nas rgyan rnam pa sna tshogs kyis brgyan te/ skye bo bslus nas 'dod chags kyi las rgyun mi 'chang // par lo stong gi bar du byed du bcug na/ gang zag de'i kha na mtho ba'i sdig pa yang gzhal du med de/ brtsibs sam/ bgrang bas sam/ dper yang mi bzod do// 'bru mar 'tshor ba'i gnas bcu po'i sdig pa de ni smad 'tshe ma'i gnas gcig bcas pa'i sdig dang mnyam mo/ / rigs kyi bu gzhan yang 'di lta ste/ gang zag la la zhig nor dang khe'i phyir chang 'tsheng ba'i gnas bcu bcas te/ gnas de so sor rnam pa sna tshogs kyi rgyan gyis shin tu brgyan nas/ gnas de re rer yang thabs rnam pa sna tshogs kyis chang dang che ba'i me stong stong brid/ chang blung nas nyin mtshan du rgyun mi 'chad par lo stong gi bar du rtse na/ gang zag de'i sdig pa yang dpag tu me / brtsibs sam/ bgrang bas sam/ dper yang mi bzod do// gong du gshad pa'i smad 'tshong ma'i gnas bcu po'i sdig pa de chang 'tshong ba'i gnas bcas pa'i sdig gcig dang mnyam mo rigs kyi zug zhan yang 'di lta ste/ gang zag la la zhig nor dang khe'i phyir gshan pa'i gnas rnam pa bcu bcas te/ gnas de re rer yang nyim na ga cig la ba glang dang / lug dang / rnga mo dang / sha ba dang / bya ga stong srong nur mi 'chang par mi ldangag bar du bas dan/ gang zag dol banam gro ba sdig kyang gzhal du med de/ brtsibs sam/ bgrang bas sam/ dper yang mi bzod do// de ltar sngar bshad
- 84b
chang 'tshong ba'i bcu po'i sdig de shan pa'i gnas gcig bcas pa'i sdig dang mnyam mo/ / 'di ltar shan pa'i gnas bcu po'i sdig de rgyal rigs gdol pa can nas/ dge sbyong dang bram ze la sogs pa gdol pa can de dag sdig pa'i 'khor lo bcu pa las 'ga' zhig dang ldan na/ nyin zhag gcig gi kha na ma tho ba'i sdig kyang snga ma dang mnyam mo// de nas bcom ldan 'das kyis tshogs su bcad de ba stsal pa/ mar 'tshor gnas sdig bcu po dag/ smad 'tshong gnas sdig gcig dang mnyam// smad 'tshong gnas sdig bcu po dag/ chang 'tshong gnas sdig gcig dang mnyam// chang 'tshong gnas sdig bcu po dag/ gshan pa'i gnas sdig gcig dang mnyam/ / gshan pa'i gnas ni bcu bcas pa// rgyal po gdol can sdig gcig mnyam// 'phags pa byang chub sems dpa' sa'i snying po'i 'khor lo bcu pa zhes bya ba theg pa chen po'i mdobam po lnga pa/ de nas byang chub sems dpa' sems dpa' chen po sa'i snying pos/ bcom ldan 'das la 'di skad ces gsol to// btsun pa bcom ldan 'das gal te rgyal rigs dge ba 'am/ blon po dge ba dang / khyim bdag dge ba dang / tshong dpon dge ba dang / dge sbyong dang bram ze dge ba dag bdag shin tu skyong zhing / gzhan dag kyang shin tu skyong ba la/ 'jig rten gyi mas kyang 'dzem pa/ sangs rgyas kyi bstan pa la gnas pa/ rab tu byung ba chos kyi snod du gyur pa 'am/ chos kyi snod du ma gyur pa 'am/ chung ngun tshul khrims pa yang rung ste/ skra dang kha spu bregs
- 85a
gos ngur smrig 'tshal ba la shin tu bsti stang dang bcas te/ rim gro dang mchod pa bgyid do// gzhan yang nyan thos kyi theg pa'i chos dang / rang sangs rgyas kyi theg pa'i chos dang theg pa chen po'i chos la bsti sdang dang bcas pas mchod pa/ nyan pa/ dad pa/ gzungs su 'dzin pa/ mchod pa byed pa/ theg pa chen po la gnas shing / tshul khrims dang ldan pa/ yon tan dang ldan pa/ brtson 'grus rtsom zhing nan tan du bgyid pa nas/ 'bras bu la gnas pa'i bar gyi gang zag rjes su srung zhing mthu stobs bstang ba dang / zhu zhing 'dri ba dang / nyan cing 'dzin pa dang / dga' bzhin du gtam zer zhing gleng ba dang / tshul khrims nyams pa sdig pa spyod pa dge slong ring du spong ba dang / phyogs bzhi'i dge 'dun gyi nor la pha rol po gzhan chung gson du mi gzhug cing shin tu srung ba dang / phyogs bzhi'i dge 'dun gyi nor dang / mchod rten gyi nor la bdag kyang mi rku/ gzhan yang rkur mi 'dzud pa dang / bdag myi spod/ gzhan yang spyod du mi 'dzud pa dang / theg pa rnam pa gsum kyigyi chos smra ba la bsti stang dang bcas pas mchod cing mthu btang ba dang / pha rol po gzhan dag 'phya zhing skur pa dang / smod du mi 'dzud pa dang / de la rim gro bgyid cing spro ba skyed pa dang / gang rab tu byung ba dag dang / sangs rgyas kyis bstan pa'i chos la dad bas srung zhing rjes su 'dzin pa dang / mchod rten mi 'jig pa dang / dge 'dun gyi gnas dang / gtsug lag khang yang shin tu srung ba dang /
- 85b
sgra dang kha spu bregs te/ gos ngur smrig gyon pa'i rab tu byung ba'i gang zag la mi brnyas mi smod pa dang / sdig pa'i 'khor lo rnam pa bcu la bdag mi spyod/ pha rol gzhan sdig pa'i 'khor lo bcu las ring du gyur cing / rgyal po snga ma'i chos dang lugs kyis rgyal po'i srid 'tshe ba dang / dkon mchog gsum gyi gdung 'tshob cing dad cing rgyas par byed pa dang / rtag tu dge ba'i bshes gnyen la bsten cing / byams pa'i sems kyis mi yongs la skyong ba dang / thams cad la ci dang cis 'dul ba bzhin du/ de dang de'i chos kyis 'dul zhing ston te/ ngan par lta ba spangs nas/ yang dag pa'i chos la nan tan byed du 'jug pa'i rgyal rigs dge ba nas/ bram ze dge ba'i bar du dge ba de dag bsod nams ji snyed cig thob cing / sdig pa ji snyed cig 'byung bar 'gyur/ bcom ldan 'das kyis bka' stsal pa/ rigs kyi bu gal te gang zag mthu chen po dang ldan pa gcig 'jig rten du mngon par byung ste/ snga dro'i dus su yang rin po che sna bdun gyis 'dzam bu'i gling yongs su bkang nas/ sangs rgyas dang dge 'dun la 'bul ba dang / nyi ma'i gung la yang rin po che sna bdun gyis 'dzam bu'i gling yongs su bkang ste/ sangs rgyas dang dge 'dun la 'bul ba dang / byi dro'i dus su yang rin po che sna bdun gyis 'dzam bu'i gling yongs su bkang ste/ sangs rgyas dang dge 'dun la 'bul ba de bzhin du/ nyin re rer yang rgyun mi 'chad par lo brgya stong gi bar du sbyin pa byin na/ gang zag de'i bsod nams kyi tshegs de mang ba yin nam/
- 86a
byang chub sems dpa' sems dpa' chen po sa'i snying pos gsol ba/ shin tu mang ngo // bcom ldan 'das shin tu mang ngo // bde bar gshegs pa gang zag de'i bsod nams kyi tshogs ni tshad ma mchis dpag tu ma mchis te/ brjod par ram/ brtsibs sam/ bgrang ba 'am/ dper yang mi bzod de/ sangs rgyas nyag gcig gis mkhyen gyi/ gzhan gyis ni ma lags so// bcom ldan 'das kyis bka' stsal pa/ rigs kyi bu de de bzhin no// de de bzhin te/ khyod kyis smras pa bzhin te/ gal te rgyal rigs dge ba nas/ bram ze dag pa'i bar du gang zhig sdig pa'i 'khor lo rnam pa bcu bdag kyang mi spyod la/ pha rol po gzhan spyod pa dag sdig pa'i 'khor lo bcu spong bar yang gzhan la ston pa'i bsod nams kyi phung po ni/ bsod nams kyi phung po snga ma pas tshad med dpag tu med de/ brjod par ram brtsi bas sam/ bgrang bas sam/ dper yang mi bzod par che'o// rigs kyi bu gzhan yang 'di lta ste/ gang zag mthu chen po dang ldan pa gcig 'jig rten du mngon par byung ste/ phyogs bzhi'i dge 'dun gyi phyir gtsug lag khang dang / gnas khang shin tu bzang zhing yangs pa gling bzhi dang mnyam pa brtsigs nas/ gnas de dag kun tu khri stan dang / na bza' dang / bsod snyoms dang / bsnyun gyi rkyen sman dang / 'tshe ba'i yo byad thams cad dang ldan par bshams te/ de bzhin gshegs pa dang / nyan thos dang / byang chub sems dpa'i nye gnas chen po'i 'khor thams cad de na bzhugs pa la brtson 'grus su dge
- 86b
ba'i phyogs rnam pa sna tshogs la nan tan byed cing / nyin mtshan le lo med par lo bye ba khrag khrig brgya stong gi bar du mchod pa dang bsnyen bkur rgyun mi 'chad par byed na/ gang zag de'i bsod nams kyi phung po shin tu mang ba yin nam/ byang chub sems dpa' sems dpa' chen po sa'i snying pos gsol pa/ shin tu mang ngo // bcom ldan radas shin tu mang ngo // bde bar gshegs pa gang zag de'i bsod nams kyi phung po ni tshad ma mchis dpag tu ma mchis te/ brjod par ram/ brtsi bas sam/ bgrang bas sam/ dper yang mi bzod de/ sangs rgyas nyag gcig gis ni mkhyen gyi/ gzhan gyis ma lags so// bcom ldan 'das kyis bka' stsal pa/ de de bzhin no// de de bzhin te/ khyod kyis smras pa bzhin no// rigs kyi bu gzhan yang 'di lta ste/ gang zag mthu chen po dang ldan pa gcig 'jig rten du mngon par byung ste/ phyogs bzhi'i dge 'dun gyi phyir gtsug lag khang dang / gnas khang shin tu bzang la yangs pa gling bzhi pa bcu dang mnyam pa brtsigs te/ gnas de dag kun tu khri stan dang / na bza' dang / bsod snyoms dang / gsos sran dang / badz+re bi'i yo byad thams cad dang ldan par bshams te/ de bzhin gshegs pa dang / nyan thos dang / byang chub sems dpa'i dge 'dun chen po'i nye gnas thams cad de na bzhugs pa la brtson 'grus su dge ba'i phyogs rnam pa sna tshogs la nan tan byed cing / nyin mtshan le lo med par lo brgya stong bye ba khrag khrag gi bar du mchod pa dang bsnyen bkur rgyun mi 'chad par byed
- 87a
na/ gang zag de'i bsod nams kyi phung po shin tu mang ba yin nam/ byang chub sems dpa' sems dpa' chen po sa'i snying pos gsol pa/ shin tu mang ngo // bcom ldan 'das shin tu mang ngo / / bde bar gsheg pa gang zag de'i bsod nams kyi phung po ni tshad ma mchis dpag tu ma mchis te/ brjod par ram/ brtsi bas sam/ bgrang bas sam/ dper yang mi bzod de/ sangs rgyas nyag gcig gis mkhyen cing / gzhan gyis ni ma lags so// bcom ldan 'das kyis bka' stsal pa/ rigs kyi bu de de bzhin no// de de bzhin te/ ji ltar khyod kyis smras pa bzhin no// rigs kyi bu gzhan yang 'di lta ste/ gang zag mthu chen po dang ldan pa gcig 'jig rten du mngon par byung ste/ sangs rgyas kyi ring bsrel gyi phyir mchod rten shin tu mdzes pa/ mtho zhing yangs pa/ stong gsum gyi stong chen po'i 'jig rten gyi khams dang mnyam pa brtsigs la/ sngar bshad pa bzhin phyogs bzhi'i dge 'dun gyi phyir gtsug lag khang dang gnas khang brtsigs pa'i bsod nams kyi phung po bas/ sangs rgyas kyi ring ba srel gyi phyir mchod rten brtsigs pa'i bsod nams kyi phung po che ste/ brgya'i char yang nye bar mi 'gro ba nas/ stong gi char yang nye bar mi 'gro'o// brgya stong gi char yang nye bar mi 'gro'o// khrag khrig gi char yang nye bar mi 'gro'o// grangs kyi char ram/ rtsis kyi char ram/ dpag pa'i char ram/ dpe'i char ram/ rgyu'i char yang nye bar mi 'gro'o// rigs kyi bu gzhan yang 'di lta ste/ gal te
- 87b
pha rol tu phyin pa thob pa rnam par grol ba brgyad dang ldan pa/ bsam gtan la snyoms par zhugs pa'i dgra bcom pa chen po sha stag gis stong gsum gyi stong chen po'i 'jig rten gyi khams 'dir yongs su ga ba ni 'di lta ste/ 'bras kyi ljang bu 'am/ til lam/ 'od ma ram/ 'dam bu 'am/ bu ram gyi shing gi tshal lta bur gyur la/ de dag thams cad bcing ba lngas bcings nas/ lo brgya stong snyed lon pa las/ mthu chen po dang ldan pa'i gang zag gcig 'jig rten du mngon par byung ste/ bsod nams 'dod pa'i phyir de dag gi bcings pa thams cad bkrol nas/ dgra bcom pa de dag thams cad spos chus bkrus te/ chos gos dang lhung bzed lo brgya stong gi bar du phul nas/ gnas khang dang / khri stan dang / gos dang / bsod snyoms dang / nad kyi gsos sman dang / 'tsho ba'i yo byad rnam pa sna tshogs kyang yid bzhin du byin la/ dgra bcom pa de dag mya ngan las 'das nas kyang mchod pa byas te bsregs nas/ de dag gi ring bsrel bsdus te/ rin po che sna bdun gyi mchod rten gyi nang du bcug go// gzhan yang rin po che'i rgyal mtshan dang / ba dan dang / gdugs dang / spos dang / me tog dang / rol mo rnam pa sna tshogs kyis mchod pa'i bsod nams kyi phung po bas/ sangs rgyas kyi ring bsrel gyi phyir mchod rten brtsigs pa bsod nams kyi phung po mang ste/ dgra bcom pa'i bcings pa bkrol te/ mchod pa byas pa'i bsod nams kyis brgya'i char yang nye bar mi 'gro'o// stong gi char yang nye bar mi 'gro'o// brgya stong gi
- 88a
char yang nye bar mi 'gro'o/ / bye ba'i char yang nye bar mi 'gro'o// khrag khrig gi char yang nye bar mi 'gro ba nas/ rtsis kyi char ram/ grangs kyi char ram/ dpag pa'i char ram/ dpe'i char ram/ rgyu'i char yang nye bar mi 'gro'o// rigs kyi bu gal te rgyal rigs dge ba nas/ bram ze dge ba'i bar du gang gis sdig pa'i 'khor lo bcu po dag kyang mi byed la/ gzhan dag kyang sdig pa'i 'khor lo bcu po ma spyod cig par gros 'debs na/ de'i bsod nams kyi phung po ni bsod nams kyi phung po snga ma gang bas kyang tshad med/ dpag tu med/ brjod du med par che ste/ ji snyed kyi bsod nams skyes pa de snyed kyi sdig kyang yongs su 'byang bar 'gyur ro/ / rigs kyi bu gal te rgyal rigs dge ba 'am/ blon po dge ba 'am/ khyim bdag gam/ tshong dpon nam/ dge slong ngam/ bram ze dge ba gang zhig ma 'ongs pa'i dus lnga brgya'i tha ma la dam pa'i chos rnam par 'jig tu nye ba na/ ngas bstan pa'i chos kyi mig shin tu srung zhing bdag kyang shin tu sdom la/ pha rol po gzhan yang srung ba/ 'jig rten phyi ma'i bag byed pa/ nga'i bstan pa la rab tu byung ba'i slob ma chos kyi snod du gyur pa 'am/ chos kyi snod du ma gyur pa yang rung / mtha' na tshul khrims med pa yang rung ste/ skra dang kha spu bregs nas gos ngur smrig gyon pa la shin tu bag byed cing / bsti stang du bcas pas mchod de gnod pa mi byed dam/ gzhan yang theg pa gsum gyi dam pa'i chos shin tu srung zhing nyan te/ 'dzin pa dang / nyan thos kyi chos la bsti stang byed pa na/
- 88b
rang sangs rgyas kyi theg pa'i chos dang / theg pa chen po'i chos la mi 'phya mi skur ba dang / rang sangs rgyas kyi theg pa dang / theg pa chen po la phrag dog mi skye ba dang / rang sangs rgyas kyi theg pa'i chos la rim gro byed de/ nyan cing 'dzin pa na/ nyan thos kyi theg pa dang / theg pa chen po'i chos la mi 'phya mi skur/ nyan thos kyi theg pa dang / theg pa chen po la phrag dog mi skyed pa dang / theg pa chen po'i chos la rim gro byeng nyan cing 'dzin pa na/ nyan thos kyi theg pa dang / rang sangs rgyas kyi theg pa'i chos la mi brnyas mi skur cing / nyan thos kyi theg pa pa dang / rang sangs rgyas kyi theg pa pa la phrag dog mi skyed la/ nyan thos kyi theg pa dang / rang sangs rgyas kyi theg pa'i chos mngon du byed de// theg pa chen po'i chos yang dag pa nyid mngon du byed pa dang / theg pa chen po la gnas pas tshul khrims dang ldan pa/ yon tan dang ldan pa/ brtson 'grus rtsom pa nas 'bras bu la gnas pa'i bar du nan tan byed pa'i gang zag la rtag tu bsnyan bkur byed cing / g.yog dang / mchod pa dang / dad pa'i sems kyis bkur sti byed de/ 'dri ba dang / nyan pa dang / 'dzin par byed pa dang / tshul khrims nyams pa sdig pa spyod pa'i dge slong dag ring du spong ba dang / dad pas phul ba'i phyogs bzhi'i dge 'dun gyi nor la chos ma yin pas chud gson du mi gzhug pa dang / phyogs bzhi'i dge 'dun gyi nor dang / mchod rten dang / dge 'dun gyi khud pa'i nor la bdag kyang thugs thub mi byed cing / pha rol po gzhan yang thugs thub tu spyong du mi 'dzud pa dang / theg pa gsum gyi chos smra ba'i
- 89a
gang zag la shin tu bsti stang dang bcas pas mchod cing mthu bstang ba dang / pha rol po gzhan dag 'phya zhing skur pa dang / spong du mi gzhug pa dang / rab tu byung ba'i gang zag la shin tu dud pas spro ba bskyed pa dang / de bzhin gshegs pas gsungs pa'i 'phags pa'i bka' la dad cing 'dzin pa dang / mchod rten mi 'jig pa dang / phyogs bzhi'i dge 'dun gyi gnas gtsug lag khang skyong ba dang / nga'i bstan pa la rab tu byung ba'i slob ma dag la dbang mi za zhing phyir yang khyim par mi 'bebs pa dang / sdig pa'i 'khor lo rnam pa bcu po la bdag kyang mi spyod cing / pha rdol po gzhan yang sdig pa'i 'khor lo rnam pa bcu po yongs su spongs shig par gros 'debs pa dang / rgyal po snga ma'i chos lugs dang srid kyis 'tshe zhing / dge ba bcu'i las kyi lam gyis 'jig rten mang po yongs su sdug cing ston pa dang / rtag tu dge ba'i bshes gnyen la bstan pa dang / dkon mchog gsum gyi gdung 'tsheb cing shin tu rgyas par byed pa dang / chos kyi mig nam du yang mi nub par srung ba'i rgyal rigs dge pa nas/ bram ze dge ba'i bar du de dag de lta bu yon tan dang ldan pas na/ de dag 'tsho bas spyod pa chung za bar mi 'gyur pa dang / lha dang / mi dang / gnod sbyin dang / yi dgras dang // lus srul po la sogs pa thams cad kyang dga' ste/ byams pa'i sems kyis srung zhing skyob bo// chos kyi snod du gyur pa bsod nams kyi zhing yang dag pa thams cad kyang dga' zhing snying rje'i
- 89b
sems kyis skyob cing rjes su 'dzin par 'gyur ro/ / de'i rgyu de'i rkyen gyis gnas pa'i yul dang skya bo thams cad kyang phyir zhing bde la shin tu skyed pa dang / phyi'i dazas kyang gnod pa byed mi nus shing thams cad kyang bka' nyan te ma phab par rang 'du ba dang / de'i dbang gis dge ba'i phyogs la phyir zhing brtson te/ mi dge ba'i rgyud yongs su skams pa dang / lha dang mi la sogs pa yongs su rgyas shing kun tu bsrung ba'i phyir/ tshe shin tu ring bar 'gyur ba dang / bdag gi nyon mongs pa yang yongs su 'joms shing pha rol po'i nyon mongs pa yang 'jig par byed pa// byang chub sems dpa'i lam pa rol tu phyin pa drug yongs su bzung bas/ log par lta ba'i lam ngan pa thams cad yongs su bcom pas 'khor ba'i rgya mtshor yun ring por 'khor ba las ldog pa sdig pa'i bshes gnyen spong zhig dge ba'i bshes gnyen la rtag tu bsten pa dang / gang nas gang du skye ba'i gnas thams cad du sangs rgyas dang byang chub sems dpa' dang zad cing bsnyen bkur ba dang / mchod pa rgyun mi 'chad bar byed par 'gyur pa dang / ring po mi thogs par bsams pa bzhin du gang nas gang du dga' ba'i sangs rgyas kyi zhing de dang de dag tu bla na med pa yang dag par rdzogs pa'i byang chub tu mngon par 'tshang rgya bar 'gyur ro/ / de nas de'i tshe 'khor gyi dkyil 'khor de'i nang nas lha'i dbang po 'khor dang bcas pa thams cad nas/ sha za'i dbang po 'khor dang bcas pa thams cad kyi
- 90a
bar du 'dug pa las langs nas/ bcom ldan 'das kyi zhabs la spyi bos gtugs nas thal mo sbyar nas bsti stang dang bcas pas/ bcom ldan 'das la 'di skad ces gsol to// btsun pa bcom ldan 'das ma mchis pa'i dus lnga brgya'i tha ma la sangs rgyas kyi zhing 'dir dam pa'i chos rab tu rnam par 'jig tu nye ba na/ gal te rgyal rigs dge ba nas/ bram ze dge ba'i bar du gang sdig pa'i 'khor po rnam pa bcu bdag kyang yongs su spangs la/ gzhan yang yongs su spongs shig par gros 'debs pa dang / bdag dang gzhan srung ba la mkhas pa/ 'jig rten slang ma'i bag bgyid pa la mkhas pa/ dam pa'i chos srung ba/ dkon mchog gsum gyi gdung 'tshe ba cing rgyun mi 'chad par rgyas par bgyid pa nas/ mdor na bcom ldan 'das kyis gsungs pa ltar/ gang zag de dag la sogs pa theg pa gsum gyi chos la bsti stang dang bcas pas nyan cing 'dzin te/ nam du yang mi 'chab pa dang / theg pa gsum la gnas pa'i gang zag la shin tu srung zhing mchod pa bgyid de/ gnod pa mi bgyid pa dang / dkon mchog gsum gyi nor rdzas la shin tu srung zhing god par mi bgyid pa'i rgyal rigs dge ba nas/ bram ze dge ba'i bar du de dag la bdag cag 'khor dang bcas pas bsrung ba dang / bskyab pa dang / chos rnam pa 'di bcu yang skye zhing 'phel bar bgyi'o/ / bcu gang zhe na/ tshe ring bar 'gyur ba dang / bgegs med pa skye zhing 'phel ba dang / nad med pa skye zhing 'phel ba dang / 'khor skye zhing 'phel ba dang / nor dang rin po che skye zhing 'phel ba dang / 'tsho ba'i lo
- 90b
byad skye zhing 'phel ba dang / go 'phang skye zhing 'phel ba dang / grags pa skye zhing 'phel ba dang / dge ba'i grogs po skye zhing 'phel ba dang / shes rab skye zhing 'phel ba dang / btsun pa bcom ldan 'das gal te rgyal rigs dge ba dang / bram ze dge ba'i bar du sdig pa'i 'khor lo rnam pa bcu po yongs su spong zhing / pha rol po gzhan yang spong bar gros 'debs la/ yon tan sngar smos pa dang ldan na/ bdag cag kyang srung zhing skyob pa dang / chos rnam pa bcu po yang skye zhing 'phel bar 'gyur ro/ / bcom ldan 'das gzhan yang rgyal rigs dge ba nas/ bram ze dge ba'i bar du gang smos pa'i yon tan de dag dang ldan na/ bdag cag 'khor dang bcas pas de la bsrung zhing bskyab pa dang / chos rnam pa bcu po 'di dang yongs su bral bar bgyi'o// bcu gang zhe na/ 'di lnga ste/ dgra zhe 'gras pa thams cad dang yongs su bral ba dang / yid du mi 'ong ba'i gzugs dang / sgra dang / dri dang ro dang / reg bya'i yul dang yongs su bral ba dang / rims dang nad thams cad dang yongs su bral ba dang / log par 'dzin cing ngan pa thams cad dang yongs su bral ba dang / log pa la skyabs su 'gro ba dang yongs su bral ba dang / log pa'i ltas ngan pa thams cad dang yongs su bral ba dang / log pa'i las ngan pa'i dngos po thams cad dang yongs su bral ba dang / log pa'i bshes gnyen ngan pa thams cad dang bral ba dang / khyim na gnas pa'i radam rdzab thams cad dang yongs su bral ba dang / dus ma yin par blo bur du 'chi ba thams cad dang yongs su bral ba ste/ btsun pa bcom ldan 'das gal te shin tu dge ba'i rgyal rigs nas/ bram ze
- 91a
dge ba'i bar du gang zhig yon tan sngar gsungs pa rnams dang ldan na/ bdag cag 'khor dang bcas te de la srung zhing skyob pa dang / yongs su bral ba'i chos rnam pa bcu po 'di yang thob par bgyid do/ / bcom ldan 'das gzhan yang rgyal rigs dge ba nas/ bram ze dge ba'i bar du gang gis sngar gsungs pa'i yon tan yongs su rdzogs par na na tan byed na/ bdag cag 'khor dang bcas te bsrung zhing bskyab par 'tshal lo/ / rgyal po 'khor dang bcas pa dang / yul de na gnas pa'i mi thams cad kyang chos rnam pa 'di bcu dang yongs su bral bar bgyi'o// bcu gang zhe na/ yul pha rol gyi dgra thams cad dang yongs su bral ba dang / bdag gi yul gyi dgra thams cad dang bral ba dang / dkra mi shis pa'i yi dgas thams cad dang yongs su bral ba dang / than pa dang yongs su bral ba dang / gnod par 'gyur ba'i char chu dang yongs su bral ba dang / dus ma lags pa'i tsha ba dang grangal ba dang / rlung dang char drag po dang / sad dang ser ba gnod par 'gyur ba thams cad dang yongs su bral ba dang / gza' dang ltas ngan du gyur pa thams cad dang yongs su bral ba dang / mu ge'i dgon pa thams cad dang yongs su bral ba dang / dus ma yin par nad kyis 'chi bar 'gyur pa dang yongs su bral ba dang / log par 'dzin cing ngan par lta ba thams cad dang yongs su bral ba ste/ btsun pa bcom ldan 'das gal te rgyal rigs dge ba'i rgyal pos yon tan sngar gsungs pa de dag kun la nan tan bgyid cing yongs su rdzogs par byed na/ bdag cag 'khor dang bcas
- 91b
pas bsrung zhing bskyab par 'tshal lo/ / rgyal po 'khor dang bcas pa dang yul de na gnas pa'i mi thams cad kyang yongs su bral ba'i chos bcu po 'di dag thob par bgyid do// de nas bcom ldan 'das kyis/ lnga'i dbang po 'khor dang bcas pa nas/ sha za'i dbang po'i bar du 'khor dang bcas pa la legs so legs so zhes bstod nas/ khyed rnams 'di nang du mi dam bcas pa'i dngos po 'di dag khyed kyis bcoM rigs pa ste/ de'i rgyu de'i rkyen gyis khyed la yun ring por phan pa dang bde ba'i don tu 'gyur ro// de nas tshangs pa chen po lnga'i snying pos/ bcom ldan 'das la yang 'di skad ces gsol to// ma mchis pa'i dus na sangs rgyas kyi zhing 'dir rgyal rigs dge ba thams cad kyi sang du/ yul bsrung ba la sems phyir mi ldog pa'i gzungs chen po'i tshig 'di dag 'bul lo// yul yongs su bsrung ba'i phyir/ phyir mi ldog pa'i tshong pa zhes bya ba'i gzungs sngags chen po chog 'di'i gzi brji dang mthus ma mchis pa dus na/ sangs rgyas kyi zhing 'dir rgyal rigs dge ba'i rgyal po thams cad la pas rgol ba'i da ma thams sna n+nags byu dang / ngas sos thabams pa ma shing dang rdzog par 'bru dang / lus dang / nga / ma kyilas kyi rlon pa dang / myulasdu pa rnams kyis bsngags shing bsod pa dang / c hos yongs su spong zhing dge ba'i chos la rtag tunan tan bgyid pa dang / ngan par lta ba dang / ngan par phyogs brtag tu spol zhing theg pa chen po la shin du 'bad pa'i brtson 'grus brtan pas nan tan bgyid ba /
- 92a
snod du gyur pa'i sems can tshad med grangs med pa yongs su smin par bgyid pa dang / shes rab gzhan gyi dring la mi 'brang bar mkhas pa'i brtson 'grus rang bzhin can du gyur pa/ pha rol tu phyin pa drug gi rin po che'i gter rdzogs par nan tan bgyid pas/ khong khro ba dang / ser sna dang / phrag dog la sogs pa kun nas nyon mongs pa'i dri ma thams cad yongs su spong ba dang / mi dang mi ma yin pa la sogs pa thams cad kyis bsti stang dang bcas pas skyob par 'gyur ba dang / bya ba rnams la brjed mi nges pa dang / bsdu ba rnam pa bzhi dngos po la dga' bas sems can mi gtong ba dang / rtag tu chos kyi snod bsod nams kyi zhing du gyur pa dang mi 'bral bar 'gyur ro/ / yang bcom ldan 'das kyis/ lha'i snying po la bkar stsal pa/ khyod kyis ma 'ongs pa'i dus na sangs rgyas kyi zhing 'dir rgyal po rgyal rigs dge ba'i yul bsrung ba'i phyir/ phyir mi ldog pa'i snying po zhes bya ba'i gzungs chen po'i tshig smros shig/ yul yongs su bsrung ba la phyir mi ldog pa'i 'khor lo'i snying po zhes bya ba'i gzungs chen po'i tshig 'di'i mthu dang gzi brjid kyis/ ma 'ongs pa'i dus na sangs rgyas kyi zhing 'dir rgyal rigs dge ba thams cad la phas rgol ba'i dgra thams cad kyis mi tshugs pa nas/ de bzhin du rgyas par sangs rgyas dang / sangs rgyas kyi 'khor gyi bar du thams cad dang mi 'bral bar bsrung bar 'gyur ba smros shig/ de nas tshangs pa chen po lha'i snying pos yul yongs su srung ba la
- 92b
phyir mi ldog pa'i 'khor lo'i snying po zhes bya ba'i gzungs chen po'i tshig 'di dag smras so/ / dad+ya thA mu ni me ra~M/ mu ne gar b+he/ mu ni khi le d+ha ye/ mu ni rog bi tsa le/ mun ha/ li te/ mu ni ga ma/ shu krA pa kre/ pa lA sha pak+ke/ mri la pakle/ so ru ri sa kri tre/ to ra Na kri tsa le/ ba TA la ga sha kr-i te/ ku ku la mri te/ a pakra sa re/ a do ha kyi lib mu ne ba thA bA sA hA/ tshangs pa chen po lba'i snying pos gzungs 'di smras nas/ bcom ldan 'das la yang 'di skad ces gsol to// bcom ldan 'das 'khor mang po dang bcas te bdag gis bshad pa'i gzungs chen po 'di la rjes su yi rang bar mdzad du gsol/ bcom ldan 'das kyis legs so legs so zhes bka' stsal to// 'khor mang po thams cad kyis kyang legs so legs so zhes smras so// de nas bcom ldan 'das kyis de'i tshe na/ tshe dang ldan pa mo'u 'gal yan chen po dang / byang chub sems dpa' sems dpa' chen po byams pa la 'di skad ces bka' stsal to// rigs kyi bu khyod kyis tshangs pa chen po lha'i snying po phul ba/ yul yongs su bsrung ba la phyir mi ldog pa'i 'khor lo'i snying po zhes bya ba'i gzungs chen po'i tshog 'di dag gzungs su zung zhig/ ma 'ongs pa'i dus na sangs rgyas kyi zhing 'dir rgyal rigs dge ba'i rgyal po thams cad la yang rgyas par ston cig/ de'i rgyu de'i rkyen gyis na rgyal rigs dge ba'i rgyal po 'khor dang bcas pa thams cad dang / yul de na gnas pa'i mi thams cad
- 93a
la phan pa dang bde ba'i don du 'gyur te/ rtag tu chos kyi 'khor lo skor ba dang / shin tu grags pa che ba dang / gzi brjid che bar 'gyur ba dang / ngan par lta ba 'joms shing yang dag pa'i lta ba 'dzugs pa dang / chos kyi mig srung zhing dkon mchog gsum gyi gdung rgyun mi 'chad par 'tsheb pa dang / sems can tshad med dpag tu med pa yongs su smin par byed pa dang / theg pa chen po la dad pa shin tu brtan pa dang / yun ring po nas pha rol tu phyin pa drug sgom pa la gnas shing bsgribs pa thams cad bcad nas myur du mtha'i gnas byed par 'gyur ro// de nas bcom ldan 'das kyis don 'di dag gsal bar bzlas pa'i phyir tshigs su bcad pa 'di dag gsungs so/ / de tshe tshangs chen lha yi snying pos// rkang gnyis mchog la 'di skad zhus so// dbang po rno ba'i skye bo dag ni/ ting 'dzin sgom zhing bsod nams byed mos// rgyal po mkhas pas chos lugs byas pa// shin tu 'khyam pa 'deg cing bsgral phyir/ spong ba'i dngos po gsum po 'di la// gang dag the tsom sel cing mi ldog/ bcom ldan 'das kyis 'di skad bka' stsal// gal te mi gnas mi bya de byas// blo gros che zhing shes rab rno yang // mtshams med sems can du myal bar ltung 'gyur// mkhas pa yang dag pa dag ma yin// sdig pa bcu yi 'khor lo spong mos// dge ba'i rtsa ba yongs su bcad pas// myur du sems can dmyal bar ltung 'gyur// ting nge 'dzin ni nyon mongs kun
- 93b
gcod/ / nyan pa'i bsod nams tsam gyis ma yin// de bas mya ngan 'da' bar 'dod pa// rtag tu bsam gtan la ni mnyam gzhag/ mkhas pas shin tu brtson 'grus rtsom pa// nga yi yang dag chos ni srung 'dzin/ / ngur smrig gyon la dad cing gus pas// nyon mongs rgya mtsho las ni grol 'gyur// shin tu dben pa'i bas mthar gnas te/ mtshams med byed pa rnam par ring spangs// tshul khrims 'dzin cing ting 'dzin sgom la/ / dad pas srid pa'i rgya mtsho sgrol 'gyur// theg pa rnam gsum kun la drang pa// nga yi yang dag chos ni rgyas byed// ngur smrig gyon la mchod pa byas nA// yin tan rnam pa'i rgya mtshor des 'gyur/ / gdul dka'i sems can shin tu btul te// dge slong rnams kyi nyes pa mi gleng // rlog shes 'phags pa'i rigs 'tshe ba pa ni// rkang gnyis dam pa'i mchog tu nges 'gyur/ / dge slong sdig can dag ni spangs te// 'phags pas spyod pa'i gnas la bsten bya// dge 'dun nor la mi spyod mi za// myur du byang chub chen po thob 'gyur// khams gsum kun na bde zhing skyid pa// de yang dkon mchog sum las byung bas// de bas bde zhing skyid pa 'dod pa// rtag tu dkon mchog gsum la mchod byos// gdol pa'i rgyal po dag la sogs pa/ / dge slong sdig pa spyod pa'i grogs dag/ dkon mchog gsum la nyes pa bskyed pas// mtshams med sems can dmyal bar ltung 'gyur// 'bru mar 'tshir ba bcu yi sdig pa// smad
- 94a
'tshong gcig gi sdig dang de mnyam/ / smad 'tshong ma ni bcu yi sdig dag/ chang 'tshong gcig gi sdig dang de mnyam// chang 'tsheng gnas ni bcu yi sdig dag/ gshun pa gcig gi sdig dang de mnyam/ / gshan pa gnas ni bcu yi sdib dag/ rgyal po gcig gi sdig dang de mnyam// yang dag dge ba'i rgyal po dag ni// nga yi yang dag chos kun rgyas byed// theg pa rnam gsum kun la mchod pas/ / yon tan rnam pa'i rgya mtsho des 'gyur// rin chen sna bdun 'dzam gling bkang ste// sangs rgyas dge 'dun rnams la phul ba'i// bsod nams phung po thob pa des ni// sangs rgyas chos srung tsam du mi phor// sangs rgyas dge 'dun bzhugs pa'i gnas dag/ gling bzhi bcu dang mnyam pa byas pa'i// bsod nams phung po thob pa des kyang // sangs rgyas chos srung tsam ni mi phor/ / sangs rgyas dag gi mchod rten brtsigs pa// stong gsum khams dang mnyam pa byas pa'i// bsod nams phung po thob pa des kyang // sangs rgyas chos srung tsam ni ma phod/ / dgra bcom pa yi bcings pa bsol nas// mchod pa rnam pa sna tshogs kun pas// chos kyi bar chad ma byas pa yi// bsod nams des ni de bas mchog 'gyur// bskal pa bye ba stong gi bar du/ / mkhas pas ting 'dzin bsgoms pa yi ni// khyad par can gyi blo skyes gang bas// chos srung ba yi bsod nams de che// shin tu dge ba'i rgyal po gang dag/ sdig pa bcu yi 'khor lo
- 94b
spangs te/ / nga yi yang dag chos 'di skyabs sam// ngur smrig gyon pa dag kyang bsrungs na// ngas gsungs pa yi theg pa gsum dang // gang zag dag la 'phya smrar mi byed// kun kyang nyan cing mchod pa byed la/ / chos smra ba yi skyabs dang mgon byed// dkon mchog gsum nor chud mi gzon cing // chos gos gyon pa'i bar chad mi byed// snod dang snod ma yin pa kun la// gus na de yi bsod nams dpe med/ / ji ltar nyi ma lnga po shar na// rgya mtsho chen po kun ni skems te// de bzhin nga yi chos srung ba de// nyon mongs pa rgya mtsho skems 'gyur// ji ltar rlung gis 'jig pa byung tshe// ri rnams thams cad 'jig pa bzhin du/ / nga yi chos la srung ba de yang // kun nas nyon mongs thams cad 'joms 'gyur// ji ltar chu yis 'jig pa byung tshe// sa chen chu yis g.yengs te 'jig 'gyur// de bzhin nga yi chos srung ba yang / / yid du mi 'ongs bras bu 'joms 'gyur// ji ltar rin chen yid bzhin nor bus// 'dod pa thams cad yongs su rdzogs byed// de bzhin theg pa gsum gyi chos kyang // sems can kun gyi smon pa rdzogs byed/ / gang gis bum pa bzang po rnyed na// dbul dang bral te bde skyid thob 'gyur// de bzhin sangs rgyas chos dang phrad pa// the tsom chod cing byang chub thob 'gyur// ji ltar bco lnga'i zla ba nyam// 'od kyis nam mkha' thams cad kun snang // de bzhin chos srung ba yi gang zag/ shes rab kyis ni chos dbyings kun khyab// ji ltar nam mkha' kun tu mnyam la// rdzas kyang med cing mtshan ma med pa/
- 95a
de bzhin chos srung ba yi gang zag/ thams cad chos ni ro gcig par shes// ji ltar nyi ma'i 'od ni bkye bas// 'jig rten mun pa thams cad kun sel// de bzhin chos srung ba mi gang zag/ rtag tu 'jig rten kun tu snang byed// shin tu rgyas pa chen po'i mdo sa'i snying po'i 'khor lo bcu pa zhes bya ba las// gnas shing spang par mi bya ba'i le'u ste gsum mo// / de nas byang chub sems dpa' sems dpa' chen po rdo rje'i snying po zhes bya ba 'khor gyi dkyil 'khor de'i nang na 'dug pa las langs te/ bcom ldan 'das kyi zhabs la sri bos gtugs nas/ bla gos gcig phyogs gcig tu byas te/ pus mo g.yas pa'i lha nga sa la btsugs nas thal mo sbar ba btud de tshigs su bcad pas gsol pa/ tshul khrims nyams pas rnam dag yon tan stor ba dag/ 'phags pa snod min nga yi sras ma yin zhes gsungs/ / dge slong chos nyid spangs shing thol ba 'dra ba dag/ nga yi rnam dag 'khor 'dir gnas pa mdzes pa min// dri ma gsum gyis bsgos shing 'gog dang lam stor ba'i/ / khyad par can gyi mchod pa gang yang des mi zhu// phyogs bzhi'i dge 'dun dbang bar bsngos pa'i nor dag la// cha shas cung zad tsam yang spod du ngas ma gnang // tshul khrims rtsa ba gzhi las gcig tsam nyams pa dag/ dge 'dun 'khor du mi chung rgya mtsho'i ro dang mtshungs// ci'i slad du deng 'dir dge slong sdig can la// snying rjes dang du blangs te chad pas ma gcod par//
- 95b
phyir yang de la mchod pa byos shes bskul mdzad cing // brtse la snying rje can gyis ngan sems yongs spongs la// de la bsti stang bcas te bstan pa'i chos mnyan na// bsod nams ye shes tshegs thob snying rje chen po can/ / mngon shes 'jig rten skyong bas mdo sde gzhan dag las// phra la zab par gyur pa'i yang dag byang chub lam// theg pa chen po de la khyed kyis dang byas shing // theg pa gnyis kyis grol ba'i lam de spongs shes gsungs/ / ci'i slad du deng 'dir theg pa gsum bshad de// kun gyis de la nyan cing mchod pa bgyi bar bskul// dbang po stobs dang byang chub dge sbyong 'bras bu yang // mdo sde 'di ni gzhan du gsungs pa med/ / dpe med 'phags lam yan lag brgyad pa 'dir// theg pa rnam gsum kun kyang lam der 'jug med de// rnam par grol bar 'dod pas brtson 'grus rab bskyed nas/ / so sor re ba bzhin du byang chub thob par 'gyur// 'gro ba kun gyi gtso bos 'di dag rnam dbye ba// snga phyir bstan pa 'di dgra mi 'gal bstun pa na// lha dang mi dang byang chub sems dpa'i 'khor thams cad/ / yang dag bden pa rtogs shing rnam grol dga' ba bskyed// theg pa chen po bshad pas gang la phan 'gyur dang // theg pa chen po bshad pas gang la gnod par 'gyur// nyan thos theg pas rnam par grol ba bcu po yis/ / bshad pa thos nas gang la gnod dang phan par 'gyur// gang zhes chos 'di thos pas gong nas gong du 'phar// gang zhig chos 'di thos pas phyir
- 96a
zhing ltung bar 'gyur/ / ji ltar 'dus byas kun gyi skyon gyis skyobs nas// rga dang 'chi ba'i rgya mtsho myur du sems par 'gyur// nyin mtshan dge ba rnams la shin tu brtson pa dag/ don mchog gang la gnas shing theg pa gang bgrod pas// shin tu yangs shing brab pa'i chu bo bzhi las 'grol// 'jig rten skyong bas rnam par phye ste kun gsungs shig de nas bcom ldan 'das kyis/ byang chub sems dpa' sems dpa' chen po rdo rje'i snying po la 'di skad ces bka' stsal to// legs so legs so// rigs kyi bu khyod skye bo tshad med pa la phan pa dang bde ba'i don gyi phyir/ lha dang / mi dang / lha ma yin la sogs pa'i don chen po'i phyir/ de bzhin gshegs pa la shin tu zab mo'i don 'di dag zhus pa legs so// shin du legs par nyon la shin tu yid la zung zhig dang / ngas khyod la rnam par phye ste bshad do zhes bka' stsal nas/ byang chub sems dpa' rdo rje'i snying po bcom ldan 'das las slar nyan to// bcom ldan 'das kyis bka' stsa pa/ rigs kyi bu gang zag rnam pa bcu po 'di dag ni 'khor zhing mi'i lus shin tu rnyed par dka' 'o// gang zag rnam pa bcu po gang zhe na/ 'di lta ste/ dge ba'i rtsa ba mi skyed pa dang / bsod nams kyi las mi byed pa dang / kun nas nyon mongs pa'i nying mtshams sbyor ba dang / grogs po sdig pa'i rjes su spyod pa dang / 'jig rten phyi ma'i sdug bsngal gyi 'bras bu la 'jigs par mi lta ba dang
- 96b
'dod chags bango bar gyur pa dang / zhe sdang bdo bar gyur pa dang / gti mug bango bar gyur pa dang / sems myos shing 'khrug pa dang / log par lta ba'i sdig pa can dam du 'dzin pa ste/ gnas shing mi bya bar/ bya ba'i rnam pa bcu po 'di'i rgyus sems can dag tshul khrims kyi rtsa ba 'jig cing / tshul khrims nyams par byed pas ngan song du lhung bar 'gyur ro// gnas shing spyad par mi bya ba rnam pa bcu gang zhen/ 'di lta ste/ nga'i bstan pa la rab du byung ba dag/ la la ni lhag pa'i spyod pa nyams la mos pa ma nyams pa yang yod/ la la ni mos pa nyams la lhag pa'i spyod pa mi nyams pa yang yod/ la la ni lhag pa'i spyod pa dang mos pa gnyis ka nyams pa yang yod do/ / la la ni tshul khrims nyams la lta ba ma nyams pa yang yod/ la la ni lta ba nyams la tshul khrims ma nyams pa yang yod// la la ni tshul khrims dang lte ba gnyis ka nyams pa yang yod do/ / la la ni lhag pa'i spyod pa dang mos pa dang / tshul khrims dang lta ba ma nyams kyang sdig pa'i grogs po'i dbang du gyur te gnas shing sprad par mi bya ba dag byed pa yod/ la la ni dge ba'i bshes gnyen la bsten pa'i dbang du gyur kyang glen pa'i rang bzhin can lug bzhin du lkugs pa/ las kyi dngos po'i bye brag kyang mi phyed la/ dge ba'i bshes gnyen gyis dge ba dang mi dge ba'i chos bstan pa thos kyang mi go/ mi 'dzin/ mi shes te/ de'i rgyu de'i rkyen gyis gnas shing spud par mi bya ba dag byed de// nor dang / rin po che dang / 'tshe ba'i yo byad rnam pa sna tshogs
- 97a
kyis mi smyo bar kun tu tshol ba'i rgyus sems 'khrugs pas gnas shing rjud par mi bya ba dag byed pa'i 'dus byas kyi nud mang pos gzir cing gdungs pa'i phyir/ 'jig rten pa'i rnarjed pa dang / sngags la sogs pa byed pa de'i rgyu de'i rkyen gyis gnas pa dang / spang bar mi bya ba dag byed do// 'di ltar gnas pa dang spyad par mi bya ba bcu po'i rgyus sems can dag tshul khrims kyi rtsa ba nyams shing mthong ba'i chos la 'phags pa'i snod du ma gyur pa dang / tshul khrim so nyams pa'i phyir ngan song du ltung bar 'gyur ro// rigs kyi bu gang zag gang lhag pa'i spyod pa nyams pa mos pa ma nyams pa dag gnas pa dang / spad par mi bya ba gang yang rung ba rnam pa gcig gi rgyus rtsa ba'i sdig gcig nyams pa las de shin tu 'jigs skrag ste/ 'dzem pa dang ngo che bas phyin chad kyang gang yang mi byed par sdig pa spangs na/ de bzhin gshegs pas de la phan gdags pa'i phyir lam sun 'byin pa'i dge sbyong zhes gsungs so/ / de ci'i phyir zhe na/ de lta bu'i sdig pa chen po'i las byas kyang 'phral du mi 'chab par 'thol te/ 'dzem pa dang ngo tsha bas 'gyod tshangs byas na/ des de ltar 'dzem pa dang ngo tsha bas so sor bshags pas sdig pa byang ba'i phyir/ phyin chad byed pa rgyun gcod par 'gyur ro// des dge sbyong gi las dang cho gar bya ba thams cad kyi nang du mi chud la bskrad par bya zhing dge slong gi 'tsho ba'i yo byad thams cad la yang spyod du mi dbang mod kyi/ gang zag de ni theg pa gsum gyi chos kyi snod du 'gyur pas de bzhin gshegs pa thugs brtse ba'i phyir/
- 97b
de la bar bar ni nyan thos kyi theg pa'i chos kyang 'chad do// bar bar ni rang sangs rgyas kyi theg pa'i chos kyang 'chad do// bar bar ni de la bla na med pa'i theg pa'i chos kyang bshad pas skye ba gnyis sam gsum na smon lam gyi mthu dang / dge ba'i bshes gnyen gyi mthus sdig pa'i las byas pa sgrib par gyur pa thams cad byang ste/ ya la ni nyan thos kyi theg pa'i 'bras bu 'thob bo// la la ni rang sangs rgyas kyi theg pas mya ngan las 'da' ro/ / la la ni shin tu rgya che ba bla na med pa'i theg pa'i don rtogs par 'gyur pa yang srid do// gzhung de bzhin du tshul khrims nyams la lta ba ma nyams pa yang shes par bya'o// gang zag gang mos pa nyams la lhag pa'i spyod pa ma nyams na/ de bzhin gshegs pas de la phan gdags pa'i phyir tshangs pa'i gnas pa bzhi bsgrub pa'i chos ston te/ 'di ni nyan thos kyi theg pa'i snod do/ / 'di ni rang sangs rgyas kyi theg pa dang ldan pa'o// gang zag gang lhag pa'i spyod pa dang / mos pa gnyis nyams na/ de theg pa gang gi chos kyi snod du yang mi 'gyur mod kyi/ de bzhin gshegs pas de la phan gdags pa'i phyir sbyin pa'i bsngags pa 'chad do/ / gang zag gang lta ba nyams la tshul khrims ma nyams na/ de bzhin gshegs pas de la phan gdags pa'i phyir de la rten cing 'brel par byung ba'i chos bshad do/ / ngan par lta ba'i ngan pa spangs te/ lus 'di nyid kyis nyan thos sam/ rang sangs rgyas kyi chos rtogs par mdzad do// yang na skye ba gzhan gyi dus na chud cing rtogs par mdzad do// gang
- 98a
zag gang tshul khrims dang lta ba gnyi ga nyams na de ni 'phags pa'i chos kyi snod ma yin na/ de bzhin gshegs pas de lnga phan gdags pa'i phyir sbyin pa'i bsngags pa 'chad do// gang zag gang lhag pa'i sdod pa dang / mos pa dang / tshul khrims dang / lta ba ma nyams kyang sdig pa'i bshes gzhan gyi dbang du gyur te/ rten cing gnas na de bzhin gshegs pas de la phan gdags pa'i phyir dge ba bcu'i las kyi lam bsngags shing 'chad do/ / gang zag gang zhig dge ba'i bshes gnyen la bsten du zin kyang ngan cing glen pa'i rang bzhin can/ lug bzhin du lkugs cing dge ba dang / mi dge ba gang yang brda mi phrad pa de la de bzhin gshegs pas phan gdags pa'i phyir/ kha ton goms par bya ba'i bsngags pa 'chad do// gang zag gang 'dod chags kyi nad rnam pa sna tshogs kyis yongs su gzir te/ 'dus byas rnam pa sna tshogs kyi lta bas myos pa/ de bzhin gshegs pas de la phan gdags pa'i phyir/ rnam par grol ba tshol ba la ni 'khor ba las 'byung bar byed pa nyan thos kyi theg pa 'phags pa'i bden pa lan bshad do/ / chad par lta ba la ni rten cing 'brel par 'byung ba'i chos kyi bsngags pa 'chad do// rtag par lta ba la khams gsum gyi srid pa'i rgyun 'di dag nas shi 'phos na/ gzhan du skyes te/ rnga mkhan gyi 'khor lo ltar rgyun mi 'chad par 'khor ba dang / mi rtag pa la sogs pa'i chos 'chad do// rigs kyi bu de bzhin gshegs pas ji skad du ming dang brda dang / yi ge dang / tshig dang / sgra skad kyis bstan pa thams cad
- 98b
'bras bu med cing don med pa ma yin te/ kun kyang sems can yongs su smin par bya ba'i don tu ma bstan pa med do// de bas na de bzhin gshegs pas gsungs pa'i chos la 'phya zhing skur na/ sems can rnams kyi yang dag pa'i chos kyi mig bcar ba'i sdig pa yin pas/ mtshams med pa las 'das pa 'am/ mtshams med pa dang 'dra ba'i kha na ma tho ba'i sdig pa tshad med pa thob par 'gyur ro// gang gis ngas sems can la phan pa dang bde ba'i phyir gsungs pa'i dam pa'i chos nyan thos kyi theg pa la brten te gsungs sam/ rang sangs rgyas kyi theg pa la brten te gsungs sam/ theg pa chen po la brten te gsungs pa gang la yang rung / 'phya zhing skur pa 'am/ bar chang dang bgegs byas sam/ rlung ngu na tshigs su bcas pa gcig tsam 'chab pa'i las byas na/ de ni dam pa'i chos la skur ba yin par rig par bya ste/ raphags pa'i lam gyi yan lag brgyad med par byed pa/ sems can thams cad kyi dam pa'i chos kyi mig nyams par byed pa yin pas/ gang zag de ni de ltar bdag kyang don med pa chen po spyod la/ pha rol po gzhan yang don med pa chen po spyod du 'jug pa'o// yang gang zag de ni khrel dang / ngo tsha med pa'i dge 'dun la brten cing / de bzhin gshegs pa'i dam pa'i chos la 'phya zhing skur pa 'debs pa'o zhes bya'o/ / rigs kyi bu gzhan yang dge slong rnam pa bzhi yod de/ bzhi gang zhe na/ don dam pa'i dge slong dang / kun rdzob kyi dge slong dang / lug lkugs
- 99a
blta bu'i dge slong dang / khrel ba dang ngo che med pa'i dge slong ngo // de la ji ltar na don dam pa'i dge slong gang zhe na/ 'di lta ste/ sangs rgyas bcom ldan 'das sam/ byang chub sems dpa' sems dpa' chen po'i dge slong yon tan chen po dang ldan pa/ chos thams cad la dbang du gyur pa 'am/ rang sangs rgyas kyi byang chub bam/ dgra bcom pa 'am/ lan cig phyir 'ong ba 'am/ phyir mi 'ong ba 'am/ rgyun tu zhugs pa ste/ gang zag rnam pa bdun po 'di dag ni don dam pa'i dge slong du bsdu ba dang / skye bo gang khyim na gnas shing / sgra dang kha spu yang ma bregs/ chos gos kyang ma gyon/ rab tu byung ba so so thar pa'i tshul khrims thams cad kyang ma mnos/ gsol ba dang / zhu ba'i las dang / gso sbyong dang / tshul gyi las thams cad kyi nang du mi chud mod kyi/ 'phags pa'i chos dang ldan la/ 'phags pa'i 'bras bu thob pas na/ de yang don dam pa'i dge slong du bsdu ste/ de dag ni don dam pa'i dge slong zhes bya'o// de la ltar na kun rdzob kyi dge slong gang zhe na/ skra dang kha spu bregs te/ gos ngur smrig gyon cing rab tu byung la/ so sor thar pa'i tshul khrims dang ldan na/ de ni kun rdzob kyi dge slong zhes bya'o// de la ji ltar na lug lkugs pa lta bu'i dge slong gang zhe na/ rtsa ba'i sdig la sogs pa nyams sam/ ma nyams ba yang mi shes/ lci 'am yang ba yang mi shes/ nyes pa phra mo rnam pa sna tshogs byas kyang 'gyod cing 'thol mi shes/ nyes pa byas pa la bla khyad cing / sdig pa phra mo la mi lta/ mi 'jigs/ mkhas pa'i skyes
- 99b
bul mi rten/ skabs skabs su mang du thos pa shes rab dang ldan pa la bsnyen bkur dang g.yog kyang mi byed/ bsti stang dang bcas te zhu zhing 'dri ba yang mi shes/ dge ba ni gang / mi dge ba ni gang / sdig pa ni gang / sdig pa med pa ni gang / gang byas na legs/ gang byas na ma legs pa yang zhu ba dang / 'dri bar mi byed pa'i gang zag de dag ni lug lkugs pa lta bu'i dge slong du bsdu ste/ lug lkugs pa lta bu'i dge slong zhes bya'o/ / de la ji ltar na khrel ba dang ngo tsha ba med pa'i dge slong gang zhe na/ sems can gang 'tshe ba tsam gyi phyir nga'i bstan pa la phyogs te rab tu byung ngo // rab tu byung nas so so thar pa'i tshul khrims bsrung ba thams cad nyams te/ khrel ba dang ngo tsha ba med la/ 'jig rten phyi ma'i sdug bsngal gyi 'bras bu la mi lnga/ mi 'jigs/ khong rul cing btsog pas gang ba'i srin kA lA ra'adra ba/ dung gi sgra la khyi'o spyod pa dang ldan pa/ rtag tu brdzun smra zhing bden pa'i chog med pa/ ser sna dang / phrag dog dang / gti mug dang / nga rgyal gyis mngon par zin te/ las kyi mchog dam pa gsum las ring du gyur pa/ khe dang / bkur sti dang / grags pa la chags shing yul drug la mos pa/ 'dod chags kyis g.yengs pa/ gzugs dang / sgra dang / dri dang / ro dang / reg bya'i yul la chags pa'i gang ga de dag ni khrel ba dang ngo tsha ba med pa/ dam pa'i chos la raphya zhing skur pa'i nang du bsdu ste/ de ni khrel ba dang ngo tsha ba med pa'i dge slong zhes bya'o// rigs kyi bu don dam pa'i dge slong zhes bya ba ni/ la la 'phags
- 100a
pa'i lam las rgyal ba'i dge sbyong gi nang du bsdu ba yang yod de/ lam las rgyal ba zhes bya ba ni/ gang 'phags pa'i lam yan lag brgyad la gnas shing / bdag kyang nyon mongs pa'i chu bo las sgrol la/ pha rol po gzhan dag kyang sgrol ba'o// de yang ji lta zhe na/ sangs rgyas bcom ldan 'das dang / rang rgyal ba dang / dgra bcom pa ste/ gang zag rnam pa gsum po 'di dag ni srid pa'i yan lag gi 'khor thams cad dang ring du gyur pa'i phyir/ 'phags pa'i lam las rgyal ba zhes bya'o// gzhan yang byang chub sems dpa'i dge 'dun gzhan gyi dri nga la mi 'jog par chos thams cad la ye she kyis thogs pa med par gzigs shing / sems can thams cad la phan pa dang bde ba'i don gyis sdud pa yang lam las rgyal ba'i dge sbyong gi nang du bsdu'o// don dam pa'i dge slong dang / kun rdzob kyi dge slong la kha cig ni lam ston pa'i dge sbyong gi nang du bsdu'o/ / gang so sor thar pa'i tshul khrims dang ldan zhing yang dag pa'i dge ba'i skye bo nas/ 'jig rten gyi yang dag par lnga ba dang ldan pa'i shes pa brda spong ba la brten te/ cho 'phrul gyi mthus gzhan la 'bags pa'i lam gyi chos rnam par phye ste ston cing 'chad pa'i gang zag de ni lam ston pa'i dge sbyong tha ma ste/ lam ston pa'i dge slong zhes bya'o// rgyun tu zhugs pa'i 'bras bu thob pa'i gang zag ni gnyis pa zhes bya'o/ / lan cig phyir 'ong ba'i 'bras bu thob pa'i gang zag de ni gsum pa zhes bya'o// phyir mi 'ong ba'i 'bras bu thob pa'i gang zag de ni bzhi pa
- 100b
zhes bya'o/ / gzhan yang byang chub sems dpa' sems dpa' chen po'i dge 'dun ni lnga pa zhes bya'o// sa dang po la gnas pa nas/ sa bcu dang srid pa tha ma'i lus la gnas pa de yang lam ston pa'i dge slong gi nang du bsdu'o/ / gang so so thar pa'i tshul khrims dang ldan zhing spyod lam rnam par dag pa dang ldan pa dag ni lam gyis 'tshe ba'i dge sbyong gi nang du bsdu ste/ lam gyis srog 'dzin pa'i phyir/ lam gyis 'tshe ba'i dge sbyong zhes bya'o// gzhan yang byang chub sems dpa' sems dpa' chen po gang sems can thams cad la phan pa dang bde ba'i don du sdud cing / pha rol tu phyin pa drug la nan tan byed pa dang ldan pa de yang lam gyis 'tshe ba zhes bya'o/ / de ltar lam las rgyal ba dang / lam ston pa dang / lam gyis 'tshe ba'i dge slong rnam pa gsum po 'di ni 'jig rten pa'i bsod nams kyi zhing yang dag pa zhes bya'o/ / de las gzhan pa'i dge sbyong dag ni lam sun 'byin pa zhes bya ba ste/ yang dag pa ma yin mod kyi/ de yang bsod nams kyi zhing grangs su 'gro'o// gang 'dzem pa dang ngo tsha ba med pa'i dge 'dun la gnas shing brten pa'i gang zag de na/ ngas yang dag par bstan pa'i 'dul ba'i chos las mi ro lta bu'o zhes gsungs te/ yongs su dag pa'i dge 'dun gyi rgya mtsho las dbyung bar bya ba chos kyi snod ma yin pas na/ gang zag de la nga ni ston pa chen po yin no zhes mi gsung la/ gang zag de yang nga'i nyan thos ma yin no// ngo tsha ba med pa'i dge
- 101a
skyong chos kyi snod du ma gyur pa dag nga la ston par 'dzin cing nga'i ring bsrel dang / nga'i klu'i gzugs brnyan la shin tu dad pa dang / ba'i chos dang / dge 'dun dang / 'phags pa'i tshul khrims la yang shin tu dad pas/ bdag kyang lta ba ngan par mi 'dzin la/ pha rol po gzhan yang lta ba ngan pa la chags par mi byed pa dang / ngas bstan pa'i chos rgyas par ston te/ shin tu bsngags shing bstod pa byed kyi/ de la 'phya ba 'am skur pa mi 'debs pa dang / rtag tu yang dag pa'i smon lam 'debs pa dang / sdig pa byas ma thag tu yang dang yang 'thol cing 'gyod de spo // las kyi sgrib pa mang po zhi bar 'gyur te/ de ltar gang zag de dkon mchog gsum dang / 'phags pa'i tshul khrims la dad pa'i shugs kyis/ mu stegs can dgu bcu rtsa lnga pas brgya stong snyed kyis lhag go/ myur du mya ngan las 'da' ba'i grong khyer du phyin pa ni ma yin mod kyi/ 'khor los sgyur ba'i rgyal pos kyang mi bskrun na/ de ma yin pa skye bo gzhan lta smos kyang ci dgos/ de bas na de bzhin gshegs pas sems can thams cad kyi las dang myong ba'i chos kyi mtshan nyid rnam pa tha dad par mkhyen cing gzigs pa'i phyir/ gang 'di skad du nga'i bstan pa'i chos la ngang nas sgra dang kha spu bregs te/ gas ngur smrig gyon pa la/ rgyal rigs la sogs pa gshe zhing spro ba dang / chad pas gcang du mi dbang ngo zhes gsungs te/ gang gis brnyas smod dam/ rab tu byung ba thams cad la gshe zhing spyos sam/ chad pas gcad na kha na ma tho ba'i 'bras bu smin pa
- 101b
ni ji ltar rgyas par bshad pa bzhin no/ / gzhan yang nga'i bstan pa la khyim nas khyim ma yin par rab tu byung ste/ skra dang kha spu bregs nas gos ngur smrig gyon na/ de la ni 'das pa dang / ma byon pa dang / ltar bzhugs pa'i sangs rgyas bcom ldan 'das thams cad kyis thugs rjes rjes su 'dzin to// spyod lam dang / cha lugs dang / chos gos gyon pa la yang 'das pa dang / ma byon pa dang / da ltar bzhugs pa'i sangs rgyas bcom ldan 'das kyis kyang thugs rjes rdzas su 'dzin to/ / de bas na sgra dang kha spu bregs te/ gos ngur smig gyon pa'i rab tu byung ba la brnyas smad na/ de ni 'das pa dang / ma byon pa dang / da ltar bzhugs pa'i sangs rgyas bcom ldan 'das thams cad la brnyas smod pa yin no/ / de'i rgyu de'i rkyen gyis mkhas pa blo can sdug bsngal gyis skyo zhing 'jigs pa/ lha dang / mi dang / mya ngan las 'da' ba'i bde ba 'dod pa ngag khyim nas khyim ma yin par rab tu byung ste/ sgra dang kha spu bregs nas gos ngur smrig gyon pa la brnyas pa dang smod pa mi bya'o// gang zag ngo tsha ba med pa'i dge sbyong tshul khrims nyams pa/ theg pa gsum gyi 'phags pa'i chos kyi snod du ma gyur pa/ bdag nyid lta ba ngan pa'i sdig pa la mngon par zhen te/ gzhan yang lta ba ngan pa'i sdig pa la chags par byed pa de la rgyal rigs dge ba dang / dge slong dang / bram ze dang / blon po dang / khyim bdag dang / tshong dpon dang / rje'u rigs dang / dmangs rigs dang / skyes pa dang / bud med dag med do zhes smra ba dang / gzhan yang 'jig rten na pha
- 102a
yang med/ ma yang med pa nas/ dge ba dang / mi dge ba dang / rnam par smin pa'i 'bras bu yang med/ 'phags pa'i lam gyi 'bras bu thob pa yang med do zhes smra ba dang / chos thams cad rgyu las skyes pa ma yin no zhes smra ba dang / gzhan yang gzugs yod pa'i khams ni rtag pa yin gyi/ 'jig pa'i chos ma yin par 'dzin pa dang / gang gzugs med pa'i khams ni rtag pa yin te/ 'jig pa'i chos ma yin par 'dzin pa dang / la la ni mu stegs can gyi brtul zhugs kyis mthar phyin pa'i rnam par dag pa thob par 'dzin to// la la ni nyan thos kyi theg pa 'ba' zhig gis mthar phyin pa'i rnam par dag pa thob kyi/ rang sangs rgyas kyi theg pa dang / theg pa chen pos ma yin par 'dzin te/ nyan thos kyi theg pa la dad cing yid ches nas/ bsngags shing bstod pa dang / 'byed cing ston gyi// rang sangs rgyas kyi theg pa dang / theg pa chen po la 'phya zhing skur du 'debs pa dang / smod cing bar chad byed la/ bgegs byed de ston du mi ster ba yang yod do// la la ni rang sangs rgyas kyi theg pa 'ba' zhig gis mthar phyin pa'i rnam par dag pa thod kyi/ nyan thos kyi theg pa dang / theg pa chen pos ma yin par 'dzin te/ rang sangs rgyas kyi theg pa la dad cing yid ches te/ bstod cing bsngags pa dang / 'byed cing ston gyi/ nyan thos kyi theg pa dang / theg pa chen po la 'phya zhing skur pa 'debs pa dang / smod cing bar chad byed la bgegs byed de ston du mi ster ba yang yod do// la la ni theg pa chen po
- 102b
'ba' zhig gis mthar phyin pa'i rnam par dag pa thob kyi/ nyan thos kyi theg pa dang / rang sangs rgyas kyis theg pas ma yin par 'dzin te/ theg pa chen po la dad cing yid ches pas/ gzhan yang dad cing yid ches par byed/ bdag rim gro dang bkur sti byed pas/ gzhan yang rim gro dang bkur sti byed du 'dzud/ bdag de la bstod cing bsngags pas/ gzhan yang bstod cing bsngags su bcug/ bdag glegs bam du 'dri bas/ gzhan yang glegs bam du 'drir bcug/ bdag klog cing 'don pas/ gzhan yang klog cing 'don du bcug/ bdag nyan cing 'dzin pas/ gzhan yang nyan cing 'dzin du bcugabadag sems shing yid la byed pas/ gzhan yang sems shing yid la byed du 'jug ste/ skye bo chos kyi snod du gyur pa 'am/ snod du ma gyur pa yang rung / thams cad la theg pa chen po'i don dam pa shin tu zab pa phra ba rnam par 'byed cing ston te/ nyan thos kyi theg pa dang / rang sangs rgyas kyi theg pa la 'phya zhing skur pa 'debs pa dang / smod cing bgegs dang bar chad byed de/ ston du mi ster ba dang / bdag ma dad pas/ gzhan dang pa skye ba'i bgegs byed pa dang / bdag rim gro mi byed pas/ gzhan rim gro byed pa'i bgegs byed pa dang / bdag mi bstod pas/ gzhan bstod pa'i bgegs byed pa dang / bdag glegs bam du mi 'dri bas/ gzhan glegs bam du 'dri ba'i bgegs byed pa dang / bdag klog pa dang / 'don pa dang / nyan pa dang / 'dzin pa dang / shes pa dang /
- 103a
yid la mi byed pas/ gzhan klog pa dang / 'don pa dang / nyan pa dang / 'dzin pa dang / sems pa dang / yid la byed pa'i bgegs byed de/ theg pa gnyis kyi chos mi ston pa yang yod/ ro// la la ni sbyin pa 'ba' zhig byas pas mthar phyin pa'i rnam par dag pa thob kyi/ tshul khrims kyis ma yin/ bzod pas ma yin pa nas/ shes rab kyi bar du ma yin par 'dzin to// la la ni tshul khrims 'ba' zhig gis mthar phyin pa'i rnam par dag pa thob kyi/ sbyin pa dang bzod pas ma yin pa nas/ shes rab kyi bar du ma yin par 'dzin to// la la ni bzod pa 'ba' zhig gis mthar phyin pa'i rnam par dag pa thob kyi sbyin pa dang tshul khrims kyis ma yin pa nas/ shes rab kyi bar du ma yin par 'dzin to// la la ni brtson 'grus 'ba' zhig gis mthar phyin pa'i rnam par dag pa 'thob kyi/ sbyin pa dang tshul khrims kyis ma yin pa nas/ shes rab kyi bar du ma yin par 'dzin to// la la ni bsam gtan 'ba' zhig gis mthar phyin pa'i rnam par dag pa 'thob kyi/ sbyin pa dang tshul khrims kyis ma yin pa nas/ shes rab kyi bar du ma yin par 'dzin to/ / la la ni shes rab 'ba' zhig gis mthar phyin pa'i rnam par dag pa 'thob kyi/ sbyin pa dang tshul khrims kyis ma yin pa nas/ bsam gtan gyi bar du ma yin par 'dzin do// la la ni 'jig rten gyi bzo rtsal rnam pa sna tshogs sbyangs shing shes pas mthar phyin pa'i rnam par dag pa thob par 'dzin to/ / la la ni brag las mchod ba dang / me ma mur du mchod pa dang / smyung ba la sogs pa'i brtul
- 103b
zhugs rnam pa mang pos mthar phyin pa'i rnam par dag pa thob par 'dzin te ston to/ / rigs kyi bu de ltar tshul khrims nyams pa sdig pa spyod pa'i dge slong chos kyi snod ma yin pa des/ brdzun rnam pa sna tshogs kyis yang dag pa'i chos kyi snod kun bslus te/ skye bo mang po lta ba ngan pa la ltar btsud do// de ltar de dag phyin ci log tu ngan par lta ba'i dbang gis rgyal rigs dge ba nas/ rje'u rigs dang / dmangs rigs dang / skyes pa dang / bud med la sogs pa'i dad pa yongs su dag pa dag ma rung bar byas nas/ tshul khrims dang / thos pa dang / sbyin pa dang / shes rab kyang nyams par byas te// rgyal rigs gdol pa can nas rje'u rigs gdol pa can gyi bar du/ thams cad gdol pa can du bsgyur bas de dag ni chos kyi snod ma yin te/ tshul khrims nyams pa'i dge slong dang / rgyal rigs gdol pa can la sogs pa dang / slob mar bcas te dge ba'i rtsa ba bcad pas/ mtshams med pa'i sems can dmyal ba'i bar du ltung bar 'gyur ro// rigs kyi bu ji ltar mi ro bam pas rul cing zhig pa la 'gro ba thams cad kyis yid du mi 'ong zhing snar mnam pa reg ma thag tu 'jig pa dang nya 'am/ 'bags namanam pa bzhin du rgyal rigs dge ba nas/ dmangs rigs dge ba'i bar du tshul khrims nyams pa/ sdig pa spyod pa/ chos kyi snod ma yin pa de la bsnyen tam/ 'grogs sam/ lhan cig gnas sam/ las lhan cig byed na/ de ma thag tu ngan par lta ba'i brtsog cing mnam pa gos par 'gyur ro// de ltar de bzhin du rgyal rigs dge ba nas/ dmangs
- 104a
rigs dge ba'i bar du dad pa dang / tshul khrims dang / thos pa dang / sbyin pa dang / shes rab can nyams de gdol bcan du gyur pas/ de ni ston pa dang myo mya bcas te/ dge ba'i babacad pas na/ mtshams med pa'i sems can dmyal ba'i bar du lhung bar 'gyur ro// / 'dus pa chen po las/ byang chub sems dpa' sa'i snying po'i 'khor lo bcu pa zhes bya ba theg pa chen po'i mdo bam po drug pa/ rigs kyi bu de ltar rgyal rigs la sogs pa skye bo tshad med pa tshul khrims nyams pa/ sdig pa spong ba/ chos kyi snod ma yin pa'i dge slong la bstan pas dge ba'i chos thams cad nyams pa nas/ mtshams med pa'i sems can dmyal ba'i bar du ltung bar 'gyur pa la ltos/ de bas na mtho ros kyi lhar skye ba nos/ mya ngan las 'da' ba'i bde ba'i bar du 'dod pa dag lam las rgyal ba'i dge sbyong la bsnyen bkur dang / mchod pa dang / bkur bsti byas te/ theg pa gsum gyi chos kyi mdo mnyan par gsol ba gdab bo// gzhan yang lam ston pa dang / lam gyis 'tshe ba'i dge slong btsal bar bya'o// lam de gsum la gnas pa'i dge sbyong med na yang lam sun 'byin pa'i dge sbyong btsal bar bya'o// tshul khrims nyams mod kyi/ yang dag par lta ba dang / mos pa dang / lhago pa'i spyod pa dang ldan pas/ de la ni bsnyen bkur dang mchod pa dag bros la/ theg pa gsum gyi don dri bar bya'i/ lhag pa'i spyod pa dang / mos pa dang / lta ba kun nyams pa la ni
- 104b
bsnyen bkur dang mchod pa bya ba ma yin no/ / tshul khrims nyams pa dag tshul khrims nyams mod kyi/ log par mi lta ba mos pa dang / lhag pa'i spyod pa dang / lta bar ldan pas na/ de dang de gang na bar song ste/ nyan thos kyi theg pa'i chos dang / rang sangs rgyas kyi theg pa'i chos dang / theg pa chen po'i chos zhu zhing mnyan par bya'i/ brnyas shing smad par mi bya'o// theg pa gsum las gang yang rung ba gcig la da de/ smon lam 'debs shing brtson 'grus rtsom zhing rjes su slob kyang / theg pa gzhan la yang brnyas pa dang smad par mi bya'o// gang gis theg pa gsum las theg pa gang yang rung ste/ gcig gi tshogs su bcad pa gcig tsam la brnyas smod na/ de la ni bsnyen bkur mi bya/ mi bsnyen/ mi 'grogs/ lhan cig tu mi gnas/ las 'thun par mi bya'o// gang gis de la bsnyen bkur byed cing bsten tam 'grogs sam/ lhan cig tu gnas sam/ las lhan cig byed na/ gdon mi za bar mtshams med pa'i sems can dmyal bar lhung ngo // rigs kyi bu de bas na theg pa gsum las gang yang rung ba gcig la gnas te/ 'khor ba las 'da' zhing rab tu bde ba la mos te/ sdug bsngal gyis skyo ba dag/ de bzhin gshegs pas gsungs pa'i dam pa'i chos nyan thos kyi theg pa la brten te gsungs pa dang / rang sangs rgyas kyi theg pa la brten te gsungs pa dang / theg pa chen po la brten te gsungs pa kun la dad cing shin tu bkur sti bya'i/ de la 'phya zhing skur pa 'debs
- 105a
pa dang / bar chad dang / bgegs dang / chung ngu ma tshigs su bcad pa gcig tsam gyi bgegs kyang ma byed cig/ rtag tu bsti stang dang bcas te/ klog pa dang / 'don pa dang / nyan pa la shin tu brtan pa'i yid dam bcas te rtogs par bya'o/ / theg pa gsum las gang yang rung ba chos gcig la 'phya zhing skur na de dang lhan cig tu mi gnas/ chung ngu na zhag gcig tsam yang bsnyen bkur dang chos nyan par mi bya'o/ / sems can gang zhig theg pa gsum las theg pa gcig tsam la 'phya zhing skur tam/ theg pa gsum la 'phya zhing skur pa'i gang zag la brten te/ 'dri ba dang nyan pa byas na/ de'i rgyu/ de'i rkyen gyis mtshams med pa'i sems can dmyal ba chen por ltung zhing sdug bsngal chen po myong bar 'gyur te/ rab tu thar par dka'o// de ci'i phyir zhe na/ rigs kyi bu sngon nga 'das pa'i dus na/ byang chub sems dpa'i spyad pa spyod cing / bla na med pa'i ye shes tshol ba la brtson pas nan tan byed pa na/ bar bar ni nyan thos kyi theg pa dang ldan pa'i dam pa'i chos 'dod pa'i phyir/ chung ngu na tshigs su bcad pa gcig tsam gyi phyir yang lus kyi yan lag lag pa dang / rkang pa dang / sha dang / khrag dang / pags pa dang / rus pa dang / mgo dang / mig dang / rkang dang / klad pa'i bar du yongs su gtong ngo // bar bar ni rang sangs rgyas kyi theg pa la brten te gsungs pa'i dam pa'i chos 'dod pa'i phyir/ chung ngun tshigs su bcad pa gcig tsam gyi phyir yang lus kyi yan lag lag pa dang / rkang pa dang / sha dang / khrag dang /
- 105b
pags pa dang / rus pa dang / mgo dang / mig dang / rkang dang / klad pa'i bar du yongs su gtong ngo // bar bar ni theg pa chen po la brten te gsungs pa'i dam pa'i chos 'dod pa'i phyir/ chung ngu na tshogs su bcad pa gcig tsam gyi phyir yang lus kyi yan lag lag pa dang / rkang pa dang / sha dang / khrag dang / pags pa dang / nus pa dang / mgo dang / mig dang / rkang dang / klad pa'i bar du yongs su gtong ngo // de ltar dka' ba spyad pas theg pa gsum la rlung ngu na tshigs su bcad pa gcig tsam rnyed na shin tu dga' rangs te/ bsti stang dang bcas pas 'chang zhing gzungs su 'dzin la/ ji skad du gsungs pa bzhin du spyod de/ cung zad kyang mi gtong bas bskal pa tshad med pa'i bar du shin tu spyad dka' ba thams cad spyad pas/ gdol mtha'i gnas byas pa'i bla na med pa'i ye shes kyi 'bras bu thob par gyur to// gzhan yang sems can thams cad la phan pa dang bde ba'i don gyi phyir/ theg pa gsum gyi dam pa'i chos rnam par phye ste bshad do// de lta bas na de la 'phya zhing skur pa dang / bar rmad dang / bgegs dang / chung ngu na tshigs su bcad pa gcig tsam yang 'chab par mi bya'o/ / de la rtag tu bkur sti dang bcas pas klog pa dang / 'don pa dang / nyan par shin tu brtan pa'i yi dam bcar 'o// rigs kyi bu 'di ltar theg pa gsum po'i dam pa'i chos 'di ni 'das pa dang / ma 'ongs pa dang / da ltar bzhugs pa'i sangs rgyas bcom ldan 'das klung gang+gA'i bre ma dang mnyam pa thams cad kyis 'thun par gsungs te/ byin gyi rlabs kyi thams cad
- 106a
byin gyis brlabs so/ / sems can thams cad 'khor ba'i sdug bsngal chen po las gdon cing bsgral ba dang / dkon mchog gsum gyi gdung rgyun mi 'chad par bya ba'i phyir yongasasu bzung ba yin no/ / de bas na theg pa gsum gyi dam pa'i chos la thams cad kyis dad cing bkur sti bya'i/ de la 'phya zhing skur pa 'debs pa dang / bar chad dang / bgegs mi bya ste/ theg pa gsum gyi dam pa'i chos las tshigs su bcad pa gcig tsam med par byas na/ gdon mi za bar mtshams med pa'i sems can dmyal bar ltung bar 'gyur ro// rigs kyi bu gzhan yang ma 'ongs pa'i dus na sangs/ rgyas kyi zhing 'dir rgyal rigs gdol pa can dang / bram ze gdol pa can dang / blon po gdol pa can dang / khyim bdag gdel ba can dang / dge sbyong gdol pa can dang / tshong dpon gdol pa can dang / rje'u rigs dang dmangs rigs gdol pa can gyi skyes pa 'am/ bud med de dag g.yo dang sgyus 'tsho zhing glen pa/ gti mug can/ cung zad tsam gyi shes pa snyems pa/ rang bzhin gyis gtum pa/ khro ba/ spro thung ba/ brlang ba/ 'jig rten phyi ma'i sdug bsngal gyi 'bras bu la 'jigs bor mi lta ba/ srog gcod pa la dga' ba nas/ log par lta ba dang / ser sna dang / phrag dog dang 'jungs pa dang / 'dod chags kyi bar du dga' zhing / dge ba'i bshes gnyen la rgyab kyis phyogs nas/ sdig pa'i bshes gnyen la bsten pa/ theg pa gsum gyi 'phags pa'i chos kyi snod ma yin pa dag
- 106b
nyan thos kyi theg pa'i chos rung zad thos pas/ sangs rgyas kun gyis yongs su bzung ba'i rang sangs rgyas kyi theg pa'i chos dang / bla na med pa'i theg pa chen po'i chos la 'phya zhing skur pa 'debs pa dang / smod pa dang / bar chad dang / bgegs byed de/ yongs su rgyas par mi byed do// la la ni rang sangs rgyas kyi theg pa'i chos cung zad thos nas/ sangs rgyas kun gyis yongs su bzung ba'i nyan thos kyi theg chos dang / bla na med pa'i theg pa'i chos la 'phya zhing skur pa 'debs pa dang / smod pa dang / bar chad dang / bgegs byed de/ yongs su rgyas par mi byed do// la la ni bla na med pa'i theg pa chen po'i chos cung zad thos nas/ sangs rgyas kun gyis yongs su bzung ba'i nyan thos kyi theg pa'i chos dang / rang sangs rgyas kyi theg pa'i chos la 'phya ba dang / skur pa 'debs pa dang / smod pa dang / bar chad dang / bgegs byed da/ yongs su rgyas par mi byed la/ khe dang grags pa'i phyir 'di skad du/ bdag ni thag pa chen po pa yin te/ theg pa chen po'i grogs su gyur pa/ theg pa chen po 'ba' zhig nyan pa dang 'chang ba dang / gzungs su 'dzin pa la dga'i/ nyan thos dang rang sangs rgyas kyi theg pa'i chos la mi dga'/ theg pa gnyis po la sten par mi 'dod do zhes zer ro// de ltar theg pa chen po pa yin no zhes brdzun zer ba de dag gti mug gis mngon par zin te nga rgyal gyi dbang du gyur pas/ de ltar theg pa gsum gyi yang dag pa'i chos la 'phya zhing skur bar 'debs pa dang / bar chad dang / bgegs
- 107a
byed de/ yongs su rgyas par yang mi byed do// theg pa gsum po slob pa'i gang zag la yang 'phya zhing skur nas smod de mthu med par byed do// rigs kyi bu 'das pa dang / ma 'ongs pa dang / da ltar bzhugs pa'i sangs rgyas bcom ldan 'das dang / byang chub sems dpa' sems dpa' chen po thams cad sems can thams cad la phan pa dang bde ba'i don gyi phyir/ thugs rje chen po'i shugs kyis dngos po rnam pa 'di gnyis yongs su bzung ngo / / gang zhe na/ dkon mchog gsum gyi gdung rgyun mi 'chad par byed pa/ khyim nas khyim ma yin par rab tu byung ste/ skra dang kha spu bregs na/ gos ngur smrig gyon pa dang / theg pa gsum las byung ba 'phags pa'i bden pa bzhi la sogs pa dam pa'i chos dang ldan pa'o// dngos po rnam pa gnyis po 'di ni sangs rgyas bcom ldan 'das dang / byang chub sems dpa' sems dpa' chen po 'ba' zhig gis yongs su bzung ba mdzad kyi/ nyan thos dang rang sangs rgyas la sogs pas ni ma yin no// gzhan yang bye ba khrag khrig brgya stong snyed kyi tshangs pa'i dbang po chen po dang / brgya byin lha'i dbang po dang / gling bzhi la dbang ba 'khor los sgyur pa'i rgyal po la sogs pas yongs su bzung ba ma yin no// ma 'ongs pa'i dus na sangs rgyas kyi zhing 'dir rgyal rigs gdol pa can dag nga'i bstan pa la rab tu byung ste/ sgra dang kha spu bregs nas/ gos ngur smrig gyon pa la thabs kyis nyes pa'i skyon dang klan ka tshel de/ rkyen rnam pa mang pos gshe zhing spro ba dang /
- 107b
slong cing sma phab pa dang / gzhu ba dang / 'tshog pa dang / btson rar gzhug pa dang / 'tsho ba'i yo byad 'phrog pa dang / chos gos 'phrog pa nas/ khyim par phab ste/ khyim pa'i las rnam pa sna tshogs byed du bcug pa dang / nan gyis 'khol zhing chad pas gcod pa dang / smod pa dang / bza' ba dang / btung ba gcod pa dang / 'tshe ba'i dbang po dang phral ba'i bar du byed do// rgyal po rgyal rigs gdol pa can de ltar glen zhing gti mug gi rang bzhin can du gyur pas/ nga rgyal gyi dbang gis mngon par zin pa de/ sangs rgyas dang byang chub sems dpa'i thugs rje'i mthus yongs su bzung ba'i slob ma rnam la smod pa dang / sma 'bebs pa dang / nan gyis chad pas gcod pa la sogs pa byed do// sangs rgyas dang byang chub sems dpa' thams cad kyis thugs rje chen po'i shugs kyis yongs su gzung ba'i chos shin tu zab mo la 'phya zhing skur te ma rung bar byed do/ / dus gsum gyi sangs rgyas bcom ldan 'das dang / byang chub sems dpa' thams cad kyis yongs su bzung ba'i theg pa rnam pa gsum gyi dam pa'i chos kyi bar chad dang bgegs dag byed de/ yongs su rgyas par mi byed do// de ltar rgyal rigs gdol pa can nas/ rje'u rigs dang dmangs rigs gdol pa can gyi bar du glen zhing gti mug gi rang bzhin can/ nga rgyal gyis mngon par zin pa/ nga ni theg pa chen po'o zhes khas 'che ba de dag/ nyan thos dang rang sangs rgyas kyi theg pa'i chos kyi snod du yang ma gyur na/ bla na med pa theg pa chen po'i chos kyi
- 108a
/ snod du 'gyur ba lta ci smos te/ khe dang / grags pa dang / bkur sti dang / mchod pa 'drod pa'i phyir/ 'jig rten pa glen zhing gti mug can thams cad bslus nas/ bdag ni theg pachen po pa'o zhes zer te/ de bzhin gshegs pa'i theg pa gnyis kyi dam pa'i rmos la 'phya zhing skur pa 'debs so// de ltar gang zag glen zhing gti mug can/ g.yo dang skyes 'tshe zhing nga rgyal gyis mngon par zin pa/ ser sna dang / phrag dog dang / 'dod chags kyis kun nas glags pas/ de'i rgyu de'i rkyen gyis nga'i chos kyi mig ma rung ba dang / myur du med par byas so// des ni dus gsum gyi sangs rgyas bcom ldan 'das thams cad kyi dam tshig las 'gal ba'i kha na ma tho ba chen po byed pa yin no/ / dus gsum gyi byang chub sems dpar thams cad kyi dam tshig las 'gal ba'i kha na ma tho ba chen po byas pa yin no/ / dus gsum gyi nyan thos thams cad kyi dam tshig las 'gal ba'i kha na ma tho ba chen po'i sdig pa byed pa yin te/ ring po mi thogs par lus kyi yan lag kun zhig pa dang / nud ma rungs pa chen po rnam pa mang pos btab par 'gyur ro// rgyal rigs gdol pa can nas/ rje'u rigs dang / dmangs rigs dang / gdol pa can gyi skyes pa'am/ bud med de dag sdig pa'i las byed cing / phyin ci log tu lta ba'i dbang gis dge ba'i rtsa ba thams cad bcad pas gal te dus gzhan du smin pa'i bsod nams mang du byas su zin kyang / ma 'ongs pa'i dus ni yi/
- 108b
dgas sam/ byol song gi khams su skye ste/ phyug pa'i bde ba myong bar mi 'gyur ro// lus de nyid kyis gzugs dang gzugs med pa'i khams su skye ba'i dge ba'i rtsa ba chung ngu yang bskyed mi nus na/ nyan thos sam/ rang sangs rgyas sam/ bla na med pa'i theg pa chen po lhun gyis grub pa rnam pa thams cad mkhyen pa ri ye shes kyi dge ba'i rtsa ba'i sa bon bskyed pa lta ci smos/ gzhan yang de'i lce la rtag tu na gyis gnod par 'gyur zhing / nyin zhag du mar lce lkugs shing smra mi nus pa dang / shin tu mi bzad pa'i na ba dang tsha ba'i sdug bsngal chen po myong ba dang / 'chi 'phos nas kyang mtshams med pa'i sems can dmyal bar ltung bar 'gyur ro/ / de bas na de bzhin gshegs pas rgyal rigs dge ba nas/ rje'u rigs dang / dmangs rigs la sogs pa'i skyes pa 'am/ bud med de dag la yun ring por paphan pa dang bde ba'i don gyi phyir yang dang yang 'di skad du gsungs te/ khyed kyis nga'i bstan pa la skra dang kha spu bregs te/ ngur smrig gi tshal bu gyon cing rab tu byung ba la gnod pa dang gshe zhing spo ba la sogs pam byed cig/ ngas bstan pa'i theg pa gsum gyi dam pa'i chos la 'phya zhing skur pa 'debs pa dang / smad pa dang / bar chad dang / bgegs ma byed ces gsungs so// ngas bstan pa las tshad du 'gal bar byas na/ sdig pa rnam par smin pa ni ji ltar rgyas par bshad pa bzhin no// de ci'i phyir zhe na/ nga'i bstan pa la skyabs su song ste/ sgra dang kha spu bregs nas/ gos ngur smrig gyon cing / rab tu byung ba'i cha lugs
- 109a
can de la'ang sa pa dang / ma 'ongs pa dang / da ltar bzhugs pa'i sangs rgyas bcom ldan 'das dang / byang chub sems dpa' thams cad kyis thugs rje chen po'i byin gyi rlabs kyis yongs su bzung ba'o/ / sgra dang kha spu bregs te gos dus smig gyon cing rab tu byung ba'i spyod lam can de ni 'phags pa rnams kyi rnam par grol ba'i rgyal mtshan yin no// nyan thos thams cad kyi rnam par grol bas longs spyod pa'i chos kyi ro'i rgyal mtshan yin no/ / rang sangs rgyas kyi theg pa po thams cad kyi rnam par grol bas longs spyod pa'i chos kyi ro'i rgyal mtshan yin no// theg pa chen po pa thams cad kyi rnam par grol bas longs spyod pa'i chos kyi re'i rgyal mtshan yin no/ / de bzhin gshegs pas gsungs pa'i theg pa gsum gyi dam pa'i chos yin no// dus gsum gyi sangs rgyas dang / byang chub sems dpa' thams cad kyi thugs rje chen po'i byin gyi brlabs kyis yongs su bzung bar yin no/ / 'phags pa rnams kyi rnam par grol ba'i gnas yin no// nyan thos kyi theg pa pa thams cad kyi rnams kyi rnam par grol bas longs spyod pa'i chos kyi re'i gnas yin no/ / rang sangs rgyas kyi theg pa pa thams cad kyi rnam par grol bas longs spyod pa'i chos kyi ro'i gnas yin no// theg pa chen po pa thams cad kyis rnam par grol bas longs spyod pa'i chos kyi ro'i gnas yin no/ / rigs kyi bu de lta bas na rnam par grol ba tshol ba dag nga'i bstan pa la skyabs su song ba/ skra dang kha spu bregs te/ gos ngur
- 109b
smig gyon pa/ rab tu byung ba'i gang zag la bsnyen bkur dang / mchod pa dang / bsti sbyang bya'o// bdag gis sngar nyan thos kyi theg pa'i chos la drad de bdag nyan cing gzungs su 'dzin na/ gzhan yang nyan cing 'dzin tu gzhug go/ / bdag klog cing kha ton byed na/ gzhan yang klog cing 'don du gzhug go/ bdag glegs bam du 'dri na/ gzhan yang glegs bam du 'drir gzhug go/ bdag sbyin pa byed na gzhan yang sbyin pa byed du gzhug go/ / bdag ston cing 'chang na/ gzhan yang ston cing ra'achad pa dang / yid la bya ba dang / nan tan bya ba dang / rgya cher spel du gzhug go// ji ltar rang sangs rgyas kyi theg pa'i chos la dad cing yid ches te/ bdag nyan cing gzungasu 'dzin na/ gzhan yang nyan cing 'dzin du gzhug go// bdag klog cing kha ton byed na/ gzhan yang klog cing bla don du gzhug go// bdag glegs bam du 'dri na/ gzhan yang glegs bam du 'drir gzhug go/ bdag smin pa byed na/ gzhan yang sbyin pa byed du gzhug go/ bdag ston cing 'chang na/ gzhan yang ston cing 'chad pa dang / yid la bya ba dang / nan tan bya ba dang / rgya cher spel du gzhug go/ 'di ltar theg pa chen po la dad cing yid ches te/ bdag nyan cing gzungs su 'dzin na/ gzhan yang nyan cing 'dzin du gzhug go// bdag klog cing kha ton byed na/ gzhan yang klog cing 'don du gtsug go/ / bdag glegs bam du 'drin/ gzhan yang glegs bam du 'drir gzhug go// bdag sbyir pa byed na/ gzhan yang sbyin pa byed du gzug go// bdage ston cing
- 110a
'chad na/ gzhan yang ston cing 'chad pa dang / yid la bya ba dang / nan tan bya ba dang / rgya cher spel du gzhug go// gal te snod du ma gyur na/ bdag kyang mi nyan/ gzhan yang nyan du mi gzhug pa nas/ gzhung de bzhin du rgyas par bshad pa bzhin no// sdig pa'i chos thams cad kyang ring du spang ba dang / sdig pa'i grogs po spang ba dang / dge ba'i bshes gnyen la bsten pa dang / pha rol tu phyin pa drug la brtson zhing nan tan byed pa dang / mi dge ba'i las thams cad yang dang yang 'gyod cing 'thol ba dang / ci la mos pa bzhin du yang dag pa'i smon lam gdab par bya'o// gang de ltar byed pa ni lus 'di nyid kyis nyan thos kyi theg pa'i snod du'ang 'gyur la/ rang sangs rgyas kyi rigs las kyang mi ldog/ theg pa chen po'i rigs las kyang phyir mi ldog pa'i gnas yod do/ / de bas na theg pa gsum char la yang bslab cing nan tan bya'i/ nga rgyal gyis theg pa chen po pa'o zhes khas 'che zhing / nyan thos kyi theg pa dang / rang sangs rgyas kyi theg pa'i chos la'aphya zhing skur pa mi bya'o/ / ngas sngon theg pa chen po'i chos kyi snod du gyur pa brtan par spyod pa 'ba' zhig la de skad du/ theg pa chen po bsgom pa 'ba' zhig gis bas mtha'i gnas byed bar 'gyur ro zhes bshad pa dang 'dir 'gal ba med do/ / de nas bcom ldan 'das kyis don 'di dag gsal bar bzlas pa'i phyir/ tshigs su bcad pa 'di dag gsungs//
- 110b
so// 'khor gyi dkyil 'khor chen po'i mngon sum// rdo rje snying pos nga la nus pa/ tshul khrims rnams pa'i dge slong dag la/ ci phyir mchod pa gyis shig ces bskul// sbyangs pa'i yon tan kun kyang nyams nas/ / glen zhing ngan par lta ba 'dzin pa// chos kyi snod min lam sun 'byin la// spro 'am chad pas gcod du mig nang // de las theg pa gsum gyi dam chos// yang dag pa yi rnam par grol ba/ / sman bzang lta bu bshad pa thos na// zhi ba'i mya ngan 'das 'gyur zhes gsungs// ci yi phyir na mdo sde gzhan las// theg pa chen po gcig gis grol 'gyur// theg pa gnyis kyi chos la slo ba spangs/ / yang 'dir theg pa gsum bshad ci phyir// sems can kun la thugs brtse can gyis// ngan par lta ba'i las kun spangs te// phan pa dang ni bde ba'i don phyir/ / rnam par grol zhing the tsom bcad gsol// rgyal rigs rgyal po dag la phan pa// rje'u rigs dmangs rigs rab tu bde phyir// dge slong dag la gnod byed mi gnas// kha na mtho chen po'i sdig 'gyur/ / kha yi spu bregs ngur smrig gos gyon// sangs rgyas rnams kyi chos kyi rgyal mtshan// rnam par grol ba'i lam gyi mig yin// sangs rgyas kun gyis byin gyis brlabs pa/ spyod lam mang po yongs su nyams kyang // rnam par grol ba yongs su spangs min// ngan par lta ba'i sdig pa spangs pas// myur du mya ngan 'das pa thob 'gyur// ji ltar sman rab 'khus par
- 111a
'gyur gang / / nad rnams kun la shin tu phan 'gyur// de bzhin spyod lam nyams pa de yang // pha rol sdug bsngal zhi bar byed 'gyur// zhu ba'i las dang gso sbyin dag tu// dge slong de ni der 'dir ma gnang // gzhan la dam pa'i chos ston dbang ste// gnyis kas bsod nams chen po thob 'gyur// de kon mchog gsum la dad cing phyogs te// nga la ston pa chen por 'dzin pa/ / mi dge sdig pa mang po spong 'gyur// mu stegs mang po gang bas de mchog/ ji ltar srin po gling du 'khyams pa'i// 'jigs shing skrag pa'i tshong pa de dag/ kun gyis rta spu zhag re bzung bas/ / rgya mtsho las rgal bgegs dang bral ba// de ltar tshul khrims nyams pa de ni// mi dge ngan par lta ba spangs te// dad pa gcig gi rgyu yi mthus ni// nyon mongs pa yi srid las thar 'gyur/ / rnam par grol ba'i rgyal mtshan bsrungs te// sangs rgyas mang pos byin gyis brlabs pa'i// tshul khrims nyams pa gnod mi byed na// kha na mtho'i sdig lho spong 'gyur/ bsod nams chen po la ni mos shing // yang dag rnam par grol la dga' ba// snod dang snod min kun la ma'am srung // des ni rnam grol thob par mi dka'// glen pa nga rgyal theg pa chen por/ khas me de ni shes pa'i mthu med// theg pa gnyis kyi chos la'ang rmongs na// theg pa chen por rig 'gyur ci smos// dper na mig gi 'bras bu nyams na// kha dog rnam pa mthong bar mi 'gyur/
- 111b
de bzhin dad pa nyams shing med na// theg pa chen po shes par mi nus// chu phran 'thung ba'i mthu yang med na// rgya mtsho chen po gra la brngub nus// theg pa gnyis kyang goms mi nus na// theg pa chen po ga la slob nus// theg pa gnyis kyi chos la dad nas// theg pa chen po la ni dang 'gyur// theg chen chos la dad pa med par// tshig tu smra ba sa don du mi 'gyur// nang ni yang dag chad par lta zhing / / theg pa chen po can zhes khas 'che// mi dge gsum gyi las ni mi srung // nga yid dam chos ma rung 'jig byed// gang zag de ni tshe 'phos gyur nas// mtshams med sems can dmyal bar lhung nges/ / de bas dbang po brtag cing bshad bya'i// snod du ma gyur pa la ma yin// byams pa'i sems med nga rgyal dregs shing // gtum zhing brlang ba dbang po zhan pa/ de ni chad par lta ba yin par// mkhas pa rnams kyis de dag shes bya// nyan thos dang ni rang rgyal ba dang // theg pa chen po'i snod ma yin no// sangs rgyas kun la smad cing skur pas// nges par mtshams med dmyal bar lhung 'gyur/ / radu 'dzi la dga' tshul khrims srung zhing // slob dpon 'chab cing sdug bsngal 'jigs pa// mkhas pa dag gis shes par gyis shig/ de ni nyan thos theg pa yin no/ / sbyin la dga' zhing skye 'gog rtogs pa// bas mtha gnas la dga' ba dag ni// rang rgyal ba yi theg pa yin par// mkhas pa dag gis shes par gyis shig/
- 112a
/ dge ba'i rtsa ba kun dang ldan zhing // byams pa dang ni snying rje'i sems kyis// rtag tu phran pa'i don la dga' ba// de ni theg pa chen po yin no// tshul khrims srung phyir lus srog spong zhing / / sems can dag la mi 'tshe mi gnod// stong pa nyid kyi chos la brtson pa// theg pa chen po yin par shes bya// thams cad chos la sems kyis bzod cing // smra ba'i tshig 'jam 'jungs pa med pa/ / chos la rtag tu dga' zhing spro ba// de yang theg pa chen po yin no// chos kyi snod dang snod min kun la// bsam pa mnyam pas phan pa'i don byed// 'jig rten chos kyis mi gos pa dag/ de yang theg chen yin par shes bya// de bas mkhas pa blo can dag ni// theg pa gsum la shin tu dang bskyed// dge 'dun dag la gnod mi byed na// myur du bla med byang chub 'grub 'gyur/ / rigs kyi bu gzhan yang rgyal rigs dge ba dang / bram ze dge ba dang / blon po dge ba dang / khyim bdag dge ba dang / tshong dpon dge ba dang / dge sbyong dge ba dang / rnge'u rigs dang / dmangs rigs la sogs pa'i skyes pa 'am/ bud med de dag gnas pa dang / sprad par bya ba'i 'khor lo rnam pa bcu dang ldan na/ lus 'di nyid kyis nyan thos kyi theg pa'i rigs las ldog cing nyams par mi 'gyur ba dang / tshe 'di nyid la nyan thos kyi theg pa'i 'phags pa'i chos kyi snod du 'gyur te/ rang sangs rgyas kyi theg pa dang / theg pa chen po'i snod du ni ma yin no// bcu gang zhe na/
- 112b
'di lta ste/ bsam pa yongs su dag pa'i dang bas dge ba dang / mi dge ba'i las kyi 'bras bu yod par yid ches pa dang / khrel yod pa dang / ngo tsha bar ldan pas mi dge pa'i grogs dang / ngan par blta ba thams cad yongs su spong ba dang / sdom pa la shin tu gnas te srog gcod pa yongs su spong ba nas// bag med par 'gyur ba'i khu ba 'thung ba'i bar du yongs su spong ba dang / byams pa'i sems la gnas te zhe sdang dang khro ba thams cad yongs su spong ba dang / snying rje'i sems la gnas te sems can nyam thag pa thams cad sgrol ba dang / dga' ba'i sems la bde bar gnas te/ ngag gis mi dge ba bzhi yongs su spong ba dang / btang snyoms kyi sems la gnas te/ 'dod chags dang / ser sna dang / phrag dog thams cad yongs su spong ba dang / yang dag pa la phyogs te/ slu ba'i ltas bzang ngan kun spong zhing log pa mu stegs can la mi sten pa dang / shin tu 'bad pa'i brtson 'grus dang ldan te/ dge ba'i chos kun la nan tan byed pa dang / rtag tu gnas dgon pa la dga' zhing / chos kyi don tshol ba la mi skyo bar spro ba'o// rigs kyi bu rgyal rigs dge ba nas/ rnge'u rigs dang / dmangs rigs la sogs pa'i skyes pa dang bud med de dag gnas pa dang / spyad par bya ba'i 'khor lo bcu po 'di dang ldan na/ tshe 'di nyid la nyan thos kyi theg pa'i rigs las ldog cing nyams par mi 'gyur ba dang / tshe 'di nyid la nyan thos kyi theg pa'i 'phags pa'i chos mngon du 'gyur ba dang / nyan thos kyi 'phags pa'i chos kyi snod du 'gyur te/ rang sangs rgyas kyi theg pa dang / zag pa chen po'i
- 113a
'phags pa'i chos mngon du 'gyur ba dang / rang sangs rgyas kyi theg pa dang / theg pa chen po'i snod du 'gyur ba ni ma yin no// gzhung nges rang sangs rgyas kyi theg pa dang / theg pa chen po yang shes par bya'o/ / rigs kyi bu de ltar gnas pa dang / spang bar ldan pa'i 'khor lo bcu po de dag ni/ nyan thos dang / rang sangs rgyas dang / byang chub sems dpa' dang / sangs rgyas bcom ldan 'das thams cad kyi thun mong du yod pa'o/ / rigs kyi bu gzhon yang gnas pa dang / spyad par bya ba'i 'khor lo rnam pa bcu/ nyan thos dang thun mong ba ma yin pa/ rang sangs rgyas dang / byang chub sems dpa' dang / sangs rgyas bcom ldan 'das dang thun mong ba yod do/ / gang rgyal rigs dge ba nas/ rje'u rigs dang / dmangs rigs la sogs pa'i skyes pa dang bud med de dag gnas pa dang / spang bar bya ba'i 'khor lo bcu po 'di dag dang ldanan tshe 'di nyid kyis rang sangs rgyas kyi theg pa'i rigs las kyang nyams par mi 'gyur ba dang / mi ldog pa dang / lus 'di nyid la rang sangs rgyas kyi theg pa'i 'phags pa'i chos rigs pa dang / rang sangs rgyas kyi 'phags pa'i chos kyi snod du 'gyur ro/ / bcu gang zhe na/ 'di lta ste/ lus dang / ngag dang / yid kyi las rnam par dag par spong pa dang / khrel yod pa dang / ngo tsha ba dang ldan te/ bdag gi lus kyis skyo ba dang / nye bar len pa'i phung po lnga la shin tu 'jigs pa skyed pa dang / 'khor ba'i 'dod pa las shin tu rgal dka' bar lta ba dang / rtag tu dben pa'i gnas la dga' zhing / 'du 'dzi yongs su spong ba dang / bas mtha' dgon pa la
- 113b
dga' zhing / gzhan gyi skyon mi gleng ba dang / dbang po rnams sdom zhing sems rtag tu zhi bas ting nge 'dzin du byed pa dang / rten cing 'brel te byung ba la mkhas pas rgyu dang 'bras bu la shin tu rtog pa dang / rtag tu bsam/ gtan la mnyam par 'jog par dga' ba dang / kun nas ldang ba'i chos yongs su 'gog pa la mkhas pa'o// rigs kyi bu rgyal rigs dge ba nas/ rje'u rigs dang / dmangs rigs la sogs pa'i skyes pa dang bud med de dag gnas pa dang / spyad par bya ba'i 'khor lo bcu po 'di dang ldan pas/ tshe 'di nyid kyis rang sangs rgyas kyi theg pa'i rigs las phyir mi ldog cing / nyams par yod par mi 'gyur ba dang / tshe 'di nyid kyis rang sangs rgyas kyi theg pa'i 'phags pa'i chos mngon du 'gyur pa dang / rang sangs rgyas kyi theg pa'i 'phags pa'i chos kyi snod du 'gyur ro// rigs kyi bu 'di dag ni nyan thos dang / rang sangs rgyas thams cad kyi gnas pa dang / spang bar bya ba'i 'khor lo zhes bya ste/ nyan thos dang / rang sangs rgyas thams cad kyis 'khor lo 'di la gnas na/ myur du srid pa gsum gyi rgya mtsho las rgal te/ mya ngan las 'da' ba'i grong khyer chen por phyin par 'gyur ro/ / rigs kyi bu gnas pa dang / spyad par bya ba'i 'khor lo zhes bya ba'i tshig gi don gang lags she na/ de la gnas pa zhes bya ba ni 'dzin pa dang bcas pa/ bdag gi ba'i gnas su bcas pa sdud par byed pa dang bcas pa/ 'brel bar byed pa dang bcas pa'o// de la spyang ba zhes bya ba ni phung po spyod pa dang / khams spong ba dang / skye mched
- 114a
spyod pa dang / 'brel ba dang bcas pa'i spyad pa'o// 'khor lo zhes bya ba ni bsgrub pa dang dam tshig gi 'khor lo ste/ dper na 'khor los sgyur ba'i rgyal po ni shing rta'i 'kho lo 'am/ 'khor lo de gtso bor spyod do// de bzhin du nyan thos dang / rang sangs rgyas thams cad 'khor lo 'di la brten nas/ mya ngan las 'da' ba'i lam tshol te/ de bas nA rnam pa 'di gnyis ni theg pa chen po'i snod ma yin no/ / de ci'i phyir zhe na/ de dag ni spong ba dma' zhing zhan pa la brten pas theg pa chen po'i snod ma yin no// bdag phung po rnams spyod pa la 'dzin par byed pa dang bcas pa la skye zhing 'jigs te/ bdag 'ba' zhig sdug bsngal thams cad las rnam par grol ba tshol gyi/ sems can thams cad rnam par grol ba'i phyir/ nun ton byed pa ma yin pas theg pa chen po'i snod ma yin no/ / bdag khams rnams spyod pa la gnas su bcas pas skyo zhing 'jigs te/ bdag sdug bsngal thams cad lus rnam par grol ba tshol gyi/ sems can thams cad rnam par grol ba'i phyir/ nan tan byed pa ma yin pas na/ theg pa chen po'i snod ma yin no// bdag skye mched mngon par 'du bya ba rnams spyod pa la sdud par byed pa dang bcas pas skyo zhing 'jigs te/ bdag sdug bsngal thams cad las rnam par grol ba tshel gyi/ sems can thams cad rnam par grol ba'i phyir/ nan tan byed pa ma yin pas/ theg pa chen po'i snod ma yin no// de dag 'brel pa dang bcas
- 114b
pa'i spyod pa la 'brel ba'i dbang gis gnas shing brten nas gnas shing brten pa mngon par 'du byed de/ sems can thams cad sdud pa la mi dga' zhing / byams pa dang snying rje med de 'brel pa dang bcas pa'i phyir/ theg pa chen po'i snod ma yin no// gzhan dag sdug bsngal mang po myong bar mthong yang yal bar btang ste/ mi skyo ba la bdag 'ba' zhig rnam par grol ba tshol ba'i phyir/ theg pa chen po'i snod ma yin no// de dag bdag gi kun nas nyon mongs pa'i mgo bcad nas/ sems can thams cad kyi kun nas nyon mongs pa'i mgo gcod pa la mi spro bas/ theg pa chen po'i snod ma yin no// de dag theg pa chen po'i 'khor los byang chub la 'bab pa ma yin pas na/ theg pa chen po'i snod ma yin no// de dag 'od chen po'i 'khor los byang chub la 'bab pa ma yin pas na/ theg pa chen po'i snod ma yin no// de dag gcig pu zla med par mya ngan las 'das pa'i grong khyer du 'gro ba la dga' zhing nan tan byed pas na/ theg pa chen po'i snod ma yin no// rigs kyi bu sems can gang nyan thos kyi theg pa dang / rang sangs rgyas kyi thag pa'i chos la nan tan ma byas pa/ brtson 'grus ma brtsams pa dag ni dbang po yongs su ma smin te/ dbang po zhen pa/ brtson 'grus rlung ba dag la/ gal te shin tu zab mo theg pa chen po'i dam pa'i chos bstan na bshad pa dang / nyan pa gnyis ka kha na ma tho ba chen po'i sdig thob par 'gyur te/ de ni sangs rgyas thams cad la 'khrus pa yin no// de ci'i phyir zhe na/ sems can gang nyan thos kyi theg pa dang / rang sangs kyi theg
- 115a
pa'i chos la nan tan ma byas shing / brtson 'grus ma brtsams te/ dbang po ma smin pa/ dbang po zhan pa/ brtson 'grus chung ba dag shin tu zab pa theg pa chen po'i dam pa'i chos mnyan na/ sems can de ni yang dag par glen pa gti mug pa yin te/ de ni bdag shes par khas 'che yang chad pa'i mtha' dang / log pa'i 'du shes su 'gyur ba dang / rgyu med par smra zhing las kyi 'bras bu rnams la med par 'dzin pas/ dge ba byas pa dang sdig pa byas pa thams cad la med par 'dzin pa dang / theg pa chen po la brdzun du smra zhing / nga'i dam pa'i chos ma rung bar byed pa/ chos ma yin pa la ni ches yin par 'chad pa/ chos la ni chos ma yin par 'chad pa/ dge sbyong ma yin pa la ni dge sbyong yin par 'chad pa/ dge sbyong yang dag pa la ni dge sbyong ma yin par 'chad pa/ 'dul ba ma yin pa la ni 'dul bar 'chad pa/ 'dul ba yang dag pa la ni 'dul ba ma yin par 'chad de/ glen pa gti mug go rang bzhin can/ nga rgyal gyis mngon par zin pa/ phrag dog dang ser sna yongs su bstan pa/ theg pa chen po'i chos la stod cing srung ba dang / kun tu rgyas par byed kyang / nyan thos kyi theg pa dang / rang sangs rgyas kyi theg pa'i chos la 'phya zhing skur nas rgyas par mi byed do// de ni nyan thos kyi theg pa dang / rang sangs rgyas kyi theg pa dang / bla na med pa'i theg pa la brten te/ khyim nas khyim ma yin par rab tu byung nas/ bsnyen par rdzogs kyang dge slong nyid du 'gyur bar yang dag pa ji lta ba bzhin du mi shes pa dang / dag
- 115b
ba'i chos thams cad mngon par sdud pa'i rgyu yang dag pa ji lta ba bzhin du mi shes pas/ nga'i slob ma chos kyi snod du gyur pa dang / chos kyi snod du ma gyur pa dang / slob pa dang mi slob pa la nan tan byed pa dang / mtha'i gnas byas pa'i 'bras bu thob pa dang / dge ba'i skye bo tshul khrims srung ba dang / tshul khrims nyams pa dang / tshul khrims med pa dag la rnam pa sna tshogs kyis spro zhing gshe ba dang / gnod pa byed pa dang / chos gos dang lhung bzed 'phrog pa dang / 'tshe ba'i ye byad la spyod du mi ster ba dang / bzung zhing bcing ba yang byed do// de ltar rgyu dang 'bras bu thams cad med par lta zhing chad par smra ba dag ni/ mi'i nang na gnas kyang de ni yang dag par srin po zhes bya ste/ ma 'ongs pa'i dus na bskal pa chen po grangs med pa'i bar du'ang mi'i lus thob par dka'o// sems can dmyal bar tshad med pa'i sdug bsngal myong yang bla'i// mi'i nang na chad par lta ba ni ma yin no// de ltar gang zag glen pa de ni ring po mi thogs par lus kyi yan lag dum bur chad cing / nyin zhag du mar lce lkug cing smra mi nus pa dang / shin tu mi bzad pa'i na pab dang tsha ba'i sdug bsngal chen po myong ba dang / tshe 'phos nas gdon mi za bar mtshams med pa'i sems can dmyal bar ltung zhing / ngan song kun tu 'khor lo bzhin du 'khor la/ sdug bsngal mang po len te thar pa'i dus med do/ / bskal pa brgya stong gi bar du yang mi'i lus thob par dka' 'o// gal te bskal pa tshad med grangs med pa 'das nas mi'i lus thob na yang / sangs rgyas mi bzhugs pa rnyog pa lnga'i 'jig rten
- 116a
gyi khams su skye ste/ dmus long dur gyur pa dang / 'on pa dang / lkugs pa dang / lce med pa dang / nad rnam pa sna tshogs kyis gzir ba dang / lus thung zhing mi sdug pas/ kun gyi yid du mi 'ong ba dang / sna mi mkhas shing zlog rnar mi 'ong ba dang / sems rtag tu myos shing ci yang mi shes pa dang / dbul phongs pa'i rigs su skyes nas ci yang mi rnyed pa dang / dge pa bshes gnyen dang mi phrad pa dang / sdig pa'i bshes gnyen gyi rjes su sdig pa'i las byed pa la dga' ba dang / ngan par lta ba la chags shing mtshams med pa'i sems can dmyal bar ltung bar 'gyur te/ ngan song las shin tu thar pa dka' 'o// de ltar glen pa gti mug can chad pa dang 'gog par smra ba des/ nga'i dam pa'i chos ma rung bar byas nas/ nga'i slob ma tshul khrims srung ba dang / tshul khrims nyams pa dang / tshul khrims med pa la nan gyis chad pas gcod cing / dge ba'i phyogs la bde bar spod du mi ster te de'i rgyu de'i rkyen gyis bskal pa brgya stong gi bar du ngan song du lhung nas/ mun pa nas mun par rgyu ste/ thar pa'i dus med do// de ltar sems can de'i sdig pa rnam par smin pa ni nyan thos dang / rang sangs rgyas kyi theg pa'i chos mnyan pa la nan tan ma byas par shin tu zab pa theg pa chen po'i dam pa'i chos la mnyan cing nan tan byed la rtsol ba'i phyir ro/ / de ltar glen pa gti mug can chad par smra ba de/ mi ma rabs tha ma'i lus kyang thob par dka' na/ 'phags pa'i chos
- 116b
kyi snod du 'gyur ba lta ci smos/ nyan thos dang / rang sangs rgyas kyi mya ngan las 'da' ba yang mi thob na/ shin tu sgrub pa bla na med pa yang dag par rdzogs pa'i byang chub thob pa lta ci smos te/ sems can de'i nyes pa ni nyan thos kyi theg pa'i chos dang / rang sangs rgyas kyi theg pa'i chos ma bslabs par theg pa chen po'i chos la zhugs par gyur pa'i phyir ro// rigs kyi bu 'di lta ste/ rdza so ma btang ba'i nang du mar dang 'o ma thugs na thams cad 'thungs nas/ snod dang bcudang gnyis ka ma rung bar byed do// de ci'i phyir zhe na/ snod la skyon yod pa'i phyir ro// de bzhin du sems can dag kyang nyan thos kyi theg pa dang / rang sangs rgyas kyi theg pa'i chos la shin tu nan tan ma byas pa/ yang dag pa'i brtson 'grus ma brtsams pa/ dbang po yongs su ma smin pa/ dbang po zhan pa/ brtson 'grus chung ba dag la gang gis shin tu zab pa theg pa chen po'i dam pa'i chos bshad na/ shad pa dang nyan pa gnyis ka kha na ma tho ba chen po'i sdig thob par 'gyur te/ sangs rgyas thams cad la 'khus pa'i skyon du 'gyur ba ni gong du rgyas pa bshad pa bzhin no/ / yang 'di lta ste/ 'jig rten pa'i bang mdzod zag pa zhig ral can gyi nang du nor bu rin po che bcug na/ rlung zos shing sbyor bar 'gyur ro// de bzhin du sems can gang theg pa gnyis kyi chos la 'phya zhing skur te/ ma dad pa nan tan du mi sleb pa dag la theg pa chen po bshad na yang dag pa ji lta ba bzhin du ma shes te/ de'i dbang gis sdig byed cing 'khor ba'i mtha' zang mi shes par 'gyur ro//
- 117a
'di lta ste/ gru zag pa drug rdol can spyod pa dang / 'deg pa mi nus pa la zhon te/ rgya mtsho'i nang du 'jug pa de bzhin du/ sems can gang ser sna dang phrag dog gi dbang du gyur pa/ theg pa gnyis kyi chos la nan tan ma byas par/ bdag ni theg pa chen po pa yin no zhes khas che ba de ni chad par lta ba/ nga rgyal can g.yo dang sgras zag pa can du gyur pa'i lus kyis thams cad mkhyen pa'i rgya mtshor 'jug mi nus so/ / 'di lta ste/ gang zag dmus long du gyur pa ni rin po che rnam pa sna tshogs bstan pa'i gnas su mi 'gyur ro// de bzhin du nga rgyal gyi dbang du gyur pa/ bag med pa/ stong par lta ba la chags shing / theg pa gnyis mi slob pa'i shes rab kyis mig med pas/ dmus long du gyur pa la ni bla na med pa theg pa chen po'i yon tan rin po che bstan pa'i gnas su mi 'gyur ro// 'di lta ste/ lus shin tu mnam zhing rul bar gyur pa la byug pa dri zhim po rnam pa sna tshogs kyis byugs kyang dri zhim par mi 'gyur ro/ / de bzhin du sems can glen pa gti mug can/ nga rgyal gyis mngon par zin pa/ theg pa gnyis kyi chos la brtson par ma dad cing / srog gcod pa ma spangs pa nas/ log par lta ba'i bar du ma spangs pa de dag ni bla na med pa theg pa chen po la nan tan byed kyang / shin tu zab mo'i chos shes par mi nus so/ / 'di lta ste// ngam khrod du sa bon bzang po btab ste/ shin tu las cher byas kyang 'bras bu dang le tog rnyed par mi 'gyur ro// de bzhin du sems can gang theg pa gnyis kyi chos la nga rgyal dang le lo byed de/
- 117b
/ nan tan mi byed pa dang / 'dod pa lnga la chags te mi skyo ba dag lus de nyid la theg pa chen po'i rigs su shin tu spyad dka' ba'i brtson 'grus byas kyang cir yang 'grub pa'i don med do// 'di lta ste/ rdza ma sngar dug gi snod byas pa'i nang du/ byis sha kha ra chung zad tsam btab pas spyad du mi rung ngo // de bzhin du sems can gang thog pa gnyis kyi chos la nan tan mi byed pa rgyu med par smra ba la theg pa chen po bstan kyang bdag dang gzhan la phan pa'i don du mi 'gyur ro/ / 'di lta ste/ sngar sha kha ra'i snor byas pa'i rdza ma'i nang du/ phyis dug chung zad btab na'ang spyad du mi rung ngo // de bzhin du sems can gang theg pa gnyis kyi chos ldanan/ tan ma byas par theg pa chen po ston na gnyis ka nyams shing 'khyams par 'gyur ro// 'di lta ste/ dper na smros shing sems 'khrugs pa'i mdun du rol mo sna tshogs byas kyang bye brag mi phyed pa de bzhin du/ sems can gang theg pa gnyis kyi chos la shin tu nan tan ma byas pa/ 'dod chags dang / zhe sdang dang / gti mug la sogs pa'i nyon mongs bu drag pos sems bslad pas rgyu med par 'dzin pa chad pa dang / med par smra ba dbang po ma smin pa dag la/ theg pa chen po yun ring mo zhig tu bshad kyang shes par ram rtogs par mi nus so// 'di lta ste/ gang zhig go med mtshon cha mi thogs par g.yul ngor song na gdon mi za bar smras shing sdug bsngal myong bar 'gyur ro/ / de bzhin du sems can gang theg pa gnyis kyi chos la nan tan ma byas pa/ shes rab zhan pa/ dbang po
- 118a
dang snod du ma gyur pa dag la theg pa chen po bshad na/ gdon mi za bar log par 'dzin pa'i phyir sdig pa'i las kun byed pa la zad pa'i mtha' med do// de ltar glen pa gti mug can de ring po mi thogs par lus kyi yan lag dum bur chad pa/ nyin zhag du mar lce lkug cing smra mi nus pa dang / shin tu mi bzad pa'i na ba dang tsha ba'i sdug bsngal chen po myong ba dang / 'chi 'phos nas kyang gdon mi za bar mtshams med pa'i sems can dmyal bar skye ste/ ngan song rnams su 'khor zhing 'jug pa ni ji ltar sngar rgyas par bshad pa bzhin no// rigs kyi bu de bas na mkhas pa dag ni snga pha rol po'i sems brtags te/ gdod chos bstan par bya'o// sngar byams pa'i sems dang / snying rje'i sems dang / dga' ba'i sems dang / phan pa'i sems dang / le lo med pa'i sems dang / shin tu bzod pa'i sems dang / nga rgyal med pa'i sems dang / phrag dog med pa'i sems dang / 'jungs pa med pa'i sems dang / mnyam par gzhag pa'i ting nge 'dzin gyi sems bskyed nas/ gdod pha rol po la dam pa'i chos bstan par bya'i/ sems can pha rol po chos thos nas 'khor bar 'khor ba'i g.yangs chen por lhung bar mi bya'o// de bas na de bzhin gshegs pa ni sems can thams cad kyi sems kyi mtshan nyid thugs su chud nas/ dri ma med pa mi len par spyod pa'i 'khor los dam pa'i chos ston te/ go cha chen po bgos pa'i byang chub sems dpa' sems dpa' chen po rnams gzhan la chos ston pa yang de bzhin
- 118b
te/ byams shing brtse ba'i phyir nyon mongs pa thams cad yongs su bcad pa dang / srid pa gsum gyi rgya mtsho las bsgral ba dang / sems can dag theg pa gsum gang la dad pa'i theg pa gcig la 'dzud cing myur du rdzog par bya ba'i phyir dam pa'i chos ston gyi/ 'khor bar 'khor ba'i g.yang sa chen por lhung bar ni nams kyang mi byed do// de la ji ltar na dri ma med par spyod pa'i 'khor lo zhes bya zhe na/ de la dri med pa zhes bya ba ni chos ston pa'i tshe na phung po yod pa'i phyir ma yin/ skye mched yod pa'i phyir ma yin/ khams yod pa'i phyir ma yin/ 'dod pa'i khams yod pa'i phyir ma yin/ gzugs yod pa'i khams yod pa'i phyir ma yin/ gzugs med pa'i khams yod pa'i phyir ma yin/ 'jig rten 'di yod pa'i phyir ma yin/ 'jig rten pha rol po yod pa'i phyir ma yin/ 'du byed yod pa'i phyir ma yin/ tshor ba yod pa'i phyir ma yin/ 'du shes yod pa'i phyir ma yin/ rtog pa yod pa'i phyir ma yin/ reg pa yod pa'i phyir ma yin/ yid la bya ba yod pa'i phyir ma yin/ ma rig pa yod pa'i phyir ma yin pa nas/ rga shi'i bar du yod pa'i phyir ma yin/ 'gro ba yod pa dang 'gro ba med pa'i phyir/ sems can la dam pa'i chos ston pa ma yin no/ / 'di lta ste/ phung po dang / khams dang / skye mched nas/ 'gro ba dang 'gro ba med pa'i bar du rgyas par bshad pa kun kyang rab tu zhi bas sems can la dam pa'i chos ston to/ / de lta bas na dri ma med pa zhes bya'o// spyod pa zhes bya ba ni 'di lta ste/ 'di nas 'chi 'pho ba dang / pha rol tu skye ba yongs su gcad pa'i phyir sems can dag la chos ston to// phung po dang / khams dang
- 119a
@skye mched yongs su bcad pa nas/ de bzhin du 'gro ba dang mi 'gro ba'i bar du rgyas par yongs su gcod pa'i phyir/ sems can rnams la chos smon pa ni spyod pa zhes bya'o// 'khor lo zhes bya/ ba ni 'di lta ste/ zla ba nya ba'i 'od shin tu sim zhing gsal ba/ thogs pa med par nam mkha' la snang bas/ thams cad thogs pa med pa'i spyod yul du 'gyur ba bzhin du/ de bzhin gshegs pa dang / byang chub sems dpa' rnams ji snyed rdzu 'phrul dang / mngon par shes pa dang / shes pa brda sprod pa dang / bslab par bya ba dang / rnam par rgyal ba'i 'khor lo gsum pos mdzad pa thogs pa med par 'jig rten gyi khams kun tu snod du gyur pa'i sems can thams cad la phan pa dang bde ba'i phyir/ sems can dag gzhan la skyabs su 'gro ba dang / 'jig rten rgyang 'phen pa thams cad dang ma 'dres pa dang / nyan thos dang / rang sangs rgyas thams cad dang ma 'dres par/ sems can dag 'khor ba'i sdug bsngal thams cad bcad de/ shin tu bde ba'i byang chub kyi mya ngan las 'da' ba thob par byed pa ni 'khor lo zhes bya'o// de ltar na de dag ni sangs rgyas dang byang chub sems dpa' rnams kyi dri ma med par spyod pa'i 'khor lo zhes bya'o/ / de la ji ltar na mi len par spyod pa'i 'khor lo zhe na/ chos thams cad la thogs pa med par ji ltar nyi ma'i dkyil 'khor kun tu snang ba bzhin du/ theg pa gsum gyi dbang po dang snod ji lta ba bzhin du chags pa med par dam pa'i chos ston to// de bzhin gshegs pa sems can rnams la chos ston pa ni/ ji ltar nam mkha' tha dad pa'i
- 119b
mtshan nyid med pa ltar/ tshad med pa'i ting nge 'dzin dang / rnam par grol ba'i dbang po dang / bkod pas yongs su zin par sems can dag la chags pa med par dam pa'i chos ston to// go cha chen po bgos pa'i byang/ chub sems dpa' sems dpa' chen po rnams pha rol la chos ston pa yang de dang 'dra ste/ chos ston pa ni yod pa yang ma yin/ med pa yang ma yin/ gzugs nyid stong pa ma yin/ gzugs las gzhan pa stong pa ma yin pa nas/ rnam par shes pa nyid kyi bar du stong pa ma yin/ rnam par shes pa las gzhan pa stong pa ma yin no// mig nyid stong pa ma yin/ mig las gzhan pa stong pa ma yin pa nas/ yid nyid kyi bar du stong pa ma yin/ yid las gzhan pa stong pa ma yin no// gzugs nyid stong pa ma yin/ gzugs las gzhan pa stong pa ma yin pa nas/ chos nyid kyi bar du spong pa ma yin/ chos las gzhan pa stong pa ma yin no/ / mig gi rnam par shes pa nyid stong pa ma yin/ mig gi rnam par shes pa las gzhan pa stong pa ma yin pa nas/ yid kyi rnam par shes pa nyid kyi bar du stong pa ma yin/ yid kyi rnam par shes pa las gzhan pa stong pa ma yin no// 'dod pa'i khams nyid stong pa ma yin/ 'dod pa'i khams las gzhan pa stong pa ma yin pa nas/ nam mkha' mtha' yas skye mched stong pa nyid kyi bar du stong pa ma yin/ nam mkha' mtha' yas skye mched stongs las gzhan pa stong pa ma yin no// rnam shes mtha' yas skye mched stengs nyid stong pa ma yin/ rnam shes mtha' yas skye
- 120a
mched stengs las gzhan pa stong pa ma yin/ / chung zad med min skye mched stengs nyid stong pa ma yin// cung zad med min skye mched stengs las gzhan pa stong pa ma yin/ 'du shes med 'dra shes med min skye mched stengs nyid stong pa ma yin/ 'du shes med 'du shes med min skye mched stengs las gzhan pa stong pa ma yin no// dran pa nye bar gzhag pa bzhi nyid stong pa ma yin/ dran pa nye bar gzhag pa bzhi las gzhan pa stong pa ma yin pa nas/ 'phags pa'i lam yan lag brgyad pa nyid kyi bar du stong pa ma yin/ 'phags pa'i lam yan lag brgyad pa las gzhan pa stong pa ma yin/ no// rten cing 'brel te byung ba stong pa ma yin/ rten cing 'brel te byung ba'i chos las gzhan pa stong pa ma yin no// bsrung bar bya ba gsum po nyid stong pa ma yin// bsrung bar bya ba gsum pa las gzhan pa stong pa ma yin no/ / 'jigs pa med pa bzhi nyid stong pa ma yin/ 'jigs pa med pa bzhi las gzhan pa stong pa ma yin no// stob bcu nyid stong pa ma yin/ stobs bcu las gzhan pa stong pa ma yin no/ / ma 'dres pa'i chos bco brgyad nyid stong pa ma yin/ ma 'dres pa'i chos bco brgyad las gzhan pa stong pa ma yin no// byams pa chen po dang / snying rje chen po dang / dga' ba chen po dang / btang snyoms chen po nyid stong pa ma yin/ byams pa chen po dang / snying rje chen po dang / dga' ba chen po dang / btang snyoms chen po las gzhan pa stong pa ma yin no// mya ngan las 'da' ba
- 120b
nyid stong pa ma yin/ mya ngan las 'da' ba las gzhan pa stong pa ma yin no// de dag ni de bzhin gshegs pa dang / byang chub sems dpa' rnams kyi sems can rnams la dam pa'i chos ston pa la dbu ma'i nan tan zhes bya'o// / rigs kyi bu de ltar de bzhin gshegs pas sems can dag la dri ma med par spyod pa'i 'khor los chos ston te/ ji ltar zla ba nya ba'i 'od shin tu gsal zhing sim pa dang / thogs pa med par nam mkha' kun tu khyab pa dang / spyod yul thams cad du thogs pa med par snang ba nas/ gzhung de bzhin du rgyas par ston to// blang du mi len par spyod pa'i 'khor los kyang dam pa'i chos ston cing / chos thams cad la thogs pa med pa ni ji ltar nyi ma'i 'od kun tu gsal ba ltar/ theg pa gsum gyi snod dang / dbang po ji lta ba bzhin du dam pa'i chos chags pa med par ston to// de bzhin gshegs pas sems can dag la chos ston pa ni/ ji ltar nam mkha' la mtshan nyid tha dad pa med pa ltar/ ting nge 'dzin tshad med par rnam par rol pa'i dbang dang bkod pas yongs su bzung bas sems can dag la chags pa med par dam pa'i chos ston te/ theg pa gsum las gang dang 'thun pa bzhin du 'dzud do/ / go cha chen po bgos pa'i byang chub sems dpa' sems dpa' chen pos gzhan la chos ston pa yang de bzhin te/ sems can rnams la mchog dam pa shin du zab pa'i chos thos par 'di byas te/ theg pa gsum las gang la mos pa de gcig la 'dzud cing / dge ba'i rtsa ba yongs su smin par bya ba dang / theg pa gcig la bde bar dgod pa dang /
- 121a
gang 'khor ba'i gnas su sdig pa mi dge ba'i las rnam pa thams cad 'phel bar mi byed cing / thams cad mya ngan las 'da' ba la shin tu brtun pa dang / phyir mi ldog par ya byed do/ / rigs kyi bu byang chub sems dpa' sems dpa' chen po dag ni sems can grangs med tshad med pa'i 'khor ba yongs su gcad ba'i phyir chos ston to// nyan thos dang rang sangs rgyas ni bdag gi/ 'khor ba 'ba' zhig gcod pa'i phyir pha rol la chos ston to// byang chub sems dpa' sems dpa' chen po ni sems can tshad med grangs med pa dag chu bo bzhi las bsgral ba'i phyir gzhan la chos ston to/ / nyan thos dang rang sangs rgyas ni bdag chu bo bzhi las bsgral ba'i phyir gzhan la chos ston to// byang chub sems dpa' sems dpa' chen po ni sems can tshad med grangs med pa'i nyon mongs pa'i nad bsal ba'i phyir gzhan la chos ston to/ / nyan thos dang rang sangs rgyas ni bdag nyid kyi nyon mongs pa'i nad gsal ba'i phyir gzhan lnga ston to// byang chub sems dpa' sems dpa' chen po ni sems can thams cad kyi phung po'i nyon mongs pa'i bag chags kyi rgyun lhag ma ma lus par gcod pa'i phyir gzhan la chos ston to/ / nyan thos dang rang sangs rgyas ni bdag 'ba' zhig gi phung por nyon mongs pa'i bag chags kyi rgyun lhag ma ma lus par gcod pa'i phyir gzhan la chos ston to/ / byang chub sems dpa' sems dpa' chen po ni snying rje chen po'i 'bras bu bsgrub pa'i phyir snying rje chen pos
- 121b
rgyu byas te gzhan la chos ston to/ / nyan thos dang rang sangs rgyas ni snying rje chen po'i 'bras bu'i phyir snying rje chen pos rgyu byas te gzhan la chos ston pa ma yin no// byang chub sems dpa' sems dpa' chen po ni sems can thams cad la dmigs te gzhan la chos ston to/ / nyan thos dang rang sangs rgyas ni sems can rnams la dmigs pa med par gzhan la chos ston to// byang chub sems dpa' sems dpa' chen po ni sems can thams cad kyi sdug bsngal zhi bar bya ba'i phyir gzhan la chos ston to/ / nyan thos dang rang sangs rgyas ni bdag 'ba' zhig gi sdug bsngal zhi bar bya ba'i phyir gzhan la chos ston to/ / byang chub sems dpa' sems dpa' chen po ni sems can thams cad la chos kyi ros khyab par bya ba'i phyir gzhan la chos ston to// nyan thos dang rang sangs rgyas ni bdag 'ba' zhig la chos kyi ros khyab par bya ba'i phyir gzhan la chos ston to/ / byang chub sems dpa' sems dpa' chen po ni sems can thams cad rgyal ba'i chos kyi 'od thob par bya ba'i phyir gzhan la chos ston to/ / nyan thos dang rang sangs rgyas ni bdag 'ba' zhig rgyal ba'i chos kyi 'od thob par bya ba'i phyir gzhan la chos ston to// rigs kyi bu mdor na byang chub sems dpa' sems dpa' chen po ni sdom pa tshad med pas sems can thams cad kyi ma rig pa'i mun pa chen po yongs su bsal ba dang / 'jigs pa'i dngos po chen po dang gnod par 'gyur ba thams cad yongs su bsal te/ 'od kyi snang
- 122a
ba chen po 'thob pa dang / grags pa chen po 'thob pa dang / yang dag pa ji lta ba bzhin du thams cad mkhyen pa'i ye shes rtogs par bya ba'i phyir gzhan la chos ston to// nyan thos dang rang sangs rgyas ni sdom pa cung zad kyis bdag gi ma rig pa'i mun pa bsal ba dang / 'od snang ba cung zad 'thob pa dang / grags pa cung zad 'thob pa dang / yang dag pa ji lta ba bzhin du chos chud pa'i ye shes chung zad rtogs par bya ba'i phyir gzhan la chos ston to/ / rigs kyi bu nyan thos dang rang sangs rgyas ni gzhan la yang dag par dmigs pa med do// gzhan la yang dag par snying rje ba med do// gzhan la yang dag par mi brnyas pa'i sems med do/ / gzhan la yang dag par phan pa dang bde bar bya ba med do// gzhan la yang dag par dgrol zhing sgrol ba'i sems med do// gzhan la yang dag par 'deg pa'i sems med do// gzhan la yang dag par bsngags shing bstod pa'i sems med do/ / pha rol la yang dag par g.yo dang sgyu med par bstod pa ma yin no// gzhan la yang dag par bdag gi lus la mi lta zhing / gzhan gyi phan pa dang bde ba sgrub pa ma yin no/ / gzhan la yang dag par lus dang / ngag dang / yid kyi las mi nyams pa ma yin no// rigs kyi bu theg pa chen po la gnas pa ni ci yang bdag gir dmigs pa gang yang yang dag par med pa nas/ de bzhin du rgyas par pha rol la lus dang / ngag dang / yid kyi las kyis gzhan la gnod pa skyed pa gang yang med do// / 'dus pa chen po las 'phags pa byang chub sems dpa' sa'i snying po'i 'khor lo bcu
- 122b
pa zhes bya ba theg pa chen po'i mdo ba ma po bdun pa/ rigs kyi bu gzhan yang sems can gang rang bzhin gyis gdug pa/ tshig brlang zhing rtsub pa/ yang dag par glen pa/ ga ti mug gi rang bzhin can/ shes pa snyems pa/ srog gcod pa ma spangs pa nas/ ngan par lta ba'i bar du ma spangs pa gzhan dag gis khe dang / bkur sti dang / mchod pa dang / grags pa rnyed pa mthong na phrag dog skyed pa/ bdag rtag tu khe dang / bkur sti dang / mchod pa dang / grags pa tshol bas mi ngoms pa/ bdag bstod cing gzhan smod pa bdag gi lus dang / ngag dang / yid kyi las mi sdom pa/ sdig pa thams cad spyod pa la rtag tu dga' ba/ nang gi sems gdug pa/ snying rje'i sems med pa/ 'dzem pa med pa/ ngo tsha ba med pa/ gzhan la 'tshe ba la dga' ba/ bsod nams kyi zhing la bzang ngan du rnam par 'byed pa/ nga'i bstan pa la zhugs pa rab tu byung ba la skyon tshol zhing gnod par glags lta ba la dga' ba/ skyon cung zad tsam byung na bden nam brdzun ma rtogs par 'phya zhing skur te gshe zhing spro ba/ sems ma dul ba/ rgod pa/ g.yengs pa/ rab tu byung ba la 'tshe bar dga' ba/ bdag gi skyon la mi sems shing gzhan la 'phya ba/ theg pa chen po'i yon tan bsngags pa brjod pa thos nas tshol zhing 'jug pa'i sems skye mod kyi/ kha na mtho ba'i sdig lci ba spyod pa la dga' la/ rab tu ma zhi ba/ gzhan la bslu ba'i phyir theg pa chen po'i chos la bdag nyan cing / gzhan yang nyan du gzhug pa'i tshul ston pa dang / bdag klog pa dang kha ton byed cing /
- 123a
gzhan yang klog cing kha ton byed du 'jug pa'i tshul ston pa dang / bdag bstod pa'i phyir gzhan la smod pa/ theg pa chen po'i chos la bsti snang dang bcas pas bstod kyang / theg pa chen/ po'i spyod yul la nan tan tu ma bslabs pas don khong du chud pa med par bdag ni theg pa chen po pa'o zhes khas 'che zhing / kha dang / grags pa dang / bdag gi 'tshe ba btsal ba'i phyir/ gzhan bdag la gnas 'cha' zhing slob par 'jug go/ dper na tshul khrims nyams pa sdig pa sprod pa'i 'dul ba 'dzin pa lta bu/ bdag tshul khrims nyams la/ sdig pa spod kyang khe dang grags pa'i phyir/ gzhan dag 'dul ba'i sde snod slob par gzhan 'debs pa de ltar g.yo dang gya gyur ldan la/ slu ba'i ngang can gyi sems can de dag ni/ mo'i lus tha ma 'ang thob par dka' zhing / mtho ris kyi lha dang theg pa gnyis kyi mya ngan las 'da' ba yang nyams te mi thob na/ theg pa chen po thob pa lta ci smos te/ de ni gnas med ngo // de 'chi 'phos kyang sems can dmyal bar ltung ste/ thar pa'i dus med pas mkhas pa dag gis del bsten par mi bya'o/ / khrel ba dang ngo tsha ba med par 'khor mang po'i nang du khe dang bkur sti'i phyirang ni theg pa chen po pa'o zhes seng ge'i sgra sgrogs pas// glen pa gti mug can dag dang bsnyen cing grogs su byed do// deni dper na bong bus seng ge'i pags pa gyon te/ bdag ni seng ge'o zhes khas 'che bas/ mi zhig gis rgyang nas mthong nas/ des sing ge nyid yin par 'dzin to// de nas nges sgra phyung ba
- 123b
dang / thams cad kyi sa bong bu yin par shes nas/ kun gyis mchil mas btab ste/ so so nas smras pa/ 'di go mi gtsang ba za ba'i sdig te bong bu lta na zhes tshig 'an sna tshogs kyis smad de dong ngo // de ltar na bzhin du ngas bshad pa'i gang zag mi dge ba bcu'i las kyi lam spyod pa la spro ba/ lha dang mi thams cad kyi sa bon bsregs pa yin te/ nyan thos dang rang sangs rgyas kyi theg pa'i chos las kyang phyir ldog pa yin na/ theg pa chen po'i snod du 'gyur ba lta ci smos/ de ltar glen pa gti mug can nga rgyal gyis mngon par zin te/ bdag theg pa chen po pa'o zhes pha rol la sgyus brjod cing / khe dang bkur sti sdud pa de ni/ dper na rkang lag med pa'i mi glen pa zhig dgra la ba rgol ba'i phyir g.yul du zhugs kyang / bdag nyon mongs pa las don du 'grub pa med do// de ltar de bzhin du theg pa chen po par sgyus khas 'che ba de yang 'di ltar dad pa'i lag pa dang / tshul khrims kyi rkang pa ma tshang bar rang gi las dang spyod pa la mi dpog cing / nyon mongs pa'i g.yul chen po la rgol bar chas pa ni/ bdag nyon mongs pa tsam las don du mi' gyur ro// gang zag de sgo gsum mi sdom par sdig pa 'ba' zhig spod cing / bdag ni theg pa chen po pa'o zhes khas 'che yang / theg pa gsum gyi chos kyi snod ma yin pas/ sems can thams cad kyi nyon mongs pa'i dgra shin tu mnan pa rloms par ram/ sems can thams cad la 'phags pa'i lam gyi yan lag brgyad ston par ram/ 'jigs pa med pa'i mya ngan las 'da' ba'i grong khyer du dgod pa'i gnas
- 124a
med do/ / de ci'i phyir zhe na/ rigs kyi bu theg pa chen po zhes bya ba ni phul du gyur pa'i tshul khrims rnam par dag par srung ba/ phul du gyur pa'i dge ba'i mchog spyod par ldan pa/ phul du gyur pa'i khrel ba dang ngo tsha ba brtan pa'o// 'jig rten phyi ma'i sdug bsngal gyi 'bras bu shin tu lta zhing 'jigs pa'o// mi dge ba'i chos thams cad yongs su spong zhing / dge ba'i chos thams cad nan tan byed pa la spro ba'o/ / byams pa dang snying rjes sems can thams cad la khyab pa'o// sems can thams cad la phan pa dang bde ba'i don bya bar rtsol ba'o// sems can thams cad 'khor ba'i sdug bsngal las sgrol zhing 'don pa'o/ / bdag gi lus kyi bde ba la mi lta'i/ sems can thams cad la phan pa dang bde ba'i don stobs pa ste/ de dag ni theg pa chen po la gnas pa zhes bya'o/ / rigs kyi bu mtshan nyid gang dag dang ldan na nyan thos kyi theg pa zhes bgyi/ gang dag yang dag pa'i dran pa la bde bar gnas shing / ting nge 'dzin la mnyam par 'jog par mos bas rtag tu brtson pa dang / g.yo dang sgyu spangs shing / las kyi 'bras bu la yid ches pa dang / 'dod pa lnga la mi chags shing / 'jig rten gyi chos brgyad kyis mi gos pa dang / mgo'i thod la me 'bar babazhin du dge ba la shin tu brtson pa dang / phung po dang / khams dang / skye mched la shin tu rtog pa dang / 'phags pa'i rigs la bde bar gnas par rtag tu mos pa ste/ mtshan nyid 'di dag dang ldan pa ni nyan
- 124b
thos kyi theg pa zhes bya ste/ gang zag 'di rang sangs rgyas kyi theg pa'i snod du'ang mi 'gyur na/ theg pa chen po'i snod du 'gyur ba lta ci smos/ rigs kyi bu mtshan nyid gang dag dang ldan pas/ rang sangs rgyas kyi theg pa zhes bgyi/ sems can gang dag nyan thos kyis yon tan de dag thams cad dang yang ldan la/ gzhan yang nye bar len pa'i phung po lnga la yang dang yang du mi rtag par rjes su rtog pa la gnas pa dang / skye zhing 'gog pa la yang dang yang du rjes su rtog pa la gnas pa dang / rten cing 'brel te byung ba'i chos rnams ni 'gog pa'i chos can du shin tu rtog pa ste/ mtshan nyid 'di dag dang ldan na/ rang sangs rgyas kyi theg pa zhes bya ste/ sems can de theg pa chen po'i chos kyi snod ni ma yin no// de nas bcom ldan 'das kyis don de dag bzlas pa'i phyir tshigs su bcad de gsungs pa/ gal te dge ba'i rgyal rigs rgyal po dang / / rje'u rigs dmangs rigs shin tu dge ba'i bar// dang la sogs pa'i 'khor lo bcu bsgoms na// nyan thos theg pa'i snod du de 'gyur ro// rang rgyal theg pa'i sgo gsum rnam par dag/ khrel dang 'dzem par ldan zhing phung pos 'jigs// nyes pa'i skyon shes pas mtha'i gnas la dga'// dran pas dbang po srung zhing sems kyang zhi// rten cing 'brel pa rtogs pas bsam gtan bsgom// phung po 'am dang skye mched rtog la mkhas/ / gnas dang spyod ldan 'khor lo 'di bcus gnas// theg pa mchog gi snod 'gyur sring mtsho rgal// theg pa gsum min gnyis kyi 'khor lo yos// bdag nyid nyon mongs rnam par
- 125a
bya/ gro la rtsol zhing // bag chags mi gdong sems can mi sgrol ba'i// gang zag de ni theg chen snod ma yin// byis pa dbang po zhan pa le lo can// theg pa gnyis la nan tan mi byed pa// theg pa chen po'i 'khor lo ldan mi 'gyur/ / de ni rgya chen theg chen snod ma yin// byis pa gcig pu rnam par grol tshol ba// blo dang spyod pa zhan cing byams sems med// chad par lta la chags pa ngan song gzhol// yang dag chos spong chos ma yin pa ston/ / theg pa gnyis la skur cing sdom pa spong // bsnyen par rdzogs shing theg chen khas 'che ba// ngo yi chos 'jig sems can kun la smra// de yi dbang gis mi lus thob par dka'// nga yi bstan la zhugs pa'i 'phags pa dang / / ngur smrig gyon la 'tshe 'am gnod byed dam// gshe'am spos sam lhung bzed dgos phrogs na// lha dang mi yi bde ba yun du stor// de bas gang zhig mi lus thob 'dod cing / 'chi ba'i dusnan lkugs pa'i skyon spangs shing // rtag tu sangs rgyas kun dang phrad 'dod pa// theg gsum chos rnams kun tu srung bar byos// theg pa gsum las theg pa mchog 'dod pa// theg pab gsum chos rtogs la mkhas pa ste/ / dga' zhing spro bas gzhan la rgyas ston na// nges par sangs rgyas 'gyur la the tshom spongs// tshul khrims nyams shing 'jungs pa nga rgyal can// bdag bstod gzhan smod theg chan khas 'che ba/ / de dag spangs te mkhas la brten par bya// nges par 'tshang rgya khams gsum 'da' bar 'gyur// theg pa gsum las gang dang 'thun pa bzhin// byams dang snying rjes theg pa gsum
- 125b
chos ston/ / mi 'chab re ba yongs su rdzogs byas na// nges par 'tshang rgyar 'gyur la the tsom spongs// phung po khams dang skye mched zhi bar shes// nam mkha' bzhin du ci la'ang mi gnas te// chos bstan sems can mang po kun yang sdud/ / dpag med ye shes blo gros dam pa thob// tshul khrims nyams par dga' la sdig pa can// theg pa chen po'i yon tan mchog thos nas// khe dang grags phyir theg chen las 'che ba/ khong bu seng ga'i pags pa gyon pa bzhin// deng 'dir thams cad 'khor la bka' stsal pa// gang zhig myur du byang chub mchog 'dod na// dge bcu'i las kyi lam la nan tan byos// nga yi chos la mi smad shin tu bsrung / / ngas sngon mdo sde gzhan dag las gsungs pa// byang chub chen po 'dod pas theg chen spyad// nyan thos rang rgyal theg pa spongs shig pa// de ni rnam dag 'khor la bstan pa'i/ chos// sangs rgyas tshad med bye ba mchod byas pas// sdig pa spangs nas rnam dag sems spong ba// shin tu brtson pa'i skye bo de dag la// gnyis su med de theg pa gcig pu bshad// da lta'i 'khor 'di theg pa gsum smod can/ / la la nyan thos theg pa'i chos dang ldan// las kyi dngos po mang pos 'jigs pa dgra/ de ni byang chub mchog gi snod ma yin// la la dben par dga' zhing rang byang chub/ de ni byang chub mchog gi snod ma yin// la la ye shes mchog la bkod 'os pa// de bas mos pa bzhin du theg gsum shod// sbyangs pa'i yon tan tsam gyis grol 'dod pa// theg
- 126a
chen bshad pa thos nangan song ltung / / bad kan nad lnga 'o ma thung bcug bzhin// de phyir drug tu 'gyur gyi nad mi sel// de bzhin sdod min nyan thos theg pa dag/ theg cen/ bshad pa thos na rmongs 'gyur zhing // chad par lta la ngan seng lbu bar gyur pas// des na dbang po brtags te chos bstan to// shin tu rgyas pa chen po'i mdo sa'i snying po'i 'khor lo bcu pa zhes bya ba las/ gnas pa dang spyod pa'i le'u ste bzhi pa'o// // de'i tshe bcom ldan 'das kyis tshigs su bcad pa de dag gsungs pa na/ 'khor gyi dkyil 'khor de'i nang na/ sems can tshad med pa brgya stong snyed sngon chos thos pa las yi gol te/ stong pa ma yin par go nas/ rgyu dang 'bras bu med par lta zhing / dge ba'i rtsa ba yongs su bcad nas/ ngan song du ltung bar 'gyur pa dag/ mdo sde 'di/ bshad pa thos nas/ phyir yang yang dag pa'i lta ba dang ldan par gyur to// de nas de dag 'dug pa las langs te/ bcom ldan 'das kyi spyan sngar shin tu 'dzem pa bskyed de/ so sor bshags par bya ba'i phyir thal mo sbyar ba bdud dephyag 'tshal nas/ bcom ldan 'das la 'di skad ces gsol to// btsun pa bcom ldan 'das bdag cag sngon nyan thos kyi theg pa'i rigs su dge ba'i rtsa ba bskyed pa las/ nyan thos kyi theg pa de yang yongs su ma smin par/ rang sangs rgyas kyi theg pa'i chos thos so// rmongs shing mngon du ma gyur pas/ stong par lta zhing rgyu dang 'bras bu yang med par 'dzin to// de'i rgyu de'i rkyen gyis lus/
- 126b
dang / ngagra dang / yid kyi sgo nas sdig pa mi dge ba'i las tshad med pa bgyis pas/ ngan song dag tu ltung bar 'gyur ba las/ rang bcom ldan 'das kyi spyan sngar mdo sde 'di bshad pa thos nas/ slar yang yang dag pa'i lta ba rnyed de/ shin tu 'dzem pa dang ngo tsha ba'i sems kyis so sor bshags te/ ma bcabs pas de dag yongs su byang bar gyur cig/ deng slan chad ji snyed sgrib pa 'gyur ba'i las mi bgyid par yongs su bsrung bar 'tshal lo/ / bdag cag gi sdig pa de dag yongs su byang ba dang / slan chad mi bgyid par bcom ldan 'das thugs brtse bas bzung du gsol/ bdag cag ma 'ongs pa na ngan song gi sdug bsngal myong bar 'gyur ba las thugs brtse bas bskyab tu gsol/ bdag cag slar yang sngon spyad pa'i nyan thos kyi theg pa la spyod cing nan tan bgyod kyis/ bcom ldan 'das thugs brtse ba'i slad du bstan du gsol/ bcom ldan 'das kyis bka' stsal pa/ legs so legs so// khyed 'di ltar 'dzem pa dang ngo tsha bas so sor bshags pa legs so// nga'i bstan pa la ma nyams pa'i skyes bu dam pa gnyis yod do/ / gcig ni rang bzhin gyis yongs su dag cing / thog ma nas nyes pa mi byed pa'o// gcig ni nyes pa byas su zin kyang / 'dzem pa dang ngo tsha bas so sor 'chags pa ste/ skyes bu dam pa 'di gnyis ni nga'i chos la shin du 'dun pa rnam par dag pa zhes bya'o/ / de nas bcom ldan 'das kyis de dag gi mos pa bzhin du 'phags pa'i bde pa bzhi'i chos bstan te/ 'khor de'i
- 127a
nang na la la ni bzod pa tha ma thob/ la la ni bzod pa bar ma thob/ la la ni bzod pa mchog thob/ la la ni 'jig rten gyi mchog gi chos thob/ la la ni rgyun du zhugs pa'i 'bras bu thob la la ni lan cig phyir 'ong ba'i 'bras bu thob/ la la ni phyir mi 'ong ba'i 'bras bu thob bo// gzhan yang dge slong brgyad khri bzhi stong zag pa thams cad zad pa/ sems rnam par grol ba/ blo shin tu rnam par dag pa'i dgra bcom par gyur nas/ dga' bzhin du sangs rgyas la phyag 'tshal te/ phyir yang so so'i stan la 'khod do// yang 'khor gyi dkyil 'khor de'i nang na sems can bye ba khrag khrig brgya stong phrag lnga bcu rtsa bdun gyis sngon thos pas chos stong pa yin par 'khrul nas/ rgyu dang 'bras bu med par lta zhing / dge ba'i rtsa ba yongs su bcad na/ ngan song du lhung bar 'gyur pa las/ mdo sde 'di bshad pa thos nas/ phyir yang dag pa'i lta ba rnyed de 'dug pa las langs nas/ bcom ldan 'das kyi zhabs la spyi bos gtugs te/ bcom ldan 'das kyi sprin sngar shin tu 'dzem pa dang / ngo tsha ba dang bcas pas so sor bshags te/ thal mo sbyar ba btud cing / bcom ldan 'das la 'di skad ces gsol to// btsun pa bcom ldan 'das bdag cag sngon rang sangs rgyas kyi theg pa'i rigs su dgra ba'i rtsa ba bskyed pa las/ rang sangs rgyas kyi theg pa'i snod du yang yongs su ma smin par theg pa chen po'i chos thos nas dad pa dang mos pa skyes kyang / ma rigs pas mdongs shing rtogs par ma gyur te/
- 127b
stong par lta zhing rgyu dang 'bras bu med par bzung ngo // de'i rgyu de'i rkyen gyis lus dang / ngag dang / yid kyis sdig pa mi dge ba'i las tshad med pa dag bgyis pas/ bskal pa tshad med pa'i bar du shin tu mi bzad pa'i sdug bsngal rnam pa sna tshogs myong zhing ngan song du lhung bar 'gyur ba las/ deng bcom ldan 'das kyi spyan sngar mdo sde 'di bshad pa thos nas/ slar yang dag pa'i lta ba rnyed de/ shin tu 'dzem pa dang ngo che bar ldan pa/ mi 'chab pa'i sems kyis so sor bshags te/ deng sran chad ji snyed sgrib por 'gyur ba'i las rnams mi bgyid par yongs su bsrung bar 'tshal lo// bcom ldan 'das thugs brtse ba can gyis bdag cag gi sdig pa de dag yongs su byang ba dang / slan chad mi bgyid par rjes su gzung du gsol/ bdag cag ma 'ongs pa na ngan song gi sdug bsngal myong bar 'gyur ba las/ bcom ldan 'das kyi thugs rjes bskyab tu gsol/ bdag cag slar yang sngon spyad pa'i rang sangs rgyas kyi theg pa la spyod cing nan tan bgyid kyis/ bcom ldan 'das thugs brtse ba can gyis bstan du gsol/ bcom ldan 'das kyis legs so zhes bkar stsal te/ legs so legs so// khyed 'di ltar 'dzem pa dang ngo tsha bas so sor bshags pa legs so/ / nga'i bstan pa lam nyams pa'i skyes bu gnyis yod de/ gcig ni rang bzhin gyis yongs su dag cing thog ma nas nyes pa mi byed pa'o// gcig ni nyes pa byas su zin
- 128a
kyang 'dzem pa dang ngo tsha bas so sor 'chags pa ste/ skyes du dam pa 'di gnyis nga'i chos la shin tu 'dun pa rnam par dag pa zhes bya'o// de nas bcom ldan 'das kyis de dag gi mos pa bzhin du rten cing 'brel te byung ba'i chos bstan nas/ de dag thams cad rang sangs rgyas kyi theg pa la nan tan byas te/ thams cad mthar gyis rgyal mtshan la dmigs pa zhes bya ba'i ting nge 'dzin yongs su rdzogs nas/ rang sangs rgyas kyi theg pa las phyir mi ldog cing / dga' bzhin du bcom ldan 'das la phyag 'tshal nas/ phyir yang so so'i stan la 'khod do// yang 'khor gyi dkyil 'khor de'i nang na sems can bye ba brgya stong phrag brgyad cu snyed sngon 'das pa'i sangs rgyas chos la skur pa nas/ chung ngu na sangs rgyas kyis bstan pa tshigs su bcad pa gcig tsam la smad pa/ de'i rgyu de'i rkyen gyis ngan song dag tu ltung zhing sdug bsngal mang po myong ste/ slar mi'i lus thob na yang thob ma nas lkugs pa/ dag pa/ lce ldib cing smra mi shes pa dag mdo sde 'di bshad pa thos nas/ yang dag pa'i lta ba rnyed de/ de dag 'dug pa las langs nas/ bcom ldan 'das kyi zhabs la spyi bos phyag 'tshal nas/ bcom ldan 'das kyi spyan sngar shin tu 'dzem pa dang / ngo tsha bas sngon gyi sdig pa'i las so sor bshags nas thal mo sbyar ba btud de/ bcom ldan 'das la mig mi 'dzums par lta'o// de nas bcom ldan 'das kyis de dag thams cad sgra nus par byin gyis brlabs te/ de'i tshe bcom
- 128b
ldan 'das kyis mkhyen bzhin du de dag la bkar stsal pa/ khyed rnams sngon mi dge ba'i las ci zhig byas na/ 'khor gyi dkyil 'khor 'di'i nang na smra mi shes par gyur/ de dag gis bcom ldan 'das la 'di skad ces gsol to/ / btsun pa bcom ldan 'das bdag cag kha cig gis ni sngon rnam par gzigs de bzhin gshegs pa'i bstan pa'i chos la kha cig gis ni theg pa chen po'i chos la skur to/ / la la ni rang sangs rgyas kyi theg pa'i chos la skur to// kha cig gis ni nyan thos kyi theg pa'i chos la skur to// de la chung ngu na tshigs su bcad pa gcig tsam la skur pas bdag cag mi dge ba'i las de dag gi dbang gi/ bskal pa dgu bcu rtsa gcig gi bar du 'khor bar 'khor zhing / rtag tu sems can dmyal ba dang / byol song gi skye gnas dang / yi dgas kyi 'jog rten du skyes te/ lkugs ba dang / rig pa dang / lce med pa dang / sgra mi nus pa dang / shin tu mi bzad pa'i sdug bsngal chen po myong ste/ gdong tshe 'di la mi'i lus thob kyis kyang / lkugs pa dang / dag pa dang / rtag tu nang can du gyur pa las/ bcom ldan 'das kyi byin gyi brlabs kyis smra nus pa dang / sngon 'das pa'i dus na mi dge ba'i las kyi sgrib pa ci dang ci bgyis pa thams cad kyang dran par gyur to// de'i nang na yang kha cog ni 'di skad du/ btsun pa bcom ldan 'das bdag cag sngon bcom ldan 'das gtsug tor can gyis bstan pa'i chos la/ kha cig gis ni theg pa chen po la skur to// kha cig gis
- 129a
ni rang sangs rgyas kyi theg pa la skur ba nas/ sngon gyi dmigs pa ji lta ba bzhin du ston pa yang ji ltar rgyas par bshad pa bzhin no// de'i nang ma kha cig ni 'di skad du// btsun pa bcom ldan 'das bdag cag sngon thams cad skyo ba de bzhin gshegs pa'i bstan pa la/ kha cig gis ni theg pa chen po yang dgra pa'i chos la skur pa nas/ dmigs pa ji lta ba bzhin du ston pa/ yang ji ltar rgyas par bshad pa bzhin no// de la kha cig gis ni 'di skad du/ btsun pa bcom ldan 'das bdag cag sngon log par dad sel de bzhin gshegs pa'i bstan pa la/ kha cig ni theg pa chen po'i yang dag pa'i chos la skur ba nas/ dmigs pa ji lta ba bzhin du ston pa yang ji ltar gong du rgyas par bshad pa bzhin no// de la kha cig gis ni 'di skad du/ btsun pa bcom ldan 'das bdag cag sngon gser thub de bzhin gshegs pa'i bstan pa la/ kha cog gis ni theg pa chen po'i dam pa'i chos la skur ba nas/ dmigs pa ji lta ba bzhin du ston pa ji ltar gong du rgyas par bshad pa bzhin no/ / de la kha cig gis ni 'di skad du/ btsun pa bcom ldan 'das bdag cag sngon 'od srungs de bzhin gshegs pa'i bstan pa la/ kha cig gis ni theg pa chen po'i dam pa'i chos la skur to/ / kha cig gis ni rang sangs rgyas kyi theg pa'i chos la skur to// kha cig gis ni nyan thos kyi theg pa'i chos la skur pa nas/ chung ngun tshigs su bcad pa gcig tsam la
- 129b
skur pas/ mi dge ba'i las kyi dbang gis de tshun chad 'khor bar 'khor te/ rtag tu sems can dmyal ba dang / byol song gi skye gnas dang / gshin rje'i 'jig rten du skyes shing // lkugs pa dang // rig pa dang / skye med pa dang / bar mi 'thong ba dang / shin du mi bzung ba'i sdug bsngal chen po myong nas/ gdod che 'di la mi'i lus rdzob kyis byung / lkugaso pa dang / dag pa dang / nad can du gyur pa dang / brda mi 'phrod pa las/ bcom ldan 'das kyi byin gyi rlabs kyis gdod smra nus pa dang / sngon 'das pa'i dus na mi dge ba'i las kyi sgrib pa ci bgyis pa thams cad dran par gyur cing / bdag cag bcom ldan 'das kyi spyan sngar mdo sde 'di bshad pa 'di thos nas/ slar yang yang dag pa'i lta ba rnyed de/ shin tu ngo tsha ba dang / 'dzem pa dang mi 'chab pa'i sems kyis so sor bshags so/ / deng sran chad ji snyed sgrib par 'gyur pa'i las rnams mi bgyid par yongs su bsrung bar 'tshal lo// bcom ldan 'das thugs brtse ba can gyis bdag cag gi sdig pa de dag yongs su byang ba dang / slan chad mi bgyid par rjes su gzung du gsol/ ma 'ongs pa na'ang ngan song gi sdug bsngal yongs su myong bar 'gyur ba las/ bcom ldan 'das kyi thugs rjes bskyab pa dang / dam pa'i chos bstan du gsol/ bcom ldan 'das kyis legs so zhes bka' stsal te/ legs so legs so// khyed 'di ltar 'dzem pa
- 130a
dang ngo tsha bas so sor bshags pa legs so/ / nga'i bstan pa la skyes bu dam pa ma nyams pa gnyis yod de/ gcig ni rang bzhin gyis yongs su dag cing thog ma nas nyes pa mi byed pa'o/ / gcig ni nyes pa byas su zin kyang / 'dzem pa dang ngo tsha bas so sor 'chags pa ste/ skyes bu dam pa 'di gnyis ni nga'i bstan pa'i chos la shin tu 'dun pa rnam par dag pa zhes bya'o/ / de nas bcom ldan 'das kyis de dag mos pa ji lta ba bzhin du dam pa'i chos rnam pa sna tshogs bstan cing bshad de/ so sor ci dga' ba'i bde ba thob/ par byas so// de dag dga' bzhin du bcom ldan 'das la phyag 'tshal nas so so'i stan la 'khod do// de'i tshe 'khor gyi dkyil 'khor de'i nang na nyan thos tshad med pa brgya stong snyed dang / byang chub sems dpa' tshad med pa bye ba brgya stong snyed kyis mdo sde 'di bshad pa thos nas/ mi dge ba'i las kyi sgrib pa sngon ci byas pa dran te/ bcom ldan 'das kyi zhabs la spyi bos phyaga'atshul nas// bcom ldan 'das kyi spyan sngar shin tu 'dzem pa dang ngo tsha ba'i sems kyis so sor 'chags shing thal mo sbyar te/ bsti stang dang bcas pas bcom ldan 'das la 'di skad ces gsol to// btsun pa bcom ldan 'das bdag cag sngon sangs rgyas tshad med pa dag gi dam pa'i chos la/ la la ni 'di skad du/ bdag cag sangs rgyas de'i nye gnas chos kyi snod du gyur pa 'am/ chos kyi
- 130b
snod du ma gyur pa la khro ba dang / zhe sdang ba dang / gshe zhing skyo ba dang / smod pa dang / brnyas pa dang / rnam pa sna tshogs kyis 'phya zhing skur te/ gnod par glags lta ba dang / yon tan bcabs nas/ nyes pa bsgrags te/ bdag cag mi dge ba'i las de'i dbang gis bskal pa tshad med pa'i bar du ngan song du ltung zhing / shin tu mi bzad pa'i sdug bsngal chen po myong ngo // phyis sangs rgyas tshad med pa dag la bsnyen bkur dang mchod pa bgyis so/ / gzhan yang byang chub sems dpa' sems dpa' chen po cad med pa snyed la bsnyen bkur dang / mchod pa dang / g.yog bgyis nus/ sangs rgyas de re re dang / byang chub sems dpa' sems dpa' chen po re re re la shin tu 'dzem pa dang ngo tsha bas sdig pa'i las kyi sgrib pa dag so sor bshags so// sangs rgyas de re re dang byang chub sems dpar sems dpa' chen po de re re la yang chos kyi rnam zangs tshad med pa snyed mnyan te/ thos nas shin tu nan tan bgyis pa dang / shin tu spyod dka' ba tshad med pa dag smad kyang / las kyi sgrib pa'i lhag ma lus pas bdag cag shin tu bde ba'i mya ngan las 'da' ba ma thob bo// bdag cag ting nge 'dzin gyi sgo'i khyad par dang yon tan kyang ma thob bo// bdag cag dang bcom ldan 'das kyi spyan sngar mdo sde 'di bshad pa thos nas/ lhag par shin tu 'dzem pa dang ngo tsha ba'i sems mi 'chab pa'i sems kyis so sor bshags so// yongs su byang bar shog/
- 131a
cig/ deng slan chad ji snyed sgrib par 'gyur ba'i las rnams mi bgyid par yongs su bsrung bar 'tshal lo// bcom ldan 'das thugs brtse ba can gyis bdag cag gi sdig pa de dag yongs su byang ba dang / slan chad mi bgyid par rjes su gzung du gsol/ bdag cag ma 'ongs pa na ngan song gi sdug bsngal myong bar 'gyur ba las/ bcom ldan 'das kyi thugs rjes bskyab tu gsol/ bdag cag bcom ldan 'das kyi byin gyi rlabs kyi mthus mos pa bzhin du mya ngan las 'da' ba'i bde ba myur du thob pa dang / ting nge 'dzin gyi sgo'i yon tan gyi khyad par thob par mdzad du gsol/ de la kha cig 'di skad du/ bdag cag sngon bcom ldan 'das che ge mo zhig gi nye gnas chos kyi snod dang / chos kyi snod ma yin pa la chog rtsub po zhe gcod pa rnam pa sna tshogs kyis 'tshe zhing gnod pa bgyis pas/ bdag cag mi dge ba'i las de'i dbang gis bskal pa tshad med pa'i bar du ngan song du ltung bar gyur pa nas/ de bzhin du gong du rgyas par bshad pa bzhin no// la la ni 'di skad du/ bdag cag sngon bcom ldan 'das che ge mo zhig gi nye gnas chos kyi snod dang / chos kyi snod ma yin pa la gzhu ba dang / 'tshogs pas 'tshe ba dang / gnod pa bgyis pa mi dge ba'i las de'i dbang gis bskal pa tshad med pa'i bar du ngan song du ltung bar gyur pa nas/ de bzhin du gong du rgyas par bshad pa bzhin no// de la kha cig ni 'di skad du/ bdag cag sngon bcom
- 131b
ldan 'das che ge mo zhig gi nye gnas chos kyi snod dang / chos kyi snod ma yin pa'i chos gos dang lhung bzed phrogs pas/ mi dge ba'i las de'i dbang gi bskul pa tshad med pa'i bar du ngan song du lhung ba nas/ de bzhin du gong du rgyas par bshad pa bzhin no// de la kha cig ni 'di skad du/ bdag cag sngon bcom ldan 'das che ge mo zhig gi nye gnas chos kyi snod dang / chos kyi snod ma yin pa'i 'tshe// ba'i yo byad rnam pa sna tshogs 'phrogs te/ bza' ba dang btung ba phrogs shing bar chad byas pa mi dge ba'i las de'i dbang gis// bskal pa tshad med pa'i bar du ngan song du ltung ba dang / de bzhin du gong du rgyas par bshad pa bzhin no/ / de la kha cig ni 'di skad du/ bdag cag sngon bcom ldan 'das che ge mo zhig gi nye gnas chos kyi snod dang / chos kyi snod ma yin pa dag gi chos gos phrogs nas khyim par phab ste/ las rnam pa sna tshogs byed du bcug pa/ mi dge ba'i las de'i dbang gis bskal pa tshad med pa'i bar du ngan song du ltung ba nas/ de bzhin du gong du rgyas par bshad pa bzhin no/ / de la kha cig ni 'di skad du/ bdag cag sngon bcom ldan 'das che ge mo zhig gi nye gnas rab tu byung ba chos kyi snod dang / chos kyi snod ma yin pa dag nyes pa byas pa dang / nyes pa ma byas pa la lcags dang / khong sgril dang / shing glog tu bcug ste/ gtses pa mi dge ba'i las de'i dbang gis bskal pa tshad med pa'i bar du bdag cag ngan song du lhung ba nas/ de bzhin du gong du rgyas par bshad pa bzhin
- 132a
no/ / de la kha cig ni 'di skad du/ bdag cag bcom ldan 'das che ge mo zhig gi nye gnas rab tu byung ba chos kyi snod dang / chos kyi snod ma yin pa dag la dbang za ba'i sems kyis 'tshe ba/ dang / gnod pa rnam pa sna tshogs kyi mi bde bar bgyis pa/ bdag cag mi dge ba'i las de'i dbang gis bskal pa tshad med pa'i bar du shin tu mi bzad pa'i sdug bsngal chen po myong bar gyur to// phyis sangs rgyas tshad med pa dag la bsnyen bkur dang / mchod pa dang / mnyes pa bgyis so// gzhan yang byang chub sems dpa' sems dpa' chen po tshad med pa snyed de dag la yang bsnyen pakur dang / mchon pa dang / mnyes pa bgyis te/ sangs rgyas de re re dang / byang chub sems dpa' sems dpa' chen po de re re la yang shin tu 'dzem pa dang bcas pas mi dge ba'i las de dag so sor bshags so// sangs rgyas de re re dang / byang chub sems dpa' sems dpa' chen po de re re las kyang tshad med pa'i chos kyi rnam grangs mnyan te/ thos nas shin tu 'bad pa'i brtson 'grus kyis nan tan bgyis te/ shin tu spyad dka' ba spyad kyang las kyi sgrib pa'i lhag ma lus pas/ bdag cag dung du shin tu bde ba'i mya ngan las 'das pa ma thob bo// ting nge 'dzin gyi sgo'i yon tan gyi khyad par ma thob bo// bdag cag deng bcom ldan 'das kyi smaspun sngar mdo sde 'di thos nas lhag par shin tu 'dzem pa dang / mi 'chab pas so sor bshags te yongs su byang bar gyur to// deng slan chad ji snyed sgrib par 'gyur ba'i las rnams mi bgyid par yongs su
- 132b
bsrung bar 'tshal lo/ / bcom ldan 'das thugs brtse ba can gyis bdag cag gi ldog pa de dag yongs su byang ba dang / sran chad mi bgyid par rjes su gzung du gsol// bdag cag ma 'ongs pa nangan/ song gi sdug bsngal myong bar 'gyur ba las/ bcom ldan 'das kyi thugs rjes bskyab tu gsol/ bdag cag bcom ldan 'das kyi byin gyi rlabs kyi mthus mya ngan las 'da' ba'i bde ba myur du thob pa dang / gzhan yang ting nge 'dzin gyi yon tan gyi sgo'i khyad par thob par mdzad du gsol/ de nas bcom ldan 'das kyis nyan thos dang / byang chub sems dpa'i 'khor de dag la bka' stsal pa/ legs so legs so// khyed 'di ltar shin tu 'dzem pa dang bcas pas so sor bshags pa legs so// yongs su ma nyams pa'i skyes bu dam pa 'di gnyis yod de/ gcig ni rang bzhin gyis rnam par dag cing thog ma nas nyes pa mi byed pa'o// gcig ni nyes pa byas su zin kyang 'dzem pa dang bcas pas so sor 'chag pa ste/ skyes bu 'di gnyis ni de'i bstan pabal shin tu 'dun pa rnam par dag pa zhes bya'o/ / rigs kyi bu 'di ltar sangs rgyas kyi bstan pa la rab tu byung ba'i nye gnas la gnod pa byas pa'i sdig pa gong du bshad pa'i mtshams med pa dang ba'i sdig pa ni mong tsam du zad de/ sdig pa zhes kyang bya'o// sangs rgyas kyi nye gnas rab tu byung ba la gnod pa byas na/ de'i sdig pa ni gong du bshad pa'i mtshams med pa lnga'i sdig pa bas tshad me mas
- 133a
med pas lhag par che'o/ / de ci'i phyir zhe na/ dge slong gang tshul khrims nyams te sdig pa byed kyang / sems can bye ba khrag khrig brgya stong tshad med paskyed la mya ngan las 'da' ba phyin ci ma log pa'i lam ston nus so/ / sems can mang po la yon tan chen po'i rin po che'i gter du 'gyur ba nas/ de bzhin du ji ltar rgyas par bshad pa bzhin no// tshul khrims srung zhing dge ba'i chos spong ba lta ci smos/ de bas na gang gis sangs rgyas kyi bstan pa la rab tu byung ba'i slob ma la 'tshe ba dang gnod pa byas na/ de ni dkon mchog gsum gyi gdung gcod pa yin par shes bapar bya'o/ / de ni sems can thams cad kyi chos kyi mog bcar ba yin no// de ni ngas sngon shin tu dkar ba spyad nas rnyed pa'i dam pa'i chos ma rung bar byas pa yin no// de ni sems can thams cad la shin tu gnod pa chen po byas pa yin no/ / de bas na sangs rgyas kyi bstan pa la rab tu byung ba la gnod pa byas na/ de'i sdig pa ni sngar bshad pa'i mtshams med pa lnga'i sdig pa bas/ tshad med grangs med pas lhag par che'o// de bas na khyed kyis deng nga'i mdun du shin tu bsam pa dag cing lhag pa'i 'dzem pa dang 'bad par bcas pas sngon gyi mi dge ba'i las kyi sgrib pa thams cad so sor bshags pa'i phyir/ khyed thugs rje chen pos rjes su bzung bas/ khyed kyi sdig pa'i las kyi sgrib pa thams cad khyed kyis byang bar gyur te/ sangs rgyas kyi zhing 'dir bskal
- 133b
pa bzang po'i sangs rgyas stong byung ba thams cad la yang khyed kyis 'di bzhin du/ de bzhin gshegs pa de dag gi spyan sngar yang sdig pa'i las kyi sgrib pa thams cad shin tu so sor shogs shig/ ma 'ongs pa'i nyes pa yang shin tu srung bar gyis shig/ bskal pa bzang po'i sangs rgyas stong gi tha ma snang mdzad ces bya ba'i de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang mi'i ston pa/ sangs rgyas bcom ldan 'das de'i spyan sngar yang dag pa'i las kyi sgrib pa thams cad shin tu so sor shogs shig dang / lhag ma ma lus par yongs su byung bar 'gyur ro// de'i tshe nyan thos de dag dang / byang chub sems dpa' de dag gis gsol pa/ de bzhin no// bcom ldan 'das bdag cag gal te 'di ltar sangs rgyas stong gi tha ma snang mdzad kyi tshe yang dag pa'i lta ba 'thob cing log par lta ba rnams spangs te/ sdig pa'i las kyi sgrib pa thams cad lhag ma ma lus par 'byang zhing / sdug bsngal thams cad las rnam par grol bar 'gyur na/ bdag cag bskal pa bzang po 'di la mtshams med pa'i sems can dmyal bar skyes te/ sdug bsngal rnam pa sna tshogs myong na yang bzod do/ / bcom ldan 'das kyis bkar stsal pa/ legs so legs so// khyed kyis 'di ltar rdul phod pa dang / shin tu 'bad pa'i brtson 'grus brtan pa dang / smon lam u0f7f m
- 134a
thus gdon mi za bar sangs rgyas snang mdzad kyi tshe/ sngon gyi las kyi sgrib pa thams cad byang ba dang / lhag pa'i bsam pas bsti stang dang bcas te/ bsnyen bkur dang / mchod pa gdon mi za bar byed par 'gyur ro// de bzhin gshegs pa snang mdzad kyis kyang gdon mo za bar/ nyon mongs pa thams cad yongs su bcad pa'i dgra bcom par 'gyur par mdzad do// gdon mi za bar ting nge 'dzin gyi sgo'i yon tan gyi khyad par 'thob par mdzad do// de nas nyan thos de dag dang / byang chub sems dpa' de dag dga' bzhin du bcom ldan 'das kyi zhabs la phyag 'tshal nas/ phyir yang so so'i stan la 'khod do// de'i tshe bcom ldan 'das kyis/ byang chub sems dpa' sems dpa' chen po rdo rje'i snying po la bka' stsal pa/ rigs kyi bungs sangs rgyas kyi spyan gyis 'jig rten thams cad la brtags na/ ma 'ongs pa'i dus na sangs rgyas zhing 'dir tshad med grangs med pa bye ba khrag khrig brgya stong snyed kyi rgyal rigs gdol pa can dang / bram ze gdol po can dang / blon po gdol pa can dang / khyim bdag gdol pa can dang / tshong dpon gdol pa can dang / dge sbyong gdol pa can dang / rje'u rigs dang / dmangs rigs dang / gdol pa can gyi skyes pa 'am bud med la sogs pa de dag dge ba'i rtsa ba chung ngu bskyed pa mi'i lus thob tu zin kyang / mi dge ba'i bshes gnyen dang sten cing / log pa'i lta ba bskyed pa/ sdig pa mi dge ba'i las
- 134b
kyis nga'i bla na med pa dam pa'i chos shin tu sab mo 'jig par byed do/ / nga'i bstan par rgyas par mi byed/ rgyas pa rnams med par byed cing mos pa mi skyed/ ngas bstan pa'i nyan thos kyi theg pa can gyi dam pa'i chos la 'phya zhing skur te/ bgegs dang bar chad byed cing rgyas par mi byed pa dang / bar bar ni ngas bstan pa'i rang sangs rgyas kyi theg pa can gyi dam pa'i chos la 'phya zhing skur pa dang / bgegs dang / bar chad byed cing rgyas par mi byed pa dang / bar bar ni ngas bstan pa'i bla na med pa'i theg pa can gyi dam pa'i chos la 'phya zhing skur pa dang / bgegs dang / bar chad byed cing rgyas par mi byed pa dang / bar bar ni ngas bstan pa la rab tu byung ba chos kyi snod dang / chos kyi snod ma yin pa la zhe sdang bskyed cing gshe ba dang / spro ba dang / smod pa dang / tshig rnam pa sna tshogs kyis gnod par glags lta ste/ 'phya zhing skur pa dang / yon tan bcabs nas nyes pa bsgrags te/ de bzhin smod pa'i sems kyis 'tshe ba dang / gnod pa rnam pa sna tshogs byed do// de ltar gang zag 'phags pa'i chos kyi snod du ma gyur pa de yang dag par glen zhing gti mug gi rang bzhin can yin te/ cung zad tsam gyis shes pa snyems pa'i nga rgyal can de 'di nas tshe 'phos ma thag tu ngan song gsum du lhung ste/ tshad med pa snyed kyi shin tu mi bzang ba'i sdug bsngal chen po myong bar 'gyur ro/ / bskal pa tshad med pa bye ba khrag khrig brgya stong gi bar du mi'i lus thob par dka' ba nas/ de bzhin du seng du rgyas par bshad pa
- 135a
bzhin no/ / rigs kyi bu sems can de mtshams med pa'i sems can dmyal ba chen po na 'dug ste/ sdug bsngal chen po myong yang bra'i/ de lta bu'i lus sdig can nga rgyal gyis mngon par zin pa/ sdig pa'i bshes gnyen gyi rjes su 'brang zhing / mi dge ba'i las byed pa las 'khor bar 'khor te/ shin tu bsgril dka' ba rtag tu 'khor bar sdug bsngal gyis gdungs par gyur pa ni ma yin no/ / de'i tshe 'khor gyi dkyil 'khor de'i nang na/ blo gros chen po can gyi sems can tshad med grangs med pa snyed stan las langs te/ bcom ldan 'das kyi zhabs la spyi bos phyag 'tshal nas/ bcom ldan 'das gang na ba de logs su thal mo sbar te mchim blags nas/ bcom ldan 'das la 'di skad ces gsol to// btsun pa bcom ldan 'das 'di ltar 'jig rten gyi sems can 'di dag mi'i lus shin tu thob par dka' ba snyed kyang dad pa yongs su spong ngo / / yang dag pa'i smon lam yongs su spong ngo // yang dag pa'i mos pa dang // yang dag pa'i lta ba yongs su spong ngo // dge ba'i bshes gnyen yongs su spong ngo // dus bzang po dang / gnas bzang po dang / tshul khrims dgra pa yongs su spong ngo // yang dag pa'i ting nge 'dzin dang / yang dag pa'i shes rab yongs su spong ngo // sems can 'di dag shin tu thob par dka' ba'i mi lus thob mod kyi/ glen pa mi shes pa dang / nga rgyal gyi dbang gis ji
- 135b
ltar gong du bshad pa'i sdig lci ba rnams kun bgyi de/ bcom ldan 'das kyi dam pa'i chos la 'phya zhing skur pa dang / bcom ldan 'das kyi bstan pa la rab tu byung ba'i nye gnas la 'tshe ba rang gnod pa bgyid do/ / bdag cag deng bcom ldan 'das kyi spyan sngar sems rtse gcig las yang dag pa'i yi dam bca' 'o// bdag cag deng slan chad 'khor bar 'khor ba 'di phan chad nas tan ma rnam par grol ba ma thob kyi bar du de lta bu'i sdig pa'i grogs po dang mi mjal ba dang / de lta bu'i sdig pa'i las mi bgyid pa dang / sangs rgyas kyi dam pa'i chos la mi skur pa dang / rab tu byung ba'i gang zag la gnod pa mi bgyid pa dang / sems can gyi chos kyi mig mi 'byin pa dang / dkon mchog gsum gyi gdung rgyun mi 'chad par dam bcas pa dang / bcom ldan 'das bdag cag la thugs brtse ba'i slad du dam bcas pa de dag rjes su gzung du gsol/ de'i tshe 'khor gyi dkyil khor de'i nang nas sems can blo dang ldan pa tshad med pa bye ba khrag khrig brgya stong snyed stan las langs te/ bcom ldan 'das kyi zhabs la spyi bos phyag 'tshal nas thal mo sbar ba btud de/ bcom ldan 'das la 'di skad ces gsol to// btsun pa bcom ldan 'das bdag cag deng bcom ldan 'das kyi spyan sngar bsam pa nges par dam 'cha'o bar 'tshal te/ 'khor bar 'khor ba 'di phan chad nas/ nam chos kyi bzod pa ma thob kyi bar du rgyal por ma gyur cig/ blon por ma gyur
- 136a
cag/ yul gyi ston par mgyur cig/ grong rdal dang / grong khyer dang / grob rarab kyi bdag por mgyur cig/ dmag la dbang ba'i bdag por ma gyur cig/ tshong dpon du mgyur cig/ mchod pa dang gtsug lag khang la dbang byed pa'i bdag por ma gyur cig/ tsheng dpon dang / khyim bdag dang / dge sbyong gi bdag por ma gyur cig/ slob dpon dang bla mar ma gyur cig/ khyim pa'i lus su ma gyur cig/ zhal tshe gcod pa'i dbang por ma gyur cig/ phyug pa dang btsan pa'i bdag por ma gyur cig/ bdag cag chos kyi bzod pa ma thob par de lta bu'i gnas su skyes na/ de nyid sangs rgyas kyi bstan pa la mi dge ba'i rgyur 'gyur zhes bya ba/ kha na ma tho ba'i sdig pa chen po byed pa/ bcom ldan 'das kyis gsungs pa'i dam pa'i chos la 'phya zhing skur pa zhes bgyi'o// sangs rgyas kyi bstan pa la rab tu byung ba la 'tshe zhing gnod pa bgyid pa'o/ / sems can mang po'i chos kyi mig 'byin pa'o// dkon mchog gsum gyi gdung gcod pa'o// sems can tshad med pa la gnod pa dang 'tshe ba bgyid pa'o// de'i dbang gis gdon mi 'tshal bar mtshams med pa'i sems can dmyal bar ltung ste/ ngan song du 'khor ba las thar pa'i dus ma mchis so// bcom ldan 'das bdag cag la thugs brtse ba'i slad du smon lam 'di dag byin gyis brlab par gsol de'i tshe 'khor gyi dkyil 'khor derar ngus pa'i lha dang / klu dang / gnod sbyin dang / dri za dang / mi dang / mi ma yin pa la sogs pa thams cad stan las langs te/ bcom
- 136b
ldan 'das kyi zhabs la spyi bos phyag 'tshal nas/ mchi ma blags te thal mo sbar ba btud nas/ bcom ldan 'das la 'di skad ces gsol to// btsun pa bcom ldan 'das bdag cag thog ma ma mchis pa nas 'khor bar 'khor zhing glen pa dang / mi shes pa dang / nga rgyal gyi dbang gis mi dge ba'i las thams cad bskyed do// lus kyi las mi dge ba dang / ngag gi las mi dge ba dang / yid kyi las mi dge ba bdag gis bgyis pa dang / gzhan bgyid du stsal ba dang / mthong ba dang / thos pa la rjes su yi rang ba'i sdig pa de dag thams cad dang bcom ldan 'das kyi spyan sngar shin tu 'dzem pa dang / mi 'chab pa'i sems kyis so sor bshags pas/ slan chad mi bgyid par yongs su bsrung ba dang / ma mchis pa'i dus kyi sgrib par 'gyur pa'i sdig pa byang bar gyur cig/ de bzhin du lan gcig/ lan gnyis lan gsum gyi bar du brjod do/ / deng slan chad 'khor ba'i mthas gtugs kyi bar du rtag tu sdig pa'i grogs po dang mi phrad pa dang / mi dge ba'i dbang du ma gyur cig/ gal te phrad na yang de'i rjes su mi 'jug par bsam pa nges pas dam bca' bar 'tshal lo/ / sdig pa'i las de dag thams cad bgyid par ma gyur cig/ bdag cag yun ring por sdug bsngal myong bar ma gyur cig/ bcom ldan 'das bdag cag la thugs brtse ba'i slad du smon lam 'di dag rjes su gzung du gsol de nas bcom ldan 'das kyis/ 'dus pa'i 'khor de dag thams cad la bka' stsal pa
- 137a
legs so legs so/ / khyed ma 'ongs pa'i sdug bsngal gyis 'jigs pa dang / 'dzem pas so sor bshags pa legs so// khyed 'khor ba'i chu bo chen po las bsgral ba dang / 'jigs pa med pa'i mya ngan las 'da' ba'i grong khyer du 'jug pa'i phyir 'di lta bu'i smon lam btab pa legs so// rigs kyi bu chos rnam pa 'di bcu dang ldan na byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob par 'gyur ro/ / bcu gang zhe na/ 'di lta ste/ rigs kyi bu byang chub sems dpa' sems dpa' chen po rnams gang nang gi lus la mi gnas/ phyi rol gyi lus la mi gnas/ phyi nang gi lus la mi gnas/ 'das pa'i lus la mi gnas/ ma 'ongs pa'i lus la mi gnas/ da ltar gyi lus la mi gnas pa ste/ chos dang po 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob bo// rigs kyi bu gzhan yang byang chub sems dpa' sems dpa' chen po rnams gang nang gi tshor ba la mi gnas/ phyi rol gyi tshor ba la mi gnas/ phyi nang gi tshor ba la mo gnas/ 'das pa'i tshor ba la mi gnas/ ma 'ongs pa'i tshor ba la mi gnas/ da ltar gyi tshor ba la mi gnas pa ste/ chos gnyis pa 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa thob par 'gyur ro// rigs kyi bu gzhan yang byang chub sems dpa
- 137b
sems dpa' chen po rnams gang nang gi 'du shes la mi gnas/ phyi rol gyi 'du shes la mi gnas/ phyi nang gnyis ka'i 'du shes la mi gnas/ 'das pa'i 'du shes la mi gnas/ ma 'ongs/ pa'i 'du shes la mi gnas/ da ltar gyi 'du shes la mi gnas pa ste/ chos gsum pa 'dis na/ byang chub sems dpa' sems dpar chen po rnams yang dag pa'i lam skyon med pa'i chos kyi bzod pa thob par 'gyur ro/ / rigs kyi bu gzhan yang byang chub sems dpa' sems dpa' chen po rnams gang nang gi 'du byed la mi gnas/ phyi rol gyi 'du byed la mi gnas/ phyi nang gnyis ka'i 'du byed la mi gnas/ 'das pa'i 'du byed la mi gnas/ ma 'ongs pa'i 'du byed la mi gnas/ da ltar gyi 'du byed la mi gnas pa ste/ chos bzhi pa 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa thob bo/ / rigs kyi bu gzhan yang byang chub sems dpa' sems dpa' chen po rnams gang nang gi rnam par shes pa la mi gnas/ phyi rol gyi rnam par shes pa la mi gnas/ phyi nang gnyis ka'i rnam par shes pa la mi gnas/ 'das pa'i rnam par shes pa la mi gnas/ ma 'ongs pa'i rnam par shes pa la mi gnas/ da ltar gyi rnam par shes pa la mi gnas pa ste/ chos lnga pa 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi
- 138a
bzod pa thob par 'gyur ro/ / rigs kyi mu gzhan yang byang chub sems dpa' sems dpa' chen po rnams pang 'jig rten 'di la mi gnas pa ste/ chos drug pa 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa thob par 'gyur ro// rigs kyi bu gzhan yang byang chub sems dpa' sems dpa' chen po rnams gang 'jig rten pha rol la mi gnas pa ste/ chos bdun pa 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa thob par 'gyur ro// rigs kyi bu gzhan yang byang chub sems dpa' sems dpa' chen po rnams gang 'dod pa'i khams la mi gnas pa ste/ chos brgyad pa 'dis na/ byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa 'thob par 'gyur ro/ / rigs kyi bu gzhan yang byang chub sems dpa' sems dpa' chen po gang gzugs yod pa'i khams la mi gnas pa ste/ chos dgu pa 'dis na/ byang chub sems dpar sems dpa' chen po rnams yang dag pa'i lam skyen med pa'i chos kyi bzod pa thob par 'gyur ro/ / rigs kyi bu gzhan yang byang chub sems dpa' sems dpa' chen po gang gzugs med pa'i khams la mi gnas pa ste/ chos bcu pa 'dis na byang chub sems dpa' sems dpa' chen po rnams yang dag pa'i lam skyon med pa'i chos kyi bzod pa thob par 'gyur ro// bcom ldan 'das kyis chos kyi rnam
- 138b
grangs 'di bshad pa'i 'khor gyi dkyil 'khor de'i nang na/ byang chub sems dpa' sems dpa' chen po bye ba brgya stong bdun cu rtsa gnyis snyed mi sme ba'i chos kyi bzod pa thob bo// byang chub sems dpal drag khrig phrag brgyad cu rtsa bzhi snyed kyis chos kyi rjes su bzod pa thob bo/ / nyan thos tshad med pa brgya stong snyed kyis nyon mongs pa thams cad yongs su bcad pa nas/ dgra bcom pa'i bar du thob par gyur to/ / sems can khrag khrig brgya stong snyed sngon ma skyed pa'i bla na med pa yang dag par rdzogs pa'i byang chub tu sems bskyed de/ de bzhin gshegs pa'i ye shes la phyir mi ldog pa'i sa la gnas par gyur to/ / sems can grangs med tshad med pa snyed sngon rang sangs rgyas kyi sems ma bskyed pa de sems bskyed par gyur to// gzhan yang sems can grangs med tshad med pa snyed sngon nyan thos kyi sems ma bskyed pa de bskyed par gyur to/ / yang de'i tshe bcom ldan 'das kyis/ 'khor mang po la bka' stsal pa/ sems can gang chos kyi bzod pa thob pas na/ rgyal rigs rgyal thabs spyi bo nas dbang bskur ba'i gnas su gnas par byas te/ nor rin po che rnam pa sna tshogs la longs spyod cing / bdag nyid chen po'i gnas su longs spyod par ngas gnang gi/ sems can gzhan ni ma yin no/ / byang chub sems dpa' rdo rje snying pos yang / bcom ldan 'das la 'di skad ces gsol to// bcom ldan 'das sems can gang chos kyi bzod pa ma thob par rgyal thabs
- 139a
spyi bo nas dbang bskur ba'i gnas su gnas te/ nor rin po che rnam pa sna tshogs la spyod pa dang / bdag nyid che ba'i gnas su gnas par ma gnang ngam/ 'on te gnang ba'i skabs kyang mchis/ bcom ldan 'das kyis bka' stsal pa/ sems can gang chos kyi bzod pa ma thob kyang / dge ba bcu'i las kyi lam la spong la/ sems can gzhan yang slob tu bcug na/ de yang ngas rgyal thabs spyi bo nas dbang bskur ba'i gnas su nor rin po che rnam pa sna tshogs dang / gzhan yang bdag nyid che ba'i gnas su 'dug cing longs spyod du gnang ngo // sems can gang chos kyi bzod ba yang ma thob la/ dge ba bcu'i las kyi lam yang mi spyod de/ sems can gzhan yang slob pa la mi 'dzud la/ dbang chen po dang nan tan gyis rgyal thabs spyi bo nas dbang bskur ba'i gnas su rgyal po byed de/ nor rin po che rnam pa sna tshogs dang / bdag nyid chen po'i gnas su longs spyod pa dag ni/ rgyal rigs gdol pa can dang / gzhan yang bdag nyid che ba'i gnas su longs spyod pa'i gdol pa can gyi bdag po zhes bya ste/ glen pa/ gti mug can/ nga rgyal gyis mngon par zin pa/ nga'i dam pa'i chos shin tu zab mo 'jigs par byed pa dkon mchog gsum gyi gdung gcod cing / dam pa'i chos kyi smon ma med par byed pa/ nga'i bstan pa la rab tu byung ba dag la gnod pa dang 'tshe ba rnam pa sna tshogs byed pa/ 'tsheg pa dang
- 139b
gzhu ba dang / chad pas gcod pa dang / chos gos dang / lhung bzed dang / 'tshe ba'i yo byad 'phrog pa dang / chos gos 'phrogs te khyim par phab nas/ las rnam pa sna tshogs byed du bcug pa dang / bcings pa dang / brtson du bzung ba nas/ 'tsho ba'i dbang po dang phral ba dang / nga'i bstan pa dam pa'i chos la 'phya zhing skur pa dang / bar du gcod cing bgegs byed cing yongs su rgyas par mi byed pa dang / mchod rten dang / dge 'dun gyi nor 'phrog par byed pa'i gang zag de ni gdon mi za bar mtshams med pa'i sems can dmyal bar ltung ste/ sdug bsngal chen po myong zhing ngan song gi gnas su 'khor zhing thar pa'i dus med do/ / de nas byang chub sems dpa' rdo rje snying pos yang gsol pa/ bcom ldan 'das sems can gang chos kyi bzod pa yang ma thob/ dge ba bcu'i las kyi lam yang mi spyod/ sems can gzhan yang spyod pa la mi skul bar dbang chen po dang nan gyis rgyal thabs spyi bo nas dbang bskur ba'i gnas su rgyal po bgyid cing / nor rin po che rnam pa sna tshogs dang / gzhan yang bdog nyid che ba'i gnas su gnas pa la rgyu gzhan dang / thabs gzhan gyis mtshams med pa'i sems can dmyal ba las gdon cing ngan song gzhan gyi sdug bsngal las kyang thar par bgyi ba mchis sam/ bcom ldan 'das kyis bka' stsal pa/ rgyud gzhan dang thabs gzhan gyis gdon du rung ba yod de/ sems can gang rgyal
- 140a
thabs spyi bo nas dbang bskur ba'i rgyal por zhugs la/ longs spyod rnam pa sna tshogs la spyod pa/ chos kyi bzod pa yang ma thob/ dge ba bcu'i las kyi lam dang yang mi ldan yang dad pa'i mthu dang ldan te/ dkon mchog gsum la rim gro dang bsti stang byed cing / sangs rgyas kyis bstan pa'i theg pa gsum dang ldan pa'i dam pa'i chos la chung ngu na tshigs su bcad pa gcig la yang ra phye zhing skur pa 'am/ bar du gcod pa 'am/ bgegs mi byed la/ sangs rgyas kyi bstan pa la rab tu byung ba'i nye gnas tshul khrims can nam/ tshul khrims nyams pa 'am/ tshul khrims med kyang rung / skra dang kha spu bregs nas/ gos ngur smrig gyon pa thams cad la 'tshe ba dang / gnod pa dang / gzhu ba dang / 'tsheg pa dang / chad pas gcod pa dang / chos gos dang / lhung bzed dang / 'tsho ba'i yo byad 'phrog pa dang chos gos phrogs te khyim par phab nas/ las byed du bcug pa dang / btson rar bcug nas 'tshe ba'i dbang po dang phral ba'i bar du mi byed la/ mchod rten dang dge 'dun gyi nor mi 'phrog pa dang / ngan pa sdig pa can dag rab tu byung ba la 'tshe ba dang gnod pa byed du mi 'dzud pa dang / dkon mchog gsum gyi nor la 'phrog cing spod du mi 'dzud pa dang / sangs rgyas kyi bstan pa theg pa gsum dang ldan pa'i dam pa'i chos la bsti stang dang bcas pas mnyan cing gzungs su 'dzin pa dang / mnyan te gzungs su bzung nas kyang / ji ltar bshad pa bzhin du chos kyi rjes su brtson 'grus dang nan tan byed pa dang / ngas bstan pa theg pa
- 140b
gsum gyi 'phags pa'i nye gnas dag la mchod pa dang / bsnyen bkur dang / bsti stang du bcas pas g.yog byed pa dang / theg pa chen po la shin tu brtan pa'i yi dam bcas te/ the tshom dang / phyir ldog pa'i sems mi bskyed pa dang / gzhan yang sems can dag theg pa chen po la dad cing yid ches pa dang / gzungs su 'dzin pa dang / slob pa nan tan byed du 'jug na/ rgyal rigs gdol pa can 'di dang / gzhan yang bdag nyid che ba'i gdol pa can dag ni/ snga ma 'das pa'i sangs rgyas kyis kyang rgyal thabs kyi dbang bskur zhing longs spod rnam pa sna tshogs la spyod du gnang ngo // gzhan yang grong dang / grong khyer dang / nor dbyig thams cad la spyod kyang mtshams med pa'i sems can dmyal bar mi ltung ba nas/ ngan song gzhan gyi bar du yang ltung bar mi 'gyur ro// de ni ngas rgyal thabs kyi dbang bskur zhing longs spyod rnam pa sna tshogs spyod du gnang ngo / / de ltar grong dang grong khyer la spyod kyang mtshams med pa'i sems can dmyal bar mi ltung ba nas/ ngan song gzhan du yang mi ltung ngo // sems can gang sdig pa'i las kyi sgrib pa thams cad lhag ma ma lus par byang bar 'dod na/ ngas bstan pa'i dam pa'i chos kyi rnam grangs 'di la nan tan du bslab cing gzungs su gzung bar bya'o// gang gis de ltar dge 'dun gyi mngon sum du gyur pa la shin tu 'dzem pa dang ngo tsha ba'i sems kyis sdig pa'i las so sor bshags na/ sngon gyi dus na byas pa'i sdig pa'i las thams cad lhag ma ma lus pa dang / yongs su byang bar
- 141a
'gyur ro/ / karaphags pa byang chub sems dpa' sa'i snying po'i 'khor lo bcu pa zhes bya ba theg pa chen po'i mngobam po brgyad pa/ de'i tshe byang chub sems dpa' sems dpa' chen po rdo rje snying pos yang / bcom ldan 'das la 'di skad ces gsol to// btsun pa bcom ldan 'das byang chub sems dpa' sems dpa' chen po ji ltar na nyan thos kyi theg pa la 'khrul pa ma mchis pa lags/ ji ltar na nyan thos kyi theg pa'i gang zag la 'khrul pa ma mchis pa lags/ ji ltar na rang sangs rgyas kyi theg pa la 'khrul pa ma mchis pa lags/ ji ltar na rang sangs rgyas kyi theg pa'i gang zag la 'khrul pa ma mchis pa lags/ ji ltar na theg pa chen po la 'khrul pa ma mchis pa lags/ ji ltar na theg pa chen po'i gang zag la 'khrul pa ma mchis pa lags/ ji ltar na dkon mchog gsum gyi gdung rtag par yongs su 'phel bar bgyid pa lags/ ji ltar na de bzhin gshegs pa'i bstan pa la rab tu byung ba chos kyi sgod dam/ chos kyi snod ma lags pa yang rung / chung ngu na chos gos kyi tshal bu 'tshal zhing / sgra dang kha spu bregs pa thams cad la 'khrul pa ma mchis pa lags/ ji ltar na theg pa chen po'i chos la gong nas gong du 'phar zhing phyir mi ldog par 'gyur pa lags/ ji ltar na rno ba'i shes rab dang / bsod nams kyi khyad par rtag tu skye zhing 'phel bar 'gyur pa lags/ ji ltar na ting nge 'dzin dang /
- 141b
gzungs dang / bzod pa dang / sa rnams la dbang du 'gyur zhing / phyir mi ldog par 'gyur pa lags/ ji ltar na rtag tu dge ba'i bshes gnyen dang mjal cing rjes su 'thun par 'gyur ba lags/ ji ltar na rtag tu sangs rgyas thams cad mthong ba dang mi 'bral zhing / byang chub sems dpa' dang nyan thos kyi nye gnas dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur bgyid pa dang mi 'bral bar 'gyur ba lags/ ji ltar na dge ba'i rtsa ba thams cad la rab tu brtson pas sems mi ngoms pa lags/ ji ltar na byang chub kyi spyod pa rnam pa sna tshogs la sems mi ngoms pa lags/ / de nas bcom ldan 'das kyis/ byang chub sems dpa' sems dpa' chen po rdo rje snying po la 'di skad ces bka' stsal to// rigs kyi bu byang chub sems dpa' sems dpa' chen po'i 'khor lo rnam pa bcu yod de/ byang chub sems dpa' sems dpa' chen po gang 'khor lo bcu po 'di dang ldan na/ nyan thos kyi theg pa la 'khrul pa med par 'gyur ro// nyan thos kyi theg pa'i gang zag la 'khrul pa med par 'gyur ro/ / rang sangs rgyas kyi theg pa la 'khrul pa med par 'gyur ro// rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur ro// theg pa chen po'i gang zag 'a 'khrul pa med par 'gyur ro// dkon mchog gsum gyi gdung rtag par yongs su phel bar 'gyur ro// de bzhin gshegs pa'i bstan pa la rab tu blang ba chos kyi snod dam/
- 142a
chos kyi snod ma yin pa yang rung / chung ngun chos gos kyi tshal bu gyon cing / sgra dang kha spu bregs pa thams cad la 'khrul pa med pa thob par 'gyur ro// theg pa chen po'i chos la gong nas gong du bar zhing pyir mi ldog pa dang / rno ba shes rab dang / bsod nams kyi khyad par rtag tu skyeni pa 'phel ba dang / ting nge 'dzin thams cad dang / gzungs dang / bzod pa dang / sa rnams la dbang du 'gyur zhing / phyir mi ldog pa dang / rtag tu dge ba'i bshes gnyen dang 'phrad cing / de'i rjes su 'gro ba dang / rtag tu sangs rgyas thams cad mthong ba dang mi 'bral zhing / byang chub sems dpa' dang rang sangs rgyas kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyi sems mi ngoms pa dang / sngon sdig pa mi dge ba'i las ci byas pa thams cad 'phags pa'i chos kyi ye shes rdo rje ltar sra la rno bas lhag ma ma lus par bcom ste/ rnam par smin pa'i 'bras bu mi myong ba dang / gsar du sdig pa mi dge ba'i las thams cad mi byed pa dang / skyo ba dang / sgyid lug pa med pa'i sems kyis bla na med pa'i chos kyi 'khor lo bskor ba dang / byang chub kyi yan lag rin po che sna bdun nan tan byed pa la skyo zhing sgyid lug pa med pa'i sems dang / sems can thams cad kyi nyon mongs pa'i nad rnams
- 142b
'jil ba la skyo zhing sgying lug pa med pa'i sems kyis sems can thams cad kyi rten dang gnas su 'gyur zhing nye bar 'tsho ba yin no/ / rigs kyi bu 'di lta ste/ 'khor lo sgyur ba'i rgyal po rin po che sna bdun dang ldan// / pa ni/ gar 'gro yang rin po che'i 'khor lo thog mar 'gro ste/ rin po che gzhan de'i phyi bzhin du 'brang ngo // gling bzhi kun tu rgyu zhing / sems can thams cad kyi lus dang sems kyi rnyog pa thams cad kyang bsal te/ sems can thams cad kyi lus dang sems kyi bde ba yang skye zhing 'phel bar byed do// byang chub sems dpa' sems dpa' chen po yang de bzhin du 'khor lo bcu po 'di dang ldan na/ nyan thos kyi theg pa la 'khrul pa med pa nas/ sems can thams cad kyi rten dang gnas su 'gyur zhing nye bar 'tshe ba'i bar du 'thob par 'gyur ro// rigs kyi bu 'di lta ste/ shing rta chen po ni 'khor lo bzhi dang ldan te mi mang po'i nang du 'dug nas lam chen por 'gro'o/ / lam den bong ba 'am/ gyo mo 'am/ gseg mra 'am/ rtsa 'am/ shing 'am/ lo ma 'am/ yal ga'am/ me tog gam/ 'bras bu ji snyed yod pa thams cad shing rta de'i 'khor lo'i 'og tu song na/ thams cad chag cing grugs te/ nor du ma rung bar byed do// de bzhin du byang chub sems dpa' sems dpa' chen po yang 'khor lo rnam pa bcu dang ldan na/ nyon mongs pa'i sgrib pa dang / sems kyi sgrib pa dang / chos kyi sgrib pa thams cad yongs su bcom ste/ rnam par smin pa mi len par byed do// rigs kyi bu 'di lta ste/ 'khor lo rnon po ni thang cig 'phangs pas
- 143a
pas rgol ba'i dgra'i mgo dang yan lag bcad de/ de spyod pa'i mthu med par byed do// de bzhin du byang chub sems dpa' sems dpa' chen po yang 'khor lo rnam pa bcu po 'di dang ldan na/ rgyud lngar 'khor ba'i sdug bsngal chen po thams cad 'joms pa dang / nyon mongs pa dang / sdig pa'i las thams cad yongs su bcad de rnam par smin pa len par mi byed do// rigs kyi bu 'di lta ste/ me'i bskal pa byung ba'i tshe/ nyi ma lnga cig char shar nas/ gling bzhi'i klung dang / mtsho dang / rlu bo dang / chu'i khams su gtogs pa gsher ba thams cad gang yang mi skems pa med do// de bzhin du byang chub sems dpa' sems dpa' chen po yang 'khor lo rnam pa bcu po 'di dang ldan na/ rgyu ba bzhi dang / nyon mongs pa'i sgrib pa dang / sems kyi sgrib pa dang / chos kyi sgrib pa dang / sdug bsngal gyi rtsa bar smin pa thams cad yongs su skems par byed do// rigs kyi bu 'di lta ste/ rlung go bskal pa byung ba'i tshe/ phyogs bzhi nas rlung chen po dus gcig tu langs pas 'jig rten gyi khams thams cad na ri bo che rlung dang / sa chen po rnams thams cad 'jig cing 'thor bar 'gyur ro// de bzhin du byang chub sems dpa' sems dpa' chen po yang 'khor lo rnam pa bcu dang ldan na/ 'jig rten gyi rgyan ci log pazhi dang / dargyal gyi ri thams cad mi shigs pa gang yang med pa dang / sems can thams cad kyi nyon mongs pa'i sgrib pa dang / sems kyi sgrib pa dang / rdo /
- 143b
sgrib pa dang / sdug bsngal gyi rnam par smin pa'i rtsa ba thams cad kyang 'jig cing 'thor bar 'gyur ro// rigs kyi bu 'di lnga ste/ seng ge'i rgyal po ral pa can gyi skad thang gcig phyung bas gcan ga/ thams cad 'phung ba dang / 'gro ba thams cad skrag cing 'gul mi nus par 'gyur ro// de bzhin du byang chub sems dpa' sems dpa' chen po yang 'khor lo rnam pa 'di bcu dang ldan pa'i chos kyi sgra zang cig bsgrags pas mu stegs can dang / log par ston pa'i sdig pa'i grogs su gyur pa thams cad 'jigs skrag nas smra ba'i tshig 'khrul zhing 'grib pa dang / rgol mi nus par 'gyur ro// rigs kyi bu 'di lta ste/ brgya byin lha'i dbang po lha ma yin dang 'thab pa'i tshe/ lha'i dmag la gang gis bskor cing lag na rdo rje thogs te g.yul du zhugs na/ lha ma yin thams cad skrag pas ldog par 'gyur ro/ / de bzhin du byang chub sems dpa' sems dpa' chen po yang 'khor lo rnam pa 'di bcu dang ldan na/ log par lta ba'i mu stegs can thams cad dang / log par ston pa sdig pa'i grogs po thams cad skra gnas 'bros par 'gyur ro/ / rigs kyi bu 'di lta ste/ yid bzhin gyi nor bu rin po che rgyal mtshan gyi rtse mo la btags na/ rin po che rnam pa sna tshogs char bzhin du 'bab ste/ dbul 'phongs pa'i sems can thams cad la sbyin pa byed do/ / de bzhin du byang chub sems dpa' sems dpa' chen po yang 'khor lo rnam pa 'di bcu dang ldan te/ rnam par dag pa'i tshul khrims kyi rgyal mtshan la
- 144a
gnas na/ chos chen po'i char rab tu 'bebs pas sems can tshad med pa thams cad la sbyin pa byed par 'gyur ro// rigs kyi bu 'di lta ste/ mtshan mo'i dus su 'jig rten kun mun par gyur nas 'thom zhing 'brog bslad pa na/ zla ba nya ba shar bas mun pa thams cad bsal te/ 'bro ga bslad pa rnams kyi lam mtshon par 'gyur ba de bzhin du/ byang chub sems dpa' sems dpa' chen po yang 'khor lo rnam pa 'di bcu dang ldan na/ sems can gang ma rig pa'i mun pas mdongs te/ 'phags pa'i lam yan lag brgyad stor ba rnams la/ byang chub sems dpas dam pa'i chos bshad de/ ma rig pa'i mun pa thams cad bsal nas/ chos kyi snang ba skyes pa'i phyir/ 'phags pa'i lam yan lag brgyad mngon du gyur te/ zag pa thams cad zad nas sdug bsngal gyi mtha' zad par byed do// rigs kyi bu 'di lta ste/ nyi ma'i dkyil 'khor chen po 'jig rten du shar ba dang / le tog thams cad skye zhing 'phel te/ me tog dang / lo tog dang / lo ma thams cad rgyas pa dang / gnam zhing btsog pa thams cad sel ba dang / le tog gi 'bru dang / sman gyi 'bras bu thams cad smin pa dang / gangs kyi ro bo zhu bas 'bab chu kun brug ste/ rim gyis rgya mtsho chen por 'bab par 'gyur ro// de bzhin du byang chub sems dpa' sems dpa' chen po yang 'khor lo rnam pa 'di bcu dang ldan te/ lhag pa'i sbyin pa la gnas shing dul ba'i tshul khrims dang / bde ba'i bzod pa dang / brtson 'grus dang / bsam gtan dang /
- 144b
shes rab dang / thabs dang / byams pa dang / snying rje dang / spobs pa'i yon tan shin tu rgyas shing // sems can thams cad la dam pa'i chos ston to// chos de'i 'od kyi gzi brjid kyi sems can thams cad kyi dge ba'i rtsa ba lhag pa'i le tog rnam pa sna tshogs skye zhing 'phel ba dang / lhag pa'i spyod pa dam pa'i me tog dang / lo ma rnam pa sna tshogs shin du rgyas pa dang / nyon mongs pa'i las ngan pa thams cad yongs su sel ba dang / mtho ris dang mya ngan las 'da' ba'i bras bu yongs su smin par 'gyur ba dang / log par lta ba dang / nga rgyal gyi ri bo thams cad zhu zhing 'bab pas yang dag pa'i dad pa dang / tshul khrims dang/ thos pa dang / gtong ba dang / shes rab dang / ting nge 'dzin gyi chu rim gyis 'bab cing / mya ngan las 'da' ba'i rgya mtsho'agangs pa dang / sems can thams cad yid bzhin du 'jigs pa med pa mya ngan las 'da' nga'i grong khyer du 'jug par 'gyur ro/ / rigs kyi bu de la ji ltar na byang chub sems dpa'i sems dpa' chen po'i 'khor lo bcu gang zhe na/ rigs kyi bu 'kho lo bcu zhes bya ba ni/ chos gzhan la mi gdags kyi// dge ba bcu'i las kyi lam nyid yin par shes par bya'o// 'khor lo rnam pa bcu po 'di dag dang ldan pas na/ byang chub sems dpa' sems dpa' chen po zhes bya ste/ sdig pa thams cad las rnam par grol ba dang / dge ba'i chos thams cad yid bzhin du rdzogs pa dang / myur du mya ngan las 'da' ba chen po'i rgya mtsho yongs su 'gengs pa dang / thabs mkhas pa chen po'i ye shes kyi 'od kyis skye bo thams cad yongs
- 145a
su smin par byed cing / thams cad la phan pa dang bde ba yongs su thob par byed do// de ci'i phyir zhe na/ rigs kyi bu snga ma 'das pa'i sangs rgyas bcom ldan 'das thams cad kyis kyang mi dge ba bcu'i las kyi lam yongs su spangs te/ dge ba bcu'i las kyi lam 'di la yongs su bsngags pas 'bras bu thob par gyur to// de bas na gang gis dge ba bcu'i las kyi lam 'di dag las 'ga' zhig nam 'tshe ba'i bar du ma nyams par srungs na/ 'bras bu khyad par can mchog tu 'gyur ba thams cad thob pa ni ji ltar bshad pa bzhin no// rigs kyi bu gzhan yang byang chub sems dpa' sems dpas chen po gang nam 'tshe ba'i bar du srog gcod pa yongs su spangs na/ de nyid sems can thams cad la mi 'jigs pa sbyin pa yin te/ sems can dag la 'jigs shing bag tsha bar mi byed pas/ de'i 'jigs pa'i sdug bsngal mi bskyed pa'i dbang gis/ dge ba'i rtsa ba thams cad myur du yongs su rdzogs par 'gyur ro// tho gau ma med pa'i mtha' mas rgyud lngar 'khor ba'i rgya mtshor bying ba/ srog gcod pa'i dbang gis nalus dang / ngag dang / yid kyi sdig pa mi dge ba'i las bdag kyang byed la/ gzhan yang byed du 'jug cing / mthong ba dang thos pa'i rjes su yi rang ba las byung ba'i nyon mongs pa'i sgrib pa dang / sems kyi sgrib pa dang / chos kyi sgrib pa dang / tshe'i sgrib pas bsgribs par gyur to// 'di ltar srog gcod pa yongs su spangs pa'i 'khor los de dag lhag ma ma lus par yongs su bcom zhing
- 145b
ba rnyil bas rnam par smin pa'i 'bras bu mi myong bar byed do/ / lus 'di nyid la yang lha dang mi la sogs pa kun dga' zhing yid du 'ong ba dang / dogs pa mi skye ba dang / lus dang sems rab tu bde zhing yun ring du 'tsho bar 'gyur ro/ / 'chi 'pho ba'i dus byed pa na yang lus dang sems la sdug bsngal gyis mi gdung zhing yid du 'ong ba'i bu dang / rlung ma dang / 'khor thams cad kyis yongs su bskor bas 'chi'i pho ba'i dus byed kyi/ shin tu 'jigs pa'i gshin rje'i pho nya mthong bar mi 'gyur ro// gzhan yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang 'phrad de/ lus dang sems rab tu dga' ba dang / de la bkur sti dang bcas par shin tu dad pa skye bar 'gyur ro// yang tshe 'phos nas kyang phyir mi'i nang du skyes te/ dbang po yongs su rdzogs shing yan lag dang ldan pa dang / gang nas gang du skyes par nad med pa dang / tshe ring ba dang / byad gzugs bzang ba dang / ying gzhungs pa dang / rab tu bde zhing skyed pa dang / gzhan yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob pa dang / srog gcod pa yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang /
- 146a
byang chub sems dpa'i smon lam dang / spyod pa thams cad la rim gyis gzhol zhing / shin tu yangs pa'i ye shes kyi rgya mtsho la 'jug pa nas/ bla na med pa'i byang chub thob pa'i bar du 'gyur ro/ / sangs rgyas kyi zhing mtshon cha med pa dang / dgra dang 'tshe ba'i mang mi zag pa dang / 'jigs pa thams cad dang bral te/ rab tu bde zhing sbrid pa dang / nad med pa dang / tshe ring ba'i zhing du sems can dag skye bar 'gyur ro/ / de bzhin gshegs pa'i tsher tshad kyang dpag tu med de/ sems cad dag cis 'dul ba bzhin du dam pa'i chos ston to// yongs su mya ngan las 'das nas kyang / dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po srog gcod pa yongs su spangs pa'i 'khor lo ste dang po'o/ / byang chub sems dpa' sems dpa' chen po 'khor lo de dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par gyur ro/ / rang sangs rgyas kyis theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro// dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas
- 146b
chos kyi snod ngam chos kyi snod ma yin pa yang rung / chung ngu na chos gos kyi tshal bu gyon cing / skra dang kha spu bregs pa la 'khrul pa med par 'gyur ro// theg pa chen po'i chos la gong nas gong du bar zhi / phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang 'phrad cing rjes su 'gro ba dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyi sems mi ngoms par 'gyur te/ 'bras bu gzhan thob pa yang ji ltar rgyas par bshad pa bzhin no// rigs kyi dubu gzhan yang byang chub sems dpa' sems dpa' chen po gang nam 'tshe ba'i bar du ma byin par len pa yongs su spangs na/ de nyid sems can thams cad la mi 'jigs pa sbyin pa yin te/ yongs su gdung ba med pa dang / 'tshe ba med pa dang / bdag nyid tshul bzhin du rnyed pa'i nor gyis chog shes par gnas kyi/ chos ma yin pa'i nor dang khe la re ba med pa de'i dbang gis dge ba'i rtsa ba
- 147a
thams cad kyang yongs su rdzogs par 'gyur ro/ / thog ma med pa'i mtha' nas rgyud lngar 'khor zhing 'khor ba'i rgya mtshor bying bar 'gyur ba yang ma byin par len pa'i dbang gis lus dang / ngag dang / yid mi dge ba'i las rnams bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba'i nyon mongs pa'i sgrib pa dang // sems kyi sgrib pa dang / chos kyi sgrib pa dang / rin po che dang nor la sgrib pas bsgribs par gyur to// 'di ltar ma byin par len pa yongs su spangs pa'i 'khor los lhag ma ma lus par yongs su bcom pas rnam par smin pa'i 'bras bu mi myong ste/ lus 'di nyid la'ang lha dang mi la sogs pa kun dga' zhing / yid du 'ong bas dogs pa mi skye ba dang / lus dang sems rab tu bde ba dang / nor rin po che thams cad dang ldan par 'gyur ro/ / nam 'chi 'pho ba'i dus byed pa na yang lus dang sems la sdug bsngal gyis mi gdung zhing yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed kyi/ shin tu 'jigs pa'i gshin rje'i phonya mthong bar mi 'gyur ro// gzhan yid du 'ong ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / de la bkur sti dang bcas pas dad pa skye bar 'gyur ro// tshe 'phos nas kyang phyir mi'i nang du
- 147b
skyes te/ dbang po yongs su rdzogs shing yan lag dang ldan pa dang / gang nas gang du skyes par longs spyod chen po dang ldan zhing byadang gzugs bzang ba dang / yid gzungs pa dang / rA bde zhing skyid pa dang / 'jigs pa lnga dang / nor thun mong du mi 'gyur ro// phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob cing ma byin par len pa yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim gyi sa gzhol ba dang / shin tu yangs pa'i ye shes kyi rgya mtsho la 'jug pa nas/ bla na med pa'i byang chub kyi bar du 'thob par 'gyur ro// yang sangs rgyas kyi zhing rin po che rnam pa sna tshogs kyis brgyan pa dang / rin po che'i shing dang / rin po che'i rdzing dang / rin po che'i gzhal med khang la sogs pas yongs su gang ba dang / bdag dang bdag gir 'dzin pa dang bral ba/ rgyan thams cad kyis bkod pa dang ldan pa'i zhing der sems can dag skye bar 'gyur ro/ / de bzhin gshegs pa'i tshe'i tshad kyang dpag tu med de/ sems can dag cing 'dul ba bzhin du dam pa'i chos ston to// yongs su mya ngan las 'das nas kyang / dam pa'i chos yun ring du gnas
- 148a
shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen pos ma byin par len pa yongs su spangs pa'i 'khor lo gnyis pa'o/ / byang chub sems dpa' sems dpa' chen po 'khor lo 'di dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro/ / rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro/ / dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa yang rung / chung ngu na chos gos kyi tshal bu gyon cing / sgra dang kha spu bregs pa la 'khrul pa med par 'gyur/ theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang 'phrang cing / de'i rjes su 'gro ba dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang /
- 148b
dge 'dun la mchod pa dang bsnyen bkur byed pa dang mi 'bral ba dang dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu thob pa dag kyang ji ltar bshad pa bzhin no// rigs kyi bu gzhan yang byang chub sems dpa' sems dpa' chen po gang nam 'tshe ba'i bar du 'dod pas log par g.yem pa yongs su spangs na/ de nyid sems can thams cad 'dod pa'i klung gis g.yengs pa las 'jigs pa med pa/ phrag dog med pa/ 'tshe ba med pa/ yongs su gdung ba med pa/ 'khrug pa med pa'i sbyin pa yin te/ bdag gi chung mas chog shes shing / gzhan gyi chung ma la re ba med pas/ de'i dbang gis dge ba'i rtsa ba thams cad yongs su rdzogs par 'gyur ro// thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang 'dod pas log par g.yem pa'i dbang gis lus dang / ngag dang / yid mi dge ba'i las bdag kyang byed la/ gzhan yang byed du 'jug cing / mthong ba dang thos pa'i rjes su yi rang ba las byung ba'i nyon mongs pa'i slob pa dang / sems kyi sgrib pa dang / chos kyi sgrib pa dang / chung ma'i sgrib pas bsgribs par gyur to// 'di ltar 'dod pas log par g.yem pa yongs su spangs pa'i 'khor los lhag ma ma lus par bcom pas/ rnam par smin pa'i 'bras bu mi len te/ lus 'di nyid la yang lha dang mi la sogs pa kun dga' zhing yid du 'ong bas dogs pa mi skye ba dang /
- 149a
lus dang sems rab tu bde ba dang / chung ma lhod pa dang bcas pa ma yin par 'gyur ro// 'chi 'pho ba'i dus byed pa na yang lus dang sems la sdug bsngal gyis mi gdungs shing/ yid du 'ong ba'i bu dang / chung ma dang / 'khor thams cad kyis yongs su bskor bsa'i pho ba'i dus byed par 'gyur gyi/ shin tu 'jigs pa'i gshin rje'i pho nya ni mthong bar mo 'gyur ro// gzhan yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / de la bkur sti dang bcas pas shin tu dad pa skye bar 'gyur ro/ / tshe 'phos nas kyang phyir mi'i nang du skyes te/ dbang po yongs su rdzogs shing yan lag dang ldan pa dang / gang dang gang du skyes par 'khor phun sum mtshogs pa dang / byang gzugs bzang ba dang / yid bzhungs pa dang / rab tu bde zhing spyod pa dang / phyir yang shin tu 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob cing 'dod pas log par g.yem pa yongs su spong ba dang / sdig pa mi dge ba'i chos thams cad yongs su spong ba dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad rtsol ba dang / byang chub sems dpa'i smon lam dang / spyod pa thams cad la rim gyis gzhol zhing shin tu
- 149b
yangs pa'i ye shes kyi rgya mtsho la 'jug pa nas/ bla na med pa'i byang chub 'thob pa'i bar du 'gyur ro// sangs rgyas kyi zhing bud med med pa dang / 'dod chags dang / g.yeng ba med pa/ tshangs par spong pa mchog dang ldan pa'i sems can dag zhing der skyes te/ de dag thams cad rdzas te ste'i/ mi gtsang ba'i mngal nas skye ba ni ma yin no// de bzhin gshegs pa'i tshe'i tshad kyang dpag tu med de/ se mos can dag la cis 'dul ba bzhin du dam pa'i chos ston to/ / yongs su mya ngan las 'das nas kyang dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro/ / rigs kyi bu 'di ni byang chub sems dpa' sems dpa' chen po 'dod pas log par g.yem pa yongs su spangs pa'i 'khor lo gsum pa'o// byang chub sems dpa' sems dpa' chen po 'khor lo 'di dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro// rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro/ / dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa yang rung /
- 150a
chung ngu na chos gos kyi tshal bu gyon cing / skra dang kha spu bregs pa la 'khrul ba med par 'gyur/ theg pa chen po'i chos la gong nas gong du 'bar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang dur gyur zhing / phyir mi ldog pa dang / rtag tu dge ba'i bshes gnyen dang phrad cing rjes su 'thun par 'gyur ba dang / rtag tu sangs rgyas mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba/ dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems ma ngoms pa dang / 'bras bu gzhan dag thob pa yang ji ltar bshad pa bzhin no// rigs kyi bu gzhan yang byang chub sems dpa' sems dpa' chen po gang nam 'o tsho ba'i bar du brdzun du smra ba yongs su spangs na/ sems can thams cad kyis rtag tu bkur ba dang / tshig gtsigs pa tshad mar 'gyur ba dang / tshig kun nyan cing gus pa dang dogs pa mi skye bar 'gyur te/ de'i dbang gis dge ba'i rtsa ba yongs su rdzogs par 'gyur ro/ / thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang / rdzun du smra ba'i dbang gis lus dang / ngag dang / yid kyis
- 150b
sdig pa mi dge ba'i las bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba'i nyon mongs pa'i sgrib pa dang / sems kyi sgrib pa dang / chos kyi sgrib pa dang / tshig gtsigs pa la sgrib pas bsgribs par 'gyur ro// 'di ltar brdzun du smra ba yongs su spangs pa'i 'khor los lhag ma ma lus par yongs su bcom pas rnam par smin pa'i 'bras bu mi len par 'gyur ro// lus 'di nyid la lha dang mi la sogs pa kun dga' zhing yid du 'ong ba dang / dogs pa mi skye ba dang / lus dang sems rab tu bde ba dang / tshig tu smra ba thams cad la gzhan yid ches shing nyan par 'gyur ro// 'chi 'bo ba'i dus byed pa na yang lus dang sems la sdug bsngal gyis mi gdung zhing / yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed kyi/ shin tu 'jigs pa'i gshin rje'i pho nya ni mthong bar mi 'gyur ro/ / gzhan yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / de la bkur sti dang bcas pas shin tu dad pa skye bar 'gyur ro// tshe 'phos nas kyang phyir mi'i lus su skye zhing dbang po yongs su rdzogs pa yan lag dang ldan pa dang / gang nas gang du skyes par tshig gtsigs pa dang / byang gzugs bzangs pa dang / yid gzhungs pa dang / rab tu bde zhing skyid pa dang / yid du 'ong ba'i dge ba'i bshes gnyen chos kyi sa dul ba/
- 151a
tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su skyob pa dang / brdzun du smra ba yongs su sbyangs pa dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim gyis gzhol ba dang / shin du yangs pa'i ye shes kyi rgya mtsho la 'jug pa nas/ bla na med pa'i byang chub 'thob pa'i bar du 'gyur ro// sangs rgyas kyi zhing thams cad bden par smra ba/ spyo dang bral ba/ lha'i gsung gis yongs su brgyan pa dang / slu ba med cing sems kyi spyod pa drang ba dang / yang dag pa spyod pa rnam par dkar ba'i chos 'ba' zhig la spyod pa/ lha'i gos bsung can gyon pa/ rin po rmi'i rgyan gyis bkod pa'i sems can dag zhing der skye bar 'gyur ro/ / de bzhin gshegs pa'i tshe'i tshad kyang dpag tu med de/ sems can dag cis 'dul ba bzhin du chos ston to// yongs su mya ngan las 'das nas kyang dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po'i brdzun du smra ba yongs su spangs pa'i 'khor lo bzhi pa'o// / byang chub sems dpa' sems dpa' chen po 'khor lo 'di dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med
- 151b
par 'gyur ro/ / rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro/ / dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa yang rung / chung ngu na chos gos kyi tshul bu gyon cing / skra dang kha spu bregs pa la 'khrul pa med par 'gyur/ theg pa chen po'i chos la gong nas gong du 'phar zhing phyir mi ldog par 'gyur ba dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang 'phrad cing / de'i rjes su 'gro ba dang / rtag tu sangs rgyas mthong ba dang mi 'bral zhing / byang chub sems dpa' dang / nyan thos kyi nye gnas// mthong ba dang mi 'bral ba dang / chos thos pa dang mi 'bral ba dang / dge 'dun la mched pa dang bsnyen bkur byed pa dang mi 'bral ba dang / dge ba'i rtsa ba thams cad shin tu tshol ba la brtson pas sems mingoms pa dang / byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan thob pa yang ji ltar bshad pa bzhin no// rigs kyi bu gzhan yang byang chub
- 152a
sems dpa' sems dpa' chen po gang nam 'tshe ba'i bar du phra ma yongs su spangs na/ sems can thams cad kyis rtag tu bkur zhing bla mar byed pa dang / tshig tu smra ba thams cad gzhan gyis mnyan pa dang / 'dum pa dang / dogs pa mi skye bar 'gyur te/ de'i dbang gis dge ba'i rtsa ba yongs su rdzogs par 'gyur ro// thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang phra ma byas pa'i dbang gis lus dang / ngag dang / yid kyi mi dge ba'i las bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba nyon mongs pa'i sgrib pa dang / sems kyi sgrib pa dang / chos kyi sgrib pa dang / 'dum pa la sgrib pas bsgribs par 'gyur ro// 'di ltar phra ma'i tshig yongs su spangs pa'i 'khor los lhag ma ma lus par yongs su bcom pas rnam par smin pa'i 'bras bu mi len par byed do/ / lus 'di nyid la yang lha dang mi la sogs pa kun dga' zhing / yid du 'ong ba dang / dogs pa mi skye ba dang / lus dang sems rab tu bde ba dang / tshig tu smra bar thams cad la nyan cing 'dum par 'gyur ro// 'chi 'pho ba'i dus byed pa na yang lus dang sems la sdug bsngal gyis mi gdung zhing / yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro// yid du 'ong ba'i dge ba'i bshes gnyen chos kyis dul ba
- 152b
tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / bkur sti dang bcas pas shin tu dad bskye bar 'gyur/ tshe 'phos nas kyang phyir mi'i nang du skyes te/ dbang po yongs su rdzogs shing yan lag dang ldan pa dang / gang nas gang du skyes par smra ba'i tshig 'jam zhing 'dum pa dang / byad gzugs bzang ba dang / yid gzhungs pa dang / rab tu bde zhing skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob pa dang / phra ma'i tshig dang yongs su bral bas/ sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad la rim gyis gzhol cing / ye shes kyi rgya mtsho la 'jug pa nas/ bla na med pa'i byang chub thob pa'i bar du 'gyur ro// sangs rgyas kyi zhing shin tu brtan pa/ sra ba/ mi shigs pa dang / lha rdzas bzang pos yongs su brgyan par 'gyur ba dang / 'thun pa/ mi rtsod pa/ shin tu dul zhing 'dum pa/ dge ba'i chos tshol ba'i sems can dag zhing der skye bar 'gyur ro/ / rtag tu 'dum zhing gus pas dam pa'i chos nyan pa dang / de bzhin gshegs pa'i tshe'i tshad kyang dpag tu med de/ sems can dag ci dang cis 'dul ba bzhin du dam pa'i chos ston
- 153a
to/ / yongs su mya ngan las 'das nas kyang dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po phra ma yongs su spangs pa'i 'khor lo lnga pa'o/ / byang chub sems dpa' sems dpa' chen po 'khor lo 'di dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro// rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro/ / theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro// dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod ngam/ chos kyi snod ma yin pa'ang rung / chung ngu na chos gos kyi tshal bu gyon cing / skra dang kha spu bregs pa la 'khrul pa med par 'gyur theg pa chen po'i chos la gong nas gong du 'bar zhing phyir mi ldeg pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang phrad cing / de'i rjes su 'gro ba dang / rtag tu sangs rgyas mthong ba dang mi
- 153b
'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spong ba dang / smon lam rnam pa sna tshogs kyis sems mi ngoms par 'gyur te/ 'bras bu gzhan thob pa yang ji skad bshad pa bzhin no/ / rigs kyi bu gzhan yang byang chub sems dpa' sems dpa' chen po gang nam 'tsho ba'i bar du zhe gcod pa'i tshig thams cad yongs su spangs na/ sems can thams cad kyis bkur zhing bla mar byed pa dang / tshig tu smra ba kun la pha rol po kun dga' zhing nyan pas dogs pa med par 'gyur te/ de'i dbang gis dge ba'i rtsa ba thams cad yongs su rdzogs par 'gyur ro// thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang zhe gcod pa'i tshig gi dbang gis lus dang / ngag dang / yid mi dge ba'i las bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba/ nyon mongs pa'i sgrib pa dang / sems kyi sgrib pa dang / chos kyi sgrib pa dang / shin tu 'dum pa la sgrib pas bsgribs par 'gyur ro// 'di ltar zhe gcod pa'i tshig yongs su spangs pa'i 'khor les lhag ma ma lus par yongs su bcom pa'i dbang gis rnam par smin pa'i 'bras bu yongs su mi len te/ lus 'di nyid la yang lha dang mi la sogs pa
- 154a
kun dga' bas dogs pa mi skye ba dang / lus dang sems rab tu bde ba dang / tshig tu smra ba thams cad pha rol gyi yid du 'ong ba dang snyan par 'gyur ro// nam 'chi 'pho ba'i dus byed pa na yang lus dang sems la sdug bsngal gyis mi gdung zhing / nyon mi mongs pa dang / yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jig/ pa'i gshin rje'i pho nya mthong bar mi 'gyur ro// yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / de la bkur sti dang bcas pas shin tu dad pa skye bar 'gyur ro// tshe 'phos nas kyang phyir mi'i nang du skyes te/ dbang po yongs su rdzogs shing yan lag dang ldan pa dang / gang nas gang du skyes par tshig 'jam por smra ba dang / byang gzugs bzang ba dang / yid gzhungs pa dang / rab tu bde zhing skyid pa dang / phyir yang yod du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob pa dang / zhe gcod pa'i tshig yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spyod pa thams cad rim gyis gzhol zhing / shin
- 154b
tu yangs pa'i ye shes kyi rgya mtsho la 'jug pa nas/ bla na med pa'i byang chub kyi bar du 'thob pa dang / sangs rgyas kyi zhing na yid du mi 'ong ba'i sgra thams cad dang bral te/ yid du 'ong ba'i sgra dbyangs spyan// pa rnam pa sna tshogs dang / chos kyi sgras zhing de yongs su gang ba dang / dran pa dang blo gros su ldan pa tshangs pa'i dbyangs shin tu dul ba'i sems can dag zhing der skye ba dang / rtag tu chog 'jam pas gcig la gcig bskul bar 'gyur ro/ / de bzhin gshegs pa'i tshe'i tshad kyang dpag tu med de/ sems can dag cis 'dul ba bzhin chos ston pa dang / yongs su mya ngan las 'das nas kyang dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po zhe gcod pa'i tshig yongs su spangs pa'i 'khor lo drug pa'o/ / byang chub sems dpa' sems dpa' chen po 'khor lo 'di dang ldan pas/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro/ / rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur// theg pachen po'i gang zag la 'khrul pa med par 'gyur ro/ / dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos
- 155a
kyi snod ma yin pa yang rung / rlung ngun chos gos kyi tshal bu gyon cing / skra dang kha spu bregs pa la 'khrul pa med par 'gyur/ theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzugs dang / bzod pa dang / sa rnams thams cad la dbang du 'gyur zhing // phyir mi ldog pa dang / rtag tu dge ba'i bshes gnyen dang phrad cing / rjes su 'gro bar 'a gyur pa dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan thob pa yang ji skad bshad pa bzhin no// rigs kyi bu gzhan yang byang chub sems dpa' sems dpa' chen po gang nam 'tsho ba'i bar du tshig bkyal pa yongs su spangs pas/ sems can thams cad kyis bkur zhing bla mar byed pa dang / tshig tu smra ba thams cad don du 'gyur zhing / tshig thos pa'i rnams nyan cing gus pas dogs pa med par 'gyur ro// de'i dbang gis dge ba'i rtsa ba thams cad yongs su rdzogs par 'gyur ro// thog ma med/
- 155b
pa'i mtha' nas rgyud lngar 'khor bar 'khor ba'i rgya mtshos dbying ba yang tshig bkyal pa smra ba'i dbang gis lus dang / ngag dang / yid mi dge ba'i las bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba/ nyon mongs pa'i sgrib pa dang / sems kyi sgrib pa dang / chos kyi sgrib pa dang / don du smra ba la sgrib pas bsgribs par gyur to// 'di ltar tshig bkyil pa yongs su spangs pa'i 'khor los lhag ma ma lus par yongs su bcom pas/ rnam par smin pa'i 'bras bu mi len par byed do// lus 'di nyid la lha dang mi la sogs pa kun dgara' zhing yid du 'ong bas dogs pa med par 'gyur ba dang / lus dang sems rab tu bde ba dang / tshig tu smra ba thams cad don du 'gyur ba dang / 'chi 'pho ba'i dus byed pa na yang lus dang sems la sdug bsngal gyis mi gdung zhing yid du 'ong ba'i bu dang / chung ma dang / 'khor gyi yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro// yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / de la bkur sti dang bcas pas shin tu dad pa skye bar 'gyur ro// tshe 'phos nas kyang phyir ming nang du skye zhing / dbang po yongs su rdzogs pa/ yan lag dang ldan pa dang / gang nas gang du skyes par phan pa dang don du 'gyur ba'i tshig smra ba dang / byad gzugs bzang ba dang / yid gzhungs pa dang
- 156a
rab tu bde zhing skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de de'i rjes su slob pa dang / tshig bkyal par smra ba yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang theg pa chen po'i chos kyi rnam grangs thams cad tshol ba dang / byang chub sems ngaba'i smon lam dang / spyod pa thams cad la rim gyis gzhol zhing / shin tu yangs pa'i ye shes kyi rgya mtsho la 'jug pa nas bla na med pa'i byang chub 'thob pa'i bar du 'gyur ro/ / sangs rgyas kyi zhing don med pa'i tshig thams cad dang bral te/ byang chub sems dpa'i sde snod du gtogs pa chos chen po'i sgra mchog dam pa rnam pa mang pos zhing de yongs su khyab pa dang / dpag tu med pa'i smon lam dang / ye shes dam pa phun sum tshogs pas chos kyi don rnam pa sna tshogs 'chad pa la mkhas pa'i sems can de lta bu dag zhing der skye bar 'gyur ro/ / de bzhin gshegs pa'i tshe'i tshad kyang dpag tu med de/ sems can dag ces 'dul ba bzhin du dam pa'i chos ston to// yongs su mya ngan las 'das nas kyang dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po tshig bkyal pa yongs su spangs pa'i 'khor lo bdun pa'o//
- 156b
byang chub sems dpa' sems dpa' chen po 'khor lo 'di dang ldan pas/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur/ ro// rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro/ / dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa yang rung / chung ngu na chos gos kyi tshal bu gyon cing / sgra dang kha spu bregs pa la 'khrul pa med par 'gyur/ theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang phrad cing / de'i rjes su 'gro ba dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa
- 157a
sna tshogs kyi sems mi ngoms par 'gyur te/ 'bras bu gzhan thob pa yang ji skad bshad pa bzhin no// rigs kyi bu gzhan yang byang chub sems dpa' sems dpa' chen po gang nam 'tsho ba'i bar du chags sems yongs su spangs na/ sems can thams cad kyis bkur zhing btsun par byed pa dang / sems rnam par dag cing rnyog pa dang bral te/ de'i dbang gis dge ba'i rtsa ba thams cad yongs su rdzogs par 'gyur ro/ / thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang chags sems kyi dbang gis lus dang / ngag dang / yid kyi sdig pa mi dge ba'i las bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba/ nyon mongs pa'i sgrib pa dang / sems kyi sgrib pa dang / chos kyi sgrib pa dang / 'dod sems med pa la sgrib pas bsgribs par 'gyur ro/ / 'dod sems yongs su spongs pa'i 'khor los lhag ma ma lus par yongs su bcom pas/ rnam par smin pa'i 'bras bu yongs su mi len te/ lus 'di nyid la'ang lha dang mi la sogs pa kun dga' zhing yid du 'ong ba dang / dogs pa med par 'gyur pa dang / lus dang sems rab tu badre ba dang / sems rnam par dag cing rnyog pa dang bral bar 'gyur ro// 'chi 'pho ba'i dus byed pa na yang lus dang sems la sdug bsngal gyis mi gdung ba dang / yid du 'ong ba'i bu dang / chung ma dang / 'khor gyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho'
- 157b
mthong bar mi 'gyur ro/ / yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab du dga' ba dang / de la bkur sti dang bcas pas shin tu dad pa skye bar 'gyur ro// tshe 'phos nas kyang phyir mi'i nang du skye zhing / dbang po yongs su rdzogs pa yan lag dang ldan pa dang / gang nas gang du skyes par sems rnam par dag cing rnyog pa med pa dang / byang gzugs bzang ba dang / yid bzhungs pa dang / rab tu bde zhing skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su slob pa dang / chags sems yongs su spong ba dang / mi dge ba'i chos yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang / spong ba thams cad la rim gyis gzhol zhing / shin tu langs pa'i ye shes kyi rgya mtsho la 'jug pa nas/ bla ni med pa'i byang chub 'thob pa'i bar du 'gyur ro// sangs rgyas kyi zhing lag mthil bzhin du mnyam lo// rin po che rnam pa mang pos yongs su gang ba dang / rin po che'i shing rnam pa sna tshogs dkrigs pa dang / rin po che'i gos dang / rin po che'i rgyan gyi yo byad dang / rin po che'i rgyal mtshan dang / ba dan dang / gdugs dang / gser gdul dang / mu tig gi dra ba dang / shing la sogs pas yongs su gang ba dang /
- 158a
shin tu yid du 'ong zhing blta na sdug pa/ nga rgyal yongs su spangs pa/ byang gzugs shin tu mdzes pa/ dbang po ma nyams pa/ sems mnyam pa'i sems can dag zhing der skye bar 'gyur te/ chags sems med pa'i nan tan phun sum tshogs pas brgyan par 'gyur ro// de bzhin gshegs pa'i tshe'i tshad kyang dpag tu med de/ sems can dag ces 'dul ba bzhin du dam pa'i chos ston to/ / yongs su mya ngan las 'das nas kyang / dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po rgyags sems yongs su spangs pa'i 'khor lo brgyad pa'o/ / byang chub sems dpa' sems dpa' chen po 'khor lo 'di dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro// rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa/ med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par 'gyur ro// dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nya gnas chos kyi snang ngam/ chos kyi snod ma yin pa yang rung / chung ngun chos gos kyi tshal bu gyon cing / skra dang kha spu bregs pa la 'khrul pa med par 'gyur/
- 158b
theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams/ thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang phrad cing / de'i rjes su 'thun par 'gyur ba dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad / chotshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan dag thob pa yang ji skad bshad pa bzhin no// / 'dus pa chen po las 'phags pa byang chub sems dpa' sa'i snying po'i 'khor lo bcu pa zhes bya ba theg pa chen po'i mdo bam po dgu pa/ rigs kyi bu gzhan yang byang chub sems dpa' sems dpa' chen po gang nam 'tsho ba'i bar du gnod sems yongs su spangs na/ sems can thams cad kyis bkur zhing bla mar byed pa dang / sems rnam par dag pa dang / dri ma dang bral bar 'gyur te/ de'i dbang gis dge ba'i rtsa ba thams cad yongs su rdzogs par 'gyur ro// thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang gnod sems kyi dbang
- 159a
gis lus dang / ngag dang / yid sdig pa mi dge ba'i lus bdag kyang byed la/ gzhan yang byed du 'dzud cing / mthong ba dang thos pa'i rjes su yi rang ba las byung ba/ nyon mongs pa'i sgrib pa dang / sems kyi sgrib pa dang / chos kyi sgrib pa dang / gnod sems byed pa la sgrib pas bsgribs par gyur to// 'di ltar gnod sems yongs su spangs pa'i 'khor los lhag ma ma lus par yongs su bcom pas/ rnam par smin pa'i 'bras bu yongs su mi len te/ lus 'di nyid la yang lha dang mi la sogs pa kun dga' zhing yid du 'ong ba dang / dogs par mi 'gyur pa dang / sems rnam par dag pa dang / dri ma dang bral bar 'gyur ro// 'chi 'pho ba'i dus byed pa na yang lus dang sems la sdug bsngal gyis mi gdungs shing yid du 'ong ba'i bu dang / chung ma dang / 'khor thams cad kyis yong su bskor bas 'chi 'pho ba'i dus byed par la gyur gyi/ shin tu 'jigs pa'i gshin rje'i pho nya mthong bar mi 'gyur ro// yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de// lus dang sems rab tu dga' ba dang / de la bkur sti dang bcas pas shin tu dad pa skye bar 'gyur ro// tshe 'phos nas kyang phyir mi'i nang du skye zhing dbang po yongs su rdzogs pa/ yan lag dang ldan pa dang / gang nas gang du skyes par sems rnam par dag cing dri ma dang bral ba dang / byang gzugs bzang ba dang / yid gzhungs pa dang / rab tu bde zhing skyid pa
- 159b
dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su 'thun par slob pa dang / gnod sems yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad rtsol ba dang / byang chub sems dpa'i smon lam dang / spyod pa thams cad la rim gyis gzhol zhing / shin tu yangs pa'i ye shes kyi rgya mtsho la 'jug ba nas/ bla na med pa'i byang chub 'thob pa'i bar du 'gyur ro// sangs rgyas kyi zhing rnyog pa dang / sme ba dang / sprin dang / khug rlangs dang / rdul dang / dri ma dang / mi sdug pa/ mi mdzes pa thams cad dang bral te/ rin po che mang pos shin tu brgyan pa/ yid du 'ong ba dang nga rgyal dang bral ba/ gzugs mdzes shing sdug pa/ dbang po ma nyams pa/ sems rtag tu zhi ba'o sems can dag zhing der skye ste/ byams pa dang / snying rje dang / yon tan phun sum tshogs pas brgyan par 'gyur ro/ / de bzhin gshegs pa'i tshe'i tshad kyang du bag tu med de/ sems can dag cis 'dul ba bzhin du dam pa'i chos ston to// yongs su mya ngan las 'das nas kyang dam pa'i chos yun ring du gnas shing / sems can tshad med pa la phan pa dang bde ba'i don byed par 'gyur ro// rigs kyi bu 'di ni byang chub sems dpa' sems dpa' chen po gnod sems yongs su spangs pa'i 'khor lo dgu
- 160a
pa'o/ / byang chub sems dpa' sems dpa' chen po 'khor lo 'di dang ldan na/ nyan thos kyi theg pa la 'khrul pa med par 'gyur/ nyan thos kyi theg pa'i// gang zag la 'khrul pa med par 'gyur ro// rang sangs rgyas kyi theg pa la 'khrul pa med par 'gyur// rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrug pa med par 'gyur/ theg pa chen po'i gang zag la 'khrul pa med par 'gyur ro// dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa yang rung / rlung ngun chos gos kyi tshal bu gyon cing / sgra dang kha spu bregs pa la 'khrul pa med par 'gyur/ theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang 'phrad cing / de'i rjes su slob pa dang / rtag tu sangs rgyas thams cad mthong ba dang mi 'bral zhing / byang chub sems dpa' dang nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams
- 160b
cad tshol ba la brtson pas sems mi ngoms pa dang / byang chub kyi spod pa dang / smon lam rnam pa sna tshogs kyis sems mi ngoms par 'gyur te/ 'bras bu gzhan dag thob pa yang ji skad bshad pa bzhin no/ / rigs kyi bu gzhan yang byang chub sems dpo' sems dpa' chen po gang nam 'tshe ba'i bar du log par lta ba yongs su spangs na/ sems can thams cad kyis bkur zhing bla mar byed pa dang / sems rnam par dag cing log par rtog pa dang bral bar 'gyur te/ de'i dbang gis dge ba'i rtsa ba thams cad yongs su rdzogs par 'gyur ro// thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang log par lta ba'i dbang gis lus dang / ngag dang / yid sdig pa mi dge ba'i las bdag kyang byed la/ gzhan yang byed du 'dzud cing // mthong ba/ dang thos pa'i rjes su yi rang ba las byung ba/ nyon mongs pa'i sgrib pa dang / sems kyi sgrib pa dang / chos gyi sgrib pa dang / yang dag par lta ba la sgrib pas bsgribs par gyur to// 'di ltar log/ par lta ba yongs su spangs pa'i 'khor los lhag ma ma lus bcom pas/ rnam par smin pa'i 'bras bu yongs su mi len te/ lus 'di nyid la yang lha dang mi la sogs pa kun dga' zhing yid du 'ong ba dang / dogs pa med par 'gyur ba dang / lus dang sems rab tu bde ba dang / sems rnam par dag cing log par lta ba dang bral bar 'gyur ro// 'chi 'pho ba'i dus byed pa na yang lus dang sems la
- 161a
sdug bsngal gyis mi gdungs shing / yid du 'ong ba'i bu dang / rlung ma dang / 'khor thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro/ / yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ lus dang sems rab tu dga' ba dang / bkur sti dang bcas pas dad pa skye bar 'gyur ro// tshe 'phos nas kyang phyir me'i nang du skye zhing dbang po yongs su rdzogs pa/ yan lag dang ldan pa dang / gang nas gang du skyes par sems rnam par dag cing / log par lta ba dang bral ba dang / byad gzugs bzang ba dang / yid gzhungs pa dang / rab tu bde zhing skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de/ de'i rjes su 'thun par slob pa dang / log par lta ba'i chos yongs su spong ba dang / sdig pa mi dge ba'i chos thams cad yongs su gcod pa dang / dge ba'i chos khyad par can thams cad yongs su rdzogs pa dang / theg pa rlan pa'i chos kyi rnam grangs thams cad tshol ba dang / byang chub sems dpa'i smon lam dang spyod pa thams cad la rim gyis gzhol zhing / shin tu yangs pa'i ye shes kyi rgya mtsho la 'jug pa nas/ bla na med pa'i byang chub 'thob pa'i bar du 'gyur ro// sangs rgyas kyi zhing nyan thos dang rang sangs rgyas kyi
- 161b
theg pa dang bral ba dang / lha'i bdud kyi 'khor lo thams cad dang bral ba dang / mu stegs can gyi 'khor thams cad dang bral ba dang / rin po che rnam pa sna tshogs kyis brgyan cing shin tu mdzes pa dang / yang dag par lta ba dang ldan zhing / ngo mtshar dang / bkra shis dang / tshul ngan pa'i lta ba sna tshogs dang / rtag par lta ba dang / chud par lta ba dang / bdag dang bdag gis lta ba thams cad yongs su spangs pa'i sems can dag zhing der skyes te/ shin tu tshe ring ba dang / theg pa chen po'i ro gcig pa la longs spod bar 'gyur ba dang / de bzhin gshegs pa'i tshe'i tshad kyang dpag tu med de/ sems can dag cis 'dul ba bzhin du chos ston pa dang / yongs su mya ngan las 'das nas kyang dam pa'i chos yun ring du gnas shing // sems can tshad med pa la phan pa dang bde ba'i don du ro gcig pa'i chos bstan pa la rtsod pa med pas yongs su rgyas par byed cing / bgegs/ dadang bar chad med par 'gyur ro// rigs kyi bu 'di ni byang chub sems dpa' sems dpa' chen po log par lta ba yongs su spangs pa'i 'khor lo bcu pa'o// byang chub sems dpa' sems dpa' chen po 'khor lo rnam pa bcu po 'di dang ldan pas/ nyan thos kyi theg pa la 'khrul pa med par 'gyur/ nyan thos kyi theg pa'i gang zag la 'khrul pa med par 'gyur ro// rang sangs rgyas kyi theg pa la 'khrul pa med par 'gyur/ rang sangs rgyas kyi theg pa'i gang zag la 'khrul pa med par 'gyur ro// theg pa chen po la 'khrul pa med par 'gyur/ theg pa chen po'i gang zag la 'khrul pa med par
- 162a
'gyur ro/ / dkon mchog gsum gyi gdung yongs su 'phel ba dang / de bzhin gshegs pa'i bstan pa la rab tu byung ba'i nye gnas chos kyi snod dam/ chos kyi snod ma yin pa yang / rung / chung ngun chos gos kyi tshal bu gyon cing / sgra dang kha spu bregs pa la 'khrul pa med pa dang / theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang / sa rnams thams cad la dbang du 'gyur zhing / phyir mi ldog pa dang / rtag tu dge ba'i bshes gnyen dang phrad cing / rjes su slob pa dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam dang / pha rol tu phyin pa drug la sems mi ngoms par 'gyur te/ 'bras bu gzhan thob pa yang ji skad bshad pa bzhin no// rigs kyi bu byang chub sems dpa' sems dpa' chen po gang 'khor lo rnam pa bcu po de dag dang ldan na myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / de ci'i phyir zhe na/ snga ma 'das pa'i de bzhin gshegs pa dgra bcom pa yang dag par rdzogs pa'i/
- 162b
sangs rgyas thams cad kyang / mi dge ba bcu'i las yongs su spangs nas/ thams cad kyis dge ba bcu'i las kyi lam gyi 'bras bu bsngags shing bstod de/ sems can thams cad la bde ba dang phan pa'i don dang / byang chub kyi lam skye zhing 'phel bar bya ba dang / sems can thams cad kyi las dang nyon mongs pa'i sdug bsngal lhag ma ma lus par bsal bar bya ba dang / ngan song gsum bskam par bya ba dang / dkon mchog gsumo gyi gdung bsab par bya ba dang / khams gsum gyi srid pa yongs su gcad par bya ba dang / phung po dang / khams dang / skye mched gcad par bya ba dang / thams cad myur du 'jigs pa med pa'i mya ngan las 'das pa'i grong khyer du gzung ba'i phyir/ ji skad bshad pa bzhin du mi dge ba bcu'i las kyi 'bras bu yongs su spong ngo // de bas na rigs kyi bu gal te yang dag pa ji lta ba bzhin du dge ba bcu'i las kyi lam 'di ma bsgrubs pa mngon par 'tshang rgya ba 'am/ chung ngu na yang dag pa ji lta ba bzhin du dge ba bcu'i las kyi lam 'ga' tsam yang mi srung bar// dang ni theg pa chen po yang dag par spyod pa'o zhe 'am/ nga ni bla na med pa yang dag par rdzogs pa'i byang chub sgrub pa'o zhes zer na/ gang zag de ni shin tu brdzun par smra ba ste/ phyogs bcu'i sangs rgyas bcom ldan 'das kyi spyan sngar 'jig rten slu ba dang / 'dzem pa dang / ngo tsha ba med pa/ stong par smra zhing chad par lta ba/ glen pa/ slu ba can yin te/ de tshe 'phos nas ngan song du ltung bar
- 163a
shes par bya'o/ / rigs kyi bu gang tshig tu brjod pa tsam ram/ mnyan pa tsam gyis chog ste/ dge ba bcu'i las kyi lam bsgom pa 'am/ nan tan bya mi dgos par byang chub dang mya ngan las 'das pa 'thob tu zin na ni/ bskal pa gcig tsam la yud tsam thang cig gis/ phyogs bcu'i sangs rgyas kyi zhing thams cad kyi sa'i khams kyi rdul phra mo snyed kyi sems can thams cad byang chub tu mngon par 'tshang rgya ste/ mya ngan lnga 'da' bar 'gyur ba zhig na/ de ni de lta bu'i gnas med do// de ci'i phyir zhe na/ dge ba bcu'i las kyi lam ni theg pa chen po'i rtsa ba yin te/ byang chub kyi rgyu dang / mya ngan las 'da' ba'i them skas lta bu'o// rigs kyi bu gal te sems bskyed pa tsam mam/ smon lam btab pa tsam gyis chog ste/ dge ba bcu'i las kyi lam goms par nan tan bya/ mi dgos par/ byang chub dang yongs su mya ngan las 'das pa 'thob tu zin ni/ bskal pa gcig la yud tsam thang cig gis/ phyogs bcu'i sangs rgyas kyi zhing thams cad kyi sa'i khams kyi rdul phra mo snyed kyi sems can yang dag par rdzogs pa'i byang chub tu mngon par 'tshang rgya zhing / mya ngan las 'da' bar 'gyur ba zhig na// de ni de lta bu'i gnas med do// de ci'i phyir zhe na/ dge ba bcu'i las kyi lam ni 'jig rten dang 'jig rten las 'da' ba'i 'bras bu'i khyad par dang yon tan gyi rgyur 'gyur ro/ / rigs kyi bu gal te dge ba bcu'i las kyi lam la nan tan du ma byas na/ phyogs bcu'i sangs rgyas kyi zhing
- 163b
thams cad kyi rdul phra mo snyed kyi bskal par bdag ni theg pa chen po pa'o zhes zer te/ 'chad dam/ nyan tam/ sems bskyed dam/ smon lam btab kyang / byang chub dang mya ngan las 'da' ba thob par mi 'gyur la/ gzhan yang 'khor ba'i sdug bsngal las gdon mi nus so// rigs kyi bu dge ba bcu'i las kyi lam la nan tan byas pas/ 'jig rten na rgyal rigs dang / bram ze la sogs pa rigs chen po dang / rgyal chen ris bzhi'i lha nas/ 'du shes med min skye mched stengs kyi bar du yod pa dang / nyan thos kyi theg pa dang / rang sangs rgyas kyi theg pa dang / bla na med pa yang dag par rdzogs pa'i byang chub kyi bar du yang yod par 'gyur te/ de dag kun kyang dge ba bcu'i las kyi lam la nan tan byed pa'i khyad par dang bye brag las gyur to// de bas na rigs kyi bu gang myur du bla na med pa yang dag par rdzogs pa'i byang chub thob par 'dod na/ dge ba bcu'i las kyi lam la nan tan gyi rgyan gyis brgyan te/ mi dge ba bcu'i sdom pa la mi gnas na/ bla na med pa yang dag par rdzogs pa'i byang chub tu mngon par 'tshang rgya'o// gang myur du theg pa chen po'i spyod yul chung bar 'dod dam/ myur du bla na med pa yang dag par rdzogs pa'i byang chub thob par 'dod dam/ myur du dge ba'i chos thams cad yongs su rdzogs par 'dod na/ sngar dge ba bcu'i las kyi lam shin tu bsrung bar bya'o/ / de ci'i phyir zhe na/ dge ba bcu'i las kyi lam gyis ni dge ba'i chos thams cad dang / yon tan rnam par gzhag pa'i gzhi dang / 'jig rten dang 'jig rten
- 164a
las 'da' ba'i 'bras bu mchog thob par byed pa'i rgyu yin no/ / de bas na dge ba bcu'i las kyi lam la shin tu nan tan bya'o// de nas bcom ldan 'das kyis don 'di dag gsal bar bzlas pa'i phyir tshigs su gcad de gsungs pa/ srid pa'i sdug bsngal kun gcod cing // byang chub chen po 'thob 'dod pa/ dge bcu'i 'khor lo nan tan la/ le lo ma byed brtson par gyis theg pa gsum gyi dam chos dang / theg pa rnam gsum gang zag dang // rab tu byung ba thams cad la// 'khrul pa meng bar 'thob par 'gyur// theg chen spyod la dang mos shing // thams cad 'khor gyi dbugs 'byin pa'i/ / chos mchog rtogs nas zhing dag der// byang chub chen po myur du 'thob// gal te srog gcod yongs spangs na// kun gyis bku ro zhing bla mar byed// rtag tu nad med tshe yang ring // bde zhing skyed la gnod pa med// skye ba'i gnas ni thams cad du// sangs rgyas spyod yul lam la mos// sangs rgyas chos dang dge 'dun mthong // myur du bla med byang chub 'thob// ma byin len pa yongs spangs na/ / mkhas pas bkur zhing bla mar byed// 'dod chags skye zhi lam kun zhi// 'dod chags med pa skye bar 'gyur// skye ba kun tu longs spyod ldan// sbyin bdag chen por de 'gyur te// rin chen mang pos brgyan pa dang / / yid 'ongs sangs rgyas zhing yang 'thob// 'dod pas log g.yem yongs spangs na// nyon mongs dri ma zhi bor 'gyur// 'dod chags sred pa'i mtsho yang skems// rnam dag sangs rgyas
- 164b
zhing myur 'thob/ / sems can rnam pa mang po yang // 'dod pa'i radam las 'byin par 'gyur// theg chen la ni rab bkod nas// tshangs pa'i spyad pa spyong du btsud// rdzun du smra ba yongs spang na// 'phags pa'i dbang dang ye shes 'thob/ / rtag tu bden la smra bar dga'// brdzun du 'gyur ba'i sdug bsngal 'jil// tshig gcig tshad mar btsugs pas no// sangs rgyas chos dang dge 'dun mthong // brdzun mi smra ba bsgoms pas na/ / byang chub chen po myur du 'thob// phra ma'i chog smra yongs spangs na// dge ba'i chos kyi snod du 'gyur// sangs rgyas chos dang dge 'dun mthong // chad par lta bar yong mi 'gyur// 'phags pa'i chags med dga' ba dang // rin chen gter gyi gzungs 'thob cing // zab mo'i chos kyi rgya mtsho rig/ myur du bla med byang chub 'thob// gal te zhe gcod tshig spangs te// 'jam zhing // gnyen pa'i tshig smras na// sems can kun gyis bkur bar 'gyur// snga ma'i mi dge'i las kyang zhi// 'khor rnams rtag tu dga' ba dang // byang chub sems dpa'i ston par 'gyur// sangs rgyas mang po'i spyod yul shes/ / sa bcu las kyang 'da' bar 'gyur// bkyal par smra ba yongs spangs na// mkhas par bkur zhing bla mar byed// gzhan la tshig tu smra ba kun// yon tan rnam lnga 'thob par 'o gyur/ / rtag tu 'phags pa'i tshig nyan cing // 'phags pa'i lam tshol spro bar 'gyur// sangs rgyas rgya mtsho yongs rdzogs shing // thams cad mkhyen pa myur du 'thob// gal te
- 165a
chags sems yongs spangs te/ / 'phags pa rnams la mi smod cing // ngur smrig gyon la mchod pa byed// theg pa gsum gyi byang chub bsgrub// rtag tu rnam dag zhing du skye/ ston pa'i gnas su gnas par 'gyur// bla med theg pa la zhon te// rgyal ba'i ye shes myur du 'thob// gal te gnod sems yongs spangs te// gcig tu byams pa'i sems bsgoms na// mnyam par bzhag pa'ang myur du 'thob/ / 'phags pa'i spyod yul mos par 'gyur// rnam dag sangs rgyas zhing du skye// nyes pa'i skyon rnams kun dang bral// de la gnas na byang chub 'thob// gnod sems thams cad spang bar bya/ / ngan par lta ba yongs spangs te// rnam dag dad pa'i sems bsgoms na// theg gsum ston la mos byed cing // sangs rgyas kun la mchod pa byed// ngan song kun las yongs thar te// 'phags pa'i dge 'dun rnams dang phrad/ / byang chub sems dpa'i yon tan ldan// ye shes mchog kyang 'thob par 'gyur// dge ba bcu yi las lam gyis// byang chub mchog thob 'gyur zhes gsungs// snyoms par 'jug dang gzungs rnams dang // sa dang bzod pa skye bar 'gyur// bdag nyid che ba'i 'khor lo 'dis// ngan song thams cad rab bcom nas// sdig pa'i sgrib pa kun kyang choms// myur du byang chub chen po thob/ / 'phags pa shin tu rgyas pa chen po sa'i snying po'i 'khor lo bcu pa zhes bya ba las/ dge ba'i las kyi lam zhes bya ba'i le'u ste drug go// / rigs kyi bu gzhan yang byang
- 165b
chub sems dpa' sems dpa' chen po zang zing gi sbyin pa'i go cha chen po'i 'khor lo rnam pa bcu yod do/ / byang chub sems dpa' sems dpa' chen po gang 'khor lo de dag dang ldan na/ thog ma sems bskyed pa nas/ 'dod pa lnga yongs su bsal te/ nyan thos dang rang sangs rgyas thams cad las shin tu 'das nas/ nyan thos dang rang sangs rgyas thams cad kyi bsod nams kyi zhing chen por 'a gyur pa dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// bcu gang zhe na/ 'di lta ste/ rnam pa sna tshogs kyi zas dang / skom dang / gos dang / rin po che'i rgyan dang / ba glang dang / rta dang / shing rta dang / lus kyi yan lag dang / rkang pa dang / lag pa dang / rna ba dang / sna dang / mgo dang / mig dang / rkang dang / klad pa dang / pags pa dang / rus pa dang / sha dang / khrag dang / yul dang / srid dang / bu dang / chung ma dang / bran po dang / bran mo dang / khang khyim dang / zhing 'brog la sogs pa de dag thams cad sbyin pa de re re byed na/ lus dang srog la mi lta zhing / bdag gcig pu 'jig rten dang 'jig rten las 'das pa'i bde ba 'dod pa'i phyir sems bskyed de sbyin pa byed pa ma yin gyi/ sems can thams cad la byamos pa chen po dang / snying rje chen po'i myu gu bskyed pa'i phyir sbyin pa sbyin pa'i sems skyed do/ / thabs mkhas pa dang / shes rab ma chog bskyed pa'i phyir sbyin pa sbyin pa'i sems skyed do// sems can thams cad la phan pa dang bde ba'i don gyi phyir sbyin pa sbyin pa'i sems skyed do// sems
- 166a
can thams cad kyi sdug bsngal bsal ba'i phyir sbyin pa sbyin pa'i sems skyed do/ / gzhan las spag go snyam pa med pa'i sems dang / brlang ba med pa'i sems dang / phrag dog med pa'i sems dang / ser sna dang zhum pa med pa'i sems kyis sbyin po sbyin no// gang sbyin po'i dngos po che yang rung / rlung yang rung / chung ngu na zan chang gcig tsam gyi sbyin pa byas na yang / rnam par smin pa 'bras bu la mi re bar sbyin pa sbyin pa'i sems skyed do/ / nyan thos kyi theg pa'i 'bras bu la mi re bar smin pa sbyin pa'i sems skyed do// rang sangs kyi theg pa'i 'bras bu la mi re bar sbyin pa sbyin pa'i sems skyed do/ / gang sbyin po'i dngos po de che yang rung / rlung yang rung / chung ngu na zan chang gcig tsam gyi srin po byas na yang / rnam pa thams cad mkhyen pa'i ye shes su bsngo zhing / sbyin pa sbyin pa'i sems skyed do/ / rigs kyi bu byang chub sems dpa' sems dpa' chen po'i zang zing gi sbyin pa'i go cha chen po'i 'khor lo rnam pa bcu po de dag dang ldan na/ thog ma sems skyed pa na/ 'dod po rnam pa lnga yongs su bsal ba'i phyir/ nyan thos dang rang sangs rgyas thams cad las shin tu 'das pa dang / nyan thos dang rang sangs rgyas thams cad kyi bsod nams chen po'i zhing dur gyur ba dang / nyan thos dang rang sangs rgyas kyi theg pa pa thams cad kyis mchod cing bsnyen bkur bya ba dang / yongs su srung bar 'gyur ro// de ci'i phyir zhe na/ nyan thos dang rang sangs rgyas kyis sbron pa sbyin pa'i sems bskyed pa ni byams pa
- 166b
dang snying rje chen po'i sems med kyi/ bdag gi dbul ba de spang ba dang / bdag sdug bsngal las thar pa dang / bdag bde ba thob par bya ba dang / bdag mya ngan las 'da' bar bya ba'i phyir sbyin pa byed de sems can thams cad kyi phyir sbyin pa byed pa ni ma yin no/ / byang chub sems dpa' sems dpa' chen po sbyin pa sbyin pa ni byams pa dang / snying rje chen po'i sems kyis sems can thams cad kyi dbul 'phongs spong ba dang / sems can thams cad sdug bsngal las gdon pa dang / sems can thams cad bde ba thob par byed pa dang / sems can thams cad mya ngan las bzla ba'i phyir sbyin pa byed kyi/ bdag 'ba' zhig gi phyir sbyin pa spyod pa ma yin no// de lta bas na nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing chen por 'gyur ba dang / nyon thos dang rang sangs rgyas kyi theg pa pa thams cad kyis mchod pa dang bsnyen bkur byed cing / yongs su srung bar 'gyur ro// byang chub sems dpa' sems dpa' chen po gang zang zing gi sbyin pa'i pha rol tu phyin pa la spyod pa na/ 'dod pa rnam lnga'i mchog la sems mi chags te/ bdag nyid dbang ba bde ba'i yo byad thams cad sems can kun la sbyin pa byed de/ sems can thams cad yongs su sdud pa'i sems dang / bdag gi sdug bsngal thams cad la ci mi snyam pa'i bzod pa'i sems dang sems can thams cad kyi sdug bsngal zhi bar bya ba'i sems dang
- 167a
sems can thams cad la bde ba sbyin pa'i sems dang / sems can thams cad mya ngan las bzla ba'i sems la gnas te sbyin pa byed do// de bas na nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing chen por 'gyur ba dang / nyan thos dang rang sangs rgyas kyi theg pa pa thams cad kyi mchod/ ba dang / bsnyen bkur dang / srung ba byed par 'gyur ro// rigs kyi bu gal te 'dod pa lnga la sems mi chags shing / byams pa dang snying rje chen pos sbyin pa byed na/ byang chub sems dpa' sems dpa' chen po zhes bya'o/ / nyan thos dang rang sangs rgyas thams cad kyi bsod nams kyi zhing yang dag pa zhes bya'o// gal te 'jig rten gyi 'dod pa rnam lnga yang ma spangs la/ byams pa dang snying rje chen po yang med par sbyin pa byed na/ sbyin pa'i dngos po tshad med grangs med dpag tu med pa btang yang / byang chub sems dpa' sems dpa' chen po zhes mi bya ste/ nyan thos dang rang sangs rgyas kyi bsod nams kyokyi zhing yang dag pa yang ma yin pas/ sbyin pa 'di ni 'phags pa rnams kyi phyag rgyas btab pa ma yin no/ de bas na 'jig rten gyi 'dod pa lnga spangs te/ byams pa dang snying rje chen po dang ldan pas sbyin pa bya'o/ / gal te 'jig rten gyi 'dod po lnga yang ma spangs la/ byams pa dang snying rje chen po yang med par sbyin pa byed na/ byang chub sems dpa' zhes kyang mi bya la/ bsod nams kyi zhing yang dag pa
- 167b
yang ma yin no/ / rigs kyi bu 'dod pa rnam lnga la rlags pas sbyin pa byed na/ bdag nyid kyi lus kyi sdug bsngal gyi cha cung zad kyang zhi bar mi 'gyur na/ sems can thams cad kyi sdug bsngal tshad med pa bsal ba lta ci smos/ de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ zang zing sbyin pa'i 'khor lo ldan pa// mkhas pa bsal ba dag pa'i mos pas/ / 'dod pa rnam lnga dag ni spangs te// sems can kun la phan dang bde byed// sems can kun la bde ba'i phyir gyi// rnam smin 'bras bu re phyir ma yin// sbyin pa'i dngos po byin pa rlung yang / / yang dag bsod rnams zhing du 'gyur// sbyin pa'i dngos po mang du byas kyang // 'dod pa rnam lnga dag la gnas na// 'phags pa dag gi phyag rgyas ma btag/ ma nges pa yi tshogs la gnas 'gyur/ / sbyin pa'i dngos po byin pa chung yang // 'dod pa lnga la mi gnas pa ni// nyan thos dang ni rang rgyal ba yi// yang dag bsod nams zhing du de 'gyur// de bas 'dod pa rnam lnga spangs la// rtag tu nam dag sbyin po byed cing / / sems can kun la bde ba byas na// yang dag bsod nams zhing du de 'gyur// rigs kyi bu gzhan yang byang chub sems dpa' sems dpa' chen po chos kyi sbyin pa'i go cha chen po'i 'khor lo rnam pa bcu yod de/ byang chub sems dpa' sems dpa' chen po 'khor lo de dang ldan na/ thog ma sems bskyed nas 'dod pa rnam lnga yongs su bsal ba'i phyir/ myur du nyi ma'i sgron ma'i 'od ces bya ba'i ting
- 168a
nge 'dzin thob cing / nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams chen po'i zhing du 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur byas par 'gyur ro// bcu gang zhe na/ 'di lta ste/ de bzhin gshegs pa rnams kyis bstan pa dam pa'i chos nyan thos kyi theg pa dang ldan pa'i dam pa'i chos dang / rang sangs rgyas kyi theg pa dang ldan pa'i dam pa'i chos dang / theg pa chen po dang ldan pa'i dam pa'i chos dang / 'jig rten gyi chos dang / 'jig rten las 'das pa'i chos dang / zag pa dang bcas pa'i chos dang / zag pa zad pa'i chos dang / 'dus byas kyi chos dang / 'dus ma byas kyi chos dang / gnyis su med pa'i chos rnams te/ byang chub sems dpa' sems dpa' chen po chos rnam pa bcu po 'di la dad cing gus par byed pa dang / ji skad thos pa rnams gzungs su 'dzin cing yid la byed do// rab tu rtog go// mthar khong du chud par byed cing // gzhan dag la yang ci rigs par ston par byed do/ / nam chos ston pa'i tshe na/ phrag dog med pa'i sems dang / ser sna med pa'i sems dang / nga rgyal med pa'i sems dang / rnyed par mi re ba'i sems dang // gzhan mi smod pa'i sems dang / bdag mi bstod pa'i sems dang / bsti stang dang bcas pa'i sems dang / phan pa'i sems dang / byams pa chen po'i sems dang / snying rje chen po'i sems
- 168b
su bya'o/ / nyan thos kyi theg pa can gyi gang zag la ni nyan thos kyi chos ston cing 'chad kyi/ de la rang sangs rgyas kyi chos sam/ theg pa chen po'i chos kyis ma yin pa dang / rang sangs rgyas kyi theg pa can gyi gang zag la ni rang sangs rgyas kyi theg pa'i chos ston gyi/ nyan thos kyi theg pa'i chos sam/ theg pa chen po'i chos kyis ma yin pa dang / theg pa chen po'i gang zag la ni theg pa chen po'i chos sngon gyi/ nyan thos dang rang sangs rgyas kyi theg pa'i chos kyis ma yin pa dang / sems can gyi dbang po dang snod ji lta ba bzhin du dam pa'i chos ston gyi/ dbang po snod du ma gyur pa la chos mi ston to// gang theg pa chen po'o sems can la rang sangs rgyas kyi theg pa spyod cig par ram/ nyan thos kyi theg pa spyod cig par mi skul lo// rang sangs rgyas kyi theg pa can gyi sems can la skabs kha cig tu theg pa chen po'i spyod pa la nan tan byos shig ces bskul ba'i skabs ni yod do/ / nyan thos kyi theg pa can gyi sems can la skabs kha cig tu rang sangs rgyas kyi theg pa'i spyod pa dang / theg pa chen po'i spyod pa la nan tan gyos shig ces bskul ba'i skabs kyang yod do/ / de bzhin gshegs pas bstan pa'i dam pa'i chos chung ngu na tshigs su bcad pa gcig gam/ tshigs su bcad pa phyed tsam la yang shin tu dang cing bkur sti byed kyi/ de la 'phya ba 'am/ skur ba'am/ bgegs sam/ bar chad mi byed de/ chos ston pa la sangs rgyas dang 'dra bar 'du shes pa dang / chos nyan pa'i 'khor rnams la nad pa dang 'dra bar
- 169a
'du shes pa dang / gang 'chad pa'i chos la sman bzang po dang 'dra bar 'du shes shing / 'dod pa rnam lnga yongs su bcad de/ re ba med pas dam pa'i chos ston to// rigs kyi bu 'di dag ni byang chub sems dpa' sems dpa' chen po'i chos kyi sbyin pa go cha chen po'i 'khor lo rnam pa bcu zhes bya'o/ / byang chub sems dpa' sems dpa' chen po gang 'khor lo de dang ldan na/ 'dod pa lnga yongs su bsal te/ myur du nyi ma'i 'od ces bya ba'i ting nge 'dzin thob cing / nyan thos dang rang sangs rgyas thams cad las shin tu 'das pa dang / nyan thos dang rang sangs rgyas thams cad kyi bsod nams kyi zhing du 'gyur pa dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ mkhas pa chos kyi sbyin pa spod pa dag/ snod bzhin theg pa gsum gyi chos ston to// theg pa gzhan dag de la ston mi byed/ / thos nas de la 'phya zhing skur mi 'gyur// dbang po snod bzhin dam pa'i chos ston gyi// dbang po snod min dag la ma yin no// so sor ji ltar ji la mos pa bzhin// de dang de yi chos ston mgu bar byed/ / theg pa chen po spyod pa'i gang zag la// theg pa rlung ngu rnams kyi chos mi ston// bar bar theg pa gnyis kyi gang zag la// theg pa 'bring dang rab kyi chos ston to// shin tu dad cing gus pas
- 169b
chos mnyan gyi/ / de la 'phya zhing skur bar mi bya'o// chos smra ba la mchod pa byed pa ni// sangs rgyas 'dra bar de la 'du shes bskyed// kun nas nyon mongs pa yi nang bsal phyir// dam pa'i chos kyi sman dag mnyan pa rabaskul/ / khe dang grags pa shin tu ring spangs te// dam pa'i chos dag bstan cing bshad par bya'o// rigs kyi bu bzhan yang byang chub sems dpa' sems dpa' chen po'i tshul khrims rnam par dag pa'i go cha chen po'i 'khor lo yod de/ byang chub sems dpa' sems dpa' chen po gang 'khor lo de dang ldan na/ thog ma sems bskyed nas 'dod pa lnga yongs su bsal te/ nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing chen por 'gyur ba dang / nyan thos dang rang sangs rgyas kyi theg pa pa thams cad kyis mchod pa dang bsrung ba dang / bsnyen bkur byed par 'gyur ro// de la ji ltar na tshul khrims rnam par dag pa go cha chen po'i 'khor lo gang zhe na/ rigs kyi bu byang chub sems dpa'i tshul khrims rnam par dag pa rnam pa gnyis te/ thun mong ba dang / thun mong ma yin pa'o// de la ji ltar na byang chub sems dpa'i tshul khrim rnam par dag pa'i 'khor lo thun mong ba gang zhe na/ gang khyim na gnas pa dge bsnyen pa dang / dge bsnyen ma'i tshul khrims kyi sdom pa blangs pa/ yang na rab tu byung ba so so thar pa'i tshul khrims kyis bsnyen par rdzogs pa ste/ sdom pa 'di dang so so thar pa'i tshul khrims 'di ni/ byang chub sems dpa'i tshul khrims rnam par dag pa'i 'khor
- 170a
lo thun mong ba ste/ nyan thos dang rang sangs rgyas thams cad dang thur mong ba yin no// byang chub sems dpa' tshul khrims kyi 'khor lo rnam par dag pa 'di'i dbang gis/ sems can thams cad kyi kun nas nyon mongs pa rmod par ram/ log par lta ba sel bar ram/ las kyi sgrib pa dang / 'khor ba las grol bar mi 'gyur te/ go che chen po'i 'khor lo zhes kyang mi bya/ byang chub sems dpa' sems dpa' chen po zhes kyang mi bya ste/ nyan thos dang rang sangs rgyas thams cad kyi bsod nams kyi zhing yang dag pa yang ma yin no// de la ji ltar na byang chub sems dpa'i tshul khrims rnam par dag pa go cha chen po'i 'khor lo thun mong ma yin pa gang zhe na/ gang byang chub sems dpa' rnams phyogs bcu'i sems can thams cad la mnyam pa nyid kyi sems dang / gnod pa med pa'i sems dang / khon du 'dzin pa med pa'i/ sems kyis rnam par dag pa'i tshul khrims srung ngo // tshul khrims dang / tshul khrims ngan pa can dang / sbyin pa dang / ser sna dang / byams pa dang / zhe sdang ba dang / brtson 'grus dang / le lo can rab 'bring tha ma kun la bye brag mi 'byed pa'i sems dang / khyad par med pa'i 'du shes kyis tshul khrims yongs su srung ngo // khams gsum gyi sems can thams cad la zhe sdang med pa dang / khong khre med pa dang / ngan par spyod pa med pas tshul khrims yongs su srung ngo // srid pa gsum gyi phung po dang / khams dang / skye mched rnam par rtog pa med pas tshul khrims yongs su srung ngo // 'dod pa'i khams la mi
- 170b
gnas par tshul khrims srung ngo / / gzugs yod pa'i khams la mi gnas par tshul khrims srung ngo // gzugs med pa'i khams la mi gnas par tshul khrims srung ngo // srid pa'i rnam par smin pa'i 'bras bu/ thams cad la mi gnas par tshul khrims srung ngo // rnyed pa dang mi rnyed pa la mi gnas par tshul khrims srung ngo // 'du byed rnams la mi gnas par tshul khrims srung ste/ 'di dag ni byang chub sems dpa'i tshul khrims rnam par dag pa go cha chen po'i 'khor lo thun mong ma yin pa zhes bya'o/ / rigs kyi bu byang chub sems dpa' sems dpa' chen po gang tshul khrims rnam par dag pa go cha chen po'i 'khor lo 'di dang ldan na/ thog ma sems bskyed nas/ 'dod pa lnga yongs su bsal te/ byang chub sems dpa' sems dpa' chen po zhes bya'o// nyan thos dang rang sangs rgyas thams cad las shin tu 'das shing / nyan thos dang rang sangs rgyas thams cad kyi bsod nams kyi zhing chen por 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro/ / de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ khyim na gnas shing sdom pa len pa// rab byung so so thar pa'i tshul khrims// theg pa gnyis dang thun mong ba yin// byang chub chen po zhes ni mo bya// mkhas pa stong pa nyid chos sgom pa// 'jig rten kun la mi rten mi gnas// srid pa kun la gnas ma yin par// rnam par dag pa
- 171a
rdul khrims srung ngo / / mtshan ma spong ba'i tshul khrims dag ni// rgyags bu med de zug pa kun med// tshul khrims 'di ltar srung ba dag ni// yang dag bsod nams zhing zhes de/ bya// rigs kyi dru gzhan yang byang chub sems dpa' sems dpa'i chen po'i bzod pa'i bo che chen po'i 'khor lo zhes bya ba yod de/ byang chub sems dpa' sems dpa' chen po gang 'khor lo 'di nga ldan na/ thog ma sems bskyed nas 'dod pa lnga yongs su bsal te/ nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi'i song nams kyi'i pa'i 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// re la ji ltar na bzod pa'i go cha chen po'i 'khor lo ga na sa kyis byang chub sems dpa' bzod pa la ma tshan nyid rnam pa nyis te/ bzhin/ 'jig rten dang / 'jig rten las 'das pa'o// de la'i ltar byung chub sems dpa'al rten gyi bzod pa gang zhi na/ de ni zag pa dang bcas pa'i bzod pa ste/ sems can la dmigs pa/ len pa dang bcas pa// mtshan ma dang bcas pa/ rnam par smin pa'i 'bras bu la brten pa/ bso nams kyi las la brten te bzod par byed pa'o// gzhan yang bdag gi gzugs dang / grwa dang / dring / ro dang / reg byal brten nas bzod par byed pa'o// 'jug pa dang cas pang
- 171b
bzod pa ci mi snyam pa med pa'i bzod pa dang / mthu zhan pa'i bzod pa sems can gtong ba'i bzod pa dang / g.yo dang sgyur bcas pa'i bzod pa dang / pha rol la 'dring pa'i bzod pa dang / sems can la phan pa dang bde ba'i don mi byed pa'i bzod pa ste/ 'di dag ni byang chub sems dpa'i 'jig rten gyi bzod pa zhes bya ste/ bzod pa 'di ni nyan thos dang rang sangs rgyas la sogs pa dang thun mong ba yin gyi/ go cha chen po'i 'khor lo zhes mi bya'o// de ni byang chub sems dpa' sems dpa' chen po yang ma yin te/ nyan thos dang rang sangs rgyas thams cad kyi bsod nams kyi zhing yang dag pa zhes kyang mi bya'o/ / de la ji ltar na byang chub sems dpa'i 'jig rten las 'das pa'i bzod pa go cha chen po'i 'khor lo gang zhe na/ zag pa med pa'i bzod pa ste/ 'phags pa thams cad kyi chos chen po'i 'od kyis sems can thams cad la phan pa dang bde ba'i don gyi phyir chags pa med pa'i bzod pa dang / bya ba'i dngos po thams cad dang / tshig du smra ba dang / rgyu dang mtshan ma dang / yi ge dang / sgra skad thams cad yongs su bcad pa'i skye mched la brten pa'i bzod pa la spyod do// bzod pa 'di bsgoms pas/ kun nas nyon mongs pa gsum dang / bskal pa rnam gsum dang / mtshan nyid gsum dang / dus gsum dang / srid pa gsum dang / 'du byed rnam gsum dang / mi dge ba'i rtsa ba gsum dang / chu bo bzhi dang / mdung ba rnam bzhi dang / nye bar len pa bzhi dang / lus
- 172a
kyi mdung ba rnam bzhi la sogs pa yongs su bcad pas/ bzod pa 'di bsgom pa'i tshe/ sems dang yid rab tu zhi bas/ 'di ni byang chub sems dpa'i 'jig rten las 'das par go cha chen po'i 'khor lo'i bzod pa zhes bya'o/ / rigs kyi bu byang chub sems dpa' sems dpa' chen po go cha chen po'i 'khor lo'i bzod pa de dang ldan pas thog ma sems bskyed pa nas/ 'dod pa rnam lnga yongs su bsal ba'i phyir/ byang chub sems dpa' sems dpa' chen po zhes bya'o// nyan thos dang rang sangs rgyas thams cad las shin tu 'das shing / nyan thos dang rang sangs rgyas thams cad kyi bsod nams kyi zhing chen por 'gyur ba/ nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur byed par 'gyur ro// de nas bcom ldan 'das kyis don 'di dag gsal bar bzlas pa'i phyir tshigs su bcad de bka' skul pa/ bzod pa la ni rnam pa gnyis te/ mtshan mar bcad dang mtshan ma med pa// mtshan mar bcas pa'i bzod pa chags yod// mkhas pa dag ni de la mi stong 'du byed rnam gsum phung po khams dang / / skye mched la brten bzod pa bsgom pa// de ni zag bcas bzod pa yin te// byang chub sems dpa' chen po ma yin// phyin ci log pa rnam bzhi bsal nas// chags pa med pa'i bzod pa sgom zhing // 'du byed rnam pa gsum dag zhin// bzod pa 'di la thams cad bstod 'gyur// 'du byed thams cad rab tu zhi zhing // rtog pa thams cad yongs su spangs te//
- 172b
sems ni nam mkha' 'dra bar mnyam pa// bzod pa 'di la thams cad bstod 'gyur// thams cad chos la ro gcig 'dun par// stong pa mtshan ma med pa'i zhi ba// sems ni ci la'ang mo gnas mi chags// bzod pa 'di ni phan don cher 'gyur// rigs kyi bu gzhan yang byang chub sems dpa' sems dpa' chen po'i brtson 'grus kyi go cha chen po'i 'khor lo yod de/ byang chub sems dpa' sems dpa' chen po gang 'khor lo de dang ldan na/ / thog ma sems bskyed pa nas 'dod pa lnga yongs su bsal te/ nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nam/ kyi zhing chen por 'gyur pa dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// de la ji ltar na brtson 'grus kyi go cha chen po'i brtson 'grus grang zhe na/ rigs kyi bu byang chub sems dpa' brtson 'grus rnam pa gnyis te/ 'jig rten pa dang / 'jig rten las 'das pa'o// de la ji ltar na byang chub sems dpa'i 'jig rten pa'i 'grus gang zhe na/ byang chub sems dpa' rnams shin tu 'bad pa'i brtson 'grus kyis 'jig rten gyi bsod nams kyi las kyi dngos po rnam pa gsum la nan tan byed do// gsum gang zhe na/ 'odi lta ste/ sbyin pa byed pa'i bsod nams kyi las dang / tshul khrims srung ba'i bsod nams kyi las dang / bsgom pa'i bsod nams kyi byed pa'i las so// las 'di dag byed pa ni brtson 'grus rnam pa gsum zhes
- 173a
bya ste/ brtson 'grus rnam pa 'di dag ni/ sems can 'di dag ni dmigs pa/ zag pa dang bcas pa/ nye bar len pa dang bcas pa/ rnam par smin pa'i 'bras bu la brten pa/ bsod nams kyi las la brten pa ste/ de ni byang chub sems dpa'i 'jig rten gyi brtson 'grus zhes bya'o// brtson 'grus 'di ni nyan thos dang rang sangs kyi theg pa la sogs dang thun mong yin te/ go cha chen po'i 'khor lo zhes mi bya/ byang chub sems dpa' sems dpa' chen po zhes kyang mi bya ste/ nyan thos dang rang sangs rgyas thams cad kyi bsod nams kyi zhing yang dag pa yang ma yin no// de la ji ltar na byang chub sems dpa'i 'jig rten las 'das pa'i brtson 'grus kyi go cha chen po'i 'khor lo gang zhe na/ byang chub sems dpa' dag shin tu 'bad pa'i brtson 'grus kyis sems can thams cad la mnyam pa'i sems kyis/ nyon mongs pa'i las dang sdug bsngal thams cad sel ba ste/ brtson 'grus 'di ni 'phags pa thams cad kyis bsngags pa/ zag pa med pa/ nye bar len pa med pa/ rten dang gnas med de/ brtson 'grus dang / le lo dang / sbyin pa dang / ser sna dang / tshul khrims dang / ngan pa'i tshul khrims can dang / byams pa dang / zhe sdang dang / sems can rab dang / 'bring dang / tha ma kun la mi 'byed pa'i sems dang / bye brag med pa'i 'du shes kyis shin tu 'bad pa'i brtson 'grus rtsom mo// khams gsum gyi sems can thams cad la mnyam pa nyid dang / dmigs pa med pas bya ba'i las byed de/
- 173b
smra ba dang / rtog pa dang / dpyod pa'i gnas thams cad la mi gnas pa'i sems kyis shin tu 'bad pa'i brtson 'grus rtsom mo// srid pa gsum gyi phung po dang / khams dang / skye mched la rnam par rtog/ pa med pas shin tu 'bad pa'i brtson 'grus rtsom ste/ 'dod pa'i khams la mi gnas pa'i 'bad pa'i brtson 'grus dang / gzugs yod pa'i khams la mi gnas pa'i 'bad pa'i brtson 'grus dang / gzugs med pa'i khams la mi gnas pa'i 'bad pa'i brtson 'grus dang / srid pa'i rnam par smin pa'i 'bras bu thams cad la mi rtog pa'i 'bad pa'i brtson 'grus dang / rnyed pa dang ma rnyed pa kun la mi gnas pa'i 'bad pa'i brtson 'grus dang / 'du byed rnams la mi gnas pa'i 'bad ba'i brtson 'grus dang / 'jig rten gyi bsod nams kyi las kyi dngos po gsum la mi gnas pa'i 'bad pa'i brtson 'grus dang / 'jig rten las 'das pa dang ldan pa'i bsod nams kyi las kyi dngos po rnam pa gsum la shin tu brtsonar grus rtsom ste/ 'di ni byang chub sems dpa'i 'jig rten las 'das pa'i brtson 'grus kyi go cha chen po 'khor lo zhes bya'o/ / rigs kyi bu byang chub sems dpa' sems dpa' chen po gang brtson 'grus kyi go cha chen po'i 'khor lo de dag dang ldan na/ thog ma sems bskyed nas 'dod pa rnam lnga yongs su bsal te/ byang chub sems dpa' sems dpa' chen po zhe bya'o// nyan thos dang rang sangs rgyas thams cad las shin tu 'das te/ nyan thos dang rang sangs rgyas kyi bsod nams kyi zhing du 'gyur ba dang / nyan thos dang rang sangs rgyas
- 174a
kyi theg pa pa thams cad kyis mchod pa dang / srung ba dang / bsnyen papar byed par 'gyur ro// de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ dbang po drug la shin tu rlags pa'i// byis pa chu bo lngas ni khyer ba// shin tu 'bad pa'i brtson 'grus rtsom yang // mkhas pa rnams kyis de la smod 'gyur// sems can dmigs shing zag dang bcas la/ / len par bcas shing brtson 'grus rtsom na// yang dag bsod nams zhing ma yin te// byang chub sems dpa' chen po ma yin// mkhas pa brtson 'grus rtsom pa dag ni// chags pa thams cad ring du spas te/ / sems ni ci la'ang mi gnas mi chags// yang dag bsod nams zhing zhes de bya// ming dang gzugs la chags pa med cing // phung po khams dang skye mched spangs te// thams cad 'khor gyi rten du 'gyur pa/ / 'di ni byang chub sems dpa' chen po// 'jig rten spyod kyang chu zla bzhin te// 'bad pa'i brtson 'grus rtsom pa'i mthar phyin// 'khor lo 'dis ni yongs su bcom pa skye bo kun nas nyon mongs bcings pa'o/ / rigs kyi bu gzhan yang byang chub sems dpa' sems dpa' chen po'i bsam gtan gyi go cha chen po'i 'khor lo yod de/ byang chub sems dpa' sems dpa' chen po gang 'khor lo 'di dang ldan na/ thog ma sems bskyed nas 'dod pa lnga yongs su bsal te/ nyan thos dang rang sangs rgyas thams cad las shin tu 'das nas/ nyan thos dang rang sangs rgyas thams
- 174b
cad kyi bsod nams kyi zhing chen por 'gyur pa dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// de la ji ltar na bsam gtan gyi gon chen po'i 'khor lo gang zhe na/ rigs kyi bu byang chub sems dpa'i bsam gtan la rnam pa gnyis te/ 'jig rten dang / 'jig rten las 'das pa'o// de la ji ltar na byang chub sems dpa'i 'jig rten gyi bsam gtan gang zhe na/ byang chub sems dpa' rnams phung po la gnas nas bsam gtan sgom pa dang / khams la gnas nas bsam gtan sgom pa dang / skye mched la gnas nas bsam gtan sgom pa dang / 'dod pa'i khams la gnas nas bsam gtan sgom pa dang / gzugs yod pa'i khams la gnas nas bsam gtan sgom pa dang / gzugs med pa'i khams la gnas nas bsam gtan sgom pa dang / sdom pa gsum la gnas nas bsam gtan sgom pa dang / rnam par grol ba gsum la gnas nas bsam gtan sgom pa dang / dran pa nye bar gzhag pa bzhi la gnas nas bsam gtan sgom pa dang / yang dag par spong ba gzhi la gnas nas bsam gtan sgom pa dang / rdzu 'phrul gyi rkang pa bzhi la gnas nas bsam gtan sgom pa dang / dbang po lnga la gnas nas bsam gtan sgom pa dang / stobs lnga la gnas nas bsam gtan sgom pa dang / byang chub kyi yan lag bdun la gnas nas bsam gtan sgom pa dang / 'phags pa'i lam yan lag brgyad pa la gnas nas bsam gtan bsgom pa dang / sa'i khams la gnas nas bsam gtan
- 175a
sgom pa dang / chu'i khams la gnas nas bsam gtan sgom pa dang / me'i khams la gnas nas bsam gtan sgom pa dang / rlung gi khams la gnas nas bsam gtan sgom pa dang / nam mkha'i khams la gnas nas bsam gtan sgom pa dang / rnam par shes pa'i khams la gnas nas bsam gtan sgom pa dang / bde ba'i tshor ba la gnas nas bsam gtan sgom pa dang / sdug bsngal ba'i tshor ba la gnas nas bsam gtan sgom pa dang / bde ba yang ma yin sdug bsngal ba yang ma yin pa'i tshor ba la gnas nas bsam gtan sgom pa dang / nam mkha' mtha' yas skye mched la gnas nas bsam gtan sgom pa dang / rnam shes mtha' yas skye mched la gnas nas bsam gtan sgom pa dang / cung zad med pa'i skye mched la gnas nas bsam gtan sgom pa dang / 'du shes med 'du shes med min skye mched la gnA nas bsam gtan sgom pa dang / 'jig rten 'di la gnas nas bsam gtan sgom pa dang / 'jig rten pha rol la gnas nas bsam gtan sgom pa dang / 'du shes chung ngu la gnas nas bsam gtan sgom pa dang / 'du shes chen po la gnas nas bsam gtan sgom pa dang / 'du shes tshad med pa la gnas nas bsam gtan sgom pa ste/ bsam gtan de dag ni zag pa dang bcas pa/ nye bar len pa dang bcas pa/ chags pa dang bcas pa ste/ 'di ni byang chub sems dpa'i 'jig rten dang bcas pa'i bsam gtan zhes bya'o// bsam gtan 'di ni nyan thos dang rang sangs rgyas kyi theg pa dang thun mong ba zhes
- 175b
bya ste/ go che chen po'i 'khor lo ma yin/ byang chub sems dpa' sems dpa' chen po zhes mi bya ste/ nyan thos dang rang sangs rgyas thams cad kyi bsod nams kyi zhing yang dag pa yang ma yin no// de la ji ltar na/ byang chub sems dpa'i 'jig rten las 'das pa'i bsam gtan gang zhe na/ 'di lta ste/ byang chub sems dpa' rnams phung po dang bral bar bsam gtan sgom pa dang / khams dang bral bar bsam gtan sgom pa dang / skye mched dang bral ba rab sam gtan sgom pa dang / 'dod pa'i khams dang bral bar bsam gtan sgom pa dang / gzugs kyi khams dang bral bar bsam gtan sgom pa dang / gzugs med pa'i khams dang bral bar bsam ga tan sgom pa dang / sdom pa gsum dang bral bar bsam gtan sgom pa dang / rnam par thar pa gsum dang bral bar bsam gtan sgom pa dang / dran pa nye bar gzhag pa bzhi dang bral bar bsam gtan sgom pa dang / yang dag par spong ba bzhi dang bral bar bsam gtan sgom pa dang / rdzu 'phrul gyi rkang pa bzhi dang bral bar bsam gtan sgom pa dang / dbang po lnga dang bral bsam gtan sgom pa dang / stobs lnga dang bral bar bsam gtan sgom pa dang / byang chub kyi yan lag bdun dang bral bar bsam gtan sgom pa dang / 'phags pa'i lam yan lag brgyad dang bral bar bsam gtan sgom pa dang / sa'i khams dang bral bar bsam gtan sgom pa dang / chu'i khams dang bral bar bsam gtan sgom pa dang / me'i khams dang bral bar bsam gtan sgom pa dang / rlung gi khams dang bral bar bsam gtan sgom pa dang / nam mkha'i
- 176a
khams dang bral bar bsam gtan sgom pa dang / rnam par shes pa'i khams dang bral bar bsam gtan sgom pa dang / bde bar tshor ba dang bral bar bsam gtan sgom pa dang / sdug bsngal du tshor ba dang bral bar bsam gtan sgom pa dang / sdug bsngal yang ma yin bde ba yang ma yin pa'i tshor ba dang bral bar bsam gtan sgom pa dang / nam mkha' mtha' yas skye mched dang bral bar bsam gtan sgom pa dang / rnam shes mtha' yas skye mched dang bral bar bsam gtan sgom pa dang / cung zad med pa'i skye mched dang bral bar bsam gtan sgom pa dang / 'du shes med 'du shes med min skye mched dang bral bar bsam gtan sgom pa dang / 'jig rten 'di dang bral bar bsam gtan sgom pa dang / 'jig rten pha rol dang bral bar bsam gtan sgom pa dang / 'du shes rlung ngu dang bral bar bsam gtan sgom pa dang / 'du shes chen po dang bral bar bsam gtan sgom pa dang / 'du shes tshad med pa dang bral bar bsam gtan sgom pa ste/ bsam gtan 'di ni 'phags pa'i 'od zer chen po skyed pa/ zag pa zad pa med pa/ nye bar len pa med pachags pa med pa ste/ 'di ni byang chub sems dpa'i 'jig rten las 'das pa'i bsam gtan gyi go cha chen po'i 'khor lo zhes bya'o// rigs kyi bu byang chub sems dpa' sems dpa' chen po gang bsam gtan gyi go cha chen po'i 'khor lo 'di dang ldan na/ thog ma sems bskyed nas 'dod pa lnga yongs su bsal te/ byang chub sems dpa' sems dpa' chen po zhes bya'o// nyan thos dang rang sangs rgyas thams cad
- 176b
las shin tu 'das shing / nyan thos dang rang sangs rgyas thams cad kyi bsod nams kyi zhing du 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed pa 'gyur ro/ / de nas bcom ldan 'das kyis don 'di dag gsal bar bzlas pa'i phyir tshigs su gcad de bka' stsal pa/ bdag gi 'ur lci spong ba'i phyir ni// dmigs dang bcas pa'i ting 'dzin bsgoms te// bdag gis nas nyon mongs gcod 'dod/ / yang dag mkhas pa'i mtshan nyid ma yin// snod la rten cing rtog dang bcas pa// rnam par grol 'dod ting 'dzin sgom yang // tshu rol pha rol mu la gnas na// sems can dag la phan de byed min/ / sems can kun la phan dang bde phyir// ting 'dzin sgom zhing khur lci spangs te// kun nas nyon mongs thams cad sel ba// de ni yang dag mkhas pa'i mtshan nyid// sems can thams cad sim par byed phyir/ / mi gnas pa yi ting 'dzin bsgoms te// 'dod pa'i srid pa thams cad chod pa// de ni dri gros chen po zhes bya// srid pas bcings pa thams cad bkrol te// 'jigs pa med pa'i grong du gzung phyir// rab tu zhi ba'i ting 'dzin bsgom pa// de ni byang chub sems dpa' chen po'o// / 'dus pa chen po las/ byang chub sems dpa' sa'i snying po'i 'khor lo bcu pa zhes bya ba theg pa chen bo'i mdo bam po bcu pa/ rigs kyi bu gzhan yang byang chub sems dpa' sems dpa' chen po shes rab kyi go che chen po'i 'khor lo zhes bya ba yod de/ byang chub sems dpa' sems dpa' chen po
- 177a
gang 'khor lo de dang ldan na/ thog ma sems bskyed nas 'dod pa lnga yongs su bsal te/ nyan thos dang rang sangs rgyas thams cad las shin tu 'das shing / nyan thos dang rang sangs rgyas thams cad kyi bsod nams kyi zhing chen por 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// de la ji ltar na shes rab kyi go/ cha chen po'i 'khor lo gang zhe na/ rigs kyi bu byang chub sems dpa'i shes rab ni rnam pa gnyis te/ 'jig rten dang / 'jig rten las 'das pa'o// de la ji ltar na byang chub sems dpa'i 'jig rten pa'i shes rab ce na/ 'di lta ste/ byang chub sems dpa' rnams theg pa gsum gyi dam pa'i chos klog pa dang / 'don pa dang / glegs bam du 'dri ba dang / nyan pa dang / pha rol la ston cing 'chad pa 'ba' zhig la rten te sems can thams cad kyi ma rig pa'i mun pa sel bar 'dod pa dang / sems can thams cad kyi shes rab kyi sgron ma dbyung ba'i phyir/ de bzhin gshegs pas bstan pa'i nyan thos kyi theg pa dang ldan pa'i chos shin tu 'bad pa'i brtson 'grus kyis klog pa dang / 'don pa dang / nyan pa dang / glegs bam du 'dri ba dang / gzhan la rgyas par ston cing 'chad pa dang / yang dag pa'i brtson 'grus kyis nan tan byed pa dang / de bzhin gshegs pas bstan pa'i rang sangs rgyas kyi theg pa dang ldan pa'i chos la klog pa dang / 'don pa dang / nyan pa dang / glegs bam du 'dri ba dang / gzhan la ston cing 'chad pa dang / yang dag pa'i brtson 'grus kyis nan tan
- 177b
du spyod do/ / de bzhin gshegs pas bstan pa'i theg pa chen po dang ldan pa'i chos la brtson 'grus su klog pa dang / 'don pa dang / nyan pa dang / glegs bam du 'dri ba dang / gzhan yang rgyas par ston cing 'chad pa dang / yang dag pa'i brtson 'grus kyis nan tan byed pa ste/ 'phags pa zag pa med pa'i lam gyi yan lag tshol ba ma yin/ 'phags pa'i lam tshol ba ma yin/ 'phags pa'i lam du gtogs pa'i rnam par grol ba tshol ba ma yin/ rab tu zhi ba yang dag pa'i shes rab la nan tan byed pa ma yin te/ rtag tu lta ba dang bcas pa/ mtshan ma dang bcas pa'i shes rab la nan tan byed do// de ltar len pa dang bcas pa/ chags pa dang bcas pa'i shes rab ni/ byang chub sems dpa'i 'jig rten gyi shes rab ces bya'o// shes rab de ni nyan thos dang rang sangs rgyas thams cad dang thun mong ba yin te/ go cha chen po'i 'khor lo zhes mi bya/ de la byang chub sems dpa' sems dpa' chen po zhes kyang mi bya ste/ nyan thos dang rang sangs rgyas thams cad kyi bsod nams kyi zhing yang dag pa ma yin no// de la ji ltar na byang chub sems dpa'i 'jig rten las 'das pa'i shes rab ce na/ 'di lta ste/ byang chub sems dpa' rnams byang chub kyi lam la brtson 'grus su nan tan byed pa na/ ci nus su theg pa gsum gyi yang dag pa'i chos la klog pa dang / 'don pa dang / nyan pa dang / glegs bam du 'dri ba dang / gzhan la rgyas par ston cingar cad kyang / de la dmigs su med pa'i sbyor ba la gnas te mi gso ba dang / mi rtog pa dang / ngo babo nyid med pa dang / nam mkha' lta bu'i sems dang / rab tu/
- 178a
zhi ba'i sems dang / 'phel ba dang 'grib pa med pa'i shes rab dang / chags pa med pa'i sems dang / skye ba dang 'gog pa med pa'i sems dang / phyir mi ldog pa'i sems dang / chos mnyam pa nyid kyi sems dang / de bzhin nyid kyi sems dang / yang dag pa'i mtha'i sems dang / chos kyi dbyings kyi sems dang / bdag med pa'i sems dang / rnam par mi rtog pa'i sems dang / rab tu zhi ba dang / bzod pa dang / rtog pa dang bral ba'i sems kyis grub pa dang / 'jig pa med pa'i sa la shin tu thabs mkhas pas bde bar gnas pa dang / mi gnas pa mi chags pa'i mchog dam pa'i blo gros kyi sa la thabs mkhas pas bde bar gnas pa ste/ shes rab 'di ni len pa med la chags pa med pas/ byang chub sems dpa'i 'jig rten las 'das pa'i shes rab kyi go cha chen po'i 'khor lo zhes bya'o// rigs kyi bu byang chub sems dpa' sems dpa' chen po shes rab kyi go cha chen po'i 'khor lo 'di dang ldan na/ thog ma sems bskyed nas 'dod pa lnga yongs su bsal ba'i phyir/ byang chub sems dpa' sems dpa' chen po zhes bya'o/ / nyan thos dang rang sangs rgyas kyi sa las shin tu 'das shing / nyan thos dang rang sangs rgyas thams cad kyi bsod nams kyi zhing chen por 'gyur pa dang / nyan thos dang rang sangs rgyas thams cad kyis mchod pa dang / bsrung ba dang / bsnyen bkur bya ba'o// rigs kyi bu gzhan yang byang chub sems dpa' sems dpa' chen po'i thabs mkhas pa'i go cha chen po'i 'khor lo yod de/ byang chub sems dpa' sems
- 178b
dpa' chen po gang 'khor lo 'di dang ldan na/ thog ma sems bskyed nas 'dod pa lnga yongs su bsal te/ nyan thos dang rang sangs rgyas thams cad las shin tu 'das nas/ nyan thos dang rang sangs rgyas thams cad kyi bsod nams kyi zhing chen por 'gyur pa dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// de la ji ltar na thabs mkhas pa'i gon chen po'i 'khor lo gang zhe na/ rigs kyi bu byang chub sems dpa'i thabs mkhas pa la rnam pa gnyis te/ 'jig rten pa dang / 'jig rten las 'das pa'o// de la ji ltar na byang chub sems dpa'i 'jig rten pa'i thabs mkhas pa gang yin zhe na/ 'di lta ste/ byang chub sems dpa' rnams bdag gi don nam/ gzhan gyi don nam/ gnyis ka'i don la bdag dang gzhan du rtog cing / bzo dang sgyu rtsa la rnam pa sna tshogs kyis/ bdag dang gzhan gyi don yongs su bsgrub pa'i phyir/ sangs rgyas bcom ldan 'das dang / byang chub sems dpa' dang / rang sangs rgyas dang / nyan thos la mchod pa dang bsnyen bkur byed pa dang pha dang / ma dang / nad pa dang / nyam thag pa dang / mgon dang rten med pa dang / gnod pa mang pos sdug bsngal bar gyur pa mthong na/ shin tu thabs mkhas pas sgrol zhing / bsdu ba'i dngos po rnam pazhes sems can yongs su smin par byed do/ / byang chub sems dpa' de bdag theg pa chen po la gnas pas/ nyan thos kyi theg pa pa dang / rang sangs rgyas kyi theg pa pa dang / theg pa chen po'i snod ma yin pa nyan thos dang
- 179a
/ rang sangs rgyas kyi dbang po yongs su ma smin pa la shin tu phra la zab pa/ dam pa'i chos ston te slob tu gzhug pa dang / 'phags pa'i bsam gtan la nan tan byed du gzhug go// gzhan yang / don dam pa'i bden pa bstan te/ nan tan byed du gzhug pa dang / phyin ci log bzhi las 'da' zhing mi ltung ba'i chos kyi mtshan nyid rig par bya ba dang / so so yang dag par rig pa bzhi la gzhol bar bya ba nas/ gzhan yang dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / lhag ma dang bcas pa dang / lhag ma ma lus pa'i lam dang / lam gyi 'bras bu'i bar du 'jug par bya ba la mkhas pa'i ye shes kyis yongs su smin par byed do// sems can gang khe dang / grags pa dang / longs spyod la rmugs te/ dbang po rgod pa dge ba'i rtsa ba yongs su ma smin pa la ni/ mdo sde dang / 'dul ba dang / ma mo klog pa dang / 'don pa byed du gzhug pa dang / sangs rgyas gzhan gyis bshad pa las gzhan pa/ rnam par grol ba dang 'thun pa'i gtsug lag klog cing 'don du bcug ste/ yongs su smin par byed do// sems can gang sbyin pa byed pa la mi mos pa la ni/ rin po che dang / nor dbyig rnam pa sna tshogs gtong bar bskul bas yongs su smin par byed do// sems can gang gtum pa/ mi nges pa'i rang bzhin can la tshangs pa'i gnas bzhi slob tu sgrol ba dang / sems can gang zhe sdang can la bzod pa slob par skul ba dang / sems can gang le lo can la ni brtson 'grus slob par skul
- 179b
ba dang / sems can gang sems g.yengs pa la ni bsam gtan sgom par sprul pa dang / sems can gang 'chal pa'i shes rab can la yang dag pa'i chos ston pas/ bka' lung brda sprod cing lung 'bog pa la thabs mkhas pas yongs su smin par byed do/ / sems can gang dkon ma chog gsum la mngon par ma dad cing mi gnas pa la'ang mi spyod pa can la ni/ dkon mchog gsum la skyabs su 'gro ba dang / dkon mchog gsum la dad pa dang / dge bsnyen pa'i sdom pa la bslab pa dang / bsnyen gnas pa'i sdom pa bslab pas yongs su smin par byed do// gzhan yang bzo dang sgyu rtsal rnam pa sna tshogs kyi gnas la slob cing spyod du btsud pas yongs su smin par byed do/ / de la sogs pa byang chub sems dpa' sems dpa' chen po 'jig rten pa'i shin tu thabs mkhas pa'i ye shes kyi rnam pa ni klung gang+gA'i bye ma snyed pas mang ngo // / de ltar yi ge dang / gtsug lag dang / bzo dang / sgyu rtsal gyi las kyi gnas thams cad la lhag pa'i spyod pa dang / brtson 'grus dang / thabs mkhas pa'i ye shes kyis mu stegs can dang / ston pa gzhan la zhugs pa thams cad btul ba de ni/ byang chub sems dpa'i 'jig rten pa'i thabs mkhas pa'o// thabs mkhas pa 'di ni nyan thos dang rang sangs rgyas thams cad dang thun mong ba yin te/ sangs rgyas kyi chos thams cad gnas pa'i rgyur gyur pa/ thabs mkhas pa spyod pa'i gnas su gyur pa/ shin tu thabs mkhas pa lhun gyis grub pas rtog pa med pa/ phyir ldog pa med pa'i chos su gyur pa'o//
- 180a
gzhan yang rigs kyi bu byang chub sems dpa' gang ston pa mkhas pa la'ang mi sten/ dge ba'i bshes gnyen la'ang mi ltos par 'jig rten gyi thabs mkhas pa la nan tan byed na/ byang chub sems dpa' de ni 'jig rten gyi thabs mkhas pas rmongs pa yin te/ ngan song du ltung bar 'gyur ro// de ni 'jig rten las 'das pa'i shin tu thabs mkhas pa'i ye shes la gzhol zhing gnas par yang mi nus la/ thams cad kyi bsod nams kyi zhing yang dag pa yang ma yin no// shin tu thabs mi mkhas pas/ sems can gyi dbang po dang spong pa'i khyad par yang mi shes la/ shin tu thabs mkhas pa la yang mongs par gyur pas/ nyan thos kyi theg pa dang / rang sangs rgyas kyi theg pa dang / theg pa chen po'i snod ma yin pa dang / theg pa chen po'i dbang por ma smin pa dag la theg pa chen po ston pa dang / slob cing / na tan byed du bcug go/ gang theg pa chen po'i chos kyi snod du gyur pa'i sems can la ni nyan thos dang / rang sangs rgyas kyi theg pa'i chos ston cing / nyan thos dang rang sangs rgyas kyi theg pa la slob cing nan tan byed du bcug go/ / gang rang sangs rgyas kyi theg pa'i chos kyi snod du gyur pa'i sems can la ni nyan thos kyi theg pa'i chos ston cing / nyan thos kyi theg pa la slob cing nan tan byed du bcug go/ gang nyan thos kyi theg pa'i chos kyi snod du gyur pa'i sems can la ni 'khor ba'i chos la bde ba dang dga' bar ston te/ 'khor ba'i chos la skyo ba skyed par mi ston to// gzhan yang shin tu thabs mkhas pa la rmongs pas/
- 180b
sems can gang srog gcod pa la dga' ba nas/ de bzhin du log par lta ba'i bar du mos pa dag la ni shin tu zab pa theg pa chen po'i chos ston te/ de la 'khor ba 'di nas shi 'phos nas pha rol du skye zhing sdug bsngal gyi 'bras bu rnam par smin pa myong ba la skyo zhing 'jigs pa dang / sdig pa mi dge ba'i chos spong ba mi ston to// gzhan yang shin tu thabs mkhas pa la rmongs pas/ sems can gang tshul khrims srung bar mos pa la ni sbyin pa spyod du bcug go/ / sems can gang bzod pa sgom par mos pa la ni bzod pa spong ba ston cing / tshul khrims srung du bcug go// sems can gang brtson 'grus rtsom par mos pa la ni brtson 'grus spong ba ston cing / bzod pa spyod du bcug go// sems can gang bsam gtan sgom par mos pa la ni bsam gtan spong ba sten cing / brtson 'grus la nan tan byed du bcug go/ / sems can gang shes rab sgom par mos pa la ni shes rab spong ba ston cing / bsam gtan sgom du bcug go// de ltar byang chub sems dpa' 'jig rten gyi thabs mkhas pa la rmongs pa yang dag pa ji lta ba bzhin du sems can la phan pa dang bde ba'i don byed mi nus te/ sems can thams cad kyi sdig pa'i grogs por gyur to// thabs mkhas pa 'di ni dmigs pa dang bcas pa/ chags pa dang bcas pa ste/ 'di ni byang chub sems dpa'i 'jig rten gyi thabs mkhas pa zhes bya'o// de ltar 'jig rten gyi thabs mkhas pa 'di ni nyan thos dang rang sangs rgyas kyi theg
- 181a
pa dang thun mong ba yin te/ go cha chen po'i 'khor lo ma yin/ byang chub sems dpa' sems dpa' chen po zhes kyang mi bya ste/ nyan thos dang rang sangs rgyas thams cad kyi bsod nams kyi zhing yang dag pa ma yin no/ / de la ji ltar na byang chub sems dpa'i 'jig rten las 'das pa'i shin tu thabs mkhas pa yin zhe na/ 'di lta ste/ byang chub sems dpa' rnams bdag gi don btang ste/ gzhan gyi don lhur byed pas bzo dang sgyu rtsa la rnam pa sna tshogs mngon par ston pas/ yongs su smin par bya ba'i phyir/ sangs rgyas bcom ldan 'das dang / byang chub sems dpa' dang / nyan thos dang / rang sangs rgyas dang / pha dang / ma la bsnyen bkur dang mchod pa byed pa dang / nad pa dang / 'phongs pa dang / nyam thag pa dang / mgon dang skyabs med pa dang / shin tu sdug bsngal rnam pa mang pos gzir ba la thabs kyis sgrol ba dang / bsdu ba'i dngos po rnam pa bzhis sems can yongs su smin par byed de/ ci la mos pa dang / dbang po dang / snod ji lta ba bzhin du sems can la dam pa'i chos ston to// gzhan yang rim gyis nyan thos kyi theg pa pa ni rang sangs rgyas kyi theg pa slob cing nan tan byed par skul ba dang / rang sangs rgyas kyi theg pa ni theg pa chen po slob cing nan tan byed par skul ba dang / gal te nyan thos dang rang sangs rgyas kyi theg par dbang po ma smin pa la ni/ 'khor ba'i sdug bsngal gyis chos kyis skyo ba ston cing / 'khor bas skyo ba dang mya ngan las 'da' ba tshol bar skul lo// sems can gang srog gcod pa la mos
- 181b
pa nas/ log par lta ba'i bar du chags pa la dbang po dang / rang bzhin ji lta ba bzhin du 'khor bar 'khor ba'i chos ston pa dang / 'jig rten 'di nas shi 'phos nas pha rol tu skye ba 'di dang / pha rol sdug bsngal gyi 'bras bu myong ba bstan te/ sdig pa mi dge ba'i chos kyis 'jigs pa dang skyo ba ston to// kha cig la ni nyan thos kyi theg pa dang ldan pa'i chos ston to// kha cig la ni rang sangs rgyas kyi theg pa dang ldan pa'i chos ston to/ / kha cig la ni bla na med pa'i theg pa'i chos yang dag pa bstan te/ khad kyis slob tu 'jug go// sems can gang sbyin pa la mos par gyur pa rnams la ni/ tshul khrims rnam par dag pa'i mchog srung bar ston pa de bzhin du/ rgyas par sems can gang bsam gtan la mos par gyur pa la ni/ bag pa med pa 'phags pa'i lam gyi mchog gis bsdus pa dang / shes rab bran med pa ston cing nan tan byed du bcug ste/ shin tu thabs mkhas pa 'di ni dmigs pa med pa dang / chags pa med pa ste/ 'di ni byang chub sems dpa'i 'jig rten las 'das pa'i thabs mkhas pa'i go cha chen po'i 'khor lo zhes bya'o/ / rigs kyi bu byang chub sems dpa' sems dpa' chen po gang shin tu thabs mkhas pa'i go cha chen po'i 'khor lo 'di dang ldan na/ thog ma sems bskyed nas 'dod pa rnam lnga yongs su bsal bas/ byang chub sems dpa' sems dpa' chen po zhes bya'o// nyan thos dang rang sangs rgyas thams can las shin tu 'das shing / nyan thos dang rang sangs rgyas thams cad kyi
- 182a
bsod nams kyi zhing chen por 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya ba'o// de nas bcom ldan 'das kyis don de dag gsal bar bzlas pa'i phyir tshig su bcad de bka' stsal pa/ shes rab nan tan rnam gnyis te// 'jig rten bcas dang 'jig rten 'das// chags pa de ni 'jig rten bcas// chags med pa ni 'jig rten 'das/ / shin tu thabs mkhas nan tan ni// khyad par rnam pa gnyis la gnas// dmigs pa yod pa 'jig rten bcas// dmigs med de ni 'jig rten 'das// gang zhig theg pa gcig ston pa// de ni legs par chos ston min// bdag kyang yongs su mi smin na// gzhan gyi don du ga la 'gyur// gcig tu mi dge sems can la// theg pa gsum gyi chos ston na/ de ni gti mug rmongs pa ste// byang chub chen po de'i ma yin/ / theg pa gsum la 'jug spro zhing // yang dag pa yi chos 'dod la// 'khor bar spro ba'i chos ston na// mkhas pa'i rang bzhin de ma yin// rtse gcig blo yis rab brtags te// 'dod dang mos pa bzhin du ston/ / 'di ni shin tu thabs mkhas pas// mkhas pa rnams kyis de la bsngags// sems can sdig pa dag spyod kyang // theg pa gsum gyi snod 'gyur na// dbang po snod bzhin chos bstan te// sdig pa kun las grol bar byed/ / rigs kyi bu gzhan yang byang chub sems dpa' sems dpa' chen po'i byams pa rmen bori go cha chen po'i 'khor lo yod de/ byang chub sems dpa' sems dpa' chen po gang
- 182b
'khor lo 'di dang ldan na/ thog ma sems bskyed nas 'dod pa rnam lnga yongs su bsal te/ nyan thos dang rang sangs rgyas thams cad las shin tu 'das pas/ nyan thos dang rang sangs rgyas thams cad kyi song / nams kyi zhing chen por 'gyur pa dang / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya bar 'gyur ro// de la ji ltar na byams pa chen po'i go cha chen po'i 'khor lo gang zhe na/ rigs kyi bu byang chub sems dpa'i byams pa la rnam pa gnyis te/ chos la dmigs pa'i byams pa dang / sems can la dmigs pa'i byams pa'o// chos la dmigs pa'i byams pa ni byams pa chen po'i go cha chen po'i 'khor lo zhes bya'o/ / sems can la dmigs pa'i byams pa ni byams pa chen po'i go cha zhes mi bya'o// de ci'i phyir zhe na/ sems can la dmigs pa'i byams pa ni nyan thos dang rang sangs rgyas kyi theg pa dang thun mong du gyur pa ste/ nyan thos dang rang sangs rgyas ni bdag la phan pa dang bde ba'i don gyi phyir sems can la dmigs pa'i bzod pa la nan tan byed do/ / nyan thos dang rang sangs rgyas ni bdag zhi ba dang / bdag mya ngan las 'da' ba dang / bdag gi sgrib pa bsal ba dang / bdag gi kun nas nyon mongs pa gcad pa'i phyir yin gyi/ sems can thams cad kyi phyir/ sems can la dmigs pa'i byams pas brtsomar grus la nan tan byed pa ni ma yin no// de bas na byams pa 'di ni byams pa chen po zhes mi bya ste/ go cha chen po ma yin no// chos la dmigs
- 183a
pa'i byams pa ni nyan thos dang rang sangs rgyas kyi theg pa pa dang thun mong ma yin gyi/ byang chub sems dpa' sems dpa' chen po rnams 'ba' zhig gis nan tan byed nus par 'gyur ro// byang chub sems dpa' sems dpa' chen po ni sems can thams cad la phan pa dang bde ba'i don du brtson 'grus kyi sbyor bas/ chos la dmigs pa'i byams pa 'di la nan tan byed do// byang chub sems dpa' sems dpa' chen po ni/ sems can thams cad rab tu zhi ba'i yongs su mya ngan las bzla ba dang / kun nas nyon mongs pa yongs su gcad pa'i phyir/ shin tu 'bad pa'i brtson 'grus kyis chos la dmigs pa'i byams pa la nan tan byed do/ / de bas na byams pa 'di ni byams pa chen po'i go cha chen po zhes bya'o// gzhan yang byang chub sems dpa' chos la dmigs pa'i byams pa la nan tan byed pa ni phung po la mi gnas/ skye mched la mi gnas/ khams la mi gnas/ dran pa nye bar gzhag pa rnams la mi gnas pa nas/ byang chub kyi lam gyi yan lag gi bar du mi gnas so// 'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/ 'jig rten 'di la mi gnas/ 'jig rten pha rol la mi gnas/ tshu rol gyi mu la mi gnas/ pha rol gyi mu la mi gnas/ dmigs pa la mi gnas/ mi dmigs pa la mi gnas te/ de ltar byang chub sems dpa' chos la dmigs pa'i byams pa la nan tan byed pas/ nyan thos dang rang sangs rgyas thams cad kyi theg pa'i sa las shin tu 'das te/ de ni byang chub sems dpa'i
- 183b
chos la dmigs pa'i byams pa chen po'i go che chen po'i 'khor lo zhes bya'o/ / rigs kyi bu byang chub sems dpa' sems dpa' chen po gang byam pa chen po'i go cha chen po'i 'khor lo 'di dang ldan na/ thog ma sem bskyed nas 'dod/ pa rnam pa lnga yong su bsal te/ nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing dur gyur pa dang / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya bar 'gyur ro// de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ nyan thos dang ni rang rgyal ba/ / sems can dmigs pa'i byams sgom pa// sems la bcu gsum skyon 'chang zhing // bdag la phan pa'i don phyir rtsol// byang chub sems dpa' grags chen ni// sems can thams cad kun gyi phyir/ thun mong ma yon byams chen bsgoms// bcu gsum sems kyi skyon rnams spangs// dri ma bcu gsum rab spangs nas// byang chub chen por gzhol bar byed// chos la dmigs pa'i byams bsgoms na/ / bsod nams zhing grub ring ba min// bcu gsum stobs la bder gnas na// sems can kun las shin tu 'phags// ji ltar seng ge'i rgyal po de// ri dgas kun las 'phags pa bzhin// bcu ga sum dgra rnams shin tu btul/ / rtag dang chad pa'i mthar 'dzin spangs// sems la cis kyang mi gos na// myur du byang chub chen po 'thob// rigs kyi bu gzhan yang byang chub sems dpa' sems dpa' chen po snying
- 184a
rje chen po'i go cha chen po'i 'khor lo yod de/ byang chub sems dpa' sems dpa' chen po gang 'khor lo 'di dang ldan na/ thog ma sems bskyed nas 'dod pa rnam lnga yongs su bsal te// nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing chen por 'gyur zhing / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya bar 'gyur ro// de ji lta zhe na/ nyan thos dang rang sangs rgyas kyi theg pa pa thams cad ni bdag la phan pa dang bde ba'i don gyi phyir snying rje la spyod kyi/ sems can thams cad la phan pa dang bde ba'i don gyi phyir snying rje chen po skyed pa ma yin no/ / byang chub sems dpa' sems dpa' chen po ni bdag 'ba' zhig la phan pa dang bde ba'i don gyi phyir snying rje chen po skyed pa ma yin gyi/ sems can thams cad la phan pa dang bde ba'i don gyi phyir snying rje chen po skyed do/ / de bas na byang chub sems dpa' snying rje chen po'i go cha chen po'i 'khor lo dang ldan pas/ nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing chen por 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya bar 'gyur ro/ / byang chub sems dpa' sems dpa' chen po ni sems can thams cad la phan pa dang bde ba'i don gyi phyir/ bsdu ba'i dngos po rnam pa bzhis sems can yongs su smin par byed do//
- 184b
snying rje chen pos sems can thams cad la phan pa dang bde ba'i don gyi phyir sbyin pas yongs su sdud pa ni/ 'di lta ste/ rin po che dang / nor dang / dbyig dang / theg pa dang / bran dang / las byed pa'i mi dang / yul dang / sring dang / bu dang / chung ma dang / lus dang / srog gi bar du yongs su gtong ba la ser sna med de/ mi dmigs pa'i spyod pa la sbyor bas 'dul ba'i sems can yod par mi mthong / sbyin pa byed par mi mthong / len par mi mthong / nor gyi dngos por mi mthong / sbyin pa spong par mi mthong / sbyin pa byas pa'i 'bras bur mi mthong ba nas/ mi dmigs pa'i bar du yang mi mthong ba de lta bu'i snying rje chen po skyed do// sems can thams cad la phan pa dang bde ba'i don gyi phyir ngog snyan po dang / don bsgrub pa dang / don mthun pas ci dang cis 'dul ba bzhin du/ mi dmigs pa yang mi mthong ba'i bar du de dang des rgyas par ston cing # do/ / de ltar na byang chub sems dpa' sems dpa' chen pos rtag tu mi chog dam pa'i dul ba'i sems dang / rab tu zhi ba'i sems dang / tshad med pa'i sems dang / phung po dang / khams dang / skye mched thams cad la mngon par 'du mi byed pa'i sems kyis/ gang nas gang du skyes kyang g.yo ba med pa dang / mi gnas pa'i snying rje chen po'i go cha chen po'i 'khor lo 'dis snod du gyur pa'i sems can thams cad yongs su smin par byed pa la skyo ba med do/ / de ltar na byang chub sems dpa'i snying rje chen po'i go cha chen po'i 'khor lo zhes bya ste/ nyan thos dang rang sangs rgyas thams cad dang thun mong ba ma yin no// rigs kyi bu byang chub
- 185a
#sems dpa' sems dpa' chen po gang snying rje chen po'i go cha chen po'i 'khor lo 'di dang ldan na/ thog ma sems bskyed nas 'dod pa lnga yongs su bsal te/ byang chub sems dpa' sems dpa' chen po zhes bya'o/ / nyan thos dang rang sangs rgyas thams cad las shin tu 'das shing / nyan thos dang rang sangs rgyas thams cad kyi bsod nams kyi zhing du 'gyur pa dang / nyan thos dang rang sangs rgyas kyi theg ba pa thams cad kyis mchod pa dang / srung ba dang / bsnyen bkur byed par 'gyur ro// de nas bcom ldan 'das kyis don 'di dag gsal bar bzlas pa'i phyir tshigs su bcad de bka' stsal pa/ shin tu zab mo dam pa'i chos dag/ snying rje chen po'i gzhir ni de 'gyur// shin tu dpag dka' nam mkha' 'dra ste// gnas pa med de gzugs kyang med de// byang chub sems dpa'i brtson 'grus chen po// yon tan chen po dang ni ldan te/ / rgyal ba'i ye shes snying rje chen pos// dpa' bo 'jig rten 'da' bar des 'gyur// mgon dang skyabs med sems can dag ni// 'khor ba'i sdug bsngal rnyog pas bcings pa// snying rje chen po'i chu yis bkrus te/ / sems can rnam par grol bar byed do// byang chub sems dpa'i snying rje skyed pa// 'khor ba'i rgya mtsho skams par byed de// nyan thos theg pa'i 'khor rnams dang ni// rang rgyal theg pa spyod pas ma yin/ / 'dod chags zhe sdang gti mug sems can// ngan song dag tu ltung bar 'gyur ba// snying rje chen po'i chu yis bkrus te// sdug bsngal kun las grol bar byed do// rigs kyi bu
- 185b
gzhan yang byang chub sems dpa' sems dpa' chen po chog so so yang dag par rig pa/ nam mkha'i dbyings dang mnyam pa/ tshad med pa/ mtha' yas pa/ shin tu rgya chen po dang ldan pa ji skad sangs rgyas kyi chos thams cad de/ ting nge 'dzin rnams dang / gzungs rnams dang / shin tu brtan pa'i bzod pa chen po'i go cha chen po'i 'khor lo yod de/ byang chub sems dpa' sems dpa' chen po gang 'khor lo 'di dang ldan na/ thog ma sems bskyed nas 'dod pa rnam lnga yongs su bsal te/ nyan thos dang rang sangs rgyas thams cad las shin tu 'das pa/ nyan thos dang rang sangs rgyas thams cad kyi bsod nams kyi zhing chen por 'gyur pa dang / nyan thos dang rang sangs rgyas kyi theg pa pa thams cad kyis mchod pa dang / srung ba dang / bsnyen bkur byed par 'gyur ro// de la ji ltar na byang chub sems dpa' sems dpa' chen po tshig so so yang dag par rig pa/ nam mkha'i dbyings dang mnyam pa/ tshad med pa/ mtha' yas pa/ shin tu rgya che ba dang ldan pa ji snyed sangs rgyas kyi chos thams cad ting nge 'dzin rnams dang gzungs rnams dang / shin tu brtan pa chen po'i go cha chen po'i 'khor lo gang zhe na/ 'di lta ste/ byang chub sems dpa' rnams chos thams cad la shin tu rtog pa ni/ ji ltar zla ba'i dkyil 'khor gyi 'od kyis nam mkha' kun tu khyab pa bzhin du/ sems mnyam pa nyid du gyur pa/ mtshan ma med pa/ rten po ma pa/ mi gnas pa/ gos pa med pa'i ting nge 'dzin thams cad kyi sgo dang / gzungs kyi sgo
- 186a
thams cad la sems kyi spyod pa med pa/ mig dang / gzugs dang / mig gi rnam par shes pa dang / mig gi 'dus te reg pa la yid kyis rnam par zhen pa dang bral ba/ sems/ kyi spyod pa med pa las/ mig gi 'dus te reg pa'i rkyen gyis nang gi tshor ba rnam gsum skyes te/ bde ba dang / sdug bsngal ba dang / bde ba yang ma yin/ sdug bsngal ba yang ma yin par tshor ba la sems rab tu zhi zhing rlags pa med do/ / de bzhin du rna ba dang / sgra dang / rna ba'i rnam par shes pa dang / rna ba'i 'dus te reg pa dang / sna dang / dri dang / sna'i rnam par shes pa dang / sna'i 'dus te reg pa dang / lce dang / ro dang / lce'i rnam par shes pa dang / lce'i 'dus te reg pa dang / lus dang / reg bya dang / lus kyi rnam par shes pa dang / lus kyi 'dus te reg pa dang / yid dang / chos dang / yid kyi rnam par shes pa dang / yid kyi 'dus te reg pa'i bar du gzhung de bzhin du rgyas par sems dang / yid dang / rnam par shes pa thams cad rtag tu zhi zhing chags pa med do// sems dang / yid dang / rnam par shes pa las skyes pa'i tshor ba rnam gsum ste/ bde ba dang / sdug bsngal ba dang / bde ba yang ma yin/ sdug bsngal ba yang ma yin par tshor ba la sems rtag tu zhi zhing chags pa med do// dus gsum gyi phung po dang / khams dang / skye mched rnams kyi rnam pa thams cad la len pa med pa sems kyi spyod pa med pa'o// gang ji snyed khams gsum dang / 'du byed gsum dang / reg bya gsum dang /
- 186b
tshor ba gsum dang / dbang po gsum dang / theg pa gsum dang / sdom pa gsum dang / rnam par grol ba gsum dang / rnam pa de dag thams cad la sems rab tu zhi ba/ gnas pa med pa/ mtshan ma med pa len pa med pas mnyam pa nyid du gnas so/ / gang ji snyed sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / pha rol tu phyin pa thams cad la sems kyi spyod pa med pa rab tu zhi bar gnas so/ / de bzhin du dran po nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan log bdun dang / 'phags pa'i lam yan lag brgyad pa la yang sems kyi spyod pa med pa rab tu zhi bar gnas so// gang ji snyed dgu mthar gyis snyoms par 'jug pa la yang sems kyi spyod pa med pa rab tu zhi bar gnas so/ / gzhan yang mngon par 'du byed pa gsum dang / chos la sgrib pa med pa'i ye shes dang / lam gyi yan lag dang / lam gyi rang bzhin 'dren par byed pa dag la yang len pa med pa sems kyi spyod pa med pa/ kun gzhi rnam par shes pa dang / kun gzhi rnam par shes pa ma yin pa dang / nye bar len pa dang bcas pa dang / nye bar len pa med pa dang / zag pa dang bcas pa dang / zag pa med pa dang / tshu rol gyi mu dang / pha rol gyi mu dang / chung ngu dang / chen po dang / tshad med pa dang / byed pa dang / mi byed pa dang / dge ba dang / mi dge ba dang / lung du mi ston pa thams cad kyi rnam pa la
- 187a
sems kyi spyod pa med pa rab tu zhi bar gnas so/ / gang ji snyed byams pa chen po dang / snying rje chen po dang / thabs mkhas pas sems can smin par byed pa nas/ bsrung bar bya ba med pa gsum dang / mi 'jigs pa bzhi dang / sangs rgyas kyi chos ma 'dres pa bco brgyad kyi bar du chos thams cad kyi rnam pa la len pa med pa sems kyi spyod pa med pa rab tu zhi bar gnas so// byang chub sems dpa' sems dpa' chen po dag 'khor lo 'di'i dbang gis tshor ba rnam gsum gyi nyes pa yongs su bsal ba dang / rnam par rtog pa thams cad yongs su zhi ba dang / mtshan ma'i chos thams cad yongs su spong bar 'gyur ro/ / gzhan yang ji snyed nam mkha'i mig dang / spyi bo'i ting nge 'dzin rnams dang / gzungs rnams la thabs mkhas pa'i go cha chen po'i 'khor lo yang 'dren par 'gyur te/ byang chub sems dpa' 'khor lo de la gnas pas/ gang 'das pa'i dus kyi sdig pa mi dge ba'i las kyi lhag mas gnyer te/ ngan 'gro mnar med pa dang / gzhan yang srid pa dang / 'gro ba rnams su 'khor bar 'khor ba'i las thams cad lhag ma ma lus par yongs su bsal te/ rnam par smin pa'i 'bras bu mi myong bar byed do// gzhan yang rigs kyi bu 'di lta ste/ mun pa nag pos nam mkha' thams cad yog pa na/ nyi ma shar ba'i tshe mun pa thams cad sel bar 'gyur ro// de bzhin du byang chub sems dpa' yang tshig so so yang dag par rig pa/ nam mkha'i dbyings dang mnyam pa/ tshad med pa
- 187b
/ mtha' yas pa/ yangs shing rgya chen po dang ldan pa ji snyed sangs rgyas kyi chos thams cad de/ ting nge 'dzin rnams dang / gzungs rnams dang / shin tu brtan pa'i bzod pa go che chen po'i 'khor lo yang grub cing 'dren par yang 'gyur ro/ / gzhan yang nam mkha'i mig dang / spyi bo'i ting nge 'dzin rnams dang / gzungs rnams la thabs mkhas pa go cha chen po'i 'khor lo la gnas pas/ dpag tu med pa nam mkha' lta bu ye shes kyi nyi mas phyin ci log bzhi'i mun pa yongs su bsal te/ 'das pa'i dus kyi sdig pa mi dge pa'i las kyi lhag mas gnyer te/ ngan 'gro mnar med pa dang / gzhan yang srid pa dang / 'gro ba rnams su 'khor bar 'khor ba'i las thams cad lhag ma ma lus par yongs su sel te/ rnam par smin pa'i 'bras bu myong bar mi byed do// gzhan yang de'i dbang gis sangs rgyas kyi chos rnams la dbang thob pa dang / phyir mi ldog par 'gyur te/ sdig pa'i grogs po'i dbang du mi 'gro zhing rjes su mi spyod pa dang / rtag tu sangs rgyas mthong ba dang mi 'bral ba dang / byang nuchub sems dpa' dang / nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / yon tan thams cad la sems mi ngoms pa nas/ byang chub kyi bar du rgyun mi 'chad de/ rtag tu sangs rgyas rjes su dran pa dang mi 'bral ba ni chung ngu na rmi lam du yang bar chad med par 'gyur ro// rigs kyi bu de la
- 188a
ji ltar na byang chub sems dpa' sems dpa' chen po tshig so so yang dag par rigs pa/ nam mkha'i dbyings dang mnyam pa/ tshad med pa/ mtha' yas pa/ yangs shing rgya che ba dang ldan pa ji snyed sangs rgyas kyi chos thams cad de/ ting nge 'dzin rnams dang / gzungs rnams dang / shin tu brtan pa'i bzod pa go cha chen po'i 'khor lo 'dren par 'gyur zhe na/ 'di lta ste/ byang chub sems dpa' rnams bsam gtan dang po nas/ bsam gtan bzhi pa'i bar du snyoms par 'jug pa dang / nam mkha' mtha' yas skye mched nas/ 'du shes med 'du shes med min skye mched kyi bar du snyems par 'jug pa dang / 'du shes 'gog pa'i ting nge 'dzin la snyoms par 'jug pa ste/ ting nge 'dzin 'di la gnas na/ tshor ba rnam gsum dang / 'du byed gsum po yongs su bcad de/ mngon par 'du byed pa dang / g.yo ba'i sems kyi spyod pa med pa/ tshor ba dang / 'du shes dang / sems pa dang / reg pa dang / yid la byed pa la sogs pa kun gcod par 'gyur ro// ting nge 'dzin 'di la gnas na/ zhag gcig gam/ zhag bdun gyi bar du bsam gtan gyi zas za bar 'gyur ro// ting nge 'dzin de las langs na yang sems rab tu zhi ba len pa med cing ldan ner gnas par 'gyur ro// gzhan yang don dam pa'i mthas gtugs pa'i stong pa nyid kyi ting nge 'dzin la mnyam par gzhog go/ ting nge 'dzin de la gnas na/ sems rab tu mnyam pas nam mkha' ltar chags pa med pa dang / lus kyi
- 188b
ba spu'i bu ga kun nas zil dngar gyi thigs pas skar ma snar ma lta bu mngon par byung bas/ kun nas nyon mongs pas bcings pa'i yongs su gdung ba thams cad sel bar 'gyur ro// ting nge 'dzin de las langs nas yang dag pa'i dran pa thob ste/ dga' ba khyad par can gyis lus la khyab par gyur pa ni ji ltar lha'i sras po dbang phyug chen po bde ba'i ting nge 'dzin thams cad la 'jug na/ lus kyi ba spu'i khung bu kun nas rab tu bde ba myong ba bzhin/ de ltar byang chub sems dpa' de lus la bde ba reg pas sangs rgyas rjes su dran par 'gyur ro// sangs rgyas rjes su dran pas sangs rgyas mthong ba las mtshan ma gzhan mthong ba med do/ / byang chub sems dpa' de'i tshe sangs rgyas gcig yid la byas na sangs rgyas gcig mthong ngo // gal te sangs rgyas mang po yid la byas na sangs rgyas mang po mthong ngo // gal te sangs rgyas kyi sku chung bar yid la byas na sangs rgyas kyi sku chung ngu mthong ngo / / gal te sangs rgyas kyi sku chen por yid la byas na sangs rgyas kyi sku chen por mthong ngo // gal te sangs rgyas kyi sku tshad med par yid la byas na sangs rgyas kyi sku tshad med par mthong ngo / / gal te bdag gi lus sangs rgyas kyi sku'i mtshan dang ldan par yid la byas na bdag gi lus sangs rgyas kyi sku dang 'dra bar mtshan phun sum tshogs par mthong ngo // gal te gzhan gyi lus sangs rgyas kyi skur yid la byas na gzhan gyi lus sangs rgyas kyi sku dang 'dra bar mtshan phun sum tshogs par mthong ngo / / gal te sems can dang / sems can ma yin pa dang / ji snyed gzugs su
- 189a
gtogs pa thams cad sangs rgyas kyi gru mtshan dang ldan par yid la byas na/ sems can dang / sems ma yin pa dang / ji snyed gzugs su gtogs pa thams cad sangs rgyas kyi sku dang ra dra bar mtshan phun sum tshogs par mthong gi/ gzugs su mi mthong ngo // byang chub sems dpa' de'i tshe yang 'di snyam du/ chos thams cad dang gzugs thams cad ni sgyu ma dang 'dra ste/ yang dag pa ma yin pas bdag gis tshor ba rnam gsum dang / 'du byed gsum la sogs pa chos thams cad lhag ma ma lus par yongs su bcad do snyam nas/ 'gog pa'i ting nge 'dzin la snyoms par zhugs so/ ting nge 'dzin de la gnas nas blo sngon du btang ba bzhin du thams cad yongs su bcad de/ ting nge 'dzin gyi ro'i zas kyis 'tshe'o// gal te na zhag bdun nam/ zhag bdun gnyis sam/ bdun gsum mam/ 'azhi 'am/ lnga 'am/ drug gam/ bdun nam/ brgyad dam/ gal te na bskal pa tshad med pa bye ba khrag khrig brgya stong gi bar du ci nus su gnas te/ ting nge 'dzin gyi zas za'o// ting nge 'dzin de las langs nas/ sems rab tu zhi bas ci la yang mi chags te bde bar gnas so// gal te don dam pa'i mthas gtugs pa'i ting nge 'dzin du zhugs na yang sngar ji ltar bshad pa bzhin du/ sangs rgyas kyi sku mtshan dang ldan pa yid la bya ba nas/ chos thams cad dang gzugs thams cad sgyum dang 'dra ste/ yang dag pa ma yin pa'i bar du chud par byed do// rigs kyi bu 'di ni byang chub sems dpa' sems dpa' chen po'i tshig so so yang dag
- 189b
par rig pa/ nam mkha'i dbyings dang mnyam pa/ tshad med pa/ mtha' yas pa/ yangs shing rgya che ba dang ldan pa ji snyed sangs rgyas kyi chos thams cad de/ ting nge 'dzin thams cad dang / gzungs thams cad dang / shin tu brtan pa'i bzod pa chen po'i go cha chen po'i 'khor lo zhes bya ste/ byang chub sems dpa' sems dpa' chen po dag 'khor lo 'di dang ldan na/ nam mkha'i mig dang / spyi bo'i ting nge 'dzin rnams dang / gzungs rnams la thabs mkhas pas thams cad lhag ma ma lus par spangs te/ rnam par smin pa'i 'bras bu len par mi byed do// gzhan yang rigs kyi bu 'di lta ste/ 'jig rten gyi khams su mes 'jig pa 'byung du nye ba na/ nyi ma lnga cig car sha ra te/ 'jig rten gyi khams na rdzing bu dang / rdzing chen po dang / 'bab chu dang / 'bab chu chen po dang / mtsho dang / mtsho chen po'i chu rnams lhag ma ma lus par thams cad skems par 'gyur ro/ / de bzhin du byang chub sems dpa' yang tshig so so yang dag par rig pa/ nam mkha'i dbyings dang mnyam pa/ tshad med pa/ mtha' yas pa/ yangs shing rgya che ba dang / ldan pa ji snyed sangs rgyas kyi chos thams cad de/ ting nge 'dzin rnams dang / gzungs rnams dang / shin tu brtan pa'i bzod pa chen po'i go cha chen po'i 'khor lo yang mngon par 'dren to// gzhan yang nam mkha'i mig dang / spyi bo'i ting nge 'dzin rnams dang / gzungs rnams la thabs mkhas pa'i go che chen po'i 'khor lo la yang gnas shing 'dren par 'gyur ro// gang 'das pa'i dus kyi sdig pa mi dge
- 190a
ba'i las kyi lhag mas gnyer te/ ngan 'gro mnar med pa dang / gzhan yang srid pa dang / 'gro ba rnams su 'khor bar 'khor ba'i las thams cad lhag ma ma lus par yongs su bskams te/ rnam par smin pa'i 'bras bu mi len par byed do// gzhan yang rigs kyi bu 'di lta ste/ 'jig rten chus 'jig pa 'byung ba na/ stong gsum gyi stong chen po'i 'jig rten gyi khams 'di'i khams chung ngu'i gling chen po bzhi dang / gling phran brgyad dang / ri rab ri'i rgyal po dang / ri phran thams cad chus bkrus te zhig nas lhag ma ma lus par zad par 'gyur ro// de bzhin du byang chub sems dpa' yang tshig so so yang dag par rig pa/ nam mkha'i dbyings dang mnyam pa/ tshad med pa/ mtha' yas pa/ yangs shing rgya che ba dang ldan pa ji skad sangs rgyas kyi chos thams cad de/ ting nge 'dzin rnams dang / gzungs rnams dang / shin tu/ brtan pa'i bzod pa'i go cha chen po'i 'khor lo yang 'grub cing 'dren par 'gyur ro// nam mkha'i mig dang spyi bo'i ting nge 'dzin rnams dang / gzungs rnams la thabs mkhas pa'i go cha chen po'i 'khor lo la gnas shing 'dren par 'gyur bas/ 'das pa'i dus kyi sdig pa mi dge ba'i las kyi lhag mas gnyer te/ ngan 'gro mnar med pa dang / gzhan yang srid pa dang / 'gro ba rnams su 'khor bar 'khor ba'i las la mkhas pa'i go che chen po'i 'khor lo la yang gnas par 'gyur ro/ / 'khor lo 'di la gnas pas dpag tu med pa nam ma par lta bu'i ye shes kyi nyim byung bas/ rang gi lus la phyin ci log bzhi dang / ma rig pa'i mun pa thams
- 190b
cad yongs su sel bar 'gyur ro/ / 'das pa'i dus kyi sdig pa mi dge ba'i las kyi lhag mas gnyer te/ ngan 'gro mnar med pa dang / gzhan yang srid pa dang / 'gro ba rnams su 'khor bar 'khor ba'i las thams cad kyang lhag ma ma lus par yongs su sel te/ rnam par smin pa'i 'bras bu yang myong bar mi byed do// rigs kyi bu byang chub sems dpa' sems dpa' chen po gang 'khor lo 'di dang ldan na/ thog ma sems bskyed nas 'dod pa rnam lnga yongs su bsal te/ nyan thos dang rang sangs rgyas thams cad las shin tu 'das shing / nyan thos dang rang sangs rgyas thams cad kyi bsod nams kyi zhing du 'gyur ba dang / nyan thos dang rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur byed par 'gyur ro// 'khor lo 'di'i dbang gis sangs rgyas kyi chos thams cad la dbang du 'gyur pa dang / phyir mi ldog pa dang / sdig pa'i grogs po'i dbang du mi 'gro ba dang / sangs rgyas thams cad mthong ba dang mi 'bral zhing / byang chub sems dpa' dang nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyad bkur byed pa dang mi 'bral ba dang / yon tan thams cad la sems mi ngoms te/ mngon par byang chub kyi bar du rgyun mi 'chad pa dang / rtag tu sangs rgyas rjes su dran pa dang mi 'bral ba ni/ rlung ngu rmi lam na yang 'bral bar mi byed do// de ltar na byang chub sems dpa' de bsod nams dang ye shes kyi tshogs kyang yongs su rdzogs pa dang / ring po mi thogs par rnam par
- 191a
dag pa'i sangs rgyas kyi zhing du bla na med pa yang dag par rdzogs pa'i byang chub tu mngon par sangs rgyas nas/ sangs rgyas kyi zhing de na sems can thams cad kyang rdzus te skye ba mtshan dang gzugs sangs rgyas bcom ldan 'das dang 'dra ba/ nyon mongs pa srab cing rlung ba/ theg pa chen po la bde bar gnas pa sha stag go/ de nas bcom ldan 'das kyis don de dag gsal bar bzlas ba'i phyir tshigs su bcad de bka' stsal pa/ chos kyi snod du 'gyur bar 'dod pa dag/ nyon mongs thams cad yongs su gcad par bya// yang dag stong pa nyid la snyoms zhugs na// dngos po gang yang bya/ bar dka' ba min// srid pa'i bcing ba thams cad gcad pa'i phyir// snyoms par 'jug la nan tan brtson par bya// ting 'dzin yon tan dag dang ldan pas na// gdon mi za ba ra dpag dka'i shes rab 'thob/ / gzugs med pa yi bsam gtan rab sgom zhing // 'gog pa'i ting 'dzin spong pa nyid brtags na// sangs rgyas dran pa'i blo mchog rab skye ste// sdig pa thams cad yongs su zad 'gyur ro// yod dang med pa'i chos rnams thams cad ni// yang dag stong pa nyid du brtags pas bcom// ngan par 'gro ba'i rgyud rnams yongs bsal nas// rtag tu sangs rgyas mang po mthong bar 'gyur// yang dag stong pa nyid la rab sgom pas// dge ba'i chos gzhan kun la brtson bya ste// sangs rgyas thams cad kun la rab mchod na// nur du sangs rgyas 'bras bu thob par 'gyur// sems can kun gyi dge/
- 191b
ba'i grogs bya ste// kun nas nyon mongs pa yi nang bsal na// nam dag sangs rgyas zhing du myur du skye// mngon par 'tshang rgya byang chub chen po 'thob// sangs rgyas mtshan dang ldan pa'i sems can das/ sangs rgyas zhing der yongs su gang bar 'gyur// thams cad sangs rgyas theg la 'dun pa ste// nyan thos rang rgyal theg pa yongs su spong // 'phags pa shin tu rgyas pa chen po sa'i snying po'i 'khor lo bcu pa zhes bya ba las/ bsod nams kyi zhing gi mtshan nyid kyi le'u zhes bya ba ste bdun pa'o// / bcom ldan 'das kyis chos chen po'i nam grangs 'di bshad pa'i tshe 'khor gyi dkyil 'khor de'i nang na byang chub sems dpa' sems dpa' chen po gang+gA'i klung gi bye ma snyed dang mnyam pa/ sngon 'das pa'i dus na sangs rgyas rjes su dran pa la goms pa dag deng 'dir bcom ldan 'das kyis sangs rgyas rjes su dran pa la nan tan bya ba'i sbyor ba bshad pa thos nas/ sangs rgyas rjes su dran pa'i ting nge 'dzin gyi sgo mo thob bo// gzhan yang sems can tsha med grangs med pa rnams chos 'di thos nas/ ting nge 'dzin gyis 'tshe ba me tog gi 'phreng ba zhes bya ba'i gzungs kyi sgo mo thams cad thob bo// gzhan yang sems can tshad med grangs med pa dag bcom ldan 'das kyis bshad pa thos nas/ dpa' bar 'gro ba glog gi 'od la rten pa zhes bya ba'i gzungs kyi sgo mo thams cad thob bo// gzhan yang sems can tshad mer grangs med pa dag bcom ldan
- 192a
'das kyis bshad pa thos nas/ chos la myur ba 'od snang ba la rten par byed pa rjes su 'thun pa'i bzod pa thams cad thob bo// gzhan yang sems can tshad med grangs med pa dag bcom ldan 'das kyis bshad pa thos nas/ rdul dang dri ma dang bral te chos la chos kyi mig rnam par dag pa skyes te/ rgyun tu zhugs pa'i 'bras bu thob bo// gzhan yang sems can tshad med grangs med pa dag ni bcom ldan 'das kyis bshang ba thos nas/ lan cig phyir ldog pa'i 'bras bu thob bo// gzhan yang sems can tshad med grangs med pa dag bcom ldan 'das kyis bshad pa thos nas/ lan cig phyir mi ldog pa'i 'bras bu thob bo/ / gzhan yang sems can tshad med grangs med pa dag bcom ldan 'das kyis bshad pa thos nas/ mchog gi dgra bcom pa'i 'bras bu thob bo// sems can tshad med grangs med pa dag bcom ldan 'das kyis bshad pa thos nas/ khams gsum gyi btson ra nas 'byung bar rtsol bas/ bcom ldan 'das la rten cing rab tu byung nas yang dag pa'i chos la zhugs par gyur to// gzhan yang sems can tshad med grangs med pa dag nam 'tsho'i bar du dge ba bcu'i las kyi lam la bde bar gnas shing / nyan thos kyi theg par sems bskyed pas phyir mi ldog par gyur to// gzhan yang sems can tshad med grangs med pa dag bcom ldan 'das kyis bshad pa thos nas/ nam 'tsho bar du dge ba bcu'i las kyi lam la bde bar gnas nas/ rang sangs rgyas kyi theg par sems bskyed pa las phyir mi ldog par gyur to// gzhan yang
- 192b
sems can tshad med grangs med pa dag bcom ldan 'das kyis bshad pa thos nas/ nam 'tsho ba'i bar du dge ba bcu'i las kyi lam la bde bar gnas nas/ theg pa chen por sems bskyed cing / bla na med pa yang dag par rdzogs pa'i byang chub las phyir mi ldog par gyur to/ / gzhan yang sems can tshad med grangs med pa dag ni bcom ldan 'das kyis bshad pa thos nas/ 'jig rten gyi yang dag par lta ba thob par gyur te/ yang dag par lta ba de'i dbang gis ngan song du 'gro ba'i rgyu dang / kun nas nyon mongs pa'i las dang / nyon mongs pa thams cad byang nas/ mtho ris su 'gro ba'i rgyu dang / yang dag pa'i smon lam dang / dge ba'i las thams cad skye zhing 'bel bar gyur to/ / gzhan yang sems can tshad med grangs med pa dag bcom ldan 'das kyis bshad pa thos nas/ dkon mchog gsum la skyabs su song ste/ dge snyen gyi sdom pa blangs nas/ sangs rgyas mchod pa la spro ba dang / chos thos pa la dga' ba dang / dge 'dun gyi g.yog byed pa la mos te/ nyin mtshan du 'bad pa'i brtson 'grus la sems bar chad med par gyur to// gzhan yang sems can tshad med grangs med pa dag bcom ldan 'das kyis bshad pa thos nas/ log pa la 'bab pa dang / log pa la phyogs pa dang / blo gros ngan pa dang / las ngan pa thams cad yongs su spangs te/ sangs rgyas kyi chos la mi 'gyur ba'i dang ba thob nas/ khyim na gnas pa'i chos yongs su spangs te/ rnam par dag pas rab tu byung bar gyur to// de nas bcom ldan 'das kyis/ byang chub sems
- 193a
dpa' sems dpa' chen po nam mkha'i snying po la 'di skad ces bka' stsal to/ / rigs kyi bu ngas sa'i snying po'i 'khor lo bcu pa zhes bya ba brda sprod pa pa chen po chos kyi sgo mo 'di khyod kyi lag tu gtad kyi/ khyod kyis gzungs su zung la shin tu rgyas par gyis shig/ sems can gang chos kyi rnam grangs 'di la glog gam/ 'don tam/ yid la byed dam/ gzhan la rgya cher 'chad dam yang dag pa'i spyod pa la gnas pa dag la khyod kyis chos rnam pa 'di bcus bsrungs te/ yun ring por phan pa dang bde ba'i don thob par gyis shig/ bcu gang zhe na/ 'di lta ste/ de'i thabs dang bdog pa'i nor tha mas cad bsrungs te nyams par mi bya ba dang / gnod pa thams cad las bsrungs te gnor pa med par bya ba dang / log par lta ba dang / log par phyogs pa las bsrungs te mi dge ba bcu'i las kyi lam spang bar bya ba dang / de'i lus la gnod pa thams cad las bsrungs te med par bya ba dang / 'phya ba dang skur ba thams cad las bsrungs te med par bya ba dang / tshul khrims dang sprod pa thams cad nyams par mi 'gyur bar srungs pa dang / de la mi ma yin pa thams cad dang / 'byung ba chen po 'khrugs pa dang / dus ma yin pa'i nad dang / rga ba thams cad yongs su sel bar srung ba dang / de la dus ma yin pa tshul ma yin pa/ ltas ngan dang / rims thams cad mi 'byung bar srung ba dang / de la 'chi ba'i dus byed pa na yang / sangs rgyas thams cad mthong bar srung ba dang / de tshe 'phos nas kyang bde 'gror skye ba dang
- 193b
phan pa dang / bde ba'i don thob par yongs su srung bar byed do// rigs kyi bu sems can gang chos kyi rnam grangs 'di klog pa dang / 'don pa dang / don yid la byed pa dang / gzhan dag la rgya cher 'chad dam/ yang dag pa'i spyod pa la gnas pa dag la/ khyod kyis chos rnam pa 'di bcus shin tu bsrung zhing byin gyis brlabs te/ chos rnam pa 'di bcus yun ring por phan pa dang bde bar gyis shig/ de nas byang chub sems dpa' sems dpa' chen po nam mkha'i snying pos/ bcom ldan 'das la 'di skad ces gsol to// de de bzhin no// bcom ldan 'das bdag gis chos kyi rnam grangs 'di gzungs su 'dzin cing shin tu rgyas par bgyi'o/ / sems can gang chos kyi rnam grangs 'di la klog pa dang / 'don pa dang / don yid la bgyid pa dang / pha rol po la rgya cher ston pa dang / yang dag pa'i spyod pa la gnas pa dag la/ bdag gis chos rnam pa 'di bcus shin tu bsrungs te/ yun ring por phan pa dang bde bar bgyi'o// de nas bcom ldan 'das kyis mdo sde 'di gsungs nas/ 'khor gyi dkyil 'khor na gnas pa'i byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rigs par the tshom 'dri ba dang / tshangs pa chen po lha'i snying po dang / lha dang / klu dang / gnod sbyin dang / dri za dang / lha ma yin dang
- 194a
nam mkhara' lding dang / mi 'am ci dang / lho'i phye chen po dang / mi dang / mi ma yin pa la sogs pa 'khor mang po thams cad/ bcom ldan 'das kyis gsungs pa la mngon par dga' 'o/ / 'dus pa chen po las/ byang chub sems dpa' sa'i snying po 'khor lo bcu pa las/ bde ba'i don 'thob pa yongs su gdams pa zhes bya ba rdzogs so// ban dwe rnam par mi rtog pas rgya las bsgyur ba'o// mdo 'dir skad gsar bcad kyis gtan la ma phab pa'i 'gyur snying pa 'ga' zhig gdar 'o// // rgya gar skad du/ Ar+ya ta thAg tag d+han ma ma hA yA na sU tra/ bod skad du/ 'phags pa de bzhin gshegs pa'i snying po zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas/ lo bcu pa zhes pa dang / shin tu tsha ba'i dus kyi tshe/ rgyal po'i khab na/ bya rgod kyi phung po'i ril rin po che'i gdugs kyi khang bzangs tsan dan gyi snying po'i khang pa brtsegs pa na/ slob pa dang / mi slob pa'i nyan thos kyi dge slong 'bum du tshang ba'i dge slong gi dge 'dun chen po phal cher dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/
- 194b
glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi dbang gi dam pa'i pha rol son pa sha stag la/ 'di lta ste/ rtsedang 'od srungs chen po dang / tshe dang ldan pa lteng rgyas 'od srungs dang / tshe dang ldan pa chu bo 'od srungs dang / tshe dang ldan pa g.ya 'od srungs dang / tshe dang ldan pa ka t+ya'i bu chen po dang / tshe dang ldan pa gsus pa cha tshe dang ldan pa bkul dang / tshe dang ldan pa nam gru dang / tshe dang ldan pa rab 'byor dang / tshe dang ldan pa byams ma bu gang po dang / tshe dang ldan pa ngag dbang dang / tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa cang shes ko'u di n+ya dang / tshe dang ldan pa 'char ka dang tshe dang ldan pa sgra gcan zin dang / tshe dang ldan pa dga' bo dang / tshe dang ldan pa nye dga' dang / tshe dang ldan pa kun dga' bo dang / de dag la sogs pa dge slong 'bum du reng ba dang thabs gcig tu bzhugs so/ / byang chub sems dpa' sems dpa' chen po sangs rgyas kyi zhing tha dad pa nas 'dus pa/ gad+hA'i klung drug cu'i bye ma snyed thams cad kyang / skye ba gcig gis thogs pa/ mngon par shes ba chen po dang / stobs dang / mi 'jigs pa thob pa/ sangs rgyas bye ba khrag khrig 'bum phrag mang po la bsnyen bkur byas pa/ phyir mi ldog pa'i chos kyi 'khor lo rab tu bskor ba/ gang dag gi ming
- 195a
chos pa sa kyi ma du da na na da su rdzogs ga rA k+ShakA/ byang chub sems dpa' sems dpa' chen po chos kyi blo gros dang / seng ge'i blo gros dang / stag gi blo gros dang / don gyi blo gros dang / rin po che'i blo gros dang / rab mchog blo gros dang / zla 'od dang / rin chen zla 'od dang / zla ba nye ba'i 'od dang / rnam par gnon pa chen po dang / rnam par gnon pa dpag med dang / rnam par gnon pa mtha' yas dang / 'jig rten gsum rnam par gnon dang / mi g.yo ba'i gnas rnam par gnon dang / mthu chen thob dang / spyan ras gzigs dbang phyug dang / spos kyi glang po dang / spos dga' dang / spos dga' ba'i dpal dang / dpal gyi snying po dang / nyi ma'i snying po dang / tog dang / tog chen po dang / tog dri ma med pa dang / rin chen mtha' yas dbyu gu dang / rin chen dbyu gu 'dor dang / rin chen dri med dbyu gu dang / mchog tu dga' ba'i rgyal po dang / rtag tu rab tu dga' dang / lag na rin po che dang / nam mkha'i mdzod dang / ri bo dang / ri rab dang / ri bo chen po dang / yon tan rin chen snang dang / gzungs kyi dbang phyug gi rgyal po dang / sa 'dzin dang / sems can thams cad kyi nad sel dang / rab tu yid dga' dang / yid skyob dang / skyo med dang / 'od byed dang / tsan dan dang / g.yo zlog dang / dpag med mngon
- 195b
bsgrags dbyangs dang / byang chub kun nas bslang dang / mthong ba don yod dang / chos thams cad la dbang sgyur ba dang / byang chub sems dpa' sems dpa' chen po byams pa dang / 'jam dpal gzhon nur gyur pa dang / de dag la sogs pa byang chub sems dpa' sems dpa' chen po gad+ha'i klung drug cu'i bye ma snyed dang yang thabs gcig go// lha dang / klu dang / gnod sbyin dang / dri za dang ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dpag tu med pa dang yang thabs gcig go// de nas bcom ldan 'das 'khor 'bum phrag du mas yongs su bskor cing mdun gyis bltas te/ rgyal po dang / blon po chen po dang / tshong dpon dang / khyim bdag dang / blon po dang / grong rdal ba dang / yul gyi mo rnams kyis bsti stang du byas/ bla mar byas/ rim gror byas shing mchod do/ / de'i tshe bcom ldan 'das bshos gsol ba'i 'og tu tsan dan gyi snying po'i khang pa brtsegs pa de nyid du yang dag 'dzeg la zhugs par gyur to// de nas sangs rgyas kyi mthus/ tsan dan gyi snying po'i khang pa brtsegs pa de las pad+ma 'dab ma bye ba khrag khrig phrag 'bu ma yod pa tshad shing rta'i 'phang lo tsam pa/ kha dog dang ldan pa/ kha ma bye ba bye ba khrag khrig phrag 'bum byung bar gyur te/ de dag steng gi nam mkha'i bar snang la/ mngon par 'phags nas/ thams can dang ldan pa'i sangs rgyas kyi zhing 'di khebs par gyur te/ 'di lta ste/ dper na/ rin po che'i bla re bzhin du kun tu gnas par gyur
- 196a
#ro/ / pad+ma'i snying po re re la yang de bzhin gshegs pa'i sku skyil mo krung bcas te bzhugs shing 'od zer 'bum dag rab tu 'gyed par kun tu snang la/ pad+ma de dag thams cad kyang shin tu kha bye bar gyur to/ / de nas sangs rgyas kyi byin gyi rlabs kyis pad+ma de dag gi 'dab ma de dag thams cad kyang mog mog dang / nog nog po dang / dring ba dang / smad par 'os pa dang / mngon par dga' bar 'gyur pa ma yin par gyur to/ / 'on kyang pad+ma'i snying po de dag la/ de bzhin gshegs pa'i sku rnams skyil mo krung bcas te bzhags shing / 'od zer 'bu ma dag rab tu 'gyed par kun tu snang ngo / / de bzhin gshegs pa'i sku pad+ma'i snying po la bzhugs pa de dag gis kyang thams cad dang ldan pa'i sangs rgyas kyi zhing 'di khyab par gyur te/ de'i tshe sangs rgyas kyi zhing 'di shin tu mdzes par gyur to/ / de nas de'i tshe byang chub sems dpa'i tshogs thams cad dang / 'khor bzhi yang shin tu ngo mtshar du gyur cing dga' bar gyur to// bcom ldan 'das kyi rdzu 'phrul mngon par radu mdzad pa de mthong nas the tshom du gyur te/ gang pad+ma bye ba khrag khrig phrag 'bum 'di dag gi 'dab ma rnams 'di ltar kha dog ngan cing chung ba rnams kyang kha dog ngan la smad pa'i 'os su gyur te/ mngon par dga' bar 'gyur ba ma yin pa dang / pad+ma'i snying po de dag la yang de bzhin gshegs pa'i sku re re skyil mo krung bcas te bzhugs shing 'od gzer 'bum dag rab tu 'gyed pas shin tu mdzes par
- 196b
kun tu snang ba 'di'i rgyu ni gang yin/ rkyen ni gang yin snyamo// de nas thams cad dang ldan pa'i byang chub sems dpa'i tshogs dang / 'khor bzhi po the tsom du gyur pa rnams 'dong bar bya ba'i mtshan ma byas so/ de'i tshe tsan dan gyi snying po'i khang pa brtsegs pa der/ byang chub sems dpa' sems dpa' chen po rdo rje'i blo gros zhes bya ba 'dus par gyur te 'dug go// de nas bcom ldan 'das kyis byang chub sems dpa' sems dpa' chen po rdo rje'i blo gros la bka' stsal pa/ rigs kyi bu khyod kyis chos can gyi gtam las rtsoms te/ de bzhin gshegs pa dgra bcom pa yang dag par rdzogs pa'i sangs rgyas la yongs su zhu bar spobs par gyis shig/ de nas byang chub sems dpa' sems dpa' chen po rdo rje'i blo gros/ bcom ldan 'das kyis gnang bas lha dang / mi dang / lha ma yin dang bcas pa'i 'jig rten dang / byang chub sems dpa' thams cad dang / 'khor bzhi po dag gi the tshom gyi zug rngu rig nas/ bcom ldan 'das la 'di skad ces gsol to// bcom ldan 'das 'jig rten gyi khams 'di thams cad pad+ma kha dog ngan cing dri mi bda' ba 'di lta bu bye ba khrag khrig phrag 'bum 'di dag gis khebs pa dang / de dag gi dbus na yang de bzhin gshegs pa'i sku skyil mo krung bcas shing bzhugs te/ 'od zer 'bum dag rab tu 'gyed par kun tu gda' ba dang / de bzhin gshegs pa'i sku de dag mthong nas kyang / srog chags bye ba khrag khrig phrag 'bum thal mo sbyar te phyag 'tshal ba'i rgyu ni gang lags/ rkyen ni gang lags/ de nas de'i tshe byang chub sems
- 197a
@dpa' rdo rje'i blo gros kyis rigs su bcad pa 'di dag gsol to/ / sangs rgyas stong phrag bye ba mi g.yo bar// pad+ma dag gi dbus na bzhugs par ni// khyod kyis 'di 'dra'i rdzu 'phrul ston mdzad pa/ / bdag gis sngan cad nam yang 'di ma mthong // 'od zer stong rnams rab tu 'gyed mdzad cing // sangs rgyas zhing 'di thams cad khebs par mdzad// ngo mtshar chos kyi rnams la rol mdzad pa'i// 'dren pa rnams kyis bar chad ma mchis mdzes// 'dab ma dag dang chu ba sma 'os la// kha dog ngan pa'i pad+ma rnams dbus der// de dag rin chen rang bzhin 'drar bzhugs pa// ci yi slad du rdzu phrul 'di dag sprul/ / bdag gis sangs rgyas gang+gA'i bye snyed mthong // de yi rdzu 'phrul khyad 'a phags bdag mthong ste// de ring gda' ba'i rnam sprul ci 'dra ba// sngon chad nam yang 'di 'dra 'di ma mthong // rkang gnyis gtso bo lnga sa ni bstan du gsol/ / gang rkye ni gang lags pa bshad du gsol// 'jig rten don mdzad thugs brtse gsung du gsol// lus can kun gyi the tshom dgu ma du gsol// de nas bcom ldan 'das kyis/ byang chub sems dpa' sems dpa' chen po rdo rje'i blo gros la sogs pa thams cad dang ldan pa'i byang chub sems dpa'i tshogs la bka' stsal pa/ rigs kyi bu dag de bzhin gshegs pa'i snying po zhes bya ba'i mdo shin tu rgyas pa yod de/ de rab tu bstan pa'i phyir/ de bzhin gshegs pas snang ba'i mtshan ma 'di lta bu 'di byas so// de'i phyir legs par rab tu nyon la yid la zung zhig dang bshad do// byang
- 197b
chub sems dpa' sems dpa' chen po rdo rje'i blo gros dang / thams cad dang ldan pa'i byang chub sems dpa'i tshogs des/ bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rigs kyi bu dag ji ltar de bzhin gshegs pas sprul pa'i pad+ma kha dog ngan pa/ dri nga ba/ smad par 'os pa/ mngon par dga' bar 'gyur ba ma yin pa 'di dag dag/ de bzhin gshegs pa'i gzugs mdzes pa/ gzugs bzang ba/ blta na sdug pa dag pad+ma'i snying po 'di dag la skyil mo krung bcas shing 'khod de/ 'od gzer 'bum dag rab tu 'gyed cing 'khod pa de dag kyang rig nas/ lha dang mi rnams phyag 'tshal zhing / mchod pa'i las kyang byed pa de bzhin du/ rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas kyis kyang / rang gi shes rab dang / ye shes dang / de bzhin gshegs pa'i spyan gyi sems can srog chags su gyur pa/ 'dod chags dang / zhe sdang dang / gti mug dang / sred pa dang ma rig pa'i nyon mongs pa bye ba phrag 'bum gyi sbubs su gyur pa thams cad dang / rigs kyi bu dog sems can nyon mongs pa'i sbubs su gyur pa de dag gi nang na/ nga 'dra bar ye shes dang ldan pa/ mig dang ldan pa'i de bzhin gshegs pa mang po 'khod cing skyil mo krung bcas nas/ mi g.yo bar 'khod pa mthong ste/ nyon mongs pa thams cad kyis nyon mongs pa can du gyur pa de dag gi nang na/ de bzhin ga
- 198a
pa'i chos nyid mi g.yo zhing / srid pa'i 'gro ba thams cad kyis ma gos pa dag mthong nas/ de bzhin gshegs pa de dag ning dang 'dra'o zhes smra'o// rigs kyi bu dag de bzhin gshegs pa'i spyan ni de ltas mdzes pa yin te/ de bzhin gshegs pa spya na nges sems can thams cad de bzhin gshegs pa'i snying por mthong ngo // rigs kyi bu dag 'di lta ste dper na/ skyes bu lha'i mig can la la zhig gis lha'i mig gis 'di ltar kha dog ngan cing / 'di ltar dring po'i pad+ma kha ma bye zhing / ma gyes pa dag la ltas te/ de'i dbus na pad+ma'i snying po la de bzhin gshegs pa skyil mo krung bcas shing 'dug par rig nas/ de bzhin gshegs pa'i gzugs blta bar 'dod de/ de bzhin gshegs pa'i gzugs de yang dag par thung ba'i phyir/ pad+ma'i 'dab ma kha dog ngan cing dring la/ spyad par 'os pa de dga' byed cing sel ba de bzhin du/ rigs kyi bu dag de bzhin gshegs pas kyang sangs rgyas kyi spyan gyis sems can thams cad de bzhin gshegs pa'i snying por mthong nas/ sems can de dag gi 'dod chags dang / zhe sdang dang / gti mug dang sred pa dang / ma rig pa'i nyon mongs pa'i sbubs dbye ba'i phyir chos ston te de sgrub pa'i de bzhin gshegs pa rnams ni yang dag pa nyid du gnas so// rigs kyi bu dag 'di ni chos rnams kyi chos nyid de/ de bzhin gshegs pa rnams byung yang rung ma byung yang rung / sems can 'di dag ni rtag tu de bzhin gshegs pa'i snying po can yin na/ rigs kyi bu dag smad par 'os pa'i nyon mongs pa'i sbubs rnams
- 198b
kyis yog pas/ de dag gi nyon mongs pa'i sbubs gzhig pa dang / de bzhin gshegs pa'i ye shes kyang yongs su spang ba'i phyir/ de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' rnams la chos ston te/ bya ba 'di la yang mos par byed do// de la byang chub sems dpa' sems dpa' chen po chos de dag la mngon par brtson par gnas pa de dag gang gi tshe/ nyon mongs pa dang / nye ba'i nyon mongs pa thams cad las yongs su grol bar gyur pa de'i tshe/ de bzhin gshegs pa dgra bcom pa yang dag par rdzogs pa'i sangs rgyas zhes bya ba'i grangs su 'gro sdede bzhin gshegs pa'i bya ba thams cad kyang byed do/ / de nas de'i tshe bcom ldan 'das kyis tshigs su bcad pa 'di dag bka' stsal to// ji ltar pad+ma smad par 'os gyur pa// de yi 'dab ma sbubs gyur ma gyes la/ / de bzhin gshegs pa'i snying po ma gos te// mi 'ga' la las lha yi mig gis mthong // de ni de'i 'dab ma 'byed pa na// dbus na rgyal ba'i sku ni mthong gyur nas// rgyal ba nye ba'i nyon mongs phyir mi 'gyur// de ni 'jig rten kun tu rgyal bar 'gyur/ / de bzhin ngas kyang srog chags thams cad kyi// dkyil der gnas pa'i rgyal ba rnams kyi lus// ji ltar smad 'os pad+mo'i sbubs 'dra ba'i// nyon mongs stong phrag bye bas khebs pa mthong / / nga yang de dag gi ni bsal ba'i phyir// mkhas pa rnams la rtag tu chos ston to// sems can 'di dag sangs rgyas 'gyur bya zhes// rgyal ba'i phyir ni nyon mongs rnam par sbyong // nga yi sangs rgyas
- 199a
spyan ni de 'dra ste/ / nga yis rgyal ba'i lus su gnas pa yi// sems can 'di dag thams cad mthong gyur te// de dag rnam par spang phyir chos smra'o// rigs kyi bu dag gzhan yang 'di lta ste dper na/ sbrang tshong zlum po shing gi yal ga la 'phyang ba// bung ba 'bum gyis kun tu bsrungs shing // sbrang rtsis yongs su gang ba zhig yod la/ de nas sbrang rtsi 'dod pa'i mi zhig gis srog chags kyi rnam pa bung ba de dag thabs mkhas pas skud nas/ sbrang rtsi des sbrang rtsi'i bya ba byed do// rigs kyi bu dag de bzhin du sems can thams cad kyang sbrang tshang dang 'dra ste/ de la sangs rgyas nyid nyon mongs ba dang / nye ba'i nyon mongs pa bye ba phrag 'bum gyis shin tu bsrungs pa/ de bzhin gshegs pa'i ye shes mthong bas rig go// rigs kyi bu dag ji ltar spang tshang gi nang na/ sbrang rtsi bung ba bye ba phrag 'bum gyis kun tu bsrungs pa yod par skyes bu mkhas pa zhig gis shes pas rig pa de bzhin du/ sems can thams cad la yang sangs rgyas nyid nyon mongs pa dang / nye ba'i nyon mongs pa bye ba phrag 'bum gyis kun tu bsrungs pa yod par de bzhin gshegs pa'i ye shes mthong bas rig ste/ rigs kyi bu dag de la de bzhin gshegs pa yang thabs la mkhas pas bung ba bsal ba de bzhin du sems can de dag gi 'dod chags dang / zhe sdang dang / gti mug dang / nga rgyal dang / rgyags pa dang / 'chab pa dang / khro ba dang / gnod sems dang / phrag dog dang / ser sna la sogs pa'i nyon mongs pa dang / nye ba'i nyon mong
- 199b
pa rnams bsal nas/ ji ltar sems can de dag la yang nyon mongs pa dang nye ba'i nyon mongs pa can du mi 'gyur ba dang / gnod par mi 'gyur ba de lta de ltar chos ston to// de bzhin gshegs pa'i ye shes mthong ba de rnam par sbyangs nas/ 'jig rten na de bzhin gshegs pa'i bya ba byed de/ rigs kyi bu dag nga'i de bzhin gshegs pa'i spyan yongs su dag pa des/ ngas sems can thams cad de ltar mthong ngo // / de nas de'i tshe bcom ldan 'das kyis tshigs su bcad pa 'di dag bka' stsal to// ji ltar 'di na spang tshang yod pa la// bung bas kun tu bsrungs shing sngas gyur pa// mi gang sbrang rtsi 'dod pas de mthong nas// des ni bung ba rab tu skrod par byed// de bzhin 'dir yang spang tshang lta bu ni// srid pa gsum gyi sems can thams cad do// de dag nyon mongs bya ba mang ba ste// nyon mongs dbus na de bzhin gshegs 'dug/ thob // nga yang sangs rgyas rnam par spyad don tu// bung ba skrod pa lta bur nyon mongs sel// gang gis nyon mongs bye ba gnod 'gyur ba// chos rnams 'dir ni thabs kyis rang ston te// de dag ji ltar de bzhin gshegs gyur la/ / 'jig rten kun tu bya ba byed 'gyur zhing // spobs ldan ji ltar sbrang ma'i sbrang rtsi yi// snod 'dra'i chos ston 'gyur bar bya phyir ro// rigs kyi bu dag gzhan yang 'di lta ste dper na/ 'bras sA lu 'am/ nas sam/ ci tse 'am/ 'bru rnams ni snying po phub ma sa yongs su bsrungs pa yin te/ de rang gi phub ma las ma byung gi bar du bza' ba dang / bca' ba dang / myang ba'i bya ba mi byed kyi/
- 200a
rigs kyi bu dag skyes pa 'am/ bud med gang dag bza' ba dang / bsar ba la sogs pa zas skom gyi bya ba 'dod pa de dag gis brngas shing brdungs te/ phub ma'i sbubs dang phyir shun sel to/ / rigs kyi bu dag de bzhin du de bzhin gshegs pa'i spyan gyis sems can thams cad la de bzhin gshegs pa nyid// sangs rgyas nyid rang byung nyid/ nyon mongs pa'i sbubs kyi shun pas dkris shing gnas par mthong ngo / / rigs kyi bu dag de la de bzhin gshegs pa yang nyon mongs pa'i sbubs kyi shun pa bsal ba dang / de bzhin gshegs pa nyid yongs su spang ba dang / sems can 'di dag ji ltar nyon mongs pa'i sbubs kyi shun pa thams cad las grol te/ 'jig rten du de bzhin gshegs pa dgra bcom pa yang dag par rdzogs pa'i sangs rgyas shes bya ba'i grangs su 'gro bar 'gyur snyam nas// sems can rnams la chos ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar 'bru 'am sA lu'i 'bras kyang rung // ci tse 'am ni 'on te nas kyang rung // ji srid bar du de dag phub bcas pa// de srid bar du bya ba mi byed de// de dag gis ni brdungs nas phub bsal na// bya ba rnam pa mang po dag kyang byed// snying po phub ma ldan pa de dag ni// sems can rnams la bya ba mi byed do/ / de bzhin sems can kun gyi sangs rgyas so// nyon mongs rnams kyis kheb par ngas mthong nas// ngas ni dag par sbyang ba dang / sangs rgyas myur thob bya phyir chos ston to// sems
- 200b
can kun la nga ra dra'i chos nyid ni/ / nyon mongs brgya yis dkris nas gang yod pa// de ni rnam spungs thams cad ji lta bur// rgyal bar myur 'gyur bya phyir chos ston to// rigs kyi bu dag gzhan yang 'di lta ste/ dper na/ rul ba dang / nya la nyil gyi gnas bshang gci dri mi zhim pas kun tu gang ba zhig tu/ mi gzhan gseb lam nas song ba zhig gis gser gyi gar bu zlum po zhig lhung bar gyur la/ bshang gci dring bas kun tu gang ba/ rul ba dang / nyal rnyil gyi gnas der mi gtsang ba gzhan dang gzhan dag gri ma rnan pas// ba ltar mi snang bar gyur cing der de lo bcu 'am/ nyi shu 'am/ sum cu 'am/ bzhis 'am/ lnga bcu ram/ lo brgya 'am/ lo sbyong du mi gtsang bas chud mi za ba'i chos can de sems can gang la yang phan pa mi byed do// rigs kyi bu dag de nas lhas lha'i mig gi sa gser gyi gar bu zlum po de la bltas nas/ mi zhig la kye mi khyod song la 'di na/ rin po che'i mchog gser rul ba dang / nyal til gyi rnam pas non pa de byi dor gyis la ga ser gyi sa gser gyi bya ba gyis shig ces bsgo na rigs kyi bu dag rul ba dang / nyal til gyi rnam pa zhes bya ba de ni nyon mongs pa rnam pa sna tshogs kyi tshig bla dgas so// gser gyi gar bu zhes bya ba de ni chud mi za ba'i chos can gyi tshogardza dgas so/ / lus lha'i mig ces bya ba deni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas so// rigs kyi bu dag de ltar de bzhin gshegs pa dgra bcom pa
- 201a
yang dag par rdzogs pa'i sangs rgyas kyang / sems can thams cad la de bzhin gshegs pa'i chos nyid chung mi za ba yod pa'i nyon mongs pa rul ba dang / 'dam rdzab lta bu rnams bsal/ ba'i phyir/ sems can rnams la chos ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar mi yis gser gyi gar bu ni// nyal nyi la rnam pa'i nang du lhung gyur la// dere de lo ni mi nyung ba zhig tu// de ltar gnas kyang mi 'jig chos can no// lha yis lha yi mig gis de mthong nas// rnam par sbyang phyir gzhan la smras pa ni// 'di na rin chen mchog gi gser yid pa// rnam par spongs la des ni bya ba gyis/ / de bzhin ngas ni sems can thams cad kyang // nyon mongs rnams kyis yun ring rtag non mthong // de dag gi ni blo bur nyon mongs shes// rang bzhin sbyang phyir thabs kyis chos ston to/ / rigs kyi bu dag gzhun yang 'di lta ste dper na/ dbul po zhig gi khyim gyi nang gi mdzod kyi 'og gi sa la gter chen po dbyig dang gser gyis rab tu grang ba/ mdzod kyi tshad tsam zhig mi bdun srid kyi sas yog pa'i 'og na yod la/ gter chen de mi dbul po de la 'di skad du/ kye ming ni gter chen po ste/ sas yog cing 'dug go zhes ni mi smra ste/ 'di lta ste/ gter chen po ni sems kyi ngo bo nyid kyis sems can ma yin pa'o/ / mi dbul po khyim gyi bdag po de ni dbul po sems kyis rjes su sems shing de nyid kyi steng na rnam par rgyu yang / sa'i 'og na gter chen po yod pa de ma thos mi shes ma
- 201b
mthong ngo / / rigs kyi bu dag de bzhin du sems can thams cad kyi mngon par zhen pa'i yid la byed pa khyim lta bur gyur pa'i 'og na/ de bzhin gshegs pa'i snying po'i stobs dang / mi 'jigs pa dang / ma 'dres pa dang / sangs rgyas kyi chos thams cad kyi mdzod kyi gter chen po yod kyang / sems can de dag gzugs dang / sgra dang / dri dang / ro dang reg pa la chags pas sdug bsngal bas 'khor ba na 'khor te chos kyi gter chen po de ma thos pas thob par ma gyur cing yongs su spang ba'i phyir brtson pa yang mi byed do/ / rigs kyi bu dag de nas de bzhin gshegs pa 'jig rten du byung ste/ byang chub sems dpa'i nang dubudi lta bu'i chos kyi gter chen po yang dag par rab tu ston to/ / de dag kyang chos kyi gter chen po de la mes nas rko ste/ de'i phyir 'jig rten na de bzhin gshegs pa dgra bcom pa yang dag par rdzogs pa'i sangs rgyas rnams shes bya ste/ chos kyi gter chen po lta bur gyur nas/ sems can rnams la sngon ma byung ba 'am// sngon ma byung ba'i gtan tshigs kyi rnam pa dang / dpe dang / byed pa'i gtan tshigs dang / bya ba rnams ston pa gter chen po'i mdzod kyi sbyin bdag chags pa med pa'i spobs pa dang ldan zhing / stobs dang / mi 'jigs pa dang / sangs rgyas kyi chos mang po'i mdzod du gyur pa yin no// rigs kyi bu dag de ltar de bzhin gshegs pa dgra bcom pa yang dag par rdzogs pa'i sangs rgyas kyang de bzhin gshegs pa'i mig shin tu yongs su dag pas/ sems can thams cad de lta bur mthong nas/ de bzhin gshegs
- 202a
pa'i ye shes dang / stobs dang / mi 'jigs pa dang / sangs rgyas kyi chos ma 'dres pa'i mdzod yongs su srung ba'i phyir/ byang chub sems dpa' rnams la chos ston to// de nas/ de'i tshe bcom ldan 'das kyi tshigs su bcad pa 'di dag bka' stsal to// ji ltar dbul po'i khyim gyi 'og logs na// dbyig dang go ser gyis gang ba'i gter yod pa// de la g.yo ba'am rlom sems yod min te/ / nga ni khyod kyi yin zhes de mi smra// de yi tshe na sems can khyim bdag de// dbul bar gyur la rnam par mi shes shing // sus kyang de la bsnyad pa med pas na// dbul po de ni de'i steng na 'dug/ de ltar ngas ni sangs rgyas mig gis su// sems can de dag thams cad dbul 'dra la// de dag rnams la gter chen yod pa dang // g.yo ba med cing bde gshegs lus su mthong // ngas ni de mthong byang chub sems dpa' la/ / khyod kyis nga yi ye shes mdzod zung la// dbul ba med cing 'jig rten mgon gyur dang // bla med chos gter 'gyur bar gyis shes bstan// gang dag ngas bstan pa la mos gyur pa/ / sems can de dag kun la gter yod do// gang dag mos nas bdag nyid rtsol byed pa// de dag myur du byang chub mchog mthob 'gyur// rigs kyi bu dag gzhan yang 'di lta ste dper na/ shing a ma'i bras bu'am/ 'dzam bu'i 'bras bu 'am/ ta la ri 'bras bu 'am spa'i 'bras bu yang rung ste/ phyi shun gyi sbubs kyi nang na/ myu gu'i sa bon chud mi pha ba'i chos can yod pa gang gis sa la btas
- 202b
na/ shin gi rgyal po chen por 'gyur ro// rigs kyi bu dag de bzhin du de bzhin gshegs pa yang 'jig rten gnas pa 'dod chags dang / zhe sdang dang / gti mug dang / sred pa dang / ma rig par nyon mongs pa'i phyi shun gyi sbubs kyis kun tu dkris par mthong ngo / / de la 'dod chags dang / zhe sdang dang / gti mug dang / sred pa dang / ma rig pa'i nyon mongs pa'i sbubs kyi nang na snying por gyur pa de bzhin gshegs pa'i chos nyid de ni sems can zhes bya ba'i ming du chags so/ / de la gang bsal bar gyur pa de ni mya ngan las 'das pa ste/ ma rig pa'i nyon mongs pa'i sbubs yongs su spangs ba'i phyir/ sems can gyi khams kyi ye shes chen po'i tshogs su gyur pa gang yin pa de ni rnyed pa'o sems can gyi khams kyi ye shes chen po'i tshogs dam pa de ni/ de bzhin gshegs pa ji lta ba de bzhin du smra bar lha dang bcas pa'i 'jig rten gyis mthong nas/ de bzhin gshegs pa zhes bya ba'i 'du shes su byed do// rigs kyi bu dag de la de bzhin gshegs pas de ltar mthong nas/ byang chub sems dpa' sems dpa' chen po rnams la/ de bzhin gshegs pa'i ye shes khong du chud par bya ba'i phyir don de nye bar ston to// de nas de'i tshe bcom ldan 'das kyis tshigs su bcad pa 'di dag bka' stsal to/ / ji ltar spa yi 'bras bu thams cad ni// nang na swa yi myu gu yod pa ste// ta la dang ni 'dzam bu kun la'ang yod// nang na yod pa'i 'bras bu bskyed na skye// de bzhin chos kyi dbang phyug
- 203a
'dren pa yang / / sems can thams cad spa yi sa bon 'dra// de kun nung na bde gshegs lus yod par// zag med sangs rgyas mig gi dam pas mthong // sbubs bshig/ ma gyur de ni sems can brjod// mi shes nang na gnas kyang rlom sems med// ting 'dzin thob ste gnas nas rab zhi ste// de la g.yo ba ci yang yod ma yin// dper na sdong che na sa bon las byung ltar/ / sems can 'di dag ji ltar 'tshang rgya zhing // lha dang bcas pa'i 'jig rten skyabs 'gyur zhes// yongs su spang ba'i don tu chos gtam smra// rigs kyi bu dag gzhan yang 'di lta ste/ dper na/ skyes bu dbul po zhi ga la/ de bzhin gshegs pa'i sku gzugs rin po che sna bdun las byas pa/ lag mthil tsam zhig yod la/ de nas skyes bu dbul po des/ de bzhin gshegs pa'i sku gzugs de khyer te/ 'brog dgon pa las shin tu 'da' bar 'dong bar gyur nas/ ci nas kyang de gzhan gyis mi tsher zhing / rkun pos mi khyer bar bya ba'i phyir/ des de ras rul pa dri mi zhim pa'i dum bu du mas dkris te/ de nas skyes bu de'i'abrog dgon pa de nyid du nyes pa gang gis kyang 'chi ba'i dus byas par ma gyur la/ de'i de bzhin gshegs pa'i sku gzugs rin po che las byas pa/ ras rul pa'i dum bus dkris pa yang rdog lam de na 'phyan cing 'dug pa dang / 'gron po rnams kyis ma kyis shes nas/ 'goms shing 'goms shing dong la/ ras rul pa dri mi zhim pa'i dum bu'i thum bu kun tu 'dril
- 203b
ba 'di gang nas rlung gis bdas shes smad pa'i dngos por yang ston pa dang / 'brog na gnas pa'i lha'i mig gis rnam par bltas nas/ mi gzhan dag cig la bstan te/ kye skyes bu dag ras kyi dus bu'i zlum bu 'di'i nang na/ de bzhin gshegs pa'i sku gzugs rin po che las byas pa/ 'jig rten thams cad kyis phyag bya bar 'os pa yod kyis phye shig ces bsgo'o// rigs kyi bu dag de bzhin du de bzhin gshegs pa yang sems can thams cad nyon mongs pa'i dkri bas dkris ste/ smad pa'i 'os su gyur cing / yun ring por 'khor ba'i 'brog dgon pa na kun tu 'khyam par mthong ste/ rigs kyi bu dag tha na dud 'gro'i skye gnas su song ba rnams kyang rung ste/ sems can nyon mongs pa sna tshogs kyi dkri bas dkris par gyur pa rnams kyi nang na yang de bzhin gshegs pa'i lus nga ci 'dra ba yod pa mthong ngo // rigs kyi bu dag de la de bzhin gshegs pa ni/ ji ltar de bzhin gshegs pa'i ye shes mthong ba/ nye ba'i nyon mongs pa dang bral zhing yongs su dag par gyur la/ ji ltar da lta rang bzhin du 'jig rten thams cad kyis phyag bya ba'i 'os su 'gyur snyam nas/ nyon mongs pa'i dkri bas dkris pa las thar par bya ba'i phyir/ byang chub sems dpa' thams cad la chos ston to// de nas de'i tshe bcom ldan 'das kyis tshigs su bcad pa 'di dag bka' stsal to/ / ji ltar dring smad par 'os rnams kyis// yongs su dkris pa bde bar gshegs kyi gzugs// rin rjen byas pa ras dum dkris pa de// lam gyi bar na bor te 'khyam gyur pa// lha yi
- 204a
mig gis de ni mthong nas su/ / lha des gzhan zhig la ni rab smras pa// 'di na de bzhin gshegs pa rin chen yod// ras dum thum bu 'di ni myur du phye// de bzhin nga yi lha mig 'di 'dra ba/ / des ni sems can 'di dag thams cad kyang // nyon mongs dkribs dkris nas rab sdug bsngal// 'khor ba'i sdug bsngal gyis ni rtag gtses mthong // ngas ni nyon mongs dkris pa'i nang dag na/ / rgyal ba'i sku ni mnyam par bzhag gyur la// de ni g.yo ba med cing mi 'gyur yang // de yongs thar byed gang yang med par mthong // ngas mthong de nas skul ma btab pa ni// byang chub mchog tu gang dag zhug pa nyon/ / de ltar sems can chos nyid 'di 'drar rtag/ 'di na yongs su dkris pa'i rgyal ba bzhugs// bde bar gshegs kyi ye shes yongs bkrol nas// gang tshe nyon mongs thams cad rab zhing / / de tshe 'di ni sangs rgyas ming thob ste// lha dang mi rnams sems ni rab tu dga'// rigs kyi bu dag gzhan yang 'di lta ste dper na/ bud med mgon med par gyur pa/ mdog ngan pa dri mo zhim pa/ smad par 'os pa/ 'jigs su rung ba/ blta na mi sdug pa/ 'dri mo 'dra ba zhig mgon med pa'i khang par zhugs nas gnas so// de der gnas pa dang sbrum mar gyur te/ gang gis gdon mi za bar 'khor los sgyur ba'i rgyal srid byed par 'gyur ba'i sems can de 'dra ba zhig de'i mngal du zhugs kyang / bud med de mngal na 'dug pa'i sems can de la bdag gi mngal du zhugs pa'i
- 204b
sems can 'di ci 'dra ba zhig snyam du yang yid la mi byed/ bdag gi mngal du zhugs sam/ ma zhugs snyam pa yang de de ni yid la mi byed kyi/ gzhan du na de dngul ba'i sems dang / zhum pa dang dman pa dang / khong du chud pa snyam pa'i sems rjes su sems shing / mdog ngan pa dang / dri mi zhim pa nyid kyis mgon med pa'i khang pa na gnas te/ dus 'da' bar byed do// rigs kyi bu dag de bzhin du sems can thams cad kyang mgon med par gyur cing / 'khor ba'i sdug bsngal gyis gtses par gyur la/ srid par skye ba'i gnas mgon med pa'i khang pa na gnas so// de nas sems can rnams la de bzhin gshegs pa'i rigs zhugs te/ khong na yid kyang sems can de dag gis khong du ma chud do// rigs kyi bu dag de la de bzhin gshegs pa ni sems can dag bdag nyid la khyad du mi gsang par bya ba'i phyir/ rigs kyi bu dag khyed bdag nyid sro shi bar ma byed par khyed brtson 'grus brtan par gyis shig dang / khyed la de bzhin gshegs pa zhugs pa yod pa dus shig na 'byung bar 'gyur te/ khyed byang chub sems dpa' zhes bya ba'i grangs su 'gro bar 'gyur gyi/ sems can zhes bya bar ni ma yin no// der yang sangs rgyas shes bya ba'i grangs su 'gro'i byang chub sems dpa' zhes bya bar ni ma yin no zhes chos ston to/ / de nas de'i tshe bcom ldan 'das kyis tshigs su bcad pa 'di dag bka' stsal to// ji ltar bud med mgon med gyur pa zhig/ kha dog ngan
- 205a
cing gzugs nam sdug la/ / byis pa yin te mgon med khang par gnas// re shig dus na de ni der b+hU ma gyu ra// de yi mngal du gang zhig nges par ni// 'khor los sgyur ba'i rgyal po che ba nyid/ / rin chen rnams kyis 'phags pa'i gleng bzhi yi// bdag po byed par 'gyur ba de 'dra bzhugs// bud med byis pa de ni 'di lta bur// mngal du zhugs sam ma zhugs mi shes la// mgon med khang pa na ni gnas byed de/ / dbul ba snyam du sems shing dus 'da' byed// de bzhin ngas ni sems can thams cad kyang // mgon med gyur la sdug bsngal chos kyis nyen// khams gsum pa yi bde ba chung la gnas/ / nang na chos nyid mngal 'dra yod par mthong // de 'dra mthong nas byang chub sems dpa' la// 'jig rten phan par byed pa mngal gnas na// sems can kun gyis chos nyid shes kyis/ bdag dman 'du shes ma bskyed cig ces bstan// khyed cag brtson 'grus brtsam pa brtan gyis dang // rang lus ring por mi thogs rgyal bar 'gyur// dus zhig byang chub snying po thob gyur nas/ / srog chags stong phrag bye ba grol byed 'gyur// rigs kyi bu dag gzhan yang 'di lta ste/ dper na/ spra tshil las rta'i gzugs sam/ glang po che'i gzugs sam/ bud med kyi gzugs sam/ skyes pa'i gzugs dag cig byas te/ 'dzom pa'i nang du bcug nas g.yogs la bcu ste/ zags par byas la gis rab nu ste/ zhu bar gyur pas bkang na/ rim gyis grangs par gyur nas mnyam par
- 205b
5/ gnas par gyur pa'i gzug sa de dag thams cad phyi rol gyi 'jim pa gnag cing kha dog mi sdug kyang / nang gi rnams ni gser las byas pa dag go/ de nas mag ra ba'am mgar ba'i slob ma zhig gis// de las gzugs gang dang gang dag grangs par gyur par mthong ba de dang de dag gi phyir rim gyi 'jim pa tho bas bkogs na/ de nas skad cig de la nang na gser las byas pa'i gzugs yod pa dag yongs su dag par 'gyur ro/ / rigs kyi bu dag de bzhin du de bzhin gshegs pa yang / de bzhin gshegs pa'i sman gyis sems can thams cad 'jim pa'i gzugs lta bu yin la/ phyi rol gyi nyon mongs pa dang / nye ba'i nyon mongs pa'i sbubs kyi nang gi sbu gu sangs rgyas kyis gang ste/ zag pa med pa'i ye shes rin po che'i nang na/ de bzhin gshegs pa mdzes par 'dug par mthong ngo // rigs kyi bu dag de la de bzhin gshegs pas sems can thams cad de ltar mthong nas/ byang chub sems dpa'i nang du song ste/ 'di lta bu'i chos kyi rnam grangs 'di dag yang dag par rab tu ston to// de la byang chub sems dpa' sems dpa' chen po gang dag zhi zhing bsil bar gyur pa de dag gi de bzhin gshegs pa'i ye shes rin po che yongs su sbyang ba'i phyir/ de bzhin gshegs pa'i chos kyi rdo rje'i thobs phyi rol gyi nyon mongs pa thams cad 'gogs so/ / rigs kyi bu dag mgar ba zhes bya ba de ni de bzhin gshegs pa'i tshig bla dgas so// rigs kyi bu dag de bzhin gshegs pa dgra
- 206a
bcom pa yang dag par rdzogs pa'i sangs rgyas kyis/ sangs rgyas kyi spyan gyis sems can thams cad de ltar mthong nas/ nyon mongs pa de dag las thar bar byas te sangs rgyas kyi ye shes la rab tu 'god pa'i phyir chos ston to/ / de nas de'i tshe bcom ldan 'das kyis tshigs su bcad pa 'di dag bka' stsal to// ji ltar gzugs ni phyi rol 'jim pas g.yogs// nang na sbu gu yod cing gsog yin pa// rin chen bzhus pas rab tu bkang na ni// brgya stong phrag ni mang por 'gyur ba yin// mgar bas shin tu grangs par gyur shes nas// 'di ltar rin chen las ni byas pa 'di/ / rnam dag gzugs 'gyur las gang bya snyam ste// gzugs la g.yogs pa'i 'jim pa 'gogs par byed// de bzhin ngas ni sems can thams cad kyang // gser gzugs 'jim pas g.yogs pa 'dra ba ste/ / phyi rol shun pa nyon mongs sbubs yin la// nang na sangs rgyas ye shes yod par mthong // de la byang chub sems dpa' gang dag ni// zhi zhing shin tu bsil bar gyur pa dag/ gang gis de dag nyon mongs ma lus 'byin/ / chos kyi lag chags de la 'gogs par byed// rin chen gzugs ni blta na sdug pa ltar// rgyal sras gang zhig 'dir ni dag gyur pa// stobs bcu dag gis lus rnams yongs gang ste/ / lhar bcas 'jig rten 'di na mchod par 'gyur// ngas ni srog chags thams cad de ltar mthong // byang chub sems dpa' rang ngas ni de ltar mthong // de ltar dag pa bde bar
- 206b
gshegs 'gyur te/ / bde gshegs dag ni sangs rgyas tshul ston to// de nas bcom ldan 'das kyis/ byang chub sems dpa' rdo rje'i blo gros la bka' stsal pa/ rdo rje'i blo gros rigs kyi bu 'am/ rigs kyi bu mo khyim pa 'am/ rab tu byung ba yang rung ste/ gang zhig de bzhin gshegs pa'i snying po'i chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / glegs bam du byas te 'jog pa dang / gzhan dag la yang rgya cher 'chad pa dang / yang dag par rab tu ston pa de bsod nams mang du skyed par 'gyur ro// rdo rje'i blo gros yang byang chub sems dpa' gzhan gang zhig de bzhin gshegs pa'i ye shes bsgrub pa'i phyir brtson par gyur la 'jig rten gyi khams re rer yang sangs rgyas thams cad la yang mchod pa'i phyir/ rdzu' phrul bsgrubs nas 'di lta bu'i ting nge 'dzin la snyoms par zhugs te/ ting nge 'dzin gyi stobs bskyed pa de sangs rgyas kyi zhing bye ba khrag khrig 'bum phrag bad+ma'i klung gi bye ma bas kyang mang ba rnams su gang+gA'i klung gi bye ma pas kyang mang ba'i sangs rgyas bcom ldan 'das byang chub sems dpa' rnams dang bcas pa/ nyan thos kyi dge 'dun dang bcas pa bzhugs shing gnas pa'i de bzhin gshegs pa re re la yang khang pa brtsegs pa/ dus su bde ba/ rgyar dpag tshad tsam la/ 'phang du dpag tshad bcu pa/ rin po che thams cad las byas pa/ lha'i dri zhim po dang ldan pa/ me tog sil ma sna tshogs bkram pa/
- 207a
longs spyod kha na mtho ba med pa thams cad dang ldan pa/ 'bum phrag gad+hA'i klung lnga bcu'i bye ma snyed nyin re zhing phul te/ bskal pa 'bum du tshang ba'i bar du 'di lta bu'i mchod pa byed/ pababs/ rigs kyi bu 'am/ rigs kyi bu mo gang gzhan zhig byang chub tu sems bskyed de/ de bzhin gshegs pa'i snying po'i chos kyi rnam grangs 'di las dpe gcig tsam lus la 'chang ngam/ glegs bam du gnas par byed na/ rdo rje'i blo gros de'i bsod nams mngon par 'du byed pa de la/ bsod nams mngon par 'du byed pa snga mas brgya ri cha dang / stong gi cha dang / 'bum gyi cha dang / zangs dang / cha dang / bgrang ba dang / dper yang nye bar mi 'gro ste/ rgyur yang mi bzod do// rdo rje'i blo gros yang byang chub sems dpa' gang sangs rgyas kyi chos yongs su tshol bas/ sangs rgyas bcom ldan 'das de dag las de bzhin gshegs pa re re la yang bskal pa 'bum tshang gi bar du/ shing man+da ra ba'i me tog khal bzhi pa 'bum 'thor la/ rdo rje'i blo gros dge slong ngam dge slong ma 'am/ dge bsnyen nam dge bsnyen ma zhig gis byang chub tu sems bskyed de/ de bzhin gshegs pa'i snying po'i chos kyi rnam grangs 'di thos nas/ thal mo lan cig sbyar te/ rjes su yi rang ngo zhes tshig gcig smras na/ rdo rje'i blo gros bsod nams mngon par 'du bya ba dang / dge ba mngon par 'du bya ba de la me tog dang / me tog phreng phul ba dang ldan pa/ de bzhin gshegs pa la bzhag pa'i bsod nams mngon par 'du bya ba dang / dge ba mngon par
- 207b
'du bya ba snga ma des/ brgya'i cha dang / sdong gi cha dang / 'bum gyi cha dang / grangs dang / cha dang / bgrang ba dang / dper yang nye bar mi 'gro ste/ rgyur yang mi bzod do// de nas de'i tshe bcom ldan 'das kyis tshigs su bcad pa 'di dag bka' stsal to/ / sems can la la gang zhig byang chub la// mos pa bskyed nas 'di nyan 'dzin pa'am// yi ger 'dri'am glegs ba ma gzhag byed cing // gus dang bcas pas tshigs bcad gcig bshad dam/ / de bzhin gshegs pa'i snying po 'di thos nas// gang zhig byang chub mchog 'di tshol byed na// bsod nams phung po ji tsam skyed 'gyur ba// de yi phan yon 'dir ni mnyan par gyi/ / rdzu 'phrul stobs mchog 'di la gnas nas su// dpa' bo bskal pa dag ni stong bar du// phyogs bcu rnams su mi yi gtso bo dag/ nyan thos bcas pa rnams la bsti stang byed/ / ji ltar gang+gA'i stong mang bye ba pas// de bas lhag pa bsam gyis mi khyab pa'i// gzhal med khang mchog rin chen las byas pa// 'jig rten slob dpon re re la yang phul// de dag 'phang du dpag tshad bcu yod la/ / mchu dang rgyar ni dpag tshad gcig yod pa// spos dang bdug pa dag dang rab ldan la// de na rin chen las byas khri bshams shing // dar dang bcos bu'i ras ni brgya bting ba'i/ khri dag dang mi bri stan gzhan rnams kyang // ji ltar gad+hA'i klung bzhin dpag med pa// rgyal ba gcig la dbul ba byas gyur la// rgyal ba gang dag 'jig rten khams zhugs pa// ji ltar gad+hA'i bye ma pas
- 208a
mangs/ rgyal ba de dag rnams la de ltar phul// kun la gus par mchod pa byed pa bas// mkhas pa gang zhig mdo sde 'di thos nas// dpe gcig tsam zhig yang dag 'dzin byed dam/ gzung nas mi 'ga' zhig la 'chang byed na// de ni de bas bsod nams phung po mang // dpa' bos bzung ba'i bsod nams 'di la ni// cha dang dper yang de ni nyer mi 'gro// srog chags dag ni kun gyi skyabs 'gyur zhing / / de ni myur du byang chub mchog 'tshang rgya// de bzhin gshegs kyi snying po 'dra yod pa// sems can dag pa kun gyi chos nyid 'di// byang chub sems dpa' mkhas pa gang sems pa// de ni rang byung sangs rgyas myur du 'gyur// rdo rje'i blo mos rnam grangs 'dis kyang 'di ltar chos kyi rnam grangs 'di ji ltar byang chub sems dpa' sems dpa' chen po rnams la thams cad mkhyen pa'i ye shes bsgrub par 'gyur ba'i gces spras byed par rig par bya'o/ / rdo rje'i blo gros sngon byung ba 'das pa'i dus na/ bskal ba grangs med pa shin tu rgyas pa/ tshad med pa/ bsam gyis mi khyab pa/ mtshungs pa/ brjod du med pa/ de'i pha rol pas kyang ches pha rol du gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha 'o sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rtag tu 'od gzer
- 208b
gtong ba zhes bya ba 'jig rten du byung ngo / / rdo rje'i blo gros cir phyir de bzhin gshegs pa de rtag tu 'od zer gtong zhes bya zhe na/ rdo rje'i blo gros bcom ldan 'das de bzhin shegs pa rtag tu 'ong zer/ gtong de byang chub sems dpar gyur pa na/ ma'i mngal du zhugs ma thag tu de ma'i mngal na 'dug bzhin du lus las 'od byung ste/ shar phyogs su 'jig rten gyi khams 'bum phrag sangs rgyas kyi zhing bcu'i rdul phra rab kyi rdul snyed dag snang bas rtag tu khyab par gyur to/ / de bzhin du lho dang / nub dang / byang dang / shar lho dang / lho nub dang / nub byang dang / byang shar dang / 'og dang / steng gi phyogs dang / phyogs bcu'i 'jig rten gyi khams 'bum phrag sangs rgyas kyis zhing bcu'i rdul phra rab kyi rdul snyed dag snang bas rtag tu khyab par gyur te/ byang chub sems dpa' de'i lus kyi 'od dga' bar 'gyur ba/ sdug pa/ mchog tu dga' bar byed pa/ mgu bar 'gyur bas 'jig rten gyi khams 'bum phrag de snyed snang bas rtag tu khyab par gyur to// rdo rje'i blo gros byang chub sems dpa' ma'i mngal na gnas pa de'i 'od kyis 'jig rten gyi khams 'bum de dag tu sems can gang dag la reg par gyur pa de dag thams cad gzi brjid dang ldan pa dang / kha dog dang ldan pa dang / dran pa dang ldan pa dang / blo gros dang ldan pa dang / rtog pa dang ldan pa dang / spobs pa dang ldan par gyur to// 'jig rten gyi khams 'bum de dag na sems can gang dag sems can dmyal ba dang / dud 'gro'i skye gnas dang /
- 209a
gshin rje'i 'jig rten dang / lha ma yin rnams kyi nang du skyes par gyur pa de dag thams cad byang chub sems dpa' de'i 'od kyis reg pa tsam gyis rang gi 'gro ba dag nas shi 'phos te/ lha dang mi rnams kyi nang du skyes so// de dag reg pa tsam gyis bla na med pa yang dag par rdzogs pa'i byang chub las phyir mi ldog par gyur to// yang phyir mi ldog pa gang dag la 'od des reg pa de dag reg ma thag tu de dag thams cad mi skyo ba'i chos la bzod pa thob par gyur to/ / yon tan lnga brgya pa'i le'u zhes bya ba'i gzungs kyang thob bo// byang chub sems dpa' ma'i mngal na gnas pa de'i lus kyi 'od kyis 'jig rten gyi khams 'bum gang dag la reg par gyur pa de dag thams cad bai DUR+Ya las grub par yongs su gnas par gyur te/ gser gyi skud pas mig mang ris su bres par gyur la/ mig mangs ris thams cad nas kyang rin po che'i shing ljon ma me tog dang / 'bras bu dang / dri dang kha dog dang ldan pa rnams 'thon par gyur to// rin po che'i shing de dag rlung gis bskyed cing bskul na/ 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i sgra dang / byang chub sems dpa'i stobs dang / dbang po dang / byang chub kyi yan lag dang / rnam par thar pa dang / ting nge 'dzin dang / snyoms par 'jug pa'i sgra snyan pa yid du 'ong ba 'di lta bu 'di dag byung ngo / / rin po che'i shing ljon pa'i sgra des kyang 'jig rten gyi khams 'bum po de dag thams cad na/ sems can rnams dga' ba dang / mchog tu dga' ba thob
- 209b
nas gnas so/ / sangs rgyas kyi zhing de dag thams cad na/ sems can dmyal ba dang / dud 'gro'i skye gnas dang gshin rje'i 'jig rten dang / lha ma yin gyi ris rnams med par gyur to// byang chub sems dpa' ma'i mngal na gnas pa de yang sems can de dag thams cad la zla ba'i dkyil 'khor bzhin du snang bar gyur te/ mngal na gnas pa nyid la nyin lan gsum mtshan lan gsum du thal mo sbyar ba'i las byas so/ / rdo rje'i blo gros de ltar byang chub sems dpa' de btsas pa dang / mngon par byung ba dang / byang chub mngon par rdzogs par sangs rgyas kyi bar du byang chub sems dpa' re'i lus las 'od rtag tu byung par gyur to/ / mngon par rdzogs par sangs rgyas nas kyang bcom ldan 'das de'i lus las 'od rtag tu byung bar gyur to// tshul de bzhin du yongs su mya ngan las 'da' ba'i dus kyi bar du bcom ldan 'das de'i lus kyi 'od de rtag tu byung bar gyur to/ / de bzhin gshegs pa de yongs su mya ngan las 'das te// ring bsrel mchod rten la gnas pa'i tshe yang lus kyi 'od de rtag tu byung bar gyur te/ rdo rje'i blo gros de'i phyir bcom ldan 'das de rtag tu 'od zer gtong zhes bya bar/ lnga dang mi rnams kyis mtshan gsol to// rdo rje'i blo gros yang bcom ldan 'das de bzhin gshegs pa dgra bcom pa yang dag par rdzogs ba'i sangs rgyas rtag tu 'od zer gtong de dang po mngon par rdzogs par sangs rgyas pa'i bstan pa la/ byang chub sems dpa' 'od zer mtha' yas shes bya ba g.yog stong dang ldan pa zhig byung ste/ rdo rje'i blo gros
- 210a
byang chub sems dpa' 'od zer mtha' yas des/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer gtong de la/ de bzhin gshegs pa'i snying po'i chos kyi rnam grangs 'di las brtsams te yongs su dris so/ / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer gtong des byang chub sems dpa' de dag rjes su gzung ba dang / yongs su gzung ba'i phyir stan gcig la 'dug bzhin du/ bskal pa chen po lnga brgyar de bzhin gshegs pa'i snying po'i chos kyi rnams grangs 'di yang dag par rab tu bshad de/ des de bzhin gshegs pa'i snying po'i chos kyi rnam grangs 'di tshig rnam par shes par bya bas/ chos bsgrub pa dang / nges pa'i tshig dang / dper 'bum phrag du mas byang chub sems dpa' de dag la yang dag par rab tu bshad pas/ phyogs bcu rnams su sangs rgyas kyi zhing bcu'i rdul phra rab kyi rdul snyed kyi 'jig rten gyi khams su yang tshegs chung ngus go/ bar gyur to// rdo rje'i blo gros de la byang chub sems dpa' gang dag gis de bzhin gshegs pa'i snying po'i chos kyi rnam grangs 'di tha na de bzhin gshegs pa'i snying po zhes bya ba'i ming thos pa de dag thams cad mthar gyis dge ba'i rtsa ba yongs su smin nas/ yon tan bkod pa de 'dra ba nyid du/ bla na med pa yang dag par rdzogs pa'i byang chub mngon par rdzogs par sangs rgyas te/ byang chub sems dpa' sems dpa' chen po
- 210b
/ ba ma gtogs so// rdo rje'i blo zos de'i tshe 'i dus na/ byang chub sems dpa' 'od zer mtha'angs shes bya bar gyur pa de gzhan nig min pa skam du khyod sems na/ de de ltar mi blta ste/ rdo blo gros khyod nyid de'i tshe de'i dus na/ byang chub sems dpa' 'od zer mtha' yas zhes bya bar gyur to// bcom ldan 'das de'i bstan pa la gang dag da dung du yang bla na med pa yang dag par rdzogs pa'i byang chub mngon par rdzogs par sangs ma rgyas pa'i byang chub sems dpa' bzhi po de dag gang zhe na/ 'di lta ste/ byang chub sems dpa' 'jam dpal dang / yathu chen thob dang / spyan ras gzig dbang phyug dang / rdo rje'i blo gro khyod nyid de bzhi'o// rdo rje'i blo gros de ltar de bzhin gshegs pa'i snying po'i chos kyi rnam grangs 'di thos pa tsam gyis byang chub sems dpa' chen po rnams la/ sangs rgyas kyi ye shes sgrub pas don che ba yin no// de nas de'i tshe bcom ldan 'das kyis tshigs su bcad pa 'di dag bka' stsal to/ / 'das pa'i dus ni bskal pa mtha' yas na// bcom ldan 'od zer gtong zhes bya ba byung // de yi lus las 'di 'dra'i 'od byung bas// / zhing rnams bye ba stong dag snang bar gyur// rgyal ba dang po mngon rdzogs sangs rgyas rig/ byang chub sems dpa' 'od zer mtha' yas kyis// de tshe bde gshegs rgyal dbang de la zhus// mdo 'di rtag/ tu yang dag rab tu bshad// gang gis rgyal de'i bstan las mdo sde 'di// 'dren pa las ni mngon sum thos gyur pa// de kun myur du byang chub dam pa thob// byang chub sems dpa' bzhi ni
- 211a
ma gtogs te/ / mthu chen thob dang spyan ras gzigs dbang phyug/ byang chub sems dpa' 'jam dpal gsum pa ste// rdo rje'i blo gros khyod nyid bzhi pa yin// de tshe de dag gis ni mdo 'di thos/ / byang chub sems dpa' 'od gzer mtha' yas pa// de tshe gang gis rgyal la zhus byung ste// de yi dbang byas bde gshegs sras po ni// de'i tshe rdo rje'i blo gros khyod nyid yin/ / nga yang sngon ni byang chub spyod pa'i tshe// bde bar gshegs pa seng ge'i rgyal mtshan las// mdo sde 'di yi ming ni thos par gyur// gus par byas te thos nas thal mo sbyar// nga ni legs par byas pa'i las de yiso/ / byang chub dam pa myur du thob par gyur// de bas byang chub sems dpa' mkhas rnams kyis// rtag tu mdo mchog 'di ni gzung bar bya// rdo rje'i blo gros rigs kyi bu 'am/ rigs kyi bu mo lnga kyi sgrib bsgrib pa gang dag de bzhin gshegs pa'i snying po'i chos kyi rnam grangs 'di nyan tam/ lung nod dam/ kha ton byed/ dam/ ston kyang rung chos kyi rnam grangs 'di nyan pa dang / lung nod pa dang / kha ton byed pa dang / rab tu 'chad pa dang / yi ger 'dri ba de dag la tshegs chung ngus chos de dag kyang mngon sum du 'gyur// las kyi sgrib pa de yang byang bar 'gyur ro// de nas bcom ldan 'das la tshe dang ldan pa kun dga' bo sa 'di skad ces gsol to// bcom ldan 'das rigs kyi bu 'am// rigs kyi bu mo gang las kyi sgrib pas bsgribs par mi 'gyur zhing
- 211b
c hos kyi rnam grangs 'di la brtson par bgyid pa de dag sangs rgyas bcom ldan 'das ji snyed cig las mang du thos pas bstan pa'i slad du nges par 'byung bar 'gyur lags bcom ldan 'das kyis bka' stsal pa/ kun dga' bo rigs kyi bu'am/ rigs kyi bu mo gang dag sangs rgyas brgya'i chos bstan pa kun tu gzung ba'i phyir nges par 'byung ba dag kyang yod do// kun dga' bo rigs kyi bu 'am/ rigs kyi bu mo gang dag sangs rgyas nyis brgya dang / sum brgya dang / bzhi brgya dang / lnga brgya dang / stong dang / nyis stong dang / sum stong dang / bzhi stong dang / lnga stong dang / drug stong dang / bdun stong dang / brgyad stong dang / dgu steng dang / khri dang / sangs rgyas 'bum nas/ sangs rgyas bye ba khrag khrig 'bum gyi bar dag gis chos bstan pa kun tu gzung ba'i phyir nges par 'byung bar 'gyur ba dag kyang yod do/ / kun dga' bo byang chub sems dpa' gang chos kyi rnam grangs 'di 'chang ba dang / klog pa dang / gzhan dag la yang rgya cher yang dag par rab tu ston pa dang / glegs bam du byas te/ 'chang ba des 'di snyam du bdag gis deng nyid bla na med pa yang dag par rdzogs pa'i byang chub thob snyam du sems bsgred par bya ste/ de ni ji ltar da ltar nga bzhin du lnga dang / mi dang / lha ma yin du bcas pa'i 'jig rten gyi phyag bya ba'i 'os dang / mchod pa'i 'os yin no// de nas de'i tshe bcom ldan 'das kyis tshigs su bcad pa 'di dag bka' stsal to// byang chub sems dpa' mdo sde 'di thos nas//
- 212a
bdag gis byang chub dam pa thob par bsam// gang gi lag na mdo sde 'di yod pa// de ni nga ltar 'jig rten phyag bya'i 'os// de ni 'jig rten mgon po rnam par 'dren/ khrid byed rnam par khrid byed bsngags pa'i 'os// gang gi lag na mdo sde 'di yod pa// de ni de ltar chos kyi rgyal zhes bya// gang gi lag na mdo sde 'di yod pa// mi yi khyu mchog chos kyi sgron ma 'dzin/ / de ni nyi zla lta bur lta ba'i 'os// 'jig rten mgon po lta bur phyag bya'i gnas// bcom ldan 'das kyis de skad ces bka' stsal nas/ byang chub sems dpa' rdo rje ri blo gros dang thams cad dang ldan pa'i byang chub sems dpa'i tshogs de dang / nyan thos chen po de dag dang / 'khor bzhi po dang / lha dang mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do/ / 'phags pa de bzhin gshegs pa'i snying po zhes bya ba theg pa chen po'i mdo rdzogs so// // rgya gar gyi mkhan po shAkya pra d+ha dang / nu chen gyi lo tsA ba ban d+he ye shes sdes bsgyur cing zhus te gtan la phab pa/ rgya gar skad du/ Ar+ya tsa tu ra dA ri ka sa mA d+hi ra nA mra ma hA yA na sU tra/ bong skad du/ 'phags pa khye'u bzhi'i ting nge 'dzin ces bya ba theg pa chen po'i mdo/ bam po dang po// sangs rgyas dang byang chub sems dpa' thams cad la byag/
- 212b
'tshal lo// 'di skad bdag gis thos pa dus gcig na/ bcom ldan 'das yongs su mya ngan las 'da' ba de nyid kyi dus kyi tshe/ kun sha'i grong khyer na/ gyang rnams dang nye ba na yod pa shing sA la zung gi tshal na/ shing sA la zung gi bar na bzhugs so// de nas tshe dang ldan pa kun dga' bo bcom ldan 'das ga la der song ste phyin nas/ bcom ldan 'das kyi spyan sngar thal mo sbyar te/ bcom ldan 'das la mig mi 'dzums par rtog cing 'dug go/ / de nas bcom ldan 'das kyis tshe dang ldan pa kun dga' bo la bka' stsal pa/ go ru ta ma'i bu khyod ci'i phyir/ de bzhin gshegs pa la mig mi 'dzums par rtog par byed/ de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das mdang bdag gis de bzhin gshegs pa yongs su mya ngan/ las 'da' ba'i snga ltas g.yar lam 'jigs pa chen po 'jigs su rung ba/ spu zing zhes bgyid pa zhig rmis lags te/ bcom ldan 'das bdag g.yar lam de rmis nas/ bcom ldan 'das shin tu myur bar yongs su mya ngan las 'da' bar mi 'gyur lags grang snyam nas/ de'i slad du sdug bsngal zhing yid mi bde ba dang mya ngan gyi zug rngus gzir bar gyur lags so// bcom ldan 'das kyis bka' stsal pa/ go'u ta ma'i bu khyod kyi rmi lam na de bzhin gshegs pa yongs su mya ngan las 'da' ba'i snga ltas 'jigs pa ji lta bu zhig mi/ de nas bcom ldan 'das kyis de'i tshe
- 213a
tshe dang ldan pa kun dga' bo la tshigs su bcad de bku' stsal pa/ sA la'i tshal khrod 'di nyid du// 'jig rten mgon po'i ltas su ni// khyod kyis rmi la ma ci chis pa// dris/ ba de ni nga la spros// de nas bcom ldan 'das la/ tshe dang ldan pa kun dga' bos tshogs su bcad de gsol ba// mdang gsum bdag gi g.yar lam na// 'jigs su rung zhing spangs bgyid la// spu zing bgyid pa rmis gyur pa/ / de ni mi mchog gsan du gsol// 'jig rten khams 'dir ljon pa'i shing // rtag tu me tog 'bras bu rtag/ rnam pa kun gyi mchog ldan la// yid ni dga' bar bgyid pa 'khrungs/ / 'jig rten khams su ljon mchog de// grib ma bsil bas sems can rnams// rab tu dga' bgyid bro nang dang // mya ngan dag kyang sel bar bgyid// yon tan mtha' yas phun 'tshogs shing / / srid rtse'i bar du mtho bar 'phags// de mthong bas ni mig dag cing // thos pas rna ba rnam dag 'gyur// de las rab 'byamangon ldan zhing // shin tu rigs shing chos ldan la/ sems can kun la bde skyid pa'i// sgra skad dag kyang nges par 'byung // de las gang+gA'i bye snyed kyi// 'od gzer dag ni 'byung 'gyur zhing // de dag snyed kyi zhing rnams kyang // ljon shing chen pos gsal bar 'gyur/ / phyogs bcu'i 'jig rten khams kyi mi// mthar yas dpag tu ma mchis pa// gang dag 'od kyis reg gyur pa// sems can rnams kyi don kyang bgyid// phyogs bcu'i 'jig rten
- 213b
khams ni/ / de las dri dang byung bar 'gyur// gang dag de ma dro sdom pa// de dag ngan 'gror mchi mi 'gyur// de dag dmyal bar mi mchi meng // dud 'gro'i skyed gnas sdig can dang // yi dgas lha min riH mimachi/ / de dag bzang bzor mchi bar 'gyur// sems can kun la bde skyed pa// de 'dra'i ljon shing chen po de// gyad kyi dog sar chags nas ni// spu la'i tshal gyi gseb du rgyal// ljon mchog chag pa mthong gyur nas/ / de nas srog chags stong phrag ni// bsam yas dpag tu ma mchis pa// cho nges 'debs shing smre sngags 'don// de tshe sgra de mi grag cing // dri yang bda' bar ma gyur la// gdeg pa'i rngo yang ma thog nas// de ma thag tu bdag kyang brgyal// de ltar 'jigs su rung ba dang // spu yang zing zhes bgyid pa yi// g.yar lam mdang sum rmis pa de// spyan dang ldan pas bdag la gsungs/ / de nas gnas gtsang ma'i ris kyi lha'i bu rnams dang / mi mjed kyi bdag po tshangs pa dang / bdud kyi bu deng dpon dang / lha'i dbang po brgya byin dang // rgyal po chen po bzhi po dag so son gnas pas/ bcom ldan 'das yongs su mya ngan las 'da' ba'i snga ltas mthong nas/ rang rang gi 'khor lha'i bu khrag khrig phrag brgyad cu brgyad cu lhag tsam gyi yongs su bskor cing mdun du bdar nas/ bcom ldan 'das 'das ga la bder dong ste lhags nas/ bcom ldan 'das kyis zhabs la mgo bos phyag 'tshal te/ sgra skad 'thun par nyam thag pa'i nga ros ngu zhing mya ngan byed la smre sngags 'don bzhin du
- 214a
de'i tshe tshe dang ldan pa kun dga' bo la tshigs su bcad pa 'di dag smras so/ / kye ma'o sdug bsngal mi bzad che// sA la'i tshal khrod dga' bar ni// de ring mgon po mya ngan 'dar/ kun dga' khyod kyis mi shes sam// gang zhig snang med rnams kyi sgron// skyabs dang dpung gnyen gang yin pa// de ni zhi ba len med par// de ring myang ngan 'da' bar 'gyur// de nas bcom ldan 'das kyis de'i tshe/ tshe dang ldan pa kun dga' bo dang / thams cad dang ldan pa'i lha'i 'khor de dag la tshigs su bcad de bka' stsal pa/ ji ltar mthong ba gzhan min te// de ring sA la'i tshal khrod du/ / nga ni mya ngan 'da' 'gyur gyi// mya ngan ma byed rten bar gyis// kha dog ldan zhing bsam byas la// 'od dang dri bsung phun tshegs pa'i// ljon shing ljon pa chen po de// sA la'i tshal khrod chag gyur pa/ / ljon shing ci 'drar ston pa ni// de ring sA la'i tshal khrod du// ji ltar me la chus btab bzhin// len med mya ngan 'da' bar 'gyur// shes rab rdzu 'phrul mthar phyin pa// nye rgyal ba nas skyes dag bzhin/ / mi mchog nga yang 'da' 'gyur bar// kun dga' khyod kyis mi shes sam// 'dus byas thams cad mi rtag ste// skye zhing 'jig pa'i chos can yin// sten pas de dag rab mkhyen nas/ / dge slong rnams la de yang bshad// kun dga' tshur shog khyod song la// nga yi nyan thos rnams la smos// lha yi mig gi mthar phyin pa// gnas brtan chen po ma 'gags dang // gnas
- 214b
brtan chen po ka t+ya'i bu/ / gnas brtan gang po rab 'byor dang // gsus po che ni chen po dang // ba lang bdag dang dga' byed dang // gro bzhin don yod rgyal po dang // chos gos ngan pa 'chang ba dang / dga' bo dang ni sgra gcan bzang // nga yi nyan thos gzhan rnams dang // slob dang mi slob gnas brtan dang // gzhan yang so so'i skye bo dag/ nga ni mya ngan 'da' 'gyur gyis// thams cad shin tu myur par spron/ / slob dang so so'i skye bo yis// ma mthong sdug bsngal skye 'gyur bas// mya ngan 'das pa'i 'og tu ni// mya ngan zug rngus gzir mi bya// mya nganam byed 'du byed rnams// mi rtag rmi lam lha bu zhes/ / ji ltar chos nyid thams cad kyis// de dag rnams ni dbugs dbyung bya// de skad ces bka' stsal pa dang / bcom ldan 'das la tshe dang ldan pa kun dga' bos slar tshigs su bcad de gsol pa/ mgo na po sangs rgyas mya ngan las// 'da' bar 'gyur pa thos nas bdag/ phyogs bslang bdag ni lus rma zhing // bdag ni g.yar ngan shin tu che// lus nyams bde ba ma mchis shing // sems nyams bde ba'ang ma mchis la/ / chags bral nyams bde'ang ma mchis na// spyan ldan padag ni ji ltar mchi// bdag gi skyabs dang dpung gnyen dang // 'jig rten rnam 'dren gang lags pa// deng mthong skad kyis mi mthong zhes/ / gnas brtan rnams la ji skad bgyi// mya ngan gyur cing sdug bsngal bas// ji ltar mya ngan brjod par bgyi// bdag cag rnams kyi 'jigs chen 'di// gnas brtan de dag ji ltar nyan//
- 215a
gang dag slob dang skye bo yi// dge slong mya ngan zug rngu yis// kun nas zug pa ji ltar gnas// mi mchog bskal par bzhugs su gsol// 'khor bzhi'i nang du mchis nas ni// ston pa mya ngan 'da' 'gyur zhes// ji ltar brjod kyi mi mi mchog/ thub chen bskal par bzhugs su gsol// sgron ma chen po 'jig rten du// shin tu myur bar nub 'gyur te// 'jig rten 'di dag rab myur bar/ / ldongs pa nyid dur gyur lags so// mi mchog bdag ni g.yar ngan 'di// dge slong rnams la slar mi spro// gang la g.yar ngan ma mchis pa// gzhan zhig mngags par bka' stsol zhig bcom ldan 'das kyi bka' stsal ba/ / go'u ta ma'i bu 'du byed thams cad mi rtag pa yin gyis/ mya ngan ma byed par song zhig/ de nas bcom ldan 'das kyis de'i tshe/ tshe dang ldan pa kun dga' bo la phyir tshigs su bcad de bka' stsal pa bye ba mtha' yas lha rnams kyis/ / de ring sangs rgyas 'da' thos nas// gzhal med khang dag spangs nas ni// mya ngan byed cing smre sngags 'don// nga 'das phyi/ na dge slong dag/ ma mthong mya ngan byed ma gzhug/ 'di ni rim gro byed pa'i las// song la dge slong rnams kyang sbron// de'i tshe na tshe dang ldan pa ma 'gags pa ri rab kyi spol sum cu rtsa gsum pa'i lha rnams la chos ston cing 'dug go/ / tshe dang ldan pa ma 'gags pas lha'i mig rnam par dag pa mi'i las shin tu 'das pas/ lha'i bu dbang che bdabang che bar grags pa rnams rang rang gi gzhal med yang dag nas mi snang bar
- 215b
gyur pa mthong zhing / lha rnams kyis smre sngags 'don pa'i sgra chen po dag kyang thos// rang gi 'khor rnams kyang srabs par mthong ngo // de nas tshe dang ldan pa ma 'gags pas de'i tshe bsams te/ lha'i mig gis lha'i bu 'khor dang bcas pa de dag yi chad cing rang rang gi 'dod pa'i dga' ba dag spangs te rings par gang du dong zhing 'dod par byed ces 'jig rten la rnam par bltas so/ / de nas tshe dang ldan pa ma 'gags pas ri'i rgyal po ri rab kyi rtse mo las dpag tshad brgya tsam dag chad pa dang / ri'i rgyal po ri rab kyi rtse mo las dpag tshad nyis brgya tsam dang / rtse mo las dpag tshad sum brgya tsam dang / rtse mo las dpag tshad bzhi brgya tsam dag chad pa dang / rtse mo las dpag tshad lnga brgya tsam dag chad cing chad cing rgya mtsho chen po'i nang du lhung ba dag kyang mthong ste/ sems can 'ga' tsam la yang gnod pa 'am rnam par 'tshe bar mi byed na/ srog gi bar chad byed par 'gyur ba lta smos kyang ci dgos/ 'di ltar ri rab kyi rtse mo de dag kyang gang dag ri'i rgyal po ri rab la rten cing gnas pa'i lha dang / klu dang / gnod sprin dang / driza dang lha ma yin dang / nam mkha' lding dang / mi 'am ci dang / lto 'phye chen po de dag gis/ bcom ldan 'das yongs su mya ngan las 'da' ba thos nas/ mya ngan gyi zug rngus gzir cing / bcom ldan 'das shAkya thub pa shAkya'i bdag po'i rgyal po bskal pa bye ba grangs med pa nas yang dag par bsgrubs pa/ dge ba'i rtsa ba shin tu yongs su dag pa dang ldan pa de/ de ring gyad rnams dang nye ba na yod
- 216a
pa shing sA la zung gi drung du len pa med par yongs su mya ngan las 'da' bar 'gyur te/ deng ni lha dang bcas pa'i 'jig rten gyi mig zums par 'gyur ro// zhes de dag ku sha'i grong khyer/ logs su mngon par phyogs te/ rings par rings par brtad cing dong ba dag gis/ ri'i rgyal po ri rab kyi rtse mo de dag kun tu rab tu bskul cing kun tu rab tu bskyod te/ rings pa rings par brtad pa de dag gis ri'i rgyal po ri rab dang / rgya mtsho chen po yang g.yos shing 'khrugs par gyur te/ de'i phyir ri'i rgyal po ri rab kyi rtse mo de dag rgya mtsho chen po'i nang du lhung bar gyur to// de nas tshe dang ldan pa/ ma 'gags pa ri'i rgyal po ri rab kyi spol 'dug pas/ de'i tshe sgra skad chen po phyung ste/ tshigs su bcad pa 'di dag smras so// 'jig rten khams kyi ded dpon gang yin pa// gang gis 'jig rten bde la stsol mdzad cing / / sems can rnams kyi sbyin gnas gang yin pa// thub pa de ni de ring mya ngan 'da'// ye shes 'byung gnas rab rib mun bcom zhing // 'jig rten srog chags rnams kyi pha dang ma/ / de bzhin skyabs dang dpung gnyen gang yin pa// thub pa de ni de ring mya ngan 'da'// zug rngu' byin mdzad sdig med nyon mongs med// gsol mdzad dam pa sman pa chen po ste/ mi dge zug rngur byin mchog gang yin pa// thub pa de ni de ring mya ngan 'da'// gang zhig sems can chags dang sdang bas bcom// rmongs pas sil non na dang 'chil chags// 'gags
- 216b
'gal lam log zhugs pa gzigs nas ni/ / 'jig rten thugs rje bskyed nas chos ston cing // gang zhig bdud sde rab gtum drag po'i gzugs// sna tshogs gzugs can mtshonas rdo rje thogs// kha cig 'jigs pa du ma rnam ston cing // gzhan dag sna tshogs brag thogs 'khor gyur pa// de 'drar rnam mang drag po'i gzugs can gyi// sde dag gzigs kyang mi g.yo mig 'gul ba/ bdud kyi sde bcom 'jig rten mgon po de// sA la'i tshal du de ring mya ngan 'dar// gang gis phyog g.yas rab tu brkyang mdzad de// ri rab rtse 'di grong bcas g.yo mdzad cing // chos kun mnga' bsnyes rnam 'dren drang srong de/ / sA la'i tshal du mya ngan 'da' bar 'gyur// gang gis stobs brdabs phyogs bcu'i bas ma yas pa'i// sgra bsgrags mkhyen pa'i pha rol byon gyur pa// sngon pa sems can rnams kyi snying po de/ / sA la'i tshal du de ring mya ngan 'da'// gang gis stobs ldan sder bcas skrag mdzad pa// mi g.yo mya ngan med pa 'dus ma byas pa brnyes// srogs chags rnams la phan phyir 'khor lo bskor mdzad cing / / thub pas bden pa bzhi dag rab tu bstan// gang zhig cho 'phrul bsam gyis mi khyab ste// sgra rtse'i khyon la zhing rnams bkod mdzad cing // sku la sku yi 'du shes mi mngar ba/ / mgon po de ni de ring mya ngan 'dara'// ston pa gyad kyi yul du gshegs nas ni// nyen yod pa'i tshal khrod zhugs gyur te// bsam gtan bzhi la bdag nyid mnyam gnag nas// shing zad ma
- 217a
ltar mya ngan 'da' bar 'gyur/ / tshe dang ldan pa ma 'gags pas tshigs su bcad pa de dag smras ma thag tu// de nas de'i tshe sangs rgyas kyi mthus 'dzam bu'i gling na/ dge slong dang / dge slong ma dang / dge bsnyen dang / dge bsnyen ma ji snyed pa rnams las gnas brtan 'od srungs chen po 'khor dang bcas pa ma gtogs pa dang / gzhan yang dge slong nyis brgya rtsa bzhi ma gtogs p a de las gzhan pa'i 'khor bzhi po bcom ldan 'das kyi zhabs la phyag 'tshal ba rnams bcom ldan 'das la blta ba'i tha mar gyur pa ni 'di yin no zhes gyad rnams kyi nye ba na yod pa shing sA la zung gi tshul ga la ba der dong ngo / / tshe dang ldan pa ma 'gags pas// tshogs su bcad pa de dag smras ma thag tu/ de nas de'i tshe gzhan yang stong gsum gyi stong chen po'i 'jig rten gyi khams na/ mngon par shes pa/ mngon par shes pa'i lha dang d+ha'i bu mo dang / klu dang / klu rgan po dang / klu'i bu mo dang / gnod sbyin dang / gnod sbyin gzhon nu dang / gnod sbyin gyi bu mo dang / sha za dang / sha za rgan po dang / sha za gzhon nu dang / sha za gzhon nu ma ji rnyed pa rnams dang / 'gro ba na lA ma yin dang / nam mkha' lding dang / mi 'am ci dang / lto'i phye chen po dang / mi dang mi ma yin pa dang / skar ma ji snyed pa de dag thams cad mig mchi mas gang ste/ mya ngan byed cing smre sngags 'don la// dud mos 'debs shing yang dang yang dusmra ste/ sdug bsngal zhing yid mi bde la/ mya ngan gyi zug rngus gzir bas/ lag
- 217b
ba gnam du bsgreng ste/ drang mos 'debs pa byed do// yang kha cig ni lag pa sbrel cing ngu'o// kha cig ni phan tshun mgo spud de gcig gdong du gcig blta zhing ngu'o// kha cig ni kha gdangs te nyam thag pa'i ngo ro// 'byin cing sme dgas 'don la/ dbang po nyams shing bzhin gyi dkyil 'khor mog mog por gyur te/ rkang lag sgyur zhing du'o// yang de na kha cig ni gcig la gcig blta zhing rngu'o// kha cig ni klad pa rdebs par byed do/ / kha cig ni lag pa gnyis kyis mgo la rdebs shing lus rab tu nyon mongs par byed do// kha cig no mig sgyur zhing ngud mos 'debs la rkang mthil bsregs pa bzhin du sgying ba 'dar la chongs 'debs shing smre sngags 'don to/ / kha cig ni e ma sangs rgyas/ e ma'i sangs rgyas zhes smre sngags 'don cing gdong mchi mas gang la sdug bsngal zhing nyam thag ste/ lag mthil gyis mig ma nyed cing che des 'drebs la mung nga byed cing ma lam bras rgyal khri bas canan kya dkyil 'khor la 'drang cing myudun ched sde sngags 'don to/ / zo ga chags bye bzas mang pogasan ga namarnams pa nas m chi ma glog cing sgra chen po 'byin to/ / kha cig ni thal mo sbyar te mchi ma grog cing smre sngags 'don to// kha cig ni mya ngan gyi mes gdungs nas lag pa g.yas pas mgo la 'dzin cing smre sngags 'don to// de bzhin du gzhan dag kyang lus yongs su smad nas/ log pa g.yon pas mgo la 'dzin cing sgrasmre sngags 'don to// kha cig ni lag pa rdebs la bzhin gyi dkyil 'khor gyi mdog nyams shing sngon por gyur
- 218a
pa mya ngan gyis nyam thag cing smre sngags 'don to/ / de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'khor dang bcas pa de dag mya ngan byed cing smre sngags 'don bzhin du/ bcom ldan 'das ga la ba der dong ste phyin nas/ bcom ldan 'das kyi spyan sngar shing bcad de 'gyel ba bzhin dus la bsgyel nas/ kha cig ni bcom ldan 'das kyi zhabs gnyis la 'dud do// kha cig ni gdung ba'i sgra chen po 'byin to// kha cig ni gdung ba'i sgyu 'byin cing sa la 'gre'o/ / kha cig ni bcom ldan 'das kyi spyan sngar 'khod na sa lag pa gnam du bsgrengs te/ e ma'o sangs rgyas e ma'o sangs rgyas e ma'o mgon po// e ma'o thugs rje can sems can thams cad la thugs brtse zhing skyob par mdzad pa/ a ma'o 'jig rten gsum gyi skyabs dang dpung gnyen sems can thams cad la mig stsol bar mdzad pa e ma'o rten med pa rnams kyi rten mdzad pa/ 'jig rten stongs par 'gyur ro// sems can thams cad ldongs par 'gyur ro// sangs rgyas dkon mchog med par 'gyur ro zhes smre sngags 'don cing de dag phan tshun lag spel te snying rdo rje skad du/ ma shi ba'i smre sngags lta bus smre sngags 'don to// pa shi ba dang / phu nu shing dang / bu shi ba'i smre sngags lta bus smre sngags 'don cing /
- 218b
e ma'o mgon po// e ma'o dge ba'i bshes gnyen/ e ma'o snyan cing 'jam pa gsung ba/ e ma'o seng ge dang / glang po che dang / khyu mchog gi stabs can/ e ma'o bdud rtsi'i go 'phang sngon bzhes rnam pa sna tshogs mang por smre sngags 'don to/ / kha cig ni bar snang la song ste bdag nyid brdabs nas de dag sa la ltung ba dang / sa la 'gre ldog cing snying thag pa nas snying rje bar sme zhing sde sngags 'don to/ / de nas tshe dang ldan pa kun dga' bo brgyal nas shing bcad de 'gyel ba bzhin dus la 'gyel to// des yang 'du shes phyir rnyed nas/ bcom ldan 'das kyi spyan sngar lag gnyis sa la btsugs te/ bcom ldan 'das kyi zhal du lta zhing de'i tshe tshigs su bcad pa 'di dag gsol to// sems can shin tu sdug bsngal la// ngu zhing smre sngags 'don bgyid la/ mya ngan zug rngus gzir mthong nas// bdag gi g.yar ngan slar zhing skye// ji ltar dgon pa'i shul shig tu// 'gron po chom pos bcom gyur cing // zhugs kyi phung po chen po yang / mdun na mchis pa mthong ba na/ / kun nas zhugs par mthong nas ni// de dag 'jigs pa sngar skyes shing // phyogs rgyug de dag skyabs ma mchis// kun nas dpung gnyen ma mchis ltar// de bzhin sems can mang po rnams// sangs rgyas mya ngan 'da' thos nas// skyabs ma mchis shing sdug bsngal la// mya ngan zug rngus gzir bar mthong // gang zag gtso bo 'das gyur na// ji ltar sangs rgyas blta bar gyis// gzhan
- 219a
dag mya ngan 'das gyur la/ / bcom ldan bskal par bzhugs su gsol// zhugs par me lce ldan gyur pa// rgyu zad rab tu zhi ba ltar// gyad kyi yul du rdzogs sangs rgyas mya ngan 'da' ba ji ltar blta/ / sangs rgyas 'od ma'i tshal khyod du// de ring slan chad mi mthong zhing // 'dren pa rgyal byed tshal du ni// chos ston pa yang mi mthong ngo // mi mchog de ni 'das gyur/ ces// li tsa byi yi grong khyer mchog/ yangs pa can du zhugs nas ni// li tsa byi la ji ltar brjod// gang zag gtso bo 'dis gyur ces// shAkya rnams kyi grong khyer mchog/ ser skya'i gnas su mchis nas ni/ / kun mi dga' ba ji ltar brjod// thub chen de ni rab zhi zhes// ma ga d+ha pa rnams dang ni// ma skyes dgra yi grong mchog tu// ji ltar tshig tu brjod par bgyis// shAkya seng ge 'das gyur ces/ / srog chags stong phrag mang po dag/ tshe nges yang dag yang 'debs na// bdag gis ji ltar lan yang gdab// shAkya seng ge 'das gyur na// dge slong dge slong ma dag dang // khyim pa rnams kyang bdag gis ni// ji ltar dga' bgyid mi yi mchog/ skyes mchog bdag la gnas brtan rnams// kun dga' mi mchog sbyin pa'i gnas// rdzogs pa'i sangs rgyas gar gshegs shes/ / 'di na ji skad brjod par bgyi// thub pa lha klus dris pa na// bsam gtan chen po snyoms zhugs sam// 'on te 'chag tu gshegs so zhes// mi 'jigs par ni
- 219b
ji ltar brjod/ / bdag gis yang dang yang du ni// su yi seng ge'i gzims khri bsham// dpa' bo bdag gis slan chad ni// su yi seng ge'i khri yang bsham// 'khor rnams la ni seng ge ltar/ / bsnyengs pa mi mnga' sgrogs mdzad pa// go 'phang zab mo blta dka'i chos// bdag gis su la mnyan par bgyi// gang zag gtso bo 'das gyur na// su yi zhabs la chab dbul zhing gang gi na bza' chos gos gzung / / su yi lhung bzed gzung bar bgyi// mi mchog dge 'dun dbus su ni// su zhig bdag gis bsngags pa brjod// kun dga' thos pa rgya mtsho zhes// slan chad bdag la su zhig mchi/ / mkhyen pa spobs pa mtha' yas pa// gsung 'jam yid dga' mdzad pa dang // mchog tu dga' ba skye mdzad pa// su la mngon sum mnyan par bgyi// rgyal sras thos pa 'dzin pa yis/ / de ltar smre sngags kun ston nas// thub pa chen po'i zhabs drung du// brgyal nas sa la skyel bar gyur// de nas bcom ldan 'das kyis tshe dang ldan pa kun dga' bo la bka' stsal pa/ go'u ta ma'i bu ngas dang po nyid nas/ khyod la kun dga' bo sdug pa dang yid du 'ong ba thams cad la rtag pa dang ldan pa med do zhes don de ma bstan tam/ go'u ta ma'i bu 'du byed thams cad ni rmil ba lta bu dang / sgyu ma lta bu dang / smig rgyu lta bu dang / zil pa'i thigs pa lta bu dang / slu bar byed pa yin te/ 'du byed thams cad mi rtag pa yin gyis/ go'u ta ma'i bu ci rung mya ngan ma byed cig/
- 220a
smre sngags ma 'don cig/ go'u ta ma'i bu de bzhin gshegs pa do nub nam gyi thun tha ma la mtha' las 'das pa'i yongs su mya ngan las 'da' ba dang / brtags pa yang dag par 'joms pa'i yongs su mya ngan las 'da' ba dang / mi mnyam pa dang mnyam pa'i yongs su mya ngan 'da' bas yongs su mya ngan las 'da' bar 'gyur gyi/ go'u ta ma'i bu khyod song la/ shing sA la zung gi bar du de bzhin gshegs pa'i seng ge'i gzims khri dbu ni shar phyogs/ zhal ni byang phyogs/ rgyab ni lho phyogs su ston la/ glo g.yas phyogs kyis dbab du rung ba shoms shig de nas tshe dang ldan pa kun dga' bos/ de'i tshe ngu zhing mya ngan byed la/ smre sngags 'don cing mchi mas brnangs la/ ngu zhing gdong la mchi ma 'dzag bzhin du/ shing sA la zung gi bar du/ bcom ldan 'das kyi seng ge'i gzims khri bshams so// de nas tshe dang ldan pa kun dga' bos/ bcom ldan 'das kyi seng ge'i gzims khri bshams nas/ de'i tshe tshigs su bcad pa 'di dag gsol to// thub chen seng ge'i gzims khri ni// bshams pa tha ma dang lags te/ / mi mchog seng ge'i gzims khri ni// slan chad bsham du ma mchis so// mi mchog mya ngan 'das gyur cing // 'jig rten mgon po 'das pa na// sA la mdzes tshal stong pa yi// khrod 'dir bdag gis ji ltar blta/ / gang zhig sA la'i ljon tshal na// yun ring gnyug mar gnas pa'i lha// des ni rnam 'dren ma mthong na// slan chad ji ltar gnas par 'gyur// kye ma'o 'du byed mi
- 220b
rtag ste/ / sgyu ma rmi lam lta bu lags// 'di 'dra'i ston pa dpa' bo yang // 'di nyid du ni 'da' bar 'gyur// de nas tshe dang ldan pa ma 'gags pas// tshe dang ldan pa kun dga' bo la tshigs su bcad de smras pa/ 'dus byas thams cad mi rtag ces// sangs rgyas kyis ni sngon yang gsung // gang la rang dbang yod min pa// de la smre sngags gton mi phan// smre sngags yang dang yang bton cing // dud mos btab pa tsam gyis ni// don 'di thob par mi sla yis// mkhas pa mya ngan ma byed cig/ de skad ces smras pa dang / tshe dang ldan pa kun dga' bos// tshe dang ldan pa ma 'gags pa la phyir tshigs su bcad de smras pa/ mi mchog mya ngan 'da' 'gyur ba// khye la'ang mya ngan yod min na// ma 'gags 'jigs pa med par ni// ci yi phyir na de skad smra// ma 'gags pas smras pa/ sems can nyam thag sdug bsngal zhing / / mya ngan gdungs pa mthong nas ni// bdag gi mig kyang chus gang zhing // mchi ma 'khrug ces byed pa'ang yod// sems can ji snyed ngu ba rnams// lha yi mig gis mthong ba na/ bdag kyang de dag don gyi phyir// shin tu ngu yang bro mod kyi// 'on kyang smre sngags bton pas ni// phan pa 'ga' yang mi rnyed pas// de phyir khyod la kun dga' bo// chos soms mya ngan ma byed zer// / de nas bcom ldan 'das gdan de las bzhengs te/ lha dang / mi dang / klu dang / gnod sbyin dang / dri za dang / mi 'am ci dang / lto 'phye chen po dang / lha ma yin dang / nam mkha' lding bye ba 'bum
- 221a
phrag du mas yongs su bskor cing mdun du bdar nas/ shing sA la zung gi bar ga la ba der gshegs shing byon nas/ seng ge'i gzims khri la sku'i glo g.yas pa phab ste gzims so/ / bcom ldan 'das seng ge'i gzims khri la gzims ma thag tu/ lha rnams kyis bar snang las lha'i me tog sna tshogs kyi char dag mngon par rab tu phab cing // lha'i phye ma mang po dag gis kyang gtor/ / lha'i sil snyan brgya stong dag kyang rab tu bsil to// mi rnams kyi kyang bcom ldan 'das de bzhin gshegs pa la blta ba'i tha mar gyur pa ni 'di yin no zhes/ mi'i yul gyi me tog dang / phye ma dang / spos dang / byug pa dang / rol mo'i sgra dag gis bcom ldan 'das la mchod pa byas so// bcom ldan 'das shing sA la zung gi bar du seng ge'i gzims khri la sku'i glo g.yas pas phab ste/ gzims ma thag tu/ de nas skad cig de dang / thang cig de dang / yud tsam de la shar phyogs logs su sangs rgyas kyi zhing bye ba 'bum phrag bcu 'das pa na/ de bzhin gshegs pa dgra bcom pa yang dag par rdzogs pa'i sangs rgyas seng ge'i sgra'i dbang phyug ces bya ba'i sangs rgyas kyi zhing 'jig rten gyi khams rin chen dbyangs can zhes bya ba nas/ byang chub sems dpa' sems dpa' chen po don legs par sems pa zhes bya ba shi 'phos nas/ rgyal po'i khab kyi grong khyer chen por lus 'phags ma'i bu yul ma ga d+ha'i rgyal po ma skyes dgra'i phang par bu nyid
- 221b
du rdzus te skyes so/ / de skyes ma thag tu ched du brjod pa 'di ched du brjod do// seng ge'i sgra yi spyan snga nas// gang gi don phyir bdag 'ongs pa// shAkya seng ge'i mi yi mchog/ rdzogs sangs rgyas pa/ bzhugs sam ci// de nas lha zhig gis byang chub sems dpa' sems dpa' chen po don legs par sems pa la tshigs su bcad de smras pa/ gsung bar mdzad pa mi dbang po// skyob pa shAkya seng ge de// de ring sA la'i bar du ni// len med mya ngan 'da' bar 'gyur// de skad ces smras pa dang / byang chub sems dpa' sems dpa' chen po don legs par sems dpas/ lha de la phyir tshigs su bcad de smras pa/ / shAkya seng ge de yi chos// mchog tu mthong dka' mnyan pa'i phyir// bye ba brgya stong phrag bcu yi// sangs rgyas zhing nas bdag 'dir 'ongs// de ni sA la'i bar du deng // mya ngan 'da' bar 'gyur na go/ kho bo sangs rgyas zhing 'dir ni// 'ong ba 'bras bu med par 'gyur// kho bo de ring 'dir 'ongs nas// thub pa de yang 'da' 'gyur bas// lha dang bcas pa'i 'jig rten gyis// mya ngan bya bar kho bos byas// kho bo 'ongs pas sangs rgyas ni// mi mthong don med 'gyur mi byas// sems skyed tsam yang mi bsdud cing // sangs rgyas spyan sngar 'gro bar bya// des ni 'jam zhing nges pa dang / / dga' ba brjod pa'i tshig gis ni// de nyid du ni ma ga d+ha'i// bdag po rgyal la 'di skad smras// rgyal po khyod ni bdag la gson// skyes bu dam pa dkon pas na// bag ma
- 222a
mchis pa ma mdzad par/ / de bzhin gshegs pa'i spyan sngar bzhud// bskal pa stong phrag bye ba la// rgyal ba lan 'ga' 'byung 'gyur zhing // tshogs pa 'di ni rnyed pa la/ / mkhas pa skyo bar ma mdzad cig/ 'di ni mi mkhas byis pa snyam// gang phyir rgyal chen khyod dgongs pa// rgyal chen byis pa bdag ma lags// mi dbang khyod ni byis pa lags// 'dod pa'i dbang du song nas ni/ / gang gis ngan 'gror 'gro ba yi// mtshams med pa ni khyod kyis mdzad// de ni byis pa'i byis pa nyid// khyod kyis sdig pa'i las mdzad pa// mtshams med 'jigs pa chen po lags/ / de yis khyod ni mnar med pa// mi bzad 'jigs pa chen por lhung // sangs rgyas la ni sems dang mdzod// des ni thar pa 'thob 'gyur zhing // mi dbang de nas rkyen rnams/ kyis// khyod kyis rdzogs pa'i byang chub 'thob// khyod kyis sdig pa'i grogs ston pa// lha sbyin gnod byed chen po lags// de yi rjes su phyogs nas ni// khyod kyis yab ni bkrongs par gyur/ / khyod kyi yab ni chos spyod pa// sangs rgyas thugs las skyes pa'i sras// khyod kyis nga rgyal de yis ni// mkhas pa po ni bsad par 'gyur// rdzogs sangs mya ngan ma 'das par/ / khyod kyis gzigs par mi bgyi 'am// de yi sku gdung rnams la yang // mchod pa rgya chen dag kyang mdzod// bdag ni zhing 'dir mchis pa yang // 'dod pa'i yon tan phyir ma lags//
- 222b
bdag ni sangs rgyas bltar mchi yi// rgyal po chen po bzod par mdzod// shAkya seng ge drang srong che// de ni de ring 'da' 'gyur zhes// sangs rgyas seng ge sgra de yi// spyan snga nas ni bdag gis thos/ / de la blta ba'i ched du bdag/ zhing 'dir mchis par gyur pa lags// rgyal rigs nye du'i tshogs kun dang // lhan cig 'grogs te mchi bar bgyi// de nas rgyal po ma skyes dgras/ / khye'u de la tshigs su bcad de smras pa/ 'di nas gyang yul lam ring ma smad pa// rkang pas bgrod par mi nus shing rtas song // khye'u khyod do nub sdod par gyis shig dang // dpung chen rnams kyis bde bar 'dod par bya/ / de nas khye'u des rgyal po ma skyes dgra la tshogs su bcad de smras pa/ mi dbang khyod ltar bdag la le lo med// bsam yas rdzu 'phrul stobs ni bdag la yod// bdag ni 'dod na shar phyogs zhing rnams ni// du ma dag tu'ang thogs med 'gro 'gyur zhing // bdag ni gang nas 'ongs pa'i 'jig rten khams// de yi bar nas sangs rgyas zhing mang gang // de yang mtha' yas mang po tshad med pas/ / gyad yul lta zhig ji ltar gyur kyang rung // de nas khye'u de rgyal po ma skyes dgra'i phang pa nas babs nas// rkang pas rgyal po'i khab kyi grong khyer nas byung ste/ tshigs su bcad pa 'di smras so// gang zhing sdig med nyon mongs yod min zhing // stobs chen gsum mchog mi dbang blta 'dod pa// de ni kho bo'i phyi bzhin deng shog dang // shAka thub mya ngan ma
- 223a
'das de mthong 'gyur/ / khye'u de rgyal po'i khab kyi grong khyer nas byung ma thag tu/ de nas skad cig de dang / thang cig de dang / yud tsam de la lha dang mir bcas pa'i skye dgu las srog chags bdun khri nyis stong 'dus par gyur/ / khye'u de bcom ldan 'das kyi zhabs la phyag 'tshal ba'i lha bye ba khrag khrig phrag 'bum gyis yongs su bskor cing mdun du bdar nas bcom ldan 'das ga la ba der song / / bcom ldan 'das seng ge'i gzims khri la sku'i glo g.yas pa phab ste/ gzims ma thag tu/ de nas skad cig de dang / thang cig de dang yud tsam de la lho phyogs logs su sangs rgyas kyi zhing bye ba 'bum phrag lnga 'das pa na/ de bzhin gshegs pa dgra bcom pa yang dag par rdzogs pa'i sangs rgyas blta mdzes rin chen brtsegs shes bya ba'i sangs rgyas kyi zhing 'jig rten gyi khams rin po bkod pa zhes bya ba nas/ byang chub sems dpa' sems dpa' chen po rab tu zhi bar 'jug ces bya ba shi 'phos nas/ sangs rgyas kyi zhing 'di'i 'dzam bu'i gling 'di nyid du mnyan du yod pa'i grong khyer chen por tshong dpon seng ge lta bu zhes bya ba'i khyim du skyes so/ / de skyes ma thag tu ched du brjod pa 'di skad ched du brjod do// gang phyir bskal pa bye snyed du gang gis phyag kyang yang yang gtubs/ / spyan dang rang gi sha dag dang / de bzhin dbu yang btang mdzad cing / sangs rgyas nyid ni bzhed pa yis// bskal pa stong phrag bye bar yang // btsun mo sras dang
- 223b
sras mo dang / / bdog pa thams cad yang yang btang // sems can rnams ni dgrol ba'i phyir// bskal pa bye ba brgya mang du// sbyin pa rgya chen btang gyur pa'i// spyan dang ldan pa bzhugs sam ci// de nas tshong dpon seng ge lta bus// khye'u de la tshigs su bcad de smras pa// gang phyir skyes ma thag tu yang // tshig mchog rjod par byed pa khyod// lha 'am 'on te klu zhig gam// gnod sbyin yin nam srin po yin/ / nye du'i tshogs ni skrag gyur cing // 'jigs pas phyogs su rnam par rgyug/ kho bo sangs rgyas sgra yis ni// gzhan du 'bros par mi byed khye'u/ de nas khye'u des tshong dpon de la tshigs su bcad de smras pa/ / kho bo lha min klu yang min// gnod sbyin ma yin srin po'ang min// 'jig rten thun mong yin pa'i phyir// ci 'dra tshong dpon mi shes sam// kho bo lha klu gnod/ sbyin dang // mi 'am ci dang lto 'phye che// lha yi lha zhes brtan par ni// khyu mchog bzhin du dam yang 'chal// de nas tshong dpon seng ge lta bus/ khye'u de la tshigs su bcad de smras pa/ mkhas pa khyod kyis bsgrags pa yi/ / de 'dra'i tshig ni thos gyur nas// the tsom lhag par skyes gyur cing // kho bo lhag par bsngags so khye'u// ji ltar khyod ni lha dang klu// ji ltar gnod sbyin mi'am cing ji ltar lha yi lha yin pa/ / de ni khye'u khyod nga la spros/ de nas khye'u nges tshong dpon seng ge lta bu la tshigs su bcad de smras pa// lho yi phyogs cha logs na ni// gsung bar mdzad pa'i bdag
- 224a
@po ni/ 'baltar mdzes rin chen brtsegs bzhugs pa// de nas kho bo 'dir 'ongs te// kho bo lan brgyar brgya byin dang // dbang bsgyur du yang kho bo gyur// kho bo lan brgyar tshangs pa dang / / de bzhin 'khor los sgyur bar gyur// kho bo yun ring brjod bya na/ bskal pa 'am bskal pa bye bar yang // zad par 'gyur pa yod min te// mkhas pa kho bo 'gro dgos so// / tshong dpon 'on kyang re shig rjes su bstan pa 'di la khyod kyis kun tu bsten par bya// nges par bsten par bya// goms par bya zhing lan mang du bya'o// tshong dpon rjes su bstan pa de yang gang zhe na/ tshong dpon bcom ldan 'das de bzhin gshegs pa dgra bcom pa yang dag par rdzogs pa'i sangs rgyas blta mdzes rin chen brtsegs des 'di skad ces/ byang chub sems dpa' sems dpa' chen po chos gsum dang ldan na/ / bla na med pa yang dag par rdzogs pa'i byang chub las phyir mi ldog cing // myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes gsungs pa ste/ gsum gang zhe na/ 'di lta ste/ sems mtha' yas pa'i rjes su 'jug pa dang ye shes zab mo'i rjes su 'jug pa dang // snying po dang ldan pa'i ting nge 'dzin pa rjes su sgom pa ste/ tshong dpon byang chub sems dpa' sems dpa' chen po chos gsum po de dag dang ldan na/ bla na med pa yang dag par rdzogs pa'i byang chub las phyir mi ldog cig/ myur du bla na med pa
- 224b
yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas khye'u des de'i tshe tshigs su bcad pa 'di dag smras so// ye shes zab mo rtogs dka' de la ni/ gang dag rgyu med kun mkhyen pa'i/ / sangs rgyas grags chen rnam dag ma gtogs par// lhar bcas skye dgu 'di dag som nyi med// byang chub gnas min gang yin de med de// yang dag ye shes gang la'ang chags pa med chags pa rnams spangs zug rngu bral 'gyur ba'i/ / ye shes rnam par bsgoms na sangs rgyas 'gyur// mtha' yas sems la sems yod ma yin ltar// sems la 'jug pa rab tu zhi bar gsungs/ / sems 'di thams cad dag las log gyur pa'i// rjes su rab tu 'jug pas sems shes bya// gcad cing gcag rung gang yin de mi sra// bde gshegs gsungs pa'i chos rnams mi phyed cing dngos po thams cad nam mkha'i dngos 'dra ba'i/ / ting 'dzin 'di ni rdo rje'i rang bzhin yin// gang gis de 'drar rang bzhin stong shes nas// dngos po kun la mi gnas sgom byed pa// de ni nyon mongs drang ba kun spangs shing / / srid pa'i 'dod chags bcom pa'i sangs rgyas 'gyur// thams cad shes kyang rnam shes yod min zhing // thams cad sgom yang rnam sgom yod min la// thams cad rtogs kyang rtogs pa yong min zhing / / thams cad brjod kyang gang la'ang mi gnas la// zab chos chos kyi 'dus shes yod min zhing // sems can 'grol yang sems can 'du shes med// zhing dbyen zhi ba'i
- 225a
'du shes yong min zhing / / byang chub rtogs kyang byang chub 'du shes min// dpa' brtul lta bu'i zug rngu spangs bde bsten dka' 'gro ba kun las 'das gyur cing // sems can kun gyi 'chi 'pho 'gro dang kun/ / rab tu shes shing rang byung sangs rgyas 'gyur// khye'u de tshigs su bcad pa de dag smras ma thag tu/ de nas skad cig de dang / thang cig de dang / yud tsam de la tshong dpon seng ge lta bu rang gi 'khor gyis yongs su bskor ba dang / srog chags nyis stong gis bla na med pa yang dag par rdzogs pa'i byang chub tu sems bskyed cing // sems yongs su bsngos nas mi skye ba'i chos la bzod pa thob par gyur to/ / lha bye ba phrag brgyad kyis kyang bla na med pa yang dag par rdzogs pa'i byang chub tu sems bskyed cing // bla na med pa yang dag par rdzogs pa'i byang chub las phyir mi ldog pa nyid du nges par gyur to/ / srog chags khrag khrig 'bum phrag bzhi ni chos rnams la chos kyi mig rdul med cing dri ma dang bral ba rnam par dag go/ de nas khye'u des de'i tshe tshigs su bcad pa 'di dag smras so/ / shAkya seng ge'i spyan snga 'dir// kho bo 'ongs pa de don yod// srog chags khrag khrig 'khor ba yi// 'jig pa che las thar gyur cing // srog chags bye ba mang po rnams// bla na med pa'i byang chub tu/ / sems bskyed pa yang skyes gyur te// bzod pa la yang rab tu bkong // bdag gi pha ma phu nu dang // nye du rnams kyang bzod la gnas// bye ba phrag brgyad lha rnams ni// thams cad
- 225b
byang chub rab tu zhugs/ / dpa' med bsam gyis mi khyab pa'i// nor gyi phung po che snyed pas// bdag ni sangs rgyas chos rnams kyis// dbul ba thag ring zad par gyur// de nas khye'u rab tu zhi/ par gnas kyis// pha ma dang / phu nu dang / nye du'i tshogs rnams bos te// pha ma dang / phu nu dang / nye du dang / rtsa lag gi skye bo rnams dang lhan cig du// bcom ldan 'das kyi zhabs la phyag 'tshal ba'i srog chags 'bum phrag mang pos yongs su bskor cing mdun ba dar te mnyan du yod pa'i grong khyer chen po nas byung nas/ gyad rnams dang nye ba na yod pa shing sA la zung gi tshal ga la ba der dong ngo / / bcom ldan 'das seng ge'i gzims khri la sku'i glo g.yas pa phab ste// gzims ma thag tu/ de nas gzhan yang skad cig de dang thang cig de dang yud tsam de la/ nub phyogs logs su sangs rgyas kyi zhing bye ba 'bum phrag brgyad 'das pa na/ de bzhin gshegs pa dgra bcom pa yang dag par rdzogs pa'i sangs rgyas dga' ba'i dbang phyug ces bya ba'i sangs rgyas kyi zhing na/ 'jig rten gyi khams dga' spu zhes bya ba nas/ byang chub sems dpa' sems dpa' chen po dmigs med ces bya ba shi 'phos nas/ sangs rgyas kyi zhing 'di'i 'dzam bu'i gling 'di nyid du wA ra NA sir grong khyer chen por tshong dpon me tog gzang po zhes bya ba'i khyim du skyes so/ / de nas khye'u de skyes ma thag tu de'i tshe ched du brjod pa ched du brjod do// bdag med mi g.yo'i chos ston pa// rnam par 'dren
- 226a
ba sangs rgyas ni/ / sA la'i ljon shing tshal khrod du// de ring mya ngan 'da' bar 'gyur// chos rnams 'di dag dmigs med na// mi mkhas dmigs par byed pa dgra/ de dag rngu/ bsngal mi 'grol zhing // de dag rnams kyi sdug bsngal 'phel// chos rnams thams cad gnas min te// de dag rnams kyi gnas kyang med// zad pa dang ni ma zad pa// thams cad 'di la rnyed mi 'gyur/ / stong pa nam yang mi 'jig cing // stong pa rnams par 'jig pa'ang med// de la rkyen kyang yod min zhing // rkyen med pa yang de la med// gang gis zhi ba mthong dka' zhing // zab mor chos 'di ston mdzad pa/ / shAkya seng ge mi yi mchog/ rdzogs pa'i sangs rgyas bzhugs sam ci// seng ge chen po glang po che// tshangs par gyur cing zag pa med// mig tu gyur pa de ring mi// sA la'i bar du'adara' bar 'gyur/ / dge slong dge 'dun mdun dag na// zla ba nya ba 'dra bar ni// yun ring chos rnams ston mdzad pa// phyin chad mthong bar mi 'gyur ro// lhun po'i skad na nor lha ltar// dge slong tshogs la rnam mdzes pa/ / legs par gsung ba mgon po ni// phyin chad grong khyer gshegs mi 'gyur// lha mi mdun na skyob pa yi// bla med chos kyi nga ro dang // dka' bar mdzad pa'i gsung dbyangs de/ / phyin chad thos par mi 'gyur ro// byang chub sems dpa' sems dpa' chen po dmigs med kyis tshigs su bcad pa de dag sgras ma thag tu/ de nas de'i tshe wA ra NA sir grong khyer chen po
- 226b
srog chags 'bum tham pa tshig 'di skad ces smras so/ / gang gi phyir khye'u 'di skyes ma thug tu de ltar sngon gyi gnas kyi tshe rabs de dang de dag rjes su dran zhing 'di shes pa dang / mi 'jigs pa'i sto bskyed pa des tshig 'bru sna tshogs kyi tshigs su bcad pa de lta bu de dag rjod par byed pa'i shes rab kyi spobs pa dang / / shes rab kyi mi 'jigs pa dang / shes rab kyi khyad par ni ngo mtshar te/ bdag cag gis kyang de lta bu'i shes rab yang dag par bsgrub pa'i phyir/ nges par 'bad par bya'o zhes smras so// de nas khye'u des skye bo phal po che de dag 'di lta ste/ mtha' yas mu med pa dang / snang ba med pa dang / dmigs pa med pa dang / skye ba med pa la bzod pa phyir mi ldog pa dang / thun mong ma yin pa dang / mi mnyam pa dang mnyam pa la bkod pa dang / de dag gis 'di skad ces smras so/ / bdag cag thams cad kyang tshogs par byas te/ bla na med pa yang dag par rdzogs pa'i byang chub tu sems bskyed par bya'o// des de dag la 'di skad ces smras so// khyed cag gis bla ni med pa yang dag par rdzogs pa'i byang chub tu sems skyed zin gyis/ khyed cag tshur shog dang / da bdag cag thams cad tshogs par byas la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la blta ba dang / phyag bya ba dang bsnyen pa kun bya ba'i phyir 'grogs te 'dong ngo // de nas byang chub sems dpa' sems dpa' chen po dmigs
- 227a
med srog chags nyis 'bum gyis yongs su bskor cing mdun du bdar nas/ bcom ldan 'das kyi zhabs la phyag 'tshal ba'i phyir/ wA ra NA si'i grong khyer nas byung ste/ bcom ldan 'das ga la ba der dong ngo // bcom ldan 'das seng ge'i gzims khri la sku'i glo g.yas pas phab ste/ gzims ma thag tu/ de nas skad cig de dang thang cig de dang / yud tsam de la byang phyogs logs su sangs rgyas kyi zhing bye ba 'bum phrag drug cu rtsa bzhi 'das pa na/ de bzhin gshegs pa dgra bcom pa yang dag par rdzogs pa'i sangs rgyas byang chub yan lag gnas shes bya ba'i sangs rgyas kyi zhing 'jig rten gyi khams me tog can zhes bya ba nas/ byang chub sems dpa' sems dpa' chen po mngon par shes pa'i me tog kun tu rgyas pa thob pa zhes bya ba shi 'phos na/ sangs rgyas kyi zhing 'di'i 'dzam bu'i gling 'di nyid du yangs pa can gyi grong khyer chen por dmag dpon seng ge zhes bya ba'i khyim du skyes so// de nas byang chub sems dpa' sems dpa' chen po mngon par shes pa'i me tog kun tu rgyas pa thob pa des skyes ma thag tu ched tu brjod pa 'di ched du brjod do/ / gang gis sems can bye mang rnams// nyon mongs gyur pa thar mdzad cing // shA kya'i rigs rnams dga' mdzad pa/ / rdzogs pa'i sangs rgyas bzhugs sam ci// brtson pas pha rol gshegs gyur cing // ye shes 'phrin las mnyam bzhag la// mkhyen pa rgya mtsho mtha' yas pa//
- 227b
rdzogs pa'i sangs rgyas bzhugs sam ci// zhi ba'i thugs mnga' bzod pa brnyes// zug rngu 'byin mdzad de bzhin gshegs// sems can rnams la chos ston kyang // chos de rlom par mi mdzad pa// rdzogs pa'i sangs rgyas bzhugs sam ci// 'jig rten gsum na mi gnas kyang // gang gis 'dod khams gzugs khams dang // gzugs med khams ni ma lus par// mkhyen par gzhal bar mdzad gyur pa/ / spyan dang ldan pa bzhugs sam ci// de nas de bzhin gshegs pa byang chub yan lag gnas shes bya bas// sku lha'i cha byad du mngon par sprul nas khye'u de la tshigs su bcad de bka' stsal pa rdzogs pa'i sangs rgyas bskal pa 'am/ / de bas lhag par bzhugs 'gyur bas// phyis kyang rdzogs sangs mthong 'gyur gyis// 'dod pas dga' bar gyis shig khye'u// 'di ni rgyal chen khyim yin gyis/ / 'dod pa'i dga' mchog spyod byos la// sad nas pi wang rnga chen dang // rdza rnga rnams dang 'khar sril rdobs// de nas khye'u des de de bzhin gshegs pa yin pa kho nar shes mod kyi// lha yin par 'du shes pa'i sems can gzhan dag gi dge ba'i rtsa ba yang dag par bskyed pa'i phyir tshigs su bcad de smras pa/ sems can gang dag 'dod dbang song // de dag byis pa rmongs pa yin// de dag gis ni rdzogs sangs dang // sangs rgyas bstan pa mi shes so// 'dod rnams snying po med pas na// 'dod pa'i longs spyod pa dag mi 'dod// 'dod pa spu gri so 'dra bas// 'dod pa de la su yid
- 228a
rton khyi dang phag dang wa dag dang / / ba lang bong bu dre'u rta dag/ de dag 'dod pa sten byed kyi// sangs rgyas mi mdzad nyan thos min// zhar ba 'theng po long ba dang // glen pa sbyar/ po mi'u thung rnams// de dag 'dod pa sten byed kyi// sangs rgyas mi mdzad nyan thos min// sbrang bu sbur ba phye leb dang // de bzhin rma bya khu byug rnams// de dag 'dod pa sten byed pas// kho bo khyad par med par 'gyur/ / ji ltar me yi rlabs kyis ni// 'dzam bu'i gling 'di gar gyur na// long ba der ni ltung ba ltar// rgyal ba 'dod pa de bzhin no// 'dod pa mi rtag sdug bsngal bas// su zhig 'dod pa ston par byed/ / gang dag 'dod pa'i rjes 'brang ba// de dag de yi chos mi shes// kho bo 'dod pa mi gnyer bar// sangs rgyas kyis ni kho bo mkhyen// lhar gyur bdag la dri ba 'di// sangs rgyas yin par kho bos shes/ / bdag gis sangs rgyas skyob pa ni// lhun po'i rgyal bas 'di skad ces// mtshan mo'i thun gyi tha ma la// sangs rgyas 'da' ba 'gyur zhes thos// kun sbyor zad pa'i drang srong la/ / gang dag blta bar 'dod pa dag/ kye ma ston pa 'da' 'gyur gyis// tshur shog sangs rgyas blta phyir 'dong // skyob pa shAkya seng ge ni// mya ngan 'da' bar 'gyur ba'i tshe ang gis mthong zhing thos gyur pas/ / dge ba mang po byed 'gyur ltar// de ni bskal pa bye stong du// dge ba byas pa ma yin zhes// byang chub yan lag gnas mdzad pa// bde gshegs mi mchog
- 228b
de skad gsung / / gang dag ston la dga' ba yi// lha dang gnod sbyin mi rnams dag/ grags chen rdzogs pa'i sangs rgyas la// blta phyir myur du tshur shog shig/ de nas byang chub sems dpa' sems dpa' chen po mngon par shes pa'i me tog kun tu rgyas po thob pa/ bcom ldan 'das kyi zhabs la phyag 'tshal ba'i srogs chags 'bum phrag du mas yongs su bskor cing mdun du 'dar te yangs pa can gyi grong khyer chen po nas byung nas/ bcom ldan 'das ga la ba der dong ngo // // bam po gnyis pa// bcom ldan 'das seng ge'i gzims khri la sku'i glo g.yas pas pha ba ste gzims ma thag tu de nas khye'u bzhi po mnyam zhing mi mnyam pa med la/ skra'i rtse mo'i cha shas tsam lhag cha shas tsam yang lhag chad med pa'i chos dang ldan pa de dag phyogs bzhi nas/ bcom ldan 'das la thal mo sbyar zhing phyag 'tshal ba'i skye bo phal po ches yongs su bskor cing mdun du bdar te/ bcom ldan 'das ga la ba der dong ngo // khye'u bzhi po do dag bcom ldan 'das kyi spyan sngar dong ba'i tshe/ grong dang grong khyer dang / grong rdal dang / yul 'khor dang / rgyal po'i pho brang gi srog chags 'bum phrag mang po rnams sems rab tu dang zhing yid bsdus nas/ thal mo sbyar te thams cad kyis phyag byas so// de dag dong ba'i tshe phyogs bzhir dpag tshad gcig tsam gyi kho ra khor yug tu me tog gi char dag mngon par rab tu bab po// de dag dong pa'i tshe lha rnams
- 229a
kyis lha'i sil snyan brgya stong dag mngon par rab tu gsil cing / / lha'i glu dbyangs kyi sgra dag kyang phyung ngo // de'i tshe na de bzhin gshegs pa dgra bcom pa yang dag par rdzogs pa'i sangs rgyas kyi phyogs bzhir seng ge'i gzims khri bshams pa bzhi yang byung bar gyur to/ / de nas bcom ldan 'das la tshe dang ldan pa kun dga' bos tshigs su bcad de gsol pa// thams cad mkhyen pa'i phyogs bzhin/ seng ge'i gzims khri 'thun pa dang // rnam par mdzes pa 'di 'dra ba// gang gi rgyu lags bcom ldan 'das// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo khyod kyis phyogs bzhi nas 'ong ba'i khye'u bzhin ras zla ba'i dkyil 'khor 'dra zhib/ nyi ma'i 'od zer las yang dag par 'das pa'i 'od kyis/ gling bzhi zil gyis gnon pa gzugs dang gzi brjid kyis 'od gsal ba/ shes rab kyi snang ba thob pa/ brtson 'grus thob pa/ ye shes zab mo rjes su rdzogs pa/ dpal dang ldan pa/ blo dang ldan pa/ spyod pa dang ldan pa/ ngo tsha shes pa dang / khrel yod pa dang ldan pa/ rtogs pa dang ldan pa/ blo gros dang ldan pa/ dran pa dang ldan pa/ brtan pa dang ldan pa/ shes rab dang ldan pa/ dge ba'i rnam grangs kyi tshig ston pa la mkhas pa// sangs rgyas brgya phrag du ma la dge ba'i rtsa ba dag bskyed pa/ / sangs rgyas kyi zhing gzhan dag gi sangs rgyas bcom ldan 'das kyi spyan snga nas/ do nub nam gyi thun tha ma la de bzhin gshegs pa dgra bcom pa
- 229b
yang dag par rdzogs pa'i sangs rgyas nga gyang rnams dang nye ba na yod pa'i shing sA la zung gi bar tu mtha' las 'das pa'i yongs su mya ngan las 'da' ba dang / bsam gyis mi khyab pa'i yongs su mya ngan las 'dar ba dang 'jig rten thams cad dang mi 'dra ba'i yongs su mya ngan las 'da' ba dang / / 'jig rten thams cad zil gyis gnon pa'i yongs su mya ngan las 'da' ba dang // 'jig rten thams cad la phan pa dang bde ba'i yongs su mya ngan las 'da' ba dang / 'jig rten thams kyis rnam par shes par dga' ba'i yongs su mya ngan las 'da' ba dang / 'jig rten thams cad kyis btags pa yang dag par 'jom pa'i yongs su mya ngan las 'da' bas/ / de bzhin gshegs pa yongs su mya ngan las 'da' bar 'gyur ro zhes/ nga yongs su mya ngan las 'da' ba thos nas/ 'jig rten gyi khams 'dir skyes te phyogs bzhin kun nas 'dug cing / nga'i yon tan bsngags pa yongs su brjod pa'i chos bstan pa nyan par 'gyur ba bzhi po 'di dag mthong ngam/ kun dga' bo de la gang shar phyogs nas 'ong ba'i khye'u kha dog dang ldan pa/ gzi brjid dang ldan pa/ gzugs dang ldan pa/ 'od 'bar bas gsal ba/ dpal 'bar ba/ srog chags 'bum phrag mang bos yongs su bskor cing / / lha 'bum gyis rab tu mchod la/ lce'i me tog gi char 'bab pa nyams su myong zhing / de bzhin gshegs pa'i spyan sngar 'ong ba'i khye'u 'di ni/ kun dga' bo sngon de bzhin
- 230a
gshegs pa dgra bcom pa yang dag par rdzogs pa'i sangs rgyas seng ge'i sgra dbang phyug gi sangs rgyas kyi zhing na/ stong gi 'jig rten la dbang sgyur zhing lha dang mis legs par mchod pa'i 'khor los sgyur ba'i rgyal por gyur te/ de rgyal po byed pa na/ 'dod pa na spyod pa'i lha dang mi rnams la chos ston cing / chos yang dag par bgro ba yang byas so// srog chags 'bum phrag mang po dag la chos ston pa na/ dge ba'i rtsa ba dag yongs su smin par byed cing / mngon shes pa dag la mkhas pa dang / chos kyi tshul rtogs par khong du chud cing / 'phags pa mtha' yas pa/ rgyun mi 'chad pa/ sna tshogs pa 'jigs pa med pa/ don dang ldan pa'i spobs pa dang ldan la/ chos shes pa la mkhas shing / ye shes kyi pha rol tu phyin par gyur nas/ lo bye ba phrag bco brgyad du chad pa med pa dang mtshon cha med pa dang // sems can thams cad la rnam par tho 'tsham pa don du mi gnyer bar chos kyi rgyal po byas so/ / de yang 'dod pa'i phyir ma yin zhing / rgyal srid la gdu ba'i phyir ma yin gyi/ sems can thams cad la phan gdag pa dang yongs su thar par bya ba dang / dul bar bya ba dang / gdul bar bya ba dang / gdul bar bya ba'i phyir rgyal po byas te/ des lo bye ba phrag bco brgyad kyis/ srog chags khrag khrig phrag bco brgyad byang chub la rab tu bkod cing phyir mi ldog pa la rab tu dkod do/ / byang chub sems dpa'i chos rnams dang ldan pa dang // sems dang po bskyed pa'i rigs kyi bu de dag thams cad ni tha
- 230b
na med pa yang dag par rdzogs pa'i byang chub nges pa las phyir mi ldog pa nyid la rab tu bkod do/ / de dus gzhan zhig na skra dang kha spu bregs te/ gos ngur smrig dag bgos nas/ khyim nas khyim med par legs pa kho nar rab tu byung ngo / / de ltar rab tu byung nas kyang lo bye ba phrag brgyad cu rtsa gcig tu tshangs par spyad pa spyod pa na 'dug ste/ mal du nyal bar yang mi byed na/ rmugs pa dang gnyid la 'jug pa lta smos kyang ci dgos/ des sngon lo bye ba phrag brgyad cu rtsa gcig tu nam yang 'dod pa'i rnam par rtog pa 'am/ gnang sems ka rnam par rtag pa 'am/ gnod sems kyi rnam par rtog pa 'am/ rnam par 'tshe'i rnam par rtog pa ma bskyed do// de'i bar du sngon nam yang sdug par 'du shes pa 'am/ mi sdug par 'du shes pa 'am/ gtsug lag khang du 'du shes pa 'am/ gtsug lag khang ma yin par 'du shes pa med cing / mi dge ba yid la byed pa'i 'du shes gzhan 'ga' yang ma bskyed par chos gnyis la gnas par gyur te/ gnyis gang zhe na/ mig mngon par sgrub pa med pa'i tshul gyis lha'i mig mngon par sgrub pa dang / de la yang mngon par zhen pa med pa'i tshul gyis chos kyi phung po'i de kho na rjes su rtogs pa'o// gzhan yang lo bye ba phrag brgyad cu rtsa gcig tu nam yang sar 'du shes pa 'am/ chur 'du shes pa 'am/ mer 'du shes pa 'am/ rlung 'du shes pa 'am nam mkhar 'du shes pa 'am/ rnam par shes pa 'du shes pa 'am/ bud med du 'du shes pa 'am/ skyes par
- 231a
'du shes pa 'am/ bkres par 'du shes pa 'am/ skom par 'du shes pa 'am/ grong du 'du shes pa 'am/ dgon par 'du shes pa 'am/ grong khyer du 'du shes pa 'am/ grong rdal du 'du shes pa 'am/ mi mthun par 'du shes pa 'am/ mi mthun pa med par 'du shes pa 'am/ dben par 'du shes pa 'am/ bsam gtan du 'du shes pa 'am/ bdag tu 'du shes pa 'am/ gzhan du 'du shes pa 'am/ gzugs su 'du shes pa 'am/ gzugs med par 'du shes pa 'am/ mthar 'du shes pa 'am/ dbus su 'du shes pa 'am/ bar 'du shes pa 'am/ 'gag par 'du shes pa 'am/ nyung ngur 'du shes pa 'am/ mang por 'du shes pa'i 'du shes gzhan dag kyang ma bskyed de/ byang chub sems dpa'i sde snod kyi chos kyi rnams grangs ma gtogs par rtog pa dang ldan pa'i 'du shes de dag dang / gzhan dag kyang kun tu mi 'byung bar gyur to// gang de'i bar du byang chub sems dpa' des srog chags khrag khrig phrag brgyad cu bla na med pa yang dag par rdzogs pa'i byang chub tu yongs su smin par byas pa de dag thams cad ni/ sems dang po bskyed pas bla na med pa yang dag par rdzogs pa'i byang chub tu nges par gyur te/ de dag thams cad kyang sangs rgyas kyi zhing gzhan dang gzhan gan bzhugs pa'i sangs rgyas bcom ldan 'das rnams la blta ba dang / phyag bya ba dang / bsnyen bkur bya ba'i phyir skad cig
- 231b
'di nyid ma thal bar 'jig rten gyi khams de dang / sangs rgyas kyi zhing de nas gnyis lhan cig 'grogs par 'phags te dong ngo // sangs rgyas kyi zhing de dag thams cad na bzhugs pa'i sangs rgyas bcom ldan 'das de dag thams cad kyang 'di lta ste dper na/ da ltar de bzhin gshegs pa nga bzhin du/ shAkya thub pa zhes bya bar mtshan mthun pa sha stag ste/ thams cad kyang snyigs ma lnga dang ldan pa'i 'jig rten du byung ba sha stag yin no/ / sangs rgyas bcom ldan 'das de dag thams cad kyang skad cig dang / thang cig dang / yud tsam 'di nyid la yongs su mya ngan las 'da' ba chen po la mngon par phyogs shing / seng ge'i gzims khri la sku'i glo g.yas pas phab ste gzims par gyur to/ / sangs rgyas bcom ldan 'das de dag thams cad kyang ngo nub nam gyi thun tha ma la kyang rnams dang nye ba na yod pa shing sA la'i zung gi bar sha/ stag tu thams cad yongs su mya ngan las 'da' bar 'gyur ro// kun dga' bo ngas sha'i spyan thogs pa med pas/ gang du nyan thos dang rang sangs rgyas thams cad kyis mi rtogs shing / yul ma yin la gting mi rtog pa de dag dang / gzhan yang tshad med pa dag rab tu mkhyen to// kun dga' bo dge slong ngam/ dge slong ma 'am/ dge bsnyen nam/ dge bsnyen ma gang gis chos kyi rnams grangs 'di thos nas sangs rgyas kyis ye shes thob par bya ba dang / thams cad mkhyen pa'i ye shes yong su rdzogs par bya ba'i phyir/ nga'i sha'i spyan gyi thams cad mkhyen pa la dang pa'i sems skyed par byed pa dang / tha na lhag pa'i bsam pas sems
- 232a
bskyed pa/ gcig tsam skyed par byed na/ de dang ldan pa'i rgyud kyis sems bskyed ma thag tu/ bsod nams kyis phung po mang po yongs su 'dzin par 'gyur zhing / bsod nams kyi phung po tshad med pa dang / grangs med pa rab tu 'phel bar 'gyur ro// kun dga' bo rigs kyi bu 'am/ rigs kyi bu mo gang gis sangs rgyas khrag khrig phrag bco brgyad mngon sum du gyur pa la lo bye ba khrag khrig phrag bco brgyad du bde ba'i yo byad thams cad kyis bkur bsti byas/ bla mar byas/ ri mo byas/ mchod pa byas/ rjed pa byas/ gsol ba byas kyang / de sems bskyed pa dang / smon lam 'di dang bral gyur na des ni rigs kyi bu snga ma des bsod nams kyi phung po ji tsam yongs su bzung bar gyur pa de tsam du bsod nams kyi phung po rab tu 'phel bar mi 'gyur ro/ / kun dga' bo khye'u 'dis nga'i bstan pa 'di la nyin mtshan 'dis sems can rnams kyi don byed par 'gyur ba ltar ni/ nga'i nyan thos shA ri'i bu dang / mo'u 'gal gyi bu dang / gzhan dag gis kyang nga'i gsung rab 'di la sems can rnams kyi don ma byas so/ / kun dga' bo gal te khyed cag gi tshe'i tshad bskal par gnas par gyur la/ sems can rnams la chos ston par byed cing / nyin mtshan du yid la byed pa gzhan med par chos ston par 'gyur te/ de ltar byas kyang khyed cag gis ni khye'u 'dis bstan pa 'di'i khur ji thogs pa 'am/ thogs par 'gyur ba de tsam gyi khur thogs par mi nus so// kun dga' bo de ltar na gang dag sems
- 232b
can rnams la phan pa'i dngos po dang / sems can rnams la snying brtse ba dang / sems can rnams la phan 'dogs pa dang / sems can rnams la 'du shes btang snyoms su byed pa dag ni yon tan dpag tu med pa yin pas/ khye'u 'di yang yon tan dpag tu med pa yin te// khye'u 'di ni yon tan bsam gyis mi khyab pa dang ldan pa yin no// kun dga' bo khyod kyis lho phyogs nas ston ka'i dus kyi tshe'i nyi ma 'char ba 'dra zhing / zla ba nya ba'i zla ba'i dkyil 'khor shin tu rgyas pa 'char pa 'dra ba'i khye'u// rin po che sna tshogs las byas pa'i dbyig pas sa chen po 'di rdebs par byed cing 'ong ba mthong ngam/ de sa chen po la rdegs pa na 'di lta bu'i sgra 'byung ste/ 'di lta ste dper na/ yul ma ga d+ha nas byung ba'i snod rin po che las byas pa 'am/ gser las byas pa 'am/ dngul las byas pa 'am/ shin tu mthar phyin par byas pa/ byi dor legs par byas pa/ shin tu phyis pa/ dri ma med pa/ bug rdol med pa/ nag nog med pa/ dri ma bkrus pa/ rdul med pa/ snam bag med pa/ yo byad rnam pa mang po'i yod byang du byas pa shin tu byang ba'i yon tan dang ldan pa// gnas lnga rab tu rdzogs pa/ gnas bcu yongs su spangs pa/ nye ba'i skyon bcu gnyis dang bral ba/ lugs lan stong du brtags shing gser dngul gyi skyon dang bral ba/ shin tu dag pa/ 'byung khungs bzang po nas byung ba/ rigs dang ldan pa gser gyi rigs khyad par can brgya las
- 233a
byas pa ma zhom pa/ yan lag brgyad la mkhas pa'i mi stong gis legs par bsregs pa/ nyes pa'i skyon thams cad dang bral ba las ni/ sdug bsngal thams cad nye bar zhi/ bar byed pa'i sgra 'byung ngo // kun dga' bo de 'dra ba de lta bu de ltar snang ba ni/ dper bya ba tsam dang / nye bar mtshon pa tsam du zad de/ de bzhin du khye'u 'dis rin po che sna tshogs las byas pa'i dbyig pas sa chen po 'di la rdegs pa na yang de lta bu'i sgra 'byung ngo / / kun dga' bo khye'u 'di ni byang chub sems dpa' sems dpa' chen po rab tu zhi bar gnas shes bya ba yin te/ lho phyogs log nas de bzhin gshegs pa dgra bcom pa yang dag par rdzogs pa'i sangs rgyas blta mdzes rin chen brtseg shes bya ba'i sangs rgyas kyi zhing 'jig rten gyi khams rin po che bkod pa zhes bya ba nas 'ongs pa yin no/ / kun dga' bo 'di snyam du ci'i phyir na/ 'jig rten gyi khams de rin po che bkod pa zhes bya zhe na/ kun dga' bo 'jig rten gyi khams de na/ log pa nyid du nges pa dang / ma nges pa'i sems can gyi ming yang med de/ kun dga' bo sems can de dag thams cad ni bla na med pa yang dag par rdzogs pa'i byang chub tu nges pa sha stag yin no// kun dga' bo sangs rgyas kyi zhing de ni/ byang chub sems dpa'i zhing kho na yin te/ de na skyes pa dang / bud med kyi ming yang med do// kun dga' bo sems can de dag thams cad ni tshangs par spyod pa dang / gtsang ba dang / dri nga ba med pa dang / shes pa'i spyod yul
- 233b
gtsang ba dang / 'khrig pa dang bral ba yin te/ 'jig rten gyi khams de na khrig pa'i chos kyi ming yang med do// sangs rgyas kyi zhing de na sems can de dag la mi dge ba'i rnam par rtog pa dag kun tu 'byung ba med cing / zas rnam gnyis ma gtogs par zas kyis 'du shes kyang med do// gnyis gang zhe na/ ye shes kyi snyoms par 'jug pa'i zas dang / sangs rgyas kyi chos yang dag par rjod pa'i zas so/ / kun dga' bo sangs rgyas kyi zhing de na/ thams cad mkhyen pa'i ye shes kyi phung po dang / byang chub sems dpa'i sde snod kyi chos kyi rnam grangs la rgya cher 'jugs pa ma gtogs par phung po gnyis dang theg pa gsum ston pa med de/ kun dga' bo rnam grangs des na 'jig rten gyi khams de rin po che bkod pa zhes bya ba'i grangs su 'gro'o// kun dga' bo sems can gang dag 'jig rten gyi khams gzhan ge nas sangs rgyas kyi zhing der skyes pa dang / gang dag 'jig rten gyi khams der skye bar sems skyed par byed pa de dag thams cad ni bla na med pa yang dag par rdzogs pa'i byang chub las phyir mi ldog par 'gyur ro/ / kun dga' bo byang chub sems dpa' gang dag 'jig rten gyi khams gzhan dag na sangs rgyas kyi zhing der skyes pa'i byang chub sems dpa' de dag gis ni skyes ma thag tu sangs rgyas kyi zhing de dag thams cad mngon par shes par 'gyur zhing / byang chub sems dpa' de dag skad cig de dang / thang cig de dang / yud tsam de la sangs rgyas kyi zhing der sangs rgyas 'byung ba'i 'du shes can du
- 234a
'gyur ro/ / kun dga' bo de bzhin gshegs pa blta mdzes rin chen brtsegs de byang chub sems dpa' khrag khrig tshad med med pa de dag la thams cad mkhyen pa nyid dang ldan pa kho na'i gtan 'dres pa dag ston par mdzad de/ 'di lta ste/ byang chub sems dpa'i sde snod kyi chos kyi rnam grangs rgya cher yang dag par rab tu ston to// kun dga' bo 'jig rten gyi kham de'i bsngags pa dang / bya chub sems dpa' sems dpa' chen po re re'i chos kyi khyad par 'di lta ste/ smon lam brtsams pa'i sangs rgyas kyi zhing gi bkod pa dag ngas brjod par gyur na/ bskal pa stong phrag mang pos kyang mthar thug pa mi 'gyur te/ kun dga' bo ngas byang chub sems dpa' sems dpa' chen po rab tu zhi bar gnas pa 'di gang nas 'ongs pa'i 'jig rten khams de'i ming tsam zhig brjod par zad do// kun dga' bo byang chub sems dpa' sems dpa' chen po rab tu zhi bar gnas pa 'di ni nga yongs su mya ngan las 'da' ba la blta ba dang / sems can mang po rnams skyo ba bskyed par bya ba dang / 'jig rten gyi khams de'i ming dang / yon tan yongs su bsgrag par bya ba dang / de bzhin gshegs pa de'i bsngags pa rab tu bshad par bya ba dang / byang chub sems dpa' theg pa pa'i skyes bu dam pa rnams kyi chos kyi bdag nyid chen po dang / yang dag pa'i yon tan yongs su bsgrubs par bya ba dang / sangs rgyas kyi zhing 'di sems can tshad med pa rnams dam pa'i chos yongs su 'dzin par bya ba dang / ma 'ongs pa'i byang chub sems dpa' rnams
- 234b
yang dag par rab tu dga' bar bya ba dang / yang dag par dad pa bskyed par bya ba'i phyir/ sangs rgyas kyi zhing 'dir 'ongs so// kun dga' bo sngon de bzhin gshegs pa mar me mdzad 'jig rten du byung / ba na/ khye'u 'di 'khor los sgyur ba'i rgyal po ma skyes dgra zhes bya bar gyur te/ byang chub sems dpa'i spyad pa spyod do// kun dga' bo de'i tshe 'khor los sgyur ba'i rgyal po ma skyes dgra de srog chags ba phrag mang po dag la chos ston cing dge ba'i rtsa ba dag kyang yongs su smin par byed de/ des nyi ma 'char ka tsam gyi snga dro gcig gis kyang srog chags bye ba phrag sum cu rtsa drug bla na med pa yang dag par rdzogs pa'i byang chub las phyir mi ldog pa nyid la rab tu bkod cing skyon med par zhugs te/ mi skye ba'i chos la bzod pa dang ldan par byas so// de bzhin gshegs pa dgra bcom pa yang dag par rdzogs pa'i sangs rgyas mar me mdzad yongs su mya ngan las 'das nas/ de dad pas khyim nas khyim med par rab tu byung ngo // de ltar rab tu byung nas kyang / lo stong tham par bcom ldan 'das mar me mdzad de'i rjes su chos kyi 'khor lo bskor te/ des sems can tshad med pa rnams kyi don byas nas/ nyi ma tha ma'i nyi ma nub kar yang srog chags bye ba phrag drug bla na med pa yang dag par rdzogs pa'i byang chub tu yongs su smin par byas te/ des nyid kyi nyi ma nub kar srog chag khrag khrig phrag bdun cu zag pa la yang rab tu bkod par gyur na/ slob pa rnams
- 235a
kyis mthong ba'i sa 'am/ bsgom pa'i sa la bkod pa lta smos kyang ci dgos/ kun dga' bo ngas sangs rgyas kyi ye shes kyis/ byang chub sems dpa' sems dpa' chen po rab tu zhi bar gnas kyi bsngags pa mang po dang / khye'u 'dis sems can ji snyed cig gi don byas pa dag pa rjod par 'gyur na/ bskal pa stong phrag mang pos kyang mthar thug par mi 'gyur ro// kun dga' bo khyod kyis nga'i spyan sngar rigs kyi bu rab tu zhi bar gnas kyi stan thing shig dang khyod la bsod nams mang du skye bar 'gyur ro/ / kun dga' bo sems can gang dag gis byang chub sems dpa' sems dpa' chen po rab tu zhi bar gnas kyis ming thos pa de dag la ni mngon sum du sangs rgyas byung ba yin no/ / kun dga' bo grang su dgra yon tan bkod pa lung ston pa de rgya cher bstan pa'i chos 'di bshad pa na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas blta mdzes rin chen brtsegs de la blta ba dang / phyag bya ba dang / bsnyen bkur bya ba dang / dam pa'i chos mnyan pa'i phyir/ dad pa'i sems bskyed pa gcig tsam thob par gyur pa de dag thams cad ni kun dga' bo chos thun mong yin pa'i phyir/ bcom ldan 'das de la blta ba dang / dam pa'i chos mnyan pa dang / sangs rgyas kyi zhing de'i byang chub sems dpa' sems dpa' chen po rnams kyang blta ba'i phyir/ sangs rgyas kyi zhing der skye bar ngas lung bstan pa yin te/ byang chub sems dpa' sems dpa'
- 235b
/ chen po rnams kyi smon lam gyi khyad par ni ma gtogs so// kun dga' bo sems can gang dag gi rna ba'i dbang pos yon tan bkod pa lung bstan pa rgya cher bstan pa'i chos bshang ba 'di nyid thos par gyur/ pab de dag kyang rnyed pa 'gra shin tu legs par rnyed pa yin na/ gang gis 'di thos nas dad pa skyed par byed pa lta smos kyang ci dgos/ kun dga' bo gnas 'di lta bu de dag dang / chos kyi tshigs gi gnas de lta bu ngo// dag legs par bsrung bar bya zhing legs par yid la bya'o// de ci'i phyir zhe na/ kun dga' bo mdo sde 'di lta bu dag ni 'dzam bu'i gling gi mi rnams dang / byang chub sems dpa'i gzugs brnyan ston pa rnams dang / dam pa'i chos spong bar byed pa rnams kyis sngon ma thos pa'i phyir te/ khyod kyis chos spong bar byed pa dag ni mig lam du yang mi snang bar bya'o// kun dga' bo khyod kyis 'di nas nub phyogs kyi ngos nam mkha' las rin po che sna tshogs kyi khang pa brtsegs pa zhig 'ong ba 'di mthong ngam/ gsol pa/ bcom ldan 'das de de ltar lags so// bka' stsal pa/ kun dga' bo khyod kyis nub phyogs nas khye'u zhig sems can gdul bar bya ba'i phyir/ rdzu 'phrul gyis rnam par rtse zhing / glo gnyis kyis sa chen po 'di 'gul bar byed/ rab tu 'gul bar byed/ g.yo bar byed rab tu g.yo bar byed/ ldeg par byed/ rab tu ldeg par byed cing / sa chen po g.yo bar 'jigs su rung ba dang / spu zing zhes byed pa/ kun tu ston par byed cing 'ong ba mthong ngam/ gsol pa
- 236a
bcom ldan 'das de de lta lags so/ / bde bar gshegs pa de de lta lags te/ bcom ldan 'das rdzu 'phrul gyis rnam par 'phrul pa 'gyis cing mchi ba'i khye'u 'di mthong lags so// bka' stsal pa/ kun dga' bo rigs kyi bu 'di'i mdun nas rin po che sna tshogs kyi khang pa brtsegs pa 'ong ba gang yin pa 'dis sangs rgyas kyi zhing 'di dri sna tshogs kyis kun tu gang bar gyur to// gsol pa/ bcom ldan 'das de de lta lags so// bka' stsal pa/ kun dga' bo de ni rigs kyi bu 'di'i/ ye shes kyi stobs bskyed pa yin te/ des na khang pa brtsegs pa 'di las de lta bu'i dri 'byung ngo / / kun dga' bo khyod kyis sgra bzhi po 'di lta ste/ stong pa nyid ces bya ba dang / dngos po med pa zhes bya ba dang / nye bar zhi ba zhes bya ba dang / sangs rgyas shes bya ba 'byung ba 'di dag thos sam/ gsol pa/ bcom ldan 'das de de lta lags so// bka' stsal pa/ kun dga' bo sgra 'di dag ni khye'u 'di'i spu'i khung bu dag nas byung ste/ kun dga' bo sgra 'di dag thos pas srog chags khrag khrig phrag drug cu rtsa brgyad kyi don byas so/ / stong gi 'jig rten gyi khams kyi sems can mang po rnams ni len pa med par zag pa rnams las sems rnam par grol lo// kun dga' bo sangs rgyas kyi sgra gcig pu thos pa'i byang chub sems dpa' bye ba ni/ bla na med pa yang dag par rdzogs pa'i byang chub las phyir mi ldog pa nyid la nges par zhugs so// gang dag sangs rgyas kyi zhing 'di'i lha dang
- 236b
ming bcas pa'i skye dgu dag las lha dang mi khrag khrig 'bum phrag gnyis ni bla na med pa yang dag par rdzogs pa'i byang chub tu nges pa las phyir mi ldog pa nyid la gnas par gyur to/ / kun dga' bo rigs kyi bu 'di ni/ de bzhin gshegs pa nga yongs su mya ngan las 'da' ba blta ba'i phyir/ nub phyogs logs nas dgra bcom pa yang dag par rdzogs pa'i sangs rgyas dga' ba'i dbang phyug ces bya ba'i sangs rgyas kyi zhing 'jig rten gyi khams dga' spu zhes bya ba nas/ sangs rgyas kyi zhing 'dir 'ongs pa yin te/ kun dga' bo rigs kyi bu 'di/ sangs rgyas kyi zhing 'dir 'ongs ma thag tu/ 'dris sems can tshad med pa rnams kyi don byas te/ sangs rgyas kyi mdzad pa byas shing 'dis chos kyi 'khor lo yang rjes su bskor to// kun dga' bo bskal pa grangs med pa tshun chad nas rigs kyi bu 'di'i spu'i khung bu dag nas/ sgra bzhi po 'di lta ste/ stong pa nyid kyi sgra dang / dngos po med pa'i sgra dang / nye bar zhi ba'i sgra dang / sangs rgyas kyi sgra 'di dag 'byung ste/ sgra re res kyang sems can tshad med pa rnams kyi don byas so// kun dga' bos gsol pa/ bcom ldan 'das rigs kyi bu 'dis dge ba'i rtsa ba ci zhig bsags na/ des de ltar 'di'i spyi'i khung bu dag nas 'di lta bu'i sgra dag 'byung bar 'gyur lags/ bcom ldan 'das kyi bka' stsal pa/ kun dga' bo sngon byung ba 'das pa'i dus na de bzhin gshegs pa dgra bcom pa yang
- 237a
@dag par rdzogs pa'i sangs rgyas pa'i sangs rgyas dri med spyan zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyusbyar ba bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ rigs kyi bu 'di de'i gsung rab la dge slong ye shes dga' ba zhes bya bar gyur nas/ des de bzhin gshegs pa de'i spyan snga nas ye shes kyi tshig dang / rtogs par dka' ba'i tshig dang / don 'byung ba ston pa'i tshogs 'di lta ste/ chos thams cad skye ba dang / 'gag pa med pa dang / chos thams cad dngos po med pa dang / chos thams cad rang bzhin gyis nye bar zhi ba dang / sangs rgyas thams cad sangs rgyas gcig pa zhes bya ba dag thos nas/ zhag bdun yongs su skyo ba med pa dang / brtson pa mi gtong ba dang / yi la byed pa gzhan med par tshig bzhi po de dag lus la zhen pa dang / shin tu brtan pa dang / shin tu zhag pa dang / kha ton byang ba dang yid kyis legs par brtags pa dang / mthong bas shin tu rtogs par byas gnas so// kun dga' bo dge slong des don gyi tshig bstan pa bzhi po de dag gis sangs rgyas bye ba snyed kyis gsungs pa'i chos bsten rnams la rjes su zhugs te bzung zhing rtogs par byas nas/ de sems can rnams la snying brtse ba'i phyir/ grong dang / grong khyer dang / grong rdal dang / yul 'khor dang
- 237b
rgyal po'i pho brang 'khor du 'ongs te/ chos bstan to// kun dga' bo de'i tshe chos smra ba'i dge slong ye shes dga' ba zhes bya bar gyur pa des/ las de'i 'bras bu rnam par smin pa lus la zhen pa dang / mang du thos pas lo drug tu lhag pa'i bsam pas chos bstan pas na bskal pa grangs med pa tshun chad nas de'i spu'i khung bu dag nas/ de lta bu'i sgra dag dang ldan pa'i rdzu 'phrul de nyams su myong bar gyur cing / de'i lus las kyang skye bo mang po'i don byed pa'i chos kyi sgra bzhi po 'di lta ste/ stong pa nyid kyi sgra dang dngos po med pa'i sgra dang / nye bar zhi ba'i sgra dang / sangs rgyas zhes bya ba'i sgra de dag 'byung bar gyur te/ kun dga' bo de'i phyir bskal pa grangs med pa tshun chad nas/ khye'u 'di'i spu'i khung bu dag nas sgra bzhi po 'di dag 'byung bar gyur to// kun dga' bo 'dzam bu'i gling gi mi gang dag gis byang chub sems dpa' sems dpa' chen po dmigs med kyi ming thos pa de dag kyang rnyed pa legs par rnyed cing shin tu legs par rnyed pa yin na/ gang dag gis chos ston pa thos pa dag lta smos kyang ci dgos/ kun dga' bo lha dang mi rnams kyi skye ba 'am/ bud med gang dag gis byang chub sems dpa' sems dpa' chen po dmigs med kyi ming thos shing / thos nas kyang thob par gyur pa de dag kyang thob ma thag tu yon tan bsam gyi mi khyab pa yongs su 'dzin par 'gyur na/ gang dag gis sha'i mig gis mngon sum du mthong ba dag lta smos kyang ci dgos ci'i phyir zhe na/
- 238a
@kun dga' ngo byang chub sems dpa' sems dpa' chen po dmigs med ni byang chub sems dpa'i yon tan dpag tu med pa drug thob pa yin pa'i phyir ro// kun dga' bo byang chub sems dpa' sems dpa' chen po dmigs med 'di ni/ de bzhin gshegs pang yongs su mya ngan las 'da' basmra bar 'dod pa'i phyir 'od smra pa yin gyis/ kun dga' bo khyod kyis de bzhin gshegs pa'i spyan snga gang du rigs kyi bu 'di'i 'dug par 'gyur bar byang chub sems dpa' sems dpa' chen po dmigs med kyi spyan things shig dang / des khyod la yun ring bor phan pa dang / bde ba dang / mngon par shes pa myur ba nyid du yang 'gyur ro// kun dga' bo 'di'i stan bting ba las byung ba'i las kyi rnam par smin pas khyod snyoms par 'jug pa la bde pabar gnas shingasems bskyed pa'i skad cig gcig gi zang zing med pa'i chos thams cad 'phags pa dgra bcom pa nyid mngon sum du byed par yang 'gyur ro/ / kun dga' bo gal te/ khyod nyan thos kyis sa la nges par zhugs par ma gyur na ni/ khyod kyis bla na med pa yang dag par rdzogs pa'i byang chub kyi yan lag tu gyur pa'i dge ba'i rtsa ba 'dis/ sangs rgyas kyi chos rnam rjes su thob par yang ngas lung ston par 'gyur ro/ / de ci'i phyir zhe na/ kun dga' bo dge slong ngam/ dge slong ma 'am/ dge bsnyen nam/ dge bsnyen ma 'am/ lha 'am/ klu 'am/ gnod
- 238b
sbyin nam/ dri za'am/ lha ma yin nam/ nam mkha' lding ngam/ mi 'am ci 'am/ lto 'phye chen po 'am/ mi 'am mi ma yin pa gang yin pa 'am/ sems can gang yang rung ba dag/ gis zhi bar bshad pa lung bstan pa 'di thos nas/ dad pa rab tu thob par 'gyur ba'i phyir ro// kun dga' bo gang dag zhi ba bshad pa lung bstan pa 'di nyan par 'dod pa dag gis de bzhin gshegs pa 'am/ de bzhin gshegs pa'i nyan thos gang du 'dug nas zhi ba bshad pa lung bstan pa 'di 'chad par 'gyur ba'i chos kyi stan bsham par bya ste/ kun dga' bo des snyan pa shams ma thag tu stan phun sum tshogs pa bcu yongs su 'dzin par gyur ro/ / bcu gang zhe na/ 'khor los sgyur ba'i stan thob pa dang / brgya byin gyi stan 'thob pa dang / tshangs pa'i stan thob pa dang / skye dgu'i bdag po'i stan thob pa dang / tshe rabs de dang de dag tu de bzhin gshegs pa'i bstan pa la stan thob pa dang / dbang bskur ba thob pa'i byang chub sems dpa' sems dpa' chen po byang chub kyi snying por byang chub kyi shing drung du song ba'i seng ge'i khri stan thob pa dang / thams cad mkhyen pa'i ye shes rtogs pa'i sangs rgyas kyi khri stan bla na med pa thob pa dang / chos kyi 'khor lo bskor ba na/ chos kyi 'khor lo bla na med pa bskor ba'i khri snyan thob pa dang / de bzhin gshegs pa chom 'phrul chen po kun tu ston pa na/ lha bye ba phrag stong gis
- 239a
'dus pa byas pa 'jig rten thams cad las mngon par 'phags shing zil gyis mi non la bla na med pa'i rdzu 'phrul dang ldan pa'i seng ge'i stan thob pa dang / de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' ba'i dus kyi tshe/ 'du byed thams cad rab tu zhi bar byed pa rdo rje lta bu'i ting nge 'dzin la bzhugs pa na lha dang / klu dang / gnod sbyin dang / dri za dang / mi 'am ci dang / lto 'phye chen po dang / lha ma yin dang / nam mkha' lding dang / mi dang mi ma yin pa rnams kyi yid rab tu dang ba skyed par byed pa/ de bzhin gshegs pa'i tha ma'i khri stan 'di thob par 'gyur ba ste/ kun dga' bo seng ge'i khri stan bcu po de dag thob par shes par bya'o// kun dga' bo de bzhin gshegs pa 'am/ de bzhin gshegs pa'i nyan thos zhi bar bshad pa lung bstan pa 'di 'chad pa na/ rigs kyi bu 'am/ rigs kyi bu mo gang gis chos smra ba la sems dang pas gus pa byas te/ dga' ba dang / dang pa dang / gus pas chos kyi stan shom par byed pa des ni/ seng ge'i khri stan bcu po de dag thob pa yongs su 'dzin par 'gyur ro// kun dga' bo khyod kyis rigs kyi bu dmigs med la thal mo sbyor cig dang / des khyod la don dang / phan pa dang / bde bar 'gyur zhing / gang gis khyod mngon par shes par myur ba nyid du 'gyur ba'i bsod
- 239b
nams chen po yang khyod kyis yongs su 'dzin par 'gyur ro/ / de nas tshe dang ldan pa kun dga' bos de'i tshe rigs kyi bu dmigs med kyi chos kyi stan bshams nas/ sems rab tu dang bas zhes dang bcas gus pa dang bcas par byang chub sems dpa' dmigs med ga la ba de logs su thal mo sbyar ba btud de/ de'i tshe tshigs su bcad pa 'di dag smras so// dmigs med dpa' bo thang po che/ dul zhing mnyam bzhag sems can che/ shes rab chen po 'od byed la/ bdag ni thal mo sbar bar bgyid// ye shes brtson 'grus 'byung ba'i gnas// shes rab brtse shes mnyam bzhag pa/ mtshungs med brtan pa 'di la ni// de ring thal mo sbyar ba gyi/ de nas bcom ldan 'das kyis de'i tshe/ tshe dang ldan pa kun dga' bo la tshigs su bcad de bka' stsal pa/ dmigs med 'di la chod pa'i phyir// khyod kyis thal mo sbyar byas pa'i// rnam smin ji snyed 'dzin pa de// go'u ta ma la bshad par bya// kun dga' bo khyod thal mo sbar ba de'i rnam par smin pas nga yongs su mya ngan las 'das pa na/ grob khyer dang / grong rdal dang / yul 'khor dang / rgyal po'i pho brang 'khor dag tu/ nyan thos rnams la ston pa'i bya ba byed bar 'gyur zhing / khyod de dang de dag tu 'jug pa dang / 'byung ba dang / 'greng ba dang / 'chag pa dang / nyal ba dang / 'dug pa dang / spyod lam thams cad du 'jig rten na sems
- 240a
dang ldan pa dang / sems med pa'i 'byung ba thams cad kyang khyod ga la ba logs su 'dud par 'gyur ro// 'di lta ste/ skyes pa dang / bud med dang // lha'i bu mo dang / spyod pa pa dang / kun tu rgyu dang / dge sbyong dang / bram ze dang / rgyal po dang / blon po chen po dang / zhang lon dang / zhang lon gyi g.yog gnyug ma dang tshong dpon dang / grong mi dang / ljongs kyi mi dang / khyim bdag rnams dang / gzhan yang gang dag mir gyur pa'i so so'i skye bo rnams dang / de bzhin du dud 'gro'i skye gnas su skyes pa/ glang po che dang / rta dang / ri dgas dang / phyugs dang / bya dag gis khyod mthong na/ dad pa 'thob par 'gyur ro// de bzhin du rtsa dang / shing gel ba dang / sman dang / nags tshal dag dang / me tog yod pa dag dang / 'bras bu yod pa dag kyang khyod ga la ba de logs su rab tu 'dud bar 'gyur ro// de bzhin du khang khyim dang / gzhal med khang dang / khang pa brtsegs pa dang / khang bzangs dang / pu shu dang / skar khung dang / rta babs dag kyang khyod kyi bsod nams kyi gzi brjid kyis zil gyi non cing / khyod gal ba de logs su rab tu 'dud par 'gyur te/ kun dga' bo 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyis sgrib pa med pa'i rnam par thar pa mngon sum du mdzad de/ bla na med
- 240b
pa yang dag par rdzogs pa'i byang chub mngon par rdzogs par sangs rgyas pa na/ byang chub kyi snying po'i nyen kor gyi rtswa dang / shing gel ba dang / sman dang / nags tshal dag dang / me tog yod pa dag dang / 'bras bu yod pa dag dang gong ma bzhin du sbyar te/ mi dang mi ma yin pa'i bar dag gis/ de bzhin gshegs pa ga la bde logs su rab tu btud par gyur to// kun dga' bo de bzhin du khyod kyis kyang rigs kyi bu dmigs ma da la thal mo sbyar cing lus btud pa'i dge ba'i rtsa ba 'di khyod kyi spyod lam thams cad du mi dang mi ma yin pa dang / nags tshal thams cad khyod ga la ba de logs su 'dus pa dang / rab tu 'dud pa dang mngon par rab tu 'dud par 'gyur ro// kun dga' bo rigs kyi bu'am/ rigs kyi bu mo gang la las de bzhin gshegs pa yongs su mya ngan las 'das pa 'am/ da ltar mngon sum du gyur cing bzhugs pa na/ chos bkod pa lung dag ston pa 'di thos nas/ lhag pa'i bsam pas thal mo gcig tsam sbyor bar byed pa dang / nges par rtog cig mos par byed pa de dag ni ngas bstan pa'i rnam par smin pa gang yin pa de lta bu dag yongs su 'dzin par 'gyur ro/ / kun dga' bo de lta mod kyi sems can gang dag gis chos kyi rnam grangs 'di thos par 'gyur ba dang / gang dag gis mdo sde 'di lta bu lan cig gam/ lan gnyis thos par 'gyur ba de dag kyang nyung na/ gang dag gis 'di lta bu thos nas dad pa thob par 'gyur ba
- 241a
dang / gang dag lhag pa'i bsam pas mos par 'gyur ba dang / nges par rtog par 'gyur ba dang / yang dag pa'i 'du shes kyad par byed par 'gyur ba dang / som nyi med par 'gyur ba dang / the tsom med par 'gyur ba lta smos kyang ci dgos/ rigs kyi bu'am/ rigs kyi bu mo de dag thams cad ni ngas sangs rgyas kyi spyan gyis gzigs shing / sangs rgyas kyi ye shes kyis mkhyen te/ de dag gis ni sangs rgyas gcig la bsnyen bkur byas pa ma yin zhing de dag gis ni sangs rgyas gcig la dge ba'i rtsa ba bskyed pa ma yin te/ rigs kyi bu dang / rigs kyi bu mo de dag thams cad ni/ gang dag da ltar nga'i mngon sum du 'khor 'di nyid du 'dus te 'dus pa dang / nga'i yongs su mya ngan las 'das pa chen po blta ba'i phyir 'dir 'ongs par dag bzhin du/ kun dga' bo de dag kyang deng phyin chad nas/ de bzhin gshegs pa dgra bcom pa yang dag par rdzogs pa'i sangs rgyas byams pa byang chub kyi snying por gshegs te/ bla na med pa yang dag par rdzogs pa'i byang chub mngon par rdzogs par sangs rgyas nas/ yongs su mya ngan las 'das pa'i bar dag la mchod pa dang bsnyen bkur chen po byed par 'gyur ro// de bzhin du/ de bzhin gshegs pa dgra bcom pa yang dag par rdzogs pa'i sangs rgyas byams pa'i yongs su mya ngan las 'das pa chen po yang mthong bar 'gyur ro/ / de bzhin gshegs pa de'i spyan sngar khye'u bzhi
- 241b
'ong bar 'gyur ba dag kyang mthong bar 'gyur zhing / da ltar nga'i spyan snga na ji lta ba de bzhin du chos kyang thos par 'gyur ro// de'i tshe na byang chub sems dpa' sems dpa' chen po dmigs med kyi spu'i khung bu dag chos kyi sgra skad rgya chen po 'byung bar 'gyur ba dag kyang thos par 'gyur zhing / thos nas kyang dga' ba skye bar 'gyur ro// kun dga' bo de lta bas na khyod kyis don nges par 'byung ba'i mdo sde 'di lta bu'i bshad pa dag la yang dang yang du lus btud de thal mo sbyar bar byas zhing / sems kyis ngang pa bskyed par yang bya'o// de ci'i phyir zhe na/ kun dga' bo 'di ltar de'i las kyi rnam par smin pas khyod sems can thams cad kyis legs par mchod par 'gyur zhing / khyod la lha dang bcas pa'i 'jig rten yang rab tu 'dud par 'gyur zhing / khyod yongs su mya ngan las 'das pa'i lus la yang lha dang mi rnams mchod par 'gyur ba'i phyir ro/ / de nas bcom ldan 'das kyis tshe dang ldan pa ma 'gags pa la bka' stsal pa/ ma 'gags pa khyod kyis lha bye ba phrag bzhi bcus steng gi bar snang las chos kyi rnami grangs 'di thos nas/ thal mo sbyar te lus btud cing 'khod pa dag mthong ngam/ gsol pa/ bcom ldan 'das de de lnga lags so/ / bka' stsal pa/ ma 'gags pa de dag ni chos la dad pa dang ldan pas thal mo sbyar cing / dad pas lus rab tu btud pa'i dge ba'i rtsa ba des bskal pa grangs med
- 242a
bar log par ltung bar 'gro bar mi 'gyur zhing / lha dang mir mtshams sbyor bar 'gyur la/ de dag mir gyur pa na re res kyang 'khor los sgyur ba'i rgyal srid gang+gA'i klung gi bye ma pas lhag pa snyed byed par 'gyur ro/ / thams cad du yang sangs rgyas 'byung ba mnyes par byed par 'gyur zhing / de dag de'i 'og tu dge ba'i rtsa ba dag yang dag par bsgrubs nas/ bla na med pa yang dag par rdzogs pa'i byang chub mngon par rdzogs par 'tshang brgya par 'gyur te/ thams cad kyang 'di lta ste/ de bzhin gshegs pa dgra bcom pa yang dag par rdzogs pa'i sangs rgyas 'byung ba thams cad kyis rab tu gdung bar 'os pa zhes bya bar mtshan mthun pa'i de bzhin gshegs pa sha stag tu 'gyur ro/ / yang de'i tshe gyang dga' ba zhes bya ba dang / gyang rgyal dka' zhes bya ba dang / gyang stobs po che dang / gzi brjid lha dang / rgyal ba'i lha dang / phrag par 'dzeg dang / blo bzangs dang / 'jigs med dang / dbyig dang / bden pa dang / byang phyogs kyi stobs kyi mig dang / gyad thams cad bzod ces bya ba de dag thams cad 'khor lnga brgya tsam dang lhan cig tu/ de bzhin gshegs pa la mchod pa bya ba'i phyir/ 'khor de nyid du 'dus te/ 'dug par gyur nas/ de dag gis bcom ldan 'das ga la ba de logs su thal mo sbyar te/ lus thur du btud nas/ ngu bar byed/ smre sngags 'don
- 242b
par byed cing / mig mchi mas gang bzhin du/ bcom ldan 'das la 'di skad ces gsol to// bcom ldan 'das bdag cag bcom ldan 'das la mchod pa bgyi ba dang / byang chub sems dpa' mig med dang / byang chub sems dpa'i tshogs 'di dang / bcom ldan 'das kyi nyan thos chen po'i dge 'dun dang / chos kyi rnam grangs 'di la yang mchod pa bgyi ba'i srad du thal mo sbyor zhing lus kyang rab tu 'dung bar bgyid lags so/ / bcom ldan 'das bdag cag gi dge ba'i rtsa ba 'di dag thams cad kyang bla na med pa yang dag par rdzogs pa'i byang chub tu yongs su bsngo bar bgyi'o// de nas de'i tshe bcom ldan 'das zhal 'dzum pa mdzad do// de ni sangs rgyas bcom ldan 'das rnams kyi chos nyid de/ gang gi 'dzum pa mdzad pa de'i tshe/ bcom ldan 'das kyi zhal gyi sgo nas 'od/ zer kha dog sna tshogs/ kha dog du ma/ 'di lta ste/ sngon po dang ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med pa ngag snang bas gsal bar byas nas/ tshangs pa'i 'jig rten gyi bar du mngon par 'phags te/ yang phyir log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub pa/ tshe dang ldan pa kun dga' bos mthong ngo // mthong nas kyang tshigs su bcad pas yongs su zhus pa/ 'jig rten snang mdzad
- 243a
ci slad du/ 'dzum pa mdzad pa'i rgyu gang lags// bdag dang srog chags gzhan dag gi/ som nyi legs par bsal du gsol// bcom ldan 'das kyis bka' stsal pa/ kun dga' bo khyod kyis gyad kyi bu 'di dag lhags te/ sems rab tu dang bas nga dang byang chub sems dpa' sems dpa' chen po dmigs med dang / mdo sde'i tshig bstan pa 'di la thal mo sbar cing rab btud nas/ bla na med pa yang dag par rdzogs pa'i byang chub tu sems skyed par byed pa dag mthong ngam/ gsol pa/ bcom ldan 'das mthong lags so/ / bcom ldan 'das kyis bka' stsal pa/ kun dga' bo gyad kyi bu 'di dag thams cad ni/ bskal pa grangs med pa bye bar ngan 'gro log par ltung bar 'gro bar mi 'gyur zhing / de dag phyis bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro// de nas bcom ldan 'das kyis de'i tshe tshigs su bcad pa 'di dag bka' stsal to/ / yid bde mgu ba'i sems ldan pa'i gyad kyi bu rnams 'dir lhags te/ thal mo sbyar cing rab btud pa// kun dga' khyod kyis ma mthong ngam// mkhas pa 'di dag thams cad kyis/ / ngal mchod pa 'di byas nas// bla med byang chub thob 'gyur bar// mgu ba nyid kyis rjod par byed// dmigs med shes rab ldan pa dang // chos la'ang gus pa
- 243b
bcas byas shing / / de bzhin nyan thos dge 'dun la// thal mo sbyar ba 'di byas pas// bskal pa bye ba grangs med du// de dag ngan 'gror 'gro mi 'gyur// thal mo sbyar ba'i las// dang ni// lus rab btud pas phyin chad ni// de dag byang chub thob gyur pa'i// phun sum tshogs pa cir 'gyur ba// nga yis bskal pa 'am bskal pa ni// bye ba phrag brgyar brjod gyur kyang / spyod pa dam pa spang byas pa// de la grangs ni yod min pas// bskal pa bye ba rnams kyis kyang // mtha' ma rtogs par sla ba min// kun dga' bo don nub nam gyi thun tha ma la// sangs rgyas nga dang khyod blta ba'i tha mar 'gyur ro// kun dga' bo khyod kyis byang phyogs nas/ 'od chen po gser gyi kha dog lta bu zhig 'ong zhing / de'i gzi brjid kyis byang phyogs kyi rtswa dang / shing gel ba dang / tsugs ma dang / tshal dang / shing ljon pa dang / sman dang / nags tshal dang / ri dang zang dang / khang bzangs dang / pu shu dang / gzhal med khang dang / khang pa brtsegs pa thams cad dang / mi dang mi ma yin pa rnams kyang phyag 'tshal te/ nam mkha' dang steng gi bar snang thams cad 'di lta ste/ gser gyi mdog lta bur kha dog gcig tu kun sdang bar gyur pa mthong ngam/ gsol pa/ bcom ldan 'das de de lta lags so// bka' stsal pa/ kun dga' bo de bzhin du khyod kyis byang phyogs nas 'dzam bu chu bo'i gser las byas
- 244a
@bya/ pa'i khang pa brtsegs pa bdun 'ong zhing khang pa brtsegs pa dbus ma'i nang na gzi brjid mchog dang ldan zhing / dpal gyis rnam par mdzes pa'i khye'u zhig skyil mo krung gis 'dug pa mthong ngam/ gsol pa/ bcom ldan 'das de de lta lags so// bka' stsal pa/ kun dga' bo khye'u 'di ni mngon par shes pa'i me tog kun tu rgyas pa thob pa zhes bya ste/ 'di nas byang phyogs logs su sangs rgyas kyi zhing bye ba 'bum phrag drug cu rtsa bzhi 'das pa na/ de bzhin gshegs pa dgra bcom pa yang dag par rdzogs pa'i sangs rgyas byang chub yan lag gnas shes bya ba'i sangs rgyas kyi zhing 'jig rten gyi khams me tog can zhes bya ba zhig yod pa de nas shi 'phos nas 'jig rten gyi khams 'dir skyes pa yin no/ / kun dga' bo 'jig rten gyi khams de na/ byang chub kyi yan lag gi tshig gi sgra 'byung ste/ rtswa dang / shing gal ba dang / lcug ma dang / shing ljon pa'i tshogs dang / sman dang / nags tshal thams cad las kyang byang chub kyi yan lag gi tshig gi sgra 'byung ngo / / sgra des sems can dag dge ba'i chos rnams kyis yongs su smin par byed do// kun dga' bo de bzhin gshegs pa byang chub yan lag gnas de ni/ bla na med pa yang dag par rdzogs pa'i byang chub mngon par rdzogs par sangs rgyas nas bskal pa drug khri bzhi stong du bzhugs te/ 'tsho zhing bzhes so//
- 244b
de bzhin gshegs pa de la byang chub sems dpa' ma gtogs par nyan thos ni mi mnga' ste/ kun dga' bo 'di lta ste/ dper na rgyal rigs spyi bo nas dbang bskur ba zhig la bu mang po bdog par gyur na de'i blon po rnams kyang bu nyid yin par 'gyur la/ blon po bka' la gtogs pa rnams kyang bu nyid yin/ mchog gi zung yang bu nyid yin/ rgyal phran rnams kyang bu nyid yin par 'gyur ro/ / de bzhin du bcom ldan 'das de'i sras rnams kyang byang chub sems dpa' nyid yin la/ blon po rnams kyang byang chub sems dpa' nyid yin// blon po bka' la gtogs pa rnams kyang byang chub sems dpa' nyid yin/ mchog gi zung yang byang chub sems dpa' nyid yin/ rim gro pa rnams kyang byang chub sems dpa' nyid yin/ dge 'dun dkon mchog kyang byang chub sems dpa' nyid sha stag go// kun dga' bo de ltar na 'jig rten gyi khams de ni 'byor pa dang / rgyas pa dang / bde ba dang / lo legs pa dang / dga' ba dang / skye bo dang / mi mang pos gang zhing byang chub sems dpa'i tshogs 'dus pa rnams kyang mngon par shes pa mngon par 'phags pa/ na tshod kyi tshul gyis ting nge 'dzin gyi stobs kun sdud pa/ shes rab brtsegs pas mngon par 'phags pa/ ye shes yang dag par bsags pa dang ldan pa/ byang chub kyi sems la mngon par brtson pa/ thams cad
- 245a
mkhyen pa'i ye shes yang dag par sdud pa la brtson zhing / byang chub sems dpa'i chos tshad med pa dang ldan pa'i byang chub sems dpar sha stag gnas te/ kun/ dga' bo byang chub sems dpa' mngon par shes pa'i me tog kun tu rgyas pa thob pa zhes bya ba'i rigs kyi bu 'di gang nas 'jig rten gyi khams 'dzam bu'i gling 'di nyid du yangs pa can gyi grong khyer du skyes pa'i 'jig rten gyi khams de ni de lta bu'i byang chub sems dpa' chen po sha stag gis yongs su gang ba yin no/ / kun dga' bo rigs kyi bu 'di ni de bzhin gshegs pa de'i zhabs la phyag 'tshal zhing / de bzhin gshegs pa nga'i yongs su mya ngan las 'da' ba chen po 'di yang blta ba'i phyir/ rdzu 'phrul 'di lta bu dag kun tu ston cing 'ong ste/ kun dga' bo snang ba chen po 'di yang de bzhin gshegs pa dgra bcom pa yang dag par rdzogs pa'i sangs rgyas de'i mthu yin no// kun dga' bo 'dzam bu'i chu bo'i gser las byas ba'i khang pa brtsegs pa bdun po 'di dag kyang / bcom ldan 'das des byang chub kyi yan lag bdun bshad pa dag sprul pa mdzad pa yin no// kun dga' bo 'dzam bu'i gling 'di na khye'u 'di dang lhan cig tu dge ba'i rtsa ba bskyed pa'i srog chags bye ba 'bum phrag mang po dag kyang yod de/ khye'u 'di 'dzam bu'i gling 'dir skyes ma thag tu lha dang mi rnams dga' ba dang /
- 245b
mchog tu dga' ba rgya chen po thob par gyur to// de dag las kha cig gis ni zag pa zad pa thob bo// kha cig gis ni slob pa'i sa thob bo// sngon sems ma bskyed pa kha cig gis ni/ bla na med pa yang dag par rdzogs pa'i byang chub tu sems bskyed do// kha cig gis ni sems bskyed ma thag tu phyir mi ldog pa'i bzod pa thob par gyur to// kun dga' bo gang na khye'u 'di skyil mo krung gis 'dug cing 'od 'byung ba'i khang pa brtsegs po dbus ma 'di ni de bzhin gshegs pa de'i sprul pa yin no/ / de las ni rin po che'i khang pa brtsegs pa lhag ma drug po gzhan dag byung ngo / / kun dga' bo de bzhin gshegs pa de dang / byang chub sems dpa' sems dpa' chen po mngon par shes pa'i me tog kun tu rgyas pa thob pas/ gang gis 'jig rten gyi khams 'di 'od kyis khyab par byas shing / 'di lta ste/ chos yang dag par 'dzin pas sems can dpag tu med pa rnams la phan 'dogs pa'i mthu la ltos/ de nas khye'u de dag thams cad lhan cig tshogs te yang dag par dga' zhing srog chags 'bum phrag mang pos yongs su bskor nas/ skad cig gcig ma thal bar me tog sna tshogs kyi char dag mngon par rab tu 'bebs shing / bcom ldan 'das kyi zhabs la gtugs so// de nas bcom ldan 'das kyis tshe dang ldan pa kun dga' bo la bka' stsal pa/ byang chub
- 246a
bya/ / sems dpa' sems dpa' chen po mngon par shes pa'i me tog kun tu rgyas pa thob pa 'dis 'dzam bu'i chu bo'i gser las byas pa'i khang pa brtsegs pa dang / ldan pa'i cho 'phrul gyis sems can bye ba khrag khrig ni dgra bcom pa nyid du btul to// sems can bye ba khrag khrig ni slob pa'i sar btul to// sems cad bye ba phrag brgya ni/ dkon mchog gsum la dad par byas shing bslab pa'i gzhi lnga 'dzin du bcug go/ lha bye ba phrag bdun brgya ni byang chub la rab tu bkod de/ bla na med pa yang dag par rdzogs pa'i byang chub las phyir mi ldog pa nyid du nges par byas so/ / lha bye ba phrag bdun ni mi skye ba'i chos la bzod pa thob pa la rab tu bkod do// sems can bye ba khrag khrig tshad med grangs med pa dag ni byams pa'i 'dus pa mthong ba dang / byams pa mthong zhing phrad par 'gyur ba'i phyir yongs su smin par byas so// kun dga' bo de bzhin gshegs pas sems can rnams kyi don bya ba gang yin pa dang / de bzhin gshegs pa'i sras kyi thu bo byang chub sems dpa' sems dpa' chen po rnams kyis sems can gyi don bya ba gang yin pa de dag ni/ nga dang 'di dag gis yongs su rdzogs par byas zin to/ / ngas sems can rnams kyi don yongs su rdzogs par bya ba gang yin pa de yang ngas yongs su rdzogs par byas zin to// /
- 246b
bam po gsum pa ste tha ma'o// // de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das sems can rnams la grugs brtse ba'i slad du/ bskal pa 'am bskal pa bas lhag pas bzhugs su gsol/ de ci'i slad du zhe na/ ji srid du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jig rten na bzhugs par 'gyur ba de srid du/ skyes bu dam pa 'di lta bu dag mthong bar 'gyur ba dang / de srid du sems can dge ba 'di lta bu dag 'dzam/ bu'i gling 'dir mchi bar 'gyur pa dang / de srid du bdag cag gis skyes bu dam pa 'di lta bu dag la blta ba dang / bsnyen bkur bgyi ba dang rnyed par 'gyur ba dang / de srid du 'jig rten na mdo sde 'di lta bu 'di dag rgyas par 'gyur ba dang / de srid du sangs rgyas kyi chos rgya chen po dang ldan pa'i mdo sde 'di lta bu 'di thos par 'gyur ba dang / de srid du bdag cag gis bcom ldan 'das dang / rigs kyi bu 'di dag gi rdzu 'phrul gyi cho 'phrul sna tshogs 'di lta bu 'di dag mthong bar 'gyur pa dang / de bzhin gshegs pa yongs su mya ngan las 'das na/ bdag cag la gnas gsum yongs su nyams par 'gyur lags te/ gsum gang lags zhe na/ 'di lta ste/ sangs rgyas la blta ba dang / dam pa'i
- 247a
hA/ rgyan po co shA skyes b+hU dug da / sa yos mams pa su na du/ ldan pa kun druga' pos tshig/ de dag gsol nas/ shin tu myung bar dge pa'i bshes gnyen dang bral byar 'gyur ro m+b+ham nas dra bar byed/ smre sngags 'don par bya dag rjes shing bcad de 'brel ba bzhin dus la skyel to/ / de nas bya chub sems dpa' sems dpa'i chen po da legs pa sems pas/ che dang ldan pa kun dga' bo la tshigs pa bcad de sgyu/ dus byam rtag par mdzu pa 'o// gnas 'di rnye pa mi 'gyur te// 'dus byas thams cad mi ta/ pas// rnagam ku da thong// bcags cu da / / tog de rnyed// de lta ro ba to/ kun dga' tshong / oM t+yai na myag byed// brtags pa shes pa sto ba ste// shes pa rnams r gyu b+h+yo/ demasas rgyas mi dmigs nA/ tsaMb+h+rU~M na ts+tshe/ dngos nam spyan mamapa' 'dra ba dang // sbyi rdzusan chub 9// bcwag ma n ga/ / mkhas pa rnam pa pa to/ dza ny-i ma'i ma na poms// cangadang glang po banon pa dang // skye dgu'i tshig se nga tsun gi // mchos 'thal
- 247b
dga' spru ba ltar/ / de bzhin 'dus byas thams cad kyang // sgyu ma bzhin du snying po med// sangs rgyas rnams dang nyan thos kyang // gzhan min de bzhin kho na yin// de nas tshe dang ldan pa kun dga' bos/ rigs kyi bu don legs par sems pa la phyir tshigs su bcad de smras pa/ ji skad smras pa de bzhin te// chos rnams thams cad mtshan nyid med// de 'dra'i chos mchog bdag gis ni// mnyan pa'i tha ma de ring yin// ji ltar mnyan yod 'jug bya zhing // kun dga' rdzogs sangs ga la bzhugs// spyan ldan gang nas byon 'gyur zhes/ / dris na ji skad brjod par bya// dri gtsang khang pa mi mchog gis// stong par zhugs nas ji ltar blta// khri gdan stong pa mthong gyur na// ji ltar gnas 'gyur brtul zhugs bzang / / de nas rigs kyi bu rab tu zhi bar gnas kyis/ tshe dang ldan pa kun dga' bo la tshigs su bcad de smras pa/ lo grangs bye bar dus kyang ni/ / don 'di rnyed par shin tu dka'// chos dbyings shin tu blta dka' ba// so sor rtogs shig kun dga' bo// ji ltar chu shing stong po ni// shun pa rims kyis bkrus gyur na// de la snying po med ba ltar/ / chos rnams rang bzhi ni nga dang 'dra// ji ltar char pa bab pa na// mdor na chu yi chu bur dag/ skye zhing 'gag par 'gyur ba ltar// 'gro 'di'i dngos po de dang
- 248a
@#/ 'ang+ga// ji ltar dbub brdos pa la// migacin snying po rtog pan// de la snying po med pa ltar// 'gro ba 'di kun de dang 'ang // ji ltar me long gzugs bstan ni/ / rang bzhin snying po med pa ltar// khams gsum 'jig pa de 'dra yis// mkhas pa ngu bar ma byed cig/ de nas tshe dang ldan pa kun dga' bos// byang chub sems dpa' sems dpa' chen po rab tu zhi bar gnas la phyir tshigs su bcad de smras pa/ / mkhas pa ji skad zer ba de// kho bos mi shes ma yin te// drang srong chen pos mdo l a/ 'jig rten gsum kun dngos med gsungs// lha rnams bye ba du bzhin dang // mchims rdung ba 'di dag ni// bdag gi drung du nyer lhags shing // rngubs bdag gi sdug bsngal bskyed/ / spyan dang ldan pas bdag bor te// rmugs pa'i sangs rgyas 'di bzhud na// kho bo gang phyogs 'gro bya zhing // su zhig bdag gi skyob par 'gyur/ e ma'i sangs rgyas shin tu dkon// bdag gis su la mchod bya zhing // zhi ba mab mo blta dka' // dam chos su la mnyan par bya// de nas byang chub sems dpa' sems dpa' chen po dmigs med kyis/ tshe dang ldan pa kun dga' bo la tshigs su bcad de smras pa/ longs shig btsun pa kun dga' bo// chos 'ga' 'ang 'ong ba yod min la/
- 248b
'gro bar 'gyur ba'ang med pas na// mya ngan ma byed chos nyid ltos// sangs rgyas skye ba ji 'dra bar// de yi byang chub de dang 'dra// 'khor lo bskor ba ji 'dra bar// mya ngan 'da' ba 'ang de dang 'dra/ / sangs rgyas nam yang skye med cing // sangs rgyas 'gag par 'gyur ba'ang med// rang bzhin de 'dra'i chos rnams la// kun dga' khyod ni ci phyir du// kho bo'i spu 'i khung bu nas/ / stong dang dngos po med pa dang // nye bar zhi dang sangs rgyas zhes// sgra skad bzhi po 'byung ba nyon// de nas tshe dang ldan pa kun dga' bos// rigs kyi bu dmigs med la phyir tshigs su bcad de smras pa/ brtul zhugs bzang po khyed cag lta// myur du zhing gzhan 'gro 'gyur zhing // der yang bdud rtsi'i cho ga gsung ba// rdzogs pa'i sangs rgyas mthong bar 'gyur/ / der ni zab mo sangs rgyas kyis// gsungs pa'i chos kyang thos 'gyur la// sangs rgyas rnams kyi tshogs kyi mchog/ byang chub sems dpa' rnams kyang mthong // kho bo 'jig rten mgon 'das zhes/ / lha rnams bye ba mang po dag/ cho nges 'debs pas mdun bdar na// mkhas pas ji ltar gnas par bya// dge snyen stong phrag mang po rnams// thams cad zhugs chen du byed cing / / bdag gi drung du lhags gyur na// kho bos ji ltar lan yang gdab// sum cu rtsa gsum 'tha' bral dang // dga' ldan pa dang rab 'phrul dang // dbang sgyur tshangs
- 249a
pa la sogs pa'i/ / lha tshogs nye bar lhags pa rnams// shAkya skyes mchog 'das gyur na// ji ltar yongs su gzer bstod cing // bdag ni ji ltar de dag la/ dam chos smra ba spobs par 'gyur// skyes bu skyes mchog 'das 'gyur na// kun dga' 'dren pa gang na zhes// lha rnams 'dri bar gyur pa'i tshe// rnam 'dren bas gtan zab mo dang / / bsod nams chen po'i gnas pa la// nang du yang dag bzhag go 'am// 'on te 'chag cing bzhugs so zhes// ji ltar tshig gi lan yang gdab// de nas rigs kyi bu mngon par shes pa'i me tog kun tu rgyas pa thob pas/ / tshe dang ldan pa kun dga' bo la tshigs su bcad de smras pa/ zla ba gsum po 'di 'das nas// kho bos phyis kyang blta bya yi// / bdag ni khyod la dam 'cha' yis// kun dga' thong shig ma ngu shig/ sangs rgyas stong phrag gzhan dag la// shAkya'i tog gi cha byad kyis// chos mchog bshad par mdzad gsol zhes/ khyod phyir bdag gis gsol bar bya// rdzogs sangs thugs rje gzigs mdzad cing // khyod kyi mdun du gshegs par 'gyur// khyod kyis mi mchog yongs bsnyen gyis/ / kun dga' 'di la khyod ma du// gang du 'di 'dra'i ston pa ni// 'jig rten du ni 'da' 'gyur ba// lha dang bcas pa'i 'jig rten gyis// mya ngan chen po bya ba'i rigs/
- 249b
bdag gis sangs rgyas 'di skad ces// bskal pa bye bar 'tshe gyur pa'i// 'dus byas thams cad mthar 'jig ces// gsungs pa ston pa'i drung nas thos// de nas tshe dang ldan pa kun dga' bo bcom ldan 'das kyi sngam logs su 'dug nas/ lan gsum du snying rje chen po'i sgra bsgrags pa/ mdongs par gyur pa'i sems can la// gang gis mig ni rtsol mdzad cing // srog chags kun mgon gang yin pa/ / ston pa de ring mya ngan 'da'// mi rnams 'dren pa de 'das shes// tshig 'di thos par gyur na ni// rgyal po dam pa lus 'phags bu// shin tu sdug bsngal ji ltar gnas/ / de nas kyang dang gyad mo dang // gyad kyi bu rnams mi bzad cing // mi mchog mya ngan 'da' 'gyur zhes// de nas snying rjes ngu bar byed// tha ma'i ston pa blta ba'i phyir// de dag der ni ljags kyu nas/ / thal sbyar rab 'dud lakhod nas ni// 'dud cing phyag kyang 'tshal bar byed// dpag tshan lnga mi 'khor grag d+hA// s+yA dang gnod sbyi rnams kyis gang // de 'i khor khor swA u0f7f/ mi rnams kyis ni gnas mi rnyed// drang srong dam pa mchod pa'i phyir// dri zhim me tog chun po dag/ pus mo nub tsam phab gyur cing // phye ma'i char pa'ang phab par gyur// de nas dga' bo nye dga' gnyis/ / tha ma'i ston pa blta ba'i phyir// bye ba drug nu'i klu rnams dang // yongs su mya ngan las 'das lhags// brang 'gro chen po chu lnga dang // gabi can dang ni rgya mtsho dang // gsal
- 250a
h+ya/ mthong dang ni btang lung dag/ bye ba phrag brgya'i klus bdar cing // tha ma'i ston pa bsdu ba'i phyir// spos chu'i sprin dag 'dus byas shing // nam mkha'i ngos ni khyabs byas te/ / char chen 'bebs shing nye bar lhags// 'jig rten mgon po mchod pa'i phyir// lha klus lha yi me tog gi// char dang spos chu gtsang ba yi// char pa dag kyang rab tu phag/ klu 'i rgyal po ma dros pa/ / dung phyur drug dang lhan cig tu// rin chen char pa rab 'bebs shing // skyes bu khyu mchog drung du lhags// zang 'gro chen po e la'i 'dab// lhun po tsam yang du byas cing / / tha ma'i 'jig rten mgon po la// mchod pa bya phyir nye bar 'ongs// klu yi bu mo stong dang ni// brgya dang khrag khrig rnams dag kyang // nga ro ji snyed sgrogs byed cing // ston pa'i drung du nye bar lhags/ / tha ma'i 'jig rten mgon po la// mchod pa bya phyir de dag gis// spos chu gtsang ma'i char chen yang // der ni mngon par rab tu lab// gnod sprin stong phrag bye ba dang / / brgya dang khrag khrig rnams dag kyang // sangs rgyas yon tan dran byed cing // blta ba'i phyir ni nye bar lhags// rgyal po chen po bzhi rnams kyang // tha ma'i sangs rgyas blta ba'i phyir/ / ngu bzhin mchi mas brnangs gyur cing // ston pa'i drung du nye bar lhags// de bzhin lha dbang brgya byin yang // sum cu gsum pa stong phrag ni// sum cu gsum gyis mdun
- 250b
bdar cing / / rdzogs sangs rgyas kyis drung du 'ongs// drang srong dam pa mchod pa'i phyir// des kyang me tog man+da dang // lha yi tsan dan phye ma yi// char pa mngon par rab tu phab// tshangs pangs spong gtsug tor can/ / tha ma'i ston pa blta ba'i phyir// gnyis ka tshangs pas bdun bdar cing // ngud mos 'debs shing rjes su lhags// gnas gtsang lha brgya bye ba phrag/ mang po gzi brjid chen po rnams/ / di ring rgyal ba 'da' 'gyur zhes// dud mos 'debs shing lhags par gyur// lha brgya bye ba phrag mang po// rnam mang cho nges 'debs byed cing // mi mchog bskal par bzhugs gsol zhes/ / bsam gtan che la gsol ba 'debs// bdud kyi bu pho mkhas pa po// ded dpon zhes ni bya ba yang // mi mchog mya ngan 'da' 'gyur zhes// shin tu sdug bsngal gyur cing 'ongs/ / des kyang zhabs la btugs nas ni// shAkya'i rigs snang 'jig rten la// brtse slad bskal par bzhugs su gsol// rdzogs pa'i sangs rgyas bzhugs gyur na/ / lha dang mi yi bdag po la// bsam yas don du 'gyur lags kyis// thub chen bskal par bzhugs gsol zhes// mi yi mchog la gsol ba 'debs// de nas rigs kyi bu dmigs med kyis lha dang bcas/ tshangs pa dang bcas pa'i 'jig rten de dang / bdud kyi bu ded dpon la tshigs su bcad de smras pa/ bag med pas ni 'das byas shing //
- 251a
rasmai sngags 'don byed pa// khyed kun mi shes byis pa ste// spreru rnams dang 'dra ba yin// ji ltar phag ni sems bral zhing // nyal ba mtshon cha rnams drag gis/ / yongs su gshags nas sad pa ni// snying rjes smre sngags 'don pa ltar// bag med dbang song sngon chad ni// gang gis chos rnams ma thos pa// khyed cag thams cad de 'dra bar/ / kho bos de ltar spobs pa yin// de ring ye shes smin ma ni// 'jig rten du ni nub 'gyur zhing // skye ma rgyal ba 'da' 'gyur gyis// dge ba dag gi las gyis shig/ de nas bcom ldan 'das kyis tshe dang ldan pa ma 'gag pa dang / tshe dang ldan pa byams ma'i bu gang po dang / tshe dang ldan pa rab 'byor dang / tshe dang ldan pa don yod rgyal po dang / gnas brtan 'od srung gzhon nu dang / / gnas brtan gsus po che chen po la bka' stsal pa/ dge slong dag khyed kyi lag pa g.yas pa dag de bzhin gshegs pa'i phyag tu phul cig/ dge slong de dag gis bcom ldan 'das legs so legs so zhes gsol te/ bcom ldan 'das kyi ltar mnyan to// de nas dge slong 'bum thams pas bcom ldan 'das kyi phyag tu rang rang gi lag ba phul lo/ / de nas bcom ldan 'das kyis phyag g.yon pas ni dge slong de dag thams cad kyi lag pa nas bzung // phyag g.yas pas ni kun dga' bo dang sgra gcan zin gyi lag pa nas
- 251b
bzung ste/ dge slang dag gnas brtan rnams la kun dga' bo bzang po dang / dpal sgra gcan zin 'di gnyis bcol cing yongs su gtad do zhes phyag gis dge slong de dag gi lag tu gtad do/ / de nas de'i sangs rgyas kyi zhing 'dir sgra skad dang / nga ro'i sgra snying rje zhing 'jigs su rung ba dag byung bar 'gyur cing / sgra skad des sangs rgyas kyi zhing du grags par gyur to// de nas tshe dang ldan pa kun dga' bo dang / tshe dang ldan pa sgra gcan zin gnyis gnas brtan de dag la yongs su gtad pa mthong nas/ dge slong lnga brgya tsam gyis tshe'i 'du byed btang bar gyur to/ / de ci'i phyir zhe na/ 'di ltar dge slong de dag bcom ldan 'das yongs su mya ngan las 'da' ba lta bar mi bzod pa'i phyir te/ de dag 'di snyam du 'jig rten gyi mgon po// 'jig rten gyi sgron me/ thugs rje chen po dang ldan pa/ dge ba'i bshes gnyen dam pa/ thugs brtse ba dang ldan pa/ phan par bzhed pa/ yongs su mya ngan las 'da' ba la bdag cag lta bar mi spros/ rje dang po kho nar bdag cag yongs su mya ngan las 'da' bar bya'o snyam du sems pa'i phyir ro// de nas skad cig de dang / thang cig dang / yud tsam de la sangs rgyas bcom ldan 'das lnga brgya tham pas rang rang gi sangs rgyas kyi zhing dag na bzhugs bzhin du phyag g.yas pa rnams brkyang ste/ bcom ldan 'das la rab tu btud ngo // de nas
- 252a
bcom ldan 'das kyis phyag gis kun dga' bo dang / sgra gcan sbyin dang / gnas brtan rnams kyi lag pa nas 'azung ste/ phyag gis de bzhin gshegs pa de dag gi phyag tu phul nas/ bcom ldan 'das kyis de'i tshe tshogs su bcad pa 'di dag gsungs so// sgra gcan zin 'di bdag gi bu// kun dga' bo ni go re long // 'di gnyis drang srong che rnams la/ / mngon sum du ni yongs su gtad// de ring 'dzam bu'i gling du ni// bdag gi mtshan mo tha mar 'gyur// lha dang klu dang mi rnams kyis// slad chad bdag ni mthong mi 'gyur/ / gang dag byams pa bsam yas pa'i// 'jig rten mgon rnams ma gtogs par// gzhan gang bdag la skyob 'gyur zhing // su zhig dpung gnyen skyabs su 'gyur// sems can gcig gi slad du yang // bskal pa stong phrag mang po ni// gang+gA'i bye ma ji snyed pa// de snyed bskal par bsdang bgyi na// tshad med bsam gyis mi khyab pa'i// 'jig rten khams su rnam bltas na// gang gi phyir ni 'dir bsdud pa'i// sems can 'ga' yang ma mthong ngo // sems can gang dag chos 'di la// gus bcas don ni ngag gis bgyis/ / blo zos ngan pa gzhan dag ni// sangs rgyas bye bas gdul mi spyod// de nas sangs rgyas bcom ldan 'das// lnga brgya tham pa de dag gis// de'i tshe tshigs su bcad pa 'di
- 252b
dag gsungs so/ / khyod kyis sems can don rnams mdzad// sangs rgyas mdzad pa'ang khyod kyis mdzad// cho 'phrul dag kyang bston mdzad cing // chos kyi rnga chen rab tu brdungs// skyob pa shAkya seng ge yis/ / sprin gyis sa gzhi chen po ltar// srog chags bye ba tshim mdzad cing // sems can rnams kyi zug rngu phyung // de nas sangs rgyas bcom ldan 'das de dag la/ tshe dang ldan pa kun dga' bo dang / tshe dang ldan pa sgra gcan zin gyis/ pus mo g.yas pa'i lha nga sa la btsugs nas/ tshigs su bcad de gsol pa/ sangs rgyas rnams kyi gzi brjid kyis/ spyan ldan bskal par mthong ba dang // 'dren pa bskal par bzhugs 'gyur bar// dpa' chen rnams la gsol ba 'debs// rdzogs pa'i sangs rgyas rkang gnyis mchog/ shes rab chen po bzhugs gyur na/ / srog chags bye ba mang po la// bsam gyis mi khyab don tu 'gyur// lha yi tshogs rnams 'phel 'gyur zhing // lha min rnams kyang 'grib par 'gyur// nyan thos byang chub sems dpa' yang // bsam gyis mi khyab 'phel bar 'gyur// de nas sangs rgyas bcom ldan 'das lnga brgya tham pa de dag gis/ tshe dang ldan pa kun dga' bo dang / tshe dang ldan pa sgra gcan zin la 'di skad ces bka' stsal to// rigs kyi bu dag drud mos btab pas chog/ smre sngags bton pas chog gis mya ngan ma byed/ smre sngags ma 'don cig/ 'dus
- 253a
byas thams cad kyi rang bzhin de yin/ mtha' de yin/ 'gro ba de yin te/ 'dus byas skyes pa la rtag pa nyid med de/ mtha' 'di lta bu yin pas/ de bzhin gshegs pa chos kyi bdag nyid kyis 'dus byas thams cad spangs pas na mnga' dbang mi mdzad cing / yang mnga' bdag mdzad par nam yang mi dgongs so// rigs kyi bu dag khyed nged kyi sangs rgyas kyi zhing du 'ong bar 'gyur pa 'am/ de bzhin gshegs pas phyag brkyang ste/ 'od kyis snang bar mdzad par 'gyur pa'i 'od des 'ong bar 'gyur ro// khyed cag 'di na 'dug na yang / de bzhin gshegs pas zhal nye bar ston par 'gyur zhing dam pa'i chos bston pa yang mngon par ston par 'gyur gyis/ mya ngan ma byed cig/ de nas de'i tshe bcom ldan 'das 'di lta bu'i ting nge 'dzin la snyoms par zhugs te/ ji ltar grugs mnyam par bzhag pas/ zhabs g.yas pa'i mthe bo dang / phyag g.yas pa'i mthe bo dang / de bzhin du g.yon pa gnyis dang / de bzhin du sku'i yan lag dang / nying lags rnams dang / de bzhin du zhabs kyi mthil 'khor lo'i mtshan gyis spras pa gnyis dang / de bzhin du 'jam zhing dra bas 'brel la/ sen mo zangs kyi mdog lta bu'i phyag sor rnams dang / phyag ris shin tu bkra ba'i phyag rin po che gnyis dang / de bzhin du mtshan thams cad dang / de bzhin du sku lte ba'i dkyil 'khor dang / mdoms kyi gsang ba'i thad kor dang / de bzhin du zhal gyi dkyil 'khor
- 253b
dang / de bzhin du zhal gyi smin mtshams nas 'od gzer bye ba phrag 'bum 'bum rab tu bkye ste/ 'od gzer re re'i thog ma la yang pad+ma bye ba phrag 'bum 'bum mngon par sprul to// pad+ma re re'i snying po la yang seng ge'i khri bye ba phrag 'bum 'bum mngon par sprul to/ / seng ge'i khri re re la yang de bzhin gshegs pa re re sprul te/ sangs rgyas kyi skus chos ston cing bzhugs par gyur to/ / de bzhin gshegs pa'i sprul pa re res kyang / sems can bye ba khrag khrig 'bum phrag du ma dag zag pa zad par bya ba'i phyir btul to// kha cog ni 'dod chags dang bral ba'i sar btul to/ / de nas yang bcom ldan 'das kyi dbu'i gtsug nas 'od zer bye ba phrag 'bum rab tu bkye ste/ 'od zer re re'i thog ma la yang pad+ma bye ba phrag 'bum 'bum mngon par sprul te/ / pad+ma re re'i snying po la yang seng ge'i khri bye ba phrag 'bum 'bum mngon par sprul to// seng ge'i khri re re la yang de bzhin gshegs pa re re mngon par sprul te/ sangs rgyas kyi skus chos ston cing bzhugs par gyur to/ / de bzhin gshegs pa de dag kyang byang chub sems dpa'i sde snod kyi chos kyi rnam grangs dang / gzungs dang / rdo rje'i tshig yang dag par rab tu ston pa dang / 'khor gsum yongs su dag pa dang / sangs rgyas kyi stobs dang / mi 'jigs pa dag yang dag par rab tu ston pa ma gtogs par gtam gzhan mi gsungs ngo // de bzhin gshegs pa'i sprul pa re res chos
- 254a
bstan pa des kyang sems can dag pa dag las srog chags bye ba bum phrag du ma dag bla na med pa yang dag par rdzogs pa'i byang chub las phyir mi ldog pa la rab tu bkod do/ / de nas bcom ldan 'das kyis gyad rnams dang nye ba na yod pa'i shing sA la zung gi bar du de bzhin gshegs pa'i sku gro g.yas pas/ seng ge'i gzims khri la gzims pa zhig mngon par sprul pa mdzad nas sems can dmyal ba chen po yang sos kyi gnas su gshegs te rang rang gi sku las 'od rab tu bkye'o/ / de rab tu bkye ma thag tu sems can dmyal ba chen po yang sos kyi gnas thams cad snang bar gyur to// de nas bcom ldan 'das kyi 'od kyis sems can dmyal ba chen po yang sos kyi gnas thams cad snang bar mdzad nas/ de'i tshe tshigs su bcad pa 'di dag bka' stsal to// sems can 'di dag yang dang yang / / bsad cing bsad cing phyir yang 'tsho// 'du shes de nyid ston byed pas// des na sdug bsngal 'byung bar 'gyur// 'jig rten mgon po 'od mdzad pa// 'jig rten 'dir ni byung gyur nas// / gang gis sdug bsngal 'gag 'gyur ba// zad pa med cing len med la// 'gag pa med cing zag med par// dam pa'i chos ni ston pa mdzad// gang dag chos 'dir rab shes pa// de dag ngan 'gror 'gro mi 'gyur/ / bcom ldan 'das kyis tshigs su bcad pa de dag bka' stsal ma thag tu// de nas skad cig de dang / thang cig de dang / yud tsam de la sems can dmyal ba chen po yang sos
- 254b
kyi gnas nas srog chags dung phyur phrag gsum gyis chos 'di thos nas/ phyir mi 'ong ba'i 'bras bu thob par gyu te/ chos thob pa de dag gis de'i tshe tshigs su bcad pa 'di dag gsol to// zag pa ma mchis len ma mchis/ / mi 'gag zad pa ma mchis pa'i// 'phags pa'i chos 'di 'tshal gyur pas// bdag cag bsil gyur mya ngan 'das// mkhyen nas ji bzhin nyid brnyes shing // sems can rnams kyis dbang po mkhyen/ / rgyu dang rkyen rnams ston mdzad cing // sems can rnams la thugs brtse ba/ zug rngu byin cing gsos mdzad la// sman stsol mdzad cing thams cad mkhyen// mya ngan 'da' ba ston mdzad pa'i/ / rdzogs pa'i sangs rgyas bdag cag btul// mig dang sgron mar gyur pa 'di// shin tu myur bar 'das gyur na// su zhig srog chags bye ba rnams// yang sos gnod las thar mdzad 'gyur/ / zug rngu 'byin mdzad sman pa che// 'byung po kun gyi gsos mdzad pa// de yis sems can gang gsos pa// de dag ngan 'gror mchi mi 'gyur// de nas bcom ldan 'das de'i tshe sems can dmyal ba chen po thig nag gi gnas kyi mthar bzhugs te 'ong rgya chen po rab tu bkye'o// des sems can dmyal ba chen po'i gnas de snang bar gyur nas srog chags stong phrag mang po dag de nas bton te mtho ris la rab tu bkod do/ / de bzhin du sems can dmyal ba chen po bsdus gzhom dang / ngu 'bod dang / ngu 'bod chen po dang / tsha ba dang
- 255a
/ rab tu tsha bdag nas kyang srog chags spyong phrag mang po dag bton te/ mtho ris dang mya ngan las 'da' ba'i lam la rab tu bkod do// de nas skad cig de dang / cig de dang / yud tsam de la srog chags bye ba 'bum phrag du ma dag sems can dmyal ba'i gnas dag nas shi 'phos nas dga' ldan gyi lha'i ris rnams su skyes so// skyes ma thag tu lha'i bu de dag gis sngon gyi chos yang dag par rjes su dran nas phyir mi 'ong ba'i 'bras bu thob bo/ / de nas lha'i bu chos thob pa/ chos rtogs pa chos kyi gting du zhugs pa de dag gis de'i tshe tshigs su bcad pa 'di dag gsol to/ / ji ltar dgon pa'i shul zhig tu// ded dpon 'jigs pa ma mchis pas// chom rkun gdug pas gtses gyur pa'i// sems can mang po thar bgyis ltar// de bzhin 'khor ba'i btson ra las/ / ded dpon bla na med mchis pa// sangs rgyas bcom ldan 'das kyis ni// sems can bye ba thar par mdzad// thugs rjes nye bar bskyed mdzad cing // bdag cag sdug bsngal thar mdzad pa'i/ / bla med ded dpon 'od mdzad pa// sangs rgyas la ni skyabs su mchi// bdag cag lus kyis reg gyur pa'i// chos dang yon tan bsam yas pa'i// tshogs mchog 'phags pa'i dge 'dun la/ / bdag ca skyabs su nye bar mchi// de nas bcom ldan 'das kyis 'od bsil zhing 'jam pas sems can dmyal ba chen po mnar med pa'i gnas kyi sems can dmyal
- 255b
ba'i yongs su gdung ba bsil zhing bsil bar mdzad nas/ yan lag stong yongs su rdzogs pa/ sems can thams cad rab tu sim pa skyed pa 'jam pa/ snyan par gsung ba/ phan pa dang bde bar mdzad pa/ stong pa nyid dang / mtshan ma med pa dang / smon pa med pa dang ldan pa'i gsung gis sems can dmyal ba de dag la bka' stsal cing / de'i tshe tshigs su bcad pa 'di dag bka' stsal to// gang gis stong nyid mtshan med dang / / skye med 'dus byas ma yin pa'i// chos rnams rab tu shes gyur pa// de dag ngan 'gro'i 'jigs las grol// de nas srog chags bye ba 'bum phrag brgyad kyis gsung de thos nas/ dus gsum la thogs pa med cing yan lag gi yon tan 'bum dang ldan pa'i sgra rna lam du grag pa thos nas/ sems can dmyal ba chen po mnar med pa'i gnas nas shi 'phos te// gzhan 'phrul dbang byed kyi lha rnams dang skal ba mnyam par skyes so/ / de nas bcom ldan 'das tshangs pa'i 'jig rten du gshegs te/ tshigs su bcad pa 'di dag bka' stsal to// gang la sdug bsngal mi rnyed pa'i// / sems can rnams ni mchog tu bde// ming dang mtshan ma tha snyad dang // 'du shes gang yin tshul bzhin min// brtan pas de dag rnams spangs nas// des ni sdug bsngal dag las 'grol/ / gang dag gzugs med rten med pa'i// 'du shes kun kyang tshul bzhin min// yang dang yang du 'chi 'pho zhing // shi nas skye bar 'gyur ba yi// sdug bsngal phyir zhing rab 'phel
- 256a
pa/ / khams gsum pa dag ci phyir bde// gang gis stong pa stong shes shing // stong pa de la'ang mi sems la// gang dag stong nyid mi mthong ba// de dag stong nyid shes pa yin/ / gang gis chos don de shes pa// de la bdag ni rnyed mi 'gyur// gang la bdag ni mi rnyed pa// de la sdug bsngal ga la 'byung // stong dang nye bar len med dang // mtshan ma rnyed pa ma yin zhing / / bdag med chos ni ston byed pa// sangs rgyas thugs las skyes pa'i sras// de nas gang dag der skyes pa'i srog chags bye ba 'bum phrag brgyad po de dag gis zag pa zad pa thob cing / lha'i drang srong du gyur nas/ de dag gis sems can dmyal ba'i gnas dag gi sems can dmyal ba'i gnas kyis sdug bsngal dag rjes su dran zhing / de bzhin gshegs pa'i skyes bu'i mthu yang rjes su dran nas byas pa gzo ba'i phyir/ bdag cag gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' ba ma mthong bar/ dang po kho nar bdag cag yongs su mya ngan las 'da' bar bya'o zhes/ de nas lha'i bu dgra bcom pa nyid thob pa de dag gis/ de'i tshe tshigs su bcad pa 'di dag gsol to// mi 'dul kha lo sgyur ba gang zag mchog/ snang ba 'od mdzad rab tu gsal mdzad pa// mya ngan 'da' bar mdzad pa ji ltar blta// bdag cag sngar nyid mya ngan 'da' bar bgyi// de skad ces
- 256b
gsol nas de nyid du yongs su mya ngan las 'das so/ / de nas bcom ldan 'das skad cig de dang / zang cig de dang / yud tsam de la tshangs pa'i 'jig rten nas mi snang bar gyur te/ gyad rnams dang nye ba na yod pa shing sA la zung gi bar du slar gshegs so/ / de nas bcom ldan 'das 'di snyam du dgongs te/ de bzhin gshegs pa dgra bcom pa yang dag par rdzogs pa'i sangs rgyas nga ni do nub nam gyi thun tha ma la yongs su mya ngan las 'da' bar 'gyur te/ sems can rnams la bstan par bya ba'i tha ma ni 'di yin gyis/ bdag gis de bzhin gshegs pa'i cho 'phrul chen po sems can rnams mchog tu dga' bar byed pa/ bde ba skyed par byed pa/ sdug bsngal nye bar zhi bar byed pa/ sems can thams cad de bzhin gshegs pa'i bdag nyid chen po la thogs pa med par 'jug par 'gyur pa sangs rgyas yongs su mya ngan las 'da' ba dang ldan pa dag kun tu bstan par bya'o snyam du dgongs so/ / de nas bcom ldan 'das kyis sku'i glo g.yas pa bteg ste seng ge bzhin du bag tsha ba mi mnga' bar phyog bcu'i skye dgu de dag la glang po che'i lta stangs kyis gzigs nas/ zhabs g.yas pa'i mthe bos sa chen po la bsnun to// bsnun pa dang de las sgra skad chen po byung zhing rnam pa drug tu rab tu g.yos te/ phyogs bcu'i 'jig rten dag 'od bsam gyis mi khyab cing thogs pa med pas snang bar yang gyur to// de nas bcom ldan 'das kyis
- 257a
sku las 'od gzer 'di lta bu dag rab tu bkyeste/ 'od gzer rab tu bkye ba des/ sbru'i khung bu re re nas kyang 'od zer ga ng+gA'i klung gi bye ma snyed dag byung ngo // 'od zer de dag/ re las kyang 'od gang+gA'i klung gi bye ma snyed dag byung ngo // 'od zer re re nas kyang sangs rgyas kyi zhing gang+gAr klung gi bye ma snyed dag snang bar byas te/ 'od zer gcig dang 'od zer gnyis pa lhan cig mi 'grogs par 'gro zhing / yang dang yang du spu'i khung bu so so nas/ 'od zer rab tu bkye bas 'jig rten gyi khams de snyed snang bar mdzad do// de nas yang bcom ldan 'das kyis 'di lta bu'i cho 'phrul mngon par 'du bya ba mngon par 'du mdzad de/ rdzu 'phrul mngon par 'du bya ba ji lta bu mngon par 'du mdzad pas/ sangs rgyas kyi mthu dang / sangs rgyas kyi byin gyi rlabs kyis sems can thams cad sangs rgyas kyi spyan dang ldan par gyur cing / sangs rgyas kyi spyan gyi bye brag kyang rtogs par gyur te/ de dag thams cad kyis sangs rgyas kyi zhing ji snyed bcom ldan 'das kyi 'od kyis gsal bar gyur pa de dag thams cad mthong bar gyur to/ / de nos bcom ldan 'das kyis dge slong rnams la bka' stsal pa/ dge slong dag khyed kyis shar phyogs logs na kho ra khor yug gi khyon du dpag tshad 'bum yod pa'i grong khyer de ltar che ba de ltar yangs pa/ de ltar mtho ba/ de ltar rgya che ba zhig rdul phra rab kyi rdul brgya stong dag gis yongs su gang ba mthong ngam/ gsol ba/ bcom
- 257b
ldan 'das de de lta lags so/ / bka' stsal pa/ dge slong dag 'di ji snyam du sems// rdul phra rab kyi rdul de dag mang ba yin snyam 'am/ gsol pa/ bcom ldan 'das de de lta lags so/ / bka' stsal pa/ gang gis zad med len med cing // 'gag med zag pa med pa yi// chos de rab tu shes pa dag/ de dag ngan 'gror 'gro mi 'gyur// de nas srog chags bya ba phra ga sum cu rtsa gsum gyis chos kyi rnam grangs 'di thos nas/ phyir mi 'ong ba'i 'bras bu thob par gyur te/ chos thob pa de dag thams cad kyis de'i tshe tshigs su bcad pa 'di dag gsol to// zad pa ma mchis len ma mchis// mi 'gag zag pa ma mchis pa'i// 'phags pa'i chos 'di 'tshal gyur pas// bdag cag bsil gyur mya ngan 'das// mkhyen nas ji bzhin nyid brnyes shing // sems can rnams kyi dbang po mkhyen// rgyu dang rkyen rnams ston mdzad cing // sems can rnams la thugs brtse bas// zug rngu byin cing gsos mdzad la// sman stsol mdzad cing thams cad mkhyen/ / mya ngan 'da' ba ston mdzad pa'i// rdzogs sangs rgyas kyis bdag cag btul// mig dang sgron mar gyur pa 'di// shin tu myur bar 'das gyur na// su zhig srog chags bya ba rnams// yang sos snod las thar mdzad 'gyur// zug rngu 'byin mdzad ldan pas che// 'byung po kun gyi gsol mdzad pa// de yis sems can gang gsos pa// de dag ngan 'gror mchi mi 'gyur// de nas
- 258a
@#/ bcom ldan 'das de'i tshe sems can dmyal ba chen po thig nag gi gnas kyi mthar bzhugs te/ rong rgya chen po rab tu bkye'o// de yis sems can dmyal ba chen po'i gnas de snang bar gyur nas/ srog chags stong phrag mang po dag de nas bton te/ mtho ris la rab tu bkod do// de bzhin du sems can dmyal ba chen po bsdus gzhom dang / ngu 'bod dang / ngu 'bod chen po dang tsha ba dang / rab tu tsha ba dag nas kyang srog chags stong phrag mang po dag bton te/ mtho ris dang mya ngan las 'da' ba la rab tu bkod do// de nas yang bcom ldan 'das kyis sems can dmyal ba chen po brgyad kyi gnas rnams su 'od zer gyi kha dog lta bu shin tu 'jam pa/ dka' bar 'gyur pa/ yid du 'ong ba/ sdug bsngal nye bar zhi bar byed pa/ mig dga' bar byed pa/ snying dang mig rab tu sim pa skye ba/ bsil ba/ byams pa dang snying rje las nges par byung ba/ lus bde ba skyed par byed pas/ sems can dmyal ba chen po'i gnas de dag gsal bar mdzad cing / sems can dmyal ba chen po de dag gi me'i gdung ba skyes pa'i gdung ba yang yongs su zhi bar mdzad nas/ sems can de dag la bde ba nye bar bsgrub pa'i phyir/ spu'i khung bu thams cad nas mthar gyis 'od de dag rab tu bkye'o/ / de nas bcom ldan 'das kyi 'od kyis/ sems can de dag gi lus mngon par brlan par mdzad cing / lus dang sems 'jam zhing las su rung ba bskyed nas/ yon tan 'bum phrag du ma dang
- 258b
ldan pa'i gsung gis/ tshigs su bcad te bka' stsal pa// nga ni 'jig rten bde stsol cing // nga ni sdug bsngal thar mdzad pa/ nga ni lus ngal gyur pa rnams// rab tu zhi ba ston mdzad pa'o// ngas bshad zhi ba bde ba dang / / shin tu blta dka'i chos gang yin// gang dag chos de rab shes pa// de dag ngan 'gror 'gro mi 'gyur// gang dag sangs rgyas skyabs song ba'i// mi rnams de dag rnyed pa yod// de dag bskal pa stong rnams su/ / phyin tshad sdug bsngal sten mi 'gyur// bcom ldan 'das tshigs su bcad pa de dag bka' stsa la ma thag tu/ de nas skad cig de dang / thang cig de dang / yud tsam de la/ de nas dge slong rab tu mang po dag dang / sangs rgyas bcom ldan 'das tshad med pa dag kyang / skad cig dang thang cig dang / yud tsam de la seng ge'i gzims khri dag la gro g.yas pas phab ste gzims par gyur nas/ de dag kyang slar bzhengs te/ cho 'phrul de lta bu dag kun tu ston par mdzad do// de nas bcom ldan 'das la 'khor bzhi po dag gis 'di skad ces gsol to// bcom ldan 'das ci'i slad du/ sangs rgyas bcom ldan 'das de dag thams cad 'di lta ste/ dper bgyi na/ da ltar bcom ldan 'das bzhin du skad cig 'di dang / thang cig 'di dang / yud tsam 'di la yongs su mya ngan las 'da' ba la mngon par phyogs shing / cho 'phrul de lta bu dag kun tu ston par mdzad lags/ bcom ldan 'das kyis bka' stsal pa/ dge slong dag de de bzhin te/ sangs rgyas bcom ldan 'das de dag thams cad kyang deng srid pa tha ma spangs te/ yongs su mya ngan las 'da'
- 259a
bar 'gyur ro/ / de bzhin gshegs pa de dag thams cad kyang shAkya thub pa zhes bya bar mtshan mthur pa sha stag ste/ thams cad kyang gyad rnams dang nye ba na yod pa shing sA la rung gibar sha stag tu seng ge'i gzims khri la sku'i gro g.yas pas phab ste bzhugs so/ / de dag thams cad kyang de nub nam gyi thun tha ma la yongs su mya ngan las 'da' bar 'gyur ro// de nas bcom ldan 'das kyis dge slong rnams la bka' stsal pa/ dge slong dag khyed kyis shar phyogs na sangs rgyas bcom ldan 'das tshad med grangs med pa dag bla na med pa yang dag par rdzogs pa'i byang chub mngon par rdzogs par 'tshang rgya ba mthong ngam/ dge slong dag khyed kyis de bzhin du lho phyogs dang / nub phyogs dang / byang phyogs dang / phyogs mtshams rnams dang / 'og dang steng gi phyogs dag na sangs rgyas bcom ldan 'das tshad med grangs med pa dag bla na med pa yang dag par rdzogs pa'i byang chub mngon par rdzogs par 'tshang rgya ba dag mthong ngam/ de dag gis gsol pa/ bcom ldan 'das de de lta lags te/ bgrang ba'i tshul gyis mthong lags kyi don dam par ni mthong lags so/ / bcom ldan 'das kyis bka' stsal pa/ dge slong dag 'di lta ste dper na/ gling bzhi pa chen po'i 'jig rten gyi khams chu'i phung po nas bzung ste/ tshangs pa'i 'jig rten gyi mthar thug pa'i bar rdul phra rab kyi rdul gyi yongs su gang bar gyur na/ dge slong dag 'di ji snyam du sems/ rdul phra rab kyi rdul de dag tshang gzung
- 259b
pa'am/ bgrang ba 'am/ dpe 'am/ yongs su bgrang bar nus snyam 'am/ gsol pa/ bcom ldan 'das de ni ma lags so// bka' stsal pa/ dge slong dag 'di lta ste dper na/ gling bzhi pa chen/ po'i 'jig rten gyi khams de lta bu bye ba phrag 'bum rdul phra rab kyi rdul gyis yongs su gang bar gyur na/ dge slong dag nga'i sha'i spyan tha mkhas shar phyogs su phra rab kyi rdul de dag ji snyed pa de snyed kyi sangs rgyas bcom ldan 'das dag gzigs te/ dper na/ gnya' shing gang tsam na 'dug pa rnams rnam par mi rtog pa/ sha'i mig mi nyams pa/ rgyang ring por mi lta ba'i rang gi yul bzhin no// lho phyog+sa su rang de bzhin/ nub phyogs su rang de bzhin/ byang phyogs su 'ang de bzhin phyogs mtshams rnams su yang de bzhin/ 'og gi phyogs su yang de bzhin/ steng gi phyogs su yang de bzhin no// dge slong dag ngas 'di lta ste dper na/ gling bzhi pa chen po'i 'jig rten gyi khams 'bum chu'i phung po nas bzung ste/ tshangs pa'i 'jig rten gyi mthar thug pa'i bar rdul phra rab kyi rdul gyis yongs su gang bar gyur pa'i rdul phra rab kyi rdul de dag ji snyed pa de snyed kyi sangs rgyas bcom ldan 'das dag shar phyogs na byang chub kyi snying po la bzhugs pa dang / bzhugs par gyur pa dag gzigs te sangs rgyas bcom ldan 'das de dag thams cad kyang shAkya thub pa zhes bya bar mtshan 'thun pa sha stag yin no/ / de bzhin du mar me mdzad ces bya bar mtshan 'thun pa'i sangs rgyas bcom
- 260a
ldan 'das dang / de bzhin du thams cad ril gyi gnon ces bya bar mtshan 'thun pa dang / de bzhin du pad+ma dam pa zhes bya bar mtshan 'thun pa dang / de bzhin du mngon par 'phags par gshegs pa zhes bya bar mtshan 'thun pa dang / de bzhin du grags mchog ces bya bar mtshan 'thun pa dang / de bzhin du 'khor ba 'jig ces bya bar mtshan 'thun pa dang / de bzhin du gser thub ces bya bar mtshan 'thun pa dang / de bzhin du 'od srung zhes bya bar mtshan 'thun pa sha stag yang de snyed gamigs so// de bzhin du mtshan gzhan dang gzhan du gsol ba'i sangs rgyas bcom ldan 'das rnams kyang gzigs te/ sangs rgyas bcom ldan 'das de dag gi mtshan de dag kyang 'jig rten na chos rgya chen po dang / chos sna tshogs dang / chos mchog dang ldan pa'i las can dag yin te/ de ltar mtshan tha dad par gsol ba'i sangs rgyas bcom ldan 'das gang dag da ltar bzhugs te/ 'tsho zhing gzhes pa dag kyang gzigs so// mtshan de lta bu'i sangs rgyas bcom ldan 'das yongs su mya ngan las 'da' ba dag dang / bzhugs pa dag dang / chos kyi 'khor lo bskor ba dag kyang gzigs te/ nga'i sha'i spyan tha mal pa bsgribs pa med pa/ thogs pa med be/ chags pa med pa'i yul du snang ba ni de dag yin te/ de bzhin gshegs pas de ltar rab tu mkhyen to// de bzhin gshegs pas rab tu mkhyen pa gang yin pa ni de bas kyang lhag pa dang /
- 260b
lhag pa bas kyang lhag pa dang / bsam gyis mi khyab pa dang / ches bsam gyis mi khyab pa dang / gong ma dang / ches gong ma dang / tshad med pa dang / ches tshad med pa dag kyang rab tu mkhyen to/ / sha'i spyan tha mal pas kyang de ltar de bzhin gshegs pa tshad med pa dang / de ltar gzhal du med pa dang / de ltar bgrang du med pa dang / de ltar grangs med pa yin na/ sangs rgyas kyi chos rnams kyis lta smos kyang ci dgos/ dge slong dag 'di lta ste/ dper na/ khyim pa 'am/ rab tu byung ba gang la la zhig gis/ sangs rgyas kyi zhing 'di'i sems can thams cad bla na med pa yang dag par rdzogs pa'i byang chub mngon par rdzogs par sangs rgyas te/ stobs bcu dang / mi 'jigs pa thob par gyur pa de dag la bskal pa yongs su rdzogs par bkur stir byas/ bla mar byas/ ri mor byas mchod par byas/ brjed par byas/ gsol bar byas te/ mchod pa sna tshogs bsam gyis mi khyab pa dag gis mchod pa byas pa bas/ rigs kyi bu 'am rigs kyi bu mo la la zhig gis sangs rgyas thams cad rnam par 'byed pa yang dag par rab tu ston pa'i chos kyi rnam grangs 'di la dad pa'i sems bskyed pa gcig tsam bskyed cing / the tsom med pa'i blos yang dag pa'i 'du shes bskyed par gyur na/ sems bskyed ma thag tu de bas ches bsod rnams mang du skye bar 'gyur zhing / sangs rgyas kyi yon tan mang po dag dang yang nye bar 'gyur gyi/
- 261a
stong gsum gyi stong chen po'i 'jig rten gyi khams kyi sems can thams cad kyis mkhyen pa nyid thob par gyur pa la bskal par bsnyen bkur byas pas ni de lta ma yin no/ / byang chub sems dpa' sems dpa' chen po gang zhig ye shes 'di la mos par byed pa de ni sangs rgyas bcom ldan 'das rnams dang nye bar 'gyur zhing / da ni bla na med pa yang dag par rdzogs pa'i byang chub dang yang nye bar 'gyur ro/ / sha'i sman bshad pa lung bstan pa 'di bshad pa na srog chags bye ba phrag drug cu rtsa gnyis kyis/ bla na med pa yang dag par rdzogs pa'i byang chub tu sems bskyed nas/ bla na med pa yang dag par rdzogs pa'i byang chub ni 'byung bar dka' ba yin gyis/ bdag cag gis 'di nyid la sdug bsngal zad pa dang / nyon mongs pa'i tha ma dang / zag pa zad pa thob par bya'o snyam nas yang phyir mi ldog par gyur to// sems can dpag tu med pa rnams ni bslob pa'i sa la bkod par gyur to// byang chub sems dpa' khrag khrig phrag bcu ni sems dang po bskyed pas yongs su grub par gyur to/ / byang chub sems dpa' bye ba 'bum phrag sum cu rtsa gnyis ni mi skye ba'i chos la bzod pa thob par gyur to// de nas bdud sdig can sdug bsngal zhing yid mi bde bar gyur te/ mchims pa rnangs shing ngu bzhin byung ste/ bcom ldan 'das la 'di skad ces gsol to// bcom ldan 'das bdag sems can rnams bdag gi yul las yang
- 261b
dag par 'da' bar ma gyur cig snyam nas/ gang gi slad du de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' bar 'tshal ba de nyid/ bcom ldan 'das nyams pa mi mnga' bas sku tshe'i tshad bskal par bzhugs pa dang 'dra bar skya rang mngagar cing / gdugs ma gdal bar yang sems can tshad ma mchis pa rnams kyis don gyi slad du/ 'di lta ste/ mya ngan las 'da' ba la rab tu bkod lags pas/ bcom ldan 'das de bzhin gshegs pas bdag gis yul stongs par mdzad lags so// de skad ces gsol ba dang / bcom ldan 'das kyis bdud sdig can la 'di skad ces bka' stsal to/ / sdig can sems can gang dag dge ba'i chos rnams la mngon par mi brtson pa dang / gang dag de bzhin gshegs pa'i yul la dad par mi byed pa de dag khyod kyi grogs yin la/ khyod kyang de dag gi grogs mang du yod kyis/ sdig can ngu bar ma byed/ smre sngags ma 'don cig/ de nas bcom ldan 'das kyis de'i tshe phyag gi sen mo'i rtse mos sa gzhi chen po las sa'i rdul zhig blangs nas bdud sdig can la bka' stsal pa/ sdig can 'di ji snyam du sems/ ci sen mo'i rtse mo la rten pa dang / sa gzhi chen po la brten pa'i rdul gang yin pa de gnyis gang mang snyam sems/ de skad ces bka' stsal pa dang / bcom ldan 'das la bdud sdig can gyis 'di skad ces gsol to// bcom ldan 'das kyi phyag gi sen mo'i rtse mo la mchis pa'i dog sa'i rdul ni nyung gi/ sa gzhi chen po la mchis pa ni shin tu mang
- 262a
lags so/ / de skad ces gsol pa dang bcom ldan 'das kyis bdud sdig can la 'di skad ces bka' stsal to// sdig can 'di lta ste dper na/ nga'i sen mo'i rtse la 'dus pa'i rdul bas kyang ches nyung ba'i sems can dag ngas nyon mongs pa zad par byas te/ yongs su mya ngan las 'das pa bla na med pa la so sor bkod kyi/ sdig can 'di lta ste dper na/ sa gzhi chen po la rten pa'i rdul bas kyang ches mang ba'i sems can rnams ni khyod kyi yul du song bas na/ sems can gyi khams dpag tu med par yod kyis/ sdig can khyod dga' bar gyis shig/ sdig can de lta mod kyi sems can ni bdag nyid kyis bdag nyid ji ltar ring bar 'gyur ba de ltar byed pas na/ de rnams la khyod kyis kyang ci zhig byar yod/ sdig can de ltar na sems can gyi khams dpag tu med par yod kyis/ de dag la bya ba gang yod pa de gyis shig/ de bzhin gshegs pa ni do nub nam gyi thun tha ma la yongs su mya ngan las 'da' bar 'gyur ro// de nas bcom ldan 'das kyis dge slong rnams la bka' stsal pa/ dge slong dag khyed kyis sangs rgyas bcom ldan 'das de dag mthong ngam/ gsol pa/ bcom ldan 'das de de lta lags so// bka' stsal pa/ de bas kyang shin tu tshad med pa dag yod bar blta'o/ / de bzhin du sangs rgyas bcom ldan 'das de dag gi 'jig rten gyi khams dang / sangs rgyas kyis zhing phun sum tshogs pa dag mthong ngam/ byang chub sems dpa'
- 262b
rnams kyi byang chub sems dpa'i bkod pa dang / nyan thos rnams kyi nyan thos kyis phun sum tshogs pa dag mthong ngam/ de dag gis gsol pa/ bcom ldan 'das de de ltar lags so/ / bde bar gshegs pa de de ltar lags so// bka' stsal pa/ dge slong dag de bzhin gshegs pas ni de bas kyang phyir zhing lhag pa dang / shin tu tshad med pa dag kyang rab tu mkhyen te/ dge slong dag ngas phyogs bcu'i 'jig rten gyi khams na de bzhin gshegs pa'i phun sum tshogs pa dang / sangs rgyas kyi zhing gi phun sum tshogs pa dag mthong ba ni ngas bskal pa 'am/ bskal pa brgya'am/ bskal pa stong ngam/ bskal pa 'bum 'am/ bskal pa bye ba 'am/ bskal pa khrag khrig gam/ de bas kyang lhag pa de nyid du dpes rab tu phye ste/ rgya cher yang dag par rab tu brjod kyang mthar thug par 'gyur pa med do// dge slong dag ngas khyed cag nyan thos rnams la ston pa'i bya ba gang yin pa de yang byas te/ ngas chos la slob dpon gyi rab mkhyud ma byas par phyi nang med par rnam pa thams cad du/ thams cad bstan zin te/ de las lhag par thob par bya ba ni tha na rtswa'i rtse mo'i cha shas tsam yang med kyis/ da khyed cag gis nan tan la gnas par bya'o/ / ngas khyed cag la mya ngan las 'da' ba'i chos kyang bstan/ mya ngan las 'da' bar 'gro ba'i laM yang bstan/ sems can rnams kyi dge ba'i rtsa ba shin tu dga' ba dag kyang yang
- 263a
dag par bskyed/ bla na med pa yang dag par rdzogs pa'i byang chub kyang yang dag par bsgrubs zin gyis/ de bzhin du thams cad rjes su yongs su bung la/ ci nas kyang par mi 'gyur ba de ltar gyis shig/ de nas bcom ldan 'das kyis de'i tshe 'di lta bu'i rdzu 'phrul mngon par 'du bya ba mngon par 'du mdzad de/ ji lta bu'i rdzu 'phrul mngon par 'du bya ba mngon par 'du mdzad pas sangs rgyas bcom ldan 'das de dag gis phyogs bcu'i 'jig rten gyi khams ngag tu chos ston pa de dag sangs rgyas kyi zhing 'di na gnas pa'i sems can rnams kyis thos par gyur te/ sangs rgyas bcom ldan 'das de dag gis chos gang dag bstan pa'i chos de dag ston cing chos de dag kun tu shes par gyur pa'i sems can gang+gA'i klung gi bye ma snyed ni theg pa gsum la rab tu bkod par gyur to/ / bye ba 'bum phrag bcu ni bla na med pa yang dag par rdzogs pa'i byang chub la rab tu bkod par gyur to// srog chags bye ba khrag khrig 'bum phrag bcu ni rang byang chub la rab tu bkod par gyur to// sems can de bas lhag pa rnams ni zag pa med pa la gnas par gyur to/ / de ltar chos ston pa 'dis sems can khrag khrig phrag tshad med dpag tu med bgrang du med gzhal du med cing bsam gyis mi khyab pa rnams kyi don byas par gyur to/ / de nas bcom ldan 'das kyis dge slong rnams la bka' stsal pa/ dge slong dag nga ni nga yongs su mya ngan las 'da' yis khyed kyis ci nas kyang sangs rgyas kyi stan bkun
- 263b
bsrung ba la nan tan gyis shig/ dge slong dag khyed kyis bdag la phan pa dang / gzhan la phan pa'i phyir te/ de ltar bslab par bya'o// bcom ldan 'das kyis de skad ces bka' stsal/ nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa khye'u bzhi'i ting nge 'dzin ces bya ba theg pa chen po'i mdo rdzogs so// / rgya gar gyi mkhan po dzi na mi tra dang / pra dz+nyA ba ra ma dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab ga/ / / rgya gar skad du/ Ar+ya sa mA d+hi a gra ud ta ma/ bod skad du/ 'phags pa ting nge 'dzin mchog dam pa/ / bam po gcig go// 'di skad bdag gis thos pa dus gcig na/ bcom ldan 'das rgyal po'i khab na/ dge slong chen po'i dge 'dun sum khri dang / byang chub sems dpa' skyes bu chen po lnga stong du ma dang / lha klu la sogs pa sde brgyad dang / lha dang mi la sogs pa 'khor mang po dang thabs gcig tu bzhugs so// de ma yin pa gzhan yang phyogs bzhi mgon po bzhi dang / srin po dang yi dgas la sogs te sde bzhi yang 'khor der 'dus par gyur to// de'i tshen bcom ldan 'das 'od zer gyi ting nge 'dzin tu bzhugs so// cang mi gsungs zhing
- 264a
bzhugs pa las 'khor mang po rnams the tsom du gyur nas/ de nas 'jam dpal gzhon nu chos kyi rgyal bu 'dug pa las langs te/ sangs rgyas la lan gsum bskor ba byas nas/ tshigs su bcad pa 'di dag gis mngon par bstod pa/ shin tu legs so chos kyi rje// ting nge 'dzin la zhi bar zhugs// 'khor gyi dkyil 'khor mang po rnams thams cad the tsom skyes par gyur/ / shin tu legs so nyi zla'i 'od// cang mi gsung bar snang mi mdzad// shin tu legs so rin chen gter// dbul phongs rnams la sbyin pa mdzad// shin tu legs so mi yi rgyal/ / ting nge 'dzin las gzhengs su gsol// shin tu legs so klu yi rgyal// bdud rtsi'i char pa dbab tu gsol// shin tu legs so lha yi mchog/ myur du chos rnams bstan du gsol/ / shin tu legs so sems can la// theg pa gcig don bstan du gsol// de nas bcom ldan 'das ting nge 'dzin de las bzhengs nas/ 'khor mang po rnams la 'di skad ces bka' stsal to/ / nga la rin po che bla na med pa'i ye shes mang du yod pas/ khyed la phan pa dang bde bar mdzad cing / dbul phongs pa dang bral bar bya ba yod kyis/ the tsom byed par ci dang 'dod pa dris shig/ de nas dga' bo stan las langs te sangs rgyas la 'di skad ces gsol to// bcom ldan 'das bdag gis ni mang du thos pas bla na med pa'i byang chub myur du 'thob bo snyam
- 264b
nas/ mdo sde dag las bshad pa thos pa ltar na/ mang du thos shing shes rab rno ba'i dbang po dang ldan pas ni/ byang chub thob pa shin tu dka' ste/ bgegs brgyad du skye'o zhes 'byung na/ bdag gis ji ltar bla na med pa yang dag pa'i byang chub thob par gyur/ bcom ldan 'das kyis dga' bo la bka' stsal pa/ dga' bo mang du thos pa la sems rnam pa gnyis te/ gang zhe na ting nge 'dzin gyi sems dang / 'khrul pa'i sems so// sems ting nge 'dzin la gnas na ni mang du thos kyang gnod pa med do// sems 'khrul pa la gnas pa ni mang du thos pas kyang phan pa med de/ gang gis ting nge 'dzin dang shes rab dang shin tu ldan na myur du bla na med pa'i byang chub thob par 'gyur ro// dga' bos gsol pa/ bcom ldan 'das ci'i slad du/ mdo kun las ting nge 'dzin dang shes rab ni mchog dam pa'o zhes bstod/ bcom ldan 'das kyis dga' bo la bka' stsal pa/ dga' bo ting nge 'dzin dang shes rab du ldan pa ni dper na ri dgas kyi nang na seng ge mchog tu gyur pa dang / snang ba thams cad kyi nang na nyi ma mchog tu gyur pa dang / ri'i nang na ri rab lhun po mchog tu gyur pa lta bu'o// de yang ci'i phyir zhe na/ ting nge 'dzin dang shes rab tu ldan pa'i shugs na/ mchog dam pa yin pa'i phyir ro// bcom ldan 'das kyis dga' bo la bka' stsal pa/ dga' bo gal te mi zhig gis shing tsan dan las stong gsum gyi stong chen po'i 'jig rten
- 265a
gyi khams gang ba'i gtsug lag khang brtsigs pa dang / mi gzhan zhig gis rin po che sna bdun las stong gsum gyi stong chen po'i 'jig rten gyi khams gang ba'i gtsug lag khang byas na/ mi de gnyis kyi bsod rnams mnyam pa yin nam/ dga' bos gsol pa/ mi de gnyis kyi nang na rin po che sna bdun las bgyis pa'i bsod nams mchog go// sangs rgyas kyis dga' bo la bka' stsal pa/ gzhan yang mi zhig gis gser tha mal pa las stong gsum gyi stong chen po'i 'jig rten gyi khams gang ba'i gtsug lag khang byas pa dang / mi gzhan zhig gis gser btsom las stong gsum gyi stong chen po'i 'jig rten gyi khams gang ba'i gtsug lag khang byas na/ de gnyis kyi bsod nams mnyam pa yin nam/ dga' bos gsol pa/ gser btsem las bgyis pa bsod nams rab tu che'o/ / sangs rgyas kyis dga' bo la bka' stsal pa/ gal te mi zhig shing tsan dan dang / spos kyi shing gzhan dag las stong gsum gyi stong chen po'i 'jig rten gyi khams gang ba'i sku gzugs byas te/ mchod cing phyag 'tshal ba dang / mi gzhan zhig gis gser bco ma dang / rin po che sna bdun las stong gsum gyi stong chen po'i 'jig rten gyi khams gang ba'i sku gzugs byas ste mchod pa byed cing phyag 'tshal na/ mi de gnyis kyi bsod nams la khyad par yod dam/ dga' bos gsol pa/ rin po che sna bdun dang / gser
- 265b
btso ma las sku gzugs bgyis pa'i bsod nams che'o/ / sangs rgyas kyis dga' bo la bka' stsal pa/ gal te mi zhig gis sbyin pa chen po'i sems bskyed de/ rin po che sna bdun gyi bang mdzod dang / chung ma dang bu sbyin pa sbyin pa dang / mi gzhan zhig gis yan lag dam pa mgo dang / mig dang lus dang / rnyed dka' ba'i rin po che sna bdun gyi bang mdzod kyi sbyin pa srin na/ mi de gnyis kyi bsod nams la khyod par ci yod/ dga' bos gsol pa/ rin po che sna bdun dang / lus dang chung ma bur bcas su sbyin pa sbyin pa'i bsod nams che ba la gos so// / sangs rgyas kyis dga' bo la bka' stsal pa/ gal te mi zhig gis mdo sde bcu gnyis stong gsum gyi stong chen po'i 'jig rten gyi khams gang ba'i mi rnams la 'jig rten du spel te/ klog cing kha ton byed du 'jug pa dang / de la mi zhig gis stong gsum gyi stong chen po'i 'jig rten gyi khams gang ba'i mi rnams yi ge bzhin du 'don cing / yi ge yang don ston cing khong du chud na/ mi de gnyis kyi bsod/ nams gang che/ dga' bos gsol pa yi ge bzhin du 'don cing khong du chud pa bsod nams che'o// sangs rgyas kyis dga' bo la bka' stsal pa/ gal te mi zhig gis mdo sde bcu gnyis kyang thogs pa med par kha ton du shes la/ don zab mo mi shes pa mdo sde glegs bam yang stong gsum gyi stong chen po'i 'jig rten gyi khams gang ba tsam 'chang ba dang / de la mi zhig mdo sde bcu gnyis kyang
- 266a
/ kha ton byang bar shes la/ don phab mo yang rtogs te mdo sde'i glegs pas yang stong gsum gyi stong chen po'i 'jig rten gyi khams gang btsam 'chad na/ mi de gnyis kyi bsod nams gang mchog tu gyur pa yin/ dga' bos gsol pa/ kha ton bgyid pa la don yang rtogs te/ gzhan la yang ston cing 'chad pa'i bsod nams mchog tu che ba lags so// sangs rgyas kyis dga' bo la bka' stsal pa/ gal te mi zhig gis mdo sde bcu gnyis 'grel cing 'chad la/ sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms mi spyod pa dang / gal te mi zhig gis mdo sde bcu gnyis kyang 'grel cing 'chad la/ sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms kyang rgya cher spyod/ sems can rnams la bu gcig pa dang 'dra bar mnyam snyoms na/ mi de gnyis bsod nams gang che ba yin/ dga' bos gsol pa/ byams pa dang / snying rje dang / dga' ba dang / btang snyoms dang / tshul khrims dang / bzod pa spyod cing / sems can la sbyin pa byin pa'i bsod nams che zhing mang ba lags so/ / bcom ldan 'das kyis dga' bo la bka' stsal pa/ gal te mi zhig gis mdo sde bcu gnyis kyang 'grel cing 'chad shes la/ bstan bcos ru nga bco lnga
- 266b
yang byang bar 'chad shes te/ 'jig rten du spel ba dang / de la mi zhig gis mdo sde bcu gnyis kyang 'grel cing 'chad shes la/ bkri ba'i bstan bcos dang / nges pa'i bstan bcos dang phung po lnga'i bstan bcos dang / rten cing 'brel par 'byung ba bcu gnyis kyi bstan bcos dang / khams bco brgyad kyis bstan bcos dang / stong pa chen po'i bstan bcos dang / nyi zla'i bstan bcos dang / nyi zla sprin gyis bstan bcos dang / mdo sde rgyan gyi bstan bcos dang / don dam pa nyid kyi bstan bcos dang / rdo rje snying po'i bstan bcos dang / rnam pa thams cad mkhyen pa'i bstan bcos dang / rnam par thar pa'i sgo gsum gyi bstan bcos sogs pa bstan bcos 'u ta bco lnga yang shes la/ sbyin pa dang / tshul khrims dang / bzod pa dang / byams pa dang / snying rje dang / dga' ba dang / btang snyoms kyang spyod de/ tshul khrims 'chal pa dang / tshul khrims bsrung ba dang / sems gnyis su med cing nam mkha' ltar mnyam pa dang sems can gyi skyon thams cad mi mthong zhing sems can rnams la bu gcig pa dang 'dra bar snyoms te/ dgra sdang ba la yang nam mkha' ltar mnyam pa dang / de la mi zhig gis phyogs su rgyas pa'i mdo sde bcu gnyis la skur pa mi 'debs na/ mi de gnyis kyi bsod nams gang che ba yin/ dga' bos gsol pa/ phyogs su rgyas pa'i mdo sde bcu gnyis la skur pa ma btab na
- 267a
mi de'i bsod nams tshad ma mchis grangs ma mchis te/ bsam gyis mi khyab pa lags so// bcom ldan 'das kyis bka' stsal pa/ gzhan yang mi zhig gis gong du smos pa'i bsod nams thams cad kyis/ stong gsum gyi stong chen po'i 'jig rten gyi khams gang bar byed nus la/ mdo sde bcu gnyis dang / bstan bcos ru ta bco lnga snyed kyang kha ton dang 'grel cing 'chad nus te/ tshul khrims dang / bzod pa dang / byams pa la sogs pa yang spyod/ sbyin pa yang byed de/ mang du thos pa'i mchog tu yang gyur la/ chos thams cad stong zhing zhi ba'i don yang ston te/ nyan pa'i mngon par shes pa lnga thob par byed de/ de ltar phan pa dang bde ba byas kyang de ni mi zhig nyin gcig gam mtshan gcig ting nge 'dzin du zhugs pa tsam mi phod do// de ci'i phyir zhe na/ mang du thos pa'i gang zag ni ri 'am rgya mtsho ltar nga rgyal gyi sems che'o// de ltar nga rgyal che ba ni ngan song du bskal pa grangs med kyi bar du sdug bsngal myong bar 'gyur ro// dmyal ba de las thar na yang / 'dab chags kyi byar skye bar 'gyur na/ mang du thos pa la phan pa ci yod/ gang la bsam gtan gyi ting nge 'dzin yod pa ni skye shi'i 'khor ba'i sdig kha na ma tho ba'i las lci ba 'byung bar nus mang du thos pa ni rtswa dang 'dra'o/ / ting nge 'dzin ni me dang 'dra'o// mang du thos pa ni lcags dang 'dra'o// bsam gtan gyi ting nge 'dzin ni gser dang 'dra'o// mang du thos pa ni rtswa gdug pa
- 267b
dang 'dra'o/ / bsam gtan gyi ting nge 'dzin ni rtswa'i sde blo dang 'dra'o// mang du thos pa ni gtsang po dang 'dra'o// bsam gtan gyi ting nge 'dzin ni rgya mtsho dang 'dra ste/ ngas bsam gtan gyi ting nge 'dzin bsod nams dang yon tan bshad na zad pa'i mtha' med de/ bskal par yang mi rdzogs so// bcom ldan 'das kyis dga' bo la bka' stsal pa/ ngas mngon sum du dran pa/ sngon 'das pa'i dus na/ nga mang du thos pa'i skye bor gyur pa'i tshe/ 'jam dpal dang nga gnyis yod med gnyis la rtsod par gyur te/ 'jam dpal ni yod ces smra/ ngas ni med do zhes smras te/ yod med gnyis kyi bden pa la rtsod par gyur te/ gcig tu mchod do// mtha' tshe 'phos nas ngan song gsum du skye bar gyur te/ bskal pa grangs med kyi bar du lcags kyi thu lum za bar gyur to// dmyal ba de las thar te/ sangs rgyas 'od srungs dang 'phrad nas/ yod pa dang med pa gnyis 'od srungs kyis 'di skad du bshad do// chos thams cad kyi rang bzhin ni gcig tu nges shing chags pa med de/ khyod yod pa dang med par smra ba ni don de lta bu ma yin no/ / de ci'i phyir zhe na/ chos thams cad ni stong pa nyid kyis zhi ba ste/ bden pa 'di gnyis ni yod pa yang ma yin la med pa yang ma yin te/ khyed shes pa ni yi ge'i don shes par zad kyi/ don zab mo mi shes pas/ don 'di lta bu ni khyed dmus long ngam 'on pa lta bu yin na/ don zab mo 'di lta bu ji ltar shes shing rtogs par 'gyur zhes
- 268a
bshad pa thos nas/ ri ben par song ste/ bdag nyid yid la byas nas byas ma gtan gyi ting nge 'dzin la yi zhugs so// zhag bdun lon pa dang / masam gtan na ting nge 'dzin dang ting nge 'dzin rnam gsum dang / ye shes nam gsum dang / chen po stong pa nyid dang / don dam pa stong pa nyid dang / stong pa nyid stong pa nyid 'di dag rtogs shing khong du chud par gyur te/ chos thams cad stong pa nyid kyis zhi ba ci yang med par rtogs so/ / de ci'i phyir zhe na/ chos thams cad ni ngo bo nyid kyis stong pa'i phyir ro// de bas na bsam gtan sgom pa ni/ mchog dam par rig par bya ste/ nyin gcig gam/ mtshan gcig gam/ nyin zhag bdun gyi bar du sa sam gtan gyi ting nge 'dzin bsgoms na/ bskal pa grangs med pa tshun gyi kha na ma tho ba'i sdig lci ba yang khad kyis zhi zhing byang bar 'gyur ro// gzhan yang kha na ma tho ba'i sdig lci ba byang bar 'gyur te/ de yang gang zhe na/ pha ma bsad pa dang / dgra bcom pa bsad pa dang / mchod rten dang gtsug lag khang bshig pa dang / dge 'dun gyi gnas khang mes btang ba yin// phas pham pa bzhi dang / phas pham pa brgyad dang / lci ba lnga dang / rang bzhin gyis lci ba drug nyams pa yin/ phyogs su rgyas pa'i mdo sde la skur pa btab pa yin/ pha rol po'i nyes pa'i skyon dag smra zhing skur sti mi byed pa yin/ gang du skyes par nga rgyal che ba dang / rang bzhin gyis sdig lci ba yang yin te/ de yang bsam gtan gyi ting nge 'dzin bsgoms na/ rang ni zhing 'byang bar 'gyur/ de yang bsam gtan gyi ting nge 'dzin
- 268b
gyi mthus 'byang gi/ gzhan gyis 'byung ba ma yin no// nyin zhag bdun tsam gyis kyang de ltar yon tan dang bsod nams dpag tu med pa 'thob na/ tshe gcig tu dben sar ri dang shing drung du 'dug ste/ rtog ba bsal ba dang / 'jug pa dang / spong ba yid la byed pa lta smos kyang ci dgos/ de ci'i phyir zhe na/ sems ni 'bab chu dang 'dra ste skad cig kyang mi sdod/ sems ni spre'u dang mtshungs te/ gcig btang yang gcig la 'dzin to/ / mdor na sems ni ting nge 'dzin gyi dbang gis mi g.yo'o// gal te sems g.yon chos thams cad la 'khrul pa'i 'du shes skye'o gal te ting nge 'dzin la gnas pa ni/ 'jig rten gyi skye ba dang / gnas pa dang / 'gog pa 'du shes shing rtogs te/ chos thams cad stong pa nyid kyis zhi ba/ mi rtag par 'gyur zhing 'pho ba/ steng zhing bdag med pa sgyu ma dang 'dra ba/ sprul pa lta bu glog dang / rlung dang / dri za'i grong khyed lta bu chu'i dbu ba dang / smig rgyu dang brag cha dang / bar snang gi bya rjes lta bur rtogs so// 'jig rten na srid pa ri dang tshal rtsing po dang / 'bab chu dang / mtshe'u dang / lteng ka dang / rgya mtsho la sogs te/ chu thams cad kyang me'i bskal pa chen po byung ba'i tshe thams cad tshig cing zad par 'gyur yang / bsam gtan bzhi dang / gzugs med pa'i ting nge 'dzin bzhi ma rtogs par/ chos thams cad stong pa nyid du shes na/ bsam gtan gyi mthuni shin tu bsam gyis mi khyab pa'i phyir ro// sems ting nge 'dzin la gnas na/ phyogs bcu'i stong gsum gyi stong chen po'i 'jig rten gyi khams kyi
- 269a
nyi ma dang / zla ba dang / skar ma dang / 'bab chu dang / bcang po dang / rgya mtsho dang / ri dang / nags tshal dang / klung dang / lung ba s+phu ru ra lag mthil du bzhag pa bzhin du/ mthong bar 'gyur ro// bsam gtan gyi ting nge 'dzin la gnas na/ rdzu 'phrul gyis phyogs bcu'i 'jig rten gi khams gang+gA'i klung gyi bye ma snyed du yang phyin cing / phyogs bcu'i 'jig rten gyi khams kyi rlung dang me dang sa dang chu dang nyi ma dang zla ba dang skar ma dang / gza' dang / ri dang / tshal dang / chu dang / shing dang / lha dang / lha'i pho brang dang / klu'i pho brang yang rdzu 'phrul gyis sprul nus te/ de bas na bsam gtan gyi mthu ni shin tu bsam gyis mi khyab par rig par bya'o// bsam gtan gyi ting nge 'dzin gyi shugs kyi stong gsum gyi stong chen po'i 'jig rten gyi khams kyang sprul nus so/ / dga' bo mo'u dgal gyi bu chen pos ting nge 'dzin du zhugs so// ting nge 'dzin gyis rnam pa sna tshogs su sprul cing ting nge 'dzin gyis sa chen po 'di yang mgal me bskor ba bzhin du bskyod nus mang du thos pas ni de ltar mi nus par rig par bya'o/ / bcom ldan 'das kyis dga' bo la bka' stsal pa/ khyod sa chen po skul cig ces bka' stsal pa dang / dga' bos gsol pa/ bdag la bsam gtan gyi ting nge 'dzin ma mchis pas skul ba rngo mi thog go// bcom ldan 'das kyis dga' bo la bka' stsal pa/ bsam gtan gyi ting nge
- 269b
'dzin bsgom pa/ dge sbyong gis 'bras bu bzhi ma thob kyang / mang du thos pa las khri phrag brgyad stong gis khyad par 'phags so// de'i tshe de'i dus na 'od ma'i tshal na gnas pa'i/ dge slong lnga brgya tsam zhig/ thams cad mang du thos pa rlom pa las/ bcom ldan 'das kyis dga' bo la bka' stsal pa/ mo ru dgal gyi bu chen po'i rdzu 'phrul dang ting nge 'dzin mchog go zhes gsung ba thos nas/ sangs rgyas gang na ba der lhags nas bcom ldan 'das kyis zhabs la mgo bos phyag 'tshal nas/ sangs rgyas la 'di skad ces gsol to// bcom ldan 'das bdag cag mang du thos pa bslabs te/ mdo sde bcu gnyis kyang khong du chud pas/ rgyal khams chen po bcu drug snyed kyang bdag cag la sangs rgyas dang 'dra bar gus shing bkur bsti bgyid na/ ci'i slad du bcom ldan 'das kyis mang du thos pa ni/ nam yang tha na med pa'i byang chub 'thob par mi 'gyur zhes gsungs zhes gsol pa dang / bcom ldan 'das la dge slong lnga brgya po 'di dag 'thun par dus gcig tu bdag cag ni mang du thos pa na spang zhing bsam gtan gyi zas ting nge 'dzin la slob bo zhes gsol to/ / bcom ldan 'das kyis dge slong rnams la bka' stsal pa/ dge slong mang du thos pa spangs te/ bsam gtan gyi ting nge 'dzin la 'jug go zhes ma spa shig/ ngas bltas na khyed kyi shes rab ni sbrang bu'i 'dab mas ni zla sgrib par 'dod pa dang / dmus long gis ri rab lhun po la 'dzeg par 'dod pa dang
- 270a
@#/ gamings med par rgya ma tsho las rgal bar 'dod pa dang / bya 'dab mchag pa rnam ma khar la 'phur 'dod pa bzhin/ khyed kyang de dang 'dra'o zhes bka' stsal ba dang / dge slong / rnams shi ba tsam du 'jigs shing skrag pa'i sems skyes so// de nas bcom ldan 'das kyis dge slong rnams la bka' stsal pa/ dge slong khyed ma 'jigs ma skrag par sems ting nge 'dzin la zhog cig/ dge slong rnams kyis gsol pa/ bdag cag la bsam gtan gyi mthu yang ma mchis na/ ting nge 'dzin du ga la 'gyur/ bcom ldan 'das kyis bka' stsal pa/ nga la sman dam pa yod de/ khyed ting nge 'dzin thob par bya'o zhes bka' stsal ba dang / dge slong rnams kyis bcom ldan 'das bstan du gsol/ bdag cag gis de bzhin du spyod par 'tshal lo zhes gsol pa dang / bcom ldan 'das kyis bka' stsal pa/ sman dam pa zhes bya ba ni/ 'di lta ste rtog pa dang / bsal ba dang 'jug pa dang / spong ba'o// dge slong rnams kyis gsol pa/ rtog pa dang / bsal ba dang / 'jug pa dang / spong ba ci lags/ bdag cag gis ma 'tshal na/ bcom ldan 'das kyis bstan du gsol/ de nas yang sangs rgyas kyis 'di skad ces bka' stsal to// dang po'i sems ni rtog pa zhes bya/ sems gnyis byung ba ni bsal ba zhes bya/ sems gsum byung ba ni 'jug pa zhes bya/ sems bzhi byung ba ni spong ba zhes bya'o// gzhan yang 'di lta ste/ bsam gtan dang po
- 270b
la rtog pa zhes bya/ bsam gtan gnyis pa la bsal ba zhes bya/ bsam gtan gsum pa 'jug pa zhes bya/ bsam gtan bzhi pa la spong ba zhes bya'o// gzhan yang 'di lta ste/ bsam gtan zhes bya ba ni/ lus dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang / tshor ba dran pa nye bar gzhag pa yin te/ de bzhin du mngon par shes pa bzhi dang / chos thams cad ni 'di ltar yang dag par spong ba bzhi dang / rdzu 'phrul gyi rkang pa bzhi dang / bden pa bzhi dang / ting nge 'dzin bzhi dang / mtshan ma med pa bzhi dang / byang chub bzhi yin na/ dge slong khyed bsam gtan dang po yang gsal bar ma rtogs na/ bsam gtan bzhi dang / chos thams cad lta ci smos/ dge slong dag thabs sna tshogs kyis bsam gtan gyi ting nge 'dzin la 'jug par bya'o/ / gal te mi gtsang ba la rtog na/ lus kyi chen po bzhi/ pags pa dang / rus pa dang tshigs pa dang / ga nag khrag zag pa dang / snong bu gu dgu yod pa'i nang du chu blugs na zag pa bzhin du mi gtsang ba'i dngos po bshang gci che chung dang / brtsog pa shin tu skyer rung ba zag pa mthong ngo // ting nge 'dzin de las kyang dngos po rnam pa sna tshogs mthong ba ni/ 'di ltar g.yo ba dang / gnas pa dang rnam par sngos pa dang / rnam par ser ba dang / rnam par dkar ba dang / rnam par gnag pa sna tshogs mthong ba/ sems ma 'khrul par gyur na/ dngos po de dag mthong ba'i tshe phyir bzlog
- 271a
@#bar bya'o/ / rus pa dkar po dang / dbugs phyi nang du rgyu ba bzang ba'i rtog pa yang de dang 'dra'o// gal te tshul khrims kyi rtsa ba bzhi nyams pa dang / dge slong mas rtsu ba brgyad nyams pa dang / dge bsnyen mas khrims rtsa ba bzhi nyams pa dang / dge sbyong gis khrims bcu nyams pa dang / dge slong mas lci ba drug nyams pa dang / sangs rgyas dang chos dang dge 'dun gyi spyi dkor brkus pa dang / mkhan po dang / slob dpon dang / bla ma dang pha ma dang / dge 'dun gyi dkor brkus pa dang / phyogs su rgyas pa'i mdo sde la skur ba'i gang zag de lta bu ni/ bsam gtan gyi ting nge 'dzin la 'jug pa'i tshe/ bdag gis lus las rlung nag po chen po lta bu dang / khrag ni me rab tu 'bar ba dang 'dra ba dang / rus pa ni ri dang brag lta bu dang / rtswa ni shing lta bu dang / nang grol lnga ni sbrul lam rtsangs pa lta bur mthong ba dang / lag na me chen po thogs te/ rlung chen po rgyug pa dang / mgo la ri chen po khyer zhing / langs kyang brdeg 'chos pa dang / kha nas seng ge 'byung ba dang / mig nas 'bar ba mo 'byung ba dang / sna nas sbrul chen po 'byung ba dang / rna ba nas par spang 'byung ba dang / bshang gci che chung chu ltar 'bab cing / rgya mtsho lta bur mthong ba dang / gal te phyogs bcu'i sangs rgyas thams cad cho 'phrul rnam pa mang po ston pa mthong na/ mtshan ma de lta bu mthong ba'i tshe bsam gtan las langs te tshal lam ri dgon par song ste/ phyogs su rgyas pa'i mdo sde 'don cing 'gyod tshangs bya'o// de ltar sngon gyi
- 271b
kha na mtho ba'i sdig 'gyod tshangs bya'o/ / yang na zhag bdun nam/ bdun gnyis sam/ bdun gsum mam/ bdun bzhi 'am/ bdun lnga 'am/ bdun drug gam/ bdun bdun gyi bar du mthol tshangs bya'o// da ltar sdig sbyangs nas bsam gtan bsgom par bya ste/ de la sdig chung ba ni bags kyis bdag gis lus bai DUr+ya'i ri lta bu mthong bar 'gyur ro// gang rtsa ba bzhi ma nyams pa nas/ rang bzhin gyi khrims lci ba lnga'i bar du ma nyams pa yin na/ ting nge 'dzin tu 'jug pa'i tshe/ phyogs bcu'i sangs rgyas dus gcig tu chos ston pa dang / de yang bden pa bzhi 'am/ yang dag pa'i spong ba bzhi 'am/ rdzu 'phrul gyi rkang pa bzhi 'am/ sdug bsngal dang / bzod pa dang / spyi bo dang / 'jig rten chos kyi mchog gis chos ston pa dang / yang na byang chub kyi yan lag bdun dang / bsam gtan bzhi dang / skyes bu ya brgyad kyi chos dang / stong pa nyid bzhi dang / ting nge 'dzin gsum dang / rnam par thar pa brgyad stong par mthong ba dang / ting nge 'dzin las mun nag mthong ba dang / snang ba mthong na ting nge 'dzin de las langs te/ shin tu dga' ba'i sems bskyed par bya'o zhes bka' stsal pa dang / dge slong phyir gnas pa'i tshal du dong ste/ bsam gtan gyi ting nge 'dzin nyin zhag bdun bsgoms pas thams cad kyis dgra bcom pa thob par gyur nas/ bcom ldan 'das gang na ba der lhags te/ sangs rgyas la 'di skad ces gsol to// bcom ldan 'das bdag cag la ni sangs rgyas kyis bstan pa bzhin 'khor ba las thar te/
- 272a
bla na med pa'i 'bras bu thob bo// bcom ldan 'das kyis bkar stsal pa/ de ltar thob na cho 'phrul bstan pa'i dus la bab po zhes bka' stsal pa dang / dge slong lnga brgya rnams steng gi bar snang la 'phags te/ nyal ba dang 'dug pa dang 'gro ba dang sdod pa dang / lus la chu dang me la sogs pa 'byung ba'i cho 'phrul rnam pa bco brgyad mngon par bstan te/ de'i tshe mang du thos pa'i dge slong rnams bsam gtan bsgoms pas mo ru dgal gyi bu chen po dang 'dra bar rdzu 'phrul tha mi dad par gyur to/ / de nas dga' bos bcom ldan 'das la 'di skad ces gsol to// bcom ldan 'das dam pa'i cho 'di de bzhin gshegs pa kyang na las 'das nasa'i srid du gnas shing dus ngan pa'i tshe sems can ji skad cig chos 'di bsgoms pas dge sbyong gi 'bras bu ba ni thob par 'gyur/ bcom ldan 'das kyis dga' bo la bka' stsal pa/ ngang byin chad dpyir klu 'bring po la rtswa mchog gi grong khyer du mya ngan las 'da'o// ngam+b+ha ngan las 'das nas lo brgyad cu'i bar du chos la spyod pa'i sems can mngan 'byung ste/ du bzong dang shing drung na gnas shing / 'di nyid yid la byed de/ rtog pa dang bsal ba dang 'jug pa dang spong ba'i chos spyod pa stong phrag bcu la stong phrag dgus dge sbyong ga 'bras bu bzhi tho'i par 'gyur ro/ / lo sum brgya bar du ni sems can stong phrag brgyal/ stong phrag bcus dge sbyong gi 'bras bu ba ni thob par 'gyur ro// lo sum brgya phan chad/ lnga brgya tshun chad ni/
- 272b
nga'i nye gnas rnams bags kyis mi dge ba'i chos spyod do// phrag dog gi sems kyis log pa'i 'tsho bas 'tsho bar 'gyur ro// stong phrag brgya la stong phrag bcu'i dge sbyong gis 'bras bu 'thob bopolo lnga brgya phan chad brgyad brgya tshun chad nga'i nye gnas rnams khyim pa'i gos gyon nas/ ba lang dang lug dang byi la dang bong bu dang rta gsezhing 'bru mang po bsogs te rang gis lag dar zhing rang za ba dang / bran pho dang bran mo yang gso bar 'gyur te/ de'i tshe stong phrag stong la/ stong phrag gcig gis dge sbyong gi 'bras bu bzhi thob par 'gyur ro// lo brgyad brgya phan chad nas/ le stong tshun chad ni/ nga'i nye gnas rnams sdig pa'i chos slob ste/ rgyal po dang / rgyal bu dang blon po chen po dang / khyim bdag la grogs por ston cing / phan tshun tha na 'phrin gyis 'drul zhing / zhing mo brko/ byed de/ 'bru ba zan mang po dang / gser dang / dngul dang / rin po che sna bdun sog cing / sha za zhing chang 'thung ste/ chen po bzhi gsos zhing rtas par byed pa dang / smad 'tshong ma ltar gos sdug gu gyon zhing 'dring ba dang / slu ba'i las byed de/ de las 'bum phrag khri la/ brgya tsam zhig gis dge sbyong gi 'bras bu bzhi thob bo// lo stong phan chad sum brgya tshun chad ni che thang du 'khrugs te/ nga'i nye gnas rnams lus la chos gos gyon yang / shing kha la phan snying brtags pa dang 'dra ste/ gzi byin med khyim pas mthong na yang bkur bsti yang mi byed pas shan pa dang 'dra bar 'gyur ro// de'i
- 273a
dus na yul khams kyang 'khrugs te/ gcig la gcig dgra byed cing gsod pas/ rgyal po dang / blon po dang / pha ma dang / bu dang / bu mo dang / gcig la gcig dgra byed de/ byams pa dang / snying rje'i sems kyang med pas/ bza' ba dang / btung bas nyon mongs te/ khyim tha ba med pa dang / chung ma med pa dang / bu pho med pa dang / bu me med pa dang / long pa dang / lkugs pa dang / dbang po ma tshang ba dang / bran pho dang / bran mo dang bros pa/ yul khams phung bar byed pa/ 'tsho bas rang mi sos pa dag nga'i chos la zhugs nas/ khyim pa rnams kyis kyang rngon pa dang 'dra bar lta ste/ dper na/ lha'i glang ngam/ rta rgod dam/ ba glang myos pa ltar gdul dka' ba rang dga' yang 'gro ba/ slob dpon dang / slob ma yang mi rgod ma rungs pa dang 'dra ste/ 'dod chags la bag med par spyod cing / bla ma dang 'og ma'i rim pa yang med/ bzang ngan gyi rim pa yang med/ dud 'gro'i phyugs dang 'dra ba/ kha na ma tho ba'i sdig pa mang po byed cing / ngan song gsum gyi mi 'jigs par/ gar song gar gnas kyang / chang 'tshe ba ba dang / shan pa dang / rngon pa dang / smad 'tshong dang bsten cing 'grogs pa kha nas kyang ngag sdig pa smra zhing / sems la yang sdig pa sems/ yang na blon po dang bsten cing dge ba'i mi dag la thabs sna tshogs kyis bsdigs shing nor phrogs te/ bu smad gso'o// yang na rngon pa'i yo byad nya rgya la sogs pa 'chang zhing / nya la sogs pa bcus nas/ rang gis lag dar te gsod pa dang / bsreg pa dang /
- 273b
zla ba nya ba dang / shi ba'i tshe gso sbyin mi byed de/ rang nyams su stong pa dang / tshul khrims kyi las byed pa'i rnams phan tshun rtsod cing bla ma dang 'og ma dang grogs po la zhe sdang ba dang / gdug pa'i sems skyed pa dang / slob dpon dang / slob ma yang gcig la gcig skyon 'dru zhing 'phya ba dang sgrogs pa'i gtam smra ste/ dper na rtswa las pa mang po kun gcig tu 'dus pa dang 'dra ba dang / phan tshun dpung dang snga cha gcig ya gcig tshig ngan gyis sma 'bebs pa dang / bla 'og gi rims pa yang med pa dang / mi rgod ma rungs pa ltar/ dge ba byed pa lnga 'phrog rlom byed pa dang / khe dang grag pa la chags te/ chog mi shes par gyur pa de'i tshe/ mdo sde bcu gnyis kyang nub par 'gyur te/ klog pa dang 'don pa yang med pa dang / de'i slob pa rnams kyang dgra chos dang / gtsug lag dang / yi ge dang / 'ji ba dang / bcom pa dang / shing dang / bzhon pa dang / bon chos dang / mig mangs dang / glu kar dang / ngu ba dang spyugs pa dang / 'phong rtsal dang / rta rgyug pa la sogs pa'i chos ma yin pa slob cing spod de/ de ltar ma legs pa'i chos spyod pas/ tshe 'phos ma thag tu ngan song du lhung ste/ bskal pa grangs med par ngan song gi sdug bsngal myong nas/ de las thar nas yang byol song du skyes te/ ltogs pa dang // skom pa dang / sdug bsngal gyis nyen pa dang / khal lci ba 'grel zhing 'gro bar 'gyur ro// ci zhig na sbyangs pa'i yon tan slob pa yang chos ma yin pa mang du byed de/ ri dang / tshol dang / dur khrod dang /
- 274a
shing drung na mi gnas shing rtag tu grong du rgyug ste/ sems la rtog pa mang zhing / khe dang grags pa tshol te/ nor rdzas dang longs spyod la chags shing chog mi shes pa dang / chos ston/ pa'i bshad mkhas zhig yin na yang / sangs rgyas kyi chos ston pa yang khri tsam la gcig tsam yang thog tu mi phebs te/ 'khor mang po dang 'grogs nos grong rgyu zhing khyim pa'i khyim du zhugs nas khyim pa la chos ston pa khe dang grags pa'i phyir te/ longs spyod mang du sogs shing shan pa dang 'dra'o// sha dang chang la mi spyod pa dag gis/ dge slong dang khyed ni btsun pa khyim nas khyim med par rab tu byung ba yin na/ snying rje ba'i sems kyang med de/ 'di ltar chos ma yin pa mang du spyod pas/ khyed ni shan pa dang 'dra'o zhes spros zhing brgyad par 'gyur ro// dge slong de dag de skad ces gshe ba thos nas/ kun log ste des brdegs pa dang / gshe ba dang brgyad bkag ste/ gcig la gcig 'di skad smra'o// de bzhin gshegs pa bzhugs pa'i tshe na ni/ nged sha dang chang 'thung ba ma gnang ste/ da nged de bzhin gshegs pa mya ngan las 'das nas/ da ni ci yang gnang bas/ nged sha dang chang 'thung ba yin no// khyim pa dang bral ba'i 'og tu de dag gcig la gcig/ bdag cag gis shes pa sangs rgyas kyi zhal nas gsungs pa dang 'dra'o zhes smra zhing / la la ni tshig bkyal pa dang don med pa'i tshig dang / 'gran tor gyi tshig dang / 'khrul pa'i tshig tu smra zhing / dper na dmus
- 274b
long zhig mdzub mo gnyis nyi ma la btsugs te/ nyi ma ya gi ni rlung ngo // yangs so dog go zhes smra ba 'am/ mi 'on pa zhig bdag gis gnam gyi steng na chos 'chad pa'i sgra thos so zhes zer ba dang 'dra bar dmus long mang po tshogs te/ 'jig rten na 'jam dpal dang 'od srung chen po la sogs pa sprul te/ de'i nang na bzhugs kyang kun gyis brdeg cing gshe ste/ de nas smod cing 'dug tu mi ster ro// gzhan yang dper na seng ge ni spos kyi ri la gnas te/ ri dgas dang gcan gzhan mang yang gnas der nyer mi bzod do// seng ge ri de las byung ste/ song ba'i 'og tu ni gdug pa khro bo la sogs pa gcig gis gcig pos te spos kyi ri la lhags nas 'bras bu zhim po za zhing chu mig las 'thung ngo / / de ltar za zhing 'thung ba las thams cad bskams shing med par gyur to// spos kyi ri la gnas pa'i lha rnams kyang skyob par mi 'gyur bas/ rtsa gdug pa skyes te/ zos ma thag tu tshe'i dus byas par 'gyur ro// nga mya ngan las 'das pa'i 'og tu/ dge slong thams cad kyis ngas bstan pa'i mdo sde bcu gnyis 'don cing klog pa yang gong ma ni bar du bcug/ bar ma ni 'og tu bcug/ 'og ma ni gong du bcug/ bar ma ni 'og dang tha mar bcug ste/ don ma yin pa la don zhes zer/ don la ni ma yin zhes zer te/ ji ltar mu stegs can dag so so nas pa'i gzhung ni bden pa yin no zhes zer ba dang 'dra'o/ / de'i dus na mdo sde bcu gnyis 'jig rten na spyod kyang / gzi brjid dang mthu med de/ la la zhig 'don tam klog kyang mi gcig 'ga' yang dge sbyong gi 'bras bu
- 275a
bzhi thob pa med do/ / de ltar nga'i slob ma rnams kyang rgyal po srid sbyor ba 'am/ bya 'dab ma med pa dang 'dra ste/ gtsug lag khang dang mchod rten yangs stong shing zhig ral gso ba yang med do/ / ji ltar sku gzugs dang ba dan rin po che'i gdugs yod pa dgra cha zhig pa dang 'dra ste/ phur ron dang bye'u dang / phag dang khyi dang lug la sogs pa'i tshang dang gnas su 'gyur ro/ / de dge slong so so na 'dug pa'i gnas ni byi dor bzang du byed do// bcom ldan 'das kyis bka' stsal pa/ 'di yang khyod la mdo tsam zhig bshad pa yin no// dgra bos sangs rgyas kyis gsungs pa thos nas mchi ma glags te ngus so/ / de ltar dga' bo yid gdung zhing ngu ba ma btang ba las/ bcom ldan 'das kyis dga' bo la bka' stsal pa/ khyod de ltar ma ngu bar mdo sde 'di gzungs su zung la 'jig rten du rgyas par spel cig/ de nas dga' bos gdong mchi ma phyis nas/ bcom ldan 'das la bdag gis gzungs su bzung ngo zhes gsol to// brgya byin dang / lha dang mi rnams kyis kyang dga' bo la 'di skad ces smras so// btsun pa bdag cag gis kyang yongs su bzung ste/ gang dag mdo sde 'di ri 'am/ tshal lam shing drung ngam/ bas mtha' 'am dur khrod na gnas te/ 'don tam klog na/ bdag cag gis lha dang mi'i 'khor dang / mi ma yin pa dang bcas te/ gnas der 'gro zhing chung ngu na tshigs su bcad pa gcig gam/ tshig gcig tsam yang mi brjed
- 275b
mi nyams par bzung ngo zhes gsol to/ / mdo sde 'di gsungs pa'i tshe/ dge slong stong snyed kyis dge sbyong gi 'bras bu bani thob par gyur to// dge slong ma spyong lnga brgyas rgyun tu zhugs pa'i 'bras bu thob par byugyung to/ / dge bsnyen lnga brgya yongs su dag par gyur te/ lha dang mi dang lha ma yin la sogs pa phyag byas nas phyir dong ngo // 'phags pa ting nge 'dzin mchog dam pa rdzogs so// / mdo 'di la mkhas pa blo thos khrim mos dgongs 'tshal/ rgya garaHda du/ Ar+ya mA yo pam sa mA d+hi nA ma ma hA yAn sutra/ bod du du/ 'phags pa sgyu ma lta bu'i ting nge 'dzin ces bya ba theg pa chen po'i mdo// bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das grong khyer wA rA NA si na/ drang srong lhung ba ri dwags kyi nags na/ dgra bcom pa nyi khri'i dge slong gi dge 'dun chen po dang / byang chub sems dpa' khri nyis stong la/ 'di lta ste/ byang chub sems dpa' sems dpa' chen po seng ge'i seng ge dang / seng ge blo gros dang / legs par gnas pa'i blo gros dang / dpe med blo gros dang / sa 'dzin dang / mes byin dang / chu lha dang / dkon mchog 'byung gnas dang / phug sras dang / b.rang skyong dang / grog lha dang / rnam par snang byed dang / 'jam dpal gzhon nur gyur pa dang / ye shes 'byung gnas
- 276a
dang / brtson pa mi gtong dang / mthong ba don yod dang / byang chub sems dpa' sems dpa' chen po byams pa la sogs pa khri nyis stong dang thabs gcig tu bzhugs so// lha'i bu mtshams bzangs dang / legs par gnas pa'i blo gros la sogs pa thams cad kyang theg pa chen po la yang dag par zhugs pa nyi khri dang yang thabs gcig go/ de nas bcom ldan 'das 'khor brgya stong du mas yongs su bskor cing mdun gyis bltas te chos ston to/ / de nas byang chub sems dpa' sems dpa' chen po pad+ma'i dpal gyi snying po stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol nas/ bcom ldan 'das kyis/ byang chub sems dpa' sems dpa' chen po pad+ma'i dpal gyi snying po la 'di skad ces bka' stsal to// pad+ma'i dpal gyi snying po khyod la de bzhin gshegs pas dris pa lung bstan pa'i phyir rtag tu skabs phyes/ pad+ma'i dpal gyi snying po khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa
- 276b
dris shig dang / ngas dris pa de dang de'i lung bstan pas khyod kyi sems rang bar bya'o// de skad ces bka' stsal nas/ bcom ldan 'das la/ byang chub sems dpa' sems dpa' chen po pad+ma'i dpal gyi snying pos 'di skad ces gsol to/ / bcom ldan 'das ji ltar na byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa dang / mngon par shes pa lnga dang ldan pa dang sgyu ma lta bu'i ting nge 'dzin kyang 'thob cing / ting nge 'dzin de thob ma thag tu ji lta ji ltar sems can rnams kyi dge ba'i rtsa ba yongs su rdzogs par 'gyur ba de lta de ltar lus mngon par sprul nas/ sems can rnams kyi mos pa ji lta ba de bzhin du chos ston pa dang / ci nas myur du tha na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lags/ de skad ces gsol nas/ bcom ldan 'das kyis/ byang chub sems dpa' sems dpa' chen po pad+ma'i dpal gyi snying po la 'di skad ces bka' stsal to// pad+ma'i dpal gyi snying po legs so legs so// pad+ma'i dpal gyi snying po khyod ni 'di ltar sngon gyi rgyal ba la lhag par bya ba byas pa/ dge ba'i rtsa ba bsags pa/ sangs rgyas bye ba khrag khrig brgya stong mang po la bsnyen bkur byas pa ste/ khyod 'di ltar sems can thams cad la snying brtse ba dang snying rje bar zhugs pas/ pad+ma'i dpal gyi snying po khyod de bzhin gshegs pa dgra bcom pa yang dag par rdzogs pa'i sangs rgyas la don 'di 'dri bar sems pa ni legs so// pad+ma'i dpal gyi snying po khyod de'i
- 277a
/ phyir legs par rab tu nyon la yid la srung zhig dang ngas khyod la bshad do// byang chub sems dpa' sems dpa' chen po pad+ma'i dpal gyi snying pos/ bcom ldan 'das la legs so// zhes gsol nas/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// spyana'i dpal gyi snying po chos gcig dang ldan na// byang chub sems dpa' sems dpa' chen pos nimed pa yang dag par rdzogs pa'i byang chub las phyir mi ldog pa dang / mngon par shes lnga dang ldan pa dang / sgyu ma lta bu'i ting nge 'dzin kyang 'thob cing / ting nge 'dzin de thob ma thag tu ji lta ji ltar sems can rnams kyi dge ba'i rtsa ba yongs su rdzogs par 'gyur ba de ste de ltar lus mngon par sprul nas/ sems can rnams kyi mos pa ji lta ba de bzhin du chos ston pa dang / ci nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / chos gcig po gang zhe na/ pad+ma'i dpal gyi snying po 'di la byang chub sems dpa' khams gsum pa thams cad la mi gnas pa yin te/ nang ngam phyi rol la gnas par mi byed do/ / de gnas pa med pas yang dag pa mthong bar 'gyur/ yang dag pa mthong bas yang dag pa la sbyor bar 'gyur ro// yang dag pa la sbyor bas ci la yang blo thogs par mi 'gyur ro// de bre thogs pa med pas yang dag pa'i bya ba la spyod do// yang dag pa'i bya ba la spyod pa de gang she na/ 'di lta ste/ chos thams cad ni rten cing 'brel bar 'byung ba ste/ chos gang yang ther zug tu gnas pa
- 277b
yin no/ / chos thams cad ni rkyen las 'byung ba ste/ rkyen med par 'byung ba'i chos ni gang yang med do// chos gang rten cing 'brel bar 'byung ba de ni ma skyes pa'o// de ltar na chos thams cad ni skye ba med pa ste/ chos thams cad ma skyes par rtogs par gyur pa de ni/ byang chub sems dpa' lam la 'jug pa rtogs pa 'thob bo// 'di ltar sems can thams cad la phan pa'i dngos po dang snying rje'i sems kyi rjes su 'jug pa rab tu 'thob de de ltar mos pas chos thams cad sgyu ma lta bur rab tu shes so/ / chos thams cad ni yongs su brtags pas sprul pa ste/ yongs su brtags pa de yang shin tu stong pa / chos thams cad stong par rtogs pa de ni/ sgyu ma lta bu'i ting nge 'dzin 'thob ste/ ting nge 'dzin de thob ma thag tu ji lta ji ltar sems can rnams dge ba'i rtsa ba rnams yongs su rdzogs par 'gyur ba de lta de ltar lus mngon par sprul nas/ sems can rnams kyi mos pa ji lta ba de bzhin du chos ston pa dang / ci nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de skad ces bka' stsal nas/ bcom ldan 'das la/ byang chub sems dpa' sems dpa' chen po pad+ma'i dpal gyi snying pos 'di skad ces gsol to// bcom ldan 'das byang chub sems dpa' sems dpa' chen po sgyu ma lta bu'i ting nge 'dzin 'di thob pa gang la la dag 'khor 'dir 'dus pa lta mchis sam/ bcom ldan 'das kyis bka' stsal pa/ pad+ma'i
- 278a
dpal gyi snying po 'khor dri na bsams bzhin du go cha bgos pa gang dag sgyu ma lta bu'i ting nge 'dzin 'di thob pa skyes bu dam pa drug cu yod de/ byang chub sems dpa' sems dpar chen po byams pa dang / 'jam dpal gzhon nur gyur pa la sogs pa skyes bu dam pa drug cu po dag sgyu ma lta bu'i ting nge 'dzin 'di thob pa yin no// gsol ba/ bcom ldan 'das skyes bu dam pa 'di das gis 'jig rten gyi khams 'di nyid du sgyu ma lta bu'i ting nge 'dzin 'di thob pa lags sam/ 'on te 'jig rten gyi khams gzhan dag na yang gang dag sgyu ma lta bu'i ting nge 'dzin 'di thob pa'i skyes bu dam pa dag kyang mchis/ bcom ldan 'das kyis bka' stsal pa/ pad+ma'i dpal gyi snying po sangs rgyas kyi zhing 'di nas nub kyi phyogs cha logs su sangs rgyas kyi zhing bye ba brgya stong 'das pa na 'jig rten gyi khams bde ba can zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ba da ltar bzhugs te 'tsho zhing gzhes la chos kyang ston to// sangs rgyas kyi zhing de na byang chub sems dpa' sems dpa' chen po spyan ras gzigs dbang phyug ces bya ba dang / byang chub sems dpa' sems dpa' chen po mthu chen thob ces bya ba dang gnyis ting nge 'dzin 'di thob pa yin te/ pad+ma'i dpal gyi snying po skyes bu dam pa de gnyis las byang chub sems dpa' sems dpa' chen po gang gzhan dag nub bdun du 'dri ba'i lan nyan pa de dag sgyu ma lta bu'i ting nge 'dzin thob bo/ / de skad ces bka' stsal pa dang
- 278b
bcom ldan 'das la/ byang chub sems dpa' sems dpa' chen po pad+ma'i dpal gyi snying pos 'di skad ces gsol to// bcom ldan 'das sangs rgyas kyi zhing de na sgyu ma lta bu'i ting nge 'dzin thob par byang chub sems dpa' sems dpa' chen po ni mang du mchis so/ / de ci'i slad du zhe na/ bcom ldan 'das 'di ltar sangs rgyas kyi zhing der skyes pa'i byang chub sems dpa'i sems dpa' chen po de dag ni bsgrim mi 'tshal bar skyes bu dam pa de gnyis las chos 'dri bir lan nyan pa'i slad du'o/ / bcom ldan 'das kyis bka' stsal pa/ pad+ma'i dpal gyi snying po ji skad zer ba de de bzhin te/ de na byang chub sems dpa' sems dpa' chen po gang dag sgyu ma lta bu'i ting nge 'dzin la gnas pa dag ni tshad med grangs med do/ / de skad ces bka' stsal nas/ bcom ldan 'das la/ byang chub sems dpa' sems dpa' chen po pad+ma'i dpal gyi snying pos 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ji lta bu'i sems kyi mtshan ma bstan pas/ skyes bu dam pa de gnyis 'jig rten gyi khams mi mjed 'dir mchi bar 'gyur pa dang / bde ba can gyi 'jig rten gyi khams de dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med de yang 'jig rten gyi khams 'di na gda' bar 'gyur ba de lta bu'i rdzu 'phrul mngon par 'du mdzad pa legs par mdzad du gsol/ de ci'i slad du zhe na/ bcom ldan 'das skyes bu dam pa de gnyis sangs rgyas kyi zhing 'dir mchis na
- 279a
@#/ byang chub sems dpa'i theg sa pa'i rigs kyi bu dang / rigs kyi bu mo rnams kyang dge ba'i rtsa ba yongs su rdzogs par 'gyur/ skyes su dam pa de gnyis las chos 'dri ba lan thos pa sgyu ma lta bA'iri ting nge 'dzin kyang thob par 'gyur/ sangs rgyas kyi zhing 'di nas 'jig rten gyi khams bde ba can de dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med de yang mthong ste/ mthong nas kyang rigs kyi bu 'am rigs kyi bu mo dag/ bla na med pa yang dag par rdzogs pa'i byang chub tu sems bskyed nas sangs rgyas kyi zhing der skye bar smon lam 'debs pa dang / der skyes ma thag du bla na med pa yang dag par rdzogs pa'i byang chub las phyir mi ldog par 'gyur ba'i slad du'o/ / de nas bcom ldan 'das kyis byang chub sems dpa' sems dpa' chen po pad+ma'i dpal gyi snying pos gsol ba btab par mkhyen nas/ mdzod spu nas 'od rab tu bkye ste/ 'od des stong gsum gyi stong chen po'i 'jig rten gyi khams 'di gser gyi kha dog gi snang ba chen pos khyab par gyur to// stong gsum gyi stong chen po'i 'jig rten gyi khams 'di na ri'i tshogs dang / shing ljon pa dang / ri'i rgyal po ri rab dang / ri btang bzung dang / btang bzung chen po dang / khor yug dang / khor yug chen po gang dag yod pa dang / gang dag 'jig rten gyi bar gyi mun pa mun nag de dag thams cad kyang gser gyi kha dog gi snang ba des khyab par gyur to// nyi ma dang zla ba 'di ltar rdzu 'phrul che ba/ 'di ltar
- 279b
mthu che ba/ 'di ltar dbang che bar grags pa 'di dag kyang mig gi dbang po la snang bar ma gyur to// nub phyogs logs su sangs rgyas kyi zhing bye ba brgya stong las thal nas/ 'jig rten gyi khams bde ba can de thams cad gser gyi kha dog gi snang ba chen pos khyab par gyur to/ / de nas 'od de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi zhabs la phyag 'tshal te/ lan bdun bskor ba byas nas/ bcom ldan 'das de'i spyan sngar mi snang bar gyur to// de nas gang dag 'jig rten gyi khams bde ba can der skyes pa'i sems can rnams dang / byang chub sems dpa' rnams dang / nyan thos de dag gis kyang 'jig rten gyi khams mi mjed 'di mthong zhing / de bzhin gshegs pa dgra bcom pa yang dag par rdzogs pa'i sangs rgyas shAkya thub pa byang chub sems dpa'i tshogs kyis yongs su bskor cing / nyan thos kyi dge 'dun gyis mdun gyis bltas pa de yang mthong ste/ dper na skyu ru ra'i 'bras bu lag mthil du bzhag pa ltar mthong nas/ de dag dga' ba dang mchog tu dga' ba rgya cher skyes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo zhes tshig de skad kyang brjod do// 'jig rten gyi khams mi mjed 'dir de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i 'khor gyi dkyil 'khor du gang dag 'dus pa/ dge slong dang / dge slong ma dang
- 280a
dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkhar lding dang / mi 'am ci dang / lto 'phye chen po dang mi dang / mi ma yin pa dang / brgya byin dang / tshangs pa dang / 'jig rten skyong ba dang / byang chub sems dpa' 'dus pa de dag gis kyang 'jig rten gyi khams bde ba can de dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med byang chub sems dpa'i tshogs kyis yongs su bskor cing / nyan thos kyi dge 'dun gyis mdun gyis bltas te/ ri'i rgyal po bzhin du'abar ba de dang / thams cad dang ldan pa'i sangs rgyas kyi zhing de langs ler mthong ste/ 'di lta ste/ dper na skyes bu mig dang ldan pas 'dom gang tsam gyis phyogs na/ skyes bu cig shos kyi bzhin gyi dkyil 'khor bsgrim mi dgos par mthong ba de bzhin du/ 'jig rten gyi khams 'di dang / sangs rgyas kyi zhing 'di nas de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pab mthong ngo / / 'jig rten gyi khams bde ba can yon tan bye ba khrag khrig brgya stong du mas gang ba yon tan gyi bkod pa chen po dang ldan pa de yang snang ngo // mthong nas kyang dga' ba dang / mchog tu dga' ba rgya chen po skyes te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa la phyag 'tshal lo zhes tshig de skad kyang brjod do// sangs rgyas kyi zhing yang dag
- 280b
par bstan pa mdzad pa na/ sangs rgyas kyi zhing 'di na sngon sems ma skyed pa'i srog chags brgyad khri bzhi stong / bla na med pa yang dag par rdzogs pa'i byang chub tu sems skyes so// 'jig rten gyi khams/ bde ba can du skye bar 'gyur pa dang / bla na med pa yang dag par rdzogs pa'i byang chub tu yang dge bar rtsa ba yongs su bsngo'o// 'jig rteg gyi khams bde ba can de na/ byang chub sems dpa' sems dpa' chen po dang / nyan thos chen po gang dag 'khod pa de dag gis/ 'jig rten gyi khams mi mjed 'di mthong nas ngo mtshar du gyur te thal mo sbyar nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal zhing tshig 'di skad ces/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo zhes kyang brjod do/ / byang chub sems dpa' sems dpa' chen po dang / nyan thos chen po de dag gis tshig de brjod ma thag tu/ de'i tshe thams cad dang ldan pa'i 'jig rten gyi khams de rnam pa drug tu 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg/ rab tu ldeg/ kun tu rabu ldeg/ 'ur 'ur/ rab tu rur rung / kun tu rab tu rur rur/ 'khrugs// rab tu 'khrugs/ kun tu rab tu 'khrugs/ chem chem/ rab tu chem chem/ kun tu chem chem mo// de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu
- 281a
chen thob/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ zhe sa dang bcas par phyogs gcig tu 'khod do// skyes bu dam pa de gnyis phyogs gcig tu 'khod nas/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de mthu brtan pa brnyes pa ni bcom ldan 'das ngo mtshar to/ / bde bar gshegs pa ngo mtshar to// de ci'i slad du zhe na/ bcom ldan 'das 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i mtshan brjod pa tsam gyis/ sems ma mchis pa'i dogs sa 'di yang rnam pa drug tu g.yos pa'i slad du'o/ / de skad ces gsol pa dang / de bzhin gshegs pa 'od dpag med kyis/ skyes bu dam pa de gnyis la 'di skad ces bka' stsal to// rigs kyi bu dag sangs rgyas kyi zhing 'di na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i mtshan brjod par ma zad kyi/ sangs rgyas kyi zhing gzhan du ma dag na yang bcom ldan 'das de'i mtshan yongs su brjod do/ / sangs rgyas kyi zhing de dag thams cad kyang 'od des reg pas rnam pa drug tu rab tu g.yos so// sangs rgyas kyi zhing de dag na sems can tshad med grangs med
- 281b
ba dag de bzhin gshegs pa shAkya thub pa'i mtshan thos nas/ dge ba'i rtsa ba yongs su rdzogs par gyur/ bla na med pa yang dag par rdzogs pa'i byang chub las phyir mi ldog par gyur to// de nas byang chub sems dpa'i 'khor de las byang chub sems dpa' bye ba phrag bzhi bcus/ bcom ldan 'das de bzhin gshegs pa shAkya thub pa'i mtshan thos so// thos nas kyang de dag thams cad 'dus nas mgrin gcig tu dge ba'i rtsa ba rnams bla na med pa yang dag par rdzogs pa'i byang chub tu yongs su sngo'o/ / de dag kyang bcom ldan 'das kyis bla na med pa yang dag par rdzogs pa'i byang chub las phyir mi ldog par lung bstan to// de nas de bzhin gshegs pa dgra bcom pa yang dag par rdzogs pa'i sangs rgyas 'od dpag med de la/ byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis 'di skad ces gsol to/ / bcom ldan 'das de bzhin gshegs pa shAkya thub pa des sngon ma mthong ma thos pa'i 'od 'di btang ba rgyu ma mchis rkyen ma mchis par ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas 'di ltar yid du mchis pa dang / 'di ltar blta na sdug pa'i 'od mi gtong na gang gi slad du/ bcom ldan 'das de bzhin gshegs pa shAkya thub pa des 'di ltar yid du mchis pa dang / 'di ltar blta na sdug pa'i 'od bkye ba 'di'i rgyu ni gang lags/ rkyen ni ci lags/ de skad ces gsol pa dang / de bzhin gshegs pa 'od dpag med kyis/ skyes bu
- 282a
dam pa de gnyis la 'di skad ces bka' stsal to/ / rigs kyi bu dag ji skad smras pa de de bzhin te/ rgyu med rkyen med par bcom ldan 'das des/ 'di ltar yid du 'ong ba dang / 'di lta/ blta na sdug pa'i 'od mi bkye'o// de ci'i phyir zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de/ deng byang chub sems dpa'i 'jug pa zhes bya ba'i ting nge 'dzin rin po che bsgrub pa'i chos kyi rnam grangs ston par 'gyur te/ de'i phyir bcom ldan 'das shAkya thub pa des chos bstan pa de'i snga ltas su 'di ltar yid du 'ong ba dang / 'di ltar blta na sdug pa'i 'od 'di bkye'o/ / de nas de bzhini gshegs pa dgra bcom pa yang dag par rdzogs pa'i sangs rgyas 'od pag maud de la/ byang chub sems dpa' sems dpa' chen po spyan ras gzigs dbang phyug dang / bya sems dpa' sems dpa' chen po mthu chen thob kyis 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / mchod pa dang / bsnyen bkur bgyi ba dang / chos bstan pa de yang nyan pa'i slad du/ bcom ldan 'das bdag cag 'jig rten gyi khams mi mjed der mchi'o// bka' stsal pa/ rigs kyi bu dag bcom ldan 'das de bzhin gshegs pa shAkya thub pa de khyed nyid las brtsams te chos ston par 'gyur gyis/ de'i dus la dbab par shes na khyed deng zhig ces skabs phye bas/ de nas byang chub sems
- 282b
dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis/ bcom ldan 'das de bzhin gshegs pa 'od dpag med de'i nye 'khor na 'khod/ pa'i byang chub sems dpa' bye bo phrag bzhi bcu po rnams la smras pa/ rigs kyi bu dag tshur shog/ khyed kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bya ba dang / mchod pa dang / bsnyen bkur bya ba dang / chos bstan pa de yang mnyan pa'i phyir/ 'jig rten gyi khams mi mjed der 'dong ngo // de ci'i phyir zhe na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ni/ sangs rgyas kyi zhing yongs su dag pa gzhan dang gzhan dag na yod pa spangs nas/ smon lam dang thugs rje chen pos sangs rgyas kyi zhing nyon mongs pa can der byung ste/ sems can dman pa la mos pa/ 'dod chags kyi shas che ba/ zhe sdang gi shas che ba/ gti mug gi shas che ba rnams kyi nang du/ bla na med pa yang dag par rdzogs pa'i byang chub mngon par rdzogs par sangs rgyas pa ni dka' ba mdzad pa'i phyir ro/ / skyes bu dam pa de gnyis kyis tshig 'di smras ma thag tu/ 'jig rten gyi khams bde ba can de'i byang chub sems dpa' sems dpa' chen po de dag thams cad lhan cig 'dus nas mgrin gcig tu tshig smras pa/ bcom ldan 'das sems can gang dag gis bcom ldan 'das de bzhin gshegs pa shAkya thub pa de'i mtshan thos pa de
- 283a
dag kyang rnyed pa legs par rnyed pa lags na/ gang dag gis sha'i mig gis de mngon sum du mthong la/ mthong nas kyang dad pa rnyed pa dag lta smos kyang ci 'tshal/ bcom ldan/ 'das bdag cag kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / chos bstan pa de yang mnyan pa'i slad du/ 'jig rten gyi khams mi mjed der mchi'o// bcom ldan 'das kyis bka' stsal pa/ rigs kyi bu dag khyed de'i dus la dra bab par shes na deng zhig/ de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob/ byang chub sems dpa' bye ba phrag brgyad cu rtsa bzhis yongs su bskor nas mdun du bdar te/ 'jig rten gyi khams bde ba can de nas dong ngo // de nas de'i tshe ji lta bu'i rdzu 'phrul mngon par 'du bya ba mngon par 'dus byas pas/ byang chub sems dpa' bye ba phrag brgyad cu rtsa bzhi po de dag thams cad re re la yang khang pa brtsegs pa bye ba phrag brgyad cu rtsa bzhi sprul pa de lta bu'i rdzu 'phrul mngon par 'du bya ba mngon par 'dus byas so/ / khang pa brtsegs pa de dag kyang gru bzhi lham pa/ ka ba bzhi thug pa/ cha mnyam pa/ legs par rnam par phye ba/ legs par zin pa sha stag go// khang pa brtsegs pa re re yang 'alang du ni dpag tshad bcu gnyis/ rgyar ni dpag tshad brgyad do// khang pa brtsegs
- 283b
bdag gser las byas pa dag kyang yod/ dngul las byas pa dag kyang yod/ baiDUR+Ya las byas pa dag kyang yod/ shel las byas pa dag kyang yod/ mu tig dmar po dang / rdo'i snying po dang / spug las byas pa dag kyang yod/ rin po che gser dang / dngul dang / sna gnyis pa dag kyang yod/ rin po che gser dang / dngul dang / bai DUR+Ya dang / sna gsum pa dag kyang yod/ rin po che gser dang / dngul dang / bai DUR+Ya dang / shel dang / sna bzhi pa dag kyang yod/ rin po che gser dang / dngul dang / bai DUR+Ya dang / shel dang / mu tig dmar po dang / sna lnga pa'i khang pa brtsegs pa dag kyang yod/ rin po che gser dang / dngul dang / bai DUR+Sha dang / shel dang / mu tig dmar po dang / spug dang / sna drug pa'i khang pa brtsegs pa dag kyang yod/ rin po che gser dang / dngul dang / bai DUR+Ya dang / shel dang / mu tig dmar po dang / sdug dang / rdo'i snying po dang / sna bdun pa'i khang pa brtseg pa dag kyang yod/ tsan dan dmar po las byas pa'i khang pa brtsegs pa dag kyang yod/ tsan dan sbrul gyi snying po las byas pa dag kyang yod/ a ka ru dang can dan las byas pa dag kyang yod/ a ka ru nag po dang tsan dan las byas pa dag kyang yod/ tsan dan thams cad las byas pa'i khang pa brtsegs pa dag kyang yod/ me tog ut+pa la dang / pad+ma dang / ku mu dA dang / pad+ma dkar po las byas pa'i khang pa brtsegs pa dag kyang yod/ sna ma'i me tog dang / ba ra sha ka dang / tsam pa ka dang / skya snar dang / a ti mug ta ka dang / ta ra ni dang / go ta ra ni las byas pa'i khang pa bcags
- 284a
ba dag kyang yod/ me tog nuka ri las byas pa'i khang pa brtsegs pa dag kyang yod/ me tog man+dar dang / man+dar chen po las byas pa'i khang pa brtsegs pa dag kyang yod/ me tog pa ru sha ka dang pa ru sha ka chen po dang / man dzu sha ka dang / ma mdzu sha ka chen po dang / mdog mdzes dang / mdog mdzes chen po dang / me tog 'khor lo dang / 'khor lo chen po dang / kun tu 'khor lo dang / shin tu 'khor lo dang / shin tu mdzes pa'i 'khor lo dang / me tog zla ba dang / zla ba chen po dang / shin tu mdzes pa'i sla ba dang / zla ba mchog dang / sgra la dang / sgra la chen po dang / shin tu mdzes pa'i sgra la las byas pa'i khang pa brtsegs pa dag kyang yod/ me tog thams cad las byas pa'i khang pa brtsegs pa dag kyang yod/ kha dog du ma pa/ kha dog sna tshogs pa/ kha dog brgya stong dum pa/ bkra ba/ blta na sdug pa/ yongs su dag pa/ 'od gsal ba dag kyang yod do// khang pa brtsegs pa re rer yang lha'i bu mo brgyad khri bzhi stong mngon par sprul te/ de na lha'i bu mo kha cig ni lag na dung dang / rnga bo che dang / rdza rnga dang / 'khar nga dang / pi wang rgyud gcig pa dang / glu dbyangs sgra snyan pa dang / gling bu dang / rgyud can pi wang dang / pi wang rgyud gsum pa rnams thogs te/ sil snyan dang / glu dbyangs dang / rol mo'i sgra skad rnam pa mang po de lta bu len cing 'khod do/ / lha'i bu mo kha cig ni tsan dan dmar po'i phye ma'i phur ma thogs shing 'khod do// lha'i bu mo kha cig ni tsan dan sbrul gyi snying po'i phye ma'i phur ma thogs shing 'khod do// lha'i
- 284b
bu mo la cig n+d+ha a ka R+tha nga can dran gyi phye ma'i phur ma phyogs shing 'khod do/ / lha'i bu mo lacig ni a ka ru nag po dang / tsan dan gyi phye ma'i rna ma thogs shing 'arjod do// lhu'i bu mo kha cig ni tsun sku thams cad kyi phye ma'i phur ma thogs shing 'khod do/ / lha'i bu mo kha cig ni ut+pa la dang / pad+ma dang / ku mu dA dang / pad+ma dkar po'i me tog gi phur ma thogs shing 'khod do// lha'i bu mo kha cig ni me tog man+da ra dang / man+dar chen po dang / ba ru sha ka dang / ba ru sha ka chen po dang / man dzu sha ka dang / man dzu sha ka chen po dang / me tog mdog mdzes dang / mdog mdzes chen po dang / me tog 'khor lo dang / 'khor lo chen po dang / kun tu 'khor lo dang / shin tu mdzes pa'i 'khor lo dang / me tog zla ba dang / zla ba chen po dang / shin tu mdzes pa'i zla ba dang / zla ba mchog dang / sgra la dang / sba la chen po dang / shin tu mdzes pa'i sgra la'i me tog gi lur ma thogs shing 'khod do// lha'i bu mo kha cog ni me tog thams cad dang / 'dug pa dang / spos dang / me tog 'phreng dang / byug pa phye ma'i phur ma thogs shing 'khod do/ / khang pa brtsegs pa re rer yang bkod pa chen po'i seng ge'i khri la/ skyes bu chen po'i mtshan sum cu rtsa gnyis kyis sku legs par brgyan pa'i de bzhin gshegs pa'i sku mngon par sprul to/ / khang pa brtsegs pa re rer yang mu tig dkar po dang / mu tig dmar po dang / mu tig mthon ka'i mu tig gi 'phreng ba brgyad khri bzhi stong mngon par sprul to// khang pa brtsegs pare ra
- 285a
yang lha'i ras bcos su'i rgyal mtshan gser gyi gyil bu gser ka ri dra bas g.yogs pa brgyad khri ba ni stong mngon par sprul to/ / khang pa brtsegs pa re rer yang thos kyi su ma brgyan kyi pa ni stong mngon par sprul to/ / khang pa brtsegs pa re rer yang gdug kha dog du ma pa/ kha dog sna tshogs pa// ba dog brgya stong du ma/ bkrab/ blta na sdug pa/ legs par las su byas pa/ dbyibs shin tu legs pa brgyad khri bzhi stong mngon par sprul to/ / khang pa brtsegs pa ri ra yang shing ta la'i 'phreng ba brgyad khri bzhi stong mngon par sprul to// khang pa brtsegs pa re rer yang rin po che'i shing ljon pa brgyad khri bani stong mngon par sprul to/ / khang pa brtsegs pa re rer yang dril bu g.yer ka ri dra ba gang dag rlung gis bskyod na 'di lta bu'i sgra dag 'byung ba 'di lta ste/ dper na lha'i sil snyan yan lag bye ba brgya stong dang ldan ba mkhas pa dag gis legs par blangs nas sgra 'byung ba de bzhin du/ dril bu g.yer ka'i dra ba de dag kyang rlung gi spyod na sgra snyan pa yid du 'ong ba dag 'byung ba brgyad khri bzhi stong mngon par sprul to// khang pa brtsegs pa re rer yang rdzing bu zhig gser gyi bye ma bdal ba/ bai DUr+ya dang shel gyis smras pa/ rin po che sna bdun gyi kha khyer gyis bskor ba/ me tog ut+pa la dang / smA dang / ku mu dA dang / pad+ma dkar pos gang ba/ ngur pa sgra byin pa/ yan lag brgyad dang ldan pa'i chus gang ba/ bya rog gis btung du rung bar mu dang khang chad du gang ba dag sprul te/ khang pa brtsegs pa re rer yang rin po che'i shing ljon pa'i 'phreng
- 285b
ba rim pa bdun gyis bskor to/ / rin po che'i skud pa brgyad khri bzhi stong gis kun nas dkris so// rin po che'i khang pa brtsegs pa re re'i 'od kyis kyang dpag tshad brgyad khri bzhi stong du snang bar gyur to// de bzhin du khang pa brtsegs pa thams cad kyi bkod pa dag so sor byas so// de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis/ byang chub sems dpa' sems dpa' chen po de dag gi khang pa brtsegs pa bkod pa ji snyed yod pa/ khang pa brtsegs pa de dag thams cad kyi nang na bkod pa chen po gang dag yod pa de dag thams cad khang pa brtsegs pa re rar mngon par sprul to/ / snga ma bzhin du sbyar te/ khang pa brtsegs pa re rer yang de ltar bkod pa rnams mngon par sprul nas/ bkod pa de lta bu des byang chub sems dpa' bye ba phrag brgyad khri bzhi stong dang lhan cig tu 'di lta ste/ dper na skyes bu stobs dang ldan pa'i lag pa bskum pa las brkyang ba dang / brkyang ba las bskum pa tsam gyis de dag skad cig thang cig yud tsam gyis 'jig rten gyi khams bde ba can de nas mi snang bar gyur te/ 'jig rten gyi khams mi mjed 'dir phyin to// de nas byang chub sems dpa' de gnyis kyis de'i tshe ji lta bu'i rdzu 'phrul mngon par 'du bya ba mngon par 'dus byas pas/ 'jig rten gyi khams mi mjed 'di 'ang lag mthil bzhin du mnyam par gyur pa de lta bu'i rdzu 'phrul mngon par 'du bya ba mngon par 'dus byas
- 286a
so/ / byang chub sems dpa' de dag kyang khang pa brtsegs pa bye ba phrag brgyad cu rtsa bzhis yongs su bskor te mdun du 'dar nas/ yon tan gyi bkod pa chen po dang ldan pas shin tu lhag ge'o/ / khang pa brtsegs pa de dag gi 'od kyis kyang / stong gsum gyi stong chen po'i 'jig rten gyi khams 'di snang bas khyab par gyur to// de nas byang chub sems dpa' de gnyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal nas/ lan gsum bskor ba byas te phyogs gcig tu 'khod do// phyogs gcig tu 'khod nas/ skyes bu dam pa de gnyis kyis tshig 'thun par sgra dbyangs gcig tu/ bcom ldan 'das la tshigs su bcad pa 'di dag gis mngon par bstod do// gzi brjid mtshungs med yon tan phung po gcig la phyag 'tshal/ lo// drang srong chen po kun mkhyen yon tan kun gyi pha rol gshegs// thams cad zil gnon srid pa gsum gyi chags pa'i lam las 'das// shAkya khyu mchog dri bral bla ba'i zhal la phyag 'tshal lo/ / nyi ma dri med lta bu'i sku dang ldan pa rnam par mdzes// mtshan mchog sum cu rtsa gnyis dag gi go cha mnabs gyur cing // dpe byad bzang po rnams kyis sbas pa 'jig rten kun/
- 286b
tu gsal// mi mchog khyod mtshungs 'jig rten gsum na gang yang yong ma mchis// bde bar gshegs pa'i sku yi 'od kyis gang tshe reg gyur pa// de'i tshe 'jig rten nyi ma zla ba nor bu zhugs rnams/ dang // brgya byin tshangs pa lnga dang de bzhin mi ci rnams kyi 'od// snag tshar phung po bzhin du mog mo ga mi snang gsal ma mchis// rgyal ba zhing gcig na ni yang dag bzhugs par gda' bzhin du// 'gro ba'i don du skad cig gcig gis mtha' yas zhing du gshegs/ / ston pa'i bzhud dang byon pa 'tshal ba su yang yong ma mchis// mdzad pa dag dang 'dul ba sna tshogs dag gis sems can 'dul// spu yi khung gcig nang du mtha' yas zhing rnams ston mdzad kyang / / 'phel ba dang ni bro bar gyur pa gang yang yong ma mchis// 'di ni ji bzhin las dang byed pa rgyu dang 'bras gda' la// sems can rnams la gnod pa ma mchis 'dres par gyur ma mchis/ / gang na sems can dmyal bdud 'gro yi dgas ma mchis shing // rgyal ba'i sras po grags pa chen po dag gis yongs gang la// mi khom brgyad po dag dang bral te mchog tu nyams dga' ba'o/ / yongs dag zhing de dag kyang mi mchog la lar ston pa mdzad// lha mi gang dag mi 'jigs bag ma mchis pa bsrang srad du// sems dmyal dud 'gro yi dgas 'gro ba shin tu mi bzad pa'i/ / kun nas nyon mongs zhing rnams la la dag kyang bstan mdzad nas// de dag thams cad bde bar gshegs la skyabs su nye bar mchi// zhing gzhan la la dag kyang nam mkha' lta bur ston pa
- 287a
mdzad/ / de bzhin gzhan yang thugs kyi bltam zhing me lce 'khrugs pa dang // zhing gzhan dag kyang chab kyis yongs su bltam par ston pa mdzad// rnam 'phrul 'di ni thams cad mkhyen pa'i ye shes yul lags so/ / 'dul ba'i don du gzugs kyi rnam pa mthara' yas ston mdzad pa// la lar 'dod pa'i dbang phyug 'dod chags gzugs dang ldan par 'gyur// tshangs pa'i bdag po mchog tu zhi ba'i ting 'dzin rnyed pa dang / / sum cu rtsa gsum dbang phyug mig stong rdo rje 'bar ba dang // srog chags brgya phrag mang po rab tu dga' bas mchod bgyid cing // dge ba bcu po dag gis sems can mtha' yas 'dul bgyid pa/ / blon po tshong dpon dag dang bka' la gtogs pa'i gtsor gyur cing // shin tu 'jigs med dgra tshogs phab nas chad pas mi gcod la// bsdu ba'i dngos po bzhi pos sems can rnams ni sdud bgyid cing / / rdzogs pa'i byang chub lam la sems can rab tu 'jog bgyid pa// bsod nams las kyis rin chen bdun dang ldan par gyur pa yi// gling bzhi dag gi dbang phyug 'khor los sgyur ba dag tu gyur/ / 'jig rten 'di na la larabaltam pa lta bur ston mdzad de// dog sa la ni gom pa bdun dag bor zhing gshegs nas kyang // nga ni skyes nas skye dang 'chi ba'i tha mar dbyung ngo zhes/ / yid 'ong yan lag brgyad dang ldan pa'i gsung mchog brjod pa mdzad// mar me mdzad pa tshun chad dri ma thams cad spangs lags kyang // 'gro rnams sangs rgyas ye shes mchog la
- 287b
/ yongs smin mdzad slad du// la lar sems can dag pa btsun mo'i 'khor na bzhugs par gdara'// mi yi dbang po btsun mo dag dang sras kyang ston pa mdzad// yab yum dag dang gnyen gyi rtsa lag sdug pa'i// 'khor rnams dang // yul 'khor 'byor dang rin chen gter mdzod mang po bdang mdzad nas// brgya byin tshangs pa dag dang lha min rnams kyis phyag bgyis shing // drang srong chen po mngon par byung ste nags na bzhugs par gda'/ / 'gro la sman slad dgung lo drug tu dka' ba spyad nas ni// bsam gtan mkha' khyab rin chen mchog la bsam gtan mdzad par gda'// mu stegs can gyi tshogs rnams thams cad tshar gcang mdzad slad du/ / sems can dag pa byang chub shing drung du yang gshegs par gda'// 'gro rnams sangs rgyas ye shes mchog tu yongs smin mdzad slad du// mi dbang sgyu ma lta bu'i ting 'dzin mchog la bzhugs mdzad nas/ / sku yi tshul ni gang gis 'jig rten rnam par 'dul 'gyur ba// rgyal ba de 'dra nyid kyi sku yi cha lugs 'dzin pa mdzad// ji ltar sgyu ma mkhan gyis 'a gro ba rmongs par bgyid slad du/ / sgyu ma mang po'i rnam par 'phrul pa rab tu ston bgyid pa// de bzhin 'gro ba'i sgron mas sems can 'dul bar mdzad slad du// sangs rgyas nyid kyi rnam par 'phrul pa mang po rnams kyang ston// thub pa dpa' bo la lar dpung dang bcas pa'i bdud 'dul ston// gang la pha rol mu stegs tshogs kyi 'gro ba ma mchis shing // rdul bral mya ngan ma mchis thams cad mkhyen pa nyid thob pa// bla na med pa
- 288a
'gyur ba ma mchis 'khor lo rab tu bskor/ / khyod kyis bskal pa bye ba khrag khrig mang nas byang chub brnyes// phyogs kyis lam rnams thams cad du yang 'khor lo skor ba/ mdzad// mi yi dbang po kun nas zhal ldan chu zla bzhin du zhugs// bde gshegs rang byung mtha' yas yul la bdag cag phyag 'tshal lo// la la dag la sangs rgyas chos kyi sku ni ston mdzad pa/ / rtag pa brtan pa ther zug 'gyur ba ma mchis gyur pa dang // ma bgyis ma skyes dri ma ma mchis 'gog pa ma mchis chos// mig yor 'dra bas phyogs bcu dag ni shin tu rgyas par 'gengs// / ring por mi thogs par ni sdug pa dag dang bral 'gyur gyis// 'dus byas 'di la khyed cag yid brtan bya ba'i mi rigs zhes// 'gro ba thams cad rmi lam sgyu ma smig rgyu 'dra ba dang // mi rtag mi brtan skad cig par yang la la dag la ston/ / bde gshegs sku yi 'phrin las mtha' dang pha rol yong ma mchis// gsung dang thugs kyi 'jug pa'i spyod yul dag kyang dpag mi lang // nam mkha' lta bur rgya che tsha/ ma mchis pa ston mdzad de// rgyal ba spyod yul sems can rnams kyis 'tshal bar nus ma lags// phyogs bcu dag na mchis pa'i sems can ma lus ji snyed pa// de dag shA ri'i bu dang 'dra bar shes rab ldan gyur kyang / / rgyal ba chos kyi rgyal po'i dbang po'i yul tshad ma mchis pa// rgyal ba'i spyod yul thams cad de dag rnams kyis rig mi nus// rdzogs sangs rgyas kyi ye shes mkhar 'dra ba
- 288b
rol mtha' ma mchis/ / de ltar rgyal ba'i yul ni bsam gyis mi khyab ma lus pa// 'di ni rgyal ba'i sras rnams kun dang nyan thos rnams dang ni// rkyen gyi rgyal ba 'dus pa rnams kyis 'tshal bar nus ma lags// de ltar 'di dag la sogs mtha' yas thabs dang ldan pa yis// 'dul ba'i don du sku yi mdzad pa mtha' yas ston par mdzad// nam mkha'i khams dang mtshungs par mtha' yas sku dang ldan gyur pa// mgon po rtog dang rnam par rtog dang bral la phyag 'tshal lo/ / sdug bsngal rgya mtsho rgya chen pha rol rab tu brgal gyur pa// nyon mongs thul ba rgyal ba 'gro ba'i gtso la bstod pa yi// bsod nams ci mchis des ni 'di na 'gro ba ma lus pa/ / byang chub rin chen rab mchog zhi zhing bde la reg par shog/ de nas byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyis tshul dang 'thun pa'i tshogs su bcad pa dag gis/ bcom ldan 'das la mngon par bstod nas/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med bcom ldan 'das la gnod pa chung ngam zhes snyun gsol lo/ / nyam nga ba nyung ngam/ bskyod pa yang ngam/ stobs dang ldan nam/ bde bar reg pa la gnas sam zhes kyang snyun gsol lo// 'di skad ces bcom ldan 'das kyi nyan thos dag 'jig rten gyi khams nyams dga' ba la ltar stsol cig ces kyang gsung ngo //
- 289a
de nas 'jig rten gyi khams mi mjed 'di'i byang chub sems dpa' dang / nyan thos chen po de dag gis 'jig rten gyi khams 'di khang pa brtsegs pa'i bkod pa chen po des yongs su khyab pa dang / rin po che sna tshogs dag kyang mthong nas ngo mtshar du 'dzin cing / de dag 'di snyam du sems te/ gang dag 'jig rten gyi khams bde ba can nas 'dir lhags pa 'di dag ci de bzhin gshegs pa mthu 'am/ 'on te byang chub sems dpa' sems dpa' chen po 'di dag gi mthu yin snyam mo// de nas de'i tshe sangs rgyas kyis mthus/ byang chub sems dpa' sems dpa' chen po pad+ma'i dpal gyi snying pos bcom ldan 'das la 'di skad ces gsol to/ / 'di ltar 'jig rten gyi khams mi mjed 'dir khang pa brtsegs pa sna tshogs du mas brgyan cing yongs su khyab par gda' ba ni/ bcom ldan 'das ngo mtshar to/ / bde bar gshegs pa mchog tu ngo mtshar to// gang dag 'jig rten gyi khams bde ba can nas 'jig rten gyi khams mi mjed 'dir lhags pa dag ci de bzhin gshegs pa'i mthu lags sam/ 'on te byang chub sems dpa' 'di dag gi mthu lags/ de skad ces gsol pa dang / bcom ldan 'das kyis/ byang chub sems dpa' sems dpa' chen po pad+ma'i dpal gyi snying po la 'di skad ces bka' stsal to/ / pad+ma'i dpal gyi snying po 'jig rten gyi khams mi mjed 'di rin po che sna tshogs kyi khang pa brtsegs pa du mas brgyan cing yongs su khyab par snang ba 'di na// de bzhin//
- 289b
gshegs pa'i mthu ma yin gyi/ 'di ni byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen thob kyi mthu yin no// gsol pa 'di ltar 'di dag gi mthus/ 'jig rten gyi khams mi mjed 'di rin po che sna tshogs kyi khang pa brtsegs pa du mas brgyan cing yongs su khyab par gda' ba ni/ skyes bu dam pa 'di gnyis kyi smon lam dag dang / dge ba'i rtsa ba dag yongs su sbyangs pa bsam gyis mi khyab ste/ bcom ldan 'das ngo mtshar to// bde bar gshegs pa mchog tu ngo mtshar to// bcom ldan 'das kyis bka' stsal pa/ pad+ma'i dpal gyi snying po ji skad smras pa de de bzhin te/ skyes bu dam pa 'di gnyis ni bskal pa bye ba khrag khrig brgya stong grangs med pa nas dge ba'i rtsa ba dag yongs su spangs pa yin no/ / pad+ma'i dpal gyi snying po skyes bu dam pa 'di gnyis ni sgyu ma lta bu'i ting nge 'dzin thob pa yin te/ 'di gnyis sgyu ma lta bu'i ting nge 'dzin la gnas nas/ rdzu 'phrul gyi rnam par sprul pa 'di lta bu 'di dag ston to/ / pad+ma'i dpal gyi snying po khyod yang shar kyi phyogs cha logs su de na ci snang ltos shig/ de nas byang chub sems dpa' sems dpa' chen po pad+ma'i dpal gyi snying pos// byang chub sems dpa'i lha'i mig sgrib pa med pas bltas na/ shar phyogs su sangs rgyas kyi zhing gang+gA'i klung gi bye ma snyed na/ sangs rgyas bcom ldan 'das gang+gA'i klung gi bye ma snyed mthong ngo // sangs rgyas bcom ldan
- 290a
'das de dag thams cad kyi nabs la/ byang chub sems dpa' sems dpar chen po spyan ras gzigs dbang phyug dang / byang chub sems dpa' sems dpa'ar chen po mthu chen thong// gnyis phyag 'tshal nas tshig 'di skad ces/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med/ bcom ldan 'das la gnod pa chung ngam zhes skun gsol lo/ / nyam nga bzung ngam/ bskyod pa yang ngam/ stobs dang bde bar reg pa la gnas sam zhes kyang snyun gsol lo zhes smra'o// de bzhin du lho'i phyogs cha dang / de bzhin du nub dang / de bzhin du byang dang / de bzhin du 'og dang / de bzhin du steng dang / de bzhin du phyogs bcu kun tu sangs rgyas kyi zhing gang+gA'i klung gi bye ma snyed na/ rin po che sna tshogs kyi khang pa brtsegs pa'i bkod pa chen po du mas brgyan cing yongs su khyab par mthong ngo / / sangs rgyas kyi zhing de dag thams cad na/ sangs rgyas bcom ldan 'das dag kyang mthong ngo // sangs rgyas bcom ldan 'das de dag thams cad kyi spyan snga na/ skyes bu dam pa de gnyis zhabs la phyag 'tshal bar yang mthong ngo / / mthong nas kyang de shin tu ngo mtshar cher 'dzin par gyur to// de nas byang chub sems dpa' sems dpa' chen po pad+ma'i dpal gyi snying po ngo mtshar du gyur nas/ bcom ldan 'das la 'di skad ces gsol to/ / 'di ltar skyes bu dam pa 'di gnyis kyis sgyu ma lta bu'i ting nge 'dzin mngon par bsgrubs pa ni bsam gyis mi khyab ste/ bcom ldan 'das ngo mtshar to// bde bar gshegs
- 290b
pa mchog tu ngo mtshar to/ / de ci'i slad du zhe na/ 'di ltar skyes bu dam pa 'di gnyis ting nge 'dzin la gnas te/ sangs rgyas kyi zhing thams cad na gda' ba'i slad du'o// de nas de'i tshe bcom ldan 'das kyis ji lta bu'i rdzu 'phrul mngon par 'du mdzad pa mngon par mdzad pas/ byang chub sems dpa' pad+ma'i dpal gyi snying pos phyogs bcu kun gyi sangs rgyas kyi zhing dag mthong ba dang / sangs rgyas kyi zhing de dag na sangs rgyas bcom ldan 'das dag dang / skyes bu dam pa de gnyis sangs rgyas bcom ldan 'das kyi zhabs la phyag 'tshal ba mthong ba dang / de bzhin du thams cad dang ldan pa'i 'khor des kyang phyogs bcu kun gyi sangs rgyas kyi zhing dag mthong ba dang / sangs rgyas kyi zhing de dag na sangs rgyas bcom ldan 'das ngag dang / skyes bu dam pa de gnyis sangs rgyas bcom ldan 'das ngag gi zhabs la phyag 'tshal ba mthong ba dang / mthong nas kyang bcom ldan 'das kyis 'khor srog chags sum khri nyis stong bla na med pa yang dag par rdzogs pa'i byang chub tu sems skyes pa de lta bu'i rdzu 'phrul mngon par 'du mdzad pa mngon par 'du mdzad do// de nas bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das skyes bu dam pa 'di gnyis de bzhin gshegs pa gang las bla na med pa yang dag par rdzogs pa'i byang chub tu sems bskyed nas ji srid cig lags/ de'i mtshan ni ci zhes bgyi/ bcom ldan 'das de bzhin gshegs pa dgra bcom pa yang dag par rdzogs pa'i sangs
- 291a
rgyas kyis legs par bstan du gsol/ bcom ldan 'das kyis bka' stsal pa/ 'di ltar byang chub sems dpa' gzhan dag kyang de'i bya ba dang / de'i spyod pa dang / de'i smon lam yongs su rdzogs par byed par 'gyur te/ de lta bas na pad+ma'i dpal gyi snying po khyod shin tu legs par nyon la yid la zung zhig dang bshad do// byang chub sems dpa' pad+ma'i dpal gyi snying pos/ bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// pad+ma'i dpal gyi snying po sngon byung ba 'das pa'i dus na/ bskal pa grangs med pa'i yang ches grangs med pa/ yangs pa/ tshad med pa/ bsam gyis mi khyab pa/ 'jig rten gyi khams brgya stong gi rdul phra rab ji snyed yod pa/ de snyed du tshad med pa/ de skad du bsam gyis mi khyab pa/ rdul phra rab kyi rdul ji tsam yod pa de bas kyang ches mang ba'i bskal pa byung ba de'i tshe de'i dus na/ 'jig rten gyi khams yon tan rin chen bsags pa dpag tu med pa bde ba kun tu ston pa zhes bya ba na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i ba lo sgyur ba/ bla na med pa/ lha dang mi'i ston pa/ sangs rgyas bcom ldan 'das gser 'od seng ge rnam par rol pa'i rgyal po zhes bya ba byung ste/ pad+ma'i dpal gyi snying po bcom ldan
- 291b
' das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po zhes bya ba de'i sangs rgyas kyi zhing na yon tan bkod pa gang dag yod pa de dag dpe cung zang tsam gyis cung zad cig brjod par byas nyon cig/ pad+ma'i dpal gyi snying po 'di ji snyam du sems/ 'jig rten gyi khams bde ba can na de bzhin gshegs pa dgra bcom pa yang dag par rdzogs pa'i sangs rgyas 'od dpag med kyis byas kyi zhing gi yon tan bkod pa mang ngam/ gsol pa/ bcom ldan 'das mang lags so// bsam gyis mi khyab tshad ma mchis te/ ngag gi las kyis lan gdab par sla ba ma lags so// / bcom ldan 'das kyis bka' stsal pa/ pad+ma'i dpal gyi snying po 'di lta ste/ dper na mi la la zhig gis skra'i rtse mo brgyar gshegs pa'i rtse mos rgya mtsho chen po las chu'i thigs pa gcig blangs na/ pad+ma'i dpal gyi snying po 'di ji snyam du sems/ ru blangs pa dang lhag ma lus pa de gang mang / gsol pa/ bcom ldan 'das blangs pa ni nyung / lhag ma lus pa ni tshad ma mchis so// bka' stsal pa/ pad+ma'i dpal gyi snying po khyed mos par bya'o/ / khyod kyi khong du chud par bya'o// mi des skra'i rtse mo brgyar bshags pa'i rtse mo des rgya mtsho chen po las chu'i thigs pa gcig blangs pa ji snyed pa de tsam du/ de bzhin gshegs pa dgra bcom pa yang dag par rdzogs pa'i sangs rgyas 'od dpag med sangs rgyas kyi zhing gi yon tan bkod par blta'o/ / rgya mtsho chen po'i chu'i phung po ji snyed pa de tsam du/ bcom ldan 'das de bzhin
- 292a
gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po de'i sangs rgyas kyi zhing yon tan rin chen bsags pa dpag tu med pa/ bde ba kun tu ston pa'i 'jig rten gyi khams kyi yon tan bkod par blta'o/ / de'i nyan thos kyi dge 'dun yang dpag tu med de/ ji ltar da lta na de bzhin gshegs pa 'od dpag med kyi nyan thos kyi dge 'dun dpag tu med do zhes bya na/ de las brgya stong du bsgres pa bas kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po de'i nyan thos kyi dge 'dun ches mang ngo / / de bzhin du byang chub sems dpa'i dge 'dun kyang de snyed do// bcom ldan 'das de bzhin gshegs pa de ni theg pa gsum kho na las brtsams te chos ston to/ / pad+ma'i dpal gyi snying po ngas bskal pa gang+gA'i klung gi bye ma snyed du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po de'i sangs rgyas kyi zhing gi yon tan bkod pa dang / nyan thos kyi yon tan bkod pa dang / bde ba'i rgyu las brtsams te chos bstan par 'dod kyang / nga'i spobs pa yang zad par mi 'gyur/ sangs rgyas kyi zhing gi yon tan bkod pa de'i mthar phyin par yang mi 'gyur ro// pad+ma'i dpal gyi snying po de'i tshe de'i dus na/ bcom ldan 'das de bzhin gshegs pa
- 292b
/ gser 'od seng ge rnam par rol pa'i rgyal po de'i gsung rab la/ 'jig rten gyi khams stong gi dbang phyug chos dang ldan pa chos kyi rgyal po dpal gyi gzi brjid ces bya ba'i rgyal po zhig byung ste/ pad+ma'i dpal gyi snying po rgyal po dpal gyi gzi brjid de la bu bye ba phrag brgya yod de/ rgyal bu gzhon nu de dag thams cad kyang skyes bu chen po'i mtshan nyi shu rtsa brgyad dang ldan par gyur to// de dag thams cad bla na med pa yang dag par rdzogs pa'i byang chub la yang dag par zhugs par gyur to/ / pad+ma'i dpal gyi snying po rgyal po dpal gyi gzi brjid kyi yongs su longs spyod pa'i skyed mos tshal ni bdun khri drug stong yod do/ / rgyal bu re re la yang longs spyod kyi skyed mos tshal khri khri yod do// bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das sangs rgyas kyi zhing de na bud med mchis sam/ bcom ldan 'das kyis bka' stsal pa/ pad+ma'i dpal gyi snying po de ni med do// sangs rgyas kyi zhing de na bud med kyi ming yang mi grag ste/ rgyal po gzhon nu de dag thams cad kyang tshangs par spong pa las gyur pa rdzus te byung ba sha stag go// sems can de dag thams cad kyang bsam gtan gyi dga' ba dang / chos kyi dga' ba'i zas can yin te/ sangs rgyas kyi zhing de ni kha zas rags po med par gyur to// pad+ma'i dpal gyi snying po rgyal po dpal gyi gzi brjid de ni las gzhan med de/ bu de rnams dang lhan cig bcom ldan
- 293a
'das de la lo bye ba stong phrag brgyad khri bzhi stong gi bar du bsnyen bkur byas so/ / bcom ldan 'das de bzhin gshegs pa des de'i lhag pa'i bsam pa mkhyen nas/ tshad med pa'i phyag rgya zhes bya ba'i chos kyi tshul la mkhas pa yang dag par rab tu bstan to/ / pad+ma'i dpal gyi snying po tshad med pa'i phyag rgya zhes bya ba'i chos kyi tshul la mkhas pa gang zhe na/ pad+ma'i dpal gyi snying po 'di la byang chub sems dpa' chen pos spyod pa tshad med pa dag don du gnyer bar mi bya ba de gang yang med do/ / rdul ba tshad med pa gang dag brtsam par mi bya ba de gang yang med do// de ci'i phyir zhe na/ byang chub sems dpa' rnams kyi sbyin pa ni tshad med/ tshul khrims ni tshad med/ bzod pa ni tshad med/ brtson 'grus ni tshad med/ bsam gtan ni tshad med/ shes rab ni tshad med/ 'khor ba yongs su 'dzin pa ni tshad med/ sems can dag la byams pa ni tshad med/ zhing gi bkod pa dag ni tshad med/ nyan thos dag ni tshad med/ gzugs yongs su grub pa ni tshad med/ dbyangs ni tshad med/ spobs pa ni tshad med pa'i phyir ro// pad+ma'i dpal gyi snying po byang chub sems dpa' ni tha ma sems bskyed pa gcig gis/ dge ba'i rtsa ba gang ci mngon par 'du byed pa de dag thams cad tshad med pa nyid du yongs su sngo'o// ji ltar yongs su bsngos pas tshad med par 'gyur zhe na/ gang gi tshe sems can thams cad la yongs su sngo bar byed pa de'i tshe sems can 'di dag thams cad skye ba med par mngon sum du byed/ sangs rgyas kyi yongs su mya ngan las 'da' bas yongs su mya ngan/
- 293b
las 'da' bar 'gyur ba 'di ni/ rigs kyi bu yongs su sngo ba tshad med pa zhes bya'o// stong pa nyid tshad med pa'o// mtshan ma med pa tshad med pa'o// smon pa med pa tshad med pa'o// mngon par 'du bya ba med pa tshad med pa'o/ / de ltar na 'dod chags dang bral ba/ yang dag pa'i mtha'/ chos kyi dbyings rnam par grol ba/ ma skyes pa/ dben pa/ bral ba/ mya ngan las 'das pa/ tshad med pa ste/ rigs kyi bu mdor na chos thams cad ni tshad med pa'o// de'i phyir chos thams cad ni ma skyes pa ma 'gags pa zhes bya'o// gang mi skye mi 'gag pa de ni tshad med pa'o// pad+ma'i dpal gyi snying po de bzhin/ gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal pos de ltar rgyal po dpal gyi gzi brjid de la tshad med pa'i phyag rgya zhes bya ba'i chos kyi tshul la mkhas pa 'di yang dag par rab tu bstan to/ / des kyang chos tshad med pa dag la nges par sems par byas par gyur to// de nas rgyal po dpal gyi gzi brjid kyis/ bcom ldan 'das de las chos dpag tu med pa bstan pa 'di thos nas/ tshim zhing mgu ste yi rangs nas rab tu dga' ste/ dga' ba dang yid bde ba skyes nas/ bu de dag dang lhan cig tu bcom ldan 'das de la tshigs su bcad pa dag gis mngon par bstod pa/ 'dren pa chos rnams kun la dbang sgyur ba// smra ba'i tshogs kun yang dag rab tu 'joms// bdud kyis rtso dang nyon mongs kun sel ba// mtshungs med ye shes
- 294a
mtsho la phyag 'tshal lo/ / nyi zla dag dang me yi 'od rnams dang // brgya byin tshangs pa nor bu grog 'od rnams// bde gshegs gzi brjid kyis ni mog mog gyur// mi mchog 'od mdzad pa la phyag 'tshal lo/ / thub pa bskal pa rgya mtsho 'das par yang // dka' ba rnam pa du ma spang ba mdzad// 'phrin las de yi 'bras bu yid 'ong ste/ des na 'gro bas bltas na ngoms mi 'gyur/ / skye dang rga dang na dang 'chis gtses shing // sems can sdug bsngal mang bas gzir gzigs nas// de dag rnams la thub chen thugs rje ste// rtag tu mi 'pho zhi ba'i chos kyang ston// srid gsum srog chags kun gyi sman pa 'dra// 'dod chags zhe sdang mun pa thams cad sbyong // thugs rje bskyed pa mdzad nas chos kyi sman// zhi ba bla na med pa rab tu ston// sems can kun gyi spyod pa rab tu mkhyen/ / rab 'byam zhing rnams kun na srog chags kyi// mkhyen nas gang gis mya ngan 'das mchog la// reg par 'gyur ba de 'dra'i chos kyang ston// mi mchog khyod kyi thugs rjeci 'dra ba/ / ji snyed rab 'byam zhing gi nyan thos dang // rkyen byung thub pa ma lus de dag la// de 'dra ba yi snying rje yongs ma mchis// bsod nams phung po mtshan mchog rnams dang ldan/ rgyal ba'i sku ni gser gyi ri bo 'dra// bye ba gnyis las lhag pa'i gzi mnga' ba// mi mchog mtshungs ma mchis la phyag 'tshal lo// chos sprin rgyas las chos char 'bebs pa na// gang dag rgya
- 294b
chen mos pa spyod yul ba/ / sngon gyi sangs rgyas spyod la 'jigs ma mchis// de dag rtag tu bde gshegs mdun na mchis// bskal pa bye ba khrag khrig bsam yas su// mi mchog mthong ba rnyed par shin tu dka'/ / bsod nams las kyis bsam pa yongs sbyangs pa// de dag mig lam rnam par 'dren rnams gda'// rgyal ba'i sku ni chos dbyings rgyas par 'gengs// zhing rnams rab 'byam thams cad na yang gda'/ / bzhud dang byon par mngon pa yod ma mchis// 'on kyang 'jig rten dag na snod bzhin gda'// bden pa gzigs shing don dam ston pa po// chos kyi sbyin bdag zhi ba'i thugs ldan pa/ / brgal nas srog chags bcings gyur gzhan sgrol ba// bde bar gshegs pa khyod la phyag 'tshal lo// khyod kyis skye ba'i shing ljon rtsa nas bton// nga rgyal ri bo sra bo rdul du brlags/ / rgod pa mi mnga' g.yo dang sgyu dang bral// rab ni thugs dang ldan la phyag 'tshal lo// mi mchog chags pa thams cad yong mi mnga'// dgongs pa sa dang chu dang me dang 'dra// rgyal ba sems can kun la snyoms thugs ldan/ / rlung dang nam mkha' 'dra la phyag 'tshal lo// thub pa chen po yon tan 'di 'dra'i gter// bsod nams rgya mtsho las byung sku dang ldan// bskal pa khrag khrig dag tu de brjod kyang / / yon tan rgya mtsho zang par nus ma lags// yon tan mnga' ba lha mis mchod pa la// bdag ni bu dang bcas te mchod pa bgyid// rgyal ba mchod pa'i bsod nams ci mchis
- 295a
sas+ho/ / / sasu k+Sha/ na rgya rnas pas nas shi sa pa klu sa g.yon nas dus l+h+wam sgyu / zugapas s+yAd+hA // sna de gnyis sas su da chen mchog ces kya ba gnyis rdzus te zung nas skyil mo klungasas te 'dug go/ / 'a pal gyi snying po de ltar rgyal po dpal gyiga'i hrI de ting nge dzin de las la spyan/ kyeru gnyis skyil mo bcas te 'dug pa mthong ngo / / mthong nas kyang tshigs su bcad pa 'di smras so// khyod gnyis lha ram klu yin nam// gnod sbyin dri za mi 'am ci// mi 'am mi ma yin nam Ti// dris pa smos shig grogs po dag/ pad+ma'i dpal gyi snying po de ltar rgyal po dpal gyi gzi brjid kyi g.yas phyogs su byung ba'i khye'u gang yin pa des/ rgyal po dpal gyi gzi brjid de la tshigs su bcad de smras pa/ grags po chos kun stong pa yi/ / ming ni 'dri bar byed dam ci// chos rnams thams cad ming med na// gang ni ming ni 'dri bar byed// stong nyid gang la lnga med cing // klu med srin po yod ma yin// me 'am mim yin yang rung / thams cad den mong med do// 'ad+ma'i dpal gyi snying ngo po// de nas bye cig shos des/ rgyal po dpal gyi gzi brjid de la tshigs su bcad de smras pa/ ming ni ming gis stong bste/
- 295b
ming la ming ni yod ma yin// chos rnams thams cad ming med de// 'on kyang ming gis yongs su brjod// ming gi rang bzhin gang yin pa// des ni ma mthong ma thos so// las kyis 'gags pa ma yin/ na// 'di na gang gi ming zhig 'dri// tha snyad du ni ming byas nas// ming btags byas te bstan pa ni// kho bo'i ming ni rin chen sems// cig shos rin chen mchog ces bya// pad+ma'i dpal gyi snying po de ltar khye'u gnyis kyis tshigs su bcad pa 'di dag smras te/ mngon par shes pa lnga bsgrubs nas// rgyal po dpal gyi gzi brjid de dang lhan cig tu// bcom ldan 'das de bzhin gshes pa dgra bcom pa yang dag par rdzogs pa'i sangs rgyas gser 'od song gi rnam par rol pa'i rgyal po ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas thal mo sbar te phyogs gcig tu 'khod do/ / pad+ma'i dpal gyi snying po de ltar khye'u de gnyis kyis dbyangs gcig tu tshigs su bcad de gsol ba/ pad+ma dag dang dri bda' dang // me tog 'phreng dang na bza' 'am/ / 'on te zas dang skom gyis sam// rgyal ba ji ltar mchod par bgyi// rdzogs pa'i sangs rgyas rkang gnyis gtso// ji ltar mchod par gyur pa lags// don 'di legs par bstan du gsol/ / 'dren pa thos nas 'tshal bar bgyi// pad+ma'i dpal gyi snying po// de nas de bzhin gshegs pa dgra bcom pa yang dag par rdzogs pa'i sangs rgyas des/ khye'u de gnyis la tshogs su bcad de/
- 296a
bka' stsal pa/ lus can kun la phan pa'i phyir// byang chub tu ni sems bskyed na// mtshan mchog sum cu gnyis ldan pa'i// sangs rgyas dag la mchod par 'gyur// mi gang zhig gis sangs rgyas zhing / / gang+gA'i bye ma'i grangs snyed dag/ me tog rnams kyis bkang byas te// 'jig rten mgon po phul ba bas// gang gis 'dir ni thal sbyar nas// byang chub tu ni sems btud na/ / 'di ni bsod nams ches mang ste// de la tshad ni yod ma yin// byang chub sems ni ci 'dra ba// de ltar blo mchog gis bstan pa// de 'dra'i mchod pa gang yang med// de 'dra ba yi dpal yang med/ / pad+ma'i dpal gyi snying po de ltar khye'u de gnyis kyis/ slar yang bcom ldan 'das de la tshigs su bcad de gsol pa/ 'jig rten mgon po'i spyan sngar ni// bdag cag yi dam yang dag 'chas// bla na med pa'i seng ge'i sgra// lha dang mi dag gsan mdzod cig/ ji srid du ni 'khor ba yi// sngon gyi mthar ni mi dmigs pa// de srid bskal pa du mar yang // sems can phyir ni spyad par bgyi// ji tsam sngon gyi mtha' dran pa// rnam grangs 'di yi tshul dag gis// sems can kun la phan pa'i phyir// de srid bskal par spyad par bgyi// gal te de ring slan chad du// 'dod rlugs kyi ni sems byung na/ / phyogs bcu dag na bzhugs pa yi// sangs rgyas rnams ni bslus par 'gyur// de ltar zhe sdang gti mug dang // phrag dog ser sna'ang de bzhin no// rtag tu bden pa'i tshig
- 296b
smra zhing / / brdzun gyi tshig ni spang bar bgyi// gal te de ring sran chad du// rdul med byang chub ma thob par// bdag cag nyan thos sems gyur na// dus ni brdzun du smra bar 'gyur// nams/ kyang rang sangs rgyas su ni// bdag cag dga' bar mi bgyid de// sems can rnams la snying rje zhing // bskal pa bye bar spad par bgyi// ji ltar 'dren pa khyod kyi zhing // grub pa rnam pa 'di dag las/ / gzhan du yon tan bye ba snyed// phun sum tshogs pa'i zhing du bgyi// de na nyan thos gang yang med// rang rgyal 'dren pa dag kyang med// de tshe bye ba'i tshad med pa'i// byang chub sems dpa' 'ba' zhig gnas/ / bde ba 'di dang ldan pa yi// skye bo dri ma med par 'gyur// sangs rgyas mdzod ni bzung bas na// sangs rgyas chos rnams tshar phyin to// gal te 'di dag gzhan min par/ / de bzhin du ni 'gyur des na// rgya mtshor bcas dang rir bcas pa'i// sa 'di thams cad g.yos par sheshog/ tshig 'di smras pa'i mod la ni// sa yang rab tu g.yos par gyur// / sil snyan dag ni ma dkrol bar// de na thams cad sgra yang 'byin// stong phrag bye ba'i lha rnams kyis// me tog char dang phye ma'i char// spos kyi char ni yid 'ong dang // na bza' bye ba rab tu phag/ pad+ma'i dpal gyi snying po de'i tshe de'i dus na/ rgyal po dpal gyi gzi brjid ces bya bar gyur pa de gzhan zhig yin pa snyam du dogs sam yid gnyis za na/ de de ltar mi blta'o// de ci'i phyir zhe na// de bzhin
- 297a
gshegs pa dgra bcom pa yang dag par rdzogs pa'i sangs rgyas 'od dpag med 'di de'i tshe de'i dus na/ rgyal po dpal gyi gzi brjid ces bya bar gyur to// pad+ma'i dpal gyi snying po de'i tshe de'i dus na/ khye'u rin chen sems dang / rin chen mchog ces bya ba de gnyis gzhan zhig yin pa snyam du 'dzin na/ de yang de ltar mi blta'o// de ci'i phyir zhe na/ byang chub sems dpa' sems dpa' chen po spyan ras gzigs dbang phyug 'di ni khye'u rin chen mchog ces bya bar gyur to/ / byang chub sems dpa' sems dpa' chen po mthu chen thob 'di ni khye'u rin chen sems shes bya bar gyur to// rigs kyi bu 'di gnyis ni bla na med pa yang dag par rdzogs pa'i byang chub tu dang po sems bskyed pa ni de yin no/ / de skad ces bka' stsal pa dang / bcom ldan 'das la/ byang chub sems dpa' sems dpa' chen po pad+ma'i dpal gyi snying pos 'di skad ces gsol to/ / bcom ldan 'das skyes bu dam pa 'di gnyis ji tsam du zab mo la mos par gyur pa dang / gang gi ming yang ma dmigs pa de srid du/ 'di gnyis byang chub tu sems bskyed par gyur pa ngo mtshar to/ / bcom ldan 'das skyes bu dam pa 'di gnyis kyis de bzhin gshegs pa de'i pha rol na/ sangs rgyas ji skad cig la rim gro bgyis par gyur/ bka' stsal pa/ rigs kyi bu gang+gA'i klung gi bye ma ni bgrang bas mtha' rtogs par nus kyi/ skyes bu dam pa 'di gnyis kyis de bzhin gshegs pa de'i pha rol na/ sangs rgyas dag la bsnyen bkur byas pa'i sangs rgyas bcom ldan 'das de dag ni
- 297b
de lta ma yin te/ de srid du 'di gnyis kyis byang chub tu sems bskyed do// skyes bu dam pa 'di gnyis ni bsam gyis mi khyab pa'i go cha bgos shing yon tan dpag du med pa dang ldan te/ 'di gnyis kyi yon/ tan dag gi mtha' rtogs par mi nus so// de nas bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// 'jig rten gyi khams yon tan rin chen bsags pa dpag tu med pa/ bde ba kun tu ston pa zhes bgyi ba de dang / bcom ldan 'das de bzhin gshegs pa gser 'od seng ge rnam par rol pa'i rgyal po zhes bgyi ba gang lags pa de 'di nas phyogs gang logs na mchis/ bcom ldan 'das kyis bka' stsal pa/ rigs kyi bu nub phyogs logs na ste/ 'jig rten gyi khams bde ba can de nyid de'i tshe de'i dus na/ 'jig rten gyi khams yon tan rin chen bsags pa dpag tu med pa/ bde ba kun tu ston pa zhes bya bar gyur to// de skad ces bka' stsal pa dang / bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis skye bo mang po la sman pa dang / 'jig rten la thugs brtse ba dang / skya bo phal po che dang / lha dang / mi nams kyi don dang / sman pa dang / bde bar bgyi ba'i slad du/ skyes bu dam pa de gnyis kyi sangs rgyas kyi zhing gi yon tan bkod pa ci 'dra bar 'gyur ba dang / nyan thos phun sum tshogs pa ci 'dra ba dang / tshe
- 298a
tsam pa dang / longs spyod ci 'dra ba dang / 'od ci 'dra ba dang / skyes bu dam pa de gnyis bla na med pa yang dag par rdzogs pa'i byang chub mngon par rdzogs par sangs rgyas nas/ mtshan ji skad ces bgyi ba de dag legs par bstan du gsol/ de ci'i slad du zhe na/ 'di ltar de bzhin gshegs pas skyes bu dam pa 'di gnyis kyi smon lam chen po bshad pa thos nas// byang chub sems dpa' gzhan dag kyang smon lam chen po yongs su rdzogs par 'gyur pa'i slad du'o// de skad ces gsol pa dang / bcom ldan 'das kyis/ byang chub sems dpa' pad+ma'i dpal gyi snying po la 'di skad ces bka' stsal to/ / pad+ma'i dpal gyi snying po de'i phyir legs par rab tu nyon la yid la zung zhig dang bshad do// byang chub sems dpa' pad+ma'i dpal gyi snying pos bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bkar stsal to// rigs kyi bu de bzhin gshegs pa 'od dpag med kyi tshe'i tshad ni dpag tu med de/ de'i mthar ni bskal pa bye ba khrag khrig brgya stong gi bar du bshad kyang rtogs par sla ba ma yin no// rigs kyi bu de bzhin gshegs pa 'od dpag med kyi tshe dpag tu med du zin kyang / 'dus byas thams cad mi rtag pa/ mi brtan pa/ ther zug ma yin pa/ yun du gnas pa ma yin pa ste/ rigs kyi bu ma 'ongs pa'i dus 'das pa de'i tshe de'i dus na
- 298b
bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od dpag med de yongs su mya ngan las 'das par 'gyur ro/ / de yongs su mya ngan las 'das nas kyang bskal pa bye ba khrag khrig brgya stong phrag brgyad cu rtsa bzhi'i bar du de'i dam pa'i chos gnas te/ ji ltar bzhugs pa de bzhin du yongs su mya ngan las 'das nas kyang / sems can rnams kyi dge ba'i rtsa ba yongs su 'grub ste/ lhag chad med par 'gyur ro// gzhan du na sems can rnams de bzhin gshegs pa de mthong ba med par zad do// byang chub sems dpa' de dag kyang sangs rgyas rjes su dran pa'i ting nge 'dzin 'thob par 'gyur/ de dag rtag tu rgyun mi 'chad par sangs rgyas mthong ba dang mi 'bral bar 'gyur ro// rigs kyi bu 'od dpag med yongs su mya ngan las 'das nas kyang / rin po che sna bdun gyi pad+ma dag dang / shing ljon pa dag gis de bzhin gshegs pa de ji ltar chos ston pa de bzhin du/ pad+ma dag dang / shing ljon pa de dag las kyang chos kyi sgo brgya phrag du ma 'byung bar 'gyur ro/ / rigs kyi bu de ltar de bzhin gshegs pa 'od dpag med yongs su mya ngan las 'das nas/ dam pa'i chos nub ma thag pa'i mtshan mo skya rengs 'char ba'i dus kyi tshe byang chub sems dpa' sems dpa' chen po spyan ras gzigs dbang phyug rin po che du ma bkod pa'i byang chub kyi shing drung du 'dug nas/ bla na med pa yang dag par rdzogs pa'i byang chub mngon par rdzogs
- 299a
par 'tshang rgya'o/ / de mngon par rdzogs par sangs rgyas nas/ 'od gzer kun nas 'phags pa'i dpal brtsegs rgyal po zhes bya bar 'gyur ro// de bzhin gshegs pa'od/ gzer kun nas 'phags pa'i dpal brtsegs rgyal po de'i sangs rgyas kyi zhing gi yon tan bkod par 'gyur ba gang yin pa de dag ni de bzhin gshegs pas bskal pa gang+gA'i klung gi bye ma snyed du bstan kyang mthar rtogs par mi nus so/ / sangs rgyas kyi zhing de'i bde ba'i rgyu dang / yon tan gyi rgyu ni de snyed du 'gyur mod kyi/ 'on kyang rigs kyi bu dpe tsam du cung zad cig bshad par bya'o// bcom ldan 'das de bzhin gshegs pa gser 'od seng ge rnam par rol pa'i rgyal po de'i sangs rgyas kyi zhing na yon tan bkod pa gang dag yod pa/ yon tan gyi bkod pa snga ma dag ni yon tan bkod pa 'di dag gi brgya'i char yang mi chog/ stong gi cha dang / brgya stong gi cha dang / grangs dang / dpe dang / rgyur yang mi bzod do// sangs rgyas kyi zhing de na nyan thos dang rang sangs rgyas kyi ming yang med par 'gyur te/ sangs rgyas kyi zhing de ni byang chub sems dpa' 'ba' zhig gis gang bar 'gyur ro/ / rigs kyi bu da ltar bcom ldan 'das 'od dpag med kyi nyan thos dang / rang sangs rgyas dang / byang chub sems dpa' ji snyed pa de dag thams cad bsdus kyang / bcom ldan 'das de bzhin gshegs pa 'od zer kun nas 'phags pa'i dpal brtsegs rgyal po de'i byang chub sems dpa'i dge 'dun gyi brgya'i char yang mi chog sde
- 299b
stong gi cha dang / brgya stong gi cha dang / grangs dang / dpe dang / rgyur yang mi bzod do// de'i tshe'i tshad ni bskal pa bye ba khrag khrig brgya stong phrag dgu bcu rtsa drug tu 'gyur ro// de'i dam pa'i chos ni bskal pa bye ba drug cu rtsa gsum du gnas par 'gyur ro/ / de skad ces bka' stsal pa dang / bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das 'jig rten gyi khams de'i ming yang bde ba can zhes bgyi bar 'gyur ram/ bcom ldan 'das kyis bka' stsal pa/ rigs kyi bu de ni ma yin te/ 'jig rten gyi khams da ni rin chen kun nas bsags pa zhes bya bar 'gyur ro/ / rigs kyi bu de bzhin gshegs pa 'od zer kun nas 'phags pa'i dpal brtsegs rgyal po'i tshe ji srid gnas pa nas bzung ste/ yongs su mya ngan las 'das pa de srid du/ byang chub sems dpar mthu chen thob mchod pa byed par 'gyur ro/ / yongs su mya ngan las 'das nas kyang de'i dam pa'i chos 'dzin par 'gyur te/ dam pa'i chos yun ring por gnas par bya ba'i phyir spro bar 'gyur ro// phyi ma'i dus su der dam pa'i chos nub nas/ sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang sa par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas
- 300a
bcom ldan 'das yon tan shin tu gnas pa nor bu brtsegs pa'i rgyal po zhes bya bar 'jig rten du 'byung bar 'gyur ro/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer kun nas 'phags pa'i dpal brtsegs rgyal po de'i byang chub sems dpa' phun sum tshogs pa dang / snang ba phun sum tshogs pa ci 'dra ba de ltar/ bcom ldan 'das de bzhin gshegs pa yon tan shin tu gnas pa nor bu brtsegs pa'i rgyal po de'i yang de dang 'dra bar 'gyur te/ lhag chad med cing shin tu lhag pa med par 'gyur ro// tshe'i yun dang dam pa'i chos gnas pa yang de srid du 'gyur ro/ / rigs kyi bu dang / rigs kyi bu mo gang la la dag bcom ldan 'das de bzhin gshegs pa 'od gzer kun nas 'phags pa'i dpal brtsegs rgyal po de dang / bcom ldan 'das de bzhin gshegs pa yon tan shin tu gnas pa nor bu brtsegs pa'i rgyal po de'i mtshan thos pa de dag thams cad bla na med pa yang dag par rdzogs pa'i byang chub las phyir mi ldog par 'gyur ro/ / pad+ma'i dpal gyi snying po bud med gang la las bcom ldan 'das de bzhin gshegs pa gser 'od seng ge rnam par rol pa'i rgyal po yongs su mya ngan las 'das pa de dang / ma 'ongs pa de gnyis kyi mtshan thos na/ de bud med kyi rang bzhin du mi 'gyur ro// bskal pa bye ba phrag bzhi bcur 'khor ba bsnyil bar 'gyur/ bla na med pa yang dag par rdzogs pa'i byang chub las phyir mi ldog par 'gyur/ sangs rgyas mthong
- 300b
pa dang / chos nyan pa dang / dge 'dun la bsnyen bkur byed pa dang mi 'bral bar 'gyur/ tshe brjes nas kyang rab tu 'byung ba 'thob par 'gyur/ tshe rabs dran pa dang / spobs pa thogs pa med par 'gyur/ gzungs kyang thob par 'gyur ro// de nas 'khor de'i nang nas lha dang / mi dang / skye dgu'i srog chags bye ba phrag dgu bcu rtsa drug gis mgrin gcig tu tshig smras pa/ gang dag ma gyon pa de dag dang / gang dag daN+Da bzhugs pa 'tsho zhing gzhes pa de dag dang / phyogs bcu na gang dag yongs su mya ngan las 'das pa'i de bzhin gshegs pa de dag la phyag 'tshal lo// de dag gi mtshan gang lags pa de dag la yang rjes su yi rang ngo / / tshig 'di skad ces kyang smras te/ bcom ldan 'das bdag cag lhan cig tshogs pa thams cad bla na med pa yang dag par rdzogs pa'i byang chub tu sems bskyed par bgyi'o zhes smras so// de dag kyang bcom ldan 'das kyis bla na med pa yang dag par rdzogs pa'i byang chub tu lung bstan to// srog chags khrag khrig brgya phrag brgyad cu rtsa bzhi ni chos rnams la chos kyi mig rdul med cing dri ma dang bral ba rnam par dag go/ dge slong bdun sdong ni len pa med par zag pa rnams las sems rnam par grol lo// de nas de'i tshe byang chub sems dpa' sems dpa' chen po spyan ras gzigs dbang phyug dang / byang chub sems dpa' mthu chen thob kyis ji lta bu'i rdzu 'phrul mngon par 'du bya ba mngon par 'du byas pas/ thams cad dang ldan pa'i 'khor gyis phyogs bcu na/ bcom ldan 'das dpag tu med grangs med pa de
- 301a
dag gis bla na med pa yang dag par rdzogs pa'i byang chub tu lung ston pa mthong ba de lta bu'i rdzu 'phrul mngon par 'du bya ba mngon par 'dus byas so/ / mthong nas kyang tshig 'di skad ces 'dzer te/ bcom ldan 'das ji tsam du byang chub sems dpa' sems dpa' chen po 'di gnyis sangs rgyas bcom ldan 'das dag gis legs par yongs su bzung ba lags te/ 'di ltar skyes bu dam pa 'di gnyis sangs rgyas bcom ldan 'das 'di snyed cig gis lung ston pa ni ngo mtshar to/ / de nas bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das rigs kyi bu 'am/ rigs kyi bu mo gang de bzhin gshegs pas gsungs pa'i mdo sde zab mo 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa de'i bsod nams ji snyed cig 'phel bar 'gyur/ bcom ldan 'das kyis bka' stsal pa/ rigs kyi bu khyod kyis de bzhin gshegs pa la yongs su 'dri ba'i gtam 'dis ci zhig bya/ de ci'i phyir zhe na/ rigs kyi bu sems can dman pa la mos pa de dag ni de bzhin gshegs pas gsungs pa la yid mi ches par 'gyur ba'i phyir te/ de ltar 'di dag yun ring por gnod pa dang / phan pa med pa dang / bde ba med pa dang / log par ltung bar 'gyur ro// gsol pa/ bcom ldan 'das 'khor 'di na rigs kyi bu dang / rigs kyi bu mo dag rgya chen po la mos pa dang / mos pa mang ba dag kyang mchis/ srang ma'i skye bo rnams la
- 301b
yang snang ba gyis par 'gyur na/ de bzhin gshegs pas skye bo mang po la sman pa dang / skye bo mang po la bde ba'i slad du bshad par gsol/ bcom ldan 'das kyis bka' stsal pa/ pad+ma'i dpal gyi snying po de'i phyir legs par rab tu nyon la yid la zung zhig dang bshad do/ / byang chub sems dpa' pad+ma'i dpal gyi snying pos/ bcom ldan 'das la legs so zhes gsol te/ bcom ldan 'das kyi ltar nyan pa dang // bcom ldan 'das kyis 'di skad ces bka' stsal to// rigs kyi bu 'di la mi gang la la stobs dang ldan pa/ mthu dang ldan pa/ bsod nams kyi phung po chen po dang ldan pa zhig byung ste/ ji tsam sems can gyi khams su gdagrangs btag pa'i sems can gyi khams de ni de bzhin gshegapa ches mang bar gsungs kyi/ sa'i khams ni de lta ma yin te/ sems can de dag thams cad bskal pa bye ba mtha' yas mu med par mgo bo 'am/ phrag pa 'am/ lag pa na thogs te/ ji srid 'tsho'i bar de dag la gos dang zas dag byin te/ bde ba'i yo byad thams cad kyis rim gror byed/ bla mar byed na/ pad+ma'i dpal gyi snying po mi de gzhi de las bsod nams kyi phung po mang du 'phel lam/ gsol pa/ sems can gcig la yang se gol gtogs pa tsam zhig byams pa'i sems kyis khyab par bgyis na/ de tsam gyis kyang bsod nams mang du skyed na/ bskal pa bye ba mtha' yas mu ma mchis par sems can thams cad bzung ste/ bde ba'i yo byad thams cad kyis rim gro bgyis pa lta smos kyang ci 'tshal/ bka' stsal pa/ pad+ma'i dpal gyi snying po khyod mos par bya'o// khyod kyis
- 302a
khong du chud par bya'o/ / gang de bzhin gshegs pas gsungs pa'i mdo sde 'di lta bu 'di byang chub kyi sems la gnas te len pa dang / 'dzin pa dang / 'chang ba dang / klog pa dang / kun chub par byed pa dang / gzhan dag la rgya cher yang dag par rab tu ston pa'i rigs kyi bu dang / rigs kyi bu mo dad pa la zhugs pa/ mos pa mang ba dag gzhi de las bsod nams kyi phung po ches mang du skyed do/ / de nas bcom ldan 'das la/ byang chub sems dpa' pad+ma'i dpal gyi snying pos 'di skad ces gsol to// bcom ldan 'das de bzhin gshegs pas gsung pa'i mdo sde 'di lta bu 'di de bzhin gshegs pa yongs su mya ngan las 'das nas kyang bdag gis blang bar bgyi/ gzung bar bgyi/ bcang bar bgyi/ bklag par bgyi/ kun rlab par bgyi/ gzhan dag la yang rgya cher yang dag par rab tu bstan par bgyi'o// de nas byang chub sems dpa' pad+ma'i dpal gyi snying pos tshig de skad ces smras pa dang / byang chub sems dpar bye ba phrag dgu bcu rtsa drug gis dbyangs gcig tu tshig 'di skad ces smras so/ / bcom ldan 'das bdag cag gis kyang mdo sde 'di lta bu 'di blang bar bgyi/ gzung bar bgyi/ bcang bar bgyi/ bklag par bgyi/ kun chub par bgyi/ gzhan dag la yang rgya cher yang dag par rab tu bstan par bgyi'o// de nas bcom ldan 'das kyis/ byang chub sems dpa' pad+ma'i dpal gyi snying po la 'di skad bka' stsal to// pad+ma'i
- 302b
dpal gyi snying po chos kyi rnam grangs 'di bud med kyis thos ma thag tu bud med kyi dngos po las 'gyur te/ rgyu gnyis ma gtogs pa ni 'di lta ste/ phrag dog dang / ser sna'o// de nas lha'i dbang po / byin dang / mi mjed kyi bdag po tshangs pa dang / rgyal po chen po bzhi dang / lha'i bu brgya stong du ma dag gis lha'i me tog man+da ra ba dag bcom ldan 'das dang / byang chub sems dpa' sems dpa' chen po de dag la mngon par gtor to/ / lha'i sil snyan bye ba khrag khrig brgya stong gsil nas tshig 'di skad ces kyang 'dzer ro// chos kyi rnam grangs 'di gang dag gi rna lam du grags pa dang / legs par ston nas 'dzin pa dang / gzhan dag la yang rgya cher yang dag par rab tu sten pa'i sems can de dag gis ni rnyed pa legs par rnyed par lags so// bcom ldan 'das kyis bka' stsal pa/ rigs kyi bu dag ji skad smras pa de de bzhin te/ chos kyi rnam grangs 'di gang dag gi lag na 'dug pa dang / gang dag thos nas mos par 'gyur ring sems can de dag ni/ sangs rgyas khri la dge ba'i rtsa ba bskyed par 'gyur ro// de nas sring mo rdul dang bral zhes bya ba 'khor der 'dus par gyur te 'dug pa de stan las langs nas/ lhag pa'i bsam pas tshig 'di skad ces/ bcom ldan 'das bdag gis kyang lhag pa'i bsam pas phrag dog dang ser sna spangs te/ bla na med pa yang dag par rdzogs pa'i byang chub tu sems bskyed par bgyi'o// bcom ldan 'das de bzhin gshegs pa ni med pa gsungs pa lags na/ bcom ldan
- 303a
'das gal te bdag sangs rgyas su 'gyur zhing / bud med gzhan gang gis chos kyi rnam grangs 'di thos na/ thos pa'i mod la bud med kyi dngos po las 'gyur ba lta na bcom ldan 'das de'i slad du phung po 'di nyid la bud med kyi dbang po mi gda' bar gyur te/ skyes pa'i dbang po byung bar gyur cig ces smras so// de nas snying mo de de nyid du bud med kyi dbang po mi snang bar gyur te skyes pa'i dbang po byung bar gyur to/ / de yang bcom ldan 'das kyis bla na med pa yang dag par rdzogs pa'i byang chub las phyir mi ldog cing / de bzhin gshegs pa dgra bcom pa yang dag par rdzogs pa'i sangs rgyas nyon mongs pa thams cad klog pa zhes bya bar 'gyur ro zhes lung bstan to/ / bcom ldan 'das kyis de skad ces bka' stsal nas/ byang chub sems dpa' sems dpa' chen po pad+ma'i dpal gyi snying po dang / dge slong de dag dang / byang chub sems dpa' mang po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa sgyu ma lta bu'i ting nge 'dzin ces bya ba theg pa chen po'i yang rdzog so// / rgya gar gyi mkhan po dA na shI la la sogs pa dang / zhu chen gyi lo tsa ba ban d+he ye shes sde la sogs pas bsgyur cing gtan la bab pa'o// / rgya gar skad du/ Ar+ya sang gA ta sU tra d+harmA r+ye ya/
- 303b
bod skad du/ 'phags bzung gi mdo'i chos kyi rnam grangs// / bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slog dge 'dun chen po dge slong sum khri nyis stong la 'di lta ste/ tshe dang ldan pa kun shes ko'u di n+ya dang / tshe dang ldan pa mo'u 'gal gyi bu chen po dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa sgra gcan zin dang / tshe dang ldan pa ba ku la dang / tshe dang ldan pa bzang skyong dang / tshe dang ldan pa bzang dpal dang / tshe dang ldan pa tsan dan dpal dang / tshe dang ldan pa dug sel dang / tshe dang ldan pa rab 'byor dang / tshe dang ldan pa nam gru dang / tshe dang ldan pa dga' sde dang / de la sogs pa dge slong sum khri nyis stong dang / byang chub sems dpa' drug khri nyis stong la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po gzhon nu'i dpal dang / byang chub sems dpa' sems dpa' chen po gzhon nur gnas pa dang / byang chub sems dpa' sems dpa' chen po gzhon nu bzang po dang / byang chub sems dpa' sems dpa' chen po mi 'bri dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen
- 304a
po kun du bzang po dang / byang chub sems dpa' sems dpa' chen po blta na sdug dang / byang chub sems dpa' sems dpa' chen po sman gyi sde dang / byang chub sems dpa' sems dpa' chen po rdo rje'i sde dang / de la sogs pa byang chub sems dpa' sems dpa' chen po drug khri nyis stong dang / lha'i bu khri nyis stong la 'di lta ste/ lha'i bu srid sgrub dang / lha'i bu bzang po dang / lha'i bu shin tu bzang po dang / lha'i bu chos 'dod dang / lha'i bu tsan dan snying po dang // lha'i bu tsan dan gnas dang / lha'i bu tsan dan dang / de la sogs pa lha'i bu khri nyis stong dang / lha'i bu mo brgyad stong la 'di lta ste/ lha'i bu mo rnga ldan dang / lha'i bu mo mdzes ldan dang / lha'i bu mo bdag nyid che ldan dang / lha'i bu mo mig dpa' dang / lha'i bu mo skye dgu'i bdag mo gnas pa dang / lha'i bu mo stobs 'dzin dang / lha'i mo nor dpal dang / lha'i bu mo lag pa bzang ldan dang / de la sogs pa'i bu mo brgyad stong dang / klu'i rgyal po brgyad stong la 'di lta ste/ klu'i rgyal po sog ma med dang / klu'i rgyal po e la'i 'dab ma dang / klu rgyal po na ming dang / gru'i rgyal po bum pa'i snying po dang / klu'i rgyal po dum pa mgo dang / klu'i rgyal po dge byed dang / klu'i rgyal po shin tu dga' ba dang / klu'i rgyal po mdab bzangs dang / klu rgyal po thang po mgo dang / de la sogs pa'i klu'i rgyal po brgyad stong dang thabs gcig tu bzhugs te/ de dag thams cad kyang rgyal po'i khab gal ba dang / bya rgod kyi phung po'i rig la ba dang / bcom ldan
- 304b
'das ka la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'khod pa dang / bcom ldan 'das cang mi gsung bar gyur pas gnang ngo // de nas byang chub sems dpa' sems dpa' chen po kun tu dpa' bstan las langs te/ bla gos phrag pa cig tu bzar nas/ pus mo g.yas pa'i lhang sa la btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das lha bye ba dang / lha'i bu mo bya ba dang / byang chub sems dpa' bye ba mang po dang / bcom ldan 'das nyan thos bye ba mang po dang / klu'i rgyal po rnams kyang chos nyan pa'i slad du/ 'dus nas 'khod cing mchis na/ de bzhin gshegs pa dgra bcom pa yang dag par rdzogs pa'i sangs rgyas kyis chos kyi tshul la 'jug pa ji lta bus sems can rgan po rnams ni thos ma thag tu las kyi sgrib pa thams cad byang bar 'gyur ba dang / sems can gzhon nu rnams ni dge ba'i chos rnams la mngon par brtson zhing khyad par du 'phags pa thos par 'gyur te/ dge ba'i chos rnams las mi nyams/ yongs su mi nyams shing yongs su nyams par mi 'gyur pa de lta bu'i chos kyi tshul la 'jug pa de legs par bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to//
- 305a
kun tu dpa' ba khyod de bzhin gshegs pa la don 'di 'dri bar sems pa ni kun tu dpa' ba legs so legs so// kun tu dpa' ba khyod de'i phyir legs par rab tu nyon la yid la rung shig dang / ngas khyod la bshad do// bcom ldan 'das de bzhin no zhes gsol nas/ byang chub sems dpa' sems dpa' chen po kun tu dpa' ba/ bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to/ / kun tu dpa' ba zung zhes bya ba'i chos kyi rnam grangs gang da ltar yang 'dzam bu'i gling na smod pa zhig yod do// gang la la zhig zung gis chos kyi rnam grangs 'di thos na/ de'i mtshams med pa lnga'i las nams 'byang zhing / bla na med pa yang dag par rdzogs pa'i byang chub las phyir mi ldog par 'gyur ro// kun tu dpa' ba 'di ji snyam du sems/ gang gis zung gi mdo thos na/ de bzhin gshegs pa gcig gi bsod nams kyi phung po ji snyed pa de skyed par 'gyur ro snyam na yang / kun tu dpa' ba de ltar mi blta'o// kun tu dpa' bas gsol pa/ 'o na ji ltar blta bar bgyi/ bcom ldan 'das kyis bka' stsal pa/ kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyi bsod nams kyi phung po ji snyed par byang chub sems dpa' sems dpa' chen po de dag kyang bsod nams kyi phung po yang de snyed par 'gyur ro/ / kun tu dpa' ba gang dag chos kyi rnam grangs 'di thos pa de dag thams cad ni phyir mi ldog par
- 305b
'gyur ro/ / de dag thams cad ni de bzhin gshegs pa mthong bar 'gyur ro// de dag thams cad ni de bzhin gshegs pa mthong ba dang mi 'bral bar 'gyur ro// de dag thams cad ni bla na med pa yang dag par rdzogs pa'i byang chub mngon par 'tshang rgya bar 'gyur ro/ / de dag thams cad kyis dge ba'i chos gang dag 'thob par 'gyur ba de dag la bdud sdig can gyis mi rdzi bar 'gyur ro// kun tu dpa' ba gang dag zung gi mdo 'di thos pa de dag thams cad skye ba dang 'gag pa shes par 'gyur ro/ / de nas byang chub sems dpa' de dag thams cad de'i tshe stan las langs te/ bra gos phrag pa gcig tu bzar nas/ pus mo g.yas pa'i lha nga sa la gtsug te/ bcom ldan 'das la zhus pa/ bcom ldan 'das de bzhin gshegs pa gcig gi bsod nams kyi phung po ji snyed cig mchis/ bcom ldan 'das kyis bka' stsal pa/ rigs kyi bu dag sangs rgyas gcig gi bsod nams kyi phung po'i tshad nyon cig/ 'di lta ste dper na/ rgya mtsho chen po'i chu'i thigs pa dang / 'dzam bu'i gling gi rdul phra rab ji snyed pa dang / gang+gA'i klung gi bye ma snyed dang mnyam pa de dag thams cad sa bcu la gnas pa'i byang chub sems dpa' 'gyur ba'i byang chub sems dpa' de dag thams cad kyi bsod nams kyi phung po bas ni/ sangs rgyas gcig gi bsod nams kyi phung po ches mang ngo / / gang zung gi chos kyi rnam grangs 'di thos pa'i sems can rnams ni bsod nams kyi phung po de bas kyang ches mang du skyed par 'gyur te/ des bsod nams kyi phung po ji snyed pa ni/
- 306a
bgrang ba'i tshul gyis mtha' rtogs par mi nus so// kun tu dpa' ba de'i tshe de'i dus na gang tshig 'di thos nas/ spro ba chen por 'gyur ba de ni bsod nams kyi phung po dpag tu med pa skyed par 'gyur ro/ / de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to// bcom ldan 'das sems can gang chos kyis yongs su sgom par 'gyur ba de dag gang lags de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// kun tu dpa' ba sems can gnyis po 'di dag ni/ chos kyis yongs su skom pa yin te/ gnyis gang zhe na/ kun tu dpa' ba 'di lta ste/ gcig ni sems can thams cad la sems mnyam pa'o// kun tu dpa' ba gnyis pa ni gang chos thos nas/ sems can thams cad la mtshungs par yang dag par rab tu ston pa'o/ / byang chub sems dpa' kun tu dpa' bas gsol pa/ bcom ldan 'das chos thos nas/ sems can thams cad la mtshungs par yang dag par rab tu ston pa gang lags/ bcom ldan 'das kyis bka' stsal pa/ kun tu dpa' ba gcig ni chos thos nas byang chub tu yongs su sngo ste/ nam byang chub tu yongs su sngo ba de ni/ sems can thams cad kyi phyir chos kyis yongs su skom pa yin no// kun tu dpa' ba gnyis pa ni/ gang theg pa chen po la 'jug pa ste/ rtag tu yang chos kyi yongs su skom pa yin no// de nas lha dang / klu dang / mi dang lha'i bu mo bye ba stan las langs nas/ bcom ldan 'das kyi
- 306b
spyan sngar thal mo sbyar te/ bcom ldan 'das la 'di skad ces gsol to// bcom ldan 'das bdag cag kyang chos kyis yongs su skom zhing mchis na/ bcom ldan 'das bdag cag dang / sems can thams cad kyi bsam pa yongs su rdzogs par mdzad du gsol/ de nas bcom ldan 'das kyis de'i tshe 'dzum pa mdzad do// de nas byang chub sems dpa' sems dpa' chen po kun tu dpa' bstan las langs nas/ bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// bcom ldan 'das 'dzum pa'i rgyu gang lags/ rkyen gang lags/ de nas bcom ldan 'das kyis byang chub sems dpa' sems dpa' chen po kun tu dpa' ba la bka' stsal pa/ kun tu dpa' ba sems can gang dag 'dir lhags nas/ bla na med pa yang dag par rdzogs pa'i byang chub mngon par rdzogs par 'tshang rgya ba de dag thams cad ni/ de bzhin gshegs pa'i spyod yul yongs su bsgrub pa grub par 'gyur ro// byang chub sems dpa' kun tu dpa' bas gsol pa/ bcom ldan 'das rgyu gang dang rkyen gang gis na// sems can 'dir lhags pa rnams bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ kun tu dpa' ba khyod de bzhin gshegs pa la don 'dri bar sems pa legs so legs so/ / kun tu dpa' ba de'i phyir 'di la yongs su bsngo ba'i khyad par nyon cig/ kun tu dpa' ba sngon byung ba 'das pa'i dus na/ bskal pa grangs med par gyur
- 307a
pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rin chen dpal zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes du 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo // kun tu dpa' ba de'i tshe de'i dus na/ nga bram ze'i khye'u zhig tu gyur te/ ngas sems can gang dag sangs rgyas kyi ye shes la so sor bkod pa de dag thams cad/ de'i tshe de'i dus na/ ri dgas su gyur nas/ ngas de'i tshe de'i dus na/ 'di skad du da lngar ri dgas gang la la sdug bsngal gyis yongs su gzir bar gyur pa de dag thams cad/ nga'i sangs rgyas kyi zhing du skye bar gyur cig/ de dag thams cad kyang bdag gis sangs rgyas kyi ye shes la so sor 'god par gyur cig ces smon lam btab ste/ ri dgas de dag gis kyang tshig de thos nas/ de bzhin du gyur cig ces de skad smras te/ kun tu dpa' ba dge ba'i rtsa ba des na/ sems can de dag 'dir lhags te/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas byang chub sems dpa' sems dpa' chen po kun tu dpa' bas bcom ldan 'das las spro ba chen po thos nas/ bcom ldan 'das la 'di skad ces gsol to// bcom ldan 'das sems can de dag gi tshe'i tshad ji srid cig thub par 'gyur/ bcom ldan 'das kyis
- 307b
bka' stsal pa/ sems can de dag gi tshe'i tshad ni bskal pa brgyad cu thub par 'gyur ro// byang chub sems dpar kun tu dpa' bas gsol pa/ bcom ldan 'das bskal pa'i tshad ji tsam lags/ bcom ldan 'das kyis bka' stsal pa/ rigs kyi bu nyon cig/ 'di lta ste dper na/ mi la la zhig gis ra ba chu zheng du dpag tshad bcu gnyis la 'phang du dpag tshad sum pa zhig brtsigs te/ ra ba de'i nang til gyi 'bru sha stag gis yongs su gang bar byas la/ de nas mi des lo stong 'das shing / ra ba til gyi 'brus yongs su gang ba de las til gyi 'bru gcig phyi rol du bor te de lta bu'i tshul du mi des/ til gyi 'bru de dag thams cad zad par byas la/ ra ba de rmang yang med/ gzhi yang med par gyur du zin kyang / bskal pa ni zad par mi 'gyur ro// kun tu dpa' ba gzhan yang 'di lta ste dper na/ ri rngams su dpag tshad ldan 'phang du dpag tshad bcu gnyis pa zhig yod la/ de nas mi la la zhig gis/ ri de'i ngos la khyim brtsigs te/ dus ring po lo brgya 'das shing / ka shi ka'i ras kyis lan cig phyis te/ de ltar byas pas ri de zad par gyur du zin kyang / bskal pa ni zad par mi 'gyur ro// kun tu dpa'ang bskal pa'i tshad ni de yin no// de nas byang chub sems dpa' sems dpa' chen po kun tu dpa' bstan las langs te/ bcom ldan 'das la 'di skad ces gsol to// bcom ldan 'das bsngo ba gcig kyang bsod nams kyi phung po mang du skyed pa ni 'di lta ste/ bde bar tshe'i tshad bskal pa dgu cu thub par 'gyur na
- 308a
gang de bzhin gshegs pa'i bstan pa la bsnyen bkur shin tu mang por bgyid pa lnga smos kyang ci 'tshal/ bcom ldan 'das kyis bka' stsal pa/ rigs kyi bu nyon cig/ gang zung gi chos kyi rnam grangs thos pa de'i tshe tshad kyang bskal pa brgyad khri bzhi stong thub par 'gyur na/ kun tu dpa' ba gang zung gi mdo yi ger 'drir 'jug pa dang / klog pa lta ci smos te/ kun tu dpa' ba de ni bsod nams kyi phung po rab tu mang por skyed par 'gyur ro/ / kun tu dpa' ba sems dang ba gang zhig zung gi mdo la snying thag pa nas phyag 'tshal ba ni/ bskal pa dgu bcu rtsa lngar tshe rab dran par 'gyur ro/ / bskal pa drug bcu'i bar du 'khor los sgyur ba'i rgyal por 'gyur ro// tshe 'di la yang thams cad dga' bar 'gyur ro// kun tu dpa' ba de ni mtshon gyis 'chi ba'i dus byed par mi 'gyur/ dug gis 'chi ba'i dus byed par mi 'gyur ro// de la byad kyis tshugs par mi 'gyur ro// 'chi bar yang sangs rgyas bye ba phrag dgu bcu rtsa dgu mngon sum du mthong bar 'gyur te/ kun tu dpa' ba sangs rgya bcom ldan 'das de dag gis kyang de la skyes bu dam pa khyod kyis zung gi mdo'i chos kyi rnam grangs chen po legs par bshad pa thos pas/ bsod nams kyi phung po 'di skye ste/ sangs rgyas bcom ldan 'das bye ba phrag dgu bcu rtsa dgu po de dag gis kyang 'jig rten gyi khams so sor lung ston par 'gyur na/ kun tu dpa' ba gang zung gi mdo'i chos kyi rnam grangs chen po 'a
- 308b
/ mtha' dag rdzogs par rgya cher thos pa lta ci smos kyis ma 'jigs shig ces dbugs 'byin par 'gyur ro// de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das padag gis kyang zung gi mdo'i chos kyi rnam grangs chen po mnyan par bgyi na/ bcom ldan 'das bdag bsod nams kyi phung po ji tsam zhig skyed par 'gyur/ bcom ldan 'das kyis bka' stsal pa/ kun tu dpa' ba sangs rgyas bcom ldan 'das gang+gA'i klung gi bye ma snyed dang mnyam pa rnams kyi bsod nams kyi phung po ji snyed par sems can de yang bsod nams kyi phung po de snyed skyed par 'gyur ro/ / gsol pa/ bcom ldan 'das nam bdag zung gi mdo'i chos kyi rnam grangs chen po nyan pa de na bcom ldan 'das ngoms ma 'tshal to// bcom ldan 'das kyis bka' stsal pa/ kun tu dpa' ba khyod chos rnams kyis ngoms mi shes pa ni legs so legs so// kun tu dpa' ba nga yang chos rnams kyis ngoms mi shes na/ kun tu dpa' ba byis pa so so'i skye bo rnams kyis ngoms mi myong bar bya ba lta ci smos/ kun tu dpa' ba rigs kyi bu 'am/ rigs kyi bu mo gang la la theg pa chen po la dad paskyed pa de bskal pa stong phrag du ma log par lhung bar 'gro bar mi 'gyur/ bskal pa lnga stong du dud 'gror skye bar mi 'gyur/ bskal pa khri nyis stong du blo ngan par mi 'gyur/ bskal pa khri brgyad stong du mtha' 'khob kyi skye bar mi 'gyur/ bskal pa nyi khrir bar tu sbyin pa la dga' bar 'gyur/
- 309a
bskal pa'i khri lnga stong du lnga'i 'jig rten du skye bar 'gyur/ bskal pa gsum khrel skyong du tshangs par spyang la spyod par 'gyur/ de bskal pa bzhi thor byi kyi gnas nas 'byung bar 'gyur/ bskal pa lnga khrir chos 'dzin par 'gyur/ bskal pa drug khri lnga stong du 'chi ba rjes su dran pa bsgom par 'gyur ro// kun du dpa' ba rigs kyi bu 'am/ rigs kyi bu mo de la sdig pa'i las cung zad kyang 'byung bar mi 'gyur ro/ / de la 'dud sdig can gyis glags rnyed par mi 'gyur ro// nam du yang ma'i mngal du skye bar mi 'gyur ro// kun tu dpa' ba gang chos kyi rnam grangs 'di thos pa de dag ni gang dang gang du skye ba yang bskal pa dgu bcu rtsa lngar log par srung bar 'gro bar mi 'gyur ro/ / bskal pa brgyad khrir thos pa 'dzin par 'gyur ro// bskal pa stong du srog gcod pa spong bar 'gyur/ bskal pa dgu khri dgu stong brdzun du smra ba spong bar 'gyur/ bskal pa khri sum stong du phra ma'i chog spong bar 'gyur te/ kun du dpa' ba gang chos kyi rnam grangs 'di thos pa'i sems can de dag ni rnyed par dka'o// de nas byang chub sems dpa sems dpa' chen po kun tu dpa' bstan las langs te/ bla gos phrag pa gcig tu bzar nas/ pus mo g.yas pa'i lhangs la btsugs te/ bcom ldan 'das gal ba de logs su thal mo sbyar ba tung nas/ bcom ldan 'das la 'di skad ces gsol to// bcom ldan 'das gang dag chos kyi rnam grangs 'di spong ba dag sdig pa'i las kyi phung po ji tsam zhig skyed par 'gyur/ bcom ldan 'das kyis bka' stsal pa/
- 309b
kun tu dpa' ba mang ngo // gsol pa/ bcom ldan 'das sems can de dag sdig pa'i las kyi phung po ji tsam zhig par 'gyur/ bcom ldan 'das kyis bka' stsal pa/ kun tu dpa' ba kha rog kha rog/ nga la sdig pa'i las kyi phung po kun ma 'dri shig/ kun tu dpa' ba gang de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gnyis kyi bye ma snyed la gnod sems bskyed pa bskyed pas ni/ gang zung gi mdo la smod pa de/ de bas mi dge ba'i phung po ches mang du skyed do// kun tu dpa' ba gang dag theg pa chen po la gnod pa'i sems skyed pa de dag kyang / de bas mi dge ba'i phung po ches mang du skyed par 'gyur te/ kun tu dpa' ba sems can de dag ni tshig pa'o// tshig pa nyid do// kun tu dpa' bas gsol pa/ bcom ldan 'das sems can de dag ni thar par bgyi mi nus lags sam/ bcom ldan 'das kyis bka' stsal pa/ kun tu dpa' ba de bzhin te/ thar par bya bar mi nus so// kun tu dpa' ba 'di lta ste/ dper na mi la la zhig gi mgo bcad na/ de la des sman sbrang rtsi 'am/ dkar ra'am/ bu ram mam/ mar ram/ 'bru mar ram/ bsku ba'i sman gang yang rung ba zhig gis mgo la bskus na/ kun tu dpa' ba 'di ji snyam du sems/ sems can de slar ldang nus sam/ kun tu dpa' bas gsol pa/ bcom ldan 'das rngo mi thog go// bcom ldan 'das kyis bka' stsal pa/ kun tu dpa' ba gzhan yang mi gzhan zhig kyang yod par gyur la/
- 310a
des sems can gzhan la mtshon rnon pos btab na/ mtshon thang cig btab pas srog chod ma nus kyang / kun tu dpa' ba rma 'byung bar 'gyur te/ sman gyis sbyar na de'i ma 'tsho bar 'gyur ro/ / nam sos par gyur pa de na/ sdug bsngal dran nas/ da ni bdag gis shes kyis/ lan 'ga' yang sdig pa mi dge ba'i las mngon par 'du bya ba mi bya'o snyam du sems pa/ de bzhin du kun tu dpa' ba mi de nam sdug bsngal dran pa de na/ sdig pa thams cad yongs su spong ngo // de'i tshe chos thams cad mngon sum du byed par 'gyur ro// chos thams cad mngon sum du byas nas/ de'i tshe dge/ ba'i chos thams cad yongs su rdzogs par byed par 'gyur ro// kun tu dpa' ba 'di lta ste/ dper na mi zhig shi ba'i pha ma mya ngan byed cing smre sngags 'don kyang de la skyabs byed nus pa med pa de bzhin du/ kun tu dpa' ba byis pa so so'i skye bo'i sems can rnams kyang / bdag la phan pa dang / gzhan la phan pa byed mi nus te/ pha ma de re thag chad pa bzhin du sems can de dag kyang 'chi ba'i dus kyi tshe re zag chad par 'gyur ro/ / kun tu dpa' ba gnyis po 'di dag ni sems can rnams kyi re thag chad pa yin te/ gnyis gang zhe na/ 'di lta ste/ gcig ni sems can sdig pa byed pa 'am/ byed du 'jug pa'o// mi cig shos ni dam pa'i tshe slong ba ste/ gnyis po de dag ni sems can rnams 'chi ba'i dus kyis tsher thag chad pa'o// byang chub sems dpa' kun tu dpa' bas gsol/
- 310b
pa/ bcom ldan 'das sems can de dag gi 'gro ba gang lags/ tshe slad ma gang lags/ bcom ldan 'das kyis bka' stsal pa/ kun tu dpa' ba sems can dam pa'i chos la smod pa rnams kyi 'gro ba ni mtha' yas te/ tshe phyi ma yang mtha' yas so// kun tu dpa' ba dam pa'i chos spong ba'i sems can de dag ni bskal par sems can dmyal ba chen po ngu 'bod du tshor ba myong bar 'gyur ro// bskal par bsdus gzhom dang / bskal par tsha ba dang / bskal par rab tu tsha ba dang / bskal par sems can dmyal ba chen po thig nag dang / bskal par sems can dmyal ba chen po mnar med pa dang / bskal par sems can dmyal ba chen po spu ring zhes byed pa dang / bskal par sems can dmyal ba chen po kyi hud zer ba dang / kun tu dpa' ba sems can dmyal ba chen po brgyad po de dag tu/ bskal pa brgyad kyi bar du sdug bsngal myong bar/ 'gyur ro// de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to// bcom ldan 'das sdug bsngal lags so// bde bar gshegs pa sdug bsngal lags so/ / nyan par mi spro'o// de nas bcom ldan 'das kyis de'i tshe/ tshigs su bcad pa 'di dag bka' stsal to// sems can dmyal ba sems can rnams// ji ltar sdug bsngal rab tsher myong // 'jigs pa chen po'i tshig 'di la// khyod ni nyan par spro ma yi// gang zhig dge ba'i las byed pa// de ni dge bar 'gyur ba yin// gang zhig mi dge las byed pa// de yang sdug bsngal nyid du 'gyur// gang zhig bde rgyu
- 311a
mi shes pa/ / skyes nas 'chi ba'i sdug bsngal dang / mya ngan bcings pa'i sdug bsngal gyis// byis pa rtag tu sdug bsngal lo// gang dag sangs rgyas mchog dran pa/ mkhas pa rnams ni bde ba yin/ / theg pa che la dad pa yang // de dag ngan 'gror 'gro mi 'gyur// kun tu dpa' ba de bzhin du// sngon gyis las kyis rab bskul nas// las ni chung ngu byas pa yang // 'bras bu mtha' yas spyod par 'gyur/ / sangs rgyas zhing gi zhing mchog tu// sa bon btab na 'bras bu che// ji ltar sa bon nyung btab las// 'bras bu mang por spyod pa bzhin// rgyal ba'i bstan la dga' byed dang / mkhas pa rnams ni bde bar 'gyur// sdig pa dag ni rnam par spong // dge bdag kyang mang du byed// gang dag pa mi bstan pa la// sbyin po sa tsam g+hA pa ni// bkal pa stong zug brgyad kurba// longs spyod che zhing nor yang mang // gang dang gang du skyes par yang // de dag rtag tu sbyin pa dran// de ltar sangs rgyas sbyin pa'i gnas// zab mo de ni 'bras bu che// de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das de ji ltararo bcom ldan 'das kyis bstan pa la chos 'tshal bar bgyi/ bcom ldan 'das ji ltar na zung gi mdo'i chos kyi rnam grangs thos nas/ dge ba'i rtsa ba yongs su 'dzin par 'gyur/ bcom ldan 'das kyis bka' stsal pa/ kun tu dpa' ba gang gis de bzhin gshegs pa dgra
- 311b
bcom pa yang dag par rdzogs pa'i sangs rgyas gang+gA'i klung bcu gnyis kyi bye ma snyed dag la/ bde ba'i yo byad thams cad kyis bsnyen bkur byas pa ltar/ gang gis zung gi mdo'i chos kyi rnam grangs 'di nyan pa de'i bsod nams kyi phung po yang de bzhin du shes par bya'o/ / byang chub sems dpa' kun tu dpa' bas gsol pa/ bcom ldan 'das ji ltar dge ba'i rtsa ba yongs su rdzogs par bgyi/ de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// gang dge ba'i rtsa ba de ni de bzhin gshegs pa dang mtshungs par shes par bya'o/ / dge ba'i rtsa ba de bzhin gshegs pa dang mtshungs par 'tshal bar bgyi ba gang lags/ bcom ldan 'das kyis bka' stsal pa/ kun tu dpa' ba chos smra ba ni de bzhin gshegs pa dang mtshungs par shes par bya'o/ / kun tu dpa' bas gsol pa/ bcom ldan 'das chos smra ba gang lags/ bcom ldan 'das kyis bka' stsal pa/ gang zung gi mdo sgrogs pa de ni chos smra ba'o/ / kun tu dpa' bas gsol pa/ bcom ldan 'das gang dag zung gi mdo'i chos kyi nam grangs thos pa dag kyang 'di lta ba'i bsod nams kyis phung po skyes par 'gyur na/ gang dag na/ gang dag ger 'dri ba dang / klog pa lta ci smos te/ de dag bsod nams kyi phung po ji tsam zhig skyed par 'gyur/ bcom ldan 'das kyis bka' stsal pa/ kun tu dpa' ba nyon cig/ 'di lta ste dper na/ phyogs
- 312a
b zhi'i phyogs re re yang de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gnyis kyi bye ma rnyed dag bskal pa bcu gnyis kyi bar du bzhugs shing chos ston te/ zung gi mdo 'di yi ger 'dri ba de'i bsod nams kyis phung po brjod kyang de'i bsod nams kyi phung po mtha' rtogs paru ram/ tshig gis brjod par ni mi nus so// sangs rgyas bcom ldan 'das gang+gA'i klung gi bzhi bcu rtsa brgyad kyi bye ma snyed kyis kyang yi ger 'dri ba'i bsod nams kyi phung po de brjod par mi nus na/ gang yi ger 'dri ba dang / sems pa dang / klog pa de dag kyang chos kyi gder du 'gyur ba lta ci smos/ byang chub sems dpa' kun tu dpa' bas gsol pa/ bcom ldan 'das klog pa'i bsod nams kyi phung po ji tsam zhig du 'gyur/ de nas bcom ldan 'das kyis de'i tshe tshogs su bcad pa 'di dag bka' stsal to/ / tshig bzhi tshogs su bcad pa tsam// bklags pa rnams kyi dge ba gang / gang+gA brgyad cu rtsa bzhi yi// bye ma snyed kyi rgyal ba yis// 'di na zung gi mdo bklags pa/ / de dag bsod nams gang yod pa// rgyun mi 'chad par brjod gyur kyang // bsod nams de ni zad mi 'gyur// sangs rgyas rnams kyis chos bstan pa// rnyed par dka' zhing mtha' yas yang de'i tshe de'i dus na/ lha bye ba khrag khrig brgyad stong phrag drug cu rtsa bzhis zung gi mdo'i chos kyi rnam grangs bstan pa ga la bde logs su thal mo sbyar ba btud nas bcom ldan
- 312b
'das la 'di skad ces gsol to/ / bcom ldan 'das gang gi slad du/ chos kyi gter 'di ltar bcom ldan 'das kyi 'dzam bu'i gling 'dir bzhag pa ni legs so legs so// gzhan gcer bu pa bye ba khrag khrig brgya stong phrag bco brgyad bcom ldan 'das ga la ba der lhags nas/ bcom ldan 'das la 'di skad ces gsol to// kye dge slong go'u ta ma rgyal lo// bcom ldan 'das kyis bka' stsal pa/ de bzhin gshegs pa ni rtag tu rgyal lo/ / kye mu stegs can gcer bu can dag/ mu stegs can khyed rnams ji ltar rgyal bar 'gyur/ de dag gis smras pa/ rgyal bar mdzod/ dge slong go'u ta ma rgyal bar mdzod bcom ldan 'das kyis bka' stsal pa/ ngas khyed rnams rgyal ba ma mthong ngo // khyed ni phyin ci log gnas na// ji lta bur ni rgyal bar 'gyur// gcer bu khyed rnams nyon cig dang // khyed la phan pa brjod par bya// byis pa'i blo la bde ba med// khyed cag rgyal bar ga la 'gyur// ngas ni sangs rgyas spun gyis su// zab mo'i lam yang bstan par bya// de nas gcer bu pa de dag bcom ldan 'das la khros nas/ ma dad pa'i sems skyed do/ / de'i tshe de'i dus na/ lha'i dbang po brgya byin gyis rdo rje gsor ba dang / de nas gcer bu pa bye ba phrag bco brgyad po de dag sngangs skrag nas/ sdug bsngal chen pos nyam thag ste// ngu zhing mchi ma zag pa dang / / de bzhin gshegs pas kyang skra mi snang bar mdzad do// de nas gcer bu pa de dag ngu zhing gdong mchi mas gang / bcom ldan 'das ma mthong nas/ tshogs su bcad pa 'di dag smras so//
- 313a
'di na dpung gnyen su yang med// de bzhin pa med ma yang med// 'brog dgon bzhin du rab tu mthong // khang pa stong pa gnas med do// 'di na chu yang yod med de// shing yang med cing bya yang med// 'di na skye bo ma mthong ste// mgon med sdug bsngal tshor ba ni// de bzhin gshegs pa ma mthong bas// mi bzad chen po myong bar gyur// yang de'i tshe na gcer bu pa bye ba phrag bco brgyad po de dag stan las langs te/ pus mo gnyis sa la btsugs nas/ sgra 'byin cing dbyangs kyis go bar byed do// de bzhin gshegs pa thugs rje can// rdzogs pa'i sangs rgyas rkang gnyis mchog/ bdag cag rnams la phan par mdzod// 'gro ba nyam thag bskyab tu gsol// de nas bcom ldan 'das kyis 'dzum pa mdzad nas/ byang chub sems dpa' kun tu dpa' ba la bka' stsal pa/ kun tu dpa' ba song la gzhan mu stegs can gcer bu pa rnams la chos shod cig/ de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa/ bas 'di skad ces gsol to// bcom ldan 'das ri nag po ni ri rab ri'i rgyal po la gor ma bkum par rtse mor 'dud na/ de bzhin gshegs pa bzhugs bzhin du bdag gis ji ltar chos bstan par bgyi bcom ldan 'das kyis bka' stsal pa/ kha rog rigs kyi bu de bzhin gshegs pa rnams kyi thabs mkhas pa mang gis/ kun tu dpa' ba song la phyogs bcu'i 'jig rten gyi khams su ltos te
- 313b
de bzhin gshegs pa ga la ba snang ba dang / de bzhin gshegs pa'i gdan gang du bting ba ltos shig dang / kun tu dpa' ba nga nyid kyis gzhan mu stegs can gcer bu pa rnams la chos bstan par bya'o// byang chub sems dpa' kun tu dpa' bas gsol pa/ bcom ldan 'das rang gi rdzu 'phrul gyis sa ma/ 'on te de bzhin gshegs pa'i rdzu 'phrul gyis mthus sam/ su'i 'ardzu 'phrul gyi mthus mchi bar bgyi/ bcom ldan 'das kyis bka' stsal pa/ kun tu dpa' ba rang gi rdzu 'phrul gyi stobs kyi byin gyi rlabs kyis song shig/ kun tu dpa' ba de bzhin gshegs pa'i mthus ni phyir shog shig/ de nas byang chub sems dpa' kun tu dpa' bstan las langs nas/ bcom ldan 'das la bskor ba byas te/ de nyid du mi snang bar gyur to// de nas bcom ldan 'das kyis gzhan mu stegs can de dag la chos bstan pa/ grogs po dag skye ba ni sdug bsngal ba yin te/ skye ba nyid kyang sdug bsngal ba'o// skyes nas sdug bsngal gyi 'jigs pa mang du 'byung ngo // skyes nas nad kyi 'jigs bab rnams 'byung ngo / / nad las rgan pa'i 'jigs pa rnams 'byung ngo // rgas pa las 'chi ba'i 'jigs pa 'byung ngo // bcom ldan 'das skyes pa las skyes pa'i 'jigs pa skye bar 'gyur zhes bgyi ba gang lags/ mir skyes nas 'jigs pa mang du 'byung ste/ rgyal po'i 'jigs pa 'byung ngo // rkun po'i 'jigs pa 'byung ngo // me'i 'jigs pa 'byung ngo // dug gi 'jigs pa 'byung ngo //
- 314a
chu'i 'jigs pa 'byung ngo // rlung gi 'jigs pa 'byung ngo // glong 'khyil ba'i 'jigs pa 'byung ngo // rang gis byas pa'i las rnams kyi 'jigs pa 'byung ngo // bcom ldan 'das kyis skye ba'i gling bzhi de lta bu rnam pa mang pos chos bstan pa dang de'i tshe de'i dus na/ gzhan mu stegs can gcer bu pa de dag rab tu skrag par gyur nas/ bdag cag ni phyin chad skye ba la nam yang mi mos so zhes de skad ces smras so/ / bcom ldan 'das kyis zung gi mdo'i chos kyi rnam grangs 'di bshad pa na/ gzhan mu stegs can gcer bu pa bye ba phrag bco brgyad po de dag bla na med pa yang dag par rdzogs pa'i byang chub yongs su rdzogs par gyur to/ / rang gi 'khor las kyang byang chub sems dpa' stong phrag bco brgyad sa bcu la rab tu gnas par gyur nas thams cad kyis kyang rdzu 'phrul gyis rnam par 'phrul pa 'di lta ste/ rta'i gzugs dang / glang po che'i gzugs dang / stag gi gzugs dang / nam mkha' lding gi gzugs dang / ri rab kyi gzugs dang / g.yung drung ris lta bu'i gzugs dang / la la dag ni shing ljon pa'i gzugs su ston cing thams cad kyang pad+ma'i khri la dkyil mo krung ngu 'khod do// byang chub sems dpa' bye ba stong phrag dgu ni/ bcom ldan 'das kyi g.yas rol na 'khod/ byang chub sems dpa' bye ba steng phrag dgu ni/ bcom ldan 'das kyi g.yon rol na 'khod cing de bzhin gshegs pa ni rtag tu mnyam par bzhag ste/ thabs mkhas pas chos ston par snang ngo // zhag
- 314b
bdun pa'i nyin mo de bzhin gshegs pa phyag gi mthil brkyang ste/ bcom ldan 'das kyi byang chub sems dpa' sems dpa' chen po kun tu dpa' ba/ pad+ma bla ma'i 'jig rten gi khams nas 'dir 'ong bar mkhyen to/ / byang chub sems dpa' sems dpa' chen po kun tu dpa' ba nam 'gro ba de na/ rang gi rdzu 'phrul gyi stobs kyi byin gyi rlabs kyis/ pad+ma bla ma'i 'jig rten gyi khams der nyin zhag bdun gyis phyin to// nam bcom ldan 'das kyis phyag brkyang ba de'i tshe/ byang chub sems dpa' kun tu dpa' ba/ bcom ldan 'das kyi spyan sngar 'dug ste/ bcom ldan 'das la lan gsum bskor ba byas nas/ bcom ldan 'das la sems dang zhing / bcom ldan 'das ga la ba dar logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag phyogs bcu'i 'jig rten gyi khams thams cad du mchis na/ bcom ldan 'das bdag gis rdzu 'phrul gcig gis ni/ sangs rgyas kyi zhing bye ba stong phrag dgu bcu rtsa dgu dang / rdzu 'phrul gnyis kyis ni/ bcom ldan 'das bye ba stong mthong ste/ gdugs bdun pa la pad+ma bla ma'i 'jig rten gyi khams su phyin nas/ de'i bar na sangs rgyas kyi zhing mi 'khrugs pa bye ba brgya stong dag kyang mthong ste/ bcom ldan 'das de nas gdod sangs rgyas bcom ldan 'das rnams kyi rdzu 'phrul dang / sangs rgyas kyi zhing bye ba stong phrag bcu rtsa gnyis dag na/ de bzhin gshegs pa chos ston pa dang / de nyid kyi gdugs la sangs rgyas
- 315a
kyi zhing bye ba stong phrag brgyad cu dag na/ de bzhin gshegs pa dgra bcom pa yang dag par rdzogs pa'i sangs rgyas bye ba stong phrag brgyad cu'i 'jig rten byung ba mthong ste/ de bzhin gshegs pa de dag thams cad la phyag bgyis nas slar mchis so/ / bcom ldan 'das de nyid kyi gdugs la sangs rgyas kyi zhing bye ba stong phrag gsum bcu rtsa dgu 'das nas/ sangs rgyas kyi zhing bye ba stong phrag sum cu rtsa dgu po de dag thams cad na yang byang chub sems dpa' bye ba stong phrag sum cu rtsa dgu byung ste/ de nyid kyi gdugs la bla na med pa yang dag par rdzogs pa'i byang chub mngon par rdzogs par sangs rgyas te/ bcom ldan 'das de bzhin gshegs pa dgra bcom pa yang dag par rdzogs pa 'i sangs rgyas de dag la/ lan gsum bskor babagyis pa dang / rdzu 'phrul gyis mi gda' bar gyur to// bcom ldan 'das sangs rgyas kyi zhing bye ba phrag drug cu rnams su sangs rgyas bcom ldan 'das dag mthong ste/ bcom ldan 'das sangs rgyas kyi zhing de dag dang / sangs rgyas bcom ldan 'das de dag la/ bdag gis phyag bgyis nas/ bdag thal byung mchis so// bcom ldan 'das sangs rgyas kyi zhing gzhan bye ba brgya dag na yang / de bzhin gshegs pa yongs su mya ngan las 'da' bar mdzad pa rnams mthong ste/ bdag gis de bzhin gshegs pa de dag la yang phyag bgyis nas thal byung mchis so// bcom ldan 'das gzhan yang bdag gis sangs rgyas kyi zhing bye ba phrag dgu bcu rtsa lnga dag na/
- 315b
dam pa'i chos nub pa mthong nas/ bcom ldan 'das bdag de la bsam pa skyes pa dang mchi ma shor to// gzhan lha dang / klu dang / gnod sbyin dang / srin po dang / 'dod pa'i gzugs can mang po dag ngudu zhi/ mya ngan gyi zug rngu chen pos zug par yang mthong ste/ de bzhin du bcom ldan 'das gzhan yang sangs rgyas kyi zhing rgya mtsho dang bcas pa/ ri rab dang bcas pa/ sa phyogs dang bcas pa ma lus pa thams cad tshigs pa de yang phyag bgyis nas/ reg thag chad par gyur te mchis so// bcom ldan 'das bdag pad+ma tha ma'i 'jig rten gyi khams su ma phyin gyi bar der/ bcom ldan 'das khri bshams pa bye ba brgya stong phrag lnga yang mthong ste/ lho phyogs na khri bshams pa bye ba brgya stong dang / byang phyogs na khri bshams pa bye ba brgya stong dang / shar phyogs na khri bshams pa bye ba brgya stong dang / nub phyogs na khri bshams pa bya ba brgya stong dang / steng gi phyogs na khri bshams pa bye ba brgya stong mthong ste/ bcom ldan 'das khri bshams pa de dag kyang rin po che sna bdun las bgyis pa sha stag ste/ khri de dag thams cad la yang de bzhin gshegs pa bzhugs shing chos ston te/ bcom ldan 'das de la bdag ngo mtshar du gyur nas/ de bzhin gshegs pa de dag la bcom ldan 'das 'jig rten gyi khams 'di'i ming ci zhes zhus pa dang / de bzhin gshegs pa de dag gis bka' stsal pa/ rigs kyi bu 'jig rten gyi khams 'di ni pad+ma bla ma zhes bya'o// bcom ldan 'das
- 316a
de nas bdag gis de bzhin gshegs pa de dag la bskor ba bgyis nas/ sangs rgyas kyi zhing de'i de bzhin gshegs pa'i mtshan ci zhes zhus pa dang / de dag gis bka' sbal pa/ de bzhin gshegs pa dgra bcom pa yang dag par rdzogs pa'i sangs rgyas pad+ma'i snying po zhes bya ste/ sangs rgyas kyi zhing 'di na sangs rgyas kyi bya ba byed do// de la bdag gis 'di skad ces gsol to// sangs rgyas bye ba brgya stong mang po zhig kyang gda' na/ pad+ma'i snying po zhes bgyi ba'i de bzhin gshegs pa dgra bcom pa yang dag par rdzogs pa'i sangs rgyas de ma 'tshal na/ de gang lags/ bcom ldan 'das kyis bka' stsal pa/ rigs kyis bu de bzhin gshegs pa dgra bcom pa yang dag par rdzogs pa'i sangs rgyas pad+ma'i snying po zhes bya ba de ngas khyod la bstan to// de nas de bzhin gabye ba de dag thams cad kyi sku ni mi gda' bar gyur gyi/ byang chub sems dpa'i gzugs sha stag du gdar ste/ de bzhin gshegs pa gcig pu zhig gda' nas/ bdag gis de bzhin gshegs pa de'i zhabs la mgo bos phyag 'tshal te/ der mchis pa dang / dri yang byung bar gyur nas/ khri de la mchis pa dang / bcom ldan 'das de'i tshe khri du ma zhig byung nas/ khri de dag la su yang mchis par ma mthong nas/ bdag gis/ de bzhin gshegs pa de la/ bcom ldan 'das khri 'di la sems can 'ga' yang ma mchis par mthong ngo zhes gsol ba dang / bcom ldan 'das kyis bka' stsal pa/ sems can dge ba'i rtsa ba ma
- 316b
skyed pa rnams ni khri 'di dag la 'dug pa'i mthu med do/ / gsol ba/ bcom ldan 'das dge ba'i rtsa ba ci zhig bskrun na/ khri de dag la mchis par 'gyur/ bcom ldan 'das kyis bka' stsal pa/ rigs kyi bu nyon cig/ sems can gang dag zung gi mdo'i chos kyis nam grangs thos pa de dag dge ba'i rtsa ba khri de dag la 'dug par 'gyur te/ gang dag yi ger 'dri ba dang klog pa lta ci smos/ kun tu/ dadapa' ba khyod kyis zung gi mdo'i chos kyi rnam grangs thos pas/ khyod khri 'di la 'dug par gyur gyi/ de lta ma yin na ni/ khyod sangs rgyas kyi zhing 'di'i nang du chud par ga la 'gyur/ bcom ldan 'das des/ de skad ces bka' stsal pa dang / bcom ldan 'das de la bdag gis 'di skad ces gsol to// bcom lda 'das gang zung gi mdo'i chos kyi rnam grangs 'di thos pa de/ bsod nams kyi phung po ji tsam zhig skyed par 'gyur/ de nas bcom ldan 'das pad+ma'i snying po de bzhin gshegs pa 'dzum pa mdzad pa dang / bcom ldan 'das de ci'i slad du 'dzum pa mdzad pa bdag gis bcom ldan 'das la zhus pa/ bcom ldan 'das rgyu gang dang rkyen ci zhig gi slad du/ de bzhin gshegs pa 'dzum pa mdzad/ bcom ldan 'das kyi bka' stsal pa/ rigs kyi bu byang chub sems dpa' sems dpa' chen po kun tu dpa' ba mthu chen po thob pa nyon cig/ 'di lta ste dper na/ la la zhig gling bzhi la dbang ba'i 'khor los sgyur ba'i rgyal por gyur la des gling bzhi'i zhing rnams la til btab na/ kun tu dpa'ang
- 317a
'di ji snyam du sems/ de'i sa bon mang du skye ba yin nam/ kun tu dpa' bas gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ kun tu dpa' ba de las sems can la la zhig gis til gyi 'bru de dag phung po gcig tu byas la/ mi gzhan zhig gis til gyi 'bru'i phung po de las/ til gyi re re nas blangs te/ phyogs gzhan du 'jog na kun tu dpa' ba 'di ji snyam du sems/ sems can des til gyi 'bru de dag bgrang ba 'am/ dpe bya nus sam/ byang chub sems dpa' kun tu dpa' bas gsol pa/ bcom ldan 'das de ma lags so// bde bar gshegs pa de ma lags so// til gyi 'bru de dag bgrang ba 'am/ dpe bgyi bar rngo mi thog go/ kun tu dpa' ba de bzhin du zung gi mdo'i chos kyi rnam grangs kyi bsod nams kyi phung po ni/ de bzhin gshegs pa ma gtogs par gzhan gyi dpe bya bar mi nus so// kun tu dpa' ba 'di lta sde dper na/ til gyi 'bru de dag ji snyed pa snyed kyi de bzhin gshegs par gyur la/ de dag thams cad kyis zung gi mdo'i chos kyi rnam grangs thos pa'i dge ba'i rtsa ba'i bsod nams yongs su brjod kyang / dpes kyang bsod nams zad par mi 'gyur na/ gang yi ger 'dri ba dang / klog pa dang / 'drir 'jug pa lta ci smos/ byang chub sems dpa' kun tu dpa' bas gsol pa/ bcom ldan 'das yi ger 'dri bas bsod nams ji tsam zhig skyed par 'gyur/ bcom
- 317b
ldan 'das kyis bka' stsal pa/ rigs kyi bu nyon cig/ gang stong gsum gyi stong chen po'i 'jig rten gyi khams kyi rtswa 'am shing de ga thams cad sor gcig tsam tu gtubs pa dang / kun tu dpa' ba dper bya ba gnyis kyang nyon cig/ stong gsum gyi stong chen po'i 'jig rten gyi khams kyi rdo 'am/ g.yang sa 'am sa 'am rdul phra rab ji snyed pa de dag thams cad gling bzhi la dbang ba'i 'khor los sgyur ba'i rgyal por 'gyur na/ de dag gis bsod nams de dag de dpe bya bar nus sam/ kun tu dpa' bas gsol pa/ bcom ldan 'das de ma lags so// gzhan du na de bzhin gshegs pa ni ma gtogs so// kun du dpa' ba de bzhin du zung gi mdo'i chos kyi rnam grangs yi ger 'dra ba'i bsod nams kyi phung po de yang dpe bya bar mi nus te/ 'khor los sgyur ba'i rgyal po ji snyed de dag gi bsod nams kyi phung po bas ni/ gang chos kyi rnam grangs 'di la tha na yi ger 'bru gcig tsam bris te 'jog pa de/ bsod nams kyi phung po ches mang du skyed par 'gyur te/ bsod nams rab tu mang gi/ 'khor los sgyur ba'i rgyal po de dag ni de lta ma yin no/ / kun tu dpa' ba de bzhin du byang chub sems dpa' sems dpa' chen po theg pa chen po'i dam pa'i chos 'dzin cing bsgrub pa la gnas pa'i bsod nams de la ni/ 'khor los sgyur ba'i rgyal pos zil gyis gnon mi nus so/ / de bzhin du zung gi mdo'i chos kyi rnam grangs yi ger 'dri ba de'i bsod nams kyi phung po de la yang dpe bya bar mi nus so// kun tu dpa' bzung gi mdo 'di ni bsod nams kyi gter ston pa'o// de ni
- 318a
nyon mongs pa thams cad zhi bar byed pa'o/ / chos thams cad kyi sgron ma 'bar bar byed pa'o// bdud sdig tog can thams cad 'am par byed pa'o// byang chub sems dpa' thams cad kyi gnas rnams 'bar bar byed pa'o/ / chos thams cad mngon par bsgrub pa mngon par bsgrub pa'o// de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das 'di la tshangs par spod pa ni rab tu dka' ba spyod pa lags so// de ci'i slad du zhe na/ bcom ldan 'das de bzhin gshegs pa'i spod pa ni dkon pa lags te/ de bzhin du tshangs par spyod pa yang dkon pa lags so// gang gi tshe tshangs par spyad pa spyod pa de'i tshe/ de bzhin gshegs pa mngon du mthong bar 'gyur te/ nyin mtshan du de bzhin gshegs pa mthong bar 'gyur ro/ / gang gi tshe de bzhin gsheg pa mngon sum du mthong zhing / nyin mtshan du de bzhin gshegs pal blta bar 'gyur ba de na sangs rgyas kyi zhing mthong ngo // nam sangs rgyas kyi zhing mthong ba de na gter thams cad mthong ngo / / de 'gum pa'i dus kyi tshe skrag par skye bar mi 'gyur/ nam du yang ma'i mngal du skye bar mi 'gyur/ de nam du yang mya ngan can du mi 'gyur/ sred pa'i zhags pas bcings par mi 'gyur ro// de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// kun tu dpa' bde bzhin gshegs pa rnams 'byung ba ni rnyed par
- 318b
/ dka'o// gsol pa bcom ldan 'das rnyed par dka' lags so// bde bar gshegs pa rnyed par dka' lags so// bcom ldan 'das kyis bka' stsal pa/ kun tu dpa' 'de bzhin du zung gi mdo'i chos kyi rnam grangs 'di yang rnyed par dka'o/ / kun tu dpa' bzung gi chos kyi rnam grangs 'di/ gang gi rna lam du grag par 'gyur pa de/ bskal pa brgyad cu'i bar du tshe rabs dran par 'gyur ro// / bskal pa drug khri'i bar du 'khor los sgyur ba'i rgyal po thob par 'gyur ro// bskal pa brgyad stong gi bar du brgya byin thob par 'gyur ro// bskal pa nyi khri'i bar du gnas gtsang mi'i ris kyi lha rnams dang skal ba mnyam par skye bar 'gyur ro/ / bskal pa sum khri brgyad stong gi bar du tshangs pa chen por 'gyur ro// bskal pa drug khri dgu stong gi bar du log par lhung bar 'gro bar mi 'gyur ro// bskal pa 'bum gyi bar du yi dgas rnams kyi nang du skye bar mi 'gyur ro// bskal pa nyi khri brgyad stong gi bar du dud 'gro rnams kyi nang du skye bar mi 'gyur ro// bskal pa khri sum stong gi bar du lha ma yin gyi ris su skye bar mi 'gyur ro/ / mtshon gyis 'chi ba'i dus byed par mi 'gyur ro// bskal pa nyi khri lnga stong gi bar du shes rab 'chal par mi 'gyur ro// bskal pa bdun stong gi bar du shes rab spod par 'gyur ro/ / bskal pa dgu stong gi bar du mdzes shing blta na sdug par 'gyur te/ de bzhin gshegs pa'i gzugs kyi sku yongs su grub pa ji lta ba de bzhin du 'gyur ro// bskal pa khri lnga stong gi
- 319a
bar du bud med du skye bar mi 'gyur ro/ / bskal pa khri drug stong gi bar du lus la nad kyis btab par mi 'gyur ro// bskal pa sum khri lnga stong gi bar du lha'i mig can du 'gyur ro// bskal/ pa khri dgu stong gi bar du klu'i skye gnas rnams su skye bar mi 'gyur ro// bskal pa drug khri'i bar du khro bo'i zil gyis gnon par mi 'gyur ro// bskal pa bdun stong gi bar du dbul po'i khyim du skye bar mi 'gyur ro/ / bskal pa brgyad khri'i bar du gling gnyis la spyod par 'gyur ro// nam dbul por 'gyur ba de na yang 'di 'dra ba'i bde ba rab tu 'thob ste/ bskal pa khri nyis stong gi bar du mus long gi skyes gnas su skye bar mi 'gyur ro/ / bskal pa khri sum stong gi bar du ngan song rnams su skye bar mi 'gyur ro// bskal pa khri cig stong gi bar du bzod pa smra bar 'gyur ro// 'chi ba'i dus kyi tshe yang rnam par shes pa tha ma 'gag par 'gyur ba na 'du shes phyin ci log tu mi 'gyur ro/ / khro ba'i zil gyis gnon par mi 'gyur ro// des shar phyogs su sangs rgyas bcom ldan 'das gang+gA'i klung bcu gnyis kyi bye ma snyed mthong bar 'gyur ro// lcelho phyogs su sangs rgyas bye ba nyi shu mngon sum du mthong bar 'gyur ro// nub phyogs su sangs rgyas bcom ldan 'das gang+gA'i klung nyi shu rtsa lnga'i bye ma snyed mthong bar 'gyur ro// byang phyogs su sangs rgyas bcom ldan 'das gang+gA'i klung brgyad cu'i bye ma snyed mngon sum du mthong bar 'gyur ro/ / steng gi phyogs su sangs rgyas bcom ldan 'das bye ba stong phrag dgu bcu mngon sum du mthong bar 'gyur ro// 'og gi phyogs
- 319b
su sangs rgyas bcom ldan 'das gad+hA rlung bye ba phrag brgya'i byem snyed mngon sum du mthong bar 'gyur te/ de dag thams cad kyis kyang rigs kyi bu de la rigs kyi bu khyod kyis zung gi mdo'i chos kyi rnam grangs thos pas/ tshe gzhan du yon tan dang phan yon dang bde ba 'di snyed du 'gyur gyis ma 'jigs shig ces dbugs 'byin to// kye rigs kyi bu khyed kyis de bzhin gshegs pa gang+gA'i klung gi bye ma snyed bye ba khrag khrig brgya stong phrag mang po 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so// bka' stsal pa/ kye rigs kyi bu de bzhin gshegs pa de dag khyed la gzigs su byon to/ / gsol pa/ bdag gi dge ba'i las ci zhig bgyis na/ de bzhin gshegs pa mang po zhig bdag ga la mchis par byon/ bka' stsal pa/ rigs kyi bu nyon cig khyod kyis mi'i lus thob ste/ zung gi chos kyi rnam grangs na lam du thos pas/ de'i phyir khyod kyi bsod nams kyi phung po de snyed skyes so// gsol pa/ bcom ldan 'das bdag gi bsod nams kyi phung po yang de snyed du gyur na/ gang mtha' dag chub par thos pa lta smos kyang ci 'tshal/ bka' stsal pa/ kha rog kha rog/ kye rigs kyi bu tshig bzhi pa'i tshigs su bcad pa'i bsod nams brjod kyis nyon cig/ rigs kyi bu 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gsum gyi bye ma snyed rnams kyi bsod nams kyi phung po bas kyang / bsod nams kyi
- 320a
phung po ches mang du skyed do/ / gang gis de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gsum gyi bye ma snyed la mchod pa bas ni/ gang gis zung // gi mdo'i chos kyi rnam grangs 'di las tha na tshig bzhi pa'i tshigs su bcad pa tsam thos pa de yang bsod nams kyi phung po de bas ches mang du skyed par 'gyur na/ gang mtha' dag rtsub par thos pa lta ci smos// rigs kyi bu gang gis zung gi mdo'i chos kyi rnam grangs 'di mtha' dag chub par thos par 'gyur ba nyon cig/ gang gis stong gsum gyi stong chen po'i 'jig rten gyi khams thams cad du/ til btab pa'i til gyi 'bru ji snyed pa de snyed kyi/ 'khor los sgyur ba'i rgyal por gyur la/ de nas skyes bu phyug cing nor mang la/ longs spyod chen po dang ldan pa 'ga' zhig yod de/ de nas skyes bu des 'khor los sgyur ba'i rgyal po de dag la sbyin pa byin pa bas ni/ gang gis rgyan tu zhugs pa gcig la sbyin pa byin pa de ni bsod nams kyi phung po de bas ches mang du skad do// stong gsum gyi stong chen po'i 'jig rten gyi khams kyi sems can de dag thams cad rgyun tu zhugs par gyur la/ gang gis de dag thams cad la sbyin pa byin pa'i bsod nams kyi phung po bas ni/ gang gis lan cig phyir 'ong ba gcig la sbyin pa byin na/ bsod nams kyi phung po de bas ches mang du skyed do/ / stong gsum gyi stong chen po'i 'jig rten gyi khams kyi sems can de dag thams cad lan cig phyir 'ong bar gyur la/ gang gi de dag thams cad la sbyin pa byin pa'i bsod nams kyi
- 320b
phung po bas ni/ gang gis phyir mi 'ong ba gcig la sbyin pa byin na/ de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can de dag thams cad phyir mi 'ong bar gyur la/ gang gis de dag thams cad la sbyin pa byin pa'i bsod nams kyi phung po bas ni/ gang gis dgra bcom pa gcig la sbyin pa byin na/ de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can dag thams cad dgra bcom par gyur la/ gang gis de dag thams cad la spen pa byin pa'i bsod nams kyi phung po bas ni/ gang gis rang sangs rgyas gcig la sbyin pa byin na/ de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can de dag thams cad rang sangs rgyas su gyur la/ gang gis de dag thams cad la sbyin pa byin pa'i bsod nams kyi phung po de bas ni/ gang gis byang chu sems dpa' gcig la sbyin pa byin na// de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can de dag thams cad byang chub sems dpar gyur la/ gang gis de dag thams cad la sbyin pa byin pa'i bsod nams kyi phung po bas ni/ gang gis de bzhin gshegs pa gcig la sems dang bar byed pa dang / stong gsum gyi stong chen po'i 'jig rten gyi khams de bzhin gshegs pas yongs su gang ba la gang sems dang bar byed pa dang / gang zung gi mdo'i chos
- 321a
kyi rnam grangs 'di thos par gyur pa de ni/ bsod nams kyi phung po de bas ches mang du skyed na/ kun tu dpa' ba gang chos kyi rnam grangs 'di yi ger 'dri ba dang / 'dzin pa dang / klog pa dang / kun chub par byed par lta ci smos/ kun tu dpa' ba chos kyi rnam grangs 'di la sems dang bas phyag 'tshal ba lta smos kyang ci dgos/ kun tu dpa' ba 'di ji snyam du sems byis pa so so'i skye po thams cad kyis 'di thos par nus sam zhe na/ gang dag thos par 'gyur yang dad pa skyed par mi 'gyur ro// kun tu dpa' ba nyon cig/ byis pa so so'i skye bo'i sems can rnams las gang dag/ rgya mtsho chen po'i gting rnyed par nus pa yod dam/ gsol pa/ bcom ldan 'das de ma mchis so// bka' stsal pa/ kun tu dpa' ba gang lag mthil gcig gis rgya mtsho zad par byed pa'i sems can 'ga' yod dam/ gsol pa/ bcom ldan 'das de ni ma mchis so// bde bar gshegs pa de ni ma mchis so// bka' stsal pa/ kun tu dpa' ba ji ltar rgya mtsho chen po skams nus pa'i sems can 'ga' yang med pa de bzhin du/ kun dpa' ba dman pa la mos pa'i sems can gang gis kyang chos kyi rnam grangs 'di nyan mi nus so// kun tu dpa' ba gang dag gis de bzhin gshegs pa bya ba phrag gang+ga'i klung brgyad cu'i bye ma snyed ma mthong ba de dag gis ni/ zung gi chos kyi rnam grangs 'di yi ger 'dri mi nus so// gang dag de bzhin gshegs pa gang+gA'i klung dgu bcu'i bye ma snyed ma mthong
- 321b
ba de dag gis ni chos kyi rnam grangs 'di nyan mi nus so/ / gang dag gis de bzhin gshegs pa bye ba khrag khrig brgya stong ma mthong ba de dag gis ni/ chos kyi rnam grangs 'di thos nas spong bar 'gyur ro/ / kun tu dpa' ba gang dag de bzhin gshegs pa bye ba brgya phrag gang+gA'i klung gi bye ma snyed mthong ba de dag ni chos kyi rnam grangs 'di thos na/ sems dang po bskyed par 'gyur ro// dga' bar 'gyur ro/ / yang dag pa ji lta ba bzhin du rab tu shes par 'gyur ro// de zung gi chos kyi rnam grangs 'di la dad cing mi spong bar 'gyur ro// kun tu dpa' ba nyon cig/ gang gis zung gi mdo 'di las tshig bzhi pa'i tshigs su bcad pa gcig tsam yi ger 'dri ba de dag ni 'jig rten gyi khams bye ba stong phrag dgu rtsa lnga las 'das nas de dag gi sangs rgyas kyi zhing ni/ bde ba can gyi 'jig rten gyi khams ji lta ba de bzhin dudu'agyur ro/ / kun tu dpa' ba sems can de dag gi tshe'i tshad ni bskal pa brgyad khri bzhi stong thub par 'gyur ro// kun tu dpa' ba nyon cig/ byang chub sems dpa' sems dpa' chen po// gang dag zung gi chos kyi rnam grangs 'di las tha na tshig bzhi pa'i tshigs su bcad pa tsam thos pa de dag ni/ kun tu dpa' ba 'di lta ste dper na/ sems can la las mtshams med pa lnga'i las byas sam byed du bcug gam/ byed pa la rjes su yi rang ba de yang zung gi chos kyi rnam grangs 'di las tshigs bzhi pa'i tshigs su bcad pa tsam nyan na/ de'i mtshams med pa lnga'i sdig pa'i las de dag byang bar
- 322a
'gyur ba bzhin no/ / // bam po gnyis pa/ kun tu dpa' ba nyon cig dang / yon tan gzhan yang shad par bya'o// 'di lta ste/ dper na/ sems can la la zhig mchod rten bshig pa dang / dge 'dun gyi dbyen byed pa dang / byang chub sems dpa' ting nge 'dzin las g.yo bar byed pa dang / sangs rgyas kyi ye shes kyi bar chad byed pa dang / mi'i srog gcod pa'i sems can de/ phyis 'gyod cing mya ngan du byed de/ lus 'dis bdag phung ngo // 'jig rten pha rol tu yang phung ste/ bdag ma rung ngo snyam du de sems pa chen po byung ba dang / sdug bsngal gyi tshor ba myong ngo // mi bzod pa'i tshor ba myong ngo // kun tu dpa' ba sems can de ni sems can thams cad kyis spong bar 'gyur ro// smad par 'gyur ro// sems can de ni tshig pa ma rung bar gyur pa/ 'jig rten dang / 'jig rten las 'das pa'i chos kyang ma rung bar byas pa yin te/ ji ltar sdong du ma tshig pa bzhin du mi de yang bskal pa du mi' bar du de bzhin du 'gyur ro// ji ltar khyim legs par bris pa'i ka gdung tshig na mi mdzes pa ltar mi de yang de ltar 'gyur ro// 'jig rten 'di na yang mi mdzes so// gang dang gang du 'gro ba de dang de dag tu yang sems can rnams kyis spyo zhing brdeg pa dang / bkres pa dang / skom pas nyen cing cung zad kyang mi rnyed par 'gyur ro// de'i phyir sdug bsngal gyi tshor ba myong ste/ bkras shing skom pa'i rgyu dang / spros pa'i rgyus
- 322b
mchod rten bshig pa dang / mtshams med pa lnga'i las rjes su dran nas phyir bdag gang du 'gro bar 'gyur/ bdag gi skyob pa ni su yin snyam du sdug bsngal la skyo bas sems skyed de/ de yang 'di snyam du sems so/ / 'di na ni bdag gi slob pa su yang med kyis/ bdag ri dang ri'i sul dag tu song la/ der 'chi ba'i dus bya'o snyam du/ smras pa/ bdag gis sdig pa'i las byas pas/ rtag tu sdong dum tshig pa bzhin/ / 'jig rten 'di na'ang mi mdzes la// tshe gzhan na yang mdzes ma yin// khyim gyi nang na'ang mi mdzes la// phyi rol na'ang mdzes ma yin// nyes pa'i rgyus ni sdig byes te/ / de ni ngan 'gror 'gro bar 'gyur// tshe gzhan du yang sdug bsngal na// ngan 'gro 'dir ni gang du gnas// mchi mas brnangs par rab dus na/ lha rnams kyis kyang tshig thos so// kyi hud 'jig rten pha rol tu/ / ngan 'gro 'gro bas re chad do// lha rnams kyis de la smras pa/ skyes bu blun po de snyam du// sdug bsngal sems pa thong la song // pha bsad cing ni ma bsad de// bdag gis mtshams med lnga byas pas/ / bdag la skyabs dang dpung gnyen med// sdug bsngal tsher ba myong bar 'gyur// ri yi rtse mor song nas su// de nas bdag lus dor bar bya// skyes bu blun po ma 'gro shig/ gnod par byed pa'i sems kyis su// khyod kyis sdig pa mang byas kyis// sdig pa'i las ni ma byed cig/ gang dag bdag la gnod byed rnams// sdug bsngal sems can
- 323a
dmyal bar 'gro/ / mya ngan byed cing drubs na/ de phyi sa la 'gyel bar 'gyur// brtson 'grus des ni sangs rgyas mi 'gyur te// byang chub sems dpa' 'gyur ba rang ma yin no/ / nyan thos thar pa'i theg pa'ang mi 'thob kyis// brtson 'grus gzhan gyis rab tu 'bad par gyis// drang srong ga la yod pa'i ri der song // song ste drang srong che ba nyid mthong nas// de yi rkang la mgo bos lhag 'tshal te// sems can dam pa bdag la skyabs mdzod cig/ bdag ni 'jig skyed sdug bsngal rab tu gzir// sems can snying po drang srong tshig gson cig/ bzhugs la sems kyi skabs ni dbye mdzod de/ / skad cig tsam zhig dge ba'i chos kyang shod// 'jigs skrag sdug bsngal rab tu gzir bas na// de phyir skad cig yud tsam bzhugs su gsol// bdag gis sdig mang gang bgyis bshags par 'tshal/ / drang sro gis ni bdag la bka' stsol cig/ drang srong gis smras pa/ sdug bsngal ngu zhing mya ngan byed pas gzir// khyod ni bkres shing sgom pas nyen pa ste/ / re ched srid pa gsum du 'gro bas na// kha zas gang dag byin pa de dag zo// lus ni tshim par bya ba'i phyir// drang srong gis ni zas byin te// yid du 'ong ba zhim zos nas// sems can rab tu dga' bar gyur// sdig pa thams cad byang byed pa'i// chos ni khyod la phyis 'chad do// de yi kha zas zhim mo de// skad cig gcig la zos par gyur// zas zos nas kyang
- 323b
lag bkrus te/ / drang srong la ni bskor byas nas// skyil mo dkrung ngur 'dug nas su// sdig pa gang dang gang byas smras// pha bsad pa dang ma bsad dang // mchod rten bshig pa bdag gis bgyis bdag gis byang chub sems dpa' yi/ / sangs rgyas 'grub pa bar chad bgyis// de yi tshig de thos nas su// de nas drang srong tshig smras pa// khyod kyis sdig pa byas pas na// kye ma skyes bu khyod mi dge/ sdig pa'i las ni byas pa dang // byed du bcug pa bshags par gyis// de nas de'i tshe mi de mya ngan gyi zug rnguso ste// 'jigs skrag skyo nas/ bdag la su zhig skyob par 'gyur/ / bdag gis sdig pa'i las byas pas// sdug bsngal tshor ba myong bar 'gyur// de nas mi des pus mo gnyis sa la btsugs nas/ drang srong de la smras pa/ bdag gis byas shing byed bcug pa/ / sdig pa thams cad bshags par bgyi// sdig pa'i 'bras bur de ma 'gyur// sdug bsngal bdag gis myong ma 'gyur// bdag ni khyod dang nye gyur gyis// drang srong bdag gi/ skyabs su gyur// 'gyod pa med cing zhibs na// bdag gi sdig pa'i las rnams zhi// de nas de'i tshe de'i dus na/ drang srong des mi de la smras pa// nga ni skyes bu khyod kyis skyabs su 'gyur/ / nga ni rten du 'gyur// nga ni dpung gnyen du 'gyur gyis/ khyod ma 'jigs par mngon sum du chos nyon cig/ khyod kyis zung zhes bya ba'i chos kyi rnam grangs cung zad thos sa mo zhes
- 324a
dbugs phyung ba dang / des smras pa/ bdag gis yongs ma thos so// drang srong gis smras pa/ gang snying rje la gnas pas/ sems can rnams la chos ston pa ma gtogs par sems can tshig pa la su zhig chos ston/ smras pa/ rigs kyi bu yang nyon cig/ sngon byung ba 'das pa'i dus na bskul pa grangs med pa'i yang shin tu grangs med par gyur pa de'i tshe de'i dus na/ rgyal po zla ba dri ma med pa zhes pa chos can gyi rgyal po zhig yod de/ rigs kyi bu rgyal po zla ba dri ma med pa de'i khyim du bu zhig btsas so// de nas rgyal po zla ba dri/ ma med pas/ bram ze mtshan mkhan rnams bsdus nas/ 'di skad ces smras so// bram ze gzhon nu la mtshan ci zhig mthong / de nas bram ze mtshan mkhan rnams kyis smras pa/ rgyal ro// po mi dge'o// gzhon nu btsas pa 'di ni mi dge'o// rgyal pos smras pa/ bram ze 'di cir 'gyur/ mtshan mkhan rnams kyis smras pa/ rgyal bu gzhon nu 'di gal te lo bdun thub par gyur na/ de yab yum gyi skul brgal dur 'gyur ro// de nas rgyal pos 'di skad smras so// nga'i srog bar chad du gyur kyang rung gis/ dra'i bu 'di ni mi gsad do// brgya la brgya lam na 'jig rten du ma'i skye ba 'thob pas/ gang mi 'i lus la gnod par 'gyur ba de lta bu mi bya'i// de nas gzhon nu de skye drag khyad du ni de zla ba gcig lon na gzhan lo gnyis lon pa tsam gyi tshad du skyes nas/
- 324b
pa zla ba dri ma med pas kyang / gzhon nu 'di ni bdag gis las bsags pas skyes par shes so// de nas rgyal pos gzhon nu de la rgyal thabs byin nas/ 'di skad ces smras so// khyod sring che zhing grags pa'i rgyal por gyur la chos kyi dbang bar bya'o/ / chos ma yin pa ni ma yin no// de nas rgyal thabs byin nas rgyal po zhes ming btags so// rgyal po zla ba dri ma med pa yang rang gi yul gyi rgyal po mi byed do/ / de nas blon po byed pa de dag rgyal po zla ba dri ma med pa gal ba der dong ste lhags nas/ rgyal po zla ba dri ma med pa la 'di skad ces smras so// kye rgyal po chen po khyod de ci'i slad du rang gi yul gyi rgyal po mi mdzad/ rgyal pos smras pa/ ngas bskal pa mang po grangs med par// gang rgyal srid dang / longs spyod dang / dbang phyug la dbang bar gyur kyang / nga nam yang ngoms ma myong ngo / / yang de'i tshe de'i dus na/ yun ring mo zhig lon pa dang / bu des pha ma'i srog bcad de de na des mtshams med pa'i las bsags so// kye skyes bu gang gi tshe rgyal po de sdug bsngal gyi tshor ba skyes nas 'gyod de/ mchi mas brnangs par du ba dang / ngas de la snying rje chen po'i sems bskyed do/ der song nas chos bstan pa dang / des kyang chos de thos nas mtshams med pa de dag lhag ma ma lus par myur du byang bar gyur pa'i dus de yang dran no/ / smras pa/ zung gi chos kyi rnam grangs 'di rgyal po dkar thub chen po gang dag gis thos pa rnams chos kyi gnas bla na med pa sdig pa
- 325a
thams cad byang bar 'gyur ba/ nyon mongs pa thams cad zhi bar 'gyur ba 'dir thob par 'gyur ro// gang gis myur du 'thar 'gyur ba// chos rnams bshad kyis rab tu nyom/ tshig bzhi pa yi tshigs bcad tsam// rgyun mi chad par bshad pas na// sdig pa thams cad byang gyur nas// rgyun tu zhugs pa 'thob par 'gyur// sdig pa kun las thar to zhes// ched du brjod pa ched du brjod// sems dmyal 'jigs pas bcings pa las// sems can sdug bsngal rab tu bkrol// de nas mi de stan de las langs te thal mo sbar ba byas nas// de la mgo bos phyag 'tshal te/ / legs so zhes bya rab tu byin// legs so dge ba'i bshes gnyen rnams// legs so sdig pa 'jig byed pa// gang dag zung mdo tshul chen bstan// zothos par 'gyur bar rnams kyang legs/ de nas de'i tshe de'i dus na// steng gi bar snang las lha'i bu khri nyis stong thal mo sbyar te/ drang srong de'i gan du lhags nas/ rkang pa la phyag 'tshal te 'di skad ces/ bcom ldan 'das bka' thub chen po yun ji srid tshun chad dgongs shes smras so// de bzhin du klu'i rgyal po bye ba phrag bzhi lpags/ gnod sbyin gyi rgyal po khri brgyad stong lhags te/ drang srong de ga la ba de logs su thal mo sbyar ba btud nas 'di skad ces smras so/ / che ba nyid dang ldan pa yun ji srid tshun chad dgongs/ drang srong gis smras pa/ bskal pa grangs med pa bye ba khrag khrig
- 325b
brgya stong rnams so/ / smras pa/ dge ba'i las gang gis na/ skad cig gis sdig pa'i las 'di rab tu zhi bar 'gyur/ smras pa/ zung gi chos kyi rnam grangs thos pas so// gang der sems can tshogs pa rnams las gang dag gis chos kyi rnam grangs 'di thos nas/ dad pa de dag thams cad ni bla na med pa yang dag par rdzogs pa'i byang chub tu lung bstan to// mi gang gis mtshams med pa lnga'i/ las byas pa de dag gis zung zhes bya ba'i chos kyi rnam grangs 'di thos na yang skad cig gis mtshams med pa lnga'i las de dag ma lus par yongs su zad cing / yongs su byang bar 'gyur te/ bskal pa bye ba khrag khrig brgyad stong grangs med pa zhig gi bar du ngan 'gro rnams kyi sgo bcad par 'gyur ro/ / lha'i 'jig rten gi sgo sum cu rtsa gnyis ni phye bar 'gyur ro// gang zung gi chos kyi rnam grangs 'di las tha na/ tshig bzhi pa'i tshigs su bcad pa tsam thos pa yang / de'i dge ba'i rtsa ba 'di 'dra bar 'gyur na/ gang me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dag gis bsti stang byed pa dang / btsun par byed pa dang / ri mo byed pa dang / mchod pa byed pa dang / sil snyan dang / rol mo sbyor ba'i las byed cing lan cig rjes su yi rang ste/ legs par bshad pa legs so zhes smras pa lta ci smos de nas bcom ldan 'das la/ byang chub sems dpa' sems dpa' chen po kun tu dpa' bas 'di
- 326a
skad ces gsol to/ / bcom ldan 'das zung gi chos kyi rnam grangs 'chad pa na/ gang thal mo sbyar te phyag 'tshal ba de dag ci thal mo sbyar ba tsam gyis bsod nams kyi phung po bskyed pa lags sam/ bcom ldan 'das kyis bka' stsal pa/ rigs kyi bu 'on cig/ gang dag gis mtshamaso med pa lnga'i las byas sam/ byed du gtsug gam/ byed pa la rjes su yi rang ba de dog kyang / zung gi chos kyi rnam grangs 'di las/ tha na tshig bzhi pa'i tshigs su bcad pa tsam thos nas/ thal mo sbyar te phyag 'tshal na/ de'i mtshams med pa lnga'i las thams cad kyang yongs su byang bar 'gyur na/ kun tu dpa' ba gang chos kyi rnam grangs 'di mtha' dag chub par thos pa lta ci smos te/ de ni bsod nams kyi phung po de bas ches mang du skyed par 'gyur ro// rigs kyi bu zung gi mdo 'di don go bar bya ba'i phyir khyod la dper bstan par bya'o// kun tu dpa' ba 'di lta ste dper na/ klu'i rgyal po ma dros pa'i khang pa nyi ma nam yang mi 'char ba de nas klung chen po lnga 'bab bo/ / de nas mi la la zhig gang klung chen po lnga po de dag gi thigs pa bgrang na/ kun tu dpa' ba de dag gis thigs pa bgrangs pas mtha' rtogs par nus sam/ gsel ba/ bcom ldan 'das de ni rngo mi thog go// bcom ldan 'das kyis bka' stsal ba/ kun tu dpa' ba de bzhin du zung gi chos kyi rnam grangs kyi dge ba'i rtsa ba yang bskal pa brgya'am bskal pa stong
- 326b
du yang bgrang ba'i tshul gyis mthar rtogs par mi nus so/ / kun tu dpa' ba 'di ji snyam du sems/ gang zung gi chos kyi rnam grangs 'di yud tsam zhig 'chad pa de dka' ba byed pa yin nam/ gsol ba/ bcom ldan 'das dka' ba bgyid pa lags so// bcom ldan 'das kyis bka' stsal pa/ kun tu dpa' ba gang zung gi chos kyi rnam grangs 'di 'chad nus par 'gyur ba de ni bas kyang ches dka' ba byed pa yin no/ / 'di lta ste/ dper na/ mtshe ma dros pa las/ klung chen po lnga 'bab pa klung chen po de dag gi thigs pa ni bgrang ba'i tshul gyis mtha' rtogs par mi nus so// / gsol pa/ bcom ldan 'das klung chen po lnga po de dag gang lags/ bcom ldan 'das kyis bka' stsal pa/ 'di lta ste/ gang gA dang / si ta dang / pag shu dang / ya mun dang / tsan Da b+ha ga dang / klung chen po lnga po de dag ni/ rgya mtsho chen por rab pa ste/ klung chen po re re la 'khor krung lnga brgya lnga brgya yod do// kun du dpa' bkrung chen po lnga po 'di dag kyang 'khor stong stong dang nam mkha' las babs te/ de dag gis skye dgu rnams ngoms par byed do// gsol pa/ 'khor stong stong pa de dag gang lags/ bcom ldan 'das kyis bka' stsal pa/ mdzes ldan zhes bya ba 'khor stong dang / dung can zhes bya ba 'khor stong dang / 'bab pa zhes bya ba 'khor stong dang / sna tshogs sde zhes bya ba 'khor stong dang / chos tshul zhes bya ba 'khor stong ste/ kun tu dpa' bkrung chen de dag ni/
- 327a
'khor stong dang ldan pa yin te/ de dag ni 'dzam bu'i gling du char gyi rgyun 'bab so// kun tu dpa' ba de dag dus dus su char pa'i thigs pa'i rgyun rab tu gtong ste/ des me tog dang / 'bras bu dang / lo tog rnams skye'o// nam 'dzam bu'i gling du char gyi rgyun rab 'bab pa de na/ chu skye bar 'gyur te/ chu skyes pas zhing dang / kun dga'i ra ba thams cad ngoms par byed bde bar byed do/ / kun tu dpa' ba 'di lta ste dper na/ skye dgu'i bdag po ni 'dzam bu'i gling thams cad bde bar byed do// kun tu dpa' ba de bzhin du zugi chos kyi rnam grangs 'di yang / skye bo mang po la phan pa dang / skye bo mang po la bde ba'i phyir 'dzam bu'i gling du bshad do// sum cu rtsa gsum lha rnams kyi tshe'i tshad ji lta ba bzhin du/ mi rnams kyi ni de lta ma yin no// kun tu dpa' ba sum cu rtsa gsum gyi lha rnams gang zhe na/ lha'i dbang po brgya byin gang na gnas pa de dag ni/ sum cu rtsa gsum pa zhes bya'o// kun tu dpa' ba sems can gang dag gang gis legs par spyod pa smra ba yang yod de/ de dag gi bsod nams kyi phung po yang dpe bya bar mi nus so// sems can gang dag gang gis nyes par spyod pa smra ba yang yod de/ de dag gi sems can dmyal ba dang / dud 'gror 'gyur ba yang dpe bya bar mi nus so// sems can gang dag sems can dmyal ba dang / dud 'gro dang / yi dgas kyi sdug bsngal gyi tshor ba myong bar 'gyur ba de dag la skyabs gang yang med de/
- 327b
de na re thag chad nas/ smre sngags 'don cing sems can dmyal bar lhung ba de dag ni/ mi dge ba'i grogs po'i dbang du blta'o// sems glang dgra ngag gis legs par spyod pa smra ba de dag gi bsod nams kyi phung po dpe bya bar mi nus pa de yang / dge ba'i bshes gnyen gyi dbang du blta ste/ nam dge ba'i bshes gnyen mthong ba de na/ de bzhin gshegs pa mthong ba yin no// nam de bzhin gshegs pa mthong ba de na/ sdig pa thams cad byang ba yin no// nam skye dgu'i bdag po 'dzam bu'i gling du spro bar byed pa de na/ 'dzam bu'i gling gi sems can rnams kyi bde ba dpe bya bar mi nus so// kun tu dpa' ba de bzhin du zung gi chos kyi rnam grangs 'di yang 'dzam bu'i gling gi sems can rnams la/ sangs rgyas kyi bya ba byed do// gang dag zung gi chos kyi rnam grangs thos par mi 'gyur ba de dag ni/ bla na med pa yang dag par rdzogs pa'i byang chub mngon par rdzogs par sangs rgyas par mi nus/ chos kyi 'khor lo rab tu bskor mi nus/ chos kyi kaN+DI rdung mi nus/ chos kyi seng ga'i khri la 'dug mi nus mya ngan las 'das pa'i dbyings su 'jug mi nus/ 'od gzer dpag tu med pas snang bar byed mi nus so// kun tu dpa' ba de bzhin du gang dag sung gis chos kyi rnam grangs thos par mi 'gyur ba de dag kyang byang chub kyi snying po la 'dug par mi nus so/ / kun tu dpa' bas gsol ba/ bcom ldan 'das ngo mtshar cung zad cig zhu'o// bde bar gshegs pa ngo mtshar cung zad cig zhu'o//
- 328a
bcom ldan 'das kyis bka' stsal ba/ kun tu dpar ba khyod ci dang ci 'dod pa dris shig dang / ngas khyod kyi dogs pa bsal bar bya'o// gsol pa/ gang gis sems can de dag mtshams med pa lnga las yongs su thar par bgyis na/ phyir mi ldog pa'i sal so sor bkod pa'i drang srong du gyur pa de gang lags/ bkar stsal pa/ sangs rgyas rnams kyi tshig rab ste/ kun tu dpa' ba nga la nyon/ / zung gi mdo sde ston pa ni// drang sros gzugs su bstan pa'o// zung gi sangs rgyas sku dag kyang // snying brtse phyir ni rab tu ston// gang+gA'i bya ma ji snyed pa// de skad kyi ni gzugs kyang ston/ / sangs rgyas kyi ni gzugs ston cing // bdag nyid chos kyang rab tu ston// sangs rgyas lta bar gang 'dod pa// zung ni sangs rgyas mtshungs pa yin// zung ni ga la yod pa na// / sangs rgyas rtag par de na yod// bcom ldan 'das kyis bka' stsal pa// rigs kyi bu nyon cig/ kun tu dpa' ba sngon byung ba 'das pa'i dus bskal pa grangs med pa dgu bcu rtsa dgu// / na/ sangs rgyas bye ba phrag bcu gnyis byung ste/ de bzhin gshegs pa rin chen mchog ces bya ba byung ba de na/ nga smin pa la dpa' bar gyur nas/ ngas sangs rgyas zla ba zhes bya ba bye ba phrag bcu gnyis la bsnyen bkur byas te/ bza' ba dang / bca' ba dang / spos dang / phreng ba dang / byug pa dang / ji ltar bde ba dang / kha zas bzang po dang / bde ba'i yo byad thams cad kyis rim gro byas so// rim/
- 328b
byas nas kyang ngas der bla na med pa yang dag par rdzogs pa'i byang chub tu lung bstan pa thob pa dran no// kun tu dpa' ba ngas de bzhin gshes pa rin po che thams cad snang ba zhes bya ba bye ba phrag bco brgyad byung ste/ de na yang nga sprin pa la dpa' bar gyur nas/ de bzhin gshegs pa snying po'i sde zhes bya ba bye ba phrag bco brgyad la ngas spos dang / phreng ba dang / byug pa dang / rgyan dang / lhab lhub kyis so so ci rigs par bsnyen bkur byas nas/ der yang ngas bla na med pa yang dag par rdzogs pa'i byang chub tu lung bstan pa thob pa dran no// kun tu dpa' ba ngas sangs rgyas bye ba phrag nyi shu dran te/ de bzhin gshegs pa dgra bcom pa yang dag par rdzogs pa'i sangs rgyas gtsug phud 'byung ba zhes bya ba sha stag go/ kun du dpa' ba ngas sangs rgyas bye ba phrag nyi shu dran te/ de bzhin gshegs pa dgra bcom pa yang dag par rdzogs pa'i sangs rgyas 'od srungs zhes bya ba sha stag go/ de nas yang nga smin pa la dpa' bar gyur nas/ ngas de bzhin gshegs pa rnams la spos dang / phreng ba dang / byug las bkur bsti byas nas/ ji ltar de bzhin gshegs pa rnams la tha ma dang ri mor bya ba de lta ro bla ma dang rim gro bya bas/ rim gro byas na/ der yang ngas bla na med pa yang dag par rdzogs pa'i byang chub tu lung bstan pa thob bo/ / kun du dpa' ba sangs rgyas 'od dri ma med pa zhes bya ba bye ba phrag bcu drug byung ste/ de'i tshe de'i dus na/ nga khyim bdag phyug cing nor che la/ longs spyod che ste/ bdog pa thams cad yongs su gtong
- 329a
ba zhig tu gyur nas/ ngas sangs rgyas bye ba phrag bcu drug po de dag la gding ba dang / bgo ba dang / spos dang / phreng ba dang / byug pa dang / dgab pas mchod de/ ji lta bus de bzhin gshegs pa rnams la bla ma dang / rim gror bya ba de lta bus rim gro byas nas/ de nyid du ngas bla na med pa yang dag par rdzogs pa'i byang chub tu lung bstan pa thob pa yang ngas dran te/ lung bstan pa'i dus dang tshod la yang ma bab bo/ / kun tu dpa' ba nyon cig sangs rgyas bye ba phrag dgu bcu rtsa lnga 'jig rten du byung ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba sha stag ste/ nga ni de'i tshe de'i dus na/ rgyal po chos can chos kyi rgyal po zhig tu gyur nas/ ngas de bzhin gshegs pa shAkya thub pa zhes bya ba bye ba phrag dgu bcu rtsa lnga po de dag la spos dang / phreng ba dang / byug pa dang / gding ba dang / bgo ba dang / gdugs dang / rgyal mtshan dang / ba dan gyis bsnyen bkur byas nas/ de nyid ngas tha/ named pa yang dag par rdzogs pa'i byang chub tu lung bstan pa thob pa ngas dran no// kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig ces bya ba bye ba phrag dgu bcu 'jig rten du byung ste/ nga de'i tshe de'i dus na/ bram ze gzhon nu phyug cing nor mngal longs spyod che ste/ bdog pa thams cad yongs su gtong ba zhig tu gyur nas/ de bzhin gshegs
- 329b
pa de dag thams cad la spos dang / phreng ba dang / byug pa dang / gding ba dang / bgo ba dag gis bsnyen bkur byas te/ de bzhin gshegs pa rnams la so so ci rigs pa rim gro byas nas/ ngas de/ nyid du bla na med pa yang dag par rdzogs pa'i byang chub tu lung bstan pa thob pa yang ngas dran te/ nga lung bstan pa'i dus dang tshod la yang ma bab bo// kun tu dpa' ba sangs rgyas bye ba phrag bco brgyad 'jig rten du byung ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas gser thub ces bya ba sha stag ste/ nga de'i tshe de'i dus na/ sbyin pa la dpa' bar gyur te/ ngas de bzhin gshegs pa dgra bcom pa yang dag par rdzogs pa'i sangs rgyas rnams la spos dang / phreng ba dang / byug pa dang / gding ba dang / bgo ba dang / rgyan rnams kyis bsnyen bkur byas te/ de bzhin gshegs pa la rim gror bya ba de lta bus rim gror byas nas/ ngas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran te/ nga lung bstan pa'i dus dang tshod la yang ma bab bo/ / kun tu dpa' ba sangs rgyas bye ba phrag bcu gsum 'jig rten du rgyu ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas snang ba'i dpal zhes bya ba sha stag ste/ ngas de bzhin gshegs pa dgra bcom pa yang dag par rdzogs pa'i sangs rgyas de dag la gding ba dang / bgo ba dang / phreng ba dang / byug pa dang / dgab pa dang /
- 330a
rgyan rnams kyis bsnyen bkur byas te/ ji ltar de bzhin gshegs pa rnams la bla ma dang / rim gror bya ba de lta bu'i bla ma dang rim gror bya bas rim gror byas pa dang / de bzhin gshegs pa de dag gis kyang don dang 'dul ba rnam par nges pa'i chos kyi sgo sna tshogs bshad nas/ ngas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran de/ den yang lung bstan pa'i dus la mkhab bo// kun du dpa' ba de bzhin gshegs pa dgra bcom pa yang dag par rdzogs pa'i sangs rgyas kar rgyal zhes bya ba bye ba phrag nyi shu rtsa lnga 'jig rtem byung ste/ nga de'i tshe de'i dus na/ rab tu byung nas/ de bzhin gshegs pa rnams la bsnyen bkur byas te/ da ltar nga la kun dga' bo rim gro byed pa ji ltar de bzhin du ngas kyang de bzhin gshegs pa/ rnams la rim gro byas nas/ ngas der bla na med pa yang dag par rdzogs pa'i byang chub tu lung bstan pa thob pa yang ngas dran te/ de na yang lung bstan pa'i dus ma bab bo// kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas rnam par gzigs shes bya ba bye ba phrag bcu gnyis 'jig rten du byung ste/ ngas de bzhin gshegs pa de dag la gding ba dang / bgo ba dang / spos dang / phreng ba dang / byug pas bsnyen bkur byas nas/ ji lta bus de bzhin gshegs pa rnams la rim gro bya ba de lta bus/ ngas rim gror byas te nga de'i tshe de'i dus na/ rab tu byung bar gyur nas de nyid du
- 330b
bla na med pa yang dag par rdzogs pa'i byang chub tu lung bstan pa thob pa yang ngas dran te/ ring po ma lon par rnam par gzigs tha ma gang byung ba des srung gi chos kyi rnam grangs 'di bshad pa dang / ngas de shes nas de'i tshe 'dzam bu'i gling du rin po che sna bdun gyi char rab tu phab ste/ de na 'dzam bu'i gling gis sems can de dag dbul ba med par gyur nas/ ngas de nyid du bla na med pa yang dag par rdzogs pa'i byang chub tu lung bstan pa thob par gyur te/ de nas yun ring mo zhig lon gyi bar du yang nga lung ma bstan to// gsol pa/ dus de gang lags/ tshod de gang lags/ bcom ldan 'das kyis bka' stsal pa/ kun tu dpa' ba nyon cig/ de nas bskal pa grangs med pa zhig na gdod de bzhin gshegs pa dgra bcom pa yang dag par rdzogs pa'i sangs rgyas mar me mdzad 'jig rten du byung ste/ nga de'i tshe de'i dus na/ bram ze'i khye'u sprin ces bya bar gyur to/ / de bzhin gshegs pa mar me mdzad 'jig rten du byung ba de na/ nga yang bram ze'i khye'u'i gzugs kyis tshangs par spyod pa spyad de/ de nas de bzhin gshegs pa mar me mdzad mthong nas/ me tog ut+pal bdun gyis gtor te/ bla na med pa yang dag par rdzogs pa'i byang chub tu bsngos pa dang / de bzhin gshegs pa des/ nga la bram ze'i khye'u khyod ma 'ongs pa'i dus bskal bgrangs med pa na/ 'jig rten du de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to// kun tu dpa' bde nas nga shing rta/
- 331a
la bcu gnyis srid kyi steng gi nam mkha'i bar snang la 'dug nas/ mi skye ba'i chos la bzod pa thob ste/ gang ngas bskal pa grangs med pa rnams su tshangs par spyod pa spyad pa dang / gang pha rol tu phyin pa dang ldan pa'i dge ba'i rtsa ba de thams cad khar rtsang dang di ring tsam du mngon sum du dran nas/ kun tu dpa' bde na yang ngas/ sems can bye ba khrag khrig brgya stong grangs med pa dag dge ba'i chos rnams so sor bkod par gyur na/ kun tu dpa' bang da ltar bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can thams cad la phan par 'dod pa lta ci smos te/ kun tu dpa' ba ngas sems can rnams la chos rnam pa mang po bstan to// ji lta bu'i gzugs kyis 'dul ba de lta bu'i gsugs kyis sems can rnam 'chos bstan te/ lha'i 'jig rten du ni lha'i gzugs kyis chos bstan to/ / klu'i gnas su ni klu'i gzugs kyi chos bstan to// gnod sbyin gyi gnas su ni gnod sbyin gyi gzugs kyis chos bstan to// yi dgas kyis gnas su ni yi dgas kyi gzugs kyi chos bstan to/ / mi'i 'jig rten du ni mi'i gzugs kyis chos bstan to// sangs rgyas kyis 'dul ba'i sems can rnams la ni/ sangs rgyas kyi gzugs kyis chos bstan to// byang chub sems dpas 'dul ba'i sems can rnams la ni/ byang chub sems dpa'i gzugs kyis chos bstan to// de gang dang gang gis sems can rnams 'dul bar 'gyur ba de dang de'i gzugs kyis ngas sems can rnams
- 331b
la chos bstan to/ / kun tu dpa' ba de ltar sems can rnams la rnam pa mang pos chos bstan to// de ci'i phyir zhe na/ kun tu dpa' ba sems can rnams ji ltar chos rnam pa mang po thos pa de ltar sems can snying po de dag dge ba'i rtsa ba rnam pa mang po dag byed par 'gyur te/ sbyin pa rnams sbyin par 'gyur/ bsod nams dag byed par 'gyur/ bdag gi don mi nyam pa yang byed par 'gyur/ 'chi ba rjes su dran pa yang sgom par 'gyur te/ de dag de lta bu'i dge ba'i las mngon par 'du bya ba rnams byed par 'gyur ro// de dag chos thos pa'i rgyus sngon gyi dge ba'i rtsa ba de dran par 'gyur te/ de lha dang mi dag gi yun ring po'i don dang phan pa dang bde bar 'gyur ro/ / kun tu dpa' ba de ltar na/ zung gi chos kyi rnam grangs thos ma thag tu yon tan dang / phan yon de ltar dpag tu med par 'gyur ro// de nas sems can de dag gcig la gcig 'di skad 'dzer to/ / gang byas shing bsags pas/ bla na med pa yang dag par rdzogs pa'i byang chub mngon par rdzogs par 'tshang rgya zhing / sems can thams cad la phan par 'dod pa'i dge ba'i chos kyi 'bras bu rnam par smin pa gzhan 'ga' zhig kyang yod pa lta/ de dag gis smras pa/ gang dag chos la yid ches nas/ 'di skad ces yang dag pa ji lta ba bzhin gyis chos yod do zhes zer ba de dag gi bde ba'i rnam par smin pa 'bras bu chen pos ni chos kyi bde ba bla na med par 'gyur ro/ / sems can gti mug thun po gang dag 'di skad ces chos rnams kyang med do// chos
- 332a
rnams kyi pha rol tu 'gro ba yang med do zhes zer ba de dag gi rnam par smin pa'i 'bras bu chen po de ni ngan song rnams su 'gro bar 'gyur ro/ / de dag ni phyi phyir zhing ngan song gi sa la gzhol bar 'gyur ro/ / bskal pa brgyad kyi bar sems can dmyal ba'i sdug bsngal gyi tshor ba myong bar 'gyur ro// bskal pa bcu gnyis kyi bar du yi dgas kyi yul rnams su sdug bsngal gyi tsher ba myong bar 'gyur ro/ / bskal pa bcu drug gi bar du lha ma yin rnams kyi nang du skye bar 'gyur ro// bskal pa dgu stong gi bar du 'byung po dang / sha za rnams kyi nang du skye bar 'gyur ro// bskal pa khri bzhi stong gi bar du lho med par 'gyur ro/ / bskal pa khri drug stong gi bar du ma'i mngal du 'chi ba'i dus byed par 'gyur ro// bskal pa khri nyis stong gi bar du sha ril ril por 'gyur ro// bskal pa khri chig stong gi bar du dmus long du skye zhing sdug bsngal gyi tsher ba myong bar 'gyur te/ de na pa ma dag 'di snyam du sems par 'gyur ro// bdag cag ni don med par sdug bsngal myong ngo // bdag cag gi bu skyes pa ni don med do// zla ba dgu'i bar du don med par mngal du btsas so// grang ba dang dro ba'i tshor ba yang myong ngo // bkres pa dang skom pa'i sdug bsngal yang rab tu myong ngo // tshe 'di la yang sdug bsngal mang po myong ngo // pha mas khyim na bu skyes pa mthong na yang / grong pa med cing pha ma rab tu re thag chad par 'gyur ro// kun tu dpa' ba de bzhin du/ dam pa'i chos spong ba'i sems can rnams ni sems can dmyal ba
- 332b
dang / dud 'gror gzhol ba yin te/ de dag 'chi ba'i dus kyi tshe mya ngan gyi zug rngu chen pos zug par 'gyur ro// kun tu dpa' ba gang dag tshig 'di skad ces chos rnams yod do// chos rnams kyi pha rol tu 'gro ba yod do/ / zhes zer ba de dag ni dge ba'i rtsa ba des bskal pa nyi shu'i bar du byang gi sgra mi snyan du skye bar 'gyur ro// bskal pa nyi shu rtsa lnga'i bar du sum cu rtsa gsum gyi lha rnams dang skal ba mnyam par skye bar 'gyur ro/ / sum cu rtsa gsum nas shi 'phos nas/ byang gi sgra mi snyan du skye bar 'gyur ro// ma'i mngal du skye bar mi 'gyur ro// 'jig rten gyi khams brgya stong dag kyang mthong bar 'gyur te/ thams cad kyang bde ba can zhes bya ba sha stag go// sangs rgyas kyi zhing thams cad kyang mthong ngo // mthong nas kyang de nyid du gnas te/ de nyid du byang chub mngon par rdzogs par 'tshang rgya bar 'gyur ro/ / kun tu dpa' ba de ltar na zung gi chos kyi rnam grangs 'di ni mthu che ba'o// gang dag 'di la sems dang ba de dag nam du yang yang ba ma spangs par 'chi ba'i dus byed par mi 'gyur ro/ / de dag tshul khrims yongs su dag pa dang ldan par 'gyur ro// kun tu dpa' ba la la dag de bzhin gshegs pas nyin mtshan du sems can mang po zhig yongs su thar bar byas kyang da dung du sems can gyi khams zad par ma gyur te/ mang po zhig ni byang chub tu smon lam 'debs/ mang po zhig ni mtho roris 'jig rten du skyes/ mang po zhig ni mya ngan las 'das pa thob par byed na/ rgyug
- 333a
gis sems can rnams zad par ma gyur ces 'dzer ba'i sems can dag yod do/ / gzhan mu stegs can spyod pa pa dang / kun tu rgyu dang / gcer bu pa de dag 'di snyam du sems te/ bdag cag dge sbyong go'u ta ma dang 'gyed du 'deng ngo snyam mo// de nas bram ze dang gzhan mu stegs can spyod pa po dang / kun tu rgyu brgyad khri bzhi stong dang / gcer bu pa brgya phrag du ma zhig rgyal po'i khab ga la ba der dong ngo / / yang de'i tshe de'i dus na/ bcom ldan 'das 'dzum pa mdzad do// de nas byang chub sems dpa' sems dpa' chen po byams bstan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// bcom ldan 'das rgyu ma mchis rkyen ma mchis par ni/ de bzhin gshegs pa dgra bcom pa yang dag par rdzogs pa'i sangs rgyas rnams 'dzum pa mi mdzad na 'dzum pa mdzad pa'i rgyu gang lags/ rkyen gang lags/ bcom ldan 'das kyis ba ka stsal pa/ rigs kyi bu nyon cig/ deng rgyal po'i khab 'dir dus pa chen po 'byung bar 'gyur ro// bcom ldan 'das 'dir lha 'am/ klu'ilaM gnod sbyin nam/ mi 'am/ mi ma lags pa'am/ su dag mchi bar 'gyur/ bcom ldan 'das kyis bka' stsal pa/ byams pa deng 'dir lha dang / klu dang / gnod sbyin dang / mi dang mi ma yin pa de dag thams cad 'ong bar 'gyute/
- 333b
bram ze brgyad khri bzhi stong yang 'dir 'ong bar 'gyur ro// mu stegs can spyod pa pa dang / kun tu rgyu dang / gcer bu pa bye ba phrag dgu stong 'ong bar 'gyur te/ de dag dang nga 'gyed par 'gyur ro// de dag thams cad kyi 'gyed pa zhi bar bya ba'i phyir chos ston par bya ste/ bram ze de dag thams cad bla na med pa yang dag par rdzogs pa'i byang chub tu sems bskyed par 'gyur ro// mu stegs can spyod pa pa dang / kun tu rgyu dang / gcer bu pa bye ba stong phrag dgu po de dag thams cad ni rgyun tu zhugs pa'i 'bras bu thob par 'gyur ro// klu'i rgyal po bye ba stong phrag bco brgyad 'ong bar 'gyur te/ de dag nga las chos thos par 'gyur ro/ / thos nas kyang de dag thams cad bla na med pa yang dag par rdzogs pa'i byang chub tu sems skyed par 'gyur ro// gnas gtsang ma'i ris kyi lha'i bu bye ba stong phrag drug cu 'ong bar 'gyur ro/ / bdud sdig can g.yog dang bcas pa bye ba stong phrag sum cu 'ong bar 'gyur ro// lha ma yin gyi rgyal po bye ba stong phrag bcu gnyis 'ong bar 'gyur ro// rgyal po lnga brgya tsam yang 'khor dang bcas nas chos nyan tu 'ong bar 'gyur te/ de dag thams cad nga las chos thos nas/ bla na med pa yang dag par rdzogs pa'i byang chub tu sems skyed par 'gyur ro// de nas byang chub sems dpa' sems dpa' chen po byams pas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas de nyid du mi snang bar 'gyur
- 334a
to/ / de nas byang chub sems dpa' sems dpa' chen po kun tu dpar bstan las langs nas/ bla gos phrag pa gcig tu gzar te/ pus mo g.yas pa'i lhungs/ la btsugs nas/ bcom ldan 'das ga la ba de logs su thal mo sbar ba btud te/ bcom ldan 'das la 'di skad ces gsol to// bcom ldan 'das rgyal po lnga brgya tsam po de dag gis ming ci zhes bgyi/ bcom ldan 'das kyis bka' stsal pa/ kun tu dpa' ba nyon cig/ rgyal po dga' bo zhes bya ba dang / rgyal po nya dga' zhes bya ba dang / rgyal po rgyal ba'i khyu mchog ces bya ba dang / rgyal po tshangs pa'i sde zhes bya ba dang / rgyal po tshangs pa'i dbyangs shes bya ba dang / rgyal po blta na mdzes shes bya ba dang / rgyal po mdza' ba'i sde zhes bya ba dang / rgyal po dga' ba'i sde zhes bya ba dang / rgyal po gzugs can snying po zhes bya ba dang / rgyal po gsal rgyal zhes bya ba dang / rgyal po 'phags skyes po zhes bya ba dang / de dag la sogs pa rgyal po lnga brgya tsam dang / rgyal po re re zhing yang g.yog bye ba brgya stong yod de/ rgyal po 'phags skyes po ma gtogs par/ de dag thams cad bla na med pa yang dag par rdzogs pa'i byang chub tu yang dag par zhugs pa sha stag go// shar phyogs nas byang chub sems dpa' bye ba stong phrag sum cu 'ong ngo // lho phyogs nas byang chub sems dpar bye ba stong phrag lnga bcu 'ong ngo // nub phyogs nas byang chub sems dpar bya ba stong phrag drug
- 334b
cu 'ong ngo / / byang phyogs nas byang chub sems dpa' bye ba stong phrag brgyad cu 'ong ngo // 'og gi phyogs nas byang chub sems dpa' bye ba stong phrag dgu bcu 'ong ngo // steng gi phyogs nas byang chub sems dpa' bye ba stong phrag brgya 'ong ste/ thams cad kyang sa bcu la rab tu gnas pa sha stag go/ de nas byang chub sems dpa' de dag thams cad/ bcom ldan 'das la blto phyir/ rgyal po'i khab pa la ba dang / bcom ldan 'das ga la ba der dong ngo // byang chub sems dpa' de dag thams cad kyang / bla na med pa yang dag par rdzogs pa'i byang chub tu yang dag par zhugs pa sha stag go// de nas bcom ldan 'das kyis/ byang chub sems dpa' sems dpa'i chen po kun tu dpa' ba la bka' stsal pa/ kun tu dpa' ba khyod phyogs bcu'i 'jig rten gyi khams rnams su song ste/ byang chub sems dpa' thams cad la/ deng de bzhin gshegs pa rgyal po'i khab kyi grong khyer chen por chos ston gyis/ phyogs bcu'i 'jig rten na gnas pa khyed thams cad thal mo sbyar te/ thung cig/ ces de skad smos la/ go bar byas ma thag tu yud tsam gyis chos nyan du slar shog cig/ de nas byang chub sems dpa' sems dpa' chen po kun du dpar bston las langs te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum pa byis te/ rdzu 'phrul gyi stobs kyis mi snang bar gyur to// de nas byang chub sems dpa'
- 335a
sems dpa' chen po kun tu dpa' ba phyogs bcu'i 'jig rten gyi khams rnams su song nas/ byang chub sems dpa' rnams la deng de bzhin gshegs pa rgyal po'i khab kyi grong khyer chen por chos ston gyis/ de la khyed cag gis legs so bya ba gsol cig dang / de'i phyir khyed deng nyid du phan pa dang / bde ba chen po thob par 'gyur ro zhes sgo'o// de nas byang chub sems dpar sems dpa' chen po kun tu dpa' ba phyogs bcu'i 'jig rten khyams rnams su song nas/ sangs rgyas thams cad la bsnyen bkur byas shing / byang chub sems dpa' rnams la sbron pa ni 'di lta ste/ dper na/ skyes bu stobs dang ldan pas se gol gtogs pa tsam gyis/ byang chub sems dpa' sems dpa' chen po kun tu dpa' ba/ rgyal po'i khab kyi grong khyed chen po ga la ba dang / bcom ldan 'das ga la ba der 'ong nas/ bcom ldan 'das kyis sman sngar 'dug/ de nas bram ze rnams dang / gzhan mu stegs can spyod pa pa dang / kun tu rgyu dang / gcer pu pa rnams kyang 'dus/ lha dang / klu dang / gnod sbyin dang / mi mang po zhig dang / rgyal po g.yog dang bcas pa lnga brgya tsam yang 'dus/ bdud sdig can g.yog dang btsos pa bye ba stong phrag sum cu rtsa gsum yang 'dus so// yang de'i tshe rgyal po'i khab kyi grong khyer chen po rab tu g.yos so/ / de nas phyogs bcu'i 'jig rten gyi khams rnams su lha'i tsan dan gyi phye ma'i char rab tu bab/ lha'i me tog gi char kyang rab tu bab nas/ de bcom ldan 'das kyi dbu'i spyi gtsug gi mtshams su
- 335b
khang pa brtsegs par kun tu gnas so/ / yang de'i tshe de bzhin gshegs pa'i spyan sngar/ brgya byin gyis rdo rje gsor ba dang / de nas de'i tshe phyogs bzhi nas/ rlung gi rgyal po bzhi 'khrugs te langs nas/ gang rgyal po'i khab kyi grong khyer chen po'i nyal nyil dang / phyag dar dang bye ma de rnams grong khyer gyi phyir rol tu bor nas/ phyogs bcu'i 'jig rten gyi khams rnams su spos chu'i char rab tu phab/ phyogs bcu'i 'jig rten gyi khams rnams su me tog gi ut+pal dang / pad+ma dang / ku mu dA dang / pad+ma dkar po'i char kyang rab tu phab nas/ me tog de dag thams cad kyang sems can de dag gi spyi gtsug gi steng du me tog gi gdugs su gnas so/ / de bzhin gshegs pa'i dbu'i spri gtsug gi steng gi bar snang la khang pa brtsegs pa brgyad khri bzhi stong kun tu gnas te/ khang pa brtsegs pa brgyad/ bri bzhi stong po rnams kyi nang nas/ rin po che sna bdun gyi khri brgyad khri bzhi stong byung ste/ khri de dag thams cad la de bzhin gshegs pa bzhugs nas chos ston to// de nas stong gsum gyi stong chen po'i 'jig rten gyi khams 'di rnam pa drug tu rab tu g.yos so/ / de nas byang chub sems dpa' sems dpa' chen po kun tu dpa' ba/ bcom ldan 'das ga la bde logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das rgyal po'i khab kyi grong khyer chen po 'dir cho 'phrul 'di lta bu gda' ba'i rgyu gang lags/ rkyen gang lags/ bcom ldan 'das kyis
- 336a
bkar stsal pa/ 'di lta ste/ dper na/ mi tsa ma can god de ba/ bdag tu 'dzin pa dang / bdag gir 'dzin pa la gnas pa/ dbul por gyur pa la la zhig yod la/ de'i mgo la rgyal pos byugs pa dang / de rgyal po'i sgo'i bar du song ste phyin nas/ nan gyis rgyal po'i pho brang gi nang du 'gro bar 'dod pa dang / de nas rgyal po'i blon po dang 'khor gyis de bzung ste/ rnam pa mang pos brdegs pa dang / de nas de'i tshe de'i dus na/ mi dbul po de nan gyis nang du 'gro 'dod do zhes rgyal pos thos nas/ de 'di snyam du sems te gdon mi za bar nga la gsod 'dod pa zhig yin no snyam nas/ rgyal po khros te 'khor rnams la 'di skad ces/ khyed deng la mi de ri khrod du khrid de song cig/ g.yog dang pha ma dang bu dang / bran po dang bran mo dang / las byed pa thams cad kyang sod cig ces bsgo ba dang / de nas de dag thams cad bsad nas/ de'i gnyen bshes thams cad mya ngan gyi zug rngu mi zad pas zug par gyur pa de bzhin du/ de na de bzhin gshegs pa dgra bcom pa yang dag par rdzogs pa'i sangs rgyas kyis chos bshad pa dang / de na mi nga rgyal can ji lta ba de bzhin du/ byis pa so so'i skye bo rnams de bzhin gshegs pa la gzugs dang / kha dog/ dang mtshan dang dbyibs dang / mtshan mar bzung ste/ de bzhin gshegs pa'i lus yin pa snyam du shes shing / de na de dag chos mang po thos nas lhag pa'i nga rgyal du lhung ste/ bkyal pa sna tshogs smra ba
- 336b
dang bdag tu 'dzin pa dang / bdag gir 'dzin pa'i zil gyi gnon nas/ bdag nyid 'di lta bu'i chos mi nyan mi 'chad de/ gang la la zhig mdo 'am tshigs su bcad pa 'am/ tha nad pe tsam zhig de dag la ba na yang / nga bdag gis shes so zhes de dag mi 'dzin cing rna bas mi nyan to// de ci'i phyir zhe na/ 'di ltar nga rgyal can du gyur pa'i phyir te/ de dag ni mang du thos pas bag med pa'o// gang byis pa so so'i skye bo rnams dang 'grogs pa de dag ni 'di lta bu'i chos dang ldan pa byed par mi 'gyur de dag ni 'di lta bu'i chos dang ldan pa'i tshig thos par mi 'gyur gyi/ de dag mang du thos pa des rgyags par 'gyur to/ mi de lta bu de dag ni rang gis rang bzor byas pa 'jog par byed/ rang gi gzhung gi gleng gzhi yang 'jog par byed do// de dag ni bdag dang 'jig rten thams cad la slu zhing don med par byed// yul 'khor gyi bsod snyoms mang po za ste/ zos nas kyang legs par 'ju bar mi 'gyur ro// de dag 'chi ba'i dus kyi tshe 'jigs pa chen po 'byung bar 'gyur te/ sems can de dag gis de la smras pa/ khyod kyis ni nga la bzo'i gnas mang du bslabs na/ ji ltar khyod bdag 'jog par mi nus/ des de dag la 'di skad ces smras so// grogs po dag nga ni da ltar bdag 'jog par mi nus so/ / de na sems can de dag smre sngags rnam pa sna tshogs 'don par 'gyur te/ ji ltar gzhan gyis ma lan gyi rang gi las kyi rkyen gyis/ gang zag de gcig pu'i phyir gnyen gyi tshogs mang
- 337a
po bsad par gyur pa de bzhin du/ sems can de dag kyangabar chi ba'i dus kyi tshe/ skyes sngags 'don cing mi dge ba'i grogs pa'i phyir/ bdag cag sems can du myal 'am dud 'gro'i skye gnas su gzhol bar mthong ngo / / de bzhin du khyed rnams la bram ze dang / gzhan mu stegs can rnams kyis smras pa/ khyed kyang rgyags par ma gyur cig/ 'di lta ste dper na// bya mdab shog ma rdzogs par lha'i 'jig rten du 'gro ba'i phyir/ nam mkha' la 'phur mi nus pa de bzhin du/ khyed rnams kyang mya ngan las 'das pa 'thob par mi nus te/ khyed cag la de lta bu'i rdzu 'phrul med do/ / de ci'i phyir zhe na/ las kyi rnam pas bya gag gi skye gnas su skyes nas/ lus 'di ring po mi thogs par lus 'jig cing mthar 'chi bar 'gyur te/ 'chi ba'i dus kyi tshe/ de dag ro bro ba med nas// bdag cag gis lus 'di ci zhig gi phyir bzung / bdag cag gis gang lha'i 'jig rten gyi bde ba dang / mi'i 'jig rten gyi bde ba yang ma myong la/ mya ngan las 'das pa'i gnas la gnas par ma gyur te/ bdag cag gi lus 'di ni don med par bzung na/ bdag cag gis gro ba ni gang yin/ bdag cag gi rten du ni su zhig 'gyur/ gang du skye zhing du 'jig par 'gyur zhig go snyam nas/ yongs su skrag par 'gyur ro/ / de nas bcom ldan 'das kyis gzhan mu stegs can spyod pa pa dang kun tu dang / gcer pu pa de dag la bka' stsal pa/ khyed cag rin po che'i 'dzam bu'i gling 'dir yid chad par ma byed
- 337b
cig/ khyed chos dkon mchog las phyir rol tu ma gyur cig/ kye grogs po dag khyed de bzhin gshegs pa la ci dang ci 'dod pa dris shig dang / ngas khyed kyi bsam pa thams cad yongs su rdzogs par bya'o/ / de nas bram ze dang / gzhan mu stegs can spyod pa pa dang / kun tu rgyu dang / gcer pu pa de dag thams cad stan las langs nas/ gos phrag pa gcig tu bgos te/ thal mo sbyar nas/ bcom ldan 'das la zhus pa/ bcom ldan 'das de bzhin gshegs pas gdugs mtshan du sems can rnams 'khor ba las yongs su bkrol yang sems can gyi khams la bri ba 'am/ gang bar yang mi gda' na/ bcom ldan 'das rgyu gang dang / rkyen gang gis sems can de dag skye ba dang 'gog pa mnyam par ston// de nas bcom ldan 'das kyis/ byang chub sems dpar sems dpa' chen po sman gyi sde la bka' stsal pa/ mu stegs 'di dag 'gyod pa chen po bsal ba dang / chos kyi sgron ma chen po 'bar bar bya ba'i phyir/ go cha chen po bgos nas/ 'dri ba'i gleng gzhi chen po 'dri ste/ phyi ma'i dus na/ sems can gzhon nu dang rgan po rnams skye ba dang 'jig pa shes par 'gyur ro// sman gyi sde sems can rgan po dag kyang gzhon nu bzhin du ci yang mi shes pa yang yod sman gyi sde 'di lta ste dper na/ skyes bu la la zhig skra bkrus nas gos sar pa bgos te/ de khyim gyi phyi rol du byung ba de la sems can rnams kyis khyed gos sar pa legs par bgos so zhes
- 338a
smras pa dang / sems can gzhan zhig kyang mgo bkrus nas gos snying pa yang bkrus te bgos pa dang / de zegs nas mi de sku bkrus kyang mdzes par gyur la/ de'i gos kyang mdzes par ma gyur pa de bzhin du sman gyi sde 'dzam bu'i gling na sems can rgan po yod pa dag ni mdzes pa ma yin te/ sems can gzhin nu dag ni skye ba dang 'gag pa ston to// de nas bram ze dang / gzhan mu stegs can spyod pa pa dang / kun tu rgyu de dag thams cad stan las langs nas/ bcom ldan 'das la 'di skad ces gsol to// bcom ldan 'das bdag cag gi nang na gzhon nu ni gang lags rgan po ni gang lags/ / bcom ldan 'das kyis bka' stsal pa/ khyed cag ni yang dang yang sems can dmyal ba dang / drud 'gro dang / yi dgas rnams su tshor ba mthong yang / khyed da dung du ngoms mi myong bas khyed cag ni rgan po'o/ / de nas bcom ldan 'das la bram ze de dag thams cad dang / klu'i rgyal po thams cad kyis 'di skad ces gsol to// bcom ldan 'das slan chad 'khor bar sdug bsngal gyi tsher ba myong ba la mi spro'o/ / ka gzhan mu stegs can spyod pa pa dang / kun tu rgyu dang / gcer bu pa rnams kyis 'di skad ces smras so// sems can gzhon nu rnams las kyang gang chos nyid me ngon sum du byed/ nus pa med do// de skad ces smras pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das ci'i slad du/ sems can rnams
- 338b
mos pa dka' ba la gzigs su gsol/ bcom ldan 'das kyis bka' stsal pa/ sman gyi sde nyon cig dang / de bzhin gshegs pas 'jig rten thams cad mngon sum du mdzad do// de nas sems can gzhon nu bye ba stong phrag dgu bcu rtsa bzhi de bzhin gshegs pa'i sman sngar 'dug ste/ de bzhin gshegs pa la phyag 'tshal/ tshig kyang mi smra'o// de nas bcom ldan 'das la/ byang chub sems dpa' sems dpa' chen po sman gyis sngas 'di skad ces gsol to/ / bcom ldan 'das sems can 'di dag bcom ldan 'das la mi smra kun tu mi smra zhing / phyag kyang mi 'tshal lo// bcom ldan 'das la zhu ba yang mi bgyid pa'i rgyu gang lags/ rkyen gang lags bcom ldan 'das kyis bka' stsal pa/ sman gyi sde nyon cig/ sems can gzhon nu rnams kyis chos nyid mngon sum du byed mi nus so zhes sems can gang de skad zer ba la/ sman gyi sde 'di dag ni khyed kyis sems can gzhon nu yin par blta'o// sems can de dag gis 'di skad ces gsol to// btsun pa/ bcom ldan 'das bdag cag ni sems can gzhon nu lags so// btsun pa bde bar gshegs pa bdag cag ni sems can gzhon nu lags so// bcom ldan 'das kyis bka' stsal pa/ kye sems can 'di dag ni 'jig rten mngon sum du byed pa yin gyis/ nga rang gi lus las 'jig rten gyi tshad ston cig/ de'i tshe de'i dus na sems can gzhon nu bye ba stong phrag dgu bcu rtsa bzhi lus dang ma
- 339a
bral bar steng gi nam mkhar la gnas te/ sa bcur tu thob par gyur to// de nas bcom ldan 'das la byang chub sems dpa' sems dpar rjen po sman gyi sa 'di skad ces gsol to/ / gang dag 'khor ba yongs su zad par bgyi ba dang / yongs su byang bar bgyi ba'i slad du brtson 'grus brtsom pa'i sems can de lta bu ni rnyed pa legs par rnyed de/ bcom ldan 'das sems can 'di dag ni dang nyid skyes la/ bcom ldan 'das sems can 'di dag ni deng nyid yongs su grol te/ thams cad kyang sa bcu rab tu thob par mthong ngo // de nas bram ze dang / gzhan mu stegs can spong ba pa dang / kun tu rgyu dang / gcer bu pa dang / rgyal po dang / bdud sdig can 'khor dang bcas pa thams cad lhags nas g.yog bya ba'i phyir/ bcom ldan 'das la 'di skad ces gsol to/ / bcom ldan 'das bdag cag 'dir de bzhin gshegs pa'i gan du mchis te/ chos kyi rnam grangs 'di thos nas/ bdag cag gis sangs rgyas kyi bde ba 'di lta bu thob par gyur cig/ 'jig rten du de bzhin gshegs pa dgra bcom pa yang dag par rdzogs pa'i sangs rgyas 'di lta bur gyur cig/ bcom ldan 'das kyis bka' stsal pa/ bzhin bzang dag de de bzhin te/ ji ltar khyod de bzhin gshegs pa'i gan du lhags pa rnams kyis zung gi mdo'i chos kyi rnam grangs 'di thos pas/ bla na med pa yang dag par rdzogs pa'i byang chub tu sems bskyed do// de na khyed thams cad
- 339b
ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / bcom ldan 'das kyis tshig 'di gsungs ma thag tu/ de nas gzhan mu stegs can de dag thams cad mi skye ba'i chos la bzod pa thob par gyur te/ thams cad kyang sa bcu la rab tu gnas pa'i byang chub sems dpar gyur nas/ byang chub sems dpa' de dag thams cad steng gi nam mkha' bar snang la shing ta la bdun srid du mngon par 'phags nas/ rin po che sna bdun gyi khang pa brtsegs pa dag de bzhin gshegs pa la 'bul zhing / thams cad kyang rnam par 'phrul bsna tshogs byin gyi rlob ste/ rdzu 'phrul mngon par 'du bya ba mngon par 'du byed do// de nas bcom ldan 'das kyis dbu'i spri gtsug gi stang logs gnas te/ bcom ldan 'das la me tog sil ma sna tshogs 'thor zhing / de bzhin gshegs pa thams cad kyang yid la byed do// rang gi lus la yang sangs rgyas su 'du shes skyod do// lha'i bu bye ba brgya stong phrag du ma yang de bzhin gshegs pa la mngon pa/ 'thor zhing tshig 'di skad du/ dge sbyong go'u ta ma ni rnyed pa chen po'o// zhing chen po'o// 'jig rten gyi mgon no// ting nge 'dzin gyi stobs bskyed pa brnyes pa'o// mkhas pa mkhas pa rtsol ba lags te/ gang sems can 'di lta bu dag thabs mkhas pas mthar gyis 'khor ba las yongs su thar par mdzad de/ legs par gsungs pa gcig tsam gyis kyang sems can de skad cig 'khor ba las yongs
- 340a
su grol lo zhes smras so/ / de nas byang chub sems dpa' sems dpa' chen po sman gyi snga stan las langs nas/ bla gos phrag pa gcig tu gzar te/ pus mo g.yas pa'i lha ngas la gtsugs nas bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// bcom ldan 'das rgyu gang dang rkyen gang gis rigs kyi bu de dag tshig 'di skad 'byin cing rdzu 'phrul mngon par 'du bgyid de/ de bzhin gshegs pa'i sngags pa mang po mngon par 'du bgyid/ bcom ldan 'das kyis bka' stsal pa/ rig kyi bu nyon cig/ de dag ni nga la bstod pa ma yin gyi/ rang gi lus la bstod cing / rang gi lus chos kyi stan dam pa la 'jog par 'gyur/ rang gi lus las chos kyi 'od gzer 'byin par 'gyur/ bla na med pa yang dag par rdzogs pa'i byang chub mngon par rdzogs par sangs rgyas par bya ba'i phyir/ sangs rgyas thams cad kyis kyang yongs su bzung bar 'gyur ro// mngon par rdzogs par sangs rgyas nas kyang chos stan par 'gyur ro/ / de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to// / bam po gsum pa/ bcom ldan 'das bde bar gshegs pa gdugs mtshan du sems can mang po zhig yongs su grol yang da dung du sems can rnams zad par ma gyur to// bcom ldan 'das kyis bka' stsal pa/ sman
- 340b
gyi sde khyod gang de bzhin gshegs pa la don 'di 'dri bar sems pa ni leg so leg so/ / sman gyi sde 'di lnga sde dper na/ skyes bu la la zhig phyug cing nor che la longs spyod che ste/ nor dang 'bru dang mdzod dang bang ba mang po dang ldan la/ bran po dang bran mo dang las byed pa dang / zho shas 'tsho ba'i mi mang po dang ldan te/ de nor gyi phung po mngal zhing dang kun dga'i ra ba mang du bdog cing / 'di lta ste/ nas dang / zo dang / 'bras dang / bal sran dang / sran chung la sogs pa 'bru mang du bdog pa zhig yod la/ mi des dpyid kyi dus la 'bru thams cad kyi sa bon btab nas dus gzhan zhig gi tshe sa bon de dag thams cad yongs su smin par gyur pa dang / mi des 'bru de dang de dag so sor 'jog ste/ bzhag nas kyang dpyid kyi dus kyi bar du zos nas/ yang 'debs pa de bzhin du sman gyi sde sems can rnams kyang sngon las byas pa'i las de dag thams cad yongs su zad par gyur pa dang / de la bsod nams kyi zhing tshol to// dge ba'i rtsa ba rnams skyed do// bskyed nas kyang dge ba'i chos de dag la nan tan gyis sgrung ste/ chos thams cad 'phel bar byas nas dga' ba dang mgu bskyed de/ sman gyi sde dga' zhing mgu ba'i sems des bskal pa bye bo'i bar du chud mi za'o// sman gyi sde de bzhin du bya chub sems dpa' sems dang po bskyed pa yang chud za ba'i chos can du nam yang mi 'gyur te/ mdor na chos thams cad rab tu shes so// gsol pa/ bcom ldan 'das byang chub sems
- 341a
dpa' sems dang po bskyed pa'i rmi lam ji lta bu mthong bar 'gyur/ bcom ldan 'das kyis bka' stsal pa/ sman gyi sde byang chub sems dpa' sems dang po bskyed pa rmi lam du 'jigs pa mang po mthong bar 'gyur ro/ / de ci'i phyir zhe na/ las thams cad yongs su sbyong ba'i phyir/ sems can sdig pa'i las can gyis ni sdug bsngal mi bzad pa sel bar mi nus so/ / de ni sdig pa'i rmi lam mthong yang 'jigs pa ma yin no// gsol pa/ bcom ldan 'das byang chub sems dpa' sems dang po bskyed pa'i rmi lam du ji ltar 'jigs pa mi mthong bar 'gyur ba lags/ bcom ldan 'das kyisaka' stsal pa/ sman gyi sde ma rab tu 'bar ba mthong ste/ des ni byang chub sems dpa' des bdag gi nyon mongs pa thams cad tshig par rig par bya'o// sman gyi sde gnyis su ni byang chub sems dpa' sems dang po bskyed pa des chu brug cing rab tu brug pa mthong yang 'jigs par mi bya'o/ / de ci'i phyir zhe na/ sman gyi sde de bzhin du gti mug gis bcings pa thams cad las bzlog nas sdig pa byang bar byas pa yin no/ / sman gyi sde gsum du na/ byang chub sems dpa' sems dang po bskyed pa'i rmi lam na 'jigs pa chen po mthong ngo // gsol pa/ bcom ldan 'das gang lags bcom ldan 'das kyis bka' stsal pa/ bdag gi lus kyi mgo bregs pa mthong yang / sman gyi sde des de la 'jigs par mi bya'o// de ci'i phyir she na/ bdag gi 'dod chags dang zhe sdang dang / gti mug bregs
- 341b
pa yin te/ bdag ni 'gro ba drug tu 'khor ba las rgyal ba yin no snyam mo// de sems can dmyal bar gnas pa ma yin/ dud 'gro dang / yi dgas rnams kyi nang du ma yin/ lha ma yin rnams kyi nang du ma yin/ klu rnam kyi nang du ma yin/ lha rnams kyi nang du ma yin te/ sman gyi sde byang chub sems dpa' sems dang po bskyed pa ni/ sangs rgyas kyi zhing yongs su dag pa rnams su skye ba rab tu 'dzin to// sman gyi sde phyi ma'i tshe/ phyi ma'i dus na/ gal tesems can la la zhig byang chub tu sems yongs su bsngo bar 'gyur na nges yi dam chen po bcas par blta ste/ brnyas par gnas par gyur kyang sman gyi sde de la des skyo ba'i sems bskyed par mi bya zhum par mi bya'o/ / sman gyi sde ngas chos mang du bstan te/ sman gyi sdengs bskal pa bye ba khrag khrig brgya stong du ma zhig gi bar du dka' ba spyod pa spyad kyang / sman gyi sngangs longs spyod kyi phyir ram/ 'tshe ba'i longs spyod kyi phyir ram/ dbang phyug gi longs spyod kyi phyir dka' ba spyod pa spyad pa ma yin gyi/ sman gyi sde chos kyi ngo bo nyid khong du chud par bya ba'i phyir ngas dkar ba spyod pa spyod kyang / ngas de srid kyi bar du bla na med pa yang dag par rdzogs pa'i byang chub ma thob kyi/ sman gyi sde gang gi tshe gang gi dus na/ ngas zung gi chos kyi rnam grangs 'di thos pa de nyid kyi nyin mo bla na med pa yang dag par rdzogs pa'i byang chub mngon par rdzogs par sangs rgyas te/ sman gyi sde chos kyi rnam grangs 'di zab bo// chos kyi rnam grangs 'di thos pa rnyed par dga'o// sman gyi sde de bzhin gshegs pa rnams 'byung
- 342a
ba yang mchog tu rnyed par dka'o/ / sman gyi sde chos kyi rnam grangs 'di 'dzin pa dag kyang mchog tu rnyed par dka'o// gang dag chos kyi rnam grangs 'di thos pa de dag thams cad ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / sman gyi sde bskal pa stong du 'khor ba bsnyil bar 'gyur ro// sangs rgyas kyi zhing yongs su dag pa rab tu rnyed par 'gyur ro/ / 'gog pa dang laM yang rab tu shes par 'gyur ro// gnas rab tu shes pa'i skal ba yod par 'gyur ro// dge ba'i gnas rab tu shes pa'i skal pa yod par 'gyur ro// mngon par shes pa dang dge ba'i gnas rab tu shes pa'i skal ba yod par 'gyur ro// dge ba'i gnas dang 'gog pa rab tu shes pa'i skal ba yod par 'gyur ro// sman gyi sde ci'i phyir 'gog pa zhes bya// gsol pa/ bcom ldan 'das chos kyi gnas ni don ces bgyi'o// bcom ldan 'das kyis bka' stsal pa/ sman gyi sde chos kyi gnas gang yin/ gsol pa/ bcom ldan 'das chos shes bgyi ba ni brtson 'grus brtsams pa nyid dang / tshul khrims brtsams pa nyid dang / tshul khrims dang ldan pa lags te chos kyi gter zhes bgyi'o// bcom ldan 'das 'di ni chos kyi gter 'byung ba'o// bcom ldan 'das kyis bka' stsal pa/ sman gyi sde de bzhin gshegs pa la don 'di yongs su 'dri bar sems pa ni legs so legs so// gsol pa/ bcom ldan 'das ci'i slad du de bzhin
- 342b
gshegs pa rnams 'jig rten du 'byung / bcom ldan 'das kyis bka' stsal pa/ sman gyi sde gang dag mang du thos pa dang ldan pa/ rab tu shes pa de dag gis/ de bzhin gshegs pa rnams kyi 'byung ba rab tu shes so/ / de bzhin gshegs pa rnams kyi 'byung ba shes nas/ de bzhin gshegs pa rnams kyi 'byung ba bde ba'i gnas 'di rab tu shes so// nam de bzhin gshegs pa rnams 'jig rten du 'byung ba de na sems can rnams kyis chos thams cad rab tu shes so/ / thabs mkhas pas chos rnams rab tu shes so// 'jig rten pa dang / 'jig rten las 'das pa'i chos rnams rab tu shes so/ / 'jig rten dang 'jig rten las 'das pa'i ye shes rnams rab tu shes so// gsol pa/ ye shes gnyis rtogs nas mya ngan las 'das pa gang rab tu 'tshal/ bcom ldan 'das kyis bka' stsal pa/ sman gyi sde chos rab tu shes nas/ chos rab tu shes so// sman gyi sde de bzhin du dam pa'i chos bsdu bar rab tu shes nas rnyed pa dang po skye'o// chos ji ltar thos pa bzhin du bzung nas/ chos dang ldan pa rnyed par 'gyur ro/ / sman gyi sde 'di lta ste/ dper na mi tshong par gyur pa la la zhig/ mi khur stong gi gser khyer te/ de khe spogs kyi phyir song ba dang / de'i pha mas 'di skad smra ste/ bu nyon cig/ gser srang stong khyer la gzhan dang rang gi gser leg par khyer cig/ tshong pa des gser khyer te song nas zla ba gcig tsam lon pa dang / gser de dag thams cad chub gsan te med par byas kyi 'og tu de na
- 343a
nas mi de bsams dang / shin tu ma dga' nas snying la mya ngan gyi zug rngus zug ste/ de gnong zhing ngo tsha nas rang gi khyim du ma song ba dang / de'i pha mas thos nas/ yi chad de snying la mya ngan gyi zug rngus zug nas gos dag kyang dral te bu ngan pa de bdag cag gi khyim du bu'i gzugs su skyes nas khyim so kun kyang bshig ste/ bdag cag la mkho ba med cing sdug bsngal bar byas so// bran gyi las byed du bcug go zhes de skad smre sngags 'don te/ de'i pha ma yi chad nas 'chi ba'i dus byas pa dang / de nas bu des pha ma bdag la yi chad de 'chi ba'i dus byas so zhes thos nas/ bu de yang yi chad de 'chi ba'i dus byas pa de bzhin du/ sman gyi sde de bzhin gshegs pas don 'di bshad pa la yang / gang dag nga'i bstan pa la mi dad pa de dag ni/ re thag chad nas 'chi ba'i dus kyi tshe/ snying la mya ngan gyi zug rngus zug ste/ 'chi ba'i dus byed par 'gyur ro// ji ltar pha ma de yi chad de/ gser gyi phyir mya ngan byed cing / snying la mya ngan gyi zug nas/ gzhan dang rang gi gser gyi phyir mya ngan gyi zug rngu dang ldan pa de bzhin du sman gyi sde gang dag pa'i bstan pa ma dad pa de dag ni/ phyis 'chi ba'i dus kyi tshe gdung zhing smre sngags 'don la/ sdug bsngal gyi tshor ba myong zhing / sngon las byas pa'i bsod nams ngag chus zong nas/ phyin chad zhing bzang po dang ldan pa'i bsod nams ngag mi byed de/ de dag gi snying mya ngan gyi zug rngu dang ldan pas de'i tshe de'i dus na/ sems can dmyal ba dang / dud 'gro'i skye gnas dang / gshin rje'i 'jig rten du skye zhing
- 343b
mi bzad pa drag po mthong nas/ 'chi ba'i dus kyi tshe 'di snyam du sems te/ gang sems can dmyal ba dang / dud 'gro dang / yi dgas dang / gshin rje'i 'jig rten mthong bar mi 'gyur zhing / sdug bsngal gyi tshor ba de myong bar mi 'gyur bar bdag la su zhig/ skyob par 'gyur snyam pa dang / de'i pha mas 'di skad ces smras so// bu cig nad kyis 'jigs chen na/ dbyung bar mi nus ji ltar bya/ na ba 'chi bas 'jigs mod kyi/ / bu khyod 'chi ba yod ma yin// nad kyi 'jigs dang skrag pa las// khyod ni thar par 'gyur ba yin// bdag gi rnam par shes pa 'gag/ bdag gi lus la rab tu gnod// yan lag thams cad sdug bsngal te/ / bdag gis 'chi ba mthong bar 'gyur// bdag gi mig ni mi mthong zhing // bdag gi sna yang mi thos so// rna bas thos pa mi 'gyur ci// lus kyang so mdog pade ma yin// yan lag nyid lag sdug bsngal te/ / shing dang 'dra bar sems pa med// bdag gi 'chi ba 'ong med ces// yum gyis bdag gi spro bsring zad/ mas smras pa/ bu khyod de skad smra mi rigs// nga la mchog tu 'jigs ma byed/ / khyod kyi lus la rims btab pas// rnam pa sna tshogs mthong bar gyur// bus smras pa/ lus la rims kyang ma mthong ste// na ba med cing sdug bsngal med// 'chi ba shin tu mi zad mthong // bdag gi lus sdug bcom par gyur// bdag gi lus kun sdug bsngal gyis// rab tu gza ri bar mthong gyur na// su la skyabs su 'gro bar bya// bdag gi skyob par su zhig 'gyur// pha mas smras pa
- 344a
du khyod la/ / lha yang rab tu skyon gyur gyis// lha rnams la ni mchod byas na// de yi 'og tu 'tsho bar 'gyur// bus smras pa/ gang gis bdag ni 'tshe 'gyur ba// khyed kyis/ de ltar mdzad du gsol// rings shing rab tu myur bzhud la// lnga bon po la dri bar gsol// de nas de'i pha ma lha'i rten gyi drung du song nas lha la bdug pa phul ba dang / de nas lha bon pos lha la bdug pa phul nas tshig 'di skad ces smras so/ / khyed la lha skyon gyis lha rjed cig/ mchod sbyin gyis shig/ de la phyugs sod cig/ mi yang sod cig dang / de nas khyed kyi bu nang las yongs su thar 'gyur ro// / de nas pha ma de dag gis bsams pa bdag cag dbul na ji ltar bya/ gal te lha ma mnyes na ni bu de yang 'chi ba'i dus byed par 'gyur/ ji lta mnyes par byas na bdag cag ni dbul pas mi dang phyugs gang nas spang snyam nas/ de dag rings shing myur bar khyim du dong ste/ khyim rdzas cung zad ci bdog pa de thams cad phyugs nyo ba'i phyir 'tshong du dong ngo // de nas mi gzhan zhig gi ga na/ phyin nas/ kye skyes bu gser zhig baspyir byin/ basbyin pa ni zhag bcu na slar 'bul nus na ni legs/ ji lta 'bul ma nus na yang nged khyod kyi bran du khas spangs te las bya'o zhes de skad smras nas/ de gnyis kyis gser de khyer te mi nyor dong ngo / / de gnyis kyis mi nyos nas/ mi des kyang bdag gsang par ni ma shes so// de nas pha ma rmongs par gyur pa de gnyis slar rang gi khyim du ma dong gi/ lha
- 344b
rten gyi drung du song ste/ lha bon po la dmyur du mchod sbyin mdzod cig ces smras so// de nas pa mde gnyis bdag nyid kyis phyugs kyang bsad mi de yang bsad do// de nas lnga bon po des mchod sbyin bya bar bsams te me bus pa dang / de nas lha thabs te/ khyed kyi bu ni ngas khyer ro zhes smras so// de nas pha ma de nyid dga' zhing mgu las khyab nas/ bu 'di sos nas bdag cag bran du gyur kyang bla zhes smras te/ pha mas lha la mchod sbyin byas nas slar log ste/ rang gi khyim du phyin nas bu 'chi ba'i dus byas pa mthong ngo // de nas pha ma de gnyis sdug bsngal zhing yi mug pa chen pos snying la mya ngan gyi zug rngus zug ste/ yi chad par gyur nos de nyid du 'chi ba'i dus byas pa de bzhin du sman gyi sde mi dge ba'i grogs po dang bsten par mi bya'o// gsol pa/ bcom ldan 'das sems can de dag gang du skyes pa zhu'o// bcom ldan 'das kyis bka' stsal pa/ sman gyi sde kha rog nga la ma 'dri zhig/ gsol pa/ bcom ldan 'das zhu'o// bde bar gshegs pa zhu'o// bcom ldan 'das kyis bka' stsal pa/ sman gyi sde de la ma ni sems can dmyal ba chen po ngu 'bor du skyes so// pa ni sems can dmyal ba chen po bsdus gnom du skyes so// su ni sems can dmyal ba chen po che bar skyes so// lnga bonan sems can dmyal ba chen po mnar med par skyes so/ / gsol pa/ bcom ldan 'das mi ma nongs pa de gang du skyes/ de'i tshe srang ma gang lags/ bcom ldan 'das kyis bka' stsal pa/ sman gyi sde
- 345a
'di la mi mnyes pa de ni sum cu rtsa gsum gyi lha rnams kyi nang du skyes so/ / gsol pa/ bcom ldan 'das rgyu gang dang rkyen gang gis mi de sum cu rtsa gsum gyi lha rnams dang skal ba mnyam par skyes/ bcom ldan 'das kyis bka' stsal pa/ sman gyi sde nyon cig/ mi de 'chi ba'i dus kyi tshe de bzhin gshegs pa la sems dad pas/ sangs rgyas la phyag 'tshal lo zhes lan cig smras te/ sman gyi sde dge ba'i rtsa ba des bskal pa drug cu'i bar du sum cu rtsa gsum gyi lha rnams kyi bde ba myong bar 'gyur/ bskal pa brgyad bcu'i bar du skye bar tshe rabs dran par 'gyur ro// skye ba dang skye bar mya ngan gyi zug rngu thams cad dang bral bar 'gyur ro/ / skyes ma thag tu sdug bsngal thams cad zlog par byed do// sems can de dag thams cad yongs su mya ngan las bzla bar ni mi nus so// gsol pa/ bcom ldan 'das ji ltar sems can thams cad yongs su mya ngan las bzla bar rngo thog pa lags/ bcom ldan 'das kyis bka' stsal pa/ sman gyi sde brtson 'grus brtsam par bya'o// gsol pa/ bcom ldan 'das brtson 'grus brtsam pa gang lags/ bcom ldan 'das kyis bka' stsal pa/ sman gyi sde nyon cig/ brtson 'grus shes bya ba ni 'bras bu rnams ston pa'o// 'di lta ste/ rgyun tu zhugs pa'i 'bras bu zhes bya ba ni brtson 'grus kyi gnas so/ / lan cig phyir 'ong ba'i 'bras bu zhes bya ba ni brtson 'grus kyi gnas so// phyir mi 'ong ba'i 'bras bu zhes bya ba ni brtson 'grus kyi gnas so// dgra
- 345b
bcom pa nyid kyi 'bras bu dang / dgra bcom pa'i 'bras bu 'gag pa zhes bya ba ni brtson 'grus kyi gnas so// rang sangs rgyas kyi 'bras bu dang rang sangs rgyas kyi 'bras bu'i shes pa zhes bya ba ni brtson 'grus kyi gnas so/ / byang chub sems dpa'i 'bras bu dang / byang chub kyi gnas shes bya ba ni brtson 'grus kyi gnas te/ sman gyi sde 'di dag ni brtson 'grus kyi gnas shes bya'o// gsol pa/ bcom ldan 'das rgyun tu zhugs pa dang / rgyun tu zhugs pa'i 'bras bu ji ltar bstan par bgyi/ bcom ldan 'das kyis bka' stsal pa/ 'di lta ste/ dper na/ mi la la zhig gis shing zhig bskyed na/ de nyid kyi nyin mo shing de'i rtsa ba zug nas/ de nyid kyi nyin mo rtsa ba de dpag tshad tsam gyi 'og tu song ngo mi gzhan zhig gis kyang de bzhin du shing bskrad pa dang / de nyid kyi nyin mo rlung gyis bskyod de/ shing de'i rtsa ba ma zug nas/ de nas mi nges gnas de nas shing de phyung ba dang / mi gcig shos kyis ci'i phyir nga'i sa brkos shes 'thab 'breg rtsod par gyur nas/ de'i tshe rgyal pos mi de gnyis 'thab 'bres rtsod par gyur to zhes thos nas rgyal po des po nya btang ste/ song la mi de gnyis khrid de shog shig/ lha de ltar 'tshal lo zhes mi de rings pa'i gzugs su brgyugs nas/ mi de gnyis la 'di skad ces/ khyed la rgyal po 'bong du zhes smras pa dang / de nas mi gcig ni 'jigs skrag go/ mi gcig ni 'jigs shing skrag pa med par rgyal po ga la ba der
- 346a
rdzing ngo / / ldingad nas rgyal po'i mdun du 'khod do// de nas rgyal pos mi de gnyis la 'di skad ces smras so// be khyed sa zhig gi phyir 'thab cing cod par 'gyur/ de nas mi gnyis langs te rgyal po la 'di skad ces smras so/ / rgyal po chen po gsan du gsol/ bdag cag la ni sa phyogs cung zad kyang ma mchis kyi/ sa gsar po zhig la shing bskyed pa las/ rlung gis bskyod nas rtsa ba yang ma zug/ lo ma dang me tog dang 'bras bu yang ma byung ste rgyal po chen po de'i rtsa ba dpag tshad tsam gyi 'og tu yang ma mchis pa dang / khyod kyis nis so zhes mi 'dis bdag la 'thab mo brgal du bas kyi bdag gis ni ma nongs na/ lha de la bdag gis cung zad kyang ma nongs par mkhyen par mdzad du gsol/ de nas rgyal po des blon po bye ba phrag sum cu bkug ste/ bsogs nas 'di skad ces smra'o// khyed cag smros shig/ blon po rnams kyis gsol pa/ ji skad smra bar gyi/ gang gi nyin mo shing bskyed pa de nyid kyi nyin mo rtsa ba zug nas/ lo ma dang me tog dang / 'bras bu 'byung ba khyod kyis gang na yang mthong ngam thos sam/ khyed kyi zhag bdun nam/ zla ba phyed kyis 'di bye phrag phyed par gyis shig/ de nas blon po ni de dag stan las langs te/ rgyal 'di 'di skad ces ga sol to// rgyal po chen po bdag cag gis 'di bye brag phyed par bgyir mi rung ngo // 'di bye brag phyed pa'i rngo mi thog go// rgyal po chen po 'di ni ngo mtshar te/ re shig mi 'di nyid
- 346b
la smra bar bgyi'o/ / kye skyes bu gang smras pa'i don de bden nam/ smros shig/ smras pa/ rgyal po chen po don de mang ngo // rgyal pos smras pa/ gang gi nyin mo shing skyed pa de yi nyin mo rtsa zug cing / 'dab ma me tog 'bras byung zhes// de nyid nyin mo smra ba ni// khyod kyi tshig 'di gtang par dka'// 'di 'dra mthong ba 'am thos pa med// de nas mi de thal mo sbyar te// rgyal po de la 'di skad smras/ / gshegs la nyid kyis shing bskyed de// rtsa ba zug la gzigs su gsol// de nas rgyal po de blon po bye ba phrag sum cu dang lhan cig phyi rol tu byung nas/ mi de gnyis kyang btson rar bcug go// de nas rgyal po de nyid kyi shing bskyed pa dang / shing de rtsa ba yang ma zug/ lo ma dang / me tog dang 'bras bu yang ma byung nas de nas/ rgyal po de khros te 'di skad ces/ khyed myur du deng la shing bshag pa'i sta re rnams long shig ces smras nas/ blangs pa dang / de nas gang mi des bskyed pa'i shing de la khrod nas shing de'i lo ma dang / me tog dang / 'bras bu byung ba rnams bcad de/ shing gcig po de bcad pa dang / shing bcu gnyis byung ngo // shing bcu gnyis po bcad pa dang / rin po che sna bdun gyi shing rtsa ba dang bcas/ lo ma dang bcas/ myu gu dang bcas pa nyi shu rtsa bzhi byung ngo // de nas shing nyi shu rtsa bzhi po de dag las bya gser gyi ze ba can gser gyi mchu can rin po che sna bdun gyi 'dab ma can nyi shu rtsa bzhi byung ngo / / de nas rgyal po de khro ba'i zil gyis gnon nas/ rang gi lag gis sta re grangs te
- 347a
shing de la gtsabs pa dang / shing gtsabs pa de las bdud rtsi'i chu byung ngo // de nas rgyal po de yid mi bde nas/ song la mi de gnyis btson ra nas phyung shig ces bsgo ba dang lha de ltar 'tshal lo zhes de'i mod la rab tu brgyugs te/ mi de gnyis btson ra nas phyung shing ga la ba der khrid pa dang / rgyal pos smras pa/ shing gcig bcad pa gnyis gyur du 'phel te/ nyi shu rtsa bzhir gyur pa de khyod kyis bskyed dam/ ngas bskyed pa'i shing ni rtsa ba dang / lo ma dang / me tog dang / 'bras bu/ yang ma skyes so// de nas mi des gsol pa/ rgyal po chen po bdag gi bsod nams ci 'dra ba de 'dra ba'i bsod nams khyod la mi mnga'o/ / de nas blon po bye ba phrag sum cus pus mo'i lnga nga gnyis sa la btsugs nas/ mi de la 'di skad ces smras so// rgyal po lnga ma 'di mi rung gis/ khyod kyis rgyal po bya dgos so/ / de nas mi des blon po de dag la tshigs su bcad pa 'di dag smras so// rgyal po longs spyod bdag mi dgos// nor dang 'bru yang dgos pa med/ sangs rgyas rnams la bdag dang pas/ rkang gnyis ngag gi mchog tu shog/ zhi ba mya ngan 'das pa'i dbyings// gang na de bzhin gshegs par grags// mya ngan 'das khyim 'gro 'gyur ba// chos 'di khyed la bshad par bya// skyil mo krung ni bcas nas su// de nas yi dam rab bcas so// bdag gi sngon byas las rnams kyis// rgyal po'i btson rar phyin par gyur// smon lam 'di ni btab pas na// bdag gis las
- 347b
ni zad par gyur/ / de nas bya bye ba phrag nyi shu rtsa bzhis/ rdo rje'i mchus sil snyan rnams dkrol to// de nas de'i tshe de'i dus na/ khang pa brtsegs pa sum khri nyis stong byung ste khang pa brtsegs pa re re'i tshad kyang dpag tshad nyi shu rtsa lnga lnga par gyur to/ / khang pa brtsegs pa re re las kyang bya gser gyi ze ba can/ gser gyi mchu can/ gser gyi gdong can bye ba phrag nyi shu rtsa lnga lnga byung ste/ de dag gis mi'i skad du smras pa/ rgyal po khyod kyis legs ma byas// khyod kyis shing de bcad pas na// bye ba brgya yi shing rnams las// nyi shu rtsa bzhir gnas par gyur// sems can gang gis shing bskyed 'di// ci 'dra shes ba ma yin pa/ / sdig pa'i las kyis phyin chad kyang // mi sdug 'bras bu myong bar 'gyur// rgyal pos smras pa/ bdag gis don 'di mi shes kyis// dka' thub chen po lung ston cig/ bya rnams kyis smras pa/ 'di ni 'jig rten snang byed de// rnam par 'dren par 'gyur ba yin// 'khor ba'i srid pa'i btson ra nas// sems can thams cad thar byed pa'o// rgyal pos smras pa/ gang gi shing ni ma skyes pa/ / skyes bu gnyis pa de gang yin// des ni sdig pa'i las gang byas// gnyis skyes rnams ni smra bar byos// bya rnams kyis smras pa/ gang gi shing ni ma skyes pa// de ni lhasbyin glen pa ste/ dge ba cung zad ma byas na// de yi shing ni ji ltar skye// de nas de'i tshe de'i dus na/ blon po bye ba phrag sum cu po rnams kyis/ chos kyi rnam grangs 'di thos nas// thams cad kyang sa bcu rab tu gnas te/ mngon/
- 348a
par shes pa so sor thob par gyur to// rgyal po de yang sa bcu la gnas nas/ dge ba'i chos mngon par rtogs pa rjes su thob bo// de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ / bcom ldan 'das rgyu gang dang rkyen gang gis blon po bye ba phrag sum cu rtsa gsum po rnams bcu la gnas te/ mngon par shes pa so sor thob par gyur/ bcom ldan 'das kyis bka' stsal pa/ sman gyi sde nyon cig dang lung bstan par bya'o// de nas de'i tshe bcom ldan 'das 'dzum pa mdzad do// de nas de'i tshe bcom ldan 'das kyi zhal gyi sgo nas 'od zer kha dog du ma/ kha dog sna tshogs/ kha dog brgya stong phrag du ma 'di lta ste/ sngon po dang / ser po dang / dmar po dang / dkar po dang le brgan dang / shel dang dngul gyi kha dog lta bu brgyad khri bzhi stong byung nas/ de dag gis 'jig rten gyi khams mtha' yas mu med pa snang bar byas te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub bo// de nas byang chub sems dpa' sems dpa' chen po sman gyi sde stan las langs nas/ bla gos phrag pa gcig tu bzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma
- 348b
mchis rkyen ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ sman gyi sde phyogs bzhi'i 'jig rten gyi// khams kun nas skye bo mang po'i tshogs nga'i gan du 'ong ba mthong ngam/ gsol pa/ bcom ldan 'das de mthong ngo // bcom ldan 'das kyis bka' stsal pa/ sman gyi sde de'i phyir skye bo'i tshogs la rnam par rtogs te ltos shig/ de nas byang chub sems dpa' sems dpa' chen po sman gyi sdes rnam par bltas pa dang / shar phyogs nas shing dpag tshad bdun stong pa cig byung nas/ de'i phyogs gcig na/ skye bo'i tshogs bye ba stong phrag nyi shu rtsa lnga 'dus te/ de dag mi smra/ mi zer/ mi brjod/ mi za/ mi ldang / mi 'chag ste/ cang mi smra bar 'khod pa dang / lho phyogs nas shing dpag tshad bdun stong pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi rjod/ mi ldang / mi 'chag ste/ cang mi smra bar 'khod pa dang / nub phyogs nas shing dpag tshad bdun stong pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi rjod/ mi ldang / mi 'chag ste/ cang mi smra bar 'khod pa dang / byang phyogs nas shing dpag tshad bdun stong pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi ser/ mi smra/ kun tu mi smra/ yongs su mi
- 349a
brjod/ mi spang / mi ga / kyang mi smra bar mayod pa dang / 'og gi phyogs nas shing dang ku tshang bdun stong pa gcig byung nas/ de la skye bo'i tshogs byed stong drug nyi ba cu/ 'dus te/ de dag kyang mi zer/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa dang / steng gi phyogs nas shing dpag chad bdun stong cig pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi ber/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa mthong ngo // de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ / gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / de skad ces gsol pa dang / bcom ldan 'das kyis byang chub sems dpar sems dpa' chen po sman gyi sde la 'di skad ces bka' stsal to/ / sman gyi sde ci dang ci 'dod pa dris shig dang / dris pa de dang de'i lung bstan pas ngas khyod kyi sems rangs par bya'o// de skad ces bka' stsal pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das ci'i slad du phyogs bzhi'i 'jig rten nas skye bo'i tshogs mang po
- 349b
lhags shing gnas pa nas/ 'og dang steng gi phyogs kyi bar nas/ skye bo'i tshegs bye ba stong phrag lnga bcu lpags te gnas par gyur pa'i rgyu gang lags/ rkyen gang lags/ bcom ldan 'das kyis bka' stsal pa/ sman gyi sde khyod song la 'di dag 'jig rten gyi khams gang nas lhags pa'i de bzhin gshegs pa de dag la khyod nyid kyis zhus shig/ gsol pa/ su'i rdzu 'phrul gyi stobs bskyed pas mchi bar bgyi/ bcom ldan 'das kyis bka' stsal pa/ sman gyi sde rang gi rdzu 'phrul gyi stobs bskyed pas song zhig/ de nas byang chub sems dpa' sems dpa' chen po sman gyi sdes bcom ldan 'das la lan gsum bskor ba byas te/ de nyid mi snang bar gyur nas/ 'jig rten gyi khams bye ba stong phrag dgu bcu rtsa drug 'das te/ 'jig rten gyi khams zla ba'i sgron ma zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas zla ba can gyi zhing zhes bya ba/ byang chub sems dpa' bye ba stong phrag brgyad cus yongs su bskor cing / mdun gyis bltas nas chos ston pa'i 'jig rten gyi khams der phyin to/ / de nas byang chub sems dpa' sems dpa' chen po sman gyi sde/ bcom ldan 'das de bzhin gshegs pa zla ba can gyi zhing de'i spyan sngar 'dug nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan rangs rgyu gang gis mi mjed kyi 'jig rten gyi
- 350a
khams su/ shAkya thub pa de bzhin gshegs pa'i spyan sngar/ skye bo'i tshogs phyogs bcu nas 'dus shing lpags pa dag/ de nas mchis pa'i tshe ni mthong la 'di na mchis pa'i tshe ni mi mthong bar gyur/ bcom ldan 'das kyis bka' stsal pa/ sman gyi sngo de nyid na rgyu zhing gnas so// gsol pa/ bcom ldan 'das yang ji lta bu lags/ de nas byang chub sems dpa' sems dba' chen po sman gyi sde/ de bzhin gshegs pa zla ba can gyi zhing ga la ba der song ste phyin nas/ de bzhin gshegs pa de'i spyan sngar 'dug ste/ bcom ldan 'das la 'di skad ces gsol to// bcom ldan 'das bdag 'jig rten gyi khams bye ba stong phrag dgra bcu rtsa drug 'das te mchis pa na/ bcom ldan 'das bdag gis de dag tu sems can ji snyed mthong ba de snyed ni gang na yang ma mthong ngo / / bcom ldan 'das kyis bka' stsal ba/ sems can de dag ni sems pa med pa'i shing las byung ngo // gsol pa/ bcom ldan 'das gang sems ma mchis pa'i shing las mi byung ba sus mthong sus thos/ bcom ldan 'das kyis bka' stsal pa/ sman gyi sde gang sems pa med pa'i shring las mi 'byung ba khyod kyis ma mthong ma thos sam/ gsol pa/ bcom ldan 'das bdag gis ma mthong mthos so/ / bcom ldan 'das kyis bka' stsal pa/ sman gyi sde khyod mthong bar 'dod na/ dengs bstan par bya'o// gsol pa/ bcom ldan 'das 'tsha'o//
- 350b
bde bar gshegs pa 'tshal lo// de nas de bzhin gshegs pa zla ba can gyi zhing gis phyag brkyang ba dang / phyag de las skye bo'i tshogs bye ba stong phrag brgya byung ste/ skye bo'i tshogs re res kyang lag pa brgya brgya brkyang nas/ spos dang / phreng ba dang / byug pa sna tshogs de bzhin gshegs pa la gtor ba dang / bcom ldan 'das kyis bka' stsal ba/ sman gyi sde khyod kyis skye bo'i tshogs 'dis de bzhin gshegs pa la spos dang / phre ba dang / byug pa gtor ba mthong ngam/ gsol ba/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsa pa/ skye bo'i tshogs byung ba 'di dag ni sems pa med ba'o// mi 'di dag ni sems pa med pa'o// de nas mi bye ba stong phrag brgya po de dag re re zhing yang gang lag pa brgya brgya yod pa de dag thams cad lhung ngo // / de nas byang chub sems dpa' sems dpa' chen po sman gyi sde de mthong nas/ bcom ldan 'das la 'di skad ces gsol to// bcom ldan 'das 'di ci zhig lags/ bde bar gshegs pa 'di ci zhig lags/ gang mi rnams kyi lag pa brgya po yang yud tsam gyis lhung ste/ bcom ldan 'das gal te lag pa brgya pa yang grol bar mi 'gyur na/ lag pa gnyis pa'i mi lta smos kyang ci 'tshal/ bcom ldan 'das kyis bka' stsal pa/ sman gyi sde de bzhin du sems can rnams ni sems pa med par skye'o// sems pa med par 'gag go/ sman gyi sde nga'i lus kyang sems pa med par gyur par
- 351a
shes par bya'o/ / gsol pa/ bcom ldan 'das gang sems can de dag la gzhon pa gang lags/ rgan pa gang lags/ bcom ldan 'das kyis bka' stsal pa/ sman gyi sde sems can gzhon pa yang yod do/ / rgan pa yang yod do gsol pa/ bcom ldan 'das gzhon pa gang lags/ rgan pa gang lags/ bcom ldan 'das kyis bka' stsal ba/ gang dag da ltar lgang ba de dag ni rgan pa'o/ / gang dag shing rnams las skyes pa de dag ni gzhon pa'o// gsol pa/ bcom ldan 'das sems can gzhon nu rnams mthong bar 'tshal lo// de nas de bzhin gshegs pa zla ba can gyi zhing gis phyag g.yas pa'i mthil brkyang pa dang / de nas phyogs bcu nas skye bo'i tshogs bye ba stong phrag brgya brgya 'ong ngo // 'og dang steng gi phyogs nas skye bo'i tshogs bye ba phrag lnga bcu lnga bcu 'ong ste/ ske bo'i tshogs de dag lhags nas kyang / bcom ldan 'das kyi zhabs la mgo bos phyag 'tshal nas de bzhin gshegs pa la mi smra/ kun tu mi smra zhing cang mi smra bar 'khod do// de nas bcom ldan 'das la byang chub sems dpa' sems dpar chen po sman gyi sdes 'di skad ces gsol to/ / bcom ldan 'das ci'i slad du sems can de dag de bzhin gshegs pa la mi smra/ kun tu mi smra zhing cang mi mchi bar mchis// bcom ldan 'das kyis bka' stsal pa/ sman gyi sde khyod kyis mi shes sam/ sa phyogs ni sems pa med de/ mi smra/ kun tu mi smra zhing / chos kyi phung po yang mi shes so// de ci'i phyir zhe na/ sman gyi sde/
- 351b
'di la sems can gzhon nu kha cig ni mthong yang skye ba mi shes 'gag pa dang / rga ba dang / na ba dang / mya ngan dang / smra sngags 'don pa dang / sdug pa dang bral ba dang / mi sdug pa dang phrad pa dang / mdza' ba dang bye ba dang / 'chi ba dang / dus ma yin par 'chi ba dang / sdug bsngal mi bzad pa de dag thams cad mi shes te/ mthong yang yid 'byung bar mi 'gyur na/ shes par lta ga la 'gyur te/ sman gyi sde de ngag yang dang yang bslab par bya'o/ / de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das gang chos ma 'tshal ba'i sems can gzhon nu de dag gang nas mchis gang nas 'chi 'pho zhing gang du skye bar 'gyur/ bcom ldan 'das kyis bka' stsal pa/ sman gyi sde nyon cig/ mi'i lus yongs su 'dzin pa de dag ni dngul mgar gyis kyang ma byas/ zangs mkhan gyis kyang ma byas/ shing mkhan gyis kyang ma byas/ rdza mkhan gyis kyang ma byas te/ rgyal po'i 'jigs pas kyang ma skyes kyi/ gzhan du na skyes pa dang / bud med 'dus pa dang sdig pa'i las dang ldan pa las byung ngo // sems can de dag kyang yang dang yang bzo'i las rnams slob pas/ de dag gi sdug bsngal mi bzad pa mtha' yas pa dang / tshor ba mi bzang pa 'byung ste/ der de dag sngon sdig pa mi dge ba'i las byas pa'i rnam par smin pa myong ngo // sman gyi sde 'di nyid du gang sems can gzhon nu lpags pa mi ldang ba 'di dag ni 'di
- 352a
'dra ba'i sdug bsngal gyi tshor ba myong bar 'gyur te/ sman gyi sde de'i phyir mi smra kun tu mi smra'o// sman gyi sde/ de ltar na sems can gzhon nu de dag ni/ dge ba yang mi shes/ skye ba yang mi shes/ 'gag pa yang mi shes te/ de dag mi'i lus kyang thob par mi 'gyur pa 'di dag kyang sman gyi sde/ sems can gzhon nu rnams shes bya'o// gsol pa/ bcom ldan 'das sems can gzhon nu rnams ji ltar skye/ ji ltar 'gag bcom ldan 'das kyis bka' stsal pa/ sman gyi sde 'di lta ste/ dper na/ mi la la zhig gis me la shing gis reg par byas pa dang shing de la mthar gyis me 'bar ba de bzhin du/ sman gyi sde/ thog ma mi'i lus su skye'o// skyes nas gdong tshor ba myong ngo // gsol pa/ bcom ldan 'das su zhig 'dir mngon par skye/ skyes nas su zhig yongs su mya ngan las 'das/ bcom ldan 'das kyis bka' stsal pa/ sman gyi sde/ sangs rgyas nyid skyes so// de bzhin gshegs pa nyid yongs su mya ngan las 'das so// 'di lta ste/ dper na/ rgyal pos mi la la zhig bcings te/ khang pa mun pa mun gnag gi nang du btson rar bcug pa dang / mi de khang pa mun gan ga der zhugs nas/ khang pa mun nag la khang pa mun nag tu mthong ngo // de nas mi gzhan sngon sdug bsngal gyi tshor babs reg pa zhig gis mthong nas/ mi de ni ma rung bar gyur to// sngon sdug bsngal ma myong bas 'tsho ba/ srog chad par 'gyur ro// snyam bsam nas/ des der me khyer
- 352b
te 'ongs nas/ khyim de'i nang du me cung zad cig bor ba dang / mi btson rar bcug pa des me de mthong ngo // mthong nas kyang de dbugs phyin par gyur to// spro bskyes so// me de yang rgyu gang gis 'bar ba'i me 'bar ba des khyim de kun tu 'bar bar gyur nas/ mi de yang de nyid du tshig pa dang / de tshig go zhes rgyal pos thos nas/ mi dgar ste de 'di snyam du phyin chad ni bdag gi yul du sems can gang yang btson rar mi gzhug go/ snyam du sems so// de nas rgyal po nges rang gi yul na gnas pa'i sems can rnams la/ kye sems can khyed rnams ma 'jigs shig/ ma skrag cig/ khyed cag 'jigs par ma gyur cig/ phyin chad nga'i yul du chad pas gcad pa ram/ btson rar gzhug par mi bya'o// sems can gang yang srog dang dbral bar mi bya/ kye sems can khyed rnams ma 'jigs shig ces/ de ltar dbugs phyung ba de bzhin du sman gyi sde/ de bzhin gshegs pa ni nyon mongs pa thams cad bsregs pa nad thams cad rab tu zhi ba'o// ji ltar khyim tshig nas mi nyid kyi lus kyang tshig ste/ sems can rnams kyi don dang / phan pa dang / bde ba'i phyir zhugs nas sems can bcings pa yang bcings pa las yongs su thar par byed pa de bzhin du/ de bzhin gshegs pa yang 'dod chags dang / zhe sdang dang / gti mug gi dri ma spangs te/ sems can thams cad la sgron ma bzhin du 'jig rten du byung nas/ sems can rnams sems can dmyal ba dang / dud 'gro dang / yi dgas dang / lha ma yin gyi lus rnams las yongs su thar par
- 353a
mdzad cing / sems can gzhon nu dang / rgan po rnams kyang yongs su thar par mdzad do// de nas steng gi bAr snang las tshigs su bcad pa 'di drag byung ngo // rgyal ba'i ning na/ ngo mtshar zhing / zhing bzang mngon par 'dus byas pa/ de la sa bon btab pa ni// rnam par chud zar mi 'gyur ro// rgyal ba'i zhing ni dag pa'i zhing // sangs rgyas bstan pa bsngags pa ste// sems can thams cad gzung ba'i phyir/ ston pas kyang ni thabs mdzad do// mya ngan 'das pa'i dbyings gnas kyang // sa yi steng na kun tu snang // rtag tu 'jig rten zhi byas na// sangs rgyas sbyin pa'i gnas rnams spong // sems can gzhon nu thar bar byed/ / rgan po rnams kyang thar par byed// sems can thams cad khams gsum las// mthar gyis yongs su thar par byas// sems can dmyal ba'i sgo bcad de// dud 'gro yi dgas thar par byas/ / 'jig rten 'di yang zhing byas nas// 'jig rten pha rol bde bar byed// de nas bcom ldan 'das kyis 'dzum pa mdzad nas bka' stsal pa/ legs pa rnams ni mthong na legs// sangs rgyas rnams kyang mthong na legs/ / dam chos yon tan zhing yang legs// dge 'dun 'dus pa mthong na legs// zung bstan pa yang leg pa ste// sdig pa rnam par 'jig pa legs// de nas byang chub sems dngas ra sems dpa' chen po sman gyi sde/ bcom ldan 'das ga la ba de logs su thal mo sba ra ba btud nas bcom ldan 'das la 'di skad ces gsol to// bcom ldan 'das 'dzum pa mdzad pa'i rgyu gang
- 353b
lags/ rkyen gang lags/ bcom ldan 'das kyis bka' stsal pa/ rigs kyi bu khyod kyis sems can gzhon nu 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so/ / bcom ldan 'das kyis bka' stsal pa/ sman gyi sde 'di dag thams cad ni deng nyid du sa bcu la rab tu gnas par 'gyur ro// de nas byang chub sems dpa' sems dpa' chen po sman gyi sdenadapag tshad brgyad khri srid kyi steng gi nam mkha' la gnas pa dang / lha bye ba stong phrag brgyad cu/ bcom ldan 'das la me tog gi char rab tu 'bebs so// sems can gzhon nu de dag kyang thal mo sbyar nas phyag 'tshal lo/ / de nas byang chub sems dpa' sems dpa' chen po sman gyi sdes/ bar snang la gnas bzhin du tshig 'di skad ces smras te/ des stong gsum gyi stong chen po'i 'jig rten gyi khams smras gang bar gyur pa dang / sems can dmyal ba chen po sum cu rtsa gnyis su skyes pa'i sems can rnams sgra de la nyan to// lha'i ris sum cu rtsa gnyis sgra de la nyan to// stong gsum gyi stong chen po'i 'jig rten gyi khams kyang rnam pa drug tu g.yos so/ / rgya mtsho chen po'i nang gi klung brgyad khri bzhi stong yang 'khrugs so// srin po bye ba stong phrag sum cu yang 'dzam bu'i gling 'dir lhags so/ / yi dgas dang / gnod sbyin dang / srin po bye ba stong phrag nyi shu rtsa lnga yang lcang lo can gyi pho brang 'khor nas lhags te/ bcom ldan 'das kyi spyan sngar 'dus pa chen po kun tu 'dus so// de nas
- 354a
bcom ldan 'das kyis sems can gzhon nu de dag la chos bstan pa dang / phyogs bcu'i 'jig rten gyi khams nas/ byang chub sems dpa' sems dpa' chen po// bye stong phrag brgyad rang rang gi rdzu 'phrul gyis lhags so/ / // bam po bzhi pa ste tha ma'o// de nas byang chub sems dpa' sems dpa' chen po sman gyi sdes/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' 'dus shing mchis pa mngango / / bde bar gshegs pa mang ngo // bcom ldan 'ongs lha dang klu 'dus shing mchis pa yang mang ngo // srin po bye ba phrag du ma zhig kyang lcang lo can gyi pho brang 'khor nas lhags te 'dus nas mchis par gyur to/ / de nas bcom ldan 'das kyis/ byang chub sems dpa' sems dpa' chen po sman gyi sde la bka' stsal pa/ rigs kyi bu mar shog/ de nas byang chu sems dpa' sems dpa' chen po sman gyi sde rdzu 'phrul gyi stobs kyis blabyas nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das chos kyi phung po chos kyi phung po zhes bgyi ba bcom ldan 'das ji tsam gyis na/ chos kyi phung po zhes bgyi/ bcom ldan 'das kyis bka' stsal pa/ rigs kyi bu chos kyi phung po zhes bya ba ni/ gang tshangs par spyod
- 354b
pa yongs su tshol zhing / gang tshangs par spyod pa yongs su btsal nas kyang sdig pa thams cad spong ba'o// rigs kyi bu sems can gzhon nu mi tshangs par spyod pa spyad pa spangs nas/ gdon mi za bar gzungs rab tu 'thob par 'gyur zhing chos thams cad dang yang ldan par 'gyur ba de dag mthong ngam gsol pa/ bcom ldan 'das thabs gang gis sems can mang po zhig 'dus shing chos kyi phung po nyan/ de nas bcom ldan 'das kyis byang chub sems dpa' sems dpa' chen po sman gyi sde la bka' stsal pa/ sman gyi sde gang dag skye ba nyid sdug bsngal du mi nyan/ rga ba nyid sdug bsngal du mi nyan/ nad nyid / sdug bsngal dang / mya ngan sdug bsngal dang / smre snga phra 'dod pa sdug bsngal dang / sdug pa dang bral sdug bsngal dang / mi sdug pa dang phrad pa sdug bsngal du mi nyan pa'i sems can yang phal cher yod do// 'chi ba ni sdug bsngal thams cad kyi phyir lus dang srog 'phrog pa yin te/ sman gyi sde 'di ni sdu bsngal thams cad ces bya'o// de nas sems can gzhon nu de dag gis bstan pa 'di thos nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag kyang 'gum par 'gyur ro// bcom ldan 'das kyis bka' stsal pa/ khyed dang sems can thams cad kyang mchi'o/ / de dag gis gsol pa/ bcom ldan 'das ji ltar 'chi ba'i dus kyis non par 'gyur/ bcom ldan 'das kyis bka' stsal pa/ rigs kyi bu dag 'chi ba'i dus na/ rnam
- 355a
par shes pa tha ma la/ rnam par shes pa 'gag par byed pa zhes bya ba'i rlung dang / rnam par shes pa rnam par 'khrul par byed pa zhes bya ba'i rlung dang / rnam par shes pa 'khrugs par byed pa zhes bya ba'i rlung dang / rigs kyi bu rlung gsum po 'di dag gis/ 'chi ba'i dus kyi tshe rnam par shes pa tha ma la glong bar 'gyur/ 'khrug par 'gyur/ 'khrug pa skyed par 'gyur ro/ / de dag gis gsol pa/ bcom ldan 'das 'chi ba'i dus kyi tshe/ rnam par shes pa 'gag pa na/ lus 'jom par bgyid pa'i rlung gsum po gang lags/ bcom ldan 'das kyis bka' stsal pa/ grogs po dag mtshon ces bya ba dang / skul ba zhes bya ba dang / zed pa zhes bya bas lus 'jom par byed do// gsol pa/ bcom ldan 'das lus shes bgyi ba ji lta bu lags/ bcom ldan 'das kyis bka' stsal pa/ grogs po dag kun tu 'bar ba zhes kyang bya/ tshig pa zhes kyang bya/ ngar snabs zhes kyang bya/ sgeg pa zhes kyang bya/ dur khrod pa zhes kyang bya/ ngan pa'i blo zhes kyang bya/ bur lci ba zhes kyang bya/ skye bas yongs su gzir ba zhes kyang bya/ skye bas kun tu dkrugs pa zhes kyang bya/ srog yongs su gdung ba zhes kyang bya/ 'chi ba dang / sdug pa dang bral bar byed pa zhes kyang bya ste/ grogs po dag 'di rnams ni lus shes bya'o/ / de dag gis gsol pa/ bcom ldan 'das ji ltar 'gum/ ji ltar 'tsho// bcom ldan 'das kyis bka' stsal pa/ grogs po dag rnam par shes pa zhes bya ba
- 355b
ni 'chi ba'o/ / tshe dang ldan pa bsod nams zhes bya ba ni 'tsho ba'o// grogs po dag lus shes bya ba ni 'chi ba ste/ rgyus pa bye bas ni dkris/ spu'i khung bu brgyad khri bzhi stong dang ni ldan/ yan lag khri nyis stong gis ni spe la/ rus pa sum brgya drug cus ni brtan/ lus kyi nang na srin bu'i rigs brgyad cu rtsa bzhi ni gnas te/ srog chags de dag thams cad la yang 'chi ba yang yod/ 'chi ba 'gag pa yang yod do/ / nam mi de 'chi ba de na/ srog chags de dag thams cad re thag chad par 'gyur te/ de na srog chags thams cad gcig la gcig za bas rlung 'khrug cing g.yo bar 'gyur ro// de na de dag sdug bsngal gyi tshor ba myong ngo / / la la ni bu'i phyir mya ngan byed/ la la ni bu mo'i phyir mya ngan byed/ la la ni gnyen gyi phyir mya ngan byed de/ de dag thams cad mya ngan gyi zug rngus zug go// gcig la gcig za bar brtsams nas/ de dag gcig gis gcig zos to// srog chags gnyis shig las pa na/ de gnyis kyang zhag bdun gyi bar du 'thab ste/ zhag bdun 'das pa dang / srog chags gcig ni bcom mo/ / gcig ni thar to// tshe dang ldan pa chos shes bya ba gang zhe na/ 'di ji snyam du sems/ ji ltar srog chags rnams gcig la gcig mi mthun pa byas nas/ 'chi bar 'gyur ba de bzhin du/ byis pa so so'i skye bo'i sems can rnams kyang phan tshun gcig la gcig mi mthun pa byed de/ skye bas mi 'jigs/ rga bas mi 'jigs/ nad kyis mi 'jigs/ 'chi bas mi
- 356a
'jigs so/ / ji ltar srog chags gnyis 'thab pa bzhin du byis pa so sor skye bo rnams kyang phan tshun 'thab bo// de nas 'chi ba'i dus na/ skyes bu dge ba nams kyis smras pa/ skyes bu khyod ci zhig la yid rton/ ci khyod kyis nyes pa cung zad kyang ma mthong ngam/ skye ba'i nyes pa ma mthong ngam/ rga ba dang na ba'i nyes pa ma mthong ngam/ 'chi ba'i nyes pa ma mthong ngam/ smras pa/ tshe dang ldan pa bdag gis skye ba'i nyes pa yang mthong ngo // rga ba dang na pa'i nyes pa yang mthong ngo // thams cad kyi tha mar 'chi ba'i nyes pa yang mthong ngo // smras pa/ ci'i phyir gang dge ba'i rtsa ba rnams kyi bya ba ma byas/ ci'i phyir 'jig rten gnyis kar bde ba 'phel ba'i chos kyi phung po'i dge ba'i rtsa ba rnams ma byas/ grogs po dag gnyis su yang dri'o// khyod ci'i phyir gang skye ba dang / 'chi ba las yongs su thar pa'i dge ba'i tshegs ma byas/ khyod kyis ci'i phyir tshul bzhin yid la byed pa so sor brtag pa ma byas/ ji ltar khyod kyis sa la gaN+DI rdung ba'i sgra ma thos/ de bzhin gshegs pa'i zhing la dge ba'i sa bon sbran cing spos sam/ phreng ba 'am/ mar me sbyin pa byin pa ma mthong ngo // de bzhin gshegs pa la bza' ba dang bca' ba 'bul ba dang / 'khor bzhin tshim par byas pa yang ma mthong / dge slong dang / dge slong ma dang / dge bsnyen dang / dge bsnyen ma bstan pa la mngon par dad pa de dag ni 'khor bzhi'o// de ltar de la phan pa'i phyir smras
- 356b
te bsnang ba dang / lha cung zad kyang ma bgyis so// mi khyod kyis ni 'dzam bu'i gling du 'ongs nas/ mi dge ba byas so// de'i tshe mi shi ba de la chos kyi rgyal pos rjes su bstan pa'i tshigs su bcang ba spras pa/ de bzhin gshegs pa 'byung mthong zhing // gaN+DI rdung ba thos gyur la// mya ngan 'angs pa zhir 'gro ba'i// chos bstan thos kyang ma byas so// de nas mi nges sngar smras pa/ bdag ni byis pa'i blor gyur te// sdig pa'i grogs kyi dbang song nas// 'dod pas 'khrul pa'i sems kyis su// bdag gis sdig pa'i las byas so// 'dod pa dag kyang bsten pa dang // bdag gis srog chags rnams kyang gsang // dge/ 'dun rnams kyi chung gsan pas// mi bzad de yi 'bras bu 'ong // gnod par sems pa'i yid kyis su// bdag gis mchod rten bshig pa byas// tshig ngan rnams kyang rab tu smras// bdag gis/ ma yang brdung bar byas// bdag gi lus kyis gang byas pa// nyes pa dag kyang rab tu shes// sems can dmyal ba ngu 'bong du// shin tu mi bzang skye ba mthong // bsdus gzhom du yang tshor ba myong // de bzhin rab tu tsha ba dang / mnar med chen po mi bzad par// tshor ba rjes su myong bar 'gyur// pad+ma lta bur che rags pa'i// sems can dmyal bar sdug bsngal du// thig nag btab pa 'jigs chen du// lan brgya bar du skye bar 'gyur/ / sems dmyal sems can bsad nas su// phyis kyang 'jigs pa de mthong ste// dpag tshad brgyar ni yang dang yang // 'jigs pa chen por ltung bar 'gyur// de dag
- 357a
sgo snyed mi 'gyur te/ / phyis kyang bum par rab tu sbyang // sU kri zhes bya sems dmyal du// spu gri stong yang 'byung bar 'gyur// bye ba stong phrag khri rnams kyi// spu gri mdun du 'byung 'gyur te/ / bdag gis nyes pa'i las byas pas// de dag gis ni de lus gtubs// rlung 'khrugs chen po mi bzad pas// lus de thams cad 'jig par byed// rtag tu 'di 'dra'i sems dmyal du/ / bdag gis sdug bsngal myong bar 'gyur// lus ni rab tu sdug bsngal rab// sems can kun gyis bdag mthong ngo // khyim so bya phyir gzhan dag gi/ nor yang bdag gis rab tu blangs// bdag gis bu pho bu mo dang // de bzhin phu nu sring mo dang // bdag gi pha ma rang de bzhin te// mdza' bo gnyen bshes mang po dang // bran dang las byed rnams dang ni// de bzhin pa dang phyugs dang g.yog/ dgos pa ngan la bdag 'khrul te// gser dang dngul gyi snod rnams dang // de bzhin phra rab gos rnams dang // khyim byed bcug pas 'khrul pa ste// khyim yang shin du bkra byas nas// skyes pa bud med lang long dang / / pi wa bsil snyan 'khrol ba la// bdag yid ma dul dga' bar gyur// spos chu dag gis lus bkrus kyang // da dung byas pa gzo ba med// lus khyod sems pa med pa ste/ / nga ni khyod kyi ched la 'khrul// phyin chad sems can 'ga' tsam yang // bdag la skyob par 'gyur ba med// rlung 'khrug chen po mi bzad par// lus ni yongs su gdung ba na// ro dang ldan pa
- 357b
zhim zos te/ / lces kyang sna tshogs de bzhin no// phreng ba sna tshogs bzang mdzes pa// rab tu mang po mgo la bcings// mig ni gzugs kyis 'khrul byas te// mig gi skyabs ni yod ma yin// bdag gis mthong nas gang byas pa// sdig pa rnams ni mig gi rgyu// lag pa rdo rjes bcad pa ni// bdag gi rna ba'i rgyu yin no// lag pa gnyis la gdu bu btags// sor mo rnams la sor gdub bcug/ mgul du mu tig sa mo do// rkang pa gnyis kyang rab tu brgyan// de la dra ba byas pa dang // de la gser yang gnas par byas// lus la rin chen sna tshogs dang // gser gyi gdu bu rang de bzhin no/ / longs spyod chen pos rab brtses nas// yid kyang shin tu rtag par gyur// rab tu 'jam la bdag reg nas// shin tu sred pas de bsten to// gding ba sna tshogs mal cha yis// bdag gis lus ni rtser bcug go/ spos chu bzang pos khrus byas te// spos rnams kyis kyang rab tu bskus// lha rdzas ga pu ra tsan dan gyi// bdug pa rnams kyis rab tu bdugs// kha dog bzang po byas nas kyang / / gla rtsi ldan pas rab tu bsgos// le lon 'bru mar dri dag dang // sna ma tsam pa ka la sogs// bskus nas pra mo ka shi pa// dkar po'i gos kyang rab tu bgos// glang po'i rgyab nas babs nas su/ / rta yi rgyab tu mngon par zhon// bdag ni rgyal po yin snyam sems// skye bo dag ni mdun na rgyug/ glu gar shin tu bslabs pa yi// sras rnams kyang ni rab tu shes//
- 358a
ri dgas rnams ni mnyes par// bdag gis mangs kyang ri dgas pasad// 'jig rten phyi ma ma shes pas// bdag gis 'dri 'dra'i sdig byas shing // bdag gis gzhan gyis sha zos pas/ / de phyir bdag gi sdug bsngal 'di// mi bzad 'ong bar 'gyur pa yi// 'chi ba bdag gis ma shes te// bdag ni byis pa'i blor gyur pas// bdag gis lus kyang gso ba byas/ / deng ni bdag la 'chi 'ong na// skyabs byed pa ni su yang med// gnyen rnams khyed cag thams cad kyang // nga yi gdong du bltar ci yod// ci zhig phyir ni gos 'dral zhing // ci phyir ngu zhing smre sngags 'don// ci phyir sgra rnams rab 'jig cing // ci phyir khrag kyang 'byin par byed// ci phyir mgo la rdul 'thor zhing // brang yang rab tu rdung bar byed// bdag gson tshe na sdig pa rnams/ / spang bar bya rigs khyed ci gdung // bdag gi lus ni smyung ki dang // khyi dang wa dang bya rog dang / bya rnams kyis kyang bza' bar 'gyur// lus 'dir dgos pa med par gsos// 'chi ba'i sbrul dang ldan gyur nas/ / mi ni rtag tu skye bar 'gyur// 'jigs pa 'di las grol 'gyur ba// de lta bu yi sman rnams bsten// bdag la sman pas gang ba ni// sman de dgos pa ma yin no// nyon mongs sprul las thar byed pa/ / de ltar chos kyi sman rnams ni// 'chi bar bdag la sbyin par byos// sha ni nga la ma sbyin cig/ lus 'di gso ba byas kyang ni// gdom mi za bar 'jig par 'gyur// gang phyir sdug bsngal sbyin
- 358b
'gyur ba/ / srog gi phung po ci'i phyir dwangs// lus 'di shin tu gsos byas kyang // byab ma mus byed par 'gyur// budang bu me tsozhig phyir// ngal mig gis lta bar byed// nab 'di las ngaskyobs shig/ ron med par ni cir phyir du// bu dang bu mo khyed cag dang // nga ni ma rung ma byed cig/ khyed cag gso bar bya ba'i phyir// ngas ni gzhan gyi nor yang phrogs// nga ni 'chi dus bab pa na// re thag chad kyis ci zhig byed skye dang ngan 'gros rab tu 'jigs/ / 'chi bas kyang ni yongs su gzir// tshor ba 'du shes 'du byed dang // reg pa shin tu tshor ba'o// sred pas byis pa rnams kyang 'khyam// mi bzang 'bras bu rnams kyang thob/ / ngan pa'i rigs su skye ba na// der yang mya ngan bcings par 'gyur// bdag las bsod nams chung shes nas// skye bo gzhan dag mya ngan byed// sprin dang tshul khrims yongs su nyams/ / chos la yang ni rgyab kyis phyogs// yang skye ba ni mi shes pas// nyon mongs sbrul gyis nyon mongs pa// ma rigs pas ni byis pas rnams// gang ni thar pa med par 'khyam// thar par don ni mi shes nas/ / 'khrul pas sdig pa rnams kyang byed// nyon mongs rnams kyis byis pa 'khyam// yid ni rtag tu rnam par 'khrugs// bcing ba sna tshogs ldan lus la// mes ni kun tu 'bar zhing tshig/ gang na bde ba med pa dor// lus ni rnam par 'khrul pas 'khyam// gang las shin tu bde 'byung la// bde ba de ni mi shes te// sangs rgyas zhing ni bde ba sbyin// chos kyi 'khor lo sman gyi
- 359a
/ mchog/ tshul khrims bden pa'i tshul khrims so// de bzhin gshegs pa tshangs pa'i dbyangs/ de nas bcom ldan rangs kyis byang chub sems dpa' sems dpa' chen po sman gyi sde la bka' stsal pa/ sman gyi sems can dag 'chi ba'i dus kyi tshe de ltar smre sngagasar don kyang / legs par byed pa'i las kyi 'bras bu rnam pa ra smin pa sa gtogs par de dag gi skyob par 'gyur ba su yang med do zhes bkar de skad ces stsal nas/ tshigs su bcad pa 'di dag kyang gsungs so// sdig pa'i las ni byas pas na// sems can dmyal ba rnams su lhung // bsregs pa'i gos ni gyon par 'gyur/ / skom du lcags khu 'thung bar 'gyur// lus rnams la ni me mngag 'bab// tshig nas rab tu mi bzad du// sems can dmyal ba 'jigs chen du// de yi lus ni rab tu tshig/ bde ba dag ni mi shes shing // chos kyang rnam par mi shes te// chos ma yin pas byis pa khyam// bde ba cung zad rnyed mi 'gyur// dad dang tshul khrims phun sum tshogs// shes rab ldan zhing dkar thub che/ / dge ba'i bshes gnyen bsten pas ni// de bzhin gshegs par myur du 'gyur// 'jig rten sangs rgyas 'bru ba'i phyir// brtson 'grus kyi ni mchog rtsoms la// sems can thams cad yongs su bzung // dge ba'i las kyi chos ston cig/ byams pa'i sems dang de bzhin du// tshangs spyod mchog la snyoms par zhugs// sman sde de skad thos nas kyang //
- 359b
mchog tu bsgrub par 'gyur bar bya// rnam grol mthong dang sangs rgyas dang // sgra bsgrags rnam par 'dren pa dang // 'jig rten gyi ni pha dang ma// de ni byang chub sems shes bya// 'jig rten du ni chos 'di gang ston pa/ / dge ba'i bshes gnyen mchog tu rab rnyed dka'// sangs rgyas bstan la gang dag gus nyan pa// de dag bla med sangs rgyas bde gshegs 'gyur// zhi ba sangs rgyas sras rnams la/ / gang dag gus dang bcas 'gyur ba// de dag kyang ni sems can kun// thar byed 'jig rten mgon dur gyur// de nas bcom ldan 'das la/ byang chub sems dpa' sems dpa' chen po sman gyi sdes 'di skad ces gsol to/ / bcom ldan 'das ci'i slad du dog sa 'di dag g.yo/ rab tu g.yo// de skad ces gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bka' stsal to/ / sman gyi sde ci de mthong ngam ltos/ byang chub sems dpa' sems dpa' chen po sman gyi sdes bltas pa dang / phyogs bzhi na sags pa mthong ngo // sa gas pas sags pa'i phrag nas/ mi bye ba phrag nyi shu byung ba dang / 'og gi phyogs nus mi bye ba phrag nyi shu byung ba dang / steng gi phyogs nas mi bye ba phrag nyi shu rtsa lnga byung ba mthong ngo // de nas sems can gzhon nu de dag gis rnam par bltas nas/ bcom ldan 'das la 'di skad ces gsol to// bcom ldan 'das 'dir su dag skyes/ bcom ldan 'das kyis bka' stsal pa/ khyed cag skye bo'i tshigs
- 360a
'di dag la ltos/ de dag gis gsol pa/ bcom ldan 'das mthong lags so// bcom ldan 'das kyis bka' stsal pa/ skye bo'i tshogs 'di dag ni khyed la bde ba'i/ phyir skyes so// gsol pa/ sems can 'di dag kyang 'gum par 'gyur ram/ bcom ldan 'das kyis bka' stsal pa/ grogs po dag de bzhin te/ sems can thams cad kyang 'chi bar 'gyur ro// de nas sems can gzhon nu snga ma gang dag thog ma nyid du skyes pa de dag gis/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag ni/ yang skye ba dang / 'gum pa la blta bar mi spro'o// bcom ldan 'das kyis bkar stsal pa/ 'o na brtson 'grus kyi stobs rnyed par spro ram/ de dag gis gsol pa/ de bzhin gshegs ba mngon sum du blta bar bgyi'o/ / de nas chos gang mnyan pa zhus te/ yid du 'ong ba mnyan par bgyi'o// de bzhin gshegs pa'i nyan thos kyi dge 'dun 'dus pa la blta bar bgyi'o// byang chub sems dpa' rdzu 'phrul che zhing mthu che ba rnams la blta bar bgyi ste/ bcom ldan 'das 'di lta bu la spro'i/ skye ba dang 'gum pa la ni lta bar mi spro'o// de nas byang chub sems dpa' sems dpa' chen po sman gyi sde rdzu 'phrul gyi stobs kyis byang chub sems dpa' lnga brgya po de dag dang lhan cig tu stan las la ngas nas/ de dag thams cad rdzu 'phrul gyis steng gi bar snang la 'gro zhing skyil mo krung bcas nas/ bsam gtan byed de/
- 360b
de dag thams cad kyi lus las seng ge rnams byung ngo // stag rnams byung ngo // sbrul rnams byung ngo // glang po ni rnams byung ngo // rdzu 'phrul chen po rnam par 'phrul pa ston to// ri la yang skyil mo krung bcas te 'khod do/ / steng du dpag tshad nyi khri srid du yang 'gro/ zla ba dang nyi ma bye ba stong phrag bcu yang 'bab par byed do// de nas bcom ldan 'das la/ sems can gzhon nu de dag gis 'di skad ces gsol to// bcom ldan 'das 'od ser chen po gda' ba dang / rdzu 'phrul chen po rnam par 'phrul pa 'jig rten du byung ba'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu khyed zla ba dang nyi ma byung ba 'di la ltos/ de dag gis gsol pa/ bcom ldan 'das mthong lags so// bde bar gshegs pa mthong lags so// bcom ldanar dus kyis bka' stsal pa/ 'di ni byang chub sems dpa' rang gi lus las 'od zer snang ba dang / rdzu 'phrul dang cho 'phrul ldan pa ste/ bstan nas kyang skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo'i tshogs chen po dang / lha rnams dang / mi rnams kyi don dang / phan pa dang / bde ba'i phyir sems can rnams la chos ston te/ de dag 'dir mi'i lus dang / stobs dang / brtson 'grus bstan nas/ 'di 'dra ba'i stobs nye bar ston to/ / gsol pa/ bcom ldan 'das 'od zer snang ba 'byung bar bgyi ba'i slad du chos bstan tu gsol/ de skad ces gsol pa dang / bcom ldan 'das kyis byang chub sems dpa'
- 361a
sems dpa' chen po sman gyi sde la 'di skad ces bka' stsal to/ / sman gyi sde khyod kyis stong gsum gyi stong chen po'i 'jig rten gyi khams rnam pa drug tu g.yos pa mthong ngam// gsol/ pa/ bcom ldan 'das mthong lags so// bde bar gshegs pa mthong lags so// des 'di snyam bsams te/ gang bdag gis de bzhin gshegs pa la don 'di zhu'o// snyam bsams pa dang / bcom ldan 'das kyis bka' stsal pa/ sman gyi snga ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// bstan par bya'o// rnam par dbye bar bya'o/ / sman gyi sde gang 'das pa dang / ma 'ongs pa dang / da ltar byung ba'i dus rnams kyi de thams cad bstan par bya'o// gsol pa/ bcom ldan 'das the tsom bsal ba'i slad du bstan du gsol/ bcom ldan/ 'das bdag gis de bzhin gshegs pa lha'i bu stong phrag brgyad cu rtsa bzhis bskor ba dang / byang chub sems dpa' bye ba stong phrag brgyad cu rtsa bzhis bskor ba dang / klu'i rgyal po bye ba stong phrag bcu gnyis kyis bskor ba dang / 'byung po bye ba stong phrag bco brgyad kyis bskor ba dang / yi dgas dang / sha za bye ba stong phrag nyi shu rtsa lngas bskor ba mthong ngo // bcom ldan 'das kyis bka' stsal pa/ sman gyi sde sems can 'di dag ni chos nyan pa'i phyir/ 'khor 'diranga'i gan du 'dus shing 'khod gor ma chag ste/ sman gyi sde 'di dag ni deng kho nar 'khor ba bsnyil bar 'gyur ro// sems can thams
- 361b
cad la phan par 'dod pas/ deng nyid sa bcu rab tu 'thob par 'gyur ro// sa bcu la rab tu gnas nas mya ngan las 'das pa'i dbyings rjes su thob par 'gyur ro// rgang par / las thar bya'i phyir// las byas bde bze byed cing // nyon mongs zhags pa'ang ma byas nas// sangs rgyas bstan pa thob par 'gyur// gsol pa/ bcom ldan 'das sems can gyi gnas mang po/ / las sna tshogs kyis 'byung ba 'di ci'i slad du/ bcom ldan 'das la bskor cing gnas// bcom ldan 'das kyis bka' stsal pa// sman gyi sde nyon cig/ sems can rmongs pa mi shes pa/ / thar par gyur pa ga la yod// sems can gzhon nu mang po dag/ de ring gzungs rnams thob par 'gyur// sa bcu dag ni 'thob pa'i phyir// chos kun rab tu shes par 'gyur/ / sa bcu dag kyang thob par 'gyur// sangs rgyas bya ba byed par 'gyur// chos kyi 'khor lo bskor bar 'gyur// chos char rab tu 'bebs par 'gyur// ji ltar sems can 'dus pas na/ / nga yi bstan pa dga' ba'o// lha dang klu dang yi dgas dang // lha min shin tu mi bzang ba// sa bcu la ni rab gnas te// chos kyi sgra yang sgrogs par 'gyur/ chos kyi rnga yang rdung bar 'gyu// chos kyi dung yang rab tu 'bud // sems can gzhon nu 'di dag kyang // brtson 'grus mthu dang ldan par 'gyur// de bzhin gshegs pas thob pa bzhin/
- 362a
dag deng ni chos thob 'gyur// de nas sems can gnon nu lnga stong tsam stan las langs nas/ bcom ldan 'das ga la bde logs su thal mo sbyar ba btud de/ bcom ldan 'das/ la 'di skad ces gsol to// gang phyir mtha' ni ma 'tshal ba// 'khor ba na ni 'ching ba ste// lus ni khur lci bcom ldan 'das// 'jigs pa chen po mi bzad pa// lam ni rnam par ma 'tshal te// lam nyid kyang ni mi gda' bas/ / mgon po bdag cag ldongs 'gyur na// bdag cag rnams ni bsdu bar gsol// dpa' la bdag cag gsol ba 'tshal// 'dren pas chos ni bshad du gsol// bdag cag shes rab chung ngur skyes/ / bde bar mngon par ma 'tshal to// bdag cag la ni chos bshad gsol// sdug bsngal mi bzang grol bar mdzod// gang dang gang du skyes par yang // bdag cag sangs rgyas mthong gyur cig/ de nas byang chub sems dpa' sems dpa' chen po sman gyi sde/ sems can gzhon nu rnams ga la ba der song ste phyin nas 'di skad ces smras so// khyed cag rnams ni zas so zhig/ rmang du byung ba'i ro yang 'thung // 'jigs pa med par gyur nas su// phyis gdod 'jigs med chos nyon cig/ smras pa/ btsun pa gnas brtan khyod su zhig/ bdag cag rnams kyis khyod mi shes/ / khyed ni rab tu mdzes par mthong // gzugs ni zhi zhing grags pa che// yi dgas 'jig rten 'jigs chen dang // sems dmyal dud 'gro rnams las thar// ji ltar 'gro bar mdzes pa
- 362b
bzhin/ / khyod kyi sdig pa thams cad zhi// khyod kyi lag na snod yod pa// rin chen sna bdun ldan pa dang // lus la rin cen srad bu dang // gzi brjid phung pos brgyan pa mthong // zhi ba khyod kyis/ tshig smras pa// bdag cag lan 'debs mi nus so// bdag cag la ni zas rnams dang // zhim po'i skom yang mi dgos te// zas las gshang ba 'byung bar 'gyur// de bzhin skom yang gcin du 'gyur/ / khu ba rnams las khrag tu 'gyur// de bzhin khrag las shar 'gyur pas// zas dang skom rab sbyar ba yang // bdag cag rnams la dgos ma yin// dar dang snam bu sbar ba dang // phra mo'i gos kyang dgos pa med/ / gser gyi gdu bu mi dgos te// mu tig 'phreng ba dgos ma yin// sor gdub dag kyang mi dgos te// de kun mi rtag chos can no// bdag cag ngan par 'gro rnams su// 'gro/ bar mi 'gyur srog tshol lo// lha rnams kyi ni bde ba dang // chos kyi sprin pa don tu gnyer// dge ba'i bshes gnyen rnams dgos te// 'khor los sgyur rgyal ma yin no// rab tu bzang ba'i glang por nas/ / 'khor los sgyur bar chi bar 'gyur// bu yang phyi bzhin mi 'brang ste// chung ma bu mo rnams kyang min// rin chen sna bdun phyin las// phyi bzhin 'brang ba ma yin no// skye bo mang po 'dus pa yang // phyi bzhin 'gro ba ma yin te// mdun du rgyug pa'ang ma yin no// de ltar phyi chang mi 'gyur ro// tshe gcig gi ni rgyal po las// mi rtag pas ni 'khyam gyur te// sdig pa'i las rnams mang byas pas//
- 363a
de dag sems dmyal du 'bong ltung // rin chen sna bdun rdzu 'phrul ches// phyogs bzhi kun tu bskor ba las// gang tshe bu 'bod smin pa'i tshe// rdzu 'phrul de ni gang du song // sa gang dag na yod min pa/ / shi nas rdzu 'phrul byed mi nus// gnas brtan bdag cag rnams la gson// gang na de bzhin gshegs par bzhud// pa dang ma ni ji lta bar// de ni mthong bar rab tu 'dod// bdag cag la ni ma yang med/ / pha med phu nu rnams kyang med// 'jig rten gtso bo de bzhin gshegs// de nyid pa dang ma yin no// de nyid nyi ma zla ba ste// bde ba'i lam ni rab ston pa'o// gang phyir phyin chad mi skye bar// de ni 'khor ba thuthar mdzad pa'o/ / nyon mongs chu bo 'jigs chen dang // chu bo sgrol ba'i gru de'o// de yis sems can rab bsgral te// phyin chad slar ni mi ldog go// byang chub mchog ni rab ston pa// dam pa'i chos kyang de bshad do/ / bdag cag rnams la zas mi dgos// rgyal srid 'bras bu mi 'dod do// sems can dmyal bas 'jigs pa ni// lha yi 'jig rten 'gro mi bya// mi yi tshe ni bde ba ste/ / de na thams cad mkhyen pa snang // rang gi las ni nyes byas pas// tshe thung rnams ni 'khyam pa yin// de dag 'chi ba me shes kyi// 'dod pa'i longs spyod rgyal srid shes// skye dang 'gag pas bslus pa rnams/ / shes pa med cing 'jigs pa med// mi rtag pas ni sems 'khrul rnams// phra ba'i chos rnams mi shes te// phra ba'i dgos pa mi byed lo// zhi ba'i dbyings kyang mi shes so// chi
- 363b
/ 'pho la ni skyo med pa// yang dang yang du skye bar 'gyur// yun ring sdug bsngal rab gzir cing // rtag tu dbyug pas brdegs byas nas// gzhan dag gi yang 'phrog byed de// de bzhin bcing zhing bsad pa byas// / sngon gyi sdig pas bskul bas na// de dag bcing ba lngas bcings so// re thag kyang ni chad par 'gyur// mya ngan zug rngus thug par 'gyur// rnam par shes pa 'gag pa na// snying rje bar ni smre sngags 'don/ / bdag gi skyob par 'gyur pa la// gser dang dngul dang shel dag dang // longs spyod thams cad bdag gis dbul// bdag ni bran du rang 'gyur bar bya// bran gyi tshul du gang gyur pa// las rnams thams cad rab tu bya/ / rgyal srid longs spyod bdag mi dgos// nor dang 'bro yang ma yin no// rang gi lus ni bdag la dgos// sdig pa byed pa mi 'grol te// de ltas gnas brtan bdag cag la/ / bza' ba dgos pa ma yin no// gang dag kha zas zhim zos pa// rgyal po rnams kyang 'chi bar 'gyur// btung ba mchog ni 'thungs pa yi// lha yi bu rnams 'chi bar 'gyur// chom cho dgu ro ldan pa// za sa dang skom ni rab bshams te// rgyal po'i mdun du blangs nas su// kha zas la ni lces reg nas// rgyal po rnams ni ro la chags// sdig pa mi chung rnams kyang byed// gang la snying po med pa yi// mi rtag rol chags par byed// bdag cag rnams la skom mi dgos// bza' ba dag kyang dgos ma yin// bdag cag sdug bsngal gang grol ba// chos nyid de 'dra dgos pa
- 364a
yin/ / sred pa'i bcings las rab grol zhing // sred pa'i nyon mongs rnam thar te// bcings pa kun las rab grol ba'i// sangs rgyas de la skyabs su dong // drang srong chen po 'jig mgon la/ / bdag cag rnams ni skyabs su dong // sems can rnams kyis mthong dga' la// phyag 'tshal phyir ni bdag cag 'dong // khyod kyi mtshan ni ma 'tshal gyis// snyan pa'i mtshan ni bstan tu gsol// / sman gyi sdes smras pa/ khyed dang skye bo thams cad kyang // de bzhin ming ni thos par 'dong // sems can gzhon nu bye ba phrag/ stong gis de bzhin gshegs pa bskor// de dag gis smras pa// khyod ni sangs rgyas nyan thos te/ / ming ni zab par grags pa yin// skye bo kun kyang de bzhin du// khyod kyi ming ni thos par 'dod // smras pa/ nga yi ming ni sman gyi sde// nga ni sems can rnams kyi sman// sman rnams kun gyi dam pa ni// khyed cag rnams la bshad par bya// nang kun gyis btab skye bo yi// nad rnams thams cad zhi bar byed// 'dod chags nad ni nang po che// 'jig rten 'jig byed mi bzad pa/ / gang gis blo med 'khyam pa yi// gti mug nang ni che zhing drag/ sems dmyal de bzhin dud 'gro dang // yi dgas rnams su sems can 'gro// bris pa 'di dag zhe sdang zin// de dag rdza ltar zhi bar 'gyur/ / de dag gis smras pa/ dge ba'i chos ni 'di thos pas// bdag cag sdug bsngal kun las grol// byis pa blo na mo shes pa// sdug bsngal kun las grol nas kyang // sdig padi
- 364b
las ni rnam spangs te/ / bdag cag chos kyi sbyin pa nyan// sdig pa thams cad rnam spangs nas// 'jigs pa mi bzad rnams kyang spangs// nad rnams thams cad zhi byed pa// sman gyi rgyal po sman// pa ste// sdug bsngal ba rnams gso byed pa// yang dag sangs rgyas myur du lta// de bzhin gshegs la phyag bya phyir// gnas brtan khyod ni myur du bzhung // phyag byas bdag cag rnams kyi chog/ 'jig/ rten rnam par 'dren la gsungs// nad 'dir rab tu zhi bar mdzod// lus 'di thams cad rab 'bar te// tshig cing zhi ba med pa yi// mi bzang me ni zhi bar mdzod// lus kyi khur ni khur po che// shin tu mi bzang rno ba'i khur/ / sdug bsngal gzir ba bdag cag la// brtul zhugs dam pa thugs rje mdzod// skye bo rtag tu zhe sdang dang // gti mug nor ba'i khur khyer te// khur las thar pa mi shes pa/ de dag yang dang yang khur khyer// thar pa'i lam ni mi shes shing // thar pa'i lam ni ma mthong rnams// 'chi ba rnam par shes mod kyi// 'on kyang 'jigs pa mi skyed do// bdag cag la ni nam du yang / / 'chi ba med snyam bde bar gnas// kun tu 'khrul pas ma shi ba// mthong yang rnam par mi shes so// de dag pa yang mi dran te// nad kyis kyang ni rtag gzir cing // nyon mongs las kyis rab dkrugs na/ / ji ltar kha bla za bar 'gyur// sdug bsngal nyam thag mi shes te// bdag cag ngal ba don med do// khyod kyi sdug bsngal 'di 'dra ba// ma rig gzhi las skyes pa'o// 'du
- 365a
shes 'du byed tshor ba rnams/ / 'jigs chen lci ba'i khur min no// gang chos rnam par mi shes pa// byis pa srid pas rab tu 'khyam// lus kyi khur gyis bskor ba ni/ 'jig rten du yang don med skyes// gos gtsang shin tu bzang ba dang // khrus dang byug pa dgos pa'o// lus la gang yid 'ong ba yi// kha zas zhim po dgos pa ste// yid du 'ong ba'i sil snyan rnga/ de bzhin rna bas tshol bar byed// rin chen bdun las byung ba yi// gzugs la mig gis chags par byed// zhim pa'i ro rnams thams cad ni// lces kyang tshol bar byed pa ste// 'jam zhing phra ba'i reg pa yang / / lus kyis rtag tu tshol bar byed// lus kyis su ni sha gnyis pa'o// dga' bar yang ni bsgrubs pa las// sems pa med pa'i lus 'di skyes// de la dga' ba su zhig rnyed// de na bdag rkang dgar byed pa// ldum ni rab tu bzang gyon yang // 'chi ba ra ra gyur tshe gos rnams dang // byug pa skyabs su mi 'gyur te// lus kyang skyabs su 'gyur min na// gos dang byug pa smos ci dgos/ / mi zhes bya ba lus yin to// dbugs dang stobs chen rnyed par 'gyur// so sor rtog pa rno ba'i stobs// de ni lus la yon tan che// sngon chad rta dang glang po yis// kun tu bskor nas rtse zhing 'khyam/ / thar pa'i chos ni ma shes nas// bdag ci sdig pa'i las la dga'// 'jig rten pha rol ma shes nas// brtse bas sdig pa byed du bcug/ bdag ni yang dang yang skyes te// shi ba
- 365b
bdag la yang 'ongs so/ / yang dang yang du mya ngan mthong // smre sngags 'don pas rab tu bcings// ma rnams kyang ni shi ba mthong // pha rnams shi dang gnyen dag dang // srin mo dang ni bu dag dang // chung ma rnams kyang shi ba mthong // mngon par 'du byed kun stong na// sems dang bcas pa su zhig chags// 'dod pas zin pa'i sems kyis su// bdag gis yid brtan rung bar shes// zhi ba'i chos ni mi dmigs te// 'chi ba la ni mngon dgar med// de phyir 'dod pas bsgribs sems kyis// bdag gis sbyin pa ma sbyin no// de bas 'dod dang mnyam sdig med// de ni da dung mi ldog go/ kun tu nor pas bdag cag skyes// 'gro ba mtha' dag kun tu nor// kun tu nor pa'i sgra yang nyan// dam chos ma yin yongs su 'dzin// thar pa dang ni bsam gtan btsal// lus ni khu ra du bkur mi bya/ / 'jig rten don du 'gro ba'i gtso// sangs rgyas ston pa rnams su shog/ sangs rgyas 'jig rten pa dang ma// sangs rgyas lam ni rab ston pa// 'dzam bu'i gling ni kun tu yang // rin chen char pa rab tu 'bebs/ / chos kyi bsdu ba ci 'dra ba// sems can blun pos mi shes te// byang chub tu ni sems bsngos nas// chos kyi bsdu ba thob par 'gyur// 'du byed thams cad stong pa ste// de bzhin/ longs spyod nor yang stong // bdag kyang stong par mthong bas na// mthong nas re ba med par 'gyur// gnas brtan sman gyi sde khyod kyis// bdag cag rnams kyi tshigs gson cig/ byang chub sems dpa' rnams
- 366a
kyi phyir/ / khyod ni po nyer bzhud 'tshal lo// 'khor ba'i nyes pa rnams dran nas// byang chub sems dpa'i skyo ba mang // brtson 'grus ldan zhing dkar thub che// yon tan kun tu srung par byed/ / ston ngeg la bzhugs par bzhud // ston pa bde bar rab sang nas// rgyal ba cung zad mi skyo bar// bdag cag slad du zhu ba mdzod// khyod kyis bdud ni gzhom pa dang // stobs dang bcas pa pham par byas/ / sems can thams cad yongs 'dzin pa'i// chos kyang myur du 'bar bar byas// gang gis sangs rgyas 'gyur pa yi// chos ni bdag cag ma thos kyis// bdag cag rnams la phan pa'i phyir/ / gnas brtan myur du bzhud du gsol// sum cu rtsa gnyis mtshan mngara' ba'i// de bzhin gshegs pa ma mthong ba// de srid bdag cag mi rgal zhes// thams cad gus dang bcas par gnas/ / sman gyi sdes smras pa/ khyed cag da ltar ci zhig mthong // re zhig gyen du blta bar byos// de dag gyen du bltas pa dang // khang pa brtsegs pa sum stong dang // lnga brgya tham par tshang bzhig/ kun tu yang ni gnas par gyur// rin chen bdun gyis shin tu spras// rin chen dran pas legs par brgyan// dbus na me tog rab tu rgyus// lha rdzas spos kyang rab tu 'bab// de nas gnas brtan/ dris pa ni// khang brtsegs rin chen dra ba dang // pad+ma ze ba kun gnas par// 'di na snang ba 'di ci zhig/ sman gyi sdes smras pa/ gnas 'di dag ni khyed kyi ste// sangs rgyas lta ba'i phyir deng shig/ 'jig rten
- 366b
/ 'das gtso gang yin pa// 'jig rten snang byed de la 'dud// de dag gis smras pa/ de yi lam yang ma 'tshal te// de bzhin gshegs pa'ang ma mthong na// gang na lam yang ma 'tshal bas// phyag 'tshal du ni gang du mchi/ / sman gyi sdes smras pa/ nam mkha' mtha' yas ji bzhin du// reg par rung ba ma yin pas// bdud rtsi rab sbyin ston pa la// phyag 'tshal phyir na 'gro mi bya// ji ltar ri rab gnas pa ltar// ston pa de yang gnas na bzhugs/ / ri rab gzhal du rung ba yin// rgya mtsho chen po gting tshod zin// stong gsum rdul phran dpag tu rung // sangs rgyas 'byung ba shes ma yin// byang chub sems dpar phyogs bcu nas/ / 'jig rten snang bar mdzad la 'dung // smras pa/ 'jig rten mgon po bdag cag gzigs// bdag cag bsam pa rdzogs par mjed// bdag cag sems kyis ston pa la// phyag bgyis de nas 'bras bu thob/ / sman gyi sdes smras pa/ ston pa dri la mi chags te// 'phreng ba ma yin byug pa min// gang gis 'dus byas grol 'gyur ba// sems can rnams kyi rgyu 'dzin to// gang gis yid ni btul byas shing / / sangs rgyas la yang skyabs su song // de la bdud ni mi bzang mchog/ 'thab mo rgol bar mi byed do// 'tsho ba'i dbang du mi 'gro yi// gzungs ni myur du rnyid par 'gyur// de sems rab tu dang byas nas/ / de nas ston pa mthong bar 'gyur/ de nas bcom ldan rangs de bzhin gshegs pa ka la bing+ka'i sgra skad yid du 'ong ba 'dzum pa mdzod do// de nas byang chub sems
- 367a
dpa' sems dpa' chen po sman gyi sde stan las langs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das kyi zhal gyi sgo nas// 'od zer brgyad khri bzhi stong byung ste/ 'od zer de dag gis thams cad dang ldan pa'i stong gsum gyi stong chen po'i 'jig rten gyi khams 'di khyab par gyur// sems can dmyal ba chen po sum cu rtsa gnyis po thams cad kyang khyab par gyur/ lha'i gnas sum cu rtsa gnyis kyang snang bar gyur/ 'od zer de dag kyang kha dog sna tshogs sha stag la 'di lta ste/ sngon po dang ser po dang / dmar po dang / dkar po dang / le brgan dang / shel dang / dngul gyi kha dog lta bu ste/ 'od zer de dag bcom ldan 'das kyi zhal gyi sgo nas byung nas/ stong gsum gyi stong chen po'i 'jig rten gyi khams kyi sems can rnams la bde bar sbyar ba thams cad bgyis nas slar log ste/ bcom ldan 'das la lan bdun bskor ba bgyis nas/ bcom ldan 'das kyi dbu'i gtsug tu nub pabar gyur pa'i 'dzum pa mdzad pa'i rgyu gang lags / rkyen gang lags/ de nas yang bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das gal te bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces
- 367b
gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bkar stsal to// sman gyi sde khyod ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ / gsol pa/ bcom ldan 'das sems can gzhon nu bye ba stong phrag sum cu byung ba de dag gis/ de bzhin gshegs pa'i chos phra ba bstan pa rtogs nas/ sems can rgan po rnams la sems can rgan po khyed rnams ni chos mi shes pa'o/ / rtag tu chos ma yin pa dang mi dge ba la chags pa'o zhes phra mo rnams mi snyan pa mchi zhing yongs su brjod la gnod pa bgyid na/ bcom ldan rangs de ci'i slad du tshig snyan pa yid du 'ong ba 'di dag smras/ bcom ldan 'das kyis bka' stsal pa/ sman gyi sde de dag ci'i phyir/ tshig 'di skad smra ba mi shes sam/ de dag ni de bzhin gshegs pa la 'dzum nizhing shin tu snyan pa smra ste/ chos kyang thos pas/ sman gyi sde de'i phyir chos de dag thams cad kyi don khong du chud par 'gyur ro// yon tan thams cad dang ldan par 'gyur/ de dag thams cad gsungs rtogs par 'gyur/ deng phyin chang sa bcu la gnas par 'gyur/ drang chos kyi rnga chen po sgra 'byin par 'gyur/ deng chos chen po'i rnam pa dang ldan par 'gyur ro// sman gyi sde khang pa brtsegs pa 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bkar stsal pa/ sman gyi sde deng nyid sems can gzhon nu ring dag khang pa brtsegs pa de dag gi nang du
- 368a
/ zhugs nas/ chos mngon par rtogs pa thob par 'gyur ro// deng nyid dge ba'i chos thams cad yongs su rdzogs par byed par 'gyur ro// deng chos kyi rnga chen po rdung bar 'gyur te/ lnga'i ris du ma zhig deng chos mngon par rtogs pa thob par byed par 'gyur ro// sems can dmyal ba pa'i sems can log par ltung ba la gnas pa mang po dag kyang de bzhin gshegs pa'i ye shes bstan pa thos nas/ 'khor ba bsnyil te rgyal bar 'gyur ro// de'i tshe sems can rgan po bye ba stong phrag dgu bcu thams cad kyis rgyun tu zhugs pa'i 'bras bu thob ste/ de dag thams cad kyang chos dang ldan par 'gyur ro// sman gyi sde de dag thams cad ni sdug bsngal thams cad yongs su spangs par 'gyur ro// sman gyi sde de dag thams cad kyis ni de bzhin gshegs pa mthong ba sgrub par 'gyur ro// sman gyi sde de dag thams cad ni chos rje chen po'i sgra dang ldan par 'gyur ro/ / sman gyi sde phyogs bzhir ltos shig/ byang chub sems dpa' sems dpa' chen po sman gyi sdes phyogs bzhi kun tu bltas pa dang / shar phyogs nas byang chub sems dpar gang+gA ri krung bye ba phrag lnga bcu'i bye ma snyed 'ong / lho phyogs nas byang chub sems dpa' gang+gA'i klung bye ba phrag drug cu'i bye ma snyed 'ong / nub phyogs nas byang chub sems dpa' gang+gA'i klung bye ba phrag bdun cu'i bye ma snyed 'ong / / byang phyogs nas byang chub sems dpa' gang+gA ri krung bye ba phrag brgyad cu'i byem snyed 'ong // 'og gi phyogs nas byang chub sems dpa' gang+gA'i klung bye ba phrag dgu bcu'i bye ma
- 368b
snyed 'ong / / steng gi phyogs nas byang chub sems dpa' gang+gA'i klung bye ba phrag brgya'i bye ma snyed 'ong ste/ de dag lpags nas// bcom ldan 'das kyi spyan sngar phyogs gcig tu 'khod do// phyogs gcig tu 'khod pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das nam mkha' bar snang la gzugs nag po dang / gzugs dmar por gda' ba ci lags/ bka' stsal pa/ sman gyi sde gang bar snang la gzugs nag po dang / gzugs dmar po mthong ba 'di ci yin mi shes sam/ de bzhin gshegs pas ni mkhyen te/ sman gyi sde 'di ni bdud yin no/ / sman gyi snga mthong bar 'dod dam/ gsol pa/ bcom ldan 'das 'tshal lo// bde bar gshegs pa 'tshal lo// bcom ldan 'das kyis bka' stsal pa/ sman gyi sde byang chub sems dpa' gang+gA'i klung bye ba phrag brgya'i bye ma dang mnyam pa 'di lta bu lhags so/ / gsol pa/ bcom ldan 'das byang chub sems dpa' 'di dag lhags pa'i rgyu gang lags/ rkyen gang lags bka' stsal pa/ sman gyi sde sems can gzhon nu rnams kyi rkyen gyis te/ da sems can thams cad bsam gtan gyi chos dang ldan par 'gyur ro// sman gyi sde khyod kyis sems can gzugs sna tshegs 'dir lpags pa dang rdzu 'phrul gyi stobs kyis byin gyi rlabs sna tshogs kyis 'dir lpags pa dag mthong ngam/ gsol pa/ bdag gis ni byang chub sems dpa' gang+gA'i klung bye ba phrag
- 369a
brgya'i bye ma snyed dang / byang chub sems dpa' gang+gA'i klung bye ba khrag khrig brgya stong gi bye ma snyed cig rdzu 'phrul gyi mthus gnas te/ gzugs sna tshogs pa/ kha dog sna tshogs pa/ dbyibs sna tshogs pa dag gnas la byang chub sems dpa' de dag 'phags pa'i chos kyi gnas la gnas te/ byang chub sems dpa' de dag 'khor dang bcas nas/ chos kyi gnas la gnas pa mthong ngo / / bcom ldan 'das kyis de skad ces bka' stsal nas/ byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po sman gyi sde dang / byang chub sems dpa' gsar snying de dag kun dang / thams cad dang ldan pa'i 'khor dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan rangs kyis gsungs pa la mngon par bstod do// 'phags pa zung gi mdo'i chos kyi rnam grangs rdzogs so// // rgya gar gyi mkhan po dzi na mi tra dang // dAn shI la dang / zhu chen gyi lo ci ba ban d+he ye shes sdes bsgyur cing nus te/ skad gas ran+dad kyis kyang bcos nas gtan la phab pa// rgya gar skad du/ Ar+ya ad b+hu ta d+harma par+ya ya nA ma/ bod skad du/ 'phags pa rmad du byung ba zhes bya ba'i chos kyi rnam grangs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa
- 369b
dus gcig na/ bcom ldan 'das rgyal po'i khab na/ 'od ma'i tshal bya ka lan ta ka gnas pa na bzhugs so// de nas tshe dang ldan pa kun dga' bo snga dro'i dus kyi tshe/ chos gos dang sham thabs bgos te/ lhung bzed thogs nas/ rgyal po'i khab tu bsod snyoms kyi phyir zhugs te/ tshe dang ldan pa kun dga' bo rgyal po'i khab kyi grong khyer du mthar chags su bsod snyoms spyod pa'i tshe// phyogs shig na khang pa brtsegs pa sgo brgyad cu yod la/ byug pas byugs pa/ gdugs dang / rgyal mtshan dang / ba dan bsgreng ba/ dar gyi lnga ldi mang po dbyangs pa zhig mthong nas/ de 'di snyam du sems te/ rigs kyi bu ram tarigs kyi bu mo dang pa gang la la zhig gis khang pa brtsegs pa 'di lta bu byas te/ phyogs bzhi'i dge slong gi dge 'dun la dul ba dang / gang de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'iri 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas 'bru tsam gyi sku gzugs byas la/ yungs 'bru tsam gyi ring bsrel bcug na/ de gnyis las bsod nams shin tu che ba gang yin snyam mo// de yang 'di snyam du sems te/ ston pa ni bdag gi mngon sum du gyur/ bde bar gshegs pa ni bdag gi mngon sum du gyur gyis/ bcom ldan 'das la bdag gis don 'di nyid gsol to// bcom ldan 'das kyis bdag la ji skad bstan pa bzhin du gzung bar bya'o snyam mo//
- 370a
de nas tshe dang ldan pa kun dga' bo rgyal po'i khab tu bsod snyoms grangs te/ ras kyi bya ba byas nas bsod snyoms kyi zas phyi ma spangs te/ chos gos dang lhung bzed bzhag nas rkang pa bkrus te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas kyang bcom ldan 'das la/ tshe dang ldan pa kun dga' bos 'di skad ces gsol to// btsun pa bdag 'dir snga dro'i dus kyi tshe chos gos dang sham thabs bgos lhung bzed thogs te/ rgyal po'i khab tu bsod snyom gyi slad du zhugs te/ rgyal po'i khab kyi grong khyer du mthar chags su bsod snyoms spyod pa'i tshe/ phyogs shig na khang pa brtsegs pa chab sgo brgyad cu mchis la byug pas byugs pa/ gdugs dang / rgyal mtshan/ dang rnab dan bsgreng ba/ dar gyi lnga ldi mang po dbyangs pa dag mthong nas/ 'di snyamo du bsams te/ rigs kyi bu 'am/ rigs kyi bu mo dad pa gang la la zhig gis khang pa brtsegs pa 'di lta bu bgyis te/ phyogs bzhi'i dge slong dge 'dun la phul ba dang / gang gis de bzhin gshegs pa dgra bcom pa yang dag par rdzogs pa'i sangs rgyas mya ngan las 'das pa'i mchod rten 'jim pa las skyu ru ra'i 'bras bu tsam bgyis la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs bgyis la/ yungs 'bru tsam gyi ring bsrel srul na/ de gnyis las bsod
- 370b
rnams shin tu che ba gang lags snyam mo/ / bdag gis yang 'di snyam du bsams te/ ston pa ni bdag gi mngon sum du gyur/ bde bar gshegs pa ni bdag gi mngon sum du gyur gyis/ bcom ldan 'das la bdag gis don de nyid gsol te/ bcom ldan 'das kyis bang gA la ji skad bstan pa bzhin du gzung bar bgyi snyam nas/ bcom ldan 'das la bdag dron 'di nyid zhu lags na/ thugs brtse ba nye bar bzung ste/ bcom ldan 'das kyis bdag la don 'di nyid legs par bstan du gsol/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' bo khyod skye bo mang po la phan pa dang / skye bo mang po la bde ba dang / 'jig rten la snying brtse ba'i phyir zhugs nas/ lha dang mi rnams la phan pa dang bde ba'i don gyi phyir khyod de bzhin gshegs pa la don 'di nyid 'dri bar sems pa ni legs so legs so/ / kun dga' bo de'i phyir legs par rab tu nyon la yid la zung zhig dang / bshad do// kun dga' bo 'dzam bu'i gling gi gling ni mchur dpag tshad dun stong / rgyar yang dpag tshad bdun stong / byang du ni kha tshon che ba/ lho ni segs kar 'dug pa/ de rigs kyi bu 'am/ rigs kyi bu mo dad pa gang la la zhig gis/ rin po che sna bdun gyi rang bzhin du byas te/ rgyun tu zhugs pa rnams dang / lan cig byi re long ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge
- 371a
slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na/ de ni de bas bsod nams che'o zhes nga sma'o// kun dgar bo 'dzam bu'i gling lta zhog gi/ kun dgar po shar gyi lus 'phags zhes bya ba'i gling yod de/ mchur ni dpag tshad brgyad stong rta rgyar yang dpag tshad brgya stong ste/ kun nas zla gam lta bur grub pa de/ rigs kyi bu 'am/ rigs kyi bu mo dad pa gang la la zhig gis rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'dzem pa las skyu ru ra'i 'bras bu tsam byas la/ / khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na/ de ni de bas ches bsod nams che'o zhes nga smra'o// kun dga' bo
- 371b
'dzam bu'i gling lta'ang zhog gi/ shar gyi lus 'phags kyi gling lta 'ang zhog ste/ kun dgara' bo nub kyi ba lang spyod ces bya ba'i gling ni yod de/ chur ni dpag tshad dgu stong / zheng yang dpag tshad dgu stong ste/ kun nas zla ba nya ba lta bu grub pa de rigs kyi bu 'am/ rigs kyi bu mo dad pa gang la la zhig gis rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong dge 'dun la phul ba bas/ gang gis de bzhin gshegs pa dgra bcom pa yang dag dpar rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la/ kha ba tsam gyi srog shing btsugs te/ rgya shug gi lo ma tsam gyi gdugs gsol nas/ nas 'bru tsam gyi sku gzugs byas la/ yungs 'bru tsam gyi ring bsrel bcug na/ de ni de bas ches bsod nams che ro zhes nga sma'o// kun dga' bo 'dzam bu'i gling lta yang nog/ shar gyi lus 'phags kyi gling lha yang zhog/ nub kyi ba glang spyod kyi gling lta 'ang zhog ste/ kun dga' bo byang gi sgra mi snyan ces bya ba'i gling yod de/ chur ni dpag tshad khri/ rgyar yang dpag tshad khri ste/ kun nas gru bzhi lham par grub pa de rigs kyi bu 'am/ rigs kyi bu mo dad pa gang la la zhig gis rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang / phyir ma
- 372a
'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdug sa gsol nas/ nas kyi 'bru tsam gyi sku gzugs byas la/ yungs 'a bru tsam gyi ring bsrel bcug na/ de ni de bas ches bsod nams cheng smra'o// kun dga' bo 'dzam bu'i gling lta yang zhog/ sha gyi lu sa 'phags kyi gling lta yang zhog/ nub kyi ba lang spyod kyi gling lta yang zhog/ byang gi sgra mi snyan gyi gling lha ya/ nog ste/ kun dga' bo lha'i dbang po brgya byin gyi khang bzangs nam par rgyal byed ces bya ba yod do/ / de rigs kyi bu 'am/ rigs kyi bu mo dad pa gang la la zhig gis/ rin po che sna bdun gyi rang bzhin tu byas te/ rgyun tu zhugs pa rnams dang / lan cig phyir 'ong ba rnams phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs
- 372b
gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcugs na/ de ni de bas ches bsod nams che'o zhes nga smra'o// kun dga' bo 'dzam bu'i gling lta yang zhog/ shar gyi lus 'phags kyi gling lta yang zhog/ nub kyi ba lang spyod kyi gri lta yang zhog/ byang gi sgra mi snyan gyi gling lta yang zhog/ lha'i dbang po brgya byin gyi khang bzangs rnam par rgyal byed ces bya ba lta yang zhog ste/ kun dga' bo stong gsum gyi stong chen po'i 'jig rten gyi khams yod de/ de rigs kyi bu 'am/ rigs kyi bu mo dang pa gang la la zhig gis// rin po che sna bdun gyi rang bzhin du byas te/ rgyun tu zhugs pa rnams dang rtswa lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na/ de ni de bas bsod nams che'o zhes nga smra'o// de ci'i phyir zhe na/ kun dga' bo de bzhin gshegs pa ni ye shes kyis dpag tu med pa/ tshul khrims kyis dpag tu med pa/ bzod pas dpag tu med pa/ brtson 'grus kyis dpag tu med pa/ bsam gtan gyis dpag tu
- 373a
med par shes rab kyis dpag tu med pa/ byams pas dpag tu med pa/ snying rjes dpag tu med pa/ dga' bas dpag tu med pa/ btang snyoms kyis dpag tu med pa/ sangs rgyas kyi chos ma 'dres pa bco brgyad dang / stobs bcu dang / mi 'jigs pa bzhi dang / sangs rgyas kyi chos dran pa nye bar gzhag pa ma 'dres pa gsum dang / snying rje chen pos dpag tu med pa ste/ kun dga' bo de bzhin gshegs pa dgra bcom pa yang dag par rdzogs pa'i sangs rgyas ni yon tan dpag tu med pa dang ldan pa'i phyir ro/ / de skad ces bka' stsal pa dang / tshe dang ldan pa kun dga' bos bcom ldan 'das la 'di skad ces gsol to/ / bcom ldan 'das 'di lta ste/ chos kyi rnam grangs 'di ni ngo mtshar lags so// bde bar gshegs pa ngo mtshar lags so// chos kyi rnam grangs 'di'i ming ci/ lags/ 'di ji ltar gzung bar bgyi/ bka' stsal pa/ kun dga' bo de'i phyir chos kyi rnam grangs 'di rmad du byung ba'i chos kyi rnam grangs shes bya bar zung zhig/ de bas na chos kyi rnam grangs 'di ni rmad du byung ba'i chos kyi rnams shes bya ba'i tshig bla dgas so/ / bcom ldan 'das kyis de skad ces bka' stsal nas/ tshe dang ldan pa kun dga' bo yi rangs te/ bcom ldan 'das kyis gsungs pa la mngon par bstod do/ / 'phags pa mang du byung ba zhes bya ba'i chos kyi rnam grangs rdzogs so// / rgya gar gyi mkhan po dzi na mi tra dang / su ren dra bo d+hi dang / zhu chen gyi lo tsa ba
- 373b
pan d+he ye shes sdes zhus te gtan la phab pa/ rgya gar skad du/ Ar+ya pra thA bad+ma nA yA nA nA ma ma hA yA nA s+phu / bong skad du/ 'phags pa mar me dbul ba zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad ba dgi gos thos pa dus gcig na/ bcom ldan 'das mnyan yod na rgyal bu rgyal bred kyi rgyal mgon med zas sbyin gyi kun dga' rab na bzhugs so/ / de nas bcom ldan 'das kyis tshe dang ldan pa shA ri'i bu la bkar stsal pa/ sh+tsa ri'i bu dpas tu med pa po 'di dag ni legs par yongs su sbyangs pa'i chos rnams dang ldan pa/ rnam par smin pa dpag tu med pa/ snang ba dpag tu med pa/ bsod nams la yang dag par gzhol ba dpag tu med pa m+bu dpag tu me pa/ bdeb la yang dag par gzhol ba dpag tu med pa dag ste/ de dag ni tshul khrims la 'jug pa dang / ting nge 'dzin dang / shes rab dang / rnam par grol bu dang / rnam par grol ba'i mthong ba la 'jug pa dang / so so yang dag par rig pA la 'jug pa dang / len pa med par zag pa zad par 'gyur bdag s+ho// bzhig pa rnyen/ ri'i bu 'di lta ste/ de bzhin gshegs pa sa bcom pa yang dag par rdzogs pa'i sangs rgyas tshul khrims kyi pha rol tu phyin pa brnyes pas/ bsam gtan par gyur pa/ shes rab kyi pha rol tu phyin pa brnyas pas/ shes rab dpag tu med pa dang
- 374a
ldan pa/ shes rab yangs pa dang ldan pa/ nges par 'byed pa'i shes rab dang ldan pa/ ji lta ba bzhin gyi shes rab dang ldan pa/ grangs med pa'i shes rab dang ldan pa/ rnam par nges pa'i shes rab dang ldan pa/ rnam par nges pa gzigs pa/ mchog tu rnam par grol zhing shin tu rnam par grol ba'i thugs dang ldan pa/ g.yo ba med pa'i thugs dang ldan pa/ 'khrug pa med pa'i thugs dang ldan pa/ 'a phrin las legs par mdzad pa'i thugs dang ldan pa dang / shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa dge ba'i blos thams cad dang ldan pa/ spyod pa phun sum tshogs pa/ yid la mdzad pa dang ma bral ba/ bden pa ston pa/ bden pa gzigs pa/ snang bar gyur pa/ dpag tu med pa/ tshogs dpag tu med pa/ zil gyis gnon pa/ zil gyis mi non pa'i tshul khrims dang / ting ber dzin dang / shes rab dang / rnam par grol ba dang / rnam par grol ba'i ye shes gzigs pa'i stobs bskyed pa brnyes pa/ stobs bcu'i stobs bskyed pa brnyes pa/ mi 'jigs pa'i stobs bskyed pa brnyes pa/ sangs rgyas kyi chos kyi stobs bskyed pa brnyes pa/ byams pa chen po dang / snying rje chen po'i stobs bskyed pas/ so so yang dag par rig pa'i stobs bskyed pa brnyes pa/ sngon gyi bsam pa phun sum tshogs pa/ sngon yongs su sbyang ba mdzad pa/ shes rab rin po che dang ldan pa/ brtson pa ma bor ba/ brtson 'grus dpag tu med pa/ mya ngan dang gnod pa dang bral ba/
- 374b
yongs su 'dzin pa mi mnga' ba thams cad gzigs pa/ cang mkhyen pa/ glang po chen po/ dpag tu med pa/ phung po mi mngar ba/ bsod nams kyi zhing bla na med pa dang / shA ri'i bu de la de bzhin gshegs pa dgra bcom pa yang dag par rdzogs pa'i sangs rgyas bskal pa bye ba khrag khrig 'bum phrag du mar/ dge ba'i rtsa ba yang dag par bsgrubs pa/ rig pa gsum dang ldan pa/ bsod nams kyi zhing gi de bzhin gshegs pa'i mchod rten la/ dge slong ngam/ dge slong ma 'am/ dge bsnyen nam/ dge bsnyen ma sems dang ba/ bsod nams don du gnyer ba/ bsod nams la dmigs pa/ bsod nams yo byad du byed pa/ bsod nams 'dod pa/ rnal 'byor dang 'thun pa'i rjes su dran pa yid la byed pa/ sngon gyi sbyor ba phun sum tshogs pa/ tha na mar me'i snying po rlung ngu'am ngan pa zhig/ 'bru mar gyis bskus sam/ mar gyis bskus te 'bul lam/ nges par 'bul lam/ yongs su 'bul lam/ 'jog par byed pa dang / dge ba don tu gnyer bas/ de bzhin gshegs pa dgra bcom pa yang dag par rdzogs pa'i sangs rgyas bcom ldan 'das/ phyi ma'i mtha' skye ba'i mtha' 'khor spangs pa/ da ltar byung ba na tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa bzung ba nyid yid la byed dam/ de las yon tan gang yang rung ba zhig yid la byed dam/ de bzhin gshegs pa'i phyir dang / gzhi de las de bzhin gshegs pa yid la byed cing / de bzhin gshegs pa dgra bcom pa yang
- 375a
dag par rdzogs pa'i sangs rgyas nyid kyi phyir de bzhin gshegs pa la mchod pa bya bar sems bskyed de/ mar me 'di 'bar bar bya// rab tu 'bar bar bya/ dbul bar bya/ yongs su dbul bar bya/ rab tu gzhag par bya'o snyam pa'am/ sems kyi rgyud dang bar gyur pas/ tshul khrims yongs su dag pa/ mi mnyam pa dang mnyam pa'i tshul khrims dang ldan pa/ de bzhin gshegs pa dgra btsem pa yang dag par rdzogs pa'i sangs rgyas dpag tu med pa/ bsod nams mang po mngar ba'i de bzhin gshegs pa'i mchod rten la bsnyen bkur byed de/ de tsam mam/ cung zad tsam mam/ chung ngu zhig gam/ ngan don tsam zhig gam/ gsog tsam zhig gam/ tha na glog gi rgyun tsam zhig kyang snang bar byed dam/ tha na them skas kyi gzhi gcig snang bar byed na yang / shA ri'i bu de'i rnam par smin pa ni/ nyan thos rnams kyis sam/ rang sangs rgyas rnams kyis bstan par mi nus so// shA ri'i bu gzhan yang lan la mi rare zhing / dang pa dang / dga' ba dang / dang bas yongs su gtang ba'i rnam par smin pa'i bsod nams kyi rnam par smin pa de ni/ de bzhin gshegs pas ston par spyod do// shA ri'i bu gzhan yang dad pa dang ldan pa/ gus par gnas shing g.yo med la sgyu med pa/ sangs rgyas kyi yon tan la nges par sems pa'i rigs kyi bu'am/ rigs kyi bu mo dge ba'i bsam pa skyes nas/ mar me cung zad tsam mam/ chung ngu tsam zhig kyang snang bar byas te/ mar me snang bar byas pa gang gis/ de bzhin gshegs pa'i mchod rten
- 375b
de'i tha na themaskas tsam snang ngam/ bskor sa tsam snang ngam/ smad dum/ gdugs sam/ thams cad snang ngam/ tha na par skabs gang yang rung ba zhig sdang ba'i mar mede/ mod la myur dung shi ste/ rlung gis bskyod pas sam/ char pas sam/ mar zad pas sam/ snying po zad pas shi la/ shA ri'i du 'di lta ste dper na/ klus dkrugs pa na sprin stug po'i dra ba 'khrigs pa las/ nam mkha' las glog byung nas nub na/ ri'i bu myur du byung ba'i rjes su 'brang ba de mthong bas/ sems can rnams kyi mig thibs shes byed pa de tsam du/ shA ri'i bu de bzhin gshegs pa'i mchod rten la mar me 'bul ba'i dge slong ngam/ dge slong ma 'am/ dge bsnyen nam/ dge bsnyen ma 'am/ de las gzhan pa sems can bslab pa'i gzhi ma blangs pa/ dge ba'i rtsa ba don tu gnyer ba/ sangs rgyas dang / chos dang / dge 'dun la mngon bapar dad pa/ bdag nyid bskyab par bya ba la gnas pa/ bsod nams 'dod pa rnams kyis ji tsam du chung ba'i me phul ba'i bsod nams kyi phung po ji tsam du dpag tu med pa yongs su bzung bar gyur pa'i rnam par smin pa ni/ de bzhin gshegs pas mkhyen to// shA ri'i bu mar me dbul ba cung zad gcig phul bas/ mar me phul ba las mngon par grub pa'i bsod nams kyi phung po de nam par smin pa ni/ shA ri'i bu de bzhin gshegs pa dgra bcom pa yang dag par rdzogs pa'i sangs rgyas ma gtogs par lha dang bcas/ tshangs pa dang bcas pa'i 'jig rten dang / dge sbyong dang bram zer
- 376a
bcas pa'i skye dgus bstan par mi nus so/ / shA ri'i bu sangs rgyas bcom ldan 'das rnams kyi yul ni bsam gyis mi khyab ste/ shA ri'i bu mar me dbul ba'i yongs su phul ba desabasod nams kyi phung po ji tsam du dpag tu med grangs med pa yongs su bzung bar gyur pa'i don ni/ de bzhin gshegs pas mkhyen to// shA ri'i bu ma rim de tsam du chung ngu phul ba'i rnam par smin pa yang dpag tu med na/ gang gis de bzhin gshegs pa yongs su mya ngan las 'das pa'i de bzhin gshegs pa'i mchod rten la mchod pa khyad par can byed dam/ byed du 'jug ste/ spros sam// me tog 'phreng ngam/ gdugs sam/ ba dan rnams sam/ gang yang rung ba'i mar me'i 'phreng ba rnam pa mang pos mchod pa khyang par can byed dam/ byed du 'jug pa lta smos kyang ci dgos/ shA ri'i bu gzhan yang chos 'di bzhi ni dang pas rtogs par bya ba yin te/ bzhi gang zhe na/ sangs rgyas kyi chos rnams ni dpag tu med do snyam du dad pas rtogs par bya ba dang / dge ba'i rtsa ba ji ltar chung ngu'i rnam par smin pa yang dpag tu med par 'gyur ba dad pas rtogs par bya ba dang / dkon mchog gsum la dad pa'i las mngon par 'du byed pa'i rnam par smin pa gang yin pa de ston pa mthong ba nyan thos khyed kyis kyang rnam pa thams cad du bsam pa 'am/ yongs su bsam pas mi nus na/ 'phags pa'i rigs la mi gnas pa gzhan rnams kyis las kyi rnam par smin pa mngon sum du shes pa 'am/ khong du chud bar nus pa lta ci smos te/ de ni gnas med
- 376b
do/ / gzhan du na de ni dad pas rtogs par bya ba yin pa dang / shA ri'i bu nyan thos rnams kyis sems can thams cad kyi las kyi rnam par smin pa bsam pa 'am/ shes par mi nus te/ shA ri'i bu khyed rnams gnas 'di la bsam pa dang bral bar gyis shig/ de ci'i phyir zhe na/ shA ri'i bu sems can rnams kyi las kyi rnam par smin pa bsam gyis mi khyab bo zhes de bzhin gshegs pas gsungs pa'i phyir ro// shA ri'i bu sngon de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / sems can rnams kyi las kyi rnam par smin pa bsam gyis mi khyab bo zhes gsungs so// shA ri'i bu ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang / sems can rnams kyi las kyi rnam par smin pa bsam gyis mi khyab pa nyid do zhes ston par 'gyur ro/ / shA ri'i bu sems can gyi bsam pa dang / sems dang / lhag mthong yang bsam gyis mi khyab ste/ dad pas rtogs par bya ba yin no// shA ri'i bu 'phags pa'i rigs la gnas pa khyed cag nyid dang / sems can thams cad kyi shes pa de la/ mig dang mkhas pa la shes pa mi 'jug na/ sems ma dul ba/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang bral ba/ brjed ngas pa/ ma rig pa'i mun pas mig bsgribs pa gzhan gang dag/ bdag ci zhig/ bdag su zhig/ bdag ci 'dra ba zhig/ bdag
- 377a
gang nas/ bdag ji tsam zhig/ bdag ji lta bu zhig/ bdag ldan pa'i ngang tshul can nam/ bdag mi ldan pa'i ngang tshul can nam/ bdag brje dngas pa 'am/ bdag dran pa bar gnas pa 'am/ bdug mkhas pa'i byed pa 'am/ bdag byis pa'i las byed pa 'am/ bdag gang nas 'ongs/ bdag gang du 'gro zhes/ rang gi chos la shes pa 'jug pa yang med pa rnams ltan smos/ shA ri'i bu byis pa so so'i skye bo ni bdag la shes pa 'jug pa yang med na/ phyin ci log gi lta ba can de las kyi rnam par smin pa shes par lta ga la 'gyur te/ de ni gnas med do// shA ri'i bu de bzhin gshegs pa ni tshul khrims dang bral ba ma yin/ ting nge 'dzin dang bral ba ma yin/ shes rab dang bral ba ma yin/ rnam par grol ba dang bral ba ma yin/ rnam par grol ba'i ye shes mthong ba dang bral ba ma yin/ rig pa dang bral ba ma yin no// shA ri'i bu de bzhin gshegs pa dgra bcom pa yang dag par rdzogs pa'i sangs rgyas ni tshul khrims dpag tu med pa'o// tshul khrims chags pa med pa'o// tshul khrims bsam gyis mi khyab pa'o// tshul khrims gzhal du med pa'o// tshul khrims rdzogs pa'o// tshul khrims rnam par dag pa'o// de la las dang las kyi rnam par smin pa yang dag pa ji lta ba bzhin du rab tu mkhyen to/ / shA ri'i bu ji ltar na de bzhin gshegs pa las dang las kyi rnam par smin pa yang dag pa ji lta ba bzhin du rab tu
- 377b
mkhyen ce na/ shA ri'i bu 'di la de bzhin gshegs pa 'di ltar rab tu mkhyen te/ sems can 'di ni dge ba'i chos rnams yongs su zad cing mi dge ba'i chos rnams kyis grang ba'o// sems can 'di ni dge ba'i chos rnams 'byung bar 'gyur zhing mi dge ba'i chos rnams 'gag par 'gyur ba'o/ / sems can 'di ni mi dge ba'i chos rnams skye bar 'gyur zhing / dge ba'i chos rnams 'gag/ par 'gyur pa'o zhes/ shA ri'i bu 'jug pa 'dis de bzhin gshegs pa sems can de dang de dag gis las dang las kyi rnam par smin pa sna tshogs rjes su 'jug pa rab tu mkhyen to// shA ri'i bu de la sems can rnams mun pa yod cing mkhas pa med de/ mkhyen pa de lta bu dang ldan pa/ mkhas pa de lta bu dang ldan pas/ sems can rnams kyi las kyi rnam par smin pa bsam gyis mi khyab pa lung ston to/ / shA ri'i bu de la gang dgra dad pa de dag ni yid ches par 'gyur la/ gang dag ma dad cing bstan pa 'di las nyams pa de drag ni smad par 'gyur zhing rtsod par 'gyur te/ de ni de dgra la yun ring por mi phan pa dang / don med pa dang / sdug bsngal ba dang / log par ltung bar 'gyur ro// shA ri'i bu de la sems can gang de bzhin gshegs pa'i mchod rten la/ mar me 'bul ba des yongs su phul ba dang / nges par phul ba dang / dge ba'i rtsa ba bsags pa'i las mngon par 'dus byas pa dang / rnam par smin pa'i 'bras bu bde ba 'dod pa dang //
- 378a
dga' ba dang / mchog tu dga' ba dang ldan pa dang / dad pas yongs su dul bsags pas/ tshe 'di nyid la sems kyi nges par sems pa gsum 'thob ste/ gsum gang zhe na/ de 'di snyam du sems te/ bdag gis de bzhin gshegs pa dgra bcom pa yang dag par rdzogs pa'i sangs rgyas la mchod pa byas te/ lus thob pa snying po dang / snying po ma yin pa'i lus shes par byas la/ snying po sbyin par bya'o snyam nas/ longs spyod rnams la nyes dmigs can du shes te/ snying po med pa'i longs spyod rnams la snying po sbyin par byed pa 'di ni/ shA ri'i bu de bzhin gshegs pa'i mchod rten la mchod pa byas pa'i sems kyi nges par sems pa dang po'o/ / shA ri'i bu gzhan yang de 'di snyam du sems te/ bdag gis bsod nams kyi zhing bla na med pa'i yon gnas/ sbyin pa'i mchog len pa po la mchod pa byas pas/ bdag la sems can dmyal ba'i 'jigs pa 'am/ dud 'gro'o skye gnas kyi 'jigs pa 'am/ gshin rje'i 'jig rten gyi 'jigs pa med do// bdago gi 'gro bde ba ni lnga ste/ mtho ris 'thob pa 'am/ mi 'thob pa 'am/ gzugs 'thob pa 'am/ longs spyod 'thob pa 'am/ byang chub 'thob pa'o snyam pa de ni/ shA ri'i bu de bzhin gshegs pa'i mchod rten la mchod pa byas pa'i sems kyi nges par sems pa 'thob pa gnyis pa'o/ / shA ri'i bu gzhan yang de bzhin gshegs pa'i mchod rten la mar me dbul ba yongs su phul ba la yang dag par gnas pa gang yin pa de/
- 378b
gal te bdag gis sbyin pa byin no// bdag gis bsod nams dag kyang byas so// bdag gis ser sna spangs so snyam du de lta rab tu shes shing / de 'di snyam du sems te/ bdag ni sbyin pa po yin la// bdag gis kyang sbyin pa byin no snyam du/ de ltar sems shing gtong ba la yongs su gdung ba med/ brnyas pa med de/ shA ri'i bu de ni de bzhin gshegs pa'i mchod rten la mchod pa byos pa'i sems kyi nges par sems pa 'thob pa gsum pa'o/ / shA ri'i bu rigs kyi bu 'am/ rigs kyi bu mo de bzhin gshegs pa'i mchod rten la mar me dbul phul bas/ 'chi ba'i dus kyi tshe/ snang ba gsum 'thob ste/ gsum gang zhe na/ dge legs byas pa mngon du 'gyur te/ dran pa 'thob cing dge ba rnams brjed par mi 'gyur te/ shA ri'i bu 'di ltar 'che ba'i dus kyi tshe/ de bzhin gshegs pa la dge ba'i rtsa ba bskyed pa rnams rjes su dran pa 'di ni snang ba dang po'o/ / shA ri'i bu gzhan yang de bzhin gshegs pa'i mchod rten la mchod pa byas pa'i sems can de 'chi ba'i dus kyi tshe dran par 'gyur te/ bdag gis sangs rgyas la mchod pa byas so zhes mchog tu dga' ba 'thob ste/ shA ri'i bu 'di ltar sangs rgyas rjes su dran pa dang bcas pa'i sems bskyed pa 'di ni snang ba gnyis pa'o// shA ri'i bu gzhan yang sems can de 'chi ba'i dus kyi tshe/ sems can gzhan sbyin pa gtong ba mthong na/ de 'di snyam du sems te/ bdag gis mar me dbul ba phul lo// phyis kyang sbyin pa sbyin no snyam du/ de gtong ba'i
- 379a
sems skyes shing / sdug bsngal gyi tshor ba rnams kyis mi 'phrogs la/ de la chos rjes su dran pa 'di lta bu 'byung ste/ shA ri'i bu 'di ltar dge ba'i rtsa ba ji lta ba bzhin du yid la byed pa 'di ni snang ba thob pa gsum pa yin no/ / shA ri'i bu gzhan yang rigs kyi bu 'am/ rigs kyi bu mo de bzhin gshegs pa'i mchod rten la mar me dbul ba phul bas de 'chi ba'i dus kyi tshe/ snang ba bzhi 'thob ste/ bzhi gang zhe na/ mdun na nyi ma'i dkyil 'khor 'char ba mthong ba dang / mdun ma tha ba nya ba'i dkyil 'khor 'char ba mthong ba dang / lha'i 'khor gnas pa mthong ba dang / de bzhin gsheg pa dag bcom pa yang dag par rdzogs pa'i sangs rgyas byang chub kyi snying po la bzhugs shing / byang chub mngon par rdzogs par sangs rgyas pa mthong ste/ de la bdag nyid gus par byed pa la gnas shing thal mo sbyar ba byas par mthong ba ste/ shA ri ri bu de bzhin gshegs pa'i mchod rten la mar ma dbul ba phul bas 'chi ba'i tshe/ snang ba 'di bzhi 'thob par 'gyur ro// bcom ldan 'das kyis de skad ces bka' stsal te/ bde bar gshegs pas de skad gsungs nas de bzhin du ston pas gzhan yang 'di skad ces bka' stsal to// mtha' yas chos bdag drang srong chen po yi// mchod rten rnams la mkhas ba gang zhig gis/ / mar me phul ba byas pa'i las de yis// bde dang don dang rnye pa mtha' yas 'thob// de ni 'chi kar dran pa nyams mi 'gyur// mar me phul ba'ang bdag nyid mthong bar 'gyur// zang
- 379b
zing med pa'i dga' ba bzhi yang 'thob/ / 'chi ba'i dus tshe rmongs pa med par 'gyur// kun nas snang ba dag kyang de shes te// nyi ma dang ni zla ba'ang mthong bar 'gyur// bye ba khrag khrig lha rnams des mthong/ 'gyur// rmongs pa med par sangs rgyas chos kyang smra// de la pham bu dang rtsa lag dang // 'khor rnams kun gyis bskor nas ngu na yang // de rnams la ni mngon du de mi phyogs// de tshe nam yang dran pa nyams mi 'gyur/ / de yis mdun na gzhal med khang mchog mthong // 'jigs med lha yi bu mo rnams kyang mthong // skyed mos tshal bzhi shin tu brgyan sdug cing // 'dod pa'i yon tan lnga ldan mthong bar 'gyur/ / thub pa'i skyes mchog rnams la mchod byas pas// des ni byang chub snying por bde gshegs dang // des ni bdag kyang thal mo sbyar byas shing // lha klu lha min rnams kyis mdun bdar mthong gus dang bcas par 'jig rten 'dren pa mthong / / de der phyin te bde bar gshegs mthong nas// dga' bas dri tshe spyan yang 'dren par bya// de yis gdugs tshod sbyar la gnang bar mdzad// / so so rnyed pa'i bde bas tshim gyur nas// 'chi dus byas tshe sdug bsngal des mi myong // byang chub dam pa mchog la sems kyang dga'// de la 'chi ba'i 'jigs chen 'byung mi 'gyur// ma ra me phul pa'i rnam smin 'di yin te/ / 'chi dus byed tshe dran pa nyams mi 'gyur// de la phyogs rnams snang bar gyur par 'gyur// sngon chad ma mthong gzugs bzangs rnams kyang mthong // de ni shi nas mtho ris des
- 380a
'gro zhing / / lha yi stan la de lus 'dug par shes// rgyal ba la ni mchod pa byed pa'i tshe// des ni kun nas lha mo rnams kyang mthong // shA ri'i bu gzhan yang de bzhin gshegs pa mchod rten la mar me dbul ba phul bas/ sum cu rtsa gsum du skyes nas// lha'i bu de rnam pa lnga yongs su dag pa dang ldan par 'gyur ro// shA ri'i bu lha'i bu de rnam pa lnga yongs su dag pa dang ldan pa ji lta bu zhe na/ de'i lus yongs su dag par 'gyur pa dang / de lha mthu chen po dang ldan par 'gyur ba dang / de'i dran pa dang shes rab yongs su dag par 'gyur ba dang / de'i rna bar sgra snyan pa thos par 'gyur ba dang / de'i 'khor yid bde ba mang ba dang ldan par 'gyur ba'o/ / bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to// / drang srong mchod rten mar me phul bas ni// de yi lus ni rab tu 'od gsal zhing // gzhan gyis mi tshugs dpal dang ldan pa dang // lha stong gi ni gtso bor de 'gyur ro// lha yi sgra dbyangs snyan cing yid 'ong thos ji ltar lha gzhan de bzhin 'di yang mchog/ dran dang blo mchog dang ni ldan pa dang // 'khor mchog phun sum tshogs pa 'ang thob par 'gyur// gang du lta bu de ni 'gro ba der// de 'gro ba ni lha kun 'dod par byed// gang gis de lus 'di ltar 'ong 'bar ba// sngon gyi las kyi 'bras bu de 'dra'o// skyed mos tshal gyi gzhi ni shing gi ming // sra mchog ces bya gzhal med khang gi brgyan// zla ba ji ltar kun nas gsal ba ltar/ de
- 380b
yi shing rnams de bzhin gsal ba yin/ / mar me rab 'bar ji bzhin rnams gsal la// yid 'ong dri ngang phyogs rnams gtong byed pa// me tog gsal ba 'di ni ming ci zhes// lha rnams ngo mtshar stong snyed 'dzin par 'gyur/ / de yi 'khor tshogs me tog de dag gis// brgyan pa byas pas de dag mdzes par 'gyur// bye ba khrag khrig lha yi nang na de// nyi ma shar ba bzhin du rnam par mdzes// shA ri'i bu de bzhin gsheg pa'i mchod rten la mar me dbul ba phul bas/ sum cu rtsa gsum gyi lha'i nang du skyes nas/ lha'i bu de bdag yun ji srid cig na/ 'chi 'pho'i chos su 'gyur ba bdag nyid kyis shes te/ lha'i bu de 'chi na rang gi 'khor dang / lha'i bu gzhan dag kyang / chos kyi gtam gyis yang dag par dga' bar byas/ yang dag par 'dzin tu bcug nas/ gnas de nas shi 'phos te/ shi 'phos nas kyang log par lhung bar 'gro bar mi 'gyur te/ mi'o 'jig rten du skyes na yang / rigs mchog tu btsun pa/ dad pa dang ldan pa/ sangs rgyas 'byung ba dang ldan par skye bar 'gyur ro// gal te sangs rgyas mi 'byung ba zhig la bab na yang de sdig pa'i lta ba can ma yin zhing yang mtshan du 'dzin pa dang bral ba'i rigs su skye bar 'gyur ro/ / bcom ldan 'das kyis de skad ces bkar stsal te/ bde bar gshegs pas de skad gsungs nas de bzhin du ston pas gzhan yang 'di skad ces bka' stsal to/ / lha yi srid par bdag ni yun ring du// gnas par 'gyur zhes de yi shes 'di 'jog/ lha gtse de yis de yang rab tu shes// gang tshe ba
- 381a
pa'i dus ni 'bab 'gyur ba/ / de tshe mtshan ma lnga dga'abyung ra gyur te// bye ba phrag mang lha dag der 'du zhing // de dag mngon sum de ni chos kyang ston// bdag ni 'di nas ring por mi thogs 'chi/ / srid pa thams cad mi rtag bde ba med// gzhan dag 'chi zhing gzhan dag skye bar 'gyur// kye ma bdag ni 'chi bar mi 'gyur ro zhes// de ni dbus 'dug shin tu mi bzad smra// de yi mngag gzhug rnams kyang de bzhin du/ / lha gzhan du ma sdug bsngal nyam thag go/ de nas bdag gis ltas ni lnga mthong nas// de ni rang gi stan la dga' mi 'thob// gnas de nas ni langs te 'gro bar byed// gzhal med khang gi gnas su rang dga' mi skyed/ / bdag cag 'di mthong tha ma deng yin zhes// de bzhin lha mang du ma mya ngan byed// de yi stan mchog dam pa gang yin pa// de ni lha yi bu mos blangs te 'bul// stan de mthong nas de ni rang stan la/ / dga' ba thob par ma gyur de nas shi/ lha yi dbang po lha gnas shi 'phos nas// mi yi 'jig rten du ni mngon par 'gro// de yis rang la yod pa'i dran mi nyams// der yang bde bar 'gyur gyi sdug bsngal min/ / skyes nas tshe rabs rab tu dran gyur te// skyes ma thag tu sngon gyi srid pa shes// nyon mongs rnams kyis bdag la gnod 'gyur zhes// shin tu sdug bsngal der yang dga' ba med/ / lha yi 'jig rten thob pa'i dpal dran las// mi yi 'jig rten la ni bde mi rnyed// mtho ris sdug bsngal mi yul smos ci dgos// srid pa thams cad snying po med cing g.yo// /
- 381b
glang dang gang tshe lus stobs nyams gyur pa// de tshe de ni rab tu 'byung bar nges// 'di yang de yi rnam smin 'gyur ba ste// rnam rtog spyod par nam yang mi 'gyur ro// de ni de yi mar me phul ba'i 'bras/ de dang der ni tshe rabs des dran 'gyur// bya ba'i 'os min las ni dri mi spyod// gdon mi za bar de ni khyim nas 'byung // long bar mi 'gyur na por mi 'gyur ro// de yi mig ni med par 'gyur ma yin// nad can ma yin 'jigs rung sgra ldan min// blun por mi 'gyur mi shes mi 'gyur ro// mig med par ni nam yang mi 'gyur zhing // de yi mig ni na bar 'gyur ma yin// mig gcig ma yin khog long mig ma yin/ / de yi mig la mi gsal med par 'gyur// mig ni ring zhing gnag la rnam par gsal// srid par de yi mig ni dag par 'gyur// nor bu 'od bzang ltar ni don zhib rtogs// bskal pa grangs med dag tu nams kyang de'i// sha yi mig ni yongs su nyams mi 'gyur// de la mig na de dag ni mi 'byung ste// mar me phul ba'i rnams smin de yin no// de bzhin lag rtsis gzugs dang rtog ge rnams/ / rtogs par khong chud bzo ldan 'jigs pa med// de ni mdzangs la blo dang ldan par 'gyur// blo ni shin tu cha phra don dam mthong // srid pa dag la byed pa med pa lta// rgyal ba'i bstan la snang ba thob par 'gyur/ / de bzhin 'jig rten 'dren pa sangs rgyas mthong // mthong nas dang pas mchod pa rab tu byed// gzugs kyi dngos po bzang dang mdzes par 'gyur// mdza' ba shes
- 382a
dang ni rtsa lag skye bo dga'/ / phyug cing stobs ldan nor ni mang bar 'gyu// mi phyed 'khor ni phun sum tshogs pa 'thob// ji ltar mar mes mun pa bsal nas su// kun la 'od kyis snang ba khyab pa ltar/ / de bzhin kun snang byas nas lhang nge ro// mun pa'i dbang du nges par de mi 'gro/ sangs rgyas mchod rten la ni mi gang gis// sems ni dang bas mar me 'phreng ba 'bu la// mar me phul bas sems ni rnam dag cing / / de ni 'jig rten rig pa'i mchog tu 'gyur// blta na sdug cing rab tu mdzes par 'gyur// 'jig rten kun gyi dga' ba skye bar 'gyur// ltad mo mi 'dod pa kra shis 'dod ma yin/ / g.yon phyogs lam la de ni sten mi 'gyur// de ni 'jig rten log lta gang dag dang // lam gol gang dag yin pa der mi mos// rgyal phran tsam gyis chog par de 'dzin cing // su dang yang ni 'thab tu 'gro mi byed/ / tshegs 'byung med cing mya ngan med par 'gyur// de yi sems la yongs su yi tshad med// de la yid mi ches par mi 'gyur la// bsam pa ngan dang gnod pa byed pa med// rgyal po'i pho brang gang du de smra ba/ / rgyal po dang ni rgyal 'khor grags par 'gyur// skya zab nad kyis nams kyang de mi thebs// za ma rim 'gyur ma ning 'gyur ma yin// legs par gnas shing bde dang ldan 'gyur la/ / de yi lus la nad rnams 'byung mi 'gyur// rmi lam du ni sdig pa mi rmi la// des ni ji ltar ston pa de tshe shes// des ni yang dang yang du gter rnyed de// bde gshegs mchod rten mchod pas de
- 382b
ltar 'gyur/ / de bzhin gshegs pa'i mchod rten la mar me dbul ba phul ba'i sems can de ni 'dun pa bzhir thob ste/ bzhi gang zhe na/ lus kyi 'dun pa dang / longs spyod kyi 'dun pa dang / rigs btsun par skye ba'i 'dun pa dang / shes rab 'thob pa ste/ shA ri'i bu de bzhin gshegs pa'i mchod rten la mar me dbul ba phul bas/ 'dun pa bzhi po de dag 'thob por 'gyur ro// bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to// drang srong chen po'i mchod rten ma ra me pu la// de yi lus rdzogs pa dang stobs cher 'gyur// de ni nams kyang rjod pa sten mi byed// dbang phyug tshugs pa med pa phyogs bcur spyod// drang srong chen po'i mchod rten mar me phul// rnam par grags pa'i longs spyod ldan pa dang / / yon tan mchog ldan rab mchog khyim du skye// skyes nas tshe rabs dran pa nyid du 'gyu ra// g.yog 'khor phun sum tshogs pa mchog ldan 'gyur// srog chags rnams la rtag tudu snying rtse byed/ / rtag tu mi 'tshe shin tu nges par 'gyur// rnam lhung 'gro ba'i khyim du de mi skye// shA ri'i bu de bzhin gshegs pa'i mchod rten la mar me dbul ba phul bas// yongs su dag pa gozhi 'thob ste/ bzhi gang zhe na/ lus yongs su dag pa dang / ngag yongs su dag pa dang / yid yongs su dag pa dang / mdza' bshes yongs su dag pa'o// shA ri'i bu rigs kyi bu 'am
- 383a
/ rigs kyi bu mo de skye ba'i gnas de dang / de dag tu skyes pa na/ srog gcod pa spong bar 'gyur te/ de srog gcod pa mi byed do// ma byin par mi len no// 'dod pa la log par g.yem pa spong bar 'gyur te/ rang gi chung ma la yang log par mi sten to// 'bru'i chang dang bcos pa'i chang btung ba spong bar byed do// sems can gang la yang dbyug pa'am/ mtshon num bong ba'am/ khu tshur ram/ mtshon char gyur pa gang rung bas rnam par 'tshe bar mi byed/ de sdig pa mi dge ba'i chos rnams las ldog par 'gyur/ shA ri'i bu de dag ni lus kyi yongs su dag pa zhes bya'o// de la ngag gi yongs su dag pa gang zhe na/ de brdzun du smra ba spangs pa yin te// de ma mthong ba 'am ma thos pa rjod par mi byed la/ mthong ba dang thos pa dris pa yang dus ma yin par smra bar mi byed de/ de mthong ba'am/ thos pa dris na yang dag par smra bar byed/ dri bdag gi don num/ gzhan gyi don du yang rung ste/ log par mi smra'o// gzhan dag gis brdzun du smra ba bcol ba'i tshe yang dag par shes na bden pa srung bar byed de/ ngag gi yongs su ma dag pa de dag spang bar byed do// de de dag dbye ba'i phyir 'di nas thos pa pha gir mi bsnyad/ de dag dbye ba'i phyir pha gi nas thos pa 'dir mi bsnyad de/ 'thun pa rnams ni gcugs par byed cing / bye ba rnams la ni sdum byed do// dang ga rtsub po spangs pa yin te/ ngag gang zher 'debs pa/ brlang ba/ gzhan la rtsub pa/ gzhan la mi bde ba/ mi sdug pa// mi
- 383b
'dod ba/ mi dga' ba/ yid du mi 'ong ba/ gzhan la gnod pa/ khon du 'dzin pa'i ngag de lta bu spangs nas/ ngag mnyen pa/ 'jam pa/ yid du 'ong ba/ bden pa/ rnar snyan pa/ snying du sdug pa// mdza' bar 'gyur pa/ skye bo mang po mgu ba/ skye bo mang po 'dod pa/ dga' ba/ yid du 'ong ba/ dgra thams cad rab tu zhi bar byed pa de lta bu'i ngag smra'o// de tshig kyal pa spangs pa yin te// de spang bar bya ba gzhan dang mi smra ba yin/ de gzhan gyi lag rtsis dang brda sprad par byed do// de mang du smra bar mi byed/ dus ma yin par smra bar mi byed la/ mya ngan las 'das pa dang mi ldan pa'i tshig mi smra ste/ de ltar de dag gi las yongs su ma dag pa spong ba 'di ni/ shA ri'i bu ngag gi las yongs su dag pa zhes bya'o// de yid kyi las yongs su ma dag pa spong ba yin te/ de brnab sems su mi byed cing de gzhan gyi nor dang / gzhan gyi rdzas dang / gzhan gyi yo byad dag la brnab sems mi skyed do// de gnod sems mi byed de/ gnod sems spong ba yin no// log par lta ba yang sposlong ste/ sdig pa'i lta ba can ma yin no// de ltar yid kyi las yongs su ma dag pa spong ba 'di ni yid kyi las yongs su dag pa zhes bya'o// mdza' ba shes yongs su dag pa yang 'thob ste/ gang dag brdzun du smra ba dang / 'bru'i chang dang bcos pa'i chang btung ba spangs pa dang / mi nub pa dang / mi brlang ba dang / legs par sdom pa dang / yang dag pa'i lta ba can de dag la sten cing gong du yang / sangs rgyas
- 384a
bcom ldan 'das rnams dang / byang chub sems dpa' rnams dang / rang sangs rgyas dang / nyan thos rnams la yang sten cing bsnyen bkur byed de/ shA ri'i bu 'di ni yongs su dag pa bzhi pa ste/ mdza' ba shes yongs su dag pa zhes bya'o// shA ri'i bu de bzhin gshegs pa'i mchod rten la mar me dbul ba phul bas/ yongs su dag pa bzhi po de dag thob par 'gyur ro// bcom ldan 'das kyis de skad ces bka' stsa la/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to// rnam par spang phyir bde gshegs gsungs pa la// lus dang ngag dang yid kyis shin tu bsdam/ / lta ba ma rnyed tshul khrims rnam par dag/ de yi mig ni yid las byung ba yin// nyi bzhin phyogs rnams su ni shin tu gas la// de yis zag pa zad pa myur du shes// de yi blo ni rdzu 'phrul che bar 'gyur// lha mig rdul dang bral zhing zag pa med// blo ldan de yis 'jig rten sems rnams dang // lha yi mngon shes so so reg pa shes// 'dod na nyan thos byang chub rnyed mi dka'/ / mar ma phul ba'i rnam smin de yin no// drang srong chen po'iri mchod rten mar me phul// gal te sangs rgyas byang chub 'dod na'ang sba// blo ldan pa la gsum char nyams pa med// shes rab mig ldan longs spyod chen por 'gyur/ / shA ri'i bu theg pa chen po la yang dag par zhugs pa'i rigs kyi bu 'am// rigs kyi bu mos de bzhin gshegs pa'i mchod rten la mar me dbul ba phul na/ skye ba'i gnas
- 384b
de dang de dag tu/ 'dun par 'gyur ba'i chos kyi mchog brgyad 'thob ste/ brgyad gang zhe na/ sha'i mig mchog 'thob pa dang / dran pa bltar mi mthong ba 'thob pa dang / bsgom pa yongs su rdzogs pas nges par 'byed pa'i cha dang 'thun pa'i lha'i mig mchog 'thob pa dang / shes rab yongs su rdzogs pas tshul khrims nyams pa med pa 'thob pa dang / sngon bsod nams byas pas mtho ris 'thob pa dang / bsod nams legs par byas pas dral ba phun sum tshogs pa 'thob pa dang / sems can thams cad kyi mig tu gyur pas sangs rgyas 'byung ba mnyes par byed pa dang / shA ri'i bu rigs kyi bu'am/ rigs kyi bu mos mar me phul ba'i dge ba'i rtsa ba des/ 'khor los sgyur ba'i rgyal srid 'thob ste/ de la yang zhe 'gras pa med pa'i yid dang ldan zhing / mchog tu blta na sdug par 'gyur pa 'am/ lha'i dbang po brgya byin rdzu 'phrul chen po thob cing mig stong dang ldan pa' thob par 'gyur ba 'am/ tshangs pa'i gnas la mkhas pa'i tshangs par yang 'gyur te/ grags pa'i bsam gtan 'thob par 'gyur ste/ dge ba'i rtsa ba byang chub tu yongs su bsngos pas 'dun par 'gyur pa'i chos kyi mchog brgyad po de dag 'thob bo// gzhan yang chos brgyad 'thob ste/ brgyad gang zhe na/ sangs rgyas kyi spyan dpag tu med pa 'thob pa dang / sangs rgyas kyi spobs pa dpag tu med pa 'thob pa dang / sangs rgyas kyi rdzu 'phrul dpag tu med pa dang / sangs rgyas kyi tshul khrims dpag tu med pa dang / sangs
- 385a
rgyas kyi ting nge 'dzin dpag tu med pa dang / sangs rgyas kyi shes rab dpag tu med pa dang / sangs rgyas kyi rnam par grol ba dpag tu med pa dang / sems can gyi sems dang / bsam pa dpag tu med pa la 'jug pa 'thob ste/ shA ri'i bu mar me phul bas de ltar rnam par smin par bag tu med pa yongs su bzung ba yin no// shA ri'i bu gzhan yang sems can gang dag de bzhin gshegs pa chos 'chang panA/ kye e ma'o chos 'chang ngo // kye e ma'i chos rab tu ston te zhes/ mar me dbul ba 'bul ba'i mar med/ til gyi mar mer rjes su bzung bas chos kyi mar me rjes su 'dzin par byed do/ / de mar me phul ba'i dge ba'i rtsa ba des tshogs dpag tu med pa brgyad 'theb ste/ brgyad gang zhe na/ dran pa'i tshogs dpag tu med pa 'thob pa/ de bzhin du sbyar te/ blo gros kyi tshogs dang / dad pa'i tshogs dang / brtson 'grus kyi tshogs dang / shes rab kyi tshogs dang / ting nge 'dzin gyi tshogs dang / spobs pa'i tshogs dang / bsod nams kyi tshogs dpag tu med pa 'thob ste/ chos dpag tu med pa brgyad po de dag 'thob par 'gyur ro/ / so so yang dag par rig pa bzhi yang 'thob ste/ rims kyis thams cad mkhyen pa'i ye shes kyi bar du 'thob par 'gyur ro// shA ri'i bu gzhan yang de bzhin gshegs pa dgra bcom pa yang dag par rdzogs pa'i sangs rgyas la/ de dang ba'i sems kyis thal mo sbar ba byas pa'i dge ba'i rtsa ba des/ chos mchog tu byung ba brgyad
- 385b
'thob ste/ brgyad gang zhe na/ gzugs mchog tu byung ba 'thob pa dang / g.yog 'khor mchog tu byung ba 'thob pa dang / tshul khrims mchog tu byung ba dang / lha dang mi rnams su skye ba mtsho/ tu byung ba dang / dad pa mchog tu byung ba dang / spobs pa mchog tu byung ba dang / kun nus nyon mongs pa med pa'i 'phags pa'i lam 'thob pa dang / bla na med pa yang dag par byang chub mngon popar rdzogs par 'tshang rgya ba'o/ / shA ri'i bu de ci'i phyir dpag tu med pa zhes bya zhe na/ de bzhin gshegs pa la des mchod pa'i rabras bu dpag tu med pa'i phyir te/ phan yon dpag tu med pa yin no/ / de nas de'i tshe bcom ldan 'das kyis 'di skad du/ brtsa ma byos mngon par 'byung bar gyis// sangs rgyas bstan la brtson par byos// 'dam bu'i/ khyim la glang chen bzhin// 'chi bdag sde rnams gzhom par gyis// zhes ched du brjod pa de ched du brjod pa mdzad do// de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu chos lnga po 'di dag ni mchog tu rnyed par dkra' ba ste/ lnga gang zhe na/ mir skye ba 'thob pa dang / de bzhin gshegs pa'i bstan pa la rab tu 'byung ba dang / de la yang mngon par dga' ba dang / tshul khrims yongasu rdzogs pa dang / zag pa zang pa ste/ shA ri'i bu chos lnga po de dag ni sems can thams cad kyis mchog tu rnyed par dga' ba yin te/ de dag ni khyed rnams kyis thob zin no//
- 386a
bcom ldan 'das kyis de skad ces bkar stsal te/ bde bar gshegs pas de skad gsungs nas/ de bzhin du ston pas gzhan yang 'di skad ces bka' stsal to// byang chub don/ phyir sems can phan 'dod pas// bde gshegs mchod rten dbul ba 'dir phul nas// mkhas pa de yis byas pa'i las des ni// tshe rabs kun tu khyad par can du gyur// 'di nas shi 'phos lhams bsngags pa yis/ / yang srid dam pa de ni thob par 'gyur// ri rab bzhin du de ni mi g.yo la// 'od zer dag gis phyogs kun snang zhing mdzes// lha tshogs rnams kyis mthong nas gus dang bcas// mchog tu gus pas de la dga' ba skyed/ / bstod pa byed cing de la mchod pa byed// yang dang yang du blta bas ngoms pa med// bsod nams mtshan byas de ni lhas mchod 'os// tshangs pa'i gnas na tshangs pa mdzes pa 'dra/ / ci yi las shig nges par des bstan na// gang gis de yi lu ni shin tu mdzes// 'di na bsod nams mi 'dod su zhig yod// 'phags pa'i tshul khrims mkhas pa su mi sten// thub pa mthong na blta bas mi/ ngoms te// chos thos nas ni su zhig bag mi byed// mi yi 'jig rten gnas tshe de yis ni// bde gshegs mchod rten mar me phul byas shing // bde bar gshegs kyi bstan la gnas byas pas// 'din lha mchog rnyed pa legs par rnyed// mi yaM lus ni bdag gis thob gyur cing // rgyal ba'i bstan la dad pa mchog thob shog/ gal te bag med gyur na lus 'dor gyi// chos kyi dam pa 'dor
- 386b
par yong mi 'gyur/ / mi lus rnyed par da ka ra ba thob gyur na// blun rnams ci phyir rang gi don mi byed// bde gshegs bstan la gnod byed sems ldan na// shi nas g.yangs chen por ltung bar 'gyur// nga yi// 'byor pa rgyal chen lhas thos nas// skyo ba skyes te smon lam 'debs byed pa// mi yi lus ni bad gis thob gyur cig/ legs don gyur nas tshangs spong bdag ston shog/ 'chi ba'i dus byed tshe yang de bzhin du chos la phan zhing sems la gsal gyur cig/ lha stong bye ba lha mor bcas pa yis// de ni bdag gi yin zhes dga' bar byed// lha yi bu mo yid 'ong brgyan pa rnams// skyed mos tshal bzhir de ni rtse byed 'jug/ yid du 'ong ba'i spos dang kun nas ldang // glu dbyangs snyan pa'i sgra yang thos par 'gyur// bsngags pa'i lha dag las gar 'gro ba// de dang der ni gzugs bzang rnams kyang mthong // mi sdug gzugs ngan nams kyang mi mthong ste/ rgyal ba'i mchod rten mar me phul bas 'gyur// de nas shi 'phros mi yi srid pa 'dir// dran dang ldan zhing ma yi mngal na gnas// btsas nas gang nas shi 'phos tshe rabs dran/ / 'phags pa'i ye shes stobs las nyams mi 'gyur// bde gshegs mchod rten mar ma phul byas pas// de yis las byas pa ni de nyid kyis// 'khor los sgyur ba'i mi bdag stobs chen ldan/ / yid 'ong gzugs bzang blta na dga' bar 'gyur// de yis las byas pa des tshe ring 'gyur// gcig tu dag pa nyid kyis bde dang ldan// de yi lus ni nad kyis nyen mi
- 387a
mongs/ / mar me phul ba'i rnam smin de yin no// bde bar gshegs la mar mes mchod byas pas// rkun po'i gnod med rgyal po'i chad pa med// gshed ma med cing chung ma'i byi bo med/ / de ni las kyis nams kyang gtses mi 'gyur// bde zhing lo legs gang du rabar jigs pa med// rtag tu 'byor cing legs 'byor nor ra bru ldan// de yi skyed mos tshal mchog 'phreng ba dang // tshal dang / shing phran lo ma sna tshogs brgyan// de yis 'jig rten gtso bo sangs rgyas mthong // mthong nas kyang ni mchog tu dga' 'a gyur te// de dag rnams la gus par de mchog byed// rgyal srid spangs nas dge slong nyid la sten/ / bsngags pa mtha' yas gzigs pa mtha' yas shing // mtha' yas blo ldan pa de gshegs mchod rten la// ma ra me phul bas mtha' yas blo ldan 'gyur// mar ma bzhin du phyogs rnams kun tu gsal/ / ma ru me chen pos skyes mchog thub pa yi// mchod rten gsal byas rnam dag mig gis ni// byang chub rdul bral zag pa med thob nas// de phyogs kun tu mar me bzhin du gsal/ / bde gshegs mchod rten mar me phul bas na// rnam grol blo mngar stobs bcu rnams ldan zhing // de bzhin ma 'dres chos kyi pha rol byon// kun nas spyan ldan bde bar gshogs par 'gyur/ / phyogs rnams dgan bgrang byas 'jig rten khams// gang dag ji snyed yod pa ma lus pa// mar me lta bur ma yi rgyu yis ni/ ma lus pa dag rtag tu snang byas 'gyur// bdag nyid che la mar
- 387b
me rdul ba las/ / mthur byung gang yin de ni de yin no// mar me 'dra ba dag la sems can kun// lhag byas gal te mthu chen don dam mthong // rang rgyal rnams su gyur la de mchod phyir// gcig 'gas mar me 'bar bar byas gyur la/ / mar me snying po ri rab tsam byas shing // de yis 'jig rten ma lus snang byed la// nam pa de 'dras mtha' yas phyogs kun tu// gal te mar me dbul bar byed gyur la rang rgyal byang chub tu ni smon sems kyis/ / bskal pa brgya phrag mtha' yas 'bar byed pas// gang zhig byang chub phyir ni smon sems kyis// mchod rten mchog la rtswa me sa gas la byed na// de bas mchog tu 'bras bu ches che zhes/ / don dam gzigs pa sangs rgyas rnams gsung ngo // phyogs bcu'i skye bo gang dag dpag med pa// rang sangs rgyas nyid mngon par 'dod pa'i phyir// re res de bzhin mar me rnams phul zhing / / bskal pa grangs med de dga' bar byed la// 'jig rten ched du bde gshegs nyid 'dod cing // gang zhig 'jig rten dam pa'i mchod rten la// mar me 'bul lam lan cig phyag 'tshal na/ / de bas 'di bsod 'bras bu khyad par 'phags// sangs rgyas spyod yul mthong dka' bsam mi khyab// thos nas dang dang dga' ba skyed par byed// dad med chos mchog ma thos byis pa rnams// / zhum chum por ni shin tu byed bar 'gyur// de phyir 'jig rten kun mgon gang yon pa// dam chos spyod yul can rnams rnyed dka' bas// thub rnams spyan sngar shin tu dang sems kyis// sangs rgyas nyid kyi ched du
- 388a
smon lam thob/ / bcom ldan 'das kyis de skad ces bka' stsal nas// tshe dang ldan pa shA ri'i bu dang / thams cad dang ldan pa'i 'khor de dag dang / lha dang / mi dang / lha ma yin dang / drimar bcas pa'i 'jig rten yi rang ste/ bcom ldan 'das kyis gsungs pa la mngon par bstod do// / 'phags pa mar me dbul ba zhes bya ba theg pa chen po'i mdo rdzogs so// / / rgya gar gyi mkhan po pra dz+nyA wa ra ma dang / zhu chen gyi lo tsA ba ban d+he ye shes sde la sogs pas bsgyur cing zhus te gtan la bab pa// / rgya gar skad du/ ar+ya karma A ba ri na pra ti sa ba d+hi nA ma ma hA yA na sU tra/ bod skad du/ 'phags pa las kyi sgrib pa rgyun gcod pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sprin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' bdun khri dang thabs gcig tu bzhugs te/ de nas sangs rgyas kyi mthos/ tshe dang ldan pa shA ri'i bris stan las langs nas/ tha gos zag pa gcig tu gzar te/ pus mo g.yas pa'i lha ngas la btsugs nas/ bcom ldan 'das ga la bde logs su thal mo sbyar rab btud de/ bcom ldan 'das la 'di skad ces gsol te/
- 388b
bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa/ ram/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas las kyi sgrib pa rnams ji ltar so sor bshags par bgyi/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu 'di la rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du/ bla gos phrag pa gcig tu gzar la/ pus mo g.yas pa'i lha nga sa la btsugs te/ thal mo sbar ba btud nas tshig 'di skad du/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ sangs rgyas bcom ldan 'das gang dag da ltar phyogs bcu'i 'jig rten na/ bla na med pa yang dag par rdzogs pa'i byang chub mngon par rdzogs par sangs rgyas nas// chos kyi 'khor lo rab tu skor ba/ chos kyi 'khor lo rab
- 389a
tu ston pa/ chos kyi tshul rab tu 'dzin pa/ chos kyi sbyin pa mdzad pa/ chos kyi sgron ma 'bar bar mdzad pa/ chos kyi char rab tu 'bebs pa/ chos kyi rnga rab tu rdung ba/ chos kyi rnga bo che rab tu rdung ba/ chos kyi dung rab tu 'bud pa/ chos kyi srog shing sgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa'i sangs rgyas bcom ldan 'das de dag la phyag 'tshal lo/ / sangs rgyas bcom ldan 'das mchod pa'i gnas/ phyag bgyi ba'i gnas/ ri mo bgyi ba'i gnas/ mkhyen par gyur pa/ sman du gyur pa/ dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag la bdag mgo dang / ngag dang / yid kyis phyag 'tshal lo// thog ma dang tha ma ma mchis par 'khor ba na 'khor ba'i tshe/ bdag 'dod chags kyis gzir ba 'am/ zhe sdang gis gzir pa/ gti mug gis gzir ba'i lus dang / ngag dang / yid kyis las kyi sgrib pa gang mngon par 'dus bgyis pa/ sangs rgyas su ma 'tshal ba dang / chos su ma 'tshal ba dang / dge 'dun du ma 'tshal ba dang / dge ba dang mi dge bar ma 'tshal ba dang / de bzhin gshegs pa la ngan sems kyis khrag phyung ba dang / chos spangs pa dang / dge 'dun gyi dbyen bgyis pa dang / dge slong dgra bcom pa bkum pa dang / pha ma bkum pa dang / lus kyi rnam gsum/ ngag gi rnam bzhi/ yid kyi rnam gsum ste/ mi dge ba bcu'i las kyi lam bgyis pa dang / bgyid du sbal ba dang / bgyid pa la rjes su yi rang ba
- 389b
dang / sems can kha cig langag rtsub po smras pa dang / skur pa btab pa dang / srang la g.yo ba gyis pa dang / gzhal ba la g.yo bgyis pa dang / 'gro ba drug tu 'khor bar 'gro ba na pha ma mi dga' bar bgyis pa dang / gang zag gi'am/ mchod rten gyi 'am/ dge 'dun gyi 'am/ phyogs bzhi'i dge slong gi dge 'dun gyi nor brkus pa dang / ji ltar bslab pa'i gzhi bcas pa rnams kyi 'dul ba dang 'gal ba bgyis pa dang / mkhan po dang slob dpon gyis bsgo ba ma mnyan pa dang / nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa ram/ de las gzhan pa'i sems can rnams la mi snyan par bgyis pa dang / spos pa dang / brdegs pa dang / de dag la tha ba dang zhe sdang bskyed pa dang / phrag dog dang ser sna las byung ba'i sems kyis/ sangs rgyas bcom ldan 'das rnams la tshig rtsub po smras pa dang / chos la chos ma logs zhes bgyis pa dang / chos ma lags pa la chos lags zhes bgyis pa de dag sangs rgyas bcom ldan 'das mkhyen par gyur pa// spun du gyur pa/ dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa/ de dag gi spyan sngar so sor 'chags so// 'thol lo// mi 'chab bo// slan chad kyang mi bgyid do// bdag las kyi sgrib pa gang gis bsgribs te/ sems can dmyal ba dang / dung 'gro'i skye gnas dang / yi dgas kyi yul dang / lha ma yin gyi tshogs kyi nang du mchi bar 'gyur pa dang / sangs rgyas dang / chos dang / dge 'dun mnyes
- 390a
pa bgyid par mi 'gyur ba dang / mi khom pa rnams su skye bar 'gyur pa'i las de lus 'di nyid la rnam par smin te/ gzhan du mi myong bar shog cig/ de yang sangs rgyas bcom ldan 'das mkhyen par gyur pa/ spyan du gyur pa/ dbang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag gi spyan sngar so sor 'chags so// 'thol lo// mi 'chab bo// slan chad kyang mi bgyid do// ji ltar sngon gyi byang chub sems dpa' sems dpa' chen po de dag sngon byang chub kyi phyir spyod pa na/ las kyi sgrib pa nams so sor bshags pa dang / ma bcabs pa de bzhin du/ bdag kyang las kyi sgrib pa rnams so/ sor 'chags so// ra thol lo// mi 'chab bo// slan chad kyang mi bgyid do// ji ltar ma 'ongs pa'i dus kyi byang chub sems dpa' sems dpa' chen po de dag byang chub sems dpa'i spad pa spyod pa na/ las kyi sgrib pa rnams so sor 'chags par 'gyur pa dang / mi 'chab pa de bzhin du/ bdag kyang las kyi sgrib pa rnams so sor 'chags so// 'thol lo// mi 'chab bo// slad chad kyang mi bgyid do// ji ltar nga ltar phyogs bcu'i 'jig rten na/ byang chub sems dpa' sems dpa' chen po dag byang chub kyi phyir spong ba na/ las kyi sgrib pa rnams so sor 'chags pa dang / mi 'chab pa de bzhin du/ bdag kyang las kyi sgrib pa rnams so sor 'chags so/ / 'thol lo// mi 'chab bo// slan chad mi bgyid do// ji ltar 'das pa dang / ma 'ongs pa dang / da ltar byung ba'i byang chub sems dpa' sems dpa' chen po dag byang chub sems dpa'
- 390b
sems dpa'i spad pa spyod pa na/ las kyi sgrib pa rnams so sor bshags pa dang / so sor 'chags pa dang / so sor 'chags par 'gyur ba de bzhin du/ bdag kyang las kyi sgrib pa rnams so sor 'chags/ so// 'thol lo// mi 'chab bo// slan chad mi bgyid do zhes brjod par bya'o// shA ri'i bri de lta bas na rigs kyi bu 'am/ rigs kyi bu mo chos thams cad la sgrib pa med pa rnam par dag pa thob par 'dod pas/ 'di bzhin du las kyi sgrib pa rnams so sor bshags par bya'o// mi 'chab par bya'o// phyin chad kyang mi bya'o// su rgyal rigs kyi rigs shing sA la chen po lta bu phyug pa/ nor che ba/ longs spyod che ba/ sa le sbra ma dang / nor dang / yo byad mang ba/ shin tu skyid pa/ bzhon pa chen po la zhon pa rnams kyi nang du skye bar 'dod pa des kyang / 'di bzhin du las kyi sgrib pa rnams so sor bshags par bya'o// mi 'chab par bya'o/ / phyin chad kyang mi bya'o// su bram ze'i rigs shing sA la chen po lta bu rnams dang / khyim bdag gi rigs shing sA la chen po lta bu byug pa/ nor che ba/ longs spyod che ba/ sa le sbram dang / nor dang / yo byad mang ba/ shin tu skyid pa/ bzhon pa chen po la zhon pa rnams kyi nang du skye bar 'dod pa des kyang / 'di bzhin du las kyi sgrib pa rnams so sor bshagaso bar bya'o// mi 'chab par bya'o/ / phyin chad kyang mi bya'o// su rgyal chen bzhi'i ris kyi lha rnams kyi brtul zhugs dang mtshungs par skye bar 'dod pa des kyang / ra di bzhin du las kyi sgrib pa rnams so sor bshags par bya'o//
- 391a
mi bcab par bya'o// phyin chad kyang mi bya'o// su sum cu rtsa gsum pa'i lha rnams kyi brtul zhugs dang mtshungs par skye bar 'dod pa des kyang / 'di bzhin du las kyi sgrib pa rnams so sor bshags par bya'o/ / mi bcab par bya'o// phyin rmad kyang mi bya'o// de bzhin dur thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin meng dang / bsod nams skyes dang / 'bras bu re dang / sems can 'du shes med pa dang / gya nom snang dang / shin tu mthong dang / mi che ba dang / mi gdung ba dang / 'og min gyi lha rnams kyi brtul zhugs dang mtshungs par skye bar 'dod pa des kyang / 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su gzugs med pa nam mkha' mtha' yas skye mched du nye bar 'gro ba rnams dang / rnam shes mtha' yas skye mched du nye bar 'gro ba rnams dang / ci yang med pa'i skye mched du nye bar 'gro ba rnams dang / 'du shes med 'du shes med min skye mched du nye bar 'gro ba'i lha rnams kyi brtul zhugs dang mtshung par skye bar 'dod pa des kyang / 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su rgyun du zhugs pa'i 'bras bu dang / lan cig phyir 'ong ba'i 'bras bu nga
- 391b
phyir mi 'ong ba'i 'bras bu dang / dgra bcom pa nyid mngon sum du byed par 'dod pa des kyang / 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su rig pa gsum mam/ mngon par shes pa drug gam/ stobs rnams sam/ dbang po rnams sam/ nyan thos kyi pha rol tu phyin pa 'am/ nyan thos dbang rje bar grags pa'am/ rang byang chub mngon sum du byed par 'dod pa des kyang / 'di bzhin du las kyi sgrib pa rnams so sor bshags par bya'o// mi bcab par bya'o// phyin chad kyang mi bya'o// su thams cad mkhyen pa'i ye shes dang / rnam par dag pa'i ye shes dang / bsam gyis mi khyab pa'i ye shes dang / mtshungs pa med pa'i ye shes dang / yang dag par rdzogs pa'i sangs rgyas kyi ye shes mngon par sgrub par 'dod pa des kyang / 'di bzhin du las kyi sgrib pa rnams so sor bshags par bya'o/ / mi bcab par bya'o// phyin chad kyang mi bya'o// de ci'i phyir zhe na/ shA ri'i bu de bzhin gshegs pas chos thams cad ni rten cing 'brel bar 'byung ba'o zhes gsungs pa'i phyir te/ rgyu dang rkyen gzhan dang gzhan gyis gzhan skye'o// gzhan 'gag go// de la 'das pa'i chos gang yin pa de dag ni 'gags pa/ zad pa/ bral ba/ rnam par gyur pa ste/ de dag la yang las kyi sgrib pa chung zad kyang med do/ / da ltar 'du byed pa gang yin pa rnams kyang med pa las byung ba ste/ de dag la yang las kyi sgrib pa chung zad kyang med do// de ci'i phyir zhe na/ shA ri'i bu de bzhin gshegs pas chos thams cad ni stong pa/
- 392a
sems can med pa/ srog med pa/ gang zag med pa/ ma skyes pa/ ma 'gags pa/ 'dus ma byas pa zhes gsungs pa'i phyir ro// shA ri'i bu chos thams cad bdag las byung yang bdag kyang // yod pa ma yin no// shA ri'i bu rigs kyi bu 'am/ rigs kyi bu mo gang la la zhig 'di lta ste/ sems can med pa'i mtha'i chos kyi tshul 'di la 'jug pa 'di ni/ las kyi sgrib pa rgyun gcod pa zhes bya ste/ shA ri'i bu 'di ni/ so sor bshags pa'o// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das rigs kyi bu ram/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal bas/ ji ltar dge ba'i rtsa ba rnams la rjes su yi rang bar bgyi/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to/ / shA ri'i bu 'di la rigs kyi bu 'am/ rigs kyi bu mos nyin lan gsum mtshan lan gsum du bla gos phrag pa gcig tu gzar la/ pus mo g.yas pa'i lha nga sa la btsugs te/ thal mo sbyar nas tshig 'di skad du/ phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod
- 392b
nams bgyi ba'i dngos po mngon par 'dus bgyis bde dag thams cad la rjes su yi rang ba'i mchog gis rjes su yi rang ngo / / rjes su yi rang ba dam pa dang / gtso bo dang / khrang bar can dang / rab dang / phu la dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo // phyogs bcu'i 'jig rten sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang / bsgom pa las byung ba'i bsod nams bgyi ba'i dngos po mngon par 'du bgyid par 'gyur pa de dag thams cad la rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyis rjes su yi rang ngo // phyogs bcu'i 'jig rten na sems can gang su dag sbyin pa las byung ba'i bsod nams bgyi ba'i dngos po dang / tshul khrims las byung ba dang bsgom pa las byung ba'i bsod nams bgyi ba'i dngos po mngon par 'du bgyid pa de dag thams cad la yang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyis rdzas su yi rang ngo // byang chub sems dpa' gang dag da lta na sems dang po bskyed pa de dag gis dang po byang chub tu sems bskyed pa dang ldan pa'i dge ba'i rtsa ba gang lags pa dang / byang chub sems dpa' bskal pa brgyas byung ba rnams kyi bsod nams kyi phung po gang lags pa dang / byang chub sems dpa' mi skye ba'i chos la bzod
- 393a
pa thob pa rnams kyi phung po gang lags pa dang / phyir mi ldog pa rnams kyi bsod nams kyi phung po gang lags pa dang / byang chub sems dpa' skye ba gcig gis thogs pa rnams kyi bsod nams kyi phung po gang lags pa de dag thams cad la yang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyis rjes su yi rang ngo // byang chub sems dpa' sems dpa' chen po de dag sngon byang chub sems dpa'i spyad pa spyod pa na/ pha rol tu phyin pa drug dang ldan pa'i dge ba'i rtsa ba mngon par 'dus bgyis pa gang lags pa de dag thams cad la yang rjes su yi rang ba'i mchog gis rjes su yi rang ngo / / rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo // ma 'ongs pa'i dus kyi byang chub sems dpa' sems dpa' chen po de dag byang chub kyi phyir sbyor ba na/ pha rol tu phyin pa drug dang ldan pa'i bsod nams kyi phung po mngon par 'du bgyid par gyur pa gang lags pa de dag thams cad la yang rjes su yi rang ba'i mchog gis rjes su yi rang ngo / / rjes su yo rang ba dam pa dang / gtsa bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo // byang chub
- 393b
sems dpa' sems dpa' chen po gang dag da ltar phyogs bcu'i 'jig rten na/ byang chub kyi phyir spong pa de dag pha rol tu phyin pa drug dang ldan pa'i bsod nams kyi phung po mngon par 'du bgyid pa gang lags pa de dag thams cad la yang rjes su yi rang ba'i mchog gis rjes su yi rang ngo / / rjes su yi rang ba dam pa dang / gtso bo dang / khyad par can dang / rab dang / phul dang / gya nom pa dang / bla ma dang / bla na med pa dang / ltag na med pa dang / mnyam pa med pa dang / mi mnyam pa dang mnyam pas rjes su yi rang ngo // skye bo mang po la sman pa dang / skye bo mang po la bde ba dang / 'jig rten la thugs rtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis/ bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu bskor ba/ chos kyi 'khor lo rab tu bstan pa/ chos kyi tshul rab tu bzung ba/ chos kyi char rab tu phab pa/ chos kyi char rab tu btang ba chos kyi rnga rab tu brdungs pa/ chos kyi rnga bo che rab tu brdungs pa/ chos kyi dung rab tu bus pa/ chos kyi srog shing bsgrengs pa/ chos kyi sgron ma 'bar bar mdzad pa/ sems can thams cad la chos kyi sbyin pas tshim par mdzad pa/ nyam bag tu spyod du btsud pa gang lags pa dang / de la nyan thos kyi theg pa pa ram/ rang sangs rgyas kyi theg pa pa 'am/ byang chub sems dpa'i theg pa pa'am/ de las gzhan pa'i
- 394a
sems can rnams kyis dge ba'i rtsa ba bskyed pa gang lags pa de dag thams cad la yang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyi rjes su yi rang ngo / / skye bo mang po la sman pa dang / skye bo mang po la bde ba dang / 'jig rten la thugs partse ba dang / skye bo phal po che dang / lha dang / mi nams kyi don dang / sman pa dang / bde ba'i slad du/ ma 'ongs pa'i dus kyi sangs rgyas bcom ldan 'das de dag bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo skor bar 'gyur ba'i bar dag gang lags pa dang / de la nyan thos kyi theg pa pa 'am/ rang sangs rgyas kyi theg pa pa 'am/ byang chub sems dpa'i theg pa pa 'am/ de las gzhan pa'i sems can dag dge ba'i rtsa bskyed par 'gyur pab gang lags pa de dag thams cad la yang rjes su yi rang ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyis rjes su yi rang ngo // skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i srad du/ da ltar phyogs bcu'i 'jig rten na sangs rgyas bcom ldan 'das rnams bran med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu skor ba/ chos kyi 'khor lo rab tu ston pa/ chos kyi tshul
- 394b
rab tu 'dzin pa/ chos kyi char rab tu 'bebs pa/ chos kyi char rab tu gtong ba/ chos kyi sbyin pa mdzad pa/ chos kyi sgron ma 'bar bar mdzad pa/ chos kyi rnga rdung ba/ chos kyi rnga bo che rdung ba/ chos kyi dung 'bud pa/ chos kyi srog shing sgreng ba/ sems can thams cad la chos kyi sbyin pas tshim par mdzad pa/ nyam bag tu spyod du 'dzud pa gang lags pa dang / de la nyan thos kyi thag pa pa 'am/ rang sangs rgyas kyi theg pa pa 'am/ byang chub sems dpa'i theg pa pa'amo/ de las gzhan pa'i sems can dag dge ba'i rtsa ba skyed pa gang lags pa de dag thams cad la rjes su yi ra/ ba'i mchog gis rjes su yi rang ba nas/ rjes su yi rang ba mi mnyam pa dang mnyam pa'i bar gyi rjes su yi rang ngo zhes brjod par bya'o// shA ri'i bu 'di ni rjes su yi rang ba'i bsod nams kyi phung bo'o/ / rigs kyi bu'am/ rigs kyi bu mo rjes su yi rang ba'i bsod nams kyi phung po 'dis rjes su yi rangs nas/ bsod nams kyi phung po grangs med dpag tu med pa skyed do// shA ri'i bu stong gsum gyi stong chen po'i 'jig rten gyi khams kyi sems can nas/ 'jig rten gyi khams gang+gA'i klung gi bye ma snyed kyi sems can snyed pa de dag thams cad dgra bcom pa zag pa zad par gyur la/ rigs kyi bu 'am/ rigs kyi bu mo la la zhig gis de dag la ji srid 'tsho'i bar du gos dang / zas dang / na ba'i gsos sman dang / yo byad rnams kyis bsnyen bkur byas pa bas/ gang zhig rjes su
- 395a
yi rang ba 'dis rjes su yi rang na/ de ni de bas bsod nams ches mang du grangs med dpag tu med pa skyed do// shA ri'i bu de bas na rigs kyi bu 'am/ rigs kyi bu mo bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ rjes su yi rang ba 'dis rjes su yi rang bar bya'o// bud med skyes pa'i dbang po thob par 'drod cing bud med kyi dbang po brje bar 'dod pas kyang rjes su yi rang ba 'dis rjes su yi rang bar bya'o/ / de skad ces bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das ma 'ongs pa'i byang chub sems dpa' sems dpa' chen po rnams la snang ba bgyis par 'gyur pa dang / da ltar byung ba'i byang chub sems dpa' rnams kyi mos paskyed par 'gyur ba'i bskul ba'i phung po bshad du gsol/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu 'di la rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am// sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du bla gos phrag pa gcig tu gzar la/ pus mo g.yas pa'i lha nga sa la btsugs te/ thal
- 395b
mo sbyar nas tshig 'di skad du/ sangs rgyas bcom ldan 'das gang dag da lta na phyogs bcu'i 'jig rten gyi khams na// bla na med pa yang dag par rdzogs pa'i byang chub mngon par rdzogs par sangs rgyas pa de dag la phyag 'tshal lo/ / sangs rgyas bcom ldan 'das de dag la phyag 'tshal nas/ chos kyi 'khor lo rab tu bskor bar bskul gyis/ sangs rgyas bcom ldan 'das de dag gis skye bo mang po la sman pa dang / skye bo mang po la bde ba dang 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ chos kyi 'khor lo rab tu bskor du gsol/ chos kyi 'khor lo rab tu bstan du gsol chos kyi tshul rab tu gzung du gsol/ chos kyi sbyin pa mdzad pa gzung du gsol/ chos kyi sgron ma 'bar bar mdzad du gsol/ chos kyi char dbab tu gsol/ chos kyi rnga brdung du gsol/ chos kyi rnga bo che brdung du gsol/ chos kyi dung 'bud du gsol/ chos kyi srog shing bsgreng du gsol/ zhes brjod par bya'o// shA ri'i bu gzhan yang rigs kyi bu 'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa 'am/ theg pa chen po la yang dag par zhugs pa 'am/ sems can gzhan dag kyang rung ste/ nyin lan gsum mtshan lan gsum du bla gos phrag pa gcig tu gzar la/ pus mo g.yas pa'i lha nga sa la btsugs te/ thal mo sbyar nas tshig 'di skad du/ sangs rgyas bcom ldan 'das gang dag da ltan phyogs bcu'i 'jig rten na tshe'i 'du byed ma gtang ba'i sangs
- 396a
rgyas bcom ldan 'das de dag la phyag 'tshal lo/ / sangs rgyas bcom ldan radas de dag la phyag 'tshal nas gsol ba 'debs kyis/ sangs rgyas bcom ldan 'das de dag skye bo mang po sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ chos kyi 'khor lo ni rab tu bskor// chos kyi sgron ma ni 'bar bar mdzad/ chos kyi char ni rab tu 'bebs/ chos kyi char ni rab tu gtong / chos kyi rnga ni rab tu brdung / chos kyi rnga bo che ni rab tu brdung / chos kyi dung ni rab tu 'bu da / chos kyi srog shing ni rab tu bsgreng / chos kyi sgron ma ni mched par mdzad/ sems can thams cad la chos kyi sbyin pas ni tshom par mdzad/ nyam bag tu spyod du ni 'jug cing re zhig bzhugs su gsol/ gsol ba btab pa'i phung po 'di yang bla na med pa yang dag par rdzogs pa'i byang chub tu yongs su bsngo ste/ ji ltar blon med pa yang dag par rdzogs pa'i byang chub tu yongs su sngo ba de bzhin du/ 'di yang yongs su bsngo'o zhes brjod par bya'o/ shA ri'i bu 'di ni gsol ba gdab pa'i phung po ste/ rigs kyi bu 'am/ rigs kyi bu mo gsol ba gdab pa'i phung po 'dis gsol ba 'debs na/ bsod nams mang po grangs med dpag tu med pa skyed do// shA ri'i bu rigs kyi bu 'am/ rigs kyi bu mo la la zhig gis stong gsum gyi stong chen po'i 'jig rten gyi khams ji snyed pa de dag rin po che sna bdun gyis bkang ste/ de bzhin gshegs pa rnams la dbul
- 396b
ba phul ba bas/ gang gis de bzhin gshegs pa de dag la chos kyi 'khor lo bskor bar bskul na/ de ni debs ches bsod nams mang du grangs med dpag tu med pa skyed do// shA ri ri bu stong gsum gyi stong chen po'i 'jig rten gyi khams lta zhog ste/ shA ri'i bu 'jig rten gyi khams gang+gA'i klung gi bye ma dang mnyam pa ji snyed pa de dag rigs kyi bu 'am/ rigs kyi bu mo la la zhig gis rin po che sna bdun gyis bka' ste/ de bzhin gshegs pa rnams la dbul ba phul ba bas/ gang gis de bzhin gshegs pa de dag la gsol ba btab na/ de ni de bas bsod nams rjes mang du grangs med dpag tu med pa skyed do/ / de ci'i phyir zhe na/ shA ri'i bu ngas sngon byang chub sems dpa'i spyad pa spyod pa na/ de bzhin gshegs pa rnams la chos kyi 'khor lo skor bar gsol ba btab ste/ dge ba'i rtsa ba des na nga la lha'i dbang po brgya byin dang / mi mjed kyi bdag po tshangs pas/ bcom ldan 'das skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don drang / sman pa dang / bde ba'i slad du/ chos kyi 'khor lo rab tu bskor bar gsol zhes/ chos kyi 'khor lo rab tu bskor bar gsol ba btab bo// shA ri'i bu ngas sngon byang chub kyi phyir spyod pa na/ de bzhin gshegs pa rnams la ring du bzhugs par gsol te/ dge ba'i rtsa ba des nang mi 'jigs pa bzhi dang / de bzhin gshegs pa'i stobs
- 397a
bcu dang / sangs rgyas kyi chos ma 'dres pa bco brgyad dang / so so yang dag par rig pa bzhi dang / byams pa chen po dang / snying rje chen po dang / yongs su mya ngan las 'das pa thob ste/ nga'i dam pa'i chos kyang yun ring du gnas par 'gyur ro// de skad ces bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das rigs kyi bu 'am/ rigs kyi bu mo nyan thos kyi theg pa la yang dag par zhugs pa 'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ thams cad mkhyen par 'gyur par bgyi ba'i slad dudage ba'i rtsa ba rnams ji ltar yongs su bsngo bar bgyi/ de skad ces gsol pa dang / bcom ldan 'das kyis/ tshe dang ldan pa shA ri'i bu la 'di skad ces bka' stsal to// shA ri'i bu 'di la rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa 'am// theg pa chen po la yang dag par zhugs pa 'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du tshig 'di skad
- 397b
ces thog ma dang tha ma ma mchis pa nas/ 'khor ba na 'khor ba'i tshe/ bdag gis dge ba'i rtsa ba mngon par 'du bgyis par gyur pa/ sangs rgyas sam/ chos sam/ dge bdun nam/ gang zag gam/ tha na dud 'gro'i skye gnas su song ba rnams sam/ sems can gzhan dag la yang rung ste/ zan chang gcig tsam stsal bar gyur pa gang lags pa dang / 'chags pa gang la gas pa dang / gsol ba gdab pa gang lags pa dang / skyabs su mchi ba gang lags pa dang / bslab pa'i gzhi dang ldan pa'i dge ba'i rtsa ba gang lags pa dang / so sor 'chags pa dang ldan pa'i dge ba'i rtsa ba gang lags pa dang / rjes su yi rang ba dang ldan pa'i bsod nams bgyi ba'i dngos po gang lags pa dang / gsol ba gdab pa dang ldan pa'i dge ba'i rtsa ba gang lags pa de dag thams cad gcig tu bsdus/ gzhal bzlums te sems dul zhing rnam par grol ba dang / gzung ba ma mchis pas sems can thams cad la stsal to// ji ltar dag pa'i rtsa ba rnams sems can thams cad la gtang bar bgyi ba/ sangs rgyas bcom ldan 'das rnams kyis/ sangs rgyas kyi ye shes chags pa mi mnga' bus/ ji ltar mkhyen pa de lta bus bdag gis dge ba'i rtsa ba de btang ngo // sems can thams cad lag na rin po che dang ldan par gyur cig/ nam mkha'i mdzod dang / longs spyod zad mi shes pa dang / bsod nams zang mi shes pa dang / chos zang mi shes pa dang / ye shes zad mi shes pa dang / spobs pa brang mi shes pa dang / bla na med pa yang dag par rdzogs
- 398a
pa'i byang chub mngon par rdzogs par byang chub pa dang / thams cad mkhyen pa'i ye shes thob par gyur cig/ bdag gis dge ba'i rtsa ba sems can thams cad la stsal ba las byung ba'i bsod nams gang yin pa de dag thams cad gcig tu bsdus/ gzhal/ bzlums te bla na med pa yang dag par rdzogs pa'i byang chub tu yongs su bsngo'o// dge ba'i rtsa ba 'dis bdag dang sems can thams cad bla na med pa yang dag par rdzogs pa'i byang chub mngon par rdzogs par 'ching rgya bar gyur cig/ thams cad mkhyen pa'i ye shes kyang thob par gyur cig/ ji ltar sngon gyi byang chub sems dpa' sems dpa' chen po dag gis byang chub kyi phyir spyad pa de/ thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su bsngos pa de bzhin du/ bdag gis kyang thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su bsngo'o// dge ba'i rtsa ba 'dis bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar ma 'ongs pa'i dus kyi byang chub sems dpa' sems dpa' chen po de dag byang chub kyi phyir spyod pa na/ thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su sngo bar 'gyur ba de bzhin du/ bdag gis kyang thams cad mkhyen pa nyid du 'gyur par bgyi ba'i slad du/ dge ba'i rtsa ba rnams yongs su
- 398b
bsngo'o/ / dge ba'i rtsa ba 'dis bdag dang sems can thams cad bla na men pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar da lta na da ltar byung ba'i byang chub sems dpa' sems dpa' chen po de dag kyang byang chub kyi phyir spyod pa na/ thams cad mkhyen pa nyid du 'gyur bar bgyi ba'i slad du/ dge ba'i rtsa ba rnams yongs su sngo ba de bzhin du/ bdag gis kyang thams cad mkhyen pa nyid du 'gyur pabar bgyi ba'i slad du/ dge ba'i rtsa ba rnams yongs su sngo'o// dge ba'i rtsa ba 'dis bdag dang sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar bcom ldan 'das de bzhin gshegs pa shAkya thub pa des byang chub kyi snying po la bzhugs te/ sangs rgyas kyi ting nge 'dzin bsam gyis mi khyab pa/ dri ma med pa/ shin tu dkar ba la bzhugs nas/ bdud sdig can bcom ste/ shes par bgyi ba dang / blta bar bgyi ba dang / rtog par bgyi ba dang / mngon par rdzogs par byang chub par bgyi ba gang ci yang rung ste/ de thams cad nam gyi tho rangs skya rengs 'char kar skad cig gcig dang ldan pa'i shes rab kyis bdud rtsi brnyes te 'chi ba med par 'gro ba'i lam mngon par rdzogs par sangs rgyas pa de bzhin du/ bdag dang sems can thams cad bla na med pa yang dag par
- 399a
rdzogs pa'i byang chub mngon par rdzogs par 'tshang rgya bar gyur cig/ thams cad mkhyen pa'i ye shes kyang thob par gyur cig/ ji ltar bcom ldan 'das de bzhin gshegs pa/ 'od dpag med dang / 'od mchog dang / 'od dge dang / bsod nams 'od dang / mi 'khrugs pa dang / seng ge dang / 'od zer brgya pa dang / 'od zer mtho dang / 'od dra ba can dang / rin chen 'od 'phro dang / 'od 'bar dang / snang ba'i rgyal po dang / shin tu brgyan dang / rin chen tog dang / chos kyi rgyal mtshan dang / yan lag mchog de bzhin gshegs pa dgra bcom pa yang dag par rdzogs pa'i sangs rgyas bcom ldan 'das de dag dang / sangs rgyas bcom ldan 'das gzhan dag gis bla na med pa yang dag par rdzogs pa'i byang chub mngon par rdzogs par sangs rgyas nas/ ji tsam du skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ chos kyi 'khor lo rab tu bskor ba de bzhin du/ bdag dang sems can thams cad kyang bla na med pa yang dag par rdzogs pa'i byang chub mngon par rdzogs par sangs rgyas nas// skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang / mi rnams kyi don dang / sman pa dang / bde ba'i slad du/ chos kyi
- 399b
'khor lo rab tu bskor bar shog cig ces brjod par bya'o/ / shA ri'i bu 'di ni yongs su bsngo ba'i phung po ste/ bsod nams kyi phung po snga mra sa/ yongs su bsngo ba'i phung po 'di'i brgya'i char yang nye bar mi 'gro ba nas/ dpe'i bar du yang mi bzod do// shA ri'i bu rigs kyi bu 'am/ rigs kyi bu mo gang la la zhig mdo 'di len tam/ kun chub par byed dam/ 'dzin tam/ klog gam/ gzhan dag la yang rgya cher yang dag par rab tu ston na/ de ni bsod nams kyi phung po de bas ches mang du grangs med dpag tu med pa bskyed do// shA ri'i bu stong gsum gyi stong chen po'i 'jig rten gyi khams kyi sems kyi sems can ji snyed pa de dag thams cad snga phyi med par mi'i lus thob par gyur la/ snga phyi med par mi'i lus thob nas kyang rang byang chub thob par gyur te/ de ngadag la rigs kyi bu 'am/ rigs kyi bu mo la la zhig gis bsti stang dang phu dud bya ba'i phyir/ gos dang / za sa dang / mal cha dang / na ba'i gsos sman dang / yo byad rnams kyis ji srid ma tshe'i bar du bsnyen bkur byas te/ rim gro bya ba la lan cig kyang rin po che'i phung po ri rab tsam gyi rin po che rnams yongs su zad par byas la/ yongs su mya ngan las 'das nas kyang / de dag gi mchod rten rin po che sna bdun te/ gser dang / dngul dang / mu tig dang / bai DUR+Ya dang / shel dang / spug dang / mu tig dmar po las 'phang du dpag tshad bcu par byas te/ de dag la gdugs
- 400a
dang / rgyal mtshan dang / bdan dang / bdan phra mo rnams kyis mchod pa byas nas/ shA ri'i bu 'di ji snyam du sems/ rigs kyi bu'am/ rigs kyi bum gzhi de las bsod nams mang du skyed dam/ gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ shA ri'i bu rigs kyi bu 'am/ rigs kyi bu mo gang mdo 'di 'dzin tam/ kun chub par byed dam/ 'don par byed dam/ klog gam/ skye bo mang po la yang dag par rab tu ston tam/ bla ni med pa yang drag par rdzogs pa'i byang chub tu smon lam 'debs na/ de ni de bras bsod nams ches mang du skyed de/ bsod nams kyi phung po snga mas bsod nams kyi phung po 'di'i brgya'i char yang nye bar mi 'gro ba nas/ dpe'i bar du yang mi bzod do// de ci'i phyir zhe na/ shA ri'i bu 'di ltar rigs kyi bu 'am/ rigs kyi bu mo ba sgrub pa 'di la gnas nas phyogs bcu'i 'jig rten gyi khams kyi sangs rgyas bcom ldan 'dras rnams la chos kyi 'khor lo bskor bar bskul ba'i phyir ro/ / shA ri'i bu sbron pa rnams kyi nang na 'di lta ste/ chos kyi sbyin pa mchog ces ngas bshad do// de nas 'khor de las srog chags khri stan las langs te/ so so nas bra gos phrag pa gcig tu
- 400b
gzar nas/ pus mo g.yas pa'i lhang sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad gsol to// bcom ldan 'das bdag cag gis mdo sde 'di gzung bar bgyi'o// gzhan dag la yang rgya cher yang dag par bstan par bgyi'o// bsgrub pa la gnas par bgyi'o// de ci'i slad du zhe na/ bcom ldan 'das bdag cag ni dam pa'i chos de lta bu dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'tshal zhing don du gnyer ba lags so/ / de nas lha'i dbang po brgya byin gyis/ bcom ldan 'das dang / chos kyi rnam grangs 'di la lha'i me tog man+da ra bas mngon par gtor to// mngon par gtor nas kyang / tshig 'di skad ces/ bcom ldan 'das chos kyi rnam grangs 'di ni/ byang chub sems dpa' rnams kyi dge ba'i rtsa ba skrun pa dang / las kyi sgrib pa rgyun gcod pa'i gces spras bgyid pa lags so/ / bcom ldan 'das kyis bka' stsal pa/ deng bzhin no// ko'u shi ka de de bzhin te/ de ci'i phyir zhe na/ lha'i dbang po ngas mngon par shes te/ 'di nas bskal pa grangs med pa'i yang ches grangs med par gyur pa na/ de bzhin gshegs pa dgra bcom pa yang dag par rdzogs pa'i sangs rgyas 'od zer
- 401a
gyi phung po chen po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ za na med pa/ lha dang mi rnams kyi ston pa/ sangs rgyas bcom ldan 'das 'jig rten du 'byung ngo // lha'i dbang po de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po'i tshe'i tshad ni lo bye ba phrag drug cu thub par gyur to/ / de'i nyan thos thog ma 'dus pa ni bye ba phrag 'bum yod de/ thams cad kyang dgra bcom pa zag pa zad pa sha stag go/ / de'i nyan thos 'dus pa gnyis pa ni bye ba brgya stong phrag dgu bcu rtsa brgyad yod de/ thams cad kyang dgra bcom pa zag pa zad pa sha stag go/ de'i nyan thos 'dus pa gsum pa ni bye ba brgya stong phrag dgu bcu rtsa dgu yod de/ thams cad kyang dgra bcom pa zag pa zad pa sha stag go/ lha'i dbang po de nas de bzhin gshegs pa dgra bcom pa yang dag par rdzogs pa'i sangs rgyas 'od zer gyi phung po chen po de/ lha dang bcas pa'i 'jig rten dang / tshangs pa dang bcas pa dang / dge sbyong dang bram zer bcas pa'i skye dgu'i don gyi phyir rgyu'o/ / lha'i dbang po de'i tshe bud med gang+gA'i lha mo zhes bya ba zhig 'khor 'dus pa de nyid kyi nang du 'dus par gyur te 'dug pa des chos kyi rnam grangs 'di
- 401b
bcom ldan 'das de bzhin gshegs pa 'od zer gyi phung po chen po las mngon sum du bzung / kun chub par byas/ blangs nas skye bo mang po la yang dag par bstan te/ bla na med pa yang dag par rdzogs pa'i byang chub la yang dag par zhugs par gyur to/ / der nas sha 'phos nas bud med kyi lus spangs te/ skyes pa'i dbang po thob nas/ rtag par rgyun du lha dang mi rnams kyi nang du skyes te/ lan brgyad khri bzhi stong du 'khor los sgyur ba'i rgyal po byas nas/ de bzhin gshegs pa rin chen 'od 'phro zhes bya bar gyur to// ke'u shi ka 'di nas shar phyogs na sangs rgyas kyi zhing bye ba stong phrag brgyan ches ston te/ ngas da lta na yang mthong ngo // ko'u shi ka su dgra bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i ming thos pa de dag thams cad yongs su mya ngan las 'das par nges par 'gyur ro/ / bud med gang la la zhig gis/ de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de'i ming thos sam/ 'chi kar yang mngon sum du byed na/ de nyid bud med de'i lus kyi tha ma yin no/ / lha'i dbang po de ltar chos kyi rnam grangs 'di byang chub sems dpa' sems dpa' chen po rnams kyi dge ba'i rtsa ba bsgrub pa dang
- 402a
las kyi sgrib pa sgran gcod pa gces smras byed pa yin no/ / de nas bcom ldan 'das la/ sku dbang po brgya byin gyis 'ji gad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ / ko'u shi ka de'i phyir chos kyi rnam grangs 'di las kyi sgrib pa rgyun gcod pa zhes bya bar zung zhig/ 'di ni byang chub sems dpa'i sde snod ces bya bar yang zung zhig/ 'di som nyi gcod pa zhes bya bar yang zung zhig/ bcom ldan 'das kyis de skad ces bka' stsal nas/ lha'i dbang po brgya byin dang / tshe dang ldan pa shA ri'i bu dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do/ / 'phags pa las kyi sgrib pa rgyun gcod pa zhes bya ba theg pa chen po'i mdo rdzogs so// // rgya gar gyi mkhan po dA na shrI/ la la sogs pa dang / zhu chen gyi lo tsa ba ban d+he ye shes sdes bsgyur cing gtan la phab pa/ rgya gar skad du/ Ar+ya d+ha me ka
- 402b
/ dud+ha dza pa ri prits+tsha nA ma ma hA yA na sU tra/ bod skad du/ 'phags bu chos kyi rgyal mtshan gyis zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe 'khor drir byang chub sems dpa' chos kyi rgyal mtshan zhes bya ba 'dug pa stan las langs te/ bcom ldan 'das la 'di skad ces gsol to/ / bcom ldan 'das byang chub sems dpa' chos du ma dang ldan na myur du bla na med pa yang dag par rdzogs pa'i sangs rgyas su 'gyur lags/ bcom ldan 'das kyis bka' stsal ba/ byang chub sems dpa' chos bcu dang ldan na bla na med pa yang dag par rdzogs pa'i sangs rgyas su 'gyur ro// bcu gang zhe na/ 'dir byang chub sems dpa' dang pa dang ldan par bya ba dang / byang chub kyi sems dang ldan par bya ba dang / dge ba'i bshes gnyen yongs su mi gtong ba dang / dgon pa brtan cing 'du 'dzi spangs pa dang / bla ma dang mkhan po'i gang ma ngag yongs su btsal ba dang / snying rje dang ldan pa dang / mang du thos pa dang / ting nge 'dzin
- 403a
dang / tshul khrims dang ldan pa dang / brtson 'grus phun sum tshogs pas don sgrub pa'o// bcom ldan 'das kyis de skad ces bka' stsal nas/ byang chub sems dpa' chos kyi rgyal mtshan dang / thams cad dang ldan pa'i 'khor de dgra bcom ldan 'das kyis gsungs pa la mngon